%@@1
% File name             : dn12.itx
%--------------------------------------------
% Text title            : Dnyaneshvari or Bhavarthadipika Chapter 12
% Author                : Sant Dnyaneshwar
% Language              : Marathi, Sanskrit
% Subject               : philosophy/hinduism/religion
% Description/comments  : 
% Transliterated by     : Vishwas Bhide vishwas_bhide@yahoo.com, santsahitya@yahoo.co.in, Sharad and Chhaya Deo
% Proofread by          : Vishwas Bhide vishwas_bhide@yahoo.com, santsahitya@yahoo.co.in, Sharad and Chhaya Deo
% Latest update         : June 20, 2005
% Send corrections to   : sanskrit at cheerful dot c om
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
% http://sanskritdocuments.org
% http://sanskrit.bhaarat.com  See the document project
%-----------------------------------------------------
% The text is prepared by volunteers and is to be used for personal study
% and research.  The file is not to be copied or reposted for promotion of 
% any website or individuals or for commercial purpose without permission.
%        Please help to maintain respect for volunteer spirit.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=0pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dnyaneshvari or Bhavarthadipika Chapter 12 ..}##
\itxtitle{.. j~nAneshvarI bhAvArthadIpikA adhyAya 12 ..}##\endtitles ##
%Start of 12@
|| AUM shrI paramAtmane namaH ||
adhyAya bArAvA |
bhaktiyogaH |

jaya jaya vo shuddhe| udAre prasiddhe| anavarata AnaMde| varShatiye || 1||
viShayavyALeM miThI| didhaliyA nuThI tAThI| te tujhiye gurukR^ipAdR^iShTI| nirviSha hoya || 2||
tarI kavaNAteM tApu poLI| kaiseni vo shoku jALI| jarI prasAdarasakalloLIM| pureM yesi tUM || 3||
yogasukhAche sohaLe| sevakAM tujheni snehALe| so.ahaMsiddhIche laLe| pALisI tUM || 4||
AdhArashaktIchiyA aMkIM| vADhavisI kautukIM| hR^idayAkAshapallakIM| parIye desI nije || 5||
pratyak{}jyotIchI vovALaNI| karisI manapavanAchIM kheLaNIM| AtmasukhAchI bALaleNIM| levavisI || 6||
satarAviyecheM stanya desI| anuhatAchA hallarU gAsI| samAdhibodheM nijavisI| bujhA{U}ni || 7||
mhaNauni sAdhakAM tUM mA{u}lI| pike sArasvata tujhiyA pA{u}lIM| yA kAraNeM mI sA{u}lI| na saMDIM tujhI || 8||
aho sad{}guruchiye kR^ipAdR^iShTI| tujheM kAruNya jayAteM adhiShThI| to sakalavidyAMchiye sR^iShTIM| dhAtrA hoya || 9||
mhaNauni aMbe shrImaMte| nijajanakalpalate| Aj~nApIM mAteM| graMthanirUpaNIM || 10||
navarasIM bharavIM sAgaru| karavIM uchita rat{}nAMche Agaru| bhAvArthAche girivaru| niphajavIM mAye || 11||
sAhityasoniyAchiyA khANI| ughaDavIM deshiyechiyA xoNIM| vivekavallIchI lAvaNI| hoM de{I} saiMgha || 12||
saMvAdaphaLanidhAneM| prameyAchIM udyAneM| lAvIM mhaNe gahaneM| niraMtara || 13||
pAkhAMDAche darakuTe| moDIM vAgvAda avhAMTe| kutarkAMchIM duShTeM| sAvajeM pheDIM || 14||
shrIkR^iShNaguNIM mAteM| sarvatra karIM vo sarateM| rANive baisavI shrote| shravaNAchiye || 15||
ye maRhAThiyechiyA nagarIM| brahmavidyechA sukALu karIM| gheNeM deNeM sukhachivarI| hoM de{I}M yA jagA || 16||
tUM Apuleni snehapallaveM| mAteM pAMghuravishIla sadaiveM| tarI AtAMchi heM AghaveM| nirmIna mAye || 17||
iye vinavaNIyesAThIM| avalokileM guru kR^ipAdR^iShTI| mhaNe gItArtheMsI uThI| na boleM bahu || 18||
tetha jI jI mahAprasAdu| mhaNauni sAviyA jAhalA Anandu| AtAM niropIna praba.ndhu| avadhAna dIje || 19||

\indent ##\hspace{1in}## arjuna uvAcha |
\indent ##\hspace{1in}## eva.n satata yuk{}tA ye bhaktAstvA.n paryupAsate |
\indent ##\hspace{1in}## ye chApyakSharamavyak{}ta.n teShA.n ke yogavittamAH || 1||\newline%@

