%@@1
% File name             : dn07.itx
%--------------------------------------------
% Text title            : Dnyaneshvari or Bhavarthadipika Chapter 7
% Author                : Sant Dnyaneshwar
% Language              : Marathi, Sanskrit
% Subject               : philosophy/hinduism/religion
% Description/comments  : 
% Transliterated by     : Vishwas Bhide vishwas_bhide@yahoo.com, santsahitya@yahoo.co.in, Sharad and Chhaya Deo
% Proofread by          : Vishwas Bhide vishwas_bhide@yahoo.com, santsahitya@yahoo.co.in, Sharad and Chhaya Deo
% Latest update         : June 20, 2005
% Send corrections to   : sanskrit at cheerful dot c om
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://sanskritdocuments.org
% http://sanskrit.bhaarat.com  See the document project
%-----------------------------------------------------
% The text is prepared by volunteers and is to be used for personal study
% and research.  The file is not to be copied or reposted for promotion of 
% any website or individuals or for commercial purpose without permission.
%        Please help to maintain respect for volunteer spirit.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=0pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dnyaneshvari or Bhavarthadipika Chapter 7 ..}##
\itxtitle{.. j~nAneshvarI bhAvArthadIpikA adhyAya 7 ..}##\endtitles ##
%Start of 07@
|| AUM shrI paramAtmane namaH ||
adhyAya sAtavA |
j~naanavij~naanayogaH |

\indent ##\hspace{1in}## shrIbhagavAnuvAcha |
\indent ##\hspace{1in}## mayyAsak{}tamanAH pArtha yoga.n yu~njanmadAshrayaH |
\indent ##\hspace{1in}## asa.nshaya.n samagra.n mA.n yathA j~nAsyasi tachchhR^iNu || 1||\newline%@
\indent ##\hspace{1in}## j~nAna.n te.aha.n savij~nAnamida.n vakShyAmyasheShataH |
\indent ##\hspace{1in}## yaj~nAtvA neha bhUyo.anyaj~nAtavyamavashiShyate || 2||\newline%@

A{i}kA maga to shrI{a}naMtu| pArthAteM ase mhaNatu| paiM gA tUM yogayuktu| jAlAsi AtAM || 1||
maja samagrAteM jANasI aiseM| ApuliyA taLahAtIMcheM rat{}na jaiseM| tuja j~nAna sAMgena taiseM| vij~nAneMsIM || 2||
etha vij~nAneM kAya karAveM| aiseM ghesI jarI manobhAveM| tarI paiM AdhIM jANAveM| teMchi lAge || 3||
maga j~nAnAchiye veLe| jhAMkatI jANiveche DoLe| jaisI tIrIM nAva na DhaLe| TekalIsAMtI || 4||
taisI jANIva jetha na righe| vichAra mAgutA pA{u}lIM nighe| tarku AyaNI neghe| AMgIM jayAMchyA || 5||
arjunA tayA nAMva j~nAna| yera prapaMchu heM vij~nAna| tetha satyabuddhi teM aj~nAna| heMhI jANa || 6||
AtAM aj~nAna avagheM harape| vij~nAna niHsheSha karape| ANi j~nAna teM svarUpeM| ho{U}ni jA{i}je || 7||
jeNeM sAMgatayAcheM bolaNeM khuMTe| aikatayAcheM vyasana tuTe| heM jANaNeM sAneM moTheM| uroM nedI || 8||
aiseM varma jeM gUDha| teM kijela vAk{}yArUDha| jeNeM thoDena pure koDa| bahuta manIMcheM || 9||

\indent ##\hspace{1in}## manuShyANA.n sahastreShu kashchidyatati siddhaye |
\indent ##\hspace{1in}## yatatAmapi siddhAnA.n kashchinmA.n vetti tattvataH || 3||\newline%@

paiM gA manuShyAMchiyA sahastashAM\-| mAjIM vipA{i}le yAchi dhiMvasA| taiseM yA dhiMvasekarAM bahuvasAM| mAjIM viraLA jANe || 10||
jaisA bharaleyA tribhuvanA\-| AMtu eka{e}ku chAMgu arjunA| nivaDUni kIje senA| laxavarI || 11||
kIM tayAhI pAThIM| je veLIM loha mAMsAteM ghAMTI| te veLIM vijayashriyechyA pATIM| ekuchI baise || 12||
taiseM AsthechyA mahApurIM| righatAtI koTivarI| parI prAptIchyA pailatIrIM| vipA{i}lA nige || 13||
mhaNauni sAmAnya gA nohe| heM sAMgatAM vaDila goThI Ahe| parI teM boloM ye{I}la pAheM| AtA prastuta aikeM || 14||

\indent ##\hspace{1in}## bhUmirApo.analo vAyuH kha.n mano buddhireva cha |
\indent ##\hspace{1in}## aha.nkAra itIya.n me bhinnA prakR^itiraShTadhA || 4||\newline%@

tarI avadhArIM gA dhanaMjayA| he mahadAdika mAjhI mAyA| jaisI pratibiMbe ChAyA| nijAMgAchI || 15||
ANi iyeteM prakR^iti mhaNije| je aShTadhA bhinna jANije| lokatraya nipaje| iyestava || 16||
he aShTadhA bhinna kaisI| aisA dhvani dharisI jarI mAnasIM| tarI techi gA AtAM pariyesIM| vivaMchanA || 17||
Apa teja gagana| mahI mAruta mana| buddhi ahaMkAru he bhinna| AThai bhAga || 18||

