%@@1
% File name             : amRitAnubhava.itx
%--------------------------------------------
% Text title            : amR^itAnubhava
% Author                : Sant Dnyaneshwar
% Language              : Marathi
% Subject               : philosophy/hinduism/religion
% Description/comments  : 
% Transliterated by     : Vishwas Bhide vishwas underscore bhide at yahoo.com
% Proofread by          : Vishwas Bhide vishwas underscore bhide at yahoo.com
% Latest update         : March 12, 2006, January 25, 2009
% Send corrections to   : sanskrit at cheerful dot c om
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to/
%-----------------------------------------------------
% The text is prepared by volunteers and is to be used for personal study
% and research.  The file is not to be copied or reposted for promotion of 
% any website or individuals or for commercial purpose without permission.
%        Please help to maintain respect for volunteer spirit.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. amRitAnubhava by Sant Dnyaneshwar ..}##
\itxtitle{.. amR^itAnubhava ..}##\endtitles ##
          prakaraNa pahile
      shivashaktisamAveshana
yadakSharamanAkhyeyamAnaMdamajamavyayam |
shrImannivR^ittinAtheti khyAtaM daivatamAshraye || 1||
gururityAkhyayA loke sAkShAd_vidyAhi shAMkarI |
jayatyAdnyA namastasyai dayArdrAyai niraMtaram || 2||
sArdhaM kena cha kasyArdhaM shivayoH samarUpiNoH |
dnyAtuM na shakyate lagnamitidvaitachChalAnmuhuH || 3||
advaitamAtmanastattvaM darshayaMtau mithastarAm |
tau vaMde jagatAmAdyau tayostattvAbhipattaye || 4||
mUlAyAgrAya madhyAya mUlamadhyAgramUrtaye |
kShINAgramUlamadhyAya namaH pUrNAya shaMbhave || 5||
aishI hI nirupAdhikeM | jagAchIM jiyeM janakeM |
tiyeM vaMdilIM miyAM mULikeM | devodevI || 1\-1||
jo prIyuchi prANeshvarI | ulathe AvaDIchiye sarobharIM |
chArusthaLIM ekAhArI | ekAAMgAchI || 1\-2||
AvaDIcheni vegeM | eka_ekAteM giLitI AMgeM |
kIM dvaitAcheni pAMgeM | ugaLite AhAti || 1\-3||
ji ekachi navhe ekasareM | doghA dopaNa nAhIM pureM |
kAya neNoM sAkAreM | svarUpeM jiyeM || 1\-4||
kaishI svasukhAchI aLukI | je donIpaNa miLoni ekIM |
neditIcha kavatukIM | ekapaNa phuToM || 1\-5||
hA ThAvovarI viyogabheDe | jeM bALa jagAyevaDheM |
viyAlIM parI na moDe | doghulepaNa || 1\-6||
Apuliye AMgIM saMsArA | dekhaliyA charAcharA |
parI neditIcha tisarA | jhoka lAgoM || 1\-7||
jayA eke sattecheM baisaNeM | doghAM ekA prakAshAcheM leNeM |
jeM anAdi ekapaNeM | nAMdatI dogheM || 1\-8||
bhedu lAjauni AvaDI | ekarasIM deta buDI |
jo bhogaNayA thAva kADhI | dvaitAchA jetheM || 1\- 9||
jeNeM deveM saMpUrNa devI | jiyeviNa kAMhIMnA to gosAvI |
kiMbahunA ekopajIvI | eka_ekAMchI || 1\-10||
kaisA meLu AlA goDiye | doghe na mAtI jagIM iye |
kIM paramANUhi mAjI uvAye | mAMDilIM AhAtI || 1\-11||
jihIM eka_ekAvINa | na kIje tR^iNAcheMhI nirmANa |
jiye doghe jIvaprANa | jiyA doghA || 1\-12||
gharavAteM moTakI doghe | jaiM gosAvI seje righe |
taiM daMpatyapaNeM jAge | svAmiNI je || 1\-13||
jayA doghAMmAjIM ekAdeM | vipAyeM umajaleM hoya nide |
tarI gharavAta giLunI nusadheM | kAMhIM nA kIM || 1\-14||
donhI AMgAMchI ATaNI | giMvasIta AhAtI ekapaNIM |
jAlI bhedAchiyA vAhANI | AdhAdhI jiyeM || 1\-15||
viSho ekamekAMchI jiye | jiye ekamekAMchI viSha_yI iyeM |
jihIM doghIM sukhiyeM | jiye doghe || 1\-16||
strIpuruSha nAmabhedeM | shivapaNa ekaleM nAMde |
jaga sakaLa adhAdhe- | paNeM jihIM || 1\-17||
do dAMDIM eka shrutI | dohoM phulIM eka dR^iti |
dohoM divIM dIptI | ekIchI jevIM || 1\-18||
do oThIM ekI goShTI | do DoLAM yekI dR^iShTI |
tevIM doghIM jihIM sR^iShTI | ekIchi jevIM || 1\-19||
dA_Uni donIpaNa | ekarasAcheM ArogaNa |
karIta Ahe mehUNa | anAdi je || 1\-20||
je svAmIchiyA sattA | vINa aso neNeM pativratA |
jiyevINa sarvakartA | kAMhI nA jo || 1\-21||
je kIM bhAtArAcheM disaNeM | bhAtAruchi jiyecheM asaNeM |
neNijatI dogheMjaNeM | nivaDUM jiye || 1\-22||
goDI ANi guLu | kApura ANi parimaLu |
nivaDUM jAtAM pAMguLu | nivADu hoye  || 1\-23||
samagra dIptI ghetAM | jevi dIpachi ye hAtA |
tevI jiyechiyA tattvatA | shivUchi lAbhe || 1\-24||
jaishI sUryIM mirave prabhA | prabhe sUryatvachi gAbhA |
taishI bheda giLita shobhA | ekachi je || 1\-25||
kAM biMba pratibiMbA dyotaka | pratibiMba biMbA anumApaka |
taiseM dvaitamiseM eka | baravatase || 1\-26||
sarva shUnyAchA niShkarShu | jiyA bA_ilA kelA puruShu |
jeNeM dAdulena satta visheShu | shaktI jAlI || 1\-27||
jiye prANeshvarIvINa | shivIMhi shivapaNa |
thAro na shake te ApaNa | shive ghaDalI || 1\-28||
aishvaryeshI Ishvara | jiyecheM aMga saMsArA |
ApaNa ho_UnI ubhArA | ApaNachi je || 1\-29||
patIcheni arUpapaNeM | lAjoni aMgAcheM miravaNeM |
keleM jagAyevaDheM leNeM | nAmarUpAcheM || 1\-30||
aikyAchAhI dukALA | bahupaNAchA sohaLA |
jiye sadaivochiyA liLA | dAkhavilA || 1\-31||
AMgAchiyA ATaNiyA | kAMtu uvAyA ANilA jiyA |
svasaMkocheM priyA | rUDhavilI jeNeM || 1\-32||
jiyeteM pAhAvayAchiyA lobhA | chaDhe dR^iShTatvAchiyA kShobhA |
jiyeteM na dekhatuchi ubhA || AMgachi sAMDI || 1\-33||
kAMtechiyA bhiDA | avalA hoya jagAyevaDhA |
aMgavilA ughaDA | jiyevINa || 1\-34||
jo hA ThAva maMdarUpeM | uvA_ilepaNeM hArape |
to jAlA jiyecheni paDapeM | vishvarUpa || 1\-35||
jiyA chevavilA shIvu | vedyAche boNeM bahu |
vADhIteNeMsi je_u | dhAlA jo || 1\-36||
nideleni bhAtAreM | je viye charAchareM |
jiyechA visAvalA nure | AMbulepaNahI || 1\-37||
jaMva kAMta lapo baiseM | taMva neNije jiyoddesheM |
jiye doghe Arise | jiyA doghA || 1\-38||
jiyecheni aMgalageM | AnaMda ApaNA ArogUM lAge |
sarva bhoktR^itvahI neghe | jiyeviNa kAMhIM || 1\-39||
jayA priyecheM jeM AMga | jo priyu jiyecheM chAMga |
kAlavUni donhI bhAga | jevite AhAti || 1\-40||
jaishi kAM samIresakaTa gati | kAM soniyAsakaTa kAMtI |
taise shiveshI shakti | avaghIcha je || 1\-41||
kAM kasturIsakaTa parimaLu | kAM uShmesakaTa anaLu |
taisA shaktIshI kevaLu | shrIshivUchi jo || 1\-42||
rAti ANi divo | pAtalI sUryAchA ThAvo |
taisA ApuliyA sAchIM vAvo | doghe jiye || 1\-43||
kiMbahunA tiye | praNavAkSharIM viruDhatiye |
dashechIhI vairiye | shivashakti || 1\-44||
heM aso nAmarUpAchA bhedasirA | giLita ekArthAchA ujirA |
namo tayA shivavoharA | dnyAnadevo mhaNe || 1\-45||
jayAchyA doghAMchyA AliMganIM | vironi gelI donhI |
AghaviyAchi rajanI | diThichi je || 1\-46||
jayAMchyA rUpanirdhArIM | gelI paresIM vaikharI |
siMdhUshIM pralayanirIM | gaMgA jaishI || 1\-46||
jayA doghAMchyA AliMganIM | vironI gelIM donI |
aghavIyAchiM rajanI | diThIcha je || 47||
vAyu chaLabaLeMshIM | jirAlA vyomAchiye kushIM |
aTalA praLayaprakAshIM | saprabha bhAnu || 1\-48||
tevIM nihALitAM yayAteM | gele pAhaNeMnashI pAhate |
puDhatI gharauteM varauteM | vaMdilIM tiyeM || 1\-49||
jayAchyA vAhaNIM | vedaku vedyAcheM pANI |
na piye paNa sAMDaNI | AMgAchIhI karI || 1\-50||
tetha mI namaskarA- | lAgIM uroM dusarA |
tarI liMgabheda parxhA | joDUM jAvoM || 1\-51||
pari sonenasI dujeM | navhatu leNeM sonA bhaje |
heM namana karaNeM mAjheM | taiseM Ahe || 1\-52||
sAMgatAM vAcheteM vAchA | ThAvo vAchyavAchakAchA |
paDatAM kAya bhedAchA | viTALu hoye || 1\-53||
siMdhu ANi gaMgechI miLaNI | strIpuruSha nAmAchI miravaNI |
disatase tarI kAya pANI | dvaita ho_Ila \? || 1\-54||
pAheM pA bhAsya bhAsakatA | ApulAM ThA_I dAvitA |
ekapaNa kAya savitA | moDItase \? || 1\-55||
chAMdAchiyA doMdAvarI | hotA chAMdaNiyAchI vikhurI |
kAya uNeM dIptIvarI | giMvaso pA dIpu || 1\-56||
motiyAchI kILa | hoya motiyAvarI pAMguLa |
agaLeM nirmaLa | rUpA ye kIM \? || 1\-57||
mAtrAchiyA tripuTiyA | praNavU kAya kelA chiraTiyA \? |
kIM 'NakAra'  tI reghaTiyA | bhedavalA kA_I \? || 1\-58||
aho aikyAcheM muddala na DhaLe | ANi sAjirepaNAchA lAbha miLe |
tari svataraMgAchIM mukuLeM | turaMbu kA pANI || 1\-59||
mhaNoni bhUteshu aNi bhavAnI | vaMdilI na karoni sinAnIM |
mI nighAloM namanIM | teM heM aiseM || 1\-60||
darpaNAcheni tyAgeM | pratibiMba biMbIM rige |
kAM buDI dIje taraMgeM | vAyUchA ThelA || 1\-61||
nAtarI nIdajAta khevo | pAve ApulA ThAvo |
taishI buddhityAgeM devI devo | vaMdilI miyA || 1\-62||
sAMDUni mIThapaNAchA lobhu | mITheM siMdhutvAchA ghetalA lAbhu |
tevI ahaM de_Uni mI shaMbhu | shAMbhavI jhAloM || 1\-63||
shivashakti samAvesheM | namana keleM myAM aiseM |
raMbhAgarbha AkAshe | righAlA jaisA | 1\-64||
|| iti shrImad_amR^itAnubhave shivashaktisamAveshanamana nAma prathamaM
prakaraNaM saMpUrNam||
\medskip\hrule\medskip
         prakaraNa dusareM
         shrIgurustavana
AtAM upAyavanavasaMtu | jo AdnyechA AhevataMtu |
amUrtachi pari mUrtu | kAruNyAchA || 2\-1||
moDoni mAyAkuMjaru | muktamotiyAchA vogarU |
jevavitA sad_guru | nivR^itti vaMdU || 2\-3||
avidyeche ADave | bhuMjIta jIvapaNAche bhave |
tayA chaitanyAche dhAMve | kAruNyeM jo kI || 2\-3||
jayAcheni ApAMgapAteM | baddha mokShapaNIM Ate |
bheTe jANatayA jANateM | jayApAshIM || 2\-4||
kaivalyakanakAchiyA dAnA | jo na kaDasI thora sAnA |
draShTyAchiyA darshanA | pADhA_U jo || 2\-5||
sAmarthyAcheni bikeM | jo shivAcheMhI gurutva jiMke |
AtmA Atmasukha dekhe | ArasAM jiye || 2\-6||
bodhachaMdrAchiyA kaLA | vikhuralyA ekavaLA |
kR^ipApunIva lILA | karI jayAchI || 2\-7||
jo bheTaliyAchi save | purati upAyAche dhAMve |
pravR^itti-gaMgA sthirAve | sAgarIM  jiye || 2\-8||
jayAcheni anavasareM | draShTA le dR^ishyAcheM mohireM |
jo bheTatakheva sare | bahurupachi heM || 2\-9||
avidyecheM kALavakheM | kIM svabodhasudinIM phAMke |
sItaleM prasAdArkeM | jayAcheni || 2\-10||
jayAcheni kR^ipAsalileM | jIvU hA ThAvavarI pAkhALe |
je shivapaNahI voviLeM | aMgI na lavI || 2\-11||
rAkhoM jAtAM shiShyAteM | gurupaNahI dhADileM thiteM |
tarI gurUgaurava jayAteM | sAMDIchinA || 2\-12||
ekapaNa navhe susAsa | mhaNUni guru-shiShyAche karuni misa |
pAhaNechi ApalI vAsa | pAhatachi ase || 2\-13||
jayAcheni kR^ipAtuShAreM | parataleM avidyecheM mohireM |
pariName apAreM | bodhAmR^iteM || 2\-14||
vedyA detAM miThI | vedakUhI suye poTIM |
tarxhI navhechi ushiTI | diThI jayAchI || 2\-15||
jayAcheni sAvAyeM | jIvU brahma_upara lAhe |
brahma tR^iNAtaLIM jAye | udAseM jeNeM || 2\-16||
upAstIvarI rAbatiyA | upAyaphaLIM yetI moDUniyA |
varivaMDale jayAchiyA | anudnyA kA || 2\-17||
jayAchA diThivA vasaMtu | jaMva na righe nigamavanA_AMtu |
taMva Apuliye phaLIM hAtu | na ghepatI hI || 2\-18||
puDheM dR^iShTIcheni AlageM | khochI kI nivaTe mAgeM |
yevaDheyA jaitA neghe | ApaNapeM jo || 2\-19||
laghutvAcheni muddaleM | baisalA gurutvAche shele |
nAsUni nAthileM | sadaiva jo || 2\-20||
nAhIM teM jaLIM buDile | tai ghanavaTeM jeNeM tarije |
