8. কর্ণপর্ব
॥ শ্রীঃ ॥
8.1. অধ্যায়ঃ 001
Mahabharata - Karna Parva - Chapter Topics
শিবিরাদ্ধাস্তিনপুরমুপগতবতা সঞ্জয়েন ধৃতরাষ্ট্রংপ্রতি কর্ণাদিনিধনকথনম্॥ 1 ॥ তচ্ছ্রবণেন মূর্চ্ছামুপগতবতো ধৃতরাষ্ট্রস্য সঞ্জয়াদিভিরাশ্বাসনম্॥ 2 ॥
Mahabharata - Karna Parva - Chapter Text
8-1-0
(54873)
শ্রীবেদব্যাসায় নমঃ। 8-1-0x
(4817)
নারায়ণং নমস্কৃত্য নরং চৈব নরোত্তমম্।
দেবীং সরস্বতীং ব্যাসং ততো জয়মুদীরয়েৎ॥ 8-1-1
(54874)
`বৈশম্পায়ন উবাচ।
শিবিরাদ্ধাস্তিনপুরং প্রাপ্য ভারত সঞ্জয়ঃ।
প্রবিবেশ মহাবাহুর্ধৃতরাষ্ট্রনিবেশনম্॥ 8-1-1x
(4818)
শোকেনাপহতঃ সূতো বিলপন্ভৃশদুঃখিতঃ।
চিন্তয়ন্নিধনং ঘোরং সূতপুত্রস্য পাণ্ডবৈঃ॥ 8-1-2
(54875)
অন্তঃপুরং প্রবিশ্যৈব সঞ্জয়ো রাজসত্তমম্।
অশ্রুপূর্ণো ভৃশং ত্রস্তো রাজানমুপজগ্মিবান্॥ 8-1-3
(54876)
উপস্থায় চ রাজানং বিনিশ্বস্য চ সূতজঃ।
নাতিহৃষ্টমনা রাজন্নিদং বচনমব্রবীৎ॥ 8-1-4
(54877)
সঞ্জয় উবাচ। 8-1-5x (4819)
সঞ্চয়োঽহং মহারাজ নমস্তে ভরতর্ষভ।
হতো বৈকর্তনঃ কর্ণঃ কৃৎবা কর্ম সুদুষ্করম্॥ 8-1-5
(54878)
চেদিকাশিকরূশানাং মৎস্যানাং সোমকৈঃ সহ।
কৃৎবাঽসৌ কদনং শেতে বাতনুন্ন ইব দ্রুমঃ॥ 8-1-6
(54879)
গোষ্ঠমধ্যেব ঋষভো গোব্রজৈঃ পরিবারিতঃ।
ব্যালেন নিহতো যদ্বত্তথাঽসৌ নিহতঃ পরৈঃ॥ 8-1-7
(54880)
নিরাশান্পাণ্ডবান্কৃৎবা দৃঢং রাজন্সসাত্যকান্।
পাঞ্চালানাং রথাংশ্চৈব বিনিহত্য সহস্রশঃ॥ 8-1-8
(54881)
জিৎবা শূরান্মহেষ্বাসান্বিদ্রাব্য চ দিশোদশ।
হতো বৈকর্তনঃ কর্ণঃ পাণ্ডবেন কিরীটিনা॥ 8-1-9
(54882)
বৈরস্য গত আনৃণ্যং দুর্গমস্য দুরাত্মভিঃ।
হৎবা কর্ণং মহারাজ বিশল্যঃ পাণ্ডবোঽভবৎ॥ 8-1-10
(54883)
শোষণং সাগরাণাং বা পতনং বা বিবস্বতঃ।
বিশীর্ণৎবং যথা মেরোস্তথা কর্ণস্য পাতনম্॥ 8-1-11
(54884)
যোধাশ্চ বহবো রাজন্হতাস্তত্র জয়ৈষিণঃ।
রাজানো রাজপুত্রাশ্চ শূরাঃ পরিঘবাহবঃ॥ 8-1-12
(54885)
রথৌঘাশ্চ নরৌঘাশ্চ হতা রাজন্সহস্রশঃ।
বারণা নিহতাস্তত্র বাজিনশ্চ মহাহবে॥ 8-1-13
(54886)
ক্ষত্রিয়াশ্চ মহারাজ সেনয়োরুভয়োর্হতাঃ।
পরস্পরং বৈ বীক্ষ্যাত্র পরস্পরকৃতাগসঃ॥ 8-1-14
(54887)
কিঞ্চিচ্ছেষান্পরান্কৃৎবা তীর্ৎবা পাণ্ডববাহিনীম্।
পার্থবেলাং সমাসাদ্য হতো বৈকর্তনো বৃষা॥ 8-1-15
(54888)
জয়াশা ধার্তরাষ্ট্রাণাং বৈরস্য চ মুখং নৃপ।
তীর্ণং তৎপাণ্ডবৈ রাজন্যৎপুরা নাববুধ্যসে॥ 8-1-16
(54889)
প্রোচ্যমানং মহারাজ বন্ধুভির্হিতবুদ্ধিভিঃ।
তদিদং সমনুপ্রাপ্তং ব্যসনং ৎবাং মহাভয়ম্॥ 8-1-17
(54890)
পুত্রাণাং রাজ্যকামেন ৎবয়া রাজন্হিতৈষিণা।
চরিতান্যহিতান্যেব তেষাং তে ফলমাগতম্॥ 8-1-18
(54891)
হতো দুঃশাসনো রাজন্যথোক্তং পাণ্ডবেন তু।
প্রতিজ্ঞা ভীমসেনেন নিস্তীর্ণা সা চমূমুখে॥ 8-1-19
(54892)
পীতং চ ক্ষতজং তস্য ধার্তরাষ্ট্রস্য সংয়ুগে।
পাণ্ডবেন মহারাজ কর্ম কৃৎবা সুদুষ্করম্*'॥ 8-1-20
(54893)
বৈশম্পায়ন উবাচ। 8-1-21x (4820)
এতচ্ছ্রুৎবা মহারাজ ধৃতরাষ্ট্রোঽম্বিকাসুতঃ।
শোকস্যান্তমপশ্যন্বৈ হতং মৎবা সুয়োধনম্।
বিহ্বলঃ পতিতো ভূমৌ নষ্টচেতা ইব দ্বিপঃ॥ 8-1-21
(54894)
তস্মিন্নিপতিতে ভূমৌ বিহ্বলে রাজসত্তমে।
আর্তনাদো মহানাসীৎস্ত্রীণাং ভরতসত্তম॥ 8-1-22
(54895)
শ শব্দঃ পৃথিবীং কৃৎস্নাং পূরয়ামাস সর্বশঃ॥ 8-1-23
(54896)
শোকার্ণবে মহাঘোরে নিমগ্না ভরতস্ত্রিয়ঃ।
রুরুদুর্দুঃখশোকার্তা ভৃশমুদ্বিগ্নচেতসঃ॥ 8-1-24
(54897)
রাজানং চ সমাসাদ্য গান্ধারী ভরতর্ষভ।
নিঃসংজ্ঞা পতিতা ভূমৌ সর্বাণ্যন্তঃ পুরাণি চ॥ 8-1-25
(54898)
ততস্তাঃ স়ঞ্জয়ো রাজন্সমাশ্বাসয়দাতুরাঃ।
মুহ্যামানাঃ সুবহুশো মুঞ্চন্তীর্বারি নেত্রজম্॥ 8-1-26
(54899)
সমাশ্বস্তাঃ স্ত্রিয়স্তাস্তু বেপমানা মুহুর্মুহুঃ।
কদল্য ইব বাতেন ধূয়মানাঃ সমন্ততঃ॥ 8-1-27
(54900)
রাজানং বিদুরশ্চাপি প্রজ্ঞাচক্ষুষমীশ্বরম্।
আশ্বাসয়ামাস তদা সিঞ্চংস্তোয়েন কৌরবম্॥ 8-1-28
(54901)
স লব্ধ্বা সনকৈঃ সংজ্ঞাং তাশ্চ দৃষ্ট্বা স্ত্রিয়ো নৃপঃ।
উন্মত্ত ইব রাজেন্দ্র স্থিতস্তূষ্ণীং বিশাম্পতে॥ 8-1-29
(54902)
ততো ধ্যাৎবা চিরং কালং নিঃশ্বস্য চ পুনঃপুনঃ।
স্বান্পুত্রান্গর্হয়ামাস বহুমেনে চ পাণ্ডবান্॥ 8-1-30
(54903)
গর্হয়ংশ্চাত্মনো বুদ্ধিং শকুনেঃ সৌবলস্য চ।
ধ্যাৎবা তু সুচিরং কালং বেপমানো মুহুর্মুহুঃ॥ 8-1-31
(54904)
সংস্তভ্য চ মনো ভূয়ো রাজা ধৈর্যসমন্বিতঃ।
পুনর্গাবল্গণিং সূতং পর্যপৃচ্ছত সঞ্জয়ম্॥ 8-1-32
(54905)
ন ৎবয়া কথিতং বাক্যং শ্রুতং সঞ্জয় তন্ময়া॥ 8-1-33
(54906)
কচ্চিদ্দুর্যোধনঃ সূত ন গতো বৈ যমক্ষয়ম্।
জয়ে নিরাশঃ পুত্রো মে সততং জয়কামুকঃ।
ব্রূহি সঞ্জয় তত্ৎবেন পুনরুক্তাং কথামিমাম্॥ 8-1-34
(54907)
বৈশম্পায়ন উবাচ। 8-1-35x (4821)
এবমুক্তোঽব্রবীৎসূতো রাজানং জনমেজয়।
হতো বৈকর্তনো রাজন্সহপুত্রৈর্মহারথঃ।
ভ্রাতৃভিশ্চ মহেষ্বাসৈঃ সূতপুত্রৈস্তনুত্যজৈঃ॥ 8-1-35
(54908)
দুঃশাসনশ্চ নিহতঃ পাণ্ডবেন যশস্বিনা।
পীতং চ রুধিরং কোপাদ্ভীমসেনেন সংয়ুগে॥ 8-1-36
(54909)
`বৈশম্পায়ন উবাচ। 8-1-37x (4822)
এতচ্ছ্রুৎবা মহারাজ ধৃতরাষ্ট্রোঽম্বিকাসুতঃ।
দহ্যমানোঽব্রবীৎসূতং মুহূর্তং তিষ্ঠ সঞ্জয়।
ব্যাকুলং মে মনস্তাত মা তাবৎকিংচিদুচ্যতাম্॥ 8-1-37
(54910)
রাজাপি নাব্রবীৎকিঞ্চিৎসঞ্জয়ো বিদুরস্তথা।
তূষ্ণীম্ভূতস্তদা সোঽথ বভূব জগতীপতিঃ'॥ ॥ 8-1-38
(54911)
ইতি শ্রীমন্মহাভারতে কর্ণপর্বণি প্রথমোঽধ্যায়ঃ॥ 1 ॥
Mahabharata - Karna Parva - Chapter Topics
দুর্যোধনাদিভিঃ কর্ণস্য সৈনাপত্যেঽভিষেচনপূর্বকং যুদ্ধায় নির্যাণম্॥ 1 ॥ জনমেজয়েন বৈশম্পায়নম্প্রতি কর্ণমরণশ্রাবিণো ধৃতরাষ্ট্রস্য প্রবৃত্তিপ্রশ্নঃ॥ 2 ॥
Mahabharata - Karna Parva - Chapter Text
8-1-0 (54912)
শ্রীকৃষ্ণায় নমঃ॥ 8-1-0x (4823)
[নারায়ণং নমস্কৃত্য নরং চৈব নরোত্তমম্।
দেবীং সরস্বতীং চৈব ততো জয়মুদীরয়েৎ॥ 8-1-1 (54913)
বৈশম্পায়ন উবাচ। 8-1-2x (4824)
ততো দ্রোণে হতে রাজন্দুর্যোধনমুখা নৃপাঃ।
ভৃশমুদ্বিগ্নমনসো দ্রোণপুত্রমুপাগমন্॥ 8-1-2 (54914)
তে দ্রোণমনুশোচন্তঃ কশ্মলাভিহতৌজসঃ।
পর্যুপাসন্ত শোকার্তাস্ততঃ শারদ্বতীসুতম্॥ 8-1-3 (54915)
তে মুহূর্তং সমাশ্বস্য হেতুভিঃ শাস্ত্রসম্মিতৈঃ।
রাত্র্যাগমে মহীপালাঃ স্বানি বেশ্মানি ভেজিরে॥ 8-1-4 (54916)
তে বেশ্মস্বপি কৌরব্য পৃথ্বীশা নাপ্নুবন্সুখম্।
চিন্তয়ন্তঃ ক্ষয়ং তীব্রং দুঃখশোকসমন্বিতাঃ॥ 8-1-5 (54917)
বিশেষতঃ সূতপুত্রো রাজা চৈব সুয়োধনঃ।
দুঃশাসনশ্চ শকুনিঃ সৌবলশ্চ মহাবলঃ॥ 8-1-6 (54918)
উষিতাস্তে নিশাং তাং তু দুর্যোধননিবেশনে।
চিন্তয়ন্তঃ পরিক্লেশান্পাণ্ডবানাং মহাত্মনাম্॥ 8-1-7 (54919)
যত্তদ্দ্যূতে পরিক্লিষ্টা কৃষ্ণা চানায়িতা সভাম্।
তৎস্মরন্তোঽনুশোচন্তো ভৃশমুদ্বিগ্নচতেতসঃ॥ 8-1-8 (54920)
তথা তু সঞ্চিন্তয়তাং তান্ক্লেশান্দ্যূতকারিতান্।
দুঃখেন ক্ষণদা রাজঞ্জগামাব্দশতোপমা॥ 8-1-9 (54921)
ততঃ প্রভাতে বিমলে স্থিতা দিষ্টস্য শাসনে।
চক্রুরাবশ্যকং সর্বে বিধিদৃষ্টেন কর্মণা॥ 8-1-10 (54922)
তে কৃৎবাঽবশ্যকার্যাণি সমাশ্বস্য চ ভারত।
যোগমাজ্ঞাপয়ামাসুর্যুদ্বায় চ বিনির্যযুঃ॥ 8-1-11 (54923)
কর্ণং সেনাপতিং কৃৎবা কৃতকৌতুকমঙ্গলাঃ।
পূজয়িৎবা দ্বিজশ্রেষ্ঠান্দধিপাত্রঘৃতাক্ষতৈঃ॥ 8-1-12 (54924)
গোভিরশ্বৈশ্চ নিষ্কৈশ্চ বাসোভিশ্চ মহাধনৈঃ।
বন্দ্যমানা জয়াশীর্ভিঃ সূতমাগধবন্দিভিঃ॥ 8-1-13 (54925)
তথৈব পাণ্ডবা রাজন্কৃতপূর্বাহ্ণিকক্রিয়াঃ।
শিবিরান্নির্যযুস্তূর্ণং যুদ্বায় কৃতনিশ্চয়াঃ॥ 8-1-14 (54926)
ততঃ প্রববৃতে যুদ্বং তুমুলং রোমহর্ষণম্।
কুরূণাং পাণ্ডবানাং চ পরস্পরজয়ৈষিণাম্॥ 8-1-15 (54927)
তয়োর্দ্বৌ দিবসৌ যুদ্বং কুরুপাণ্ডবসেনয়োঃ।
কর্ণে সেনাপতৌ রাজন্বভূবাদ্ভুতদর্শনম্॥ 8-1-16 (54928)
ততঃ শত্রুক্ষয়ং কৃৎবা সুমহান্তং রণে বৃষঃ।
পশ্যতাং ধার্তরাষ্ট্রাণাং ফল্গুনেন নিপাতিতঃ॥ 8-1-17 (54929)
ততস্তু সঞ্জয়ঃ সর্বং গৎবা নাগপুরং দ্রুতম্।
আচষ্ট ধৃতরাষ্ট্রায় যদ্বৃত্তং কুরুজাঙ্গলে॥ 8-1-18 (54930)
জনময়েজয় উবাচ। 8-1-19x (4825)
আপগেয়ং হতং শ্রুৎবা দ্রোণং চাপি মহারথম্।
আজগাম পরামার্তিং বৃদ্বো রাজাঽম্বিকাসুতঃ॥ 8-1-19 (54931)
স শ্রুৎবা নিহতং কর্ণং দুর্যোধনহিতৈষিণম্।
কথং দ্বিজবর প্রাণানধারয়ত দুঃখিতঃ॥ 8-1-20 (54932)
যস্মিঞ্জয়াশাং পুত্রাণাং সমমন্যত পার্থিবঃ।
তস্মিন্হতে স কৌরব্যঃ কথং প্রাণানধারয়ৎ॥ 8-1-21 (54933)
দুর্মরং তদহং মন্যে নৃণাং কৃচ্ছ্রেঽপি বর্ততাম্।
যত্র কর্ণং হতং শ্রুৎবা নাত্যজজ্জীবিতং নৃপঃ॥ 8-1-22 (54934)
তথা শান্তনবং বৃদ্বং ব্রহ্মন্বাহ্লীকমেব চ।
দ্রোণং চ সোমদত্তং চ ভূরিশ্রবসমেব চ॥ 8-1-23 (54935)
তথৈব চান্যান্সুহৃদঃ পুত্রান্পৌত্রাংশ্চ পাতিতান্।
শ্রুৎবা যন্নাজহাৎপ্রাণাংস্তন্মন্যে দুষ্করং দ্বিজ॥ 8-1-24 (54936)
এতন্মে সর্বমাচক্ষ্ব বিস্তরেণ মহামুনে।
ন হি তৃপ্যামি পূর্বেষাং শৃণ্বানশ্চরিতং মহৎ॥ ॥ 8-1-25 (54937)
ইতি শ্রীমন্মহাভারতে কর্ণপর্বণি ষোডশদিবসয়ুদ্ধারম্ভে প্রথমোঽধ্যায়ঃ॥ 1 ॥
Mahabharata - Karna Parva - Chapter Topics
ধৃতরাষ্ট্রেণ ভীষ্মদ্রোণৌ প্রত্যনুশোচনপূর্বকং সঞ্জয়ম্প্রতি দুর্যোধনাদিপ্রবৃত্তিপ্রশ্নঃ॥ 1 ॥
Mahabharata - Karna Parva - Chapter Text
8-1-0 (54938)
বৈশম্পায়ন উবাচ। 8-1-0x (4826)
হতে কর্ণে মহারাজ নিশি গাবল্গণিস্তদা।
দীনো যয়ৌ নাগপুরমশ্বৈর্বাতসমৈর্জবে॥ 8-1-1 (54939)
স হাস্তিনপুরং গৎবা ভৃশমুদ্বিগ্নচেতনঃ।
জগাম ধৃতরাষ্ট্রস্য ক্ষয়ং প্রক্ষীণবান্ধবম্॥ 8-1-2 (54940)
স তমুদ্বীক্ষ্য রাজানং কশ্মলাভিহতৌজসম্।
ববন্দে প্রাঞ্জলির্ভূৎবা মূর্ধ্না পাদৌ নৃপস্য হ॥ 8-1-3 (54941)
সম্পূজ্য চ যথান্যায়ং ধৃতরাষ্ট্রং মহীপতিম্।
হা কষ্টমিতি চোক্ৎবা স ততো বচনমাদদে॥ 8-1-4 (54942)
সঞ্জয়োঽহং ক্ষিতিপতে কচ্চিদাস্তে সুখং ভবান্।
স্বদোষৈরাপদং প্রাপ্য কচ্চিন্নাদ্য বিমুহ্যতি॥ 8-1-5 (54943)
হিতান্যুক্তানি বিদুরদ্রোণগাঙ্গেয়কেশবৈঃ।
অগৃহীতান্যনুস্মৃত্য কচ্চিন্ন কুরুষে ব্যথাম্॥ 8-1-6 (54944)
রামনারদকণ্বাদ্যৈর্হিতমুক্তং সভাতলে।
ন গৃহীতমনুস্মৃত্য কচ্চিন্ন কুরুষে ব্যথাম্॥ 8-1-7 (54945)
সুহৃদস্ৎবদ্বিতে যুক্তান্ভীষ্মদ্রোণমুখান্পরৈঃ।
নিহতান্যুধি সংস্মৃত্য কচ্চিন্ন কুরুষে ব্যথাম্॥ 8-1-8 (54946)
তমেবংবাদিনং রাজা সূতপুত্রং কৃতাজলিম্।
সুদীর্ঘমথ নিঃশ্বস্য দুঃখার্ত ইদমব্রবীৎ॥ 8-1-9 (54947)
ধৃতরাষ্ট্র উবাচ। 8-1-10x (4827)
আপগেয়ে হতে শূরে দিব্যাস্ত্রবতি সঞ্জয়।
দ্রোণে চ পরমেষ্বাসে ভৃশং মে ব্যথিতং মনঃ॥ 8-1-10 (54948)
যো রথানাং সহস্রাণি দংশিতানাং দশৈব তু।
অহন্যহনি তেজস্বী নিজঘ্নে বসুসম্ভবঃ॥ 8-1-11 (54949)
তং হতং যজ্ঞসেনস্য পুত্রেণেহ শিখণ্ডিনা।
পাণ্ডবেয়াভিগুপ্তেন শ্রুৎবা মে ব্যথিতং মনঃ॥ 8-1-12 (54950)
ভার্গবঃ প্রদদৌ যস্মৈ পরমাস্ত্রং মহাহবে।
সাক্ষাদ্রামণে যো বাল্যে ধনুর্বেদ উপাকৃতঃ॥ 8-1-13 (54951)
যস্য প্রসাদাৎকৌন্তেয়া রাজপুত্রা মহারথাঃ।
মহারথৎবং সম্প্রাপ্তাস্তথাঽন্যে বসুধাধিপাঃ॥ 8-1-14 (54952)
তং দ্রোণং নিহতং শ্রুৎবা ধৃষ্টদ্যুম্নেন সংয়ুগে।
সত্যসন্ধং মহেষ্বাসং ভৃশং মে ব্যথিতং মনঃ॥ 8-1-15 (54953)
যয়োর্লোকে পুমানস্ত্রে ন সমোঽস্তি চতুর্বিধে।
তৌ দ্রোণভীষ্মৌ শ্রুৎবা তু হতৌ মে ব্যথিতং মনঃ॥ 8-1-16 (54954)
ত্রৈলোক্যে যস্য চাস্ত্রেষু ন পুমান্বিদ্যতে সমঃ।
তং দ্রোণং নিহতং শ্রুৎবা কিমকুর্বত মামকাঃ॥ 8-1-17 (54955)
সংশপ্তকানাং চ বলে পাণ্ডবেন মহাত্মনা।
ধনঞ্জয়েন বিক্রম্য গমিতে যমসাদনম্॥ 8-1-18 (54956)
নারায়ণাস্ত্রে চ হতে দ্রোণপুত্রস্য ধীমতঃ।
বিপ্রদ্রুতানহং মন্যেনিমগ্নাঞ্শোকসাগরে। 8-1-19 (54957)
প্লবমানান্হতে দ্রোণে সন্ননৌকানিবার্ণবে॥
দুর্যোধনস্য কর্ণস্য ভোজস্য কৃতবর্মণঃ। 8-1-20 (54958)
মদ্ররাজস্য শল্যস্য দ্রৌণেশ্চৈব কৃপস্য চ॥
মৎপুত্রস্য চ শেষস্য তথাঽন্যেষাং চ সঞ্জয়। 8-1-21 (54959)
বিপ্রদ্রুতেষ্বনীকেষু মুখবর্ণোঽভবৎকথম্॥
এতৎসর্বং যথাবৃত্তং তথা গাবল্গণে মম। 8-1-22 (54960)
আচক্ষ্ব পাণ্ডবেয়ানাং মামকানাং চ বিক্রমম্॥ 8-1-23 (54961)
সঞ্জয় উবাচ। 8-1-23x (4828)
তবাপরাধাদ্যদ্বৃত্তং কৌরবেয়েষু মারিষ।
তচ্ছ্রুৎবা মা ব্যথাং কার্ষীর্দিষ্টে ন ব্যথতে বুধঃ॥ 8-1-24 (54962)
যস্মাদভাবী ভাবী বা ভবেদর্থো নরং প্রতি।
অপ্রাপ্তৌ তস্য বা প্রাপ্তৌ ন কশ্চিদ্যথতে বুধঃ॥ 8-1-25 (54963)
ধৃতরাষ্ট্র উবাচ। 8-1-26x (4829)
ন ব্যথাঽভ্যধিকা কাচিদ্বিদ্যতে মম সঞ্জয়।
দিষ্টমেতৎপুরা মন্যে কথয়স্য যথেচ্ছকম্॥ ॥ 8-1-26 (54964)
ইতি শ্রীমন্মহাভারতে কর্ণপর্বণি দ্বিতীয়োঽধ্যায়ঃ॥ 2 ॥
Mahabharata - Karna Parva - Chapter Topics
দুর্যোধনেন দ্রোণমরণনির্বিণ্ণানাং সৈনিকানাং কর্ণগুণানুবর্ণনেন প্রোৎসাহনম্॥ 1 ॥ সঞ্জয়েন ধৃতরাষ্ট্রম্প্রতি কর্ণপরাক মপ্রশংসনপূর্বকং তন্নিধনকথনম্॥ 2 ॥
Mahabharata - Karna Parva - Chapter Text
8-1-0 (54965)
সঞ্জয় উবাচ। 8-1-0x (4830)
হতে দ্রোণে মহেষ্বাসে তব পুত্রা মহারথাঃ।
বভূবুরস্বস্থমুখা বিষণ্ণা গতচেতসঃ॥ 8-1-1 (54966)
অবাঙ্মুখাঃ শস্ত্রভৃতঃ সর্ব এব বিশাম্পতে।
অবেক্ষমাণাঃ শোকার্তা নাভ্যভাষন্পরস্পরম্॥ 8-1-2 (54967)
তান্দৃষ্ট্বা ব্যথিতাকারান্সৈন্যানি তব ভারত।
ঊর্ধ্বমেব নিরৈক্ষন্ত দুঃখত্রস্তান্যনেকশঃ॥ 8-1-3 (54968)
শস্ত্রাণ্যেষাং তু রাজেন্দ্র শোণিতাক্তানি সর্বশঃ।
প্রাভ্রশ্যন্ত করাগ্রেভ্যো দৃষ্ট্বা দ্রোণং হতং যুধি॥ 8-1-4 (54969)
তানি বদ্বান্যরিষ্টানি লম্বমানানি ভারত।
অদৃশ্যন্ত মহারাজ নক্ষত্রাণি যথা দিবি॥ 8-1-5 (54970)
তথা তু স্তিমিতং দৃষ্ট্বা গতসৎবমবস্থিতম্।
বলং তব মহারাজ রাজা দুর্যোধনোঽব্রবীৎ॥ 8-1-6 (54971)
ভবতাং বাহুবীর্যং হি সমাশ্রিত্য ময়া যুধি।
পাণ্ডবেয়াঃ সমাহূতা যুদ্বং চেদং প্রবর্তিতম্॥ 8-1-7 (54972)
তদিদং নিহতে দ্রোণে বিষণ্ণমিব লক্ষ্যতে।
যুধ্যমানাশ্চ সমরে যোধা বধ্যন্তি সর্বশঃ॥ 8-1-8 (54973)
জয়ো বাঽপি বধো বাঽপি যুধ্যমানস্য সংয়ুগে।
ভবেৎকিমত্র চিত্রং বৈ যুধ্যধ্বং সর্বতোমুখাঃ॥ 8-1-9 (54974)
পশ্যধ্বং চ মহাত্মানং কর্ণং বৈকর্তনং যুধি।
প্রচরন্তং মহেষ্বাসং দিব্যৈরস্ত্রৈর্মহাবলম্॥ 8-1-10 (54975)
যস্য বৈ যুধি সন্ত্রাসাৎকুন্তীপুত্রো ধনঞ্জয়ঃ।
নিবর্ততে সদা মন্দঃ সিংহাৎক্ষুদ্রমৃগো যথা॥ 8-1-11 (54976)
যেন নাগায়ুতপ্রাণো ভীমসেনো মহাবলঃ।
মানুষেণৈব যুদ্ধেন তামবস্থাং প্রবেশিতঃ॥ 8-1-12 (54977)
যেন দিব্যাস্ত্রবিচ্ছূরো মায়াবী স ঘটোৎকচঃ।
অমোঘয়া রণে শক্ত্যা নিহতো ভৈরবং নদন্॥ 8-1-13 (54978)
তস্য দুর্বারবীর্যস্য সত্যসন্ধস্য ধীমতঃ।
বাহ্বোর্দ্রবিণমক্ষয়্যমদ্য দ্রক্ষ্যথ সংয়ুগে॥ 8-1-14 (54979)
দ্রোণপুত্রস্য বিক্রান্তং রাধেয়স্যৈব চোভয়োঃ।
পশ্যন্তু পাণ্ডুপুত্রাস্তে বিষ্ণুবাসবয়োরিব॥ 8-1-15 (54980)
সর্ব এব ভবন্তশ্চ শক্তাঃ প্রত্যেকশোঽপি বা।
পাণ্ডুপুত্রান্রণে হন্তুং সসৈন্যান্কিসু সংহতাঃ।
বীর্যবন্তঃ কৃতাস্ত্রাশ্চ দ্রক্ষ্যথাদ্য পরস্পরম্॥ 8-1-16 (54981)
সঞ্জয় উবাচ। 8-1-17x (4831)
এবমুক্ৎবা ততঃ কর্ণং চক্রে সেনাপতিং তদা।
তব পুত্রো মহাবীর্যো ভ্রাতৃভিঃ সহিতোঽনঘ॥ 8-1-17 (54982)
সৈনাপত্যমথাবাপ্য কর্ণো রাজন্মহারথঃ।
সিংহনাদং বিনদ্যোচ্চৈঃ প্রায়ুধ্যত রণোৎকটঃ॥ 8-1-18 (54983)
সসৃঞ্জয়ানাং সর্বেষাং পাঞ্চালানাং চ মারিষ।
কেকয়ানাং বিদেহানাং চকার কদনং মহৎ॥ 8-1-19 (54984)
তস্যেষুধারাঃ শতশঃ প্রাদুরাসঞ্ছরাসনাৎ।
অগ্রে পুঙ্খেষু সংসক্তা যথা ভ্রমরপঙ্ক্তয়ঃ॥ 8-1-20 (54985)
স পীডয়িৎবা পাঞ্চালান্পাণ্ডবাংশ্চ তরস্বিনঃ।
হৎবা সহস্রশো যোধানর্জুনেন নিপাতিতঃ॥ ॥ 8-1-21 (54986)
ইতি শ্রীমন্মহাভারতে কর্ণপর্বণি তৃতীয়োঽধ্যায়ঃ॥ 3 ॥
Mahabharata - Karna Parva - Chapter Footnotes
॥ শ্রীঃ ॥
8.2. অধ্যায়ঃ 002
Mahabharata - Karna Parva - Chapter Topics
ধৃতরাষ্ট্রেণ নিজসেনায়াং নিহতানাং নামনিবেদনং চোদিতেন সঞ্জয়েন তৎকথনম্॥ 1 ॥
Mahabharata - Karna Parva - Chapter Text
8-2-0 (54987)
`জনমেজয় উবাচ। 8-2-0x (4832)
তচ্ছ্রুৎবা কর্ণহননং পুত্রাংশ্চৈব পলায়িতান্।
ধৃতরাষ্ট্রো নৃপশ্চৈব দ্বিজশ্রেষ্ঠ কিমব্রবীৎ॥ 8-2-1 (54988)
প্রাপ্তবান্ব্যসনং ঘোরং পুত্রব্যসনজং মহৎ।
কালে যদুক্তবাংস্তস্মিংস্তন্মমাচক্ষ্ব তত্ৎবতঃ'॥ 8-2-2 (54989)
বৈশম্পায়ন উবাচ। 8-2-3x (4833)
এতচ্ছ্রুৎবা মহারাজ ধৃতরাষ্ট্রোঽম্বিকাসুতঃ।
অব্রবীৎসঞ্জয়ং সূতং শোকসংবিগ্নমানসঃ॥ 8-2-3 (54990)
দুষ্প্রণীতেন মে তাত পুত্রস্যাদীর্ঘজীবিনঃ।
হতং বৈকর্তনং শ্রুৎবা শোকো মর্মাণি কৃন্ততি॥ 8-2-4 (54991)
তস্য মে সংশয়ং ছিন্ধি দুঃখপারং তিতীর্ষতঃ।
কুরূণাং সৃঞ্জয়ানাং চ কে জীবন্তি কে মৃতাঃ॥ 8-2-5 (54992)
সঞ্জয় উবাচ। 8-2-6x (4834)
হতঃ শান্তনবো রাজন্দুরাধর্ষঃ প্রতাপবান্।
হৎবা পাণ্ডবয়োধানামর্বুদং দশভির্দিনৈঃ॥ 8-2-6 (54993)
তথা দ্রোণো মহেষ্বাসঃ পাঞ্চালানাং রথব্রজান্।
নিহত্য যুধি দুর্ধর্ষঃ পঞ্চাদ্রুক্মরথো হতঃ॥ 8-2-7 (54994)
হতশেষস্য ভীষ্মেণ দ্রোণেন চ মহাত্মনা।
অর্ধং নিহত্য সৈন্যস্য কর্ণো বৈকর্তনো হতঃ॥ 8-2-8 (54995)
বিবিংশতির্মহারাজ রাজপুত্রো মহাবলঃ।
আনর্তয়োধাঞ্শতশো নিহত্য নিহতো রণে॥ 8-2-9 (54996)
তথা পুত্রো বিকর্ণস্তে ক্ষত্রব্রতমনুস্মরন্।
ক্ষীণবাণো হতঃ শূরঃ স্থিতো হ্যভিমুখঃ পরৈঃ॥ 8-2-10 (54997)
ধোররূপান্পরিক্লেশান্দুর্যোধনকৃতান্বহূন্।
প্রতিজ্ঞাং স্মরতা তেন ভীমসেনেন পাতিতঃ॥ 8-2-11 (54998)
বিন্দানুবিন্দাবাবন্ত্যৌ রাজপুত্রৌ মহারথৌ।
কৃৎবা স্বসুকরং কর্ম গতৌ বৈবস্বতক্ষয়ম্॥ 8-2-12 (54999)
সিন্ধুরাষ্ট্রমুখানীহ দশ রাষ্ট্রাণি যানিহ।
যস্য তিষ্ঠন্তি বচনে যঃ স্থিতস্তব শাসনে॥ 8-2-13 (55000)
অক্ষৌহিণীর্দশৈকাং চ বিনির্জিত্য শিতৈঃ শরৈঃ।
সোঽর্জুনেন হতো রাজন্মহাবীর্যো জয়দ্রথঃ॥ 8-2-14 (55001)
তথা দুর্যোধনসুতস্তরস্বী যুদ্ধদুর্মদঃ।
বর্তমানঃ পিতুঃ শাস্ত্রে সৌভদ্রেণ নিপাতিতঃ॥ 8-2-15 (55002)
তথা দৌঃশাসনিঃ সূরো বাহুশালী রণোৎকটঃ।
দ্রৌপদেয়েন সঙ্গম্য গমিতো যমসাদনম্॥ 8-2-16 (55003)
কিরাতানামধিপতিঃ সাগরানূপবাসিনাম্।
দেবরাজস্য ধর্মাত্মা প্রিয়ো বহুমতঃ সখা॥ 8-2-17 (55004)
ভগদত্তো মহীপালঃ ক্ষত্রধর্মরতঃ সদা।
ধনঞ্জয়েন বিক্রম্য গমিতো যমসাদনম্॥ 8-2-18 (55005)
তথা কৌরবদায়াদো ন্যস্তশস্ত্রো মহায়শাঃ।
হতো ভূরিশ্রবা রাজঞ্শূরঃ সাত্যকিনা যুধি॥ 8-2-19 (55006)
শ্রুতায়ুরপি চাম্বষ্ঠঃ ক্ষত্রিয়াণাং ধুরন্ধরঃ।
চরন্নভীতবৎসঙ্খ্যে নিহতঃ সব্যসাচিনা॥ 8-2-20 (55007)
তব পুত্রঃ সদামর্ষী কৃতাস্ত্রো যুদ্ধদুর্মদঃ।
দুঃশাসনো মহারাজ ভীমসেনেন পাতিতঃ॥ 8-2-21 (55008)
যস্য রাজন্গজানীকং বহুসাহস্রমদ্ভুতম্।
সুদক্ষিণঃ স সঙ্গ্রামে নিহতঃ সব্যসাচিনা॥ 8-2-22 (55009)
কোসলানামধিপতির্হৎবা বহুমতান্পরান্।
সৌভদ্রেণেহ বিক্রম্য গমিতো যমসাদনম্॥ 8-2-23 (55010)
বহুশো যোধয়িৎবা তু ভীমসেনং মহারথম্।
চিত্রসেনস্তব সুতো ভীমসেনেন পাতিতঃ॥ 8-2-24 (55011)
মদ্ররাজাত্মজঃ শূরঃ পরেষাং ভয়বর্ধনঃ।
অসিচর্মধরঃ শ্রীমান্সৌভদ্রেণ নিপাতিতঃ॥ 8-2-25 (55012)
সমঃ কর্ণস্য সমরে যঃ স কর্ণস্য পশ্যতঃ।
বৃষসেনো মহাতেজাঃ শীঘ্রাস্ত্রো দৃঢবিক্রমঃ॥ 8-2-26 (55013)
অভিমন্যোর্বধং স্মৃৎবা প্রতিজ্ঞামপি চাত্মনঃ।
ধনঞ্জয়েন বিক্রম্য গমিতো যমসাদনম্॥ 8-2-27 (55014)
নিত্যং প্রসক্তবৈরো যঃ পাণ্ডবৈঃ পৃথিবীপতিঃ।
বিশ্রাব্য বৈরং পার্থেন শ্রুতায়ুঃ স নিপাতিতঃ॥ 8-2-28 (55015)
শল্যপুত্রস্তু বিক্রান্তঃ সহদেবেন মারিষ।
হতো রুক্মরথো রাজঞ্শ্যালো মাতুলজো যুধি॥ 8-2-29 (55016)
রাজা ভাগীরথো বৃদ্ধো বৃহৎক্ষত্রশ্চ কেকয়ঃ।
পরাক্রমন্তৌ বিক্রান্তৌ নিহতৌ বীর্যবত্তরৌ॥ 8-2-30 (55017)
ভগদত্তসুতো রাজন্কৃতপ্রজ্ঞো মংহাবলঃ।
শ্যেনবচ্চরতা সঙ্খ্যে নকুলেন নিপাতিতঃ॥ 8-2-31 (55018)
পিতামহস্তব তথা বাহ্লীকঃ সহ বাহ্লিকৈঃ।
নিহতো ভীমসেনেন মহাবালপরাক্রমঃ॥ 8-2-32 (55019)
জয়ৎসেনস্তথা রাজঞ্জারাসন্ধির্মহাবলঃ।
মাগধো নিহতঃ সঙ্খ্যে সৌভদ্রেণ মহাত্মনা॥ 8-2-33 (55020)
পুত্রস্তে দুর্মুখো রাজন্দুঃসহশ্চ মহারথঃ।
গদয়া ভীমসেনেন নিহতৌ শূরমানিনৌ॥ 8-2-34 (55021)
দুর্মর্ষণো দুর্বিষহো দুর্জয়শ্চ মহারথঃ।
কৃৎবা ৎবসুকরং কর্ম গতা বৈবস্বতক্ষয়ম্॥ 8-2-35 (55022)
উভৌ কলিঙ্গবৃষকৌ ভ্রাতরৌ যুদ্ধদুর্মদৌ।
কৃৎবা চাসুকরং কর্ম গতৌ বৈবস্বতক্ষয়ম্॥ 8-2-36 (55023)
সচিবো বৃষপর্বা তে শূরঃ পরমবীর্যবান্।
ভীমসেনেন বিক্রম্য গমিতো যমসাদনম্॥ 8-2-37 (55024)
তথৈব পৌরবো রাজা নাগায়ুতবলো মহান্।
সমরে পাণ্ডুপুত্রেণ নিহতঃ সব্যসাচিনা॥ 8-2-38 (55025)
বসাতয়ো মহারাজ দ্বিসাহস্রাঃ প্রহারিণঃ।
শূরসেনাশ্চ বিক্রান্তাঃ সর্বে যুধি নিপাতিতাঃ॥ 8-2-39 (55026)
অভীষাহাঃ কবচিনঃ প্রহরন্তো রণোৎকটাঃ।
শিবয়শ্চ রথোদারাঃ কালিঙ্গসহিতা হতাঃ॥ 8-2-40 (55027)
গোকুলে নিত্যসংবৃদ্ধা যুদ্ধে পরমকোপনাঃ।
গোপালাঃ কৃতবীরাস্তে নিহতাঃ সব্যসাচিনা॥ 8-2-41 (55028)
শ্রেণয়ো বহুসাহস্রাঃ সংশপ্তকগণাশ্চ যে।
তে সর্বে পার্থমাসাদ্য গদা বৈবস্বতক্ষয়ম্॥ 8-2-42 (55029)
শ্যালৌ তব মহারাজ রাজানৌ বৃষকাচলৌ।
ৎবদর্থমতিবিক্রান্তৌ নিহতৌ সব্যসাচিনা॥ 8-2-43 (55030)
উগ্রকর্মা মহেষ্বাসো নামতঃ কর্মতস্তথা।
সাল্বরাজো মহাবাহুর্ভীমসেনেন পাতিতঃ॥ 8-2-44 (55031)
ওঘবাংশ্চ মহারাজ বৃহন্তঃ সহিতৌ রণে।
পরাক্রমন্তৌ মিত্রার্থে গতৌ বৈবস্বতক্ষয়ম্॥ 8-2-45 (55032)
তথৈব রথিনাং শ্রেষ্ঠঃ ক্ষেমধূর্তির্বিশাম্পতে।
নিহতো গদয়া রাজন্ভীমসেনেন সংয়ুগে॥ 8-2-46 (55033)
তথা রাজন্মহেষ্বাসো জলসন্ধৌ মহাবলঃ।
সুমহৎকদনং কৃৎবা হতঃ সাত্যকিনা রণে॥ 8-2-47 (55034)
অলম্বুসো রাক্ষসেন্দ্রঃ খরবন্ধুরয়ানবান্।
ঘটোৎকচেন বিক্রম্য গমিতো যমসাদনম্॥ 8-2-48 (55035)
রাধেয়ঃ সূতপুত্রশ্চ ভ্রাতরশ্চ মহারথাঃ।
কেকয়াঃ সর্বশশ্চাপি নিহতাঃ স্ব্যসাচিনা॥ 8-2-49 (55036)
মালবা মদ্রকাশ্চৈব দ্রাবিডাশ্চোগ্রকর্মিণঃ।
যৌধেয়াশ্চ ললিত্থাশ্চ ক্ষুদ্রকাশ্চাপ্যুশীনরাঃ॥ 8-2-50 (55037)
মাবেল্লকাস্তুণ্ডিকেরাঃ সাবিত্রীপুত্রকাশ্চ যে।
প্রাচ্যোদীচ্যাঃ প্রতীচ্যাশ্চ দাক্ষিণাত্যাশ্চ মারিষ॥ 8-2-51 (55038)
পত্তীনাং নিহতাঃ সঙ্ঘা হয়ানাং প্রয়ুতানি চ।
রথব্রজাশ্চ নিহতা হতাশ্চ বরবারণাঃ॥ 8-2-52 (55039)
সধ্বজাঃ সায়ুধাঃ শূরাঃ সবর্মাম্বরভূষণাঃ।
কালেন মহতাঽঽয়স্তাঃ কুশলৈর্যে চ বর্ধিতাঃ॥ 8-2-53 (55040)
তে হতাঃ সমরে রাজন্পার্থেনাক্লিষ্টকর্মণা।
অন্যে তথাঽমিতবলাঃ পরস্পরবধৈষিণঃ॥ 8-2-54 (55041)
এতে চান্যে চ বহবো রাজানঃ সগণা রণে।
হতাঃ সহস্রশো রাজন্যন্মাং ৎবং পরিপৃচ্ছসি॥ 8-2-55 (55042)
এবমেষ ক্ষয়ো বৃত্তঃ কর্ণার্জুনসমাগমে।
মহেন্দ্রেণ যথা বৃত্রো যথা রামেণ রাবণঃ॥ 8-2-56 (55043)
যথা কৃষ্ণেন নরকো মুরুশ্চ নিহতো রণে।
কার্তবীর্যশ্চ রামেণ ভার্গবেণ যথা হতঃ॥ 8-2-57 (55044)
সজ্ঞাতিবান্ধবঃ শূরঃ সমরে যুদ্ধদুর্মদঃ।
রণে কৃৎবা মহদ্যুদ্ধং ঘোরং ত্রৈলোক্যমোহনম্॥ 8-2-58 (55045)
যথা স্কন্দেন মহিষো যথা রুদ্রেণ চান্ধকঃ।
তথাঽর্জুনেন স হতো দ্বৈরথে যুদ্ধদুর্মদঃ॥ 8-2-59 (55046)
সামাত্যবান্ধবো রাজন্কর্ণঃ প্রহরতাং বরঃ।
জয়াশা ধার্তরাষ্ট্রাণাং বৈরস্য চ মুখং নৃপঃ॥ 8-2-60 (55047)
তীর্ণং তৎপাণ্ডবৈ রাজন্যৎপুরা নাববুধ্যসে।
উচ্যমানো মহারাজ বন্ধুভির্হিতকাঙ্ক্ষিভিঃ॥ 8-2-61 (55048)
`ন কৃতং চ ৎবয়া পূর্বং দৈবেন বিধিনা বলাৎ'।
তদিদং সমনুপ্রাপ্তং ব্যসনং সুমহাত্যযম্॥ 8-2-62 (55049)
গাণাং রাজ্যকামানাং ৎবয়া রাজন্হিতৈষিণা।
অহিতান্যেব চীর্ণানি তেষাং তে ফলমাগতম্॥ ॥ 8-2-63 (55050)
ইতি শ্রীমন্মহাভারতে কর্ণপর্বণি দ্বিতীয়োঽধ্যায়ঃ॥ 2 ॥
Mahabharata - Karna Parva - Chapter Footnotes
॥ শ্রীঃ ॥
8.3. অধ্যায়ঃ 003
Mahabharata - Karna Parva - Chapter Topics
সঞ্জয়েন ধৃতরাষ্ট্রম্পতি যুদ্ধে নিহতানাং পরেষাং নামকথনম্॥ 1 ॥
Mahabharata - Karna Parva - Chapter Text
8-3-0 (55051)
ধৃতরাষ্ট্র উবাচ। 8-3-0x (4835)
আখ্যাতা মামকাস্তাত নিহতা যুধি পাণ্ডবৈঃ।
হতাংশ্চ পাণ্ডবেয়ানাং মামকৈর্ব্রূহি সঞ্জয়॥ 8-3-1 (55052)
সঞ্জয় উবাচ। 8-3-2x (4836)
কৃতিনো যুধি বিক্রান্তা মহাসৎবা মহাবলাঃ।
সানুবন্ধাঃ সহামাত্যা গাঙ্গেয়েন নিপাতিতাঃ॥ 8-3-2 (55053)
নারায়ণা বল্লবাশ্চ রামাশ্চ শতশো পরে।
অনুরক্তাশ্চ বীরেণ ভীষ্মেণ যুধি পাতিতাঃ॥ 8-3-3 (55054)
সমঃ কিরীটিনা সঙ্খ্যে বীর্যেণ চ বলেন চ।
সত্যজিৎসত্যসন্ধেন দ্রোণেন নিহতো যুধি॥ 8-3-4 (55055)
পাঞ্চালানাং মহেষ্বাসাঃ সর্বে যুদ্ববিশারদাঃ।
দ্রোণেন সহ সঙ্গম্য গতা বৈবস্বতক্ষয়ম্॥ 8-3-5 (55056)
তথা বিরাটদ্রুপদৌ বৃদ্বৌ সহসুতৌ নৃপৌ।
পরাক্রমন্তৌ মিত্রার্থে দ্রোণেন নিহতৌ রণে॥ 8-3-6 (55057)
যো বাল এব সমরে সম্মিতঃ সব্যসাচিনা।
কেশবেন চ দুর্ধর্ষো বলদেবেন চাভিভূঃ॥ 8-3-7 (55058)
পরেষাং কদনং কৃৎবা মহদ্রণবিশারদঃ।
পরিবার্য মদামাত্রৈঃ ষড্ভিঃ পরমকৈ রথৈঃ।
অশক্নুবদ্ভির্বীভৎসুমভিমন্যুর্নিপাতিতঃ॥ 8-3-8 (55059)
কৃতং তং বিরথং বীরং ক্ষত্রধর্মে ব্যবস্থিতম্।
দৌঃশাসনির্মহারাজ সৌভদ্রং হতবান্রণে॥ 8-3-9 (55060)
পটচ্চরনিহন্তা চ মহত্যা সেনয়া বৃতঃ।
অম্বষ্ঠস্য সুতঃ শ্রীমান্মিত্রহেতোঃ পরাক্রমন্॥ 8-3-10 (55061)
আসাদ্য লক্ষ্মণং বীরং দুর্যোধনসুতং রণে।
সুমহৎকদনং কৃৎবা গতো বৈবস্বতক্ষয়ম্॥ 8-3-11 (55062)
বৃহন্তঃ সুমহেষ্বাসঃ কৃতাস্ত্রো যুদ্বদুর্মদঃ।
দুঃশাসনেন বিক্রম্য গমিতো যমসাদনম্॥ 8-3-12 (55063)
মণিমান্দণ্ডধারশ্চ রাজানৌ যুদ্ধদুর্মদৌ।
পরাক্রমন্তৌ মিত্রার্থে দ্রোণেন যুধি পাতিতৌ॥ 8-3-13 (55064)
অংশুমান্ভোজরাজস্তু সহসৈন্যো মহারথঃ।
ভারদ্বাজেন বিক্রম্য গমিতো যমসাদনম্॥ 8-3-14 (55065)
সামুদ্রশ্চিত্রসেনশ্চ সহ পুত্রেণ ভারত।
সমুদ্রসেনেন বলাদ্গমিতো যমসাদনম্॥ 8-3-15 (55066)
অনূপবাসী নীলশ্চ ব্যাধ্রদত্তশ্চ বীর্যবান্।
অশ্বত্থাম্না বিকর্ণেন গমিতৌ যমসাদনম্॥ 8-3-16 (55067)
চিত্রায়ুধশ্চিত্রয়োধী কৃৎবা চ কদনং মহৎ।
চিত্রমার্গেণ বিক্রম্য বিকর্ণেন হতো মৃধে। 8-3-17 (55068)
বৃকোদরসমো যুদ্ধে বৃতঃ কেকয়জো যুধি।
কেকয়েন চ বিক্রম্য ভ্রাতা ভ্রাত্রা নিপাতিতঃ॥ 8-3-18 (55069)
জনমেজয়ো গদায়োধী পার্বতীয়ঃ প্রতাপবান্।
দুর্মুখেন মহারাজ তব পুত্রেণ পাতিতঃ॥ 8-3-19 (55070)
রোচমানৌ নরব্যাঘ্রৌ রোচমানৌ গ্রহাবিব।
দ্রৌণেন যুগপদ্রাজন্দিবং সম্প্রাতিতৌ শরৈঃ॥ 8-3-20 (55071)
নৃপাশ্চ প্রতিয়ুধ্যন্তঃ পরাক্রান্তা বিশাম্পতে।
কৃৎবা নসুকরং কর্ম গতা বৈবস্বতক্ষয়ম্॥ 8-3-21 (55072)
পুরুজিৎকৃন্তিভোজশ্চ মাতুলৌ সব্যসাচিনঃ।
সংগ্রামনির্জিতাঁল্লোকান্গমিতৌ দ্রোণসায়কৈঃ॥ 8-3-22 (55073)
অভিভূঃ কাশিরাজশ্চ কাশিকৈর্বহুভির্বৃতঃ।
বসুদানস্য পুত্রেণ ত্যাজিতো দেহমাহবে॥ 8-3-23 (55074)
অমিতৌজা যুধামন্যুরুত্তমৌজাশ্চ বীর্যবান্।
নিহত্য শতশঃ সূরানস্মদীয়ৈর্নিপাতিতাঃ॥ 8-3-24 (55075)
মিত্রবর্মা চ পাঞ্চাল্যঃ ক্ষত্রধর্মা চ ভারত।
দ্রোণেন পরমেষ্বাসৌ গমিতৌ যমসাদনম্॥ 8-3-25 (55076)
শিখণ্ডিতনয়ো যুদ্ধে ক্ষত্রদেবো যুধাম্পতিঃ।
লক্ষ্মণেন হতো রাজংস্তব পৌত্রেণ ভারত॥ 8-3-26 (55077)
সুচিত্রশ্চিত্রবর্মা চ পিতাপুত্রৌ মহারথৌ।
প্রচরন্তৌ মহাবীরৌ দ্রোণেন নিহতৌ রণে॥ 8-3-27 (55078)
বার্ধক্ষেমির্মহারাজ সমুদ্র ইব পর্বণি।
আয়ুধক্ষয়মাসাদ্য প্রশান্তিং পরমাং গতঃ॥ 8-3-28 (55079)
সেনাবিন্দুসুতঃ শ্রেষ্ঠঃ শাস্ত্রবান্প্রহরন্যুধি।
বাহ্লিকেন মহারাজ কৌরবেন্দ্রেণ পাতিতঃ॥ 8-3-29 (55080)
ধৃষ্টকেতুর্মহারাজ চেদীনাং প্রবরো রথঃ।
কৃৎবা নসুকরং কর্ম গতো বৈবস্বতক্ষয়ম্॥ 8-3-30 (55081)
তথা সত্যধৃতির্বীরঃ কৃৎবা কদনমাহবে।
পাণ্ডবার্থে পরাক্রান্তো গমিতো যমসাদনম্॥ 8-3-31 (55082)
পুত্রস্তু শিশুপালস্য সুকেতুঃ পৃথিবীপতিঃ।
নিহত্য শাত্রবান্সঙ্খ্যে দ্রোণেন নিহতো যুধি॥ 8-3-32 (55083)
তথা সত্যধৃতির্বীরো মদিরাশ্বশ্চ বীর্যবান্।
সূর্যদত্তশ্চ বিক্রান্তো নিহতো দ্রোণসায়কৈঃ॥ 8-3-33 (55084)
`মাৎস্যাদবরজঃ শ্রীমাঞ্শতানীকো নিপাতিতঃ।
শ্রেণিমাংশ্চ মহারাজ যুধ্যমানঃ পরাক্রমী।
কৃৎবা নসুকরং কর্ম গতো বৈবস্বতক্ষয়ম্॥ 8-3-34 (55085)
তথৈব যুধি বিক্রান্তো মাগধঃ পরমাস্ত্রবিৎ।
ভীষ্মেণ নিহতো রাজঞ্শেতেঽদ্য পরবীরহা॥ 8-3-35 (55086)
বিরাটপুত্রঃ শঙ্খস্তু উত্তরশ্চ মহারথঃ।
কুর্বন্তৌ সুমহৎকর্ম গতৌ বৈবস্বতক্ষয়ম্॥ 8-3-36 (55087)
বসুদানশ্চ কদনং কুর্বাণোঽতীব সংয়ুগে।
ভারদ্বাজেন বিক্রম্য গমিতো যমসাদনম্॥ 8-3-37 (55088)
এতে চান্যে চ বহবঃ পাণ্ডবানাং মহারথাঃ।
হতা দ্রোণেন বিক্রম্য যন্মাং ৎবং পরিপৃচ্ছসি॥ ॥ 8-3-38 (55089)
ইতি শ্রীমন্মহাভারতে কর্ণপর্বণি তৃতীয়োঽধ্যায়ঃ॥ 3 ॥
Mahabharata - Karna Parva - Chapter Footnotes
॥ শ্রীঃ ॥
8.4. অধ্যায়ঃ 004
Mahabharata - Karna Parva - Chapter Topics
সঞ্জয়েন ধৃতরাষ্ট্রম্প্রতি হতাবশিষ্টানাং নামকথনম্॥ 1 ॥
Mahabharata - Karna Parva - Chapter Text
8-4-0 (55090)
ধৃতরাষ্ট্র উবাচ। 8-4-0x (4837)
মামকস্যাস্য সৈন্যস্য হৃতোৎসেকস্য স়ঞ্জয়।
অবশেষং ন পশ্যামি ককুদে মৃদিতে সতি॥ 8-4-1 (55091)
তৌ হি বীরৌ মহেষ্বাসৌ মদর্থে কুরুসত্তমৌ।
ভীষ্মদ্রোণৌ হতৌ শ্রুৎবা কোন্বর্থো জীবিতেন মে॥ 8-4-2 (55092)
ন চ মৃষ্যামি রাধেয়ং হতমাহবশোভিনম্।
যস্য বাহ্বোর্বলং তুল্যং কুঞ্জরাণাং শতং শতম্॥ 8-4-3 (55093)
হতপ্রবরসৈন্যং মে যথা শংসসি সঞ্জয়।
অহতানপি মে শংস যেঽত্র জীবন্তি কেচন॥ 8-4-4 (55094)
এতেষু হি মৃতেষ্বদ্য যে ৎবয়া পরিকীর্তিতাঃ।
যেঽপি জীবন্তি তে সর্বে মৃতা ইতি মতির্মম॥ 8-4-5 (55095)
সঞ্জয় উবাচ। 8-4-6x (4838)
যস্মিন্মহাস্ত্রাণি সমর্পিতানি
চিত্রাণি শুভ্রাণি চতুর্বিধানি।
দিব্যানি রাজন্বিহিতানি চৈব
দ্রোণেন বীরে দ্বিজসত্তমেন॥ 8-4-6 (55096)
মহারথঃ কৃতিমান্ক্ষিপ্রহস্তো
দৃঢায়ুধো দৃঢমুষ্টির্দৃঢেষুঃ।
স বীর্যবান্দ্রোণপুত্রস্তরস্বী
ব্যবস্থিতো যোদ্বুকামস্ৎবদর্থে॥ 8-4-7 (55097)
আনর্তবাসী হৃদিকাত্মজোঽসৌ
মহারথঃ সাৎবতানাং বরিষ্ঠঃ।
স্বয়ং ভোজঃ কৃতবর্মা কৃতাস্ত্রো
ব্যবস্থিতো যোদ্বুকামস্ৎবদর্থে॥ 8-4-8 (55098)
আর্তায়নিঃ সমরে দুষ্প্রকম্প্যঃ
সেনাগ্রণীঃ প্রথমস্তাবকানাম্।
যঃ স্বস্রীয়ান্পাণ্ডবেয়ান্বিসৃজ্য
সত্যাং বাচং স্বাং চিকীর্ষুস্তরস্বী॥ 8-4-9 (55099)
তজোবধং সূতপুত্রস্য সঙ্খ্যে
প্রতিশ্রুত্যাজাতশত্রোঃ পুরস্তাৎ।
দুরাধর্ষঃ শক্রসমানবীর্যঃ
শল্যঃ স্থিতো যোদ্বুকামস্ৎবদর্থে॥ 8-4-10 (55100)
শারদ্বতো গৌতমশ্চাপি রাজ--
ন্মহাবাহুচিত্রাস্ত্রয়োধী।
ধনুশ্চিত্রং সুমহদ্ভাবরসাহং
ব্যবস্থিতো যোদ্বুকামঃ প্রগৃহ্য॥ 8-4-11 (55101)
গান্ধাররাজঃ সসুতশ্চ রাজ--
ন্দুর্দ্যূতদেবী কলহপ্রিয়শ্চ।
গান্ধারমুখ্যৈর্যবনৈশ্চ রাজ--
ন্ব্যবস্থিতো যোদ্বুকামস্ৎবদর্থে॥ 8-4-12 (55102)
মহারথঃ কেকয়রাজপুত্রঃ
সদশ্বয়ুক্তং চ পতাকিনং চ।
রথং সমারুহ্য কুরুপ্রবীর
ব্যবস্থিতো যোদ্বুকামস্ৎবদর্থে॥ 8-4-13 (55103)
তথা সুতস্তে জ্বলনার্কবর্ণং
রথং সমাস্থায় কুরুপ্রবীরঃ।
ব্যবস্থিতঃ পুরুমিত্রো নরেন্দ্র
ব্যভ্রে সূর্যো ভ্রাজমানো যথা খে॥ 8-4-14 (55104)
দুর্যোধনো নাগকুলস্য মধ্যে
ব্যবস্থিতঃ সিংহ ইবাবভাসে।
রথেন জাম্বূনদভূষণেন
ব্যবস্থিতঃ সমরে যোৎস্যমানঃ॥ 8-4-15 (55105)
স রাজমধ্যে পুরুষপ্রবীরো
ররাজ জাম্বূনদচিত্রবর্মা।
পদ্মপ্রভো বহ্নিরিবাল্পধূমো
মেঘান্তরে সূর্য ইব প্রকাশঃ॥ 8-4-16 (55106)
তথা সুষেণোঽপ্যসিচর্মপাণি--
স্তবাত্মজঃ সত্যসেনশ্চ বীরঃ।
ব্যবস্থিতৌ চিত্রসেনেন সার্ধং
হৃষ্টাত্মানৌ সমরে যোদ্ধকামৌ॥ 8-4-17 (55107)
হীনিষেবো ভারতরাজপুত্র
উগ্রায়ুধঃ শ্রুতবর্মা জয়শ্চ।
শলশ্চ সত্যব্রতদুঃশলৌ চ
ব্যবস্থিতাঃ সহসৈন্যা নরাগ্র্যাঃ॥ 8-4-18 (55108)
কৈতব্যানামধিপঃ শূরমানী
রণেরণে শত্রুহা রাজপুত্রঃ।
রথী হয়ী নাগপত্তিপ্রয়ায়ী
ব্যবস্থিতো যোদ্বুকামস্ৎবদর্থে॥ 8-4-19 (55109)
বীরঃ শ্রুতায়ুশ্চ ধৃতায়ুধশ্চ
চিত্রাঙ্গদশ্চিত্রসেনশ্চ বীরঃ।
ব্যবস্থিতা যোদ্বুকামা নরাগ্র্যাঃ
প্রহারিণো মানিনঃ সত্যসন্ধাঃ॥ 8-4-20 (55110)
কর্ণাত্মজঃ সত্যসন্ধো মহাত্মা
ব্যবস্থিতঃ সমরে যোদ্বুকামঃ॥ 8-4-21 (55111)
অথাপরৌ কর্ণসুতৌ বরাস্ত্রৌ
ব্যবস্থিতৌ লঘুহস্তৌ নরেন্দ্র।
বলে মহত্যুল্বণসৎববীর্যৌ
সমাস্থিতৌ যোদ্বুকামৌ ৎবদর্থে॥ 8-4-22 (55112)
এতৈশ্চ মুখ্যৈরপরৈশ্চ রাজ--
ন্যোধপ্রবীরৈরমিতপ্রভাবৈঃ।
ব্যবস্থিতো নাগকুলস্য মধ্যে
যথা মহেন্দ্রঃ কুরুরাজো জয়ায়॥ 8-4-23 (55113)
ধৃতরাষ্ট্র উবাচ। 8-4-24x (4839)
আখ্যাতা জীবমানা যে পরে সৈন্যা যথায়থম্।
ইতীদমবগচ্ছামি ব্যক্তমর্থাভিপত্তিতঃ॥ 8-4-24 (55114)
বৈশম্পায়ন উবাচ। 8-4-25x (4840)
এবং ব্রুবন্নেব তদা ধৃতরাষ্ট্রোঽম্বিকাসুতঃ।
হতপ্রবীরং ভূয়িষ্ঠং কিঞ্চিচ্ছেষং স্বকং বলম্।
শ্রুৎবা ব্যামোহমাগচ্ছচ্ছোকব্যাকুলিতেন্দ্রিয়ঃ॥ 8-4-25 (55115)
ব্যাকুলং মে মনস্তাত শ্রুৎবা সুমহদপ্রিয়ম্॥
মনো মুহ্যতি চাঙ্গানি ন চ শক্নোমি ধাবিতুম্।
ইত্যেবমুক্ৎবা বচনং ধৃতরাষ্ট্রোঽম্বিকাসুতঃ।
ভ্রান্তচিত্তস্ততঃ সোঽথ বভূব জগতীপতিঃ॥ ॥ 8-4-26 (55116)
ইতি শ্রীমন্মহাভারতে কর্ণপর্বণি চতুর্থোঽধ্যায়ঃ॥ 4 ॥
Mahabharata - Karna Parva - Chapter Footnotes
॥ শ্রীঃ ॥
8.5. অধ্যায়ঃ 005
Mahabharata - Karna Parva - Chapter Topics
ধৃতরাষ্ট্রেণ কর্ণগুণানুবর্ণনপূর্বকং শোচনম্॥ 1 ॥
Mahabharata - Karna Parva - Chapter Text
8-5-0 (55117)
জনমেজয় উবাচ। 8-5-0x (4841)
শ্রুৎবা কর্ণং হতং যুদ্বে পুত্রাংশ্চৈব পলায়িনঃ।
নরেন্দ্রঃ কিঞ্চিদাশ্বস্তো দ্বিজশ্রেষ্ঠ কিমব্রবীৎ॥ 8-5-1 (55118)
প্রাপ্তবান্পরমং দুঃখং পুত্রব্যসনজং মহৎ।
তস্মিন্যদুক্তবান্কালে তন্মমাচক্ষ্ব পৃচ্ছতঃ॥ 8-5-2 (55119)
বৈশম্পায়ন উবাচ। 8-5-3x (4842)
শ্রুৎবা কর্ণস্য নিধনমশ্রদ্বেয়মিবাদ্ভুতম্।
ভূতসম্মোহনং ভীমং মেরোঃ সংসর্পণং যথা॥ 8-5-3 (55120)
চিত্তমোহমিবায়ুক্তং ভার্গবস্য মহামতেঃ।
পরাজয়মিবেন্দ্রস্য দ্বিষদ্ধ্যো ভীমকর্মণঃ॥ 8-5-4 (55121)
দিবঃ প্রপতনং ভানোরুরব্যামিব মহাদ্যুতেঃ।
সংশোষণমিবাচিন্ত্যং সমুদ্রস্যাক্ষয়াম্ভসঃ॥ 8-5-5 (55122)
মহীবিয়দ্দিগম্বূনাং সর্বনাশমিবাদ্ভুতম্।
কর্মণোরিব বৈফল্যমুভয়োঃ পুণ্যপাপয়োঃ॥ 8-5-6 (55123)
সঞ্চিন্ত্য নিপুণং বুদ্ধ্যা ধৃতরাষ্ট্রো জনেশ্বরঃ।
নেদমস্তীতি সঞ্চিন্ত্য কর্ণস্য সমরে বধম্॥ 8-5-7 (55124)
প্রাণিনামেবমাত্মৎবাৎস্যাদপীতি বিচার্য চ।
শোকাগ্নিনা দহ্যমানো ধম্যমান ইবাশয়ে॥ 8-5-8 (55125)
বিস্রস্তাঙ্গঃ শ্বসন্দীনো হাহেত্যুক্ৎবা সুদুঃখিতঃ।
বিললাপ মহারাজ ধৃতরাষ্ট্রোঽম্বিকাসুতঃ॥ 8-5-9 (55126)
ধৃতরাষ্ট্র উবাচ। 8-5-10x (4843)
সঞ্জয়াধিরথির্বীরঃ সিংহদ্বিরদবিক্রমঃ।
বৃষভপ্রতিমস্কন্ধো বৃষভাক্ষগতিস্বরঃ॥ 8-5-10 (55127)
বৃষভো বৃষভস্যেব যো যুদ্ধে ন নিবর্ততে।
শত্রোরপি মহেন্দ্রস্য বজ্রসংহননো যুবা॥ 8-5-11 (55128)
যস্য জ্যাতলশব্দেন শরবৃষ্টিরবেণ চ।
রথাশ্বনরমাতঙ্গা নাবতিষ্ঠন্তি সংয়ুগে॥ 8-5-12 (55129)
যমাশ্রিত্য মহাবাহুং দ্বিষৎসঙ্ঘঘ্নমচ্যুতম্।
দুর্যোধনোঽকরোদ্বৈরং পাণ্ডুপুত্রৈর্মহারথৈঃ॥ 8-5-13 (55130)
স কথং রথিনাং শ্রেষ্ঠঃ কর্ণঃ পার্থেন সংয়ুগে।
নিহতঃ পুরুষব্যাঘ্রঃ প্রসহ্যাসহ্যবিক্রমঃ॥ 8-5-14 (55131)
যো নামন্যত বৈ নিত্যমচ্যুতং চ ধনঞ্জয়ম্।
ন বৃষ্মীন্সহিতানন্যান্স্ববাহুবলদর্পিতঃ॥ 8-5-15 (55132)
শার্ঙ্গগাণ্ডীবধন্বানৌ সহিতাবপরাজিতৌ।
অহং দিব্যাদ্রথাদেকঃ পাতয়িষ্যামি সংয়ুগে॥ 8-5-16 (55133)
ইতি যঃ সততং মন্দমবোচল্লোভমোহিতম্।
দুর্যোধনমবাচীনং রাজ্যকামুকমাতুরম্॥ 8-5-17 (55134)
যোঽজয়ৎসর্বকাম্ভোজানাবন্ত্যান্কেকয়ৈঃ সহ।
গান্ধারান্মদ্রকান্মাৎস্যাংস্ত্রিগর্তাংস্তঙ্কণাঞ্শকান্। 8-5-18 (55135)
পাঞ্চালাংশ্চ বিদেহাংশ্চ কুলিন্দান্কাশিকোসলান্
সূহ্মানঙ্গাংশ্চ বঙ্গাংশ্চ নিষাদান্পুণ্ড্রকীকটান্॥ 8-5-19 (55136)
বৎসান্কলিঙ্গান্দরদানশ্মকানৃষিকানপি।
`শবরান্হারহূণাংশ্চ প্রঘূণান্সরলানপি॥ 8-5-20 (55137)
ম্লেচ্ছরাষ্ট্রাধিপাংশ্চৈব দুর্গানাটবিকাংস্তথা'।
জিৎবৈতান্সমরে বীরঃ প্রদীপ্তৈঃ কঙ্কপত্রিভিঃ॥ 8-5-21 (55138)
করমাহারয়ামাস জিৎবা সর্বানরীংস্তথা।
দুর্যোধনস্য বৃদ্ধ্যর্থং রাধেয়ো রথিনাং বরঃ।
দিব্যাস্ত্রবিমন্হাতেজাঃ কর্ণো বৈকর্তনো বৃষঃ॥ 8-5-22 (55139)
সেনাগোপশ্চ স কথং শত্রুভিঃ পরমাস্ত্রবিৎ।
ঘাতিতঃ পাণ্ডবৈঃ শূরৈঃ সমরে বীর্যশালিভিঃ॥ 8-5-23 (55140)
বৃষো মহেন্দ্রো দেবেষু বৃষঃ কর্ণো নরেষ্বপি।
তৃতীয়মন্যং লোকেষু বৃষং নৈবানুশুশ্রুম॥ 8-5-24 (55141)
উচ্চৈঃ শ্রবা বরোঽশ্বানাং রাজ্ঞাং বৈশ্রবণো বরঃ।
বরো মহেন্দ্রো দেবানাং কর্ণঃ প্রহরতাং বরঃ॥ 8-5-25 (55142)
যোঽজিতঃ পার্থিবৈঃ শূরৈঃ সমর্থৈর্বীর্যশালিভিঃ।
দুর্যোধনস্য বৃদ্ধ্যর্থং কৃৎস্নামুর্বীমথাজয়ৎ॥ 8-5-26 (55143)
যং লব্ধ্বা মাগধো রাজা সাংৎবমানোঽথ সৌহৃদৈঃ।
অরৌৎসীৎপার্থিবং ক্ষত্রমৃতে যাদবকৌরবান্॥ 8-5-27 (55144)
তং শ্রুৎবা নিহতং কর্ণং দ্বৈরথে সব্যসাচিনা।
শোকার্ণবে নিমগ্নোঽহং ভিন্না নৌরিব সাগরে॥ 8-5-28 (55145)
তং বৃষং নিহতং শ্রুৎবা দ্বৈরথে রথিনাং বরম্।
শোকার্ণবে নিমগ্নোঽহমপ্লুবঃ সাগরে যথা॥ 8-5-29 (55146)
ঈদৃশৈর্যদ্যহং দুঃখৈর্ন বিনশ্যামি সঞ্জয়।
বজ্রাদ্দৃঢতরং মন্যে হৃদয়ং মম দুর্ভিদম্॥ 8-5-30 (55147)
জ্ঞাতিসংবন্ধিমিত্রাণামিমং শ্রুৎবা পরাভবম্।
কো মদন্যঃ পুমাঁল্লোকে ন জহ্যাৎসূত জীবিতম্॥ 8-5-31 (55148)
বিষমগ্নিং প্রপাতং চ পর্বতাগ্রাদহং বৃণে।
`মহাপ্রস্থানগমনং জলং প্রায়োপবেশনম্'।
ন হি শক্ষ্যামি দুঃখানি সোঢুং কষ্টানি সঞ্জয়॥ ॥ 8-5-32 (55149)
ইতি শ্রীমন্মহাভারতে কর্ণপর্বণি পঞ্চমোঽধ্যায়ঃ॥ 5 ॥
Mahabharata - Karna Parva - Chapter Footnotes
॥ শ্রীঃ ॥
8.6. অধ্যায়ঃ 006
Mahabharata - Karna Parva - Chapter Topics
কর্ণবধশ্রবণানন্তরীয়কধৃতরাষ্ট্রপ্রবৃত্তিং পৃষ্টেন বৈশম্পায়নেন কর্ণদুর্যোধনস্তুতিনিন্দাপূর্বকং সঞ্জয়ম্প্রতি কর্ণার্জুনয়ুদ্ধকথনচোদনারূপধৃতরাষ্ট্রপ্রবৃত্তিকথনম্॥ 1 ॥
Mahabharata - Karna Parva - Chapter Text
8-6-0 (55150)