\indent ##\hspace{1in}## apareyamitastvanyA.n prakR^iti.n viddhi me parAm.h |
\indent ##\hspace{1in}## jIvabhUtA.n mahAbAho yayeda.n dhAryate jagat.h || 5||\newline%@

yA AThAMchI je sAmyAvasthA| te mAjhI parama prakR^iti pArthA| tiye nAma vyavasthA| jIvu aisI || 19||
je jaDAteM jIvavI| chetaneteM chetavI| manA karavIM mAnavI| shoka moho || 20||
paiM buddhIchyA aMgIM jANaNeM| teM jiye javaLikecheM karaNeM| jiyA ahaMkArAcheni viMdANeM| jagachi dharije || 21||

\indent ##\hspace{1in}## etadyonIni bhUtAni sarvANItyupadhAraya |
\indent ##\hspace{1in}## aha.n kR^its{}nasya jagataH prabhavaH pralayastathA || 6||\newline%@

te sUxma prakR^iti koDeM| jaiM sthULAchiyA AMgA ghaDe| taiM bhUtasR^iShTIchI paDe| TAMkasALa || 22||
chaturvidha ThasA| umaToM lAge ApaisA| molA tarI sarasA| parI tharachi AnAna || 23||
hotI chauRyAMshIM laxa tharA| yerA mitI neNije bhAMDArA| bhare AdishUnyAchA gAbhArA| nANeyAMsI || 24||
aiseM ekatuke pAMchabhautika| paDatI bahuvasa TAMka| maga tiye samR^iddhIche lekha| prakR^itIchi dharI || 25||
je AkhUni nANeM vistArI| pAThI tayAchI ATaNI karI| mAjIM karmAkarmAchiyA vyavahArIM| pravartu dAvI || 26||
heM rUpaka parI aso| sAMgoM ughaDa jaiseM pariyesoM| tarI nAmarUpAchA atiso| prakR^itIcha kIje || 27||
ANi prakR^iti taMva mAjhyA ThAyIM| biMbe yetheM Ana nAhIM| mhaNauni Adi madhya avasAna pAhIM| jagAsi mI || 28||

\indent ##\hspace{1in}## mattaH paratara.n nAnyatki.nchidasti dhana.njaya |
\indent ##\hspace{1in}## mayi sarvamida.n prota.n sUtre maNigaNA iva || 7||\newline%@

heM rohiNIcheM jaLa| tayAcheM pAhatAM ye{i}je mULa| taiM rashmi navhatI kevaLa| hoya teM bhAnu || 29||
tayAchiparI kirITI| iyA prakR^itI jAliye sR^iShTI| jaiM upasaMharUni kIjela ThI| taiM mIchi AheM || 30||
aiseM hoya dise na dise| heM majachi mAjIM ase| miyAM vishva dharije jaiseM| sUtreM maNi || 31||
suvarNAche maNI kele| te soniyAche sutIM vovile| taiseM myAM jaga dharileM| sabAhyAbhyaMtarIM || 32||

\indent ##\hspace{1in}## raso.ahamapsu kaunteya prabhAsmi shashisUryayoH |
\indent ##\hspace{1in}## praNavaH sarvavedeShu shabdaH khe pauruSha.n nR^iShu || 8||\newline%@


\indent ##\hspace{1in}## puNyo gandhaH pR^ithivyA.n cha tejashchAsmi vibhAvasau |
\indent ##\hspace{1in}## jIvana.n sarvabhUteShu tapashchAsmi tapasviShu || 9||\newline%@

mhaNauni udakIM rasu| kAM pavanIM jo sparshu| shashisUryIM jo prakAshu| to mIchi jANa || 33||
taisAchi naisargiku shuddhu| mI pR^ithvIchyA ThAyIM gaMdhu| gaganIM mI shabdu| vedIM praNavu || 34||
narAchyA ThAyIM naratva| jeM ahaMbhAviye sattva| teM pauruSha mI heM tattva| bolijata ase || 35||
agni aiseM AhAcha| teja nAmAcheM Ahe kavacha| teM parateM keliyA sAcha| nijateja teM mI || 36||
ANi nAnAvidha yonI| janmoni bhUteM tribhuvanIM| vartata AhAti jIvanIM| ApulAlyA || 37||
ekeM pavaneMchi pitI| ekeM tR^iNAstava jitI| ekeM annAdhAreM rAhatI| jaLeM ekeM || 38||
aiseM bhUtAMprati AnAna| jeM prakR^itivasheM dise jIvana| teM AghavAThAyIM abhinna| mIchi eka || 39||

\indent ##\hspace{1in}## bIja.n mA.n sarvabhUtAnA.n viddhi pArtha sanAtanam.h |
\indent ##\hspace{1in}## buddhirbuddhimatAmasmi tejastejasvinAmaham.h || 10||\newline%@


\indent ##\hspace{1in}## bala.n balavatA.n chAha.n kAmarAgavivarjitam.h |
\indent ##\hspace{1in}## dharmAviruddho bhUteShu kAmo.asmi bharatarShabha || 11||\newline%@

