%@@1
% File name             : dn03.itx
%--------------------------------------------
% Text title            : Dnyaneshvari or Bhavarthadipika Chapter 3
% Author                : Sant Dnyaneshwar
% Language              : Marathi, Sanskrit
% Subject               : philosophy/hinduism/religion
% Description/comments  : 
% Transliterated by     : Vishwas Bhide vishwas_bhide@yahoo.com, santsahitya@yahoo.co.in, Sharad and Chhaya Deo
% Proofread by          : Vishwas Bhide vishwas_bhide@yahoo.com, santsahitya@yahoo.co.in, Sharad and Chhaya Deo
% Latest update         : June 20, 2005
% Send corrections to   : sanskrit at cheerful dot c om
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://sanskritdocuments.org
% http://sanskrit.bhaarat.com  See the document project
%-----------------------------------------------------
% The text is prepared by volunteers and is to be used for personal study
% and research.  The file is not to be copied or reposted for promotion of 
% any website or individuals or for commercial purpose without permission.
%        Please help to maintain respect for volunteer spirit.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=0pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dnyaneshvari or Bhavarthadipika Chapter 3 ..}##
\itxtitle{.. j~nAneshvarI bhAvArthadIpikA adhyAya 3 ..}##\endtitles ##
%Start of 03@
|| AUM shrI paramAtmane namaH ||
adhyAya tisarA |
karmayogaH |

\indent ##\hspace{1in}## jyAyasI chetkarmaNaste matA buddhirjanArdana |
\indent ##\hspace{1in}## tat.h ki.n karmaNi ghore mAm.h niyojayasi keshava || 1||\newline%@

maga A{i}kA arjuneM mhaNitaleM| devA tumhI jeM vAkya bolileM| teM nikeM myAM parisileM| kamaLApatI || 1||
tetha karma ANi kartA| urechinA pAhatAM| aiseM mata tujheM shrI{a}naMtA| nishchita jarI || 2||
tarI mAteM kevIM shrIharI| mhaNasI pArthA saMgrAmu karIM| iye lAjasI nA mahAghorIM| karmIM sutAM || 3||
hAM gA karma tUMchi asheSha| nirAkarisI niHsheSha| tarI majakaravIM heM hiMsaka| kAM karavisI || 4||
tarI heMchi vichArIM R^iShIkeshA| tUM mAnu desI karmaleshAM| ANi yesaNI he hiMsA| karavItu AhAsI || 5||

\indent ##\hspace{1in}## vyAmishreNeva vAkyena buddhi.n mohayasIva me |
\indent ##\hspace{1in}## tadeka.n vada nishchitya yena shreyo.ahamApnuyAm.h || 2||\newline%@

devA tuvAMchi aiseM bolAveM| tarI AmhIM neNatI kAya karAveM| AtAM saMpale mhaNa pAM AghaveM| vivekAcheM || 6||
hAM gA upadesha jarI aisA| tarI apabhraMshu to kaisA| AtAM puralA AmhAM dhiMvasA| AtmabodhAchA || 7||
vaidyu pathya vArUni jAye| maga jarI ApaNachi viSha suye| tarI rogiyA kaisani jiye| sAMgaiM maja || 8||
jaiseM AMdhaLeM su{I}je AvhAMTA| kAM mAjavaNa dIje markaTA| taisA upadeshu hA gomaTA| voDhavalA AmhAM || 9||
mI AdhIMchi kAMhIM neNeM| varI kavaLiloM moheM yeNeM| shrIkR^iShNA viveku yA kAraNeM| pusilA tuja || 10||
taMva tujhI ekeka navA{I}| etha upadeshAmAjIM govA{I}| tarI anusaraliyA kA{I}| aiseM kIje \? || 11||
AmhIM tanumanujIveM| tujhiyA bolA voTaMgAveM| ANi tuvAMchi aiseM karAveM| tarI saraleM mhaNa || 12||
AtAM aisiyAparI bodhisI| tarI nikeM AmhAM karisI| etha j~nAnAchI Asa kAyasI| arjuna mhaNe || 13||
tarI ye jANivecheM tarI saraleM| parI ANika eka ase jAhaleM| jeM thiteM heM DahuLaleM| mAnasa mAjheM || 14||
tevIMchi shrIkR^iShNA heM tujheM| charitra kAMhIM neNije| jarI chitta pAhasI mAjheM| yeNe miSheM || 15||
nA tarI jhakavItu AhAsI mAteM| kIM tattvachi kathile dhvaniteM| heM avagamitAM niruteM| jANavenA || 16||
mhaNauni A{i}keM devA| hA bhAvArthu AtAM na bolAvA| maja viveku sAMgAvA| maRhATA jI || 17||
mI atyaMta jaDa aseM| parI aisAhI nikeM pariyeseM| shrIkR^iShNA bolAveM tuvAM taiseM| ekaniShTha || 18||
dekhaiM rogAteM jiNAveM| auShadha tarI deyAveM| parI teM ati ruchya vhAveM| madhura jaiseM || 19||
taiseM sakaLArthabharita| tattva sAMgAveM uchita| parI bodheM mAjheM chitta| jayAparI || 20||
devA tuja aisA nijaguru| Aji ArtIdhaNI kAM na karUM| etha bhIDa kavaNAchI dharUM| tUM mAya AmuchI || 21||
hAM gAM kAmadhenUcheM dubhateM| daiveM jAhaleM jarI ApaiteM| tarIM kAmanechI kAM tetheM| vAnI kIje \? || 22||
jarI chiMtAmaNI hAtA chaDhe| tarI vAMChecheM kavaNa sAMkaDeM| kAM Apuleni suravADeM| ichChAveM nA \? || 23||
dekhA amR^itasiMdhUteM ThAkAveM| maga tAhAnA jarI phuTAveM| tarI sAyAsu kAM karAve| mAgIla te \? || 24||
taisA janmAMtarIM bahutIM| upAsitAM shrIlaxmIpatI| tUM daiveM Aji hAtIM| jAhalAsI jarI || 25||
tarI ApuliyA saveshA| kAM na mAgAvAsi pareshA \?| devA sukALu hA mAnasA| pAhalA ase || 26||
dekhaiM sakaLArtIMcheM jiyAle| Aji puNya yashAsi AleM| heM manoratha jahAle| vijayI mAjhe || 27||
jI jI paramamaMgaLadhAmA| sakaLa devadevottamA| tUM svAdhIna Aji AmhAM| mhaNauniyAM || 28||
jaiseM mAtechyA ThAyIM| apatyA anavasarU nAhIM| stanyAlAgUni pAhIM| jiyAparI || 29||
taiseM devA tUteM| pusijatase AvaDe teM| Apuleni ArteM| kR^ipAnidhIM || 30||
tarIM pAratrikIM hita| ANi AcharitAM tarI uchita| teM sAMgaiM eka nishchita| pArthu mhaNe || 31||

