1-1-0 (0) ॥ শ্রীবেদব্যাসায় নমঃ॥ 1-1-0x (0) নারায়ণং নমস্কৃত্য নরং চৈব নরোত্তমম্। দেবীং সরস্বতীং চৈব(ব্যাসং) ততো জয়মুদীরয়েৎ ॥ 1-1-1 (1) `নারায়ণং সুরগুরুং জগদেকনাথং' ভক্তপ্রিয়ং সকললোকনমস্কৃতং চ। ত্রৈগুণ্যবর্জিতমজং বিভুমাদ্যমীশং বন্দে ভবঘ্নমমরাসুরসিদ্ধবন্দ্যম্'॥ 1-1-2 (2) `নমো ধর্মায় মহতে নমঃ কৃষ্ণায় বেধসে। ব্রাহ্মণেভ্যো নমস্কৃত্য ধর্মান্বক্ষ্যামি শাশ্বতান্'॥ 1-1-3 (3) ওঁ নমো ভগবতে বাসুদেবায়। ওঁ নমঃ পিতামহায়। ওঁ নমঃ প্রজাপতিভ্যঃ। ওঁ নমঃ কৃষ্ণদ্বৈপায়নায়। ওঁ নমঃ সর্ববিঘ্নবিনায়কেভ্যঃ॥ 1-1-4 (4) রোমহর্ষণপুত্র উগ্রশ্রবাঃ সৌতিঃ পৌরাণিকো নৈমিশারণ্যে শৌনকস্য কুলপতের্দ্বাদশবার্ষিকে সত্রে 1-1-5 (5) সুখাসীনানভ্যগচ্ছদ্ব্রহ্মর্ষীন্সংশিতব্রতান্। বিনয়াবনতো ভূৎবা কদাচিৎসূতনন্দনঃ॥ 1-1-6 (6) তমাশ্রমমনুপ্রাপ্য নৈমিশারণ্যবাসিনঃ। `উবাচ তানৃষীন্সর্বান্ধন্যো বোঽস্ম্যদ্যদর্শনাৎ 1-1-7 (7) বেদ বৈয়াসিকীঃ সর্বাঃ কথা ধর্মার্যৈসংহিতাঃ। বক্ষ্যামি বো দ্বিজশ্রেষ্ঠাঃ শৃণ্বন্ৎবদ্য তপোধনাঃ 1-1-8 (8) তস্য তদ্বচনং শ্রুৎবা নৈমিশারণ্যবাসিনঃ। চিত্রা শ্রোতুং কথাস্তত্র পরিব্রুস্তপস্বিনঃ॥ 1-1-9 (9) অভিবাদ্য মুনীংস্তাংস্তু সর্বানেব কুতাঞ্জলিঃ। অপৃচ্ছৎস তপোবৃদ্ধিং সদ্ভিশ্চৈবাভিপূজিতঃ॥ 1-1-10 (10) অথ তেষূপবিষ্টেষু সর্বেষ্বেব তপস্বিষু। নির্দিষ্টমাসনং ভেজে বিনয়াদ্রৌমহর্ষণিঃ॥ 1-1-11 (11) সুখাসীনং ততস্তং তু বিশ্রান্তমুপলক্ষ্য চ। অথাপৃচ্ছদৃষিস্তত্র কশ্চিৎপ্রস্তাবয়ন্কথাঃ॥ 1-1-12 (12) কুত আগম্যতে সৌতে ক্বচায়ং বিহৃতস্ৎবয়া। কালঃ কমলপত্রাক্ষ শংসৈতৎপৃচ্ছতো মম॥ 1-1-13 (13) এবং পৃষ্টোঽব্রবীৎসম্যগ্যথাবদ্রৌমহর্ষণিঃ। বাক্যং বচনসংপন্নস্তেষাং চ চরিতাশ্রয়ম্॥ 1-1-14 (14) তস্মিন্সদসি বিস্তীর্ণে মুনীনাং ভাবিতাত্মনাম্। 1-1-15 (15) সৌতিরুবাচ। জনমেজয়স্য রাজর্ষেঃ সর্পসত্রে মহাত্মনঃ॥ 1-1-15x (1) সমীপে পার্থিবেন্দ্রস্য সম্যক্পারিক্ষিতস্য চ। কৃষ্ণদ্বৈপায়নপ্রোক্তাঃ সুপুণ্যা বিবিধাঃ কথাঃ 1-1-16 (16) কথিতাশ্চাপি বিধিবদ্যা বৈশম্পায়নেন বৈ। শ্রুৎবাঽহং তা বিচিত্রার্থা মহাভারতসংশ্রিতাঃ॥ 1-1-17 (17) বহূনি সংপরিক্রম্য তীর্থান্যায়তনানি চ। সমন্তপঞ্চকং নাম পুণ্যং দ্বিজনিষেবিতম্॥ 1-1-18 (18) গতবানস্মি তং দেশং যুদ্ধং যত্রাভবৎপুরা। কুরূণাং পাণ্ডবানাং চ সর্বেষাং চহীক্ষিতাম্॥ 1-1-19 (19) দিদৃক্ষুংরাগতস্তস্মাৎসমীপং ভাবতামিহ। আয়ুষ্মন্তঃ সর্ব এব ব্রহ্মভাতা হি মে মতাঃ॥ অস্মিন্যজ্ঞে মহাভঙ্গাঃ সূর্যপাবকবর্চসঃ॥ 1-1-20 (20) কৃতাভিষেকাঃ শুচয়ঃ কৃতজপ্যা হুতাগ্নয়ঃ। ভবন্ত আসতে স্বস্থা ব্রবীমি কিমহং দ্বিজাঃ 1-1-21 (21) পুরাণসংহিতাঃ পুণ্যাঃ কথা ধর্মার্থসংশ্রিতাঃ। ইতিবৃত্তং নরেন্দ্রাণামৃষীণাং চ মহাত্মনাম্॥ 1-1-22 (22) ঋষয় ঊচুঃ। 1-1-23x (2) দ্বৈপায়নেন যৎপ্রোক্তং পুরাণং পরমর্ষিণা। সুরৈর্ব্রহ্মর্ষিভিশ্চৈব শ্রুৎবা যদভিপূজিতম্॥ 1-1-23 (23) তস্যাখ্যানবরিষ্ঠস্য বিচিত্রপদপর্বণঃ। সূক্ষ্মার্থন্যায়যুক্তস্য বেদার্থৈর্ভূষিতস্য চ॥ 1-1-24 (24) ভারতস্যেতিহাসস্য পুণ্যাং গ্রন্থার্থসংয়ুতাম্। সংস্কারোপগতাং ব্রাহ্মীং নানাশাস্ত্রোপবৃংহিতাম্॥ 1-1-25 (25) জনমেজয়স্য যাং রাজ্ঞো বৈশম্পায়ন উক্তবান্। যথাবৎস ঋষিঃ পৃষ্টঃ সত্রে দ্বৈপায়নাজ্ঞয়া॥ 1-1-26 (26) বেদৈশ্চতুর্ভিঃ সয়ুক্তাং ব্যাসস্যাদ্ভুতকর্মণঃ। সংহিতাং শ্রোতুমিচ্ছামঃ পুণ্যাং পাপভয়াপহাম্॥ 1-1-27 (27) সৌতিরুবাচ। 1-1-28x (3) আদ্যং পুরুষমীশানং পুরুহূতং পুরুষ্টুতম্। ঋতমেকাক্ষরং ব্রহ্ম ব্যক্তাব্যক্তং সনাতনম্॥ 1-1-28 (28) অসচ্চ সচ্চৈব চ যদ্বিশ্বং সদসতঃ পরম্ পরাবরাণাং স্রষ্টারং পুরাণং পরমব্যযম্॥ 1-1-29 (29) মঙ্গল্যং মঙ্গলং বিষ্ণুং বরেণ্যমনঘং শুচিম্। নমস্কৃত্য হৃষীকেশং চরাচরগুরুং হরিম্॥ 1-1-30 (30) মহর্ষেঃ পূজিতস্যেহ সর্বলোকৈর্মহাত্মনঃ। প্রবক্ষ্যামি মতং পুণ্যং ব্যাসস্যাদ্ভুতকর্মণঃ॥ 1-1-31 (31) `নমো ভগবতে তস্মৈ ব্যাসায়ামিততেজসে। যস্য প্রসাদাদ্বক্ষ্যামি নারায়ণকথামিমাম্॥ 1-1-32 (32) সর্বাশ্রমাভিশমনং সর্বতীর্থাবগাহনম্। ন তথা ফলদ সূতে নারায়ণকথা যথা॥ 1-1-33 (33) নাস্তি নারায়ণসমং ন ভূতং ন ভবিষ্যতি। এতেন সত্যবাক্যেন সর্বার্থান্সাধয়াম্যহম্'॥ 1-1-34 (34) আচখ্যুঃ কবয়ঃ কেচিৎসংপ্রত্যাচক্ষতে পরে। আখ্যাস্যন্তি তথৈবান্য ইতিহাসমিমং ভুবি॥ 1-1-35 (35) ইদং তু ত্রিষু লোকেষু মহজ্জ্ঞানং প্রতিষ্ঠিতম্। বিস্তরৈশ্চ সমাসৈশ্চ ধার্যতে যদ্দ্বিজাতিভিঃ॥ 1-1-36 (36) অলঙ্কৃতং শুভৈঃ শব্দৈঃ সময়ৈর্দিব্যধনুষৈঃ। ছন্দোবৃত্তৈশ্চ বিবিধৈরন্বিতং বিদুষাংপ্রিয়ম্॥ 1-1-37 (37) তপসা ব্রহ্মচর্যেণ ব্যস্য বেদং সনাতনম্। ইতিহাসমিমং চক্রে পুণ্যং সত্যবতীসুতঃ॥ 1-1-38 (38) `পুণ্যে হিমবতঃ পাদে মেধ্যে গিরিগুহালয়ে। বিশোধ্য দেহং ধর্মাত্মা দর্ভসংস্তরমাশ্রিতঃ॥ 1-1-39 (39) শুচিঃ সনিয়মো ব্যাসঃ শান্তাত্মাতপসি স্থিতঃ ভারতস্যেতিহাসস্য ধর্মেণান্বীক্ষ্য তাং গতিম্॥ 1-1-40 (40) প্রবিশ্য যোগং জ্ঞানেন সোঽপশ্যৎসর্বমন্ততঃ॥ 1-1-41 (41) নিষ্প্রভেঽস্মিন্নিরালোকে সর্বতস্তমসা বৃতে। বৃহদণ্ডমভূদেকং প্রজানাং বীজমব্যযম্॥ 1-1-42 (42) যুগস্যাদিনিমিত্তং তন্মহদ্দিব্যং প্রচক্ষত। ব্যস্মিংস্তচ্ছ্রূয়তে সত্যংজ্যোতির্ব্রহ্ম সনাতনম্॥ 1-1-43 (43) অদ্ভুতং চাপ্যচিন্ত্যং চ সর্বত্র সমতাং মতম্। অব্যক্তং কারণং সূক্ষ্মং যত্তৎসদসদাত্মকম্॥ 1-1-44 (44) যস্মিন্পিতামহো জজ্ঞে প্রভুরেকঃ প্রজাপতিঃ। ব্রহ্মা সুরগুরুঃ স্থাণুর্মনুঃ কঃ পরমেষ্ঠ্যথ॥ 1-1-45 (45) প্রাচেতসস্তথা দক্ষো দক্ষপুত্রাশ্চ সপ্তবৈ। ততঃ প্রজানাং পতয়ঃ প্রাভবন্নেকবিংশতিঃ॥ 1-1-46 (46) পুরুষশ্চাপ্রমেয়াত্মা যং সর্বঋষয়ো বিদু। বিশ্বেদেবাস্তথাঽঽদিত্যা বসবোঽথাশ্বিনাবপি॥ 1-1-47 (47) যক্ষাঃ সাধ্যাঃ পিশাচাশ্চ গুহ্যকাঃ পিতরস্তথা। ততঃ প্রসূতা বিদ্বাংসঃ শিষ্টা ব্রহ্মর্ষিসত্তমাঃ॥ 1-1-48 (48) মহর্ষয়শ্চ বহবঃ সর্বৈঃ সমুদিতা গুণৈঃ। আতো দ্যৌঃ পৃথিবী বায়ুরন্তরিক্ষং দিশস্তয়া॥ 1-1-49 (49) সংবৎসরর্তবো মাসাঃ পক্ষাহোরাত্রয়ঃ ক্রমাৎ। যচ্চান্যদপি তৎসর্বং সংভূতং লোকসাক্ষিকম্॥ 1-1-50 (50) যদিদং দৃশ্যতে কিংচিদ্বূতং স্থাবরজঙ্গমম্। পুনঃসংক্ষিপ্যতে সর্বং জগৎপ্রাপ্তে যুগক্ষয়ে॥ 1-1-51 (51) যথর্তুষ্বৃতুলিঙ্গানি নানারূপাণি পর্যযে। দৃশ্যন্তে তানি তান্যেব তথা ভাবা যুগাদিষু॥ 1-1-52 (52) এবমেতদনাদ্যন্তং ভূতসংঘাতকারকম্। অনাদিনিধনং লোকে চক্রং সংপরিবর্ততে॥ 1-1-53 (53) ত্রয়স্ত্রিংশৎসহস্রাণি ত্রয়স্ত্রিংশচ্ছতানি চ। ত্রয়স্ত্রিংশচ্চ দেবনাং সৃষ্টিঃ সংক্ষেপলক্ষণা॥ 1-1-54 (54) দিবঃ পুত্রো বৃহদ্ভানুশ্চক্ষুরাত্মা বিভাবসুঃ। সবিতা স ঋচীকোঽর্কো ভানুরাশাবহো রবিঃ॥ 1-1-55 (55) পুত্রা বিবস্বতঃ সর্বে মনুস্তেষাং তথাঽবরঃ। দেবভ্রাট্ তনয়স্তস্য সুভ্রাডিতি ততঃ স্মৃতঃ॥ 1-1-56 (56) সুভ্রাজস্তু ত্রয়ঃ পুত্রাঃ প্রজাবন্তো বহুশ্রুতাঃ। দশজ্যোতিঃ শতজ্যোতিঃ সহস্রজ্যোতিরেব চ॥ 1-1-57 (57) দশপুত্রসহস্রাণি দশজ্যোতের্মহাত্মনঃ। ততো দশগুণাশ্চান্যে শতজ্যোতেরিহাত্মজাঃ॥ 1-1-58 (58) ভূয়স্ততো দশগুণাঃ সহস্রজ্যোতিষঃ সুতাঃ। তেভ্যোঽয়ং কুরুবংশশ্চ যদূনাং ভরতস্য চ॥ 1-1-59 (59) যয়াতীক্ষ্বাকৃবংশশ্চ রাজর্ষীণাং চ সর্বশঃ। সংভূতা বহবো বংশা ভূতসর্গাঃ সুবিস্তরাঃ॥ 1-1-60 (60) ভূতস্থানানি সর্বাণি রহস্যং ত্রিবিধং চ যৎ। বেদা যোগঃ সবিজ্ঞানো ধর্মোঽর্থঃ কাম এব চ॥ 1-1-61 (61) ধর্মার্থকাময়ুক্তানি শাস্ত্রাণি বিবিধানি চ। লোকয়াত্রাবিধান চ সর্ব তদ্দৃষ্টবানৃষিঃ॥ 1-1-62 (62) `নীতির্ভরতবংশস্য বিস্তারশ্চৈব সর্বশঃ।' ইতিহাসাঃ সহব্যাখ্যা বিবিধাশ্রুতয়োঽপি চ॥ 1-1-63 (63) ইহ সর্বমনুক্রান্তমুক্তং গ্রন্থস্য লক্ষণম্। `সংক্ষেপেণেতিহাসস্য ততো বক্ষ্যতি বিস্তরম্॥' 1-1-64 (64) বিস্তীর্যৈতন্মহজ্জ্ঞানমৃষিঃ সংক্ষিপ্য চাব্রবীৎ। ইষ্টং হি বিদুষাং লোকে সমাসব্যাসধারণম্॥ 1-1-65 (65) মন্বাদি ভারতং কেচিদাস্তীকাদি তথাঽপরে। তথোপরিচরাদ্যন্যে বিপ্রাঃ সম্যগধীয়িরে॥ 1-1-66 (66) বিবিধং সংহিতাজ্ঞানং দীপয়ন্তি মনীষিণঃ। ব্যাখ্যাতুং কুশলাঃ কেচিদ্গ্রন্থান্ধারয়িতুং পরে॥ 1-1-67 (67) তপসা ব্রহ্মচর্যেণ ব্যস্য বেদং সনাতনম্। ইতিহাসমিমং চক্রে পুণ্যং সত্যবতীৎসুতঃ॥ 1-1-68 (68) পরাশরাত্মজো বিদ্বান্ব্রহ্মর্ষিঃ সংশিতব্রতঃ। মাতুর্নিয়োগাদ্ধর্মাত্মা গাঙ্গেয়স্য চ ধীমতঃ॥ 1-1-69 (69) ক্ষেত্রে বিচিত্রবীর্যস্য কৃষ্ণদ্বৈপায়নঃ পুরা। ত্রীনগ্নীনিব কৌরব্যাঞ্জনয়ামাস বীর্যবান্॥ 1-1-70 (70) উৎপাদ্য ধৃতরাষ্ট্রং চ পাণ্ডুং বিদুরমেব চ। জগাম তপসে ধীমান্পুনরেবাশ্রমং প্রতি॥ 1-1-71 (71) তেষু জাতেষু বৃদ্ধেষু গতেষু পরমাং গতিম্। অব্রবীদ্ভারতং লোকে মানুষেঽস্মিন্মহানৃষিঃ॥ 1-1-72 (72) জনমেজয়েন পৃষ্টঃ সন্ব্রাহ্মণৈশ্চ সহস্রশঃ। শশাস শিষ্যমাসীনং বৈশম্পায়নমন্তিকে॥ 1-1-73 (73) স সদস্যৈঃ সহাসীনং শ্রাবয়ামাস ভারতম্। কর্মান্তরেষু যজ্ঞস্য চোদ্যমানঃ পুনঃ পুনঃ॥ 1-1-74 (74) বিস্তারং কুরুবংশস্য গান্ধার্যা ধর্মশীলতাম্। ক্ষত্তুঃ প্রজ্ঞাং ধৃতিং কুন্ত্যাঃ সম্যগ্দ্বৈপায়নোব্রবীৎ॥ 1-1-75 (75) বাসুদেবস্য মাহাত্ম্যং পাণ্ডবানাং চ সত্যতাম্। দুর্বৃত্তং ধার্তরাষ্ট্রাণামুক্তবান্ভগবানৃষিঃ॥ 1-1-76 (76) ইদং শতসহস্রং তু শ্লোকানাং পুণ্যকর্মণাম্। উপাখ্যানৈঃ সহ জ্ঞেয়ং শ্রাব্যং ভারতমুত্তমম্॥ 1-1-77 (77) চতুর্বিংশতিসাহস্রীং চক্রে ভারতসংহিতাম্। উপাখ্যানৈর্বিনা তাবদ্ভারতং প্রোচ্যতে বুধৈঃ॥ 1-1-78 (78) ততোঽধ্যর্ধশতং ভূয়ঃ সংক্ষেপং কৃতবানৃষিঃ। অনুক্রমণিকাধ্যায়ং বৃত্তান্তং সর্বপর্বণাম্॥ 1-1-79 (79) তস্যাখ্যানবরিষ্ঠস্য কৃৎবা দ্বৈপায়নঃ প্রভুঃ। কথমধ্যাপয়ানীহ শিষ্যানিত্যন্বচিন্তয়ৎ॥ 1-1-80 (80) তস্য তচ্চিন্তিতং জ্ঞাৎবা ঋষের্দ্বৈপায়নস্য চ। তত্রাজগাম ভগবান্ব্রহ্মা লোকগুরুঃ স্বয়ম্॥ 1-1-81 (81) প্রীত্যর্থং তস্য চৈবর্ষের্লোকানাং হিতকাম্যযা। তং দৃষ্ট্বা বিস্মিতো ভূৎবা প্রাঞ্জলিঃ প্রণতঃ স্থিতঃ॥ 1-1-82 (82) আসনং কল্পয়ামাস সর্বৈর্মুনিগণৈর্বৃতঃ॥ 1-1-83 (83) হিরণ্যমর্ভমাসীনং তস্মিংস্তু পরমাসনে। পরিবৃত্যাসনভ্যাশে বাসবেয়ঃ স্থিতোঽভবৎ॥ 1-1-84 (84) অনুজ্ঞাতোঽথ কৃষ্ণস্তু ব্রহ্মণা পরমেষ্ঠিনা। নিষসাদাসনাভ্যাশে প্রীয়মাণঃ শুচিস্মিতঃ॥ 1-1-85 (85) উবাচ স মহাতেজা ব্রহ্মাণং পরমেষ্ঠিনম্। কৃতং ময়েদং ভগবন্কাব্যং পরমপূজিতম্॥ 1-1-86 (86) ব্রহ্মন্বেদরহস্য চ যচ্চান্যৎস্থাপিতং ময়া। সাঙ্গোপনিষদাং চৈব বেদানাং বিস্তরক্রিয়া॥ 1-1-87 (87) ইতিহাসপুরাপানামুন্মেষং নিমিষং চ যৎ। ভূতং ভব্যং ভবিষ্যচ্চ ত্রিবিধং কালসংজ্ঞিতম্॥ 1-1-88 (88) জরামৃত্যুভয়ব্যাধিভাবাভাববিনিশ্চয়ঃ। বিবিধস্য চ ধর্মস্য হ্যাশ্রমাণাং চ লক্ষণম্॥ 1-1-89 (89) চাতুর্বর্ণ্যবিধানং চ পুরাণানাং চ কৃৎস্নশঃ। তপসো ব্রহ্মচর্যস্য পৃথিব্যাশ্চন্দ্রসূর্যযোঃ॥ 1-1-90 (90) গ্রহনক্ষত্রতারাণাং প্রমাণং চ যুগৈঃ সহ। ঋচো যজূষি সামানি বেদাধ্যাত্মং তথৈব চ॥ 1-1-91 (91) ন্যায়শিক্ষা চিকিৎসা চ দানং পাশুপতং তথা। ইতি নৈকাশ্রয়ং জন্ম দিব্যমানুষসংজ্ঞিতম্॥ 1-1-92 (92) তীর্থানাং চৈব পুণ্যানাং দেশানাং চৈব কীর্তনম্। নদীনাং পর্বতানাং চ বনানাং সাগরস্য চ॥ 1-1-93 (93) পুরাণাং চৈব দিব্যানাং কল্পানাং যুদ্ধকৌশলম্। বাক্যজাতিবিশেষাশ্চ লোকয়াত্রাক্রমশ্চ যঃ॥ 1-1-94 (94) যচ্চাপি সর্বগং বস্তু তচ্চৈব প্রতিপাদিতম্। পরং ন লেখকঃ কশ্চিদেতস্য ভুবি বিদ্যতে॥ 1-1-95 (95) ব্রহ্মোবাচ। 1-1-96x (4) তপোবিশিষ্টদপি বৈ বসিষ্ঠান্মুনিপুংগবাৎ। মন্যে শ্রেষ্ঠব্যং ৎবাং বৈ রহস্যজ্ঞানবেদনাৎ॥ 1-1-96 (96) জন্মপ্রভৃতি সত্যাং তে বেদ্মি গাং ব্রহ্মবাদিনীম্। ৎবয়াচ কাব্যমিত্যুক্তং তস্মাৎকাব্যং ভবিষ্যতি॥ 1-1-97 (97) অস্য কাব্যস্য কবয়ো ন সমর্থা বিশেষণে। বিশেষণে গৃহস্থস্য শেষাস্ত্রয় ইবাশ্রমাঃ॥ 1-1-98 (98) `জডান্ধবধিরোন্মত্তং তমোভূতং জগদ্ভবেৎ। যদি জ্ঞানহুতাশেন ৎবয়া নোজ্জ্বলিয়ং ভবেৎ॥ 1-1-99 (99) তমসান্ধস্য লোকস্য বেষ্টিতস্য স্বকর্মভিঃ। জ্ঞানাঞ্জনশলাকাভির্বুদ্ধিনেত্রোৎসবঃ কৃতঃ'॥ 1-1-100 (100) ধর্মার্থকামমোক্ষার্থৈঃ সমাসব্যাসকীর্তনৈঃ। ৎবয়া ভারতসূর্যেণ নৃণাং বিনিহতং তমঃ॥ 1-1-101 (101) পুরাণপূর্ণচন্দ্রেণ শ্রুতিজ্যোৎস্নাপ্রকাশিনা। নৃণাং কুমুদসৌম্যানাং কৃতং বুদ্ধিপ্রসাদনম্॥ 1-1-102 (102) ইতিহাসপ্রদীপেন মোহাবরণঘাতিনা। লোকগর্ভগৃহং কৃৎস্নং যথাবৎসংপ্রকাশিতম্॥ 1-1-103 (103) সংগ্রহাধ্যায়বীজো বৈ পৌলোমাস্তীকমূলবান্। সংভবস্কন্ধবিস্তারঃ সভাপর্ববিটঙ্কবান্॥ 1-1-104 (104) আরণ্যপর্বরূপাঢ্যো বিরাটোদ্যোগসারবান্। ভীষ্মপর্বমহাশাখো দ্রোণপর্বপলাশবান্॥ 1-1-105 (105) কর্ণপর্বসিতৈঃ পুষ্পৈঃ শল্যপর্বসুগন্ধিভিঃ। স্ত্রীপর্বৈষীকবিশ্রামঃ শান্তিপর্বমহাফলঃ॥ 1-1-106 (106) অশ্বমেধামৃতসস্ৎবাশ্রমস্থানসংশ্রয়ঃ। মৌসলশ্রুতিসংক্ষেপঃ শিষ্টদ্বিজনিষেবিতঃ॥ 1-1-107 (107) সর্বেষাং কবিমুখ্যানামুপজীব্যো ভবিষ্যতি। পর্জন্যইব ভূতানামক্ষয়ো ভারদ্রুমঃ॥ 1-1-108 (108) কাব্যস্য লেখনার্থায় গণেশঃ স্মর্যতাং মুনে। 1-1-109 (109) সৌতিরুবাচ। 1-1-110x (5) এবমাভাষ্য তং ব্রহ্মা জগাম স্বং নিবেশনম্। ভগবান্স জগৎস্রষ্টা ঋষিদেবগণৈঃ সহ॥ 1-1-110 (110) ততঃ সস্মার হেরম্বং ব্যাসঃ সত্যবতীসুতঃ॥ 1-1-111 (111) স্মৃতমাত্রো গণেশানো ভক্তচিন্তিতপূরকঃ। তত্রাজগাম বিঘ্নেশো বেদব্যাসো যতঃ স্থিতঃ॥ 1-1-112 (112) পূজিতশ্চোপবিষ্টশ্চ ব্যাসেনোক্তস্তদানঘ। লেখকো ভারতস্যাস্য ভব ৎবং গণনায়ক॥ ময়ৈব প্রোচ্যমানস্য মনসা কল্পিতস্য চ॥ 1-1-113 (113) শ্রুৎবৈতৎপ্রাহ বিঘ্নেশো যদি মে লেখনী ক্ষণম্। লিখতো নাবতিষ্ঠেত তদা স্যাং লেখকো হ্যহম্॥ 1-1-114 (114) ব্যাসোঽপ্যুবাচ তং দেবমবুদ্ধ্বা মা লিখ ক্বচিৎ। ওমিত্যুক্ৎবা গণেশোপি বভূব কিল লেখকঃ॥ 1-1-115 (115) গ্রন্থগ্রন্থিং তদা চক্রে মুনির্গূঢং কুতূহলাৎ। যস্মিন্প্রতিজ্ঞয়া প্রাহ মুনির্দ্বৈপায়নস্ৎবিদম্॥ 1-1-116 (116) অষ্টৌ শ্লোকসহস্রাণি অষ্টৌ শ্লোকশতানি চ। অহং বেদ্মি শুকো বেত্তি সংজয়ো বেত্তি বা ন বা॥ 1-1-117 (117) তচ্ছ্লোককূটমদ্যাপি গ্রথিতং সুদৃঢং মুনে। ভেত্তুং ন শক্যতেঽর্থস্যং গূঢৎবাৎপ্রশ্রিতস্য চ॥ 1-1-118 (118) সর্বজ্ঞোপি গণেশো যৎক্ষণমাস্তে বিচারয়ন্। তাবচ্চকার ব্যাসোপি শ্লোকানন্যান্বহূনপি॥ 1-1-119 (119) তস্য বৃক্ষস্য বক্ষ্যামি শাখাপুষ্পফলোদয়ম্। স্বাদুমেধ্যরসোপেতমচ্ছেদ্যমমরৈরপি॥ 1-1-120 (120) অনুক্রমণিকাধ্যায়ং বৃত্তান্তং সর্বপর্বণাম্। ইদং দ্বৈপায়নঃ পূর্বং পুত্রমধ্যাপয়চ্ছুকম্॥ 1-1-121 (121) ততোঽন্যেভ্যোঽনুরূপেভ্যঃ শিষ্যেভ্যঃ প্রদদৌ প্রভু ষষ্টিং শতসহস্রাণি চকারান্যাং স সংহিতাম্। ত্রিংশচ্ছতসহস্রং চ দেবলোকে প্রতিষ্ঠিতম্॥ 1-1-122 (122) পিত্র্যে পঞ্চদশ প্রোক্তং রক্ষোয়ক্ষে চতুর্দশ। একং শতসহস্রং তু মানুষেষু প্রতিষ্ঠিতম্॥ 1-1-123 (123) নারদোঽশ্রাবয়দ্দেবানসিতো দেবলঃ পিতৃন্। গন্ধর্বয়ক্ষরক্ষাংসি শ্রাবয়ামাস বৈ শুকঃ॥ 1-1-124 (124) `বৈশম্পায়নবিপ্রর্ষিঃ শ্রাবয়ামাস পার্থিবম্। পারিক্ষিতং মহাত্মানং নাম্না তু জনমেজয়ম্'॥ 1-1-125 (125) অস্মিংস্তু মানুষে লোকে বৈশম্পায়ন উক্তবান্। শিষ্যো ব্যাসস্য ধর্মাত্মা সর্ববেদবিদাং বরঃ॥ 1-1-126 (126) একং শতসহস্রং তু ময়োক্তং বৈ নিবোধত॥ 1-1-127 (127) দুর্যোধনো মন্যুময়ো মহাদ্রুমঃ কর্ণঃ স্কন্ধঃ শকুনিস্তস্য শাখাঃ। দুশ্শাসনঃ পুষ্পফলে সমৃদ্ধে মূলং রাজা ধৃতরাষ্ট্রোঽমনীষি। 1-1-128 (128) যুধিষ্ঠিরে ধর্মময়ো মহাদ্রুমঃ স্কন্ধোঽর্জুনো ভীমসেনোঽস্য শাখাঃ। মাদ্রীসুতৌ পুষ্পফলে সমৃদ্ধে মূলং কৃষ্ণো ব্রহ্ম চ ব্রাহ্মণাশ্চ॥ 1-1-129 (129) পাণ্ডুর্জিৎবা বহূন্দেশান্যুধা বিক্রমণেন চ। অরণ্যে মৃগয়াশীলো ন্যবসৎসজনস্তথা॥ 1-1-130 (130) মৃগব্যবায়নিধনাৎকৃচ্ছ্রাং প্রাপ স আপদম্। জন্মপ্রভৃতি পার্থানাং তত্রাচারবিধিক্রমঃ॥ 1-1-131 (131) মাত্রোরভ্যুপপত্তিশ্চ ধর্মোপনিষদং প্রতি। ধর্মানিলেন্দ্রাংস্তাভিঃ সাঽঽজুহাব সুতবাঞ্ছয়া॥ 1-1-132 (132) `ততো ধর্মোপনিষদং ভূৎবা ভর্তুঃ প্রিয়া পৃথা। ধর্মানিলেন্দ্রাংস্তাভিঃ সাঽঽজুহাব সুতবাঞ্ছয়া॥ 1-1-133 (133) তদ্দত্তোপনিষন্মাদ্রী চাশ্বিনাবাজুহাব চ। জাতাঃ পার্থাস্ততঃ সর্বে কুন্ত্যা মাদ্র্যাশ্চ মন্ত্রতঃ।' তাপসৈঃ সহ সংবৃদ্ধা মাতৃভ্যাং পরিরক্ষিতাঃ॥ 1-1-134 (134) মেধ্যারণ্যেষু পুণ্যেষু মহতামাশ্রমেষু চ। `তেষু জাতেষু সর্বেষু পাণ্ডবেষু মহাত্মসু॥ 1-1-135 (135) মাদ্র্যা তু সহ সংগম্য ঋষিশাপপ্রভাবতঃ। মৃতঃ পাণ্ডুর্মহাপুণ্যে শতশৃঙ্গে মহাগিরৌ॥' 1-1-136 (136) ঋষিভিশ্চ সমানীতা ধার্তরাষ্ট্রান্প্রতি স্বয়ম্। শিশবশ্চাভিরূপাশ্চ জটিলা ব্রহ্মচারিণঃ॥ 1-1-137 (137) পুত্রাশ্চ ভ্রাতরশ্চেমে শিষ্যাশ্চ সুহৃদশ্চ বঃ। পাণ্ডবা এত ইত্যুক্ৎবা মুনয়োঽন্তর্হিতাস্ততঃ॥ 1-1-138 (138) তাংস্তৈর্নিবেদিতান্দৃষ্ট্বা পাণ্ডবান্কৌরবাস্তদা। শিষ্টাশ্চ বর্ণাঃ পৌরা যে তে হর্ষাচ্চুক্রুশুর্ভৃশম্॥ 1-1-139 (139) আহুঃ কেচিন্ন তস্যৈতে তস্যৈত ইতি চাপরে। যদা চিরমৃতঃ পাণ্ডুঃ কথং তস্যেতদি চাপরে॥ 1-1-140 (140) স্বাগতং সর্বথা দিষ্ট্যা পাণ্ডোঃ পশ্যাম সন্ততিম্। উচ্যতাং স্বাগতমিতি বাচোঽশ্রূয়ন্ত সর্বশঃ॥ 1-1-141 (141) তস্মিন্নুপরতে শব্দে দিশঃ সর্বা নিনাদয়ন্। অন্তর্হিতানাং ভূতানাং নিঃস্বনস্তুমুলীঽভবৎ॥ 1-1-142 (142) পুষ্পবৃষ্টিঃ শুভা গন্ধাঃ শঙ্খদুন্দুভিনিঃস্বনাঃ। আসন্প্রবেশে পার্থানাং তদদ্ভুতমিবাভবৎ॥ 1-1-143 (143) তৎপ্রীত্যা চৈব সর্বেষাং পৌরাণাং হর্ষসংভবঃ। শব্দ আসীন্মহাংস্তত্র দিবস্পৃক্কীর্তিবর্ধনঃ॥ 1-1-144 (144) তেঽধীত্য নিখিলান্বেদাঞ্শাস্ত্রাণি বিবিধানি চ। ন্যবসন্পাণ্ডবাস্তত্র পূজিতা অকুতোভয়াঃ॥ 1-1-145 (145) যুধিষ্ঠিরস্য শৌচেন প্রীতাঃ প্রকৃতয়োঽভবন্। ধৃত্যা চ ভীমসেনস্য বিক্রমেণার্জুনস্য চ॥ 1-1-146 (146) গুরুশুশ্রূষয়া কুন্ত্যা যময়োর্বিনয়েন চ। তুতোষ লোকঃ সকলস্তেষাং শৌর্যগুণেন চ॥ 1-1-147 (147) সমবায়ে ততো রাজ্ঞাং কন্যাং ভর্তৃস্বয়ংবরাম্। প্রাপ্তবানর্জুনঃ কৃষ্ণাং কৃৎবা কর্ম সুদুষ্করম্॥ 1-1-148 (148) ততঃ প্রভৃতি লোকেঽস্মিন্পূজ্যঃ সর্বধনুষ্মতাম্। আদিত্য ইব দুষ্প্রেক্ষ্যঃ সমরেষ্বপি চাভবৎ॥ 1-1-149 (149) স সর্বান্পার্থিবাঞ্জিৎবা সর্বাংশ্চ মহতো গণান্। আজহারার্জুনো রাজ্ঞো রাজসূয়ং মহাক্রতুম্॥ 1-1-150 (150) অন্নবান্দক্ষিণাবাংশ্চ সর্বৈঃ সমুদিতো গুণৈঃ। যুধিষ্ঠিরেণ সংপ্রাপ্তো রাজসূয়ো মহাক্রতুঃ॥ 1-1-151 (151) সুনয়াদ্বাসুদেবস্য ভীমার্জুনবলেন চ। ঘাতয়িৎবা জরাসন্ধং চৈদ্যং চ বলগর্বিতম্॥ 1-1-152 (152) দুর্যোধনং সমাগচ্ছন্নর্হণানি ততস্ততঃ। মণিকাঞ্চনরত্নানি গোহস্ত্যশ্বধনানি চ॥ 1-1-153 (153) বিচিত্রাণি চ বাসাংসি প্রাবারাবরণানি চ। কম্বলাজিনরত্নানি রাঙ্কবাস্তরণানি চ॥ 1-1-154 (154) সমৃদ্ধাং তাং তথা দৃষ্ট্বা পাণ্ডবানাং তদা শ্রিয়ম্। ঈর্ষ্যাসমুত্থঃ সুমহাংস্তস্য মন্যুরজায়ত॥ 1-1-155 (155) বিমানপ্রতিমাং তত্র ময়েন সুকৃতাং সভাম্। পাণ্ডবানামুপহৃতাং স দৃষ্ট্বা পর্যতপ্যত॥ 1-1-156 (156) তত্রাবহসিতশ্চাসীৎপ্রস্কন্দন্নিব সংভ্রমাৎ। প্রত্যক্ষং বাসুদেবস্য ভীমেনানভিজাতবৎ॥ 1-1-157 (157) স ভোগান্বিবিধান্ভুঞ্জন্রত্নানি বিবিধানি চ। কথিতো ধৃতরাষ্ট্রস্য বিবর্ণো হরিণঃ কৃশঃ॥ 1-1-158 (158) অন্বজানাত্ততো দ্যূতং ধৃতরাষ্ট্রঃ সুতপ্রিয়ঃ। তচ্ছ্রুৎবা বাসুদেবস্য কোপঃ সমভবন্মহান্॥ 1-1-159 (159) নাতিপ্রীতমনাশ্চাসীদ্বিবাদাংশ্চান্বমোদত। দ্যূতাদীননয়ান্ঘোরান্বিবিধাংশ্চাপ্যুপৈক্ষত॥ 1-1-160 (160) নিরস্য বিদুরং ভীষ্মং দ্রোণং শারদ্বতং কৃপম্। বিগ্রহে তুমুলে তস্মিন্দহন্ক্ষত্রং পরস্পরম্॥ 1-1-161 (161) জয়ৎসু পাণ্ডুপুত্রেষু শ্রুৎবা সুমহদপ্রিয়ম্। দুর্যোধনমতং জ্ঞাৎবা কর্ণস্য শকুনেস্তথা॥ 1-1-162 (162) ধৃতরাষ্ট্রশ্চিরং ধ্যাৎবা সংজয়ং বাক্যমব্রবীৎ। শৃণু সংজয় সর্বং মে নচাসূয়িতুমর্হসি॥ 1-1-163 (163) শ্রুতবানসি মেধাবী বুদ্ধিমান্প্রাজ্ঞসংমতঃ। ন বিগ্রহে মম মতির্ন চ প্রীয়ে কুলক্ষয়ে॥ 1-1-164 (164) ন মে বিশেষঃ পুত্রেষু স্বেষু পাম্ডুসুতেষু বা। বৃদ্ধং মামভ্যসূয়ন্তি পুত্রা মন্যুপরায়ণাঃ॥ 1-1-165 (165) অহং ৎবচক্ষুঃ কার্পণ্যাৎপুত্রপ্রীত্যা সহামি তৎ। মুহ্যন্তং চানুমুহ্যামি দুর্যোধনমচেতনম্॥ 1-1-166 (166) রাজসূয়ে শ্রিয়ং দৃষ্ট্বা পাণ্ডবস্য মহৌজসঃ। তচ্চাবহসনং প্রাপ্য সভারোহণদর্শনে॥ 1-1-167 (167) অমর্ষিতঃ স্বয়ং জেতুমশক্তঃ পাণ্ডবান্রণে। নিরুৎসাহশ্চ সংপ্রাপ্তুং সুশ্রিয়ং ক্ষত্রিয়োঽপি সন্॥ 1-1-168 (168) গান্ধাররাজসহিতশ্ছদ্মদ্যূতমমন্ত্রয়ৎ। তত্র যদ্যদ্যথা জ্ঞাতং ময়াং সংজয় তচ্ছৃণু॥ 1-1-169 (169) শ্রুৎবা তু মম বাক্যানি বুদ্ধিয়ুক্তানি তত্ৎবতঃ। ততো জ্ঞাস্যসি মাং সৌতে প্রজ্ঞাটচক্ষুষমিত্যুত॥ 1-1-170 (170) যদাঽশ্রৌষং ধনুরায়ম্য চিত্রং বিদ্ধং লক্ষ্যং পাতিতং বৈ পৃথিব্যাম্। কৃষ্ণাং হৃতাং প্রেক্ষতাং সর্বরাজ্ঞাং তদা নাশংসে বিজয়ায় সংজয়॥ 1-1-171 (171) যদাঽশ্রৌষং দ্বারকায়াং সুভদ্রাং প্রসহ্যোঢাং মাধবীমর্জুনেন। ইন্দ্রপ্রস্থং বৃষ্ণিবীরৌ চ যাতৌ তদা নাশংসে বিজয়ায় সংজয়॥ 1-1-172 (172) যদাঽশ্রৌষং দেবরাজং প্রবৃষ্টং শরৈর্দিব্যৈর্বারিতং চার্জুনেন। অগ্নিং তথা তর্পিতং খাণ্ডবে চ তদা নাশংসে বিজয়ায় সংজয়॥ 1-1-173 (173) যদাঽশ্রৌষং জাতুষাদ্বেশ্মনস্তা- ন্মুক্তান্পার্থান্পঞ্চ কুন্ত্যা সমেতান্। যুক্তং চৈষাং বিদুরং স্বার্থসিদ্ধ্যৈ তদা নাশংসে বিজয়ায় সংজয়॥ 1-1-174 (174) যদাঽশ্রৌষং দ্রৌপদীং রঙ্গমধ্যে লক্ষ্যং ভিত্ৎবা নির্জিতামর্জুনেন। শূরান্পঞ্চালান্পাণ্ডবেয়াংশ্চ যুক্তাং- স্তদা নাশংসে বিজয়ায় সংজয়॥ 1-1-175 (175) যদাঽশ্রৌষং মাগধানাং বরিষ্ঠং জরাসন্ধং ক্ষ্বমধ্যে জ্বলন্তম্। দোর্ভ্যাং হতং ভীমসেনেন গৎবা তদা নাশংসে বিজয়ায় সংজয়॥ 1-1-176 (176) যদাঽশ্রৌষং দিগ্জয়ে পাণ্ডুপুত্রৈ- র্বশীকৃতান্ভূমিপালান্প্রসহ্য। মহাক্রতুং রাজসূয়ং কৃতং চ তদা নাশংসে বিজয়ায় সংজয়॥ 1-1-177 (177) যদাঽশ্রৌষং দ্রৌপদীমশ্রুকণ্ঠীং সভাং নীতাং দুঃখিতামেকবস্ত্রাম্। রজস্বলাং নাথবতীমনাথব- ত্তদা নাশংসে বিজয়ায় সংজয়॥ 1-1-178 (178) যদাঽশ্রৌষং বাসসাং তত্র রাশিং সমাক্ষিপৎকিতবো মন্দবুদ্ধিঃ। দুঃশাসনো গতবান্নৈবং চান্তং তদা নাশংসে বিজয়ায় সংজয়॥ 1-1-179 (179) যদাঽশ্রৌষং হৃতরাজ্যং যুধিষ্ঠিরং পরাজিতং সৌবলেনাক্ষবত্যাম্। অন্বাগতং ভ্রাতৃভিরপ্রমেয়ৈ- স্তদা নাশংসে বিজয়ায় সংজয়॥ 1-1-180 (180) যদাশ্রৌষং বিবিধাস্তত্র চেষ্টা ধর্মাত্মনাং প্রস্থিতানাং বনায়। জ্যেষ্ঠপ্রীত্যা ক্লিশ্যতাং পাণ্ডবানাং তদা নাশংসে বিজয়ায় সংজয়॥ 1-1-181 (181) যদাঽশ্রৌষং স্নাতকানাং সহস্রৈ- রন্বাগতং ধর্মরাজং বনস্থম্। ভিক্ষাভুজাং ব্রাহ্মণানাং মহাত্মনাং তদা নাশংসে বিজয়ায় সংজয়॥ 1-1-182 (182) `যদাঽশ্রৌষং বনবাসেন পার্থা- ন্সমাগতান্মহর্ষিভিঃ পুরাণৈঃ। উপাস্যমানান্সগণৈর্জাতসখ্যাং- স্তদা নাশংসে বিজয়ায় সংজর্য॥' 1-1-184 (183) যদাশ্রৌষং ত্রিদিবস্থং ধনংজয়ং শক্রাৎসাক্ষাদ্দিব্যমস্ত্রং যথাবৎ। অধীয়ানং শংসিতং সত্যসন্ধং তদা নাশংসে বিজয়ায় সংজয়॥ 1-1-185 (184) যদাঽশ্রোষং কালকেয়াস্ততস্তে পৌলোমানো বরদানাচ্চ দৃপ্তাঃ। দেবৈরজেয়া নির্জিতাশ্চার্জুনেন তদা নাশংসে বিজয়ায় সংজয়॥ 1-1-186 (185) যদাঽশ্রৌষমসুরাণাং বধার্থে কিরীটিনং যান্তমমিত্রকর্শনম্। কৃতার্থং চাপ্যাগতং শক্রলোকা- ত্তদা নাশংসে বিজয়ায় সংজয়॥ 1-1-187 (186) `যদাঽশ্রৌষং তীর্থয়াত্রাপ্রবৃত্তং পাণ্ডোঃ সুতং সহিতং লোমশেন। বৃহদশ্বাদক্ষহৃদয়ং চ প্রাপ্তং তদা নাশংসে বিজয়ায় সংজয়॥' 1-1-188 (187) যদাঽশ্রৌষং বৈশ্রবণেন সার্ধং সমাগতং ভীমন্যাংশ্চ পার্থান্। তস্মিন্দেশে মানুষাণামগম্যে তদা নাশংসি বিজয়ায় সংজয়া॥ 1-1-189 (188) যদাঽশ্রৌষং ঘোষয়াত্রাগতানাং বন্ধং গন্ধর্বৈর্মোক্ষণং চার্জুনেন। স্বেষাং সুতানাং কর্ণবুদ্ধৌ রতানাং তদা নাশংসে বিজয়ায় সংজয়॥ 1-1-190 (189) যদাঽশ্রৌষং যক্ষরূপেণ ধর্মং সমাগতং ধর্মরাজেন সূত। প্রশ্নান্কাংশ্চিদ্বিব্রুবাণং চ সম্যক্ তদা নাশংসে বিজয়ায় সংজয়॥ 1-1-191 (190) যদাঽশ্রৌষং ন বিদুর্মামকাস্তান্ প্রচ্ছন্নরূপান্বসতঃ পাণ্ডবেয়ান্। বিরাটরাষ্ট্রে সহ কৃষ্ণয়া চ তদা নাশংসে বিজয়ায় সংজয়॥ 1-1-192 (191) `যদাঽশ্রৌষং কীচকানাং বরিষ্ঠং নিষূদিতং ভ্রাতৃশতেন সার্ধম্। দ্রৌপদ্যর্থে ভীমসেনেন সঙ্খ্যে তদা নাশংসে বিজয়ায় সংজয়॥' 1-1-193 (192) যদাঽশ্রৌষং মামকানাং বরিষ্ঠা- ন্ধনংজয়েনৈকরথেন ভগ্নান্। বিরাটরাষ্ট্রে বসতা মহাত্মনা তদা নাশংসে বিজয়ায় সংজয়॥ 1-1-194 (193) যদাঽশ্রৌষং সৎকৃতং মৎস্যরাজ্ঞা সুতাং দত্তামুত্তরামর্জুনায়। তাং চার্জুনঃ প্রত্যগৃহ্ণাৎসুতার্থে তদা নাশংসে বিজয়ায় সংজয়॥ 1-1-195 (194) যদাঽশ্রৌষং নির্জিতস্যাধনস্য প্রব্রাজিতস্য স্বজনাৎপ্রচ্যুতস্য। অক্ষৌহিণীঃ সপ্ত যুধিষ্ঠিরস্য তদা নাশংসে বিজয়ায় সংজয়॥ 196 ॥ 1-1-196 (195) যদাঽশ্রৌষং মাধবং বাসুদেবং সর্বাত্মনা পাণ্ডবার্থে নিবিষ্টম্। যস্যেমাং গাং বিক্রমমেকমাহু- স্তদা নাশংসে বিজয়ায় সংজয়॥ 1-1-197 (196) যদাঽশ্রৌষং নরনারায়ণৌ তৌ কৃষ্ণার্জুনৌ বদতো নারদস্য। অহং দ্রষ্টা ব্রহ্মলোকে চ সম্যক্ তদা নাশংসে বিজয়ায় সংজয়॥ 1-1-198 (197) যদাঽশ্রৌষং লোকহিতায় কৃষ্ণং শমার্থিনমুপয়াতং কুরূণাম্। শমং কুর্বাণমকৃতার্থং চ যাতং তদা নাশংসে বিজয়ায় সংজয়॥ 199 ॥ 1-1-199 (198) যদাঽশ্রৌষং কর্ণদুর্যোধনাভ্যাং বুদ্ধিং কৃতাং নিগ্রহে কেশবস্য। তং চাত্মানং বহুধা দর্শয়ানং তদা নাশংসে বিজয়ায় সংজয়॥ 1-1-200 (199) যদাঽশ্রৌষং বাসুদেবে প্রয়াতে রথস্যৈকামগ্রতস্তিষ্ঠমানাম্। আর্তাং পৃথাং সান্ৎবিতাং কেশবেন তদা নাশংসে বিজয়ায় সংজয়॥ 1-1-201 (200) যদাঽশ্রৌষং মন্ত্রিণং বাসুদেবং তথা ভীষ্মং শান্তনবং চ তেষাম্। ভারদ্বাজং চাশিষোঽনুব্রুবাণং তদা নাশংসে বিজয়ায় সংজয়॥ 1-1-202 (201) যদা কর্ণো ভীষ্মমুবাচ বাক্যং নাহং যোৎস্যে যুধ্যমানে ৎবয়ীতি। হিৎবা সেনামপচক্রাম চাপি তদা নাশংসে বিজয়ায় সংজয়॥ 1-1-203 (202) যদাঽশ্রৌষং বাসুদেবার্জুনৌ তৌ তথা ধনুর্গাণ্ডিবমপ্রমেয়ম্। ত্রীণ্যুগ্রবীর্যাণি সমাগতানি তদা নাশংসে বিজয়ায় সংজয়॥ 1-1-204 (203) যদাঽশ্রৌষং কশ্ললেনাভিপন্নে রথোপস্থে সীদমানেঽর্জুনে বৈ। কৃষ্ণং লোকান্দর্শয়ানং শরীরে তদা নাশংসে বিজয়ায় সংজয়॥ 1-1-205 (204) যদাঽশ্রৌষং ভীষ্মমিত্রকর্শনং নিঘ্নন্তমাজাবয়ুতং রথানাম্। নৈষাং কশ্চিদ্বধ্যতে খ্যাতরূপ- স্তদা নাশংসে বিজয়ায় সংজয়॥ 1-1-206 (205) যদাঽশ্রৌষং চাপগেয়েন সঙ্খ্যে স্বয়ং মৃত্যুং বিহিতং ধার্মিকেণ। তচ্চাকার্ষুঃ পাণ্ডবেয়াঃ প্রহৃষ্টা- স্তদা নাশংসে বিজয়ায় সংজয়॥ 1-1-207 (206) যদাঽশ্রৌষং ভীষ্মমত্যন্তশূরং হতং পার্থেনাহবেষ্বপ্রধৃষ্যম্। শিখণ্ডিনং পুরতঃ স্থাপয়িৎবা তদা নাশংসে বিজয়ায় সংজয়॥ 1-1-208 (207) যদাঽশ্রৌষং শরতল্পে শয়ানং বৃদ্ধং বীরং সাদিতং চিত্রপুঙ্খৈঃ। ভীষ্মং কৃৎবা সোমকানল্পশেষাং- স্তদা নাশংসে বিজয়ায় সংজয়॥ 1-1-209 (208) যদাঽশ্রৌষং শান্তনবে শয়ানে পানীয়ার্থে চোদিতেনার্জুনেন। ভূমিং ভিত্ৎবা তর্পিতং তত্র ভীষ্মং তদা নাশংসে বিজয়ায় সংজয়॥ 1-1-210 (209) যদাশ্রৌষং শুক্রসূর্যৌ চ যুক্তৌ কৌন্তেয়ানামনুলোমৌ জয়ায়। নিত্যং চাস্মাঞ্শ্বাপদা ভীষয়ন্তি তদা নাশংসে বিজয়ায় সংজয়॥ 1-1-211 (210) যদা দ্রোণো বিবিধানস্ত্রমার্গা- ন্নিদর্শয়ন্সমরে চিত্রয়োধী। ন পাণ্ডবাঞ্শ্রেষ্ঠতরান্নিহন্তি তদা নাশংসে বিজয়ায়ং সংজয়॥ 1-1-212 (211) যদাঽশ্রৌষং চাস্মদীয়ান্মহারথা- ন্ব্যবস্থিতানর্জুনস্যান্তকায়। সংশপ্তকান্নিহতানর্জুনেন তদা নাশংসে বিজয়ায় সংজয়॥ 1-1-213 (212) যদাঽশ্রৌষং ব্যূহমভেদ্যমন্যৈ- র্ভারদ্বাজেনাত্তশস্ত্রেণ গুপ্তম্। ভিত্ৎবা সৌভদ্রং বীরমেকং প্রবিষ্টং তদা নাশংসে বিজয়ায় সংজয়॥ 1-1-214 (213) যদাঽভিমন্যুং পরিবার্য বালং সর্বে হত্ৎবা হৃষ্টরূপা বভূবুঃ। মহারথাঃ পার্থমশক্নুবন্ত- স্তদা নাশংসে বিজয়ায় সংজয়॥ 1-1-215 (214) যদাঽশ্রৌষমভিমন্যুং নিহত্য হর্ষান্মূঢান্ক্রোশতো ধার্তরাষ্ট্রান্। ক্রোধাদুক্তং সৈন্ধবে চার্জুনেন তদা নাশংসে বিজয়ায় সংজয়॥ 1-1-216 (215) যদাঽশ্রৌষং সৈন্ধবার্থে প্রতিজ্ঞাং প্রতিজ্ঞাতাং তদ্বধায়ার্জুনেন। সত্যাং তীর্ণাং শত্রুমধ্যে চ তেন তদা নাশংসে বিজয়ায় সংজয়॥ 1-1-217 (216) যদাঽশ্রৌষং শ্রান্তহয়ে ধনংজয়ে মুক্ৎবা হয়ান্পায়যিৎবোপবৃত্তান্। পুনর্যুক্ৎবা বাসুদেবং প্রয়াতং তদা নাশংসে বিজয়ায় সংজয়॥ 1-1-218 (217) যদাঽশ্রৌষং বাহনেষ্বক্ষমেষু রথোপস্থে তিষ্ঠতা পাণ্ডবেন। সর্বান্যোধান্বারিতানর্জুনেন তদা নাশংসে বিজয়ায় সংজয়॥ 1-1-219 (218) যদাঽশ্রৌষং নাগবলৈঃ সুদুঃসহং দ্রোণানীকং যুয়ুধানং প্রমথ্য। যাতং বার্ষ্ণেয়ং যত্র তৌ কৃষ্ণপার্থৌ তদা নাশংসে বিজয়ায় সংজয়॥ 1-1-220 (219) যদাঽশ্রৌষং কর্ণমাসাদ্য মুক্তং বধাদ্ভীমং কুৎসয়িৎবা বচোভিঃ। ধনুষ্কোট্যাঽঽতুদ্য কর্ণেন বীরং তদা নাশংসে বিজয়ায় সংজয়॥ 1-1-221 (220) যদা দ্রোণঃ কৃতবর্মা কৃপশ্চ কর্ণো দ্রৌণির্মদ্ররাজশ্চ শূরঃ। অমর্ষয়ন্সৈন্ধবং বধ্যমানং তদা নাশংসে বিজয়ায় সংজয়॥ 1-1-222 (221) যদাঽশ্রৌষং দেবরাজেন দত্তাং দিব্যাং শক্তিং ব্যংসিতাং মাধবেন। ঘটোৎকচে রাক্ষসে ঘোররূপে তদা নাশংসে বিজয়ায় সংজয়॥ 1-1-223 (222) যদাঽশ্রৌষং কর্ণঘটোৎকচাভ্যাং যুদ্ধে মুক্তাং সূতপুত্রেণ শক্তিম্। যয়া বধ্যঃ সমরে সব্যসাচী তদা নাশংসে বিজয়ায় সংজয়॥ 1-1-224 (223) যদাঽশ্রৌষং দ্রোণমাচার্যমেকং ধৃষ্টদ্যুম্নেনাভ্যতিক্রম্য ধর্মম্। রথোপস্থে প্রায়গতং বিশস্তং তদা নাশংসে বিজয়ায় সংজয়॥ 1-1-225 (224) যদাঽশ্রৌষং দ্রৌণিনা দ্বৈরথস্থং মাদ্রীসুতং নকুলং লোকমধ্যে। সমং যুদ্ধে মণ্ডলেভ্যশ্চরন্তং তদা নাশংসে বিজয়ায় সংজয়॥ 1-1-226 (225) যদা দ্রোণে নিহতে দ্রোণপুত্রো নারায়ণং দিব্যমস্ত্রং বিকুর্বন্। নৈষামন্তং গতবান্পাণ্ডবানাং তদা নাশংসে বিজয়ায় সংজয়॥ 1-1-227 (226) যদাঽশ্রৌষং ভীমসেনেন পীতং রক্তং ভ্রাতুর্যুধি দুঃশাসনস্য। নিবারিতং নান্যতমেন ভীমং তদা নাশংসে বিজয়ায় সংজয়॥ 1-1-228 (227) যদাঽশ্রৌষং কর্ণমত্যন্তশূরং হতং পার্থেনাহবেষ্বপ্রধৃষ্যম্। তস্মিন্ভ্রাতৃণাং বিগ্রহে দেবগুহ্যে তদা নাশংসে বিজয়ায় সংজয়॥ 1-1-229 (228) যদাঽশ্রৌষং দ্রোণপুত্রং চ শূরং দুঃশাসনং কৃতবর্মাণমুগ্রম্। যুধিষ্ঠিরং ধর্মরাজং জয়ন্তং তদা নাশংসে বিজয়ায় সংজয়॥ 1-1-230 (229) যদাঽশ্রৌষং নিহতং মদ্ররাজং রণে শূরং ধর্মরাজেন সূত। সদা সঙ্গ্রামে স্প্রধতে যস্তু কৃষ্ণং তদা নাশংসে বিজয়ায় সংজয়॥ 1-1-231 (230) যদাঽশ্রৌষং কলহদ্যূতমূলং মায়াবলং সৌবলং পাণ্ডবেন। হতং সঙ্গ্রামে সহদেবেন পাপং তদা নাশংসে বিজয়ায় সংজয়॥ 1-1-232 (231) যদাঽশ্রৌষং শ্রান্তমেকং শয়ানং হ্রদং গৎবা স্তম্ভয়িৎবা তদম্ভঃ। দুর্যোধনং বিরথং ভগ্নশক্তিং তদা নাশংসে বিজয়ায় সংজয়॥ 1-1-233 (232) যদাঽশ্রৌষং পাণ্ডবাংস্তিষ্ঠমানান্ গৎবা হ্রদে বাসুদেবেন সার্ধম্। অমর্ষণং ধর্ষয়তঃ সুতং মে তদা নাশংসে বিজয়ায় সংজয়॥ 1-1-234 (233) যদাঽশ্রৌষং বিবিধাংশ্চিত্রমার্গান্ গদায়ুদ্ধে মণ্ডলশশ্চরন্তম্। মিথ্যা হতং বাসুদেবস্য বুদ্ধ্যা তদা নাশংসে বিজয়ায় সংজয়॥ 1-1-235 (234) যদাঽশ্রৌষং দ্রোণপুত্রাদিভিস্তৈ- র্হতান্পঞ্চালান্দ্রৌপদেয়াংশ্চ সুপ্তান্। কৃতং বীভৎসময়শস্যং চ কর্ম তদা নাশংসে বিজয়ায় সংজয়॥ 1-1-236 (235) যদাঽশ্রৌষং ভীমসেনানুয়াতে- নাশ্বত্থাম্না পরমাস্ত্রং প্রয়ুক্তম্। ক্রুদ্ধেনৈষীকমবধীদ্যেন গর্ভং তদা নাশংসে বিজয়ায় সংজয়॥ 1-1-237 (236) যদাঽশ্রৌষং ব্রহ্মশিরোঽর্জুনেন স্বস্তীত্যুক্ৎবাঽস্ত্রমস্ত্রেণ শান্তম্। অশ্বত্থাম্না মণিরত্নং চ দত্তং তদা নাশংসে বিজয়ায় সংজয়॥ 1-1-238 (237) যদাঽশ্রৌষং দ্রোণপুত্রেণ গর্ভে বৈরাট্যা বৈ পাত্যমানে মহাস্ত্রৈঃ। সংজীবয়ামীতি হরেঃ প্রতিজ্ঞাং তদা নাশংসে বিজয়ায় সংজয়॥ 1-1-239 (238) দ্বৈপায়নঃ কেশবো দ্রোণপুত্রং পরস্পেরণাভিশাপৈঃ শশাপ। বুদ্ধ্বা চাহং বুদ্ধিহীনোঽদ্য সূত সংতপ্যে বৈ পুত্রপৌত্রৈশ্চ হীনঃ॥ 1-1-240 (239) শোচ্যা গান্ধারী পুত্রপৌত্রৈর্বিহীনা তথা বধ্বা পিতৃভির্ভ্রাতৃভিশ্চ। কৃতং কার্যং দুষ্করং পাণ্ডবেয়ৈঃ প্রাপ্তং রাজ্যমসপত্নং পুনস্তৈঃ॥ 1-1-241 (240) কষ্টং যুদ্ধে দশ শেষাঃ শ্রুতা মে ত্রয়োঽস্মাকং পাণ্ডবানাং চ সপ্ত। দ্ব্যূনা বিংশতিরাহতাঽক্ষৌহিণীনাং তস্মিন্সঙ্গ্রামে ভৈরবে ক্ষত্রিয়াণাম্॥ 1-1-242 (241) তমস্ৎবতীব বিস্তীর্ণং মোহ আবিশতীব মাম্। সংজ্ঞাং নোপলভে সূত মনো বিহ্বলতীব মে॥ 1-1-243 (242) সৌতিরুবাচ। 1-1-244x (6) ইত্যুক্ৎবা ধৃতরাষ্ট্রোঽথ বিলপ্য বহু দুঃখিতঃ। মূর্চ্ছিতঃ পুনরাশ্বস্তঃ সংজয়ং বাক্যমব্রবীৎ॥ 1-1-244 (243) ধৃতরাষ্ট্র উবাচ। 1-1-245x (7) সংজয়ৈবং গতে প্রাণাংস্ত্যক্তুমিচ্ছামি মা চিরম্। স্তোকং হ্যপি ন পশ্যামি ফলং জীবিতধারণে॥ 1-1-245 (244) সৌতিরুবাচ। 1-1-246x (8) তং তথা বাদিনং দীনং বিলপন্তং মহীপতিম্। নিঃশ্বসন্তং যথা নাগং মুহ্যমানং পুনঃ পুনঃ॥ 1-1-246 (245) গাবল্গণিরিদং ধীমান্মহার্থং বাক্যমব্রবীৎ। 1-1-247 (246) সংজয় উবাচ। শ্রুতবানসি বৈ রাজন্মহোৎসাহান্মহাবলান্॥ 1-1-247x (9) দ্বৈপায়নস্য বদতো নারদস্য চ ধীমতঃ। মহৎসু রাজবংশেষু গুণৈঃ সমুদিতেষু চ॥ 1-1-248 (247) জাতান্দিব্যাস্ত্রবিদুষঃ শক্রপ্রতিমতেজসঃ। ধর্মেণ পৃথিবীং জিৎবা যজ্ঞৈরিষ্ট্বাপ্তদক্ষিণৈঃ॥ 1-1-249 (248) অস্মিঁল্লোকে যশঃ প্রাপ্য ততঃ কালবশং গতান্। শৈব্যং মহারথং বীরং সৃংজয়ং জয়তাং বরম্॥ 1-1-250 (249) সুহোত্রং রন্তিদেবং চ কাক্ষীবন্তমতৌশিজম্। বাহ্লীকং দমনং চৈদ্যং শর্যাতিমজিতং নলম্॥ 1-1-251 (250) বিশ্বামিত্রমমিত্রঘ্নমম্বরীষং মহাবলম্। মরুত্তং মনুমিক্ষ্বাকুং গয়ং ভরতমেব চ॥ 1-1-252 (251) রামং দাশরথিং চৈব শশবিন্দুং ভগীরথম্। কৃতবীর্যং মহাভাগং তথৈব জনমেজয়ম্॥ 1-1-253 (252) যয়াতিং শুভকর্মাণং দেবৈর্যো যাজিতঃ স্বয়ম্। `চৈত্যযূপাঙ্কিতা ভূমির্যস্যেয়ং সবনাকরা॥ 1-1-254 (253) ইতি রাজ্ঞাং চতুর্বিংশন্নারদেন সুরর্ষিণা। পুত্রশোকাভিতপ্তায় পুরা শ্বৈত্যায় কীর্তিতম্॥ 1-1-255 (254) তেভ্যশ্চান্যে গতাঃ পূর্বং রাজানো বলবত্তরাঃ। মহারথা মহাত্মানঃ সর্বৈঃ সমুদিতা গুণৈঃ॥ 1-1-256 (255) পূরুঃ কুরুর্যদুঃ শূরো বিষ্বগশ্বো মহাদ্যুতিঃ। অণুহো যুবনাশ্বশ্চ ককুৎস্থো বিক্রমী রঘুঃ॥ 1-1-257 (256) বিজয়ো বীতিহোত্রোঽহ্গো ভবঃ শ্বেতো বৃহদ্গুরুঃ। উশীনরঃ শতরথঃ কঙ্কো দুলিদুহো দ্রুমঃ॥ 1-1-258 (257) দম্ভোদ্ভবঃ পরো বেনঃ সগরঃ সংকৃতির্নিমিঃ। অজেয়ঃ পরশুঃ পুণ্ড্রঃ শংভুর্দেবাবৃধোঽনঘঃ॥ 1-1-259 (258) দেবাহ্বয়ঃ সুপ্রতিমঃ সুপ্রতীকো বৃহদ্রথঃ। মহোৎসাহো বিনীতাত্মা সুক্রতুর্নৈষধো নলঃ॥ 1-1-260 (259) সত্যব্রতঃ শান্তভয়ঃ সুমিত্রঃ সুবলঃ প্রভুঃ। জানুজঙ্ঘোঽনরণ্যোঽর্কঃ প্রিয়ভৃত্যঃ শুচিব্রতঃ॥ 1-1-261 (260) বলবন্ধুর্নিরামর্দঃ কেতুশৃঙ্গো বৃহদ্বলঃ। ধৃষ্টকেতুর্বৃহৎকেতুর্দীপ্তকেতুর্নিরাময়ঃ॥ 1-1-262 (261) অবিক্ষিচ্চপলো ধূর্তঃ কৃতবন্ধুর্দৃঢেষুধিঃ। মহাপুরাণসংভাব্যঃ প্রত্যঙ্গঃ পরহা শ্রুতিঃ॥ 1-1-263 (262) এতে চান্যে চ রাজানঃ শতশোঽথ সহস্রশঃ। শ্রূয়ন্তে শতশশ্চান্যে সঙ্খ্যাতাশ্চৈব পদ্মশঃ॥ 1-1-264 (263) হিৎবা সুবিপুলান্ভোগান্বুদ্ধিমন্তো মহাবলাঃ। রাজানো নিধনং প্রাপ্তাস্তব পুত্রৈর্মহত্তরঃ॥ 1-1-265 (264) যেষাং দিব্যানি কর্মাণি বিক্রমস্ত্যাগ এব চ। মাহাত্ম্যমপি চাস্তিক্যং সত্যং শৌচং দয়াঽর্জবম্॥ 1-1-266 (265) বিদ্বদ্ভিঃ কথ্যতে লোকে পুরাণৈঃ কবিসত্তমৈঃ। সর্বর্দ্ধিগুণসংপন্নাস্তে চাপি নিধনং গতাঃ॥ 1-1-267 (266) তব পুত্রা দুরাত্মানঃ প্রতপ্তাশ্চৈব মন্যুনা। লুব্ধা দুর্বৃত্তভূয়িষ্ঠা ন তাঞ্ছোচিতুমর্হসি॥ 1-1-268 (267) শ্রুতবানসি মেধাবী বুদ্ধিমান্প্রাজ্ঞসংমতঃ। যেষাং শাস্ত্রানুগা বুদ্ধির্ন তে মুহ্যন্তি ভারত॥ 1-1-269 (268) নিগ্রহানুগ্রহৌ চাপি বিদিতৌ তে নরাধিপ। নাত্যন্তমেবানুবৃত্তিঃ কার্যা তে পুত্ররক্ষণে॥ 1-1-270 (269) ভবিতব্যং তথা তচ্চ নানুশোচিতুমর্হসি। দৈবং পুরুষকারেণ কো নিবর্তিতুমর্হতি॥ 1-1-271 (270) বিধাতৃবিহিতং মার্গং ন কশ্চিদতিবর্ততে। কালমূলমিদং সর্বং ভাবাভাবৌ সুখাসুখে॥ 1-1-272 (271) কালঃ সৃজতি ভূতানি কালঃ সংহরতে প্রজাঃ। সংহরন্তং প্রজাঃ কালং কালঃ শময়তে পুনঃ॥ 1-1-273 (272) কালো বিকুরুতে ভাবান্সর্বাংল্লোকে শুভাশুভান্। কালঃ সংক্ষিপতে সর্বাঃ প্রজা বিসৃজতে পুনঃ॥ 1-1-274 (273) কালঃ সুপ্তেষু জাগর্তি কালো হি দুরতিক্রমঃ। কালঃ সর্বেষু ভূতেষু চরত্যবিধতঃ সমঃ॥ 1-1-275 (274) অতীতানাগতা ভাবা যে চ বর্তন্তি সাংপ্রতম্। তান্কালনির্মিতান্বুদ্ধ্বা ন সংজ্ঞাং হাতুমর্হসি॥ 1-1-276 (275) সৌতিরুবাচ। 1-1-277x (10) ইত্যেবং পুত্রশোকার্তং ধৃতরাষ্ট্রং জনেশ্বরম্। আশ্বাস্য স্বস্থমকরোৎসূতো গাবল্গণিস্তদা॥ 1-1-277 (276) ধৃতরাষ্ট্রোঽপি তচ্ছ্রুৎবা ধৃতিমেব সমাশ্রয়ৎ। দিষ্ট্যেদমাগতমিতি মত্ৎবা স প্রাজ্ঞসত্তমঃ॥ 1-1-278 (277) লোকানাং চ হিতার্থায় কারুণ্যান্মুনিসত্তমঃ। অত্রোপনিষদং পুণ্যাং কৃষ্ণদ্বৈপায়নোঽব্রবীৎ॥ 1-1-279 (278) বিদ্বদ্ভিঃ কথ্যতে লোকে পুরাণে কবিসত্তমৈঃ। ভারতাধ্যযনং পুণ্যমপি পাদমধীয়তঃ। শ্রদ্দধানস্য পূয়ন্তে সর্বপাপান্যশেষতঃ॥ 1-1-280 (279) দেবা দেবর্ষয়ো হ্যত্র তথা ব্রহ্মর্ষয়োঽমলাঃ। কীর্ত্যন্তে শুমকর্মাণস্তথা যক্ষা মহোরগাঃ॥ 1-1-281 (280) ভগবান্বাসুদেবশ্চ কীর্ত্যতেঽত্র সনাতনঃ। স হি সত্যমৃতং চৈব পবিত্রং পুণ্যমেব চ॥ 1-1-282 (281) শাশ্বতং ব্রহ্ম পরমং ধ্রুবং জ্যোতিঃ সনাতনম্। যস্য দিব্যানি কর্মাণি কথন্তি মনীষিণঃ॥ 1-1-283 (282) অসৎসৎসদসচ্চৈব যস্মাদ্বিশ্বং প্রবর্ততে। সন্ততিশ্চ প্রবৃত্তিশ্চ জন্মমৃত্যুপুনর্ভবাঃ॥ 1-1-284 (283) অধ্যাত্মং শ্রূয়তেং যত্র পঞ্চভূতগুণাত্মকম্। অব্যক্তাদি পরং যচ্চ স এব পরিগীয়তে॥ 1-1-285 (284) যং ধ্যায়ন্তি সদা মুক্তা ধ্যানয়োগবলান্বিতাঃ। প্রতিবিম্বমিবাদর্শে পশ্যন্ত্যাত্মন্যবস্থিতম্॥ 1-1-286 (285) শ্রদ্দধানঃ সদা যুক্তঃ সদা ধর্মপরায়ণঃ। আসেবন্নিমমধ্যায়ং নরঃ পাপাৎপ্রমুচ্যতে॥ 1-1-287 (286) অনুক্রমণিকাধ্যায়ং ভারতস্যেমমাদিতঃ। আস্তিকঃ সততং শৃণ্বন্ন কৃচ্ছ্রেষ্ববসীদতি॥ 1-1-288 (287) উভে সন্ধ্যে জপন্কিংচিৎসদ্যো মুচ্যেত কিল্বিষাৎ। অনুক্রমণ্যা যাবৎস্যাদহ্নারাত্র্যা চ সংচিতম্॥ 1-1-289 (288) ভারতস্য বপুর্হ্যেতৎসত্যং চামৃতমেব চ। নবনীতং যথা দধ্নো দ্বিপদাং ব্রাহ্মণো যথা॥ 1-1-290 (289) আরণ্যকং চ বেদেভ্য ওষধিভ্যোঽমৃতং যথা। হ্রদানামুদধিঃ শ্রেষ্ঠো গৌর্বরিষ্ঠা চতুষ্পদাম্॥ 1-1-291 (290) যথৈতানীতিহাসানাং তথা ভারতমুচ্যতে। যশ্চৈনং শ্রাবয়েচ্ছ্রাদ্ধে ব্রাহ্মণান্পাদমন্ততঃ॥ 1-1-292 (291) অক্ষয়্যমন্নপানং বৈ পিতৃংস্তস্যোপতিষ্ঠতে। ইতিহাসপুরাণাভ্যাং বেদং সমুপবৃংহয়েৎ॥ 1-1-293 (292) বিভেত্যল্পশ্রুতাদ্বেদো মাময়ং প্রতরিষ্যতি। কার্ষ্ণং বেদমিমং বিদ্বাঞ্শ্রাবয়িৎবার্থমশ্নুতে॥ 1-1-294 (293) ভ্রূণহত্যাদিকং চাপি পাপং জহ্যাদসংশয়ম্। য ইমং শুচিরধ্যায়ং পঠেৎপর্বণি পর্বণি॥ 1-1-295 (294) অধীতং ভারতং তেন কৃৎস্নং স্যাদিতি মে মতিঃ। যশ্চৈনং শৃণুয়ান্নিত্যমার্ষং শ্রদ্ধাসমন্বিতঃ॥ 1-1-296 (295) স দীর্ঘমায়ুঃ কীর্তিং চ স্বর্গতিং চাপ্নুয়ান্নরঃ। একতশ্চতুরো বেদা ভারতং চৈতদেকতঃ॥ 1-1-297 (296) পুরা কিল সুরৈঃ সর্বৈঃ সমেত্য তুলয়া ধৃতম্। চতুর্ভ্যঃ সরহস্যেভ্যো বেদেভ্যো হ্যধিকং যদা॥ 1-1-298 (297) তদাপ্রভৃতি লোকেঽস্মিন্মহাভারতমুচ্যতে। মহত্ৎবে চ গুরুৎবে চ ধ্রিয়মাণং যতোঽধিকম্॥ 1-1-299 (298) মহত্ৎবাদ্ভারবত্ৎবাচ্চ মহাভারতমুচ্যতে। নিরুক্তমস্য যো বেদ সর্বপাপৈঃ প্রমুচ্যতে॥ 1-1-300 (299) তপো নকল্কোঽধ্যযনং নকল্কঃ স্বাভাবিকো বেদবিধির্নকল্কঃ। প্রসহ্য বিত্তাহরণং নকল্ক- স্তান্যেব ভাবোপহতানি কল্কঃ॥ 1-1-301 (300) ইতি শ্রীমন্মাহাভারতে আদিপর্বণি অনুক্রমণিকাপর্বণি প্রথমোঽধ্যায়ঃ॥ 1 ॥ ॥ অনুক্রমণিকাপর্ব সমাপ্তম্ ॥

1-2-0 (301) ঋষয় ঊচুঃ। 1-2-0x (11) সমন্তপঞ্চকমিতি যদুক্তং সূতনন্দন। এতৎসর্বং যথাতত্ৎবং শ্রোতুমিচ্ছামহে বয়ম্॥ 1-2-1 (302) সৌতিরুবাচ। 1-2-2x (12) শৃণুধ্বং মম ভো বিপ্রা ব্রুবতশ্চ কথাঃ শুভাঃ। সমন্তপঞ্চকাখ্যং চ শ্রোতুমর্হথ সত্তমাঃ॥ 1-2-2 (303) ত্রেতাদ্বাপরয়োঃ সন্ধৌ রামঃ শস্ত্রভৃতাং বরঃ। অসকৃৎপার্থিবং ক্ষত্রং জঘানামর্ষচোদিতঃ॥ 1-2-3 (304) স সর্বং ক্ষত্রমুৎসাদ্য স্ববীর্যেণানলদ্যুতিঃ। সমন্তপঞ্চকে পঞ্চ চকার রুধিরহ্রদান্॥ 1-2-4 (305) স তেষু রুধিরাম্ভঃসু হ্রদেষু ক্রোধমূর্চ্ছিতঃ। পিতৄন্সংতর্পয়ামাস রুধিরেণেতি নঃ শ্রুতম্॥ 1-2-5 (306) অথর্চীকাদয়োঽভ্যেত্য পিতরো রামমব্রুবন্। রাম রাম মহাভাগ প্রীতাঃ স্ম তব ভার্গব॥ 1-2-6 (307) অনয়া পিতৃভক্ত্যা চ বিক্রমেণ তব প্রভো। বরং বৃণীষ্ব ভদ্রং তে যমিচ্ছসি মহাদ্যুতে॥ 1-2-7 (308) রাম উবাচ। 1-2-8x (13) যদি মে পিতরঃ প্রীতা যদ্যনুগ্রাহ্যতা ময়ি। যচ্চ রোষাভিভূতেন ক্ষত্রমুৎসাদিতং ময়া॥ 1-2-8 (309) অতশ্চ পাপান্মুচ্যেঽহমেষ মে প্রার্থিতো বরঃ। হ্রদাশ্চ তীর্থভূতা মে ভবেয়ুর্ভুবি বিশ্রুতাঃ॥ 1-2-9 (310) এবং ভবিষ্যতীত্যেবং পিতরস্তমথাব্রুবন্। তং ক্ষমস্বেতি নিষিষিধুস্ততঃ স বিররাম হ॥ 1-2-10 (311) তেষাং সমীপে যো দেশো হ্রদানাং রুধিরাম্ভসাম্। সমন্তপঞ্চকমিতি পুণ্যং তৎপরিকীর্তিতম্॥ 1-2-11 (312) যেন লিঙ্গেন যো দেশো যুক্তঃ সমুপলক্ষ্যতে। তেনৈব নাম্না তং দেশং বাচ্যমাহুর্মনীষিণঃ॥ 1-2-12 (313) অন্তরে চৈব সংপ্রাপ্তে কলিদ্বাপরয়োরভূৎ। সমন্তপঞ্চকে যুদ্ধং কুরুপাণ্ডবসেনয়োঃ॥ 1-2-13 (314) তস্মিন্পরমধর্মিষ্ঠে দেশে ভূদোষবর্জিতে। অষ্টাদশ সমাজগ্মুরক্ষৌহিণ্যো যুয়ুৎসয়া॥ 1-2-14 (315) সমেত্য তং দ্বিজাস্তাশ্চ তত্রৈব নিধং গতাঃ। এতন্নামাভিনির্বৃত্তং তস্য দেশস্য বৈ দ্বিজাঃ॥ 1-2-15 (316) পুণ্যশ্চ রমণীয়শ্চ স দেশো বঃ প্রকীর্তিতঃ। তদেতৎকথিতং সর্বং ময়া ব্রাহ্মণসত্তমাঃ॥ যথা দেশঃ স বিখ্যাতস্ত্রিষু লোকেষু সুব্রতাঃ॥ 1-2-16 (317) ঋষয় ঊচুঃ। 1-2-17x (14) অক্ষৌহিণ্য ইতি প্রোক্তং যত্ৎবয়া সূতনন্দন। এতদিচ্ছামহে শ্রোতুং সর্বমেব যথাতথম্॥ 1-2-17 (318) অক্ষৌহিণ্যাঃ পরীমাণং নরাশ্বরথদন্তিনাম্। যথাবচ্চৈব নো ব্রূহি সর্বং হি বিদিতং তব॥ 1-2-18 (319) সৌতিরুবাচ। 1-2-19x (15) একো রথো গজশ্চৈকো নরাঃ পঞ্চ পদাতয়ঃ। ত্রয়শ্চ তুরগাস্তজ্জ্ঞৈঃ পত্তিরিত্যভিধীয়তে॥ 1-2-19 (320) পত্তিং তু ত্রিগুণামেতামাহুঃ সেনামুখং বুধাঃ। ত্রীণি সেনামুখান্যেকো গুল্ম ইত্যভিধীয়তে॥ 1-2-20 (321) ত্রয়ো গুল্মা গণো নাম বাহিনী তু গণাস্ত্রয়ঃ। স্মৃতাস্তিস্রস্তু বাহিন্যঃ পৃতনেতি বিচক্ষণৈঃ॥ 1-2-21 (322) চমূস্তু পৃতনাস্তিস্রস্তিস্রশ্চম্বস্ৎবনীকিনী। অনীকিনীং দশগুণাং প্রাহুরক্ষৌহিণীং বুধাঃ॥ 1-2-22 (323) অক্ষৌহিণ্যাঃ প্রসংখ্যাতা রথানাং দ্বিজসত্তমাঃ। সংখ্যাগণিততত্ৎবজ্ঞৈঃ সহস্রাণ্যেকবিংশতিঃ॥ 1-2-23 (324) শতান্যুপরি চৈবাষ্টৌ তথা ভূয়শ্চ সপ্ততিঃ। গজানাং চ পরীমাণমেতদেব বিনির্দিশেৎ॥ 1-2-24 (325) জ্ঞেয়ং শতসহস্রং তু সহস্রাণি নবৈব তু। নরাণামপি পঞ্চাশচ্ছতানি ত্রীণি চানঘাঃ॥ 1-2-25 (326) পঞ্চ ষষ্টিসহস্রাণি তথাশ্বানাং শতানি চ। দশোত্তরাণি ষট্ প্রাহুর্যথাবদিহ সংখ্যযা॥ 1-2-26 (327) এতামক্ষৌহিণীং প্রাহুঃ সংখ্যাতত্ৎবদিতো জনাঃ। যাং বঃ কথিতবানস্মি বিস্তরেণ তপোধনাঃ॥ 1-2-27 (328) এতয়া সংখ্যযা হ্যাসন্কুরুপাণ্ডবসেনয়োঃ। অক্ষৌহিণ্যো দ্বিজশ্রেষ্ঠাঃ পিণ্ডিতাষ্টাদশৈব তু॥ 1-2-28 (329) সমেতাস্তত্র বৈ দেশে তত্রৈব নিধং গতাঃ। কৌরবান্কারণং কৃৎবা কালেনাদ্ভুতকর্মণা॥ 1-2-29 (330) অহানি যুয়ুধে ভীষ্মো দশৈব পরমাস্ত্রবিৎ। অহানি পঞ্চ দ্রোণস্তু ররক্ষ কুরুবাহিনীম্॥ 1-2-30 (331) অহনী যুয়ুধে দ্বে তু কর্ণঃ পরবলার্দনঃ। শল্যোঽর্ধদিবসং চৈব গদায়ুদ্ধমতঃ পরম্॥ 1-2-31 (332) তস্যৈব দিবসস্যান্তে দ্রৌণিহার্দিক্যগৌতমাঃ। প্রসুপ্তং নিশি বিশ্বস্তং জঘ্নুর্যৌধিষ্ঠিরং বলম্॥ 1-2-32 (333) যত্তু শৌনক সত্রে তে ভারতাখ্যানমুত্তমম্। জনমেজয়স্য তৎসত্রে ব্যাসশিষ্যেণ ধীমতা॥ 1-2-33 (334) কথিতং বিস্তরার্থং চ যশো বীর্যং মহীক্ষিতাম্। পৌষ্যং তত্র চ পৌলোমমাস্তীকং চাদিতঃ স্মৃতম্॥ 1-2-34 (335) বিচিত্রার্থপদাখ্যানমনেকসময়ান্বিতম্। প্রতিপন্নং নরৈঃ প্রাজ্ঞৈর্বৈরাগ্যমিব মোক্ষিভিঃ॥ 1-2-35 (336) আত্মেব বেদিতব্যেষু প্রিয়েষ্বিব হি জীবিতম্। ইতিহাসঃ প্রধানার্থঃ শ্রেষ্ঠঃ সর্বাগমেষ্বয়ম্॥ 1-2-36 (337) অনাশ্রিত্যেদমাখ্যানং কথা ভুবি ন বিদ্যতে। আহারমনপাশ্রিত্য শরীরস্যেব ধারণম্॥ 1-2-37 (338) তদেতদ্ভারতং নাম কবিভিস্তূপজীব্যতে। উদয়তেপ্সুভির্ভৃত্যৈরভিজাত ইবেশ্বরঃ॥ 1-2-38 (339) ইতিহাসোত্তমে যস্মিন্নর্পিতা বুদ্ধিরুত্তমা। স্বরব্যঞ্জনয়োঃ কৃৎস্না লোকবেদাশ্রয়েব বাক্॥ 1-2-39 (340) তস্য প্রজ্ঞাভিপন্নস্য বিচিত্রপদপর্বণঃ। সূক্ষ্মার্থন্যায়যুক্তস্য বেদার্থৈর্ভূষিতস্য চ॥ 1-2-40 (341) ভারতস্যেতিহাসস্য শ্রূয়তাং পর্বসংগ্রহঃ। পর্বানুক্রমণী পূর্বং দ্বিতীয়ঃ পর্বসংগ্রহঃ॥ 1-2-41 (342) পৌষ্যং পৌলোমমাস্তীকমাদিরংশাবতারণম্। ততঃ সংভবপর্বোক্তমদ্ভুতং রোমহর্ষণম্॥ 1-2-42 (343) দাহো জতুগৃহস্যাত্র হৈডিম্বং পর্ব চোচ্যতে। ততো বকবধঃ পর্ব পর্ব চৈত্ররথং ততঃ॥ 1-2-43 (344) ততঃ স্বয়ংবরো দেব্যাঃ পাঞ্চাল্যাঃ পর্ব চোচ্যতে। ক্ষাত্রধর্মেণ নির্জিত্য ততো বৈবাহিকং স্মৃতম্॥ 1-2-44 (345) বিদুরাগমনং পর্ব রাজ্যলাভস্তথৈব চ। অর্জুনস্য বনে বাসঃ সুভদ্রাহরণং ততঃ॥ 1-2-45 (346) সুভদ্রাহরণাদূর্ধ্বং জ্ঞেয়া হরণহারিকা। ততঃ খাণ্ডবদাহাখ্যং তত্রৈব ময়দর্শনম্॥ 1-2-46 (347) সভাপর্ব ততঃ প্রোক্তং মন্ত্রপর্ব ততঃ পরম্। জরাসন্ধবধঃ পর্ব পর্ব দিগ্বিজয়ং তথা॥ 1-2-47 (348) পর্ব দিগ্বিজয়াদূর্ধ্বং রাজসূয়িকমুচ্যতে। ততশ্চার্ঘাভিহরণং শিশুপালবধস্ততঃ॥ 1-2-48 (349) দ্যূতপর্ব ততঃ প্রোক্তমনুদ্যূতমঃ পরম্। তত আরণ্যকং পর্ব কির্মীরবধ এবচ॥ 1-2-49 (350) অর্জুনস্যাভিগমনং পর্ব জ্ঞেয়মতঃ পরম্। ঈশ্বরার্জুনয়োর্যুদ্ধং পর্ব কৈরাতসংজ্ঞিতম্॥ 1-2-50 (351) ইন্দ্রলোকাভিগমনং পর্ব জ্ঞেয়মতঃ পরম্। নলোপাখ্যানমপি চ ধার্মিকং করুণোদয়ম্॥ 1-2-51 (352) তীর্থয়াত্রা ততঃ পর্ব কুরুরাজস্য ধীমতঃ। জটাসুরবধঃ পর্ব যক্ষয়ুদ্ধমতঃ পরম্॥ 1-2-52 (353) নিবাতকবচৈর্যুদ্ধং পর্ব চাজগরং ততঃ। মার্কণ্ডেয়সমাস্যা চ পর্বানন্তরমুচ্যতে॥ 1-2-53 (354) সংবাদশ্চ ততঃ পর্ব দ্রৌপদীসত্যভাময়োঃ। ঘোষয়াত্রা ততঃ পর্ব ততঃ প্রায়োপবেশনেম্। মন্ত্রস্য নিশ্চয়ং চৈব মৃগস্বপ্নোদ্ভবং ততঃ॥ 1-2-54 (355) ব্রীহিদ্রৌণিকমাখ্যানমৈন্দ্রদ্যুম্নং তথৈব চ। দ্রৌপদীহরণং পর্ব জয়দ্রথবিমোক্ষণম্॥ 1-2-55 (356) রামোপাখ্যানমত্রৈব পর্ব জ্ঞেয়মতঃ পরম্। পতিব্রতায়া মাহাত্ম্যং সাবিত্র্যাশ্চৈবমদ্ভুতম্॥ 1-2-56 (357) কুণ্ডলাহরণং পর্ব ততঃ পরমিহোচ্যতে। আরণেয়ং ততঃ পর্ব বৈরাটং তদনন্তরম্॥ পাণ্ডবানাং প্রবেশশ্চ সময়স্য চ পালনম্॥ 1-2-57 (358) কীচকানাং বধঃ পর্ব পর্ব গ্রোগ্রহণং ততঃ। অভিমন্যোশ্চ বৈরাট্যাঃ পর্ব বৈবাহিকং স্মৃতম্॥ 1-2-58 (359) উদ্যোগপর্ব বিজ্ঞেয়মত ঊর্ধ্বং মহাদ্ভুতম্। ততঃ সংজয়যানাখ্যং পর্ব জ্ঞেয়মতঃ পরম্॥ 1-2-59 (360) প্রজাগরং তথা পর্ব ধৃতরাষ্ট্রস্য চিন্তয়া। পর্ব সানৎসুজাতং বৈ গুহ্যমধ্যাত্মদর্শনম্॥ 1-2-60 (361) যানসন্ধিস্ততঃ পর্ব ভগবদ্যানমেব চ। মাতলীয়মুপাখ্যানং চরিতং গালবস্য চ॥ 1-2-61 (362) সাবিত্রং বামদেব্যং চ বৈন্যোপাখ্যানমেব চ। জামদগ্ন্যমুপাখ্যানং পর্ব ষোডশরাজকম্॥ 1-2-62 (363) সভাপ্রবেশঃ কৃষ্ণস্য বিদুলাপুত্রশাসনম্। উদ্যোগঃ সৈন্যনির্যাণং বিশ্বোপাখ্যানমেব চ॥ 1-2-63 (364) জ্ঞেয়ং বিবাদপর্বাত্র কর্ণস্যাপি মহাত্মনঃ। `মন্ত্রস্য নিশ্চয়ং কৃৎবা কার্যস্য সমনন্তরম্॥ 1-2-64 (365) শ্বেতস্য বাসুদেবেন চিত্রং বহুকথাশ্রয়ম্।' নির্যাণং চ ততঃ পর্ব কুরুপাণ্ডবসেনয়োঃ॥ 1-2-65 (366) রথাতিরথসংখ্যা চ পর্বোক্তং তদনন্তরম্। উলূকদূতাগমনং পর্বামর্ষবিবর্ধনম্॥ 1-2-66 (367) অম্বোপাখ্যানমত্রৈব পর্ব জ্ঞেয়মতঃ পরম্॥ ভীষ্মাভিষেচনং পর্ব ততশ্চাদ্ভুতমুচ্যতে॥ 1-2-67 (368) জম্বূখম্ডবিনির্মাণং পর্বোক্তং তদনন্তরম্॥ ভূমিপর্ব ততঃ প্রোক্তং দ্বীপবিস্তারকীর্তনম্॥ 1-2-68 (369) `দিব্যং চক্ষুর্দদৌ যত্র সংজয়ায় মহামুনিঃ।' পর্বোক্তং ভগবদ্গীতা পর্ব ভীষ্মবধস্ততঃ। দ্রোণাভিষেচনং পর্ব সংশপ্তকবধস্ততঃ॥ 1-2-69 (370) অভিমন্যুবধঃ পর্ব প্রতিজ্ঞা পর্ব চোচ্যতে। জয়দ্রথবধঃ পর্ব ঘটোৎকচবধস্ততঃ॥ 1-2-70 (371) ততো দ্রোণবধঃ পর্ব বিজ্ঞেয়ং লোমহর্ষণম্। মোক্ষো নারায়ণাস্ত্রস্য পর্বানন্তরমুচ্যতে॥ 1-2-71 (372) কর্ণপর্ব ততো জ্ঞেয়ং শল্যপর্ব ততঃ পরম্। হ্রদপ্রবেশনং পর্ব গদায়ুদ্ধমতঃ পরম্॥ 1-2-72 (373) সারস্বতং ততঃ পর্ব তীর্থবংশানুকীর্তনম্। অত ঊর্ধ্বং সুবীভৎসং পর্ব সৌপ্তিকমুচ্যতে॥ 1-2-73 (374) ঐষীকং পর্ব চোদ্দিষ্টমত ঊর্ধ্বং সুদারুণম্। জলপ্রদানিকং পর্ব স্ত্রীবিলাপস্ততঃ পরম্॥ 1-2-74 (375) শ্রাদ্ধপর্ব ততো জ্ঞেয়ং কুরূণামৌর্ধ্বদেহিকম্। চার্বাকনিগ্রহঃ পর্ব রক্ষসো ব্রহ্মরূপিণঃ॥ 1-2-75 (376) আভিষেচনিকং পর্ব ধর্মরাজসর্য ধীমতঃ। প্রবিভাগো গৃহাণাং চ পর্বোক্তং তদনন্তরম্॥ 1-2-76 (377) শান্তিপর্ব ততো যত্র রাজধর্মানুশাসনম্। আপদ্ধর্মশ্চ পর্বোক্তং মোক্ষধর্মস্ততঃ পরম্॥ 1-2-77 (378) শুকপ্রশ্নাভিগমনং ব্রহ্মপ্রশ্নানুশাসনম্। প্রাদুর্ভাবশ্চ দুর্বাসঃসংবাদশ্চৈব মায়যা॥ 1-2-78 (379) ততঃ পর্ব পরিজ্ঞেয়মানুশাসনিকং পরম্। স্বর্গারোহণিকং চৈব ততো ভীষ্মস্য ধীমতঃ॥ 1-2-79 (380) ততোঽশ্বমেধিকং পর্ব সর্বপাপপ্রণাশনম্। অনুগীতা ততঃ পর্ব জ্ঞেয়মধ্যাত্মবাচকম্॥ 1-2-80 (381) পর্ব চাশ্রমবাসাখ্যং পুত্রদর্শনমেব চ। নারদাগমনং পর্ব ততঃ পরমিহোচ্যতে॥ 1-2-81 (382) মৌসলং পর্ব চোদ্দিষ্টং ততো ঘোরং সুদারুণম্। মহাপ্রস্থানিকং পর্ব স্বর্গারোহণিকং ততঃ॥ 1-2-82 (383) হরিবংশস্ততঃ পর্ব পুরাণং খিলসংজ্ঞিতম্। বিষ্ণুপর্ব শিশোশ্চর্যা বিষ্ণোঃ কংসবধস্তথা॥ 1-2-83 (384) ভবিষ্যং পর্ব চাপ্যুক্তং খিলেষ্বেবাদ্ভুতং মহৎ। এতৎপর্বশতং পূর্ণং ব্যাসেনোক্তং মহাত্মনা॥ 1-2-84 (385) যথাবৎসূতপুত্রেণ রৌমহর্ষণিনা ততঃ। উক্তানি নৈমিশারণ্যে পর্বাণ্যষ্টাদশৈব তু॥ 1-2-85 (386) সমাসো ভারতস্যায়মত্রোক্তঃ পর্বসংগ্রহঃ। পৌষ্যং পৌলোমমাস্তীকমাদিরংশাবতারণম্॥ 1-2-86 (387) সংভবো জতুবেশ্মাখ্যং হিডিম্ববকয়োর্বধঃ। তথা চৈত্ররথং দেব্যাঃ পাঞ্চাল্যাশ্চ স্বয়ংবরঃ॥ 1-2-87 (388) ক্ষাত্রধর্মেণ নির্জিত্য ততো বৈবাহিকং স্মৃতম্। বিদুরাগমনং চৈব রাজ্যলাভস্তথৈব চ॥ 1-2-88 (389) বনবাসোঽর্জুনস্যাপি সুভদ্রাহরণং ততঃ। হরণাহরণং চৈব দহনং খাণ্ডবস্য চ॥ 1-2-89 (390) ময়স্য দর্শনং চৈব আদিপর্বণি কথ্যতে। পৌষ্যে পর্বণি মাহাত্ম্যমুত্তঙ্কস্যোপবর্ণিতম্॥ 1-2-90 (391) পৌলোমে ভৃগুবংশস্য বিস্তারঃ পরিকীর্তিতঃ। আস্তীকে সর্বনাগানাং গরুডস্য চ সংভবঃ॥ 1-2-91 (392) ক্ষীরোদমথং চৈব জন্মোচ্চৈঃশ্রবসস্তথা। যজতঃ সর্পসত্রেণ রাজ্ঞঃ পারিক্ষিতস্য চ॥ 1-2-92 (393) কথেয়মভিনির্বৃত্তা ভারতানাং মহাত্মনাম্। বিবিধাঃ সংভবা রাজ্ঞামুক্তাঃ সংভবপর্বণি॥ 1-2-93 (394) অন্যেষাং চৈব শূরাণামৃষের্দ্বৈপায়নস্য চ। অংশাবতরণং চাত্র দেবানাং পরিকীর্তিতম্॥ 1-2-94 (395) দৈত্যানাং দানবানাং চ যক্ষাণাং চ মহৌজসাম্। নাগানামথ সর্পাণাং গন্ধর্বাণাং পতত্ত্রিণাম্॥ 1-2-95 (396) অন্যেষাং চৈব ভূতানাং বিবিধানাং সমুদ্ভবঃ। মহর্ষেরাশ্রমপদে কণ্বস্য চ তপস্বিনঃ॥ 1-2-96 (397) শকুন্তলায়াং দুষ্যন্তাদ্ভরতশ্চাপি জজ্ঞিবান্। যস্য লোকেষু নাম্নেদং প্রথিতং ভারতং কুলম্॥ 1-2-97 (398) বসূনাং পুনরুৎপত্তির্ভাগীরথ্যাং মহাত্মনাম্। শন্তনোর্বেশ্মনি পুনস্তেষাং চারোহণং দিবি॥ 1-2-98 (399) তেজোংশানাং চ সংপাতো ভীষ্মস্যাপ্যত্র সংভবঃ। রাজ্যান্নিবর্তনং তস্য ব্রহ্মচর্যব্রতে স্থিতিঃ॥ 1-2-99 (400) প্রতিজ্ঞাপালনং চৈব রক্ষা চিত্রাঙ্গদস্য চ। হতে চিত্রাঙ্গদে চৈব রক্ষা ভ্রাতুর্যবীয়সঃ॥ 1-2-100 (401) বিচিত্রবীর্যস্য তথা রাজ্যে সংপ্রতিপাদনম্। ধর্মস্য নৃষু সংভূতিরণীমাণ্ডব্যশাপজা॥ 1-2-101 (402) কৃষ্ণদ্বৈপায়নাচ্চৈব প্রসূতির্বরদানজা। ধৃতরাষ্ট্রস্য পাণ্ডোশ্চ পাণ্ডবানাং চ সংভবঃ॥ 1-2-102 (403) বারণাবতয়াত্রা চ মন্ত্রো দুর্যোধনস্য চ। কূটস্য ধার্তরাষ্ট্রেণ প্রেষণং পাণ্ডবান্প্রতি॥ 1-2-103 (404) হিতোপদেশশ্চ পথি ধর্মরাজস্য ধীমতঃ। বিদুরেণ কৃতো যত্র হিতার্থং ম্লেচ্ছভাষয়া॥ 1-2-104 (405) বিদুরস্য চ বাক্যেন সুরুঙ্গোপক্রমক্রিয়া। নিষাদ্যাঃ পঞ্চপুত্রায়াঃ সুপ্তায়া জতুবেশ্মনি॥ 1-2-105 (406) পুরোচনস্য চাত্রৈব দহনং সংপ্রকীর্তিতম্। পাণ্ডবানাং বনে ঘোরে হিডিম্বায়াশ্চ দর্শনম্॥ 1-2-106 (407) তত্রৈব চ হিডিম্বস্য বধো ভীমান্মহাবলাৎ। ঘটোৎকচস্য চোৎপত্তিংরত্রৈব পরিকীর্তিতা॥ 1-2-107 (408) মহর্ষের্দর্শনং চৈব ব্যাসস্যামিততেজসঃ। তদাজ্ঞয়ৈকচক্রায়াং ব্রাহ্মণস্য নিবেশনে॥ 1-2-108 (409) অজ্ঞাতচর্যযা বাসো যত্র তেষাং প্রকীর্তিতঃ। বকস্য নিধনং চৈব নাগরাণাং চ বিস্ময়ঃ॥ 1-2-109 (410) সংভবশ্চৈব কৃষ্ণায়া ধৃষ্টদ্যুম্নস্য চৈব হ। ব্রাহ্মণাৎসমুপশ্রুত্য ব্যাসবাক্যপ্রচোদিতাঃ॥ 1-2-110 (411) দ্রৌপদীং প্রার্থয়ন্তস্তে স্বয়ংবরদিদৃক্ষয়া। পঞ্চালানভিতো জগ্মুর্যত্র কৌতূহলান্বিতাঃ॥ 1-2-111 (412) অঙ্গারপর্ণং নির্জিত্য গঙ্গাকূলেঽর্জুনস্তদা। সখ্যং কৃৎবা ততস্তেন তস্মাদেব চ শুশ্রুবে॥ 1-2-112 (413) তাপত্যমথ বাসিষ্ঠমৌর্বং চাখ্যানমুত্তমম্। ভ্রাতৃভিঃ সহিতঃ সর্বৈঃ পঞ্চালানভিতো যয়ৌ॥ 1-2-113 (414) পাঞ্চালনগরে চাপি লক্ষ্যং ভিত্ৎবা ধনঞ্জয়ঃ। দ্রৌপদীং লব্ধবানত্র মধ্যে সর্বমহীক্ষিতাম্॥ 1-2-114 (415) ভীমসেনার্জুনৌ যত্র সংরব্ধান্পৃথিবীপতীন্। শল্যকর্ণৌ চ তরসা জিতবন্তৌ মহামৃধে॥ 1-2-115 (416) দৃষ্ট্বা তয়োশ্চ তদ্বীর্যমপ্রমেয়মমানুষম্। শঙ্কমানৌ পাণ্ডবাংস্তান্ রামকৃষ্ণৌ মহামতী॥ 1-2-116 (417) জগ্মতুস্তৈঃ সমাগন্তুং শালাং ভার্গববেশ্মনি। পঞ্চানামেকপত্নীৎবে বিমর্শো দ্রুপদস্য চ॥ 1-2-117 (418) পঞ্চেন্দ্রাণামুপাখ্যানমত্রৈবাদ্ভুতমুচ্যতে। দ্রৌপদ্যা দেববিহীতো বিবাহশ্চাপ্যমানুষঃ॥ 1-2-118 (419) ক্ষত্তুশ্চ ধার্তরাষ্ট্রেণ প্রেষণং পাণ্ডবান্প্রতি। বিদুরস্য চ সংপ্রাপ্তির্দর্শনং কেশবস্য চ॥ 1-2-119 (420) খাণ্ডবপ্রস্থবাসশ্চ তথা রাজ্যার্ধসর্জনম্। নারদস্যাজ্ঞয়া চৈব দ্রৌপদ্যাঃ সময়ক্রিয়া॥ 1-2-120 (421) সুন্দোপসুন্দয়োস্তদ্বদাখ্যানং পরিকীর্তিতম্। অনন্তরং চ দ্রৌপদ্যা সহাসীনং যুধিষ্ঠিরম্॥ 1-2-121 (422) অনু প্রবিশ্য বিপ্রার্থে ফাল্গুনো গৃহ্য চায়ুধম্। মোক্ষয়িৎবা গৃহং গৎবা বিপ্রার্থং কৃতনিশ্চয়ঃ॥ 1-2-122 (423) সময়ং পালয়ন্বীরো বনং যত্র জগাম হ। পার্থস্য বনবাসে চ উলূপ্যা পথি সঙ্গমঃ॥ 1-2-123 (424) পুণ্যতীর্থানুসংয়ানং বভ্রুবাহনজন্ম চ। তত্রৈব মোক্ষয়ামাস পঞ্চ সোঽপ্সরসঃ শুভাঃ॥ 1-2-124 (425) শাপাদ্গ্রাহৎবমাপন্না ব্রাহ্মণস্য তপস্বিনঃ। প্রভাসতীর্থে পার্থেন কৃষ্ণস্য চ সমাগমঃ॥ 1-2-125 (426) দ্বারকায়াং সুভদ্রা চ কাময়ানেন কামিনী। বাসুদেবস্যানুমতে প্রাপ্তা চৈব কিরীটিনা॥ 1-2-126 (427) গৃহীৎবা হরণং প্রাপ্তে কৃষ্ণে দেবকিনন্দনে। অভিমন্যোঃ সুভদ্রায়াং জন্ম চোত্তমতেজসঃ॥ 1-2-127 (428) দ্রৌপদ্যাস্তনয়ানাং চ সংভবোঽনুপ্রকীর্তিতঃ। বিহারার্থং চ গতয়োঃ কৃষ্ণয়োর্যমুনামনু॥ 1-2-128 (429) সংপ্রাপ্তিশ্চক্রধনুষোঃ খাণ্ডবস্য চ দাহনম্। ময়স্য মোক্ষো জ্বলনাদ্ভুজঙ্গস্য চ মোক্ষণম্॥ 1-2-129 (430) মহর্ষের্মন্দপালস্য শার্ঙ্গ্যা তনয়সংভবঃ। ইত্যেতদাদিপর্বোক্তং প্রথমং বহু বিস্তরম্॥ 1-2-130 (431) অধ্যায়ানাং শতে দ্বে তু সংখ্যাতে পরমর্ষিণা। সপ্তবিংশতিরধ্যায়া ব্যাসেনোত্তমতেজসা॥ 1-2-131 (432) অষ্টৌ শ্লোকসহস্রাণি অষ্টৌ শ্লোকশতানি চ। শ্লোকাশ্চ চতুরাশীতির্মুনিনোক্তা মহাত্মনা॥ 1-2-132 (433) দ্বিতীয়ং তু সভাপর্ব বহুবৃত্তান্তমুচ্যতে। সভাক্রিয়া পাণ্ডবানাং কিঙ্করাণাং চ দর্শনম্। 1-2-133 (434) লোকপালসভাখ্যানং নারদাদ্দেবদর্শিনঃ। রাজসূয়স্য চারম্ভো জরাসন্ধবধস্তথা॥ 1-2-134 (435) গিরিব্রজে নিরুদ্ধানাং রাজ্ঞাং কৃষ্ণেন মোক্ষণম্। তথা দিগ্বিজয়োঽত্রৈব পাম্ডবানাং প্রকীর্তিতঃ॥ 1-2-135 (436) রাজ্ঞামাগমনং চৈব সার্হণানাং মহক্রতৌ। রাজসূয়েঽর্ঘসংবাদে শিশুপালবধস্তথা॥ 1-2-136 (437) যজ্ঞে বিভূতিং তাং দৃষ্ট্বা দুঃখামর্ষান্বিতস্য চ। দুর্যোধনস্যাবহাসো ভীমেন চ সভাতলে॥ 1-2-137 (438) যত্রাস্য মন্যুরুদ্ভূতো যেন দ্যূতমকারয়ৎ। যত্র ধর্মসুতং দ্যূতে শকুনিঃ কিতবোঽজয়ৎ॥ 1-2-138 (439) যত্র দ্যূতার্ণবে মগ্নাং দ্রৌপদীং নৌরিবার্ণবাৎ। ধৃতরাষ্ট্রো মহাপ্রাজ্ঞঃ স্নুষাং পরমদুঃখিতাম্॥ 1-2-139 (440) তারয়ামাস তাংস্তীর্ণাঞ্জ্ঞাৎবা দুর্যোধনো নৃপঃ। পুনরেব ততো দ্যূতে সমাহ্বয়ত পাণ্ডবান্॥ 1-2-140 (441) জিৎবা স বনবাসায় প্রেষয়ামাস তাংস্ততঃ। এতৎসর্বং সভাপর্ব সমাখ্যাতং মহাত্মনা॥ 1-2-141 (442) অধ্যায়াঃ সপ্ততির্জ্ঞেয়াস্তথা চাষ্টৌ প্রসংখ্যযা। শ্লোকানাং দ্বে সহস্রে তু পঞ্চ শ্লোকশতানি চ॥ 1-2-142 (443) শ্লোকাশ্চৈকাদশ জ্ঞেয়াঃ পর্বণ্যস্মিন্দ্বিজোত্তমাঃ। অতঃ পরং তৃতীয়ং তু জ্ঞেয়মারণ্যকং মহৎ॥ 1-2-143 (444) বনবাসং প্রয়াতেষু পাণ্ডবেষু মহাত্মসু। পৌরানুগমনং চৈব ধর্মপুত্রস্য ধীমতঃ॥ 1-2-144 (445) অন্নৌষধীনাং চ কৃতে পাণ্ডবেন মহাত্মনা। দ্বিজানাং ভরণার্থং চ কৃতমারাধনং রবেঃ॥ 1-2-145 (446) ধৌম্যোপদেশাত্তিগ্মাংশুপ্রসাদাদন্নসংভঃ। হিতং চ ব্রুবতঃ ক্ষত্তুঃ পরিত্যাগোঽম্বিকাসুতাৎ॥ 1-2-146 (447) ত্যক্তস্য পাণ্ডুপুত্রাণাং সমীপগমনং তথা। পুনরাগমনং চৈব ধৃতরাষ্ট্রস্য শাসনাৎ॥ 1-2-147 (448) কর্ণপ্রোৎসাহনাচ্চৈব ধার্তরাষ্ট্রস্য দুর্মতেঃ। বনস্থান্পাণ্ডবান্হন্তুং মন্ত্রো দুর্যোধনস্যচ॥ 1-2-148 (449) তং দুষ্টভাবং বিজ্ঞায় ব্যাসস্যাগমনং দ্রুতম্। নির্যাণপ্রতিষেধশ্চ সুরভ্যাখ্যানমেব চ॥ 1-2-149 (450) মৈত্রেয়াগমনং চাত্র রাজ্ঞশ্চৈবানুশাসনম্। শাপোৎসর্গশ্চ তেনৈব রাজ্ঞো দুর্যোধনস্য চ॥ 1-2-150 (451) কির্মীরস্য বধশ্চাত্র ভীমসেনেন সংয়ুগে। বৃষ্ণীনামাগমশ্চাত্র পাঞ্চালানাং চ সর্বশঃ॥ 1-2-151 (452) শ্রুৎবা শকুনিনা দ্যূতে নিকৃত্যা নির্জিতাংশ্চ তান্। ক্রুদ্ধস্যানুপ্রশমনং হরেশ্চৈব কিরীটিনা॥ 1-2-152 (453) পরিদেবনং চ পাঞ্চাল্যা বাসুদেবস্য সন্নিধৌ। আশ্বাসনং চ কৃষ্ণেন দুঃখার্তায়াঃ প্রকীর্তিতম্॥ 1-2-153 (454) তথা সৌভবধাখ্যানমত্রৈবোক্তং মহর্ষিণা। সুভদ্রায়াঃ সপুত্রায়াঃ কৃষ্ণেন দ্বারকাং পুরীম্॥ 1-2-154 (455) নয়নং দ্রৌপদেয়ানাং ধৃষ্টদ্যুম্নেন চৈব হ। প্রবেশঃ পাণ্ডবেয়ানাং রম্যে দ্বৈতবনে ততঃ॥ 1-2-155 (456) ধর্মরাজস্য চাত্রৈব সংবাদঃ কৃষ্ণয়া সহ। সংবাদশ্চ তথা রাজ্ঞা ভীমস্যাপি প্রকীর্তিতঃ॥ 1-2-156 (457) সমীপং পাণ্ডুপুত্রাণাং ব্যাসস্যাগমনং তথা। প্রতিশ্রুত্যাথ বিদ্যায়া দানং রাজ্ঞো মহর্ষিণা॥ 1-2-157 (458) গমনং কাম্যকে চাপি ব্যাসে প্রতিগতে ততঃ। অস্ত্রহেতোর্বিবাসশ্চ পার্থস্যামিততেজসঃ॥ 1-2-158 (459) মহাদেবেন যুদ্ধং চ কিরাতবপুষা সহ। দর্শনং লোকপালানামস্ত্রপ্রাপ্তিস্তথৈব চ॥ 1-2-159 (460) মহেন্দ্রলোকগমনমস্ত্রার্থে চ কিরীটিনঃ। যত্র চিন্তা সমুৎপন্না ধৃতরাষ্ট্রস্য ভূয়সী॥ 1-2-160 (461) দর্শনং বৃহদশ্বস্য মহর্ষের্ভাবিতাত্মনঃ। যুধিষ্ঠিরস্য চার্তস্য ব্যসনে পরিদেবনম্॥ 1-2-161 (462) নলোপাখ্যানমত্রৈব ধর্মিষ্ঠং করুণোদয়ম্। দময়ন্ত্যাঃ স্থিতির্যত্র নলস্য চরিতং তথা॥ 1-2-162 (463) তথাক্ষহৃদয়প্রাপ্তিস্তস্মাদেব মহর্ষিতঃ। লোমশস্যাগমস্তত্র স্বর্গাৎপাণ্ডুসুতান্প্রতি॥ 1-2-163 (464) বনবাসগতানাং চ পাণ্ডবানাং মহাত্মনাম্। স্বর্গে প্রবৃত্তিরাখ্যাতা লোমশেনার্জুনস্য বৈ॥ 1-2-164 (465) সংদেশাদর্জুনস্যাত্র তীর্থাভিগমনক্রিয়া। তীর্থানাং চ ফলপ্রাপ্তিঃ পুণ্যৎবং চাপি কীর্তিতম্॥ 1-2-165 (466) পুলস্ত্যতীর্থয়াত্রা চ নারদেন মহর্ষিণা। তীর্থয়াত্রা চ তত্রৈব পাণ্ডবানাং মহাত্মনাং॥ 1-2-166 (467) তথা যজ্ঞবিভূতিশ্চ গয়স্যাত্র প্রকীর্তিতা॥ 1-2-167 (468) আগস্ত্যমপি চাখ্যানং যত্র বাতাপিভক্ষণম্। লোপামুদ্রাভিপমনমপত্যার্থমৃষেস্তথা॥ 1-2-168 (469) ঋশ্যশৃঙ্গস্য চরিতং কৌমারব্রহ্মচারিণঃ। জামদগ্ন্যস্য রামস্য চরিতং ভূরিতেজসঃ॥ 1-2-169 (470) কার্তবীর্যবধো যত্র হৈহয়ানাং চ বর্ণ্যতে। প্রভাসতীর্থে পাণ্ডূনাং বৃষ্ণিভিশ্চ সমাগমঃ॥ 1-2-170 (471) সৌকন্যমপি চাখ্যানং চ্যবনো যত্র ভার্গবঃ। শর্যাতিয়জ্ঞে নাসত্যৌ কৃতবান্সোমপীথিনৌ॥ 1-2-171 (472) তাভ্যাং চ যত্র স মুনির্যৌবনং প্রতিপাদিতঃ। মান্ধাতুশ্চাপ্যুপাখ্যানং রাজ্ঞোঽত্রৈবপ্রকীর্তিতং॥ 1-2-172 (473) জন্তূপাখ্যানমত্রৈব যত্র পুত্রেণ সোমকঃ। পুত্রার্থময়জদ্রাজা লেভে পুত্রশতং চ সঃ॥ 1-2-173 (474) ততঃ শ্যেনকপোতীয়মুপাখ্যানমনুত্তমম্। ইন্দ্রাগ্নী যত্র ধর্মশ্চাপ্যজিজ্ঞাসঞ্শিবিং নৃপম্॥ 1-2-174 (475) অষ্টাবক্রীয়মত্রৈব বিবাদো যত্র বন্দিনা। অষ্টাবক্রস্য বিপ্রর্ষের্জনকস্যাধ্বরেঽভবৎ॥ 1-2-175 (476) নৈয়ায়িকানাং মুখ্যেন বরুণস্যাত্মজেন চ। পরাজিতো যত্র বন্দী বিবাদেন মহাত্মনা॥ 1-2-176 (477) বিজিত্য সাগরং প্রাপ্তং পিতরং লব্ধবানৃষিঃ। যবক্রীতস্য চাখ্যানং রৈভ্যস্য চ মহাত্মনঃ। গন্ধমাদনয়াত্রা চ বাসো নারায়ণাশ্রমে॥ 1-2-177 (478) নিয়ুক্তো ভীমসেনশ্চ দ্রৌপদ্যা গন্ধমাদনে। ব্রজন্পথি মহাবাহুর্দৃষ্টবান্পবনাত্মজম্॥ 1-2-178 (479) কদলীষণ্ডমধ্যস্থং হনূমন্তং মহাবলম্। যত্র মন্দারপুষ্পার্থে নলিনীং তামধর্ষয়ৎ॥ 1-2-179 (480) যত্রাস্য যুদ্ধমভবৎসুমহদ্রাক্ষসৈঃ সহ। যক্ষৈশ্চৈব মহাবীর্যৈর্মণিমৎপ্রমুখৈস্তথা॥ 1-2-180 (481) জটাসুরস্য চ বধো রাক্ষসস্য বৃকোদরাৎ। বৃষপর্বণো রাজর্ষেস্ততোঽভিগমনং স্মৃতম্॥ 1-2-181 (482) আর্ষ্টিষেণাশ্রমে চৈষাং গমনং বাস এব চ। প্রোৎসাহনং চ পাঞ্চাল্যা ভীমস্যাত্র মহাত্মনঃ॥ 1-2-182 (483) কৈলাসারোহণং প্রোক্তং যত্র যক্ষৈর্বলোৎকটৈঃ। যুদ্ধমাসীন্মহাঘোরং মণিমৎপ্রমুখৈঃ সহ॥ 1-2-183 (484) সমাগমশ্চ পাণ্ডূনাং যত্র বৈশ্রবণেন চ। সমাগমশ্চার্জুনস্য তত্রৈব ভ্রাতৃভিঃ সহ॥ 1-2-184 (485) অবাপ্য দিব্যান্যস্ত্রাণি গুর্বর্থং সব্যসাচিনা। নিবাতকবচৈর্যুদ্ধং হিরণ্যপুরবাসিভিঃ॥ 1-2-185 (486) নিবাতকবচৈর্ঘোরৈর্দানবৈঃ সুরশত্রুভিঃ। পৌলোমৈঃ কালকেয়ৈশ্চ যত্র যুদ্ধং কিরীটিনঃ॥ 1-2-186 (487) বধশ্চৈষাং সমাখ্যাতো রাজ্ঞস্তেনৈব ধীমতা। অস্ত্রসংদর্শনারম্ভো ধর্মরাজস্য সন্নিধৌ॥ 1-2-187 (488) পার্থস্য প্রতিষেধশ্ছ নারদেন সুরর্ষিণা। অবরোহণং পুনশ্চৈব পাণ্ডূনাং গন্ধমাদনাৎ॥ 1-2-188 (489) ভীমস্য গ্রহণং চাত্র পর্বতাভোগবর্ষ্মণা। ভুজগেন্দ্রেণ বলিনা তস্মিন্সুগহনে বনে॥ 1-2-189 (490) অমোক্ষয়দ্যত্র চৈনং প্রশ্নানুক্ৎবা যুধিষ্ঠিরঃ। কাম্যকাগমনং চৈব পুনস্তেষাং মহাত্মনাম্॥ 1-2-190 (491) তত্রস্থাংশ্চ পুনর্দ্রষ্টুং পাণ্ডবান্পরুষর্ষভান্। বাসুদেবস্যাগমনমত্রৈব পরিকীর্তিতম্॥ 1-2-191 (492) মার্কণ্ডেয়সমাস্যায়ামুপাখ্যানানি সর্বশঃ। পৃথোর্বৈন্যস্য যত্রোক্তমাখ্যানং পরমর্ষিণা॥ 1-2-192 (493) সংবাদশ্চ সরস্বত্যাস্তার্ক্ষ্যর্ষেঃ সুমহাত্মনঃ। মৎস্যোপাখ্যানমত্রৈব প্রোচ্যতে তদনন্তরম্॥ 1-2-193 (494) মার্কণ্ডেয়সমাস্যা চ পুরাণং পরিকীর্ত্যতে। ঐন্দ্রদ্যুম্নামুপাখ্যানং তথৈবাঙ্গিরসং স্মৃতম্॥ 1-2-194 (495) পতিব্রতায়াশ্চাখ্যানং তথৈবাঙ্গিরসং স্মৃতম্। দ্রৌপদ্যাঃ কীর্তিতশ্চাত্র সংবাদঃ সত্যভাময়া॥ 1-2-195 (496) পুনর্দ্বৈতবনং চৈব পাণ্ডবাঃ সমুপাগতাঃ। ঘোষয়াত্রা চ গন্ধর্বৈর্যত্র বদ্ধঃ সুয়োধনঃ॥ 1-2-196 (497) হ্রিয়মাণস্তু মন্দাত্মা মোক্ষিতোঽসৌ কিরীটিনা। ধর্মরাজস্য চাত্রৈব মৃগস্বপ্ননিদর্শনাৎ॥ 1-2-197 (498) কাম্যকে কাননশ্রেষ্ঠে পুনর্গমনমুচ্যতে। ব্রীহিদ্রৌণিকমাখ্যানমত্রৈব বহুবিস্তরম্॥ 1-2-198 (499) দুর্বাসসোঽপ্যুপাখ্যানমত্রৈব পরিকীর্তিতম্। জয়দ্রথেনাপহারো দ্রৌপদ্যাশ্চাশ্রমান্তরাৎ॥ 1-2-199 (500) যত্রৈনমন্বয়াদ্ভীমো বায়ুবেগসমো জবে। চক্রে চৈনং পঞ্চশিখং যত্র ভীমো মহাবলঃ॥ 1-2-200 (501) রামায়ণমুপাখ্যানমত্রৈব বহুবিস্তরম্। যত্র রামেণ বিক্রম্য নিহতো রাবণো যুধি॥ 1-2-201 (502) সাবিত্র্যাশ্চাপ্যুপাখ্যানমত্রৈব পরিকীর্তিতম্। কর্ণস্য পরিমোক্ষোঽত্র কুণ্ডলাভ্যাং পুরংদরাৎ॥ 1-2-202 (503) যত্রাস্য শক্তিং তুষ্টোঽসাবদাদেকবধায় চ। আরণেয়মুপাখ্যানং যত্র ধর্মোঽন্বশাৎসুতম্॥ 1-2-203 (504) জগ্মুর্লব্ধবরা যত্র পাণ্ডবাঃ পশ্চিমাং দিশম্। এতদারণ্যকং পর্ব তৃতীয়ং পরিকীর্তিতম্॥ 1-2-204 (505) অত্রাধ্যায়শতে দ্বে তু সংখ্যযা পরিকীর্তিতে। একোনসপ্ততিশ্চৈব তথাঽধ্যায়াঃ প্রকীর্তিতাঃ॥ 1-2-205 (506) একাদশ সহস্রাণি শ্লোকানাং ষট্ শতানি চ। চতুঃষষ্টিস্তথা শ্লোকাঃ পর্বণ্যস্মিন্প্রকীর্তিতাঃ॥ 1-2-206 (507) অতঃ পরং নিবোধেদং বৈরাটং পর্ব বিস্তরম্। বিরাটনগরে গৎবা শ্মশানে বিপুলাং শমীম্॥ 1-2-207 (508) দৃষ্ট্বা সংনিদধুস্তত্র পাণ্ডবা হ্যায়ুধান্যুত। যত্র প্রবিশ্য নগরং ছদ্মনা ন্যবসংস্তু তে॥ 1-2-208 (509) পাঞ্চালীং প্রার্থয়ানস্য কামোপহতচেতসঃ। দুষ্টাত্মনো বধো যত্র কীচকস্য বৃকোদরাৎ॥ 1-2-209 (510) পাণ্ডবান্বেষণার্থং চ রাজ্ঞো দুর্যোধনস্য চ। চারাঃ প্রস্থাপিতাশ্চাত্র নিপুণাঃ সর্বতোদিশং॥ 1-2-210 (511) ন চ প্রবৃত্তিস্তৈর্লব্ধা পাণ্ডবানাং মহাত্মনাম্। গোগ্রহশ্চ বিরাটস্য ত্রিগর্তৈঃ প্রথমং কৃতঃ॥ 1-2-211 (512) যত্রাস্য যুদ্ধং সুমহত্তৈরাসীল্লোমহর্ষণম্। হ্রিয়মাণশ্চ যত্রাসৌ ভীমসেনেন মোক্ষিতঃ॥ 1-2-212 (513) গোধনং চ বিরাটস্য মোক্ষিতং যত্র পাণ্ডবৈঃ। অনন্তরং চ কুরুভিস্তস্য গোগ্রহণং কৃতম্॥ 1-2-213 (514) সমস্তা যত্র পার্থেন নির্জিতাঃ কুরবো যুধি। প্রত্যাহৃতং গোধনং চ বিক্রমেণ কিরীটিনা॥ 1-2-214 (515) বিরাটেনোত্তরা দত্তা স্নুষা যত্র কিরীটিনঃ। অভিমন্যুং সমুদ্দিশ্য সৌভদ্রমরিঘাতিনম্॥ 1-2-215 (516) চতুর্থমেতদ্বিপুলং বৈরাটং পর্ব বর্ণিতম্। অত্রাপি পরিসংখ্যাতা অধ্যায়াঃ পরমর্ষিণা॥ 1-2-216 (517) সপ্তষষ্টিরথো পূর্ণাঃ শ্লোকানামপি মে শৃণু। শ্লোকানাং দ্বে সহস্রে তু শ্লোকাঃ পঞ্চাশদেব তু॥ 1-2-217 (518) উক্তানি বেদবিদুষা পর্বণ্যস্মিন্মহর্ষিণা। উদ্যোগপর্ব বিজ্ঞেয়ং পঞ্চমং শৃণ্বতঃ পরম্॥ 1-2-218 (519) উপপ্লাব্যে নিবিষ্টেষু পাণ্ডবেষু জিগীষয়া। দুর্যোধনোঽর্জুনশ্চৈব বাসুদেবমুপস্থিতৌ॥ 1-2-219 (520) সাহায়্যমস্মিন্সমরে ভবান্নৌ কর্তুমর্হতি। ইত্যুক্তে বচনে কৃষ্ণো যত্রোবাচ মহামতিঃ॥ 1-2-220 (521) অয়ুধ্যমানমাত্মানং মন্ত্রিণং পুরুষর্ষভৌ। অক্ষৌহিণীং বা সৈন্যস্য কস্য কিং বা দদাম্যহম্॥ 1-2-221 (522) বব্রে দুর্যোধনঃ সৈন্যং মন্দাত্মা যত্র দুর্মতিঃ। অয়ুধ্যভানং সচিবং বব্রে কৃষ্মং ধনংজয়ঃ॥ 1-2-222 (523) মদ্ররাজং ব রাজানমায়ান্তং পাণ্ডবান্প্রতি। উপহারৈর্বঞ্চায়ৎবা বর্ত্মন্যেব সুয়োধনঃ॥ 1-2-223 (524) বরদং তং বরং বব্রে সাহায়্যং ক্রিয়তাং মম। শল্যস্তস্মৈ প্রতিশ্রুত্য জগামোদ্দিশ্য পাণ্ডবান্॥ 1-2-224 (525) শান্তিপূর্বং চাকথয়দ্যত্রেন্দ্রবিজয়ং নৃপঃ। পুরোহিতপ্রেষণং চ পাণ্ডবৈঃ কৌরবান্প্রতি॥ 1-2-225 (526) বৈচিত্রবীর্যস্য বচঃ সমাদায় পুরোধসঃ। তথেন্দ্রবিজয়ং চাপি যানং চৈব পুরোধসঃ॥ 1-2-226 (527) সংজয়ং প্রেষয়ামাস শমার্থী পাণ্ডবান্প্রতি। যত্র দূতং মহারাজো ধৃতরাষ্ট্রঃ প্রতাপবান্॥ 1-2-227 (528) শ্রুৎবা চ পাণ্ডবান্যত্র বাসুদেবপুরোগমান্। প্রজাগরঃ সংপ্রজজ্ঞে ধৃতরাষ্ট্রস্য চিন্তয়া॥ 1-2-228 (529) বিদুরো যত্র বাক্যানি বিচিত্রাণি হিতানি চ। শ্রাবয়ামাস রাজানং ধৃতরাষ্ট্রং মনীষিণম্॥ 1-2-229 (530) তথা সনৎসুজাতেন যত্রাধ্যাত্মমনুত্তমম্। মনস্তাপান্বিতো রাজা শ্রাবিতঃ শোকলালসঃ॥ 1-2-230 (531) প্রভাতে রাজসমিতৌ সংজয়ো যত্র বা বিভো। ঐকাত্ম্যং বাসুদেবস্য প্রোক্তবানর্জুনস্য চ॥ 1-2-231 (532) যত্র কৃষ্ণো দয়াপন্নঃ সন্ধিমিচ্ছন্মহামতিঃ। স্বয়মাগাচ্ছণং কর্তুং নগরং নাগসাহ্বয়ম্॥ 1-2-232 (533) প্রত্যাখ্যানং চ কৃষ্ণস্য রাজ্ঞা দুর্যোধনেন বৈ। শমার্থে যাচমানস্য পক্ষয়োরুভয়োর্হিতম্॥ 1-2-233 (534) দম্ভোদ্ভবস্য চাখ্যানমত্রৈব পরিকীর্তিতম্। বরান্বেষণমত্রৈব মাতলেশ্চ মহাত্মনঃ॥ 1-2-234 (535) মহর্ষেশ্চাপি চরিতং কথিতং গালবস্য বৈ। বিদুলায়াশ্চ পুত্রস্য প্রোক্তং চাপ্যনুশাসনম্॥ 1-2-235 (536) কর্ণদুর্যোধনাদীনাং দুষ্টং বিজ্ঞায় মন্ত্রিতম্। যোগেশ্বরৎপং কৃষ্ণেন যত্র রাজ্ঞাং প্রদর্শিতম্॥ 1-2-236 (537) রথমারোপ্য কৃষ্ণেন যত্র কর্ণোঽনুমন্ত্রিতঃ। উপায়পূর্বং শৌটীর্যাৎপ্রত্যাখ্যাতশ্চ তেন সঃ॥ 1-2-237 (538) আগম্য হাস্তিনপুরাদুপপ্লাব্যমরিংদমঃ। পাণ্ডবানাং যথাবৃত্তং সর্বমাখ্যাতবান্হরিঃ॥ 1-2-238 (539) তে তস্য বচনং শ্রুৎবা মন্ত্রয়িৎবা চ যদ্ধিতম্। সাঙ্গ্রামিকং ততঃ সর্বং সঞ্জং চক্রুঃ পরংতপাঃ॥ 1-2-239 (540) ততো যুদ্ধায় নির্যাতা নরাশ্বরথদন্তিনঃ। নগরাদ্ধাস্তিনপুরাদ্বলসংখ্যানমেবচ॥ 1-2-240 (541) যত্র রাজ্ঞা হ্যুলূকস্য প্রেষণং পাম্ডবান্প্রতি। শ্বোভাবিনি মহায়ুদ্ধে দৌত্যেন কৃতবান্প্রভুঃ॥ 1-2-241 (542) রথাতিরথসংখ্যানমম্বোপাখ্যানমেব চ। এতৎসুবহুবৃত্তান্তং পঞ্চমং পর্ব ভারতে॥ 1-2-242 (543) উদ্যোগপর্ব নির্দিষ্টং সন্ধিবিগ্রহমিশ্রিতম্। অধ্যায়ানাং শতং প্রোক্তং ষডশীতির্মহর্ষিণা॥ 1-2-243 (544) শ্লোকানাং ষট্ সহস্রাণি তাবন্ত্যেব শতানি চ। শ্লোকাশ্চ নবতিঃ প্রোক্তাস্তথৈবাষ্টৌ মহাত্মনা॥ 1-2-244 (545) ব্যাসেনোদারমতিনা পর্বণ্যস্মিংস্তপোধনাঃ। অতঃ পরং বিচিত্রার্থং ভীষ্মপর্ব প্রচক্ষতে॥ 1-2-245 (546) জম্বূখণ্ডবিনির্মাণং যত্রোক্তং সংজয়েন হ। যত্র যৌধিষ্ঠিরং সৈন্যং বিষাদমগমৎপরম্॥ 1-2-246 (547) যত্র যুদ্ধমভূদ্ধোরং দসাহানি সুদারুণম্। কশ্মলং যত্র পার্থস্য বাসুদেবো মহামতিঃ॥ 1-2-247 (548) মোহজং নাশয়ামাস হেতুভির্মোক্ষদর্শিভিঃ। সমীক্ষ্যাদোক্ষজঃ ক্ষিপ্রং যুধিষ্ঠিরহিতে রতঃ॥ 1-2-248 (549) রথাদাপ্লুত্য বেগেন স্বয়ং কৃষ্ণ উদারধীঃ। প্রতোদপাণিরাধাবদ্ভীষ্মং হন্তুং ব্যপেতভীঃ॥ 1-2-249 (550) বাক্যপ্রতোদাভিহতো যত্র কৃষ্ণেন পাণ্ডবঃ। গাণ্ডীবধন্বা সমরে সর্বশস্ত্রভৃতাং বরঃ॥ 1-2-250 (551) শিখণ্ডিনং পুরস্কৃত্য যত্র পার্থো মহাধনুঃ। বিনিঘ্নন্নিশিতৈর্বাণৈ রথাদ্ভীষ্মমপাতয়ৎ॥ 1-2-251 (552) শরতল্পগতশ্চৈব ভীষ্মো যত্র বভূব হ। ষষ্ঠমেতৎসমাখ্যাতং ভারতে পর্ব বিস্তৃতম্॥ 1-2-252 (553) অধ্যায়ানাং শতং প্রোক্তং তথা সপ্তদশাপরে। পঞ্চ শ্লোকসহস্রাণি সংখ্যযাষ্টৌ শতানি চ॥ 1-2-253 (554) শ্লোকাশ্চ চতুরাশীতিরস্মিন্পর্বণি কীর্তিতাঃ। ব্যাসেন বেদবিদুষা সংখ্যাতা ভীষ্মপর্বণি॥ 1-2-254 (555) দ্রোণপর্ব ততশ্চিত্রং বহুবৃত্তান্তমুচ্যতে। সৈনাপত্যেঽভিষিক্তোঽথ যত্রাচার্যঃ প্রতাপবান্॥ 1-2-255 (556) দুর্যোধনস্য প্রীত্যর্থং প্রতিজজ্ঞে মহাস্ত্রবিৎ। গ্রহণং ধর্মরাজস্য পাণ্ডুপুত্রস্য ধীমতঃ॥ 1-2-256 (557) যত্র সংশপ্তকাঃ পার্থমপনিন্যূ রণাজিরাৎ। ভগদত্তো মহারাজো যত্র শক্রসমো যুধি॥ 1-2-257 (558) সুপ্রতীকেন নাগেন স হি শান্তঃ কিরীটিনা। যত্রাভিমন্যুং বহবো জঘ্নুরেকং মহারথাঃ॥ 1-2-258 (559) জয়দ্রথমুখা বালং শূরমপ্রাপ্তয়ৌবনম্। হতেঽভিমন্যৌ ক্রুদ্ধেন যত্র পার্থেন সংয়ুগে॥ 1-2-259 (560) অক্ষৌহিণীঃ সপ্ত হৎবা হতো রাজা জয়দ্রথঃ। যত্র ভীমো মহাবাহুঃ সাত্যকিশ্চ মহারথঃ॥ 1-2-260 (561) অন্বেষণার্থং পার্থস্য যুধিষ্ঠিরনৃপাজ্ঞয়া। প্রবিষ্টৌ ভারতীং সেনামপ্রধৃষ্যাং সুরৈরপি॥ 1-2-261 (562) সংশপ্তকাবশেষং চ কৃতং নিঃশেষমাহবে। সংশপ্তকানাং বীরাণাং কোট্যো নব মহাত্মনাম্॥ 1-2-262 (563) কিরীটিনাভিনিষ্ক্রম্য প্রাপিতা যমসাদনম্। ধৃতরাষ্ট্রস্য পুত্রাশ্চ তথা পাষাণয়োধিনঃ॥ 1-2-263 (564) নারায়ণাশ্চ গোপালাঃ সমরে চিত্রয়োধিনঃ। অলম্বুষঃ শ্রুতায়ুশ্চ জলসন্ধশ্চ বীর্যবান্॥ 1-2-264 (565) সৌমদত্তির্বিরাটশ্চ দ্রুপদশ্চ মহারথঃ। ঘটোৎকচাদয়শ্চান্যে নিহতা দ্রোণপর্বণি॥ 1-2-265 (566) অশ্বত্থামাপি চাত্রৈব দ্রোণে যুধি নিপাতিতে। অস্ত্রং প্রাদুশ্চকারোগ্রং নারায়ণমমর্ষিতঃ॥ 1-2-266 (567) আগ্নেয়ং কীর্ত্যতে যত্র রুদ্রমাহাত্ম্যমুত্তমম্। ব্যাসস্য চাপ্যাগমনং মাহাত্ম্যং কৃষ্ণপার্থয়োঃ॥ 1-2-267 (568) সপ্তমং ভারতে পর্ব মহদেতদুদাহৃতম্। যত্র তে পৃথিবীপালাঃ প্রায়শো নিধনং গতাঃ॥ 1-2-268 (569) দ্রোণপর্বণি যে শঊরা নির্দিষ্টাঃ পুরুষর্ষভাঃ। অত্রাধ্যায়শতং প্রোক্তং তথাধ্যায়াশ্চ সপ্ততিঃ॥ 1-2-269 (570) অষ্টৌ শ্লোকসহস্রাণি তথা নব শতানি চ। শ্লোকা নব তথৈবাত্র সংখ্যাতাস্তত্ৎবদর্শিনা॥ 1-2-270 (571) পারাশর্যেণ মুনিনাং সংচিন্ত্য দ্রোণপর্বণি। অতঃ পরং কর্ণপর্ব প্রোচ্যতে পরমাদ্ভুতম্॥ 1-2-271 (572) সারথ্যে বিনিয়োগশ্চ মদ্ররাজস্য ধীমতঃ। আখ্যাতং যত্র পৌরামং ত্রিপুরস্য নিপাতনম্॥ 1-2-272 (573) প্রয়াণে পরুষশ্চাত্র সংবাদঃ কর্ণশল্যযোঃ। হংসকাকীয়মাখ্যানং তত্রৈবাক্ষেপসংহিতম্॥ 1-2-273 (574) বধঃ পাণ্ড্যস্য চ তথা অশ্বত্থাম্না মহাত্মনা। দণ্ডসেনস্য চ ততো দণ্ডস্য চ বধস্তথা॥ 1-2-274 (575) দ্বৈরথে যত্র কর্ণেন ধর্মরাজো যুধিষ্ঠিরঃ। সংশয়ং গমিতো যুদ্ধে মিষতাং সর্বধন্বিনাম্॥ 1-2-275 (576) অন্যোন্যং প্রতি চ ক্রোধো যুধিষ্ঠিরকিরীটিনোঃ। যত্রৈবানুনয়ঃ প্রোক্তো মাধবেনার্জুনস্য হি॥ 1-2-276 (577) প্রতিজ্ঞাপূর্বকং চাপি বক্ষো দুঃশাসনস্য চ। ভিত্ৎবা বৃকোদরো রক্তং পীতবান্যত্র সংয়ুগে॥ 1-2-277 (578) দ্বৈরথে যত্র পার্থেন হতঃ কর্ণো মহারথঃ। অষ্টমং পর্ব নির্দিষ্টমেতদ্ভারতচিন্তকৈঃ॥ 1-2-278 (579) একোনসপ্ততিঃ প্রোক্তা অধ্যায়াঃ কর্ণপর্বণি। চৎবার্যেব সহস্রাণি নব শ্লোকশতানি চ॥ 1-2-279 (580) চতুঃষষ্টিস্তথা শ্লোকাঃ পর্বণ্যস্মিন্প্রকীর্তিতাঃ। অতঃ পরং বিচিত্রার্থং শল্যপর্ব প্রকীর্তিতম্॥ 1-2-280 (581) হতপ্রবীরে সৈন্যে তু নেতা মদ্রেশ্বরোঽভবৎ। যত্র কৌমারমাখ্যানমভিষেকস্য কর্ম চ॥ 1-2-281 (582) বৃত্তানি চাথ যুদ্ধানি কীর্ত্যন্তে যত্র ভাগশঃ। বিনাশঃ কুরুমুখ্যানাং শল্যপর্বণি কীর্ত্যতে॥ 1-2-282 (583) শল্যস্য নিধনং চাত্র ধর্মরাজান্মহাত্মনঃ। শকুনেশ্চ বধোঽত্রৈব সহদেবেন সংয়ুগে॥ 1-2-283 (584) সৈন্যে চ হতভূয়িষ্ঠে কিংচিচ্ছিষ্টে সুয়োধনঃ। হ্রদং প্রবিশ্য যত্রাসৌ সংস্তভ্যাপোব্যবস্থিতঃ॥ 1-2-284 (585) প্রবৃত্তিস্তত্র চাখ্যাতা যত্র ভীমস্য লুব্ধকৈঃ। ক্ষেপয়ুক্তৈর্বচোভিশ্চ ধর্মরাজস্য ধীমতঃ॥ 1-2-285 (586) হ্রদাৎসমুত্থিতো যত্র ধার্তরাষ্ট্রোঽত্যমর্ষণঃ। ভীমেন গদয়া যুদ্ধং যত্রাসৌ কৃতবান্সহ॥ 1-2-286 (587) সমবায়ে চ যুদ্ধস্য রামস্যাগমনং স্মৃতম্। সরস্বত্যাশ্চ তীর্থানাং পুণ্যতা পরিকীর্তিতা॥ 1-2-287 (588) গদায়ুদ্ধং চ তুমুলমত্রৈব পরিকীর্তিতম্। দুর্যোধনস্য রাজ্ঞোঽথ যত্র ভীমেন সংয়ুগে॥ 1-2-288 (589) ঊরূ ভগ্নৌ প্রসহ্যাজৌ গদয়া ভীমবেগয়া। নবমং পর্ব নির্দিষ্টমেতদদ্ভুতমর্থবৎ॥ 1-2-289 (590) একোনপষ্টিরধ্যায়াঃ পর্বণ্যত্র প্রকীর্তিতাঃ। সংখ্যাতা বহুবৃত্তান্তাঃ শ্লোকসংখ্যাঽত্র কথ্যতে॥ 1-2-290 (591) ত্রীণি শ্লোকসহস্রাণি দ্বে শতে বিংশতিস্তথা। মুনিনা সংপ্রণীতানি কৌরবাণাং যশোভৃতা॥ 1-2-291 (592) অতঃ পরং প্রবক্ষ্যামি সৌপ্তিকং পর্ব দারুণম্। ভগ্নোরুং যত্র রাজানং দুর্যোধনমমর্ষণম্॥ 1-2-292 (593) অপয়াতেষু পার্থেষু ত্রয়স্তেঽভ্যায়যূ রথাঃ। কৃতবর্মা কৃপো দ্রৌণিঃ সায়াহ্নে রুধিরোক্ষিতম্॥ 1-2-293 (594) সমেত্য দদৃশুর্ভূমৌ পতিতং রণমূর্ধনি। প্রতিজজ্ঞে দৃঢক্রোধো দ্রৌণির্যত্র মহারথঃ॥ 1-2-294 (595) অহৎবা সর্বপাঞ্চালান্ধৃষ্টদ্যুম্নপুরোগমান্। পাণ্ডবাংশ্চ সহামাত্যান্ন বিমোক্ষ্যামি দংশনং॥ 1-2-295 (596) যত্রৈবমুক্ৎবা রাজানমপক্রম্য ত্রয়ো রথাঃ। সূর্যাস্তমনবেলায়ামাসেদুস্তে মহদ্বনম্॥ 1-2-296 (597) ন্যগ্রোধস্যাথ মহতো যত্রাধস্তাদ্ব্যবস্থিতাঃ। ততঃ কাকান্বহূন্রাত্রৌ দৃষ্ট্বোলূকেন হিংসিতান্॥ 1-2-297 (598) দ্রৌণিঃ ক্রোধসমাবিষ্টঃ পিতুর্বধমনুস্মরন্। পাঞ্চালানাং প্রসুপ্তানাং বধং প্রতি মনো দধে॥ 1-2-298 (599) গৎবা চ শিবিরদ্বারি দুর্দর্শং তত্র রাক্ষসম্। ঘোররূপমপশ্যৎস দিবামাবৃত্য ধিষ্ঠিরম্॥ 1-2-299 (600) তেন ব্যাঘাতমস্ত্রাণাং ক্রিয়মাণমবেক্ষ্য চ। দ্রৌণির্যত্র বিরূপাক্ষং রুদ্রমারাধ্য সৎবরঃ॥ 1-2-300 (601) প্রসুপ্তান্নিশি বিশ্বস্তান্ধৃষ্টদ্যুম্নপুরোগমান্। পাঞ্চালান্সপরীবারান্দ্রৌপদেয়াংশ্চ সর্বশঃ॥ 1-2-301 (602) কৃতবর্মণা চ সহিতঃ কৃপেণ চ নিজঘ্নিবান্। যত্রামুচ্যন্ত তে পার্থাঃ পঞ্চ কৃষ্ণবলাশ্রয়াৎ॥ 1-2-302 (603) সাত্যকিশ্চ মহেষ্বাসঃ শেষাশ্চ নিধনং গতাঃ। পাঞ্চালানাং প্রসুপ্তানাং যত্র দ্রোণসুতাদ্বধঃ॥ 1-2-303 (604) ধৃষ্টদ্যুম্নস্য সূতেন পাণ্ডবেষু নিবেদিতঃ। দ্রৌপদী পুত্রশোকার্তা পিতৃভ্রাতৃবধার্দিতা॥ 1-2-304 (605) কৃতানশনসংকল্পা যত্র ভর্তৃনুপাবিশৎ। দ্রৌপদীবচনাদ্যত্র ভীমো ভীমপরাক্রমঃ॥ 1-2-305 (606) প্রিয়ং তস্যাশ্চিকীর্ষন্বৈ গদামাদায় বীর্যবান্। অন্বধাবৎসুসংক্রুদ্ধো ভারদ্বাজং গুরোঃ সুতম্॥ 1-2-306 (607) ভীমসেনভয়াদ্যত্র দৈবেনাভিপ্রচোদিতঃ। অপাণ্ডবায়েতি রুষা দ্রৌণিরস্ত্রমবাসডদৎ॥ 1-2-307 (608) মৈবমিত্যব্রবীৎকৃষ্ণঃ শময়ংস্তস্য তদ্বচঃ। যত্রাস্ত্রমস্ত্রেণ চ তচ্ছময়ামাস ফাল্গুনঃ॥ 1-2-308 (609) দ্রৌণেশ্চ দ্রোহবুদ্ধিৎবং বীক্ষ্য পাপাত্মনস্তদা। দ্রৌণিদ্বৈপায়নাদীনাং শাপাশ্চান্যোন্যকারিতাঃ॥ 1-2-309 (610) মণিং তথা সমাদায় দ্রোণপুত্রান্মহারথাৎ। পাণ্ডবাঃ প্রদদুর্হৃষ্টা দ্রৌপদ্যৈ জিতকাশিনঃ॥ 1-2-310 (611) এতদ্বৈ দশমং পর্ব সৌপ্তিকং সমুদাহৃতম্। অষ্টাদশাস্মিন্নদ্যায়াঃ পর্বম্যুক্তা মহাত্মনা॥ 1-2-311 (612) শ্লোকানাং কথিতান্যত্র শতান্যষ্টৌ প্রসংখ্যযা। শ্লোকাশ্চ সপ্ততিঃ প্রোক্তা মুনিনা ব্রহ্মবাদিনা॥ 1-2-312 (613) সৌপ্তিকৈষীকসংবন্ধে পর্বণ্যুত্তমতেজসী। অত ঊর্ধ্বমিদং প্রাহুঃ স্ত্রীপর্ব করুণোদয়ম্॥ 1-2-313 (614) পুত্রশোকাভিসংতপ্তঃ প্রজ্ঞাচক্ষুর্নরাধিপঃ। কৃষ্ণোপনীতাং যত্রাসাবায়সীং প্রতিমাং দৃঢাং॥ 1-2-314 (615) ভীমসেনদ্রোহবুদ্ধির্ধৃতরাষ্ট্রো বভঞ্জহ। তথা শোকাভিতপ্তস্য ধৃতরাষ্ট্রস্য ধীমতঃ॥ 1-2-315 (616) সংসারদহনং বুদ্ধ্যা হেতুভির্মোক্ষদর্শনৈঃ। বিদুরেণ চ যত্রাস্য রাজ্ঞ আশ্বাসনং কৃতম্॥ 1-2-316 (617) ধৃতরাষ্ট্রস্য চাত্রৈব কৌরবায়োধনং তথা। সান্তঃপুরস্য গমনং শোকার্তস্য প্রকীর্তিতম্॥ 1-2-317 (618) বিলাপো বীরপত্নীনাং যত্রাতিকরুণঃ স্মৃতঃ। ক্রোধাবেশঃ প্রমোহশ্চ গান্ধারীধৃতরাষ্ট্রয়োঃ॥ 1-2-318 (619) যত্র তান্ক্ষত্রিয়াঃ শূরান্সঙ্গ্রামেষ্বনিবর্তিনঃ। পুত্রান্ভ্রাতৃন্পিতৄংশ্চৈব দদৃশুর্নিহতান্রণে॥ 1-2-319 (620) পুত্রপৌত্রবধার্তায়াস্তথাত্রৈব প্রকীর্তিতা। গান্ধার্যাশ্চাপি কৃষ্ণেন ক্রোধোপশমনক্রিয়া॥ 1-2-320 (621) যত্র রাজা মহাপ্রাজ্ঞঃ সর্বধর্মভৃতাং বরঃ। রাজ্ঞাংতানি শরীরাণি দাহয়ামাস শাস্ত্রতঃ॥ 1-2-321 (622) তোয়কর্মণি চারব্ধে রাজ্ঞামুদকদানিকে। গূঢোৎপন্নস্য চাখ্যানং কর্ণস্য পৃথয়াত্মনঃ॥ 1-2-322 (623) সুতস্যৈতদিহ প্রোক্তং ব্যাসেন পরমর্ষিণা। এতদেকাদশং পর্ব শোকবৈক্লব্যকারণম্॥ 1-2-323 (624) প্রণীতং সজ্জনমনোবৈক্লব্যাশ্রুপ্রবর্তকম্। সপ্তবিংশতিরধ্যায়াঃ পর্বণ্যস্মিন্প্রকীর্তিতাঃ॥ 1-2-324 (625) শ্লোকসপ্তশতী চাপি পঞ্চসপ্ততিসংয়ুতা। সংখ্যযা ভারতাখ্যানমুক্তং ব্যাসেন ধীমতা॥ 1-2-325 (626) অতঃ পরং শান্তিপর্ব দ্বাদশং বুদ্ধিবর্ধনম্। যত্র নির্বেদমাপন্নো ধর্মরাজো যুধিষ্ঠিরঃ॥ 1-2-326 (627) ঘাতয়িৎবা পিতৄন্ভ্রাতৄন্পুত্রান্সংবন্ধিমাতুলান্। শান্তিপর্বণি ধর্মাশ্চ ব্যাখ্যাতাঃশারতল্পিকাঃ॥ 1-2-327 (628) রাজভির্বেদিতব্যাস্তে সম্যগ্জ্ঞানবুভুৎসুভিঃ। আপদ্ধর্মাশ্চ তত্রৈব কালহেতুপ্রদর্শিনঃ॥ 1-2-328 (629) যান্বুদ্ধ্বা পুরুষঃ সম্যক্সর্বজ্ঞৎবমবাপ্নুয়াৎ। মোক্ষধর্মাশ্চ কথিতা বিচিত্রা বহুবিস্তরাঃ॥ 1-2-329 (630) দ্বাদশং পর্ব নির্দিষ্টমেতৎপ্রাজ্ঞজনপ্রিয়ম্। অত্র পর্বণি বিজ্ঞেয়মধ্যায়ানাং শতত্রয়ম্॥ 1-2-330 (631) বিংশচ্চৈব তথাধ্যায়া নব চৈব তপোধাঃ। চতুর্দশসহস্রাণি তথা সপ্তশতানি চ॥ 1-2-331 (632) সপ্তশ্লোকাস্তথৈবাত্র পঞ্চবিংশতিসংখ্যযা। অত ঊর্ধ্বং চ বিজ্ঞেয়মনুশাসনমুত্তমম্॥ 1-2-332 (633) যত্র প্রকৃতিমাপন্নঃ শ্রুৎবা ধর্মবিনিশ্চয়ম্। ভীষ্মাদ্ভাগীরথীপুত্রাৎকুরুরাজো যুধিষ্ঠিরঃ॥ 1-2-333 (634) ব্যবহারোঽত্র কার্ৎস্ন্যেন ধর্মার্থীয়ঃ প্রকীর্তিতঃ। বিবিধানাং চ দানানাং ফলয়োগাঃ প্রকীর্তিতাঃ॥ 1-2-334 (635) তথা পাত্রবিশেষাশ্চ দানানাং চ পরো বিধিঃ। আচারবিধিয়োগশ্চ সত্যস্য চ পরা গতিঃ॥ 1-2-335 (636) মহাভাগ্যং গবাং চৈব ব্রাহ্মণানাং তথৈব চ। রহস্যং চৈব ধর্মাণাং দেশকালোপসংহিতম্॥ 1-2-336 (637) এতৎসুবহুবৃত্তান্তমুত্তমং চানুশাসনম্। ভীষ্মস্যাত্রৈব সংপ্রাপ্তিঃ স্বর্গস্য পরিকীর্তিতা॥ 1-2-337 (638) এতত্ত্রয়োদশং পর্ব ধর্মনিশ্চয়কারকম্। অধ্যায়ানাং শতং ৎবত্র ষট্চৎবারিংশদেব তু॥ 1-2-338 (639) শ্লোকানাং তু সহস্রাণি প্রোক্তান্যষ্টৌ প্রসংখ্যযা। ততোঽশ্বমেধিকং নাম পর্ব প্রোক্তং চতুর্দশম্॥ 1-2-339 (640) তৎসংবর্তমরুত্তীয়ং যত্রাখ্যানমনুত্তমম্। সুবর্ণকোশসংপ্রাপ্তির্জন্ম চোক্তং পরীক্ষিতঃ॥ 1-2-340 (641) দগ্ধস্যাস্ত্রাগ্নিনা পূর্বং কৃষ্ণাৎসংজীবনং পুনঃ। চর্যায়াং হয়মুৎসৃষ্টং পাণ্ডবস্যানুগচ্ছতঃ॥ 1-2-341 (642) তত্র তত্র চ যুদ্ধানি রাজপুত্রৈরমর্ষণৈঃ। চিত্রাঙ্গদায়াঃ পুত্রেণ স্বপুত্রেণ ধনংজয়ঃ॥ 1-2-342 (643) সঙ্গ্রামে বভ্রুবাহেন সংশয়ং চাত্র জগ্মিবান্। সুদর্শনং তথাঽঽখ্যানং বৈষ্ণবং ধর্মমেব চ। অশ্বমেধে মহায়জ্ঞে নকুলাখ্যানমেব চ॥ 1-2-343 (644) ইত্যাশ্বমেধিকং পর্ব প্রোক্তমেতন্মহাদ্ভুতম্। অধ্যায়ানাং শতং চৈব ত্রয়োঽধ্যায়াশ্চ কীর্তিতাঃ॥ 1-2-344 (645) ত্রীণি শ্লোকসহস্রাণি তাবন্ত্যেব শতানি চ। বিংশতিশ্চ তথা শ্লোকাঃ সংখ্যাতাস্তত্ৎবদর্শিনা॥ 1-2-345 (646) ততস্ৎবাশ্রমবাসাখ্যং পর্ব পঞ্চদশং স্মৃতম্। যত্র রাজ্যং সমুৎসৃজ্য গান্ধার্যা সহিতো নৃপঃ॥ 1-2-346 (647) ধৃতরাষ্ট্রোশ্রমপদং বিদুরশ্চ জগাম হ। যং দৃষ্ট্বা প্রস্থিতং সাধ্বী পৃথাপ্যনুয়যৌ তদা॥ 1-2-347 (648) পুত্ররাজ্যং পরিত্যজ্য গুরুশুশ্রূষণে রতা। যত্র রাজা হতান্পুত্রান্পৌত্রানন্যাংশ্চ পার্থিবান্॥ 1-2-348 (649) লাকান্তরগতান্বীরানপশ্যৎপুনরাগতান্। ঋষেঃ প্রসাদাৎকৃষ্ণস্য দৃষ্ট্বাশ্চর্যমনুত্তমম্॥ 1-2-349 (650) ত্যক্ৎবা শোকং সদারশ্চ সিদ্ধিং পরমিকাং গতঃ। যত্র ধর্মং সমাশ্রিত্য বিদুরঃ সুগতিং গতঃ॥ 1-2-350 (651) সংজয়শ্চ সহামাত্যো বিদ্বান্গাবল্গণির্বশী। দদর্শ নারদং যত্র ধর্মরাজো যুধিষ্ঠিরঃ॥ 1-2-351 (652) নারদাচ্চৈব শুশ্রাব বৃষ্ণীনাং কদনং মহৎ। এতদাশ্রমবাসাখ্যং পর্বোক্তং মহদদ্ভুতম্॥ 1-2-352 (653) দ্বিচৎবারিংশদধ্যায়াঃ পর্বৈতদভিসঙ্খ্যযা। সহস্রমেকং শ্লোকানাং পঞ্চশ্লোকশতানি চ॥ 1-2-353 (654) ষডেব চ তথা শ্লোকাঃ সংখ্যাতাস্তত্ৎবদর্শিনা। অতঃ পরং নিবোধেদং মৌসলং পর্ব দারুণম্॥ 1-2-354 (655) যত্র তে পুরুষব্যাঘ্রাঃ শস্ত্রস্পর্শহতা যুধি। ব্রহ্মদণ্ডবিনিষ্পিষ্টাঃ সমীপে লবণাম্ভসঃ॥ 1-2-355 (656) আপানে পানকলিতা দৈবেনাভিপ্রচোদিতাঃ। এরকারূপিভির্বজ্রৈর্নিজঘ্নুরিতরেতরম্॥ 1-2-356 (657) যত্র সর্বক্ষয়ং কৃৎবা তাবুভৌ রামকেশবৌ। নাতিচক্রামতুঃ কালং প্রাপ্তং সর্বহরং মহৎ॥ 1-2-357 (658) যত্রার্জুনো দ্বারবতীমেত্য বৃষ্ণিবিনাকৃতাম্। দৃষ্ট্বা বিপাদমগমৎপরাং চার্তিং নরর্ষভঃ॥ 1-2-358 (659) স সংস্কৃত্য নরশ্রেষ্ঠং মাতুলং শৌরিমাত্মনঃ। দদর্শ যদুবীরাণামাপানে বৈশসং মহৎ॥ 1-2-359 (660) শরীরং বাসুদেবস্য রামস্য চ মহাত্মনঃ। সংস্কারং লম্ভয়ামাস বৃষ্ণীনাং চ প্রধানতঃ॥ 1-2-360 (661) সবৃদ্ধবালমাদায় দ্বারবত্যাস্ততো জনম্। দদর্শাপদি কষ্টায়াং গাণ্ডীবস্য পরাভবম্॥ 1-2-361 (662) সর্বেষাং চৈব দিব্যানামস্ত্রাণামপ্রসন্নতাম্। নাশং বৃষ্ণিকলত্রাণাং প্রভাবানামনিত্যতাম্॥ 1-2-362 (663) দৃষ্ট্বা নির্বেদমাপন্নো ব্যাসবাক্যপ্রচোদিতঃ। ধর্মরাজং সমাসাদ্য সংন্যাসং সমরোচয়ৎ॥ 1-2-363 (664) ইত্যেতন্মৌসলং পর্ব ষোডশং পরিকীর্তিতম্। অধ্যায়াষ্টৌ সমাখ্যাতাঃ শ্লোকানাং চ শতত্রয়ম্॥ 1-2-364 (665) শ্লোকানাং বিংশতিশ্চব সংখ্যাতা তত্ৎবদর্শিনা। মহাপ্রস্থানিকং তস্মাদূর্ধ্বং সপ্তদশং স্মৃতম্॥ 1-2-365 (666) যত্র রাজ্যং পরিত্যজ্য পাণ্ডবাঃ পুরুষর্ষভাঃ। দ্রৌপদ্যা সহিতা দেব্যা মহাপ্রস্থানমাস্থিতাঃ॥ 1-2-366 (667) যত্র তেঽগ্নিং দদৃশিরে লৌহিত্যং প্রাপ্য সাগরম্। যত্রাগ্নিনা চোদিতশ্চ পার্থস্তস্মৈ মহাত্মনে॥ 1-2-367 (668) দদৌ সংপূজ্য তদ্দিব্যং গাণ্ডীবং ধনুরুত্তমম্। যত্র ভ্রাতৃন্নিপতিতান্দ্রৌপদীং চ যুধিষ্ঠিরঃ॥ 1-2-368 (669) দৃষ্ট্বা হিৎবা জগামৈব সর্বাননবলোকয়ন্। এতৎসপ্তদশং পর্ব মহাপ্রস্থানিকং স্মৃতম্॥ 1-2-369 (670) যত্রাধ্যায়াস্ত্রয়ঃ প্রোক্তাঃ শ্লোকানাং চ শতত্রয়ম্। বিংশতিশ্চ তথা শ্লোকাঃ সংখ্যাতাস্তত্ৎবদর্শিনা॥ 1-2-370 (671) স্বর্গপর্ব ততো জ্ঞেয়ং দিব্যং যত্তদমানুষম্। প্রাপ্তং দৈবরথং স্বর্গান্নেষ্টবান্যত্র ধর্মরাট্॥ 1-2-371 (672) আরোদুং সুমহাপ্রাজ্ঞ আনৃশংস্যাচ্ছুনা বিনা। তামস্যাবিচলাং জ্ঞাৎবা স্থিতিং ধর্মে মহাত্মনঃ॥ 1-2-372 (673) শ্বরূপং যত্র তত্ত্যক্ৎবা ধর্মেণাসৌ সমন্বিতঃ। স্বর্গং প্রাপ্তঃসচ তথা যাতনাবিপুলা ভৃশম্॥ 1-2-373 (674) দেবদূতেন নরকং যত্র ব্যাজেন দর্শিতম্। শুশ্রাব যত্র ধর্মাত্মা ভ্রাতৄণাং করুণাগিরঃ॥ 1-2-374 (675) নিদেশে বর্তমানানাং দেশে তত্রৈব বর্ততাম্। অনুদর্শিতশ্চ ধর্মেণ দেবরাজ্ঞা চ পাণ্ডবঃ॥ 1-2-375 (676) আপ্লুত্যাকাশগঙ্গায়াং দেহং ত্যক্ৎবা স মানুষম্। স্বধর্মনির্জিতং স্থানং স্বর্গে প্রাপ্য স ধর্মরাট্॥ 1-2-376 (677) মুমুদে পূজিতঃ সর্বৈঃ সেন্দ্রৈঃ সুরগণৈঃ সহ। এতদষ্টাদশং পর্ব প্রোক্তং ব্যাসেন ধীমতা॥ 1-2-377 (678) অধ্যায়াঃ পঞ্চ সংখ্যাতাঃ পর্বম্যস্মিন্মহাত্মনা। শ্লোকানাং দ্বে শতে চৈব প্রসংখ্যাতে তপোধাঃ॥ 1-2-378 (679) নব শ্লোকাস্তথৈবান্যে সংখ্যাতাঃ পরমর্ষিণা। অষ্টাদশৈবমেতানি পর্বাণ্যেতান্যশেষতঃ॥ 1-2-379 (680) খিলেষু হরিবংশশ্চ ভবিষ্যং চ প্রকীর্তিতম্। দশ শ্লোকসহস্রাণি বিংশচ্ছ্লোকশতানি চ॥ 1-2-380 (681) খিলেষু হরিবংশে চ সংখ্যাতানি মহর্ষিণা। এতৎসর্বং সমাখ্যাতং ভারতে পর্বসংগ্রহঃ॥ 1-2-381 (682) অষ্টাদশ সমাজগ্মুরক্ষৌহিণ্যো যয়ুৎসয়া। তন্মহাদারুণং যুদ্ধমহান্যষ্টাদশাভবৎ॥ 1-2-382 (683) যো বিদ্যাচ্চতুরো বেদান্সাঙ্গোপনিষদো দ্বিজঃ। ন চাখ্যানমিদং বিদ্যান্নৈব স স্যাদ্বিচক্ষণঃ॥ 1-2-383 (684) অর্থশাস্ত্রমিদং প্রোক্তং ধর্মশাস্ত্রমিদং মহৎ। কামশাস্ত্রমিদং প্রোক্তং ব্যাসেনামিতবুদ্ধিনা॥ 1-2-384 (685) শ্রুৎবা ৎবিদমুপাখ্যানং শ্রাব্যমন্যন্ন রোচতে। পুংস্কোকিলগিরং শ্রুৎবা রূক্ষা ধ্বাঙ্ক্ষস্য বাগিব॥ 1-2-385 (686) ইতিহাসোত্তমাদস্মাঞ্জায়ন্তে কবিবুদ্ধয়ঃ। পঞ্চভ্য ইব্ ভূতেভ্যো লোকসংবিধয়স্ত্রয়ঃ॥ 1-2-386 (687) অস্যাখ্যানস্য বিষয়ে পুরাণং বর্ততে দ্বিজাঃ। অন্তরিক্ষস্য বিষয়ে প্রজা ইব চতুর্বিধাঃ॥ 1-2-387 (688) ক্রিয়াগুণানাং সর্বেষামিদমাখ্যানমাশ্রয়ঃ। ইন্দ্রিয়াণাং সমস্তানাং চিত্রা ইব মনঃ ক্রিয়াঃ॥ 1-2-388 (689) অনাশ্রিত্যৈতদাখ্যানং কথা ভুবি ন বিদ্যতে। আহারমনপাশ্রিত্য শরীরস্যেব ধারণম্॥ 1-2-389 (690) ইদং কবিবরৈঃ সর্বৈরাখ্যানমুপজীব্যতে। উদয়প্রেপ্সুভির্ভৃত্যৈরভিজাত ইবেশ্বরঃ॥ 1-2-390 (691) অস্য কাব্যস্য কবয়ো ন সমর্থা বিশেষণে। সাধোরিব গৃহস্থস্য শেষাস্ত্রয় ইবাশ্রমাঃ॥ 1-2-391 (692) ধর্মে মতির্ভবতু বঃ সততোত্থিতানাং স হ্যেক এব পরলোকগতস্য বন্ধুঃ। অর্থাঃ স্ত্রিয়শ্চ নিপুণৈরপি সেব্যমানা নৈবাপ্তভাবমুপয়ান্তি ন চ স্থিরৎবম্॥ 1-2-392 (693) দ্বৈপায়নৌষ্ঠপুটনিঃসৃতমপ্রমেয়ং পুণ্যং পবিত্রমথ পাপহরং শিবং চ। যো ভারতং সমধিগচ্ছতি বাচ্যমানং কিং তস্য পুষ্করজলৈরভিষেচনেন॥ 1-2-393 (694) যদহ্না কুরুতে পাপ ব্রাহ্মণস্ৎবিন্দ্রিয়ৈশ্চরন্। মহাভারতমাখ্যায় সন্ধ্যাং মুচ্যতি পশ্চিমাম্॥ 1-2-394 (695) যদ্রাত্রৌ কুরুতে পাপং কর্মণা মনসা গিরা। মহাভারতমাখ্যায় পূর্বাং সন্ধ্যাং প্রমুচ্যতে॥ 1-2-395 (696) যো গোশতং কনকশৃঙ্গময়ং দদাতি বিপ্রায় বেদবিদুষে চ বহুশ্রুতায়। পুণ্যাং চ ভারতকথাং শৃণুয়াচ্চ নিত্যং তুল্যং ফলং ভবতি তস্য চ তস্য চৈব॥ 1-2-396 (697) আখ্যানং তদিদমনুত্তমং মহার্থং বিজ্ঞেয়ং মহদিহ পর্বসংগ্রহেণ। শ্রুৎবাদৌ ভবতি নৃণাং সুখাবগাহং বিস্তীর্ণং লবণজলং যথা প্লবেন॥ 1-2-397 (698) ইতি শ্রীমন্মহাভারতে আদিপর্বণি পর্বসংগ্রহপর্বণি দ্বিতীয়োঽধ্যায়ঃ॥ 2 ॥ ॥ সমাপ্তং পর্বসংগ্রহপর্ব ॥