paiM Adicheni avasareM| virUDhe gaganAcheni aMkureM| je aMtIM giLI axareM| praNavapIThIMchIM || 40||
jaMva hA vishvAkAru ase| taMva jeM vishvAchisArikheM dise| maga mahApraLayadashe| kaiseMhI navhe || 41||
aiseM anAdi jeM sahaja| teM mI gA vishvabIja| heM  hAtAtaLIM tuja| de{i}jata ase || 42||
maga ughaDa karUni pAMDavA| jaiM he ANisIla sAMkhyAchiyA gAMvA| taiM yayAchA upegu baravA| dekhashIla || 43||
parI he aprAsaMgika AlApa| AtAM asatu na boloM saMxepa| jANa tapiyAMchyA ThAyIM tapa| teM rUpa mAjheM || 44||
baLiyAMmAjIM baLa| teM mI jANeM aDhaLa| buddhimaMtIM kevaLa| buddhi teM mI || 45||
bhUtAMchyA ThAyIM kAmu| to mI mhaNe AtmArAmu| jeNeM arthAstava dharmu| thoru hoya || 46||
eRhavIM vikArAcheni paise| karI kIra iMdriyAMchi aiseM| parI dharmAsi vekhAseM| jAvoM nedI || 47||
jo apravR^ittIchA avhAMTA| sAMDUni vidhIchiyA nighe vATA| tevIMchi niyamAchA divaTA| saveM chAle || 48||
kAmu aisiyA vojA pravarte| mhaNauni dharmAsi hoya purateM| moxatIrthIMche mukteM| saMsAra bhogI || 49||
jo shrutigauravAchyA mAMDavIM| kAma sR^iShTIchA velu vADhavI| jaMva karmaphaLeMsi pAlavI| apavargIM TeMke || 50||
aisA niyuta kAM kaMdarpu| jo bhUtAM yA bIjarUpu| to mI mhaNe bApu| yogiyAMchA || 51||
heM ekeka kitI sAMgAveM| AtAM vastujAtachi AghaveM| majapAsUni jANAveM| vikAraleM ase || 52||

\indent ##\hspace{1in}## ye chaiva sAttvikA bhAvA rAjasAstAmasAshcha ye |
\indent ##\hspace{1in}## matta eveti tAnviddhi na tvaha.n teShu te mayi || 12||\newline%@

je sAttvika hana bhAva| kAM rajatamAdi sarva| teM mamarUpasaMbhava| voLakheM tUM || 53||
he jAle tarI mAjhyA ThAyIM| parI tayAmAjIM mI nAhIM| jaisI svapnIMchyA DohIM| jAgR^iti na buDe || 54||
jaisI rasAchIcha sughaTa| bIjakaNikA ghanavaTa| parI tiyestava hoya kAShTha| aMkuradvAreM || 55||
maga tayA kAShThAchyA ThAyIM| sAMga pAM bIjapaNa ase kA{}I \?| taisA mI vikArIM nAhIM| jarI vikAralA dise || 56||
paiM gaganIM upaje AbhALa| parI tetha gagana nAhIM kevaLa| athavA AbhALIM hoya salila| tetha abhra nAhIM || 57||
maga tyA udakAcheni AvesheM| pragaTaleM teja jeM lakhalakhIta dise| tiye vijUmAjIM ase| salila kAyI \? || 58||
sAMgeM agnIstava dhUma hoye| tiye dhUmIM kAya agni Ahe \?| taisA vikAru hA mI noheM| jarI vikAralA ase || 59||

\indent ##\hspace{1in}## tribhirguNamayairbhAvairebhiH sarvamida.n jagat.h |
\indent ##\hspace{1in}## mohita.n nAbhijAnAti mAmebhyaH paramavyayam.h || 13||\newline%@

parI udakIM jAlI bAbuLI| te udakAteM jaisI jhAMkoLI| kAM vAyAMchi AbhALIM| AkAsha lope || 60||
hAM gA svapna laTikeM mhaNoM ye| pari nidrAvasheM bANaleM hoye| taMva AThavu kAya deta  Ahe| ApaNapeyAM \? || 61||
heM aso DoLyAMcheM| DoLAMchi paDaLa rache| teNeM dekhaNeMpaNa DoLyAMche| na giLaje kAyI \? || 62||
taisI he mAjhIcha biMbalI| triguNAtmaka sA{u}lI| kIM majachi ADa voDavalI| javanikA jaisI || 63||
mhaNauni bhUteM mAteM neNatI| mAjhIMcha parI mI navhatI| jaisI jaLIMchi jaLIM na viratI| muktAphaLeM || 64||
paiM pR^ithvIyechA ghaTu kIje| saveMchi pR^ithvIsi miLe tarI meLavije| eRhavIM tochi agnisaMgeM sije| tarI vegaLA hoya || 65||
taiseM bhUtajAta sarva| he mAjhechi kIra avayava| pari mAyAyogeM jIva\-| dashe Ale || 66||
mhaNauni mAjhechi mI navhatI| mAjhechi maja noLakhatI| ahaMmamatAbhrAMtI| viShayAMdha jAle || 67||

\indent ##\hspace{1in}## daivI hyeShA guNamayI mama mAyA duratyayA |
\indent ##\hspace{1in}## mAmeva ye prapadyante mAyAmetA.n taranti te || 14||\newline%@