\indent ##\hspace{1in}## shrIbhagavAnuvAcha |
\indent ##\hspace{1in}## loke.asmin dvividhA niShThA purA prok{}tA mayAnagha |
\indent ##\hspace{1in}## j~nAnayogena sA.nkhyAnAm.h karmayogena yoginAm.h || 3||\newline%@

yA bolA shrI{a}chyutu| mhaNatase vismitu| arjunA hA dhvanitu| abhiprAvo || 32||
je buddhiyogu sAMgatAM| sAMkhyamatasaMsthA| prakaTilI svabhAvatA| prasaMgeM AmhIM || 33||
to uddeshu tUM neNasIchi| mhaNauni kShobhalAsi vAyAMchi| tarI AtAM jANeM myAMchi| ukta donhI || 34||
avadhArIM vIrashreShThA| ye lokIM yA donhI niShThA| majachipAsUni pragaTA| anAdisiddhA || 35||
eku j~nAnayogu mhaNije| jo sAMkhyIM anuShThije| jetha oLakhIsaveM pAvijeM| tadrUpatA || 36||
eka karmayogu jANa| jetha sAdhakajana nipuNa| ho{U}niyAM nirvANa| pAvatI veLe || 37||
he mArgu tarI donI| parI ekavaTatIM nidAnIM| jaisI siddhasAdhya bhojanIM| tR^iptI eka || 38||
kAM pUrvApara saritAM| bhinna disatI pAhatAM| maga siMdhumiLaNIM aikyatA| pAvatI shekhIM || 39||
taisIM donIhI mateM| sUchitIM ekA kAraNAteM| parI upAsti te yogyate\-| AdhIna ase || 40||
dekhaiM utplavanAsarisAM| pakShI phaLAsi jhoMbeM jaisA| sAMgaiM naru kevIM taisA| pAve vegA \? || 41||
to haLUhaLU DhALeMDhALeM| ke{u}teni eke veLe| tayA mArgAcheni baLeM| nishchita ThAkI || 42||
taise dekha pAM vihaMgamamateM| adhiShThUni j~nAnAteM| sAMkhya sadya mokShAteM| AkaLitI || 43||
yera yogiye karmAdhAreM| vihiteMchi nijAchAreM| pUrNatA avasareM| pAvate hotI || 44||

\indent ##\hspace{1in}## na karmaNAmanAra.nbhAnnaiShkarmya.n puruSho.ashnute |
\indent ##\hspace{1in}## na cha sannyasanAdeva siddhi.n samadhigachchhati || 4||\newline%@

vAMchoni karmAraMbha uchita| na karitAM siddhavata| karmahInA nishchita| ho{I}jenA || 45||
kIM prAptakarma sAMDije| yetuleni naiShkarmya ho{I}je| heM arjunA vAyAM bolije| mUrkhapaNeM || 46||
sAMgaiM pailatIrA jAveM| aiseM vyasana kAM jetha pAve| tetha nAveteM tyajAveM| ghaDe kevIM \? || 47||
nA tarI tR^ipti ichChije| tarI kaiseni pAku na kIje| kIM siddhuhI na sevije| kevIM sAMgaiM \? || 48||

\indent ##\hspace{1in}## na hi kashchitkShaNamapi jAtu tiShThatyakarmakR^it.h |
\indent ##\hspace{1in}## kAryate hyavashaH karma sarvaH prakR^itijairguNaiH || 5||\newline%@

jaMva nirArtatA nAhIM| taMva vyApAru ase pAhIM| maga saMtuShTIchyA ThAyIM| kuMTheM sahajeM || 49||
mhaNauni A{I}keM pArthA| jayAM naiShkarmyapadIM AsthA| tayA uchita karma sarvathA| tyAjya nohe || 50||
ANi Apuliye chADe| ApAdileM heM mAMDe| kIM tyajileM karma sAMDe| aiseM Ahe \? || 51||
heM vAyAMchi sairA bolije| ukalu tarI dekhoni pAhije| parI tyajitA karma na tyaje| nibhrAMta mAnIM || 52||
jaMva prakR^itIcheM adhiShThAna| taMva sAMDI mAMDI heM aj~nAna| je cheShTA te guNAdhIna| ApaisI ase || 53||
dekhaiM vihita karma jetuleM| teM saLeM jarI vosaMDileM| tarI svabhAva kAya nimAle| iMdriyAMche || 54||
sAMgai shravaNIM aikAveM TheleM \?| kIM netrIMcheM teja geleM \?| heM nAsAraMdhra bujhAleM| parimaLu neghe \? || 55||
nA tarI prANApAnagati| kIM nirvikalpa jAhalI matI| kIM kShudhAtR^iShAdi Arti| khuMTaliyA || 56||
he svapnAvabodhu Thele| kIM charaNa chAloM visarale| heM aso kAya nimAle| janmamR^ityu \? || 57||
heM na Thakechi jarI kAMhIM| tarI sAMDileM teM kAyI| mhaNauni karmatyAgu nAhIM| prakR^itimaMtA || 58||
karma parAdhInapaNeM| nipajatase prakR^itiguNeM| yerI dharIM mokalIM aMtaHkaraNeM| vAhije vAyAM || 59||
dekhaiM rathIM ArUDhije| maga jarI nishchaLA baisije| tarI chaLu ho{U}ni hiMDije| parataMtrA || 60||
kAM uchalileM vAyuvasheM| chaLe shuShka patra jaiseM| nicheShTa AkAsheM| paribhrameM || 61||
taiseM prakR^iti{}AdhAreM| karmeMdriyavikAreM| naiShkarmyahI vyApAre| niraMtara || 62||
mhaNauni saMgU jaMva prakR^itIchA| taMva tyAgu na ghaDe karmAchA| aisiyAhi karUM mhaNatI tayAMchA| Agrahochi ure || 63||

\indent ##\hspace{1in}## karmendriyANi sa.nyamya ya Aste manasA smaran |
\indent ##\hspace{1in}## indriyArthAnvimUDhAtmA mithyAchAraH sa uchyate || 6||\newline%@

je uchita karma sAMDitI| maga naiShkarmya ho{}UM pAhatI| parI karmeMdriyapravR^ittI| nirodhunI || 64||
tayAM karmatyAgu na ghaDe| jeM kartavya manIM sAMpaDe| varI naTatI teM phuDeM| daridra jANa || 65||
aise te pArthA| viShayAsakta sarvathA| oLakhAve tattvatA| bhrAMti nAhIM || 66||
AtAM de{I}M avadhAna| prasaMgeM tuja sAMgena| yA nairAshyAcheM chinha| dhanurdharA || 67||