jeNeM tAriliyAhi nurije | kavaNI ThAyIM || 2\-21||
AkAsha he sAveva | na baMdhe AkAshAchI hAMva |
aiseM koNI eka bharIva | AkAsha jo || 2\-22||
chaMdrAdi sushItaLeM | ghaDalI jayAcheni meLeM |
sUrya jayAcheni ujALe | kaDavasenI || 2\-23||
jIvapaNAcheni trAseM | yAvayA ApulIye dashe |
shivahI muhUrta puse | jayA joshiyAteM || 2\-24||
chAMdiNeM svaprakAshAcheM | le_ilA dvaitaduNIcheM |
tarxhI ughaDepaNa navache | chAMdAcheM jayA || 2\-25||
jo ughaDa kIM na dise | prakAsha kI na prakAshe |
asatepaNeMchi nase | kavhaNIkaDe || 2\-26||
AtAM jo to ihIM shabdIM | keM meLavUM anumAnAchI mAMdI |
hA pramANAhI vo nedI | koNAhI mA || 2\-27||
jetheM shabdAchI lihI puse | teNeMshIM chAvaLoM baise |
dujayAchyA rAgIM ruse | ekapaNA jo || 2\-28||
pramANAchI parI sare | taiM prameyechI AviShkare |
navala mechu ye dhure | nAhIMpaNAchI || 2\-29||
kAMhIbAhI aLumALu | dekhije yekhAde veLU |
tarI dekhe teMhI viTALU | jayAM gAMvIM || 2\-30||
tetheM namaneM kA boleM| ke_utIM suyeM pA_uleM |
AMgIM lAvuni nADileM | nAMvachi yeNeM || 2\-31||
navhe AtmayA AtmapravR^itti | vADhavitAM ke nivR^ittI \? |
yA nAmAchi vAya buMthI | sAMDIchinA || 2\-32||
nivartya taMva nAhIM | mA nivartavI hA kA_I \? |
tari kaishI baise ThA_IM | nivR^ittinAmAchyA \? || 2\-33||
parI sUryAsI aMdhakAru | kai jAhalA hotA gocharU \? |
tarI tamArI hA DagarU | AlAchi kIM || 2\-34||
taiseM laTikeM yeNeM rUDhe | jaDa yeNeM ujivaDe |
na ghaDe teMhi ghaDe | yAchiyA mAvA || 2\-35||
hAM gA mAyAvasheM dAvishI | teM mAyika mhaNUnI vALishI |
amAyika taMva navhashI | kavaNAhi viShayo || 2\-36||
shiva shivA sad_guru | tujalA gUDhA kAya karUM \? |
ekAhI nirdhAra karUM | detAsI kAM \? || 2\-37||
nAmeM rUpeM bahuvaseM | ubhAruni pADilIM voseM |
sattecheni Aveshe | toShalAsI nA \? || 2\-38||
jivu ghetaliyA uNe | chAloM nedisI sAjaNeM |
mR^ityu ure svAmIpaNeM | teMhI navhe || 2\-39||
visheShAcheni nAMveM | AtmatvahI na sAhave |
kiMbahunA navhe | koNhI yA || 2\-40||
rAtI nurechi sUryA | nAtarI lavaNa pANiyA |
nurechi jevi che_iliyA | nIda jaishI || 2\-41||
kApurAche thaLIva | nurechi AgIchI barava |
nurechi rUpa nAMva | taiseM yayA || 2\-42||
yAchyA hAtA pAyA paDe | taMva vaMdyatveM puDheM na maMDe |
na paDechi hA bhiDe | bhedAchiye || 2\-43||
ApaNAprati ravi | udo na karI jevIM |
hA vaMdya navheM tevI | vaMdanAsI || 2\-44||
kAM samorapaNa ApuleM | na lAhije kAMhIM keleM |
taiseM vaMdyatva ghAtaleM | hironI yeNeM || 2\-45||
AkAshAchA arisA | nuThI pratibiMbAchA ThasA |
hA vaMdya navhe taisA | namaskArAsi || 2\-46||
parI navhe tarI na ho | he vekhAsi kAM ghevoM |
parI vaMdItayAhI ThAvo | uroM nedI || 2\-47||
AMgauni ekuNA jholu | pheDitAMchi tarI to bAhirIlu |
kaDu phiTe Atulu | na pheDItAMchi || 2\-48||
nAnA biMbapaNAsarise | ghe_uni pratibiMba nAse |
neleM vaMdyatva yeNeM taiseM | vaMdatenasI || 2\-49||
nAhIM rUpAchI jetheM soye | tetheM dR^iShTIcheM kAMhIMcha navhe |
AmhA phaLale he pAye | aishiyA dashA || 2\-50||
guNA telAchiyA soyarikA | nirvAhilI dIpakaLikA |
te kAM ho_Ila puLikA | kApurAchiyA || 2\-51||
tayA doho paraspareM | hoya nA jaMva mailhere |
taMva dohIcheMhI sare | sariseMchi || 2\-52||
tevi dekhenA mI yayAteM | taMva geleM vaMdya vaMditeM |
che_iliyA kAMte | svapnIMchi jevI || 2\-53||
kiMbahunA iyA bhAShA | dvaitAchA jetheM upakhA |
pheDuniyAM svasakhA | shrIgurU vaMdilA || 2\-54||
yAchyA sakhyAchI navA_I | AMgIM ekapaNA rUpa nAhIM |
ANi guru-shiShya duvALIhI | pavADu kelA || 2\-55||
kaisA ApaNayA ApaNa | doMvINa soyarepaNa |
hA yAhUni vilakShaNa | nAhIM nA nohe || 2\-56||
jaga avagheM poTIM mAye | gaganAyevaDheM ho_Uni ThAye |
kIM techi nisI sAhe | nAhIMpaNAchI || 2\-57||
kAM pUrNate tari AdhArU | siMdhu jaisA durbharU |
taisA viruddhA pAhuNerU | yAchyA gharIM || 2\-58||
tejA tamAteM kAMhIM | paraspareM nikeM nAhIM |
parI sUryAchyA ThAyIM | sUryachi ase || 2\-59||
eka mhaNatAM bhede | te kIM nAnAtveM nAMde \? |
viruddhe ApaNayA viruddhe | hotI kA_I \? || 2\-60||
mhaNoni shiShya ANi gurunAthu | yA dohoM shabdAMchA arthu |
shrIguruchi parI hotu | dohoM ThAyIM || 2\-61||
kAM suvarNa ANi leNeM | vasateM ekeM suvarNeM |
vasate chaMdra chAMdaNeM | chaMdrIMchi jevIM || 2\-62||
nAnA kApura ANi parimaLu | kApUrachi kevaLu |
goDI ANi guLu | gULachi jevIM || 2\-63||
taisA gurushiShyamiseM | hAchi eku ulhAse |
jarI kAMhIM dise | donhI-paNeM || 2\-64||
ArisA ANi mukhIM | mI dise he ukhI |
he Apuliye oLakhI | jANe mukha || 2\-65||
pahA pA niraMjanIM nidelA | to hA nirvivAda ekalA |
parI chetA chevavitA jAlA | donI tochi || 2\-66||
te tochi chetA tochi chetavI | tevI hAchi bujhe hAchi bujhAvI |
guru-shiShyatva nAMdavI | aisena hA || 2\-67||
darpaNeMvINa DoLA | Apule bheTIchA sohaLA |
bhogito tarI lILA | sAMgatoM heM || 2\-68||
evaM dvaitAsI umaso | nedi aikyAshI visakuso |
so_irikIchA atiso | pokhItase || 2\-69||
nivR^itti jayA nAMva | nivR^itti jayA barava |
jayA nivR^ittIchi rANIva | nivR^ittichI || 2\-70||
vAMchoni pravR^ittivirodheM | kAM nivR^ittIcheMni bodheM |
ANije taisA vAdeM | nivR^itti navhe || 2\-71||
ApaNA de_Uni rAtI | divasA ANI unnati |
pravR^itti vArI nivR^itti | navhe taisA || 2\-72||
vopasarayAcheM baLa | ghe_uni mirave kILa |
taiseM ratna navhe nikhaLa | chakravartI hA || 2\-73||
gaganahI sUni poTIM | jaiM chaMdrAchI paghaLe puShTI |
taiM chAMdiNeM teNeMsi uThI | AMga jayAcheM || 2\-74||
taiseM nivR^ittipaNAsI kAraNa | hAchi ApaNayA ApaNa |
gheyAvayA phUlachi jhAleM ghrANa | ApulI dR^itI || 2\-75||
diThI mukhAchiye barave | pAThIkaDUni jaiM pAve |
taiM Arise dhAMDoLAve | lAgatI kA_I \? || 2\-76||
kIM rAtI hana geliyA | divasa hana pAtaliyA |
kAya sUryapaNa sUryA | ho_AveM lAgeM \? || 2\-77||
mhaNoni bodhya bodhoni | ghepe pramANeM sAdhUni |
aisA navhe bharaMvaseni | gosAvI hA || 2\-78||
aiseM karaNayAvINa | svayaMbhachi jeM nivR^ittipaNa |
tayAche shrIcharaNa | vaMdile aise || 2\-79||
AtAM dnyAnadevo mhaNe | shrIgurupraNAmeM yeNeM |
pheDilI vAchAR^iNeM | chauhI vAchAMchIM || 2\-80||
|| iti shrImad_amR^itAnubhave sad_gurustavananAma dvitIya prakaraNaM
saMpUrNam||
\medskip\hrule\medskip
          prakaraNa tisareM
          vAchAR^iNottIrNa
yayAcheni bobhATe | AtmayAchI jhopa loTe |
pUrNa tarxhI R^iNa na phiTe | je cheNeMchi nIda kIM || 3\-1||
yerxhavIM parAdikA chaughI | jIva mokShAchyA upegI |
avidyesaveM AMgIM | veMchatI kIra || 3\-2||
dehAsave hAtapAye | jAtI manAsaveM iMdriyeM |
kAM sUryAsaveM jAye | kiraNajALa || 3\-3||
nA tarI nidrechiye avadhI | svapneM maratI AdhIM |
tevIM avidyeche saMbaMdhI | aTatI iyA || 3\-4||
mR^iteM loheM hotI | te rasarUpeM jitI |
jaLoni iMdhaneM yetI | vanhIdashe || 3\-5||
lavaNa AMgeM vire | parI svAdeM jaLIM ure |
nIda maroni jAgareM | jI_iye nide || 3\-6||
tevi avidyesaveM | chaughIM vechitI jIveM |
tattvadnyAnAcheni nAMve | uThatIchi iyA || 3\-7||
hA tattvadnyAna divA | maroni ihIM lAvAvA |
tarI hAhI shINa levA | bodharUpeMchI || 3\-8||
ye_Uni svapna meLavI | geliyA ApaNapAM dAvI |
donhI diThI nAMdavI | nIda jaishI || 3\-9||
jitI avidyA aishI | anyathA bodhAteM giMvashI |
techi yathAbodheMsI | nimAlI uThI || 3\-10||
parI jItI nA melI | avidyA he jAkaLI |
baMdhamokShIM ghAlI | bAMdhoniyAM || 3\-11||
mokShuchi baMdhu hoye | tarI mokSha shabda kAM sAhe \? |
adnyAnA gharI trAye | vA_ugI yAMchI || 3\-12||
bAgulAcheni maraNeM | toShAveM kIM bALapaNeM |
yerA to nAhIM mA koNeM | mR^ityu mAnAvA \? || 3\-13||
ghaTAcheM nAhIMpaNa | phuTaliyAchI nAgavaNa |
mAnitase teM jANa | mhaNo ye kIM || 3\-14||
mhaNoni baMdhuchi taMva vAvo | mA mokShA keM prasavo \? |
parI maroni kelA ThAvo | avidyA tayA || 3\-15||
ANi dnyAna baMdhu aiseM | shivasUtrAcheni miseM |
mhaNitaleM ase | sadAshiveM || 3\-16||
ANi vaikuMThIMchenihi sujANeM | dnyAnapAshIM sattvaguNeM |
bAMdhije heM niropaNa | bahu keleM || 3\-17||
parI shiveM kAM shrIvallabheM | bolileM yeNeMchi lobheM |
mAnUM teM heM lAbhe | na bolatAMhI || 3\-18||
jeM AtmadnyAna nikhaLa | teMhI ghe dnyAnAcheM baLa |
taiM sUrya chiMtI sabaLa | taise nohe \? || 3\-19||
dnyAneM shlAghatu Ahe | taiM dnyAnapaNa dhADileM vAye |
dIpa vAMchoni divA lAhe | taiM AMga bhulalAchi kIM || 3\-20||
ApaNapeM ApaNApAshIM | neNatAM deshodeshIM |
ApaNapeM giMvashI | heM kIrU hoye \? || 3\-21||
pari bahutAM kAM diyA | ApaNapeM AThavaliyA |
mhaNe mI yayA | kaisA rijhoM \? || 3\-22||
taisA dnyAnarUpa AtmA | dnyAneMchi ApalI pramA |
karitase sohamA | aisA baMdhu || 3\-23||
jeM dnyAna svaye buDe | mhaNonI bhArI nAvaDe |
dnyAneM mokShu ghaDe | teM nimAleni || 3\-24||
mhaNoni parAdikA vAchA | to shR^iMgAru chau AMgAchA |
evaM avidyA jIvAchA | jIvatva tyAgI || 3\-25||
AMgAcheni iMdhane udAsu | uThoni dnyAnAgnI praveshu |
karI tetheM bhasmaleshu | bodhAchA ure || 3\-26||
AMgIM lAviliyA vibhUti | taiM paramANUhI jhaDatI |
pari pAMDuratveM kAMtI | rAhe jaishI || 3\-27||
jaLIM jaLA vegaLu | kApUra na dise avaDaLu |
parI ho_Uni parimaLu | ure jevIM || 3\-28||
nA vohaLalA AMgIM jaise | pANI pANIpaNeM nase |
tarxhIM volhAsAcheni miseM | AthIcha teM || 3\-29||
nA tarI mAdhyAnhakALIM | ChAyA na dise vegaLI |
ase pAyAtaLIM | rigauniyAM || 3\-30||
taiseM grAsUni dusareM | svarUpIM svarUpAkAreM |
ApulepaNeM ure | bodhu jo kAM || 3\-31||
teM R^iNasheSha vAchA iyA | na pheDavechi maroniyAM |
teM pAyAM paDoni miyAM | soDavileM || 3\-32||
mhaNoni parA pashyaMtI | madhyamA hana bhAratI |
yA nistaraliyA lAgatI | dnyAnIM adnyAnIMchI || 3\-33||
|| iti shrImad_amR^itAnubhave vAchAR^iNottIrNanAma tR^itIya prakaraNaM
saMpUrNam||
\medskip\hrule\medskip
          prakaraNa chavatheM
          dnyAna abhedakathana
AtAM adnyAnAcheni mAreM | dnyAna abhedeM vAvareM |
nIda sAdhoni jAgareM | nAMdije jevI || 4\-1||
kAM darpaNAchA nighAlA | aikyabodhu pahilA |
mukha bhogI ApulA | ApaNachi || 4\-2||
dnyAna jiyA tiyA parI | jagIM Atmaikya karI |
taiM suriyA khoche surI | taiseM jAhaleM || 4\-3||
lAvI AMta ThA_uni kopaTa | to sAdhI ApaNayA sakaTa |
kA bAMdhaleyA choraTa | moTemAjI || 4\-4||
AgI potAsAcheni miseM | ApaNapeM jALileM jaiseM |
dnyAnA adnyAnanAsheM | taiseM jAhaleM || 4\-5||
adnyAnAchA TekA | nasatAMhI dnyAna adhikA |
phAMke taMva uphakhA | ApulA paDe || 4\-6||
vAta dashAhI te nimAliyAM | yeNeM jeM ye uvAyA |
teM kevaLa nAshAvayA | dIpAche parI || 4\-7||
uThaNeM kIM paDaNeM | kuchabhArAche koNa jANeM |
kAM phAMkaNeM kIM sukaNeM | jA_uLAcheM || 4\-8||
taraMgAcheM rUpA yeNeM | tayAchi nAMva nimaNeM |
kAM vijUcheM udaijaNeM | tochi astu || 4\-9||
taiseM pi_Uni adnyAna | taMvavarI vADhe dnyAna |
jaMva ApuleM nidhana | niHsheSha sAdhe || 4\-10||