AtAM mahadAdi he mAjhI mAyA| utaroniyAM dhanaMjayA| mI ho{I}je heM AyA| kaiseni ye \? || 68||
jiye brahmAchaLAchA AdhADA| pahiliyA saMkalpajaLAchA ubhaDA| saveMchi mahAbhUtAMchA buDabuDA| sAnA AlA || 69||
je sR^iShTivistArAcheni vogheM| chaDhata kALakaLanecheni vegeM| pravR^ittinivR^ittIchIM tuMgeM| taTeM sAMDI || 70||
je guNaghanAcheni vR^iShTibhareM| bharalI mohAcheni mahApUreM| ghe{}Uni jAta nagareM| yamaniyamAMchIM || 71||
je dveShAchyA AvartIM dATata| matsarAche vaLase paData| mAjIM pramAdAdi taLapata| mahAmIna || 72||
jetha prapaMchAchIM vaLaNeM| karmAkarmAMchIM vobhANeM| varI taratAtI vosANeM| sukhaduHkhAMchIM || 73||
ratIchiyA beTA| AdaLatI kAmAchiyA lATA| jetha jIvaphena saMghaTA| saiMgha dise || 74||
ahaMkArAchiyA chaLiyA| vari madatrayAchiyA ukaLiyA| jetha viShayormIchyA AkaLiyA| ullALa ghetI || 75||
udayAstAche loMDhe| pADIta janmamaraNAche choMDhe| jetha pAMchabhautika buDabuDe| hotI jAtI || 76||
sammoha vibhrama mAse| giLitAtI dhairyAchIM AviseM| tetha devhaDe bhoMvata vaLase| aj~nAnAche || 77||
bhrAMtIcheni khaDuLeM| revale Astheche avagALeM| rajoguNAcheni khaLALeM| svargu gAje || 78||
tamAche dhArase vADa| sattvAcheM  sthirapaNa jADa| kiMbahunA he duvADa| mAyAnadI || 79||
paiM punarAvR^ittIcheni ubhaDeM| jhaLaMbatI satyalokIMche huDe| ghAyeM gaDabaDatI dhoMDe| brahmagoLakAche || 80||
tayA pANiyAcheni vahilepaNeM| ajhunI na dharitI vobhANeM| aisA mAyApUra hA kavaNeM| tarijela gA \? || 81||
yetha eka navalAvo| jo jo kIje taraNopAvo| to to apAvo| hoya teM eka || 82||
eka svayaMbuddhIchyA bAhIM| rigAle tayAMchI shuddhIchi nAhIM| eka jANiveche DohIM| garveMchi giLile || 83||
ekIM vedatrayAchiyA sAMgaDI| ghetalyA ahaMbhAvAchiyA dhoMDI| te madamInAchyA toMDIM| sagaLechi gele || 84||
ekIM vayasecheM jADa bAMdhale| maga manmathAchiye kAMse lAgale| te viShayamagarIM sAMDile| chaghaLUniyAM || 85||
AtAM vArdhak{}yAchyA taraMgA\-| mAjIM matibhraMshAchA jaraMgA| teNeM kavaLijatAtI paiM gA| chahUMkaDe || 86||
ANi shokAchA kaDA upaData| krodhAchyA AvartIM dATata| ApadAgidhIM chuMbijata| udhavalA ThAyIM || 87||
maga duHkhAcheni barabaTeM boMbale| pAThIM maraNAchiye reve revale| aise kAmAche kAMse lAgale| te gele vAyAM || 88||
ekIM yajanakriyechI peTI| bAMdhoni ghAtalI poTIM| te svargasukhAchyA kapATIM| shirakoni Thele || 89||
ekIM moxIM lAgAvayAchiyA AshA| kelA karmabAhyAMchA bharaMvasA| parI te paDile vaLasAM| vidhiniShedhAMchyA || 90||
jetha vairAgyAchI nAva na rige| vivekAchA tAgA na lage| vari kAMhIM taroM ye yogeM| tarI vipAya to || 91||
aiseM tarI jIvAchiye AMgavaNeM| iye mAyAnadIcheM taraNeM| heM kAsayAsArikheM bolaNeM| mhaNAveM pAM || 92||
jarI apathyashILA vyAdhI| kaLe sAdhUsI durjanAchI buddhI| kIM rAgI sAMDI riddhI| AlI sAMtI || 93||
jarI chorAM sabhA dATe| athavA mInAM gaLu ghoTe| nA tarI bheDA ulaTe| vivasI jarI || 94||
pADasa vAgura karAMDI| kAM muMgI meru volAMDI| tarI mAyechI pailathaDI| dekhatI jIva || 95||
mhaNauni gA paMDusutA| jaisI sakAmA na jiNavechi vanitA| tevIM mAyAmaya he saritA| na taraveM jIvAM || 96||
yetha ekachi lIlA tarale| je sarvabhAveM maja bhajale| tayAM ailIcha thaDI saraleM| mAyAjaLa || 97||
jayAM sad{}gurutArUM phuDeM| je anubhavAche kAMse gADhe| jayAM Atmanivedana tarAMDe| AkaLaleM || 98||
je ahaMbhAvAcheM vojheM sAMDunI| vikalpAchiyA jhuLakA chukA{u}nI| anurAgAchA nirutA ho{u}ni| pANiDhALu || 99||
jayA aik{}yAchiyA utArA| bodhAchA joDalA tArA| maga nivR^ittIchiyA paila tIrA| jheMpAvale je || 100||
te uparatIchyA vAMvIM selata| so.ahaMbhAvAcheni thAveM pelata| maga nighAle anakaLita| nivR^ittitaTIM || 101||
yeNeM upAyeM maja bhajale| te he mAjhI mAyA tarale| pari aise bhakta vipA{i}le| bahuvasa nAhIM || 102||

\indent ##\hspace{1in}## na mA.n duShkR^itino mUDhAH prapadyante narAdhamAH |
\indent ##\hspace{1in}## mAyayApahR^itaj~nAnA Asura.n bhAvamA{}shritAH || 15||\newline%@