সঞ্জয় উবাচ। 8-6-0x (4844)
শ্রিয়া কুলেন যশসা তপসা চ শ্রুতেন চ।
ৎবামদ্য সন্তো মন্যন্তে যয়াতিমিব নাহুষম্॥ 8-6-1 (55151)
শ্রুতে মহর্ষিপ্রতিমঃ কৃতকৃত্যোঽসি পার্থিব।
পর্যবস্থাপয়াত্মানং মা বিষাদে মনঃ কৃথাঃ॥ 8-6-2 (55152)
ধৃতরাষ্ট্র উবাচ। 8-6-3x (4845)
দৈবমেব পরং মন্যে ধিক্পৌরুষমনর্থকম্।
যত্র সালপ্রতীকাশঃ কর্ণোঽহন্যত সংয়ুগে॥ 8-6-3 (55153)
হৎবা যুধিষ্ঠিরানীকং পাঞ্চালানাং রথব্রজান্।
প্রতাপ্য শরবর্ষেণ দিশঃ সর্বা মহারথঃ॥ 8-6-4 (55154)
মোহিয়িৎবা রণে পার্থান্বজ্নহস্ত ইবাসুরান্।
স কথং নিহতঃ শেতে বায়ুরুগ্ণ ইব দ্রুমঃ॥ 8-6-5 (55155)
শোকস্যান্তং ন পশ্যামি পারং জলনিধেরিব।
চিন্তা মে বর্ধতেঽতীব মুমূর্ষা চাপি জায়তে॥ 8-6-6 (55156)
কর্ণস্য নিধনং শ্রুৎবা বিজয়ং ফল্গুনস্য চ।
অশ্রদ্ধেয়মহং মন্যে বধং কর্ণস্য সঞ্জয়॥ 8-6-7 (55157)
বজ্রসারমিদং নূনং হৃদয়ং দুর্ভিদং মম।
যচ্ছ্রুৎবা পুরুষব্যাঘ্রং হতং কর্ণং ন দীর্যতে॥ 8-6-8 (55158)
আর্যুর্নূনং সুদীর্ঘং মে বিহিতং দৈবতৈঃ পুরা।
যত্র কর্ণং হতং শ্রুৎবা জীবামীহ সুদুঃখিতঃ॥ 8-6-9 (55159)
ধিগ্জীবিতমিদং চৈব সুহৃদ্বীনস্য সঞ্জয়।
অদ্য চাহং দশামেতাং গতঃ সঞ্জয় গর্হিতাম্।
কৃপণং বর্তয়িষ্যামি শোচ্যঃ সর্বস্য মন্দধীঃ॥ 8-6-10 (55160)
অহমেব পুরা ভূৎবা সর্বলোকস্য সৎকৃতঃ।
পরিভূতঃ কথং সূত পরৈঃ শক্ষ্যামি জীবিতুম্॥ 8-6-11 (55161)
দুঃখাদ্দুঃখতরং ভন্যে প্রাপ্তবানস্মি সঞ্জয়।
ভীষ্মদ্রোণবধেনৈব কর্ণস্য চ মহাত্মনঃ॥ 8-6-12 (55162)
নাবশেষং প্রপশ্যামি সূতপুত্রে হতে যুধি।
সহি পারং মহানাসীৎপুত্রাণাং মম সঞ্জয়॥ 8-6-13 (55163)
যুদ্ধে হি নিহতঃ শূরো বিসৃজন্সায়কান্বহূন্।
কো হি মে জীবিতেনার্থস্তমৃতে পুরুষর্ষভম্॥ 8-6-14 (55164)
রথাদাধিরথির্নূনং ন্যপতৎসায়কার্দিতঃ।
পর্বতস্যেব শিখরং ব জ্রপাতাদ্বিদারিতম্॥ 8-6-15 (55165)
স শেতে পৃথিবীং নূনং শোভয়ন্রুধিরোক্ষিতঃ।
মাতঙ্গ ইব মত্তেন মতাঙ্গেন নিপাতিতঃ॥ 8-6-16 (55166)
যো বলং ধার্তরাষ্ট্রাণাং পাণ্ডবানাং যতো ভয়ম্।
সোঽর্জুনেন হতঃ কর্ণঃ প্রতিমানং ধনুষ্মতাম্॥ 8-6-17 (55167)
স হি বীরো মহেষ্বাসো মিত্রাণামভয়ঙ্করঃ।
শেতে বিনিহতো বীরঃ শক্রেণেব পুরা বলঃ॥ 8-6-18 (55168)
পঙ্গোরিবাধ্বগমনং দরিদ্রস্যেব কামিতম্।
দুর্যোধনস্য লোভশ্চ সমান্যেতানি সঞ্জয়॥ 8-6-19 (55169)
অন্যথা চিন্তিতং কার্যমন্যথা তত্তু জায়তে।
অহো নু বলবদ্দৈবং কালশ্চ দুরতিক্রমঃ॥ 8-6-20 (55170)
পলায়মানঃ কৃপণো দীনাত্মা দীনপৌরুষঃ।
কচ্চিদ্বিনিহতঃ সূত পুত্রো দুঃশাসনো মম॥ 8-6-21 (55171)
কচ্চিন্ন দীনাচরিতং কৃতবাংস্তাত সংয়ুগে।
কচ্চিন্ন নিহতঃ শূরা যথাঽন্যে ক্ষত্রিয়র্ষভাঃ॥ 8-6-22 (55172)
যুধিষ্ঠিরস্য বচনং মা যুদ্ধমিতি সর্বদা।
দুর্যোধনো নাভ্যগৃহ্ণান্মূঢঃ পথ্যমিবৌষধম্॥ 8-6-23 (55173)
শতল্পে শয়ানেন ভীষ্মেণ সুমহাত্মনা।
পানীয়ং যাচিতঃ পার্থঃ সোবিধ্যন্মেদিনীতলম্॥ 8-6-24 (55174)
জলস্য ধারাং জনিতাং দৃষ্ট্বা পাণ্ডুসুতেন চ।
অব্রবীৎস মহাবাহুস্তাত সংশাম্য পাণ্ডবৈঃ॥ 8-6-25 (55175)
প্রশমাদ্বি ভবেচ্ছান্তির্মদন্তং যুদ্ধমস্তু বঃ।
ভ্রাতৃভাবেন পৃথিবীং ভুঙ্ক্ষ্ব পাণ্ডুসুতৈঃ সহ॥ 8-6-26 (55176)
অকুর্বন্বচনং তস্য নূনং শোচতি পুত্রকঃ।
তদিদং সমনুপ্রাপ্ত বচনং দীর্ঘদর্শিনঃ॥ 8-6-27 (55177)
অহং তু নিহতামাত্যো হতপুত্রশ্চ সঞ্জয়।
দ্যূততঃ কৃচ্ছ্রমাপন্নো লূনপক্ষ ইব দ্বিজঃ॥ 8-6-28 (55178)
যথা হি শকুনিং গৃহ্য ছিত্ৎবা পক্ষৌ চ সঞ্জয়।
বিসর্জয়ন্তি সংহৃষ্টাঃ ক্রীডমানাঃ কুমারকাঃ॥ 8-6-29 (55179)
লূনপক্ষতয়া তস্য গমনং নোপপদ্যতে।
তথাহমপি সম্প্রাপ্তো লূনপক্ষ ইব দ্বিজঃ॥ 8-6-30 (55180)
ক্ষীণঃ সর্বার্থহীনশ্চ নির্জ্ঞাতির্বন্ধুবর্জিতঃ।
কাং দিশং প্রতিপৎস্যামি দীনঃ শত্রুবশং গতঃ॥ 8-6-31 (55181)
বৈশম্পায়ন উবাচ। 8-6-32x (4846)
ইত্যেবং ধৃতরাষ্ট্রোঽথ বিলপ্য বহুদুঃখিতঃ।
প্রোবাচ সঞ্জয়ং ভূয়ঃ সোকব্যাকুলমানসঃ॥ 8-6-32 (55182)
ধৃতরাষ্ট্র উবাচ। 8-6-33x (4847)
যোঽজয়ৎসর্বকাম্ভোজানম্বষ্ঠান্কৈকয়ৈঃ সহ।
গান্ধারাংশ্চ বিদেহাংশ্চ জিৎবা কার্যার্থমাহবে॥ 8-6-33 (55183)
দুর্যোধনস্য বৃদ্ধ্যর্থং যোঽজয়ৎপৃথিবীং প্রভুঃ।
স জিতঃ পাণ্ডবৈঃ শূরৈঃ সমরে বাহুশালিভিঃ॥ 8-6-34 (55184)
তস্মিন্হতে মহেষ্বাসে কর্ণে যুধি কিরীটিনা।
কে বীরাঃ পর্যতিষ্ঠন্ত তন্মমাচক্ষ্ব সঞ্জয়॥ 8-6-35 (55185)
কচ্চিন্নৈকঃ পরিত্যক্তঃ পাণ্ডবৈর্নিহতো রণে।
উক্তং ৎবয়া পুরা তাত যথা বীরো নিপাতিতঃ॥ 8-6-36 (55186)
ভীষ্মমপ্রতিয়ুধ্যন্তং শিখম্ডী সায়কোত্তমৈঃ।
পাতয়ামাস সমরে সর্বশস্ত্রভৃতাং বরম্॥ 8-6-37 (55187)
তথা দ্রৌপদিনা দ্রোণো ন্যস্তসর্বায়ুধো যুধি।
`ধর্মরাজবচঃ শ্রুৎবা অশ্বত্থামা হতস্ৎবিতি'॥ 8-6-38 (55188)
যুক্তয়োগো মহেষ্বাসঃ শরৈর্বহুভিরাচিতঃ।
নিহতঃ খঙ্গমুদ্যম্য ধৃষ্টদ্যুম্নেন সঞ্জয়॥ 8-6-39 (55189)
অন্তরেণ হতাবেতৌ ছলেন চ বিশেষতঃ।
অশ্রৌষমহমেতদ্বৈ ভীষ্মদ্রোণৌ নিপাতিতৌ॥ 8-6-40 (55190)
ভীষ্মদ্রোণৌ হি সমরে ন হন্যাদ্বজ্রভৃৎস্বয়ম্।
ন্যায়েন যুধ্যন্সমরে তদ্বৈ সত্যং ব্রবীমি তে॥ 8-6-41 (55191)
কর্ণং ৎবস্যন্তমস্ত্রাণি দিব্যানি চ বহূনি চ।
কথমিন্দ্রোপমং বীরং মৃত্যুর্যুদ্বে সমস্পৃশৎ॥ 8-6-42 (55192)
যস্য বিদ্যুৎপ্রভাং শক্তিং দিব্যাং কনকভূষণাম্।
প্রায়চ্ছদ্দ্বিষতাং হন্ত্রীং কুণ্ডলাভ্যাং পুরন্দরঃ॥ 8-6-43 (55193)
যস্য সর্পমুখো দিব্যঃ শরঃ কাঞ্চনভূষণঃ।
অশেত নিশিতঃ পত্রী সমরেষ্বরিসূদনঃ॥ 8-6-44 (55194)
ভীষ্মদ্রোণমুখান্বীরান্যোঽবমত্য মহারথান্।
জামদগ্ন্যান্মহাঘোরং ব্রাহ্মমস্ত্রমশিক্ষত॥ 8-6-45 (55195)
যশ্চ দ্রোণমুখান্দৃষ্ট্বা বিমুখানর্দিতাঞ্শরৈঃ।
সৌভদ্রস্য মহাবাহুর্ব্যধমৎকার্মুকং শিতৈঃ॥ 8-6-46 (55196)
যশ্চ নাগায়ুতপ্রাণাং বজ্ররংহসমচ্যুতম্।
বিরথং সহসা কৃৎবা ভীমসেনমপাহসৎ॥ 8-6-47 (55197)
সহদেবং চ নির্জিত্য শরৈঃ সন্নতপর্বভিঃ।
কৃপয়া বিরথং কৃৎবা নাহনদ্ধর্মচিন্তয়া॥ 8-6-48 (55198)
যশ্চ মায়াসহস্রাণি বিকুর্বাণং জয়ৈষিণম্।
ঘটোৎকচং রাক্ষসেন্দ্রং শক্রশক্ত্যা নিজঘ্নিবান্॥ 8-6-49 (55199)
এবাংশ্চ দিবসান্যস্য যুদ্ধে ভীতো ধনঞ্জয়ঃ।
নাগমদ্দ্বৈরথং বীরঃ স কথং নিহতো রণে॥ 8-6-50 (55200)
[সংশপ্তকানাং যোধা যে আহ্বয়ন্ত সদাঽন্যতঃ।
এতান্হৎবা হনিষ্যামি পশ্চাদ্বৈকর্তনং রণে॥ 8-6-51 (55201)
ইতি ব্যপদিশন্পার্থো বর্জয়ন্সূতজং রণে।
স কথং নিহতো বীরঃ পার্থেন পরবীরহা॥] 8-6-52 (55202)
রথভহ্গো ন চেত্তস্য ধনুর্বা ন ব্যশীর্যত।
ন চেদস্ত্রাণি নষ্টানি স কথং নিহতঃ পরৈঃ॥ 8-6-53 (55203)
কো হি শক্তো রণে কর্ণং বিধুন্বানং মহদ্ধনুঃ।
বিমুঞ্চন্তং শরান্ঘোরান্দিব্যান্যস্ত্রাণি চাহবে।
জেতুং পুরুষশার্দূলং শার্দূলমিব বেগিনম্॥ 8-6-54 (55204)
ধ্রবং তস্য ধনুশ্ছিন্নং রথো বাঽপি মহীং গতঃ।
অস্ত্রাণি বা প্রনষ্টানি যথা শংসসি মে হতম্।
ন হ্যন্যদপি পশ্যামি কারণং তস্য নাশনে॥ 8-6-55 (55205)
ন হিন্মি ফল্গুনং যাবত্তাবৎপাদৌ ন ধাবয়ে।
ইতি যস্য মহাঘোরং ব্রতমাসীন্মহাত্মনঃ॥ 8-6-56 (55206)
যস্য ভীতো রমে নিদ্রাং ধর্মরাজো যুধিষ্ঠিরঃ।
ত্রয়োদশসমা নিত্যং নাভজৎপুরুষর্ষভঃ॥ 8-6-57 (55207)
যস্য বীর্যবতো বীর্যমুপাশ্রিত্য মহাত্মনঃ।
মম পুত্রঃ সভাং ভার্যাং পাণ্ডূনাং নীতবান্বলাৎ॥ 8-6-58 (55208)
তত্রাপি চ সভামধ্যে পাণ্ডবানাং চ পশ্যতাম্।
দাসভার্যেতি পাঞ্চালীমব্রবীৎকুরুসন্নিধৌ॥ 8-6-59 (55209)
[ন সন্তি তপয়ঃ কৃষ্ণে সর্বে ষণ্ডতিলৈঃ সমাঃ।
উপতিষ্ঠস্ব ভর্তারমন্যং বা বরবর্ণিনি॥ 8-6-60 (55210)
ইত্যেবং যঃ পুরা বাচো রূক্ষাঃ সংশ্রাবয়ন্রুষা।
সভায়াং সূতজঃ কৃষ্ণাং স কথং নিহতঃ পরৈঃ॥ 8-6-61 (55211)
যদি ভীষ্মো রণশ্লাঘী দ্রোণো বা যুধি দুর্মদঃ।
ন হনিষ্যতি কৌন্তেয়ান্পক্ষপাতাৎসুয়োধন।
সর্বানেব হনিষ্যামি ব্যেতু তে মানসো জ্বরঃ॥ 8-6-62 (55212)
কিং করিষ্যতি গাণ্ডীবমক্ষয়্যৌ চ মহেষুধী।
স্নিগ্ধচন্দনদিগ্ধস্য মচ্ছরস্যাভিধাবতঃ।
স নূনমৃষভস্কন্ধো হ্যর্জুনেন কথং হতঃ॥] 8-6-63 (55213)
যশ্চ গাণ্ডীবমুক্তানাং স্পর্শমুগ্রমচিন্তয়ন্।
অপতির্হ্যসি কৃষ্ণেতি ব্রুবন্পার্থানবৈক্ষত॥ 8-6-64 (55214)
যস্য নাসীদ্ভয়ং পার্থাৎসপুত্রাৎসজনার্দনাৎ।
স্ববাহুবলমাশ্রিত্য মুহূর্তমপি সঞ্জয়॥ 8-6-65 (55215)
তস্য নাঽহং বধং মন্যে দেবৈরপি সবাসবৈঃ।
প্রতীপমভিঘাবদ্ভিঃ কিং পুনস্তাত পাণ্ডবৈঃ॥ 8-6-66 (55216)
ন হি জ্যাং সংসম্পৃশানস্য তলত্রে বাঽপি গৃহ্ণতঃ।
পুমানাধিরথেঃ স্থাতুং কশ্চিৎপ্রমুখতোঽর্হতি॥ 8-6-67 (55217)
অপি স্যান্মেদিনী হীনা সোমসূর্যপ্রভাংশুভিঃ।
ন বধ- পুরুষেন্দ্রস্য সংয়ুগেষ্বপলায়িনঃ॥ 8-6-68 (55218)
যেন মন্দঃ সহায়েন ভ্রাত্রা দুঃশাসনেন চ।
বাসুদেবস্য দুর্বুদ্ধিঃ প্রত্যাখ্যানমরোচত॥ 8-6-69 (55219)
স নূনং বৃষভস্কন্ধং কর্ণং দৃষ্ট্বা নিপাতিতম্।
দুঃশাসনং চ নিহতং মন্যে শোচতি পুত্রকঃ॥ 8-6-70 (55220)
হতং বৈকর্তনং দৃষ্ট্বা দ্বৈরথে সব্যসাচিনা।
জয়তঃ পাণ্ডবান্দৃষ্ট্বা কিংস্বিদ্দুর্যোধনোঽব্রবীৎ॥ 8-6-71 (55221)
[দুর্মর্ষণং হতং দৃষ্ট্বা বৃষসেনং চ সংয়ুগে।
প্রভগ্রং চ বলং দৃষ্ট্বা বধ্যমানং মহারথৈঃ॥ 8-6-72 (55222)
পরাঙ্মুখাংশ্চ রাজ্ঞস্তু পলায়নপরায়ণান্।
বিদ্রুতান্রথিনো দৃষ্ট্বা মন্যে শোচতি পুত্রকঃ॥ 8-6-73 (55223)
অনেয়শ্চাভিমানী চ দুর্বুদ্ধিরজিতেন্দ্রিয়ঃ।
হতোৎসাহং বলং দৃষ্ট্বা কিংস্বিদুর্যোধনোঽব্রবীৎ॥ 8-6-74 (55224)
স্বয়ং বৈরং মহৎকৃৎবা বার্যমাণঃ সুহৃদ্গণৈঃ।
প্রধনে হতভূয়িষ্ঠৈঃ কিংস্বিদ্দুর্যোধনোঽব্রবীৎ॥ 8-6-75 (55225)
ভ্রাতরং নিহতং দৃষ্ট্বা ভীমসেনেন সংয়ুগে।
রুধিরে পীয়মানে চ কিংস্বিদ্দ্রুর্যোধনোঽব্রবীৎ॥] 8-6-76 (55226)
সহ গান্ধাররাজেন সভায়াং যদভাষত।
কর্ণোঽর্জুনং রণে হন্তা হতে তস্মিন্কিমব্রবীৎ॥ 8-6-77 (55227)
দ্যূতং কৃৎবা পুরা হৃষ্ঠো বঞ্চয়িৎবা চ পাণ়্ডবান্।
শকুনিঃ সৌবলস্তাত হতে কর্ণে কিমব্রবীৎ॥ 8-6-78 (55228)
কৃতবর্মা মহেষ্বাসঃ সাৎবতানাং মহারথঃ।
হতং বৈকর্তনং দৃষ্ট্বা হার্দিক্যঃ কিমভাষত॥ 8-6-79 (55229)
ব্রাহ্মণাঃ ক্ষত্রিয়া বৈশ্যা যস্য শিক্ষামুপাসতে।
ধনুর্বেদং চিকীর্ষন্তো দ্রোণপুত্রস্য ধীমতঃ॥ 8-6-80 (55230)
যুবা রূপেণ সম্পন্নো দর্শনীয়ো মহায়শাঃ।
অশ্বত্থামা হতে কর্ণে কিমভাষত সঞ্জয়॥ 8-6-81 (55231)
আচার্যো যো ধনুর্বেদে গৌতমো রথসত্তমঃ।
কৃপঃ শারদ্বতস্তাত হতে কর্ণে কিমব্রবীৎ॥ 8-6-82 (55232)
মদ্ররাজো মহেষ্বাসঃ শল্যঃ সমিতিশোভনঃ।
দৃষ্ট্বা বিনিহতং কর্ণং সারথ্যে রথিনাং বরঃ।
কিমভাষত সৌবীরো মদ্রাণামধিপো বলী॥ 8-6-83 (55233)
দৃষ্ট্বা বিনিহতং সর্বে যোধা বারণদুর্জয়াঃ।
যে চ কেন রাজানঃ পৃথিব্যাং যোদ্বুমাগতাঃ।
বৈকর্তনং হতং দৃষ্টবা কান্যভাষন্ত সঞ্জয়॥ 8-6-84 (55234)
দ্রোণে তু নিহতে বীরে রথব্যাঘ্রে নরর্ষভে।
কে বা মুখমনীকানামাসন্সঞ্জয় ভাগশঃ॥ 8-6-85 (55235)
মদ্ররাজঃ কথং শল্যো নিয়ুক্তো রথিনাং বরঃ।
বৈকর্তনস্য সারথ্যে তন্মমাচক্ষ্ব সঞ্জয়॥ 8-6-86 (55236)
কেঽরক্ষন্দক্ষিণং চক্রং সূতপুত্রস্য যুধ্যতঃ।
বামং চক্রং ররক্ষুর্বা কে বা বীরস্য পৃষ্ঠতঃ॥ 8-6-87 (55237)
কে কর্ণং ন জহুঃ শূরাঃ কে ক্ষুদ্রাঃ প্রাদ্রবংস্ততঃ।
কথং চ বঃ সমেতানাং হতঃ কর্ণো মহারথঃ॥ 8-6-88 (55238)
পাণ্ডবাশ্চ স্বয়ং শূরাঃ প্রত্যুদীয়ুর্মহারথাঃ।
সৃজন্তঃ শরবর্ষাণি বারিধারা ইবাম্বুদাঃ॥ 8-6-89 (55239)
স চ সর্পমুখো দিব্যো মহেষুপ্রবরস্তদা।
ব্যর্থঃ কথং সমভবত্তন্মমাচক্ষ্ব স়ঞ্জয়॥ 8-6-90 (55240)
মামকস্যাস্য সৈন্যস্য হতোৎসেধস্য সঞ্জয়।
অবশেষং ন পশ্যামি ককুদে মৃদিতে সতি॥ 8-6-91 (55241)
তৌ হি বীরৌ মহেষ্বাসৌ মদর্থে ত্যক্তজীবীতৌ।
ভীষ্মদ্রোণৌ হতৌ শ্রুৎবা কো ন্বর্থো জীবিতেন মে॥ 8-6-92 (55242)
পুনঃ পুনর্ন মৃষ্যামি বধং কর্ণস্য পাণ্ডবৈঃ।
যস্য বাহ্বোর্বলং তুল্যং কুঞ্জরাণাং শতং শতম্॥ 8-6-93 (55243)
দ্রোণে হতে চ যদ্বৃত্তং কৌরবাণাং পরৈঃ সহ।
সঙ্ঘামে নরবীরাণাং তন্মমাচক্ষ্ব সঞ্জয়॥ 8-6-94 (55244)
যথা কর্ণশ্চ কৌন্তেয়ৈঃ সহ যুদ্ধময়োজয়ৎ।
তথা চ দ্বিষতাং হন্তা রণে শান্তস্তদুচ্যতাম্॥ ॥ 8-6-95 (55245)
ইতি শ্রীমন্মহাভারতে কর্ণপর্বণি ষষ্ঠোঽধ্যায়ঃ॥ 6 ॥
Mahabharata - Karna Parva - Chapter Footnotes
॥ শ্রীঃ ॥
8.7. অধ্যায়ঃ 007
Mahabharata - Karna Parva - Chapter Topics
অশ্বত্থামবচনাদ্দুর্যোধনেন সৈনাপত্যেঽভিষিক্তেন কর্ণেন রণায় সেনানিয়োজনম্॥ 1 ॥
Mahabharata - Karna Parva - Chapter Text
8-7-0 (55246)
সঞ্জয় উবাচ। 8-7-0x (4848)
হতে দ্রোণে মহেষ্বাসে তস্মিন্নহনি ভারত।
কৃতে চ মোঘসংকল্পে দ্রোণপুত্রে মহারথে॥ 8-7-1 (55247)
দ্রবমাণে মহারাজ কৌরবাণাং বলার্ণবে।
ব্যূহ্য পার্থঃ স্বকং সৈন্যমতিষ্ঠদ্বাতৃভির্বৃতঃ॥ 8-7-2 (55248)
তমবস্থিতমাজ্ঞায় পুত্রস্তে ভরতর্ষভ।
বিদ্রুতং স্ববলং দৃষ্ট্বা পৌরুষেণ ন্যবারয়ৎ॥ 8-7-3 (55249)
স্বমনীকমবস্থাপ্য বাহুবীর্যমুপাশ্রিতঃ।
যুদ্ধা চ সুচিরং কালং পাণ্ডবৈঃ সহ ভারত॥ 8-7-4 (55250)
লব্ধলক্ষৈঃ পরৈর্হষ্টৈর্ব্যায়চ্ছদ্ভিশ্চিরং তদা।
সন্ধ্যাকালং সমাসাদ্য প্রত্যাহারমকারয়ৎ॥ 8-7-5 (55251)
`নিবেশ্য বলবদ্বোরং ক্ষুৎপিপাসাবলৈর্যুতম্।
শ্রমেণ মহতা যুক্তং তথা দ্রোণবধেন চ॥ 8-7-6 (55252)
দীনরূপা রণে কর্ম কৃৎবা ঘোরং চ শর্বরীম্।
বিশং প্রাপ্য সা সেনা বিশ্রম্য মুদিতাঽভবৎ'॥ 8-7-7 (55253)
কৃৎবাঽবহারং সৈন্যানাং প্রবিশ্য শিবিরং স্বকম্।
কুরবঃ সহিতা মন্ত্রং মন্ত্রয়াঞ্চক্রিরে মিথঃ॥ 8-7-8 (55254)
পর্যঙ্কেষু পরার্ধ্যেষু স্পর্ধ্যাস্তরণবৎসু চ।
বরাসনেষূপবিষ্টাঃ সুখশয়্যাস্বিবামরাঃ॥ 8-7-9 (55255)
ততো দুর্যোধনো রাজা সাম্না পরমবল্গুনা।
তানাভাষ্য মহেষ্বাসান্প্রাপ্তকালমভাষত॥ 8-7-10 (55256)
মতং মতিমতাং শ্রেষ্ঠাঃ সর্বে প্রব্রূত মা চিরম্।
এবঙ্গতেন যৎকার্যং ভবেৎকার্যতরং নৃপাঃ॥ 8-7-11 (55257)
সঞ্জয় উবাচ। 8-7-12x (4849)
এবমুক্তে নরেন্দ্রেণ নরসিংহা যুয়ুৎসবঃ।
চক্রুর্নানাবিধাশ্চেষ্টাঃ সিংহাসনগতাস্তদা॥ 8-7-12 (55258)
তেষাং নিশাম্যেঙ্গিতানি যুদ্ধে প্রাণাঞ্জুহূষতাম্।
সমুদ্বীক্ষ্য মুখং রাজ্ঞো বালার্কসমবর্চসম্।
আচার্যপুত্রো মেধাবী বাক্যজ্ঞো বাক্যমাদদে॥ 8-7-13 (55259)
রাগো যোগস্তথা দাক্ষ্যাং নয়শ্চেত্যর্থসাধকাঃ।
উপায়াঃ পণ্ডিতৈঃ প্রোক্তাস্তে তু দৈবমুপাশ্রিতাঃ॥ 8-7-14 (55260)
লোকপ্রবীরা যেঽস্মাকং দেবকল্পা মহারথাঃ।
নীতিমন্তস্তথা যুক্তা দক্ষা রক্তাশ্চ তে হতাঃ॥ 8-7-15 (55261)
ন ৎবেব কার্যং নৈরাশ্যমস্মাভির্বিজয়ং প্রতি।
সুনীতৈরিহ সর্বার্থৈর্দৈবমপ্যনুলোম্যতে॥ 8-7-16 (55262)
তে বয়ং প্রবরং নৄণাং সর্বৈর্যোধগুণৈর্যুতম্।
কর্ণমেবাভিষেভ্যামঃ সৈনাপত্যেন ভারত॥ 8-7-17 (55263)
কর্ণং সেনাপতিং কৃৎবা প্রমথিষ্যামহে রিপূন্॥ 8-7-18 (55264)
এষ হ্যতিবলঃ শূরঃ কৃতাস্ত্রো যুদ্ধদুর্মদঃ।
বৈবস্বত ইবাসহ্যঃ শক্তো জেতুং রণে নিপূন্॥ 8-7-19 (55265)
এতদাচার্যতনয়াচ্ছ্রুৎবা রাজংস্তবাত্মজঃ।
`দুর্যোধনো মহারাজ ভৃশং প্রীতমনাস্তদা'॥ 8-7-20 (55266)
আশাং বহুমতীং চক্রে বর্ণং প্রতি স বৈ তদা।
হতে ভীষ্মে চ দ্রোণে চ কর্ণো জেষ্যতি পাণ্ডবান্॥ 8-7-21 (55267)
তামাশাং হৃদয়ে কৃৎবা সমাশ্বস্য চ ভারত।
[ততো দুর্যোধনঃ প্রীতঃ প্রিয়ং শ্রুৎবাঽস্য তদ্বচঃ।
প্রীতিসৎকারসংয়ুক্তং তথ্যমাত্মহিতং শূভম্॥] 8-7-22 (55268)
স্বং মনঃ সমবস্থাপ্য বাহুবীর্যমুপাশ্রিতঃ॥ 8-7-23 (55269)
`প্রিয়সৎকারসংয়ুক্তং তথ্যমাত্মহিতে রতম্'।
দুর্যোধনো মহারাজ রাধেয়মিদমব্রবীৎ॥ 8-7-24 (55270)
কর্ণ জানামি তে বীর্যং সৌহৃদং পরমং ময়ি।
তথাঽপি ৎবাং মহাবাহো প্রবক্ষ্যামি হিতং বচঃ॥ 8-7-25 (55271)
শ্রুৎবা যথেষ্টং চ কুরু বীর যত্তব রোচতে।
ভবান্প্রাজ্ঞতমো নিত্যং মম চৈব পরা গতিঃ॥ 8-7-26 (55272)
ভীষ্মদ্রোণাবতিরথৌ হতৌ সেনাপতী মম।
সেনাপতির্ভবানস্তু তাভ্যাং দ্রবিণবত্তরঃ॥ 8-7-27 (55273)
বৃদ্ধো চ তৌ মহেষ্বাসৌ সাপেক্ষো চ ধনঞ্জয়ে।
মানিতৌ চ ময়া বীরৌ রাধেয় বচনাত্তব॥ 8-7-28 (55274)
পিতামহৎবং সম্প্রেক্ষ্য পাণ্ডুপুত্রা মহারণে।
রক্ষিতাস্তাত ভীষ্মেণ দিবসানি দশৈব তু॥ 8-7-29 (55275)
ন্যস্তশস্ত্রে তু ভবতি হতো ভীষ্মঃ পিতামহঃ।
শিখণ্ডিনং পুরুস্কৃত্য ফল্গুনেন মহাহবে॥ 8-7-30 (55276)
হতে তস্মিন্মহেষ্বাসে শরতল্পগতে তথা।
ৎবয়োক্তে পুরুষব্যাঘ্র দ্রোণো হ্যাসীৎপুরঃসরঃ॥ 8-7-31 (55277)
তেনাপি রক্ষিতাঃ পার্থাঃ শিষ্যৎবাদিতি মে মতিঃ।
স চাপি নিহতো বৃদ্ধো ধৃষ্টদ্যুম্নেন সৎবরম্॥ 8-7-32 (55278)
নিহতাভ্যাং প্রধানাভ্যাং তাভ্যামতুলবিক্রম।
ৎবৎসমং সমরে যোধং নান্যং পশ্যামি চিন্তয়ন্॥ 8-7-33 (55279)
ভবানেব তু নঃ শক্তো বিজয়ায় ন সংশয়ঃ।
পূর্বং মধ্যে চ পশ্চাশ্চ তথৈব বিহিতং হিতম্॥ 8-7-34 (55280)
স ভবান্ধুর্যবৎসঙ্খ্যে ধুরমুদ্বোঽঢুমর্হতি।
অভিষেচয় সৈনান্যে স্বয়মাত্মানমাত্মনা॥ 8-7-35 (55281)
দেবতানাং যথা স্কন্দঃ সেনানীঃ প্রভুরব্যযঃ।
তথা ভবানিমাং সেনাং ধার্তরাষ্ট্রীং বিভর্তু বৈ॥ 8-7-36 (55282)
জহি শত্রুগণান্সর্বান্মহেন্দ্রো দানবানিব।
অবস্থিতং রমে দৃষ্ট্বা পাণ্ডবাস্ৎবাং মহারথাঃ।
দ্রবিষ্যন্তি চ পাঞ্চালা বিষ্ণুং দৃষ্ট্বেব দানবাঃ॥ 8-7-37 (55283)
তস্মাত্ৎবং পুরুষব্যাঘ্র প্রকর্ষৈতাং মহাচমূম্॥ 8-7-38 (55284)
ভবত্যবস্থিতে যত্তে পাণ্ডবা মন্দচেতসঃ।
দ্রবিষ্যন্তি সহামাত্যাঃ পাঞ্চালাঃ সৃঞ্জয়াশ্চ হ। 8-7-39 (55285)
যথা হ্যভ্যুদিতঃ সূর্যঃ প্রতপন্স্বেন তেজসা।
ব্যপোহতি তমস্তীব্রং তথা শত্রূন্প্রতাপয়॥ 8-7-40 (55286)
সঞ্জয় উবাচ। 8-7-41x (4850)
এবমুক্তস্তু রাধেয়ো রাজ্ঞা দুর্যোধনেন হ।
রাজ্ঞাং মধ্যে মহাবাহুঃ প্রীতাত্মা স মহাবলঃ।
হর্ষয়ন্নব্রবীৎকর্ণো দুর্যোধনমিদং বচঃ॥ 8-7-41 (55287)
কর্ণ উবাচ। 8-7-42x (4851)
উক্তমেতন্ময়া পূর্বং গান্ধারে তব সন্নিধৌ।
জেষ্যামি পাণ্ডবান্সর্বান্সপুত্রান্সজনার্দনান্॥ 8-7-42 (55288)
সেনাপতির্ভবিষ্যামি তবাহং নাত্র সংশয়ঃ।
স্থিরো ভব মহারাজ জিতান্বিদ্বি চ পাণ্ডবান্॥ 8-7-43 (55289)
সঞ্জয় উবাচ। 8-7-44x (4852)
এবমুক্তো মহারাজ ততো দুর্যাধনো নৃপঃ।
উত্তস্থৌ রাজভিঃ সার্ধং দেবৈরিব শতক্রতুঃ॥ 8-7-44 (55290)
সৈনাপত্যেন সৎকর্তুং কর্ণং স্কন্দমিবামরাঃ।
ততোঽভিষিষিচুঃ কর্ণং বিধিদৃষ্টেন কর্মণা॥ 8-7-45 (55291)
দুর্যোধনমুক্তা রাজন্রাজানো বিজয়ৈষিণঃ।
শাতকুম্ভময়ৈঃ কুম্ভের্মাহেয়ৈশ্চাভিমন্ত্রিতৈঃ॥ 8-7-46 (55292)
তোয়পূর্ণৈর্বিষাণৈশ্চ দ্বিপখঙ্গমহর্ষভৈঃ।
মণিমুক্তায়ুতৈশ্চান্যৈঃ পুণ্যগন্ধৈস্তথৌষধৈঃ॥ 8-7-47 (55293)
ঔদুম্বরে সুখাসীনমাসনে ক্ষৌমসংবৃতে।
শাস্ত্রদৃষ্টেন বিধিনা সম্ভারৈশ্চ সুসম্ভৃতৈঃ॥ 8-7-48 (55294)
ব্রাহ্মণঃ ক্ষত্রিয়া বৈশ্যাস্তথা শূদ্রাশ্চ সম্মতাঃ।
তুষ্টুবুস্তং মহাত্মানমভিষিক্তং বরাসনে॥ 8-7-49 (55295)
ততোঽভিষিক্তে রাজেন্দ্র নিষ্কৈর্গোভির্ধনেন চ।
বাচয়ামাস বিপ্রাগ্র্যান্রাধেয়ঃ পরবীরহা॥ 8-7-50 (55296)
`স ব্যরোচত রাধেয়ঃ সূতমাগধবন্দিভিঃ।
স্তূয়মানো যথা ভানুরুদয়ে ব্রহ্মবাদিভিঃ॥ 8-7-51 (55297)
ততঃ পুণ্যাহঘোষেণ বাদিত্রনিনদেন চ।
জয়শব্দেন শূরাণাং তুমুলঃ সর্বতোঽভবৎ॥ 8-7-52 (55298)
জয়েত্যূচুর্নৃপাঃ সর্বে রাধেয়ং তত্র সঙ্গতাঃ'॥ 8-7-53 (55299)
জয় পার্থান্সগোবিন্দান্সানুগাংস্তান্মহামৃধে।
ইতি তং বন্দিনঃ প্রাহুর্দ্বিজাশ্চ পুরুষর্ষভম্॥ 8-7-54 (55300)
জহি পার্থান্সপাঞ্চালান্রাধেয় বিজয়ায় নঃ।
উদ্যন্নিব সদা ভানুস্তমাংস্যুগ্রৈর্গভস্তিভিঃ॥ 8-7-55 (55301)
ন হ্যলং ৎবদ্বিসৃষ্টানাং শরাণাং বৈ সকেশবাঃ।
উলূকাঃ সূর্যরশ্মীনাং জ্বলতামিব দর্শনে॥ 8-7-56 (55302)
ন হি পার্থাঃ সপাঞ্চালাঃ স্থাতুং শক্তাস্তবাগ্রতঃ।
আত্তবজ্রস্য সমরে মহেন্দ্রস্যেব দানবাঃ॥ 8-7-57 (55303)
`সঞ্জয় উবাচ। 8-7-58x (4853)
স সৎকৃতঃ স্তূয়মানঃ সুহৃদ্গণবৃতো রুষা।
কর্ণো দুর্যোধনং বাক্যমব্রবীৎপ্রহসন্প্রিয়ম্॥ 8-7-58 (55304)
দুর্যোধনাদ্য সগণং পাণ্ডূনাং প্রবরৈঃ সহ।
ফল্গুনং সূদয়িষ্যামি ৎবৎপ্রিয়ার্থং সবান্ধবম্॥ 8-7-59 (55305)
সপর্বতার্ণবদ্বীপাং শাধি গাং গতপাণ্ডবাম্।
পুত্রপৌত্রপ্রপৌত্রেষু প্রতিষ্ঠাং গময়িষ্যমি॥ 8-7-60 (55306)
নাসহ্যং বিদ্যতে মহ্যং ৎবৎপ্রিয়ার্থমরিন্দম।
সত্যধর্মানুরক্তস্য সিদ্ধিরাত্মবতো যথা॥ 8-7-61 (55307)
অভিষিক্তস্তু রাঘেয়ঃ প্রভয়া সোঽমিতপ্রভঃ।
অত্যরিচ্যত রূপেণ দিবাকর ইবাপরঃ॥ 8-7-62 (55308)
সৈনাপত্যে তু রাধেয়মভিষিচ্য সুতস্তব।
অমন্যত তদাত্মানং কৃতার্থং কালচোদিতঃ॥ 8-7-63 (55309)
কর্ণোঽপি রাজ্ঞঃ সংপ্রাপ্য সৈনাপত্যমরিন্দমঃ।
যোগমাজ্ঞাপয়ামাস সূর্যস্যোদয়নং প্রতি॥ 8-7-64 (55310)
তব পুত্রৈর্বৃতঃ কর্ণঃ শুশুভে তত্র ভারত।
দেবৈরিব যথা স্কন্দঃ সঙ্গ্রামে তারকাময়ে॥ ॥ 8-7-65 (55311)
ইতি শ্রীমন্মহাভারতে কর্ণপর্বণি সপ্তমোঽধ্যায়ঃ॥ 7 ॥
Mahabharata - Karna Parva - Chapter Footnotes
॥ শ্রীঃ ॥
8.8. অধ্যায়ঃ 008
Mahabharata - Karna Parva - Chapter Topics
কর্ণার্জুনাক্ষ্যাং ব্যূহরচনাপূর্বকং রণায় নির্যাণম্॥ 1 ॥
Mahabharata - Karna Parva - Chapter Text
8-8-0 (55312)
ধৃতরাষ্ট্র উবাচ। 8-8-0x (4854)
সৈনাপত্যং তু সম্প্রাপ্য কর্ণো বৈকর্তনস্তদা।
তথোক্তশ্চ স্বয়ং রাজ্ঞা স্নিগ্ধং ভ্রাতৃসমং বচঃ॥ 8-8-1 (55313)
হিতশ্চ প্রিয়কামশ্চ মম পুত্রস্য নিত্যশঃ।
অকরোৎকিং মহাপ্রাজ্ঞস্তন্মমাচক্ষ্ব স়ঞ্জয়॥ 8-8-2 (55314)
সঞ্জয় উবাচ। 8-8-3x (4855)
কর্ণস্য মতমাজ্ঞায় পুত্রাস্তে ভরতর্ষভ।
যোগমাজ্ঞাপয়ামাসুর্নন্দিতূর্যপুরঃসরম্॥ 8-8-3 (55315)
মহত্যপররাত্রে চ তব সৈন্যস্য মারিষ।
যোগো যোগ ইতি হ্যাশু প্রাদুরাসীন্মহাস্বনঃ॥ 8-8-4 (55316)
কল্পতাং নাগমুখ্যানাং রথানাং চ বরুথিনাম্।
সন্নহ্যতাং নরাণাং চ বাজিনাং চ বিশাম্পতে॥ 8-8-5 (55317)
ক্রোশতাং চৈব যোধানাং ৎবরিতানাং পরস্পরম্।
বভূব তুমুলঃ শব্দো দিবস্পৃক্সুমহাংস্ততঃ॥ 8-8-6 (55318)
ততঃ শ্বেতপতাকেন বলাকাবর্ণবাজিনা।
হেমপৃষ্ঠেন ধনুষা নাগকক্ষেণ কেতুনা॥ 8-8-7 (55319)
তূণীরশতপূর্ণেন সগদেন বরূথিনা।
শতঘ্নীকিঙ্কিণীশক্তিশূলতোমরধারিণা॥ 8-8-8 (55320)
কার্মুকৈরুপপন্নেন বিমলাদিত্যবর্চসা।
রথেনাভিপতাকেন সুতপুত্রো হ্যদৃশ্যত॥ 8-8-9 (55321)
ধ্মাপয়ন্বারিজং রাজন্হেমজালবিভূষিন্তম্।
বিধ্রুন্বানো মহচ্চাপং কার্তস্বরবিভূষিতম্॥ 8-8-10 (55322)
দৃষ্ট্বা কর্ণং মহেষ্বাসং রথস্থং রথিনাং বরম্।
ভানুমন্তমিবোদ্যন্তং তমো ঘ্নন্তং দুরাসদম্॥ 8-8-11 (55323)
ন ভীষ্মব্যসনং কেচিন্নাপি দ্রোণস্য মারিষ।
নান্যেষাং পুরুষব্যাঘ্র মেনিরে তত্র কৌরবাঃ॥ 8-8-12 (55324)
ততস্তু ৎবরয়ন্যোধাঞ্শঙ্খশব্দেন মারিষ।
কর্ণো নিষ্কর্ষয়ামাস কৌরবাণাং মহদ্বলম্॥ 8-8-13 (55325)
ব্যূহং ব্যূহ্য মহেষ্বাসো মকরং শত্রুতাপনঃ।
প্রত্যুদ্যযৌ তথা কর্ণঃ পাণ্ডবান্বিজিগীষয়া॥ 8-8-14 (55326)
মকরস্য তু তুণ্ডে বৈ কর্ণো রাজন্ব্যবস্থিতঃ।
নেত্রাভ্যাং শকুনিঃ শূর উলূকশ্চ মহারথঃ॥ 8-8-15 (55327)
দ্রোণপুত্রস্তু শিরসি গ্রীবায়াং সর্বসোদরাঃ।
মধ্যেদুর্যোধনো রাজা বলেন মহতা বৃতঃ॥ 8-8-16 (55328)
বামপাদে তু রাজেন্দ্র কৃতবর্মা ব্যবস্থিতঃ।
নারায়ণবলৈর্যুক্তো গোপালৈর্যুদ্ধদুর্মদৈঃ॥ 8-8-17 (55329)
পাদে তু দক্ষিণে রাজন্গৌতমঃ সত্যবিক্রমঃ।
ত্রিগর্তৈঃ সুমহেষ্বাসৈর্দাক্ষিণাত্যৈশ্চ সংবৃতঃ॥ 8-8-18 (55330)
অনুপাদে তু যো বামস্তত্র শল্যো ব্যবস্থিতঃ।
মহত্যা সেনয়া সার্ধং মদ্রদেশসমুত্থয়া॥ 8-8-19 (55331)
দক্ষিণে তু মহারাজ সুষেণঃ সত্যসঙ্গরঃ।
বৃতো রথমহস্রেণ দন্তিনাং চ ত্রিভিঃ শতৈঃ॥ 8-8-20 (55332)
পুচ্ছে হ্যাস্তাং মহাবীর্যৌ ভ্রাতরৌ পার্থিবৌ তদা।
চিত্রশ্চ চিত্রসেনশ্চ মহত্যা সেনয়া বৃতৌ॥ 8-8-21 (55333)
তথা প্রয়াতে রাজেন্দ্র কর্ণে নরবরোত্তমে।
ধনঞ্জয়মভিপেক্ষ্য ধর্মরাজোঽব্রবীদিদম্॥ 8-8-22 (55334)
পশ্য পার্থ যথা সেনা ধার্তরাষ্ট্রীহ সংয়ুগে।
কর্ণেন বিহিতা বীর গুপ্তা বীরৈর্মহারথৈঃ॥ 8-8-23 (55335)
হতবীরতমা হ্যেষা ধার্তরাষ্ট্রী মহাচমূঃ।
ফল্গুশেষা মহাবাহো তৃণৈস্তুল্যা মতা মম॥ 8-8-24 (55336)
একো হ্যত্র মহেষ্বাসঃ সূতপুত্রো বিরাজতে।
সদেবাসুরগন্ধর্বৈঃ সকিন্নরমহোরগৈঃ।
চরাচরৈস্ত্রিভির্লোকৈরজেয়ো যো মহারথঃ॥ 8-8-25 (55337)
তং হৎবাঽদ্য মহাবাহো বিজয়স্তব ফল্গুন।
উদ্ধৃতশ্চ ভবেচ্ছল্যো মম দ্বাদশবার্ষিকঃ॥ 8-8-26 (55338)
এবং জ্ঞাৎবা মহাবাহো ব্যূহং ব্যূহ যথেচ্ছসি॥ 8-8-27 (55339)
সঞ্জয় উবাচ। 8-8-28x (4856)
ভ্রাতুরেতদ্বচঃ শ্রুৎবা পাণ্ডবঃ শ্বেতবাহনঃ।
অর্ধচন্দ্রেণ ব্যূহেন প্রত্যব্যূহত তাং চমূম্॥ 8-8-28 (55340)
বামপার্শ্বে তু তস্যাথ ভীমসেনো ব্যবস্থিতঃ।
দক্ষিণে চ মহেষ্বাসো ধৃষ্টদ্যুম্নো ব্যবস্থিতঃ॥ 8-1-29 (55341)
মধ্যে ব্যূহস্য রাজা তু পাণ্ডবশ্চ ধনঞ্জয়ঃ।
নকুলঃ সহদেবশ্চ ধর্মরাজস্য পৃষ্ঠতঃ॥ 8-8-30 (55342)
চক্ররক্ষৌ তু পাঞ্চাল্যৌ যুধামন্যূত্তমৌজসৌ।
পার্থং ন জহতুর্যুদ্বে পাল্যমানৌ কিরীটিনা॥ 8-8-31 (55343)
শেষাং নৃপতয়ো বীরাঃ স্থিতা ব্যূহস্য দংশিতাঃ।
যথাভাগং যথোৎসাহং যথায়ত্নং চ ভারত॥ 8-8-32 (55344)
এবমেতন্মহাব্যূহং ব্যূহ্য ভারত পাণ্ডবাঃ।
তাবকাশ্চ মহেষ্বাসা যুদ্ধায়ৈব মনো দধুঃ॥ 8-8-33 (55345)
দৃষ্ট্বা ব্যূঢাং তব চমূং সূতপুত্রেণ সংয়ুগে।
নিহতান্পাণ্ডবান্মেনে ধার্তরাষ্ট্রঃ সবান্ধবঃ॥ 8-8-34 (55346)
তথৈব পাণ্ডবীং সেনাং ব্যূঢাং দৃষ্ট্বা যুধিষ্ঠিরঃ।
ধার্তরাষ্ট্রান্হতান্মেনে সকর্ণান্বৈ জনাধিপঃ॥ 8-8-35 (55347)
ততঃ শঙ্খাশ্চ ভের্যশ্চ পণবানকগোমুখাঃ।
ডিণ্ডিমাশ্চাপ্যহন্যন্ত ঝর্ঝরাশ্চ সমন্ততঃ॥ 8-8-36 (55348)
সেনয়োরুভয়ো রাজন্প্রাবাদ্যন্ত মহাস্বনাঃ।
সিংহনাদশ্চ সঞ্জজ্ঞে শূরাণাং জয়গৃদ্ধিনাম্॥ 8-8-37 (55349)
হয়হেষিতশব্দাশ্চ বারণানাং চ বৃংহিতাঃ।
রথনেমিস্বনাশ্চোগ্রাঃ সম্বভূবুর্জনাধিপ॥ 8-8-38 (55350)
ন দ্রোণব্যসনং কশ্চিজ্জানীতে তত্র ভারত।
দৃষ্ট্বা কর্ণং মহেষ্বাসং মুখে ব্যূহস্য দংশিতম্॥ 8-8-39 (55351)
উভে সৈন্যে মহারাজ প্রহৃষ্টনরসঙ্কুলে।
যোদ্বুকামে স্থিতে রাজন্হন্তুমন্যোন্যমোজসা॥ 8-8-40 (55352)
বিজয়ে জাতসংরম্ভে দৃষ্ট্বাঽন্যোন্যং ব্যবস্থিতে।
অনীকমধ্যে রাজেন্দ্র চেরতুঃ কর্ণপাণ্ডবৌ॥ 8-8-41 (55353)
নৃত্যন্ত্যাবিব তে সেনে সমেয়াতাং পরস্পরম্।
তয়োঃ পক্ষপ্রপক্ষেভ্যো নির্যযুর্যুদ্বলিপ্সবঃ॥ 8-8-42 (55354)
ততঃ প্রববৃতে যুদ্ধং নরবারণবাজিনাম্।
রথানাং চ মহারাজ অন্যোন্যমভিনিঘ্নতাম্॥ ॥ 8-8-43 (55355)
ইতি শ্রীমন্মহাভারতে কর্ণপর্বণি ষোডশদিবসয়ুদ্ধারম্ভে অষ্টমোঽধ্যায়ঃ॥ 8 ॥
Mahabharata - Karna Parva - Chapter Footnotes
॥ শ্রীঃ ॥
8.9. অধ্যায়ঃ 009
Mahabharata - Karna Parva - Chapter Topics
সঙ্কুলয়ুদ্ধম্॥ 1 ॥ ভীমেন ক্ষেমধূর্তিবধঃ॥ 2 ॥
Mahabharata - Karna Parva - Chapter Text
8-9-0 (55356)
সঞ্জয় উবাচ। 8-9-0x (4857)
তে সেনেঽন্যোন্যমাসাদ্য প্রহৃষ্টাশ্বনরদ্বিপে।
বৃহত্যৌ সম্প্রজহাতে দেবাসুরচমূসমে॥ 8-9-1 (55357)
ততো নানারথাশ্বেভাঃ পত্তয়শ্চোগ্রবিক্রমাঃ।
সম্প্রহারান্ভৃশং চক্রুর্দেহপাপ্মবিনাশনান্॥ 8-9-2 (55358)
পূর্ণচন্দ্রার্কপদ্মানাং কান্তিৎবিঙ্গন্ধতঃ সমৈঃ।
উত্তমাঙ্গৈর্নৃসিংহানাং নৃসিংহাস্তস্তরুর্মহীম্॥ 8-9-3 (55359)
অর্ধচন্দ্রৈস্তথা ভল্লৈঃ ক্ষুরপ্রৈরসিপট্টসৈঃ।
পরশ্বথৈশ্চাপহৃতান্যুত্তমাঙ্গানি যুধ্যতাম্॥ 8-9-4 (55360)
ব্যায়তায়তবাহূনাং ব্যায়তায়তবাহুভিঃ।
বাহবঃ পাতিতা রেজুর্ধরণ্যাং সায়ুধাঙ্গদৈঃ॥ 8-9-5 (55361)
তৈঃ স্ফুরদ্ভির্মহী ভাতি রক্তাঙ্গুলিতলৈস্তথা।
গরুডপ্রহিতৈরুগ্রৈঃ পঞ্চাস্যৈরুরগৈরিব॥ 8-9-6 (55362)
দ্বিরদস্যন্দনাশ্বেভ্যঃ পেতুর্বীরা দ্বিষদ্ধতাঃ।
বিমানেভ্যো যথা ক্ষীণে পুণ্যে স্বর্গদস্তথা॥ 8-9-7 (55363)
গদাভিরন্যে গুর্বীভিঃ পরিধৈর্মুসলৈরপি।
পোথিতাঃ শতশঃ পেতুর্বীরা বীরতরৈ রণে॥ 8-9-8 (55364)
রথা রথৈর্বিমথিতা মত্তা মত্তৈর্দ্বিপা দ্বিপৈঃ।
সাদিনঃ সাদিভিশ্চৈব তস্মিন্পরমসঙ্কুলে॥ 8-9-9 (55365)
রথৈর্নরা রথা নাগৈরশ্বারোহাশ্চ পত্তিভিঃ।
অশ্বারোহৈঃ পদাতাশ্চ নিহতা যুধি শেরতে॥ 8-9-10 (55366)
রথাশ্বপত্তয়ো নাগৈ রথাশ্বেভাশ্চ পত্তিভিঃ।
রথপত্তিদ্বিপাশ্চাশ্চৈ রথৈশ্চাপি নরদ্বিপাঃ॥ 8-9-11 (55367)
রথাশ্বেভনরাণাং তু নরাশ্বেভরথৈঃ কৃতম্।
পাণিপাদৈশ্চ শস্ত্রৈশ্চ রথৈশ্চ কদনং মহৎ॥ 8-9-12 (55368)
তথা তস্মিন্বলে শূরৈর্বধ্যমানে হতেঽপি চ।
অস্মানভ্যায়যুঃ পার্থা বৃকোদরপুরোগমাঃ॥ 8-9-13 (55369)
বৃষ্টদ্যুম্নঃ শিখণ্ডী চ দ্রৌপদেয়াঃ প্রভদ্রকাঃ।
সাত্যকিশ্চেকিতানশ্চ দ্রাবিডৈঃ সৈনিকৈঃ সহ॥ 8-9-14 (55370)
বৃতা ব্যূহেন মহতা পাণ্ড্যাশ্চোলাঃ সকেরলাঃ।
ব্যূঢোরস্কা দীর্ঘভুজাঃ প্রাংশবঃ পৃথুলোচনাঃ॥ 8-9-15 (55371)
আপীডিনো রক্তদন্তা মত্তমাতঙ্গবিক্রমাঃ।
নানাবিরাগবসানা গন্ধচূর্ণাবচূর্ণিতাঃ॥ 8-9-16 (55372)
বদ্ধাসয়ঃ পাশহস্তা বারণপ্রতিবারণাঃ।
সমানমৃত্যবো রাজন্নাত্যজন্ত পরস্পরম্॥ 8-9-17 (55373)
কলাপিনশ্চাপহস্তা দীর্ঘকেশাঃ প্রিয়ংবদাঃ।
পত্তয়ঃ সায়কৈর্বিদ্ধা ঘোররূপপরাক্রমাঃ॥ 8-9-18 (55374)
অথাপরে পুনঃ শূরাশ্চেদিপাঞ্চালকেকয়াঃ।
কারূশাঃ কোসলাঃ কাঞ্চ্যা মাগধাশ্চাপি দুদ্রুবুঃ॥ 8-9-19 (55375)
তেষাং রথাশ্বনাগাশ্চ প্রবরাশ্চোগ্রপত্তয়ঃ।
নানাবাণরবৈর্হৃষ্টা নৃত্যন্তি চ হসন্তি চ॥ 8-9-20 (55376)
তস্য সৈন্যস্য মহতো মহামাত্রবরৈর্বৃতঃ।
মধ্যে বৃকোদরোঽভ্যায়াত্ৎবদীয়ান্নাগধূর্গতঃ॥ 8-9-21 (55377)
স নাগপ্রবরোঽত্যুগ্রো বিধিবৎকল্পিতো বভৌ।
উদয়াগ্রাদ্রিভবনং যথাঽভ্যুদিতভাস্করম্॥ 8-9-22 (55378)
তস্যায়সং বর্মবরং বররত্নবিভূষিতম্।
তারাব্যাপ্তস্য নভসঃ শারদস্য সমং ৎবিষা॥ 8-9-23 (55379)
স তোমরব্যগ্রকরশ্চারুমৌলিঃ স্বলঙ্কৃতঃ।
শরন্মধ্যন্দিনার্কাভস্তেজয়া প্রদাহদ্রিপূন্॥ 8-9-24 (55380)
তং দৃষ্ট্বা দ্বিরদং দূরাৎক্ষেমধূর্তির্দ্বিপস্থিত।
আহ্বয়ন্নভিদুদ্রাব প্রহসন্পৃতনামুখে॥ 8-9-25 (55381)
তয়োঃ সমভবদ্যুদ্ধং দ্বিপয়োরুগ্ররূপয়োঃ।
যদৃচ্ছয়া দ্রুতবতোর্মহাপর্বতয়োরিব॥ 8-9-26 (55382)
সংসক্তনাগৌ তৌ বীরৌ তোমরৈরিতরেতরম্।
বলবৎসূর্যরশ্ম্যাভৈর্ভিত্ৎবাঽন্যোন্যং বিনেদতুঃ॥ 8-9-27 (55383)
ব্যপসৃত্য তু নাগাভ্যাং মণ্ডলানি বিচেরতুঃ।
প্রগৃহ্য চোভৌ ধনুষী জঘ্নতুর্বৈ পরস্পরম্॥ 8-9-28 (55384)
ক্ষ্বেডিতাস্ফোটিতরবৈর্বাণশব্দৈস্তু সর্বতঃ।
তৌ জনং হর্ষয়ন্তৌ চ সিংহনাদং প্রচক্রতুঃ॥ 8-9-29 (55385)
সমুদ্যতকরাভ্যাং তৌ দ্বিপাভ্যাং কৃতিনাবুভৌ।
বাতোদ্বূতপতাকাভ্যাং যুয়ুধাতে মহাবলৌ॥ 8-9-30 (55386)
তাবন্যোন্যস্য ধনুষী ছিত্ৎবাঽন্যোন্যং বিনেদতুঃ।
শক্তিতোমরবর্ষেণ প্রাবৃণ্মেঘাবিবাম্বুভিঃ॥ 8-9-31 (55387)
ক্ষেমধূর্তিস্তদা ভীমং তোমরেণ স্তনান্তরে।
নির্বিভেদাতিবেগেন ষড্ভিশ্চাপ্যপরৈর্নদন্॥ 8-9-32 (55388)
স ভীমসেনঃ শুশুভে তোমরৈরঙ্গমাশ্রিতৈঃ।
ক্রোধদীপ্তবপুর্মেধৈঃ সপ্তসপ্তিরিবাংশমান্॥ 8-9-33 (55389)
ততো ভাস্করবর্ণাভমঞ্চোগতিময়স্মায়ম্।
সসর্জ তোমরং ভীমঃ প্রত্যমিত্রায় যত্নবান্॥ 8-9-34 (55390)
ততঃ করূশাধিপতিশ্চাপমানম্য সায়কৈঃ।
দশভিস্তোমরং ভিত্ৎবা ষষ্ট্যা বিব্যাধ পাণ্ডবম্॥ 8-9-35 (55391)
অথ কার্মুকমাদায় ভীমো জলদনিঃ স্বনম্।
রিপোরভ্যর্দয়ন্নাগমুন্নদন্পাণ্ডবাঃ শরৈঃ॥ 8-9-36 (55392)
স শরৌঘার্দিতো নাগো ভীমসেনেন সংয়ুগে।
গৃহ্যমাণোঽপি নাতিষ্ঠদ্বাতোদ্ধূত ইবাম্বুদঃ॥ 8-9-37 (55393)
তমভ্যধাবদ্দ্বিরদং ভীমো ভীমস্য নাগরাট্।
মহাবাতেরিতং মেঘং বাতোদ্ধূত ইবাম্বুদঃ॥ 8-9-38 (55394)
সন্নিবার্যাত্মনো নাগং ক্ষেমধূর্তিঃ প্রতাপবান্।
বিব্যাধাভিদ্রুতং বাণৈর্ভীমসেনস্য কুঞ্জরম্॥ 8-9-39 (55395)
ততঃ সাধুবিসৃষ্টেন ক্ষুরেণানতপর্বণা।
ছিত্ৎবা শরাসনং শত্রোর্নাগং চাপি প্রমার্দয়ৎ॥ 8-9-40 (55396)
ততঃ ক্রুদ্ধো রণে ভীমং ক্ষেমধূর্তিঃ পরাভিনৎ।
জঘান চাস্য দ্বিরদং নারাচৈঃ সর্বমর্মসু॥ 8-9-41 (55397)
স পপাত মহানাগো ভীমসেনস্য ভারত।
পুরা নাগস্য পতনাদবপ্লুত্য স্থিতো মহীম্॥ 8-9-42 (55398)
ভীমসেনোঽপি তন্নাগং গদয়া সমপোথয়ৎ।
তস্মাৎপ্রমথিতান্নাগাৎক্ষেমধূর্তিরবপ্লুতঃ॥ 8-9-43 (55399)
`উদ্ধৃত্য স্বঙ্গং নিশিতমভ্যধাবৎস পাণ্ডবম্'।
উদ্যতায়ুধমায়ান্তং সদয়াঽহন্বৃকোদরঃ॥ 8-9-44 (55400)
স পপাত হতঃ সাসির্ব্যসুস্তমভিতো দ্বিপম্।
বজ্রপ্রভগ্নমচলং সিংহো বজ্রহতো যথা॥ 8-9-45 (55401)
তং হতং নৃপতিং দৃষ্ট্বা করূশানাং যশস্করম্।
প্রাদ্রাবদ্ব্যথিতা সেনা ৎবদীয়া ভরতর্ষভ॥ ॥ 8-9-46 (55402)
ইতি শ্রীমন্মহাভারতে কর্ণপর্বণি ষোডশদিবসয়ুদ্ধে নবমোঽধ্যায়ঃ॥ 9 ॥
Mahabharata - Karna Parva - Chapter Footnotes
॥ শ্রীঃ ॥
8.10. অধ্যায়ঃ 010
Mahabharata - Karna Parva - Chapter Topics
দ্বন্দ্বয়ুদ্ধম্॥ 1 ॥ সাত্যকিনা বিন্দানুবিন্দবধঃ॥ 2 ॥
Mahabharata - Karna Parva - Chapter Text
8-10-0 (55403)
সঞ্চয় উবাচ। 8-10-0x (4858)
ততঃ কর্ণো মহেষ্বাসঃ পাণ্ডবানামনীকিনীম্।
জঘান সমরে শূরঃ সন্নতপর্বভিঃ॥ 8-10-1 (55404)
তথৈব পাণ্ডবা রাজংস্তব পুত্রস্য বাহিনীম্।
কর্ণস্য প্রমুখে ক্রুদ্ধা নিজঘ্নুস্তে মহারথাঃ॥ 8-10-2 (55405)
কর্ণোঽপি রাজন্সমরে ব্যহনৎপাণ্ডবীং চমূম্।
নারাচৈরর্করশ্ম্যাভৈঃ কর্মারপরিমার্জিতৈঃ॥ 8-10-3 (55406)
তত্র ভারত কর্ণেন নারাচৈস্তাডিতা গজাঃ।
নেদুঃ সেদুশ্চ মম্লুশ্চ বভ্রুমুশ্চ দিশো দশ॥ 8-10-4 (55407)
বধ্যমানে বলে তস্মিন্সূতপুত্রেণ মারিষ।
নকুলোঽভ্যদ্রবত্তূর্ণং সূতপুত্রং মহারণে॥ 8-10-5 (55408)
ভীমসেনস্তথা দ্রৌণিং কুর্বাণং কর্ম দুষ্করম্।
বিন্দানুবিন্দৌ কৈকেয়ৌ সাত্যকিঃ সমবারয়ৎ॥ 8-10-6 (55409)
শ্রুতকর্মাণমায়ান্তং চিত্রসেনো মহীপতিঃ।
প্রতিবিন্ধ্যস্তথা চিত্রং চিত্রকেতনকার্মুকম্॥ 8-10-7 (55410)
দুর্যোধনস্তু রাজানং ধর্মপুত্রং যুধিষ্ঠিরম্।
সংশপ্তকগণা হৃষ্টা হ্যভ্যধাবন্ধনঞ্জয়ম্॥ 8-10-8 (55411)
ধৃষ্টদ্যুম্নঃ কৃপং চাপি তস্মিন্বীরবরক্ষয়ে।
শিখণ্ডী কৃতবর্মাণং সমাসাদয়দচ্যুতম্॥ 8-10-9 (55412)
শ্রুতকীর্তিস্তথা শল্যং মাদ্রীপুত্রঃ সুতং তব।
দুঃশাসনং মহারাজ সহদেবঃ প্রতাপবান্॥ 8-10-10 (55413)
কৈকেয়ৌ সাত্যকিং যুদ্ধে শরবর্ষেণ ভাস্বতা।
সাত্যকিঃ কেকয়ৌ চাপি চ্ছাদয়ামাস ভারত॥ 8-10-11 (55414)
তাবেনং ভ্রাতরৌ বীরৌ জঘ্নতুর্হৃদয়ে ভৃশম্।
বিষাণাভ্যাং যথা নাগৌ প্রতিনাগং মহাবনে॥ 8-10-12 (55415)
শরসম্বিন্নবর্মাণৌ তাবুভৌ ভ্রাতরৌ রণে।
সাত্যকিং সত্যকর্মাণং রাজন্বিব্যধতুঃ শরৈঃ॥ 8-10-13 (55416)
তৌ সাত্যকির্মহারাজ প্রহসন্সর্বতোদিশঃ।
ছাদয়ঞ্ছরবর্ষেণ বারয়ামাস ভারত॥ 8-10-14 (55417)
বার্যমাণৌ ততস্তৌ হি শৈনেয়শরবৃষ্টিভিঃ।
শৈনেয়স্য রথং তূর্ণং ছাদয়ামাসতুঃ শরৈঃ॥ 8-10-15 (55418)
তয়োস্তু ধনুষী চিত্রে ছিত্ৎবা শৌরির্মহায়শাঃ।
অথ তৌ সায়কৈস্তীক্ষ্ণৈর্বারয়ামাস সাত্যকিঃ॥ 8-10-16 (55419)
অথান্যে ধনুষী চিত্রে প্রগৃহ্য চ মহাশরান্।
সাত্যকিং ছাদয়ন্তৌ তৌ চেরতুর্লঘু সুষ্ঠু চ॥ 8-10-17 (55420)
তাভ্যাং মুক্তা মহাবাণাঃ কঙ্কবর্হিণবাসসঃ।
দ্যোতয়ন্তো দিশঃ সর্বাঃ সম্পেতুঃ স্বর্ণভূষণাঃ॥ 8-10-18 (55421)
বাণান্ধকারমভবত্তয়ো রাজন্মহামৃধে।
অন্যোন্যস্য ধনুশ্চৈব চিচ্ছিদুস্তে মহারথাঃ॥ 8-10-19 (55422)
ততঃ ক্রুদ্ধো মহারাজ সাৎবতো যুদ্ধদুর্মদঃ।
ধনুরন্যৎসমাদায় সজ্যং কৃৎবা চ সংয়ুগে॥ 8-10-20 (55423)
ক্ষুরপ্রেণ সুতীক্ষ্ণেন হ্যনুবিন্দশিরোঽহরৎ।
অপতত্তচ্ছিরো রাজন্কুণ়্ডলোপচিতং মহৎ॥ 8-10-21 (55424)
শম্বরস্য শিরো যদ্বন্নিহতস্য মহারণে।
শোচয়ন্কেকয়ান্সর্বাঞ্জগামাশু বসুন্ধরাম্॥ 8-10-22 (55425)
তং দৃষ্ট্বা নিহতং শূরং ভ্রাতা তস্য মহারথঃ।
সজ্যমন্যদ্ধনুঃ কৃৎবা শৈনেয়ং পর্যবারয়ৎ॥ 8-10-23 (55426)
স ষষ্ট্যা সাত্যকিং বিদ্ব্বা স্বর্ণপুঙ্খৈঃ শিলাশিতৈঃ।
ননাদ বলবন্নাদং তিষ্ঠতিষ্ঠেতি চাব্রবীৎ॥ 8-10-24 (55427)
সাত্যকিং চ ততস্তূর্ণং কেকয়ানাং মহারথঃ।
শরৈরনেকসাহস্রৈর্বাহ্বোরুরসি চার্পয়ৎ॥ 8-10-25 (55428)
স শরৈঃ ক্ষতসর্বাঙ্গঃ সাত্যকিঃ সত্যবিক্রমঃ।
ররাজ সমরে রাজন্সপুষ্প ইব কিংশুকঃ॥ 8-10-26 (55429)
সাত্যকিঃ সমরে বিদ্বঃ কৈকেয়েন মহাত্মনা।
কৈকেয়ং পঞ্চবিংশত্যা বিব্যাধ প্রহসন্নিব॥ 8-10-27 (55430)
তাবন্যোন্যস্য সমরে সঞ্ছিদ্য ধনুষী শুভে।
হৎবা চ সারথী তূর্ণং হয়াংশ্চ রথিনাং বরৌ॥ 8-10-28 (55431)
বিরথাবসিয়ুদ্ধায় সমাজগ্মতুরাহবে।
শতচন্দ্রচিতে গৃহ্য চর্মণী সুভুজৌ তথা॥ 8-10-29 (55432)
বিরোচেতাং মহারঙ্গে নিস্ত্রিংশবরধারিণৌ।
যথা দেবাসুরে যুদ্ধে জম্ভশক্রৌ মহাবলৌ॥ 8-10-30 (55433)
মণ্ডলানি ততস্তৌ তু বিচন্তৌ মহারণে।
অন্যোন্যমভিতস্তূর্ণং সমাজগ্মতুরাহবে॥ 8-10-31 (55434)
অন্যোন্যস্য বধে চৈব চক্রতুর্যত্নমুত্তমম্।
কৈকেয়স্য দ্বিধা চর্ম ততশ্চিচ্ছেদ সাৎবতঃ॥ 8-10-32 (55435)
সাত্যকেস্তু তথৈবাসৌ চর্ম চিচ্ছেদ পার্থিবঃ।
চর্ম চ্ছিত্ৎবা তু কৈকেয়স্তারাগণশতৈর্বৃতম্।
চচার মণ্ডলান্যেব গতপ্রত্যাগতানি চ॥ 8-10-33 (55436)
তং চরন্তং মহারঙ্গে নিস্ত্রিংশবরধারিণম্।
অপহস্তেন চিচ্ছেদ শৈনেয়স্ৎবরয়াঽন্বিতঃ॥ 8-10-34 (55437)
সবর্মা কেকয়ো রাজন্দ্বিধা চ্ছিন্নো মহারণে।
নিপপাত মহেষ্বাসো বজ্রাহত ইবাৎবলঃ॥ 8-10-35 (55438)
তং নিহত্য রণে শূরঃ শৈনেয়ো রথসত্তমঃ।
যুধামন্যুরথং তূর্ণমারুরোহ পরন্তপঃ॥ 8-10-36 (55439)
ততোঽন্যং রথমাস্থায় বিধিবৎকল্পিতং পুনঃ।
কেকয়ানাং মহৎসৈন্যং ব্যধমৎসাত্যকিঃ শরৈঃ॥ 8-10-37 (55440)
সা বধ্যমানা সমরে কেকয়ানাং মহাচমূঃ।
তমুৎসৃজ্য রণে শত্রুং প্রদুদ্রাব দিশো দশ॥ ॥ 8-10-38 (55441)
ইতি শ্রীমন্মহাভারতে কর্ণপর্বণি ষোডশদিবসয়ুদ্ধে দশমোঽধ্যায়ঃ॥ 10 ॥
Mahabharata - Karna Parva - Chapter Footnotes
॥ শ্রীঃ ॥
8.11. অধ্যায়ঃ 011
Mahabharata - Karna Parva - Chapter Topics
প্রতিবিন্ধ্যশ্রুতকর্মক্ষ্যাং চিত্রচিত্রসেনয়োঃ সংহারঃ॥ 1 ॥
Mahabharata - Karna Parva - Chapter Text
8-11-0 (55442)
সঞ্জয় উবাচ। 8-11-0x (4859)
শ্রুতকর্মা ততো রাজংশ্চিত্রসেনং মহীপতিম্।
আজঘ্নে সমরে ক্রুদ্ধঃ পঞ্চাশদ্ভিঃ শিলীমুখৈঃ॥ 8-11-1 (55443)
চিত্রসেনস্তু তং রাজন্নবভির্নতপর্বভিঃ।
শ্রুতকর্মাণমাহত্য সূতং বিব্যাধ পঞ্চভিঃ॥ 8-11-2 (55444)