jaiseM kalpAMtIcheM bhariteM | sthaLAM jaLAM dohIMteM |
buDaviliyA ArauteM | rAhoMchi neNeM || 4\-11||
kIM vishvAhI vegaLa | vADhe jaiM sUryamaMDaLa |
taiM tejamata nikhaLa | teMchi hoya || 4\-12||
nAnA nIda mAronI | ApaNapeM hironI |
jAgaNeM ThAke ho_unI | jAgaNeMchi || 4\-13||
taiseM adnyAna AToniyA | dnyAna ye teM uvAyA |
dnyAnAdnyAna giLoniyA | dnyAnachi hoya || 4\-14||
te veLIM punivAM bhare | nA AvasA sare |
teM chaMdraMchi ure | satarAvI jaishI || 4\-15||
kAM tejAMtare nATope | koNe tameM na shiMpe |
teM upamecheM jA_upe | sUryachi hoya || 4\-16||
mhaNoni dnyAneM ujaLe | kAM adnyAneM ruLe |
taiseM navhe nirvALeM | dnyAnamAtra je || 4\-17||
parI dnyAnamAtreM nikhaLeM | teMchi kIM tayA kaLeM |
kA_I dekhije bubuLeM | bubuLA jevIM \? || 4\-18||
AkAsha ApaNapayA righe \? | kAyI AgI ApaNayA lAge \? |
ApalA mAthA vaLagheM | ApaNa koNhI \? || 4\-19||
diThI ApaNayA dekhe \? | svAdu ApaNayA chAkhe \? |
nAdu ApaleM A_ikeM \? | nAdapaNa || 4\-20||
sUrya sUryAsi vivaLe \? | kAM phaLa ApaNayA phaLe \? |
parimaLu parimaLeM | ghepata ase \? || 4\-21||
taiseM ApaNayAM ApaNa | jANateM navhe jANa |
mhaNonI dnyAnapaNeMvINa | dnyAnamAtra jeM || 4\-22||
ANi dnyAna aishI soye | dnyAnapaNeMchi jarI sAhe |
tarI adnyAna heM nohe \? | dnyAnapaNeMchi || 4\-23||
jaiseM teja jeM Ahe | teM aMdhAreM kIra nohe |
mA teja tarI hoye | tejAsI kA_IM \? || 4\-24||
taiseM asaNeM ANi nasaNeM | heM nAhIM jayA hoNeM |
AtAM mithyA aiseM yeNeM | boleM game || 4\-25||
tarI kAMhIM nAhIM sarvathA | aisI jarI vyavasthA |
tarI nAhIM he prathA | kavaNAsI pAM \? || 4\-26||
shUnyasiddhAMtabodhu | koNI sattA hoya siddhu \? |
nasatA hA apavAdu | vastUsI jo || 4\-27||
mAlhavitAM deve | mAlhaviteM jarI mAlhave |
tarI dIpu nAhIM heM phAve | kavaNAsI pA || 4\-28||
kIM nidecheni AlepaNeM | nideleM teM jAya prANeM |
tarI nIda bhalI heM koNeM | koNAsI pA \? || 4\-29||
ghaTu ghaTapaNeM bhAse | tad_bhaMgeM bhaMgu AbhAse |
sarvathA nAhIM taiM nase | koNeM mhaNAveM \? || 4\-30||
mhaNoni kAMhIM nAhIMpaNa | dekhatA nAhIM ApaNa |
nohonI asaNenavINa | asaNeM jeM || 4\-31||
parI ANikA kAM ApaNayA | na pure vikho ho_AvayA |
mhaNonI na asAvayA | kAraNa kIM || 4\-32||
jo niraMjanIM nidelA | to ANikIM nAhIM dekhilA |
ApulAhI nimAlA | AThavu tayA || 4\-33 |
parI jIveM nAhIM nohe | taiseM shuddha asaNeM Ahe |
heM bolaNeM na sAhe | asenAhIMcheM || 4\-34||
diThI ApaNayA muraDe | taiM diThIpaNahI moDe |
parI nAhIM nohe heM phuDe | jANechi te || 4\-35||
kAM kALA rAhe kALavakhA | to ApaNA nA ANikAM |
na chojave tarxhI AsikA | hA mI bANe || 4\-36||
taise asaNeM kAM nasaNeM | heM kAMhIMcha mAnUsavANeM |
nasoni asaNeM | ThAyeM ThAvo || 4\-37||
nirmaLapaNIM ApulA | AkAshAchA saMchu virAlA |
to svayeM ase puDhilA | kAMhIM nA kIM || 4\-38||
kAM AMgIM kIM nirmaLapaNIM | hArataliyA pokharaNI |
heM ANikA vAMchUni pANI | sagaLeMchi Ahe || 4\-39||
ApaNA bhAgu taiseM | asaNeMchi jeM ase |
Ahe nAhIM aiseM | sAMDUniyAM || 4\-40||
nidecheM nAhIMpaNa | nimAliyAhI jAgeMpaNa |
asije kAM neNa | koNI na ho_Uni jaiseM || 4\-41||
kAM bhUmI kuMbha Thevije | taiM sakuMbhatA Apaje |
to neliyA mhaNije | teNeMvINa || 4\-42||
parI donhI he bhAga | na shivati bhUmIcheM AMga |
te veLIM bhUmi taiseM chAMga | chokha jeM asaNeM || 4\-43||
|| iti shrImad_amR^itAnubhave dnyAna abhedakathananAma chaturtha
prakaraNaM saMpUrNam||
\medskip\hrule\medskip
          prakaraNa pAMchave
          sachchidAnaMdapadatrayavivaraNa
sattA prakAsha sukha | yA tihIM tIhIM uNe lekha |
jaiseM vikhapaNeMchi vikha | vikhA nAhIM || 5\-1||
kAMti kAThiNya kanaka | tinhI miLoni kanaka eka |
drAva goDI pIyukha | pIyukhachi jevIM || 5\-2||
ujALa dR^iti mArdava | yA tihIM tihIM uNIva |
heM dekhije sAveva | kApurIM ekIM || 5\-3||
AMgeM kIra ujALa | kIM ujALatAchi mavALa |
kIM donhI nA parimaLa | mAtra jeM || 5\-4||
aiseM eke kApUrapaNIM | tinhI iye tihIM uNI |
iyAparI ATaNI | sattAdikAMchI || 5\-5||
yerxhavIM sachchidAnaMdabhedeM | chAlilIM tinhI padeM |
pari tinhIM uNIM AnaMdeM | kelIM yeNeM || 5\-6||
sattAchi kIM sukhaprakAshu | prakAshuchi sattA ulhAsu |
heM na nivaDe miThAMshu | amR^itIM jevIM || 5\-7||
shuklapakShIchyA soLA | divasA vADhatI kaLA |
pari chaMdra mAtra sagaLA | chaMdrIM jevIM || 5\-8||
theMbIM paDatAM udaka | theMbAM dharUM ye lekha |
parI paDilAThAyIM udaka | vAMchUni Ahe \? || 5\-9||
taiseM asatAchiyA vyAvR^ittI | sat mhaNoM AleM shruti |
jaDAchiyA samAptI | chidrUpa aiseM || 5\-10||
duHkhAcheni sarvanAsheM | uraleM teM sukha aiseM |
nigadileM nishvAseM | prabhUcheni || 5\-11||
aisIM sadAdi pratiyogiyeM | asadAdi tinhI iyeM |
loTitAM jAlI trAye | sattAdikAM || 5\-12||
evaM sachchidAnaMdu | AtmA hA aisA shabdu |
anavyAvR^itti siddhu | vAchaka navhe || 5\-13||
sUryAcheni prakAsheM | jeM kAMhIM jaDa AbhAseM |
teNeM to givaseM | sUryu kAI \? || 5\-14||
tevIM jeNeM tejeM | vAchesi vAchya sujeM |
te vAchA prakAshije | heM keM Ahe \? || 5\-15||
viSho nAhIM koNAhI | jayA prameyatvachi nAhIM |
tayA svaprakAshA kA_I | pramANa hoye || 5\-16||
prameyaparichChedeM | pramANatva nAMde |
teM kAI svataHsiddheM | vastUchyA ThAyIM \? || 5\-17||
evaM vastUsi jANoM jAtAM | jANaNeMchi vastu tattvatA |
maga jANaNeM ANi jANatA | kaicheM ure \? || 18||
mhaNoni sachchitsukha | he bola vastuvAchaka |
navhatI heM sheSha | vichArAcheM || 5\-19||
aiseni iyeM prasiddheM | chAlilIM sachchidAnaMda padeM |
maga draShTyA svasaMvAdeM | bheTatI jevhAM || 5\-20||
te veLIM varaShoni meghu | samudra ho_Uni voghu |
sare dA_Uni mAgu | rAhe jaisA || 5\-21||
phaLa vi_unI phUla suke | phaLanAshe rasapAkeM |
tohI rasa upakheM | tR^iptIdAnIM || 5\-22||
kAM Ahuti agnI_AMtu | ghAlUni vosare hAtu |
sukha cheva_Uni gItu | ugA rAhe || 5\-23||
nAnA mukhA mukha dA_UnI | ArisA jAya nighoni |
kAM nidaileM chevavunI | cheviteM jaiseM || 5\-24||
taisA sachchidAnaMdA chokhaTA | dA_Uni draShTyA draShTA |
tinhIM padeM lAgatIM vATA | maunAchiyA || 5\-25||
jeM jeM bolije teM teM navhe | hoya teM taMva na bolave |
sA_ulIvarI na mavave | maviteM jaiseM || 5\-26||
maga ApuliyAkaDe | mavitayA se paDe |
taiM lAjalAjoM AkhuDe | mavite jaiseM || 5\-27||
taisI sattAchi svabhAveM | asattA taMva navhe |
mA sattAtva saMbhave | sattesi kAyi \? || 5\-28||
ANi achidAcheni nAsheM | AleM jeM chinmAtradashe |
AtAM chinmAtrachi mA kaiseM | chinmAtrIM ye || 5\-29||
nIda prabodhAchyA ThAyIM | nase taiseM jAgaNeMhI |
tevIM chinmAtrachi mA kA_I | chinmAtrIM ye \? || 5\-30||
aiseM yayA sukhapaNeM | nAhIM duHkha kIra hoNeM |
mA sukha heM gaNaNeM | sukhAsi kA_I \? || 5\-31||
mhaNonI sadasadatveM geleM | chidachidatveM mAvaLaleM |
sukhAsukha jAleM | kAMhIM nA kIM || 5\-32||
AtAM dvaMdvAcheM lavaMchaka | sAMDUni duNIche kaMchuka |
sukhAmAtrachi eka | svayeM AthI || 5\-33||
varI ekapaNeM gaNije | teM gaNitenasIM ye dujeM |
mhaNoni heM na gaNije | aiseM eka || 5\-34||
taiseM sukhA Atoni nighaNeM | teM sukhIyeM sukhI teNeM |
heM sukhamAtrachi mA koNeM | anubhavAveM \? || 5\-35||
jaiM prakR^iti DaMku anukare | taiM prakR^iti DaMkeM avatare |
mAM DaMkUchi taiM bhare | koNa koNA \? || 5\-36||
taiseM Apuleni sukhapaNeM | jayA nAhIM sukhAvaNeM |
ANi nAhIM heMhI jeNeM | neNije sukheM || 5\-37||
ArisA na pAhatAM mukha | svayeM sanmukha nA vinmukha |
tevIM nasonI sukhAsukha | sukhachi jeM || 5\-38||
sarva siddhAMtAchiyA ujariyA | sAMDUniyA nidasuriyA |
ApuliyA hAta choriyA | ApaNachi jeM || 5\-39||
na lavitAM UMsu | taiM jaiseni ase rasu |
tethiMchA mIThAMshu | tochi jANe || 5\-40||
kAM na sajjitA viNA | to nAdu jo abolapaNA |
tayA teNeMchi jANA | ho_AveM lAge || 5\-41||
nAnA puShpAchiyA udarA | na yetAM puShpasArA |
ApaNachi bhaMvarA | ho_AveM paDe || 5\-42||
nAnA na rAMdhitAM rasasoye | te goDI pAM kaisI Ahe |
heM pAhaNeM taiseM nohe | ANikA jogeM || 5\-43||
taiseM sukhapaNA yevoM | lAjeM ApuleM sukha pAvoM |
teM ANikAM chAkhoM suvoM | ye_Ila kA_IM \? || 5\-44||
dihAchiyA dupArIM | chAMdU jaisA aMbarIM |
teM asaNeM chAMdAchivarI | jANAveM kIM || 5\-45||
rUpa nAhIM taiM lAvaNya | aMga nuThI taiM tAruNya |
kriyA na phuTe taiM puNya | kaiseM ase || 5\-46||
jaiM manAchA aMkura nupaje | tethileni makaradhvajeM |
tochi hana mAje | tarIcha ghaDe || 5\-47||
kAM vAdyavisheShAchI sR^iShTI | jaiM janma neghe dR^iShTI |
taiM nAdu aishI goShTI | nAdAchi jogI || 5\-48||
nAnA kAShThAchiyA viTALA | vosaraliyAhI anaLA |
lAgaNeM taiM kevaLA | aMgAsIchi || 5\-49||
darpaNAcheni nemeM- | viNachi mukha preme |
ANitI techi varmeM | varmatI yeNeM || 5\-50||
na peritAM pIka joDe | teM muDAchi Ahe rokaDeM |
aisiyA so_I ughaDeM | bolaNeM heM || 5\-51||
evaM visheSha sAmAnya | dohIM nAtaLe chaitanya |
teM bhogije ananya | teNeMsIM sadA || 5\-52||
AtAM yAvarI je bolaNeM | teM yeNeMchi boleM shahANeM |
jeM maunAcheMhI nipaTaNeM | pi_Uni geleM || 5\-53||
evaM pramANeM apramANa- | paNa keleM pramANa |
dR^iShTAMtIM vA_ilI ANa | disAvayAchI || 5\-54||
AMgAchiyA anupapatti | ATaliyA upapattI |
yetheM uThalI pAMtI | lakShaNAMchI || 5\-55||
upAya mAgilA pAye | ghe_Una jAle vAye |
pratIti sAMDilI soye | pratyayAchI || 5\-56||
yetheM nirdhAreMsI vichAru | nimoni jAlA sAchAru |
svAmIchyA saMkaTI shUru | subhaTU jaisA || 5\-57||
nAnA nAshu sAdhUni ApulA | bodhu bodheM lAjinnalA |
nusadhepaNeM thoTAvalA | anubhavu jethe || 5\-58||
bhiMgAchiyA chaDaLA | padarAMchA puMja vegaLA |
karitAM jaisA niphALA | AMgAchA hoya || 5\-59||
kAM gajabajalA ubA | pAMghuraNeM keLIchA gAbhA |
sAMDI tevheLIM ubhA | kaichA kIje \? || 5\-60||
taiseM anubhAvya anubhAvika | ihIM dohI anubhUtika |
teM geliyA kaicheM eka | ekAsIchi || 5\-61||
anubhavA hA ThAvovarI | ApulIchi anavasarI |
tetheM akSharAMchI hArI | vA_Ila kA_I \? || 5\-62||
kAM paresI paDe miThI | tetheM nAdA saLu nuThI |
mA vAvarijaila oMThIM | heM keM Ahe \? || 5\-63||
che_iliyAhI pAThIM | chevaNayAchyA goThI |
kIM dhAlA baiseM pAThIM | raMdhanAchyA \? || 5\-64||
udaijaliyA divasapatI | taiM kIM dive seje yetI |
vAMchuni pikalAM shetIM | su_ijatAtI nAMgara kA_I \? || 5\-65||
mhaNoni baMdhamokShAcheM vyAja | nAhIM nimAleM kAja |
AtAM nirUpaNAcheM bhoja | voLage jarI || 5\-66||
ANi puDhilA kAM ApaNApeM | vastu visarAcheni hAteM hArapeM |
maga shabdeMchi ghepe | AThavUniyAM || 5\-67||
yetuliyAhI parauteM | chAMgAveM nAhIM shabdAteM |
jaRhI smArakapaNeM kIrtIteM | miravI hA jagIM || 5\-68||
|| iti shrImad_amR^itAnubhave sachchidAnaMdapadatrayavivaraNaM nAma
paMchama prakaraNaM saMpUrNam||
\medskip\hrule\medskip
          prakaraNa sahAveM
          shabdakhaMDaNa
bApa upegI vastu shabdu | smaraNadAnIM prasiddhu |
amUrtAchA vishadu | ArisA navhe \? || 6\-1||