\indent ##\hspace{1in}## chaturvidhA bhajante mA.n janAH sukR^itino.arjuna |
\indent ##\hspace{1in}## Arto jij~nAsurarthArthI j~nAnI cha bharatarShabha || 16||\newline%@

je bahutAM ekAM avhAMtaru| ahaMkArAchA bhUtasaMchAru| jAhalA mhaNauni visaru| AtmabodhAchA || 103||
te veLIM niyamAcheM vastra nAThave| puDhIla adhogatIchI lAja neNave| ANi karitAti jeM na karAveM| vedu mhaNe || 104||
pAheM pAM sharIrAchiyA gAMvA| jayAlAgIM Ale pAMDavA| to kAryArthu AghavA| sAMDUniyAM || 105||
iMdriyagrAmIMche rAjabidIM| ahaMmamatechiyA jalpavAdIM| vikArAMtarAMchi mAMdIM| meLavUniyAM || 106||
duHkhashokAMchyA ghA{I}M| mAriliyAchI sechi nAhIM| he sAMgAvayA kAraNa kA{I}| je grAsile mAyA || 107||
mhaNauni te mAteM chukale| aikA chaturvidha maja bhajale| jihIM Atmahita keleM| vADhateM gA || 108||
to pahilA Artu mhaNije| dusarA jij~nAsu bolije| tijA arthArthI jANije| j~nAniyA chauthA || 109||

\indent ##\hspace{1in}## teShA.n j~nAnI nityayuk{}ta ekabhaktirvishiShyate |
\indent ##\hspace{1in}## priyo hi j~nAnino.atyarthamaha.n sa cha mama priyaH || 17||\newline%@

tetha Artu to ArtIcheni vyAjeM| jij~nAsu to jANAvayAlAgIM bhaje| tijeni teNeM ichChije| arthasiddhi || 110||
maga chauthiyAchyA ThAyIM| kAMhIMchi karaNeM nAhIM| mhaNauni bhaktu eku pAhIM| j~nAniyA jo || 111||
je tayA j~nAnAcheni prakAsheM| phiTaleM bhedAbhedAMcheM kaDavaseM| maga mIchi jAhalA samaraseM| ANi bhaktuhI tevIMchi || 112||
pari ANikAMchiye diThI nAveka| jaisA sphaTikuchi AbhAse udaka| taisA j~nAnI navhe kautuka| sAMgatAM to || 113||
jaisA vArA kAM gaganIM vire| maga vArepaNa vegaLeM nure| tevIM bhakta he paija na sare| jarI aik{}yA AlA || 114||
jarI pavanu hAlavUni pAhije| tarI gaganAvegaLA dekhije| eRhavIM gagana to sahajeM| ase jaiseM || 115||
taiseM sharIrIM hana karmeM| to bhaktu aisA game| parI aMtarapratItidharme| mIchi jAhalA || 116||
ANi j~nAnAcheni ujiDalepaNeM| mI AtmA aiseM to jANeM| mhaNauni mIhI taiseMchi mhaNeM| uchaMbaLalA sAMtA || 117||
hAM gA jIvApailIkaDilIye khuNe| jo pAvoni vAvaroM jANeM| to dehAcheni vegaLepaNeM| kAya vegaLA hoya \? || 118||

\indent ##\hspace{1in}## udArAH sarva evaite j~nAnI tvAtmaiva me matam.h |
\indent ##\hspace{1in}## AsthitaH sa hi yuk{}tAtmA mAmevAnuttamA.n gatim.h || 18||\newline%@

mhaNauni ApulAlyA hitAcheni lobheM| maja AvaDe tohi bhakta jhoMbe| parI mIchi karI vAlabheM| aisA j~nAniyA eku || 119||
pAheM pAM dubhatayAchiyA AshA| jagachi dhenUsi karItase phAMsA| pari doreMvINa kaisA| vatsAchA baLI || 120||
kAM je tanumanuprANeM| teM ANika kAMhIMchi neNeM| dekhe tayAteM mhaNe| he mAya mAjhI || 21||
teM yeNeM mAneM ananyagatI| mhaNauni dhenuhI taisIchi prIti| yAlAgIM laxmIpatI| bolile sAcheM || 122||
heM aso maga mhaNitaleM| je kAM tuja sAMgitaleM| tehI bhakta bhale| paDhiyaMte AmhAM || 123||
pari jANoniyAM mAteM| je pAhoM visarale mAgauteM| jaiseM sAgarA ye{}Uni sariteM| muraDAveM TheleM || 124||
taisI aMtaHkaraNakuharIM janmalI| jayAchI pratItigaMgA maja mInalI| to mI he kAya bolI| phAra karUM \? || 125||
eRhavIM j~nAniyA jo mhaNije| to chaitanyachi kevaLa mAjheM| heM na mhaNAveM pari kAya kIje| na bolaNeM boloM || 126||

\indent ##\hspace{1in}## bahUnA.n janmanAmante j~nAnavAnmA.n prapadyate |
\indent ##\hspace{1in}## vAsudevaH sarvamiti sa mahAtmA sudurlabhaH || 19||\newline%@