শ্রুতকর্মা ততঃ ক্রুদ্ধশ্চিত্রসেনং চমূমুখে।
নারাচেন সুতীক্ষ্ণেন মর্মদেশে সমার্পয়ৎ॥ 8-11-3 (55445)
সোঽতিবিদ্ধো মহারাজ নারাচেন মহাত্মনা।
মূর্চ্ছামভিয়যৌ বীরঃ কশ্মলং চাবিবেশ হ॥ 8-11-4 (55446)
এতস্মিন্নন্তরে চৈনং শ্রুতকীর্তির্মহায়শাঃ।
নবত্যা জগতীপালং ছাদয়ামাস পত্রিভিঃ॥ 8-11-5 (55447)
প্রতিলভ্য ততঃ সংজ্ঞাং চিত্রসেনো মহারথঃ।
ধনুশ্চিচ্ছেদ ভল্লেন তং চ বিব্যাধ সপ্তভিঃ॥ 8-11-6 (55448)
সোঽন্যৎকার্মুকমাদায় বেগঘ্নং রুক্মভূষিতম্।
চিত্ররূপধরং চক্রে চিত্রসেনং শরোর্মিভিঃ॥ 8-11-7 (55449)
স শরৈশ্চিত্রিতো রাজা চিত্রমাল্যধরো যুবা।
অশোভত মহারঙ্গে শ্বাবিচ্ছললো যথা॥ 8-11-8 (55450)
শ্রুতকর্মাণমথ বৈ নারাচেন স্তনান্তরে।
বিভেদ তরসা শূরস্তিষ্ঠতিষ্ঠেতি চাব্রবীৎ॥ 8-11-9 (55451)
শ্রুতকর্মাণি সমরে নারাচেন সমর্পিতঃ।
সুস্রাব রুধিরং তত্র গৈরিকাম্বু যথাঽচলঃ॥ 8-11-10 (55452)
ততঃ স রুধিরাক্তাঙ্গো রুধিরেণ কৃতচ্ছবিঃ।
ররাজ সমরে বীরঃ সপুষ্প ইব কিংশুকঃ॥ 8-11-11 (55453)
শ্রুতকর্মা ততো রাজঞ্শত্রুণা সমভিদ্রুতঃ।
শত্রুসংবারণং ক্রুদ্ধো দ্বিধা চিচ্ছেদ কার্মুকম্॥ 8-11-12 (55454)
অথৈনং ছিন্নধন্বানং নারাচানাং শতৈস্ত্রিভিঃ।
ছাদয়ন্সমরে রাজন্বিব্যাধ চ সুপত্রিভিঃ॥ 8-11-13 (55455)
ততোঽপরেণ ভল্লেন তীক্ষ্ণেন নিশিতেন চ।
জহার সশিরস্ত্রাণং শিরস্তস্য মহাত্মনঃ॥ 8-11-14 (55456)
তচ্ছিরো ন্যপতদ্ভূমৌ চিত্রসেনস্য দীপ্তিমৎ।
যদৃচ্ছয়া যথা চন্দ্রশ্চ্যুতঃ স্বর্গান্মহীতলম্॥ 8-11-15 (55457)
রাজানং নিহতং দৃষ্ট্বা তেঽভিসারং তু মারিষ।
অভ্যদ্রবন্ত বেগেন চিত্রসেনস্য সৈনিকাঃ॥ 8-11-16 (55458)
ততঃ ক্রুদ্ধো মহেষ্বাসস্তৎসৈন্যং প্রাদ্রবচ্ছরৈঃ।
অন্তকালে যথা ক্রুদ্ধঃ সর্বভূতানি প্রেতরাট্॥ 8-11-17 (55459)
তে বধ্যমানাঃ সমরে তব পৌত্রেণ ধন্বিনা।
ব্যদ্রবন্ত দিশস্তূর্ণং দাবদগ্ধা ইব দ্বিপাঃ॥ 8-11-18 (55460)
তাংস্তু বিদ্রবতো দৃষ্ট্বা নিরুৎসাহান্দ্বিষজ্জয়ে।
দ্রাবয়ন্নিষুভিস্তীক্ষ্ণৈঃ শ্রুতকর্মা ব্যরোচত॥ 8-11-19 (55461)
প্রতিবিন্ধ্যস্ততশ্চিত্রং ভিত্ৎবা পঞ্চভিরাশুগৈঃ।
সারথিং চ ত্রিভির্বিদ্ব্বা ধ্বজমেকেষুণাপি চ॥ 8-11-20 (55462)
তং চিত্রো নবভির্ভল্লৈর্বাহ্বোরুরসি চার্পয়ৎ।
স্বর্ণপুঙ্খৈঃ প্রসন্নাগ্নৈঃ কঙ্কবর্হিণবাজিতৈঃ॥ 8-11-21 (55463)
প্রতিবিন্ধ্যো ধনুশ্ছিত্ৎবা তস্য বারত সায়কেঃ।
পঞ্চভির্নিশিতৈর্বাণৈরথৈনং স হি জঘ্নিবান্॥ 8-11-22 (55464)
ততঃ শক্তিং মহারাজ স্বর্ণঘণ্টাং দুরাসদাম্।
প্রাহিণোৎপ্রতিবিন্ধ্যায় বিচিন্বন্তীমসূনিব॥ 8-11-23 (55465)
তামাপতন্তী সহসা শক্তিমুল্কামিবাম্বরে।
দ্বিধা চিচ্ছেদ সমরে প্রতিবিন্ধ্যো হসন্নিব॥ 8-11-24 (55466)
সা পপাত দ্বিধা ছিন্না প্রতিবিন্ধ্যশরৈঃ শিতৈঃ।
যুগান্তে সর্বভূতানি ত্রাসয়ন্তী যথাঽশনিঃ॥ 8-11-25 (55467)
শক্তিং তাং প্রহতাং দৃষ্ট্বা চিত্রো গৃহ্য মহাগদাম্।
প্রতিবিন্ধ্যায় চিক্ষেপ রুক্মজালবিভূষিতাম্॥ 8-11-26 (55468)
সা জঘান হয়াংস্তস্য সারথিং চ মহারণে।
রথং প্রমৃদ্য বেগেন ধরমীমন্বপদ্যত॥ 8-11-27 (55469)
এতস্মিন্নেব কালে তু রথাদাপ্লুত্য ভারত।
শক্তিং চিক্ষেপ চিত্রায় স্বর্ণদণ্ডামলঙ্কৃতাম্॥ 8-11-28 (55470)
তামাপতন্তীং জগ্রাহ চিত্রো রাজন্মহামনাঃ।
ততস্তামেব চিক্ষেপ প্রতিবিন্ধ্যায় পার্থিবঃ॥ 8-11-29 (55471)
সমাসাদ্য রণে শূরং প্রতিবিন্ধ্যং মহাপ্রভা।
নির্ভিদ্য দক্ষিণং বাহুং নিপপাত মহীতলে।
পতিতাঽভাসয়শ্চৈব তং দেশমশনির্যথা॥ 8-11-30 (55472)
প্রতিবিন্ধ্যস্ততো রাজংস্তোমরং হেমভূষিতম্।
প্রেষয়ামাস সঙ্ক্রুদ্ধশ্চিত্রস্য বধকাঙ্ক্ষয়া॥ 8-11-31 (55473)
স তস্য গাত্রাবরণং ভিত্ৎবা হৃদয়মেব চ।
জগাম ধরণীং তূর্ণং মহোরগ ইবাশয়ম্॥ 8-11-32 (55474)
স পপাত তদা রাজা তোমরেণ সমাহতঃ।
প্রসার্য বিপুলৌ বাহূ পীনৌ পিঘসন্নিভৌ॥ 8-11-33 (55475)
চিত্রং সম্প্রেক্ষ্য নিহতং তাবকা রণশোভিনঃ।
অভ্যদ্রবন্ত বেগেন প্রতিবিন্ধ্যং সমন্ততঃ॥ 8-11-34 (55476)
সৃজন্তো বিবিধান্বাণাঞ্শতঘ্নীশ্চ সকিঙ্কিণীঃ।
তমবচ্ছাদয়ামাসুঃ সূর্যমভ্রগণা ইব॥ 8-11-35 (55477)
তান্বিধম্য মহাবাহুঃ শরজালেন সংয়ুগে।
ব্যদ্রাবয়ত্তব চমূং বজ্রহস্ত ইবাসুরীম্॥ 8-11-36 (55478)
তে বধ্যমানাঃ সমরে তাবকাঃ পাণ্ডবৈর্নৃপ।
বিপ্রকীর্যন্ত সহসা বাতনুন্না ঘনা ইব॥ 8-11-37 (55479)
বিপ্রদ্রুতে বলে তস্মিন্বধ্যমানে সমন্ততঃ।
দ্রৌণিরেকোঽভ্যযাত্তূর্ণং ভীমসেনং মহাবলম্॥ 8-11-38 (55480)
তঃ সমাগমো ঘোরো বভূব সহসা তয়োঃ।
যথা দৈবাসুরে যুদ্ধে বৃত্রবাসবয়োরিব॥ ॥ 8-11-39 (55481)
ইতি শ্রীমন্মহাভারতে কর্ণপর্বণি ষোডশদিবসয়ুদ্ধে একাদশোঽধ্যায়ঃ॥ 11 ॥
Mahabharata - Karna Parva - Chapter Footnotes
॥ শ্রীঃ ॥
8.12. অধ্যায়ঃ 012
Mahabharata - Karna Parva - Chapter Topics
ভীমাশ্বত্থাম্নোর্যুদ্ধম্॥ 1 ॥
Mahabharata - Karna Parva - Chapter Text
8-12-0 (55482)
সঞ্জয় উবাচ। 8-12-0x (4860)
ভীমসেনং ততো দ্রৌণী রাজন্বিব্যাধ পত্রিণা।
পরয়া ৎবরয়া যুক্তো দর্শয়ন্নস্ত্রলাঘবম্॥ 8-12-1 (55483)
অথৈনং পুনরাজঘ্নে নবত্যা নিশিতৈঃ শরৈঃ।
সর্বমর্মাণি সম্প্রেক্ষ্য মর্মজ্ঞো লঘুহস্তবৎ॥ 8-12-2 (55484)
ভীমসেনঃ সমাকীর্ণো দ্রৌণিনা নিশিতৈঃ শরৈঃ।
ররাজ সমরে রাজন্রশ্মিবানিব ভাস্করঃ॥ 8-12-3 (55485)
ততঃ শরসহস্রেণ সুপ্রয়ুক্তেন পাণ্ডবঃ।
দ্রোণপুত্রমবচ্ছাদ্য সিংহনাদমমুঞ্চত॥ 8-12-4 (55486)
শরৈঃ সরাংস্ততো দ্রৌণিঃ সংবার্য যুধি পাণ্ডবম্।
ললাটেঽভ্যাহনদ্রাজন্নারাচেন স্ময়ন্নিব॥ 8-12-5 (55487)
ললাটস্থং ততো বাণং ধারয়ামাস পাণ্ডবঃ।
যথা শৃঙ্গং বনে দৃপ্তঃ খঙ্গো ধারয়তে নৃপ॥ 8-12-6 (55488)
ততো দ্রৌণিং রণে ভীমো যতমানং পরাক্রমী।
ত্রিভির্বিব্যাধ নারাচৈর্ললাটে বিস্ময়ন্নিব॥ 8-12-7 (55489)
ললাটস্থৈস্ততো বাণৈর্ব্রাহ্মণোঽসৌ ব্যশোভত।
প্রাবৃষীব যথা সিক্তস্ত্রিশৃঙ্গঃ পর্বতোত্তমঃ॥ 8-12-8 (55490)
ততঃ শরশতৈর্দ্রৌণিরর্দয়ামাস পাণ্ডবম্।
ন চৈনং কম্পয়ামাস মাতরিশ্বেব পর্বতম্॥ 8-12-9 (55491)
তথৈব পাংণ্ডবো যুদ্ধে দ্রৌণিং শরশতৈঃ শিতৈঃ।
নাকম্পয়ত সংহৃষ্টো বার্যোধ ইব পর্বতম্॥ 8-12-10 (55492)
তাবন্যোন্যং শরৈর্ঘোরৈশ্ছাদয়ানৌ মহারথৌ।
রথবর্যগতৌ বীরৌ শুশুভাতে বলোৎকটৌ॥ 8-12-11 (55493)
আদিত্যাবিব সন্দীপ্তৌ লোকক্ষয়করাবুভৌ।
স্বরশ্মিভিরিবান্যোন্যং তাপয়ন্তৌ শরোত্তমৈঃ॥ 8-12-12 (55494)
ততঃ প্রবিকৃতে যত্নং কুর্বাণৌ তৌ মহারণে।
কৃতপ্রতিকৃতে যত্তৌ শরসঙ্ঘৈরভীতবৎ॥ 8-12-13 (55495)
ব্যাঘ্রাবিব চ সঙ্গ্রামে চেরতুস্তৌ নরোত্তমৌ।
শরদংষ্ট্রৌ দুরাধর্ষৌ চাপবক্রৌ ভয়ঙ্করৌ॥ 8-12-14 (55496)
অভূতাং তাবদৃশ্যৌ চ শরজালৈঃ সমন্ততঃ।
মেঘজালৈরিব চ্ছনৌ গগনে চন্দ্রভাস্করৌ॥ 8-12-15 (55497)
চকাশেতে মুহূর্তেন ততস্তাবপ্যরিন্দমৌ।
বিমুক্তাবভ্রজালেন অঙ্গারকবুধাবিব॥ 8-12-16 (55498)
অথ তত্রৈব সঙ্গ্রমে বর্তমানে সুদারুণে।
অপসব্যং ততশ্চক্রে দ্রৌণিস্তত্র বৃকোদরম্॥ 8-12-17 (55499)
কিরঞ্ছরশতৈরুগ্রৈর্ধারাভিরিব পর্বতম্।
ন তু তন্মমৃষে ভীমঃ শত্রোর্বিজলক্ষণম্॥ 8-12-18 (55500)
প্রতিচক্রে ততো রাজন্পাণ্ডবোঽপ্যপসব্যতঃ।
মণ্ডলানাং বিভাগেন গতপ্রত্যাগতেন চ॥ 8-12-19 (55501)
বভূব তুমুলং যুদ্ধং তয়োঃ পুরুষসিংহয়োঃ।
চরিৎবা বিবিধান্মার্গান্মণ্ডলস্থানমেব চ॥ 8-12-20 (55502)
শরৈঃ পূর্ণায়তোৎসৃষ্টৈরন্যোন্যমভিজঘ্নতুঃ।
অন্যোন্যস্য বধে চৈব চক্রতুর্যত্নমুত্তমম্॥ 8-12-21 (55503)
ঈষতুর্বিরথং চৈব কর্তুমন্যোন্যমাহবে।
ততো দ্রৌণির্মহাস্ত্রাণি প্রাদুশ্চক্রে মহারথঃ॥ 8-12-22 (55504)
তান্যস্ত্রৈরেব সমরে প্রতিজঘ্নেঽথ পাণ্ডবঃ।
ততো ঘোরং মহারাজ অস্ত্রয়ুদ্ধমবর্তত॥ 8-12-23 (55505)
গ্রহয়ুদ্বং যথা ঘোরং প্রজাসংহরণে হ্যভূৎ।
তে বাণাঃ সমসজ্জন্ত মুক্তাস্তাভ্যাং তু ভারত॥ 8-12-24 (55506)
দ্যোতগ্রন্তো দিশঃ সর্বাস্তব সৈন্যং সমন্ততঃ।
বাণসঙ্ঘৈর্বৃতং ঘোরমাকাশং সমপদ্যত॥ 8-12-25 (55507)
উল্কাপাতাবৃতং যুদ্ধং প্রজানাং সংক্ষয়ে নৃপ।
বাণাভিঘাতাৎসঞ্জজ্ঞে তত্র ভারত পাবকঃ॥ 8-12-26 (55508)
সবিস্ফুলিঙ্গো দীপ্তার্চির্যোঽদহদ্বাহিনীদ্বয়ম্।
তত্র সিদ্ধা মহারাজ সম্পতন্তোঽব্রুবন্বচঃ॥ 8-12-27 (55509)
যুদ্ধানামতি সর্বেষাং যুদ্ধমেতদিতি প্রভো।
সর্বয়ুদ্ধানি চৈতস্য কলাং নার্হন্তি ষোডশীম্॥ 8-12-28 (55510)
নেদৃশং চ পুনর্যুদ্ধং ভবিষ্যতি কদাচন।
অহো জ্ঞানেন সম্পন্নাবুভ ব্রাহ্মণক্ষত্রিয়ৌ॥ 8-12-29 (55511)
অহো শৌর্যেণ সম্পন্নাবুভৌ চোগ্রপরাক্রমৌ।
অহো ভীমবলো ভীম এতস্য চ কৃতাস্ত্রতা॥ 8-12-30 (55512)
অহো বীর্যস্য সারৎবমহো সৌষ্ঠবমেতয়োঃ।
স্থিতাবেতৌ হি সমরে কালান্তকয়মোপমৌ॥ 8-12-31 (55513)
রুদ্রৌ দ্বাবি সম্ভূতৌ যথা দ্বাবিব ভাস্করৌ।
যমৌ বা পুরুষব্যাঘ্রৌ ঘোররূপাবুভৌ রণে॥ 8-12-32 (55514)
ইতি বাচঃ স্ম শ্রূয়ন্তে সিদ্ধানাং বৈ মুহুর্মুহুঃ।
সিংহনাদশ্চ সঞ্জজ্ঞে সমেতানাং দিবৌকসাম্॥ 8-12-33 (55515)
অদ্ভুতং চাপ্যচিন্ত্যং চ দৃষ্ট্বা কর্ম তয়ো রণে।
সিদ্বচারণসঙ্ঘানাং বিস্ময়ঃ সমপদ্যত॥ 8-12-34 (55516)
প্রশংসন্তি তদা দেবাঃ সিদ্বাশ্চ পরমর্ষয়ঃ।
সাধু দ্রৌণে মহাবাহো সাধু ভীমেতি চাব্রুবন্॥ 8-12-35 (55517)
তৌ শূরৌ সমরে রাজন্পরস্পরকৃতাগসৌ।
পরস্পরমুদীক্ষেতাং ক্রোধাদুদ্বৃত্য চক্ষুষী॥ 8-12-36 (55518)
ক্রোধরক্তেক্ষণৌ তৌ তু ক্রোধাৎপ্রস্ফুরিতাধরৌ।
ক্রোধাৎসংদষ্টদশনৌ তথৈব দশনচ্ছদৌ॥ 8-12-37 (55519)
অন্যোন্যং ছাদয়ন্তৌ স্ম শরবৃষ্ট্যা মহারথৌ।
শরাম্বুধারো সমরে শস্ত্রবিদ্যুৎপ্রকাশিনৌ॥ 8-12-38 (55520)
তাবন্যন্যং ধ্বজং বিদ্ব্বা সারথিং চ মহারণে।
অন্যোন্যস্য হয়ান্বিদ্বা বিভিদাতে পরস্পরম্॥ 8-12-39 (55521)
ততঃ ক্রুদ্ধৌ মহারাজ বাণৌ গৃহ্য মহাহবে।
উভৌ চিক্ষিপতুস্তূর্মমন্যোন্যস্য বধৈষিণৌ॥ 8-12-40 (55522)
তৌ সায়কৌ মহারাজ দ্যোতমানৌ চমূমুখে।
আজঘ্নতুঃ সমাসাদ্য বজ্রবেগৌ দুরাসদৌ॥ 8-12-41 (55523)
তৌ পরস্পরবেগাচ্চ শরাভ্যাং চ ভৃশাহতৌ।
নিপেততুর্মহাবীর্যৌ রথোপস্থে তয়োস্তদা॥ 8-12-42 (55524)
ততস্তু সারথির্জ্ঞাৎবা দ্রোণপুত্রমচেতনম্।
অপোবাহ রণাদ্রাজন্সর্বসৈন্যস্য পশ্যতঃ॥ 8-12-43 (55525)
8-12-44 (55526)
তথৈব পাণ্ডবং রাজন্বিহ্বলন্তং মুহুর্মুহুঃ।
অপোবাহ রথেনাজৌ বিশোকঃ শত্রুতাপনম্॥ ॥ *ইতি শ্রীমন্মহাভারতে কর্ণপর্বণি ষোডশদিবসয়ুদ্ধে দ্বাদশোঽধ্যায়ঃ॥ 12 ॥ *.ঝ. পন্তকে এতদনন্তরং স্থিতাঃ সপ্তাধ্যায়া এতৎপাঠে ক্রমেণ 52-53-54-55-56-59-60 তমাধ্যায়তয়া বর্তন্তে।
Mahabharata - Karna Parva - Chapter Footnotes
॥ শ্রীঃ ॥
8.13. অধ্যায়ঃ 013
Mahabharata - Karna Parva - Chapter Topics
শল্যেন শ্রুতকীর্তিপরাজয়ঃ॥
Mahabharata - Karna Parva - Chapter Text
8-13-0 (55527)
`সঞ্জয় উবাচ। 8-13-0x (4861)
শ্রুতকীর্তিমথায়ান্তং কিরন্তং নিশিতাঞ্শরান্।
মদ্ররাজো মহারাজ বারয়ামাস হৃষ্টবৎ॥ 8-13-1 (55528)
মদ্ররাজং সমাসাদ্য শ্রুতকীর্তির্মহারথঃ।
বিব্যাধ ভল্লৈর্বিশত্যা কার্তস্বরবিভূষিতৈঃ॥ 8-13-2 (55529)
প্রতিবিব্যাধ তং শল্যং ত্রিভিস্তূর্ণমজিহ্মগৈঃ।
সারথিং চাস্য ভল্লেন ভৃশং বিব্যাধ ভারত॥ 8-13-3 (55530)
স শল্যং শরবর্ষেণ চ্ছাদয়ামাস সংয়ুগে।
মুমোচ নিশিতান্বাণান্মদ্ররাজরথং প্রতি॥ 8-13-4 (55531)
ততঃ শল্যো মহারাজ শ্রুতকীর্তিভুজচ্যুতান্।
চিচ্ছেদ সমরে বাণাসন্বণৈঃ সন্নতপর্বভিঃ॥ 8-13-5 (55532)
শ্রুতকীর্তিস্ততঃ শ্ল্যং ভিত্ৎবা নবভিরায়সৈঃ।
সারথিং ত্রিভিরানর্চ্ছৎপুনঃ শল্যং চ প়ঞ্চভিঃ॥ 8-13-6 (55533)
তস্য শল্যো ধনুশ্ছিত্ৎবা হস্তাবাপং নিকৃত্য চ।
বিব্যাধ সমরে তূর্ণং সপ্তভিস্তং শরোত্তমৈঃ॥ 8-13-7 (55534)
অথান্যদ্ধনুরাদায় শ্রুতকীর্তির্মহারথঃ।
ভদ্রেশ্বরং চতুঃষষ্ট্যা বাহ্বোরুরসি চার্পয়ৎ॥ 8-13-8 (55535)
ততস্তু সমরে রাজংস্তেন বিদ্বঃ শিলীমুখৈঃ।
xxবিব্যাধ তং চাপি নবত্যা নিশিতৈঃ শরৈঃ॥ 8-13-9 (55536)
তস্য মদ্রেশ্বরশ্চাপং পুনশ্চিচ্ছেদ মারিষ।
স চ্ছিন্নধন্বা সমরে গদাং চিক্ষেপ সৎবরঃ॥ 8-13-10 (55537)
পট্টৈর্জাম্বূনদৈর্বদ্ধাং রুপ্যপট্টৈশ্চ ভারত।
ভ্রাজমানাং যথা নারীং দিব্যবস্ত্রবিভূষিতাম্॥ 8-13-11 (55538)
তামাপতন্তীং সহসা দীপ্যমানাশনিপ্রভাম্।
শরৈরনেকসাহস্রৈর্ব্যষ্টম্ভয়ত মদ্ররাট্॥ 8-13-12 (55539)
বিষ্টভ্য চ গদাং বীরঃ পাতয়িৎবা চ ভূতলে।
শ্রুকীর্তিমথায়ত্তো রাজন্বিব্যাধ পঞ্চভিঃ॥ 8-13-13 (55540)
তস্য শক্তিং রমে ভূয়শ্চিক্ষেপ ভুজোপমাম্।
তাং দ্বিধা চাছিনচ্ছল্যো মেদিন্যাং সা ৎবশীর্যত॥ 8-13-14 (55541)
তস্য শল্যঃ ক্ষুরপ্রেণ যন্তুঃ কায়াচ্ছিরোঽহরৎ।
বালহস্তাদ্যথা শ্যেন আমিষং বৈ নরোত্তম॥ 8-13-15 (55542)
স পপাত রথোপস্থাৎসারথিস্তস্য ভারত।
ততস্তে প্রাদ্রবন্সঙ্খ্যে হয়্নাস্তস্য মহাত্মনঃ॥ 8-13-16 (55543)
পলায়মানৈস্তৈরশ্বৈঃ সোপনীতো রমাজিরাৎ।
শ্রুতকীর্তির্মহারাজ পশ্যতাং সর্বয়োধিনাম্॥ 8-13-17 (55544)
ততো মদ্রেশ্বরো রাজা পাণ্ডবানামনীকিনীম্।
ব্যগাহত মুদা যুক্তো নলিনীং দ্বিরদো যথা॥ 8-13-18 (55545)
লোলয়ামাস স বলং সিংহঃ পশুগণানিব।
শল্যস্তত্র মহারঙ্গে পাণ্ডবানাং মহাত্মনাম্॥ 8-13-19 (55546)
নিপাত্য পাণ্ডুপাঞ্চালান্পৃতনাসু ব্যবস্থিতঃ।
অশোভত রণে শল্যো বিধূমোঽগ্নিরিব জ্বলন্॥ 8-13-20 (55547)
সেনাকক্ষং মহদ্দগ্ধ্বা কক্ষমগ্নিরিবোত্থিতঃ।
স্থিতো ররাজ সমরে পুরং দগ্ধ্বেব শঙ্করঃ॥ ॥ 8-13-21 (55548)
ইতি শ্রীমন্মহাভারতে কর্ণপর্বণি ষোডশদিবসয়ুদ্ধে ত্রয়োদশোঽধ্যায়ঃ॥ 13 ॥
॥ শ্রীঃ ॥
8.14. অধ্যায়ঃ 014
Mahabharata - Karna Parva - Chapter Topics
সহদেবেন দুঃশাসনপরাজয়ঃ॥ 1 ॥
Mahabharata - Karna Parva - Chapter Text
8-14-0 (55549)
সঞ্জয় উবাচ। 8-14-0x (4862)
সহদেবং তথা ক্রুদ্ধং নিঘ্নন্তং তব বাহিনীম্।
দুঃশাসনো মহারাজ ভ্রাতা ভ্রাতরমভ্যযাৎ॥ 8-14-1 (55550)
তৌ সমেতৌ মহারাজ দৃষ্ট্বা তত্র মহারথাঃ।
সিংহনাদরবাংশ্চক্রুর্বাসাংস্যাদুধুবুশ্চ হ॥ 8-14-2 (55551)
ততো ভারত রুষ্টেন তব পুত্রেণ ধন্বিনা।
পাণ্ডুপুত্রস্ত্রিভির্বাণৈর্বক্ষস্যভিহতো বলী॥ 8-14-3 (55552)
সহদেবস্ততো রাজন্নারাচেন তবাত্মজম্।
বিদ্ব্বা বিব্যাধ সপ্তত্যা সারথিং চ ত্রিভিঃ শরৈঃ॥ 8-14-4 (55553)
দুঃশাসনস্ততশ্চাপং ছিত্ৎবা রাজন্মহাহবে।
সহদেবং ত্রিসপ্তত্যা বাহোরুরসি চার্পয়ৎ॥ 8-14-5 (55554)
সহদেবস্তু সঙ্ক্রুদ্ধঃ খঙ্গং গৃহ্য মহাহবে।
আবিধ্য প্রাসৃজত্তূর্ণং তব পুত্রথং প্রতি॥ 8-14-6 (55555)
সমার্গণগুণং চাপং ছিত্ৎবা তস্য মহানসিঃ।
নিপপাত ততো ভূমৌ চ্যুতঃ সর্প ইবাম্বরাৎ॥ 8-14-7 (55556)
অথান্যদ্ধনুরাদায় সহদেবঃ প্রতাপবান্।
দুঃশাসনায় চিক্ষেপ বাণমন্তকরং ততঃ॥ 8-14-8 (55557)
তমাপতন্তং বিশিখং যমদণ্ডোপমৎবিষম্।
খঙ্গেন শিতধারেণ দ্বিধা চিচ্ছেদ কৌরবঃ॥ 8-14-9 (55558)
ততস্তং নিশিতং খঙ্গমাবিধ্য যুধি সৎবরঃ।
ধনুশ্চান্যৎসমাদায় শরং জগ্রাহ বীর্যবান্॥ 8-14-10 (55559)
তমাপতন্তং সহসা নিস্ত্রিংশং নিশিতৈঃ শরৈঃ।
পাতয়ামাস সমরে সহদেবো হসন্নিব॥ 8-14-11 (55560)
ততো বাণাংশ্চতুঃ ষষ্টিং তব পুত্রো মহারণে।
সহদেবরথং তূর্ণং প্রেষয়ামাস ভারত॥ 8-14-12 (55561)
তাচ্ছরান্সমরে রাজন্বেগেনাপপতো বহূন্।
একৈকং পঞ্চভির্বাণৈঃ সহদেবো ন্যকৃতন্তত॥ 8-14-13 (55562)
সন্নিবার্য মহাবাণান্সহদেবঃ প্রতাপবান্।
অথাস্মৈ সুবহূন্বাণান্প্রেষয়ামাস সংয়ুগে॥ 8-14-14 (55563)
তান্বাণাংস্তব পুত্রোঽপি ছিত্ৎবৈকৈকং ত্রিভিঃ শরৈঃ।
ননাদ সুমহানাদং নাদয়ানো বসুংধরাম্॥ 8-14-15 (55564)
ততো দুঃশাসনো রাজন্দ্বাভ্যাং পাণ্ডুসুতং রণে।
সারথিং নবভির্বাণৈর্মাদ্রোয়স্য সমাচিনোৎ॥ 8-14-16 (55565)
ততঃ ক্রুদ্ধো মহারাজ সদহেবঃ প্রতাপবান্।
সমাধত্ত শরং ঘোরং মৃত্যুকালান্তকোপমম্॥ 8-14-17 (55566)
বিকৃষ্য বলবচ্চাপং তব পুত্রায় সোঽসৃজৎ।
স তং নির্ভিদ্য বেগেন ভিত্ৎবা চ কবচং মহৎ॥ 8-14-18 (55567)
প্রাবিশদ্বরণীং রাজন্বল্মীকমিব পন্নগঃ।
ততঃ সম্মুমুহে রাজংস্তব পুত্রো মহারথঃ॥ 8-14-19 (55568)
মূঢং চৈনং সমালোক্য সারথিস্ৎবরিতো রথম্।
অপোবাহ ভৃশং ত্রস্তো বধ্যমানং শিতৈঃ শরৈঃ॥ 8-14-20 (55569)
পরাজিত্য রণে তং তু কৌরব্যং পাণ্ডুনন্দনঃ।
দুর্যোধনবলং দৃষ্ট্বা প্রমমাথ সমন্ততঃ॥ 8-14-21 (55570)
পিপীলিকপুটং রাজন্যথা মৃদ্গন্নরো রুষা।
তথা সা কৌরবী সেনা মৃদিতা তেন ভারত॥ ॥ 8-14-22 (55571)
ইতি শ্রীমন্মহাভারতে কর্ণপর্বণি ষোডশদিবসয়ুদ্ধে চতুর্দশোঽধ্যায়ঃ॥ 14 ॥
Mahabharata - Karna Parva - Chapter Footnotes
॥ শ্রীঃ ॥
8.15. অধ্যায়ঃ 015
Mahabharata - Karna Parva - Chapter Topics
কর্ণনকুলয়োর্যুদ্ধম্॥ 1 ॥ কর্ণেন নকুলস্য পরাভাবনপূর্বকং সোপহাসমধিক্ষেপঃ॥ 2 ॥
Mahabharata - Karna Parva - Chapter Text
8-15-0 (55572)
সঞ্জয় উবাচ। 8-15-0x (4863)
নকুলং রভসং যুদ্ধে দ্রাবয়ন্তং বরূথিনীম্।
কর্ণো বৈকর্তনো রাজন্বারয়ামাস বৈ রুষা॥ 8-15-1 (55573)
নকুলস্তু ততঃ কর্ণং প্রহসন্নিদমব্রবীৎ॥
চিরস্য বত দৃষ্টোঽহং দৈবতৈঃ সৌম্যচক্ষুষা। 8-15-2 (55574)
যস্য মে ৎবং রণে পাপ চক্ষুর্বিষয়মাগতঃ॥
ৎবং হি মূলমনর্থানাং বৈরস্য কলহস্য চ। 8-15-3 (55575)
ৎবদ্দোষাৎকুরবঃ ক্ষীণাঃ সমাসাদ্য পরস্পরম্।
ৎবামদ্য সমরে হৎবা কৃতকৃত্যোঽস্মি বিজ্বরঃ॥ 8-15-4 (55576)
এবমুক্তঃ প্রত্যুবাচ নকুলং সূতনন্দনঃ।
সদৃশং রাজপুত্রস্য ধন্বিনশ্চ বিশেষতঃ॥ 8-15-5 (55577)
প্রহরস্ব চ মে বীর পশ্যামস্তব পৌরুষম্।
কর্ম কৃৎবা রমে শূর ততঃ কত্থিতুমর্হসি॥ 8-15-6 (55578)
অনুক্ৎবা সমরে তাত শূরা যুধ্যন্তি শক্তিতঃ।
প্রয়ুধ্যস্ব ময়া শক্ত্যা হনিষ্যে দর্পমেব তে॥ 8-15-7 (55579)
ইত্যুক্ৎবা প্রাহরত্তূর্ণং পাণ্ডুপুত্রায় সূতজঃ।
বিব্যাধ চৈনং সমরে ত্রিসপ্তত্যা শিলীমুখৈঃ॥ 8-15-8 (55580)
নকুলস্তু ততো বিদ্বঃ সূতপুত্রেণ ভারত।
অশীত্যাঽঽশীবিষপ্রখ্যৈঃ সূতপুত্রমবিধ্যত॥ 8-15-9 (55581)
তস্য কর্ণো ধনুশ্ছিত্ৎবা স্বর্ণপুঙ্খৈঃ শিলাশিতৈঃ।
ত্রিংশতা পরমেষ্বাসঃ শরৈঃ পাণ্ডবমর্দয়ৎ॥ 8-15-10 (55582)
তে তস্য কবচং ভিত্ৎবা পপুঃ শোণিতমাহবে।
আশীবিষা যথা নাগা ভিত্ৎবা গাং সলিলং পপুঃ॥ 8-15-11 (55583)
অথান্যদ্বনুরাদায় হেমপৃষ্ঠং দুরাসদম্।
কর্ণং বিব্যাধ সপ্তত্যা সারথিঞ্চ ত্রিভিঃ শরৈঃ॥ 8-15-12 (55584)
ততঃ ক্রুদ্ধো মহারাজ নকুলঃ পরবীহা।
ক্ষুরপ্রেণ সুতীক্ষ্ণেন কর্ণস্য ধনুরাচ্ছিনৎ॥ 8-15-13 (55585)
অথৈনং ছিন্নধন্বানং সায়কানাং শতৈস্ত্রিভিঃ।
আজঘ্নে প্রহসন্বীরঃ সর্বলোকমহারথম্॥ 8-15-14 (55586)
কর্ণমভ্যর্দিতং দৃষ্ট্বা পাণ্ডুপুত্রেণ মারিষ।
বিস্ময়ং পরমং জগ্মুর্ঋষয়ঃ সহ দৈবতৈঃ॥ 8-15-15 (55587)
অথান্যদ্বনুরাদায় কর্ণো বৈকর্তনস্তদা।
নকুলং পঞ্ছভির্বাণৈর্জত্রুদেশে সমার্পয়ৎ॥ 8-15-16 (55588)
উরস্থৈরথ তৈর্বাণৈর্মাদ্রীপুত্রো ব্যরোচত।
স্বরশ্মিভিরিবাদিত্যো ভুবনে বিসৃজন্প্রভাম্॥ 8-15-17 (55589)
নকুলস্তু ততঃ কর্ণং বিদ্ব্বা সপ্তভিরাশুগৈঃ।
অথাস্য ধনুষঃ কোটিং পুনশ্চিচ্ছেদ মারিষ॥ 8-15-18 (55590)
সোঽন্যৎকার্মুকমাদায় সমরে বেগবত্তরম্।
নকুলস্য ততো বৈণৈঃ সমন্তাচ্ছাদয়দ্দিশঃ॥ 8-15-19 (55591)
সঞ্ছাদ্যমানঃ সহসা কর্ণচাপ্যুতৈঃ সরৈঃ।
চিচ্ছেদ স শরাংস্তূর্ণং শরৈরেব মহারথঃ॥ 8-15-20 (55592)
ততো বাণময়ং জালং বিততং ব্যোম্ন্যদৃশ্যত।
খদ্যোতানামিব ব্রাতৈঃ সম্পতদ্ভির্যথা নভঃ॥ 8-15-21 (55593)
তৈর্বিমুক্তৈঃ শরশতৈশ্ছাদিতং গগনং তদা।
শলভানাং যথা ব্রাতৈস্তদ্বদাসীদ্বিশাম্পতে॥ 8-15-22 (55594)
তে শরা হেমবিকৃতাঃ সম্পন্তৌ মুহুর্মুহুঃ।
শ্রেণীকৃতা ব্যকাশান্ত ক্রৌঞ্চাঃ শ্রেণীকৃতা ইব॥ 8-15-23 (55595)
বাণজালবৃতে ব্যোম্নি চ্ছাদিতে চ দিবাকরে।
ন স্ম সম্পততে ভূতং কিঞ্চিদপ্যন্তরিক্ষগম্॥ 8-15-24 (55596)
নিরুদ্বে তত্র মার্গে চ শরসঙ্ঘৈঃ সমন্ততঃ।
ব্যরোচেতাং মহাত্মানৌ কালসূর্যাবিবোদিতৌ॥ 8-15-25 (55597)
কর্ণচাপচ্যুতৈর্বাণৈর্বধ্যমানাস্তু সোমকাঃ।
অবালীয়ন্ত রাজেন্দ্র বেদনার্তা ভূশার্দিতাঃ॥ 8-15-26 (55598)
নকুলস্য তথা বাণৈর্হন্যমানা চমূস্তব।
ব্যশীর্যত দিশো রাজন্বাতনুন্না ইবাম্বুদাঃ॥ 8-15-27 (55599)
তে সেনে হন্যমানে তু তাভ্যাং দিব্যৈর্মহাশরৈঃ।
শরপাতমপাক্রম্য তস্থতুঃ প্রেক্ষিকে তদা॥ 8-15-28 (55600)
প্রোৎসারিতজনে তস্মিন্কর্ণপাণ্ডবয়োঃ শরৈঃ।
অবিধ্যেতাং মহাত্মানাবন্যোন্যং শরবৃষ্টিভিঃ॥ 8-15-29 (55601)
বিদর্শয়ন্তৌ দিব্যানি শস্ত্রাণি রণমূর্ধনি।
ছাদয়ন্তৌ চ সহসা পরস্পরবধৈষিণৌ॥ 8-15-30 (55602)
নকুলেন শরা মুক্তা কঙ্কবর্হিণবাসসঃ।
সূতপুত্রমবচ্ছাদ্য ব্যতিষ্ঠন্ত যথাঽম্বরে॥ 8-15-31 (55603)
তথৈব সূতপুত্রেণ প্রেষিতাঃ পরমাহবে।
পাণ্ডুপুত্রমবচ্ছাদ্য ব্যতিষ্ঠন্তাম্বরে শরাঃ॥ 8-15-32 (55604)
শরবেশ্মপ্রবিষ্টৌ তৌ দদৃশাতে ন কৈশ্চন।
সূর্যাচন্দ্রমসৌ রাজঞ্ছাদ্যমানৌ ঘনৈরিব॥ 8-15-33 (55605)
ততঃ ক্রুদ্ধো রণে কর্ণঃ কৃৎবা ঘোরতরং বপুঃ।
পাণ্ডবং ছাদয়ামাস সমন্তাচ্ছরবৃষ্টিভিঃ॥ 8-15-34 (55606)
সোঽতিচ্ছন্নো মহারাজ সূতপুত্রেণ পাণ্ডবঃ।
ন চকার ব্যথাং রাজন্ভাস্করো জলদৈর্যথা॥ 8-15-35 (55607)
ততঃ প্রহস্যাধিরথিঃ শরজালানি মারিষ।
প্রেষয়ামাস সমরে শতশোঽথ সহস্রশঃ॥ 8-15-36 (55608)
একচ্ছায়মভূৎসর্বং তস্য বাণৈর্মহাত্মনঃ॥
অভ্রচ্ছায়েব সঞ্জজ্ঞে সম্পতদ্ভিঃ শরোত্তমৈঃ॥ 8-15-37 (55609)
ততঃ কর্ণো মহারাজ ধনুশ্ছিত্ৎবা মহাত্মনঃ।
সারথিং পাতয়ামাস রথনীডাদ্বসন্নিব॥ 8-15-38 (55610)
ততোঽশ্বাংশ্ছতুরশ্চাস্য চতুর্ভির্নিশিতৈঃ শরৈঃ।
যমস্য ভবনং তূর্ণং প্রেষয়ামাস ভারত॥ 8-15-39 (55611)
অথাস্য তং রথং দিব্যং তিলশো ব্যধমচ্ছরৈঃ।
পতাকাং চক্ররক্ষাংশ্চ গদাং খঙ্গং চ মারিষ॥ 8-15-40 (55612)
শতচন্দ্রং চ তচ্চর্ম সর্বাপকরণানি চ।
`সুবর্ণবিকৃতং তচ্চ ধনুঃ শরমাহবে'॥ 8-15-41 (55613)
হতাশ্বো বিরথশ্চৈব বিবর্মা চ বিশাম্পতে।
অবতীর্য রথাত্তূর্ণং পরিঘং গৃহ্য ধিষ্ঠিতঃ॥ 8-15-42 (55614)
তমুদ্যতং মহারঘোরং পরিঘং তস্য সূতজঃ।
ব্যহনৎসায়কৈ রাজন্সুতীক্ষ্ণৈর্ভারসাধনৈঃ॥ 8-15-43 (55615)
ব্যায়ুধং চৈনমালক্ষ্য শরৈঃ সন্নতপর্বভিঃ।
আর্পয়দ্বহুভিঃ কর্ণো ন চৈনং সমপীডয়ৎ॥ 8-15-44 (55616)
স হন্যমানঃ সমরে কৃতাস্ত্রেণ বলীয়সা।
প্রাদ্রবৎসহসা রাজন্নকুলো ব্যাকুলেন্দ্রিয়ঃ॥ 8-15-45 (55617)
তমভিদ্রুত্য রাধেয়ঃ প্রহসন্বৈ পুনঃপুনঃ।
সজ্যমস্য ধনুঃ কণ্ঠে ব্যবাসৃজত ভারত॥ 8-15-46 (55618)
ততঃ স শুশুভে রাজন্কণ্ঠাসক্তমহাধনুঃ।
পরিবেষমনুপ্রাপ্তো যথা স্যাদ্ব্যোম্নি চন্দ্রমাঃ॥ 8-15-47 (55619)
যথৈব চাসিতো মেঘঃ শক্রচাপেন শোভিতঃ।
`অশোভত মহারাজ পাণ্ডুপুত্রস্তথা রণে'॥ 8-15-48 (55620)
তমব্রবীত্ততঃ কর্ণো ব্যর্থং ব্যাহৃতবানসি।
বদেদানীং পুনর্হৃষ্টো বধ্যমানঃ পুনঃপুনঃ॥ 8-15-49 (55621)
মা যোৎসীঃ কুরুভিঃ সার্ধং বলবদ্ভিশ্চ পাণ্ডব।
সদৃশৈস্তাত যুধ্যস্ব ব্রীডাং মা কুরু পাণ্ডব॥ 8-15-50 (55622)
গৃহং বা গচ্ছ মাদ্রেয় যত্র বা কৃষ্ণফল্গুনৌ।
এবমুক্ৎবা মহারাজ বিসসর্জ স তং তদা॥ 8-15-51 (55623)
বধপ্রাপ্তং তু তং শূরো নাহনদ্বর্মবিত্তদা।
স্মৃৎবা কুন্ত্যা বচো রাজংস্তত এনং ব্যসর্জয়ৎ॥ 8-15-52 (55624)
বিসৃষ্টঃ পাণ্ডবো রাজন্সূতপুত্রেণ ধন্বিনা।
ব্রীডন্নিব জগামাথ যুধিষ্ঠিররথং প্রতি॥ 8-15-53 (55625)
আরুরোহ রথং চাপি সূতপুত্রপ্রতাপিতঃ।
নিঃশ্বসন্দুঃখসন্তপ্তঃ কুম্ভক্ষিপ্ত ইবোরগঃ॥ 8-15-54 (55626)
তং বিজিত্যাথ কর্ণোঽপি পাঞ্চালাংস্ৎবরিতো যয়ৌ।
রথেনাতিপতাকেন চন্দ্রবর্ণহয়েন চ॥ 8-15-55 (55627)
তত্রাক্রন্দো মহানাসীৎপাণ্ডবানাং বিশাম্পতে।
দৃষ্ট্বা সেনাপতিং যান্তং পাঞ্চালানাং রথব্রজান্॥ 8-15-56 (55628)
তত্রাকরোন্মহারাজ কদনং সূতনন্দনঃ।
মধ্যং প্রাপ্তে দিনকরে চক্রবদ্বিচরন্প্রভুঃ॥ 8-15-57 (55629)
ভগ্নচক্রৈ রথৈঃ কৈশ্চিচ্ছিন্নধ্যবজপতাকিভিঃ।
হতাশ্বৈর্হতসূতৈশ্চ ভগ্নাক্ষৈশ্চৈব মারিষ।
হিয়মাণানপশ্যাম পাঞ্চালানাং রথব্রজান্॥ 8-15-58 (55630)
তত্রতত্র চ সম্ভ্রান্তা বিচেরুরথ কুঞ্জরাঃ।
দাবাগ্ন্যভিপরীতাঙ্গা যথৈব স্যুর্মহাবনে॥ 8-15-59 (55631)
ভিন্নকুম্ভাঃ সরুধিরাশ্ছিন্নহস্তাশ্চ বারণাঃ।
ছিন্নগাত্রাবরাশ্চৈব চ্ছিন্নবালধয়োঽপরে।
ছিন্নাভ্রাণীব সম্পেতুর্হন্যমানা মহাত্মনা॥ 8-15-60 (55632)
অপরে ত্রাসিতা নাগা নারাচশরতোমরৈঃ।
তমেবাভিমুখং জগ্মুঃ শলভা ইব পাবকম্॥ 8-15-61 (55633)
অপরে নিষ্টনন্তশ্চ ব্যদৃশ্যন্ত মহাদ্বিপাঃ।
ক্ষরন্তঃ শোণিতং গাত্রৈর্নগা ইব জলস্রবাঃ॥ 8-15-62 (55634)
উরশ্ছদৈর্বিয়ুক্তাংশ্চ বালবন্ধৈশ্চ বাজিনঃ।
রাজতৈশ্চ তথা কাংস্যৈঃ সৌবর্ণৈশ্চৈব ভূষণৈঃ॥ 8-15-63 (55635)
হীনাংশ্চাভরণৈশ্চৈব খলীনৈশ্চ বিবর্জিতান্।
চামরৈশ্চ কুথাভিশ্চ তূণীরৈঃ পতিতৈরপি॥ 8-15-64 (55636)
নিহতৈঃ সাদিভিশ্চৈব শূরৈরাহবশোভিতৈঃ।
অপশ্যাম রণে তত্র ভ্রাম্যমাণান্হয়োত্তমান্॥ 8-15-65 (55637)
প্রাসৈঃ খঙ্গৈশ্চ রহিতানৃষ্টিভিশ্চাপি ভারত।
হয়সাদীনপশ্যাম কঞ্চুকোষ্ণীষধারিণঃ॥ 8-15-66 (55638)
নিহতান্বধ্যমানাংশ্চ বেপমানাংশ্চ ভারত।
নাগাঙ্গাবয়বৈর্হীনাংস্তত্রতত্রৈব ভারত॥ 8-15-67 (55639)
রথান্হেমপরিষ্কারান্সংয়ুক্তাঞ্জবনৈর্হয়ৈঃ।
ভ্রাম্যমাণানপশ্যাম হতেষু রথিষু দ্রুতম্॥ 8-15-68 (55640)
ভগ্নাক্ষকূবরান্কাংশ্চিদ্ভগ্নচক্রাংশ্চ ভারত।
বিপতাকধ্বজাংশ্চান্যাঞ্ছিন্নেষাদণ্ডবন্ধুরান্॥ 8-15-69 (55641)
বিহীনান্রথিনস্তত্র ধাবমানাংস্ততস্ততঃ।
সূতপুত্রশরৈস্তীক্ষ্ণৈর্হন্যমানান্বিশাম্পতে॥ 8-15-70 (55642)
বিশস্ত্রাংশ্চ তথৈবান্যান্সশস্ত্রাংশ্চ হতান্বহূন্।
তারকাজালসঞ্ছন্নান্বরঘণ্টাবিশোভিতান্॥ 8-15-71 (55643)
নানাবর্ণবিচিত্রাভিঃ পতাকাভিরলঙ্কৃতান্।
বারমআননুপশ্যাম ধাবমানান্সমন্ততঃ॥ 8-15-72 (55644)
শিরাংসি বাহূনূরূংশ্চ চ্ছিন্নানন্যাংস্তথৈব চ।
কর্ণচাপচ্যুতৈর্বাণৈরপশ্যাম সমন্ততঃ॥ 8-15-73 (55645)
মহান্ব্যতিকরো রৌদ্রো যোধানামন্বপদ্যত।
কর্ণসায়কনুন্নানাং যুধ্যতাং চ শিতৈঃ শরৈঃ॥ 8-15-74 (55646)
তে বধ্যমানাঃ সমরে সূতপুত্রেণ সৃঞ্জয়াঃ।
তমেবাভিমুখং যান্তি পতঙ্গা ইব পাবকম্॥ 8-15-75 (55647)
তং দহন্তমনীকানি তত্রতত্র মহারথম্।
ক্ষত্রিয়া বর্জয়ামাসুর্যুগান্তাগ্নিমিবোল্বণম্॥ 8-15-76 (55648)
হতশেষাস্তু যে বীরাঃ পাঞ্চালানাং মহারথাঃ।
তান্প্রভগ্রান্দুতান্বীরঃ পৃষ্ঠো বিকির়ঞ্ছরৈঃ।
অভ্যধাবত তেজস্বী বিশীর্ণবচনধ্বজান্॥ 8-15-77 (55649)
তাপয়ামাস তান্বাণৈঃ সূতপুত্রো মহাবলঃ।
মধ্যন্দিনমনুপ্রাপ্তো ভূতানীব তমোনুদঃ॥ ॥ 8-15-78 (55650)
ইতি শ্রীমন্মহাভারতে কর্ণপর্বণি ষোডশদিবসয়ুদ্ধে পঞ্চদশোঽধ্যায়ঃ॥ 15 ॥
Mahabharata - Karna Parva - Chapter Footnotes
॥ শ্রীঃ ॥
8.16. অধ্যায়ঃ 016
Mahabharata - Karna Parva - Chapter Topics
যুয়ুৎসূলূকয়োর্যুদ্ধম্॥ 1 ॥ শকুনিসুতসোময়োর্যুদ্ধম্॥ 2 ॥
Mahabharata - Karna Parva - Chapter Text
8-16-0 (55651)
সঞ্জয় উবাচ। 8-16-0x (4864)
যুয়ুৎসং তব পুত্রস্য দ্রাবয়ন্তং বলং মহৎ।
উলূকো ন্যপতত্তূর্ণং তিষ্ঠতিষ্ঠেতি চাব্রবীৎ॥ 8-16-1 (55652)
যুয়ুৎসুশ্চ ততো রাজঞ্শিতধারেণ পত্রিণা।
উলূকং তাডয়ামাস বজ্রেণেব মহাবলম্॥ 8-16-2 (55653)
উলূকস্তু ততঃ ক্রুদ্ধস্তব পুত্রস্য সংয়ুগে।
ক্ষুরপ্রেণ ধনুশ্ছিত্ৎবা তাডয়ামাস কর্ণিনা॥ 8-16-3 (55654)
তদপাস্য ধনুশ্ছিন্নং যুয়ুৎসর্বেগবত্তরম্।
অন্যদাদত্ত সুমহচ্চাপং সংরক্তলোচনঃ॥ 8-16-4 (55655)
শাকুনিং তু ততঃ ষষ্ট্যা বিব্যাধ ভরতর্ষভ।
সারথিং ত্রিভিরানর্চ্ছত্তং চ ভূয়ো ব্যবিধ্যত॥ 8-16-5 (55656)
উলূকস্তং তু বিংশত্যা বিদ্ব্বা স্বর্ণবিভূষিতৈঃ।
অথাস্য সমরে ক্রুদ্ধো ধ্বজং চিচ্ছেদ কাঞ্চনম্॥ 8-16-6 (55657)
স চ্ছিন্নয়ষ্টিঃ সুমহাঞ্শীর্যমাণো মহাধ্বজঃ।
পপাত প্রমুখে রাজন্যুয়ুৎসোঃ কাঞ্চনধ্বজঃ॥ 8-16-7 (55658)
ধ্বজমুন্মথিতং দৃষ্ট্বা যুয়ুৎসুঃ ক্রোধমূর্চ্ছিতঃ।
উলূকং পঞ্চভির্বাণৈরাজঘান স্তনান্তরে॥ 8-16-8 (55659)
উলূকস্তস্য সমরে তৈলধৌতেন মারিষ।
শিরশ্চিচ্ছেদ ভল্লেন যন্তুর্ভরতসত্তম॥ 8-16-9 (55660)
তচ্ছিন্নমপতদ্ভূমৌ যুয়ুৎসোঃ সারথেস্তদা।
তারারূপং যথা চিত্রং নিপপাত মহীতলে॥ 8-16-10 (55661)
জঘান চতুরোঽশ্বাংশ্চ তং চ বিব্যাধ পঞ্চভিঃ।
সোঽতিবিদ্বো বলবতা প্রত্যপায়াদ্রথান্তরম্॥ 8-16-11 (55662)
তং নির্জিত্য রণে রাজন্নুলূকস্ৎবরিতো যয়ৌ।
পাঞ্চালান্সৃঞ্জয়াংশ্চৈব বিনিঘ্নন্নিশিতৈঃ শরৈঃ॥ 8-16-12 (55663)
শতানীকং মহারাজ শ্রুতকর্মা সুতস্তব।
ব্যশ্বসূতরথং চক্রে নিমেষার্ধাদসম্ভ্রমঃ॥ 8-16-13 (55664)
হতাশ্বে তু রথে তিষ্ঠঞ্শতানীকো মহারথঃ।
গদাং চিক্ষেপ সঙ্ক্রুদ্ধস্তব পুত্রস্য মারিষ॥ 8-16-14 (55665)
সা কৃৎবা স্যন্দনং ভস্ম হয়াংশ্চৈব সসারথীন্।
পপাত ধরণীং তূর্ণং দারয়ন্তীব ভারত॥ 8-16-15 (55666)
তাবুভৌ বিরথৌ বীরৌ কুরূণাং কীর্তিবর্ধনৌ।
ব্যপাক্রমেতাং যুদ্বাত্তু প্রেক্ষমাণৌ পরস্পরম্॥ 8-16-16 (55667)
পুত্রস্তু তব সম্ভ্রান্তো বিবিংশো রথমারুহৎ।
শতানীকোঽপি ৎবরিতঃ প্রতিবিন্ধ্যরথং গতঃ॥ 8-16-17 (55668)
সুতমোমং তু শকুনির্বিদ্ব্বা তু নিশিতৈঃ শরৈঃ।
নাকম্পয়ত সঙ্ক্রুদ্বো বার্যোঘ ইব পর্বতম্॥ 8-16-18 (55669)
সুতসোমস্তু তং দৃষ্ট্বা পিতুরত্যন্তবৈরিণম্।
শরৈরনেকসাহস্রৈশ্ছাদয়ামাস ভারত॥ 8-16-19 (55670)
তাঞ্শরাঞ্শকুনিস্তূর্ণং চিচ্ছেদান্যৈঃ পতত্রিভিঃ।
লঘ্বস্ত্রশ্চিত্রয়োধী চ জিতকাশী চ সংয়ুগে॥ 8-16-20 (55671)
নিবার্য সমরে চাপি শরাংস্তান্নিশিতৈঃ শরৈঃ।
আজঘান সুসঙ্ক্রুদ্ধঃ সুতসোমং ত্রিভিঃ শরৈঃ॥ 8-16-21 (55672)
`নাকম্পয়ত সঙ্ক্রুদ্ধো বার্যোঘ ইব পর্বতম্'।
তস্যাশ্বান্কেতনং সূতং তিলশো ব্যধমচ্ছরৈঃ।
শ্যালস্তব মহারাজ তত উচ্চুক্রুশুর্জনাঃ॥ 8-16-22 (55673)
হতাশ্বো বিরথশ্চৈব ছিন্নকেতুশ্চ মারিষ।
ধন্বী ধনুর্বরং গৃহ্য রথাদ্ভূমাবতিষ্ঠত॥ 8-16-23 (55674)
ব্যসৃজৎসায়কাংশ্চৈব স্বর্ণপুঙ্খাঞ্শিলাশিতান্।
ছাদয়ামাসুরথ তে তব শ্যালস্য তং রথম্।
শল়ভানামিব ব্রাতাঃ শরব্রাতা মহারথম্॥ 8-16-24 (55675)
সঞ্ছাদ্যমানোঽপি দৃঢং বিব্যথে নৈব সৌবলঃ।
প্রমমাথ শরাংস্তস্য শরব্রাতৈর্মহায়শাঃ॥ 8-16-25 (55676)
তত্রাতুষ্যন্ত যোধাশ্চ সিদ্বাশ্চাপি দিবি স্থিতাঃ।
সুতসোমস্য তৎকর্ম দৃষ্ট্বাঽশ্রদ্বেয়মদ্ভুতম্।
রথস্থং শকুনিং যত্তু পদাতিঃ সময়োধয়ৎ॥ 8-16-26 (55677)
তস্য তীক্ষ্ণৈর্মহাবেগৈর্ভল্লৈঃ সন্নতপর্বভিঃ।
ব্যহনৎকারামুকং রাজংস্তূণীরাংশ্চৈব সর্বশঃ॥ 8-16-27 (55678)
স চ্ছিন্নধন্বা বিরথঃ খঙ্গমুদ্যম্য চানদৎ।
বৈদূর্যোৎপলবর্ণাভং দন্তিদন্তময়ৎসরুম্॥ 8-16-28 (55679)
ভ্রাম্যমাণং ততস্তং তু বিমলাম্বরবর্চসম্।
কালদণ্ডোপমং মেনে সুতসোমস্য ধীমতঃ॥ 8-16-29 (55680)
সোঽচরৎসহসা খঙ্গী মণ্ডলানি সহস্রশঃ।
চতুর্দশ মহারাজ শিক্ষাবলসমন্বিতঃ॥ 8-16-30 (55681)
ভ্রান্তমুদ্ধান্তমাবিদ্ধমাপ্লুতং বিপ্লুতং সৃতম্।
সম্পাতসমুদীর্ণে চ দর্শয়ামাস সংয়ুগে॥ 8-16-31 (55682)
সৌবলস্তু ততস্তস্য শরাংশ্চিক্ষেপ বীর্যবান্।
তানাপতত এবাশু চিচ্ছেদ পরমাসিনা॥ 8-16-32 (55683)
ততঃ ক্রুদ্ধো মহারাজ সৌবলঃ পরবীরহা।
প্রাহিণোৎসুতসোমায় শরানাশীবিষোপমান্॥ 8-16-33 (55684)
চিচ্ছেদ তাংস্তু খঙ্গেন শিক্ষয়া চ বলেন চ।
দর্শয়ঁল্লাঘবং যুদ্ধে তার্ক্ষ্যতুল্যপরাক্রমঃ॥ 8-16-34 (55685)
তস্য সঞ্চরতো রাজন্মণ্ডলাবর্তনে তদা।
ক্ষুরপ্রেণ সুতীক্ষ্ণেন খঙ্গং চিচ্ছেদ সুপ্রভম্॥ 8-16-35 (55686)
স চ্ছিন্নঃ সহসা ভূমৌ নিপপাত মহানসিঃ।
অধর্মস্য স্থিতং হস্তে সুৎসরোস্তত্র ভারত॥ 8-16-36 (55687)
ছিন্নমাজ্ঞায় নিস্ত্রিংশমবপ্লুত্য পদানি ষট্।
প্রাবিধ্যত ততঃ শেষং সুতসোমো মহারথঃ॥ 8-16-37 (55688)
তচ্ছিত্ৎবা সগুণং চাপং রণে তস্য মহাত্মনঃ।
পপাত ধরণীং তূর্ণং স্বর্ণবজ্রবিভূষিতম্॥ 8-16-38 (55689)
সুতসোমস্ততোঽগচ্ছচ্ছ্রুতকীর্তের্মহারথম্।
সৌবলোঽপি ধনুর্গৃহ্য ঘোরমন্যৎসুদুর্জয়ম্॥ 8-16-39 (55690)
অভ্যযাৎপাণ্ডবানীকং নিঘ্নঞ্শত্রুগণান্বহূন্।
তত্র নাদো মহানাসীৎপাণ্ডবানাং বিশাম্পতে॥ 8-16-40 (55691)
সৌবলং সমরে দৃষ্ট্বা বিচরন্তমভীতবৎ।
তান্যনীকানি দৃপ্তানি শস্ত্রবন্তি মহান্তি চ।
দ্রাব্যমাণান্যদৃশ্যন্ত সৌবলেন মহাত্মনা॥ 8-16-41 (55692)
যথা দৈত্যচমূং রাজন্দেবরাজো মমর্দ হ।
তথৈব পাণ়্বীং সেনাং সৌবলেয়ো ব্যনাশয়ৎ॥ ॥ 8-16-42 (55693)
ইতি শ্রীমন্মহাভারতে কর্ণপর্বণি ষোডশদিবসয়ুদ্ধে ষোডশোঽধ্যায়ঃ॥ 16 ॥
Mahabharata - Karna Parva - Chapter Footnotes
॥ শ্রীঃ ॥
8.17. অধ্যায়ঃ 017
Mahabharata - Karna Parva - Chapter Topics
কৃপকৃতবর্মক্ষ্যাং ধৃষ্টদ্যুম্নশিখণ্ডিনোঃ পরাজয়ঃ॥ 1 ॥
Mahabharata - Karna Parva - Chapter Text
8-17-0 (55694)
সঞ্জয় উবাচ। 8-17-0x (4865)
ধৃষ্টদ্যুম্নং কৃপো রাজন্বারয়ামাস সংয়ুগে।
যথা দৃষ্ট্বা বনে সিংহং শরভো বারয়েদ্যুধি॥ 8-17-1 (55695)
নিরুদ্বঃ পার্ষতস্তেন গৌতমেন বলীয়সা।
পদাৎপদং বিচলিতুং নাশকত্তত্র ভারত॥ 8-17-2 (55696)
গৌতমস্য রথং দৃষ্ট্বা ধৃষ্টদ্যুম্নরথং প্রতি।
বিত্রেসুঃ সর্বভূতানি ক্ষয়ং প্রাপ্তং চ মেনিরে॥ 8-17-3 (55697)
তদা জল্পন্তি পাণ্ডূনাং রথিনঃ সাদিনস্তথা।
দ্রোণস্য নিধনান্নূনং সঙ্ক্রুদ্বো দ্বিপদাং বরঃ॥ 8-17-4 (55698)
শারদ্বতো মহাতেজা দিব্যাস্ত্রবিদুদারধীঃ।
অপি স্বস্তি ভবেদদ্য ধৃষ্টদ্যুম্নস্য গৌতমাৎ॥ 8-17-5 (55699)
অপীয়ং বাহিনী কৃৎস্না মুচ্যেত মহতো ভয়াৎ।
অপ্যযং ব্রাহ্মণঃ সর্বান্ন নো হন্যাৎসমাগতান্॥ 8-17-6 (55700)
যাদৃশং দৃশ্যতে রূপমন্তকপ্রতিমং রণে।
গমিষ্যত্যদ্য পদবীং ভারদ্বাজস্য গৌতমঃ॥ 8-17-7 (55701)
আচার্যঃ ক্ষিপ্রহস্তশ্চ বিজয়ী চ সদা যুধি।
অস্ত্রবান্বীর্যসম্পন্নঃ ক্রোধেন চ সমন্বিতঃ॥ 8-17-8 (55702)
পার্ষতশ্চ মহায়ুদ্বে বিমুখোঽদ্যাভিলক্ষ্যতে।
ইত্যেবং বিবিধা বাচস্তাবকানাং পরৈঃ সহ।
ব্যশ্রূয়ন্ত মহারাজ তয়োস্তত্র সমাগমে॥ 8-17-9 (55703)
বিনিঃশ্বস্য ততঃ ক্রোধাৎকৃপঃ শারদ্বতো নৃপ।
পার্ষতং চার্দয়ামাস নিশ্চেষ্টং সর্বমর্মসু॥ 8-17-10 (55704)
স হন্যমানঃ সমরে গৌতমেন মহাত্মনা।
কর্তব্যং ন স্ম জানাতি মোহেন মহতা বৃতঃ॥ 8-17-11 (55705)
তমব্রবীত্ততো যন্তা কঞ্চিৎক্ষেমং তু পার্ষত।
ঈদৃশং ব্যসনং যুদ্ধে ন তে দৃষ্টং ময়া ক্বচিৎ॥ 8-17-12 (55706)
দৈবয়োগাত্তু তে বাণা নাপতন্মর্মভেদিনঃ।
প্রেষিতা দ্বিজমুখ্যেন মর্মাণ্যুদ্দিশ্য সর্বতঃ॥ 8-17-13 (55707)
ব্যাবর্তয়ে রথং তূর্ণং নদীবেগমিবার্ণবাৎ।
অবধ্যং ব্রাহ্মণং মন্যে যেন তে বিক্রমো হতঃ॥ 8-17-14 (55708)
ধৃষ্টদ্যুম্নস্ততো রাজঞ্শনকৈরব্রবীদ্বচঃ।
মুহ্যতে মে মনস্তাত গাত্রস্বেদশ্চ জায়তে॥ 8-17-15 (55709)
বেপথুশ্চ শরীরে মে রোমহর্ষশ্চ সারথে।
বর্জয়ন্ব্রাহ্মণং যুদ্ধে শনৈর্যাহি যতোঽর্জুনঃ॥ 8-17-16 (55710)
অর্জুনং ভীমসেনং বা সমরে প্রাপ্য সারথে।
ক্ষেমমদ্য ভবেন্মহ্যমিতি মে নৈষ্ঠিকী মতিঃ॥ 8-17-17 (55711)
ততঃ প্রায়ান্মহারাজ সারথিস্ৎবরয়ন্হয়ান্।
যতো ভীমো মহেষ্বাসো যুয়ুধে তব সৈনিকৈঃ॥ 8-17-18 (55712)
প্রদ্রুতং চ রথং দৃষ্ট্বা ধৃষ্টদ্যুম্নস্য মারিষ।
কিরঞ্শরশতান্যেব গৌতমোঽনুয়যৌ তদা॥ 8-17-19 (55713)
শঙ্খং চ পূরয়ামাস মুহুর্মুহুররিন্দমঃ।
পার্ষতং ত্রাসয়ামাস মহেন্দ্রো নমুচিং যথা॥ 8-17-20 (55714)
শিখণ্ডিনং তু সমরে ভীষ্মমৃত্যুং দুরাসদম্।
হার্দিক্যো বারয়ামাস স্ময়ন্নিব মুহুর্মুহুঃ॥ 8-17-21 (55715)
শিখণ্ডী তু সমাসাদ্য হৃদিকানাং মহারথম্।
পঞ্চভির্নিশিতৈর্ভল্লৈর্জত্রুদেশে সমাহনৎ॥ 8-17-22 (55716)
কৃতবর্মা তু সঙ্ক্রদ্ধো ভিত্ৎবা ষষ্ট্যা পতত্রিভিঃ।
ধনুরেকেন চিচ্ছেদ হসন্রাজন্মহারথঃ॥ 8-17-23 (55717)
অথান্যদ্বনুরাদায় দ্রুপদস্যাত্মজো বলী।
তিষ্ঠতিষ্ঠেতি সঙ্ক্রুদ্ধো হার্দিক্যং প্রত্যভাষত॥ 8-17-24 (55718)
ততোঽস্য নবতিং বাণান্রুক্মপুঙ্খান্সুতেজনান্।
প্রেষয়ামাস রাজেন্দ্র তেঽস্যাভ্রশ্যন্ত বর্মণঃ॥ 8-17-25 (55719)
বিতথাংস্তান্সমালক্ষ্য পতিতাংশ্চ মহীতলে।
ক্ষুরপ্রেণ সুতীক্ষ্ণেন কার্মুকং চিচ্ছিদে ভৃশম্॥ 8-17-26 (55720)
অথৈনং ছিন্নধন্বানং ভগ্নশৃঙ্গমিবর্ষভম্।
অশীত্যা মার্গণৈঃ ক্রুদ্ধো বাহ্বোরুরসি চার্পয়ৎ॥ 8-17-27 (55721)
কৃতবর্মা তু সঙ্ক্রুদ্ধো মার্গণৈঃ ক্ষতবিক্ষতঃ।
ববাম রুধিরং গাত্রৈঃ কুম্ভবক্রাদিবোদকম্॥ 8-17-28 (55722)
রুধিরেণ পরিক্লিন্নঃ কৃতবর্মা ৎবরাজত।
বর্ষেণ ক্লেদিতো রাজন্যথা গৈরিকপর্বতঃ॥ 8-17-29 (55723)
অথান্যদ্বনুরাদায় সমার্গণগুণং প্রভুঃ।
শিখণ্ডিনং বাণগণৈঃ স্কন্ধদেশে ব্যতাডয়ৎ॥ 8-17-30 (55724)
স্কন্ধদেশস্থিতৈর্বাণৈঃ শিখণ্ডী তু ব্যরাজত।
শাখাপ্রশাখাবিপুলঃ সুমহান্পাদপো যথা॥ 8-17-31 (55725)
তাবন্যোন্যং ভৃশং বিদ্ব্বা রুধিরেণ সমুক্ষিতৌ।
`পোপ্লুয়মানৌ হি যথা মহান্তৌ শোণিতহদে।
তদ্বদ্বিরেজতুর্বীরৌ শোণিতেন পরিপ্লুতৌ॥ 8-17-32 (55726)
যথা চ কিংশুকৌ ফুল্লৌ পুষ্পমাসে সমাগতে।
রুধিরোক্ষিতসর্বাঙ্গৌ রক্তচন্দনরূষিতৌ।
ভুজগাবিব সঙ্ক্রুদ্ধৌ রেজতুস্তৌ নরোত্তমৌ॥ 8-17-33 (55727)
তাবুভৌ শরবনুন্নাঙ্গৌ পরস্পরশরক্ষতৌ'।
অন্যোন্যশৃঙ্গাভিহতৌ রেজতুর্বৃষভাবিব॥ 8-17-34 (55728)
অন্যোন্যস্য বধে যত্নং কুর্বাণৌ তৌ মহারথৌ।
রথাভ্যাং চেরতুস্তত্র মণ্ডলানি সহস্রশঃ॥ 8-17-35 (55729)
কৃতবর্মা মহারাজ পার্ষতং নিশিতৈঃ শরৈঃ।
রণে বিব্যাধ সপ্তত্যা স্বর্ণপুঙ্গৈঃ শিলাশিতৈঃ॥ 8-17-36 (55730)
ততোঽস্য সমরে বাণং ভোজঃ প্রহরতাং বরঃ।
জীবিতান্তকরং ঘোরং ব্যসৃজত্ৎবরয়াঽন্বিতঃ॥ 8-17-37 (55731)
স তেনাভিহতো রাজন্মূর্চ্ছামাশু সমাবিশৎ।
ধ্বজয়ষ্টিং চ সহসা শিশ্রিয়ে কশ্মলাবৃতঃ॥ 8-17-38 (55732)
অপোবাহ রণাত্তূর্ণং সারথী রথিনাং বরম্।
হার্দিক্যশরসন্তপ্তং নিঃশ্বসন্তং পুনঃপুনঃ॥ 8-17-39 (55733)
পরাজিতে ততঃ শূরে দ্রুপদস্যাত্মজে প্রভো।
ব্যদ্রবৎপাণ্ডবী সেনা ব্যধমানা সমন্ততঃ॥ ॥ 8-17-40 (55734)
ইতি শ্রীমন্মহাভারতে কর্ণপর্বণি ষোডশদিবসয়ুদ্ধে সপ্তদশোঽধ্যায়ঃ॥ 17 ॥
Mahabharata - Karna Parva - Chapter Footnotes
॥ শ্রীঃ ॥
8.18. অধ্যায়ঃ 018
Mahabharata - Karna Parva - Chapter Topics
অর্জুনেন সংশপ্তকপরাজয়ঃ॥ 1 ॥
Mahabharata - Karna Parva - Chapter Text
8-18-0 (55735)
সঞ্জয় উবাচ। 8-18-0x (4866)
শ্বেতাশ্বোঽপি মহারাজ ব্যধমত্তাবকং বলম্।
যথা বায়ুঃ সমাসাদ্য তূলরাশিং সমন্ততঃ॥ 8-18-1 (55736)
