%@@1
% File name             : dn09.itx
%--------------------------------------------
% Text title            : Dnyaneshvari or Bhavarthadipika Chapter 9
% Author                : Sant Dnyaneshwar
% Language              : Marathi, Sanskrit
% Subject               : philosophy/hinduism/religion
% Description/comments  : 
% Transliterated by     : Vishwas Bhide vishwas_bhide@yahoo.com, santsahitya@yahoo.co.in, Sharad and Chhaya Deo
% Proofread by          : Vishwas Bhide vishwas_bhide@yahoo.com, santsahitya@yahoo.co.in, Sharad and Chhaya Deo
% Latest update         : June 20, 2005
% Send corrections to   : sanskrit at cheerful dot c om
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://sanskritdocuments.org
% http://sanskrit.bhaarat.com  See the document project
%-----------------------------------------------------
% The text is prepared by volunteers and is to be used for personal study
% and research.  The file is not to be copied or reposted for promotion of 
% any website or individuals or for commercial purpose without permission.
%        Please help to maintain respect for volunteer spirit.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=0pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dnyaneshvari or Bhavarthadipika Chapter 9 ..}##
\itxtitle{.. j~nAneshvarI bhAvArthadIpikA adhyAya 9 ..}##\endtitles ##
%Start of 09@
|| AUM shrI paramAtmane namaH ||
adhyAya navavA |
raajavidyaaraajaguhyayogaH |

tarI avadhAna ekaleM dIje| maga sarvasukhAsi pAtra ho{I}je| heM  pratij~nottara mAjheM| ughaDa aikA || 1||
parI prauDhI na boloM ho  jI| tumhAM sarvaj~nAMchyA samAjIM| deyAveM avadhAna he mAjhI| vinavaNI salagIchI || 2||
kAM je laLeyAMche laLe saratI| manorathAMche manoratha puratI| jarI mAhereM shrImaMteM hotI| tumhAM aisIM || 3||
tumache yA diThiveyAchiye voleM| sAsinnale prasannateche maLe| te sA{u}lI dekhoni loLeM| shrAMtu jI mI || 4||
prabhU tumhI sukhAmR^itAche Doho| mhaNauni AmhIM ApuliyA svechChA volAvo lAhoM| yethahI jarI salagI karUM bihoM| 
                                            tarI nivoM keM pAM \? || 5||
nAtarI bAlaka bobaDAM bolIM| kAM vAMkuDA vichukA pA{u}lIM| te choja karUni mA{u}lI| rijhe jevIM || 6||
tevIM tumhAM saMtAMchA paDhiyAvo| kaiseni tarI AmhAMvarI ho| yA bahuvA ALukiyA jI AhoM| salagI karIta || 7||
vAMchUni mAjhiye bolatiye yogyate| sarvaj~na bhavAdR^isha shrote| kAya dhaDyAvarI sArasvateM| paDhoM sikije || 8||
avadhArA AvaDe tesaNA dhuMdhuru| pari mahAtejIM na mirave kAya karUM| amR^itAchiyA tATIM vogarUM| aisI rasasoya kaiMchI \? || 9||
hAM ho himakarAsI viMjaNeM| kIM nAdApuDheM A{i}kavaNeM| leNiyAsI leNeM| heM kahIM AthI \? || 10||
sAMgA parimaLeM kAya turaMbAveM| sAgareM kavaNeM ThAyIM nAhAveM \?| heM gaganachi ADe AghaveM| aisA pavADu kaiMchA \? || 11||
taiseM tumacheM avadhAna dhAye| ANi tumhI mhaNA heM hoye| aiseM vak{}tR^itva kavaNA Ahe| jeNeM rijhA tumhI \? || 12||
tarI vishvapragaTitiyA gabhastI| kAya hAtivena na kIje AratI \?| kAM chuLodakeM ApAMpatI| arghyu nedije \? || 13||
prabhU tumhI maheshAchiyA mUrtI| ANi mI dubaLA archituseM bhaktI| mhaNauni bola jaRhI gaMgAvatI| taRhI svIkArAla kIM || 14||
bALaka bApAchiye tATIM rige| ANi bApAteMchi jeva{}UM lAge| kIM to saMtoShileni vegeM| mukhachi voDhavI || 15||
taisA mIM jarI tumhAMpratI| chAvaTI karItaseM bALamatI| tarI tumhI saMtoShije aisI jAtI| premAchI ase || 16||
ANi teNeM ApulepaNAcheni moheM| tumhIM saMta ghetale asA bahuveM| mhaNauni keliye salagIchA nohe| AbhAru tumhAM || 17||
aho tAnhayAcheM lAgatAM jhaTeM| teNeM adhikachi pAnhA phuTe| roSheM prema duNavaTe| paDhiyaMtayAcheni || 18||
mhaNauni maja leMkuravAcheni boleM| tumacheM kR^ipALUpaNa nidaileM| teM che{i}leM aiseM jI jANavaleM| yAlAgIM bolilo mIM || 19||
eRhavIM chAMdiNeM pikavijata Ahe chepaNIM \?| kIM vArayA ghApata Ahe vAhaNI \?| hAM ho gaganAsi gaMvasaNI |
                                               ghAlije kevIM \? || 20||
A{i}kA pANI vothijAveM na lage| navanItIM mAthulA na rige| tevIM lAjileM vyAkhyAna nige| dekhoni jayAteM || 21||
heM aso shabdabrahma jiye bAje| shabda  mAvaLaleyA nivAMtu nije| to gItArthu maRhAThiyA bolije| hA pADu  kA{I} \? || 22||
pari aisiyAhI maja dhiMvasA| to puDhati yAchi yekI AshA| je dhiTIMvA karUni bhavAdR^ishAM| paDhiyaMtayA ho{A}veM || 23||
tari AtAM chaMdrApAsoni nivaviteM| jeM amR^itAhUni jIvaviteM| teNeM avadhAneM kIjo vADhateM| manorathAM mAjhiyA || 24||
kAM jaiM diThivA tumachA varuShe| taiM sakaLArtha siddhi matI pike| eRhavIM koMbhelA unmeShu suke| jarI udAsa tumhI || 25||
sahajeM tarI avadhArA| vak{}tR^itvA avadhAnAchA hoya chArA| tarI doMdeM pelatI axarAM| prameyAchIM || 26||
artha bolAchI vATa pAhe| tetha abhiprAvochi abhiprAyAteM viye| bhAvAchA phulaurA hota jAye| mativarI || 27||
mhaNauni saMvAdAchA suvAvo DhaLe| taRhI hR^idayAkAsha sArasvateM voLe| ANi shrotA dushchitA tari vituLe| mAMDalA rasu || 28||
aho chaMdrakAMtu dravatA kIra hoye| pari te hAtavaTI chaMdrIM kIM Ahe| mhaNauni vaktA to vaktA nohe| shroteniviNa || 29||
pari AtAM AmuteM goDa karAveM| aiseM tAMduLIM kAyasA vinavAveM \?| sA{i}khaDiyAneM kA{i} prArthAveM| sUtradhArAteM \? || 30||
to kAya bAhuliyAMchiyA kAjA nAchavI \?| kIM Apuliye  jANivechI kaLA vADhavI| mhaNauni AmhAM yA ThevAThevI |
                                        kAya kAja || 31||
tavaM shrIgurU mhaNatI kA{i} jAhaleM| heM samastahI AmhAM pAvaleM| AtAM sAMgaiM jeM niropileM| nArAyaNeM || 32||
yetha saMtoShoni nivR^ittidAseM| jI jI mhaNauni ulhAseM| avadhArA shrIkR^iShNa aiseM| bolate jAhale || 33||

\indent ##\hspace{1in}## shrIbhagavAnuvAcha |
\indent ##\hspace{1in}## ida.n tu te guhyatama.n pravakShyAmyanasUyave |
\indent ##\hspace{1in}## j~nAna.n vij~nAnasahita.n yaj~nAtvA mokShyase.ashubhAt.h || 1||\newline%@

nAtari arjunA heM bIja| puDhatI sAMgijela tuja| jeM heM aMtaHkaraNIMcheM guja| jivAchiye || 34||
yeNeM mAneM jIvAcheM hiye phoDAveM| maga guja kAM pAM maja sAMgAveM \?| aiseM kAMhIM svabhAveM| kalpishI jarI || 35||
tarI pariyesI gA prAj~nA| tUM AsthechIcha saMj~nA| boliliye goShTIchI avaj~nA| neNasI karUM || 36||
mhaNauni gUDhapaNa ApuleM moDo| vari na bolaNeMhI bolAveM ghaDo| pari Amuchiye jIvIMcheM paDo| tujhyA jIvIM || 37||
agA thAnIM kIra dUdha gUDha| pari thAnAsIchi navhe kIM goDa| mhaNauni saro kAM sevitayAchI chADa| jarI ananyu miLe || 38||
muDAMhUni bIja kADhileM| maga nirvALaliye bhUmIM perileM| tari teM sAMDIvikhurIM geleM| mhaNoM ye kAyI \? || 39||
yAlAgIM sumanu ANi shuddhamatI| jo aniMdaku ananyagatI| paiM gA gaupyahI parI tayApratI| chAvaLije sukheM || 40||
tari prastuta AtAM guNIM ihIM| tUM vAMchUna ANika nAhIM| mhaNauni guja tarI tujhyA ThAyIM| lapa{U}M naye || 41||
AtAM kitI nAvAnAvA guja| mhaNatAM kAnaDeM vATela tuja| tarI j~nAna sAMgena sahaja| vij~nAneMsI || 42||
pari teMchi aiseni nivADeM| jaiseM bhesaLaleM khareM kuDeM| maga kADhije phADovADeM| pArakhUniyAM || 43||
kAM chAMchUcheni sAMDaseM| khAMDije paya pANI rAjahaMseM| tuja j~nAna vij~nAna taiseM| vAMTUni de{}UM || 44||
maga vArayAchiyA dhArasA| paDinnalA koMDA kAM nurechi jaisA| ANi kaNAMchA ApaisA| rAshivA joDe || 45||
taiseM jeM jANitaleyAsAThIM| saMsAra saMsArAchiye gAMThIM| lA{U}ni baisavI pATIM| moxashriyechyA || 46||

\indent ##\hspace{1in}## rAjavidyA rAjaguhya.n pavitramidamuttamam.h |
\indent ##\hspace{1in}## pratyakShAvagama.n dharmya.n susukha.n kartumavyayam.h || 2||\newline%@

je jANaNeyA AghaveyAMchyA gAMvIM| gurutvAchI AchArya padavI| jeM sakaLa guhyAMchA gosAvI| pavitrAM rAvo || 47||
ANi dharmAcheM nijadhAma| tevIMchI uttamAcheM uttama| paiM jayA yetAM nAhIM kAma| janmAMtarAcheM || 48||
moTakeM gurumukheM udaijata dise| ANi hR^idayIM svayaMbhachi ase| pratyaxa phAvoM lAge taiseM| ApaisayAchi || 49||
tevIMchi gA sukhAchyA pA{u}TIM| chaDhatAM ye{i}je jayAchyA bheTI| maga bheTalyA kIra miThI| bhogaNeMyAhI paDe || 50||
pari bhogAchiye elIkaDiliye mere| chitta ubheM TheleM sukhA bhare| aiseM sulabha ANi sopAreM| vari parabrahma || 51||
paiM gA ANikahI eka yAcheM| jeM hAtAM AliyA tarI na vache| ANi anubhavitAM kAMhI na veche| vari viTehi nA || 52||
yetha jarI tUM tarkikA| aisI hana ghesI shaMkA| nA yevaDhI vastu he lokAM| uralI keviM pAM \? || 53||
je ekottareyAchiyA vADhI| jaLatiye AgIM ghAlitI uDI| te anAyAseM svagoDI| sAMDitI kevIM \? || 54||
tarI pavitra ANi ramya| tevIMchi sukhopAya gamya| ANi svasukha parama dharmya| vari ApaNapAM joDe || 55||
aisA avaghAchi hA suravADu Ahe| tarI janA hAtIM keviM uroM lAhe| hA shaMkechA ThAvo kIra hoye| pari na dharAvI tuvAM || 56||