je to viShayAMchI dATa jhADI\-| mAjIM kAmakrodhAMchIM sAMkaDIM| chukAvUni AlA pADIM| sadvAsanechiyA || 127||
maga sAdhusaMgeM subhaTA| ujU satkarmAchiyA vATA| apravR^ittIchA avhAMTA| DAvalUni || 128||
ANi janmashatAMchA vAhatavaNA| teviMchI AshechiyA na lechi vAhaNA| tetha phalahetUchA ugANA| kavaNu chALI || 129||
aisA sharIrasaMyogAchiye rAtI\-| mAjIM dhAMvatAM saDiyA AyatI| taMva karmaxayAchI pAhAtI| pAhAMTa jAlI || 130||
taisIcha gurukR^ipA ukhA ujaLalI| j~nAnAchI votapalI paDalI| tetha sAmyAchI R^iddhi ughaDalI| tayAchiye diThI || 131||
te veLIM jayAkaDe vAsa pAhe . te{}utA mIchi tayA eku Ahe| athavA nivAMta jarI rAhe| taRhI mIchi tayA || 132||
heM aso ANika kAMhIM| tayA sarvatra mIvAMchUni nAhIM| jaiseM sabAhya jaLa DohIM| buDAliyA ghaTA || 133||
taisA to majabhItarIM| mI tayA AMtubAherI| heM sAMgijela bolavarI| taiseM navhe || 134||
mhaNauni aso heM iyAparI| to dekhe j~nAnAchI vAkhArI| teNeM saMsaraleni karI| Apu vishva || 135||
heM samastahI shrIvAsudevo| aisA pratItirasAchA votalA bhAvo| mhaNauni bhaktAMmAjIM rAvo| ANi j~nAniyA tochi || 136||
jayAchiye pratItIchA vAkhArAM| pavADu hoya charAcharA| to mahAtmA dhanurdharA| durlabhu AthI || 137||
yera bahuta joDatI kirITI| jayAMchIM bhajaneM bhogAsAThIM| je AshAtimireM dR^iShTI| viShayAMdha jAle || 138||

\indent ##\hspace{1in}## kAmaistaistairhR^ij~nAnAH prapadyante.anyadevatAH |
\indent ##\hspace{1in}## ta.n ta.n niyamamAsthAya prakR^ityA niyatAH svayA || 20||\newline%@

ANi phaLAchiyA hAMvA| hR^idayIM kAmA jAlA rigAvA| kIM tayAchiye ghasaNI divA| j~nAnAchA gelA || 139||
aise ubhayatAM AMdhArIM paDale| mhaNauni pAsIMchi mAteM chukale| maga sarvabhAveM anusarale| devatAMtarAM || 140||
AdhIMcha prakR^itIche pA{i}ka| varI bhogAlAgIM taMva raMka| maga teNeM lolupatveM kautuka| kaiseni bhajatI || 141||
kavaNIM tiyA niyamabuddhi| kaisiyA hana upachArasamR^iddhi| kAM arpaNa yathAvidhi| vihita karaNeM || 142||

\indent ##\hspace{1in}## yo yo yA.n yA.n tanu.n bhaktaH shraddhayArchitumichchhati |
\indent ##\hspace{1in}## tasya tasyAchalA.n shraddhA.n tAmeva vidadhAmyaham.h || 21||\newline%@

paiM jo jiye devatAMtarIM| bhajAvayAchI chADa karI| tayAchI te chADa purI| puravitA mI || 143||
devodevIM mIchi pAhIM| hAhI nishchayo tyAsi nAhIM| bhAvo te te ThAyIM| vegaLA dharitI || 144||

\indent ##\hspace{1in}## sa tayA shraddhayA yuk{}tastasyArAdhanamIhate |
\indent ##\hspace{1in}## labhate cha tataH kAmAnmayaiva vihitAnhi tAn || 22||\newline%@

maga tiyA shraddhAyukta| tethiMcheM ArAdhana jeM uchita| teM siddhivarI samasta| varto lAge || 145||
aiseM jeNeM jeM bhAvije| teM phaLa teNeM pAvije| parI teMhI sakaLa nipaje| majachistava || 146||

\indent ##\hspace{1in}## antavattu phala.n teShA.n tad{}bhvatyalpamedhasAm.h |
\indent ##\hspace{1in}## devAndevayajo yAnti mad{}bhaktA yAnti mAmapi || 23||\newline%@

parI te bhakta mAteM neNatI| je kalpanebAherI na nighatI| mhaNauni kalpita phaLa pAvatI| aMtavaMta || 147||
kiMbahunA aiseM  jeM bhajana| teM saMsArAcheMchi sAdhana| yera phaLabhoga to svapna| nAvabharI dise || 148||
heM aso parauMte| maga ho kAM AvaDe teM| parI yajI jo devatAMteM| to devatvAsIchi ye || 149||
yera tanumanuprANI| je anusarale mAjheyAchi vAhaNIM| te dehAchyA nirvANIM| mIchi hotI || 150||

\indent ##\hspace{1in}## avyak{}ta.n vyak{}timApanna.n manyante mAmabuddhayaH |
\indent ##\hspace{1in}## para.n bhAvamajAnanto mamAvyayamanuttamam.h || 24||\newline%@

parI taiseM na karitI prANiye| vAyAM ApuliyA hitIM vANiye| jeM pohatAtI pANiyeM| taLahAtIMcheni || 151||
nAnA amR^itAchyA sAgarIM buDije| maga toMDA kAM vajramiThI pADije \?| ANi manIM tarI AThavije| thillarodakAteM \? || 152||
heM aiseM kAsayA karAveM| je amR^itIMhI rigoni marAveM| teM sukheM amR^ita ho{U}ni kAM nasAveM| amR^itAmAjIM \? || 153||
taisA phaLahetUchA pAMjarA| sAMDUniyAM dhanurdharA| kAM pratItipAkhIM chidaMbarA| gosAviyA nohAveM \? || 154||
jetha uMchAvaleni pavADeM| sukhAchA paisAru joDe| Apuleni suravADeM| uDoM ye aisA || 155||
tayA umapA mApa kAM suvAveM| maja avyaktA vyakta kAM mAnAveM| siddha asatAM kAM nimAveM| sAdhanavarI \? || 156||
parI hA bola AghavA| jarI vichArIjatase pAMDavA| tarI visheSheM yA jIvAM| na chojave gA || 157||