1-3-0 (699) সৌতিরুবাচ। 1-3-0x (16) জনমেজয়ঃ পারিক্ষিতঃ সহ ভ্রাতৃভিঃ কুরুক্ষেত্রে দীর্ঘসত্রমুপাস্তে। তস্য ভ্রাতরস্ত্রয়ঃ শ্রুতসেন উগ্রসেনো ভীমসেন ইতি। তেষু তৎসত্রমুপাসীনেষ্বভ্যাগচ্ছৎসারমেয়ঃ॥ 1-3-1 (700) জনমেজয়স্য ভ্রাতৃভিরভিহতো রোরূয়মাণো মাতুঃ সমীপমুপাগচ্ছৎ॥ 1-3-2 (701) তং মাতা রোরূয়মাণমুবাচ। কিং রোদিষি কেনাস্যভিহত ইতি॥ 1-3-3 (702) স এবমুক্তো মাতরং প্রত্যুবাচ জনমেজয়স্য ভ্রাতৃভিরভিহতোঽস্মীতি॥ 1-3-4 (703) তং মাতা প্রত্যুবাচ ব্যক্তং ৎবয়া তত্রাপরাদ্ধং যেনাস্যভিহত ইতি॥ 1-3-5 (704) স তাং পুনরুবাচ নাপরাধ্যামি কিংচিন্নাবেক্ষে হবীংষি নাবলিহ ইতি॥ 1-3-6 (705) তচ্ছ্রুৎবা তস্য মাতা সরমা পুত্রদুঃখার্তা তৎসত্রমুপাগচ্ছদ্যত্র স জনমেজয়ঃ সহ ভ্রাতৃভির্দীর্ঘসত্রমুপাস্তে॥ 1-3-7 (706) স তয়া ক্রুদ্ধয়া তত্রোক্তোঽয়ং মে পুত্রো ন কিংচিদপরাধ্যতি নাবেক্ষতে হবীংষি নাবলেঢি কিমর্থমভিহত ইতি॥ 1-3-8 (707) ন কিংচিদুক্তবন্তস্তে সা তানুবাচ যস্মাদয়মভিহতোঽনপকারী তস্মাদদৃষ্টং ৎবাং ভয়মাগমিষ্যতীতি॥ 1-3-9 (708) জনমেজয় এবমুক্তো দেবশুন্যা সরময়া ভৃশং সংভ্রান্তো বিষণ্ণশ্চাসীৎ॥ 1-3-10 (709) স তস্মিন্সত্রে সমাপ্তে হাস্তিনপুরং প্রত্যেত্য পুরোহিতমনুরূপমন্বিচ্ছমানঃ পরং যত্নমকরোদ্যো মে পাপকৃত্যাং শময়েদিতি॥ 1-3-11 (710) স কদাচিন্মৃগয়াং গতঃ পারিক্ষিতো জনমেজয়ঃ কস্মিংশ্চিৎস্ববিষয় আশ্রমমপশ্যৎ॥ 1-3-12 (711) তত্র কশ্চিদৃপিরাসাঞ্চক্রে শ্রুতশ্রবা নাম। তস্য তপস্যভিরতঃ পুত্র আস্তে সোমশ্রবা নাম॥ 1-3-13 (712) তস্য তং পুত্রমভিগম্য জনমেজয়ঃ পারিক্ষিতঃ পৌরোহিত্যায় বব্রে॥ 1-3-14 (713) স নমস্কৃত্য তমৃষিমুবাচ ভগবন্নয়ং তব পুত্রো মম পুরোহিতোঽস্ৎবিতি॥ 1-3-15 (714) স এবমুক্তঃ প্রত্যুবাচ জনমেজয়ং ভো জনমেজয় পুত্রোঽয়ং মম সর্প্যাং জাতো মহাতপস্বী স্বাধ্যায়সংপন্নো মত্তপোবীর্যসংভৃতো মচ্ছুক্রং পীতবত্যাস্তস্যাঃ কুক্ষৌ জাতঃ॥ 1-3-16 (715) সমর্থোঽয়ং ভবতঃ সর্বাঃ পাপকৃত্যাঃ শময়িতুমন্তরেণ মহাদেবকৃত্যাম্॥ 1-3-17 (716) অস্য ৎবেকমুপাংশুব্রতং যদেনং কশ্চিদ্ব্রাহ্মণঃ কংচিদর্থমভিয়াচেত্তং তস্মৈ দদ্যাদয়ং যদ্যেতদুৎসহসে ততো নয়স্বৈনমিতি॥ 1-3-18 (717) তেনৈবমুক্তো জনমেজয়স্তং প্রত্যুবাচ ভগবংস্তত্তথা ভবিষ্যতীতি॥ 1-3-19 (718) স তং পুরোহিতমুপাদায়োপাবৃত্তো ভ্রাতৃনুবাচ ময়াঽয়ং বৃত উপাধ্যায়ো যদয়ং ব্রূয়াত্তৎকার্যমবিচারয়দ্ভির্ভবদ্ভিরিতি। তেনৈবমুক্তা ভ্রাতরস্তস্য তথা চক্রুঃ। স তথা ভ্রাতৄন্সংদিশ্য তক্ষশিলাং প্রত্যভিপ্রতস্থে তং চ দেশং বশে স্থাপয়ামাস॥ 1-3-20 (719) এতস্মিন্নন্তরে কশ্চিদৃষির্ধৌম্যো নামাপোদস্তস্য শিষ্যাস্ত্রয়ো বভূবুঃ॥ 1-3-21 (720) উপমন্যুরারুণির্বৈদশ্চেতি স একং শিষ্যংমারুণিং পাঞ্চাল্যং প্রেষয়ামাস গচ্ছ কেদারখণ্ডং বধানেতি॥ 1-3-22 (721) স উপাধ্যায়েন সংদিষ্ট আরুণিঃ পাঞ্চাল্যস্তত্র গৎবা তৎকেদারখণ্ডং বদ্ধুং নাশকৎ। স ক্লিশ্যমানোঽপশ্যদুপায়ং ভবৎবেবং করিষ্যামীতি॥ 1-3-23 (722) স তত্র সংবিবেশ কেদারখণ্ডে শয়ানে ব তথা তস্মিংস্তদুদকং তস্থৌ॥ 1-3-24 (723) ততঃ কদাচিদুপাধ্যায় আপোদো ধৌম্যঃ শিষ্যাবপৃচ্ছৎ ক্ব আরুণিঃ পাঞ্চাল্যো গত ইতি॥ 1-3-25 (724) তৌ তং প্রত্যূচতুর্ভগবংস্ৎবয়ৈব প্রেষিতো গচ্ছ কেদারখণ্ডং বধানেতি। স এবমুক্তস্তৌ শিষ্যৌ প্রত্যুবাচ তস্মাত্তত্র সর্বে গচ্ছামো যত্র স গত ইতি॥ 1-3-26 (725) স তত্র গৎবা তস্যাহ্বানায় শব্দং চকারঃ। ভো আরুণে পাঞ্চাল্য ক্বাসি বৎসৈহীতি॥ 1-3-27 (726) স তচ্ছ্রুৎবা আরুণিরুপাধ্যায়বাক্যং তস্মাৎকেদারখণ্ডাৎসহসোত্থায়তমুপাধ্যায়মুপতস্থে॥ 1-3-28 (727) প্রোবাচ চৈনময়মস্ম্যত্র কেদারখণ্ডে নিঃসরমাণমুদকমবারণীয়ং সংরোদ্ধুং সংবিষ্টো ভগবচ্ছব্দং শ্রুৎবৈব সহসা বিদার্য কেদারখণ্ডং ভবন্তমুপস্থিতঃ॥ 1-3-29 (728) তদভিবাদয়ে ভগবন্তমাজ্ঞাপয়তু ভবান্কমর্থং করবাণীতি॥ 1-3-30 (729) স এবমুক্ত উপাধ্যায়ঃ প্রত্যুবাচ যস্মাদ্ভবান্কেদারখণ্ডং বিদার্যোত্থিতস্তস্মাদুদ্দালক এবনাম্না ভবান্ভবিষ্যতীত্যুপাধ্যায়েনানুগৃহীতঃ॥ 1-3-31 (730) যস্মাচ্চ ৎবয়া মদ্বচনমনুষ্ঠিতং তস্মাচ্ছ্রেয়োঽবাপ্স্যসি। সর্বে চ তে বেদাঃ প্রতিভাস্যন্তি সর্বাণি চ ধর্মশাস্ত্রাণীতি॥ 1-3-32 (731) স এবমুক্ত উপাধ্যায়েনেষ্টং দেশং জগাম॥ 1-3-33 (732) অথাপরঃ শিষ্যস্তস্যৈবাপোদস্য ধৌম্যস্যোপমন্যুর্নাম। তং চোপাধ্যায়ঃ প্রেষয়ামাস বৎসোপমন্যো গা রক্ষস্বেতি॥ 1-3-34 (733) স উপাধ্যায়বচনাদরক্ষদ্গাঃ স চাহনি গা রক্ষিৎবা দিবসক্ষয়ে গুরুগৃহমাগম্যোপাধ্যায়স্যাগ্রতঃ স্থিৎবা নমশ্চক্রে॥ 1-3-35 (734) তমুপাধ্যায়ঃ পীবানমপশ্যদুবাচ চৈনং বৎসোপমন্যো কেন বৃত্তিং কল্পয়সি পীবানসি দৃঢমিতি॥ 1-3-36 (735) স উপাধ্যায়ং প্রত্যুবাচ ভো ভৈক্ষ্যেণ বৃত্তিং কল্পয়ামীতি তমুপাধ্যায়ঃ প্রত্যুবাচ॥ 1-3-37 (736) ময়্যনিবেদ্য বৈক্ষ্যং নীপয়োক্তব্যমিতি। স তথেত্যুক্তো ভৈক্ষ্যং চরিৎবোণধ্যায়ন্যবেদয়ৎ॥ 1-3-38 (737) স তস্মাদুপাধ্যায়ঃ সর্বমেব ভৈক্ষ্যমগৃহ্ণাৎ। স তথেত্যুক্তঃ পুনররক্ষদ্গা অহনি রক্ষিৎবা নিশামুখে গুরুকুলমাগম্য গুরোরগ্রতঃস্থিৎবা নমশ্চক্রে॥ 1-3-39 (738) তমুপাধ্যায়স্তথাপি পীবানমেব দৃষ্ট্বোবাচ। বৎসোপমন্যো সর্বমশেষতস্তে ভৈক্ষ্যং গৃহ্ণামি কেনেদানীং বৃত্তিং কল্পয়সীতি॥ 1-3-40 (739) স এবমুক্ত উপাধ্যায়ং প্রত্যুবাচ। ভগবতে নিবেদ্য পূর্বমপরং চরামি তেন বৃত্তিং কল্পয়ামীতি তমুপাধ্যায়ঃ প্রত্যুবাচ॥ 1-3-41 (740) নৈষা ন্যায়্যা গুরুবৃত্তিরন্যেষামপি ভৈক্ষ্যোপজীবিনাং বৃত্ত্যুপরোধং করোষি ইত্যেবং বর্তমানো লুব্ধোঽসীতি॥ 1-3-42 (741) স তথেত্যুক্ৎবা গা অরক্ষদ্রক্ষিৎবাচ পুনরুপাধ্যায়গৃহমাগম্যোপাধ্যায়স্যাগ্রতঃ স্থিৎবা নমশ্চক্রে॥ 1-3-43 (742) তমুপাধ্যায়স্তথাপি পীবানমেব দৃষ্ট্বা পুনরুবাচ। বৎসোপমন্যো অহং তে সর্বং ভৈক্ষ্যং গৃহ্ণামি ন চান্যচ্চরসি পীবানসি ভৃশং কেন বৃত্তিং কল্পয়সীতি॥ 1-3-44 (743) স এবমুক্তস্তমুপাধ্যায়ং প্রত্যুবাচ। ভো এতাসাং গবাং পয়সা বৃত্তিং কল্পয়ামীতি। তমুবাচোপাধ্যায়ো নৈতন্ন্যায়্যং পয় উপয়োক্তুং ভবতো ময়া নাভ্যনুজ্ঞাতমিতি॥ 1-3-45 (744) স তথেতি প্রতিজ্ঞায় গা রক্ষিৎবা পুনরুপাধ্যায়গৃহমেত্য গুরোরগ্রতঃ স্থিৎবা নমশ্চক্রে॥ 1-3-46 (745) তমুপাধ্যায়ঃ পীবানমেব দৃষ্ট্বোবাচ। বৎসোপমন্যো ভৈক্ষ্যং নাশ্নাসি ন চান্যচ্চরসি পয়ো ন পিবসি পীবানসি ভৃশং কেনেদানীং বৃত্তিং কল্পয়সীতি॥ 1-3-47 (746) স এবমুক্ত উপাধ্যায়ং প্রত্যুবাচ। ভোঃ ফেনং পিবাপি যমিমে বৎসা মাতৄণাং স্তনাৎপিবন্ত উদ্গিরন্তি॥ 1-3-48 (747) তমুপাধ্যায়ঃ প্রত্যুবাচ। এতে ৎবদনুকম্পয়া গুণবন্তো বৎসাঃ প্রভূততরং ফেনমুদ্গিরন্তি। তদেষামপি বৎসানাং বৃত্ত্যুপরোধং করোষ্যেবং বর্তমানঃ। ফেনমপি ভবান্ন পাতুমর্হতীতি স তথেতি প্রতিশ্রুত্য নিরাহারঃ পুনররক্ষদ্গাঃ॥ 1-3-49 (748) তথা প্রতিষিদ্ধো ভৈক্ষ্যং নাশ্নাতি নচান্যচ্চরতি পয়ো ন পিবতি ফেনং নোপয়ুহ্ক্তে স কদাচিদরণ্যে ক্ষুধার্তোঽর্কপত্রাণ্যভক্ষয়ৎ॥ 1-3-50 (749) স তৈরর্কপত্রৈর্ভক্ষিতৈঃ ক্ষারতিক্তকটুরূক্ষৈস্তীক্ষ্ণবিপাকৈশ্চক্ষুষ্যুপহতোঽন্ধো বভূব। ততঃ সোঽন্ধোঽপি চঙ্ক্রম্যমাণঃ কূপেঽপতৎ॥ 1-3-51 (750) অথ তস্মিন্ননাগচ্ছতি সূর্যে চাস্তাচলাবলম্বিনি উপাধ্যায়ঃ শিষ্যানবোচৎ॥ 1-3-52 (751) ময়োপমন্যুঃ সর্বতঃ প্রতিষিদ্ধঃ স নিয়তং কুপিতস্ততো নাগচ্ছতি চিরগতস্ৎবিতি। ততোঽন্বেষ্য ইত্যেবমুক্ৎবা শিষ্যৈঃ সার্ধমরণ্যং গৎবা তস্যাহ্বানায় শব্দং চকার ভো উপমন্যো ক্বাসি বৎসৈহীতি॥ 1-3-53 (752) স উপাধ্যায়স্য আহ্বানবচনং শ্রুৎবা প্রত্যুবাচোচ্চৈরয়মস্মিন্কূপে পতিতোঽহমিতি। তমুপাধ্যায়ঃ প্রত্যুবাচ কথং ৎবমস্মিন্কূপে পতিত ইতি॥ 1-3-54 (753) স উপাধ্যায়ং প্রত্যুবাচ অর্কপত্রাণি ভক্ষয়িৎবান্ধীভূতোস্ম্যতশ্চঙ্ক্রম্যমাণঃ কূপে পতিত ইতি। তমুপাধ্যায়ঃ প্রত্যুবাচ॥ 1-3-55 (754) অশ্বিনৌ স্তুহি তৌ দেবভিষজৌ ৎবাং চক্ষুষ্মন্তং কর্তারাবিতি। স এবমুক্ত উপাধ্যায়েনোপমন্যুঃ স্তোতুমুপচক্রমে দেবাবশ্বিনৌ বাগ্ভির্ঋগ্ভিঃ॥ 1-3-56 (755) প্রপূর্বগৌ পূর্বজৌ চিত্রভানূ গিরা বাং শংসামি তপসা হ্যনন্তৌ। দিব্যৌ সুপর্ণৌ বিরজৌ বিমানা- বধিক্ষিপন্তৌ ভুবনানি বিশ্বা॥ 1-3-57 (756) হিরণ্ময়ৌ শকুনী সাংপরায়ৌ নাসত্যদস্রৌ সুনসৌ বৈজয়ন্তৌ। শুক্লং বয়ন্তৌ তরসা সুবেমা- বধিব্যযন্তাবসিতং বিবস্বতঃ॥ 1-3-58 (757) গ্রস্তাং সুপর্ণস্য বলেন বর্তিকা- মমুঞ্চতামশ্বিনৌ সৌভগায়। তাবৎসুবৃত্তাবনমং তমায় যা- বসত্তমা গা অরুণা উদাবহৎ॥ 1-3-59 (758) ষষ্টিশ্চ গাবস্ত্রিশতাশ্চ ধেনব একং বৎসং সুবতে তং দুহন্তি। নানাগোষ্ঠা বিহিতা একদোহনা- স্তাবশ্বিনৌ দুহতো ঘর্মমুক্থ্যম্॥ 1-3-60 (759) একাং নাভিং সপ্ত সথা অরাঃ শ্রিতাঃ প্রধিষ্বন্যা বিংশতিরর্পিতা অরাঃ। অনেমি চক্রং পরিবর্ততেঽজরং মায়াঽশ্বিনৌ সমনক্তি চর্ষণী॥ 1-3-61 (760) একং চক্রং বর্ততে দ্বাদশারং ষণ্ণাভিমেকাক্ষমমৃতস্য ধারণম্। যস্মিন্দেবা অধি বিশ্বে বিষক্তা- স্তাবশ্বিনৌ মুঞ্চতো মা বিষীদতম্॥ 1-3-62 (761) অশ্বিনাবিন্দুমমৃতং বৃত্তভূয়ৌ তিরোধত্তামশ্বিনৌ দাসপত্নী। হিৎবা গিরিমশ্বিনৌ গামুদাচরন্তৌ তদ্বৃষ্টিমহ্নাৎপ্রস্থিতৌ বলস্য॥ 1-3-63 (762) যুবাং দিশো জনয়থো দশাগ্রে সমানং মূর্ধ্নি রথয়ানং বিয়ন্তি। তাসাং যাতমৃষয়োঽনুপ্রয়ান্তি দেবা মনুষ্যাঃ ক্ষিতিমাচরন্তি॥ 1-3-64 (763) যুবাং বর্ণান্বিকুরুথো বিশ্বরূপাং- স্তেঽধিক্ষিয়ন্তে ভুবনানি বিশ্বা। তে ভানবোঽপ্যনুসৃতাশ্চরন্তি দেবা মনুষ্যাঃ ক্ষিতিমাচরন্তি॥ 1-3-65 (764) তৌ নাসত্যাবশ্বিনৌ বাং মহেঽহং স্রজং চ যাং বিভৃথঃ পুষ্করস্য। তৌ নাসৎবাবমৃতাবৃতাবৃধা- বৃতে দেবাস্তৎপ্রপদে ন সূতে॥ 1-3-66 (765) মুখেন গর্ভং লভতাং যুবানৌ গতাসুরেতৎপ্রপদেন সূতে। সদ্যো জাতো মাতরমত্তি গর্ভ- স্তাবশ্বিনৌ মুঞ্চথৌ জীবসে গাম্॥ 1-3-67 (766) স্তোতুং ন শক্নোমি গুণৈর্ভবন্তৌ চক্ষুর্বিহীনঃ পথি সংপ্রমোহঃ। দুর্গেঽহমস্মিন্পতিতোঽস্মি কূপে যুবাং শরণ্যৌ শরণং প্রপদ্যে॥ 1-3-68 (767) সৌতিরুবাচ। 1-3-69x (17) এবমৃগ্ভিশ্চান্যৈরস্তুবৎ। ইত্যেবং তেনাভিষ্টুতাবশ্বিনাবাজগ্মতুরাহতুশ্চৈং প্রীতৌ স্ব এষ তেঽপূপোশানৈনমিতি॥ 1-3-69 (768) স এবমুক্তঃ প্রত্যুবাচ নানৃতমূচতুর্ভগবন্তৌ নৎবহমেতমপূপমুপয়োক্তুমুৎসহে গুরবেঽনিবেদ্যেতি॥ 1-3-70 (769) ততস্তমশ্বিনাবূচতুঃ। আবাভ্যাং পুরস্তাদ্ভবত উপাধ্যায়েনৈবমেবাভিষ্টুতাভ্যামপূপোদত্ত উপয়ুক্তঃ স তেনানিবেদ্য গুরবে ৎবমপি তথৈব কুরুষ্ব যথা কৃতমুপাধ্যায়েনেতি॥ 1-3-71 (770) স এবমুক্তঃ প্রত্যুবাচ এতৎপ্রত্যনুনয়ে ভবন্তাবশ্বিনৌ নোৎসহেঽহমনিবেদ্য গুরবেঽপূপমুপয়োক্তুমিতি॥ 1-3-72 (771) তমশ্বিনাবাহতুঃ প্রীতৌ স্বস্তবানয়া গুরুভক্ত্যা। উপাধ্যায়স্য তে কার্ষ্ণায়সা দন্তা ভবতোঽপি হিরণ্ময়া ভবিষ্যন্তি চক্ষুষ্মাংশ্চ ভবিষ্যসি শ্রেয়শ্চাবাপ্স্যসীতি॥ 1-3-73 (772) স এবমুক্তোঽশ্বিভ্যাং লব্ধচক্ষুরুপাধ্যায়সকাশমাগম্যাভ্যবাদয়ৎ॥ 1-3-74 (773) আচচক্ষে চ স চাস্য প্রীতিমান্বভূব॥ 1-3-75 (774) আহ চৈনং যথাঽশ্বিনাবাহতুস্তথা ৎবং শ্রেয়োঽবাপ্স্যসীতি॥ 1-3-76 (775) সর্বে চ তে বেদাঃপ্রতিভাস্যন্তি সর্বাণি চ ধর্মশাস্ত্রাণীতি। এষা তস্যাপি পরীক্ষোপমন্ন্যোঃ॥ 1-3-77 (776) অথাপরঃ শিষ্যস্তস্যৈবাপোদস্য ধৌম্যস্য বৈদো নাম তমুপাধ্যায়ঃ সমাদিদেশ বৎস বৈদ ইহাস্যতাং তাবন্মম গৃহে কংচিৎকালং শুশ্রূষুণা চ ভবিতব্যং শ্রেয়স্তে ভবিষ্যতীতি॥ 1-3-78 (777) স তথেত্যুক্ৎবা গুরুকুলে দীর্ঘকালং গুরুশুশ্রূষণপরোঽবসৎ। গৌরিব নিত্যং গুরুণা ধূর্ষু নিয়োজ্যমানঃ শীতোষ্ণক্ষুত্তৃষ্ণাদুঃখসহঃ সর্বত্রাপ্রতিকূলস্তস্য মহতাৎকালেন গুরুঃ পরিতোষং জগাম॥ 1-3-79 (778) তৎপরিতোষাচ্চ শ্রেয়ঃ সর্বজ্ঞতাং চাবাপ। এষা তস্যাপি পরীক্ষা বৈদস্য॥ 1-3-80 (779) স উপাধ্যায়েনানুজ্ঞাতঃ সমাবৃত্তস্তস্মাদ্গুরুকুলবাসাদ্গৃহাশ্রমং প্রত্যপদ্যত। তস্যাপি স্বগৃহে বসতস্ত্রয়ঃ শিষ্যা বভূবুঃ স শিষ্যান্ন কিংচিদুবাচ কর্ম বা ক্রিয়তাং গুরুশুশ্রূষা বেতি। দুঃখাভিজ্ঞো হি গুরুকুলবাসস্য শিষ্যান্পরিক্লেশেন যোজয়িতুং নেয়েষ॥ 1-3-81 (780) অথ কস্মিংশ্চিৎকালে বৈদং ব্রাহ্মণং জনমেজয়ঃ পৌষ্যশ্চ ক্ষত্রিয়াবুপেত্যোপাধ্যায়ং বরয়াঞ্চক্রতুঃ॥ 1-3-82 (781) স কদাচিদ্যাজ্যকার্যেণাভিপ্রস্থিত উত্তঙ্কনামানং শিষ্যং নিয়োজয়ামাস॥ 1-3-83 (782) ভোয়ৎকিংচিদস্মদ্গৃহে পরিহীয়তে তদিচ্ছাম্যহমপরিহীয়মানং ভবতা ক্রিয়মাণমিতি স এবং প্রতিসংদিশ্যোত্তঙ্কং বৈদঃ প্রবাসং জগাম॥ 1-3-84 (783) অথোত্তঙ্কঃ শুশ্রূষুর্গুরুনিয়োগমনুতিষ্ঠমানো গুরুকুলে বসতি স্ম। স তত্র বসমান উপাধ্যায়স্ত্রীভিঃ সহিতাভিরাহূয়োক্তঃ॥ 1-3-85 (784) উপাধ্যায়ানী তে ঋতুমতী উপাধ্যায়শ্চ প্রোষিতোঽস্যা যথাঽয়মৃতুর্বন্ধ্যো ন ভবতি তথা ক্রিয়তামেষা বিষীদতীতি॥ 1-3-86 (785) এবমুক্তস্তাঃ স্ত্রিয়ঃ প্রত্যুবাচ। ন ময়া স্ত্রীণাং বচনাদিদমকার্যং করণীয়ম্। ন হ্যহমুপাধ্যায়েন সংদিষ্টোঽকার্যমপি ৎবয়া কার্যমিতি॥ 1-3-87 (786) তস্য পুনরুপাধ্যায়ঃ কালান্তরেণ গৃহমাজগাম তস্মাৎপ্রবাসাৎ। স তু তদ্বৃত্তং তস্যাশেষমুপলভ্য প্রীতিমানভূৎ॥ 1-3-88 (787) উবাচ চৈনং বৎসোত্তঙ্কং কিং তে প্রিয়ং করবাণীতি। ধর্মতো হি শুশ্রূষিতোঽস্মি ভবতা তেন প্রীতিঃ পরস্পরেণ নৌ সংবৃদ্ধা তদনুজানে ভবন্তং সর্বানেব কামানবাপ্স্যসি গম্যতামিতি॥ 1-3-89 (788) স এবমুক্তঃ প্রত্যুবাচ কিং তে প্রিয়ং করবাণীতি এবং হ্যাহুঃ॥ 1-3-90 (789) যশ্চাধর্মেণ বৈ ব্রূয়াদ্যশ্চাধর্মেণ পৃচ্ছতি। তয়োরন্যতরঃ প্রৈতি বিদ্বেষং চাধিগচ্ছতি॥ 1-3-91 (790) সোহমনুজ্ঞাতো ভবতা ইচ্ছামীষ্টং গুর্বর্থমুপহর্তুমিতি। তেনৈবমুক্ত উপাধ্যায়ঃ প্রত্যুবাচ বৎসোত্তঙ্ক উষ্যতাং তাবদিতি॥ 1-3-92 (791) স কদাচিত্তমুপাধ্যায়মাহোত্তঙ্ক আজ্ঞাপয়তু ভবান্কিং তে প্রিয়মুপাহরামি গুর্বর্থমিতি॥ 1-3-93 (792) তমুপাধ্যায়ঃ প্রত্যুবাচ বৎসোত্তঙ্ক বহুশো মাং চোদয়সি গুর্বর্থমুপাহরামীতি তদ্গচ্ছৈনাং প্রবিশ্যোপাধ্যায়ানীং পৃচ্ছ কিমুপাহরামীতি এষা যদ্ব্রবীতি তদুপাহরস্বেতি॥ 1-3-94 (793) স এবমুক্ত উপাধ্যায়েনোপাধ্যায়ানীমপৃচ্ছদ্ভবত্যুপাধ্যায়েনাস্ম্যনুজ্ঞাতো গৃহং গন্তুমিচ্ছামীষ্টং তে গুর্বর্থমুপহৃত্যানৃণো গন্তুং তদাজ্ঞাপয়তু ভবতী কিমুপাহরামি গুর্বর্থমিতি॥ 1-3-95 (794) সৈবমুক্তোপাধ্যায়ানী তমুত্তঙ্কং প্রত্যুবাচ গচ্ছ পৌষ্যং প্রতি রাজানং কুণ্ডলে ভিক্ষিতুং তস্য ক্ষত্রিয়যা পিনদ্ধে॥ 1-3-96 (795) আনয়স্বেতশ্চতুর্থেঽহনি পুণ্যকর্ম ভবিতা তাভ্যামাবদ্ধাভ্যাং শোভমানা ব্রাহ্মণান্পরিবেষ্টুমিচ্ছামি। তৎসংপাদয়স্ব এবং হি কুর্বতঃ শ্রেয়ো ভবিতাঽন্যথা কুতঃ শ্রেয় ইতি॥ 1-3-97 (796) স এবমুক্তস্তয়োপাধ্যায়ান্যা প্রাতিষ্ঠতোত্তঙ্কঃ স পথি গচ্ছন্নপশ্যদৃষভমতিপ্রমাণং তমধিরূঢং চ পুরুষমতিপ্রমাণমেব স পুরুষ উত্তঙ্কমভ্যভাষত॥ 1-3-98 (797) ভোউত্তঙ্কৈতৎপুরীষমস্য ঋষভস্য ভক্ষয়স্বেতি স এবমুক্তো নৈচ্ছৎ॥ 1-3-99 (798) তমাহ পুরুষো ভূয়ো ভক্ষয়স্বোত্তঙ্ক মা বিচারয়োপাধ্যায়েনাপি তে ভক্ষিতং পূর্বমিতি॥ 1-3-100 (799) স এবমুক্তো বাঢমিত্যুক্ৎবা তদা তদ্বৃপভস্য মূত্রং পুরীষং চ ভক্ষয়িৎবোত্তঙ্কঃ সংভ্রমাঢুত্থিত এবাপোঽনুস্পৃশ্য প্রতস্থে॥ 1-3-101 (800) যত্র স ক্ষত্রিয়ঃ পৌষ্যস্তমুপেত্যাসীনমপশ্যদুত্তঙ্কঃ। স উত্তঙ্কস্তমুপেত্যাশীর্ভিরভিনন্দ্যোবাচ॥ 1-3-102 (801) অর্থী ভবন্তমুপাগতোঽস্মীতি স এনমভিবাদ্যোবাচ। ভগবন্পৌষ্যঃ খল্বহং কিং করবাণীতি॥ 1-3-103 (802) স তমুবাচ গুর্বর্থং কুণ্ডলয়োরর্থেনাভ্যাগতোঽস্মি। যে বৈ তে ক্ষত্রিয়া পিনদ্ধে কুণ্ডলে তে ভবান্দাতুমর্হতীতি॥ 1-3-104 (803) তং প্রত্যুবাচ পৌষ্যঃ প্রবিশ্যান্তঃপুরং ক্ষত্রিয়া যাচ্যতামিতি। স তেনৈবমুক্তঃ প্রবিশ্যান্তঃপুরং ক্ষত্রিয়াং নাপশ্যৎ॥ 1-3-105 (804) স পৌষ্যং পুনরুবাচ ন যুক্তং ভবতাঽহমনৃতেনোপচরিতুং ন হি তেঽন্তঃপুরে ক্ষত্রিয়া সন্নিহিতা নৈনাং পশ্যামি॥ 1-3-106 (805) স এবমুক্তঃ পৌষ্যঃ ক্ষণমাত্রং বিমৃশ্যোত্তঙ্কং প্রত্যুবাচ। নিয়তং ভবানুচ্ছিষ্টঃ স্মর তাবন্ন হি সা ক্ষত্রিয়া উচ্ছিষ্টেনাশুচিনা শক্যা দ্রষ্টুং পতিব্রতাৎবাৎসৈষা নাশুচের্দর্শনমুপৈতীতি॥ 1-3-107 (806) অথৈবমুক্ত উত্তঙ্কঃ স্মৃৎবোবাচাস্তি খলু ময়া তু ভক্ষিতং নোপস্পৃষ্টমাগচ্ছতেতি। তং পৌষ্যঃ প্রত্যুবাচ এষ তে ব্যতিক্রমো নোত্থিতেনোপস্পৃষ্টং ভবতি শীঘ্রমাগচ্ছতেতি॥ 1-3-108 (807) অথোত্তঙ্কস্তং তথেত্যুক্ৎবা প্রাঙ্মুখ উপাবেশ্য সুপ্রক্ষালিতপাণিপাদবদনো নিঃশব্দাভিরফেনাভিরনুষ্ণাভির্হৃদ্গতাভিরদ্ভিস্ত্রিঃ পীৎবা দ্বিঃ পরিমৃজ্য খান্যদ্ভিরুপস্পৃশ্য চান্তঃপুরং প্রবিবেশ॥ 1-3-109 (808) ততস্তাং ক্ষত্রিয়ামপশ্যৎসা চ দৃষ্ট্বৈবোত্তঙ্কং প্রত্যুত্থায়াভিবাদ্যোবাচ স্বাগতং তে ভগবন্নাজ্ঞাপয় কিং করবাণীতি॥ 1-3-110 (809) স তামুবাচৈতে কুণ্ডলে গুর্বর্থং মে ভিক্ষিতে দাতুমর্হসীতি। সা প্রীতা তেন তস্য সদ্ভাবেন পাত্রময়মনতিক্রমণীয়শ্চেতি মৎবা তে কুণ্ডলে অবমুচ্যাস্মৈ প্রায়চ্ছদাহ চৈনমেতে কুণ্ডলে তক্ষকো নাগরাজঃ সুভৃশং প্রার্থয়ত্যপ্রমত্তো নেতুমর্হসীতি॥ 1-3-111 (810) স এবমুক্তস্তাং ক্ষত্রিয়াং প্রত্যুবাচ ভবতী সুনির্বৃতা ভবতু। ন মাং শক্তস্তক্ষকো নাগরাজো ধর্ষয়িতুমিতি॥ 1-3-112 (811) স এবমুক্ৎবা তাং ক্ষত্রিয়ামামন্ত্র্য পৌষ্যসকাশমাগচ্ছৎ। আহ চৈনং ভোঃ পৌষ্য প্রীতোঽস্মীতি তমুত্তঙ্কং পৌষ্যঃ প্রত্যুবাচ॥ 1-3-113 (812) ভগবংশ্চিরেণ পাত্রমাসাদ্যতে ভবাশ্চ গুণবানতিথিস্তদিচ্ছে শ্রাদ্ধং কর্তুং ক্রিয়তাং ক্ষণ ইতি॥ 1-3-114 (813) তমুত্তঙ্কঃ প্রত্যুবাচ কৃতক্ষণ এবাস্মি শীঘ্রমিচ্ছামি যথোপপন্নমন্নমুপস্কৃতং ভবতেতি স তথেত্যুক্ৎবা যথোপপন্নেনান্নেনৈনং ভোজয়ামাস॥ 1-3-115 (814) অথোত্তঙ্কঃ সকেশং শীতমন্নং দৃষ্ট্বা অশুচ্যেতদিতি মৎবা তং পৌষ্যমুবাচ। যস্মান্মে অশুচ্যন্নং দদাসি তস্মাদন্ধো ভবিষ্যসীতি॥ 1-3-116 (815) তং পৌষ্যঃ প্রত্যুবাচ। যস্মাত্ৎবমদুষ্টমন্নংদূষয়সি তস্মাদনপত্যো ভবিষ্যসীতি তমুত্তঙ্কঃ প্রত্যুবাচ॥ 1-3-117 (816) ন যুক্তং ভবতাঽন্নমশুচি দত্ৎবা প্রতিশাপং দাতুং তস্মাদন্নমেব প্রত্যক্ষীকুরু। ততঃ পৌষ্যস্তদন্নমশুচি দৃষ্ট্বা তস্যাশুচিভাবমপরোক্ষয়ামাস॥ 1-3-118 (817) অথ তদন্নং মুক্তকেশ্যা স্ত্রিয়োপহৃতমনুষ্ণং সকেশং চাশুচ্যেতদিতি মৎবা তমৃষিমুত্তঙ্কং প্রসাদয়ামাস॥ 1-3-119 (818) ভঘবন্নেতদজ্ঞানাদন্নং সকেশমুপাহৃতং শীতং চ। তৎক্ষাময়ে ভবন্তং ন ভবেয়মন্ধ ইতি। তমুত্তঙ্কঃ প্রত্যুবাচ॥ 1-3-120 (819) ন মৃষা ব্রবীমি ভূৎবা ৎবমন্ধো নচিরাদনন্ধো ভবিষ্যসীতি। মমাপি শাপো ভবতা দত্তো ন ভবেদিতি॥ 1-3-121 (820) তং পৌষ্যঃ প্রত্যুবাচ ন চাহং শক্তঃ শাপং প্রত্যাদাতুং ন হি মে মন্যুরদ্যাপ্যুপশমং গচ্ছতি কিং চৈতদ্ভবতা ন জ্ঞায়তে। যথা॥ 1-3-122 (821) নবনীতং হৃদয়ং ব্রাহ্মণস্য বাচি ক্ষুরো নিহিতস্তীক্ষ্ণধারঃ। তদুভয়মেতদ্বিপরীতং ক্ষত্রিয়স্য বাঙ্গবনীতং হৃদয়ং তীক্ষ্ণধারম্॥ ইতি॥ 1-3-123 (822) তদেবংগতে ন শক্তোঽহং তীক্ষ্ণহৃদয়ৎবাত্তং শাপমন্যথাকর্তুং গম্যতামিতি। তমুত্তঙ্কঃ প্রত্যুবাচ॥ 1-3-124 (823) ভবতাঽহমন্নস্যাশুচিভাবমালক্ষ্য প্রত্যনুনীতঃ। প্রাক্ চ তেঽভিহিতং যস্মাদদুষ্টমন্নং দূষয়সি তস্মাদনপত্যো ভবিষ্যসীতি। দুষ্টে চান্নে নৈষ মম শাপো ভবিষ্যতীতি॥ 1-3-125 (824) সাধয়ামস্তাবদিত্যুক্ৎবা প্রাতিষ্ঠতোত্তঙ্কস্তে কুণ্ডলে গৃহীৎবা। সোঽপশ্যদথ পথি নগ্নং ক্ষপণকমাগচ্ছন্তং মুহুর্মুহুর্দৃশ্যমানমদৃশ্যমানং চ॥ 1-3-126 (825) অথোত্তঙ্কস্তে কুণ্ডলে সংন্যস্য ভূমাবুদকার্থং প্রচক্রমে। এতস্মিন্নন্তরে স ক্ষপণকস্ৎবরমাণ উপসৃত্য তে কুণ্ডলে গৃহীৎবা প্রাদ্রবৎ॥ 1-3-127 (826) তমুত্তঙ্কোঽভিসৃত্য কৃতোদককার্যঃ শুচিঃ প্রয়তো নমো দেবেভ্যো গুরুভ্যশ্চ কৃৎবা মহতা জবেন তমন্বয়াৎ॥ 1-3-128 (827) তস্য তক্ষকো দৃঢমাসন্নঃ সতং জগ্রাহ। গৃহীতমাত্রঃ স তদ্রূপং বিহায় তক্ষকস্বরূপং কৃৎবা সহসা ধরণ্যাং বিবৃতং মহাবিলং প্রবিবেশ॥ 1-3-129 (828) প্রবিশ্য চ নাগলোকং স্বভবনমগচ্ছৎ। অথোত্তঙ্কস্তস্যাঃ ক্ষত্রিয়ায়া বচঃ স্মৃৎবা তং তক্ষকমন্বগচ্ছৎ॥ 1-3-130 (829) স তদ্বিলং দণ্ডকাষ্ঠেন চখান ন চাশকৎ। তং ক্লিশ্যমানমিন্দ্রোঽপশ্যৎস বজ্রং প্রেষয়ামাস। গচ্ছাস্য ব্রাহ্মণস্য সাহায়্যং কুরুষ্বেতি॥ 1-3-131 (830) অথ বজ্রং দণ্ডকাষ্ঠমনুপ্রবিশ্য তদ্বিলমদারয়ৎ॥ 1-3-132 (831) তমুত্তঙ্কোঽনুবিবেশ তেনৈব বিলেন প্রবিশ্য চ তং নাগলোকমপর্যন্তমনেকবিধপ্রাসাদহর্ম্যবলভীনির্যূহশতসংকুলমুচ্চাবচক্রীডাশ্চর্যস্থানাবকীর্ণমপশ্যৎ॥ 1-3-133 (832) স তত্র নাগাংস্তানস্তুবদেভিঃ শ্লোকৈঃ। য ঐরাবতরাজানঃ সর্পাঃ সমিতিশোভাঃ। ক্ষরন্ত ইব জীমূতাঃ সবিদ্যুৎপবনেরিতাঃ॥ 1-3-134 (833) সুরূপা বহুরূপাশ্চ তথা কল্মাষকুণ্ডলাঃ। আদিত্যবন্নাকপৃষ্ঠে রেজুরৈরাবতোদ্ভবাঃ॥ 1-3-135 (834) বহূনি নাগবেশ্মানি গঙ্গায়াস্তীর উত্তরে। তত্রস্থানপি সংস্তৌমি মহতঃ পন্নগানহম্॥ 1-3-136 (835) ইচ্ছেৎকোঽর্কাংশুসেনায়াং চর্তুমৈরাবতং বিনা। শতান্যশীতিরষ্টৌ চ সহস্রাণি চ বিংশতিঃ॥ 1-3-137 (836) সর্পাণাং প্রগ্রহা যান্তি ধৃতরাষ্ট্রো যদৈজতি। যে চৈনমুপসর্পন্তি যে চ দূরপথং গতাঃ॥ 1-3-138 (837) অহমৈরাবতজ্যেষ্ঠভ্রাতৃভ্যোঽকরবং নমঃ। যস্য বাসঃ কুরুক্ষেত্রে খাণ্ডবে চাভবৎপুরা॥ 1-3-139 (838) তং নাগরাজমস্তৌষং কুণ্ডলার্থায় তক্ষকম্। তক্ষকশ্চাশ্বসেনশ্চ নিত্যং সহচরাবুভৌ॥ 1-3-140 (839) কুরুক্ষেত্রং চ বসতাং নদীমিক্ষুমতীমনু। জঘন্যজস্তক্ষকস্য শ্রুতসেনেতি যঃ সুতঃ॥ 1-3-141 (840) অবসদ্যো মহদ্দ্যুম্নি প্রার্থয়ন্নাগমুখ্যতাম্। করবাণি সদা চাহং নমস্তস্মৈ মহাত্মনে॥ 1-3-142 (841) সৌতিরুবাচ। 1-3-143x (18) এবং স্তুৎবা স বিপ্রর্ষিরুত্তঙ্কো ভুজগোত্তমান্। নৈব তে কুণ্ডলে লেভে ততশ্চিন্তামুপাগমৎ॥ 1-3-143 (842) এবং স্তুবন্নপি নাগান্যদা তে কুণ্ডলে নালভত্তদাঽপশ্যৎস্ত্রিয়ৌ তন্ত্রে অধিরোপ্য সুবেমে পটং বয়ন্ত্যৌ। তস্মিংস্তন্ত্রে কৃষ্ণাঃ সিতাশ্চ তন্তবশ্চক্রং চাপশ্যদ্দ্বাদশারং ষড্ভিঃ কুমারৈঃ পরিবর্ত্যমানং পুরুষং চাপশ্যদশ্বং চ দর্শনীয়ম্॥ 1-3-144 (843) স তান্সর্বাংস্তুষ্টাব এভির্মন্ত্রবাদশ্লোকৈঃ॥ 1-3-145 (844) ত্রীণ্যর্পিতান্যত্র শতানি মধ্যে ষষ্টিশ্চ নিত্যং চরতি ধ্রুবেঽস্মিন্। চক্রে চতুর্বিংশতিপর্বয়োগে ষড্বৈ কুমারাঃ পরিবর্তয়ন্তি॥ 1-3-146 (845) তন্ত্রং চেদং বিশ্বরূপে যুবত্যৌ বয়তস্তন্তূন্সততং বর্তয়ন্ত্যৌ। কৃষ্ণান্সিতাংশ্চৈব বিবর্তয়ন্ত্যৌ ভূতান্যজস্রং ভুবনানি চৈব॥ 1-3-147 (846) বজ্রস্য ভর্তা ভুবনস্য গোপ্তা বৃত্রস্য হন্তা নমুচের্নিহন্তা। কৃষ্ণে বসানো বসনে মহাত্মা সত্যানৃতে যো বিবিনক্তি লোকে॥ 1-3-148 (847) যো বাজিনং গর্ভমপাং পুরাণং বৈশ্বানরং বাহনমভ্যুপৈতি। নমোঽস্তু তস্মৈ জগদীশ্বরায় লোকত্রয়েশায় পুরংদরায়॥ 1-3-149 (848) ততঃ স এনং পুরুষঃ প্রাহ প্রীতোঽস্মি তেঽহসনেন স্তোত্রেণ কিং তে প্রিয়ং করবাণীতি। স তমুবাচ নাগা মে বশমীয়ুরিতি॥ 1-3-150 (849) স চৈনং পুরুষঃ পুনরুবাচ এতমশ্বমপানে ধমস্বেতি॥ 1-3-151 (850) ততোঽশ্বস্যাপানমধমত্ততোঽশ্বাদ্ধম্যমানাৎসর্বস্রোতোভ্যঃ পাবকার্চিষঃ সধূমা নিষ্পেতুঃ॥ 1-3-152 (851) তাভির্নাগলোক উপধূপিতেঽথ সংভ্রান্তস্তক্ষকোঽগ্নেস্তেজোভয়াদ্বিষণ্ণঃ কুণ্ডলে গৃহীৎবা সহসা ভবনান্নিষ্ক্রম্যোত্তঙ্কমুবাচ॥ 1-3-153 (852) ইমে কুণ্ডলে গৃহ্ণাতু ভবানিতি। স তে প্রতিজগ্রাহোত্তঙ্কঃ প্রতিগৃহ্য চ কুণ্ডলেঽচিন্তয়ৎ॥ 1-3-154 (853) অদ্য তৎপুণ্যকমুপাধ্যায়ান্যা দূরং চাহমভ্যাগতঃ স কথং সংভাবয়েয়মিতি॥ 1-3-155 (854) তত এনং চিন্তয়ানমেব স পুরুষ উবাচ। উত্তঙ্ক এনমেবাশ্বমধিরোহ ৎবাং ক্ষণেনৈবোপাধ্যায়কুলং প্রাপয়িষ্যতীতি॥ 1-3-156 (855) স তথেন্যুক্ৎবা তমশ্বমধিরুহ্য প্রত্যাজগামোপাধ্যায়কুলং। উপাধ্যায়ানী চ স্নাতা কেশানাবাপয়ন্ত্যুপবিষ্টোত্তঙ্কো নাগচ্ছতীতি শাপায়াস্য মনো দধে॥ 1-3-157 (856) অথৈতস্মিন্নন্তরে স উত্তঙ্কঃ প্রবিশ্য উপাধ্যায়কুলং উপাধ্যায়ানীমভ্যবাদয়ত্তে চাস্যৈ কুণ্ডলে প্রায়চ্ছৎসা চৈনং প্রত্যুবাচ॥ 1-3-158 (857) উত্তঙ্ক দেশে কালেঽভ্যাগতঃ স্বাগতং তে বৎস `ইদানীং যদ্যনাগতোসি কোপিতয়া ময়া শপ্তো ভবিষ্যসি' শ্রেয়স্তবোপস্থিতং সিদ্ধিমাপ্নুহীতি॥ 1-3-159 (858) অথোত্তঙ্ক উপাধ্যায়মভ্যবাদয়ৎ। তমুপাধ্যায়ঃ প্রত্যুবাচ বৎসোত্তঙ্ক স্বাগতং তে কিং চিরং কৃতমিতি॥ 1-3-160 (859) তমুত্তঙ্ক উপাধ্যায়ং প্রত্যুবাচ। ভোস্তক্ষকেণ মে নাগরাজেন বিঘ্নঃ কৃতোঽস্মিন্কর্মণি তেনাস্মি নাগলোকং গতঃ॥ 1-3-161 (860) তত্র চ ময়া দৃষ্টে স্ত্রিয়ৌ তন্ত্রেঽধিরোপ্য পটং বয়ন্ত্যৌ তস্মিংশ্চ কৃষ্ণাঃ সিতাশ্চ তন্তবঃ। কিং তৎ॥ 1-3-162 (861) তত্র চ ময়া চক্রং দৃষ্টং দ্বাদশারং ষট্চৈনং কুমারাঃ পরিবর্তয়ন্তি তদপি কিং। পুরুষশ্চাপি ময়া দৃষ্টঃ স চাপি কঃ। অশ্বশ্চাতিপ্রমাণো দৃষ্টঃ স চাপি কঃ॥ 1-3-163 (862) পথি গচ্ছতা চ ময়া ঋষভো দৃষ্টস্তং চ পুরুষোঽধিরূঢস্তেনাস্মি সোপচারমুক্ত উত্তঙ্কাস্য ঋষভস্য পুরীষং ভক্ষয় উপাধ্যায়েনাপি তে ভক্ষিতমিতি॥ 1-3-164 (863) ততস্তস্য বচনান্ময়া তদৃষভস্য পুরীষমুপয়ুক্তং স চাপি কঃ। তদেতদ্ভবতোপদিষ্টমিচ্ছেয়ং শ্রোতুং কিং তদিতি। স তেনৈবমুক্ত উপাধ্যায়ঃ প্রত্যুবাচ॥ 1-3-165 (864) যে তে স্ত্রিয়ৌ ধাতা বিধাতা চ যে চ তে কৃষ্ণাঃ সিতাস্তন্তবস্তে রাত্র্যহনী। যদপি তচ্চক্রং দ্বাদশারং ষট্কুমারাঃ পরিবর্তয়ন্তি তেপি ষড্ঋতবঃ দ্বাদশারা দ্বাদশ মাসাঃ সংবৎসরশ্চক্রম্॥ 1-3-166 (865) যঃ পুরুষঃস পর্জন্যঃ যোঽশ্বঃ সোঽগ্নিঃ য ঋষভস্ৎবয়া পথি গচ্ছতা দৃষ্টঃ স ঐরাবতো নাগরাট্॥ 1-3-167 (866) যশ্চৈনমধিরূঢঃ পুরুষঃ স চেন্দ্রঃ যদপি তে ভক্ষিতং তস্য ঋষভস্য পুরীষং তদমৃতং তেন খল্বসি তস্মিন্নাগভবনে ন ব্যাপন্নস্ৎবম্॥ 1-3-168 (867) স হি ভগবানিন্দ্রো মম সখা ৎবদনুক্রোশাদিমমনুগ্রহং কৃতবান্। তস্মাৎকুণ্ডলে গৃহীৎবা পুনরাগতোঽসি॥ 1-3-169 (868) তৎসৌম্য গম্যতামনুজানে ভবন্তং শ্রেয়োঽবাপ্স্যসীতি। স উপাধ্যায়েনানুজ্ঞাতো ভগবানুত্তঙ্কঃ ক্রুদ্ধস্তক্ষকং প্রতিচিকীর্ষমাণো হাস্তিনপুরং প্রতস্থে॥ 1-3-170 (869) স হাস্তিনপুরং প্রাপ্য নচিরাদ্বিপ্রসত্তমঃ। সমাগচ্ছত রাজানমুত্তঙ্কো জনমেজয়ম্॥ 1-3-171 (870) পুরা তক্ষশিলাসংস্থং নিবৃত্তমপরাজিতম্। সম্যগ্বিজয়িনং দৃষ্ট্বা সমন্তান্মন্ত্রিভির্বৃতম্॥ 1-3-172 (871) তস্মৈ জয়াশিষঃ পূর্বং যথান্যায়ং প্রয়ুজ্য সঃ। উবাচৈনং বচঃ কালে শব্দসংপন্নয়া গিরা॥ 1-3-173 (872) উত্তঙ্ক উবাচ। 1-3-174x (19) অন্যস্মিন্করণীয়ে তু কার্যে পার্থিবসত্তম। অর্চয়িৎবা যথান্যায়ং প্রত্যুবাচ দ্বিজোত্তমম্॥ 1-3-174 (873) সৌতিরুবাচ। 1-3-175x (20) এবমুক্তস্তু বিপ্রেণ স রাজা জনমেজয়ঃ। অর্চয়িৎবা যথান্যায়ং প্রত্যুবাচ দ্বিজোত্তমম্॥ 1-3-175 (874) জনমেজয় উবাচ। 1-3-176x (21) আসাং প্রজানাং পরিপালনেন স্বং ক্ষত্রধর্মং পরিপালয়ামি। প্রব্রূহি মে কিং করণীয়মদ্য যেনাসি কার্যেণ সমাগতস্ৎবম্॥ 1-3-176 (875) সৌতিরুবাচ। 1-3-177x (22) স এবমুক্তস্তু নৃপোত্তমেন দ্বিজোত্তমঃ পুণ্যকৃতাং বরিষ্ঠঃ। উবাচ রাজানমদীনসৎবং স্বমেব কার্যং নৃপতে কুরুষ্ব॥ 1-3-177 (876) উত্তঙ্ক উবাচ। 1-3-178x (23) তক্ষকেণ মহীন্দ্রেন্দ্র যেন তে হিংসিতঃ পিতা। তস্মৈ প্রতিকুরুষ্ব ৎবং পন্নগায় দুরাত্মনে॥ 1-3-178 (877) কার্যকালং হি মন্যেঽহং বিধিদৃষ্টস্য কর্মণঃ। তদ্গচ্ছাপচিতিং রাজন্পিতুস্তস্য মহাত্মনঃ॥ 1-3-179 (878) তেন হ্যনপরাধী স দষ্টো দুষ্টান্তরাত্মনা। পঞ্চৎবমগমদ্রাজা বজ্রাহত ইব দ্রুমঃ॥ 1-3-180 (879) বলদর্পসমুৎসিক্তস্তক্ষকঃ পন্নগাধমঃ। অকার্যং কৃতবান্পাপো যোঽদশৎপিতরং তব॥ 1-3-181 (880) রাজর্ষিবংশগোপ্তারমমরপ্রতিমং নৃপম্। যিয়াসুং কাশ্যপং চৈব ন্যবর্তয়ত পাপকৃৎ॥ 1-3-182 (881) হোতুমর্হসি তং পাপং জ্বলিতে হব্যবাহনে। সর্পসত্রে মহারাজ ৎবরিতং তদ্বিধীয়তাম্॥ 1-3-183 (882) এবং পিতুশ্চাপচিতিং কৃতবাংস্ৎবং ভবিষ্যসি। মম প্রিয়ং চ সুমহৎকৃতং রাজন্ ভবিষ্যতি॥ 1-3-184 (883) কর্মণঃ পৃথিবীপাল মম যেন দুরাত্মনা। বিঘ্নঃ কৃতো মহারাজ গুর্বর্থং চরতোঽনঘ॥ 1-3-185 (884) সৌতিরুবাচ। 1-3-186x (24) এতচ্ছ্রুৎবা তু নৃপতিস্তক্ষকায় চুকোপ হ। উত্তঙ্কবাক্যহবিষা দীপ্তোঽগ্নির্হবিষা যথা॥ 1-3-186 (885) অপৃচ্ছৎস তদা রাজা মন্ত্রিণঃ স্বান্সুদুঃখিতঃ। উত্তঙ্কস্যৈব সাংনিধ্যে পিতুঃ স্বর্গগতিং প্রতি॥ 1-3-187 (886) তদৈব হি স রাজেন্দ্রো দুঃখশোকাপ্লুতোঽভবৎ। যদৈব বৃত্তং পিতরমুত্তঙ্কাদশৃণোত্তদা॥ ॥ 1-3-188 (887) ইতি শ্রীমন্মহাভারতে আদিপর্বণি পৌষ্যপর্বমি তৃতীয়োঽধ্যায়ঃ॥ 3 ॥ ॥ সমাপ্তং চ পৌষ্যপর্ব ॥

1-5-0 (900) শৌনক উবাচ। 1-5-0x (27) পুরাণমখিলং তাত পিতা তেঽধীতবান্পুরা। `ভারতাধ্যযনং সর্বং কৃষ্ণদ্বৈপায়নাত্তদা।' কচ্চিত্ৎবমপি তৎসর্বমধীষে রৌমহর্ষণে॥ 1-5-1 (901) পুরাণে হি কথা দিব্যা আদিবংশাশ্চ ধীমতাম্। কথ্যন্তে যে পুরাঽস্মাভিঃ শ্রুতপূর্বাঃ পিতুস্তব॥ 1-5-2 (902) তত্র বংশমহং পূর্বং শ্রোতুমিচ্ছামি ভার্গবম্। কথয়স্ব কথামেতাং কল্যাঃ স্মঃ শ্রবণে তব॥ 1-5-3 (903) সৌতিরুবাচ। 1-5-4x (28) যদধীতং পুরা সম্যগ্দ্বিজশ্রেষ্ঠৈর্মহাত্মভিঃ। বৈশম্পায়নবিপ্রাগ্র্যৈস্তৈশ্চাপি কথিতং যথা॥ 1-5-4 (904) যদধীতং চ পিত্রা মে সম্যক্কৈব ততো ময়া। তাবচ্ছৃণুষ্ব যো দেবৈঃ সেন্দ্রৈঃ সর্ষিমরুদ্গণৈঃ॥ 1-5-5 (905) পূজিতঃ প্রবরো বংশো ভার্গবো ভৃগুনন্দন। ইমং বংশমহং পূর্বং ভার্গবং তে মহামুনে॥ 1-5-6 (906) নিগদামি যথায়ুক্তং পুরাণাশ্রয়সংয়ুতম্। ভৃগুর্মহর্ষির্ভগবান্ব্রহ্মণা বৈ স্বয়ংভুবা॥ 1-5-7 (907) বরুণস্য ক্রতৌ জাতঃ পাবকাদিতি নঃ শ্রুতম্। ভৃগোঃ সুদয়িতঃ পুত্রশ্চ্যবনো নাম ভার্গবঃ॥ 1-5-8 (908) চ্যবনস্য চ দায়াদঃ প্রমতির্নাম ধার্মিকঃ। প্রমতেরপ্যভূৎপুত্রো ঘৃতাচ্যাং রুরুরিত্যুত॥ 1-5-9 (909) রুরোরপি সুতো জজ্ঞে শুনকো বেদপারগঃ। প্রমদ্বরায়াং ধর্মাত্মা তব পূর্বপিতামহঃ॥ 1-5-10 (910) তপস্বী চ যশস্বী চ শ্রুতবান্ব্রহ্মবিত্তমঃ। ধার্মিকঃ সত্যবাদী চ নিয়তো নিয়তাশনঃ॥ 1-5-11 (911) শৌনক উবাচ। 1-5-12x (29) সূতপুত্র যথা তস্য ভার্গবস্য মহাত্মনঃ। চ্যবনৎবং পরিখ্যাতং তন্মমাচক্ষ্ব পৃচ্ছতঃ॥ 1-5-12 (912) সৌতিরুবাচ। 1-5-13x (30) ভৃগোঃ সুদয়িতা ভার্যা পুলোমেত্যভিবিশ্রুতা। তস্যাং সমভবদ্গর্ভো ভৃগুবীর্যসমুদ্ভবঃ॥ 1-5-13 (913) তস্মিন্গর্ভেঽথ সংভূতে পুলোমায়াং ভৃগূদ্বহ। সময়ে সমশীলিন্যাং ধর্মপত্ন্যাং যশস্বিনঃ॥ 1-5-14 (914) অভিষেকায় নিষ্ক্রান্তে ভৃগৌ ধর্মভৃতাং বরে। আশ্রমং তস্য রক্ষোঽথ পুলোমাঽভ্যাজগাম হ॥ 1-5-15 (915) তং প্রবিশ্যাশ্রমং দৃষ্ট্বা ভৃগোর্ভার্যামনিন্দিতাম্। হৃচ্ছয়েন সমাবিষ্টো বিচেতাঃ সমপদ্যত॥ 1-5-16 (916) অভ্যাগতং তু তদ্রক্ষঃ পুলোমা চারুদর্শনা। ন্যমন্ত্রয়ত বন্যেন ফলমূলাদিনা তদা॥ 1-5-17 (917) তাং তু রক্ষস্তদা ব্রহ্মন্হৃচ্ছয়েনাভিপীডিতম্। দৃষ্ট্বা হৃষ্টমভূদ্রাজঞ্জিহীর্ষুস্তামনিন্দিতাম্॥ 1-5-18 (918) জাতমিত্যব্রবীৎকার্যং জিহীর্ষুর্মুদিতঃ শুভাম্। সা হি পূর্বং বৃতা তেন পুলোম্না তু শুচিস্মিতা॥ 1-5-19 (919) তাং তু প্রাদাৎপিতা পশ্চাদ্ভৃগবে শাস্ত্রবত্তদা। তস্য তৎকিল্বিষং নিত্যং হৃদি বর্ততি ভার্গব॥ 1-5-20 (920) ইদমন্তরমিত্যেবং হর্তুং চক্রে মনস্তদা। অথাগ্নিশরণেঽপশ্যজ্জ্বলন্তং জাতবেদসম্॥ 1-5-21 (921) তমপৃচ্ছত্ততো রক্ষঃ পাবকং জ্বলিতং তদা। শংস মে কস্য ভার্যেয়মগ্নে পৃচ্ছে ঋতেন বৈ॥ 1-5-22 (922) মুখং ৎবমসি দেবানাং বদ পাবক পৃচ্ছতে। ময়া হীয়ং বৃতা পূর্বং ভার্যার্থে বরবর্ণিনী॥ 1-5-23 (923) পশ্চাদিমাং পিতা প্রাদাদ্ভৃগবেঽনৃতকারকঃ। সেয়ং যদি বরারোহা ভৃগোর্ভার্যা রহোগতা॥ 1-5-24 (924) তথা সত্যং সমাখ্যাহি জিহীর্ষাম্যাশ্রমাদিমাম্। স মন্যুস্তত্র হৃদয়ং প্রদহন্নিব তিষ্ঠতি॥ 1-5-25 (925) মৎপূর্বভার্যাং যদিমাং ভৃগুরাপ সুমধ্যমাম্। `অসংমতমিদং মেঽদ্য হরিষ্যাম্যাশ্রমাদিমাম্'॥ 1-5-26 (926) সৌতিরুবাচ। 1-5-27x (31) এবং রক্ষস্তমামন্ত্র্য জ্বলিতং জাতবেদসম্। শঙ্কমানং ভৃগোর্ভার্যাং পুনঃপুনরপৃচ্ছত॥ 1-5-27 (927) ৎবমগ্নে সর্বভূতানামন্তশ্চরসি নিত্যদা। সাক্ষিবৎপুণ্যপাপেষু সত্যং ব্রূহি কবে বচঃ॥ 1-5-28 (928) মৎপূর্বভার্যাঽপহৃতা ভৃগুণাঽনৃতকারিণা। সেয়ং যদি তথা মে ৎবং সত্যমাখ্যাতুমর্হসি॥ 1-5-29 (929) শ্রুৎবা ৎবত্তো ভৃগোর্ভার্যাং হরিষ্যাম্যাশ্রমাদিমাম্। জাতবেদঃ পশ্যতস্তে বদ সত্যাং গিরং মম॥ 1-5-30 (930) সৌতিরুবাচ। 1-5-31x (32) তস্যৈতদ্বচনং শ্রুৎবা সপ্তার্চির্দুঃখিতোঽভবৎ। `সত্যং বদামি যদি মে শাপঃ স্যাদ্ব্রহ্মবিত্তমাৎ॥ 1-5-31 (931) অসত্যং চেদহং ব্রূয়াং পতিষ্যে নরকান্ধ্রুবম্।' ভীতোঽনৃতাচ্চ শাপাচ্চ ভৃগোরিত্যব্রবীচ্ছনৈঃ॥ 1-5-32 (932) ৎবয়া বৃতা পুলোমেয়ং পূর্বং দানবনন্দন। কিং ৎবিয়ং বিধিনা পূর্বং মন্ত্রবন্ন বৃতা ৎবয়া॥ 1-5-33 (933) পিত্রা তু ভৃগবে দত্তা পুলোমেয়ং যশস্বিনী। দদাতি ন পিতা তুভ্যং বরলোভান্মহায়শাঃ॥ 1-5-34 (934) অথেমাং বেদদৃষ্টেন কর্মণা বিধিপূর্বকম্। ভার্যামৃষির্ভৃগুঃ প্রাপ মাং পুরস্কৃত্য দানব॥ 1-5-35 (935) সেয়মিত্যবগচ্ছামি নানৃতং বক্তুমুৎসহে। নানৃতং হি সদা লোকে পূজ্যতে দানবোত্তম॥ ॥ 1-5-36 (936) ইতি শ্রীমন্মহাভারতে আদিপর্বণি পৌলোমপর্বণি পঞ্চমোঽধ্যায়ঃ॥ 5 ॥

1-6-0 (937) সৌতিরুবাচ। 1-6-0x (33) অগ্নেরথ বচঃ শ্রুৎবা তদ্রক্ষঃ প্রজহার তাম্। ব্রহ্মন্বরাহরূপেণ মনোমারুতরংহসা॥ 1-6-1 (938) ততঃ স গর্ভো নিবসন্কুক্ষৌ ভৃগুকুলোদ্বহ। রোষান্মাতুশ্চ্যুতঃ কুক্ষেশ্চ্যবনস্তেন সোঽভবৎ॥ 1-6-2 (939) তং দৃষ্ট্বা মাতুরুদরাচ্চ্যুতমাদিত্যবর্চসম্। তদ্রক্ষো ভস্মসাদ্ভূতং পপাত পরিমুচ্য তাম্॥ 1-6-3 (940) সা তমাদায় সুশ্রোণী সসার ভৃগুনন্দনম্। চ্যবনং ভার্গবং পুত্রং পুলোমা দুঃখমূর্চ্ছিতা॥ 1-6-4 (941) তাং দদর্শ স্বয়ং ব্রহ্মা সর্বলোকপিতামহঃ। রুদতীং বাষ্পপূর্ণাক্ষীং ভৃগোর্ভার্যামনিন্দিতাম্॥ 1-6-5 (942) সান্ৎবয়ামাস ভগবান্বধূং ব্রহ্মা পিতামহঃ। অশ্রুবিন্দূদ্ভবা তস্যাঃ প্রাবর্তত মহানদী॥ 1-6-6 (943) আবর্তন্তী সৃতিং তস্যা ভৃগোঃ পত্ন্যাস্তপস্বিনঃ। তস্যা মার্গং সৃতবতীং দৃষ্ট্বা তু সরিতং তদা॥ 1-6-7 (944) নাম তস্যাস্তদা নদ্যাশ্চক্রে লোকপিতামহঃ। বধূসরেতি ভগবাংশ্চ্যবনস্যাশ্রমং প্রতি॥ 1-6-8 (945) স এবং চ্যবনো জজ্ঞে ভৃগোঃ পুত্রঃ প্রতাপবান্। তং দদর্শ পিতা তত্র চ্যবনং তাং চ ভামিনীম্। স পুলোমাং ততো ভার্যাং পপ্রচ্ছ কুপিতো ভৃগুঃ॥ 1-6-9 (946) ভৃগুরুবাচ। 1-6-10x (34) কেনাসি রক্ষসে তস্মৈ কথিতা ৎবং জিহীর্ষবে। ন হি ৎবা বেদ তদ্রক্ষো মদ্ভার্যাং চারুহাসিনীম্॥ 1-6-10 (947) তত্ৎবমাখ্যাহি তং হ্যদ্য শপ্তুমিচ্ছাম্যহং রুষা। বিভেতি কো ন শাপান্মে কস্য চায়ং ব্যতিক্রমঃ॥ 1-6-11 (948) পুলোমোবাচ। 1-6-12x (35) অগ্নিনা ভগবংস্তস্মৈ রক্ষসেঽহং নিবেদিতা। ততো মামনয়দ্রক্ষঃ ক্রোশন্তীং কুররীমিব॥ 1-6-12 (949) সাঽহং তব সুতস্যাস্য তেজসা পরিমোক্ষিতা। ভস্মীভূতং চ তদ্রক্ষো মামুৎসৃজ্য পপাত বৈ॥ 1-6-13 (950) সৌতিরুবাচ। 1-6-14x (36) ইতি শ্রুৎবা পুলোমায়া ভৃগুঃ পরমমন্যুমান্। শশাপাগ্নিমতিক্রুদ্ধঃ সর্বভক্ষো ভবিষ্যসি॥ ॥ 1-6-14 (951) ইতি শ্রীমন্মহাভারতে আদিপর্বণি পৌলোমপর্বণি ষষ্ঠোঽধ্যায়ঃ॥ 6 ॥

1-7-0 (952) সৌতিরুবাচ। 1-7-0x (37) শপ্তস্তু ভৃগুণা বহ্নিঃ ক্রুদ্ধো বাক্যমথাব্রবীৎ। কিমিদং সাহসং ব্রহ্মন্কৃতবানসি মাং প্রতি॥ 1-7-1 (953) ধর্মে প্রয়তমানস্য সত্যং চ বদতঃ সমম্। পৃষ্টো যদব্রবং সত্যং ব্যভিচারোঽত্র কো মম॥ 1-7-2 (954) পৃষ্টো হিসাক্ষীয়ঃ সাক্ষ্যং জানানোঽপ্যন্যথা বদেৎ। স পূর্বানাত্মনঃ সপ্ত কুলে হন্যাত্তথাঽপরান্॥ 1-7-3 (955) যশ্চ কার্যার্থতত্ৎবজ্ঞো জানানোঽপি ন ভাষতে। সোঽপি তেনৈব পাপেন লিপ্যতে নাত্র সংশয়ঃ॥ 1-7-4 (956) শক্তোঽহমপি শপ্তুং ৎবাং মান্যাস্তু ব্রাহ্মণা মম। জানতোঽপি চ তে ব্রহ্মন্কথয়িষ্যে নিবোধ তৎ॥ 1-7-5 (957) যোগেন বহুধাঽঽত্মানং কৃৎবা তিষ্ঠামি মূর্তিষু। অগ্নিহোত্রেষু সত্রেষু ক্রিয়াসু চ মখেষু চ॥ 1-7-6 (958) বেদোক্তেন বিধানেন ময়ি যদ্ধূয়তে হবিঃ। দেবতাঃ পিতরশ্চৈব তেন তৃপ্তা ভবন্তি বৈ॥ 1-7-7 (959) আপো দেবগণাঃ সর্বে আপঃ পিতৃগণাস্তথা। দর্শশ্চ পৌর্ণমাসশ্চ দেবানাং পিতৃভিঃ সহ॥ 1-7-8 (960) দেবতাঃ পিতরস্তস্মাৎপিতরশ্চাপি দেবতাঃ। একীভূতাশ্চ দৃশ্যন্তে পৃথক্ৎবেন চ পর্বসু॥ 1-7-9 (961) দেবতাঃ পিতরশ্চৈব ভুঞ্জতে ময়ি যদ্ভুতম্। দেবতানাং পিতৄণাং চ মুখমেতদহং স্মৃতম্॥ 1-7-10 (962) অমাবাস্যাং হি পিতরঃ পৌর্ণমাস্যাং হি দেবতাঃ। মন্মুখেনৈব হূয়ন্তে ভুঞ্জতে চ হুতং হবিঃ॥ 1-7-11 (963) সর্বভক্ষঃ কথং ৎবেষাং ভবিষ্যামি মুখং ৎবহম্। 1-7-12 (964) সৌতিরুবাচ। চিন্তয়িৎবা ততো বহ্নিশ্চকে সংহারমাত্মনঃ॥ 1-7-12x (38) দ্বিজানামগ্নিহোত্রেষু যজ্ঞসত্রক্রিয়াসু চ। নিরোংকারবষট্কারাঃ স্বধাস্বাহাবিবর্জিতাঃ॥ 1-7-13 (965) বিনাঽগ্নিনা প্রজাঃ সর্বাস্তত আসন্সুদুঃখিতাঃ। অথর্ষয়ঃ সমুদ্বিগ্না দেবান্ গৎবাব্রুবন্বচঃ॥ 1-7-14 (966) অগ্নিনাশাৎক্রিয়াভ্রাংশাদ্ভ্রান্তা লোকাস্ত্রয়োঽনঘাঃ। বিধধ্বমত্র যৎকার্যং ন স্যাৎকালাত্যযো যথা॥ 1-7-15 (967) অথর্ষয়শ্চ দেবাশ্চ ব্রহ্মাণমুপগম্য তু। অগ্নেরাবেদয়ঞ্শাপং ক্রিয়াসংহারমেব চ॥ 1-7-16 (968) ভৃগুণা বৈ মহাভাগ শপ্তোঽগ্নিঃ কারণান্তরে। কথং দেবমুখো ভূৎবা যজ্ঞভাগাগ্রভুক্ তথা॥ 1-7-17 (969) হুতভুক্সর্বলোকেষু সর্বভক্ষৎবমেষ্যতি। 1-7-18 (970) সৌতিরুবাচ। শ্রুৎবা তু তদ্বচস্তেষামগ্নিমাহূয় বিশ্বকৃৎ॥ 1-7-18x (39) উবাচ বচনং শ্লক্ষ্ণং ভূতভাবনমব্যযম্। লোকানামিহ সর্বেষাং ৎবং কর্তা চান্ত এব চ॥ 1-7-19 (971) ৎবং ধারয়সি লোকাংস্ত্রীন্ক্রিয়াণাং চ প্রবর্তকঃ। স তথা কুরু লোকেশ নোচ্ছিদ্যেরন্যথা ক্রিয়াঃ॥ 1-7-20 (972) কস্মাদেবং বিমূঢস্ৎবমীশ্বরঃ সন্ হুতাশেন। ৎবং পবিত্রং সদা লোকে সর্বভূতগতিশ্চ হ॥ 1-7-21 (973) ন ৎবং সর্বশরীরেণ সর্বভক্ষৎবমেষ্যসি। অপানে হ্যর্চিষো যাস্তে সর্বং ভক্ষ্যন্তি তাঃ শিখিন্॥ 1-7-22 (974) ক্রব্যাদা চ তনুর্যা তে সা সর্বং ভক্ষয়িষ্যতি। যথা সূর্যাংশুভিঃ স্পৃষ্টং সর্বং শুচি বিভাব্যতে॥ 1-7-23 (975) তথা ৎবদর্চির্নির্দগ্ধং সর্বং শুচি ভবিষ্যতি। ৎবমগ্নে পরমং তেজঃ স্বপ্রভাবাদ্বিনির্গতম্॥ 1-7-24 (976) স্বতেজসৈব তং শাপং কুরু সত্যমৃষের্বিভো। দেবানাং চাত্মনো ভাগং গৃহাণ ৎবং মুখে হুতম্॥ 1-7-25 (977) সৌতিরুবাচ। 1-7-26x (40) এবমস্ৎবিতি তং বহ্নিঃ প্রত্যুবাচ পিতামহম্। জগাম শাসনং কর্তুং দেবস্য পরমেষ্ঠিনঃ॥ 1-7-26 (978) দেবর্ষয়শ্চ মুদিতাস্ততো জগ্মুর্যথাগতম্। ঋষয়শ্চ যথা পূর্বং ক্রিয়াঃ সর্বাঃ প্রচক্রিরে॥ 1-7-27 (979) দিবি দেবা মুমুদিরে ভূতসঙ্ঘাশ্চ লৌকিকাঃ। অগ্নিশ্চ পরমাং প্রীতিমবাপ হতকল্মষঃ॥ 1-7-28 (980) এবং স ভগবাঞ্ছাপং লেভেঽগ্নির্ভৃগুতঃ পুরা। এবমেষ পুরা বৃত্ত হতিহাসোঽগ্নিশাপজঃ। পুলোম্নশ্চ বিনাশোঽয়ং চ্যবনস্য চ সংভবঃ॥ ॥ 1-7-29 (981) ইতি শ্রীমন্মহাভারতে আদিপর্বণি পৌলোমপর্বণি সপ্তমোঽধ্যায়ঃ॥ 7 ॥

1-8-0 (982) সৌতিরুবাচ। 1-8-0x (41) স চাপি চ্যবনো ব্রহ্মন্ভার্গবোঽজনয়ৎসুতম্। সুকন্যায়াং মহাত্মানং প্রমতিং দীপ্ততেজসম্॥ 1-8-1 (983) প্রমতিস্তু রুরুং নাম ঘৃতাচ্যাং সমজীজনৎ। রুরুঃ প্রমদ্বরায়াং তু শুনকং সমজীজনম্॥ 1-8-2 (984) শুনকস্তু মহাসৎবঃ সর্বভার্গবনন্দনঃ। জাতস্তপসি তীব্রে চ স্থিতঃ স্থিরয়শাস্ততঃ॥ 1-8-3 (985) তস্য ব্রহ্মন্রুরোঃ সর্বং চরিতং ভূরিতেজসঃ। বিস্তরেণ প্রবক্ষ্যামি তচ্ছৃণু ৎবমশেষতঃ॥ 1-8-4 (986) ঋষিরাসীন্মহান্পূর্বং তপোবিদ্যাসমন্বিতঃ। স্থূলকেশ ইতি খ্যাতঃ সর্বভূতহিতে রতঃ॥ 1-8-5 (987) এতস্মিন্নেব কালে তু মেনকায়াং প্রজজ্ঞিবান্। গন্ধর্বরাজো বিপ্রর্ষে বিশ্বাবসুরিতি স্মৃতঃ॥ 1-8-6 (988) অপ্সরা মেনকা তস্য তং গর্ভং ভৃগুনন্দন। উৎসসর্জ যথাকালং স্থূলকেশাশ্রমং প্রতি॥ 1-8-7 (989) উৎসৃজ্য চৈব তং গর্ভং নদ্যাস্তীরে জগাম সা। অপ্সরা মেনকা ব্রহ্মন্নির্দয়া নিরপত্রপা॥ 1-8-8 (990) কন্যামমরগর্ভাভাং জ্বলন্তীমিব চ শ্রিয়া। তাং দদর্শ সমুৎসৃষ্টাং নদীতীরে মহানৃষিঃ॥ 1-8-9 (991) স্থূলকেশঃ স তেজস্বী বিজনে বন্ধুবর্জিতাম্। স তাং দৃষ্ট্বা তদা কন্যাং স্থূলকেশো মহাদ্বিজঃ॥ 1-8-10 (992) জগ্রাহ চ মুনিশ্রেষ্ঠঃ কৃপাবিষ্টঃ পুপোষ চ। ববৃধে সা বরারোহা তস্যাশ্রমপদে শুভে॥ 1-8-11 (993) জাতকাদ্যাঃ ক্রিয়াশ্চাস্যা বিধিপূর্বং যথাক্রমম্। স্থূলকেশো মহাভাগশ্চকার সুমহানৃষিঃ॥ 1-8-12 (994) প্রমদাভ্যো বরা সা তু সত্ৎবরূপগুণান্বিতা। ততঃ প্রমদ্বরেত্যস্যা নাম চক্রে মহানৃষিঃ॥ 1-8-13 (995) তামাশ্রমপদে তস্য রুরুর্দৃষ্ট্বা প্রমদ্বরাম্। বভূব কিল ধর্মাত্মা মদনোপহতস্তদা॥ 1-8-14 (996) পিতরং সখিভিঃ সোঽথ শ্রাবয়ামাস ভার্গবম্। প্রমতিশ্চাভ্যযাচত্তাং স্থূলকেশং যশস্বিনম্॥ 1-8-15 (997) ততঃ প্রাদাৎপিতা কন্যাং রুরবে তাং প্রমদ্বরাম্। বিবাহং স্থাপয়িৎবাগ্রে নক্ষত্রে ভগদৈবতে॥ 1-8-16 (998) ততঃ কতিপয়াহস্য বিবাহে সমুপস্থিতে। সখীভিঃ ক্রীডতী সার্ধং সা কন্যাবরবর্ণিনী॥ 1-8-17 (999) নাপশ্যৎসংপ্রসুপ্তং বৈ ভুজংগং তির্যগায়তম্। পদা চৈনং সমাক্রামন্মুমূর্ষুঃ কালচোদিতা॥ 1-8-18 (1000) স তস্যাঃ সংপ্রমত্তায়াশ্চোদিতঃ কালধর্মণা। বিষোপলিপ্তান্দশনান্ভৃশমঙ্গে ন্যপাতয়ৎ॥ 1-8-19 (1001) সা দষ্টা তেন সর্পেণ পপাত সহসা ভুবি। বিবর্ণা বিগতশ্রীকা ভ্রষ্টাভরণচেতনা॥ 1-8-20 (1002) নিরানন্দকরী তেষাং বন্ধূনাং মুক্তমূর্ধজা। ব্যসুরপ্রেক্ষণীয়া সা প্রেক্ষণীয়তমাঽভবৎ॥ 1-8-21 (1003) প্রসুপ্তেবাভবচ্চাপি ভুবি সর্পবিষার্দিতা। ভূয়ো মনোহরতরা বভূব তনুমধ্যমা॥ 1-8-22 (1004) দদর্শ তাং পিতা চৈব যে চৈবান্যে তপস্বিনঃ। বিচেষ্টমানাং পতিতাং ভূতলে পদ্মবর্চসম্॥ 1-8-23 (1005) ততঃ সর্বে দ্বিজতরাঃ সমাজগ্মুঃ কৃপান্বিতাঃ। স্বস্ত্যাত্রেয়ো মহাজানুঃ কুশিকঃ শঙ্খমেখলঃ॥ 1-8-24 (1006) উদ্দালকঃ কঠশ্চৈব শ্বেতশ্চৈব মহায়শাঃ। ভরদ্বাজঃ কৌণকৃৎস্য আর্ষ্টিষেণোঽথ গৌতমঃ॥ 1-8-25 (1007) প্রমতিঃ সহ পুত্রেণ তথান্যে বনবাসিনঃ। তাং তে কন্যাং ব্যসুং দৃষ্ট্বা ভুজংগস্য বিষার্দিতাম্॥ 1-8-26 (1008) রুরুদুঃ কৃপয়াঽবিষ্টা রুরুস্ৎবার্তো বহির্যযৌ। তে চ সর্বে দ্বিজশ্রেষ্ঠাস্তত্রৈবোপাবিশংস্তদা॥ ॥ 1-8-27 (1009) ইতি শ্রীমন্মহাভারতে আদিপর্বণি পৌলোমপর্বণি অষ্টমোঽধ্যায়ঃ॥ 8 ॥

1-9-0 (1010) সৌতিরুবাচ। 1-9-0x (42) তেষু তত্রোপবিষ্টেষু ব্রাহ্মণেষু মহাত্মসু। রুরুশ্চুক্রোশ গহনং বনং গৎবাঽতিদুঃখিতঃ॥ 1-9-1 (1011) শোকেনাভিহতঃ সোঽথ বিলপন্করুণং বহু। অব্রবীদ্বচনং শোচন্প্রিয়াং স্মৃৎবা প্রমদ্বরাম্॥ 1-9-2 (1012) শেতে সা ভুবি তন্বঙ্গী মম শোকবিবর্ধিনী। `প্রাণানপহরন্তীব পূর্ণচন্দ্রনিভাননা॥ 1-9-3 (1013) যদি পীনায়তশ্রোণী পদ্মপত্রনিভেক্ষণা। মুমূর্ষুরপি মে প্রাণানাদায়াশু গমিষ্যতি॥ 1-9-4 (1014) পিতৃমাতৃসখীনাং চ লুপ্তপিণ্ডস্য তস্য মে।' বান্ধবানাং চ সর্বেষাং কিং নু দুঃখমতঃপরম্॥ 1-9-5 (1015) যদি দত্তং তপস্তপ্তং গুরবো বা ময়া যদি। সম্যগারাধিতাস্তেন সংজীবতু মম প্রিয়া॥ 1-9-6 (1016) যথা চ জন্মপ্রভৃতি যতাত্মাঽহং ধৃতব্রতঃ। প্রমদ্বরা তথাদ্যৈষা সমুত্তিষ্ঠতু ভামিনী॥ 1-9-7 (1017) [এবং লালপ্যতস্তস্য ভার্যার্থে দুঃখিতস্য চ। দেবদূতস্তদাঽভ্যেত্য বাক্যমাহ রুরুং বনে॥] 1-9-8 (1018) `কৃষ্ণে বিষ্ণৌ হৃষীকেশে লোকেশেঽসুরবিদ্বিষি। যদি মে নিশ্চলা ভক্তির্মম জীবতু সা প্রিয়া॥ 1-9-9 (1019) বিলপ্যমানে তু রুরৌ সর্বে দেবাঃ কৃপান্বিতাঃ। দূতং প্রস্থাপয়ামাসুঃ সংদিশ্যাস্য হিতং বচঃ॥ 1-9-10 (1020) স দূতস্ৎবরিতোঽভ্যেত্য দেবানাং প্রিয়কৃচ্ছুচিঃ। উবাচ দেববচনং রুরুমাভাষ্য দুঃখিতম্॥ 1-9-11 (1021) দেবৈঃ সর্বৈরহং ব্রহ্মন্প্রেষিতোঽস্মি তবান্তিকম্। ৎবদ্ধিতং ৎবদ্ধিতৈরুক্তং শৃণু বাক্যং দ্বিজোত্তম॥' 1-9-12 (1022) অভিধৎসে হ যদ্বাচা রুরো দুঃখান্ন তন্মৃষা। ন তু মর্ত্যস্য ধর্মাত্মন্নায়ুরস্তি গতায়ুষঃ॥ 1-9-13 (1023) গতায়ুরেষা কৃপণা গন্ধর্বাপ্সরসোঃ সুতা। তস্মাচ্ছোকে মনস্তাত মা কৃথাস্ৎবং কথংচন॥ 1-9-14 (1024) উপায়শ্চাত্র বিহিতঃ পূর্বং দেবৈর্মহাত্মভিঃ। তং যদীচ্ছসি কর্তুং ৎবং প্রাপ্স্যসীহ প্রমদ্বরাম্॥ 1-9-15 (1025) রুরুরুবাচ। 1-9-16x (43) ক উপায়ঃ কৃতো দেবৈর্বূহি তত্ৎবেন খেচর। করিষ্যেঽহং তথা শ্রুৎবা ত্রাতুমর্হতি মাং ভবান্॥ 1-9-16 (1026) দেবেদূত উবাচ। 1-9-17x (44) আয়ুষোঽর্ধং প্রয়চ্ছ ৎবং কন্যায়ৈ ভৃগুনন্দন। এবমুত্থাস্যতি রুরো তব ভার্যা প্রয়দ্বরা॥ 1-9-17 (1027) রুরুরুবাচ। 1-9-18x (45) আয়ুষোঽর্ধং প্রয়চ্ছামি কন্যায়ৈ খেচরোত্তম। শৃঙ্গাররূপাভরণা সমুত্তিষ্ঠতু মে প্রিয়া॥ 1-9-18 (1028) সৌতিরুবাচ। 1-9-19x (46) ততো গন্ধর্বরাজশ্চ দেবদূতশ্চ সত্তমৌ। ধর্মরাজমুপেত্যেদং বচনং প্রত্যভাষতাম্॥ 1-9-19 (1029) ধর্মরাজায়ুষোঽর্ধেন রুরোর্ভার্যা প্রমদ্বরা। সমুত্তিষ্ঠতু কল্যাণী মৃতৈবং যদি মন্যসে॥ 1-9-20 (1030) ধর্মরাজ উবাচ। 1-9-21x (47) প্রমদ্বরা রুরোর্ভার্যা দেবদূত যদীচ্ছসি। উত্তিষ্ঠৎবায়ুষোঽর্ধেন রুরোরেব সমন্বিতা॥ 1-9-21 (1031) সৌতিরুবাচ। 1-9-22x (48) এবমুক্তে ততঃ কন্যা সোদতিষ্ঠৎপ্রমদ্বরা। রুরোস্তস্যায়ুষোঽর্ধেন সুপ্তেব বরবর্ণিনী॥ 1-9-22 (1032) এতদ্দৃষ্টং ভবিষ্যে হি রুরোরুত্তমতেজসঃ। আয়ুষোঽতিপ্রবৃদ্ধস্য ভার্যার্থেঽর্ধমলুপ্যত॥ 1-9-23 (1033) তত ইষ্টেঽহনি তয়োঃ পিতরৌ চক্রতুর্মুদা। বিবাহং তৌ চ রেমাতে পরস্পরহিতৈষিণৌ॥ 1-9-24 (1034) স লব্ধ্বা দুর্লভাং ভার্যাং পদ্মকিঞ্জল্কসুপ্রভাম্। ব্রতং চক্রে বিনাশায় জিহ্মগানাং ধৃতব্রতঃ॥ 1-9-25 (1035) স দৃষ্ট্বা জিহ্মগান্সর্বাংস্তীব্রকোপসমন্বিতঃ। অভিহন্তি যথাসত্ৎবং গৃহ্য প্রহরণং সদা॥ 1-9-26 (1036) স কদাচিদ্বনং বিপ্রো রুরুরভ্যাগমন্মহৎ। শয়ানং তত্র চাপশ্যড্ডুণ্ডুভং বয়সান্বিতম্॥ 1-9-27 (1037) তত উদ্যম্য দম্ডং স কালদণ্ডোপমং তদা। জিঘাংসুঃ কুপিতো বিপ্রস্তমুবাচাথ ডুণ্ডুভঃ॥ 1-9-28 (1038) নাপরাধ্যামি তে কিংচিদহমদ্য তপোধন। সংরম্ভাচ্চ কিমর্থং মামভিহংসি রুষান্বিতঃ॥ ॥ 1-9-29 (1039) ইতি শ্রীমন্মহাভারতে আদিপর্বাণি পৌলোমপর্বণি নবমোঽধ্যায়ঃ॥ 9 ॥

1-10-0 (1040) রুরুরুবাচ। 1-10-0x (49) মম প্রাণসমা ভার্যা দষ্টাসীদ্ভুজগেন হ। তত্র মে সময়ো ঘোর আত্মনোরগ বৈ কৃতঃ॥ 1-10-1 (1041) ভুজংগং বৈ সদা হন্যাং যং যং পশ্যেয়মিত্যুত। ততোঽহং ৎবাং জিঘাংসামি জীবিতেনাদ্য মোক্ষ্যসে॥ 1-10-2 (1042) ডুণ্ডুভ উবাচ। 1-10-3x (50) অন্যে তে ভুজগা ব্রহ্মন্যে দশ্তীহ মানবান্। ডুণ্ডুভানহিগন্ধেন ন ৎবং হিংসিতুমর্হসি॥ 1-10-3 (1043) একানর্থান্পৃথগ্ধর্মানেকদুঃখান্পৃথক্সুখান্। ডুণ্ডুভান্ধর্মবিদ্ভূৎবা ন ৎবং হিংসিতুমর্হসি॥ 1-10-4 (1044) সৌতিরুবাচ। 1-10-5x (51) ইতি শ্রুৎবা বচস্তস্য ডুণ্ডুভস্য রুরুস্তদা। নাবধীদ্ভয়সংবিগ্নমৃষিং মত্ৎবাঽথ ডুণ্ডুভম্॥ 1-10-5 (1045) উবাচ চৈনং ভগবান্রুরুঃ সংশময়ন্নিব। কেন ৎবং ভুজগ ব্রূহি কোঽসীমাং বিক্রিয়াং গতঃ॥ 1-10-6 (1046) ডুণ্ডুভ উবাচ। 1-10-7x (52) অহং পুরা রুরো নাম্না ঋষিরাসং সহস্রপাৎ। সোঽহং শাপেন বিপ্রস্য ভুজগৎবমুপাগতঃ॥ 1-10-7 (1047) রুরুরুবাচ। 1-10-8x (53) কিমর্থং শপ্তবান্কুদ্ধো দ্বিজস্ৎবাং ভুজগোত্তম। কিয়ন্তং চৈব কালং তে বপুরেতদ্ভবিষ্যসি॥ ॥ 1-10-8 (1048) ইতি শ্রীমন্মহাভারতে আদিপর্বণি পৌলোমপর্বণি দশমোঽধ্যায়ঃ॥ 10 ॥

1-11-0 (1049) ডুণ্ডুভ উবাচ। 1-11-0x (54) সখা বভূব মে পূর্বং খগমো নাম বৈ দ্বিজঃ। ভৃশং সংশিতবাক্তাত তপোবলসমন্বিতঃ॥ 1-11-1 (1050) স ময়া ক্রীডতা বাল্যে কৃৎবা তার্ণং ভুজংগমম্। অগ্নিহোত্রে প্রসক্তস্তু ভীষিতঃ প্রমুমোহ বৈ॥ 1-11-2 (1051) লব্ধ্বা স চ পুনঃ সংজ্ঞাং মামুবাচ তপোধনঃ। নর্দহন্নিব কোপেন সত্যবাক্সংশিতব্রতঃ॥ 1-11-3 (1052) যথাবীর্যস্ৎবয়া সর্পঃ কৃতোঽয়ং মদ্বিভীষয়া। তথাবীর্যো ভুজংগস্ৎবং মম শাপাদ্ভবিষ্যসি॥ 1-11-4 (1053) তস্যাহং তপসো বীর্যং জানন্নাসং তপোধন। ভৃশমুদ্বিগ্নহৃদয়স্তমবোচমহং তদা॥ 1-11-5 (1054) প্রণতঃ সংভ্রমাচ্চৈব প্রাঞ্জলিঃ পুরতঃ স্থিতঃ। সখেতি হসতেদং তে নর্মার্থং বৈ কৃতং ময়া॥ 1-11-6 (1055) ক্ষন্তুমর্হসি মে ব্রহ্মঞ্শাপোঽয়ং বিনিবর্ত্যতাম্। সোঽথ মামব্রবীদ্দৃষ্ট্বা ভৃশমুদ্বিগ্নচেতসম্॥ 1-11-7 (1056) মুহুরুষ্ণং বিনিঃশ্বস্য সুসংভ্রান্তস্তপোধনঃ। নানৃতং বৈ ময়া প্রোক্তং ভবিতেদং কথংচন॥ 1-11-8 (1057) যত্তু বক্ষ্যামি তে বাক্যং শৃণু তন্মে তপোধন। শ্রুৎবা চ হৃদি তে বাক্যমিদমস্তু সদাঽনঘ॥ 1-11-9 (1058) উৎপৎস্যতি রুরুর্নাম প্রমতেরাত্মজঃ শুচিঃ। তং দৃষ্ট্বা শাপমোক্ষস্তে ভবিতা নচিরাদিব। `এবমুক্তস্তু তেনাহমুরগৎবমবাপ্তবান্॥' 1-11-10 (1059) স ৎবং রুরুরিতি খ্যাতঃ প্রমতেরাত্মজোঽপি চ। স্বরূপং প্রতিপদ্যাহমদ্য বক্ষ্যামি তে হিতম্॥ 1-11-11 (1060) সৌতিরুবাচ। 1-11-12x (55) স ডৌণ্ডুভং পরিত্যজ্য রূপং বিপ্রর্ষভস্তদা। স্বরূপং ভাস্বরং ভূয়ঃ প্রতিপেদে মহায়শাঃ॥ 1-11-12 (1061) ইদং চোবাচ বচনং রুরুমপ্রতিমৌজসম্। অহিংসা পরমো ধর্মঃ সর্বপ্রাণভৃতাং বর॥ 1-11-13 (1062) তস্মাৎপ্রাণভৃতঃ সর্বান্ন হিংস্যাদ্ব্রাহ্মণঃ ক্বচিৎ। ব্রাহ্মণঃ সৌম্য এবেহ ভবতীতি পরা শ্রুতিঃ॥ 1-11-14 (1063) বেদবেদাঙ্গবিন্নাম সর্বভূতাভয়প্রদঃ। অহিংসা সত্যবচনং ক্ষমা চেতি বিনিশ্চিতম্॥ 1-11-15 (1064) ব্রাহ্মণস্য পরো ধর্মো বেদানাং ধারণাপি চ। ক্ষত্রিয়স্য হি যো ধর্মঃ স নেহেষ্যেত বৈ তব॥ 1-11-16 (1065) দণ্ডধারণমুগ্রৎবং প্রজানাং পরিপালনম্। তদিদং ক্ষত্রিয়স্যাসীৎকর্ম বৈ শৃণু মে রুরো॥ 1-11-17 (1066) জনমেজয়স্য যজ্ঞেঽস্মিন্সর্পাণাং হিংসনং পুরা। পরিত্রাণং চ ভীতানাং সর্পাণাং ব্রাহ্মণাদপি॥ 1-11-18 (1067) তপোবীর্যবলোপেতাদ্বেদবেদাঙ্গপারগাৎ। আস্তীকাদ্দ্বিজমুখ্যাদ্বৈ সর্পসত্রে দ্বিজোত্তম॥ ॥ 1-11-19 (1068) ইতি শ্রীমন্মহাভারতে আদিপর্বণি পৌলোমপর্বণি একাদশোঽধ্যায়ঃ॥ 11 ॥

1-12-0 (1069) রুরুরুবাচ। 1-12-0x (56) কথং হিংসিতবান্সর্পান্স রাজা জনমেজয়ঃ। সর্পা বা হিংসিতাস্তত্র কিমর্থং দ্বিজসত্তম॥ 1-12-1 (1070) কিমর্থং মোক্ষিতাশ্চৈব পন্নগাস্তেন ধীমতা। আস্তীকেন দ্বিজশ্রেষ্ঠ শ্রোতুমিচ্ছাম্যশেষতঃ॥ 1-12-2 (1071) ঋষিরুবাচ। 1-12-3x (57) শ্রোষ্যসি ৎবং রুরো সর্বমাস্তীকচরিতং মহৎ। ব্রাহ্মণানাং কথয়তাং ৎবরাবান্গমনে হ্যহম্॥ 1-12-3 (1072) সৌতিরুবাচ। 1-12-4x (58) `ইত্যুক্ৎবান্তর্হিতে যোগাত্তস্মিন্নৃষিবরে প্রভৌ। সংভ্রমাবিষ্টহৃদয়ো রুরুর্মেনে তদদ্ভুতম্॥' 1-12-4 (1073) বলং পরমমাস্থায় পর্যধাবৎসমন্ততঃ। তমৃষিং নষ্টমন্বিচ্ছন্সংশ্রান্তো ন্যপতদ্ভুবি॥ 1-12-5 (1074) স মোহে পরমং গৎবা নষ্টসংজ্ঞ ইবাভবৎ। তদৃষের্বচনং তথ্যং চিন্তয়ানঃ পুনঃপুনঃ॥ 1-12-6 (1075) লব্ধসংজ্ঞো রুরুশ্চায়াত্তদাচখ্যৌ পিতুস্তদা। `পিত্রে তু সর্বমাখ্যায় ডুণ্ডুভস্য বচোঽর্থবৎ॥ 1-12-7 (1076) অপৃচ্ছৎপিতরং ভূয়ঃ সোস্তীকস্য বচস্তদা। আখ্যাপয়ত্তদাঽঽখ্যানং ডুণ্ডুভেনাথ কীর্তিতম্॥ 1-12-8 (1077) তৎকীর্ত্যমানং ভগবঞ্শ্রোতুমিচ্ছামি তত্ৎবতঃ।' পিতা চাস্য তদাখ্যানং পৃষ্টঃ সর্বং ন্যবেদয়ৎ॥ ॥ 1-12-9 (1078) ইতি শ্রীমন্মহাভারতে আদিপর্বণি পৌলোমপর্বণি দ্বাদশোঽধ্যায়ঃ॥ 12 ॥ ॥ সমাপ্তং পৌলোমপর্ব ॥

1-13-0 (1079) শৌনক উবাচ। 1-13-0x (59) কিমর্থং রাজশার্দূলঃ স রাজা জনমেজয়ঃ। সর্পসত্রেণ সর্পাণাং গতোঽন্তং তদ্বদস্ব মে॥ 1-13-1 (1080) নিখিলেন যথাতত্ৎবং সৌতে সর্বমশেষতঃ। আস্তীকশ্চ দ্বিজশ্রেষ্ঠঃ কিমর্থং জপতাং বরঃ॥ 1-13-2 (1081) মোক্ষয়ামাস ভুজগান্প্রদীপ্তাদ্বসুরেতসঃ। কস্য পুত্রঃ স রাজাসীৎসর্পসত্রং য আহরৎ॥ 1-13-3 (1082) স চ দ্বিজাতিপ্রবরঃ কস্য পুত্রোঽভিধৎস্ব মে। 1-13-4 (1083) সৌতিরুবাচ। মহদাক্যানমাস্তীকং যথৈতৎপ্রোচ্যতে দ্বিজ॥ 1-13-4x (60) সর্বমেতদশেষেণ শৃণু মে বদতাং বর। 1-13-5 (1084) শৌনক উবাচ। শ্রোতুমিচ্ছাম্যশেষেণ কথামেতাং মনোরমাম্॥ 1-13-5x (61) আস্তীকস্য পুরাণর্ষের্ব্রাহ্মণস্য যশস্বিনঃ। 1-13-6 (1085) সৌতিরুবাচ। ইতিহাসমিমং বিপ্রাঃ পুরাণং পরিচক্ষতে॥ 1-13-6x (62) কৃষ্ণদ্বৈপায়নপ্রোক্তং নৈমিষারণ্যবাসিষু। পূর্বং প্রচোদিতঃ সূতঃ পিতা মে লোমহর্ষণঃ॥ 1-13-7 (1086) শিষ্যো ব্যাসস্য মেধাবী ব্রাহ্মণেষ্বিদমুক্তবান্। তস্মাদহমুপশ্রুত্য প্রবক্ষ্যামি যথাতথম্॥ 1-13-8 (1087) ইদমাস্তীকমাখ্যানং তুভ্যং শৌনক পৃচ্ছতে। কথয়িষ্যাম্যশেষেণ সর্বপাপপ্রণাশনম্॥ 1-13-9 (1088) আস্তীকস্য পিতা হ্যাসীৎপ্রজাপতিসমঃ প্রভুঃ। ব্রহ্মচারী যতাহারস্তপস্যুগ্রে রতঃ সদা॥ 1-13-10 (1089) জরৎকারুরিতি খ্যাত ঊর্ধ্বরেতা মহাতপাঃ। যায়াবরাণাং প্রবরো ধর্মজ্ঞঃ সংশিতব্রতঃ॥ 1-13-11 (1090) স কদাচিন্মহাভাগস্তপোবলসমন্বিতঃ। চচার পৃথিবীং সর্বাং যত্রসায়ংগৃহো মুনিঃ॥ 1-13-12 (1091) তীর্থেষু চ সমাপ্লাবং কুর্বন্নটতি সর্বশঃ। চরন্দীক্ষাং মহাতেজা দুশ্চরামকৃতাত্মভিঃ॥ 1-13-13 (1092) বায়ুভক্ষো নিরাহারঃ শুষ্যন্ননিমিষো মুনিঃ। ইতস্ততঃ পরিচরন্দীপ্তপাবকসপ্রভঃ॥ 1-13-14 (1093) অটমানঃ কদাচিৎস্বান্স দদর্শ পিতামহান্। লম্বমানান্মহাগর্তে পাদৈরূর্ধ্বৈরবাঙ্মুখান্॥ 1-13-15 (1094) তানব্রবীৎস দৃষ্ট্বৈ জরৎকারুঃ পিতামহান্। কে ভবন্তোঽবলম্বন্তে গর্তে হ্যস্মিন্নধোমুখাঃ॥ 1-13-16 (1095) বীরণস্তম্ভকে লগ্নাঃ সর্বতঃ পরিভক্ষিতে। মূষকেন নিগূঢেন গর্তেঽস্মিন্নিত্যবাসিনা॥ 1-13-17 (1096) পিতর ঊচুঃ। 1-13-18x (63) যায়াবরা নাম বয়মৃষয়ঃ সংশিতব্রতাঃ। সংতানপ্রক্ষয়াদ্ব্রহ্মন্নধো গচ্ছাম মেদিনীম্॥ 1-13-18 (1097) অস্মাকং সংততিস্ৎবেকো জরৎকারুরিতি স্মৃতঃ। মন্দভাগ্যোঽল্পভাগ্যানাং তপ একং সমাস্থিতঃ॥ 1-13-19 (1098) ন স পুত্রাঞ্জনয়িতুং দারান্মূঢশ্চিকীর্ষতি। তেন লম্বামহে গর্তে সংতানস্য ক্ষয়াদিহ॥ 1-13-20 (1099) অনাথাস্তেন নাথেন যথা দুষ্কৃতিনস্তথা। `যেষাং তু সংততির্নাস্তি মর্ত্যলোকে সুখাবহা॥ 1-13-21 (1100) ন তে লভন্তে বসতিং স্বর্গে পুণ্যকৃতোঽপি হি।' কস্ৎবং বন্ধুরিবাস্মাকমনুশোচসি সত্তম॥ 1-13-22 (1101) জ্ঞাতুমিচ্ছামহে ব্রহ্মন্কো ভবানিহ নঃ স্থিতঃ। কিমর্থং চৈব নঃ শোচ্যাননুশোচসি সত্তম॥ 1-13-23 (1102) জরৎকারুরুবাচ। 1-13-24x (64) মম পূর্বে ভবন্তো বৈ পিতরঃ সপিতামহাঃ। ব্রূত কিং করবাণ্যদ্য জরৎকারুরহং স্বয়ম্॥ 1-13-24 (1103) পিতর ঊচুঃ। 1-13-25x (65) যতস্ব যত্নবাংস্তাত সংতানায় কুলস্য নঃ। আত্মনোঽর্থেঽস্মদর্থে চ ধর্ম ইত্যেব বা বিভো॥ 1-13-25 (1104) ন হি ধর্মফলৈস্তাত ন তপোঽভিঃ সুসংচিতৈঃ। তাং গতিং প্রাপ্নুবন্তীহ পুত্রিণো যাং ব্রজন্তি বৈ॥ 1-13-26 (1105) তদ্দারগ্রহণে যত্নং সংতত্যাং চ মনঃ কুরু। পুত্রকাস্মন্নিয়োগাত্ৎবমেতন্নঃ পরমং হিতম্॥ 1-13-27 (1106) জরৎকারুরুবাচ। 1-13-28x (66) ন দারান্বৈ করিষ্যেঽহং ন ধনং জীবিতার্থতঃ। ভবতাং তু হিতার্থায় করিষ্যে দারসংগ্রহম্॥ 1-13-28 (1107) সময়েন চ কর্তাঽহমনেন বিধিপূর্বকম্। তথা যদ্যুপলপ্স্যামি করিষ্যে নান্যথা হ্যহম্॥ 1-13-29 (1108) সনাম্নী যা ভবিত্রী মে দিৎসিতা চৈব বন্ধুভিঃ। ভৈক্ষ্যবত্তামহং কন্যামুপয়ংস্যে বিধানতঃ॥ 1-13-30 (1109) দরিদ্রায় হি মে ভার্যাং কো দাস্যতি বিশেষতঃ। প্রতিগ্রহীষ্যে ভিক্ষাং তু যদি কশ্চিৎপ্রদাস্যতি॥ 1-13-31 (1110) এবং দারক্রিয়াহেতোঃ প্রয়তিষ্যে পিতামহাঃ। অনেন বিধিনা শশ্বন্ন করিষ্যেঽহমন্যথা॥ 1-13-32 (1111) তত্র চোৎপৎস্যতে জন্তুর্ভবতাং তারণায় বৈ। শাশ্বতং স্থানমাসাদ্য মোদন্তাং পিতরো মম॥ ॥ 1-13-33 (1112) ইতি শ্রীমন্মহাভারতে আদিপর্বণি আস্তীকপর্বণি ত্রয়োদশোঽধ্যায়ঃ॥ 13 ॥

1-14-0 (1113) সৌতিরুবাচ। 1-14-0x (67) ততো নিবেশায় তদা স বিপ্রঃ সংশিতব্রতঃ। মহীং চচার দারার্থী ন চ দারানবিন্দত॥ 1-14-1 (1114) স কদাচিদ্বনং গৎবা বিপ্রঃ পিতৃবচঃ স্মরন্। চুক্রোশ কন্যাভিক্ষার্থী তিস্রো বাচঃ শনৈরিব॥ 1-14-2 (1115) তং বাসুকিঃ প্রত্যগৃহ্ণাদুদ্যম্য ভগিনীং তদা। ন স তাং প্রতিজগ্রাহ ন সনাম্নীতি চিন্তয়ন্॥ 1-14-3 (1116) সনাম্নীং চোদ্যতাং ভার্যাং গৃহ্ণীয়ামিতি তস্য হি। মনো নিবিষ্টমভবজ্জরৎকারোর্মহাত্মনঃ॥ 1-14-4 (1117) তমুবাচ মহাপ্রাজ্ঞো জরৎকারুর্মহাতপাঃ। কিংনাম্নী ভগিনীয়ং তে ব্রূহি সত্যং ভুজংগম॥ 1-14-5 (1118) বাসুকিরুবাচ। 1-14-6x (68) জরৎকারো জরৎকারুঃ স্বসেয়মনুজা মম। প্রতিগৃহ্ণীষ্ব ভার্যার্থে ময়া দত্তাং সুমধ্যমাম্। ৎবদর্থং রক্ষিতা পূর্বং প্রতীচ্ছেমাং দ্বিজোত্তম॥ 1-14-6 (1119) সৌতিরুবাচ। 1-14-7x (69) এবমুক্ৎবা ততঃ প্রাদাদ্ভার্যার্থে বরবর্ণিনীম্। স চ তাং প্রতিজগ্রাহ বিধিদৃষ্টেন কর্মণা॥ ॥ 1-14-7 (1120) ইতি শ্রীমন্মহাভারতে আদিপর্বণি আস্তীকপর্বণি চতুর্দশোঽধ্যায়ঃ॥ 14 ॥

1-15-0 (1121) সৌতিরুবাচ। 1-15-0x (70) মাত্রা হি ভুজগাঃ শপ্তাঃ পূর্বং ব্রহ্মবিদাং বর। জনমেজয়স্য বো যজ্ঞে ধক্ষ্যত্যনিলসারথিঃ॥ 1-15-1 (1122) তস্য শাপস্য শান্ত্যর্থং প্রদদৌ পন্নগোত্তমঃ। স্বসারমৃষয়ে তস্মৈ সুব্রতায় মহাত্মনে॥ 1-15-2 (1123) স চ তাং প্রতিজগ্রাহ বিধিদৃষ্টেন কর্মণা। আস্তীকো নাম পুত্রশ্চ তস্যাং জজ্ঞে মহামনাঃ॥ 1-15-3 (1124) তপস্বী চ মহাত্মা চ বেদবেদাঙ্গপারগঃ। সমঃ সর্বস্য লোকস্য পিতৃমাতৃভয়াপহঃ॥ 1-15-4 (1125) অথ দীর্ঘস্য কালস্য পাণ্ডবেয়ো নরাধিপঃ। আজহার মহায়জ্ঞং সর্পসত্রমিতি শ্রুতিঃ॥ 1-15-5 (1126) তস্মিন্প্রবৃত্তে সত্রে তু সর্পাণামন্তকায় বৈ। মোচয়ামাস তাঞ্শাপাদাস্তীকঃ সুমহাতপাঃ॥ 1-15-6 (1127) ভ্রাতৄংশ্চ মাতুলাংশ্চৈব তথৈবান্যান্স পন্নগান্। পিতৄংশ্চ তারয়ামাস সংতত্যা তপসা তথা॥ 1-15-7 (1128) ব্রতৈশ্চ বিবিধৈর্ব্রহ্মন্স্বাধ্যায়ৈশ্চানৃণোঽভবৎ। দেবাংশ্চ তর্পয়ামাস যজ্ঞৈর্বিবিধদক্ষিণৈঃ॥ 1-15-8 (1129) ঋষীংশ্চ ব্রহ্মচর্যেম সন্তত্যা চ পিতামহান্। অপহৃত্য গুরং ভারং পিতৄণাং সংশিতব্রতঃ॥ 1-15-9 (1130) জরৎকারুর্গতঃ স্বর্গং সহিতঃ স্বৈঃ পিতামহৈঃ। আস্তীকং চ সুতং প্রাপ্য ধর্মং চানুত্তমং মুনিঃ॥ 1-15-10 (1131) জরৎকারুঃ সুমহতা কালেন স্বর্গমেয়িবান্। এতদাখ্যানমাস্তীকং যথাবৎকথিতং ময়া। প্রব্রূহি ভৃগুশার্দূল কিমন্যৎকথয়ামি তে॥ ॥ 1-15-11 (1132) ইতি শ্রীমন্মহাভারতে আদিপর্বণি আস্তীকপর্বণি পঞ্চদশোঽধ্যায়ঃ॥ 15 ॥

1-16-0 (1133) শৌনক উবাচ। 1-16-0x (71) সৌতে ৎবং কথয়স্বেমাং বিস্তরেণ কথাং পুনঃ। আস্তীকস্য কবেঃসাধোঃ শুশ্রূষা পরমা হিনঃ॥ 1-16-1 (1134) মধুরং কথ্যতে সৌম্য শ্লক্ষ্ণাক্ষরপদং ৎবয়া। প্রীয়ামহে ভৃশং তাত পিতেবেদং প্রভাষসে॥ 1-16-2 (1135) অস্মচ্ছুশ্রূষণে নিত্যং পিতা হি নিরতস্তব। আচষ্টৈতদ্যথাঽঽক্যানং পিতা তেৎবং তথা বদ॥ 1-16-3 (1136) সৌতিরুবাচ। 1-16-4x (72) আয়ুষ্মন্নিদমাখ্যানমাস্তীকং কথয়ামি তে। যথাশ্রুতং কথয়তঃ সকাশাদ্বৈ পিতুর্ময়া॥ 1-16-4 (1137) পুরা দেবয়ুগে ব্রহ্মন্প্রজাপতিসুতে শুভে। আস্তাং ভগিন্যৌ রূপেণ সমুপেতেঽদ্ভুতেঽনঘ॥ 1-16-5 (1138) তে ভার্যে কশ্যপস্যাস্তাং কদ্রূশ্চ বিনতা চ হ। প্রাদাত্তাভ্যাং বরং প্রীতঃ প্রজাপতিসমঃ পতিঃ॥ 1-16-6 (1139) কশ্যপো ধর্মপত্নীভ্যাং মুদা পরময়া যুতঃ। বরাতিসর্গং শ্রুৎবৈবং কশ্যপাদুত্তমং চ তে॥ 1-16-7 (1140) হর্ষাদপ্রতিমাং প্রীতিং প্রাপতুঃ স্ম বরস্ত্রিয়ৌ। বব্রে কদ্রূঃ সুতান্নাগান্সহস্রং তুল্যবর্চসঃ॥ 1-16-8 (1141) দ্বৌ পুত্রৌ বিনতা বব্রে কদ্রূপুত্রাধিকৌ বলে। তেজসা বপুষা চৈব বিক্রমেণাধিকৌ চ তৌ॥ 1-16-9 (1142) তস্যৈ ভর্তা বরং প্রাদাদীদৃসৌ তে ভবিষ্যতঃ। এবমস্ৎবিতি তং চাহ কশ্যপং বিনতা তদা॥ 1-16-10 (1143) যথাবৎপ্রার্থিতং লব্ধ্বা বরং তুষ্টাভবত্তদা। কৃতকৃত্যা তু বিনতা লব্ধ্বা বীর্যাধিকৌ সুতৌ॥ 1-16-11 (1144) কদ্রূশ্চ লব্ধ্বা পুত্রাণাং সহস্রং তুল্যবর্চসাম্। ধার্যৌ প্রয়ত্নতো গর্ভাবিত্যুক্ৎবা স মহাতপাঃ॥ 1-16-12 (1145) তে ভার্যে বরসংতুষ্টে কশ্যপো বনমাবিশৎ। 1-16-13 (1146) সৌতুরিবাচ। কালেন মহতা কদ্রূরণ্ডানাং দশতীর্দশ॥ 1-16-13x (73) জনয়ামাস বিপ্রেন্দ্র দ্বে চাণ্ডে বিনতা তদা। তয়োরণ্ডানি নিদধুঃ প্রহৃষ্টাঃ পরিচারিকাঃ॥ 1-16-14 (1147) সোপস্বেদেষু ভাণ্ডেষু পঞ্চবর্ষশতানি চ। ততঃ পঞ্চশতে কালে কদ্রূপুত্রা বিনিঃসৃতাঃ॥ 1-16-15 (1148) অণ্ডাভ্যাং বিনতায়াস্তু মিথুনং ন ব্যদৃশ্যত। ততঃ পুত্রার্থিনী দেবী ব্রীডিতা চ তপস্বিনী॥ 1-16-16 (1149) অণ্ডং বিভেদ বিনতা তত্র পুত্রমপশ্যত। পূর্বার্ধকায়সংপন্নমিতরেণাপ্রকাশতা॥ 1-16-17 (1150) স পুত্রঃ ক্রোধসংরব্ধঃ শশাপৈনামিতি শ্রুতিঃ। যোঽহমেবং কৃতো মাতস্ৎবয়া লোভপরীতয়া॥ 1-16-18 (1151) শরীরেণাসমগ্রেণ তস্মাদ্দাসী ভবিষ্যসি। পঞ্চ বর্ষশতান্যস্যা যয়া বিস্পর্ধসে সহ॥ 1-16-19 (1152) এষ চ ৎবাং সুতো মাতর্দাসীৎবান্মোচয়িষ্যতি। যদ্যেনমপি মাতস্ৎবং মামিবাণ্ডবিভেদনাৎ॥ 1-16-20 (1153) ন করিষ্যস্যনঙ্গং বা ব্যঙ্গং বাপি তপস্বিনম্। প্রতিপালয়িতব্যস্তে জন্মকালোঽস্য ধীরয়া॥ 1-16-21 (1154) বিশিষ্টং বলমীপ্সন্ত্যা পঞ্চবর্ষশতাৎপরঃ। এবং শপ্ৎবা ততঃ পুত্রো বিনতামন্তরিক্ষগঃ॥ 1-16-22 (1155) অরুণোঽদৃশ্যত ব্রহ্মন্প্রভাতসময়ে তদা। `উদ্যন্নথ সহস্রাংশুর্দৃষ্ট্বা তমরুণং প্রভুঃ॥ 1-16-23 (1156) স্বতেজসা প্রজ্বলন্তমাত্মনঃ সমতেজসম্। সারথ্যে কল্পয়ামাস প্রীয়মাণস্তমোনুদঃ॥ 1-16-24 (1157) সোঽপি তং রথমারুহ্য ভানোরমিততেজসঃ। সর্বলোকপ্রদীপস্য হ্যমরোঽপ্যরুণোঽভবৎ॥' 1-16-25 (1158) গরুডোঽপি যথাকালং জজ্ঞে পন্নগভোজনঃ। স জাতমাত্রো বিনতাং পরিত্যজ্য খমাবিশৎ॥ 1-16-26 (1159) আদাস্যন্নাত্মনো ভোজ্যমন্নং বিহিতমস্য যৎ। বিধাত্রা ভৃগুশার্দূল ক্ষুধিতঃ পতগেশ্বরঃ॥ ॥ 1-16-27 (1160) ইতি শ্রীমন্মহাভারতে আদিপর্বাণি আস্তীকপর্বণি ষোডশোঽধ্যায়ঃ॥ 16 ॥

1-17-0 (1161) সৌতিরুবাচ। 1-17-0x (74) এতস্মিন্নেব কালে তু ভগিন্যৌ তে তপোধন। অপশ্যতাং সমায়ান্তমুচ্চৈঃ শ্রবসমন্তিকাৎ॥ 1-17-1 (1162) যং তু দেবগণাঃ সর্বে হৃষ্টরূপমপূজয়ন্। মথ্যমানেঽমৃতে জাতমশ্বরত্নমনুত্তমম্॥ 1-17-2 (1163) অমোঘবলমশ্বানামুত্তমং জবিনাং বরম্। শ্রীমন্তমজরং দিব্যং সর্বলক্ষণপূজিতম্॥ 1-17-3 (1164) শৌনক উবাচ। 1-17-4x (75) কথং তদমৃতং দেবৈর্মথিতং ক্ব চ শংস মে। `কারণং চাত্র মথনে সংজাতমমৃতাৎপরম্॥' যত্র জজ্ঞে মহাবীর্যঃ সোঽশ্বরাজো মহাদ্যুতিঃ॥ 1-17-4 (1165) সৌতিরুবাচ। 1-17-5x (76) জ্বলন্তমচলং মেরুং তেজোরাশিমনুত্তমম্। আক্ষিপন্তং প্রভাং ভানোঃ স্বশৃঙ্গৈঃ কাঞ্চনোজ্জ্বলৈঃ॥ 1-17-5 (1166) কনকাভরণং চিত্রং দেবগন্ধর্বসেবিতম্। অপ্রমেয়মনাধৃষ্যমধর্মবহুলৈর্জনৈঃ॥ 1-17-6 (1167) ব্যালৈরাবারিতং ঘোরৈর্দিব্যৌষধিবিদীপিতম্। নাকমাবৃত্য তিষ্ঠন্তমুচ্ছ্রয়েণ মহাগিরিম্॥ 1-17-7 (1168) অগম্যং মনসাপ্যন্যৈর্নদীবৃক্ষসমন্বিতম্। নানাপতগসঙ্ঘৈশ্চ নাদিতং সুমনোহরৈঃ॥ 1-17-8 (1169) তস্য শৃঙ্গমুপারুহ্য বহুরত্নাচিতং শুভম্। অনন্তকল্পমদ্বন্দ্বং সুরাঃ সর্বে মহৌজসঃ॥ 1-17-9 (1170) তে মন্ত্রয়িতুমারব্ধাস্তত্রাসীনা দিবৌকসঃ। অমৃতায় সমাগম্য তপোনিয়মসংয়ুতাঃ॥ 1-17-10 (1171) তত্র নারায়ণো দেবো ব্রহ্মাণমিদমব্রবীৎ। চিন্তয়ৎসু সুরেষ্বেবং মন্ত্রয়ৎসু চ সর্বশঃ॥ 1-17-11 (1172) দেবৈরসুরসঙ্ঘৈশ্চ মথ্যতাং কলশোদধিঃ। ভবিষ্যত্যমৃতং তত্র মথ্যমানে মহোদধৌ॥ 1-17-12 (1173) সর্বৌষধীঃ সমাবাপ্য সর্বরত্নানি চৈব হ। মন্থধ্বয়ুদধিং দেবা বেৎস্যধ্বমমৃতং ততঃ॥ ॥ 1-17-13 (1174) ইতি শ্রীমন্মহাভারতে আদিপর্বণি আস্তীকপর্বণি সপ্তদশোঽধ্যায়ঃ॥ 17 ॥

1-18-0 (1175) সৌতিরুবাচ। 1-18-0x (77) ততোঽভ্রশিখরাকারৈর্গিরিশৃঙ্গৈরলংকৃতম্। মন্দরং পর্বতবরং লতাজালসমাকুলম্॥ 1-18-1 (1176) নানাবিহংগসংঘুষ্টং নানাদংষ্ট্রিসমাকুলম্। কিংনরৈরপ্সরোভিশ্চ দেবৈরপি চ সেবিতম্॥ 1-18-2 (1177) একাদশ সহস্রাণি যোজনানাং সমুচ্ছ্রিতম্। অধোভূমেঃ সহস্রেষু তাবৎস্বেব প্রতিষ্ঠিতম্॥ 1-18-3 (1178) তমুদ্ধর্তুমশক্তা বৈ সর্বে দেবগণাস্তদা। বিষ্ণুমাসীনমভ্যেত্য ব্রহ্মাণং চেদমব্রুবন্॥ 1-18-4 (1179) ভবন্তাবত্র কুরুতাং বুদ্ধিং নৈঃশ্রেয়সীং পরাম্। মন্দরোদ্ধরণে যত্নঃ ক্রিয়তাং চ হিতায় নঃ॥ 1-18-5 (1180) সৌতিরুবাচ। 1-18-6x (78) তথেতি চাব্রবীদ্বিষ্ণুর্ব্রহ্মণা সহ ভার্গব। অচোদয়দমেয়াত্মা ফণীন্দ্রং পদ্মলোচনঃ॥ 1-18-6 (1181) ততোঽনন্তঃ সমুত্থায় ব্রহ্মণা পরিচোদিতঃ। নারায়ণেন চাপ্যুক্তস্তস্মিন্কর্মণি বীর্যবান্॥ 1-18-7 (1182) অথ পর্বতরাজানং তমনন্তো মহাবলঃ। উজ্জহার বলাদ্ব্রহ্মন্সবনং সবনৌকসম্॥ 1-18-8 (1183) ততস্তেন সুরাঃ সার্ধং সমুদ্রমুপতস্থিরে। তমূচুরমৃতস্যার্থে নির্মথিষ্যামহে জলম্॥ 1-18-9 (1184) অপাংপতিরথোবাচ মমাপ্যংশো ভবেত্ততঃ। সোঢাঽস্মি বিপুলং মর্দং মন্দরভ্রমণাদিতি॥ 1-18-10 (1185) ঊচুশ্চ কূর্মরাজানমকূপারে সুরাসুরাঃ। অধিষ্ঠানং গিরেরস্য ভবান্ভবিতুমর্হতি॥ 1-18-11 (1186) কূর্মেণ তু তথেত্যুক্ৎবা পৃষ্ঠমস্য সমর্পিতম্। তং শৈলং তস্য পৃষ্ঠস্থং বজ্রেণেন্দ্রোঽভ্যপীডয়ৎ॥ 1-18-12 (1187) মন্থানং মন্দরং কৃৎবা তথা যোক্ত্রং চ বাসুকিম্। দেবা মথিতুমারব্ধাঃ সমুদ্রং নিধিমম্ভসাম্। অমৃতার্থে পুরা ব্রহ্মস্তথৈবাসুরদানবাঃ॥ 1-18-13 (1188) একমন্তমুপাশ্লিষ্টা নাগরাজ্ঞো মহাসুরাঃ॥ 1-18-14 (1189) বিবুধাঃ সহিতাঃ সর্বে যতঃ পুচ্ছং ততঃ স্থিতাঃ। অনন্তো ভগবান্দেবো যতো নারায়ণঃ স্থিতঃ॥ 1-18-15 (1190) `বাসুকেরগ্রমাশ্লিষ্টা নাগরাজ্ঞো মহাসুরাঃ।' শির উৎক্ষিপ্য নাগস্য পুনঃ পুনরবাক্ষিপন্॥ 1-18-16 (1191) বাসুকেরথ নাগস্য সহসা ক্ষিপ্যতোঽসুরৈঃ। সধূমাঃ সার্চিষো বাতা নিষ্পেতুরসকৃন্মুখাৎ॥ 1-18-17 (1192) `বাসুকের্মথ্যমানস্য নিঃসৃতেন বিষেণ চ। অভবন্মিশ্রিতং তোয়ং তদা ভার্গবনন্দন॥ 1-18-18 (1193) মথনান্মন্দরেণাথ দেবদানববাহুভিঃ। বিষং তীক্ষ্ণং সমুদ্ভূতং হালাহলমিতি শ্রুতম্॥ 1-18-19 (1194) দেবাশ্চ দানবাশ্চৈব দগ্ধাশ্চৈব বিষেণ হ। অপাক্রামংস্ততো ভীতা বিষাদমগমংস্তদা॥ 1-18-20 (1195) ব্রহ্মাণমব্রুবন্দেবাঃ সমেত্য মুনিপুংগবৈঃ। মথ্যমানেঽমৃতে জাতং বিষং কালানলপ্রভম্॥ 1-18-21 (1196) তেনৈব তাপিতা লোকাস্তস্য প্রতিকুরুষ্বহ। এবমুক্তস্তদা ব্রহ্মা দধ্যৌ লোকেশ্বরং হরম্॥ 1-18-22 (1197) ত্র্যক্ষং ত্রিশূলিনং রুদ্রে দেবদেবমুমাপতিম্। তদাঽথ চিন্তিতো দেবস্তজ্জ্ঞাৎবা দ্রুতমায়যৌ॥ 1-18-23 (1198) তস্যাথ দেবস্তৎসর্বমাচচক্ষে প্রজাপতিঃ। তচ্ছ্রুৎবা দবেদেবেশো লোকস্যাস্য হিতেপ্সয়া॥ 1-18-24 (1199) অপিবত্তদ্বিষং রুদ্রঃ কালানলসমপ্রভম্। কণ্ঠে স্থাপিতবান্দেবো লোকানাং হিতকাম্যযা॥ 1-18-25 (1200) যস্মাত্তু নীলতা কণ্ঠে নীলকণ্ঠস্ততঃ স্মৃতঃ। পীতমাত্রে বিষে তত্র রুদ্রেণামিততেজসা॥ 1-18-26 (1201) দেবাঃ প্রীতাঃ পুনর্জগ্মুশ্চক্রুর্বৈ কর্ম তত্তথা। মথ্যমানেঽমৃতস্যার্থে ভূয়ো বৈ দেবদানবৈঃ॥ 1-18-27 (1202) বাসুকেরথ নাগস্য সহসা ক্ষিপ্যতোঽসুরৈঃ। সধূমাঃ সার্চিষো বাতা নিষ্পেতুরসকৃন্মুখাৎ॥' 1-18-28 (1203) তে ধূমসঙ্ঘাঃ সংভূতা মেঘসঙ্ঘাঃ সবিদ্যুতঃ। অভ্যবর্ষন্সুরগণাঞ্শ্রমসংতাপকর্শিতান্॥ 1-18-29 (1204) তস্মাচ্চ গিরিকূটাগ্রাৎপ্রচ্যুতাঃ পুষ্পবৃষ্টয়ঃ। সুরাসুরগণান্সর্বান্সমন্তাৎসমবাকিরন্॥ 1-18-30 (1205) বভূবাত্র মহান্নাদো মহামেঘরবোপমঃ। উদধের্মথ্যমানস্য মন্দরেণ সুরাসুরৈঃ॥ 1-18-31 (1206) তত্র নানাজলচরা বিনিষ্পিষ্টা মহাদ্রিণা। বিলয়ং সমুপাজগ্মুঃ শতশো লবণাম্ভসি॥ 1-18-32 (1207) বারুণানি চ ভূতানি বিবিধানি মহীধরঃ। পাতালতলবাসীনি বিলয়ং সমুপানয়ৎ॥ 1-18-33 (1208) তস্মিংশ্চ ভ্রাম্যমাণেঽদ্রৌ সংঘৃষ্যন্তঃ পরস্পরম্। ন্যপতন্পতগোপেতাঃ পর্বতাগ্রান্মহাদ্রুমাঃ॥ 1-18-34 (1209) তেষাং সংঘর্ষজশ্চাগ্নিরর্চির্ভিঃ প্রজ্বলন্মুহুঃ। বিদ্যুদ্ভিরিব নীলাভ্রমাবৃণোন্মন্দরং গিরিম্॥ 1-18-35 (1210) দদাহ কুঞ্জরাংস্তত্র সিংহাংশ্চৈব বিনির্গতান্। বিগতাসূনি সর্বাণি সত্ৎবানি বিবিধানি চ॥ 1-18-36 (1211) তমগ্নিমমরশ্রেষ্ঠঃ প্রদহন্তমিতস্ততঃ। বারিণা মেঘজেনেন্দ্রঃ শময়ামাস সর্বশঃ॥ 1-18-37 (1212) ততো নানাবিধাস্তত্র সুস্রুবুঃ সাগরাম্ভসি। মহাদ্রুমাণাং নির্যাসা বহবশ্চৌষধীরসাঃ॥ 1-18-38 (1213) তেষামমৃতবীর্যাণাং রসানাং পয়সৈব চ। অমরৎবং সুরা জগ্মুঃ কাঞ্চনস্য চ নিঃস্রবাৎ॥ 1-18-39 (1214) ততস্তস্য সমুদ্রস্য তঞ্জাতমুদকং পয়ঃ। রসোত্তমৈর্বিমিশ্রং চ ততঃ ক্ষীরাদভূদ্ধৃতম্॥ 1-18-40 (1215) ততো ব্রহ্মাণমাসীনং দেবা বরদমব্রুবন্। শ্রান্তাঃ স্ম সুভৃশং ব্রহ্মন্নোদ্ভবত্যমৃতং চ তৎ॥ 1-18-41 (1216) ঋতে নারায়ণং দেবং সর্বেঽন্যে দেবদানবাঃ। চিরারব্ধমিদং চাপি সাগরস্যাপি মন্থনম্॥ 1-18-42 (1217) `গ্লানিরস্মান্সমাবিষ্টা ন চাত্রামৃতমত্থিতম্। 1-18-43 (1218) সৌতিরুবাচ। দেবানাং বচনং শ্রুৎবা ব্রহ্মা লোকপিতামহঃ'॥ 1-18-43x (79) ততো নারায়ণং দেবং বচনং চেদমব্রবীৎ। বিধৎস্বৈষাং বলং বিষ্ণো ভবানত্র পরায়ণম্॥ 1-18-44 (1219) বিষ্ণুরুবাচ। 1-18-45x (80) বলং দদামি সর্বেষাং কর্মৈতদ্যে সমাস্থিতাঃ। ক্ষোভ্যতাং কলশঃ সর্বৈমন্দরঃ পরিবর্ত্যতাম্॥ 1-18-45 (1220) সৌতিরুবাচ। 1-18-46x (81) নারায়ণবচঃ শ্রুৎবা বলিনস্তে মহোদধেঃ। তৎপয়ঃ সহিতা ভূয়শ্চক্রিরে ভৃশমাকুলম্॥ 1-18-46 (1221) `তত্র পূর্বং বিষং জাতং তদ্ব্রহ্মবচনাচ্ছিবঃ। প্রাগ্রসল্লোকরক্ষার্থং ততো জ্যেষ্ঠা সমুত্থিতা। কৃষ্ণরূপধরা দেবী সর্বাভরণভূষিতা॥' 1-18-47 (1222) ততঃ শতসহস্রাংশুর্মথ্যমানাত্তু সাগরাৎ। প্রসন্নাত্মা সমুৎপন্নঃ সোমঃ শীতাংশুরুজ্জ্বলঃ॥ 1-18-48 (1223) শ্রীরনন্তরমুৎপন্না ঘৃতাৎপাণ্ডুরবাসিনী। সুরা দেবী সমুৎপন্না তুরগঃ পাণ্ডুরস্তথা॥ 1-18-49 (1224) কৌস্তুভস্তু মণির্দিব্য উৎপন্নো ঘৃতসংভবঃ। মরীচিবিকচঃ শ্রীমান্নারায়ণউরোগতঃ॥ 1-18-50 (1225) শ্রীঃ সুরা চৈব সোমশ্চ তুরগশ্চ মনোজবঃ। `পারিজাতশ্চ তত্রৈব সুরভিশ্চ মহামুনে। জজ্ঞাতে তৌ তদা ব্রহ্মন্সর্বকামফলপ্রদৌ॥ 1-18-51 (1226) ততো জজ্ঞে মহাকায়শ্চতুর্দন্তো মহাগজঃ। কপিলা কামবৃক্ষশ্চ কৌস্তুভশ্চাপ্সরোগণঃ।' যতো দেবাস্ততো জগ্মুরাদিত্যপথমাশ্রিতাঃ॥ 1-18-52 (1227) ধন্বন্তরিস্ততো দেবো বপুষ্মানুদতিষ্ঠত। শ্বেতং কমণ্ডলুং বিভ্রদমৃতং যত্র তিষ্ঠতি॥ 1-18-53 (1228) এতদত্যদ্ভুতং দৃষ্ট্বা দানবানাং সমুত্থিতঃ। অমৃতার্থে মহান্নাদো মমেদমিতি জল্পতাম্॥ 1-18-54 (1229) ততো নারায়ণো মায়াং মোহিনীং সমুপাশ্রিতঃ। স্ত্রীরূপমদ্ভুতং কৃৎবা দানবানভিসংশ্রিতঃ॥ 1-18-55 (1230) ততস্তদমৃতং তস্যৈ দদুস্তে মূঢচেতসঃ। স্ত্রিয়ৈ দানবদৈতেয়াঃ সর্বে তদ্গতমানসাঃ॥ 1-18-56 (1231) `সা তু নারায়ণী মায়া ধারয়ন্তী কমণ্ডলুম্। আস্যমানেষু দৈত্যেষু পঙ্ক্ত্যা চ প্রতি দানবৈঃ॥ 1-18-57 (1232) দেবানপায়যদ্দেবী ন দৈত্যাংস্তে চ চুক্রুশুঃ॥ ॥ 1-18-58 (1233) ইতি শ্রীমন্মহাবারতে আদিপর্বণি আস্তীকপর্বণি অষ্টাদশোঽধ্যায়ঃ॥ 18 ॥

1-19-0 (1234) সৌতিরুবাচ। 1-19-0x (82) অথাবরণমুখ্যানি নানাপ্রহরণানি চ। প্রগৃহ্যাভ্যদ্রবন্দেবান্সহিতা দৈত্যদানবাঃ॥ 1-19-1 (1235) ততস্তদমৃতং দেবো বিষ্ণুরাদায় বীর্যবান্। জহার দানবেন্দ্রেভ্যো নরেণ সহিতঃ প্রভুঃ॥ 1-19-2 (1236) ততো দেবগণাঃ সর্বে পপুস্তদমৃতং তদা। বিষ্ণোঃ সকাশাৎসংপ্রাপ্য সংভ্রমে তুমুলে সতি॥ 1-19-3 (1237) `পায়যত্যমৃতং দেবান্হরৌ বাহুবলান্নরঃ। নিরোধয়তি চাপেন দূরীকৃত্য ধনুর্ধরান্। যে যেঽমৃতং পিবন্তি স্ম তে তে যুদ্ধ্যন্তি দানবৈঃ;'॥ 1-19-4 (1238) ততঃ পিবৎসু তৎকালং দেবেষ্বমৃতমীপ্সিতম্। রাহুর্বিবুধরূপেণ দানবঃ প্রাপিবত্তদা॥ 1-19-5 (1239) তস্য কণ্ঠমনুপ্রাপ্তে দানবস্যামৃতে তদা। আখ্যাতং চন্দ্রসূর্যাভ্যাং সুরাণাং হিতকাম্যযা॥ 1-19-6 (1240) ততো ভগবতা তস্য শিরশ্ছিন্নমলংকৃতম্। চক্রায়ুধেন চক্রেণ পিবতোঽমৃতমোজসা॥ 1-19-7 (1241) তচ্ছৈলশৃহ্গপ্রঙ্গিমং দানবস্য শিরো মহৎ। `চক্রেণোৎকৃত্তমপতচ্চালয়দ্বসুধাতলম্॥' 1-19-8 (1242) চক্রচ্ছিন্নং খমুৎপত্য ননাদাতিভয়ংকরম্। তৎকবন্ধং পপাতাস্য বিস্ফুরদ্ধরণীতলে॥ 1-19-9 (1243) `ত্রয়োদশ সহস্রাণি চতুরশ্রং সমন্ততঃ। সপর্বতবনদ্বীপাং দৈত্যস্যাকম্পয়ন্মহীম্॥ 1-19-10 (1244) ততো বৈরবিনির্বন্ধঃ কৃতো রাহুমুখেন বৈ। শাশ্বতশ্চন্দ্রসূর্যাভ্যাং গ্রসত্যদ্যাপি চৈব তৌ॥ 1-19-11 (1245) বিহায় ভগবাংশ্চাপি স্ত্রীরূপমতুলং হরিঃ। নানাপ্রহরণৈর্ভীমৈর্দানবান্তমকম্পয়ৎ॥ 1-19-12 (1246) ততঃ প্রবৃত্তঃ সংগ্রামঃ সমীপে লবণাম্ভসঃ। সুরাণামসুরাণাং চ সর্বঘোরতরো মহান্॥ 1-19-13 (1247) প্রাসাশ্চ বিপুলাস্তীক্ষ্ণা ন্যপতন্ত সহস্রশঃ। তোমরাশ্চ সুতীক্ষ্ণাগ্রাঃ শস্ত্রাণি বিবিধানি চ॥ 1-19-14 (1248) ততোঽসুরাশ্চক্রভিন্না বমন্তো রুধিরং বহু। অসিশক্তিগদারুগ্ণা নিপেতুর্ধরণীতলে॥ 1-19-15 (1249) ছিন্নানি পট্টিশৈশ্চৈব শিরাংসি যুধি দারুণৈঃ। তপ্তকাঞ্চনমালীনি নিপেতুরনিশং তদা॥ 1-19-16 (1250) রুধিরেণানুলিপ্তাঙ্গা নিহতাশ্চ মহাসুরাঃ। অদ্রীণামিব কূটানি ধাতুরক্তানি শেরতে॥ 1-19-17 (1251) আহাকারঃ সমভবত্তত্র তত্র সহস্রশঃ। অন্যোন্যংছিন্দতাং শস্ত্রৈরাদিত্যে লোহিতায়তি॥ 1-19-18 (1252) পরিঘৈরায়সৈস্তীক্ষ্ণৈঃ সন্নিকর্ষে চ মুষ্টিভিঃ। নিঘ্নতাং সমরেঽন্যোন্যং শব্দো দিবমিবাস্পৃশৎ॥ 1-19-19 (1253) ছিন্ধিভিন্ধি প্রধাব ৎবং পাতয়াভিসরেতি চ। ব্যশ্রূয়ন্ত মহাঘোরাঃ শব্দাস্তত্র সমন্ততঃ॥ 1-19-20 (1254) এবং সুতুমুলে যুদ্ধে বর্তমানে মহাভয়ে। নরনারায়ণৌ দেবৌ সমাজগ্মতুরাহবম্॥ 1-19-21 (1255) তত্র দিব্যং ধনুর্দৃষ্ট্বা নরস্য ভগবানপি। চিন্তয়ামাস তচ্চক্রং বিষ্ণুর্দানবসূদনম্॥ 1-19-22 (1256) ততোঽম্বরাচ্চিন্তিতমাত্রমাগতং মহাপ্রভং চক্রমমিত্রতাপনম্। বিভাবসোস্তুল্যমকুণ্ঠমণ্ডলং সুদর্শনং সংয়তি ভীমদর্শনম্॥ 1-19-23 (1257) তদাগতং জ্বলিতহুতাশনপ্রভং ভয়ংকরং করিকরবাহুরচ্যুতঃ। মুমোচ বৈ প্রবলবদুগ্রবেগবা- ন্মহাপ্রভং পরনগরাবদারণম্॥ 1-19-24 (1258) তদন্তকজ্বলনসমানবর্চসং পুনঃপুনর্ন্যপতত বেগবত্তদা। বিদারয়দ্দিতিদনুজান্সহস্রশঃ করেরিতং পুরুষবরেণ সংয়ুগে॥ 1-19-25 (1259) দহৎক্বচিজ্জ্বলন ইবাবলেলিহ- ৎপ্রসহ্য তানসুরগণান্ন্যকৃন্তত। প্রবেরিতং বিয়তি মুহুঃ ক্ষিতৌ তথা পপৌ রণে রুধিরমথো পিশাচবৎ॥ 1-19-26 (1260) তথাঽসুরা গিরিভিরদীনচেতসো মুহুর্মুহুঃ সুরগণমার্দয়ংস্তদা। মহাবলা বিগলিতমেঘবর্চসঃ সহস্রশো গগনমভিপ্রপদ্যহ॥ 1-19-27 (1261) অথাম্বরাদ্ভয়জননাঃ প্রপেদিরে সপাদপা বহুবিধমেঘরূপিণঃ। মহাদ্রয়ঃ পরিগলিতাগ্রসানবঃ পরস্পরং দ্রুতমভিহত্য সস্বনাঃ॥ 1-19-28 (1262) ততো মহী প্রবিচলিতা সকাননা মহাদ্রিপাতাভিহতা সমন্ততঃ। পরস্পরং ভৃশমভিগর্জতাং মুহূ রণাজিরে ভৃশমভিসংপ্রবর্তিতে॥ 1-19-29 (1263) নরস্ততো বরকনকাগ্রভূষণৈ- র্মহেষুভির্গগনপথং সমাবৃণোৎ। বিদারয়ন্গিরিশিখরাণি পত্রিভি- র্মহাভয়েঽসুরগণবিগ্রহে তদা॥ 1-19-30 (1264) ততো মহীং লবণজলং চ সাগরং মহাসুরাঃ প্রবিবিশুরর্দিতাঃ সুরৈঃ। বিয়দ্গতং জ্বলিতহুতাশনপ্রভং সুদর্শনং পরিকুপিতং নিশাম্য তে॥ 1-19-31 (1265) ততঃ সুরৈর্বিজয়মবাপ্য মন্দরঃ স্বমেব দেশং গমিতঃ সুপূজিতঃ। বিনাদ্য খং দিবমপি চৈব সর্বশ- স্ততো গতাঃ সলিলধরা যথাগতম্॥ 1-19-32 (1266) ততোঽমৃতং সুনিহিতমেব চক্রিরে সুরাঃ পুরাং মুদমভিগম্য পুষ্কলাম্। দদো চ তং নিধিমমৃতস্য রক্ষিতুং কিরীটিনে বলভিদথামরৈঃ সহ॥ ॥ 1-19-33 (1267) ইতি শ্রীমন্মহাভারতে আদিপর্বণি আস্তীকপর্বণি একোনবিংশোঽধ্যায়ঃ॥ 19 ॥

1-20-0 (1268) সৌতিরুবাচ। 1-20-0x (83) এতত্তে কথিতং সর্বমমৃতং মথিতং যথা। যত্র সোঽশ্বঃ সমুৎপন্নঃ শ্রীমানতুলবিক্রমঃ॥ 1-20-1 (1269) তং নিশাম্য তদা কদ্রূর্বিনতামিদমব্রবীৎ। উচ্চৈঃশ্রবা হি কিংবর্ণো ভদ্রে প্রব্রূহি মা চিরম্॥ 1-20-2 (1270) বিনতোবাচ। 1-20-3x (84) শ্বেত এবাশ্বরাজোঽয়ং কিং বা ৎবং মন্যসে শুভে। ব্রূহি বর্ণং ৎবমপ্যস্য ততোঽত্র বিপণাবহে॥ 1-20-3 (1271) কদ্রূরুবাচ। 1-20-4x (85) কৃষ্ণবালমহং মন্যে হয়মেনং শুচিস্মিতে। এহি সার্ধং ময়া দীব্য দাসীভাবায় ভামিনি॥ 1-20-4 (1272) সৌতিরুবাচ। 1-20-5x (86) এবং তে সময়ং কৃৎবা দাসীভাবায় বৈ মিথঃ। জগ্মতুঃ স্বগৃহানেব শ্বো দ্রক্ষ্যাব ইতি স্ম হ॥ 1-20-5 (1273) ততঃ পুত্রসহস্রং তু কদ্রূর্জিহ্যং চিকীর্ষতী। আজ্ঞাপয়ামাস তদা বালা ভূৎবাঽঞ্জনপ্রভাঃ॥ 1-20-6 (1274) আবিশধ্বং হয়ং ক্ষিপ্রং দাসী ন স্যামহং যথা। নাবপদ্যন্ত যে বাক্যং তাঞ্শশাপ ভুজংগমান্॥ 1-20-7 (1275) সর্পসত্রে বর্তমানে পাবকো বঃ প্রধক্ষ্যতি। জনমেজয়স্য রাজর্ষেঃ পাণ্ডবেয়স্য ধীমতঃ॥ 1-20-8 (1276) শাপমেনং তু শুশ্রাব স্বয়মেব পিতামহঃ। অতিক্রূরং সমুৎসৃষ্টং কদ্র্বা দৈবাদতীব হি॥ 1-20-9 (1277) সার্ধং দেবগণৈঃ সর্বৈর্বাচং তামন্বমোদত। বহুৎবং প্রেক্ষ্য সর্পাণাং প্রজানাং হিতকাম্যযা॥ 1-20-10 (1278) তিগ্মবীর্যবিষা হ্যেতে দন্দশূকা মহাবলাঃ। তেষাং তীক্ষ্ণবিষৎবাদ্ধি প্রজানাং চ হিতায় চ॥ 1-20-11 (1279) যুক্তং মাত্রা কৃতং তেষাং পরপীডোপসর্পিণাম্। অন্যেষামপি সত্ৎবানাং নিত্যং দোষপরাস্তু যে॥ 1-20-12 (1280) তেষাং প্রাণান্তিকো দণ্ডো দৈবেন বিনিপাত্যতে। এবং সংভাষ্য দেবস্তু পূজ্য কদ্রূং চ তাং তদা॥ 1-20-13 (1281) আহূয় কশ্যপং দেব ইদং বচনমব্রবীৎ। যদেতে দন্দশূকাশ্চ সর্পা জাতাস্ৎবয়ানঘ॥ 1-20-14 (1282) বিষোল্বণা মহাভোগা মাত্রা শপ্তাঃ পরংতপ। তত্র মন্যুস্ৎবয়া তাত ন কর্তব্যঃ কথংচন॥ 1-20-15 (1283) দৃষ্টং পুরাতনং হ্যেতদ্যজ্ঞে সর্পবিনাশনম্। ইত্যুক্ৎবা সৃষ্টিকৃদ্দেবস্তং প্রসাদ্য প্রজাপতিম্। প্রাদাদ্বিষহরীং বিদ্যাং কশ্যপায় মহাত্মনে॥ 1-20-16 (1284) `এবং শপ্তেষু নাগেষু কদ্র্বাতু দ্বিজসত্তম। অদ্বিগ্নঃ শাপতস্তস্যাঃ কদ্রূং কর্কোটকোঽব্রবীৎ॥ 1-20-17 (1285) মাতরং পরমপ্রীতস্তথা ভুজগসত্তমঃ। আবিশ্য বাজিনং মুখ্যং বালো ভূৎবাঞ্জনপ্রভঃ॥ 1-20-18 (1286) দর্শয়িষ্যামি তত্রাহমাত্মানং কামমাশ্বস। এবমস্ৎবিতি সা পুত্রং প্রত্যুবাচ যশস্বিনী'॥ ॥ 1-20-19 (1287) ইতি শ্রীমন্মহাভারতে আদিপর্বণি আস্তীকর্পণি বিংশোঽধ্যায়ঃ॥ 20 ॥

1-21-0 (1288) সৌতিরুবাচ। 1-21-0x (87) ততো রজন্যাং ব্যুষ্টায়াং প্রভাতেঽভ্যুদিতে রবৌ। কদ্রূশ্চ বিনতা চৈব ভগিন্যৌ তে তপোধন॥ 1-21-1 (1289) অমর্ষিতে সুসংরব্ধে দাস্যে কৃতপণে তদা। `স্মগরস্য পরং পারং বেলাবনবিভূষিতম্।' জগ্মতুস্তুরগং দ্রষ্টুমুচ্চৈঃশ্রবসমন্তিকাৎ॥ 1-21-2 (1290) দদৃশাতেঽথ তে তত্র সমুদ্রং নিধিমম্ভসাম্। মহান্তমুদকাগাধং ক্ষোভ্যমাণং মহাস্বনম্॥ 1-21-3 (1291) তিমিংগিলঝষাকীর্ণং মকরৈরাবৃতং তথা। সৎবৈশ্চ বহুসাহস্রৈর্নানারূপৈঃ সমাবৃতম্॥ 1-21-4 (1292) ভীষণৈর্বিকৃতৈরন্যৈর্ঘোরৈর্জলচরৈস্তথা। উগ্রৈর্নিত্যমনাধৃষ্যং কূর্মগ্রাহসমাকুলম্॥ 1-21-5 (1293) আকরং সর্বরত্নানামালয়ং বরুণস্য চ। নাগানামালয়ং রম্যমুত্তমং সরিতাং পতিম্॥ 1-21-6 (1294) পাতালজ্বলনাবাসমসুরাণাং চ বান্ধবম্। ভয়ংকরং চ সত্ৎবানাং পয়সাং নিধিমর্ণবম্॥ 1-21-7 (1295) শুভং দিব্যমমর্ত্যানামমৃতস্যাকরং পরম্। অপ্রমেয়মচিন্ত্যং চ সুপুণ্যজলমদ্ভুতম্॥ 1-21-8 (1296) ঘোরং জলচরারাবরৌদ্রং ভৈরবনিঃস্বনম্। গম্ভীরাবর্তকলিলং সর্বভূতভয়ংকরম্॥ 1-21-9 (1297) বেলাদোলানিলচলং ক্ষোভোদ্বেগসমুচ্ছ্রিতম্। বীচীহস্তৈঃ প্রচলিতৈর্নৃত্যন্তমিব সর্বতঃ॥ 1-21-10 (1298) চন্দ্রবৃদ্ধিক্ষয়বশাদুদ্বৃত্তোর্মিসমাকুলম্। পাঞ্চজন্যস্য জননং রত্নাকরমনুত্তমম্॥ 1-21-11 (1299) গাং বিন্দতা ভগবতা গোবিন্দেনামিতৌজসা। বরাহরূপিণা চান্তর্বিক্ষোভিতজলাবিলম্॥ 1-21-12 (1300) ব্রহ্মর্ষিণা ব্রতবতা বর্ষাণাং শতমত্রিণা। অনাসাদিতগাধং চ পাতালতলমব্যযম্॥ 1-21-13 (1301) অধ্যাত্ময়োগনিদ্রাং চ পদ্মনাভস্য সেবতঃ। যুগাদিকালশয়নং বিষ্ণোরমিততেজসঃ॥ 1-21-14 (1302) বজ্রপাতনসংত্রস্তমৈনাকস্যাভয়প্রদম্। ডিম্বাহবার্দিতানাং চ অসুরাণাং পরায়ণম্॥ 1-21-15 (1303) বডবামুখদীপ্তাগ্নেস্তোয়হব্যপ্রদং শিবম্। অগাধপারং বিস্তীর্ণমপ্রমেয়ং সরিৎপতিম্॥ 1-21-16 (1304) মহানদীভির্বহ্বীভিঃ স্পর্ধয়েব সহস্রশঃ। অভিসার্যমাণমনিশং দদৃশাতে মহার্ণবম্। আপূর্যমাণমত্যর্থং নৃত্যমানমিবোর্মিভিঃ॥ 1-21-17 (1305) গম্ভীরং তিমিমকরোগ্রসংকুলং তং গর্জন্তং জলচররাবরৌদ্রনাদৈঃ। বিস্তীর্ণং দদৃশতুরম্বরপ্রকাশং তেঽগাধং নিধিমুরুমম্ভসামনন্তম্॥ ॥ 1-21-18 (1306) ইতি শ্রীমন্মহাভারতে আদিপর্বণি আস্তীকপর্বণি একবিংশতিতমোঽধ্যায়ঃ॥ 21 ॥

1-22-0 (1307) সৌতিরুবাচ। 1-22-0x (88) নাগাশ্চ সংবিদং কৃৎবা কর্তব্যমিতি তদ্বচঃ। নিঃস্নেহা বৈ দহেন্মাতা অসংপ্রাপ্তমনোরথা॥ 1-22-1 (1308) প্রসন্না মোক্ষয়েদস্মাংস্তস্মাচ্ছাপাচ্চ ভামিনী। কৃষ্ণং পুচ্ছং করিষ্যামস্তুরগস্য ন সংশয়ঃ॥ 1-22-2 (1309) `ইতি নিশ্চিত্য তে তস্য কৃষ্ণা বালা ইব স্থিতাঃ।' এতস্মিন্নন্তরে তে তু সপত্ন্যৌ পণিতে তদা॥ 1-22-3 (1310) ততস্তে পণিতং কৃৎবা ভগিন্যৌ দ্বিজসত্তম। জগ্মতুঃ পরয়া প্রীত্যা পরং পারং মহোদধেঃ॥ 1-22-4 (1311) কদ্রূশ্চ বিনতা চৈব দাক্ষায়ণ্যৌ বিহায়সা। আলোকয়ন্ত্যাবক্ষোভ্যং সমুদ্রং নিধিমম্ভসাম্॥ 1-22-5 (1312) বায়ুনাঽতীব সহসা ক্ষোভ্যমাণং মহাস্বনম্। তিমিংগিলসমাকীর্ণং মকরৈরাবৃতং তথা॥ 1-22-6 (1313) সংয়ুতং বহুসাহস্রৈঃ সৎবৈর্নানাবিধৈরপি। ঘোরর্ঘোরমনাধৃষ্যং গম্ভীরমতিভৈরবম্॥ 1-22-7 (1314) আকরং সর্বরত্নানামালয়ং বরুণস্য চ। নাগানামালয়ং চাপি সুরম্যং সরিতাং পতিম্॥ 1-22-8 (1315) পাতালজ্বলনাবাসমসুরাণাং তথালয়ম্। ভয়ংকরাণাং সত্ৎবানাং পয়সো নিধিমব্যযম্॥ 1-22-9 (1316) শুভ্রং দিব্যমমর্ত্যানামমৃতস্যাকরং পরম্। অপ্রমেয়মচিন্ত্যং চ সুপুম্যজলসংমিতম্॥ 1-22-10 (1317) মহানদীভির্বহ্বীভিস্তত্র তত্র সহস্রশঃ। আপূর্যমাণমত্যর্থং নৃত্যন্তমিব চোর্মিভিঃ॥ 1-22-11 (1318) ইত্যেবং তরলতরোর্মিসংকুলং তে গম্ভীরং বিকসিতমম্বরপ্রকাশম্। পাতালজ্বলনশিখাবিদীপিতাঙ্গং গর্জন্তং দ্রুতমভিজগ্মতুস্ততস্তে॥ ॥ 1-22-12 (1319) ইতি শ্রীমন্মহাভারতে আদিপর্বণি আস্তীকপর্বণি দ্বাবিংশোঽধ্যায়ঃ॥ 22 ॥

1-23-0 (1320) সৌতিরুবাচ। 1-23-0x (89) তং সমুদ্রমতিক্রম্য কদ্রূর্বিনতয়া সহ। ন্যপতত্তুরগাভ্যাশে ন চিরাদিব শীঘ্রগা॥ 1-23-1 (1321) ততস্তে তং হয়শ্রেষ্ঠং দদৃশাতে মহাজবম্। শশাঙ্ককিরণপ্রখ্যং কালবালমুভে তদা॥ 1-23-2 (1322) নিশাম্য চ বহূন্বালান্কৃষ্ণান্পুচ্ছসমাশ্রিতান্। বিষণ্ণরূপাং বিনতাং কদ্রূর্দাস্যে ন্যযোজয়ৎ॥ 1-23-3 (1323) ততঃ সা বিনতা তস্মিন্পণিতেন পরাজিতা। অভবদ্দুঃখসংতপ্তা দাসীভাবং সমাস্থিতা॥ 1-23-4 (1324) এতস্মিন্নন্তরে চাপি গরুডঃ কাল আগতে। বিনা মাত্রা মহাতেজা বিদার্যাণ্ডমজায়ত॥ 1-23-5 (1325) মহাসত্ৎববলোপেতঃ সর্বা বিদ্যোতয়ন্দিশঃ। কামরূপঃ কামগমঃ কামবীর্যো বিহংগমঃ॥ 1-23-6 (1326) অগ্নিরাশিরিবোদ্ভাসন্সমিদ্ধোঽতিভয়ংকরঃ। বিদ্যুদ্বিস্পষ্টপিঙ্গাক্ষো যুগান্তাগ্নিসমপ্রভঃ॥ 1-23-7 (1327) প্রবৃদ্ধঃ সহসা পক্ষী মহাকায়ো নভোগতঃ। ঘোরো ঘোরস্বনো রৌদ্রো বহ্নিরৌর্ব ইবাপরঃ॥ 1-23-8 (1328) তং দৃষ্ট্বা শরণং জগ্মুর্দেবাঃ সর্বে বিভাবসুম্। প্রমিপত্যাব্রুবংশ্চৈনমাসীনং বিশ্বরূপিণম্॥ 1-23-9 (1329) অগ্নে মা ৎবং প্রবর্ধিষ্ঠাঃ কচ্চিন্নো ন দিধক্ষসি। অসৌ হি রাশিঃ সুমহান্সমিদ্ধস্তব সর্পতি॥ 1-23-10 (1330) অগ্নিরুবাচ। 1-23-11x (90) নৈতদেবং যথা যূয়ং মন্যধ্বমসুরার্দনাঃ। গরুডো বলবানেষ মম তুল্যশ্চ তেজসা॥ 1-23-11 (1331) জাতঃ পরমতেজস্বী বিনতানন্দবর্ধনঃ। তেজোরাশিমিমং দৃষ্ট্বা যুষ্মান্মোহঃ সমাবিশৎ॥ 1-23-12 (1332) নাগক্ষয়করশ্চৈ কাশ্যপেয়ো মহাবলঃ। দেবানাং চ হিতে যুক্তস্ৎবহিতো দৈত্যরক্ষসাম্॥ 1-23-13 (1333) ন ভীঃ কার্যা কথং চাত্র পশ্যধ্বং সহিতা ময়া। 1-23-14 (1334) সৌতিরুবাচ। এবমুক্তাস্তদা গৎবা গরুডং বাগ্ভিরস্তুবন্॥ 1-23-14x (91) তে দূরাদভ্যুপেত্যৈনং দেবাঃ সর্ষিগণাস্তদা। 1-23-15 (1335) দেবা ঊচুঃ। ৎবমৃষিস্ৎবং মহাভাগস্ৎবং দেবঃ পতগেশ্বরঃ॥ 1-23-15x (92) ৎবং প্রভুস্তপনঃ সূর্যঃ পরমেষ্ঠী প্রজাপতিঃ। ৎবমিন্দ্রস্ৎবং হয়মুখস্ৎবং শর্বস্ৎবং জগৎপতিঃ॥ 1-23-16 (1336) ৎবং মুখং পদ্মজী বিপ্রস্ৎবমগ্নিঃ পবনস্তথা। ৎবং হি ধাতা বিধাতা চ ৎবং বিষ্ণুঃ সুরসত্তমঃ॥ 1-23-17 (1337) ৎবং মহানভিভূঃ শশ্বদমৃতং ৎবং মহদ্যশঃ। ৎবং প্রভাস্ৎবমভিপ্রেতং ৎবং নস্ত্রাণমনুত্তমম্॥ 1-23-18 (1338) `ৎবং গতিঃ সততং ৎবত্তঃ কথং নঃ প্রাপ্নুয়াদ্ভয়ম্।' বলোর্মিমান্সাধুরদীনসত্ৎবঃ সমৃদ্ধিমান্দুর্বিষহস্ৎবমেব। ৎবত্তঃ সৃতং সর্বমহীনকীর্তে হ্যনাগতং চোপগতং চ সর্বম্॥ 1-23-19 (1339) ৎবমুত্তমঃ সর্বমিদং চরাচরং গভস্তিভির্ভানুরিবাবভাসসে। সমাক্ষিপন্ভানুমতঃ প্রভাং মুহু- স্ৎবমন্তকঃ সর্বমিদং ধ্রুবাধ্রুবম্॥ 1-23-20 (1340) দিবাকরঃ পরিকুপিতো যথা দহে- ৎপ্রজাস্তথা দহসি হুতাশনপ্রভ। ভয়ংকরঃ প্রলয় ইবাগ্নিরুত্থিতো বিনাশয়ন্যুগপরিবর্তনান্তকৃৎ॥ 1-23-21 (1341) খগেশ্বরং শরণমুপাগতা বয়ং মহৌজসং জ্বলনসমানবর্চসম্। তডিৎপ্রভং বিতিমিরমভ্রগোচরং মহাবলং গরুডমুপেত্য খেচরম্॥ 1-23-22 (1342) পরাবরং বরদমজয়্যবিক্রমং তবৌজস সর্বমিদং প্রতাপিতম্। জগৎপ্রভো তপ্তসুবর্ণবর্চসা ৎবং পাহি সর্বাংশ্চ সুরান্মহাত্মনঃ॥ 1-23-23 (1343) ভয়ান্বিতা নভসি বিমানগামিনো বিমানিতা বিপথগতিং প্রয়ান্তি তে। ঋষেঃ সুতস্ৎবমসি দয়াবতঃ প্রভো মহাত্মনঃ খগবর কশ্যপস্য হ॥ 1-23-24 (1344) স মা ক্রুধঃ কুরু জগতো দয়াং পরাং ৎবমীশ্বরঃ প্রশমমুপৈহি পাহি নঃ। মহাশনিস্ফুরিতসমস্বনেন তে দিশোঽম্বরং ত্রিদিবমিয়ং চ মেদিনী॥ 1-23-25 (1345) চলন্তি নঃ খগ হৃদয়ানি চানিশং নিগৃহ্যতাং বপুরিদমগ্নিসন্নিভম্। তব দ্যুতিং কুপিতকৃতান্তসন্নিভাং নিশাম্য নশ্চলতি মনোঽব্যবস্থিতম্। প্রসীদ নঃ পতগতে প্রয়াচতাং শিবশ্চ নো ভব ভগবন্সুখাবহঃ॥ 1-23-26 (1346) সৌতিরুবাচ। 1-23-27x (93) এবং স্তুতঃ সুপর্ণস্তু দেবৈঃ সর্ষিগণৈস্তদা। তেজসঃ প্রতিসংহারমাত্মনঃ স চকার হ॥ ॥ 1-23-27 (1347) ইতি শ্রীমন্মহাভারতে আদিপর্বণি আস্তীকপর্বণি ত্রয়োবিংশোঽধ্যায়ঃ॥ 23 ॥