\indent ##\hspace{1in}## ashraddadhAnAH puruShA dharmasyAsya para.ntapa |
\indent ##\hspace{1in}## aprApya mA.n nivartante mR^ityusa.nsAravartmani || 3||\newline%@

pAhe pAM dUdha pavitra ANi goDa| pAsI tvachechiyA padarA{A}Da| pari teM avherUni gochiDa| ashuddha kAya na sevitI \? || 57||
kAM kamalakaMdA ANi dardurIM| nAMdaNUka ekechi gharIM| pari parAgu sevije bhramarIM| yerAM chikhaluchi ure || 58||
nAtarI nidaivAchyA parivarIM| lohyA rutaliyA AhAti sahasravarI| pari tetha baisoni upavAsu karI| kAM daridreM jiye || 59||
taisA hR^idayAmadhyeM mI rAmu| asatAM sarvasukhAchA ArAmu| kIM bhrAMtAsI kAmu| viShayAvarI || 60||
bahu mR^igajaLa dekhoni DoLAM| thuMkije amR^itAchA giLitAM gaLALA| toDilA parisu bAMdhilA gaLAM| shuktikAlAbheM || 61||
taisI ahaMmamatechiye lavaDasavaDI| mAteM na pavatIchi bApuDIM| mhaNauni janmamaraNAchI duthaDIM| DahuLiteM ThelIM || 62||
eRhavIM mI tarI kaisA| mukhAprati bhAnu kAM jaisA| kahIM dise na dise aisA| vANIchA nohe || 63||

\indent ##\hspace{1in}## mayA tatamida.n sarva.n jagadavyak{}tamUrtinA |
\indent ##\hspace{1in}## matsthAni sarvabhUtAni na chAha.n teShvavasthitaH || 4||\newline%@

mAjheyA vistAralepaNA nAMveM| heM jagachi nohe AghaveM \?| jaiseM dUdha murAleM svabhAveM| tari teMchi dahIM || 64||
kAM bIjachi jAhaleM taru| athavA bhAMgArachi aLaMkAru| taisA maja ekAchA vistAru| teM heM jaga || 65||
heM avyaktapaNeM thijaleM| teMchi maga vishvAkAreM vothijaleM| taiseM amUrtamUrti miyAM vistAraleM| trailok{}ya jANeM || 66||
mahadAdi dehAMteM| iyeM asheSheMhI bhUteM| parI mAjhyA ThAyIM biMbateM| jaiseM jaLIM pheNa || 67||
pari tayA pheNAMAMtu pAhatAM| jevIM jaLa na dise paMDusutA| nAtarI svapnIMchI anekatA| che{i}liyA nohije || 68||
taisIM bhUteM iyeM mAjhyA ThAyIM| biMbatI tayAMmAjIM mI nAhIM| iyA upapattI tuja pAhIM| sAMgitaliyA mAgAM || 69||
mhaNauni boliliyA bolAchA atiso| na kIje yAlAgIM heM aso| parI maja AMta paiso| diThI tujhI || 70||

\indent ##\hspace{1in}## na cha matsthAni bhUtAni pashya me yogamaishvaram.h |
\indent ##\hspace{1in}## bhUtabhR^inna cha bhUtastho mamAtmA bhUtabhAvanaH || 5||\newline%@

AmuchA prakR^itIpailIkaDIla bhAvo| jarI kalpanevINa lAgasI pAhoM| tarI majamAjIM bhUteM heMhI vAvo |
                                             jeM mI sarva mhaNaunI || 71||
eRhavIM saMkalpAchiye sAMjaveLe| nAveka timirejatI buddhIche DoLe| mhaNauni akhaMDitachi pari jhAMvaLe |
                                           bhUtabhinna aiseM dekhe || 72||
techi saMkalpAchI sAMja jaiM lope| taiM akhaMDitachi Ahe svarUpeM| jaiseM shaMkA jAtakheMvo lope| sApapaNa mALecheM || 73||
eRhavIM tarI bhUmI{A}MtUni svayaMbha| kAya ghaDeyAgADageyAche nighatI koMbha \?| pari te kulAlamatIche garbha| umaTale kIM || 74||
nAtarI sAgarIMchyA pANI| kAya taraMgAchiyA AhAtI khANI \?| te avAMtara karaNI| vArayAchI navhe \? || 75||
pAheM pAM kApasAchyA poTIM| kAya kApaDAchI hotI peTI \?| to veDhitayAchiyA diThI| kApaDa jAhalA || 76||
jarI soneM leNeM ho{u}nI ghaDe| tarI tayAcheM soneMpaNa na moDe| yera aLaMkAra he varachilIkaDe| letayAcheni bhAveM || 77||
sAMgeM paDisAdAchIM pratyuttareM| kAM ArisAM jeM AviShkareM| teM ApaleM kIM sAchokAreM| tetheMchi hoteM \? || 78||
taisI iye nirmaLe mAjhyA svarUpIM| jo bhUtabhAvanA AropI| tayAsI tayAchyA saMkalpIM| bhUtAbhAsu ase || 79||
techi kalpitI prakR^itI pure| tari bhUtAbhAsu AdhIMchi sare| maga svarUpa ure ekasareM| nikhaLa mAjheM || 80||
heM aso AMgIM bharaliyA bhavaMDI| jaishA bhoMvata disatI araDIdaraDI| taishI ApuliyA kalpanA akhaMDIM| gamatI bhUteM || 81||
techi kalpanA sAMDUni pAhIM| tari mI bhUtIM bhUteM mAjhiyA ThAyIM| heM svapnIMhI pari nAhIM| kalpAvayAjogeM || 82||
AtAM mIcha eka bhUtAMteM dhartA| athavA bhUtAMmAjIM mI asatA| yA saMkalpasannipAtA\-| AMtuliyA boliyA || 83||
mhaNauni pariyesI gA priyottamA| yAparI mI vishveMsIM vishvAtmA| jo iyA laTakiyA bhUtagrAmA| bhAvyu sadA || 84||
rashmIcheni AdhAreM jaiseM| navhe teMchi mR^igajaLa AbhAse| mAjhyA ThAyIM bhUtajAta taiseM| ANi mAteMhIM bhAvI || 85||
mI ye parIchA bhUtabhAvanu| pari sarva bhUtAMsi abhinnu| jaisI prabhA ANi bhAnu| ekachi te || 86||
hA AmuchA aishvaryayogu| tuvAM dekhilA kIM chAMgu \?| AtAM sAMge kAMhIM etha lAgu| bhUtabhedAchA ase \? || 87||
yAlAgIM majapAsUni bhUteM| AneM navhatI heM niruteM| ANi bhUtAMvegaLiyA mAteM| kahIMcha na manIM ho \! || 88||

\indent ##\hspace{1in}## yathAkAshasthito nitya.n vAyuH sarvatrago mahAn |
\indent ##\hspace{1in}## tathA sarvANi bhUtAni matsthAnItyupadhAraya || 6||\newline%@

paiM gagana jevaDheM jaiseM| pavanuhi gaganIM tevaDhAchi ase| sahajeM hAlaviliyA vegaLA dise| eRhavIM gagana teMchi to || 89||
taiseM bhUtajAta mAjhyA ThAyIM| kalpije tarI AbhAse kAMhIM| nirvikalpIM tarI nAhIM| tetha mIchi mI AghaveM || 90||
mhaNauni nAhIM ANi ase| heM kalpanecheni sauraseM| jeM kalpanAlopeM bhraMshe| ANi kalpanesaveM hoya || 91||
teMchi kalpiteM muddala jAye| taiM ase nAhIM heM keM Ahe \?| mhaNauni puDhatI tUM pAhe| hA aishvaryayogu || 92||
aisiyA pratItibodhasAgarIM| tUM ApaNeyAteM kalloLu eka karIM| maga jaMva pAhAsI charAcharIM| taMva tUMchi AhAsI || 93||
yA jANaNeyAchA chevo| tuja AlA nA \? mhaNatI devo| tarI AtAM dvaita svapna vAvo| jAleM kIM nA \? || 94||
tarI puDhatI jarI vipAyeM| buddhIsI kalpanechI jhoMpa ye| tarI abhedabodhu jAye| jaiM svapnIM paDije || 95||
mhaNauni ye nidrechI vATa moDe| nikhaLa ud{}bodhAcheMchi ApaNapeM ghaDe| aiseM varma jeM Ahe phuDeM| teM  dAvoM AtAM || 96||
tarI dhanurdharA dhairyA| nikeM avadhAna de{I}M bA dhanaMjayA| paiM sarva bhUtAMteM mAyA| karI harI gA || 97||

\indent ##\hspace{1in}## sarvabhUtAni kaunteya prakR^iti.n yAnti mAmikAm.h |
\indent ##\hspace{1in}## kalpakShaye punastAni kalpAdau visR^ijAmyaham.h || 7||\newline%@

jiye nAMva gA prakR^itI| je dvividhA sAMgitalI tujapratI| ekI aShTadhA bhedavyaktI| dujI jIvarUpA || 98||
hA prakR^itIvikho AghavA| tuvAM mAgAM parisilAsI pAMDavA| mhaNauni aso kA{I} sAMgAvA| puDhatapuDhatI || 99||
tarI ye mAjhiye prakR^itI| mahAkalpAchyA aMtIM| sarva bhUteM avyaktIM| aikyAsi yetI || 100||
grIShmAchyA atirasIM| sabIjeM tR^iNeM jaisIM| mAgutI bhUmIsI| sulIneM hotIM || 101||
kAM vArShiye DheMDheM phiTe| jevhAM shAradIyechA anughaDu phuTe| tevhAM ghanajAta ATe| gaganIMche gaganIM || 102||
nAtarI AkAshAche khoMpe| vAyu nivAMtuchi lope| kAM taraMgatA hArape| jaLIM jevIM || 103||
athavA jAginaliye veLe| svapna manIMcheM manIM mAvaLe| taiseM prAkR^ita prakR^itIM miLe| kalpaxayIM || 104||
maga kalpAdIM puDhatI| mIchi sR^ijIM aisI vadaMtI| tarI iyeviShayIM nirutI| upapattI A{i}ka || 105||

\indent ##\hspace{1in}## prakR^iti.n svAmavaShTAbhya visR^ijAmi punaH punaH |
\indent ##\hspace{1in}## bhUtagrAmamima.n kR^its{}namavasha.n prakR^itervashAt.h || 8||\newline%@

tarI hechi prakR^itI kirITI| mI svakIyA sahajeM adhiShThIM| tetha  taMtUsamavAya paTI| jeMvi viNAvaNI dise || 106||
maga tiye viNAvaNIcheni AdhAreM| lahAnA chaukaDiyA paTatva bhare| taisIM paMchAtmakeM AkAreM| prakR^itIchi hoya || 107||
jaiseM virajaNiyAcheni saMgeM| dUdhachi ATejoM lAge| taishI prakR^itI AMgA rige| sR^iShTIpaNAchiyA || 108||
bIja jaLAchI javaLIka lAhe| ANi teMchi shAkhopashAkhIM hoye| taiseM maja karaNeM Ahe| bhUtAMcheM heM || 109||
agA nagara heM rAyeM keMleM| yA mhaNaNayA sAchapaNa kIra AleM| pari niruteM pAhatAM kAya siNaleM| rAyAche hAta \? || 110||
ANi mI prakR^itI adhiShThIM teM kaiseM| jaisA svapnIM jo ase| maga tochi praveshe| jAgR^itAvasthe || 111||
tarI svapnauni jAgR^itI yetAM| kAya pAya dukhatI paMDusutA| kIM svapnAmAjIM asatAM| pravAsu hoya \? || 112||
yA AghaviyAchA abhiprAvo kAyI| je heM bhUtasR^iShTIcheM kAMhIM| maja ekahI karaNeM nAhIM| aisAchi arthu || 113||
jaisI rAyeM adhiShThilI prajA| vyApAreM ApulAliyA  kAjA| taisA prakR^itisaMgu hA mAjhA| yera karaNeM teM iyecheM || 114||
pAhe pAM pUrNachaMdrAchiye bheTI| samudrIM apAra bharateM dATI| tetha chaMdrAsi kAya kirITI| upakhA paDe \? || 115||
jaDa pari javaLikA| loha chaLe tarI chaLo kAM| tari kavaNu shINu bhrAmakA| sannidhAnAchA \? || 116||
kiMbahunA yAparI| mI nijaprakR^iti aMgikArIM| ANi bhUtasR^iShTI ekasarI| prasavoMchi lAge || 117||
jo hA bhUtagrAmu AghavA| ase prakR^itI{A}dhIna pAMDavA| jaisI bIjAchiyA velapAlavA| samartha bhUmI || 118||
nAtarI bALAdikAM vayasA| gosAvI dehasaMgu jaisA| athavA ghanAvaLI AkAshA| vArShiye jevIM || 119||
kAM svapnAsi kAraNa nidrA| taisI prakR^itI he nareMdrA| yA asheShAhi bhUtasamudrA| gosAviNI gA || 120||
sthAvarA ANi jaMgamA| sthULA athavA sUxmA| he aso bhUtagrAmA| prakR^itichi mULa || 121||
mhaNauni bhUteM hana sR^ijAvIM| kAM sR^ijilIM pratipALAvIM| iyeM karaNIM na yetI AghavIM| AmuchiyA AMgA || 122||
jaLIM chaMdrikechiyA pasaratI velI| te vADhI chaMdreM nAhIM vADhavilI| teviM mAteM pAvoni ThelIM| dUrI karmeM || 123||