প্রত্যুদ্যযুস্ত্রিগর্তাস্তং শিবয়ঃ কৌরবৈঃ সহ।
বসাতয়োঽথ সাল্বাশ্চ গোপালাশ্চ যশস্বিনঃ॥ 8-18-2 (55737)
সত্যদেবঃ সত্যকীর্তির্মিত্রদেবঃ শ্রুতঞ্জয়ঃ।
সৌশ্রুতিশ্চন্দ্রদেবশ্চ মিত্রবর্মা চ ভারত॥ 8-18-3 (55738)
ত্রিগর্তরাজঃ সমরে ভ্রাতৃভিঃ পরিবারিতঃ।
পুত্রৈশ্চৈব মহেষ্বাসৈর্নানাশস্ত্রবিশারদৈঃ॥ 8-18-4 (55739)
ব্যসৃজন্ত শস্ত্রাতান্কিরন্তোঽর্জুনমাহবে।
অভ্যবর্তন্ত সহসা বার্যোঘা ইব সাগরম্॥ 8-18-5 (55740)
তে ৎবর্জুনং সমাসাদ্য যোধাঃ শতসহস্রশঃ।
অগচ্ছন্বিলয়ং সর্বে তার্ক্ষ্যং দৃষ্ট্বেব পন্নগাঃ॥ 8-18-6 (55741)
তে হন্যমানাঃ সমরে ন জহুঃ পাণ্ডবং রণে।
হন্যমানা মহারাজ শলভা ইব পাবকম্॥ 8-18-7 (55742)
সত্যদেবস্ত্রিভির্বাণৈর্বিব্যাধ যুধি পাণ্ডবম্।
মিত্রদেবস্ত্রিষষ্ট্যা তু চন্দ্রদেবস্তু সপ্তভিঃ॥ 8-18-8 (55743)
মিত্রবর্মা ত্রিসপ্তত্যা সৌশ্রুতিশ্চাপি সপ্তভিঃ।
শ্রুতংজয়স্তু বিংশত্যা সুশর্মা নবভিঃ শরৈঃ॥ 8-18-9 (55744)
স বিদ্বো বহুভিঃ সঙ্খ্যে প্রতিবিব্যাধ তান্নৃপান্।
সৌশ্রুতিং সপ্তভির্বিদ্ব্বা চন্দ্রদেবং ত্রিভিঃ শরৈঃ॥ 8-18-10 (55745)
শ্রুতংজয়ং চ বিংশত্যা চন্দ্রদেবং তথাঽষ্টভিঃ।
মিত্রদেবং শতেনৈব সত্যদেবং ত্রিভিঃ শরৈঃ॥ 8-18-11 (55746)
নবভির্মিত্রবর্মাণং সুশর্মাণং তথাঽষ্টভিঃ।
শ্রুতঞ্জয়ং চ রাজানং হৎবা তত্র শিলাশিতৈঃ॥ 8-18-12 (55747)
সৌশ্রুতেঃ সশিরস্ত্রাণং শিরঃ কায়াদপাহরৎ।
ৎবরিতশ্চন্দ্রদেবং চ শরৈর্নিন্যে যমক্ষয়ম্॥ 8-18-13 (55748)
তথেতরান্মহারাজ যতমানান্মহারথান্।
পঞ্চভিঃ পঞ্চভির্বাণৈরেকৈকং প্রত্যবারয়ৎ॥ 8-18-14 (55749)
সত্যদেবস্তু সঙ্ক্রুদ্বস্তোমরং ব্যসৃজন্মহৎ।
সমুদ্দিশ্য রণে কৃষ্ণং সিংহনাদং ননাদ চ॥ 8-18-15 (55750)
স নির্ভিদ্য ভুজং সব্যং মাধবস্য মহাত্মনঃ।
অয়স্ময়ঃ স্বর্ণদণ্ডো জগাম ধরণীং তদা॥ 8-18-16 (55751)
মাধবস্য তু বিদ্ধস্য তোমরেণ মহারণে।
প্রতোদঃ প্রাপতদ্বস্তাদ্রশ্ময়শ্চ বিশাম্পতে॥ 8-18-17 (55752)
বাসুদেবং বিভিন্নাঙ্গং দৃষ্ট্বা পার্থো ধনঞ্জয়ঃ।
ক্রোধমাহারয়ত্তীব্রং কৃষ্ণং চেদমুবাচ হ॥ 8-18-18 (55753)
প্রাপয়াশ্বান্মহাবাহো সত্যদেবং প্রতি প্রভো।
যাবদেনং শরৈস্তীক্ষ্ণৈর্নয়ামি যমসাদনম্॥ 8-18-19 (55754)
প্রতোদং গৃহ্য সোঽন্যত্তু রশ্মীন্সঙ্গৃহ্য চ দ্রুতম্।
বাহয়ামাস তানশ্বান্সত্যদেবরথং প্রতি॥ 8-18-20 (55755)
বিষ্বক্সেনং সুনির্বিদ্বং দৃষ্ট্বা পার্থো ধনঞ্জয়ঃ।
সত্যদেবং শরৈস্তীক্ষ্ণৈর্বারয়িৎবা মহারথঃ॥ 8-18-21 (55756)
ততঃ সুনিশিতৈর্ভল্লৈ রাজ্ঞস্তস্য মহচ্ছিরঃ।
কুম্ডলোপচিতং কায়াচ্চকর্ত পৃতনান্তরে॥ 8-18-22 (55757)
তন্নিকৃত্য শিতৈর্বাণৈর্ভিত্রবর্মাণমাক্ষিপৎ।
বৎসদন্তেন তীক্ষ্ণেন সারথিং চাস্য মারিষ॥ 8-18-23 (55758)
ততঃ শরশতৈর্ভূয়ঃ সংশপ্তকগণান্বলী।
পাতয়ামাস সঙ্ক্রুদ্বঃ শতশোঽথ সহস্রশঃ॥ 8-18-24 (55759)
ততো রজতপুঙ্খেন রাজঞ্শীর্ষং মহাত্মনঃ।
মিত্রদেবস্য চিচ্ছেদ ক্ষুরপ্রেণ মহারথঃ।
সুশর্মাণং সুসঙ্ক্রুদ্ধো জত্রুদেশে সমাহনৎ॥ 8-18-25 (55760)
ততঃ সংশপ্তকাঃ সর্বে পরিবার্য ধনঞ্জয়ম্।
শস্ত্রৌঘৈর্মমৃদুঃ ক্রুদ্বা নাদয়ন্তো দিশো দশ॥ 8-18-26 (55761)
অভ্যর্দিতস্তু তজ্জিষ্ণুঃ শক্রতুল্যপরাক্রমঃ।
ঐন্দ্রমস্ত্রমমেয়াত্মা প্রাদুশ্চক্রে মহারথঃ॥ 8-18-27 (55762)
ততঃ শরসহস্রাণি প্রাদুরাসন্বিশাম্পতে।
`কার্মুকাৎপাণ্ডুপুত্রস্য পার্থস্যামিততেজসঃ'॥ 8-18-28 (55763)
ততস্তু চ্ছিদ্যমানানাং ধ্বজানাং ধনুষাং তথা।
রথানাং সপতাকানাং তূণীরাণাং যুগৈঃ সহ॥ 8-18-29 (55764)
অক্ষাণামথ চক্রাণাং যোক্ত্রাণাং রশ্মিভিঃ সহ।
কূবরাণাং বরূথানাং পৃষৎকানাং চ সংয়ুগে॥ 8-18-30 (55765)
অশ্বানাং পততাং চাপি প্রাসানামৃষ্টিভিঃ সহ।
গদানাং পরিঘানাং চ শক্তিতোমরপট্টসৈঃ॥ 8-18-31 (55766)
শতঘ্নীনাং সচক্রাণাং ভুজানাং চোরুভিঃ সহ।
কণ্ঠসূত্রাঙ্গদানাং চ কেয়ূরাণাং চ মারিষ॥ 8-18-32 (55767)
হারাণামথ নিষ্কাণাং তনুত্রাণাং চ ভারত।
ছত্রাণাং ব্যজনানাং চ শিরসাং কুমুটৈঃ সহ।
রাশয়শ্চাত্র দৃশ্যন্তে পতিতানাং মহীতলে॥ 8-18-33 (55768)
সকুণ্ডলানি স্বক্ষীমি পূর্ণচন্দ্রনিভানি চ।
শিরাংস্যুর্ব্যামদৃশ্যন্ত তারাজালমিবাম্বরে॥ 8-18-34 (55769)
সুস্রগ্বীণি সুবাসাংসি চন্দনেনোক্ষিতানি চ।
শরীরাণি ব্যদৃশ্যন্ত নিহতানাং মহীতলে॥ 8-18-35 (55770)
রুদ্রস্যাক্রীডসদৃশং ঘোরমায়োধনং তদা॥ 8-18-36 (55771)
নিহতৈ রাজপুত্রৈশ্চ ক্ষত্রিয়ৈশ্চ মহাবলৈঃ।
`অর্জুনেন মহারাজ তত্রতত্র মহারণে'॥ 8-18-37 (55772)
হস্তিভিঃ পতিতৈশ্চৈব তুরঙ্গৈশ্চাভবন্মহী।
অগম্যরূপা সমরে বিশীর্ণৈরিব পর্বতৈঃ॥ 8-18-38 (55773)
নাসীদ্রথপথস্তস্য পাণ্ডবস্য মহাত্মনঃ।
নিঘ্নতঃ শাত্রবান্ভল্লৈর্হস্ত্যশ্বং চাস্যতো মহৎ॥ 8-18-39 (55774)
স্বানুগা ইব সীদন্তি রথচক্রাণি মারিষ।
চরতস্তস্য সঙ্গ্রামে তস্মিংল্লোহিতকর্দমে॥ 8-18-40 (55775)
সীদমানানি চক্রাণি সমুহূস্তুরগা ভৃশম্।
শ্রমেণ মহতা যুক্তা মনোমারুতরংহসঃ॥ 8-18-41 (55776)
বধ্যমানং তু তৎসৈন্যং পাণ্ডুপুত্রেণ ধন্বিনা।
প্রায়শো বিমুখং সর্বং নাবতিষ্ঠত ভারত॥ 8-18-42 (55777)
তাঞ্জিৎবা সমরে জিষ্ণুঃ সংশপ্তকগণান্বহূন্।
বিররাজ তদা পার্থো বিধূমোঽগ্নিরিব জ্বলন্॥ ॥ 8-18-43 (55778)
ইতি শ্রীমন্মহাভারতে কর্ণপর্বণি ষোডশদিবসয়ুদ্ধে অষ্টাদশোঽধ্যায়ঃ॥ 18 ॥
Mahabharata - Karna Parva - Chapter Footnotes
॥ শ্রীঃ ॥
8.19. অধ্যায়ঃ 019
Mahabharata - Karna Parva - Chapter Topics
সঙ্কুলয়ুদ্ধম্॥ 1 ॥
Mahabharata - Karna Parva - Chapter Text
8-19-0 (55779)
সঞ্জয় উবাচ। 8-19-0x (4867)
যুধিষ্ঠিরং মহারাজ বিসৃজন্তং শরান্বহূন্।
স্বয়ং দুর্যোধনো রাজা প্রত্যগৃহ্ণাদভীতবৎ॥ 8-19-1 (55780)
তমাপতন্তং সহসা তব পুত্রং মহারথম্।
ধর্মরাজো দ্রুতং বিদ্ধ্বা তিষ্ঠতিষ্ঠেতি চাব্রবীৎ॥ 8-19-2 (55781)
স তু তং প্রতিবিব্যাধ নবভির্নিশিতৈঃ শরৈঃ।
সারথিং চাস্য ভল্লেন ভৃশং ক্রুদ্ধোঽভ্যতাডয়ৎ॥ 8-19-3 (55782)
ততো যুধিষ্ঠিরো রাজন্স্বর্ণপুঙ্খাঞ্শিলীমুখান্।
দুর্যোধনায় চিক্ষেপ ত্রয়োদশ শিলাশিতান্॥ 8-19-4 (55783)
চতুর্ভিশ্চতুরো বাহাংস্তস্য হৎবা মহারথঃ।
পঞ্চমেন শিরঃ কায়াৎসারথেশ্চ সমাক্ষিপৎ॥ 8-19-5 (55784)
ষষ্ঠেন তু ধ্বজং রাজ্ঞঃ সপ্তমেন তু কার্মুকম্।
অষ্টমেন তথা খঙ্গং পাতয়ামাস ভূতলে।
পঞ্চভির্নৃপতিং চাপি ধর্মরাজোঽর্দয়দ্ভৃশম্॥ 8-19-6 (55785)
হতাশ্বাত্তু রথাত্তস্মাদবপ্লুত্য সুতস্তব।
উত্তমং ব্যসনং প্রাপ্তো ভূমাবেবাবতিষ্ঠত॥ 8-19-7 (55786)
তং তু কৃচ্ছ্রগতং দৃষ্ট্বা কর্ণদ্রৌণিকৃপাদয়ঃ।
অভ্যবর্তন্ত সহসা পরীপ্সন্তো নরাধিপম্॥ 8-19-8 (55787)
অথ পাণ্ডুসুতাঃ সর্বে পরিবার্য যুধিষ্ঠিরম্।
অন্বয়ুঃ সমরে রাজংস্ততো যুদ্ধমবর্তত॥ 8-19-9 (55788)
ততস্তূর্যসহস্রাণি প্রাবাদ্যন্ত মহামৃধে॥ 8-19-10 (55789)
ক্ষ্বেলাঃ কিলকিলাশব্দাঃ প্রাদুরাসন্মহীপতে।
যত্রাভ্যগচ্ছন্সমরে পাঞ্চালাঃ কৌরবৈঃ সহ॥ 8-19-11 (55790)
নরা নরৈঃ সমাজগ্মুর্বারণা বরবারণৈঃ।
রথাশ্চ রথিভিঃ সার্ধং হয়াশ্চ হয়সাদিভিঃ॥ 8-19-12 (55791)
দ্বন্দ্বান্যাসন্মহারাজ প্রেক্ষণীয়ানি সংয়ুগে।
বিবিধান্যপ্যচিন্ত্যানি শস্ত্রবন্ত্যুত্তমানি চ॥ 8-19-13 (55792)
তে শূরাঃ সমরে সর্বে চিত্রং লঘু চ সুষ্ঠু চ।
অয়ুধ্যন্ত মহাবেগাঃ পরস্পরবধৈষিণঃ॥ 8-19-14 (55793)
অন্যোন্যং সমরে জঘ্নুর্যোধব্রতমনুষ্ঠিতাঃ।
ন হি তে সমরং চক্রুঃ পৃষ্ঠতো বৈ কথঞ্চন॥ 8-19-15 (55794)
মুহূর্তমেব তদ্যুদ্বমাসীন্মধুরদর্শনম্।
তত উন্মত্তবদ্রাজন্নির্মর্যাদমবর্তত॥ 8-19-16 (55795)
রথী নাগং সমাসাদ্য দারয়ন্নিশিতৈঃ শরৈঃ।
প্রেষয়ামাস কালায় শরৈঃ সন্নতপর্বভিঃ॥ 8-19-17 (55796)
নাগা হয়ান্সমাসাদ্য বিক্ষিপন্তো বহূন্রণে।
দারয়ামাসুরত্যুগ্রং তত্রতত্র তদাতদা॥ 8-19-18 (55797)
হয়ারোহাশ্চ বহবঃ পরিবার্য হয়োত্তমান্।
তলশব্দরবাংশ্চক্রুঃ সম্পতন্তস্ততস্ততঃ॥ 8-19-19 (55798)
ধাবমানাংস্ততস্তাংস্তু দ্রবমাণান্মহাগজান্।
পার্শ্বতঃ পৃষ্ঠতশ্চৈব নিজঘ্নুর্হয়সাদিনঃ॥ 8-19-20 (55799)
বিদ্রাব্য চ বহূনশ্বান্নাগা রাজন্মদোৎকটাঃ।
বিষাণৈশ্চাপরে জঘ্নুর্মমৃদুশ্চাপরে ভৃশম্॥ 8-19-21 (55800)
সাশ্বারোহাংশ্চ তুরগান্বিষামৈর্বিব্যধূ রুষা।
অপরে চিক্ষিপুর্বেগাৎপ্রগৃহ্যাতিবলাস্তদা॥ 8-19-22 (55801)
পাদাতৈরাহতা নাগা বিবরেষু সমন্ততঃ।
চক্রুরার্তস্বরং ঘোরং দুদ্রুবুশ্চ দিশো দশ॥ 8-19-23 (55802)
পদাতীনাং তু সহসা প্রদ্রুতানাং মহাহবে।
উৎসৃজ্যাভরণং তূর্ণমববব্রূ রণাজিরে॥ 8-19-24 (55803)
নিমিত্তং মন্যমানাস্তু পরিণাম্য মহাগজাঃ।
জগৃহুর্বিভিদুশ্চৈব চিত্রাণ্যাভরণানি চ॥ 8-19-25 (55804)
তাংস্তু তত্র প্রসক্তান্বৈ পরিন্বার্য পদাতয়ঃ।
হস্ত্যারোহান্নিজঘ্নুস্তে মহাবেগা বলোৎকটাঃ॥ 8-19-26 (55805)
অপরে হস্তিভির্হস্তৈঃ খং বিক্ষিপ্তা মহাহবে।
নিপতন্তো বিষাণাগ্রৈর্ভৃশং বিদ্বাঃ সুশিক্ষিতৈঃ॥ 8-19-27 (55806)
অপরে সহসা গৃহ্য বিষাণৈরেব সূদিতাঃ।
সেনান্তরং সমাসাদ্য কেচিত্তত্র মহাগজৈঃ॥ 8-19-28 (55807)
ক্ষুণ্ণগাত্রা মহারাজ বিক্ষিপ্য চ পুনঃপুনঃ।
অপরে ব্যজনানীব বিভ্রাম্য নিহতা মৃধে॥ 8-19-29 (55808)
পুরঃসরাশ্চ নাগানামপরেষাং বিশাম্পতে।
শরীরাণ্যতিবিদ্বানি তত্রতত্র রণাজিরে॥ 8-19-30 (55809)
প্রতিমানেষু কুম্ভেষু দন্তবেষ্টেষু চাপরে।
নিগৃহীতা ভৃশং নাগাঃ প্রাসতোমরশক্তিভিঃ॥ 8-19-31 (55810)
নিগৃহ্য চ গজাঃ কেচিৎ পার্শ্বস্থৈর্ভৃশদারুণৈঃ।
রথাশ্বসাদিভিস্তত্র সম্ভিন্না ন্যপতন্ভুবি॥ 8-19-32 (55811)
সহয়াঃ সাদিনস্তত্র তোমরেণ মহামৃধে।
ভূমাবমৃদ্রন্বেগেন সচর্মাণং পদাতিনম্॥ 8-19-33 (55812)
চছা সাবরণান্কাংশ্চিত্তত্রতত্র বিশাম্পতে।
রথান্নাগাঃ সমাসাদ্য পরিগৃহ্য চ মারিষ।
ব্যাক্ষিপন্সহসা তত্র ঘোররূপে ভয়ানকে॥ 8-19-34 (55813)
নারাচৈর্নিহতাশ্চাপি গজাঃ পেতুর্মহাবলাঃ।
পর্বতস্যেব শিখরং বজ্ররুগ্ণং মহীতলে॥ 8-19-35 (55814)
যোধা যোধান্সমাসাদ্য মুষ্টিভির্ব্যহনন্যুধি।
কেশেষ্বন্যোন্যমাক্ষিপ্য চিক্ষিপুর্বিভিদুশ্চ হ॥ 8-19-36 (55815)
উদ্যম্য চ ভুজানন্যে নিক্ষিপ্য চ মহীতলে।
পদা চোরঃ সমাক্রম্য স্ফুরতোঽপাহরচ্ছিরঃ॥ 8-19-37 (55816)
পততশ্চাপরো রাজন্বিজহারাসিনা শিরঃ।
`মৃতমন্যো মহারাজ পদা তাডিতবাংস্তদা'॥ 8-19-38 (55817)
জীবতশ্চ তথৈবান্যঃ শস্ত্রং কায়ে ন্যমজ্জয়ৎ।
মুষ্টিয়ুদ্ধং মহচ্চাসীদ্যোধানাং তত্র ভারত।
তথা কেশগ্রহশ্চোগ্রো বাহুয়ুদ্ধং চ ভৈরবম্॥ 8-19-39 (55818)
সমাসক্তস্য চান্যেন অবিজ্ঞাতস্তথাঽপরঃ।
জহার সমরে প্রাণান্নানাশস্তৈরনেকধা॥ 8-19-40 (55819)
সংসক্তেষু চ যোধেষু বর্তমানে চ সঙ্কুলে।
কবন্ধান্যুত্থিতানি স্যুঃ শতশোঽথ সহস্রশঃ॥ 8-19-41 (55820)
শোণিতৈঃ সিচ্যমানানি শস্ত্রাণি কবচানি চ।
মহারাগানুরক্তানি বস্ত্রাণীব চকাশিরে॥ 8-19-42 (55821)
এবমেতন্মহদ্যুদ্বং দারুণং শস্ত্রসঙ্কুলম্।
উন্মত্তগঙ্গাপ্রতিমং শব্দেনাপূরয়জ্জগৎ॥ 8-19-43 (55822)
নৈব স্বে ন পরে রাজন্বিজ্ঞায়ন্তে শরাতুরাঃ।
যোদ্বব্যমিতি যুধ্যন্তে রাজানো জয়গৃদ্বিনঃ॥ 8-19-44 (55823)
স্বান্স্বে জঘ্নুর্মহরাজ পরাংশ্চৈব সমাগতান্।
উভয়োঃ সেনয়োর্বীরৈর্ব্যাকুলং সমপদ্যত॥ 8-19-45 (55824)
রথৈর্ভগ্নৈর্মহারাজ বারণৈশ্চ নিপাতিতৈঃ।
হয়ৈশ্চ পতিতৈস্তত্র নরৈশ্চ বিনিপাতিতৈঃ॥ 8-19-46 (55825)
অগম্যরূপা পৃথিবী ক্ষণেন সমপদ্যত।
ক্ষণেনাসীন্মহীপাল ক্ষতজৌঘপ্রবর্তিনী॥ 8-19-47 (55826)
পাঞ্চালানহতৎকর্ণস্ত্রিগর্তাংশ্চ ধনঞ্জয়ঃ।
ভীমসেনঃ কুরূন্রাজন্হস্ত্যনীকং চ সর্বশঃ॥ 8-19-48 (55827)
এবমেষ ক্ষয়ো বৃত্তঃ কুরুপাণ্ডবসেনয়োঃ।
অপরাহ্ণে গতে সূর্যে কাঙ্ক্ষতাং বিপুলং যশঃ॥ ॥ 8-19-49 (55828)
ইতি শ্রীমন্মহাভারতে কর্ণপর্বণি ষোডশদিবসয়ুদ্ধে একোনবিংশোঽধ্যায়ঃ॥ 19 ॥
Mahabharata - Karna Parva - Chapter Footnotes
॥ শ্রীঃ ॥
8.20. অধ্যায়ঃ 020
Mahabharata - Karna Parva - Chapter Topics
যুধিষ্ঠিরেণ দুর্যোধনপরাজয়ঃ॥ 1 ॥
Mahabharata - Karna Parva - Chapter Text
8-20-0 (55829)
ধৃতরাষ্ট্র উবাচ। 8-20-0x (4868)
অতিতীব্রাণি দুঃখানি দুঃসহানি বহূনি চ।
ৎবত্তোঽহং সঞ্জয়াশ্রৌষং পুত্রাণাং চৈব সঙ্ক্ষয়ম্॥ 8-20-1 (55830)
যথা ৎবং মে কথয়সে যথা যুদ্বমবর্তত।
ন সন্তি সূত কৌরব্যা ইতি মে নিশ্চিতা মতিঃ॥ 8-20-2 (55831)
দুর্যোধনশ্চ বিরথঃ কৃতস্তত্র মহারথঃ।
ধর্মপুত্রঃ কথং চক্রে তস্য বা নৃপতিঃ কথম্॥ 8-20-3 (55832)
অপরাহ্ণে কথং যুদ্বমভবদ্রোমহর্ষণম্।
তন্মমাচক্ষ্ব তত্ৎবেন কুশলো হ্যসি সঞ্জয়॥ 8-20-4 (55833)
সঞ্জয় উবাচ। 8-20-5x (4869)
সংসক্তেষু তু সৈন্যেষু বধ্যমানেষু ভাগশঃ।
রথমন্যং সমাস্থায় পুত্রস্তব বিশাম্পতে॥ 8-20-5 (55834)
ক্রোধেন মহতা যুক্তঃ সবিষো ভুজগো যথা।
দুর্যোধনঃ সমালক্ষ্য ধর্মরাজং যুধিষ্ঠিরম্।
প্রোবাচ সূতং ৎবরিতো যাহিয়াহীতি ভারত॥ 8-20-6 (55835)
তত্র মাং প্রাপয় ক্ষিপ্রং সারথে যত্র পাণ্ডবঃ।
ধ্রিয়মাণাতপ্রতেণ রাজা রাজতি দংশিতঃ॥ 8-20-7 (55836)
স সূতশ্চোদিতো রাজ্ঞা রাজ্ঞঃ স্যন্দনমুত্তমম্।
যুধিষ্ঠিরস্যাভিমুখং প্রেষয়ামাস সংয়ুগে॥ 8-20-8 (55837)
ততো যুধিষ্ঠিরঃ ক্রুদ্বঃ প্রভিন্ন ইব কুঞ্জরঃ।
সারথিং চোদয়ামাস যাহি যত্র সুয়োধনঃ॥ 8-20-9 (55838)
তৌ সমাজগ্মতুর্বীরৌ ভ্রাতরৌ রথসত্তমৌ॥ 8-20-10 (55839)
সমেত্য চ মহাবীরৌ সংরব্ধৌ যুদ্বদুর্মদৌ।
ববর্ষতুর্মহেষ্বাসৌ শরৈরন্যোন্যমাহবে॥ 8-20-11 (55840)
ততো দুর্যোধনো রাজা ধর্মশীলস্য মারিষ।
শিলাশিতেন ভল্লেন ধনুশ্চিচ্ছেদ সংয়ুগে॥ 8-20-12 (55841)
তং নামৃষ্যত সঙ্ক্রুদ্ধো হ্যবমানং যুধিষ্ঠিরঃ।
অপবিধ্য ধনুশ্ছিন্নং ক্রোধসংরক্তলোচনঃ॥ 8-20-13 (55842)
অন্যৎকার্মুকমাদায় ধর্মপুত্রশ্চমূমুখে।
দুর্যোধনস্য চিচ্ছেদ ধ্বজং কার্মুকমেব চ॥ 8-20-14 (55843)
অথান্যদ্বনুরাদায় পুত্রস্তে ভরতর্ষভ।
`যুধিষ্ঠিরস্য চিক্ষেপ শরান্কনকভূষণান্।
রুক্মপুঙ্খান্প্রসন্নাগ্রান্সবিষানিব পন্নগান্'॥ 8-20-15 (55844)
তাবন্যোন্যং সুসঙ্ক্রুদ্ধৌ শস্ত্রবর্ষাণ্যমুঞ্চতাম্।
সিংহাবিব সুসংরব্ধৌ পরস্পরজিগীষয়া॥ 8-20-16 (55845)
জঘ্নতুস্তৌ রণেঽন্যোন্যং নর্দমানৌ বৃষাবিব।
অন্তরং মার্গমাণৌ চ চেরতুস্তৌ মহারথৌ॥ 8-20-17 (55846)
ততঃ পূর্ণায়তোৎসৃষ্টৈঃ শরৈস্তৌ তু কৃতব্রণৌ।
বিরেজতুর্মহারাজ কিংশুকাবিব পুষ্পিতৌ॥ 8-20-18 (55847)
ততো রাজন্বিমুঞ্চন্তৌ সিংহনাদান্মুহুর্মুহুঃ।
তলয়োশ্চ তথা শব্দান্ধনুষশ্চ মহাহবে॥ 8-20-19 (55848)
শঙ্খশব্দবরাংশ্চৈব চক্রতুস্তৌ নরেশ্বরৌ।
অন্যোন্যং তৌ মহারাজ পীডয়াংচক্রতুর্ভৃশম্॥ 8-20-20 (55849)
ততো যুধিষ্ঠিরো রাজা পুত্রং তব শরৈস্ত্রিভিঃ।
আজঘানোরসি ক্রুদ্ধো বজ্রবেগৈর্দুরাসদৈঃ॥ 8-20-21 (55850)
প্রতিবিব্যাধ তং তূর্ণং তব পুত্রো মহীপতিঃ।
পঞ্চভির্নিশিতৈর্বাণৈঃ স্বর্ণপুঙ্খৈঃ শিলাশিতৈঃ॥ 8-20-22 (55851)
ততো দুর্যোধনো রাজা শক্তিং চিক্ষেপ ভারত।
সর্বপারশবীং তীক্ষ্ণাং মহোল্কাপ্রতিমাং তদা॥ 8-20-23 (55852)
তামাপতন্তীং সহসা ধর্মরাজঃ শিতৈঃ শরৈঃ।
ত্রিভিশ্চিচ্ছেদ সহসা তং চ বিব্যাধ পঞ্চভিঃ॥ 8-20-24 (55853)
নিপপাত ততঃ সাঽথ স্বর্ণদণ্ডা মহাস্বনা।
নিপতন্তী মহোল্কেব ব্যরাজচ্ছিখিসন্নিভা॥ 8-20-25 (55854)
শক্তিং বিনিহতাং দৃষ্ট্বা পুত্রস্তব বিশাম্পতে।
নবভির্নিশিতৈর্ভল্লৈর্নিজঘান যুধিষ্ঠিরম্॥ 8-20-26 (55855)
সোঽতিবিদ্বো বলবতা শত্রুণআ শত্রুতাপনঃ।
দুর্যোধনং সমুদ্দিশ্য বাণং জগ্রাহ সৎবরঃ॥ 8-20-27 (55856)
সমাধত্ত চ তং বাণং ধনুর্মধ্যে মহাবলঃ।
চিক্ষেপ চ মহারাজ ততঃ ক্রুদ্বঃ পরাক্রমী॥ 8-20-28 (55857)
স তু বাণঃ সমাসাদ্য তব পুত্রং মহারথম্।
ব্যামোহয়ত রাজানং ধরণীং চ দদার হ॥ 8-20-29 (55858)
ততো দুর্যোধনঃ ক্রুদ্ধো গদামুদ্যম্য বেগিতঃ।
বিধিৎসুঃ কলহস্যান্তং ধর্মরাজমুপাদ্রবৎ॥ 8-20-30 (55859)
তমুদ্যতগদং দৃষ্ট্বা দণ্ডহস্তমিবান্তকম্।
ধর্মরাজো মহাশক্তিং প্রাহিণোত্তব সূনবে॥ 8-20-31 (55860)
দীপ্যমানাং মহাবেগাং মহোল্কাং জ্বলিতামিব।
যমদণ্ডনিভাং ঘোরাং কালরাত্রিমিবাপরাম্॥ 8-20-32 (55861)
রথস্থঃ স তয়া বিদ্বো বর্ম ভিত্ৎবা স্তনান্তরে।
ভৃশং সংবিগ্নহৃদয়ঃ পপাত চ মুমোহ চ॥ 8-20-33 (55862)
নভস্তমাহ চ ততঃ প্রতিজ্ঞামনুপালয়।
নায়ং বধ্যস্তব নৃপ ইত্যুক্তঃ স ন্যবর্তত॥ 8-20-34 (55863)
ততস্ৎবরিতমাগম্য কৃতবর্মা তবাত্মজম্।
প্রত্যপদ্যত রাজানং নিম্নং ব্যসনার্ণবে॥ 8-20-35 (55864)
গদামাদায় ভীমোঽপি হেমপট্টপরিষ্কৃতাম্।
অভিদুদ্রাব বেগেন কৃতবর্মাণমাহবে॥ 8-20-36 (55865)
এবং তদভবদ্যুদ্ধং ৎবদীয়ানাং পরৈঃ সহ।
অপরাহ্ণে মহারাজ কাঙ্ক্ষতাং বিজয়ং যুধি॥ ॥ 8-20-37 (55866)
ইতি শ্রীমন্মহাভারতে কর্ণপর্বণি ষোডশদিবসয়ুদ্ধে বিংশোঽধ্যায়ঃ॥ 20 ॥
Mahabharata - Karna Parva - Chapter Footnotes
॥ শ্রীঃ ॥
8.21. অধ্যায়ঃ 021
Mahabharata - Karna Parva - Chapter Topics
সঙ্কুলয়ুদ্ধম্॥ 1 ॥ ষোডশদিবসয়ুদ্ধোপসংহারঃ॥ 2 ॥
Mahabharata - Karna Parva - Chapter Text
8-21-0 (55867)
সঞ্জয় উবাচ। 8-21-0x (4870)
ততঃ কর্ণং পুরস্কৃত্য ৎবদীয়া যুদ্বদুর্মদাঃ।
পুনরাবৃত্য সঙ্গ্রামং চক্রুর্দেবাসুরোপমম্॥ 8-21-1 (55868)
দ্বিরদনররথাশ্বশঙ্খশব্দৈঃ
পরিহৃষিতা বিবিধৈশ্চ শস্ত্রপাতৈঃ।
দ্বিরদরথপদাতিসাদিসঙ্ঘাঃ
পরিকুপিতাভিমুখাঃ প্রজঘ্নিরে তে॥ 8-21-2 (55869)
শিতপরশ্বথসাসিপট্টসৈ--
রিষুভিরনেকবিধৈশ্চ সূদিতাঃ।
দ্বিরদরথহয়া মহাহবে
বরপুরুষৈঃ পুরুষাশ্চ বাহনৈঃ॥ 8-21-3 (55870)
কমলদিনকরেন্দুসন্নিভৈঃ
সিতদশনৈঃ সুমুখাক্ষিনাসিকৈঃ।
রুচিরমকুটকুণ্ডলৈর্মহী
পুরুষশিরোভিরুপস্তৃতা বভৌ॥ 8-21-4 (55871)
পরিঘমুসলশক্তিতৌমরৈ--
র্নখরভুশুণ্ডিগদাশতৈর্হতাঃ।
দ্বিরদনরহয়াঃ সহস্রশো
রুধিরনদীপ্রবহাস্তদাঽভবন্॥ 8-21-5 (55872)
প্রহতরথনরাশ্বকুঞ্জরং
প্রতিভয়দর্শনমুল্বণব্রণম্।
তদহিতহতমাবভৌ বলং
পিতৃপতিরাষ্ট্রমিব প্রজাক্ষয়ে॥ 8-21-6 (55873)
অথ তব নরদেব সৈনিকা--
স্তব চ সুতাঃ সুরসূনুসন্নিভাঃ।
অমিতবলপুরঃ সরা রণে
কুরুবৃষভাঃ শিনিপুত্রমভ্যযুঃ॥ 8-21-7 (55874)
তদতিরুধিরভীমমাবভৌ
পুরুষবরাশ্বরথদ্বিপাকুলম্।
লবণজলসমুদ্বতস্বনং
বলমসুরামরসৈন্যসপ্রভম্॥ 8-21-8 (55875)
সুরপতিসমবিক্রমস্তত--
স্ত্রিদশবরাবরজোপমং যুধি।
দিনকরকিরণপ্রভৈঃ পৃষৎকৈ
রবিতনয়োঽভ্যহনচ্ছিনিপ্রবীরম্॥ 8-21-9 (55876)
তমপি সরথবাজিসারথিং
শিনিবৃষভো বিবিধৈঃ শরৈস্ৎবরন্।
ভুজগবিষসমপ্রভৈ রণে
পুরুষবরং সমবাস্তৃণোত্তদা॥ 8-21-10 (55877)
শিনিবৃষভশরৈর্নিপীডিতং
তব সুহৃদো বসুষেণমভ্যযুঃ।
ৎবরিতমতিরথা রথর্ষভং
দ্বিরদরথাশ্বপদাতিভিঃ সহ॥ 8-21-11 (55878)
তদুদধিনিভমাদ্রবদ্বলং
ৎবরিততরৈঃ সমভিদ্রুতং পরৈঃ।
দ্রুপদসুতমুখৈস্তদাঽভবৎ
পুরুষরথাশ্বগজক্ষয়ো মহান্॥ 8-21-12 (55879)
অথ পুরুষবরৌ কৃতাহ্নিকৌ
ভবমভিপূজ্য যথাবিধি প্রভুম্।
অরিবধকৃতনিশ্চয়ৌ দ্রুতং
তব বলমর্জুনকেশবৌ সৃতৌ॥ 8-21-13 (55880)
জলদনিনদনিঃস্বনং রথং
পবনবিধূতপতাককেতনম্।
সিতহয়মুপয়ান্তমন্তিকং
কৃতমনসো দদৃশুস্তদাঽরয়ঃ॥ 8-21-14 (55881)
অথ বিষ্ফার্য গাণ্ডীবং রথে নৃত্যন্নিবার্জুনঃ।
শরসম্বাধমকরোৎখং দিশঃ প্রদিশস্তথা॥ 8-21-15 (55882)
রথান্বিমানপ্রতিমান্মজ্জয়ন্সায়ুধধ্বজান্।
সসারথীংস্তদা বাণৈরভ্রাণীবানিলোঽবধীৎ॥ 8-21-16 (55883)
গজান্গজপ্রয়ন্তৄংশ্চ বৈজয়ন্ত্যায়ুধধ্বজান্।
সাদিনোঽশ্বাংশ্চ পত্তীংশ্চ শরৈর্নিন্যে যমক্ষয়ম্॥ 8-21-17 (55884)
তমন্তকমিব ক্রুদ্ধমনিবার্যং মহারথম্।
দুর্যোধনোঽভ্যযাদেকো নিঘ্নন্বাণৈরজিহ্মগৈঃ॥ 8-21-18 (55885)
তস্যার্জুনো ধনুঃ সূতমশ্বান্কেতুং চ সায়কৈঃ।
হৎবা সপ্তভিরেকেন চ্ছত্রং চিচ্ছেদ পত্রিণা॥ 8-21-19 (55886)
নবমং চ সমাধায় ব্যসৃজৎপ্রাণঘাতিনম্।
দুর্যোধনায়েষুবরং তং দ্রৌণিঃ সপ্তধাঽচ্ছিনৎ॥ 8-21-20 (55887)
ততো দ্রৌণের্ধনুশ্ছিৎবা হৎবা চাশ্বরথাঞ্শরৈঃ।
কৃপস্যাপি তদত্যুগ্রং ধনুশ্চিচ্ছেদ পাণ্ডবঃ॥ 8-21-21 (55888)
হার্দিক্যস্য ধনুশ্ছিত্ৎবা ধ্বজং চাশ্বাংস্তদাঽবধীৎ।
দুঃশাসনস্যেষ্বসনং ছিত্ৎবা রাধেয়মভ্যযাৎ॥ 8-21-22 (55889)
অথ সাত্যকিমুৎসৃজ্য ৎবরন্কর্ণোঽর্জুনং ত্রিভিঃ।
বিদ্ব্বা বিব্যাধ বিংশত্যা কৃষ্ণং পার্থং পুনঃপুনঃ॥ 8-21-23 (55890)
ন গ্লানিরাসীৎকর্ণস্য ক্ষিপতঃ সায়কান্বহূন্।
রণে বিনিঘ্নতঃ শত্রূন্ক্রুদ্ধস্যেব শতক্রতোঃ॥ 8-21-24 (55891)
অথ সাত্যকিরাগত্য কর্ণং বিদ্দ্বা শিতৈঃ শরৈঃ।
নবত্যা নবভিশ্চোগ্রৈঃ শতেন পুনরার্পয়ৎ॥ 8-21-25 (55892)
ততঃ প্রবীরাঃ পার্থানাং সর্বে কর্ণমপীডয়ন্।
যুধামন্যুঃ শিখণ্ডী চ দ্রৌপদেয়াঃ প্রভদ্রকাঃ॥ 8-21-26 (55893)
উত্তমৌজা যুয়ুৎসুশ্চ যমৌ পার্ষত এব চ।
চেদিকারূশমাৎস্যানাং কেকয়ানাং চ যদ্বলং॥ 8-21-27 (55894)
চেকিতানশ্চ বলবান্ধর্মরাজশ্চ সুব্রতঃ।
এতে রথাশ্বদ্বিরদৈঃ পত্তিভিশ্চোগ্রবিক্রমৈঃ॥ 8-21-28 (55895)
পরিবার্য রণে কর্ণং নানাশস্ত্রৈরবাকিরন্।
ভাষন্তো বাগ্ভিরুগ্রাভিঃ সর্বে কর্ণবধে ধৃতাঃ॥ 8-21-29 (55896)
তাং শস্ত্রবৃষ্টিং বহুধা কর্ণশ্ছিত্ৎবা শিতৈঃ শরৈঃ।
অপোবাহাস্ত্রবীর্যেণ দ্রুমং ভঙ্ক্ৎবেব মারুতঃ॥ 8-21-30 (55897)
রথিনঃ সমহামাত্রান্গজানশ্বান্সসাদিনঃ।
পত্তিব্রাতাংশ্চ সঙ্ক্রুদ্বো নিঘ্নন্কর্ণো ব্যদৃশ্যত॥ 8-21-31 (55898)
তদ্বধ্যমানং পাণ্ডূনাং বলং কর্ণাস্ত্রতেজসা।
বিশস্ত্রপত্রদেহাসু প্রায় আসীৎপরাঙ্মুখম্॥ 8-21-32 (55899)
অথ কর্ণাস্ত্রমস্ত্রেণ প্রতিহত্যার্জুনঃ স্ময়ন্।
দিশং খং চৈব ভূমিং চ প্রাবৃণোচ্ছরবৃষ্টিভিঃ॥ 8-21-33 (55900)
মুসলানীব সম্পেতুঃ পরিঘা ইব চেষবঃ।
শতঘ্ন্য ইব চাপ্যন্যে বজ্রাণ্যুগ্রাণি চাপরে॥ 8-21-34 (55901)
তৈর্বধ্যমানং তৎসৈন্যং সপত্ত্যশ্বরথদ্বিপম্।
নিমীলিতাক্ষমত্যর্থং বভ্রাম চ ননাদ চ॥ 8-21-35 (55902)
নিষ্কৈবল্যং তদা যুদ্বং প্রাপুরশ্বনরদ্বিপাঃ।
হন্যমানাঃ শরৈরার্তাস্তদা ভীতাঃ প্রদুদ্রুবুঃ॥ 8-21-36 (55903)
ৎবদীয়ানাং তদা যুদ্বে সংসক্তানাং জয়ৈষিণাম্।
গিরিমস্তং সমাসাদ্য প্রত্যপদ্যত ভানুমান্॥ 8-21-37 (55904)
তমসা চ মহারাজ রজসা চ বিশেষতঃ।
ন কিঞ্চিৎপ্রত্যপশ্যাম শুভং বা যদি বাঽশুভম্॥ 8-21-38 (55905)
তে ত্রস্যন্তো মহেষ্বাসা রাত্রিয়ুদ্বস্য ভারত।
অপয়ানং ততশ্চক্রুঃ সহিতাঃ সর্বয়োধিভিঃ॥ 8-21-39 (55906)
কৌরবেষ্বপয়াতেষু তদা রাজন্দিনক্ষয়ে।
জয়ং সুমনসঃ প্রাপ্য পার্থাঃ স্বশিবিরং যয়ুঃ॥ 8-21-40 (55907)
বাদিত্রশব্দৈর্বিবিধৈঃ সিংহনাদৈঃ সগর্জিতৈঃ।
পরানুবহন্তশ্চ স্তুবন্তশ্চাচ্যুতার্জুনৌ॥ 8-21-41 (55908)
কৃতেঽবহারে তৈর্বীরৈঃ সৈনিকাঃ সর্ব এব তে।
আশীর্বাচঃ পাণ্ডবেষু প্রায়ুঞ্জন্ত নরেশ্বরাঃ॥ 8-21-42 (55909)
ততঃ কৃতেঽবহারে চ প্রহৃষ্টাস্তত্র পাণ্ডবাঃ।
নিশায়াং শিবিরং গৎবা ন্যবসন্ত নরেশ্বরাঃ॥ 8-21-43 (55910)
ততো রক্ষঃ পিশাচাশ্চ শ্বাপদাশ্চৈব সঙ্ঘশঃ।
জগ্মুরায়োধনং ঘোরং রুদ্রস্যাক্রীডসন্নিভম্॥ ॥ 8-21-44 (55911)
ইতি শ্রীমন্মহাভারতে কর্ণপর্বণি ষোডশদিবসয়ুদ্ধে একবিংশোঽধ্যায়ঃ॥ 21 ॥
Mahabharata - Karna Parva - Chapter Footnotes
॥ শ্রীঃ ॥
8.22. অধ্যায়ঃ 022
Mahabharata - Karna Parva - Chapter Topics
কৃষ্ণতুল্যসারথেরভাবাৎস্বস্যার্জুনান্ন্যূনতাং মন্যমানেন কর্ণেন দুর্যোধনং প্রতি শল্যস্য সারথ্যে নিয়োজনচোদনা॥ 1 ॥
Mahabharata - Karna Parva - Chapter Text
8-22-0 (55912)
ধৃতরাষ্ট্র উবাচ। 8-22-0x (4871)
স্বেন চ্ছন্দেন নঃ সর্বানবধীদ্ব্যক্তমর্জুনঃ।
ন হ্যস্য সমরে মুচ্যেদন্তকোঽপ্যাততায়িনঃ॥ 8-22-1 (55913)
পার্থো হ্যেকোঽহরদ্ভদ্রামেকশ্চাগ্নিমতর্পয়ৎ।
একশ্চেমাং মহীং জিৎবা চক্রে বলিভৃতো নৃপান্॥ 8-22-2 (55914)
একো নিবাতকবচনানহনদ্দিব্যকার্মুকঃ।
একঃ কিরাতরূপেণ স্থিতং শর্বময়োধয়ৎ॥ 8-22-3 (55915)
একো হ্যরক্ষদ্ভরতানেকো ভবমতোষয়ৎ।
তেনৈকেন জিতাঃ সর্বে মদীয়া হ্যুগ্রতেজসঃ॥ 8-22-4 (55916)
ন তে নিন্দ্যাঃ প্রশস্যাস্তে যত্তে চক্রুর্ব্রবীহি তৎ।
ততো দুর্যোধনঃ সূত পশ্চাৎকিমকরোত্তদা॥ 8-22-5 (55917)
সঞ্জয় উবাচ। 8-22-6x (4872)
হতপ্রহতবিধ্বস্তা বিবর্মায়ুধবাহনাঃ।
দীনস্বরা দূয়মানা মানিনঃ শত্রুনির্জিতাঃ॥ 8-22-6 (55918)
শিবিরস্থাঃ পুনর্মন্ত্রং মন্ত্রয়ন্তি স্ম কৌরবাঃ।
ভগ্নদংষ্ট্রা হতবিষাঃ পাদাক্রান্তা ইবোরগাঃ॥ 8-22-7 (55919)
তানব্রবীত্ততঃ কর্ণঃ ক্রুদ্বঃ সর্প ইব শ্বসন্।
করং করেণ নিষ্পীড্য প্রেক্ষমাণস্তবাত্মজম্॥ 8-22-8 (55920)
যত্তো দৃঢশ্চ দক্ষশ্চ ধৃতিমানর্জুনঃ সদা।
সম্বোধয়তি চাপ্যেনং যথাকালমধোক্ষজঃ॥ 8-22-9 (55921)
সহসাঽস্ত্রবিসর্গেণ বয়ং তেনাদ্য বঞ্চিতাঃ।
শ্বস্ৎবহং তস্য সঙ্কল্পং সর্বং হন্তা মহীপতে॥ 8-22-10 (55922)
এবমুক্তস্তথেত্যুক্ৎবা সোঽনুজজ্ঞে নৃপোত্তমান্।
তেঽনুজ্ঞাতা নৃপাঃ সর্বে স্বানি বেশ্মানি ভেজিরে॥ 8-22-11 (55923)
সুখোষিতাস্তাং রজনীং হৃষ্টা যুদ্বায় নির্যযুঃ।
তেঽপশ্যন্বিহিতং ব্যূহং ধর্মরাজেন দুর্জয়ম্।
প্রয়ত্নাৎকুরুমুখ্যেন বৃহস্পত্যুশনোমতাৎ॥ 8-22-12 (55924)
অথ প্রতীপকর্তারং প্রবীরং পরবীরহা।
সস্মার বৃষভস্কন্ধং কর্ণং দুর্যোধনস্তদা॥ 8-22-13 (55925)
পুরন্দরসমং যুদ্বে মরুদ্গণসমং বলে।
কার্তবীর্যসমং বীর্যে কর্ণং রাজ্ঞোঽগমন্মনঃ॥ 8-22-14 (55926)
সর্বেষাং চৈব সৈন্যানাং কর্ণমেবাগমন্মনঃ।
সূতপুত্রং মহেষ্বাসং বন্ধুমাত্যযিকেষ্বিব॥ 8-22-15 (55927)
ধৃতরাষ্ট্র উবাচ। 8-22-16x (4873)
ততো দুর্যোধনঃ সূত পশ্চাৎকিমকরোত্তদা।
যদ্বোঽগমন্মনো মন্দাঃ কর্ণং বৈকর্তনং প্রতি॥ 8-22-16 (55928)
অপ্যপশ্যত রাধেয়ং শীতার্তা ইব ভাস্করম্।
কৃতেঽবহারে সৈন্যানাং প্রবৃত্তে চ রণে পুনঃ॥ 8-22-17 (55929)
`দুর্যোধনং চ তত্রাজৌ পাণ্ডবেন ভৃশার্দিতম্।
পরাক্রান্তান্পাণ্ডুসুতান্দৃষ্ট্বাঽপি ভৃশার্দিতম্'॥ 8-22-18 (55930)
কথং বৈকর্তনঃ কর্ণস্তত্রায়ুধ্যত সঞ্জয়।
কথং চ পাণ্ডবাঃ সর্বে যুয়ুধুস্তত্র সূতজম্॥ 8-22-19 (55931)
কর্ণো হ্যেকো মহাবাহুর্হন্যাৎপার্থান্সসৃঞ্জয়ান্।
কর্ণস্য ভুজয়োর্বীর্যং শক্রবিষ্ণুসমং যুধি॥ 8-22-20 (55932)
তস্য শস্ত্রাণি ঘোরাণি বিক্রমশ্চ মহাত্মনঃ।
কর্ণমাশ্রিত্য সঙ্গ্রামে মত্তো দুর্যোধনো নৃপঃ॥ 8-22-21 (55933)
দুর্যোধনং ততো দৃষ্ট্বা পাণ্ডবেন ভৃশার্দিতম্।
পরাক্রান্তান্পাণ্ডুসুতান্দৃষ্ট্বা চাপি মহারথঃ॥ 8-22-22 (55934)
কর্ণমাশ্রিত্য সঙ্গ্রামে মন্দো দুর্যোধনঃ পুনঃ।
জেতুমুৎসহতে পার্থান্সপুত্রান্সহকেশবান্॥ 8-22-23 (55935)
`যঃ সৌবলং তথা তাত নীতিমানিতি মন্যতে।
কর্ণং চাগ্রতিমং যুদ্বে দেবৈরপি দুরুৎসহম্॥ 8-22-24 (55936)
মন্যতেঽভ্যধিকং পার্থাদেবং চাস্য হৃদি স্থিতম্।
বিজেষ্যতি রণে কর্ণ একঃ পর্থান্সসোমকান্।
মম চৈব সদা মন্দঃ শংসতে নিত্যমগ্রতঃ'॥ 8-22-25 (55937)
অহো বত মহদ্দুঃখং যত্র পাণ্ডুসুতান্রণে।
নাতরদ্রভসঃ কর্ণো দৈবং নূনং পরায়ণম্॥ 8-22-26 (55938)
অহো দ্যূতস্য নিষ্ঠেয়ং ঘোরা সম্প্রতি বর্ততে॥ 8-22-27 (55939)
অহো তীব্রাণি দুঃখানি দুর্যোধনকৃতান্যহম্।
সোঢা ঘোরাণি বহুশঃ শল্যভূতানি সঞ্জয়॥ 8-22-28 (55940)
সৌবলং চ তদা তাত নীতিমানিতি মন্যতে।
কর্ণশ্চ রভসো নিত্যং রাজা ত চাপ্যনুব্রতঃ॥ 8-22-29 (55941)
যদেবং বর্তমানেষু মহায়ুদ্বেষু সঞ্জয়।
অশ্রৌষং নিহতান্পুত্রান্নিত্যমেব বিনির্জিতান্॥ 8-22-30 (55942)
ন পাণ্ডবানাং সমরে কশ্চিদস্তি হতঃ কিল।
স্ত্রীমধ্যমিব গাহন্তে দৈবং তু বলবত্তরম্॥ 8-22-31 (55943)
সঞ্জয় উবাচ। 8-22-32x (4874)
[রাজন্পূর্বনিমিত্তানি ধর্মিষ্ঠানি বিচিন্তয়]। 8-22-32 (55944)
অতিক্রান্তং হি যৎকার্যং পশ্চাচ্চিন্তয়তে নরঃ।
তচ্চাস্য ন ভবেৎকার্যং চিন্তয়া চ বিনশ্যতি॥ 8-22-33 (55945)
তদিদং তব কার্যং তু দূরপ্রাপ্তং বিজানতা।
ন কৃতং যত্ৎবয়া পূর্বং প্রাপ্তাপ্রাপ্তবিচারণম্॥ 8-22-34 (55946)
উক্তোঽসি বহুধা রাজ্ঞন্মা যুধ্যস্বেতি পাণ্ডবৈঃ।
ন চ তত্ৎবগ্রহীর্দ্বেষাৎপাণ্ডবেষু বিশাম্পতে॥ 8-22-35 (55947)
ৎবয়া পাপানি ঘোরাণি সমাচীর্ণানি পাণ্ডুষু।
ৎবৎকৃতে বর্ততে ঘোরঃ পার্থিবানাং জনক্ষয়ঃ॥ 8-22-36 (55948)
তত্ৎবিদানীমতিক্রান্তং মা শুচো ভরতর্ষভ।
শৃণু সর্বং যথাবৃত্তং ঘোরং বৈশসমুচ্যতে॥ 8-22-37 (55949)
প্রভাতায়াং রজন্যাং তু কর্ণো রাজানমভ্যযাৎ।
সমেত্য চ মহাবাহুর্দুর্যোধনমথাব্রবীৎ॥ 8-22-38 (55950)
কর্ণ উবাচ। 8-22-39x (4875)
অদ্য রাজন্সমেষ্যামি পাণ্ডবেন যশস্বিনা।
নিহনিষ্যামি তং বীরং স বা মাং নিহনিষ্যতি॥ 8-22-39 (55951)
বহুৎবান্মম কার্যাণাং তথা পার্থস্য ভারত।
নাভূৎসমাগমো রাজন্মম চৈবার্জুনস্য চ॥ 8-22-40 (55952)
ইদং তু মে যথাপ্রজ্ঞং শৃণু বাক্যং বিশাম্পতে।
অনিহত্য রণে পার্থং নাহমেষ্যামি ভারত॥ 8-22-41 (55953)
হতপ্রবীরে সৈন্যেঽস্মিন্ময়ি চাবস্থিতে যুধি।
অভিয়াস্যতি মাং পার্থঃ শক্রশক্তিবিনাকৃতম্॥ 8-22-42 (55954)
ততঃ শ্রেয়স্করং যচ্চ তন্নিবোধ জনেশ্বর।
আয়ুধানাং চ মে বীর্যং দিব্যানামর্জুনস্য চ॥ 8-22-43 (55955)
কার্যস্য মহতো ভেদে লাঘবে দূরপাতনে।
সৌষ্ঠবে চাস্ত্রপাতে চ সব্যসাচী ন মৎসমঃ॥ 8-22-44 (55956)
প্রাণে শৌর্যেঽথ বিজ্ঞানে বিক্রমে চাপি ভারত।
নিমিত্তজ্ঞানয়োগে চ সব্যসাচী ন মৎসমঃ॥ 8-22-45 (55957)
সর্বায়ুধমহামাত্রং বিজয়ং নাম তদ্বনুঃ।
ইন্দ্রার্থং প্রিয়কামেন নির্মিতং বিশ্বকর্মণা॥ 8-22-46 (55958)
যেন দৈত্যগণান্রাজঞ্জিতবান্বৈ শতক্রতুঃ।
যস্য ঘোষেণ দৈত্যানাং ব্যামুহ্যন্ত দিশো দশ॥ 8-22-47 (55959)
তদ্ভার্গবায় প্রায়চ্ছচ্ছক্রঃ পরমসম্মতম্।
তদ্দিব্যং ভার্গবো মহ্যমদদদ্বনুরত্তমম্॥ 8-22-48 (55960)
তেন যোৎস্যে মহাবাহুমর্জুনং জয়তাং বরম্।
যথেন্দ্রঃ সমরে সর্বান্দৈতেয়ান্বৈ সমাগতান্।
`নিজঘান তথা সর্বাঞ্জেষ্যামি যুধি পাণ্ডবান্'॥ 8-22-49 (55961)
ধনুর্ঘোরং রামদত্তং গাণ্ডীবাত্তদ্বিশিষ্যতে।
ত্রিস্সপ্তকৃৎবঃ পৃথিবী ধনুষা যেন নির্জিতা॥ 8-22-50 (55962)
ধনুষো হ্যস্য কর্মাণি দিব্যানি প্রাহ ভার্গবঃ।
তদ্রামো হ্যদদন্মহ্যং তেন যোৎস্যামি পাণ্ডবম্॥ 8-22-51 (55963)
অদ্য দুর্যোধনাহং ৎবাং নন্দয়িষ্যে সবান্ধবম্।
নিহত্য সমরে বীরমর্জুনং জয়তাং বরম্॥ 8-22-52 (55964)
সপর্বতবনদ্বীপা হতবীরা সসাগরা।
পুত্রপৌত্রপ্রতিষ্ঠা তে ভবিষ্যত্যদ্য পার্থিব॥ 8-22-53 (55965)
নাশক্যং বিদ্যতে মেঽদ্য ৎবৎপ্রিয়ার্থং বিশেষতঃ।
সম্যগ্ধর্মানুরক্তস্য সিদ্বিরাত্মবতো যথা॥ 8-22-54 (55966)
ন হি মে বিক্রমং সোঢুং স শক্তোঽগ্নিং তরুর্যথা।
অবশ্যং তু ময়া বাচ্যং যেন হীনোঽস্মি ফল্গুনাৎ॥ 8-22-55 (55967)
জ্যা তস্য ধনুষো দিব্যা তথাঽক্ষয়্যে মহেষুধী।
সারথিস্তস্য গোবিন্দো মম তাদৃঙ্গ বিদ্যতে॥ 8-22-56 (55968)
তস্য দিব্যং ধনুঃ শ্রেষ্ঠং গাণ্ডীবমজিতং যুধি।
বিজয়ং চ মহদ্দিব্যং মমাপি ধনুরুত্তমম্॥ 8-22-57 (55969)
তত্রাহমধিকঃ পার্থাদ্বনুষা তেন পার্থিব।
যেন চাপ্যধিকো বীরঃ পাণ্ডবস্তন্নিবোধ মে॥ 8-22-58 (55970)
রশ্মিগ্রাহশ্চ দাশার্হঃ সর্বলোকনমস্কৃতঃ।
অগ্নিদত্তশ্চ বৈ দিব্যো রথঃ কাঞ্চনভূষণঃ॥ 8-22-59 (55971)
অচ্ছেদ্যাঃ সর্বতো বীর বাজিনশ্চ মনোজবাঃ।
ধ্বজশ্চ দিব্যো দ্যুতিমান্বানরোপি ভয়ঙ্করঃ॥ 8-22-60 (55972)
কৃষ্ণশ্চ জগতঃ স্রষ্টা রথং তমভিরক্ষতি।
এভিস্ত্রিভিরহং হীনো যুদ্বুমিচ্ছামি পাণ্ডবম্॥ 8-22-61 (55973)
অয়ং তু সদৃশঃ শৌরেঃ শল্যঃ সমিতিশোভনঃ।
সারথ্যং যদি মে কুর্যাদ্দ্রুবস্তে বিজয়ো ভবেৎ॥ 8-22-62 (55974)
তস্য মে সারথিঃ শল্যো ভবৎবসুকরঃ পরৈঃ।
নারাচান্গার্ধ্রপত্রাংশ্চ শকটানি বহন্তু মে॥ 8-22-63 (55975)
রথাশ্চ মুখ্যা রাজেন্দ্র যুক্তা বাজিভিরুত্তমৈঃ।
আয়ান্তু পশ্চাৎসততং মামেব ভরতর্ষভ॥ 8-22-64 (55976)
এবমভ্যধিকঃ পার্থাদ্ভবিষ্যামি গুণৈরহম্।
শল্যোপ্যভ্যধিকঃ কৃষ্ণাদর্জুনাদপিচাপ্যহম্॥ 8-22-65 (55977)
যথাঽশ্বহৃদয়ং বেদ দাশার্হঃ পরবীরহা।
তথা শল্যো বিজানীতে হয়জ্ঞানং মহারথঃ॥ 8-22-66 (55978)
বাহুবীর্যে সমো নাস্তি মদ্ররাজস্য কশ্চন।
তথাঽস্ত্রে মৎসমো নাস্তি কশ্চিদেব ধনুর্ধরঃ॥ 8-22-67 (55979)
তথা শল্যসমো নাস্তি হয়জ্ঞানে হি কশ্চন।
সোঽয়মভ্যধিকঃ কৃষ্ণাদ্ভবিষ্যতি রথো মম॥ 8-22-68 (55980)
এবং কৃতে রথস্থোঽহং গুণৈরভ্যধিকোঽর্জুনাৎ।
বিজয়েয়মহং সঙ্খ্যে ফল্গুনং কুরুসত্তম॥ 8-22-69 (55981)
সমুদ্যাতুং ন শক্ষ্যন্তি দেবা অপি সবাসবাঃ।
এতৎকৃতং মহারাজ ৎবয়েচ্ছামি পরন্তপ॥ 8-22-70 (55982)
ক্রিয়তামেষ কামো মে মা বঃ কালোঽত্যগাদয়ম্।
এবং কৃতে কৃতং মহ্যং ৎবয়া সর্বং ভবিষ্যতি॥ 8-22-71 (55983)
ততো দ্রক্ষ্যসি সঙ্গ্রামে যৎকরিষ্যামি ভারত।
সর্বথা পাণ্ডবান্সঙ্খ্যে বিজেষ্যে বৈ সমাগতান্॥ 8-22-72 (55984)
ন হি মে সমরে শক্তাঃ সমুদ্যাতুং সুরাসুরাঃ।
কিমু পাণ্ডুসুতা রাজন্রণে মানুষয়োনয়ঃ॥ 8-22-73 (55985)
সঞ্জয় উবাচ। 8-22-74x (4876)
এবমুক্তস্তব সুতঃ কর্ণেনাহবশোভিনা।
সম্পূজ্য সম্প্রহৃষ্টাত্মা ততো রাধেয়মব্রবীৎ॥ 8-22-74 (55986)
দুর্যোধন উবাচ। 8-22-75x (4877)
এবমেতৎকরিষ্যামি যথা ৎবং কর্ণ মন্যসে।
সোপাসঙ্গা রথাঃ সাশ্বাঃ স্বনুয়াস্যন্তি সংয়ুগে॥ 8-22-75 (55987)
নারাচান্গার্ধ্রপত্রাংশ্চ শকটানি বহন্তু তে।
অনুয়াস্যাম কর্ণ ৎবাং বয়ং সর্বে চ পার্থিবাঃ॥ 8-22-76 (55988)
সঞ্জয় উবাচ। 8-22-77x (4878)
এবমুক্ৎবা মহারাজ তব পুত্রঃ প্রতাপবান্।
অভিগম্যাব্রবীদ্রাজা মদ্ররাজমিদং বচঃ॥ ॥ 8-22-77 (55989)
ইতি শ্রীমন্মহাভারতে কর্ণপর্বণি দ্বাবিংশোঽধ্যায়ঃ॥ 22 ॥
Mahabharata - Karna Parva - Chapter Footnotes
॥ শ্রীঃ ॥
8.23. অধ্যায়ঃ 023
Mahabharata - Karna Parva - Chapter Topics
দুর্যোধনপ্রার্থনয়া শল্যেন কৃচ্ছ্রাৎকর্ণরথসারথ্যকরণাক্ষ্যুপগমঃ॥ 1 ॥
Mahabharata - Karna Parva - Chapter Text
8-23-0 (55990)
সঞ্জয় উবাচ। 8-23-0x (4879)
এবমুক্তো মহারাজ তব পুত্রঃ প্রতাপবান্।
মদ্রেশ্বরং প্রতি রণে সুরসৈন্যভয়ঙ্করম্।
সর্বং তথাঽকরোত্তূর্ণং রাধেয়স্তদ্যথাঽব্রবীৎ॥ 8-23-1 (55991)
মদ্রাজং চ সমরে প্রণম্য চ মহারথম্।
বিনয়েনোপসঙ্গম্য প্রণয়াদ্বাক্যমব্রবীৎ॥ 8-23-2 (55992)
সত্যব্রত মহাভাগ দ্বিষতাং তাপবর্ধন।
মদ্রেশ্বর রণেশূর পরসৈন্যভয়ঙ্কর॥ 8-23-3 (55993)
`মৎপ্রিয়ার্থং হিতার্থং চ তথা পার্থবধায় চ'।
শ্রুতবানসি কর্ণস্য ব্রুবতো বদতাং বর।
যথা নৃপতিসিংহানাং মধ্যে ৎবাং বরয়ে স্বয়ম্॥ 8-23-4 (55994)
তত্ৎবামপ্রতিবীর্যাদ্য শত্রুপক্ষক্ষয়াবহ।
মদ্রেশ্বর প্রয়াচেঽহং শিরসা বিনয়েন চ॥ 8-23-5 (55995)
তস্মাৎপার্থবিনাশার্থং হিতার্থং মম চৈব হি।
ৎবং পাহি সর্বতঃ কর্ণং ভবং ব্রহ্মেব সুব্রত॥ 8-23-6 (55996)
সারথ্যং রথিনাং শ্রেষ্ঠ প্রণয়াৎকর্তুমর্হসি।
ৎবয়ি যন্তরি রাধেয়ো বিদ্বিষো মে বিজেষ্যতে॥ 8-23-7 (55997)
অভীষূণাং হি কর্ণস্য গ্রহীতান্যো ন বিদ্যতে।
ঋতে হি ৎবাং মহাভাগ বাসুদেবসমং যুধি॥ 8-23-8 (55998)
স পাহি সর্বথা কর্ণং যথা ব্রহ্মা মহেশ্বরম্।
যথা চ সর্বথাঽঽপৎসু বার্ষ্ণেয়ঃ পাতি পাণ্ডবম্।
তথা মদ্রেশ্বরাদ্য ৎবং রাধেয়ং প্রতিপালয়॥ 8-23-9 (55999)
ভীষ্মো দ্রোণঃ কৃপঃ কর্ণো ভবান্ভোজশ্চ বীর্যবান্।
শকুনিঃ সৌবলো দ্রৌণিরহমেব চ নো বলম্॥ 8-23-10 (56000)
এবমেষ কৃতো ভাগো নবধা পৃথিবীপতে।
ন চ ভাগোঽত্র ভীষ্মস্য দ্রোণস্য চ মহাত্মনঃ॥ 8-23-11 (56001)
তাভ্যামতীত্য তৌ ভাগৌ নিহতা মম শত্রবঃ।
বৃদ্বৌ হি তৌ মহেষ্বাসৌ ছলেন নিহতৌ যুধি॥ 8-23-12 (56002)
কৃৎবা চাসুকরং কর্ম গতৌ স্বর্গমিতোঽনঘ।
তথান্যে পুরুষব্যাঘ্রাঃ পরৈর্বিনিহতা যুধি॥ 8-23-13 (56003)
অস্মদীয়াশ্চ বহবঃ স্বর্গায় গমিতাঃ পরৈঃ।
ত্যক্ৎবা প্রাণানয়্থাশক্তি চেষ্টাং কৃৎবা চ পুষ্কলাম্। 8-23-14 (56004)
তদিদং হতভূয়িষ্ঠং বলং মম নরাধিপ।
পূর্বমপ্যল্পকৈঃ পার্থৈর্হতং কিমুত সাম্প্রতম্॥ 8-23-15 (56005)
বলবন্তো মহাত্মানঃ কৌন্তেয়াঃ সত্যবিক্রমাঃ।
বলং শেষং ন হন্যুর্মে যথা তৎকুরু পার্থিব॥ 8-23-16 (56006)
হতবীরমিদং সৈন্যং পাণ্ডবৈঃ সমরে বিভো।
কর্ণো হ্যেকো মহাবাহুরস্মৎপ্রিয়হিতে রতঃ॥ 8-23-17 (56007)
ভবাংশ্চ পুরুষব্যাঘ্র সর্বলোকমহারথঃ।
শল্য কর্ণোঽর্জুনেনাদ্য যোদ্বুমিচ্ছতি সংয়ুগে॥ 8-23-18 (56008)
তস্মিঞ্জয়াশা বিপুলা মদ্ররাজ নরাধিপ।
তস্যাভীষুগ্রহবরো নান্যোঽস্তি ভুবি কশ্চন॥ 8-23-19 (56009)
পার্থস্য সমরে কৃষ্ণো যথাঽভীষুগ্রহো বরঃ।
তথা ৎবমপি কর্ণস্য রথেঽভীষুগ্রহো ভব॥ 8-23-20 (56010)
তেন যুক্তো রণে পার্থো রক্ষ্যমাণশ্চ পার্থিব।
যানি কর্মাণি কুরুতে প্রত্যক্ষাণি তথৈব তৎ॥ 8-23-21 (56011)
পূর্বং নঃ সমরে হ্যেবমধীদর্জুনো রিপূন্।
ইদানীং বিক্রমো হ্যস্য কৃষ্ণেন সহিতস্য চ॥ 8-23-22 (56012)
কৃষ্ণেন সহিতঃ পার্থো ধার্তরাষ্ট্রীং মহাচমূম্।
অহন্যহনি মদ্রেশ দ্রাবয়ন্দৃশ্যতে যুধি॥ 8-23-23 (56013)
ভাগোঽবশিষ্টঃ কর্ণস্য তব চৈব মহাদ্যুতে।
তং ভাগং সহ কর্ণেন যুগপন্নাশয়াদ্য হি॥ 8-23-24 (56014)
অরুণেন যথা সার্ধং তমঃ সূর্যো ব্যপোহতি।
তথা কর্ণেন সহিতো জহি পার্থং মহাহবে॥ 8-23-25 (56015)
উদ্যন্তৌ চ যথা সূর্যৌ বালসূর্যসমপ্রভৌ।
কর্ণশল্যৌ রণে দৃষ্ট্বা বিদ্রবন্তু মহারথাঃ॥ 8-23-26 (56016)
সূর্যারুষৌ যথা দৃষ্ট্বা তমো নশ্যতি মারিষ।
তথা নশ্যন্তু কৌন্তেয়াঃ সপাঞ্চালাঃ সসৃঞ্জয়াঃ॥ 8-23-27 (56017)
রথিনাং প্রবরঃ কর্ণো যন্তৄণাং প্রবরো ভবান্।
সংয়োগো যুবয়োর্লোকে নাভূন্ন চ ভবিষ্যতি॥ 8-23-28 (56018)
যথা সর্বাস্ববস্থাসু বার্ষ্মেয়ঃ পাতি পাণ্ডবম্।
তথা ভবান্পরিত্রাতু কর্ণং বৈকর্তনং রণে।
`সারথ্যং ক্রিয়তাং তস্য যুধ্যমানস্য সংয়ুগে॥ 8-23-29 (56019)
যথা চ সমরে কৃষ্ণো রক্ষতে সর্বতোঽর্জুনম্।
তথা ৎবমপি রাধেয়ং রক্ষস্ব চ মহারণে'॥ 8-23-30 (56020)
ৎবয়া সারথিনা হ্যেষ অপ্রধৃষ্যো ভবিষ্যতি।
দেবতানামপি রণে সশক্রাণাং মহীপতে।
কিং পুনঃ পাণ্ডবেয়ানাং মা বিশঙ্কীর্বচো মম॥ 8-23-31 (56021)
সঞ্জয় উবাচ। 8-23-32x (4880)
দুর্যোধনবচঃ শ্রুৎবা শল্যঃ ক্রোধসমন্বিতঃ।
`ধার্তরাষ্ট্রমথোবাচ সৃক্বিণী পরিলেলিহন্'॥ 8-23-32 (56022)
ত্রিশিখাং ভ্রুকুটিং কৃৎবা ধুন্বন্হস্তৌ পুনঃপুনঃ।
ক্রোধরক্তে মহানেত্রে পরিবৃত্য মহাভুজঃ।
কুলৈশ্বর্যশ্রুতবলৈর্দৃপ্তঃ শল্যোঽব্রবীদিদম্॥ 8-23-33 (56023)
শল্য উবাচ। 8-23-34x (4881)
ন মামর্হসি রাজেদ্র নিয়োক্তুং কর্মণীদৃশে।
ন হি পাপীয়সঃ শ্রেয়ান্প্রেষ্যৎবং কর্তুমর্হতি॥ 8-23-34 (56024)