tarI sakalavIrAdhirAju| jo somavaMshIM vijayadhvaju| to bolatA jAhalA Atmaju| paMDunR^ipAchA || 20||
kR^iShNAteM mhaNe avadhArileM| ApaNa vishvarUpa maja dAvileM| teM navala mhaNauni bihAleM| chitta mAjheM || 21||
ANi iye kR^iShNamUrtIchI save| yAlAgIM soya dharilI jIveM| taMva nako mhaNoni deveM| vArileM mAteM || 22||
tarI vyakta ANi avyakta| heM tUMchi eka nibhrAMta| bhaktI pAvije vyakta| avyakta yogeM || 23||
yA donI jI vATA| tUMteM pAvAvayA vaikuMThA| vyaktAvyakta dAravaMThAM| rigije yetha || 24||
paiM je vAnI shyAtukA| techi vegaLiye vAlA yekA| mhaNauni ekadeshiyA vyApakA| sarisA pADU || 25||
amR^itAchiyA sAgarIM| je lAbhe sAmarthyAchI thorI| techi de amR^italaharI| chuLIM ghetaleyA || 26||
he kIra mAjhyA chittIM| pratIti Athi jI nirutI| pari pusaNeM yogapatI| teM yAchilAgIM || 27||
jeM devA tumhIM nAveka| aMgikArileM vyApaka| teM sAcha kIM kavatika| heM jANAvayA || 28||
tarI tujalAgIM karma| tUMchi jayAMcheM parama| bhaktIsI manodharma| vikoni ghAtalA || 29||
ityAdi sarvIM parIM| je bhakta tUMteM shrIharI| bAMdhoniyAM jivhArIM| upAsitI || 30||
ANi jeM praNavApailIkaDe| vaikharIyesI jeM kAnaDeM| kAyisayAhi sAMgaDeM| navhechi jeM vastu || 31||
teM akshara jI avyakta| nirdesha desharahita| so.ahaMbhAveM upAsita| j~nAniye je || 32||
tayAM ANi jI bhaktAM| yerayerAMmAjI anaMtA| kavaNeM yogu tattvatAM| jANitalA sAMgA || 33||
iyA kirITIchiyA bolA| to jagad{}baMdhu saMtoShalA| mhaNe ho prashnu bhalA| jANasI karUM || 34||

\indent ##\hspace{1in}## shrI bhagavAnuvAcha |
\indent ##\hspace{1in}## mayyAveshya mano ye mA.n nityayuk{}tA upAsate |
\indent ##\hspace{1in}## shraddhayA parayopetAste me yuk{}tatamA matAH || 2||\newline%@

tarI astugirIchiyAM upakaMThIM| rigAliyA ravibiMbApAThIM| rashmI jaise kirITI| saMcharatI || 35||
kAM varShAkALIM saritA| jaisI chaDhoM lAgeM pAMDusutA| taisI nIcha navI bhajatAM| shraddhA dise || 36||
parI ThAkiliyAhi sAgaru| jaisA mAgIlahI yAvA anivAru| tiye gaMgechiye aisA paDibharu| premabhAvA || 37||
taiseM sarveMdriyAMsahita| majamAjIM sUni chitta| je rAtridivasa na mhaNata| upAsitI || 38||
iyAparI je bhakta| ApaNapeM maja deta| techi mI yogayukta| parama mAnIM || 39||

\indent ##\hspace{1in}## ye tvakSharmanirdeshyamavyak{}ta.n paryupAsate |
\indent ##\hspace{1in}## sarvatragamachintya.n cha kUTasthamachala.n dhruva.n || 3||\newline%@

ANi yera tehI pAMDavA| je ArUDhoni so.ahaMbhAvA| jhoMbatI niravayavA| axarAsI || 40||
manAchI nakhI na lage| jetha buddhIchI dR^iShTI na rige| te iMdriyAM kIra jogeM| kAyi ho{I}la \? || 41||
parI dhyAnAhI kuvADeM| mhaNauni eke ThAyIM na saMpaDe| vyaktIsi mAjivaDeM| kavaNehI nohe || 42||
jayA sarvatra sarvapaNeM| sarvAMhI kALIM asaNeM| jeM pAvUni chiMtavaNeM| hiMpuTI jAhaleM || 43||
jeM hoya nA nohe| jeM nAhIM nA Ahe| aiseM mhaNauni upAye| upajatIchi nA || 44||
jeM chaLe nA DhaLe| sare nA maiLe| teM ApulenIchi baLeM| AMgavileM jihIM || 45||

\indent ##\hspace{1in}## sanniyamyendriyagrAma.n sarvatra samabuddhayaH |
\indent ##\hspace{1in}## te prApnuvanti mAmeva sarvabhUtahite ratAH || 4||\newline%@

paiM vairAgyamahApAvakeM| jALUni viShayAMchIM kaTakeM| adhapalIM tavakeM| iMdriyeM dharilIM || 46||
maga saMyamAchI dhATI| sUni muraDilIM upharATIM| iMdriyeM koMDilIM kapATIM| hR^idayAchiyA || 47||
apAnIMchiyA kavADA| lAvoni AsanamudrA suhADA| mULabaMdhAchA huDA| pannAsilA || 48||
Asheche lAga toDile| adhairyAche kaDe jhADile| nidrecheM shodhileM| kALavakheM || 49||
vajrAgnIchiyA jvALIM| karUni saptadhAtUMchI hoLI| vyAdhIMchyA sisALIM| pUjilIM yaMtreM || 50||
maga kuMDaliniyechA TeMbhA| AdhArIM kelA ubhA| tayA chojavaleM prabhA| nimathAvarI || 51||
navadvArAMchiyA chauchakIM| bANUni saMyatIchI ADavaMkI| ughaDilI khiDakI| kakArAMtIMchI || 52||
prANashaktichAmuMDe| prahArUni saMkalpameMDhe| manomahiShAcheni muMDeM| didhalIM baLI || 53||
chaMdrasUryAM bujhAvaNI| karUni anuhatAchI suDAvaNI| satarAviyecheM pANI| jiMtileM vegIM || 54||
maga madhyamA madhya vivareM| teNeM koriveM dAdareM| ThAkileM chavareM| brahmaraMdhra || 55||
varI makArAMta sopAna| te sAMDoniyA gahana| kAkhe sUniyAM gagana| bharale brahmIM || 56||
aise je samabuddhI| giLAvayA so.ahaMsiddhI| AMgavitAtI niravadhI| yogadurgeM || 57||
ApuliyA sATovATI| shUnya ghetI uThA{u}ThIM| tehI mAteMchi kirITI| pAvatI gA || 58||
vAMchUni yogacheni baLeM| adhika kAMhIM miLe| aiseM nAhIM AgaLeM| kaShTachi tayA || 59||