\indent ##\hspace{1in}## na cha mA.n tAni karmANi nibadhnanti dhana.njaya |
\indent ##\hspace{1in}## udAsInavadAsInamasak{}ta.n teShu karmasu || 9||\newline%@

ANi suTaliyA siMdhujaLAchA loTu| na shake dharUM saiMdhavAchA ghATu| teviM sakaLa karmA mIchi shevaTu |
                           tIM kAya bAMdhatI mAteM \? || 124||
dhUmrarajAMchI piMjarIM| vAjatiyA vAyUteM jarI hokArI| kAM sUryabiMbAmAjhArIM| AMdhAreM shire \? || 125||
heM aso parvatAchiye hR^idayIMcheM| jeviM parjanyadhArAstava na khoMcheM| teviM karmajAta prakR^itIcheM| na lage maja || 126||
eRhavIM iye prakR^itivikArIM| eku mIchi ase avadhArIM| pari udAsInAchiyA parI| karIM nA karavIM || 127||
jaisA dIpu ThevilA parivarIM| kavaNAteM niyamI nA nivArI| ANi kavaNa kavaNiye vyApArIM| rAhATe teMhi neNeM || 128||
to jaisA kAM sAxibhUtu| gR^ihavyApArapravR^ittihetu| taisA bhUtakarmIM anAsaktu| mI bhUtIM aseM || 129||
hA ekachi abhiprAvo puDhatapuDhatI| kAya sAMgoM bahutAM upapattI| yetha ekaheLAM subhadrApatI| yetuleM jANa pAM || 130||

\indent ##\hspace{1in}## mayAdhyakSheNa prakR^itiH sUyate sacharAcharam.h |
\indent ##\hspace{1in}## hetunAnena kaunteya jagadviparivartate || 10||\newline%@

je lokacheShTAM samastAM| jaisA nimittamAtra kAM savitA| taisA jagatprabhavIM paMDusutA| hetu mI jANeM || 131||
kAM jeM miyAM adhiShThiliyA prakR^itI| hotI charAcharAchiyA saMbhUtI| mhaNauni mI hetu he upapattI| ghaDe yayA || 132||
AtAM yeNeM ujivaDeM niruteM| nyAhALIM pAM aishvaryayogAteM| je mAjhyA ThAyIM bhUteM| parI bhUtIM mI naseM || 133||
athavA bhUteM nA mAjhyA ThAyIM| ANi bhUtAMmAjIM mI nAhIM| yA khuNA tUM kahIM| chukoM nako || 134||
heM sarvasva AmucheM gUDha| pari dAvileM tuja ughaDa| AtAM iMdriyAM de{}Uni kavADa| hR^idayIM bhogIM || 135||
hA daMshu jaMva naye hAtAM| taMva mAjheM sAchokArapaNa pArthA| na saMpaDe gA sarvathA| jeviM tuShIM kaNu || 136||
eRhavIM anumAnAcheni paiseM| AvaDe kIra kaLaleM aiseM| pari mR^igajaLAcheni volAMsheM| kAya bhUmi time \? || 137||
jeM jALa jaLIM pAMgileM| tetha chaMdrabiMba dise AMtuDaleM| pari thaDiye kADhUni jhADileM| tevhAM biMba keM sAMgaiM \? || 138||
taiseM bolavarI vAchAbaLeM| vAyAMchi jhakavijatI pratItIcheM DoLe| maga sAchokAreM bodhAveLe| Athi nA ho{i}je || 139||

\indent ##\hspace{1in}## avajAnanti mA.n mUDhA mAnuShI.n tanumAshritam.h |
\indent ##\hspace{1in}## para.n bhAvamajAnanto mama bhUtamaheshvaram.h || 11||\newline%@

kiMbahunA bhavA bihAyA| ANi sAcheM chADa Athi jarI miyAM| tari tUM gA upapattI iyA| jatana kIje || 140||
eRhavIM diThI vedhalI kavaLeM| taiM chAMdaNiyAteM mhaNe piMvaLeM| teMviM mAjhyA svarUpIM nirmaLeM| dekhatI doSha || 141||
nAtarI jvareM viTALaleM mukha| teM dudhAteM mhaNe kaDU vikha| teviM amAnuShA mAnuSha| mAnitI mAteM || 142||
mhaNauni puDhatapuDhatI dhanaMjayA| jhaNeM visaMbasI yA abhiprAyA| je iyA sthUladR^iShTI vAyAM| jA{i}jela gA || 143||
paiM sthUladR^iShTI dekhatI mAteM| teMchi na dekhaNeM jANa niruteM| jaiseM svapnIMcheni amR^iteM| amarA nohije || 144||
eRhavIM sthUladR^iShTI mUDha| mAteM jANatI kIra dR^iDha| pari teM jANaNechi jANaNeyA ADa| rigoni ThAke || 145||
jaisA naxatrAchiyA AbhAsA\-| sAThIM ghAtu jhAlA tayA haMsA| mAjIM ratnabuddhIchiyA AshA| rigoniyAM || 146||
sAMgaiM gaMgA yA buddhI mR^igajaLa| ThAkoni AliyAcheM kavaNa phaLa| kAya surataru mhaNauni bAbuLa| sevilI karI \? || 147||
hAra niLayAchAchi dusarA| yA buddhI hAtu ghAtalA vikhArA| kAM rat{}neM mhaNauni gArA| veMchi jeMvIM || 148||
athavA nidhAna heM pragaTaleM| mhaNauni khadirAMgAra khoLe bharile| kAM sA{u}lI neNatAM ghAtaleM| kuhA siMheM || 149||
tevIM mI mhaNauni prapaMchIM| jihIM buDI didhalI kR^itanishchayAchI| tihIM chaMdrAsAThIM jevIM jaLIMchI| pratibhA dharilI || 150||
taisA kR^itanishchayo vAyAM gelA| jaisA koNhI eku kAMjI pyAlA| maga pariNAma pAhoM lAgalA| amR^itAchA || 151||
taiseM sthUlAkArI nAshivaMteM| bharaMvasA bAMdhoni chitteM| pAhatI maja avinAshAteM| tarI kaiMchA diseM \? || 152||
AgA kA{I} pashchimasamudrAchiyA taTA| nighijata Ahe pUrviliyA vATA| kAM koMDA kAMDatAM subhaTA| kaNu AtuDe \? || 153||
taiseM vikAraleM heM sthULa| jANitale yA mI jANavataseM kevaLa| kA{I} pheNa pitAM jaLa| sevileM hoya \? || 154||
mhaNauni mohileMni manodharmeM| heMchi mI mAnUni saMbhrameM| maga yethiMchI jiyeM janmakarmeM| tiyeM majachi mhaNatI || 155||
yetuleni anAmA nAma| maja akriyAsi karma| videhAsi dehadharma| AropitI || 156||
maja AkArashUnyA AkAru| nirupAdhikA upachAru| maja vidhivarjitA vyavahAru| AchArAdika || 157||
maja varNahInA varNu| guNAtItAsi guNu| maja acharaNA charaNu| apANiyA pANI || 158||
maja ameyA mAna| sarvagatAsI sthAna| jaiseM sejemAjIM vana| nidelA dekhe || 159||
taiseM ashravaNA shrotra| maja achaxUsI netra| agotrA gotra| arUpA rUpa || 160||
maja avyaktAsI vyaktI| anArtAsI ArtI| svayaMtR^iptA tR^iptI| bhAvitI gA || 161||
maja anAvaraNA prAvaraNa| bhUShaNAtItAsi bhUShaNa| maja sakaLa kAraNA kAraNa| dekhatI te || 162||
maja sahajAteM karitI| svayaMbhAteM pratiShThitI| niraMtarAteM AvhAnitI| visarjitI gA || 163||
mI sarvadA svataHsiddhu| to kIM bALa taruNa vR^iddhu| maja ekarUpA saMbaMdhu| jANatI aise || 164||
maja advaitAsi dujeM| maja akartayAsi kAjeM| mI abhoktA kIM bhuMjeM| aiseM mhaNatI || 165||
maja akuLAcheM kuLa vAnitI| maja nityAcheni nidhaneM shiNatI| maja sarvAMtarAteM kalpitI| ari mitra gA || 166||
mI svAnaMdAbhirAmu| tayA maja aneka sukhAMchA kAmu| AghavAchi mI ase samu| kIM mhaNatI ekadeshI || 167||
mI AtmA eka charAcharIM| mhaNatI ekAchA kaiMpaxa karIM| ANi koponi ekAteM mArIM| heMchi vADhavitI || 168||
kiMbahunA aiseM samasta| je he mAnuShadharma prAkR^ita| tayAchi nAMva mI aiseM viparIta| j~nAna tayAMcheM || 169||
jaMva AkAru eka puDhAM dekhatI| taMva hA deva yeNeM bhAveM bhajatI| maga tochi vighaDaliyA TAkitI| nAhIM mhaNauni || 170||
mAteM yeNeM yeNeM prakAreM| jANatI manuShya aiseni AkAreM| mhaNauni j~nAnachi teM AMdhAreM| j~nAnAsi karI || 171||

\indent ##\hspace{1in}## moghAshA moghakarmANo moghaj~nAnA vichetasaH |
\indent ##\hspace{1in}## rAkShasImAsurI.n chaiva prakR^iti.n mohinI.n shritAH || 12||\newline%@

yAlAgIM janmalechi te mogha| jaiseM vArShiyevINa megha| kAM  mR^igajaLAche taraMga| durUnIchi pAhAveM || 172||
athavA kolherIche asivAra| nAtarI voDaMbarIche aLaMkAra| kIM gaMdharvanagarIche AvAra| AbhAsatI kAM || 173||
sAbarI vADhinnalyA saraLA| varI phaLa nA AMtu pokaLA| kAM stana jAle gaLAM| sheLiye jaiseM || 174||
taiseM mUrkhAcheM tayA jiyAleM| ANi dhig karma tayAMcheM nipajaleM| jaiseM sAbarI phaLa AleM| ghepe nA dIje || 175||
maga jeM kAMhIM te paDhinnale| teM markaTeM nAraLa toDile| kAM AMdhaLyA hAtIM paDileM| motIM jaiseM || 176||
kiMbahunA tayAMchIM shAstreM| jaishIM kumArIM hAtIM didhalIM shastreM| kAM ashauchyA maMtreM| bIjeM kathilIM || 177||
taiseM j~nAnajAta tayAM| ANi jeM kAMhIM AcharaleM gA dhanaMjayA| teM AghaveMchi geleM vAyAM| jeM chittahIna || 178||
paiM tamoguNAchI rAxasI| je sad{}buddhIteM grAsI| vivekAchA ThAvochi pusI| nishAcharI je || 179||
tiye prakR^itI varapaDe jAle| mhaNauni chiMtecheni kapoleM gele| vari tAmasIyechiye paDile| mukhAmAjIM || 180||
jetha Ashechiye lALe| AMtu hiMsA jIbha loLe| tevIMchi asaMtoShAche chAkaLe| akhaMDa chaghaLI || 181||
je anarthAche kAnaverI| AvALuveM chATIta nighe bAherI| je pramAdaparvatIMchI darI| sadAchi mAtalI || 182||
jetha dveShAchiyA dADhA| khasakhasAM j~nAnAchA karitI ragaDA| je agastI gavasaNI mUDhAM| sthUla buddhi || 183||
aise Asuriye prakR^itIche toMDIM| je jAle gA bhUtoMDIM| te buDoni gele kuMDIM| vyAmohAchyA || 184||
evaM tamAchiye paDile garteM| na pavijatIchi vichArAcheni hAteM| heM aso te gele jetheM| te shuddhIchi nAhIM || 185||
mhaNauni asotu iyeM vAyANIM| kAyashIM mUrkhAMchIM bolaNIM| vAyAM vADhavitAM vANI| shiNela hana || 186||
aiseM bolileM deveM| tetha jI jI mhaNitaleM pAMDaveM| A{i}keM jetha vAchA visave| te sAdhukathA || 187||