pAhateM ArisA pAheM | tetheM kAMhIMchi navala navhe |
pari darpaNeM yeNeM hoye | na pAhateM pAhateM || 6\-2||
vaDilA avyaktAchiyA vaMshA | udyotkAru sUrya jaisA |
yeNeM eke guNeM AkAshA | aMbaratva || 6\-3||
ApaNa taMva khapuShpa | parI phaLa te jagadrUpa |
shabda mavI taiM amupa | koNa Ahe \? || 6\-4||
vidhiniShedhAchiyA vATA | dAvitA hAchi divaTA |
baMdhamokSha kaLikaTA | shiShTu hAchi || 6\-5||
hA avidyechyA AMgIM paDe | taiM nAthileM aiseM virUDhe |
na lAhije tIna kavaDe | sAchA vastu || 6\-6||
shuddhA shivAchyA sharIrIM | kumAru hA ji_u bharI |
jevIM AMgeM paMchAkSharI | tevIMchi bolu || 6\-7||
ji_u deheM bAMdhalA | to boleM eke suTalA |
AtmA boleM bheTalA | ApaNapayAM || 6\-8||
divasAteM ugo gelA | taMva rAtrIchA droho AlA |
mhaNoni sUryo yA bolA | upamA navhe || 6\-9||
je pravR^itti ANi nivR^itti | viruddhA hyA hAtu dharitI |
maga shabdeMchi chAlatI | ekaleni || 6\-10||
sahAya AtmavidyecheM | karAvayA ApaNa veMche |
gomaTe kAya shabdAcheM | ekaika vAnUM || 6\-11||
kiMbahunA shabdu | smaraNadAnIM prasiddhu |
parI yayAhI samaMdhu | nAhIM yetheM || 6\-12||
AtmayA bolAcheM | kAMhIMchi upegA na vache |
svasaMvedyA koNAcheM | ojheM AthI \? || 6\-13||
AThave kAM visare | viSho ho_Uni avatare |
tarI vastUshIM vastU dusareM | asenA kIM || 6\-14||
ApaNa ApaNayAteM | AThavI visare ke_u_teM \? |
kAya jIbha jibheteM | chAkhe na chAkhe \? || 6\-15||
jAgateyA nIda nAhI | mA jAgaNeM ghaDe kA_I \? |
smaraNAsmaraNa donhIhI | svarUpIM taisIM || 6\-16||
sUryo rAtrI pAM neNeM | mA divo kAya jANeM \? |
tevIM smaraNAsmaraNe vINa | ApaNa vastu || 6\-17||
evaM smaraNAsmaraNa nAhIM | tarI smArakeM kAja kA_I \? |
mhaNauni iye ThA_IM | bolu na sare || 6\-18||
ANika eka shabdeM | kAja kIra bhaleM siddheM |
pari dhivasA na baMdhe | vichArU yetheM || 6\-19||
kAM je boleM avidyA nAshe | maga Atmeni AtmA bhAse |
heM mhaNatakheva piseM | AleMchi kIM || 6\-20||
sUryo rAtri mArIla | mA ApaNayA udo karIla |
he kuDe na saratI bola | sAchAchyA gAMvIM || 6\-21||
che_IleM nide ruse | aisI keM nIda ase \? |
kIM che_IleM chevo baiseM | aiseM cheNeM Ahe \? || 6\-22||
mhaNoni nAshApuratI | avidyA nAhIM nirutI |
nAhIM AtmA AtmasthitI | rige aisA || 6\-23||
avidyA taMva svarUpeM | vAMjhecheM kIra jA_upeM |
mA tarkAMcheM khurapeM | khAMDe koNA \? || 6\-24||
iMdradhanuShyA siteM | kavaNa dhanava_I na lAvijeteM |
teM diseM taiseM hoteM | sAcha jarI \? || 6\-25||
agastIchiyA kautukA | puratI jarI mR^igatR^iShNikA |
tarI mAra deto tarkA | avidyesI || 6\-26||
sAhe bolAchI vaLaghI | aisI avidyA ase jagIM |
tarI jALuM nA kAM AgI | gaMdharvanagareM \? || 6\-27||
nAtarI dIpAchiye soye | AMdhAru kIra na sAhe |
tetheM kAMhIM Ahe | jAvayAjogeM \? || 6\-28||
nAtarI pAhAvayA divasu | vAtIchA kIje sosu |
tevhaDhAhi udvasu | udyamu paDe || 6\-29||
jetheM sA_ulI na paDe | tetheM nAhI jeNeM pADeM |
mA paDe tetheM tevhaDe | nAhIMcha kI || 6\-30||
disatachi svapna laTikeM | heM jAgarIM hoya ThA_ukeM |
teMvi avidyAkALIM satukeM | avidyA nAhIM || 6\-31||
voDaMbarIchiyA leNiyA | gharabharI AtuDaliyA |
nAgaveM nAgaviliyA | visheShu kA_I \? || 6\-32||
manorathAcheM pariyaLa | Arogijatu kAM lakSha veLa |
pari upavAsA vegaLa | Anu AthI \? || 6\-33||
mR^igajaLa jetha numaMDe | tetha ase pAM koraDeM |
mA umaMDe tetheM joDe | volhAMsu kA_I \? || 6\-34||
heM dise taiseM ase | tarI chitrIMcheni pA_useM |
volhAvatu kAM mAnuseM | AgarA taLIM || 6\-35||
kAlavUni AMdhAreM | lihoM yetI akShareM |
tarI masIchiyA vorabAreM | kAM siNAveM \? || 6\-36||
AkAsha kAya niLeM | na dekhatu he DoLe \? |
tevIM avidyechi TavALeM | jANoni ghe_IM || 6\-37||
avidyA yeNeM nAMveM | mI vidyamAnachi navhe |
he avidyAchI svabhAveM | sAMgatase || 6\-38||
ANi iye anirvAchyapaNa | teM dujeMhI devAMgaNa |
ApulAM abhAvIM ApaNa | sAdhItase || 6\-39||
kAMhIcha jarI Ahe | tarI nirddhAru kAM na sAhe \? |
varI ghaTAbhAveM bhoye | aMkita dise \? || 6\-40||
avidyA nAshI AtmA | aisI navhe pramA |
suryA AMgIM tamA | jayAparI || 6\-41||
he avidyA tarI mAyAvI | parI mAyAvIpaNachi lapavI |
he sAchA AlI abhAvI | ApulAM he || 6\-42||
bahutAparI aisI | avidyA nAhIM ApaisIM |
AtAM bolU hAta vasI | kavaNAvarI || 6\-43||
sA_uli yeteM sAbaLeM | hAlayA bhoya ADaLe |
kIM hAleni aMtarALeM | thoMTAve hAtu || 6\-44||
kAM mR^igajaLAchA pAnIM | gaganAchA aliMganIM |
nAtarI chuMbanIM | pratibiMbAchyA || 6\-45||
uThAvalA vothare tavakA | to sunAthA paDe asikA |
avidyAnAshIM tarkA | taiseM hoya || 6\-46||
aisI avidyA nAsAvI | heM vAhela jo jIvIM |
teNeM sAlI kADhAvI | AkAshAchI || 6\-47||
teNeM sheLI gaLAM dohAvIM | guDagADoLAM vAsa pAhAvI |
vALavoni kAcharI karAvI | sAMjaveLechI || 6\-48||
jAMbha_I vAMTUni rasu | teNeM kADhAvA bahuvasU |
kAlavUni ALasU | modaLA pAjAvA | 6\-49||
to pATA pANI paratu | paDalI sA_ulI ulathu |
vArayAche tAMthu | vaLU sukheM || 6\-50||
to bAgulAteM mArU | pratibiMba khoLe bharUM |
taLahAtIMche viMcharU | kesa sukheM || 6\-51||
ghaTAcheM nAhIMpaNa phoDU | gaganAchI phuleM toDU |
sashAcheM moDU | shiMga sukheM || 6\-52||
to kApurAchI masI karU | ratnadIpIM kAjaLa dharU |
vAMjhecheM leMkarUM | paraNU sukheM || 6\-53||
to aMvasenechi sudhAkareM | posU pAtALIchI chakoreM |
mR^igajaLIMchIM jaLachareM | gALUM sukheM || 6\-54||
aho heM kitI bolAveM | avidyA rachilI abhAveM |
AtAM kA_I nAshAveM | shabdeM yeNeM || 6\-55||
nAhIM tayAcheni nAsheM | shabda na ye pramANadashe |
aMdhArIM aMdhArA jaiseM | navhe rUpa || 6\-56||
avidyechI nAhIM jAtI | tetheM nAhIM mhaNatayA yuktI |
jevI dupArIM kAM vAtI | aMgaNIMchiyA || 6\-57||
na peritAM shetI | je kIM saMvagaNiyA jAtI |
tayAM lAjeparauti | joDI Ahe \? || 6\-58||
khavaNiyAchyA AMgA | jeNeM kelA vaLaghA |
to na karitAMchi ugA | gharI hotA || 6\-59||
pANiyAvarI varakhu | hotA keM ase vishekhu |
avidyAnAshI unmekhu | phAMkAvA taisA || 6\-60||
mApa mApapaNeM shlAghe | jaMva AkAsha mavUM na righe |
tama pAhatAM vA_ugeM | dIpAcheM janma || 6\-61||
gaganAchI rasasoye | jIbha jaiM AroguM jAye |
maga rasanA heM hoye | ADanAMva kIM || 6\-62||
navhateni vallabhe | ahevapaNa kAM shobhe |
khAtAM keLIche gAbhe | na khAtAM gele || 6\-63||
sthULa sUkShma kavaNa yeku | padArtha na prakAshI arku |
parI rAtrIviShayIM aprayojaku | jAlAchi kIM || 6\-64||
diThI pAhatAM kAya na phAve | parI nideteM taMva na dekhave |
chetA te na saMbhave | mhaNoniyAM || 6\-65||
chakorAchiyA udyamA | laTikepaNAchI sImA |
jari dihAchi chaMdramA | giMvasUM baise || 6\-66||
nusadhiyechi sAchyA | mukA hoya vAcharukAchA |
aMtarALIM pAyAMchA | peMdhA hoya || 6\-67||
taisIM avidyesIM sanmukheM | siddhachi pratiShedhakeM |
uThalIMchi nirarthakeM | jalpeM hotIM || 6\-68||
aMvase AlA sudhAkaru | na karIcha kAya aMdhakAru \? |
avidyAnAshIM vichAru | taisA hoye || 6\-69||
nAnA na niphajateni anneM | jevaNeM teMchi laMghaneM |
nimAleni nayaneM | pAhaNAchi aMdhu || 6\-70||
kaisIni hI vastu nase | tetheM jai shabdAchA artha hoM baise |
taiM nirarthakapaNeM nAse | shabdahi thitA || 6\-71||
AtAM avidyAchi nAhIM | heM kIra mhaNo kA_I |
parI te nAshitAM kAMhIM | nurechI shabdAcheM || 6\-72||
yAlAgIM avidyechiyA moharAM | uThaliyAhI vichArA |
AMgAchAchI saMsArA | ho_Uni ThelA || 6\-73||
mhaNoni avidyecheni maraNeM | pramANA ye_Ila bolaNeM |
heM avidyAchi nAhIMpaNeM | nedI ghaDoM || 6\-74||
ANi AtmA hana AtmayA | dA_UnI bolu mahimeyA |
ye_Ila heM sAviyA | viruddhachi || 6\-75||
ApaNayA ApaNapeMsI | lAgaleM lagna kavaNe divashIM |
kIM sUrya aMga grAsI | aiseM grahaNa Ahe \? || 6\-76||
gagana ApaNayA nighe \? | siMdhu ApaNA righe \? |
taLahAta kAya vaLaghe | ApaNapayAM \? || 6\-77||
sUrya sUryAsi vivaLe \? |  phaLa ApaNayA phaLeM \? |
parimaLu parimaLeM | ghepatA ye \? || 6\-78||
charAcharA pANI pAjaNI | karUM ye_Ila eke kShaNIM |
pari pANiyAsi pANI | pAjave kAyI \? || 6\-79||
sAThIM tishA divasAM | mAjIM ekhAdA hoya aisA |
je sUryAsIcha sUrya jaisA | DoLA dAvI || 6\-80||
kR^itAMta jarI kopela  | tarI trailokya heM jALIla |
vAMchUni AgI lAvIla | AgIsi kA_I \? || 6\-81||
ApaNapeM ApaNayA | darpaNevINa dhAtreyA |
samora ho_AvayA  | ThAkIM Ahe \? || 6\-82||
diThI diThIteM righoM pAhe \? | ruchi ruchIteM chAkhoM suye \? |
kIM chetayA cheta_UM ye \? | heM nAhIMcha kIM || 6\-83||
chaMdana chaMdanapaNA lAvI \? | raMgu raMgapaNA lAvI |
motIMpaNa motIM levavI | aiseM kaiseM \? || 6\-84||
soneMpaNa soneM kasI | dIpapaNa dIpa prakAshI |
rasapaNA buDI te rasIM | teM keM joDe \? || 6\-85||
Apuliye mukuTIM samarthA | chaMdra baisavilA sarvathA |
pari chaMdra chaMdrAchiye mAthA | vA_UM ye kA_I \? || 6\-86||
taisA AtmarAju taMva | dnyAnamAtrachi bharIMva |
AtAM dnyAneM dnyAnAsi kheMva | kaiseM dIje \? || 6\-87||
Apuleni jANapaNeM | ApaNayAteM jANoM neNe |
DoLyA ApuleM pAhANeM | duvADa jaiseM || 6\-88||
ArasA Apuliye | AMgIM ApaNA pAhe |
tarI jANaNeM jANoM lAhe | ApaNayAteM || 6\-89||
digaMtA pailIkaDecheM | dhAMvoni suriyA khoMche |
mA tiye kAM tiyecheM | AMga phuTe \? || 6\-90||
rasavR^ittIsI ugANeM | ghe_Uni jivhAgra shAhANeM |
pari kAyI kIje neNe | ApaNapeM chAkhoM || 6\-91||
tari jivhe kAya ApaleM | chAkhaNeM hana TheleM \? |
taise navhe saMchaleM | teMchi te kIM || 6\-92||
taisA AtmA sachchidAnaMdu | ApaNayA ApaNa siddhu |
AtAM kAya de shabdu | tayAcheM tayA || 6\-93||
koNAhI pramANAcheni hAteM | vastu ghe nA neghe ApaNayAteM |
jo svayeMchi A_iteM | gheNeM nA na gheNeM || 6\-94||
mhaNoni AtmA AtmalAbheM | nAMdavUni shabda shobhe |
ye_Ila aisA na labhe | umasu ghevoM || 6\-95||
evaM mAdhyAnhIMchI divA | tama dhADI nA divo dAvI |
taisI ubhayatAM padavI | shabdA jAlI || 6\-96||
AtAM avidyA nAhIMpaNeM | nAhIM taye nAsaNeM |
AtmA siddhuchi mA koNeM | kAya sAdhAveM \? || 6\-97||
aisA ubhaya pakShIM | bolA na lAhoni nakhI |
hArapalA praLayodakIM | voghu jaisA || 6\-98||
AtAM bolA bhAgu kAMhIM | asaNeM jayAchyA ThA_IM |
arthatA tarI nAhIM | nipaTUniyAM || 6\-99||
bAgula AlA mhaNateM | bolaNeM  jaiseM riteM |
kAM AkAsha  voLaMbateM | taLahAtIM || 6\-100||
taisIM nirarthakeM jalpeM | ho_uniyAM sapaDapeM |
shobhatI jaiseM lepe | raMgAvarI || 6\-101||
evaM shabdaikajIvaneM | bApuDIM dnyAneM adnyAneM |
sAchapaNeM vaneM | chitrIMchIM jaisIM || 6\-102||
yA shabdAchA nimAlA | mahApraLayo ho saralA |
abhrAsaveM gelA | durdinu jaisA || 6\-103||
|| iti shrImad_amR^itAnubhave shabdakhaMDanaM nAma  ShaShThama
prakaraNaM saMpUrNam||
\medskip\hrule\medskip
          prakaraNa sAtaveM
          adnyAnakhaMDaNa
yerxhavIM tarxhI adnyAnA | jaiM dnyAnAchI nase kShobhaNA |
taiM tarI kAnA- | khAlIMcha daDe || 7\-1||
ADasUni aMdhArIM | khadyota dIptI shirI |
taiseM laTikeMvarI | anAdi hoya || 7\-2||