\indent ##\hspace{1in}## klesho.adhikatarasteShAmavyak{}tAsak{}tachetasAm.h |
\indent ##\hspace{1in}## avyak{}tA hi gatirduHkha.n dehavadbhiravApyate || 5||\newline%@

jihIM sakaLa bhUtAMchiyA hitIM| nirAlaMbIM avyaktIM| pasaraliyA AsaktI| bhaktIvINa || 60||
tayAM mahendrAdi padeM| karitAti vATavadheM| ANi R^iddhisiddhIMchIM dvaMdveM| pADoni ThAtI || 61||
kAmakrodhAMche vilaga| uThAvatI anega| ANi shUnyeMsIM AMga| jhuMjavAveM kIM || 62||
tAhAneM tAhAnachi piyAvI| bhukeliyA bhUkachi khAvI| ahorAtra vAvIM| mavAvA vArA || 63||
unI dihAcheM pahuDaNeM| nirodhAcheM velhAvaNeM| jhADAsi sAjaNeM| chALAveM gA || 64||
shIta veDhAveM| uShNa pAMghurAveM| vR^iShTIchiyA asAveM| gharAM{A}Mtu || 65||
kiMbahunA pAMDavA| hA agnipraveshu nIcha navA| bhAtAreMvINa karAvA| to hA yogu || 66||
etha svAmIcheM kAja| nA vApikeM vyAja| parI maraNeMsIM jhuMja| nIcha naveM || 67||
aiseM mR^ityUhUni tIkha| kAM ghoMTe kaDhata vikha| DoMgara giLitAM mukha| na phATe kA{I} \? || 68||
mhaNauni yogAchiyAM vATA| je nigAle gA subhaTA| tayAM duHkhAchAchi shelavAMTA| bhAgA AlA || 69||
pAheM pAM lohAche chaNe| jaiM bochariyA paDatI khANeM| taiM poTa bharaNeM kIM prANeM| shuddhI mhaNoM || 70||
mhaNauni samudra bAhIM| taraNe Athi keMhI| kAM gaganAmAjIM pA{I}M| kholijatu aseM \? || 71||
vaLaghaliyA raNAchI thATI| AMgIM na lAgatAM kAMThI| sUryAchI pA{u}TI| kAM hoya gA || 72||
yAlAgIM pAMguLA hevA| navhe vAyUsi pAMDavA| tevIM dehavaMtA jIvAM| avyaktIM gati || 73||
aisAhI jarI dhiMvasA| bAMdhoniyAM AkAshA| jhoMbatI tarI kleshA| pAtra hotI || 74||
mhaNauni yera te pArthA| neNatIchi he vyathA| je kAM bhaktipaMthA| voTaMgale || 75||

\indent ##\hspace{1in}## ye tu sarvANi karmANi mayi sa.nnyasya matparAH |
\indent ##\hspace{1in}## ananyenaiva yogena mA.n dhyAyanta upAsate || 6||\newline%@

karmeMdriyeM sukheM| karitI karmeM ashekheM| jiyeM kAM varNavishekheM| bhAgA AlIM || 76||
vidhIteM pALita| niShedhAteM gALita| maja de{}Uni jALita| karmaphaLeM || 77||
yayAparI pAhIM| arjunA mAjheM ThA{I}M| saMnyAsUni nAhIM| karitI karmeM || 78||
ANIkahI je je sarva| kAyika vAchika mAnasika bhAva| tayAM mIvAMchUni dhAMva| AnautI nAhIM || 79||
aise je matpara| upAsitI niraMtara| dhyAnamiSheM ghara| mAjheM jhAleM || 80||
jayAMchiye AvaDI| kelI majashIM kuLavADI| bhoga moxa bApuDIM| tyajilIM kuLeM || 81||
aise ananyayogeM| vikale jIveM maneM AMgeM| tayAMche kAyi eka sAMgeM| jeM sarva mI karIM || 82||

\indent ##\hspace{1in}## teShAmaha.n samuddhartA mR^ityusa.nsArasAgarAt.h |
\indent ##\hspace{1in}## bhavAmi na chirAtpArtha mayyAveshitachetasAm.h || 7||\newline%@