\indent ##\hspace{1in}## mahAtmAnastu mA.n pArtha daivI.n prakR^itImAshritAH |
\indent ##\hspace{1in}## bhajantyananyamanaso j~nAtvA bhUtAdimavyayam.h || 13||\newline%@

tarI jayAche chokhaTe mAnasIM| mI ho{U}ni aseM xetrasaMnyAsI| jayA nijeliyAteM upAsI| vairAgya gA || 188||
jayAchiyA AsthechiyA sad{}bhAvA| AMtu dharma karI rANivA| jayAcheM mana olAvA| vivekAsI || 189||
je j~nAnagaMge nAhAle| pUrNatA je{}Uni dhAle| je shAMtIsI Ale| pAlava nave || 190||
je pariNAmA nighAle koMbha| je dhairyamaMDapAche staMbha| je AnaMdasamudrIM kuMbha| chubakaLoni bharile || 191||
jayA bhaktIchI yetulI prAptI| je kaivalyAteM parauteM sara mhaNatI| jayAMchiye lIlemAjIM nIti| jiyAlI dise || 192||
je AghavAMchi karaNIM| le{I}le shAMtIchIM leNIM| jayAMcheM chitta gavasaNI| vyApakA maja || 193||
aiseM je mahAnubhAva| daiviye prakR^itIcheM daiva| je jANoniyAM sarva| svarUpa mAjheM || 194||
maga vADhateni premeM| mAteM bhajatI je mahAtme| pari dujepaNa manodharmeM| shivataleM nAhIM || 195||
aiseM mIcha ho{U}ni pAMDavA| karitI mAjhI sevA| pari navalAvo to sAMgAvA| ase A{i}ka || 196||

\indent ##\hspace{1in}## satata.n kirtayanto mA.n yatantashcha dR^iDhavratAH |
\indent ##\hspace{1in}## namasyantashcha mA.n bhaktyA nityayuk{}tA upAsate || 14||\newline%@

tarI kIrtanAcheni naTanAche| nAshile vyavasAya prAyashchittAche| jeM nAmachi nAhIM pApAcheM| aiseM keleM || 197||
yamadamA avakaLA ANilI| tIrtheM ThAyAvarUni uThavilIM| yamalokIMchI khuMTilI| rAhATI AghavI || 198||
yamu mhaNe kAya yamAveM| damu mhaNe kavaNAteM damAveM| tIrtheM mhaNatIM kAya khAveM| doSha okhadAsi nAhIM || 199||
aiseM mAjheni nAmaghoSheM| nAhIMchi karitI vishvAchIM duHkheM| avagheM jagachi mahAsukheM| dumadumita bharaleM || 200||
te pAhAMTevINa pAhAvita| amR^iteMvINa jIvavita| yogeMvINa dAvita| kaivalya DoLAM || 201||
parI rAyA raMkA pADa dharUM| neNatI sAneyAM thorAM kaDasaNI karUM| ekasareM AnaMdAcheM AvAru| hota jagA || 202||
kahIM ekAdheni vaikuMThA jAveM| teM tihIM vaikuMThachi keleM AghaveM| aiseM nAmaghoShagauraveM| dhavaLaleM vishva || 203||
tejeM sUrya taiseM sojvaLa| pari tohi astave heM kiDALa| chaMdra saMpUrNa ekhAde veLa| he sadA purate || 204||
megha udAra parI vosare| mhaNauni upamesI na pure| he niHshaMkapaNeM sapAMkhare| paMchAnana || 205||
jayAMche vAchepuDhAM bhojeM| nAma nAchata ase mAjheM| jeM janmasahasrIM voLagije| ekaveLa yAvayA || 206||
to mI vaikuMThIM naseM| veLu eka bhAnubiMbIMhI na diseM| varI yogiyAMchIMhI mAnaseM| umaraDoni jAya || 207||
parI tayAMpAshIM pAMDavA| mI hArapalA giMvasAvA| jetha nAmaghoShu baravA| karitI mAjhA || 208||
kaise mAjhyA guNIM dhAle| deshakAlAteM visarale| kIrtaneM sukhI jhAle| ApaNapAMchi || 209||
kR^iShNa viShNu hari goviMda| yA nAmAche nikhaLa prabaMdha| mAjI AtmacharchA vishada| udaMDa gAtI || 210||
he bahu aso yAparI| kIrtita mAteM avadhArIM| eka vicharatI charAcharIM| paMDukumarA || 211||
maga ANika te arjunA| sAviyA bahuvA jatanA| paMchaprANa manA| pADhA{U} ghe{}unI || 212||
bAherI yamaniyamAMchI kAMTI lAvilI| AMtu vajrAsanAchI pauLI pannAsilI| varI prANAyAmAchIM mAMDilIM| 
                                     vAhAtIM yaMtreM || 213||
tetha ulhATa shaktIcheni ujivaDeM| mana pavanAcheni suravADeM| satarAviyecheM pANiyADeM| baLiyAvileM || 214||
tevhAM pratyAhAreM khyAtI kelI| vikArAMchI sapilI bohalIM| iMdriyeM bAMdhoni ANilI| hR^idayA{A}Mtu || 215||
taMva dhAraNAvAru dATinnale| mahAbhUtAMteM ekavaTileM| maga chaturaMga sainya nivaTileM| saMkalpAcheM || 216||
tayAvarI jaita re jaita| mhaNauni dhyAnAcheM nishANa vAjata| dise tanmayAcheM jhaLakata| ekaChatra || 217||
pAThIM samAdhIshriyechA ashekhA| AtmAnubhava rAjyasukhA| paTTAbhiSheku dekhA| samaraseM jAhalA || 218||
aiseM heM gahana| arjunA mAjheM bhajana| AtAM aikeM sAMgena| je karitI eka || 219||
tarI donhI pAlavaverI| jaisA eka taMtU aMbarIM| taisA mIvAMchUni charAcharIM| jANatI nA || 220||
Adi brahmA karUnI| shevaTIM mashaka dharUnI| mAjI samasta heM jANoni| svarUpa mAjheM || 221||
maga vADa dhAkuTeM na mhaNatI| sajIva nirjIva neNatI| dekhiliye vastu ujU luMTitI| mIchi mhaNauni || 222||
ApuleM uttamatva nAThave| puDhIla yogyAyogya neNave| ekasareM vyaktimAtrAcheni nAMveM| namUMchi AvaDe || 223||
jaiseM uMchIM udaka paDileM| te taLavaTavarI ye ugeleM| taiseM namije bhUtajAta dekhileM| aisA svabhAvochi tayAMchA || 224||
kAM phaLaliyA tarUchI shAkhA| sahajeM bhUmIsI utare dekhA| taiseM jIvamAtrAM ashekhAM| khAlAvatI te || 225||
akhaMDa agarvatA ho{U}ni asatI| tayAMchI vinaya hechi saMpattI| je jayajaya maMtreM arpitI| mAjhyAchi ThAyIM || 226||
namitAM mAnApamAna gaLAle| mhaNauni avachitAM mIchi jahAle| aise niraMtara misaLale| upAsitI || 227||
arjunA he guruvI bhaktI| sAMgitalI tujapratI| AtAM j~nAnayaj~neM yajitI| te bhakta A{i}keM || 228||
pari bhajana karitI hAtavaTI| tUM jANata AhAsi kirITI| je mAgAM iyA goShTI| keliyA AmhIM || 229||
taMva Athi jI arjuna mhaNe| heM daivikiyA prasAdAcheM karaNeM| tari kAya amR^itAcheM ArogaNeM| pure mhaNave \? || 230||
yA bolA shrI{a}naMteM| lAgaTA dekhileM tayAMteM| kIM sukhAvaleni chitteM| Dolatu ase || 231||
mhaNe bhaleM keleM pArthA| eRhavIM hA anavasaru sarvathA| pari bolavitase AsthA| tujhI mAteM || 232||
taMva arjuna mhaNe he kAyI| chakoreMvINa chAMdaNeMchi nAhIM| jagachi nivavije hA tayAchyA ThAyIM| svabhAvo kIM jI || 233||
yereM chakoreM tiye Apuliye chADe| chAMchU karitI chaMdrAkaDe| tevIM AmhI vinavUM teM thokaDeM| devo kR^ipAsiMdhu || 234||
jI meghu Apuliye prauDhI| jagAchI ArtI davaDI| vAMchUni chAtakAchI tAhAna kevaDhI| to varShAvo pAhunI \? || 235||
pari chuLA ekAchiyA chADe| jevIM gaMgeteMchi ThAkaNeM paDe| tevIM Arta bahu kAM thoDe| tarI sAMgAveM deveM || 236||
tetheM deveM mhaNitaleM rAheM| jo saMtoShu AmhAM jAhalA Ahe| tayAvarI stuti sAhe| aiseM uraleM nAhIM || 237||
paiM parisatu AhAsi nikiyAparI| teMchi vak{}tR^itvA vaRhADIka karI| aiseM puraskaroni shrIharI| AdarileM boloM || 238||

\indent ##\hspace{1in}## j~nAnayaj~nena chApyanye yajanto mAmupAsate |
\indent ##\hspace{1in}## ekatvena pR^ithak{}tvena bahudhA vishvatomukham.h || 15||\newline%@

tarI j~nAnayaj~nu to evaM rUpu| tetha AdisaMkalpu hA yUpu| mahAbhUteM maMDapu| bhedu to pashu || 239||
maga pAMchAMche je visheSha guNa| athavA iMdriyeM ANi prANa| hechi yaj~nopachArabharaNa| aj~nAna ghR^ita || 240||
tetha manabuddhIchiyA kuMDA| AMtu j~nAnAgni dhaDaphuDA| sAmya techi suhADA| vedikA jANeM || 241||
savivekamatipATava| techi maMtra vidyAgaurava| shAMti sruk\-sruva| jIvu yajvA || 242||
to pratItIcheni pAtreM| vivekamahAmaMtreM| j~nAnAgnihotreM| bhedu nAshI || 243||
tetha aj~nAna saroni jAye| ANi yajitA yajana heM ThAye| AtmasamarasIM nhAye| avabhR^ithIM jevhAM || 244||
tevhAM bhUteM viShaya karaNeM| heM vegaLAleM kAMhIM na mhaNe| AghaveM ekachi aiseM jANeM| Atmabuddhi || 245||
jaisA che{i}lA to arjunA| mhaNe svapnIMchI he vichitra senA| mIchi jAhAloM hotoM nA| nidrAvasheM \? || 246||
AtAM senA te senA navhe| heM mIcha eka AghaveM| aiseM ekatveM mAnaveM| vishva tayAM || 247||
maga to jIvu he bhASha sare| Abrahma paramAtmabodheM bhare| aise bhajatI j~nAnAdhvareM| ekatveM yeNeM || 248||
athavA anAdi heM aneka| jeM AnAsArikheM ekA eka| ANi nAmarUpAdika| teMhI viShama || 249||
mhaNauni vishva bhinna| pari na bhede tayAcheM j~nAna| jaise avayava tari Ana Ana| pari ekechi dehIMche || 250||
kAM shAkhA sAniyA thorA| pari AhAti ekAchiyA taruvarA| bahu rashmi pari dinakarA| ekAche jevIM || 251||
tevIM nAnAvidhA vyaktI| AnAneM nAmeM AnAnI vR^ittI| aiseM jANatI bhedalAM bhUtIM| abhedA mAteM || 252||
yeNeM vegaLAlepaNeM pAMDavA| karitI j~nAnayaj~nu baravA| je na bhedatI jANivA| jANate mhaNauni || 253||
nA tarI jedhavAM jiye ThAyIM| dekhatI kAM jeM jeM kAMhIM| teM mIvAMchUni nAhIM| aisAchi bodhu || 254||
pAheM pAM buDabuDA je{}utA jAye| te{}uteM jaLachi eka tayA Ahe| maga vire athavA rAhe| taRhI jaLAchimAjIM || 255||
kAM pavaneM paramANu uchalale| te pR^ithvIpaNAvegaLe nAhIM kele| ANi mAghaute jarI paDale| tarI pR^ithvIchivarI || 256||
taiseM bhalatetha bhalateNeM bhAveM| bhalateMhI ho athavA nohAveM| pari teM mI aiseM AghaveM| ho{U}ni Thele || 257||
agA he jevhaDI mAjhI vyAptI| tevhaDIchi tayAMchI pratItI| aiseM bahudhAkArIM vartatI| bahuchi ho{u}ni || 258||
heM bhAnubiMba AvaDe tayA| sanmukha jaiseM dhanaMjayA| taise te vishvA yayA| samora sadA || 259||
agA tayAMchiyA j~nAnA| pAThI poTa nAhIM arjunA| vAyu jaisA gaganA| sarvAMgIM ase || 260||
taisA mI jetulA AghavA| teMchi tuka tayAMchiyA sad{}bhAvA| tarI na karitAM pAMDavA| bhajana jahAleM || 261||
eRhavIM tarI sakaLa mIchi AheM| tarI kavaNIM keM upAsilA noheM \?| etha ekeM jANaNevINa ThAye| aprAptAsI || 262||
pari teM aso yeNeM uchiteM| j~nAnayaj~neM yajitasAMte| upAsitI mAteM| te sAMgitaleM || 263||
akhaMDa sakaLa heM sakaLAM mukhIM| sahaja arpata ase maja ekIM| kIM neNaNeM yAsAThIM mUrkhIM| na pavijechi mAteM || 264||