\indent ##\hspace{1in}## nAha.n prakAshaH sarvasya yogamAyAsamAvR^itaH |
\indent ##\hspace{1in}## mUDho.aya.n nAbhijAnAti loko mAmajamavyayam.h || 25||\newline%@

kAM je yogamAyApaDaLeM| he jAle AhAti AMdhaLe| mhaNauni prakAshAcheni dehabaLeM| na dekhatI mAteM || 158||
eRhavIM mI naseM aiseM| kAya vastujAta ase \?| pAheM pAM kaNava jaLa raseM\-| rahita Ahe \? || 159||
pavanu kavaNAteM na shivechi| AkAsha keM na samAyechi| heM aso eku mIchi| vishvIM AheM || 160||

\indent ##\hspace{1in}## vedAha.n samatItAni vartamAnAni chArjuna |
\indent ##\hspace{1in}## bhaviShyANi cha bhUtAni mA.n tu veda na kashchana || 26||\newline%@

yetheM bhUteM jiyeM atItalIM| tiyeM mIchi ho{U}ni ThelIM| ANi vartata AhAti jetulIM| tIMhI mIchi || 161||
kAM bhaviShyamANeM jiyeM hIM| tIMhIM majavegaLIM nAhIM| hA bolachi eRhavIM kAMhIM| hoya nA jAya || 162||
dorAchiyA sApAsI| DoMbA baDiyA nA gavhALA aisI| saMkhyA na karave koNhAsI| tevIM bhUtAMsi mithyatveM || 163||
mI aisA paMDusutA| anusyUtu sadA asatAM| yA saMsAra jo bhUtAM| to AneM boleM || 164||
tarI techi AtAM thoDIsI| goThI sAMgijela pariyesIM| jai ahaMkArA tanUMsIM| vAlabha paDileM || 165||

\indent ##\hspace{1in}## ichchhAdveShasatmutthena dva.ndvamohena bhArata |
\indent ##\hspace{1in}## sarvabhUtAni sa.nmoha.n sarge yAnti para.ntapa || 27||\newline%@

tetha ichChA he kumArI jAlI| maga te kAmAchiyA tAruNyA AlI| tetha dveSheMsIM mAMDilI| vaRhADika || 166||
tayA doghAMstava janmalA| aisA dvaMdvamoho jAlA| maga to AjeyAneM vADhavilA| ahaMkAreM || 167||
jo dhR^itIsI sadAM pratikULu| niyamAhI nAgave saLu| AshAraseM doMdilu| jAlA sAMtA || 168||
asaMtuShTIchiyA madirA| matta ho{U}ni dhanurdharA| viShayAMche vovarAM| vikR^itIshIM || 169||
teNeM bhAvashuddhIchiye vATe| vikhurale vikalpAche kAMTe| maga chirileM AvhAMTe| apravR^ittIche || 170||
teNeM bhUteM bhAMbAvalIM| mhaNauni saMsArAchiyA ADavAmAjIM paDilIM| maga mahAduHkhAchyA ghetalIM| dAMDe varI || 171||

\indent ##\hspace{1in}## yeShA.n tvantagata.n pApa.n janAnA.n puNyakarmaNAm.h |
\indent ##\hspace{1in}## te dva.ndvamohanirmuk{}tA bhajante mA.n dR^iDhavaratAH || 28||\newline%@

aise vikalpAche vAMyANe| kAMTe dekhoni saNANe| je matibhramAche pAsavaNeM| ghetIchinA || 172||
ujU ekaniShThechyA pA{u}lIM| ragaDUni vikalpAchiyA bhAlIM| mahApAtakAchI sAMDilI| aTavIM jihIM || 173||
maga puNyAche dhAMvA ghetale| ANi mAjhI javaLIka pAtale| kiMbahunA chukale| vATavadheyAM || 174||

\indent ##\hspace{1in}## jarAmaraNamokShAya mAmAshritya yatanti ye |
\indent ##\hspace{1in}## te brahma tadviduH kR^its{}namadhyAtma.n karma chAkhilam.h || 29||\newline%@

eRhavIM tarI pArthA| janmamaraNAchI nime kathA| aisiyA  prayat{}nAteM AsthA| viye jayAMchI || 175||
tayAM to prayat{}nuchi eke veLe| maga samagra parabrahmeM phaLe| jayA pikaleyA rasu gaLe| pUrNatechA || 176||
te veLIM kR^itakR^ityatA jaga bhare| tetha adhyAtmAcheM navalapaNa pure| karmAcheM kAma sare| virame mana || 177||
aisA adhyAtmalAbhu tayA| hoya gA dhanaMjayA| bhAMDavala jayA| udyamIM mI || 178||
tayAteM sAmyAchiye vADhI| aik{}yAchI  sAMde kuLavADI| tetha bhedAchiyA dubaLavADI| neNije tayA || 179||

\indent ##\hspace{1in}## sAdhibhUtAdhidaiva.n mA.n sAdhiyaj~na.n cha ye viduH |
\indent ##\hspace{1in}## prayANakAle.api cha mA.n te viduryuk{}tachetasaH || 30||\newline%@