\indent ##\hspace{1in}## yastvindriyANi manasA niyamyA.a.arabhate.arjuna |
\indent ##\hspace{1in}## karmaindriyaiH karmayogamasaktaH sa vishiShyate || 7||\newline%@

jo aMtarIM dR^iDha| paramAtmarUpIM gUDha| bAhya bhAgu tarI rUDha| laukiku jaisA || 68||
to iMdriyAM Aj~nA na karI| viShayAMcheM bhaya na dharI| prApta karma nAvherI| uchita jeM jeM || 69||
to karmeMdriyeM karmIM| rAhaTatAM tarI na niyamI| parI tethicheni urmIM| jhAMkoLenA || 70||
to kAmanAmAtreM na ghepe| mohamaLeM na liMpeM| jaiseM jaLIM jaLeM na shiMpe| padmapatra || 71||
taisA saMsargAmAjIM ase| sakaLAMsArikhA dise| jaiseM toyasaMgeM AbhAse| bhAnubiMba || 72||
taisA sAmAnyatveM pAhije| tarI sAdhAraNuchi dekhije| yeravIM nirdhAritAM neNije| soya jayAchI || 73||
aishA chinhIM chinhitu| dekhasI tochi muktu| AshApAsharahitu| voLakha pAM || 74||
arjunA tochi yogI| visheShije jo jagIM| mhaNauni aisA hoya yAlAgIM| mhaNipe tUteM || 75||
tUM mAnasA niyamu karIM| nishchaLu hoya aMtarIM| maga karmeMdriyeM vyApArIM| vartatu sukheM || 76||

\indent ##\hspace{1in}## niyata.n kuru karma tva.n jyAyo hyakarmaNaH |
\indent ##\hspace{1in}## sharIrayAtrA.api cha te na prasiddhyedakarmaNaH || 8||\newline%@

mhaNaunI naiShkarmya ho{}AveM| tarI etha teM na saMbhave| ANi niShiddha kevIM rAhATAveM| vichArIM pAM || 77||
mhaNauni jeM jeM uchita| ANi avasareMkarUni prApta| teM karma heturahita| AchareM tUM || 78||
pArthA ANIkahI eka| neNasI tUM heM kavatika| jeM aiseM karmamochaka| ApaiseM ase || 79||
dekhaiM anukramAdhAreM| svadharmu jo Achare| to mokShu teNeM vyApAreM| nishchita pAve || 80||

\indent ##\hspace{1in}## yaj~nAthAtkarmaNo.anyatra loko.aya.n karmabandhanaH |
\indent ##\hspace{1in}## tadartha.n karma kaunteya muktasa~N{}gaH samAchAra || 9||\newline%@

svardhamu jo bApA| tochi nityayaj~nu jANa pAM| mhaNauni vartatAM tetha pApA| saMchAru nAhIM || 81||
hA nijadharmu jaiM sAMDe| ANi kukarmIM rati ghaDe| taiMchi baMdhu paDe| saMsArika || 82||
mhaNauni svadharmAnuShThAna| teM akhaMDa yaj~na yAjana| jo karI tayA baMdhana| kahIMcha na ghaDe || 83||
hA loku karmeM bAMdhilA| jo parataMtrA bhUta jhAlA| to nitya yaj~nAteM chukalA| mhaNauniyAM || 84||
AtAM yechivishIM pArthA| tuja sAMgena eka mI kathA| jaiM sR^iShTyAdi saMsthA| brahmeneM kelI || 85||

\indent ##\hspace{1in}## sahayaj~nAH prajAH sR^iShTvA purovAcha prajApatiH |
\indent ##\hspace{1in}## anena prasaviShyadhvameSha vo.astviShTakAmadhuk.h || 10||\newline%@

taiM nityayAgasahiteM| sR^ijilIM bhUteM samasteM| parI neNatIchi tiyeM yaj~nAteM| sUkShma mhaNauni || 86||
te veLIM prajIM vinavilA brahmA| devA kAya Ashrayo etha AmhAM| taMva mhaNe to kamaLajanmA| bhUtAMprati || 87||
tumhAM varNavisheShavasheM| AmhIM hA svadharmuchi vihilA ase| yAteM upAsA maga Apaise| puratI kAma || 88||
tumhIM vrateM niyamu na karAve| sharIrAteM na pIDAveM| durI keMhI na vachAveM| tIrthAsI gA || 89||
yogAdikeM sAdhaneM| sAkAMkSha ArAdhaneM| maMtrayaMtravidhAneM| jhaNIM karA || 90||
devatAMtarA na bhajAveM| heM sarvathA kAMhIM na karAveM| tumhIM svadharmayaj~nIM yajAveM| anAyAseM || 91||
ahetukeM chitteM| anuShThA pAM yayAteM| pativratA patIteM| jiyAparI || 92||
taisA svadharmarUpamakhu| hAchi sevyu tumhAM eku| aiseM satyalokanAyaku| bolatA jAhalA || 93||
dekhA svadharmAteM bhajAla| tarI kAmadhenu hA ho{I}la| maga prajAho na saMDIla| tumateM kadA || 94||

\indent ##\hspace{1in}## devA.nbhAvayatA.anena te devAbhAvayantu vaH |
\indent ##\hspace{1in}## paraspara.n bhAvayantaH shreyaH paramavApsyatha || 11||\newline%@

jaiM yeNeMkarUni samastAM| paritoShu ho{I}la devatAM| maga te tumhAM IpsitA| arthAteM detI || 95||
yA svadharmapUjA pUjitAM| devatAgaNAM samastAM| yogakShemu nishchitA| karitI tumachA || 96||
tumhIM devAMteM bhajAla| deva tumhAM tuShTatIla| aisI paraspareM ghaDela| prIti jetha || 97||
tetha tumhIM jeM karUM mhaNAla| teM ApaiseM siddhi jA{I}la| vAMChitahI purela| mAnasIMcheM || 98||
vAchAsiddhi pAvAla| Aj~nApaka ho{}Ala| mhaNiyeM tumateM mAgatIla| mahAR^iddhi || 99||
jaiseM R^itupatIcheM dvAra| vanashrI niraMtara| voLage phaLabhAra| lAvaNyesI || 100||

\indent ##\hspace{1in}## iShTA.nbhogAnhi vo devA dAsyante yaj~nabhAvitAH |
\indent ##\hspace{1in}## tairdattAnapradAyaibhyo yo bhu~Nkte stena eva saH || 12||\newline%@