kiMbahunA dhanurdharA| jo mAtechiyA ye udarA| to mAtechA soyarA| ketulA pAM || 83||
tevIM mI tayAM| jaise asatI taisiyAM| kaLikALa nokoniyAM| ghetalA paTTA || 84||
eRhavIM tarI mAjhiyAM bhaktAM| ANi saMsArAchI chiMtA| kAya samarthAchI kAMtA| korAnna mAge || 85||
taise te mAjheM| kalatra heM jANije| kAyisenihI na lajeM| tayAMcheni mI || 86||
janmamR^ityUchiyA lATIM| jhaLaMbatI iyA sR^iShTI| teM dekhoniyAM poTIM| aiseM jAhaleM || 87||
bhavasiMdhUcheni mAjeM| kavaNAsi dhAku nupaje| tetha jarI kIM mAjhe| bihitI hana || 88||
mhaNauni gA pAMDavA| mUrtIchA meLAvA| karUni tyAMchiyA gAMvA| dhAMvatu AloM || 89||
nAmAchiyA sahasravarI| nAvA iyA avadhArIM| sajUniyAM saMsArIM| tArU jAhaloM || 90||
saDe je dekhile| te dhyAnakAse lAvile| parIgrahIM ghAtale| tariyAvarI || 91||
premAchI peTI| bAMdhalI ekAchiyA poTIM| maga ANile taTIM| sAyujyAchiyA || 92||
parI bhaktAMcheni nAMveM| chatuShpadAdi Aghave| vaikuMThIMchiye rANive| yogya kele || 93||
mhaNauni gA bhaktAM| nAhIM ekahI chiMtA| tayAMteM samuddhartA| Athi mI sadA || 94||
ANi jevhAMchi kAM bhaktIM| dIdhalI ApulI chittavR^ittI| tevhAMchi maja sUti| tyAMchiye nATIM || 95||
yAkAraNeM gA bhaktarAyA| hA maMtra tuvAM dhanaMjayA| shikije je yayA| mArgA bhajije || 96||

\indent ##\hspace{1in}## mayyeva mana Adhatsva mayi buddhi.n niveshaya |
\indent ##\hspace{1in}## nivasiShyasi mayyeva ata urdhva.n na sa.nshayaH || 8||\newline%@

agA mAnasa heM eka| mAjhyA svarUpIM vR^ittika| karUni ghAlIM niShTaMka| buddhi nishchayeMsIM || 97||
iyeM donIM sarisIM| majamAjIM premesIM| rigAlIM tarI pAvasI| mAteM tUM gA || 98||
je mana buddhi ihIM| ghara keleM mAjhyAM ThAyIM| tarI sAMgeM maga kA{i}| mI tU aiseM ure \? || 99||
mhaNauni dIpa pAlave| saveMchi teja mAlave| kAM ravibiMbAsaveM| prakAshu jAya || 100||
uchalaleyA prANAsarisIM| iMdriyeMhI nigatI jaisIM| taisA manobuddhipAshIM| ahaMkAru ye || 101||
mhaNauni mAjhiyA svarUpIM| manabuddhi iyeM nixepIM| yetuleni sarvavyApI| mIchi hosI || 102||
yayA bolA kAMhIM| anAriseM nAhIM| ApalI ANa pAhIM| vAhatu aseM gA || 103||

\indent ##\hspace{1in}## atha chitta.n samAdhAtu.n na shaknoShi mayi sthiram.h |
\indent ##\hspace{1in}## abhyAsayogena tato mAmichchhAptu.n dhananjaya || 9||\newline%@

athavA heM chitta| manabuddhisahita| mAjhyAM hAtIM achuMbita| na shakasI devoM || 104||
tarI gA aiseM karIM| yayA AThAM pAhArAMmAjhArIM| moTakeM nimiShabharI| detu jAya || 105||
maga jeM jeM kAM nimikha| dekhela mAjheM sukha| tetuleM arochaka| viShayIM ghe{I}la || 106||
jaisA sharatkAlu rige| ANi saritA vohaTUM lAge| taiseM chitta kADhela vegeM| prapaMchauni || 107||
maga punavehUni jaiseM| shashibiMba diseMdiseM| hArapata aMvase| nAhIMchi hoya || 108||
taiseM bhogA{A}MtUni nigatAM| chitta majamAjIM rigatAM| haLUhaLU paMDusutA| mIchi ho{I}la || 109||
agA abhyAsayogu mhaNije| to hA eku jANije| yeNeM kAMhIM na nipaje| aiseM nAhIM || 110||
paiM abhyAsAcheni baLeM| ekAM gati aMtarALe| vyAghra sarpa prAMjaLe| kele ekIM || 111||
viSha kIM AhArIM paDe| samudrIM pAyavATa joDe| ekIM vAgbrahma thokaDeM| abhyAseM keleM || 112||
mhaNauni abhyAsAsI kAMhIM| sarvathA duShkara nAhIM| yAlAgI mAjhyA ThAyIM| abhyAseM mILa || 113||

\indent ##\hspace{1in}## abhyAse.apyasamartho.asi matkarmaparamo bhava |
\indent ##\hspace{1in}## madarthamapi karmANi kurvan siddhimavApsyasi || 10||\newline%@

kAM abhyAsAhI lAgIM| kasu nAhIM tujhiyA aMgIM| tarI AhAsI jayA bhAgIM| taisAchi Asa || 114||
iMdriyeM na koMDIM| bhogAteM na toDIM| abhimAnu na saMDIM| svajAtIchA || 115||
kuLadharmu chALIM| vidhiniShedha pALIM| maga sukheM tuja saraLI| didhalI Ahe || 116||
parI maneM vAchA deheM| jaisA jo vyApAru hoye| to mI karItu AheM| aiseM na mhaNeM || 117||
karaNeM kAM na karaNeM| heM AghaveM tochi jANe| vishva chaLatase jeNeM| paramAtmeni || 118||
uNayApureyAcheM kAMhIM| uroM nedI ApuliyA ThAyIM| svajAtI karUni ghe{I}M| jIvitva heM || 119||
mALiyeM je{}uteM neleM| te{}uteM nivAMtachi geleM| tayA pANiyA aiseM keleM| ho{A}veM gA || 120||
mhaNauni pravR^itti ANi nivR^ittI| iyeM vojhIM neghe matI| akhaMDa chittavR^ittI| mAjhyA ThAyIM || 121||
eRhavIM tarI subhaTA| ujU kAM avhATAM| rathu kA{I} khaTapaTA| karitu ase \? || 122||
ANi jeM jeM karma nipaje| teM thoDeM bahu na mhaNije| nivAMtachi arpije| mAjhyAM ThAyIM || 123||
aisiyA madbhAvanA| tanutyAgIM arjunA| tUM sAyujya sadanA| mAjhiyA yesI || 124||