1-24-0 (1348) সৌতিরুবাচ। 1-24-0x (94) স শ্রুৎবাঽথাত্মনো দেহং সুপর্ণঃ প্রেক্ষ্য চ স্বয়ম্। শরীরপ্রতিসংহারমাত্মনঃ সংপ্রচক্রমে॥ 1-24-1 (1349) সুপর্ণ উবাচ। 1-24-2x (95) ন মে সর্বাণি ভূতানি বিভিয়ুর্দেহদর্শনাৎ। ভীমরূপাৎসমুদ্বিগ্রাস্তস্মাত্তেজস্তু সংহরে॥ 1-24-2 (1350) সৌতিরুবাচ। 1-24-3x (96) ততঃ কামগমঃ পক্ষী কামবীর্যো বিহংগমঃ। অরুণং চাত্মনঃ পৃষ্ঠমারোপ্য স পিতুর্গৃহাৎ॥ 1-24-3 (1351) মাতুরন্তিকমাগচ্ছৎপরং তীরং মহোদধেঃ। তত্রারুণশ্চ নিক্ষিপ্তো পুরোদেশে মহাদ্যুতেঃ॥ 1-24-4 (1352) সূর্যস্তেজোভিরত্যুগ্রৈর্লোকান্দগ্ধুমনা যদা। 1-24-5 (1353) রুরুরুবাচ। কিমর্থং ভগবান্সূর্যো লোকান্দগ্ধুমনাস্তদা॥ 1-24-5x (97) কিমস্তাপহৃতং দেবৈর্যেনমং মন্যুরাবিশৎ। 1-24-6 (1354) প্রমতিরুবাচ। চন্দ্রার্কাভ্যাং যদা রাহুরাখ্যাতো হ্যমৃতং পিবন্॥ 1-24-6x (98) বৈরানুবন্ধং কৃতবাংশ্চন্দ্রাদিত্যৌ তদাঽনঘ। বাধ্যমানং গ্রহেণাথ হ্যাদিত্যং মন্যুরাবিশৎ॥ 1-24-7 (1355) সুরার্থায় সমুৎপন্নো রোষো রাহোস্তু মাং প্রতি। বহ্বনর্থকরং পাপমেকোঽহং সমবাপ্নুয়াম্॥ 1-24-8 (1356) সহায় এব কার্যেষু ন চ কৃচ্ছ্রেষু দৃশ্যতে। পশ্যন্তি গ্রস্যমানং মাং সহন্তে বৈ দিবৌকসঃ॥ 1-24-9 (1357) তস্মাল্লোকবিনাশার্থং হ্যবতিষ্ঠে ন সংশয়ঃ। এবং কৃতমতিঃ সূর্যো হ্যস্তমভ্যগমদ্গিরিম্॥ 1-24-10 (1358) তস্মাল্লোকবিনাশায় সংতাপয়ত ভাস্করঃ। ততো দেবানুপাগম্য প্রোচুরেবং মহর্ষয়ঃ॥ 1-24-11 (1359) আদ্যার্ধরাত্রসময়ে সর্বলোকভয়াবহঃ। উৎপৎস্যতে মহান্দাহস্ত্রৈলোক্যস্য বিনাশনঃ॥ 1-24-12 (1360) ততো দেবাঃ সর্ষিগণা উপগম্য পিতামহম্। অব্রুবন্কিমিবেহাদ্য মহদ্দাহকৃতং ভয়ম্॥ 1-24-13 (1361) ন তাবদ্দৃশ্যতে সূর্যঃ ক্ষয়োঽয়ং প্রতিভাতি চ। উদিতে ভগবন্ভানৌ কথনেতদ্ভবিষ্যতি॥ 1-24-14 (1362) পিতামহ উবাচ। 1-24-15x (99) এষ লোকবিনাশায় রবিরুদ্যন্তুমুদ্যতঃ। দৃশ্যন্নেব হি লোকান্স ভস্মরাশীকরিষ্যতি॥ 1-24-15 (1363) তস্য প্রতিবিধানং চ বিহিতং পূর্বমেব হি। কশ্যপস্য সুতো ধীমানরুণেত্যভিবিশ্রুতঃ॥ 1-24-16 (1364) মহাকায়ো মহাতেজাঃ স স্থাস্যতি পুরো রবেঃ। করিষ্যতি চ সারথ্যং তেজশ্চাস্য হরিষ্যতি॥ 1-24-17 (1365) লোকানাং স্বস্তি চৈবং স্যাদৃষীণাং চ দিবৌকসাম্। 1-24-18 (1366) প্রমতিরুবাচ। ততঃ পিতামহাজ্ঞাতঃ সর্বং চক্রে তদাঽরুণঃ॥ 1-24-18x (100) উদিতশ্চৈব সবিতা হ্যরুণেন সমাবৃতঃ। এতত্তে সর্বমাখ্যাতং যৎসূর্যং মন্যুরাবিশৎ॥ 1-24-19 (1367) অরুণশ্চ যথৈবাস্য সারথ্যমকরোৎপ্রভুঃ। ভূয় এবাপরং প্রশ্নং শৃণু পূর্বমুদাহৃতম্॥ ॥ 1-24-20 (1368) ইতি শ্রীমন্মহাভারতে আদিপর্বণি আস্তীকপর্বণি চতুর্বিংশোঽধ্যায়ঃ॥ 24 ॥

1-25-0 (1369) সৌতিরুবাচ। 1-25-0x (101) ততঃ কামগমঃ পক্ষী মহাবীর্যো মহাবলঃ। মাতুরন্তিকমাগচ্ছৎপরং পারং মহোদধেঃ॥ 1-25-1 (1370) যত্র সা বিনতা তস্মিন্পণিতেন পরাজিতা। অতীব দুঃখসংতপ্তা দাসীভাবমুপাগতা॥ 1-25-2 (1371) ততঃ কদাচিদ্বিনতাং প্রণতাং পুত্রসন্নিধৌ। কালে চাহূয় বচনং কদ্রূরিদমভাষত॥ 1-25-3 (1372) নাগানামালয়ং ভদ্রে সুরম্যং চারুদর্শনম্। সমুদ্রকুক্ষাবেকান্তে তত্র মাং বিনতে নয়॥ 1-25-4 (1373) সৌতিরুবাচ। 1-25-5x (102) ততঃ সুপর্ণমাতা তামবহৎসর্পমাতরম্। পন্নগান্গরুডশ্চাপি মাতুর্বচনচোদিতঃ॥ 1-25-5 (1374) স সূর্যমভিতো যাতি বৈনতেয়ো বিহংগমঃ। সূর্যরশ্মিপ্রতপ্তাশ্চ মূর্চ্ছিতাঃ পন্নগাঽভবন্॥ 1-25-6 (1375) তদবস্থান্সুতান্দৃষ্ট্বা কদ্রূঃ শক্রমথাস্তুবৎ। নমস্তে সর্বদেবেশ নমস্তে বলসূদন॥ 1-25-7 (1376) নমুচিঘ্ন নমস্তেঽস্তু সহস্রাক্ষ শচীপতে। সর্পাণাং সূর্যতপ্তানাং বারিণা ৎবং প্লবো ভব॥ 1-25-8 (1377) ৎবমেব পরমং ত্রাণমস্মাকমমরোত্তম। ঈশো অসি পবঃ স্রষ্টুং ৎবমনল্পং পুরংদর॥ 1-25-9 (1378) ৎবমেব মেঘস্ৎবং বায়ুস্ৎবমগ্নির্বিদ্যুতোঽম্বরে। ৎবমভ্রগণবিক্ষেপ্তা ৎবামেবাহুর্মহাঘনম্॥ 1-25-10 (1379) ৎবং বজ্রমতুলং ঘোরং ঘোষবাংস্ৎবং বলাহকঃ। স্রষ্টা ৎবমেব লোকানাং সংহর্তা চাপরাজিতঃ॥ 1-25-11 (1380) ৎবং জ্যোতিঃ সর্বভূতানাং ৎবমাদিত্যো বিভাবসুঃ। ৎবং মহদ্ভূতমাশ্চর্যং ৎবং রাজা ৎবং সুরোত্তমঃ॥ 1-25-12 (1381) ৎবং বিষ্ণুস্ৎবং সহস্রাক্ষস্ৎবং দেবস্ৎবং পরায়ণম্। ৎবং সর্বমমৃতং দেব ৎবং সোমঃ পরমার্চিতঃ॥ 1-25-13 (1382) ৎবং মুহূর্তস্তিথিস্ৎবং চ ৎবং লবস্ৎবং পুনঃ ক্ষণঃ। শুক্লস্ৎবং বহুলস্ৎবং চ কলা কাষ্ঠা ত্রুটিস্তথা। সংবৎসরর্তবো মাসা রজন্যশ্চ দিনানি চ॥ 1-25-14 (1383) ৎবমুত্তমা সগিরিবনা বসুংধরা সভাস্করং বিতিমিরমম্বরং তথা। মদোদধিঃ সতিমিতিমিঙ্গিলস্তথা মহোর্মিমান্বহুমকরো ঝষাকুলঃ॥ 1-25-15 (1384) মহায়শাস্ৎবমিতি সদাঽভিপূজ্যসে মনীষিভির্মুদিতমনা মহর্ষিভিঃ। অভিষ্টুতঃ পিবসি চ সোমমধ্বরে কষট্কৃতান্যপি চ হবীংষি ভূতয়ে॥ 1-25-16 (1385) ৎবং বিপ্রৈঃ সততমিহেজ্যসে ফলার্থং বেদাঙ্গেষ্বতুলবলৌঘ গীয়সে চ। ৎবদ্ধেতোর্যজনপরায়ণা দ্বিজেন্দ্রা বেদাঙ্গান্যভিগময়ন্তি সর্বয়ত্নৈঃ॥ ॥ 1-25-17 (1386) ইতি শ্রীমন্মহাভারতে আদিপর্বণি আস্তীকপর্বণি পঞ্চবিংশোঽধ্যায়ঃ॥ 25 ॥

1-26-0 (1387) সৌতিরুবাচ। 1-26-0x (103) এবং স্তুতস্তদা কদ্র্বা ভগবান্হরিবাহনঃ। নীলজীমূতসংঘাতৈঃ সর্বমম্বরমাবৃণোৎ॥ 1-26-1 (1388) মেঘানাজ্ঞাপয়ামাস বর্ষধ্বমমৃতং শুভম্। তে মেঘা মুমুচুস্তোয়ং প্রভূতং বিদ্যুদুজ্জ্বলাঃ॥ 1-26-2 (1389) পরস্পরমিবাত্যর্থং গর্জন্তঃ সততং দিবি। সংবর্তিতমিবাকাশং জলদৈঃ সুমহাদ্ভুতৈঃ॥ 1-26-3 (1390) সৃজদ্ভিরতুলং তোয়মজস্রং সুমহারবৈঃ। সংপ্রনৃত্তমিবাকাশং ধারোর্মিভিরনেকশঃ॥ 1-26-4 (1391) মেঘস্তনিতনির্ঘোষৌর্বিদ্যুৎপবনকম্পিতৈঃ। তৈর্মেঘৈঃ সততাসারং বর্ষদ্ভিরনিশং তদা॥ 1-26-5 (1392) নষ্টচন্দ্রার্ককিরণমম্বরং সমপদ্যত। নাগানামুত্তমো হর্ষস্তথা বর্ষতি বাসবে॥ 1-26-6 (1393) আপূর্যত মহী চাপি সলিলেন সমন্ততঃ। রসাতলমনুপ্রাপ্তং শীতলং বিমলং জলম্। 1-26-7 (1394) তদা ভূরভবচ্ছন্না জলোর্মিভিরনেকশঃ। রামণীয়কমাগচ্ছন্মাত্রা সহ ভুজংগমাঃ॥ ॥ 1-26-8 (1395) ইতি শ্রীমন্মহাভারতে আদিপর্বণি পৌলোমপর্বণি ষড্বিংশোঽধ্যায়ঃ॥ 26 ॥

1-27-0 (1396) সৌতিরুবাচ। 1-27-0x (104) সংপ্রহৃষ্টাস্ততো নাগা জলধারাপ্লুতাস্তদা। সুপর্ণেনোহ্যমানাস্তে জগ্মুস্তং দ্বীপমাশু বৈ॥ 1-27-1 (1397) তং দ্বীপং মকরাবাসং বিহিতং বিশ্বকর্মণা। তত্র তে লবণং ঘোরং দদৃশুঃ পূর্বমাগতাঃ॥ 1-27-2 (1398) সুপর্ণসহিতাঃ সর্পাঃ কাননং চ মনোরমম্। সাগরাম্বুপরিক্ষিপ্তং পক্ষিসঙ্ঘনিজাদিতম্॥ 1-27-3 (1399) বিচিত্রফলপুষ্পাভির্বনরাজিভিরাবৃতম্। ভবনৈরাবৃতং রম্যৈস্তথা পদ্মাকরৈরপি॥ 1-27-4 (1400) প্রসন্নসলিলৈশ্চাপি হ্বদৈর্দিব্যৈর্বিভূষিতম্। দিব্যগন্ধবহৈঃ পুণ্যৈর্মারুতৈরুপবীজিতম্॥ 1-27-5 (1401) উৎপতদ্ভিরিবাকাশং বৃক্ষৈর্মলয়জৈরপি। শোভিতং পুষ্পবর্ষাণি মুঞ্চদ্ভির্মারুতোদ্ধতৈঃ॥ 1-27-6 (1402) বায়ুবিক্ষিপ্তকুসুমৈস্তথাঽন্যৈরপি পাদপৈঃ। কিরদ্ভিরিব তত্রস্থান্নাগান্পুষ্পাম্বুবৃষ্টিভিঃ॥ 1-27-7 (1403) মনঃসংহর্ষজং দিব্যং গন্ধর্বাপ্সরসাং প্রিয়ম্। মত্তভ্রমস্সংঘুষ্টং মনোজ্ঞাকৃতিদর্শনম্॥ 1-27-8 (1404) রমণীয়ং শিবং পুণ্যং সর্বৈর্জনমনোহরৈঃ। নানাপক্ষিরুতং রম্যং কদ্রূপুত্রপ্রহর্ষণম্॥ 1-27-9 (1405) তত্তে বনং সমাসাদ্য বিজহ্রুঃ পন্নগাস্তদা। অব্রুবংশ্চ মহাবীর্যং সুপর্ণং পতগেশ্বরম্॥ 1-27-10 (1406) বহাস্মানপরং দ্বীপং সুরম্যং বিমলোদকম্। ৎবং হি দেশান্বহূন্রম্যান্ব্রজন্পশ্যসি খেচর॥ 1-27-11 (1407) সৌতিরুবাচ। 1-27-12x (105) স বিচিন্ত্যাব্রবীৎপক্ষী মাতরং বিনতো তদা। কিং কারণং ময়া মাতঃ কর্তব্যং সর্পভাষিতম্॥ 1-27-12 (1408) বিনতোবাচ। 1-27-13x (106) দাসীভূতাস্মি দুর্যোগাৎসপত্ন্যাঃ পতগোত্তম। পণং বিতথমাস্থায় সর্পৈরুপধিনা কৃতম্॥ 1-27-13 (1409) সৌতিরুবাচ। 1-27-14x (107) তস্মিংস্তু কথিতে মাত্রা কারণে গগনেতরঃ। উবাচ বচনং সর্পাংস্তেন দুঃখেন দুঃখিতঃ॥ 1-27-14 (1410) কিমাহৃত্য বিদিৎবা বা কিং বা কৃৎবেহ পৌরুষম্। দাস্যাদ্বো বিপ্রমুচ্যেয়ং তথ্যং বদত লেলিহাঃ॥ 1-27-15 (1411) সৌতিরুবাচ। 1-27-16x (108) শ্রুৎবা সমব্রুবন্সর্পা আহরামৃতমোজসা। ততো দাস্যাদ্বিপ্রমোক্ষো ভবিতা তব খেচর॥ ॥ 1-27-16 (1412) ইতি শ্রীমন্মহাভারতে আদিপর্বণি আস্তীকপর্বণি সপ্তবিংশোঽধ্যায়ঃ॥ 27 ॥

1-28-0 (1413) সৌতিরুবাচ। 1-28-0x (109) ইত্যুক্তো গরুডঃ সর্পৈস্ততো মাতরমব্রবীৎ। গচ্ছাম্যমৃতমাহর্তুং ভক্ষ্যমিচ্ছামি বেদিতুম্॥ 1-28-1 (1414) বিনতোবাচ। 1-28-2x (110) সমুদ্রকুক্ষাবেকান্তে নিষাদালয়মুত্তমম্। `ভবনানি নিষাদানাং তত্র সন্তি দ্বিজোত্তম॥ 1-28-2 (1415) পাপিনাং নষ্টলোকানাং নির্ঘৃণানাং দুরাত্মনাম্'। নিষাদানাং সহস্রাণি তান্ভুক্ৎবাঽমৃতমানয়॥ 1-28-3 (1416) ন চ তে ব্রাহ্মণং হন্তুং কার্যা বুদ্ধিঃ কথংচন। অবধ্যঃ সর্বভূতানাং ব্রাহ্মণো হ্যনলোপমঃ॥ 1-28-4 (1417) অগ্নিরর্কো বিষং শস্ত্রং বিপ্রো ভবতি কোপিতঃ। গুরুর্হি সর্বভূতানাং ব্রাহ্মণঃ পরিকীর্তিতঃ॥ 1-28-5 (1418) এবমাদিস্বরূপৈস্তু সতাং বৈ ব্রাহ্মণো মতঃ। স তে তাত ন হন্তব্যঃ সংক্রুদ্ধেনাপি সর্বথা॥ 1-28-6 (1419) ব্রাহ্মণানামভিদ্রোহো ন কর্তব্যঃ কথংচন। ন হ্যেবমগ্নির্নাদিত্যো ভস্ম কুর্যাত্তথানঘ॥ 1-28-7 (1420) যথা কুর্যাদভিক্রুদ্ধো ব্রাহ্মণঃ সংশিতব্রতঃ। তদেতৈর্বিবিধৈর্লিঙ্গৈস্ৎবং বিদ্যাস্তং দ্বিজোত্তমম্॥ 1-28-8 (1421) ভূতানামগ্রভূর্বিপ্রো বর্ণশ্রেষ্ঠঃ পিতা গুরুঃ। 1-28-9 (1422) গরুড উবাচ। কিংরূপো ব্রাহ্মণো মাতঃ কিংশীলঃ কিংপরাক্রমঃ॥ 1-28-9x (111) কিংস্বিদগ্নিনিভো ভাতি কিংস্বিৎসৌম্যপ্রদর্শনঃ। যথাহমভিজানীয়াং ব্রাহ্মণং লক্ষণৈঃ শুভৈঃ॥ 1-28-10 (1423) তন্মে কারণতো মাতঃ পৃচ্ছতো বক্তুমর্হসি। 1-28-11 (1424) বিনতোবাচ। যস্তে কণ্ঠমনুপ্রাপ্তো নিগীর্ণং বডিশং যথা॥ 1-28-11x (112) দহেদঙ্গারবৎপুত্রং তং বিদ্যাদ্ব্রাহ্মণর্ষভম্। বিপ্রস্ৎবয়া ন হন্তব্যঃ সংক্রুদ্ধেনাপি সর্বদা॥ 1-28-12 (1425) প্রোবাচ চৈন বিনতা পুত্রহার্দাদিদং বচঃ। জঠরে ন চ জীর্যেদ্যস্তং জানীহি দ্বিজোত্তমম্॥ 1-28-13 (1426) পুনঃ প্রোবাচ বিনতা পুত্রহার্দাদিদং বচঃ। জানন্ত্যপ্যতুলং বীর্যমাশীর্বাদপরায়ণা॥ 1-28-14 (1427) প্রীতা পরমদুঃখার্তা নাগৈর্বিপ্রকৃতা সতী। 1-28-15 (1428) বিনতোবাচ। পক্ষৌ তে মারুতঃ পাতু চন্দ্রসূর্যৌ চ পৃষ্ঠতঃ॥ 1-28-15x (113) শিরশ্চ পাতু বহ্নিস্তে বসবঃ সর্বতস্তনুম্। `বিষ্ণুঃ সর্বগতঃ সর্বমহ্গানি তব চৈব হ।' অহং চ তে সদা পুত্র শান্তিস্বস্তিপরায়ণা॥ 1-28-16 (1429) ইহাসীনা ভবিষ্যামি স্বস্তিকারে রতা সদা। অরিষ্টং ব্রজ পন্থানং পুত্র কার্যার্থসিদ্ধয়ে॥ 1-28-17 (1430) সৌতিরুবাচ। 1-28-18x (114) ততঃ স মাতুর্বচনং নিশম্য বিতত্য পক্ষৌ নভ উৎপপাত। ততো নিষাদান্বলবানুপাগতো বুভুক্ষিতঃ কাল ইবান্তকোঽপরঃ॥ 1-28-18 (1431) স তান্নিষাদানুপসংহরংস্তদা রজঃ সমুদ্ধূয় নভঃস্পৃশং মহৎ। সমুদ্রকুক্ষৌ চ বিশোষয়ন্পয়ঃ সমীপজান্ভূধরজান্বিচালয়ন্॥ 1-28-19 (1432) ততঃ স চক্রে মহদাননং তদা নিষাদমার্গং প্রতিরুধ্য পক্ষিরাট্। ততো নিষাদাস্ৎবরিতাঃ প্রবব্রজু- র্যতো মুখং তস্য ভুজংগভোজিনঃ॥ 1-28-20 (1433) তদাননং বিবৃতমতিপ্রমাণব- ৎসমভ্যযুর্গগনমিবার্দিতাঃ খগাঃ। সহস্রশঃ পবনজোবিমোহিতা যথা।ঞনিলপ্রচলিতপাদপে বনে॥ 1-28-21 (1434) ততঃ খগো বদনমমিত্রতাপনঃ সমাহরৎপরিচপলো মৎবলাঃ। নিষূদয়ন্বহুবিধমৎস্যজীবিনো বভুক্ষিতো গগনচরেশ্বরস্তদা॥ ॥ 1-28-22 (1435) ইতি শ্রীমন্মহাভারতে আদিপর্বণি আস্তীকপর্বণি অষ্টাবিংশোঽধ্যায়ঃ॥ 28 ॥

1-29-0 (1436) সৌতিরুবাচ। 1-29-0x (115) তস্য কণ্ঠমনুপ্রাপ্তো ব্রাহ্মণঃ সহ ভার্যযা। দহন্দীপ্ত ইবাঙ্গারস্তমুবাচান্তরিক্ষগঃ॥ 1-29-1 (1437) দ্বিজোত্তম বিনির্গচ্ছ তূর্ণমাস্যাদপাবৃতাৎ। ন হি মে ব্রাহ্মণো বধ্যঃ পাপেষ্বপি রতঃ সদা॥ 1-29-2 (1438) সৌতিরুবাচ। 1-29-3x (116) ব্রুবাণমেবং গরুডং ব্রাহ্মণঃ প্রত্যভাষত। নিষাদী মম ভার্যেয়ং নির্গচ্ছতু ময়া সহ॥ 1-29-3 (1439) গরুড উবাচ। 1-29-4x (117) এতামপি নিষাদীং ৎবং পরিগৃহ্যাশু নিষ্পত। তূর্ণং সংভাবয়াত্মানমজীর্ণং মম তেজসা॥ 1-29-4 (1440) সৌতিরুবাচ। 1-29-5x (118) ততঃ স বিপ্রো নিষ্ক্রান্তো নিষাদীসহিতস্তদা। বর্ধয়িৎবা চ গরুডমিষ্টং দেশং জগাম হ॥ 1-29-5 (1441) সহভার্যে বিনিষ্ক্রান্তে তস্মিন্বিপ্রে স পক্ষিরাট্। বিতত্য পক্ষাবাকাশমুৎপপাত মনোজবঃ॥ 1-29-6 (1442) ততোঽপশ্যৎস্বপিতরং পৃষ্টশ্চাখ্যাতবান্পিতুঃ। যথান্যায়মমেয়াত্মা তং চোবাচ মহানৃষিঃ॥ 1-29-7 (1443) কশ্যপ উবাচ। 1-29-8x (119) কচ্চিদ্বঃ কুশলং নিত্যং ভোজনে বহুলং সুত। কচ্চিচ্চ মানুষে লোকে তবান্নং বিদ্যতে বহু॥ `ক্ব গন্তাস্যতিবেগেন মম ৎবং বক্তুমর্হসি॥' 1-29-8 (1444) গরুড উবাচ। 1-29-9x (120) মাতা মে কুশলা শশ্বত্তথা ভ্রাতা তথা হ্যহম্। ন হি মে কুশলং তাত ভোজনে বহুলে সদা॥ 1-29-9 (1445) অহং হি সর্পৈঃ প্রহিতঃ সোমমাহর্তুমুত্তমম্। মহাতুর্দাস্যবিমোক্ষার্থমাহরিষ্যে তমদ্য বৈ॥ 1-29-10 (1446) মাত্রা চাত্র সমাদিষ্টো নিষাদান্ভক্ষয়েতি হ। ন চ মে তৃপ্তিরভবদ্ভক্ষয়িৎবা সহস্রশঃ॥ 1-29-11 (1447) তস্মাদ্ভক্ষ্যং ৎবমপরং ভগবন্প্রদিশস্ব মে। যদ্ভুক্ৎবাঽমৃতমাহর্তুং সমর্তঃ স্যামহং প্রভো॥ 1-29-12 (1448) ক্ষুৎপিপাসাবিঘাতার্থং ভক্ষ্যমাখ্যাতু মে ভবান্। 1-29-13 (1449) কশ্যপ উবাচ। ইদং সরো মহাপুণ্যং দেবলোকেঽপি বিশ্রুতম্॥ 1-29-13x (121) যত্র কূর্মাগ্রজং হস্তী সদা কর্ষত্যবাঙ্মুখঃ। তয়োর্জন্মান্তরে বৈরং সংপ্রবক্ষ্যাম্যসোষতঃ॥ 1-29-14 (1450) তন্মে তত্ৎবং নিবোধস্য যৎপ্রমাণৌ চ তাবুভৌ। `শৃণু ৎবং বৎস ভদ্রং তে কথাং বৈরাগ্যবর্ধিনীম্॥ 1-29-15 (1451) পিত্রোরর্থবিভাগে বৈ সমুৎপন্নাং পুরাণ্ডজ।' আসীদ্বিভাবসুর্নাম মহর্ষিঃ কোপনো ভৃশম্॥ 1-29-16 (1452) ভ্রাতা তস্যানুজশ্চাসীৎসুপ্রতীকো মহাতপাঃ। স নেচ্ছতি ধনং ভ্রাত্রা সহৈকস্থং মহামুনিঃ॥ 1-29-17 (1453) বিভাগং কীর্তয়ত্যেব সুপ্রতীকো হি নিত্যশঃ। অথাব্রবীচ্চ তং ভ্রাতা সুপ্রতীকং বিভাবসুঃ॥ 1-29-18 (1454) `বিভাগে বহবো দোষা ভবিষ্যন্তি মহাতপঃ।' বিভাগং বহবো মোহাৎকর্তুমিচ্ছন্তি নিত্যশঃ। ততো বিভক্তাস্ৎবন্যোন্যং নাদ্রিয়ন্তেঽর্থমোহিতাঃ॥ 1-29-19 (1455) ততঃ স্বার্থপরান্মূঢান্পৃথগ্ভূতান্স্বকৈর্ধনৈঃ। বিদিৎবা ভেদয়ন্ত্যেতানমিত্রা মিত্ররূপিণঃ॥ 1-29-20 (1456) বিদিৎবা চাপরে ভিন্নানন্তরেষু পতন্ত্যথ। ভিন্নানামতুলো নাশঃ ক্ষিপ্রমেব প্রবর্ততে॥ 1-29-21 (1457) তস্মাদ্বিভাগং ভ্রাতৄণাং ন প্রশংসন্তি সাধবঃ। `এবমুক্তঃ সুপ্রতীকো ভাগং কীর্তয়তেঽনিশম্॥ 1-29-22 (1458) এবং নির্বধ্যমানস্তু শশাপৈনং বিভাবসুঃ।' গুরুশাস্ত্রেঽনিবদ্ধানামন্যোন্যেনাভিশঙ্কিনাম্॥ 1-29-23 (1459) নিয়ন্তু ন হি শক্যস্ৎবং ভেদতো ধনমিচ্ছসি। যস্মাত্তস্মাৎসুপ্রতীক হস্তিৎবং সমবাপ্স্যসি॥ 1-29-24 (1460) কশ্যপ উবাচ। 1-29-25x (122) শপ্তস্ৎবেবং সুপ্রতীকো বিভাবসুমথাব্রবীৎ। ৎবমপ্যন্তর্জলচরঃ কচ্ছপঃ সংভবিষ্যসি॥ 1-29-25 (1461) এবমন্যোন্যশাপাত্তৌ সুপ্রতীকবিভাবসূ। গজকচ্ছপতাং প্রাপ্তাবর্থার্থং মূঢচেতসৌ॥ 1-29-26 (1462) রোষদোষানুষঙ্গেণ তির্যগ্যোনিগতাবপি। পরস্পরদ্বেষরতৌ প্রমাণবলদর্পিতৌ॥ 1-29-27 (1463) সরস্যস্মিন্মহাকায়ৌ পূর্ববৈরানুসারিণৌ। তয়োরন্যতরঃ শ্রীমান্সমুপৈতি মহাগজঃ॥ 1-29-28 (1464) যস্য বৃংহিতশব্দেন কূর্মোঽপ্যন্তর্জলেশয়ঃ। উত্থিতোঽসৌ মহাকায়ঃ কৃৎস্নং বিক্ষোভয়ন্সরঃ॥ 1-29-29 (1465) তং দৃষ্ট্বাঽঽবেষ্টিতকরঃ পতত্যেষ গজো জলম্। দন্তহস্তাগ্রলাঙ্গূলপাদবেগেন বীর্যবান্॥ 1-29-30 (1466) বিক্ষোভয়ংস্ততো নাগঃ সরো বহুঝষাকুলম্। কূর্মোঽপ্যভ্যুদ্যতশিরা যুদ্ধায়াভ্যেতি বীর্যবান্॥ 1-29-31 (1467) ষডুচ্ছ্রিতো যোজনানি গজস্তদ্দ্বিগুণায়তঃ। কূর্মস্ত্রিয়োজনোৎসেধো দশয়োজনমণ্ডলঃ॥ 1-29-32 (1468) তাবুভৌ যুদ্ধসংমত্তৌ পরস্পরবধৈষিণৌ। উপয়ুজ্যাশু কর্মেদং সাধয়ে হিতমাত্মনঃ॥ 1-29-33 (1469) মহাভ্রঘনসংকাশং তং ভুক্ৎবামৃতমানয়। মহাগিরিসমপ্রখ্যং ঘোররূপং চ হস্তিনম্॥ 1-29-34 (1470) সৌতিরুবাচ। 1-29-35x (123) ইত্যুক্ৎবা গরুডং সোঽথ মাঙ্গল্যমকরোত্তদা। যুধ্যতঃ সহ দেবৈস্তে যুদ্ধে ভবতু মঙ্গলম্॥ 1-29-35 (1471) পূর্ণকুম্ভো দ্বিজা গাবো যচ্চান্যৎকিংচিদুত্তমম্। শুভং স্বস্ত্যযনং চাপি ভবিষ্যতি তবাণ্ডজা॥ 1-29-36 (1472) যুধ্যমানস্য সঙ্গ্রামে দেবৈঃ সার্ধং মহাবল। ঋচো যজূংষি সামানি পবিত্রাণি হবীংষি চ॥ 1-29-37 (1473) রহস্যানি চ সর্বাণি সর্বে বেদাশ্চ তে বলম্। `বর্ধয়িষ্যন্তি সমরে ভবিষ্যতি খগোত্তম।' ইত্যুক্তো গরুডঃ পিত্রা গতস্তং হ্বদমন্তিকাৎ॥ 1-29-38 (1474) অপশ্যন্নির্মলজলং নানাপক্ষিসমাকুলম্। স তৎস্মৃৎবা পিতুর্বাক্যং ভীমবেগোঽন্তরিক্ষগঃ॥ 1-29-39 (1475) নখেন গজমেকেন কূর্মমেকেন চাক্ষিপৎ। সধুৎপপাত চাকাশং তত উচ্চৈর্বিহঙ্গমঃ॥ 1-29-40 (1476) সোঽলম্বং তীর্থণাসাদ্য দেববৃক্ষানুপাগমৎ। তে ভীতাঃ সমকম্পন্ত তস্য পক্ষানিলাহতাঃ॥ 1-29-41 (1477) ন নো ভঞ্জ্যাদিতি তদা দিব্যাঃ কনকশাখিনঃ। প্রচলাঙ্গান্স তান্দৃষ্ট্বা মনোরথফলদ্রুমান্॥ 1-29-42 (1478) অন্যানতুলরূপাঙ্গানুপচক্রাম খেচরঃ। কাঞ্চনৈ রাজতৈশ্চৈব ফলৈর্বৈদূর্যশাখিনঃ। সাগরাম্বুপরিক্ষিপ্তান্ভ্রাজমানান্মহাদ্রুমান্॥ 1-29-43 (1479) `তেষাং মধ্যে মহানাসীৎপাদপঃ সুমনোহরঃ। সহস্রয়োজনোৎসেধো বহুশাখাসমন্বিতঃ॥ 1-29-44 (1480) খগানামালয়ো দিব্যো নাম্না রৌহিণপাদপঃ। যস্য ছায়াং সমাশ্রিত্য সদ্যো ভবতি নির্বৃতঃ;॥ 1-29-45 (1481) তমুবাচ খগশ্রেষ্ঠং তত্র রৌহিণপাদপঃ। অতিপ্রবৃদ্ধঃ সমুহানাপতন্তং মনোজবম্॥ 1-29-46 (1482) রৌহিণ উবাচ। 1-29-47x (124) যৈষা মম মহাশাখা শতয়োজনমায়তা। এতামাস্থায় শাখাং ৎবং খাদেমৌ গজকচ্ছপৌ॥ 1-29-47 (1483) সৌতিরুবাচ। 1-29-48x (125) ততো দ্রুমং পতগসহস্রসেবিতং মহীধরপ্রতিমবপুঃ প্রকম্পয়ন্। খগোত্তমো দ্রুতমভিপত্য বেগবা- ন্বভঞ্জ তামবিরলপত্রসংচয়াম্॥ ॥ 1-29-48 (1484) ইতি শ্রীমন্মহাভারতে আদিপর্বণি আস্তীকপর্বণি একোনত্রিংশোঽধ্যায়ঃ॥ 29 ॥

1-30-0 (1485) সৌতিরুবাচ। 1-30-0x (126) স্পষ্টমাত্রা তু পদ্ভ্যাং সা গরুডেন বলীয়সা। অভজ্যত তরোঃ শাখা ভগ্নাং চৈকামধারয়ৎ॥ 1-30-1 (1486) তাং ভঙ্ক্ৎবা স মহাশাখাং স্ময়মানো বিলোকয়ন্। অথাত্রং লম্বতোঽপশ্যদ্বালখিল্যানধোমুখান্॥ 1-30-2 (1487) ঋষয়ো হ্যত্র লম্বন্তে ন হন্যামিতি তানৃষীন্। তপোরতাংল্লম্বমানান্ব্রহ্মর্ষীনভিবীক্ষ্য সঃ॥ 1-30-3 (1488) হন্যাদেতান্সংপতন্তী শাখেত্যথ বিচিন্ত্য সঃ। নখৈর্দৃঢতরং বীরঃ সংগৃহ্য গজকচ্ছপৌ॥ 1-30-4 (1489) স তদ্বিনাশসংত্রাসাদভিপত্য স্বগাধিপঃ। শাখামাস্যেন জগ্রাহ তেষামেবান্ববেক্ষয়া॥ 1-30-5 (1490) অতিদৈবং তু তত্তস্য কর্ম দৃষ্ট্বা মহর্ষয়ঃ। বিস্ময়োৎকম্পহৃদয়া নাম চক্রুর্মহাখগে॥ 1-30-6 (1491) গুরুং ভারং সমাসাদ্যোড্ডীন এষ বিহঙ্গমঃ। গরুডস্তু খগশ্রেষ্ঠস্তস্মাৎপন্নগভোজনঃ॥ 1-30-7 (1492) ততঃ শনৈঃ পর্যপতৎপক্ষৈঃ শৈলান্প্রকম্পয়ন্। এবং সোঽভ্যপতদ্দেশান্বহূন্সগজকচ্ছপঃ॥ 1-30-8 (1493) দয়ার্থং বালখিল্যানাং ন চ স্থানমবিন্দত। স গৎবা পর্বতশ্রেষ্ঠং গন্ধমাদনমঞ্জসা॥ 1-30-9 (1494) দদর্শ কশ্যপং তত্র পিতরং তপসি স্থিতম্। দদর্শ তং পিতা চাপি দিব্যরূপং বিহঙ্গমম্॥ 1-30-10 (1495) তেজোবীর্যবলোপেতং মনোমারুতরংহসম্। শৈলশৃঙ্গপ্রতীকাশং ব্রহ্মদণ্ডমিবোদ্যতম্॥ 1-30-11 (1496) অচিন্ত্যমনভিধ্যেয়ং সর্বভূতভয়ংকরম্। মহাবীর্যধরং রৌদ্রং সাক্ষাদগ্নিমিবোদ্যতম্॥ 1-30-12 (1497) অপ্রধৃষ্যমজেয়ং চ দেবদানবরাক্ষসৈঃ। ভেত্তারং গিরিশৃঙ্গাণাং সমুদ্রজলশোষণম্॥ 1-30-13 (1498) লোকসংলোডনং ঘোরং কৃতান্তসমদর্শনম্। তমাগতমভিপ্রেক্ষ্য ভগবান্কশ্যপস্তদা। বিদিৎবা চাস্যং সংকল্পমিদং বচনমব্রবীৎ॥ 1-30-14 (1499) কশ্যপ উবাচ। 1-30-15x (127) পুত্র মা সাহসং কার্ষীর্মা সদ্যো লপ্স্যসে ব্যথাম্। মা ৎবাং দহেয়ুঃ সংক্রুদ্ধা বালখিল্যা মরীচিপাঃ॥ 1-30-15 (1500) সৌতিরুবাচ। 1-30-16x (128) ততঃ প্রসাদয়ামাস কশ্যপঃ পুত্রকারণাৎ। বালখিল্যান্মহাভাগাংস্তপসা হতকল্মষান্॥ 1-30-16 (1501) কশ্যপ উবাচ। 1-30-17x (129) প্রজাহিতার্থমারম্ভো গরুডস্য তপোধনাঃ। চিকীর্ষতি মহৎকর্ম তদনুজ্ঞাতুমর্হথ॥ 1-30-17 (1502) সৌতিরুবাচ। 1-30-18x (130) এবমুক্তা ভগবতা মুনয়স্তে সমভ্যযুঃ। মুক্ৎবা শাখাং গিরিং পুণ্যং হিমবন্ত তপোঽর্থিনঃ॥ 1-30-18 (1503) ততস্তেষ্বপয়াতেষু পিতরং বিনতাসুতঃ। শাখাব্যাক্ষিপ্তবদনঃ পর্যপৃচ্ছত কশ্যপম্॥ 1-30-19 (1504) ভগবন্ক্ব বিমুঞ্চামি তরোঃ শাখামিমামহম্। বর্জিতং মানুষৈর্দেশমাখ্যাতু ভগবান্মম॥ 1-30-20 (1505) সৌতিরুবাচ। 1-30-21x (131) ততো নিঃপুরুষং শৈলং হিমসংরুদ্ধকন্দরম্। অগম্যং মনসাপ্যন্যৈস্তস্যাচখ্যৌ স কশ্যপঃ॥ 1-30-21 (1506) তং পর্বতং মহাকুক্ষিমুদ্দিশ্য স মহাখগঃ। জবেনাভ্যপতত্তার্ক্ষ্যঃ সশাখাগজকচ্ছপঃ॥ 1-30-22 (1507) ন তাং বধ্রী পরিণহেচ্ছতচর্মা মহাতনুম্। শাখিনো মহতীং শাখাং যাং প্রগৃহ্য যয়ৌ খগঃ॥ 1-30-23 (1508) স ততঃ শতসাহস্রং যোজনান্তরমাগতঃ। কালেন নাতিমহতা গরুডঃ পতগেশ্বরঃ॥ 1-30-24 (1509) স তং গৎবা ক্ষণেনৈব পর্বতং বচনাৎপিতুঃ। অমুঞ্চন্মহতীং শাখাং সস্বনং তত্র খেচরঃ॥ 1-30-25 (1510) পক্ষানিলহতশ্চাস্য প্রাকম্পত স শৈলরাট্। মুমোচ পুষ্পবর্ষং চ সমাগলিতপাদপ॥ 1-30-26 (1511) শৃঙ্গাণি চ ব্যশীর্যন্ত গিরেস্তস্য সমন্ততঃ। মণিকাঞ্চনচিত্রাণি শোভয়ন্তি মহাগিরিম্॥ 1-30-27 (1512) শাখিনো বহবশ্চাপি শাখয়াঽভিহতাস্তয়া। কাঞ্চনৈঃ কুসুমৈর্ভান্তি বিদ্যুৎবন্ত ইবাম্বুদাঃ॥ 1-30-28 (1513) তে হেমবিকচা ভূমৌ যুতাঃ পর্বতধাতুভিঃ। ব্যরাজঞ্ছাখিনস্তত্র সূর্যাংশুপ্রতিরঞ্জিতাঃ॥ 1-30-29 (1514) ততস্তস্য গিরেঃ শৃঙ্গমাস্থায় স খগোত্তমঃ। ভক্ষয়ামাস গরুডস্তাবুভৌ গজকচ্ছপৌ॥ 1-30-30 (1515) তাবুভৌ ভক্ষয়িৎবা তু স তার্ক্ষ্যঃ কূর্মকুঞ্জরৌ। ততঃ পর্বতকূটাগ্রাদুৎপপাত মহাজবঃ॥ 1-30-31 (1516) প্রাবর্তন্তাথ দেবানামুৎপাতা ভয়শংসিনঃ। ইন্দ্রস্য বজ্রং দয়িতং প্রজজ্বাল ভয়াত্ততঃ॥ 1-30-32 (1517) সধূমা ন্যপতৎসার্চির্দিবোল্কা নভসশ্চ্যুতা। তথা বসূনাং রুদ্রাণামাদিত্যানাং চ সর্বশঃ॥ 1-30-33 (1518) সাধ্যানাং মরুতাং চৈব যে চান্যে দেবতাগণাঃ। স্বং স্বং প্রহরণং তেষাং পরস্পরমুপাদ্রবৎ॥ 1-30-34 (1519) অভূতপূর্বং সংগ্রামে তদা দেবাসুরেঽপি চ। ববুর্বাতাঃ সনির্ঘাতাঃ পেতুরুল্কাঃ সহস্রশঃ॥ 1-30-35 (1520) নিরভ্রমেব চাকাশং প্রজগর্জ মহাস্বনম্। দেবানামপি যো দেবঃ সোঽপ্যবর্ষত শোণিতম্॥ 1-30-36 (1521) মম্লুর্মাল্যানি দেবানাং নেশুস্তেজাংসি চৈব হি। উৎপাতমেঘা রৌদ্রাশ্চ ববৃষুঃ শোণিতং বহু॥ 1-30-37 (1522) রজাংসি মুকুটান্যেষামুত্থিতানি ব্যধর্ষয়ন্। ততস্ত্রাসসমুদ্বিগ্নঃ সহ দেবৈঃ শতক্রতুঃ। উৎপাতান্দারুণান্পশ্যন্নিত্যুবাচ বৃহস্পতিম্॥ 1-30-38 (1523) কিমর্থং ভগবন্ঘোরা উৎপাতাঃ সহসোত্থিতাঃ। ন চ শত্রুং প্রপশ্যামি যুধি যো নঃ প্রধর্ষয়েৎ॥ 1-30-39 (1524) বৃহস্পতিরুবাচ। 1-30-40x (132) তবাপরাধাদ্দেবেন্দ্র প্রমাদাচ্চ শতক্রতো। তপসা বালখিল্যানাং মহর্ষীণাং মহাত্মনাম্॥ 1-30-40 (1525) কশ্যপস্য মুনেঃ পুত্রো বিনতায়াশ্চ খেচরঃ। হর্তুং সোমমভিপ্রাপ্তো বলবান্কামরূপধৃক্॥ 1-30-41 (1526) সমর্থো বলিনাং শ্রেষ্ঠো হর্তুং সোমং বিহংগমঃ। সর্বং সংভাবয়াম্যস্মিন্নসাধ্যমপি সাধয়েৎ॥ 1-30-42 (1527) সৌতিরুবাচ। 1-30-43x (133) শ্রুৎবৈতদ্বচনং শক্রঃ প্রোবাচামৃতরক্ষিণঃ। মহাবীর্যবলঃ পক্ষী হর্তুং সোমমিহোদ্যতঃ॥ 1-30-43 (1528) যুষ্মান্সংবোধয়াম্যেষ `গৃহীৎবাবরণায়ুধান্। পরিবার্যামৃতং সর্বে যূয়ং মদ্বচনাদিহ॥ 1-30-44 (1529) রক্ষধ্বং বিবুধা বীরা' যথা ন স হরেদ্বলাৎ। অতুলং হি বলং তস্য বৃহস্পতিরুবাচ হ॥ 1-30-45 (1530) সৌতিরুবাচ। 1-30-46x (134) তচ্ছ্রুৎবা বিবুধা বাক্যং বিস্মিতা যত্নমাস্থিতাঃ। পরিবার্যামৃতং তস্থূর্বজ্রী চেন্দ্রঃ প্রতাপবান্॥ 1-30-46 (1531) ধারয়ন্তো বিচিত্রাণি কাঞ্চনানি মনস্বিনঃ। কবচানি মহার্হাণি বৈদূর্যবিকৃতানি চ॥ 1-30-47 (1532) চর্মাণ্যপি চ গাত্রেষু ভানুমন্তি দৃঢানি চ। বিবিধানি চ শস্ত্রাণি ঘোররূপাণ্যনেকশঃ॥ 1-30-48 (1533) শিততীক্ষ্ণাগ্রধারাণি সমুদ্যম্য সুরোত্তমঃ। সবিস্ফুলিঙ্গজ্বালানি সধূমানি চ সর্বশঃ॥ 1-30-49 (1534) চক্রাণি পরঘাংশ্চৈব ত্রিশূলানি পরশ্বধান্। শক্তীশ্চ বিবিধাস্তীক্ষ্ণাঃ করবালাংশ্চ নির্মলান্। স্বদেহরূপাণ্যাদায় গদাশ্চোগ্রপ্রদর্শনাঃ॥ 1-30-50 (1535) তৈঃ শস্ত্রৈর্ভানুমদ্ভিস্তে দিব্যাভরণভূষিতাঃ। ভানুমন্তঃ সুরগণাস্তস্থুর্বিগতকল্মষাঃ॥ 1-30-51 (1536) অনুপমবলবীর্যতেজসো ধৃতমনসঃ পরিরক্ষণেঽমৃতস্য। অসুরপুরবিদারণাঃ সুরা জ্বলনসমিদ্ধবপুঃপ্রকাশিনঃ॥ 1-30-52 (1537) ইতি সমরবরং সুরাঃ স্থিতাস্তে পরিঘসহস্রশতৈঃ সমাকুলম্। বিগলিতমিব চাম্বরান্তরং তপনমরীচিবিকাশিতং বভাসে॥ ॥ 1-30-53 (1538) ইতি শ্রীমন্মহাভারতে আদিপর্বণি আস্তীকপর্বণি ত্রিংশোঽধ্যায়ঃ॥ 30 ॥

1-31-0 (1539) শৌনক উবাচ। 1-31-0x (135) কোঽপরাধো মহেন্দ্রস্য কঃ প্রমাদশ্চ সূতজ। তপসা বালখিল্যানাং সংভূতো গরুডঃ কথম্॥ 1-31-1 (1540) কশ্যপস্য দ্বিজাতেশ্চ কথং বৈ পক্ষিরাট্ সুতঃ। অধৃষ্টঃ সর্বভূতানামবধ্যস্চাভবৎকথম্॥ 1-31-2 (1541) কথং চ কামচারী স কামবীর্যশ্চ খেচরঃ। এতদিচ্ছাম্যহং শ্রোতুং পুরাণে যদি পঠ্যতে॥ 1-31-3 (1542) সৌতিরুবাচ। 1-31-4x (136) বিষয়োঽয়ং পুরাণস্য যন্মাং ৎবং পরিপৃচ্ছসি। শৃণু মে বদতঃ সর্বমেতৎসংক্ষেপতোং দ্বিজ॥ 1-31-4 (1543) যজতঃ পুত্রকামস্য কশ্যপস্য প্রজাপতেঃ। সাহায়্যমৃষয়ো দেবা গন্ধর্বাশ্চ দদুঃ কিল॥ 1-31-5 (1544) তত্রেধ্মানয়নে শক্রো নিয়ুক্তঃ কশ্যপেন হ। মুনয়ো বালখিল্যাশ্চ যে চান্যে দেবতাগণাঃ॥ 1-31-6 (1545) শক্রস্তু বীর্যসদৃশমিধ্যভারং গিরিপ্রভম্। সমুদ্যম্যানয়ামাস নাতিকৃচ্ছ্রাদিব প্রভুঃ॥ 1-31-7 (1546) অথাপশ্যদৃষীন্হ্রস্বানঙ্গুষ্ঠোদরবর্ষ্মণঃ। পলাশবর্তিকামেকাং বহতঃ সংহতান্পথি॥ 1-31-8 (1547) প্রলীনান্স্বেষ্বিবাঙ্গেষু নিরাহারাংস্তপোধনান্। ক্লিশ্যমানান্মন্দবলান্গোষ্পদে সংপ্লুতোদকে॥ 1-31-9 (1548) তান্সর্বান্বিস্ময়াবিষ্টো বীর্যোন্মত্তঃ পুরন্দরঃ। অপহাস্যাভ্যগাচ্ছীঘ্রং লম্বয়িৎবাঽবমন্য চ॥ 1-31-10 (1549) তেঽথ রোষসমাবিষ্টাঃ সুভৃশং জাতমন্যবঃ। আরেভিরে মহৎকর্ম তদা শক্রভয়ংকরম্॥ 1-31-11 (1550) জুহুবুস্তে সুতপসো বিধিবজ্জাতবেদসম্। মন্ত্রৈরুচ্চাবচৈর্বিপ্রা যেন কামেন তচ্ছৃণু॥ 1-31-12 (1551) কামবীর্যঃ কামগমো দেবরাজভয়প্রদঃ। ইন্দ্রোঽন্যঃ সর্বদেবানাং ভবেদিতি যতব্রতাঃ॥ 1-31-13 (1552) ইন্দ্রাচ্ছতগুণঃ শৌর্যে বীর্যে চৈব মনোজবঃ। তপসো নঃ ফলেনাদ্য দারুণঃ সংভবিৎবিতি॥ 1-31-14 (1553) তদ্বুদ্ধ্বা ভৃশসংতপ্তো দেবরাজঃ শতক্রতুঃ। জগাম শরণং তত্র কশ্যপং সংশিতব্রতম্॥ 1-31-15 (1554) তচ্ছ্রুৎবা দেবরাজস্য কশ্যপোঽথ প্রজাপতিঃ। বালখিল্যানুপাগম্য কর্মসিদ্ধিমপৃচ্ছত॥ 1-31-16 (1555) `কশ্যপ উবাচ। 1-31-17x (137) কেন কামেন চারব্ধং ভবদ্ভির্হোমকর্ম চ। যাথাতথ্যেন মে ব্রূত শ্রোতুং কৌতূহলং হি মে॥ 1-31-17 (1556) বালখিল্যা ঊচুঃ। 1-31-18x (138) অবজ্ঞাতাঃ সুরেন্দ্রেণ মূঢেনাকৃতবুদ্ধিনা। ঐশ্বর্যমদমত্তেন সদাচারান্নিরস্যতা॥ 1-31-18 (1557) তদ্বিঘাতার্থমারম্ভো বিধিবত্তস্য কশ্যপ॥ 1-31-19 (1558) সৌতিরুবাচ।' 1-31-20x (139) এবমস্ৎবিতি তং চাপি প্রত্যূচুঃ সত্যবাদিনঃ। তান্কশ্যপ উবাচেদং সান্ৎবপূর্বং প্রজাপতিঃ॥ 1-31-20 (1559) অয়মিন্দ্রস্ত্রিভুবনে নিয়োগাদ্ব্রহ্মণঃ কৃতঃ। ইন্দ্রার্থে চ ভবন্তোঽপি যত্নবন্তস্তপোধনাঃ॥ 1-31-21 (1560) ন মিথ্যা ব্রহ্মণো বাক্যং কর্তুমর্হথ সত্তমাঃ। ভবতাং হি ন মিথ্যাঽয়ং সংকল্পো বৈ চিকীর্ষিতঃ॥ 1-31-22 (1561) ভবৎবেষ পতত্রীণামিন্দ্রোঽতিবলসত্ৎববান্। প্রসাদঃ ক্রিয়তামস্য দেবরাজস্য যাচতঃ॥ 1-31-23 (1562) সৌতিরুবাচ। 1-31-24x (140) এবমুক্তাঃ কশ্যপেন বালখিল্যাস্তপোধনাঃ। প্রত্যূচুরভিসংপূজ্য মুনিশ্রেষ্ঠং প্রজাপতিম্॥ 1-31-24 (1563) বালখিল্যা ঊচুঃ। 1-31-25x (141) ইন্দ্রার্থোঽয়ং সমারম্ভঃ সর্বেষাং নঃ প্রজাপতে। অপত্যার্থং সমারম্ভো ভবতশ্চায়মীপ্সিতঃ॥ 1-31-25 (1564) তদিদং সফলং কর্ম ৎবয়ৈব প্রতিগৃহ্যতাম্। তথা চৈবং বিধৎস্বাত্র যথা শ্রেয়োঽনুপশ্যসি॥ 1-31-26 (1565) সৌতিরুবাচ। 1-31-27x (142) এতস্মিন্নেব কালে তু দেবী দাক্ষায়ণী শুভা। বিনতা নাম কল্যাণী পুত্রকামা যশস্বিনী॥ 1-31-27 (1566) তপস্তপ্ৎবা ব্রতপরা স্নাতা পুংসবনে শুচিঃ। উপচক্রাম ভর্তারং তামুবাচাথ কশ্যপঃ॥ 1-31-28 (1567) আরম্ভঃ সফলো দেবি ভবিতা যস্ৎবয়েপ্সিতঃ। জনয়িষ্যসি পুত্রৌ দ্বৌ বীরৌ ত্রিভুবনেশ্বরৌ॥ 1-31-29 (1568) তপসা বালখিল্যানাং মম সংকল্পতস্তথা। ভবিষ্যতো মহাভাগৌ পুত্রৌ ত্রৈলোক্যপূজিতৌ॥ 1-31-30 (1569) উবাচ চৈনাং ভগবান্কশ্যপঃ পুনরেব হ। ধার্যতামপ্রমাদেন গর্ভোঽয়ং সুমহোদয়ঃ॥ 1-31-31 (1570) একঃ সর্বপতত্রীণামিন্দ্রৎবং কারয়িষ্যতি। লোকসংভাবিতো বীরঃ কামরূপো বিহঙ্গমঃ॥ 1-31-32 (1571) সৌতিরুবাচ। 1-31-33x (143) শতক্রতুমথোবাচ প্রীয়মাণঃ প্রজাপতিঃ। ৎবৎসহায়ৌ মহাবীর্যৌ ভ্রাতরৌ তে ভবিষ্যতঃ॥ 1-31-33 (1572) নৈতাভ্যাং ভবিতা দোষঃ সকাশাত্তে পুরংদর। ব্যেতু তে শক্র সংতাপস্ৎবমেবেন্দ্রো ভবিষ্যসি॥ 1-31-34 (1573) ন চাপ্যেবং ৎবয়া ভূয়ঃ ক্ষেপ্তব্যা ব্রহ্মবাদিনঃ। ন চাবমান্যা দর্পাত্তে বাগ্বজ্রা ভৃশকোপনাঃ॥ 1-31-35 (1574) সৌতিরুবাচ। 1-31-36x (144) এবমুক্তো জগামেন্দ্রো নির্বিশঙ্কস্ত্রিবিষ্টপম্। বিনতা চাপি সিদ্ধার্থা বভূব মুদিতা তথা॥ 1-31-36 (1575) জনয়ামাস পুত্রৌ দ্বাবরুণং গরুডং তথা। বিকলাঙ্গোঽরুণস্তত্র ভাস্করস্য পুরঃসরঃ॥ 1-31-37 (1576) পতত্ত্রীণাং চ গরুডমিন্দ্রৎবেনাভ্যষিঞ্চত। তস্যৈতৎকর্ম সুমহচ্ছ্রূয়তাং ভৃগুনন্দন॥ ॥ 1-31-38 (1577) ইতি শ্রীমন্মহাভারতে আদিপর্বণি আস্তীকপর্বণি একত্রিংশোঽধ্যায়ঃ॥ 31 ॥

1-32-0 (1578) সৌতিরুবাচ। 1-32-0x (145) `ততস্তস্মাদ্গিরিবরাৎসমুদীর্ণমহাবলঃ।' গরুডঃ পক্ষিরাট্ তূর্ণং সংপ্রাপ্তো বিবুধান্প্রতি॥ 1-32-1 (1579) তং দৃষ্ট্বাতিবলং চৈব প্রাকম্পন্ত সুরাস্ততঃ। পরস্পরং চ প্রত্যঘ্নন্সর্বপ্রহরণান্যুত॥ 1-32-2 (1580) তত্র চাসীদমেয়াত্মা বিদ্যুদগ্নিসমপ্রভঃ। ভৌমনঃ সুমহাবীর্যঃ সোমস্য পরিরক্ষিতা॥ 1-32-3 (1581) স তেন পতগেন্দ্রেণ পক্ষতুণ্ডনখৈঃ ক্ষতঃ। মুহূর্তমতুলং যুদ্ধং কৃৎবা বিনিহতো যুধি॥ 1-32-4 (1582) রজশ্চোদ্ধূয় সুমহৎপক্ষবাতেন খেচরঃ। কৃৎবা লোকান্নিরালোকাংস্তেন দেবানবাকিরৎ॥ 1-32-5 (1583) তেনাবকীর্ণা রজসা দেবা মোহমুপাগমন্। ন চৈবং দদৃশুশ্ছন্না রজসাঽমৃতরক্ষিণঃ॥ 1-32-6 (1584) এবং সংলোডয়ামাস গরুডস্ত্রিদিবালয়ম্। পক্ষতুণ্ডপ্রহারৈস্তু দেবান্স বিদদার হ॥ 1-32-7 (1585) ততো দেবঃ সহস্রাক্ষস্তূর্ণং বায়ুমচোদয়ৎ। বিক্ষিপেমাং রজোবৃষ্টিং তবেদং কর্ম মারুত॥ 1-32-8 (1586) সৌতিরুবাচ। 1-32-9x (146) অথ বায়ুরপোবাহ তদ্রজস্তরসা বলী। ততো বিতিমিরে জাতে দেবাঃ শকুনিমার্দয়ন্॥ 1-32-9 (1587) ননাদোচ্চৈঃ স বলবান্মহামেঘ ইবাম্বরে। বধ্যমানঃ সুরগণৈঃ সর্বভূতানি ভীষয়ন্॥ 1-32-10 (1588) উৎপপাত মহাবীর্যঃ পক্ষিরাট্ পরবীরহা। সমুৎপত্যান্তরিক্ষস্থং দেবানামুপরি স্থিতম্॥ 1-32-11 (1589) বর্মিমো বিবুধাঃ সর্বে নানাশস্ত্রৈরবাকিরন্। পট্টিশৈঃ পরিধৈঃ শূলৈর্গদাভিশ্চ সবাসবাঃ॥ 1-32-12 (1590) ক্ষুরপ্রৈর্জ্বলিতৈশ্চাপি চক্রৈরাদিত্যরূপিভিঃ। নানাশস্ত্রবিসর্গৈস্তৈর্বধ্যমানঃ সমন্ততঃ॥ 1-32-13 (1591) কুর্বন্সুতুমুলং যুদ্ধং পক্ষিরাণ্ণ ব্যকম্পত। নির্দহন্নিব চাকাশে বৈনতেয়ঃ প্রতাপবান্। পক্ষাভ্যামুরসা চৈব সমন্তাদ্ব্যক্ষিপৎসুরান্॥ 1-32-14 (1592) তে বিক্ষিপ্তাস্ততো দেবা দুদ্রুবুর্গরুডার্দিতাঃ। নখতুণ্ডক্ষতাশ্চৈব সুস্রুবুঃ শোণিতং বহু॥ 1-32-15 (1593) সাধ্যাঃ প্রাচীং সগন্ধর্বা বসবো দক্ষিণাং দিশম্। প্রজগ্মুঃ সহিতা রুদ্রাঃ পতগেন্দ্রপ্রধর্ষিতাঃ॥ 1-32-16 (1594) দিশং প্রতীচীমাদিত্যা নাসত্যাবুত্তরাং দিশম্। মুহুর্মুহুঃ প্রেক্ষমাণা যুধ্যমানং মহৌজসঃ॥ 1-32-17 (1595) অশ্বক্রন্দেন বীরেণ রেণুকেন চ পক্ষিরাট্। ক্রথনেন চ শূরেণ তপনেন চ খেচরঃ॥ 1-32-18 (1596) উলূকশ্বসনাভ্যাং চ নিমেষেণ চ পক্ষিরাট্। প্ররুজেন চ সংগ্রামং চকার পুলিনেন চ॥ 1-32-19 (1597) তান্পক্ষনখতুণ্ডাগ্রৈরভিনদ্বিনতাসুতঃ। যুগান্তকালে সংক্রুদ্ধঃ পিনাকীব পরংতপ॥ 1-32-20 (1598) মহাবলা মহোৎসাহাস্তেন তে বহুধা ক্ষতাঃ। রেজুরভ্রঘনপ্রখ্যা রুধিরৌঘপ্রবর্ষিণঃ॥ 1-32-21 (1599) তান্কৃৎবা পতগশ্রেষ্ঠঃ সর্বানুৎক্রান্তজীবিতান্। অতিক্রান্তোঽমৃতস্যার্থে সর্বতোঽগ্নিমপশ্যত॥ 1-32-22 (1600) আবৃণ্বানং মহাজ্বালমর্চির্ভিঃ সর্বতোঽম্বরম্। দহন্তমিব তীক্ষ্ণাংশুং চণ্ডবায়ুসমীরিতম্॥ 1-32-23 (1601) `নভঃ স্পৃশন্তং জ্বালাভিঃ সর্বভূতভয়ংকরম্।' ততো নবত্যা নবতীর্মুখানাং কৃৎবা মহাত্মা গরুডস্তরস্বী। নদীঃ সমাপীয় মুখৈস্ততস্তৈঃ সুশীঘ্রমাগম্য পুনর্জবেন॥ 1-32-24 (1602) জ্বলন্তমগ্নিং তমমিত্রতাপনঃ সমাস্তরৎপত্ররথো নদীভিঃ। ততঃ প্রচক্রে বপুরন্যদল্পং প্রবেষ্টুকামোঽগ্নিমভিপ্রশাম্য॥ ॥ 1-32-25 (1603) ইতি শ্রীমন্মহাভারতে আদিপর্বণি আস্তীকপর্বণি দ্বাত্রিংশোঽধ্যায়ঃ॥ 32 ॥

1-33-0 (1604) সৌতিরুবাচ। 1-33-0x (147) জাম্বূনদময়ো ভূৎবা মরীচিনিকরোজ্জ্বলঃ। প্রবিবেশ বলাৎপক্ষী বারিবেগ ইবার্ণবম্॥ 1-33-1 (1605) স চক্রং ক্ষুরপর্যন্তমপশ্যদমৃতান্তিকে। পরিভ্রমন্তমনিশং তীক্ষ্ণধারময়স্ময়ম্॥ 1-33-2 (1606) জ্বলনার্কপ্রভং ঘোরং ছেদনং সোমহারিণাম্। ঘোররূপং তদত্যর্থং যন্ত্রং দেবৈঃ সুনির্মিতম্॥ 1-33-3 (1607) তস্যান্তরং স দৃষ্ট্বৈ পর্যবর্তত খেচরঃ। অরান্তরেণাভ্যপতৎসংক্ষিপ্যাঙ্গং ক্ষণেন হ॥ 1-33-4 (1608) অধশ্চক্রস্য চৈবাত্র দীপ্তানলসমদ্ব্যুতী। বিদ্যুজ্জিহ্বৌ মহাবীর্যৌ দীপ্তাস্যৌ দীপ্তলোচনৌ॥ 1-33-5 (1609) চক্ষুর্বিষৌ মহাঘোরৌ নিত্যং ক্রুদ্ধৌ তরস্বিনৌ। অমৃতস্যৈব রক্ষার্থং দদর্শ ভুজগোত্তমৌ॥ 1-33-6 (1610) সদা সংরব্ধনয়নৌ সদা চানিমিষেক্ষণৌ। তয়োরেকোঽপি যং পশ্যেৎস তূর্ণং ভস্মসাদ্ভবেৎ॥ 1-33-7 (1611) `তৌ দৃষ্ট্বা সহসা খেদং জগাম বিনতাত্মজঃ। কথমেতৌ মহাবীর্যৌ জেতব্যৌ হরিভোজিনৌ॥ 1-33-8 (1612) ইতি সংচিন্ত্য গরুডস্তয়োস্তূর্ণং নিরাকরঃ।' তয়োশ্চক্ষূংষি রজসা সুপর্ণঃ সহসাঽঽবৃণোৎ। তাভ্যামদৃষ্টরূপোঽসৌ সর্বতঃ সমতাডয়ৎ॥ 1-33-9 (1613) তয়োরঙ্গে সমাক্রম্য বৈনতেয়োঽন্তরিক্ষগঃ। আচ্ছিনত্তরসা মধ্যে সোমমভ্যদ্রবত্ততঃ॥ 1-33-10 (1614) সমুৎপাট্যামৃতং তত্র বৈনতেয়স্ততো বলী। উৎপপাত জবেনৈব যন্ত্রমুন্মথ্য বীর্যবান্॥ 1-33-11 (1615) অপীৎবৈবামৃতং পক্ষী পরিগৃহ্যাশু নিঃসৃতঃ। আগচ্ছদপরিশ্রান্ত আবার্যার্কপ্রভাং ততঃ॥ 1-33-12 (1616) বিষ্ণুনা চ তদাকাশে বৈনতেয়ঃ সমেয়িবান্। তস্য নারায়ণস্তুষ্টস্তেনালৌল্যেন কর্মণা॥ 1-33-13 (1617) তমুবাচাব্যযো দেবো বরদোঽস্মীতি খেচরম্। স বব্রে তব তিষ্ঠেয়মুপরীত্যন্তরিক্ষগঃ॥ 1-33-14 (1618) উবাচ চৈনং ভূয়োঽপি নারায়ণমিদং বচঃ। অজরশ্চামরশ্চ স্যামমৃতেন বিনাঽপ্যহম্॥ 1-33-15 (1619) সৌতিরুবাচ। 1-33-16x (148) এবমস্ৎবিতি তং বিষ্ণুরুবাচ বিনতাসুতম্। প্রতিগৃহ্য বনৌ তৌ চ গরুডো বিষ্ণুমব্রবীৎ॥ 1-33-16 (1620) ভবতেপি বরং দদ্যাং বৃণোতু ভগবানপি। তং বব্রে বাহনং বিষ্ণুর্নরুত্মন্তং মহাবলম্॥ 1-33-17 (1621) ধ্বজং চ চক্রে ভগবানুপরি স্থাস্যসীতি তম্। এবমস্ৎবিতি তং দেবমুক্ৎবা নারায়ণং খগঃ॥ 1-33-18 (1622) বব্রাজ তরসা বেগাদ্বায়ুং স্পর্ধন্মহাজবঃ। তং ব্রজন্তং খগশ্রেষ্ঠং বজ্রেণেন্দ্রোঽভ্যতাডয়ৎ॥ 1-33-19 (1623) হরন্তমমৃতং রোষাদ্গরুডং পক্ষিণাং বরম্। তমুবাচেন্দ্রমাক্রন্দে গরুডঃ পততাং বরঃ॥ 1-33-20 (1624) প্রহসঞ্শ্লক্ষ্ণয়া বাচা তথা বজ্রসমাহতঃ। ঋষের্মানং করিষ্যামি বজ্রং যস্যাস্থিসংভবম্॥ 1-33-21 (1625) বজ্রস্য চ করিষ্যামি তবৈব চ শতক্রতো। এতৎপত্রং ত্যজাম্যেকং যস্যান্তং নোপলপ্স্যসে॥ 1-33-22 (1626) ন চ বজ্রনিপাতেন রুজা মেঽস্তীহ কাচন। এবমুক্ৎবা ততঃ পুত্রমুৎসসর্জ স পক্ষিরাট্॥ 1-33-23 (1627) তদুৎসৃষ্টমভিপ্রেক্ষ্য তস্য পর্ণমনুত্তমম্। হৃষ্টানি সর্ধভূতানি নাম চক্রুর্গরুত্মতঃ॥ 1-33-24 (1628) সুরূপং পত্রমালক্ষ্য সুপর্ণোঽয়ং ভবৎবিতি। তদ্দৃষ্ট্বা মহদাশ্চর্যং সহস্রাক্ষঃ পুরংদরঃ। খগো মহদিদং ভূতমিতি মৎবাঽভ্যভাষত॥ 1-33-25 (1629) বলং বিজ্ঞাতুমিচ্ছামি যত্তে পরমনুত্তমম্। সখ্যং চানন্তমিচ্ছামি ৎবয়া সহ খগোত্তম॥ ॥ 1-33-26 (1630) ইতি শ্রীমন্মহাভারতে আদিপর্বণি আস্তীপর্বণি ত্রয়স্ত্রিংশোঽধ্যায়ঃ॥ 33 ॥

1-34-0 (1631) সৌতিরুবাচ। 1-34-0x (149) `ইত্যেবমুক্তো গরুডঃ প্রত্যুবাচ শচীপতিম্'। 1-34-1 (1632) গরুড উবাচ। সখ্যং মেঽস্তু ৎবয়া দেব যথেচ্ছসি পুরংদর। বলং তু মম জানীহি মহচ্চাসহ্যমেব চ॥ 1-34-1x (150) কামং নৈতৎপ্রশংসন্তি সন্তঃ স্ববলসংস্তবম্। `অনিমিত্তং সুরশ্রেষ্ঠ সদ্যঃ প্রাপ্নোতি গর্হণাম্॥ 1-34-2 (1633) গুণসংকীর্তনং চাপি পৃষ্টেনান্যেন গোপতে। বক্তব্যং ন তু বক্তব্যং স্বয়মেব শতক্রতো॥' 1-34-3 (1634) সখেতি কৃৎবা তু সখে পৃষ্টো বক্ষ্যাম্যহং ৎবয়া। ন হ্যাত্মস্তবসংয়ুক্তং বক্তব্যমনিমিত্ততঃ॥ 1-34-4 (1635) সপর্বতবনামুর্বীং সসাগরজলামিমাম্। বহে পক্ষেণ বৈ শক্র ৎবামপ্যত্রাবলম্বিনম্॥ 1-34-5 (1636) সর্বান্সংপিণ্ডিতান্বাপি লোকান্সস্থাণুজঙ্গমান্। বহেয়মপরিশ্রান্তো বিদ্ধীদং মে মহদ্বলম্॥ 1-34-6 (1637) সৌতিরুবাচ। 1-34-7x (151) ইত্যুক্তবচনং বীরং কিরীটী শ্রীমতাং বরঃ। আহ শৌনক দেবেন্দ্রঃ সর্বলোকহিতঃ প্রভুঃ॥ 1-34-7 (1638) এবমেব যথাত্থ ৎবং সর্বং সংভাব্যতে ৎবয়ি। সংগৃহ্যতামিদানীং মে সখ্যমত্যন্তমুত্তমম্॥ 1-34-8 (1639) ন কার্যং যদি সোমেন মম সোমঃ প্রদীয়তাম্। অস্মাংস্তে হি প্রবাধেয়ুর্যেভ্যো দদ্যাদ্ভবানিমম্॥ 1-34-9 (1640) গরুড উবাচ। 1-34-10x (152) কিংচিৎকারণমুদ্দিশ্য সোমোঽয়ং নীয়তে ময়া। ন দাস্যামি সমাপাতুং সোমং কস্মৈচিদপ্যহম্॥ 1-34-10 (1641) যত্রেমং তু সহস্রাক্ষ নিক্ষিপেয়মহং স্বয়ম্। ৎবমাদায় ততস্তৃর্ণং হরেথাস্ত্রিদিবেশ্বর॥ 1-34-11 (1642) শক্র উবাচ। 1-34-12x (153) বাক্যেনানেন তুষ্টোঽহং যত্ৎবয়োক্তমিহাণ্ডজ। যমিচ্ছসি বরং মত্তস্তং গৃহাণ খগোত্তম॥ 1-34-12 (1643) সৌতিরুবাচ। 1-34-13x (154) ইত্যুক্তঃ প্রত্যুবাচেদং কদ্রূপুত্রাননুস্মরন্। ভবেয়ুর্ভুজগাঃ শক্র মম ভক্ষ্যা মহাবলাঃ॥ 1-34-13 (1644) গরুড উবাচ। 1-34-14x (155) ঈশোঽহমপি সর্বস্য করিষ্যামি তু তেঽর্থিতাম্। ভবেয়ুর্ভুজগাঃ শক্র মম ভক্ষ্যা মহাবলাঃ॥ 1-34-14 (1645) সৌতিরুবাচ। 1-34-15x (156) তথেত্যুক্ৎবাঽন্বগচ্ছত্তং ততো দানবসূদনঃ। দেবদেবং মহাত্মানং যোগিনামীশ্বরং হরিম্॥ 1-34-15 (1646) স চান্বমোদত্তং চার্থং যথোক্তং গরুডেন বৈ। ইদং ভূয়ো বচঃ প্রাহ ভগবাংস্ত্রিদশেশ্বরঃ॥ 1-34-16 (1647) হরিষ্যামি বিনিক্ষিপ্তং সোমমিত্যনুভাষ্য তম্। আজগাম ততস্তূর্ণং সুপর্ণী মাতুরন্তিকম্॥ 1-34-17 (1648) `বিনয়াবনতো ভূৎবা বচনং চেদমব্রবীৎ। ইদমানীতমমৃতং দেবানাং ভবনান্ময়া॥ 1-34-18 (1649) প্রশাধি কিমিতো মাতঃ করিষ্যামি শুভব্রতে। 1-34-19 (1650) বিনতোবাচ। পরিতুষ্টাঽহমেতেন কর্মণা তব পুত্রক॥ 1-34-19x (157) অজরশ্চাভরশ্চৈব দেবানাং সুপ্রিয়ো ভব। 1-34-20 (1651) সৌতিরুবাচ।' অথ সর্পানুবাচেদং সর্বান্পরমহৃষ্টবৎ। 1-34-20x (158) গরুড উবাচ। ইদমানীতমমৃতং নিক্ষেপ্স্যামি কুশেষু বঃ॥ 1-34-20x (159) স্নাতা মঙ্গলসংয়ুক্তাস্ততঃ প্রাশ্নীত পন্নগাঃ। ভবদ্ভিরিদমাসীনৈর্যদুক্তং তদ্বচস্তদা॥ 1-34-21 (1652) অদাসী চৈব মাতেয়মদ্যপ্রভৃতি চাস্তু মে। যথোক্তং ভবতামেতদ্বচো মে প্রতিপাদিতম্॥ 1-34-22 (1653) সৌতিরুবাচ। 1-34-23x (160) ততঃ স্নাতুং গতাঃ সর্পাঃ প্রত্যুক্ৎবা তং তথেত্যুত। শক্রোঽপ্যমৃতমাক্ষিপ্য জগাম ত্রিদিবং পুনঃ॥ 1-34-23 (1654) অথাগতাস্তমুদ্দেশং সর্পাঃ সোমার্থিনস্তদা। স্নাতাশ্চ কুতজপ্যাশ্চ প্রহৃষ্টাঃ কৃতমঙ্গলাঃ॥ 1-34-24 (1655) `পরস্পরকৃতদ্বেষাঃ সোমপ্রাশনকর্মণি। অহং পূর্বমহং পূর্বমিত্যুক্ৎবা তে সমাদ্রবন্॥' 1-34-25 (1656) যত্রৈতদমৃতং চাপি স্থাপিতং কুশসংস্তরে। তদ্বিজ্ঞায় হৃতং সর্পাঃ প্রতিমায়াকৃতং চ তৎ॥ 1-34-26 (1657) সোমস্থানমিদং চেতি দর্ভাংস্তে লিলিহুস্তদা। ততো দ্বিধা কৃতা জিহ্বাঃ সর্পাণাং তেন কর্মণা॥ 1-34-27 (1658) অভবংশ্চামৃতস্পর্শাদ্দর্ভাস্তেঽথ পবিত্রিণঃ। `নাগাশ্চ বঞ্চিতা ভূৎবা বিসৃজ্য বিনতাং ততঃ। বিষাদমগমংস্তীব্রং গরুডস্য বলাৎপ্রভো॥' 1-34-28 (1659) এবং তদমৃতং তেন হৃতমাহৃতমেব চ। দ্বিজিহ্বাশ্চ কৃতাঃ সর্পা গরুডেন মহাত্মনা॥ 1-34-29 (1660) ততঃ সুপর্ণঃ পরমপ্রহর্ষবা- ন্বিহৃত্য মাত্রা সহ তত্র কাননে। ভুজংগভক্ষঃ পরমার্চিতঃ খগৈ- রহীনকীর্তির্বিনতামনন্দয়ৎ॥ 1-34-30 (1661) ইমাং কথাং যঃ শৃণুয়ান্নরঃ সদা পঠেত বা দ্বিজগণমুখ্যসংসদি। অসংশয়ং ত্রিদিবমিয়াৎস পুণ্যভা- ঙ্মহাত্মনঃ পতগপতেঃ প্রকীর্তনাৎ॥ ॥ 1-34-31 (1662) ইতি শ্রীমন্মহাভারতে আদিপর্বণি আস্তীকপর্বণি চতুস্ত্রিংশোঽধ্যায়ঃ॥ 34 ॥

1-35-0 (1663) শৌনক উবাচ। 1-35-0x (161) ভুজঙ্গমানাং শাপস্য মাত্রা চৈব সুতেন চ। বিনতায়াস্ৎবয়া প্রোক্তং কারণং সূতনন্দন॥ 1-35-1 (1664) বরপ্রদানং ভর্ত্রা চ কদ্রূবিনতয়োস্তথা। নামনী চৈব তে প্রোক্তে পক্ষিণোর্বৈনতেয়যোঃ॥ 1-35-2 (1665) পন্নগানাং তু নামানি ন কীতর্যসি সূতজ। প্রাধান্যেনাপি নামানি শ্রোতুমিচ্ছামহে বয়ম্॥ 1-35-3 (1666) সৌতিরুবাচ। 1-35-4x (162) বহুৎবান্নামধেয়ানি পন্নগানাং তপোধন। ন কীর্তয়িষ্যে সর্বেষাং প্রাধান্যেন তু মে শৃণু॥ 1-35-4 (1667) শেষঃ প্রথমতো জাতো বাসুকিস্তদনন্তরম্। ঐরাবতস্তক্ষকশ্চ কর্কোটকধনঞ্জয়ৌ॥ 1-35-5 (1668) কালিয়ো মণিনাগশ্চ নাগশ্চাপূরণস্তথা। নাগস্তথা পিঞ্জরক এলাপত্রোঽথ বামনঃ॥ 1-35-6 (1669) নীলানীলৌ তথা নাগৌ কল্মাষশবলৌ তথা। আর্যকশ্চোগ্রকশ্চৈব নাগঃ কলশপোতকঃ॥ 1-35-7 (1670) সুমনাখ্যো দধিমুখস্তথা বিমলপিণ্ডকঃ। আপ্তঃ কোটরকশ্চৈব শঙ্খো বালিশিখস্তথা॥ 1-35-8 (1671) নিষ্টানকো হেমগুহো নহুষঃ পিঙ্গলস্তথা। বাহ্যকর্ণো হস্তিপদস্তথা মুদ্গরপিণ্ডকঃ॥ 1-35-9 (1672) কম্বলাশ্বতরৌ চাপি নাগঃ কালীয়কস্তথা। বৃত্তসংবর্তকৌ নাগৌ দ্বৌ চ পদ্মাবিতি শ্রুতৌ॥ 1-35-10 (1673) নাগঃ শঙ্খমুখশ্চৈব তথা কূষ্মাণ্ডকোঽপরঃ। ক্ষেমকশ্চ তথা নাগো নাগঃ পিণ্ডারকস্তথা॥ 1-35-11 (1674) করবীরঃ পুষ্পদংষ্ট্রো বিল্বকো বিল্বপাণ্ডুরঃ। মূষকাদঃ শঙ্খশিরাঃ পূর্ণভদ্রো হরিদ্রকঃ॥ 1-35-12 (1675) অপরাজিতো জ্যোতিকশ্চ পন্নগঃ শ্রীবহস্তথা। কৌরব্যো ধৃতরাষ্ট্রশ্চ শঙ্খপিণ্ডশ্চ বীর্যবান্॥ 1-35-13 (1676) বিরজাশ্চ সুবাহুশ্চ শালিপিণ্ডশ্চ বীর্যবান্। হস্তিপিণ্ডঃ পিঠরকঃ সুমুখঃ কৌণপাশনঃ॥ 1-35-14 (1677) কুঠর়ঃ কুঞ্জরশ্চৈব তথা নাগঃ প্রভাকরঃ। কুমুদঃ কুমুদাক্ষশ্চ তিত্তিরির্হলিকস্তথা॥ 1-35-15 (1678) কর্দমশ্চ মহানাগো নাগশ্চ বহুমূলকঃ। কর্করাকর্করৌ নাগৌ কুণ্ডোদরমহোদরৌ॥ 1-35-16 (1679) এতে প্রাধান্যতো নাগাঃ কীর্তিতা দ্বিজসত্তম। বহুৎবান্নামধেয়ানামিতরে নানুকীর্তিতাঃ॥ 1-35-17 (1680) এতেষাং প্রসবো যশ্চ প্রসবস্য চ সংততিঃ। অসঙ্খ্যেয়েতি মত্ৎবা তান্ন ব্রবীমি তপোধন॥ 1-35-18 (1681) বহূনীহ সহস্রাণি প্রয়ুতান্যর্বুদানি চ। অশক্যান্যেব সঙ্খ্যাতুং পন্নগানাং তপোধন॥ ॥ 1-35-19 (1682) ইতি শ্রীমন্মহাভারতে আদিপর্বণি আস্তীকপর্বণি পঞ্চত্রিংশোঽধ্যায়ঃ॥ 35 ॥

1-36-0 (1683) শৌন উবাচ। 1-36-0x (163) আখ্যাতা ভুজগাস্তাত বীর্যবন্তো দুরাসদাঃ। শাপং তং তেঽভিবিজ্ঞায় কৃতবন্তঃ কিমুত্তরম্॥ 1-36-1 (1684) সৌতিরুবাচ। 1-36-2x (164) তেষাং তু ভগবাঞ্ছেষঃ কদ্রূং ত্যক্ৎবা মহায়শাঃ। উগ্রং তপঃ সমাতস্থে বায়ুভক্ষো যতব্রতঃ॥ 1-36-2 (1685) গন্ধমাদনমাসাদ্য বদর্যাং চ তপোরতঃ। গোকর্ণে পুষ্করারণ্যে তথা হিমবতস্তটে॥ 1-36-3 (1686) তেষু তেষু চ পুণ্যেষু তীর্থেষ্বায়তনেষু চ। একান্তশীলো নিয়তঃ সততং বিজিতেন্দ্রিয়ঃ॥ 1-36-4 (1687) তপ্যমানং তপো ঘোরং তং দদর্শ পিতামহঃ। সংশুষ্কমাংসৎবক্স্নায়ুং জটাচীরধরং মুনিম্॥ 1-36-5 (1688) তমব্রবীৎসত্যধৃতিং তপ্যমানং পিতামহঃ। কিমিদং কুরুষে শেষ প্রজানাং স্বস্তি বৈ কুরু॥ 1-36-6 (1689) ৎবং হি তীব্রেণ তপসা প্রজাস্তাপয়সেঽনঘ। ব্রূহি কামং চ মে শেষ যস্তে হৃদি ব্যবস্থিতঃ॥ 1-36-7 (1690) শেষ উবাচ। 1-36-8x (165) সোদর্যা মম সর্বে হি ভ্রাতরো মন্দচেতসঃ। সহ তৈর্নোৎসহে বস্তুং তদ্ভবাননুমন্যতাম্॥ 1-36-8 (1691) অভ্যসূয়ন্তি সততং পরস্পরমমিত্রবৎ। ততোঽহং তপ আতিষ্ঠে নৈতন্পশ্যেয়মিত্যুত॥ 1-36-9 (1692) ন মর্ষয়ন্তি সসুতাং সততং বিনতাং চ তে। অস্মাকং চাপরো ভ্রাতা বৈনতেয়োঽন্তরিক্ষগঃ॥ 1-36-10 (1693) তং চ দ্বিষন্তি সততং স চাপি বলবত্তরঃ। বরপ্রদানাৎস পিতুঃ কশ্যপস্য মহাত্মনঃ॥ 1-36-11 (1694) সোঽহং তপঃ সমাস্থায় মোক্ষ্যামীদং কলেবরম্। কথং মে প্রেত্যভাবেঽপি ন তৈঃ স্যাৎসহ সঙ্গমঃ॥ 1-36-12 (1695) তমেবং বাদিনং শেষং পিতামহ উবাচ হ। জানামি শেষ সর্বেষাং ভ্রাতৄণাং তে বিচেষ্টিতম্॥ 1-36-13 (1696) মাতুশ্চাপ্যপরাধাদ্বৈ ভ্রাতৄণাং তে মহদ্ভয়ম্। কৃতোঽত্র পরিহারশ্চ পূর্বমেব ভুজঙ্গম॥ 1-36-14 (1697) ভ্রাতৄণাং তব সর্বেষাং ন শোকং কর্তুমর্হসি। বৃণীষ্ব চ বরং মত্তঃ শেষ যত্তেঽভিকাঙ্ক্ষিতম্॥ 1-36-15 (1698) দাস্যামি হি বরং তেঽদ্য প্রীতির্মে পরমা ৎবয়ি। দিষ্ট্যা বুদ্ধিশ্চ তে ধর্মে নিবিষ্টা পন্নগোত্তম। ভূয়ো ভূয়শ্চ তে বুদ্ধির্ধর্মে ভবতু সুস্থিরা॥ 1-36-16 (1699) শেষ উবাচ। 1-36-16x (166) এষ এব বরো দেব কাঙ্ক্ষিতো মে পিতামহ। ধর্মে মে রমতাং বুদ্ধিঃ শমে তপসি চেশ্বর॥ 1-36-17 (1700) ব্রহ্মোবাচ। 1-36-18x (167) প্রীতোঽস্ম্যনেন তে শেষ দমেন চ শমেন চ। ৎবয়া ৎবিদং বচঃ কার্যং মন্নিয়োগাৎপ্রজাহিতম্॥ 1-36-18 (1701) ইমাং মহীং শৈলবনোপপন্নাং সসাগরগ্রামবিহারপত্তনাম্ ৎবং শেষ সম্যক্ চলিতাং যথাব- ৎসংগৃহ্য তিষ্ঠস্ব যথাঽচলা স্যাৎ॥ 1-36-19 (1702) শেষ উবাচ। 1-36-20x (168) যথাঽঽহ দেবো বরদঃ প্রজাপতি- র্মহীপতির্ভূতপতির্জগৎপতিঃ। তথা মহীং ধারয়িতাঽস্মি নিশ্চলাং প্রয়চ্ছতাং মে বিবরং প্রজাপতে॥ 1-36-20 (1703) ব্রহ্মোবাচ। 1-36-21x (169) অধো মহীং গচ্ছ ভুজঙ্গমোত্তম স্বয়ং তবৈষা বিবরং প্রদাস্যতি। ইমাং ধরাং ধারয়তা ৎবয়া হি মে মহৎপ্রিয়ং শেষ কৃতং ভবিষ্যতি॥ 1-36-21 (1704) সৌতিরুবাচ। 1-36-22x (170) তথৈব কৃৎবা বিবরং প্রবিশ্য স প্রভুর্ভুবো ভুজগবরাগ্রজঃ স্থিতঃ। বিভর্তি দেবীং শিরসা মহীমিমাং সমুদ্রনেমিং পরিগৃহ্য সর্বতঃ॥ 1-36-22 (1705) ব্রহ্মোবাচ। 1-36-23x (171) শেষোঽসি নাগোত্তম ধর্মদেবো মহীমিমাং ধারয়সে যদেকঃ। অনন্তভোগৈঃ পরিগৃহ্য সর্বাং যথাহমেবং বলভিদ্যথা বা॥ 1-36-23 (1706) সৌতিরুবাচ। 1-36-24x (172) অধো ভূমৌ বসত্যেবং নাগোঽনন্তঃ প্রতাপবান্। ধাস্যন্বসুধামেকঃ শাসনাদ্ব্রহ্মণো বিভোঃ॥ 1-36-24 (1707) সুপর্ণং চ সহায়ং বৈ ভগবানমরোত্তমঃ। প্রাদাদনন্তায় তদা বৈনতেয়ং পিতামহঃ॥ 1-36-25 (1708) `অনন্তেঽভিপ্রয়াতে তু বাসুকিঃ স মহাবলঃ। অভ্যষিচ্যত নাগৈস্তু দৈবতৈরিব বাসবঃ॥' ॥ 1-36-26 (1709) ইতি শ্রীমন্মহাভারতে আদিপর্বণি আস্তীকপর্বণি ষট্ত্রিংশোঽধ্যায়ঃ॥ 37 ॥

1-37-0 (1710) সৌতিরুবাচ। 1-37-0x (173) মাতুঃ সকাশাত্তং শাপং শ্রুৎবা বৈ পন্নগোত্তমঃ। বাসুকিশ্চিন্তয়ামাস শাপোঽয়ং ন ভবেৎকথম্॥ 1-37-1 (1711) ততঃ স মন্ত্রয়ামাস ভ্রাতৃভিঃ সহ সর্বশঃ। ঐরাবতপ্রভৃতিভিঃ সর্বৈর্ধর্মপরায়ণৈঃ॥ 1-37-2 (1712) বাসুকিরুবাচ। 1-37-3x (174) অয়ং শাপো যথোদ্দিষ্টো বিদিতং বস্তথাঽনঘাঃ। তস্য শাপস্য মোক্ষার্থং মন্ত্রয়িৎবা যতামহে॥ 1-37-3 (1713) সর্বেষামেব শাপানাং প্রতিঘাতো হি বিদ্যতে। ন তু মাত্রাঽভিশপ্তানাং মোক্ষঃ ক্বচন বিদ্যতে॥ 1-37-4 (1714) অব্যযস্যাপ্রমেয়স্য সত্যস্য চ তথাগ্রতঃ। শপ্তা ইত্যেব মে শ্রুৎবা জায়তে হৃদি বেপথুঃ॥ 1-37-5 (1715) নূনং সর্ববিনাশোঽয়মস্মাকং সমুপাগতঃ। `শাপঃ সৃষ্টো মহাঘোরো মাত্রা খল্ববিনীতয়া। ন হ্যেতাং সোঽব্যযো দেবঃ শপত্নীং প্রত্যষেধয়ৎ॥ 1-37-6 (1716) তস্মাৎসংমন্ত্রয়ামোঽদ্য ভুজঙ্গানামনাময়ম্। যথা ভবেদ্ধি সর্বেষাং মা নঃ কালোঽত্যগাদয়ম্॥ 1-37-7 (1717) সর্ব এব হি নস্তাবদ্বুদ্ধিমন্তো বিচক্ষণাঃ। অপি মন্ত্রয়মাণা হি হেতুং পশ্যাম মোক্ষণে॥ 1-37-8 (1718) যথা নষ্টং পুরা দেবা গূঢমগ্নিং গুহাগতম্। যথা স যজ্ঞো ন ভবেদ্যথা বাঽপি পরাভবঃ। জনমেজয়স্য সর্পাণাং বিনাশকরণায় বৈ॥ 1-37-9 (1719) সৌতিরুবাচ। 1-37-10x (175) তথেত্যুক্ৎবা ততঃ সর্বে কাদ্রবেয়াঃ সমাগতাঃ। সময়ং চকিরে তত্র মন্ত্রবুদ্ধিবিশারদাঃ॥ 1-37-10 (1720) একে তত্রাব্রুবন্নাগা বয়ং ভূৎবা দ্বিজর্ষভাঃ। জনমেজয়ং তু ভিক্ষামো যজ্ঞস্তে ন ভবেদিতি॥ 1-37-11 (1721) অপরে ৎবব্রুবন্নাগাস্তত্র পণ্ডিতমানিনঃ। মন্ত্রিণোঽস্য বয়ং সর্বে ভবিষ্যামঃ সুসংমতাঃ॥ 1-37-12 (1722) স নঃ প্রক্ষ্যতি সর্বেষু কার্যেষ্বর্থবিনিশ্চয়ম্। তত্র বুদ্ধিং প্রদাস্যামো যথা যজ্ঞো নিবর্ৎস্যতি॥ 1-37-13 (1723) স নো বহুমতান্রাজা বুদ্ধ্যা বুদ্ধিমতাং বরঃ। যজ্ঞার্থং প্রক্ষ্যতি ব্যক্তং নেতি বক্ষ্যামহে বয়ম্॥ 1-37-14 (1724) দর্শয়ন্তো বহূন্দোষান্প্রেত্য চেহ চ দারুণান্। হেতুভিঃ কারণৈশ্চৈব যথা যজ্ঞো ভবেন্ন সঃ॥ 1-37-15 (1725) অথবা য উপাধ্যায়ঃ ক্রতোস্তস্য ভবিষ্যতি। সর্পসত্রবিধানজ্ঞো রাজকার্যহিতে রতঃ॥ 1-37-16 (1726) তং গৎবা দশতাং কশ্চিদ্ভুজঙ্গঃ স মরিষ্যতি। তস্মিন্মৃতে যজ্ঞকারে ক্রতুঃ স ন ভবিষ্যতি॥ 1-37-17 (1727) যে চান্যে সর্পসত্রজ্ঞা ভবিষ্যন্ত্যস্য চর্ৎবিজঃ। তাংশ্চ সর্বান্দশিষ্যামঃ কৃতমেবং ভবিষ্যতি॥ 1-37-18 (1728) অপরে ৎবব্রুবন্নাগা ধর্মাত্মানো দয়ালবঃ। অবুদ্ধিরেষা ভবতাং ব্রহ্মহত্যা ন শোভনম্॥ 1-37-19 (1729) সম্যক্সদ্ধর্মমূলা বৈ ব্যসনে শান্তিরুত্তমা। অধর্মোত্তরতা নাম কৃৎস্নং ব্যাপাদয়েজ্জগৎ॥ 1-37-20 (1730) অপরে ৎবব্রুবন্নাগাঃ সমিদ্ধং জাতবেদসম্। বর্ষৈর্নির্বাপয়িষ্যামো মেঘা ভূৎবা সবিদ্যুতঃ॥ 1-37-21 (1731) স্রুগ্ভাণ্ডং নিশি গৎবা চ অপরে ভুজগোত্তমাঃ। প্রমত্তানাং হরন্ৎবাশু বিঘ্ন এবং ভবিষ্যতি॥ 1-37-22 (1732) যজ্ঞে বা ভুজগাস্তস্মিঞ্শতশোঽথ সহস্রশঃ। জনান্দশন্তু বৈ সর্বে নৈবং ত্রাসো ভবিষ্যতি॥ 1-37-23 (1733) অথবা সংস্কৃতং ভোজ্যং দূষয়ন্তু ভুজঙ্গমাঃ। স্বেন মূত্রপুরীষেণ সর্বভোজ্যবিনাশিনা॥ 1-37-24 (1734) অপরে ৎবব্রুবংস্তত্র ঋৎবিজোঽস্য ভবামহে। যজ্ঞবিঘ্নং করিষ্যামো দক্ষিণা দীয়তামিতি॥ 1-37-25 (1735) বশ্যতাং চ গতোঽসৌ নঃ করিষ্যতি যথেপ্সিতম্। অপরে ৎবব্রুবংস্তত্র জলে প্রক্রীডিতং নৃপম্॥ 1-37-26 (1736) গৃহমানীয় বধ্নীমঃ ক্রতুরেবং ভবেন্ন সঃ। অপরে ৎবব্রুবংস্তত্র নাগাঃ পণ্ডিতমানিনঃ॥ 1-37-27 (1737) দশামস্তং প্রগৃহ্যাশু কৃতপেবং ভবিষ্যতি। ছিন্নং মূলমনর্থানাং মৃতে তস্মিন্ভবিষ্যতি॥ 1-37-28 (1738) এষা নো নৈষ্ঠিকী বুদ্ধিঃ সর্বেষামীক্ষণশ্রবঃ। অথ যন্মন্যসে রাজন্দ্রুতং তৎসংবিধীয়তাম্॥ 1-37-29 (1739) ইত্যুক্ৎবা সমুদৈক্ষন্ত বাসুকিং পন্নগোত্তমম্। বাসুকিশ্চাপি সংচিন্ত্য তানুবাচ ভুজঙ্গমান্॥ 1-37-30 (1740) নৈষা বো নৈষ্ঠিকী বুদ্ধির্মতা কর্তুং ভুজঙ্গমাঃ। সর্বেষামেব মে বুদ্ধিঃ পন্নগানাং ন রোচতে॥ 1-37-31 (1741) কিং তত্র সংবিধাতব্যং ভবতাং স্যাদ্ধিতং তু যৎ। শ্রেয়ঃ প্রসাদনং মন্যে কশ্যপশ্য মহাত্মনঃ॥ 1-37-32 (1742) জ্ঞাতিবর্গস্য সৌহার্দাদাত্মনশ্চ ভুজঙ্গমাঃ। ন চ জানাতি মে বুদ্ধিঃ কিংচিৎকর্তুং বচো হিবঃ॥ 1-37-33 (1743) ময়া হীদং বিধাতব্যং ভবতাং যদ্ধিতং ভবেৎ। অনেনাহং ভৃশং তপ্যে গুণদোষৌ মদাশ্রয়ৌ॥ ॥ 1-37-34 (1744) ইতি শ্রীমন্মহাভারতে আদিপর্বণি আস্তীকপর্বণি সপ্তত্রিংশোঽধ্যায়ঃ॥ 37 ॥

1-38-0 (1745) সৌতিরুবাচ। 1-38-0x (176) সর্পাণাং তু বচঃ শ্রুৎবা সর্বেষামিতি চেতি চ। বাসুকেশ্চ বচঃ শ্রুৎবা এলাপত্রোঽব্রবীদিদম্॥ 1-38-1 (1746) `প্রাগেব দর্শিতা বুদ্ধির্ময়ৈষা ভুজগোত্তমাঃ। হেয়েতি যদি বো বুদ্ধিস্তবাপি চ তথা প্রভো॥ 1-38-2 (1747) অস্তু কামং মভাদ্যাপি বুদ্ধিঃ স্মরণমাগতা। তাং শৃণুধ্বং প্রবক্ষ্যামি যাথাতথ্যেন পন্নগাঃ॥' 1-38-3 (1748) ন স যজ্ঞো ন ভবিতা ন স রাজা তথাবিধঃ। জনমেজয়ঃ পাণ্ডবেয়ো যতোঽস্মাকং মহদ্ভয়ম্॥ 1-38-4 (1749) দৈবেনোপহতো রাজন্যো ভবেদিহ পূরুষঃ। স দৈবমেবাশ্রয়েত নান্যত্তত্র পরায়ণম্॥ 1-38-5 (1750) তদিদং চৈবমস্মাকং ভয়ং পন্নগসত্তমাঃ। দৈবমেবাশ্রয়ামোঽত্র শৃণুধ্বং চ বচো মম॥ 1-38-6 (1751) অহং শাপে সমুৎসৃষ্টে সমশ্রৌষং বচস্তদা। মাতুরুৎসঙ্গমারূঢো ভয়াৎপন্নগসত্তমাঃ। দেবানাং পন্নগশ্রেষ্ঠাস্তীক্ষ্ণাস্তীক্ষ্ণ ইতি প্রভো॥ 1-38-7 (1752) `শাপদুঃখাগ্নিতপ্তানাং পন্নগানামনাময়ম্। কৃপয়া পরয়াঽঽবিষ্টাঃ প্রার্থয়ন্তো দিবৌকসঃ॥' 1-38-8 (1753) দেবা ঊচুঃ। 1-38-9x (177) কা হি লব্ধ্বা প্রিয়ান্পুত্রাঞ্শপেদেবং পিতামহ। ঋতে কদ্রূং তীক্ষ্ণরূপাং দেবদেব তবাগ্রতঃ॥ 1-38-9 (1754) তথেতি চ বচস্তস্যাস্ৎবয়াপ্যুক্তং পিতামহ। ইচ্ছাম এতদ্বিজ্ঞাতুং কারণং যন্ন বারিতা॥ 1-38-10 (1755) ব্রহ্মোবাচ। 1-38-11x (178) বহবঃ পন্নগাস্তীক্ষ্ণা ঘোররূপা বিষোল্বণাঃ। প্রজানাং হিতকামোঽহং ন চ বারিতবাংস্তদা॥ 1-38-11 (1756) যে দন্দশূকাঃ ক্ষুদ্রাশ্চ পাপাচারা বিষোল্বণাঃ। তেষাং বিনাশো ভবিতা ন তু যে ধর্মচারিণঃ॥ 1-38-12 (1757) যন্নিমিত্তং চ ভবিতা মোক্ষস্তেষাং মহাভয়াৎ। পন্নগানাং নিবোধধ্বং তস্মিন্কালে সমাগতে॥ 1-38-13 (1758) যায়াবরকুলে ধীমান্ভবিষ্যতি মহানৃষিঃ। জরৎকারুরিতি খ্যাতস্তপস্বী নিয়তেন্দ্রিয়ঃ॥ 1-38-14 (1759) তস্য পুত্রো জরৎকারোর্ভবিষ্যতি তপোধনঃ। আস্তীকো নাম যজ্ঞং স প্রতিষেৎস্যতি তং তদা। তত্র মোক্ষ্যন্তি ভুজগা যে ভবিষ্যন্তি ধার্মিকাঃ॥ 1-38-15 (1760) দেবা ঊচুঃ। 1-38-16x (179) স মুনিপ্রবরো ব্রহ্মঞ্জরৎকারুর্মহাতপাঃ। কস্যাং পুত্রং মহাত্মানং জনয়িষ্যতি বীর্যবান্॥ 1-38-16 (1761) ব্রহ্মোবাচ। 1-38-17x (180) `বাসুকের্ভগিনী কন্যা সমুৎপন্না সুশোভনা। তস্মৈ দাস্যতি তাং কন্যাং বাসুকির্ভুজগোত্তমঃ॥ 1-38-17 (1762) তস্যাং জনয়িতা পুত্রং বেদবেদাঙ্গপারগম্।' সনামায়াং সনামা স কন্যায়াং দ্বিজসত্তমঃ॥ 1-38-18 (1763) এলাপত্র উবাচ। 1-38-19x (181) এবমস্ৎবিতি তং দেবাঃ পিতামহমথাব্রুবন্। উৎক্বৈবং বচনং দেবান্বিরিঞ্চিস্ত্রিদিবং যয়ৌ॥ 1-38-19 (1764) সোঽহমেবং প্রপশ্যামি বাসুকে ভগিনী তব। জরৎকারুরিতি খ্যাতা তাং তস্মৈ প্রতিপাদয়॥ 1-38-20 (1765) ভৈক্ষবদ্ভিক্ষমাণায় নাগানাং ভয়শান্তয়ে। ঋষয়ে সুব্রতায়ৈনামেষ মোক্ষঃ শ্রুতো ময়া॥ ॥ 1-38-21 (1766) ইতি শ্রীমন্মহাভারতে আদিপর্বণি আস্তীকপর্বণি অষ্টত্রিংশোঽধ্যায়ঃ॥ 38 ॥

1-39-0 (1767) সৌতিরুবাচ। 1-39-0x (182) এলাপত্রবচঃ শ্রুৎবা তে নাগা দ্বিজসত্তম। সর্বে প্রহৃষ্টমনসঃ সাধুসাধ্বিত্যপূজয়ন্॥ 1-39-1 (1768) ততঃপ্রভৃতি তাং কন্যাং বাসুকিঃ পর্যরক্ষত। জরৎকারুং স্বসারং বৈ পরং হর্ষমবাপ চ॥ 1-39-2 (1769) ততো নাতিমহান্কালঃ সমতীত ইবাভবৎ। অথ দেবাসুরাঃ `সর্বে মমন্থুর্বরুণালয়ম্॥ 1-39-3 (1770) তত্র নেত্রমভূন্নাগো বাসুকির্বলিনাং বরঃ। সমাপ্যৈব চ তৎকর্ম পিতামহমুপাগমন্॥ 1-39-4 (1771) দেবা বাসুকিনা সার্ধং পিতামহমথাব্রুবন্। ভগবঞ্শাপভীতোঽয়ং বাসুকিস্তপ্যতে ভৃশম্॥ 1-39-5 (1772) অস্যৈতন্মানসং শল্যং সমুদ্ধর্তুং ৎবমর্হসি। জনন্যাঃ শাপজং দেব জ্ঞাতীনাং হিতমিচ্ছতঃ॥ 1-39-6 (1773) হিতো হ্যযং সদাস্মকং প্রিয়কারী চ নাগরাট্। প্রসাদং কুরু দেবেশ শময়াস্য মনোজ্বরম্॥ 1-39-7 (1774) ব্রহ্মোবাচ। 1-39-8x (183) ময়ৈব তদ্বিতীর্ণং বৈ বচনং মনসাঽমরাঃ। এলাপত্রেণ নাগেন যদস্যাভিহিতং পুরা॥ 1-39-8 (1775) তৎকরোৎবেষ নাগেন্দ্রঃ প্রাপ্তকালং বচঃ স্বয়ম্। বিনশিষ্যন্তি যে পাপা ন তু যে ধর্মচারিণঃ॥ 1-39-9 (1776) উৎপন্নঃ স জরৎকারুস্তপস্যুগ্রে রতো দ্বিজঃ। তস্যৈষ ভগিনীং কালে জরৎকারুং প্রয়চ্ছতু॥ 1-39-10 (1777) এলাপত্রেণ যৎপ্রোক্তং বচনং ভুজগেন হ। পন্নগানাং হিতং দেবাস্তত্তথা ন তদন্যথা॥ 1-39-11 (1778) সৌতিরুবাচ। 1-39-12x (184) এতচ্ছ্রুৎবা তু নাগেন্দ্রঃ পিতামহবচস্তদা। সংদিশ্য পন্নগান্সর্বান্বাসুকিঃ শাপমোহিতঃ॥ 1-39-12 (1779) স্বসারমুদ্যম্য তদা জরৎকারুমৃষিং প্রতি। সর্পান্বহূঞ্জরৎকারৌ নিত্যযুক্তান্সমাদধৎ॥ 1-39-13 (1780) জরৎকারুর্যদা ভার্যামিচ্ছেদ্বরয়িতুং প্রভুঃ। শীঘ্রমেত্য তদাঽঽখ্যেয়ং তন্নঃ শ্রেয়ো ভবিষ্যতি॥ ॥ 1-39-14 (1781) ইতি শ্রীমনমহাভারতে আদিপর্বণি আস্তীকপর্বণি একোনচৎবারিংশোঽধ্যায়ঃ॥ 39 ॥

1-40-0 (1782) শৌনক উবাচ। 1-40-0x (185) জরৎকারুরিতি খ্যাতো যস্ৎবয়া সূতনন্দন। ইচ্ছামি তদহং শ্রোতুং ঋষেস্তস্য মহাত্মনঃ॥ 1-40-1 (1783) কিং কারণং জরৎকারোর্নামৈতৎপ্রথিতং ভুবি। জরৎকারুনিরুক্তিং ৎবং যথাবদ্বক্তুমর্হসি॥ 1-40-2 (1784) সৌতিরুবাচ। 1-40-3x (186) জরেতি ক্ষয়মাহুর্বৈ দারুণং কারুসংজ্ঞিতম্। শরীরং কারু তস্যাসীত্তৎস ধীমাঞ্শনৈঃশনৈঃ॥ 1-40-3 (1785) ক্ষপয়ামাস তীব্রেণ তপসেত্যত উচ্যতে। জরৎকারুরিতি ব্রহ্মন্বাসুকের্ভগিনী তথা॥ 1-40-4 (1786) এবমুক্তস্তু ধর্মাত্মা শৌনকঃ প্রাহসত্তদা। উগ্রশ্রবসমামন্ত্র্য উপপন্নমিতি ব্রুবন্॥ 1-40-5 (1787) শৌনক উবাচ। 1-40-6x (187) উক্তং নাম যথা পূর্বং সর্বং তচ্ছ্রুতবানহম্। যথা তু জাতো হ্যাস্তীক এতদিচ্ছামি বেদিতুম্। তচ্ছ্রুৎবা বচনং তস্য সৌতিঃ প্রোবাচ শাস্ত্রতঃ॥ 1-40-6 (1788) সৌতিরুবাচ। 1-40-7x (188) সংদিশ্য পন্নগান্সর্বান্বাসুকিঃ সুসমাহিতঃ। স্বসারমুদ্যম্য তদা জরৎকারুমৃষিং প্রতি॥ 1-40-7 (1789) অথ কালস্য মহতঃ স মুনিঃ সংশিতব্রতঃ। তপস্যভিরতো ধীমান্স দারান্নাভ্যকাঙ্ক্ষত॥ 1-40-8 (1790) স তূর্ধ্বরেতাস্তপসি প্রসক্তঃ স্বাধ্যায়বান্বীতভয়ঃ কৃতাত্মা। চচার সর্বাং পৃথিবীং মহাত্মা ন চাপি দারান্মনসাধ্যকাঙ্ক্ষৎ॥ 1-40-9 (1791) ততোঽপরস্মিন্সংপ্রাপ্তে কালে কস্মিংশ্চিদেব তু। পরিক্ষিন্নাম রাজাসীদ্ব্রহ্মন্কৌরববংশজঃ॥ 1-40-10 (1792) যথা পাণ্ডুর্মহাবাহুর্ধনুর্ধরবরো যুধি। বভূব মৃগয়াশীলঃ পুরাস্য প্রপিতামহঃ॥ 1-40-11 (1793) `তথা বিখ্যাতবাঁল্লোকে পরীক্ষিদভিমন্যুজঃ।' মৃগান্বিধ্যন্বরাহাংশ্চ তরক্ষূন্মহিষাংস্তথা। অন্যাংশ্চ বিবিধান্বন্যাংশ্চচার পৃথিবীপতিঃ॥ 1-40-12 (1794) স কদাচিন্মৃগং বিদ্ধ্বা বাণেনানতপর্বণা। পৃষ্ঠতো ধনুরাদায় সসার গহনে বনে॥ 1-40-13 (1795) যথৈব ভগবান্রুদ্রো বিদ্ধ্বা যজ্ঞমৃগং দিবি। অন্বগচ্ছদ্ধনুষ্পাণিঃ পর্যন্বেষ্টুমিতস্ততঃ॥ 1-40-14 (1796) ন হি তেন মৃগো বিদ্ধো জীবন্গচ্ছতি বৈ বনে। পূর্বরূপং তু তত্তূর্ণং তস্যাসীৎস্বর্গতিং প্রতি॥ 1-40-15 (1797) পরিক্ষিতো নরেন্দ্রস্য বিদ্ধো যন্নষ্টবান্মৃগঃ। দূরং চাপহৃতস্তেন মৃগেণ স মহীপতিঃ॥ 1-40-16 (1798) পরিশ্রান্তঃ পিপাসার্ত আসসাদ মুনিং বনে। গবাং প্রচারেষ্বাসীনং বৎসানাং মুখনিঃসৃতম্॥ 1-40-17 (1799) ভূয়িষ্ঠমুপয়ুঞ্জানং ফেনমাপিবতাং পয়ঃ। তমভিদ্রুত্য বেগেন স রাজা সংশিতব্রতম্॥ 1-40-18 (1800) অপৃচ্ছদ্ধনুরুদ্যম্য তং মুনিং ক্ষুচ্ছ্রমান্বিতঃ। ভোভো ব্রহ্মন্নহং রাজা পরীক্ষিদভিমন্যুজঃ॥ 1-40-19 (1801) ময়া বিদ্ধো মৃগো নষ্টঃ কচ্চিত্তং দৃষ্টবানসি। স মুনিস্তং তু নোবাচ কিংচিন্মৌনব্রতে স্থিতঃ॥ 1-40-20 (1802) তস্য স্কন্ধে মৃতং সর্পং ক্রুদ্ধো রাজা সমাসজৎ। সমুৎক্ষিপ্য ধনুষ্কোট্যা স চৈনং সমুপৈক্ষত॥ 1-40-21 (1803) ন স কিংচিদুবাচৈনং শুভং বা যদি বাঽশুভম্। স রাজা ক্রোধমুৎসৃজ্য ব্যথিতস্তং তথাগতম্। দৃষ্ট্বা জগাম নগরমৃষিস্ৎবাসীত্তথৈব সঃ॥ 1-40-22 (1804) ন হি তং রাজশার্দূলং ক্ষমাশীলো মহামুনিঃ। স্বধর্মনিরতং ভূপং সমাক্ষিপ্তোঽপ্যধর্ষয়ৎ॥ 1-40-23 (1805) ন হি তং রাজশার্দূলস্তথা ধর্মপরায়ণম্। জানাতি ভরতশ্রেষ্ঠস্তত এনমধর্ষয়ৎ॥ 1-40-24 (1806) তরুণস্তস্য পুত্রোঽভূত্তিগ্মতেজা মহাতপাঃ। শৃঙ্গী নাম মহাক্রোধো দুষ্পসাদোমহাব্রতঃ॥ 1-40-25 (1807) স দেবং পরমাসীনং সর্বভূতহিতে রতম্। ব্রহ্মাণমুপতস্থে বৈ কালে কালে সুংসয়তঃ॥ 1-40-26 (1808) সতেন সমনুজ্ঞাতো ব্রহ্মণা গৃহমেয়িবান্। সখ্যোক্তঃ ক্রীডমানেন স তত্র হসতা কিল॥ 1-40-27 (1809) সংরম্ভাৎকোপনোঽতীব বিষকল্পো মুনেঃ সুতঃ। উদ্দিশ্য পিতরং তস্য যচ্ছ্রুৎবা রোষমাহরৎ। ঋষিপুত্রেণ নর্মার্থে কৃশেন দ্বিজসত্তম॥ 1-40-28 (1810) কৃশ উবাচ। 1-40-29x (189) তেজস্বিনস্তব পিতা তথৈব চ তপস্বিনঃ। শবং স্কন্ধেন বহতি মা শৃঙ্গিন্গর্বিতো ভব॥ 1-40-29 (1811) ব্যাহরৎস্বৃষিপুত্রেষু মা স্ম কিংচিদ্বচো বদ। অস্মদ্বিধেষু সিদ্ধেষু ব্রহ্মবিৎসু তপস্বিষু॥ 1-40-30 (1812) ক্ব তে পুরুষমানিৎবং ক্ব তে বাচস্তথাবিধাঃ। দর্পজাঃ পিতরং দ্রষ্টা যস্ৎবং শবধরং তথা॥ 1-40-31 (1813) পিত্রা চ তব তৎকর্ম নানুরূপমিবাত্মনঃ। কৃতং মুনিজনশ্রেষ্ঠ যেনাহং ভৃশদুঃখিতঃ॥ ॥ 1-40-32 (1814) ইতি শ্রীমন্মহাভারতে আদিপর্বণি আস্তীকপর্বণি চৎবারিংশোঽধ্যায়ঃ॥ 40 ॥

1-41-0 (1815) সৌতিরুবাচ। 1-41-0x (190) এবমুক্তঃ স তেজস্বী শৃঙ্গী কোপসমন্বিতঃ। মৃতধারং গুরুং শ্রুৎবা পর্যতপ্যত মন্যুনা॥ 1-41-1 (1816) স ত কৃশমক্ষিপ্রেক্ষ্য সূনৃতাং বাচমুৎসৃজন্। অপৃচ্ছত্তং কথং তাতঃ `সর্বভূতহিতে রতঃ॥ 1-41-2 (1817) অনন্যচেতাঃ সততং বিষ্ণুং দবেমতোষয়ৎ। বন্যান্নভোজী সততং মুনির্মৌনব্রতে স্থিতঃ। এবংভূতঃ স তেজস্বী' স মেঽদ্য মৃতধারকঃ॥ 1-41-3 (1818) কৃশ উবাচ। 1-41-4x (191) রাজ্ঞা পরিক্ষিতা তাত মৃগয়াং পরিধাবতা। অবসক্তঃ পিতুস্তেঽদ্য মৃতঃ স্কন্ধে ভুজঙ্গমঃ॥ 1-41-4 (1819) শৃঙ্গ্যুবাচ। 1-41-5x (192) কিং মে পিত্রা কৃতং তস্য রাজ্ঞোঽনিষ্টং দুরাত্মনঃ। ব্রূহি তৎকৃশ তত্ৎবেন পশ্য মে তপসো বলম্॥ 1-41-5 (1820) কৃশ উবাচ। 1-41-6x (193) স রাজা মৃগয়াং যাতঃ পরিক্ষিদভিমন্যুজঃ। সসার মৃগমেকাকী বিদ্ধ্বা বাণেন শীঘ্রগম্॥ 1-41-6 (1821) ন চাপশ্যন্মৃগং রাজা চরংস্তস্মিন্মহাবনে। পিতরং তে স দৃষ্ট্বৈব পপ্রচ্ছানভিভাষিণম্॥ 1-41-7 (1822) তং স্থাণুভূতং তিষ্ঠন্তং ক্ষুৎপিপাসাশ্রমাতুরঃ। পুনঃপুনর্মৃগং নষ্টং প্রপচ্ছ পিতরং তব॥ 1-41-8 (1823) স চ মৌনব্রতোপেতো নৈব তং প্রত্যভাষত। তস্য রাজা ধনুষ্কোট্যা সর্পং স্কন্ধে সমাসজৎ॥ 1-41-9 (1824) শৃঙ্গিংস্তব পিতা সোঽপি তথৈবাস্তে যতব্রতঃ। সোঽপি রাজা স্বনগরং প্রস্থিতো গজসাহ্বয়ম্॥ 1-41-10 (1825) সৌতিরুবাচ। 1-41-11x (194) শ্রুৎবৈবমৃষিপুত্রস্তু শবং স্কন্ধে প্রতিষ্ঠিতম্। কোপসংরক্তনয়নঃ প্রজ্বলন্নিব মন্যুনা॥ 1-41-11 (1826) আবিষ্টঃ স হি কোপেন শশাপ নৃপতিং তদা। বার্যুপস্পৃশ্য তেজস্বী ক্রোধবেগবলাৎকৃতঃ॥ 1-41-12 (1827) শৃঙ্গ্যুবাচ। 1-41-13x (195) যোঽসৌ বৃদ্ধস্য তাতস্য তথা কৃচ্ছ্রগতস্য হ। স্কন্ধে মৃতং সমাস্রাক্ষীৎপন্নগং রাজকিল্বিষী॥ 1-41-13 (1828) তং পাপমতিসংক্রুদ্ধস্তক্ষকঃ পন্নগেশ্বরঃ। আশীবিষস্তিগ্মতেজা মদ্বাক্যবলচোদিতঃ॥ 1-41-14 (1829) সপ্তরাত্রাদিতো নেতা যমস্য সদনং প্রতি। দ্বিজানামবমন্তারং কুরূণাময়শস্করম্॥ 1-41-15 (1830) সৌতিরুবাচ। 1-41-16x (196) ইতি শপ্ৎবাতিসংক্রুদ্ধঃ শৃঙ্গী পিতরমভ্যগাৎ। আসীনং গ্রোব্রজে তস্মিন্বহন্তং শবপন্নগম্॥ 1-41-16 (1831) স তমলক্ষ্য পিতরং শৃঙ্গী স্কন্ধগতেন বৈ। শবেন ভুজগেনাসীদ্ভূয়ঃ ক্রোধসমাকুলঃ॥ 1-41-17 (1832) দুঃখাচ্চাশ্রূণি মুমুচে পিতরং চেদমব্রবীৎ। শ্রুৎবেমাং ধর্ষণাং তাত তব তেন দুরাত্মনা॥ 1-41-18 (1833) রাজ্ঞা পরিক্ষিতা কোপাদশপং তমহং নৃপম্। যথার্হতি স এবোগ্রং শাপং কুরুকুলাধমঃ। সপ্তমেঽহনি তং পাপং তক্ষকঃ পন্নগোত্তমঃ॥ 1-41-19 (1834) বৈবস্বতস্য সদনং নেতা পরমদারুণম্। 1-41-20 (1835) সৌতিরুবাচ। তমব্রবীৎপিতা ব্রহ্মংস্তথা কোপসমন্বিতম্॥ 1-41-20x (197) শমীক উবাচ। 1-41-21x (198) ন মে প্রিয়ং কৃতং তাত নৈষ ধর্মস্তপস্বিনাম্। বয়ং তস্য নরেন্দ্রস্য বিষয়ে নিবসামহে॥ 1-41-21 (1836) ন্যায়তো রক্ষিতাস্তেন তস্য পাপং ন রোচয়ে। সর্বথা বর্তমানস্য রাজ্ঞো হ্যস্মদ্বিধৈঃ সদা॥ 1-41-22 (1837) ক্ষন্তব্যং পুত্র ধর্মো হি হতো হন্তি ন সংশয়ঃ। যদি রাজা ন সংরক্ষেৎপীডা নঃ পরমা ভবেৎ॥ 1-41-23 (1838) ন শক্নুয়াম চরিতুং ধর্মং পুত্র যথাসুখম্। রক্ষমাণা বয়ং তাত রাজভির্ধর্মদৃষ্টিভিঃ॥ 1-41-24 (1839) চরামো বিপুলং ধর্মং তেষাং ভাগোঽস্তি ধর্মতঃ। সর্বথা বর্তমানস্য রাজ্ঞঃ ক্ষন্তব্যমেব হি॥ 1-41-25 (1840) পরিক্ষিত্তু বিশেষেণ যথাঽস্য প্রপিতামহঃ। রক্ষত্যস্মাংস্তথা রাজ্ঞা রক্ষিতব্যাঃ প্রজা বিভো॥ 1-41-26 (1841) অরাজকে জনপদে দোষা জায়ন্তি বৈ সদা। উদ্বৃত্তং সততং লোকং রাজা দণ্ডেন শাস্তি বৈ॥ 1-41-27 (1842) দণ্ডাৎপ্রতিভয়ং ভূয়ঃ শান্তিরুৎপদ্যতে তদা। নোদ্বিগ্নশ্চরতে ধর্মং নোদ্বিগ্নশ্চরতে ক্রিয়াম্॥ 1-41-28 (1843) রাজ্ঞা প্রতিষ্ঠিতো ধর্মো ধর্মাৎস্বর্গঃ প্রতিষ্ঠিতঃ। রাজ্ঞো যজ্ঞক্রিয়াঃ সর্বা যজ্ঞাদ্দেবাঃ প্রতিষ্ঠিতাঃ॥ 1-41-29 (1844) দেবাদ্বৃষ্টিঃ প্রবর্তেত বৃষ্টেরোষধয়ঃ স্মৃতাঃ। ওষধিভ্যো মনুষ্যাণাং ধারয়ন্সততং হিতম্॥ 1-41-30 (1845) মনুষ্যাণাং চ যো ধাতা রাজা রাজ্যকরঃ পুনঃ। দশশ্রোত্রিয়সমো রাজা ইত্যেবং মনুরব্রবীৎ॥ 1-41-31 (1846) তেনেহ ক্ষুধিতেনৈত্য শ্রান্তেন মৃগলিপ্সুনা। অজানতা কৃতং মন্যে ব্রতমেতদিদং মম॥ 1-41-32 (1847) কস্মাদিদং ৎবয়া বাল্যাৎসহসা দুষ্কৃতং কৃতম্। ন হ্যর্হতি নৃপঃ শাপমস্মত্তঃ পুত্র সর্বথা॥ ॥ 1-41-33 (1848) ইতি শ্রীমন্মহাভারতে আদিপর্বণি আস্তীকপর্বণি একচৎবারিংশোঽধ্যায়ঃ॥ 41 ॥

1-42-0 (1849) শৃঙ্গ্যুবাচ। 1-42-0x (199) যদ্যেতৎসাহসং তাত যদি বা দুষ্কৃতং কৃতম্। প্রিয়ং বাপ্যপ্রিয়ং বা তে বাগুক্তা ন মৃষা ভবেৎ॥ 1-42-1 (1850) নৈবান্যথেদং ভবিতা পিতরেষ ব্রবীমি তে। নাহং মৃষা ব্রবীম্যেবং স্বৈরেষ্বপি কুতঃ শপন্॥ 1-42-2 (1851) শমীক উবাচ। 1-42-3x (200) জানাম্যুগ্রপ্রভাবং ৎবাং তাত সত্যগিরং তথা। নানৃতং চোক্তপূর্বং তে নৈতন্মিথ্যা ভবিষ্যতি॥ 1-42-3 (1852) পিত্রা পুত্রো বয়স্থোঽপি সততং বাচ্য এব তু। যথা স্যাদ্গুণসংয়ুক্তঃ প্রাপ্নুয়াচ্চ মহদ্যশঃ॥ 1-42-4 (1853) কিং পুনর্বাল এব ৎবং তপসা ভাবিতঃ সদা। বর্ধতে চেৎপ্রভবতাং কোপোঽতীব মহাত্মনাম্॥ 1-42-5 (1854) `উৎসীদেয়ুরিমে লোকাঃ ক্ষণা চাস্য প্রতিক্রিয়া।' সোঽহং পশ্যামি বক্তব্যং ৎবয়ি ধর্মভৃতাং বর। পুত্রৎবং বালতাং চৈব তবাবেক্ষ্য চ সাহসম্॥ 1-42-6 (1855) স ৎবং শমপরো ভূৎবা বন্যমাহারমাচরন্। চর ক্রোধমিমং হিৎবা নৈবং ধর্মং প্রহাস্যসি॥ 1-42-7 (1856) ক্রোধো হি ধর্মং হরতি যতীনাং দুঃখসংচিতম্। ততো ধর্মবিহীনানাং গতিরিষ্টা ন বিদ্যতে॥ 1-42-8 (1857) শম এব যতীনাং হি ক্ষমিণাং সিদ্ধিকারকঃ। ক্ষমাবতাময়ং লোকঃ পরশ্চৈব ক্ষমাবতাম্॥ 1-42-9 (1858) তস্মাচ্চরেথাঃ সততং ক্ষমাশীলো জিতেন্দ্রিয়ঃ। ক্ষময়া প্রাপ্স্যসে লোকান্ব্রহ্মণঃ সমনন্তরান্॥ 1-42-10 (1859) ময়া তু শমমাস্থায় যচ্ছক্যং কর্তুমদ্য বৈ। তৎকরিষ্যাম্যহং তাত প্রেপয়িষ্যে নৃপায় বৈ॥ 1-42-11 (1860) মম পুত্রেণ শপ্তোঽসি বালেনাকৃতবুদ্ধিনা। মমেমাং ধর্ষণাং ৎবত্তঃ প্রেক্ষ্য রাজন্নমর্ষিণা॥ 1-42-12 (1861) সৌতিরুবাচ। 1-42-13x (201) এবমাদিশ্য শিষ্যং স প্রেষয়ামাস সুব্রতঃ। পরিক্ষিতে নৃপতয়ে দয়াপন্নো মহাতপাঃ॥ 1-42-13 (1862) সংদিশ্য কুশলপ্রশ্নং কার্যবৃত্তান্তমেব চ। শিষ্যং গৌরমুখং নাম শীলবন্তং সমাহিতম্॥ 1-42-14 (1863) সোঽভিগম্য ততঃ শীঘ্রং নরেন্দ্রং কুরুবর্ধনম্। বিবেশ ভবনং রাজ্ঞঃ পূর্বং দ্বাস্থৈর্নিবেদিতঃ॥ 1-42-15 (1864) পূজিতস্তু নরেন্দ্রেণ দ্বিজো গৌরমুখস্তদা। আচখ্যৌ চ পরিশ্রান্তো রাজ্ঞঃ সর্বমশেষতঃ॥ 1-42-16 (1865) শমীকবচনং ঘোরং যথোক্তং মন্ত্রিসন্নিধৌ। শমীকো নাম রাজেন্দ্র বর্ততে বিষয়ে তব॥ 1-42-17 (1866) ঋষিঃ পরমধর্মাত্মা দান্তঃ শান্তো মহাতপাঃ। তস্য ৎবয়া নরব্যাঘ্র সর্পঃ প্রাণৈর্বিয়োজিতঃ॥ 1-42-18 (1867) অবসক্তো ধনুষ্কোট্যা স্কন্ধে মৌনান্বিতস্য চ। ক্ষান্তবাংস্তব তৎকর্ম পুত্রস্তস্য ন চক্ষমে॥ 1-42-19 (1868) তেন শপ্তোঽসি রাজেন্দ্র পিতুরজ্ঞাতমদ্য বৈ। তক্ষকঃ সপ্তরাত্রেণ মৃত্যুস্তব ভবিষ্যতি॥ 1-42-20 (1869) তত্র রক্ষাং কুরুষ্বেতি পুনঃ পুনরথাব্রবীৎ। তদন্যথা ন শক্যং চ কর্তুং কেনচিদপ্যুত॥ 1-42-21 (1870) ন হি শক্নোতি সংয়ন্তুং পুত্রং কোপসমন্বিতম্। ততোঽহং প্রেষিতস্তেন তব রাজন্হিতার্থিনা॥ 1-42-22 (1871) সাতিরুবাচ। 1-42-23x (202) ইতি শ্রুৎবা বচো ঘোরং স রাজা কুরুনন্দনঃ। পর্যতপ্যত তৎপাপং কৃৎবা রাজা মহাতপাঃ॥ 1-42-23 (1872) তং চ মৌনব্রতং শ্রুৎবা বনে মুনিবরং তদা। ভূয় এবাভবদ্রাজা শোকসংতপ্তমানসঃ॥ 1-42-24 (1873) অনুক্রোশাত্মতাং তস্য শমীকস্যাবধার্য চ। পর্যতপ্যত ভূয়োপি কৃৎবা তৎকিল্বিষং মুনেঃ॥ 1-42-25 (1874) ন হি মৃত্যুং তথা রাজা শ্রুৎবা বৈ সোঽন্বতপ্যত। অশোচদমরপ্রখ্যো যথা কৃৎবেহ কর্ম তৎ॥ 1-42-26 (1875) ততস্তং প্রেষয়ামাস রাজা গৌরমুখং তদা। ভূয়ঃ প্রসাদং ভগবান্করোৎবিহ মমেতি বৈ॥ 1-42-27 (1876) `শ্রুৎবা তু বচনং রাজ্ঞো মুনির্গৌরমুখস্তদা। সমনুজ্ঞাপ্য বেগেন প্রজগামাশ্রমং গুরোঃ॥' 1-42-28 (1877) তস্মিংশ্চ গতমাত্রেঽথ রাজা গৌরমুখে তদা। মন্ত্রিভির্মন্ত্রয়ামাস সহ সংবিগ্নমানসঃ॥ 1-42-29 (1878) সংমন্ত্র্য মন্ত্রিভিশ্চৈব স তথা মন্ত্রতত্ৎববিৎ। প্রাসাদং কারয়ামাস একস্তম্ভং সুরক্ষিতম্॥ 1-42-30 (1879) রক্ষাং চ বিদধে তত্র ভিষজশ্চৌষধানি চ। ব্রাহ্মণান্মন্ত্রসিদ্ধাংশ্চ সর্বতো বৈ ন্যযোজয়ৎ॥ 1-42-31 (1880) রাজকার্যাণি তত্রস্থঃ সর্বাণ্যেবাকরোচ্চ সঃ। মন্ত্রিভিঃ সহ ধর্মজ্ঞঃ সমন্তাৎপরিরক্ষিতঃ॥ 1-42-32 (1881) ন চৈনং কশ্চিদারূঢং লভতে রাজসত্তমম্। বাতোঽপি নিশ্চরংস্তত্র প্রবেশে বিনিবার্যতে॥ 1-42-33 (1882) প্রাপ্তে চ দিবসে তস্মিন্সপ্তমে দ্বিজসত্তমঃ। কাশ্যপোঽভ্যাগমদ্বিদ্বাংস্তং রাজানং চিকিৎসিতুম্॥ 1-42-34 (1883) শ্রুতং হি তেন তদভূদ্যথা তং রাজসত্তমম্। তক্ষকঃ পন্নগশ্রেষ্ঠো নেষ্যতে যমসাদনম্॥ 1-42-35 (1884) তং দষ্টং পন্নগেন্দ্রেণ করিষ্যেঽহমপজ্বরম্। তত্র মেঽর্থশ্চ ধর্মশ্চ ভবিতেতি বিচিন্তয়ন্॥ 1-42-36 (1885) তং দদর্শ স নাগেন্দ্রস্তক্ষকঃ কাশ্যপং পথি। গচ্ছন্তমেকমনসং দ্বিজো ভূৎবা বয়োঽতিগঃ॥ 1-42-37 (1886) তমব্রবীৎপন্নগেন্দ্রঃ কাশ্যপং মুনিপুংগবম্। ক্ব ভবাংস্ৎবরিতো যাতি কিংচ কার্যং চিকীর্ষতি॥ 1-42-38 (1887) কাশ্যপ উবাচ। 1-42-39x (203) নৃপং কুরুকুলোৎপন্নং পরিক্ষিতমরিংদমম্। তক্ষকঃ পন্নগশ্রেষ্ঠস্তেজসাঽধ্য প্রধক্ষ্যতি॥ 1-42-39 (1888) তং দষ্টং পন্নগেন্দ্রেণ তেনাগ্নিসমতেজসম্। পাণ্ডবানাং কুলকরং রাজানমমিতৌজসম্। 1-42-4oc গচ্ছামিৎবরিতং সৌম্য সদ্যঃ কর্তুমপজ্বরম্॥ 1-42-40 (1889) `বিজ্ঞাতবিষবিদ্যোঽহং ব্রাহ্মণো লোকপূজিতঃ। অস্মদ্গুরুকটাক্ষেণ কল্যোঽহং বিষনাশনে॥' 1-42-41 (1890) তক্ষক উবাচ। 1-42-42x (204) অহং স তক্ষকো ব্রহ্মংস্তং ধক্ষ্যামি মহীপতিম্। নিবর্তস্ব ন শক্তস্ৎবং ময়া দষ্টং চিকিৎসিতুম্॥ 1-42-42 (1891) কাশ্যপ উবাচ। 1-42-43x (205) অহং তং নৃপতিং গৎবা ৎবয়া দষ্টমপজ্বরম্। করিষ্যামীতি মে বুদ্ধির্বিদ্যাবলসমন্বিতা॥ ॥ 1-42-43 (1892) ইতি শ্রীমন্মহাভারতে আদিপর্বণি আস্তীকপর্বণি দ্বিচৎবারিংশোঽধ্যায়ঃ॥ 42 ॥

1-43-0 (1893) তক্ষক উবাচ। 1-43-0x (206) যদি দষ্টং ময়েহ ৎবং শক্তঃ কিংচিচ্চিকিৎসিতুম্। ততো বৃক্ষং ময়া দষ্টমিমং জীবয় কাশ্যপ॥ 1-43-1 (1894) পরং মন্ত্রবলং যত্তে তদ্দর্শয় যতস্ব চ। ন্যগ্রোধমেনং ধক্ষ্যামি পশ্যতস্তে দ্বিজোত্তম॥ 1-43-2 (1895) কাশ্যপ উবাচ। 1-43-3x (207) দশ নাগেন্দ্র বৃক্ষং ৎবং যদ্যেতদভিমন্যসে। অহমেনং ৎবয়া দষ্টং জীবয়িষ্যে ভুজংগম। `পশ্য মন্ত্রবলং মেঽদ্য ন্যগ্রোধং দশ পন্নগ॥' 1-43-3 (1896) সৌতিরুবাচ। 1-43-4x (208) এবমুক্তঃ স নাগেন্দ্রঃ কাশ্যপেন মহাত্মনা। অদশদ্বৃক্ষমভ্যেত্য ন্যগ্রোধং পন্নগোত্তমঃ॥ 1-43-4 (1897) স বৃক্ষস্তেন দষ্টস্তু পন্নগেন মহাত্মনা। আশীবিষবিষোপেতঃ প্রজজ্বাল সমন্ততঃ॥ 1-43-5 (1898) তং দগ্ধ্বা স নগং নাগঃ কাশ্যপং পুনরব্রবীৎ। কুরু যত্নং দ্বিজশ্রেষ্ঠ জীবয়ৈব বনস্পতিম্॥ 1-43-6 (1899) সৌতিরুবাচ। 1-43-7x (209) ভস্মীভূতং ততো বৃক্ষং পন্নগেন্দ্রস্য তেজসা। ভস্ম সর্বং সমাহৃত্য কাশ্যপো বাক্যমব্রবীৎ॥ 1-43-7 (1900) বিদ্যাবলং পন্নগেন্দ্র পশ্য মেঽদ্য বনস্পতৌ। অহং সংজীবয়াম্যেনং পশ্যতস্তে ভুজংগম॥ 1-43-8 (1901) ততঃ স ভগবান্বিদ্বান্কাশ্যপো দ্বিজসত্তমঃ। ভস্মরাশীকৃতং বৃক্ষং বিদ্যযা সমজীবয়ৎ॥ 1-43-9 (1902) অঙ্কুরং কৃতবাংস্তত্র ততঃ পর্ণদ্বয়ান্বিতম্। পলাশিনং শাখিনং চ তথা বিটপিনং পুনঃ॥ 1-43-10 (1903) তং দৃষ্ট্বা জীবিতং বৃক্ষং কাশ্যপেন মহাত্মনা। উবাচ তক্ষকো ব্রহ্মন্নৈতদত্যদ্ভুতং ৎবয়ি॥ 1-43-11 (1904) দ্বিজেন্দ্র যদ্বিষং হন্যা মম বা মদ্বিধস্য বা। কং ৎবমর্থমভিপ্রেপ্সুর্যাসি তত্র তপোধন॥ 1-43-12 (1905) যত্তেঽভিলষিতং প্রাপ্তং ফলং তস্মান্নৃপোত্তমাৎ। অহমেব প্রদাস্যামি তত্তে যদ্যপি দুর্লভম্॥ 1-43-13 (1906) বিপ্রশাপাভিভূতে চ ক্ষীণায়ুষি নরাধিপে। ঘটমানস্য তে বিপ্র সিদ্ধিঃ সংশয়িতা ভবেৎ॥ 1-43-14 (1907) ততো যশঃ প্রদীপ্তং তে ত্রিষু লোকেষু বিশ্রুতম্। নিরংশুরিব ঘর্মাংশুরন্তর্ধানমিতো ব্রজেৎ॥ 1-43-15 (1908) কাশ্যপ উবাচ। 1-43-16x (210) ধনার্থী যাম্যহং তত্র তন্মে দেহি ভুজংগম। ততোঽহং বিনিবর্তিষ্যে স্বাপতেয়ং প্রগৃহ্য বৈ॥ 1-43-16 (1909) তক্ষক উবাচ। 1-43-17x (211) যাবদ্ধনং প্রার্থয়সে তস্মাদ্রাজ্ঞস্ততোঽধিকম্। অহমেব প্রদাস্যামি নিবর্তস্ব দ্বিজোত্তম॥ 1-43-17 (1910) সৌতিরুবাচ। 1-43-18x (212) তক্ষকস্য বচঃ শ্রুৎবা কাশ্যপো দ্বিজসত্তমঃ। প্রদধ্যৌ সুমহাতেজারাজানং প্রতি বুদ্ধিমান্॥ 1-43-18 (1911) দিব্যজ্ঞানঃ স তেজস্বী জ্ঞাৎবা তং নৃপতিং তদা। ক্ষীণায়ুষং পাণ্ডবেয়মপাবর্তত কাশ্যপঃ॥ 1-43-19 (1912) লব্ধ্বা বিত্তং মুনিবরস্তক্ষকাদ্যাবদীপ্সিতম্। নিবৃত্তে কাশ্যপে তস্মিন্সময়েন মহাত্মনি॥ 1-43-20 (1913) জগাম তক্ষকস্তূর্ণং নগরং নাগসাহ্বয়ম্। অথ শুশ্রাব গচ্ছন্স তক্ষকো জগতীপতিম্॥ 1-43-21 (1914) মন্ত্রৈর্বিষহরৈর্দিব্যৈ রক্ষ্যমাণং প্রয়ত্নতঃ। 1-43-22 (1915) সৌতিরুবাচ। স চিন্তয়ামাস তদা মায়ায়োগেন পার্থিবঃ॥ 1-43-22x (213) ময়া বঞ্চয়িতব্যোঽসৌ ক উপায়ো ভবেদিতি। ততস্তাপসরূপেণ প্রাহিণোৎস ভুজংগমান্॥ 1-43-23 (1916) ফলপত্রোদকং গৃহ্য রাজ্ঞে নাগোঽথ তক্ষকঃ। 1-43-24 (1917) তক্ষক উবাচ। গচ্ছধ্বং যূয়মব্যগ্রা রাজানং কার্যবত্তয়া॥ 1-43-24x (214) ফলপত্রোদকং নাগাঃ প্রতিগ্রাহয়িতুং নৃপম্। 1-43-25 (1918) সৌতিরুবাচ। তে তক্ষকসমাদিষ্টাস্তথা চক্রুর্ভুজঙ্গমাঃ॥ 1-43-25x (215) উপনিন্যুস্তথা রাজ্ঞে দর্ভানম্ভঃ ফলানি চ। তচ্চ সর্বং স রাজেন্দ্রঃ প্রতিজগ্রাহ বীর্যবান্॥ 1-43-26 (1919) কৃৎবা তেষাং চ কার্যাণি গম্যতামিত্যুবাচ তান্। গতেষু তেষু নাগেষু তাপসচ্ছদ্মরূপিষু॥ 1-43-27 (1920) অমাত্যান্সুহৃদশ্চৈব প্রোবাচ স নরাধিপঃ। ভক্ষয়ন্তু ভবন্তো বৈ স্বাদূনীমানি সর্বশঃ॥ 1-43-28 (1921) তাপসৈরুপনীতানি ফলানি সহিতা ময়া। ততো রাজা সসচিবঃ ফলান্যাদাতুমৈচ্ছত॥ 1-43-29 (1922) বিধিনা সংপ্রয়ুক্তো বৈ ঋষিবাক্যেন তেন তু। যস্মিন্নেব ফলে নাগস্তমেবাভক্ষয়ৎস্বয়ম্॥ 1-43-30 (1923) ততো ভক্ষয়তস্তস্য ফলাৎকৃমিরভূদণুঃ। হ্রস্বকঃ কৃষ্ণনয়নস্তাম্রবর্ণোঽথ শৌনক॥ 1-43-31 (1924) স তং গৃহ্য নৃপশ্রেষ্ঠঃ সচিবানিদমব্রবীৎ। অস্তমভ্যেতি সবিতা বিষাদদ্য ন মে ভয়ম্॥ 1-43-32 (1925) সত্যবাগস্তু স মুনিঃ কৃমির্মাং দশতাময়ম্। তক্ষকো নাম ভূৎবা বৈ তথা পরিহৃতং ভবেৎ॥ 1-43-33 (1926) তে চৈনমন্ববর্তন্ত মন্ত্রিণঃ কালচোদিতাঃ। এবমুক্ৎবা স রাজেন্দ্রো গ্রীবায়াং সন্নিবেশ্যহ॥ 1-43-34 (1927) কৃমিকং প্রাহসত্তূর্ণং মুমূর্ষুর্নষ্টচেতনঃ। প্রহসন্নেব ভোগেন তক্ষকেণাভিবেষ্টিতঃ॥ 1-43-35 (1928) তস্মাৎফলাদ্বিনিষ্ক্রম্য যত্তদ্রাজ্ঞে নিবেদিতম্। বেষ্টয়িৎবা চ ভোগেন বিনদ্য চ মহাস্বনম্। অদশৎপৃথিবীপালং তক্ষকঃ পন্নগেশ্বরঃ॥ ॥ 1-43-36 (1929) ইতি শ্রীমন্মহাভারতে আদিপর্বণি আস্তীকপর্বণি ত্রিচৎবারিংশোঽধ্যায়ঃ॥ 43 ॥

1-44-0 (1930) সৌতিরুবাচ। 1-44-0x (216) তং তথা মন্ত্রিণো দৃষ্ট্বা ভোগেন পরিবেষ্টিতম্। বিষণ্ণবদনাঃ সর্বে রুরুদুর্ভৃশদুঃখিতাঃ॥ 1-44-1 (1931) তং তু নাগং ততো দৃষ্ট্বা মন্ত্রিণস্তে প্রদুদ্রুবুঃ। অপশ্যন্ত তথা যান্তমাকাশে নাগমদ্ভুতম্॥ 1-44-2 (1932) সীমন্তমিব কুর্বাণং নভসঃ পদ্মবর্চসম্। তক্ষকং পন্নগশ্রেষ্ঠং ভৃশং শোকপরায়ণাঃ॥ 1-44-3 (1933) ততস্তু তে তদ্গৃহমগ্নিনা বৃতং প্রদীপ্যমানং বিষজেন ভোগিনঃ। ভয়াৎপরিত্যজ্য দিশঃ প্রপেদিরে পপাত তচ্চাশনিতাডিতং যথা॥ 1-44-4 (1934) ততো নৃপে তক্ষকতেজসাহতে প্রয়ুজ্য সর্বাঃ পরলোকসৎক্রিয়াঃ। শুচির্দিজো রাজপুরোহিতস্তদা তথৈব তে তস্য নৃপস্য মন্ত্রিণঃ॥ 1-44-5 (1935) নৃপং শিশুং তস্য সুতং প্রচক্রিরে সমেত্য সর্বে পুরবাসিনো জনাঃ। নৃপং যমাহুস্তমমিত্রঘাতিনং কুরুপ্রবীরং জনমেজয়ং জনাঃ॥ 1-44-6 (1936) স বাল এবার্যমতির্নৃপোত্তমঃ সহৈব তৈর্মন্ত্রিপুরোহিতৈস্তদা। শশাস রাজ্যং কুরুপুংগবাগ্রজো যথাঽস্য বীরঃ প্রপিতামহস্তথা॥ 1-44-7 (1937) ততস্তু রাজানমমিত্রতাপনং সমীক্ষ্য তে তস্য নৃপস্য মন্ত্রিণঃ। সুবর্ণবর্মাণমুপেত্য কাশিপ বপুষ্টমার্থং বরয়াংপ্রচক্রমুঃ॥ 1-44-8 (1938) ততঃ স রাজা প্রদদৌ বপুষ্টমাং কুরুপ্রবীরায় পরীক্ষ্য ধর্মতঃ। স চাপি তাং প্রাপ্য মুদা যুতোঽভব- ন্ন চান্যনারীষু মনো দধে ক্বচিৎ॥ 1-44-9 (1939) সরঃসু ফুল্লেষু বনেষু চৈব প্রসন্নচেতা বিজহার বীর্যবান্। তথা স রাজন্যবরো বিজহ্রিবান্ যথোর্বশীং প্রাপ্য পুরা পুরূরবাঃ॥ 1-44-10 (1940) বপুষ্টমা চাপি বরং পতিব্রতা প্রতীতরূপা সমবাপ্য ভূপতিম্। ভাবেন রামা রময়াংবভূব তং বিহারকালেষ্ববরোধসুন্দরী॥ ॥ 1-44-11 (1941) ইতি শ্রীমন্মহাভারতে আদিপর্বণি আস্তীকপর্বণি চতুশ্চৎবারিংশোঽধ্যায়ঃ॥ 44 ॥

1-45-0 (1942) সৌতিরুবাচ। 1-45-0x (217) এতস্মিন্নেব কালে তু জরৎকারুর্মহাতপাঃ। চচার পৃথিবীং কৃৎস্নাং যত্রসায়ংগৃহো মুনিঃ॥ 1-45-1 (1943) চরন্দীক্ষাং মহাতেজা দুশ্চরামকৃতাত্মভিঃ। তীর্থেষ্বাপ্লবনং কুর্বন্পুণ্যেষু বিচচার হ॥ 1-45-2 (1944) বায়ুভক্ষো নিরাহারঃ শুষ্যন্নহরহর্মুনিঃ। সং দদর্শ পিতৄন্গর্তে লম্বমানানধোমুখান্॥ 1-45-3 (1945) একতন্ৎববশিষ্টং বৈ বীরণস্তম্বমাশ্রিতান্। তং তন্তুং চ শনৈরাখুমাদদানং বিলেশয়ম্॥ 1-45-4 (1946) নিরাহারান্কৃশান্দীনান্গর্তে স্বত্রাণমিচ্ছতঃ। উপসৃত্য স তান্দীনান্দীনরূপোঽভ্যভাষত॥ 1-45-5 (1947) কে ভবন্তোঽবলম্বন্তে বীরমস্তম্বমাশ্রিতাঃ। দুর্বলং খাদিতৈর্মূলৈরাখুনা বিলবাসিনা॥ 1-45-6 (1948) বীরণস্তম্বকে মূলং যদপ্যেকমিহ স্থিতম্। তদ্ভপ্যযং শনৈরাখুরাদত্তে দশনৈঃ শিতৈঃ॥ 1-45-7 (1949) ছেৎস্যতেঽল্পাবশিষ্টৎবাদেতদপ্যচিরাদিব। ততস্তু পতিতারোঽত্র গর্তে ব্যক্তমধোমুখাঃ॥ 1-45-8 (1950) অত্র মে দুঃখমুৎপন্নং দৃষ্ট্বা যুষ্মানধোমুখান্। কৃচ্ছ্রামাপদমাপন্নান্প্রিয়ং কিং করবাণি বঃ॥ 1-45-9 (1951) তপসোঽস্য চতুর্থেন তৃতীয়েনাথ বা পুনঃ। অর্ধেন বাপি নিস্তর্তুমাপদং ব্রূত মা চিরম্॥ 1-45-10 (1952) অথবাপি সমগ্রেণ তরন্তু তপসা মম। ভবন্তঃ সর্ব এবেহ কামমেবং বিধীয়তাম্॥ 1-45-11 (1953) পিতর ঊচুঃ। 1-45-12x (218) কুতো ভবান্ব্রহ্মচারী যো নস্ত্রাতুমিহেচ্ছসি। ন তু বিপ্রাগ্র্য তপসা শক্যমেতদ্ব্যপোহিতুম্॥ 1-45-12 (1954) অস্তি নস্তাত তপসঃ ফলং প্রবদতাং বর। সংতানপ্রক্ষয়াদ্ব্রহ্মন্পতামো নিরয়েঽশুচৌ॥ 1-45-13 (1955) সন্তানং হি পরো ধর্মং এবমাহ পিতামহঃ। লম্বতামিহ নস্তাত ন জ্ঞানং প্রতিভাতি বৈ॥ 1-45-14 (1956) যেন ৎবাং নাভিজানীমো লোকে বিখ্যাতপৌরুষম্। বৃদ্ধো ভবান্মহাভাগোয়োনঃ শোচ্যান্সুদুঃখিতান॥ 1-45-15 (1957) শোচতে চৈব কারুণ্যাচ্ছৃণু যে বৈ বয়ং দ্বিজ। যায়াবরা নাম বয়মৃষয়ঃ সংশিতব্রতাঃ॥ 1-45-16 (1958) লোকাৎপুম্যাদিহ ভ্রষ্টাঃ সন্তানপ্রক্ষয়ান্মুনে। প্রণষ্টং নস্তপস্তীব্রং ন হি নস্তন্তুরস্তি বৈ॥ 1-45-17 (1959) অস্তিৎবেকোঽদ্য নস্তন্তুঃ সোঽপি নাস্তি যথা তথা। মন্দভাগ্যোঽল্পভাগ্যানাং তপ একং সমাস্থিতঃ॥ 1-45-18 (1960) জরৎকারুরিতি খ্যাতো বেদবেদাঙ্গপারগঃ। নিয়তাত্মা মহাত্মা চ সুব্রতঃ সুমহাতপাঃ॥ 1-45-19 (1961) তেন স্ম তপসো লোভাৎকৃচ্ছ্রমাপাদিতা বয়ম্। ন তস্য ভার্যা পুত্রো বা বান্ধবো বাঽস্তি কশ্চন॥ 1-45-20 (1962) তস্মাল্লম্বামহে গর্তে নষ্টসংজ্ঞা হ্যনাথবৎ। স বক্তব্যস্ৎবয়া দৃষ্টো হ্যস্মাকং নাথবত্তয়া॥ 1-45-21 (1963) পিতরস্তেঽবলম্বন্তে গর্তে দীনা অধোমুখাঃ। সাধু দারান্কুরুষ্বেতি প্রজায়স্বেতি চাভি ভোঃ॥ 1-45-22 (1964) কুলতন্তুর্হি নঃ শিষ্টঃ স একৈকস্তপোধন। যং তু পশ্যসি নো ব্রহ্মন্বীরণস্তম্বমাশ্রয়ম্॥ 1-45-23 (1965) এষোঽস্মাকং কুলস্তম্ব আস্তে স্বকুলবর্ধনঃ। যানি পশ্যসি বৈ ব্রহ্মন্মূলানীহাস্য বীরুধঃ॥ 1-45-24 (1966) এতে নস্তন্তবস্তাত কালেন পরিভক্ষিতাঃ। যত্ৎবেতৎপশ্যসি ব্রহ্মন্মূলমস্যার্ধভক্ষিতম্॥ 1-45-25 (1967) যত্র লম্বামহে গর্তে সোঽপ্যেকস্তপ আস্থিতঃ। যমাখুং পশ্যসি ব্রহ্মন্কাল এষ মহাবলঃ॥ 1-45-26 (1968) স তং তপোরতং মন্দং শনৈঃ ক্ষপয়তে তুদন্। জরৎকারুং তপোলুব্ধং মন্দাত্মানমচেতসম্॥ 1-45-27 (1969) ন হি নস্তত্তপস্তস্য তারয়িষ্যতি সত্তম। ছিন্নমূলান্পরিভ্রষ্টান্কালোপহতচেতসঃ॥ 1-45-28 (1970) অধঃ প্রবিষ্টান্পশ্যাস্মান্যথা দুষ্কৃতিনস্তথা। অস্মাসু পতিতেষ্বত্র সহ সর্বৈঃ সবান্ধবৈঃ॥ 1-45-29 (1971) ছিন্নঃ কালেন সোঽপ্যত্র গন্তা বৈ নরকং ততঃ। তপো বাঽপ্যথ চা যজ্ঞো যচ্চান্যৎপাবনং মহৎ॥ 1-45-30 (1972) তৎসর্বং ন সমং তাত সংতত্যেতি সতাং মতম্। স তাত দৃষ্ট্বা ব্রূয়াস্তং জরৎকারুং তপোধন॥ 1-45-31 (1973) যথা দৃষ্টমিদং চাত্র ৎবয়াঽঽখ্যেয়মশেষতঃ। যথা দারান্প্রকুর্যাৎস পুত্রানুৎপাদয়েদ্যথা॥ 1-45-32 (1974) বা ব্রহ্মংস্ৎবয়া বাচ্যঃ সোঽস্মাকং নাথবত্তয়া। বান্ধবানাং হিতস্যেহ যথা চাত্মকুলং তথা॥ 1-45-33 (1975) কস্ৎবং বন্ধুমিবাস্মাকমনুশোচসি সত্তম। শ্রোতুমিচ্ছাম সর্বেষাং কো ভবানিহ তিষ্ঠতি॥ ॥ 1-45-34 (1976) ইতি শ্রীমন্মহাভারতে আদিপর্বণি আস্তীকপর্বণি পঞ্চচৎবারিংশোঽধ্যায়ঃ॥ 45 ॥

1-46-0 (1977) সৌতিরুবাচ। 1-46-0x (219) এতচ্ছ্রুৎবা জরৎকারুর্ভৃশং শোকপরায়ণঃ। উবাচ তান্পিতৄন্দুঃখাদ্বাষ্পসংদিগ্ধয়া গিরা॥ 1-46-1 (1978) জরৎকারুরুবাচ। 1-46-2x (220) মম পূর্বে ভবন্তো বৈ পিতরঃ সপিতামহাঃ। তদ্ব্রূত যন্ময়া কার্যং ভবতাং প্রিয়কাম্যযা॥ 1-46-2 (1979) অহমেব জরৎকারুঃ কিল্বিষী ভবতাং সুতঃ। তে দণ্ডং ধারয়ত মে দুষ্কৃতেরকৃতাত্মনঃ॥ 1-46-3 (1980) পিতর ঊচুঃ। 1-46-4x (221) পুত্র দিষ্ট্যাঽসি সংপ্রাপ্ত ইমং দেশং যদৃচ্ছয়া। কিমর্থং চ ৎবয়া ব্রহ্মন্ন কৃতো দারসঙ্গ্রহঃ॥ 1-46-4 (1981) জরৎকারুরুবাচ। 1-46-5x (222) মমায়ং পিতরো নিত্যং হৃদ্যর্থঃ পরিবর্ততে। ঊর্ধ্বরেতাঃ শরীরং বৈ প্রাপয়েয়মমুত্র বৈ॥ 1-46-5 (1982) ন দারান্বৈ করিষ্যেঽহমিতি মে ভাবিতং মনঃ। এবং দৃষ্ট্বা তু ভবতঃ শকুন্তানিব লম্বতঃ॥ 1-46-6 (1983) ময়া নিবর্তিতা বুদ্ধির্ব্রহ্মচর্যাৎপিতামহাঃ। করিষ্যে বঃ প্রিয়ং কামং নিবেক্ষ্যেঽহমসংশয়ম্॥ 1-46-7 (1984) সনাম্নীং যদ্যহং কন্যামুপলপ্স্যে কদাচন। ভবিষ্যতি চ যা কাচিদ্ভৈক্ষ্যবৎস্বয়মুদ্যতা॥ 1-46-8 (1985) প্রতিগ্রহীতা তামস্মি ন ভরেয়ং চ যামহম্। এবংবিধমহং কুর্যাং নিবেশং প্রাপ্নুয়াং যদি। অন্যথা ন করিষ্যেঽহং সত্যমেতৎপিতামহাঃ॥ 1-46-9 (1986) তত্র চোৎপৎস্যতে জন্তুর্ভবতাং তারণায় বৈ। শাশ্বতাশ্চাব্যযাশ্চৈব তিষ্ঠন্তু পিতরো মম॥ 1-46-10 (1987) সৌতিরুবাচ। 1-46-11x (223) এবমুক্ৎবা তু স পিতৄংশ্চচার পৃথিবী মুনিঃ। ন চ স্ম লভতে ভার্যাং বৃদ্ধোঽয়মিতি শানক॥ 1-46-11 (1988) যদা নির্বেদমাপন্নঃ পিতৃভিশ্চোদিস্তথা। তদাঽরণ্যং স গৎবোচ্চৈশ্চুক্রোশ ভৃশদুঃখিতঃ॥ 1-46-12 (1989) সৎবরণ্যগতঃ প্রাজ্ঞঃ পিতৄণা হিতকাম্যযা। উবাচ কন্যাং যাচামি তিস্রো বাচঃ শনৈরিমাঃ॥ 1-46-13 (1990) যানি ভূতানি সন্তীহ স্থাবরাণি চরাণি চ। অন্তর্হিতানি বা যানি তানি শৃণ্বন্তু মে বচঃ॥ 1-46-14 (1991) উগ্রে তপসি বর্তন্তং পিতরশ্চোদয়ন্তি মাম্। নিবিশস্বেতি দুঃখার্তাঃ সন্তানস্য চিকীর্ষয়া॥ 1-46-15 (1992) নিবেশায়াখিলাং ভূমিং কন্যাভৈক্ষ্যং চরামি ভোঃ। দরিদ্রো দুঃখশীলশ্চ পিতৃভিঃ সন্নিয়োজিতঃ॥ 1-46-16 (1993) যস্য কন্যাঽস্তি ভূতস্য যে ময়েহ প্রকীর্তিতাঃ। তে মে কন্যাং প্রয়চ্ছন্তু চরতঃ সর্বতোদিশম্॥ 1-46-17 (1994) মম কন্যা সনাম্নী যা ভৈক্ষ্যবচ্চোদিতা ভবেৎ। ভরেয়ং চৈব যাং নাহং তাং মে কন্যাং প্রয়চ্ছত॥ 1-46-18 (1995) ততস্তে পন্নগা যে বৈ জরৎকারৌ সমাহিতাঃ। তামাদায় প্রবৃত্তিং তে বাসুকেঃ প্রত্যবেদয়ন্॥ 1-46-19 (1996) তেষাং শ্রুৎবা স নাগেন্দ্রস্তাং কন্যাং সমলঙ্কৃতাম্। প্রগৃহ্যারণ্যমগমৎসমীপং তস্য পন্নগঃ॥ 1-46-20 (1997) তত্র তাং ভৈক্ষ্যবৎকন্যাং প্রাদাত্তস্মৈ মহাত্মনে। নাগেন্দ্রো বাসুকির্ব্রহ্মন্ন স তাং প্রত্যগৃহ্ণত॥ 1-46-21 (1998) অসনামেতি বৈ মৎবা ভরণে চাবিচারিতে। মোক্ষভাবে স্থিতশ্চাপি মন্দীভূতঃ পরিগ্রহে॥ 1-46-22 (1999) ততো নাম স কন্যায়াঃ পপ্রচ্ছ ভৃগুনন্দন। বাসুকিং ভরণং চাস্যা ন কুর্যামিত্যুবাচ হ॥ ॥ 1-46-23 (2000) ইতি শ্রীমন্মহাভারতে আদিপর্বণি আস্তীকপর্বণি ষট্চৎবারিংশোঽধ্যায়ঃ॥ 46 ॥