\indent ##\hspace{1in}## aha.n kraturaha.n yaj~naH svadhAhamahamauShadham.h |
\indent ##\hspace{1in}## mantro.ahamahamevAjyamahamagniraha.n hutam.h || 16||\newline%@

tochi jANivechA jarI udayo hoye| tarI muddala vedu mIchi AheM| ANi to vidhAnAteM jayA viye| to kratuhI mIchi || 265||
maga tayA karmApAsUni baravA| jo sAMgopAMgu AghavA| yaj~nu prakaTe pAMDavA| tohI mI gA || 266||
svAhA mI svadhA| somAdi auShadhI vividhA| Ajya mI samidhA| maMtru mI havi || 267||
hotA mI havana kIje| tetha agnI to svarUpa mAjheM| ANi hutaka vastu jeM jeM| tehI mIchi || 268||

\indent ##\hspace{1in}## pitAhamasya jagato mAtA dhAtA pitAmahaH |
\indent ##\hspace{1in}## vedya.n pavitramo.nkAra R^iksAma yajureva cha || 17||\newline%@

paiM jayAcheni aMgasaMgeM| iye prakR^itIstava aShTAMgeM| janma pAvijata ase jageM| to pitA mI gA || 269||
ardhanArInaTeshvarIM| jo puruSha tochi nArI| tevIM mI charAcharIM| mAtAhI hoya || 270||
ANi jAhAle jaga jetha rAhe| jeNeM jIvita vADhata Ahe| teM mI vAMchUni nohe| Ana niruteM || 271||
iyeM prakR^itipuruSheM donhIM| upajalIM jayAchiyA amanamanIM| to pitAmaha tribhuvanIM| vishvAchA mI || 272||
ANi AghaveyA jANaNeyAchiyA vATA| jayA gAMvA yetI gA subhaTA| vedAMchiyA chohaTAM| vedya jeM mhaNije || 273||
jetha nAnAmatAM bujhAvaNI jAhAlI| ekamekAM shAstrAMchI anoLakhI phiTalI| chukalIM j~nAneM jetha miLoM AlIM |
                                      jeM pavitra mhaNije || 274||
paiM brahmabIjA jAhalA aMkuru| ghoShadhvanInAdAkAru| tayAcheM gA bhuvana jo AUMkAru| tohI mI gA || 275||
jayA AUMkArAchiye kushIM| axareM hotIM a{}u{}makAreMsIM| jiyeM upajata vedeMsIM| uThalIM tinhIM || 276||
mhaNauni R^igyajuHsAmu| he tInhI mhaNe mI AtmArAmu| evaM mIchi kulakramu| shabdabrahmAchA || 277||

\indent ##\hspace{1in}## gatirbhartA prabhuH sAkShI nivAsaH sharaNa.n suhR^it.h |
\indent ##\hspace{1in}## prabhavaH pralayaH sthAna.n nidhAna.n bIjamavyayam.h || 18||\newline%@

heM charAchara AghaveM| jiye prakR^itI AMta sAMThave| te shiNalI jetha visave| te paramagatI mI || 278||
ANi jayAcheni prakR^iti jiye| jeNeM adhiShThilI vishva viye| jo ye{}Uni prakR^itI iye| guNAteM bhogI || 279||
to vishvashriyechA bhartA| mIchi gA etha paMDusutA| mI gosAvI ase samastA| trailok{}yAchA || 280||
AkAsheM sarvatra vasAveM| vAyUneM nAvabharI uge nasAveM| pAvakeM dAhAveM| varShAveM jaLeM || 281||
parvatIM baisakA na saMDAvI| samudrIM rekhA nolAMDAvI| pR^ithvIyA bhUteM vAhAvIM| he Aj~nA mAjhI || 282||
myAM bolivilyA vedu bole| myAM chAlavilyA sUryu chAle| myAM hAlavilyA prANu hAle| jo jagAteM chALitA || 283||
miyAMchi niyamilAsAMtA| kALu grAsitase bhUtAM| iyeM mhaNiyAgateM paMDusutA| sakaLeM jayAchIM || 284||
jo aisA samarthu| to mI jagAchA nAthu| ANi gaganA{ai}sA sAxibhUtu| tohI mIchi || 285||
ihIM nAmarUpIM AghavA| jo bharalA ase pAMDavA| ANi nAmarUpAMchAhI volhAvA| ApaNachi jo || 286||
jaise jaLAche kalloLa| ANi kalloLIM AthI jaLa| aiseni vasavItase sakaLa| to nivAsu mI || 287||
jo maja hoya ananya sharaNa| tyAcheM nivArI mI janmamaraNa| yAlAgIM sharaNAgatA sharaNya| mIchi eku || 288||
mIchi eka anekapaNeM| vegaLAleni prakR^itIguNeM| jIta jagAcheni prANeM| vartata aseM || 289||
jaisA samudra thillara na mhaNatAM| bhalatetha biMbe savitA| taisA brahmAdi sarvA bhUtAM| suhR^ida to mI || 290||
mIchi gA pAMDavA| yA tribhuvanAsi volAvA| sR^iShTixayaprabhavA| mULa teM mI || 291||
bIja shAkhAMteM prasave| maga teM rUkhapaNa bIjIM sAmAve| taiseM saMkalpeM hoya AghaveM| pAThIM saMkalpIM miLe || 292||
aiseM jagAcheM bIja jo saMkalpu| avyakta vAsanArUpu| tayA kalpAMtIM jetha nixepu| hoya teM sthAna mI || 293||
iyeM nAmarUpe loTatI| varNavyaktI ATatI| jAtIche bheda phiTatI| jaiM AkArU nAhIM || 294||
taiM saMkalpavAsanAsaMskAra| mAghauteM rachAvayA charAchara| jetha rAhoni asatI amara| teM nidhAna mI || 295||

\indent ##\hspace{1in}## tapAmyahamaha.n varSha.n nigR^ihNAmyutsR^ijAmi cha |
\indent ##\hspace{1in}## amR^ita.n chaiva mR^ityushcha sadasachchAhamarjuna || 19||\newline%@

mI sUryAcheni veSheM| tapeM taiM heM shoShe| pAThIM iMdra ho{U}ni varSheM| taiM puDhati bhare || 296||
agni kAShTheM khAye| teM kAShThachi agni hoye| taiseM marateM mAriteM pAheM| svarUpa mAjheM || 297||
yAlAgIM mR^ityUchyA bhAgIM jeM jeM| teMhI paiM rUpa mAjheM| ANi na marateM taMva sahajeM| mIchi AheM || 298||
AtAM bahu boloni sAMgAveM| teM ekiheLAM ghe pAM AghaveM| tarI satAsatahI jANAveM| mIchi paiM gA || 299||
mhaNauni arjunA mI naseM| aisA kavaNu ThAva ase \?| pari prANiyAMcheM daiva kaiseM| je na dekhatI mAteM \? || 300||
taraMga pANiyevINa sukatI| rashmi vAtIvINa na dekhatI| taise mIchi te mI navhatI| vismo dekheM || 301||
heM AMtabAhera miyAM koMdaleM| jaga nikhila mAjheMchi votileM| kIM kaiseM karma tayAM ADa AleM| jeM mIchi nAhIM mhaNatI \? || 302||
pari amR^itakuhAM paDije| kAM ApaNayAMteM kaDiye kADhije| aise AthI kAya kIje| aprAptAsI || 303||
grAsA ekA annAsAThIM| aMdhu dhAMvatAhe kirITI| ADhaLalA chiMtAmaNi pAyeM loTI| AMdhaLepaNeM || 304||
taiseM j~nAna jaiM sAMDUni jAye| taiM aisI he dashA Ahe| mhaNauni kIje teM keleM nohe| j~nAneMvINa || 305||
AMdhaLeyA garuDAche pAMkha AhAtI| te kavaNA upegA jAtI \?| taiseM satkarmAche upakhe ThAtI| j~nAneMvINa || 306||

\indent ##\hspace{1in}## traividyA mA.n somapAH pUtapApA yaj~nairiShTvA svargati.n prArthayante |
\indent ##\hspace{1in}## te puNyamAsAdya surendralokamashnanti divyAndivi devabhogAn || 20||\newline%@

dekha pAM gA kirITI| AshramadharmAchiyA rAhATI| vidhimArgAM kasavaTI| je ApaNachi hotI || 307||
yajana karitAM kautukeM| tihIM vedAMchA mAthA tuke| kriyA phaLeMsi ubhI ThAke| puDhAM jayAM || 308||
aise dIxita je somapa| je ApaNachi yaj~nAcheM svarUpa| tIMhIM tayA puNyAcheni nAMveM pApa| joDileM dekheM || 309||
shrutitrayAMteM jANonI| shatavarI yaj~na karunI| yajiliyA mAteM chukonI| svargA varitI || 310||
jaiseM kalpatarUtaLavaTIM| baisoni jhoLiye detase gAMThI| maga nidaiva nighe kirITI| dainyachi karUM || 311||
taise shatakratu yajileM mAteM| kIM IpsitAti svargasukhAteM| AtAM puNya kIM heM niruteM| pApa nohe \? || 312||
mhaNauni majavINa pAvije svargu| to aj~nAnAchA puNyamArgu| j~nAniye tayAteM upasargu| hAni mhaNatI || 313||
eRhavIM tarI narakIMcheM duHkha| pAvoni svargA nAma kIM sukha| vAMchUni nityAnaMda gA nirdokha| teM svarUpa mAjheM || 314||
maja yetAM paiM subhaTA| yA dvividhA gA AvhAMTA| svargu naraku yA vATA| chorAMchiyA || 315||
svargA puNyAtmakeM pApeM ye{i}je| pApAtmakeM pApeM narakA jA{i}je| maga mAteM jeNeM pAvije| teM shuddha puNya || 316||
ANi majachimAjIM asatAM| jeNeM mI duRhAveM paMDusutA| teM puNya aiseM mhaNatAM| jIbha na tuTe kA{}I \? || 317||
pari heM aso AtAM prastuta| aikeM yApari te dIxita| yajUni mAteM yAchita| svargabhogu || 318||
maga mI na pavije aiseM| jeM pAparUpa puNya ase| teNeM lAdhaleni sauraseM| svargA yetI || 319||
jetha amaratva heM siMhAsana| airAvatAsArikheM vAhana| rAjadhAnIbhuvana| amarAvatI || 320||
jetha mahAsiddhIMchIM bhAMDAreM| amR^itAchIM koThAreM| jiye gAMvIM khillAreM| kAmadhenUMchIM || 321||
jetha voLage deva pA{i}kA| saiMgha chiMtAmaNIchiyA bhUmikA| vinodavanavATikA| suratarUMchiyA || 322||
gaMdharva gAta gANIM| jetha raMbhe aisiyA nAchaNI| urvasI mukhya vilAsinI| aMtauriyA || 323||
madana voLage shejAreM| jetha chaMdra shiMpe sAMbareM| pavanA aise mhaNiyAre| dhAMvaNeM jetha || 324||
paiM bR^ihaspatI mukhya ApaNa| aise svastIshriyeche brAhmaNa| tATiyeche suragaNa| bahuvasa jetheM || 325||
lokapALa rAMgeche| rA{u}ta jiye padavIche| uchchaiHshravA khAMche| khoLaNiye || 326||
he aso bahu aise| bhoga iMdrasukhAsarise| te bhogijatI jaMva ase| puNyaleshu || 327||

\indent ##\hspace{1in}## te ta.n bhuk{}tvA svargaloka.n vishAla.n kShINe puNye martyaloka.n vishanti |
\indent ##\hspace{1in}## eva.n trayIdharmamanuprapannA gatAgata.n kAmakAmA labhante || 21||\newline%@

maga tayA puNyAchI pA{u}TI sare| saveMchi iMdrapaNAchI uTI utare| ANi ye{}UM lAgatI mAghAre| mR^ityulokA || 328||
jaisA veshyAbhogI kavaDA veMche| maga dArahI chepUM naye tiyecheM| taiseM lAjiravANeM dIxitAMcheM| kAya sAMgoM \? || 329||
evaM thitiyA mAteM chukale| jIMhIM puNyeM svarga kAmileM| tayAM amarapaNa teM vAvoM  jAleM| aMtIM mR^ityuloku || 330||
mAtechiyA udarakuharIM| pachUni viShTheechyA dAtharIM| ukaDUni navamAsavarI| janmajanmoni maratI || 331||
agA svapnIM nidhAna phAve| pari che{i}liyA hArape AghaveM| taiseM svargasukha jANAveM| vedaj~nAcheM || 332||
arjunA vedavida jaRhI jAhalA| tarI mAteM neNatA  vAyAM gelA| kaNu sAMDUni upaNilA| koMDA jaisA || 333||
mhaNauni maja ekeMviNa| he trayIdharma akAraNa| AtAM mAteM  jANoni kAMhIM neNa| tUM sukhiyA hosI || 334||