\indent ##\hspace{1in}## athaitadapyashak{}to.asi kartu.n madyogamAshritaH |
\indent ##\hspace{1in}## sarvakarmaphalatyAga.n tataH kuru yatAtmavAn || 11||\newline%@

nA tarI heMhI tUja| nedave karma maja| tarI tUM gA bujha| paMDukumarA || 125||
buddhIchiye pAThIM poTIM| karmA{A}di kAM shevaTIM| mAteM bAMdhaNeM kirITI| duvADa jarI || 126||
tarI heMhI aso| sAMDIM mAjhA atiso| pari saMyatisIM vaso| buddhi tujhI || 127||
ANi jeNeM jeNeM veLeM| ghaDatI karmeM sakaLeM| tayAMchIM tiyeM phaLeM| tyajitu jAya || 128||
vR^ixa kAM velI| loTatI phaLeM AlIM| taisIM sAMDIM nipajalIM| karmeM siddheM || 129||
pari mAteM manIM dharAveM| kAM maja{u}ddesheM karAveM| heM kAMhIM nako AghaveM| jA{U}M de shUnyIM || 130||
khaDakIM jaiseM varShaleM| kAM AgImAjIM perileM| karma mAnI dekhileM| svapna jaiseM || 131||
agA AtmajechyA viShIM| jIvu jaisA nirabhilAShI| taisA karmIM asheShIM| niShkAmu ho{I}M || 132||
vanhIchI jvALA jaisI| vAyAM jAya AkAshIM| kriyA jiroM de taisI| shUnyAmAjI || 133||
arjunA hA phalatyAgu| AvaDe kIra asalagu| parI yogAmAjIM yogu| dhurechA hA || 134||
yeNeM phalatyAgeM sAMDe| teM teM karma na virUDhe| ekachi veLe veLujhADeM| vAMjheM jaisIM || 135||
taiseM yeNeMchi sharIreM| sharIrA yeNeM sare| kiMbahunA yerajhAre| chirA paDe || 136||
paiM abhyAsAchiyA pA{u}TIM| ThAkije j~nAna kirITI| j~nAneM ye{i}je bheTI| dhyAnAchiye || 137||
maga dhyAnAsi kheMva| detI Aghavechi bhAva| tevhAM karmajAta sarva| dUrI ThAke || 138||
karma jetha durAve| tetha phalatyAgu saMbhave| tyAgAstava AMgave| shAMti sagaLI || 139||
mhaNauni yAvayA shAMti| hAchi anukramu subhadrApatI| mhaNauni abhyAsuchi prastutIM| karaNeM etha || 140||

\indent ##\hspace{1in}## shreyo hi j~nAnamabhyAsAj~nAnAd.h dhyAna.n vishiShyate |
\indent ##\hspace{1in}## dhyAnAt.h karmaphalatyAgastyAgAchchhAntinirantaram.h || 12||\newline%@

abhyAsAhUni gahana| pArthA maga j~nAna| j~nAnApAsoni dhyAna| visheShije || 141||
maga karmaphalatyAgu| to dhyAnApAsoni chAMgu| tyAgAhUni bhogu| shAMtisukhAchA || 142||
aisiyA yA vATA| ihIMchi peNA subhaTA| shAMtIchA mAjivaTA| ThAkilA jeNeM || 143||

\indent ##\hspace{1in}## adveShTA sarvabhUtAnA.n maitraH karuNa eva cha |
\indent ##\hspace{1in}## nirmamo niraha~NkAraH samaduHkhasukhaH kShamI || 13||\newline%@

jo sarva bhUtAMchyA ThAyIM| dveShAMteM neNeMchi kahIM| Apaparu nAhIM| chaitanyA jaisA || 144||
uttamAteM dharije| adhamAteM avherije| heM kAhIMchi neNije| vasudhA jevIM || 145||
kAM rAyAcheM deha chALUM| raMkAteM parauteM gALUM| heM na mhNechi kR^ipALU| prANu paiM gA || 146||
gA{I}chI tR^iShA harUM| kAM vyAghrA viSha ho{U}ni mArUM| aiseM neNeMchi gA karUM| toya jaiseM || 147||
taisI AghaviyAMchi bhUtamAtrIM| ekapaNeM jayA maitrI| kR^ipeshIM dhAtrI| ApaNachi jo || 148||
ANi mI he bhASha neNeM| mAjheM kAhIMchi na mhaNe| sukha duHkha jANaNeM| nAhIM jayA || 149||
tevIMchi xamelAgIM| pR^ithvIsi pavADu AMgIM| saMtoShA utsaMgIM| didhaleM ghara || 150||