1-47-0 (2001) সৌতিরুবাচ। 1-47-0x (224) বাসুকিস্ৎবব্রবীদ্বাক্যং জরৎকারুমৃষিং তদা। সনাম্নী তব কন্যেয়ং স্বসা মে তপসান্বিতা॥ 1-47-1 (2002) ভরিষ্যামি চ তে ভার্যাং প্রতীচ্ছেমাং দ্বিজোত্তম। রক্ষণং চ করিষ্যেঽস্যাঃ সর্বশক্ত্যা তপোধন। ৎবদর্থং রক্ষ্যতে চৈষা ময়া মুনিবরোত্তম॥ 1-47-2 (2003) জরৎকারুরুবাচ। 1-47-3x (225) ন ভরিষ্যেঽহমেতাং বৈ এষ মে সময়ঃ কৃতঃ। অপ্রিয়ং চ ন কর্তব্যং কৃতে চৈনাং ত্যজাম্যহম্॥ 1-47-3 (2004) সৌতিরুবাচ। 1-47-4x (226) প্রতিশ্রুতে তু নাগেন ভরিষ্যে ভগিনীমিতি। জরৎকারুস্তদা বেশ্ম ভুজগস্য জগাম হ॥ 1-47-4 (2005) তত্র মন্ত্রবিদাং শ্রেষ্ঠস্তপোবৃদ্ধো মহাব্রতঃ। জগ্রাহ পাণিং ধর্মাত্মা বিধিমন্ত্রপুরস্কৃতম্॥ 1-47-5 (2006) ততো বাসগৃহং রম্যং পন্নগেন্দ্রস্য সংমতম্। জগাম ভার্যাম দায় স্তূয়মানো মহর্ষিভিঃ॥ 1-47-6 (2007) শয়নং তত্র সংক্লৃপ্তং স্পর্ধ্যাস্তরণসংবৃতম্। তত্র ভার্যাসহায়ো বৈ জরৎকারুরুবাস হ॥ 1-47-7 (2008) স তত্র সময়ং চক্রে ভার্যযা সহ সত্তমঃ। বিপ্রিয়ং মে ন কর্তব্যং ন চ বাচ্যং কদাচন॥ 1-47-8 (2009) ত্যজেয়ং বিপ্রিয়ে চ ৎবাং কৃতে বাসং চ তে গৃহে। এতদ্গৃহাণ বচনং ময়া যৎসমুদীরিতম্॥ 1-47-9 (2010) ততঃ পরমসংবিগ্না স্বসা নাগপতেস্তদা। অতিদুঃখান্বিতা বাক্যং তমুবাচৈবমস্ৎবিতি॥ 1-47-10 (2011) তথৈব সা চ ভর্তারং দুঃখশীলমুপচারৎ। উপায়ৈঃ শ্বেতকাকীয়ৈঃ প্রিয়কামা যশস্বিনী॥ 1-47-11 (2012) ঋতুকালে ততঃ স্নাতা কদাচিদ্বাসুকেঃ স্বসা। ভর্তারং বৈ যথান্যায়মুপতস্থে মহামুনিম্॥ 1-47-12 (2013) তত্র তস্যাঃ সমভবদ্গর্ভো জ্বলনসন্নিভঃ। অতীব তেজসা যুক্তো বৈশ্বানরসমদ্যুতিঃ॥ 1-47-13 (2014) শুক্লপক্ষে যথা সোমো ব্যবর্ধত তথৈব সঃ। ততঃ কতিপয়াহস্তু জরৎকারুর্মহায়শাঃ॥ 1-47-14 (2015) উৎসঙ্গেঽস্যাঃ শিরঃ কৃৎবা সুষ্বাপ পরিখিন্নবৎ। তস্মিংশ্চ সুপ্তে বিপ্রেন্দ্রে সবিতাস্তমিয়াদ্গিরিম্॥ 1-47-15 (2016) অহ্নঃ পরিক্ষয়ে ব্রহ্মংস্ততঃ সাঽচিন্তয়ত্তদা। বাসুকের্ভগিনী ভীতা ধর্মলোপান্মনস্বিনী॥ 1-47-16 (2017) কিং নু মে সুকৃতং ভূয়াদ্ভর্তুরুত্থাপনং ন বা। দুঃখশীলো হি ধর্মাত্মা কথং নাস্যাপরাধ্নুয়াম্॥ 1-47-17 (2018) কোপো বা ধর্মশীলস্য ধর্মলোপোঽথবা পুনঃ। ধর্মলোপো গরীয়ান্বৈ স্যাদিত্যত্রাকরোন্মতিম্॥ 1-47-18 (2019) উত্থাপয়িষ্যে যদ্যেনং ধ্রুবং কোপং করিষ্যতি। ধর্মলোপো ভবেদস্য সন্ধ্যাতিক্রমণে ধ্রুবম্॥ 1-47-19 (2020) ইতি নিশ্চিত্য মনসা জরৎকারুর্ভুজংগমা। তমৃষিং দীপ্ততপসং শয়ানমনলোপমম্॥ 1-47-20 (2021) উবাচেদং বচঃ শ্লক্ষ্ণং ততো মধুরভাষিণী। উত্তিষ্ঠ ৎবং মহাভাগ সূর্যোঽস্তমুপগচ্ছতি॥ 1-47-21 (2022) সন্ধ্যামুপাস্স্ব ভগবন্নপঃ স্পৃষ্ট্বা যতব্রতঃ। প্রাদুষ্কৃতাগ্নিহোত্রোঽয়ং মুহূর্তো রম্যদারুণঃ॥ 1-47-22 (2023) সন্ধ্যা প্রবর্ততে চেয়ং পশ্চিমায়াং দিশি প্রভো। এবমুক্তঃ স ভগবাঞ্জরৎকারুর্মহাতপাঃ॥ 1-47-23 (2024) ভার্যাং প্রস্ফুরমাণৌষ্ঠ ইদং বচনমব্রবীৎ। অবমানঃ প্রয়ুক্তোঽয়ং ৎবয়া মম ভুজংগমে॥ 1-47-24 (2025) সমীপে তে ন বৎস্যামি গমিষ্যামি যথাগতম্। শক্তিরস্তি ন বামোরু ময়ি সুপ্তে বিভাবসোঃ॥ 1-47-25 (2026) অস্তং গন্তুং যথাকালমিতি মে হৃদি বর্ততে। ন চাপ্যবমতস্যেহ বাসো রোচেত কস্যচিৎ॥ 1-47-26 (2027) কিং পুনর্ধর্মশীলস্য মম বা মদ্বিধস্য বা। এবমুক্তা জরৎকারুর্ভর্ত্রা হৃদয়কম্পনম্॥ 1-47-27 (2028) অব্রবীদ্ভগিনী তত্র বাসুকেঃ সন্নিবেশনে। নাবমানাৎকৃতবতী তবাহং বিপ্রে বোধনম্॥ 1-47-28 (2029) ধর্মলোপো ন তে বিপ্র স্যাদিত্যেতন্ময়া কৃতম্। উবাচ ভার্যামিত্যুক্তো জরৎকারুর্মহাতপাঃ॥ 1-47-29 (2030) ঋষিঃ কোপসমাবিষ্টস্ত্যক্তুকামো ভুজংগমাম্। ন মে বাগনৃতং প্রাহ গমিষ্যেঽহং ভুজংগমে॥ 1-47-30 (2031) সময়ো হ্যেষ মে পূর্বং ৎবয়া সহ মিথঃ কৃতঃ। সুখমস্ম্যুষিতো ভদ্রে ব্রূয়াস্ৎবং ভ্রাতরং শুভে॥ 1-47-31 (2032) ইতো ময়ি গতে ভীরু গতঃ স ভগবানিতি। ৎবং চাপি ময়ি নিষ্ক্রান্তে ন শোকং কর্তুমর্হসি॥ 1-47-32 (2033) ইত্যুক্তা সাঽনবদ্যাঙ্গী প্রত্যুবাচ মুনিং তদা। জরৎকারুং জরৎকারুশ্চিন্তাশোকপরায়ণা॥ 1-47-33 (2034) বাষ্পগদ্গদয়া বাচা মুখেন পরিশুষ্যতা। কৃতাঞ্জলির্বরারোহা পর্যশ্রুনয়না ততঃ॥ 1-47-34 (2035) ধৈর্যমালম্ব্য বামোরূর্হৃদয়েন প্রবেপতা। ন মামর্হসি ধর্মজ্ঞ পরিত্যক্তুমনাগসম্॥ 1-47-35 (2036) ধর্মে স্থিতাং স্থিতো ধর্মে সদা প্রিয়হিতে রতাম্। প্রদানে কারণং যচ্চ মম তুভ্যং দ্বিজোত্তম॥ 1-47-36 (2037) তদলব্ধবতীং মন্দাং কিং মাং বক্ষ্যতি বাসুকিঃ। মাতৃশাপাভিভূতানাং জ্ঞাতীনাং মম সত্তম॥ 1-47-37 (2038) অপত্যমীপ্সিতং ৎবত্তস্তচ্চ তাবন্ন দৃশ্যতে। ৎবত্তো হ্যপত্যলাভেন জ্ঞাতীনাং মে শিবং ভবেৎ॥ 1-47-38 (2039) সংপ্রয়োগো ভবেন্নায়াং মম মোঘস্ৎবয়া দ্বিজ। জ্ঞাতীনাং হিতমিচ্ছন্তী ভগবংস্ৎবাং প্রসাদয়ে॥ 1-47-39 (2040) ইমমব্যক্তরূপং মে গর্ভমাধায় সত্তম। কথং ত্যক্ৎবা মহাত্মা সন্গন্তুমিচ্ছস্যনাগসম্॥ 1-47-40 (2041) এবমুক্তস্তু স মুনির্ভার্যাং বচনমব্রবীৎ। যদ্যুক্তমনুরূপং চ জরৎকারুং তপোধনঃ॥ 1-47-41 (2042) অস্ত্যযং সুভগে গর্ভস্তব বৈশ্বানরোপমঃ। ঋষিঃ পরমধর্মাত্মা বেদবেদাঙ্গপারগঃ॥ 1-47-42 (2043) এবমুক্ৎবা স ধর্মাত্মা জরৎকারুর্মহানৃষিঃ। উগ্রায় তপসে ভূয়ো জগাম কৃতনিশ্চয়ঃ॥ ॥ 1-47-43 (2044) ইতি শ্রীমন্মহাভারতে আদিপর্বণি আস্তীকপর্বণি সপ্তচৎবারিংশোঽধ্যায়ঃ॥ 47 ॥

1-48-0 (2045) সৌতিরুবাচ। 1-48-0x (227) গতমাত্রং তু ভর্তারং জরৎকারুরবেদয়ৎ। ভ্রাতুঃ সকাশমাগত্য যথাতথ্যং তপোধন॥ 1-48-1 (2046) ততঃ স ভুজগশ্রেষ্ঠঃ শ্রুৎবা সুমহদপ্রিয়ম্। উবাচ ভগিনীং দীনাং তদা দীনতরঃ স্বয়ম্॥ 1-48-2 (2047) বাসুকিরুবাচ। 1-48-3x (228) জানাসি ভদ্রে যৎকার্যং প্রদানে কারণং চ যৎ। পন্নগানাং হিতার্থায় পুত্রস্তে স্যাত্ততো যদি॥ 1-48-3 (2048) স সর্পসত্রাৎকিল নো মোক্ষয়িষ্যতি বীর্যবান্। এবং পিতামহঃ পূর্বমুক্তবাংস্তু সুরৈঃ সহ॥ 1-48-4 (2049) অপ্যস্তি গর্ভঃ সুভগে তস্মাত্তে মুনিসত্তমাৎ। ন চেচ্ছাম্যফলং তস্য দারকর্ম মনীষিণঃ॥ 1-48-5 (2050) কামং চ মম ন ন্যায়্যং প্রষ্টুং ৎবাং কার্যমীদৃশম্। কিংতু কার্যগরীয়স্ৎবাত্ততস্ৎবাঽহমচূচুদম্॥ 1-48-6 (2051) দুর্বার্যতাং বিদিৎবা চ ভর্তুস্তেঽতিতপস্বিনঃ। নৈনমন্বাগমিষ্যামি কদাচিদ্ধি শপেৎস মাম্॥ 1-48-7 (2052) আচক্ষ্ব ভদ্রে ভর্তুঃ স্বং সর্বমেব বিচেষ্টিতম্। উদ্ধরস্ব চ শল্যং মে ঘোরং হৃদি চিরস্থিতম্॥ 1-48-8 (2053) জরৎকারুস্ততো বাক্যমিত্যুক্তা প্রত্যভাষত। আশ্বাসয়ন্তী সন্তপ্তং বাসুকিং পন্নগেশ্বরম্॥ 1-48-9 (2054) জরৎকারুরুবাচ। 1-48-10x (229) পৃষ্টো ময়াঽপত্যহেতোঃ স মহাত্মা মহাতপাঃ। অস্তীত্যুত্তরমুদ্দিশ্য মমেদং গতবাংশ্চ সঃ॥ 1-48-10 (2055) স্বৈরেষ্বপি ন তেনাহং স্মরামি বিতথং বচঃ। উক্তপূর্বং কুতো রাজন্সাংপরায়ে স বক্ষ্যতি॥ 1-48-11 (2056) ন সংতাপস্ৎবয়া কার্যঃ কার্যং প্রতি ভুজংগমে। উৎপৎস্যতি চ তে পুত্রো জ্বলনার্কসমপ্রভঃ॥ 1-48-12 (2057) ইত্যুক্ৎবা স হি মাং ভ্রাতর্গতো ভর্তা তপোধনঃ। তস্মাদ্ব্যেতু পরং দুঃখং তবেদং মনসি স্থিতম্॥ 1-48-13 (2058) সৌতিরুবাচ। 1-48-14x (230) এতচ্ছ্রুৎবা স নাগেন্দ্রো বাসুকিঃ পরয়া মুদা। এবমস্ৎবিতি তদ্বাক্যং ভগিন্যাঃ প্রত্যগৃহ্ণত॥ 1-48-14 (2059) সান্ৎবমানার্থদানৈশ্চ পূজয়া চারুরূপয়া। সোদর্যাং পূজয়ামাস স্বসারং পন্নগোত্তমঃ॥ 1-48-15 (2060) ততঃ প্রববৃধে গর্ভো মহাতেজা মহাপ্রভঃ। যথা মোমো দ্বিজশ্রেষ্ঠ শুক্লপক্ষোদিতো দিবি॥ 1-48-16 (2061) অথ কালে তু সা ব্রহ্মন্প্রজজ্ঞে ভুজগস্বসা। কুমারং দেবগর্ভাভং পিতৃমাতৃভয়াপহম্॥ 1-48-17 (2062) ববৃধে স তু তত্রৈব নাগরাজনিবেশনে। বেদাংশ্চাধিজগে সাঙ্গান্ভার্গবচ্যবনাত্মজাৎ॥ 1-48-18 (2063) চীর্ণব্রতো বাল এব বুদ্ধিসত্ৎবগুণান্বিতঃ। নাম চাস্যাভবৎখ্যাতং লোকেষ্বাস্তীক ইত্যুত॥ 1-48-19 (2064) অস্তীত্যুক্ৎবা গতো যস্মাৎপিতা গর্ভস্থমেব তম্। বনং তস্মাদিদং তস্য নামাস্তীকেতি বিশ্রুতম্॥ 1-48-20 (2065) স বাল এব তত্রস্থশ্চরন্নমিতবুদ্ধিমান্। গৃহে পন্নগরাজস্য প্রয়ত্নাৎপরিরক্ষিতঃ॥ 1-48-21 (2066) ভগবানিব দেবেশঃ শূলপাণির্হিরণ্ময়ঃ। বিবর্ধমানঃ সর্বাংস্তান্পন্নগানভ্যহর্ষয়ৎ॥ ॥ 1-48-22 (2067) ইতি শ্রীমন্মহাভারতে আদিপর্বণি আস্তীকপর্বণি অষ্টচৎবারিংশোঽধ্যায়ঃ॥ 48 ॥

1-49-0 (2068) শৌনক উবাচ। 1-49-0x (231) যদপৃচ্ছত্তদা রাজা মন্ত্রিণো জনমেজয়ঃ। পিতুঃ স্বর্গগতিং তন্মে বিস্তরেণ পুনর্বদ॥ 1-49-1 (2069) সৌতিরুবাচ। 1-49-2x (232) শৃণু ব্রহ্মন্যথাঽপৃচ্ছন্মন্ত্রিণো নৃপতিস্তদা। যথা চাখ্যাতবন্তস্তে নিধনং তৎপরিক্ষিতঃ॥ 1-49-2 (2070) জনমেজয় উবাচ। 1-49-3x (233) জানন্তি স্ম ভবন্তস্তদ্যথাবৃত্তং পিতুর্মম। আসীদ্যথা স নিধনং গতঃ কালে মহায়শাঃ॥ 1-49-3 (2071) শ্রুৎবা ভবৎসকাশাদ্ধি পিতুর্বৃত্তমশেষতঃ। কল্যাণং প্রতিপৎস্যামি বিপরীতং ন জাতুচিৎ॥ 1-49-4 (2072) সৌতিরুবাচ। 1-49-5x (234) মন্ত্রিণোঽথাব্রুবন্বাক্যং পৃষ্টাস্তেন মহাত্মনা। সর্বে ধর্মবিদঃ প্রাজ্ঞা রাজানং জনমেজয়ম্॥ 1-49-5 (2073) মন্ত্রিণ ঊচুঃ। 1-49-6x (235) শৃণু পার্থিব যদ্ব্রূষে পিতুস্তব মহাত্মনঃ। চরিতং পার্থিবেন্দ্রস্য যথা নিষ্ঠাং গতশ্চ সঃ॥ 1-49-6 (2074) ধর্মাত্মা চ মহাত্মা চ প্রজাপালঃ পিতা তব। আসীদিহায়থা বৃত্তঃ স মহাত্মা শৃণুষ্ব তৎ॥ 1-49-7 (2075) চাতুর্বর্ণ্যং স্বধর্মস্থং স কৃৎবা পর্যরক্ষত। ধর্মতো ধর্মবিদ্রাজা ধর্মো বিগ্রহবানিব॥ 1-49-8 (2076) ররক্ষ পৃথিবীং দেবীং শ্রীমানতুলবিক্রমঃ। দ্বেষ্টারস্তস্য নৈবাসন্স চ দ্বেষ্টি ন কংচন॥ 1-49-9 (2077) সমঃ সর্বেষু ভূতেষু প্রজাপতিরিবাভবৎ। ব্রাহ্মণাঃ ক্ষত্রিয়া বৈশ্যাঃ শূদ্রাশ্চৈব স্বকর্মসু॥ 1-49-10 (2078) স্থিতঃ সুমনসো রাজংস্তেন রাজ্ঞা স্বধিষ্ঠিতাঃ। বিধবানাথবিকলান্কৃপণাংশ্চ বভার সঃ॥ 1-49-11 (2079) সুদর্শঃ সর্বভূতানামাসীৎসোম ইবাপরঃ। তুষ্টপুষ্টজনঃ শ্রীমান্সত্যবাগ্দৃঢবিক্রমঃ॥ 1-49-12 (2080) ধনুর্বেদে তু শিষ্যোঽভূন্নৃপঃ শারদ্বতস্য সঃ। গোবিন্দস্য প্রিয়শ্চাসীৎপিতা তে জনমেজয়॥ 1-49-13 (2081) লোকস্য চৈব সর্বস্য প্রিয় আসীন্মহায়শাঃ। পরিক্ষীণেষু কুরুষু সোত্তরায়ামজীজনৎ॥ 1-49-14 (2082) পরিক্ষিদভবত্তেন সৌভদ্রস্যাত্মজো বলী। রাজধর্মার্থকুশলো যুক্তঃ সর্বগুণৈর্বৃতঃ॥ 1-49-15 (2083) জিতেন্দ্রিয়শ্চাত্মবাংশ্চ মেধাবী ধর্মসেবিতা। ষড্বর্গজিন্মহাবুদ্ধির্নীতিশাস্ত্রবিদুত্তমঃ॥ 1-49-16 (2084) প্রজা ইমাস্তব পিতা ষষ্টিবর্ষাণ্যপালয়ৎ। ততো দিষ্টান্তমাপন্নঃ সর্বেষাং দুঃখমাবহন্॥ 1-49-17 (2085) ততস্ৎবং পুরুষশ্রেষ্ঠ ধর্মেণ প্রতিপেদিবান্। ইদং বর্ষসহস্রাণি রাজ্যং কুরুকুলাগতম্। বাল এবাভিষিক্তস্ৎবং সর্বভূতানুপালকঃ॥ 1-49-18 (2086) জনমেজয় উবাচ। 1-49-19x (236) নাস্মিন্কুলে জাতু বভূব রাজা যো ন প্রজানাং প্রিয়কৃৎপ্রিয়শ্চ। বিশেষতঃ প্রেক্ষ্য পিতামহানাং বৃত্তং মহদ্বৃত্তপরায়ণানাম্॥ 1-49-19 (2087) কথং নিধনমাপন্নঃ পিতা মম তথাবিধঃ। আচক্ষধ্বং যথাবন্মে শ্রোতুমিচ্ছামি তত্ৎবতঃ॥ 1-49-20 (2088) সৌতিরুবাচ। 1-49-21x (237) এবং সংচোদিতা রাজ্ঞা মন্ত্রিণস্তে নরাধিপম্। ঊচুঃ সর্বে যথাবৃত্তং রাজ্ঞঃ প্রিয়হিতৈষিণঃ॥ 1-49-21 (2089) মন্ত্রিণ ঊচুঃ। 1-49-22x (238) স রাজা পৃথিবীপালঃ সর্বশস্ত্রভৃতাং বরঃ। বভূব মৃগয়াশীলস্তব রাজন্পিতা সদা॥ 1-49-22 (2090) যথা পাণ্ডুর্মহাবাহুর্ধনুর্ধরবরো যুধি। অস্মাস্বাসজ্য সর্বাণি রাজকার্যাণ্যশেষতঃ॥ 1-49-23 (2091) স কদাচিদ্বনগতো মৃগং বিব্যাধ পত্রিণা। বিদ্ধ্বা চান্বসরত্তূর্ণং তং মৃগং গহনে বনে॥ 1-49-24 (2092) পদাতির্বদ্ধনিস্ত্রিংশস্ততায়ুধকলাপবান্। ন চাসসাদ গহনে মৃগং নষ্টং পিতা তব॥ 1-49-25 (2093) পরিশ্রান্তো বয়স্থশ্চ ষষ্টিবর্ষো জরান্বিতঃ। ক্ষুধিতঃ স মহারণ্যে দদর্শ মুনিসত্তমম্॥ 1-49-26 (2094) স তং পপ্রচ্ছ রাজেন্দ্রো মুনিং মৌনব্রতে স্থিতম্। ন চ কিংচিদুবাচেদং পৃষ্টোঽপি সমুনিস্তদা॥ 1-49-27 (2095) ততো রাজা ক্ষুচ্ছ্রমার্তস্তং মুনিং স্থাণুবৎস্থিতম্। মৌনব্রতধরং শান্তং সদ্যো মন্যুবশং গতঃ॥ 1-49-28 (2096) ন বুবোধ চ তং রাজা মৌনব্রতধরং মুনিম্। স তং ক্রোধসমাবিষ্টো ধর্ষয়ামাস তে পিতা॥ 1-49-29 (2097) মৃতং সর্পং ধনুষ্কোট্যা সমুৎক্ষিপ্য ধরাতলাৎ। তস্য শুদ্ধাত্মনঃ প্রাদাৎস্কন্ধে ভরতসত্তম॥ 1-49-30 (2098) ন চোবাচ স মেধাবী তমথো সাধ্বসাধু বা। তস্থৌ তথৈব চাক্রুদ্ধঃ সর্পং স্কন্ধেন ধারয়ন্॥ ॥ 1-49-31 (2099) ইতি শ্রীমন্মহাভারতে আদিপর্বণি আস্তীকপর্বণি একোনপঞ্চাশত্তমোঽধ্যায়ঃ॥ 49 ॥

1-50-0 (2100) মন্ত্রিণ ঊচুঃ। 1-50-0x (239) ততঃ স রাজা রাজেন্দ্র স্কন্ধে তস্য ভুজংগমম্। মুনেঃ ক্ষুৎক্ষাম আসজ্য স্বপুরং প্রয়যৌ পুনঃ॥ 1-50-1 (2101) ঋষেস্তস্য তু পুত্রোঽভূদ্গতি জাতো মহায়শাঃ। শৃঙ্গী নাম মহাতেজাস্তিগ্মবীর্যোঽতিকোপনঃ॥ 1-50-2 (2102) ব্রহ্মাণং সমুপাগম্য মুনিঃ পূজাং চকার হ। সোঽনুজ্ঞাতস্ততস্তত্র শৃঙ্গী শুশ্রাব তং তদা॥ 1-50-3 (2103) সখ্যুঃ সকাশাৎপিতরং পিত্রা তে ধর্ষিতং পুরা। মৃতং সর্পং সমাসক্তং স্থাণুভূতস্য তস্য তম্॥ 1-50-4 (2104) বহন্তং রাজশার্দূল স্কন্ধেনানপকারিণম্। তপস্বিনমতীবাথ তং মুনিপ্রবরং নৃপ॥ 1-50-5 (2105) জিতেন্দ্রিয়ং বিশুদ্ধং চ স্থিতং কর্মণ্যথাদ্ভুতম্। তপসা দ্যোতিতাত্মানং স্বেষ্বঙ্গেষু যতং তদা॥ 1-50-6 (2106) শুভাচারং শুভকথং সুস্থিতং তমলোলুপম্। অক্ষুদ্রমনসূয়ং চ বৃদ্ধং মৌনব্রতে স্থিতম্। শরণ্যং সর্বভূতানাং পিত্রা বিনিকৃতং তব॥ 1-50-7 (2107) শশাপাথ মহাতেজাঃ পিতরং তে রুষান্বিতঃ। ঋষেঃ পুত্রো মহাতেজা বালোঽপি স্থবিরদ্যুতিঃ॥ 1-50-8 (2108) স ক্ষিপ্রমুদকং স্পৃষ্ট্বা রোষাদিদমুবাচ হ। পিতরং তেঽভিসন্ধায় তেজসা প্রজ্বলন্নিব॥ 1-50-9 (2109) অনাগসি গুরৌ যো মে মৃতং সর্পবাসৃজৎ। তং নাগস্তক্ষকঃ ক্রুদ্ধস্তেজসা প্রদহিষ্যতি॥ 1-50-10 (2110) আশীবিষস্তিগ্মতেজা মদ্বাক্যবলচোদিতঃ। সপ্তরাত্রাদিতঃ পাপং পশ্য মে তপসো বলম্॥ 1-50-11 (2111) ইত্যুক্ৎবা প্রয়যৌ তত্র পিতা যত্রাঽস্য সোঽভবৎ। দৃষ্ট্বা চ পিতরং তস্মৈ তং শাপং প্রত্যবেদয়ৎ॥ 1-50-12 (2112) স চাপি মুনিশার্দূলঃ প্রেরয়ামাস তে পিতুঃ। শিষ্যং গৌরমুখং নাম শীলবন্তং গুণান্বিতম্॥ 1-50-13 (2113) আচখ্যৌং সত্ৎব বিশ্রান্তো রাজ্ঞঃ সর্বমশেষতঃ। শপ্তোঽসি মম পুত্রেণ যত্তো ভব মহীপতে॥ 1-50-14 (2114) তক্ষকস্ৎবাং মহারাজ তেজসাঽসৌ দহিষ্যতি। শ্রুৎবা চ তদ্বচো ঘোরং পিতা তে জনমেজয়॥ 1-50-15 (2115) যত্তোঽভবৎপরিত্রস্তস্তক্ষকাৎপন্নগোত্তমাৎ। ততস্তস্মিংস্তু দিবসে সপ্তমে সমুপস্থিতে॥ 1-50-16 (2116) রাজ্ঞঃ সমীপং ব্রহ্মর্ষিঃ কাশ্যপো গন্তুমৈচ্ছত। তং দদর্শাথ নাগেন্দ্রস্তক্ষকঃ কাশ্যপং তদা॥ 1-50-17 (2117) তমব্রবীৎপন্নগেন্দ্রঃ কাশ্যপং ৎবরিতং দ্বিজম্। ক্ব ভবাংস্ৎবরিতো যাতি কিং চ কার্যং চিকীর্ষতি॥ 1-50-18 (2118) কাশ্যপ উবাচ। 1-50-19x (240) যত্র রাজা কুরুশ্রেষ্ঠঃ পরিক্ষিন্নাম বৈ দ্বিজ। তক্ষকেণ ভুজংগেন ধক্ষ্যতে কিল সোঽদ্য বৈ॥ 1-50-19 (2119) গচ্ছাম্যহং তং ৎবরিতঃ সদ্যঃ কর্তুমপজ্বরম্। ময়াঽভিপন্নং তং চাপি ন সর্পো ধর্ষয়িষ্যতি॥ 1-50-20 (2120) তক্ষক উবাচ। 1-50-21x (241) কিমর্থং তং ময়া দষ্টং সংজীবয়িতুমিচ্ছসি। অহং ত তক্ষকো ব্রহ্মন্পশ্য মে বীর্যমদ্ভুতম্॥ 1-50-21 (2121) ন শক্তস্ৎবং ময়া দষ্টং তং সংজীবয়িতুং নৃপম্। 1-50-22 (2122) মন্ত্রিণ ঊচুঃ। ইত্যুক্ৎবা তক্ষকস্তত্র সোঽদশদ্বৈ বনস্পতিম্॥ 1-50-23x (242) স দষ্টমাত্রো নাগেন ভস্মীভূতোঽভবন্নগঃ। কাশ্যপশ্চ ততো রাজন্নজীবয়ত তং নগম্॥ 1-50-23 (2123) ততস্তং লোভয়ামাস কামং ব্রূহীতি তক্ষকঃ। স এবমুক্তস্তং প্রাহ কাশ্যপস্তক্ষকং পুনঃ॥ 1-50-24 (2124) ধনলিপ্সুরহং তত্র যামীত্যুক্তশ্চ তেন সঃ। তমুবাচ মহাত্মানং তক্ষকঃ শ্লক্ষ্ণয়া গিরা॥ 1-50-25 (2125) যাবদ্ধনং প্রার্থয়সে রাজ্ঞস্তস্মাত্ততোঽধিকম্। গৃহাণ মত্ত এব ৎবং সন্নিবর্তস্ব চানঘ॥ 1-50-26 (2126) স এবমুক্তো নাগেন কাশ্যপো দ্বিপদাং বরঃ। লব্ধ্বা বিত্তং নিববৃতে তক্ষকাদ্যাবদীপ্সিতম্॥ 1-50-27 (2127) তস্মিন্প্রতিগতে বিপ্রে ছদ্মনোপেত্য তক্ষকঃ। তং নৃপং নৃপতিশ্রেষ্ঠং পিতরং ধার্মিকং তব॥ 1-50-28 (2128) প্রাসাদস্থং যত্তমপি দগ্ধবান্বিষবহ্নিনা। ততস্ৎবং পুরুষব্যাঘ্র বিজয়ায়াভিষেচিতঃ॥ 1-50-29 (2129) এতদ্দৃষ্টং শ্রুতং চাপি যথাবন্নৃপসত্তম। অস্মাভির্নিখিলং সর্বং কথিতং তেঽতিদারুণম্॥ 1-50-30 (2130) শ্রুৎবা চৈতং নরশ্রেষ্ঠ পার্থিবস্য পরাভবম্। অস্য চর্ষেরুদঙ্কস্য বিধৎস্ব যদনন্তরম্॥ 1-50-31 (2131) সৌতিরুবাচ। 1-50-32x (243) এতস্মিন্নেব কালে তু স রাজা জনমেজয়ঃ। উবাচ মন্ত্রিণঃ সর্বানিদং বাক্যমরিদমঃ॥ 1-50-32 (2132) জনমেজয় উবাচ। 1-50-33x (244) অথ তৎকথিতং কেন যদ্বৃত্তং তদ্বনস্পতৌ। আশ্চর্যভূতং লোকস্য ভস্মরাশীকৃতং তদা॥ 1-50-33 (2133) যদ্বৃক্ষং জীবয়ামাস কাশ্যপস্তক্ষকেণ বৈ। নূনং মন্ত্রৈর্হতবিষো ন প্রণশ্যেত কাশ্যপাৎ॥ 1-50-34 (2134) চিন্তয়ামাস পাপাত্মা মনসা পন্নগাধমঃ। দষ্টং যদি ময়া বিপ্রঃ পার্থিবং জীবয়িষ্যতি॥ 1-50-35 (2135) তক্ষকঃ সংহতবিষো লোকে যাস্যতি হাস্যতাম্। বিচিন্ত্যৈবং কৃতা তেন ধ্রুবং তুষ্টির্দ্বিজস্য বৈ॥ 1-50-36 (2136) ভবিষ্যতি হ্যুপায়েন যস্য দাস্যামি যাতনাম্। একং তু শ্রোতুমিচ্ছামি তদ্বৃত্তং নির্জনে বনে॥ 1-50-37 (2137) সংবাদং পন্নগেন্দ্রস্য কাশ্যপস্য চ কস্তদা। শ্রুতবান্দৃষ্টবাংশ্চাপি ভবৎসু কথমাগতম্। শ্রুৎবা তস্য বিধাস্যেঽহং পন্নগান্তকরীং মতিম্॥ 1-50-38 (2138) মন্ত্রিণ ঊচুঃ। 1-50-39x (245) শৃণু রাজন্যথাস্মাকং যেন তৎকথিতং পুরা। সমাগতং দ্বিজেন্দ্রস্য পন্নগেন্দ্রস্য চাধ্বনি॥ 1-50-39 (2139) তস্মিন্বৃক্ষে নরঃ কশ্চিদিন্ধনার্থায় পার্থিব। বিচিন্বন্পূর্বমারূঢঃ শুষ্কশাখাবনস্পতৌ॥ 1-50-40 (2140) ন বুধ্যেতামুভৌ তৌ চ নগস্থং পন্নগদ্বিজৌ। সহ তেনৈব বৃক্ষেণ ভস্মীভূতোঽভবন্নৃপ॥ 1-50-41 (2141) দ্বিজপ্রভাবাদ্রাজেন্দ্র ব্যজীবৎস বনস্পতিঃ। তেনাগম্য দ্বিজশ্রেষ্ঠ পুংসাঽস্মাসু নিবেদিতম্॥ 1-50-42 (2142) যথা বৃত্তং তু তৎসর্বং তক্ষকস্য দ্বিজস্য চ। এতত্তে কথিতং রাজন্যথাদৃষ্টং শ্রুতং চ যৎ। শ্রুৎবা চ নৃপশার্দূল বিধৎস্ব যদনন্তরম্॥ 1-50-43 (2143) সৌতিরুবাচ। 1-50-44x (246) মন্ত্রিণাং তু বচঃ শ্রুৎবা স রাজা জনমেজয়ঃ। পর্যতপ্যত দুঃখার্তঃ প্রত্যপিংষৎকরং করে॥ 1-50-44 (2144) নিঃশ্বাসমুষ্ণমসকৃদ্দীর্ঘং রাজীবলোচনঃ। মুমোচাশ্রূণি চ তদা নেত্রাভ্যাং প্ররুদন্নৃপঃ॥ 1-50-45 (2145) উবাচ চ মহীপালো দুঃখশোকসমন্বিতঃ। দুর্ধরং বাষ্পমুৎসৃজ্য স্পৃষ্ট্বা চাপো যথাবিধি॥ 1-50-46 (2146) মুহূর্তমিব চ ধ্যাৎবা নিশ্চিত্য মনসা নৃপঃ। অমর্ষী মন্ত্রিণঃ সর্বানিদং বচনমব্রবীৎ॥ 1-50-47 (2147) জনমেজয় উবাচ। 1-50-48x (247) শ্রুৎবৈতদ্ভবতাং বাক্যং পিতুর্মে স্বর্গতিং প্রতি। নিশ্চিতেয়ং মম মতির্যা চ তাং মে নিবোধত। অনন্তরং চ মন্যেঽহং তক্ষকায় দুরাত্মনে॥ 1-50-48 (2148) প্রতিকর্তব্যমিত্যেবং যেন মে হিংসিতঃ পিতা। শৃঙ্গিণং হেতুমাত্রং যঃ কৃৎবা দগ্ধ্বা চ পার্থিবম্॥ 1-50-49 (2149) ইয়ং দুরাত্মতা তস্য কাশ্যপং যো ন্যবর্তয়ৎ। যদ্যাগচ্ছেৎস বৈ বিপ্রো ননু জীবেৎপিতা মম॥ 1-50-50 (2150) পরিহীয়েত কিং তস্য যদি জীবেৎস পার্থিবঃ। কাশ্যপস্য প্রসাদেন মন্ত্রিণাং বিনয়েন চ॥ 1-50-51 (2151) স তু বারিতবান্মোহাৎকাশ্যপং দ্বিজসত্তমম্। সংজিজীবয়িষুং প্রাপ্তং রাজানমপরাজিতম্॥ 1-50-52 (2152) মহানতিক্রমো হ্যেষ তক্ষকস্য দুরাত্মনঃ। দ্বিজস্য যোঽদদদ্দ্রব্যং মা নৃপং জীবয়েদিতি॥ 1-50-53 (2153) উত্তঙ্কস্য প্রিয়ং কর্তুমাত্মনশ্চ মহৎপ্রিয়ম্। ভবতাং চৈব সর্বেষাং গচ্ছাম্যপচিতিং পিতুঃ॥ ॥ 1-50-54 (2154) ইতি শ্রীমন্মহাভারতে আদিপর্বণি আস্তীকপর্বণি পঞ্চাশত্তমোঽধ্যায়ঃ॥ 50 ॥

1-51-0 (2155) সৌতিরুবাচ। 1-51-0x (248) এবমুক্ৎবা ততঃ শ্রীমান্মন্ত্রিভিশ্চানুমীদিতঃ। আরুরোহ প্রতিজ্ঞাং স সর্পসত্রায় পার্থিবঃ॥ 1-51-1 (2156) ব্রহ্মন্ভরতশার্দূলো রাজা পারিক্ষিতস্তদা। পুরোহিতমথাহূয় ঋৎবিজো বসুধাধিপঃ॥ 1-51-2 (2157) অব্রবীদ্বাক্যসংপন্নঃ কার্যসংপৎকরং বচঃ। যো মে হিংসিতবাংস্তাতং তক্ষকঃ স দুরাত্মবান্॥ 1-51-3 (2158) প্রতিকুর্যাং যথা তস্য তদ্ভবন্তো ব্রুবন্তু মে। অপি তৎকর্ম বিদিতং ভবতাং যেন পন্নগম্॥ 1-51-4 (2159) তক্ষকং সংপ্রদীপ্তেঽগ্নৌ প্রক্ষিপেয়ং সবান্ধবম্। যথা তেন পিতা মহ্যং পূর্বং দগ্ধো বিষাগ্নিনা॥ তথাঽহমপি তং পাপং দগ্ধুমিচ্ছামি পন্নগম্॥ 1-51-5 (2160) ঋৎবিজ ঊচুঃ। 1-51-6x (249) অস্তি রাজন্মহাৎসত্রং ৎবদর্থং দেবনির্মিতম্। সর্বসত্রমিতি খ্যাতং পুরাণে পরিপঠ্যতে॥ 1-51-6 (2161) আহর্তা তস্য সত্রস্য ৎবন্নান্যোঽস্তি নরাধিপ। ইতি পৌরাণিকাঃ প্রাহুরস্মাকং চাস্তি স ক্রতুঃ॥ 1-51-7 (2162) এবমুক্তঃ স রাজর্ষির্মেনে দগ্ধং হি তক্ষকম্। হুতাশনমুখে দীপ্তে প্রবিষ্টমিতি সত্তম॥ 1-51-8 (2163) ততোঽব্রবীন্মন্ত্রবিদস্তান্রাজা ব্রাহ্মণাংস্তদা। আহরিষ্যামি তৎসত্রং সংভারাঃ সংভ্রিয়ন্তু মে॥ 1-51-9 (2164) সৌতিরুবাচ। 1-51-10x (250) ততস্ত ঋৎবিজস্তস্য শাস্ত্রতো দ্বিজসত্তম। তং দেশং মাপয়ামাসুর্যজ্ঞায়তনকারণাৎ॥ 1-51-10 (2165) যথাবদ্বেদবিদ্বাংসঃ সর্বে বুদ্ধেঃ পরংগতাঃ। ঋদ্ধ্যা পরময়া যুক্তমিষ্টং দ্বিজগণৈর্যুতম্॥ 1-51-11 (2166) প্রভূতধনধান্যাঢ্যমৃৎবিগ্ভিঃ সুনিষেবিতম্। নির্মায় চাপি বিধিবদ্যজ্ঞায়তনমীপ্সিতম্॥ 1-51-12 (2167) রাজানং দীক্ষয়ামাসুঃ সর্পসত্রাপ্তয়ে তদা। ইদং চাসীত্তত্র পূর্বং সর্পসত্রে ভবিষ্যতি॥ 1-51-13 (2168) নিমিত্তং মহদুৎপন্নং যজ্ঞবিঘ্নকরং তদা। যজ্ঞস্যায়তনে তস্মিন্ক্রিয়মাণে বচোঽব্রবীৎ॥ 1-51-14 (2169) স্থপতির্বুদ্ধিসংপন্নো বাস্তুবিদ্যাবিশারদঃ। ইত্যব্রবীৎসূত্রধারঃ সূতঃ পৌরাণিকস্তদা॥ 1-51-15 (2170) যস্মিন্দেশে চ কালে চ মাপনেয়ং প্রবর্তিতা। ব্রাহ্মণং কারণং কৃৎবা নায়ং সংস্থাস্যতে ক্রতুঃ॥ 1-51-16 (2171) এতচ্ছ্রুৎবা তু রাজাসৌ প্রাগ্দীক্ষাকালমব্রবীৎ। ক্ষত্তারং ন হি মে কশ্চিদজ্ঞাতঃ প্রবিশেদিতি॥ ॥ 1-51-17 (2172) ইতি শ্রীমন্মহাভারতে আদিপর্বণি আস্তীকপর্বণি একপঞ্চাশত্তমোঽধ্যায়ঃ॥ 51 ॥

1-52-0 (2173) সৌতিরুবাচ। 1-52-0x (251) ততঃ কর্ম প্রববৃতে সর্পসত্রবিধানতঃ। পর্যক্রামংশ্চ বিদিবৎস্বে স্বে কর্মণি যাজকাঃ॥ 1-52-1 (2174) প্রাবৃত্য কৃষ্ণবাসাংসি ধূম্রসংরক্তলোচনাঃ। জুহুবুর্মন্ত্রবচ্চৈব সমিদ্ধং জাতবেদসম্॥ 1-52-2 (2175) কম্পয়ন্তশ্চ সর্বেষামুরগাণাং মনাংসি চ। সর্পানাজুহুবুস্তত্র সর্বানগ্নিমুখে তদা॥ 1-52-3 (2176) ততঃ সর্পাঃ সমাপেতুঃ প্রদীপ্তে হব্যবাহনে। বিচেষ্টমানাঃ কৃপণমাহ্বয়ন্তঃ পরস্পরম্॥ 1-52-4 (2177) বিস্ফুরন্তঃ শ্বসন্তশ্চ বেষ্টয়ন্তঃ পরস্পরম্। পুচ্ছৈঃ শিরোভিশ্চ ভৃশং চিত্রভানুং প্রপেদিরে॥ 1-52-5 (2178) শ্বেতাঃ কৃষ্ণাশ্চ নীলাশ্চ স্থবিরাঃ শিশবস্তথা। নদন্তো বিবিধান্নাদান্পেতুর্দীপ্তে বিভাবসৌ॥ 1-52-6 (2179) ক্রোশয়োজনমাত্রা হি গোকর্ণস্য প্রমাণতঃ। পতন্ত্যজস্রং বেগেন বহ্নাবগ্নিমতাং বর॥ 1-52-7 (2180) এবং শতসহস্রাণি প্রয়ুতান্যর্বুদানি চ। অবশানি বিনষ্টানি পন্নগানাং তু তত্র বৈ॥ 1-52-8 (2181) তুরগা ইব তত্রান্যে হস্তিহস্তা ইবাপরে। মত্তা ইব চ মাতঙ্গা মহাকায়া মহাবলাঃ॥ 1-52-9 (2182) উচ্চাবচাশ্চ বহবো নানাবর্ণা বিষোল্বণাঃ। ঘোরাশ্চ পরিঘপ্রখ্যা দন্দশূকা মহাবলাঃ। প্রপেতুরগ্নাবুরগা মাতৃবাগ্দণ্ডপীডিতাঃ॥ ॥ 1-52-10 (2183) ইতি শ্রীমন্মাহাভারতে আদিপর্বণি আস্তীকপর্বণি দ্বিপঞ্চাশত্তমোঽধ্যায়ঃ॥ 52 ॥

1-53-0 (2184) শৌনক উবাচ। 1-53-0x (252) সর্পসত্রে তদা রাজ্ঞঃ পাণ্ডবেয়স্য ধীমতঃ। জনমেজয়স্য কে ৎবাসন্নৃৎবিজঃ পরমর্ষয়ঃ॥ 1-53-1 (2185) কে সদস্যা বভূবুশ্চ সর্পসত্রে সুদারুণে। বিষাদজননেঽত্যর্থং পন্নগানাং মহাভয়॥ 1-53-2 (2186) সর্বং বিস্তরশস্তাত ভবাঞ্ছংসিতুমর্হতি। সর্পসত্রবিধানজ্ঞবিজ্ঞেয়াঃ কে চ সূতজ॥ 1-53-3 (2187) সৌতিরুবাচ। 1-53-4x (253) হন্ত তে কথয়িষ্যামি নামানীহ মনীষিণাম্। যে ঋৎবিজঃ সদস্যাশ্চ তস্যাসন্নৃপতেস্তদা॥ 1-53-4 (2188) তত্র হোতা বভূবাথ ব্রাহ্মণশ্চণ্ডভার্গবঃ। চ্যবনস্যান্বয়ে খ্যাতো জাতো বেদবিদাং বরঃ॥ 1-53-5 (2189) উদ্গাতা ব্রাহ্মণো বৃদ্ধো বিদ্বান্কৌৎসৌঽথ জৈমিনিঃ। ব্র্হমাঽভবচ্ছার্ঙ্গরবোঽথাধ্বর্যুশ্চাপি পিঙ্গলঃ॥ 1-53-6 (2190) সদস্যশ্চাভবদ্ব্যাসঃ পুত্রশিষ্যসহায়বান্। উদ্দালকঃ প্রমতকঃ শ্বেতকেতুশ্চ পিঙ্গলঃ॥ 1-53-7 (2191) অসিতো দেবলশ্চৈব নারদঃ পর্বতস্তথা। আত্রেয়ঃ কুম্ডজঠরৌ দ্বিজঃ কালঘটস্তথা॥ 1-53-8 (2192) বাৎস্যঃ শ্রুতশ্রবা বৃদ্ধো জপস্বাধ্যায়শীলবান্। কোহলো দেবশর্মা চ মৌদ্গল্যঃ সমসৌরভঃ॥ 1-53-9 (2193) এতে চান্যে চ বহবো ব্রাহ্মণা বেদপারগাঃ। সদস্যাশ্চাভবংস্তত্র সত্রে পারিক্ষিতস্য হ॥ 1-53-10 (2194) জুহ্বৎস্বৃৎবিক্ষ্বথ তদা সর্পসত্রে মহাক্রতৌ। অহয়ঃ প্রাপতংস্তত্র ঘোরাঃ প্রাণিভয়াবহাঃ॥ 1-53-11 (2195) বসামেদোবহাঃ কুল্যা নাগানাং সংপ্রবর্তিতাঃ। ববৌ গন্ধশ্চ তুমুলো দহ্যতামনিশং তদা॥ 1-53-12 (2196) পততাং চৈব নাগানাং ধিষ্ঠিতানাং তথাম্বরে। অশ্রূয়তানিশং শব্দঃ পচ্যতাং চাগ্নিনা ভৃশম্॥ 1-53-13 (2197) তক্ষকস্তু স নাগেন্দ্রঃ পুরংদরনিবেশনম্। গতঃ শ্রুৎবৈব রাজানং দীক্ষিতং জনমেজয়ম্॥ 1-53-14 (2198) ততঃ সর্বং যথাবৃত্তমাখ্যায় ভুজগোত্তমঃ। অগচ্ছচ্ছরণং ভীত আগস্কৃৎবা পুরংদরম্॥ 1-53-15 (2199) তমিন্দ্রঃ প্রাহ সুপ্রীতো ন তবাস্তীহ তক্ষক। ভয়ং নাগেন্দ্র তস্মাদ্বৈ সর্পসত্রাৎকদাচন॥ 1-53-16 (2200) প্রসাদিতো ময়া পূর্বং তবার্থায় পিতামহঃ। তস্মাত্তব ভয়ং নাস্তি ব্যেতু তেনসো জ্বরঃ॥ 1-53-17 (2201) সৌতিরুবাচ। 1-53-18x (254) এবমাশ্বাসিতস্তেন ততঃ স ভুজগোত্তমঃ। উবাস ভবনে তস্মিঞ্শক্রস্য মুদিতঃ সুখী॥ 1-53-18 (2202) অজস্রং নিপতৎস্বগ্নৌ নাগেষু ভৃশদুঃখিতঃ। অল্পশেষপরীবারো বাসুকিঃ পর্যতপ্যত॥ 1-53-19 (2203) কশ্মলং চাবিশদ্ধোরং বাসুকিং পন্নগোত্তমম্। স ঘূর্ণমানহৃদয়ো ভগিনীমিদমব্রবীৎ॥ 1-53-20 (2204) দহ্যন্তেঽঙ্গানি মে ভদ্রে ন দিশঃ প্রতিভান্তি মাম্। সীদামীব চ সংমোহাদ্ধূর্ণতীব চ মে মনঃ॥ 1-53-21 (2205) দৃষ্টির্ভ্রাম্যতি মেঽতীব হৃদয়ং দীর্যতীব চ। পতিষ্যাম্যবশোঽদ্যাহং তস্মিন্দীপ্তে বিভাবসৌ॥ 1-53-22 (2206) পারিক্ষিতস্য যজ্ঞোঽসৌ বর্ততেঽস্মজ্জিঘাংসয়া। ব্যক্তং ময়াঽভিগন্তব্যং প্রেতরাজনিবেশনম্॥ 1-53-23 (2207) অয়ং স কালঃ সংপ্রাপ্তো যদর্থমসি মে স্বসঃ। জরৎকরৌ(পুরা)ময়াদত্তাত্রায়স্বাস্মান্সবান্ধবান্॥ 1-53-24 (2208) আস্তীকঃ কিল যজ্ঞং তং বর্তন্তং ভুজগোত্তমে। প্রতিষেৎস্যতি মাং পূর্বং স্বয়মাহ পিতামহঃ॥ 1-53-25 (2209) তদ্বৎসে ব্রূহি বৎসং স্বং কুমারং বৃদ্ধসংমতম্। মমাদ্য ৎবং সভৃত্যস্য মোক্ষার্থং বেদবিত্তমম্॥ ॥ 1-53-26 (2210) ইতি শ্রীমন্মহাভারতে আদিপর্বণি আস্তীকপর্বণি ত্রিপঞ্চাশত্তমোঽধ্যায়ঃ॥ 53 ॥

1-54-0 (2211) সৌতিরুবাচ। 1-54-0x (255) তত আহূয় পুত্রং স্বং জরৎকারুর্ভুজংগমা। বাসুকের্নাগরাজস্য বচনাদিদমব্রবীৎ॥ 1-54-1 (2212) অহং তব পিতুঃ পুত্র ভ্রাত্রা দত্তা নিমিত্ততঃ। কালঃ স চায়ং সংপ্রাপ্তস্তৎকুরুষ্ব যথাতথম্॥ 1-54-2 (2213) আস্তীক উবাচ। 1-54-3x (256) কিংনিমিত্তং মম পিতুর্দত্তা ৎবং মাতুলেন মে। তন্মমাচক্ষ্ব তত্ৎবেন শ্রুৎবা কর্তাঽস্মি তত্তথা॥ 1-54-3 (2214) সৌতিরুবাচ। 1-54-4x (257) তত আচষ্ট সা তস্মৈ বান্ধবানাং হিতৈষিণী। ভগিনী নাগরাজস্য জরৎকারুরবিক্লবা॥ 1-54-4 (2215) জরৎকারুরুবাচ। 1-54-5x (258) পন্নগানামশেষাণাং মাতা কদ্রূরিতি শ্রুতা। তয়া শপ্তা রুষিতয়া সুতা যস্মান্নিবোধ তৎ॥ 1-54-5 (2216) উচ্চৈঃ শ্রবাঃ সোঽশ্বরাজো যন্মিথ্যা ন কৃতো মম। বিনতার্থায় পণিতে দাসভাবায় পুত্রকাঃ॥ 1-54-6 (2217) জনমেজয়স্য বো যজ্ঞে ধক্ষ্যত্যনিলসারথিঃ। তত্র পঞ্চৎবমাপন্নাঃ প্রেতলোকং গমিষ্যথ॥ 1-54-7 (2218) তাং চ শপ্তবতীং দেবঃ সাক্ষাল্লোকপিতামহঃ। এবমস্ৎবিতি তদ্বাক্যং প্রোবাচানু মুমোদ চ॥ 1-54-8 (2219) বাসুকিশ্চাপি তচ্ছ্রুৎবা পিতামহবচস্তদা। অমৃতে মথিতে তাত দেবাঞ্ছরণমীয়িবান্॥ 1-54-9 (2220) সিদ্ধার্থাশ্চ সুরাঃ সর্বে প্রাপ্যামৃতমনুত্তমম্। ভ্রাতরং মে পুরস্কৃত্য পিতামহমুপাগমন্॥ 1-54-10 (2221) তে তং প্রসাদয়ামাসুঃ সুরাঃ সর্বেঽব্জসংভবম্। রাজ্ঞা বাসুকিনা সার্ধং শাপোঽসৌন ভবেদিতি॥ 1-54-11 (2222) দেবা ঊচুঃ। 1-54-12x (259) বাসুকির্নাগরাজোঽয়ং দুঃখিতো জ্ঞাতিকারণাৎ। অভিশাপঃ স মাতুস্তু ভগবন্ন ভবেৎকথম্॥ 1-54-12 (2223) ব্রহ্মোবাচ। 1-54-13x (260) জরৎকারুর্জরৎকারুং যাং ভার্যাং সমবাপ্স্যতি। তত্র জাতো দ্বিজঃ শাপান্মোক্ষয়িষ্যতি পন্নগান্॥ 1-54-13 (2224) এতচ্ছ্রুৎবা তু বচনং বাসুকিঃ পন্নগোত্তমঃ। প্রাদান্মামমরপ্রখ্য তব পিত্রে মহাত্মনে॥ 1-54-14 (2225) প্রাগেবানাগতে কালে তস্মাত্ৎব ময়্যজায়থাঃ। অয়ং স কালঃ সংপ্রাপ্তো ভয়ান্নস্ত্রাতুমর্হসি॥ 1-54-15 (2226) ভ্রাতরং চাপি মে তস্মাত্ত্রাতুমর্হসি পাবকাৎ। ন মোঘং তু কৃতং তৎস্যাদ্যদহং তব ধীমতে। পিত্রে দত্তা বিমোক্ষার্থং কথং বা পুত্র মন্যসে॥ 1-54-16 (2227) সৌতিরুবাচ। 1-54-17x (261) এবমুক্তস্তথেত্যুক্ৎবা সাস্তীকো মাতরং তদা। অব্রবীদ্দুঃখসংতপ্তং বাসুকিং জীবয়ন্নিব॥ 1-54-17 (2228) অহং ৎবাং মোক্ষয়িষ্যামি বাসুকে পন্নগোত্তম। তস্মাচ্ছাপান্মহাসত্ৎব সত্যমেতদ্ব্রবীমি তে॥ 1-54-18 (2229) ভব স্বস্থমনা নাগ ন হি তে বিদ্যতে ভয়ম্। প্রয়তিষ্যে তথা রাজন্যথা শ্রেয়ো ভবিষ্যতি॥ 1-54-19 (2230) ন মে বাগনৃতং প্রাহ স্বৈরেষ্বপি কুতোঽন্যথা। তং বৈ নৃপবরং গৎবা দীক্ষিতং জনমেজয়ম্॥ 1-54-20 (2231) বাগ্ভির্মঙ্গলয়ুক্তাভিস্তোষয়িষ্যেঽদ্য মাতুল। যথা স যজ্ঞো নৃপতের্নিবত্রিষ্যতি সত্তম॥ 1-54-21 (2232) স সংভাবয় নাগেন্দ্র ময়ি সর্বং মহামতে। ন তে ময়ি মনো জাতু মিথ্যা ভবিতুমর্হতি॥ 1-54-22 (2233) বাসুকিরুবাচ। 1-54-23x (262) আস্তীক পরিঘূর্ণামি হৃদয়ং মে বিদীর্যতে। দিশো ন প্রতিজানামি ব্রহ্মদণ্ডনিপীডিতঃ॥ 1-54-23 (2234) আস্তীক উবাচ। 1-54-24x (263) ন সন্তাপস্ৎবয়া কার্যঃ কথংচিৎপন্নগোত্তম। প্রদীপ্তাগ্নেঃ সমুৎপন্নং নাশয়িষ্যামি তে ভয়ম্॥ 1-54-24 (2235) ব্রহ্মদণ্ডং মহাঘোরং কালাগ্নিসমতেজসম্। নাশয়িষ্যামি মাঽত্র ৎবং ভয়ংকার্ষীঃ কথংচন॥ 1-54-25 (2236) সৌতিরুবাচ। 1-54-26x (264) ততঃ স বাসুকের্ঘোরমপনীয় মনোজ্বরম্। আধায় চাত্মনোঽঙ্গেষু জগাম ৎবরিতো ভৃশম্॥ 1-54-26 (2237) জনমেজয়স্য তং যজ্ঞং সর্বৈঃ সমুদিতং গুণৈঃ। মোক্ষায় ভুজগেন্দ্রাণামাস্তীকো দ্বিজসত্তমঃ॥ 1-54-27 (2238) স গৎবাঽপশ্যদাস্তীকো যজ্ঞায়তনমুত্তমম্। বৃতং সদস্যৈর্বহুভিঃ সূর্যবহ্নিসমপ্রভৈঃ॥ 1-54-28 (2239) স তত্র বারিতো দ্বাস্থৈঃ প্রবিশন্দ্বিজসত্তমঃ। অভিতুষ্টাব তং যজ্ঞং প্রবেশার্থী পরংতপঃ॥ 1-54-29 (2240) স প্রাপ্য যজ্ঞায়তনং বরিষ্ঠং দ্বিজোত্তমঃ পুণ্যকৃতাং বরিষ্ঠঃ। তুষ্টাব রাজানমনন্তকীর্তি- মৃৎবিক্সদস্যাংশ্চ তথৈব চাগ্নিম্॥ ॥ 1-54-30 (2241) ইতি শ্রীমন্মহাভারতে আদিপর্বণি আস্তীকপর্বণি চতুঃপঞ্চাশত্তমোঽধ্যায়ঃ॥ 54 ॥

1-55-0 (2242) আস্তীক উবাচ। 1-55-0x (265) সোমস্য যজ্ঞো বরুণস্য যজ্ঞঃ প্রজাপতের্যজ্ঞ আসীৎপ্রয়াগে। তথা যজ্ঞোঽয়ং তব ভারতাগ্র্য পারিক্ষিত স্বস্তি নোঽস্তু প্রিয়েভ্যঃ॥ 1-55-1 (2243) শক্রস্য যজ্ঞঃ শতসঙ্খ্য উক্ত- স্তথাপরং তুল্যসঙ্খ্যং শতং বৈ। তথা যজ্ঞোঽয়ং তব ভারতাগ্র্য পারিক্ষিত স্বস্তি নোঽস্তু প্রিয়েভ্যঃ॥ 1-55-2 (2244) যমস্য যজ্ঞো হরিমেধসশ্চ যথা যজ্ঞো রন্তিদেবস্য রাজ্ঞঃ। তথা যজ্ঞোঽয়ং তব ভারতাগ্র্য পারিক্ষিত স্বস্তি নোঽস্তু প্রিয়েভ্যঃ॥ 1-55-3 (2245) গয়স্য যজ্ঞঃ শশবিন্দোশ্চ রাজ্ঞো যজ্ঞসল্তথা বৈশ্রবণস্য রাজ্ঞঃ। তথা যজ্ঞোঽয়ং তব ভারতাগ্র্য পারিক্ষিত স্বস্তি নোঽস্তু প্রিয়েভ্যঃ॥ 1-55-4 (2246) নৃগস্য যজ্ঞস্ৎবজমীঢস্য চাসী- দ্যথা যজ্ঞো দাশরথেশ্চ রাজ্ঞঃ। তথা যজ্ঞোঽয়ং তব ভারতাগ্র্য পারিক্ষিত স্বস্তি নোঽস্তু প্রিয়েভ্যঃ॥ 1-55-5 (2247) যজ্ঞঃ শ্রুতো দিবি দেবস্য সূনো- র্যুধিষ্ঠিরস্যাজমীঢস্য রাজ্ঞঃ। তথা যজ্ঞোঽয়ং তব ভারতাগ্র্য পারিক্ষিত স্বস্তি নোঽস্তু প্রিয়েভ্যঃ॥ 1-55-6 (2248) কৃষ্ণস্য যজ্ঞঃ সত্যবত্যাঃ সুতস্য স্বয়ং চ কর্ম প্রচকার যত্র। তথা যজ্ঞোঽয়ং তব ভারতাগ্র্য পারিক্ষিত স্বস্তি নোঽস্তু প্রিয়েভ্যঃ॥ 1-55-7 (2249) ইমে চ তে সূর্যসমানবর্চসঃ সমাসতে বৃত্রহণঃ ক্রতুং যথা। নৈষাং জ্ঞাতুং বিদ্যতে জ্ঞানমদ্য দত্তং যেভ্যো ন প্রণশ্যেৎকদাচিৎ॥ 1-55-8 (2250) ঋৎবিক্সমো নাস্তি লোকেষু চৈব দ্বৈপায়নেনেতি বিনিশ্চিতং মে। এতস্য শিষ্যা হি ক্ষিতিং সংচরন্তি সর্বর্ৎবিজঃ কর্মসু স্বেষু দক্ষাঃ॥ 1-55-9 (2251) বিভাবসুশ্চিত্রভানুর্মহাত্মা হিরণ্যরেতা হুতভুক্কৃষ্ণবর্ত্মা। প্রদক্ষিমাবর্তশিখঃ প্রদীপ্তো হব্যং তবেদং হুতভুগ্বষ্টি দেবঃ॥ 1-55-10 (2252) নৈহ ৎবদন্যো বিদ্যতে জীবলোকে সমো নৃপঃ পালয়িতা প্রজানাম্। ধৃত্যা চ তে প্রতীমনাঃ সদাহং ৎবং বা বরুণো ধর্মরাজো যমো বা॥ 1-55-11 (2253) শক্রঃ সাক্ষাদ্বজ্রপাণির্যথেহ ত্রাতা লোকেঽস্মিংস্ৎবং তথেহ প্রজানাম্। মতস্ৎবং নঃ পুরুষেন্দ্রেহ লোকে ন চ ৎবদন্যো ভূপতিরস্তি জজ্ঞে॥ 1-55-12 (2254) খট্বাঙ্গনাভগদিলীপকল্প যয়াতিমান্ধাতৃসমপ্রভাব। আদিত্যতেজঃপ্রতিমানতেজা ভীষ্মো যথা রাজসি সুব্রতস্ৎবম্॥ 1-55-13 (2255) বাল্মীকিবত্তে নিভৃতং স্ববীর্যং বসিষ্ঠবত্তে নিয়তশ্চ কোপঃ। প্রভুৎবমিন্দ্রৎবসমং মতং মে দ্যুতিশ্চ নারায়ণবদ্বিভাতি॥ 1-55-14 (2256) যমো যথা ধর্মবিনিশ্চয়জ্ঞঃ কৃষ্ণো যথা সর্বগুণোপপন্নঃ। শ্রিয়াং নিবাসোঽসি যথা বসূনাং নিধানভূতোঽসি তথা ক্রতূনাম্॥ 1-55-15 (2257) দম্ভোদ্ভবেনাসি সমো বলেন রামো যথা শস্ত্রবিদস্ত্রবিচ্চ। ঔর্বত্রিতাভ্যামসি তুল্যতেজা দুষ্প্রেক্ষণীয়োঽসি ভগীরথেন॥ 1-55-16 (2258) সৌতিরুবাচ। 1-55-17x (266) এবং স্তুতাঃ সর্ব এব প্রসন্না রাজা সদস্যা ঋৎবিজো হব্যবাহঃ। তেষাং দৃষ্ট্বা ভাবিতানীঙ্গিতানি প্রোবাচ রাজা জনমেজয়োঽথ॥ ॥ 1-55-17 (2259) ইতি শ্রীমন্মহাভারতে আদিপর্বণি আস্তীকপর্বণি পঞ্চপঞ্চাশত্তমোঽধ্যায়ঃ॥ 55 ॥

1-56-0 (2260) জনমেজয় উবাচ। 1-56-0x (267) বালোঽপ্যযং স্থবির ইবাবভাষতে নায়ং বালঃ স্থবিরোঽয়ং মতো মে। ইচ্ছাম্যহং বরমস্মৈ প্রদাতুং তন্মে বিপ্রাঃ সংবিদধ্বং যথাবৎ॥ 1-56-1 (2261) সদস্যা ঊচুঃ। 1-56-2x (268) বালোঽপি বিপ্রো মান্য এবেহ রাজ্ঞা `যশ্চাবিদ্বান্যশ্চ বিদ্বান্যথাবৎ। প্রসাদয়ৈনং ৎবরিতো নরেন্দ্র দ্বিজাতিবর্যং সকলার্থসিদ্ধয়ে।' সর্বান্কামাংস্ৎবত্ত এবার্হতেঽদ্য যথা চ নস্তক্ষক এতি শীঘ্রম্॥ 1-56-2 (2262) সৌতিরুবাচ। 1-56-3x (269) ব্যাহর্তুকামে বরদে নৃপে দ্বিজং বরং বৃণীষ্বেতি ততোঽব্যুবাচ। হোতা বাক্যং নাতিহৃষ্টান্তরাত্মা কর্মণ্যস্মিংস্তক্ষকো নৈতি তাবৎ॥ 1-56-3 (2263) জনমেজয় উবাচ। 1-56-4x (270) যথা চেদং কর্ম সমাপ্যতে মে যথা চ বৈ তক্ষক এতি শীঘ্রম্। তথা ভবন্তঃ প্রয়তন্তু সর্বে পরং শক্ত্যা স হি মে বিদ্বিষাণঃ॥ 1-56-4 (2264) ঋৎবিজ ঊচুঃ। 1-56-5x (271) যথা শস্ত্রাণি নঃ প্রাহুর্যথা শংসতি পাবকঃ। ইন্দ্রস্য ভবনে রাজংস্তক্ষকো ভয়পীডিতঃ॥ 1-56-5 (2265) যথা সূতো লোহিতাক্ষো মহাত্মা পৌরাণিকো বেদিতবান্পুরস্তাৎ। স রাজানং প্রাহ পৃষ্টস্তদানীং যথাহুর্বিপ্রাস্তদ্বদেতন্নৃদেব॥ 1-56-6 (2266) পুরাণমাগম্য ততো ব্রবীম্যহং দত্তং তস্মৈ বরমিন্দ্রেণ রাজন্। বসেহ ৎবং মৎসকাশে সুগুপ্তো ন পাবকস্ৎবাং প্রদহিষ্যতীতি॥ 1-56-7 (2267) এতচ্ছ্রুৎবা দীক্ষিতস্তপ্যমান আস্তে হোতারং চোদয়ন্কর্ম কালে। `ইন্দ্রেণ সার্ধং তক্ষকং পাতয়ধ্বং বিভাবসৌ ন বিমুচ্যেত নাগঃ।' হোতা চ যত্তোঽস্যাজুহাবাথ মন্ত্রৈ- রথো মহেন্দ্রঃ স্বয়মাজগাম॥ 1-56-8 (2268) `আয়াতু চেন্দ্রোঽপি সতক্ষকঃ পতে- দ্বিভাবসৌ নাগরাজেন তূর্ণম্। জম্ভস্য হন্তেতি জুহাব হোতা তদা জগামাহিদত্তাভয়ঃ প্রভুঃ॥' 1-56-9 (2269) বিমানমারুহ্য মহানুভাবঃ সর্বৈর্দেবৈঃ পরিসংস্তূয়মানঃ। বলাহকৈশ্চাপ্যনুগম্যমানো বিদ্যাধরৈরপ্সরসাং গণৈশ্চ `নাগস্য নাশো মম চৈব নাশো ভবিষ্যতীত্যেব বিচিন্তয়ানঃ॥' 1-56-10 (2270) তস্যোত্তরীয়ে নিহিতঃ স নাগো ভয়োদ্বিগ্নঃ শর্ম নৈবাভ্যগচ্ছৎ। ততো রাজা মন্ত্রবিদোঽব্রবীৎপুনঃ ক্রুদ্ধো বাক্যং তক্ষকস্যান্তমিচ্ছন্॥ 1-56-11 (2271) জনমেজয় উবাচ। 1-56-12x (272) ইন্দ্রস্য ভবনে বিপ্রা যদি নাগঃ স তক্ষকঃ। তমিন্দ্রেণৈব সহিতং পাতয়ধ্যং বিভাবসৌ॥ 1-56-12 (2272) সৌতিরুবাচ। 1-56-13x (273) জনমেজয়েন রাজ্ঞা তু নোদিতস্তক্ষকং প্রতি। হোতা জুহাব তত্রস্থং তক্ষকং পন্নগং তথা॥ 1-56-13 (2273) হূয়মানে তথা চৈব তক্ষকঃ সপুরন্দরঃ। আকাশে দদৃশে তত্র ক্ষণেন ব্যথিতস্তদা॥ 1-56-14 (2274) পুরন্দরস্তু তং যজ্ঞং দৃষ্ট্বোরুভয়মাবিশৎ। হিৎবা তু তক্ষকং ত্রস্তঃ স্বমেব ভবনং যয়ৌ॥ 1-56-15 (2275) ইন্দ্রে গতে তু রাজেন্দ্র তক্ষকো ভয়মোহিতঃ। মন্ত্রশক্ত্যা পাবকার্চিস্সমীপমবশো গতঃ। `তং দৃষ্ট্বা ঋৎবিজস্তত্র বচনং চেদমব্রুবন্'॥ 1-56-16 (2276) ঋৎবিজ ঊচুঃ। 1-56-17x (274) অয়মায়াতি তূর্ণং স তক্ষকস্তে বশং নৃপ। শ্রূয়তেঽস্য মহান্নাদো নদতো ভৈরবং রবম্॥ 1-56-17 (2277) নূনং মুক্তো বজ্রভৃতা স নাগো ভ্রষ্টো নাকান্মন্ত্রবিত্রস্তকায়ঃ। ঘূর্ণন্নাকাশে নষ্টসংজ্ঞোঽভ্যুপৈতি তীব্রান্নিশ্বাসান্নিশ্বসন্পন্নগেন্দ্রঃ॥ 1-56-18 (2278) বর্ততে তব রাজেন্দ্র কর্মৈতদ্বিধিবৎপ্রভো। অস্মৈ তু দ্বিজমুখ্যায় বরং ৎবং দাতুমর্হসি॥ 1-56-19 (2279) জনমেজয় উবাচ। 1-56-20x (275) বালাভিরূপস্য তবাপ্রমেয় বরং প্রয়চ্ছামি যথানুরূপম্। বৃণীষ্ব যত্তেঽভিমতং হৃদি স্থিতং তত্তে প্রদাস্যাম্যপি চেদদেয়ম্॥ 1-56-20 (2280) সৌতিরুবাচ। 1-56-21x (276) পতিষ্যমাণে নাগেন্দ্রে তক্ষকে জাতবেদসি। ইদমন্তরমিত্যেবং তদাস্তীকোঽভ্যচোদয়ৎ॥ 1-56-21 (2281) আস্তীক উবাচ। 1-56-22x (277) বরং দদাসি চেন্মহ্যং বৃণোমি জনমেজয়। সত্রং তে বিরমৎবেতন্ন পতেয়ুরিহোরগাঃ॥ 1-56-22 (2282) এবমুক্তস্তদা তেন ব্রহ্মন্পারিক্ষিতস্তু সঃ। নাতিহৃষ্টমনাশ্চেদমাস্তীকং বাক্যমব্রবীৎ॥ 1-56-23 (2283) সুবর্ণং রজতং গাশ্চ যচ্চান্যন্মন্যসে বিভো। তত্তে দদ্যাং বরং বিপ্র ন নিবর্তেৎক্রতুর্মম॥ 1-56-24 (2284) আস্তীক উবাচ। 1-56-25x (278) সুবর্ণং রজতং গাশ্চ ন ৎবাং রাজন্বৃণোম্যহম্। সত্রং তে বিরমৎবেতৎস্বস্তি মাতৃকুলস্য নঃ॥ 1-56-25 (2285) সৌতিরুবাচ। 1-56-26x (279) আস্তীকেনৈবমুক্তস্তু রাজা পারিক্ষিতস্তদা। পুনঃপুনরুবাচেদমাস্তীকং বদতাং বরঃ॥ 1-56-26 (2286) অন্যং বরয় ভদ্রং তে বরং দ্বিজ্বরোত্তম। অয়াচত ন চাপ্যন্যং বরং স ভৃগুনন্দন॥ 1-56-27 (2287) ততো বেদবিদস্তাত সদস্যাঃ সর্ব এব তম্। রাজানমূচুঃ সহিতা লভতাং ব্রাহ্মণো বরম্॥ ॥ 1-56-28 (2288) ইতি শ্রীমন্মহাভারতে আদিপর্বণি আস্তীকপর্বণি ষট্পঞ্চাশত্তমোঽধ্যায়ঃ॥ 56 ॥

1-57-0 (2289) শৌনক উবাচ। 1-57-0x (280) যে সর্পাঃ সর্পসত্রেঽস্মিন্পতিতা হব্যবাহনে। তেষাং নামানি সর্বেষাং শ্রোতুমিচ্ছামি সূতজ॥ 1-57-1 (2290) সৌতিরুবাচ। 1-57-2x (281) সহস্রাণি বহূন্যস্মিন্প্রয়ুতান্যর্বুদানি চ। ন শক্যং পরিসংখ্যাতুং বহুৎবাদ্দ্বিজসত্তম॥ 1-57-2 (2291) যথাস্মৃতি তু নামানি পন্নগানাং নিবোধ মে। উচ্যমানানি মুখ্যানাং হুতানাং জাতবেদসি॥ 1-57-3 (2292) বাসুকেঃ কুলজাতাংস্তু প্রাধান্যেন নিবোধ মে। নীলরক্তান্সিতান্ঘোরান্মহাকায়ান্বিষোল্বণান্॥ 1-57-4 (2293) অবশান্মাতৃবাগ্দণ্ডপীডিতান্কৃপণান্হূতান্। কোটিশো মানসঃ পূর্ণঃ শলঃ পালো হলীমকঃ॥ 1-57-5 (2294) পিচ্ছলঃ কৌণপশ্চক্রঃ কালবেগঃ প্রকালনঃ। হিরণ্যবাহুঃ শরণঃ কক্ষকঃ কালদন্তকঃ॥ 1-57-6 (2295) এতে বাসুকিজা নাগাঃ প্রবিষ্টা হব্যবাহনে। অন্যে চ বহবো বিপ্র তথা বৈ কুলসংভবাঃ। প্রদীপ্তাগ্নৌ হুতাঃসর্বে ঘোররূপা মহাবলাঃ॥ 1-57-7 (2296) তক্ষকস্য কুলে জাতান্প্রবক্ষ্যামি নিবোধ তান্। পুচ্ছাণ্ডকো মণ্ডলকঃ পিণ্ডসেক্তা রভেণকঃ॥ 1-57-8 (2297) উচ্ছিখঃ শরভো ভঙ্গো বিল্বতেজা বিরোহণঃ। শিলী শলকরো মূকঃ সুকুমারঃ প্রবেপনঃ॥ 1-57-9 (2298) মুদ্গরঃ শিশুরোমা চ সুরোমা চ মহাহনুঃ। এতে তক্ষকজা নাগাঃ প্রবিষ্টা হব্যবাহনম্॥ 1-57-10 (2299) পারাবতঃ পারিয়াত্রঃ পাণ্ডরো হরিণঃ কৃশঃ। বিহঙ্গঃ শরভো মোদঃ প্রমোদঃ সংহতাপনঃ॥ 1-57-11 (2300) ঐরাবতকুলাদেতে প্রবিষ্টা হব্যবাহনম্। কৌরব্যকুলজান্নাগাঞ্শৃণু মে ৎবং দ্বিজোত্তম॥ 1-57-12 (2301) এরকঃ কুণ্ডলো বেণী বেণীস্কন্ধঃ কুমারকঃ। বাহুকঃ শৃঙ্গবেরশ্চ ধূর্তকঃ প্রাতরাতকৌ॥ 1-57-13 (2302) কৌরব্যকুলজাস্ৎবেতে প্রবিষ্টা হব্যবাহনম্। ধৃতরাষ্ট্রকুলে জাতাঞ্শৃণু নাগান্যথাতথম্॥ 1-57-14 (2303) কীর্ত্যমানান্ময়া ব্রহ্মন্বাতবেগান্বিষোল্বণান্। শঙ্কুকর্ণঃ পিঠরকঃ কুঠারমুখসেচকৌ॥ 1-57-15 (2304) পূর্ণাঙ্গদঃ পূর্ণমুখঃ প্রহাসঃ শকুনির্দরিঃ। অমাহঠঃ কামঠকঃ সুষেণো মানসোঽব্যযঃ॥ 1-57-16 (2305) `অষ্টাবক্রঃ কোমলকঃ শ্বসনো মৌনবেপগঃ।' ভৈরবো মুণ্ডবেদাঙ্গঃ পিশঙ্গশ্চোদপারকঃ। ঋষভো বেগবান্নাগঃ পিণ্ডারকমহাহনূ॥ 1-57-17 (2306) রক্তাঙ্গঃ সর্বসারঙ্গঃ সমৃদ্ধপটবাসকৌ। বরাহকো বীরণকঃ সুচিত্রশ্চিত্রবেগিকঃ॥ 1-57-18 (2307) পরাশরস্তরুণকো মণিঃ স্কন্ধস্তথাঽঽরুণিঃ। ইতি নাগা ময়া ব্রহ্মন্কীর্তিতাঃ কীর্তিবর্ধনাঃ॥ 1-57-19 (2308) প্রাধান্যেন বহুৎবাত্তু ন সর্বে পরিকীর্তিতাঃ। এতেষাং প্রসবো যশ্চ প্রসবস্য চ সন্ততিঃ॥ 1-57-20 (2309) ন শক্যং পরিসংখ্যাতুং যে দীপ্তং পাবকং গতাঃ। `দ্বিশীর্ষাঃ পঞ্চশীর্ষাশ্চ সপ্তশীর্ষাস্তথাঽপরে। দশশীর্ষাঃ শতশীর্ষাস্তথান্যে বহুশীর্ষকাঃ'॥ 1-57-21 (2310) কালানলবিষা ঘোরা হুতাঃ শতসহস্রশঃ। মহাকায়া মহাবেগাঃ শৈলশৃঙ্গসমুচ্ছ্রয়াঃ॥ 1-57-22 (2311) যোজনায়ামবিস্তারা দ্বিয়োজনসমায়তাঃ। কামরূপাঃ কামবলা দীপ্তানলবিষোল্বণাঃ॥ 1-57-23 (2312) দগ্ধাস্তত্র মহাসত্রে ব্রহ্মদণ্ডনিপাডিতাঃ॥ ॥ 1-57-24 (2313) ইতি শ্রীমন্মহাভারতে আদিপর্বণি আস্তীকপর্বণি সপ্তপঞ্চাশত্তমোঽধ্যায়ঃ॥ 57 ॥

1-58-0 (2314) সৌতিরুবাচ। 1-58-0x (282) ইদমত্যদ্ভুতং চান্যদাস্তীকস্যানুশুশ্রুম। তথা বরৈশ্ছন্দ্যমানে রাজ্ঞা পারিক্ষিতেন হি॥ 1-58-1 (2315) ইন্দ্রহস্তাচ্চ্যুতো নাগঃ খ এব যদতিষ্ঠত। ততশ্চিন্তাপরো রাজা বভূব জনমেজয়ঃ॥ 1-58-2 (2316) হূয়মানে ভৃশং দীপ্তে বিধিবদ্বসুরেতসি। ন স্ম স প্রাপতদ্বহ্নৌ তক্ষকো ভয়পীডিতঃ॥ 1-58-3 (2317) শৌনক উবাচ। 1-58-4x (283) কিং সূত তেষাং বিপ্রাণাং মন্ত্রগ্রামো মনীষিণাম্। ন প্রত্যভাত্তদাঽগ্নৌ যৎস পপাত ন তক্ষকঃ॥ 1-58-4 (2318) সৌতিরুবাচ। 1-58-5x (284) তমিন্দ্রহস্তাদ্বিত্রস্তং বিসংজ্ঞং পন্নগোত্তমম্। আস্তীকস্তিষ্ঠ তিষ্ঠেতি বাচস্তিস্রোঽভ্যুদৈরয়ৎ॥ 1-58-5 (2319) বিতস্থে সোঽন্তরিক্ষে চ হৃদয়েন বিদূয়তা। যথা তিষ্ঠতি বৈ কশ্চিৎখং চ গাং চান্তরা নরঃ॥ 1-58-6 (2320) ততো রাজাব্রবীদ্বাক্যং সদস্যৈশ্চোদিতো ভৃশম্। কামমেতদ্ভবৎবেবং যথাস্তীকস্য ভাষিতম্॥ 1-58-7 (2321) সমাপ্যতামিদং কর্ম পন্নগাঃ সন্ৎবনাময়াঃ। প্রীয়তাময়মাস্তীকঃ সত্যং সূতবচোঽস্তু তৎ॥ 1-58-8 (2322) ততো হলহলাশব্দঃ প্রীতিজঃ সমজায়ত। আস্তীকস্য বরে দত্তে তথৈবোপররাম চ॥ 1-58-9 (2323) স যজ্ঞঃ পাণ্ডবেয়স্য রাজ্ঞঃ পারিক্ষিতস্য হ। প্রীতিমাংশ্চাভবদ্রাজা ভারতো জনমেজয়ঃ॥ 1-58-10 (2324) ঋৎবিগ্ভ্যঃ সসদস্যেভ্যো যে তত্রাসন্সমাগতাঃ। তেভ্যশ্চ প্রদদৌ বিত্তং শতশোঽথ সহস্রশঃ॥ 1-58-11 (2325) লোহিতাক্ষায় সূতায় তথা স্থপতয়ে বিভুঃ। যেনোক্তং তস্য তত্রাগ্রে সর্পসত্রনিবর্তনে॥ 1-58-12 (2326) নিমিত্তং ব্রাহ্মণ ইতি তস্মৈ বিত্তং দদৌ বহু। দত্ৎবা দ্রব্যং যথান্যায়ং ভোজনাচ্ছাদনান্বিতম্॥ 1-58-13 (2327) প্রীতস্তস্মৈ নরপতিরপ্রমেয়পরাক্রমঃ। ততশ্চকারাবভৃথং বিধিদৃষ্টেন কর্মণা॥ 1-58-14 (2328) আস্তীকং প্রেষয়ামাস গৃহানেব সুসংস্কৃতম্। রাজা প্রীতমনাঃ প্রীতং কৃতকৃত্যং মনীষিণম্॥ 1-58-15 (2329) পুনরাগমনং কার্যমিতি চৈনং বচোঽব্রবীৎ। ভবিষ্যসি সদস্যো মে বাজিমেধে মহাক্রতৌ॥ 1-58-16 (2330) তথেত্যুক্ৎবা প্রদুদ্রাব তদাস্তীকো মুদা যুতঃ। কৃৎবা স্বকার্যমতুলং তোষয়িৎবা চ পার্থিবম্॥ 1-58-17 (2331) স গৎবা পরমপ্রীতো মাতুলং মাতরং চ তাম্। অভিগম্যোপসংগৃহ্য তথা বৃত্তং ন্যবেদয়ৎ॥ 1-58-18 (2332) সৌতিরুবাচ। 1-58-19x (285) এতচ্ছ্রুৎবা প্রীয়মাণাঃ সমেতা যে তত্রাসন্পন্নগা বীতমোহাঃ। আস্তীকে বৈ প্রীতিমন্তো বভূবু- রূচুশ্চৈনং বরমিষ্টং বৃমীষ্ব॥ 1-58-19 (2333) ভূয়োভূয়ঃ সর্বশস্তেঽব্রুবংস্তং কিং তে প্রিয়ং করবামাদ্য বিদ্বন্। প্রীতা বয়ং মোক্ষিতাশ্চৈব সর্বে কামং কিং তে করবামাদ্য বৎস॥ 1-58-20 (2334) আস্তীক উবাচ। 1-58-21x (286) সায়ং প্রাতর্যে প্রসন্নাত্মরূপা লোকে বিপ্রা মানবা যে পরেঽপি। ধর্মাখ্যানং যে পঠেয়ুর্মমেদং তেষাং যুষ্মন্নৈব কিংচিদ্ভয়ং স্যাৎ॥ 1-58-21 (2335) তৈশ্চাপ্যুক্তো ভাগিনেয়ঃ প্রসন্নৈ- রেতৎসত্যং কামমেবং বরং তে। প্রীত্যা যুক্তাঃ কামিতং সর্বশস্তে কর্তারঃ স্ম প্রবণা ভাগিনেয়॥ 1-58-22 (2336) অসিতং চার্তিমন্তং চ সুনীথং চাপি যঃ স্মরেৎ। দিবা বা যদি বা রাত্রৌ নাস্য সর্পভয়ং ভবেৎ॥ 1-58-23 (2337) যো জরৎকারুণা জাতো জরৎকারৌ মহাবশাঃ। আস্তীকঃ সর্পসত্রে বঃ পন্নগান্যোঽভ্যরক্ষত। তং স্মরন্তং মহাভাগা ন মাং হিংসিতুমর্হথ॥ 1-58-24 (2338) সর্পাপসর্প ভদ্রং তে গচ্ছ সর্প মহাবিষ। জনেমেজয়স্য যজ্ঞান্তে আস্তীকবচনং স্মর॥ 1-58-25 (2339) আস্তীকস্য বচঃ শ্রুৎবা যঃ সর্পো ন নিবর্ততে। শতধা ভিদ্যতে মূর্ধা শিংশবৃক্ষফলং যথা॥ 1-58-26 (2340) সৌতিরুবাচ। 1-58-27x (287) স এবমুক্তস্তু তদা দ্বিজেন্দ্রঃ সমাগতৈস্তৈর্ভুজগেন্দ্রমুখ্যৈঃ। সংপ্রাপ্য প্রীতিং বিপুলাং মহাত্মা ততো মনো গমনায়াথ দধ্রে॥ 1-58-27 (2341) `ইত্যেবং নাগরাজোঽথ নাগানাং মধ্যগস্তদা। উক্ৎবা সহৈব তৈঃ সর্পৈঃ স্বমেব ভবনং যয়ৌ॥' 1-58-28 (2342) মোক্ষয়িৎবা তু ভুজগান্সর্পসত্রাদ্দ্বিজোত্তমঃ। জগাম কালে ধর্মাত্মা দিষ্টান্তং পুত্রপৌত্রবান্॥ 1-58-29 (2343) ইত্যাখ্যানং ময়াস্তীকং যথাবত্তব কীর্তিতম্। যৎকীর্তয়িৎবা সর্পেভ্যো ন ভয়ং বিদ্যতে ক্বচিৎ॥ 1-58-30 (2344) সৌতিরুবাচ। 1-58-31x (288) যথা কথিতবান্ব্রহ্মন্প্রমতিঃ পূর্বজস্তব। পুত্রায় রুরবে প্রীতঃ পৃচ্ছতে ভার্গবোত্তম॥ 1-58-31 (2345) যদ্বাক্যং শ্রুতবাংশ্চাহং তথা চ কথিতং ময়া। আস্তীকস্য কবের্বিপ্র শ্রীমচ্চরিতমাদিতঃ॥ 1-58-32 (2346) যন্মাং ৎবং পৃষ্টবান্ব্রহ্মঞ্শ্রুৎবা ডুণ্ডুভভাষিতম্। ব্যেতু তে সুমহদ্ব্রহ্মন্কৌতূহলমরিন্দম॥ 1-58-33 (2347) শ্রুৎবা ধর্মিষ্ঠমাখ্যানমাস্তীকং পুণ্যবর্ধনম্। `সর্বপাপবিনির্মুক্তো দীর্ঘমায়ুরবাপ্নুয়াৎ॥' ॥ 1-58-34 (2348) ইতি শ্রীমন্মহাভারতে আদিপর্বণি আস্তীকপর্বণি অষ্টপঞ্চাশত্তমোঽধ্যায়ঃ॥ 58 ॥ ॥ সমাপ্তং চাস্তীকপর্ব ॥

1-59-0 (2349) শৌনক উবাচ। 1-59-0x (289) ভৃগুবংশাৎপ্রভৃত্যেব ৎবয়া মে কীর্তিতং মহৎ। আখ্যানমখিলং তাত সৌতে প্রীতোঽস্মিতেন তে॥ 1-59-1 (2350) প্রক্ষ্যামি চৈব ভূয়স্ৎবাং যথাবৎসূতনন্দন। যাঃ কথা ব্যাসসংপন্নাস্তাশ্চ ভূয়ো বিচক্ষ্ব মে॥ 1-59-2 (2351) তস্মিন্পরমদুষ্পারে সর্পসত্রে মহাত্মনাম্। কর্মান্তরেষু যজ্ঞস্য সদস্যানাং তথাঽধ্বরে॥ 1-59-3 (2352) যা বভূবুঃ কথাশ্চিত্রা যেষ্বর্থেষু যথাতথম্। ৎবত্ত ইচ্ছামহে শ্রোতুং সৌতে ৎবং বৈ প্রচক্ষ্ব নঃ॥ 1-59-4 (2353) সৌতিরুবাচ। 1-59-5x (290) কর্মান্তরেষ্বকথয়ন্দ্বিজা বেদাশ্রয়াঃ কথাঃ। ব্যাসস্ৎবকথয়চ্চিত্রমাখ্যানং ভারতং মহৎ॥ 1-59-5 (2354) শৌনক উবাচ। 1-59-6x (291) মহাভারতমাখ্যানং পাণ্ডবানাং যশস্করম্। জনমেজয়েন পৃষ্টঃ সন্কৃষ্ণদ্বৈপায়নস্তদা॥ 1-59-6 (2355) শ্রাবয়ামাস বিধিবত্তদা কর্মান্তরে তু সঃ। তামহং বিধিবৎপুণ্যাং শ্রোতুমিচ্ছামি বৈ কথাম্॥ 1-59-7 (2356) মনঃসাগরসংভূতাং মহর্ষের্ভাবিতাত্মনঃ। কথয়স্ব সতাং শ্রেষ্ঠ সর্বরত্নময়ীমিমাম্॥ 1-59-8 (2357) সৌতিরুবাচ। 1-59-9x (292) হন্ত তে কথয়িষ্যামি মহদাখ্যানমুত্তমম্। কৃষ্ণদ্বৈপায়নমতং মহাভারতমাদিতঃ॥ 1-59-9 (2358) শৃণু সর্বমশেষেণ কথ্যমানং ময়া দ্বিজ। শংসিতুং তন্মহান্হর্ষো মমাপীহ প্রবর্ততে॥ ॥ 1-59-10 (2359) ইতি শ্রীমন্মহাভারতে আদিপর্বণি অংশাবতরণপর্বণি একোনষষ্টিতমোঽধ্যায়ঃ॥ 59 ॥

1-60-0 (2360) সৌতিরুবাচ। 1-60-0x (293) শ্রুৎবা তু সর্পসত্রায় দীক্ষিতং জনমেজয়ম্। অভ্যগচ্ছদৃষির্বিদ্বান্কৃষ্ণদ্বৈপায়নস্তদা॥ 1-60-1 (2361) জনয়ামাস যং কালী শক্তেঃ পুত্রাৎপরাশরাৎ। কন্যৈব যমুনাদ্বীপে পাণ্ডবানাং পিতামহম্॥ 1-60-2 (2362) জাতমাত্রশ্চ যঃ সদ্য ইষ্ট্যা দেহমবীবৃধৎ। বেদাংশ্চাধিজগে সাঙ্গন্সেতিহাসান্মহায়শাঃ॥ 1-60-3 (2363) যং নাতি তপসা কশ্চিন্ন বেদাধ্যযনেন চ। ন ব্রতৈর্নোপবাসৈশ্চ ন প্রসূত্যা ন মন্যুনা॥ 1-60-4 (2364) বিব্যাসৈকং চতুর্ধা যো বেদং বেদবিদাং বরঃ। পরাবরজ্ঞো ব্রহ্মর্ষিঃ কবিঃ সত্যব্রতঃ শুচিঃ॥ 1-60-5 (2365) যঃ পাণ্ডুং ধৃতরাষ্ট্রং চ বিদুরং চাপ্যজীজনৎ। শন্তনোঃ সংততিং তন্বন্পুণ্যকীর্তির্মহায়শাঃ॥ 1-60-6 (2366) জনমেজয়স্য রাজর্ষেঃ স মহাত্মা সদস্তথা। বিবেশ সহিতঃ শিষ্যৈর্বেদবেদাঙ্গপারগৈঃ॥ 1-60-7 (2367) তত্র রাজানমাসীনং দদর্শ জনমেজয়ম্। বৃতং সদস্যৈর্বহুভির্দেবৈরিব পুরন্দরম্॥ 1-60-8 (2368) তথা মূর্ধাভিষিক্তৈশ্চ নানাজনপদেশ্বরৈঃ। ঋৎবিগ্ভির্ব্রহ্মকল্পৈশ্চ কুশলৈর্যজ্ঞসংস্তরে॥ 1-60-9 (2369) জনমেজয়স্তু রাজর্ষির্দৃষ্ট্বা তমৃষিমাগতম্। সগণোঽভ্যুদ্যযৌ তূর্ণং প্রীত্যা ভরতসত্তমঃ॥ 1-60-10 (2370) কাঞ্চনং বিষ্টরং তস্মৈ সদস্যানুমতঃ প্রভুঃ। আসনং কল্পয়ামাস যথা শক্রো বৃহস্পতেঃ॥ 1-60-11 (2371) তত্রোপবিষ্টং বরদং দেবর্ষিগণপূজিতম্। পূজয়ামাস রাজেন্দ্রঃ শাস্ত্রদৃষ্টেন কর্মণা॥ 1-60-12 (2372) পাদ্যমাচমনীয়ং চ অর্ঘ্যং গাং চ বিধানতঃ। পিতামহায় কৃষ্ণায় তদর্হায় ন্যবেদয়ৎ॥ 1-60-13 (2373) প্রতিগৃহ্য তু তাং পূজাং পাম্ডবাজ্জনমেজয়াৎ। গাং চৈব সমনুজ্ঞায় ব্যাসঃ প্রীতোঽভবত্তদা॥ 1-60-14 (2374) তথা চ পূজয়িৎবা তং প্রণয়াৎপ্রতিতামহম্। উপোপবিশ্য প্রীতাত্মা পর্যপৃচ্ছদনাময়ম্॥ 1-60-15 (2375) ভগবানাপি তং দৃষ্ট্বা কুশলং প্রতিবেদ্য চ। সদস্যৈঃ পূজিতঃ সর্বৈঃ সদস্যান্প্রত্যপূজয়ৎ॥ 1-60-16 (2376) ততস্তু সহিতঃ সর্বৈঃ সদস্যৈর্জনমেজয়ঃ। ইদং পশ্চাদ্দ্বিজশ্রেষ্ঠং পর্যপৃচ্ছৎকৃতাঞ্জলিঃ॥ 1-60-17 (2377) জনমেজয় উবাচ। 1-60-18x (294) কুরূণাং পাণ্ডবানাং চ ভবান্প্রত্যক্ষদর্শিবান্। তেষাং চরিতমিচ্ছামি কথ্যমানং ৎবয়া দ্বিজ॥ 1-60-18 (2378) কথং সমভবদ্ভেদস্তেষামক্লিষ্টকর্মণাম্। তচ্চ যুদ্ধং কথং বৃত্তং ভূতান্তকরণং মহৎ॥ 1-60-19 (2379) পিতামহানাং সর্বেষাং দৈবেনাবিষ্টচেতসাম্। কার্ৎস্ন্যেনৈতন্মমাচক্ষ্ব যথা বৃত্তং দ্বিজোত্তম। `ইচ্ছামি তত্ৎবতঃ শ্রোতুং ভগবন্কুশলো হ্যসি'॥ 1-60-20 (2380) সৌতিরুবাচ। 1-60-21x (295) তস্য তদ্বচনং শ্রুৎবা কৃষ্ণদ্বৈপায়নস্তদা। শশাস শিষ্যমাসীনং বৈশম্পায়নমন্তিকে॥ 1-60-21 (2381) ব্যাস উবাচ। 1-60-22x (296) কুরূণাং পাণ্ডবানাং চ যথা ভেদোঽভবৎপুরা। তদস্মৈ সর্বমাচক্ষ্ব যন্মত্তঃ শ্রুতবানসি॥ 1-60-22 (2382) গুরোর্বচনমাজ্ঞায় স তু বিপ্রর্ষভস্তদা। আচচক্ষে ততঃ সর্বমিতিহাসং পুরাতনম্॥ 1-60-23 (2383) রাজ্ঞে তস্মৈ সদস্যেভ্যঃ পার্থিবেভ্যশ্চ সর্বশঃ। ভেদং সর্ববিনাশং চ কুরুপাণ্ডবয়োস্তদা॥ ॥ 1-60-24 (2384) ইতি শ্রীমন্মহাভারতে আদিপর্বণি অংশাবতরণপর্বণি ষষ্টিতমোঽধ্যায়ঃ॥ 60 ॥

1-61-0 (2385) বৈশম্পায়ন উবাচ। 1-61-0x (297) `শৃণু রাজন্যথা বীরা ভ্রাতরঃ পঞ্চ পাণ্ডবাঃ। বিরোধমন্বগচ্ছন্ত ধার্তরাষ্ট্রৈর্দুরাত্মভিঃ॥' 1-61-1 (2386) গুরবে প্রাঙ্নমস্কৃত্য মনোবুদ্ধিসমাধিভিঃ। সংপূজ্য চ দ্বিজান্সর্বাংস্তথান্যান্বিদুষো জনান্॥ 1-61-2 (2387) মহর্ষের্বিশ্রুতস্যেহ সর্বলোকেষু ধীমতঃ। প্রবক্ষ্যামি মতং কৃৎস্নং ব্যাসস্যামিততেজসঃ॥ 1-61-3 (2388) শ্রোতুং পাত্রং চ রাজংস্ৎবং প্রাপ্যেমাং ভারতীং কথাম্। গুরোর্বক্ত্রপরিস্পন্দো মনঃ প্রোৎসাহতীব মে॥ 1-61-4 (2389) শৃণু রাজন্যথা ভেদঃ কুরুপাণ্ডবয়োরভূৎ। রাজ্যার্থে দ্যূতসংভূতো বনবাসস্তথৈব চ॥ 1-61-5 (2390) যথা চ যুদ্ধমভবৎপৃথিবীক্ষয়কারকম্। তত্তেঽহং কথয়িষ্যামি পৃচ্ছতে ভরতর্ষভ॥ 1-61-6 (2391) মৃতে পিতরি তে বীরা বনাদেত্য স্বমন্দিরম্। নচিরাদেব বিদ্বাংসো বেদে ধনুষি চাভবন্॥ 1-61-7 (2392) তাংস্তথা সৎববীর্যৌজঃসংপন্নান্পৌরসংমতান্। নামৃষ্যন্কুরবো দৃষ্ট্বা পাণ্ডবাঞ্শ্রীয়শোভৃতঃ॥ 1-61-8 (2393) ততো দুর্যোধনঃ ক্রূরঃ কর্ণশ্চ সহসৌবলঃ। তেষাং নিগ্রহনির্বাসান্বিবিধাংস্তে সমারভন্॥ 1-61-9 (2394) ততো দুর্যোধনঃ ক্রূরঃ কুলিঙ্গস্য মতে স্থিতঃ। পাম্ডবান্বিবিধোপায়ৈ রাজ্যহেতোরপীডয়ৎ॥ 1-61-10 (2395) দদাবথ বিষং পাপো ভীমায় ধৃতরাষ্ট্রজঃ। জরয়ামাস তদ্বীরঃ সহান্নেন বৃকোদরঃ॥ 1-61-11 (2396) প্রমাণকোট্যাং সংসুপ্তং পুনর্বদ্ধ্বা বৃকোদরম্। তোয়েষু ভীমং গঙ্গায়াঃ প্রক্ষিপ্য পুরমাব্রজৎ॥ 1-61-12 (2397) যদা বিবুদ্ধঃ কৌন্তেয়স্তদা সংছিদ্য বন্ধনম্। উদতিষ্ঠন্মহাবাহুর্ভীমসেনো গতব্যথঃ॥ 1-61-13 (2398) আশীবিষৈঃ কৃষ্ণসর্পৈঃ সুপ্তং চৈনমদংশয়ৎ। সর্বেষ্বেবাঙ্গদেশেষু ন মমার স শত্রুহা॥ 1-61-14 (2399) তেষাং তু বিপ্রকারেষু তেষু তেষু মহামতিঃ। মোক্ষণে প্রতিকারে চ বিদুরোঽবহিতোঽভবৎ॥ 1-61-15 (2400) স্বর্গস্থো জীবলোকস্য যথা শক্রঃ সুখাবহঃ। পাণ্ডবানাং তথা নিত্যং বিদুরোঽপি সুখাবহঃ॥ 1-61-16 (2401) যদা তু বিবিধোপায়ৈঃ সংবৃতৈর্বিবৃতৈরপি। নাশকদ্বিনিহন্তুং তান্দৈবভাব্যর্থরক্ষিতান্॥ 1-61-17 (2402) ততঃ সংমন্ত্র্য সচিবৈর্বৃষদুঃশাসনাদিভিঃ। ধৃতরাষ্ট্রমনুজ্ঞাপ্য জাতুষং গৃহমাদিশৎ॥ 1-61-18 (2403) `তত্র তান্বাসয়ামাস পাণ্ডবানমিতৌজসঃ।' সুতপ্রিয়ৈষী তান্রাজা পাণ্ডবানম্বিকাসুতঃ। ততো বিবাসয়ামাস রাজ্যভোগবুভুক্ষয়া॥ 1-61-19 (2404) তে প্রাতিষ্ঠন্ত সহিতা নগরান্নাগসাহ্বয়াৎ। প্রস্থানে চাভবন্মন্ত্রী ক্ষত্তা তেষাং মহাত্মনাম্॥ 1-61-20 (2405) তেন মুক্তা জতুগৃহান্নিশীথে প্রাদ্রবন্বনম্। ততঃ সংপ্রাপ্য কৌন্তেয়া নগরং বারণাবতম্॥ 1-61-21 (2406) ন্যবসন্ত মহাত্মানো মাত্রা সহ পরন্তপাঃ। ধৃতরাষ্ট্রেণ চাজ্ঞপ্তা উষিতা জাতুষে গৃহে॥ 1-61-22 (2407) পুরোচনাদ্রক্ষমাণাঃ সংবৎসরমতন্দ্রিতাঃ। সুরুঙ্গাং কারয়িৎবা তু বিদুরেণ প্রচোদিতাঃ॥ 1-61-23 (2408) আদীপ্য জাতুষং বেশ্ম দগ্ধ্বা চৈব পুরোচনম্। প্রাদ্রবন্ভয়সংবিগ্না মাত্রা সহ পন্তপাঃ॥ 1-61-24 (2409) দদৃশুর্দারুমং রক্ষো হিডিম্বং বননির্ঝরে। হৎবা চ তং রাক্ষসেন্দ্রং ভীতাঃ সমববোধনাৎ॥ 1-61-25 (2410) নিশি সংপ্রাদ্রবন্পার্থা ধার্তরাষ্ট্রভয়ার্দিতাঃ। প্রাপ্তা হিডিম্বা ভীমেন যত্র জাতো ঘটোৎকচঃ॥ 1-61-26 (2411) একচক্রাং ততো হৎবা পাণ্ডবাঃ সংশিতব্রতাঃ। বেদাধ্যযনসংপন্নাস্তেঽভবন্ব্রহ্মচারিণঃ॥ 1-61-27 (2412) তে তত্র নিয়তাঃ কালং কংচিদূষুর্নরর্ষভাঃ। মাত্রা সহৈকচক্রায়াং ব্রাহ্মণস্য নিবেশনে॥ 1-61-28 (2413) তত্রাসসাদ ক্ষুধিতং পুরুষাদং বৃকোদরঃ। ভীমসেনো মহাবাহুর্বকং নাম মহাবলম্॥ 1-61-29 (2414) তং চাপি পুরুষব্যাঘ্রো বাহুবীর্যেণ পাণ্ডবঃ। নিহত্য তরসা বীরো নাগরান্পর্যসান্ৎবয়ৎ॥ 1-61-30 (2415) ততস্তে শুশ্রুবুঃ কৃষ্ণাং পঞ্চালেষু স্বয়ংবরাম্। শ্রুৎবা চৈবাভ্যগচ্ছ্ত গৎবা চৈবালভন্ত তাম্॥ 1-61-31 (2416) তে তত্র দ্রৌপদীং লব্ধ্বা পরিসংবৎসরোষিতাঃ। বিদিতা হাস্তিনপুরং প্রত্যাজগ্মুররিন্দমাঃ॥ 1-61-32 (2417) তে উক্তা ধৃতরাষ্ট্রেণ রাজ্ঞা শান্তনবেন চ। ভ্রাতৃভির্বিগ্রহস্তাত কথং বো ন ভবেদিতি॥ 1-61-33 (2418) অস্মাভিঃ খাণ্ডবপ্রস্থে যুষ্মদ্বাসোঽনুচিন্তিতঃ। তস্মাজ্জনপদোপেতং সুবিভক্তমহাপথম্॥ 1-61-34 (2419) বাসায় স্বাণ্ডবপ্রস্থং ব্রজধ্বং গতমৎসরাঃ। তয়োস্তে বচনাজ্জগ্মুঃ সহ সর্বৈঃ সুহৃজ্জনৈঃ॥ 1-61-35 (2420) নগরং খাণ্ডবপ্রস্থং রত্নান্যাদায় সর্বশঃ। তত্র তে ন্যবসন্পার্থাঃ সংবৎসরগণাংন্বহূন্॥ 1-61-36 (2421) বশে শস্ত্রপ্রতাপেন কুর্বন্তোঽন্যান্মহীভৃতঃ। এবং ধর্মপ্রধানাস্তে সত্যব্রতপরায়ণাঃ॥ 1-61-37 (2422) অপ্রমত্তোত্থিতাঃ ক্ষান্তাঃ প্রতপন্তোঽহিতান্বহূন্। অজয়দ্ভীমসেনস্তু দিশং প্রাচীং মহায়শাঃ॥ 1-61-38 (2423) উদীচীমর্জুনো বীরঃ প্রতীচীং নকুলস্তথা। দক্ষিণাং সহদেবস্তু বিজিগ্যে পরবীরহা॥ 1-61-39 (2424) এবং চক্রুরিমাং সর্বে বশে কৃৎস্নাং বসুন্ধরাম্। পঞ্চভিঃ সূর্যসঙ্কাশৈঃ সূর্যেণ চ বিরাজতা॥ 1-61-40 (2425) ষট্সূর্যেবাভবৎপৃথ্বী পাণ্ডবৈঃ সত্যবিক্রমৈঃ। ততো নিমিত্তে কস্মিংশ্চিদ্ধর্মরাজো যুধিষ্ঠিরঃ॥ 1-61-41 (2426) বনং প্রস্থাপয়ামাস তেজস্বী সত্যবিক্রমঃ। প্রাণেভ্যোঽপি প্রিয়তরং ভ্রাতরং সব্যসাচিনম্॥ 1-61-42 (2427) অর্জুনং পুরুষব্যাঘ্রং স্থিরাত্মানং গুণৈর্যুতম্। স বৈ সংবৎসরং পূর্ণং মাসং চৈকং বনে বসন্॥ 1-61-43 (2428) `তীর্থয়াত্রাং চ কৃতবান্নাগকন্যামবাপ চ। পাণ্ড্যস্য তনয়াং লব্ধ্বা তত্র তাভ্যাংসহোষিতঃ'॥ 1-61-44 (2429) ততোঽগচ্ছদ্ধৃষীকেশং দ্বারবত্যাং কদাচন। লব্ধবাংস্তত্র বীভৎসুর্ভার্যাং রাজীবলোচনাম্॥ 1-61-45 (2430) অনুজাং বাসুদেবস্য সুভদ্রাং ভদ্রভাষিণীম্। সা শচীব মহেন্দ্রেণ শ্রীঃ কৃষ্ণেনেব সঙ্গতা॥ 1-61-46 (2431) সুভদ্রা যুয়ুজে প্রীত্যা পাণ্ডবেনার্জুনেন হ। অতর্পয়চ্চ কৌন্তেয়ঃ খাণ্ডবে হব্যবাহনম্॥ 1-61-47 (2432) বীভৎসুর্বাসুদেবেন সহিতো নৃপস্তম। নাতিভারো হি পার্থস্য কেশবেন সহাভবৎ॥ 1-61-48 (2433) ব্যবসায়সহায়স্য বিষ্ণোঃ শত্রুবধেষ্বিব। পার্থায়াগ্নির্দদৌ চাপি গাণ্ডীবং ধনুরুত্তমম্॥ 1-61-49 (2434) ইষুধী চাক্ষয়ৈর্বাণৈ রথং চ কপিলক্ষণম্। মোক্ষয়ামাস বীভৎসুর্ময়ং যত্র মহাসুরম্॥ 1-61-50 (2435) স চকার সভাং দিব্যাং সর্বরত্নসমাচিতাম্। তস্যাং দুর্যোধনো মন্দো লোভং চক্রে সুদুর্মতিঃ॥ 1-61-51 (2436) ততোঽক্ষৈর্বঞ্চয়িৎবা চ সৌবলেন যুধিষ্ঠিরম্। বনং প্রস্থাপয়ামাস সপ্তবর্ষাণি পঞ্চ চ॥ 1-61-52 (2437) অজ্ঞাতমেকং রাষ্ট্রে চ ততো বর্ষং ত্রয়োদশম্। ততশ্চতুর্দশে বর্ষে যাচমানাঃ স্বকং বসু॥ 1-61-53 (2438) নালভন্ত মহারাজ ততো যুদ্ধমবর্তত। ততস্তে ক্ষত্রমুৎসাদ্য হৎবা দুর্যোধনং নৃপম্॥ 1-61-54 (2439) রাজ্যং বিহতভূয়িষ্ঠং প্রত্যপদ্যন্ত পাণ্ডবাঃ। `ইষ্ট্বা ক্রতূংশ্চ বিবিধানশ্বমেধাদিকান্বহূন্॥ 1-61-55 (2440) ধৃতরাষ্ট্রে গতে স্বর্গং বিদুরে পঞ্চতাং গতে। গময়িৎবা ক্রিয়াং স্বর্গ্যাং রাজ্ঞামমিততেজসাম্॥ 1-61-56 (2441) স্বং ধাম যাতে বার্ষ্ণেয়ে কৃষ্ণদারান্প্ররক্ষ্য চ। মহাপ্রস্থানিকং কৃৎবা গতাঃ স্বর্গমনুত্তমম্'॥ 1-61-57 (2442) এবমেতৎপুরাবৃত্তং তেষামক্লিষ্টকর্মণাম্। ভেদো রাজ্যবিনাশশ্চ জয়শ্চ জয়তাংবর॥ ॥ 1-61-58 (2443) ইতি শ্রীমন্মহাভারতে আদিপর্বণি অংশাবতরণপর্বণি একষষ্টিতমোঽধ্যায়ঃ॥ 61 ॥

1-62-0 (2444) জনমেজয় উবাচ। 1-62-0x (298) কথিতং বৈ সমাসেন ৎবয়া সর্বং দ্বিজোত্তম। মহাভারতমাখ্যানং কুরূণাং চরিতং মহৎ॥ 1-62-1 (2445) কথাং ৎবনঘ চিত্রার্থাং কথয়স্ব তপোধন। বিস্তরশ্রবণে জাতং কৌতূহলমতীব মে॥ 1-62-2 (2446) স ভবান্বিস্তরেণেমাং পুনরাখ্যাতুমর্হতি। ন হি তৃপ্যামি পূর্বেষাং শৃণ্বানশ্চরিতং মহৎ॥ 1-62-3 (2447) ন তৎকারণমল্পং বৈ ধর্মজ্ঞা যত্র পাণ্ডবাঃ। অবধ্যান্সর্বশো জঘ্নুঃ প্রশস্যন্তে চ মানবৈঃ॥ 1-62-4 (2448) কিমর্থং তে নরব্যাঘ্রাঃ শক্তাঃ সন্তো হ্যনাগসঃ। প্রয়ুজ্যমানান্সংক্লেশান্ক্ষান্তবন্তো দুরাত্মনাম্॥ 1-62-5 (2449) কথং নাগায়ুতপ্রাণো বাহুশালী বৃকোদরঃ। পরিক্লিশ্যন্নপি ক্রোধং ধৃতবান্বৈ দ্বিজোত্তম॥ 1-62-6 (2450) কথং সা দ্রৌপদী কৃষ্ণা ক্লিশ্যমানা দুরাত্মভিঃ। শক্তা সতী ধার্তরাষ্ট্রান্নাদহৎক্রোধচক্ষুষা॥ 1-62-7 (2451) কথং ব্যসনিনং দ্যূতে পার্থৌ মাদ্রীসুতৌ তদা। অন্বয়ুস্তে নরব্যাঘ্রা বাধ্যমানা দুরাত্মভিঃ॥ 1-62-8 (2452) কথং ধর্মভৃতাং শ্রেষ্ঠঃ সুতো ধর্মস্য ধর্মবিৎ। অনর্হঃ পরমং ক্লেশং সোঢবান্স যুধিষ্ঠিরঃ॥ 1-62-9 (2453) কথং চ বহুলাঃ সেনাঃ পাণ্ডবঃ কৃষ্ণসারথিঃ। অস্যন্নেকোঽনয়ৎসর্বাঃ পিতৃলোকং ধনংজয়ঃ॥ 1-62-10 (2454) এতদাচক্ষ্ব মে সর্বং যথাবৃত্তং তপোধন। যদ্যচ্চ কৃতবন্তস্তে তত্রতত্র মহারথাঃ॥ 1-62-11 (2455) বৈশম্পায়ন উবাচ। 1-62-12x (299) ক্ষণং কুরু মহারাজ বিপুলোঽয়মনুক্রমঃ। পুণ্যাখ্যানস্য বক্তব্যঃ কৃষ্ণদ্বৈপায়নেরিতঃ॥ 1-62-12 (2456) মহর্ষেঃ সর্বলোকেষু পূজিতস্য মহাত্মনঃ। প্রবক্ষ্যামি মতং কৃৎস্নং ব্যাসস্যামিততেজসঃ॥ 1-62-13 (2457) ইদং শতসহস্রং হি শ্লোকানাং পুণ্যকর্মণাম্। সত্যবত্যাত্মজেনেহ ব্যাখ্যাতমমিতৌজসা॥ 1-62-14 (2458) `উপাখ্যানৈঃ সহ জ্ঞেয়ং শ্রাব্যং ভারতমুত্তমম্। সংক্ষেপেণ তু বক্ষ্যামি সর্বমেতন্নরাধিপ॥ 1-62-15 (2459) অধ্যায়ানাং সহস্রে দ্বে পর্বণাং শতমেব চ। শ্লোকানাং তু সহস্রাণি নবতিশ্চ দশৈব চ। ততোঽষ্টাদশভিঃ পর্বৈঃ সংগৃহীতং মহর্ষিণা'॥ 1-62-16 (2460) য ইদং শ্রাবয়েদ্বিদ্বান্যে চেদং শৃণুয়ুর্নরাঃ। তে ব্রহ্মণঃ স্থানমেত্য প্রাপ্নুয়ুর্দেবতুল্যতাম্॥ 1-62-17 (2461) ইদং হি বেদৈঃ সমিতং পবিত্রমপি চোত্তমম্। শ্রাব্যাণামুত্তমং চেদং পুরাণমৃষিসংস্তুতম্॥ 1-62-18 (2462) অস্মিন্নর্থশ্চ কামশ্চ নিখিলেনোপদেক্ষ্যতে। ইতিহাসে মহাপুণ্যে বুদ্ধিশ্চ পরিনৈষ্ঠিকী॥ 1-62-19 (2463) অক্ষুদ্রান্দানশীলাংশ্চ সত্যশীলাননাস্তিকান্। কার্ষ্ণং বেদমিমং বিদ্বাঞ্ছ্রাবয়িৎবাঽর্থমশ্নুতে॥ 1-62-20 (2464) ভ্রূণহত্যাকৃতং চাপি পাপং জহ্যাদসংশয়ম্। ইতিহাসমিমং শ্রুৎবা পুরুষোঽপি সুদারুণঃ॥ 1-62-21 (2465) মুচ্যতে সর্বপাপেভ্যো রাহুণা চন্দ্রমা যথা। জয়ো নামেতিহাসোঽয়ং শ্রোতব্যো বিজিগীষুণা॥ 1-62-22 (2466) মহীং বিজয়তে রাজা শত্রূংশ্চাপি পরাজয়েৎ। ইদং পুংসবনং শ্রেষ্ঠমিদং স্বস্ত্যযনং মহৎ॥ 1-62-23 (2467) মহিষীয়ুবরাজাভ্যাং শ্রোতব্যং বহুশস্তথা। বীরং জনয়তে পুত্রং কন্যাং বা রাজ্যভাগিনীম্॥ 1-62-24 (2468) ধর্মশাস্ত্রমিদং পুণ্যমর্থশাস্ত্রমিদং পরম্। মোক্ষশাস্ত্রমিদং প্রোক্তং ব্যাসেনামিতবুদ্ধিনা॥ 1-62-25 (2469) `ধর্মে চার্থে চ কামে চ মোক্ষে চ ভরতর্ষভ। যদিহাস্তি তদন্যত্র যন্নেহাস্তি ন কুত্রচিৎ। ইদং হি ব্রাহ্মণৈর্লোকে আখ্যাতং ব্রাহ্মণেষ্বিহ'॥ 1-62-26 (2470) সংপ্রত্যাচক্ষতে চেদং তথা শ্রোষ্যন্তি চাপরে। পুত্রাঃ শুশ্রূষবঃ সন্তি প্রেষ্যাশ্চ প্রিয়কারিণঃ॥ 1-62-27 (2471) ভরতানাং মহজ্জন্ম শৃণ্বতামনসূয়তাম্। নাস্তি ব্যাধিভয়ং তেষাং পরলোকভয়ং কুতঃ॥ 1-62-28 (2472) শরীরেণ কৃতং পাপং বাচা চ মনসৈব চ। সর্বং সংত্যজতি ক্ষিপ্রং য ইদং শৃণুয়ান্নরঃ॥ 1-62-29 (2473) ধন্যং যশস্যমায়ুষ্যং পুণ্যং স্বর্গ্যং তথৈব চ। কৃষ্ণদ্বৈপায়নেনেদং কৃতং পুণ্যচিকীর্ষুণা॥ 1-62-30 (2474) কীর্তিং প্রথয়তা লোকে পাণ্ডবানাং মহাত্মনাম্। অন্যেষাং ক্ষত্রিয়াণাং চ ভূরিদ্রবিণতেজসাম্॥ 1-62-31 (2475) সর্ববিদ্যাবদাতানাং লোকে প্রথিতকর্মণাম্। য ইদং মানবো লোকে পুণ্যার্থে ব্রাহ্মণাঞ্ছুচীন্॥ 1-62-32 (2476) শ্রাবয়েত মহাপুণ্যং তস্য ধর্মঃ সনাতনঃ। কুরূণাং প্রথিতং বংশং কীর্তয়ন্সততং শুচিঃ॥ 1-62-33 (2477) বংশমাপ্নোতি বিপুলং লোকে পূজ্যতমো ভবেৎ। যোঽধীতে ভারতং পুম্যং ব্রাহ্মণো নিয়তব্রতঃ॥ 1-62-34 (2478) চতুরো বার্ষিকান্মাসান্সর্বপাপৈঃ প্রমুচ্যতে। বিজ্ঞেয়ঃ স চ বেদানাং পারগো ভারতং পঠন্॥ 1-62-35 (2479) দেবা রাজর্ষয়ো হ্যত্র পুণ্যা ব্রহ্মর্ষয়স্তথা। কীর্ত্যন্তে ধূতপাপ্মানঃ কীর্ত্যতে কেশবস্তথা॥ 1-62-36 (2480) ভগবাংশ্চাপি দেবেশো যত্র দেবী চ কীর্ত্যতে। অনেকজননো যত্র কার্তিকেয়স্য সংভবঃ॥ 1-62-37 (2481) ব্রাহ্মণানাং গবাং চৈব মাহাত্ম্যং যত্র কীর্ত্যতে। সর্বশ্রুতিসমূহোঽয়ং শ্রোতব্যো ধর্মবুদ্ধিভিঃ॥ 1-62-38 (2482) য ইদং শ্রাবয়েদ্বিদ্বান্ব্রাহ্মণানিহ পর্বসু। ধূতপাপ্মা জিতস্বর্গো ব্রহ্ম গচ্ছতি শাশ্বতম্॥ 1-62-39 (2483) শ্রাবয়েদ্ব্রাহ্মণাঞ্শ্রাদ্ধে যশ্চেমং পাদমন্ততঃ। অক্ষয়্যং তস্য তচ্ছ্রাদ্ধমুপাবর্তেৎপিতৄনিহ॥ 1-62-40 (2484) অহ্না যদেনঃ ক্রিয়তে ইন্দ্রিয়ৈর্মনসাঽপি বা। জ্ঞানাদজ্ঞানতো বাপি প্রকরোতি নরশ্চ যৎ॥ 1-62-41 (2485) তন্মহাভারতাখ্যানং শ্রুৎবৈব প্রবিলীয়তে। ভরতানাং মহজ্জন্ম মহাভারতমুচ্যতে॥ 1-62-42 (2486) নিরুক্তমস্য যো বেদ সর্বপাপৈঃ প্রমুচ্যতে। ভরতানাং মহজ্জন্ম মহাভারতমুচ্যতে॥ 1-62-43 (2487) মহতো হ্যেনসো মর্ত্যান্মোচয়েদনুকীর্তিতঃ। ত্রিভির্বর্ষৈর্মহাভাগঃ কৃষ্ণদ্বৈপায়নোঽব্রবীৎ॥ 1-62-44 (2488) নিত্যোত্থিতঃ শুচিঃ শক্তো মহাভারতমাদিতঃ। তপোনিয়মমাস্থায় কৃতমেতন্মহর্ষিণা॥ 1-62-45 (2489) তস্মান্নিয়মসংয়ুক্তৈঃ শ্রোতব্যং ব্রাহ্মণৈরিদম্। কৃষ্ণপ্রোক্তামিমাং পুণ্যাং ভারতীমুত্তমাং কথাম্॥ 1-62-46 (2490) শ্রাবয়িষ্যন্তি যে বিপ্রা যে চ শ্রোষ্যন্তি মানবাঃ। সর্বথা বর্তমানা বৈ ন তে শোচ্যাঃ কৃতাকৃতৈঃ॥ 1-62-47 (2491) নরেণ ধর্মকামেন সর্বঃ শ্রোতব্য ইত্যপি। নিখিলেনেতিহাসোঽয়ং ততঃ সিদ্ধিমবাপ্নুয়াৎ॥ 1-62-48 (2492) ন তাং স্বর্গগতিং প্রাপ্য তুষ্টিং প্রাপ্নোতি মানবঃ। যাং শ্রুৎবৈবং মহাপুণ্যমিতিহাসমুপাশ্নুতে॥ 1-62-49 (2493) শৃণ্বঞ্শ্রাদ্ধঃ পুণ্যশীলঃ শ্রাবয়ংশ্চেদমদ্ভুতম্। নরঃ ফলমবাপ্নোতি রাজসূয়াশ্বমেধয়োঃ॥ 1-62-50 (2494) যথা সমুদ্রো ভগবান্যথা মেরুর্মহাগিরিঃ। উভৌ খ্যাতৌ রত্ননিধী তথা ভারতমুচ্যতে॥ 1-62-51 (2495) ইদং হি বেদৈঃ সমিতং পবিত্রমষি চোত্তমম্। শ্রাব্যং শ্রুতিসুখং চৈব পাবনং শীলবর্ধনম্॥ 1-62-52 (2496) য ইদং ভারতং রাজন্বাচকায় প্রয়চ্ছতি। তেন সর্বা মহী দত্তা ভবেৎসাগরমেখলা॥ 1-62-53 (2497) পারিক্ষিত কথাং দিব্যাং পুণ্যায় বিজয়ায় চ। কথ্যমানাং ময়া কৃৎস্নাং শৃণু হর্ষকরীমিমাম্॥ 1-62-54 (2498) ত্রিভির্বর্ষৈঃ সদোত্থায়ী কৃষ্ণদ্বৈপায়নো মুনিঃ। মহাভারতমাখ্যানং কৃতবানিদমদ্ভুতম্॥ 1-62-55 (2499) শৃণু কীর্তয়তস্তন্ম ইতিহাসং পুরাতনম্॥ ॥ 1-62-56 (2500) ইতি শ্রীমন্মহাভারতে আদিপর্বণি অংশাবতরণপর্বণি দ্বিষষ্টিতমোঽধ্যায়ঃ॥ 62 ॥

1-63-0 (2501) বৈশম্পায়ন উবাচ। 1-63-0x (300) পূরোর্বংশমহং ধন্যং রাজ্ঞামমিততেজসাম্। প্রবক্ষ্যামি পিতৄণাং তে তেষাং নামানি মে শৃমু॥ 1-63-1 (2502) অব্যক্তপ্রভবো ব্রহ্মা শাশ্বতো নিত্য অব্যযঃ। তস্মান্মরীচিঃ সংজজ্ঞে দক্ষশ্চৈব প্রজাপতিঃ॥ 1-63-2 (2503) অঙ্গুষ্ঠাদ্দক্ষমসৃজচ্চক্ষুর্ভ্যাং চ মরীচিনম্। মরীচেঃ কশ্যপঃ পুত্রো দক্ষস্য দুহিতাঽঽদিতিঃ॥ 1-63-3 (2504) অদিত্যাং কশ্যপাদ্বিবস্থান্। বিবস্বতো মনুর্মনোরিলা॥ 1-63-4 (2505) ইলায়াঃ পুরূরবাঃ। পুরূরবস আয়ুঃ। আয়ুষো নহুষঃ। নহুষস্য যয়াতিঃ॥ 1-63-5 (2506) যয়াতের্দ্বে ভার্যে বভূবতুঃ। উশনসো দুহিতা দেবয়ানী বৃষপর্বণশ্চ দুহিতা শর্মিষ্ঠা নাম॥ 1-63-6 (2507) তত্রানুবংশো ভবতি। যদুং চ তুর্বসুং চৈব দেবয়ানী ব্যজায়ত। দ্রুহ্যং চানুং চ পূরুং চ শর্মিষ্ঠা বার্ষপর্বণী॥ 1-63-7 (2508) তত্র যদোর্যাদবাঃ। পূরোঃ পৌরবাঃ। পূরোর্ভার্যা কৌসল্যা বভূব। তস্যামস্য জজ্ঞে জনমেজয়ঃ॥ 1-63-8 (2509) স ত্রীন্হয়মেধানাজহার। বিশ্বজিতা চেষ্ট্বা বনং প্রবিবেশ॥ 1-63-9 (2510) জনমেজয়স্তু সুনন্দাং নামোপয়েমে মাগধীং। তস্যামস্য জজ্ঞে প্রাচীন্বান্॥ 1-63-10 (2511) যঃ প্রাচীং দিশং জিগায়। যাবৎসূর্যাদয়াৎ তত্তস্য প্রাচীনৎবম্॥ 1-63-11 (2512) প্রাচীন্বাংস্তু খল্বাশ্মকীমুপয়েমে যাদবীম্। তস্যামস্য জজ্ঞে শস্যাতিঃ॥ 1-63-12 (2513) শয়্যাতিস্তু ত্রিশঙ্কোর্দুহিতরং বরাঙ্গীং নামোপয়েমে তস্যামস্য জজ্ঞেঽহংয়াতিঃ॥ 1-63-13 (2514) অহংয়াতিস্তু খলু কৃতবীর্যদুহিতরং ভানুমতীং নামোপয়েমে। তস্যামস্য জজ্ঞে সার্বভৌমঃ॥ 1-63-14 (2515) সার্বভৌমস্তু খলু জিৎবাঽঽজহার কৈকয়ীং সুন্দরাং নাম তামুপয়েমে। তস্যামস্য জজ্ঞে জয়ৎসেনঃ॥ 1-63-15 (2516) জয়ৎসেনস্তু খলু বৈদর্ভীমুপয়েমে সুশ্রবাং নাম। তস্যামস্য জজ্ঞেঽপরাচীনঃ॥ 1-63-16 (2517) অপরাচীনস্তু খলু বৈদর্ভীমপরামুপয়েমে মর্যাদাং নাম। তস্যামস্য জজ্ঞেঽরিহঃ॥ 1-63-17 (2518) অরিহঃ খল্বাঙ্গীমুপেয়েমে। তস্যামস্য জজ্ঞে মহাভৌমঃ॥ 1-63-18 (2519) মহাভৌমস্তু খলু প্রসেনজিদ্দুহিতরমুপয়েমে সুয়জ্ঞাং নাম। তস্যামস্য জজ্ঞে অয়ুতানায়ী॥ 1-63-19 (2520) যঃ পুরুষমেধে পুরুষাণাময়ুতমানয়ত্তত্তস্যায়ুতানায়িৎবম্॥ 1-63-20 (2521) অয়ুতানায়ী তু খলু পৃথুশ্রবসো দুহিতরমুপয়েমে ভাসাং নাম। তস্যামস্য জজ্ঞেঽক্রোধনঃ॥ 1-63-21 (2522) অক্রোধনস্তু খলু কালিঙ্গীং কণ্ডূং নামোপয়েমে। তস্যামস্য জজ্ঞে দেবাতিথিঃ॥ 1-63-22 (2523) দেবাতিথিস্তু খলু বৈদর্ভীমুপয়েমে মর্যাদাং নাম তস্যামস্য জজ্ঞে ঋচঃ॥ 1-63-23 (2524) ঋচস্তু খলু বামদেব্যামঙ্গরাজকন্যায়ামৃক্ষং পুত্রমজীজনৎ॥ 1-63-24 (2525) ঋক্ষস্তু খলু তক্ষকদুহিতরং জ্বলন্তীং নামোপয়েমে। তস্যামন্ত্যনারমুৎপাদয়ামাস॥ 1-63-25 (2526) অন্ত্যনারস্তু খলু সরস্বত্যাং দ্বাদশবার্ষিকং সত্রমাজহার। তমুদবসানে সরস্বত্যভিগম্য ভর্তারং বরয়ামাস॥ 1-63-26 (2527) তস্যাং পুত্রং জনয়ামাস ত্রস্নুং নাম। অত্রানুবংশো ভবতি॥ 1-63-27 (2528) ত্রস্নুং সরস্বতী পুত্রমন্ত্যনারাদজীজনৎ। ইলিলং জনয়ামাস কালিন্দ্যাংত্রস্নুরাত্মজম্॥ 1-63-28 (2529) ইলিলস্তু রথন্তর্যাং দুষ্যন্তাদীন্পঞ্চ পুত্রানজীজনৎ॥ 1-63-29 (2530) দুষ্যন্তস্তু লাক্ষীং নাম ভাগীরথীমুপয়েমে তস্যামস্য জজ্ঞে জনমেজয়ঃ॥ 1-63-30 (2531) সএব দুষ্যন্তো বিশ্বামিত্রদুহিতরং শকুন্তলাং নামোপয়েমে। তস্যামস্য জজ্ঞে ভরতঃ॥ 1-63-31 (2532) তত্রেমৌ শ্লোকৌ ভবতঃ। মাতা ভস্ত্রা পিতুঃ পুত্রো যস্মাজ্জাতঃ স এব সঃ। ভরস্ব পুত্রং দৌষ্যন্তিং সত্যমাহ শকুন্তলা॥ 1-63-32 (2533) রেতোধাঃ পুত্র উন্নয়তি নরদেব যমক্ষয়াৎ। ৎবং চাস্য ধাতা গর্ভস্য সত্যমাহ শকুন্তলা॥ 1-63-33 (2534) ততোঽস্য ভরতৎবম্। ভরতস্তু খলু কাশেয়ীং সার্বসেনীমুপয়েমে সুনন্দাং নাম। তস্যামস্য জজ্ঞে ভুমন্যুঃ॥ 1-63-34 (2535) ভুমন্যুস্তু খলু দাশার্হীমুপয়েমে সুবর্ণাং নাম। তস্যামস্য জজ্ঞে সুহোত্রঃ॥ 1-63-35 (2536) সুহোত্রস্তু খল্বৈক্ষ্বাকীমুপয়েমে জয়ন্তীং নাম। তস্যামস্য জজ্ঞে হস্তী। য ইদং পুরং নির্মাপয়ামাস॥ 1-63-36 (2537) তস্মাদ্ধাস্তিনপুরৎবম্। হস্তী খলু ত্রৈগর্তীমুপয়েমে যশোদাং নাম তস্যামস্য জজ্ঞে বিকুঞ্জতঃ॥ 1-63-37 (2538) বিকুঞ্জনস্তু খলু দাশার্হীমুপয়েমে সুন্দরাং নাম। তস্যামস্য জজ্ঞেঽজমীঢঃ॥ 1-63-38 (2539) অজমীঢস্য তু চতুর্বিংশতিপুত্রশতং বভূব। কৈকয়্যাং নাগায়াং গান্ধার্যাং বিমলায়ামৃক্ষায়ামিতি॥ 1-63-39 (2540) পৃথগ্বংশকর্তারো নৃপতয়ঃ। তত্র অজমীঢাদৃক্ষায়াং সংবরণো জজ্ঞে স বংশকরঃ॥ 1-63-40 (2541) সবরণস্তু বৈবস্বতীং তপতীং নামোপয়েমে। তস্যামস্য জজ্ঞে কুরুঃ॥ 1-63-41 (2542) কুরুস্তু খলু দাশার্হীমুপয়েমে শুভাঙ্গীং নাম। তস্যামস্য জজ্ঞে বিদূরথঃ॥ 1-63-42 (2543) বিদূরথস্তু খলু মাগধীমুপয়েমে সংপ্রিয়াং নাম। তস্যামস্য জজ্ঞেঽনশ্বান্॥ 1-63-43 (2544) অনশ্বাংস্তু খলু মাগধীমুপয়েমেঽমৃতাং নাম। তস্যামস্য জজ্ঞে পরিক্ষিৎ॥ 1-63-44 (2545) পরিক্ষিৎখলু বাহুকামুপয়েমে সুবেষাং নাম। তস্যামস্য জজ্ঞে ভীমসেনঃ॥ 1-63-45 (2546) ভীমসেনস্তু খলু কৈকয়ীমুপয়েমে সুকুমারীং নাম। তস্যামস্য জজ্ঞে পরিশ্রবাঃ॥ 1-63-46 (2547) যমাহুঃ প্রতীপ ইতি। প্রতীপস্তু খলু শৈব্যামুপয়েমে সুনন্দীং নাম। তস্যাং ত্রীন্পুত্রানুৎপাদয়ামাস দেবাপিং শন্তনুং বাহ্লীকং চেতি॥ 1-63-47 (2548) দেবাপিস্তু খলু বাল এবারণ্যং প্রবিবেশ। শন্তনুস্তু মহীপালোঽভবৎ॥ 1-63-48 (2549) তত্র শ্লোকো ভবতি। যং যং করাভ্যাং স্পৃশতি জীর্ণং স সুখমশ্নুতে। পুনর্যুবা চ ভবতি তস্মাত্তং শন্তনুং বিদুঃ॥ 1-63-49 (2550) তদস্য শন্তনুৎবং। শন্তনুস্তু খলু গঙ্গাং ভাগীরথীমুপয়েমে তস্যামস্য জজ্ঞে দেবব্রতঃ। যমাহুর্ভীষ্ম ইতি॥ 1-63-50 (2551) ভীষ্মস্তু খলু পিতুঃ প্রিয়চিকীর্ষয়া সত্যবতীমানয়ামাস মাতরং। যামাহুঃ কালীতি॥ 1-63-51 (2552) তস্যাং পূর্বং পুরাশরাৎকন্যাগর্ভো দ্বৈপায়নঃ। তস্যামেব শন্তনোর্দ্বৌ পুত্রৌ বভূবতুঃ চিত্রাঙ্গদো বিচিত্রবীর্যশ্চ॥ 1-63-52 (2553) চিত্রাঙ্গদস্তু প্রাপ্তরাজ্য এব গন্ধর্বেণ নিহৃতঃ। ততো বিচিত্রবীর্যো রাজা বভূব॥ 1-63-53 (2554) বিচিত্রবীর্যস্তু খলুকাশিরাজস্য সুতে অম্বিকাম্বালিকে উদবহৎ। বিচিত্রবীর্যোঽনুৎপন্নাপত্য এব বিদেহৎবং প্রাপ্তঃ॥ 1-63-54 (2555) ততঃ সত্যবতী চিন্তয়ামাস কথং নু খলু শন্তনোঃ পিণ্ডবিচ্ছেদো ন স্যাদিতি॥ 1-63-55 (2556) সাথ দ্বৈপায়নং চিন্তয়ামাস সোঽগ্রতঃ স্থিতঃ কিং করবাণীতি। তং সত্যবত্যুবাচ ভ্রাতা তেঽনপত্য এব স্বর্গতঃ তস্যার্থেঽপত্যমুৎপাদয়েতি॥ 1-63-56 (2557) স পরমিত্যুবাচ স তত্র ত্রীন্পুত্রানুৎপাদয়ামাস ধৃতরাষ্ট্রং পাণ্ডুং বিদুরং চেতি॥ 1-63-57 (2558) ধৃতরাষ্ট্রাৎপুত্রশতং বভূব গান্ধার্যাং বরদানাদ্দ্বৈপায়নস্য তেষাং চ ধার্তরাষ্ট্রাণাং চৎবারঃ প্রধানাঃ দুর্যোধনো দুশ্শাসনো বিকর্ণশ্চিত্রসেনশ্চেতি॥ 1-63-58 (2559) পাণ্ডোস্তু কুন্তী মাদ্রীতি স্ত্রীরত্নে বভূবতুঃ। স মৃগয়াং চরন্মৈথুনগতমৃষিং মৃগচারিণং বাণেন জঘান॥ 1-63-59 (2560) স বাণবিদ্ধ উবাচ পাণ্ডুম্। অত্র শ্লোকো ভবতি॥ 1-63-60 (2561) যোঽকৃতার্থং হি মাং গ্রূর বাণেনাঘ্না মৃগব্রতম্। ৎবামপ্যেতাদৃশো ভাবঃ ক্ষিপ্রমেবাগমিষ্যতি॥ 1-63-61 (2562) ইতি মৃগব্রতচারিণা ঋষিণা শপ্তঃ। স বিষণ্ণরূপঃ পাণ্ডুস্তং শাপং পরিহরন্নোপসর্পতি ভার্যে॥ 1-63-62 (2563) কদাচিৎস আহ। স্বচাপল্যাদিদং প্রাপ্তবানহম্। পুরাণেষু পঠ্যমানং শৃণোমি নানপত্যস্য লোকাঃ সন্তীতি॥ 1-63-63 (2564) সা ৎবং মদর্থে পুত্রানুৎপাদয়েতি কুন্তীমুবাচ॥ 1-63-64 (2565) সা কুন্তী পুত্রানুৎপাদয়ামাস ধর্মাদ্যুধিষ্ঠিরং মারুতাদ্ভীমসেনমিন্দ্রাদর্জুনমিতি। স হৃষ্টরূপঃ পাণ্ডুরুবাচ। ইয়ং তে সপত্নী ভবতি মাদ্র্যনপত্যা ব্রীডিতা সাধ্বী অস্যামপত্যমুৎপাদ্যতামিতি॥ 1-63-65 (2566) সা কুন্তী তস্যৈ মাদ্র্যৈ তথেতি ব্রতমাদিদেশ। ততস্তস্যাং নকুলসহদেবৌ যমাবশ্বিভ্যাং জজ্ঞাতে॥ 1-63-66 (2567) মাদ্রীং তু খলু স্বলঙ্কৃতাং দৃষ্ট্বা পাণ্ডুর্ভাবং চক্রে। স তাং প্রাপ্যৈব বিদেহৎবং প্রাপ্তঃ॥ 1-63-67 (2568) ততস্তেন সহ চিতামন্বারুরোহ মাদ্রী। কুন্তীং চোবাচ যময়োরার্যযাঽপ্রমত্তয়া ভবিতব্যমিতি॥ 1-63-68 (2569) ততঃ পঞ্চপাণ্ডবান্সহ কুন্ত্যা হাস্তিনপুরং নয়ন্তি স্ম তপস্বিনঃ॥ 1-63-69 (2570) তত্র ভীষ্মায় ধৃতরাষ্ট্রবিদুরয়োঃ পাণ্ডোঃ স্বর্গগমনং যাথাতথ্যং নিবেদয়ন্তিস্ম তপস্বিনঃ॥ 1-63-70 (2571) পাণ্ডবান্সহ কুন্ত্যা জতুগৃহে দাহয়িতুকামো ধৃতরাষ্ট্রাত্মজোঽভূৎ॥ 1-63-71 (2572) তাংশ্চ বিদুরো মোক্ষয়ামাস। ততো ভীমো হিডিম্বং হৎবা পুত্রমুৎপাদয়ামাস হিডিম্বায়াং ঘটোৎকচং নাম॥ 1-63-72 (2573) ততশ্চৈকচক্রাং জগ্মুঃ কুশলিনঃ। ততঃ পাঞ্চালবিষয়ং গৎবা স্বয়ংবরে দ্রৌপদীং লব্ধ্বাঽর্ধরাজ্যং প্রাপ্যেন্দ্রপ্রস্থনিবাসিনস্তস্যাং পুত্রানুৎপাদয়ামাসুর্দ্রৌপদ্যাম্॥ 1-63-73 (2574) প্রতিবিন্ধ্যাং যুধিষ্ঠিরঃ। সুতসোমং বৃকোদরঃ। শ্রুতকীর্তিমর্জুনঃ। শতানীকং নকুলঃ। শ্রুতসেনং সহদেব ইতি॥ 1-63-74 (2575) শৈব্যস্য কন্যাং দেবকীং নামোপয়েমে যুধিষ্ঠিরঃ। তস্যাং পুত্রং জনয়ামাস যৌধেয়ং নাম॥ 1-63-75 (2576) ভীমসেনস্তু বারাণস্যাং কাশিরাজকন্যাং জলন্ধরাং নামোপয়েমে স্বয়ংবরস্থাং। তস্যামস্য জজ্ঞে শর্বত্রাতঃ॥ 1-63-76 (2577) অর্জুনস্তু খলু দ্বারবতীং গৎবা ভগবতো বাসুদেবস্য ভগিনীং সুভদ্রাং নামোদবহদ্ভার্যাং। তস্যামভিমন্যুং নাম পুত্রং জনয়ামাস॥ 1-63-77 (2578) নকুলস্তু খলু চৈদ্যাং রেণুমতীং নামোদবহৎ। তস্যাং পুত্রং জনয়ামাস নিরমিত্রং নাম॥ 1-63-78 (2579) সহদেবস্তু খলু মাদ্রীমেব স্বয়ংবরে বিজয়াং নামোদবহদ্ভার্যাম্। তস্যাং পুত্রং জনয়ামাস সুহোত্রং নাম॥ 1-63-79 (2580) ভীমসেনশ্চ পূর্বমেব হিডিম্বায়াং রাক্ষস্যাং পুত্রমুৎপাদয়ামাস ঘটোৎকচং নাম। অর্জুনস্তু নাগকন্যায়ামুলূপ্যামিরাবন্তং নাম পুত্রং জনয়ামাস॥ 1-63-80 (2581) ততো মণলূরুপতিকন্যায়াং চিত্রাঙ্গদায়ামর্জুনঃ পুত্রমুৎপাদয়ামাস বভ্রুবাহনং নাম। এতে ত্রয়োদশ পুত্রাঃ পাণ্ডবানাম্॥ 1-63-81 (2582) বিরাটস্য দুহিতরমুত্তরাং নামাভিমন্যুরুপেয়েমে। তস্যামস্য পরাসুর্গর্ভোঽজায়ত॥ 1-63-82 (2583) তমুৎসঙ্গে প্রতিজগ্রাহ পৃথা নিয়োগাৎপুরুষোত্তমস্য। ষাণ্মাসিকং গর্ভমহং জীবয়ামি পাদস্পর্শাদিতি বাসুদেব উবাচ॥ 1-63-83 (2584) অহং জীবয়ামি কুমারমনন্তবীর্যং জাত এবায়মজায়ত। অভিমন্যোঃ সত্যেন চেয়ং পৃথিবী ধারয়ৎবিতি বাসুদেবস্য পাদস্পর্শাৎসজীবোঽজায়ত। নাম তস্যাকরোৎসুভদ্রা॥ 1-63-84 (2585) পরিক্ষীণে কুলে জাত উত্তরায়াং পরংতপঃ। পরিক্ষিদভবত্তস্মাৎসৌভদ্রাত্তু যশস্বিনঃ॥ 1-63-85 (2586) পরীক্ষিত্তু খলু ভদ্রবতীং নামোপয়েমে। তস্যাং তত্র ভবাঞ্জনমেজয়ঃ॥ 1-63-86 (2587) জনমেজয়াত্তু ভবতঃ খলু বপুষ্টমায়াং পুত্রৌ দ্বৌ শতানীকঃ শঙ্কুকর্ণশ্চ॥ 1-63-87 (2588) শতানীকস্তু খলু বৈদেহীমুপয়েমে। তস্যামস্য জজ্ঞে পুত্রোঽশ্বমেধদত্তঃ॥ 1-63-88 (2589) ইত্যেষ পূরোর্বংশস্তু পাণ্ডবানাং চ কীর্তিতঃ। পূরোর্বংশমিমং শ্রুৎবা সর্বপাপৈঃ প্রমুচ্যতে॥ ॥ 1-63-89 (2590) ইতি শ্রীমন্মহাভারতে আদিপর্বণি অংশাবতরণপর্বণি ত্রিষষ্টিতমোঽধ্যায়ঃ॥ 63 ॥