jaisI svapnA svapnIM mahimA | tamIM mAnu ase tamA |
tevIM adnyAnA garimA | adnyAnIMchi || 7\-3||
kolherIche vAru | na yetI dhArakIM dharUM |
naye leNA shrR^iMgArUM | voDaMbarIchA || 7\-4||
heM jANaNeyAchyA gharIM | khoMchileMhI Ana na karI |
kA_I chAMdiNAM uThe laharI | mR^igajaLAchI \? || 7\-5||
ANi dnyAna heM jeM mhaNije | teM adnyAnachi pAM dujeM |
yeka lapa_Uni dAvije | yeka navhe \? || 7\-6||
aso AtAM yA prastAvo | AdhIM adnyAnAchA dhAMDoLA ghevoM |
maga tayAchyA sAchIM lAho | dnyAnahI laTikeM || 7\-7||
yA adnyAna dnyAnAteM | AMgIMchi Ahe jiteM |
tarI jetheM ase tayAteM | neNa kAM na karI \? || 7\-8||
adnyAne jetha asAveM | teNeM sarva neNa ho_AveM |
aisI jAtI svabhAveM | adnyAnAchI || 7\-9||
tarI shAstramata aiseM | je AtmAchi adnyAna ase |
ANi teNeMchi to giMvase | Ashro jarI || 7\-10||
tarI nuThitAM dujeM | jaiM adnyAna Ahe bIjeM |
taiM techi AthI he bujhe | koNa yetheM \? || 7\-11||
adnyAna taMva ApaNayAteM | jaDapaNeM neNe niruteM |
ANi pramANa pramANAteM | hota Ahe \? || 7\-12||
yA lAgIM jarI adnyAna | karIla ApuleM dnyAna |
heM mhaNata kheMvo ghevavI mauna | virodhuchi || 7\-13||
ANi jANati vastu yeka | te yeNeM adnyAneM kIje mUrkha |
taiM adnyAna he lekha | kavaNa dharI \? || 7\-14||
aho ApaNayAhI puratA | neNU na karave jANatA |
tayAteM adnyAna mhaNatAM | lAjije kIM \? || 7\-15||
AbhALeM bhAnu grAse | taiM AbhALa koNeM prakAshe \? |
suShuptI suShupteyA ruse | taiM techi koNA \? || 7\-16||
taiseM adnyAna ase jetheM | teMchi jarI adnyAna AteM |
tarI adnyAna adnyAnAteM | neNatAM geleM || 7\-17||
nA tarI adnyAna eka ghaDe | heM jayAstava nivaDe |
teM adnyAna navhe phuDe | koNe kALIM || 7\-18||
paDaLahI AthI DoLA | ANi DoLA navhe AMdhaLA |
tarI AthI yA pokaLA | boliyA kIM || 7\-19||
iMdhanAchyA AMgIM | khavaLalena AgI |
teM na jaLe taiM vA_ugI | shaktIcha te || 7\-20||
AMdhAru koMDUni gharIM | gharA paDasAyI na karI |
taiM AMdhAra ihIM akSharIM | na mhaNAvA kIM \? || 7\-21||
vojAvoM nedI jAgaNeM | taye nideteM nIda koNa mhaNe |
divasA nANI uNeM | taiM rAtrichi kaiMchI || 7\-22||
taiseM AtmA adnyAna asakeM | asatAM to na muke |
taiM adnyAnashabda laTileM | AleMcha kIM || 7\-23||
yerxhavI tarI AtmayA | mAjIM adnyAna asAvayA |
kAraNa mhaNatAM nyAyA | chukI ye_Ila kIM || 7\-24||
adnyAna tamameLaNI | AtmA prakAshAchI khANI |
AtAM dohIM miLaNI | yekI kaisI \? || 7\-25||
svapna ANi jAgaru | AThavu ANi visaru |
iyeM yugmeM yekA hAru | chAlatI jarI || 7\-26||
shItA tApA ekavaTa | vAhe vastIchI vATa |
kAM tameM bAMdhije moTa | sUryarashmIMchI || 7\-27||
nAnA rAtI ANi divo | yetI yeke ThA_IM rAhoM |
taiM AtmA jiveM jivo | adnyAnAcheni || 7\-28||
heM aso mR^ityu ANi jiNeM | iyeM shobhatI jarI mehuNe |
tarI Atmeni asaNeM | adnyAneMsi || 7\-29||
aho Atmena je bAdhe | teMchi AtmenashI nAMde \? |
aisIM kAyasIM viruddheM | bolaNIM iyeM || 7\-30||
aho aMdhArapaNAchI paija | sAMDUnI aMdhAra teja |
jAlA taiM sahaja | sUryachi nibhrAMta | 7\-31||
dulAMkuDapaNa sAMDaleM | ANi AgIpaNa mAMDileM |
taiM teMchi AgI jAleM | iMdhana kIM || 7\-32||
kA gaMgA pAvata kheMvo | AnapaNAchA ThAvo |
sAMDI taiM gaMgA ho | lAhe pANI || 7\-33||
taiseM adnyAna heM adnyAna nohe | tarI AtmA asakeM asoM lAhe |
yerxhavIM adnyAna hoye | lAgaleMchi || 7\-34||
AtmenashI virodhI | mhaNoni nurechi iye saMbaMdhIM |
vegaLI tarI siddhi | jAyechinA || 7\-35||
lavaNAchI mAsoLI | jarI jAlI jivhALI |
tarI jaLIM nA jaLAvegaLI | na jiye jevIM || 7\-36||
jeM adnyAna yetheM nase | tarIcha AtmA ase |
mhaNoni bolaNIM vA_iseM | nAyakAvIM kIM || 7\-37||
dorIM sarpAbhAsa hoye | to teNeM doreM bAMdhoM ye \? |
nA davaDaNeM na sAhe | jayAparI || 7\-38||
nAnA punivecheni AMdhAreM | dihA bheNeM rAtrIM mahureM |
kIM yetAMchi sudhAkareM | giLije jevIM || 7\-39||
tiyAparI ubhayatAM | adnyAna shabda gelA vR^ithA |
hA tarkAvAMchUni hAtA | svarUpeM naye || 7\-40||
tarI adnyAna svarUpeM kaiseM | kAya kAryAnumeya ase |
kIM pratyakShachi dise | dhAMDoLUM AtAM || 7\-41||
aho pratyakShAdi pramANIM | kIje jayAchI gheNI |
te adnyAnAchI karaNI | adnyAna navhe || 7\-42||
jaisI aMkureMsI saraLa | velI dise velhALa |
teM bIja navhe kevaLa | bIjakArya hoye || 7\-43||
kAM shubhAshubha rUpeM | svapnadR^iShTI AropeM |
teM nIda navhe jA_upeM | nidecheM kIM || 7\-44||
nAnA chAMdu eku ase | to vyomIM dujA dise |
teM timirakArya jaiseM | timira navhe paiM || 7\-45||
taiseM pramAtA prameya | pramANa jeM traya |
teM adnyAnAcheM kArya | adnyAna navhe || 7\-46||
mhaNoni pratyakShAdikIM | adnyAna kAryavishekhIM |
neghe teM ase ye vikhIM | Anu nAhIM || 7\-47||
adnyAna kAryapaNeM | ghe_ije teM adnyAna mhaNaNe |
tarI ghetAhI karaNeM | tayAcheMchI || 7\-48||
svapnIM dise teM svapna | mA dekhatA kAya Ana |
taiseM kAryachi adnyAna | kevaLa jarI || 7\-49||
tarI chAkhilA gULa gULeM | mAkhileM kAjaLa kAjaLeM |
kAM ghepe depe shuLeM | hAlayA suLeM || 7\-50||
taiseM kAraNa abhinnapaNeM | kAryahI adnyAna hoNeM |
teM adnyAnachi mA kAya koNeM | ghepe depe || 7\-51||
AtAM gheteM ghe_ije teM aisA | vichAru naye mAnasA |
tarI pramANa jAlA mAsA | mR^igajaLIMchA nA \? || 7\-52||
taMva pramANAchiyA mApA | na saMpaDechi je bApA |
tayA ANi khapuShpA | visheShu kA_I \? || 7\-53||
mA he pramANachi nuravI | AtAM AthI heM koNa prastAvI |
yeNeM boleM hI jANAvI | adnyAna ukhI || 7\-54||
evaM pratyakSha anumAna | yayA pramANAM bhAjana |
nahoni jAleM adnyAna | apramANa || 7\-55||
nA svakAryAteM viye | jeM kAraNapaNA naye |
mI adnyAna aiseM bihe | mAnUM sAcheM || 7\-56||
AtmayA svapna dA_UM | na shake kIra bahU |
parI ThAyeM ThA_U | nidejoM neNeM || 7\-57||
heM aso jiye veLe | AtmapaNeMchi nikhaLeM |
AtmA adnyAnameLeM | ase teNeM || 7\-58||
jaiseM na karitAM maMthana | kAShThIM avasthAna |
jaiseM kAM hutAshana | sAmarthyAMcheM || 7\-59||
taiseM AtmA aiseM nAMva | na sAhe AtmayAchI barava |
taiM kAMhIM adnyAna hAMva | bAMdhateM kAM \? || 7\-60||
kA_i dIpa jaiM na lAvije | taiMchi kAjaLI pheDije |
kAM nugavatIyA vALije | rukhAchI ChAyA || 61||
nAnA nuThitAM dehadashA | kAlavUni lAvije chikasA |
na ghaDitAM ArisA | uTije kA_I || 62||
kAM vohAchyA dudhIM | sAyachi asAvI AdhIM |
maga te pheDUM iye buddhI | pavADu kIje || 7\-63||
taiseM AtmayAchyA ThA_I | jaiM AtmepaNA ThAvo nAhIM |
taiM adnyAna kAMhIM | sArikheM kaiseM || 7\-64||
mhaNoni tevhAMhI adnyAna nase | heM jAleMchi ase ApaiseM |
AtAM rikAmeMchi kA_iseM | nAhIM mhaNo || 7\-65||
aisAhI AtmA jevhAM | jaiM nAtaLe bhAvAbhAvA |
adnyAna ase tevhAM | tarI teM aiseM || 7\-66||
jaiseM ghaTAcheM nAhIMpaNa | phuToni hoya shatachUrNa |
kIM sarvAMparI maraNa | mAravaleM kIM || 7\-67||
nAnA nide nIda AlI | kIM mUrChAM mUrCheM gelI |
kIM AMdhArI paDalI | aMdhakUpIM || 7\-68||
kAM abhAva avaghaDalA | kA keLIchA gAbhA  moDalA |
chokhaLA AsuDalA | AkAshAchA || 7\-69||
kAM nivaTaliyA sUdaleM vikha | mukiyAcheM bAMdhaleM mukha |
nAnA nuThitAM lekha | pusileM jaiseM || 7\-70||
taiseM adnyAna Apuliye veLa | bhogI hechi TavALa |
AtAM tarI kevaLa | vastU ho_Uni ase || 7\-71 ||
dekhA vAMjha kaisI viye \? | virUDhatI bhAjalI biyeM \? |
kIM sUrya koNhA lAhe | aMdhArAteM \? || 7\-72||
taisA chinmAtre chokhaDA | bhalataisA adnyAnAchA jhADA |
ghetalA tarI pavADA | ye_Ila kA_I \? || 7\-73||
je sAyechiye chADe | DahuLije dudhAcheM bhAMDeM |
te dise kIM vighaDe | taiseM heM pAM || 7\-74||
nAnA nIda dharAvayA hAtIM | che_UnI uThilA jhaDatI |
te lAbhe kIM thitI | nAsilI hoya || 7\-75||
tevIM pAhAvayA adnyAna aiseM | heM AMgIM piseM kA_iseM |
na pAhatAM ApaiseM | na pAhaNeMchi kIM || 7\-76||
evaM koNhehI parI | adnyAnabhAvAchI ujarI |
na paDechi nagarIM | vichArAchiye || 7\-77||
aho koNhehI veLe | AtmA athavA vegaLeM |
vichArAche DoLe | dekhate kAM \? || 7\-78||
nA nirdhArAcheM toMDa na mAkhe | pramANa svapnIMhI nA_ike |
kIM nirutI hana muke | anasA_IpaNA || 7\-79||
ituliyAhI bhAgu | adnyAnAchA tarI to mAgu |
nige aisA bAgu | paDatAM kAM devA || 7\-80||
aMvasecheni chaMdrabiMbeM | nirvALiliye sabhe |
kAM mAMDaleM jaise khAMbe | shashaviShANAche || 7\-81||
nAnA gaganaulAchiyA mALA | vAMjhechiyA jAliyA gaLA |
ghApatI to sohaLA | pAvijeta ase || 7\-82||
ANUni kAsavIcheM tUpa | bharU AkAshAcheM mApa |
tarI sAchA yetI saMkalpa | aise aise || 7\-83||
AmhIM ye_Uni jA_Uni puDhatI | adnyAna ANAveM nirutI |
teM nAhIM tarI kitI | vatavatUM pAM || 7\-84||
mhaNoni adnyAna akShareM | numasUM AtAM nidasureM |
parI Ana eka sphure | iyeviShayIM || 7\-85||
ApaNayA nA ANikAteM | dekhoni hoya dekhateM |
vastU aisiyA purateM | navhechi AMgeM || 7\-86||
tarI te ApaNayApuDheM | dR^ishya paghaLe yevhaDheM |
ApaNa karI phuDeM | draShTepaNeM || 7\-87||
jetha AtmatvAcheM sAMkaDe | tetha uThe heM yevhaDheM |
ANi uThileM tarI rokaDeM | dekhata asoM || 7\-88||
na dise jarI adnyAna | tarI Ahe heM navhe Ana |
yayA dR^ishyA anumAna | pramANa jAleM || 7\-89||
nA tarI chaMdru eka ase | to vyomIM duNAvalA dise |
tarI DoLAM timira aiseM | mAnUM ye kIM || 7\-90||
bhUmIvegaLIM jhADeM | pANI ghetI kavaNIkaDe |
na disatI ANi apADeM | sAjIM asatI || 7\-91||
tarI bharaMvaseni mULeM | pANI ghetI heM na TaLeM |
taiseM adnyAna kaLeM | dR^ishyAstava || 7\-92||
che_ileyA nIda jAye | nidritA taMva ThA_uvI nohe |
parI svapna dA_Uni Ahe | mhaNoM ye kIM || 7\-93||
mhaNona vastUmAtreM chokheM | dR^ishya jarI yevhaDeM phAMke |
tevhAM adnyAna AthI sukheM | mhaNoM ye kIM || 7\-94||
agA aisiyA dnyAnAteM | adnyAna mhaNaNeM ke_uteM |
kAya divo karI tayAteM | aMdhAru mhaNipe \? || 7\-95||
agA chaMdrApAsUni ujaLa | jeNeM rAvile vastU dhavaLa |
tayAteM kAjaLa | mhaNijeta ase || 7\-96||
AgIcheM kAja pANI | niphajA jarI ANI |
adnyAna iyA vAhaNI | mAnUM tarI teM || 7\-97||
kaLIM pUrNa chaMdramA | ANUna meLavI AmA |
tarI dnyAna heM adnyAna nAmA | pAtra ho_Ije || 7\-98||
vorasoni lobheM | viSha kAM amR^iteM dubhe |
nA dubhe tarI lAbhe | viShachi mhaNaNeM || 7\-99||
taisA jANaNeyAchA vevhArU | jetheM mAkhalA samoru |
tetheM ANije purU | adnyAnAchA || 7\-100||
tayA nAMva adnyAna aiseM | tarI dnyAna ho_AveM teM kaiseM \? |
yerxhavIM kAMhIMchi ase | AtmA kA_I \? || 7\-101||
kAMhIMcha jayA na hoNeM | hoya teM svatAM neNe |
tarI shUnyAchIM devAMgaNeM | pramANAsI || 7\-102||
ase mhaNAvayA jogeM | nAchare kIra AMgeM |
parI nAhIM heM na lage | joDAveMchi || 7\-103||
koNAche asaNeMnavINa ase | koNI na dekhatAMchi dise |
heM AthI tarI kA_IseM | haratalepaNa || 7\-104||
mithyA vAdAchI kuTI AlI | te nivAMtachi sAhilI |
visheShAhI didhalI | pAThI jeNeM || 7\-105||
jo nimAlIhI nIda dekhe | to sarvadnya yevhaDheM kAya chuke \? |
parI dR^ishyAchiye na Teke | so_i jo || 7\-106||