\indent ##\hspace{1in}## santuShTaH satata.n yogI yatAtmA dR^iDhanishchayaH |
\indent ##\hspace{1in}## mayyarpitamanobuddhiryo madbhaktaH sa me priyaH || 14||\newline%@

vArShiyevINa sAgarU| jaisA jaLeM nitya nirbharu| taisA nirupachAru| saMtoShI jo || 151||
vAhUni ApulI ANa| dharI jo aMtaHkaraNa| nishchayA sAchapaNa| jayAcheni || 152||
jIvu paramAtmA donhI| baisa{}Uni aikyAsanIM| jayAchiyA hR^idayabhuvanIM| virAjatI || 153||
aisA yogasamR^iddhi| ho{U}ni jo niravadhi| arpI manobuddhI| mAjhyA ThAyIM || 154||
AMtu bAheri yogu| nirvALaleyAhi chAMgu| tarI mAjhA anurAgu| saprema jayA || 155||
arjunA gA to bhaktu| tochi yogI tochi muktu| to vallabhA mI kAMtu| aisA paDhiye || 156||
heM nA to AvaDe| maja jIvAcheni pADeM| heMhI etha thokaDeM| rUpa karaNeM || 157||
tarI paDhiyaMtayAchI kAhANI| he bhulIchI bhAraNI| iyeM taMva na bolaNIM| parI bolavI shraddhA || 158||
mhaNauni gA AmhAM| vegAM AlI upamA| eRhavIM kAya premA| anuvAdu ase \? || 159||
AtAM aso heM kirITI| paiM priyAchiyA goShTI| duNA thAMva uThI| AvaDI gA || 160||
tayAhI varI vipAyeM| premaLu saMvAdiyA hoye| tiye goDIsI Ahe| kAMTALeM maga \? || 161||
mhaNauni gA paMDusutA| tUMchi priyu ANi tUMchi shrotA| varI priyAchI vArtA| prasaMgeM AlI || 162||
tarI AtAM boloM| bhaleM yA sukhA mInaloM| aiseM mhaNatakheMvIM DoloM| lAgalA devo || 163||
maga mhaNe jANa| tayA bhaktAMche laxaNa| jayA mI aMtaHkaraNa| baisoM ghAlIM || 164||

\indent ##\hspace{1in}## yasmAnnodvijate loko lokAnnodvijate cha yaH |
\indent ##\hspace{1in}## harShAmarShabhayodvegairmuk{}to yaH sa cha me priyaH || 15||\newline%@

tarI siMdhUcheni mAjeM| jaLacharAM bhaya nupaje| ANi jaLacharIM nubagije| samudru jaisA || 165||
tevIM unmatteM jageM| jayAsi khaMtI na lage| ANi jayAcheni AMgeM| na shiNe loku || 166||
kiMbahunA pAMDavA| sharIra jaiseM avayavAM| taisA nubage jIvAM| jIvapaNeM jo || 167||
jagachi deha jAhaleM| mhaNauni priyApriya geleM| harShAmarSha Thele| dujenaviNa || 168||
aisA dvaMdvanirmuk{}tu| bhayodvegarahitu| yAhIvarI bhaktu| mAjhyAM ThAyIM || 169||
tarI tayAchA gA maja moho| kAya sAMgoM to paDhiyAvo| heM ase jIveM jIvo| mAjheni to || 170||
jo nijAnaMdeM dhAlA| pariNAmu AyuShyA AlA| pUrNate jAhalA| vallabhu jo || 171||

\indent ##\hspace{1in}## anapekShaH shuchirdakSha udAsIno gatavyathaH |
\indent ##\hspace{1in}## sarvAra.nbhaparityAgI yo madbhaktaH sa me priyaH || 16||\newline%@

jayAchiyA ThAyIM pAMDavA| apexe nAhIM rigAvA| sukhAsi chaDhAvA| jayAcheM asaNeM || 172||
moxa de{}Uni udAra| kAshI hoya kIra| parI vechAveM lAgeM sharIra| tiye gAMvIM || 173||
himavaMtu doSha khAye| parI jIvitAchI hAni hoye| taiseM shuchitva nohe| sajjanAcheM || 174||
shuchitveM shuchi gAMga hoye| ANi pApatApahI jAye| parI tetheM Ahe| buDaNeM eka || 175||
kholiye pAru neNije| tarI bhaktIM na buDije| rokaDAchi lAhije| na maratAM moxu || 176||
saMtAcheni aMgalageM| pApAteM jiNaNeM gaMge| teNeM saMtasaMgeM| shuchitva kaiseM || 177||
mhaNauni aso jo aisA| shuchitveM tIrthAM kuvAsA| jeNeM ullaMghavileM dishA| manomaLa || 178||
AMtu bAherI chokhALu| sUrya jaisA nirmaLu| ANi tattvArthIMchA pAyALu| dekhaNA jo || 179||
vyApaka ANi udAsa| jaiseM kAM AkAsha| taiseM jayAcheM mAnasa| sarvatra gA || 180||
saMsAravyathe phiTalA| jo nairAshyeM vinaTalA| vyAdhAhAtoni suTalA| vihaMgu jaisA || 181||
taisA satata jo sukheM| koNIhI TavaMcha na dekhe| neNije gatAyuSheM| lajjA jevIM || 182||
ANi karmAraMbhAlAgIM| jayA ahaMkR^itI nAhI AMgIM| jaiseM niriMdhana AgI| vijhoni jAya || 183||
taisA upashamuchi bhAgA| jayAsi AlA paiM gA| jo moxAchiyA AMgA| lihilA ase || 184||
arjunA hA ThAvovarI| jo so.ahaMbhAvo sarobharIM| dvaitAchyA pailatIrIM| nigoM saralA || 185||
kIM bhaktisukhAlAgIM| ApaNapeMchi dohI bhAgIM| vAMTUniyAM AMgIM| sevakai bANI || 186||
yerA nAma mI ThevI| maga bhajatI voja baravI| na bhajatayA dAvI| yogiyA jo || 187||
tayAche AmhAM vyasana| AmucheM to nijadhyAna| kiMbahunA samAdhAna| to miLe taiM || 188||
tayAlAgIM maja rUpA yeNeM| tayAcheni maja yetheM asaNeM| tayA loNa kIje jIveM prANeM| aisA paDhiye || 189||