taiseM sarva sukheMsahita| daivachi mUrtimaMta| ye{I}la dekhA kADhata| tumhAMpAThIM || 101||
aiseM samasta bhogabharita| ho{}Ala tumhI anArta| jarI svadharmeMnirata| vartAla bApA || 102||
kAM jAliyA sakaLa saMpadA| jo anusarela iMdriyamadA| lubdha ho{}UniyAM svAdA| viShayAMchiyA || 103||
tihIM yaj~nabhAvikIM surIM| je he saMpatti didhalI purI| tayAM svadharmIM sarveshvarIM| na bhajela jo || 104||
agnimukhIM havana| na karIla devatA pUjana| prAptaveLe bhojana| brAhmaNAcheM || 105||
vimukha ho{I}la gurubhaktI| Adara na karIla atithI| saMtoSha nedIla j~nAtI| Apuliye || 106||
aisA svadharmakriyArahitu| AthilepaNeM pramattu| kevaLa bhogAsaktu| ho{I}la jo || 107||
tayA maga apAvo thora Ahe| jeNeM teM hAtIMcheM sakaLa jAye| dekhA prAptahI na lAhe| bhoga bhogUM || 108||
jaiseM gatAyuShI sharIrIM| chaitanya vAsu na karI| kAM nidaivAchyA gharIM| na rAhe lakShmI || 109||
taisA svadharmu jarI lopalA| tarI sarva sukhAMchA thArA moDalA| jaisA dIpAsaveM harapalA| prakAshu jAya || 110||
taisI nijavR^itti jetha sAMDe| tetha svataMtrate vastI na ghaDe| A{i}kA prajAho he phuDeM| viraMchi mhaNe || 111||
mhaNauni svadharmu jo sAMDIla| tayAteM kALu daMDIla| choru mhaNauni harIla| sarvasva tayAcheM || 112||
maga sakaLa doShu bhaMvate| giMvasoni gheti tayAteM| rAtrisamayIM smashAnAteM| bhUteM jaisIM || 113||
taisIM tribhuvanIMchIM duHkheM| ANi nAnAvidheM pAtakeM| dainyajAta titukeM| tetheMchi vase || 114||
aiseM hoya tayA unmattA| maga na suTe bApA rudatAM| kalpAMtIMhI sarvathA| prANigaNaho || 115||
mhaNauni nijavR^ittI he na saMDAvI| iMdriyeM baraLoM nedAvIM| aiseM prajAMteM shikavI| chaturAnanu || 116||
jaise jaLacharA jaLa sAMDe| ANi tatkShaNIM maraNa mAMDe| hA svadharmu teNeM pADeM| visaMboM naye || 117||
mhaNauni tumhIM samastIM| ApulAliyA karmIM uchitIM| nirata vhAveM puDhata puDhatI| mhaNipata ase || 118||

\indent ##\hspace{1in}## yaj~nashiShTAshinaH santo muchyante sarvakilbiShaiH |
\indent ##\hspace{1in}## bhu~njate te tvagha.n pApA ye pachantyAtmakAraNAt.h || 13||\newline%@

dekhA vihita kriyAvidhi| nirhetukA buddhi| jo asatiye samR^iddhi| viniyogu karI || 119||
guru gotra agni pUjI| avasarIM bhaje dvijIM| nimittAdikIM yajI| pitaroddesheM || 120||
yA yaj~nakriyA uchitA| yaj~neshIM havana karitAM| hutasheSha svabhAvataH| ure jeM jeM || 121||
teM sukheM Apule gharIM| kuTuMbeMsI bhojana karI| kIM bhogyachi teM nivArI| kalmaShAteM || 122||
teM yaj~nAvashiShTa bhogI| mhaNauni sAMDije to aghIM| jayAparIM mahArogI| amR^itasiddhi || 123||
kIM tattvaniShThu jaisA| nAgave bhrAMtileshA| to sheShabhogI taisA| nAkaLe doShA || 124||
mhaNauni svadharmeM jeM arje| teM svadharmeMchi viniyogije| maga ure teM bhogije| saMtoSheMsIM || 125||
heM vAMchUni pArthA| rAhAToM naye anyathA| aisI Adya he kathA| shrImurArI sAMge || 126||
je dehachi ApaNapeM mAnitI| ANi viShayAMteM bhogya mhaNatI| yAparateM na smaratI| ANika kAMhIM || 127||
heM yaj~nopakaraNa sakaLa| neNatasAM te baraLa| ahaMbuddhi kevaLa| bhogUM pAhatI || 128||
iMdriyaruchIsArikheM| karavitI pAka nike| te pApiye pAtakeM| sevitI jANa || 129||
saMpattijAta AghaveM| heM havanadravya mAnAveM| maga svadharmayaj~neM arpAveM| AdipuruShIM || 130||
heM sAMDoniyAM mUrkha| ApaNapeMyAlAgIM dekha| nipajavitI pAka| nAnAvidha || 131||
jihIM yaj~nu siddhI jAye| pareshA toShu hoye| teM heM sAmAnya anna na hoye| mhaNauniyAM || 132||
heM na mhaNAveM sAdhAraNa| anna brahmarUpa jANa| jeM jIvanahetu kAraNa| vishvA yayA || 133||

\indent ##\hspace{1in}## annAdbhavanti bhUtAni parjanyAdannasa.nbhavaH |
\indent ##\hspace{1in}## yaj~nAd{}bhavati parjanyo yaj~naH karmasamudbhavaH || 14||\newline%@
\indent ##\hspace{1in}## karma brahmod{}bhava.n viddhi brahmAkSharasamudbhava.n |
\indent ##\hspace{1in}## tasmAtsarvagata.n brahma nitya.n yaj~ne pratiShThitam.h || 15||\newline%@

annAstava bhUteM| praroho pAvatI samasteM| maga parjanyu yA annAteM| sarvatra prasave || 134||
tayA parjanyA yaj~nIM janma| yaj~nAteM pragaTI karma| karmAsi Adi brahma| vedarUpa || 135||
maga vedAMteM parAtpara| prasavatase akShara| mhaNauni he charAchara| brahmabaddha || 136||
parI karmAchiye mUrti| yaj~nIM adhivAsu shruti| aikeM subhadrApati| akhaMDa gA || 137||

\indent ##\hspace{1in}## eva.n pravartita.n chakra.n nAnuvartayatIha yaH |
\indent ##\hspace{1in}## aghAyurindriyArAmo mogha.n pArtha sa jIvati || 16||\newline%@

aishI he Adi paraMparA| saMkShepeM tuja dhanurdharA| sAMgitalI yA adhvarA| lAgUniyAM || 138||
mhaNauni samULa hA uchitu| svadharmarUpa kratu| nAnuShThI jo mattu| lokIM iye || 139||
to pAtakAMchI rAshI| jANa bhAra bhUmIsI| jo kukarmeM iMdriyAMsI| upegA gelA || 140||
teM janma karma sakaLa| arjunA ati niShphaLa| jaiseM kAM abhrapaTala| akALIMcheM || 141||
kAM gaLAM stana ajeche| taiseM jiyAleM dekhaiM tayAcheM| jayA anuShThAna svadharmAcheM| ghaDechinA || 142||
mhaNauni aikeM pAMDavA| hA svadharmu kavaNeM na saMDAvA| sarvabhAveM bhajAvA| hAchi eku || 143||
hAM gA sharIra jarI jAhaleM| tarI kartavya vogheM AleM| maga uchita kAM ApuleM| osaMDAveM \? || 144||
parisa pAM savyasAchI| mUrti lAhoni dehAchI| khaMtI karitI karmAchI| te gAMvaDhe gA || 145||