vedu kAya kAya na bole | parI nAMvachi nAhIM ghetaleM |
aiseM kAMhIM joDileM | nAhIM jeNeM || 7\-107||
sUryo koNA na pAhe \? | parI AtmA dAvilA Ahe \? |
gaganeM vyApitA ThAye | aishI vastU || 7\-108||
deha hADAMchI moLI | mI mhaNoni poTALI |
to ahaMkAru gALI | padArthu hA || 7\-109||
buddhi boddhyA soke | te yevhaDI vastu chuke |
manA saMkalpa nike | yAhIhUnI || 7\-110||
viShayAchiyA baraDI | akhaMDa ghAsatI toMDIM |
tiyeM iMdriyeM goDI | na ghepatI he || 7\-111||
parI nAhIMpaNA sakaTa | khA_UnI bharaleM poTa |
te koNAhI sakaTa | kAM phAvela \? || 7\-112||
jo ApaNAsI navhe vikho | to  koNa lAhe dekho |
je vANI na sake chAkhoM | ApaNApeM || 7\-113||
heM aso nAmeM rUpeM | puDhAsUni amUpeM |
jetheM AlIcha vAsipe | avidyA he || 7\-114||
mhaNoni ApaleMchi mukha | pAhAvayAchI bhUka |
na bANe mA ANika | keM righela \? || 7\-115||
nADile jeM vAdIkoDeM | AMtuchi bAherI savaDe |
taisA nirNo susuthA paDe | kelA yetheM || 7\-116||
kAM mastakAMta nirdhArilI | jo ChAyA uDoM pAhe ApulI |
tayAchI phAkAvalI | buddhi jaishI || 7\-117||
taiseM TaNakonI sarvathA | he te aisI vyavasthA |
karI to chuke hAtA | vastUchA jiye || 7\-118||
AtAM sAMgije teM ke_uteM | shabdAchA saMsArA nAhIM jetheM |
darshanA bIjeM tethe | jANIva ANI \? || 7\-119||
jayAcheni baLeM | achakShupaNa AMdhaLeM |
phiToni vastu miLe | dekhaNI dashA || 7\-120||
ApuleMchi dR^ishyapaNa | umaso na lAhe ApaNa |
draShTatvA kIra ANa | paDalI asatAM || 7\-121||
koNA koNa bheTe \? | diThI kaiMchI phuTe \? |
aikyA sakaTa poTeM | AToni gelIM || 7\-122||
yevhaDheM hI sAMkaDeM | jeNeM sAroni yekIkaDe |
ughaDilIM kavADeM | prakAshAchIM || 7\-123||
dR^ishyAchiyA sR^iShTI | diThIvarI diThI |
uThaliyA taLavaTIM | chinmAtrachI || 7\-124||
darshanariddhi bahuvasA | chichCheShu mAtalA aisA |
je shiLA na pAhe ArisA | vedyaratnAchA || 7\-125||
kShaNakShaNIM nIcha navI | dR^ishyAchI chokha madavI |
diThIkaravIM veDhavI | udAra je || 7\-126||
mAgilIye kShaNIchIM aMgeM | pArasI mhaNoniyAM vegeM |
sAMDUni dR^iShTi righe | navIyA rUpA || 7\-127||
taishIcha pratikShaNIM | jANivechIM leNIM |
le_Uni ANI | jANatepaNA || 7\-128||
tayA paramAtmapadIcheM sheSha | nA kAhIM tayA susAsa |
ANi hoya yevhaDhI kAsa | ghAtalI jeNeM || 7\-129||
sarvadnyatechI parI | chinmAtrAche toMDavarI |
parI teM Ana gharIM | jANijenA || 7\-130||
evaM dnyAnAdnyAna miThI | teMhI phAMkatase diThI |
dR^ishyapaNeM ye bheTI | ApaNapayAM || 7\-131||
teM dR^ishya moTakeM dekheM | ApaNa svayeM dR^iShTatveM tokhe |
teMchi diThIcheni mukheM | mAjIM dATe || 7\-132||
tevhAM gheNeM deNeM ghaTe | parI aikyAcheM sUta na tuTe |
jevIM mukhIM mukha vATe | darpaNeM keleM . 7\-133||
AMgeM AMgAvarI pahuDe | che_ilA vegaLA na paDe |
tayA vAruvAcheni pADeM | gheNeM deNeM || 7\-134||
pANI kalloLAcheni miseM | ApaNApeM velhAve jaiseM |
vastu vastutveM kheLoM ye taiseM | sukheM lAhe || 7\-135||
guMphI jvALAMchiyA mALA | le_iliyAhI anaLA |
bhedAchiyA AhALAM | kAya paDaNeM Ahe \? || 7\-136||
kiM rashmIcheni parivAreM | veDhuni ghetalA thoreM |
tarxhI sUryAsi dusareM | boloM ye_Ila || 7\-137||
chAMdaNiyAchA giMvasu | chAMdAvarI paDaliyA bahuvasu |
kAya kevaLapaNIM trAsu | dekhijela \? || 7\-138||
daLAchiyA sahasravarI | phAMko ApuliyA parI |
parI nAhIM dusarI | bhAsa kamaLIM || 7\-139||
sahasravarI bAhiyA | AhAtI sahasrArjunA rAyA |
tarI to kAya tiyA | ekottarAvA \? || 7\-140||
saukaTAchiyA vojA | pasaro kAM bahU puMjA |
parI tAthuvIMNa dujA | bhAva Ahe \? || 7\-141||
koDIvarI shabdAMchA | meLAvA gharIM vAchechA |
mInalA tarxhI vAchA | mAtra kIM te || 7\-142||
taise dR^ishyAche DAkhaLe | nAnA dR^iShTIche umALe |
uThatI lekhAvegaLe | draShTatveMchi || 7\-143||
guLAchA bAMdhA | phuTaliyA moDIchA dhAMdA |
jAlA tarI nusadhA | gULachi kIM to || 7\-144||
taiseM heM dR^ishya dekho | kIM bahU ho_Uni phAMko |
parI bhedAchA navhe vikho | techi mhaNoni || 7\-145||
tayA AtmayAchyA bhAkhA | na paDechi dusarI rekhA |
jarI vishvA ashekhA | bharalA Ahe || 7\-146||
dubaMdhA kShIrodakIM | vANeM parI anekIM |
disatI tarI titukIM | suteM AthI \? || 7\-147||
pAtayAchi miThI | nukalitAM diThI |
avaghiyAchI sR^iShTI | pAvije jarI || 7\-148||
na phuTatAM bIjakaNikA | mAjIM vistAre vaTu asikA |
tarI advaitaphAMkA | upamA AthI || 7\-149||
maga mAteM myAM na dekhAveM | aisehI bhare hAveM |
tarI AMgAchiye visave | sejevarI || 7\-150||
pAtayAchi miThI | paDaliyA kIje diThI |
Apuliyechi poTIM | rigoni asaNeM || 7\-151||
kAM nudeliyA sudhAkaru | ApaNapeM bhare sAgaru |
nA kUrmI giLI vistAru | ApeMApa || 7\-152||
avasechiye divashIM | satarAviye aMshIM |
svayeM jaiseM shashI | rigaNeM hoya || 7\-153||
taiseM dR^ishya jiNatAM draShTe | paDale jaitAchiye kuTe |
tayA nAMva vAvaTe | ApaNapeyAM || 7\-154||
sahajeM AvagheMchi Ahe | tarI koNA koNa pAhe \? |
teM na dekhaNeMchi Ahe | svarUpa nidrA || 7\-155||
nAnA na dekhaNeM nako | mhaNe mIchi mAteM dekho |
tarI ApeMApa vikho | apaiseM ase || 7\-156||
jeM anAdIcha dR^ishyapaNeM | anAdIchi dekhaNeM |
heM AtAM kAyI koNeM | rachUM jAveM \? || 7\-157||
avakAsheshIM gaganA | gatIsIM pavanA |
kIM dIptIshIM tapanA | saMbaMdhu kIje \? || 7\-158||
vishvapaNeM ujivaDe | tarI vishva dekhe puDheM |
nA teM nAhIM tevhaDheM | nAhIMchi dekhe || 7\-159||
vishvAcheM ase nAhIM | vipAyeM buDAliyAhI |
tarxhI dashA aishIhI | dekhatachi ase || 7\-160||
kApurAhI AthI chAMdiNeM | kIM tochi na mAkhe teNeM |
taiseM kevaLa dekhaNeM | ThAyeM ThAvo || 7\-161||
kiMbahunA aiseM | vastu bhalatiye dashe |
dekhatachi ase | ApaNapayAteM || 7\-162||
manorathAMchIM deshAMtareM | manIM prakAshUni nareM |
maga tetheM AdareM | hiMDe jaisA || 7\-163||
kAM dATalA DoLA DoLyAM | DoLAchi tArA ho_UniyAM |
sphure chokha mhaNauniyAM | vismo nAhIM || 7\-164||
yAlAgIM ekeM chidrUpeM | ApaNayAM ApaNapeM |
dekhije kAM Arope | kAya kAja \? || 7\-165||
kiLecheM pAMgharuNa | ApajavI ratnA koNa \? |
kIM sone le soneM paNa | joDa joDUM \? || 7\-166||
chaMdana saurabha veDhI \? | kIM sudhA ApaNayA vADhI \? |
kIM gULa chAkhe goDI \? | aiseM AthI heM \? || 7\-167||
kIM ujALAche kiLe | kApurA puTIM didhaleM \? |
kIM tA_Uni Una keleM | AgIteM kA_I \? || 7\-168||
nAnA te latA | Apule velI guMDALitAM |
ghara karI na karitAM | jayAparI || 7\-169||
kAM prabhechA ubhaLA | dIpa prakAshe saMchalA |
taisA chaitanyeM giMvasilA | chidrUpa sphure || 7\-170||
aiseM ApaNayA ApaNa | ApuleM nirIkShaNa |
karAveM yeNeMvINa | karItuchi ase || 7\-171||
aiseM heM dekhaNeM na dekhaNeM | heM AMdhAreM chAMdiNeM |
mA chaMdrAsi uNeM | sphurateM kA \? || 7\-172||
mhaNoni heM na vhAve | aiseMhI karUM pAve |
tarI taisAchi svabhAveM | AitA ase || 7\-173||
draShTA dR^ishya aiseM | aLumALu donI dise |
teMhI parasparAnupravesheM | kAMhIM nA kIM || 7\-174||
tetheM dR^ishya draShTAM bhare | | draShTepaNa dR^ishyIM na sare |
mA donhI na ho_Uni ure | dohIMcheM sAcha || 7\-175||
maga bhalatetha bhalatevhAM | mAjhArIle dR^ishya-draShTa bhAvA |
ATaNI karIta kheMvA | yetI donhI || 7\-176||
kApurIM agnIpraveshu | kIM agni ghAtalA potAsu |
aiseM navhe saMsarIsu | veMchu jAlA || 7\-177||
ekA eku veMchalA | shUnya biMdu shUnyeM pusilA |
draShTA dR^ishyAchA nimAlA | taiseM hoya || 7\-178||
kiMbahunA ApuliyA | pratibiMbA jhoMbinaliyA |
jhoMbIsakaTa AToniyAM | jA_ije jevIM || 7\-179||
taiseM rusatA dR^iShTI | draShTA dR^ishya bheTI |
yetI tetheM miThI | dohIMchI paDe || 7\-180||
siMdhu pUrvApara | na miLatI taMvachi sAgara |
maga ekavaTa nIra | jaiseM hoya || 7\-181||
bahu ye heM tripuTI | sahajeM ho tayA rAhaTI |
pratikShaNIM kAya ThI | karItase \? || 7\-182||
donI visheSheM giLI | nA nirvishiShTAteM ugaLI |
ughaDI jhAMpI yekeMcha DoLIM | vastuchi he || 7\-183||
pAtayA pAteM miLe | kIM dR^iShTtveM saiMgha paghaLe |
tiye unmaLitAM mAvaLe | navalAvo hA || 7\-184||
draShTA dR^ishyAchyA grAsI | madhyeM lekhu vikAshI |
yogabhUmikA aisI | AMgIM vAje || 7\-185||
uThilA taraMgu baise | puDheM anuhI numase |
aisA ThA_IM jaise | pANI hoya || 7\-186||
kAM nIda saroni gelI | jAgR^itI nAhIM cheyilI |
tevhAM hoya ApulI | jaisI sthiti || 7\-187||
nAnA ekA ThA_Uni uThI | anyatra navhe paiThI |
he game taishiyA dR^iShTI | diThI sUtAM || 7\-188||
kAM mAvaLo saralA divo | rAtrIchA na karI prasavo |
teNeM gaganeM hA bhAvo | vAkhANilA || 7\-189||
ghetalA shvAsu buDAlA | ghApatA nAhIM uThilA |
taisA dohIMsi sivatalA | navhe jo arthu || 7\-190||
kIM avaghaviyAMchi karaNIM | viShayAMchI gheNI |
karitAMchi eke kShaNIM | jeM kIM Ahe || 7\-191||
tayA sArikhA ThAvo | hA nikarAchA AtmabhAvo |
yeNeM kAM pAhoM | na pAhoM lAbhe \? || 7\-192||
kAyI Apuliye bhUmike | ArisA ApuliyeM nikeM |
pAhoM na pAhoM shake | heM keM Ahe \? || 7\-193||
kAM samora pAThimoriyA | mukheM ho_UM ye ArisiyA |
vAMchUni tayAprati tayA | ho_AveM kAM \? || 7\-194||
sarvAMgeM dekhaNA ravI | parI aiseM ghaDe kevIM |
je udo vastUchIM chavI | svayeM ghepe \? || 7\-195||
kIM rasu ApaNayA piye \? | kIM toMDa lapa_Uni ThAye \? |
heM rasapaNeM navhe | tayA jaiseM || 7\-196||
taiseM pAhaNeM na pAhaNeM | pAhaNeMpaNeMchi ho neNe |
ANi donhI heM yeNeM | svayeMchi asije || 7\-197||
jeM pAhaNeMchi mhaNauniyAM | pAhaNeM navhe ApaNayAM |
taiM na pAhaNeM ApasayA | hAchi Ahe || 7\-198||
ANi na pAhaNeM mA kaiseM | ApaNapeM pAhoM baise \? |
tarI pAhaNeM heM aiseM | hAchi puDhatI || 7\-199||
hIM donhI paraspareM | nAMdatI ekA hAreM |
bAMdhoni yerayereM | nAhIM keleM || 7\-200||
pAhANayA pAhaNeM Ahe | tarI na pAhaNeM heMchi nohe |
mhaNauni yAchI soye | neNatI donhI || 7\-201||
evaM pAhaNeM na pAhaNeM | chorUniyAM asaNeM |
nA pAhe tarI koNeM | kAya pAhileM \? || 7\-202||
disalyAneM dR^ishya bhAse | mhaNAveM nA dekhileM aiseM |
tarI dR^ishyAstava dise | aiseM nAhIM || 7\-203||
dR^ishya kIra dR^iShTIsI dise | parI sAcha kIM draShTA ase |
AtAM nAhIM teM kaiseM | dekhileM hoye \? || 7\-204||
mukha diso kAM darpaNIM | parI asaNeM kIM taye mukhapaNIM |
tarI jAlI te vAyANI | pratItI kIM || 7\-205||
dekhatAMchI ApaNayAteM | Aliye nidecheni hAteM |
tayA svapnA aisA yetheM | nihALitAM || 206||
nidristu sukhAsanIM | vAhije anuvAhaNIM |
to sAcha kAya tesaNI | dashA pAve \? || 7\-207||
kIM siseMvINa ekaekeM | dAvilIM rAjya karitI raMkeM |
taishIM tiyeM satukeM | AthI kA_I \? || 208||
te nidrA jevhAM nAhIM | tevhAM jo jaisA jiye ThA_I |
taisAchI svapnI kAMhIM | na pavijechi kIM || 7\-209||
tAnheliyA mR^igatR^iShNA | na bheTaliyA shiNu jesaNA |
mA bheTaleyA koNA | kAya bheTaleM || 7\-210||
kIM sA_uliyechechi vyAjeM | meLavileM jeNeM duje |
tayAcheM karaNeM vAMjheM | jAleM jaiseM || 7\-211||
taiseM dR^ishya karUniyAM | draShTayAteM draShTayA |