1-64-0 (2591) বৈশম্পায়ন উবাচ। 1-64-0x (301) রাজোপরিচরো নাম ধর্মনিত্যো মহীপতিঃ। বভূব মৃগয়াশীলঃ শশ্বৎস্বাধ্যায়বাঞ্ছুচিঃ॥ 1-64-1 (2592) স চেদিবিষয়ং রম্যং বসুঃ পৌরবনন্দনঃ। ইন্দ্রোপদেশাজ্জগ্রাহ রমণীয়ং মহীপতিঃ॥ 1-64-2 (2593) তমাশ্রমে ন্যস্তশস্ত্রং নিবসন্তং তপোনিধিম্। দেবাঃ শক্রপুরোগা বৈ রাজানমুপতস্থিরে॥ 1-64-3 (2594) ইন্দ্রৎবমর্হো রাজায়ং তপসেত্যনুচিন্ত্য বৈ। তং সান্ৎবেন নৃপং সাক্ষাত্তপসঃ সংন্যবর্তয়ন্॥ 1-64-4 (2595) দেবা ঊচুঃ। 1-64-5x (302) ন সংকীর্যেত ধর্মোঽয়ং পৃথিব্যাং পৃথিবীপতে। ৎবয়া হি ধর্মো বিধৃতঃ কৃৎস্নং ধারয়তে জগৎ॥ 1-64-5 (2596) ইন্দ্র উবাচ। 1-64-6x (303) `দেবানহং পালয়িতা পালয় ৎবং হি মানুষান্।' লোকে ধর্মং পালয় ৎবং নিত্যযুক্তঃ সমাহিতঃ। ধর্ময়ুক্তস্ততো লোকান্পুণ্যান্প্রাপ্স্যসি শাশ্বতান্॥ 1-64-6 (2597) দিবিষ্ঠস্য ভুবিষ্ঠস্ৎবং সখাভূতো মম প্রিয়ঃ। ঊধঃ পৃথিব্যা যো দেশস্তমাবস নরাধিপ॥ 1-64-7 (2598) পশব্যশ্চৈব পুণ্যশ্চ প্রভূতধনধান্যবান্। স্বারক্ষ্যশ্চৈব সৌম্যশ্চ ভোগ্যৈর্ভূমিগুণৈর্যুতঃ॥ 1-64-8 (2599) অর্থবানেষ দেশো হি ধনরত্নাদিভির্যুতঃ। বসুপূর্ণা চ বসুধা বস চেদিষু চেদিপ॥ 1-64-9 (2600) ধর্মশীলা জনপদাঃ সুসংতোষাশ্চ সাধবঃ। ন চ মিথ্যা প্রলাপোঽত্র স্বৈরেষ্বপি কুতোঽন্যথা॥ 1-64-10 (2601) ন চ পিত্রা বিভজ্যন্তে পুত্রা গুরুহিতে রতাঃ। যুঞ্জতে ধুরি নো গাশ্চ কৃশান্সংধুক্ষয়ন্তি চ॥ 1-64-11 (2602) সর্বে বর্ণাঃ স্বধর্মস্থাঃ সদা চেদিষু মানদ। ন তেঽস্ত্যবিদিতং কিংচিত্ত্রিষু লোকেষু যদ্ভবেৎ॥ 1-64-12 (2603) দৈবোপভোগ্যং দিব্যং ৎবামাকাশে স্ফাটিকং মহৎ। আকাশগং ৎবাং মদ্দত্তং বিমানমুপপৎস্যতে॥ 1-64-13 (2604) ৎবমেকঃ সর্বমর্ত্যেষু বিমানবরমাস্থিতঃ। চরিষ্যস্যুপরিস্থো হি দেবো বিগ্রহবানিব॥ 1-64-14 (2605) দদামি তে বৈজয়ন্তীং মালামম্লানপঙ্কজাম্। ধারয়িষ্যতি সঙ্গ্রামে যা ৎবাং শস্ত্রৈরবিক্ষতম্॥ 1-64-15 (2606) লক্ষণং চৈতদেবেহ ভবিতা তে নরাধিপ। ইন্দ্রমালেতি বিখ্যাতং ধন্যমপ্রতিমং মহৎ॥ 1-64-16 (2607) যষ্টিং চ বৈণবীং তস্মৈ দদৌ বৃত্রনিষূদনঃ। ইষ্টপ্রদানমুদ্দিশ্য শিষ্টানাং প্রতিপালিনীম্॥ 1-64-17 (2608) `এবং সংসান্ৎব্য নৃপতিং তপসঃ সংন্যবর্তয়ৎ। প্রয়যৌ দৈবতৈঃ সার্ধং কৃৎবা কার্যং দিবৌকসাম্॥ 1-64-18 (2609) ততস্তু রাজা চেদীনামিন্দ্রাভরণভূষিতঃ। ইন্দ্রদত্তং বিমানং তদাস্থায় প্রয়যৌ পুরীম্॥' 1-64-19 (2610) তস্যাঃ শক্রস্য পূজার্থং ভূমৌ ভূমিপতিস্তদা। প্রবেশং কারয়ামাস সর্বোৎসববরং তদা॥ 1-64-20 (2611) `মার্গশীর্ষে মহারাজ পূর্বপক্ষে মহামখম্। ততঃপ্রভৃতি চাদ্যাপি যষ্টেঃ ক্ষিতিপসত্তমৈঃ॥' 1-64-21 (2612) প্রবেশঃ ক্রিয়তে রাজন্যথা তেন প্রবর্তিতঃ। অপরেদ্যুস্ততস্তস্যাঃ ক্রিয়তেঽত্যুচ্ছ্রয়ো নৃপৈঃ॥ 1-64-22 (2613) অলঙ্কৃতায়া পিটকৈর্গন্ধমাল্যৈশ্চ ভূষণৈঃ। `মাল্যদামপরিক্ষিপ্তাং দ্বাত্রিংশৎকিষ্কুসংমিতাম্॥ 1-64-23 (2614) উদ্ধৃত্য পিটকে চাপি দ্বাদশারত্নিকোচ্ছ্রয়ে। মহারজনবাসাংসি পরিক্ষিপ্য ধ্বজোত্তমম্॥ 1-64-24 (2615) বাসোভিরন্নপানৈশ্চ পূজিতৈর্ব্রাহ্মণর্ষভৈঃ। পুণ্যাহং বাচয়িৎবাথ ধ্বজ উচ্ছ্রিয়তে তদা॥ 1-64-25 (2616) শঙ্খভেরীমৃদঙ্গৈশ্চ সংনাদঃ ক্রিয়তে তদা'। ভগবান্পূজ্যতে চাত্র যষ্টিরূপেণ বাসবঃ॥ 1-64-26 (2617) স্বয়মেব গৃহীতেন বসোঃ প্রীত্যা মহাত্মনঃ। `মাণিভদ্রাদয়ো যক্ষাঃ পূজ্যন্তে দৈবতৈঃ সহ॥ 1-64-27 (2618) নানাবিধানি দানানি দত্ৎবার্থিভ্যঃ সুহৃজ্জনৈঃ। অলঙ্কৃৎবা মাল্যদামৈর্বস্ত্রৈর্নানাবিধৈস্তথা॥ 1-64-28 (2619) দৃতিভিঃ সজলৈঃ সর্বৈঃ ক্রীডিৎবা নৃপশাসনাৎ। সভাজয়িৎবা রাজানং কৃৎবা নর্মাশ্রয়াঃ কথাঃ॥ 1-64-29 (2620) রমন্তে নাগরাঃ সর্বে তথা জানপদৈঃ সহ। সূতাশ্চ মাগধাশ্চৈব রমন্তে নটনর্তকাঃ॥ 1-64-30 (2621) প্রীত্যা তু নৃপশার্দূল সর্বে চক্রুর্মহোৎসবম্। সান্তঃপুরঃ সহামাত্যঃ সর্বাভরণভূষিতঃ॥ 1-64-31 (2622) মহারজনবাসাংসি বসিৎবা চেদিরাট্ তদা। জাতিহিঙ্গুলকেনাক্তঃ সদারো মুমুদে তদা॥ 1-64-32 (2623) এবং জানপদাঃ সর্বে চক্রুরিন্দ্রমহং বসুঃ॥' যথা চেদিপতিঃ প্রীতশ্চকারেন্দ্রমহং বসুঃ॥' 1-64-33 (2624) এতাং পূজাং মহেন্দ্রস্তু দৃষ্ট্বা বসুকৃতাং শুভাম্। `হরিভির্বাজিভির্যুক্তমন্তরিক্ষগতং রথম্॥ 1-64-34 (2625) আস্থায় সহ শচ্যা চ বৃতো হ্যপ্সরসাং গণৈঃ।' বসুনা রাজমুখ্যেন সমাগম্যাব্রবীদ্বচঃ॥ 1-64-35 (2626) যে পূজয়িষ্যন্তি চ মুদা যথা চেদিপতির্নৃপঃ। কারয়িষ্যন্তি চ মুদা যথা চেদিপতির্নৃপঃ॥ 1-64-36 (2627) তেষাং শ্রীর্বিজয়শ্চৈব সরাষ্ট্রাণাং ভবিষ্যতি। তথা স্ফীতো জনপদো মুদিতশ্চ ভবিষ্যতি॥ 1-64-37 (2628) `নিরীতিকানি সস্যানি ভবন্তি বহুধা নৃপ। রাক্ষসাশ্চ পিশাচাশ্চ ন লুম্পন্তে কথংচন॥ 1-64-38 (2629) বৈশম্পায়ন উবাচ।' 1-64-39x (304) এবং মহাত্মনা তেন মহেন্দ্রেণ নরাধিপ। বসুঃ প্রীত্যা মঘবতা মহারাজোঽভিসৎকৃতঃ। এবং কৃৎবা মহেন্দ্রস্তু জগাম স্বং নিবেশনম্॥ 1-64-39 (2630) উৎসবং কারয়িষ্যন্তি সদা শক্রস্য যে নরাঃ। ভূমিরত্নাদিভির্দানৈস্তথা পূজ্যা ভবন্তি তে। বরদানমহায়জ্ঞৈস্তথা শক্রোৎসবেন চ॥ 1-64-40 (2631) সংপূজিতো মঘবতা বসুশ্চেদীশ্বরো নৃপঃ। পালয়ামাস ধর্মেণ চেদিস্থঃ পৃথিবীমিমাম্॥ 1-64-41 (2632) ইন্দ্রপীত্যা চেদিপতিশ্চকারেন্দ্রমহং বসুঃ। পুত্রাশ্চাস্য মহাবীর্যাঃ পঞ্চাসন্নমিতৌজসঃ॥ 1-64-42 (2633) নানারাজ্যেষু চ সুতান্স সম্রাডভ্যষেচয়ৎ। মহারথো মাগধানাং বিশ্রুতো যো বৃহদ্রথঃ॥ 1-64-43 (2634) প্রত্যগ্রহঃ কুশাম্বশ্চ যমাহুর্মণিবাহনম্। মৎসিল্লশ্চ যদুশ্চৈব রাজন্যশ্চাপরাজিতঃ॥ 1-64-44 (2635) এতে তস্য সুতা রাজন্রাজর্ষের্ভূরিতেজসঃ। ন্যবেশয়ন্নামভিঃ স্বৈস্তে দেশাংশ্চ পুরাণি চ॥ 1-64-45 (2636) বাসবাঃ পঞ্চ রাজানঃ পৃথগ্বংশাশ্চ শাস্বতাঃ। বসন্তমিন্দ্রপ্রাসাদে আকাশে স্ফাটিকে চ তম্॥ 1-64-46 (2637) উপতস্থুর্মহাত্মানং গন্ধর্বাপ্সরসো নৃপম্। রাজোপরিচরেত্যেবং নাম তস্যাথ বিশ্রুতম্॥ 1-64-47 (2638) পুরোপবাহিনীং তস্য নদীং শুক্তমতীং গিরিঃ। অরৌৎসীচ্চেতনায়ুক্তঃ কামাৎকোলাহলঃ কিল॥ 1-64-48 (2639) গিরিং কোলাহলং তং তু পদা বসুরতাডয়ৎ। নিশ্চক্রাম ততস্তেন প্রহারবিবরেণ সা॥ 1-64-49 (2640) তস্যাং নদ্যাং স জনয়ন্মিথুনং পর্বতঃ স্বয়ম্। তস্মাদ্বিমোক্ষণাৎপ্রীতা নদী রাজ্ঞে ন্যবেদয়ৎ॥ 1-64-50 (2641) `মহিষী ভবিতা কন্যা পুমান্সেনাপতির্ভবেৎ। শুক্তিমত্যা বচঃশ্রুৎবা দৃষ্ট্বা তৌ রাজসত্তমঃ'॥ 1-64-51 (2642) যঃ পুমানভবত্তত্র তং স রাজর্ষিসত্তমঃ। বসুর্বসুপ্রদশ্চক্রে সেনাপতিমরিন্দমঃ॥ 1-64-52 (2643) চকার পত্নীং কন্যাং তু তথা তাং গিরিকাং নৃপঃ। বসোঃ পত্নী তু গিরিকা কামকালং ন্যবেদয়ৎ॥ 1-64-53 (2644) ঋতুকালমনুপ্রাপ্তা স্নাতা পুংসবনে শুচিঃ। তদহঃ পিতরশ্চৈনপূচুর্জহি মৃগানিতি॥ 1-64-54 (2645) তং রাজসত্তমং প্রীতাস্তদা মতিমতাং বরঃ। স পিতৄণাং নিয়োগেন তামতিক্রম্য পার্থিবঃ॥ 1-64-55 (2646) চকার মৃগয়াং কামী গিরিকামেব সংস্মরন্। অতীব রূপসংপন্নাং সাক্ষাচ্ছ্রিয়মিবাপরাম্॥ 1-64-56 (2647) অশোকৈশ্চম্পকৈশ্চূতৈরনেকৈরতিমুক্তকৈঃ। পুন্নাগৈঃ কর্ণিকারৈশ্চ বকুলৈর্দিব্যপাটলৈঃ॥ 1-64-57 (2648) পনসৈর্নারিকেলৈশ্চ চন্দনৈশ্চার্জুনৈস্তথা। এতৈ রম্যৈর্মহাবৃক্ষৈঃ পুণ্যৈঃ স্বাদুফলৈর্যুতম্॥ 1-64-58 (2649) কোকিলাকুলসন্নাদং মত্তভ্রমরনাদিতম্। বসন্তকালে তৎপশ্যন্বনং চৈত্ররথোপমম্॥ 1-64-59 (2650) মন্মথাভিপরীতাত্মা নাপশ্যদ্গিরিকাং তদা। অপশ্যন্কামসংতপ্তশ্চরমাণো যদৃচ্ছয়া॥ 1-64-60 (2651) পুষ্পসংছন্নশাখাগ্রং পল্লবৈরুপশোভিতম্। অশোকস্তবকৈশ্ছন্নং রমণীয়মপশ্যত॥ 1-64-61 (2652) অধস্যাত্তস্য ছায়ায়াং সুখাসীনো নরাধিপঃ। মধুগন্ধৈশ্চ সংয়ুক্তং পুষ্পগন্ধমনোহরম্॥ 1-64-62 (2653) বায়ুনা প্রের্যমাণস্তু ধূম্রায় মুদমন্বগাৎ। `ভার্যাং চিন্তয়মানস্য মন্মথাগ্নিরবর্ধত।' তস্য রেতঃ প্রচস্কন্দ চরতো গহনে বনে॥ 1-64-63 (2654) স্কন্নমাত্রং চ তদ্রেতো বৃক্ষপত্রেণ ভূমিপঃ। প্রতিজগ্রাহ মিথ্যা মে ন পতেদ্রেত ইত্যুত॥ 1-64-64 (2655) `অঙ্গুলীয়েন শুক্লস্য রক্ষাং চ বিদধে নৃপঃ। অশোকস্তবকৈ রক্তৈঃ পল্লবৈশ্চাপ্যবন্ধয়ৎ॥' 1-64-65 (2656) ইদং মিথ্যা পরিস্কন্নং রেতো মে ন ভবেদিতি। ঋতুশ্চ তস্যাঃ পত্ন্যা মে ন মোঘঃ স্যাদিতি প্রভুঃ॥ 1-64-66 (2657) সংচিন্ত্যৈবং তদা রাজা বিচার্য চ পুনঃপুনঃ। অমোঘৎবং চ বিজ্ঞায় রেতসো রাজসত্তমঃ॥ 1-64-67 (2658) শুক্রপ্রস্থাপনে কালং মহিষ্যা প্রসমীক্ষ্য বৈ। অভিমন্ত্র্যাথ তচ্ছুক্রমারাত্তিষ্ঠন্তমাশুগম্॥ 1-64-68 (2659) সূক্ষ্মধর্মার্থতত্ৎবজ্ঞো গৎবা শ্যেনং ততোঽব্রবীৎ। মৎপ্রিয়ার্থমিদং সৌম্য শুক্রং মম গৃহং নয়॥ 1-64-69 (2660) গিরিকায়াঃ প্রয়চ্ছাশু তস্যা হ্যার্তবমদ্য বৈ। 1-64-70 (2661) বৈশম্পায়ন উবাচ। গৃহীৎবা তত্তদা শ্যেনস্তূর্ণমুৎপত্য বেগবান্॥ 1-64-70x (305) জবং পরমমাস্থায় প্রদুদ্রাব বিহংগমঃ। তমপশ্যদথায়ান্তং শ্যেনং শ্যেনস্তথাঽপরঃ॥ 1-64-71 (2662) অভ্যদ্রবচ্চ তং সদ্যো দৃষ্ট্বৈবামিষশঙ্কয়া। তুণ্ডয়ুদ্ধমথাকাশে তাবুভৌ সংপ্রচক্রতুঃ॥ 1-64-72 (2663) যুদ্ধ্যতোরপতদ্রেতস্তচ্চাপি যমুনাম্ভসি। তত্রাদ্রিকেতি বিখ্যাতা ব্রহ্মশাপাদ্বরাপ্সরা॥ 1-64-73 (2664) মীনভাবমনুপ্রাপ্তা বভূব যমুনাচরী। শ্যেনপাদপরিভ্রষ্টং তদ্বীর্যমথ বাসবম্॥ 1-64-74 (2665) জগ্রাহ তরসোপেত্য সাঽদ্রিকা মৎস্যরূপিণী। কদাচিদপি মৎসীং তাং ববন্ধুর্মৎস্যজীবিনঃ॥ 1-64-75 (2666) মাসে চ দশমে প্রাপ্তে তদা ভরতসত্তম॥ উজ্জহ্রুরুদরাত্তস্যাঃ স্ত্রীং পুমাংসং চ মানুষৌ॥ 1-64-76 (2667) আশ্চর্যভূতং তদ্গৎবা রাজ্ঞেঽথ প্রত্যবেদয়ন্। কায়ে মৎস্যা ইমৌ রাজন্সংভূতৌ মানুষাবিতি॥ 1-64-77 (2668) তয়োঃ পুমাংসং জগ্রাহ রাজোপরিচরস্তদা। স মৎস্যো নাম রাজাসীদ্ধার্মিকঃ সত্যসঙ্গরঃ॥ 1-64-78 (2669) সাঽপ্সরা মুক্তশাপা চ ক্ষণেন সমপদ্যত। যা পুরোক্তা ভগবতা তির্যগ্যোনিগতা শুভা॥ 1-64-79 (2670) মানুষৌ জনয়িৎবা ৎবং শাপমোক্ষমবাপ্স্যসি। ততঃ সাজনয়িৎবা তৌ বিশস্তা মৎস্যঘাতিভিঃ॥ 1-64-80 (2671) সংত্যজ্য মৎস্যরূপং সা দিব্যং রূপমবাপ্য চ। সিদ্ধর্ষিচারণপথং জগামাথ বরাপ্সরাঃ॥ 1-64-81 (2672) সা কন্যা দুহিতা তস্যা মৎস্যা মৎস্যসগন্ধিনী। রাজ্ঞা দত্তা চ দাশায় কন্যেয়ং তে ভবৎবিতি॥ 1-64-82 (2673) রূপসৎবসমায়ুক্তা সর্বৈঃ সমুদিতা গুণৈঃ। সা তু সত্যবতী নাম মৎস্যঘাত্যভিসংশ্রয়াৎ॥ 1-64-83 (2674) আসীৎসা মৎস্যগন্ধৈব কংচিৎকালং শুচিস্মিতা। শুশ্রূষার্থং পিতুর্নাবং বাহয়ন্তীং জলে চ তাম্॥ 1-64-84 (2675) তীর্থয়াত্রাং পরিক্রামন্নপশ্যদ্বৈ পরাশরঃ। অতীব রূপসংপন্নাং সিদ্ধানামপি কাঙ্ক্ষিতাম্॥ 1-64-85 (2676) দৃষ্ট্বৈব স চ তাং ধীমাংশ্চকমে চারুহাসিনীম্। দিব্যাং তাং বাসবীং কন্যাং রম্ভোরূং মুনিপুঙ্গবঃ॥ 1-64-86 (2677) সংভবং চিন্তয়িৎবা তাং জ্ঞাৎবা প্রোবাচ শক্তিজঃ। ক্ব কর্ণধারো নৌর্যেন নীয়তে ব্রূহি ভামিনি॥ 1-64-87 (2678) মৎস্যগন্ধোবাচ। 1-64-88x (306) অনপত্যস্য দাশস্য সুতা তৎপ্রিয়কাম্যযা। সহস্রজনসংপন্না নৌর্ময়া বাহ্যতে দ্বিজ॥ 1-64-88 (2679) পরাশর উবাচ। 1-64-89x (307) শোভনং বাসবি শুভে কিং চিরায়সি বাহ্যতাম্। কলশং ভবিতা ভদ্রে সহস্রার্ধেন সংমিতম্॥ 1-64-89 (2680) অহং শেষো ভিবিষ্যামি নীয়তামচিরেণ বৈ। 1-64-90 (2681) বৈশম্পায়ন উবাচ। মৎস্যগন্ধা তথেত্যুক্ৎবা নাবং বাহয়তাং জলে॥ 1-64-90x (308) বীক্ষমাণং মুনিং দৃষ্ট্বা প্রোবাচেদং বচস্তদা। মৎস্যগন্ধেতি মামাহুর্দাশরাজসুতাং জনাঃ॥ 1-64-91 (2682) জন্ম শোকাভিতপ্তায়াঃ কথং জ্ঞাস্যসি কথ্যতাম্। 1-64-92 (2683) পরাশর উবাচ। দিব্যজ্ঞানেন দৃষ্টং হি দৃষ্টমাত্রেণ তে বপুঃ॥ 1-64-92x (309) প্রণয়গ্রহণার্থায় বক্ষ্যেব বাসবি তচ্ছৃণু। বর্হিষদ ইতি খ্যাতাঃ পিতরঃ সোমপাস্তুতে॥ 1-64-93 (2684) তেষাং ৎবং মানসী কন্যা অচ্ছোদা নাম বিশ্রুতা। অচ্ছোদং নাম তদ্দিব্যং সরো যস্মাৎসমুত্থিতম্॥ 1-64-94 (2685) ৎবয়া ন দৃষ্টপূর্বাস্তু পিতরস্তে কদাচন। সংভূতা মনসা তেষাং পিতৄন্স্বান্নাভিজানতী॥ 1-64-95 (2686) সা ৎবন্যং পিতরং বব্রে স্বানতিক্রম্য তান্পিতৄন্। নাম্না বসুরিতি খ্যাতং মনুপুত্রং দিবি স্থিতম্॥ 1-64-96 (2687) অদ্রিকাঽপ্সরসা যুক্তং বিমানে দিবি বিষ্ঠিতম্। সা তেন ব্যভিচারেণ মনসা কামচারিণী॥ 1-64-97 (2688) পিতরং প্রার্থয়িৎবাঽন্যং যোগাদ্ভষ্টা পপাত সা। অপশ্যৎপতমানা সা বিমানত্রয়মন্তিকাৎ॥ 1-64-98 (2689) ত্রসরেণুপ্রমাণাংস্তাংস্তত্রাপশ্যৎস্বকান্পিতৄন্। সুসূক্ষ্মানপরিব্যক্তানঙ্গৈরঙ্গেষ্বিবাহিতান্॥ 1-64-99 (2690) তাতেতি তানুবাচার্তা পতন্তী সা হ্যধোমুখী। তৈরুক্তা সা তু মাভৈষীস্তেন সা সংস্থিতা দিবি॥ 1-64-100 (2691) ততঃ প্রসাদয়ামাস স্বান্পিতৄন্দীনয়া গিরা। তামূচুঃ পিতরঃ কন্যাং ভ্রৈষ্টশ্বর্যাং ব্যতিক্রমাৎ॥ 1-64-101 (2692) ভ্রষ্টৈশ্বর্যা স্বদোষেণ পতসি ৎবং শুচিস্মিতে। যৈরারভন্তে কর্মাণি শরীরৈরিহ দেবতাঃ॥ 1-64-102 (2693) তৈরেব তৎকর্মফলং প্রাপ্নুবন্তি স্ম দেবতাঃ। মনুষ্যাস্ৎবন্যদেহেন শুভাশুভমিতি স্থিতিঃ॥ 1-64-103 (2694) সদ্যঃ ফলন্তি কর্মাণি দেবৎবে প্রেত্য মানুষে। তস্মাত্ৎবং পতসে পুত্রি প্রেত্যৎবং প্রাপ্স্যসে ফলম্॥ 1-64-104 (2695) পিতৃহীনা তু কন্যা ৎবং বসোর্হি ৎবং সুতা মতা। মৎস্যযোনৌ সমুৎপন্না সুতারাজ্ঞো ভবিষ্যসি॥ 1-64-105 (2696) অদ্রিকা মৎস্যরূপাঽভূদ্গঙ্গায়মনুসঙ্গমে। পরাশরস্য দায়াদং ৎবং পুত্রং জনয়িষ্যসি॥ 1-64-106 (2697) যো বেদমেকং ব্রহ্মর্ষিশ্চতুর্ধা বিবজিষ্যতি। মহাভিষক্সুতস্যৈব শন্তনোঃ কীর্তিবর্ধনম্॥ 1-64-107 (2698) জ্যেষ্ঠং চিত্রাঙ্গদং বীরং চিত্রবীরং চ বিশ্রুতম্। এতান্সূৎবা সুপুত্রাংস্ৎবং পুনরেব গমিষ্যসি॥ 1-64-108 (2699) ব্যতিক্রমাৎপিতৄণাং চ প্রাপ্স্যসে জন্ম কুৎসিতম্। অস্যৈব রাজ্ঞস্ৎবং কন্যা হ্যদ্রিকায়াং ভবিষ্যসি॥ 1-64-109 (2700) অষ্টাবিংশে ভবিত্রী ৎবং দ্বাপরে মৎস্যযোনিজা। এবমুক্তা পুরা তৈস্ৎবং জাতা সত্যবতী শুভা॥ 1-64-110 (2701) অদ্রিকেত্যভিবিখ্যাতা ব্রহ্মশাপাদ্বরাপ্সরা। মীনভাবমনুপ্রাপ্তা ৎবং জনিৎবা গতা দিবম্॥ 1-64-111 (2702) তস্যাং জাতাসি সা কন্যা রাজ্ঞো বীর্যেণ চৈবহি। তস্মাদ্বাসবি ভদ্রং তে যাচে বংশকরং সুতম্॥ 1-64-112 (2703) সংগমং মম কল্যাণি কুরুষ্বেত্যভ্যভাষত॥ 1-64-113 (2704) বৈশম্পায়ন উবাচ। 1-64-114x (310) বিস্ময়াবিষ্টসর্বাঙ্গী জাতিস্মরণতাং গতা। সাব্রবীৎপশ্য ভগবন্পরপারে স্থিতানৃষীন্॥ 1-64-114 (2705) আবয়োর্দৃষ্টয়োরেভিঃ কথং নু স্যাৎসমাগমঃ। এবং তয়োক্তো ভগবান্নীহারমসৃজৎপ্রভুঃ॥ 1-64-115 (2706) যেন দেশঃ স সর্বস্তু তমোভূত ইবাভবৎ। দৃষ্ট্বা সৃষ্টং তু নীহারং ততস্তং পরমর্ষিণা॥ 1-64-116 (2707) বিস্মিতা সাভবৎকন্যা ব্রীডিতা চ তপস্বিনী। 1-64-117 (2708) সত্যবত্যুবাচ। বিদ্ধি মাং ভগবন্কন্যাং সদা পিতৃবশানুগাম্॥ 1-64-117x (311) ৎবৎসংয়োগাচ্চ দুষ্যেত কন্যাভাবো মমাঽনঘ। কন্যাৎবে দূষিতে বাপি কথং শক্ষ্যে দ্বিজোত্তম॥ 1-64-118 (2709) গৃহ গন্তুমুষে চাহং ধীমন্ন স্থাতুমুৎসহে। এতৎসংচিন্ত্য ভগবন্বিধৎস্ব যদনন্তরম্॥ 1-64-119 (2710) বৈশম্পায়ন উবাচ। 1-64-119x (312) এবমুক্তবতীং তীং তু প্রীতিমানুষিসত্তমঃ। উবাচ মৎপ্রিয়ং কৃৎবা কন্যৈব ৎবং ভবিষ্যতি॥ 1-64-120 (2711) বৃণীষ্ব চ বরং ভীরুং যং ৎবমিচ্ছসি ভামিনি। বৃথা হি ন প্রসাদো মে ভূতপূর্বঃ শুচিস্মিতে॥ 1-64-121 (2712) এবমুক্তা বরং বব্রে গাত্রসৌগন্ধ্যমুত্তমম্। সচাস্যৈ ভগবান্প্রাদান্মনঃ কাঙ্ক্ষিতং প্রভুঃ॥ 1-64-122 (2713) ততো লব্ধবরা প্রীতা স্ত্রীভাবগুণভূষিতা। জগাম সহ সংসর্গমৃষিণাঽদ্ভুতকর্মণা॥ 1-64-123 (2714) তেন গন্ধবতীত্যেবং নামাস্যাঃ প্রথিতং ভুবি। তস্যাস্তু যোজনাদ্গন্ধমাজিঘ্রন্ত নরা ভুবি॥ 1-64-124 (2715) তস্যা যোজনগন্ধেতি ততো নামাপরং স্মৃতম্। ইতি সত্যবতী হৃষ্টা লব্ধ্বা বরমনুত্তমম্॥ 1-64-125 (2716) পরাশরেণ সংয়ুক্তা সদ্যো গর্ভং সুষাব সা। জজ্ঞে চ যমুনাদ্বীপে পারাশর্যঃ স বীর্যবান্॥ 1-64-126 (2717) স মাতরমনুজ্ঞাপ্য তপস্যেব মনো দধে। স্মৃতোঽহং দর্শয়িষ্যামি কৃত্যেষ্বিতি চ সোঽব্রবীৎ॥ 1-64-127 (2718) এবং দ্বৈপায়নো জজ্ঞে সত্যবত্যাং পরাশরাৎ। ন্যস্তোদ্বীপে যদ্বালস্তস্মাদ্দ্বৈপায়নঃস্মৃতঃ॥ 1-64-128 (2719) পাদাপসারিণং ধর্মং স তু বিদ্বান্যুগে যুগে। আয়ুঃ শক্তিং চ মর্ত্যানাং যুগাবস্থামবেক্ষ্যচ॥ 1-64-129 (2720) ব্রহ্মণো ব্রাহ্মণানাং চ তথানুগ্রহকাঙ্ক্ষয়া। বিব্যাস বেদান্যস্মৎস তস্মাদ্ব্যাস ইতি স্মৃতঃ॥ 1-64-130 (2721) বেদানধ্যাপয়ামাস মহাভারতপঞ্চমান্। সুমন্তুং জৈমিনিং পৈলং শুকং চৈব স্বমাত্মজম্॥ 1-64-131 (2722) প্রভুর্বরিষ্ঠো বরদো বৈশম্পায়নমেব চ। সংহিতাস্তৈঃ পৃথক্ৎবেন ভারতস্য প্রকাশিতাঃ॥ 1-64a-1a [ততো রম্যে বনোদ্দেশে দিব্যাস্তরণসংয়ুতে। 1-64a-1b বীরাসনমুপাস্থায় যোগী ধ্যানপরোঽভবৎ॥ 1-64a-2a শ্বেতপট্টগৃহে রম্যে পর্যঙ্কে সোত্তরচ্ছদে। 1-64a-2b তূষ্ণীংভূতাং তদা কন্যাং জ্বলন্তীং যোগতেজসা॥ 1-64a-3a দৃষ্ট্বা তাং তু সমাধায় বিচার্য চ পুনঃ পুনঃ। 1-64a-3b স চিন্তয়ামাস মুনিঃ কিং কৃতং সুকৃতং ভবেৎ॥ 1-64a-4a শিষ্টানাং তু সমাচারঃ শিষ্টাচার ইতি স্মৃতঃ। 1-64a-4b শ্রুতিস্মৃতিবিদো বিপ্রা ধর্মজ্ঞা জ্ঞানিনঃ স্মৃতাঃ॥ 1-64a-5a ধর্মজ্ঞৈর্বিহিতো ধর্মঃ শ্রৌতঃ স্মার্তো দ্বিধা দ্বিজৈঃ। 1-64a-5b দানাগ্নিহোত্রমিজ্যা চ শ্রৌতস্যৈতদ্ধি লক্ষণম্॥ 1-64a-6a স্মার্তো বর্ণাশ্রমাচারো যমৈশ্চ নিয়মৈর্যুতঃ। 1-64a-6b ধর্মে তু ধারণে ধাতুঃ সহৎবে চাপি পঠ্যতে॥ 1-64a-7a তত্রেষ্টফলভাগ্ধর্ম আচার্যৈরুপদিশ্যতে। 1-64a-7b অনিষ্টফলভাক্রেতি তৈরধর্মোঽপি ভাষ্যতে॥ 1-64a-8a তস্মাদিষ্টফলার্থায় ধর্মমেব সমাশ্রয়েৎ। 1-64a-8b ব্রাহ্মো দৈবস্তথৈবার্ষঃ প্রাজাপত্যশ্চ ধার্মিকঃ॥ 1-64a-9a বিবাহা ব্রাহ্মণানাং তু গান্ধর্বো নৈব ধার্মিকঃ। 1-64a-9b ত্রিবর্ণেতরজাতীনাং গান্ধর্বাসুররাক্ষসাঃ॥ 1-64a-10a পৈশাচো নৈব কর্তব্যঃ পৈশাচশ্চাষ্টমোঽধমঃ। 1-64a-10b সামর্ষাং ব্যঙ্গিকাং কন্যাং মাতুশ্চ কুলজাং তথা॥ 1-64a-11a বৃদ্ধাং প্রব্রাজিতাং বন্ধ্যাং পতিতাং চ রজস্বলাম্। 1-64a-11b অপস্মারকুলে জাতাং পিঙ্গলাংকুষ্ঠিনীং ব্রণীম্॥ 1-64a-12a ন চাস্নাতাং স্ত্রিয়ং গচ্ছেদিতি ধর্মানুশাসনম্। 1-64a-12b পিতা পিতামহো ভ্রাতা মাতা মাতুল এব চ॥ 1-64a-13a উপাধ্যায়র্ৎবিজশ্চৈব কন্যাদানে প্রভূত্তমাঃ। 1-64a-13b এতৈর্দত্তাং নিষেবেত নাদত্তামাদদীত চ॥ 1-64a-14a ইত্যেব ঋষয়ঃ প্রাহুর্বিবাহে ধর্মবিত্তমাঃ। 1-64a-14b অস্যা নাস্তি পিতা ভ্রাতা মাতা মাতুল এব চ॥ 1-64a-15a গান্ধর্বেণ বিবাহেন ন স্পৃশামি যদৃচ্ছয়া। 1-64a-15b ক্রিয়াহীনং তু গান্ধর্বং ন কর্তব্যমনাপদি॥ 1-64a-16a যদস্যাং জায়তে পুত্রো বেদব্যাসো ভবেদৃষিঃ। 1-64a-16b ক্রিয়াহীনঃ কথং বিপ্রো ভবেদৃষিরুদারধীঃ॥ 1-64a-17x বৈশম্পায়ন উবাচ। 1-64a-17a এবং চিন্তয়তো ভাবং মহর্ষের্ভাবিতাত্মনঃ। 1-64a-17b জ্ঞাৎবা চৈবাভ্যবর্তন্ত পিতরো বর্হিষস্তদা॥ 1-64a-18a তস্মিন্ক্ষণে ব্রহ্মপুত্রো বসিষ্ঠোঽপি সমেয়িবান্। 1-64a-18b পূর্বং স্বাগতমিত্যুক্ৎবা বসিষ্ঠঃ প্রত্যভাষত॥ 1-64a-19x পিতৃগণা ঊচুঃ। 1-64a-19a অস্মাকং মানসীং কন্যামস্মচ্ছাপেন বাসবীম্। 1-64a-19b যদিচচ্ছশি পুত্রার্থং কন্যাং গৃহ্মীষ্বমা চিরম্॥ 1-64a-20a পিতৄণাং বচনং শ্রুৎবা বসিষ্ঠঃ প্রত্যভাষত। 1-64a-20b মহর্ষীণাং বচঃ সত্যং পুরাণেপি ময়া শ্রুতম্॥ 1-64a-21a পরাশরো ব্রহ্মচারী প্রজার্থী মম বংশধৃৎ। 1-64a-21b এবং সংভাষমাণে তু বসিষ্ঠে পিতৃভিঃ সহ॥ 1-64a-22a ঋষয়োঽভ্যাগমংস্তত্র নৈমিশারণ্যবাসিনঃ। 1-64a-22b বিবাহং দ্রষ্টুমিচ্ছন্তঃ শক্তিপুত্রস্য ধীমতঃ॥ 1-64a-23a অরুন্ধতী মহাভাগা অদৃশ্যন্ত্যা সহৈব সা। 1-64a-23b বিশ্বকর্মকৃতাং দিব্যাং পর্ণশালাং প্রবিশ্য সা॥ 1-64a-24a বৈবাহিকাংস্তু সংভারান্সংকল্প্য চ যথাক্রমম্। 1-64a-24b অরুন্ধতী সত্যবতীং বধূং সংগৃহ্য পাণিনা॥ 1-64a-25a ভদ্রাসনে প্রতিষ্ঠাপ্য ইন্দ্রাণীং সমকল্পয়ৎ। 1-64a-25b আপূর্যমাণপক্ষে তু বৈশাখে সোমদৈবতে॥ 1-64a-26a শুভগ্রহে ত্রয়োদশ্যাং মুহূর্তে মৈত্র আগতে। 1-64a-26b বিবাহকাল ইত্যুক্ৎবা বসিষ্ঠো মুনিভিঃ সহ॥ 1-64a-27a যমুনাদ্বীপমাসাদ্য শিষ্যৈশ্চ মুনিপঙ্ক্তিভিঃ। 1-64a-27b স্থণ্ডিলং চতুরশ্রং চ গোময়েনোপলিপ্য চ॥ 1-64a-28a অক্ষতৈঃ ফলপুষ্পৈশ্চ স্বস্তিকৈরাম্রপল্লবৈঃ। 1-64a-28b জলপূর্ণঘটৈশ্চৈব সর্বতঃ পরিশোভিতম্॥ 1-64a-29a তস্য মধ্যে প্রতিষ্ঠাপ্য বৃস্যাং মুনিবরং তদা। 1-64a-29b সিদ্ধার্থয়বকল্কৈশ্চ স্নাতং সর্বৌষধৈরপি॥ 1-64a-30a কৃৎবার্জুনানি বস্ত্রাণি পরিধাপ্য মহামুনিম্। 1-64a-30b বাচয়িৎবা তু পুণ্যাহমক্ষতৈস্তু সমর্চিতঃ॥ 1-64a-31a গন্ধানুলিপ্তঃ স্রগ্বী চ সপ্রতোদো বধূগৃহে। 1-64a-31b অপদাতিস্ততো গৎবা বধূজ্ঞাতিভিরর্চিতঃ॥ 1-64a-32a স্নাতামহতসংবীতাং গন্ধলিপ্তাং স্রগুজ্জ্বলাম্। 1-64a-32b বধূং মঙ্গলসংয়ুক্তামিষুহস্তাং সমীক্ষ্য চ॥ 1-64a-33a উবাচ বচনং কালে কালজ্ঞঃ সর্বধর্মবিৎ। 1-64a-33b প্রতিগ্রহো দাতৃবশঃ শ্রুতমেবং ময়া পুরা॥ 1-64a-34a যথা বক্ষ্যন্তি পিতরস্তৎকরিষ্যামহে বয়ম্। 1-64a-34x বৈশম্পায়ন উবাচ। 1-64a-34b তদ্ধর্মিষ্ঠং যশস্যং চ বচনং সত্যবাদিনঃ॥ 1-64a-35a শ্রুৎবা তু পিতরঃ সর্বে নিঃসঙ্গা নিষ্পরিগ্রহাঃ। 1-64a-35b বসুং পরমধর্মিষ্ঠমানীয়েদং বচোঽব্রুবন্॥ 1-64a-36a মৎস্যযোনৌ সমুৎপন্না তব পুত্রী বিশেষতঃ। 1-64a-36b পরাশরায় মুনয়ে দাতুমর্হসি ধর্মতঃ॥ 1-64a-37x বসুরুবাচ। 1-64a-37a সত্যং মম সুতা সা হি দাশরাজেন বর্ধিতা। 1-64a-37b অহং প্রভুঃ প্রদানে তু প্রজাপালঃ প্রজার্থিনাম্॥ 1-64a-38x পিতর ঊচুঃ। 1-64a-38a নিরাশিষো বয়ং সর্বে নিঃসঙ্গা নিষ্পরিগ্রহাঃ। 1-64a-38b কন্যাদানেন সংবন্ধো দক্ষিণাবন্ধ উচ্যতে॥ 1-64a-39a কর্মভূমিস্তু মানুষ্যং ভোগভূমিস্ত্রিবিষ্টপম্। 1-64a-39b ইহ পুণ্যকৃতো যান্তি স্বর্গলোকং ন সংশয়ঃ॥ 1-64a-40a ইহ লোকে দুষ্কৃতিনো নরকং যান্তি নির্ঘৃণাঃ। 1-64a-40b দক্ষিণাবন্ধ ইত্যুক্তে উভে সুকৃতদুষ্কৃতে॥ 1-64a-41a দক্ষিণাবন্ধসংয়ুক্তা যোগিনঃ প্রপতন্তি তে। 1-64a-41b তস্মান্নো মানসীং কন্যাং যোগাদ্ভ্রষ্টাং বিশাপতে॥ 1-64a-42a সুতাৎবং তব সংপ্রাপ্তাং সতীং ভিক্ষাং দদস্ব বৈ। 1-64a-42b ইত্যুক্ৎবা পিতরঃ সর্বে ক্ষণাদন্তর্হিতাস্তদা॥ 1-64a-43x বৈশম্পায়ন উবাচ। 1-64a-43a যাজ্ঞবল্ক্যং সমাহূয় বিবাহাচার্যমিত্যুত। 1-64a-43b বসুং চাপি সমাহূয় বসিষ্ঠো মুনিভিঃ সহ॥ 1-64a-44a বিবাহং কারয়ামাস বিধিদৃষ্টেন কর্মণা। 1-64a-44x বসুরুবাচ। 1-64a-44b পরাশর মহাপ্রাজ্ঞ তব দাস্যাম্যহং সুতাম্॥ 1-64a-45a প্রতীচ্ছ চৈনাং ভদ্রং তে পাণিং গৃহ্ণীষ্ব পাণিনা। 1-64a-45x বৈশম্পায়ন উবাচ। 1-64a-45b বসোস্তু বচনং শ্রুৎবা যাজ্ঞবল্ক্যমতে স্থিতঃ॥ 1-64a-46a কৃতকৌতুকমঙ্গল্যঃ পাণিনা পাণিমস্পৃশৎ। 1-64a-46b প্রভূতাজ্যেন হবিষা হুৎবা মন্ত্রৈর্হুতাশনম্॥ 1-64a-47a ত্রিরগ্নিং তু পরিক্রম্য সমভ্যর্চ্য হুতাশনম্। 1-64a-47b মহর্ষীন্যাজ্ঞবল্ক্যাদীন্দক্ষিণাভিঃ প্রতর্প্যচ॥ 1-64a-48a লব্ধানুজ্ঞোঽভিবাদ্যাশু প্রদক্ষিণমথাকরোৎ। 1-64a-48b পরাশরে কৃতোদ্বাহে দেবাঃ সর্পিগণাস্তদা॥ 1-64a-49a হৃষ্টা জগ্মুঃ ক্ষণাদেব বেদব্যাসো ভবৎবিতি। 1-64a-49b এবং সত্যবতী হৃষ্টা পূজাং লব্ধ্বা যথেষ্টতঃ॥ 1-64a-50a পরাশরেণ সংয়ুক্তা সদ্যো গর্ভং সুষাব সা। 1-64a-50b জজ্ঞে চ যমুনাদ্বীপে পারাশর্যঃ স বীর্যবান্॥ 1-64a-51a জাতমাত্রঃ স ববৃধে সপ্তবর্ষোঽভবত্তদা। 1-64a-51b স্নাৎবাভিবাদ্য পিতরং তস্থৌ ব্যাসঃ সমাহিতঃ॥ 1-64a-52a স্বস্তীতি বচনং চোক্ৎবা দদৌ কলশমুত্তমম্। 1-64a-52b গৃহীৎবা কলশং প্রাপ্তে তস্থৌ ব্যাসঃ সমাহিতঃ॥ 1-64a-53a ততো দাশভয়াৎপত্নী স্নাৎবা কন্যা বভূব সা। 1-64a-53b অভিবাদ্য মুনেঃ পাদৌ পুত্রং জগ্রাহ পাণিনা॥ 1-64a-54a স্পৃষ্টমাত্রে তু নির্ভর্ৎস্য মাতরং বাক্যমব্রবীৎ। 1-64a-54b মম পিত্রা তু সংস্পর্শান্মাতস্ৎবমভবঃ শুচিঃ॥ 1-64a-55a অদ্য দাশসুতা কন্যা ন স্পৃশের্মামনিন্দিতে। 1-64a-55x বৈশম্পায়ন উবাচ। 1-64a-55b ব্যাসস্য বচনং শ্রুৎবা বাষ্পপূর্ণমুখী তদা॥ 1-64a-56a মনুষ্যভাবাৎসা যোষিৎপপাত মুনিপাদয়োঃ। 1-64a-56b মহাপ্রসাদো ভগবান্পুত্রং প্রোবাচ ধর্মবিৎ॥ 1-64a-57a মা ৎবমেবংবিধং কার্ষীর্নৈতদ্ধর্ম্যং মতং হি নঃ। 1-64a-57b দূষ্যৌ ন মাতাপিতরৌ তথা পূর্বোপকারিণৌ॥ 1-64a-58a ধারণাদ্দুঃখসহনাত্তয়োর্মাতা গরীয়সী। 1-64a-58b বীজক্ষেত্রসমায়োগে সস্যং জায়েত লৌকিকম্॥ 1-64a-59a জায়তে চ সুতস্তদ্বৎপুরুষস্ত্রীসমাগমে। 1-64a-59b মৃগীণাং পক্ষিণাং চৈব অপ্সরাণাং তথৈব চ॥ 1-64a-60a শূদ্রয়োন্যাং চ জায়ন্তে মুনয়ো বেদপারগাঃ। 1-64a-60b ঋষ্যশৃঙ্গো মৃগীপুত্রঃ কণ্বো বর্হিসুতস্তথা॥ 1-64a-61a অগস্ত্যশ্চ বসিষ্ঠশ্চ উর্বশ্যাং জনিতাবুভৌ। 1-64a-61b সোমশ্রবাস্তু সর্প্যাং তু অশ্বিনাবশ্বিসংভবৌ॥ 1-64a-62a স্কন্দঃ স্কন্নেন শুক্লেন জাতঃ শরবণে পুরা। 1-64a-62b এবমেব চ দেবানামৃষীমাং চৈব সংভবঃ॥ 1-64a-63a লোকবেদপ্রবৃত্তির্হি ন মীমাংস্যা বুধৈঃ সদা। 1-64a-63b বেদব্যাস ইতি প্রোক্তঃ পুরাণে চ স্বয়ংভুবা॥ 1-64a-64a ধর্মনেতা মহর্ষীণাং মনুষ্যাণাং ৎবমেব চ। 1-64a-64b তস্মাৎপুত্র ন দূষ্যেত বাসবী যোগচারিণী॥ 1-64a-65a মৎপ্রীত্যর্থং মহাপ্রাজ্ঞ সস্নেহং বক্তুমর্হসি। 1-64a-65b প্রজাহিতার্থং সংভূতো বিষ্ণোর্ভাগো মহানৃষিঃ॥ 1-64a-66a তস্মাৎস্বমাতরং স্নেহাৎপ্রববীহি তপোধন। 1-64a-66x বৈশম্পায়ন উবাচ। 1-64a-66b গুরোর্বচনমাজ্ঞায় ব্যাসঃ প্রীতোঽভবত্তদা॥ 1-64a-67a চিন্তয়িৎবা লোকবৃত্তং মাতুরঙ্কমথাবিশৎ। 1-64a-67b পুত্রস্পর্শাত্তু লোকেষু নান্যৎসুখমতীব হি॥ 1-64a-68a ব্যাসং কমলপত্রাক্ষং পরিষ্বজ্যাশ্র্ববর্তয়ৎ। 1-64a-68b স্তন্যাসারৈঃ ক্লিদ্যমানা পুত্রমাঘ্রায় মূর্ধনি॥ 1-64a-69x বাসব্যুবাচ। 1-64a-69a পুত্রলাভাৎপরং লোকে নাস্তীহ প্রসবার্থিনাম্। 1-64a-69b দুর্লভং চেতি মন্যেঽহং ময়া প্রাপ্তং মহত্তপঃ॥ 1-64a-70a মহতা তপসা তাত মহায়োগবলেন চ। 1-64a-70b ময়া ৎবং হি মহাপ্রাজ্ঞ লব্ধোঽমৃতমিবামরৈঃ॥ 1-64a-71a তস্মাত্ৎবং মামৃষেঃ পুত্র ত্যক্তুং নার্হসি সাংপ্রতম্। 1-64a-71x বৈশম্পায়ন উবাচ। 1-64a-71b এবমুক্তস্ততঃ স্নেহাদ্ব্যাসো মাতরমব্রবীৎ॥ 1-64a-72a ৎবয়া স্পৃষ্টঃ পরিষ্বক্তো মূর্ধ্নি চাঘ্রায়িতো মুহুঃ। 1-64a-72b এতাবন্মাত্রয়া প্রীতো ভবিষ্যেষু নৃপাত্মজে॥ 1-64a-73a স্মৃতোঽহং দর্শয়িষ্যামি কৃত্যেষ্বিতি চ সোঽব্রবীৎ। 1-64a-73b স মাতরমনুজ্ঞাপ্য তপস্যেব মনো দধে॥ 1-64a-74a ততঃ কন্যামনুজ্ঞায় পুনঃ কন্যা ভবৎবিতি। 1-64a-74b পরাশরোঽপি ভগবান্পুত্রেণ সহিতো যয়ৌ॥ 1-64a-75a গৎবাশ্রমপদং পুম্যমদৃশ্যন্ত্যা পরাশরঃ। 1-64a-75b জাতকর্মাদিসংস্কারং কারয়ামাস ধর্মতঃ॥ 1-64a-76a কৃতোপনয়নো ব্যাসো যাজ্ঞবল্ক্যেন ভারত। 1-64a-76b বেদানধিজগৌ সাঙ্গানোঙ্কারেণ ত্রিমাত্রয়া॥ 1-64a-77a গুরবে দক্ষিণাং দত্ৎবা তপঃ কর্তুং প্রচক্রমে। 1-64a-77b এবং দ্বৈপায়নো জজ্ঞে সত্যবত্যাং পরাশরাৎ॥ 1-64a-78a দ্বীপ ন্যস্তঃ স যদ্বালস্তস্মাদ্দ্বৈপায়নোঽভবৎ। 1-64a-78b পাদাপসারিণং ধর্মং বিদ্বান্স তু যুগে যুগে॥ 1-64a-79a আয়ুঃ শক্তিং চ মর্ত্যানাং যুগাদ্যুগমবেক্ষ্য চ। 1-64a-79b ব্রহ্মর্ষির্ব্রাহ্মণানাং চ তথাঽনুগ্রহকাঙ্ক্ষয়া॥ 1-64a-80a বিব্যাস বেদান্যস্মাচ্চ বেদব্যাস ইতি স্মৃতঃ। 1-64a-80b ততঃ স মহর্ষির্বিদ্বাঞ্শিষ্যানাহূয় ধর্মতঃ॥ 1-64a-81a সুমন্তুং জৈমিনিং পৈলং শুকং চৈব স্বমাত্মজম্। 1-64a-81b প্রভুর্বরিষ্ঠো বরদো বৈশম্পায়নমেব চ॥ 1-64a-82a বেদানধ্যাপয়ামাস মহাভারতপঞ্চমান্। 1-64a-82b সংহিতাস্তৈঃ পৃথক্ৎবেন ভারতস্য প্রকীর্তিতা॥ 1-64a-83a ততঃ সত্যবতী হৃষ্টা জগাম স্বং নিবেশনম্। 1-64a-83b তস্যাস্তু যোজনাদ্গন্ধমাজিঘ্রন্তি নরা ভুবি॥ 1-64a-84a দাশরাজস্তু তদ্গন্ধমাজিঘ্রন্পীতিমাবহৎ। 1-64a-84x দাশরাজ উবাচ। 1-64a-84b ৎবামাহুর্মৎস্যগন্ধেতি কথং বালে সুগন্ধতা॥ 1-64a-85a অপাস্য মৎস্যগন্ধৎবং কেন দত্তা সুগন্ধতা 1-64a-85x সত্যবত্যুবাচ। 1-64a-85b শক্তে- পুত্রো মহাপ্রাজ্ঞঃ পরাশর ইতি শ্রুতঃ॥ 1-64a-86a নাবং বাহয়মানায়া মম দৃষ্ট্বাং সুশিক্ষিতম্। 1-64a-86b উপাস্য মৎস্যগন্ধৎবং যোজনাদ্গন্ধতাং দদৌ॥ 1-64a-87a ঋষেঃ প্রসাদং দৃষ্ট্বা তু জনাঃ প্রীতিমুপাগমন্। 1-64a-87b এবং লব্ধো ময়া গন্ধো ন রোষং কর্তুমর্হসি॥ 1-64a-88a দাশরাজস্তু তদ্বাক্যং প্রশশংস ননন্দ চ। 1-64a-88b এতৎপবিত্রং পুণ্যং চ ব্যাসসমবমুত্তমম্। 1-64a-88c ইতিহাসমিমং শ্রুৎবা প্রজাবন্তো ভবন্তি চ॥ 1-64-132 (2723) তথা ভীষ্মঃ শান্তনবো গঙ্গায়ামমিতদ্যুতিঃ। বসুবীর্যাৎসমভবন্মহাবীর্যো মহায়শাঃ॥ 1-64-133 (2724) বৈদার্থবিচ্চ ভগবানৃষির্বিপ্রো মহায়শাঃ। শূলে প্রোতঃ পুরাণর্ষিরচোরশ্চোরশঙ্কয়া॥ 1-64-134 (2725) অণীমাণ্ডব্য ইত্যেবং বিখ্যাতঃ স মহায়শাঃ। স ধর্মমাহূয় পুরা মহর্ষিরিদমুক্তবান্॥ 1-64-135 (2726) ইষীকয়া ময়া বাল্যাদ্বিদ্ধা হ্যেকা শকুন্তিকা। তৎকিল্বিষং স্মরে ধর্ম নান্যৎপাপমহং স্মরে॥ 1-64-136 (2727) তন্মে সহস্রমমিতং কস্মান্নেহাজয়ত্তপঃ। গরীয়ান্ব্রাহ্মণবধঃ সর্বভূতবধাদ্যতঃ॥ 1-64-137 (2728) তস্মাত্ৎবং কিল্বিষাদস্মাচ্ছূদ্রয়োনৌ জনিষ্যসি। 1-64-138 (2729) বৈশম্পায়ন উবাচ। তেন শাপেন ধর্মোঽপি শূদ্রয়োনাবজায়ত॥ 1-64-138x (313) বিদ্বান্বিদুররূপেণ ধার্মিকঃ কিল্বিষাত্ততঃ। সংজয়ো মুনিকল্পস্তু জজ্ঞে সূতো গবল্গণাৎ॥ 1-64-139 (2730) সূর্যাচ্চ কুন্তিকন্যায়াং জজ্ঞে কর্ণো মহাবলঃ। সহজং কবচং বিভ্রৎকুণ্ডলোদ্যোতিতাননঃ॥ 1-64-140 (2731) অনুগ্রহার্থং লোকানাং বিষ্ণুর্লোকনমস্কৃতঃ। বসুদেবাত্তু দেবক্যাং প্রাদুর্ভূতো মহায়শাঃ॥ 1-64-141 (2732) অনাদিনিধনো দেবঃ স কর্তা জগতঃ প্রভুঃ। অব্যক্তমক্ষরং ব্রহ্ম প্রধানং ত্রিগুণাত্মকম্॥ 1-64-142 (2733) আত্মানমব্যযং চৈব প্রকৃতিং প্রভবং প্রভুম্। পুরুষং বিশ্বকর্মাণং সৎবয়োগং ধ্রুবাক্ষরম্॥ 1-64-143 (2734) অনন্তমচলং দেবং হংসং নারায়ণং প্রভুম্। ধাতারমজমব্যক্তং যমাহুঃ পরমব্যযম্॥ 1-64-144 (2735) কৈবল্যং নির্গুণং বিশ্বমনাদিমজমব্যযম্। পুরুষঃ স বিভুঃ কর্তা সর্বভূতপিতামহঃ॥ 1-64-145 (2736) ধর্মসংস্থাপনার্থায় প্রজজ্ঞেঽন্ধকবৃষ্ণিষু। অস্ত্রজ্ঞৌ তু মহাবীর্যৌ সর্বশাস্ত্রবিশারদৌ॥ 1-64-146 (2737) সাত্যকিঃ কৃতবর্মা চ নারায়ণমনুব্রতৌ। সত্যকাদ্ধৃদিকাচ্চৈব জজ্ঞাতেঽস্ত্রবিশারদৌ॥ 1-64-147 (2738) ভরদ্বাজস্য চ স্কন্নং দ্রোণ্যাং শুক্রমবর্ধত। সহর্ষেরুগ্রতপসস্তস্মাদ্দ্রোণো ব্যজায়ত॥ 1-64-148 (2739) গৌতমান্মিথুনং জজ্ঞে শরস্তম্বাচ্ছরদ্বতঃ। অশ্বত্থাম্নশ্চ জননী কৃপশ্চৈব মহাবলঃ॥ 1-64-149 (2740) অশ্বত্থামা ততো জজ্ঞে দ্রোণাদেব মহাবলঃ। তথৈব ধৃষ্টদ্যুম্নোঽপি সাক্ষাদগ্নিসমদ্যুতিঃ॥ 1-64-150 (2741) বৈতানে কর্মণি ততে পাবকাৎসমজায়ত। বীরো দ্রোণবিনাশায় ধনুরাদায় বীর্যবান্॥ 1-64-151 (2742) তথৈব বেদ্যাং কৃষ্ণাপি জজ্ঞে তেজস্বিনী শুভা। বিভ্রাজমানা বপুষা বিভ্রতী রূপমুত্তমম্॥ 1-64-152 (2743) প্রহ্রাদশিষ্যো নগ্নজিৎসুবলশ্চাভবত্ততঃ। তস্য প্রজা ধর্মহন্ত্রী জজ্ঞে দেবপ্রকোপনাৎ॥ 1-64-153 (2744) গান্ধাররাজপুত্রোঽভূচ্ছকুনিঃ সৌবলস্তথা। দুর্যোধনস্য জননী জজ্ঞাতেঽর্থবিশারদৌ॥ 1-64-154 (2745) কৃষ্ণদ্বৈপায়নাজ্জজ্ঞে ধৃতরাষ্ট্রো জনেশ্বরঃ। ক্ষেত্রে বিচিত্রবীর্যস্য পাণ্ডুশ্চৈব মহাবলঃ॥ 1-64-155 (2746) ধর্মার্থকুশলো ধীমান্মেধাবী ধূতকল্মষঃ। বিদুরঃ শূদ্রয়োনৌ তু জজ্ঞে দ্বৈপায়নাদপি॥ 1-64-156 (2747) পাণ্ডোস্তু জজ্ঞিরে পঞ্চ পুত্রা দেবসমাঃ পৃথক্। দ্বয়োঃ স্ত্রিয়োর্গুণজ্যেষ্ঠস্তেষামাসীদ্যুধিষ্ঠিরঃ॥ 1-64-157 (2748) ধর্মাদ্যুধিষ্ঠিরো জজ্ঞে মারুতাচ্চ বৃকোদরঃ। ইন্দ্রাদ্ধনংজয়ঃ শ্রীমান্সর্বশস্ত্রভৃতাং বরঃ॥ 1-64-158 (2749) জজ্ঞাতে রূপসংপন্নাবশ্বিভ্যাং চ যমাবপি। নকুলঃ সহদেবশ্চ গুরুশুশ্রূষণে রতৌ॥ 1-64-159 (2750) তথা পুত্রশতং জজ্ঞে ধৃতরাষ্ট্রস্য ধীমতঃ। দুর্যোধনপ্রভৃতয়ো যুয়ুৎসুঃ করণস্তথা॥ 1-64-160 (2751) ততো দুঃশাসনশ্চৈব দুঃসহশ্চাপি ভারত। দুর্মর্ষণো বিকর্ণশ্চ চিত্রসেনো বিবিংশতিঃ॥ 1-64-161 (2752) জয়ঃ সত্যব্রতশ্চৈব পুরুমিত্রশ্চ ভারত। বৈশ্যাপুত্রো যুয়ুৎসুশ্চ একাদশ মহারথাঃ॥ 1-64-162 (2753) অভিমন্যুঃ সুভদ্রায়ামর্জুনাদভ্যজায়ত। স্বস্রীয়ো বাসুদেবস্য পৌত্রঃ পাণ্ডোর্মহাত্মনঃ॥ 1-64-163 (2754) পাণ্ডবেভ্যো হি পাঞ্চাল্যাং দ্রৌপদ্যাং পঞ্চ জজ্ঞিরে। কুমারা রূপসংপন্নাঃ সর্বশাস্ত্রবিশারদাঃ॥ 1-64-164 (2755) প্রতিবিন্ধ্যো যুধিষ্ঠিরাৎসুতসোমো বৃকোদরাৎ। অর্জুনাচ্ছ্রুতকীর্তিস্তু শতানীকস্তু নাকুলিঃ॥ 1-64-165 (2756) তথৈব সহদেবাচ্চ শ্রুতসেনঃ প্রতাপবান্। হিডিম্বায়াং চ ভীমেন বনে জজ্ঞে ঘটোৎকচঃ॥ 1-64-166 (2757) শিখণ্ডী দ্রুপদাজ্জজ্ঞে কন্যা পুত্রৎবভাগতা। যাং যক্ষঃ পুরুষং চক্রে স্থূমঃ প্রিয়চিকীর্ষয়া॥ 1-64-167 (2758) কুরূণাং বিগ্রহে তস্মিন্সমাগচ্ছন্বহূন্যথ। রাজ্ঞাং শতসহস্রাণি যোৎস্যমানানি সংয়ুগে॥ 1-64-168 (2759) তেষামপরিমেয়ানাং নামধেয়ানি সর্বশঃ। ন শক্যানি সমাখ্যাতুং বর্ষাণাময়ুতৈরপি। এতে তু কীর্তিতা মুখ্যা যৈরাখ্যানমিদং ততম্॥ ॥ 1-64-169 (2760) ইতি শ্রীমন্মহাভারতে আদিপর্বণি অংশাবতরণপর্বণি চতুঃষষ্টিতমোঽধ্যায়ঃ॥ 64 ॥

1-65-0 (2761) জনমেজয় উবাচ। 1-65-0x (314) য এতে কীর্তিতা ব্রহ্মন্যে চান্যে নানুকীর্তিতাঃ। সম্যক্তাঞ্শ্রোতুমিচ্ছামিরাজ্ঞশ্চান্যান্সহস্রশঃ॥ 1 ॥ 1-65-1 (2762) যদর্থমিহ সংভূতা দেবকল্পা মহারথাঃ। ভুবি তন্মে মহাভাগ সম্যগাখ্যাতুমর্হসি॥ 1-65-2 (2763) বৈশম্পায়ন উবাচ। 1-65-3x (315) রহস্যং খল্বিদং রাজন্দেবানামিতি নঃ শ্রুতম্। তত্তু তে কথয়িষ্যামি নমস্কৃৎবা স্বয়ংভুবে॥ 1-65-3 (2764) ত্রিঃসপ্তকৃৎবঃ পৃথিবীং কৃৎবা নিঃক্ষিত্রয়াং পুরা। জামদগ্ন্যস্তপস্তেপে মহেন্দ্রে পর্বতোত্তমে॥ 1-65-4 (2765) তদা নিঃক্ষত্রিয়ে লোকে ভার্গবেণ কৃতে সতি। ব্রাহ্মণান্ক্ষত্রিয়া রাজন্সুতার্থিন্যোঽভিচক্রমুঃ॥ 1-65-5 (2766) তাভিঃ সহ সমাপেতুর্ব্রাহ্মণাঃ সংশিতব্রতাঃ। ঋতাবৃতৌ নরব্যাঘ্র ন কামান্নানৃতৌ তথা॥ 1-65-6 (2767) তেভ্যশ্চ তেভিরে গর্ভং ক্ষত্রিয়াস্তাঃ সহস্রশঃ। ততঃ সুষুবিরে রাজন্ক্ষত্রিয়ান্বীর্যবত্তরান্॥ 1-65-7 (2768) কুমারাংশ্চ কুমারীশ্চ পুনঃ ক্ষত্রাভিবৃদ্ধয়ে। এবং তদ্ব্রাহ্মণৈঃ ক্ষত্রং ক্ষত্রিয়াসু তপস্বিভিঃ॥ 1-65-8 (2769) জাতং বৃদ্ধং চ ধর্মেণ সুদীর্গেণায়ুষান্বিতম্। চৎবারোঽপি ততো বর্ণা বভূবুর্ব্রাহ্মণোত্তরাঃ॥ 1-65-9 (2770) অভ্যগচ্ছন্নৃতৌ নারীং ন কামান্নানৃতৌ তথা। তথৈবান্যানি ভূতানি তির্যগ্যোনিগতান্যপি॥ 1-65-10 (2771) ঋতৌ দারাংশ্চ গচ্ছন্তি তত্তথা ভরতর্ষভ। ততোঽবর্ধন্ত ধর্মেণ সহস্রশতজীবিনঃ॥ 1-65-11 (2772) তাঃ প্রজাঃ পৃথিবীপাল ধর্মব্রতপরায়ণাঃ। আধিভির্ব্যাধিভিশ্চৈব বিমুক্তাঃ সর্বশো নরাঃ॥ 1-65-12 (2773) অথেমাং সাগরোপান্তাং গাং গজেন্দ্রগতাখিলাম্। অধ্যতিষ্ঠৎপুনঃ ক্ষত্রং সশৈলবনপত্তনাম্॥ 1-65-13 (2774) প্রশাসতি পুনঃ ক্ষত্রে ধর্মেণেমাং বসুন্ধরাম্। ব্রাহ্মণাদ্যাস্ততো বর্ণা লেভিরে মুদমুত্তমাম্॥ 1-65-14 (2775) কামক্রোধোদ্ভবান্দোষান্নিরস্য চ নরাধিপাঃ। ধর্মেণ দণ্ডং দণ্ডেষু প্রণয়ন্তোঽন্বপালয়ন্॥ 1-65-15 (2776) তথা ধর্মপরে ক্ষত্রে সহস্রাক্ষঃ শতক্রতুঃ। স্বাদু দেশে চ কালে চ ববর্ষাপ্যায়যন্প্রজাঃ॥ 1-65-16 (2777) ন বাল এব ম্রিয়তে তদা কশ্চিজ্জনাধিপ। ন চ স্ত্রিয়ং প্রজানাতি কশ্চিদপ্রাপ্তয়ৌবনাম্॥ 1-65-17 (2778) এবমায়ুষ্মতীভিস্তু প্রজাভির্ভরতর্ষভ। ইয়ং সাগরপর্যন্তা সসাপূর্যত মেদিনী॥ 1-65-18 (2779) ঈজিরে চ মহায়জ্ঞৈঃ ক্ষত্রিয়া বহুদক্ষিণৈঃ। সাঙ্গোপনিষদান্বেদান্বিপ্রাশ্চাধীয়তে তদা॥ 1-65-19 (2780) ন চ বিক্রীণতে ব্র্হম ব্রাহ্মণাশ্চ তদা নৃপ। ন চ শূদ্রসমভ্যাশে বেদানুচ্চারয়ন্ত্যুত॥ 1-65-20 (2781) কারয়ন্তঃ কৃষিং গোভিস্তথা বৈশ্যাঃ ক্ষিতাবিহ। যুঞ্জতে ধুরি নো গাশ্চ কৃশাঙ্গাংশ্চাপ্যজীবয়ন্॥ 1-65-21 (2782) ফেনপাংশ্চ তথা বৎসান্ন দুহন্তি স্ম মানবাঃ। ন কূটমানৈর্বণিজঃ পণ্যং বিক্রীণতে তদা॥ 1-65-22 (2783) কর্মাণি চ নরব্যাঘ্র ধর্মোপেতানি মানবাঃ। ধর্মমেবানুপশ্যন্তশ্চক্রুর্ধর্মপরায়ণাঃ॥ 1-65-23 (2784) স্বকর্মনিরতাশ্চাসন্সর্বে বর্ণা নরাধিপ। এবং তদা নরব্যাঘ্র ধর্মো ন হ্রসতে ক্বচিৎ॥ 1-65-24 (2785) কালে গাবঃ প্রসূয়ন্তে নার্যশ্চ ভরতর্ষভ। ভবন্ত্যৃতুষু বৃক্ষাণাং পুষ্পাণি চ ফলানি চ॥ 1-65-25 (2786) এবং কৃতয়ুগে সম্যগ্বর্তমানে তদা নৃপ। আপূর্যত মহী কৃৎস্না প্রাণিভির্বহুভির্ভৃশম্॥ 1-65-26 (2787) এবং সমুদিতে লোকে মানুষে ভরতর্ষভ। অসুরা জজ্ঞিরে ক্ষেত্রে রাজ্ঞাং তু মনুজেশ্বর॥ 1-65-27 (2788) আদিত্যৈর্হি তদা দৈত্যা বহুশো নির্জিতা যুধি। ঐশ্বর্যাদ্ধংশিতাঃ স্বর্গাৎসংবভূবুঃ ক্ষিতাবিহ॥ 1-65-28 (2789) ইহ দেবৎবমিচ্ছন্তো মানুষেষু তপস্বিনঃ। জজ্ঞিরে ভুবি ভূতেষু তেষু তেষ্বসুরা বিভো॥ 1-65-29 (2790) গোষ্বশ্বেষু চ রাজেন্দ্র খরোষ্ট্রমহিষেষু চ। ক্রব্যাৎসু চৈব ভূতেষু গজেষু চ মৃগেষু চ॥ 1-65-30 (2791) জাতৈরিহ মহীপাল জায়মানৈশ্চ তৈর্মহী। ন শশাকাত্মনাত্মানমিয়ং ধারয়িতুং ধরা॥ 1-65-31 (2792) অথ জাতা মহীপালাঃ কেচিদ্বহুমদান্বিতাঃ। দিতেঃ পুত্রা দনোশ্চৈব তদা লোকাদিহ চ্যুতাঃ॥ 1-65-32 (2793) বীর্যবন্তোঽবলিপ্তাস্তে নানারূপধরা মহীম্। ইমাং সাগরপর্যন্তাং পরীয়ুররিমর্দনাঃ॥ 1-65-33 (2794) ব্রাহ্মণান্ক্ষত্রিয়ান্বৈশ্যাঞ্শূদ্রাংশ্চৈবাপ্যপীডয়ন্। অন্যানি চৈব সৎবানি পীডয়ামাসুরোজসা॥ 1-65-34 (2795) ত্রাসয়ন্তোঽভিনিঘ্নন্তঃ সর্বভূতগণাংশ্চ তে। বিচেরুঃ সর্বশো রাজন্মহীং শতসহস্রশঃ॥ 1-65-35 (2796) আশ্রমস্থান্মহর্ষীংশ্চ ধর্ষয়ন্তস্ততস্ততঃ। অব্রহ্মণ্যা বীর্যমদা মত্তা মদবলেন চ॥ 1-65-36 (2797) এবং বীর্যবলোৎসিক্তৈর্ভূরিয়ং তৈর্মহাসুরৈঃ। পীড্যমানা মহী রাজন্ব্রহ্মাণমুপচক্রমে॥ 1-65-37 (2798) ন হ্যমী ভূতসৎবৌঘাঃ পন্নগাঃ সনগাং মহীম্। তদা ধারয়িতুং শেকুরাক্রান্তাং দানবৈর্বলাৎ॥ 1-65-38 (2799) ততো মহী মহীপাল ভারার্তা ভয়পীডিতা। জগাম শরণং দেবং সর্বভূতপিতামহম্॥ 1-65-39 (2800) সা সংবৃতং মহাভাগৈর্দেবদ্বিজমহর্ষিভিঃ। দদর্শ দেবং ব্রহ্মাণং লোককর্তারমব্যযম্॥ 1-65-40 (2801) গন্ধর্বৈরপ্সরোভিশ্চ বন্দিকর্মসু নিষ্ঠিতৈঃ। বন্দ্যমানং মুদোপতৈর্ববন্দে চৈনমেত্য সা॥ 1-65-41 (2802) অথ বিজ্ঞাপয়ামাস ভূমিস্তং শরণার্থিনী। সন্নিধৌ লোকপালানাং সর্বেষামেব ভারত॥ 1-65-42 (2803) তৎপ্রধানাত্মনস্তস্য ভূমেঃ কৃত্যং স্বয়ংভুবঃ। পূর্বমেবাভবদ্রাজন্বিদিতং পরমেষ্ঠিনঃ॥ 1-65-43 (2804) স্রষ্টা হি জগতঃ কস্মান্ন সংবুধ্যেত ভারত। সসুরাসুরলোকানামশেষেণ মনোগতম্॥ 1-65-44 (2805) তামুবাচ মহারাজ ভূমিং ভূমিপতিঃ প্রভুঃ। প্রভবঃ সর্বভূতানামীশঃ শংভুঃ প্রজাপতিঃ॥ 1-65-45 (2806) ব্রহ্মোবাচ। 1-65-46x (316) যদর্থমভিসংপ্রাপ্তা মৎসকাশং বসুন্ধরে। তদর্থং সন্নিয়োক্ষ্যামি সর্বানেব দিবৌকসঃ॥ 1-65-46 (2807) `উত্তিষ্ঠ গচ্ছ বসুধে স্বস্থানমিতি সাঽগমৎ।' 1-65-47 (2808) বৈশম্পায়ন উবাচ। ইত্যুক্ৎবা স মহীং দেবো ব্রহ্মা রাজন্বিসৃজ্য চ। আদিদেশ তদা সর্বান্বিবুধান্ভূতকৃৎস্বয়ম্॥ 1-65-47x (317) অস্যা ভূমের্নিরসিতুং ভারং ভাগৈঃ পৃথক্পৃথক্। অস্যামেব প্রসূয়ধ্বং তিরোধায়েতি চাব্রবীৎ॥ 1-65-48 (2809) তথৈব চ সমানীয় গন্ধর্বাপ্সরসাং গণান্। উবাচ ভগবান্সর্বানিদং বচনমর্থবৎ॥ 1-65-49 (2810) ব্রহ্মোবাচ। 1-65-50x (318) স্বৈঃ স্বৈরংশৈঃ প্রসূয়ধ্বং যথেষ্টং মানেষেষু চ। 1-65-50 (2811) বৈশম্পায়ন উবাচ। অথ শক্রাদয়ঃ সর্বে শ্রুৎবা সুরগুরোর্বচঃ। তথ্যমর্থ্যং চ পথ্যং চ তস্য তে জগৃহুস্তদা॥ 1-65-50x (319) অথ তে সর্বশোংশৈঃ স্বৈর্গন্তুং ভূমিং কৃতক্ষণাঃ। নারায়ণমমিত্রঘ্নং বৈকুণ্ঠমুপচক্রমুঃ॥ 1-65-51 (2812) যঃ স চক্রগদাপাণিঃ পীতবাসাঃ শিতিপ্রভঃ। পদ্মনাভঃ সুরারিঘ্নঃ পৃথুচার্বঞ্চিতেক্ষণঃ॥ 1-65-52 (2813) প্রজাপতিপতির্দেবঃ সুরনাথো মহাবলঃ। শ্রীবৎসাঙ্কো হৃষীকেশঃ সর্বদৈবতপূজিতঃ॥ 1-65-53 (2814) তং ভুবঃ শোধনায়েন্দ্র উবাচ পুরুষোত্তমম্। অংশেনাবতরেত্যেবং তথেত্যাহ চ তং হরিঃ॥ ॥ 1-65-54 (2815) ইতি শ্রীমন্মহাভারতে আদিপর্বণি অংশাবতরণপর্বণি পঞ্চষষ্টিতমোঽধ্যায়ঃ॥ 65 ॥ ॥ সমাপ্তমংশাবতরণপর্ব ॥

1-66-0 (2816) বৈশম্পায়ন উবাচ। 1-66-0x (320) অথ নারায়ণেনেন্দ্রশ্চকার সহ সংবিদম্। অবতর্তুং মহীং স্বর্গাদংশতঃ মহিতঃ সুরৈঃ॥ 1-66-1 (2817) আদিশ্য চ স্বয়ং শক্রঃ সর্বানেব দিবৌকসঃ। নির্জগাম পুনস্তস্মাৎক্ষয়ান্নারায়ণস্য হ॥ 1-66-2 (2818) তেঽমরারিবিনাশায় সর্বলোকহিতায় চ। অবতেরুঃ ক্রমেণৈব মহীং স্বর্গাদ্দিবৌকসঃ॥ 1-66-3 (2819) ততো ব্রহ্মর্ষিবংশেষু পার্থিবর্ষিকুলেষু চ। জজ্ঞিরে রাজশার্দূল যথাকামং দিবৌকসঃ॥ 1-66-4 (2820) দানবান্রাক্ষসাংশ্চৈব গন্ধর্বান্পন্নগাংস্তথা। পুরুষাদানি চান্যানি জঘ্নুঃ সৎবান্যনেকশঃ॥ 1-66-5 (2821) দানবা রাক্ষসাশ্চৈব গন্ধর্বাঃ পন্নগাস্তথা। ন তান্বলস্থান্বাল্যেঽপি জঘ্নুর্ভরতসত্তম॥ 1-66-6 (2822) জনমেজয় উবাচ। 1-66-7x (321) দেবদানবসঙ্ঘানাং গন্ধর্বাপ্সরসাং তথা। মানবানাং চ সর্বেষাং তথা বৈ যক্ষরক্ষসাম্॥ 1-66-7 (2823) শ্রোতুমিচ্ছামি তত্ৎবেন সংভবং কৃৎস্নমাদিতঃ। প্রাণিনাং চৈব সর্বেষাং সংভবং বক্তুমর্হসি॥ 1-66-8 (2824) বৈশম্পায়ন উবাচ। 1-66-9x (322) হন্ত তে কথয়িষ্যামি নমস্কৃত্য স্বয়ংভুবে। সুরাদীনামহং সম্যগ্লোকানাং প্রভবাপ্যযম্॥ 1-66-9 (2825) ব্রহ্মণো মানসাঃ পুত্রা বিদিতাঃ ষণ্মহর্ষয়ঃ। মরীচিরত্র্যহ্গিরসৌ পুলস্ত্যঃ পুলহঃ ক্রতুঃ॥ 1-66-10 (2826) মরীচেঃ কশ্যপঃ পুত্রঃ কশ্যপাত্তু ইমাঃ প্রজাঃ। প্রজজ্ঞিরে মহাভাগা দক্ষকন্যাস্ত্রয়োদশ॥ 1-66-11 (2827) অদিতির্দিতির্দনুঃ কালা দনায়ুঃ সিংহিকা তথা। ক্রোধা প্রাধা চ বিশ্বা চ বিনতা কপিলা মুনিঃ॥ 1-66-12 (2828) কদ্রূশ্চ মনুজব্যাঘ্র দক্ষকন্যৈব ভারত। এতাসাং বীর্যসংপন্নং পুত্রপৌত্রমনন্তকম্॥ 1-66-13 (2829) অদিত্যাং দ্বাদশাদিত্যাঃ সংভূতা ভুবনেশ্বরাঃ। যে রাজন্নামতস্তাংস্তে কীর্তয়িষ্যামি ভারত॥ 1-66-14 (2830) ধাতা মিত্রোঽর্যমা শক্রো বরুণস্ৎবংশ এব চ। ভগো বিবস্বান্পূষা চ সবিতা দশমস্তথা॥ 1-66-15 (2831) একাদশস্তথা ৎবষ্টা দ্বাদশো বিষ্ণুরুচ্যতে। জঘন্যজস্তু সর্বেষামাদিত্যানাং গুণাধিকঃ॥ 1-66-16 (2832) এক এব দিতেঃ পুত্রো হিরণ্যকশিপুঃ স্মৃতঃ। নাম্না খ্যাতাস্তু তস্যেমে পঞ্চ পুত্রা মহাত্মনঃ॥ 1-66-17 (2833) প্রহ্লাদঃ পূর্বজস্তেষাং সংহ্লাদস্তদনন্তরম্। অনুহ্লাদস্তৃতীয়োঽভূত্তস্মাচ্চ শিবিবাষ্কলৌ॥ 1-66-18 (2834) প্রহ্লাদস্য ত্রয়ঃ পুত্রাঃ খ্যাতাঃ সর্বত্র ভারত। বিরোচনশ্চ কুম্ভশ্চ নিকুম্ভশ্চেতি ভারত॥ 1-66-19 (2835) বিরোচনস্য পুত্রোঽভূদ্বলিরেকঃ প্রতাপবান্। বলেশ্চ প্রথিতঃ পুত্রো বাণো নাম মহাসুরঃ॥ 1-66-20 (2836) রুদ্রস্যানুচরঃ শ্রীমান্মহাকালেতি যং বিদুঃ। চৎবারিংশদ্দনোঃ পুত্রাঃ খ্যাতাঃ সর্বত্র ভারত॥ 1-66-21 (2837) তেষাং প্রথমজো রাজা বিপ্রচিত্তির্মহায়শাঃ। শম্বরো নমুচিশ্চৈব পুলোমা চেতি বিশ্রুতঃ॥ 1-66-22 (2838) অসিলোমা চ কেশী চ দুর্জয়শ্চৈব দানবঃ। অয়ঃশিরা অশ্বশিরা অশ্বশহ্কুশ্চ বীর্যবান্॥ 1-66-23 (2839) তথা গগনমূর্ধা চ বেগবান্কেতুমাংশ্চ সঃ। স্বর্ভানুরশ্বোঽশ্বপতির্বৃষপর্বাঽজকস্তথা॥ 1-66-24 (2840) অশ্বগ্রীবশ্চ সূক্ষ্মশ্চ তুহুণ্ডশ্চ মহাবলঃ। ইষুপাদেকচক্রশ্চ বিরূপাক্ষহরাহরৌ॥ 1-66-25 (2841) নিচন্দ্রশ্চ নিকুম্ভশ্চ কুপটঃ কপটস্তথা। শরভঃ শলভশ্চৈব সূর্যাচন্দ্রমসৌ তথা। এতে খ্যাতা দনোর্বংশে দানবাঃ পরিকীর্তিতাঃ॥ 1-66-26 (2842) অন্যৌ তু খলু দেবানাং সূর্যাচন্দ্রমসৌ স্মৃতৌ। অন্যৌ দানবমুখ্যানাং সূর্যাচন্দ্রমসৌ তথা॥ 1-66-27 (2843) ইমে চ বংশাঃ প্রথিতাঃ সৎববন্তো মহাবলাঃ। দনুপুত্রা মহারাজ দশ দানববংশজাঃ॥ 1-66-28 (2844) একাক্ষো মৃতপো বীরঃ প্রলম্বনরকাবপি। বাতাপিঃ শত্রুতপনঃ শঠশ্চৈব মহাসুরঃ॥ 1-66-29 (2845) গবিষ্ঠশ্চ বনায়ুশ্চ দীর্ঘজিহ্বশ্চ দানবঃ। অসঙ্খ্যেয়াঃ স্মৃতাস্তেষাং পুত্রাঃ পৌত্রাশ্চ ভারত॥ 1-66-30 (2846) সিংহিকা সুষুবে পুত্রং রাহুং চন্দ্রার্কমর্দনম্। সুচন্দ্রং চন্দ্রহর্তারং তথা চন্দ্রপ্রমর্দনম্॥ 1-66-31 (2847) ক্রূরস্বভাবং ক্রূরায়াঃ পুত্রপৌত্রমনন্তকম্। গণঃ ক্রোধবশো নাম ক্রূরকর্মাঽরিমর্দনঃ॥ 1-66-32 (2848) দনায়ুষঃ পুনঃ পুত্রাশ্চৎবারোঽসুরপুংগবাঃ। বিক্ষরো বলবীরৌ চ বৃত্রশ্চৈব মহাসুরঃ॥ 1-66-33 (2849) কালায়াঃ প্রথিতাঃ পুত্রাঃ কালকল্পাঃ প্রহারিণঃ। প্রবিখ্যাতা মহাবীর্যা দানবেষু পরন্তপাঃ॥ 1-66-34 (2850) বিনাশনশ্চ ক্রোধশ্চ ক্রোধহন্তা তথৈব চ। ক্রোধশত্রুস্তথৈবান্যে কালকেয়া ইতি শ্রুতাঃ॥ 1-66-35 (2851) অসুরাণামুপাধ্যায়ঃ শক্রস্ৎবষিসুতোঽভবৎ। খ্যাতাশ্চোশনসঃ পুত্রাশ্চৎবারোঽসুরয়াজকাঃ॥ 1-66-36 (2852) ৎবষ্টা ধরস্তথাত্রিশ্চ দ্বাবন্যৌ রৌদ্রকর্মিণৌ। তেজসা সূর্যসংকাশা ব্রহ্মলোকপরায়ণাঃ॥ 1-66-37 (2853) ইত্যেষ বংশপ্রভবঃ কথিতস্তে তরস্বিনাম্। অসুরাণাং সুরাণাং চ পুরাণে সংশ্রুতো ময়া॥ 1-66-38 (2854) এতেষাং যদপত্যং তু ন শক্যং তদশেষতঃ॥ প্রসংখ্যাতুং মহীপাল গুণভূতমনন্তকম্॥ 1-66-39 (2855) তার্ক্ষ্যশ্চারিষ্টনেমিশ্চ তথৈব গরুডারুণৌ। আরুণির্বারুণিশ্চৈব বৈনতেয়াঃ প্রকীর্তিতাঃ॥ 1-66-40 (2856) শেষোঽনন্তো বাসুকিশ্চ তক্ষকশ্চ ভুজঙ্গমঃ। কূর্মশ্চ কুলিকশ্চৈব কাদ্রবেয়াঃ প্রকীর্তিতাঃ॥ 1-66-41 (2857) ভীমসেনোগ্রসেনৌ চ সুপর্ণো বরুণস্তথা। গোপতির্ধৃতরাষ্ট্রশ্চ সূর্যবর্চাশ্চ সপ্তমঃ॥ 1-66-42 (2858) সত্যবাগর্কপর্ণশ্চ প্রয়ুতশ্চাপি বিশ্রুতঃ। ভীমশ্চিত্ররথশ্চৈব বিখ্যাতঃ সর্ববিদ্বশী॥ 1-66-43 (2859) তথা শালিশিরা রাজন্পর্জন্যশ্চ চতুর্দশঃ। কলিঃ পঞ্চদশস্তেষাং নারদশ্চৈব ষোডশঃ॥ ইত্যেতে দেবগন্ধর্বা মৌনেয়াঃ পরিকীর্তিতাঃ॥ 1-66-44 (2860) অথ প্রভূতান্যন্যানি কীর্তয়িষ্যামি ভারত। অনবদ্যাং মনুং বংশামসুরাং মার্গণপ্রিয়াম্॥ 1-66-45 (2861) অরূপাং সুভগাং ভাসীমিতি প্রাধা ব্যজায়ত। সিদ্ধঃ পূর্ণশ্চ বর্হিশ্চ পূর্ণায়ুশ্চ মহায়শাঃ॥ 1-66-46 (2862) ব্রহ্মচারী রতিগুণঃ সুপর্ণশ্চৈব সপ্তমঃ। বিশ্বাবসুশ্চ ভানুশ্চ সুচন্দ্রো দশমস্তথা॥ 1-66-47 (2863) ইত্যেতে দেবগন্ধর্বাঃ প্রাধেয়াঃ পরিকীর্তিতাঃ। ইমং ৎবপ্সরসাং বংশং বিদিতং পুণ্যলক্ষণম্॥ 1-66-48 (2864) অরিষ্টাঽসূত সুভগা দেবী দেবর্ষিতঃ পুরা। অলম্বুষা মিশ্রকেশী বিদ্যুৎপর্ণা তিলোত্তমা॥ 1-66-49 (2865) অরুণা রক্ষিতা চৈব রম্বা তদ্বন্মনোরমা। কেশিনী চ সুবাহুশ্চ সুরতা সুরজা তথা॥ 1-66-50 (2866) সুপ্রিয়া চাতিবাহুশ্চ বিখ্যাতৌ চ হাহা হূহূঃ। তুম্বুরুশ্চেতি চৎবারঃ স্মৃতা গন্ধর্বসত্তমাঃ॥ 1-66-51 (2867) অমৃতং ব্রাহ্মণা গাবো গন্ধর্বাপ্সরসস্তথা। অপত্যং কপিলায়াস্তু পুরাণে পরিকীর্তিতম্॥ 1-66-52 (2868) ইতি তে সর্বভূতানাং সংভবঃ কথিতো ময়া। যথাবৎসংপরিখ্যাতো গন্ধর্বাপ্সরসাং তথা॥ 1-66-53 (2869) ভুজংগানাং সুপর্ণানাং রুদ্রাণাং মরুতাং তথা। গবাং চ ব্রাহ্মণানাং চ শ্রীমতাং পুণ্যকর্মণাম্॥ 1-66-54 (2870) আয়ুষ্যশ্চৈব পুণ্যশ্চ ধন্যঃ শ্রুতিসুখাবহঃ। শ্রোতব্যশ্চৈব সততং শ্রাব্যশ্চৈবানসূয়তা॥ 1-66-55 (2871) ইমং তু বংশং নিয়মেন যঃ পঠে- ন্মহাত্মনাং ব্রাহ্মণদেবসন্নিধৌ। অপত্যলাভং লভতে স পুষ্কলং শ্রিয়ং যশঃ প্রেত্য চ শোভনাং গতিম্॥ ॥ 1-66-56 (2872) ইতি শ্রীমন্মহাভারতে আদিপর্বণি সংভবপর্বণি ষট্ষষ্টিতমোঽধ্যায়ঃ॥ 66 ॥

1-67-0 (2873) বৈশম্পায়ন উবাচ। 1-67-0x (323) ব্রহ্মণো মানসাঃ পুত্রা বিদিতাঃ ষণ্মহর্ষয়ঃ। একাদশ সুতাঃ স্থাণোঃ খ্যাতাঃ পরমতেজসঃ॥ 1-67-1 (2874) মৃগব্যাধশ্চ সর্পশ্চ নির্ঋতিশ্চ মহায়শাঃ। অজৈকপাদহির্বিধ্ন্যঃ পিনাকী চ পরন্তপঃ॥ 1-67-2 (2875) দহনোঽথেশ্বরশ্চৈব কপালী চ মহাদ্যুতিঃ। স্থাণুর্ভগশ্চ ভগবান্ রুদ্রা একাদশ স্মৃতাঃ॥ 1-67-3 (2876) মরীচিরঙ্গিরা অত্রিঃ পুলস্ত্যঃ পুলহঃ ক্রতুঃ। ষডেতে ব্রহ্মণঃ পুত্রা বীর্যবন্তো মহর্ষয়ঃ॥ 1-67-4 (2877) ত্রয়স্ৎবঙ্গিরসঃ পুত্রা লোকে সর্বত্র বিশ্রুতাঃ। বৃহস্পতিরুতথ্যশ্চ সংবর্তশ্চ ধৃতব্রতাঃ॥ 1-67-5 (2878) অত্রেস্তু বহবঃ পুত্রাঃ শ্রূয়ন্তে মনুজাধিপ। সর্বে বেদবিদঃ সিদ্ধাঃ শান্তাত্মানো মহর্ষয়ঃ॥ 1-67-6 (2879) রাক্ষসাশ্চ পুলস্ত্যস্য বানরাঃ কিন্নরাস্তথা। যক্ষাশ্চ মনুজব্যাঘ্র পুত্রাস্তস্য চ ধীমতঃ॥ 1-67-7 (2880) পুলহস্য সুতা রাজঞ্শরভাশ্চ প্রকীর্তিতাঃ। সিংহাঃ কিপুরুষা ব্যাঘ্রা ঋক্ষা ঈহামৃগাস্তথা॥ 1-67-8 (2881) ক্রতোঃ ক্রতুসমাঃ পুত্রাঃ পতঙ্গসহচারিণঃ। বিশ্রুতাস্ত্রিষু লোকেষু সত্যব্রতপরায়ণাঃ॥ 1-67-9 (2882) দক্ষস্ৎবজায়তাঙ্গুষ্ঠাদ্দক্ষিণাদ্ভগবানৃষিঃ। ব্রহ্মণঃ পৃথিবীপাল শান্তাত্মা সুমহাতপাঃ॥ 1-67-10 (2883) বামাদজায়তাঙ্গুষ্ঠাদ্ভার্যা তস্য মহাত্মনঃ। তস্যাং পঞ্চাশতং কন্যাঃ স এবাজনয়ন্মুনিঃ॥ 1-67-11 (2884) তাঃ সর্বাস্ৎবনবদ্যাঙ্গ্যঃ কন্যাঃ কমললোচনাঃ। পুত্রিকাঃ স্থাপয়ামাস নষ্টপুত্রঃ প্রজাপতিঃ॥ 1-67-12 (2885) দদৌ স দশ ধর্মায় সপ্তবিংশতিমিন্দবে। দিব্যেন বিধিনা রাজন্কশ্যপায় ত্রয়োদশ॥ 1-67-13 (2886) নামতো ধর্মপত্ন্যস্তাঃ কীর্ত্যমানা নিবোধ মে। কীর্তির্লক্ষ্মীর্ধৃতির্মেধা পুষ্টিঃ শ্রদ্ধা ক্রিয়া তথা॥ 1-67-14 (2887) বুদ্ধির্লজ্জা মতিশ্চৈব পত্ন্যো ধর্মস্য তা দশ। দ্বারাণ্যেতানি ধর্মস্য বিহিতানি স্বয়ংভুবা॥ 1-67-15 (2888) সপ্তবিংশতিঃ সোমস্য পত্ন্যো লোকস্য বিশ্রুতাঃ। কালস্য নয়নে যুক্তাঃ সোমপত্ন্যাঃ শুচিব্রতাঃ॥ 1-67-16 (2889) সর্বা নক্ষত্রয়োগিন্যো লোকয়াত্রাবিধানতঃ। পৈতামহো মুনির্দেবস্তস্য পুত্রঃ প্রজাপতিঃ। তস্যাষ্টৌ বসবঃ পুত্রাস্তেষাং বক্ষ্যামি বিস্তরম্॥ 1-67-17 (2890) ধরো ধ্রুবশ্চ সোমশ্চ অহশ্চৈবানিলোঽনলঃ। প্রত্যূষশ্চ প্রভাসশ্চ বসবোঽষ্টৌ প্রকীর্তিতাঃ॥ 1-67-18 (2891) ধূম্রায়াস্তু ধরঃ পুত্রো ব্রহ্মবিদ্যো ধ্রুবস্তথা। চন্দ্রমাস্তু মনস্বিন্যাঃ শ্বাসায়াঃ শ্বসনস্তথা॥ 1-67-19 (2892) রতায়াশ্চাপ্যহঃ পুত্রঃ শাণ্ডিল্যাশ্চ হুতাশনঃ। প্রত্যূষশ্চ প্রভাসশ্চ প্রভাতায়াঃ সুতৌ স্মৃতৌ॥ 1-67-20 (2893) ধরস্য পুত্রো দ্রবিণো হুতহব্যবহস্তথা। `আপস্য পুত্রো বৈতণ্ড্যঃ শ্রমঃ শান্তোমুনিস্তথা'। ধ্রুবস্য পুত্রো ভগবান্কালো লোকপ্রকালনঃ॥ 1-67-21 (2894) সোমস্য তু সুতো বর্চা বর্চস্বী যেন জায়তে। মনোহরায়াঃ শিশিরঃ প্রাণোঽথ রমণস্তথা॥ 1-67-22 (2895) অহ্নঃ সুতস্তথা জ্যোতিঃ শমঃ শান্তস্তথা মুনিঃ। অগ্নেঃ পুত্রঃ কুমারস্তু শ্রীমাঞ্ছরবণালয়ঃ॥ 1-67-23 (2896) তস্য শাখো বিশাখশ্চ নৈগমেয়শ্চ পৃষ্ঠজঃ। কৃত্তিকাভ্যুপপত্তেশ্চ কার্তিকেয় ইতি স্মৃতঃ॥ 1-67-24 (2897) অনিলস্য শিবা ভার্যা তস্যাঃ পুত্রো মনোজবঃ। অবিজ্ঞাতগতিশ্চৈব দ্বৌ পুত্রাবনিলস্য তু॥ 1-67-25 (2898) প্রত্যূষস্য বিদুঃ পুত্রমৃষিং নাম্নাঽথ দেবলম্। দ্বৌ পুত্রৌ দেবলস্যাপি ক্ষমাবন্তৌ মনীষিণৌ। বৃহস্পতেস্তু ভগিনী বরস্ত্রী ব্রহ্মবাদিনী॥ 1-67-26 (2899) যোগসিদ্ধা জগৎকৃৎস্নমসক্তা বিচচার হ। প্রভাসস্য তু ভার্যা সা বসূনামষ্টমস্য হ॥ 1-67-27 (2900) বিশ্বকর্মা মহাভাগো জজ্ঞে শিল্পপ্রজাপতিঃ। কর্তা শিল্পসহস্রাণাং ত্রিদশানাং চ বর্ধকিঃ॥ 1-67-28 (2901) ভূষণানাং চ সর্বেষাং কর্তা শিল্পবতাং বরঃ। যো দিব্যানি বিমানানি ত্রিদশানাং চকারহ॥ 1-67-29 (2902) মনুষ্যাশ্চোপজীবন্তি যস্য শিল্পং মহাত্মনঃ। পূজয়ন্তি চ যং নিত্যং বিশ্বকর্মাণমব্যযম্॥ 1-67-30 (2903) স্তনং তু দক্ষিণং ভিত্ৎবা ব্রহ্মণো নরবিগ্রহঃ। নিঃসৃতো ভগবান্ধর্মঃ সর্বলোকসুখাবহঃ॥ 1-67-31 (2904) ত্রয়স্তস্য বরাঃ পুত্রাঃ সর্বভূতমনোহরাঃ। শমঃ কামশ্চ হর্ষশ্চ তেজসা লোকধারিণঃ॥ 1-67-32 (2905) কামস্য তু রতির্ভার্যা শমস্য প্রাপ্তিরঙ্গনা। নন্দা তু ভার্যা হর্ষস্য যাসু লোকাঃ প্রতিষ্ঠিতাঃ॥ 1-67-33 (2906) মরীচেঃ কশ্যপঃ পুত্রঃ কশ্যপস্য সুরাসুরাঃ। জজ্ঞিরে নৃপশার্দূল লোকানাং প্রভবস্তু সঃ॥ 1-67-34 (2907) ৎবাষ্ট্রী তু সবিতুর্ভার্যা বডবারূপধারিণী। অসূয়ত মহাভাগা সান্তরিক্ষেঽস্বিনাবুভৌ॥ 1-67-35 (2908) দ্বাদশৈবাদিতেঃ পুত্রাঃ শক্রমুখ্যা নরাধিপ। তেষামবরজো বিষ্ণুর্যত্র লোকাঃ প্রতিষ্ঠিতাঃ॥ 1-67-36 (2909) ত্রয়স্ত্রিংশত যত্যেতে দেবাস্তেষামহং তব। অন্বয়ং সংপ্রবক্ষ্যামি পক্ষৈশ্চ কুলতো গণান্॥ 1-67-37 (2910) রুদ্রাণামপরঃ পক্ষঃ সাধ্যানাং মরুতাং তথা। বসূনাং ভার্গবং বিদ্যাদ্বিশ্বেদেবাংস্তথৈব চ॥ 1-67-38 (2911) বৈনতেয়স্তু গরুডো বলবানরুণস্তথা। বৃহস্পতিশ্চ ভগবানাদিত্যেষ্বেব গণ্যতে॥ 1-67-39 (2912) অশ্বিনৌ গুহ্যকান্বিদ্ধি সর্বৌষধ্যস্তথা পশূন্। এতে দেবগণা রাজন্কীর্তিতাস্তেঽনুপূর্বশঃ॥ 1-67-40 (2913) যান্কীর্তয়িৎবা মনুজঃ সর্বপাপৈঃ প্রমুচ্যতে। ব্রহ্মণো হৃদয়ং ভিত্ৎবা নিঃসৃতো ভগবান্ভৃগুঃ॥ 1-67-41 (2914) ভৃগোঃ পুত্রঃ কবির্বিদ্বাঞ্ছুক্রঃ কবিসুতো গ্রহঃ। ত্রৈলোক্যপ্রাণয়াত্রার্থং বর্ষাবর্ষে ভয়াভয়ে। স্বয়ংভুবা নিয়ুক্তঃ সন্ভুবনং পরিধাবতি॥ 1-67-42 (2915) যোগাচার্যো মহাবুদ্ধির্দৈত্যানামভবদ্গুরুঃ। সুরাণাং চাপি মেধাবী ব্রহ্মচারী যতব্রতঃ॥ 1-67-43 (2916) তস্মিন্নিয়ুক্তে বিধিনা যোগক্ষেমায় ভার্গবে। অন্যমুৎপাদয়ামাস পুত্রং ভৃগুরনিন্দিতম্॥ 1-67-44 (2917) চ্যবনং দীপ্ততপসং ধর্মাত্মানং যশস্বিনম্। যঃ স রোষাচ্চ্যুতো গর্ভান্মাতুর্মোক্ষায় ভারত॥ 1-67-45 (2918) আরুষী তু মনোঃ কন্যা তস্য পত্নী মনীষিণঃ। ঔর্বস্তস্যাং সমভবদূরুং ভিত্ৎবা মহায়শাঃ॥ 1-67-46 (2919) মহাতেজা মহাবীর্যো বাল এব গুণৈর্যুতঃ। ঋচীকস্তস্য পুত্রস্তু জমদগ্নিস্ততোঽভবৎ॥ 1-67-47 (2920) জমদগ্নেস্তু চৎবার আসন্পুত্রা মহাত্মনঃ। রামস্তেষাং জঘন্যোঽভূদজঘন্যৈর্গুণৈর্যুতঃ। সর্বশস্ত্রেষু কুশলঃ ক্ষত্রিয়ান্তকরো বশী॥ 1-67-48 (2921) ঔর্বস্যাসীৎপুত্রশতং জমদগ্নিপুরোগমম্। তেষাং পুত্রসহস্রাণি বভূবুর্ভুবি বিস্তরঃ॥ 1-67-49 (2922) দ্বৌ পুত্রো ব্রহ্মণস্ৎবন্যৌ যয়োস্তিষ্ঠতি লক্ষণম্। লোকে ধাতা বিধাতা চ যৌ স্থিতৌ মনুনা সহ॥ 1-67-50 (2923) তয়োরেব স্বসা দেবী লক্ষ্মীঃ পদ্মগৃহা শুভা। তস্যাস্তু মানসাঃ পুত্রাস্তুরগা ব্যোমচারিণঃ॥ 1-67-51 (2924) বরুণস্য ভার্যা যা জ্যেষ্ঠা শুক্রাদ্দেবী ব্যজায়ত। তস্যাঃ পুত্রং বলং বিদ্ধি সুরাং চ সুরনন্দিনীম্॥ 1-67-52 (2925) প্রজানামন্নকামানামন্যোন্যপরিভক্ষণাৎ। অধর্মস্তত্র সংজাতঃ সর্বভূতবিনাশকঃ॥ 1-67-53 (2926) তস্যাপি নির্ঋতির্ভার্যা নৈর্ঋতা যেন রাক্ষসাঃ। ঘোরাস্তস্যাস্ত্রয়ঃ পুত্রাঃ পাপকর্মরতাঃ সদা॥ 1-67-54 (2927) ভয়ো মহাভয়শ্চৈব মৃত্যুর্ভূতান্তকস্তথা। ন তস্য ভার্যা পুত্রো বা কশ্চিদস্ত্যন্তকো হি সঃ॥ 1-67-55 (2928) কাকীং শ্যেনীং তথা ভাসীং ধৃতরাষ্ট্রীং তথা শুকীম্। তাম্রা তু সুষুবে দেবী পঞ্চৈতা লোকবিশ্রুতাঃ॥ 1-67-56 (2929) উলূকান্সুষুবে কাকী শ্যেনী শ্যেনান্ব্যজায়ত। ভাসী ভাসানজনয়দ্গৃধ্রাংশ্চৈব জনাধিপ॥ 1-67-57 (2930) ধৃতরাষ্ট্রী তু হংসাংশ্চ কলহংসাংশ্চ সর্বশঃ। চক্রবাকাংশ্চ ভদ্রা তু জনয়ামাস সৈব তু॥ 1-67-58 (2931) শুকী চ জনয়ামাস শুকানেব যশস্বিনী। কল্যাণগুণসংপন্না সর্বলক্ষণপূজিতা॥ 1-67-59 (2932) নব ক্রোধবশা নারীঃ প্রজজ্ঞে ক্রোধসংভবাঃ। মৃগী চ মৃগমন্দা চ হরী ভদ্রমনা অপি॥ 1-67-60 (2933) মাতঙ্গী ৎবথ শার্দূলী শ্বেতা সুরভিরেব চ। সর্বলক্ষণসংপন্না সুরসা চৈব ভামিনী॥ 1-67-61 (2934) অপত্যং তু মৃগাঃ সর্বে মৃগ্যা নরবরোত্তম। ঋক্ষাশ্চ মৃগমন্দায়াঃ সৃমরাশ্চ পরংতপ॥ 1-67-62 (2935) ততস্ৎবৈরাবতং নাগং জজ্ঞে ভদ্রমনাঃ সুতম্। ঐরাবতঃ সুতস্তস্যা দেবনাগো মহাগজঃ॥ 1-67-63 (2936) হর্যাশ্চ হরয়োঽপত্যং বানরাশ্চ তরস্বিনঃ। গোলাঙ্গূলাংশ্চ ভদ্রং তে হর্যাঃ পুত্রান্প্রচক্ষতে॥ 1-67-64 (2937) প্রজজ্ঞে ৎবথ শার্দূলী সিংহান্ব্যাগ্রাননেকশঃ। দ্বীপিনশ্চ মহাসৎবান্সর্বানেব ন সশংয়ঃ॥ 1-67-65 (2938) মাতঙ্গ্যপি চ মাতঙ্গানপত্যানি নরাধিপ। দিশাং গজং তু শ্বেতাখ্যং শ্বেতাঽজনয়দাশুগম্॥ 1-67-66 (2939) তথা দুহিতরৌ রাজন্সুরভির্বৈ ব্যজায়ত। রোহিণী চৈব ভদ্রং তে গন্ধর্বী তু যশস্বিনী॥ 1-67-67 (2940) বিমলামপি ভদ্রং তে অনলামপি ভারত। রোহিণ্যাং জজ্ঞিরে গাবো গন্ধর্ব্যাং বাজিনঃ সুতাঃ॥ 1-67-68 (2941) `ইরায়াঃ কন্যকা জাতাস্তিস্রঃ কমললোচনাঃ। বনস্পতীনাং বৃক্ষাণাং বীরুধাং চৈব মাতরঃ॥ 1-67-69 (2942) লতারুহে চ দ্বে প্রোক্তে বীরুধাং চৈব তাঃ স্মৃতাঃ। গৃহ্ণন্তি যে বিনা পুষ্পং ফলানি তরবঃ পৃথক্॥ 1-67-70 (2943) লতাসুতাস্তে বিজ্ঞেয়াস্তানেবাহুর্বনস্পতীন্। পুষ্পৈঃ ফলগ্রহান্বৃক্ষান্রুহায়াঃ প্রসবং বিদুঃ॥ 1-67-71 (2944) লতাগুল্মানি বৃক্ষাশ্চ ৎবক্সারতৃণজন্তবঃ। বীরুধো যাঃ প্রজাস্তস্যাস্তত্র বংশঃ সমাপ্যতে॥ 1-67-72 (2945) সপ্তপিম্ডফলান্বৃক্ষাননলাপি ব্যজায়ত॥ 1-67-73 (2946) অনলায়াঃ শুকী পুত্রী কংকস্তু সুরসাসুতঃ। অরুণস্য ভার্যা শ্যেনী তু বীর্যবন্তৌ মহাবলৌ॥ 1-67-74 (2947) সংপাতিং জনয়ামাস বীর্যবন্তং জটায়ুষম্। সুরসাঽজনয়ন্নাগান্কদ্রূঃ পুত্রাংস্তু পন্নগান্॥ 1-67-75 (2948) দ্বৌ পুত্রৌ বিনতায়াস্তু বিখ্যাতৌ গরুডারুণৌ। ইত্যেষ সর্বভূতানাং মহতাং মনুজাধিপ। প্রভবঃ কীর্তিতঃ সম্যঙ্ময়া মতিমতাং বর॥ 1-67-76 (2949) যং শ্রুৎবা পুরুষঃ সম্যঙ্মুক্তো ভবতি পাপ্মনঃ। সর্বজ্ঞতাং চ লভতে রতিমগ্র্যাং চ বিন্দতি॥ ॥ 1-67-77 (2950) ইতি শ্রীমন্মহাভারতে আদিপর্বণি সংভবপর্বণি সপ্তষষ্টিতমোঽধ্যায়ঃ॥ 67 ॥

1-68-0 (2951) জনমেজয় উবাচ। 1-68-0x (324) দেবানাং দানবানাং চ গন্ধর্বোরগরক্ষসাম্। সিংহব্যাঘ্রমৃগাণাং চ পন্নগানাং পতত্ত্রিণাম্॥ 1-68-1 (2952) অন্যেষাং চৈব ভূতানাং সংভবং ভগবন্নহম্। শ্রোতুমিচ্ছামি তত্ৎবেন মানুষেষু মহাত্মনাম্। জন্ম কর্ম চ ভূতানামেতেষামনুপূর্বশঃ॥ 1-68-2 (2953) বৈশম্পায়ন উবাচ। 1-68-3x (325) মানুষেষু মনুষ্যেন্দ্র সংভূতা যে দিবৌকসঃ। প্রথমং দানবাশ্চৈব তাংস্তে বক্ষ্যামি সর্বশঃ॥ 1-68-3 (2954) বিপ্রচিত্তিরিতি খ্যাতো য আসীদ্দানবর্ষভঃ। জরাসন্ধ ইতি খ্যাতঃ স আসীন্মনুজর্ষভঃ॥ 1-68-4 (2955) দিতেঃ পুত্রস্তু যো রাজন্হিরণ্যকশিপুঃ স্মৃতঃ। স জজ্ঞে মানুষে লোকে শিশুপালো নরর্ষভঃ॥ 1-68-5 (2956) সংহ্লাদ ইতি বিখ্যাতঃ প্রহ্লাদস্যানুজস্তু যঃ। স শল্য ইতি বিখ্যাতো জজ্ঞে বাহীকপুঙ্গবঃ॥ 1-68-6 (2957) অনুহ্লাদস্তু তেজস্বী যোঽভূৎখ্যাতো জঘন্যজঃ। ধৃষ্টকেতুরিতি খ্যাতঃ স বভূব নরেশ্বরঃ॥ 1-68-7 (2958) যস্তু রাজঞ্শিবির্নাম দৈতেয়ঃ পরিকীর্তিতঃ। দ্রুম ইত্যভিবিখ্যাতঃ স আসীদ্ভুবি পার্থিবঃ॥ 1-68-8 (2959) বাষ্কলো নাম যস্তেষামাসীদসুরসত্তমঃ। ভগদত্ত ইতি খ্যাতঃ সং জজ্ঞে পুরুষর্ষভঃ॥ 1-68-9 (2960) অয়ঃশিরা অশ্বশিরা অয়ঃশঙ্কুশ্চ বীর্যবান্। তথা গগনমূর্ধা চ বেগবাংশ্চাত্র পঞ্চমঃ॥ 1-68-10 (2961) পঞ্চৈতে জজ্ঞিরে রাজন্বীর্যবন্তো মহাসুরাঃ। কেকয়েষু মহাত্মানঃ পার্থিবর্ষভসত্তমাঃ। কেতুমানিতি বিখ্যাতো যস্ততোঽন্যঃপ্রতাপবান্॥ 1-68-11 (2962) অমিতৌজা ইতি খ্যাতঃ সোগ্রকর্মা নরাধিপঃ। স্বর্ভানুরিতি বিখ্যাতঃ শ্রীমান্যস্তু মহাসুরঃ॥ 1-68-12 (2963) উগ্রসেন ইতি খ্যাত উগ্রকর্মা নরাধিপঃ। যস্ৎবশ্ব ইতি বিখ্যাতঃ শ্রীমানাসীন্মহাসুরঃ॥ 1-68-13 (2964) অশোকো নাম রাজাঽভূন্মহাবীর্যোঽপরাজিতঃ। তস্মাদবরজো যস্তু রাজন্নশ্বপতিঃ স্মৃতঃ॥ 1-68-14 (2965) দৈতেয়ঃ সোঽভবদ্রাজা হার্দিক্যো মনুজর্ষভঃ। বৃষপর্বেতি বিখ্যাতঃ শ্রীমান্যস্তু মহাসুরঃ॥ 1-68-15 (2966) দীর্ঘপ্রজ্ঞ ইতি খ্যাতঃ পৃথিব্যাং সোঽভবন্নৃপঃ। অজকস্ৎববরো রাজন্য আসীদ্বৃষপর্বণঃ॥ 1-68-16 (2967) স শাল্ব ইতি বিখ্যাতঃ পৃথিব্যামভবন্নৃপঃ। অশ্বগ্রীব ইতি খ্যাতঃ সৎববান্যো মহাসুরঃ॥ 1-68-17 (2968) রোচমান ইতি খ্যাতঃ পৃথিব্যাং কোঽভবন্নৃপঃ। সূক্ষ্মস্তু মতিমান্রাজন্কীর্তিমান্যঃ প্রকীর্তিতঃ॥ 1-68-18 (2969) বৃহদ্রথ ইতি খ্যাতঃ ক্ষিতাবাসীৎস পার্থিবঃ। তুহুণ্ড ইতি বিখ্যাতো য আসীদসুরোত্তমঃ॥ 1-68-19 (2970) সেনাবিন্দুরিতি খ্যাতঃ স বূভব নরাধিপঃ। ইষুমান্নাম যস্তেষামসুরাণাং বলাধিকঃ॥ 1-68-20 (2971) নগ্নজিন্নাম রাজাসীদ্ভুবি বিখ্যাতবিক্রমঃ। একচক্র ইতি খ্যাত আসীদ্যস্তু মহাসুরঃ॥ 1-68-21 (2972) প্রতিবিন্ঘ্য ইতি খ্যাতো বভূব প্রথিতঃ ক্ষিতৌ। বিরূপাক্ষস্তু দৈতেয়শ্চিত্রয়োধী মহাসুরঃ॥ 1-68-22 (2973) চিত্রধর্মেতি বিখ্যাতঃ ক্ষিতাবাসীৎস পার্থিবঃ। হরস্ৎবরিহরো বীর আসীদ্যো দানবোত্তমঃ॥ 1-68-23 (2974) সুবাহুরিতি বিখ্যাতঃ শ্রীমানাসীৎস পার্থিবঃ। অহরস্তু মহাতেজাঃ শত্রুপক্ষক্ষয়ংকরঃ॥ 1-68-24 (2975) বাহ্লিকো নাম রাজা স বভূব প্রথিতঃ ক্ষিতৌ। নিচন্দ্রশ্চন্দ্রবক্ত্রস্তু য আসীদসুরোত্তমঃ॥ 1-68-25 (2976) মুঞ্জকেশ ইতি খ্যাতঃ শ্রীমানাসীৎস পার্থিবঃ। নিকুম্ভস্ৎবজিতঃ সংখ্যে মহামতিরজায়ত॥ 1-68-26 (2977) ভূমৌ ভূমিপতিশ্রেষ্ঠো দেবাধিপ ইতি স্মৃতঃ। শরভো নাম যস্তেষাং দৈতেয়ানাং মহাসুরঃ॥ 1-68-27 (2978) পৌরবো নাম রাজর্ষিঃ স বভূব নরোত্তমঃ। কুপটস্তু মহাবীর্যঃ শ্রীমান্রাজন্মহাসুরঃ॥ 1-68-28 (2979) সুপার্শ্ব ইতি বিখ্যাতঃ ক্ষিতৌ জজ্ঞে মহীপতিঃ। কপটস্তু রাজন্রাজর্ষিঃ ক্ষিতৌ জজ্ঞে মহাসুরঃ॥ 1-68-29 (2980) পার্বতেয় ইতি খ্যাতঃ কাঞ্চনাচলসন্নিভঃ। দ্বিতীয়ঃ শলভস্তেষামসুরাণাং বভূব হ॥ 1-68-30 (2981) প্রহ্লাদো নাম বাহ্লীকঃ স বভূব নরাধিপঃ। চন্দ্রস্তু দিতিজশ্রেষ্ঠো লোকে তারাধিপোপমঃ॥ 1-68-31 (2982) চন্দ্রবর্মেতি বিখ্যাতঃ কাম্বোজানাং নরাধিপঃ। অর্ক ইত্যভিবিখ্যাতো যস্তু দানবপুঙ্গবঃ॥ 1-68-32 (2983) ঋষিকো নাম রাজর্ষির্বভূব নৃপসত্তমঃ। মৃতপা ইতি বিখ্যাতো য আসীদসুরোত্তমঃ॥ 1-68-33 (2984) পশ্চিমানূপকং বিদ্ধি তং নৃপং নৃপসত্তম। গবিষ্ঠস্তু মহাতেজা যঃ প্রখ্যাতো মহাসুরঃ॥ 1-68-34 (2985) দ্রুমসেন ইতি খ্যাতঃ পৃথিব্যাং সোঽভবন্নৃপঃ। ময়ূর ইতি বিখ্যাতঃ শ্রীমান্যস্তু মহাসুরঃ॥ 1-68-35 (2986) স বিশ্ব ইতি বিখ্যাতো বভূব পৃথিবীপতিঃ। সুপর্ণ ইতি বিখ্যাতস্তস্মাদবরজস্তু যঃ॥ 1-68-36 (2987) কালকীর্তিরিতি খ্যাতঃ পৃথিব্যাং সোঽভবন্নৃপঃ। চন্দ্রহন্তেতি যস্তেষাং কীর্তিতঃ প্রবরোঽসুরঃ॥ 1-68-37 (2988) শুনকো নাম রাজর্ষিঃ স বভূব নরাধিপঃ। বিনাশনস্তু চন্দ্রস্য য আখ্যাতো মহাসুরঃ॥ 1-68-38 (2989) জানকির্নাম বিখ্যাতঃ সোঽভবন্মনুজাধিপঃ। দীর্ঘজিহ্বস্তু কৌরব্য য উক্তো দানবর্ষভঃ॥ 1-68-39 (2990) কাশিরাজঃ স বিখ্যাতঃ পৃথিব্যাং পৃথিবীপতে। গ্রহং তু সুষুবে যং তু সিংহিকার্কেন্দুমর্দনম্। স ক্রাথ ইতি বিখ্যাতো বভূব মনুজাধিপঃ॥ 1-68-40 (2991) দনায়ুষস্তু পুত্রাণাং চতুর্ণাং প্রবরোঽসুরঃ। বিক্ষরো নাম তেজস্বী বসুমিত্রো নৃপঃ স্মৃতঃ॥ 1-68-41 (2992) দ্বিতীয়ো বিক্ষরাদ্যস্তু নরাধিপ মহাসুরঃ। পাণ্ড্যরাষ্ট্রাধিপ ইতি বিখ্যাতঃ সোঽভবন্নৃপঃ॥ 1-68-42 (2993) বলী বীর ইতি খ্যাতো যস্ৎবাসীদসুরোত্তমঃ। পৌণ্ড্রমাৎস্যক ইত্যেবং বভূব স নরাধিপঃ॥ 1-68-43 (2994) বৃত্র ইত্যভিবিখ্যাতো যস্তু রাজন্মহাসুরঃ। মণিমান্নাম রাজর্ষিঃ স বভূব নরাধিপঃ॥ 1-68-44 (2995) ক্রোধহন্তেতি যস্তস্য বভূবাবরজোঽসুরঃ। দণ্ড ইত্যভিবিখ্যাতঃ স আসীন্নৃপতিঃ ক্ষিতৌ॥ 1-68-45 (2996) ক্রোধবর্ধন ইত্যেবং যস্ৎবন্যঃ পরিকীর্তিতঃ। দণ্ডধার ইতি খ্যাতঃ সোঽভবন্মনুজর্ষভঃ॥ 1-68-46 (2997) কালেয়ানাং তু যে পুত্রাস্তেষামষ্টৌ নরাধিপাঃ। জজ্ঞিরে রাজশার্দূল শার্দূলসমবিক্রমাঃ॥ 1-68-47 (2998) মগধেষু জয়ৎসেনস্তেষামাসীৎস পার্থিবঃ। অষ্টানাং প্রবরস্তেষাং কালেয়ানাং মহাসুরঃ॥ 1-68-48 (2999) দ্বিতীয়স্তু ততস্তেষাং শ্রীমান্হরিহয়োপমঃ। অপরাজিত ইত্যেবং স বভূব নরাধিপঃ॥ 1-68-49 (3000) তৃতীয়স্তু মহাতেজা মহামায়ো মহাসুরঃ। নিষাদাধিপতির্জজ্ঞে ভুবি ভীমপরাক্রমঃ॥ 1-68-50 (3001) তেষামন্যতমো যস্তু চতুর্থঃ পরিকীর্তিতঃ। শ্রেণিমানিতি বিখ্যাতঃ ক্ষিতৌ রাজর্ষিসত্তমঃ॥ 1-68-51 (3002) পঞ্চমস্ৎবভবত্তেষাং প্রবরো যো মহাসুরঃ। মহৌজা ইতি বিখ্যাতো বভূবেহ পরন্দপঃ॥ 1-68-52 (3003) ষষ্ঠস্তু মতিমান্যো বৈ তেষামাসীন্মহাসুরঃ। অভীরুরিতি বিখ্যাতঃ ক্ষিতৌ রাজর্ষিসত্তমঃ॥ 1-68-53 (3004) সমুদ্রসেনস্তু নৃপস্তেষামেবাভবদ্গণাৎ। বিশ্রুতঃ সাগরান্তায়াং ক্ষিতৌ ধর্মার্থতত্ৎববিৎ॥ 1-68-54 (3005) বৃহন্নামাষ্টমস্তেষাং কালেয়ানাং নরাধিপ। বভূব রাজা ধর্মাত্মা সর্বভূতহিতে রতঃ॥ 1-68-55 (3006) কুক্ষিস্তু রাজন্বিখ্যাতো দানবানাং মহাবলঃ। পার্বতীয় ইতি খ্যাতঃ কাঞ্চনাচলসন্নিভঃ॥ 1-68-56 (3007) ক্রথনশ্চ মহাবীর্যঃ শ্রীমান্রাজা মহাসুরঃ। সূর্যাক্ষ ইতি বিখ্যাতঃ ক্ষিতৌ জজ্ঞে মহীপতিঃ॥ 1-68-57 (3008) অসুরাণাং তু যঃ সকূর্যঃ শ্রীমাংশ্চৈব মহাসুরঃ। দরদো নাম বাহ্লীকো বরঃ সর্বমহীক্ষিতাম্॥ 1-68-58 (3009) গণঃ ক্রোধবশো নাম যস্তে রাজন্প্রকীর্তিতঃ। ততঃ সংজজ্ঞিরে বীরাঃ ক্ষিতাবিহ নরাধিপাঃ॥ 1-68-59 (3010) মদ্রকঃ কর্ণবেষ্টশ্চ সিদ্ধার্থঃ কীটকস্তথা। সুবীরশ্চ সুবাহুশ্চ মহাবীরোঽথ বাহ্লিকঃ॥ 1-68-60 (3011) ক্রথো বিচিত্রঃ সুরথঃ শ্রীমান্নীলশ্চ ভূমিপঃ। চীরবাসাশ্চ কৌরব্য ভূমিপালশ্চ নামতঃ॥ 1-68-61 (3012) দন্তবক্ত্রশ্চ নামাসীদ্দুর্জয়শ্চৈব দানবঃ। রুক্মী চ নৃপশার্দূলো রাজা চ জনমেজয়ঃ॥ 1-68-62 (3013) আষাঢো বায়ুবেগশ্চ ভূরিতেজাস্তথৈব চ। একলব্যঃ সুমিত্রশ্চ বাটধানোঽথ গোমুখঃ॥ 1-68-63 (3014) কারূষকাশ্চ রাজানঃ ক্ষেমধূর্তিস্তথৈব চ। শ্রুতায়ুরুদ্বহশ্চৈব বৃহৎসেনস্তথৈব চ॥ 1-68-64 (3015) ক্ষেমোগ্রতীর্থঃ কুহরঃ কলিঙ্গেষু নরাধিপঃ। মতিমাংশ্চ মনুষ্যেন্দ্র ঈশ্বরশ্চেতি বিশ্রুতঃ॥ 1-68-65 (3016) গণাৎক্রোধবশাদেষ রাজপূগোঽভবৎক্ষিতৌ। জাতঃ পুরা মহাভাগো মহাকীর্তির্মহাবলঃ॥ 1-68-66 (3017) কালনেমিরিতি খ্যাতো দানবানাং মহাবলঃ। স কংস ইতি বিখ্যাত উগ্রসেনসুতো বলী॥ 1-68-67 (3018) যস্ৎবাসীদ্দেবকো নাম দেবরাজসমদ্যুতিঃ। স গন্ধর্বপতির্মুখ্যঃ ক্ষিতৌ জজ্ঞে নরাধিপঃ॥ 1-68-68 (3019) বৃহস্পতের্বৃহৎকীর্তের্দেবর্ষের্বিদ্ধি ভারত। অশাদ্দ্রোণং সমুৎপন্নং ভারদ্বাজময়োনিজম্॥ 1-68-69 (3020) ধন্বিনাং নৃপশার্দূল যঃ সর্বাস্ত্রবিদুত্তমঃ। মহাকীর্তির্মহাতেজাঃ স জজ্ঞে মনুজেশ্বর॥ 1-68-70 (3021) ধনুর্বেদে চ বেদে চ যং তং বেদবিদো বিদুঃ। বরিষ্ঠং চিত্রকর্মাণং দ্রোণং স্বকুলবর্ধনম্॥ 1-68-71 (3022) মহাদেবান্তকাভ্যাং চ কামাৎক্রোধাচ্চ ভারত। একৎবমুপসংপদ্য জজ্ঞে শূরঃ পরন্তপঃ॥ 1-68-72 (3023) অশ্বত্থামা মহাবীর্যঃ শত্রুপক্ষভয়াবহঃ। বীরঃ কমলপত্রাক্ষঃ ক্ষিতাবাসীন্নরাধিপঃ॥ 1-68-73 (3024) জজ্ঞিরে বসবস্ৎবষ্টৌ গঙ্গায়াং শন্তনোঃ সুতাঃ। বসিষ্ঠস্য চ শাপেন নিয়োগাদ্বাসবস্য চ॥ 1-68-74 (3025) তেষামবরজো ভীষ্মঃ কুরূণামভয়ঙ্করঃ। মতিমান্বেদবিদ্বাগ্মী শত্রুপক্ষক্ষয়ঙ্করঃ॥ 1-68-75 (3026) জামদগ্ন্যেন রামেণ সর্বাস্ত্রবিদুষাং বরঃ। যোঽপ্যুধ্যত মহাতেজা ভার্গবেণ মহাত্মনা॥ 1-68-76 (3027) যস্তু রাজন্কৃপো নাম ব্রহ্মর্ষিরভবৎক্ষিতৌ। রুদ্রাণাং তু গণাদ্বিদ্ধি সংভূতমতিপৌরুষম্॥ 1-68-77 (3028) শকুনির্নাম যস্ৎবাসীদ্রাজা লোকে মহারথঃ। দ্বাপরং বিদ্ধি তং রাজন্সংভূতমরিমর্দনম্॥ 1-68-78 (3029) সাত্যকিঃ সত্যসন্ধশ্চ যোঽসৌ বৃষ্ণিকুলোদ্বহঃ। পক্ষাৎস জজ্ঞে মরুতাং দেবানামরিমর্দনঃ॥ 1-68-79 (3030) দ্রুপদশ্চৈব রাজর্ষিস্তত এবাভবদ্গণাৎ। মানুষে নৃপ লোকেঽস্মিন্সর্বশস্ত্রভৃতাং বরঃ॥ 1-68-80 (3031) ততশ্চ কৃতবর্মাণং বিদ্ধি রাজঞ্জনাধিপম্। তমপ্রতিমকর্মাণং ক্ষত্রিয়র্ষভসত্তমম্॥ 1-68-81 (3032) মরুতাং তু গণাদ্বিদ্ধি সংজাতমরিমর্দনম্। বিরাটং নাম রাজানং পররাষ্ট্রপ্রতাপনম্॥ 1-68-82 (3033) অরিষ্টায়াস্তু যঃ পুত্রো হংস ইত্যভিবিশ্রুতঃ। স গন্ধর্বপতির্জজ্ঞে কুরুবংশবিবর্ধনঃ॥ 1-68-83 (3034) ধৃতরাষ্ট্র ইতি খ্যাতঃ কৃষ্ণদ্বৈপায়নাত্মজঃ। দীর্ঘবাহুর্মহাতেজাঃ প্রজ্ঞাচক্ষুর্নরাধিপঃ॥ মাতুর্দোষাদৃষেঃ কোপাদন্ধ এব ব্যজায়ত॥ 1-68-84 (3035) `মরুতাং তু গণাদ্বীরঃ সর্বশস্ত্রভৃতাং বরঃ। পাণ্ডুর্জজ্ঞে মহাবাহুস্তব পূর্বপিতামহঃ।' তস্যৈবাবরজো ভ্রাতা মহাসৎবো মহাবলঃ॥ 1-68-85 (3036) ধর্মাত্তু সুমহাভাগং পুত্রং পুত্রবতাং বরম্। বিদুরং বিদ্ধি তং লোকে জাতং বুদ্ধিমতাং বরম্॥ 1-68-86 (3037) কলেরংশস্তু সংজজ্ঞে ভুবি দুর্যোধনো নৃপঃ। দুর্বদ্ধির্দুর্মতিশ্চৈব কুরূণাময়শস্করঃ॥ 1-68-87 (3038) জগতো যস্তু সর্বস্য বিদ্বিষ্টঃ কলিপূরুষঃ। যঃ সর্বাং ঘাতয়ামাস পৃথিবীং পৃথিবীপতে॥ 1-68-88 (3039) উদ্দীপিতং যেন বৈরং ভূতান্তকরণং মহৎ। পৌলস্ত্যা ভ্রাতরশ্চাস্য জজ্ঞিরে মনুজেষ্বিহ॥ 1-68-89 (3040) শতং দুঃশাসনাদীনাং সর্বেষাং ক্রূরকর্মণাম্। দুর্মুখো দুঃসহশ্চৈব যে চান্যে নানুকীর্তিতাঃ॥ 1-68-90 (3041) দুর্যোধনসহায়াস্তে পৌলস্ত্যা ভরতর্ষভ। বৈশ্যাপুত্রো যুয়ুৎসুশ্চ ধার্তরাষ্ট্রঃ শতাধিকঃ॥ 1-68-91 (3042) জনমেজয় উবাচ। 1-68-92x (326) জ্যেষ্ঠানুজ্যেষ্ঠতামেষাং নামধেয়ানি বা বিভো। ধৃতরাষ্ট্রস্য পুত্রাণামানুপূর্ব্যেণ কীর্তয়॥ 1-68-92 (3043) বৈশম্পায়ন উবাচ। 1-68-93x (327) দুর্যোধনো যুয়ুৎসুশ্চ রাজন্দুঃশাসনস্তথা। দুঃসহো দুঃশলশ্চৈব দুর্মুখশ্চ তথাপরঃ॥ 1-68-93 (3044) বিবিংশতির্বিকর্ণশ্চ জলসন্ধঃ সুলোচনঃ। বিন্দানুবিন্দৌ দুর্ধর্ষঃ সুবাহুর্দুষ্প্রধর্ষণঃ॥ 1-68-94 (3045) দুর্মর্ষণো দুর্মুখশ্চ দুষ্কর্ণঃ কর্ণ এব চ। চত্রোপচিত্রৌ চিত্রাক্ষশ্চারুচিত্রাঙ্গদশ্চ হ॥ 1-68-95 (3046) দুর্মদো দুষ্প্রহর্ষশ্চ বিবিৎসুর্বিকটঃ সমঃ। ঊর্ণনাভঃ পদ্মনাভস্তথা নন্দোপনন্দকৌ॥ 1-68-96 (3047) সেনাপতিঃ সুষেণশ্চ কুণ্ডোদরমহোদরৌ। চিত্রবাহুশ্চিত্রবর্মা সুবর্মা দুর্বিরোচনঃ॥ 1-68-97 (3048) অয়োবাহুর্মহাবাহুশ্চিত্রচাপসুকুণ্ডলৌ। ভীমবেগো ভীমবলো বলাকী ভীমবিক্রমঃ॥ 1-68-98 (3049) উগ্রায়ুধো ভীমশরঃ কনকায়ুর্দৃঢায়ুধঃ। দৃঢবর্মা দৃঢক্ষত্রঃ সোমকীর্তিরনূদরঃ॥ 1-68-99 (3050) জরাসন্ধো দৃঢসন্ধঃ সত্যসন্ধঃ সহস্রবাক্। উগ্রশ্রবা উগ্রসেনঃ ক্ষেমমূর্তিস্তথৈব চ॥ 1-68-100 (3051) অপরাজিতঃ পণ্ডিতকো বিশালাক্ষো দুরাধনঃ॥ 1-68-101 (3052) দৃঢহস্তঃ সুহস্তশ্চ বাতবেগসুবর্চসৌ। আদিত্যকেতুর্বহ্বাশী নাগদত্তানুয়ায়িনৌ॥ 1-68-102 (3053) কবাচী নিষঙ্গী দণ্ডী দণ্ডধারো ধনুর্গ্রহঃ। উগ্রো ভীমরথো বীরো বীরবাহুরলোলুপঃ॥ 1-68-103 (3054) অভয়ো রৌদ্রকর্মা চ তথা দৃঢরথশ্চ যঃ। অনাধৃষ্যঃ কুম্ডভেদী বিরাবী দীর্ঘলোচনঃ॥ 1-68-104 (3055) দীর্ঘবাহুর্মহাবাহুর্ব্যূঢোরুঃ কনকাঙ্গদঃ। কুণ্ডজশ্চিত্রকশ্চৈব দুঃশলা চ শতাধিকা॥ 1-68-105 (3056) বৈশ্যাপুত্রো যুয়ুৎসুশ্চ ধার্তরাষ্ট্রঃ শতাধিকঃ। এতদেকশতং রাজন্কন্যা চৈকা প্রকীর্তিতা॥ 1-68-106 (3057) নামধেয়ানুপূর্ব্যা চ জ্যেষ্ঠানুজ্যেষ্ঠতাং বিদুঃ। সর্বে ৎবতিরথাঃ শূরাঃ সর্বে যুদ্ধবিশারদাঃ॥ 1-68-107 (3058) সর্বে বেদবিদশ্চৈব রাজঞ্শাস্ত্রে চ পরাগাঃ। সর্বে সঙ্ঘ্রামবিদ্যাসু বিদ্যাভিজনশোভিনঃ॥ 1-68-108 (3059) সর্বেষামনুরূপাশ্চ কৃতা দারা মহীপতে। দুঃশলাং সময়ে রাজসিন্ধুরাজায় কৌরবঃ॥ 1-68-109 (3060) জয়দ্রথায় প্রদদৌ সৌবলানুমতে তদা। ধর্মস্যাংশং তু রাজানং বিদ্ধি রাজন্যুধিষ্ঠিরম্॥ 1-68-110 (3061) ভীমসেনং তু বাতস্য দেবরাজস্য চার্জুনম্। অশ্বিনোস্তু তথৈবাংশৌ রূপেণাপ্রতিমৌ ভুবি॥ 1-68-111 (3062) নকুলঃ সহদেবশ্চ সর্বভূতমনোহরৌ। স্যুবর্চা ইতি খ্যাতঃ সোমপুত্রঃ প্রতাপবান্॥ 1-68-112 (3063) সোঽভিমন্যুর্বৃহৎকীর্তিরর্জুনস্য সুতোঽভবৎ। যস্যাবতরণে রাজন্সুরান্সোমোঽব্রবীদিদম্॥ 1-68-113 (3064) নাহং দদ্যাং প্রিয়ং পুত্রং মম প্রাণৈর্গরীয়সম্। সময়ঃ ক্রিয়তামেষ ন শক্যমতিবর্তিতুম্॥ 1-68-114 (3065) সুরকার্যং হি নঃ কার্যমসুরাণাং ক্ষিতৌ বধঃ। তত্র যাস্যত্যযং বর্চা ন চ স্থাস্যতি বৈ চিরম্॥ 1-68-115 (3066) ঐন্দ্রির্নরস্তু ভবিতা যস্য নারায়ণঃ সখা। সোর্জুনেত্যভিবিখ্যাতঃ পাণ্ডোঃ পুত্রঃ প্রতাপবান্॥ 1-68-116 (3067) তস্যায়ং ভবিতা পুত্রো বালো ভুবি মহারথঃ। ততঃ ষোডশবর্ষাণি স্থাস্যত্যমরসত্তমাঃ॥ 1-68-117 (3068) অস্য ষোডশবর্ষস্য স সঙ্গ্রামো ভবিষ্যতি। যত্রাংশা বঃ করিষ্যন্তি কর্ম বীরনিষূদনম্॥ 1-68-118 (3069) নরনারায়ণাভ্যাং তু স সঙ্গ্রামো বিনাকৃতঃ। চক্রব্যূহং সমাস্থায় যোধয়িষ্যন্তি বঃসুরাঃ॥ 1-68-119 (3070) বিমুখাঞ্ছাত্রবান্সর্বান্কারয়িষ্যতি মে সুতঃ। বালঃ প্রবিশ্য চ ব্যূহমভেদ্যং বিচরিষ্যতি॥ 1-68-120 (3071) মহারথানাং বীরাণাং কদনং চ করিষ্যতি। সর্বেষামেব শত্রূণাং চতুর্থাংশং নয়িষ্যতি॥ 1-68-121 (3072) দিনার্ধেন মহাবাহুঃ প্রেতরাজপুরং প্রতি। ততো মহারথৈর্বীরৈঃ সমেত্য বহুশো রণে॥ 1-68-122 (3073) দিনক্ষয়ে মহাবাহুর্ময়া ভূয়ঃ সমেষ্যতি। একং বংশকরং পুত্রং বীরং বৈ জনয়িষ্যতি॥ 1-68-123 (3074) প্রনষ্টং ভারতং বংশং স ভূয়ো ধারয়িষ্যতি। 1-68-124 (3075) বৈশম্পায়ন উবাচ। এতৎসোমবচঃ শ্রুৎবা তথাস্ৎবিতি দিবৌকসঃ॥ 1-68-124x (328) প্রত্যূচুঃ সহিতাঃ সর্বে তারাধিপমপূজয়ন্। এবং তে কথিতং রাজংস্তব জন্ম পিতুঃ পিতুঃ॥ 1-68-125 (3076) অগ্নের্ভাগং তু বিদ্ধি ৎবং ধৃষ্টদ্যুম্নং মহারথণ্। শিখণ্ডিনমথো রাজংস্ত্রীপূর্বং বিদ্ধি রাক্ষসম্॥ 1-68-126 (3077) দ্রৌপদেয়াশ্চ যে পঞ্চ বভূবুর্ভরতর্ষভ। বিশ্বান্দেবগণান্বিদ্ধি সংজাতান্ভরতর্ষভ॥ 1-68-127 (3078) প্রতিবিন্ধ্যঃ সুতসোমঃ শ্রুতকীর্তিস্তথাপরঃ। নাকুলিস্তু শতানীকঃ শ্রুতসেনশ্চ বীর্যবান্॥ 1-68-128 (3079) শূরো নাম যদুশ্রেষ্ঠো বসুদেবপিতাঽভবৎ। তস্য কন্যা পৃথা নাম রূপেণাসদৃশী ভুবি। 1-68-129 (3080) পিতুঃ স্বস্রীয়পুত্রায় সোঽনপত্যায় বীর্যবান্। অগ্রমগ্রে প্রতিজ্ঞায় স্বস্যাপত্যস্য বৈ তদা॥ 1-68-130 (3081) অগ্রজাতেতি তাং কন্যাং শূরোঽনুগ্রহকাঙ্ক্ষয়া। অদদৎকুন্তিভোজায় স তাং দুহিতরং তদা॥ 1-68-131 (3082) সা নিয়ুক্তা পিতুর্গেহে ব্রাহ্মণাতিথিপূজনে। উগ্রং পর্যচরদ্ধোরং ব্রাহ্মণং সংশিতব্রতম্॥ 1-68-132 (3083) নিকূঢনিশ্চয়ং ধর্মে যং তং দুর্বাসসং বিদুঃ। সমুগ্রং শংসিতাত্মানং সর্বয়ত্নৈরতোষয়ৎ॥ 1-68-133 (3084) তুষ্টোঽভিচারসংয়ুক্তমাচচক্ষে যথাবিধি। উবাচ চৈনাং ভগবান্প্রীতোঽস্মি সুভগে তব॥ 1-68-134 (3085) যং যং দেবং ৎবমেতেন মন্ত্রেণাবাহয়িষ্যসি। তস্য তস্য প্রসাদাত্ৎবং দেবি পুত্রাঞ্জনিষ্যসি॥ 1-68-135 (3086) এবমুক্তা চ সা বালা তদা কৌতূহলান্বিতা। কন্যা সতী দেবমর্কমাজুহাব যশস্বিনী॥ 1-68-136 (3087) প্রকাশকর্তা ভগবাংস্তস্যাং গর্ভং দধৌ তদা। অজীজনৎসুতং চাস্যাং সর্বশস্ত্রভৃতাংবরম্॥ 1-68-137 (3088) সকুণ্ডলং সকবচং দেবগর্ভং শ্রিয়ান্বিতম্। দিবাকরসমং দীপ্ত্যা চারুসর্বাঙ্গভূষিতম্॥ 1-68-138 (3089) নিগূহমানা জাতং বৈ বন্ধুপক্ষভয়াত্তদা। উৎসসর্জ জলে কুন্তী তং কুমারং যশস্বিনম্॥ 1-68-139 (3090) তমুৎসৃষ্টং জলে গর্ভং রাধাভর্তা মহায়শাঃ। রাধায়াঃ কল্পয়ামাস পুত্রং সোঽধিরথস্তদা॥ 1-68-140 (3091) চক্রতুর্নামধেয়ং চ তস্য বালস্য তাবুভৌ। দংপতী বসুষেণেতি দিক্ষু সর্বাসু বিশ্রুতম্॥ 1-68-141 (3092) সংবর্ধমানো বলবান্সর্বাস্ত্রেষূত্তমোঽভবৎ। বেদাঙ্গানি চ সর্বাণি জজাপ জপতাং বরঃ॥ 1-68-142 (3093) যস্মিন্কালে জপন্নাস্তে ধীমান্সত্যপরাক্রমঃ। নাদেয়ং ব্রাহ্মণেষ্বাসীত্তস্মিন্কালে মহাত্মনঃ॥ 1-68-143 (3094) তমিন্দ্রো ব্রাহ্মণো ভূৎবা পুত্রার্থে ভূতভাবনঃ। যয়াচে কুণ্ডলে বীরং কবচং চ সহাঙ্গজম্॥ 1-68-144 (3095) উৎকৃত্য কর্ণো হ্যদদৎকবচং কুণ্ডলে তথা॥ শক্তিং শক্রো দদৌ তস্মৈ বিস্মিতশ্চেদমব্রবীৎ॥ 1-68-145 (3096) দেবাসুরমনুষ্যাণাং গন্ধর্বোরগরক্ষসাম্। যস্মিন্ক্ষেপ্স্যসি দুর্ধর্ষ স একো ন ভবিষ্যতি॥ 1-68-146 (3097) বৈশম্পায়ন উবাচ। 1-68-147x (329) পুরা নাম চ তস্যাসীদ্বসুষেণ ইতি ক্ষিতৌ। ততো বৈকর্তনঃ কর্ণঃ কর্মণা তেন সোঽভবৎ॥ 1-68-147 (3098) আমুক্তকবচো বীরো যস্তু জজ্ঞে মহায়শাঃ। স কর্ণ ইতি বিখ্যাতঃ পৃথায়াঃ প্রথমঃ সুতঃ॥ 1-68-148 (3099) স তু সূতকুলে বীরো ববৃধে রাজসত্তম। কর্ণং নরবরশ্রেষ্ঠং সর্বশস্ত্রভৃতাং বরম্॥ 1-68-149 (3100) দুর্যোধনস্য সচিবং মিত্রং শত্রুবিনাশনম্। দিবাকরস্য তং বিদ্ধি রাজন্নংশমনুত্তমম্॥ 1-68-150 (3101) যস্তু নারায়ণো নাম দেবদেবঃ সনাতনঃ। তস্যাংশো মানুষেষ্বাসীদ্বাসুদেবঃ প্রতাপবান্॥ 1-68-151 (3102) শেষস্যাংশশ্চ নাগস্য বলদেবো মহাবলঃ। সনৎকুমারং প্রদ্যুম্নং বিদ্ধি রাজন্মহৌজসম্॥ 1-68-152 (3103) এবমন্যে মনুষ্যেন্দ্রা বহবোংশা দিবৌকসাম্। জজ্ঞিরে বসুদেবস্য কুলে কুলবিবর্ধনাঃ॥ 1-68-153 (3104) গণস্ৎবপ্সরসাং যো বৈ ময়া রাজন্প্রকীর্তিতঃ। তস্য ভাগঃ ক্ষিতৌ জজ্ঞে নিয়োগাদ্বাসবস্য হ॥ 1-68-154 (3105) তানি ষোডশদেবীনাং সহস্রাণি নরাধিপ। বভূবুর্মানুষে লোকে বাসুদেবপরিগ্রহঃ॥ 1-68-155 (3106) শ্রিয়স্তু ভাগঃ সংজজ্ঞে রত্যর্থং পৃথিবীতলে। [ভীষ্মকস্য কুলে সাধ্বী রুক্মিণী নাম নামতঃ॥ 1-68-156 (3107) দ্রৌপদী ৎবথ সংজজ্ঞে শচী ভাগাদনিন্দিতা।] দ্রুপদস্য কুলে জাতা বেদিমধ্যাদনিন্দিতা॥ 1-68-157 (3108) নাতিহ্রস্বা ন মহতী নীলোৎপলসুগন্ধিনী। পদ্মায়তাক্ষী সুশ্রোণী স্বসিতাঞ্চিতমূর্ধজা॥ 1-68-158 (3109) সর্বলক্ষণসংপন্না বৈদূর্যমণিসংনিভা। পঞ্চানাং পুরুষেন্দ্রাণাং চিত্তপ্রমথনী রহঃ॥ 1-68-159 (3110) সিদ্ধির্ধৃতিশ্চ যে দেব্যৌ পঞ্চানাং মাতরৌ তু তে। কুন্তী মাদ্রী চ জজ্ঞাতে মতিস্তু কুবলাত্মজা॥ 1-68-160 (3111) ইতি দেবাসুরাণাং তে গন্ধর্বাপ্সরসাং তথা। অংশাবতরণং রাজন্রাক্ষসানাং চ কীর্তিতম্॥ 1-68-161 (3112) যে পৃথিব্যাং সমুদ্ভূতা রাজানো যুদ্ধদুর্মদাঃ। মহাত্মানো যদূনাং চ যে জাতা বিপুলে কুলে॥ 1-68-162 (3113) ব্রাহ্মণাঃ ক্ষত্রিয়া বৈশ্যা ময়া তে পরিকীর্তিতাঃ। ধন্যং যশস্যং পুত্রীয়মায়ুষ্যং বিজয়াবহম্॥ 1-68-163 (3114) ইদমংশাবতরণং শ্রোতব্যমনসূয়তা। অংশাবতরণং শ্রুৎবা দেবগন্ধর্বরক্ষসাম্॥ 1-68-164 (3115) প্রভবাপ্যযবিৎপ্রাজ্ঞো ন কৃচ্ছ্রেষ্ববসীদতি॥ ॥ 1-68-165 (3116) ইতি শ্রীমন্মহাভারতে আদিপর্বণি সংভবপর্বণি অষ্টষষ্টিতমোঽধ্যায়ঃ॥ 68 ॥

1-69-0 (3117) জনমেজয় উবাচ। 1-69-0x (330) ৎবত্তঃ শ্রুতমিদং ব্রহ্মন্দেবদানবরক্ষসাম্। অংশাবতরণং সম্যগ্গন্ধর্বাপ্সরসাং তথা॥ 1-69-1 (3118) ইমং তু ভূয় ইচ্ছামি কুরূণাং বংশমাদিতঃ। কথ্যমানং ৎবয়া বিপ্র বিপ্রর্ষিগণসন্নিধৌ॥ 1-69-2 (3119) বৈশম্পায়ন উবাচ। 1-69-3x (331) ধর্মার্থকামসহিতং রাজর্ষীণাং প্রকীর্তিতম্। পবিত্রং কীর্ত্যমানং মে নিবোধেদং মনীষিণাম্॥ 1-69-3 (3120) প্রজাপতেস্তু দক্ষস্য মনোর্বৈবস্বতস্য চ। ভরতস্য কুরোঃ পূরোরাজমীঢস্য চানঘ॥ 1-69-4 (3121) যাদবানামিমং বংশং কৌরবাণাং চ সর্বশঃ। তথৈব ভরতানাং চ পুণ্যং স্বস্ত্যযনং মহৎ॥ 1-69-5 (3122) ধন্যং যশস্যমায়ুষ্যং কীর্তয়িষ্যামি তেঽনঘ। তেজোভিরুদিতাঃ সর্বে মহর্ষিসমতেজসঃ॥ 1-69-6 (3123) দশ প্রাচেতসঃ পুত্রাঃ সন্তঃ পুণ্যজনাঃ স্মৃতাঃ। মুখজেনাগ্নিনা যৈস্তে পূর্বং দগ্ধা মহৌজসঃ॥ 1-69-7 (3124) তেভ্যঃ প্রাচেতসো জজ্ঞে দক্ষো দক্ষাদিমাঃ প্রজাঃ। সংভূতাঃ পুরুষব্যাঘ্র স হি লোকপিতামহঃ॥ 1-69-8 (3125) বীরিণ্যা সহ সঙ্গম্য দক্ষঃ প্রাচেতসো মুনিঃ। আত্মতুল্যানজনয়ৎসহস্রং সংশিতব্রতান্॥ 1-69-9 (3126) সহস্রসঙ্খ্যানসংভূতান্দক্ষপুত্রাংশ্চ নারদঃ। মোক্ষমধ্যাপয়ামাস সাঙ্খ্যজ্ঞানমনুত্তমম্॥ 1-69-10 (3127) `নাশার্থং যোজয়ামাস দিগন্তজ্ঞানকর্মসু'। ততঃ পঞ্চাশতং কন্যা পুত্রিকা অভিসন্দধে। প্রজাপতিঃ প্রজা দক্ষঃ সিসৃক্ষুর্জনমেজয়॥ 1-69-11 (3128) দদৌ দশ স ধর্মায় কশ্যপায় ত্রয়োদশ। কালস্য নয়নে যুক্তাঃ সপ্তবিংশতিমিন্দবে॥ 1-69-12 (3129) ত্রয়োদশানাং পত্নীনাং যা তু দাক্ষায়ণী বরা। মারীচঃ কশ্যপস্ৎবস্যামাদিত্যান্সমজীজনৎ॥ 1-69-13 (3130) ইন্দ্রাদীন্বীর্যসংপন্নান্বিবস্বন্তমথাপি চ। বিবস্বতঃ সুতো জজ্ঞে যমো বৈবস্বতঃ প্রভুঃ॥ 1-69-14 (3131) `মার্তাণ্ডস্য যমী চাপি সুতা রাজন্নজায়ত'। মার্তণ্ডস্য মনুর্ধীমানজায়ত সুতঃ প্রভুঃ॥ 1-69-15 (3132) ধর্মাত্মা স মনুর্ধীমান্যত্র বংশঃ প্রতিষ্ঠিতঃ। মনোর্বংশো মানবানাং ততোঽয়ং প্রথিতোঽভবৎ॥ 1-69-16 (3133) ব্রহ্মক্ষত্রাদয়স্তস্মান্মনোর্জাতাস্তু মানবাঃ। ততোঽভবন্মহারাজ ব্রহ্ম ক্ষত্রেণ সঙ্গতম্॥ 1-69-17 (3134) ব্রাহ্মণা মানবাস্তেষাং সাঙ্গং বেদমদারয়ন্। বেনং ধৃষ্ণুং নরিষ্যন্তং নাভাগেক্ষ্বাকুমেব চ॥ 1-69-18 (3135) কারূষমথ শর্যাতিং তথা চৈবাষ্টমীমিলাম্। পৃষ্টধ্রং নবমং প্রাহুঃ ক্ষত্রধর্মপরায়ণম্॥ 1-69-19 (3136) নাভাগারিষ্টদশমান্মনোঃ পুত্রান্প্রচক্ষতে। পঞ্চাশত্তু মনোঃ পুত্রাস্তথৈবান্যেঽভবন্ক্ষিতৌ॥ 1-69-20 (3137) অন্যোন্যভেদাত্তে সর্বে বিনেশুরিতি নঃ শ্রুতম্। পুরূরবাস্ততো বিদ্বানিলায়াং সমপদ্যত॥ 1-69-21 (3138) সা বৈ তস্যাভবন্মাতা পিতা চৈবেতি নঃ শ্রুতম্। ত্রয়োদশ সমুদ্রস্য দ্বীপানশ্নন্পুরূরবাঃ॥ 1-69-22 (3139) অমানুষৈর্বৃতঃ সৎবৈর্মানুষঃ সন্মহায়শাঃ। বিপ্রৈঃ স বিগ্রহং চক্রে বীর্যোন্মত্তঃ পুরূরবাঃ॥ 1-69-23 (3140) জহার চ স বিপ্রাণাং রত্নান্যুৎক্রোশতামপি। সনৎকুমারস্তং রাজন্ব্রহ্মলোকাদুপেত্য হ॥ 1-69-24 (3141) অনুদর্শং ততশ্চক্রে প্রত্যগৃহ্ণান্ন চাপ্যসৌ। ততো মহর্ষিভিঃ ক্রুদ্ধৈঃ সদ্যঃ শপ্তো ব্যনশ্যত॥ 1-69-25 (3142) লোভান্বিতো বলমদান্নষ্টসংজ্ঞো নরাধিপঃ। স হি গন্ধর্বলোকস্থানুর্বশ্যা সহিতো বিরাট্॥ 1-69-26 (3143) আনিনায় ক্রিয়ার্থেঽগ্নীন্যথাবদ্বিহিতাংস্ত্রিধা। ষট্ সুতা জজ্ঞিরে চৈলাদায়ুর্ধীমানমাবসুঃ॥ 1-69-27 (3144) দৃঢায়ুশ্চ বনায়ুশ্চ শতায়ুশ্চোর্বশীসুতাঃ। নহুষং বৃদ্ধশর্মাণং রজিং গয়মনেনসম্॥ 1-69-28 (3145) স্বর্ভানবী সুতানেতানায়োঃ পুত্রান্প্রচক্ষতে। আয়ুষো নহুষঃ পুত্রো ধীমান্সত্যপরাক্রমঃ॥ 1-69-29 (3146) রাজ্যং শশাস সুমহদ্ধর্মেণ পৃথিবীপতে। পিতৄন্দেবানৃষীন্বিপ্রান্গন্ধর্বোরগরাক্ষসান্॥ 1-69-30 (3147) নহুষঃ পালয়ামাস ব্রহ্মক্ষত্রমথো বিশঃ। স হৎবা দস্যুসংঘাতানৃষীন্করমদাপয়ৎ॥ 1-69-31 (3148) পশুবচ্চৈব তান্পৃষ্ঠে বাহয়ামাস বীর্যবান্। কারয়ামাস চেন্দ্রৎবমভিভূয় দিবৌকসঃ॥ 1-69-32 (3149) তেজসা তপসা চৈব বিক্রমেণৌজসা তথা। `বিশ্লিষ্টো নহুষঃ শপ্তঃ সদ্যো হ্যজগরোঽভবৎ'। যতিং যয়াতিং সংয়াতিমায়াতিময়তিং ধ্রুবম্॥ 1-69-33 (3150) নহুষো জনয়ামাস ষট্ সুতান্প্রিয়বাদিনঃ। যতিস্তু যোগমাস্থায় ব্রহ্মীভূতোঽভবন্মুনিঃ॥ 1-69-34 (3151) যয়াতির্নাহুষঃ সম্রাডাসীৎসত্যপরাক্রমঃ। স পালয়ামাস মহীমীজে চ বহুভির্মখৈঃ॥ 1-69-35 (3152) অতিভক্ত্যা পিতৄনর্চন্দেবাংশ্চ প্রয়তঃ সদা। অন্বগৃহ্ণাৎপ্রজাঃ সর্বা যয়াতিরপরাজিতঃ॥ 1-69-36 (3153) তস্য পুত্রা মহেষ্বাসাঃ সর্বৈঃ সমুদিতা গুণৈঃ। দেবয়ান্যাং মহারাজ শর্মিষ্ঠায়াং চ জজ্ঞিরে॥ 1-69-37 (3154) দেবয়ান্যামজায়েতাং যদুস্তুর্বসুরেব চ। দ্রুহ্যুশ্চানুশ্চ পূরুশ্চ শর্মিষ্ঠায়াং চ জজ্ঞিরে॥ 1-69-38 (3155) স শাশ্বতীঃ সমা রাজন্প্রজা ধর্মেণ পালয়ন্। জরামার্চ্ছন্মহাঘোরাং নাহুষো রূপনাশিনীম্॥ 1-69-39 (3156) জরাঽভিভূতঃ পুত্রান্স রাজা বচনমব্রবীৎ। যদুং পূরুং তুর্বসুং চ দ্রুহ্যুং চানুং চ ভারত॥ 1-69-40 (3157) যৌবনেন চরন্কামান্যুবা যুবতিভিঃ সহ। বিহর্তুমহমিচ্ছামি সাহ্যং কুরুত পুত্রকাঃ॥ 1-69-41 (3158) তং পুত্রো দৈবয়ানেয়ঃ পূর্বজো বাক্যমব্রবীৎ। কিং কার্যং ভবতঃ কার্যমস্মাকং যৌবনেন তে॥ 1-69-42 (3159) যয়াতিরব্রবীত্তং বৈ জরা মে প্রতিগৃহ্যতাম্। যৌবনেন ৎবদীয়েন চরেয়ং বিষয়ানহম্॥ 1-69-43 (3160) যজতো দীর্ঘসত্রৈর্মে শাপাচ্চোশনসো মুনেঃ। কামার্থঃ পরিহীণোঽয়ং তপ্যেয়ং তেন পুত্রকাঃ॥ 1-69-44 (3161) মামকেন শরীরেণ রাজ্যমেকঃ প্রশাস্তু বঃ। অহং তন্বাঽভিনবয়া যুবা কামমবাপ্নুয়াম্॥ 1-69-45 (3162) বৈশম্পায়ন উবাচ। 1-69-46x (332) তে ন তস্য প্রত্যগৃহ্ণন্যদুপ্রভৃতয়ো জরাম্। তমব্রবীত্ততঃ পূরুঃ কনীয়ান্সত্যবিক্রমঃ॥ 1-69-46 (3163) রাজংশ্চরাভিনবয়া তন্বা যৌবনগোচরঃ। অহং জরাং সমাদায় রাজ্যে স্থাস্যামি তেজ্ঞয়া॥ 1-69-47 (3164) এবমুক্তঃ স রাজর্ষিস্তপোবীর্যসমাশ্রয়াৎ। সংচারয়ামাস জরাং তদা পুত্রে মহাত্মনি॥ 1-69-48 (3165) পৌরবেণাথ বয়সা রাজা যৌবনমাস্থিতঃ। যায়াতেনাপি বয়সা রাজ্যং পূরুরকারয়ৎ॥ 1-69-49 (3166) ততো বর্ষসহস্রাণি যয়াতিরপরাজিতঃ। স্থিতঃ স নৃপশার্দূলঃ শার্দূলসমবিক্রমঃ॥ 1-69-50 (3167) যয়াতিরপি পত্নীভ্যাং দীর্ঘকালং বিহৃত্য চ। বিশ্বাচ্যা সহিতো রেমে পুনশ্চৈত্ররথে বনে॥ 1-69-51 (3168) নাধ্যগচ্ছত্তদা তৃপ্তিং কামানাং স মহায়শাঃ। অবেত্য মনসা রাজন্নিমাং গাথাং তদা জগৌ॥ 1-69-52 (3169) ন জাতু কামঃ কামানামুপভোগেন শাম্যতি। ইবিষা কৃষ্ণবর্ত্মেব ভূয় এবাভিবর্ধতে॥ 1-69-53 (3170) যৎপৃথিব্যাং ব্রীহিয়বং হিরণ্যং পশবঃ স্ত্রিয়ঃ। নালমেকস্য তৎসর্বমিতি মৎবা শমং ব্রজেৎ॥ 1-69-54 (3171) যদা ন কুরুতে পাপং সর্বভূতেষু কর্হিচিৎ। কর্মণা মনসা বাচা ব্রহ্ম সংপদ্যতে তদা॥ 1-69-55 (3172) ন বিভেতি যদা চায়ং যদা চাস্মান্ন বিভ্যতি। যদা নেচ্ছতি ন দ্বেষ্টি ব্রহ্ম সংপদ্যতে তদা॥ 1-69-56 (3173) ইত্যবেক্ষ্য মহাপ্রাজ্ঞঃ কামানাং ফল্গুতাং নৃপ। সমাধায় মনো বুদ্ধ্যা প্রত্যগৃহ্ণাজ্জরাং সুতাৎ॥ 1-69-57 (3174) `ততো বর্ষসহস্রান্তে যয়াতিরপরাজিতঃ।' দৎবা চ যৌবনং রাজা পূরুং রাজ্যেঽভিষিচ্য চ। অতৃপ্ত এব কামানাং পূরুং পুত্রমুবাচ হ॥ 1-69-58 (3175) ৎবয়া দায়াদবানস্মি ৎবং মে বংশকরঃ সুতঃ। পৌরবো বংশ ইতি তে খ্যাতিং লোকে গমিষ্যতি॥ 1-69-59 (3176) বৈশম্পায়ন উবাচ। 1-69-60x (333) ততঃ স নৃপশার্দূল পূরুং রাজ্যেঽভিষিচ্য চ। ততঃ সুচরিতং কৃৎবা ভৃগুতুঙ্গে মহাতপাঃ॥ 1-69-60 (3177) কালেন মহতা পশ্চাৎকালধর্মমুপেয়িবান্। কারয়িৎবা ৎবনশনং সদারঃ স্বর্গমাপ্তবান্॥ ॥ 1-69-61 (3178) ইতি শ্রীমন্মহাভারতে আদিপর্বণি সংভবপর্বণি একোনসপ্ততিতমোঽধ্যায়ঃ॥ 69 ॥

1-70-0 (3179) জনমেজয় উবাচ। 1-70-0x (334) যয়াতিঃ পূর্বজোঽস্মাকং দশমো যঃ প্রজাপতেঃ। কথং স শুক্রতনয়াং লেভে পরমদুর্লভাম্॥ 1-70-1 (3180) এতদিচ্ছাম্যহং শ্রোতুং বিস্তরেণ তপোধন। আনুপূর্ব্যা চ মে শংস রাজ্ঞো বংশকরান্পৃথক্॥ 1-70-2 (3181) বৈশম্পায়ন উবাচ। 1-70-3x (335) যয়াতিরাসীন্নৃপতির্দেবরাজসমদ্যুতিঃ। তং শুক্রবৃষপর্বাণৌ বব্রাতে বৈ যথা পুরা॥ 1-70-3 (3182) তত্তেঽহং সংপ্রবক্ষ্যামি পৃচ্ছতে জনমেজয়। দেবয়ান্যাশ্চ সংয়োগং যয়াতের্নাহুষস্য চ॥ 1-70-4 (3183) সুরাণামসুরাণাং চ সমজায়ত বৈ মিথঃ। ঐশ্বর্যং প্রতি সংঘর্ষস্ত্রৈলোক্যে সচরাচরে॥ 1-70-5 (3184) জিগীষয়া ততো দেবা বব্রিরেঽঙ্গিরসং মুনিম্। পৌরোহিত্যেন যাজ্যার্থে কাব্যং তূশনসং পরে॥ 1-70-6 (3185) ব্রাহ্মণৌ তাবুভৌ নিত্যমন্যোন্যস্পর্ধিনৌ ভৃশম্। তত্র দেবা নিজঘ্নুর্যান্দানবান্যুধি সংগতান্॥ 1-70-7 (3186) তান্পুনর্জীবয়ামাস কাব্যো বিদ্যাবলাশ্রয়াৎ। ততস্তে পুনরুত্থায় যোধয়াংচক্রিরে সুরান্॥ 1-70-8 (3187) অসুরাস্তু নিজঘ্নুর্যান্সুরান্সমরমূর্ধনি। ন তান্সঞ্জীবয়ামাস বৃহস্পতিরুদারধীঃ॥ 1-70-9 (3188) ন হি বেদ স তাং বিদ্যাং যাং কাব্যোবেত্তি বীর্যবান্। সঞ্জীবিনীং ততো দেবা বিষাদমগমন্পরম্॥ 1-70-10 (3189) তে তু দেবা ভয়োদ্বিগ্নাঃ কাব্যাদুশনসস্তদা। ঊচুঃ কচমুপাগম্য জ্যেষ্ঠং পুত্রং বৃহস্পতেঃ॥ 1-70-11 (3190) ভজমানান্ভজস্বাস্মান্কুরু নঃ সাহ্যমুত্তমম্। যা সা বিদ্যা নিবসতি ব্রাহ্মণেঽমিততেজসি॥ 1-70-12 (3191) শুক্রে তামাহর ক্ষিপ্রং ভাগভাঙ্গো ভবিষ্যসি। বৃষপর্বসমীপে হি শক্যো দ্রষ্টুং ৎবয়া দ্বিজঃ॥ 1-70-13 (3192) রক্ষতে দানবাংস্তত্র ন স রক্ষত্যদানবান্। তমারাধয়িতুং শক্তো ভবান্পূর্ববয়াঃ কবিম্॥ 1-70-14 (3193) দেবয়ানীং চ দয়িতাং সুতাং তস্য মহাত্মনঃ। ৎবমারাধয়িতুং শক্তো নান্যঃ কশ্চন বিদ্যতে॥ 1-70-15 (3194) শীলদাক্ষিণ্যমাধুর্যৈরাচারেণ দমেন চ। দেবয়ান্যাং হি তুষ্টায়াং বিদ্যাং তাং প্রাপ্স্যসি ধ্রুবম্॥ 1-70-16 (3195) বৈশম্পায়ন উবাচ। 1-70-17x (336) তথেত্যুক্ৎবা ততঃ প্রায়াদ্বৃহস্পতিসুতঃ কচঃ। তদাঽভিপূজিতো দেবৈঃ সমীপে বৃষপর্বণঃ॥ 1-70-17 (3196) স গৎবা ৎবরিতো রাজন্দেবৈঃ সংপ্রেষিতঃ কচঃ। অসুরেন্দ্রপুরে শুক্রং দৃষ্ট্বা বাক্যমুবাচ হ॥ 1-70-18 (3197) ঋষেরঙ্গিরসঃ পৌত্রং পুত্রং সাক্ষাদ্বৃহস্পতেঃ। নাম্না কচ ইতি খ্যাতং শিষ্যং গৃহ্ণাৎ মাং ভবান্॥ 1-70-19 (3198) ব্রহ্মচর্যং চরিষ্যামি ৎবয়্যহং পরমং গুরৌ। অনুমন্যস্ব মাং ব্রহ্মন্সহস্রং পরিবৎসরান্॥ 1-70-20 (3199) শুক্র উবাচ। 1-70-21x (337) কচ সুস্বাগতং তেঽস্তু প্রতিগৃহ্ণামি তে বচঃ। অর্চয়িষ্যেঽহমর্চ্যং ৎবামর্চিতোঽস্তু বৃহস্পতিঃ॥ 1-70-21 (3200) বৈশম্পায়ন উবাচ। 1-70-22x (338) কচস্তু তং তথেত্যুক্ৎবা প্রতিজগ্রাহ তদ্ব্রতম্। আদিষ্টং কবিপুত্রেণ শুক্রেণোশনসা স্বয়ম্॥ 1-70-22 (3201) ব্রতস্য প্রাপ্তকালং স যথোক্তং প্রত্যগৃহ্ণত। আরাধয়ন্নুপাধ্যায়ং দেবয়ানীং চ ভারত॥ 1-70-23 (3202) নিত্যমারাধয়িষ্যংস্তাং যুবা যৌবনগাং মুনিঃ। গায়ন্নৃত্যন্বাদয়ংশ্চ দেবয়ানীমতোষয়ৎ॥ 1-70-24 (3203) স শীলয়ন্দেবয়ানীং কন্যাং সংপ্রাপ্তয়ৌবনাম্। পুষ্পৈঃ ফলৈঃ প্রেষণৈশ্চ তোষয়ামাস ভারত॥ 1-70-25 (3204) দেবয়ান্যপি তং বিপ্রং নিয়মব্রতধারিণম্। গায়ন্তী চ ললন্তী চ রহঃ পর্যচরত্তথা॥ 1-70-26 (3205) `গায়ন্তং চৈব শুল্কং চ দাতারং প্রিয়বাদিনম্। নার্যো নরং কাময়ন্তে রূপিণং স্রগ্বিণং তথা॥' 1-70-27 (3206) পঞ্চবর্ষশতান্যেবং কচস্য চরতো ব্রতম্। তত্রাতীয়ুরথো বুদ্ধ্বা দানবাস্তং ততঃ কচম্॥ 1-70-28 (3207) গা রক্ষন্তং বনে দৃষ্ট্বা রহস্যেকমমর্ষিতাঃ। জঘ্নুর্বৃহস্পতের্দ্বেষাদ্বিদ্যারক্ষার্থমেব চ॥ 1-70-29 (3208) হৎবা শালাবৃকেভ্যশ্চ প্রায়চ্ছঁল্লবশঃ কৃতম্। ততো গাবো নিবৃত্তাস্তা অগোপাঃ স্বং নিবেশনম্॥ 1-70-30 (3209) সা দৃষ্ট্বা রহিতা গাশ্চ কচেনাভ্যাগতা বনাৎ। উবাচ বচনং কালে দেবয়ান্যথ ভারত॥ 1-70-31 (3210) দেবয়ান্যুবাচ। 1-70-32x (339) আহুতং চাগ্নিহোত্রং তে সূর্যশ্চাস্তং গতঃ প্রভো। অগোপাশ্চাগতা গাবঃ কচস্তাত ন দৃশ্যতে॥ 1-70-32 (3211) ব্যক্তং হতো মৃতো বাপি কচস্তাত ভবিষ্যতি। তং বিনা ন চ জীবেয়মিতি সত্যং ব্রবীমি তে॥ 1-70-33 (3212) শুক্র উবাচ। 1-70-34x (340) অয়মেহীতি সংশব্দ্য মৃতং সংজীবয়াম্যহম্। 1-70-34 (3213) বৈশম্পায়ন উবাচ। ততঃ সংজীবিনীং বিদ্যাং প্রয়ুজ্য কচমাহ্বয়ৎ॥ 1-70-34x (341) ভিত্ৎবা ভিত্ৎবা শরীরাণি বৃকাণাং স বিনির্গতঃ। আহূতঃ প্রাদুরভবৎকচো হৃষ্টোঽথ বিদ্যযা॥ 1-70-35 (3214) কস্মাচ্চিরায়িতোঽসীতি পৃষ্টস্তামাহ ভার্গবীম্। 1-70-36 (3215) কচ উবাচ। সমিধশ্চ কুশাদীনি কাষ্ঠভারং চ ভামিনি॥ 1-70-36x (342) গৃহীৎবা শ্রমভারার্তো বটবৃক্ষং সমাশ্রিতঃ। গাবশ্চ সহিতাঃ সর্বা বৃক্ষচ্ছায়ামুপাশ্রিতাঃ॥ 1-70-37 (3216) অসুরাস্তত্র মাং দৃষ্ট্বা কস্ৎবমিত্যভ্যচোদয়ন্। বৃহস্পতিসুতশ্চাহং কচ ইত্যভিবিশ্রুতঃ॥ 1-70-38 (3217) ইত্যুক্তমাত্রে মাং হৎবা পেষীকৃৎবা তু দানবাঃ। দত্ৎবা শালাবৃকেভ্যস্তু সুখং জগ্মুঃ স্বমালয়ং॥ 1-70-39 (3218) আহূতো বিদ্যযা ভদ্রে ভার্গবেণ মহাত্মনা। ৎবৎসমীপমিহায়াতঃ কথংচিৎপ্রাপ্তজীবিতঃ॥ 1-70-40 (3219) হতোঽহমিতি চাচখ্যৌ পৃষ্টো ব্রাহ্মণকন্যযা। স পুনর্দেবয়ান্যোক্তঃ পুষ্পাণ্যাহর মে দ্বিজ॥ 1-70-41 (3220) বনং যয়ৌ কচো বিপ্রো দদৃশুর্দানবাশ্চ তম্। পুনস্তং পেষয়িৎবা তু সমুদ্রাম্ভস্যমিশ্রয়ন্॥ 1-70-42 (3221) চিরং গতং পুনঃ কন্যা পিত্রে তং সংন্যবেদয়ৎ। বিপ্রেণ পুনরাহূতো বিদ্যযা গুরুদেহজঃ। পুনরাবৃত্য তদ্বৃত্তং ন্যবেদয়ত তদ্যথা॥ 1-70-43 (3222) ততস্তৃতীয়ং হৎবা তং দগ্ধ্বা কৃৎবা চ চূর্ণশঃ। প্রায়চ্ছন্ব্রাহ্মণায়ৈব সুরায়ামসুরাস্তথা॥ 1-70-44 (3223) `অপিবৎসুরয়া সার্ধং কচভস্ম ভৃগূদ্বহঃ। সা সায়ন্তনবেলায়ামগোপা গাঃ সমাগতাঃ॥ 1-70-45 (3224) দেবয়ানী শঙ্কমানা দৃষ্ট্বা পিতরমব্রবীৎ।' পুষ্পাহারঃ প্রেষণকৃৎকচস্তাত ন দৃশ্যতে॥ 1-70-46 (3225) ব্যক্তং হতো মৃতো বাপি কচস্তাত ভবিষ্যতি। তং বিনা ন চ জীবেয়ং কচং সত্যং ব্রবীমি তে॥ 1-70-47 (3226) `বৈশম্পায়ন উবাচ। 1-70-48x (343) শ্রুৎবা পুত্রীবচঃ কাব্যো মন্ত্রেণাহূতবান্কচম্। জ্ঞাৎবা বহিষ্ঠমজ্ঞাৎবা স্বকুক্ষিস্থং কচং নৃপ'॥ 1-70-48 (3227) শুক্র উবাচ। 1-70-49x (344) বৃহস্পতেঃ সুতঃ পুত্রি কচঃ প্রেতগতিং গতঃ। বিদ্যযা জীবিতোঽপ্যেবং হন্যতে করবাম কিম্॥ 1-70-49 (3228) মৈবং শুচো মা রুদ দেবয়ানি ন ৎবাদৃশী মর্ত্যমনুপ্রশোচতে। যস্যাস্তব ব্রহ্ম চ ব্রাহ্মণাশ্চ সেন্দ্রা দেবা বসবোঽথাশ্বিনৌ চ॥ 1-70-50 (3229) সুরদ্বিষশ্চৈব জগচ্চ সর্ব- মুপস্থানে সন্নমন্তি প্রভাবাৎ। অশক্যোঽসৌ জীবয়িতুং দ্বিজাতিঃ সংজীবিতো বধ্যতে চৈব ভূয়ঃ॥ 1-70-51 (3230) দেবয়ান্যুবাচ। 1-70-52x (345) যস্যাঙ্গিরা বৃদ্ধতমঃ পিতামহো বৃহস্পতিশ্চাপি পিতা তপোনিধিঃ। ঋষেঃ পুত্রং তমথো বাপি পৌত্রং কথং ন শোচেয়মহং ন রুদ্যাম্॥ 1-70-52 (3231) স ব্রহ্মচারী চ তপোধনশ্চ সদোত্থিতঃ কর্মসু চৈব দক্ষঃ। কচস্য মার্গং প্রতিপৎস্যে ন ভোক্ষ্যে প্রিয়ো হি মে তাত কচোঽভিরূপঃ॥ 1-70-53 (3232) শুক্র উবাচ। 1-70-54x (346) অসংশয়ং মামসুরা দ্বিষন্তি যে শিষ্যং মেঽনাগসং সূদয়ন্তি। অব্রাহ্মণং কর্তুমিচ্ছ্তি রৌদ্রা- স্তে মাং যথা ব্যভিচরন্তি নিত্যম্। অপ্যস্য পাপস্য ভবেদিহান্তঃ কং ব্রহ্মহত্যা ন দহেদপীন্দ্রম্॥ 1-70-54 (3233) `বৈশম্পায়ন উবাচ। 1-70-55x (347) সংচোদিতো দেবয়ান্যা মহর্ষিঃ পুনরাহ্বয়ৎ। সংরম্ভেণৈব কাব্যো হি বৃহস্পতিসুতং কচম্॥ 1-70-55 (3234) কচোঽপি রাজন্স মহানুভাবো বিদ্যাবলাল্লব্ধমতির্মহাত্মা।' গুরোর্হি ভীতো বিদ্যযা চোপহূতঃ। শনৈর্বাক্যং জঠরে ব্যাজহার॥ 1-70-56 (3235) `প্রসীদ ভগবন্মহ্যং কচোঽহমভিবাদয়ে। যথা বহুমতঃ পুত্রস্তথা মন্যতু মাং ভবান্॥' 1-70-57 (3236) বৈশম্পায়ন উবাচ। 1-70-58x (348) তমব্রবীৎকেন পথোপনীত- স্ৎবং চোদরে তিষ্ঠসি ব্রূহি বিপ্র। অস্মিন্মুহূর্তে হ্যসুরান্বিনাশ্য গচ্ছামি দেবানহমদ্য বিপ্র॥ 1-70-58 (3237) কচ উবাচ। 1-70-59x (349) তব প্রসাদান্ন জহাতি মাং স্মৃতিঃ স্মরামি সর্বং যচ্চ যথা চ বৃত্তম্। নৎবেবং স্যাত্তপসঃ সংক্ষয়ো মে ততঃ ক্লেশং ঘোরমিমং সহামি॥ 1-70-59 (3238) অসুরৈঃ সুরায়াং ভবতোঽস্মি দত্তো হৎবা দগ্ধ্বা চূর্ণয়িৎবা চ কাব্য। ব্রাহ্মীং মায়াং চাসুরীং বিপ্র মায়াং ৎবয়ি স্থিতে কথমেবাতিবর্তেৎ॥ 1-70-60 (3239) শুক্র উবাচ। 1-70-61x (350) কিং তে প্রিয়ং করবাণ্যদ্য বৎসে বধেন মে জীবিতং স্যাৎকচস্য। নান্যত্র কুক্ষের্মম ভেদনেন দৃশ্যেৎকচো মদ্গতো দেবয়ানি॥ 1-70-61 (3240) দেবয়ান্যুবাচ। 1-70-62x (351) দ্বৌ মাং শোকাবগ্নিকল্পৌ দহেতাং কচস্য নাশস্তব চৈবোপঘাতঃ। কচস্য নাশে মম শর্ম নাস্তি তবোপঘাতে জীবিতুং নাস্মি শক্তা॥ 1-70-62 (3241) শুক্র উবাচ। 1-70-63x (352) সংসিদ্ধরূপোঽসি বৃহস্পতেঃ সুত যত্ৎবাং ভক্তং ভজতে দেবয়ানী। বিদ্যামিমাং প্রাপ্নুহি জীবনীং ৎবং ন চেদিন্দ্রঃ কচরূপী ৎবমদ্য॥ 1-70-63 (3242) ন নিবর্তেৎপুনর্জীবন্কশ্চিদন্যো মমোদরাৎ। ব্রাহ্মণং বর্জয়িৎবৈকং তস্মাদ্বিদ্যামবাপ্নুহি॥ 1-70-64 (3243) পুত্রো ভূৎবা ভাবয় ভাবিতো মা- মস্মদ্দেহাদুপনিষ্ক্রম্য তাত। সমীক্ষেথা ধর্মবতীমবেক্ষাং গুরোঃ সকাশাৎপ্রাপ্য বিদ্যাং সবিদ্যঃ॥ 1-70-65 (3244) বৈশম্পায়ন উবাচ। 1-70-66x (353) গুরোঃ সকাশাৎসমবাপ্য বিদ্যাং ভিত্ৎবা কুক্ষিং নির্বিচক্রাম বিপ্রঃ। কচোঽভিরূপস্তৎক্ষণাদ্ব্রাহ্মণস্য শুক্লাত্যযে পৌর্ণমাস্যামিবেন্দুঃ॥ 1-70-66 (3245) দৃষ্ট্বা চ তং পতিতং ব্রহ্মরাশি- মুত্থাপয়ামাস মৃতং কচোঽপি। বিদ্যাং সিদ্ধাং তামবাপ্যাভিবাদ্য ততঃ কচস্তং গুরুমিত্যুবাচ॥ 1-70-67 (3246) যঃ শ্রোত্রয়োরমৃতং সন্নিষিঞ্চে- দ্বিদ্যামবিদ্যস্য যথা ৎবমার্যঃ। তং মন্যেঽহং পিতরং মাতরং চ তস্মৈ ন দ্রুহ্যেৎকৃতমস্য জানন্॥ 1-70-68 (3247) ঋতস্য দাতারমনুত্তমস্য নিধিং নিধীনামপি লব্ধবিদ্যাঃ। যে নাদ্রিয়ন্তে গুরুমর্চনীয়ং পাপাঁল্লোকাংস্তে ব্রজন্ত্যপ্রতিষ্ঠাঃ॥ 1-70-69 (3248) বৈশম্পায়ন উবাচ। 1-70-70x (354) সুরাপানাদ্বঞ্চনাং প্রাপ্য বিদ্বা- ন্সংজ্ঞানাশং চৈব মহাতিঘোরম্। দৃষ্ট্বা কচং চাপি তথাভিরূপং পীতং তদা সুরয়া মোহিতেন॥ 1-70-70 (3249) সমন্যুরুত্থায় মহানুভাব- স্তদোশনা বিপ্রহিতং চিকীর্ষুঃ। সুরাপানং প্রতি সংজাতমন্যুঃ কাব্যঃ স্বয়ং বাক্যমিদং জগাদ॥ 1-70-71 (3250) যো ব্রাহ্মণোঽদ্যপ্রভৃতীহ কশ্চি- ন্মোহাৎসুরাং পাস্যতি মন্দবুদ্ধিঃ। অপেতধর্মা ব্র্হমহা চৈব স স্যা- দস্মিংল্লোকে গর্হিতঃ স্যাৎপরে চ॥ 1-70-72 (3251) ময়া চৈতাং বিপ্রধর্মোক্তিসীমাং মর্যাদাং বৈ স্থাপিতাং সর্বলোকে। সন্তো বিপ্রাঃ শুশ্রুবাংসো গুরূণাং দেবা লোকাশ্চোপশৃণ্বন্তু সর্বে॥ 1-70-73 (3252) বৈশম্পায়ন উবাচ। 1-70-74x (355) ইতীদমুক্ৎবা স মহানুভাব- স্তপোনিধীনাং নিধিরপ্রমেয়ঃ। তান্দানবান্দৈববিমূঢবুদ্ধী- নিদং সমাহূয় বচোঽভ্যুবাচ॥ 1-70-74 (3253) আচক্ষে বো দানবা বালিশাঃ স্থ সিদ্ধঃ কচো বৎস্যতি মৎসকাশে। সঞ্জীবিনীং প্রাপ্য বিদ্যাং মহাত্মা তুল্যপ্রভাবো ব্রাহ্মণো ব্রহ্মভূতঃ॥ 1-70-75 (3254) `যোঽকার্ষীদ্দুষ্করং কর্ম দেবানাং কারণাৎকচঃ। ন তৎকির্তির্জরাং গচ্ছেদ্যাজ্ঞীয়শ্চ ভবিষ্যতি॥ 1-70-76 (3255) বৈশম্পায়ন উবাচ।' 1-70-77x (356) এতাবদুক্ৎবা বচনং বিররাম স ভার্গবঃ। দানবা বিস্ময়াবিষ্টাঃ প্রয়যুঃ স্বং নিবেশনম্॥ 1-70-77 (3256) গুরোরুষ্য সকাশে তু দশ বর্ষশতানি সঃ। অনুজ্ঞাতঃ কচো গন্তুমিয়েষ ত্রিদশালয়ম্॥ ॥ 1-70-78 (3257) ইতি শ্রীমন্মেহাভারতে আদিপর্বণি সংভবপর্বণি সপ্ততিতমোঽধ্যায়ঃ॥ 70 ॥

1-71-0 (3258) বৈশম্পায়ন উবাচ। 1-71-0x (357) সমাবৃতব্রতং তং তু বিসৃষ্টং গুরুণা কচম্। প্রস্থিতং ত্রিদশাবাসং দেবয়ান্যব্রবীদিদম্॥ 1-71-1 (3259) ঋষেরঙ্গিরসঃ পৌত্র বৃত্তেনাভিজনেন চ। ভ্রাজসে বিদ্যযা চৈব তপসা চ দমেন চ॥ 1-71-2 (3260) ঋষির্যথাঙ্গিরা মান্যঃ পিতুর্মম মহায়শাঃ। তথা প্রান্যশ্চ পূজ্যশ্চ মম ভূয়ো বৃহস্পতিঃ॥ 1-71-3 (3261) এবং জ্ঞাৎবা বিজানীহি যদ্ব্রবীমি তপোধন। ব্রতস্থে নিয়মোপেতে যথা বর্তাম্যহং ৎবয়ি॥ 1-71-4 (3262) স সমাবৃতবিদ্যো মাং ভক্তাং ভজিতুমর্হসি। গৃহাণ পাণিং বিধিবন্মম মন্ত্রপুরস্কৃতম্॥ কচ উবাচ। 1-71-5 (3263) পূজ্যো মান্যশ্চ ভগবান্যথা তব পিতা মম। তথা ৎবমনবদ্যাঙ্গি পূজনীয়তরা মম॥ 1-71-6 (3264) প্রাণেভ্যোঽপি প্রিয়তরা ভার্গবস্য মহাত্মনঃ। ৎবং ভত্রে ধর্মতঃ পূজ্যা গুরুপুত্রী সদা মম॥ 1-71-7 (3265) যথা মম গুরুর্নিত্যং মান্যঃ শুক্রঃ পিতা তব। দেবয়ানি তথৈব ৎবং নৈবং মাং বক্তুমর্হসি॥ 1-71-8 (3266) দেবয়ান্যুবাচ। 1-71-9x (358) গুরুপুত্রস্য পুত্রো বৈ ন ৎবং পুত্রশ্চ মে পিতুঃ। তস্মাৎপূজ্যশ্চ মান্যশ্চ মমাপি ৎবং দ্বিজোত্তম॥ 1-71-9 (3267) অসুরৈর্হন্যমানে চ কচ ৎবয়ি পুনঃপুনঃ। তদাপ্রভৃতি যা প্রীতিস্তাং ৎবমদ্য স্মরস্ব মে॥ 1-71-10 (3268) সৌহার্দে চানুরাগে চ বেত্থ মে ভক্তিমুত্তমাম্। ন মামর্হসি ধর্মজ্ঞ ত্যক্তুং ভক্তামনাগসম্॥ 1-71-11 (3269) কচ উবাচ। 1-71-12x (359) অনিয়োজ্যে নিয়োক্তুং মাং দেবয়ানি ন চার্হসি। প্রসীদ সুভ্রু ৎবং মহ্যং গুরোর্গুরুতরা শুভে॥ 1-71-12 (3270) যত্রোষিতং বিশালাক্ষি ৎবয়া চন্দ্রনিভাননে। তত্রাহমুষিতো ভদ্রে কুক্ষৌ কাব্যস্য ভামিনি॥ 1-71-13 (3271) ভগিনী ধর্মতো মে ৎবং মৈবং বোচঃ সুমধ্যমে। সুখমস্ম্যুষিতো ভদ্রে ন মন্যুর্বিদ্যতে মম॥ 1-71-14 (3272) আপৃচ্ছে ৎবাং গমিষ্যামি শিবমাশংস মে পথি। অবিরোধেন ধর্মস্য স্মর্তব্যোঽস্মি কথান্তরে। অপ্রমত্তোত্থিতা নিত্যমারাধয় গুরুং মম॥ 1-71-15 (3273) দেবয়ান্যুবাচ। 1-71-16x (360) যদি মাং ধর্মকামার্থে প্রত্যাখ্যাস্যসি যাচিতঃ। ততঃ কচ ন তে বিদ্যা সিদ্ধিমেষা গমিষ্যতি॥ 1-71-16 (3274) কচ উবাচ। 1-71-17x (361) গুরুপুত্রীতি কৃৎবাঽহং প্রত্যাচক্ষে ন দোষতঃ। গুরুণা চাননুজ্ঞাতঃ কামমেবং শপস্ব মাম্॥ 1-71-17 (3275) আর্ষং ধর্মং ব্রুবাণোঽহং দেবয়ানি যথা ৎবয়া। শপ্তো হ্যনর্হঃ শাপস্য কামতোঽদ্য ন ধর্মতঃ॥ 1-71-18 (3276) তস্মাদ্ভবত্যা যঃ কামো ন তথা স ভবিষ্যতি। ঋষিপুত্রো ন তে কশ্চিজ্জাতু পাণিং গ্রহীষ্যতি॥ 1-71-19 (3277) ফলিষ্যতি ন তে বিদ্যা যত্ৎবং মামাত্থ তত্তথা। অধ্যাপয়িষ্যামি তু যং তস্য বিদ্যা ফলিষ্যতি॥ 1-71-20 (3278) বৈশম্পায়ন উবাচ। 1-71-21x (362) এবমুক্ৎবা দ্বিজশ্রেষ্ঠো দেবয়ানীং কচস্তদা। ত্রিদশেশালয়ং শীঘ্রং জগাম দ্বিজসত্তমঃ॥ 1-71-21 (3279) তমাগতমভিপ্রেক্ষ্য দেবা ইন্দ্রপুরোগমাঃ। বৃহস্পতিং সভাজ্যেদং কচং বচনমব্রুবন্॥ 1-71-22 (3280) দেবা ঊচুঃ। 1-71-23x (363) যত্ৎবয়াস্মদ্ধিতং কর্ম কৃতং বৈ পরমাদ্ভুতম্। ন তে যশঃ প্রণশিতা ভাগভাক্ব ভবিষ্যসি॥ ॥ 1-71-23 (3281) ইতি শ্রীমন্মহাভারতে আদিপর্বণি সংভবপর্বণি একসপ্ততিতমোঽধ্যায়ঃ॥ 71 ॥