যো হ্যভ্যুপগতং মিত্রং গরীয়াংসং বিশেষতঃ।
বশে পাপীয়সো ধত্তে তৎকার্যমধরোত্তরম্॥ 8-23-35 (56025)
ব্রহ্মণা ব্রাহ্মণাঃ সৃষ্টা মুখাৎক্ষত্রং চ বাহুতঃ।
ঊরুভ্যামথ বৈশ্যা বৈ শূদ্রাঃ পদ্ভ্যামিতি শ্রুতিঃ॥ 8-23-36 (56026)
তেভ্যো বর্ণবিশেষাশ্চ প্রতিলোমানুলোমজাঃ।
অথান্যোন্যস্য সংয়োগাচ্চাতুর্বর্ণ্যস্য ভারত॥ 8-23-37 (56027)
গোপ্তারঃ সঙ্গৃহীতারো দাতারঃ ক্ষত্রিয়াঃ স্মৃতাঃ॥ 8-23-38 (56028)
যাজনাধ্যাপনৈর্বিপ্রা বিশুদ্বৈশ্চ প্রতিগ্রহৈঃ।
লোকস্যানুগ্রহার্থায় স্থাপিতা ব্রাহ্মণা ভুবি॥ 8-23-39 (56029)
কৃষিশ্চ পাশুপাল্যং চ বিশাং দানং চ ধর্মতঃ।
ব্রহ্মক্ষত্রবিশাং শূদ্রা বিহিতাঃ পরিচারকাঃ॥ 8-23-40 (56030)
ব্রহ্মক্ষত্রস্য বিহিতাঃ সূতা বৈ পরিচারকাঃ।
ন ক্ষত্রিয়ো বৈ সূতানাং শৃণুয়াচ্চ কথঞ্চন॥ 8-23-41 (56031)
অহং মূর্ধাভিষিক্তো হি রাজর্ষিকুলজো নৃপঃ।
মহারথসমাখ্যাতঃ সেব্যঃ স্তুত্যশ্চ বন্দিনাং॥ 8-23-42 (56032)
সোঽমহেতাদৃশো ভূৎবা নেহারিবলসূদনঃ।
সূতপুত্রস্য সঙ্গ্রামে সারথ্যং কর্তুমুৎসহে॥ 8-23-43 (56033)
অবমন্যসে মাং গান্ধারে ধ্রুবং চাপ্যতিশঙ্কসে।
যস্মাদ্ব্রবীষি বিস্রব্ধঃ সারথ্যং ক্রিয়তামিতি॥ 8-23-44 (56034)
অস্মত্তোঽভ্যধিকং কর্ণং মন্বানস্তং প্রশংসসি।
ন চাহং যুধি রাধেয়ং গণয়ে তুল্যমাত্মনঃ॥ 8-23-45 (56035)
আদিশ্যতামভ্যধিকো মমাংশঃ পৃথিবীপতে।
তমহং সমরে হৎবা গমিষ্যামি যথাগতম্॥ 8-23-46 (56036)
অথবাপ্যেক এবাহং যোৎস্যামি তব শত্রুভিঃ।
পশ্য বীর্যং মমাদ্য ৎবং সঙ্গ্রামে দহতো রিপূন্॥ 8-23-47 (56037)
ন চাপি কামান্কৌরব্য নিধায় হৃদয়ে পুমান্।
অস্মদ্বিধঃ প্রবর্তেত মা মা ৎবমতিশঙ্কিথাঃ॥ 8-23-48 (56038)
অপি চাপ্যবমানো মে ন কর্তব্যঃ কথঞ্চন।
পশ্য ভীমৌ মম ভুজৌ বজ্রসংহননৌ দৃঢৌ॥ 8-23-49 (56039)
ধনুঃ পশ্য চ মে চিত্রং শরাংশ্চাশীবিষপমান্।
রথং চ পশ্য মে চিত্রং সদশ্বৈর্বাতবেগিভিঃ॥ 8-23-50 (56040)
গদাং চ পশ্য গান্ধারে হেমপট্টবিভূষিতাম্।
দারয়েয়ং মহীং ক্রুদ্ধো বিকিরেয়ং চ পর্বতান্।
শোষয়েয়ং সমুদ্রাংশ্চ পাতয়েয়ং চ ভাস্করম্॥ 8-23-51 (56041)
তং মামেবংবিধং রাজন্সমর্থমরিনিগ্রহে।
কস্মাদ্যুনঙ্ক্ষি সারথ্যে সূতস্যাধিরথেস্তু মাম্॥ 8-23-52 (56042)
ন চাপি মম রাধেয়ঃ কলামর্হতি ষোডশীম্॥ 8-23-53 (56043)
সকর্ণা যে ত্রয়ো লোকাঃ সার্জুনাঃ সজনার্দনাঃ।
নিবদ্বাংস্তন্ত্রণে রাজন্ন গণেয়ং কথঞ্চন॥ 8-23-54 (56044)
ন চাহং প্রাকৃতঃ কশ্চিন্ন চাস্ম্যধিগতঃ স্বয়ম্।
অয়ং চাপ্যবমানো মে ন কর্তব্যঃ কথঞ্চন॥ 8-23-55 (56045)
আপৃচ্ছে ৎবাদ্য গান্ধারে যাস্যামি বিষয়ং প্রতি।
ন চাহং সূতপুত্রস্য সারথ্যমুপজগ্মিবান্॥ 8-23-56 (56046)
অবমানমহং প্রাপ্য ন যোৎস্যামি কথঞ্চন।
আপৃচ্ছে ৎবাঽদ্য গান্ধারে গমিষ্যামি গৃহায় বৈ॥ 8-23-57 (56047)
সঞ্জয় উবাচ। 8-23-58x (4882)
এবমুক্ৎবা মহারাজ শল্যঃ সমিতিশোভনঃ।
উত্থায় প্রয়যৌ তূর্ণং রাজমধ্যাদমর্ষিতঃ॥ 8-23-58 (56048)
প্রণয়াদ্বহুমানাচ্চ তং নিগৃহ্য সুতস্তব।
অব্রবীন্মধুরং বাক্যং সাম্না সর্বার্থসাধকম্॥ 8-23-59 (56049)
যথা শল্য ৎবমাত্থেদমেবমেতদসংশয়ম্।
অভিপ্রায়স্তু মে কশ্চিত্তং নিবোধ জনেশ্বর॥ 8-23-60 (56050)
ন কর্ণোঽভ্যধিকস্ৎবত্তো ন চান্যে চৈব পার্থিবাঃ।
ন চ মদ্রেশ্বর ৎবাং বৈ কৃষ্ণঃ সোঢুং চ শক্ষ্যতি॥ 8-23-61 (56051)
ঋতমেব হি পূর্বাস্তে বদন্তি পুরুষোত্তমাঃ।
তস্মাদার্তায়নিঃ প্রোক্তো ভবানিতি মতির্মম॥ 8-23-62 (56052)
শল্যবূতস্তু শত্রূণাং যস্মাত্ৎবং যুধি মানদ।
তস্মাচ্ছল্যেতি তে নাম কথ্যতে পৃথিবীতলে॥ 8-23-63 (56053)
যদেতদ্ব্যাহৃতং পূর্বং ভবতা ভূরিদক্ষিণ।
তদেব কুরু ধর্মজ্ঞ মদর্থং যদ্যদুচ্যতে॥ 8-23-64 (56054)
ন চ ৎবত্তো হি রাধেয়ো ন চাহমপি বীর্যবান্।
বৃণেঽহং ৎবাং হয়াগ্র্যাণাং যন্তারমিহ সংয়ুগে॥ 8-23-65 (56055)
মন্যে চাভ্যধিকং শল্য গুণৈঃ কর্ণং ধনঞ্জয়াৎ।
ভবন্তং বাসুদেবাচ্চ লোকোঽয়মতিমন্যতে॥ 8-23-66 (56056)
কর্ণো হ্যভ্যধিকঃ পার্থাদস্ত্রৈরেব নরর্ষভ।
ভবানভ্যধিকঃ কৃষ্ণাদশ্বজ্ঞানে বলে তথা॥ 8-23-67 (56057)
যথাঽশ্বহৃদয়ং বেদ বাসুদেবো মহামনাঃ।
দ্বিগুণং ৎবং তথা বেৎসি মদ্ররাজেশ্বরাত্মজ॥ 8-23-68 (56058)
শল্য উবাচ। 8-23-69x (4883)
যন্মাং ব্রবীষি গান্ধারে মধ্যে সৈন্যস্য কৌরব।
বিশিষ্টং দেবকীপুত্রাৎপ্রীতিমানস্ম্যহং ৎবয়ি॥ 8-23-69 (56059)
এষ সারথ্যমাতিষ্ঠে রাধেয়স্য যশস্বিনঃ।
যুধ্যতঃ পাণ্ডবাগ্র্যেণ যথা ৎবং বীর মন্যসে॥ 8-23-70 (56060)
সময়শ্চ হি মে বীর কশ্চিদ্বৈকর্তনং প্রতি।
উৎসৃজেয়ং যথাশ্রদ্বমহং বাচোঽস্য সন্নিধৌ॥ 8-23-71 (56061)
সঞ্জয় উবাচ। 8-23-72x (4884)
তথেতি রাজন্পুত্রস্তে সহ কর্ণেন ভারত। 8-23-72 (56062)
অব্রবীন্মদ্ররাজস্য মতং ভরতসxxxx॥ ॥ 8-23-72 (56063)
ইতি শ্রীমন্মহাভারতে কর্ণপর্বণি ত্রয়োবিংশোঽধ্যায়ঃ॥ 23 ॥
Mahabharata - Karna Parva - Chapter Footnotes
॥ শ্রীঃ ॥
8.24. অধ্যায়ঃ 024
Mahabharata - Karna Parva - Chapter Topics
দুর্যোধনেন শল্যম্প্রতি ত্রিপুরাসুরকথাকথনারম্ভঃ॥ 1 ॥ ত্রিপুরাসুরোপদ্রুতৈর্দেবৈঃ স্তুল্যা রুদ্রপ্রসাদনম্॥ 2 ॥
Mahabharata - Karna Parva - Chapter Text
8-24-0 (56064)
দুর্যোধন উবাচ। 8-24-0x (4885)
ভূয় এব তু মদ্রেশ যত্ৎবা বক্ষ্যামি তচ্ছৃণু।
যথা পুরাবৃত্তমিদং যুদ্ধে দেবাসুরে প্রভো॥ 8-24-1 (56065)
যদুক্তবান্পিতুর্মহ্যং মার্কণ্ডেয়ো মহাতপাঃ।
ব্রুবতস্তদশেষেণ মম রাজর্ষিসত্তম।
নিবোধ মনসা চাত্র ন তে কার্যা বিচারণা॥ 8-24-2 (56066)
`সমুৎপন্নো হি রাজানঃ প্রমোহ ইতি নিশ্চয়ম্।
কৃৎবা চৈব ব্যবস্যন্তি সর্বে ধর্মার্থনিশ্চয়ান্॥ 8-24-3 (56067)
দেবানামসুরাণাং চ মহানাসীৎসমুচ্ছ্রয়ঃ।
সৈংহিকেয়াস্তদোদ্বৃত্তা বিবুধানবসূদয়ন্।
তে নিরস্তঃ কৃতা দেবৈর্দানবা বলগর্বিতাঃ'॥ 8-24-4 (56068)
তত্রাসীৎপ্রথমো রাজন্সঙ্গ্রামস্তারকাময়ঃ।
নির্জিতাশ্চ ততো দৈত্যা দৈবতৈরিতি নঃ শ্রুতিঃ॥ 8-24-5 (56069)
ভগ্নদর্পা নিরুৎসাহাঃ পাতালং বিবিশুস্তদা॥ 8-24-6 (56070)
নির্জিতেষু চ দৈত্যেষু তারকস্য সুতাস্ত্রয়ঃ।
তারাক্ষঃ কমলাক্ষশ্চ বিদ্যুন্মালী চ পার্থিব॥ 8-24-7 (56071)
তপ উগ্রং সমাস্থায় নিয়মে পরমে স্থিতাঃ।
তপসা কর্ণয়ামাসুর্দেহাংস্তাঞ্শত্রুকর্শনাঃ॥ 8-24-8 (56072)
দমেন তপসা চৈব নিয়মেন সমাধিনা।
তেষাং পিতামহঃ প্রীতো বরদঃ প্রদদৌ বরম্॥ 8-24-9 (56073)
অবধ্যৎবং চ তে সর্বে সর্বভূতেষু সর্বদা।
সহিতা বরয়ামাসঃ সর্বলোকপিতামহম্॥ 8-24-10 (56074)
তানব্রবীত্তদা দেবঃ সর্বলোকগুরুঃ প্রভুঃ।
নাস্তি সর্বামরৎবং বৈ নিবর্তধ্বমিতোঽসুরাঃ।
অন্যং বরং বৃণীধ্বং বৈ রোচতে যাদৃশো হি বঃ॥ 8-24-11 (56075)
ততস্তে সহিতা রাজন্সম্প্রধার্যাসকৃদ্বহুঃ।
সর্বলোকেশ্বরং বাক্যং প্রণম্যৈনমথাঽব্রুবন্॥ 8-24-12 (56076)
বস্তুমিচ্ছাম নগরং কর্তুং কামগমং শুভম্।
সর্বকামসমৃদ্বার্থমবধ্যং দেবদানবৈঃ॥ 8-24-13 (56077)
যক্ষরক্ষোরগগণৈর্নানাজাতিভিরেব চ।
ন কৃত্যাভির্ন শস্ত্রৈশ্চ ন শাপৈর্ব্রহ্মবাদিনাম্।
বধ্যেত ত্রিপুরং দেব প্রয়চ্ছেঃ প্রপিতামহ॥ 8-24-14 (56078)
বয়ং পুরাণি ত্রীণ্যেব সমাস্থায় মহীমিমাম্।
বিচরিষ্যাম লোকেঽস্মিংস্ৎবৎপ্রসাদপুরস্কৃতাঃ॥ 8-24-15 (56079)
ততো বর্ষসহস্রেষু সমেষ্যামঃ পরস্পরম্।
একীভাবং গভিষ্যন্তি পুরাণ্যেতানি চানঘ॥ 8-24-16 (56080)
সমাগতানি চৈতানি যো হন্যাদ্ভগবাংস্তদা।
একেষুণা দেববরঃ স নো মৃত্যুর্ভবিষ্যতি॥ 8-24-17 (56081)
দুর্যোধন উবাচ। 8-24-18x (4886)
তেষাং তদ্বচনং শ্রুৎবা দানবানাং পিতামহঃ।
এবমস্ৎবিতি তান্দেবঃ প্রত্যুক্ৎবা প্রাবিশদ্দিবম্॥ 8-24-18 (56082)
তে তু লব্ধবরাঃ প্রীতাঃ সম্প্রধার্য পরস্পরম্।
পুরত্রয়বিসৃষ্ট্যর্থং ময়ং বব্রুর্মহারথাঃ।
বিশ্বকার্মাণমজরং দৈত্যদানবপূজিতম্॥ 8-24-19 (56083)
ততো ময়ঃ স্বতপসা চক্রে ধীমান্পুরাণি চ।
ত্রীণি কাঞ্চনমেকং বৈ রৌপ্যং কার্ষ্ণায়সং তথা॥ 8-24-20 (56084)
কাঞ্চনং দিবি তত্রাসীদন্তরিক্ষে চ রাজতম্।
আয়সং চাভবদ্ভৌমং তদা তেষাং পরন্তপ॥ 8-24-21 (56085)
একৈকং যোজনশতং বিস্তৃতং তাবদায়তম্।
দৃঢং চাট্টালকয়ুতং বৃহৎপ্রাকারতোরণম্॥ 8-24-22 (56086)
গৃহপ্রবরসম্বাধমসম্বাধমহাপথম্।
প্রাসাদৈর্বিবিধৈশ্চাপি দ্বারৈশ্চৈবোপশোভিতম্॥ 8-24-23 (56087)
ত্রিপুরং তেষু চাপ্যাসন্রাজানো বৈ পৃথক্পৃথক্।
দিব্যমাল্যাম্বরধরা দৈতেয়া রাজসত্তম॥ 8-24-24 (56088)
কাঞ্চনং তারকাক্ষস্য দিব্যমাসীন্মহাত্মনঃ।
রাজতং কমলাক্ষস্য বিদ্যুন্মালিন আয়সম্॥ 8-24-25 (56089)
ত্রয়স্তে দৈত্যরাজানস্ত্রীঁল্লোকানাশু তেজসা।
আক্রম্য তস্থুরূচুশ্চ কশ্চ নাম প্রজাপতিঃ॥ 8-24-26 (56090)
তেষাং দানবমুখ্যানাং প্রয়ুতান্যর্বুদানি চ।
কোট্যাশ্চাপ্রতিবীরাণাং সমাজগ্মুস্ততস্ততঃ॥ 8-24-27 (56091)
মাংসাশিনঃ সুদৃপ্তাশ্চ সুরৈর্বিনিকৃতাঃ পুরা।
মহদৈশ্বর্যমিচ্ছন্তস্ত্রিপুরং দুর্গমাশ্রিতাঃ॥ 8-24-28 (56092)
সর্বেষাং চ পুনশ্চৈষাং সর্বয়োগবহো ময়ঃ।
তমাশ্রিত্য হি তে সর্বেঽবর্তয়ন্নকুতোভয়াঃ॥ 8-24-29 (56093)
যো হি যং মনসা কামং দধ্যৌ ত্রিপুরসংশ্রয়ঃ।
তস্মৈ তস্মৈ ময়স্তং তং বিদধে মায়যা তদা॥ 8-24-30 (56094)
তারকাক্ষসুতশ্চাসীদ্বরির্নাম মহাবলঃ।
তপস্তেপে পরমকং যেনাতুষ্যৎপিতামহঃ॥ 8-24-31 (56095)
সন্তুষ্টমবৃণোদ্দেবং বাপী ভবতুঃ নঃ পুরে।
শস্ত্রৈর্বিনিহতা যত্র ক্ষিপ্তাঃ স্যুর্বলবত্তরাঃ॥ 8-24-32 (56096)
স তু লব্ধ্বা বরং বীরস্তারকাক্ষসুতো হরিঃ।
সসৃজে তত্র বাপীং তাং মৃতসঞ্জীবিনীং প্রভো॥ 8-24-33 (56097)
যেন রূপেণ যো দৈত্যো যেন বেষেণ চাপ্যথ।
ক্ষিপ্যতে নিহতো বাপ্যাং তাদৃশেনৈব জায়তে।
সম্পূর্ণবলবীর্যস্তু রাজঞ্ছৌর্যসমন্বিতঃ॥ 8-24-34 (56098)
এবং বীর্যেণ সংয়ুক্তাং কৃতাং তেন মহাত্মনা।
তাং প্রাপ্য ত্রৈপুরা বাপীং লোকান্সর্বান্ববাধিরে॥ 8-24-35 (56099)
মহতা তপসা সিদ্ধাঃ সুরাণাং ভয়বর্ধনাঃ।
একস্মিন্নিহতে দৈত্যে সৃজন্তি স্ম দশাসুরান্।
ন তেষাং বিদ্যতে যুদ্বে ক্ষয়ো রাজন্কথঞ্চন॥ 8-24-36 (56100)
ততস্তে লোভমোহাভ্যামভিভূতা বিচেতসঃ।
নির্ভীকাঃ সহিতাঃ সর্বে স্থাপিতাঃ সমলোলুপাঃ॥ 8-24-37 (56101)
বিদ্রাব্য সগণান্দেবাংস্তত্রতত্র তদাতদা।
বিচেরুঃ স্বেন কামেন বরদানেন দর্পিতাঃ॥ 8-24-38 (56102)
দেবোদ্যানানি সর্বাণি স্থানানি চ দিবৌকসাম্।
ঋষীণামাশ্রমান্পুণ্যান্রম্যাঞ্চনপদাংস্তথা।
উৎসাদয়ন্ত মর্যাদাং দানবা দুষ্টচারিণঃ॥ 8-24-39 (56103)
নিঃস্থানাশ্চ কৃতা দেবা ঋষয়ঃ পিতৃভিঃ সহ।
দৈত্যৈস্ত্রিভিস্ত্রয়ো লোকা হ্যাক্রান্তাস্তৈঃ সুরেতরৈঃ॥ 8-24-40 (56104)
পীড্যমানেষু লোকেষু ততঃ শক্রো মরুদ্বৃতঃ।
পুরাণ্যায়োধয়াঞ্চক্রে বজ্রহস্তঃ সমন্ততঃ॥ 8-24-41 (56105)
নাশকত্তান্যভেদ্যানি যদা ভেত্তুং পুরন্দরঃ।
পুরাণি বরদত্তানি ধাত্রা তেন নরাধিপ॥ 8-24-42 (56106)
তদা ভীতঃ সুরপতির্মুক্ৎবা তানি পুরাণ্যথ।
তৈরেব বিবুধৈঃ সার্ধং পিতামহমরিন্দম।
জগামাথ তদাখ্যাতুং বিপ্রকারং সুরেতরৈঃ॥ 8-24-43 (56107)
তে তত্ৎবং সর্বমাখ্যায় শিরোভিঃ সম্প্রণম্য চ।
তদ্বধোপায়মাচক্ষ্ব ভগবন্নিতি চাব্রুবন্॥ 8-24-44 (56108)
শ্রুৎবা তদ্ভগবান্দেবো দেবানিদমুবাচ হ।
শ্রূয়তাং ত্রিদশাঃ সর্বে যথেদং বাক্যগৌরবম্॥ 8-24-45 (56109)
দুরাত্মানোঽসুরা নিত্যং তে চাপি বিবুধা মম।
ন শক্নুবন্তি তে (যে) সর্বে যুষ্মান্বৈ পীডয়ন্তি তে॥ 8-24-46 (56110)
অহং সমস্তু সর্বেষাং ভূতানাং নাত্র সংশয়ঃ।
অবিনীতা নিহন্তব্যা ইত্যেবং প্রব্রবীমি বঃ॥ 8-24-47 (56111)
একেষুণা (হি) বিভেদ্যানি তানি দুর্গাণি নান্যথা।
শক্তস্তু তানি বাণেন ভেত্তুং কামং ত্রিলোচনঃ॥ 8-24-48 (56112)
তে যূয়ং স্থাণুমীশানং জিষ্মুমক্লিষ্টকারিণম্।
যোদ্বারং বৃণুত ক্ষিপ্রং স তান্হন্তা সুরেতরান্॥ 8-24-49 (56113)
তে দেবাস্তেন বাক্যেন চোদিতাঃ প্রণতাঃ স্থিতাঃ।
দিব্যং বর্ষসহস্রং বৈ তপস্তপ্ৎবা সুরর্ষভাঃ।
শুভাত্মানো মহাত্মানো জগ্মুর্বৈ বৃষভধ্বজম্॥ 8-24-50 (56114)
ব্রহ্মাণমগ্রতঃ কৃৎবা শরণ্যং শরণাগতাঃ।
তপঃ পরমমাজগ্মুর্গৃণন্তো ব্রহ্ম শাশ্বতম্॥ 8-24-51 (56115)
অনঙ্গমথনং সর্বে ভবং সর্বাত্মনা গতাঃ।
দেবদেবং পরং স্থাণুং বরদং ত্র্যম্বকং শিবম্॥ 8-24-52 (56116)
শর্বমীড্যমজং রুদ্রং শশাঙ্কাঙ্কিতমূর্ধজম্।
তুষ্টুবুর্বাগ্ভিরুগ্রাভির্ভয়েষ্বভয়মচ্যুতম্।
সর্বাত্মানং মহাত্মানং যেনাপ্তং বিশ্বমাত্মনা॥ 8-24-53 (56117)
তপোবিশেষৈর্বিবিধৈর্যোগং যো বেদ চাত্মনঃ।
যঃ সাঙ্খ্যমাত্মনা বেত্তি যস্য চাত্মা বেশে সদা॥ 8-24-54 (56118)
তং তে দদৃশুরীশানং তেজোরাশিমুমাপতিম্।
`পরেণ যত্নেন ভবং ত্রিদশাঃ শর্বমীশ্বরম্'।
অনন্যসদৃশং লোকে প্রতপন্তমকল্মষম্॥ 8-24-55 (56119)
একশ্চ ভগবাংস্তত্র নানারূপমকল্পয়ৎ।
আত্মনঃ প্রতিরূপাণি রূপাণ্যথ মহাত্মনি।
পরস্পরস্য চাপশ্যন্সর্বে পরমবিস্মিতাঃ॥ 8-24-56 (56120)
সর্বভূতময়ং দৃষ্ট্বা তমজং জগতঃ পরিম্।
দেবা ব্রহ্মর্ষয়শ্চৈব শিরোভির্ধরণীং গতাঃ॥ 8-24-57 (56121)
তান্স্বস্তিবাচ্য চাভ্যর্চ্য সমুত্থাপ্য চ শঙ্করঃ।
ব্রূতব্রূতেতি ভগবান্স্ময়মানোঽভ্যভাষত॥ 8-24-58 (56122)
ত্র্যম্বকেণাভ্যনুজ্ঞাতাস্ততস্তে স্বস্থচেতসঃ।
নমো নমো নমস্তেঽস্তু প্রভো ইত্যব্রুবন্ভবম্॥ 8-24-59 (56123)
নমো দেবাধিদেবায় প্রিয়াধাঘ্নেঽতিমন্যবে।
প্রজাপতিমখঘ্নায় প্রজাপতিভিরীড্যতে॥ 8-24-60 (56124)
নমঃ স্তুতায় স্তুত্যায় স্তূয়মানায় শম্ভবে।
বিলোহিতায় রুদ্রায় নীলগ্রীবায় শূলিনে॥ 8-24-61 (56125)
অমোঘায় মৃগাক্ষায় প্রবরায়ুধয়োধিনে।
অর্হায় চৈব শুদ্বায় ক্ষয়ায় ক্রথনায় চ॥ 8-24-62 (56126)
দুর্বারণায় শুক্রায় ব্রহ্মণে ব্রহ্মচারিণে।
ঈশানায়াপ্রমেয়ায় নিহন্ত্রে চর্মবাসসে॥ 8-24-63 (56127)
তপোরতায় পিঙ্গায় ব্রতিনে কৃত্তিবাসসে।
কুমারপিত্রে ত্র্যক্ষায় প্রবরায়ুধধারিণে॥ 8-24-64 (56128)
প্রপন্নার্তিবিনাশায় ব্রহ্মদ্বিট্সঙ্ঘঘাতিনে।
বনস্পতীনাং পতয়ে বনানাং পতয়ে নমঃ॥ 8-24-65 (56129)
গবাং চ পতয়ে নিত্যং যজ্ঞানাং পতয়ে নমঃ।
নমোস্তু তে সসৈন্যায় ত্র্যম্বকায়ামিতৌজসে।
মনোবাক্কর্মভির্দেব ৎবাং প্রপন্নান্ভজস্ব নঃ॥ 8-24-66 (56130)
ততঃ প্রসন্নো ভগবান্স্বাগতেনাভিনন্দ্য চ।
প্রোবাচ ব্যেতু বস্ত্রাসো ব্রূত কিং করবাণি বঃ॥ 8-24-67 (56131)
`দেবাঃ শর্বস্য বচনং শ্রুৎবা হর্ষমুপাগতাঃ'॥ ॥ 8-24-68 (56132)
ইতি শ্রীমন্মহাভারতে কর্ণপর্বণি চতুর্বিংশোঽধ্যায়ঃ॥ 24 ॥
Mahabharata - Karna Parva - Chapter Footnotes
॥ শ্রীঃ ॥
8.25. অধ্যায়ঃ 025
Mahabharata - Karna Parva - Chapter Topics
দেবৈ রুদ্রবচনাত্তস্য স্বস্বার্ধবলদানপূর্বকং ত্রিপুরসংহারায়াভিষেচনম্॥ 1 ॥
Mahabharata - Karna Parva - Chapter Text
8-25-0 (56133)
দুর্যোধন উবাচ। 8-25-0x (4887)
পিতৃদেবর্ষিসঙ্ঘেভ্যোঽভয়ে দত্তে মহাত্মনা।
সৎকৃত্য শংকরং প্রাহ ব্রহ্মা লোকপিতামহঃ॥ 8-25-1 (56134)
ইমান্যসুরদুর্গাণি লোকাংস্ত্রীনাক্রমন্তি হি।
কশ্চ প্রজাপতির্ঘোরাংস্তান্স্রর্বাঞ্জহি মা চিরম্॥ 8-25-2 (56135)
বরাতিসর্গাদ্দেবেশ প্রাজাপত্যমিদং পরম্।
ময়াঽধিতিষ্ঠতা দত্তো দানবেভ্যো মহান্বরঃ॥ 8-25-3 (56136)
নাস্ত্যন্যো যুধি তেষাং বৈ নিহন্তা ইতি নঃ শ্রুতম্।
তানতিক্রান্তমর্যাদান্নান্যঃ সংহর্তুমর্হতি।
ৎবামৃতে সর্বভূতেশ ৎবং হ্যেষাং প্রত্যরির্বধে॥ 8-25-4 (56137)
স ৎবং দেব প্রপন্নানাং যাচতাং চ দিবোকসাম্।
কুরু প্রসাদং বরদ দানবাঞ্জহি সংয়ুগে॥ 8-25-5 (56138)
ৎবৎপ্রসাদাজ্জগৎসর্বং সুখমৈধত মানদ।
শরণ্যস্ৎবং হি দেবানাং বয়ং ৎবাং শরণং গতাঃ॥ 8-25-6 (56139)
ঈশ্বর উবাচ। 8-25-7x (4888)
হন্তব্যাঃ শত্রবঃ সর্বে যুষ্মাকমিতি মে মতিঃ।
ন ৎবেকশ্চোৎসহে হন্তুং বলিনঃ সুরবিদ্বিষঃ॥ 8-25-7 (56140)
তে যূয়ং সহিতাঃ সর্বে মদীয়েনাপি তেজসা।
জয়ধ্বং যুধি তান্সর্বান্সঙ্ঘাতেন মহাবলান্॥ 8-25-8 (56141)
দেবা ঊচুঃ। 8-25-9x (4889)
অস্মত্তেজোবলং যাবত্তাবদ্দ্বিগুণমেব বা।
তত্তেষামিতি মন্যামো দৃষ্টতেজোবলা হি তে॥ 8-25-9 (56142)
ঈশ্বর উবাচ। 8-25-10x (4890)
বধ্যাস্তে সর্বথা পাপা যে যুষ্মাস্বপরাধিনঃ।
মম তেজোবলার্ধেন সর্বে মৃদ্গথ শাত্রবান্॥ 8-25-10 (56143)
দেবা ঊচুঃ। 8-25-11x (4891)
বিভর্তুং তব তেজোর্ধং ন শক্ষ্যাম সুরেশ্বর।
সর্বেষাং নো বলার্ধেন ৎবমেব জহি শাত্রবান্॥ 8-25-11 (56144)
বয়ং চ সর্বথা দেব রক্ষণীয়াস্তথৈব চ।
স নো রক্ষ মহাদেব ৎবমেব জহি শাত্রবান্॥ 8-25-12 (56145)
ঈশ্বর উবাচ। 8-25-13x (4892)
মম তেজো ন শক্তা হি সর্বে ধারয়িতুং যদি।
অহমেনান্বধিষ্যামি যুষ্মত্তেজোর্ধসংয়ুতঃ॥ 8-25-13 (56146)
বলার্ধং যদি মে দেবা ন ধারয়িতুমাহবে।
শক্তাঃ সর্বে হি সঙ্গম্য যূয়ং তৎপ্রব্রবীমি বঃ॥ 8-25-14 (56147)
সমা ভবন্তি মে সর্বে দানবাশ্চামরাশ্চ যে।
শিবোঽস্মি সর্বভূতানাং শিবৎবং তেন মে সুরাঃ॥ 8-25-15 (56148)
কিন্ৎবধর্মেণ বর্তন্তে যস্মাত্তে সুরশত্রবঃ।
তস্মাদ্বধ্যা ময়াপ্যেতে যুষ্মাকং চ হিতেপ্সয়া॥ 8-25-16 (56149)
শরণং বঃ প্রপন্নানাং ধর্মেণ চ জিগীষতাম্।
সাহায়্যং বঃ করিষ্যামি নিহনিষ্যামি বো রিপূন্॥ 8-25-17 (56150)
দীয়তাং চ বলার্ধং মে সর্বৈরপি পৃথক্পৃথক্।
পশুৎবং চৈব মে লোকাঃ সর্বে কল্পন্তু পীডিতাঃ॥ 8-25-18 (56151)
পশূনাং তু পতিৎবং মে ভবৎবদ্য দিবৌকসঃ।
এবং ন পাপং প্রাপ্স্যামি পশূন্হৎবা সুরদ্বিপঃ॥ 8-25-19 (56152)
কল্পয়ধ্বং রথং দিব্যং রথাশ্বাংশ্চৈব পারগান্।
ধনুঃ শরং সারথিং চ ততো জেষ্যামি বো রিপূন্॥ 8-25-20 (56153)
ইতি শ্রুৎবা বচো দেবা দেবদেবস্য ভূপতেঃ।
বিষাদমগমন্সর্বে পশুৎবং প্রতি শঙ্কিতাঃ॥ 8-25-21 (56154)
তেষাং ভাবং ভবো জ্ঞাৎবা দেবস্তানব্রবীদিদম্।
মা বোস্তু পশুভাবেঽস্মিন্ভয়ং বিবুধসত্তমাঃ॥ 8-25-22 (56155)
শ্রূয়তাং পশুভাবস্য বিমোক্ষঃ ক্রিয়তাং চ সঃ॥ 8-25-23 (56156)
যো বঃ পশুপতেশ্চর্যাং চরিষ্যতি স মোক্ষ্যতে।
পশুৎবাদিতি সত্যং বঃ প্রতিজানে সমাগমে॥ 8-25-24 (56157)
যে চাপ্যন্যে চরিষ্যন্তি ব্রতং মোক্ষ্যন্তি তেঽপি চ॥ 8-25-25 (56158)
নৈ(ত্য)ষ্ঠিকং দ্বাদশাব্দং বা অর্ধমব্দমৃতুত্রয়ম্।
মাসং দ্বাদশরাত্রং গুহ্যং ব্রতং দিব্যং চরিষ্যথ॥ 8-25-26 (56159)
তং তথেত্যব্রুবন্দেবা দেবদেবনমস্কৃতম্।
ঊচুশ্চেদং গৃহাণেদং তেজসোঽর্ধমিতি প্রভুম্॥ 8-25-27 (56160)
প্রত্যুবাচ তথেত্যেব শূলধৃদ্রাজসত্তম।
ততস্তে প্রদদুঃ সর্বে তেজসোঽর্ধং মহাত্মনে॥ 8-25-28 (56161)
সর্বমাদায় সর্বেষাং তেজসোঽর্ধং দিবৌকসাম্।
তেজসাপ্যধিকো ভূৎবা ভূয়োঽপ্যতিবলোঽভবৎ॥ 8-25-29 (56162)
ততঃ প্রভৃতি দেবানাং দেবদেবোঽভবদ্ভবঃ।
পতিশ্চ সর্বভূতানাং পশূনাং চাভবত্তদা॥ 8-25-30 (56163)
তস্মাৎপশুপতিশ্চোক্তো ভবৎবাচ্চ ভবেতি বৈ॥
অর্ধমাদায় সর্বেষাং তেজসা প্রজ্বলন্নিব। 8-25-31 (56164)
ভাসয়ামাস তান্সর্বান্দেবদেবো মহাদ্যুতিঃ॥
ততোঽভিষিষিচ্যুঃ সর্বে সুরা রুদ্রং পুরারিণম্। 8-25-32 (56165)
মহাদেব ইতি হ্যাসীদ্দেবদেবো মহেশ্বরঃ॥ ॥ 8-25-33 (56166)
ইতি শ্রীমন্মহাভারতে কর্ণপর্বণি পঞ্চবিংশোঽধ্যায়ঃ॥ 25 ॥
॥ শ্রীঃ ॥
8.26. অধ্যায়ঃ 026
Mahabharata - Karna Parva - Chapter Topics
দেবানামাজ্ঞয়া বিশ্বকর্মণা ভূম্যাদিসাধনৈ রুদ্রায় রথনির্মাণম্॥ 1 ॥
Mahabharata - Karna Parva - Chapter Text
8-26-0 (56167)
দুর্যোধন উবাচ। 8-26-0x (4893)
তেজসোঽর্ধং সুরা দত্ৎবা শঙ্করায় মহাত্মনে।
পশুৎবমপি চোপেত্য বিশ্বকর্মাণমব্যযম্॥ 8-26-1 (56168)
ঊচুঃ সর্বে সমাভাষ্য রথঃ সঙ্কল্প্যতামিতি।
বিশ্বকর্মাঽপি সঞ্চিন্ত্য রথং দিব্যমকল্পয়ৎ॥ 8-26-2 (56169)
সমেতাং পৃথিবীং দেবী বিশালাং পুরমালিনীম্।
সপর্বতবনদ্বীপাং চক্রে ভূতধরাং রথম্॥ 8-26-3 (56170)
ঈষাং নক্ষত্রবংশং চ ছত্রং মেরুমহাগিরিম্।
অনেকদ্রুসঞ্ছন্নং রত্নাকরমনুত্তমম্॥ 8-26-4 (56171)
হিমবন্তং চ বিন্ধ্যং চ নানাদ্রুমলতাকুলম্।
অবস্করং প্রতিষ্ঠানং কল্পয়ামাস বৈ তদা॥ 8-26-5 (56172)
অস্তংগিরিমধিষ্ঠানং নানাদ্বিজগণায়ুতম্।
চকার ভগবাংস্ৎবষ্টা উদয়ং রথকূবরম্॥ 8-26-6 (56173)
মীননক্রঝষাবাসং দানবালয়মুত্তমম্।
সমুদ্রমক্ষং বিদধে পত্তনাকরশোভিতম্॥ 8-26-7 (56174)
চক্রং চক্রে চন্দ্রমসং তারকাগণমণ্ডিতম্।
দিবাকরং চাপ্যপরং চক্রং চক্রেংঽশুমালিনম্॥ 8-26-8 (56175)
গঙ্গাং সরস্বতীং তূণীং চক্রে বিশ্বকৃদব্যযঃ।
অলঙ্কারা রথস্যাসন্নাপগাঃ সরিতস্তথা॥ 8-26-9 (56176)
ত্রীনগ্নীন্মন্ত্রবচ্চক্রে রথস্যাথ ত্রিবেণুকম্।
অনুকর্ষান্রথে দীপ্তান্বরূথাংশ্চাপি তারকাঃ॥ 8-26-10 (56177)
ওষধীর্বীরুধশ্চৈব ঘণ্টাজালং চ ভানুমৎ।
অলঞ্চকার চ রথং মাসপক্ষর্তুভির্বিভুঃ॥ 8-26-11 (56178)
অহোরাত্রৈঃ কলাভিশ্চ কাষ্ঠাভিরয়নৈস্তথা।
দ্যাং যুগং যুগপর্বাণি সংবর্তকবলাহরকান্॥ 8-26-12 (56179)
শম্যাং ধৃতিং চ মেধাং চ স্থিতিং সন্নতিমেব চ।
ঋঘ্বেদং সামবেদং চ ধুর্যাবশ্বাবকল্পয়ৎ॥ 8-26-13 (56180)
পৃষ্ঠাশ্বৌ তু যজুর্বেদঃ কল্পিতোঽথর্বণস্তথা।
অশ্বানাং চাপ্যলঙ্কারং বিদধে পদসঞ্চয়ম্॥ 8-26-14 (56181)
সিনীবালীমনুমতিং কুহূং রাকাং চ সুপ্রভাম্।
যোক্তাণি চক্রে চাশ্বানাং কূশ্মাণ্ডাংশ্চাপি পন্নগান্। 8-26-15 (56182)
তালপৃষ্ঠোঽথ নহুষঃ কার্কোটকধনঞ্জয়ৌ।
ইতরে চাভবন্নাগা হয়ানাং বাহবন্ধনম্॥ 8-26-16 (56183)
অভীশবঃ ষডঙ্গানি কল্পিতানি মহীপতে।
ওঙ্কারঃ কল্পিতস্তস্য প্রতোদো বিশ্বকর্মণা॥ 8-26-17 (56184)
যজ্ঞাঃ সর্বে পৃথক্লৃপ্তা রথাঙ্গানি চ ভাগশঃ।
অধিষ্ঠানং মনশ্চাসীৎপরিরথ্যা সরস্বতী॥ 8-26-18 (56185)
নানাবর্ণানি শস্ত্রাণি পতাকাঃ পবনেরিতাঃ।
বিদ্যুদিন্দ্রধনুর্যুক্তং রথং দীপ্ত্যা ব্যদীপয়ৎ॥ 8-26-19 (56186)
বর্ম যোদ্ধুং চ বিহিতং নমো গ্রহগণাকুলম্।
অভেদ্যং ভানুমচ্চিত্রং কালচক্রপরিক্ষতম্॥ 8-26-20 (56187)
এবমস্মিন্মহারাজ কল্পিতে রথসত্তমে।
ৎবষ্ট্রা মনুজশার্দূল দ্বিষতাং ভয়বর্ধনে॥ 8-26-21 (56188)
স্বান্যায়ুধানি দিব্যানি ন্যদধাচ্ছঙ্করো রথে।
ধ্বজয়ষ্টিং বিয়ৎকৃৎবা স্থাপয়ামাস গোবৃষম্॥ 8-26-22 (56189)
ব্রহ্মদণ়্ডঃ কালদম্ডো রুদ্রদণ্ডশ্চ তে জ্বরাঃ।
পরিষ্কারা র্থস্যাসন্সমন্তাদ্দিশমুদ্ধতাঃ॥ 8-26-23 (56190)
বিচিত্রমৃতুভিঃ ষড্ভিঃ কৃৎবা সংবৎসরং ধনুঃ।
ছায়ামেবাত্মনশ্চক্রে ধনুর্জ্যামক্ষয়াং ধ্রুবাম্॥ 8-26-24 (56191)
কালো হি ভগবান্রুদ্রস্তচ্চ সংবৎসরং ধনুঃ।
তস্মাদ্রৌদ্রী কালরাত্রী জ্যা কৃতা ধনুষো জরা॥ 8-26-25 (56192)
ততো রথে রথাশ্বাংস্তানৃষয়ঃ সময়োজয়ন্।
একৈকশঃ সুসংহৃষ্টানাদায় সুধৃতব্রতাঃ॥ 8-26-26 (56193)
দক্ষিণস্যাং ধুরি কৃত ঋগ্বেদো মন্ত্রপারগৈঃ।
সব্যতঃ সামবেদশ্চ যুক্তো রাজন্মহর্ষিভিঃ॥ 8-26-27 (56194)
পার্ষ্ঠিদক্ষিণতো যুক্তো যজুর্বেদঃ সুরদ্বিজৈঃ।
ইতরস্যাং তথা পার্ষ্ঠ্যাং যুক্তো রাজন্নথর্বণঃ॥ 8-26-28 (56195)
এবং তে বাজিনো যুক্তা যজ্ঞবিদ্ভিস্তথা রথে।
অশোভন্ত তথা যুক্তা যথৈবাধ্বরমধ্যগাঃ॥ 8-26-29 (56196)
কল্পয়িৎবা রথং দিব্যং ততো বাণমকল্পয়ৎ।
চিন্তয়িৎবা হরিং বিষ্ণুমব্যযং যজ্ঞবাহনম্॥ 8-26-30 (56197)
শরং সঙ্কল্পয়াঞ্চক্রে বিশ্বকর্মা মহামনাঃ।
তস্য বাজাংশ্চ পুঙ্খং চ কল্পয়ামাস বৈ তদা॥ 8-26-31 (56198)
পুণ্যগন্ধবহং রাজঞ্শ্বসনং রাজসত্তম।
অগ্নীষোমৌ শরমুখে কল্পয়ামাস বৈ তদা॥ 8-26-32 (56199)
অগ্নীষোমাত্মকং কৃৎস্নমুচ্যতে বৈষ্ণবং জগৎ।
বিষ্ণুরাত্মা ভগবতো ভবস্যামিততেজসঃ॥ 8-26-33 (56200)
তস্মাদ্ধনুর্জ্যাসংস্পর্শং স বিষেহে শরস্য বৈ।
তস্মিঞ্শরে তীক্ষ্ণমন্যুমমুঞ্চদ্দুঃসহং প্রভুঃ॥ 8-26-34 (56201)
ভৃগ্বঙ্গিরোমন্যুভবঃ ক্রোধাগ্নিরতিদুঃসহঃ।
স নীললোহিতো ধূম্রঃ কৃত্তিবাসা ভয়ানকঃ॥ 8-26-35 (56202)
আদিত্যায়ুতসঙ্কাশস্তেজোজ্বালাবৃতো ভবঃ।
দুশ্চর্যচ্যাবকো জেতা হন্তা ব্রহ্মদ্বিষাং বরঃ॥ 8-26-36 (56203)
তস্যাঙ্গানি সমাশ্রিত্য স্থিতং বিশ্বমিদং জগৎ।
জঙ্গমাজঙ্গমং রাজঞ্ছুশুভেঽদ্ভুতদর্শনম্॥ 8-26-37 (56204)
দৃষ্টা তু তং রথং দিব্যং কবচী স শরাসনী।
আদদে স শরং দিব্যং সোমবিষ্ণ্বগ্নিবায়ুজম্॥ 8-26-38 (56205)
তমাদায় মহাদেবস্ত্রাসয়ন্দৈত্যদানবান্।
আরুরোহ তদা যত্তঃ কম্পয়ন্নিব রোদসী॥ 8-26-39 (56206)
মহর্ষিভিঃ স্তূয়মানো বন্দ্যমানশ্চ বন্দিভিঃ।
উপনৃত্তশ্চাপ্সরসাং গণৈর্নৃত্তবিশারদৈঃ॥ 8-26-40 (56207)
স শোভমানো বরদঃ খঙ্গী বাণী শরাসনী।
হসন্নিবাব্রবীদ্দেবঃ সারথিঃ কো ভবেদিতি॥ ॥ 8-26-41 (56208)
ইতি শ্রীমন্মহাভারতে কর্ণপর্বণি ষড্বিংশোঽধ্যায়ঃ॥ 26 ॥
॥ শ্রীঃ ॥
8.27. অধ্যায়ঃ 027
Mahabharata - Karna Parva - Chapter Topics
দেবানাং প্রার্থনয়া ব্রহ্মণা রুদ্ররথসারথ্যকরণম্॥ 1 ॥ রুদ্রেণ ত্রিপুরদহনম্॥ 2 ॥ দুর্যোধনেন দৃষ্টান্তপ্রদর্শনপূর্বকং শল্যম্প্রতি কর্ণরথসারথ্যকরণপ্রার্থনা॥ 3 ॥
Mahabharata - Karna Parva - Chapter Text
8-27-0 (56209)
দুর্যোধন উবাচ। 8-27-0x (4894)
তমব্রুবন্দেবগণা যং ভবান্সন্নিয়োক্ষ্যতে।
স ভবিষ্যতি দেবেশ সারথিস্তে ন সংশয়ঃ॥ 8-27-1 (56210)
তানব্রবীন্মহাদেবো মত্তঃ শ্রেষ্ঠতরো হি যঃ।
তং সারথিং কুরুধ্বং বৈ স্বয়ং সঞ্চিন্ত্য মা চিরম্॥ 8-27-2 (56211)
এতচ্ছ্রুৎবা বচো দেবাঃ সর্বে গৎবা পিতামহম্।
প্রণিপত্যোচুরেকাগ্রাঃ প্রসাদ্যৈনং মহর্ষিভিঃ॥ 8-27-3 (56212)
ৎবয়া যৎকথিতং দেব ত্রিদশারিনিবর্হণে।
তথা তৎকৃতমস্মাভিঃ প্রসন্নশ্চ বৃষধ্বজঃ॥ 8-27-4 (56213)
রথশ্চ বিহিতোঽস্মাভির্বিচিত্রায়ুধসংবৃতঃ।
সারথিং চ ন জানীমঃ কঃ স্যাত্তস্মিন্রথোত্তমে॥ 8-27-5 (56214)
তস্মাদ্বিধীয়তাং কশ্চিৎসারথির্দেবসত্তম।
সফলাং তাং গিরং দেব কর্তুমর্হসি নো বিভো।
এবমস্মাসু হি পুরা ভগবন্নুক্তবানসি॥ 8-27-6 (56215)
সদৈব যুক্তো রথসত্তমো বৈ
দুরাধর্ষো দ্রাবণঃ শাত্রবাণাম্।
পিনাকধন্বা বিহিতোঽত্র যোদ্ধা
বিভীষয়ন্দানবানুদ্যতোঽসৌ॥ 8-27-7 (56216)
তথৈব বেদাশ্চ হয়া রথাগ্র্য
ধরা সশৈলা চ রথো মহাত্মনঃ।
নক্ষত্রবংশানুগতো বরূথী
যস্মিন্যোদ্ধা সারথিনাঽভিরক্ষ্যঃ॥ 8-27-8 (56217)
তত্র সারথিরেষ্টব্যঃ সর্বৈরেতৈর্বিশেষবান্॥ 8-27-9 (56218)
তং প্রবিষ্টা রথং দেবা রথয়োদ্বারমেব চ।
কবচানি চ শস্ত্রাণি কার্মুকং চ পিতামহ॥ 8-27-10 (56219)
ৎবামৃতে সারথিং তত্র নান্যং পশ্যামহে বয়ম্।
ৎবং হি সর্বৈর্গণৈর্যুক্তোদেবতাভ্যোঽধিকঃ প্রভো॥ 8-27-11 (56220)
ৎবং দেব শক্তো লোকেশ নিয়ন্তুং প্রদ্রুতানিমান্।
বেদাংশ্চ সোপনিষদঃ সারথির্ভব নঃ স্বয়ম্॥ 8-27-12 (56221)
যোদ্বুং বলেন বীর্যেণ সৎবেন বিনয়েন চ।
অধিকঃসারথিঃকার্যো নাস্তি চান্যোঽধিকো ভবাৎ॥ 8-27-13 (56222)
স ভবাংস্তারয়ৎবস্মান্কুরু সারথ্যমব্যয।
ভবানভ্যধিকস্ৎবত্তো নান্যোস্তি ভবিতা ৎবিহ॥ 8-27-14 (56223)
ৎবং হি দেবেশ সর্বৈস্তু বিশিষ্টো বদতাং বর।
তং রথং ৎবং সমারুহ্য সংয়চ্ছ পরমান্হয়ান্॥ 8-27-15 (56224)
তব প্রসাদাদ্বধ্যেয়ুর্দেব দৈবতকণ্টকাঃ।
স নো রক্ষ মহাবাহো দৈত্যেভ্যো মহতো ভয়াৎ॥ 8-27-16 (56225)
ৎবং হি নো গতিরব্যগ্র তবং ন্ত্রে গোপ্তা মহাব্রত।
ৎবৎপ্রসাদাৎসুরাঃ সর্বে পূজ্যন্তে ত্রিদিবে প্রভো॥ 8-27-17 (56226)
ইতি তে শিরসাঽগচ্ছংস্ত্রিলোকেশং পিতামহম্।
দেবাঃ প্রসাদয়ামাসুঃ সারথ্যায়েতি নঃ শ্রুতম্॥ 8-27-18 (56227)
ব্রহ্মোবাচ। 8-27-19x (4895)
এবমেতৎসুরাস্তথ্যং নান্যস্ৎবভ্যধিকো ভবাৎ।
সারথিৎবং করিষ্যামি শঙ্করস্য মহাত্মনঃ॥ 8-27-19 (56228)
সর্বথা রথিনঃ শ্রেয়ান্কর্তব্যো রথসারথিঃ।
তস্মাদেতদ্যথাতত্ৎবং জ্ঞাৎবা যুষ্মাংশ্চ সঙ্গতান্।
সংয়চ্ছামি হয়ানেষ বিবুধায় কপর্দিনে॥ 8-27-20 (56229)
দুর্যোধন উবাচ। 8-27-21x (4896)
এবমুক্ৎবা জটাভারং সংয়ম্য প্রপিতামহঃ।
পরিধায়াজিনং গাঢং সন্ন্যস্য চ কমণ্ডলুম্।
প্রতোদপাণির্ভগবানারুরোহ রথং তদা॥ 8-27-21 (56230)
সারথৌ কল্পিতে দেবৈরীশানস্য মহাত্মনঃ।
তস্মিন্নারোহতি রথং কল্পিতং লোকসম্ভৃতম্।
শিরোভিঃ পতিতা ভূমৌ তুরগা বেদসম্ভৃতাঃ॥ 8-27-22 (56231)
উভাভ্যাং লোকনাথাভ্যামাস্থিতং রথসত্তমম্।
ওঢুং ন শক্তা বেদাশ্বা জানুভ্যামপতন্মহীম্॥ 8-27-23 (56232)
অভীশুভিস্তু ভগবানুদ্যম্য চ হয়ান্বিভুঃ।
অস্তু বীর্যং চ শৌর্যং চ বেদাশ্বানামিতি প্রভুঃ।
রথং সঞ্চোদয়ামাস দেবানাং প্রভুরব্যযঃ॥ 8-27-24 (56233)
ততোঽধিরূঢে বরদে রথং পশুপতিস্তদা।
সাধুসাধ্বিতি দেবেশং স্ময়মানোঽভ্যভাষত॥ 8-27-25 (56234)
যাহি দেব যতো দৈত্যাশ্চোদয়াশ্বানরিন্দম।
পশ্য বাহ্বোর্বলং মেঽদ্য নিঘ্নতঃ শাত্রবান্রণে॥ 8-27-26 (56235)
ততোঽশ্বাংশ্চোদয়ামাস মনোমারুতরংহসঃ।
পুরাণ্যুদ্দিশ্য খস্থানি দানবানাং তরস্বিনাম্॥ 8-27-27 (56236)
ততস্তে সহসোৎপত্য বেদাখ্যা রথবাজিনঃ।
ক্ষণেন তেন দৈত্যানাং পুরাণি প্রাপয়ন্হরম্॥ 8-27-28 (56237)
অথর্বাঙ্গিরসৌ চাস্তাং চক্ররক্ষৌ মহাত্মনঃ।
অথাধিজ্যং ধনুঃ কৃৎবা শর্বঃ সন্ধায় তং শরম্।
যুক্ৎবা পাশুপতাস্ত্রেণ ত্রিপুরং সমচিন্তয়ৎ॥ 8-27-29 (56238)
তস্মিন্স্থিতে ততো রাজন্রুদ্রে সজ্জিতকার্মুকে।
পুরাণি তেন কালেন জগ্মুরেকৎবমাশু বৈ॥ 8-27-30 (56239)
একীভাবং গতে চৈব ত্রিপুরৎবমুপাগতে।
বভূব তুমুলো হর্ষো দেবতানাং মহাত্মনাম্॥ 8-27-31 (56240)
ততো দেবগুণাঃ সর্বে সিদ্ধাশ্চ পরমর্ষয়ঃ।
জয়েতি বাচো মুমুচুঃ সংস্তুবন্তো মহেশ্বরম্॥ 8-27-32 (56241)
ততোঽগ্রতঃ প্রাদুরভূত্ত্রিপুরং জঘ্নুষোঽসুরান্।
অনির্দেশ্যাগ্র্যবপুষো দেবস্যাসহ্যতেজসঃ॥ 8-27-33 (56242)
ত্রীণি দৃষ্ট্বৈব সংস্থানি পুরাণ্যথ পিনাকধৃৎ।
স তদ্বিকৃষ্য ভগবান্দিব্যং লোকেশ্বরো ধনুঃ।
ত্রৈলোক্যসারং তমিষুং মুমোচ ত্রিপুরং প্রতি॥ 8-27-34 (56243)
একবাণেন তং দেবস্ত্রিপুরং পরমেশ্বরঃ।
নিজঘ্নে সাসুরগণং দেবদেবো মহেশ্বরঃ॥ 8-27-35 (56244)
বাণতেজোগ্নিদগ্ধং তদ্বিপ্রকীর্ণং সহস্রধা।
মহদার্তস্বরং কৃৎবা নাবশেষমুপাগতম্।
মদ্রেশ সাসুরগণং প্রাপতৎপশ্চিমার্ণবে॥ 8-27-36 (56245)
এবং হি ত্রিপুরং দগ্ধং দানবাশ্চাপ্যশেষতঃ।
মহেশ্বরেণ ক্রুদ্ধেন ত্রৈলোক্যস্য হিতৈষিণা॥ 8-27-37 (56246)
স চাত্মক্রোধজো বিহ্নির্দহেত্যুক্তো নিবারিতঃ।
ত্রৈলোক্যমবিশেষেণ পুনর্দগ্ধুং প্রচক্রমে॥ 8-27-38 (56247)
কালাগ্নিমিব নির্দগ্ধুমুত্থিতং তং পুনঃ পুনঃ।
মাকার্ষীর্ভস্মাসাল্লোকানিতি ত্র্যক্ষোঽব্রবীদ্বচঃ॥ 8-27-39 (56248)
ততঃ প্রকৃতিমাপন্না দেলোকাস্তথর্ষয়ঃ।
তুষ্টুবুর্বাগ্ভিরগ্র্যাভিঃ স্থাণুং ত্রিপুরবৈরিণম্॥ 8-27-40 (56249)
তেঽনুজ্ঞাতা ভগবতা সর্বে জগ্মুর্যথাগতম্।
কৃতকামাঃ প্রসন্নেন প্রজাপতিমুখাঃ সুরাঃ॥ 8-27-41 (56250)
এবং রুদ্রস্য কৃতবান্সারথ্যং তু পিতামহঃ।
সংয়চ্ছ তুরগানস্য রাধেয়স্য মহাত্মনঃ॥ 8-27-42 (56251)
ৎবং হি কৃষ্ণাচ্চ কর্ণাচ্চ ফল্গুনাচ্চ গুণাধিকঃ।
বলতো রূপতো যোগাদস্ত্রসম্পদ এব চ॥ 8-27-43 (56252)
সমাসক্তং মহীপাল কুরু মে হিতমীপ্সিতম্।
যুদ্বে হ্যযং রুদ্রকল্পস্ৎবং চ ব্রহ্মসমোঽনঘ।
তস্মাচ্ছক্তৌ যুবাং জেতুং মচ্ছত্রূন্দিবি বা সুরান্॥ 8-27-44 (56253)
স যথা শল্য কর্ণোঽয়ং শ্বংতাশ্বং কৃষ্ণসারথিম্।
প্রমথ্য হন্যাৎকৌন্তেয়ং তথা নীতির্বিধীয়তাম্॥ 8-27-45 (56254)
ৎবয়ি রাজ্যং সুখং চৈব জীবিতং জয়মেব চ।
সমাসক্তং মহীপাল কুরু মে হিতমীপ্সিতম্॥ 8-27-46 (56255)
সংয়চ্ছাস্য হয়ান্ত্রাজন্মৎপ্রিয়ার্থং পরন্তপ॥ ॥ 8-27-47 (56256)
ইতি শ্রীমন্মহাভারতে কর্ণপর্বণি সপ্তবিংশোঽধ্যায়ঃ॥ 27 ॥
॥ শ্রীঃ ॥
8.28. অধ্যায়ঃ 028
Mahabharata - Karna Parva - Chapter Topics
দুর্যোধনেন কর্ণসারথ্যে শঙ্কমানং শল্যম্প্রতি পরশুরামচরিত্রকীর্তনপূর্বকং কর্ণস্য তদন্তেবাসিৎবাদিগুণবত্তয়া তৎসারথ্য করণে দোষাভাবপ্রতিপাদনম্॥ 1 ॥
Mahabharata - Karna Parva - Chapter Text
8-28-0 (56257)
দুর্যোধন উবাচ। 8-28-0x (4897)
ইমং চাপ্যপরং ভূয় ইতি হাসং নিবোধ মে।
পিতুর্মম সকাশে বৈ ব্রাহ্মণঃ প্রাহ ধর্মবিৎ॥ 8-28-1 (56258)
শ্রুৎবা চৈতদ্বচশ্চিত্রং হেতুকার্যার্থতত্ৎববিৎ।
কুরু শল্য বিনিশ্চিত্য মা ভূদত্র বিচারণা॥ 8-28-2 (56259)
ভার্গবাণাং কুলে জাতো জমদগ্নির্মহাতপাঃ।
তস্য রামেতি বিখ্যাতঃ পুত্রস্তেজোগুণান্বিতঃ॥ 8-28-3 (56260)
স তীব্রং তপ আস্থায় সম্প্রসাদিতবান্ভবম্।
অস্ত্রহেতোঃ প্রসন্নাত্মা নিয়তঃ সংয়তেন্দ্রিয়ঃ॥ 8-28-4 (56261)
তস্মৈ তুষ্টো মহাদেবো ভক্ত্যা চ প্রশমেন চ।
হৃদ্গতং চাস্য বিজ্ঞায় দর্শয়ামাস শঙ্করঃ।
প্রত্যক্ষেণ মহাদেবঃ স্বাং তনুং সর্বশঙ্করঃ॥ 8-28-5 (56262)
শঙ্কর উবাচ। 8-28-6x (4898)
রাম তুষ্টোঽস্মি ভদ্রং তে বিদিতং তব চেপ্সিতম্।
কুরুষ্ব পূতমাত্মানং সর্বমেতদবাপ্স্যসি॥ 8-28-6 (56263)
দাস্যামি তে তদাঽস্ত্রাণি যদা পূতো ভবিষ্যসি।
অপাত্রমসমর্থং চ দহন্ত্যস্ত্রাণি ভার্গব॥ 8-28-7 (56264)
ইত্যুক্তো জামদগ্ন্যস্তু দেবদেবেন শূলিনা।
প্রত্যুবাচ মহাত্মানং শিরসাঽবনতঃ প্রভুম্॥ 8-28-8 (56265)
যদা জানাসি দেবেশ পাত্রং মামস্ত্রধারণে।
তদা শুশ্রূষতেঽস্ত্রাণি ভবান্মে দাতুমর্হতি॥ 8-28-9 (56266)
ততঃ স তপসা চৈব ব্রতেন নিয়মেন চ।
পূজোপহারবলিভির্হোমমন্ত্রপুরস্কৃতৈঃ॥ 8-28-10 (56267)
সমারাধিতবাঞ্শর্বং বহুবর্ষগণাংস্তদা।
প্রসন্নশ্চ মহাদেবো ভার্গবস্য মহাত্মনঃ॥ 8-28-11 (56268)
অসকৃচ্চাব্রবীত্তস্য গুণান্দেব্যাঃ সকাশতঃ।
ভক্তিমানেষ সততং ময়ি রামো দৃঢব্রতঃ॥ 8-28-12 (56269)
এবমস্য গুণান্প্রীতো বহুশো কথয়দ্বিভুঃ।
দেবতানাং পিতৄণাং চ সমক্ষমরিসূদন॥ 8-28-13 (56270)
এতস্মিন্নেব কালে তু দৈত্যা হ্যাসন্মহাবলাঃ।
তৈস্তদা দর্পমোহাদ্বৈ অবাধ্যন্ত দিবৌকসঃ॥ 8-28-14 (56271)
ততঃ সম্ভূয় বিবুধাস্তান্হন্তুং কৃতনিশ্চয়াঃ।
চক্রুঃ শত্রুবধে যত্নং দৈত্যাঞ্চেতুমশক্নুবন্॥ 8-28-15 (56272)
অভিগম্য ততো দেবা মহেশ্বরমুমাপতিম্।
প্রাসাদয়ংস্তদা ভক্ত্যা জহি শত্রুগণানিতি॥ 8-28-16 (56273)
প্রতিজ্ঞায় ততো দেবো দেবতানাং রিপুক্ষয়ম্।
রামং ভার্গবমাহূয় সোঽভ্যভাষত শঙ্করঃ॥ 8-28-17 (56274)
রিপূন্ভার্গব দেবানাং জহি সর্বান্সমাগতান্।
লোকানাং হিতকামার্থং মৎপ্রিয়ার্থং তথৈব চ॥ 8-28-18 (56275)
পরশুরাম উবাচ। 8-28-19x (4899)
কা শক্তির্মম দেবেশ অকৃতাস্ত্রস্য সংয়ুগে।
নিহন্তুং দানবান্সর্বান্কৃতাস্ত্রান্যুদ্ধদুর্মদান্॥ 8-28-19 (56276)
ঈশ্বর উবাচ। 8-28-20x (4900)
গচ্ছ ৎবং মদনুজ্ঞানান্নিহনিষ্যসি শাত্রবান্।
বিজিত্য চ রিপূন্সর্বান্গুণান্প্রাপ্স্যসি পুষ্কলান্॥ 8-28-20 (56277)
দুর্যোধন উবাচ। 8-28-21x (4901)
এতচ্ছ্রুৎবা তু বচনং প্রতিগৃহ্য চ সর্বশঃ।
রামঃ কৃতস্বস্ত্যযনঃ প্রয়যৌ দানবান্প্রতি॥ 8-28-21 (56278)
ততোঽজয়দ্দেবশত্রূন্মহাদর্পবলান্বিতান্।
বজ্রাশনিসমস্পর্শৈঃ প্রহারৈরেব ভার্গবঃ॥ 8-28-22 (56279)
স দানবৈঃ ক্ষততনুর্জামদগ্ন্যো নৃপোত্তম।
সংস্পৃষ্টঃ স্থাণুনা সদ্যো নির্ব্রণঃ সমপদ্যত॥ 8-28-23 (56280)
প্রীতশ্চ ভগবান্দেবঃ কর্মণা তেন তস্য বৈ।
বরান্প্রাদাদ্বহুবিধান্ভার্গবায় মহাত্মনে॥ 8-28-24 (56281)
উক্তশ্চ প্রীতিয়ুক্তেন দেবদেবেন শূলিনা॥ 8-28-25 (56282)
নিপাতাত্তব শস্ত্রাণাং শরীরে যাঽভবদ্রুজা।
তয়া তে মানুষং কর্ম ব্যপোহং ভৃগুনন্দন।
গৃহাণাস্ত্রাণি দিব্যানি মৎসকাশাদ্যথেপ্সিতং॥ 8-28-26 (56283)
ততোঽস্ত্রাণি সমগ্রাণি বরাংশ্চ মনসেপ্সিতান্।
লব্ধ্বা বহুবিধান্রামঃ প্রণম্যশিরসা শিবম্।
অনুজ্ঞাং প্রাপ্য দেবেশাজ্জগাম স মহাতপাঃ॥ 8-28-27 (56284)
এবমেতৎপুরাবৃত্তং তথা কথিতবানৃষিঃ॥ 8-28-28 (56285)
ভার্গবোঽপি দদৌ সর্বং ধনুর্বেদং মহাত্মনে।
কর্ণায় পুরুষব্যাঘ্রঃ সুপ্রীতেনান্তরাত্মনা॥ 8-28-29 (56286)
বৃজিনং ন ভবেৎকিঞ্চিদস্য কর্ণস্য পার্থিব।
সূতেন বর্ধিতো নিত্যং ন সূতো নৃপ এব সঃ॥ 8-28-30 (56287)
বিশুদ্ধয়োনিং বিজ্ঞায় দিব্যান্যস্ত্রাণ্যদাদ্ভৃগুঃ।
নাপি সূতকুলে জাতং মন্যে কর্ণং কথঞ্চন।
দেবপুত্রমদং মন্যে ক্ষত্রিয়াণাং কুলোদ্ভবম্॥ 8-28-31 (56288)
বিসৃষ্টমবিবোধার্থং কুলস্যেংতি মতির্মম।
সর্বথা ন হ্যসো শল্য কর্ণঃ সূতকুলোদ্ভবঃ॥ 8-28-32 (56289)
সকুণ্ডলং সকবচং দীর্ঘবাহুমরিন্দমম্।
কথমাদিত্যসঙ্কাশং মৃগী সিংহং প্রসূয়তে॥ 8-28-33 (56290)
পশ্য হ্যস্য ভুজৌ পীনৌ নাগরাজকরোপমৌ।
বক্ষঃ পশ্য বিশালং চ সর্বশস্ত্রসহং রণে॥ 8-28-34 (56291)
ন ৎবেব প্রাকৃতঃ কশ্চিৎকর্ণো বৈকর্তনো বৃষা।
মহাত্মাহ্যেষ রাজেন্দ্র রামশিষ্যঃ প্রতাপবান্॥ ॥ 8-28-35 (56292)
ইতি শ্রীমন্মহাভারতে কর্ণপর্বণি অষ্টবিংশোঽধ্যায়ঃ॥ 28 ॥
Mahabharata - Karna Parva - Chapter Footnotes
॥ শ্রীঃ ॥
8.29. অধ্যায়ঃ 029
Mahabharata - Karna Parva - Chapter Topics
দুর্যোধনপ্রার্থিতেন শল্যেন সময়করণপূর্বকং কর্ণরথসারথ্যস্বীকরণম্॥ 1 ॥
Mahabharata - Karna Parva - Chapter Text
8-29-0 (56293)
দুর্যোধন উবাচ। 8-29-0x (4902)
এবং স ভগবান্দেবঃ সর্বলোকপিতামহঃ।
সারথ্যমকরোত্তত্র ব্রহ্মা রুদ্রোঽভবদ্রথী॥ 8-29-1 (56294)
রথিনোঽভ্যধিকো বীর কর্তব্যো রথসারথিঃ।
তস্মাত্ৎবং পুরুষব্যাঘ্র নিয়চ্ছ তুরগান্যুধি॥ 8-29-2 (56295)
যথা দেবগণৈস্তত্র বৃতো যত্নাৎপিতামহঃ।
তথাঽস্মাভির্ভবান্যত্নাৎকর্ণাদভ্যধিকো বৃতঃ॥ 8-29-3 (56296)
যথা দেবৈর্মহারাজ ঈশ্বরাদধিকো বৃতঃ।
তথা দেবৈর্মহারাজ ক্ষিপ্রং রুদ্রস্যব পিতামহঃ।
নিয়চ্ছ তুরগান্যুদ্বে রাধেয়স্য মহাদ্যুতে॥ 8-29-4 (56297)
শল্য উবাচ। 8-29-5x (4903)
ময়াপ্যেতন্নরশ্রেষ্ঠ বহুশো নরসিংহয়োঃ।
কথ্যমানং শ্রুতং দিব্যমাখ্যানমতিমানুষম্॥ 8-29-5 (56298)
যথা চ চক্রে সারথ্যং ভবস্য প্রপিতামহঃ।
যথাঽসুরাশ্চ নিহতা ইষুণৈকেন ভারত॥ 8-29-6 (56299)
কৃষ্ণস্য চাপি বিদিতং সর্বমেতৎপুরা হ্যভূৎ॥ 8-29-7 (56300)
যথা পিতামহো জজ্ঞে ভগবান্সারথিস্তদা।
অনাগতমতিক্রান্তং বেদ কৃষ্ণোঽপি তত্ৎবতঃ॥ 8-29-8 (56301)
এতদর্থং বিদিৎবাঽপি সারথ্যমুপজগ্মিবান্।
স্বয়ম্ভূরিব রুদ্রস্য কৃষ্ণঃ পার্থস্য ভারত॥ 8-29-9 (56302)
যদি হন্যাচ্চ কৌন্তেয়ং সূতপুত্রঃ কথঞ্চনঃ।
দৃষ্ট্বা পার্থং হি নিহতং স্বয়ং যোৎস্যতি কেশবঃ॥ 8-29-10 (56303)
শঙ্খচক্রগদাপাণির্ধক্ষ্যতে তব বাহিনীম্।
ন চাপি তস্য ক্রুদ্ধস্য বার্ষ্ণেয়স্য মহাত্মনঃ।
স্থাস্যতে প্রত্যনীকেষু কশ্চিদত্র নৃপস্তব॥ 8-29-11 (56304)
সঞ্জয় উবাচ। 8-29-12 (56305)
তং তথা ভাষমাণং তু মদ্ররাজমরিন্দমঃ।
প্রত্যুবাচ মহাবাহুরদীনাত্মা সুতস্তব॥ 8-29-12 (56306)