\indent ##\hspace{1in}## yo na hR^iShyati na dveShTi na shochati na kA~NkShati |
\indent ##\hspace{1in}## shubhAshubhaparityAgI bhaktimAnyaH sa me priyaH || 17||\newline%@

jo AtmalAbhAsArikheM| gomaTeM kAMhIMchi na dekhe| mhaNauni bhogavishekheM| harikhejenA || 190||
ApaNachi vishva jAhalA| tarI bhedabhAvo sahajachi gelA| mhaNauni dveShu ThelA| jayA puruShA || 191||
paiM ApuleM jeM sAcheM| teM kalpAMtIMhIM na vache| heM jANoni gatAcheM| na shochI jo || 192||
ANi jayAparauteM kAMhIM nAhIM| teM ApaNapeMchi ApulyA ThAyIM| jAhalA yAlAgIM jo kAMhIM| AkAMxI nA || 193||
vokhaTeM kAM gomaTeM| heM kAhIMchi tayA numaTe| rAtridivasa na ghaTe| sUryAsi jevIM || 194||
aisA bodhuchi kevaLu| jo ho{}voni ase nikhaLu| tyAhIvarI bhajanashILu| mAjhyA ThAyIM || 195||
tarI tayA aiseM dusareM| AmhAM paDhiyaMteM soyareM| nAhIM gA sAchokAreM| tujhI ANa || 196||

\indent ##\hspace{1in}## samaH shatrau cha mitre cha tathAmAnApamAnayoH |
\indent ##\hspace{1in}## shItoShNasukhaduHkheShu samaH sa~NgavivarjitaH || 18||\newline%@

pArthA jayAchiyA ThAyIM| vaiShamyAchI vArtA nAhIM| ripumitrAM dohIM| sarisA pADu || 197||
kAM gharIMchiyAM ujiyeDu karAvA| pArakhiyAM AMdhAru pADAvA| heM neNechi gA pAMDavA| dIpu jaisA || 198||
jo khAMDAvayA ghAvo ghAlI| kAM lAvaNI jayAneM kelI| doghAM ekachi sA{u}lI| vR^ixu de jaisA || 199||
nAtarI ixudaMDu| pALitayA goDu| gALitayA kaDu| noheMchi jevIM || 200||
arimitrIM taisA| arjunA jayA bhAvo aisA| mAnApamAnIM sarisA| hotu jAye || 201||
tihIM R^itUM samAna| jaiseM kAM gagana| taisA ekachi mAna| shItoShNIM jayA || 202||
daxiNa uttara mArutA| meru jaisA paMDusutA| taisA sukhaduHkhaprAptAM| madhyasthu jo || 203||
mAdhuryeM chaMdrikA| sarisI rAyA raMkA| taisA jo sakaLikAM| bhUtAM samu || 204||
AghaviyAM jagA eka| sevya jaiseM udaka| taiseM jayAteM tinhI loka| AkAMxitI || 205||
jo sabAhyasaMga| sAMDoniyA lAga| ekAkIM ase AMga| AMgIM sUnI || 206||

\indent ##\hspace{1in}## tulyanindAstutirmaunI santuShTo yena kenachit.h |
\indent ##\hspace{1in}## aniketaH sthiramatirbhaktimAnme priyo naraH || 19||\newline%@