\indent ##\hspace{1in}## ananyAshchintayanto mA.n ye janAH paryupAsate |
\indent ##\hspace{1in}## teShA.n nityAbhiyuk{}tAnA.n yogakShema.n vahAmyaham.h || 22||\newline%@

paiM sarvabhAvesIM ukhiteM| je vopileM maja chitteM| jaisA garbhagoLu udyamAteM| koNAhI neNeM || 335||
taisA mIvAMchUni kAMhIM| ANIka gomaTeMchi nAhIM| majachi nAma pAhIM| jiNeMyA ThevileM || 336||
aise ananyagatikeM chitteM| chiMtitasAMteM mAteM| je upAsiti tayAMteM| mIchi sevIM || 337||
te ekavaTUni jiye xaNIM| anusarale gA mAjhiye vAhaNIM| tevhAMchi tayAMchI chiMtavaNI| majachi paDalI || 338||
maga tIMhIM jeM jeM karAveM| teM majachi paDileM AghaveM| jaisI ajAtapaxAcheni jIveM| paxiNI jiye || 339||
ApulI tahAna bhUka neNeM| tAnhayA nikeM teM mA{u}lIsIchi karaNeM| taiseM anusarale je maja prANeM| tayAMcheM sarva mI karIM || 340||
tayA mAjhiyA sAyujyAchI chADa| tari teMchi puravIM koDa| kAM sevA mhaNatI tarI ADa| prema sUyeM || 341||
aisA manIM jo jo dharitI bhAvo| to to puDhAM puDhAM lAge tayAM devoM| ANi didhaliyAchA nirvAho| tohI mIchi karIM || 342||
hA yogaxemu AghavA| tayAMchA majachi paDilA pAMDavA| jayAMchiyA sarvabhAvA| Ashrayo mI || 343||

\indent ##\hspace{1in}## ye.apyanyadevatA bhaktA yajante shraddhayAnvitAH |
\indent ##\hspace{1in}## te.api mAmeva kaunteya yajantyavidhIpUrvakam.h || 23||\newline%@

AtAM ANikahI saMpradAyeM| parI mAteM neNatI samavAyeM| jeM agni{}iMdrasUryasomAye| mhaNauni yajitI || 344||
tehI kIra  mAteMchi hoye| kAM jeM heM AghaveM mIchi AheM| pari te bhajatI ujarI navhe| viShama paDe || 345||
pAheM pAM shAkhA pallava rukhAcheM| he kAya navhatI ekAchi bIjAcheM \?| parI pANI gheNeM muLAcheM| teM muLIMchi ghApe || 346||
kAM dahAhI iMdriyeM AhAtI| iyeM jarI ekechi dehIMchIM hotI| ANi ihIM sevile viShayo jAtI| ekAchi ThAyIM || 347||
tari karoni rasasoya baravI| kAnIM kevIM bharAvI \?| phuleM ANoni bAMdhAvIM| DoLAM kevIM \? || 348||
tetha rasu to mukheMchi sevAvA| parimaLu to ghrANeMchi ghyAvA| taisA mI to yajAvA| mIchi mhaNauni || 349||
yera mAteM neNoni bhajana| teM vAyAMchi gA AneMAna| mhaNauni karmAche DoLe j~nAna| teM nirdoSha  ho{A}veM || 350||

\indent ##\hspace{1in}## aha.n hi sarvayaj~nAnA.n bhok{}tA cha prabhureva cha |
\indent ##\hspace{1in}## na tu mAmabhijAnti tattvenAtashchyavanti te || 24||\newline%@

eRhavIM pAhe pAM paMDusutA| yA yaj~nopahArAM samastAM| mIvAMchUni bhoktA| kavaNu Ahe \? || 351||
mI sakaLAM yaj~nAMchA Adi| ANi  yajanA yA mIchi avadhi| kIM mAteM chukoni durbuddhi| devAM bhajale || 352||
gaMgecheM udaka gaMgeM jaiseM| arpije devapitaroddesheM| mAjheM maja detI taiseM| pari AnAnIM bhAvI || 353||
mhaNauni te pArthA| mAteM na pavatIchi sarvathA| maga manIM vAhilI je AsthA| tetha Ale || 354||

\indent ##\hspace{1in}## yAnti devavratA devAnpitR^inyAnti pitR^ivratA |
\indent ##\hspace{1in}## bhUtAni yAnti bhUtejyA yAnti madyAjino.api mAm.h || 25||\newline%@

maneM vAchA karaNIM| jayAMchIM bhajaneM devAMchiyA vAhaNIM| te sharIra jAtiye xaNIM| devachi jAle || 355||
athavA pitarAMchIM vrateM| vAhatI jayAMchIM chitteM| jIvita saraliyA tayAMteM| pitR^itva varI || 356||
kAM xudradevatAdi bhUteM| tiyechi jayAMchi paramadaivateM| jihIM abhichArikIM tayAMteM| upAsileM || 357||
tayAM dehAchI javanikA phiTalI| ANi bhUtatvAchI prAptI jAhalI| evaM saMkalpavasheM phaLalIM| karmeM tayAM || 358||
maga mIchi DoLAM dekhilA| jihIM kAnIM mIchi aikilA| mIchi manIM bhavilA| vAnilA vAchA || 359||
sarvAMgIM sarvAMThAyIM| mIchi namaskarilA jihIM| dAnapuNyAdikeM jeM kAMhIM| teM mAjhiyAchi moharAM || 360||
jihIM mAteMchi adhyayana keleM| je AMtabAheri miyAMchi dhAle| jayAMcheM jIvitva joDaleM| majachilAgIM || 361||
je ahaMkAru vAhata AMgIM| AmhI harIche bhUShAvayAlAgIM| je lobhiye ekachi jagIM| mAjheni lobheM || 362||
je mAjheni kAmeM sakAma| je mAjheni premeM saprema| je mAjhiyA bhulI sabhrama| neNatI loka || 363||
jayAMchIM jANatI majachi shAstreM| mI joDeM jayAMcheni maMtreM| aiseM je cheShTAmAtreM| bhajale maja || 364||
te maraNA ailIchakaDe| maja miLoni gele phuDe| maga maraNIM ANikIkaDe| jAtIla kevIM \? || 365||
mhaNauni madyAjI je jAhAle| te mAjhiyAchi sAyujyA Ale| jihIM upachAramiSheM didhaleM| ApaNapeM maja || 366||
paiM arjunA mAjhe ThAyIM| ApaNapeMvINa saurasu nAhIM| mI upachAreM kavaNAhI| nAkaLeM gA || 367||
etha jANIva karI tochi neNeM| AthileMpaNa miravI teMchi uNeM| AmhI jAhaloM aiseM jo mhaNe| to kAMhIMchi navhe || 368||
athavA yaj~nadAnAdi kirITI| kAM tapeM hana je huTahuTI| te tR^iNA ekAsAThIM| na sare etha || 369||
pAheM pAM jANivecheni baLeM| koNhI vedAMpAsUni ase AgaLeM \?| kIM sheShAhUni toMDALeM| bolakeM AthI \? || 370||
tohI AMtharuNAtaLavaTIM daDe| yeru neti neti mhaNauni bahuDe| etha sanakAdika veDe| pise jAhale || 371||
karitAM tApasAMchI kaDasaNI| kavaNu javaLAM Thevije shULapANI| tohI abhimAnu sAMDUni pAyavaNI| mAthAM vAhe || 372||
nAtarI AthilepaNeM sarishI| kavaNI Ahe laxmiye aisI \?| shriyesArikhiyA dAsI| gharIM jiyeteM || 373||
tiyA kheLatAM karitI gharakulIM| tayAM nAmeM amarapureM jarI ThevilIM| tari na hotI kAya bAhulIM| iMdrAdika tayAMchIM \? || 374||
tiyA nAvaDoni jevhAM moDitI| tevhAM maheMdrAche raMka hotI| tiyA jhADA je{}ute pAhatI| te kalpavR^ixa || 375||
aisiyA jiyechiyA javaLikA| sAmarthya gharIMchiyA pA{i}kA| te laxmI mukhyanAyakA| na manechi etha || 376||
maga sarvasveM karUni sevA| abhimAnu sAMDUni pAMDavA| te pAya dhuvAvayAchiyA daivA| pAtra jAhAlI || 377||
mhaNauni thorapaNa paRhAM sAMDije| etha vyutpatti AghavI visarije| jaiM jagA dhAkuTeM ho{I}je| taiM javaLIka mAjhI || 378||
agA sahasrakiraNAMchiye diThI\-| puDhAM chaMdrahI lope kirITI| tetha khadyota kAM huTahuTI| Apuleni tejeM \? || 379||
taiseM laxmiyecheM thorapaNa na sare| jetha shaMbhUcheMhI tapa na pure| tetha yera prAkR^ita heMdareM| kevIM jANoM lAhe \? || 380||
yAlAgIM sharIrasAMDovA kIje| sakaLa guNAMcheM loNa utarije| saMpattimadu sAMDije| kuravaMDI karunI || 381||

\indent ##\hspace{1in}## patra.n puShpa.n phala.n toya.n yo me bhaktyA prayachchhati |
\indent ##\hspace{1in}## tadaha.n bhaktyupahR^itamashnAmi prayatAtmanaH || 26||\newline%@

maga nissImabhAva ulhAseM| maja arpAvayAcheni miseM| phaLa AvaDe taiseM| bhalatayAcheM ho || 382||
bhaktu mAjhiyAkaDe dAvI| ANi mI donhIM hAta voDavIM| maga deMThu na pheDitAM sevIM| AdareMshI || 383||
paiM gA bhaktIcheni nAMveM| phUla eka maja dyAveM| teM lekheM tari myAM turaMbAveM| pari mukhIMchi ghAlIM || 384||
heM aso kAyasIM phuleM| pAnachi eka AvaDe teM jAhaleM| teM sAjukahI na ho sukaleM| bhalataiseM || 385||
pari sarvabhAveM bharaleM dekheM| ANi bhukelA amR^iteM tokheM| taiseM patrachi pari teNeM sukheM| ArogUM lAgeM || 386||
athavA aiseMhIM eka ghaDe| je pAlAhI parI na joDe| tari udakAcheM taMva sAMkaDeM| navhela kIM \? || 387||
teM bhalatetha nimoleM| na joDitAM Ahe joDaleM| teMchi sarvasva karUni arpileM| jeNeM maja || 388||
teNeM vaikuMThAMpAsoni vishALeM| majalAgIM kelI rA{U}LeM| kaustubhAhoni nirmaLeM| leNIM didhalIM || 389||
dudhAchIM sejAreM| xIrAbdhI aisIM manohareM| majalAgIM apAreM| sR^ijilIM teNeM || 390||
karpUra chaMdana agaru| aiseyA sugaMdhAchA mahAmeru| maja hAtIvA lAvilA dinakaru| dIpamALe || 391||
garuDAsArikhIM vAhaneM| maja suratarUMchIM udyAneM| kAmadhenUMchIM godhaneM| arpilIM teNeM || 392||
maja amR^itAhUni suraseM| bonIM vogarilI bahuvaseM| aisA bhaktAMcheni udakalesheM| paritoSheM gA || 393||
heM sAMgAveM kAya kirITI| tuvAMchi dekhileM ApuliyA diThI| mI sudAmAchiyA soDIM gAMThIM| pavhayAMlAgIM || 394||
paiM bhakti ekI mI jANeM| tetha sAneM thora na mhaNe| AmhI bhAvAche pAhuNe| bhalateyA || 395||
yera patra puShpa phaLa| heM bhajAvayA misa kevaLa| vAMchUni AmuchA lAga niShkaLa| bhaktitattva || 396||
mhaNauni arjunA avadhArIM| tUM buddhI ekI sopArI karIM| tari sahajeM ApuliyA manomaMdirIM| na visaMbeM mAteM || 397||

\indent ##\hspace{1in}## yatkaroShi yadashnAsi yajjuhoShi dadAsi yat.h |
\indent ##\hspace{1in}## yattapasyasi kaunteya tatkuruShva madarpaNam.h || 27||\newline%@

je je kAMhIM vyApAra karisI| kAM bhoga hana bhogisI| athavA yaj~nIM yajisI| nAnAvidhIM || 398||
nAtarI pAtravisheSheM dAneM| kAM sevakAM desI jIvaneM| tapAdi hana sAdhaneM| vrateM karisI || 399||
teM kriyAjAta AghaveM| jeM jaiseM nipajela svabhAveM| teM bhAvanA karoni karAveM| mAjhiyA moharA || 400||
pari sarvathA Apule jIvIM| keliyAchI se kAMhIMchi nuravIM| aisIM dhuvoni karmeM dyAvIM| mAjhiyAM hAtIM || 401||