মাবমংস্থা মহাবাহো কর্ণং বৈকর্তনং রণে।
সর্বশস্ত্রভৃতাং শ্রেষ্ঠং সর্বশাস্ত্রার্থপরাগম্॥ 8-29-13 (56307)
যস্য জ্যাতলনির্ঘোষং শ্রুৎবা ভয়করং মহৎ।
পাণ্ডবেয়ানি সৈন্যানি বিদ্রবন্তি দিশো দশ॥ 8-29-14 (56308)
প্রত্যক্ষ তে মহাবাহো যথা রাত্রৌ ঘটোৎকচঃ।
মায়াশতানি কুর্বাণো হতো মায়াপুরস্কৃতঃ॥ 8-29-15 (56309)
ন চাতিষ্ঠত বীভৎসুঃ প্রত্যনীকে কথঞ্চন।
এতাংশ্চ দিবসান্সর্বান্ভয়েন মহতা বৃতঃ॥ 8-29-16 (56310)
ভীমসেনশ্চ বলবান্ধনুষ্কোট্যাভিচোদিতঃ।
উক্তশ্চ সংজ্ঞয়া রাজন্মূঢ ঔদরিকো যথা॥ 8-29-17 (56311)
মাদ্রীপুত্রৌ তথা শূরৌ যেন জিৎবা মহারণে।
কমপ্যর্থং পুরস্কৃত্য ন হতৌ যুধি মারিষ॥ 8-29-18 (56312)
যেন বৃষ্ণিপ্রবীরস্তু সাত্যকিঃ সাৎবতাং বরঃ।
নির্জিত্য সমরে শূরো বিস্থশ্চ বলাৎকৃতঃ॥ 8-29-19 (56313)
সৃঞ্জয়াশ্চেতরে সর্বে ধৃষ্টদ্যুম্নপুরোগমাঃ।
অসকৃন্নির্জিতাঃ সঙ্খ্যে স্ময়মানেন সংয়ুগে॥ 8-29-20 (56314)
তং কথং পাণ্ডবা যুদ্বে বিজেষ্যন্তি মহারথম্।
যো হন্যাৎসমরে ক্রুদ্বো বজ্রহস্তং পুরন্দরম্॥ 8-29-21 (56315)
ৎবং চ সর্বাস্ত্রবিদ্বীরঃ সর্ববিদ্যাস্ত্রপারগঃ।
বাহুবীর্যেণ তে তুল্যঃ পৃথিব্যাং নাস্তি কশ্চন॥ 8-29-22 (56316)
ৎবং শল্যভূতঃ শত্রূণামবিষহ্যঃ পরাক্রমে।
ততস্ৎবমুচ্যসে রাজঞ্শল্য ইত্যরিসূদন॥ 8-29-23 (56317)
তব বাহুবলং প্রাপ্য ন শেকুঃ সর্বসাৎবতাঃ।
তব বাহুবলাদ্রাজন্কিং নু কৃষ্ণো বলাধিকঃ॥ 8-29-24 (56318)
যথা হি কৃষ্ণেন বলং ধার্যং বৈ ফল্গুনে হতে।
তথা কর্ণাত্যযীভাবে ৎবয়া ধার্যং মহদ্বলম্॥ 8-29-25 (56319)
কিমর্থং সমরে সৈন্যং বাসুদেবো ন্যবারয়ৎ।
কিমর্থং চ ভবান্সৈন্যং ন হনিষ্যতি মারিষ॥ 8-29-26 (56320)
ৎবৎকৃতে পদবীং গন্তুমিচ্ছেয়ং যুধি মারিষ।
সোদরাণাং চ বীরাণাং সর্বেষাং চ মহীক্ষিতাম্॥ 8-29-27 (56321)
শল্য উবাচ। 8-29-28x (4904)
যন্মাং ব্রবীষি গান্ধারে অগ্রে সৈন্যস্য মানদ।
বিশিষ্টং দেবকীপুত্রাৎপ্রীতিমানস্ম্যহং ৎবয়ি॥ 8-29-28 (56322)
এষ সারথ্যমাতিষ্ঠে রাধেয়স্য যশস্বিনঃ।
যুধ্যতঃ পাণ্ডবাগ্র্যেণ যথা ৎবং বীর মন্যসে॥ 8-29-29 (56323)
সময়শ্চ হি মে বীর কশ্চিদ্বৈকর্তনং প্রতি।
উৎসৃজেয়ং যথাশ্রদ্বমহং বাচোঽস্য সন্নিধৌ॥ 8-29-30 (56324)
সঞ্জয় উবাচ। 8-29-31x (4905)
তথেতি রাজন্পুত্রস্তে সহ কর্ণেন মারিষ।
অব্রবীত্মদ্ররাজানং সর্বক্ষত্রস্য সন্নিধৌ॥ 8-29-31 (56325)
সারথ্যস্যাভ্যুপগমাচ্ছল্যেনাশ্বাসিতস্তদা।
দুর্যোধনস্তদা হৃষ্টঃ কর্ণং তমভিষস্বজে॥ 8-29-32 (56326)
অব্রবীচ্চ পুনঃ কর্ণং স্তূয়মানঃ সুতস্তব।
জহি পার্থান্রণে সর্বান্মহেন্দ্রো দানবানিব॥ 8-29-33 (56327)
স শল্যেনাভ্যুপগতে হয়ানাং সন্নিয়চ্ছনে।
কর্ণো হৃষ্টমনা ভূয়ো দুর্যোধনভাষত॥ 8-29-34 (56328)
নাতিহৃষ্টমনা হ্যেষ মদ্ররাজোঽভিভাষতে।
রাজন্মধুরয়া বাচা পুনরেনং ব্রবীহি বৈ॥ 8-29-35 (56329)
ততো রাজা মহাপ্রাজ্ঞঃ সর্বাস্ত্রকুশলো বলী।
দুর্যোধনোঽব্রবীচ্ছল্যং মদ্ররাজং মহীপতিম্॥ 8-29-36 (56330)
পূরয়ন্নিব ঘোষেণ মেঘগম্ভীরয়া গিরা।
শল্য কর্ণোঽর্জুনেনাদ্য যোদ্বব্যমিতি মন্যতে॥ 8-29-37 (56331)
তস্য ৎবং পুরুষব্যাঘ্র নিয়চ্ছ তুরগান্যুধি।
কর্ণো হৎবেতরান্সর্বান্ফল্গুনং হন্তুমিচ্ছতি।
তস্যাভীষুগ্রহে রাজন্প্রয়াচে ৎবাং পুনঃ পুনঃ॥ 8-29-38 (56332)
পার্থস্য সচিবঃ কৃষ্ণো যথাঽভীষুগ্রহো বরঃ।
তথা ৎবমপি রাধেয়ং সর্বতঃ পরিপালয়॥ 8-29-39 (56333)
সঞ্জয় উবাচ। 8-29-40x (4906)
ততঃ শল্যঃ পরিষ্বজ্য সুতং তে বাক্যমব্রবীৎ।
দুর্যোধনমমিত্রঘ্নং প্রীতো মদ্রাধিপস্তদা॥ 8-29-40 (56334)
শল্য উবাচ। 8-29-41x (4907)
এবং চেন্মন্যসে রাজন্গান্ধারে প্রিয়দর্শন।
তস্মাত্তে যৎপ্রিয়ং কিঞ্চিত্তৎসর্বং করবাণ্যহম্॥ 8-29-41 (56335)
যত্রাস্মি ভরতশ্রেষ্ঠ যোগ্যঃ কর্মণি কর্হিচিৎ।
তত্র সর্বাত্মনা যুক্তো বক্ষ্যে কার্যং পরন্তপ॥ 8-29-42 (56336)
যত্তু কর্ণমহং ব্রূয়াং হিতকামঃ প্রিয়াপ্রিয়ে।
মম তৎক্ষমতাং সর্বং ভবান্কর্ণশ্চ সর্বশঃ॥ 8-29-43 (56337)
কর্ণ উবাচ। 8-29-44x (4908)
ঈশানস্য যথা ব্রহ্মা যথা পার্থস্য কেশবঃ।
তথা নিত্যং হিতে যুক্তো মদ্ররাজ ভবস্ব নঃ॥ 8-29-44 (56338)
শল্য উবাচ। 8-29-45x (4909)
আত্মনিন্দাত্মপূজা চ পরনিন্দা পরস্তবঃ।
অনাচরিতমার্যাণাং বৃত্তমেতচ্চতুর্বিধম্॥ 8-29-45 (56339)
যত্তু বিদ্বন্প্রবক্ষ্যামি প্রxxxxযার্থমহং তব।
আত্মনঃ স্তবসংয়ুক্তং তন্নিবোধ যথাতথম্॥ 8-29-46 (56340)
অহং শক্রস্য সারথ্যে যোগ্যো মাতলিবৎপ্রভো।
অপ্রমাদাৎপ্রয়োগাচ্চ জ্ঞানবিদ্যাচিকিৎসনৈঃ॥ 8-29-47 (56341)
ততঃ পার্থেন সঙ্গ্রামে যুধ্যমানস্য তেঽনঘ।
বাহয়িষ্যামি তুরগান্বিজ্বরো ভব সূতজ॥ ॥ 8-29-48 (56342)
ইতি শ্রীমন্মহাভারতে কর্ণপর্বণি একোনত্রিংশোঽধ্যায়ঃ॥ 29 ॥
Mahabharata - Karna Parva - Chapter Footnotes
॥ শ্রীঃ ॥
8.30. অধ্যায়ঃ 030
Mahabharata - Karna Parva - Chapter Topics
শল্যেন সারথীভূয়াধিষ্ঠিতং রথমধিষ্ঠায় কর্ণস্য রণায় নির্যাণম্॥ 1 ॥
Mahabharata - Karna Parva - Chapter Text
8-30-0 (56343)
দুর্যোধন উবাচ। 8-30-0x (4910)
অয়ং তে কর্ণ সারথ্যং মদ্ররাজঃ করিষ্যতি।
কৃষ্ণাদভ্যধিকো যন্তা দেবেশস্যেব মাতলিঃ॥ 8-30-1 (56344)
যথা হরিহয়ৈর্যুক্তং সঙ্গৃহ্ণাতি স মাতলিঃ।
শল্যস্তথা তবাদ্যায়ং সংয়ন্তা রথবাজিনাম্॥ 8-30-2 (56345)
যোধে ৎবয়ি রথস্থে চ মদ্ররাজে চ সারথৌ।
রথশ্রেষ্ঠো ধ্রুবং সঙ্খ্যে পার্থানভিভবিষ্যতি॥ 8-30-3 (56346)
সঞ্জয় উবাচ। 8-30-4x (4911)
ততো দুর্যোধনো ভূয়ো মদ্ররাজং তরস্বিনম্।
উবাচ রাজন্সঙ্গ্রামেঽধ্যুষিতে পর্যুপস্থিতে॥ 8-30-4 (56347)
কর্ণস্য যচ্ছ সঙ্গ্রামে মদ্ররাজ হয়োত্তমান্।
ৎবয়াঽভিগুপ্তো রাধেয়ো বিজেষ্যতি ধনঞ্জয়ম্॥ 8-30-5 (56348)
ইত্যুক্তো রথমাস্থায় তথেতি প্রাহ ভারত।
শল্যেঽভ্যুপগতে কর্ণঃ সারথিং সুমনাঽব্রবীৎ॥ 8-30-6 (56349)
ৎবং সূত স্যন্দনং মহ্যং কল্পয়েত্যসকৃত্ৎবরন্॥ 8-30-7 (56350)
ততো জৈত্রং রথবরং গন্ধর্বনগরোপমম্।
বিধিবৎকল্পিতং ভদ্রং জয়েত্যুক্ৎবা ন্যবেদয়ৎ॥ 8-30-8 (56351)
তং রথং রথিনাং শ্রেষ্ঠঃ কর্ণোঽভ্যর্চ্য যথাবিধি।
সম্পাদিতং ব্রহ্মবিদা পূর্বমেব পুরোধসা॥ 8-30-9 (56352)
কৃৎবা প্রদক্ষিণং যত্নাদুপস্থায় চ ভাস্করম্।
সমীপস্থং মদ্ররাজমারোহ ৎবমথাব্রবীৎ॥ 8-30-10 (56353)
ততঃ কর্ণস্য দুর্ধর্ষং স্যন্দনপ্রবরং মহৎ।
আরুরোহ মহাতেজাঃ শল্যঃ সিংহ ইবাচলম্॥ 8-30-11 (56354)
ততঃ শল্যাশ্রিতং দৃষ্ট্বা কর্ণঃ স্বং রথমুত্তমম্।
অধ্যতিষ্ঠদ্যথাঽম্ভোদং বিদ্যুৎবন্তং দিবাকরঃ॥ 8-30-12 (56355)
তাবেকরথমারূঢাবাদিত্যাগ্নিসমৎবিষৌ।
অভ্রাজেতাং যথা মেঘং সূর্যাগ্নী সহিতৌ দিবি॥ 8-30-13 (56356)
সংস্তূয়মানৌ তৌ বীরৌ তদাস্তাং দ্যুতিমত্তমৌ।
ঋৎবিক্সদস্যৈরিন্দ্রাগ্নী স্তূয়মানাবিবাধ্যরে॥ 8-30-14 (56357)
স শল্যসঙ্গৃহীতাশ্বে রথে কর্ণঃ স্থিতো বভৌ।
ধনুর্বিষ্ফারয়ন্ঘোরং পরিবেষীব ভাস্করঃ॥ 8-30-15 (56358)
আস্থিতঃ স রথশ্রেষ্ঠং কর্ণঃ শরগভস্তিমান্।
প্রবভৌ পুরুষব্যাঘ্রো মন্দরস্থ ইবাংশুমান্॥ 8-30-16 (56359)
তং রথস্থং মহাবাহুং যুদ্বায়ামিততেজসম্।
দুর্যোধনস্তু রাধেয়মিদং বচনমব্রবীৎ॥ 8-30-17 (56360)
অকৃতং দ্রোণভীষ্মাভ্যাং দুষ্করং কর্ম সংয়ুগে।
কুরুষ্বাধিরথে বীর মিষতাং সর্বধন্বিনাম্॥ 8-30-18 (56361)
মনোগতং মম হ্যাসীদ্ভীষ্মদ্রোণৌ মহারথৌ।
অর্জুনং ভীমসেনং চ নিহন্তারাবিতি ধ্রুবম্॥ 8-30-19 (56362)
তাভ্যাং যদকৃতং বীর বীরকর্ম মহামৃধে।
তৎকর্ম কুরু রাধেয় বজ্রপাণিরিবাপরঃ॥ 8-30-20 (56363)
গৃহাণ ধর্মরাজং বা জহি বা ৎবং ধনঞ্জয়ম্।
ভীমসেনং চ রাধেয় মাদ্রীপুত্রৌ যমাবপি॥ 8-30-21 (56364)
জয়শ্চ তেঽস্তু ভদ্রং তে প্রয়াহি পুরুষর্ষভ।
পাণ্ডুপুত্রস্য সৈন্যানি কুরু সর্বাণি ভস্মসাৎ॥ 8-30-22 (56365)
ততস্তূর্যসহস্রাণি ভেরীণাময়ুতানি চ।
বাদ্যমানান্যরোচন্ত মেঘশব্দো যথা দিবি॥ 8-30-23 (56366)
প্রতিগৃহ্য তু তদ্বাক্যং রথস্থো রথরুত্তমঃ।
অভ্যভাষত রাধেয়ঃ শল্যং যুদ্ধবিশারদম্॥ 8-30-24 (56367)
চোদয়াশ্বান্মহাবাহো যাবদ্বন্মি ধনঞ্জয়ম্।
ভীমসেনং যমৌ চোভৌ রাজানং চ যুধিষ্ঠিরম্॥ 8-30-25 (56368)
অদ্য পশ্যতু মে শল্য বাহুবীর্যং ধনঞ্জয়ঃ।
অস্যতঃ কঙ্কপত্রাণাং সহস্রাণি শতানি চ॥ 8-30-26 (56369)
অদ্য ক্ষেপ্স্যাম্যহং শল্য শরান্পরমতেজনান্।
পাণ্ডবানাং বিনাশায় দুর্যোধনজয়ায় চ॥ 8-30-27 (56370)
সঞ্জয় উবাচ। 8-30-28x (4912)
এতচ্ছ্রুৎবা বচস্তস্য শল্যঃ কর্ণং বচোঽব্রবীৎ।
কথং নু তান্মহাবীর্যান্পাণ্ডবানবমন্যসে॥ 8-30-28 (56371)
সর্বাস্ত্রজ্ঞান্মহেষ্বাসান্সর্বানেন মহাবলান্।
অনিবর্তিনো মহাভাগানজয়্যান্সত্যবিক্রমান্।
অপি সঞ্জনয়েয়ুর্যে ভয়ং সাক্ষাচ্ছতক্রতোঃ॥ 8-30-29 (56372)
যদা শ্রোষ্যসি নির্ঘোষং বিস্ফূর্জিতমিবাশনেঃ।
রাধেয় পার্থধনুষস্তদা নৈবং বদিষ্যসি॥ 8-30-30 (56373)
যদা দ্রক্ষ্যসি ভীমেন কুঞ্জরানীকমাহবে।
বিশীর্ণদন্তং নিহতং তদা নৈবং বদিষ্যসি॥ 8-30-31 (56374)
যদা দ্রক্ষ্যসি সঙ্গ্রামে ধর্মপুত্রং যমৌ তথা।
শিতৈঃ পৃষৎকৈঃ কুর্বাণানভ্রচ্ছায়ামিবাম্বরে॥ 8-30-32 (56375)
অস্যতঃ ক্ষিণ্বতশ্চারীঁল্লঘুহস্তান্দুরাসদান্।
পার্থিবাগপি চান্যাংস্ৎবং তদা নৈবং বদিষ্যসি॥ 8-30-33 (56376)
সঞ্জয় উবাচ। 8-30-34x (4913)
অনাদৃত্য তু তদ্বাক্যং মদ্ররাজে ভাষিতম্।
দ্রক্ষ্যস্যদ্যেত্যবোচত্তং শল্যং কর্ণো জনেশ্বর॥ ॥ 8-30-34 (56377)
ইতি শ্রীমন্মহাভারতে কর্ণপর্বণি ত্রিংশোঽধ্যায়ঃ॥ 30 ॥
Mahabharata - Karna Parva - Chapter Footnotes
॥ শ্রীঃ ॥
8.31. অধ্যায়ঃ 031
Mahabharata - Karna Parva - Chapter Topics
কর্ণস্য রণপ্রয়াণকালে দুর্নিমিত্তপ্রাদুর্ভাবঃ॥ 1 ॥ কর্ণেনাত্মশ্লাঘনপূর্বকং পার্থবধে প্রতিজ্ঞাতে তদসহমানেন শল্যেনার্জুনপ্রশংসনপূর্বকং কর্ণোপালম্ভঃ॥ 2 ॥
Mahabharata - Karna Parva - Chapter Text
8-31-0 (56378)
সঞ্জয় উবাচ। 8-31-0x (4914)
দৃষ্ট্বা কর্ণং মহাবীর্যং যুয়ুৎসং সমবস্থিতম্।
চুক্রুশুঃ কুরবঃ সর্বে হৃষ্টরূপাঃ সমন্ততঃ॥ 8-31-1 (56379)
ততো দুন্দুভিনির্ঘোষৈর্ভেরীণাং নিনদেন চ।
কোণশব্দৈশ্চ বিবিধৈর্গর্জিতৈশ্চ তরস্বিনাম্।
নির্যযুস্তাবকাঃ সর্বে মৃত্যুং কৃৎবা নিবর্তনম্॥ 8-31-2 (56380)
প্রয়াতে তু ততঃ কর্ণে রথেষু মদিতেষু চ।
চচাল চ মহী সর্বা ররাস চ সুবিস্বরম্॥ 8-31-3 (56381)
নিঃসরন্তো ব্যদৃশ্যন্ত সূর্যাৎসপ্ত মহাগ্রহাঃ॥ 8-31-4 (56382)
উল্কাপাতাশ্চ সঞ্জজ্ঞুর্দিগ্দাহাশ্চৈব দারুণাঃ।
তথাঽশন্যশ্চ সম্পেতুর্ববুর্বাতাশ্চ ভৈরবাঃ॥ 8-31-5 (56383)
মৃগপক্ষিগণাশ্চৈব পৃতনাং বহুশস্তব।
অপসব্যং তদা চক্রুর্বেদয়ন্তো মহাভয়ম্॥ 8-31-6 (56384)
প্রস্থিতস্য চ কর্ণস্য নিপেতুস্তুরগা ভুবি।
অস্থিবর্ষং চ পতিতমন্তরিক্ষাদ্ভয়ানকম্॥ 8-31-7 (56385)
জজ্বলুশ্চৈব শস্ত্রাণি ধ্বজাশ্চৈব চকম্পিরে।
অশ্রূণি চ ব্যমুঞ্চন্ত বাহনানি বিশাম্পতে॥ 8-31-8 (56386)
এতে চান্যে চ বহব উৎপাতাস্তত্র মারিষ।
সমুৎপেতুর্বিনাশায় কৌরবাণাং সুদারুণাঃ॥ 8-31-9 (56387)
ন চ তান্গণয়ামাসুঃ সর্বে দৈবেন মোহিতাঃ।
প্রস্থিতং সূতপুত্রং চ জয়েৎসূচুর্নরাধিপাঃ॥ 8-31-10 (56388)
`শল্যেন সহিতং দৃষ্ট্বা কর্ণমাহবশোভিনম্'।
নির্জিতান্পাণ্ডবাংশ্চৈব মেনিরে তত্র কৌরবাঃ॥ 8-31-11 (56389)
ততো রথস্থঃ পরবীরহন্তা
ভীষ্মদ্রোণবতিবীর্যৌ সমীক্ষ্য।
সমুজ্জ্বলন্ভাস্করপাবকাভো
বৈকর্তনোঽসৌ রথকুঞ্জরো বৃষা॥ 8-31-12 (56390)
অলং মনুষ্যস্য সুখায় বর্তিতুং
তথাহি যুদ্বে নিহতঃ পরৈর্গুরুঃ॥ 8-31-20 (56398)
হুতাশনাদিত্যসমানতেজসং
পরাক্রমে বিষ্ণুপুরন্দরোপমম্॥
নয়ে ব-হস্পত্যুশনঃসমং সদা
ন চৈনমস্ত্রং তদুপাস্ত দুঃসহম্॥ 8-31-21 (56399)
সম্প্রাক্রুষ্টে রুদিতস্ত্রীকুমারে
পরাভূতে পৌরুষে ধার্তরাষ্ট্রে।
কৃত্যং ময়া নাদ্য জানামি শল্য
প্রয়াহি তস্মাদ্দ্বিষতামনীকম্॥ 8-31-22 (56400)
স যত্র রাজা পাণ্ডবঃ সত্যসন্ধো
ব্যবস্থিতো ভীমসেনার্জুনৌ চ।
স বাসুদেবঃ সাত্যকিঃ সৃঞ্জয়াশ্চ
যমৌ চ কস্তান্বিষহেন্মদন্যঃ॥ 8-31-23 (56401)
তস্মাৎক্ষিপ্রং মদ্রপতে প্রয়াহি
রণে পাঞ্চালান্পাণ্ডবান্সৃঞ্জয়াংশ্চ।
তান্বা হনিষ্যামি সমেত্য সঙ্খ্যে
যাস্যামি বা দ্রোণমুখো যমায়॥ 8-31-24 (56402)
ন ৎবেবাহং ন গমিষ্যামি মধ্যে
তেষাং শূরাণামিতি শল্যাদ্য বিদ্বি।
মিত্রদ্রোহো মর্ষণীয়ো ন মেঽয়ং
ত্যক্ৎবা প্রাণাননুয়াস্যামি দ্রোণম্॥ 8-31-25 (56403)
প্রাজ্ঞস্য মূঢস্য চ জীবিতান্তে
নাস্তি প্রমোক্ষোঽন্তকসন্নিভস্য।
অতো বিদ্বন্নভিয়োৎস্যামি পার্থং
দিষ্টং ন শক্যং ব্যতিবর্তিতুং বৈ॥ 8-31-26 (56404)
কল্যাণবৃত্তঃ সততং হি রাজা
বৈচিত্রবীর্যস্য সুতো মমাসীৎ।
তস্যার্থসিদ্ব্যর্থমহং ত্যজামি
প্রিয়ান্ভোগান্দুস্ত্যজং জীবিতং চ॥ 8-31-27 (56405)
বৈয়াঘ্রচর্মাণমকূজনাক্ষং
হৈমং ত্রিকোশং রজতত্রিবেণুম্।
রথপ্রবর্হং তুরগপ্রবার্হৈ--
র্যুক্তং প্রাদান্মহ্যমিমং হি রামঃ॥ 8-31-28 (56406)
ধনূংষি চিত্রাণি নিরীক্ষ্য শল্য
ধ্বজান্গদাঃ সায়কাংশ্চোগ্ররূপান্।
অসিং চ দীপ্তং পরমায়ুধং চ
শঙ্খং চ শুভ্রং স্বনবন্তমুগ্রম্॥ 8-31-29 (56407)
পতাকিনং বজ্রনিপাতনিঃ স্বনং
সিতাশ্বয়ুক্তং শুভতূণশোভিতম্।
ইমং সমাস্থায় রথর্ষভং রণে
দৃঢং হনিষ্যাম্যহমর্জুনং বলাৎ॥ 8-31-30 (56408)
তং চেন্মৃত্যুঃ সর্বহরোঽভিরক্ষে--
ৎসদাঽপ্রমত্তঃ সমরে পাণ্ডুপুত্রম্।
তং বা হনিষ্যামি রণে সমেত্য
যাস্যামি বা দ্রোণমুখো যমায়॥ 8-31-31 (56409)
যমবরুণকুবেরবাসবা বা
যদি যুগপৎসগণা মহাহবে।
জুগুপুরিহ সমেত্য ফল্গুনং
কিমু বহুনা সহ তৈর্জয়ামি তম্॥ 8-31-32 (56410)
সঞ্জয় উবাচ। 8-31-33x (4915)
ইতি রণরভসস্য কত্থত--
স্তদুপনিশম্য বচঃ স মদ্ররাট্।
অবহসদবমন্য বীর্যবান্
প্রতিষিষিধে চ জগাদ চোত্তরম্॥ 8-31-33 (56411)
শল্য উবাচ। 8-31-34x (4916)
বিরম বিরম কর্ণ কত্থনা--
দতিরভসোঽপ্যতিবাচমুক্তবান্।
ক্ব চ হি নরবরো ধনঞ্জয়ঃ
ক্ব পুনরিহ ৎবমহো নরাধমঃ॥ 8-31-34 (56412)
যদুসদনমুপেন্দ্রপালিতং
ত্রিদিবমিবামররাজরক্ষিতম্।
প্রসভমতিবিলোড্য কো হরে--
ৎপুরুষবরাবরজামৃতেঽর্জুনাৎ॥ 8-31-35 (56413)
ত্রিভুবনসৃজমীশ্বরেশ্বরং
ক ইহ পুমান্ভবমাহ্বয়েদ্যুধি।
মৃগবধকলহে ঋতেঽর্জুনাৎ
সুরপতিবীর্যসমপ্রভাবতঃ॥ 8-31-36 (56414)
অসুরসুরমহোরগান্নরান্
গরুডপিশাচসয়ক্ষরাক্ষসান্।
ইষুভিরজয়দগ্নিগৌরবাৎ
স্বভিলষিতং চ হবির্দদৌ জয়ঃ॥ 8-31-37 (56415)
স্মরসি ননু যদা পরৈর্হৃতঃ
সহধৃতরাষ্ট্রসুতো বিমোক্ষিতঃ।
অধিরথজ নরোত্তমৈর্যুতান্
কুরুষু বহূন্বিনিহত্য তানরীন্॥ 8-31-38 (56416)
প্রথমমপি পলায়িতে ৎবয়ি
প্রিয়কলহা ধৃতরাষ্ট্রসূনবঃ।
স্মরসি ননু যদা প্রমোচিতাঃ
খচরগণানবজিত্য পাণ্ডবৈঃ॥ 8-31-39 (56417)
সমুদিতবলবাহনাঃ পুনঃ
পুরুষবরেণ জিতাঃ স্থ গোগ্রহে।
সগুরুগুরুসুতাঃ সভীষ্মকাঃ
কিমু ন জিতঃ স তদা ৎবয়াঽর্জুনঃ॥ 8-31-40 (56418)
ইদমপরমুপস্থিতং পুন--
স্তব নিধনায় সুয়ুদ্বমদ্য বৈ।
যদি ন রিপুভয়াৎপলায়সে
সমরগতোঽদ্য হতোঽসি সূতজ॥ 8-31-41 (56419)
সঞ্জয় উবাচ। 8-31-42x (4917)
ইতি বহুপরুষং প্রভাষতি
প্রমনসি মদ্রপতৌ রিপুস্তবম্।
ভৃশমভিরুষিতঃ সরন্তপঃ
কুরুপৃতনাপতিরাহ মদ্রপম্॥ 8-31-42 (56420)
কর্ণ উবাচ। 8-31-43x (4918)
ভবতু ভবতু কিং বিকত্থসে
ননু মর্ম তস্য হি যুদ্ধমুদ্যতম্।
যদি স জয়তি মামিহাহবে
তত ইদমস্তু সুকত্থিতং তব॥ 8-31-43 (56421)
সঞ্জয় উবাচ। 8-31-44x (4919)
এবমস্ৎবিতি মদ্রেশ উক্ৎবা নোত্তরমুক্তবান্।
যাহি শল্যেতি চাপ্যেনং কংর্ণঃ প্রাহ যুয়ুৎসয়া॥ 8-31-44 (56422)
স রথঃ প্রয়যৌ শত্রূন্নিঘ্নতঃ শল্যসারথিঃ।
নিঘ্নন্নমিত্রান্সমরে তমোঘ্নঃ সবিতা যথা॥ 8-31-45 (56423)
ততঃ প্রায়াৎপ্রীতিমান্বৈ রথেন
বৈয়াঘ্রেণ শ্বেতয়ুজাঽথ কর্ণঃ।
স চালোক্য ধ্বজিনীং পাণ্ডবানাং
ধনঞ্জয়ং ৎবরয়া পর্যপৃচ্ছৎ॥ ॥ 8-31-46 (56424)
ইতি শ্রীমন্মহাভারতে কর্ণপর্বণি একত্রিংশোঽধ্যায়ঃ॥ 31 ॥
Mahabharata - Karna Parva - Chapter Footnotes
॥ শ্রীঃ ॥
8.32. অধ্যায়ঃ 032
Mahabharata - Karna Parva - Chapter Topics
কর্ণেন স্বস্যার্জুনপ্রদর্শকায় তদভিমতপারিতোষিকপ্রদানপ্রতিজ্ঞানম্॥ 1 ॥
Mahabharata - Karna Parva - Chapter Text
8-32-0 (56425)
সঞ্জয় উবাচ। 8-32-0x (4920)
প্রয়ত্নেন তদা কর্ণো হর্ষয়ন্বাহিনীং তব।
একৈকং সমরে দৃষ্ট্বা পাণ্ডবং পর্যপৃচ্ছত॥ 8-32-1 (56426)
যো মমাদ্য মহাত্মানং দর্শয়েচ্ছ্বেতবাহনম্।
তস্মৈ দদ্যামভিপ্রেতং ধনং যন্মনসেচ্ছতি॥ 8-32-2 (56427)
ন চেত্তদভিমন্যেত তস্মৈ দদ্যামহং পুনঃ।
শকটং রত্নসম্পূর্ণং যো মে ব্রূয়াদ্বনঞ্জয়ম্॥ 8-32-3 (56428)
ন চেত্তদভিমন্যেত পুরুষোঽর্জুনদর্শিবান্।
শতং দদ্যাং গবাং তস্মৈ নৈত্যকং কাংস্যদোহনম্॥ 8-32-4 (56429)
শতং গ্রামবরাংশ্চৈব দদ্যামর্জুনদর্শিনে।
তথা তস্মৈ পুনর্দদ্যাং শ্বেতমশ্বতরীরথম্।
যুক্তমঞ্জনকেশীভির্যো মে ব্রূয়াদ্বনঞ্জয়ম্॥ 8-32-5 (56430)
ন চেত্তদভিমন্যেত পুরুষোঽর্জুনদর্শিবান্।
অন্যং বাঽস্মৈ পুনর্দদ্যাং সৌবর্ণং হস্তিষঙ্গবম্॥ 8-32-6 (56431)
তথাপ্যস্মৈ পুনর্দদ্যাং স্ত্রীণাং শতমলঙ্কৃতম্।
শ্যামানাং নিষ্ককণ্ঠীনাং গীতবাদ্যবিপশ্চিতাম্॥ 8-32-7 (56432)
ন চেত্তদভিমন্যেত পুরুষোঽর্জুনদর্শিবান্।
তস্মৈ দদ্যাং শতং নাগাঞ্শতং গ্রামাঞ্শতং রথান্॥ 8-32-8 (56433)
সুবর্ণস্য চ মুখ্যস্য হয়াগ্র্যাণাং শতং শতান্।
ঋদ্ব্যা গুণৈঃ সুদান্তাংশ্চ ধুর্যবাহান্সুশিক্ষিতান্॥ 8-32-9 (56434)
তথা সুবর্ণশৃঙ্গীণাং গোধেনূনাং চতুঃশতম্।
দদ্যাং তস্মৈ সবৎসানাং যো মে ব্রূয়াদ্বনঞ্জয়ম্॥ 8-32-10 (56435)
ন চেত্তদভিমন্যেত পুরুষোঽর্জুনদর্শিবান্।
অন্যদস্মৈ বরং দদ্যাং শ্বেতান্পঞ্চশতান্হয়ান্॥ 8-32-11 (56436)
হেমভাণ্ডপরিচ্ছন্নান্সুমৃষ্টমণিভূষণান্।
সুদান্তানপি চৈবাহং দদ্যামষ্টাদশাপরান্॥ 8-32-12 (56437)
রথং চ শুভ্রং সৌবর্ণং দদ্যাং তস্মৈ স্বলঙ্কৃতম্।
যুক্তং পরমকাম্ভোজৈর্যো মে ব্রূয়াদ্বনঞ্জয়ম্॥ 8-32-13 (56438)
ন চেত্তদভিমন্যেত পুরুষোঽর্জুনদর্শিবান্।
অন্যদস্মৈ বরং দদ্যাং কুঞ্জরাণাং শতানি ষট্॥ 8-32-14 (56439)
কাঞ্চনৈর্বিবিধৈর্ভাণ্ডৈরাচ্ছন্নান্হেমমালিনঃ।
উৎপন্নানপরান্তেষু বিনীতান্হস্তিশিক্ষকৈঃ॥ 8-32-15 (56440)
ন চেত্তদভিমন্যেত পুরুষোঽর্জুনদর্শিবান্।
অন্যদস্মৈ বরং দদ্যাং বৈশ্যগ্রামাংশ্চতুর্দশ॥ 8-32-16 (56441)
সুস্ফীতান্ধনসংয়ুক্তান্প্রত্যাসন্নবনোদকান্।
অকুতোভয়ান্সুসম্পন্নান্রাজভোজ্যাংশ্চতুর্দশ॥ 8-32-17 (56442)
দাসীনাং নিষ্ককণ্ঠীনাং মাগধীনাং শতং তথা।
প্রত্যগ্রবয়সাং দদ্যাং যো মে ব্রূয়াদ্ধনঞ্জয়ম্॥ 8-32-18 (56443)
ন চেত্তদভিমন্যেত পুরুষোঽর্জুনদর্শিবান্।
অন্যং তস্মৈ বরং দদ্যাং যমসৌ কাময়েৎস্বয়ম্॥ 8-32-19 (56444)
পুত্রদারান্বিহায়ৈব যদন্যদ্বিত্তমস্তি মে।
তচ্চ তস্মৈ পুনর্দদ্যাং যদ্যচ্চ মনসেচ্ছতি॥ 8-32-20 (56445)
হৎবা চ সহিতৌ কৃষ্ণৌ তয়োর্বিত্তানি সর্বশঃ।
তস্মৈ দদ্যামহং যো মে প্রব্রূয়াৎকেশবার্জুনৌ॥ 8-32-21 (56446)
সঞ্জয় উবাচ। 8-32-22x (4921)
এতা বাচঃ সুবহুশঃ কর্ণ উচ্চারয়ন্যুধি।
দধ্মৌ সাগরসম্ভূতং সুস্বরং শঙ্খমুত্তমম্॥ 8-32-22 (56447)
তা বাচঃ সূতপুত্রস্য তথা যুক্তা নিশম্য তু।
দুর্যোধনো মহারাজ সংহৃষ্টঃ সানুজোঽভবৎ॥ 8-32-23 (56448)
ততো দুন্দুভিনির্ঘোষো মৃদঙ্গানাং চ সর্বশা।
সিংহনাদঃ সবাদিত্রঃ কুঞ্চরাণাং চ নিঃস্বনঃ॥ 8-32-24 (56449)
প্রাদুরাসীত্তদা রাজংস্ৎবৎসৈন্যে পুরুষর্ষভ।
যোধানাং সম্প্রহৃষ্টানাং তথা সমভবৎস্বনঃ॥ 8-32-25 (56450)
তথা প্রহৃষ্টে সৈন্যে তং প্লুবমানং মহারথম্।
বিকত্থমানং চ তদা রাধেয়মরিকর্শনম্।
মদ্ররাজঃ প্রহস্যেদং বচনং প্রত্যভাষত॥ ॥ 8-32-26 (56451)
ইতি শ্রীমন্মহাভারতে কর্ণপর্বণি দ্বাত্রিংশোঽধ্যায়ঃ॥ 32 ॥
Mahabharata - Karna Parva - Chapter Footnotes
॥ শ্রীঃ ॥
8.33. অধ্যায়ঃ 033
Mahabharata - Karna Parva - Chapter Topics
কর্ণগর্বোক্তিমসহমানেন শল্যেন তদ্গ্রর্হণম্॥ 1 ॥
Mahabharata - Karna Parva - Chapter Text
8-33-0 (56452)
শল্য উবাচ। 8-33-0x (4922)
মা সূতপুত্র মন্যেত(থাঃ) সৌবর্ণং হস্তিষঙ্গবম্।
প্রয়চ্ছসি মুধৈব ৎবং দ্রক্ষ্যস্যদ্য ধনঞ্জয়ম্॥ 8-33-1 (56453)
মা সূতপুত্র দানেন সৌবর্ণং হস্তিষঙ্গবম্।
প্রয়চ্ছ পুরুষায়াদ্য দ্রক্ষ্যসি ৎবং ধনঞ্জয়ম্॥ 8-33-2 (56454)
বলেন মত্তস্ত্যজসি বসু বৈশ্রবণো যথা।
অয়ত্নেনৈব রাধেয় দ্রষ্টাস্যদ্য ধনঞ্জয়ম্॥ 8-33-3 (56455)
পুরা সৃজসি যচ্চাপি বিত্তং বহু চ মূঢবৎ।
অপাত্রদানাদ্যে দোষাস্তান্মোহান্নাববুধ্যসে॥ 8-33-4 (56456)
যৎপ্রবেদয়সে বিত্তং বহু তেন খলু ৎবয়া।
শক্যং বহুবিধৈর্যজ্ঞৈর্যষ্টুং সূত যজস্ব তৈঃ॥ 8-33-5 (56457)
যচ্চ প্রার্থয়সে হন্তুং কৃষ্ণৌ মোহাদ্বৃথৈব তৎ।
ন হি শুশ্রুম সম্মর্দে ক্রোষ্ট্রা সিংহৌ নিপাতিতৌ॥ 8-33-6 (56458)
অপ্রার্থিতং প্রার্থয়সে সুহৃদো ন হি সন্তি তে।
যে ৎবাং নিবারয়ন্ত্যাশু প্রপতন্তং হুতাশনে॥ 8-33-7 (56459)
কার্যাকার্যং ন জানীষে কালপক্কোঽস্যসংশয়ম্।
বহ্ববদ্ধমকর্ণীয়ং কো হি ব্রূয়াজ্জিজীবিষুঃ॥ 8-33-8 (56460)
সমুদ্রতরণং দোর্ভ্যাং কণ্ঠে বদ্ধ্বা যথা শিলাম্।
গির্যগ্রাদ্বা নিপতনং তাদৃক্ৎব চিকীর্ষিতম্॥ 8-33-9 (56461)
সহিতঃ সর্বয়োধৈস্ৎবং ব্যূঢানীকৈঃ সুরক্ষিতঃ।
ধনঞ্জয়েন যুধ্যস্ব শ্রেয়শ্চেৎপ্রাপ্তুমিচ্ছসি॥ 8-33-10 (56462)
হিতার্থং ধার্তরাষ্ট্রস্য ব্রবীমি ৎবাং ন হিংসয়া।
শ্রদ্ধস্বেদং ময়া প্রোক্তং যদি তেঽস্তি জিজীবিষা॥ 8-33-11 (56463)
কর্ণ উবাচ। 8-33-12x (4923)
স্ববাহুবীর্যমাশ্রিত্য প্রার্থয়াম্যর্জুনং রণে।
ৎবং তু মিত্রমুখঃ শত্রুর্মাং ভীষয়িতুমিচ্ছসি॥ 8-33-12 (56464)
ন মামস্মাদভিপ্রায়াৎকশ্চিদদ্য নিবর্তয়েৎ।
অপীন্দ্রো বজ্রমুদ্যম্য কিমু মর্ত্যঃ কথঞ্চন॥ 8-33-13 (56465)
সঞ্জয় উবাচ। 8-33-14x (4924)
ইতি কর্ণস্য বাক্যান্তে শল্যঃ প্রাহোত্তরং বচঃ।
চুকোপয়িষুরত্যর্থং কর্ণং মদ্রেশ্বরঃ পুনঃ॥ 8-33-14 (56466)
যদা বৈ ৎবাং ফল্গুনবাহুবেগা--
জ্জ্যাচোদিতা বেগবন্তোঽগ্নিকল্পাঃ।
অন্বেতারঃ কঙ্কপত্রাঃ শিতাগ্রা--
স্ত্যক্ষ্যত্যেষা স্বাং তদা কর্ণ বুদ্ধিঃ॥ 8-33-15 (56467)
যদা দির্ব্য ধনুরাদায় পার্থঃ
প্রতাপয়ন্পৃতনাং সব্যসাচী।
ৎবাং মর্দয়িষ্যত্যসুখৈঃ পৃষৎকৈ--
স্তদাপৃচ্ছাং ত্যক্ষ্যসে পাণ্ডবস্য॥ 8-33-16 (56468)
বালশ্চন্দ্রং মাতুরঙ্কে শয়ানো
যথা কশ্চিৎপ্রার্থয়তেঽপহর্তুম্।
তদ্বন্মোহাদ্দয়োতামানং রথস্থং
জেতুং পার্থং কাঙ্ক্ষসে সূতপুত্র॥ 8-33-17 (56469)
হরাদস্ত্রং তীক্ষ্ণধারং যথাঽদ্য
সর্বাণি গাত্রাণি নিকর্ষসি ৎবম্।
সুতীক্ষ্ণশস্ত্রোপমকর্মণেহ
যুয়ুৎসসে ফল্গুনেনাদ্য কর্ণ॥ 8-33-18 (56470)
হন্যাদসিং তীক্ষ্ণধারং যথাঽতঃ
সুতেজনং নিহিতং বৈ পৃথিব্যাম্।
তথা খনস্যদ্য শিতান্পৃষৎকা--
ন্যথার্থয়স্যর্জুনেনেহ যুদ্ধম্॥ 8-33-19 (56471)
ত্রিশূলমাশ্লিষ্য সুতীক্ষ্ণধারং
সর্বাণি গাত্রাণি বিঘর্ষসি ৎবম্।
সুতীক্ষ্ণধারোপমকর্মণা ৎবং
যুয়ুৎসসে যোঽর্জুনেনাদ্য কর্ণ॥ 8-33-20 (56472)
ক্রুদ্ধং সিংহং কেসরিণং বৃহন্তং
বালো মূঢঃ ক্ষুদ্রমৃগস্তরস্বী।
সমাহ্বয়েদ্বৃষ্টমুপেত্য যোদ্ধুং
তথা ৎবমদ্যাহ্বয়সে হি পার্থম্॥ 8-33-21 (56473)
মা সূতপুত্রাহ্বয় রাজপুত্রং
মহাবীর্যং কেসরিণং যথৈব।
বনে শৃগালঃ পিশিতেন তৃপ্তঃ
পার্থং সমাসাদ্য বিনঙ্ক্ষ্যসি ৎবম্॥ 8-33-22 (56474)
ঈষাদন্তং মহানাগং প্রভিন্নকরটামুখম্।
শশকো হয়সে যুদ্বে কর্ণ পার্থং ধনঞ্জয়ম্॥ 8-33-23 (56475)
বিলস্থং কৃষ্ণসর্পং ৎবং জাল্যাৎকাষ্ঠেন বিধ্যসি।
মহাবিষং পূর্ণকোপং যৎপার্থং যোদ্বুমিচ্ছসি॥ 8-33-24 (56476)
সিংহং কেসরিণং ক্রুদ্ধমভিক্রম্যাভিনর্দসে।
শৃগাল ইব মূঢস্ৎবং নৃসিংহং কর্ণ পাণ্ডবম্॥ 8-33-25 (56477)
সুপর্ণং পতগশ্রেষ্ঠং বৈনতেয়ং তরস্বিনম্।
স্বগেবাহ্বয়সে পার্থং তথা কর্ণং ধনঞ্জয়ম্॥ 8-33-26 (56478)
সর্বাম্ভসাং নিধিং ভীমং মূর্তিমন্তং ঝষাকুলম্।
চন্দ্রোদয়ে বিবর্ধন্তমপ্লুবস্ৎবং তিতীর্ষসি॥ 8-33-27 (56479)
ঋষভং দুন্দুভিগ্রীবং তীক্ষ্ণশৃঙ্গং প্রহারিণম্।
বৎস আহ্বয়সে যুদ্বে কর্ণ পার্থং ধনঞ্জয়ম্॥ 8-33-28 (56480)
মহামেঘং মহাঘোষং দর্দুরঃ প্রতিনর্দসি।
বাণতোয়প্রদং কালে নরপর্জন্যমর্জুনম্॥ 8-33-29 (56481)
যথা চ শ্বা গৃহস্থস্তু ব্যাঘ্রং বনগতং ভষেৎ।
তথা ৎবং ভষসে কর্ণ নরব্যাঘ্রং ধনঞ্জয়ম্॥ 8-33-30 (56482)
শৃগালো হি বনে কর্ণ শশৈঃ পরিবৃতো বসন্।
মন্যতে সিংহমাত্মানং যাবৎসিংহং ন পশ্যতি॥ 8-33-31 (56483)
তথা ৎবমপি রাধেয় সিংহমাত্মানমিচ্ছসি।
অপশ্যঞ্শত্রুদমনং নরসিংহং রণেঽর্জুনম্॥ 8-33-32 (56484)
ব্যাঘ্রং ৎবং মন্যসেঽঽত্মানং যাবৎকৃষ্ণৌ ন পশ্যসি।
সমাস্থিতাবেকরথে সূর্যাচন্দ্রমসাবিব॥ 8-33-33 (56485)
যাবদ্গ্রাণ্ডীবঘোষং ৎবং ন শৃণোষি মহাহবে।
তাবদেব ৎবয়া কর্ণ শক্যং বক্তুং যথেচ্ছসি॥ 8-33-34 (56486)
রথশঙ্খধনুঃশব্দৈর্নাদয়ন্তং দিশো দশ।
নর্দন্তমিব শার্দূলং দৃষ্ট্বা ক্রোষ্টা ভবিষ্যসি॥ 8-33-35 (56487)
নিত্যমেব শৃগালস্ৎবং নিত্যং সিংহো ধনঞ্জয়ঃ।
বীরপ্রদ্বেষণান্মূঢ তস্মাৎক্রোষ্টেব লক্ষ্যসে॥ 8-33-36 (56488)
যথাঽঽখুঃ স্যাদ্বিডালশ্চ শ্বা ব্যাঘ্রশ্চ বলাবলে।
যথা শৃগালঃ সিংহশ্চ যথা চ শশকুঞ্জরৌ॥ 8-33-37 (56489)
যথাঽনৃতং চ সত্যং চ যথা চাপি বিষামৃতে।
তথা ৎবমপি পার্থশ্চ প্রখ্যাতাবাত্মকর্মভিঃ॥ ॥ 8-33-38 (56490)
ইতি শ্রীমন্মহাভারতে কর্ণপর্বণি ত্রয়স্ত্রিংশোঽধ্যায়ঃ॥ 33 ॥
Mahabharata - Karna Parva - Chapter Footnotes
॥ শ্রীঃ ॥
8.34. অধ্যায়ঃ 034
Mahabharata - Karna Parva - Chapter Topics
কর্ণেন মর্মোদ্ধাটনপূর্বকং শল্যগর্হণম্॥ 1 ॥
Mahabharata - Karna Parva - Chapter Text
8-34-0 (56491)
সঞ্জয় উবাচ। 8-34-0x (4925)
অধিক্ষিপ্তস্তু রাধেয়ঃ শল্যেনামিততেজসা।
শল্যমাহ সুসঙ্ক্রুদ্ধো বাক্শল্যমবধারয়ন্॥ 8-34-1 (56492)
কর্ণ উবাচ। 8-34-2x (4926)
গুণান্গুণবতাং শল্য গুণবান্বেত্তি নাগুণঃ।
ৎবং তু নিত্যং গুণৈর্হীনঃ কিং জ্ঞাস্যসি গুণাগুণান্॥ 8-34-2 (56493)
অর্জুনস্য মহাস্ত্রাণি ক্রোধং বীর্যং ধনুঃ শরান্।
অহং শল্যাভিজানামি ন ৎবং জানাসি তত্তথা॥ 8-34-3 (56494)
তথা কৃষ্ণস্য মাহাত্ম্যমৃষভস্য মহীক্ষিতাম্।
যথাহং শল্য জানামি ন ৎবং জানাসি তত্তথা॥ 8-34-4 (56495)
এবমেবাত্মনো বীর্যমহং বীর্যং চ পাণ্ডবে।
জানংস্তাবাহ্বয়ে যুদ্ধে শল্য নাগ্নিং পতঙ্গবৎ॥ 8-34-5 (56496)
অস্তি চাঽয়মিষুঃ শল্য সুপুঙ্খো রক্তভোজনঃ।
একস্তূণীশয়ঃ পত্রী সুধৌতঃ সমলঙ্কৃতঃ॥ 8-34-6 (56497)
শেতে চন্দনচূর্ণেন পূজিতো বহুলাঃ সমাঃ।
আহেয়ো বিষবানুগ্রো নরাশ্বদ্বিপসঙ্ঘহা॥ 8-34-7 (56498)
ঘোররূপো মহারৌদ্রস্তনুত্রাস্থিবিদারণঃ।
নির্ভিন্দ্যাং যেন রুষ্টোঽহমপি মেরুং মহাগিরিম্॥ 8-34-8 (56499)
তমহং জাতু নাস্যেয়মন্যস্মিন্ফল্গুনাদৃতে।
কৃষ্ণাদ্বা দেবকীপুত্রাৎসত্যং চাপি শৃণুষ্ব মে॥ 8-34-9 (56500)
তেনাহমিষুণা শল্য বাসুদেবধনঞ্জয়ৌ।
যোৎস্যে পরমসংরব্ধৌ তৎকর্ম সদৃশং মম॥ 8-34-10 (56501)
সর্বেষাং বৃষ্ণিবীরাণাং কৃষ্ণে লক্ষ্মীঃ প্রতিষ্ঠিতা।
সর্বেষাং পাণ্ডুপুত্রাণাং জয়ঃ পার্থে প্রতিষ্ঠিতঃ।
উভয়ং তু সমাসাদ্য কো নিবর্তিতুমর্হতি॥ 8-34-11 (56502)
তাবেতৌ পুরুষব্যাঘ্রৌ সমেতৌ স্যন্দনে স্থিতৌ।
মামেকমভিসংয়ুদ্ধৌ সুজাতং পশ্য শল্য মে॥ 8-34-12 (56503)
পিতৃষ্বসামাতুলজৌ ভ্রাতরাবপরাজিতৌ।
মণী সূত্র ইব প্রোতৌ দ্রষ্টাসি নিহতৌ ময়া॥ 8-34-13 (56504)
অর্জুনে গাণ্ডিবং কৃষ্ণে চক্রং তার্ক্ষ্যকপিধ্বজৌ।
ভীরূণাং ত্রাসজননং শল্য হর্ষকরং মম॥ 8-34-14 (56505)
ৎবং তু দুষ্প্রকৃতির্মূঢো মহায়ুদ্বেষ্বকোবিদঃ।
ভয়াবদীর্ণঃ সন্ত্রাসাদবদ্ধং বহুঃ ভাষসে॥ 8-34-15 (56506)
সংস্তৌষি তৌ তু কেনাপি হেতুনা ৎবং কুদেশজ।
তৌ হৎবা সমরে হন্তা ৎবামদ্য সহ বান্ধবম্॥ 8-34-16 (56507)
পাপদেশজ দুর্বুদ্ধে ক্ষুদ্র ক্ষত্রিয়পাংসন।
সুহৃদ্রূপো রিপুঃ কিং মাং কৃষ্ণাভ্যাং ভীষয়িষ্যসি॥ 8-34-17 (56508)
তৌ বা মামদ্য হন্তারৌ হনিষ্যে বাঽপি তাবহম্।
নাহং বিভেমি কৃষ্ণাভ্যাং বিজানন্নাত্মনো বলম্॥ 8-34-18 (56509)
বাসুদেবসহস্রং বা ফল্গুনানাং শতানি বা।
অহমেকো হনিষ্যামি জোষমাস্স্ব কুদেশজ॥ 8-34-19 (56510)
স্ত্রিয়ো বালাশ্চ বৃদ্বাশ্চ প্রায়ঃ ক্রীডাগতা জনাঃ॥ 8-34-20 (56511)
যা গাথাঃ সম্প্রগায়ন্তি কুর্বতোঽধ্যযনং যথা।
তা গাথাঃ শৃণু মে শল্য মদ্রকেষু দুরাত্মসু॥ 8-34-21 (56512)
ব্রাহ্মণৈঃ কথিতাঃ পূর্বং যথাবদ্রাজসন্নিধৌ।
শ্রুৎবা চৈকমনা মূঢ মম বা ব্রূহি চোত্তরম্॥ 8-34-22 (56513)
মিত্রধ্রুঙ্মদ্রকো নিত্যং যো নো দ্বেষ্টি স মদ্রকঃ।
মদ্রকে সঙ্গতং নাস্তি ক্ষুদ্রবাক্যে নরাধমে॥ 8-34-23 (56514)
দুরাত্মা মদ্রকো নিত্যং নিত্যমানৃতিকোঽনৃজুঃ।
যচ্চান্যদপি দৌরাত্ম্যং মদ্রকেষ্বিতি নঃ শ্রুতম্॥ 8-34-24 (56515)
পিতা পুত্রশ্চ মাতা চ শ্বশ্রূশ্বশুরমাতুলাঃ।
ভগিনী দুহিতা ভ্রাতা নপ্তাঽন্যে তে চ বান্ধবাঃ॥ 8-34-25 (56516)
বয়স্যাভ্যাগতাশ্চান্যে দাসীদাসাশ্চ সঙ্গতাঃ।
পুম্ভির্বিমিশ্রা নার্যশ্চ জ্ঞাতাজ্ঞাতাঃ স্বয়েচ্ছয়া॥ 8-34-26 (56517)
যেষাং গৃহেষ্বশিষ্টানাং সক্তুমদ্যাশিনাং সদা।
পীৎবা শীধু সগোমাংসং ক্রন্দন্তি চ হসন্তি চ॥ 8-34-27 (56518)
গায়ন্তি চাপ্যবদ্ধানি প্রবর্তন্তে চ কামতঃ।
কামপ্রলাপিনোঽন্যোন্যং তেষু ধর্মঃকথং ভবেৎ॥ 8-34-28 (56519)
মদ্রকেষ্ববলিপ্তেষু প্রখ্যাতাশুভকর্মসু।
নাপি বৈরং ন সৌহার্দং মদ্রকেণ সমাচরেৎ॥ 8-34-29 (56520)
মদ্রকে সঙ্গতং নাস্তি মদ্রকো হি সদা মলঃ।
মদ্রকেষু চ সংসৃষ্টং শৌচং গান্ধারকেষু চ॥ 8-34-30 (56521)
রাজয়াজকয়াজ্যে হি যথা দত্তং হবির্নশেৎ।
শূদ্রসংস্কারকো বিপ্রো যথা যাতি পরাভবম্॥ 8-34-31 (56522)
যথা ব্রহ্মদ্বিষো নিত্যং গচ্ছন্তীহ পরাভবম্।
যথৈব সংগতং কৃৎবা নরঃ পততি মদ্রকৈঃ॥ 8-34-32 (56523)
বালেষ্বপি সদা ন স্ম ধনং বৃশ্চিক তে বিষম্।
আথর্বণেন মন্ত্রেণ সর্বশান্তিঃ কৃতা ময়া॥ 8-34-33 (56524)
ইতি বৃশ্চিকদষ্টস্য বিষবেগহতস্য চ।
কুর্বন্তি ভেষজং প্রাজ্ঞাঃ সত্যং তচ্চাপি দৃশ্যতে॥ 8-34-34 (56525)
এবং বিদ্বঞ্জোষমাস্স্ব ব্রূহি চাত্রোত্তরং বচঃ।
বাসাংস্যুৎসৃজ্য নৃত্যন্তি স্ত্রিয়ো মদ্যবিমোহিতাঃ॥ 8-34-35 (56526)
মৈথুনেঽসঙ্গতাশ্চাপি যথাকামবরাশ্চ তাঃ।
তাসাং পুত্র কথং ধর্মং মদ্রকো বক্তুমর্হতি॥ 8-34-36 (56527)
যাস্তিষ্ঠন্ত্যঃ প্রমেহন্তি যথৈবোষ্ট্রদশেরকাঃ।
তাসাং বিভ্রষ্টধর্মাণাং নির্লজ্জানাং ততস্ততঃ।
ৎবং পুত্রস্তাদৃশীনাং হি ধর্মং বক্তুমিহেচ্ছসি॥ 8-34-37 (56528)
সৌবীরকং যাচ্যমানা মদ্রিকা কর্ষতি স্ফিচৌ।
অদাতুকামা বচনমিদং বদতি দারুণম্॥ 8-34-38 (56529)
মা মাং সৌবীরকং কশ্চিদ্যাচতাং দয়িতং মম।
পুত্রং দদ্যাং পতিং দদ্যাং ন তু দদ্যাং সুবীরকম্॥ 8-34-39 (56530)
গৌর্যো বৃহত্যো নির্হীকা মদ্রিকাঃ কম্পলাবৃতাঃ।
ঘস্মরা নষ্টশৌচাশ্চ প্রায় ইত্যনুশুশ্রুম॥ 8-34-40 (56531)
পমেহিৎবা স্ফিচৌ ভূমৌ ঘর্ষন্ত্যো হীনশোধনাঃ।
শুদ্ধা নাদ্ভির্ন মৃদ্ভিশ্চ নিত্যোচ্ছিষ্টা ভবন্তি হি॥ 8-34-41 (56532)
এবমাদি ময়াঽন্যৈর্বা শক্যং বক্তুং ভবেদ্বহু।
আকেশান্তান্নখাগ্রাচ্চ বক্তব্যেষু কুকর্মসু॥ 8-34-42 (56533)
মদ্রকাঃ সিন্ধুসৌবীরা ধর্মং বিদ্যুঃ কথং ৎবিহ।
পাপদেশোদ্ভবা ম্লেচ্ছা ধর্মাণামবিচক্ষণাঃ॥ 8-34-43 (56534)
এষ মুখ্যতমো ধর্মঃ ক্ষত্রিয়স্যেতি নঃ শ্রুতম্।
যদাজৌ নিহতঃ শেতে সদ্ভিঃ সমভিপূজিতঃ॥ 8-34-44 (56535)
আয়ুধানাং সাম্পরায়ে যন্মুঞ্চেয়মহং ততঃ।
মমৈষ প্রথমঃ কল্পো নিধনে স্বর্গমিচ্ছতঃ॥ 8-34-45 (56536)
সোয়ং প্রিয়সখা চাস্মি ধার্তরাষ্ট্রস্য ধীমতঃ।
তদর্থে হি মম প্রাণা যচ্চ মে বিদ্যতে বসু॥ 8-34-46 (56537)
ব্যক্তং ৎবমপ্যুপহিতঃ পাণ্ডবৈঃ পাপদেশজ।
যথা চামিত্রবৎসর্বং ৎবমস্মাসু প্রবর্তসে॥ 8-34-47 (56538)
কামং ন খলু শক্যোঽহং ৎবদ্বিধানাং শতৈরপি।
সঙ্গ্রামাদ্বিমুখঃ কর্তুং ধর্মজ্ঞ ইব নাস্তিকৈঃ॥ 8-34-48 (56539)
সারঙ্গ ইব ঘর্মার্তঃ কামং বিলপ শুষ্য চ।
নাহং ভীষয়িতুং শক্যঃ ক্ষত্রধর্মে ব্যবস্থিতঃ॥ 8-34-49 (56540)
তনুত্যজাং নৃসিংহানামাহবেষ্বনিবর্তিনাম্।
যা গতির্গুরুণা প্রোক্তা প্রেম্ণা রামেণ তাং স্মরে॥ 8-34-50 (56541)
স্বেষাং ত্রাণার্থমুদ্যন্তং বধার্থং দ্বিষতামপি।
বিদ্ধি মামাস্থিতং বৃত্তং পৌরূরবসমুত্তমম্॥ 8-34-51 (56542)
ন তদ্ভূতং প্রপশ্যামি ত্রিষু লোকেষু মদ্রপ।
যো মামস্মাদভিপ্রায়াদ্বারয়েদিতি মে মতিঃ॥ 8-34-52 (56543)
এবং বিদ্বঞ্জোষমাস্স্ব ত্রাসাৎকিং বহু ভাষসে।
ন ৎবাং হৎবা প্রদাস্যামি ক্রব্যাদ্ভ্যো মদ্রকাধম্॥ 8-34-53 (56544)
মিত্রপ্রতীক্ষয়া শল্য ধৃতরাষ্ট্রস্য চোভয়োঃ।
অপবাদতিতিক্ষাভিস্ত্রিভিরেতৈর্হি জীবসি॥ 8-34-54 (56545)
পুনশ্চেদীদৃশং বাক্যং মদ্ররাজ বদিষ্যসি।
শিরস্তে পাতয়িষ্যাসি গদয়া বজ্রকল্পয়া॥ 8-34-55 (56546)
শ্রোতারস্ৎবিদমদ্যেহ দ্রষ্টারো ব্রা কুদেশজ।
কর্ণং বা জঘ্নতুঃ কৃষ্ণৌ কর্ণো বা নিজঘান তৌ॥ 8-34-56 (56547)
এবমুক্ৎবা তু রাধেয়ঃ পুনরেব বিশাম্পতে।
অব্রবীন্মদ্ররাজানং যাহিয়াহীত্যসম্ভ্রমম্॥ ॥ 8-34-57 (56548)
ইতি শ্রীমন্মহাভারতে কর্ণপর্বণি চতুস্ত্রিংশোঽধ্যায়ঃ॥ 34 ॥
Mahabharata - Karna Parva - Chapter Footnotes
॥ শ্রীঃ ॥
8.35. অধ্যায়ঃ 035
Mahabharata - Karna Parva - Chapter Topics
শল্যেন কর্ণংপ্রতি হংসকাকীয়াখ্যানকথনম্॥ 1 ॥
Mahabharata - Karna Parva - Chapter Text
8-35-0 (56549)
সঞ্জয় উবাচ। 8-35-0x (4927)
মারিষাধিরথেঃ শ্রুৎবা বাচো যুদ্ধাভিনন্দিনঃ।
শল্যোঽব্রবীৎপুনঃ কর্ণং নিদর্শনমুদাহরন্॥ 8-35-1 (56550)
জাতোঽহং যজ্বনাং বংশে সঙ্গ্রামেষ্বনিবর্তিনাম্।
রাজ্ঞাং মূর্ধাভিষিক্তানাং স্বয়ং ধর্মপরায়ণঃ॥ 8-35-2 (56551)
যথৈব মত্তো মদ্যেন ৎবং তথা লক্ষ্যসে বৃষ।
তথাঽদ্য ৎবাং প্রমাদ্যন্তং চিকিৎসেয়ং সুহৃত্তয়া॥ 8-35-3 (56552)
ইমাং কাকোপমাং কর্ণ প্রোচ্যমানাং নিবোধ মে।
শ্রুৎবা যথেষ্টং কুর্যাস্ৎবং নিহীন কুলপাংসন॥ 8-35-4 (56553)
নাহমাত্মনি কিঞ্চিদ্বৈ কিল্বিষং কর্ণ সংস্মরে।
যেন মাং ৎবং মহাবাহো হন্তুমিচ্চস্যনাগসম্॥ 8-35-5 (56554)
অবশ্যং তু ময়া বাচ্যং বুদ্ধ্বা তব হিতাহিতম্।
বিশেষতো রথস্থেন রাজ্ঞশ্চৈব হিতৈষিণা॥ 8-35-6 (56555)
সমং চ বিষমং চৈব রথিনশ্চ বলাবলম্।
শ্রমঃ খেদশ্চ সততং হয়ানাং রথিনা সহ॥ 8-35-7 (56556)
আয়ুধস্য পরিজ্ঞানং রুতং চ মৃগপক্ষিণাম্।
সারং চৈবাপ্যাসরং চ শল্যানাং চ প্রতিক্রিয়া॥ 8-35-8 (56557)
অস্ত্রয়োগং চ যুদ্বং চ নিমিত্তানি তথৈব চ।
সর্বমেতন্ময়া জ্ঞেয়ং রথস্যাস্য কুটুম্বিনা।
অতস্ৎবাং কথয়ে কর্ণ নিদর্শনমিদং পুনঃ॥ 8-35-9 (56558)
বৈশ্যঃ কিল সমুদ্রান্তে প্রভূতধনধান্যবান্।
যজ্বা দানপতিঃ ক্ষান্তঃ স্বকর্মস্থোঽভবচ্ছুচিঃ॥ 8-35-10 (56559)
বহুপুত্রঃ প্রিয়াপত্যঃ সর্বভূতানুকম্পকঃ।
রাজ্ঞো ধর্মপ্রধানস্য রাষ্ট্রে বসতি নির্ভয়ঃ॥ 8-35-11 (56560)
পুত্রাণাং তস্য বালানাং কুমারাণাং যশস্বিনাম্।
কাকো বহূনামভবদুচ্ছিষ্টকৃতভোজনঃ॥ 8-35-12 (56561)
তস্মৈসদা প্রয়চ্ছন্তি বৈশ্যপুত্রাঃ কুমারকাঃ।
মাংসোদনং দধি ক্ষীরং পায়সং মধুসর্পিষী॥ 8-35-13 (56562)
স চোচ্ছিষ্টভৃতঃ কাকো বৈশ্যপুত্রৈঃ কুমারকৈঃ।
সদৃশান্পক্ষিণো দৃপ্তঃ শ্রেয়সসশ্চাবমন্যতে॥ 8-35-14 (56563)
অথ হংসাঃ সমুদ্রান্তে প্রজগ্মুরতিপাতিনঃ।
গরুডস্য গতৌ তুল্যাশ্চক্রাঙ্গা হৃষ্টচেতসঃ॥ 8-35-15 (56564)
কুমরারকাস্তদা হংসান্দৃষ্ট্বা কাকমথাব্রুবন্।
ভবানেব বিশিষ্টোঽসি পতত্রিভ্যো বিহঙ্গম॥ 8-35-16 (56565)
এতেঽতিপাতিনঃ পশ্য বিহঙ্গান্বিয়দাশ্রিতান্।
এহি ৎবমপি শক্তো হি কস্মান্ন পতিতং ৎবয়া॥ 8-35-17 (56566)
প্রতার্যমাণস্তৈঃ সর্বৈরল্পবুদ্ধিভইরণ্ডজঃ।
তদ্বচঃ সত্যমিত্যেব মৌর্খ্যাদ্দর্পাচ্চ জজ্ঞিবান্॥ 8-35-18 (56567)
তান্সোনুপত্য জিজ্ঞাসুঃ ক এষাং শ্রেষ্ঠভাগিতি।
উচ্ছিষ্টদর্পিতঃ কাকো বহূনামেকপাতিনাম্॥ 8-35-19 (56568)
তেষাং যং প্রবরং মেনে হংসানাং দূরপাতিনাম্।
স তমাহ্বত দুর্বুদ্ধিঃ পতাব ইতি পক্ষিণম্।
তচ্ছ্রুৎবা প্রাহসন্হংসা যে তত্রাসন্সমাগতাঃ॥ 8-35-20 (56569)
ভাষতো বহু কাকস্য বালিশ্যাৎপততাং বরাঃ।
ইদমূচুঃ স্ম চক্রাঙ্গাবচঃ কাকং বিঙ্গমাঃ॥ 8-35-21 (56570)
হংসা ঊচুঃ। 8-35-22x (4928)
বয়ং হংসাশ্চরামেমাং পৃথিবীং মানসৌকসঃ।
পক্ষিণাং চ বয়ং নিত্যং দূরপাতেন পূজিতাঃ॥ 8-35-22 (56571)
কথং হংসং নু বলিনং চক্রাঙ্গং দূরপাতিনম্।
কাকো ভূৎবা নিপতনে সমাহ্বয়সি দুর্মতে।
কথং ৎবং পতিতা কাক সহাস্মাভির্ব্রবীহি তৎ॥ 8-35-23 (56572)
অথ হংসবচো মূঢঃ কুৎসয়িৎবা পুনঃ পুনঃ।
প্রজগাদোত্তরং কাকঃ কত্থনো জাতিলাঘবাৎ॥ 8-35-24 (56573)
কাক উবাচ। 8-35-25x (4929)
শতমেকং চ পাতানাং পতিতাঽস্মি ন সংশয়ঃ।
শতয়োজনমেকৈকং বিচিত্রং বিবিধং তথা॥ 8-35-25 (56574)
উড্ডীনমবডীনং চ প্রডীনং ডীনমেব চ।
নিডীনমথ সংডীনং তির্যক্ডীনগতানি চ॥ 8-35-26 (56575)
বিডীনং পরিডীনং চ পরাডীনং সুডীনকম্।
অভিডীনং মহাডীনং নির্ডীনমতিডীনকম্॥ 8-35-27 (56576)
অবডীনং প্রডীনং চ সংডীনং ডীনডীনকম্।
সংডীনোড্ডীনডীনং চ পুনর্ডীনবিডীনকম্॥ 8-35-28 (56577)
সংপাতং সমুদীষং চ ততোঽন্যদ্ব্যতিরিক্তকম্।
গতাগতং প্রতিগতং বহ্বীশ্চ নিকুলীনকাঃ।
কর্তাঽস্মি মিষতাং বোঽদ্য ততো দ্রক্ষয়থ মে বলম্॥ 8-35-29 (56578)
তেষামন্যতমেনাহং পতিষ্যামি বিহায়সম্।
প্রদিশধ্বং যথান্যায়ং কেন হংসাঃ পতাম্যহম্॥ 8-35-30 (56579)
তে বৈ ধ্রুবং বিনিশ্চিত্য সম্পতধ্বং ময়া সহ।
পাতৈরেভিঃ খলু খগাঃ পতিতুং খে নিরাশ্রয়ে॥ 8-35-31 (56580)
এবমুক্তে তু কাকেন প্রহস্যৈকো বিহংগমঃ।
উবাচ কাকং রাধেয় বচনং তন্নিবোধ মে॥ 8-35-32 (56581)
হংস উবাচ। 8-35-33x (4930)
শতমেকং চ পাতানাং ৎবং কাক পতিতা ধ্রুবম্।
একমেব তু যং পাতং বিদুঃ সর্বে বিহঙ্গমাঃ।
তমহং পতিতা কাক নান্যং জানামি কঞ্চন॥ 8-35-33 (56582)
কাক উবাচ। 8-35-34x (4931)
পত ৎবমপি তত্রাশু যেন পাতেন মন্যসে॥ 8-35-34 (56583)
অথ কাকং প্রজহসুর্যে তত্রাসন্সমাগতাঃ।
কথমেকেন পাতেন হংসঃ পাতশতং জয়েৎ।
একেন বায়স ৎবৈনং পাতেনাভিভবিষ্যতি॥ 8-35-35 (56584)
হংসশ্চোৎপতিতঃ কাকো বলবানাশুবিক্রমঃ।