1-72-0 (3282) বৈশম্পায়ন উবাচ। 1-72-0x (364) কৃতবিদ্যে কচে প্রাপ্তে হৃষ্টরূপা দিবৌকসঃ। কচাদধীত্য তাং বিদ্যাং কৃতার্থা ভরতর্ষভ॥ 1-72-1 (3283) সর্ব এব সমাগম্য শতক্রতুমথাব্রুবন্। কালস্তে বিক্রমস্যাদ্য জহি শত্রূন্পুরন্দর॥ 1-72-2 (3284) বৈশম্পায়ন উবাচ। 1-72-3x (365) এবমুক্তস্তু সহিতৈস্ত্রিদশৈর্মঘবাংস্তদা। তথেত্যুক্ৎবা প্রচক্রাম সোঽপশ্যত বনে স্ত্রিয়ঃ॥ 1-72-3 (3285) ক্রীডন্তীনাং তু কন্যানাং বনে চৈত্ররথোপমে। বায়ুভূতঃ স বস্ত্রাণি সর্বাণ্যেব ব্যমিশ্রয়ৎ॥ 1-72-4 (3286) ততো জলাৎসমুত্তীর্য কন্যাস্তাঃ সহিতাস্তদা। বস্ত্রাণি জগৃহুস্তানি যথাঽঽসন্নান্যনেকশঃ॥ 1-72-5 (3287) তত্র বাসো দেবয়ানয়াঃ শর্মিষ্ঠা জগৃহে তদা। ব্যতিমিশ্রমজানন্তী দুহিতা বৃষপর্বণঃ॥ 1-72-6 (3288) ততস্তয়োর্মিথস্তত্র বিরোধঃ সমজায়ত। দেবয়ান্যাশ্চ রাজেন্দ্র শর্মিষ্ঠায়াশ্চ তৎকৃতে॥ 1-72-7 (3289) দেবয়ান্যুবাচ। 1-72-8x (366) কস্মাদ্গৃহ্ণাসি মে বস্ত্রং শিষ্যা ভূৎবা মমাসুরি। সমুদাচারহীনায়া ন তে সাধু ভবিষ্যতি॥ 1-72-8 (3290) সর্মিষ্ঠোবাচ। 1-72-9x (367) আসীনং চ শয়ানং চ পিতা তে পিতরং মম। স্তৌতিবন্দীব চাভীক্ষ্ণং নীচৈঃ স্থিৎবা বিনীতবৎ॥ 1-72-9 (3291) যাচতস্ৎবং হি দুহিতা স্তুবতঃ প্রতিগৃহ্ণতঃ। সুতাহং স্তূয়মানস্য দদতোঽপ্রতিগৃহ্ণতঃ॥ 1-72-10 (3292) আদুন্বস্ব বিদুন্বস্ব দ্রুহ্য কুপ্যস্ব যাচকি। অনায়ুধা সায়ুধায়া রিক্তা ক্ষুভ্যসি ভিক্ষুকি॥ 1-72-11 (3293) লপ্স্যসে প্রতিয়োদ্ধারং ন হি ৎবাং গণয়াম্যহম্। `প্রতিকূলং বদসি চেদিতঃপ্রভৃতি যাচকি॥' 1-72-12 (3294) বৈশম্পায়ন উবাচ। 1-72-13x (368) সমুচ্ছ্রয়ং দেবয়ানীং গতাং সক্তাং চ বাসসি। শর্মিষ্ঠা প্রাক্ষিপৎকূপে ততঃ স্বপুরমাগমৎ। হতেয়মিতি বিজ্ঞায় শর্মিষ্ঠা পাপনিশ্চয়া॥ 1-72-13 (3295) অনবেক্ষ্য যয়ৌ বেশ্ম ক্রোধবেগপরায়ণা। `প্রবিশ্য স্বগৃহং স্বস্থা ধর্মমাসুরমাস্থিতা।' অথ তং দেশমভ্যাগাদ্যযাতির্নহুষাত্মজঃ॥ 1-72-14 (3296) শ্রান্তয়ুগ্যঃ শ্রান্তহয়ো মৃগলিপ্সুঃ পিপাসিতঃ। স নাহুষঃ প্রেক্ষমাণ উদপানং গতোদকম্॥ 1-72-15 (3297) দদর্শ রাজা তাং তত্র কন্যামগ্নিশিখামিব। তামপৃচ্ছৎস দৃষ্ট্বৈব কন্যামমরবর্ণিনীম্॥ 1-72-16 (3298) সান্ৎবয়িৎবা নৃপশ্রেষ্ঠঃ সাম্না পরমবল্গুনা। কা ৎবং তাম্রনখী শ্যামা সুমৃষ্টমণিকুণ্ডলা॥ 1-72-17 (3299) দীর্ঘং ধ্যায়সি চাত্যর্থং কস্মাচ্ছ্বসিষি চাতুরা। কথং চ পতিতাঽস্যস্মিন্কূপে বীরুত্তৃণাবৃতে॥ 1-72-18 (3300) দুহিতা চৈব কস্য ৎবং বদ সত্যং সুমধ্যমে। 1-72-19 (3301) দেবয়ান্যুবাচ। যোঽসৌ দেবৈর্হতান্দৈত্যানুত্থাপয়তি বিদ্যযা॥ 1-72-20x (369) তস্য শুক্রস্য কন্যাহং স মাং নূনং ন বুধ্যতে। এষ মে দক্ষিণো রাজন্পাণিস্তাম্রনখাঙ্গুলিঃ॥ 1-72-20 (3302) সমুদ্ধর গৃহীৎবা মাং কুলীনস্ৎবং হি মে মতঃ। জানামি হি ৎবাং সংশান্তং বীর্যবন্তং যশস্বিনম্॥ 1-72-21 (3303) তস্মান্মাং পতিতামস্মাৎকূপাদুদ্ধর্তুমর্হসি। 1-72-22 (3304) বৈশম্পায়ন উবাচ। তামথো ব্রাহ্মণীং কন্যাং বিজ্ঞায়নহুষাত্মজঃ॥ 1-72-22x (370) গৃহীৎবা দক্ষিণে পাণাবুজ্জহার ততোঽবটাৎ। উদ্ধৃত্য চৈনাং তরসা তস্মাৎকূপান্নরাধিপঃ॥ 1-72-23 (3305) `যয়াতিরুবাচ। 1-72-24x (371) গচ্ছ ভদ্রে যথাকামং ন ভয়ং বিদ্যতে তব। ইত্যুচ্যমানা নৃপতিং দেবয়ানীদমুত্তরম্॥ 1-72-24 (3306) উবাচ মামুপাদায় গচ্ছ শীঘ্রং প্রিয়ো হি মে। গৃহীতাহং ৎবয়া পাণৌ তস্মাদ্ভর্তা ভবিষ্যসি॥ 1-72-25 (3307) ইত্যেবমুক্তো নৃপতিরাহ ক্ষত্রকুলোদ্ভবঃ। ৎবং ভদ্রে ব্রাহ্মণী তস্মান্ময়া নার্হসি সঙ্গমম্॥ 1-72-26 (3308) সর্বলোকগুরুঃ কাব্যস্ৎবং তস্য দুহিতা শুভে। তস্মাদপি ভয়ং মেঽদ্য ততঃ কল্যাণি নার্হসি॥ 1-72-27 (3309) দেবয়ান্যুবাচ। 1-72-28x (372) যদি মদ্বচনান্নাদ্য মাং নেচ্ছসি নরাধিপ। ৎবামেব বরয়ে পিত্রা তস্মাল্লপ্স্যসি গচ্ছ হি॥ 1-72-28 (3310) বৈশম্পায়ন উবাচ। 1-72-29x (373) আমন্ত্রয়িৎবা সুশ্রোণীং যয়াতিঃ স্বপুরং যয়ৌ। গতে তু নাহুষে তস্মিন্দেবয়ান্যপ্যনিন্দিতা॥ 1-72-29 (3311) ক্বচিদ্গৎবা চ রুদতী বৃক্ষমাশ্রিত্য ধিষ্ঠিতা। ততশ্চিরায়মাণায়াং দুহিতর্যথ ভার্গবঃ॥ 1-72-30 (3312) সংস্মৃত্যোবাচ ধাত্রীং তাং দুহিতুঃ স্নেহবিক্লবঃ। ধাত্রি ৎবমানয় ক্ষিপ্রং দেবয়ানীং সমুধ্যমাম্॥ 1-72-31 (3313) ইত্যুক্তমাত্রে সা ধাত্রী ৎবরিতাঽঽনয়িতুং গতা। যত্রয়ত্র সশীভিঃ সা গতা পদমমার্গত॥ 1-72-32 (3314) সা দদর্শ তথা দীনাং শ্রমার্তাং রুদতীং স্থিতাম্। বৃত্তান্তং কিমিদং ভদ্রে শীঘ্রং বদ পিতাহ্বয়ৎ॥ 1-72-33 (3315) এবমুক্তাহ ধাত্রীং তাং শর্মিষ্ঠাবৃজিনং কৃতম্। উবাচ শোকসংতপ্তা ঘূর্ণিকামাগতাং পুরঃ'॥ 1-72-34 (3316) দেবয়ান্যুবাচ। 1-72-35x (374) ৎবরিতং ঘূর্ণিকে গচ্ছ শীঘ্রমাচক্ষ্ব মে পিতুঃ॥ 1-72-35 (3317) নেদানীং সংপ্রবেক্ষ্যামি নগরং বৃষপর্বণঃ। 1-72-36 (3318) বৈশম্পায়ন উবাচ। সা তত্র ৎবরিতং গৎবা ঘূর্ণিকাঽসুরমন্দিরম্॥ 1-72-36x (375) দৃষ্ট্বা কাব্যমুবাচেদং সংভ্রমাবিষ্টচেতনা। আচচক্ষে মহাপ্রাজ্ঞং দেবয়ানীং বনে হতাম্॥ 1-72-37 (3319) শর্মিষ্ঠয়া মহাভাগ দুহিত্রা বৃষপর্বণঃ। শ্রুৎবা দুহিতরং কাব্যস্তত্র শর্মিষ্ঠয়া হতাম্॥ 1-72-38 (3320) ৎবরয়া নির্যযৌ দুঃখান্মার্গমাণঃ সুতাং বনে। দৃষ্ট্বা দুহিতরং কাব্যো দেবয়ানীং ততো বনে॥ 1-72-39 (3321) বাহুভ্যাং সংপরিষ্বজ্য দুঃখিতো বাক্যমব্রবীৎ। আত্মদোষৈর্নিয়চ্ছন্তি সর্বে দুঃখসুখে জনাঃ॥ 1-72-40 (3322) মন্যে দুশ্চরিতং তেঽস্তি যস্যেয়ং নিষ্কৃতিঃ কৃতা। 1-72-41 (3323) দেবয়ান্যুবাচ। নিষ্কৃতির্মেঽস্তু বা মাস্তু শৃণুষ্বাবহিতো মম॥ 1-72-41x (376) শর্মিষ্ঠয়া যদুক্তাঽস্মি দুহিত্রা বৃষপর্বণঃ॥ সত্যং কিলৈতৎসা প্রাহ দৈত্যানামসি গায়নঃ॥ 1-72-42 (3324) এবং হি মে কথয়তি শর্মিষ্ঠা বার্ষপর্বণী। বচনং তীক্ষ্ণপরুষং ক্রোধরক্তেক্ষণা ভৃশম্॥ 1-72-43 (3325) স্তুবতো দুহিতা নিত্যং যাচতঃ প্রতিগৃহ্ণতঃ। অহং তু স্তূয়মানস্য দদতোঽপ্রতিগৃহ্ণতঃ॥ 1-72-44 (3326) ইদং মামাহ শর্মিষ্ঠা দুহিতা বৃষপর্বণঃ। ক্রোধসংরক্তনয়না দর্পপূর্ণা পুনঃ পুনঃ॥ 1-72-45 (3327) যদ্যহ স্তুবতস্তাত দুহিতা প্রতিগৃহ্ণতঃ। প্রসাদয়িষ্যে শর্মিষ্ঠামিত্যুক্তা তু সখী ময়া॥ 1-72-46 (3328) `উক্তাপ্যেবং ভৃশং মাং সা নিগৃহ্য বিজনে বনে। কূপে প্রক্ষেপয়ামাস প্রক্ষিপ্য গৃহমাগমৎ॥' 1-72-47 (3329) শুক্র উবাচ। 1-72-48x (377) স্তুবতো দুহিতা ন ৎবং যাচতঃ প্রতিগৃহ্ণতঃ। অস্তোতুঃ স্তূয়মানস্য দুহিতা দেবয়ান্যসি॥ 1-72-48 (3330) বৃষপর্বৈব তদ্বেদ শক্রো রাজা চ নাহুষঃ। অচিন্ত্যং ব্রহ্ম নির্দ্বন্দ্বমৈশ্বরং হি বলং মম॥ 1-72-49 (3331) `জানামি জীবিনীং বিদ্যাং লোকেস্মিঞ্শাশ্বতীং ধ্রুবম্। মৃতঃ সংজীবতে জন্তুর্যযা কমললোচনে॥ 1-72-50 (3332) কত্থনং স্বগুণানাং চ কৃৎবা তপ্যতি সজ্জনঃ। ততো বক্তুমশক্তোঽস্মিৎবং মে জানাসি যদ্বলম্॥ 1-72-51 (3333) তসমাদুত্তিষ্ঠ গচ্ছামঃ স্বগৃহং কুলনন্দিনি। ক্ষমাং কৃৎবা বিশালাক্ষি ক্ষমাসারা হি সাধবঃ'॥ 1-72-52 (3334) যচ্চ কিংচিৎসর্বগতং ভূমৌ বা যদি বা দিবি। তস্যাহমীশ্বরো নিত্যং তুষ্টেনোক্তঃ স্বয়ংভুবা॥ 1-72-53 (3335) অহং জলং বিমুঞ্চামি প্রজানাং হিতকাম্যযা। পুষ্ণাম্যৌষধয়ঃ সর্বা ইতি সত্যং ব্রবীমি তে॥ 1-72-54 (3336) বৈশম্পায়ন উবাচ। 1-72-55x (378) এবং বিষাদমাপন্নাং মন্যুনা সংপ্রপীডিতাম্। বচনৈর্মধুরৈঃ শ্লক্ষ্ণৈঃ সান্ৎবয়ামাস তাং পিতা॥ ॥ 1-72-55 (3337) ইতি শ্রীমন্মহাভারতে আদিপর্বণি সংভবপর্বণি দ্বিসপ্ততিতমোঽধ্যায়ঃ॥ 72 ॥

1-73-0 (3338) শুক্র উবাচ। 1-73-0x (379) যঃ পরেষাং নরো নিত্যমতিবাদাংস্তিতিক্ষতে। দেবয়ানি বিজানীহি তেন সর্বমিদং জিতম্॥ 1-73-1 (3339) যঃ সমুৎপতিতং ক্রোধং নিগৃহ্ণাতি ইয়ং যথা। স যন্তেত্যুচ্যতে সদ্ভির্ন যো রশ্মিষু লম্বতে॥ 1-73-2 (3340) যঃ সমুৎপতিতং ক্রোধমক্রোধেন নিরস্যতি। দেবয়ানি বিজানীহি তেন সর্বমিদং জিতম্॥ 1-73-3 (3341) যঃ সমুৎপতিতং ক্রোধং ক্ষময়েহ নিরস্যতি। যথোরগস্ৎবচং জীর্ণাং স বৈ পুরুষ উচ্যতে॥ 1-73-4 (3342) যঃ সংধারয়তে মন্যুং যোঽতিবাদাংস্তিতিক্ষতে। যশ্চ তপ্তো ন তপতি দৃঢং সোঽর্থস্য ভাজনম্॥ 1-73-5 (3343) যো যজেদপরিশ্রান্তো মাসিমাসি শতং সমাঃ। ন ক্রুদ্ধ্যেদ্যশ্চ সর্বস্য তয়োরক্রোধনোঽধিকঃ॥ 1-73-6 (3344) `তস্মাদক্রোধনঃ শ্রেষ্ঠঃ কামক্রোধৌ বিগর্হিতৌ। ক্রুদ্ধস্য নিষ্ফলান্যেব দানয়জ্ঞতপাংসি চ॥ 1-73-7 (3345) তস্মাদক্রোধনে যজ্ঞতপোদানফলং মহৎ। ভবেদসংশয়ং ভদ্রে নেতরস্মিন্কদাচন॥ 1-73-8 (3346) ন যতির্ন তপস্বী চ ন যজ্বা ন চ ধর্মভাক্। ক্রোধস্য যো বশং গচ্ছেত্তস্য লোকদ্বয়ং ন চ॥ 1-73-9 (3347) পুত্রো ভৃত্যঃ সুহৃদ্ভ্রাতা ভার্যা ধর্মশ্চ সত্যতা। তস্যৈতান্যপয়াস্যন্তি ক্রোধশীলস্য নিশ্চিতম্॥ 1-73-10 (3348) যৎকুমারাঃ কুমার্যশ্চ বৈরং কুর্যুরচেতসঃ। ন তৎপ্রাজ্ঞোঽনুকুর্বীত ন বিদুস্তে বলাবলম্॥ 1-73-11 (3349) দেবয়ান্যুবাচ। 1-73-12x (380) বেদাহং তাত বালাঽপি ধর্মাণাং যদিহান্তরম্। অক্রোধে চাতিবাদে চ বেদ চাপি বলাবলম্॥ 1-73-12 (3350) `স্ববৃত্তিমননুষ্ঠায় ধর্মমুৎসৃজ্য তত্ৎবতঃ।' শিষ্যস্যাশিষ্যবৃত্তেস্তু ন ক্ষন্তব্যং বুভূষতা॥ 1-73-13 (3351) `প্রেষ্যঃ শিষ্যঃ স্ববৃত্তিং হি বিসৃজ্য বিফলং গতঃ।' তস্মাৎসংকীর্ণবৃত্তেষু বাসো মম ন রোচতে॥ 1-73-14 (3352) পুমাংসো যে হি নিন্দন্তি বৃত্তেনাভিজনেন চ। ন তেষু নিবসেৎপ্রাজ্ঞঃ শ্রেয়োঽর্থী পাপবুদ্ধিষু॥ 1-73-15 (3353) যে ৎবেনমভিজানন্তি বৃত্তেনাভিজনেন বা। তেষু সাধুষু বস্তব্যং স বাসঃ শ্রেষ্ঠ উচ্যতে॥ 1-73-16 (3354) `সুয়ন্ত্রিতপরা নিত্যং বিহীনাশ্চ ধনৈর্বরাঃ। দুর্বৃত্তাঃ পাপকর্মাণশ্চণ্ডালা ধনিনোপি চ॥ 1-73-17 (3355) নৈব জাত্যা হি চণ্ডালাঃ স্বকর্মবিহিতৈর্বিনা। ধনাভিজনবিদ্যাসু সক্তাশ্চণ্ডালধর্মিণঃ॥ 1-73-18 (3356) অকারণাশ্চ দ্বেষ্যন্তি পরিবাদং বদন্তি তে। সাধোস্তত্র ন বাসোস্তি পাপিভিঃ পাপতাং ব্রজেৎ॥ 1-73-19 (3357) সুকৃতে দুষ্কৃতে বাপি যত্র সজ্জতি যো নরঃ। ধ্রুবং রতির্ভবেত্তস্য তস্মাদ্দ্বেষং ন রোচয়েৎ॥' 1-73-20 (3358) বাগ্দুরুক্তং মহাঘোরং দুহিতুর্বৃষপর্বণঃ। মম মথ্নাতি হৃদয়মগ্নিকাম ইবারণিম্॥ 1-73-21 (3359) ন হ্যতো দুষ্করতরং মন্যে লোকেষ্বপি ত্রিষু। যঃ সপত্নশ্রিয়ং দীপ্তাং হীনশ্রীঃ পর্যুপাসতে॥ 1-73-22 (3360) মরণং শোভনং তস্য ইতি বিদ্বজ্জনা বিদুঃ। `অবমানমবাপ্নোতি শনৈর্নীচসমাগমাৎ॥ 1-73-23 (3361) অতিবাদা বক্ত্রতো নিঃসরন্তি যৈরাহতঃ শোচতি রাত্র্যহানি। পরস্য বৈ মর্মসু তে পতন্তি তস্মাদ্ধীরো নৈব মুচ্যেৎপরেষু॥ 1-73-24 (3362) নিরোহেদায়ুধৈশ্ছিন্নং সংরোহেদ্দগ্ধমাগ্নিনা। বাক্ক্ষতং চ ন সংরোহেদাশরীরং শরীরিণাম্॥ 1-73-25 (3363) সংরোহিত শরৈর্বিদ্ধং নবং পরশুনা হতম্। বাচা দুরুক্তং বীভৎসং ন সংরোহেত বাক্ক্ষতম্'॥ ॥ 1-73-26 (3364) ইতি শ্রীমন্মহাভারতে আদিপর্বণি সংভবপর্বণি ত্রিসপ্ততিতমোঽধ্যায়ঃ॥ 73 ॥

1-74-0 (3365) বৈশম্পায়ন উবাচ। 1-74-0x (381) ততঃ কাব্যো ভৃগুশ্রেষ্ঠঃ সমন্যুরুপগম্য হ। বৃষপর্বাণমাসীনমিত্যুবাচাবিচারয়ন্॥ 1-74-1 (3366) নাধর্মশ্চরিতো রাজন্সদ্যঃ ফলতি গৌরিব। শনৈরাবর্ত্যমানো হি কর্তুর্মূলানি কৃন্ততি॥ 1-74-2 (3367) পুত্রেষু বা নপ্তৃষু বা ন চেদাত্মনি পশ্যতি। ফলত্যেব ধ্রুবং পায়ং গুরুভুক্তমিবোদরে॥ 1-74-3 (3368) `অধীয়ানং হিতং রাজন্ক্ষমাবন্তং জিতেন্দ্রিয়ম্।' যদঘাতয়থা বিপ্রং কচমাঙ্গিরসং তদা। অপাপশীলং ধর্মজ্ঞং শুশ্রূষুং মদ্গৃহে রতম্॥ 1-74-4 (3369) `শর্মিষ্ঠয়া দেবয়ানী ক্রূরমুক্তা বহু প্রভো। বিপ্রকৃত্য চ সংরম্ভাৎকূপে ক্ষিপ্তা মনস্বিনী॥ 1-74-5 (3370) সা ন কল্পেত বাসায় তয়াহং রহিতঃ কথম্। বসেয়মিহ তস্মাত্তে ত্যজামি বিষয়ং নৃপ॥' 1-74-6 (3371) বধাদনর্হতস্তস্য বধাচ্চ দুহিতুর্মম। বষপর্বন্নিবোধেয়ং ত্যক্ষ্যামি ৎবাং সবান্ধবম্। স্থাতুং ৎবদ্বিষয়ে রাজন্ন শক্ষ্যামি ৎবয়া সহ॥ 1-74-7 (3372) `মা শোচ বৃষপর্বংস্ৎবং মা ক্রুধ্যস্ব বিশাংপতে। স্থাতুং তে বিষয়ে রাজন্ন শক্ষ্যামি তয়া বিনা। অস্যা গতির্গতির্মহ্যং প্রিয়মস্যাঃ প্রিয়ং মম॥ 1-74-8 (3373) বৃষপর্বোবাচ। 1-74-9x (382) যদি ব্রহ্মন্ঘাতয়ামি যদি বা ক্রোশয়াম্যহম্। শর্মিষ্ঠয়া দেবয়ানীং তেন গচ্ছাম্যসদ্গতিম্॥ 1-74-9 (3374) শুক্র উবাচ।' 1-74-10x (383) অহো মামভিজানাসি দৈত্য মিথ্যাপ্রলাপিনম্। যথেমমাত্মনো দোষং ন নিয়চ্ছস্পুপেক্ষসে॥ 1-74-10 (3375) বৃষপর্বোবাচ। 1-74-11x (384) নাধর্মং ন মৃষাবাদং ৎবয়ি জানামি ভার্গব। ৎবয়ি ধর্মশ্চ সত্যং চ তৎপ্রসীদতু নো ভবান্॥ 1-74-11 (3376) যদ্যস্মানপহায় ৎবমিতো গচ্ছসি ভার্গব। সমুদ্রং সংপ্রবেক্ষ্যামি পূর্বং মদ্বান্ধবৈঃ সহ॥ 1-74-12 (3377) পাতালমথবা চাগ্নিং নান্যদস্তি পরায়ণম্। যদ্যেব দেবান্গচ্ছেস্ৎবং মাং চ ত্যক্ৎবা গ্রহাধিপ। সর্বত্যাগং ততঃ কৃৎবা প্রবিশামি হুতাশনম্'॥ 1-74-13 (3378) শুক্র উবাচ। 1-74-14x (385) সমুদ্রং প্রবিশধ্বং বা দিশো বা দ্রবতাসুরাঃ। দুহিতুর্নাপ্রিয়ং সোহুং শক্তোঽহং দয়িতা হি মে॥ 1-74-14 (3379) প্রসাদ্যতাং দেবয়ানী জীবিতং যত্র মে স্থিতম্। যোগক্ষেমকরস্তেঽহমিন্দ্রস্যেব বৃহস্পতিঃ॥ 1-74-15 (3380) বৃষপর্বোবাচ। 1-74-16x (386) যৎকিংচিদসুরেন্দ্রাণাং বিদ্যতে বসু ভার্গব। ভুবি হস্তিগবাশ্বং চ তস্য ৎবং মম চেশ্চরঃ॥ 1-74-16 (3381) শুক্র উবাচ। 1-74-17x (387) যৎকিংচিদস্তি দ্রবিণং দৈত্যেন্দ্রাণাং মহাসুর। তস্যেশ্বরোস্মি যদ্যেষা দেবয়ানী প্রসাদ্যতাম্॥ 1-74-17 (3382) বৈশম্পায়ন উবাচ। 1-74-18x (388) এবমুক্তস্তথেত্যাহ বৃষপর্বা মহাকবিম্। দেবয়ান্যন্তিকং গৎবা তমর্থং প্রাহ ভার্গবঃ॥ 1-74-18 (3383) দেবয়ান্যুবাচ। 1-74-19x (389) যদি ৎবমীশ্বরস্তাত রাজ্ঞো বিত্তস্য ভার্গব। নাভিজানামি তত্তেঽহং রাজা তু বদতু স্বয়ম্॥ 1-74-19 (3384) `বৈশম্পায়ন উবাচ। 1-74-20x (390) শুক্রস্য বচনং শ্রুৎবা বৃষপর্বা সবান্ধবঃ। দেবয়ানি প্রসীদেতি পপাত ভুবি পাদয়োঃ॥ 1-74-20 (3385) বৃষপর্বোবাচ। 1-74-21x (391) স্তুত্যো বন্দ্যশ্চ সততং ময়া তাতশ্চ তে শুভে।' যং কামমভিকামাঽসি দেবয়ানি শুচিস্মিতে। তত্তেঽহং সংপ্রদাস্যামি যদি বাপি হি দুর্লভম্॥ 1-74-21 (3386) দেবয়ান্যুবাচ। 1-74-22x (392) দাসীং কন্যাসহস্রেণ শর্মিষ্ঠামভিকাময়ে। অনু মাং তত্র গচ্ছেৎসা যত্র দদ্যাচ্চ মে পিতা॥ 1-74-22 (3387) বৃষপর্বোবাচ। 1-74-23x (393) উত্তিষ্ঠ ৎবং গচ্ছ ধাত্রি শর্মিষ্ঠাং শীঘ্রমানয়। যং চ কাময়তে কামং দেবয়ানী করোতু তম্॥ 1-74-23 (3388) `ত্যজেদেকং কুলস্যার্থে গ্রামার্থে চ কুলং ত্যজেৎ। গ্রামং জনপদস্যার্থে আত্মার্থে পৃথিবীং ত্যজেৎ'॥ 1-74-24 (3389) বৈশম্পায়ন উবাচ। 1-74-25x (394) ততো ধাত্রী তত্র গৎবা শর্মিষ্ঠাং বাক্যমব্রবীৎ। উত্তিষ্ঠ ভদ্রে শর্মিষ্ঠে জ্ঞাতীনাং সুখমাবহ॥ 1-74-25 (3390) ত্যজতি ব্রাহ্মণঃ শিষ্যান্দেবয়ান্যা প্রচোদিতঃ। সায়ং কাময়তে কাং স কার্যোঽদ্য ৎবয়াঽনঘে॥ 1-74-26 (3391) শর্মিষ্ঠোবাচ। 1-74-27x (395) যং সা কাময়তে কাং করবাণ্যহমদ্য তম্। যদ্যেবমাহ্বয়েচ্ছুক্রো দেবয়ানীকৃতে হি মাম্। মদ্দোষান্মাগমচ্ছুক্রো দেবয়ানী চ মৎকৃতে॥ 1-74-27 (3392) বৈশম্পায়ন উবাচ। 1-74-28x (396) ততঃ কন্যাসহস্রেণ বৃতা শিবিকয়া তদা। পিতুর্নিয়োগাত্ৎবরিতা নিশ্চক্রাম পুরোত্তমাৎ॥ 1-74-28 (3393) শর্মিষ্ঠোবাচ। 1-74-29x (397) অহং দাসীসহস্রেণ দাসী তে পরিচারিকা। অনু ৎবাং তত্র যাস্যামি যত্র দাস্যতি তে পিতা॥ 1-74-29 (3394) দেবয়ান্যুবাচ। 1-74-30x (398) স্তুবতো দুহিতাঽহং তে যাচতঃ প্রতিগৃহ্ণতঃ। স্তূয়মানস্য দুহিতা কথং দাসী ভবিষ্যসি॥ 1-74-30 (3395) শর্মিষ্ঠোবাচ। 1-74-31x (399) যেনকেনচিদার্তানাং জ্ঞাতীনাং সুখমাবহেৎ। অতস্ৎবামনুয়াস্যামি তত্র দাস্যতি তে পিতা॥ 1-74-31 (3396) বৈশম্পায়ন উবাচ। 1-74-32x (400) প্রতিশ্রুতে দাসভাবে দুহিত্রা বৃষপর্বণঃ। দেবয়ানী নৃপশ্রেষ্ঠ পিতরং বাক্যমব্রবীৎ॥ 1-74-32 (3397) দেবয়ান্যুবাচ। 1-74-33x (401) প্রবিশামি পুরং তাত তুষ্টাঽস্মি দ্বিজসত্তম। অমোঘং তব বিজ্ঞানমস্তি বিদ্যাবলং চ তে॥ 1-74-33 (3398) বৈশম্পায়ন উবাচ। 1-74-34x (402) এবমুক্তো দুহিত্রা স দ্বিজশ্রেষ্ঠো মহায়শাঃ। প্রবিবেশ পুরং হৃষ্টঃ পূজিতঃ সর্বদানৈবঃ॥ ॥ 1-74-34 (3399) ইতি শ্রীমন্মহাভারতে আদিপর্বণি সংভবপর্বণি চতুঃসপ্ততিতমোঽধ্যায়ঃ॥ 74 ॥

1-75-0 (3400) বৈশম্পায়ন উবাচ। 1-75-0x (403) অথ দীর্ঘস্য কালস্য দেবয়ানী নৃপোত্তম। বনং তদেব নির্যাতা ক্রীডার্থং বরবর্ণিনী॥ 1-75-1 (3401) তেন দাসীসহস্রেণ সার্ধং শর্মিষ্ঠয়া তদা। তমেব দেশং সংপ্রাপ্তা যথাকামং চচার সা॥ 1-75-2 (3402) তাভিঃ সখীভিঃ সহিতা সর্বাভির্মুদিতা ভৃশম্। ক্রীডন্ত্যোঽভিরতাঃ সর্বাঃ পিবন্ত্যো মধুমাধবীং॥ 1-75-3 (3403) খাদন্ত্যো বিবিধান্ভক্ষ্যান্বিদশন্ত্যঃ ফলানি চ। পুনশ্চ নাডুষো রাজা মৃগলিপ্সুর্যদৃচ্ছয়া॥ 1-75-4 (3404) তমেব দেশং সংপ্রাপ্তো জলার্থী শ্রমকর্শিতঃ। দদর্শ দেবয়ানীং স শর্মিষ্ঠাং তাশ্চ যোষিতঃ॥ 1-75-5 (3405) পিবন্তীর্ললমানাশ্চ দিব্যাভরণভূষিতাঃ। আসনপ্রবরে দিব্যে সর্বরত্নবিভূষিতে। উপবিষ্টাং চ দদৃশে দেবয়ানীং শুচিস্মিতাম্॥ 1-75-6 (3406) রূপেণাপ্রতিমাং তাসাং স্ত্রীণাং মধ্যে বরাঙ্গনম্। `আসনাচ্চ ততঃ কিংচিদ্বিহীনাং হেমভীষিতাম্॥ 1-75-7 (3407) অসুরেন্দ্রসুতাং চাপি নিষণ্ণাং চারুহাসিনীম্। দদর্শ পাদৌ বিপ্রায়াঃ সংবহন্তীমনিন্দিতাম্॥ 1-75-8 (3408) গায়ন্ত্যোঽথ প্রনৃত্যন্ত্যো বাদয়ন্ত্যোঽথ ভারত। দৃষ্ট্বা যয়াতিমতুলং লজ্জয়াঽবনতাঃ স্থিতাঃ॥' 1-75-9 (3409) যয়াতিরুবাচ। 1-75-10x (404) দ্বাভ্যাং কন্যাসহস্রাভ্যাং দ্বে কন্যে পরিবারিতে। গোত্রে চ নামনী চৈব দ্বয়োঃ পৃচ্ছাম্যহং শুভে। 1-75-10 (3410) দেবয়ান্যুবাচ। 1-75-11x (405) আখ্যাস্যাম্যহমাদৎস্ব বচনং মে নরাধিপ। শুক্রো নামাসুরগুরুঃ সুতাং জানীহি তস্য মাম্॥ 1-75-11 (3411) ইয়ং চ মে সখী দাসী যত্রাহং তত্র গামিনী। দুহিতা দানবেন্দ্রস্য শর্মিষ্ঠা বৃষপর্বণঃ॥ 1-75-12 (3412) যয়াতিরুবাচ। 1-75-13x (406) কথং তু তে সখী দাসী কন্যেয়ং বরবর্ণিনী। অসুরেন্দ্রসুতা সুভ্রূঃ পরং কৌতূহলং হি মে॥ 1-75-13 (3413) `নৈব দেবী ন গন্ধর্বী ন যক্ষী ন চ কিন্নরী। নৈবংরূপা ময়া নারী দৃষ্টপূর্বা মহীতলে॥ 1-75-14 (3414) শ্রীরিবায়তপদ্মাক্ষী সর্বলক্ষণশোভনা। অসুরেন্দ্রসুতা কন্যা সর্বালঙ্কারভূষিতা॥ 1-75-15 (3415) দৈবেনোপহতা সুভ্রূরুতাহো তপসাপি বা। অন্যথৈষাঽনবদ্যাঙ্গী দাসী নেহ ভবিষ্যতি॥ 1-75-16 (3416) অস্যা রূপেণ তে রূপং ন কিংচিৎসদৃশং ভবেৎ। পুরা দুশ্চরিতেনেয়ং তব দাসী ভবত্যহো॥' 1-75-17 (3417) দেবয়ান্যুবাচ। 1-75-18x (407) সর্ব এব নরশ্রেষ্ঠ বিধানমনুবর্ততে। বিধানবিহিতং মৎবা মা বিচিত্রাঃ কথাঃকৃথাঃ॥ 1-75-18 (3418) রাজবদ্রূপবেষৌ তে ব্রাহ্মীং বাচং বিভর্ষি চ। কো নাম ৎবং কুতশ্চাসি কস্য পুত্রশ্চ শস মে॥ 1-75-19 (3419) যয়াতিরুবাচ। 1-75-20x (408) ব্রহমচর্যেণ বেদো মে কৃৎস্রঃ শ্রুতিপথং গতঃ। রাজাহং রাজপুত্রশ্চ যয়াতিরিতি বিশ্রুতঃ॥ 1-75-20 (3420) দেবয়ান্যুবাচ। 1-75-21x (409) কেনাস্যর্থেন নৃপতে ইমং দেশমুপাগতঃ। জিঘৃক্ষুর্বারিজং কিংচিদথবা মৃগলিপ্সয়া॥ 1-75-21 (3421) যয়াতিরুবাচ। 1-75-22x (410) মৃগলিপ্সুরহং ভদ্রে পানীয়ার্থমুপাগতঃ। বহুধাঽপ্যনুয়ুক্তোঽস্মি তদনুজ্ঞাতুমর্হসি॥ 1-75-22 (3422) দেবয়ান্যুবাচ। 1-75-23x (411) দ্বাভ্যাং কন্যাসহস্রাভ্যাং দাস্যা শর্মিষ্ঠয়া সহ। ৎবদধীনাঽস্মি ভদ্রং তে সখা ভর্তা চ মে ভব॥ 1-75-23 (3423) `বৈশম্পায়ন উবাচ। 1-75-24x (412) অসুরেন্দ্রসুতামীক্ষ্য তস্যাং সক্তেন চেতসা। শর্মিষ্ঠা মহিষী মহ্যমিতি মৎবা বচোঽব্রবীৎ'॥ 1-75-24 (3424) যয়াতিরুবাচ। 1-75-25x (413) বিদ্ধ্যৌশনসি ভদ্রং তে ন ৎবামর্হোঽস্মি ভামিনি। অবিবাহ্যা হি রাজানো দেবয়ানি পিতুস্তব॥ 1-75-25 (3425) `পরভার্যা স্বসা শ্রেষ্ঠা সগোত্রা পতিতা স্নুষা। অবরা ভিক্ষুকাঽস্বস্থা অগম্যাঃ কীর্তিতা বুধৈঃ॥ 1-75-26 (3426) দেবয়ান্যুবাচ। 1-75-27x (414) সংসৃষ্টং ব্রহ্মণা ক্ষত্রং ক্ষত্রেণ ব্রহ্ম সংহিতম্। `অন্যৎবমস্তি ন তয়োরেকান্ততরমাস্থিতে।' ঋষিশ্চাপ্যৃষিপুত্রশ্চ নাহুষাঙ্গ বহস্ব মাম্॥ 1-75-27 (3427) যয়াতিরুবাচ। 1-75-28x (415) একদেহোদ্ভবা বর্ণাশ্চৎবারোঽপি বরাঙ্গনে। পৃথগ্ধর্মাঃ পৃথক্শৌচাস্তেষাং তু ব্রাহ্মণো বরঃ॥ 1-75-28 (3428) দেবয়ান্যুবাচ। 1-75-29x (416) পাণি ধর্মো নাহুষাঽয়ং ন পুংভিঃ সেবিতঃ পুরা। তং মে ৎবমগ্রহীরগ্রে বৃণোমি ৎবামহং ততঃ॥ 1-75-29 (3429) কথং নু মে মনস্বিন্যাঃ পাণিমন্যঃ পুমান্স্পৃশেৎ। গৃহীতমৃষিপুত্রেণ স্বয়ং বাপ্যৃষিণা ৎবয়া॥ 1-75-30 (3430) যয়াতিরুবাচ। 1-75-31x (417) ক্রুদ্ধাদাশীবিষাৎসর্পাজ্জ্বলনাৎসর্বতোমুখাৎ। দুরাধর্ষতরো বিপ্রো জ্ঞেয়ঃ পুংসা বিজানতা॥ 1-75-31 (3431) দেবয়ান্যুবাচ। 1-75-32x (418) কথমাশীবিষাৎসর্পাজ্জ্বলনাৎসর্বতোমুখাৎ। দুরাধর্ষতরো বিপ্র ইত্যাত্থ পুরুষর্ষভ॥ 1-75-32 (3432) যয়াতিরুবাচ। 1-75-33x (419) একমাশীবিষো হন্তি শস্ত্রেণৈকশ্চ বধ্যতে। হন্তি বিপ্রঃ সরাষ্ট্রাণি পুরাণ্যপি হি কোপিতঃ॥ 1-75-33 (3433) দুরাধর্ষতরো বিপ্রস্তস্মাদ্ভীরু মতো মম। অতোঽদত্তাং চ পিত্রা ৎবাং ভদ্রে ন বিবহাম্যহম্॥ 1-75-34 (3434) দেবয়ান্যুবাচ। 1-75-35x (420) দত্তাং বহস্ব তন্মা ৎবং পিত্রা রাজন্বৃতো ময়া। আয়চতো ভয়ং নাস্তি দত্তাং চ প্রতিগৃহ্ণতঃ॥ 1-75-35 (3435) `তিষ্ঠ রাজন্মুহূর্তং চ প্রেষয়িষ্যাম্যহং পিতুঃ। গচ্ছ ৎবং ধাত্রিকে শীঘ্রং ব্রহ্মকল্পমিহানয়। স্বয়ংবরে বৃতং শীঘ্রং নিবেদয় চ নাহুষম্'॥ 1-75-36 (3436) বৈশম্পায়ন উবাচ। 1-75-37x (421) ৎবরিতং দেবয়ান্যাথ সংদিষ্টং পিতুরাত্মনঃ। সর্বং নিবেদয়ামাস ধাত্রী তস্মৈ যথাতথম্॥ 1-75-37 (3437) শ্রুৎবৈব চ স রাজানং দর্শয়ামাস ভার্গবঃ। দৃষ্ট্বৈব চাগতং শুক্রং যয়াতিঃ পৃথিবীপতিঃ। ববন্দে ব্রাহ্মণং কাব্যং প্রাঞ্জলিঃ প্রণতঃ স্থিতঃ॥ 1-75-38 (3438) দেবয়ান্যুবাচ। 1-75-39x (422) রাজায়ং নাহুষস্তাত দুর্গমে পাণিমগ্রহীৎ। নান্যপূর্বগৃহীতং মে তেনাহমভয়া কৃতা। নমস্তে দেহি মামস্মৈ লোকে নান্যং পতিং বৃণে॥ 1-75-39 (3439) শুক্র উবাচ। 1-75-40x (423) অন্যো ধর্মঃ প্রিয়স্ৎবন্যো বৃতস্তে নাহুষঃ পতিঃ। কচশাপাত্ৎবয়া পূর্বং নান্যদ্ভবিতুমর্হতি॥ 1-75-40 (3440) বৃতোঽনয়া পতির্বীর সুতয়া ৎবং মমেষ্টয়া। স্বয়ং গ্রহে মহান্দোষো ব্রাহ্মণ্যা বর্ণসংকরাৎ। গৃহাণেমাং ময়া দত্তাং মহিষীং নহুষাত্মজ॥ 1-75-41 (3441) যয়াতিরুবাচ। 1-75-42x (424) অধর্মো ন স্পৃশেদেষ মহান্মামিহ ভার্গব। বর্ণসংকরজো ব্রহ্মন্নিতি ৎবাং প্রবৃণোম্যহম্॥ 1-75-42 (3442) শুক্র উবাচ। 1-75-43x (425) অধর্মাত্ৎবাং বিমুঞ্চামি শৃণু ৎবং বরমীপ্সিতম্। অস্মিন্বিবাহে মা ম্লাসীরহং পাপং নুদামি তে॥ 1-75-43 (3443) বহস্ব ভার্যাং ধর্মেণ দেবয়ানীং সুমধ্যমাম্। অনয়া সহ সংপ্রীতিমতুলাং সমবাপ্নুহি॥ 1-75-44 (3444) ইয়ং চাপি কুমারী তে শর্মিষ্ঠা বার্ষপর্বণী। সংপূজ্যা সততং রাজন্মা চৈনাং শয়নে হ্বয়েঃ॥ 1-75-45 (3445) রহস্যেনাং সমাহূয় ন বদের্ন চ সংস্পৃশেঃ। বহস্ব ভার্যাং ভদ্রং তে যথা কামমবাপ্স্যসি॥ 1-75-46 (3446) বৈশম্পায়ন উবাচ। 1-75-47x (426) এবমুক্তো যয়াতিস্তু শুক্রং কৃৎবা প্রদক্ষিণম্। শাস্ত্রোক্তবিধিনা রাজা বিবাহমকরোচ্ছুভম্॥ 1-75-47 (3447) লব্ধ্বা শুক্রান্মহদ্বিত্তং দেবয়ানীং তদোত্তমাম্। দ্বিসহস্রেণ কন্যানাং তথা শর্মিষ্ঠয়া সহ॥ 1-75-48 (3448) সংপূজিতশ্চ শুক্রেণ দৈত্যৈশ্চ নৃপসত্তমঃ। জগাম স্বপুরং হৃষ্টোঽনুজ্ঞাতোঽথ মহাত্মনা॥ ॥ 1-75-49 (3449) ইতি শ্রীমন্মহাভারতে আদিপর্বণি সংভবপর্বণি পঞ্চসপ্ততিতমোঽধ্যায়ঃ॥ 75 ॥

1-76-0 (3450) বৈশম্পায়ন উবাচ। 1-76-0x (427) যয়াতিঃ স্বপুরং প্রাপ্য মহেন্দ্রপুরসংনিভম্। প্রবিশ্যান্তঃপুরং তত্র দেবয়ানীং ন্যবেশয়ৎ॥ 1-76-1 (3451) দেবয়ান্যাশ্চানুমতে সুতাং তাং বৃষপর্বণঃ। অশোকবনিকাভ্যাশে গৃহং কৃৎবা ন্যবেশয়ৎ॥ 1-76-2 (3452) বৃতাং দাসীসহস্রেণ শর্মিষ্ঠাং বার্ষপর্বণীম্। বাসোভরন্নপানৈশ্চ সংবিভজ্য সুসৎকৃতাম্॥ 1-76-3 (3453) দেবয়ান্যা তু সহিতঃ স নৃপো নহুষাত্মজঃ। `প্রীত্যা পরময়া যুক্তো মুমুদে শাশ্বতীঃ সমাঃ॥ 1-76-4 (3454) অশোকবনিকামধ্যে দেবয়ানী সমাগতা। শর্মিষ্ঠয়া সা ক্রীডিৎবা রমণীয়ে মনোরমে॥ 1-76-5 (3455) তত্রৈব তাং তু নির্দিশ্য রাজ্ঞা সহ যয়ৌ গৃহম্। এবমেব সহ প্রীত্যা বহু কালং মুমোদ চ॥' 1-76-6 (3456) বিজহার বহূনব্দান্দেববন্মুদিতঃ সুখী॥ 1-76-7 (3457) ঋতুকালে তু সংপ্রাপ্তে দেবয়ানী বরাঙ্গনা। লেভে গর্ভং প্রথমতঃ কুমারং চ ব্যজায়ত॥ 1-76-8 (3458) গতে বর্ষসহস্রে তু শর্মিষ্ঠা বার্ষপর্বণী। দদর্শ যৌবনং প্রাপ্তা ঋতুং সা চান্বচিন্তয়ৎ॥ 1-76-9 (3459) `শুদ্ধা স্নাতা তু শর্মিষ্ঠা সর্বালঙ্কারশোভিতা। অশোকশাখামালম্ব্য সুপুষ্পস্তবকৈর্বৃতাম্॥ 1-76-10 (3460) আদর্শে মুখমুদ্বীক্ষ্য ভর্তুর্দর্শনলালসা। শোকমোহসমাবিষ্টা বচনং চেদমব্রবীৎ॥ 1-76-11 (3461) অশোক শোকাপনুদ শোকোপহতচেতসাম্। ৎবন্নামানং কুরুষ্বাদ্য প্রিয়সংদর্শনেন মাম্। এবমুক্তবতী সা তু শর্মিষ্ঠা পুনরব্রবীৎ॥' 1-76-12 (3462) ঋতুকালশ্চ সংপ্রাপ্তো ন চ মেঽস্তি বৃতঃ পতিঃ। কিং প্রাপ্তং কিং নু কর্তব্যং কিং বা কৃৎবা সুখং ভবেৎ॥ 1-76-13 (3463) দেবয়ানী প্রজাতাঽসৌ বৃথাঽহং প্রাপ্তয়ৌবনা। যথা তয়া বৃতো ভর্তা তথৈবাহং বৃণোমি তম্॥ 1-76-14 (3464) রাজ্ঞা পুত্রফলং দেয়মিতি মে নিশ্চিতা মতিঃ। অপীদানীং স ধর্মাত্মা ঈয়ান্মে দর্শনং রহঃ॥ 1-76-15 (3465) `কেশৈর্বধ্যা তু রাজানং যাচেঽহং সদৃশং পতিম্। স্পৃহেদিদং দেবয়ানী পুত্রমীক্ষ্য পুনঃপুনঃ। ক্রীডন্নন্তঃপুরে তস্যাঃ ক্বচিৎক্ষণমবাপ্য চ॥ 1-76-16 (3466) বৈশম্পায়ন উবাচ।' 1-76-17x (428) অথ নিষ্ক্রম্য রাজাঽসৌ তস্মিন্কালে যদৃচ্ছয়া। অশোকবনিকাভ্যাশে শর্মিষ্ঠাং প্রাপ তিষ্ঠতীম্॥ 1-76-17 (3467) তমেকং রহিতে দৃষ্ট্বা শর্মিষ্ঠা চারুহাসিনী। প্রত্যুদ্গম্যাঞ্জলিং কৃৎবা রাজানং বাক্যমব্রবীৎ॥ 1-76-18 (3468) শর্মিষ্ঠোবাচ। 1-76-19x (429) সোমস্যেন্দ্রস্য বিষ্ণোর্বা যমস্য বরুণস্য বা। তব বা নাহুষ গৃহে কঃ স্ত্রিয়ং দ্রষ্টুমর্হতি॥ 1-76-19 (3469) রূপাভিজনশীলৈর্হি ৎবং রাজন্বেত্থ মাং সদা। সা ৎবাং যাচে প্রসাদ্যাহমৃতুং দেহি নরাধিপ॥ 1-76-20 (3470) যয়াতিরুবাচ। 1-76-21x (430) বেদ্মি ৎবাং শীলসংপন্নাং দৈত্যকন্যামনিন্দিতাম্। রূপং চ তে ন পশ্যামি সূচ্যগ্রমপি নিন্দিতম্॥ 1-76-21 (3471) `তদাপ্রভৃতি দৃষ্ট্বা ৎবাং স্মরাম্যনিশমুত্তমে'। অব্রবীদুশনা কাব্যো দেবয়ানীং যদাঽবহম্। নেয়মাহ্বয়িতব্যা তে শয়নে বার্ষপর্বণী॥ 1-76-22 (3472) `দেবয়ান্যাঃ প্রিয়ং কৃৎবা শর্মিষ্ঠামপি পোষয়॥' 1-76-23 (3473) শর্মিষ্ঠোবাচ। 1-76-24x (431) ন নর্ময়ুক্তমনৃতং হিনস্তি ন স্ত্রীষু রাজন্ন বিবাহকালে। প্রাণাত্যযে সর্বধনাপহারে পঞ্চানৃতান্যাহুরপাতকানি॥ 1-76-24 (3474) পৃষ্টং তু সাক্ষ্যে প্রবদন্তমন্যথা বদন্তি মিথ্যা পতিতং নরেন্দ্র। একার্থতায়াং তু সমাহিতায়াং মিথ্যা বদন্তং হ্যনৃতং হিনস্তি॥ 1-76-25 (3475) `অনৃতং নানৃতং স্ত্রীষু পরিহাসবিবাহয়োঃ। আত্মপ্রাণার্থঘাতে চ তদেবোত্তমতাং ব্রজেৎ॥' 1-76-26 (3476) যয়াতিরুবাচ। 1-76-27x (432) রাজা প্রমাণং ভূতানাং স নশ্যেত মৃষা বদন্। অর্থকৃচ্ছ্রমপি প্রাপ্য ন মিথ্যা কর্তুমুৎসহে॥ 1-76-27 (3477) শর্মিষ্ঠোবাচ। 1-76-28x (433) সমাবেতৌ মতো রাজন্পতিঃ সখ্যাশ্চ যঃ পতিঃ। সমং বিবাহমিত্যাহুঃ সখ্যা মেঽসি বৃতঃ পতিঃ॥ 1-76-28 (3478) `সহ দত্তাস্মি কাব্যেন দেবয়ান্যা মনীষিণা। পূজ্যা পোষয়িতব্যেতি ন মৃষা কর্তুমর্হসি॥' 1-76-29 (3479) সুবর্ণমণিমুক্তানি বস্ত্রাণ্যাভরণানি চ। যাচিতৄণাং দদাসি ৎবং গোভূম্যাদীনি যানি চ॥ 1-76-30 (3480) বহিঃস্থং দানমিত্যুক্তং ন শরীরাশ্রিতং নৃপ। দুষ্করং পুত্রদানং চ আত্মদানং চ দুষ্করম্॥ 1-76-31 (3481) শরীরদানাত্তৎসর্বং দত্তং ভবতি মারিষ। যস্য যস্য যথা কামস্তস্য তস্য দদাম্যহম্॥ 1-76-32 (3482) ইত্যুক্ৎবা নগরে রাজংস্ত্রিকালং ঘোষিতং ৎবয়া। ৎবয়োক্তমনৃতং রাজন্বৃথা ঘোষিতমেব বা। তৎসত্যং কুরু রাজেন্দ্র যথা বৈশ্রবণস্তথা॥ 1-76-33 (3483) যয়াতিরুবাচ। 1-76-34x (434) দাতব্যং যাচমানেভ্য ইতি মে ব্রতমাহিতম্। ৎবং চ যাচসি মাং কামং ব্রূহি কিং করবাণি তে॥ 1-76-34 (3484) `ধনং বা যদি বা কিংচিদ্রাজ্যং বাঽপি শুচিস্মিতে।' 1-76-35 (3485) শর্মিষ্ঠোবাচ। অধর্মাৎপাহি মাং রাজন্ধর্মং চ প্রতিপাদয়॥ 1-76-35x (435) `নান্যং বৃণে পুত্রকামা পুত্রাৎপরতরং ন চ।' ৎবত্তোঽপত্যবতী লোকে চরেয়ং ধর্মমুত্তমম্॥ 1-76-36 (3486) ত্রয় এবাধনা রাজন্ভার্যা দাসস্তথা সুতঃ। যত্তে সমধিগচ্ছন্তি যস্যৈতে তস্য তদ্ধনম্॥ 1-76-37 (3487) `পুত্রার্থং ভর্তৃপোষার্থং স্ত্রিয়ঃ সৃষ্টাঃ স্বয়ংভুবা। অপতির্বাপি যা কন্যা অনপত্যা চ যা ভবেৎ। তাসাং জন্ম বৃথা লোকে গতিস্তাসাং ন বিদ্যতে॥' 1-76-38 (3488) দেবয়ান্যা ভুজিষ্যাঽস্মি বশ্যা চ তব ভার্গবী। সা চাহং চ ৎবয়া রাজন্ভজনীয়ে ভজস্ব মাম্॥ 1-76-39 (3489) বৈশম্পায়ন উবাচ। 1-76-40x (436) এবমুক্তস্তু রাজা স তথ্যমিত্যভিজজ্ঞিবান্। পূজয়ামাস শর্মিষ্ঠাং ধর্মং চ প্রত্যপাদয়ৎ॥ 1-76-40 (3490) স সমাগম্য শর্মিষ্ঠাং যথা কামমবাপ্য চ। অন্যোন্যং চাভিসংপূজ্য জগ্মতুস্তৌ যথাগতম্॥ 1-76-41 (3491) তস্মিন্সমাগমে সুভ্রূঃ শর্মিষ্ঠা চারুহাসিনী। লেভে গর্ভং প্রথমতস্তস্মান্নৃপতিসত্তমাৎ॥ 1-76-42 (3492) প্রয়জ্ঞে চ ততঃ কালে রাজন্রাজীবলোচনা। কুমারং দেবগর্ভাভং রাজীবনিভলোচনম্॥ ॥ 1-76-43 (3493) ইতি শ্রীমন্মহাভারতে আদিপর্বণি সংভবপর্বণি ষট্সপ্ততিতমোঽধ্যায়ঃ॥ 76 ॥

1-77-0 (3494) বৈশম্পায়ন উবাচ। 1-77-0x (437) `তস্মিন্নক্ষত্রসংয়োগে শুক্লে পুণ্যর্ক্ষগেন্দুনা। স রাজা মুমুদে সম্রাট্ তয়া শর্মিষ্ঠয়া সহ॥ 1-77-1 (3495) প্রজানাং শ্রীরিবাভ্যাশে শর্মিষ্ঠা হ্যভবদ্বধূঃ। পন্নগীবোগ্ররূপা বৈ দেবয়ানী মমাপ্যভূৎ॥ 1-77-2 (3496) পর্জন্য ইব সস্যানাং দেবানামমৃতং যথা। তদ্বন্মমাপি সংভূতা শর্মিষ্ঠা বার্ষপর্বণী। ইত্যেবং মনসা জ্ঞাৎবা দেবয়ানীমবর্জয়ৎ॥' 1-77-3 (3497) শ্রুৎবা কুমারং জাতং তু দেবয়ানী শুচিস্মিতা। চিন্তয়ামাস দুঃখার্তা শর্মিষ্ঠাং প্রতি ভারত॥ 1-77-4 (3498) অভিগম্য চ শর্মিষ্ঠাং দেবয়ান্যব্রবীদিদম্। 1-77-5 (3499) দেবয়ান্বুবাচ। কিমিদং বৃজিনং সুভ্রু কৃতং বৈ কামলুব্ধয়া॥ 1-77-5x (438) শর্মিষ্ঠোবাচ। 1-77-6x (439) ঋষিরভ্যাগতঃ কশ্চিদ্ধর্মাত্মা বেদপারগঃ। স ময়া বরদঃ কামং যাচিতো ধর্মসংহিতম্॥ 1-77-6 (3500) `অপত্যার্থে স তু ময়া বৃতো বৈ চারুহাসিনি'। নাহমন্যায়তঃ কামমাচরামি শুচিস্মিতে। তস্মাদৃষের্মমাপত্যমিতি সত্যং ব্রবীমি তে॥ 1-77-7 (3501) দেবয়ান্যুবাচ। 1-77-8x (440) শোভনং ভীরু যদ্যেবমথ স জ্ঞায়তে দ্বিজঃ। গোত্রনামাভিজনতো বেত্তুমিচ্ছামি তং দ্বিজম্॥ 1-77-8 (3502) শর্মিষ্ঠোবাচ। 1-77-9x (441) তপসা তেজসা চৈব দীপ্যমানং যথা রবিম্। তং দৃষ্ট্বা মম সংপ্রষ্টুং শক্তির্নাসীচ্ছুচিস্মিতে॥ 1-77-9 (3503) দেবয়ান্যুবাচ। 1-77-10x (442) যদ্যেতদেবং শর্মিষ্ঠে ন মন্যুর্বিদ্যতে মম। অপত্যং যদি তে লব্ধং জ্যেষ্ঠাচ্ছ্রেষ্ঠাচ্চ বৈ দ্বিজাৎ॥ 1-77-10 (3504) বৈশম্পায়ন উবাচ। 1-77-11x (443) অন্যোন্যমেবমুক্ৎবা তু সংপ্রহস্য চ তে মিথঃ। জগাম ভার্গবী বেশ্ম তথ্যমিত্যবজগ্মুষী॥ 1-77-11 (3505) যয়াতির্দেবয়ান্যাং তু পুত্রাবজনয়ন্নৃপঃ। যদুং চ তুর্বসুং চৈব শক্রবিষ্ণূ ইবাপরৌ॥ 1-77-12 (3506) `তস্মিন্কালে তু রাজর্ষির্যযাতিঃ পৃথিবীপতিঃ। মাধ্বীকরসসংয়ুক্তাং মদিরাং মদবর্ধনীম্॥ 1-77-13 (3507) পায়যামাস শুক্রস্য তনয়াং রক্তপিঙ্গলাম্। পীৎবা পীৎবা চ মদিরাং দেবয়ানী মুমোহ সা॥ 1-77-14 (3508) রুদতী গায়মানা চ নৃত্যন্তী চ মুহুর্মুহুঃ। বহু প্রলপতী দেবী রাজানমিদমব্রবীৎ॥ 1-77-15 (3509) রাজবদ্রূপবেষৌ তে কিমর্থং ৎবমিহাগতঃ। কেন কার্যেণ সংপ্রাপ্তো নির্জনং গহনং বনম্॥ 1-77-16 (3510) দ্বিজশ্রেষ্ঠ নৃপশ্রেষ্ঠো যয়াতিশ্চোগ্রদর্শনঃ। তস্মাদিতঃ পলায়স্ব হিতমিচ্ছসি চেদ্দ্বিজ॥ 1-77-17 (3511) ইত্যেবং প্রলপন্তীং তাং দেবয়ানীং তু নাহুষঃ। ভর্ৎসয়ামাস বচনৈরনর্হাং পাপবর্ধনীম্॥ 1-77-18 (3512) ততো বর্ষবরান্মূকান্ব্যঙ্গান্বৃদ্ধাংশ্চ পঙ্গুকান্। রক্ষণে দেবয়ান্যাঃ স পোষণে চ শশাস তান্॥ 1-77-19 (3513) ততস্তু নাহুষো রাজা শর্মিষ্ঠাং প্রাপ্য বুদ্ধিমান্। রেমে চ সুচিরং কালং তয়া শর্মিষ্ঠয়া সহ॥' 1-77-20 (3514) তস্মাদেব তু রাজর্ষেঃ শর্মিষ্ঠা বার্ষপর্বণী। দ্রুহ্যুং চানুং চ পূরুং চ ত্রীন্কুমারানজীজনৎ॥ 1-77-21 (3515) ততঃ কালে তু কস্মিংশ্চিদ্দেবয়ানী শুচিস্মিতা। যয়াতিসহিতা রাজঞ্জগাম রহিতং বনম্॥ 1-77-22 (3516) দদর্শ চ তদা তত্র কুমারান্দেবরূপিণঃ। ক্রীডমানান্সুবিশ্রব্ধান্বিস্মিতা চেদমব্রবীৎ॥ 1-77-23 (3517) দেবয়ান্যুবাচ। 1-77-24x (444) `কস্যৈতে দারকা রাজন্দেবপুত্রোপমাঃ শুভাঃ। বর্চসা রূপতশ্চৈব সদৃশা মে মতাস্তব॥ 1-77-24 (3518) বৈশম্পায়ন উবাচ। 1-77-25x (445) এবং পৃষ্ট্বা তু রাজানং কুমারান্পর্যপৃচ্ছত॥ 1-77-25 (3519) তস্মিন্কালে তু তচ্ছ্রুৎবা ধাত্রী তেষাং বচোঽব্রবীৎ। কিং ন ব্রূত কুমারা বঃ পিতরং বৈ দ্বিজর্ষভম্॥ 1-77-26 (3520) কুমারা ঊচুঃ। 1-77-27x (446) ঋষিশ্চ ব্রাহ্মণশ্চৈব দ্বিজাতিশ্চৈব নঃ পিতা। শর্মিষ্ঠা নানৃতং ব্রূতে দেবয়ানি ক্ষমস্ব নঃ॥' 1-77-27 (3521) দেবয়ান্যুবাচ। 1-77-28x (447) কিংনামধেয়গোত্রো বঃ পুত্রকা ব্রাহ্মণঃ পিতা। প্রব্রূত তত্ৎবতঃ ক্ষিপ্রং কশ্চাসৌ ক্ব চ বর্ততে॥ 1-77-28 (3522) প্রব্রূত মে যথা তথ্যং শ্রোতুমিচ্ছামি তং হ্যহম্। এবমুক্তাঃ কুমারস্তে দেবয়ান্যা সুমধ্যযা॥ 1-77-29 (3523) তেঽদর্শয়ন্প্রদেশিন্যা তমেব নৃপসত্তমম্। শর্মিষ্ঠাং মাতরং চৈব তথাঽঽচখ্যুশ্চ দারকাঃ॥ 1-77-30 (3524) বৈশম্পায়ন উবাচ। 1-77-31x (448) ইত্যুক্ৎবা সহিতাস্তে তু রাজানমুপচক্রমুঃ। নাভ্যনন্দত তান্রাজা দেবয়ান্যাস্তদান্তিকে॥ 1-77-31 (3525) রুদন্তস্তেঽথ শর্মিষ্ঠামভ্যযুর্বালকাস্ততঃ। `অবিব্রুবন্তী কিংচিচ্চ রাজানং চারুলোচনা॥ 1-77-32 (3526) নাতিদূরাচ্চ রাজানং সা চাতিষ্ঠদবাঙ্মুখী। শ্রুৎবা তেষাং তু বালানাং সব্রীড ইব পার্থিবঃ॥ 1-77-33 (3527) প্রতিবক্তুমশক্তোঽভূত্তূষ্ণীংভূতোঽভবন্নৃপঃ। দৃষ্ট্বা তু তেষাং বালানাং প্রণয়ং পার্থিবং প্রতি॥ 1-77-34 (3528) বুদ্ধ্বা তু তত্ৎবতো দেবী শর্মিষ্ঠাপিদমব্রবীৎ। অভ্যাগচ্ছতি মাং কশ্চিদৃষিরিত্যেবমব্রবীঃ॥ 1-77-35 (3529) যয়াতিমেবং রাজানং ৎবং গোপায়সি ভামিনি। পূর্বমেব ময়া প্রোক্তং ৎবয়া তু বৃজিনং কৃতম্॥ 1-77-36 (3530) মদধীনা সতী কস্মাদকার্ষীর্বিপ্রিয়ং মম। তমেবাঽঽসুরধর্মং ৎবমাস্থিতা ন বিভেষি মে॥' 1-77-37 (3531) শর্মিষ্ঠোবাচ। 1-77-38x (449) যদুক্তমৃষিরিত্যেব তৎসত্যং চারুহাসিনি। ন্যায়তো ধর্মতশ্চৈব চরন্তী ন বিভেমি তে॥ 1-77-38 (3532) যদা ৎবয়া বৃতো ভর্তা বৃত এব তদা ময়া। সখীভর্তা হি ধর্মেণ ভর্তা ভবতি শোভনে॥ 1-77-39 (3533) পূজ্যাসি মম মান্যা চ জ্যেষ্ঠা চ ব্রাহ্মণী হ্যসি। ৎবত্তোপি মে পূজ্যতমো রাজর্ষিঃ কিং ন বেত্থ তৎ॥ 1-77-40 (3534) `ৎবৎপিত্রা মম গুরুণা সহ দত্তে উভে শুভে। ততো ভর্তা চ পূজ্যশ্চ পোষ্যাং পোষয়তীহ মাম্॥ 1-77-41 (3535) বৈশম্পায়ন উবাচ। 1-77-42x (450) শ্রুৎবা তস্যাস্ততো বাক্যং দেবয়ান্যব্রবীদিদম্। রমস্বেহ যথাকামং দেব্যা শর্মিষ্ঠয়া সহ॥ 1-77-42 (3536) রাজন্নাদ্যেহ বৎস্যামি বিপ্রিয়ং মে কৃতং ৎবয়া। ইতি জজ্বাল কোপেন দেবয়ানী ততো ভৃশম্॥ 1-77-43 (3537) নির্দহন্তীব সব্রীডাং শর্মিষ্ঠাং সমুদীক্ষ্য চ। অপবিধ্য চ সর্বাণি ভূষণান্যসিতেক্ষণা॥' 1-77-44 (3538) সহসোৎপতিতাং শ্যামাং দৃষ্ট্বা তাং সাশ্রুলোচনাম্। তূর্ণং সকাশং কাব্যস্য প্রস্থিতাং ব্যথিতস্তদা॥ 1-77-45 (3539) অনুবব্রাজ সংভ্রান্তঃ পৃষ্ঠতঃ সান্ৎবয়ন্নৃপঃ। ন্যবর্তত নচৈব স্ম ক্রোধসংরক্তলোচনা॥ 1-77-46 (3540) অবিব্রুবন্তী কিংচিৎসা রাজানং সাশ্রুলোচনা। অচিরাদেব সংপ্রাপ্তা কাব্যস্যোশনসোঽন্তিকম্॥ 1-77-47 (3541) সা তু দৃষ্ট্বৈ পিতরমভিবাদ্যাগ্রতঃ স্থিতা। অনন্তরং যায়াতিস্তু পূজয়ামাস ভার্গবম্॥ 1-77-48 (3542) দেবয়ান্যুবাচ। 1-77-49x (451) অধর্মেণ জিতো ধর্মঃ প্রবৃত্তমধরোত্তরম্। শর্মিষ্ঠয়াঽতিবৃত্তাঽস্মি দুহিত্রা বৃষপর্বণঃ॥ 1-77-49 (3543) ত্রয়োঽস্যাং জনিতাঃ পুত্রা রাজ্ঞাঽনেন যয়াতিনা। দুর্ভগায়া মম দ্বৌ তু পুত্রৌ তাত ব্রবীমি তে॥ 1-77-50 (3544) ধর্মজ্ঞ ইতি বিখ্যাত এষ রাজা ভৃগূদ্বহ। অতিক্রান্তশ্চ মর্যাদাং কাব্যৈতৎকথয়ামি তে॥ 1-77-51 (3545) শুক্র উবাচ। 1-77-52x (452) ধর্মজ্ঞঃ সন্মহারাজ যোঽধর্মমকৃথাঃ প্রিয়ম্। তস্মাজ্জরা ৎবামচিরাদ্ধর্ষয়িষ্যতি দুর্জয়া॥ 1-77-52 (3546) যয়াতিরুবাচ। 1-77-53x (453) ঋতুং বৈ যাচমানায়া ভগবন্নান্যচেতসা। দুহিতুর্দানবেন্দ্রস্য ধর্ম্যমেতৎকৃতং ময়া॥ 1-77-53 (3547) ঋতুং বৈ যাচমানায়া ন দদাতি পুমানৃতুম্। ভ্রূণহেত্যুচ্যতে ব্রহ্মন্ স ইহ ব্রহ্মবাদিভিঃ॥ 1-77-54 (3548) অভিকামাং স্ত্রিয়ং যশ্চ গম্যাং রহসি যাচিতঃ। নোপৈতি স চ ধর্মেষু ভ্রূণহেত্যুচ্যতে বুধৈঃ॥ 1-77-55 (3549) `যদ্যদ্বৃণোতি মাং কশ্চিত্তত্তদ্দেয়মিতি ব্রতম্। ৎবয়া চ সাপি দত্তা মে নান্যং নাথমিহেচ্ছতি'॥ 1-77-56 (3550) ইত্যেতানি সমীক্ষ্যাহং কারণানি ভৃগূদ্বহ। অধর্মভয়সংবিগ্নঃ শর্মিষ্ঠামুপজগ্মিবান্। `মৎবৈতন্মে ধর্ম ইতি কৃতং ব্রহ্মন্ক্ষমস্ব মাম্॥' 1-77-57 (3551) শুক্র উবাচ। 1-77-58x (454) নন্বহং প্রত্যবেক্ষ্যস্তে মদধীনোঽসি পার্থিব। মিথ্যাচারস্য ধর্মেষু চৌর্যং ভবতি নাহুষ॥ 1-77-58 (3552) বৈশম্পায়ন উবাচ। 1-77-59x (455) ক্রুদ্ধেনোশনসা শপ্তো যয়াতির্নাহুষস্তদা। পূর্বং বয়ঃ পরিত্যজ্য জরাং সদ্যোঽন্বপদ্যত॥ 1-77-59 (3553) যয়াতিরুবাচ। 1-77-60x (456) অতৃপ্তো যৌবনস্যাহং দেবয়ান্যাং ভৃগূদ্বহ। প্রসাদং কুরু মে ব্রহ্মঞ্জরেয়ং ন বিশেচ্চ মাম্॥ 1-77-60 (3554) শুক্র উবাচ। 1-77-61x (457) নাহং মৃষা ব্রবীম্যেতজ্জরাং প্রাপ্তোঽসি ভূমিপ। জরাং ৎবেতাং ৎবমন্যস্মিন্সংক্রাময় যদীচ্ছসি॥ 1-77-61 (3555) যয়াতিরুবাচ। 1-77-62x (458) রাজ্যভাক্স ভবেদ্ব্রহ্মন্পুণ্যভাক্কীর্তিভাক্তথা। যো মে দদ্যাদ্বয়ঃ পুত্রস্তদ্ভবাননুমন্যতাম্॥ 1-77-62 (3556) শুক্র উবাচ। 1-77-63x (459) সংক্রাময়িষ্যসি জরাং যেথেষ্টং নহুষাত্মজ। মামনুধ্যায় ভাবেন ন চ পাপমবাপ্স্যসি॥ 1-77-63 (3557) বয়ো দাস্যতি তে পুত্রো যঃ স রাজা ভবিষ্যতি। আয়ুষ্মান্কীর্তিমাংশ্চৈব বহ্বপত্যস্তথৈব চ॥ ॥ 1-77-64 (3558) ইতি শ্রীমন্মহাভারতে আদিপর্বণি সংভবপর্বণি সপ্তসপ্ততিতমোঽধ্যায়ঃ॥ 77 ॥

1-78-0 (3559) বৈশম্পায়ন উবাচ। 1-78-0x (460) জরাং প্রাপ্য যয়াতিস্তু স্বপুরং প্রাপ্য চৈব হি। পুত্রং জ্যেষ্ঠং বরিষ্ঠং চ যদুমিত্যব্রবীদ্বচঃ॥ 1-78-1 (3560) যয়াতিরুবাচ। 1-78-2x (461) জরাবলী চ মাং তাত পলিতানি চ পর্যগুঃ। কাব্যস্যোশনসঃ শাপান্ন চ তৃপ্তোঽস্মি যৌবনে॥ 1-78-2 (3561) ৎবং যদো প্রতিপদ্যস্ব পাপ্মানং জরয়া সহ। যৌবনেন ৎবদীয়েন চরেয়ং বিষয়ানহম্॥ 1-78-3 (3562) পূর্ণে বর্ষসহস্রে তু পুনস্তে যৌবনং ৎবহম্। দত্ৎবা স্বং প্রতিপৎস্যামি পাপ্মানং জরয়া সহ॥ 1-78-4 (3563) যদুরুবাচ। 1-78-5x (462) জরায়াং বহবো দোষাঃ পানভোজনকারিতাঃ। তস্মাজ্জরাং ন তে রাজন্গ্রহীষ্য ইতি মে মতিঃ॥ 1-78-5 (3564) সিতশ্মশ্রুর্নিরানন্দো জরয়া শিথিলীকৃতঃ। বলীসঙ্গতগাত্রস্তু দুর্দর্শো দুর্বলঃ কৃশঃ॥ 1-78-6 (3565) অশক্তঃ কার্যকরণে পরিভূতঃ স যৌবতৈঃ। সহোপজীবিভিশ্চৈব তাং জরাং নাভিকাময়ে॥ 1-78-7 (3566) সন্তি তে বহবঃ পুত্রা মত্তঃ প্রিয়তরা নৃপ। জরাং গ্রহীতুং ধর্মজ্ঞ তস্মাদন্যং বৃণীষ্ব বৈ॥ 1-78-8 (3567) যয়াতিরুবাচ। 1-78-9x (463) যত্ৎবং মে হৃদয়াজ্জাতো বয়ঃ স্বং ন প্রয়চ্ছসি। তস্মাদরাজ্যভাক্তাত প্রজা তব ভবিষ্যতি॥ 1-78-9 (3568) `প্রত্যাখ্যাতস্তু রাজা স তুর্বসুং প্রত্যুবাচ হ।' তুর্বসো প্রতিপদ্যস্ব পাপ্মানং জরয়া সহ। যৌবনেন চরেয়ং বৈ বিষয়াংস্তব পুত্রক॥ 1-78-10 (3569) পূর্ণে বর্ষসহস্রে তু পুনর্দাস্যামি যৌবনম্। স্বং চৈব প্রতিপৎস্যামি পাপ্মানং জরয়া সহ॥ 1-78-11 (3570) তুর্বসুরুবাচ। 1-78-12x (464) ন কাময়ে জরাং তাত কামভোগপ্রণাশিনীম্। বলরূপান্তকরণীং বুদ্ধিপ্রাণপ্রণাশিনীম্॥ 1-78-12 (3571) যয়াতিরুবাচ। 1-78-13x (465) যত্ৎবং মে হৃদয়াজ্জাতো বয়ঃ স্বং ন প্রয়চ্ছসি। তস্মাৎপ্রজা সমুচ্ছেদং তুর্বসো তব যাস্যতি॥ 1-78-13 (3572) সংকীর্ণাচারধর্মেষু প্রতিলোমচরেষু চ। পিশিতাশিষু চান্ত্যেষু মূঢ রাজা ভবিষ্যসি॥ 1-78-14 (3573) গুরুদারপ্রসক্তেষু তির্যগ্যোনিগতেষু চ। পশুধর্মেষু পাপেষু ম্লেচ্ছেষু ৎবং ভবিষ্যসি॥ 1-78-15 (3574) বৈশম্পায়ন উবাচ। 1-78-16x (466) এবং স তুর্বসুং শপ্ৎবা যয়াতিঃ সুতমাত্মনঃ। শর্মিষ্ঠায়াঃ সুতং দ্রুহ্যুমিদং বচনমব্রবীৎ॥ 1-78-16 (3575) যয়াতিরুবাচ। 1-78-17x (467) দ্রুহ্যো ৎবং প্রতিপদ্যস্ব বর্ণরূপবিনাশিনীম্। জরাং বর্ষসহস্রং মে যৌবনং স্বং দদস্ব চ॥ 1-78-17 (3576) পূর্ণে বর্ষসহস্রে তু পুনর্দাস্যামি যৌবনম্। স্বং চাদাস্যামি ভূয়োঽহং পাপ্মানং জরয়া সহ॥ 1-78-18 (3577) দ্রুহ্যুরুবাচ। 1-78-19x (468) ন গজং ন রথং নাশ্বং জীর্ণো ভুঙ্ক্তে ন চ স্ত্রিয়ম্। বাগ্ভঙ্গশ্চাস্য ভবতি তাং জরাং নাভিকাময়ে॥ 1-78-19 (3578) যয়াতিরুবাচ। 1-78-20x (469) যত্ৎবং মে হৃদয়াজ্জাতো বয়ঃ স্বং ন প্রয়চ্ছসি। তস্মাদ্দ্রুহ্যো প্রিয়ঃ কামো ন তে সংপৎস্যতে ক্বচিৎ॥ 1-78-20 (3579) যত্রাশ্বরথমুখ্যানামশ্বানাং স্যাদ্গতং ন চ। হস্তিনাং পীঠকানাং চ গর্দভানাং তথৈব চ॥ 1-78-21 (3580) বস্তানাং চ গবাং চৈব শিবিকায়াস্তথৈব চ। উডুপপ্লবসংতারো যত্র নিত্যং ভবিষ্যতি। 1-78-22 (3581) যয়াতিরুবাচ। 1-78-23x (470) অনো ৎবং প্রতিপদ্যস্ব পাপ্মানং জরয়া সহ। একং বর্ষসহস্রং তু চরেয়ং যৌবনেন তে॥ 1-78-23 (3582) অনুরুবাচ। 1-78-24x (471) জীর্ণঃ শিশুবদাদত্তে কালেঽন্নমশুচির্যথা। ন জুহোতি চ কালেঽগ্নিং তাং জরাং নাভিকাময়ে॥ 1-78-24 (3583) যয়াতিরুবাচ। 1-78-25x (472) যত্ৎবং মে হৃদয়াজ্জাতো বয়ঃ স্বং ন প্রয়চ্ছসি। জরাদোষস্ৎবয়া প্রোক্তস্তস্মাত্ৎবং প্রতিলপ্স্যসে॥ 1-78-25 (3584) প্রজাশ্চ যৌবনপ্রাপ্তা বিনশিষ্যন্ত্যনো তব। অগ্নিপ্রস্কন্দনপরস্ৎবং চাপ্যেবং ভবিষ্যসি॥ 1-78-26 (3585) বৈশম্পায়ন উবাচ। 1-78-27x (473) প্রত্যাখ্যাতশ্চতুর্ভিশ্চ শপ্ৎবা তান্যদুপূর্বকান্। পূরোঃ সকাশমগমন্মত্ৎবা পূরুমলঙ্ঘনম্॥ 1-78-27 (3586) যয়াতিরুবাচ। 1-78-28x (474) পূরো ৎবং মে প্রিয়ঃ পুত্রস্ৎবং বরীয়ান্ভবিষ্যসি। জরা বলী চ মাংতাত পলিতানি চ পর্যগুঃ॥ 1-78-28 (3587) কাব্যস্যোশনসঃ শাপান্ন চ তৃপ্তোঽস্মি যৌবনে। পূরো ৎবং প্রতিপদ্যস্ব পাপ্মানং জরয়া সহ। কংচিৎকালং চরেয়ং বৈ বিষয়ান্বয়সাতব॥ 1-78-29 (3588) পূর্ণে বর্ষসহস্রে তু পুনর্দাস্যামি যৌবনম্। স্বং চৈব প্রতিপৎস্যামি পাপ্মানং জরয়া সহ॥ 1-78-30 (3589) বৈশম্পায়ন উবাচ। 1-78-31x (475) এবমুক্তঃ প্রত্যুবাচ পূরুঃ পিতরমজ্জসা। যদাত্থ মাং মহারাজ তৎকরিষ্যামি তে বচঃ॥ 1-78-31 (3590) `গুরোর্বৈ বচনং পুণ্যং স্বর্গ্যমায়ুষ্করং নৃণাম্। গুরুপ্রসাদাত্ত্রৈলোক্যমন্বশাসচ্ছতক্রতুঃ॥ 1-78-32 (3591) গুরোরনুমতং প্রাপ্য সর্বান্কামানমাপ্নুয়াৎ। যাবদিচ্ছসি তাবচ্চ ধারয়িষ্যামি তে জরাম্'॥ 1-78-33 (3592) প্রতিপৎস্যামি তে রাজন্পাপ্মানং জরয়া সহ। গৃহাণ যৌবনং মত্তশ্চর কামান্যথেপ্সিতান্॥ 1-78-34 (3593) জরয়াহং প্রতিচ্ছন্নো বয়োরূপধরস্তব। যৌবনং ভবতে দত্ৎবা চরিষ্যামি যথাত্থমাম্॥ 1-78-35 (3594) যয়াতিরুবাচ। 1-78-36x (476) পূরো প্রীতোঽস্মি তে বৎস প্রীতশ্চেদং দদামি তে। সর্বকামসমৃদ্ধা তে প্রজা রাজ্যে ভবিষ্যতি॥ 1-78-36 (3595) বৈশম্পায়ন উবাচ। 1-78-37x (477) এবমুক্ৎবা যয়াতিস্তু স্মৃৎবা কাব্যং মহাতপাঃ। সংক্রাময়ামাস জরাং তদা পূরৌ মহাত্মনি॥ ॥ 1-78-37 (3596) ইতি শ্রীমন্মহাভারতে আদিপর্বণি সংভবপর্বণি অষ্টসপ্ততিতমোঽধ্যায়ঃ॥ 78 ॥

1-79-0 (3597) বৈশম্পায়ন উবাচ। 1-79-0x (478) পৌরবেণাথ বয়সা যয়াতির্নহুষাত্মজঃ। `রূপয়ৌবনসংপন্নঃ কুমারঃ সমপদ্যত।' প্রীতিয়ুক্তো নৃপশ্রেষ্ঠশ্চরা বিষয়ান্প্রিয়ান্॥ 1-79-1 (3598) যথাকামং যথোৎসাহং যথাকালং যথাসুখম্। ধর্মাবিরুদ্ধং রাজেন্দ্রো যথা ভবতি সোঽন্বভূৎ॥ 1-79-2 (3599) দেবানতর্পয়দ্যজ্ঞৈঃ শ্রাদ্ধৈস্তদ্বিৎপিতৄনপি। দীনাননুগ্রহৈরিষ্টৈঃ কামৈশ্চ দ্বিজসত্তমান্॥ 1-79-3 (3600) অতিথীনন্নপানৈশ্চ বিশশ্চ পরিপালনৈঃ। আনৃশংস্যেন শূদ্রাংশ্চ দস্যূন্সন্নিগ্রহেণ চ॥ 1-79-4 (3601) ধর্মেণ চ প্রজাঃ সর্বা যথাবদনুরঞ্জয়ন্। যয়াতিঃ পালয়ামাস সাক্ষাদিন্দ্র ইবাপরঃ॥ 1-79-5 (3602) স রাজা সিংহবিক্রান্তো যুবা বিষয়গোচরঃ। অবিরোধেন ধর্মস্য চচার সুখমুত্তমম্॥ 1-79-6 (3603) স সংপ্রাপ্য শুভান্কামাংস্তৃপ্তঃ খিন্নশ্চ পার্থিবঃ। কালং বর্ষসহস্রান্তং সস্মার মনুজাধিপঃ॥ 1-79-7 (3604) পরিসংখ্যায় কালজ্ঞঃ কলাঃ কাষ্ঠাশ্চ বীর্যবান্। যৌবনং প্রাপ্য রাজর্ষিঃ সহস্রপরিবৎসরান্॥ 1-79-8 (3605) বিশ্বাচ্যা সহিতো রেমে ব্যভ্রাজন্নন্দনে বনে। অলকায়াং স কালং তু মেরুশৃঙ্গে তথোত্তরে॥ 1-79-9 (3606) যদা স পশ্যতে কালং ধর্মাত্মা তং মহীপতিঃ। পূর্ণং মৎবা ততঃ কালং পূরুং পুত্রমুবাচ হ॥ 1-79-10 (3607) যথাকামং যথোৎসাহং যথাকালমরিন্দম। সেবিতা বিষয়াঃ পুত্র যৌবনেন ময়া তব॥ 1-79-11 (3608) ন জাতু কামঃ কামানামুপভোগেন শাম্যতি। হবিষা কৃষ্ণবর্ত্মেব ভূয় এবাভিবর্ধতে॥ 1-79-12 (3609) যৎপৃথিব্যাং ব্রীহিয়বং হিরণ্যং পশবঃ স্ত্রিয়ঃ। একস্যাপি ন পর্যাপ্তং তস্মান্নৃষ্ণাং পরিত্যজেৎ॥ 1-79-13 (3610) যা দুস্ত্যজা দুর্মতিভির্যা ন জীর্যতি জীর্যতঃ। যোঽসৌ প্রাণান্তিকো রোগস্তাংতৃষ্ণাং ত্যজতঃ সুখম্॥ 1-79-14 (3611) পূর্ণং বর্ষসহস্রং মে বিষয়াসক্তচেতসঃ। তথাপ্যনুদিনং তৃষ্ণা মমৈতেষ্বভিজায়তে॥ 1-79-15 (3612) তস্মাদেনামহং ত্যক্ৎবা ব্রহ্মণ্যাধায় মানসম্। নির্দ্বন্দ্বো নির্মমো ভূৎবা চরিষ্যামি মৃগৈঃ সহ॥ 1-79-16 (3613) পূরো প্রীতোঽস্মি ভদ্রং তে গৃহাণেদং স্বয়ৌবনম্। রাজ্যং চেদং গৃহাণ ৎবং `যাবদিচ্ছসি যৌবনম্। তাবদ্দীর্ঘায়ুষা ভুঙ্খ' ৎবং হি মে প্রিয়কৃৎসুতঃ॥ 1-79-17 (3614) বৈশম্পায়ন উবাচ।' 1-79-18x (479) প্রতিপেদে জরাং রাজা যয়াতির্নাহুষস্তদা। যৌবনং প্রতিপেদে চ পূরুঃ স্বং পুনরাত্মবান্॥ 1-79-18 (3615) অভিষেক্তুকামং নৃপতিং পূরুং পুত্রং কনীয়সম্। ব্রাহ্মণপ্রমুখা বর্ণা ইদং বচনমব্রুবন্॥ 1-79-19 (3616) কথং শুক্রস্য নপ্তারং দেবয়ান্যাঃ সুতং প্রভো। জ্যেষ্ঠং যদুমতিক্রম্য রাজ্যং পূরোঃ প্রয়চ্ছসি॥ 1-79-20 (3617) যদুর্জ্যেষ্ঠস্তব সুতো জাতস্তমনু তুর্বসুঃ। শর্মিষ্ঠায়াঃ সুতো দ্রুহ্যুস্ততোঽনুঃ পূরুরেব চ॥ 1-79-21 (3618) কথং জ্যেষ্ঠানতিক্রম্য কনীয়ান্রাজ্যমর্হতি। এতৎসংবোধয়ামস্ৎবাং ধর্মং ৎবং প্রতিপালয়॥ 1-79-22 (3619) যয়াতিরুবাচ। 1-79-23x (480) ব্রাহ্মণপ্রমুখা বর্ণাঃ সর্বে শৃণ্বন্তু মে বচঃ। জ্যেষ্ঠং প্রতি যথা রাজ্যং ন দেয়ং মে কথংচন॥ 1-79-23 (3620) মম জ্যেষ্ঠেন যদুনা নিয়োগো নানুপালিতঃ। প্রতিকূলঃ পিতুর্যশ্চ ন স পুত্রঃ সতাং মতঃ॥ 1-79-24 (3621) মাতাপিত্রোর্বচনকৃদ্ধিতঃ পথ্যশ্চ যঃ সুতঃ। স পুত্রঃ পুত্রবদ্যশ্চ বর্ততে পিতৃমাতৃষু॥ 1-79-25 (3622) `পুদিতি নরকস্যাখ্যা দুঃখং চ নরকং বিদুঃ। পুতস্ত্রাণাত্ততঃ পুত্ত্রমিহেচ্ছন্তি পরত্র চ॥ 1-79-26 (3623) আত্মনঃ সদৃশঃ পুত্রঃ পিতৃদেবর্ষিপূজনে। যো বহূনাং গুণকরঃ স পুত্রো জ্যেষ্ঠ উচ্যতে॥ 1-79-27 (3624) মূকোঽন্ধো বধিরঃ শ্বিত্রী স্বধর্মং নানুতিষ্ঠতি। চোরঃ কিল্বিষিকঃ পুত্রো জ্যেষ্ঠো ন জ্যেষ্ঠ উচ্যতে॥ 1-79-28 (3625) জ্যেষ্ঠাংশহারী গুণকৃদিহ লোকে পরত্র চ। শ্রেয়ান্পুত্রো গুণোপেতঃ স পুত্রো নেতরো বৃথা। বদন্তি ধর্মং ধর্মজ্ঞাঃ পিতৄণাং পুত্রকারণাৎ॥ 1-79-29 (3626) বেদোক্তং সংভবং মহ্যমনেন হৃদয়োদ্ভবম্। তস্য জাতমিদং কৃৎস্নমাত্মা পুত্র ইতি শ্রুতিঃ'॥ 1-79-30 (3627) যদুনাঽহমবজ্ঞাতস্তথা তুর্বসুনাপি চ। দ্রুহ্যুনা চানুনা চৈব ময়্যবজ্ঞ কৃতা ভৃশম্॥ 1-79-31 (3628) পূরুণা তু কৃতং বাক্যং মানিতং চ বিশেষতঃ। কনীয়ান্মম দায়াদো ধৃতা যেন জরা মম॥ 1-79-32 (3629) মম কামঃ স চ কৃতঃ পূরুণা মিত্ররূপিণা। শুক্রেণ চ বরোদত্তঃ কাব্যেনোশনসা স্বয়ম্॥ 1-79-33 (3630) পুত্রো যস্ৎবাঽনুবর্তেত স রাজা পৃথিবীপতিঃ। `যো বানুবর্তী পুত্রাণাং স পুত্রো দায়ভাগ্ভবেৎ'॥ 1-79-34 (3631) ভবতোঽনুনয়াম্যেবং পূরূ রাজ্যেঽভিষিচ্যতাম্। 1-79-35 (3632) প্রকৃতয় ঊচুঃ। যঃ পুত্রো গুণসংপন্নো মাতাপিত্রোর্হিতঃ সদা॥ 1-79-36x (481) সর্বমর্হতি কল্যাণং কনীয়ানপি সত্তমঃ। `বেদ ধমার্থশাস্ত্রেষু মুনিভিঃ কথিতং পুরা'॥ 1-79-36 (3633) অর্হঃ পূরুরিদং রাজ্যং যঃ সুতঃ প্রিয়কৃত্তব। বরদানেন শুক্রস্য ন শক্যং বক্তুমুত্তরম্॥ 1-79-37 (3634) বৈশম্পায়ন উবাচ। 1-79-38x (482) পৌরজানপদৈস্তুষ্টৈরিত্যুক্তো নাহুষস্তদা। অভ্যষিঞ্চত্ততঃ পূরুং রাজ্যে স্বে সুতমাত্মনঃ॥ 1-79-38 (3635) `যদুং চ তুর্বসুং চোভৌ দ্রুহ্যুং চৈব সহানুজম্। অন্তেষু স বিনিক্ষিপ্য নাহুষঃ স্বাত্মজান্সুতান্'॥ 1-79-39 (3636) দত্ৎবা চ পূরবে রাজ্যং বনবাসায় দীক্ষিতঃ। পুরাৎস নির্যযৌ রাজা ব্রাহ্মণৈস্তাপসৈঃ সহ॥ 1-79-40 (3637) `দেবয়ান্যা চ সহিতঃ শর্মিষ্ঠয়া চ ভারত। অকরোৎস বনে রাজা সভার্যস্তপ উত্তমম্'॥ 1-79-41 (3638) যদোস্তু যাদবা জাতাস্তুর্বসোর্যবনাঃ স্মৃতাঃ। দ্রুহ্যোঃ সুতাস্তু বৈ ভোজা অনোস্তু ম্লেচ্ছজাতয়ঃ॥ 1-79-42 (3639) পূরোস্তু পৌরবো বংশো যত্র জাতোঽসি পার্থিব। ইদং বর্ষসহস্রাণি রাজ্যং কারয়িতুং বশী॥ ॥ 1-79-43 (3640) ইতি শ্রীমন্মহাভারতে আদিপর্বণি সংভবপর্বণি ঊনাশীতিতমোঽধ্যায়ঃ॥ 79 ॥

1-80-0 (3641) বৈশম্পায়ন উবাচ। 1-80-0x (483) এবং স নাহুষো রাজা যয়াতিঃ পুত্রমীপ্সিতম্। রাজ্যেঽভিষিচ্য মুদিতো বানপ্রস্থোঽভবন্মুনিঃ॥ 1-80-1 (3642) উষিৎবা চ বনে বাসং ব্রাহ্মণৈঃ সংশিতব্রতঃ। ফলমূলাশনো দান্তস্ততঃ স্বর্গমিতো গতঃ॥ 1-80-2 (3643) স গতঃ স্বর্নিবাসং তং নিবসন্মুদিতঃ সুখী। কালেন নাতিমহতা পুনঃ শক্রেণ পাতিতঃ॥ 1-80-3 (3644) `সাধুভিঃ সংগতিং লব্ধ্বা পুনঃ স্বর্গমুপেয়িবান্। 1-80-4 (3645) জনমেজয় উবাচ। স্বর্গতশ্চ পুনর্ব্রহ্মন্নিবসন্দেববেশ্মনি। কালেন নাতিমহতা কথং শক্রেণ পাতিতঃ'॥ 1-80-4x (484) নিপতন্প্রচ্যুতঃ স্বর্গাদপ্রাপ্তো মেদিনীতলম্। স্থিত আসীদন্তরিক্ষে স তদেতি শ্রুতং ময়া॥ 1-80-5 (3646) তত এব পুনশ্চাপি গতঃ স্বর্গমিতি শ্রুতম্। রাজ্ঞা বসুমতা সার্ধমষ্টকেন চ বীর্যবান্॥ 1-80-6 (3647) প্রতর্দনেন শিবিনা সমেত্য কিল সংসদি। কর্মণা কেন স দিবং পুনঃ প্রাপ্তো মহীপতিঃ॥ 1-80-7 (3648) সর্বমেতদশেষেণ শ্রোতুমিচ্ছামি তত্ৎবতঃ। কথ্যমানং ৎবয়া বিপ্র বিপ্রর্ষিগণসংনিধৌ॥ 1-80-8 (3649) দেবরাজসমো হ্যাসীদ্যযাতিঃ পৃথিবীপতিঃ। বর্ধনঃ কুরুবংশস্য বিভাবসুসমদ্যুতিঃ॥ 1-80-9 (3650) তস্য বিস্তীর্ণয়শসঃ সত্যকীর্তের্মহাত্মনঃ। চরিতং শ্রোতুমিচ্ছামি দিবি চেহ চ সর্বশঃ॥ 1-80-10 (3651) বৈশম্পায়ন উবাচ। 1-80-11x (485) হন্ত তে কথয়িষ্যামি যয়াতেরুত্তরাং কথাম্। দিবি চেহ চ পুণ্যার্থাং সর্বপাপপ্রণাশিনীম্॥ 1-80-11 (3652) যয়াতির্নাহুষো রাজা পূরুং পুত্রং কনীয়সম্। রাজ্যেঽভিষিচ্য মুদিতঃ প্রাবব্রাজ বনং তদা॥ 1-80-12 (3653) অন্ত্যুষে স বিনিক্ষিপ্য পুত্রান্যদুপুরোগমান্। ফলমূলাশনো রাজা বনে সংন্যবসচ্চিরম্॥ 1-80-13 (3654) শংসিতাত্মা জিতক্রোধস্তর্পয়ন্পিতৃদেবতাঃ। অগ্নীংশ্চ বিধিবজ্জুহ্বন্বানপ্রস্থবিধানতঃ॥ 1-80-14 (3655) অথিতীন্পূজয়ামাস বন্যেন হবিষা বিভুঃ। শিলোঞ্ছবৃত্তিমাস্থায় শেষান্নকৃতভোজনঃ॥ 1-80-15 (3656) পূর্ণং বর্ষসহস্রং চ এবংবৃত্তিরভূন্নৃপঃ। অব্ভক্ষঃ শরদস্ত্রিংশদাসীন্নিয়তবাঙ্মনাঃ॥ 1-80-16 (3657) ততশ্চ বায়ুভক্ষোঽভূৎসংবৎসরমতন্দ্রিতঃ। তথা পঞ্চাগ্নিমধ্যে চ তপস্তেপে স বৎসরম্॥ 1-80-17 (3658) একপাদঃ স্তিতশ্চাসীৎষণ্মাসাননিলাশনঃ। পুণ্যকীর্তিস্ততঃ স্বর্গে জগামাবৃত্য রোদসী॥ ॥ 1-80-18 (3659) ইতি শ্রীমন্মহাভারতে আদিপর্বণি সংভবপর্বণি অশীতিতমোঽধ্যায়ঃ॥ 80 ॥

1-81-0 (3660) বৈশম্পায়ন উবাচ। 1-81-0x (486) স্বর্গতঃ স তু রাজেন্দ্রো নিবসন্দেববেশ্মনি। পূজিতস্ত্রিদশৈঃ সাধ্যৈর্মরুদ্ভির্বসুভিস্তথা॥ 1-81-1 (3661) দেবলোকং ব্রহ্মলোকং সংচরন্পুণ্যকৃদ্বশী। অবসৎপৃথিবীপালো দীর্ঘকালমিতি শ্রুতিঃ॥ 1-81-2 (3662) স কদাচিন্নৃপশ্রেষ্ঠো যয়াতিঃ শক্রমাগমৎ। কথান্তে তত্র শক্রেণ স পৃষ্টঃ পৃথিবীপতিঃ॥ 1-81-3 (3663) শক্র উবাচ। 1-81-4x (487) যদা স পূরুস্তব রূপেণ রাজ- ঞ্জরাং গৃহীৎবা প্রচচার ভূমৌ। তদা চ রাজ্যং সংপ্রদায়ৈব তস্মৈ ৎবয়া কিমুক্তঃ কথয়েহ সত্যম্॥ 1-81-4 (3664) যয়াতিরুবাচ। 1-81-5x (488) গঙ্গায়মুনয়োর্মধ্যে কৃৎস্নোয়ং বিষয়স্তব। মধ্যে পৃথিব্যাস্ৎবং রাজা ভ্রাতরোঽন্ত্যাধিপাস্তব॥ 1-81-5 (3665) `ন চ কুর্যান্নরো দৈন্যং শাঠ্যং ক্রোধং তথৈব চ। জৈহয়ং চ মৎসরং বৈরং সর্বত্রেদং ন কারয়েৎ॥ 1-81-6 (3666) মাতরং পিতরং জ্যেষ্ঠং বিদ্বাংসং চ তপোধনম্। ক্ষমাবন্তং চ রাজেন্দ্র নাবমন্যেত বুদ্ধিমান্॥ 1-81-7 (3667) ল়শক্তস্তু ক্ষমতে নিত্যমশক্তঃ ক্রুধ্যতে নরঃ। দুর্জনঃ সুজনং দ্বেষ্টি দুর্বলো বলবত্তরম্॥ 1-81-8 (3668) রূপবন্তমরূপী চ ধনবন্তং চ নির্ধনঃ। অকর্মী কর্মিণং দ্বেষ্টি ধার্মিকং চ নধার্মিকঃ॥ 1-81-9 (3669) নির্গুণো গুণবন্তং চ পুত্রৈতৎকলিলক্ষণম্। বিপরীতং চ রাজেন্দ্র এতেষু কৃতলক্ষণম্॥ 1-81-10 (3670) ব্রাহ্মণো বাথ বা রাজা বৈশ্যো বা শূদ্র এব বা। প্রশস্তেষু প্রসক্তাশ্চেৎপ্রশস্যন্তে যশস্বিনঃ॥ 1-81-11 (3671) তস্মাৎপ্রশস্তে রাজেন্দ্র নরঃ সক্তমনা ভবেৎ। অলোকজ্ঞা হ্যপ্রশস্তা ভ্রাতরস্তে হ্যবুদ্ধয়ঃ॥ 1-81-12 (3672) অন্ত্যাধিপতয়ঃ সর্বে হ্যভবন্গুরুশাসনাৎ। 1-81-13 (3673) ইন্দ্র উবাচ। ৎবং হি ধর্মবিদো রাজন্কত্থসে ধর্মসুত্তমম্। কথয়স্ব পুনর্মেঽদ্য লোকবৃত্তান্তমুত্তমম্॥ 1-81-13x (489) যয়াতিরুবাচ' 1-81-14x (490) অক্রোধনঃ ক্রোধনেভ্যো বিশিষ্ট- স্তথা তিতিক্ষুরতিতিক্ষোর্বিশিষ্টঃ। অমানুষেভ্যো মানুষাশ্চ প্রধানা বিদ্বাংস্তথৈবাবিদুষঃ প্রধানঃ॥ 1-81-14 (3674) আক্রুশ্যমানো নাকোশেন্মন্যুরেব তিতিক্ষতঃ। আক্রোষ্টারং নির্দহতি সুকৃতং চাস্য বিন্দতি॥ 1-81-15 (3675) নারুন্তুদঃ স্যান্ন নৃশংসবাদী ন হীনতঃ পরমভ্যাদদীত। যয়াঽস্য বাচা পর উদ্বিজেত ন তাং বদেদ্রুশতীং পাপলোক্যাম্॥ 1-81-16 (3676) অরুন্তুদং পুরুষং তীক্ষ্ণবাচং বাক্কণ্টকৈর্বিতুদন্তং মনুষ্যন্। বিদ্যাদলক্ষ্মীকতমং জনানাং মুখে নিবদ্ধাং নির্ঋতিং বহন্তম্॥ 1-81-17 (3677) সদ্ভিঃ পুরস্তাদভিপূজিতঃ স্যা- ৎসদ্ভিস্তথা পৃষ্ঠতো রক্ষিতঃ স্যাৎ। সদাঽসতামতিবাদাংস্তিতিক্ষে- ৎসতাং বৃত্তং চাদদীতার্যবৃত্তঃ॥ 1-81-18 (3678) বাক্সায়কা বদনান্নিষ্পতন্তি যৈরাহতঃ শোচতি রাত্র্যহানি। পরস্য যে মর্মসু সংপতন্তি তান্পণ্ডিতো নাবসৃজেৎপরেষু॥ 1-81-19 (3679) নহীদৃশং সংবননং ত্রিষু লোকেষু বিদ্যতে। দয়া মৈত্রী চ ভূতেষু দানং চ মধুরা চ বাক্॥ 1-81-20 (3680) তস্মাৎসান্ৎবং সদা বাচ্যং ন বাচ্যং পরুষং ক্বচিৎ। পূজ্যান্সংপূজয়েদ্দদ্যান্ন চ যাচেৎকদাচন॥ ॥ 1-81-21 (3681) ইতি শ্রীমন্মহাভারতে আদিপর্বণি সংভবপর্বণি একাশীতিতমোঽধ্যায়ঃ॥ 81 ॥

1-82-0 (3682) ইন্দ্র উবাচ। 1-82-0x (491) সর্বাণি কর্মাণি সমাপ্য রাজন্ গৃহং পরিত্যজ্য বনং গতোঽসি। তত্ৎবাং পৃচ্ছামি নহুষস্য পুত্র কেনাসি তুল্যস্তপসা যয়াতে॥ 1-82-1 (3683) যয়াতিরুবাচ। 1-82-2x (492) নাহং দেবমনুষ্যেষু গন্ধর্বেষু মহর্ষিষু। আত্মনস্তপসা তুল্যং কংচিৎপশ্যামি বাসব॥ 1-82-2 (3684) ইন্দ্র উবাচ। 1-82-3x (493) যদাঽবমংস্থাঃ সদৃশঃ শ্রেয়সশ্চ অল্পীয়সশ্চাবিদিতপ্রভাবঃ। তস্মাল্লোকাস্ৎবন্তবন্তস্তবে মে ক্ষীণে পুণ্যে পতিতাঽস্যদ্য রাজন্॥ 1-82-3 (3685) যয়াতিরুবাচ। 1-82-4x (494) সুরর্ষিগন্ধর্বনরাবমানা- ৎক্ষয়ং গতা মে যদি শক্রলোকাঃ। ইচ্ছাম্যহং সুরলোকাদ্বিহীনঃ সতাং মধ্যে পতিতুং দেবরাজ॥ 1-82-4 (3686) ইন্দ্র উবাচ। 1-82-5x (495) সতাং সকাশে পতিতাঽসি রাজং- শ্চ্যুতঃ প্রতিষ্ঠাং যত্র লব্ধাসি ভূয়ঃ। এতদ্বিদিৎবা চ পুনর্যযাতে ৎবং মাঽবমংস্থাঃ সদৃশঃ শ্রেয়সশ্চ॥ 1-82-5 (3687) বৈশম্পায়ন উবাচ। 1-82-6x (496) ততঃ প্রহায়ামররাজজুষ্টা- ন্পুণ্যাঁল্লোকান্পতমানং যয়াতিম্। সংপ্রেক্ষ্য রাজর্ষিবরোঽষ্টকস্ত- মুবাচ সদ্ধর্মবিধানগোপ্তা॥ 1-82-6 (3688) অষ্টক উবাচ। 1-82-7x (497) কস্ৎবং যুবা বাসবতুল্যরূপঃ স্বতেজসা দীপ্যমানো যথাঽগ্নিঃ। পতস্যুদীর্ণাম্বুধরান্ধকারা- ৎখাৎখেচরাণাং প্রবরো যথাঽর্কঃ॥ 1-82-7 (3689) দৃষ্ট্বা চ ৎবাং সূর্যপথাৎপতন্তং বৈশ্বানরার্কদ্যুতিমপ্রমেয়ম্। কিং নু স্বিদেতৎপততীতি সর্বে বিতর্কয়ন্তঃ পরিমোহিতাঃ স্মঃ॥ 1-82-8 (3690) দৃষ্ট্বা চ ৎবাং ধিষ্ঠিতং দেবমার্গে শক্রার্কবিষ্ণুপ্রতিমপ্রভাবম্। অভ্যুদ্গতাস্ৎবাং বয়মদ্য সর্বে তত্ৎবং প্রপাতে তব জিজ্ঞাসমানাঃ॥ 1-82-9 (3691) ন চাপি ৎবাং ধৃষ্ণুমঃ প্রষ্টুমগ্রে ন চ ৎবমস্মান্পৃচ্ছসি যে বয়ং স্মঃ। তত্ৎবাং পৃচ্ছামি স্পৃহণীয়রূপ কস্য ৎবং বা কিংনিমিত্তং ৎবমাগাঃ॥ 1-82-10 (3692) ভয়ং তু তে ব্যেতু বিষাদমোহৌ ত্যজাশু চৈবেন্দ্রসমপ্রভাব। ৎবাং বর্তমানং হি সতাং সকাশে নালং প্রসোঢুং বলহাঽপি শক্রঃ॥ 1-82-11 (3693) সন্তঃ প্রতিষ্ঠা হি সুখচ্যুতানাং সতাং সদৈবামররাজকল্প। তে সঙ্গতাঃ স্থাবরজঙ্গমেশাঃ প্রতিষ্ঠিতস্ৎবং সদৃশেষু সৎসু॥ 1-82-12 (3694) প্রভুরগ্নিঃ প্রতপনে ভূমিরাবপনে প্রভুঃ। প্রভুঃ সূর্যঃ প্রকাশিৎবে সতাং চাভ্যাগতঃ প্রভুঃ॥ ॥ 1-82-13 (3695) ইতি শ্রীমন্মহাভারতে আদিপর্বণি সংভবপর্বণি দ্ব্যশীতিতমোঽধ্যায়ঃ॥ 82 ॥

1-83-0 (3696) যয়াতিরুবাচ। 1-83-0x (498) অহং যয়াতির্নহুষস্য পুত্রঃ পূরোঃ পিতা সর্বভূতাবমানাৎ। প্রভ্রংশিতঃ সুরসিদ্ধর্ষিলোকা- ৎপরিচ্যুতঃ প্রপতাম্যল্পপুণ্যঃ॥ 1-83-1 (3697) অহং হি পূর্বো বয়সা ভবদ্ভ্য- স্তেনাভিবাদং ভবতাং ন প্রয়ুঞ্জে। যো বিদ্যযা তপসা জন্মনা বা বৃদ্ধঃ স পূজ্যো ভবতি দ্বিজানাম্॥ 1-83-2 (3698) অষ্টক উবাচ। 1-83-3x (499) অবাদীস্ৎবং বয়সা যঃ প্রবৃদ্ধঃ স বৈ রাজন্নাভ্যধিকঃ কথ্যতে চ। যো বিদ্যযা তপসা সংপ্রবৃদ্ধঃ স এব পূজ্যো ভবতি দ্বিজানাম্॥ 1-83-3 (3699) যয়াতিরুবাচ। 1-83-4x (500) প্রতিকূলং কর্মণাং পাপমাহু- স্তদ্বর্ততেঽপ্রবণে পাপলোক্যম্। সন্তোঽসতাং নানুবর্তন্তি চৈত- দ্যথা চৈষামনুকূলাস্তথাঽঽসন্॥ 1-83-4 (3700) অভূদ্ধনং মে বিপুলং গতং ত- দ্বিচেষ্টমানো নাধিগন্তা তদস্মি। এবং প্রধার্যাত্মহিতে নিবিষ্টো যো বর্ততে স বিজানাতি জীবঃ॥ 1-83-5 (3701) মহাধনো যো যজতে সুয়জ্ঞৈ- র্যঃ সর্ববিদ্যাসু বিনীতবুদ্ধিঃ। বেদানধীত্য তপসা যোজ্য দেহং দিবং স যায়াৎপুরুষো বীতমোহঃ॥ 1-83-6 (3702) ন জাতু হৃষ্যেন্মহতা ধনেন বেদানধীয়ীতানহংকৃতঃ স্যাৎ। নানাভাবা বহবো জীবলোকে দৈবাধীনা নষ্টচেষ্টাধিকারাঃ। তত্তৎপ্রাপ্য ন বিহন্যেত ধীরো দিষ্টং বলীয় ইতি মৎবাঽঽত্মবুদ্ধ্যা॥ 1-83-7 (3703) সুখং হি জন্তুর্যদি বাঽপি দুঃখং দৈবাধীনং বিন্দতে নাত্মশক্ত্যা। তস্মাদ্দিষ্টং বলবন্মন্যমানো ন সংজ্বরেন্নাপি হৃষ্যেৎকথংচিৎ॥ 1-83-8 (3704) দুঃখৈর্ন তপ্যেন্ন সুখৈঃ প্রহৃষ্যে- ৎসমেন বর্তেত সদৈব ধীরঃ। দিষ্টং বলীয় ইতি মন্যমানো ন সংজ্বরেন্নাপি হৃষ্যেৎকথংচিৎ॥ 1-83-9 (3705) ভয়ে ন মুহ্যাম্যষ্টকাহং কদাচি- ৎসন্তাপো মে মানসো নাস্তি কশ্চিৎ। ধাতা যথা মাং বিদধীত লোকে ধ্রুবং তথাঽহং ভবিতেতি মৎবা॥ 1-83-10 (3706) সংস্বেদজা অণ্ডজাশ্চোদ্ভিদশ্চ সরীসৃপাঃ কৃময়োঽথাপ্সু মৎস্যাঃ। তথাশ্মনস্তৃণকাষ্ঠং চ সর্বে দিষ্টক্ষয়ে স্বাং প্রকৃতিং ভজন্তি॥ 1-83-11 (3707) অনিত্যতাং সুখদুঃস্বস্য বুদ্ধ্বা কস্মাৎসংতাপমষ্টকাহং ভজেয়ম্। কিং কুর্যাং বৈ কিং চ কৃৎবা ন তপ্যে তস্মাৎসন্তাপং বর্জয়াম্যপ্রমত্তঃ॥ 1-83-12 (3708) বৈশম্পায়ন উবাচ। 1-83-13x (501) এবং ব্রুবাণং নৃপতিং যয়াতি- মথাষ্টকঃ পুনরেবান্বপৃচ্ছৎ। মাতামহং সর্বগুণোপপন্নং তত্রস্থিতং স্বর্গলোকে যথাবৎ॥ 1-83-13 (3709) অষ্টক উবাচ। 1-83-14x (502) যে যে লোকাঃ পার্থিবেন্দ্রপ্রধানা- স্ৎবয়া ভুক্তা যং চ কালং যথাবৎ। তান্মে রাজন্ব্রূহি সর্বান্যথাব- ৎক্ষেত্রজ্ঞবদ্ভাষসে ৎবং হি ধর্মান্॥ 1-83-14 (3710) যয়াতিরুবাচ। 1-83-15x (503) রাজাঽহমাসমিহ সার্বভৌম- স্ততো লোকান্মহতশ্চাজয়ং বৈ। তত্রাবসং বর্ষসহস্রমাত্রং ততো লোকং পরমস্ম্যভ্যুপেতঃ॥ 1-83-15 (3711) ততঃ পুরীং পুরুহূতস্য রম্যাং সহস্রদ্বারাং শতয়োজনায়তাম্। অধ্যাবসং বর্ষসহস্রমাত্রং ততো লোকং পরমস্ম্যভ্যুপেতঃ॥ 1-83-16 (3712) ততো দিব্যমজরং প্রাপ্য লোকং প্রজাপতের্লোকপতের্দুরাপম্। তত্রাবসং বর্ষসহস্রমাত্রং ততো লোকং পরমস্ম্যভ্যুপেতঃ॥ 1-83-17 (3713) স দেবদেবস্য নিবেশনে চ বিহৃত্য লোকানবসং যথেষ্টম্। সংপূজ্যমানস্ত্রিদশৈঃ সমস্তৈ- স্তুল্যপ্রভাবদ্যুতিরীশ্বরাণাম্॥ 1-83-18 (3714) তথাঽঽবসং নন্দনে কামরূপী সংবৎসরাণাময়ুতং শতানাম্। সহাপ্সরোভির্বিহরন্পুণ্যগন্ধা- ন্পশ্যন্নগান্পুষ্পিতাংশ্চারুরূপান্॥ 1-83-19 (3715) তত্র স্থিতং মাং দেব সুখেষু সক্তং কালেঽতীতে মহতি ততোঽতিমাত্রম্। দূতো দেবানামব্রবীদুগ্ররূপো ধ্বংসেত্যুচ্চৈস্ত্রিঃ প্লুতেন স্বরেণ॥ 1-83-20 (3716) এতাবন্মে বিদিতং রাজসিংহ ততো ভ্রষ্টোঽহং নন্দনাৎক্ষীণপুণ্যঃ। বাচোঽশ্রৌষং চান্তরিক্ষে সুরাণাং সানুক্রোংশাঃ শোচতাং মাং নরেন্দ্র॥ 1-83-21 (3717) অহো কষ্টং ক্ষীণপুণ্যো যয়াতিঃ পতত্যসৌ পুণ্যকৃৎপুণ্যকীর্তিঃ। তানব্রুবং পতমানস্ততোঽহং সতাং মধ্যে নিপতেয়ং কথং নু॥ 1-83-22 (3718) তৈরাখ্যাতা ভবতাং যজ্ঞভূমিঃ সমীক্ষ্য চেমাং ৎবরিতমুপাগতোঽস্মি। হবির্গন্ধং দেশিকং যজ্ঞভূমে- র্ধূমাপাঙ্গং প্রতিগৃহ্য প্রতীতঃ॥ ॥ 1-83-23 (3719) ইতি শ্রীমন্মহাভারতে আদিপর্বণি সংভবপর্বণি ত্র্যশীতিতমোঽধ্যায়ঃ॥ 83 ॥

1-84-0 (3720) অষ্টক উবাচ। 1-84-0x (504) যদাঽবসো নন্দনে কামরূপী সংবৎসরাণাময়ুতং শতানাম্। কিং কারণং কার্তয়ুগপ্রধান হিৎবা চ ৎবং বসুধামন্বপদ্যঃ॥ 1-84-1 (3721) যয়াতিরুবাচ। 1-84-2x (505) জ্ঞাতিঃ সুহৃৎস্বজনো বা যথেহ ক্ষীণে বিত্তে ত্যজ্যতে মানবৈর্হি। তথা তত্র ক্ষীণপুণ্যং মনুষ্যং ত্যজন্তি সদ্যঃ সেশ্বরা দেবসঙ্ঘাঃ॥ 1-84-2 (3722) অষ্টক উবাচ। 1-84-3x (506) তস্মিন্কথং ক্ষীণপুণ্যা ভবন্তি সংমুহ্যতে মেঽত্র মনোঽতিমাত্রম্। কিং বা বিশিষ্টাঃ কস্য ধামোপয়ান্তি তদ্বৈ ব্রূহি ক্ষেত্রবিত্ৎবং মতো মে॥ 1-84-3 (3723) যয়াতিরুবাচ। 1-84-4x (507) ইমং ভৌমং নরকং তে পতন্তি ললাপ্যমানা নরদেব সর্বে। তে কঙ্কগোমায়ুবলাশনার্থে ক্ষীণে পুণ্যে বহুধা প্রব্রজন্তি॥ 1-84-4 (3724) তস্মাদেতদ্বর্জনীয়ং নরেন্দ্র দুষ্টং লোকে গর্হণীয়ং চ কর্ম। আখ্যাতং তে পার্থিব সর্বমেব ভূয়শ্চেদানীং বদ কিং তে বদামি॥ 1-84-5 (3725) অষ্টক উবাচ। 1-84-6x (508) যদা তু তান্বিতুদন্তে বয়াংসি তথা গৃধ্রাঃ শিতিকণ্ঠাঃ পতঙ্গাঃ। কথং ভবন্তি কথমাভবন্তি ন ভৌমমন্যং নরকং শৃণোমি॥ 1-84-6 (3726) যয়াতিরুবাচ। 1-84-7x (509) ঊর্ধ্বং দেহাৎকর্মণো জৃম্ভমাণা- দ্ব্যক্তং পৃথিব্যামনুসংচরন্তি। ইমং ভৌমং নরকং তে পতন্তি নাবেক্ষন্তে বর্ষপূগাননেকান্॥ 1-84-7 (3727) ষষ্টিং সহস্রাণি পতন্তি ব্যোম্নি তথা অশীতিং পরিবৎসরাণি। তান্বৈ তুদন্তি পততঃ প্রপাতং ভীমা ভৌমা রাক্ষসাস্তীক্ষ্ণদংষ্ট্রাঃ॥ 1-84-8 (3728) অষ্টক উবাচ। 1-84-9x (510) যদেনসস্তে পততস্তুদন্তি ভীমা ভৌমা রাক্ষসাস্তীক্ষ্ণদংষ্ট্রাঃ। কথং ভবন্তি কথমাভবন্তি কথংভূতা গর্ভভূতা ভবন্তি॥ 1-84-9 (3729) যয়াতিরুবাচ। 1-84-10x (511) অস্রং রেতঃ পুষ্পফলানুপৃক্ত- মন্বেতি তদ্বৈ পুরুষেণ সৃষ্টম্। স বৈ তস্যা রজ আপদ্যতে বৈ স গর্ভভূতঃ সমুপৈতি তত্র॥ 1-84-10 (3730) বনস্পতীনোষধীশ্চাবিশন্তি আপো বায়ুং পৃথিবীং চান্তরিক্ষম্। চতুষ্পদং দ্বিপদং চাতি সর্ব- মেবংভূতা গর্ভভূতা ভবন্তি॥ 1-84-11 (3731) অষ্টক উবাচ। 1-84-12x (512) অন্যদ্বপুর্বিদধাতীহ গর্ভ- মুতাহোস্বিৎস্বেন কায়েন যাতি। আপদ্যমানো নরয়োনিমেতা- মাচক্ষ্ব মে সংশয়াৎপ্রব্রবীমি॥ 1-84-12 (3732) শরীরদেহাতিসমুচ্ছ্রয়ং চ চক্ষুঃশ্রোত্রে লভতে কেন সংজ্ঞাম্। এতত্তত্ৎবং সর্বমাচক্ষ্ব পৃষ্টঃ ক্ষেত্রজ্ঞং ৎবাং তাত মন্যাম সর্বে॥ 1-84-13 (3733) যয়াতিরুবাচ। 1-84-14x (513) বায়ুঃ সমুৎকর্ষতি গর্ভয়োনি- মৃতৌ রেতঃ পুষ্পফলানুপৃক্তম্। স তত্র তন্মাত্রকৃতাধিকারঃ ক্রমেণ সংবর্ধয়তীহ গর্ভম্॥ 1-84-14 (3734) স জায়মানো বিগৃহীতমাত্রঃ সংজ্ঞামধিষ্ঠায় ততো মনুষ্যঃ। স শ্রোত্রাভ্যাং বেদয়তীহ শব্দং স বৈ রূপং পশ্যতি চক্ষুষা চ॥ 1-84-15 (3735) ঘ্রাণেন গন্ধং জিহ্বয়াঽথো রসং চ ৎবচা স্পর্শং মনসা বেদভাবম্। ইত্যষ্টকেহোপহিতং হি বিদ্ধি মহাত্মনঃ প্রাণভৃতঃ শরীরে॥ 1-84-16 (3736) অষ্টক উবাচ। 1-84-17x (514) যঃ সংস্থিতঃ পুরুষো দহ্যতে বা নিখন্যতে বাপি নিকৃষ্যতে বা। অভাবভূতঃ স বিনাশমেত্য কেনাত্মানং চেতয়তে পরস্তাৎ॥ 1-84-17 (3737) যয়াতিরুবাচ। 1-84-18x (515) হিৎবা সোঽসূন্সুপ্তবন্নিষ্টনিৎবা পুরোধায় সুকৃতং দুষ্কৃতং বা। অন্যাং যোনিং পবনাগ্রানুসারী হিৎবা দেহং ভজতে রাজসিংহ॥ 1-84-18 (3738) পুণ্যাং যোনিং পুণ্যকৃতো ব্রজন্তি পাপাং যোনিং পাপকৃতো ব্রজন্তি। কীটাঃ পতঙ্গাশ্চ ভবন্তি পাপা ন মে বিবক্ষাস্তি মহানুভাব॥ 1-84-19 (3739) চতুষ্পদা দ্বিপদাঃ ষট্পদাশ্চ তথাভূতা গর্ভভূতা ভবন্তি। আখ্যাতমেতন্নিখিলেন সর্বং ভূয়স্তু কিং পৃচ্ছসি রাজসিংহ॥ 1-84-20 (3740) অষ্টক উবাচ। 1-84-21x (516) কিংস্বিৎকৃৎবা লভতে তাত লোকা- ন্মর্ত্যঃ শ্রেষ্ঠাংস্তপসা বিদ্যযা চ। তন্মে পৃষ্টঃ শংস সর্বং যথাব- চ্ছুভাঁল্লোকান্যেন গচ্ছেৎক্রমেণ॥ 1-84-21 (3741) যয়াতিরুবাচ। 1-84-22x (517) তপশ্চ দানং চ শমো দমশ্চ হ্রীরার্জবং সর্বভূতানুকম্পা। স্বর্গস্য লোকস্য বদন্তি সন্তো দ্বারাণি সপ্তৈব মহান্তি পুংসাম্। নশ্যন্তি মানেন তমোঽভিভূতাঃ পুংসঃ সদৈবেতি বদন্তি সন্তঃ॥ 1-84-22 (3742) অধীয়ানঃ পণ্ডিতংমন্যমানো যো বিদ্যযা হন্তি যশঃ পরেষাম্। তস্যান্তবন্তশ্চ ভবন্তি লোকা ন চাস্য তদ্ব্রহ্ম ফলং দদাতি॥ 1-84-23 (3743) চৎবারি কর্মাণ্যভয়ঙ্করাণি ভয়ং প্রয়চ্ছন্ত্যযথাকৃতানি। মানাগ্নিহোত্রমুত মানমৌনং মানেনাধীতমুত মানয়জ্ঞঃ॥ 1-84-24 (3744) ন মানমান্যো মুদমাদদীত ন সন্তাপং প্রাপ্নুয়াচ্চাবমানাৎ। সন্তঃ সতঃ পূজয়ন্তীহ লোকে নাসাধবঃ সাধুবুদ্ধিং লভন্তে॥ 1-84-25 (3745) ইতি দদ্যামিতি যজ ইত্যদীয় ইতি ব্রতম্। ইত্যেতানি ভয়ান্যাহুস্তানি বর্জ্যানি সর্বশঃ॥ 1-84-26 (3746) যে চাশ্রয়ং বেদয়ন্তে পুরাণং মনীষিণো মানসমার্গরুদ্ধম্। তন্নিঃশ্রেয়স্তেন সংয়োগমেত্য পরাং শান্তিং প্রত্যুঃ প্রেত্য চেহ॥ ॥ 1-84-27 (3747) ইতি শ্রীমন্মহাভারতে আদিপর্বণি সংভবপর্বণি চতুরশীতিতমোঽধ্যায়ঃ॥ 84 ॥

1-85-0 (3748) অষ্টক উবাচ। 1-85-0x (518) চরন্গৃহস্থঃ কথমেতি ধর্মা- ন্কথং ভিক্ষুঃ কথমাচার্যকর্মা। বানপ্রস্থঃ সৎপথে সন্নিবিষ্টো বহূন্যস্মিন্সংপ্রতি বেদয়ন্তি॥ 1-85-1 (3749) যয়াতিরুবাচ। 1-85-2x (519) আহূতাধ্যায়ী গুরুকর্মস্বচোদ্যঃ পূর্বোত্থায়ী চরমং চোপশায়ী। মৃদুর্দান্তো ধৃতিমানপ্রমত্তঃ স্বাধ্যাশীলঃ সিধ্যতি ব্রহ্মচারী॥ 1-85-2 (3750) ধর্মাগতং প্রাপ্য ধনং যজেত দদ্যাৎসদৈবাতিথীন্ভোজয়েচ্চ। অনাদদানশ্চ পরৈরদত্তং সৈষা গৃহস্থোপনিষৎপুরাণী॥ 1-85-3 (3751) স্ববীর্যজীবী বৃজিনান্নিবৃত্তো দাতা পরেভ্যো ন পরোপতাপী। তাদৃঙ্মুনিঃ সিদ্ধিমুপৈতি মুখ্যাং বসন্নরণ্যে নিয়তাহারচেষ্টঃ॥ 1-85-4 (3752) অশিল্পজীবী গুণবাংশ্চৈব নিত্যং জিতেন্দ্রিয়ঃ সর্বতো বিপ্রয়ুক্তঃ। অনোকশায়ী লঘুরল্পপ্রসার- শ্চরন্দেশানেকচরঃ স ভিক্ষুঃ॥ 1-85-5 (3753) রাত্র্যা যয়া বাঽভিজিতাশ্চ লোকা ভবন্তি কামাভিজিতাঃ সুখাশ্চ। তামেব রাত্রিং প্রয়তেত বিদ্বা- নরণ্যসংস্থো ভবিতুং যতাত্মা॥ 1-85-6 (3754) দশৈব পূর্বান্দশ চাপরাংশ্চ জ্ঞাতীনথাত্মানমথৈকবিংশম্। অরণ্যবাসী সুকৃতে দধাতি বিমুচ্যারণ্যে স্বশরীরধাতূন্॥ 1-85-7 (3755) অষ্টক উবাচ। 1-85-8x (520) কতিস্বিদেব মুনয়ঃ কতি মৌনানি চাপ্যুত। ভবন্তীতি তদাচক্ষ্ব শ্রোতুমিচ্ছামহে বয়ম্॥ 1-85-8 (3756) যয়াতিরুবাচ। 1-85-9x (521) অরণ্যে বসতো যস্য গ্রামো ভবতি পৃষ্ঠতঃ। গ্রামে বা বসতোঽরণ্যং স মুনিঃ স্যাজ্জনাধিপ॥ 1-85-9 (3757) অষ্টক উবাচ। 1-85-10x (522) কথংস্বিদ্বসতোঽরণ্যে গ্রামো ভবতি পৃষ্ঠতঃ। গ্রামে বা বসতোঽরণ্যং কথং ভবতি পৃষ্ঠতঃ॥ 1-85-10 (3758) যয়াতিরুবাচ। 1-85-11x (523) ন গ্রাম্যমুপয়ুঞ্জীত য আরণ্যো মুনির্ভবেৎ। তথাস্য বসতোঽরণ্যে গ্রামো ভবতি পৃষ্ঠতঃ॥ 1-85-11 (3759) অনগ্নিরনিকেতশ্চাপ্যগোত্রচরণো মুনিঃ। কৌপীনাচ্ছাদনং যাবত্তাবদিচ্ছেচ্চ চীবরম্॥ 1-85-12 (3760) যাবৎপ্রাণাভিসন্ধানং তাবদিচ্ছেচ্চ ভোজনম্। তথাঽস্য বসতো গ্রামেঽরণ্যং ভবতি পৃষ্ঠতঃ॥ 1-85-13 (3761) যস্তু কামান্পরিত্যজ্য ত্যক্তকর্মা জিতেন্দ্রিয়ঃ। আতিষ্ঠেচ্চ মুনির্মৌনং স লোকে সিদ্ধিমাপ্নুয়াৎ॥ 1-85-14 (3762) ধৌতদন্তং কৃত্তনখং সদা স্নাতমলঙ্কৃতম্। অসিতং সিতকর্মাণং কস্তমর্হতি নার্চিতুম্॥ 1-85-15 (3763) তপসা কর্শিতঃ ক্ষামঃ ক্ষীণমাংসাস্থিশোণিতঃ। স চ লোকমিমং জিৎবা লোকং বিজয়তে পরম্॥ 1-85-16 (3764) যদা ভবতি নির্দ্বন্দ্বো মুনির্মৌনং সমাস্থিতঃ। অথ লোকমিমং জিৎবা লোকং বিজয়তে পরম্॥ 1-85-17 (3765) আস্যেন তু যদাঽহারং গোবন্মৃগয়তে মুনিঃ। অথাস্য লোকঃ সর্বোঽয়ং সোঽমৃতৎবায় কল্পতে॥ 1-85-18 (3766) সামান্যধর্মঃ সর্বেষাং ক্রোধো লোভো দ্রুহাঽক্ষমা। বিহায় মৎসরং শাঠ্যং দর্পং দম্ভং চ পৈশুনম্। ক্রোধং লোভং মমৎবং চ যস্য নাস্তি স ধর্মবিৎ॥ 1-85-19 (3767) অষ্টক উবাচ। 1-85-20x (524) নিত্যাশনো ব্রহ্মচারী গৃহস্থো বনগো মুনিঃ। নাধর্মমশনাৎপ্রাপ্যেৎকথং ব্রূহীহ পৃচ্ছতে॥ 1-85-20 (3768) যয়াতিরুবাচ। 1-85-21x (525) অষ্টৌ গ্রাসা মুনেঃ প্রোক্তাঃ ষোডশারণ্যবাসিনঃ। দ্বাত্রিংশত্তু গৃহস্থস্য অমিতং ব্রহ্মচারিণঃ॥ 1-85-21 (3769) ইত্যেবং কারণৈর্জ্ঞেয়মষ্টকৈতচ্ছুভাশুভম্॥ ॥ 1-85-22 (3770) ইতি শ্রীমন্মহাভারতে আদিপর্বণি সংভবপর্বণি পঞ্চাশীতিতমোঽধ্যায়ঃ॥ 85 ॥

1-86-0 (3771) অষ্টক উবাচ। 1-86-0x (526) কতরস্ৎবনয়োঃ পূর্বং দেবানামেতি সাম্যতাম্। উভয়োর্ধাবতো রাজন্সূর্যাচন্দ্রমসোরিব॥ 1-86-1 (3772) যয়াতিরুবাচ। 1-86-2x (527) অনিকেতো গৃহস্থেষু কামবৃত্তেষু সংয়তঃ। গ্রাম এব বসন্ভিক্ষুস্তয়োঃ পূর্বতরং গতঃ॥ 1-86-2 (3773) অপ্রাপ্য দীর্ঘমায়ুস্তু যঃ প্রাপ্তো বিকৃতিং চরেৎ। তপ্যতে যদি তৎকৃৎবা চরেৎসোঽন্যত্তপস্ততঃ॥ 1-86-3 (3774) পাপানাং কর্মণাং নিত্যং বিভীয়াদ্যস্তু মানবঃ। সুখমপ্যাচরন্নিত্যং সোঽত্যন্তং সুখমেধতে॥ 1-86-4 (3775) যদ্বৈ নৃশংসং তদসত্যমাহু- র্যঃ সেবতে ধর্মমনর্থবুদ্ধিঃ। অস্বোঽপ্যনীশশ্চ তথৈব রাজং- স্তদার্জবং স সমাধিস্তদার্যম্॥ 1-86-5 (3776) অষ্টক উবাচ। 1-86-6x (528) কেনাসি হূতঃ প্রহিতোঽসি রাজ- ন্যুবা স্রগ্বী দর্শনীয়ঃ সুবর্চাঃ। কুতঋ আয়াতঃ কতরস্যাং দিশি ৎব- মুতাহোস্বিৎপার্থিবং স্থানমস্তি॥ 1-86-6 (3777) যয়াতিরুবাচ। 1-86-7x (529) ইমং ভৌমং নরকং ক্ষীণপুণ্যঃ প্রবেষ্টুমুর্বীং গগনাদ্বিপ্রহীণঃ। `বিদ্বাংশ্চৈবং মতিমানার্যবুদ্ধি- র্মমাভবৎকর্মলোক্যং চ সর্বম্'। উক্ৎবাঽহং বঃ প্রপতিষ্যাম্যনন্তরং ৎবরন্তি মাং লোকপা ব্রাহ্মণা যে॥ 1-86-7 (3778) সতাং সকাশে তু বৃতঃ প্রপাত- স্তে সঙ্গতা গুণবন্তশ্চ সর্বে। শক্রাচ্চ লব্ধো হি বরো ময়ৈষ পতিষ্যতা ভূমিতলং নরেন্দ্র॥ 1-86-8 (3779) অষ্টক উবাচ। 1-86-9x (530) পৃচ্ছামি ৎবাং মা প্রপত প্রপাতং যদি লোকাঃ পার্থিব সন্তি মেঽত্র। যদ্যন্তরিক্ষে যদি বা দিবি স্থিতাঃ ক্ষেত্রজ্ঞং ৎবাং তস্য ধর্মস্য মন্যে॥ 1-86-9 (3780) যয়াতিরুবাচ। 1-86-10x (531) যাবৎপৃথিব্যাং বিহিতং গবাশ্বং সহারণ্যৈঃ পশুভিঃ পার্বতৈশ্চ। তাবল্লোকা দিবি তে সংস্থিতা বৈ তথা বিজানীহি নরেন্দ্রসিংহ॥ 1-86-10 (3781) অষ্টক উবাচ। 1-86-11x (532) তাংস্তে দদামি মা প্রপত প্রপাতং যে মে লোকা দিবি রাজেন্দ্র সন্তি। যদ্যন্তরিক্ষে যদি বা দিবি শ্রিতা- স্তানাক্রম ক্ষিপ্রমপেতমোহঃ॥ 1-86-11 (3782) যয়াতিরুবাচ। 1-86-12x (533) নাস্মদ্বিধোঽব্রাহ্মণো ব্রহ্মবিচ্চ প্রতিগ্রহে বর্ততে রাজমুখ্য। যথা প্রদেয়ং সততং দ্বিজেভ্য- স্তথাঽদদং পূর্বমহং নরেন্দ্র॥ 1-86-12 (3783) নাব্রাহ্মণঃ কৃপণো জাতু জীবে- দ্যা চাপ্যস্যাঽব্রাহ্মণী বীরপত্নী। সোঽহং নৈবাকৃতপূর্বং চরেয়ং বিধিৎসমানঃ কিমু তত্র সাধুঃ॥ 1-86-13 (3784) প্রতর্দন উবাচ। 1-86-14x (534) পৃচ্ছামি ৎবাং স্পৃহণীয়রূপ প্রতর্দনোঽহং যদি মে সন্তি লোকাঃ। যদ্যন্তরিক্ষে যদি বা দিবি শ্রিতাঃ ক্ষেত্রজ্ঞং ৎবাং তস্য ধর্মস্য মন্যে॥ 1-86-14 (3785) যয়াতিরুবাচ। 1-86-15x (535) সন্তি লোকা বহবস্তে নরেন্দ্র অপ্যেকৈকঃ সপ্তসপ্তাপ্যহানি। মধুচ্যুতো ঘৃতপৃক্তা বিশোকা- স্তে নান্তবন্তঃ প্রতিপালয়ন্তি॥ 1-86-15 (3786) প্রতর্দন উবাচ। 1-86-16x (536) তাংস্তে দদানি মা প্রপত প্রপাতং যে মে লোকাস্তব তে বৈ ভবন্তু। যদ্যন্তরিক্ষে যদি বা দিবি শ্রিতা- স্তানাক্রম ক্ষিপ্রমপেতমোহঃ॥ 1-86-16 (3787) যয়াতিরুবাচ। 1-86-17x (537) ন তুল্যতেজাঃ সুকৃতং কাময়েত যোগক্ষেমং পার্থিব পার্থিবঃ সন্। দৈবাদেশাদাপদং প্রাপ্য বিদ্বাং- শ্চরেন্নৃশংসং ন হি জাতু রাজা॥ 1-86-17 (3788) ধর্ম্যং মার্গং যতমানো যশস্যং কুর্যান্নৃপো ধর্মমবেক্ষমাণঃ। ন মদ্বিধো ধর্মবুদ্ধিঃ প্রজান- ন্কুর্যাদেবং কৃপণং মাং যথাঽত্থ॥ 1-86-18 (3789) কুর্যাদপূর্বং ন কৃতং যদন্যৈ- র্বিধিৎসমানঃ কিমু তত্র সাধু। `ধর্মাধর্মৌ সুবিনিশ্চিত্য সম্য- ক্কার্যাকার্যেষ্বপ্রমত্তশ্চরেদ্যঃ॥ 1-86-19 (3790) স বৈ ধীমান্সত্যসন্ধঃ কৃতাত্মা রাজা ভবেল্লোকপালো মহিম্না। যদা ভবেৎসংশয়ো ধর্মকার্যে কামার্থৌ বা যত্র বিন্দন্তি সম্যক্॥ 1-86-20 (3791) কার্যং তত্র প্রথমং ধর্মকার্যং যন্নো বিরুধ্যাদর্থকামৌ স ধর্মঃ 1-86-21 (3792) বৈশম্পায়ন উবাচ।' ব্রুবাণমেবং নৃপতিং যয়াতিং নৃপোত্তমো বসুমানব্রবীত্তম্॥ ॥ 1-86-21x (538) ইতি শ্রীমন্মহাভারতে আদিপর্বণি সংভবপর্বণি ষডশীতিতমোঽধ্যায়ঃ॥ 86 ॥

1-87-0 (3793) বসুমানুবাচ। 1-87-0x (539) পৃচ্ছামি ৎবাং বসুমানৌষদশ্বি- র্যদ্যস্তি লোকো দিবি মে নরেন্দ্র। যদ্যন্তরিক্ষে প্রথিতো মহাত্মন্ ক্ষেত্রজ্ঞং ৎবাং তস্য ধর্মস্য মন্যে॥ 1-87-1 (3794) যয়াতিরুবাচ। 1-87-2x (540) যদন্তরিক্ষং পৃথিবী দিশশ্চ যত্তেজসা তপতে ভানুমাংশ্চ। লোকাস্তাবন্তো দিবি সংস্থিতা বৈ তেনান্তবন্তঃ প্রতিপালয়ন্তি॥ 1-87-2 (3795) বসুমানুবাচ। 1-87-3x (541) তাংস্তে দদানি মা প্রপত প্রপাতং যে মে লোকাস্তব তে বৈ ভবন্তু। ক্রীণীষ্বৈতাংস্তৃণকেনাপি রাজ- ন্প্রতিগ্রহস্তে যদি ধীমন্প্রদুষ্টঃ॥ 1-87-3 (3796) যয়াতিরুবাচ। 1-87-4x (542) ন মিথ্যাঽহং বিক্রয়ং বৈ স্মরামি বৃথা গৃহীতং শিশুকাচ্ছঙ্কমানঃ। কুর্যাং ন চৈবাকৃতপূর্বমন্যৈ- র্বিধিৎসমানঃ কিমু তত্র সাধুঃ॥ 1-87-4 (3797) বসুমানুবাচ। 1-87-5x (543) তাংস্ৎবং লোকান্প্রতিপদ্যস্ব রাজ- ন্ময়া দত্তান্যদি নেষ্টঃ ক্রয়স্তে। অহং ন তান্বৈ প্রতিগন্তা নরেন্দ্র সর্বে লোকাস্তব তে বৈ ভবন্তু॥ 1-87-5 (3798) শিবিরুবাচ। 1-87-6x (544) পৃচ্ছামি ৎবাং শিবিরৌশীনরোঽহং মমাপি লোকা যদি সন্তীহ তাত। যদ্যন্তরিক্ষে যদি বা দিবি শ্রিতাঃ ক্ষেত্রজ্ঞং ৎবাং তস্য ধর্মস্য মন্যে॥ 1-87-6 (3799) যয়াতিরুবাচ। 1-87-7x (545) যত্ৎবং বাচা হৃদয়েনাপি সাধূ- ন্পরীপ্সমানান্নাবমংস্থা নরেন্দ্র। তেনানন্তা দিবি লোকাঃ শ্রিতাস্তে বিদ্যুদ্রূপাঃ স্বনবন্তো মহান্তঃ॥ 1-87-7 (3800) শিবিরুবাচ। 1-87-8x (546) তাংস্ৎবং লোকান্প্রতিপদ্যস্ব রাজ- ন্ময়া দত্তান্যদি নেষ্টঃ ক্রয়স্তে। ন চাহং তান্প্রতিপৎস্যে হ দত্ৎবা যত্র গৎবা নানুশোচন্তি ধীরাঃ॥ 1-87-8 (3801) যয়াতিরুবাচ। 1-87-9x (547) যথা ৎবমিন্দ্রপ্রতিমপ্রভাব- স্তে চাপ্যনন্তা নরদেব লোকাঃ। তথাঽদ্য লোকে ন রমেঽন্যদত্তে তস্মাচ্ছিবে নাভিনন্দামি দায়ম্॥ 1-87-9 (3802) অষ্টক উবাচ। 1-87-10x (548) ন চেদেকৈকশো রাজঁল্লোকান্নঃ প্রতিনন্দসি। সর্বে প্রদায় ভবতে গন্তারো নরকং বয়ম্॥ 1-87-10 (3803) যয়াতিরুবাচ। 1-87-11x (549) যদর্হোঽহং তদ্যতধ্বং সন্তঃ সত্যাভিনন্দিনঃ। অহং তন্নাভিজানামি যৎকৃতং ন ময়া পুরা॥ 1-87-11 (3804) অষ্টক উবাচ। 1-87-12x (550) কস্যৈতে প্রতিদৃশ্যন্তে রথাঃ পঞ্চ হিরণ্ময়াঃ। যানারুহ্য নরো লোকানভিবাঞ্ছতি শাশ্বতান্॥ 1-87-12 (3805) যয়াতিরুবাচ। 1-87-13x (551) যুষ্মানেতে বহিষ্যন্তি রথাঃ পঞ্চ হিরণ্ময়াঃ। উচ্চৈঃ সন্তঃ প্রকাশন্তে জ্বলন্তোঽগ্নিশিখা ইব॥ 1-87-13 (3806) `বৈশম্পায়ন উবাচ। 1-87-14x (552) অশ্বমেধে মহায়জ্ঞে স্বয়ংভুবিহিতে পুরা। হয়স্য যানি চাঙ্গানি সংনিকৃত্য যথাক্রমম্॥ 1-87-14 (3807) হোতাঽধ্বর্যুরথোদ্গাতা ব্রহ্মণা সহ ভারত। অগ্নৌ প্রাস্যন্তি বিধিবৎসমস্তাঃ ষোডশর্ৎবিজঃ॥ 1-87-15 (3808) ধূমগন্ধং চ পাপিষ্ঠা যে জিঘ্রন্তি নরা ভুবি। বিমুক্তপাপাঃ পূতাস্তে তৎক্ষণেনাভবন্নরাঃ॥ 1-87-16 (3809) এতস্মিন্নন্তরে চৈব মাধবী সা তপোধনা। মৃগচর্মপরীতাঙ্গী পরিধায় মৃগৎবচম্॥ 1-87-17 (3810) মৃগৈঃ পরিচরন্তী সা মৃগাহারবিচেষ্টিতা। যজ্ঞবাটং মৃগগণৈঃ প্রবিশ্য ভৃশবিস্মিতা॥ 1-87-18 (3811) আঘ্রায়ন্তী ধূমগন্ধং মৃগৈরেব চচার সা। যজ্ঞবাটমটন্তী সা পুত্রাংস্তানপরাজিতান্॥ 1-87-19 (3812) পশ্যন্তী যজ্ঞমাহাত্ম্যং মুদং লেভে চ মাধবী। অসংস্পৃশন্তং বসুধাং যয়াতিং নাহুষং যদা॥ 1-87-20 (3813) দিবিষ্ঠং প্রাপ্তমাজ্ঞায় ববন্দে পিতরং তদা। তদা বসুমনাপৃচ্ছন্মাতরং বৈ তপস্বিনীম্॥ 1-87-21 (3814) ভবত্যা যৎকৃতমিদং বন্দনং পাদয়োরিহ। কোয়ং দেবোপমো রাজা যাঽভিবন্দসি মে বদ॥ 1-87-22 (3815) মাধব্যুবাচ। 1-87-23x (553) শৃণুধ্বং সহিতাঃ পুত্রা নাহুষোয়ং পিতা মম। যয়াতির্মম পুত্রাণাং মাতামহ ইতি স্মৃতঃ॥ 1-87-23 (3816) পূরুং মে ভ্রাতরং রাজ্যে সমাবেশ্য দিবং গতঃ। কেন বা কারণেনৈবমিহ প্রাপ্তো মহায়শাঃ॥ 1-87-24 (3817) বৈশম্পায়ন উবাচ। 1-87-25x (554) তস্যাস্তদ্বচনং শ্রুৎবা স্বর্গাদ্ভ্রষ্টেতি চাব্রবীৎ। সা পুত্রস্য বচঃ শ্রুৎবা সংভ্রমাবিষ্টচেতনা॥ 1-87-25 (3818) মাধবী পিতরং প্রাহ দৌহিত্রপরিবারিতম্। তপসা নির্জিতাঁল্লোকান্প্রতিগৃহ্ণীষ্ব মামকান্॥ 1-87-26 (3819) পুত্রাণামিব পৌত্রাণাং ধর্মাদধিগতং ধনম্। স্বার্থণেব বদন্তীহ ঋষয়ো ধর্মপাঠকাঃ। তস্মাদ্দানেন তপসা চাস্মাকং দিবমাব্রজ॥ 1-87-27 (3820) যয়াতিরুবাচ। 1-87-28x (555) যদি ধর্মফলং হ্যেতচ্ছোভনং ভবিতা তব। দুহিত্রা চৈব দৌহিত্রৈস্তারিতোঽহং মহাত্মভিঃ॥ 1-87-28 (3821) তস্মাৎপবিত্রং দৌহিত্রমদ্যপ্রভৃতি পৈতৃকে। ত্রীণি শ্রাদ্ধে পবিত্রাণি দৌহিত্রঃ কুতপস্তিলাঃ॥ 1-87-29 (3822) ত্রীণি চাত্র প্রশংসন্তি শৌচমক্রোধমৎবরাম্। ভোক্তারঃ পরিবেষ্টারঃ শ্রাবিতারঃ পবিত্রকাঃ॥ 1-87-30 (3823) দিবসস্যাষ্টমে ভাগে মন্দীভবতি ভাস্করে। স কালঃ কুতপো নাম পিতৄণাং দত্তমক্ষয়ম্॥ 1-87-31 (3824) তিলাঃ পিশাচাদ্রক্ষন্তি দর্ভা রক্ষন্তি রাক্ষসাৎ। রক্ষন্তি শ্রোত্রিয়াঃ পঙ্ক্তিং যতিভির্ভুক্তমক্ষয়ম্॥ 1-87-32 (3825) লব্ধ্বা পাত্রং তু বিদ্বাংসং শ্রোত্রিয়ং সুব্রতং শুচিম্। স কালঃ কালতো দত্তং নান্যথা কাল ইষ্যতে॥ 1-87-33 (3826) বৈশম্পায়ন উবাচ। 1-87-34x (556) এবমুক্ৎবা যয়াতিস্তু পুনঃ প্রোবাচ বুদ্ধিমান্। সর্বে হ্যবভৃথস্নাতাস্ৎবরধ্বং কার্যগৌরবাৎ॥' 1-87-34 (3827) অষ্টক উবাচ। 1-87-35x (557) আতিষ্ঠ স্বরথং রাজন্বিক্রমস্ব বিহায়সম্। বয়মপ্যনুয়াস্যামো যদা কালো ভবিষ্যতি॥ 1-87-35 (3828) যয়াতিরুবাচ। 1-87-36x (558) সর্বৈরিদানীং গন্তব্যং সহ স্বর্গজিতো বয়ম্। এষ নো বিরজাঃ পন্থা দৃশ্যতে দেবসদ্মনঃ॥ 1-87-36 (3829) বৈশম্পায়ন উবাচ। 1-87-37x (559) `অষ্টকশ্চ শিবিশ্চৈব কাশেয়শ্চ প্রতর্দনঃ। ঐক্ষ্বাকবো বসুমনাশ্চৎবারো ভূমিপাস্তদা। সর্বে হ্যবভৃথস্নাতাঃ স্বর্গতাঃ সাধবঃ সহ॥' 1-87-37 (3830) তেঽধিরুহ্য রথান্সর্বে প্রয়াতা নৃপস্তমাঃ। আক্রমন্তো দিবং ভাভির্ধর্মেণাবৃত্য রোদসী॥ 1-87-38 (3831) অষ্টক উবাচ। 1-87-39x (560) অহং মন্যে পূর্বমেকোঽস্মি গন্তা সখা চেন্দ্রঃ সর্বথা মে মহাত্মা। কস্মাদেবং শিবিরৌশীনরোঽয়- মেকোঽত্যগাৎসর্ববেগেন বাহান্॥ 1-87-39 (3832) যয়াতিরুবাচ। 1-87-40x (561) অদদদ্যাচমানায় যাবদ্বিত্তমবিন্দত। উশীনরস্য পুত্রোঽয়ং তস্মাচ্ছ্রেষ্ঠোহি বঃ শিবিঃ॥ 1-87-40 (3833) দানং তপঃ সংত্যমথাঽপি ধর্মো হ্রীঃ শ্রীঃ ক্ষমা সৌম্যমথো বিধিৎসা। রাজন্নেতান্যপ্রমেয়াণি রাজ্ঞঃ শিবেঃ স্থিতান্যপ্রতিমস্য বুদ্ধ্যা॥ 1-87-41 (3834) এবং বৃত্তো হ্রীনিষেবশ্চ যস্মা- ত্তস্মাচ্ছিবিরত্যগাদ্বৈ রথেন। 1-87-42 (3835) বৈশম্পায়ন উবাচ। অথাষ্টকঃ পুনরেবান্বপৃচ্ছ- ন্মাতামহং কৌতুকেনেন্দ্রকল্পম্॥ 1-87-42x (562) পৃচ্ছামি ৎবাং নৃপতে ব্রূহি সত্যং কুতশ্চ কশ্চাসি সুতশ্চ কস্য। কৃতং ৎবয়া যদ্ধি ন তস্য কর্তা লোকে ৎবদন্যঃ ক্ষত্রিয়ো ব্রাহ্মণো বা॥ 1-87-43 (3836) যয়াতিরুবাচ। 1-87-44x (563) যয়াতিরস্মি নহুষস্য পুত্রঃ পূরোঃ পিতা সার্ববৌমস্ৎবিহাসম্। গুহ্যং চার্থং মামকেভ্যো ব্রবীমি মাতামহোঽহং ভবতাং প্রকাশম্॥ 1-87-44 (3837) সর্বামিমাং পৃথিবীং নির্জিগায় দত্ৎবা প্রতস্থে বিপিনং ব্রাহ্মণেভ্যঃ। মেধ্যানশ্বানেকশতান্সুরূপাং- স্তদা দেবাঃ পুণ্যভাজো ভবন্তি॥ 1-87-45 (3838) অদামহং পৃথিবীং ব্রাহ্মণেভ্যঃ পূর্ণামিমামখিলাং বাহনেন। গোভিঃ সুবর্ণেন ধনৈশ্চ মুখ্যৈ- স্তদাঽদদং গাঃ শথমর্বুদানি॥ 1-87-46 (3839) সত্যেন মে দ্যৌশ্চ বসুন্ধরা চ তথৈবাগ্নিজ্বর্লতে মানুষেষু। ন মে বৃথা ব্যাহৃতমেব বাক্যং সত্যং হি সন্তঃ প্রতিপূজয়ন্তি॥ 1-87-47 (3840) যদষ্টক প্রব্রবীমীহ সত্যং প্রতর্দনং চৌষদশ্বিং তথৈব। সর্বে চ লোকা মুনয়শ্চ দেবাঃ সত্যেন পূজ্যা ইতি মে মনোগতম্॥ 1-87-48 (3841) যো নঃ স্বর্গজিতঃ সর্বান্যথাবৃত্তং নিবেদয়েৎ। অনসূয়ুর্দ্বিজাগ্র্যেভ্যঃ স লভেন্নঃ সলোকতাম্॥ 1-87-49 (3842) বৈশম্পায়ন উবাচ। 1-87-50x (564) এবং রাজা স মহাত্মা হ্যতীব স্বৈর্দৌহিত্রৈস্তারিতোঽমিত্রসাহ। ত্যক্ৎবা মহীং পরমোদারকর্মা স্বর্গং গতঃ কর্মভির্ব্যাপ্য পৃথ্বীম্॥ ॥ 1-87-50 (3843) ইতি শ্রীমন্মহাভারতে আদিপর্বণি সংভবপর্বণি সপ্তাশীতিতমোঽধ্যায়ঃ॥ 87 ॥

1-88-0 (3844) জনমেজয় উবাচ। 1-88-0x (565) পুত্রং যয়াতেঃ প্রবূহি পূরুং ধর্মভৃতাং বরম্। আনুপূর্ব্যেণ যে চান্যে পূরোর্বংশবিবর্ধনাঃ॥ 1-88-1 (3845) বিস্তরেণ পুনর্ব্রূহি দৌষ্যন্তের্জনমেজয়াৎ। সংবভূব যথা রাজা ভরতো দ্বিজসত্তম॥ 1-88-2 (3846) বৈশম্পায়ন উবাচ। 1-88-3x (566) পূরুর্নৃপতিশার্দূলো যথৈবাস্য পিতা নৃপ। ধর্মনিত্যঃ স্থিতো রাজ্যে শক্রতুল্যপরাক্রমঃ॥ 1-88-3 (3847) প্রবীরেশ্বররৌদ্রাশ্বাস্ত্রয়ঃ পুত্রা মহারথাঃ। পূরোঃ পৌষ্ট্যামজায়ন্ত প্রবীরো বংশকৃত্ততঃ॥ 1-88-4 (3848) মনস্যুরভবত্তস্মাচ্ছূরসেনীসুতঃ প্রভুঃ। পৃথিব্যাশ্চতুরন্তায়া গোপ্তা রাজীবলোচনঃ॥ 1-88-5 (3849) শক্তঃ সংহননো বাগ্মী সৌবীরীতনয়াস্ত্রয়ঃ। মনস্যোরভবন্পুত্রাঃ শূরাঃ সর্বে মহারথাঃ॥ 1-88-6 (3850) অন্বগ্ভানুপ্রভৃতয়ো মিশ্রকেশ্যাং মনস্বিনঃ। রৌদ্রাশ্বস্য মহেষ্বাসা দশাপ্সরসি সূনবঃ॥ 1-88-7 (3851) যজ্বানো জজ্ঞিরে শূরাঃ প্রজাবন্তো বহুশ্রুতাঃ। সর্বে সর্বাস্ত্রবিদ্বাসঃ সর্বে ধর্মপরায়ণাঃ॥ 1-88-8 (3852) ঋচেয়ুরথ কক্ষেয়ুঃ কৃকণেয়ুশ্চ বীর্যবান্। স্থণ্ডিলেয়ুর্বনেয়ুশ্চ জলেয়ুশ্চ মহায়শাঃ॥ 1-88-9 (3853) তেজেয়ুর্বলাবান্ধীমান্সত্যেয়ুশ্চন্দ্রবিক্রমঃ। ধর্মেয়ুঃ সন্নতেয়ুশ্চ দশমো দেববিক্রমঃ॥ 1-88-10 (3854) অনাধৃষ্টিরভূত্তেষাং বিদ্বান্ভুবি তথৈকরাট্। ঋচেয়ুরথ বিক্রান্তো দেবানামিব বাসবঃ॥ 1-88-11 (3855) অনাধৃষ্টিসুতস্ৎবাসীদ্রাজসূয়াশ্বমেধকৃৎ। মতিনার ইতি খ্যাতো রাজা পরমধার্মিকঃ॥ 1-88-12 (3856) মতিনারসুতা রাজংশ্চৎবারোঽমিতবিক্রমাঃ। তংসুর্মহানতিরথো দ্রুহ্যুশ্চাপ্রতিমদ্যুতিঃ॥ 1-88-13 (3857) তেষাং তংসুর্মহাবীর্যঃ পৌরবং বংশমুদ্বহন্। আজহার যশো দীপ্তং জিগায় চ বসুংধরাম্॥ 1-88-14 (3858) ঈলিনং তু সুতং তংসুর্জনয়ামাস বীর্যবান্। সোঽপি কৃৎস্নামিমাং ভূমিং বিজিগ্যে জয়তাং বরঃ॥ 1-88-15 (3859) রথন্তর্যাং সুতান্পঞ্চ পঞ্চভূতোপমাংস্ততঃ। ঈলিনো জনয়ামাস দুষ্যন্তপ্রভৃতীন্নৃপান্॥ 1-88-16 (3860) দুষ্যন্তং শূরভীমৌ চ প্রবসুং বসুমেব চ। তেষাং শ্রেষ্ঠোঽভবদ্রাজা দুষ্যন্তো দুর্জয়ো যুধি॥ 1-88-17 (3861) দুষ্যন্তাল্লক্ষণায়াং তু জজ্ঞে বৈ জনমেজয়ঃ। শকুন্তলায়াং ভরতো দৌষ্যন্তিরভবৎসুতঃ॥ 1-88-18 (3862) তস্মাদ্ভরতবংশস্য বিপ্রতস্থে মহদ্যশঃ॥ ॥ 1-88-19 (3863) ইতি শ্রীমন্মহাভারতে আদিপর্বণি সংভবপর্বণি অষ্টাশীতিতমোঽধ্যায়ঃ॥ 88 ॥

1-89-0 (3864) জনমেজয় উবাচ। 1-89-0x (567) ভগবন্বিস্তরেণেহ ভরতস্য মহাত্মনঃ। জন্ম কর্ম চ সুশ্রূষোস্তন্মে শংসিতুমর্হসি॥ 1-89-1 (3865) বৈশম্পায়ন উবাচ। 1-89-2x (568) পৌরবাণাং বংশকরো দুষ্যন্তো নাম বীর্যবান্। পৃথিব্যাশ্চতুরন্তায়া গোপ্তা ভরতসত্তম॥ 1-89-2 (3866) চতুর্ভাগং ভুবঃ কৃৎস্নং যো ভুঙ্ক্তে মনুজেশ্বরঃ। সমুদ্রাবরণাংশ্চাপি দেশান্স সমিতিংজয়ঃ॥ 1-89-3 (3867) আম্লেচ্ছাবধিকান্সর্বান্স ভুঙ্ক্তে রিপুমর্দনঃ। রত্নাকরসমুদ্রান্তাংশ্চাতুর্বর্ণ্যজনাবৃতান্॥ 1-89-4 (3868) ন বর্ণসঙ্করকরো ন কৃষ্যাকরকৃজ্জনঃ। ন পাপকৃৎকশ্চিদাসীত্তস্মিন্রাজনি শাসতি॥ 1-89-5 (3869) ধর্মে রতিং সেবমানা ধর্মার্থাবভিপেদিরে। তদা নরা নরব্যাঘ্র তস্মিঞ্জনপদেশ্বরে॥ 1-89-6 (3870) নাসীচ্চোরভয়ং তাত ন ক্ষুধাভয়মণ্বপি। নাসীদ্ব্যাধিভয়ং চাপি তস্মিঞ্জনপদেশ্বরে॥ 1-89-7 (3871) স্বধর্মৈ রেমিরে বর্ণা দৈবে কর্মণি নিঃস্পৃহাঃ। তমাশ্রিত্য মহীপালমাসংশ্চৈবাকুতোভয়াঃ॥ 1-89-8 (3872) কালবর্ষী চ পর্জন্যঃ সস্যানি রসবন্তি চ। সর্বরত্নসমৃদ্ধা চ মহী পশুমতী তথা॥ 1-89-9 (3873) স্বকর্মনিরতা বিপ্রা নানৃতং তেষু বিদ্যতে। স চাদ্ভুতমহাবীর্যো বজ্রসংহননো যুবা॥ 1-89-10 (3874) উদ্যম্য মন্দরং দোর্ভ্যাং বহেৎসবনকাননম্। চতুষ্পথগদায়ুদ্ধে সর্বপ্রহরণেষু চ॥ 1-89-11 (3875) নাগপৃষ্ঠেঽশ্বপৃষ্ঠে চ বভূব পরিনিষ্ঠতঃ। বলে বিষ্ণুসমশ্চাসীত্তেজসা ভাস্করোপমঃ॥ 1-89-12 (3876) অক্ষোভ্যৎবেঽর্ণবসমঃ সহিষ্ণুৎবে ধরাসমঃ। সংমতঃ স মহীপালঃ প্রসন্নপুররাষ্ট্রবান্॥ 1-89-13 (3877) ভূয়ো ধর্মপরৈর্ভাবৈর্মুদিতং জনমাদিশৎ॥ ॥ 1-89-14 (3878) ইতি শ্রীমন্মহাভারতে আদিপর্বণি সংভবপর্বণি একোননবতিতমোঽধ্যায়ঃ॥ 89 ॥