jo niMdeteM neghe| stuti na shlAghe| AkAshA na lage| lepu jaisA || 207||
taiseM niMde ANi stuti| mAnu karUni eke pAMtI| vichare prANavR^ittI| janIM vanIM || 208||
sAcha laTikeM donhI| boloni na bole jAhalA maunI| jo bhogitAM unmanI| ArAyenA || 209||
jo yathAlAbheM na tokhe| alAbheM na pArukhe| pA{u}sevINa na suke| samudru jaisA || 210||
ANi vAyUsi eke ThAyIM| biDhAra jaiseM nAhIM| taisA na dharIcha kahIM| Ashrayo jo || 211||
AghavAchI AkAshasthiti| jevIM vAyUsi nitya vasatI| tevIM jagachi vishrAMtI\- . sthAna jayA || 212||
heM vishvachi mAjheM ghara| aisI matI jayAchI sthira| kiMbahunA charAchara| ApaNa jAhalA || 213||
maga yAhIvarI pArthA| mAjhyA bhajanIM AsthA| tarI tayAteM mI mAthAM| mukuTa karIM || 214||
uttamAsi mastaka| khAlavije heM kAya kautuka| parI mAnu karitI tinhI loka| pAyavaNiyAM || 215||
tarI shraddhAvastUsI Adaru| karitAM jANije prakAru| jarI hoya shrIguru| sadAshivu || 216||
parI he aso AtAM| maheshAteM vAnitAM| Atmastuti hotAM| saMchAru ase || 217||
yayAlAgIM heM nohe| mhaNitaleM ramAnAheM| arjunA mI vAheM| shirIM tayAteM || 218||
je puruShArthasiddhi chauthI| ghe{}Uni ApuliyA hAtIM| rigAlA bhaktipaMthIM| jagA detu || 219||
kaivalyAchA adhikArI| moxAchI soDI bAMdhI karI| kIM jaLAchiye parI| taLavaTu ghe || 220||
mhaNauni gA namaskArUM| tayAteM AmhI mAthAM muguTa karUM| tayAchI TAMcha dharUM| hR^idayIM AmhIM || 221||
tayAchiyA guNAMchIM leNIM| levavUM apuliye vANI| tayAchI kIrti shravaNIM| AmhIM levUM || 222||
to pahAvA he DohaLe| mhaNauni achaxUsI maja DoLe| hAtIMcheni lIlAkamaLeM| pujUM tayAteM || 223||
doMvarI donI| bhujA AloM ghe{u}ni| AliMgAvayAlAgunI| tayAcheM AMga || 224||
tayA saMgAcheni suravADeM| maja videhA deha dharaNeM ghaDe| kiMbahunA AvaDe| nirupamu || 225||
teNeMsIM AmhAM maitra| etha kAyaseM vichitra \?| parI tayAcheM charitra| aikatI je || 226||
tehI prANAparaute| AvaDatI heM niruteM| je bhaktacharitrAteM| prashaMsitI || 227||
jo hA arjunA sAdyaMta| sAMgitalA prastuta| bhaktiyogu samasta\-| yogarUpa || 228||
tayA mI prIti karI| kAM manIM shirasA dharIM| yevaDhI thorI| jayA sthitIye || 229||

\indent ##\hspace{1in}## ye tu dharmyAmR^itamida.n yathok{}ta.n paryupAsate |
\indent ##\hspace{1in}## shraddadhAnA matparamA bhaktAste.atIva priyAH || 20||\newline%@

\indent ##\hspace{1in}## iti shrImadbhagvadgItAsUpaniShatsu brahmavidyAyA.n yogashAstre
\indent ##\hspace{1in}## shrIkR^iShNArjunasa.nvAde bhaktiyogonAma dvAdasho.adhyAyaH || 12a ||\newline%@

te he goShTI ramya| amR^itadhArA dharmya| karitI pratItigamya| A{i}koni je || 230||
tesIchi shraddhecheni AdareM| jayAMche ThAyIM vistare| jIvIM jayAM thAre| je anuShThitI || 231||
parI nirUpalI jaisI| taisIcha sthiti mAnasIM| maga suxetrIM jaisI| peraNI kelI || 232||
parI mAteM parama karUni| iyeM arthIM prema dharUni| heMchi sarvasva mAnUni| ghetI je paiM || 233||
pArthA gA jagIM| techi bhakta techi yogI| utkaMThA tayAMlAgIM| akhaMDa maja || 234||
teM tIrtha teM xetra| jagIM teMchi pavitra| bhakti kathesi maitra| jayAM puruShAM || 235||
AmhIM tayAMcheM karUM dhyAna| te AmucheM devatArchana| te vAMchUni Ana| gomaTeM nAhIM || 236||
tayAMcheM AmhAM vyasana| te AmucheM nidhinidhAna| kiMbahunA samAdhAna| te miLatI taiM || 237||
paiM premaLAchI vArtA| je anuvAdatI paMDusutA| te mAnUM paramadevatA| ApulI AmhI || 238||
aise nijajanAnaMdeM| teNeM jagadAdikaMdeM| bolileM mukuMdeM| saMjayo mhaNe || 239||
rAyA jo nirmaLu| niShkalaMka lokakR^ipALu| sharaNAgatAM pratipALu| sharaNyu jo || 240||
paiM surasahAyashILu| lokalAlanalILu| praNatapratipALu| hA kheLu jayAchA || 241||
jo dharmakIrtidhavalu| AgAdha dAtR^itveM saraLu| atuLabaLeM prabaLu| baLibaMdhanu || 242||
jo bhaktajanavatsaLu| premaLajana prAMjaLu| satyasetu sakaLu| kalAnidhI || 243||
to shrIkR^iShNa vaikuMThIMchA| chakravartI nijAMchA| sAMge yeru daivAchA| A{i}katu ase || 244||
AtAM yayAvarI| nirUpitI parI| saMjayo mhaNe avadhArIM| dhR^itarAShTrAteM || 245||
techi rasALa kathA| maRhAThiyA pratipathA| ANijela AtAM| AvadhArijo || 246||
j~nAnadeva mhaNe tumhI| saMta voLagAveti AmhI| heM paDhaviloM jI svAmI| nivR^ittidevIM || 247||
iti shrIj~nAnadevavirachitAyAM bhAvArthadIpikAyAM dvAdasho.adhyAyaH ||
%End of 12@
\bigskip\hrule\medskip
##
{\rm \Large
Encoded and proofread by
Chhaya Deo, Sharad Deo, and Vishwas Bhide.
Assisted by
Sunder Hattangadi, Joshi, and Shree Devi Kumar.}
\medskip\hrule\obeylines
{\rm Please send corrections to sanskrit at cheerful dot c om}
{\rm Last updated \today}
\end{document}