\indent ##\hspace{1in}## yastvAtmaratireva syAdAtmatR^iptashcha mAnavaH |
\indent ##\hspace{1in}## Atmanyeva cha santuShTastasya kArya.n na vidyate || 17||\newline%@

dekhaiM asateni dehadharmeM| etha tochi eku na liMpe karmeM| jo akhaMDita rame| ApaNapAMchi || 146||
je to AtmabodheM toShalA| tarI kR^itakAryu dekhaiM jAhalA| mhaNauni sahajeM sAMDavalA| karmasaMgu || 147||

\indent ##\hspace{1in}## naiva tasya kR^itenArtho nAkR^iteneha kashchana |
\indent ##\hspace{1in}## na chAsya sarvabhUteShu kashchidArthavyapAshrayaH || 18||\newline%@

tR^ipti jAliyA jaisIM| sAdhaneM saratI ApaisIM| dekhaiM AtmatuShTIM taisIM| karmeM nAhIM || 148||
jaMvavarI arjunA| to bodhu bheTenA manA| taMvachi yayA sAdhanA| bhajAveM lAge || 149||

\indent ##\hspace{1in}## tasmAdasaktaH satata.n kArya.n karma samAchara |
\indent ##\hspace{1in}## asakto hyAcharankarma paramApnoti pUruShaH || 19||\newline%@

mhaNauni tUM niyatu| sakaLa kAmarahitu| ho{}UniyAM uchitu| svadharmeM rahATeM || 150||
je svadharmeM niShkAmatA| anusarale pArthA| te kaivalyapada tattvatAM| pAtale jagIM || 151||

\indent ##\hspace{1in}## karmaNaiva hi sa.nsiddhimAsthitA janakAdayaH |
\indent ##\hspace{1in}## lokasa~NgrahamevApi sa.npashyankartumarhasi || 20||\newline%@

dekha pAM janakAdika| karmajAta ashekha| na sAMDitAM mokShasukha| pAvate jAhale || 152||
yAkAraNeM pArthA| ho{}AvI karmIM AsthA| he ANikAhi ekA arthA| upakAraila || 153||
je AcharatAM ApaNapayAM| dekhI lAgela lokA yayA| tarI chukela apAyA| prasaMgeMchi || 154||
dekhaiM prAptArtha jAhale| je niShkAmatA pAvale| tayAhI kartavya ase uraleM| lokAMlAgIM || 155||
mArgIM aMdhAsarisA| puDheM dekhaNAhI chAle jaisA| aj~nAnA prakaTAvA dharmu taisA| AcharonI || 156||
hAM gA aiseM jarI na kIje| tarI aj~nAnA kAya umaje \?| tihIM kavaNe parI jANije| mArgAteM yA \? || 157||

\indent ##\hspace{1in}## yadyadAcharati shreShThastattadevetaro janaH |
\indent ##\hspace{1in}## sa yatpramANa.n kurute lokastadanuvartate || 21||\newline%@

etha vaDIla jeM jeM karitI| tayA nAma dharmu ThevitI| teMchi yera anuShThitI| sAmAnya sakaLa || 158||
heM aiseM ase svabhAveM| mhaNauni karma na saMDAveM| visheSheM AcharAveM| lAge saMtIM || 159||

\indent ##\hspace{1in}## na me pArthA.asti kartavya.n triShu lokeShu ki~nchana |
\indent ##\hspace{1in}## nAnavAptamavAptavya.n varta eva cha karmaNi || 22||\newline%@

AtAM ANikAMchiyA goThI| kAyashA sAMgoM kirITI| dekhaiM mIcha iye rAhATI| vartata aseM || 160||
kAya sAMkaDeM kAMhIM mAteM| kIM kavaNeM ekeM ArteM| AchareM mI dharmAteM| mhaNasI jarI || 161||
tarI puratepaNAlAgIM| ANiku dusarA nAhIM jagIM| aisI sAmugrI mAjhyA aMgIM| jANasI tUM || 162||
mR^ita guruputra ANilA| to tuvAM pavADA dekhilA| tohI mI ugalA| karmIM varteM || 163||

\indent ##\hspace{1in}## yadi hyaha.n na varteya.n jAtu karmaNyatandritaH |
\indent ##\hspace{1in}## mama vatmAnuvartante manuShyAH pArtha sarvashaH || 23||\newline%@

parI svadharmIM varteM kaisA| sAkAMkShu kAM hoya jaisA| tayAchi ekA uddeshA\-| lAgoniyAM || 164||
je bhUtajAta sakaLa| ase AmhAMchi AdhIna kevaLa| tarI na vhAveM baraLa| mhaNauniyAM || 165||

\indent ##\hspace{1in}## utsIdeyurime lokA na kuryA.n karma chedaham.h |
\indent ##\hspace{1in}## sa~Nkarasya cha kartA syAmupahanyAmimAH prajAH || 24||\newline%@

AmhI pUrNakAma ho{u}nI| jarI Atmasthiti rAhunI| tarI prajA he kaiseni| nistarela \? || 166||
ihIM AmuchI vAsa pAhAvI| maga vartatIparI jANAvI| te lokasthiti AghavI| nAsilI ho{I}la || 167||
mhaNauni samarthu jo yetheM| AthilA sarvaj~nate| teNeM savisheSheM karmAteM| tyajAveM nA || 168||

\indent ##\hspace{1in}## saktAH karmaNyavidvA.nso yathA kurvanti bhArata |
\indent ##\hspace{1in}## kuryAdvidvA.nstathA.asaktashchikIrShurlokasa~Ngraham.h || 25||\newline%@

dekhaiM phaLAchiyA AshA| Achare kAmaku jaisA| karmIM bharu ho{}AvA taisA| nirAshAhI || 169||
je puDhatapuDhatIM pArthA| he sakaLa lokasaMsthA| rakShaNIya sarvathA| mhaNauniyAM || 170||
mArgAdhAreM vartAveM| vishva heM mohareM lAvAveM| alaukika nohAveM| lokAMprati || 171||

\indent ##\hspace{1in}## na buddhibheda.n janayedaj~nAnA.n karmasa~NginAm.h |
\indent ##\hspace{1in}## joShayetsarvakarmANi vidvAnyuktaH samAcharan || 26||\newline%@

jeM sAyAseM stanya sevI| teM pakvAnneM kevIM jevI| mhaNauni bALakA jaishIM nedAvIM| dhanurdharA || 172||
taishI karmIM jayAM ayogyatA| tayAMprati naiShkarmyatA| na pragaTAvI kheLatAM| AdikarunI || 173||
tetheM satkriyAchi lAvAvI| techi ekI prashaMsAvI| naiShkarmIMhI dAvAvI| AcharonI || 174||
tayA lokasaMgrahAlAgIM| vartatAM karmasaMgIM| to karmabaMdhu AMgIM| vAjaila nA || 175||
jaisI bahurupiyAMchIM rAvo rANI| strIpuruShabhAvo nAhIM manIM| parI lokasaMpAdaNI| taishIcha karitI || 176||