dA_Uni dhADileM vAyA | dAvilepaNahI || 7\-212||
jeM dR^ishya draShTAchi Ahe | mA dAvaNeM kAM sAhe \? |
na dAvije tarI nohe | tayA to kA_I \? || 7\-213||
ArisA pAM na pAhe | tarI mukhachi vAyA jAye \? |
teNeMvINa Ahe | ApaNapeM kIM || 7\-214||
taiseM AtmayAteM AtmayA | na dAvije paiM mAyA |
tarI AtmA vAvo kIM vAyAM | techi te kIM nA \? || 7\-215||
mhaNoni ApaNApeM draShTA | na karitAM aseM paiThAM |
AtAM jAlAchi diThA | kAM karAvA || 7\-216||
nAnA mAguteM dAvileM | tarI punarukta teMchi jAleM |
yeNeM hI boleM geleM | dAvaNeM vR^ithA || 7\-217||
dorA sarpAbhAsA | sAchapaNeM doru kAM jaisA |
draShTA dR^ishyA taisA | draShTA sAchu || 7\-218||
darpaNeM ANi mukheM | mukha dise heM na chuke |
parI mukhIM mukha satukeM | darpaNIM nAhIM || 7\-219||
taise draShTA dR^ishyA dohoM | sAcha kIM dekhatA ThAvo |
mhaNauni dR^ishya teM vAvo | dekhileM jaRhI || 7\-220||
vAvo kIra hoye | tarxhI disata taMva Ahe |
yeNeM boleM hoye | AthI aiseM || 7\-221||
tarI Ana AnAteM | dekhona hoya dekhateM |
tarI mAnUM yeteM | dekhileM aiseM || 7\-222||
yetheM dekhoni kAM na dekhonI | aikya kAM nAnA ho_Uni |
parI hA yeNeM vAchUni | dekhaNeM ase \? || 7\-223||
ArishAneM ho kAM dAvileM | tarxhI mukhachi mukheM dekhileM |
to na dAvI tarxhI saMchaleM | mukhachi mukhIM || 7\-224||
taiseM dAvileM nAhIM | tarI hAchi yayAchyA ThA_IM |
nA dAvilA tarxhIhI | hAchi yayA || 7\-225||
jAgR^itI dAvilA | kAM nidA hAravilA |
parI jaisA yekalA | puruSha puruShIM || 7\-226||
kAM rAyAteM tUM rAvo | aisA dAvije pratyayo |
tarxhI ThAyeM ThAvo | rAjAchi ase || 7\-227||
nA tarI rAyapaNa rAyA | nANije kIM pratyayA |
tarxhI kAMhIM uNeM tayA- | mAjI ase \? || 7\-228||
taiseM dAvitAM na dAvitAM | hA yayA parautA |
chaDhe na tuTe A_itA | asatachi ase || 7\-229||
tarI kAM nimitya piseM | hA yayA dA_UM baiseM |
dekhateM nAhIM taiM Arise | dekhAve koNeM \? || 7\-230||
dIpu dAvI tayAteM rachI | kIM teNeMchI siddhI dIpAchI |
taisI sattA nimittAchI | yeNeM sAcha || 7\-231||
vanhIteM vanhI shikhA | prakAshI kIra dekhA |
parI vanhI na honi lekhA | ye_Ila kA_I \? || 7\-232||
ANi nimitta jeM bolAveM | teM yeNeM disoni dAvAveM |
dekhileM tarI svabhAveM | dR^ishyahI hA || 7\-233||
mhaNauni svayaMprakAshA yayA | ApaNApeM dekhAvayA |
nimitta hA vAMchuniyAM | nAhIMcha mA || 7\-234||
bhalatena vinyAseM | disata teNeMchI dise |
hA vAMchUni nase | yetheM kAMhIM || 7\-235||
leNeM ANi bhAMgAreM | bhAMgArachi eka sphure |
kAM je yetheM dusareM | nAhIMchi mhaNoni || 7\-236||
jaLa taraMgIM dohIM | jaLAvAMchUni nAhIM |
mhaNauni Ana kAMhIM | nAhIM nA nohe || 7\-237||
ho kAM ghrANAnumeyo | yevo kAM hAtIM ghevo |
lAbho kAM diThI pAhoM | bhalataisA || 7\-238||
parI kApurAchyA ThA_IM | kApurAvAMchUni nAhIM |
taishA rItI bhalateyAhI | hAchi yayA || 7\-239||
AtAM dR^ishyapaNeM diso | kIM draShTA ho_Uni aso |
parI hA vAMchUni atiso | nAhIM yetheM || 7\-240||
gaMgA gaMgApaNeM vAho | kIM siMdhu ho_Uni rAho |
parI pANIpaNA navalAvo | heM na dekho kIM || 7\-241||
thijAveM kIM vigharAveM | heM aprayojaka AghaveM |
ghR^itapaNa navhe | anAriseM || 7\-242||
jvALA ANi vanhI | na lekhijatI donhI |
vanhimAtra mhaNoni | Ana navhechi kIM || 7\-243||
taiseM drashya kAM draShTA | yA donhI dashA vAMjhaTA |
pAhatAM ekI kAShThA | sphUrtimAtra to || 7\-244||
iye sphUrtIkaDonI | nAhIM sphurtimAtra vAMchuni |
tarI kAya dekhonI | dekhatu ase \? || 7\-245||
puDheM pharakeM nA disateM | nA mAgeM DokAvI dekhateM |
pAhatAM yeNeM yayAteM | sphuradrupeMchi || 7\-246||
kalloLeM jaLIM ghAtaleM | soneMni soneM pAMghuraleM |
diThIche pAya guMtale | diThIsIchI || 7\-247||
shrutIsI meLavilI shrutI | dR^itIsi meLavilI dR^itI |
kAM je tR^iptIsIchi tR^iptI | vogarilI || 7\-248||
guLeM guLeM parivADilA | meru suvarNeM maDhilA |
kAM jvALA guMDALilA | anaLu jaisA || 7\-249||
heM bahu kAya bolije | kIM nabha nabhAchiyA rige seje |
maga koNeM nidije | jAge teM koNeM || 7\-250||
hA yeNeM pAhilA A_isA | kAMhIM na pAhilA jaisA |
ANi na pAhatAMhI ApaisA | pAhaNeMchi hA || 7\-251||
yetheM bolaNeM na sAhe | jANaNeM na samAye |
anubhava na lAhe | AMgI mirau || 7\-252||
mhaNonI yayAteM yeNeM | ye parIcheM pAhaNeM |
pAhatAM kAMhIM koNe | pAhileM nAhIM || 7\-253||
kiMbahunA aiseM | Atmeni AtmA prakAshe |
na chetuchi che_UM baise | tayAsi to || 7\-254||
svayeM darshanAchiyA savA | avaghIyAchI jAtase phAvAM |
parI nijAtmabhAvA | na moDitAhI || 7\-255||
na pAhatAM ArisA aso pAhe | tarI teMchi pAhaNeM hoye |
ANi pAhaNena tarI jAye | na pAhaNeM pAhaNeM || 7\-256||
bhalataisA phAMke | parI ekapaNA na muke |
nAnA saMkoche tarI asakeM | hAchi AthI || 7\-257||
sUryAchiyA hAtA | aMdhakArU naye sarvathA |
maga prakAshAchI kathA | A_ikatA kA \? || 7\-258||
aMdhAru kAM ujivaDu | hA ekalA ekavaDu |
jaisA kAM mArtaMDu | bhalatetheM || 7\-259||
taisA AvaDatiye bhUmike | ArUDhalIyAhI kautukeM |
pari yayAteM hA na chuke | hAchi aisA || 7\-260||
siMdhUchI sIMva na moDe | pANIpaNA saLu na paDe |
jarI moDutu kAM gADe | taraMgAMchI || 7\-261||
rashmI sUryAchI AthI | parI biMbA baherI jAtI |
mhaNauni bodhasaMpattI | upamA nohe || 7\-262||
ANi palhechA doDA | na paDatAM taDhA |
jaga taMva kApaDA | na bharechi kIM || 7\-263||
sonayAchA ravA | ravepaNAchA ThevA |
AvagheyAchi avayavA | leNeM nohe || 7\-264||
na pheDitAM ADavAvo | digaMtauni digaMtA jAvo |
na ye mA pAvoM | upamA kA_I \? || 7\-265||
mhaNauni iye AtmalILe | nAhIM Ana kAMTALeM |
AtAM yeyAchiye tuLe | hAchi yayA || 7\-266||
svaprakAshAchA ghAMsIM | jevitAM bahu vegeMsI |
veMchenA parI kushIM | vAkhahI na paDe || 7\-267||
aisA nirupamA parI | Apuliye vilAsavarI |
AtmA rANIva karI | ApulA ThA_IM || 7\-268||
tayAteM mhaNipeM adnyAna | tarI nyAyA bharaleM rAna |
AtAM mhaNe tayAcheM vachana | upasAvoM AmhI || 7\-269||
prakAshiteM adnyAna | aiseM mhaNaNeM hana |
tarI nidhi dAviteM aMjana | na mhaNije kA_I \? || 7\-270||
suvarNagaura aMbikA | na mhaNije kaya kALikA \? |
taisA AtmaprakAshakA | adnyAnavAdu || 7\-271||
yerxhavIM shivoni pR^ithvIvarI | tattvAchyA vANeparI |
jayAchA rashmikarIM | ujALA yetI || 7\-272||
jeNeM dnyAna sadnyAna hoye | dR^iNmAtra dR^iShTIteM viye |
prakAshAchA divo pAhe | prakAshAsI || 7\-273||
teM koNeM nikR^iShTeM | dAvileM adnyAnAcheni boTeM |
nA tameM sUryA moTe | bAMdhitAM nikeM || 7\-274||
`a` pUrvI dnyAnAkSharI | vasatAM adnyAnAchI thorI |
shabdArthAchI ujarI | apUrva navhe kIM \? || 7\-275||
lAkheche mAMduse | AgIcheM ThevaNeM kAyiseM \? |
AMtu bAherI sariseM | karUni ghAlI || 7\-276||
mhaNoni jaga dnyAneM sphiteM | bolatAM adnyAnavAdAteM |
vikhuralI hotI AteM | vAchechiye || 7\-277||
akharIM taMva govadhu | puDhArAM anR^itavAdu |
mA kaisA adnyAnavAdu | kIje dnyAnIM \? || 7\-278||
ANi adnyAna mhaNaNeM | sphuratse arthapaNeM |
AtAM heMchi dnyAna koNe | mAnije nA \? || 7\-279||
aso heM AtmarAjeM | ApaNApeM jeNeM tejeM |
ApaNachi dekhije | bahuye parI || 7\-280||
nirvachitAM jeM jhAvaLe | teMchi kIM lAhe DoLe \? |
DoLyApuDheM miLe | teMchi tayA || 7\-281||
aiseM jagadnyAna jeM Ahe | teM adnyAna mhaNeM mI viyeM |
yeNeM anumAneM hoM pAhe | AthI aiseM || 7\-282||
taMva adnyAna trishuddhI nAhIM | heM jageMchi ThevileM ThA_I |
je dharma dharmitveM keMhIM | dnyAnAdnyAna ase \? || 7\-283||
kAjaLAM motIM viyeM \? | rAkhoMDiyA dIpu jiye \? |
tarI dnyAna dharmu hoye | adnyAnAchA || 7\-284||
chaMdramA nigatI jvALA \? | AkAsha Ate shiLA \? |
tarI adnyAna ujaLA | dnyAnAteM vamI || 7\-285||
kShIrAbdhIM kALakUTa | he ekI parIche vikaTa |
parI kALakUTIM chokhaTa | sudhA kaiMchI \? || 7\-286||
nA dnyAnI adnyAna jAleM | teM hotAMchi adnyAna geleM |
puDhatI dnyAna ekaleM | adnyAna nAhIM || 7\-287||
mhaNauni sUrya sUryAchi yevaDhA | chaMdra chaMdrAchi sAMgaDA |
nA dipAchiyA paDipADA | aisA dIpU || 7\-288||
prakAsha to prakAsha kIM | yAsi na vaMche ghe_IM chukI |
mhaNauni jaga asakI | vastuprabhA || 7\-289||
vibhAti yasya bhAsA | sarvamidaM hA aisA |
shruti kAya vAyasA | DheMkara detI || 7\-290||
yAlAgIM vastuprabhA | vastUchi pAve shobhA |
jAta ase lAbhA | vastuchiyA || 7\-291||
vAMchUna vastu yayA | ApaNapeM prakAshAvayA |
adnyAna hetu vAMyA | avagheMchi || 7\-292||
mhaNoni adnyAna sad_bhAvo | koNe parI na lAhoM |
adnyAna kIra vAvo | pAhoM TheliyAhI || 7\-293||
parI tamAchA visurA | na joDechi dinakarA |
rAtrIchiyA gharA | geliyAhI || 7\-294||
kAM nIda khoLe bharitA | jAgaNeM hI na ye hAtA |
yekaliyA TaLaTaLitA | ThAkije jevIM || 7\-295||
|| iti shrImad_amR^itAnubhave adnyAnakhaMDana nAma saptama prakaraNaM
saMpUrNam||
\medskip\hrule\medskip
          prakaraNa AThaveM
          dnyAnakhaNDana
taiseM Amucheni nAMveM | adnyAnAcheM dnyAnahI navhe |
AmhAMlAgIM gurudeveM | AmhIcha keloM || 8\-1||
parI AmhA AmhI AhoM | teM kaiseM pAho jAvoM |
taMva kAya kIje ThAvo | lAjije aisA || 8\-2||
hA ThAvovarI gururAyeM | nAMdaviloM uvAyeM |
je AmhI na samAye | AmhAMmAjIM || 8\-3||
aho AtmapaNIM na saMTho | svasaMviti na ghasavaTo |
AMgIM lAgaliyA na phuToM | kaivalyahI || 8\-4||
AmuchI karave goThI | te jAlIchi nAhIM vAksR^iShTI |
AmuteM dekhe diThI | te diThIchi navhe || 8\-5||
AmuteM karUni vikho | bhogUM shake pArakho |
taiM AmuteM na dekhoM | AmhIpaNA || 8\-6||
pragaTo lapo na lAho | yetheM nAhIM navalAho |
parI kaisenihI vipAvo | asaNeyAchA || 8\-7||
kiMbahunA shrInivR^ittIM | TheviloM asoM jayA sthitIM |
te kAya de_UM hAtI | vAchechiyA \? || 8\-8||
tetha samora ho_AvayA | adnyAnAchA pADu kAsayA |
ke_ute meliyA mAyA | ho_UM pAhije || 8\-9||
adnyAnAchA pravartu | nAhIM jayA gAMvA_AMtu |
tetheM dnyAnAchI tarI mAtu | koNa jANe \? || 8\-10||
rAtI mhaNoni dive | paDatI kIM lAvAve |
vAMchuni sUryAsaveM | shiNaNeM hoye || 8\-11||
mhaNoni adnyAna nAhIM | tetheMchi geleM dnyAnahI |
AtAM nimiShonmeShA dohIM | ThelI vATa || 8\-12||
yerxhavIM tarxhI dnyAna adnyAnAneM | dohIMchi abhidhAneM |
arthAcheni AnAneM | viplAvilIM || 8\-13||
jaisIM daMpatteM paraspare | toDoni pAlaTilIM shireM |
tetheM pAlaTu nA paNa sare | dohIMcheM jiNeM || 8\-14||
kAM pAThI lAvilA hoye | to dIpuchi vAyAM jAye |
diThI AMdhAreM pAhe | taiM techi vR^ithA || 8\-15||
taiseM nipaTUna jeM neNije | teM adnyAna shabdeM bolije |
AtAM sarvahI jeNeM suje | teM adnyAna kaiseM \? || 8\-16||
aiseM dnyAna adnyAnIM AleM | adnyAna dnyAneM geleM |
ye dohIM vAMjhauleM | donhI jAlI || 8\-17||
ANi jANe tochi neNeM | neNe tochi jANe |
AtAM keM aseNe jiNeM | dnyAnA adnyAnA \? || 8\-18||
evaM dnyAnAdnyAneM donhI | poTIM sUni ahanI |
udailA chid_gaganIM chidAdityu hA || 8\-19||
|| iti shrImad_amR^itAnubhave dnyAnakhaMDana nAma aShTama prakaraNaM
saMpUrNam||
\medskip\hrule\medskip
          prakaraNa navaveM