প্রপেততুঃ স্পর্ধয়া চ ততস্তৌ হংসবায়সৌ।
উপর্যুপরি বেগেন সমুদ্রং মকরালয়ম্॥ 8-35-36 (56585)
হংসস্ৎবেকেন পাতেন কাকঃ পাতশতেন চ।
স্পর্ধিনৌ সহিতৌ তূর্ণং খমাস্থায় তরস্বিনৌ॥ 8-35-37 (56586)
হংসস্তু মৃদুনৈকেন বিক্রান্তুমুপচক্রমে।
পূর্বমেব তু বৈ কাকঃ স তং তূর্ণং প্রচক্রমে॥ 8-35-38 (56587)
নাত্যহীয়ত কাকশ্চ মুহূর্তমিব সূতজ॥ 8-35-39 (56588)
কাকোপি হংসং চাপল্যাচ্ছীঘ্রতাং প্রতিদর্শয়ন্।
বেগেনাতীত্য তরসা পুনরেতি মুহুর্মুহুঃ॥ 8-35-40 (56589)
তুণ্ডেনাভ্যহনচ্চৈনং কুর্বন্নামাপসব্যতঃ।
রোরূয়ন্নিব চাপ্যেনং সমাহ্বয়তি বৈ মুহুঃ।
বিসিস্মাপয়িষুঃ পাতৈর্দর্শয়ন্নাত্মনঃ ক্রিয়াম্॥ 8-35-41 (56590)
অথ তানি বিচিত্রাণি পতিতানীতরাণি চ।
দৃষ্ট্বা প্রমুদিতাঃ কাকা বিনেদুরধিকৈঃ স্বরৈঃ॥ 8-35-42 (56591)
হংসাশ্চাপহসন্তি স্ম প্রবদন্তি প্রিয়াণি চ।
কুর্বাণা বিবিধান্রাবানিচ্ছন্তো জয়মাত্মনঃ॥ 8-35-43 (56592)
উৎপত্যোৎপত্য চ প্রাহুর্মুহূর্তমিতি চেতি চ।
বৃক্ষাগ্রেভ্যঃ স্থলেভ্যশ্চ নিপতন্ত্যুৎপতন্তি চ॥ 8-35-44 (56593)
অবমত্য চ হংসং তমিদং কাকোঽব্রবীদ্বচঃ।
যোঽসাবুৎপতিতো হংসঃ সোঽসাবেব প্রহীয়তে॥ 8-35-45 (56594)
অথ হংসস্তু তচ্ছ্রুৎবা ভাষিতং পততাংবরঃ।
বিগাহ্য হংসো বিক্ষোভ্য প্রাপতৎপশ্চিমাং দিশম্॥ 8-35-46 (56595)
উপর্যুপরি বেগেন সাগরং মকরালয়ম্।
বহুসৎবসমাকীর্ণং বীচীভির্ভীমদর্শনম্॥ 8-35-47 (56596)
অথাচিরেণ রাধেয় কাকো বেগাদহীয়ত।
ততোঽতীব পরিশ্রান্তঃ কথঞ্চিদ্বংসমন্বগাৎ॥ 8-35-48 (56597)
ভীশ্চৈনমাবিশত্তীব্রং কাকং কর্ণ বিচেতসম্।
দ্বীপান্দ্রুমান্বিতান্পশ্যন্বিশ্রমার্থং শ্রমাতুরঃ।
নিপতেয়ং ক্কনু শ্রান্ত ইতি তস্মিঞ্জলার্ণবে॥ 8-35-49 (56598)
অবগাহ্য সমুদ্রোঽপি বহুসৎবগণালয়ঃ।
মহান্ভূতশতোদ্ভূসী নভসস্তু বিশিষ্যতে॥ 8-35-50 (56599)
গাম্ভীর্যার্দ্বি সমুদ্রস্য ন বিশেষং কুলাধম।
দিশশ্চ নাম্ভসাং কর্ণ সমুদ্রস্থা বিদুর্জনাঃ।
বিপশ্চিতোপ্যপারৎবাৎকিং পুনঃ কর্ণ বায়সঃ॥ 8-35-51 (56600)
অথ হংসোপ্যতিক্রামন্মুহূর্তমিব দূরতঃ।
অতিক্রম্য চ চক্রাঙ্গঃ কাকং তং সমুদৈক্ষত॥ 8-35-52 (56601)
শনকৈঃ পরিহীনং তং পরিশ্রান্তমচেতসম্।
অবেক্ষমাণস্তং কাকং প্রত্যাগম্য হসন্নিব॥ 8-35-53 (56602)
তং প্রহস্য চ চক্রাঙ্গঃ কাকং মন্দগতিং তদা।
হীয়মানমথো দৃষ্ট্বা হংসঃ প্রাহ যথার্থবৎ।
উজ্জিহীর্ষুর্নিমজ্জন্তং স্মরন্সৎপুরুষব্রতম্॥ 8-35-54 (56603)
বহূনি পতিতানি ৎবমাচক্ষাণো মুহুর্মুহুঃ।
পতস্যব্যাহরন্খেদং ততো গর্হ্যং প্রভাষসে॥ 8-35-55 (56604)
জলং নাম পতিতং কাক যত্ৎবং পতসি সাম্প্রতম্।
জলং স্পৃশসি পক্ষাভ্যাং তুণ্ডেন চ পুনঃ পুনঃ॥ 8-35-56 (56605)
প্রব্রূহি কতমোঽয়ং তে পাতো বর্ততি বায়স।
এহ্যেহি কাক শীঘ্রং ৎবমেষ ৎবাং পরিপালয়ে॥ 8-35-57 (56606)
স পক্ষাভ্যাং স্পৃশন্নার্তস্তুণ্ডেন চ জলং তদা।
কাকো দৃঢং পরিশ্রান্তঃ সহসা নিপপাত হ॥ 8-35-58 (56607)
সাগরাম্ভসি তং দৃষ্ট্বা পততন্তং দীনচেতসম্।
ম্রিয়মাণমিদং বাক্যং হংসঃ কাকমুবাচ হ॥ 8-35-59 (56608)
শতমেকং চ পাতানাং পতাম্যহমিতি স্ম হ।
শ্লাঘন্নাত্মানমদ্য ৎবং কাক ভাষিতবানসি॥ 8-35-60 (56609)
স ৎবমেকশতং পাতং পতন্নভ্যধিকো ময়া।
কথমেবং পরিশ্রান্তঃ পতিতোঽসি মহার্ণবে॥ 8-35-61 (56610)
প্রত্যুবাচ ততঃ কাকঃ সীদমান ইদং বচঃ।
উপরীতং তদা হংসং প্রসমীক্ষ্য প্রসাদয়ন্॥ 8-35-62 (56611)
উচ্ছিষ্টান্নেন পুষ্টোঽহং দর্পোৎসিক্তঃ কুসৎবতঃ।
সুপর্ণ ইব চাত্মানং জ্ঞাতবান্পুত্রলাঘবাৎ॥ 8-35-63 (56612)
শরণং ৎবাং প্রপন্নোঽহমুদকান্তমবাপ্নুয়াম্।
হংসেদানীং পরিশ্রান্তমাপদো মাং সমুদ্বর॥ 8-35-64 (56613)
যদি নাম পুনর্জীবন্গচ্ছেয়ং স্বং নিবেশনম্।
নৈনং পুনর্হীনমপি ক্ষেপ্তাঽহং খে বিচারিণম্॥ 8-35-65 (56614)
তমেবং করুণং দীনং বিলপন্তমচেতসম্।
কাককাকেতি বাশন্তং নিমজ্জন্তং মহার্ণবে।
কৃপয়াঽভিপরীতো বৈ কৃপাং চক্রে দুরাত্মনি॥ 8-35-66 (56615)
অথ তং পততং দীনং জলক্লিন্নমচেতনম্।
পদ্ভ্যামুৎক্ষিপ্য বেপন্তং পৃষ্ঠমারো পয়ত্তদা॥ 8-35-67 (56616)
স হংসঃ পৃষ্ঠমারোপ্য কাকং কর্ণ বিচেতসম্।
অবিস্ময়ংস্তদা কর্ণ পুনরেব সমানয়ৎ।
তমেব দেশং তরসা স্পর্ধয়া পেততুর্যতঃ॥ 8-35-68 (56617)
উৎসৃজ্য ৎবব্রবীন্মৈবং পুনঃ কার্যং ৎবয়েতি হ।
স্থাপ্য চৈনং পুনর্দ্বীপে সমাশ্বস্য চ বিক্লবম্।
গতো যথেপ্সিতং দেশং হংসো মন ইবাশুগঃ॥ 8-35-69 (56618)
এবমুচ্ছিষ্টপুষ্টঃ স কাকোঽহংসপরাজিতঃ।
বলং বীর্যং মহৎকর্ণ ত্যক্ৎবা ক্ষান্তিমুপাগতঃ॥ 8-35-70 (56619)
উচ্ছিষ্টভোজনঃ কাকো যথা বৈশ্যকুলে পুরা।
এবং ৎবমুচ্ছিষ্টভৃতো ধার্তরাষ্ট্রৈর্ন সংশয়ঃ॥ 8-35-71 (56620)
সদৃশাঞ্শ্রেয়সশ্চাপি সর্বান্কর্ণাবমন্যসে।
দ্রোণদ্রৌণিকৃপৈর্গুপ্তো ভীষ্মেণান্যৈশ্চ কৌরবৈঃ॥ 8-35-72 (56621)
বিরাটনগরে পার্থমেকং কিং নাবধীস্তদা।
যত্র ব্যস্তাঃ সমস্তাশ্চ নির্জিতাঃ স্থ কিরীটিনা
সৃগালা ইব সিংহেন ক্ব তে বীর্যং তদা গতম্॥ 8-35-73 (56622)
ভ্রাতরং নিহতং দৃষ্ট্বা সমরে সব্যসাচিনা।
পশ্যতাং কুরবীরাণাং প্রথমং ৎবং পলায়িতঃ॥ 8-35-74 (56623)
তথা দ্বৈতবনে কর্ণ গন্ধর্বৈঃ সমভিদ্রুতান্।
কুরূন্সদারানুৎসৃজ্য ৎবমেবাগ্রে পলায়িতঃ॥ 8-35-75 (56624)
হৎবা জিৎবা চ গন্ধর্বাংশ্চিত্রসেনমুখান্রণে।
কর্ণ দুর্যোধনং পার্থঃ সভ্রাতৃকমমোক্ষয়ৎ॥ 8-35-76 (56625)
পুনঃ প্রভাবঃ পার্থস্য পুরাণঃ কেশবস্য চ।
কথিতঃ কর্ণ রামেণ সভায়াং কুরুসংসদি॥ 8-35-77 (56626)
সততং চ ৎবমশ্রৌষীর্বচনং দ্রোণভীষ্ময়োঃ।
অবধ্যৌ বদতোঃ কৃষ্ণৌ সন্নিধৌ চ মহীক্ষিতাম্॥ 8-35-78 (56627)
কিয়ন্তং তত্র বক্ষ্যামি যেনয়েন ধনঞ্জয়ঃ।
ৎবত্তোঽতিরিক্তঃ সর্বেভ্যো ভূতেভ্যো ব্রাহ্মণো যথা॥ 8-35-79 (56628)
ইদানীমেব দ্রষ্টাসি প্রধানে স্যন্দনে স্থিতৌ।
পুত্রং চ বসুদেবস্য কুন্তীপুত্রং চ পাণ্ডবম্॥ 8-35-80 (56629)
যথাঽশ্রয়ত চক্রাঙ্গং বায়সো বুদ্ধিমাস্থিতঃ।
তথাশ্রয়স্ব বার্ষ্ণেয়ং পাণ্ডবং চ ধনঞ্জয়ম্॥ 8-35-81 (56630)
যদা ৎবং যুধি বিক্রান্তৌ বাসুদেবধনঞ্জয়ৌ।
দ্রষ্টাস্যেকরথে কর্ণ তদা নৈবং বদিষ্যসি॥ 8-35-82 (56631)
যদা শরশতৈঃ পার্থো দর্পং তব বধিষ্যতি।
তদা ৎবমন্তরং দ্রষ্টা আত্মনশ্চার্জুনস্য চ॥ 8-35-83 (56632)
দেবাসুরমনুষ্যেষু প্রখ্যাতৌ যৌ নরোত্তমৌ।
তৌ মাবমংস্থা মৌর্খ্যাত্ৎবং স্বদ্যোত ইব রোচনৌ॥ 8-35-84 (56633)
সূর্যাচন্দ্রমসৌ যদ্বত্তদ্বদজুনকেশবৌ।
প্রকাশ্যেনাভিবিখ্যাতৌ ৎবং তু খদ্যোতবন্নৃষু॥ 8-35-85 (56634)
এবং বিদ্বন্মাবমংস্থাঃ সূতপুত্রাচ্যুতার্জুনৌ।
নরসিংহৌ নরশ্বা ৎবং জোষমাস্স্ব বিকত্থসে॥ ॥ 8-35-86 (56635)
ইতি শ্রীমন্মহাভারতে কর্ণপর্বণি পঞ্চত্রিংশোঽধ্যায়ঃ॥ 35 ॥
Mahabharata - Karna Parva - Chapter Footnotes
॥ শ্রীঃ ॥
8.36. অধ্যায়ঃ 036
Mahabharata - Karna Parva - Chapter Topics
কর্ণেন শল্যম্প্রতি স্বস্য পরশুরামাৎ তথা কুতশ্চিদ্ব্রাহ্মণাচ্চ শাপপ্রাপ্তিকথনম্॥ 1 ॥
Mahabharata - Karna Parva - Chapter Text
8-36-0 (56636)
সঞ্জয় উবাচ। 8-36-0x (4932)
মদ্রাধিপস্যাধিরথির্মহাত্মা
বচো নিশম্যাপ্রিয়মপ্রতীতঃ।
উবাচ শল্যং বিদিতং মমৈত--
দ্যথাবিধাবর্জুনবাসুদেবৌ॥ 8-36-1 (56637)
শৌরে রথং বাহয়তোঽর্জুনস্য
বলং মহাস্ত্রাণি চ পাণ্ডবস্য।
অহং বিজানামি যথাবদদ্য
পরোক্ষভূতং তব তত্তু শল্য॥ 8-36-2 (56638)
তৌ চাপ্যহং শস্ত্রভৃতাং বরিষ্ঠৌ
ব্যপেতভীর্যোধয়িষ্যামি কৃষ্ণৌ।
সন্তাপয়ত্যভ্যধিকং হি রামা--
চ্ছাপোঽদ্য মাং ব্রাহ্মণসত্তমাচ্চ॥ 8-36-3 (56639)
`পুরা মহেন্দ্রাদ্রিবরে সমুদ্রে
তপস্বিনং রামমুপেত্য শল্য।
অস্ত্রার্থিনং মাঽদ্য শিষ্যং গৃহাণে--
ত্যথাঽব্রুবং ব্রাহ্মণচ্ছদ্মনা চ॥ 8-36-4 (56640)
তত্রাবসং ব্রাহ্মণ ইত্যবিপ্রো
ব্রহ্মাস্ত্রলোভাদনৃতেন চাহম্।
তজ্জামদগ্ন্যেন পরং মহাস্ত্রং
সমন্ত্রয়ুক্তং বিহিতং মমাসীৎ॥ 8-36-5 (56641)
অস্ত্রং যদা তদ্বিদিতং মমাসী--
ত্তদাঽব্রবীদ্ব্রাহ্মণো মাং মহর্ষিঃ।
আপদ্গতেনাস্ত্রমিদং প্রয়োজ্যং
ৎবয়া রণে গচ্ছতা সাধয়েতি'॥ 8-36-6 (56642)
তত্রাপি মে দেবরাজেন বিঘ্নো
হিতার্থিনা ফল্গুনস্যৈব শল্য।
কৃতো বিভেদেন মমোরুমেত্য
প্রবিশ্য কীটস্য তনুং বিরূপাম্॥ 8-36-7 (56643)
মমোরুমেত্য প্রবিভেদ কীটঃ
সুপ্তে গুরৌ তত্র শিরো নিধায়।
ঊরুপ্রভেদাচ্চ মহান্বভূব
শরীরতো মে ঘনশোণিতৌঘঃ॥ 8-36-8 (56644)
গুরোর্ভয়াচ্চাপি ন চেলিবানহং
ততো বিবুদ্ধো দদৃশে স বিপ্রঃ।
স ধৈর্যযুক্তং প্রসমীক্ষ্য মাং বৈ
ন ৎবং বিপ্রঃ কোঽসি সত্যং বদেতি॥ 8-36-9 (56645)
তস্মৈ তদাঽঽত্মানমহং যথাব--
দাখ্যাতবান্সূত ইত্যেব শল্য।
স মাং নিশাম্যাথ মহাতপস্বী
সংশপ্তবান্রোষপরীতচেতাঃ॥ 8-36-10 (56646)
সূত ৎবয়া হ্যাপ্তমিদং তবাস্ত্রং
ন কর্মকালে প্রতিভাস্যতীতি।
অন্যত্র তু স্যাত্তব মৃত্যুকালা--
দব্রাহ্মণে ব্রহ্ম ন হি ধ্রুবং স্যাৎ॥ 8-36-11 (56647)
তদদ্য পর্যাপ্তমতীব মেঽস্ত্র--
মুপস্থিতেঽস্মিংস্তুমুলে বিমর্দে॥ 8-36-12 (56648)
শল্যোগ্রধন্বানমহং বরিষ্ঠং
তরস্বিনং ভীমমসহ্যবীর্যম্।
সত্যপ্রতিজ্ঞং যুধি পাণ্ডবেয়ং
ধনঞ্জয়ং মৃত্যুমুখং নয়িষ্যে॥ 8-36-13 (56649)
অস্ত্রং ততোঽন্যৎপ্রতিপন্নমদ্য
যেন ক্ষেপ্স্যে সমরে শত্রুপূগান্।
প্রতাপিনং বলবন্তং কৃতাস্ত্রং
তমুগ্রধন্বানমমিতৌজসং চ।
ক্রূরং শূরং রৌদ্রমমিত্রসাহং
ধনঞ্জয়ং সংয়ুগেঽহং হনিষ্যে॥ 8-36-14 (56650)
অপাংপতির্বেগবানপ্রমেয়ো
নিমজ্জয়িষ্যন্বহুলাঃ প্রজা ইব।
মহারবং যঃ কুরুতে সমুদ্রো
বেলেব তং বারয়াম্যপ্রমেয়ম্॥ 8-36-15 (56651)
প্রমুঞ্চন্তং বাণসঙ্ঘানমেয়া--
ন্মর্মচ্ছিদো বীরহণঃ সুপত্রান্।
কুন্তীপুত্রং প্রতিয়োৎস্যামি যুদ্ধে
জ্যাং কর্ষতামুত্তমং মর্ত্যলোকে॥ 8-36-16 (56652)
এবং বলেনাতিবলং মহাস্ত্রং
সমুদ্রকল্পং সুদুরাপমুগ্রম্।
শরৌঘিণং পার্থিবান্মজ্জয়ন্তং
বেলেব পার্থমিষুভির্বারয়িষ্যে॥ 8-36-17 (56653)
কৃতী কৃতাস্ত্রো দৃঢহস্তয়োধী
দিব্যাস্ত্রবিচ্ছ্বেতহয়ঃ প্রমাথী।
সুরাসুরান্যুধি বৈ যো জয়েত
তেনাদ্য মে পশ্য যুদ্বং সুঘোরম্॥ 8-36-18 (56654)
অভীর্মানী পাণ্ডবো যুদ্বকামো
হ্যমানুষৈরস্যতি মাং মহাস্ত্রৈঃ।
তস্যাস্ত্রমস্ত্রৈরভিভূয় সঙ্খ্যে
বাণোত্তমৈঃ পাতয়িষ্যামি পার্থম্॥ 8-36-19 (56655)
সহস্ররশ্মিপ্রতিমং জ্বলন্তং
দিশশ্চ সর্বাঃ প্রতপন্তমুগ্রম্।
তমোনুদং মেঘ ইবাতিমাত্রং
ধনঞ্জয়ং ছাদয়িষ্যামি বাণৈঃ॥ 8-36-20 (56656)
বৈশ্বানরং ধূমকেতুং জ্বলন্তং
তেজস্বিনং নরবীরান্দহন্তম্।
পর্জন্যভূতঃ শরবর্ষৈর্যথাঽগ্নিং
তথা পার্থং শময়িষ্যামি যুদ্ধে॥ 8-36-21 (56657)
আশীবিষং দৃষ্টিহণং সুঘোরং
সুতীক্ষ্ণদংষ্ট্রং জ্বলনপ্রভবাম্।
ক্রোধাৎপ্রদীপ্তানলবদ্দহন্তং
কুন্তীপুত্রং শময়িষ্যামি ভল্লৈঃ॥ 8-36-22 (56658)
প্রবাহিণং বলবন্তং মহৌজসং
প্রভঞ্জনং মাতরিশ্বানমুগ্রম্।
যুদ্ধে সহিষ্যে হিমবানিবাচলো
ধনঞ্জয়ং ক্রুদ্ধমমৃষ্যমাণম্। 8-36-23 (56659)
বিশারদং রথমার্গেষু শক্তং
ধুর্যং নিত্যং সমরেষু প্রবীরম্।
লোকে বরং সর্বধনুর্ধরাণাং
ধনঞ্জয়ং সংয়ুগেঽহং হনিষ্যে॥ 8-36-24 (56660)
অদ্যাহবে যস্য ন তুল্যমন্যং
মন্যে মনুষ্যং ধনুরাদদানম্।
সর্বামিমাং যঃ পৃথিবীং সহেত
তথাপি তেনাদ্য রণে সমেষ্যে॥ 8-36-25 (56661)
যঃ সর্বভূতানি সদৈবতানি
প্রস্থেঽজয়ৎখাণ্ডবে সব্যসাচী
কো জীবিতং রক্ষমাণো হি তেন
যুয়ুৎসতেঽস্ত্রৈর্মানুষো মামৃতেঽন্যঃ॥ 8-36-26 (56662)
মানী কৃতাস্ত্রঃ কৃতহস্তয়োধী
দিব্যাস্ত্রবিচ্ছ্বেতহয়ঃ প্রমাথী।
তস্যাহমদ্যাতিরথস্য কায়া--
চ্ছিরো হরিষ্যামি শিতৈঃ পৃষৎকৈঃ। 8-36-27 (56663)
যোৎস্যাম্যেনং শল্য ধনঞ্জয়ং বৈ
মৃত্যুং পুরস্কৃত্য রণে জয়ং বা।
অন্যো হি ন হ্যেকরথেন মর্ত্যো
যুধ্যেত যঃ পাণ্ডবমিন্দ্রকল্পম্ 8-36-28 (56664)
তস্যাহবে পৌরুষং পাণ্ডবস্য
ব্রূয়াং পৃষ্টঃ সমিতৌ ক্ষত্রিয়াণাম্
কিং ৎবং মূর্খঃ প্রহসন্মূঢচেতা
আখ্যাসি মে পৌরুষং ফল্গুনস্য॥ 8-36-29 (56665)
অত্যপ্রিয়ো যঃ পুরুষো নিষ্ঠুরো হি
ক্ষুদ্রঃ ক্ষেপ্তা ক্ষমিণশ্চাক্ষমাবান্।
হন্যামহং ৎবাদৃশানাং শতানি
ক্ষমাম্যহং ক্ষমিণাং কাল এষঃ॥ 8-36-30 (56666)
অবোচস্ৎবং পাণ্ডবার্যে প্রিয়াণি
প্রধর্ষয়ন্মাং মূঢবৎপাপকর্মন্।
ময়্যার্জবে জিহ্মমতির্যতস্ৎবং
মিত্রদ্রোহী সাপ্তপদং হি মিত্রম্॥ 8-36-31 (56667)
কালস্ৎবয়ং প্রত্যুপয়াতি দারুণো
দুর্যোধনো যুদ্ধমুপাগমদ্যৎ।
তস্যার্থসিদ্ধিং ৎবভিকাঙ্ক্ষমাণ--
স্তমন্বেষ্যে যত্র চৈকান্তমস্তি॥ 8-36-32 (56668)
`তথাপ্যহং পাণ্ডববাসুদেবৌ
যোৎস্যে রণে মদ্বিধস্যৈব কর্ম।
ন প্রাকৃতঃ সজ্জতে বৈ কদাচি--
দ্যঃ প্রত্যুদীয়াৎকৃষ্ণধনঞ্জয়ৌ তৌ'॥ 8-36-33 (56669)
মিত্রং মিন্দের্নন্দতেঃ প্রীয়তের্বা
সন্ত্রায়তের্মিনুতের্মোদতের্বা।
দুর্যোধনে সর্বমিদং মমাস্তি
তচ্চাপি সর্বং মম বেত্তি রাজা॥ 8-36-34 (56670)
শত্রুঃ শদেঃ শাসতের্বা শ্যতের্বা
শৃণাতের্বা শ্বসতেঃ সীদতের্বা।
শ্রমেঃ শুচো বহুশঃ সূদতেশ্চ
প্রায়েণ সর্বং ৎবয়ি তচ্চ মহ্যম্॥ 8-36-35 (56671)
দুর্যোধনার্থং তব চ প্রিয়ার্থং
যশোর্থমাত্মার্থমপীশ্বরার্থম্।
তস্মাদহং পাণ্ডববাসুদেবৌ
যোৎস্যে যত্নাৎকর্ম চ পশ্য মেঽদ্য॥ 8-36-36 (56672)
`শল্যাদ্যাহং সঙ্গতঃ পাণ্ডবেন
মুচ্যেয়ং চেজ্জীবমানঃ কথঞ্চিৎ।
শশ্বন্মৃত্যোঃ স্যামনাধৃষ্যরূপো
ব্যক্তং তস্মাৎসংয়ুগাদ্বিপ্রমুক্তাঃ'॥ 8-36-37 (56673)
অস্ত্রং ব্রাহ্মং মনসা সঞ্জপন্বৈ
যদাঽস্যতে ক্রোধিতঃ সব্যসাচী।
তদাপি মে নৈব মুচ্যেত পার্থো
ন চেৎপতেদ্বিষমে মেঽদ্য চক্রম্॥ 8-36-38 (56674)
অস্ত্রাণি বিদ্ধ্বা সমরে গতানি
ব্রাহ্মাণি দিব্যান্যথ মানুষাণি।
আসাদয়িষ্যাম্যহমুগ্রবীর্যং
নাগোত্তমং নাগ ইব প্রভিন্নঃ॥ 8-36-39 (56675)
বৈবস্বতাদ্দণ্ডহস্তাদ্বরুণাদ্বাপি পাশিনঃ।
সগদাদ্বা ধনপতেঃ সবজ্রাদ্বা সুরাধিপাৎ॥ 8-36-40 (56676)
অথান্যস্মাদপি সুরাদমিত্রাদাততায়িনঃ।
ইতি শল্য বিজানীহি যথা নাহং বিভেম্যুত॥ 8-36-41 (56677)
তস্মান্ন মে ভয়ং পার্থান্নাপি চৈব জনার্দনাৎ।
সহ যুদ্ধং হি মে তাভ্যাং সাম্পরায়ে ভবিষ্যতি॥ 8-36-42 (56678)
শ্বভ্রে তে পততাং চক্রমিতি মাং ব্রাহ্মণোঽব্রবীৎ।
যুধ্যমানস্য সঙ্গ্রামে প্রাপ্তস্যৈকায়নং ভয়ম্॥ 8-36-43 (56679)
তস্মাদ্বিভেমি বলবদ্ব্রাহ্মণব্যাহৃতাদহম্।
এতে হি সোমরাজান ঈশ্বরাঃ সুখদুঃখয়োঃ॥ 8-36-44 (56680)
কদাচিব্রাহ্মণস্যাথ যোগ্যহেতেরহং নৃপ।
অজানন্নক্ষিপং বাণং ঘোররূপং ভয়াবহম্॥ 8-36-45 (56681)
হোমধেন্বাস্ততো বৎসঃ প্রমত্ত ইষুণা হতঃ।
চরন্বৈ বিজনে শল্য ততোঽনু ব্যাজহার সঃ॥ 8-36-46 (56682)
যস্মাদ্বৎসস্ৎবয়া চাত্র হোমধেন্বা হতো নৃপ।
তস্মাত্ৎবমপি রাধেয় বাক্শল্যং মহদাপ্নুহি॥ 8-36-47 (56683)
শ্বভ্রে তে পতিতা চক্রং যুধ্যমানস্য শত্রুণা।
প্রাপ্ত একায়নে কালে মৃত্যুসাধারণে ৎবয়ি॥ 8-36-48 (56684)
স্পর্ধসে যেন সঙ্গ্রামে যদর্থং ঘটসেঽনিশম্।
তত এব ধ্রুবং মৃত্যুং সূত প্রাপ্স্যসি সংয়ুগে॥ 8-36-49 (56685)
অহং প্রসাদয়াঞ্চক্রে ব্রাহ্মণং সংশিতব্রতম্॥ 8-36-50 (56686)
গবাং দশশতং বিত্তং বলীবর্দাংশ্চ ষট্শতম্।
প্রচ্ছন্নং কাঞ্চনৈঃ কামং ব্রাহ্মণার্থমহং তদা॥ 8-36-51 (56687)
দাসীশতং নিষ্ককণ্ঠং শতমশ্বতরীরথান্।
কন্যানাং নিষ্ককণ্ঠীনাং সহস্রং সমলংকৃতম্॥ 8-36-52 (56688)
ঈষাদন্তান্নাগশতান্দাসীদাসশতানি চ।
দদ্মি তৈর্দ্বিজমুখ্যো মে প্রসাদং ন চকার সঃ॥ 8-36-53 (56689)
কৃষ্ণানাং শ্বেতবৎসানাং গোশতানি চতুর্দশ।
দদন্হি ন লভে তস্মাৎপ্রসাদং দ্বিজসত্তমাৎ॥ 8-36-54 (56690)
যৎকিঞ্চিন্মামকং বিত্তং ৎবদধীনং করোমি তৎ।
ইতি মাং যাচমানং বৈ ব্রাহ্মণঃ প্রত্যবারয়ৎ।
ক্রোধদীপ্তেক্ষণঃ শল়্য নির্দহন্নিব চক্ষুষা॥ 8-36-55 (56691)
ব্যাহৃতং যন্ময়া সূত তত্তথা ন তদন্যথা।
অনৃতোক্তং প্রজাং হন্যাত্ততঃ পাপমবাপ্নুয়াম্॥ 8-36-56 (56692)
তস্মাদ্ধর্মাভিরক্ষার্থং নানৃতং বক্তুমুৎসহে।
মা ৎবং ব্রহ্মগতিং হিংস্যাঃ প্রায়শ্চিত্তং কৃতং ৎবয়া॥ 8-36-57 (56693)
মদ্বাক্যং নানৃতং লোকে কশ্চিৎকুর্যাৎসমাপ্নুহি।
`যন্ময়োক্তং সরোষেণ গচ্ছ সূতজ মাচিরম্॥ 8-36-58 (56694)
ইতি মামসকৃৎক্রুদ্ধঃ স উবাচ দ্বিজোত্তমঃ।
এতে হি সোমরাজান ঈশ্বরাঃ সুখদুঃখয়োঃ॥ 8-36-59 (56695)
নাহং বিভেমি বীভৎসোর্ন শল্য মধুসূদনাম্।
তস্মাদ্বিভেম্যহং শাপাত্তেন সত্যেন তে শপে॥ 8-36-60 (56696)
সহ যুদ্ধং সমেতাভ্যামদ্যেদং সমুপস্থিতম্।
যুদ্বেঽস্মিঞ্জীবিতং মেঽদ্য শল্য সংশয়মাগতম্॥ 8-36-61 (56697)
শক্রোঽপ্যমররাট্ তাভ্যামুপগম্যাহবং সহ।
সংশয়ং পরমং গচ্ছেৎকথং বা মন্যতে ভবান্॥ 8-36-62 (56698)
ইত্যেবং তে ময়াঽঽখ্যাতং ক্ষিপ্তেন ন সুহৃত্তয়া।
জানামি ৎবাঽধিক্ষিপন্তং দোষমাত্মগতং শৃণু'॥ ॥ 8-36-63 (56699)
ইতি শ্রীমন্মহাভারতে কর্ণপর্বণি ষট্তত্রিংশোঽধ্যায়ঃ॥ 36 ॥
Mahabharata - Karna Parva - Chapter Footnotes
॥ শ্রীঃ ॥
8.37. অধ্যায়ঃ 037
Mahabharata - Karna Parva - Chapter Topics
কর্ণেন সোপহাসং শল্যগর্হণম্॥ 1 ॥
Mahabharata - Karna Parva - Chapter Text
8-37-0 (56700)
সঞ্জয় উবাচ। 8-37-0x (4933)
ততঃ পুনর্মহারাজ মদ্ররাজমরিন্দমঃ।
অভ্যভাষত রাধেয়ঃ সন্নিবার্যোত্তরং বচঃ॥ 8-37-1 (56701)
নির্ভর্ৎসনার্থং শল্য ৎবং যত্তু জল্পিতবানসি।
নাহং শক্যস্ৎবয়া বাচা বিভীষয়িতুমাহবে॥ 8-37-2 (56702)
যদি মাং দেবতাঃ সর্বা যোধয়েয়ুঃ সবাসবাঃ।
তথাপি মে ভয়ং ন স্যাৎকিমু পার্থাৎসকেশবাৎ॥ 8-37-3 (56703)
নাহং ভীষয়িতুং শক্যঃ শুদ্ধকর্ণা মহাহবে।
অভিজানীহি শক্তস্ৎবমন্যং ভীষয়িতুং রণে॥ 8-37-4 (56704)
নীচস্য বলমেতাবৎপারুষ্যং যতত্ৎবমাত্থ মাম্।
অশক্তো হি গুণান্বক্তুং বল্গসে বহু দুর্মতে॥ 8-37-5 (56705)
ন হি কর্ণঃ সমুদ্ভূতো ভয়ার্থমিহ মদ্রক।
বিক্রমার্থমহং জাতো যশোর্থং চ তথাঽঽত্মনঃ॥ 8-37-6 (56706)
সখিভাবেন সৌহার্দান্মিতত্রভাবেন চৈব হি।
কারণৈস্ত্রিভিরেতৈস্ৎবং শল্য জীবসি সাম্প্রতম্॥ 8-37-7 (56707)
রাজ্ঞশ্চ ধার্তরাষ্ট্রস্য কার্যং সুমহদুদ্যতম্।
ময়ি তচ্চাহিতং শল্য তেন জীবসি মে ক্ষণম্॥ 8-37-8 (56708)
কৃতশ্চ সময়ঃ পূর্বং ক্ষন্তব্যং বিপ্রিয়ং তব।
`সময়ঃ পরিপাল্যো মে তেন জীবসি সাম্প্রতম্'॥ 8-37-9 (56709)
ঋতে শল্যসহস্রেণ বিজয়েয়মহং পরান্।
মিত্রদ্রোহস্তু পাপীয়ানিতি জীবসি সাম্প্রতম্॥ 8-37-10 (56710)
শল্য উবাচ। 8-37-11x (4934)
আর্তপ্রলাপাংস্ৎবং কর্ণ যান্ব্রবীষি পরান্প্রতি।
ন তে কর্ণসহস্রেণ শক্যা জেতুং পরে যুধি॥ 8-37-11 (56711)
সঞ্জয় উবাচ। 8-37-12x (4935)
তথা ব্রুবন্তং পরুষং কর্ণো মদ্রাধিপং তদা।
পরুষং দ্বিগুণং ভূয়ঃ প্রোবাচাপ্রিয়দর্শনম্॥ 8-37-12 (56712)
ইদং ৎবমেকাগ্রমনাঃ শৃণু মদ্রজনাধিপ।
সন্নিধৌ ধৃতরাষ্ট্রস্য প্রোচ্যমানং ময়া শ্রুতম্॥ 8-37-13 (56713)
দেশাংশ্চ বিবিধাংশ্চিত্রান্পূর্ববৃত্তাংশ্চ পার্থিবান্।
ব্রাহ্মণাঃ কথয়ন্তি স্ম ধৃতরাষ্ট্রনিবেশনে॥ 8-37-14 (56714)
তত্র বৃদ্ধঃ পুরাবৃত্তাঃ কথাঃ কশ্চিদ্দ্বিজোত্তমঃ।
বাহ্লীকদেশং মদ্রাংশ্চ কুৎসয়ন্বাক্যমব্রবীৎ॥ 8-37-15 (56715)
বহিষ্কৃতা হিমবততা গঙ্গয়া চ তিরস্কৃতাঃ।
সরস্বত্যা যমুনয়া কুরুক্ষেত্রেণ চাপি যে॥ 8-37-16 (56716)
পঞ্চানাং সিন্ধুষষ্ঠানাং নদীনাং যেঽন্তরাশ্রিতাঃ।
তান্ধর্মবাহ্যানশুচীন্বাহ্লীকানপি বর্জয়েৎ॥ 8-37-17 (56717)
গোবর্ধনো নাম বটঃ সুভাণ্ডং নাম পত্তনম্।
এতদ্রাজন্কলিদ্বারমাকুমারাৎস্মরাম্যহম্॥ 8-37-18 (56718)
কার্যেণাত্যর্থগূঢেন বাহ্লীকেষূষিতং ময়া।
তত এষাং সমাচারঃ সংবাসাদ্বিদিতো ময়া॥ 8-37-19 (56719)
শাকলং নাম নগরমাপগানামনিম্নগা।
চণ্ডালা নাম বাহ্লীকাস্তেষাং বৃত্তং সুনিন্দিতম্॥ 8-37-20 (56720)
পানং গুডাসবং পীৎবা গোমাংসং লশুনৈঃ সহ।
অপূপসক্তুমদ্যানামাশিতাঃ শীলবর্জিতাঃ॥ 8-37-21 (56721)
গায়ন্ত্যথ চ নৃত্যন্তি স্ত্রিয়ো মত্তা বিবাসসঃ।
নগরাপণবেশেষু বহির্মাল্যানুলেপনাঃ॥ 8-37-22 (56722)
মত্তাঃ প্রগীতবিরুতৈঃ খরোষ্ট্রনিনদোপমৈঃ।
অনাবৃতা মৈথুনে তাঃ কামচারাশ্চ সর্বশঃ॥ 8-37-23 (56723)
আহুরন্যোন্যসূক্তানি প্রব্রুবাণা মদোৎকxxxঃ।
হেহতেহেহতেত্যেবং স্বামিভর্তৃহতেতি চ॥ 8-37-24 (56724)
আক্রোশন্ত্যঃ প্রনৃত্যন্তি ব্রাত্যাঃ পর্বস্বসংয়তাঃ।
তাসাং কিলাবলিপ্তানাং নিবসন্কুরুজাঙ্গলে॥ 8-37-25 (56725)
কশ্চিদ্বাহ্লীকদুষ্টানাং নাতিহৃষ্টমনা জগৌ।
সা নূনং বৃহতী গৌরী সূক্ষ্মকম্বলবাসিনী॥ 8-37-26 (56726)
মামনুস্মরতী শেতে বাহ্লীকং কুরুবাসিনম্।
শতদ্রুং নু কদা তীর্ৎবা তাং চ রম্যামিরাবতীম্।
গৎবা স্বদেশং দ্রক্ষ্যামি স্থূলজঙ্ঘাঃ শুভাঃ স্ত্রিয়ঃ॥ 8-37-27 (56727)
মনঃশিলোজ্জ্বলাপাঙ্গ্যো গৌর্যস্তাঃ কাকুকূজিতাঃ।
কম্বলাজিনসংবীতা রুদন্ত্যঃ প্রিয়দর্শনাঃ॥ 8-37-28 (56728)
মৃদঙ্গানকশঙ্খানাং মর্দলানাং চ নিঃস্বনৈঃ।
খরোষ্ট্রাশ্বতরৈশ্চৈব মত্তা যাস্যামহে সুখম্॥ 8-37-29 (56729)
শমীপীলুকরীরাণাং বনেষু সুখবর্ত্মসু।
অপূপান্সক্তুপিণ্ডাংশ্চ প্রাশ্নন্তো মথিতান্বিতান্॥ 8-37-30 (56730)
পথিষু প্রবলো ভূৎবা তথা সম্পততোঽধ্বগান্।
চেলাপহারং কুর্বাণাস্তাডয়িষ্যাম ভূয়সঃ॥ 8-37-31 (56731)
এবংশীলেষু ব্রাত্যেষু বাহ্লীকেষু দুরাত্মসু।
কশ্চেতয়ানো নিবসেন্মুহূর্তমপি মানবঃ॥ 8-37-32 (56732)
কর্ণ উবাচ। 8-37-33x (4936)
ঈদৃশা ব্রাহ্মণেনোক্তা বাহ্লীকা মোঘচারিণঃ।
যেষাং ষড্ভাগহর্তা ৎবমুভয়োঃ পুণ্যপাপয়োঃ॥ 8-37-33 (56733)
ইত্যুক্ৎবা ব্রাহ্মণঃ সাধুরুত্তরং পুনরুক্তবান্।
বাহ্লীকেষ্ববিনীতেষু প্রোচ্যমানং নিবোধ তৎ॥ 8-37-34 (56734)
ততত্র স্ম রাক্ষসী গাতি কৃষ্ণচতুর্দশীম্।
নগরে শাকলে স্ফীতে আহত্য নিশি দুন্দুভিম্॥ 8-37-35 (56735)
কথং বস্তাদৃশো গাথাঃ পুনর্গাস্যামি শাকলে।
গব্যস্য তৃপ্তা মাংসস্য পীৎবা গৌডং সুরাসবম্॥ 8-37-36 (56736)
গৌরীভিঃ সহ নারীভির্বৃহতীভিঃ স্বলঙ্কৃতা।
পলাণ্ডুগণ্ডূষয়ুতাঃ খাদন্তশ্চেশিকান্বহূন্॥ 8-37-37 (56737)
বারাহং কৌক্কুটং মাংসং গব্যং গার্দভমৌষ্ট্রকম্।
ধানাশ্চ যে ন খাদন্তি তেষাং জন্ম নিরর্থকম্॥ 8-37-38 (56738)
এবং গায়ন্তি যে মত্তাঃ শীধুনা পীলুকাবনে।
সবালবৃদ্ধাঃ ক্রন্দন্তি তেষাং ধর্মঃ কথং ভবেৎ॥ 8-37-39 (56739)
যত্র লোকেশ্বরঃ কৃষ্ণো দেবদেবো জনার্দনঃ।
বিস্মৃতঃ পুরুষৈরুগ্রৈস্তেষাং ধর্মঃ কথং ভবেৎ॥ 8-37-40 (56740)
ইতি শল্য বিজানীহি হন্ত ভূয়ো ব্রবীমি তে।
যদন্যোপ্যুক্তবানস্মান্ব্রাহ্মণঃ কুরুসংসদি॥ 8-37-41 (56741)
পঞ্চনদ্যো বহন্ত্যেতা যত্র পীলুবনান্যুত।
শতদ্রুশ্চ বিপাশা চ তৃতীয়ৈরাবতী তথা॥ 8-37-42 (56742)
চন্দ্রভাগা বিতস্তা চ সিন্ধুষষ্ঠা মহানদী।
আরট্টা নাম বহ্লীকা এতেষ্বার্যো হি নো বসেৎ॥ 8-37-43 (56743)
ব্রাত্যানাং দাসমীয়ানাং বিদেহানাময়জ্বনাম্।
ন দেবাঃ প্রতিগৃহ্ণন্তি পিতরো ব্রাহ্মণাস্তথা॥ 8-37-44 (56744)
তেষাং প্রনষ্টধর্মাণাং বাহ্লীকানামিতি শ্রুতিঃ।
ব্রাহ্মণেন যথা প্রোক্তং বিদুষা সাধুসংসদি॥ 8-37-45 (56745)
কাষ্ঠকুণ্ডেষু বাহ্লীকা মৃণ্ময়েষু চ ভুঞ্জতে।
সক্তুমদ্যাবলিপ্তেষু শ্বাবলীঢেষু নির্ঘৃণাঃ॥ 8-37-46 (56746)
আবিকং চৌষ্ট্রিকং চৈব ক্ষীরং গার্দভমেব চ।
তদ্বিকারাংশ্চ বাহ্লীকাঃ খাদন্তি চ পিবন্তি চ॥ 8-37-47 (56747)
পাত্রসঙ্করিণো জাল্মাঃ সর্বান্নক্ষীরভোজনাঃ।
আরট্টা নাম বাহ্লীকা বর্জনীয়া বিপশ্চিতা॥ 8-37-48 (56748)
ইতি শল্য বিজানীহি হন্ত ভূয়ো ব্রবীমি তে।
যদন্যোঽপ্যুক্তবান্মহ্যং ব্রাহ্মণঃ কুরুসংসদি॥ 8-37-49 (56749)
যুগন্ধরে পয়ঃ পীৎবা প্রোষ্য চাপ্যচ্যুতস্থলে।
তদ্বদ্ভূতিলয়ে স্নাৎবা কথং স্বর্গং গমিষ্যতি॥ 8-37-50 (56750)
পঞ্চনদ্যো বহন্ত্যেতা যত্র নিঃসৃত্য পর্বতাৎ।
আরট্টা নাম বাহ্লীকা ন তেষ্বার্যো দ্ব্যহং বসেৎ॥ 8-37-51 (56751)
বাহ্লীকা নাম হীকশ্চ বিপাশায়াং পিশাচকৌ।
তয়োরপত্যং বাহ্লীকা নৈষা সৃষ্টিঃ প্রজাপতেঃ॥ 8-37-52 (56752)
তে কথং বিবিধান্ধর্মাঞ্জ্ঞাস্যন্তে হীনয়োনয়ঃ॥ 8-37-53 (56753)
কারস্করান্মাহিষকান্করম্ভান্কটকালিকান্।
কর্করান্বীরকান্বীরা উন্মত্তাংশ্চ বিবর্জয়েৎ॥ 8-37-54 (56754)
ইতি তীর্থানুসঞ্চারী রাক্ষসী কাচিদব্রবীৎ।
একরাত্রমুষিৎবেহ মহোলূখলমেখলা॥ 8-37-55 (56755)
আরট্টা নাম তে দেশা বাহ্লীকং নাম তদ্বনম্।
বসাতিসিন্ধুসৌবীরা ইতি প্রায়োঽতিকুৎসিতাঃ॥ ॥ 8-37-56 (56756)
ইতি শ্রীমন্মহাভারতে কর্ণপর্বণি সপ্তত্রিংশোঽধ্যায়ঃ॥ 37 ॥
Mahabharata - Karna Parva - Chapter Footnotes
॥ শ্রীঃ ॥
8.38. অধ্যায়ঃ 038
Mahabharata - Karna Parva - Chapter Topics
শল্যকর্ণয়োর্বাক্কলহঃ॥ 1 ॥ দুর্যোধনেন তয়োঃ সান্ৎবনম্॥ 2 ॥
Mahabharata - Karna Parva - Chapter Text
8-38-0 (56757)
কর্ণ উবাচ। 8-38-0x (4937)
ইতি শল্য বিজানীহি হন্ত ভূয়ো ব্রবীমি তে।
উন্যমানং ময়া সম্যক্ৎবমেকাগ্রমনাঃ শৃণু॥ 8-38-1 (56758)
ব্রাহ্মণঃ কিল নো গেহমধ্যগচ্ছৎপুরাঽতিথিঃ।
আচারং তত্র সম্প্রেক্ষ্য প্রীতো বচনমব্রবীৎ॥ 8-38-2 (56759)
ময়া হিমবতঃ শৃঙ্গমেকেনাধ্যুষিতং চিরম্।
দৃষ্টাশ্চ বহবো দেশা নানাধর্মসমাবৃতাঃ॥ 8-38-3 (56760)
ন চ কেন চ ধর্মেণ বিরুধ্যন্তে প্রজা ইমাঃ।
সর্বাশ্চাপ্যাচরন্ধর্মং যদুক্তং বেদপারগৈঃ॥ 8-38-4 (56761)
অটতা তু ময়া দেশান্নানাধর্মসমাকুলান্।
আগচ্ছতা মহারাজ বাহ্লীকেষু নিশামিতম্॥ 8-38-5 (56762)
তত্র বৈ ব্রাহ্মণো ভূৎবা পুনর্ভবতি ক্ষত্রিয়ঃ।
বৈশ্যঃ শূদ্রশ্চ বাহ্লীকস্ততো ভবতি নাপিতঃ॥ 8-38-6 (56763)
নাপিতশ্চ ততো ভূৎবা পুনর্ভবতি ব্রাহ্মণঃ।
দ্বিজো ভূৎবা চ তত্রৈব পুনর্দাসোঽভিজায়তে॥ 8-38-7 (56764)
ভবন্ত্যেককুলে বিপ্রাঃ শিষ্টা যে কামচারিণঃ।
গান্ধারা মদ্রকাশ্চৈব বাহ্লীকাশ্চাপ্যতেজসঃ॥ 8-38-8 (56765)
এতন্ময়া শ্রুতং তত্র ধর্মসঙ্করকারকম্।
কৃৎস্নামটিৎবা পৃথিবীং বাহ্লীকেষু বিপর্যযঃ॥ 8-38-9 (56766)
ইতি শল্য বিজানীহি হন্ত ভূয়ো ব্রবীমি তে।
যদপ্যন্যোঽব্রবীদ্বাক্যং বাহ্লীকানাং বিকুৎসিতং॥ 8-38-10 (56767)
আনীয়েহাক্ষতা কাচিদারট্টাৎকিল দস্যুভিঃ।
অধর্মতশ্চোপয়াতা সা তানভ্যশপত্ততঃ॥ 8-38-11 (56768)
বালাং বন্ধুমতীং যন্মামধর্মেণোপগচ্ছথ।
তস্মাৎকুমার্যঃ স্বৈরিণ্যো ভবিষ্যন্তি কুলেষু বঃ॥ 8-38-12 (56769)
ন চৈবাস্মাৎপ্রমোক্ষধ্বং ঘোরাচ্ছাপান্নরাধমাঃ।
তস্মাত্তেষাং ভাগহরঃ কথং ধর্মান্বদিষ্যসি॥ 8-38-13 (56770)
কুরবঃ সহপাঞ্চালাঃ সাল্বা মাৎস্যাঃ সনৈমিশাঃ।
কোসলাঃ কাশপৌণ্ড্রাশ্চ কালিঙ্গা মাগধাস্তথা॥ 8-38-14 (56771)
চেদয়শ্চ মহাভাগা ধর্মং জানন্তি শাশ্বতম্।
নানাদেশেষ্বসন্তশ্চ প্রায়ো বাহ্যালয়ানৃতে॥ 8-38-15 (56772)
আমৎস্যেভ্যঃ কুরুপাঞ্চালসাল্বা
আনৈমিশাচ্চেদয়ো যে বিশিষ্টাঃ।
ধর্মং পুরাণমুপজীবন্তি সন্তো
মদ্রানৃতে পাঞ্চনদাংশ্চ জিহ্মান্॥ 8-38-16 (56773)
এবং বিদ্বান্ধর্মকথাসু রাজং--
স্তূষ্ণীংভূতঃ শল্য ভবেঃ সদা ৎবম্।
ৎবং তস্য গোপ্তা চ জনস্য রাজা
ষড্ভাগহর্তা শুভদুষ্কৃতস্য॥ 8-38-17 (56774)
অথবা দুষ্কৃতস্য ৎবং হর্তা তেষামরক্ষিতা।
রক্ষিতা পুণ্যভাগ্রাজা প্রজানাং ৎবং হ্যপুণ্যভাক্॥ 8-38-18 (56775)
পূজ্যমানে পুরা ধর্মে সর্বদেশেষু শাশ্বতে।
ধর্মং পাঞ্চনদং দৃষ্ট্বা ধিগিত্যাহ পিতামহঃ॥ 8-38-19 (56776)
ব্রাত্যানাং দাশকীয়ানাং কৃতেঽপ্যশুভকর্মণাম্।
ব্রহ্মণা নিন্দিতান্ধর্মান্কশ্চিৎসিদ্ধাত্মকোঽব্রবীৎ॥ 8-38-20 (56777)
ইতি পাঞ্চনদং ধর্মবমেনে পিতামহঃ।
স্বধর্মস্থেষু বর্ণেষু সোঽপ্যেতান্নাভ্যপূজয়ৎ॥ 8-38-21 (56778)
ইতি শল্য বিজানীহি হন্ত ভূয়ো ব্রবীমি তে।
কল্মাষপাদঃ সরসি নিম়জ্জন্রাক্ষসোঽব্রবীৎ॥ 8-38-22 (56779)
ক্ষত্রিয়স্য মলং ভৈক্ষ্যং ব্রাহ্মণস্যাশ্রুতং মলম্।
মলং পৃথিব্যা বাহ্লীকাঃ স্ত্রীণাং কৌতূহলং মলম্॥ 8-38-23 (56780)
নিমজ্জমানমুদ্ধৃত্য কশ্চিদ্রাজা নিশাচরম্।
অপৃচ্ছত্তেন চাখ্যাতং তচ্ছৃণুষ্ব নরাধিপ॥ 8-38-24 (56781)
মানুষাণাং মলং ম্লেচ্ছা ম্লেচ্ছানাং মুষ্টিকা মলম্।
মুষ্টিকানাং মলং ষণ্ঢাঃ ষণ্ঢানাং রাজয়াজকাঃ॥ 8-38-25 (56782)
রাজয়াজকয়াজ্যানাং মদ্রকাণাং চ যন্মলম্।
তদ্ভবেদ্বৈ তব মলং যদ্যস্মান্ন বিমুঞ্চসি॥ 8-38-26 (56783)
ইতি রক্ষোপসৃষ্টেষু বিষবীর্যহতেষু চ।
বিদ্বদ্ভির্ভেষজং দৃষ্টং সংসিদ্ধবচনোত্তরম্॥ 8-38-27 (56784)
ব্রাহয়াঃ পঞ্চালাঃ কৌরবেয়াস্তু ধর্ম্যাঃ
সত্যা মৎস্যাঃ শূরসেনাশ্চ যাজ্যাঃ।
প্রাচ্যা দাসা বৃষলা দাক্ষিণাত্যাঃ
স্তেনা বাহ্লীকাঃ সঙ্কার বৈ সুরাষ্ট্রাঃ॥ 8-38-28 (56785)
কৃতঘ্নতা পরবিত্তাপহারো
মদ্যপানং গুরুদারাবমর্দঃ।
বাক্পারুষ্যং গোবধো রাত্রিচর্যা
বহির্গেহং পরবস্ত্রোপভোগঃ॥ 8-38-29 (56786)
যেষাং ধর্মস্তান্প্রতি নাস্ত্যধর্মো
হ্যারট্টজান্পাঞ্চনদান্ধিগস্তু।
আপাঞ্চালাঃ কুরবো নৈমিশাশ্চ
মৎস্যাশ্চৈবাপ্যনুজানন্তি ধর্মম্।
অথোদীচ্যাশ্চোদয়ো ভাগধাশ্চ
শিষ্টান্ধর্মানুপজীবন্তি বৃদ্ধাঃ॥ 8-38-30 (56787)
প্রাচীং দিশং শ্রিতা দেবা জাতবেদঃপুরোগমাঃ।
দক্ষিণা পিতৃভির্গুপ্তা যমেন শুভকর্মণা॥ 8-38-31 (56788)
প্রতীচীং বরুণঃ পাতি পালয়ন্নসুরান্বহূন্।
উদীচীং ভগবান্সোম ব্রহ্মা চ ব্রাহ্মণৈঃ সহ॥ 8-38-32 (56789)
রক্ষঃপিশাচান্হিমবান্গুহ্যকান্গন্ধমাদনঃ।
ধ্রুবং সর্বাণি ভূতানি বিষ্ণুঃ পাতি সুরোত্তমঃ॥ 8-38-33 (56790)
ইঙ্গিত5আশ্চ মগধাঃ প্রেক্ষিতজ্ঞাশ্চ কোসলাঃ।
অর্ধোক্তাঃ কুরুপাঞ্চালাঃ সর্বোক্তা দাক্ষিণাপথাঃ॥ 8-38-34 (56791)
পার্বতীয়াশ্চ বিষয়া যথৈব গিরয়স্তথা।
সর্বজ্ঞা যবনা রাজঞ্শূরাশ্চৈব বিশেষতঃ।
ম্লেচ্ছাঃ স্বসংজ্ঞানিয়তা নানুক্তমিতরে জনাঃ॥ 8-38-35 (56792)
প্রতিরব্ধাস্তু বাহ্লীকা ন চ কেচন মদ্রকাঃ।
স ৎবমেতাদৃশঃ শল্য নোত্তরং বক্তুমর্হসি॥ 8-38-36 (56793)
এবং জ্ঞাৎবা জোষমাস্স্ব প্রতীপং
মা স্ম ক্রুদ্ধঃ পাপভৃতাং বরিষ্ঠ।
পূর্বং হৎবা ৎবাং সপুত্রং বলৈশ্চ
পশ্চাদ্ধংস্যে বাসুদেবার্জুনৌ চ॥ 8-38-37 (56794)
শল্য উবাচ। 8-38-38x (4938)
আতুরাণাং পরিত্যাগঃ স্বদারসুতবিক্রয়ঃ।
অঙ্গে প্রবর্ততে কর্ণ যেষামধিপতির্ভবান্॥ 8-38-38 (56795)
রথাতিরথসঙ্খ্যায়াং যত্ৎবাং ভীষ্মস্তদাব্রবীৎ।
তান্বিদিৎবাঽত্মনো দোষান্নির্মন্যুর্ভব মা ক্রুধঃ॥ 8-38-39 (56796)
সর্বত্র ব্রাহ্মণাঃ সন্তি সন্তি সর্বত্র ক্ষত্রিয়াঃ।
বৈশ্যাঃ শূদ্রাস্তথা কর্ণ স্ত্রিয়ঃ সাধ্ব্যশ্চ সুব্রতাঃ॥ 8-38-40 (56797)
রমন্তে চোপহাসেন পুরুষাঃ পুরুষৈঃ সহ।
অন্যোন্যেন রতাঃ ক্ষীবা দেশেদেশে চ মৈথুনম্॥ 8-38-41 (56798)
পরবাচ্যেষু নিপুণঃ সর্বো ভবতি সর্বদা।
আত্মবাচ্যং ন জানীতে জানন্নপি চ মুহ্যতি॥ 8-38-42 (56799)
সর্বত্র সন্তি রাজনঃ স্বংস্বং ধর্মমনুব্রতাঃ।
দুর্মনুষ্যান্নিগৃহ্ণন্তি সন্তি সর্বত্র ধার্মিকাঃ॥ 8-38-43 (56800)
ন কর্ণ দেশসামান্যাৎসর্বঃ পাপং নিষেবতে।
যাদৃশাঃ স্বস্বভাবেন দেশাংস্তাংস্তাদৃশান্বিদুঃ॥ 8-38-44 (56801)
সঞ্জয় উবাচ। 8-38-45x (4939)
তততো দুর্যোধনো রাজা কর্ণশল্যাববারয়ৎ।
সখিভাবেন রাধেয়ং শল্যং সৌজন্যকেন চ॥ 8-38-45 (56802)
ততো নিবারিতঃ কর্ণো ধার্তরাষ্ট্রেণ মারিষ।
প্হহস্য তত্র রাজেন্দ্রং যাদি শল্যেত্যচোদয়ৎ॥ ॥ 8-38-46 (56803)
ইতি শ্রীমন্মহাভারতে কর্ণপর্বণি অষ্টত্রিংশোঽধ্যায়ঃ॥ 38 ॥
Mahabharata - Karna Parva - Chapter Footnotes
॥ শ্রীঃ ॥
8.39. অধ্যায়ঃ 039
Mahabharata - Karna Parva - Chapter Topics
শল্যকর্ণয়োঃ সংবাদঃ॥ 1 ॥ সেনাদ্বয়স্য পরস্পরমেলনম্॥ 2 ॥
Mahabharata - Karna Parva - Chapter Text
8-39-0 (56804)
সঞ্জয় উবাচ। 8-39-0x (4940)
ততঃ পরানীকভিদং ব্যূহমপ্রতিমং কৃতম্।
সমীক্ষ্য কর্ণঃ পার্থানাং ধৃষ্টধুম্নাভিরক্ষিতম্॥ 8-39-1 (56805)
প্রয়যৌ রথঘোষেণ সিংহনাদরবেণ চ।
বাদিত্রাণাং চ নিনদৈঃ কম্পয়ন্নিব মেদিনীম্॥ 8-39-2 (56806)
সঞ্জয় উবাচ। 8-39-3x (4941)
ততঃ প্রয়ান্তং রাধেয়ং মদ্ররাজঃ স্ময়ন্নিব।
অবধূয় ইদং বাক্যমব্রবীৎকুরুসন্নিধৌ॥ 8-39-3 (56807)
চমূং তবেমাং বিপুলাং সমৃদ্বা--
মসঙ্খেয়ামশ্বনরাকুলাং চ।
তথা প্রবেষ্টা সমরে ধনঞ্জয়ঃ
কক্ষং দহন্দীপ্ত ইবাশ্রয়াশী॥ 8-39-4 (56808)
রথে স্তিতৌ বীরবরৌ বরেণ্যৌ
সিংহস্কন্ধৌ লোহিতপদ্মনেত্রৌ।
দ্রষ্টা ভবানদ্য বিনা প্রয়ত্না--
ত্তথাহি মে শকুনা বেদয়ন্তি॥ 8-39-5 (56809)
অদ্য দ্রষ্টাঽসি তং বীরং শ্বেতাশ্বং কৃষ্ণসারথিম্।
নিঘ্নন্তং শাত্রবান্সঙ্খ্যে যং কর্ণ পরিপৃচ্ছসি॥ 8-39-6 (56810)
অদ্য তৌ পুরুষব্যাঘ্রৌ লোহিতাক্ষৌ পরন্তপৌ।
বাসুদেবার্জুনৌ কর্ণ দ্রষ্টাঽস্যমিতবিক্রমৌ॥ 8-39-7 (56811)
সারথির্যস্য গোবিন্দো গাণ্ডীবং যস্য কার্মুকম্।
তং চেদ্বন্তাঽসি রাধেয় ৎবং নো রাজা ভবিষ্যসি॥ 8-39-8 (56812)
প্রবাত্যেষ মহাবায়ুরভিতস্তব বাহিনীম্।
ক্রব্যাদা ব্যাহরন্ত্যেতে মৃগাঃ কুর্বন্তি ভৈরবম্॥ 8-39-9 (56813)
পশ্য কর্ণ মহাঘোরং ভয়ং বৈ রোমহর্ষণম্।
অর্কং জীমূতসঙ্কাশঃ কবন্ধো বার্য তিষ্ঠতি॥ 8-39-10 (56814)
পশ্য যূথং মৃগশতং মৃগাণাং সর্বতোদিশম্।
ররাস দীপ্তলাঙ্গূলমাদিত্যামভি সংস্থিতম্॥ 8-39-11 (56815)
পশ্য কাকাংশ্চ গৃধ্রাংশ্চ সমবেতান্সহস্রশঃ।
আদিত্যমভিবীক্ষন্তে হ্যশিবাঃ কর্ণ সস্বরাঃ॥ 8-39-12 (56816)
শ্বেতবাজিসমায়ুক্তে তব কর্ণ মহারথে।
পতাকাঃ প্রজ্বলন্ত্যেতা ধ্বজশ্চাতীব কম্পতে॥ 8-39-13 (56817)
উদীর্যতো হয়ান্পশ্য মহাকায়ান্মহাজবান্।
প্লবমানান্মহাবীর্যানাকাশে গরুডানিব॥ 8-39-14 (56818)
ধ্রুবমেষু নিমিত্তেষু ভূমিমাবৃত্য পার্থিবাঃ।
স্বপ্স্যন্তি নিহতাঃ কর্ণ শতশোঽথ সহস্রশঃ॥ 8-39-15 (56819)
শঙ্খানাং তুমুলঃ শব্দঃ শ্রূয়তে রোমহর্ষণঃ।
আনকানাং চ রাধেয় মৃদঙ্গানাং চ হন্যতাম্॥ 8-39-16 (56820)
শৃণু শব্দান্বহুবিধান্নরাশ্বরথবাজিনাম্।
জ্যাতলত্রেষুশব্দাংশ্চ শৃণু কর্ণ মহাত্মনাম্॥ 8-39-17 (56821)
হেমরূপ্যপ্রমৃষ্টানাং বাসসাং শিল্পিনির্মিতাঃ।
সহেমচন্দ্রতারাভাঃ পতাকাঃ কিঙ্গিণীয়ুতাঃ॥ 8-39-18 (56822)
নানাবর্ণা রণে ভান্তি শ্বসনেন প্রকম্পিতাঃ।
পশ্য কর্ণার্জুনস্যৈতাঃ সৌদামিন্য ইবাম্বুদে॥ 8-39-19 (56823)
ধ্বজাঃ কণকণায়ন্তে বাতেনাতিসমীরিতাঃ।
সপতাকরথাশ্চাপি পাঞ্চালানাং মহাত্মনাম্॥ 8-39-20 (56824)
এষ রেণুঃ সমুদ্ভূতো দিবমাবৃত্য তিষ্ঠতি।
গজবাজিপ্রণুন্না চ কম্পতে কর্ণ মেদিনী॥ 8-39-21 (56825)
শ্রূয়তে মেঘসঙ্কাশো রথনেমিস্বনস্তথা।
পশ্য কুন্তীসুতং বীরং বীভৎসুমপরাজিতম্।
প্রহরিষ্যন্তমায়ান্তং কপিপ্রবরকেতনম্॥ 8-39-22 (56826)
গজাশ্বরথপত্ত্যোঘাংস্তাবকান্যুধি নিঘ্নতঃ।
ধ্বজাগ্রং দৃশ্যতে তস্য জ্যাশব্দশ্চৈব শ্রূয়তে॥ 8-39-23 (56827)
এষ সংশপ্তকান্ভূয়স্তানেবাভিমুখো গতঃ।
করোতি কদনং চৈষ সঙ্গামে দ্বিষতাং বলী॥ 8-39-24 (56828)
সঞ্জয় উবাচ। 8-39-25x (4942)
ইতি ব্রুবাণং মদ্রেশং কর্ণঃ প্রোবাচ মন্যুমান্॥ 8-39-25 (56829)
পশ্য সংশপ্তকৈঃ ক্রুদ্ধৈঃ সমন্তাৎসমভিদ্রুতঃ।
এষ সূর্য ইবাম্ভোদৈশ্ছন্নঃ পার্থো ন দৃশ্যতে।
এষ দান্তোঽর্জুনঃ শল্য নিমগ্নঃ শোকসাগরে॥ 8-39-26 (56830)
শল্য উবাচ। 8-39-27x (4943)
বরুণং কোঽম্ভসা হন্যাদিন্ধনেন চ কোঽনলম্।
কোবাঽনিলং নিগৃহ্ণীয়াৎপিবেদ্বা কো মহার্ণবম্॥ 8-39-27 (56831)
ঈদৃগ্রূপমহং মন্যে পার্থস্য যুধি নির্জয়ম্।
ন হি শক্যোঽর্জুনো জেতুং যুধি দেবাসুরৈরপি॥ 8-39-28 (56832)
অথৈঘং পরিতোষস্তে বাগ্ভিস্ৎবং সুমানা ভব।
ন হি শক্যো যুধা জেতুমন্যং কুরু মনোরথম্॥ 8-39-29 (56833)
বাহুভ্যামুদ্ধরেদ্ভূমিং দহেৎক্রুদ্ধ ইমাঃ প্রজাঃ।
পাতয়েত্ত্রিদিবাদ্দেবান্নার্জুনং সমরে জয়েৎ॥ 8-39-30 (56834)
পশ্য কুন্তীসুতং ভীমং বীরমক্লিষ্টকারিণম্।
প্রহরন্তং মহাবাহুং স্থিতং মেরুমিবাচলম্॥ 8-39-31 (56835)
অমর্ষী পুরুষব্যাঘ্রঃ সদা বৈরমনুস্মরন্।
এষ ভীমো জয়প্রেপ্সুর্যুধি তিষ্ঠতি বীর্যবান্॥ 8-39-32 (56836)
এষ ধর্মভৃতাং শ্রেষ্ঠো ধর্মরাজো যুধিষ্ঠিরঃ।
তিষ্ঠত্যসুকরঃ সঙ্খ্যে পরৈঃ পরপুরঞ্জয়ঃ॥ 8-39-33 (56837)
এতৌ চ পুরুষব্যাঘ্রাবাশ্বিনেয়ৌ মহারথৌ।
নকুলঃ সহদেবশ্চ তিষ্ঠতো যুধি দুর্জয়ৌ॥ 8-39-34 (56838)
এতে তিষ্ঠন্তি কার্ষ্ণেয়াঃ পঞ্চ পঞ্চাচলা ইব।
যোৎস্যমানা মহাবীর্যা ভীমার্জুনসমা যুধি॥ 8-39-35 (56839)
এতে দ্রুপদপুত্রাশ্চ ধৃষ্টদ্যুম্নপুরোগমাঃ।
হীনাঃ সত্যজিতা বীরাস্তিষ্ঠন্তি পরমৌজসঃ॥ 8-39-36 (56840)
যত্র কৃষ্ণার্জুনৌ বীরৌ যত্র রাজা যুধিষ্ঠিরঃ।
তত্র ধর্মশ্চ সত্যং চ যতো ধর্মস্ততো জয়ঃ॥ 8-39-37 (56841)
ইতি সংবদতোরেব তয়োঃ পুরুষসিংহয়োঃ।
তে সেনে সমসজ্জেতাং ঙ্গায়মুনবদ্ভৃশম্॥ ॥ 8-39-38 (56842)
ইতি শ্রীমন্মহাভারতে কর্ণপর্বণি একোনচৎবারিংশোঽধ্যায়ঃ॥ 39 ॥
॥ শ্রীঃ ॥
8.40. অধ্যায়ঃ 040
Mahabharata - Karna Parva - Chapter Topics
দুর্যোধনেন সেনাপ্রোৎসাহনম্॥ 1 ॥ ভীমেন দুর্যোধনপরাজয়পূর্বকং গজানীকবধঃ॥ 2 ॥
Mahabharata - Karna Parva - Chapter Text
8-40-0 (56843)
সঞ্জয় উবাচ। 8-40-0x (4944)
দুর্যোধনস্ততঃ কর্ণমুপেত্য ভরতর্ষভ।
অব্রবীন্মদ্ররাজং চ তথৈবান্যান্মহারথান্॥ 8-40-1 (56844)
যদৃচ্ছয়াঽয়মব্যগ্রো ধর্মঃ পরমকঃ সখা।
সুখিনঃ ক্ষত্রিয়াঃ কর্ণ লভন্তে যুদ্ধমীদৃশম্॥ 8-40-2 (56845)
যাদৃশং ক্ষত্রিয়ৈঃ শূরৈঃ শূরাণাং দীব্যতাং যুধি।
ইষ্টং ভবতি রাধেয় তদিদং সমুপস্থিতম্॥ 8-40-3 (56846)
হৎবা তু পাণ্ডবান্যুদ্ধে স্থিরামুর্বীং প্রশাসথ।
নিহতা বা পরৈর্যুদ্ধে বীরলোকানবাপ্স্যথ॥ 8-40-4 (56847)
দুর্যোধনস্য বচনং শ্রুৎবা তৎক্ষত্রিয়র্ষভাঃ।
সিংহনাদানুদক্রোশন্বাদিত্রাণি চ জঘ্নিরে॥ 8-40-5 (56848)
তস্মিন্প্রমুদিতে সৈন্যে ৎবদীয়ে ভরতর্ষভ।
হর্ষয়ংস্তাবকান্যোধান্দ্রৌণির্বিচনমব্রবীৎ॥ 8-40-6 (56849)
প্রত্যক্ষং সর্বসৈন্যানাং ভবতাং চাপি পশ্যতাম্।
ন্যস্তশস্ত্রো মম পিতা ধৃষ্টদ্যুম্নেন পাতিতঃ॥ 8-40-7 (56850)
স তেনাহমমর্ষেণ পিত্রর্থে চাপি ভারত।
ধৃষ্টদ্যুম্নমহৎবাঽহং ন বিমোক্ষ্যামি দংশনম্॥ 8-40-8 (56851)
কৃৎবাঽনৃতাং প্রতিজ্ঞাং বো নাস্মি প্রাপ্তা মহৎফলম্।
অর্জুনং ভীমসেনং চ যশ্চ মাং প্রতিয়োৎস্যতি।
সর্বাংস্তান্প্রমথিষ্যামি ইতি মে নিশ্চিতা মতিঃ॥ 8-40-9 (56852)
সঞ্জয় উবাচ। 8-40-10x (4945)
এবমুক্তে ততঃ সর্বা হর্ষিতা ভারতী চমূঃ।
অভ্যবর্তত কৌন্তেয়াংস্তথা তাং চাপি পাণ্ডবাঃ॥ 8-40-10 (56853)
স সন্নিপাতো রথয়ূথপানাং
মহাহবে ভারত লোভনীয়ে।
জনক্ষয়ঃ কালয়ুগান্তকল্পঃ
প্রাবর্ততাগ্রে কুরুসৃঞ্জয়ানাম্॥ 8-40-11 (56854)