\indent ##\hspace{1in}## shubhAshubhaphalaireva.n mokShyase karmabandhanaiH |
\indent ##\hspace{1in}## sa.nnyAsayogayuk{}tAtmA vimuk{}to mAmupaiShyasi || 28||\newline%@

maga agnikuMDIM bIjeM ghAtalIM| tiyeM aMkuradashe jevIM mukalIM| tevIM na phaLatIchi maja arpilIM| shubhAshubheM || 402||
agA karmeM jaiM urAveM| taiM tihIM sukhaduHkhIM phaLAveM| ANi tayAteM bhogAvayA yAveM| dehA ekA || 403||
te ugANileM maja karma| tevhAMchi pusileM maraNa janma| janmAsaveM shrama| varachilahI gele || 404||
mhaNauni arjunA yAparI| pAhechA veLu navhela bhArI| he saMnyAsayukti sopArI| didhalI tuja || 405||
yA dehAchiyA bAMdoDI na paDije| sukhaduHkhAMchiyAM sAgarIM na buDije| sukheM sukharUpA ghaDije| mAjhiyAchi AMgA || 406||

\indent ##\hspace{1in}## samo~ha.n sarvabhUteShu na me dveShyo~sti na priyaH |
\indent ##\hspace{1in}## ye bhajanti tu mA.n bhak{}tyA mayi te teShu chApyaham.h || 29||\newline%@

to mI pusasI kaisA| tari jo sarvabhUtIM sadA sarisA| jetha Apaparu aisA| bhAgu nAhIM || 407||
je aisiyA mAteM jANoni| ahaMkArAchA kuruThA moDoni| je jIveM karmeM karUni| mAteM bhajaleM || 408||
te vartata disatI dehIM| pari te dehIM nA mAjhyA ThAyIM| ANi mI tayAMchyA hR^idayIM| samagra ase || 409||
savistara vaTatva jaiseM| bIjakaNikemAjIM ase| ANi bIjakaNu vase| vaTIM jevIM || 410||
tevIM AmhAM tayAM paraspareM| bAherI nAmAchIMchi aMtareM| vAMchUni AMtuvaTa vastuvichAreM| mI techi te || 411||
AtAM jAyAMcheM jaiseM leNeM| AMgAvarI AhAchavANeM| taiseM dehadharaNeM| udAsa tayAMcheM || 412||
parimaLu nighAliyA pavanApAThIM| mAgeM vosa phUla rAhe deMThIM| taiseM AyuShyAchiye muThI| kevaLa deha || 413||
yera avaShTaMbhu jo AghavA| to ArUDhoni mad{}bhAvA| majachi AMtu pAMDavA| paiThA jAhalA || 414||

\indent ##\hspace{1in}## api chet.h sudurAchAro bhajate mAmananyabhAk.h |
\indent ##\hspace{1in}## sAdhureva sa mantavyaH samyagvyavasito hi saH || 30||\newline%@

aise bhajateni premabhAveM| jayAM sharIrahI pAThIM na pave| teNeM bhalatayA vhAveM| jAtIchiyA || 415||
ANi AcharaNa pAhatAM subhaTA| to duShkR^itAchA kIra sela vAMTA| pari jIvita veMchileM chohaTAM| bhaktIchiyA kIM || 416||
agA aMtIMchiyA matI| sAchapaNa puDhile gatI| mhaNauni jIvita jeNeM bhaktI| didhaleM shekhIM || 417||
to AdhIM jarI durAchArI| tarI sarvottamuchi avadhArIM| jaisA buDAlA mahApurIM| na maratu nighAlA || 418||
tayAcheM jIvita ailathaDiye AleM| mhaNauni buDAlepaNa jevIM vAyAM geleM| tevIM nurechi pApa keleM| shevaTaliye bhaktI || 419||
yAlAgIM duShkR^itI jaRhI jAhAlA| tarI anutApatIrthIM nhAlA| nhA{U}ni maja{A}Mtu AlA| sarvabhAveM || 420||
tarI AtAM pavitra tayAcheMchi kuLa| abhijAtya teMchi nirmaLa| janmaleyAcheM phaLa| tayAsIcha joDaleM || 421||
to sakaLahI paDhinnalA| tapeM tochi tapinnalA| aShTAMga abhyAsilA| yogu teNeM || 422||
heM aso bahuta pArthA| to utaralA karmeM sarvathA| jayAchI akhaMDa gA AsthA| majachilAgIM || 423||
avaghiyA manobuddhIchiyA rAhaTI| bharoni ekaniShThechI peTI| majamAjIM kirITI| nixepilIM jeNeM || 424||

\indent ##\hspace{1in}## kShipra.n bhavati dharmAtmA shashvachchhAnti.n nigachchhati |
\indent ##\hspace{1in}## kaunteya pratijAnIhi na me bhaktaH praNashyati || 31||\newline%@

to AtAM avasareM majasArikhA ho{I}la| aisA hana bhAva tuja jA{I}la| hAM gA amR^itA{A}Mta rAhIla| tayA maraNa kaicheM \? || 425||
paiM sUryu jo veLu nudaije| tayA veLA kIM rAtri mhaNije| tevIM mAjhiye bhaktIviNa jeM kIje| teM mahApApa noheM \? || 426||
mhaNauni tayAchiyA chittA| mAjhI javaLika paMDusutA| tevhAMchi to tattvatA| svarUpa mAjheM || 427||
jaisA dIpeM dIpu lAvije| tetha AdIla koNa heM noLakhije| taisA sarvasveM jo maja bhaje| to mIchi ho{U}ni ThAke || 428||
maga mAjhI nitya shAMtI| tayA dashA techi kAMtI| kiMbahunA jitI| mAjheni jIveM || 429||
etha pArthA puDhatapuDhatI| teMchi teM sAMgoM kitI| jarI miyAM chADa tarI bhaktI| na visaMbije gA || 430||
agA kuLAchiyA chokhaTapaNA nalagA| AbhijAtya jhaNIM shlAghA| vyutpattIchA vA{u}gA| sosu kAM vahAvA \? || 431||
kAM rUpavayasA mAjA| AthilepaNeM kAM gAjA \?| eka bhAva nAhIM mAjhA| tarI pAlhALa teM || 432||
kaNeMviNa sopaTeM| kaNaseM lAgalIM ghanadATeM| kAya karAveM gomaTeM| vosa nagara \? || 433||
nAtarI sarovara ATaleM| rAnIM duHkhiyA duHkhI bheTaleM| kAM vAMjha phulIM phulaleM| jhADa jaiseM || 434||
taiseM sakaLa teM vaibhava| athavA kuLa jAti gaurava| jaiseM sharIra Ahe sAveva| pari jIvachi nAhIM || 435||
taiseM mAjhiye bhaktIviNa| jaLo teM jiyAleMpaNa| agA pR^ithvIvarI pAShANa| nasatI kA{I}M \? || 436||
paiM hiMvarAchI dATa sA{u}lI| sajjanIM jaisI vALilI| taisIM puNyeM DAvalUni gelIM| abhaktAMteM || 437||
niMba niMboLiyAM moDoni AlA| tarI to kA{u}LiyAMsIchi sukALu jAhalA| taisA bhaktihInu vADhinnalA| 
                                           doShAMchilAgIM || 438||
kAM ShaDrasa khAparIM vADhile| vADhUni chohaTAM Thevile| te suNiyAMchechi aise jhAle| jiyAparI || 439||
taiseM bhaktihInAcheM jiNeM| jo svapnIMhi pari sukR^ita neNe| saMsAraduHkhAsi bhANeM| vogarileM || 440||
mhaNauni kuLa uttama nohAveM| jAtI aMtyajahi vhAveM| vari dehAcheni nAMveM| pashUcheMhi lAbho || 441||
pAheM pAM sAvajeM hAtirUM dharileM| teNeM tayA kAkuLatI mAteM smarileM| kIM tayAcheM pashutva vAvo jAhaleM| pAvaliyA mAteM || 442||

\indent ##\hspace{1in}## mA.n hi pArtha vyapAshritya ye~pi syuH pApayonayaH |
\indent ##\hspace{1in}## striyo vaishyAstathA shUdrAste~pi yAnti parA.n gatim.h || 32||\newline%@

agA nAMveM ghetAM vokhaTIM| je AghaveyA adhamAMchiye shevaTIM| tiye pApayonIMhI kirITI| janmale je || 443||
te pApayoni mUDha| mUrkha jaise kAM dagaDa| pari mAjhyAM ThAyIM dR^iDha| sarvabhAveM || 444||
jayAMchiye vAcheM mAjhe AlApa| dR^iShTI bhogI mAjheMchi rUpa| jayAMcheM mana saMkalpa| mAjhAchi vAhe || 445||
mAjhiyA kIrtIviNa| jayAMche rite nAhIM shravaNa| jayAM sarvAMgIM bhUShaNa| mAjhI sevA || 46||
jayAMche j~nAna viSho neNe| jANIva maja ekAteMchi jANe| jayA aiseM lAbhe tarI jiNeM| eRhavIM maraNa || 447||
aisA AghavAchi parI pAMDavA| jihIM ApuliyA sarvabhAvA| jiyAvayAlAgIM volAvA| mIchi kelA || 448||
te pApayonIhI hotu kAM| te shrutAdhItahI na hotu kAM| pari majasIM tukitAM tukAM| tuTI nAhIM || 449||
pAheM pAM bhaktIcheni AthilepaNeM| daityIM devAM ANileM uNeM| mAjheM nR^isiMhatva leNeM| jayAchiye mahimeM || 450||
to pralhAdu gA majasAThIM| ghetAM bahuteM saMkaTe sadA kirITI| kAM jeM miyAM dyAveM te goShTI| tayAchiyA joDe || 451||
eRhavIM daityakuLa sAchokAreM| pari iMdrahI sarI na lAhe upareM| mhaNauni bhakti gA etha sare| jAti apramANa || 452||
rAjAj~nechIM axareM AhAtI| tiyeM chAmA ekA jayA paDatI| tayA chAmAsAThIM joDatI| sakaLa vastu || 453||
vAMchUni soneM rupeM pramANa nohe| etha rAjAj~nAchi samartha Ahe| teMchi chAma eka jaiM lAhe| teNeM vikatI AghavIM || 454||
taiseM uttamatva taiMchi tare| taiMchi sarvaj~natA sare| jaiM manobuddhi bhare| mAjheni premeM || 455||
mhaNauni kuLa jAti varNa| heM AghaveMchi gA akAraNa| etha arjunA mAjhepaNa| sArthaka eka || 456||
teMchi bhalateNeM bhAveM| mana maja AMtu yeteM hoAveM| AleM tarI AghaveM| mAgIla vAvo || 457||
jaiseM taMvachi vahALa vohaLa| jaMva na pavatI gaMgAjaLa| maga ho{U}ni ThAkatI kevaLa| gaMgArUpa || 458||
kAM khaira chaMdana kAShTheM| he vivaMchanA taMvachi ghaTe| jaMva na ghApatI ekavaTe| agnImAjIM || 459||
taise xatrI vaishya striyA| kAM shUdra aMtyajAdi iyA| jAtI taMvachi vegaLAliyA| jaMva na pavatI mAteM || 460||
maga jAtI vyaktI paDe biMduleM| jevhAM bhAveM hotI maja mInaleM| jaise lavaNakaNa ghAtale| sAgarAmAjIM || 461||
taMvavarI nadAnadIMchIM nAMveM| taMvachi pUrvapashchimeche yAve| jaMva na yetI Aghave| samudrAmAjIM || 462||
heMchi kavaNeM ekeM miseM| chitta mAjhe ThAyIM praveshe| yetuleM ho maga ApaiseM| mIchi hoNeM ase || 463||
agA varI phoDAvayAchi lAgIM| loho miLo kAM parisAche AMgIM| kAM je miLatiye prasaMgI| soneMchi ho{I}la || 464||
pAheM pAM vAlabhAcheni vyAjeM| tiyA vrajAMganAMchIM nijeM| maja mInaliyA kAya mAjheM| svarUpa navhatI \? || 65||
nAtarI bhayAcheni miseM| mAteM na pavijechi kAya kaMseM \?| kIM akhaMDa vairavasheM| chaidyAdikIM || 466||
agA soyarepaNeMchi pAMDavA| mAjheM sAyujya yAdavAM| kIM mamatveM vasudevA\-| dikAM sakaLAM || 467||
nAradA dhruvA akrUrA| shukA hana sanatkumArA| yAM bhaktIM mI dhanurdharA| prApyu jaisA || 468||
taisAchi gopIkAMsi kAmeM| tayA kaMsA bhayasaMbhrameM| yerAM ghAtakAM manodharmeM| shishupAlAdikAM || 469||
agA mI ekulANIcheM khAgeM| maja yevoM pAM bhalateni mArgeM| bhaktI kAM viShayavirAgeM| athavA vaireM || 470||
mhaNauni pArthA pAhIM| praveshAvayA mAjhyA ThAyIM| upAyAMchI nAhIM| vANI etha || 471||
ANi bhalatiyA jAtIM janmAveM| maga bhajije kAM virodhAveM| pari bhakta kAM vairiyA vhAveM| mAjhiyAchi || 472||
agA kavaNeM ekeM boleM| mAjhepaNa jaRhI jAhAleM| tarI mI hoNeM AleM| hAtA niruteM || 473||
yAlAgIM pApayonIhI arjunA| kAM vaishya shUdra aMganA| mAteM bhajatAM sadanA| mAjhiyA yetI || 474||