          jIvanmuktadashAkathana
AtAM Amoda sunAsa jAleM | shrutIsi shravaNa righAle |
Arise uThale | lochanesI || 9\-1||
Apuleni samIrapaNeM | velhAvatI viMjaNeM |
kIM mAthechi chAMphepaNeM | bahakatAtI || 9\-2||
jivhA lodhalI raseM | kamaLa sUryapaNeM vikAshe |
chakorachi jaise | chaMdramA jhAle || 9\-3||
phuleMchi jAlIM bhramara | taruNIchI jhAlI nara |
jAleM ApuleM shejAra | nidrALuchi || 9\-4||
diThIviyAchA ravA | nAgaru iyA ThevA |
ghaDilA kAM korivAM | parI jaisA || 9\-5||
chUtAMkUra jhAle kokiLa | AMgacha jhAle malayAnILa |
rasa jhAle sakaLa | rasanAvaMta || 9\-6||
taise bhogya ANi bhoktA | dise ANi dekhatA |
heM saraleM advaitA | aphuTAmAjIM || 9\-7||
sevaMtepaNA bAherI | na nigatAchi parI |
pAtI sahasravarI | upalavije te || 9\-8||
taiseM nava navA anubhavIM | vAjatAM vAdhAvI |
akriyechyA gAMvIM | neNije teM || 9\-9||
mhaNoni viShayAMcheni nAMveM | sUni iMdriyAMche thave |
saiMgha ghetI dhAMve | samorahI || 9\-10||
parI ArisA shive shive | taMva diThIsI diThI phAve |
taise jhAle dhAMve | vR^ittIchiyA || 9\-11||
nAga mudI kaMkaNa | triliMgIM bhedalI khUNa |
ghetAM tarI suvarNa | ghe_Ije kIM || 9\-12||
veMchUni ANUM kalloLa | mhaNona ghApe karataLa |
tetheM tarI nikhaLa | pANIcha phAve || 9\-13||
hAtApAshIM sparshu | DoLyApAshIM rUpasu |
jivhepAshIM miThAMshu | koNhI ekU || 9\-14||
taRhI parimaLA parauteM | miravaNeM nAhIM kApurAteM |
tevIM bahutAMparI sphurateM | teMchi sphure || 9\-15||
mhaNoni shabdAdi padArtha | shrotrAdikAMche hAta |
ghyAvayA jetha | ujU hotI || 9\-16||
tethe saMbaMdhu hoye na hoye | tava iMdriyAMcheM teM nohe |
maga asatachi Ahe | saMbaMdhu nA || 9\-17||
jiye perIM disatI usIM | tiye lAbhatI kIM rasIM |
kAMti jevIM shashIM | punavechiyA || 9\-18||
paDileM chAMdAvarI chAMdiNeM | samudrIM jAleM varaShaNeM |
viShayAM karaNeM | bheTatI taishIM || 9\-19||
mhaNona toMDA ADa paDe | teMhi vAchA vAvaDe |
parI samAdhI na moDe | maunamudrechI || 9\-20||
vyApArAche gADe | moDatAMhi ApADe |
akriyecheM na moDe | pA_Ula keMhI || 9\-21||
pasarUni vR^ittIchI vAve | diThI rUpAteM de kheveM |
parI sAchAcheni nAMve | kAMhIMchi na labhe || 9\-22||
tamAteM ghyAvayA | uchalUnI sahasra bAhiyA |
shevaTIM ravI iyA | hAchi jaisA || 9\-23||
svapnIMchiyA vilAsA | bheTa_Ina yA AshA |
uThilA taMva jaisA | tochi mA to || 9\-24||
taisA udailayA nirviShayeM | dnyAnI viShayI hoM lAhe \? |
taMva donhI na honI hoye | kAya neNoM || 9\-25||
chaMdra vechUM gelA chAMdiNeM | taMva veMchileM kAya koNeM |
vi_Uni vAMjheM smaraNeM | hotIM jaisI || 9\-26||
pratyAhArAdi AMgIM | yogeM AMga TeMkileM yogIM |
to jAlA iye mArgI | dihAchA chAMdu || 9\-27||
yetha pravR^itti bahuDe jiNeM | apravR^ittIsI bAdhAvaNeM |
AtAM pratyaNmukhapaNeM | prachAru dise || 9\-28||
dvaitadashecheM AMgaNa | advaita voLage ApaNa |
bheda taMva taMva duNa | abhedAsI || 9\-29||
kaivalyAchA chaDhAvA | karIta viShayasevA |
jhAlA bhR^itya bhajya kAlovA | bhaktIchyA gharIM || 9\-30||
gharAmAjIM pAyeM | chAlatAM mArgUhI tochi hoye |
nA baise tarxhI Ahe | pAvaNeMchi || 9\-31||
taiseM bhalateM karitAM | yetheM pAvije kAMhIM AtAM |
aiseM nAhIM na karitAM | ThAkijenA || 9\-32||
AThavU ANi visarU | tayAteMhI ghe_UM nedI pasaru |
dashechA vevhAru | asAdhAraNu || 9\-33||
jAlI svechChAchi vidhi | svaira jAlI samAdhI |
dashe ye mokShaR^iddhi | baisoM ghApe || 9\-34||
jAlA devochi bhaktu | ThAvochi jAlA paMthu |
ho_Uni ThelA ekAMtu | vishvachi heM || 9\-35||
bhalate_uteni deveM | bhalatena bhakta ho_AveM |
baisalA tetheM rANiveM | akarmu hA || 9\-36||
devAchiyA dATaNI | de_ULA jAlI ATaNI |
deshakALAdi vAhANIM | ye_IchinA || 9\-37||
devIM devochi na mAye | mA devI keM anvayo Ahe \? |
yetha parivAru bahuye | aghaDatA kIM || 9\-38||
aisAhi svAmIbhR^ityasaMbaMdhA- | lAgIM uThalIM shraddhA |
taiM devochi nusadhA | kAmavije || 9\-39||
avaghiyAchi upachArA | japadhyAna nirdhArA |
nAhIM Ana saMsArA | devovAMchunI || 9\-40||
AtAM devAteMchi deveM | devavarI bhajAveM |
arpaNAcheni nAMveM | bhalatiyA || 9\-41||
pAheM pAM AghavayA | rukhA rukhachi yayA |
parI dusarA nAhIM tayA | vistAra jevIM || 9\-42||
deva de_ULa parivArU | kIje korUni DoMgaru |
taisA bhaktIchA vyavahAru | kAM na vhAvA \? || 9\-43||
ao mugIM muga jaiseM | ghetAM na ghetAM navala nase |
keleM devapaNa taiseM | dohIMparI || 9\-44||
akhatAMchi devatA | akhatIMchi ase na pUjitAM |
mA akhatIM kAya AtAM | pujo jAvo || 9\-45||
dIptIchIM lugaDIM | dIpakaLike tUM veDhI |
heM na mhaNatAM te ughaDI | ThAke kA_I \? || 9\-46||
kAM chaMdrAteM chaMdrikA | na mhaNije tUM le kAM |
tarxhI to asikA | tiyAchi kIM nA || 9\-47||
AgIpaNa AgI | asatachi ase AMgIM |
mA kAsayAlAgIM | deNeM na deNeM \? || 9\-48||
mhaNoni bhajatAM bhajAveM | mA na bhajatAM kAya navhe \? |
aiseM nAhIM svabhAveM | shrIshivUchi ase || 9\-49||
atAM bhakti abhakti | jAleM tATa ekI pAMtI |
karmAkarmAchiyA vAtI | mAlhAvUniyAM || 9\-50||
mhaNoni upaniShadeM | dashe yeti niMde |
niMdAchi vishadeM | stotreM hotI || 9\-51||
nA tarI niMdAstuti | donhIM maunAsAThIM jAtI |
maunIM mauna AthI | na bolatAM bolI || 9\-52||
ghAlitA avhAsavhA pAya | shivayAtrAchi hota jAya |
shivA geliyAhI nohe | keMhI jANeM || 9\-53||
chAlaNeM ANi baisaka | donhI miLoni eka |
nohe aiseM kautuka | iye ThAyIM || 9\-54||
yerxhavIM ADoLiliyA DoLA | shivadarshanAchA sohaLA |
bhogije bhalate veLAM | bhalateNeM || 9\-55||
nA samora dise shivuhI | pari dekhileM kAMhIM nAhIM |
devA bhaktA dohI | ekachi pADU || 9\-56||
ApaNachi cheMDU suTe | maga ApaNayA upaTe |
teNeM uMdaLatA dATe | ApaNapAMchi || 9\-57||
aisI jarI cheMDUphaLI | dekhije kAM kevheLIM |
tarI bolije he saraLI | prabuddhAchI || 9\-58||
karmAchA hAtu na lage | dnyAnAcheMhI kAMhIM na rige |
aisIchi hotase AMgeM | upAsti he || 9\-59||
niphaje nA nime | AMgeM AMga ghume |
sukhA sukha upame | devavela iyA || 9\-60||
koNhI eka akR^itrIma | bhaktIcheM heM varma |
yogadnyAnAdivishrAma | bhUmikA he || 9\-61||
AMgeM kIra eka jhAleM | parI nAmarUpAche mAsale |
hote tehI ATale | harihara yetheM || 9\-62||
aho ardhanArInaTeshvareM | giLita giLita paraspareM |
grahaNa jAleM ekasareM | sarvagrAseM || 9\-63||
vAchyajAta khA_UnI | vAchakatvahi pi_UnI |
TAkalI nidaijaunI | parA yetheM || 9\-64||
shivAshivA ! samarthA svAmI | yevaDhIye AnaMdabhUmi |
ghepe dIje ekeM AmhIM | aiseM keleM || 9\-65||
chetachi mA chevavileM | nidaileMchi mA nidavileM |
AmhIchi AmhA ANileM | navala jI tujheM || 9\-66||
AmhI nikhaLa mA tujhe | varI lobheM mhaNasI mAjheM |
heM punarukta sAje | tUMchi mhaNonI || 9\-67||
koNAcheM kAMhIM na ghesI | ApuleMhI taiseMchi na desI |
koNa jANe bhogisI | gaurava kaiseM || 9\-68||
gurutveM jevaDhA chAMgU | tevaDhAchi tArUni laghU |
guru laghu jANe jo pAMgU | tujhA karI || 9\-69||
shiShyA detAM vATe | advaitAchA samo phuTe |
tarI kAhyA hotI bhATeM | shAstreM tujhIM || 9\-70||
kiMbahunA ye dAtArA | mI tUM yAchA saMsArA |
veMchoni hosI soyarA | teNeMchi toSheM || 9\-71||
|| iti shrImad_amR^itAnubhave jIvanmuktadashAkathanaM nAma navamaM
prakaraNaM saMpUrNam||
\medskip\hrule\medskip
          prakaraNa dahAveM
          graMthaparihAra
parI gA shrInivR^ittirAyA | hAtAtaLIM sukhavileM tuyA |
tarI nivAMtachi miyAM | bhogAveM kIM teM || 10\-1||
parI mahesheM sUryAhAtIM | didhalI tejAchI sUti |
tayA bhAsA aMtarvartI | jagachi keleM || 10\-2||
chaMdrAsi amR^ita ghAtaleM | teM tayAchi kAI yetuleM |
kIiM siMdhu meghA didhale | meghAchi bhAgU || 10\-3||
divA jo ujeDU | to gharAchAchI suravADU |
gaganIM AthI pavADu | to jagAchAchI kIM || 10\-4||
agAdheM hI uchaMbaLatI | te chaMdrIchI nA shaktI \? |
vasaMtu karI taiM hotI | jhADAMcheM dAnIM || 10\-5||
mhaNoni heM asaMvarya | daivikIcheM audArya |
vAMchoni svAtaMtarya | mAjheM nAhIM || 10\-6||
ANi hA yevaDhA aisA | parihAru deUM kAyasA |
prabhuprabhAvavinyAsA | ADa ThAvUnI || 10\-7||
AmhI boliloM jeM kAMhIM | teM pragaTachI ase ThAIM |
mA svayaMprakAshA kAI | prakAshAveM boleM \? || 10\-8||
nAnA vipAyeM AmhIM hana | kIje teM pAM mauna |
tarI kAya janIM jana | disate nA \? || 10\-9||
janAteM janIM dekhatAM | draShTeMchi dR^ishya tatvatAM |
koNhI nahoni A_itA | siddhAMtachi hA || 10\-10||
yayA parauteM kAMhIM | saMvidrahasya nAhIM |
ANi heM tayA AdhIMhI | asatachi ase || 10\-11||
tarxhI graMthaprastAvo | na ghaDe heM mhaNoM pAvo |
taRhI siddhAnuvAda lAhoM | AvaDI karUM || 10\-12||
paDhiyaMteM sadA teMchi | parI bhogIM navI navI ruchI |
mhaNoni hA uchituchi | anuvAda siddha || 10\-13||
yA kAraNeM miyAM | gaupya dAvileM boloniyAM |
aiseM nAhIM ApasayA | prakAshUchi || 10\-14||
ANi pUrNa_ahaMtA veThaloM | saiMgha AmhIcha dATaloM |
mA lopaloM nA pragaTaloM | koNhI ho_UnI | 10\-15||
ApaNayA ApaNapeM | nirUpaNa kAya vope \? |
mA ugepaNe harape | aise Ahe \? || 10\-16||
mhaNoni mAjhI vaikharI | maunAcheMhI mauna karI |
he pANiyAvarI makarI | rekhilIyAM || 10\-17||
evaM dashopaniShadeM | puDhArI na DhaLatI padeM |
dekhoni buDI bodheM | yetheMchi didhalI || 10\-18||
dnyAnadeva mhaNe shrImaMta | heM anubhavAmR^ita |
seMvUni jIvanmukta | heMchi hotu || 10\-19||
mukti kIra velhALa | anubhavAmR^ita nikhaLa |
parI amR^itAhI uThI lALa | amR^iteM yeNeM || 10\-20||
nitya chAMdu hoye | parI punave Anu Ahe |
heM kAM mI mhaNoM lAheM | sUryadR^iShTI \? || 10\-21||
priyA sAvAyilI hoye | tai AMgIche AMgIM na samAye |
yerxhavIM tetheMchi Ahe | tAruNya kIM || 10\-22||
vasaMtAchA AlA | phaLIM phulIM ApalA |
gaganAchiyA DALA | pelatI jhADeM || 10\-23||
yayAlAgIM heM bolaNeM | anubhAmR^itapaNeM |
svAnubhUti paraguNeM | vogarileM || 10\-24||
ANi mukta mumukShu baddha | heM taMvavarI yogyatA bheda |
anubhavAmR^itasvAda | viruddha jaMva || 10\-25||
gaMgAvagahanA AlI | pANIyeM gaMgA jhAlIM |
kAM timireM bheTalIM | sUryA jaishIM || 10\-26||
nAhIM parisAchI kasavaTI | taMvavarIcha vAniyAchyA goThI |
maga paMdharAviyAchyA paTIM | baisAveM kIM || 10\-27||
taiseM jeM yA akSharA | bheTatI gAbhArAM |
te vogha jaise sAgarA | AMtu Ale || 10\-28||
jaishA akArAdi akSharA | bheTatI pannAsahI mAtrA |
taiseM yA charAcharA | dusareM nAhIM || 10\-29||
taisI taye IshvarIM | aMguLI navhechi dusarI |
kiMbahunA sarobharIM | shrIshiveMshIchi || 10\-30||
mhaNoni dnyAnadevo mhaNe | anubhavAmR^iteM yeNeM |
saNu bhogije saNeM | vishvAcheni || 10\-31||
|| iti anubhavAmR^ite graMthaparihArakathanaM nAma dashamaM prakaraNaM
saMpUrNam||
##
Encoded and proofread by Vishwas Bhide
vishwas underscore bhide at yahoo.com
\medskip\hrule\obeylines
\medskip
{\rm Please send corrections to sanskrit at cheerful dot c om}
{\rm Last updated \today}
{\rm http://sanskritdocuments.org}
\end{document}