1-90-0 (3879) জনমেজয় উবাচ। 1-90-0x (569) সংভবং ভরতস্যাহং চরিতং চ মহামতেঃ। শকুন্তলায়াশ্চোৎপত্তিং শ্রোতুমিচ্ছামি তত্ৎবতঃ॥ 1-90-1 (3880) দুষ্যন্তেন চ বীরেণ যথা প্রাপ্তা শকুন্তলা। তং বৈ পুরুষসিংহস্য ভগবন্বিস্তরং ৎবহম্॥ 1-90-2 (3881) শ্রোতুমিচ্ছামি তত্ৎবজ্ঞ সর্বং মতিমতাং বর। 1-90-3 (3882) বৈশম্পায়ন উবাচ। স কদাচিন্মহাবাহুঃ প্রভূতবলবাহনঃ॥ 1-90-3x (570) বনং জগাম গহনং হয়নাগশতৈর্বৃতঃ। বলেন চতুরঙ্গেণ বৃতঃ পরমবল্গুনা॥ 1-90-4 (3883) খড্গশক্তিধরৈর্বীরৈর্গদামুসলপাণিভিঃ। প্রাসতোমরহস্তৈশ্চ যয়ৌ যোধশতৈর্বৃতঃ॥ 1-90-5 (3884) সিংহনাদৈশ্চ যোধানাং শঙ্খদুনদুভিনিঃস্বনৈঃ। রথনেমিস্বনৈশ্চৈব সনাগবরবৃংহিতৈঃ॥ 1-90-6 (3885) নানায়ুধধরৈশ্চাপি নানাবেষধরৈস্তথা। হ্রেষিতস্বনমিশ্রৈশ্চ ক্ষ্বেডিতাস্ফোটিতস্বনৈঃ॥ 1-90-7 (3886) আসীৎকিলকিলাশব্দস্তস্মিন্গচ্ছতি পার্থিবে। প্রাসাদবরশৃঙ্গস্থাঃ পরয়া নৃপশোভয়া॥ 1-90-8 (3887) দদৃশুস্তং স্ত্রিয়স্তত্র শূরমাত্ময়শস্করম্। শক্রোপমমমিত্রঘ্নং পরবারণবারণম্॥ 1-90-9 (3888) পশ্যন্তঃ স্ত্রীগণাস্তত্র বজ্রপাণিং স্ম মেনিরে। অয়ং স পুরুষব্যাঘ্রো রণে বসুপরাক্রমঃ॥ 1-90-10 (3889) যস্য বাহুবলং প্রাপ্য ন ভবন্ত্যসুহৃদ্গণাঃ। ইতি বাচো ব্রুবন্ত্যস্তাঃ স্ত্রিয়ঃ প্রেম্ণা নরাধিপং॥ 1-90-11 (3890) তুষ্টুবুঃ পুষ্পবৃষ্টীশ্চ সসৃজুস্তস্য মূর্ধনি। তত্রতত্র চ বিপ্রেন্দ্রৈঃ স্তূয়মানঃ সমন্ততঃ॥ 1-90-12 (3891) নির্যযৌ পরমপ্রীত্যা বনং মৃগজিঘাংসয়া। তং দেবরাজপ্রতিমং মত্তবারণধূর্গতম্॥ 1-90-13 (3892) দ্বিজক্ষত্রিয়বিট্শূদ্রা নির্যান্তমনুজগ্মিরে। দদৃশুর্বর্ধমানাস্তে আশীর্ভিশ্চ জয়েন চ॥ 1-90-14 (3893) সুদূরমনুজগ্মুস্তং পৌরজানপদাস্তথা। ন্যবর্তন্ত ততঃ পশ্চাদনুজ্ঞাতা নৃপেণ হ॥ 1-90-15 (3894) সুপর্ণপ্রতিমেনাথ রথেন বসুধাধিপঃ। মহীমাপূরয়ামাস ঘোষেণ ত্রিদিবং তথা॥ 1-90-16 (3895) স গচ্ছন্দদৃশে ধীমান্নন্দনপ্রতিমং বনম্। বিল্বার্কখদিরাকীর্ণং কপিত্থধবসংকুলম্॥ 1-90-17 (3896) বিষমং পর্বতস্রস্তৈ রশ্মভিশ্চ সমাবৃতম্। নির্জলং নির্মনুষ্যং চ বহুয়োজনমায়তম্॥ 1-90-18 (3897) মৃগসিংহৈর্বৃতং ঘোরৈরন্যৈশ্চাপি বনেচরৈঃ। তদ্বনং মনুজব্যাঘ্রঃ সভৃত্যবলবাহনঃ॥ 1-90-19 (3898) লোডয়ামাস দুষ্যন্তঃ সূদয়ন্বিবিধান্মৃগান্। বাণগোচরসংপ্রাপ্তাংস্তত্র ব্যাঘ্রগণান্বহূন্॥ 1-90-20 (3899) পাতয়ামাস দুষ্যন্তো নির্বিভেদ চ সায়কৈঃ। দূরস্থান্সায়কৈঃ কাংশ্চিদভিনৎস নরাধিপঃ॥ 1-90-21 (3900) অভ্যাশমাগতাংশ্চান্যান্খড্গেন নিরকৃন্তত। কাংশ্চিদেণান্সমাজঘ্নে শক্ত্যা শক্তিমতাং বরঃ॥ 1-90-22 (3901) গদামণ্ডলতত্ৎবজ্ঞশ্চচারামিতবিক্রমঃ। তোমরৈরসিভিশ্চাপি গদামুসলকম্পনৈঃ॥ 1-90-23 (3902) চচার স বিনিঘ্নন্বৈ বন্যাংস্তত্র মৃগদ্বিজান্। রাজ্ঞা চাদ্ভুতবীর্যেণ যোধৈশ্চ সমরপ্রিয়ৈঃ॥ 1-90-24 (3903) লোড্যমানং মহারণ্যং তত্যজুঃ স্ম মৃগাধিপাঃ। তত্র বিদ্রুতয়ূথানি হতয়ূথপতীনি চ॥ 1-90-25 (3904) মৃগয়ূথান্যথৌৎসুক্যাচ্ছব্দং চক্রুস্ততস্ততঃ। শুষ্কাশ্চাপি নদীর্গৎবা জলনৈরাশ্যকর্শিতাঃ॥ 1-90-26 (3905) ব্যায়ামক্লান্তহৃদয়াঃ পতন্তি স্ম বিচেতসঃ। ক্ষুৎপিপাসাপরীতাশ্চ শ্রান্তাশ্চ পতিতা ভুবি॥ 1-90-27 (3906) কেচিত্তত্র নরব্যাঘ্রৈরভক্ষ্যন্ত বুভুক্ষিতৈঃ। কেচিদগ্নিমথোৎপাদ্য সংসাধ্য চ বনেচরাঃ॥ 1-90-28 (3907) ভক্ষয়ন্তি স্ম মাংসানি প্রকুট্য বিধিবত্তদা। তত্র কেচিদ্গজা মত্তা বলিনঃ শস্ত্রবিক্ষতাঃ॥ 1-90-29 (3908) সংকোচ্যাগ্রকরান্ভীতাঃ প্রাদ্রবন্তি স্ম বেগিতাঃ। শকৃন্মূত্রং সৃজন্তশ্চ ক্ষরন্তঃ শোণিতং বহু॥ 1-90-30 (3909) বন্যা গজবরাস্তত্র মমৃদুর্মনুজান্বহূন্। তদ্বনং বলমেঘেন শরধারেণ সংবৃতম্। ব্যরোচত মৃগাকীর্ণং রাজ্ঞা হতমৃগাধিপম্॥ ॥ 1-90-31 (3910) ইতি শ্রীমন্মহাভারতে আদিপর্বণি সংভবপর্বণি নবতিতমোঽধ্যায়ঃ॥ 90 ॥

1-91-0 (3911) বৈশম্পায়ন উবাচ। 1-91-0x (571) ততো মৃগসহস্রাণি হৎবা সবলবাহনঃ। তত্র মেঘঘনপ্রখ্যং সিদ্ধচারণসেবিতম্॥ 1-91-1 (3912) বনমালোকয়ামাস নগরাদ্যোজনদ্বয়ে। মৃগাননুচরন্বন্যাঞ্শ্রমেণ পরিপীডিতঃ॥ 1-91-2 (3913) মৃগাননুচরন্রাজা বেগেনাশ্বানচোদয়ৎ। রাজা মৃগপ্রসঙ্গেন বনমন্যদ্বিবেশ হ॥ 1-91-3 (3914) এক এবোত্তমবলঃ ক্ষুৎপিপাসাশ্রমান্বিতঃ। স বনস্যান্তমাসাদ্য মহচ্ছূন্যং সমাসদৎ॥ 1-91-4 (3915) তচ্চাপ্যতীত্য নৃপতিরুত্তমাশ্রমসংয়ুতম্। মনঃপ্রহ্লাদজননং দৃষ্টিকান্তমতীব চ॥ 1-91-5 (3916) সীতমারুতসংয়ুক্তং জগামান্যন্মহদ্বনম্। পুষ্পিতৈঃ পাদপৈঃ কীর্ণমতীব সুখশাদ্বলম্॥ 1-91-6 (3917) বিপুলং মধুরারাবৈর্নাদিতং বিহগৈস্তথা। পুংস্কোকিলনিনাদৈশ্চ ঝিল্লীকগণনাদিতম্॥ 1-91-7 (3918) প্রবৃদ্ধবিটপৈর্বৃক্ষৈঃ সুখচ্ছায়ৈঃ সমাবৃতম্। ষট্পদাঘূর্ণিততলং লক্ষ্ম্যা পরময়া যুতম্॥ 1-91-8 (3919) নাপুষ্পঃ পাদপঃ কশ্চিন্নাফলো নাপি কণ্টকী। ষট্পদৈর্নাপ্যপাকীর্ণস্তস্মিন্বৈ কাননেঽভবৎ॥ 1-91-9 (3920) বিগহৈর্নাদিতং পুষ্পৈরলঙ্কৃতমতীব চ। সর্বর্তুকুসুমৈর্বৃক্ষৈঃ সুখচ্ছায়ৈঃ সমাবৃতম্॥ 1-91-10 (3921) মনোরমং সহেষ্বাসো বিবেশ বনমুত্তমম্। মারুতা কলিতাস্তত্র দ্রুমাঃ কুসুমশাখিনঃ॥ 1-91-11 (3922) পুষ্পবৃষ্টিং বিচিত্রাং তু ব্যসজংস্তে পুনঃ পুনঃ। দিবস্পৃশোঽথ সংঘুষ্টাঃ পক্ষিভির্মধুরস্বনৈঃ॥ 1-91-12 (3923) বিরেজুঃ পাদপাস্তত্র বিচিত্রকুসুমাম্বরাঃ। তেষাং তত্র প্রবালেষু পুষ্পভারাবনামিষু॥ 1-91-13 (3924) রুবন্তি রাবান্মধুরান্ষট্পদা মধুলিপ্সবঃ। তত্র প্রদেশাংশ্চ বহূন্কুসুমোৎকরমণ্ডিতান্॥ 1-91-14 (3925) লতাগৃহপরিক্ষিপ্তান্মনসঃ প্রীতিবর্ধনান্। সংপশ্যন্সুমহাতেজা বভূব মুদিতস্তদা॥ 1-91-15 (3926) পরস্পরাশ্লিষ্টশাখৈঃ পাদপৈঃ কুসুমান্বিতৈঃ। অশোভত বনং তত্তু মহেন্দ্রধ্বজসন্নিভৈঃ॥ 1-91-16 (3927) সিদ্ধচারণসঙ্ঘৈশ্চ গন্ধর্বাপ্সরসাং গণৈঃ। সেবিতং বনমত্যর্থং মত্তবানরকিন্নরৈঃ॥ 1-91-17 (3928) সুখঃ শীতঃ সুগন্ধী চ পুষ্পরেণুবহোঽনিলঃ। পরিক্রামন্বনে বৃক্ষানুপৈতীব রিরংসয়া॥ 1-91-18 (3929) এবংগুণসমায়ুক্তং দদর্শ স বনং নৃপঃ। নদীকচ্ছোদ্ভং কান্তমুচ্ছ্রিতধ্বজসন্নিভম্॥ 1-91-19 (3930) প্রেক্ষমাণো বনং তত্তু সুপ্রহৃষ্টবিহঙ্গমম্। আশ্রমপ্রবরং রম্যং দদর্শ চ মনোরমম্॥ 1-91-20 (3931) নানাবৃক্ষসমাকীর্ণং সংপ্রজ্বলিতপাবকম্। তং তদাঽপ্রতিমং শ্রীমানাশ্রমং প্রত্যপূজয়ৎ॥ 1-91-21 (3932) যতিভির্বালখিল্যৈশ্চ বৃতং মুনিগণান্বিতম্। অগ্ন্যগারৈশ্চ বহুভিঃ পুষ্পসংস্তরসংস্তৃতম্॥ 1-91-22 (3933) মহাকচ্ছৈর্বৃহদ্ভিশ্চ বিভ্রাজিতমতীব চ। মালিনীমভিতো রাজন্নদীং পুণ্যাং সুখোদকাম্॥ 1-91-23 (3934) নৈকপক্ষিগণাকীর্ণাং তপোবনমনোরমাম্। তত্রব্যালমৃগান্সৈম্যান্পশ্যন্প্রীতিমবাপ সঃ॥ 1-91-24 (3935) তং চাপ্রতিরথঃ শ্রীমানাশ্রমং প্রত্যপদ্যত। দেবলোকপ্রতীকাশং সর্বতঃ সুমনোহরম্॥ 1-91-25 (3936) নদীং চাশ্রমসংশ্লিষ্টাং পুণ্যতোয়াং দদর্শ সঃ। সর্বপ্রাণভৃতাং তত্র জননীমিব ধিষ্ঠিতাম্॥ 1-91-26 (3937) সচক্রবাকপুলিনাং পুষ্পফেনপ্রবাহিনীম্। সকিন্নরগণাবাসাং বারনর্ক্ষনিষেবিতাম্॥ 1-91-27 (3938) পুণ্যস্বাধ্যায়সংঘুষ্টা পুলিনৈরুপশোভিতাম্। মত্তবারণশার্দূলভুজগেন্দ্রনিষেবিতাম্॥ 1-91-28 (3939) তস্যাস্তীরে ভগবতঃ কাশ্যপস্য মহাত্মনঃ। আশ্রমপ্রবরং রম্যং মহর্ষিগণসেবিতম্॥ 1-91-29 (3940) নদীমাশ্রমসংবদ্ধাং দৃষ্ট্বাশ্রমপদং তথা। চকারাভিপ্রবেশায় মতিং স নৃপতিস্তদা॥ 1-91-30 (3941) অলঙ্কৃতং দ্বীপবত্যা মালিন্যা রম্যতীরয়া। নরনারায়ণস্থানং গঙ্গয়েবোপশোভিতম্॥ 1-91-31 (3942) মত্তবর্হিণসংঘুষ্টং প্রবিবেশ মহদ্বনম্। তৎস চৈত্ররথপ্রখ্যং সমুপেত্য নরর্ষভঃ॥ 1-91-32 (3943) অতীব গুণসংপন্নমনির্দেশ্যং চ বর্চসা। মহর্ষিং কাশ্যপং দ্রষ্টুমথ কণ্বং তপোধনম্॥ 1-91-33 (3944) ধ্বজিনীমশ্বসংবাধাং পদাতিগজসঙ্কুলাম্। অবস্থাপ্য বনদ্বারি সেনামিদমুবাচ সঃ॥ 1-91-34 (3945) মুনিং বিরজসং দ্রষ্টুং গমিষ্যামি তপোধনম্। কাশ্যপং স্থীয়তামত্র যাবদাগমনং মম॥ 1-91-35 (3946) তদ্বনং নন্দনপ্রখ্যমাসাদ্য মনুজেশ্বরঃ॥ ক্ষুৎপিপাসে জহৌ রাজা মুদং চাবাপ পুষ্কলাম্॥ 1-91-36 (3947) সামাত্যো রাজলিঙ্গানি সোপনীয় নরাধিপঃ। পুরোহিতসহায়শ্চ জগামাশ্রমমুত্তমম্॥ 1-91-37 (3948) দিদৃক্ষুস্তত্র তমৃষিং তপোরাশিমথাব্যযম্। ব্রহ্মলোকপ্রতীকাশমাশ্রমং সোঽভিবীক্ষ্য হ। ষট্পদোদ্গীতসংঘুষ্টং নানাদ্বিজগণায়ুতম্॥ 1-91-38 (3949) বিস্ময়োৎফুল্লনয়নো রাজা প্রীতো বভূবহ। ঋচো বহ্বৃচমুখ্যৈশ্চ প্রের্যমাণাঃ পদক্রমৈঃ। শুশ্রাব মনুজব্যাঘ্রো বিততেষ্বিহ কর্মসু॥ 1-91-39 (3950) যজ্ঞবিদ্যাঙ্গবিদ্ভিশ্চ যজুর্বিদ্ভিশ্চ শোভিতম্। মধুরৈঃ সামগীতৈশ্চ ঋষিভির্নিয়তব্রতৈঃ॥ 1-91-40 (3951) ভারুণ্ডসামগীতাভিরথর্বশিরসোদ্গতৈঃ। যতাত্মভিঃ সুনিয়তৈঃ শুশুভে স তদাশ্রমঃ॥ 1-91-41 (3952) অথর্ববেদপ্রবরাঃ পূগয়জ্ঞিয়সামগাঃ। সংহিতামীরয়ন্তি স্ম পদক্রময়ুতাং তু তে॥ 1-91-42 (3953) শব্দসংস্কারসংয়ুক্তর্ব্রুবদ্ভিশ্চাপরৈর্দ্বিজৈঃ। নাদিতঃ স বভৌ শ্রীমান্ব্রহ্মলোক ইবাপরঃ॥ 1-91-43 (3954) যজ্ঞসংস্তরবিদ্ভিশ্চ ক্রমশিক্ষাবিশারদৈঃ। ন্যায়তত্ৎবাত্মবিজ্ঞানসংপন্নৈর্বেদপারগৈঃ॥ 1-91-44 (3955) নানাবাক্যসমাহারসমবায়বিশারদৈঃ। বিশেষকার্যবিদ্ভিশ্চ মোক্ষধর্মপরায়ণৈঃ॥ 1-91-45 (3956) স্তাপনাক্ষেপসিদ্ধান্তপরমার্থজ্ঞতাং গতৈঃ। শব্দচ্ছন্দোনিরুক্তজ্ঞৈঃ কালজ্ঞানবিশারদৈঃ॥ 1-91-46 (3957) দ্রব্যকর্মগুণজ্ঞৈশ্চ কার্যকারণবেদিভিঃ। পক্ষিবানররুতজ্ঞৈশ্চ ব্যাসগ্রন্থসমাশ্রিতৈঃ॥ 1-91-47 (3958) নানাশাস্ত্রেষু মুখ্যৈশ্চ শুশ্রাব স্বনমীরিতম্। লোকায়তিকমুখ্যৈশ্চ সমন্তাদনুনাদিতম্॥ 1-91-48 (3959) তত্রতত্র চ বিপ্রেন্দ্রান্নিয়তান্সংশিতব্রতান্। জপহোমপরান্বিপ্রান্দদর্শ পরবীরহা॥ 1-91-49 (3960) আসনানি বিচিত্রাণি রুচিরাণি মহীপতিঃ। প্রয়ত্নোপহিতানি স্ম দৃষ্ট্বা বিস্ময়মাগমৎ॥ 1-91-50 (3961) দেবতায়তনানাং চ প্রেক্ষ্য পূজাং কৃতাং দ্বিজৈঃ। ব্রহ্মলোকস্থমাত্মানং মেনে স নৃপসত্তমঃ॥ 1-91-51 (3962) স কাশ্যপতপোগুপ্তমাশ্রমপ্রবরং শুভম্। নাতৃপ্যৎপ্রেক্ষমাণো বৈ তপোবনগুণৈর্যুতম্॥ 1-91-52 (3963) স কাশ্যপস্যায়তনং মহাব্রতৈ- র্বৃতং সমান্তাদৃষিভিস্তপোধনৈঃ। বিবেশ সামাত্যপুরোহিতোঽরিহা বিবিক্তমত্যর্থমনোহরং শুভম্॥ ॥ 1-91-53 (3964) ইতি শ্রীমন্মহাভারতে আদিপর্বণি সংভবপর্বণি একনবতিতমোঽধ্যায়ঃ॥ 91 ॥

1-92-0 (3965) বৈশম্পায়ন উবাচ। 1-92-0x (572) ততো গচ্ছন্মহাবাহুরেকোঽমাত্যান্বিসৃজ্য তান্। নাপশ্যচ্চাশ্রমে তস্মিংস্তমৃষিং সংশিতব্রতম্॥ 1-92-1 (3966) সোঽপশ্যমানস্তমৃষিং শূন্যং দৃষ্ট্বা তথাঽঽশ্রমম্। উবাচ ক ইহেত্যুচ্চৈর্বনং সন্নাদয়ন্নিব॥ 1-92-2 (3967) শ্রুৎবাঽথ তস্য তং শব্দং কন্যা শ্রীরিব রূপিণী। নিশ্চক্রামাশ্রমাত্তস্মাত্তাপসীবেষধারিণী॥ 1-92-3 (3968) সা তং দৃষ্ট্বৈব রাজানং দুষ্যন্তমসিতেক্ষণা। `সুপ্রীতাঽভ্যাগতং তং তু পূজ্যং প্রাপ্তমথেশ্বরম্॥ 1-92-4 (3969) রূপয়ৌবনসংপন্না শীলাচারবতী শুভা। সা তমায়তপদ্মাক্ষং ব্যূঢোরস্কং মহাভুজম্॥ 1-92-5 (3970) সিংহস্কন্ধং দীর্ঘবাহুং সর্বলক্ষণপূজিতম্। স্পৃষ্টং মধুরয়া বাচা সাঽব্রবীজ্জনমেজয়া॥' 1-92-6 (3971) স্বাগতং ত ইতি ক্ষিপ্রমুবাচ প্রতিপূজ্য চ। আসনেনার্চয়িৎবা চ পাদ্যেনার্ঘ্যেণ চৈব হি॥ 1-92-7 (3972) পপ্রচ্ছানাময়ং রাজন্কুশলং চ নরাধিপম্। যথাবদর্চয়িৎবাঽথ পৃষ্ট্বা চানাময়ং তদা॥ 1-92-8 (3973) উবাচ স্ময়মানেব কিং কার্যং ক্রিয়তামিতি। `আশ্রমস্যাভিগমনে কিং ৎবং কার্যং চিকীর্ষসি॥ 1-92-9 (3974) কস্ৎবমদ্যেহ সংপ্রাপ্তো মহর্ষেরাশ্রমং শুভম্।' তামব্রবীত্ততো রাজা কন্যাং মধুরভাষিণীম্॥ 1-92-10 (3975) দৃষ্ট্বা সর্বানবদ্যাঙ্গীং যথাবৎপ্রতিপূজিতঃ। `রাজর্ষেস্তস্য পুত্রোঽহমিলিনস্য মহাত্মনঃ॥ 1-92-11 (3976) দুষ্যন্ত ইতি মে নাম সত্যং পুষ্করলোচনে।' আগতোঽহং মহাভাগমৃষিং কণ্বমুপাসিতুম্॥ 1-92-12 (3977) ক্ব গতো ভগবান্ভদ্রে গন্মমাচক্ষ্ব শোভনে। 1-92-13 (3978) শকুন্তলোবাচ। গতঃ পিতা মে ভগবান্ফলান্যাহর্তুমাশ্রমাৎ। মুহূর্তং সংপ্রতীক্ষস্ব দ্রষ্টাস্যেনমুপাগতম্॥ 1-92-13x (573) বৈশম্পায়ন উবাচ। 1-92-14x (574) অপশ্যমানস্তমৃষিং তথা চোক্তস্তয়া চ সঃ। তাং দৃষ্ট্বা চ বরারোহাং শ্রীমতীং চারুহাসিনীম্॥ 1-92-14 (3979) বিভ্রাজমানাং বপুষা তপসা চ দমেন চ। রূপয়ৌবনসংপন্নামিত্যুবাচ মহীপতিঃ॥ 1-92-15 (3980) কা ৎবং কস্যাসি সুশ্রোণি কিমর্থং চাগতা বনম্। এবংরূপগুণোপেতা কুতস্ৎবমসি শোভনে॥ 1-92-16 (3981) দর্শনাদেব হি শুভে ৎবয়া মেঽপহৃতং মনঃ। ইচ্ছামি ৎবামহং জ্ঞাতুং তন্মমাচক্ষ্ব শোভনে॥ 1-92-17 (3982) `স্থিতোস্ম্যমিতসৌভাগ্যে বিবক্ষুশ্চাস্মি কিংচন। শৃণু মে নাগনাসোরু বচনং মত্তকাশিনি॥ 1-92-18 (3983) রাজর্ষেরন্বয়ে জাতঃ পূরোরস্মি বিশেষতঃ। বৃণ্বে ৎবামদ্য সুশ্রোণি দুষ্যন্তো বরবর্ণিনি॥ 1-92-19 (3984) ন মেঽন্যত্র ক্ষত্রিয়ায়া মনো জাতু প্রবর্ততে। ঋষিপুত্রীষু চান্যাসু নাবরাসু পরাসু চ॥ 1-92-20 (3985) তস্মাৎপ্রণিহিতাত্মানং বিদ্দি মাং কলভাষিণি। যস্যাং মে ৎবয়ি ভাবোঽস্তি ক্ষত্রিয়া হ্যসি কা বদা॥ 1-92-21 (3986) ন হি মে ভীরু বিপ্রায়াং মনঃ প্রসহতে গতিম্। ভজে ৎবামায়তাপাঙ্গে ভক্তং ভজিতুমর্হসি। ভুঙ্ক্ষ রাজ্যং বিশালাক্ষি বুদ্ধিং মাৎবন্যথা কৃথাঃ'॥ 1-92-22 (3987) এবমুক্তা তু সা কন্যা তেন রাজ্ঞা তমাশ্রমে। উবাচ হসতী বাক্যমিদং সুমধুরাক্ষরম্॥ 1-92-23 (3988) কণ্বস্যাহং ভগবতো দুষ্যন্ত দুহিতা মতা। তপস্বিনো ধৃতিমতো ধর্মজ্ঞস্য মহাত্মনঃ॥ 1-92-24 (3989) `অস্বতন্ত্রাস্মি রাজেন্দ্র কাশ্যপো মে গুরুঃ পিতা। তমেব প্রার্থয় স্বার্থং নায়ুক্তং কর্তুমর্হসি॥' 1-92-25 (3990) দুষ্যন্ত উবাচ। 1-92-26x (575) ঊর্ধ্বরেতা মহাভাগে ভগবাঁল্লোকপূজিতঃ। চলেদ্ধি বৃত্তাদ্ধর্মোপি ন চলেৎসংশিতব্রতঃ॥ 1-92-26 (3991) কথং ৎবং তস্য দুহিতা সংভূতা বরবর্ণিনী। সংশয়ো মে মহানত্র তন্মে ছেত্তুমিহার্হসি॥ 1-92-27 (3992) শকুন্তলোবাচ। 1-92-28x (576) যথাঽয়মাগমো মহ্যং যথা চেদমভূৎপুরা। `অন্যথা সন্তমাত্মানমন্যথা সৎসু ভাষতে॥ 1-92-28 (3993) স পাপেনাবৃতো মূর্খস্তেন আত্মাপহারকঃ।' শৃণু রাজন্যথাতত্ৎবং যথাঽস্মি দুহিতা মুনেঃ॥ 1-92-29 (3994) ঋষিঃ কশ্চিদিহাগম্য মম জন্মাভ্যচোদয়ৎ। `ঊর্ধ্বরেতা যথাসি ৎবং কুতস্ৎবেয়ং শকুন্তলা॥ 1-92-30 (3995) পুত্রী ৎবত্তঃ কথং জাতা তত্ৎবং মে ব্রূহি কাশ্যপ।' তস্মৈ প্রোবাচ ভগবান্যথা তচ্ছৃণু পার্থিবা॥ 1-92-31 (3996) কণ্ব উবাচ। 1-92-32x (577) তপ্যমানঃ কিল পুরা বিশ্বামিত্রো মহত্তপঃ। সুভৃশং তাপয়ামাস শক্রং সুরগণেশ্বরম্॥ 1-92-32 (3997) তপসা দীপ্তবীর্যোঽয়ং স্থানান্মাং চ্যাবয়েদিতি। ভীতঃ পুরন্দরস্তস্মান্মেনকামিদমব্রবীৎ॥ 1-92-33 (3998) গুণৈরপ্সরসাং দিব্যৈর্মেনকে ৎবং বিশিষ্যসে। শ্রেয়ো মে কুরু কল্যাণি যত্ৎবাং বক্ষ্যামি তচ্ছৃণু॥ 1-92-34 (3999) অসাবাদিত্যশঙ্কাশো বিশ্বামিত্রো মহাতপাঃ। তপ্যমানস্তপো ঘোরং মম কম্পয়তে মনঃ॥ 1-92-35 (4000) মেনকে তব ভারোঽয়ং বিশ্বামিত্রঃ সুমধ্যমে। শংসিতাত্মা সুদুর্ধর্ষ উগ্রে তপসি বর্ততে॥ 1-92-36 (4001) স মাং ন চ্যাবয়েৎস্থানাত্তং বৈ গৎবা প্রলোভয়। চর তস্য তপোবিঘ্নং কুরু মে প্রিয়মুত্তমম্॥ 1-92-37 (4002) রূপয়ৌবনমাধুর্যচেষ্টিতস্মিতভাষণৈঃ। লোভয়িৎবা বরারোহে তপসস্তং নিবর্তয়॥ 1-92-38 (4003) মেনকোবাচ। 1-92-39x (578) মহাতেজাঃ স ভগবাংস্তথৈব চ মহাতপাঃ। কোপনশ্চ তথা হ্যেনং জানাতি ভগবানপি॥ 1-92-39 (4004) তেজস্তপসশ্চৈব কোপস্য চ মহাত্মনঃ। ৎবমপ্যুদ্বিজসে যস্য নোদ্বিজেয়মহং কথম্॥ 1-92-40 (4005) মহাভাগং বসিষ্ঠং যঃ পুত্রৈরিষ্টৈর্ব্যযোজয়ৎ। ক্ষত্রজাতশ্চ যঃ পূর্বমভবদ্ব্রাহ্মণো বলাৎ॥ 1-92-41 (4006) শৌচার্থং যো নদীং চক্রে দুর্গমাং বহুভির্জলৈঃ। যাং তাং পুণ্যতমাং লোকে কৌশিকীতি বিদুর্জনাঃ॥ 1-92-42 (4007) বভার যত্রাস্য পুরা কালে দুর্গে মহাত্মনঃ। দারান্মতঙ্গো ধর্মাত্মা রাজর্ষির্ব্যাধতাং গতঃ॥ 1-92-43 (4008) অতীতকালে দুর্ভিক্ষে অভ্যেত্য পুনরাক্ষমম্। মুনিঃ পারেতি নদ্যা বৈ নাম চক্রে তদা প্রভুঃ॥ 1-92-44 (4009) মতঙ্গং যাজয়াঞ্চক্রে যত্র প্রীতমনাঃ স্বয়ম্। ৎবং চ সোমং ভয়াদ্যস্য গতঃ পাতুং সুরেশ্বর॥ 1-92-45 (4010) চকারান্যং চ লোকং বৈ ক্রুদ্ধো নক্ষত্রসংপদা। প্রতিশ্রবণপূর্বাণি নক্ষত্রাণি চকার যঃ। গুরুশাপহতস্যাপি ত্রিশঙ্কোঃ শরণং দদৌ॥ 1-92-46 (4011) ব্রহ্মর্ষিশাপং রাজর্ষিঃ কথং মোক্ষ্যতি কৌশিকঃ। অবমত্য তদা দেবৈর্যজ্ঞাঙ্গং তদ্বিনাশিতম্॥ 1-92-47 (4012) অন্যানি চ মহাতেজা যজ্ঞাঙ্গান্যসৃজৎপ্রভুঃ। নিনায় চ তদা স্বর্গং ত্রিশঙ্কুং স মহাতপাঃ॥ 1-92-48 (4013) এতানি যস্য কর্মাণি তস্যাহং ভৃশমুদ্বিজে। যথাঽসৌ ন দহেৎক্রুদ্ধস্তথাঽঽজ্ঞাপয় মাং বিভো॥ 1-92-49 (4014) তেজসা নির্দহেল্লোকান্কম্পয়েদ্ধরণীং পদা। সংক্ষিপেচ্চ মহামেরুং তূর্ণমাবর্তয়েদ্দিশঃ॥ 1-92-50 (4015) তাদৃশং তপসা যুক্তং প্রদীপ্তমিব পাবকম্। কথমস্মদ্বিধা নারী জিতেন্দ্রিয়মভিস্পৃশেৎ॥ 1-92-51 (4016) হুতাশনমুখং দীপ্তং সূর্যচন্দ্রাক্ষিতারকম্। কালজিহ্বং সুরশ্রেষ্ঠ কথমস্মদ্বিধা স্পৃশেৎ॥ 1-92-52 (4017) যমশ্চ সোমশ্চ মহর্ষয়শ্চ সাধ্যা বিশ্বে বালস্বিল্যাশ্চ সর্বে। এতেঽপি যস্যোদ্বিজন্তে প্রভাবা- ত্তস্মাৎকস্মান্মাদৃশী নোদ্বিজেত॥ 1-92-53 (4018) ৎবয়ৈবমুক্তা চ কথং সমীপ- মৃষের্ন গচ্ছেয়মহং সুরেন্দ্র। রক্ষাং চ মে চিন্তয় দেবরাজ যথা ৎবদর্থং রক্ষিতাঽহং চরেয়ম্॥ 1-92-54 (4019) কামং তু মে মারুতস্তত্র বাসঃ প্রক্রীডিতায়া বিবৃণোতু দেব। ভবেচ্চ মে মন্মথস্তত্র কার্যে সহায়ভূতস্তু তব প্রসাদাৎ॥ 1-92-55 (4020) বনাচ্চ বায়ুঃ সুরভিঃ প্রবায়া- ত্তস্মিন্কালে তমৃষিং লোভয়ন্ত্যাঃ। তথেত্যুক্ৎবা বিহিতে চৈব তস্মিং- স্ততো যয়ৌ সাঽঽশ্রমং কৌশিকস্য॥ ॥ 1-92-56 (4021) ইতি শ্রীমন্মহাভারতে আদিপর্বণি সংভবপর্বণি দ্বিনবতিতমোঽধ্যায়ঃ॥ 92 ॥

1-93-0 (4022) কণ্ব উবাচ। 1-93-0x (579) এবমুক্তস্তয়া শক্রঃ সংদিদেশ সদাগতিম্। প্রাতিষ্ঠত তদা কালে মেনকা বায়ুনা সহ॥ 1-93-1 (4023) অথাপশ্যদ্বরারোহা তপসা দগ্ধকিল্বিষম্। মিশ্বামিত্রং তপ্যমানং মেনকা ভীরুরাশ্রমে॥ 1-93-2 (4024) অভিবাদ্য ততঃ সা তং প্রাক্রীডদৃষিসন্নিধৌ। অপোবাহ চ বাসোঽস্যা মারুতঃ শশিসংনিভম্॥ 1-93-3 (4025) সাগচ্ছত্ৎবরিতা ভূমিং বাসস্তদভিলিপ্সতী। কুৎসয়ন্তীব সব্রীডং মারুতং বরবর্ণিনী॥ 1-93-4 (4026) পশ্যতস্তস্য রাজর্ষেরপ্যগ্নিসমতেজসঃ। বিশ্বামিত্রস্ততস্তাং তু বিষমস্থামনিন্দিতাম্॥ 1-93-5 (4027) গৃদ্ধাং বাসসি সংভ্রান্তাং মেনকাং মুনিসত্তমঃ। অনির্দেশ্যবয়োরূপামপশ্যদ্বিবৃতাং তদা॥ 1-93-6 (4028) তস্যা রূপগুণান্দৃষ্ট্বা স তু বিপ্রর্ষভস্তদা। চকার ভাবং সংসর্গে তয়া কামবশং গতঃ॥ 1-93-7 (4029) ন্যমন্ত্রয়ত চাপ্যেনাং সা চাপ্যৈচ্ছদনিন্দিতা। তৌ তত্র সুচিরং কালমুভৌ ব্যবহরতাং তদা॥ 1-93-8 (4030) রমমাণৌ যথাকামং যতৈকদিবসং তথা। `এবং বর্ষসহস্রাণামতীতং নান্বচিন্তয়ৎ॥ 1-93-9 (4031) কামক্রোধাবজিতবান্মুনির্নিত্যং সমাহিতঃ। চিরার্জিতস্য তপসঃ ক্ষয়ং স কৃতবান্মুনিঃ॥ 1-93-10 (4032) তপসঃ সংক্ষয়াদেব মুনির্মোহং সমাবিশৎ। মোহাভিভূতঃ ক্রোধাত্মা গ্রসন্মূলফলান্মুনিঃ॥ 1-93-11 (4033) পাদৈর্জলরবং কৃৎবা অন্তর্দ্বীপে কুটীং গতঃ। মেনকা গন্তুকামা তু শুশ্রাব জলনিস্বনম্॥ 1-93-12 (4034) তপসা দীপ্তবীর্যোঽসাবাকাশাদেতি যাতি চ। অদ্য সংজ্ঞাং বিজানামি যয়াঽদ্য তপসঃ ক্ষয়ঃ॥ 1-93-13 (4035) গন্তুং ন যুক্তমিত্যুক্ৎবা ঋতুস্নাতাথ মেনকা। কামরাগাভিভূতস্য মুনেঃ পার্স্বং জগাম হ॥' 1-93-14 (4036) জনয়ামাস স মুনির্মেনকায়াং শকুন্তলাম্। প্রস্থে হিমবতো রম্যে মালিনীমভিতো নদীম্॥ 1-93-15 (4037) `দেবগর্ভোপমাং বালাং সর্বাভরণভূষিতাম্। শয়ানাং শয়নে রম্যে মেনকা বাক্যমব্রবীৎ॥ 1-93-16 (4038) মহর্ষেরুগ্রতপসস্তেজস্ৎবমসি ভামিনি। তস্মাৎস্বর্গং গমিষ্যামি দেবকার্যার্থমাগতা॥' 1-93-17 (4039) জাতমুৎসৃজ্য তং গর্ভং মেনকা মালিনীমনু। কৃতকার্যা ততস্তূর্ণমগচ্ছচ্ছক্রসংসদম্॥ 1-93-18 (4040) তং বনে বিজনে গর্ভং সিংহব্যাঘ্রসমাকুলে। দৃষ্ট্বা শয়ানং শকুনাঃ সমন্তাৎপর্যবারয়ন্। নেমাং হিংস্যুর্বনে বালাং ক্রব্যাদা মাংসগৃদ্ধিনঃ॥ 1-93-19 (4041) পর্যরক্ষন্ত তাং তত্র শকুন্তা মেনকাত্মজাম্। উপস্প্রষ্টুং গতশ্চাহমপশ্যং শয়িতামিমাম্॥ 1-93-20 (4042) নির্জনে বিপিনে রম্যে শকুন্তৈঃ পরিবারিতাম্। `মাং দৃষ্ট্বৈবাভ্যপদ্যন্ত পাদয়োঃ পতিতা দ্বিজাঃ। অব্রুঞ্শকুনাঃ সর্বে কলং মধুরভাষিণঃ॥ 1-93-21 (4043) বিশ্বামিত্রসুতাং ব্রহ্মন্ন্যাসভূতাং ভরস্ব বৈ। কামক্রোধাবজিতবান্সখা তে কৌশিকীং গতঃ॥ 1-93-22 (4044) তস্মাৎপোষয় তৎপুত্রীং দয়াবানিতি তেঽব্রুবন্। সর্বভূতরুতজ্ঞোঽহং দয়াবান্সর্বজন্তুষু॥' 1-93-23 (4045) আনয়িৎবা ততশ্চৈনাং দুহিতৃৎবে ন্যবেশয়ম্॥ 1-93-24 (4046) শরীরকৃৎপ্রাণদাতা যস্য চান্নানি ভুঞ্জতে। ক্রমেণৈতে ত্রয়োঽপ্যুক্তাঃ পিতরো ধর্মশাসনে॥ 1-93-25 (4047) নির্জনে তু বনে যস্মাচ্ছকুন্তৈঃ পরিবারিতা। শকুন্তলেতি নামাস্যাঃ কৃতং চাপি ততো ময়া॥ 1-93-26 (4048) এবং দুহিতরং বিদ্ধি মম বিপ্র শকুন্তলাম্। শকুন্তলা চ পিতরং মন্যতে মামনিন্দিতা॥ 1-93-27 (4049) শকুন্তলোবাচ। 1-93-28x (580) এতদাচষ্ট পৃষ্টঃ সন্মম জন্ম মহর্ষয়ে। সুতাং কণ্বস্য মামেবং বিদ্ধি ৎবং মনুজাধিপ॥ 1-93-28 (4050) কণ্বং হি পিতরং মন্যে পিতরং স্বমজানতী। ইতি তে কথিতং রাজন্যথাবৃত্তং শ্রুতং ময়া॥ ॥ 1-93-29 (4051) ইতি শ্রীমন্মহাভারতে আদিপর্বণি সংভবপর্বণি ত্রিনবতিতমোঽধ্যায়ঃ॥ 93 ॥

1-94-0 (4052) দুষ্যন্ত উবাচ। 1-94-0x (581) সুব্যক্তং রাজপুত্রী ৎবং যথা কল্যাণি ভাষসে। ভার্যা মে ভব সুশ্রোণি ব্রূহি কিং করবাণি তে॥ 1-94-1 (4053) সুবর্ণমালাং বাসাংসি কুণ্ডলে পরিহাটকে। নানাপত্তনজে শুভ্রে মণিরত্নে চ শোভনে॥ 1-94-2 (4054) আহরামি তবাদ্যাহং নিষ্কাদীন্যজিনানি চ। সর্বং রাজ্যং তবাদ্যাস্তু ভার্যা মে ভব শোভনে॥ 1-94-3 (4055) গান্ধর্বেণ চ মাং ভীরু বিবাহেনৈহি সুন্দরি। বিবাহানাং হি রম্ভোরু গান্ধর্বঃ শ্রেষ্ঠ উচ্যতে॥ 1-94-4 (4056) শকুন্তলোবাচ। 1-94-5x (582) ফলাহারো গতো রাজন্পিতা মে ইত আশ্রমাৎ। মুহূর্তং সংপ্রতীক্ষস্ব স মাং তুভ্যং প্রদাস্যতি॥ 1-94-5 (4057) `পিতা হি মে প্রভুর্নিত্যং দৈবতং পরমং মম। যস্মৈ মাং দাস্যতি পিতা স মে ভর্তা ভবিষ্যতি॥ 1-94-6 (4058) পিতা রক্ষতি কৌমারে ভর্তা রক্ষতি যৌবনে। পুত্রস্তু স্থাবিরে ভাবে ন স্ত্রী স্বাতন্ত্র্যমর্হতি॥ 1-94-7 (4059) সমন্যমানা রাজেন্দ্র পিতরং মে তপস্বিনম্। অধর্মেণ হি ধর্মিষ্ঠ কথং বরমুপাস্মহে॥ 1-94-8 (4060) দুষ্যন্ত উবাচ। 1-94-9x (583) মামৈবং বদ কল্যাণি তপোরাশিং দমাত্মকম্। 1-94-9 (4061) শকুন্তলোবাচ। মন্যুপ্রহরণা বিপ্রা ন বিপ্রাঃ শস্ত্রপাণয়ঃ॥ 1-94-9x (584) মন্যুনা ঘ্নন্তি তে শত্রূন্বজ্রেণেন্দ্র ইবাসুরান্। অগ্নির্দহতি তেজোভিঃ সূর্যো দহতি রশ্মিভিঃ॥ 1-94-10 (4062) রাজা দহতি দণ্ডেন ব্রাহ্মণো মন্যুনা দহেৎ। ক্রোধিতা মন্যুনা ঘ্নন্তি বজ্রপাণিরিবাসুরান্॥ 1-94-11 (4063) দুষ্যন্ত উবাচ। 1-94-12x (585) জানে ভদ্রে মহর্ষিং তং তস্য মন্যুর্ন বিদ্যতে।' ইচ্ছামি ৎবাং বরারোহে ভজমানামনিন্দিতে। ৎবদর্থং মাং স্থিতং বিদ্ধি ৎবদ্গতং হি মনো মম॥ 1-94-12 (4064) আত্মনো বন্ধুরাত্মৈব গতিরাত্মৈব চাত্মনঃ। আত্মনৈবাত্মনো দানং কর্তুমর্হসি ধর্মতঃ॥ 1-94-13 (4065) অষ্টাবেব সমাসেন বিবাহা ধর্মতঃ স্মৃতাঃ। ব্রাহ্মো দৈবস্তথৈবার্ষঃ প্রাজাপত্যস্তথাঽঽসুরঃ॥ 1-94-14 (4066) গান্ধর্বো রাক্ষসশ্চৈব পৈশাচশ্চাষ্টমঃ স্মৃতঃ। তেষাং ধর্ম্যান্যথাপূর্বং মনুঃ স্বায়ংভুবোঽব্রবীৎ॥ 1-94-15 (4067) প্রশস্তাংশ্চতুরঃ পূর্বান্ব্রাহ্মণস্যোপধারয়। ষডানুপূর্ব্যা ক্ষত্রস্য বিদ্ধি ধর্ম্যাননিন্দিতে॥ 1-94-16 (4068) রাজ্ঞাং তু রাক্ষসোঽপ্যুক্তো বিট্শূদ্রেষ্বাসুরঃ স্মৃতঃ। পঞ্চানাং তু ত্রয়ো ধর্ম্যা অধর্ম্যৌ দ্বৌ স্মৃতাবিহ॥ 1-94-17 (4069) পৈশাচ আসুরশ্চৈব ন কর্তব্যৌ কদাচন। অনেন বিধিনা কার্যো ধর্মস্যৈষা গতিঃ স্মৃতা॥ 1-94-18 (4070) গান্ধর্বরাক্ষসৌ ক্ষত্রে ধর্ম্যৌ তৌ মা বিশঙ্কিথাঃ। পৃথগ্বা যদি বা মিশ্রৌ কর্তব্যৌ নাত্র সংশয়ঃ॥ 1-94-19 (4071) সা ৎবং মম সকামস্য সকামা বরবর্ণিনী। গান্ধর্বেণ বিবাহেন ভার্যা ভবিতুমর্হসি॥ 1-94-20 (4072) শকুন্তলোবাচ। 1-94-21x (586) যদি ধর্মপথস্ৎবেব যদি চাত্মা প্রভুর্মম। প্রদানে পৌরবশ্রেষ্ঠ শৃণু মে সময়ং প্রভো॥ 1-94-21 (4073) সত্যং মে প্রতিজানীহি যথা বক্ষ্যাম্যহং রহঃ। ময়ি জায়েত যঃ পুত্রঃ স ভবেত্ৎবদনন্তরঃ॥ 1-94-22 (4074) যুবরাজো মহারাজ সত্যমেতদ্ব্রবীমি তে। যদ্যেতদেবং দুষ্যন্ত অস্তু মে সঙ্গমস্ৎবয়া॥ 1-94-23 (4075) বৈশম্পায়ন উবাচ। 1-94-24x (587) `তস্যাস্তু সর্বং সংশ্রুত্য যথোক্তং স বিশাংপতিঃ। দুষ্যন্তঃ পুনরেবাহ যদ্যদিচ্ছসি তদ্বদ॥ 1-94-24 (4076) শকুন্তলোবাচ। 1-94-25x (588) খ্যাতো লোকপ্রবাদোয়ং বিবাহ ইতি শাস্ত্রতঃ। বৈবাহিকীং ক্রিয়াং সন্তঃ প্রশংসন্তি প্রজাহিতাম্॥ 1-94-25 (4077) লোকপ্রবাদশান্ত্যর্থং বিবাহং বিধিনা কুরু। সন্ত্যত্র যজ্ঞপাত্রাণি দর্ভাঃ সুমনসোঽক্ষতাঃ॥ 1-94-26 (4078) যথা যুক্তো বিবাহঃ স্যাত্তথা যুক্তা প্রজা ভবেৎ। তস্মাদাজ্যং হবির্লাজাঃ সিকতা ব্রাহ্মণাস্তব॥ 1-94-27 (4079) বৈবাহিকানি চান্যানি সমস্তানীহ পার্থিব। দুরুক্তমপি রাজেন্দ্র ক্ষন্তব্যং ধর্মকারণাৎ॥ 1-94-28 (4080) বৈশম্পায়ন উবাচ।' 1-94-29x (589) এবমস্ৎবিতি তাং রাজা প্রত্যুবাচাবিচারয়ন্। অপি চ ৎবাং হি নেষ্যামি নগরং স্বং শুচিস্মিতে॥ 1-94-29 (4081) যথা ৎবমর্হা সুশ্রোণি মন্যসে তদ্ব্রবীমি তে। এবমুক্ৎবা স রাজর্ষিস্তামনিন্দিতগামিনীম্॥ 1-94-30 (4082) `পুরোহিতং সমাহূয় বচনং যুক্তমব্রবীৎ। রাজপুত্র্যা যদুক্তং বৈ ন বৃথা কর্তুমুৎসহে॥ 1-94-31 (4083) ক্রিয়াহীনো হি ন ভবেন্মম পুত্রো মহাদ্যুতিঃ। তথা কুরুষ্ব শাস্ত্রোক্তং বিবাহং মা চিরংকুরু॥ 1-94-32 (4084) এবমুক্তো নৃপতিনা দ্বিজঃ পরময়ন্ত্রিতঃ। শোভনং রাজরাজেতি বিধিনা কৃতবান্দ্বিজঃ॥ 1-94-33 (4085) শাসনাদ্বিপ্রমুখ্যস্য কৃতকৌতুকমঙ্গলঃ।' জগ্রাহ বিধিবৎপাণাবুবাস চ তয়া সহ॥ 1-94-34 (4086) বিশ্বাস্য চৈনাং স প্রায়াদব্রবীচ্চ পুনঃ পুনঃ। প্রেষয়িষ্যে তবার্থায় বাহিনীং চতুরঙ্গিণীম্॥ 1-94-35 (4087) `ত্রৈবিদ্যবৃদ্ধৈঃ সহিতাং নানারাজজনৈঃ সহ। শিবিকাসহস্রৈঃ সহিতা বয়মায়ান্তি বান্ধবাঃ॥ 1-94-36 (4088) মূকাশ্চৈব কিরাতাশ্চ কুব্জা বামনকৈঃ সহ। সহিতাঃ কঞ্চুকিবরৈর্বাহিনী সূতমাগধৈঃ॥ 1-94-37 (4089) শঙ্খদুন্দুভিনির্ঘোষৈর্বনং চ সমুপৈষ্যতি। তথা ৎবামানয়িষ্যামি নগরং স্বং শুচিস্মিতে॥ 1-94-38 (4090) অন্যথা ৎবাং ন নেষ্যামি স্বনিবেশমসৎকৃতাম্। সর্বমঙ্গলসৎকারৈঃ সুভ্রু সত্যং করোমি তে॥ 1-94-39 (4091) বৈশম্পায়ন উবাচ। 1-94-40x (590) এবমুক্ৎবা স রাজর্ষিস্তামনিন্দিতগামিনীম্। পরিষ্বজ্য চ বাহুভ্যাং স্মিতপূর্বমুদৈক্ষত॥ 1-94-40 (4092) প্রদক্ষিণীকৃতাং দেবীং পুনস্তাং পরিষস্বজে। শকুন্তলা সা সুমুখী পপাত নৃপপাদয়োঃ॥ 1-94-41 (4093) তাং দেবীং পুনরুত্থাপ্য মা শুচেতি পুনঃ পুনঃ। শপেয়ং সুকৃতেনৈব প্রাপয়িষ্যে নৃপাত্মজে॥' 1-94-42 (4094) ইতি তস্যাঃ প্রতিশ্রুত্য স নৃপো জনমেজয়। মনসা চিন্তয়ন্প্রায়াৎকাশ্যপং প্রতি পার্থিব॥ 1-94-43 (4095) ভগবাংস্তপসা যুক্তঃ শ্রুৎবা কিং নু করিষ্যতি। তং ন প্রসাদ্যাগতোঽহং প্রসীদেতি দ্বিজোত্তমম্। এবং সংচিন্তয়ন্নেব প্রবিবেশ স্বকং পুরম্॥ 1-94-44 (4096) ততো মুহূর্তে যাতে তু কণ্বোঽপ্যাশ্রমমাগমৎ। শকুন্তলা চ পিতরং হ্রিয়া নোপজগাম তম্॥ 1-94-45 (4097) `শঙ্কিতেব চ বিপ্রর্ষিমুপচক্রাম সা শনৈঃ। ততোঽস্য ভারং জগ্রাহ আসনং চাপ্যকল্পয়ৎ॥ 1-94-46 (4098) প্রাক্ষালয়চ্চ সা পাদৌ কাশ্যপস্য মহাত্মনঃ। ন চৈনং লজ্জয়াঽশক্নোদক্ষিভ্যামভিবীক্ষিতুম্॥ 1-94-47 (4099) শকুন্তলা চ সব্রীডা তমৃষিং নাভ্যভাষত। তস্মাৎস্বধর্মাৎস্খলিতা ভীতা সা ভরতর্ষভ॥ 1-94-48 (4100) অভবদ্দোষদর্শিৎবাদ্ব্রহ্মচারিণ্যযন্ত্রিতা। স তদা ব্রীডিতাং দৃষ্ট্বা ঋষিস্তাং প্রত্যভাষত॥ 1-94-49 (4101) কণ্ব উবাচ। 1-95-50x (591) সব্রীডৈব চ দীর্ঘায়ুঃ পুরেব ভবিতা ন চ। বৃত্তং কথয় রম্ভোরু মা ত্রাসং চ প্রকল্পয়॥ 1-94-50 (4102) বৈশম্পায়ন উবাচ। 1-94-51x (592) ততঃ প্রক্ষাল্য পাদৌ সা বিশ্রান্তং পুনরব্রবীৎ। নিধায় কামং তস্যর্ষেঃ কন্দানি চ ফলানি চ॥ 1-94-51 (4103) ততঃ সংবাহ্য পাদৌ সা বিশ্রান্তং বেদিমধ্যমা। শকুন্তলা পৌরবাণাং দুষ্যন্তং জগ্মুষী পতিম্॥ 1-94-52 (4104) ততঃ কৃচ্ছ্রাদতিশুভা সব্রীডা শ্রমতী তদা। সগদ্গদমুবাচেদং কাশ্যপং সা শুচিস্মিতা॥ 1-94-53 (4105) শকুন্তলোবাচ। 1-94-54x (593) রাজা তাতাজগামেহ দুষ্যন্ত ইলিলাত্মজঃ। ময়া পতির্বৃতো যোঽসৌ দৈবয়োগাদিহাগতঃ॥ 1-94-54 (4106) তস্য তাত প্রসীদ ৎবং ভর্তা মে সুমহায়শাঃ। অতঃ সর্বং তু যদ্বৃত্তং দিব্যজ্ঞানেন পশ্যসি॥ 1-94-55 (4107) অভয়ং ক্ষত্রিয়কুলে প্রসাদং কর্তুমর্হসি। 1-94-56 (4108) বৈশম্পায়ন উবাচ। চক্ষুষা স তু দিব্যেন সর্বং বিজ্ঞায় কাশ্যপঃ॥ 1-94-56x (594) ততো ধর্মিষ্ঠতাং মৎবা ধর্মে চাস্খলিতং মনঃ। উবাচ ভগবান্প্রীতস্তদ্বৃত্তং সুমহাতপাঃ॥ 1-94-57 (4109) কণ্ব উবাচ। 1-94-58x (595) এবমেতন্ময়া জ্ঞাতং দৃষ্টং দিব্যেন চক্ষুষা। ৎবয়াঽদ্য রাজান্বয়যা মামনাদৃত্য যৎকৃতম্'॥ 1-94-58 (4110) পুংসা সহ সমায়োগো ন স ধর্মোপঘাতকঃ। ন ভয়ং বিদ্যতে ভদ্রে মা শুচঃ সুকৃতং কৃতম্॥ 1-94-59 (4111) ক্ষত্রিয়স্য তু গান্ধর্বো বিবাহঃ শ্রেষ্ঠ উচ্যতে। সকামায়াঃ সকামেন নিমন্ত্রঃ শ্রেষ্ঠ উচ্যতে॥ 1-94-60 (4112) `কিং পুনর্বিধিবৎকৃৎবা সুপ্রজস্ৎবমবাপ্স্যসি।' ধর্মাত্মা চ মহাত্মা চ দুষ্যন্তঃ পুরুষোত্তমঃ॥ 1-94-61 (4113) অভ্যাগচ্ছৎপতির্যস্ৎবাং ভজমানাং শকুন্তলে। মহাত্মা জনিতা লোকে পুত্রস্তব মহায়শাঃ॥ 1-94-62 (4114) স চ সর্বাং সমুদ্রান্তাং কৃৎস্নাং ভোক্ষ্যতি মেদিনীম্। পরং চাভিপ্রয়াতস্য চক্রং তস্য মহাত্মনঃ॥ 1-94-63 (4115) ভবিষ্যত্যপ্রতিহতং সততং চক্রবর্তিনঃ। প্রসন্ন এব তস্যাহং ৎবকৃতে বরবর্ণিনি॥ 1-94-64 (4116) ঋতবো বহবস্তে বৈ গতা ব্যর্থাঃ শুচিস্মিতে। সার্থকং সাংপ্রতং হ্যেতন্ন চ পাপ্মাস্তি তেঽনঘে। গৃহাণ চ বরং মত্তস্তৎকৃতে যদভীপ্সিতম্॥ 1-94-65 (4117) শকুন্তলোবাচ। 1-94-66x (596) ময়া পতির্বৃতো যোঽসৌ দুষ্যন্তঃ পুরুষোত্তমঃ। মম চৈব পতির্দৃষ্টো দেবতানাং সমক্ষতঃ। তস্মৈ সসচিবায় ৎবং প্রসাদং কর্তুমর্হসি॥ 1-94-66 (4118) বৈশম্পায়ন উবাচ। 1-94-67x (597) ইত্যেবমুক্ৎবা মনসা প্রণিধায় মনস্বিনী। ততো ধর্মিষ্ঠতাং বব্রে রাজ্যে চাস্খলনং তথা॥ 1-94-67 (4119) শকুন্তলাং পৌরবাণাং দুষ্যন্তহিতকাম্যযা। `এবমস্ৎবিতি তাং প্রাহ কণ্বো ধর্মভৃতাং বরঃ॥ 1-94-68 (4120) পস্পর্শ চাপি পাণিভ্যাং সুতাং শ্রীমিবরূপিণীম্॥ 1-94-69 (4121) কণ্ব উবাচ। 1-94-70x (598) অদ্যপ্রভৃতি দেবী ৎবং দুষ্যন্তস্য মহাত্মনঃ। পতিব্রতানাং যা বৃত্তিস্তাং বৃত্তিমনুপালয়॥ 1-94-70 (4122) বৈশম্পায়ন উবাচ। 1-94-71x (599) ইত্যেবমুক্ৎবা ধর্মাত্মা তাং বিশুদ্ধ্যর্থমস্পৃশৎ। স্পৃষ্টমাত্রে শরীরে তু পরং হর্ষমবাপ সা॥' ॥ 1-94-71 (4123) ইতি শ্রীমন্মহাভারতে আদিপর্বণি সংভবপর্বণি চতুর্নবতিতমোঽধ্যায়ঃ॥ 94 ॥

1-95-0 (4124) বৈশম্পায়ন উবাচ। 1-95-0x (600) প্রতিজ্ঞায় চ দুষ্যন্তে প্রতিয়াতে দিনে দিনে। `গর্ভশ্চ ববৃধে তস্যাং রাজপুত্র্যাং মহাত্মনঃ॥' 1-95-1 (4125) শকুন্তলা চিন্তয়ন্তী রাজানং কার্যগৌরবাৎ। দিবারাত্রমনিদ্রৈব স্নানভোজনবর্জিতা॥ 1-95-2 (4126) রাজপ্রেষণিকা বিপ্রাশ্চতুরঙ্গবলান্বিতাঃ। অদ্য শ্বো বা পরশ্বো বা সমায়ান্তীতি নিস্চিতা॥ 1-95-3 (4127) দিনান্পক্ষানৃতূন্মাসানয়নানি চ সর্বশঃ। গণ্যমানানি বর্ষাণি ব্যতীয়ুস্ত্রীণি ভারত॥ 1-95-4 (4128) ত্রিষু বর্ষেষু পূর্ণেষু ঋষের্বচনগৌরবাৎ। ঋষিপত্ন্যঃ সুবহুশো হেতুমদ্বাক্যমব্রুবন্॥ 1-95-5 (4129) ঋষিপত্ন্য ঊচুঃ। 1-95-6x (601) শৃণু ভদ্রে লোকবৃত্তং শ্রুৎবা যদ্রোচতে তব। তৎকুরুষ্ব হিতং দেবি নাবমান্যং গুরোর্বচঃ॥ 1-95-6 (4130) দেবানাং দৈবতং বিষ্ণুর্বিপ্রাণামগ্নির্ব্রহ্ম চ। নারীণাং দৈবতং ভর্তা লোকানাং ব্রাহ্মণো গুরুঃ॥ 1-95-7 (4131) সূতিকালে প্রসূষ্বেতি ভগবাংস্তে পিতাঽব্রবীৎ। করিষ্যামীতি কর্তব্যং তদা তে সুকৃতং ভবেৎ॥ 1-95-8 (4132) বৈশম্পায়ন উবাচ। 1-95-9x (602) পত্নীনাং বচনং শ্রুৎবা সাধু সাধ্বিত্যচিন্তয়ৎ।' গর্ভং সুষাব বামোরূঃ কুমারমমিতৌজসম্॥ 1-95-9 (4133) ত্রিষু বর্ষেষু পূর্ণেষু প্রাজায়ত শকুন্তলা। রূপৌদার্যগুণোপেতং দৌষ্যন্তিং জনমেজয়॥ 1-95-10 (4134) `জাতে' তস্মিন্নন্তরিক্ষাৎপুষ্পবৃষ্টিঃ পপাত হ। দেবদুন্দুভয়ো নেদুর্ননৃতুশ্চাপ্সরোগণাঃ॥ 1-95-11 (4135) গায়দ্ভির্মধুরং তত্র দেবৈঃ শক্রোঽভ্যুবাচ হ। শকুন্তলে তব সুতশ্চক্রবর্তী ভবিষ্যতি॥ 1-95-12 (4136) বলং তেজশ্চ রূপং চ ন সমং ভুবি কেনচিৎ। আহর্তা বাজিমেধস্য শতসঙ্খ্যস্য পৌরবঃ॥ 1-95-13 (4137) অনেকারপি সাহস্রৈ রাজসূয়াদিভির্মখৈঃ। স্বার্থং ব্রাহ্মণসাৎকৃৎবা দক্ষিণামমিতাং দদৎ॥ 1-95-14 (4138) দেবতানাং বচঃ শ্রুৎবা কণ্বাশ্রমনিবাসিনঃ। সভাজয়ন্তঃ কণ্বস্য সুতাং সর্বে মহর্ষয়ঃ॥ 1-95-15 (4139) শকুন্তলা চ তচ্ছ্রুৎবা পরং হর্ষমবাপ সা। দ্বিজানাহূয় মুনিভিঃ সৎকৃত্য চ মহায়শাঃ।' 1-95-16 (4140) জাতকর্মাদিসংস্কারং কণ্বঃ পুণ্যবতাং বরঃ। তস্যাথ কারয়ামাস বর্ধমানস্য চাসকৃৎ॥ 1-95-17 (4141) যথাবিধি যথান্যায়ং ক্রিয়াঃ সর্বাস্ৎবকারয়ৎ। দন্তৈঃ শুক্লৈঃ শিখরিভিঃসিংহসংহননোঽভবৎ॥ 1-95-18 (4142) চক্রাঙ্কিতকরঃ শ্রীমান্স্বয়ং বিষ্ণুরিবাপরঃ। `চতুষ্কিষ্কুর্মহাতেজা মহামূর্ধা মহাবলঃ॥' 1-95-19 (4143) কুমারো দেবগর্ভাভঃ স তত্রাশু ব্যবর্ধত। `ঋষের্ভয়াত্তু দুষ্যন্তঃ স্মরন্নৈবাহ্বয়ত্তদা॥ 1-95-20 (4144) গতে কালে তু মহতি ন সস্মার তপোধনাম্।' ষড্বর্ষেষু ততো বালঃ কণ্বাশ্রমপদং প্রতি॥ 1-95-21 (4145) ব্যাঘ্রান্সিংহান্বরাহাংশ্চ বৃকাংশ্চ মহিষাংস্তথা। `ঋক্ষাংশ্চাভ্যহনদ্ব্যালান্পদ্ভ্যামাশ্রমপীডকান্॥ 1-95-22 (4146) বলাদ্ভুজাভ্যাং সংগৃহ্য বলবান্সংনিয়ম্য চ।' বদ্ধ্বা বৃক্ষেষু দৌষ্যন্তিরাশ্রমস্য সমন্ততঃ॥ 1-95-23 (4147) আরুরোহ দ্রুমাংশ্চৈব ক্রীডন্স্ম পরিধাবতি। `বনং চ লোডয়ামাস সিংহব্যাঘ্রগণৈর্বৃতম্॥ 1-95-24 (4148) ততশ্চ রাক্ষসান্সর্বান্পিশাচাংশ্চ রিপূন্রণে। মুষ্টিয়ুদ্ধেন তান্হৎবা ঋষীনারাধয়ত্তদা॥ 1-95-25 (4149) কশ্চিদ্দিতিসুতস্তং তু হন্তুকামো মহাবলঃ। বধ্যমানাংস্তু দৈতেয়ানমর্ষী তং সমভ্যযাৎ॥ 1-95-26 (4150) তমাগতং প্রহস্যৈব বাহুভ্যাং পরিগৃহ্য চ। দৃঢং চাবধ্য বাহুভ্যাং পীডয়ামাস তং তদা॥ 1-95-27 (4151) মর্দিতো ন শশাকাস্মান্মোচিতুং বলবত্তয়া। প্রাক্রোশদ্ভৈরবং তত্র দ্বারেভ্যো নিঃসৃতং ৎবসৃক্॥ 1-95-28 (4152) তেন শব্দেন বিত্রস্তা মৃগাঃ সিংহাদয়ো গণাঃ। সুস্রুবুশ্চ শকৃন্মূত্রমাশ্রমস্থাশ্চ সুস্রুবুঃ॥ 1-95-29 (4153) নিরসুং জানুভিঃ কৃৎবা বিসসর্জ চ সোঽপতৎ। তদ্দৃষ্ট্বা বিস্ময়ং জগ্মুঃ কুমারস্য বিচেষ্টিতম্॥ 1-95-30 (4154) নিত্যকালং বধ্যমানা দৈতেয়া রাক্ষসৈঃ সহ। কুমারস্য ভয়াদেব নৈব জগ্মুস্তদাশ্রমম্॥' 1-95-31 (4155) ততোঽস্য নাম চক্রুস্তে কণ্বাশ্রমনিবাসিনঃ। কণ্বেন সহিতাঃ সর্বে দৃষ্ট্বা কর্মাতিমানুষম্॥ 1-95-32 (4156) অস্ৎবয়ং সর্বদমনঃ সর্বং হি দময়ত্যসৌ। স সর্বদমনো নাম কুমারঃ সমপদ্যত॥ 1-95-33 (4157) বিক্রমেণৌজসা চৈব বলেন চ সমন্বিতঃ। `অপ্রেষয়তি দুষ্যন্তে মহিষ্যাস্তনয়স্য চ॥ 1-95-34 (4158) পাণ্ডুভাবপরীতাঙ্গীং চিন্তয়া সমভিপ্লুতাম্। লম্বালকাং কৃশাং দীনাং তথা মলিনবাসসম্॥ 1-95-35 (4159) `শকুন্তলাং চ সংপ্রেক্ষ্য প্রদধ্যৌ স মুনিস্তদা। শাস্ত্রাণি সর্ববেদাশ্চ দ্বাদশাব্দস্য চাভবন্'॥ ॥ 1-95-36 (4160) ইতি শ্রীমন্মহাভারতে আদিপর্বণি সংভবপর্বণি পঞ্চনবতিতমোঽধ্যায়ঃ॥ 95 ॥

1-96-0 (4161) বৈশম্পায়ন উবাচ। 1-96-0x (603) তং কুমারমৃষির্দৃষ্ট্বা কর্ম চাস্যাতিমানুষম্। সময়ো যৌবরাজ্যায় ইত্যনুধ্যায় স দ্বিজঃ॥ 1-96-1 (4162) `শকুন্তলাং সমাহূয় কণ্বো বচনমব্রবীৎ। 1-96-2 (4163) কণ্ব উবাচ। শৃণু ভদ্রে মম সুতে মম বাক্যং শুচিস্মিতে॥ 1-96-2x (604) পতিব্রতানাং নারীণাং বিশিষ্টমিতি চোচ্যতে। পতিশুশ্রূষণং পূর্বং মনোবাক্কায়চেষ্টিতৈঃ॥ 1-96-3 (4164) অনুজ্ঞাতা ময়া পূর্বং পূজয়ৈতদ্ব্রতং তব। এতেনৈব চ বৃত্তেন পুণ্যাঁল্লোকানবাপ্য চ॥ 1-96-4 (4165) তস্যান্তে মানুষে লোকে বিশিষ্টাং তপ্স্যসে শ্রিয়ম্। তস্মাদ্ভদ্রেঽদ্য যাতব্যং সমীপং পৌরবস্য হ॥ 1-96-5 (4166) স্বয়ং নায়াতি মৎবা তে গতং কালং শুচিস্মিতে। গৎবাঽঽরাধয় রাজানং দুষ্যন্তং হিতকাম্যযা॥ 1-96-6 (4167) দৌষ্যন্তিং যৌবরাজ্যস্থং দৃষ্ট্বা প্রীতিমবাপ্স্যসি। দেবতানাং গুরূণাং চ ক্ষত্রিয়াণাং চ ভামিনি॥ 1-96-7 (4168) ভর্তৄণাং চ বিশেষেম হিতং সংগমনং ভবেৎ। তস্মাৎপুত্রি কুমারেণ গন্তব্যং মৎপ্রিয়েপ্সয়া॥ 1-96-8 (4169) প্রতিবাক্যং ন দদ্যাস্ৎবং শপিতা মম পাদয়োঃ॥ 1-96-9 (4170) বৈশম্পায়ন উবাচ। 1-96-10x (605) এবমুক্ৎবা সুতাং তত্র পৌত্রং কণ্বোঽভ্যভাষত। পরিষ্বজ্য চ বাহুভ্যাং মূর্ধ্ন্যুপাঘ্রায় পৌরবম্॥ 1-96-10 (4171) সোমবংশোদ্ভবো রাজা দুষ্যন্ত ইতি বিশ্রুতঃ। তস্যাগ্রমহিষী চৈষা তব মাতা শুচিব্রতা॥ 1-96-11 (4172) গন্তুকামা ভর্তৃপার্শ্বং ৎবয়া সহ সুমধ্যমা। গৎবাঽভিবাদ্য রাজনং যৌবরাজ্যমবাপ্স্যসি॥ 1-96-12 (4173) স পিতা তব রাজেন্দ্রস্তস্য ৎবং বশগো ভব। পিতৃপৈতামহং রাজ্যমাতিষ্ঠস্ব স্বভাবতঃ॥ 1-96-13 (4174) তস্মিন্কালে স্বরাজ্যস্থো মামনুস্মর পৌরব॥ 1-96-14 (4175) বৈশম্পায়ন উবাচ। 1-96-15x (606) অভিবাদ্য মুনেঃ পাদৌ পৌরবো বাক্যমব্রবীৎ। ৎবং পিতা মম বিপ্রর্ষে ৎবং মাতা ৎবং গতিশ্চ মে॥ 1-96-15 (4176) ন চান্যং পিতরং মন্যে ৎবামৃতে তু মহাতপঃ। তব শুশ্রূষণং পুণ্যমিহ লোকে পরত্র চ॥ 1-96-16 (4177) শকুন্তলা ভর্তৃকামা স্বয়ং যাতু যথেষ্টতঃ। অহং সুশ্রূষণপরঃ পাদমূলে বসামি বঃ॥ 1-96-17 (4178) ক্রীডাং ব্যালমৃগৈঃ সার্ধং করিষ্যে ন পুরা যথা। ৎবচ্ছাসনপরো নিত্যং স্বাধ্যায়ং চ করোম্যহম্॥ 1-96-18 (4179) এবমুক্ৎবা তু সংশ্লিষ্য পাদৌ কণ্বস্য তিষ্ঠতঃ। তস্য তদ্বচনং শ্রুৎবা প্ররুরোদ শকুন্তলা॥ 1-96-19 (4180) স্নেহাৎপিতুশ্চ পুত্রস্য হর্ষশোকসমন্বিতা। নিশাম্য রুদতীমার্তাং দৌষ্যন্তির্বাক্যমব্রবীৎ॥ 1-96-20 (4181) শ্রুৎবা ভগবতো বাক্যং কিং রোদিষি শকুন্তলে। গন্তব্যং কাল্য উত্থায় ভর্তৃপ্রীতিস্ববাস্তি চেৎ॥ 1-96-21 (4182) শকুন্তলোবাচ। 1-96-22x (607) একস্তু কুরুতে পাপং ফলং ভুঙ্ক্তে মহাজনঃ। ময়া নিবারিতো নিত্যং ন করোষি বচো মম॥ 1-96-22 (4183) নিঃসৃতান্কুঞ্জরান্নিত্যং বাহুভ্যাং সংপ্রমথ্য বৈ। বনং চ লোডয়ন্নিত্যং সিংহব্যাঘ্রগণৈর্বৃতম্॥ 1-96-23 (4184) এবংবিধানি চান্যানি কৃৎবা বৈ পুরুনন্দন। রুষিতো ভগবাংস্তাত তস্মাদাবাং বিবাসিতৌ॥ 1-96-24 (4185) নাহং গচ্ছামি দুষ্যন্তং নাস্মি পুত্র হিতৈষিণী। পাদমূলে বসিষ্যামি মহর্ষের্ভাবিতাত্মনঃ॥ 1-96-25 (4186) বৈশম্পায়ন উবাচ। 1-96-26x (608) এবমুক্ৎবা তু রুদতী পপাত মুনিপাদয়োঃ। এবং বিলপতীং কণ্বশ্চানুনীয় চ হেতুভিঃ। পুনঃ প্রোবাচ ভগবানানৃশংস্যাদ্ধিতং বচঃ॥ 1-96-26 (4187) কণ্ব উবাচ। 1-96-27x (609) শকুন্তলে শৃণুষ্বেদং হিতং পথ্যং চ ভামিনি। পতিব্রতাভাবগুণান্হিৎবা সাধ্যং ন কিংচন॥ 1-96-27 (4188) প্রতিব্রতানাং দেবা বৈ তুষ্টাঃ সর্বরপ্রদাঃ। প্রসাদং চ করিষ্যন্তি আপদো মোক্ষয়ন্তি চ॥ 1-96-28 (4189) পতিপ্রসাদাৎপুণ্যং চ প্রাপ্নুবন্তি ন চাশুভম্। তস্মাদ্গৎবা তু রাজানমারাধয় শুচিস্মিতে॥ 1-96-29 (4190) বৈশম্পায়ন উবাচ। 1-96-30x (610) শকুন্তলাং তথোক্ৎবা বৈ শাকুন্তলমথাব্রবীৎ। দৌহিত্রো মম পৌত্রস্ৎবমিলিলস্য মহাত্মনঃ॥ 1-96-30 (4191) শৃণুষ্ব বচনং সত্যং প্রব্রবীমি তবানঘ। মনসা ভর্তৃকামা বৈ বাগ্ভিরুক্ৎবা পৃথগ্বিধম্॥ 1-96-31 (4192) গন্তুং নেচ্ছতি কল্যাণী তস্মাত্তাত বহস্ব বৈ। শক্তস্ৎবং প্রতিগন্তুং চ মুনিভিঃ সহ পৌরব॥' 1-96-32 (4193) ইত্যুক্ৎবা সর্বদমনং কণ্বঃ শিষ্যানথাব্রবীৎ। শকুন্তলামিমাং শীগ্রং সপুত্রামাশ্রমাদিতঃ॥ 1-96-33 (4194) ভর্তুঃ প্রাপয়তাভ্যাশং সর্বলক্ষণপূজিতাম্। নারীণাং চিরবাসো হি বান্ধবেষু ন রোচতে॥ 1-96-34 (4195) কীর্তিচারিত্রধর্ম্নস্তস্মান্নয়ত মা চিরম্॥ 1-96-35 (4196) `বৈশম্পায়ন উবাচ। 1-96-36x (611) ধর্মাভিপূজিতং পুত্রং কাশ্যপেন নিশাম্য তু। কাশ্যপাৎপ্রাপ্য চানুজ্ঞাং মুমুদে চ শকুন্তলা॥ 1-96-36 (4197) কণ্বস্য বচনং শ্রুৎবা প্রতিগচ্ছেতি চাসকৃৎ। তথেত্যুক্ৎবা তু কণ্বং চ মাতরং পৌরবোঽব্রবীৎ। কিং চিরায়সি মাতস্ৎবং গমিষ্যামো নৃপালয়ম্॥ 1-96-37 (4198) এবমুক্ৎবা তু তাং দেবীং দুষ্যন্তস্য মহাত্মনঃ। অভিবাদ্য মুনেঃ পাদৌ গন্তুমৈচ্ছৎস পৌরবঃ॥ 1-96-38 (4199) শকুন্তলা চ পিতরমভিবাদ্য কৃতাঞ্জলিঃ। প্রদক্ষিণীকৃত্য তদা পিতরং বাক্যমব্রবীৎ॥ 1-96-39 (4200) অজ্ঞানান্মে পিতা চেতি দুরুক্তং বাপি চানৃতম্। অকার্যং বাপ্যনিষ্টং বা ক্ষন্তুমর্হতি তদ্ভবান্॥ 1-96-40 (4201) এবমুক্তো নতশিরা মুনির্নোবাচ কিংচন। মনুষ্যভাবাৎকণ্বোঽপি মুনিরশ্রূণ্যবর্তয়ৎ॥ 1-96-41 (4202) অব্ভক্ষান্বায়ুভক্ষাংশ্চ শীর্ণপর্ণাশনান্মুনীন্। ফলমূলাশিনো দান্তান্কৃশান্ধমনিসংততান্॥ 1-96-42 (4203) ব্রতিনো জটিলান্মুণ্ডান্বল্কলাজিনসংবৃতান্। সমাহূয় মুনিঃ কণ্বঃ কারুণ্যাদিদমব্রবীৎ॥ 1-96-43 (4204) ময়া তু লালিতা নিত্যং মম পুত্রী যশস্বিনী। বনে জাতা বিবৃদ্ধা চ ন চ জানাতি কিংচন॥ 1-96-44 (4205) আশ্রমাত্তু পথা সর্বৈর্নীয়তাং ক্ষত্রিয়ালয়ম্। দ্বিতীয়যোজনে বিপ্রাঃ প্রতিষ্ঠানং প্রতিষ্ঠিতম্॥ 1-96-45 (4206) প্রতিষ্ঠানে পুরে রাজা শাকুন্তলপিতামহঃ। অধ্যুবাস চিরং কালমুর্বশ্যা সহিতঃ পুরা॥ 1-96-46 (4207) অনূপজাঙ্গলয়ুতং ধনধান্যসমাকুলম্। প্রতিষ্ঠিতং পুরবরং গঙ্গায়ামুনসঙ্গমে॥ 1-96-47 (4208) তত্র সঙ্গমমাসাদ্য স্নাৎবা হুতহুতাশনাঃ। শাকমূলফলাহারা নিবর্তধ্বং তপোধনাঃ। অন্যথা তু ভবেদ্বিপ্রা অধ্বনো গমনে শ্রমঃ॥' 1-96-48 (4209) তথেত্যুক্ৎবা চ তে সর্বে প্রাতিষ্ঠন্ত মহৌজসঃ। `শকুন্তলাং পুরস্কৃত্য দুষ্যন্তস্য পুরং প্রতি॥ 1-96-49 (4210) গৃহীৎবা চামরপ্রখ্যং পুত্রং কমললোচনম্। আজগ্মুশ্চ পুরং রম্যং দুষ্যন্তাধ্যুষিতং বনাৎ॥ 1-96-50 (4211) শকুন্তলাং সমাদায় মুনয়ো ধর্মবৎসলাঃ। তে বনানি নদীঃ শৈলান্গিরিপ্রস্রবণানি চ॥ 1-96-51 (4212) কন্দরাণি নিতম্বাংশ্চ রাষ্ট্রাণি নগরাণি চ। আশ্রমাণি চ পুণ্যানি গৎবা চৈব গতশ্রমাঃ॥ 1-96-52 (4213) শনৈর্মধ্যাহ্নবেলায়াং প্রতিষ্ঠানং সমায়যুঃ। তাং পুরীং পুরুহূতেন ঐলস্যার্থে বিনির্মিতাম্॥ 1-96-53 (4214) পরিঘাট্টালকৈর্মুখ্যৈরুপকল্পশতৈরপি। শতঘ্নীচক্রয়ন্ত্রৈশ্চ গুপ্তামন্যৈর্দুরাসদাম্॥ 1-96-54 (4215) হর্ম্যপ্রসাদসংবাধাং নানাপণ্যবিভূষিতাম্। মণ্টপৈঃ সসভৈ রম্যৈঃ প্রপাভিশ্চ সমাবৃতাম্॥ 1-96-55 (4216) রাজমার্গেণ মহতা সুবিভক্তেন শোভিতাম্। কৈলাসশিখরাকারৈর্গোপুরৈঃ সমলঙ্কৃতাম্॥ 1-96-56 (4217) দ্বারতোরণনির্যূহৈর্মঙ্গলৈরুপশোভিতাম্। উদ্যানাম্রবণোপেতাং মহতীং সালমেখলাম্॥ 1-96-57 (4218) সর্বপুষ্করিণীভিশ্চ উদ্যানৈশ্চ সমাবৃতাম্। বর্ণাশ্রমৈঃ স্বধর্মস্থৈর্নিত্যোৎসবসমাহিতৈঃ॥ 1-96-58 (4219) ধনধান্যসমৃদ্ধৈশ্চ সংতুষ্টৈ রত্নপূজিতৈঃ। কৃতয়জ্ঞৈশ্চ বিদ্বদ্ভিরগ্নিহোত্রপরৈঃ সদা॥ 1-96-59 (4220) বর্জিতা কার্যকরণৈর্দানশীলৈর্দয়াপরৈঃ। অধর্মভীরুভিঃ সর্বৈঃ স্বর্গলোকজিগীষুভিঃ॥ 1-96-60 (4221) এবংবিধজনোপেতমিন্দ্রলোকমিবাপরম্। তস্মিন্নগরমধ্যে তু রাজবেশ্ম প্রতিষ্ঠিতম্॥ 1-96-61 (4222) ইন্দ্রসদ্মপ্রতীকাশং সংপূর্ণং বিত্তসংচয়ৈঃ। তস্য মধ্যে সভা দিব্যা নানারত্নবিভূষিতা॥ 1-96-62 (4223) তস্যাং সভায়াং রাজর্ষিঃ সর্বালঙ্কারভূষিতঃ। ব্রাহ্মণৈঃ ক্ষত্রিয়ৈশ্চাপি মন্ত্রিভিশ্চাপি সংবৃতঃ॥ 1-96-63 (4224) সংস্তূয়মানো রাজেন্দ্রঃ সূতমাগধবন্দিভিঃ। কার্যার্থিষু তদাঽভ্যেত্য কৃৎবা কার্যং গতেষু সঃ॥ 1-96-64 (4225) সুখাসীনোঽভবদ্রাজা তস্মিন্কালে মহর্ষয়ঃ। শকুন্তানাং স্বনং শ্রুৎবা নিমিত্তজ্ঞাস্ৎবলক্ষয়ন্॥ 1-96-65 (4226) শকুন্তলে নিমিত্তানি শোভনানি ভবন্তি নঃ। কার্যসিদ্ধিং বদন্ত্যেতে ধ্রুবং রাজ্ঞী ভবিষ্যসি। অস্মিংস্তু দিবসে পুত্রো যুবরাজো ভবিষ্যতি॥ 1-96-66 (4227) বৈশম্পায়ন উবাচ। 1-96-67x (612) বর্ধমানপুরদ্বারং তূর্যঘোষনিনাদিতম্। শকুন্তলাং পুরস্কৃত্য বিবিশুস্তে মহর্ষয়ঃ॥ 1-96-67 (4228) প্রবিশন্তং নৃপসুতং প্রশশংসুশ্চ বীক্ষকাঃ। বর্ধমানপুরদ্বারং প্রবিশন্নেব পৌরবঃ॥ 1-96-68 (4229) ইন্দ্রলোকস্থমাত্মানং মেনে হর্ষসমন্বিতঃ॥ 1-96-69 (4230) ততো বৈ নাগরাঃ সর্বে সমাহূয় পরস্পরম্। দ্রষ্টুকামা নৃপসুতং সমপদ্যন্ত ভারত॥ 1-96-70 (4231) নাগরা ঊচুঃ। 1-96-71x (613) দেবতেব জনস্যাগ্রে ভ্রাজতে শ্রীরিবাগতা। জয়ন্তেনেব পৌলোমী ইন্দ্রলোকাদিহাগতা॥ 1-96-71 (4232) ইতি ব্রুবন্তস্তে সর্বে মহর্ষীনিদমব্রুবন্। অভিবাদয়ন্তঃ সহিতা মহর্ষীন্দেববর্চসঃ॥ 1-96-72 (4233) অদ্য নঃ সফলং জন্ম কৃতার্থাশ্চ ততো বয়ম্। এবং যে স্ম প্রপশ্যামো মহর্ষীন্সূর্যবর্চসঃ॥ 1-96-73 (4234) বৈশম্পায়ন উবাচ। 1-96-74x (614) ইত্যুক্ৎবা সহিতাঃ কেচিদন্বগচ্ছন্ত পৌরবম্। হৈমবত্যাঃ সুতমিব কুমারং পুষ্করেক্ষণম্॥ 1-96-74 (4235) যে কেচিদব্রুবন্মূঢাঃ শাকুন্তলদিদৃক্ষবঃ। কৃষ্ণাজিনেন সংছন্নাননিচ্ছন্তো হ্যবেক্ষিতুম্॥ 1-96-75 (4236) পিশাচা ইব দৃশ্যন্তে নাগরাণাং বিরূপিণঃ। বিনা সন্ধ্যাং পিশাচাস্তে প্রবিশন্তি পুরোত্তমম্॥ 1-96-76 (4237) ক্ষুৎপিপাসার্দিতান্দীনান্বল্কলাজিনবাসসঃ। ৎবগস্থিভূতান্নির্মাংসান্ধমনীসন্ততানপি॥ 1-96-77 (4238) পিঙ্গলাক্ষান্পিঙ্গজটান্দীর্ঘদন্তান্নিরূদরান্। বিশীর্ষকানূর্ধ্বহস্তান্দৃষ্ট্বা হাস্যন্তি নাগরাঃ॥ 1-96-78 (4239) এবমুক্তবতাং তেষাং গিরং শ্রুৎবা মহর্ষয়ঃ। অন্যোন্যং তে সমাহূয় ইদং বচনমব্রুবন্॥ 1-96-79 (4240) উক্তং ভগবতা বাক্যং ন কৃতং সত্যবাদিনা। পুরপ্রবেশনং নাত্র কর্তব্যমিতি শাসনম্॥ 1-96-80 (4241) কিং কারণং প্রবেক্ষ্যামো নগরং দুর্জনৈর্বৃতম্। ত্যক্তসঙ্গস্য চ মুনের্নগরে কিং প্রয়োজনম্॥ 1-96-81 (4242) গমিষ্যামো বনং তস্মাদ্গঙ্গায়ামুনসঙ্গমম্। এবমুক্ৎবা মুনিগণাঃ প্রতিজগ্মুর্যথাগতম্॥ ॥ 1-96-82 (4243) ইতি শ্রীমন্মহাভারতে আদিপর্বণি সংভবপর্বণি ষণ্ণবতিতমোঽধ্যায়ঃ॥ 96 ॥

1-97-0 (4244) বৈশম্পায়ন উবাচ। 1-97-0x (615) গতান্মুনিগণান্দৃষ্ট্বা পুত্রং সংগৃহ্য পাণিনা। মাতাপিতৃভ্যাং রহিতা যথা শোচন্তি দারকাঃ॥ 1-97-1 (4245) তথা শোকপরীতাঙ্গী ধৃতিমালম্ব্য দুঃখিতা। গতেষু তেষু বিপ্রেষু রাজমার্গেণ ভামিনী॥ 1-97-2 (4246) পুত্রেণৈব সহায়েন সা জগাম শনৈঃ শনৈঃ। অদৃষ্টপূর্বান্পশ্যন্বৈ রাজমার্গেণ পৌরবঃ॥ 1-97-3 (4247) হর্ম্যপ্রসাদচৈত্যাংশ্চ সভা দিব্যা বিচিত্রিতাঃ। কৌতূহলসমাবিষ্টো দৃষ্ট্বা বিস্ময়মাগতঃ॥ 1-97-4 (4248) সর্বে ব্রুবন্তি তাং দৃষ্ট্বা পদ্মহীনামিব শ্রিয়ম্। গত্যা চ সংহীসদৃশীং কোকিলেন স্বরে সমাম্॥ 1-97-5 (4249) মুখেন চন্দ্রসদৃশীং শ্রিয়া পদ্মালয়াসমাম্। স্মিতেন কুন্দসদৃশীং পদ্মগর্ভসমৎবচম্॥ 1-97-6 (4250) পদ্মপত্রবিশালাক্ষীং তপ্তজাম্বূনদপ্রভাম্। করান্তমিতমধ্যৈষা সুকেশী সংহতস্তনী॥ 1-97-7 (4251) জঘনং সুবিশালং বৈ ঊরূ করিকরোপমৌ। রক্ততুঙ্গতলৌ পাদৌ ধরণ্যাং সুপ্রতিষ্ঠিতৌ॥ 1-97-8 (4252) এবং রূপসমায়ুক্তা স্বর্গলোকাদিবাগতা। ইতি স্ম সর্বেঽমন্যন্ত দুষ্যন্তনগরে জনাঃ॥ 1-97-9 (4253) পুনঃ পুনরবোচংস্তে শাকুন্তলগুণানপি। সিংহেক্ষণঃ সিংহদংষ্ট্রঃ সিংহস্কন্ধো মহাভুজঃ॥ 1-97-10 (4254) সিংহোরস্কঃ সিংহবলঃ সিংহবিক্রান্তগাম্যযম্। পৃথ্বংসঃ পৃথুবক্ষাশ্চ ছত্রাকারশিরা মহান্॥ 1-97-11 (4255) পাণিপাদতলে রক্তো রক্তাস্যো দুন্দুভিস্বনঃ। রাজলক্ষণয়ুক্তশ্চ রাজশ্রীশ্চাস্য লক্ষ্যতে॥ 1-97-12 (4256) আকারেণ চ রূপেণ শরীরেণাপি তেজসা। দুষ্যন্তেন সমো হ্যেষ কস্য পুত্রো ভবিষ্যতি॥ 1-97-13 (4257) এবং ব্রুবন্তস্তে সর্বে প্রশশংসুঃ সহস্রশঃ। যুক্তিবাদানবোচন্ত সর্বাঃ প্রাণভৃতঃ স্ত্রিয়ঃ॥ 1-97-14 (4258) বান্ধবা ইব সস্নেহা অনুজগ্মুঃ শকুন্তলাম্। পৌরাণাং তদ্বচঃ শ্রুৎবা তূষ্ণীংভূতা শকুন্তলা॥ 1-97-15 (4259) বেশ্মদ্বারং সমাসাদ্য বিহ্বলা সা নৃপাত্মজা। চিন্তয়ামাস সহসা কার্যগৌরবকারণাৎ॥ 1-97-16 (4260) লজ্জয়া চ পরীতাঙ্গী রাজন্রাজসমক্ষতঃ। অঘৃণা কিং নু বক্ষ্যামি দুষ্যন্তং মম কারণাৎ॥ 1-97-17 (4261) এবমুক্ৎবা তু কৃপণা চিন্তয়ন্তী শকুন্তলা।' অভিসৃত্য চ রাজানং বেদিতা সা প্রবেশিতা॥ 1-97-18 (4262) সহ তেন কুমারেণ তরুণাদিত্যবর্চসা। `সিংহাসনস্থং রাজানং মহেন্দ্রসদৃশদ্যুতিম্॥ 1-97-19 (4263) শকুন্তলা নতশিরাঃ পরং হর্ষমবাপ্য চ।' পূজয়িৎবা যথান্যায়মব্রবীত্তং শকুন্তলা॥ 1-97-20 (4264) `অভিবাদয় রাজানং পিতরং তে দৃঢব্রতম্। এবমুক্ৎবা সুতং তত্র লজ্জানতমুখী স্থিতা॥ 1-97-21 (4265) স্তম্ভমালিঙ্গ্য রাজানং প্রসীদস্বেত্যুবাচ সা। শাকুন্তলোপি রাজানমভিবাদ্য কৃতাঞ্জলিঃ॥ 1-97-22 (4266) হর্ষেণোৎফুল্লনয়নো রাজানং চান্ববৈক্ষত। দুষ্যন্তো ধর্মবুদ্ধ্যা তু চিন্তয়ন্নেব সোব্রবীৎ॥ 1-97-23 (4267) কিমাগমনকার্যং তে ব্রূহি ৎবং বরবর্ণিনি। করিষ্যামি ন সংদেহঃ সপুত্রায়া বিশেষতঃ॥ 1-97-24 (4268) শকুন্তলোবাচ। 1-97-25x (616) প্রসীদস্ব মহারাজ বক্ষ্যামি পুরুষোত্তম। এষ পুত্রো হি তে রাজন্ময়্যুৎপন্নঃ পরংতপ॥ 1-97-25 (4269) তস্মাৎপুত্রস্ৎবয়া রাজন্যৌবরাজ্যেঽভিষিচ্যতাম্। যথোক্তমাশ্রমে তস্মিন্বর্তস্ব পুরুষোত্তম॥ 1-97-26 (4270) ময়া সমাগমে পূর্বং কৃতঃ স সময়স্ৎবয়া। তত্ৎবং স্মর মহাবাহো কণ্বাশ্রমপদং প্রতি॥ 1-97-27 (4271) বৈশম্পায়ন উবাচ। 1-97-28x (617) তস্যোপভোগসক্তস্য স্ত্রীষু চান্যাসু ভারত। শকুন্তলা সপুত্রা চ মনস্যন্তরধীয়ত॥ 1-97-28 (4272) স ধারয়ন্মনস্যেনাং সপুত্রাং সস্মিতাং তদা। তদোপগৃহ্য মনসা চিরং সুখমবাপ সঃ॥ 1-97-29 (4273) সোঽথ শ্রুৎবাপি তদ্বাক্যং তস্যা রাজা স্মরন্নপি। অব্রবীন্ন স্মরামীতি ৎবয়া ভদ্রে সমাগমম্॥ 1-97-30 (4274) মৈথুনং চ বৃথা নাহং গচ্ছেয়মিতি মে মতিঃ। নাভিজানামি কল্যাণি ৎবয়া সহ সমাগমম্'॥ 1-97-31 (4275) ধর্মার্থকামসংবন্ধং ন স্মরামি ৎবয়া সহ। গচ্ছ বা তিষ্ঠ বা কামং যদ্বাপীচ্ছসি তৎকুরু॥ ॥ 1-97-32 (4276) ইতি শ্রীমন্মহাভারতে আদিপর্বণি সংভবপর্বণি সপ্তনবতিতমোঽধ্যায়ঃ॥ 97 ॥

এবমুক্তা বরারোহা ব্রীডিতেব মনস্বিনী। বিসংজ্ঞেব চ দুঃখেন তস্থৌ স্থূণেব নিশ্চলা॥ 1-98-1 (4277) সংরম্ভামর্ষতাম্রাক্ষী স্ফুরমাণোষ্ঠসংপুটা। কটাক্ষৈর্নির্দহন্তীব তির্যগ্রাজানমৈক্ষত॥ 1-98-2 (4278) আকারং গূহমানা চ মন্যুনা চ সমীরিতম্। তপসা সংভৃতং তেজো ধারয়ামাস বৈ তদা॥ 1-98-3 (4279) সা মুহূর্তমিব ধ্যাৎবা দুঃখামর্ষসমন্বিতা। ভর্তারমভিসংপ্রেক্ষ্য যথান্যায়ং বচোঽব্রবীৎ॥ 1-98-4 (4280) জানন্নপি মহারাজ কস্মাদেবং প্রভাষসে। ন জানামীতি নিঃশঙ্কং যথান্যঃ প্রাকৃতস্তথা॥ 1-98-5 (4281) তস্য তে হৃদয়ং বেদ সত্যস্যৈবানৃতস্য চ। সাক্ষিণং বত কল্যাণমাত্মানমবমন্যসে॥ 1-98-6 (4282) যোঽন্যথা সন্তমাত্মানন্যথা প্রতিপদ্যতে। কিং তেন ন কৃতং পাপং চোরেণাত্মাপহারিণা॥ 1-98-7 (4283) একোঽহমস্মীতি চ মন্যসে ৎবং ন হৃচ্ছয়ং বেৎসি মুনিং পুরাণম্। যো বেদিতা কর্মণঃ পাপকস্য তস্যান্তিকে ৎবং বৃজিনং করোষি॥ 1-98-8 (4284) `ধর্ম এব হি সাধূনাং সর্বেষাং হিতকারণম্। নিত্যং মিথ্যাবিহীনানাং ন চ দুঃখাবহো ভবেৎ'॥ 1-98-9 (4285) মন্যতে পাপকং কৃৎবা ন কশ্চিদ্বেত্তি মামিতি। বিদন্তি চৈনং দেবাশ্চ যশ্চৈবান্তরপূরুষঃ॥ 1-98-10 (4286) আদিত্যচন্দ্রাবনিলোঽনলশ্চ দ্যৌর্ভূমিরাপো হৃদয়ং যমশ্চ। অহশ্চ রাত্রিশ্চ উভে চ সন্ধ্যে ধর্মশ্চ জানাতি নরস্য বৃত্তম্॥ 1-98-11 (4287) যমো বৈবস্বতস্তস্য নির্যাতয়তি দুষ্কৃতম্। হৃদি স্থিতঃ কর্মসাক্ষী ক্ষেত্রজ্ঞো যস্য তুষ্যতি॥ 1-98-12 (4288) ন তুষ্যতি চ যস্যৈষ পুরুষস্য দুরাত্মনঃ। তং যমঃ পাপকর্মাণং নির্ভর্ৎসয়তি দুষ্কৃতম্॥ 1-98-13 (4289) যোঽবমত্যাত্মনাত্মানমন্যথা প্রতিপদ্যতে। ন তস্য দেবাঃ শ্রেয়াংসো যস্যাত্মাপি ন কারণম্॥ 1-98-14 (4290) স্বয়ং প্রাপ্তেতি মামেবং মাবমংস্থা পতিব্রতাম্। অর্চার্হাং নার্চয়সি মাং স্বয়ং ভার্যামুপস্থিতাম্॥ 1-98-15 (4291) কিমর্থং মাং প্রাকৃতবদুপপ্রেক্ষসি সংসদি। নখল্বহমিদং শূন্যে রৌমি কিং ন শৃণোষি মে॥ 1-98-16 (4292) যদি মে যাচমানায়া বচনং ন করিষ্যসি। দুষ্যন্ত শতধা ৎবদ্য মূর্ধা তে বিফলিষ্যতি॥ 1-98-17 (4293) জায়াং পতিঃ সংপ্রবিশ্য যদস্যাং জায়তে পুনঃ। জায়ায়াস্তদ্ধি জায়াৎবং পৌরাণাঃ কবয়ো বিদুঃ॥ 1-98-18 (4294) যদাগমবতঃ পুংসস্তদপত্যং প্রজায়তে। তত্তারয়তি সংতত্যা পূর্বপ্রেতান্পিতামহান্॥ 1-98-19 (4295) পুন্নাম্নো নরকাদ্যস্মাৎপিতরং ত্রায়তে সুতঃ। তস্মাৎপুত্র ইতি প্রোক্তঃ পূর্বমেব স্বয়ংভুবা॥ 1-98-20 (4296) `পুত্রেণ লোকাঞ্জয়ন্তি পৌত্রেণানন্ত্যমশ্নুতে। অথ পৌত্রস্য পুত্রেণ মোদন্তে প্রপিতামহাঃ॥' 1-98-21 (4297) সা ভার্যা যা গৃহে দক্ষা সা ভার্যা যা প্রজাবতী। সা ভার্যা যা পতিপ্রাণা সা ভার্যা যা পতিব্রতা॥ 1-98-22 (4298) অর্ধং ভার্যা মনুষ্যস্য ভার্যা শ্রেষ্ঠতমঃ সখা। ভার্যা মূলং ত্রিবর্গস্য যঃ সভার্যঃ স বন্ধুমান্॥ 1-98-23 (4299) ভার্যাবন্তঃ ক্রিয়াবন্তঃ সভার্যা গৃহমেধিনঃ। ভার্যাবন্তঃ প্রমোদন্তে ভার্যাবন্তঃ শ্রিয়াবৃতাঃ॥ 1-98-24 (4300) সখায়ঃ প্রবিবিক্তেষু ভবন্ত্যেতাঃ প্রিয়ংবদাঃ। পিতরো ধর্মকার্যেষু ভবন্ত্যার্তস্য মাতরঃ॥ 1-98-25 (4301) কান্তারেষ্বপি বিশ্রামো জনস্যাধ্বনি কস্য বৈ। যঃ সদারঃ স বিশ্বাস্যস্তস্মাদ্দারাঃ পরা গতিঃ। 1-98-26 (4302) সংসরন্তমভিপ্রেতং বিষমেষ্বেকপাতিনম্। ভার্যৈবান্বেতি ভর্তারং সততং যা পতিব্রতা॥ 1-98-27 (4303) প্রথমং সংস্থিতা ভার্যা পতিং প্রেত্য প্রতীক্ষতে। পূর্বপ্রেতং তু ভর্তারং পশ্চাৎসাপ্যনুগচ্ছতি॥ 1-98-28 (4304) এতস্মাৎকারণাদ্রাজন্পাণিগ্রহণমিষ্যতে। যদাপ্নোতি পতির্ভার্যামিহ লোকে পরত্র চ॥ 1-98-29 (4305) `পোষণার্থং শরীরস্য পাথেয়ং স্বর্গতস্য বৈ।' আত্মাঽঽত্মনৈব জনিতঃ পুত্র ইত্যুচ্যতে বুধৈঃ॥ 1-98-30 (4306) তস্মাদ্ভার্যাং পতিঃ পশ্যেন্মাতৃবৎপুত্রমাতরম্। `অন্তরাত্মৈব সর্বস্য পুত্রো নামোচ্যতে সদা॥ 1-98-31 (4307) গতী রূপং চ চেষ্টা চ আবর্তা লক্ষণানি চ। পিতৄণাং যানি দৃশ্যন্তে পুত্রাণাং সন্তি তানি চ॥ 1-98-32 (4308) তেষাং শীলগুণাচারাস্তৎসংপর্কাচ্ছুভাশুভাৎ।' ভার্যায়াং জনিতং পুত্রমাদর্শে স্বমিবাননম্॥ 1-98-33 (4309) জনিতা মোদতে প্রেক্ষ্য স্বর্গং প্রাপ্যেব পুণ্যকৃৎ। `পতিব্রতারূপধরাঃ পরবীজস্য সংগ্রহাৎ॥ 1-98-34 (4310) কুলং বিনাশ্য ভর্তৄণাং নরকং যান্তি দারুণম্। পরেণ জনিতাঃ পুত্রাঃ স্বভার্যায়াং যথেষ্টতঃ॥ 1-98-35 (4311) মম পুত্রা ইতি মতাস্তে পুত্রা অপি শত্রবঃ। দ্বিষন্তি প্রতিকুর্বন্তি ন তে বচনংকারিণঃ॥ 1-98-36 (4312) দ্বেষ্টি তাংশ্চ পিতা চাপি স্ববীজে ন তথা নৃপ। ন দ্বেষ্টি পিতরং পুত্রো জনিতারমথাপি বা॥ 1-98-37 (4313) ন দ্বেষ্টি জনিতা পুত্রং তস্মাদাত্মা সুতো ভবেৎ।' দহ্যমানা মনোদুঃখৈর্ব্যাধিভিস্তুমুলৈর্জনঃ॥ 1-98-38 (4314) হ্লাদন্তে স্বেষু দারেষু ঘর্মার্তাঃ সলিলেষ্বিব। `বিপ্রবাসকৃশা দীনা নরা মলিনবাসসঃ॥ 1-98-39 (4315) তেঽপি স্বদারাংস্তুষ্যন্তি দরিদ্রা ধনলাভবৎ।' অপ্রিয়োক্তোপি দারাণাং ন ব্রূয়াদপ্রিয়ং বুধঃ॥ 1-98-40 (4316) রতিং প্রীতিং চ ধর্মং চ তদায়ত্তমবেক্ষ্য চ। `আত্মনোঽর্ধমিতি শ্রৌতং সা রক্ষতি ধনং প্রজাঃ॥ 1-98-41 (4317) শরীরং লোকয়াত্রাং বৈ ধর্মং স্বর্গমৃষীন্পিতৄন্।' আত্মনো জন্মনঃ ক্ষেত্রং পুণ্যা রামাঃ সনাতনাঃ॥ 1-98-42 (4318) ঋষীণামপি কা শক্তিঃ স্রষ্টুং রামামৃতে প্রজা-। `দেবানামপি কা শক্তিঃ কর্তুং সংভবমাত্মনঃ॥ 1-98-43 (4319) পণ্ডিতস্যাপি লোকেষু স্ত্রীষু সৃষ্টিঃ প্রতিষ্ঠিতা। ঋষিভ্যো হ্যৃষয়ঃ কেচিচ্চণ্ডালীষ্বপি জজ্ঞিরে'॥ 1-98-44 (4320) পরিসৃত্য যথা সূনুর্ধরণীরেণুকুণ্ঠিতঃ। পিতুরালিঙ্গতেঽঙ্গানি কিমস্ত্যভ্যধিকং ততঃ॥ 1-98-45 (4321) স ৎবং সূনুমনুপ্রাপ্তং সাভিলাষং মনস্বিনম্। প্রেক্ষমাণং কটাক্ষেণ কিমর্থমবমন্যসে॥ 1-98-46 (4322) অণ্ডানি বিভ্রতি স্বানি ন ত্যজন্তি পিপীলিকাঃ। কিং পুনস্ৎবং ন মন্যেথাঃ সর্বথা পুত্রমীদৃশম্॥ 1-98-47 (4323) ন ভরেথাঃ কথং নু ৎবং ময়ি জাতং স্বমাত্মজম্। `মমাণ্ডানীতি বর্ধ্তে কোকিলাণ্ডানি বায়সাঃ॥ 1-98-48 (4324) কিং পুনস্ৎবং ন মন্যেথাঃ সর্বজ্ঞঃ পুত্রমীদৃশম্। মলয়াচ্চন্দনং জাতমতিশীতং বদন্তি বৈ॥ 1-98-49 (4325) শিশোরালিঙ্গনং তস্মাচ্চন্দনাদধিকং ভবেৎ।' ন বাসসাং ন রামাণাং নাপাং স্পর্শস্তথাবিধঃ॥ 1-98-50 (4326) শিশুনালিঙ্গ্যমানস্য স্পর্শঃ সূনোর্যথা সুখঃ। পুত্রস্পর্শাৎপ্রিয়তরঃ স্পর্শো লোকে ন বিদ্যতে॥ 1-98-51 (4327) স্পৃশতু ৎবাং সমালিঙ্গ্য পুত্রোঽয়ং প্রিয়দর্শনঃ। ব্রাহ্মণো দ্বিপদাং শ্রেষ্ঠো গৌর্বরিষ্ঠা চতুষ্পদাম্॥ 1-98-52 (4328) মুরুর্গরীয়সাং শ্রেষ্ঠঃ পুত্রঃ স্পর্শবতাং বরঃ॥ ত্রিষু বর্ষেষু পূর্ণেষু প্রজাতোঽয়মরিন্দমঃ॥ 1-98-53 (4329) `অদ্যায়ং মন্নিয়োগাত্তু তবাহ্বানং প্রতীক্ষতে। কুমারো রাজশার্দূল তব শোকপ্রণাশনঃ॥' 1-98-54 (4330) আহর্তা বাজিমেধস্য শতসঙ্খ্যস্য পৌরবঃ। `রাজসূয়াদিকানন্যান্ক্রতূনমিতদক্ষিণান্॥ 1-98-55 (4331) ইতি গৌরন্তরিক্ষে মাং সূতকে হ্যবদৎপুরা। হন্ত স্বমঙ্কমারোপ্য স্নেহাদ্গ্রামান্তরং গতাঃ॥ 1-98-56 (4332) মূর্ধ্নি পুত্রানুপাঘ্রায় প্রতিনন্দন্তি মানবাঃ। বেদেষ্বপি বদন্তীমং মন্ত্রগ্রামং দ্বিজাতয়ঃ॥ 1-98-57 (4333) জাতকর্মণি পুত্রাণাং তবাপি বিদিতং ধ্রুবম্। অঙ্গাদঙ্গাৎসংভবসি হৃদয়াদধিজায়সে॥ 1-98-58 (4334) আত্মা বৈ পুত্রনামাসি স জীব শরদঃ শতম্। উপজিঘ্রন্তি পিতরো মন্ত্রেণানেন মূর্ধনি॥ 1-98-59 (4335) পোষণং ৎবদধীনং মে সন্তানমপি চাক্ষয়ম্। তস্মাত্ৎবং জীব মে পুত্র স সুখী শরদাং শতম্॥ 1-98-60 (4336) একো ভূৎবা দ্বিধা ভূত ইতি বাদঃ প্রবর্ততে। ৎবদঙ্গেভ্যঃ প্রসূতোঽয়ং পুরুষাৎপুরুষঃ পরঃ॥ 1-98-61 (4337) সরসীবামলেঽঽত্মানং দ্বিতীয়ং পশ্য তে সুতম্। `সরসীবামলে সোমং প্রেক্ষাত্মানং ৎবমাত্মনি'॥ 1-98-62 (4338) যথাচাহবনীয়োঽগ্নির্বর্হপত্যাৎপ্রণীয়তে। এবং ৎবত্তঃ প্রণীতোঽয়ং ৎবমেকঃ সন্দ্বিধা কৃতঃ॥ 1-98-63 (4339) মৃগাপকৃষ্টেন হি বৈ মৃগয়াং পরিধাবতা। অহমাসাদিতা রাজন্কুমারী পিতুরাশ্রমে॥ 1-98-64 (4340) উর্বশী পূর্বচিত্তিশ্চ সহজন্যা চ মেনকা। বিশ্বাচী চ ঘৃতাচী চ ষডেবাপ্সরসাং বরাঃ॥ 1-98-65 (4341) তাসাং বৈ মেনকা নাম ব্রহ্ময়োনির্বরাপ্সরাঃ। দিবঃ সংপ্রাপ্য জগতীং বিশ্বামিত্রাদজীজনৎ॥ 1-98-66 (4342) `শ্রীমানৃষির্ধর্মপরো বৈশ্বানর ইবাপরঃ। ব্রহ্ময়োনিঃ কুশো নাম বিশ্বামিত্রপিতামহঃ॥ 1-98-67 (4343) কুশস্য পুত্রো বলবান্কুশনাভশ্চ ধার্মিকঃ। গাধিস্তস্য সুতো রাজন্বিশ্বামিত্রস্তু গাধিজঃ॥ 1-98-68 (4344) এবংবিধো মম পিতা মেনকা জননী বরা।' সা মাং হিমবতঃ পৃষ্ঠে সুষুবে মেনকাঽপ্সরাঃ॥ 1-98-69 (4345) পরিত্যজ্য চ মাং যাতা পরাত্মজমিবাসতী। `পক্ষিণঃ পুম্যবন্তস্তে সহিতা ধর্মতস্তদা॥ 1-98-70 (4346) পক্ষৈস্তৈরভিগুপ্তা চ তস্মাদস্মি শকুন্তলা। ততোঽহমৃষিণা দৃষ্টা কাশ্যপেন মহাত্মনা॥ 1-98-71 (4347) জলার্থমগ্নিহোত্রস্য গতং দৃষ্ট্বা তু পক্ষিণঃ। ন্যাসভূতামিব মুনেঃ প্রদদুর্মাং দয়াবতঃ॥ 1-98-72 (4348) কণ্বস্ৎবালোক্য মাং প্রীতো হসন্তীতি হবির্ভুজঃ। স মাঽরণিমিবাদায় স্বমাশ্রমমুপাগমৎ॥ 1-98-73 (4349) সা বৈ সংভাবিতা রাজন্ননুক্রোশান্মহর্ষিণা। তেনৈব স্বসুতেবাহং রাজন্বৈ বরবর্ণিনী॥ 1-98-74 (4350) বিশ্বামিত্রসুতা চাহং বর্ধিতা মুনিনা নৃপ। যৌবনে বর্তমানাং চ দৃষ্টবানসি মাং নৃপ॥ 1-98-75 (4351) আশ্রমে পর্ণশালায়াং কুমারীং বিজনে তদা। ধাত্রা প্রচোদিতাং শূন্যে পিত্রা বিরহিতাং মিথঃ॥ 1-98-76 (4352) বাগ্ভিস্ৎবং সূনৃতাভির্মামপত্যার্থমচূচুদঃ। অকার্ষীস্ৎবাশ্রমে বাসং ধর্মকামার্থনিশ্চিতম্॥ 1-98-77 (4353) গান্ধর্বেণ বিবাহেন বিধিনা পাণিমগ্রহীঃ। সাঽহং কুলং চ শীলং চ সত্যবাদিৎবমাত্মনঃ॥ 1-98-78 (4354) স্বধর্মং চ পুরস্কৃত্য ৎবামদ্য শরণং গতা। তস্মান্নর্হসি সংশ্রুত্য তথেতি বিতথং বচঃ॥ 1-98-79 (4355) স্বধর্মং পৃষ্ঠতঃ কৃৎবা পরিত্যক্তুমুপস্থিতাম্। ৎবন্নাথাং লোকনাথস্ৎবং নার্হসি ৎবমনাগসম্'॥ 1-98-80 (4356) কিং নু কর্মাশুভং পূর্বং কৃতবত্যস্মি পার্থিব। যদহং বান্ধবৈস্ত্যক্তা বাল্যে সংপ্রতি বৈ ৎবয়া॥ 1-98-81 (4357) কামং ৎবয়া পরিত্যক্তা গমিষ্যাম্যহমাশ্রমম্। ইমং বালং তু সংত্যুক্তং নার্হস্যাত্মজমাত্মনা॥ 1-98-82 (4358) দুষ্যন্ত উবাচ। 1-98-83x (618) ন পুত্রমভিজানামি ৎবয়ি জাতং শকুন্তলে। অসৎবচনা নার্যঃ কস্তে শ্রদ্ধাস্যতে বচঃ॥ 1-98-83 (4359) `অশ্রদ্ধেয়মিদং বাক্যং কথয়ন্তী ন লজ্জসে। বিশেষতো মৎসকাশে দুষ্টতাপসি গম্যতাম্'॥ 1-98-84 (4360) ক্ব মহর্ষিস্তপস্যুগ্রঃ ক্বাপ্সরাঃ সা চ মেনকা। ক্ব চ ৎবমেবং কৃপণা তাপসীবেষধারিণী॥ 1-98-85 (4361) অতিকায়শ্চ পুত্রস্তে বালোঽতিবলবানয়ম্। কথমল্পেন কালেন সালস্কন্ধ ইবোদ্গতঃ॥ 1-98-86 (4362) সুনিকৃষ্টা চ যোনিস্তে পুংশ্চলী প্রতিভাসি মে। যদৃচ্ছয়া কামরাগাজ্জাতা মেনকয়া হ্যসি॥ 1-98-87 (4363) সর্বমেব পরোক্ষং মে যত্ৎবং বদসি তাপসি। `সর্বা বামাঃ স্ত্রিয়ো লোকে সর্বাঃ কামপরায়ণাঃ॥ 1-98-88 (4364) সর্বাঃ স্ত্রিয়ঃ পরবশাঃ সর্বাঃ ক্রোধসমাকুলাঃ। অসত্যোক্তাঃ স্ত্রিয়ঃ সর্বা ন কণ্বং বক্তুমর্হসি'॥ 1-98-89 (4365) মেনকা নিরনুক্রোশা বর্ধকী জননী তব। যয়া হিমবতঃ পাদে নির্মাল্যবদুপেক্ষিতা॥ 1-98-90 (4366) স চাপি নিরনুক্রোশঃ ক্ষত্রয়োনিঃ পিতা তব। বিশ্বামিত্রো ব্রাহ্মণৎবে লুব্ধঃ কামপরায়ণঃ॥ 1-98-91 (4367) সুষাব সুরনারী মাং বিশ্বামিত্রাদ্যথেষ্টতঃ। অহো জানামি তে জন্ম কুৎসিতং কুলটে জনৈঃ॥ 1-98-92 (4368) মেনকাঽপ্সরসাং শ্রেষ্ঠা মহর্ষিশ্চাপি তে পিতা। তয়োরপত্যং কস্মাত্ৎবং পুংশ্চলীবাভিভাষসে॥ 1-98-93 (4369) জাতিশ্চাপি নিকৃষ্টো তে কুলীনেতি বিজল্পসে। জনয়িৎবা ৎবমুৎসৃষ্টা কোকিলেন পরৈর্ভৃতা॥ 1-98-94 (4370) অরিষ্টৈরিব দুর্বদ্ধিঃ কণ্বো বর্ধয়িতা পিতা। অশ্রদ্ধেয়মিদং বাক্যং যত্ৎবং জল্পসি তাপসি॥ 1-98-95 (4371) ব্রুবন্তী রাজসান্নিধ্যে গম্যতাং যত্র চেচ্ছসি। `সুবর্ণমণিমুক্তানি বস্ত্রাণ্যাভরণানি চ॥ 1-98-96 (4372) যদিহেচ্ছসি ভোগার্থং তাপসি প্রতিগৃহ্যতাম্। নাহং ৎবাং দ্রষ্টুমিচ্ছামি যথেষ্টং গম্যতামিতঃ'॥ ॥ 1-98-97 (4373) ইতি শ্রীমন্মহাভারতে আদিপর্বণি সংভবপর্বণি অষ্টনবতিতমোঽধ্যায়ঃ॥ 98 ॥

1-99-0 (4374) শকুন্তলোবাচ। 1-99-0x (619) রাজন্সর্ষপমাত্রাণি পরচ্ছিদ্রাণি পশ্যসি। আত্মনো বিল্বমাত্রাণি পশ্যন্নপি ন পশ্যসি॥ 1-99-1 (4375) মেনকা ত্রিদশেষ্বেব ত্রিদশাশ্চানু মেনকাম্। মমৈবোদ্রিচ্যতে জন্ম দুষ্যন্ত তব জন্মতঃ॥ 1-99-2 (4376) ক্ষিতৌ চরসি রাজংস্ৎবমন্তরিক্ষে চরাম্যহম্। আবয়োরন্তরং পশ্য মেরুসর্ষপয়োরিব॥ 1-99-3 (4377) মহেন্দ্রস্য কুবেরস্য যমস্য বরুণস্য চ। ভবনান্যনুসংয়ামি প্রভাবং পশ্য মে নৃপ॥ 1-99-4 (4378) `পুরা নরবরঃ পুত্র উর্বশ্যাং জনিতস্তদা। আয়ুর্নাম মহারাজ তব পূর্বপিতামহঃ॥ 1-99-5 (4379) মহর্ষয়শ্চ বহবঃ ক্ষত্রিয়াশ্চ পরন্তপাঃ। অপ্সরঃসু ঋষীণাং চ মাতৃদোষো ন বিদ্যতে॥' 1-99-6 (4380) সত্যশ্চাপি প্রবাদোঽয়ং প্রবক্ষ্যামি চ তে নৃপ। নিদর্শনার্থং ন দ্বেষাচ্ছ্রুৎবা তৎক্ষন্তুমর্হসি॥ 1-99-7 (4381) বিরূপো যাবদাদর্শে নাত্মনো বীক্ষতে মুখম্। মন্যতে তাবদাত্মানমন্যেভ্যো রূপবত্তরম্॥ 1-99-8 (4382) যদা তু রূপমাদর্শে বিরূপং সোঽভিবীক্ষতে। তদা হ্রীমাংস্তু জানীয়াদন্তরং নেতরং জনম্॥ 1-99-9 (4383) অতীব রূপসংপন্নো ন কংচিদবমন্যতে। অতীব জল্পন্দুর্বাচো ভবতীহ বিহেতুকঃ॥ 1-99-10 (4384) `পাংসুপাতেন হৃষ্যন্তি কুঞ্জরা মদশালিনঃ। তথা পরিবদন্নন্যান্হৃষ্টো ভবতি দুর্মতিঃ॥ 1-99-11 (4385) সত্যধর্মচ্যুতাৎপুংসঃ ক্রুদ্ধাদাশীবিষাদিব। সুনাস্তিকোপ্যুদ্বিজতে জনঃ কিং পুনরাস্তিকঃ॥ 1-99-12 (4386) স্বয়মুৎপাদ্য পুত্রং বৈ সদৃশং যোঽবমন্যতে। তস্য দেবাঃ শ্রিয়ং ঘ্নন্তি তত্রৈনং কলিরাবিশেৎ॥ 1-99-13 (4387) অভব্যেঽপ্যনৃতেঽশুদ্ধে নাস্তিকে পাপকর্মণি। দুরাচারে কলির্হ্যাশু ন কলির্ধর্মচারিষু॥' 1-99-14 (4388) মূর্খো হি জল্পতাং পুংসাং শ্রুৎবা বাচঃ শুভাশুভাঃ। অশুভং বাক্যমাদত্তে পুরীষমিব সূকরঃ॥ 1-99-15 (4389) প্রাজ্ঞস্তু জল্পতাং পুংসাং শ্রুৎবা বাচঃ শুভাশুভাঃ। গুণবদ্বাক্যমাদত্তে হংসঃ ক্ষীরমিবাম্ভসি॥ 1-99-16 (4390) `আত্মনো দুষ্টভাবৎবং জানন্নীচোঽপ্রসন্নধীঃ। পরেষামপি জানাতি স্বধর্মসদৃশান্গুণান্॥ 1-99-17 (4391) দহ্যমানাস্তু তীব্রেণ নীচাঃ পরয়শোগ্নিনা। অশক্তাস্তদ্গতিং গন্তুং ততো নিন্দাং প্রকুর্বতে॥' 1-99-18 (4392) অন্যান্পরিবদন্সাধুর্যথা হি পরিতপ্যতে। তথা পরিবদন্নন্যান্হৃষ্টো ভবতি দুর্জনঃ॥ 1-99-19 (4393) `অপবাদরতা মূর্খা ভবন্তি হি বিশেষতঃ। নাপবাদরতাঃ সন্তো ভবন্তি স্ম বিশেষতঃ॥' 1-99-20 (4394) অভিবাদ্য যথা বৃদ্ধান্সাধুর্গচ্ছতি নির্বৃতিম্। এবং সজ্জনমাক্রুশ্য মূর্খো ভবতি নির্বৃতঃ॥ 1-99-21 (4395) সুখং জীবন্ত্যদোষজ্ঞা মূর্খা দোষানুদর্শিনঃ। যথা বাচ্যাঃ পরৈঃ সন্তঃ পরানাহুস্তথাবিধান্॥ 1-99-22 (4396) অতো হাস্যতরং লোকে কিংচিদন্যন্ন বিদ্যতে। যদি দুর্জন ইত্যাহুঃ সজ্জনং দুর্জনাঃ স্বয়ম্॥ 1-99-23 (4397) `দারুণাল্লোকসংক্লেশাদ্দুঃখমাপ্নোত্যসংশয়ম্॥' কুলবংশপ্রতিষ্ঠাং হি পিতরঃ পুত্রমব্রুবন্॥ 1-99-24 (4398) উত্তমং সর্বধর্মাণাং তস্মাৎপুত্রং তু ন ত্যজেৎ। স্বপত্নীপ্রভবাঁল্লব্ধান্কৃতান্সময়বর্ধিতান্॥ 1-99-25 (4399) ক্রীতান্কন্যাসু চোৎপন্নান্পুত্রান্বৈ মনুরব্রবীৎ। `তে চ ষড্বন্ধুদায়াদাঃ ষডদায়াদবান্ধবাঃ॥ 1-99-26 (4400) ধর্মকৃত্যবহা নৄণাং মনসঃ প্রীতিবর্ধনাঃ। ত্রায়ন্তে নরকাজ্জাতাঃ পুত্রা ধর্মপ্লবাঃ পিতৄন্॥ 1-99-27 (4401) স ৎবং নৃপতিশার্দূল ন পুত্রং ত্যক্তুমর্হসি। তস্মাৎপুত্রং চ সত্যং চ পালয়স্ব মহীপতে॥ 1-99-28 (4402) উভয়ং পালয়স্বৈতন্নানৃতং বক্তুমর্হসি।' আত্মানং সত্যধর্মৌ চ পালয়েথা মহীপতে। নরেন্দ্রসিংহ কপটং ন হি বোঢুং ৎবমর্হসি॥ 1-99-29 (4403) বরং কূপশতাদ্বাপী বরং বাপীশতাৎক্রতুঃ। বরং ক্রতুশতাৎপুত্রঃ সত্যং পুত্রশতাদ্বরম্॥ 1-99-30 (4404) অশ্বমেধসহস্রং চ সত্যং চ তুলয়া ধৃতম্। অশ্বমেধসহস্রাদ্ধি সত্যমেব বিশিষ্যতে॥ 1-99-31 (4405) সর্ববেদাধিগমনং সর্বতীর্থাবগাহনম্। সত্যস্যৈব চ রাজেন্দ্র কলাং নার্হতি ষোডশীম্॥ 1-99-32 (4406) নাস্তি সত্যসমো ধর্মো ন সত্যাদ্বিদ্যতে পরম্। ন হি তীব্রতরং পাপমনৃতাদিহ বিদ্যতে॥ 1-99-33 (4407) রাজন্সত্যং পরো ধর্মঃ সত্যাচ্চ সময়ঃ পরঃ। মাত্যাক্ষীঃ সময়ং রাজন্সত্যং সঙ্গতমস্তু তে॥ 1-99-34 (4408) `যঃ পাপো ন বিজানীয়াৎকর্ম কৃৎবা নরাধিপ। ন হি তাদৃক্পরং পাপমনৃতাদিহ বিদ্যতে॥ 1-99-35 (4409) যস্য তে হৃদয়ং বেদ সত্যস্যৈবানৃতস্য চ। কল্যাণাবেক্ষণং তস্মাৎকর্তুমর্হসি ধর্মতঃ॥ 1-99-36 (4410) যো ন কামান্ন চ ক্রোধান্ন দ্রোহাদতিবর্ততে। অমিত্রং বাপি মিত্রং বা স এবোত্তমপূরুষঃ॥' 1-99-37 (4411) অনৃতশ্চেৎপ্রসঙ্গস্তে শ্রদ্দধাসি ন চেৎস্বয়ম্। আশ্রমং গন্তুমিচ্ছামি ৎবাদৃশো নাস্তি সঙ্গতং॥ 1-99-38 (4412) `পুত্রৎবে শঙ্কমানস্য ৎবং বুদ্ধ্যা নিশ্চয়ং কুরু। গতিঃ স্বরঃ স্মৃতিঃ সৎবং শীলং বিদ্যা চ বিক্রমঃ॥ 1-99-39 (4413) ধৃষ্ণুপ্রকৃতিভাবৌ চ আবর্তা রোমরাজয়ঃ। সমা যস্য যদা স্যুস্তে তস্য পুত্রো ন সংশয়ঃ॥ 1-99-40 (4414) সাদৃশ্যেনোদ্ধঋতং বিম্বং তব দেহাদ্বিশাংপতে। তাতেতি ভাষমাণং বৈ মা স্ম রাজন্বৃথা কৃথাঃ॥ 1-99-41 (4415) ঋতে চ গর্দভীক্ষীরাৎপয়ঃ পাস্যতি মে সুতঃ।' ঋতেপি ৎবাং চ দুষ্যন্ত শৈলরাজাবতংসিকাম্। চতুরন্তামিমামুর্বীং পুত্রো মে পালয়িষ্যতি॥ 1-99-42 (4416) `শকুন্তলে তব সুতশ্চক্রবর্তী ভবিষ্যতি। এবমুক্তং মহেন্দ্রেণ ভবিষ্যতি ন চান্যথা॥ 1-99-43 (4417) সাক্ষিৎবে বহবো হ্যুক্তা দেবদূতাদয়ো ময়া। ন ব্রুবন্তি তথা সত্যমুতাহো নানৃতং কিল॥ 1-99-44 (4418) অসাক্ষিণী মন্দবাগ্যা গমিষ্যামি যথাগতম্॥' 1-99-45 (4419) বৈশম্পায়ন উবাচ। 1-99-46x (620) এতাবদুক্ৎবা বচনং প্রাতিষ্ঠত শকুন্তলা। `তস্যাঃ ক্রোধসমুত্থোগ্নিঃ সধূমো মূর্ধ্ন্যদৃশ্যত॥ 1-99-46 (4420) সংনিয়ম্যাত্মনোঽঙ্গেষু ততঃ ক্রোধাগ্নিমাত্মজম্। প্রস্থিতৈবানবদ্যাঙ্গী সহ পুত্রেণ বৈ বনম্'॥ ॥ 1-99-47 (4421) ইতি শ্রীমন্মহাভারতে আদিপর্বণি সংভবপর্বণি একোনশততমোঽধ্যায়ঃ॥ 99 ॥

1-100-0 (4422) বৈশম্পায়ন উবাচ। 1-100-0x (621) অথান্তরিক্ষে দুষ্যন্তং বাগুবাচাশরীরিণী। ঋৎবিক্পুরোহিতাচার্যৈর্মন্ত্রিভিশ্চাভিসংবৃতম্॥ 1-100-1 (4423) মাতা ভস্ত্রা পিতুঃ পুত্রো যস্মাজ্জাতঃ স এব সঃ। ভরস্ব পুত্রং দৌষ্যন্তিং সত্যমাহ শকুন্তলা॥ 1-100-2 (4424) `সর্বেভ্যো হ্যঙ্গমঙ্গেভ্যঃ সাক্ষাদুৎপদ্যতে সুতঃ। আত্মা চৈব সুতো নাম তেনৈব তব পৌরব॥ 1-100-3 (4425) আহিতং হ্যাত্মনাঽঽত্মানং পরিরক্ষ ইমং সুতম্। অনন্যাং ৎবং প্রতীক্ষস্ব মাবমংস্থাঃ শকুন্তলাম্॥ 1-100-4 (4426) স্ত্রিয়ঃ পবিত্রমতুলমেতদ্দুষ্যন্ত ধর্মতঃ। মাসি মাসি রজো হ্যাসাং দুরিতান্যপকর্ষতি॥ 1-100-5 (4427) ততঃ সর্বাণি ভূতানি ব্যাজহ্রস্তং সমন্ততঃ। 1-100-6 (4428) দেবা ঊচুঃ। আহিতস্ৎবত্তনোরেষ মাবমংস্থাঃ শকুন্তলাম্'॥ 1-100-6x (622) রেতোধাঃ পুত্র উন্নয়তি নরদেব যমক্ষয়াৎ। ৎবং চাস্য ধাতা গর্ভস্য সত্যমাহ শকুন্তলা॥ 1-100-7 (4429) `পতির্জায়াং প্রবিশতি স তস্যাং জায়তে পুনঃ। অন্যোন্যপ্রকৃতির্হ্যেষা মাবমংস্থাঃ শকুন্তলাম্॥' 1-100-8 (4430) জায়া জনয়তে পুত্রমাত্মনোঽঙ্গাদ্দ্বিধা কৃতম্। তস্মাদ্ভরস্ব দুষ্যন্ত পুত্রং শাকুন্তলং নৃপ॥ 1-100-9 (4431) সুভূতিরেষা ন ত্যাজ্যা জীবিতং জীবয়াত্মজম্। শাকুন্তলং মহাত্মানং দুষ্যন্ত ভর পৌরবম্॥ 1-100-10 (4432) ভর্তব্যোঽয়ং ৎবয়া যস্মাদস্মাকং বচনাদপি। তস্মাদ্ভবৎবয়ং নাম্না ভরতো নাম তে সুতঃ॥ 1-100-11 (4433) `ভরতাদ্ভারতী কীর্তির্যেনেদং ভারতং কুলম্। অপরে যে চ পূর্বে চ ভারতা ইতি তেঽভবন্॥ 1-100-12 (4434) বৈশম্পায়ন উবাচ। 1-100-13x (623) এবমুক্ৎবা ততো দেবা ঋষয়শ্চ তপোধনাঃ। পতিব্রতেতি সংহৃষ্টাঃ পুষ্পবৃষ্টিং ববর্ষিরে॥' 1-100-13 (4435) তচ্ছ্রুৎবা পৌরবো বাক্যং ব্যাহৃতং বে দিবৌকসাম্। `সিংহাসনাৎসমুত্থায় প্রণম্য চ দিবৌকসঃ॥' 1-100-14 (4436) পুরোহিতমমাত্যাংশ্চ সংপ্রহৃষ্টোঽব্রবীদিদম্। শৃণ্বন্ৎবেতদ্ভবন্তোঽপি দেবদূতস্য ভাষিতম্॥ 1-100-15 (4437) `শৃণ্বন্তু দেবতানাং চ মহর্ষীণাং চ ভাষিতম্'। অহমপ্যেবমেবৈনং জানামি সুতমাত্মজম্॥ 1-100-16 (4438) যদ্যহং বচনাদস্যা গৃহ্ণীয়ামিমমাত্মজম্। ভবেদ্ধি শঙ্কা লোকস্য নৈবং শুদ্ধো ভবেদয়ম্॥ 1-100-17 (4439) বৈশম্পায়ন উবাচ। 1-100-18x (624) তাং বিশোধ্য তদা রাজা দেবৈঃ সহ মহর্ষিভিঃ। হৃষ্টঃ প্রমুদিতশ্চাপি প্রতিজগ্রাহ তং সুতম্॥ 1-100-18 (4440) ততস্তস্য তদা রাজা পিতৃকর্মাণি সর্বশঃ। কারয়ামাস মুদিতঃ প্রীতিমানাত্মজস্য হ। মূর্ধ্নি চৈনং সমাঘ্রায় সস্নেহং পরিষস্বজে॥ 1-100-19 (4441) সভাজ্যমানো বিপ্রৈশ্চ স্তূয়মানশ্চ বন্দিভিঃ। মুদং স পরমাং লেভে পুত্রস্পর্শনজাং নৃপঃ॥ 1-100-20 (4442) স্বাং চৈব ভার্যাং ধর্মজ্ঞঃ পূজয়ামাস ধর্মতঃ। অব্রবীচ্চৈব তাং রাজা সান্ৎবপূর্বমিদং বচঃ॥ 1-100-21 (4443) লোকস্যায়ং পরোক্ষস্তু সংবন্ধো নৌ পুরাঽভবৎ। কৃতো লোকসমক্ষোঽদ্য সংবন্ধো বৈ পুনঃ কৃতঃ॥ 1-100-22 (4444) তস্মাদেতন্ময়া তস্য তন্নিমিত্তং প্রভাষিতম্॥ 1-100-23 (4445) শঙ্কেত বাঽয়ং লোকোঽথ স্ত্রীভাবান্ময়ি সংগতম্। তস্মাদেতন্ময়া চাপি তচ্ছুদ্ধ্যর্থং বিচারিতম্॥ 1-100-24 (4446) `ব্রাহ্মণাঃ ক্ষত্রিয়া বৈশ্যাঃ শূদ্রাশ্চৈব পৃথগ্বিধাঃ। ৎবাং দেবি বূজয়িষ্যন্তি নির্বিশঙ্কাং পতিব্রতাম্'॥ 1-100-25 (4447) পুত্রশ্চায়ং বৃতো রাজ্যে ৎবমগ্রমহিষী ভব॥ 1-100-26 (4448) যচ্চ কোপনয়াত্যর্থং ৎবয়োক্তোঽস্ম্যপ্রিয়ং প্রিয়ে। প্রণয়িন্যা বিশালাক্ষিতৎক্ষান্তং তে ময়া শুভে॥ 1-100-27 (4449) `অনৃতং বাপ্যনিষ্টং বা দুরুক্তং বাতিদুষ্কৃতম্। ৎবয়াপ্যেবং বিশালাক্ষি ক্ষন্তব্যং মম দুর্বচঃ। ক্ষান্ত্যা পতিকৃতে নার্যঃ পাতিব্রত্যং ব্রজন্তি তাঃ॥ 1-100-28 (4450) এবমুক্ৎবা তু রাজর্ষিস্তামনিন্দিতগামিনীম্। অন্তঃপুরং প্রবেশ্যাথ দুষ্যন্তো মহিষীং প্রিয়াম্॥ 1-100-29 (4451) বাসোভিরন্নপানৈশ্চ পূজয়িৎবা তু ভারত। `স মাতরমুপস্থায় রথন্তর্যামভাষত॥ 1-100-30 (4452) মম পুত্রো বনে জাতস্তব শোকপ্রণশনঃ। ঋণাদদ্য বিমুক্তোঽহং তব পৌত্রেণ শোভনে॥ 1-100-31 (4453) বিশ্বামিত্রসুতা চেয়ং কণ্বেন চ বিবর্ধিতা। স্নুষা তব মহাভাগে প্রসীদস্ব শকুন্তলাম্॥ 1-100-32 (4454) পুত্রস্য বচনং শ্রুৎবা পৌত্রং সা পরিষস্বজে। পাদয়োঃ পতিতাং তত্র রথন্তর্যা শকুন্তলাম্॥ 1-100-33 (4455) পরিষ্বজ্য চ বাহুভ্যাং হর্ষাদশ্রুণ্যবর্তয়ৎ। উবাচ বচনং সত্যং লক্ষয়ে লক্ষণানি চ॥ 1-100-34 (4456) তব পুত্রো বিশালাক্ষি চক্রবর্তী ভবিষ্যতি। তব ভর্তা বিশালাক্ষি ত্রৈলোক্যবিজয়ী ভবেৎ॥ 1-100-35 (4457) দিব্যান্ভোগাননুপ্রাপ্তা ভব ৎবং বরবর্ণিনি। এবমুক্তা রথ্তর্যা পরং হর্ষমবাপ সা॥ 1-100-36 (4458) শকুন্তলাং তদা রাজা শাস্ত্রোক্তেনৈব কর্মণা। ততোঽগ্রমহিষীং কৃৎবা সর্বাভরণভূষিতাম্॥ 1-100-37 (4459) ব্রাহ্মণেভ্যো ধনং দত্ৎবা সৈনিকানাং চ ভূপতিঃ। দৌষ্যন্তিং চ ততো রাজা পুত্রং শাকুন্তলং তদা'॥ 1-100-38 (4460) ভরতং নামতঃ কৃৎবা যৌবরাজ্যেঽভ্যষেচয়ৎ। `ভরতে ভারমাবেশ্য কৃতকৃত্যোঽভবন্নৃপঃ॥ 1-100-39 (4461) ততো বর্ষশতং পূর্ণং রাজ্যং কৃৎবা নরাধিপঃ। গৎবা বনানি দুষ্যন্তঃ স্বর্গলোকমুপেয়িবান্॥' ॥ 1-100-40 (4462) ইতি শ্রীমন্মহাভারতে আদিপর্বণি সংভবপর্বণি শততমোঽধ্যায়ঃ॥ 100 ॥

1-101-0 (4463) `বৈশম্পায়ন উবাচ। 1-101-0x (625) দুষ্যন্তাদ্ভরতো রাজ্যং যথান্যায়মবাপ সঃ।' তস্য তৎপ্রথিতং কর্ম প্রাবর্তত মহাত্মনঃ॥ 1-101-1 (4464) ভাস্বরং দিব্যমজিতং লোকসংনাদনং মহৎ। স বিজিত্য মহীপালাংশ্চকার বশবর্তিনঃ॥ 1-101-2 (4465) চচার চ সতাং ধর্মং প্রাপ্য চানুত্তমং যশঃ। স রাজা চক্রবর্ত্যাসীৎসার্বভৌমঃ প্রতাপবান্॥ 1-101-3 (4466) ঈজে চ বহুভির্যজ্ঞৈর্যথা শক্রো মরুৎপতিঃ। যাজয়ামাস তং কণ্বো দক্ষবদ্ভূরিদক্ষিণম্॥ 1-101-4 (4467) শ্রীমদ্গোবিততং নাম বাজিমেধমবাপ সঃ। যস্মিন্সহস্রং পদ্মানাং কণ্বায় ভরতো দদৌ॥ 1-101-5 (4468) সোঽশ্বমেধশতৈরীজে যমুনামনু তীরগঃ। ত্রিশতৈশ্চ সরস্বত্যাং গঙ্গামনু চতুঃশতৈঃ॥ 1-101-6 (4469) দৌষ্যন্তির্ভরতো যজ্ঞৈরীজে শাকুন্তলো নৃপঃ। তস্মাদ্ভরতবংশস্য বিপ্রতস্থে মহদ্যশঃ॥ 1-101-7 (4470) ভরতস্য বরস্ত্রীষু পুত্রাঃ সংজজ্ঞিরে পৃথক্। নাভ্যনন্দত্তদা রাজা নানুরূপা মমেতি তান্॥ 1-101-8 (4471) ততস্তান্মাতরঃ ক্রুদ্ধাঃ পুত্রান্নিন্যুর্যমক্ষয়ম্। ততস্তস্য নরেন্দ্রস্য বিতথং পুত্রজন্ম তৎ॥ 1-101-9 (4472) ততো মহদ্ভিঃ ক্রতুভিরীজানো ভরতস্তদা। লেভে পুত্রং ভরদ্পাজাদ্ভুমন্যুং নাম ভারত॥ 1-101-10 (4473) ততঃ পুত্রিণমাত্মানং জ্ঞাৎবা পৌরবনন্দনঃ। ভুমন্যুং ভরতশ্রেষ্ঠ যৌবরাজ্যেঽভ্যষেচয়ৎ॥ 1-101-11 (4474) ততো দিবিরথো নাম ভুমন্যোরভবৎসুতঃ। সুহোত্রশ্চ সুহোতা চ সুহবিঃ সুয়জুস্তথা॥ 1-101-12 (4475) পুষ্করিণ্যামৃচীকশ্চ ভুমন্যোরভবন্সুতাঃ। তেষাং জ্যেষ্ঠঃ সুহোত্রস্তু রাজ্যমাপ মহীক্ষিতাম্॥ 1-101-13 (4476) রাজসূয়াশ্বমেধাদ্যৈঃ সোঽয়জদ্বহুভিঃ সবৈঃ। সুহোত্রঃ পৃথিবীং কৃৎস্নাং বুভুজে সাগরাম্বরাম্॥ 1-101-14 (4477) পূর্ণাং হস্তিগবাশ্বৈশ্চ বহুরত্নসমাকুলাম্। মমজ্জেব মহী তস্য ভূরিভারাবপীডিতা॥ 1-101-15 (4478) হস্ত্যশ্বরথসংপূর্ণা মনুষ্যকলিলা ভৃশম্। সুহোত্রে রাজনি তদা ধর্মতঃ শাসতি প্রজাঃ॥ 1-101-16 (4479) চৈত্যযূপাঙ্কিতা চাসীদ্ভূমিঃ শতসহস্রশঃ। প্রবৃদ্ধজনসস্যা চ সর্বদৈব ব্যরোচত॥ 1-101-17 (4480) ঐক্ষ্বাকী জনয়ামাস সুহোত্রাৎপৃথিবীপতেঃ। অজমীঢং সুমীঢং চ পুরুমীঢং চ ভারত॥ 1-101-18 (4481) অজমীঢো বরস্তেষাং তস্মিন্বংশঃ প্রতিষ্ঠিতঃ। ষট্ পুত্রান্সোপ্যজনয়ত্তিসৃষু স্ত্রীষু ভারত॥ 1-101-19 (4482) ঋক্ষং ধূমিন্যথো নীলী দুষ্যন্তপরমেষ্ঠইনৌ। কেশিন্যজনয়জ্জহ্নুং সুতৌ চ জনরূষিণৌ॥ 1-101-20 (4483) বিদুঃ সংবরণং বীরমৃক্ষাদ্রাথন্তরীসুতম্। তথেমে সর্বপঞ্চালা দুষ্যন্তপরমেষ্ঠিনোঃ। অন্বয়াঃ কুশিকা রাজঞ্জন্হোরমিততেজসঃ॥ 1-101-21 (4484) জনরূষণয়োর্জ্যেষ্ঠমৃক্ষমাহুর্জনাধিপম্। ঋক্ষাৎসংবরণো জজ্ঞে রাজন্বংশকরস্তব॥ 1-101-22 (4485) আর্ক্ষে সংবরণে রাজন্প্রশাসতি বসুন্ধরাম্। সংক্ষয়ঃ সুমহানাসীৎপ্রজানামিতি নঃ শ্রুতম্॥ 1-101-23 (4486) ব্যশীর্যত ততো রাষ্ট্রং ক্ষয়ৈর্নানাবিধৈস্তদা। ক্ষুন্মৃত্যুভ্যামনাবৃষ্ট্যা ব্যাধিভিশ্চ সমাহতম্॥ 1-101-24 (4487) অভ্যঘ্নন্ভারতাংশ্চৈব সপত্নানাং বলানি চ। চালয়ন্বসুধাং চেমাং বলেন চতুরঙ্গিণা॥ 1-101-25 (4488) অভ্যযাত্তং চ পাঞ্চল্যো বিজিত্য তরসা মহীম্। অক্ষৌহিণীভির্দশভিঃ স এনং সমরেঽজয়ৎ॥ 1-101-26 (4489) ততঃ সদারঃ সামাত্যঃ সপুত্রঃ সসুহৃজ্জনঃ। রাজা সংবরণস্তস্মাৎপলায়ত মহাভয়াৎ॥ 1-101-27 (4490) `তে প্রতীচীং পরাভূতাঃ প্রপন্না ভারতা দিশম্'। সিন্ধোর্নদস্য মহতো নিকুঞ্জে ন্যবসংস্তদা। নদীবিপয়পর্যন্তে পর্বতস্য সমীপতঃ॥ 1-101-28 (4491) তত্রাবসন্বহূন্কালান্ভারতা দুর্গমাশ্রিতাঃ। তেষাং নিবসতাং তত্র সহস্রং পরিবৎসরান্॥ 1-101-29 (4492) অথাভ্যগচ্ছদ্ভরতান্বসিষ্ঠো ভগবানৃষিঃ। তমাগতং প্রয়ত্নেন প্রত্যুদ্গম্যাভিবাদ্য চ॥ 1-101-30 (4493) অর্ঘ্যমভ্যাহরংস্তস্মৈ তে সর্বে ভারতাস্তদা। নিবেদ্য সর্বমৃষয়ে সৎকারেণ সুবর্চসে॥ 1-101-31 (4494) তমাসনে চোপবিষ্টং রাজা বব্রে স্বয়ং তদা। পুরোহিতো ভবান্নোঽস্তু রাজ্যায় প্রয়তেমহি॥ 1-101-32 (4495) ওমিত্যেবং বসিষ্ঠোঽপি ভারতান্প্রত্যপদ্যত। অথাভ্যষিঞ্চৎসাম্রাজ্যে সর্বক্ষত্রস্য পৌরবম্॥ 1-101-33 (4496) বিষাণভূতং সর্বস্যাং পৃথিব্যামিতি নঃ শ্রুতম্। ভরতাধ্যুষিতং পূর্বং সোঽধ্যতিষ্ঠৎপুরোতোতমম্॥ 1-101-34 (4497) পুনর্বলিভৃতশ্চৈব চক্রে সর্বমহীক্ষিতঃ। ততঃ স পৃথিবীং প্রাপ্য পুনরীজে মহাবলঃ॥ 1-101-35 (4498) আজমীঢো মহায়জ্ঞৈর্বহুভির্ভূরিদক্ষিণৈঃ। ততঃ সংবরণাৎসৌরী তপতী সুষুবে কুরুম্॥ 1-101-36 (4499) রাজৎবে তং প্রজাঃ সর্বা ধর্মজ্ঞ ইতি বব্রিরে। `মহিম্না তস্য কুরবো লেভিরে প্রত্যযং ভৃশম্।' তস্য নাম্নাঽভিবিখ্যাতং পৃথিব্যাং কুরুজাঙ্গলং॥ 1-101-37 (4500) কুরুক্ষেত্রং স তপসা পুণ্যং চক্রে মহাতপাঃ। অশ্ববন্তমভিষ্যন্তং তথা চৈত্ররথং মুনিম্॥ 1-101-38 (4501) জনমেজয়ং চ বিখ্যাতং পুত্রাংশ্চাস্যানুশুশ্রুম। পঞ্চৈতান্বাহিনী পুত্রান্ব্যজায়ত মনস্বিনী॥ 1-101-39 (4502) অবিক্ষিতঃ পরিক্ষিত্তু শবলাশ্বস্তু বীর্যবান্। আদিরাজো বিরাজশ্চ শাল্মলিশ্চ মহাবলঃ॥ 1-101-40 (4503) উচ্চৈঃশ্রবা ভঙ্গকারো জিতারিশ্চাষ্টমঃ স্মৃতঃ। এতেষামন্ববায়ে তু খ্যাতাস্তে কর্মজৈর্গুণৈঃ। জনমেজয়াদয়ঃ সপ্ত তথৈবান্যে মহারথাঃ॥ 1-101-41 (4504) পরীক্ষিতোঽভবন্পুত্রাঃ সর্বে ধর্মার্থকোবিদাঃ। কক্ষসেনোগ্রসেনৌ তু চিত্রসেনশ্চ বীর্যবান্॥ 1-101-42 (4505) ইন্দ্রসেনঃ সুষেণশ্চ ভীমসেনশ্চ নামতঃ। জনমেজয়স্য তনয়া ভুবি খ্যাতা মহাবলাঃ॥ 1-101-43 (4506) ধৃতরাষ্ট্রঃ প্রথমজঃ পাণ্ডুর্বাহ্লীক এব চ। নিষধশ্চ মহাতেজাস্তথা জাম্বূনদো বলী॥ 1-101-44 (4507) কুণ্ডোদরঃ পদাতিশ্চ বসাতিশ্চাষ্টমঃ স্মৃতঃ। সর্বে ধর্মার্থকুশলাঃ সর্বভূতহিতে রতাঃ॥ 1-101-45 (4508) ধৃতরাষ্ট্রোঽথ রাজাসীত্তস্য পুত্রোঽথ কুণ্ডিকঃ। হস্তী বিতর্কঃ ক্রাথশ্চ কুণ্ডিনশ্চাপি পঞ্চমঃ॥ 1-101-46 (4509) হবিশ্রবাস্তথেন্দ্রাভো ভুমন্যুশ্চাপরাজিতঃ। ধৃতরাষ্ট্রসুতানাং তু ত্রীনেতান্প্রথিতান্ভুবি॥ 1-101-47 (4510) প্রতীপং ধর্মনেত্রং চ সুনেত্রং চাপি ভারত। প্রতীপঃ প্রথিতস্তেষাং বভূবাপ্রতিমো ভুবি॥ 1-101-48 (4511) প্রতীপস্য ত্রয়ঃ পুত্রা জজ্ঞিরে ভরতর্ষভ। দেবাপিঃ শন্তনুশ্চৈব বাহ্লীকশ্চ মহারথঃ॥ 1-101-49 (4512) দেবাপিস্তু প্রবব্রাজ তেষাং ধর্মহিতেপ্সয়া। শন্তনুশ্চ মহীং লেভে বাহ্লীকশ্চ মহারথঃ॥ 1-101-50 (4513) ভরতস্যান্বয়াস্ৎবেতে দেবকল্পা মহারথাঃ। বভূবুর্ব্রহ্মকল্পাশ্চ বহবো রাজসত্তমাঃ॥ 1-101-51 (4514) এবংবিধা মহাভাগা দেবরূপাঃ প্রহারিণঃ। অন্ববায়ে মহারাজ ঐলবংশবিবর্ধনাঃ॥ 1-101-52 (4515) `গঙ্গাতীরং সমাগম্য দীক্ষিতো জনমেজয়। অশ্বমেধসহস্রাণি বাজপেয়শতানি চ॥ 1-101-53 (4516) পুনরীজে মহায়জ্ঞৈঃ সমাপ্তবরদক্ষিণৈঃ। অগ্নিষ্টোমাতিরাত্রাণামুক্থানাং সোমবৎপুনঃ॥ 1-101-54 (4517) বাজপেয়েষ্টিসত্রাণাং সহস্রৈশ্চ সুসংভৃতৈঃ। দৃষ্ট্বা শাকুন্তলো রাজা তর্পয়িৎবা দ্বিজান্ধনৈঃ॥ 1-101-55 (4518) পুনঃ সহস্রং পদ্মানাং কণ্বায় ভরতো দদৌ। জম্বূনদস্য শুদ্ধস্য কনকস্য মহায়শাঃ॥ 1-101-56 (4519) যস্য যূপাঃ শতব্যামাঃ পরিণাহেঽথ কাঞ্চনাঃ। সহস্রব্যামমুদ্বৃদ্ধাঃ সেন্দ্রৈর্দেবৈঃ সমুচ্ছ্রিতাঃ॥ 1-101-57 (4520) স্বলঙ্কৃতা ভ্রাজমানাঃ সর্বরত্নৈর্মনোরমৈঃ। হিরণ্যং দ্বিরদানশ্বান্মহিষোষ্ট্রগজাবিকম্॥ 1-101-58 (4521) দাসীদাসং ধনং ধান্যং গাঃ সুশীলাঃ সবৎসকাঃ। ভূমিং যূপসহস্রাঙ্কাং কণ্বায় বহুদক্ষিণাম্॥ 1-101-59 (4522) বহূনাং ব্রহ্মকল্পানাং ধনং দত্ৎবা ক্রতূন্বহূন্। গ্রামান্গৃহাণি শুভ্রাণি কোটিশোথাদদত্তদা॥ 1-101-60 (4523) ভরতাদ্ভারতী কীর্তির্যেনেদং ভারতং কুলম্।' ভরতস্যান্বয়ে জাতা দেবকল্পা মহারথাঃ॥ 1-101-61 (4524) বহবো ব্রহ্মকল্পাশ্চ বভূবুঃ ক্ষত্রসত্তমাঃ। তেষামপরিমেয়ানি নামধেয়ানি সন্ত্যুত॥ 1-101-62 (4525) তেষাং কুলে যথা মুখ্যান্কীর্তয়িষ্যামি ভারত। মহাভাগান্দেবকল্পান্সত্যার্জবপরায়ণান্॥ ॥ 1-101-63 (4526) ইতি শ্রীমন্মহাভারতে আদিপর্বণি সংভবপর্বণি একোত্তরশততমোঽধ্যায়ঃ॥ 101 ॥

1-102-0 (4527) বৈশম্পায়ন উবাচ। 1-102-0x (626) ইক্ষ্বাকুবংশপ্রভো রাজাসীৎপৃথিবীপতিঃ। মহাভিষগিতি খ্যাতঃ সত্যবাক্সত্যবিক্রমঃ॥ 1-102-1 (4528) সোঽশ্বমেধসহস্রেণ রাজসূয়শতেন চ। তোষয়ামাস দেবেশং স্বর্গং লেভে ততঃ প্রভুঃ॥ 1-102-2 (4529) ততঃ কদাচিদ্ব্রহ্মাণমুপাসাংচক্রিরে সুরাঃ। তত্র রাজর্ষয়ো হ্যাসন্স চ রাজা মহাভিষক্॥ 1-102-3 (4530) অথ গঙ্গা সরিচ্ছ্রেষ্ঠা সমুপায়াৎপিতামহম্। তস্যা বাসঃ সমুদ্ধূতং মারুতেন শশিপ্রভম্॥ 1-102-4 (4531) ততোঽভবন্সুরগণাঃ সহসাঽবাঙ্মুখাস্তদা। মহাভিষক্তু রাজর্ষিরশঙ্কো দৃষ্টবান্নদীম্॥ 1-102-5 (4532) সোপধ্যাতো ভগবতা ব্রহ্মণা তু মহাভিষক্। উক্তশ্চ জাতো মর্ত্যেষু পুনর্লোকানবাপ্স্যসি॥ 1-102-6 (4533) যয়া হৃতমনাশ্চাসি গঙ্গয়া ৎবং হি দুর্মতে। সা তে বৈ মানুষে লোকে বিপ্রিয়াণ্যাচরিষ্যতি॥ 1-102-7 (4534) যদা তে ভবিতা মন্যুস্তদা শাপাদ্বিমোক্ষ্যতে। 1-102-8 (4535) বৈশম্পায়ন উবাচ। স চিন্তয়িৎবা নৃপতির্নৃপানন্যাংস্তপোধনান্॥ 1-102-8x (627) প্রতীপং রোচয়ামাস পিতরং ভূরিতেজসম্। সা মহাভিষজং দৃষ্ট্বা নদী দৈর্যাচ্চ্যুতং নৃপম্॥ 1-102-9 (4536) তমেব মনসা ধ্যায়ন্ত্যুপাবৃত্তা সরিদ্বরা। সা তু বিধ্বস্তবপুষঃ কশ্মলাভিহতান্নৃপ॥ 1-102-10 (4537) দদর্শ পথি গচ্ছন্তী বসূন্দেবান্দিবৌকসঃ। তথারূপাংশ্চ তান্দৃষ্ট্বা প্রপচ্ছ সরিতাং বরা॥ 1-102-11 (4538) কিমিদং নষ্টরূপাঃ স্থ কচ্চিৎক্ষেমং দিবৌকসাম্। তামূচুর্বসবো দেবাঃ শপ্তাঃ স্মো বৈ মহানদি॥ 1-102-12 (4539) অল্পেঽপরাধে সংরম্ভাদ্বসিষ্ঠেন মহাত্মনা। বিমূঢা হি বয়ং সর্বে প্রচ্ছন্নমৃষিসত্তমম্॥ 1-102-13 (4540) সন্ধ্যাং বসিষ্ঠমাসীনং তমত্যভিসৃতাঃ পুরা। তেন কোপাদ্বয়ং শপ্তা যোনৌ সংভবতেতি হ॥ 1-102-14 (4541) ন তচ্ছক্যং নিবর্তয়িতুং যদুক্তং ব্রহ্মবাদিনা। ৎবমস্মান্মানুষী ভূৎবা সূষ্ব পুত্রান্বসূন্ভুবি॥ 1-102-15 (4542) ন মানুষীণাং জঠরং প্রবিশেম বয়ং শুভে। ইত্যুক্তা তৈশ্চ বসুভিস্তথেত্যুক্ৎবাঽব্রবীদিদম্॥ 1-102-16 (4543) গঙ্গোবাচ। 1-102-17x (628) মর্ত্যেষু পুরুষশ্রেষ্ঠঃ কো বঃ কর্তা ভবিষ্যতি। 1-102-17 (4544) বসব ঊচুঃ। প্রতীপস্য সুতো রাজা শান্তনুর্লোকবিশ্রুতঃ। ভবিতা মানুষে লোকে স নঃ কর্তা ভবিষ্যতি॥ 1-102-17x (629) গঙ্গোবাচ। 1-102-18x (630) মমাপ্যেবং মতং দেবা যথা মাং বদথানঘাঃ। প্রিয়ং তস্য করিষ্যামি যুষ্মাকং চেতদীপ্সিতম্॥ 1-102-18 (4545) বসব ঊচুঃ। 1-102-19x (631) জাতান্কুমারান্স্বানপ্সু প্রক্ষেপ্তুং বৈ ৎবমর্হসি। যথা নচিরকালং নো নিষ্কৃতিঃ স্যাত্ত্রিলোকগে॥ 1-102-19 (4546) জিঘৃক্ষবো বয়ং সর্বে সুরভিং মন্দবুদ্ধয়ঃ। শপ্তা ব্রহ্মর্ষিণা তেন তাংস্ৎবং মোচয় চাশু নঃ॥ 1-102-20 (4547) গঙ্গোবাচ। 1-102-21x (632) এবমেতৎকরিষ্যামি পুত্রস্তস্য বিধীয়তাম্। নাস্য মোঘঃ সঙ্গমঃ স্যাৎপুত্রহেতোর্ময়া সহ॥ 1-102-21 (4548) বসব ঊচুঃ। 1-102-22x (633) তুরীয়ার্ধং প্রদাস্যামো বীর্যস্যৈকৈকশো বয়ম্। তেন বীর্যেণ পুত্রস্তে ভবিতা তস্য চেপ্সিতঃ॥ 1-102-22 (4549) ন সংপৎস্যতি মর্ত্যেষু পুনস্তস্য তু সন্ততিঃ। তস্মাদপুত্রঃ পুত্রস্তে ভবিষ্যতি স বীর্যবান্॥ 1-102-23 (4550) এবং তে সময়ং কৃৎবা গঙ্গয়া বসবঃ সহ। জগ্মুঃ সংহৃষ্টমনসো যথাসংকল্পমঞ্জসা॥ ॥ 1-102-24 (4551) ইতি শ্রীমন্মহাভারতে আদিপ্রবমি সংভবপর্বণি দ্ব্যধিকশততমোঽধ্যায়ঃ॥ 102 ॥