\indent ##\hspace{1in}## prakR^iteH kriyamANAni guNaiH karmANi sarvashaH |
\indent ##\hspace{1in}## aha~N{}kAravimUDhAtmA kartA.ahamiti manyate || 27||\newline%@

dekhaiM puDhilAcheM vojheM| jarI ApulA mAthAM ghe{I}je| tarI sAMgaiM kAM na daTije| dhanurdharA \? || 177||
taisIM shubhAshubheM karmeM| jiyeM nipajatI prakR^itidharmeM| tiyeM mUrkha matibhrameM| mI kartA mhaNe || 178||
aisA ahaMkArAdirUDha| ekadeshI mUDha| tayA hA paramArtha gUDha| pragaTAvA nA || 179||
heM aso prastuta| sAMgijaila tuja hita| teM arjunA de{}Uni chitta| avadhArIM pAM || 180||

\indent ##\hspace{1in}## tattvavittu mahAbAho guNakarmavibhAgayoH |
\indent ##\hspace{1in}## guNA guNeShu vartanta iti matvA na sajjate || 28||\newline%@

jeM tattvaj~nAniyAMchyA ThAyIM| prakR^itibhAvo nAhIM| jetha karmajAta pAhIM| nipajata ase || 181||
te dehAbhimAnu sAMDunI| guNakarmeM volAMDuni| sAkShIbhUta ho{}unI| vartatI dehIM || 182||
mhaNauni sharIrI jarI hotI| tarI karmabaMdhA nAtaLatI| jaisA kAM bhUtacheShTA gabhastI| ghepavenA || 183||

\indent ##\hspace{1in}## prakR^iterguNasa.nmUDhAH sajjante guNakarmasu |
\indent ##\hspace{1in}## tAnakR^itsnavido mandA.nkR^itsnavinna vichAlayet.h || 29||\newline%@

etha karmIM tochi liMpe| jo guNasaMbhrameM ghepe| prakR^itIcheni ATope| vartatu ase || 184||
iMdriyeM guNAdhAreM| rAhATatI nijavyApAreM| teM parakarma balAtkAreM| ApAdI jo || 185||

\indent ##\hspace{1in}## mayi sarvANi karmANi sanyasyAdhyAtmachetasA |
\indent ##\hspace{1in}## nirAshIrnirmamo bhUtvA yudhyasva vigatajvaraH || 30||\newline%@

tarI uchiteM karmeM AghavIM| tuvAM Acharoni maja arpAvIM| parI chittavR^itti nyAsAvI| AtmarUpIM || 186||
ANi heM karma mI kartA| kAM Acharaina yA arthA| aisA abhimAnu jhaNeM chittA| rigoM desIM || 187||
tuvAM sharIraparA nohAveM| kAmanAjAta sAMDAveM| maga avasarochita bhogAve| bhoga sakaLa || 188||
AtAM kodaMDa ghe{}Uni hAtIM| ArUDha pAM iyeM rathIM| de{I}M AliMgana vIravR^ittI| samAdhAneM || 189||
jagIM kIrti rUDhavIM| svadharmAchA mAnu vADhavIM| iyA bhArApAsoni soDavIM| medinI he || 190||
AtAM pArthA niHshaMku ho{I}M| yA saMgrAmA chitta de{I}M| etha heM vAMchUni kAMhIM| boloM naye || 191||

\indent ##\hspace{1in}## ye me matamida.n nityamanutiShThanti mAnavAH |
\indent ##\hspace{1in}## shraddhAvanto.anasUyanto muchyante te.api karmabhiH || 31||\newline%@

heM anuparodha mata mAjheM| jihIM paramAdareM svIkArije| shraddhApUrvaka anuShThije| dhanurdharA || 192||
tehI sakaLa karmIM vartatu| jANa pAM karmarahitu| mhaNauni heM nishchitu| karaNIya gA || 193||

\indent ##\hspace{1in}## ye tvetadabhyasUyanto nAnutiShThanti me matam.h |
\indent ##\hspace{1in}## sarvaj~nAnavimUDhA.nstAnviddhi naShTAnachetasaH || 32||\newline%@

nAtarI prakR^itimaMtu ho{}unI| iMdriyAM laLA de{u}nI| jeM heM mAjheM mata avherunI| osaMDitI || 194||
je sAmAnyatveM lekhitI| avaj~nA karUni dekhatI| kAM hA arthavAdu mhaNatI| vAchALapaNeM || 195||
te mohamadirA bhulale| viShayavikheM ghArale| aj~nAnapaMkIM buDAle| nibhrAMta mAnIM || 196||
dekhaiM shavAchyA hAtIM didhaleM| jaiseM ratna kAM vAyAM geleM| nAtarI jAtyaMdhA pAhaleM| pramANa nohe || 197||
kAM chaMdrAchA udayo jaisA| upayogA na vache vAyasA| mUrkhA viveku hA taisA| ruchela nA || 198||
taise je pArthA| vimukha yA paramArthA| tayAMsI saMbhAShaNa sarvathA| karAvenA || 199||
mhaNauni te na mAnitI| ANi niMdAhI karUM lAgatI| sAMgaiM pataMgu kAya sAhatI| prakAshAteM \? || 200||
pataMgA dIpIM AliMgana| tetha tyAsI achuka maraNa| teMvIM viShayAcharaNa| AtmaghAtA || 201||

\indent ##\hspace{1in}## sadR^isha.n cheshhTate svasyaaH prakR^iterj~naanavaanapi |
\indent ##\hspace{1in}## prakR^iti.n yaanti bhuutaani nigrahaH kiM karishhyati || 33||\newline%@

mhaNauni iMdriyeM ekeM| jANateni purukheM| lALAvIM nA kautukeM| AdikarunI || 202||
hAM gA sarpesIM kheLoM ye{I}la \?| kIM vyAghrasaMsarga siddhi jA{I}la \?| sAMgaiM hALAhALa jirela| seviliyA kA{I} \? || 203||
dekhaiM kheLatAM agni lAgalA| maga to na sAMvare jaisA udhavalA| taisA iMdriyAM laLA didhalA| bhalA nohe || 204||
eRhavIM tarI arjunA| yA sharIrA parAdhInA| kAM nAnA bhogarachanA| meLavAvI \? || 205||
ApaNa sAyAseMkaruni bahuteM| sakaLahi samR^iddhijAteM| udo{a}stu yA dehAteM| pratipALAveM kAM \? || 206||
sarvasveM shiNoni etheM| arjavAvIM saMpattijAteM| teNeM svadharmu sAMDuni dehAteM| pokhAveM kA{I || 207||
maga he taMva pAMchameLAvA| shekhIM anusarela paMchatvA| te veLIM kelA keM giMvasAvA| shINu ApulA || 208||
mhaNauni kevaLa dehabharaNa| te jANeM ughaDI nAgavaNa| yAlAgIM etha aMtaHkaraNa| deyAveMnA || 209||