\indent ##\hspace{1in}## AUM tatsaditi shrImad{}bhagavadgItAsUpaniShatsu brahmavidyAyA.n yogashAstre
\indent ##\hspace{1in}## shrIkR^iShNArjunasa.nvAde j~nAnavij~nAnayogo nAma saptamo.adhyAyaH || 7a ||\newline%@

jihIM sAdhibhUtA mAteM| pratItIcheni hAteM| dharUni adhidaivAteM| shivatale gA || 180||
jayA jANivecheni vegeM| mI adhiyaj~nuhI dR^iShTI rigeM| te tanUcheni viyogeM| viRhaye navhatI || 181||
eRhavIM AyuShyAcheM sUtra vighaDatAM| bhUtAMchI umaTe khaDADatA| kAya na maratayAchiyAhi chittA| yugAMtu nohe \? || 182||
parI neNoM kaise paiM gA| je jaDoni gele mAjhiyA AMgA| te prayANIMchiyA lagabagA| na sAMDitIcha mAteM || 183||
eRhavI tarIM jANa| aise je nipuNa| techi aMtaHkaraNa\-| yukta yogI || 184||
taMva iye shabdakupiketaLIM| noDavechi avadhAnAchI aMjuLI| je nAveka arjuna taye veLIM| mAgAMchi hotA || 185||
jetha tad{}brahmavAk{}yaphaLeM| jiye nAnArtharaseM rasALeM| bahakatAtI parimaLeM| bhAvAcheni || 186||
sahaja kR^ipAmaMdAniLeM| kR^iShNadrumAchI vachanaphaLeM| arjuna shravaNAchiye khoLe| avachita paDilIM || 187||
tiyeM prameyAchI ho kAM vaLalIM| kIM brahmarasAchyA sAgarIM chubukaLilIM| maga taisIchi kAM ghoLilIM| paramAnaMdeM || 188||
teNeM baravepaNeM nirmaLeM| arjunA unmeShAche DohaLe| ghetAti gaLALe| vismayAmR^itAche || 189||
tiyA sukhasaMpattI joDaliyA| maga svargA vAtI vAMkuliyA| hR^idayAchyA jIvIM gutakuliyA| hota AhAtI || 190||
aiseM varachilIchi baravA| sukha jAvoM lAgaleM phAvA| taMva rasasvAdAchiyA hAMvA| lAho kelA || 191||
jhaDakarI anumAnAcheni karataLeM| ghe{}Uni tiyeM vAk{}yaphaLeM| pratItimukhIM eke veLe| ghAlUM pAhe || 192||
taMva vichArAchiyA rasanA na dATatI| parI hetUchyA dashanIM na phuTatI| aiseM jANauni subhadrApatI| chuMbichinA || 193||
maga chamatkAralA mhaNe| iyeM jaLIMchIM mA tArAMgaNeM| kaisA jhakaviloM asalagapaNeM| axarAMcheni || 194||
iyeM padeM navhatI phuDiyA| gaganAchiyA ghaDiyA| yetha AmuchI mati buDAliyA| thAvo na nighe || 195||
vAMchUni jANAvayAchI keM goThI| aiseM jIvIM kalpUni kirITI| tiyA punarapi kelI dR^iShTI| yAdaveMdrA || 196||
maga vinavileM subhaTeM| hAM ho jI ye ekavATe| sAtahI padeM anuchChiShTeM| navaleM AhAtI || 197||
eRhavIM avadhAnAcheni vahilepaNeM| nAnA prameyAMcheM ugANeM| kAya shravaNAcheni AMgavaNeM| boMloM lAhAtI \? || 198||
parI taiseM heM nohechi devA| dekhilA axarAMchA meLAvA| ANi vismayAchiyA jIvA| vismayo jAlA || 199||
kAnAcheni gavAxadvAreM| bolAche rashmI abhyaMtareM| pAhenA taMva chamatkAreM| avadhAna ThakaleM || 200||
tevIMchi arthAchI chADa maja Ahe| teM sAMgatAMhI veLu na sAhe| mhaNauni nirUpaNa lavalAheM| kIjo devA || 201||
aisA mAgIla paDatALA ghe{u}nI| puDhAM abhiprAya dR^iShTI sUnI| tevIMchi mAjIM shira{u}nI| ArtI ApulI || 202||
kaisI pusatI pAheM pAM jANiva| bhiDechi tarI laMghoM nedIM shiMva| eRhavIM shrIkR^iShNa hR^idayAsi kheMva| devoM saralA || 203||
aho shrIgurUteM jaiM pusAveM| taiM yeNeM mAneM sAvadha ho{A}veM| heM ekachi jANeM AghaveM| savyasAchI || 204||
AtAM tayAcheM teM prashna karaNeM| varI sarvaj~na shrIharIcheM bolaNeM| saMjayo AvaDalepaNeM| sAMgaila kaiseM || 205||
tiye avadhAna dyAveM goThI| bolijela nITa maRhATI| jaisI kAnAche AdhIM diThI| upegA jAye || 206||
buddhIchiyA jibhA| bolAchA na chAkhatAM gAbhA| axarAMchiyA bhAMbA| iMdriyeM jitI || 207||
pahA pAM mAlatIche kaLe| ghrANAsi kIra vATale parimaLeM| pari varachilA baravA kA{i} DoLe| sukhiye navhatI \? || 208||
taiseM deshiyechiyA havAvA| iMdriyeM karitI rANivA| maga prameyAchiyA gAMvA| lesAM jA{i}je || 209||
aiseni nAgarapaNeM| bolu nime teM bolaNeM| aikA j~nAnadevo mhaNe| nivR^ittIchA || 210||
iti shrIj~nAnadevavirachitAyAM bhAvArthadIpikAyAM saptamodhyAyaH ||
%End of 07@
\bigskip\hrule\medskip
##
{\rm \Large
Encoded and proofread by
Chhaya Deo, Sharad Deo, and Vishwas Bhide.
Assisted by
Sunder Hattangadi, Joshi, and Shree Devi Kumar.}
\medskip\hrule\obeylines
{\rm Please send corrections to sanskrit at cheerful dot c om}
{\rm Last updated \today}
\end{document}