1-103-0 (4552) বৈশম্পায়ন উবাচ। 1-103-0x (634) ততঃ প্রতীপো রাজাঽঽসীৎসর্বভূতহিতঃ সদা। নিষসাদ সমা বহ্বীর্গঙ্গাদ্বারগতো জপন্॥ 1-103-1 (4553) তস্য রূপগুণোপেতা গঙ্গা স্ত্রীরূপধারিণী। উত্তীর্য সলিলাত্তস্মাল্লোভনীয়তমাকৃতিঃ॥ 1-103-2 (4554) অধীয়ানস্য রাজর্ষের্দিব্যরূপা মনস্বিনী। দক্ষিণং শালসঙ্কাশমূরুং ভেজে শুভাননা॥ 1-103-3 (4555) প্রতীপস্তু মহীপালস্তামুবাচ যশস্বিনীম্। `বাক্যং বাক্যবিদাং শ্রেষ্ঠো ধর্মনিশ্চয়তত্ৎববিৎ।' করোমি কিং তে কল্যাণি প্রিয়ং যত্তেঽভিকাঙ্ক্ষিতম্॥ 1-103-4 (4556) স্ত্র্যুবাচ। 1-103-5x (635) ৎবামহং কাময়ে রাজন্ভজমানাং ভজস্ব মাম্। ত্যাগঃ কামবতীনাং হি স্ত্রীণাং সদ্ভির্বিগর্হিতঃ॥ 1-103-5 (4557) প্রতীপ উবাচ। 1-103-6x (636) নাহং পরস্ত্রিয়ং কামাদ্গচ্ছেদং বরবর্ণিনি। ন চাসবর্ণাং কল্যাণি ধর্ম্যমেতদ্ধি মে ব্রতম্॥ 1-103-6 (4558) `যঃ স্বদারান্পরিত্যজ্য পারক্যাং সেবতে স্ত্রিয়ম্। নিরয়ান্নৈব মুচ্যতে যাবদাভূতসংপ্লবম্॥' 1-103-7 (4559) স্ত্র্যুবাচ। 1-103-8x (637) নাশ্রেয়স্যস্মি নাগম্যা ন বক্তব্যা চ কর্হিচিৎ। ভজন্তীং ভজ মাং রাজন্দিব্যাং কন্যাং বরস্ত্রিয়ম্॥ 1-103-8 (4560) প্রতীপ উবাচ। 1-103-9x (638) ৎবয়া নিবৃত্তমেতত্তু যন্মাং চোদয়সি প্রিয়ম্। অন্যথা প্রতিপন্নং মাং নাশয়েদ্ধর্মবিপ্লবঃ॥ 1-103-9 (4561) প্রাপ্য দক্ষিণমূরুং মে ৎবমাশ্লিষ্টা বরাঙ্গনে। অপত্যানাং স্নুষাণাং চ ভীরু বিদ্ধ্যেতদাসনম্॥ 1-103-10 (4562) সব্যোরুঃ কামিনীভোগ্যস্ৎবয়া স চ বিবর্জিতঃ। তস্মাদহং নাচরিষ্যে ৎবয়ি কামং বরাঙ্গনে॥ 1-103-11 (4563) স্নুষা মে ভব সুশ্রোণি পুত্রার্থং ৎবাং বৃণোম্যহম্। স্নুষাপক্ষং হি বামোরু ৎবমাগম্য সমাশ্রিতা॥ 1-103-12 (4564) স্ত্র্যুবাচ। 1-103-13x (639) এবমপ্যস্তু ধর্মজ্ঞ সংয়ুজ্যেয়ং সুতেন তে। ৎবদ্ভক্ত্যা তু ভজিষ্যামি প্রখ্যাতং ভারতং কুলম্॥ 1-103-13 (4565) পৃথিব্যাং পার্থিবা যে চ তেষাং যূয়ং পরায়ণম্। গুণা ন হি ময়া শক্যা বক্তুং বর্ষশতৈরপি॥ 1-103-14 (4566) কুলস্য যে বঃ প্রথিতাস্তৎসাধুৎবমথোত্তমম্। সময়েনেহ ধর্মজ্ঞ আচরেয়ং চ যদ্বিভো॥ 1-103-15 (4567) তৎসর্বমেব পুত্রস্তে ন মীমাংসেত কর্হিচিৎ। এবং বসন্তী পুত্রে তে বর্ধয়িষ্যাম্যহং রতিম্॥ 1-103-16 (4568) পুত্রৈঃ পুণ্যৈঃ প্রিয়ৈশ্চৈব স্বর্গং প্রাপ্স্যতি তে সুতঃ। 1-103-17 (4569) বৈশম্পায়ন উবাচ। তথেত্যুক্ৎবা তু সা রাজংস্তত্রৈবান্তরধীয়ত। `অদৃশ্যা রাজসিংহস্য পশ্যতঃ সাঽভবত্তদা॥' 1-103-17x (640) পুত্রজন্ম প্রতীক্ষন্বৈ স রাজা তদধারয়ৎ। এতস্মিন্নেব কালে তু প্রতীপঃ ক্ষত্রিয়র্ষভঃ॥ 1-103-18 (4570) তপস্তেপে সুতস্যার্থে সভার্যঃ কুরুনন্দন। `প্রতীপস্য তু ভার্যায়াং গর্ভঃ শ্রীমানবর্ধত॥ 1-103-19 (4571) শ্রিয়া পরময়া যুক্তঃ শরচ্ছুক্লে যথা শশী। ততস্তু দশমে মাসি প্রাজায়ত রবিপ্রভম্॥ 1-103-20 (4572) কুমারং দেবগর্ভাভং প্রতীপমহিষী তদা।' তয়োঃ সমভবৎপুত্রো বৃদ্ধয়োঃ স মহাভিষক্॥ 1-103-21 (4573) শান্তস্য জজ্ঞে সন্তানস্তস্মাদাসীৎস শান্তনুঃ। `তস্য জাতস্য কৃত্যানি প্রতীপোঽকারয়ৎপ্রভুঃ॥ 1-103-22 (4574) জাতকর্মাদি বিপ্রেণ বেদোক্তৈঃ কর্মভিস্তদা। নামকর্ম চ বিপ্রাস্তু চক্রুঃ পরমসৎকৃতম্॥ 1-103-23 (4575) শান্তনোরবনীপাল বেদোক্তৈঃ কর্মভিস্তদা। ততঃ সংবর্ধিতো রাজা শান্তনুর্লোকধার্মিকঃ॥ 1-103-24 (4576) স তু লেভে পরাং নিষ্ঠাং প্রাপ্য ধর্মভৃতাং বরঃ। ধনুর্বেদে চ বেদে চ গতিং স পরমা গতঃ॥ 1-103-25 (4577) যৌবনং চাপি সংপ্রাপ্তঃ কুমারো বদতাং বরঃ।' সংস্মরংশ্চাক্ষয়াঁল্লোকান্বিজাতান্স্বেন কর্মণা॥ 1-103-26 (4578) পুণ্যকর্মকৃদেবাসীচ্ছান্তনুঃ কুরুসত্তমঃ। প্রতীপঃ শান্তনুং পুত্রং যৌবনস্থং ততোঽন্বশাৎ॥ 1-103-27 (4579) পুরা স্ত্রী মাং সমভ্যাগাচ্ছান্তনো ভূতয়ে তব। ৎবামাব্রজেদ্যদি রহঃ সা পুত্র বরবর্ণিনী॥ 1-103-28 (4580) কাময়ানাঽভিরূপাঢ্যা দিব্যস্ত্রী পুত্রকাম্যযা। সা ৎবয়া নানুয়োক্তব্যা কাসি কস্যাসি চাঙ্গনে॥ 1-103-29 (4581) যচ্চ কুর্যান্ন তৎকর্ম সা প্রষ্টব্যা ৎবয়াঽনঘ। সন্নিয়োগাদ্ভজন্তীং তাং ভজেথা ইত্যুবাচ তম্॥ 1-103-30 (4582) এবং সংদিশ্য তনয়ং প্রতীপঃ শান্তনুং তদা। স্বে চ রাজ্যেঽভিষিচ্যৈনং বনং রাজা বিবেশ হ॥ 1-103-31 (4583) স রাজা শান্তনুর্ধীমান্দেবরাজসমদ্যুতিঃ। `বভূব সর্বলোকস্য সত্যবাগিতি সংমতঃ॥ 1-103-32 (4584) পীনস্কন্ধো মহাবাহুর্মত্তবারণবিক্রমঃ। অন্বিতঃ পরিপূর্ণার্থৈঃ সর্বৈর্নৃপতিলক্ষণৈঃ॥ 1-103-33 (4585) অমাত্যলক্ষণোপেতঃ ক্ষত্রধর্মবিশেষবিৎ। বশে চক্রে মহীমেকো বিজিত্য বসুধাধিপান্॥ 1-103-34 (4586) বেদানাগময়ৎকৃৎস্নান্রাজধর্মাংশ্চ সর্বশঃ। ঈজে চ বহুভিঃ সত্রৈঃ ক্রতুভির্ভূরিদক্ষিণৈঃ॥ 1-103-35 (4587) তর্পয়ামাস বিপ্রাংশ্চ বেদাধ্যযনকোবিদান্। রত্নৈরুচ্চাবচৈর্গোভির্গ্রামৈরশ্বৈর্ধনৈরপি॥ 1-103-36 (4588) বয়োরূপেণ সংপন্নঃ পৌরুষেণ বলেন চ। ঐশ্বর্যেণ প্রতাপেন বিক্রমেণ ধনেন চ॥ 1-103-37 (4589) বর্তমানশ্চ সত্যেন সর্বধর্মবিশারদঃ। তং মহীপং মহীপালা রাজরাজমকুর্বত॥ 1-103-38 (4590) বীতশোকভয়াবাধাঃ সুখস্বপ্নপ্রবোধাঃ। শ্রিয়া ভরতশার্দূল সমপদ্যন্ত ভূমিপাঃ॥ 1-103-39 (4591) নিয়মৈঃ সর্ববর্ণানাং ব্রহ্মোত্তরমবর্তত। ব্রাহ্মণাভিমুখং ক্ষত্রং ক্ষত্রিয়াভিমুখা বিশঃ॥ 1-103-40 (4592) ব্রহ্মক্ষত্রানুকূলাংশ্চ শূদ্রাঃ পর্যচরন্বিশঃ। এবং পশুবরাহাণাং তথৈব মৃগপক্ষিণাম্॥ 1-103-41 (4593) শান্তনাবথ রাজ্যস্থে নাবর্তত বৃথা বধঃ। অসুখানামনাথানাং তির্যগ্যোনিষু বর্ততাম্॥ 1-103-42 (4594) স এব রাজা সর্বেষাং ভূতানামভবৎপিতা। স হস্তিনাম্নি ধর্মাত্মা বিহরন্কুরুনন্দনঃ॥ 1-103-43 (4595) তেজসা সূর্যকল্পোঽভূদ্বায়ুনা চ সমো বলে। অন্তকপ্রতিমঃ কোপে ক্ষময়া পৃথিবীসমঃ॥ 1-103-44 (4596) বভূব রাজা সুমতিঃ প্রজানাং সত্যবিক্রমঃ। স বনেষু চ রম্যেষু শৈলপ্রস্রবণেষু চ॥' 1-103-45 (4597) চচার মৃগয়াশীলঃ শান্তনুর্বনগোচরঃ। স মৃগান্মহিষাংশ্চৈব বিনিঘ্নন্রাজসত্তমঃ॥ 1-103-46 (4598) গঙ্গামনু চচারৈকঃ সিদ্ধচারণসেবিতাম্। স কদাচিন্মহারাজ দদর্শ পরমাং স্ত্রিয়ম্॥ 1-103-47 (4599) জাজ্বল্যমানাং বপুষা সাক্ষাচ্ছ্রিয়মিবাপরাম্। সর্বানবদ্যাং সুদতীং দিব্যাভরণভূষিতাম্॥ 1-103-48 (4600) সূক্ষ্মাম্বরধরামেকাং পদ্মোদরসমপ্রভাম্। `স্নাতগাত্রাং ধৌতবস্ত্রাং গঙ্গাতীররুহে বনে॥ 1-103-49 (4601) প্রকীর্ণকেশীং পাণিভ্যাং সংস্পৃশন্তীং শিরোরুহান্। রূপেণ বয়সা কান্ত্যা শরীরাবয়বৈস্তথা॥ 1-103-50 (4602) হাবভাববিলাসৈশ্চ লোচনাঞ্চলবিক্রিয়ৈঃ। শ্রোণীভারেণ মধ্যেন স্তনাভ্যামুরসা দৃশা॥ 1-103-51 (4603) কবরীভরেণ পাদাভ্যামিঙ্গিতেন স্মিতেন চ। কোকিলালাপসংল্লাপৈর্ন্যক্কুর্বন্তীং ত্রিলোকগাম্॥ 1-103-52 (4604) বাণীং চ গিরিজাং লক্ষ্মীং যোষিতোন্যাঃ সুরাঙ্গনাঃ। সা চ শান্তনুমব্যাগাদলক্ষ্মীমপকর্ষতী॥' 1-103-53 (4605) তাং দৃষ্ট্বা হৃষ্টরোমাঽভূদ্বিস্মিতো রূপসংপদা। পিবন্নিব চ নেত্রাভ্যাং নাতৃপ্যত নরাধিপঃ॥ 1-103-54 (4606) সা চ দৃষ্ট্বৈব রাজানং বিচরন্তং মহাদ্যুতিম্। স্নেহাদাগতসৌহার্দা নাতৃপ্যত বিলাসিনী॥ 1-103-55 (4607) `গঙ্গা কামেন রাজানং প্রেক্ষমাণা বিলাসিনী। চঞ্চূর্যতাগ্রতস্তস্য কিন্নরীবাপ্সরোপমা॥ 1-103-56 (4608) দৃষ্ট্বা প্রহৃষ্টরূপোঽভূদ্দর্শনাদেব শান্তনুঃ। রূপেণাতীত্য তিষ্ঠন্তীং সর্বা রাজন্যযোষিতঃ॥' 1-103-57 (4609) তামুবাচ ততো রাজা সান্ৎবয়ঞ্শ্লক্ষ্ণয়া গিরা। দেবী বা দানবী বা ৎবং গন্ধর্বী চাথবাঽপ্সরাঃ॥ 1-103-58 (4610) যক্ষী বা পন্নগী বাঽপি মানুষী বা সুমধ্যমে। `যাঽসি কাঽসি সুরপ্রখ্যে মহিষী মে ভবানঘে॥ 1-103-59 (4611) ৎবাং গতা হি মম প্রামা বসু যন্মেঽস্তি কিংচন।' যাচে ৎবাং সুরগর্ভাভে ভার্যা মে ভব শোভনে॥ ॥ 1-103-60 (4612) ইতি শ্রীমন্মহাভারতে আদিপর্বণি সংভবপর্বণি ত্র্যধিকশততমোঽধ্যায়ঃ॥ 103 ॥

1-104-0 (4613) বৈশম্পায়ন উবাচ। 1-104-0x (641) এতচ্ছ্রুৎবা বচো রাজ্ঞঃ সস্মিতং মৃদু বল্গু চ। যশস্বিনী চ সাঽগচ্ছচ্ছান্তনোর্ভূতয়ে তদা॥ 1-104-1 (4614) সা তু দৃষ্ট্বা নৃপশ্রেষ্ঠং চরন্তং তীরমাশ্রিতম্। বসূনাং সময়ং স্মৃৎবাঽথাভ্যগচ্ছদনিন্দিতা॥ 1-104-2 (4615) প্রজার্থিনী রাজপুত্রং শান্তনুং পৃথিবীপতিম্। প্রতীপবচনং চাপি সংস্মৃত্যৈব স্বয়ং নৃপম্॥ 1-104-3 (4616) কালোঽয়মিতি মৎবা সা বসূনাং শাপচোদিতা। উবাচ চৈব রাজ্ঞঃ সা হ্লাদয়ন্তী মনো গিরা॥ 1-104-4 (4617) গঙ্গোবাচ। 1-104-5x (642) ভবিষ্যামি মহীপাল মহিষী তে বশানুগা। ন তু ৎবং বা দ্বিতীয়ো বা জ্ঞাতুমিচ্ছেৎকথংচন॥ 1-104-5 (4618) যত্তু কুর্যামহং রাজঞ্শুভং বা যদি বাঽশুভম্। ন তদ্বারয়িতব্যাঽস্মি ন বক্তব্যা তথাঽপ্রিয়ম্॥ 1-104-6 (4619) এবং হি বর্তমানেঽহং ৎবয়ি বৎস্যামি পার্থিব। বারিতা বিপ্রিয়ং চোক্তা ত্যজেয়ং ৎবামসংশয়ম্॥ 1-104-7 (4620) এষ মে সময়ো রাজন্ভজ মাং ৎবং যথেপ্সিতম্। অনুনীতাঽস্মি তে পিত্রা ভর্তা মে ৎবং ভব প্রভো॥ 1-104-8 (4621) বৈশম্পায়ন উবাচ। 1-104-9x (643) তথেতি সা যদা তূক্তা তদা ভরতসত্তম। প্রহর্ষমতুলং লেভে প্রাপ্য তং পার্থিবোত্তমম্॥ 1-104-9 (4622) প্রতিজ্ঞায় তু তত্তস্যাস্তথেতি মনুজাধিপঃ। রথমারোপ্য তাং দেবীং জগাম স তয়া সহ॥ 1-104-10 (4623) সা চ শান্তনুমভ্যাগাৎসাক্ষাল্লক্ষ্মীরিবাপরা। আসাদ্য শান্তনুস্তাং চ বুভুজে কামতো বশী॥ 1-104-11 (4624) ন প্রষ্টব্যেতি মন্বানো ন স তাং কিংচিদূচিবান্। স তস্যাঃ শীলবৃত্তেন রূপৌদার্যগুণেন চ॥ 1-104-12 (4625) উপচারেণ চ রহস্তুতোষ জগতীপতিঃ। স রাজা পরমপ্রীতঃ পরমস্ত্রীপ্রলালিতঃ॥ 1-104-13 (4626) দিব্যরূপা হি সা দেবী গঙ্গা ত্রিপথগামিনী। মানুষং বিগ্রহং কৃৎবা শ্রীমন্তং বরবর্ণিনী॥ 1-104-14 (4627) ভাগ্যোপনতকামস্য ভার্যা চোপনতাঽভবৎ। শন্তনোর্নৃপসিংহস্য দেবরাজসমদ্যুতেঃ॥ 1-104-15 (4628) সংভোগস্নেহচাতুর্যৈর্হাবলাস্যৈর্মনোহরৈঃ। রাজানং রময়ামাস যথা রজ্যেত স প্রভুঃ॥ 1-104-16 (4629) স রাজা রতিসক্তোঽভূদুত্তমস্ত্রীগুণৈর্হৃতঃ॥ ॥ 1-104-17 (4630) ইতি শ্রীমন্মহাভারতে আদিপর্বণি সংভবপর্বণি চতুরধিকশততমোঽধ্যায়ঃ॥ 104 ॥

1-105-0 (4631) বৈশম্পায়ন উবাচ। 1-105-0x (644) সংবৎসরানৃতূন্মাসান্বুবুধে ন বহূন্গতান্। রমমাণস্তয়া সার্ধং যথাকামং নরেশ্বরঃ॥ 1-105-1 (4632) `দিবিষ্ঠান্মানুষাংশ্চৈব ভোগান্ভুঙ্ক্তে স বৈ নৃপঃ।' আসাদ্য শান্তনুঃ শ্রীমান্মুমুদে যোষিতাং বরাম্॥ 1-105-2 (4633) ঋতুকালে তু সা দেবী দিব্যং গর্ভমধারয়ৎ। অষ্টাবজনয়ৎপুত্রাংস্তস্মাদমরসন্নিভান্॥ 1-105-3 (4634) জাতং জাতং চ সা পুত্রং ক্ষিপত্যম্যসি ভারত। সূতকে কণ্ঠমাক্রম্য তান্নিনায় যমক্ষয়ম্॥ 1-105-4 (4635) প্রীণাম্যহং ৎবামিত্যুক্ৎবা গঙ্গাস্রোতস্যমজ্জয়ৎ। তস্য তন্ন প্রিয়ং রাজ্ঞঃ শান্তনোরভবত্তদা॥ 1-105-5 (4636) ন চ তাং কিংচনোবাচ ত্যাগাদ্ভীতো মহীপতিঃ। `অমীমাংস্যা কর্ময়োনিরাগমশ্চেতি শান্তনুঃ॥ 1-105-6 (4637) স্মরন্পিতৃবচশ্চৈব নাপৃচ্ছৎপুত্রকিল্বিষম্। জাতাঞ্জাতাংশ্চ বৈ হন্তি সা স্ত্রী সপ্ত বরান্সুতান্॥ 1-105-7 (4638) শান্তনুর্ধর্মভঙ্গাচ্চ নাপৃচ্ছত্তাং কথংচন। অষ্টমং তু জিঘাংসন্ত্যাং চুক্ষুভে শান্তনোর্ধৃতিঃ॥' 1-105-8 (4639) অথৈনামষ্টমে পুত্রে জাতে প্রহসতীমিব। উবাচ রাজা দুঃখার্তঃ পরীপ্সন্পুত্রমাত্মনঃ॥ 1-105-9 (4640) `আলভন্তীং তদা দৃষ্ট্বা তাং স কৌরবনন্দনঃ। অব্রবীদ্ভরতশ্রেষ্ঠো বাক্যং পরমদুঃখিতঃ॥' 1-105-10 (4641) মাবধীঃ কস্য কাঽসীতি কিং হিনৎসি সুতানিতি। পুত্রঘ্নি সুমহৎপাপং সংপ্রাপ্তং তে সুগর্হিতম্॥ 1-105-11 (4642) গঙ্গোবাচ। 1-105-12x (645) পুত্রকাম ন তে হন্মি পুত্রং পুত্রবতাং বর। জীর্ণস্তু মম বাসোঽয়ং যথা স সময়ঃ কৃতঃ॥ 1-105-12 (4643) অহং গঙ্গা জহ্নুসুতা মহর্ষিগণসেবিতা। দেবকার্যার্থসিদ্ধ্যর্থমুষিতাঽহং ৎবয়া সহ॥ 1-105-13 (4644) ইমেঽষ্টৌ বসবো দেবা মহাভাগা মহৌজসঃ। বসিষ্ঠশাপদোষেণ মানুষৎবমুপাগতাঃ॥ 1-105-14 (4645) তেষাং জনয়িতা নান্যস্ৎবদৃতে ভুবি বিদ্যতে। মদ্বিধা মানুষী ধাত্রী লোকে নাস্তীহ কাচন॥ 1-105-15 (4646) তস্মাত্তজ্জননীহেতোর্মানুষৎবমুপাগতা। জনয়িৎবা বসূনষ্টৌ জিতা লোকাস্ৎবয়াঽক্ষয়াঃ॥ 1-105-16 (4647) দেবানাং সময়স্ৎবেষ বসূনাং সংশ্রুতো ময়া। জাতং জাতং মোক্ষয়িষ্যে জন্মতো মানুষাদিতি॥ 1-105-17 (4648) তত্তে শাপাদ্বিনির্মুক্তা আপবস্য মহাত্মনঃ। স্বস্তি তেস্তু গমিষ্যামি পুত্রং পাহি মহাব্রতম্॥ 1-105-18 (4649) `অয়ং তব সুতস্তেষাং বীর্যেণ কুলনন্দনঃ। সংভূতোতিজনং কর্ম করিষ্যতি ন সংশয়ঃ॥' 1-105-19 (4650) এষ পর্যায়বাসো মে বসূনাং সন্নিধৌ কৃতঃ। মৎপ্রসূতিং বিজানীহি গঙ্গাদত্তমিমং সুতম্॥ ॥ 1-105-20 (4651) ইতি শ্রীমন্মহাভারতে আদিপর্বণি সংভবপর্বণি পঞ্চাধিকশততমোঽধ্যায়ঃ॥ 105 ॥

1-106-0 (4652) শান্তনুরুবাচ। 1-106-0x (646) আপবো নাম কোন্বেষ বসূনাং কিং চ দুষ্কৃতম্। `শশাপ যস্মাৎকল্যাণি স বসূংশ্চারুদর্শনে।' যস্যাভিশাপাত্তে সর্বে মানুষীং যোনিমাগতাঃ॥ 1-106-1 (4653) অনেন চ কুমারেণ ৎবয়া দত্তেন কিং কৃতম্। যস্য চৈব কৃতেনায়ং মানুষেষু নিবৎস্যতি॥ 1-106-2 (4654) ঈশা বৈ সর্বলোকস্য বসবস্তে চ বৈ কথম্। মানুষেষূদপদ্যন্ত তন্মমাচক্ষ্ব জাহ্নবি॥ 1-106-3 (4655) বৈশম্পায়ন উবাচ। 1-106-4x (647) এবমুক্তা তদা গঙ্গা রাজানমিদমব্রবীৎ। ভর্তারং জাহ্নবী দেবী শান্তনুং পুরুষর্ষভ॥ 1-106-4 (4656) গঙ্গোবাচ। 1-106-5x (648) যং লেভে বরুণঃ পুত্রং পুরা ভরতসত্তম। বসিষ্ঠনামা স মুনিঃ খ্যাত আপব ইত্যুত॥ 1-106-5 (4657) তস্যাশ্রমপদং পুণ্যং মৃগপক্ষিসমন্বিতম্। মেরোঃ পার্শ্বে নগেন্দ্রস্য সর্বর্তুকুসুমাবৃতম্॥ 1-106-6 (4658) স বারুণিস্তপস্তেপে তস্মিন্ভরতসত্তম। বনে পুণ্যকৃতাং শ্রেষ্ঠঃ স্বাদুমূলফলোদকে॥ 1-106-7 (4659) দক্ষস্য দুহিতা যা তু সুরভীত্যভিশব্দিতা। গাং প্রজাতা তু সা দেবী কশ্যপাদ্ভরতর্ষভ॥ 1-106-8 (4660) অনুগ্রহার্থং জগতঃ সর্বকামদুহাং বরাম্। তাং লেভে গাং তু ধর্মাত্মা হোমধেনুং স বারুণিঃ॥ 1-106-9 (4661) সা তস্মিংস্তাপসারণ্যে বসন্তী মুনিসেবিতে। চচার পুণ্যে রম্যে চ গৌরপেতভয়া তদা॥ 1-106-10 (4662) অথ তদ্বনমাজগ্মুঃ কদাচিদ্ভরতর্ষভ। পৃথ্বাদ্যা বসবঃ সর্বে দেবা দেবর্ষিসেবিতম্॥ 1-106-11 (4663) তে সদারা বনং তচ্চ ব্যচরন্ত সমন্ততঃ। রেমিরে রমণীয়েষু পর্বতেষু বনেষু চ॥ 1-106-12 (4664) তত্রৈকস্যাথ ভার্যা তু বসোর্বাসববিক্রম। সংচরন্তী বনে তস্মিন্গাং দদর্শ সুমধ্যমা॥ 1-106-13 (4665) নন্দিনীং নাম রাজেন্দ্র সর্বকামধুগুত্তমাম্। সা বিস্ময়সমাবিষ্টা শীলদ্রবিণসংপদা॥ 1-106-14 (4666) দ্যবে বৈ দর্শয়ামাস তাং গাং গোবৃষভেক্ষণ। আপীনাং চ সুদোগ্ধ্রীং চ সুবালধিখুরাং শুভাং॥ 1-106-15 (4667) উপপন্নাং গুণৈঃ সর্বৈঃ শীলেনানুত্তমেন চ। এবংগুণসমায়ুক্তাং বসবে বসুনন্দিনী॥ 1-106-16 (4668) দর্শয়ামাস রাজেন্দ্র পুরা পৌরবনন্দন। দ্যৌস্তদা তাং তু দৃষ্ট্বৈব গাং গজেন্দ্রেন্দ্রবিক্রম॥ 1-106-17 (4669) উবাচ রাজংস্তাং দেবীং তস্যা রূপগুণান্বদন্। এষা গৌরুত্তমা দেবী বারুণেরসিতেক্ষণা॥ 1-106-18 (4670) ঋষেস্তস্য বরারোহে যস্যেদং বনমুত্তমম্। অস্যাঃ ক্ষীরং পিবেন্মর্ত্যঃ স্বাদু যো বৈ সুমধ্যমে॥ 1-106-19 (4671) দশবর্ষসহস্রাণি স জীবেৎস্থিরয়ৌবনঃ। 1-106-20 (4672) বৈশম্পায়ন উবাচ। এতচ্ছ্রুৎবা তু সা দেবী নৃপোত্তম সুমধ্যমা॥ 1-106-20x (649) তমুবাচানবদ্যাঙ্গী ভর্তারং দীপ্ততেজসম্। অস্তি মে মানুষে লোকে নরদেবাত্মজা সখী॥ 1-106-21 (4673) নাম্নাজিতবতী নাম রূপয়ৌবনশালিনী। উশীনরস্য রাজর্ষেঃ সত্যসন্ধস্য ধীমতঃ॥ 1-106-22 (4674) দুহিতা প্রথিতা লোকে মানুষে রূপসংপদা। তস্যা হেতোর্মহাভাগ সবৎসাং গাং মমেপ্সিতাম্॥ 1-106-23 (4675) আনয়স্বামরশ্রেষ্ঠ ৎবরিতং পুণ্যবর্ধন। যাবদস্যাঃ পয়ঃ পীৎবা সা সখী মম মানদ॥ 1-106-24 (4676) মানুষেষু ভবৎবেকা জরারোগবিবর্জিতা। এতন্মম মহাভাগ কর্তুমর্হস্যনিন্দিত॥ 1-106-25 (4677) প্রিয়াৎপ্রিয়তরং হ্যস্মান্নাস্তি মেঽন্যৎকথংচন। এতচ্ছ্রুৎবা বচস্তস্যা দেব্যাঃ প্রিয়চিকীর্ষয়া॥ 1-106-26 (4678) পৃথ্বাদ্যৈর্ভ্রাতৃভিঃ সার্ধং দ্যৌস্তদা তাং জহার গাম্। তয়া কমলপত্রাক্ষ্যা নিয়ুক্তো দ্যৌস্তদা নৃপ॥ 1-106-27 (4679) ঋষেস্তস্য তপস্বীব্রং ন শশাক নিরীক্ষিতুম্। হৃতা গৌঃ সা তদা তেন প্রপাতস্তু ন তর্কিতঃ॥ 1-106-28 (4680) অথাশ্রমপদং প্রাপ্তঃ ফলান্যাদায় বারুণিঃ। ন চাপশ্যৎস গাং তত্র সবৎসাং কাননোত্তমে॥ 1-106-29 (4681) ততঃ স মৃগয়ামাস বনে তস্মিংস্তপোধনঃ। নাধ্যাগমচ্চ মৃগয়ংস্তাং গাং মুনিরুদারধীঃ॥ 1-106-30 (4682) জ্ঞাৎবা তথাঽপনীতাং তাং বসুভির্দিব্যদর্শনঃ। যয়ৌ ক্রোধবশং সদ্যঃ শশাপ চ বসূংস্তদা॥ 1-106-31 (4683) যস্মান্মে বসবো জহ্রুর্গাং বৈ দোগ্ধ্রীং সুবালধিম্। তস্মাৎসর্বে জনিষ্যন্তি মানুষেষু ন সংশয়ঃ॥ 1-106-32 (4684) এবং শশাপ ভগবান্বসূংস্তান্ভরতর্ষভ। বশং ক্রোধস্য সংপ্রাপ্ত আপবো মুনিসত্তমঃ॥ 1-106-33 (4685) শপ্ৎবা চ তান্মহাভাগস্তপস্যেব মনো দধে। এবং স শপ্তবান্রাজন্বসূনষ্টৌ তপোধনঃ॥ 1-106-34 (4686) মহাপ্রভাবো ব্রহ্মর্ষির্দেবান্ক্রোধসমন্বিতঃ। `এবং শপ্তাস্ততস্তেন মুনিনা যামুনেন বৈ॥ 1-106-35 (4687) অষ্টৌ সমস্তা বংসবো দিবো দোষেণ সত্তম।' অথাশ্রমপদং প্রাপ্তাস্তে বৈ ভূয়ো মহাত্মনঃ॥ 1-106-36 (4688) শপ্তাঃ স্ম ইতি জানন্ত ঋষিং তমুপচক্রমুঃ। প্রসাদয়ন্তস্তমৃষিং বসবঃ পার্থিবর্ষভ॥ 1-106-37 (4689) লেভিরে ন চ তস্মাত্তে প্রসাদমৃষিসত্তমাৎ। আপবাৎপুরুষব্যাঘ্র সর্বধর্মবিশারদাৎ॥ 1-106-38 (4690) উবাচ চ স ধর্মাত্মা শপ্তা যূয়ং ধরাদয়ঃ। অনুসংবৎসরাৎসর্বে শাপমোক্ষমবাপ্স্যথ॥ 1-106-39 (4691) অয়ং তু যৎকৃতে যূয়ং ময়া শপ্তাঃ স বৎস্যতি। দ্যৌস্তদা মানুষে লোকে দীর্ঘকালং স্বকর্মণঃ॥ 1-106-40 (4692) নানৃতং তচ্চিকীর্ষামি ক্রুদ্ধো যুষ্মান্যদব্রুবম্। ন প্রজাস্যতি চাপ্যেষ মানুষেষু মহামনাঃ॥ 1-106-41 (4693) ভবিষ্যতি চ ধর্মাত্মা সর্বশাস্ত্রবিশারদঃ। পিতুঃ প্রিয়হিতে যুক্তঃ স্ত্রীভোগান্বর্জয়িষ্যতি॥ 1-106-42 (4694) এবমুক্ৎবা বসূন্সর্বান্সজগাম মহানৃষিঃ। ততো মামুপজগ্মুস্তে সমেতা বসবস্তদা॥ 1-106-43 (4695) অয়াচন্ত চ মাং রাজন্বরং তচ্চ ময়া কৃতম্। জাতাঞ্জাতান্প্রক্ষিপাস্মান্স্বয়ং গঙ্গে ৎবমম্ভসি॥ 1-106-44 (4696) এবং তেষামহং সম্যক্ শপ্তানাং রাজসত্তম। মোক্ষার্থং মানুষাল্লোকাদ্যথাবৎকৃতবত্যহম্॥ 1-106-45 (4697) অয়ং শাপাদৃষেস্তস্য এক এব নৃপোত্তম। দ্যৌ রাজন্মানুষে লোকে চিরং বৎস্যতি ভারত॥ 1-106-46 (4698) অয়ং কুমারঃ পুত্রস্তে বিবৃদ্ধঃ পুনরেষ্যতি। অহং চ তে ভবিষ্যামি আহ্বানোপগতা নৃপ॥ 1-106-47 (4699) বৈশম্পায়ন উবাচ। 1-106-48x (650) এতদাখ্যায় সা দেবী তত্রৈবান্তরধীয়ত। আদায় চ কুমারং তং জগামাথ যথেপ্সিতম্॥ 1-106-48 (4700) স তু দেবব্রতো নাম গাঙ্গেয় ইতি চাভবৎ। দ্যুনামা শান্তনোঃ পুত্রঃ শান্তনোরধিকো গুণৈঃ॥ 1-106-49 (4701) শান্তনুশ্চাপি শোকার্তো জগাম স্বপুরং ততঃ। তস্যাহং কীর্তয়িষ্যামি শান্তনোরধিকান্গুণান্॥ 1-106-50 (4702) মহাভাগ্যং চ নৃপতের্ভারতস্য মহাত্মনঃ। যস্যেতিহাসো দ্যুতিমান্মহাভারতমুচ্যতে॥ ॥ 1-106-51 (4703) ইতি শ্রীমন্মহাভারতে আদিপর্বণি সংভবপর্বণি ষডধিকশততমোঽধ্যায়ঃ॥ 106 ॥

1-107-0 (4704) বৈশম্পায়ন উবাচ। 1-107-0x (651) স রাজা শান্তনুর্ধীমান্দেবরাজর্ষিসৎকৃতঃ। ধর্মাত্মা সর্বলোকেষু সত্যবাগিতি বিশ্রুতঃ॥ 1-107-1 (4705) শান্তনোঃ কীর্তয়িষ্যামি সর্বানেব গুণানহম্। দমো দানং ক্ষমা বুদ্ধির্হ্রীর্ধৃতিস্তেজ উত্তমম্। নিত্যান্যাসন্মহাসৎবে শান্তনৌ পুরুষর্ষভে॥ 1-107-2 (4706) এবং স গুণসংপন্নো ধর্মার্থকুশলো নৃপঃ। আসীদ্ভরতবংশস্য গোপ্তা সর্বজনস্য চ॥ 1-107-3 (4707) কম্বুগ্রীবঃ পৃথুব্যংসো মত্তবারণবিক্রমঃ। অন্বিতঃ পরিপূর্ণার্থৈঃ সর্বৈর্নৃপতিলক্ষণৈঃ॥ 1-107-4 (4708) তস্য কীর্তিমতো বৃত্তমবেক্ষ্য সততং নরাঃ। ধর্ম এব পরঃ কামাদর্থাচ্চেতি ব্যবস্থিতঃ॥ 1-107-5 (4709) এবমাসীন্মহাসৎবঃ শান্তনুর্ভরতর্ষভ। ন চাস্য সদৃশঃ কশ্চিদ্ধর্মতঃ পার্থিবোঽভবৎ॥ 1-107-6 (4710) বর্তমানং হি ধর্মেষু সর্বধর্মভৃতাং বরম্। তং মহীপা মহীপালং রাজরাজ্যেঽভ্যষেচয়ন্॥ 1-107-7 (4711) বীতশোকভয়াবাধাঃ সুখস্বপ্ননিবোধনাঃ। পতিং ভারতগোপ্তারং সমপদ্যন্ত ভূমিপাঃ॥ 1-107-8 (4712) তেন কীর্তিমতা শিষ্টাঃ শক্রপ্রতিমতেজসা। যজ্ঞদানক্রিয়াশীলাঃ সমপদ্যন্ত ভূমিপাঃ॥ 1-107-9 (4713) শান্তনুপ্রমুখৈর্গুপ্তে লোকে নৃপতিভিস্তদা। নিয়মাৎসর্ববর্ণানাং ধর্মোত্তরমবর্তত॥ 1-107-10 (4714) ব্রহ্ম পর্যচরৎক্ষত্রং বিশঃ ক্ষত্রমনুব্রতাঃ। ব্রহ্মক্ষত্রানুরক্তাশ্চ শূদ্রাঃ পর্যচরন্বিশঃ॥ 1-107-11 (4715) স হাস্তিনপুরে রম্যে কুরূণাং পুটভেদনে। বসন্সাগরপর্যন্তামন্বশাসদ্বসুন্ধরাম্॥ 1-107-12 (4716) স দেবরাজসদৃশো ধর্মজ্ঞঃ সত্যবাগৃজুঃ। দানধর্মতপোয়োগাচ্ছ্রিয়া পরময়া যুতঃ॥ 1-107-13 (4717) অরাগদ্বেষসংয়ুক্তঃ সোমবৎপ্রিয়দর্শনঃ॥ তেজসা সূর্যকল্পোঽভূদ্বায়ুবেগসমো জবে। অন্তকপ্রতিমঃ কোপে ক্ষময়া পৃথিবীসমঃ॥ 1-107-14 (4718) বধঃ পশুবরাহাণাং তথৈব মৃগপক্ষিণাম্। শান্তনৌ পৃথিবীপালে নাবর্তত তথা নৃপ॥ 1-107-15 (4719) ব্রহ্মধর্মোত্তরে রাজ্যে শান্তনুর্বিনয়াত্মবান্। সমং শশাস ভূতানি কামরাগবিবর্জিতঃ॥ 1-107-16 (4720) `চকোরনেত্রস্তাম্রাস্যঃ সিংহর্ষভগতির্যুবা। গুণৈরনুপমৈর্যুক্তঃ সমস্তৈরাভিগামিকৈঃ। গম্ভীরঃ সৎবসংপন্নঃ পূর্ণচন্দ্রনিভাননঃ॥' 1-107-17 (4721) দেবর্ষিপিতৃয়জ্ঞার্থমারভ্যন্ত তদা ক্রিয়াঃ। ন চাধর্মেণ কেষাংচিৎপ্রাণিনামভবদ্বধঃ॥ 1-107-18 (4722) অসুখানামনাথানাং তির্যগ্যোনিষু বর্ততাম্। স এব রাজা সর্বেষাং ভূতানামভবৎপিতা॥ 1-107-19 (4723) তস্মিন্কুরুপতিশ্রেষ্ঠে রাজরাজেশ্বরে সতি। শ্রিতা বাগভবৎসত্যং দানধর্মাশ্রিতং মনঃ॥ 1-107-20 (4724) `যজ্ঞার্থং পশবঃ সৃষ্টাঃ সংতানার্থং চ মৈথুনম্।' স সমাঃ ষোডশাষ্টৌ চ চতস্রোঽষ্টৌ তথাঽপরাঃ। রতিমপ্রাপ্নুবন্স্ত্রীষু বভূব বনগোচরঃ॥ 1-107-21 (4725) তথারূপস্তথাচারস্তথাবৃত্তস্তথাশ্রুতঃ। গাঙ্গেয়স্তস্য পুত্রোঽভূন্নাম্না দেবব্রতো বসুঃ॥ 1-107-22 (4726) সর্বাস্ত্রেষু স নিষ্ণাতঃ পার্থিবেষ্বিতরেষু চ। মহাবলো মহাসৎবো মহাবীর্যো মহারথঃ॥ 1-107-23 (4727) স কদাচিন্মৃগং বিদ্ধ্বা গঙ্গামনুসরন্নদীম্। ভাগীরথীমল্পজলাং শান্তনুর্দৃষ্টবান্নৃপঃ॥ 1-107-24 (4728) তাং দৃষ্ট্বা চিন্তয়ামাস শান্তনুঃ পুরুষর্ষভঃ। স্যন্দতে কিং ন্বিয়ং নাদ্য সরিচ্ছ্রেষ্ঠা যথা পুরা॥ 1-107-25 (4729) ততো নিমিত্তমন্বিচ্ছন্দদর্শ স মহামনাঃ। কুমারং রূপসংপন্নং বৃহন্তং চারুদর্শনম্॥ 1-107-26 (4730) দিব্যমস্ত্রং বিকুর্বাণং যথা দেবং পুরন্দরম্। কৃৎস্নাং গঙ্গাং সমাবৃত্য শরৈস্তীক্ষ্ণৈরবস্থিতম্॥ 1-107-27 (4731) তাং শরৈরাচিতাং দৃষ্ট্বা নদীং গঙ্গাং তদন্তিকে। অভবদ্বিস্মিতো রাজা দৃষ্ট্বা কর্মাতিমানুষম্॥ 1-107-28 (4732) জাতমাত্রং পুরা দৃষ্টং তং পুত্রং শান্তনুস্তদা। নোপলেভে স্মৃতিং ধীমানভিজ্ঞাতুং তমাত্মজম্॥ 1-107-29 (4733) স তু তং পিতরং দৃষ্ট্বা মোহয়ামাস মায়যা। সংমোহ্য তু ততঃ ক্ষিপ্রং তত্রৈবান্তরধীয়ত॥ 1-107-30 (4734) তদদ্বুতং ততো দৃষ্ট্বা তত্র রাজা স শান্তনুঃ। সঙ্কমানঃ সুতং গঙ্গামব্রবীদ্দর্শয়েতি হ॥ 1-107-31 (4735) দর্শয়ামাস তং গঙ্গা বিভ্রতী রূপমুত্তমম্। গৃহীৎবা দক্ষিণে পাণৌ তং কুমারমলঙ্কৃতম্॥ 1-107-32 (4736) অলঙ্কৃতামাভরণৈর্বিরজোম্বরধারিণীম্। দৃষ্টপূর্বামপি স তাং নাভ্যজানাৎস শান্তনুঃ॥ 1-107-33 (4737) গঙ্গোবাচ। 1-107-34x (652) যং পুত্রমষ্টমং রাজংস্ৎবং পুরা ময়্যবিন্দথাঃ। স চায়ং পুরুষব্যাঘ্র সর্বাস্ত্রবিদনুত্তমঃ॥ 1-107-34 (4738) গৃহাণেমং মহারাজ ময়া সংবর্ধিতং সুতম্। আদায় পুরুষব্যাঘ্র নয়স্বৈনং গৃহং বিভো॥ 1-107-35 (4739) বেদানধিজগে সাঙ্গান্বসিষ্ঠাদেষ বীর্যবান্। কৃতাস্ত্রঃ পরমেষ্বাসো দেবরাজসমো যুধি॥ 1-107-36 (4740) সুরাণাং সংমতো নিত্যমসুরাণাং চ ভারত। উশা বেদ যচ্ছাস্ত্রময়ং তদ্বেদ সর্বশঃ॥ 1-107-37 (4741) তথৈবাঙ্গিরসঃ পুত্রঃ সুরসুরনমস্কৃতঃ। যদ্বেদ শাস্ত্রং তচ্চাপি কৃৎস্নমস্মিন্প্রতিষ্ঠিতম্॥ 1-107-38 (4742) তব পুত্রে মহাবাহৌ সাঙ্গোপাঙ্গং মহাত্মনি। ঋষিঃ পরৈরনাধৃষ্যো জামদগ্ন্যঃ প্রতাপবান্॥ 1-107-39 (4743) যদস্ত্রং বেদ রাভশ্চ তদেতস্মিন্প্রতিষ্ঠিতম্। মহেষ্বাসমিমং রাজন্রাজধর্মার্থকোবিদম্॥ 1-107-40 (4744) ময়া দত্তং নিজং পুত্রং বীরং বীর গৃহং নয়। 1-107-41 (4745) বৈশম্পায়ন উবাচ। `ইত্যুক্ৎবা সা মহাভাগা তত্রৈবান্তরধীয়ত।' তয়ৈবং সমনুজ্ঞাতঃ পুত্রমাদায় শান্তনুঃ॥ 1-107-41x (653) ভ্রাজমানং যথাঽদিত্যমায়যৌ স্বপুরং প্রতি। পৌরবস্তু পুরীং গৎবা পুরন্দরপুরোপমাম্॥ 1-107-42 (4746) সর্বকামসমৃদ্ধার্থং মেনে সোত্মানমাত্মনা। পৌরবেষু ততঃ পুত্রং রাজ্যার্থমভয়প্রদম্॥ 1-107-43 (4747) গুণবন্তং মহাত্মানং যৌবরাজ্যেঽভ্যষেচয়ৎ। পৌরবাঞ্শান্তনোঃ পুত্রঃ পিতরং চ মহায়শাঃ॥ 1-107-44 (4748) রাষ্ট্রং চ রঞ্জয়ামাস বৃত্তেন ভরতর্ষভ। স তথা সহ পুত্রেণ রমমাণো মহীপতিঃ॥ 1-107-45 (4749) বর্তয়ামাস বর্ষাণি চৎবার্যমিতবিক্রমঃ। স কদাচিদ্বনং যাতো যমুনামভিতো নদীম্॥ 1-107-46 (4750) মহীপতিরনির্দেশ্যমাজিঘ্রদ্গন্ধমুত্তমম্। তস্য প্রভবমন্বিচ্ছন্বিচচার সমন্ততঃ॥ 1-107-47 (4751) স দদর্শ তদা কন্যাং দাশানাং দেবরূপিণীম্। তামপৃচ্ছৎস দৃষ্ট্বৈব কন্যামসিতলোচনাম্॥ 1-107-48 (4752) কস্য ৎবমসি কা চাসি কিং চ ভীরু চিকীর্ষসি। সাঽব্রবীদ্দাশকন্যাঽস্মি ধর্মার্থং বাহয়ে তরিম্॥ 1-107-49 (4753) পিতুর্নিয়োগাদ্ভদ্রং তে দাশরাজ্ঞো মহাত্মনঃ। রূপমাধুর্যগন্ধৈস্তাং সংয়ুক্তাং দেবরূপিণীম্॥ 1-107-50 (4754) সমীক্ষ্য রাজা দাশেয়ীং কাময়ামাস শান্তনুঃ। স গৎবা পিতরং তস্যা বরয়ামাস তাং তদা॥ 1-107-51 (4755) পর্যপৃচ্ছত্ততস্তস্যাঃ পিতরং সোত্মকারণাৎ। স চ তং প্রত্যুবাচেদং দাশরাজো মহীপতিম্॥ 1-107-52 (4756) জাতমাত্রৈব মে দেয়া বরায় বরবর্ণিনী। হৃদি কামস্তু মে কশ্চিত্তং নিবোধ জনেশ্বর॥ 1-107-53 (4757) যদীমাং ধর্মপত্নীং ৎবং মত্তঃ প্রার্থয়সেঽনঘ। সত্যবাগসি সত্যেন সময়ং কুরু মে ততঃ॥ 1-107-54 (4758) সময়েন প্রদদ্যাং তে কন্যামহমিমাং নৃপ। ন হি মে ৎবৎসমঃ কশ্চিদ্বরো জাতু ভবিষ্যতি॥ 1-107-55 (4759) শান্তনুরুবাচ। 1-107-56x (654) শ্রুৎবা তব বরং দাশ ব্যবস্যেয়মহং তব। দাতব্যং চেৎপ্রদাস্যামি ন ৎবদেয়ং কথংচন॥ 1-107-56 (4760) দাশ উবাচ। 1-107-57x (655) অস্যাং জায়েত যঃ পুত্রঃ স রাজা পৃথিবীপতে। ৎবদূর্ধ্বমভিষেক্তব্যো নান্যঃ কশ্চন পার্থিব॥ 1-107-57 (4761) বৈশম্পায়ন উবাচ। 1-107-58x (656) নাকাময়ত তং দাতুং বরং দাশায় শান্তনুঃ। শরীরজেন তীব্রেণ দহ্যমানোঽপি ভারত॥ 1-107-58 (4762) স চিন্তয়ন্নেব তদা দাশকন্যাং মহীপতিঃ। প্রত্যযাদ্ধাস্তিনপুরং কামোপহতচেতনঃ॥ 1-107-59 (4763) ততঃ কদাচিচ্ছোচন্তং শান্তনুং ধ্যানমাস্থিতম্। পুত্রো দেবব্রতোঽভ্যেত্য পিতরং বাক্যমব্রবীৎ॥ 1-107-60 (4764) সর্বতো ভবতঃ ক্ষেমং বিধেয়াঃ সর্বপার্থিবাঃ। তৎকিমর্থমিহাভীক্ষ্ণং পরিশোচসি দুঃখিতঃ॥ 1-107-61 (4765) ধ্যায়ন্নিব চ মাং রাজন্নাভিভাষসি কিংচন। ন চাশ্বেন বিনির্যাসি বিবর্ণো হরিণঃ কৃশঃ॥ 1-107-62 (4766) ব্যাধিমিচ্ছামি তে জ্ঞাতুং প্রতিকুর্যাং হি তত্র বৈ। 1-107-63 (4767) `বৈশম্পায়ন উবাচ। স তং কামমবাচ্যং বৈ দাশকন্যাং প্রতীদৃশম্॥ 1-107-63x (657) বিবর্তুং নাশকত্তস্মৈ পিতা পুত্রস্য শান্তনুঃ।' এবমুক্তঃ স পুত্রেণ শান্তনুঃ প্রত্যভাষত॥ 1-107-64 (4768) অসংশয়ং ধ্যানপরো যথা বৎস তথা শৃণু। অপত্যং নস্ৎবমেবৈকঃ কুলে মহতি ভারত॥ 1-107-65 (4769) শস্ত্রনিত্যশ্চ সততং পৌরুষে পর্যবস্থিতঃ। অনিত্যতাং চ লোকানামনুশোচামি পুত্রক॥ 1-107-66 (4770) কথংচিত্তব গাঙ্গেয় বিপত্তৌ নাস্তি নঃ কুলম্। অসংশয়ং ৎবমেবৈকঃ শতাদপি বরঃ সুতঃ॥ 1-107-67 (4771) ন চাপ্যহং বৃথা ভূয়ো দারান্কর্তুমিহোৎসহে। সংতানস্যাবিনাশায় কাময়ে ভদ্রমস্তু তে॥ 1-107-68 (4772) অনপত্যতৈকপুত্রৎবমিত্যাহুর্ধর্মবাদিনঃ। `চক্ষুরেকং চ পুত্রশ্চ অস্তি নাস্তি চ ভারত। চক্ষুর্নাশে তনোর্নাশঃ পুত্রনাশে কুলক্ষয়ঃ॥' 1-107-69 (4773) অগ্নিহোত্রং ত্রয়ী বিদ্যা যজ্ঞাশ্চ সহদক্ষিণাঃ। সর্বাণ্যেতান্যপত্যস্য কলাং নার্হন্তি ষোডশীম্॥ 1-107-70 (4774) এবমেতন্মনুষ্যেষু তচ্চ সর্বং প্রজাস্বিতি। যদপত্যং মহাপ্রাজ্ঞ তত্র মে নাস্তি সংশয়ঃ॥ 1-107-71 (4775) `অপত্যেনানৃণো লোকে পিতৄণাং নাস্তি সংশয়ঃ।' এষা ত্রয়ী পুরাণানাং দেবতানাং চ শাশ্বতী॥ 1-107-72 (4776) `অপত্যং কর্ম বিদ্যা চ ত্রীণি জ্যোতীংষি ভারত॥' 1-107-73 (4777) ৎবং চ শূরঃ সদাঽমর্ষী শস্ত্রনিত্যশ্চ ভারত। নান্যত্র যুদ্ধাত্তস্মাত্তে নিধনং বিদ্যতে ক্বচিৎ॥ 1-107-74 (4778) সোঽস্মি সংশয়মাপন্নস্ৎবয়ি শান্তে কথং ভবেৎ। ইতি তে কারণং তাত দুঃখস্যোক্তমশেষতঃ॥ 1-107-75 (4779) বৈশম্পায়ন উবাচ। 1-107-76x (658) ততস্তৎকারণং রাজ্ঞো জ্ঞাৎবা সর্বমশেষতঃ। দেবব্রতো মহাবুদ্ধিঃ প্রজ্ঞয়া চান্বচিন্তয়ৎ॥ 1-107-76 (4780) অপত্যফলসংয়ুক্তমেতচ্ছ্রুৎবা পিতুর্বচঃ। সূতং ভূয়োঽপি সংতপ্ত আহ্বয়ামাস বৈ পিতুঃ॥ 1-107-77 (4781) সূতস্তু কুরুমুখ্যস্য উপয়াতস্তদাজ্ঞয়া। তমুবাচ মহাপ্রাজ্ঞো ভীষ্মো বৈ সারথিং পিতুঃ॥ 1-107-78 (4782) ৎবং সারথে পিতুর্মহ্যং সখাসি রথধূর্গতঃ। অপি জানাসি যদি বৈ কস্যাং ভাবো নৃপস্য তু॥ 1-107-79 (4783) তদাচক্ষ্ব ভবান্পৃষ্টঃ করিষ্যে ন তদন্যথা। 1-107-80 (4784) সূত উবাচ। দাশকন্যা কুরুশ্রেষ্ঠ তত্র ভাবঃ পিতুর্গতঃ॥ 1-107-80x (659) বৃতঃ স নরদেবেন তদা বচনমব্রবীৎ। যোঽস্যাং পুমান্ভবেজ্জাতঃ স রাজা ৎবদনন্তরম্॥ 1-107-81 (4785) নাকাময়ত তং দাতুং পিতা তব বরং তদা। স চাপি নিশ্চয়স্তস্য ন চ দদ্যাং ততোঽন্যথা॥ 1-107-82 (4786) এতত্তে কথিতং বীর কুরুষ্ব যদনন্তরম্। 1-107-83 (4787) বৈশম্পায়ন উবাচ। ততঃ স পিতুরাজ্ঞায় মতং সম্যগবেক্ষ্য চ। জ্ঞাৎবা চ মানসং পুত্রঃ প্রয়যৌ যমুনাং প্রতি॥ 1-107-83x (660) ক্ষত্রিয়ৈঃ সহ ধর্মাত্মা পুরাণৈর্ধর্মচারিভিঃ। উচ্চৈশ্শ্রবসমাগম্য কন্যাং বব্রে পিতুঃ স্বয়ম্'॥ 1-107-84 (4788) তং দাশঃ প্রতিজগ্রাহ বিধিবৎপ্রতিপূজ্য চ। অব্রবীচ্চৈনমাসীনং রাজসংসদি ভারত॥ 1-107-85 (4789) `রাজ্যশুল্কা প্রদাতব্যা কন্যেয়ং যাচতাং বর। অপত্যং যদ্ভবেদস্যাঃ স রাজাঽস্তু পিতুঃ পরম্॥' 1-107-86 (4790) ৎবমেবাত্র মহাবাহো শান্তনোর্বংশবর্ধনঃ। পুত্রঃ শস্ত্রভৃতাং শ্রেষ্ঠঃ কিং নু বক্ষ্যামি তে বচঃ॥ 1-107-87 (4791) `কুমারিকায়াঃ শুল্কার্থং কিংচিদ্বক্ষ্যামি ভারত।' কোহি সংবন্ধখং শ্লাঘ্যমীপ্সিতং যৌনমীদৃশম্। অতিক্রামন্ন তপ্যেত সাক্ষাদপি শতক্রতুঃ॥ 1-107-88 (4792) অপত্যং চৈতদার্যস্য যো যুষ্মাকং সমো গুণৈঃ। যস্য শুক্রাৎসত্যবতী সংভূতা বরবর্ণিনী॥ 1-107-89 (4793) তেন মে বহুশস্তাত পিতা তে পরিকীর্তিতঃ। অর্হঃ সত্যবতীং বোঢুং ধর্মজ্ঞঃ স নরাধিপঃ॥ 1-107-90 (4794) `ইয়ং সত্যবতী দেবী পিতরং তেঽব্রবীত্তথা। অর্থিতশ্চাপিরাজর্ষিঃ প্রত্যাখ্যাতঃ পুরা ময়া'॥ 1-107-91 (4795) কন্যাপিতৃৎবাৎকিংচিত্তু বক্ষ্যামি ৎবাং নরাধিপ। বলবৎসপত্নতামত্র দোষং পশ্যামি কেবলম্॥ 1-107-92 (4796) `ভূয়াংসং ৎবয়ি পশ্যামি তদ্দোষমপরাজিত।' যস্য হি ৎবং সপত্নঃ স্যা গন্ধর্বস্যাসুরস্য বা॥ 1-107-93 (4797) ন স জাতু চিরং জীবেত্ৎবয়ি ক্রুদ্ধে পরন্তপ। এতাবানত্র দোষো হি নান্যঃ কশ্চন পার্থিব॥ 1-107-94 (4798) এতজ্জানীহি ভদ্রং তে দানাদানে পরন্তপ॥ 1-107-95 (4799) বৈশম্পায়ন উবাচ। 1-107-96x (661) এবমুক্তস্তু গাঙ্গেয়স্তদ্যুক্তং প্রত্যভাষত। শৃণ্বতাং ভূমিপালানাং পিতুরর্থায় ভারত॥ 1-107-96 (4800) `ইদং বচনমাধৎস্ব নাস্তি বক্তাস্য মৎসমঃ। অন্যো জাতো ন জনিতা ন চ কশ্চন সংপ্রতি'॥ 1-107-97 (4801) এবমেতৎকরিষ্যামি যথা ৎবমনুভাষসে। যোঽস্যাং জনিষ্যতে পুত্রঃ স নো রাজা ভবিষ্যতি॥ 1-107-98 (4802) ইত্যুক্তঃ পুনরেব স্ম তং দাশঃ প্রত্যভাষত। চিকীর্ষুর্দুষ্করং কর্ম রাজ্যার্থে ভরতর্ষভ॥ 1-107-99 (4803) ৎবমেব নাথঃ সংপ্রাপ্তঃ শান্তনোরমিতদ্যুতে। কন্যায়াশ্চৈব ধর্মাত্মন্প্রভুর্দানায় চেশ্বরঃ॥ 1-107-100 (4804) ইদং তু বচনং সৌম্য কার্যং চৈব নিবোধ মে। কৌমারিকাণাং শীলেন বক্ষ্যাম্যহমরিন্দম॥ 1-107-101 (4805) যত্ৎবয়া সত্যবত্যর্থে সত্যধর্মপরায়ণ। রাজমধ্যে প্রতিজ্ঞাতমনুরূপং তবৈব তৎ॥ 1-107-102 (4806) নান্যথা তন্মহাবাহো সংশয়োঽত্র ন কশ্চন। তবাপত্যং ভবেদ্যত্তু তত্র নঃ সংশয়ো মহান্॥ 1-107-103 (4807) বৈশম্পায়ন উবাচ। 1-107-104x (662) তস্যৈতন্মতমাজ্ঞায় সত্যধর্মপরায়ণঃ। প্রত্যজানাত্তদা রাজন্পিতুঃ প্রিয়চিকীর্ষয়া॥ 1-107-104 (4808) গাঙ্গেয় উবাচ। 1-107-105x (663) `উচ্চৈশ্শ্রবঃ সমাধৎস্ব প্রতিজ্ঞাং জনসংসদি। ঋষয়ো বাথ বা দেবা ভূতান্যন্তর্হিতানি চ॥ 1-107-105 (4809) যানি যানীহ শৃণ্বন্তু নাস্তি বক্তাস্য মৎসমঃ।' দাশরাজ নিবোধেদং বচনং মে নৃপোত্তম॥ 1-107-106 (4810) শৃণ্বতাং ভূমিপালানাং যদ্ব্রবীমি পিতুঃ কৃতে। রাজ্যং তাবৎপূর্বমেব ময়া ত্যক্তং নরাধিপাঃ॥ 1-107-107 (4811) অপত্যহেতোরপি চ করিষ্যেঽদ্য বিনিশ্চয়ম্। অদ্যপ্রভৃতি মে দাশ ব্রহ্মচর্যং ভবিষ্যতি॥ 1-107-108 (4812) অপুত্রস্যাপি মে লোকা ভবিষ্যন্ত্যক্ষয়া দিবি। `ন হি জন্মপ্রভৃত্যুক্তং ময়া কিংচিদিহানৃতম্॥ 1-107-109 (4813) যাবৎপ্রাণা ধ্রিয়ন্তে বৈ মম দেহং সমাশ্রিতাঃ। তাবন্ন জনয়িষ্যামি পিত্রে কন্যাং প্রয়চ্ছ মে॥ 1-107-110 (4814) পরিত্যজাম্যহং রাজ্যং মৈথুনং চাপি সর্বশঃ। ঊর্ধ্বরেতা ভবিষ্যামি দাশ সত্যং ব্রবীমি তে॥' 1-107-111 (4815) বৈশম্পায়ন উবাচ। 1-107-112x (664) তস্য তদ্বচনং শ্রুৎবা সংপ্রহৃষ্টতনূরুহঃ। দদানীত্যেব তং দাশো ধর্মাত্মা প্রত্যভাষত॥ 1-107-112 (4816) ততোন্তরিক্ষেঽপ্সরসো দেবাঃ সর্ষিগণাস্তদা। `তদ্দৃষ্টা দুষ্করং কর্ম প্রশশংসুশ্চ পার্থিবাঃ॥' 1-107-113 (4817) অভ্যবর্ষন্ত কুসুমৈর্ভীষ্মোঽয়মিতি চাব্রুবন্। ততঃ স পিতুরর্থায় তামুবাচ যশস্বিনীম্॥ 1-107-114 (4818) অধিরোহ রথং মাতর্গচ্ছাবঃ স্বগৃহানিতি। এবমুক্ৎবা তু ভীষ্মস্তাং রথমারোপ্য ভামিনীং॥ 1-107-115 (4819) আগম্য হাস্তিনপুরং শান্তনোঃ সংন্যবেদয়ৎ। তস্য তদ্দুষ্করং কর্ম প্রশশংসুর্নারাধিপাঃ॥ 1-107-116 (4820) সমেতাশ্চ পৃথক্চৈব ভীষ্মোয়মিতি চাব্রুবন্। তচ্ছ্রুৎবা দুষ্করং কর্ম কৃতং ভীষ্মেণ শান্তনুঃ॥ 1-107-117 (4821) বভূব দুঃখিতো রাজা চিররাত্রায় ভারত। স তেন কর্মণা সূনোঃ প্রীতস্তস্মৈ বরং দদৌ॥' 1-107-118 (4822) স্বচ্ছন্দমরণং তুষ্টো দদৌ তস্মৈ মহাত্মনে। ন তে মৃত্যুঃ প্রভবিতা যাবজ্জীবিতুমিচ্ছসি॥ 1-107-119 (4823) ৎবত্তো হ্যনুজ্ঞাং সংপ্রাপ্য মৃত্যুঃ প্রভবিতাঽনঘ॥ 1-107-120 (4824) ইতি শ্রীমন্মহাভারতে আদিপর্বণি সংভবপর্বণি সপ্তাধিকশততমোঽধ্যায়ঃ॥ 107 ॥

1-108-0 (4825) বৈশম্পায়ন উবাচ। 1-108-0x (665) `চেদিরাজসুতাং জ্ঞাৎবা দাশরাজেন বর্ধিতাম্। বিবাহং কারয়ামাস শাস্ত্রদৃষ্টেন কর্মণা॥' 1-108-1 (4826) ততো বিবাহে নির্বৃত্তে স রাজা শান্তনুর্নৃপঃ। তাং কন্যাং রূপসংপন্নাং স্বগৃহে সংন্যবেশয়ৎ॥ 1-108-2 (4827) ততঃ শান্তনবো ধীমান্সত্যবত্যামজায়ত। বীরশ্চিত্রাঙ্গদো নাম বীর্যবান্পুরুষেশ্বরঃ॥ 1-108-3 (4828) অথাপরং মহেষ্বাসং সত্যবত্যাং সুতং প্রভুঃ। বিচিত্রবীর্যং রাজানং জনয়ামাস বীর্যবান্॥ 1-108-4 (4829) অপ্রাপ্তবতি তস্মিংস্তু যৌবনং পুরুষর্ষভে। স রাজা শান্তনুর্ধীমান্কালধর্মমুপেয়িবান্॥ 1-108-5 (4830) স্বর্গতে শান্তনৌ ভীষ্মশ্চিত্রাঙ্গদমরিন্দনম্। স্থাপয়ামাস বৈ রাজ্যে সত্যবত্যা মতে স্থিতঃ॥ 1-108-6 (4831) স তু চিত্রাঙ্গদঃ শৌর্যাৎসর্বাংশ্চিক্ষেপ পার্থিবান্। মনুষ্যং ন হি মেন স কংচিৎসদৃশমাত্মনঃ॥ 1-108-7 (4832) তং ক্ষিপন্তং সুরাংশ্চৈব মনুষ্যানসুরাংস্তথা। গন্ধর্বরাজো বলবাংস্তুল্যনামাঽভ্যযাত্তদা॥ 1-108-8 (4833) গন্ধর্ব উবাচ। 1-108-9x (666) `ৎবং বৈ সদৃশনামাসি যুদ্ধং দেহি নৃপাত্মজ। নাম বাঽন্যৎপ্রগৃহ্ণীষ্ব যদি যুদ্ধং ন দাস্যসি॥ 1-108-9 (4834) ৎবয়াহং যুদ্ধমিচ্ছামি ৎবৎসকাশং তু নামতঃ। আগতোস্মি বৃথাঽঽভাষ্য ন গচ্ছেন্নাম তে মম॥ 1-108-10 (4835) ইত্যুক্ৎবা গর্জমানৌ তৌ হিরণ্বত্যাস্তটং গতৌ'। তেনাস্য সুমহদ্যুদ্ধং কুরুক্ষেত্রে বভূব হ॥ 1-108-11 (4836) তয়োর্বলবতোস্তত্র গন্ধর্বকুরুমুখ্যযোঃ। নদ্যাস্তীরে হিরণ্বত্যাঃ সমাস্তিস্রোঽভবদ্রণঃ॥ 1-108-12 (4837) তস্মিন্বিমর্দে তুমুলে শস্ত্রবর্ষসমাকুলে। মায়াধিকোঽবধীদ্বীরং গন্ধর্বঃ কুরুসত্তমম্॥ 1-108-13 (4838) স হৎবা তু নরশ্রেষ্ঠং চিত্রাঙ্গদমরিন্দমম্। অন্তায় কৃৎবা গন্ধর্বো দিবমাচক্রমে ততঃ॥ 1-108-14 (4839) তস্মিন্পুরুষশার্দূলে নিহতে ভূরিতেজসি। ভীষ্মঃ শান্তনবো রাজা প্রেতকার্যাণ্যকারয়ৎ॥ 1-108-15 (4840) বিচিত্রবীর্যং চ তদা বালমপ্রাপ্তয়ৌবনম্। কুরুরাজ্যে মহাবাহুরভ্যষিঞ্চদনন্তরম্॥ 1-108-16 (4841) বিচিত্রবীর্যঃ স তদা ভীষ্মস্য বচনে স্থিতঃ। অন্বশাসন্মহারাজ পিতৃপৈতামহং পদম্॥ 1-108-17 (4842) স ধর্মশাস্ত্রকুশলং ভীষ্মং শান্তনবং নৃপঃ। পূজয়ামাস ধর্মেণ স চৈনং প্রত্যপালয়ৎ॥ ॥ 1-108-18 (4843) ইতি শ্রীমন্মহাভারতে আদিপর্বণি সংভবপর্বণি অষ্টাধিকশততমোঽধ্যায়ঃ॥ 108 ॥

1-109-0 (4844) বৈশম্পায়ন উবাচ। 1-109-0x (667) হতে চিত্রাঙ্গদে ভীষ্মো বালে ভ্রাতরি কৌরব। পালয়ামাস তদ্রাজ্যং সত্যবত্যা মতে স্থিতঃ॥ 1-109-1 (4845) `তথা বিচিত্রবীর্যং তু বর্তমানং সুখেঽতুলে।' সংপ্রাপ্তয়ৌবনং দৃষ্ট্বা ভ্রাতরং ধীমতাং বরঃ। ভীষ্মো বিচিত্রবীর্যস্য বিবাহায়াকরোন্মতিম্॥ 1-109-2 (4846) অথ কাশিপতের্ভীষ্মঃ কন্যাস্তিস্রোঽপ্সরোপমাঃ। শুশ্রাব সহিতা রাজন্বৃণ্বানা বৈ স্বয়ংবরম্॥ 1-109-3 (4847) ততঃ স রথিনাং শ্রেষ্ঠো রথেনৈকেন শত্রুজিৎ। জগামানুমতে মাতুঃ পুরীং বারাণসীং প্রভুঃ॥ 1-109-4 (4848) তত্র রাজ্ঞঃ সমুদিতান্সর্বতঃ সমুপাগতান্। দদর্শ কন্যাস্তাশ্বৈ ভীষ্মঃ শান্তনুনন্দনঃ॥ 1-109-5 (4849) `তাসাং কামেন সংমত্তাঃ সহিতাঃ কাশিকোসলাঃ। বঙ্গাঃ পুণ্ড্রাঃ কলিঙ্গাশ্চ তে জগ্মুস্তাং পুরীং প্রতি॥' 1-109-6 (4850) কীর্ত্যমানেষু রাজ্ঞাং তু তদা নামসু সর্বশঃ। একাকিনং তদা ভীষ্মং বৃদ্ধং শান্তনুনন্দনম্॥ 1-109-7 (4851) সোদ্বেগা ইব তং দৃষ্ট্বা কন্যাঃ পরমশোভনাঃ। অপাক্রামন্ত তাঃ সর্বা বৃদ্ধ ইত্যেব চিন্তয়া॥ 1-109-8 (4852) বৃদ্ধঃ পরমধর্মাত্মা বলীপলিতধারণঃ। কিকারণমিহায়াতো নির্লজ্জো ভরতর্ষভঃ॥ 1-109-9 (4853) মিথ্যাপ্রতিজ্ঞো লোকেষু কিং বদিষ্যতি ভারত। ব্রহ্মচারীতি ভীষ্মো হি বৃথৈব প্রথিতো ভুবি॥ 1-109-10 (4854) ইত্যেবং প্রবুবন্তস্তে হসন্তি স্ম নৃপাধমাঃ। 1-109-11 (4855) বৈশম্পায়ন উবাচ। ক্ষত্রিয়াণাং বচঃ শ্রুৎবা ভীষ্মশ্চুক্রোধ ভারত॥ 1-109-11x (668) ভীষ্মস্তদা স্বয়ং কন্যা বরয়ামাস তাঃ প্রভুঃ। উবাচ চ মহীপালান্রাজঞ্জলদনিঃস্বনঃ॥ 1-109-12 (4856) রথমারোপ্য তাঃ কন্যা ভীষ্মঃ প্রহরতাং বরঃ। আহূয় দানং কন্যানাং গুণবদ্ভ্যঃ স্মৃতং বুধৈঃ॥ 1-109-13 (4857) অলঙ্কৃত্য যথাশক্তি প্রদায় চ ধনান্যপি। প্রয়চ্ছন্ত্যপরে কন্যাং মিথুনেন গবামপি॥ 1-109-14 (4858) বিত্তেন কথিতেনান্যে বলেনান্যেঽনুমান্য চ। প্রমত্তামুপয়ন্ত্যন্যে স্বয়মন্যে চ বিন্দতে॥ 1-109-15 (4859) আর্ষং বিধিং পুরস্কৃত্য দারান্বিন্দন্তি চাপরে। অষ্টমং তমথো বিত্ত বিবাহং কবিভির্বৃতম্॥ 1-109-16 (4860) স্বয়ংবরং তু রাজন্যাঃ প্রশংসন্ত্যুপয়ান্তি চ। প্রমথ্য তু হৃতামাহুর্জ্যায়সীং ধর্মবাদিনঃ॥ 1-109-17 (4861) তা ইমাঃ পৃথিবীপালা জিহীর্ষামি বলাদিতঃ। তে যতধ্বং পরং শক্ত্যা বিজয়ায়েতরায় বা॥ 1-109-18 (4862) স্থিতোঽহং পৃথিবীপালা যুদ্ধায় কৃতনিশ্চয়ঃ। 1-109-19 (4863) বৈশম্পায়ন উবাচ। এবমুক্ৎবা মহীপালান্কাশিরাজং চ বীর্যবান্॥ 1-109-19x (669) সর্বাঃ কন্যাঃ স কৌরব্যো রথমারোপ্য চ স্বকম্। আমন্ত্র্য চ স তান্প্রায়াচ্ছীঘ্রং কন্যাঃ প্রগৃহ্য তাঃ॥ 1-109-20 (4864) ততস্তে পার্থিবাঃ সর্বে সমুৎপেতুরমর্ষিতাঃ। সংস্পৃশন্তঃ স্বকান্বাহূন্দশন্তো দশনচ্ছদান্॥ 1-109-21 (4865) তেষামাভরণান্যাশু ৎবরিতানাং বিমুঞ্চতাম্। আমুঞ্চতাং চ বর্মাণি সংভ্রমঃ সুমহানভূৎ॥ 1-109-22 (4866) তারাণামিব সংপাতো বভূব জনমেজয়। ভূষণানাং চ সর্বেষাং কবচানাং চ সর্বশঃ॥ 1-109-23 (4867) সবর্মভির্ভূষণৈশ্চ প্রকীর্যদ্বিরিতস্ততঃ। সক্রোধামর্ষজিহ্মভ্রূকষায়ীকৃতলোচনাঃ॥ 1-109-24 (4868) সূতোপক্লৃপ্তান্ রুচিরান্সদশ্বৈরুপকল্পিতান্। রথানাস্থায় তে বীরাঃ সর্বপ্রহরণান্বিতাঃ॥ 1-109-25 (4869) প্রয়ান্তমথ কৌরব্যমনুসস্রুরুদায়ুধাঃ। ততঃ সমভবদ্যুদ্ধং তেষাং তস্য চ ভারত। একস্য চ বহূনাং চ তুমুলং রোমহর্ষণম্॥ 1-109-26 (4870) তে ৎবিষূন্দশসাহস্রাংস্তস্মিন্যুগপদাক্ষিপন্। অপ্রাপ্তাংশ্চৈব তানাশু ভীষ্মঃ সর্বাংস্তথাঽন্তরা॥ 1-109-27 (4871) অচ্ছিনচ্ছরবর্ষেণ মহতা লোমবাহিনা। ততস্তে পার্থিবাঃ সর্বে সর্বতঃ পরিবার্য তম্॥ 1-109-28 (4872) ববৃষুঃ শরবর্ষেণ বর্ষেণেবাদ্রিমম্বুদাঃ। স তং বাণময়ং বর্ষং শরৈরাবার্য সর্বতঃ॥ 1-109-29 (4873) ততঃ সর্বান্মহীপালান্পর্যবিধ্যত্ত্রিভিস্ত্রিভিঃ। একৈকস্তু ততো ভীষ্মং রাজন্বিব্যাধ পঞ্চভিঃ॥ 1-109-30 (4874) স চ তান্প্রতিবিব্যাধ দ্বাভ্যাং দ্বাভ্যাং পরাক্রমন্। তদ্যুদ্ধমাসীত্তুমুলং ঘোরং দেবাসুরোপমম্॥ 1-109-31 (4875) পশ্যতাং লোকবীরাণাং শরশক্তিসমাকুলম্। স ধনূংষি ধ্বজাগ্রাণি বর্মাণি চ শিরাংসি॥ 1-109-32 (4876) চিচ্ছেদ সমরে ভীষ্মঃ শতশোথ সহস্রশঃ। তস্যাতিপুরুষং কর্ম লাঘবং রথচারিণঃ॥ 1-109-33 (4877) রক্ষণং চাত্মনঃ সংখ্যে শত্রবোঽপ্যভ্যপূজয়ন্। `অক্ষতঃ ক্ষপয়িৎবান্যানসঙ্খ্যেয়পরাক্রমঃ॥ 1-109-34 (4878) আনিনায় স কাশ্যস্য সুতাঃ সাগরগাসুতঃ।' তান্বিনির্জিত্য তু রণে সর্বশস্ত্রভৃতাং বরঃ॥ 1-109-35 (4879) কন্যাভিঃ সহিতঃ প্রায়াদ্ভারতো ভারতান্প্রতি। ততস্তং পৃষ্ঠতো রাজঞ্শাল্বরাজো মহারথঃ॥ 1-109-36 (4880) অভ্যগচ্ছদমেয়াত্মা ভীষ্মং শান্তনবং রণে। বারণং জঘনে ভিন্দন্দন্তাভ্যামপরো যথা॥ 1-109-37 (4881) বাসিতামনুসংপ্রাপ্তো যূথপো বলিনাং বরঃ। স্ত্রীকামস্তিষ্ঠতিষ্ঠেতি ভীষ্মমাহ স পার্থিবঃ॥ 1-109-38 (4882) সাল্বরাজো মহাবাহুরমর্ষেণ প্রচোদিতঃ। ততঃ স পুরুষব্যাঘ্রো ভীষ্মঃ পরবলার্দনঃ॥ 1-109-39 (4883) তদ্বাক্যাকুলিতঃ ক্রোধাদ্বিধূমোগ্নিরিব জ্বলন্। বিততেষুধনুষ্পাণির্বিকুঞ্চিতললাটভৃৎ॥ 1-109-40 (4884) ক্ষত্রধর্মং সমাস্থায় ব্যপেতভয়সংভ্রমঃ। নিবর্তয়ামাস রথং সাল্বং প্রতি মহারথঃ॥ 1-109-41 (4885) নিবর্তমানং তং দৃষ্ট্বা রাজানঃ সর্ব এব তে। প্রেক্ষকাঃ সমপদ্যন্ত ভীষ্মসাল্বসমাগমে॥ 1-109-42 (4886) তৌ বৃষাবিব নর্দন্তৌ বলিনৌ বাসিতান্তরে। অন্যোন্যমভিবর্তেতাং বলবিক্রমশালিনৌ॥ 1-109-43 (4887) ততো ভীষ্মং শান্তনবং শরৈঃ শতসহস্রশঃ। সাল্বরাজো নরশ্রেষ্ঠঃ সমবাকিরদাশুগৈঃ॥ 1-109-44 (4888) পূর্বমভ্যর্দিতং দৃষ্ট্বা ভীষ্মং সাল্বেন তে নৃপাঃ। বিস্মিতাঃ সমপদ্যন্ত সাধুসাধ্বিতি চাব্রুবন্॥ 1-109-45 (4889) লাঘবং তস্য তে দৃষ্ট্বা সমরে সর্বপার্থিবাঃ। অপূজয়ন্ত সংহৃষ্টা বাগ্ভিঃ সাল্বং নরাধিপম্॥ 1-109-46 (4890) ক্ষত্রিয়াণাং ততো বাচঃ শ্রুৎবা পরপুঞ্জয়ঃ। ক্রুদ্ধঃ শান্তনবো ভীষ্মস্তিষ্ঠতিষ্ঠেত্যভাষত॥ 1-109-47 (4891) সারথিং চাব্রবীৎক্রুদ্ধো যাহি যত্রৈষ পার্থিবঃ। যাবদেনং নিহন্ম্যদ্য ভুজঙ্গমিব পক্ষিরাট্॥ 1-109-48 (4892) ততোঽস্ত্রং বারুণং সম্যগ্যোজয়ামাস কৌরবঃ। তেনাশ্বাংশ্চতুরোঽমৃদ্গাৎসাল্বরাজস্য ভূপতে॥ 1-109-49 (4893) অস্ত্রৈরস্ত্রাণি সংবার্য সাল্বরাজস্য কৌরবঃ। ভীষ্মো নৃপতিশার্দূল ন্যবধীত্তস্য সারথিম্॥ 1-109-50 (4894) অস্ত্রেণ চাস্যাথৈন্দ্রেণ ন্যবধীত্তুরগোত্তমান্। কন্যাহেতোর্নরশ্রেষ্ঠ ভীষ্মঃ শান্তনবস্তদা॥ 1-109-51 (4895) জিৎবা বিসর্জয়ামাস জীবন্তং নৃপসত্তমম্। ততঃ সাল্বঃ স্বনগরং প্রয়যৌ ভরতর্ষভ॥ 1-109-52 (4896) স্বরাজ্যমন্বশাচ্চৈব ধর্মেণ নৃপতিস্তদা। রাজানো যে চ তত্রাসন্স্বয়ংবরদিদৃক্ষবঃ॥ 1-109-53 (4897) স্বান্যেব তেঽপি রাষ্ট্রাণি জগ্মুঃ পরপুরঞ্জয়াঃ। এবং বিজিত্য তাঃ কন্যা ভীষ্মঃ প্রহরতাং বরঃ॥ 1-109-54 (4898) প্রয়যৌ হাস্তিনপুরং যত্র রাজা স কৌরবঃ। বিচিত্রবীর্যো ধর্মাত্মা প্রশাস্তি বসুধামিমাম্॥ 1-109-55 (4899) যথা পিতাস্য কৌরব্যঃ শান্তনুর্নৃপসত্তমঃ। সোঽচিরেণৈব কালেন অত্যক্রামন্নরাধিপ॥ 1-109-56 (4900) বনানি সরিতশ্চৈব শৈলাংশ্চ বিনিধান্দ্রুমান্। অক্ষতঃ ক্ষপয়িৎবাঽরীন্সঙ্খ্যেঽসঙ্খ্যেয়বিক্রমঃ॥ 1-109-57 (4901) আনয়ামাস কাশ্যস্য সুতাঃ সাগরগাসুতঃ। স্নুষা ইব স ধর্মাত্মা ভগিনীরিব চানুজাঃ॥ 1-109-58 (4902) যথা দুহিতশ্চৈব পরিগৃহ্য যয়ৌ কুরূন্। আনিন্যে স মহাবাহুর্ভ্রাতুঃ প্রিয়চিকীর্ষয়া॥ 1-109-59 (4903) তাঃ সর্বগুণসংপন্না ভ্রাতা ভ্রাত্রে যবীয়সে। ভীষ্মো বিচিত্রবীর্যায় প্রদদৌ বিক্রমাহৃতাঃ॥ 1-109-60 (4904) এবং ধর্মেণ ধর্মজ্ঞঃ কৃৎবা কর্মাতিমানুষম্। ভ্রাতুর্বিচিত্রবীর্যস্য বিবাহায়োপচক্রমে॥ 1-109-61 (4905) সত্যবত্যা সহ মিথঃ কৃৎবা নিশ্চয়মাত্মবান্। বিবাহং কারয়িষ্যন্তং ভীষ্মং কাশিপতেঃ সুতা। জ্যেষ্ঠা তাসামিদং বাক্যমব্রবীদ্ধসতী তদা॥ 1-109-62 (4906) ময়া সৌভপতিঃ পূর্বং মনসা হি বৃতঃ পতিঃ। তেন চাস্মি বৃতা পূর্বমেষ কামশ্চ মে পিতুঃ॥ 1-109-63 (4907) ময়া বরয়িতব্যোঽভূৎসাল্বস্তস্মিন্স্বয়ংবরে। এতদ্বিজ্ঞায় ধর্মজ্ঞ ধর্মতত্ৎবং সমাচর॥ 1-109-64 (4908) এবমুক্তস্তয়া ভীষ্মঃ কন্যযা বিপ্রসংসদি। চিন্তামভ্যগমদ্বীরো যুক্তাং তস্যৈব কর্মণঃ॥ 1-109-65 (4909) `অন্যসক্তা ৎবিয়ং কন্যা জ্যেষ্ঠা ৎবম্বা ময়া জিতা। বাচা দত্তা মনোদত্তা কৃতমঙ্গলবাচনা॥ 1-109-66 (4910) নির্দিষ্টা তু পরস্যৈব সা ত্যাজ্যা পরচিন্তিনী। ইত্যুক্ৎবা চানুমান্যৈব ভ্রাতরং স্ববশানুগম্॥' 1-109-67 (4911) বিনিশ্চিত্য স ধর্মজ্ঞো ব্রাহ্মণৈর্বেদপারগৈঃ। অনুজজ্ঞে তদা জ্যেষ্ঠামম্বাং কাশিপতেঃ সুতাম্॥ 1-109-68 (4912) অম্বিকাম্বালিকে ভার্যে প্রাদাদ্ভ্রাত্রে যবীয়সে। ভীষ্মো বিচিত্রবীর্যায় বিধিদৃষ্টেন কর্মণা॥ 1-109-69 (4913) তয়োঃ পাণী গৃহীৎবা তু রূপয়ৌবনদর্পিতঃ। বিচিত্রবীর্যো ধর্মাত্মা নাম্বামৈচ্ছৎকথংচন॥ 1-109-70 (4914) `অম্বামন্যস্য কীর্ত্যন্তীমব্রবীচ্চারুদর্শনাম্। 1-109-71 (4915) বিচিত্রবীর্য উবাচ। পাপস্য ফলমেবৈষ কামোঽসাধুর্নিরর্থকঃ। পরতন্ত্রোপভোগো মামার্য নাঽঽয়োক্তুমর্হসি॥ 1-109-71x (670) ভীষ্ম উবাচ। 1-109-72x (671) প্রাতিষ্ঠচ্ছান্তনোর্বংশস্তাত যস্য ৎবমন্বয়ঃ। অকামবৃত্তো ধর্মাত্মন্সাধু মন্যে মতং তব॥ 1-109-72 (4916) ইত্যুক্ৎবাম্বাং সমালোক্য বিধিবদ্বাক্যমব্রবীৎ। বিসৃষ্টা হ্যসি গচ্ছ ৎবং যথাকামমনিন্দিতে॥ 1-109-73 (4917) নানিয়োজ্যে সমর্থোঽহং নিয়োক্তুং ভ্রাতরং প্রিয়ম্। অন্যবাবগতাং চাপি কো নারীং বাসয়েদ্গৃহে॥ 1-109-74 (4918) অতস্ৎবাং ন নিয়োক্ষ্যামি অন্যকামাসি গম্যতাম্। অহমপ্যূর্ধ্বরেতা বৈ নিবৃত্তো দারকর্মণি॥ 1-109-75 (4919) ন সংবন্ধস্তদাবাভ্যাং ভবিতা বৈ কথংচন। 1-109-76 (4920) বৈশম্পায়ন উবাচ। ইত্যুক্তা সা গতা তত্র সখীভিঃ পরিবারিতা॥ 1-109-76x (672) নির্দিষ্টা হি শনৈ রাজন্সাল্বরাজপুরং প্রতি। অথাম্বা সাল্বংমাগম্য সাঽব্রবীৎপ্রতিপূজ্য তং॥ 1-109-77 (4921) পুরা নির্দিষ্টভাবা ৎবামাগতাস্মি বরানন। দেবব্রতং সমুৎসৃজ্য সানুজং ভরতর্ষভম্॥ 1-109-78 (4922) প্রতিগৃহ্ণীষ্ব ভদ্রং তে বিধিবন্মাং সমুদ্যতাম্॥ 1-109-79 (4923) বৈশম্পায়ন উবাচ। 1-109-80x (673) তয়ৈবমুক্তঃ সাল্বোপি প্রহসন্নিদমব্রবীৎ। নির্জিতাঽসীহ ভীষ্মেণ মাং বিনির্জিত্য রাজসু॥ 1-109-80 (4924) অন্যেন নির্জিতাং ভদ্রে বিসৃষ্টাং তেন চালয়াৎ। ন গৃহ্ণামি বরারোহে তত্র চৈব তু গম্যতাম্॥ 1-109-81 (4925) বৈশম্পায়ন উবাচ। 1-109-82x (674) ইত্যুক্তা সা সমাগম্য কুরুরাজ্যমনুত্তমম্। অম্বাব্রবীত্ততো ভীষ্মং ৎবয়াঽহং সহসা হৃতা॥ 1-109-82 (4926) ক্ষত্রধর্মমবেক্ষস্ব ৎবং ভর্তা মম ধর্মতঃ। যাং যঃ স্বয়ংবরে কন্যাং নির্জয়েচ্ছৌর্যসংপদা॥ 1-109-83 (4927) রাজ্ঞঃ সর্বান্বিনির্জিত্য স তামুদ্বাহয়েদ্ধ্রুবম্। অতস্ৎবমেব ভর্তা মে ৎবয়াঽহং নির্জিতা যতঃ॥ 1-109-84 (4928) তস্মাদ্বহস্ব মাং ভীষ্ম নির্জিতাং সংসদি ৎবয়া। ঊর্ধ্বরেতা হ্যহমিতি প্রত্যুবাচ পুনঃপুনঃ॥ 1-109-85 (4929) ভীষ্মং সা চাব্রবীদম্বা যথাজৈষীস্তথা কুরু। এবমন্বগমদ্ভীষ্মং ষট্সমাঃ পুষ্করেক্ষণা॥ 1-109-86 (4930) ঊর্ধ্বরেতাস্ৎবহং ভদ্রে বিবাহবিমুখোঽভবম্। তমেব সাল্বং গচ্ছ ৎবং যঃ পুরা মনসা বৃতঃ॥ 1-109-87 (4931) অন্যসক্তং কিমর্থং ৎবমাত্মানমবদঃ পুরা। অন্যসক্তাং বধূং কন্যাং বাসয়েৎস্বগৃহে ন হি॥ 1-109-88 (4932) নাহমুদ্বাহয়িষ্যে ৎবাং মম ভ্রাত্রে যবীয়সে। বিচিত্রবীর্যায় শুভে যথেষ্টং গম্যতামিতি॥ 1-109-89 (4933) ভূয়ঃ সাল্বং সমভ্যেত্য রাজন্গৃহ্ণীষ্ব মামিতি। নাহং গৃহ্ণাম্যন্যজিতামিতি সাল্বনিরাকৃতা॥ 1-109-90 (4934) ঊর্ধ্বরেতাস্ৎবহমিতি ভীষ্মেণ চ নিরাকৃতা। অম্বা ভীষ্মং পুনঃ সাল্বং ভীষ্মং সাল্বং পুনঃ পুনঃ॥ 1-109-91 (4935) গমনাগমনেনৈবমনৈষীৎষট্ সমা নৃপ। অশ্রুভির্ভূমিমুক্ষন্তী শোচন্তী সা মনস্বিনী॥ 1-109-92 (4936) পীনোন্নতকুচদ্বন্দ্বা বিশালজঘনেক্ষণা। শ্রোণীভরালসগমা রাকাচন্দ্রনিভাননা॥ 1-109-93 (4937) বর্ষৎকাদম্বিনীমূর্ধ্নি স্ফুরন্তী চঞ্চলেব সা। সা ততো দ্বাদশ সমা বাহুদামভিতো নদীম্। পার্শ্বে হিমবতো রম্যে তপো ঘোরং সমাদদে॥ 1-109-94 (4938) সংক্ষিপ্তকরণা তত্র তপ আস্থায় সুব্রতা। পাদাঙ্গুষ্ঠেন সাঽতিষ্ঠদকম্পন্ত ততঃ সুরাঃ॥ 1-109-95 (4939) তস্যাস্তত্তু তপো দৃষ্ট্বা সুরাণাং ক্ষোভকারকম্। বিস্মিতশ্চৈব হৃষ্টশ্চ তস্যানুগ্রহবুদ্ধিমান্॥ 1-109-96 (4940) অনন্তসেনো ভগবান্কুমারো বরদঃ প্রভুঃ। মানয়ন্রাজপুত্রীং তাং দদৌ তস্যৈ শুভাং স্রজম্॥ 1-109-97 (4941) এষা পুষ্করিণী দিব্যা যথাবৎসমুপস্থিতা। অম্বে ৎবচ্ছোকশমনী মালা ভুবি ভবিষ্যতি॥ 1-109-98 (4942) এতাং চৈব ময়া দত্তাং মালাং যো ধারয়িষ্যতি। সোঽস্য ভীষ্মস্য নিধনে কারণং বৈ ভবিষ্যতি॥ ॥ 1-109-99 (4943) ইতি শ্রীমন্মহাভারতে আদিপর্বণি সংভবপর্বণি নবাধিকশততমোঽধ্যায়ঃ॥ 109 ॥

1-110-0 (4944) অম্বোবাচ। 1-110-0x (675) অন্যপূর্বেতি মাং সাল্বো নাভিনন্দতি বালিশঃ। সাহং ধর্মাচ্চ কামাচ্চ বিহীনা শোকধারিণী॥ 1-110-1 (4945) অপতিঃ ক্ষত্রিয়ান্সর্বানাক্রন্দামি সমন্ততঃ। ইয়ং বঃ ক্ষত্রিয়া মালা যা ভীষ্মং নিহনিষ্যতি॥ 1-110-2 (4946) অহং চ ভার্যা তস্য স্যাং যো ভীষ্মং ঘাতয়িষ্যতি। তস্যাশ্চঙ্ক্রম্যমাণায়াঃ সমাঃ পঞ্চ গতাঃ পরাঃ॥ 1-110-3 (4947) নাভবচ্ছরণং কশ্চিৎক্ষত্রিয়ো ভীষ্মজাদ্ভয়াৎ। অগচ্ছৎসোমকং সাঽম্বা পাঞ্চালেষু যশস্বিনম্॥ 1-110-4 (4948) সত্যসন্ধং মহেষ্বাসং সত্যধর্মপরায়ণম্। সা সভাদ্বারমাগম্য পাঞ্চালৈরভিরক্ষিতম্॥ 1-110-5 (4949) পাঞ্চালরাজমাক্রন্দৎপ্রগৃহ্য সুভুজা ভুজৌ। ভীষ্মেণ হন্যমানাং মাং মজ্জন্তীমিব চ হ্রদে॥ 1-110-6 (4950) যজ্ঞসেনাভিধাবেহ পাণিমালম্ব্য চোদ্ধর। তেন মে সর্বধর্মাশ্চ রতিভোগাশ্চ কেবলাঃ॥ 1-110-7 (4951) উভৌ চ লোকৌ কীর্তিশ্চ সমূলৌ সফলৌ হৃতৌ। ***ন্ত্যেবং ন বিন্দামি রাজন্যং শরণং ক্বচিৎ॥ 1-110-8 (4952) কিং নু নিঃক্ষত্রিয়ো লোকো যত্রানাথোঽবসীদতি। সমাগম্য তু রাজানো ময়োক্তা রাজসত্তমাঃ॥ 1-110-9 (4953) শৃণ্বন্তু সর্বে রাজানো ময়োক্তং রাজসত্তমাঃ। ইক্ষ্বাকূণাং তু যে বৃদ্ধাঃ পাঞ্চালানাং চ যে বরাঃ॥ 1-110-10 (4954) ৎবৎপ্রসাদাদ্বিবাহেঽস্মিন্মা ধর্মো মা পরাজয়েৎ। প্রসীদ যজ্ঞসেনেহ গতির্মে ভব সোমক॥ 1-110-11 (4955) যজ্ঞসেন উবাচ। 1-110-12x (676) জানামি ৎবাং বোধয়ামি রাজপুত্রি বিশেষতঃ। যথাশক্তি যথাধর্মং বলং সংধারয়াম্যহম্॥ 1-110-12 (4956) অন্যস্মাৎপার্থিবাদ্যত্তে ভয়ং স্যাৎপার্থিবাত্মজে। তস্যাপনয়নে হেতুং সংবিধাতুমহং প্রভুঃ॥ 1-110-13 (4957) নহি শান্তনবস্যাহং মহাস্ত্রস্য প্রহারিণঃ। ঈশ্বরঃ ক্ষত্রিয়াণাং হি বলং ধর্মোঽনুবর্ততে॥ 1-110-14 (4958) সা সাধু ব্রজ কল্যাণি ন মাং ভীষ্মো দহেদ্বলাৎ। ন প্রত্যগৃহ্ণংস্তে সর্বে কিমিত্যেব ন বেদ্ম্যহম্॥ 1-110-15 (4959) ন হি ভীষ্মাদহং ধর্মং শক্তো দাতুং কথংচন। 1-110-16 (4960) বৈশম্পায়ন উবাচ। ইত্যুক্তা স্রজমাসজ্য দ্বারি রাজ্ঞো ব্যপাদ্রবৎ॥ 1-110-16x (677) ব্যুদস্তাং সর্বলোকেষু তপসা সংশিতব্রতাম্। তামন্বগচ্ছদ্দ্রুপদঃ সান্ৎবং জল্পন্পুনঃ পুনঃ॥ 1-110-17 (4961) স্রজং গৃহাণ কল্যাণি ন নো বৈরং প্রসঞ্জয়॥ 1-110-18 (4962) অম্বোবাচ। 1-110-19x (678) এবমেব ৎবয়া কার্যমিতি স্ম প্রতিকাঙ্ক্ষতে। ন তু তস্যান্যথা ভাবো দৈবমেতদমানুষম্॥ 1-110-19 (4963) যশ্চৈনাং স্রজমাদায় স্বয়ং বৈ প্রতিমোক্ষতে। স ভীষ্মং সমরে হন্তা মম ধর্মপ্রণাশনম্॥ 1-110-20 (4964) বৈশম্পায়ন উবাচ। 1-110-21x (679) তাং স্রজং দ্রুপদো রাজা কংচিৎকালং ররক্ষ সঃ। ততো বিস্রম্ভমাস্থায় তূষ্ণীমেতামুপৈক্ষত॥ 1-110-21 (4965) তাং শিখণ্ডিন্যবধ্নাত্তু বালা পিতুরবজ্ঞয়া। তাং পিতা ৎবত্যজচ্ছীঘ্রং ত্রস্তো ভীষ্মস্য কিল্বিষাৎ॥ 1-110-22 (4966) ইষীকং ব্রাহ্মণং ভীতা সাভ্যগচ্ছত্তপস্বিনম্। গঙ্গাদ্বারি তপস্যন্তং তুষ্টিহেতোস্তপস্বিনী॥ 1-110-23 (4967) উপচারাভিতুষ্টস্তামব্রবীদৃষিসত্তমঃ। গঙ্গাদ্বারে বিভজনং ভবিতা নচিরাদিব॥ 1-110-24 (4968) তত্র গন্ধর্বরাজানং তুম্বুরুং প্রিয়দর্শনম্। আরাধয়িতুমীহস্ব সম্যক্পরিচরস্ব তম্॥ 1-110-25 (4969) অহমপ্যত্র সাচিব্যং কর্তাস্মি তব শোভনে। তং তদাচর ভদ্রং তে স তে শ্রেয়ো বিধাস্যতি॥ 1-110-26 (4970) ততো বিভজনং তত্র গন্ধর্বাণামবর্তত। তত্র দ্বাববশিষ্যেতাং গন্ধর্বাবমিতৌ জসৌ॥ 1-110-27 (4971) তয়োরেকঃ সমীক্ষ্যৈনাং স্ত্রীবুভূষুরুবাচ হ। ইদং গৃহ্ণীষ্ব পুংলিঙ্গং বৃণে স্ত্রীলিঙ্গমেব তে॥ 1-110-28 (4972) নিয়মং চক্রতুস্তত্র স্ত্রী পুমাংশ্চৈব তাবুভৌ। ততঃ পুমান্সমভবচ্ছিখণ্ডী পরবীরহা॥ 1-110-29 (4973) স্ত্রী ভূৎবা হ্যপচক্রাম স গন্ধর্বো মুদান্বিতঃ। লব্ধ্বা তু মহতীং প্রীতিং যাজ্ঞসেনির্মহায়শাঃ॥ 1-110-30 (4974) ততো বুদ্বুদকং গৎবা পুনরস্ত্রাণি সোঽকরোৎ। তত্র চাস্ত্রাণি দিব্যানি কৃৎবা স সুমহাদ্যুতিঃ॥ 1-110-31 (4975) স্বদেশমভিসংপদে পাঞ্চালং কুরুনন্দন। সোঽভিবাদ্য পিতুঃ পাদৌ মহেষ্বাসঃ কৃতাঞ্জলিঃ॥ 1-110-32 (4976) উবাচ ভবতা ভীষ্মান্ন ভেতব্যং কথংচন॥ ॥ 1-110-33 (4977) ইতি শ্রীমন্মহাভারতে আদিপর্বণি সংভবপর্বণি দশাধিকশততমোঽধ্যায়ঃ॥ 110 ॥

1-111-0 (4978) বৈশম্পায়ন উবাচ। 1-111-0x (680) অম্বায়াং নির্গতায়াং তু ভীষ্মঃ শান্তনবস্তদা। ন্যায়েন কারয়ামাস রাজ্ঞো বৈবাহিকীং ক্রিয়াম্॥ 1-111-1 (4979) অম্বিকাম্বালিকে চৈব পরিণীয়াগ্নিসংনিধৌ। `তয়োঃ পাণী গৃহীৎবা তু কৌরব্যো রূপদর্পিতঃ।' বিচিত্রবীর্যো ধর্মাত্মা কামাত্মা সমপদ্যত॥ 1-111-2 (4980) তে চাপি বৃহতীশ্যামে নীলকুঞ্চিতমূর্ধজে। রক্ততুঙ্গনখোপেতে পীনশ্রোণিপয়োধর়ে॥ 1-111-3 (4981) আত্মনঃ প্রতিরূপোঽসৌ লব্ধঃ পতিরিতি স্থিতে। বিচিত্রবীর্যং কল্যাণ্যৌ পূজয়ামাসতুঃ শুভে॥ 1-111-4 (4982) `অন্যোন্যং প্রতি সক্তে চ একভাবে ইব স্থিতে।' স চাশ্বিরূপসদৃশো দেবতুল্যপরাক্রমঃ। সর্বাসামেব নারীণাং চিত্তপ্রমথনো রহঃ॥ 1-111-5 (4983) তাভ্যাং সহ সমাঃ সপ্ত বিহরন্পৃথিবীপতিঃ। বিচিত্রবীর্যস্তরুণো যক্ষ্মণা সমগৃহ্যত॥ 1-111-6 (4984) সুহৃদাং যতমানানামাপ্তৈঃ সহ চিকিৎসকৈঃ। জগামাস্তমিবাদিত্যঃ কৌরব্যো যমসাদনম্॥ 1-111-7 (4985) ধর্মাত্মা স তু গাঙ্গেয়ঃ চিন্তাশোকপরায়ণঃ। প্রেতকার্যাণি সর্বাণি তস্য সম্যগকারয়ৎ॥ 1-111-8 (4986) 1-111-9 (4987) রাজ্ঞো বিচিত্রবীর্যস্য সত্যবত্যা মতে স্থিতঃ। ঋৎবিগ্বিঃ সহিতো ভীষ্মঃ সর্বৈশ্চ কুরুপুঙ্গবৈঃ॥

1-112-0 (4988) বৈশম্পায়ন উবাচ। 1-112-0x (681) ততঃ সত্যবতী দীনা কৃপণা পুত্রগৃদ্ধিনী। পুত্রস্য কৃৎবা কার্যাণি স্নুষাভ্যাং সহ ভারত॥ 1-112-1 (4989) সমাশ্বাস্য স্নুষে তে চ ভর্তৃশোকনিপীডিতে। ধর্মং চ পিতৃবংশং চ মাতৃবংশং চ ভামিনী। প্রসমীক্ষ্য মহাভাগা গাঙ্গেয়ং বাক্যমব্রবীৎ॥ 1-112-2 (4990) `দুঃখার্দিতা তু সা দেবী মজ্জন্তী শোকসাগরে। শন্তনোর্ধর্মনিত্যস্য কৌরব্যস্য যশস্বিনঃ।' ৎবয়ি পিণ্ডশ্চ কীর্তিশ্চ সংতানশ্চ প্রতিষ্ঠিতঃ॥ 1-112-3 (4991) `ভ্রাতা বিচিত্রবীর্যস্তে ভূতানামন্তমেয়িবান্।' যথাকর্ম শুভং কৃৎবা স্বর্গোপগমনং ধ্রুবম্। যথা চায়ুর্ধ্রুবং সত্যে ৎবয়ি ধর্মস্তথা ধ্রুবঃ॥ 1-112-4 (4992) বেত্থ ধর্মাংশ্চ ধর্মজ্ঞ সমাসেনেতরেণ চ। বিবিধাস্ৎবং শ্রুতীর্বেত্থ বেদাঙ্গানি চ সর্বশঃ॥ 1-112-5 (4993) ব্যবস্থানং চ তে ধর্মে কুলাচারং চ লক্ষয়ে। প্রতিপত্তিং চ কৃচ্ছ্রেষু শুক্রাঙ্গিরসয়োরিব॥ 1-112-6 (4994) তস্মাৎসুভৃশমাশ্বস্য ৎবয়ি ধর্মভৃতাং বর। কার্যে ৎবাং বিনিয়োক্ষ্যামি তচ্ছ্রুৎবা কর্তুমর্হসি॥ 1-112-7 (4995) মম পুত্রস্তব ভ্রাতা বীর্যবান্সুপ্রিয়শ্চ তে। বাল এব গতঃ স্বর্গমপুত্রঃ পুরুষর্ষভ॥ 1-112-8 (4996) ইমে মহিষ্যৌ ভ্রাতুস্তে কাশিরাজসুতে শুভে। রূপয়ৌবনসংপন্নে পুত্রকামে চ ভারত॥ 1-112-9 (4997) তয়োরুৎপাদয়াপত্যং সন্তানায় কুলস্য নঃ। মন্নিয়োগান্মহাবাহো ধর্মং কর্তুমিহার্হসি॥ 1-112-10 (4998) রাজ্যে চৈবাভিষিচ্যস্ব ভারতাননুশাধি চ। দারাংশ্চ কুরু ধর্মেণ মা নিমজ্জীঃ পিতামহান্॥ 1-112-11 (4999) বৈশম্পায়ন উবাচ। 1-112-12x (682) তথোচ্যমানো মাত্রা স সুহৃদ্ভিশ্চ পরন্তপঃ। ইত্যুবাচাথ ধর্মাত্মা ধর্ম্যমেবোত্তরং বচঃ॥ 1-112-12 (5000) অসংশয়ং পরো ধর্মস্ৎবয়া মাতরুদাহৃতঃ। ৎবমপত্যং প্রতি চ মে প্রতিজ্ঞাং বেত্থ বৈ পরাং॥ 1-112-13 (5001) জানাসি চ যথাবৃত্তং শুল্কহেতোস্ৎবদন্তরে। স সত্যবতি সত্যং তে প্রতিজানাম্যহং পুনঃ॥ 1-112-14 (5002) পরিত্যজেয়ং ত্রৈলোক্যং রাজ্যং দেবেষু বা পুনঃ। যদ্বাঽপ্যধিকমেতাভ্যাং ন তু সত্যং কথংচন॥ 1-112-15 (5003) ত্যজেচ্চ পৃথিবী গন্ধমাপশ্চ রসমাত্মনঃ। জ্যোতিস্তথা ত্যজেদ্রূপং বায়ুঃ স্পর্শগুণং ত্যজেৎ॥ 1-112-16 (5004) প্রভাং সমুৎসৃজেদর্কো ধূমকেতুস্তথোষ্মতাম্। ত্যজেচ্ছব্দং তথাঽঽকাশং সোমঃ শীতাংশুতাং ত্যজেৎ॥ 1-112-17 (5005) বিক্রমং বৃত্রহা জহ্যাদ্ধর্মং জহ্যাচ্চ ধর্মরাট্। ন ৎবহং সত্যমুৎস্রষ্টুং ব্যবসেয়ং কথংচন॥ 1-112-18 (5006) `তন্ন জাৎবন্যথা কুর্যাং লোকানামপি সংক্ষয়ে। অমরৎবস্য বা হেতোস্ত্রৈলোক্যস্য ধনস্য চ॥' 1-112-19 (5007) এবমুক্তা তু পুত্রেণ ভূরিদ্রবিণতেজসা। মাতা সত্যবতী ভীষ্মমুবাচ তদনন্তরম্॥ 1-112-20 (5008) জানামি তে স্থিতিং সত্যে পরাং সত্যপরাক্রম। ইচ্ছন্সৃজেথাস্ত্রীংল্লোকানন্যাংস্ৎবং স্বেন তেজসা॥ 1-112-21 (5009) জানামি চৈবং সত্যং তন্মদর্থে যচ্চ ভাষিতম্। আপদ্ধর্মং ৎবমাবেক্ষ্য বহ পৈতামহীং ধুরম্॥ 1-112-22 (5010) যথা তে কুলতন্তুশ্চ ধর্মশ্চ ন পরাভবেৎ। সুহৃদশ্চ প্রহৃষ্যেরংস্তথা কুরু পরন্তপ॥ 1-112-23 (5011) `আত্মনশ্চ হিতং তাত প্রিয়ং চ মম ভারত।' লালপ্যমানাং তামেবং কৃপণাং পুত্রগৃদ্ধিনীম্। ধর্মাদপেতং ব্রুবতীং ভীষ্মো ভূয়োঽব্রবীদিদম্॥ 1-112-24 (5012) রাজ্ঞি ধর্মানবেক্ষস্ব মা নঃ সর্বান্ব্যনীনশঃ। সত্যাচ্চ্যুতিঃ ক্ষত্রিয়স্য ন ধর্মেষু প্রশস্যতে॥ 1-112-25 (5013) শান্তনোরপি সংতানং যথা স্যাদক্ষয়ং ভুবি। তত্তে ধর্মং প্রবক্ষ্যামি ক্ষাত্রং রাজ্ঞি সনাতনম্॥ 1-112-26 (5014) শ্রুৎবা তং প্রতিপদ্যস্ব প্রাজ্ঞৈঃ সহ পুরোহিতৈঃ। আপদ্ধর্মার্থকুশলৈর্লোকতন্ত্রমবেক্ষ্য চ॥ ॥ 1-112-27 (5015) ইতি শ্রীমন্মহাভারতে আদিপর্বণি সংভবপর্বণি দ্বাদশাধিকশততমোঽধ্যায়ঃ॥ 112 ॥

1-113-0 (5016) ভীষ্ম উবাচ। 1-113-0x (683) জামদগ্ন্যেন রামেণ পিতুর্বধমমৃষ্যতা। রাজা পরশুনা পূর্বং হৈহয়াধিপতির্হতঃ॥ 1-113-1 (5017) শতানি দশবাহূনাং নিকৃত্তান্যর্জুনস্য বৈ। লোকস্যাচরিতো ধর্মস্তেনাতি কিল দুশ্চরঃ॥ 1-113-2 (5018) পুনশ্চ ধনুরাদায় মহাস্ত্রাণি প্রমুঞ্চতা। নির্দগ্ধং ক্ষত্রমসকৃদ্রথেন জয়তা মহীম্॥ 1-113-3 (5019) এবমুচ্চাবচৈরস্ত্রৈর্ভার্গবেণ মহাত্মনা। ত্রিঃসপ্তকৃৎবঃ পৃথিবী কৃতা নিঃক্ষত্রিয়া পুরা॥ 1-113-4 (5020) এবং নিঃক্ষত্রিয়ে লোকে কৃতে তেন মহর্ষিণা। ততঃ সংভূয় সর্বাভিঃ ক্ষত্রিয়াভিঃ সমন্ততঃ॥ 1-113-5 (5021) উৎপাদিতান্যপত্যানি ব্রাহ্মণৈর্বেদপারগৈঃ। পাণিগ্রাহস্য তনয় ইতি বেদেষু নিশ্চিতম্॥ 1-113-6 (5022) ধর্মং মনসি সংস্থাপ্য ব্রাহ্মণাংস্তাঃ সমভ্যযুঃ। লোকেঽপ্যাচরিতো দৃষ্টঃ ক্ষত্রিয়াণাং পুনর্ভবঃ॥ 1-113-7 (5023) ততঃ পুনঃ সমুদিতং ক্ষত্রং সমভবত্তদা। ইমং চৈবাত্র বক্ষ্যেঽহমিতিহাসং পুরাতনম্॥ 1-113-8 (5024) অথোচথ্য ইতি খ্যাত আসীদ্ধীমানৃষিঃ পুরা। মমতা নাম তস্যাসীদ্ভার্যা পরমসংমতা॥ 1-113-9 (5025) উচথ্যস্য যবীয়াংস্তু পুরোধাস্ত্রিদিবৌকসাম্। বৃহস্পতির্বৃহত্তেজা মমতামন্বপদ্যত॥ 1-113-10 (5026) উবাচ মমতা তং তু দেবরং বদতাং বরম্। অন্তর্বত্নী ৎবহং ভ্রাত্রা জ্যেষ্ঠেনারম্যতামিতি॥ 1-113-11 (5027) অয়ং চ মে মহাভাগ কুক্ষাবেব বৃহস্পতে। ঔচথ্যো দেবমত্রাপি ষডঙ্গং প্রত্যধীয়ত॥ 1-113-12 (5028) অমোঘরেতাস্ৎবং চাপি দ্বয়োর্নাস্ত্যত্র সংভবঃ। তস্মাদেবং গতে ৎবদ্য উপারমিতুমর্হসি॥ 1-113-13 (5029) বৈশম্পায়ন উবাচ। 1-113-14x (684) এবমুক্তস্তদা সম্যক্ বৃহস্পতিরুদারধীঃ। কামাত্মানং তদাত্মানং ন শশাক নিয়চ্ছিতুম্॥ 1-113-14 (5030) স বভূব ততঃ কামী তয়া সার্ধমকাময়া। উৎসৃজন্তং তু তং রেতঃ স গর্ভস্থোঽভ্যভাষত॥ 1-113-15 (5031) ভোস্তাত মা গমঃ কামং দ্বয়োর্নাস্তীহ সংভবঃ। অল্পাবকাশো ভগবন্পূর্বং চাহমিহাগতঃ॥ 1-113-16 (5032) অমোঘরেতাশ্চ ভবান্ন পীডাং কর্তুমর্হতি। অশ্রুৎবৈব তু তদ্বাক্যং গর্ভস্থস্য বৃহস্পতিঃ॥ 1-113-17 (5033) জগাম মৈথুনায়ৈব মমতাং চারুলোচনাম্। শুক্রোৎসর্গং ততো বুদ্ধ্বা তস্যা গর্ভগতো মুনিঃ॥ 1-113-18 (5034) পদ্ভ্যামারোধয়ন্মার্গং শুক্রস্য চ বৃহস্পতেঃ। স্থানমপ্রাপ্তমথ তচ্ছুক্রং প্রতিহতং তদা॥ 1-113-19 (5035) পপাত সহসা ভূমৌ ততঃ ক্রুদ্ধো বৃহস্পতিঃ। তং দৃষ্ট্বা পতিতং শুক্রং শশাপ স রুষান্বিতঃ॥ 1-113-20 (5036) উচথ্যপুত্রং গর্ভস্থং নির্ভর্ৎস্য ভগবানৃষিঃ। যন্মাং ৎবমীদৃশে কালে সর্বভূতেপ্সিতে সতি॥ 1-113-21 (5037) এবমাত্থ বচস্তস্মাত্তমো দীর্ঘং প্রবেক্ষ্যসি। স বৈ দীর্ঘতমা নাম শাপাদৃষিরজায়ত॥ 1-113-22 (5038) বৃহস্পতের্বৃহৎকীর্তের্বৃহস্পতিরিবৌজসা। জাত্যন্ধো বেদবিৎপ্রাজ্ঞঃ পত্নীং লেভে স বিদ্যযা॥ 1-113-23 (5039) তরুণীং রুপসংপন্নাং প্রদ্বেষীং নাম ব্রাহ্মণীম্। স পুত্রাঞ্জনয়ামাস গৌতমাদীন্মহায়শাঃ॥ 1-113-24 (5040) ঋষেরুচথ্যস্য তদা সন্তানকুলবৃদ্ধয়ে। ধর্মাত্মা চ মহাত্মা চ বেদবেদাঙ্গপারগঃ॥ 1-113-25 (5041) গোধর্মং সৌরভেয়াচ্চ সোঽধীত্য নিখিলং মুনিঃ। প্রাবর্তত তদা কর্তুং শ্রদ্ধাবাংস্তমশঙ্কয়া॥ 1-113-26 (5042) ততো বিতথমর্যাদং তং দৃষ্ট্বা মুনিসত্তমাঃ। ক্রুদ্ধা মোহাভিভূতাস্তে সর্বে তত্রাশ্রমৌকসঃ॥ 1-113-27 (5043) অহোঽয়ং ভিন্নমর্যাদো নাশ্রমে বস্তুমর্হতি। তস্মাদেনং বয়ং সর্বে পাপাত্মানং ত্যজামহে॥ 1-113-28 (5044) ইত্যন্যোন্যং সমাভাষ্য তে দীর্ঘতমসং মুনিম্। পুত্রলাভাচ্চ সা পত্নী ন তুতোষ পতিং তদা॥ 1-113-29 (5045) প্রদ্বিষন্তীং পতির্ভার্যাং কিং মাং দ্বেক্ষীতি চাব্রবীৎ। 1-113-30 (5046) প্রদ্বেষ্যুবাচ। ভার্যায়া ভরণাদ্ভর্তা পালনাচ্চ পতিঃ স্মৃতঃ॥ 1-113-30x (685) অহং ৎবদ্ভরণাশক্তা জাত্যন্ধং সসুতং তদা। নিত্যকালং শ্রমেণার্তা ন ভরেয়ং মহাতপঃ॥ 1-113-31 (5047) ভীষ্ম উবাচ। 1-113-32x (686) তস্মাস্তদ্বচনং শ্রুৎবা ঋষিঃ কোপসমন্বিতঃ। প্রত্যুবাচ ততঃ পত্নীং প্রদ্বেষীং সসুতাং তদা॥ 1-113-32 (5048) নীয়তাং ক্ষত্রিয়কুলে ধনার্থশ্চ ভবিষ্যতি। 1-113-33 (5049) প্রদ্বেষ্যুবাচ। ৎবয়া দত্তং ধনং বিপ্র নেচ্ছেয়ং দুঃখকারণম্॥ 1-113-33x (687) যথেষ্টং কুরু বিপ্রেন্দ্র ন ভেরয়ং পুরা যথা। 1-113-34 (5050) দীর্ঘতমা উবাচ। অদ্যপ্রভৃতি মর্যাদা ময়া লোকে প্রতিষ্ঠিতা॥ 1-113-34x (688) এক এব পতির্নার্যা যাবজ্জীবং পরায়ণম্। মৃতে জীবতি বা তস্মিন্নাপরং প্রাপ্নুয়ান্নরম্॥ 1-113-35 (5051) অভিগম্য পরং নারী পতিষ্যতি ন সংশয়ঃ। অপতীনাং তু নারীণামদ্যপ্রভৃতি পাতকম্॥ 1-113-36 (5052) যদ্যস্তি চেদ্ধনং সর্বং বৃথাভোগা ভবন্তু তাঃ। অকীর্তিঃ পরিবাদাশ্চ নিত্যং তাসাং ভবন্তু বৈ॥ 1-113-37 (5053) ইতি তদ্বচনং শ্রুৎবা ব্রাহ্মণী ভৃশকোপিতা। গঙ্গায়াং নীয়তামেষ পুত্রা ইত্যেবমব্রবীৎ॥ 1-113-38 (5054) লোভমোহাভিভূতাস্তে পুত্রাস্তং গৌতমাদয়ঃ। বদ্ধ্বোডুপে পরিক্ষিপ্য গঙ্গায়াং সমবাসৃজন্॥ 1-113-39 (5055) কস্মাদন্ধশ্চ বৃদ্ধশ্চ ভর্তব্যোঽয়মিতি স্ম তে। চিন্তয়িৎবা ততঃ ক্রূরাঃ প্রতিজগ্মুরথো গৃহান্॥ 1-113-40 (5056) সোঽনুস্রোতস্তদা বিপ্রঃ প্লবমানো যদৃচ্ছয়া। জগাম সুবহূন্দেশানন্ধস্তেনোডুপেন হ॥ 1-113-41 (5057) তং তু রাজা বলির্নাম সর্বধর্মবিদাং বরঃ। অপশ্যন্মজ্জনগতঃ স্রোতসাঽভ্যাশমাগতম্॥ 1-113-42 (5058) জগ্রাহ চৈনং ধর্মাত্মা বলিঃ সত্যপরাক্রমঃ। জ্ঞাৎবা চৈবং স বব্রেঽথ পুত্রার্থে ভরতর্ষভ॥ 1-113-43 (5059) `তং পূজয়িৎবা রাজর্ষির্বিশ্রান্তং মুনিমব্রবীৎ।' সন্তানার্থং মহাভাগ ভার্যাসু মম মানদ। পুত্রান্ধর্মার্থকুশলানুৎপাদয়িতুমর্হসি॥ 1-113-44 (5060) ভীষ্ম উবাচ। 1-113-45x (689) এবমুক্তঃ স তেজস্বী তং তথেত্যুক্তবানৃষিঃ। তস্মৈস রাজা স্বাং ভার্যাং সুদেষ্ণাং প্রাহিণোত্তদা॥ 1-113-46 (5061) অন্ধং বৃদ্ধং চ তং মৎবা ন সা দেবী জগাম হ। স্বাং তু ধাত্রেয়িকাং তস্মৈ বৃদ্ধায় প্রাহিণোত্তদা॥ 1-113-46 (5062) তস্যাং কাক্ষীবদাদীন্স শূদ্রয়োনাবৃষিস্তদা। জনয়ামাস ধর্মাত্মা পুত্রানেকাদশৈব তু॥ 1-113-47 (5063) কাক্ষীবদাদীন্পুত্রাংস্তান্দৃষ্ট্বা সর্বানধীয়তঃ। উবাচ তমৃষিং রাজা মমেম ইতি ভারত॥ 1-113-48 (5064) নেত্যুবাচ মহর্ষিস্তং মমেম ইতি চাব্রবীৎ। শূদ্রয়োনৌ ময়া হীমে জাতাঃ কাক্ষীবদাদয়ঃ॥ 1-113-49 (5065) অন্ধং বৃদ্ধং চ মাং দৃষ্ট্বা সুদেষ্ণা মহিষী তব। অবমন্য দদৌ মূঢা শূদ্রাং ধাত্রেয়িকাং মম॥ 1-113-50 (5066) ভীষ্ম উবাচ। 1-113-51x (690) ততঃ প্রসাদয়ামাস পুনস্তমৃষিসত্তমম্। বলিঃ সুদেষ্ণাং স্বাং ভার্যাং তস্মৈ স প্রাহিণোৎপুনঃ॥ 1-113-51 (5067) তাং স দীর্ঘতমাঙ্গেষু স্পৃষ্ট্বা দেবীমথাব্রবীৎ। ভবিষ্যন্তি কুমারাস্তে তেজসাঽঽদিত্যবর্চসঃ॥ 1-113-52 (5068) অঙ্গো বঙ্গঃ কলিঙ্গশ্চ পুণ্ড্রঃ সুহ্মশ্চ তে সুতাঃ। তেষাং দেশাঃ সমাখ্যাতাঃ স্বনামকথিতা ভুবি॥ 1-113-53 (5069) অঙ্গস্যাঙ্গোঽভবদ্দেশো বঙ্গো বঙ্গস্য চ স্মৃতঃ। কলিঙ্গবিষয়শ্চৈব কলিঙ্গস্য চ স স্মৃতঃ॥ 1-113-54 (5070) পুণ্ড্রস্য পুণ্ড্রাঃ প্রখ্যাতাঃ সুহ্মাঃ সুহ্মস্য চ স্মৃতাঃ। এবং বলেঃ পুরা বংশঃ প্রখ্যাতো বৈ মহর্ষিজঃ॥ 1-113-55 (5071) এবমন্যে মহেষ্বাসা ব্রাহ্মণৈঃ ক্ষত্রিয়া ভুবি। জাতাঃ পরমধর্মজ্ঞা বীর্যবন্তো মহাবলাঃ। এতচ্ছ্রুৎবা ৎবমপ্যত্র মাতঃ কুরু যথেপ্সিতম্॥ ॥ 1-113-56 (5072) ইতি শ্রীমন্মহাভারতে আদিপর্বণি সংভবপর্বণি ত্রয়োদশাধিকশততমোঽধ্যায়ঃ॥ 113 ॥

1-114-0 (5073) ভীষ্ম উবাচ। 1-114-0x (691) পুনর্ভরতবংশস্য হেতুং সন্তানবৃদ্ধয়ে। বক্ষ্যামি নিয়তং মাতস্তন্মে নিগদতঃ শৃণু॥ 1-114-1 (5074) ব্রাহ্মণো গুণবান্কশ্চিদ্ধনেনোপনিমন্ত্র্যতাম্। বিচিত্রবীর্যক্ষেত্রেষু যঃ সমুৎপাদয়েৎপ্রজাঃ॥ 1-114-2 (5075) `বৈশম্পায়ন উবাচ। 1-114-3x (692) ভীষ্মস্য তু বচঃ শ্রুৎবা ধর্মহেৎবর্থসংহিতম্। মাতা সত্যবতী ভীষ্মং পুনরেবাভ্যভাষত॥ 1-114-3 (5076) ঔচথ্যমধিকৃত্যেদমঙ্গং চ যদুদাহৃতম্। পৌরাণী শ্রুতিরিত্যেষা প্রাপ্তকালমিদং কুরু॥ 1-114-4 (5077) ৎবং হি পুত্র কুলস্যাস্য জ্যেষ্ঠঃ শ্রেষ্ঠশ্চ ভারত। যথা চ তে পিতুর্বাক্যং মম কার্যং তথাঽনঘ॥ 1-114-5 (5078) মম পুত্রস্তব ভ্রাতা যবীয়ান্সুপ্রিয়শ্চ তে। বাল এব গতঃ স্বর্গং ভারতো ভরতর্ষভ॥ 1-114-6 (5079) ইমে মহিষ্যৌ তস্যেহ কাশিরাজসুতে উভে। রূপয়ৌবনসংপন্নে পুত্রকামে চ ভারত॥ 1-114-7 (5080) ধর্ম্যমেতৎপরং জ্ঞাৎবা সন্তানায় কুলস্য চ। আভ্যাং মম নিয়োগাত্তু ধর্মং চরিতুমর্হসি॥ 1-114-8 (5081) ভীষ্ম উবাচ। 1-114-9x (693) অসংশয়ং পরো ধর্মস্ৎবয়াঃ মাতঃ প্রকীর্তিতঃ। ৎবমপ্যেতাং প্রতিজ্ঞাং তু বেত্থ যা ময়ি বর্ততে॥ 1-114-9 (5082) অমরৎবস্য বা হেতোস্ত্রৈলোক্যসদনস্য বা। উৎসৃজেয়মহং প্রাণান্ন তু সত্যং কথংচন॥ 1-114-10 (5083) সত্যবত্যুবাচ। 1-114-11x (694) জানামি ৎবয়ি ধর্মজ্ঞ সত্যং সত্যপরাক্রম। ইচ্ছংস্ৎবমিহ লোকাংস্ত্রীন্সৃজেরন্যানরিন্দম॥ 1-114-11 (5084) যথা তু নঃ কুলং চৈব ধর্মশ্চ ন পরাভবেৎ। সুহৃদশ্চ প্রহৃষ্টাঃ স্যুস্তথা ৎবং কর্তুমর্হসি॥ 1-114-12 (5085) ভীষ্ম উবাচ। 1-114-13x (695) ৎবমেব কুলবৃদ্ধাসি গৌরবং তু পরং ৎবয়ি। সোপায়ং কুলসন্তানে বক্তুমর্হসি নঃ পরম্॥ 1-114-13 (5086) স্ত্রিয়ো হি পরমং গুহ্যং ধারয়ন্তি সদা কুলে। পুরুষাংশ্চৈব মায়াভির্বহ্বীভিরুপগৃহ্ণতে॥ 1-114-14 (5087) সা সত্যবতি সংপশ্য ধর্মং সত্যপরায়ণে। যথা ন জহ্যাং সত্যং চ ন সীদেচ্চ কুলং হি নঃ॥' 1-114-15 (5088) বৈশম্পায়ন উবাচ। 1-114-16x (696) ততঃ সত্যবতী ভীষ্মং বাচা সংসজ্জমানয়া। বিহসন্তীব সব্রীডমিদং বচনমব্রবীৎ॥ 1-114-16 (5089) সত্যমেতন্মহাবাহো যথা বদসি ভারত। বিশ্বাসাত্তে প্রবক্ষ্যামি সন্তানায় কুলস্য নঃ॥ 1-114-17 (5090) ন তে শক্যমনাখ্যাতুমাপদ্ধর্মং তথাবিধম্। ৎবমেব নঃ কুলে ধর্মস্ৎবং সত্যং ৎবং পরা গতিঃ॥ 1-114-18 (5091) `যত্ৎবং বক্ষ্যসি তৎকার্যমস্মাভিরিতি মে মতিঃ।' তস্মান্নিশম্য সত্যং মে কুরুষ্ব যদনন্তরম্। `শৃণু ভীষ্ম বচো মহ্যং ধর্মার্থসহিতং হিতম্॥ 1-114-19 (5092) ন চ বিস্রম্ভকথিতং ভবান্সূচিতুমর্হতি। যস্তু রাজা বসুর্নাম শ্রুতস্তে ভরতর্ষভ॥ 1-114-20 (5093) তস্য শুক্লাদহং মৎস্যা ধৃতা কুক্ষৌ পুরা কিল। মাতরং মে জলাদ্ধৃৎবা দাশঃ পরমধর্মবিৎ॥ 1-114-21 (5094) মাং তু স্বগৃহমানীয় দুহিতৃৎবেঽভ্যকল্পয়ৎ। ধর্ময়ুক্তঃ স ধর্মেণ পিতা চাসীত্ততো মম॥' 1-114-22 (5095) ধর্ময়ুক্তস্য ধর্মার্থং পিতুরাসীত্তরী মম। সা কদাচিদহং তত্র গতা প্রথময়ৌবনম্॥ 1-114-23 (5096) অথ ধর্মবিদাং শ্রেষ্ঠঃ পরমর্ষিঃ পরাশরঃ। আজগাম তরীং ধীমাংস্তরিষ্যন্যমুনাং নদীম্॥ 1-114-24 (5097) স তার্যমাণো যমুনাং মামুপেত্যাব্রবীত্তদা। সান্ৎবপূর্বং মুনিশ্রেষ্ঠঃ কামার্তো মধুরং বচঃ। উক্ৎবা জন্ম কুলং মহ্যং নাসি দাশসুতেতি চ॥ 1-114-25 (5098) তমহং শাপভীতা চ পিতুর্ভীতা চ ভারত। বরৈরসুলভৈরুক্তা ন প্রত্যাখ্যাতুমুৎসহে॥ 1-114-26 (5099) `প্রেক্ষ্য তাংস্তু মহাভাগান্পারাবারে ঋষীন্স্থিতান্। যমুনাতীরবিন্যস্তান্প্রদীপ্তানিব পাবকান্॥ 1-114-27 (5100) পুরস্তাদরুণশ্চৈব তরুণঃ সংপ্রকাশতে। যেনৈষা তাম্রবস্ত্রেব দ্যৌঃ কৃতা প্রবিজৃম্ভিতা॥ 1-114-28 (5101) উক্তমাত্রো ময়া তত্র নীহারমসৃজৎপ্রভুঃ। পরাশরঃ সত্যধৃতির্দ্বীপে চ যমুনাম্ভসি॥' 1-114-29 (5102) অভিভূয় স মাং বালাং তেজসা বশমানয়ৎ। তমসা লোকমাবৃত্য নৌগতামেব ভারত॥ 1-114-30 (5103) মৎস্যগন্ধো মহানাসীৎপুরা মম জুগুপ্সিতঃ। তমপাস্য শুভং গন্ধমিমং প্রাদাৎস মে মুনিঃ॥ 1-114-31 (5104) ততো মামাহ স মুনির্গর্ভমুৎসৃজ্য মামকম্। দ্বোপেঽস্যা এব সরিতঃ কন্যৈব ৎবং ভবিষ্যসি॥ 1-114-32 (5105) কন্যাৎবং চ দদৌ প্রীতঃ পুনর্বিদ্বাংস্তপোধনঃ। তস্য বীর্যমহং দৃষ্ট্বা তথা যুক্তং মহাত্মনঃ॥ 1-114-33 (5106) বিস্মিতা ব্যথিতা চৈব প্রাদামাত্মানমেব চ। ততস্তদা মহাত্মা স কন্যায়াং ময়ি ভারত। প্রহৃষ্টোঽজনয়ৎপুত্রং দ্বীপ এব পরাশরঃ॥' 1-114-34 (5107) পারাশর্যো মহায়োগী স বভূব মহানৃষিঃ। কন্যাপুত্রো মম পুরা দ্বৈপায়ন ইতি শ্রুতঃ॥ 1-114-35 (5108) যো ব্যস্য বেদাংশ্চতুরস্তপসা ভগবানৃষিঃ। লোকে ব্যাসৎবমাপেদে কার্ষ্ণ্যাৎকৃষ্ণৎবমেব চ॥ 1-114-36 (5109) সত্যবাদী শমপরস্তপস্বী দগ্ধকিল্বিষঃ। সদ্যোৎপন্নঃ স তু মহান্সহ পিত্রা ততো গতঃ॥ 1-114-37 (5110) স নিয়ুক্তো ময়া ব্যক্তং ৎবয়া চাপ্রতিমদ্যুতিঃ। ভ্রাতুঃ ক্ষেত্রেষু কল্যাণমপত্যং জনয়িষ্যতি॥ 1-114-38 (5111) স হি মামুক্তবাংস্তত্র স্মরেঃ কৃচ্ছ্রেষু মামিতি। তং স্মরিষ্যে মহাবাহো যদি ভীষ্ম ৎবমিচ্ছসি॥ 1-114-39 (5112) তব হ্যনুমতে ভীষ্ম নিয়তং স মহাতপাঃ। বিচিত্রবীর্যক্ষেত্রেষু পুত্রানুৎপাদয়িষ্যতি॥ 1-114-40 (5113) বৈশম্পায়ন উবাচ। 1-114-41x (697) মহর্ষেঃ কীর্তনে তস্য ভীষ্মঃ প্রাঞ্জলিরব্রবীৎ। `দেশকালৌ চ জানাসি ক্রিয়তামর্থসিদ্ধয়ে।' 1-114-41 (5114) ধর্মমর্থং চ কামং চ ত্রীনেতান্যোনুপশ্যতি॥ 1-114-41x (698) অর্থমর্থানুবন্ধং চ ধর্মং ধর্মানুবন্ধনম্। কামং কামানুবন্ধং চ বিপরীতান্পৃথক্পৃথক্॥ 1-114-42 (5115) যো বিচিন্ত্য ধিয়া ধীরো ব্যবস্যতি স বুদ্ধিমান্। তদিদং ধর্ময়ুক্তং চ হিতং চৈব কুলস্য নঃ॥ 1-114-43 (5116) উক্তং ভবত্যা যচ্ছ্রেয়স্তন্মহ্যং রোচতে ভৃশম্। 1-114-44 (5117) বৈশম্পায়ন উবাচ। ততস্তস্মিন্প্রতিজ্ঞাতে ভীষ্মেণ কুরুনন্দন॥ 1-114-44x (699) কৃষ্ণদ্বৈপায়নং কালী চিন্তয়ামাস বৈ মুনিম্। স বেদান্বিব্রুবন্ধীমান্মাতুর্বিজ্ঞায় চিন্তিতম্॥ 1-114-45 (5118) প্রাদুর্বভূবাবিদিতঃ ক্ষণেন কুরুনন্দন। তস্মৈ পূজাং ততঃ কৃৎবা সুতায় বিধিপূর্বকম্॥ 1-114-46 (5119) পরিষ্বজ্য চ বাহুভ্যাং প্রস্রবৈরভ্যষিঞ্চত। মুমোচ বাষ্পং দাশেয়ী পুত্রং দৃষ্ট্বা চিরস্য তু॥ 1-114-47 (5120) তামদ্ভিঃ পরিষিচ্যার্তাং মহর্ষিরভিবাদ্য চ। মাতরং পূর্বজঃ পুত্রো ব্যাসো বচনমব্রবীৎ॥ 1-114-48 (5121) ভবত্যা যদভিপ্রেতং তদহং কর্তুমাগতঃ। শাধি মাং ধর্মতত্ৎবজ্ঞে করবাণি প্রিয়ং তব॥ 1-114-49 (5122) তস্মৈ পূজাং ততোঽকার্ষীৎপুরোধাঃ পরমর্ষয়ে। স চ তাং প্রতিজগ্রাহ বিধিমন্মন্ত্রপূর্বকম্॥ 1-114-50 (5123) পূজিতো মন্ত্রপূর্বং তু বিধিবৎপ্রীতিমাপ সঃ। তমাসনগতং মাতা পৃষ্ট্বা কুশলমব্যযম্॥ 1-114-51 (5124) সত্যবত্যথ বীক্ষ্যৈনমুবাচেদমনন্তরম্। মাতাপিত্রোঃ প্রজায়ন্তে পুত্রাঃ সাধারণাঃ কবে॥ 1-114-52 (5125) তেষাং পিতা যথা স্বীমী তথা মাতা ন সংশয়ঃ। বিধানবিহিতঃ স ৎবং যথা মে প্রথমঃ সুতঃ॥ 1-114-53 (5126) বিচিত্রবীর্যো ব্রহ্মর্ষে তথা মেঽবরজঃ সুতঃ। যথৈব পিতৃতো ভীষ্মস্তথা ৎবমপি মাতৃতঃ॥ 1-114-54 (5127) ভ্রাতা বিচিত্রবীর্যস্য যথা বা পুত্র মন্যসে। অয়ং শান্তনবঃ সত্যং পালয়ন্সত্যবিক্রমঃ॥ 1-114-55 (5128) বুদ্ধিং ন কুরুতেঽপত্যে তথা রাজ্যাঽনুশাসনে। স ৎবং ব্যপেক্ষয়া ভ্রাতুঃ সন্তানায় কুলস্য চ॥ 1-114-56 (5129) ভীষ্মস্য চাস্য বচনান্নিয়োগাচ্চ মমানঘ। অনুক্রোশাচ্চ ভূতানাং সর্বেষাং রক্ষণায় চ॥ 1-114-57 (5130) আনৃশংস্যাচ্চ যদ্ব্রূয়াং তচ্ছ্রুৎবা কর্তুমর্হসি। যবীয়সস্ব ভ্রাতুর্ভার্যে সুরসুতোপমে॥ 1-114-58 (5131) রূপয়ৌবনসংপন্নে পুত্রকামে চ ধর্মতঃ। তয়োরুৎপাদয়াপত্যং সমর্থো হ্যসি পুত্রক॥ 1-114-59 (5132) অনুরূপং কুলস্যাস্য সংতত্যাঃ প্রসবস্য চ। 1-114-60 (5133) ব্যাস উবাচ। বেত্থ ধর্মং সত্যবতি পরং চাপরমেব চ॥ 1-114-60x (700) তথা তব মহাপ্রাজ্ঞে ধর্মে প্রণিহিতা মতিঃ। তস্মাদহং ৎবন্নিয়োগাদ্ধর্মমুদ্দিশ্য কারণম্॥ 1-114-61 (5134) ঈপ্সিতং তে করিষ্যামি দৃষ্টং হ্যেতৎসনাতনম্। ভ্রাতুঃ পুত্রান্প্রদাস্যামি মিত্রাবরুণয়োঃ সমান্॥ 1-114-62 (5135) ব্রতং চরেতাং তে দেব্যৌ নির্দিষ্টমিহ যন্ময়া। সংবৎসরং যথান্যায়ং ততঃ শুদ্ধে ভবিষ্যতঃ॥ 1-114-63 (5136) নহি মামব্রতোপেতা উপেয়াৎকাচিদঙ্গনা। 1-114-64 (5137) সত্যবত্যুবাচ। সদ্যো যথা প্রপদ্যেতে দেব্যৌ গর্ভং তথা কুরু॥ 1-114-64x (701) অরাজকেষু রাষ্ট্রেষু প্রজাঽনাথা বিনশ্যতি। নশ্যন্তি চ ক্রিয়াঃ সর্বা নাস্তি বৃষ্টির্ন দেবতা॥ 1-114-65 (5138) কথং চারাজকং রাষ্ট্রং শক্যং ধারয়িতুং প্রভো। তস্মাদ্গর্ভং সমাধৎস্ব ভীষ্মঃ সংবর্ধয়িষ্যতি॥ 1-114-66 (5139) ব্যাস উবাচ। 1-114-67x (702) যদি পুত্রঃ প্রদাতব্যো ময়া ভ্রাতুরকালিকঃ। বিরূপতাং মে সহতাং তয়োরেতৎপরং ব্রতম্॥ 1-114-67 (5140) যদি মে সহতে গন্ধং রূপং বেষং তথা বপুঃ। অদ্যৈব গর্ভং কৌসল্যা বিশিষ্টং প্রতিপদ্যতাম্॥ 1-114-68 (5141) `তস্যাপি চ শতং পুত্রা ভবিতারো ন সংশয়ঃ। গোপ্তারঃ কুরুবংশস্য ভবত্যাঃ শোকনাশনাঃ॥' 1-114-69 (5142) বৈশম্পায়ন উবাচ। 1-114-70x (703) এবমুক্ৎবা মহাতেজা ব্যাসঃ সত্যবতীং তদা। শয়নে সা চ কৌসল্যা শুচিবস্ত্রা হ্যলঙ্কৃতা॥ 1-114-70 (5143) সমাগমনমাকাঙ্ক্ষেদিতি সোঽন্তর্হিতো মুনিঃ। ততোঽভিগম্য সা দেবী স্নুষাং রহসি সংগতাম্॥ 1-114-71 (5144) ধর্ম্যমর্থসমায়ুক্তমুবাচ বচনং হিতম্। কৌসল্যে ধর্মতন্ত্রং ৎবাং যদ্ব্রবীমি নিবোধ তৎ॥ 1-114-72 (5145) ভরতানাং সমুচ্ছেদো ব্যক্তং মদ্ভাগ্যসংক্ষয়াৎ। ব্যথিতাং মাং চ সংপ্রেক্ষ্য পিতৃবংশং চ পীডিতম্॥ 1-114-73 (5146) ভীষ্মো বুদ্ধিমদান্মহ্যং কুলস্যাস্য বিবৃদ্ধয়ে। সা চ বুদ্ধিস্ৎবয়্যধীনা পুত্রি প্রাপয় মাং তথা॥ 1-114-74 (5147) নষ্টং চ ভারতং বংশং পুনরেব সমুদ্ধর়। পুত্রং জনয় সুশ্রোণি দেবরাজসমপ্রভম্॥ 1-114-75 (5148) স হি রাজ্যধুরং গুর্বীমুদ্বক্ষ্যতি কুলস্য নঃ। `এবমুক্ৎবা তু সা দেবী স্নুষাং সত্যবতী তদা॥' 1-114-76 (5149) সা ধর্মতোঽনুনীয়ৈনাং কথংচিদ্ধর্মচারিণীম্। ভোজয়ামাস বিপ্রাংশ্চ দেবর্ষীনতিথীংস্তথা॥ ॥ 1-114-77 (5150) ইতি শ্রীমন্মহাভারতে আদিপর্বণি সংভবপর্বণি চতুর্দশাধিকশততমোঽধ্যায়ঃ॥ 114 ॥

1-115-0 (5151) বৈশম্পায়ন উবাচ। 1-115-0x (704) ততঃ সত্যবতী কালে বধূং স্নাতামৃতৌ তদা। সংবেশয়ন্তী শয়নে শনৈর্বচনমব্রবীৎ॥ 1-115-1 (5152) কৌসল্যে দেবরস্তেঽস্তি সোঽদ্য ৎবাঽনুপ্রবেক্ষ্যতি। অপ্রমত্তা প্রতীক্ষৈনং নিশীথে হ্যাগমিষ্যতি॥ 1-115-2 (5153) শ্বশ্র্বাস্তদ্বচনং শ্রুৎবা শয়ানা শয়নে শুভে। সাঽচিন্তয়ত্তদা ভীষ্মমন্যাংশ্চ কুরুপুঙ্গবান্॥ 1-115-3 (5154) `ততঃ সুপ্তজনপ্রায়েঽর্ধরাত্রে ভগবানৃষিঃ। দীপ্যমানেষু দীপেষু শরণং প্রবিবেশ হ॥ 1-115-4 (5155) ততোঽম্বিকায়াং প্রথমং নিয়ুক্তঃ সত্যবাগৃষিঃ। জগাম তস্যাঃ শয়নং বিপুলে তপসি স্থিতঃ॥ 1-115-5 (5156) তং সমীক্ষ্য তু কৌসল্যা দুষ্প্রেক্ষমতথোচিতা। বিরূপ ইতি বিত্রস্তা সংকুচ্যাসীন্নিমীলিতা॥ 1-115-6 (5157) বিরূপো হি জটী চাপি দুর্বর্ণঃ পরুষঃ কৃশঃ। সুগন্ধেতরগন্ধশ্চ সর্বথা দুষ্প্রধর্ষণঃ॥' 1-115-7 (5158) তস্য কৃষ্ণস্য কপিলাং জটাং দীপ্তে চ লোচনে। বব্রূণি চৈব শ্মশ্রূমি দৃষ্ট্বা দেবী ন্যমীলয়ৎ॥ 1-115-8 (5159) সংভূব তয়া সার্ধং মাতুঃ প্রিয়চিকীর্ষয়া। ভয়াৎকাশিসুতা তং তু নাশক্নোদভিবীক্ষিতুম্॥ 1-115-9 (5160) ততো নিষ্ক্রান্তমাগম্য মাতা পুত্রমুবাচ হ। অপ্যস্যাং গুণবান্পুত্র রাজপুত্রো ভবিষ্যতি॥ 1-115-10 (5161) নিশম্য তদ্বচো মাতুর্ব্যাসঃ সত্যবতীসুতঃ। `প্রোবাচাতীন্দ্রিয়জ্ঞানো বিধিনা সংপ্রচোদিতঃ॥' 1-115-11 (5162) নাগায়ুতসমপ্রাণো বিদ্বান্রাজর্ষিসত্তমঃ। মহাভাগো মহাবীর্যো মহাবুদ্ধির্ভবিষ্যতি॥ 1-115-12 (5163) তস্য চাপি শতং পুত্রা ভবিষ্যন্তি মহাত্মনঃ। কিংতু মাতুঃ স বৈগুণ্যাদন্ধ এব ভবিষ্যতি॥ 1-115-13 (5164) তস্য তদ্বচনং শ্রুৎবা মাতা পুত্রমথাঽব্রবীৎ। নান্ধঃ কুরূণাং নৃপতিরনুরূপস্তপোধন॥ 1-115-14 (5165) জ্ঞাতিবংশস্য গোপ্তারং পিতৄণাং বংশবর্ধনম্। `অপরস্যামপি পুনর্মম শোকবিনাশনম্॥ 1-115-15 (5166) তস্মাদবরজং পুত্রং জনয়ান্যং নরাধিপম্। ভ্রাতুর্ভার্যাঽবরা চেয়ং রূপয়ৌবনশালিনী॥ 1-115-16 (5167) অস্যামুৎপাদয়াঽপত্যং মন্নিয়োগাদ্গুণাধিকম্।' দ্বিতীয়ং কুরুবংশস্য রাজানং দাতুমর্হসি॥ 1-115-17 (5168) স তথেতি প্রতিজ্ঞায় নিশ্চক্রাম মহায়শাঃ। সাঽপি কালেন কৌসল্যা সুষুবেঽন্ধং তমাত্মজম্॥ 1-115-18 (5169) পুনরেব তু সা দেবী পরিভাষ্য স্নুষাং ততঃ। ঋষিমাবাহয়ৎসত্যা যথাপূর্বমরিন্দম॥ 1-115-19 (5170) `অম্বালিকাং সমাহূয় তস্যাং সত্যবতী সুতম্। ভূয়ো নিয়োজয়ামাস সন্তানায় কুলস্য বৈ॥ 1-115-20 (5171) বিষণ্ণাম্বালিকা সাধ্বী নিষণ্ণা শয়নোত্তমে। কোন্বেষ্যতীতি ধ্যায়ন্তী নিয়তাং সংপ্রতীক্ষতে'॥ 1-115-21 (5172) ততস্তেনৈব বিধিনা মহর্ষিস্তামপদ্যত। অম্বালিকামথাঽভ্যাগাদৃষিং দৃষ্ট্বা চ সাঽপি তম্॥ 1-115-22 (5173) বিবর্ণা পাণ্ডুসংকাশা সমপদ্যত ভারত। তাং ভীতাং পাণ্ডুসংকাশাং বিষণ্ণাং প্রেক্ষ্য ভারত॥ 1-115-23 (5174) ব্যাসঃ সত্যবতীপুত্র ইদং বচনমব্রবীৎ। যস্মাৎপাণ্ডুৎবমাপন্না বিরূপং প্রেক্ষ্য মামিহ॥ 1-115-24 (5175) তস্মাদেষ সুতস্তে বৈ পাণ্ডুরেব ভবিষ্যতি। নাম চাস্যৈতদেবেহ ভবিষ্যতি শুভাননে॥ 1-115-25 (5176) ইত্যুক্ৎবা স নিরাক্রামদ্ভগবানৃষিসত্তমঃ। ততো নিষ্ক্রান্তমালোক্য সত্যা পুত্রমথাঽব্রবীৎ॥ 1-115-26 (5177) `কুমারো ব্রূহি মে পুত্র অপ্যত্র ভবিতা শুভঃ।' শশংস স পুনর্মাত্রে তস্য বালস্য পাণ্ডুতাম্॥ 1-115-27 (5178) `ভবিষ্যতি সুবিক্রান্তঃ কুমারো দিক্ষু বিশ্রুতঃ। পাণ্ডুৎবং বর্ণতস্তস্য মাতৃদোষাদ্ভবিষ্যতি॥ 1-115-28 (5179) তস্য পুত্রা মহেষ্বাসা ভবিষ্যন্তীহ পঞ্চ বৈ। ইত্যুক্ৎবা মাতরং তত্র সোঽভিবাদ্য জগাম হ॥' 1-115-29 (5180) তং মাতা পুনরেবান্যমেকং পুত্রময়াচত। তথেতি চ মহর্ষিস্তাং মাতরং প্রত্যভাষত॥ 1-115-30 (5181) ততঃ কুমারং সা দেবী প্রাপ্তকালমজীজনৎ। পাণ্ডুলক্ষণসংপন্নং দীপ্যমানমিব শ্রিয়া॥ 1-115-31 (5182) যস্য পুত্রা মহেষ্বাসা জজ্ঞিরে পঞ্চ পাণ্ডবাঃ। `তয়োর্জন্মক্রিয়াঃ সর্বা যথাবদনুপূর্বশঃ॥ 1-115-32 (5183) কারয়ামাস বৈ ভীষ্মো ব্রাহ্মণৈর্বেদপারগৈঃ। অন্ধং দৃষ্ট্বাঽম্বিকাপুত্রং জাতং সত্যবতী সুতম্॥ 1-115-33 (5184) কৌসল্যার্থে সমাহূয় পুত্রমন্যময়াচত। অন্ধোয়মন্যমিচ্ছামি কৌসল্যাতনয়ং শুভম্॥ 1-115-34 (5185) এবমুক্তো মহর্ষিস্তাং মাতরং প্রত্যভাষত। নিয়তা যদি কৌসল্যা ভবিষ্যতি পুনঃশুভা॥ 1-115-35 (5186) ভবিষ্যতি কুমারোঽস্যা ধর্মশাস্ত্রার্থতৎববিৎ। তাং সমাধায় বৈ ভূয়ঃ স্নুষাং সত্যবতী পুনঃ॥' 1-115-36 (5187) ঋতুকালে ততো জ্যেষ্ঠাং বধূং তস্মৈ ন্যযোজয়ৎ। সা তু রূপং চ গন্ধং চ মহর্ষেঃ প্রবিচিন্ত্য তং॥ 1-115-37 (5188) নাকরোদ্বচনং দেব্যা ভয়াৎসুরসুতোপমা। ততঃস্বৈর্ভূষণৈর্দাসীং ভূষয়িৎবাঽপ্সরোপমাম্॥ 1-115-38 (5189) প্রেষয়ামাস কৃষ্ণায় ততঃ কাশিপতেঃ সুতা। সা তং ৎবৃষিমনুপ্রাপ্তং প্রত্যুদ্গম্যাভিবাদ্য চ॥ 1-115-39 (5190) সংবিবেশাভ্যনুজ্ঞাতা সৎকৃত্যোপচচার হ। `বাগ্ভাবোপপ্রদানেন গাত্রসংস্পর্শনেন চ॥' 1-115-40 (5191) কামোপভোগেন রহস্তস্যাং তুষ্টিমগাদৃষিঃ। তয়া সহোষিতো রাজন্মহর্ষিঃ সংশিতব্রতঃ॥ 1-115-41 (5192) উত্তিষ্ঠন্নব্রবীদেনামভুজিষ্যা ভবিষ্যসি। অয়ং চ তে শুভে গর্ভঃ শ্রেয়ানুদরমাগতঃ। ধর্মাত্মা ভবিতা লোকে সর্ববুদ্ধিমতাং বরঃ॥ 1-115-42 (5193) স জজ্ঞে বিদুরো নাম কৃষ্ণদ্বৈপায়নাত্মজঃ। ধৃতরাষ্ট্রস্য বৈ ভ্রাতা পাণ্ডোশ্চৈব মহাত্মনঃ॥ 1-115-43 (5194) ধর্মো বিদুররূপেণ শাপাত্তস্য মহাত্মনঃ। মাণ্ডব্যস্যার্থতত্ৎবজ্ঞঃ কামক্রোধবিবর্জিতঃ॥ 1-115-44 (5195) কৃষ্ণদ্বৈপায়নোঽপ্যেতৎসত্যবত্যৈ ন্যবেদয়ৎ। প্রলম্ভমাত্মনশ্চৈব শূদ্রায়াঃ পুত্রজন্ম চ॥ 1-115-45 (5196) স ধর্মস্যানৃণো ভূৎবা পুনর্মাত্রা সমেত্য চ। তস্যৈ গর্ভং সমাবেদ্য তত্রৈবান্তরধীয়ত॥ 1-115-46 (5197) এতে বিচিত্রবীর্যস্য ক্ষেত্রে দ্বৈপায়নাদপি। জজ্ঞিরে দেবগর্ভাভাঃ কুরুবংশবিবর্ধনাঃ॥ ॥ 1-115-47 (5198) ইতি শ্রীমন্মহাভারতে আদিপর্বণি সংভবপর্বণি পঞ্চাদশাধিকশততমোঽধ্যায়ঃ॥ 115 ॥

1-116-0 (5199) জনমেজয় উবাচ। 1-116-0x (705) কিং কৃতং কর্ম ধর্মেণ যেন শাপমুপেয়িবান্। কস্য শাপাচ্চ ব্রহ্মর্ষেঃ শূদ্রয়োনাবজায়ত॥ 1-116-1 (5200) বৈশম্পায়ন উবাচ। 1-116-2x (706) বভূব ব্রাহ্মণঃ কশ্চিন্মাণ্ডব্য ইতি বিশ্রুতঃ। ধৃতিমান্সর্বধর্মজ্ঞঃ সত্যে তপসি চ স্থিতঃ॥ 1-116-2 (5201) `স তীর্থয়াত্রাং বিচরন্নাজগাম যদৃচ্ছয়া। সংনিকৃষ্টানি তীর্থানি গ্রামাণাং যানি কানি চ। তত্রাশ্রমপদং কৃৎবা বসতি স্ম মহামুনিঃ॥' 1-116-3 (5202) স আশ্রমপদদ্বারি বৃক্ষমূলে মহাতপাঃ। ঊর্ধ্ববাহুর্মহায়োগী তস্থৌ মৌনব্রতান্বিতঃ॥ 1-116-4 (5203) তস্য কালেন মহতা তস্মিংস্তপসি বর্ততঃ। তমাশ্রমমনুপ্রাপ্তা দস্যবো লোপ্ত্রহারিণঃ॥ 1-116-5 (5204) অনুসার্যমাণা বহুভী রক্ষিভির্ভরতর্ষভ। `তামেব বসতিং জগ্মুস্তে গ্রামাল্লোপ্ত্রহারিণঃ॥ 1-116-6 (5205) যস্মিন্নাবসথে শেতে স মুনিঃ সংশিতব্রতঃ।' তে তস্যাবসথে লোপ্ত্রং দস্যবঃ কুরুসত্তম॥ 1-116-7 (5206) নিধায় চ ভয়াল্লীনাস্তত্রৈবানাগতে বলে। তেষু লীনেষ্বথো শীঘ্রং ততস্তদ্রক্ষিণাং বলম্॥ 1-116-8 (5207) আজগাম ততোঽপশ্যংস্তমৃষিং তস্করানুগাঃ। তমপৃচ্ছংস্ততো রাজংস্তথাবৃত্তং তপোধনম্॥ 1-116-9 (5208) কতরেণ পথা যাতা দস্যবো দ্বিজসত্তম। তেন গচ্ছামহে ব্রহ্মন্যথা শীঘ্রতরং বয়ম্॥ 1-116-10 (5209) তথা তু রক্ষিমাং তেষাং ব্রুবতাং স তপোধনঃ। ন কিংচিদ্বচনং রাজন্নব্রবীৎসাধ্বসাধু বা॥ 1-116-11 (5210) ততস্তে রাজপুরুষা বিচিন্বানাস্তমাশ্রমম্। দদৃশুস্তত্র লীনাংস্তাংশ্চোরাংস্তদ্দ্রব্যমেব চ॥ 1-116-12 (5211) ততঃ শঙ্কা সমভবদ্রক্ষিণাং তং মুনিং প্রতি। সংয়ম্যৈনং ততো রাজ্ঞে দস্যূংশ্চৈব ন্যবেদয়ন্॥ 1-116-13 (5212) তং রাজা সহ তৈশ্চোরৈরন্বশাদ্বধ্যতামিতি। স রক্ষিভিস্তৈরজ্ঞাতঃ শূলে প্রোতো মহাতপাঃ॥ 1-116-14 (5213) ততস্তে শূলমারোপ্য তং মুনিং রক্ষিণস্তদা। প্রতিজগ্মুর্মহীপালং ধনান্যাদায় তান্যথ॥ 1-116-15 (5214) শূলস্থঃ স তু ধর্মাত্মা কালেন মহতা ততঃ। নিরাহারোঽপি বিপ্রর্ষির্মরণং নাভ্যপদ্যত॥ 1-116-16 (5215) ধারয়ামাস চ প্রাণানৃষীংশ্চ সমুপানয়ৎ। শূলাগ্রে তপ্যমানেন তপস্তেন মহাত্মনা॥ 1-116-17 (5216) সন্তাপং পরমং জগ্মুর্মুনয়স্তপসাঽন্বিতাঃ। তে রাত্রৌ শকুনা ভূৎবা সন্নিপত্ত্য তু ভারত। দর্শন্তো যথাশক্তি তমপৃচ্ছন্দ্বিজোত্তমম্॥ 1-116-18 (5217) শ্রোতুমিচ্ছামহে ব্রহ্মন্কিং পাপং কৃতবানসি। যেনেহ সমনুপ্রাপ্তং শূলে দুঃখভয়ং মহৎ॥ ॥ 1-116-19 (5218) ইতি শ্রীমন্মহাভারতে আদিপর্বণি সংভবপর্বণি ষোডশাধিকশততমোঽধ্যায়ঃ॥ 116 ॥

1-117-0 (5219) বৈশম্পায়ন উবাচ। 1-117-0x (707) ততঃ স মুনিশার্দূলস্তানুবাচ তপোধনান্। দোষতঃ কং গমিষ্যামি ন হি মেঽন্যোপরাধ্যতি॥ 1-117-1 (5220) তং দৃষ্ট্বা রক্ষিণস্তত্র তথা বহুতিথেঽহনি। ন্যবেদয়ংস্তথা রাজ্ঞে যথাবৃত্তং নরাধিপ॥ 1-117-2 (5221) রাজা চ তমৃষিং শ্রুৎবা নিষ্ক্রম্য সহ মন্ত্রিভিঃ। প্রসাদয়ামাস তদা শূলস্থমৃষিসত্তমম্॥ 1-117-3 (5222) প্রজোবাচ। 1-117-4x (708) যন্ময়াঽপকৃতং মোহাদজ্ঞানাদৃষিসত্তম। প্রসাদয়ে ৎবাং তত্রাহং ন মে ৎবং ক্রোদ্ধুমর্হসি॥ 1-117-4 (5223) বৈশম্পায়ন উবাচ। 1-117-5x (709) এবমুক্তস্ততো রাজ্ঞা প্রসাদমকরোন্মুনিঃ। কৃতপ্রসাদং রাজা তং ততঃ সমবতারয়ৎ॥ 1-117-5 (5224) অবতার্য চ শূলাগ্রাত্তচ্ছূলং নিশ্চকর্ষ হ। অশক্নুবংশ্চ নিষ্ক্রষ্টুং শূলং মূলে স চিচ্ছিদে॥ 1-117-6 (5225) স তথান্তর্গতেনৈব শূলেন ব্যচরন্মুনিঃ। কণ্ঠপার্শ্বান্তরস্থেন শঙ্কুনা মুনিরাচৎ। পুষ্পভাজনধারী স্যাদিতি চিন্তাপরোঽভবৎ॥' 1-117-7 (5226) স চাতিতপসা লোকান্বিজিগ্যে দুর্লভান্পরৈঃ॥ 1-117-8 (5227) অণীমাণ্ডব্য ইতি চ ততো লোকেষু গীয়তে। স গৎবা সদনং বিপ্রো ধর্মস্য পরমার্থবিৎ॥ 1-117-9 (5228) আসনস্থং ততো ধর্মং দৃষ্ট্বোপালভত প্রভুম্। কিং নু তদ্দুষ্কৃতং কর্ম ময়া কৃতমজানতা॥ 1-117-10 (5229) যস্যেয়ং ফলনির্বৃত্তিরীদৃশ্যাসাদিতা ময়া। শীঘ্রমাচক্ষ্ব মে তত্ৎবং পশ্য মে তপসো বলম্॥ 1-117-11 (5230) ধর্ম উবাচ। 1-117-12x (710) পতঙ্গিকানাং পুচ্ছেষু ৎবয়েষীকা প্রবেশিতা। কর্মণস্তস্য তে প্রাপ্তং ফলমেতত্তপোধন॥ 1-117-12 (5231) স্বল্পমেব যথা দত্তং দানং বহুগুণং ভবেৎ। অধর্ম এবং বিপ্রর্ষে বহুদুঃখফলপ্রদঃ॥ 1-117-13 (5232) অণীমাণ্ডব্য উবাচ। 1-117-14x (711) কস্মিন্কালে ময়া তত্তু কৃতং ব্রূহি যথাতথম্। তেনোক্তং ধর্মরাজেন বালভাবে ৎবয়া কৃতম্॥ 1-117-14 (5233) অণীমাণ্ডব্য উবাচ। 1-117-15x (712) বালো হি দ্বাদশাদ্বর্ষাজ্জন্মতো যৎকরিষ্যতি। ন ভবিষ্যত্যধর্মোঽত্র ন প্রজ্ঞাস্যতি বৈ দিশঃ॥ 1-117-15 (5234) অল্পেঽপরাধেঽপি মহান্মম দণ্ডস্ৎবয়া ধৃতঃ। গরীয়ান্ব্রাহ্মণবধঃ সর্বভূতবধাদপি॥ 1-117-16 (5235) শূদ্রয়োনাবতো ধর্ম মানুষঃ সংভবিষ্যসি। মর্যাদাং স্থাপয়াম্যদ্য লোকে কর্মফলোদয়াম্॥ 1-117-17 (5236) আ চতুর্দশকাদ্বর্ষান্ন ভবিষ্যতি পাতকম্। পরতঃ কুর্বতামেব দোষ এব ভবিষ্যতি॥ 1-117-18 (5237) বৈশম্পায়ন উবাচ। 1-117-19x (713) এতেন ৎবপরাধেন শাপাত্তস্য মহাত্মনঃ। ধর্মো বিদুররূপেণ শূদ্রয়োনাবজায়ত॥ 1-117-19 (5238) ধর্মে চার্থে চ কুশলো লোভক্রোধবিবর্জিতঃ। দীর্ঘদর্শী শমপরঃ কুরূণাং চ হিতে রতঃ॥ ॥ 1-117-20 (5239) ইতি শ্রীমন্মহাভারতে আদিপর্বণি সংভবপর্বণি সপ্তদশাধিকশততমোঽধ্যায়ঃ॥ 117 ॥

1-118-0 (5240) বৈশম্পায়ন উবাচ। 1-118-0x (714) `ধৃতরাষ্ট্রে চ পাণ্ডৌ চ বিদুরে চ মহাত্মনি।' এষু ত্রিষু কুমারেষু জাতেষু কুরুজাঙ্গলম্। কুরবোঽথ কুরুক্ষেত্রং ত্রয়মেতদবর্ধত॥ 1-118-1 (5241) ঊর্ধ্বসস্যাঽভবদ্ভূমিঃ সস্যানি ফলবন্তি চ। যথর্তুবর্ষী পর্জন্যো বহুপুষ্পফলা দ্রুমাঃ॥ 1-118-2 (5242) বাহনানি প্রহৃষ্টানি মুদিতা মৃগপক্ষিণঃ। গন্ধবন্তি চ মাল্যানি রসবন্তি ফলানি চ॥ 1-118-3 (5243) বণিগ্ভিশ্চান্বকীর্যন্ত নগরাণ্যথ শিল্পিভিঃ। শূরাশ্চ কৃতবিদ্যাশ্চ সন্তশ্চ সুখিনোঽভবন্॥ 1-118-4 (5244) নাভবন্দস্যবঃ কেচিন্নাধর্মরুচয়ো জনাঃ। প্রদেশেষ্বপি রাষ্ট্রাণাং কৃতং যুগমবর্তত॥ 1-118-5 (5245) ধর্মক্রিয়া যজ্ঞশীলাঃ সত্যব্রতপরায়ণাঃ। অন্যোন্যপ্রীতিসংয়ুক্তা ব্যবর্ধন্ত প্রজাস্তদা॥ 1-118-6 (5246) মানক্রোধবিহীনাশ্চ নরা লোভবিবর্জিতাঃ। অন্যোন্যমভ্যনন্দন্ত ধর্মোত্তরমবর্তত॥ 1-118-7 (5247) তন্মহোদধিবৎপূর্ণং নগরং বৈ ব্যরোচত। দ্বারতোরণনির্যূহৈর্যুক্তমভ্রচয়োপমৈঃ॥ 1-118-8 (5248) প্রসাদশতসংবাধং মহেন্দ্রপুরসন্নিভম্। নদীষু বনখণ্ডেষু বাপীপল্বলসানুষু। কাননেষু চ রম্যেষু বিজহ্রুর্মুদিতা জনাঃ॥ 1-118-9 (5249) উত্তরৈঃ কুরুভিঃ সার্ধং দক্ষিণাঃ কুরবস্তথা। বিস্পর্ধমানা ব্যচরংস্তথা দেবর্ষিচারণৈঃ॥ 1-118-10 (5250) নাভবৎকৃপণঃ কশ্চিন্নাভবন্বিধবাঃ স্ত্রিয়ঃ। তস্মিঞ্জনপদে রম্যে কুরুভির্বহুলীকৃতে॥ 1-118-11 (5251) কূপারামসভাবাপ্যো ব্রাহ্মণাবসথাস্তথা। বভূবুঃ সর্বর্দ্ধিয়ুতাস্তস্মিন্রাষ্ট্রে সদোৎসবাঃ॥ 1-118-12 (5252) ভীষ্মেণ ধর্মতো রাজন্সর্বতঃ পরিরক্ষিতে। বভূব রমণীয়শ্চ চৈত্যযূপশতাঙ্কিতঃ॥ 1-118-13 (5253) স দেশঃ পররাষ্ট্রাণি বিমৃজ্যাভিপ্রবর্ধিতঃ। ভীষ্মেণ বিহিতং রাষ্ট্রে ধর্মচক্রমবর্তত॥ 1-118-14 (5254) ক্রিয়মাণেষু কৃত্যেষু কুমারাণাং মহাত্মনাম্। পৌরজানপদাঃ সর্বে বভূবুঃ পরমোৎসুকাঃ॥ 1-118-15 (5255) গৃহেষু কুরুমুখ্যানাং পৌরাণাং চ নরাধিপ। দীয়তাং ভুজ্যতাং চেতি বাচোঽশ্রূয়ন্ত সর্বশঃ॥ 1-118-16 (5256) ধৃতরাষ্ট্রশ্চ পাণ্ডুশ্চ বিদুরশ্চ মহামতিঃ। জন্মপ্রভৃতি ভীষ্মেণ পুত্রবৎপরিপালিতাঃ॥ 1-118-17 (5257) সংস্কারৈঃ সংস্কৃতাস্তে তু ব্রতাধ্যযনসংয়ুতাঃ। শ্রমব্যায়ামকুশলাঃ সমপদ্যন্ত যৌবনম্॥ 1-118-18 (5258) ধনুর্বেদে চ বেদে চ গদায়ুদ্ধেঽসিচর্মণি। তথৈব গজশিক্ষায়াং নীতিশাস্ত্রেষু পারগাঃ॥ 1-118-19 (5259) ইতিহাসপুরাণেষু নানাশিক্ষাসু বোধিতাঃ। বেদবেদাঙ্গতত্ৎবজ্ঞাঃ সর্বত্র কৃতনিশ্চয়াঃ॥ 1-118-20 (5260) `বৈদিকাধ্যযনে যুক্তো নীতিশাস্ত্রেষু পারগঃ। ভীষ্মেণ রাজা কৌরব্যো ধৃতরাষ্ট্রোঽভিষেচিতঃ॥ 1-118-21 (5261) ধনুর্বেদেঽশ্বপৃষ্ঠে চ গদায়ুদ্ধেঽসিচর্মণি। তথৈব গজশিক্ষায়ামস্ত্রেষু বিবিধেষু চ॥ 1-118-22 (5262) অর্থধর্মপ্রধানাসু বিদ্যাসু বিবিধাসু চ। গতঃ পারং যদা পাণ্ডুস্তদা সেনাপতিঃ কৃতঃ॥' 1-118-23 (5263) পাণ্ডুর্ধনুষি বিক্রান্তো নরেষ্বভ্যদিকোঽভবৎ। অন্যেভ্যো বলবানাসীদ্ধৃতরাষ্ট্রো মহীপতিঃ॥ 1-118-24 (5264) অমাত্যো মনুজেন্দ্রস্য বাল এব যশস্বিনঃ। ভীষ্মেণ সর্বধর্মাণাং প্রণেতা বিদুরঃ কৃতঃ॥ 1-118-25 (5265) `সর্বশাস্ত্রার্থতত্ৎবজ্ঞো বুদ্ধিমেধাপটুর্যুবা। ভাবেনাগময়ুক্তেন সর্বং বেদয়তে জগৎ॥' 1-118-26 (5266) ত্রিষু লোকেষু ন ৎবাসীৎকশ্চিদ্বিদুরসংমিতঃ। ধর্মনিত্যস্তথা রাজন্ধর্মং চ পরমং গতঃ॥ 1-118-27 (5267) প্রনষ্টং শান্তনোর্বংশং সমীক্ষ্য পুনরুদ্ধৃতম্। ততো নির্বচনং লোকে সর্বরাষ্ট্রেষ্ববর্তত॥ 1-118-28 (5268) বীরসূনাং কাশিসুতে দেশানাং কুরুজাঙ্গলম্। সর্বধ্রমবিদাং ভীষ্মঃ পুরাণাং গজসাহ্বয়ম্॥ 1-118-29 (5269) ধৃতরাষ্ট্রস্ৎবচক্ষুষ্ট্বাদ্রজ্যং ন প্রত্যপদ্যত। পারসবৎবাদ্বিদুরো রাজা পাণ্ডুর্বভূব হ॥ 1-118-30 (5270) `অথ শুশ্রাব বিপ্রেভ্যঃ কুন্তিভোজমহীপতেঃ। রূপয়ৌবনসংপন্নাং সুতাং সাগরগাসুতঃ॥ 1-118-31 (5271) সুবলস্য চ কল্যাণীং গান্ধারাধিপতেঃ সুতাম্। সুতাং চ মদ্ররাজস্য রূপেণাপ্রতিমাং ভুবি॥' 1-118-32 (5272) কদাচিদথ গাঙ্গেয়ঃ সর্বনীতিমতাং বরঃ। বিদুরং ধর্মতত্ৎবজ্ঞং বাক্যমাহ যথোচিতম্॥ ॥ 1-118-33 (5273) ইতি শ্রীমন্মহাভারতে আদিপর্বণি সংভবপর্বণি অষ্টাদশাধিকশততমোঽধ্যায়ঃ॥ 118 ॥