\indent ##\hspace{1in}## indriyasyendriyasyaarthe raagadveshhau vyavasthitau |
\indent ##\hspace{1in}## tayorna vashamaagachchhettau hyasya paripanthinau || 34||\newline%@

eRhavIM iMdriyAMchiyA arthA| sArikhA  viSho pokhitAM| saMtoShu kIra chittA| Apajela || 210||
parI to saMvachorAchA sAMgAtu| jaisA nAveka svasthu| jaMva nagarAchA prAMtu| sAMDijenA || 211||
bApA viShAchI madhuratA| jhaNeM AvaDI upaje chittA| parI to pariNAmu vichAritAM| prANu harI || 212||
dekhaiM iMdriyIM kAmu ase| to lAvI sukhadurAshe| jaisA gaLIM mInu AmiSheM| bhulavije gA || 213||
parI tayAmAjIM gaLu Ahe| jo prANAteM ghe{U}ni jAye| too jaisA ThA{u}vA nohe| jhAMkalepaNeM || 214||
taiseM abhilASheM yeNeM kIjela| viShayAMchI AshA dharijela| tarI varapaDA ho{I}jela| krodhAnaLA || 215||
jaisA kavaLoniyAM  pAradhI| ghAtechiye saMdhI| ANI mR^igAteM buddhi| sAdhAvayA || 216||
etha taisIchI parI Ahe| mhaNauni saMgu hA tuja nohe| pArthA donhI kAmakrodha he| ghAtuka jANeM || 217||
mhaNauni hA Ashrochi na karAvA| maneMhi AThavo na dharAvA| eku nijavR^ittIchA volAvA| nAsoM nedI || 218||

\indent ##\hspace{1in}## shreyAnsvadharmo viguNaH paradharmAtsvanuShThitAt.h |
\indent ##\hspace{1in}## svadharme nidhana.n shreyaH paradharmo bhayAvahaH || 35||\newline%@

agA svadharmu hA ApulA| jarI kAM kaThiNu jAhalA| tarI hAchi anuShThilA| bhalA dekhaiM || 219||
yeru AchAru jo parAvA| to dekhatAM kIra baravA| parI Acharateni AcharAvA| ApulAchi || 220||
sAMnneM shUdra gharIM AghavIM| pakvAnneM AhAti  baravIM| tIM dvIjeM keMvIM sevAvIM| durbaLu jarI jAhalA || 221||
heM anuchita kaiseni kIje| agrAhya kevIM ichChije| athavA ichChileMhI pAvije| vichArIM pAM || 222||
tarI lokAMchIM dhavaLAreM| dekhoniyAM manohareM| asatIM ApulIM taNAreM| moDAvIM kevIM \? || 223||
heM aso vanitA ApulI| kurUpa jarI jAhalI| taRhI bhogitAM techi bhalI| jiyAparI || 224||
tevIM AvaDe taisA sAMkaDu| AcharatAM jarI duvADu| taRhI svadharmuchi suravADu| paratrIMchA || 225||
hAM gA sAkara ANi dUdha| heM gaulya kIra prasiddha| parI kR^imidoShIM viruddha| ghepe kevIM \? || 226||
aisenihI jarI sevijela| tarI te aLukIchI urela| je teM pariNAmIM pathya navhela| dhanurdharA || 227||
mhaNauni ANikAMsI jeM vihita| ANi ApaNapeyAM anuchita| teM nAcharAveM jarI hita| vichArije || 228||
yA svadharmAteM anuShThitAM| vechu ho{I}la jivitA| tohi nikA vara ubhayatAM| disata ase || 229||
aiseM samastasurashiromaNI| bolile jetha shAra~NgapANI| tetha arjuna mhaNe vinavaNI| ase devA || 230||
heM jeM tumhIM sAMgitaleM| teM sakaLa kIra myAM parisileM| parI AtAM pusena kAMhIM ApuleM| apexita || 231||

\indent ##\hspace{1in}## arjuna uvAcha |
\indent ##\hspace{1in}## atha kena prayukto.aya.n pApa.n charati puuruShaH |
\indent ##\hspace{1in}## anichchhannapi vArShNeya balAdiva niyojitaH || 36||\newline%@

tarI devA heM aiseM kaiseM| je j~nAniyAMhI sthiti bhraMshe| mArgu sAMDunI anArise| chAlata dekhoM || 232||
sarvaj~nuhI je hotI| heyopAdeyahI jANatI| tehI paradharmeM vyabhichariti| kavaNeM guNeM \? || 233||
bIjA ANi bhUsA| aMdhu nivADU neNeM jaisA| nAveka dekhaNAhI taisA| baraLe kAM pAM \? || 234||
je asatA saMgu sAMDitI| techi saMsargu karitAM na dhAtI| vanavAsIhI sevitI| janapadAteM || 235||
ApaNa tarI lapatI| sarvasveM pApa chukavitI| parI baLAtkAreM su{i}jatI| tayAchi mAjIM || 236||
jayAchI jIveM ghetI vivasI| techi jaDoni ThAke jIveMsIM| chukavitAM te giMvasI| tayAteMchi || 237||
aisA balAtkAru eku dise| to kavaNAchA etha Agraho ase| heM bolAveM hR^iShIkesheM| pArthu mhaNe || 238||

\indent ##\hspace{1in}## shrIbhagavAnuvAcha |
\indent ##\hspace{1in}## kAma eSha krodha eSha rajoguNasamudbhavaH |
\indent ##\hspace{1in}## mahAshano mahApApmA vid.hdhyenamiha vairiNam.h || 37||\newline%@