\indent ##\hspace{1in}## ki.n punarbrAhmaNAH puNyA bhaktA rAjarShayastathA |
\indent ##\hspace{1in}## anityamasukha.n lokamima.n prApya bhajasva mAm.h || 33||\newline%@

maga varNAMmAjIM ChatrachAmara| svarga jayAMcheM agrahAra| maMtravidyesi mAhera| brAhmaNa je || 475||
je pR^ithvItaLIMcheM deva| je tapovatAra sAvayava| sakaLa tIrthAMsi daiva| udayaleM jeM || 476||
jetha akhaMDa vasije yAgIM| je vedAMchI vajrAMgI| jayAMcheni diThIchiyA utsaMgIM| maMgaLa vADhe || 477||
jayAMchiye Asthecheni voleM| satkarma pAlhALIM geleM| saMkalpeM satya jiyAleM| jiyAMcheni || 478 ||
jayAMcheni gA boleM| agnIsi AyuShya jAhAleM| mhaNauni samudreM pANI ApuleM| didhaleM yAMchiyA prItI || 479||
miyAM laxmI DAvaloni kelI parautI| pheDoni kaustubha ghetalA hAtIM| maga voDhavilI vaxasthaLAchI vAkhatI| charaNarajAM || 480||
Ajhuni pA{u}lAchI mudrA| mI hR^idayIM vAheM gA subhadrA| je ApuliyA daivasamudrA| jatanelAgIM || 481||
jayAMchA kopa subhaTA| kALAgnirudrAchA vasauTA| jayAMche prasAdIM phukaTA| joDatI siddhI || 482||
aise puNyapUjya je brAhmaNa| ANi mAjhyA ThAyIM atinipuNa| AtAM mAteM pAvatI he kavaNa| samarthAveM \? || 483||
pAheM pAM chaMdanAcheni aMgAniLeM| shivatile niMba hote je javaLeM| tihIM nirjivIMhI devAMchIM niDaLeM| baisaNIM kelIM || 484||
maga to chaMdanu tetha na pave| aiseM manIM kaiseni dharAveM| athavA pAtalA heM samarthAveM| tevhAM kAyI sAcha \? || 485||
jetha nivavIla aishiyA AshA| hareM chaMdramA AdhA aisA| vAhijata ase shirasA| niraMtara || 486||
tetha nivavitA ANi sagaLA| parimaLeM chaMdrAhUni AgaLA| to chaMdanu kevIM avalILA| sarvAMgIM na baise \? || 487||
kAM rathyodakeM jiyechiye kAse| lAgaliyA samudra jAlIM anAyAseM| tiye gaMgesi kAya anAriseM| gatyaMtara ase \? || 488||
mhaNauni rAjarShi kAM brAhmaNa| jayAM gati mati mIchi sharaNya| tayAM trishuddhI mIcha nirvANa| sthitIhI mIchi || 489||
yAlAgIM shatajarjara nAveM| rigoni kevIM nishchiMta ho{A}veM| kaiseni ughaDiyA asAveM| shastravarShIM || 490||
AMgAvarI paDatAM pAShANa| na suvAveM kevIM voDaNa| rogeM dATalA ANi udAsapaNa| vokhadeMsI \? || 491||
jetha chahUMkaDe jaLata vaNavA| tethUni na nigije kevIM pAMDavA| tevIM lokAM ye{}Uni sopadravAM| kevIM na bhajije mAteM || 492||
agA mAteM na bhajAvayAlAgIM| kavaNa baLa pAM ApuliyA AMgIM| kA{I} gharIM kIM bhogI| nishchiMtI kelIM \? || 493||
nAtarI vidyA kIM vayasA| yayAM prANiyAMsi hA aisA| maja na bhajatAM bharaMvasA| sukhAchA koNa \? || 494||
tarI bhogyajAta jetuleM| teM ekA dehAchiyA nikiyA lAgaleM| ANi etha deha taMva ase paDileM| kALAchiye toMDIM || 495||
bApa duHkhAcheM keNeM suTaleM| jetha maraNAche bhare loTale| tiye mR^ityulokIMchiye shevaTileM| yeNeM jAhAleM hATaveLe || 496||
AMtA sukheMsi jIvitA| kaiMchIM grAhikI kijela paMDusutA| kAya rAkhoMDI phuMkitAM| dIpu lAge \? || 497||
agA viShAche kAMde  vATunI| jo rasu ghe{I}je piLunI| tayA nAma amR^ita ThevunI| jaiseM amara hoNeM || 498||
tevIM viShayAMcheM jeM sukha| teM kevaLa parama duHkha| pari kAya kIje mUrkha| na sevitAM na sare || 499||
kAM shIsa khAMDUni ApuleM| pAyIMchyA khatIM bAMdhileM| taiseM mR^ityulokIMcheM  bhaleM| Ahe AghaveM || 500||
mhaNauni mR^ityulokIM sukhAchI kahANI| aikijela kavaNAchiye shravaNIM| kaiMchI sukhanidrA aMtharuNIM| iMgaLAMchyA || 501||
jiye lokIMchA chaMdra xayarogI| jetha udayo hoya astAlAgIM| duHkha le{}Uni sukhAchI AMgIM| saLita jagAteM || 502||
jetha maMgaLAchiyA aMkurIM| saveMchi amaMgaLAchI paDe poharI| mR^ityu udarAchiyA parivarI| garbhu giMvasI || 503||
jeM nAhIM tayAteM chiMtavI| taMva teMchi ne{i}je gaMdharvIM| geliyAchI kavaNeM gAMvIM| shuddhI na lage || 504||
agA giMvasitAM AghaviyA vATI| parataleM pA{U}lachi nAhIM kirITI| saiMgha nimAliyAMchiyA goThI| tiyeM purANeM jethiMchIM || 505||
jethiMchiye anityatechI thorI| karitayA brahmayAche AyuShyaverI| kaiseM nAhIM hoNeM avadhArIM| nipaTUniyAM || 506||
aisI lokIMchI jiye nAMdaNUka| tetha janmale Athi je loka| tayAMchiye nishchiMtIcheM kautuka| disata ase || 507||
paiM dR^iShTAdR^iShTAchiye joDI\-| lAgIM bhAMDavala na suTe kavaDI| jetha sarvasveM hAni tetha koDI| veMchitI gA || 508||
jo bahuveM viShayavilAseM guMphe| to mhaNatI uvA{I}M paDilA sApeM| jo abhilAShabhAreM daDape| tayAteM saj~nAna mhaNatI || 509||
jayAcheM AyuShya dhAkuTeM hoya| baLa praj~nA jirauni jAya| tayAche namaskAritI pAya| vaDIla mhaNunI || 510||
jaMva jaMva bALa baLiyA vADhe| taMva taMva bhoje nAchatI koDeM| AyuShya nimAleM AMtuliyekaDe| te glAnIchi nAhIM || 511||
janmaliyA divasadivaseM| hoM lAge kALAcheMchi aiseM| kIM vADhatI karitI ulhAseM| ubhavitI guDhiyA || 512||
agA mara hA bolu na sAhatI| ANi meliyA tarI raDatI| pari asateM jAta na gaNitI| gahiMsapaNeM || 513||
dardUra sApeM giLijatu Ahe ubhA| kIM to mAsiyA veMTALI jibhA| taiseM prANiye kavaNA lobhA| vADhavitI tR^iShNA || 514||
ahA kaTakaTA heM vokhaTeM| iye mR^ityulokIMcheM upharATeM| etha arjunA jarI avachaTeM| janmalAsI tUM || 515||
tari jhaDajhaDoni vahilA nigha| iye bhaktIchiye vATe lAga| jiyA pAvasI avyaMga| nijadhAma mAjheM || 516||

\indent ##\hspace{1in}## manmanA bhava mad{}bhakto madyAjI mA.n namaskuru |
\indent ##\hspace{1in}## mAmevaiShyasi yuk{}tvaivamAtmAna.n matparAyaNaH || 34||\newline%@

\indent ##\hspace{1in}## AUM tatsaditi shrImad{}bhgavadgItAsUpaniShatsu brahmavidyAyA.n yogashAstre
\indent ##\hspace{1in}## shrIkR^iShNArjunasa.nvAde rAjavidyArAjaguhyayogo nAma navamo.adhyAyaH || 9a ||\newline%@

tUM mana heM mIchi karIM| mAjhiyA bhajanIM prema dharIM| sarvatra namaskArIM| maja ekAteM || 517||
mAjheni anusaMdhAneM dekha| saMkalpu jALaNeM niHshekha| madyAjI chokha| yAchi nAMva || 518||
aisA miyAM AthilA hosI| tetha mAjhiyAchi svarUpA pAvasI| heM aMtaHkaraNIMcheM tujapAsIM| bolijata aseM || 519||
agA avaghiyA choriyA ApuleM| jeM sarvasva AmhIM aseM ThevileM| teM pAvoni sukha saMchaleM| ho{U}ni ThAsI || 520||
aiseM sAMvaLeni parabrahmeM| bhaktakAmakalpadrumeM| bolileM AtmArAmeM| saMjayo mhaNe || 521||
aho aikijata aseM kIM avadhArA| taMva iyA bolA nivAMta mhAtArA| jaisA mhaisA nuThI kAM purA| taisA ugAchi ase || 522||
tetha saMjayeM mAthA tukilA| ahA amR^itAchA pA{U}sa varShalA| kIM hA etha asatuchi gelA| sejiyA gAMvA || 523||
taRhI dAtAru hA AmuchA| mhaNauni heM bolatAM maiLela vAchA| kAya kIje yayAchA| svabhAvochi aisA || 524||
pari bApa bhAgya mAjheM| je vR^ittAMtu sAMgAvayAcheni vyAjeM| kaisA raxiloM munirAjeM| shrIvyAsadeveM || 525||
yetuleM heM vADa sAyAseM| jaMva bolata ase dR^iDhamAnaseM| taMva na dharavechi ApuliyA aiseM| sAttvikeM keleM || 526||
chitta chAkATaleM ATu gheta| vAchA pAMguLalI jethiMchI tetha| ApAda kaMchukita| romAMcha Ale || 527||
ardhonmIlita DoLe| varShatAti AnaMdajaLeM| AMtuliyA sukhormIMcheni baLeM| bAherI kAMpe || 528||
paiM AghavAchi romamULIM| AlI svedakaNikA nirmaLI| le{i}lA motiyAMchI kaDiyALIM| AvaDe taisA || 529||
aisA mahAsukhAcheni atiraseM| jetha ATaNI hoM pAhe jIvadashe| tetha niropileM vyAseM| teM nedIcha hoM || 530||
ANika shrIkR^iShNAcheM bolaNeM| ghokarI AleM shravaNeM| kIM dehasmR^itIchA teNeM| vApasA kelA || 531||
tevhAM netrIMcheM jaLa visarjI| sarvAMgIMchA svedu parimArjIM| tevIMchi avadhArA mhaNe ho jI| dhR^itarAShTrAteM || 532||
AtAM shrIkR^iShNavAk{}yabIjA nivADu| ANi saMjaya sAttvikAchA bivaDu| mhaNauni shrotayAM ho{I}la suravADu| prameya pikAchA || 533||
aho aLumALa avadhAna deyAveM| yetuleni AnaMdAche rAshIvarI baisAveM| bApa shravaNeMdriyA daiveM| ghAtalI mALa || 534||
mhaNauni vibhUtIMchA ThAvo| arjunA dAvIla siddhAMchA rAvo| to aikA mhaNe j~nAnadevo| nivR^ittIchA || 535||
iti shrIj~nAnadevavirachitAyAM bhAvArthadIpikAyAM navamo.adhyAyaH ||
%End of 09@
\bigskip\hrule\medskip
##
{\rm \Large
Encoded and proofread by
Chhaya Deo, Sharad Deo, and Vishwas Bhide.
Assisted by
Sunder Hattangadi, Joshi, and Shree Devi Kumar.}
\medskip\hrule\obeylines
{\rm Please send corrections to sanskrit at cheerful dot c om}
{\rm Last updated \today}
\end{document}