taMva hR^idayakamaLa{A}rAmu| jo yogiyAMchA niShkAmakAmu| to mhaNatase puruShottamu| sAMgena A{i}ka || 239||
tarI he kAma krodhu pAhIM| jayAMteM kR^ipechI sAMThavaNa nAhIM| heM kR^itAMtAchyA ThAyIM| mAnijatI || 240||
he j~nAnanidhIche bhujaMga| viShayadarIche vAgha| bhajanamArgIMche mAMga| mAraka je || 241||
he dehadurgIMche dhoMDa| iMdriyagrAmIMcheM koMDa| yAMcheM vyAmohAdika dabaDa| jagAvarI || 242||
he rajoguNa mAnasIMche| samULa Asuriyeche| dhAlepaNa yayAMcheM| avidyA keleM || 243||
he rajAche kIra jAhale| parI tamAsI paDhiyaMte bhale| teNeM nijapada yAM didhaleM| pramAdamoho || 244||
he mR^ityuchyA nagarIM| mAnijatI nikiyApari| je jIvitAche vairI| mhaNauniyAM || 245||
jayAMsi bhukeliyA AmiShA| heM vishva na purechi ghAMsA| kuLavADiyAMchiyA AshA| chALIta ase || 246||
kautukeM kavaLitAM muThIM| jiye chavadA bhuvaneM theMkuTI| tiye bhrAMtihI dhAkuTI| vAlhIdulhI || 247||
je lokatrayAcheM bhAtukeM| kheLatAMchi khAya kavatikeM| tichyA dAsIpaNAcheni bikeM| tR^iShNA jiye || 248||
heM aso moheM mAnije| yAMteM ahaMkAreM ghepe dIje| jeNeM jaga Apuleni bhojeM| nAchavIta ase || 249||
jeNeM satyAchA bhokasA kADhilA| maga akR^itya tR^iNakuTA bharilA| to daMbhu rUDhavilA| jagIM ihIM || 250||
sAdhvI shAMtI nAgavilI| maga mAyA mAMgI shrR^iMgArilI| tiyekaravIM  viTALavilIM| sAdhuvR^iMdeM || 251||
ihIM vivekAchI tryAya pheDilI| vairAgyAchi khAla kADhilI| jitayA mAna moDilI| upashamAchI || 252||
ihIM saMtoShavana khAMDileM| dhairyadurga pADile| AnaMdaropa sAMDile| upaDUniyAM || 253||
ihIM bodhAchIM ropeM luMchilIM| sukhAchI lipI pusilI| jivhArIM AgI sUdalI| tApatrayAchI || 254||
he AMgA taMva ghaDale| jIvIMchI AthI jaDale| parI nAtuDatI giMvasile| brahmAdikAM || 255||
he chaitanyAche shejArIM| vasatI j~nAnAchyA ekA hArIM| mhaNauni pravartale mahAmArI| sAMvaratI nA || 256||
he jaLeMviNa buDavitI| AgIvINa jALitI| na bolatAM kavaLitI| prANiyAMteM || 257||
he shastreMviNa sAdhitI| doreMviNa bAMdhitI| j~nAniyAsI tarI vadhitI| paija ghe{u}ni || 258||
he chikhaleMvINa rovitIM| pAshikeMvINa goMvitI| he kavaNAjogeM na hotI| AMtauTepaNeM || 259||

\indent ##\hspace{1in}## dhUmenA.a.avriyate vahniryathA.a.adarsho malena cha |
\indent ##\hspace{1in}## yatholbenA.a.avR^ito garbhastathA tenedamAvR^itam.h || 38||\newline%@

jaisI chaMdanAchI muLI| giMvasoni ghepe vyALIM| nAtarI ulbAchI khoLI| garbhasthAsI || 260||
kAM prabhAvINa bhAnu| dhUmevINa hutAshanu| jaisA darpaNa maLahInu| kahIMcha nase || 261||
taiseM ihIMvINa ekaleM| AmhIM j~nAna nAhIM dekhileM| jaiseM koMDeni pAM guMtaleM| bIja nipaje || 262||

\indent ##\hspace{1in}## AvR^ita.n j~nAnametena j~nanino nityavairiNA |
\indent ##\hspace{1in}## kAmarUpeNa kaunteya duShpUreNAnalena cha || 39||\newline%@

taiseM j~nAna tarI shuddha| parI ihIM ase praruddha| mhaNauni teM agAdha| ho{U}ni Thele || 263||
AdhIM yAMteM jiNAveM| maga teM j~nAna pAvAveM| taMva parAbhavo na saMbhave| rAgadveShAM || 264||
yAMteM sAdhAvayAlAgIM| jeM baLa ANije AMgIM| teM iMdhaneM jaisIM AgI| sAvAvo hoya || 265||

\indent ##\hspace{1in}## indriyANi mano buddhirasyAdhiShThAnamuchyate |
\indent ##\hspace{1in}## etairvimohayatyeSha j~nAnamAvR^itya dehinam.h || 40||\newline%@

taise upAya kIjatI je je| te te yAMsIchi hotI viraje| mhaNauni haTiyAMteM jiNije| ihIMchi jagIM || 266||
aisiyAMhI sAMkaDAM bolA| eka upAyo Ahe bhalA| to karitAM jarI AMgavalA| tarI sAMgena tuja || 267||

\indent ##\hspace{1in}## tasmAttvamindriyANyAdau niyamya bharatarShabha |
\indent ##\hspace{1in}## pApmAna.n prajahi hyena.n j~nAnavij~nAnanAshanam.h || 41||\newline%@

yAMchA pahilA kuruThA iMdriyeM| ethUni pravR^itti karmAteM viye| AdhIM nirdaLuni  ghAlI tiyeM| sarvathaiva || 268||

\indent ##\hspace{1in}## indriyANi parANyAhurindriyebhyaH para.n manaH |
\indent ##\hspace{1in}## manasastu parA buddhiryo buddheH paratastu saH || 42||\newline%@

maga manAchI dhAMva pAruShela| ANi buddhIchI soDavaNa ho{I}la| itukena thArA moDela| yA pApiyAMchA || 269||

\indent ##\hspace{1in}## eva.n buddheH para.n buddhvA sa.nstabhyAtmAnamAtmanA |
\indent ##\hspace{1in}## jahi shatru.n mahAbAho kAmarUpa.n durAsadam.h || 43||\newline%@

\indent ##\hspace{1in}## AUM tatsaditi shrImad{}bhagavadgItAsUpaniShatsu brahmavidyAyA.n yogashAstre
\indent ##\hspace{1in}## shrIkR^iShNArjunasa.nvAde sA.nkhyayogonAma tR^ItIyo.adhyAyaH || 3a ||\newline%@

he aMtarIMhUni jarI phiTale| tarI nibhrAMta jANa nivaTale| jaiseM rashmivINa uraleM| mR^igajaLa nAhIM || 270||
taise rAgadveSha jarI nimAle| tarI brahmIMcheM svarAjya AleM| maga to bhogI sukha ApuleM| ApaNachi || 271||
te gurushiShyAchi goThI| padapiMDAchI gAMThI| tetha sthira rAhoni nuThI| kavaNe kALIM || 272||
aiseM sakaLa siddhAMchA rAvo| devI laxmIyechA nAho| rAyA aikeM devadevo| bolatA jAhalA || 273||
AtAM punarapi to anaMtu| Adya ekI mAtu| sAMgaila tetha paMDusutu| prashnu karIla || 274||
tayA bolAchA hana pADu| kIM rasavR^ittIchA nivADu| yeNeM shrotayAM ho{I}la suravADu| shravaNasukhAchA || 275||
j~nAnadevo mhaNe nivR^ittIchA| chAMga uThAvA karUni unmeShaachA| maga saMvAdu shrIharipArthAchA| bhogAvA bApA || 276||
iti shrIj~nAnadevavirachitAyAM bhAvArthadIpikAyAM tR^itIyo.adhyAyaH ..
%End of 03@
\bigskip\hrule\medskip
##
{\rm \Large
Encoded and proofread by
Chhaya Deo, Sharad Deo, and Vishwas Bhide.
Assisted by
Sunder Hattangadi, Joshi, and Shree Devi Kumar.}
\medskip\hrule\obeylines
{\rm Please send corrections to sanskrit at cheerful dot c om}
{\rm Last updated \today}
\end{document}