ততঃ প্রবৃত্তে যুধি সম্প্রহারে
ভূতানি সর্বাণি সদৈবতানি।
আসন্সমেতানি সহাপ্সরোভি--
নিরীক্ষতীভির্যুধি বীরসঙ্ঘান্॥ 8-40-12 (56855)
দিব্যৈশ্চ গন্ধৈঃ পরমৈশ্চ পুষ্পৈ--
রন্যৈশ্চ রত্নৈর্বিবিধৈর্নরাগ্র্যাঃ।
রণেষু কর্মোদ্বহতাঃ প্রহৃষ্টা-
ননন্দয়ন্নপ্সরসঃ প্রহৃষ্টাঃ॥ 8-40-13 (56856)
সমীরণস্তাংস্তু নিষেব্য গন্ধা--
ন্নিষেবতে তানপি যোধমুখ্যান্।
নিষেব্যমাণাস্ৎবনিলেন যোধাঃ
পরস্পরং চুক্রুশুরাজিমধ্যে॥ 8-40-14 (56857)
তথা তু তস্মিংস্তুমুলে প্রবৃত্তে
দুর্যোধনঃ ক্রোধমমৃষ্যমাণঃ।
`অবেভ্য ভীমং বলমধ্যসংস্থঃ
সমার্পয়ৎক্ষুদ্রকাণাং শতেন॥ 8-40-15 (56858)
দুঃশাসনশ্চিত্রসেনশ্চ বীর--
স্তথোলূকঃ কিতবঃ সৌবলশ্চ।
গজানীকৈঃ সর্বতো ভীমসেনং
তথাবিষক্তং সহসৈবাভ্যগচ্ছন্॥ 8-40-16 (56859)
তমাপতন্তং সম্প্রেক্ষ্য গজানীকং বৃকোদরঃ।
দুর্যোধনং মহাবাহুঃ শরবর্ষৈরবাকিরৎ॥ 8-40-17 (56860)
দুর্যোধনং ততো ভীমঃ সায়কৈর্বজ্রসন্নিভৈঃ।
পাণ্ডবো বিমুখীকৃত্য গজানভ্যদ্রবদ্বলী॥ 8-40-18 (56861)
ততঃ পাবকসঙ্কাশৈর্ভীমবাণৈরবক্রগৈঃ।
শলভৈরিব নাগাংস্তানর্দয়ামাস পাণ্ডবঃ॥ 8-40-19 (56862)
ততঃ কুঞ্জরয়ূথানি ভীমসেনো মহাবলঃ।
ব্যধমন্নিশিতৈর্বাণৈর্মহাবাতো ঘনানিব॥ 8-40-20 (56863)
নিত্যমত্তাশ্চ মাতঙ্গাঃ শূরৈর্মত্তৈরধিষ্ঠিতাঃ।
আরোহকৈর্মহামাত্রৈস্তোমরাঙ্কুরাপাণিভিঃ॥ 8-40-21 (56864)
সুবর্ণজালৈঃ প্রচ্ছন্না মণিজালৈশ্চ কুঞ্জরাঃ।
রূপ্যজাম্বূনদাভাসঃ ক্ষুরমালাভ্যলঙ্কৃতাঃ॥ 8-40-22 (56865)
বধ্যমানাঃ শরৈ রাজন্ভীমসেনেন তে গজাঃ।
বিভিন্নহৃদয়াঃ কেচিত্তত্রৈবাভ্যপতন্ভুবি॥ 8-40-23 (56866)
নিপতদ্ভির্মহাবেগৈর্হেমভাণ্ডবিভূষিতৈঃ।
অশোভত মহারাজ ধাতুচিত্রৈরিবাচলৈঃ॥ 8-40-24 (56867)
দীপ্তাভরণবদ্ভিশ্চ গজপৃষ্ঠনিপাতিতৈঃ।
সঙ্গরঃ শুশুভে রাজন্ক্ষীণপুণ্যৈরিবামরৈঃ॥ 8-40-25 (56868)
মহাপরিঘসঙ্কাশৌ চন্দনাগরুরূষিতৌ।
অপশ্যং ভীমসেনস্য ধনুর্বিক্ষিপতো ভুজৌ॥ 8-40-26 (56869)
তস্য জ্যাতলনির্ঘোষমস্যতঃ সব্যদক্ষিণম্।
তং শ্রুৎবাঽভ্যদ্রবন্নাগা ভীমসেনভয়ার্দিতাঃ॥ 8-40-27 (56870)
তস্য ভীমস্য তৎকর্ম রাজন্নেকস্য ধীমতঃ।
অপশ্যাম মহারাজ তদ্ভূতমিবাভবৎ'॥ ॥ 8-40-28 (56871)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে চৎবারিংশোঽধ্যায়ঃ॥ 40 ॥
॥ শ্রীঃ ॥
8.41. অধ্যায়ঃ 041
Mahabharata - Karna Parva - Chapter Topics
সেনাদ্বয়ে ব্যূহরচনাবর্ণনম্॥ 1 ॥
Mahabharata - Karna Parva - Chapter Text
8-41-0 (56872)
সঞ্জয় উবাচ। 8-41-0x (4946)
ততঃ পরানীকভিদং ব্যূহমপ্রতিমং মহৎ।
সমীক্ষ্য কর্ণঃ পার্থানাং ধৃষ্টদ্যুম্নাভিরক্ষিতম্॥ 8-41-1 (56873)
প্রয়যৌ রথঘোষেণ সিংহনাদরবেণ চ।
বাদিত্রাণাং চ নিনদৈঃ কম্পয়ন্নিব মেদিনীম্॥ 8-41-2 (56874)
বেপমান ইব ক্রোধাদ্যুদ্বশৌণ্ডঃ পরন্তপঃ।
প্রতিব্যূহ্য মহাতেজা যথাবদ্ভরতর্ষভ॥ 8-41-3 (56875)
ব্যধমৎপাণ্ডবীং সেনামাসুরীং মঘবানিব।
যুধিষ্ঠিরং চাভ্যহনদপসব্যং চকারহ॥ 8-41-4 (56876)
কর্ণস্য রথঘোষেণ মৌর্বীনিষ্পেষণেন চ।
সুসঙ্গ্রাহেণ রশ্মীনাং সমকম্পন্ত সৃঞ্জয়াঃ॥ 8-41-5 (56877)
তানি সর্বাণি সৈন্যানি কর্ণ দৃষ্ট্বা বিশাম্পতে।
বভূবুঃ সম্প্রহৃষ্টানি তাবকানি যুয়ুৎসয়া॥ 8-41-6 (56878)
অশ্রূয়ন্ত ততো বাচস্তাবকানাং বিশাম্পতে।
কর্ণার্জুনমহায়ুদ্ধমেতদদ্য ভবিষ্যতি॥ 8-41-7 (56879)
অদ্য দুর্যোধনো রাজা হতামিত্রো ভবিষ্যতি।
অদ্য কর্ণং রণে দৃষ্ট্বা ফল্গুনো বিদ্রবিষ্যতি॥ 8-41-8 (56880)
অদ্য তাবদ্বয়ং যুদ্ধে কর্ণস্যৈবানুগামিনঃ।
কর্ণবাণময়ং ভীমং যুদ্ধং দ্রক্ষ্যাম সংয়ুগে॥ 8-41-9 (56881)
চিরকালেপ্সিতমিদমদ্যেদানীং ভবিষ্যতি।
অদ্য দ্রক্ষ্যাম সঙ্গ্রামং ঘোরং দেবাসুরোপমম্॥ 8-41-10 (56882)
অদ্যেদানীং মহদ্যুদ্ধং ভবিষ্যতি ভয়ানকম্।
অদ্যেদানীং জয়ো নিত্যমেকস্যৈকস্য বা রণে॥ 8-41-11 (56883)
অর্জুনং কিল রাধেয়ো বধিষ্যতি মহারণে।
অথবা কং নরং লোকে ন স্পৃশন্তি মনোরথাঃ॥ 8-41-12 (56884)
ইত্যুক্ৎবা বিবিধা বাচঃ কুরবঃ কুরুনন্দন।
আজঘ্নুঃ পটহাংশ্চৈব তূর্যাংশ্চৈব সহস্রশঃ॥ 8-41-13 (56885)
ভেরীনাদাংশ্চ বিবিধান্সিংহনাদাংশ্চ পুষ্কলান্।
মুরজানাং মহাশব্দানানকানাং মহারবান্॥ 8-41-14 (56886)
নৃত্যমানাশ্চ বহুশস্তর্জমানাশ্চ মারিষ।
অন্যোন্যমভ্যযুর্যুদ্ধে যুদ্ধরঙ্গগতা নরাঃ॥ 8-41-15 (56887)
তেষাং পদাতা নাগানাং পাদরক্ষাঃ সমন্ততঃ।
পট্টসাসিধরাঃ শূরাশ্চাপবাণমুসুণ্ঠিনঃ॥ 8-41-16 (56888)
ভিণ্ডিপালধরাশ্চৈব শূরলহস্তাঃ সুচক্রিণঃ।
তেষাং সমাগমো ঘোরো দেবাসুররণোপমঃ॥ 8-41-17 (56889)
ধৃতরাষ্ট্রং উবাচ। 8-41-18x (4947)
কথং সঞ্জয় রাধেয়ঃ প্রত্যব্যূহত পাণ্ডবান্।
ধৃষ্টদ্যুম্নমুখান্সঙ্খ্যে ভীমসেনাভিরক্ষিতান্।
সর্বানেব মহেষ্বাসানজয়্যানমরৈরপি॥ 8-41-18 (56890)
কে চ প্রপক্ষৌ পক্ষৌ বা মম সৈন্যস্য সঞ্জয়।
প্রবিভজ্য যথান্যায়মবতস্থুঃ সুদংশিতাঃ॥ 8-41-19 (56891)
কথং পাণ্ডুসুতাশ্চাপি প্রত্যব্যূহন্ত মামকান্।
কথং চৈতন্মহদ্যুদ্ধং প্রাবর্তত সুদারুণম্॥ 8-41-20 (56892)
ক্ব চ বীভৎসুরভবদ্যৎকর্ণোঽয়াদ্যুধিষ্ঠিরম্।
কো হ্যর্জুনস্য সান্নিধ্যে শক্তো জেতুং যুধিষ্ঠিরম্॥ 8-41-21 (56893)
সর্বভূতানি যো হ্যেকঃ খাণ্ডবে জিতবান্পুরা।
কস্তমন্যস্তু রাধেয়াৎপ্রতিয়ুধ্যেজ্জিজীবিষুঃ॥ 8-41-22 (56894)
সঞ্জয় উবাচ। 8-41-23x (4948)
শৃণু ব্যূহস্য রচনামর্জুনশ্চ যথা গতঃ।
পরিবার্য নৃপান্সর্বান্সঙ্গ্রামশ্চাভবদ্যথা॥ 8-41-23 (56895)
কৃপঃ শারদ্বতো রাজন্মাগধাশ্চ তরস্বিনঃ।
সাৎবতঃ কৃতবর্মা চ দক্ষিণং পক্ষমাশ্রিতাঃ॥ 8-41-24 (56896)
তেষাং প্রপক্ষে শকুনিরুলূকশ্চ মহারথঃ।
সাদিভির্বিমলপ্রাসৈস্তদানীমভ্যরক্ষতাম্॥ 8-41-25 (56897)
গান্ধারৈশ্চাপ্যসম্ভ্রান্তৈঃ পার্বতীয়ৈশ্চ দুর্জয়ৈঃ।
শলভানামিব ব্রাতৈঃ পিশাচৈরিব দুর্দৃশৈঃ॥ 8-41-26 (56898)
চতুর্বিংশৎসহস্রাণি রথানামনিবর্তিনাম্।
সংশপ্তকা যুদ্বশৌণ্ডা বামপাশ্বমপালয়ন্॥ 8-41-27 (56899)
সমন্বিতাস্তব সুতৈঃ কৃষ্ণার্জুনজিঘাংসবঃ।
তেষাং প্রপক্ষাঃ কাম্ভোজাঃ শকাশ্চ যবনৈঃ সহ॥ 8-41-28 (56900)
নিদেশাৎসূতপুত্রস্য সরথাশ্বেভপত্তয়ঃ।
আহ্বয়ন্তোঽর্জুনং তস্থুঃ কেশবং চ মহাবলম্॥ 8-41-29 (56901)
ততঃ সেনামুখে কর্ণোঽপ্যবাতিষ্ঠত দংশিতঃ।
চিত্রবর্মাঙ্গদঃ স্রগ্বী পালয়ন্বাহিনীমুখম্॥ 8-41-30 (56902)
রক্ষমাণৈঃ সুসংরব্ধৈঃ পুত্রৈঃ শস্ত্রভৃতাং বরঃ।
বাহিনীং প্রমুখে বীরঃ সম্প্রকর্ষন্নশোভত॥ 8-41-31 (56903)
অশোকস্তু মহাবাহুঃ সূর্যবৈশ্বানরপ্রভঃ।
মহাদ্বিপস্কন্ধগতঃ পিঙ্গাক্ষঃ প্রিয়দর্শনঃ।
দুঃশাসনো বৃতঃ সৈন্যৈঃ স্থিতো ব্যূহস্য পৃষ্ঠতঃ॥ 8-41-32 (56904)
তন্মধ্যে স মহাবাহুঃ স্বয়ং দুর্যোধনো নৃপঃ।
চিত্রাশ্বৈশ্চিত্রসন্নাহৈঃ সোদর্যৈরভিরক্ষিতঃ॥ 8-41-33 (56905)
রক্ষ্যমাণো মহাবীর্যৈঃ সহিতৈর্মদ্রকেকয়ৈঃ।
অশোভত মহারাজ দেবৈরিব শতক্রতুঃ॥ 8-41-34 (56906)
অশ্বত্থামা কুরূণাং চ যে প্রবীরা মহারথাঃ।
নিত্যমত্তাশ্চ মাতঙ্গাঃ শূরৈর্ম্লেচ্ছৈঃ সমন্বিতাঃ।
অন্বয়ুস্তদ্রথানীকং ক্ষরন্ত ইব তোয়দাঃ॥ 8-41-35 (56907)
তে ধ্বজৈর্বৈজয়ন্তীভির্জ্বলদ্ভিঃ পরমায়ুধৈঃ।
সাদিভিশ্চাস্থিতা রেজুর্দ্রুমবন্ত ইবাচলাঃ॥ 8-41-36 (56908)
তেষাং পদাতিনাগানাং পাদরক্ষাঃ সহস্রশঃ।
পট্টসাসিধরাঃ শূরা বভূবুরনিবর্তিনঃ॥ 8-41-37 (56909)
সাদিভিঃ স্যন্দনৈর্নাগৈরধিকং সমলঙ্কৃতৈঃ।
স ব্যূহরাজো বিবভৌ দেবাসুরচমূপমঃ॥ 8-41-38 (56910)
বার্হস্পত্যঃ সুবিহিতো নায়কেন বিপশ্চিতা।
নৃত্যতীব মহাব্যূহঃ পরেষাং ভয়মাদধৎ॥ 8-41-39 (56911)
তস্য পক্ষপ্রপক্ষেভ্যো নিষ্পতন্তি যুয়ুৎসবঃ।
হস্ত্যশ্বরথমাতঙ্গাঃ প্রাবৃষীব বলাহকাঃ॥ 8-41-40 (56912)
ততঃ সেনামুখে কর্ণং দৃষ্ট্বা রাজা যুধিষ্ঠিরঃ।
ধনঞ্জয়মমিত্রঘ্নমেকবীরমুবাচ হ॥ 8-41-41 (56913)
পশ্যার্জুন মহাব্যূহং কর্ণেন বিহিতং রণে।
যুক্তং পক্ষৈঃ প্রপক্ষৈশ্চ পরানীকং প্রকাশতে॥ 8-41-42 (56914)
তৎসমীপগতং হ্যেতৎপ্রত্যমিত্রং মহদ্বূলম্।
যথা নাভিভবত্যস্মাংস্তথা নীতির্বিধীয়তাম্॥ 8-41-43 (56915)
সঞ্জয় উবাচ। 8-41-44x (4949)
এবমুক্তোঽর্জুনো রাজ্ঞা প্রাঞ্জলির্নৃপমব্রবীৎ॥ 8-41-44 (56916)
যথা যথা ভবানাহ তত্তথা ন তদন্যথা।
যত্তস্য বিহিতং কার্যং তৎকরিষ্যামি সুব্রত।
প্রধানমথ চৈবাস্য বিনাশং চ করোম্যহম্॥ 8-41-45 (56917)
তস্মাত্ৎবং জহি রাধেয়ং ভীমসেনঃ সুয়োধনম্।
বৃষসেনং চ নকুলঃ সহদেবোঽপি সৌবলম্॥ 8-41-46 (56918)
দুঃশানং শতানীকো হার্দিক্যং শিনিপুঙ্গবঃ।
ধৃষ্টদ্যুম্নো দ্রোণসুতং স্বয়ং যোৎস্যাম্যহং কৃপম্॥ 8-41-47 (56919)
দ্রৌপদেয়া ধার্তরাষ্ট্রাঞ্শিষ্টান্সহ শিখণ্ডিনা।
তে তে চ তাংস্তানহিতানস্মাকং ঘ্ন্তু মামকাঃ॥ 8-41-48 (56920)
সঞ্জয় উবাচ। 8-41-49x (4950)
ইত্যুক্তো ধর্মরাজেন তথেত্যুক্ৎবা ধনঞ্জয়ঃ।
ব্যাদিদেশ স্বসৈন্যানি স্বয়ং চাগাচ্চমূমুখম্॥ 8-41-49 (56921)
ধনঞ্জয়ো মহারাজ দক্ষিণং পক্ষমাস্থিতঃ।
ভীমসেনো মহাবাহুর্বামং পক্ষমুপাশ্রিতঃ॥ 8-41-50 (56922)
সাত্যকির্দ্রৌপদেয়াশ্চ স্বয়ং রাজা চ পাণ্ডবঃ।
ব্যূহস্য প্রমুখে তস্থুঃ স্বেনানীকেন সংবৃতাঃ॥ 8-41-51 (56923)
স্ববলেনারিসৈন্যং তৎপ্রত্যবস্থাপ্য পাণ্ডবঃ।
প্রত্যব্যূহৎপুরস্কৃত্য ধৃষ্টদ্যুম্নশিখণ্ডিনৌ॥ 8-41-52 (56924)
তৎসাদিনাগকলিলং পদাতিরথসঙ্কুলম্।
ধৃষ্টদ্যুম্নমুখং ঘোরমশোভত মহদ্বলম্॥ ॥ 8-41-53 (56925)
ইতি শ্রীমন্মহাভারতে কর্ণপর্বণি একচৎবারিংশোঽধ্যায়ঃ॥ 41 ॥
॥ শ্রীঃ ॥
8.42. অধ্যায়ঃ 042
Mahabharata - Karna Parva - Chapter Topics
সঙ্কুলয়ুদ্ধম্॥ 1 ॥
Mahabharata - Karna Parva - Chapter Text
8-42-0 (56926)
ধৃতরাষ্ট্র উবাচ। 8-42-0x (4951)
তথা ব্যূঢেষ্বনীকেষু সংসক্তেষু চ সঞ্জয়।
সংশপ্তকাঃ কথং পার্থং কথং কর্ণং চ পাণ্ডবাঃ॥ 8-42-1 (56927)
এতদ্বিস্তরশো যুদ্ধং প্রব্রূহি কুশলো হ্যসি।
ন হি তৃপ্যামি বীরাণাং শৃণ্বানো যুধি বিক্রমম্॥ 8-42-2 (56928)
সঞ্জয় উবাচ। 8-42-3x (4952)
তৎসংস্থিমথো দৃষ্ট্বা প্রত্যমিত্রং মহদ্বলম্।
প্রত্যব্যূহত্ততঃ কর্ণো হিতার্থং তনয়স্য তে॥ 8-42-3 (56929)
তৎসাদিনাগকলিলং পদাতিরথসঙ্কুলম্।
ধৃষ্টদ্যুম্নমুখং ঘোরমশোভত মহদ্বলম্॥ 8-42-4 (56930)
পারাবতসবর্ণাশ্বশ্চন্দ্রসূর্যসমদ্যুতিঃ।
স পার্ষতো বভৌ ধন্বী কালো বিগ্রহবানিব॥ 8-42-5 (56931)
পার্ষতং ৎবভিতস্তস্থুর্দ্রৌপদেয়া যুয়ুৎসবঃ।
সানুগা দীপ্তবপুষশ্চন্দ্রং তারাগণা ইব॥ 8-42-6 (56932)
অথ ব্যূঢেষ্বনীকেষু প্রেক্ষ্য সংশপ্তকান্রণে।
ক্রুদ্ধোঽর্জুনোঽভিদুদ্রাব ব্যাক্ষিপন্গাণ্ডিবং ধনুঃ॥ 8-42-7 (56933)
অথ সংশপ্তকাঃ পার্থমভ্যধাবন্বধৈষিণঃ।
বিজয়ে ধৃতসঙ্কল্পা মৃত্যুং কৃৎবানিবর্তনম্॥ 8-42-8 (56934)
তদশ্বসঙ্ঘবহুলং পত্তিনাগরথাকুলম্।
উদীর্যমাণং সংরব্ধং ধনঞ্জয়মভিদ্রবৎ॥ 8-42-9 (56935)
তদুদ্যতং মহৎসৈন্যং সাগরৌঘসমং জবে।
পার্থবেলাং সমাসাদ্য বিষ্ঠিতং সমদৃশ্যত॥ 8-42-10 (56936)
মৃদ্গন্তং শবর্ষৌঘৈর্দ্রুতমর্জুনমার্দয়ৎ॥ 8-42-11 (56937)
স সম্প্রহারস্তুমুলস্তেষামাসীৎকিরীটিনা।
তস্যৈব তু যথা রাজন্নিবাতকবচৈঃ সহ॥ 8-42-12 (56938)
রথানশ্বান্ধ্বজান্নাগান্পত্তীন্গজগতানপি।
ইষূন্ধনূংষি খঙ্গাংশ্চ চক্রাণি চ পরশ্বথান্॥ 8-42-13 (56939)
সায়ুধানুদ্যতান্বাহূন্বিবিধান্যায়ুধানি চ।
চিচ্ছেদ দ্বিষতাং পার্থঃ শিরাংসি চ সহস্রশঃ॥ 8-42-14 (56940)
তস্মিন্সৈন্যমহাবর্তে পাতালতলসন্নিভে।
নিমগ্নং তং রথং মৎবা নেদুঃ সংশপ্তকা মুদা॥ 8-42-15 (56941)
স পুরস্তাদরীন্হৎবা পুনরুত্তরতোঽবধীৎ।
দক্ষিণেন চ পশ্চাচ্চ ক্রুদ্ধো রুদ্রঃ পশূনিব॥ 8-42-16 (56942)
অথ পাঞ্চালচেদীনাং সৃঢ্জয়ানাং চ মারিষ।
ৎবদীয়ৈঃ সহ সঙ্গ্রাম আসীৎপরমদারুণঃ॥ 8-42-17 (56943)
কৃপশ্চ কৃতবর্মা চ শকুনিশ্চাপি সৌবলঃ।
হৃষ্টসেনাঃ সুসংরব্ধা রথানীকপ্রহারিণঃ॥ 8-42-18 (56944)
কোসলৈঃ কাশ্যমৎস্যৈশ্চ কারূশৈঃ কেকয়ৈরপি।
শূরসেনৈঃ শূরবরৈর্যুয়ুধুর্যুদ্ধদুর্মদাঃ॥ 8-42-19 (56945)
তেষামন্তকরং যুদ্ধং দেহপাপ্মবিনাশনম্।
ক্ষত্রবিট্শূদ্রবীরাণাং ধর্ম্যং স্বর্গ্যং যশস্করম্॥ 8-42-20 (56946)
দুর্যোধনোঽথ সহিতো ভ্রাতৃভির্ভরতর্ষভ।
গুপ্তঃ কুরুপ্রবীরৈশ্চ মদ্রাণাং চ মহারথৈঃ॥ 8-42-21 (56947)
পাণ্ডবৈঃ সহ পাঞ্চালৈশ্চেদিভিঃ সাত্যকেন চ।
যুধ্যমানং রণে কর্ণং কুরুবীরোঽভ্যপালয়ৎ॥ 8-42-22 (56948)
কর্ণোঽপি নিশিতৈর্বাণৈর্বিনিহত্য মহাচমূম্।
প্রমৃদ্য চ রথশ্রেষ্ঠান্যুধিষ্ঠিরমপীডয়ৎ॥ 8-42-23 (56949)
বিপত্রায়ুধদেহাসূন্কৃৎবা শত্রূন্সহস্রশঃ।
যুক্ৎবা স্বর্গয়শোভ্যাং চ স্বেভ্যো মুদমুদাবহৎ॥ 8-42-24 (56950)
তদ্বিগাহ্য মহানীকং সূতপুত্রো মহারথঃ।
নদীং প্রবর্তয়ামাস শোণিতৌঘতরঙ্গিণীম্॥ 8-42-25 (56951)
শোণিতোদাং ক্ষুণ্ণমৎস্থাং নাগনক্রদুরত্যযাম্।
মাংলমজ্জাকর্দমিনীং চক্রকূর্মমহোডুপাম্॥ 8-42-26 (56952)
পাতিতৈর্মেঘসঙ্কাশৈস্তত্রতত্র মহাদ্বিপৈঃ।
অশনীভিরিব ধ্বস্তা নদী রাজন্বিরাজতে॥ 8-42-27 (56953)
তাং শরোর্মিমহাবর্তাং ছত্রহংসসমাকুলাম্।
তনুত্রোষ্ণীষসঙ্ঘাটামস্থিপাষাণসঙ্কুলাম্॥ 8-42-28 (56954)
অপারামনপারাং চ শঙ্খদুন্দুভিঘোষিণীম্।
রৌদ্রাং নদীং মহারাজ রজসা সর্বতোবৃতাম্॥ 8-42-29 (56955)
অতিতীক্ষ্ণাং নরাকীর্ণাং নদীমন্তকগামিনীম্।
সমং চ বিষমং চৈব সমায়ান্তীং মহাভয়াম্॥ 8-42-30 (56956)
আকুলাশ্চাত্র সীদন্তি নরাঃ শোণিতকর্দমে।
নরৈরভিপরিক্ষিপ্তা যথা রাজন্মহাদ্রুমাঃ॥ 8-42-31 (56957)
ততস্তে তত্রতত্রৈব প্রচরন্তো মহানদীম্।
বিচেরুঃ সর্বতো যোধা নৌবারণমহারথৈঃ॥ 8-42-32 (56958)
শোণিতেন সমং রাজন্কৃতমাসীৎসমন্ততঃ।
নদীবেগৈর্যথা ভূমিস্তদ্বদাসীদ্বিশাপতে॥ 8-42-33 (56959)
এবং ভারত সঙ্গ্রামো নরবাজিগজক্ষয়ঃ।
কুরূণাং সৃঞ্জয়ানাং চ দেবাসুরসমোঽভবৎ॥ ॥ 8-42-34 (56960)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে দ্বিচৎবারিংশোঽধ্যায়ঃ॥ 42 ॥
Mahabharata - Karna Parva - Chapter Footnotes
॥ শ্রীঃ ॥
8.43. অধ্যায়ঃ 043
Mahabharata - Karna Parva - Chapter Topics
সঙ্কুলয়ুদ্ধম্॥ 1 ॥
Mahabharata - Karna Parva - Chapter Text
8-43-0 (56961)
ধৃতরাষ্ট্র উবাচ। 8-43-0x (4953)
যুক্তং প্রবিশ্য পার্থানাং সৈন্যং কুর্বঞ্জনক্ষয়ম্।
কর্ণো রাজানমভ্যেত্য তন্মমাচক্ষ্ব স়ঞ্জয়॥ 8-43-1 (56962)
কে চ প্রবীরাঃ পার্থানাং যুধি কর্ণমবারয়ন্।
কাংশ্চ প্রমথ্যাধিরথির্যুধিষ্ঠিরমপীডয়ৎ॥ 8-43-2 (56963)
সঞ্জয় উবাচ। 8-43-3x (4954)
ধৃষ্টদ্যুম্নমুখান্পার্থান্দৃষ্ট্বা কর্ণো ব্যবস্থিতান্।
সমভ্যধাবত্ৎবরিতঃ পাঞ্চালাঞ্ছত্রুকর্শনঃ॥ 8-43-3 (56964)
তং তূর্ণমভিধাবন্তং পাঞ্চালা জিতকাশিনঃ।
প্রত্যুদ্যযুর্মহাত্মানং হংসাঃ সর ইবোষ্ণগে॥ 8-43-4 (56965)
ততঃ শঙ্খসহস্রাণাং নিঃস্বনো হৃদয়ঙ্গমঃ।
প্রাদুরাসীদুভয়তো ভেরীশব্দশ্চ দারুণঃ॥ 8-43-5 (56966)
নানাবাণনিনাদশ্চ দ্বিপাশ্বরথনিঃস্বনঃ।
সিংহনাদশ্চ বীরাণামভবদ্দারুণস্তদা॥ 8-43-6 (56967)
সাদ্রিদ্রুমার্ণবা ভূমিঃ সবাতাম্বুদমম্বরম্।
সার্কেন্দুগ্রহনক্ষত্রা দ্যৌশ্চ ব্যক্তং বিঘূর্ণিতা॥ 8-43-7 (56968)
ইতি ভূতানি তং শব্দং মেনিরে তে চ বিব্যথুঃ।
যানি চাপ্যল্পসৎবানি প্রায়স্তানি মৃতানি বৈ॥ 8-43-8 (56969)
অথ কর্ণো ভৃশং ক্রুদ্ধঃ শীঘ্রমস্ত্রমুদীরয়ন্।
জঘান পাণ্ডবীং সেনামাসুরীং মঘবানিব॥ 8-43-9 (56970)
স পাণ্ডববলং কর্ণঃ প্রবিশ্য বিসৃজঞ্ছরান্।
প্রভদ্রকাণাং প্রবরানহনৎসপ্তসপ্ততিম্॥ 8-43-10 (56971)
ততঃ সুপুঙ্খৈর্নিশিতৈরথ শ্রষ্ঠো রথেষুভিঃ।
অবধীৎপঞ্চবিংশত্যা পাঞ্চালান্পঞ্চবিংশতিম্॥ 8-43-11 (56972)
সুবর্ণপুঙ্খৈর্নারাচৈঃ পরকায়বিদারণৈঃ।
চেদিকানবধীদ্বীরঃ শতশোঽথ সহস্রশঃ॥ 8-43-12 (56973)
তং তথা সমরে কর্ম কুর্বাণমতিমানুষম্।
পরিবব্রুর্মহারাজ পাঞ্চালানাং রথব্রজাঃ॥ 8-43-13 (56974)
ততঃ সন্ধায় বিশিখান্পঞ্চ ভারত দুঃসহান্।
পাঞ্চালানবধীৎপঞ্চ কর্ণো বৈকর্তনো বৃষঃ॥ 8-43-14 (56975)
ভানুদেবং চিত্রসেনং সেনাবিন্দুং চ ভারত।
তপনং শূরসেনং চ পাঞ্চালানহনদ্রণে॥ 8-43-15 (56976)
পাঞ্চালেষু চ শূরেষু বধ্যমানেষু সায়কৈঃ।
হাহাকারো মহানাসীৎপাঞ্চালানাং মহাহবে॥ 8-43-16 (56977)
তেষাং সহ্ক্রীডমানানাং হাহাকারং প্রকুর্বতাম্।
পুনরেব চ তান্কর্ণো জঘানাশু পতত্ত্রিভিঃ॥ 8-43-17 (56978)
চক্ররক্ষৌ তু কর্ণস্য পুত্রৌ মারিষ দুর্জয়ৌ।
সুষেণঃ সত্যসেনশ্চ ত্যক্ৎবা প্রাণানয়ুধ্যতাম্॥ 8-43-18 (56979)
পৃষ্ঠগোপ্তা তু কর্ণস্য জ্যেষ্ঠঃ পুত্রো মহারথঃ।
বৃষসেনোঽন্বয়াৎকর্ণং পৃষ্ঠতঃ পরিপালয়ন্॥ 8-43-19 (56980)
ধৃষ্টদ্যুম্নঃ সাত্যকিশ্চ দ্রৌপদেয়া বৃকোদরঃ।
জনমেজয়ঃ শিখণ্ডী চ প্রবীরাশ্চ প্রভদ্রকাঃ॥ 8-43-20 (56981)
চেদিকেকয়পাঞ্চালা যমৌ মাৎস্যাশ্চ দংশিতাঃ।
সমভ্যধাবন্রাধেয়ং জিঘাংসন্তঃ প্রহারিণম্॥ 8-43-21 (56982)
ত এনং বিবিধৈঃ শস্ত্রৈঃ শরধারাভিরেব চ।
অভ্যবর্ষন্বিমর্দন্তং প্রাবৃষীবাম্বুদা গিরিম্॥ 8-43-22 (56983)
পিতরং তু পরীপ্সন্তঃ কর্ণপুত্রাঃ প্রহারিণঃ।
ৎবদীয়াশ্চাপরে রাজন্বীরা বীরানবারয়ন্॥ 8-43-23 (56984)
সুষেণো ভীমসেনস্য চ্ছিত্ৎবা ভল্লেন কার্মুকম্।
নারাচৈঃ সপ্তবির্বিদ্ধ্বা হৃদি ভীমং ননাদ হ॥ 8-43-24 (56985)
অথান্যদ্বনুরাদায় সুদৃঢং ভীমবিক্রমঃ।
সজ্যং বৃকোদরঃ কৃৎবা সুষেণস্যাচ্ছিনদ্বনুঃ॥ 8-43-25 (56986)
বিব্যাধ চৈনং দশভিঃ ক্রুদ্ধো নৃত্যন্নিবেষুভিঃ।
কর্ণং চ তূর্ণং বিব্যাধ ত্রিসপ্তত্যা শিতৈঃ শরৈঃ॥ 8-43-26 (56987)
সত্যসেনং চ দশভিঃ সাশ্বসূতায়ুধধ্বজম্।
পশ্যতাং সুহৃদাং মধ্যে কর্ণপুত্রমপাতয়ৎ॥ 8-43-27 (56988)
ক্ষুরপ্রণুন্নং তত্তস্য শিরশ্চন্দ্রনিভাননম্।
শুভদর্শনমেবাসীন্নালভ্রষ্টমিবাম্বুজম্॥ 8-43-28 (56989)
হৎবা কর্ণসুতং ভীমস্তাবকান্পুনরার্দয়ৎ।
কৃপহার্দিক্যযোশ্ছিত্ৎবা চাপৌ তাবপ্যথার্দয়ৎ॥ 8-43-29 (56990)
দুঃশাসনং ত্রিভির্বিদ্ধ্বা শকুনিং ষড্ভিরায়সৈঃ।
উলূকং চ পতত্রিং চ চকার বিরথাবুভৌ॥ 8-43-30 (56991)
হে সুষেণ হতোঽসীতি ব্রুবন্নাদত্ত সায়কম্।
তমস্য কর্ণশ্চিচ্ছেদ ত্রিভিশ্চৈনমতাডয়ৎ॥ 8-43-31 (56992)
অথান্যং পরিজগ্রাহ সুপর্বাণং সুতেজনম্।
সুষেণায়াসৃজদ্ভীমস্তমপ্যস্যাচ্ছিনদ্বৃষঃ॥ 8-43-32 (56993)
পুনঃ কর্ণস্ত্রিসপ্তত্যা ভীমসেনমথেষুভিঃ।
পুত্রং পরীপ্সন্বিব্যাধ ক্রুদ্ধঃ শত্রুজিঘাংসয়া॥ 8-43-33 (56994)
সুষেণস্তু ধনুর্গৃহ্য ভারসাধনমুত্তমম্।
নকুলংপঞ্চভির্বাণৈর্বাহ্বোরুরসি চার্পয়ৎ॥ 8-43-34 (56995)
নকুলস্তং তু বিংশত্যা বিদ্ব্বা ভারসহৈর্দৃঢৈঃ।
ননাদ বলবন্নাদং কর্ণস্য ভয়মাদধৎ॥ 8-43-35 (56996)
তং সুষেণো মহারাজ বিদ্ধ্বা দশভিরাশুগৈঃ।
চিচ্ছেদ চ ধনুঃ শীঘ্রং ক্ষুরপ্রেণ মহারথঃ॥ 8-43-36 (56997)
অথান্যদ্বনুরাদায় নকুলঃ ক্রোধমূর্চ্ছিতঃ।
সুষেণং নবভির্বাণৈর্বারয়ামাস সংয়ুগে॥ 8-43-37 (56998)
স তু বাণৈর্দিশো রাজন্নাচ্ছাদ্য পরবীরহা॥
আজঘ্নে সারথিং চাস্য সুষেণং চ ততস্ত্রিভিঃ।
চিচ্ছেদ চাস্য সুদৃঢং ধনুর্ভল্লৈস্ত্রিভিস্ত্রিধা॥ 8-43-38 (56999)
অথান্যদ্বনুরাদায় সুষেণঃ ক্রোধমূর্চ্ছিতঃ।
আবিধ্যন্নকুলং ষষ্ট্যা সহদেবং চ সপ্তভিঃ॥ 8-43-39 (57000)
তদ্যুদ্ধং সুমহদ্ধোরমাসীদ্দেবাসুরোপমম্।
নিঘ্নতাং সায়কৈস্তূর্ণমন্যোন্যস্য বধং প্রতি॥ 8-43-40 (57001)
সাত্যকির্বৃষসেনং তু বিদ্ধ্বা সপ্তভিরায়সৈঃ।
`পুনর্বিব্যাধ সপ্তত্যা সারথিং চ ত্রিভিঃ শিতৈঃ॥ 8-43-41 (57002)
বৃষসেনস্তু শৈনেয়ং শরেণানতপর্বণা।
আজঘান মহারাজ শঙ্খদেশে মহারথম্॥ 8-43-42 (57003)
শৈনেয়ো বৃষসেনেন পত্রিণা পরিপীডিতঃ।
কোপং চক্রে মহারাজ ক্রুদ্ধো বেগং চ দারুণম্॥ 8-43-43 (57004)
জগ্রাহেষুবরান্বীরঃ শীঘ্রং বৈ দশ পঞ্চ চ।
সাত্যকির্বৃষসেনস্য সূতং হৎবা ত্রিভিঃ শরৈঃ'॥ 8-43-44 (57005)
ধনুশ্চিচ্ছেদ ভল্লেন জঘানাশ্বাংশ্চ সপ্তভিঃ।
ধ্বজমেকেষুণোন্মথ্য ত্রিভিশ্তং হৃদ্যতাডয়ৎ॥ 8-43-45 (57006)
অথাবসন্নঃ স্বরথে মুহূর্তাৎপুনরুত্থিতঃ।
স রণে যুয়ুধানেন বিসূতাশ্বরথধ্বজঃ।
কৃতো জিঘাংসুঃ শৈনেয়ং খঙ্গচর্মধৃগভ্যযাৎ॥ 8-43-46 (57007)
তস্য চাপততঃ শীঘ্রং বৃষসেনস্য সাত্যকিঃ।
বারাহকর্ণৈর্দশভিরবিধ্যদসিচর্মণী॥ 8-43-47 (57008)
দুঃশাসনস্তু তং দৃষ্ট্বা বিরথং ব্যায়ুধং কৃতম্।
আরোপ্য স্বরথং তূর্ণমপোবাহ রথান্তরম্॥ 8-43-48 (57009)
অথান্যং রথমাস্থায় বৃষসেনো মহারথঃ।
দ্রৌপদেয়াংস্ত্রিসপ্তত্যা যুয়ুধানং চ পঞ্চভিঃ॥ 8-43-49 (57010)
ভীমসেনং চতুঃষষ্ট্যা সহদেবং চ পঞ্চভিঃ।
নকুলং ত্রিংশতা বাণৈঃ শতানীকং চ সপ্তভিঃ॥ 8-43-50 (57011)
শিখণ্ডিনং চ দশভির্ধর্মরাজং শতেন চ।
এতাংশ্চান্যাংশ্চ রাজেন্দ্র প্রবীরাঞ্চয়গৃদ্ধিনঃ॥ 8-43-51 (57012)
অভ্যর্দয়ন্মহেষ্বাসঃ কর্ণপুত্রো বিশাম্পতে।
কর্ণস্য যুধি দুর্ধর্ষস্ততঃ পৃষ্ঠমপালয়ৎ॥ 8-43-52 (57013)
যুয়ুধানং চ রাধেয়ো নবৈর্নবভিরায়সৈঃ।
বিসূতাশ্বরথং কৃৎবা ললাটে ত্রিভিরার্পয়ৎ॥ 8-43-53 (57014)
স ৎবন্যং রথমাস্থায় বিধিবৎকল্পিতং পুনঃ।
যুয়ুধে পাণ্ডুভিঃ সার্ধং কর্ণস্য ব্যধমদ্বলম্॥ 8-43-54 (57015)
ধৃষ্টদ্যুম্নস্ততঃ কর্ণমবিধ্যদ্দশভিঃ শরৈঃ।
দ্রৌপদেয়াস্ত্রিসপ্তত্যা যুয়ুধানস্তু সপ্তভিঃ॥ 8-43-55 (57016)
ভীমসেনশ্চতুঃষষ্ট্যা সহদেবশ্চ সপ্তিভিঃ।
নকুলস্ত্রিংশতা বাণৈঃ শতানীকস্তু সপ্তভিঃ॥ 8-43-56 (57017)
শিখণ্ডী দশভির্বীরো ধর্মরাজঃ শতেন তু।
এতে চান্যে চ রাজেন্দ্র প্রবীরা জয়গৃদ্বিনঃ।
অভ্যর্দয়ন্মহেষ্বাসং সূতপুত্রং মহামৃধে॥ 8-43-57 (57018)
তান্সূতপুত্রো বিশিখৈর্দশভির্দশভিঃ শরৈঃ।
রথেনানুচরন্বীরঃ প্রত্যবিধ্যদরিন্দমঃ। 8-43-58 (57019)
`সাত্যকিং ভীমসেনং চ ধৃষ্টদ্যুম্নং শিখণ্ডিনম্।
দ্রৌপদেয়াংশ্চ সংরব্ধান্যতমানান্মহারথান্॥ 8-43-59 (57020)
পশ্যতাং সর্বসৈন্যানামথৈনান্সূতনন্দনঃ।
বিরথান্রথিনঃ শ্রেষ্ঠান্নিমেষার্ধাচ্চকার হ॥ 8-43-60 (57021)
অমোঘৎবাচ্চ বাণানাং ভূতসঙ্ঘা বিসিপ্ময়ুঃ'॥ 8-43-61 (57022)
তত্রাস্ত্রবীর্যং কর্ণস্য লাঘবং চ মহাত্মনঃ।
অপশ্যাম মহাভাগ তদদ্ভুতমিবাভবৎ॥ 8-43-62 (57023)
ন হ্যাদদানং দদৃশুঃ সন্দধানং চ সায়কান্।
বিমুঞ্চন্তং চ সংরম্ভাদ পশ্যন্নৈব তং জনাঃ॥ 8-43-63 (57024)
প্রতীচ্যাং দিশি তং দৃষ্ট্বা প্রাচ্যাং পশ্যাম লাঘবাৎ।
ন চ পশ্যাম রাজেন্দ্র ক্ব নু কর্ণো ব্যতিষ্ঠত॥ 8-43-64 (57025)
ইষূনেবাস্য পশ্যামো বিনিকীর্ণাঽন্সমন্ততঃ।
ছাদয়ানান্দিশো রাজঞ্শলভানামিব ব্রজান্॥ 8-43-65 (57026)
তস্য তৈরিষুভিস্ত্রীক্ষ্ণৈঃ সম্পতদ্ভিঃ সহস্রশঃ।
মরীচিভিরিবোষ্ণাংশোঃ শরৈঃ সন্নতপর্বভিঃ॥ 8-43-66 (57027)
ব্যাপ্তাঃ সর্বা দিশো রাজন্যোধাশ্চ দদৃশুস্তদা।
শরৈঃ সংবৃতমাকাশং তত্রাভ্রৈরিব চাভবৎ॥ 8-43-67 (57028)
দ্যৌর্বিয়দ্ভূর্দিশশ্চৈব প্রচ্ছন্না নিশিতৈঃ শরৈঃ।
অরুণাভ্রাবৃতাকারং তস্মিন্দেশে বভৌ বিয়ৎ॥ 8-43-68 (57029)
ততঃ পুনরমেয়াত্মা কর্ণো রাজা মহারথঃ।
ন্যহনৎসমরে যোধান্যোধবৃত্তমনুষ্ঠিতঃ॥ 8-43-69 (57030)
নৃত্যন্নিব হি রাধেয়শ্চাপহস্তো রণাজিরে।
যৈর্বিদ্বঃ প্রত্যবিদ্ব্যত্তানেকৈকং ত্রিগুণৈঃ শরৈঃ॥ 8-43-70 (57031)
শতৈশ্চ দশভিশ্চৈতান্পুনর্বিদ্ধ্বা ননাদ চ।
সাশ্বসূতধ্বজচ্ছত্রাস্ততস্তে বিবরং দদুঃ॥ 8-43-71 (57032)
`তে হন্যমানাঃ কর্ণেন পলায়ন্ত দিশো দশ।
নাদয়ন্তো দিশঃ সর্বাঃ কর্মত্রস্তা বিচেতসঃ'॥ 8-43-72 (57033)
তান্প্রমথ্য মহেষ্বাসান্রাধেয়ঃ শরবৃষ্টিভিঃ।
রাজানীকমসম্বাধং প্রাবিশচ্ছত্রুকর্শনঃ॥ 8-43-73 (57034)
স রথাংস্ত্রিশতং হৎবা চেদীনামনিবর্তিনাম্।
রাধেয়ো নিশিতৈর্বাণৈস্ততোঽভ্যাগাদ্যুধিষ্ঠিরম্॥ 8-43-74 (57035)
`ততস্তে বিরথাঃ শূরা রথানন্যান্সমাস্থিতাঃ।
পরিবব্রুর্মহারাজ ধর্মপুত্রং যুধিষ্ঠিরম্'॥ 8-43-75 (57036)
ততস্তে তু পরে রাজঞ্ছিখণ্ডী চ সসাত্যকিঃ।
রাধেয়াৎপরিরক্ষন্তো রাজানং পর্যবারয়ন্।
মুঞ্চন্তো বিবিধান্বাণান্স্বর্ণপুঙ্খাঞ্শিলাশিতান্॥ 8-43-76 (57037)
তথৈব তাবকাঃ সর্বে কর্ণং দুর্বারণং রণে।
যত্তাঃ শূরা মহেষ্বাসাঃ পর্যরক্ষন্ত সর্বশঃ॥ 8-43-77 (57038)
নানাবাদিত্রঘোষাশ্চ প্রাদুরাসন্বিশাম্পতে।
সিংহনাদশ্চ সঞ্জজ্ঞে শূরাণামভিগর্জতাম্॥ 8-43-78 (57039)
ততঃ পুনঃ সমাজগ্মুরভীতাঃ কুরুপাণ্ডবাঃ।
যুধিষ্ঠিরমুখাঃ পার্থাঃ সূতপুত্রমুখা বয়ম্॥ ॥ 8-43-79 (57040)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে ত্রিচৎবারিংশোঽধ্যায়ঃ॥ 43 ॥
Mahabharata - Karna Parva - Chapter Footnotes
॥ শ্রীঃ ॥
8.44. অধ্যায়ঃ 044
Mahabharata - Karna Parva - Chapter Topics
কর্ণেন যুধিষ্ঠিরস্য পরাজয়পূর্বকমপহাসঃ॥ 1 ॥ সঙ্কুলয়ুদ্ধম্॥ 2 ॥
Mahabharata - Karna Parva - Chapter Text
8-44-0 (57041)
সঞ্জয় উবাচ। 8-44-0x (4955)
বিদার্য কর্ণস্তাং সেনাং যুধিষ্ঠিরমথাদ্রবৎ।
রথহস্ত্যশ্বপত্তীনাং সহস্রৈঃ পরিবারিতঃ॥ 8-44-1 (57042)
নানায়ুধসহস্রাণি প্রেরিতান্যরিভির্বৃষঃ।
ছিত্ৎবা বাণশতৈরুগ্রৈস্তানবিধ্যদসম্ভ্রমাৎ॥ 8-44-2 (57043)
নিচকর্ত শিরাংস্যেষাং বাহূনূরূংশ্চ সূতজঃ॥
তে হতা ভূতলে পেতুর্ভগ্নাশ্চান্যে বিদুদ্রুবুঃ॥ 8-44-3 (57044)
দ্রবিডান্ধ্রনিষাদাস্তু পুনঃ সাত্যকিচোদিতাঃ।
প্রভ্যদ্রবঞ্জিঘাংসন্তঃ পত্তয়ঃ কর্ণমাহবে॥ 8-44-4 (57045)
তে বিবাহুশিরস্ত্রাণাঃ প্রহতাঃ কর্ণসায়কৈঃ।
পেতুঃ পৃথিব্যাং যুগপচ্ছিন্নং সালবনং যথা॥ 8-44-5 (57046)
এবং যোধশতান্যাজৌ সহস্রাণ্যযুতানি চ।
হতানীয়ুর্মহীং দেহৈর্যশসাঽপূরয়ন্দিশঃ॥ 8-44-6 (57047)
অথ বৈকর্তনং কর্ণং রণে ক্রুদ্ধমিবান্তকম্।
রুরুধুঃ পাণ্ডুপাঞ্চালা ব্যাধিং মন্ত্রৌষধা ইব॥ 8-44-7 (57048)
স তান্প্রমৃদ্যাব্যপতৎপুনরেব যুধিষ্ঠিরম্।
মন্ত্রৌষধিক্রিয়াতীতো ব্যাধিরত্যুল্বণো যথা॥ 8-44-8 (57049)
স রাজগৃদ্ধিভী রুদ্ধঃ পাণ্ডুপাঞ্চালকেকয়ৈঃ।
নাশকত্তানতিক্রান্তুং মৃত্যুর্ব্রাহ্মবিদো যথা॥ 8-44-9 (57050)
ততো যুধিষ্ঠিরঃ কর্ণমদূরস্থং নিবারিতম্।
`তৈর্যোধপ্রমুখৈর্বীরং দৃষ্ট্বা বিব্যাধ সায়কৈঃ॥ 8-44-10 (57051)
কর্ণঃ পার্থশরাবিদ্ধস্তোত্রার্দিত ইব দ্বিপঃ।
প্রমথ্য সহিতান্বীরান্যুধিষ্ঠিরমপীডয়ৎ॥ 8-44-11 (57052)
ততো যুধিষ্ঠিরঃ কর্ণমাসাদ্য জয়তাং বরম্'।
অব্রবীৎপরবীরঘ্নং ক্রোধসংরক্তলোচনঃ॥ 8-44-12 (57053)
কর্ণকর্ণ বৃথাদৃষ্টে সূতপুত্র বচঃ শৃণু।
সদা স্পর্ধসি সঙ্গ্রামে ফল্গুনেন তরস্বিনা॥ 8-44-13 (57054)
যথাঽস্মান্বাধসে নিত্যং ধার্তরাষ্ট্রমতে স্থিতঃ।
যদ্বলং যচ্চ তে বীর্যং প্রদ্বেষো যস্তু পাণ্ডুষু॥ 8-44-14 (57055)
তৎসর্বং দর্শয়স্বাদ্য পৌরুষং মহদাস্থিতঃ।
যুদ্ধশ্রদ্বাং চ তেঽদ্যাহং বিনেষ্যামি মহাহবে॥ 8-44-15 (57056)
এবমুক্ৎবা মহারাজ কর্ণং পাণ্ডুসুতস্তদা।
সুবর্ণপুঙ্খৈর্দশভির্বিব্যাদায়স্ময়ৈঃ শরৈঃ॥ 8-44-16 (57057)
তং সূতপুত্রো দশভিঃ প্রত্যবিদ্ধ্যদরিন্দমঃ।
বৎসদন্তৈর্মহেষ্বাসঃ প্রহসন্নিব ভারত॥ 8-44-17 (57058)
সোঽবজ্ঞায় তু নির্বিদ্ধঃ সূতপুত্রেণ পাণ্ডবঃ।
প্রজজ্বাল ততঃ ক্রোধাদ্ধবিষেব হুতাশনঃ॥ 8-44-18 (57059)
জ্বালামালাপরিক্ষিপ্তো রাজ্ঞো দেহো ব্যদৃশ্যত।
যুগান্তে দগ্ধুকামস্য সংবর্তাগ্নেরিবাপরঃ॥ 8-44-19 (57060)
ততো বিস্ফার্য সুমহচ্চাপং হেমপরিষ্কৃতম্।
সমাধত্ত শিতং বাণং গিরীণামপি দারণম্॥ 8-44-20 (57061)
ততঃ পূর্ণায়তোৎকৃষ্টং যমদণ্ডনিভং শরম্।
মুমোচ ৎবরিতো রাজা সূতপুত্রজিঘাংসয়া॥ 8-44-21 (57062)
স তু বেগবতা মুক্তো বাণো বজ্রাশনিস্বনঃ।
বিবেশ সহসা কর্ণং সব্যে পার্শ্বে মহারথম্॥ 8-44-22 (57063)
স তু তেন প্রহারেণ পীডিতঃ প্রমুমোহ বৈ।
স্রস্তগাত্রো মহাবাহুর্ধনুরুৎসৃজ্য কম্পিতঃ॥ 8-44-23 (57064)
গতাসুরিব নিশ্চেতাঃ শল্যস্যাভিমুখোঽপতৎ।
রাজাঽপি ভূয়ো নাজঘ্নে কর্ণং পার্থহিতেপ্সয়া॥ 8-44-24 (57065)
ততো হাহাকৃতং সর্বং ধার্তরাষ্ট্রবলং মহৎ।
বিবর্ণমুখমার্তং চ কর্ণং দৃষ্ট্বা তথাগতম্॥ 8-44-25 (57066)
সিংহনাদাশ্চ সঞ্জজ্ঞুঃ ক্ষ্বেলাঃ কিলকিলাস্তথা।
পাণ্ডবানাং মহারাজ দৃষ্ট্বা রাজ্ঞঃ পরাক্রমম্॥ 8-44-26 (57067)
প্রতিলভ্য তু রাধেয়ঃ সংজ্ঞাং নাতিচিরাদিব।
দধ্রে রাজবিনাশায় মনঃ ক্রূরপরাক্রমঃ॥ 8-44-27 (57068)
স হেমবিকৃতং চাপং বিস্ফার্য বিজয়ং মহৎ।
অবাকিরদমেয়াত্মা পাণ্ডবং নিশিতৈঃ শরৈঃ॥ 8-44-28 (57069)
ততঃ ক্ষুরাভ্যাং পাঞ্চাল্যৌ চক্ররক্ষৌ মহাত্মনঃ।
জঘান চন্দ্রদেবং চ দণ্ডধারং চ সংয়ুগে॥ 8-44-29 (57070)
তাবুভৌ ধর্মরাজস্য প্রবীরৌ যুধি ভারত।
রথাভ্যাশে চকাশেতে চন্দ্রস্যেব পুনর্বসূ॥ 8-44-30 (57071)
যুধিষ্ঠিরঃ পুনঃ কর্ণমবিদ্ব্যত্ত্রিংশতা শরৈঃ।
সুষেণং সত্যসেনং চ ত্রিভিস্ত্রিভিরতাডয়ৎ॥ 8-44-31 (57072)
শল্যং নবত্যা বিব্যাধ ত্রিসপ্তত্যা চ সূতজম্।
তাংস্তস্য গোপ্তৄন্বিব্যাধ ত্রিভিস্ত্রিভিরজিহ্মগৈঃ॥ 8-44-32 (57073)
ততঃ প্রহস্যাধিরথিঃ ষষ্ঠ্যা রাজঞ্শিতৈঃ শরৈঃ।
বিদ্ধ্বা যুধিষ্ঠিরং সঙ্খ্যে ননাদাতিরথস্তদা॥ 8-44-33 (57074)
ততঃ প্রবীরাঃ পাণ্ডূনামভ্যধাবন্নমর্ষিতাঃ।
যুধিষ্ঠিরং পরীপ্সন্তঃ কর্ণমভ্যর্দয়ঞ্ছরৈঃ॥ 8-44-34 (57075)
সাত্যকিশ্চেকিতানশ্চ যুয়ুৎসুঃ পাণ্ড্য এব চ।
ধৃষ্টদ্যুম্নঃ শিখণ্ডী চ দ্রৌপদেয়াঃ প্রভদ্রকাঃ॥ 8-44-35 (57076)
যমৌ চ ভীমসেনশ্চ শিশুপালস্য চাত্মজঃ।
কারূশা মাৎস্যশেষাশ্চ কেকয়াঃ কাশিকোসলাঃ॥ 8-44-36 (57077)
এতে চ ৎবরিতা বীরা বসুষেণমতাডয়ন্।
জনমেজয়শ্চ পাঞ্চাল্যঃ কর্ণং বিব্যাধ সায়কৈঃ॥ 8-44-37 (57078)
বারাহকর্ণনারাচৈর্নালীকৈর্নিশিতৈঃ শরৈঃ।
বৎসদন্তৈর্বিপাঠৈশ্চ ক্ষুরপ্রৈশ্চটকামুখৈঃ॥ 8-44-38 (57079)
নানাপ্রহরণৈশ্চোগ্রৈ রথহস্ত্যশ্বসাদিভিঃ।
সর্বতোঽভ্যদ্রবৎকর্ণং পরিবার্য জিঘাংসয়া॥ 8-44-39 (57080)
স পাণ্ডবানাং প্রবরৈঃ সর্বতঃ সমভিদ্রুতঃ।
ছাদ্যমানঃ শিততৈর্ঘোরৈঃ স্বস্বনামাঙ্কিতৈঃ শরৈঃ॥ 8-44-40 (57081)
ন চচাল রণে কর্ণো মহেন্দ্রো দানবৈরিব।
`নিজঘান মহেষ্বাসান্পাঞ্চালানেকবিংশতিম্॥ 8-44-41 (57082)
ততঃ পুনরমেয়াত্মা চেদীনাং প্রবরান্দশ।
ন্যহনদ্ভরতশ্রেষ্ঠ কর্ণো বৈকর্তনস্তদা॥ 8-44-42 (57083)
তস্য বাণসহস্রাণি সম্প্রপন্নানি মারিষ।
দৃশ্যন্তে দিক্ষু সর্বাসু শলভানামিব ব্রজাঃ॥ 8-44-43 (57084)
কর্ণনামাঙ্কিতা বাণাঃ স্বর্ণপুঙ্খাঃ সুতেজনাঃ।
নরাশ্বকায়ান্নির্ভিদ্য পেতুরুর্ব্যাং সমন্ততঃ॥ 8-44-44 (57085)
কর্ণেনৈকেন সমরে চেদীনাং প্রবরাস্তদা।
সৃজ্জয়ানাং চ সর্বেষাং শতশো নিহতা রণে॥ 8-44-45 (57086)
কর্ণস্য শরসঞ্ছন্নং বভূব তুমুলং তমঃ।
নাজ্ঞায়ত ততঃ কিঞ্চিৎপরেষামাত্মনোঽপি বা॥ 8-44-46 (57087)
তস্মিংস্তমসি ভূতে চ ক্ষত্রিয়াণাং ভয়ঙ্করে।
বিচচার মহবিহুর্নির্দহন্ক্ষত্রিয়ান্বহূন্'॥ 8-44-47 (57088)
ততঃ শরমহাজ্বালো বীর্যোষ্মা কর্ণপাবকঃ।
নির্দহন্পাণ্ডববনং চারু পর্যচরদ্রণে॥ 8-44-48 (57089)
`ততস্তেষাং মহারাজ পাণ্ডবানাং মহারথাঃ।
সৃঞ্জয়ানাং চ সর্বেষাং শতশোঽথ সহস্রশঃ।
অস্ত্রৈঃ কর্ণং মহেষ্বাসং সমন্তাৎপর্যবারয়ন্॥ 8-44-49 (57090)
স সংবার্য মহাস্ত্রাণি মহেষ্বাসো মহাত্মনাম্।
প্রহস্য পুরুষেন্দ্রস্য কর্ণশ্চিচ্ছেদ কার্মুকম্'॥ 8-44-50 (57091)
ততঃ সন্ধায় নবতিং নিমেষান্নতপর্বণাম্।
বিভেদ কবচং রাজ্ঞো রণে কর্ণঃ শিতৈঃ শরৈঃ॥ 8-44-51 (57092)
তদ্বর্ম হেমবিকৃতং রত্নচিত্রং বভৌ পতৎ।
সবিদ্যুদভ্রং সবিতুঃ শ্লিষ্টং বাতহতং যথা॥ 8-44-52 (57093)
তদঙ্গাৎপুরুষেন্দ্রস্য ভ্রষ্টং বর্ম ব্যরোচত।
রত্নৈরলংবৃতং চিত্রের্ব্যভ্নং নিশি যথা নভঃ॥ 8-44-53 (57094)
ভিন্নবর্মা শরৈঃ পার্থো রুধিরেণ সমুক্ষিতঃ।
বভাসে পুরুষশ্রেষ্ঠ উদ্যন্নিব দিবাকরঃ॥ 8-44-54 (57095)
স শরাচিতসর্বাঙ্গশ্ছিন্নবর্মাঽথ সংয়ুগে।
ক্ষাত্রং ধর্মং সমাস্থায় সিংহনাদমকুর্বত॥ 8-44-55 (57096)
নর্দিৎবা চ চিরং কালং পাণ্ডবো রভসো রণে।
শক্তিং চিক্ষেপ বেগেন প্রদীপ্তামশনীমিব॥ 8-44-56 (57097)
তাং জ্বলন্তীমিবাকাশে শক্তিং শপ্তভিরাশুগৈঃ।
ভল্লৈশ্চিচ্ছেদ রাধেয়ঃ সা ৎবশীর্যত বৈ রণে॥ 8-44-57 (57098)
হৃদি বাহ্বোর্ললাটে চ ক্ষিপ্রকারী যুধিষ্ঠিরঃ।
চতুর্ভিস্তোমরৈঃ কর্ণং তাডয়িৎবাঽনদন্মুদা॥ 8-44-58 (57099)
উদ্ভিন্নরুধিরঃ কর্ণঃ ক্রুদ্বঃ সর্প ইব শ্বসন্।
জঘান সূতং পার্থস্য পার্ষ্ঠিং চ নবভিঃ শরৈঃ॥ 8-44-59 (57100)
ধ্বজং চিচ্ছেদ নৃপতেস্ত্রিভির্বিব্যাধ চৈব তম্।
ইষুধী চাস্য চিচ্ছেদ রথং চ তিলশোঽচ্ছিনৎ॥ 8-44-60 (57101)
এতস্মিন্নন্তরে শূরাঃ পাণ্ডবানাং মহারথাঃ।
ববৃষুঃ শরবর্ষাণি রাধেয়ং প্রতি ভারত॥ 8-44-61 (57102)
সাত্যকিঃ পঞ্চবিংশত্যা শিখণ্ডী নবভিঃ শরৈঃ।
অবর্ষতাং মহারাজ রাধেয়ং শত্রুকর্শনম্॥ 8-44-62 (57103)
শৈনেয়ং তু ততুঃ ক্রুদ্ধঃ কর্ণঃ পঞ্চভিরায়সৈঃ।
বিব্যাধ সমরে রাজংস্ত্রিভিশ্চান্যৈঃ শিলীমুখৈঃ॥ 8-44-63 (57104)
দক্ষিণং তু ভুজং তস্য ত্রিভিঃ কর্ণোঽভ্যবিধ্যত।
সব্যং ষোডশভির্বাণৈর্যন্তারং চাস্য সপ্তভিঃ॥ 8-44-64 (57105)
অথাস্য চতুরো বাহাংশ্চতুর্ভির্নিশিতৈঃ শরৈঃ।
সূতপুত্রোঽনয়ৎক্ষিপ্রং যমস্য সদনং প্রতি॥ 8-44-65 (57106)
অথাপরেণ ভল্লেন ধনুশ্ছিত্ৎবা মহারথঃ।
সারথেঃ সশিরস্ত্রাণং শিরঃ কায়াদপাহরৎ॥ 8-44-66 (57107)
হতাশ্বসূতে তু রথে স্থিতঃ স শিনিপুঙ্গবঃ।
শক্তিং চিক্ষেপ কর্ণায় বৈদূর্যমণিভূষিতাম্॥ 8-44-67 (57108)
তামাপতন্তীং সহসা দ্বিধা চিচ্ছেদ ভারত।
কর্ণো বৈ ধন্বিনাং শ্রেষ্ঠস্তাংশ্চ সর্বানবারয়ৎ॥ 8-44-68 (57109)
ততস্তান্নিশিতৈর্বাণৈঃ পাণ্ডবানাং মহারথান্।
ন্যবারয়দমেয়াত্মা শিক্ষয়া চ বলেন চ॥ 8-44-69 (57110)
অর্দয়িৎবা শরৈস্তাংস্তু সিংহঃ ক্ষুদ্রমৃগানিব।
পীডয়ন্ধর্মরাজানং শরৈঃ সন্নতপর্বমিঃ।
অভ্যদ্রবত রাধেয়ো ধর্মপুত্রং শিতৈঃ শরৈঃ॥ 8-44-70 (57111)
ততঃ পার্ষো হ্যপাসাসীদ্বতাশ্বো হতসারথিঃ।
অশক্নুবন্মুখে স্থাতুং ততঃ কর্ণস্য দুর্মনাঃ॥ 8-44-71 (57112)
তমভিদ্রুত্য রাধেয়ঃ পাণ্ডুপুত্রং যুধিষ্ঠিরম্।
অব্রবীৎপ্রহসন্রাজন্কুৎসয়ন্নিব পাণ্ডবম্॥ 8-44-72 (57113)
কথং নাম কুলে জাতঃ ক্ষত্রধর্মে ব্যবস্থিতঃ।
প্রজহ্যাৎসমরে শত্রূন্প্রাণান্রক্ষ মহাহবে॥ 8-44-73 (57114)
ন ভবান্ক্ষত্রধর্মেষু কুশলোঽসীতি মে মতিঃ।
ব্রাহ্মে বলে ভবান্যুক্তঃ স্বাধ্যায়ে যজ্ঞকর্মণি॥ 8-44-74 (57115)
মা স্ম যুধ্যস্ব কৌন্তেয় মা স্ম বীরান্সমাসদঃ।
মা চৈবং বিপ্রিয়ং ব্রূহি মা চ ৎবং ভজ সংয়ুগম্॥ 8-44-75 (57116)
বক্তব্যা মারিষাঽন্যে তু ন বক্তব্যাস্তু মাদৃশাঃ।
মাদৃশান্হি ব্রুবন্যুদ্ধে এতদন্যচ্চ লপ্স্যসে॥ 8-44-76 (57117)
স্বগৃহং গচ্ছ কৌন্তেয় যত্র বা কেশবার্জুনৌ।
ন হি ৎবাং সমরে রাজন্হন্যাৎকর্ণঃ কথঞ্চন॥ 8-44-77 (57118)
সঞ্জয় উবাচ। 8-44-78x (4956)
বরপ্রদানং কুন্ত্যাস্তু কর্ণঃ স্মৃৎবা মহারথঃ।
বধপ্রাপ্তং তু কৌন্তেয়ং নাবধীৎপুরুষোত্তমঃ॥ 8-44-78 (57119)
এবমুক্ৎবা ততঃ পার্থং বিসৃজ্য চ মহাবলঃ।
ন্যহনৎপাণ্ডবীং সেনাং বজ্রহস্ত ইবাসুরীম্॥ 8-44-79 (57120)
ততোঽপায়াদ্দ্রুতং রাজন্ব্রীডন্নিব নরেশ্বরঃ॥ 8-44-80 (57121)
অথাপয়াতং রাজানং মৎবাঽন্বীয়ুস্তমচ্যুতম্।
চেদিপাণ্ডবপাঞ্চালাঃ সাত্যকিশ্চ মহারথঃ।
দ্রৌপদেয়াস্তথা শূরা মাদ্রীপুত্রৌ চ পাণ্ডবৌ॥ 8-44-81 (57122)
ততো যুধিষ্ঠিরানীকং দৃষ্ট্বা কর্ণঃ পরাঙ্মুখম্।
কুরুভিঃ সহিতো বীরঃ প্রহৃষ্টঃ পৃষ্ঠতোঽন্বগাৎ॥ 8-44-82 (57123)
ভেরীশঙ্খমৃদঙ্গানাং কার্মুকাণাং চ নিঃস্বনঃ।
বভূব ধার্তরাষ্ট্রাণাং সিংহনাদরবস্তথা॥ 8-44-83 (57124)
যুধিষ্ঠিরস্তু কৌরব্য রথমারুহ্য সৎবরম্।
শ্রুতকীর্তের্মহারাজ দৃষ্ট্বা তৎকর্ণবিক্রমম্॥ 8-44-84 (57125)
কাল্যমানং বলং দৃষ্ট্বা সূতপুত্রেণ মারিষ।
স্বান্যোধানব্রবীৎক্রুদ্বো নিঘ্নতৈতান্কিমাসত॥ 8-44-85 (57126)
ততো রাজ্ঞাঽভ্যনুজ্ঞাতাঃ পাণ্ডবানাং মহারথাঃ।
ভীমসেনমুখাঃ সর্বে পুত্রাংস্তে প্রত্যুপাদ্রবন্॥ 8-44-86 (57127)
অভবত্তুমুলঃ শব্দো যোধানাং তত্র ভারত।
রথহস্ত্যশ্বপত্তীনাং দ্রবতাং নিনদো মহান্।
উদ্যতপ্রতিবিষ্টানাং শস্ত্রাণাং চ ততস্ততঃ॥ 8-44-87 (57128)
আগচ্ছত প্রহরত ক্ষিপ্রং বিপরিধাবত।
ইতি ব্রুবাণা হ্যন্যোন্যং জঘ্নুর্যোধা মহারণে॥ 8-44-88 (57129)
অভ্রচ্ছায়েব তত্রাসীচ্ছরবৃষ্টিভিরম্বরে।
সমাবৃতৈর্নরবরৈর্নিঘ্নদ্ভিরিতরেতরম্॥ 8-44-89 (57130)
বিপতাকধ্বজচ্ছত্রা ব্যশ্বসূতরথায়ুধাঃ।
ব্যঙ্গাঙ্গাবয়বাঃ পেতুঃ ক্ষিতৌ ক্ষীণাঃ ক্ষিতীশ্বরাঃ।
শিখরাণীব শেলানাং বজ্রভিন্নানি মানিষ॥ 8-44-90 (57131)
সারোহা নিহতাঃ পেতুর্দ্বিপা ভিন্না মহীতলে।
ছিন্নভিন্নবিপর্যস্তবর্মালঙ্কারবিগ্রহাঃ॥ 8-44-91 (57132)
সারোহাস্তুরগাঃ পেতুর্হতবীরাঃ সহস্রশঃ।
বিপ্রবিদ্বায়ুধাঙ্গাশ্চ দ্বিরদা রথিভির্হতাঃ।
প্রতিবীরৈশ্চ সম্মর্দে পত্তিসঙ্ঘাঃ সহস্রশঃ॥ 8-44-92 (57133)
বিশালায়ততাম্রাক্ষৈঃ পদ্মেন্দুসদৃশাননৈঃ।
শিরোভির্যুদ্ধশৌণ্ডানাং সর্বতঃ সংবৃতা মহী॥ 8-44-93 (57134)
যথা ভুবি তথা ব্যোম্নি নিঃস্বনং শুশ্রুবুর্জনাঃ।
বিমানেঽপ্সরসাং সঙ্ঘৈর্গীতবাদিত্রনিঃস্বনৈঃ॥ 8-44-94 (57135)
হতানভিমুখান্বীরান্বীরৈঃ শতসহস্রশঃ।
আরোপ্যারোপ্য গচ্ছন্তি বিমানেষ্বপ্সরোগণাঃ॥ 8-44-95 (57136)
তদ্দৃষ্ট্বা মহদাশ্চর্যং প্রত্যক্ষং স্বর্গলিপ্সয়া।
প্রহৃষ্টমনসঃ শূরাঃ ক্ষিপ্রং জঘ্নুঃ পরস্পরম্॥ 8-44-96 (57137)
রথিনো রথিভিঃ সার্ধং চিত্রং যুয়ুধুরাহবে।
পত্তয়ঃ পত্তিভির্নাগাঃ সহ নাগৈর্হয়ৈর্হয়োঃ॥ 8-44-97 (57138)
এবং প্রবৃত্তে সঙ্গ্রামে গজবাজিনরক্ষয়ে।
সৈন্যেন রজসা বৃত্ততে স্বে স্বাঞ্জঘ্নুঃ পরে পরান্॥ 8-44-98 (57139)
কচাকচং যুদ্ধমাসীদ্দন্তাদন্তি নখানখি।
মুষ্টিয়ুদ্ধং নিয়ুদ্ধং চ দেহপাপ্মবিনাশনম্॥ 8-44-99 (57140)
তথা বর্তততি সঙ্গ্রমে গজবাজিনরক্ষয়ে।
নরাশ্বনাগদেহেভ্যঃ প্রসৃতা লোহিতাপগা॥ 8-44-100 (57141)
গজাশ্বনরদেহান্সা ব্যুবাহ পতিতান্বহূন্।
নরাশ্বগজসম্বাধে নরাশ্বগজসাদিনাম্॥ 8-44-10 (57142)
লোহিতোদা মহাঘোরা মাংসশোণিতকর্দমা।
নরাশ্বগজদেহান্বৈ বহন্তী ভীরুভীষণা॥ 8-44-10 (57143)
তস্যা নদ্যাঃ পরং পারং ব্রজন্তি বিজয়ৈষিণঃ।
নাগেন চ প্লবন্তো বৈ নিমজ্জ্যোন্মজ্জ্য চাপরে॥ 8-44-10 (57144)
তে তু লোহিতদিগ্ধাঙ্গা রক্তবর্মায়ুধাম্বরাঃ।
সস্নুস্ততস্যাং পপুশ্চাস্রং মম্লুশ্চ ভরতর্ষভ॥ 8-44-10 (57145)
রথানশ্বান্নারান্নাগানায়ুধাভরণানি চ।
বর্মাণি চাপ্যপশ্যাম পতিতানি সহস্রশঃ।
খং দ্যাং ভূমিং দিশশ্চৈব প্রায়ঃ পশ্যাম লোহিতাঃ॥ 8-44-10 (57146)
লোহিতস্য তু গন্ধেন স্পর্দেন চ রসেন চ।
রূপেণ চাতিরক্ততেন শব্দেন চ বিসর্পতা।
বিষাদঃ সুমহানাসীৎপ্রায়ঃ সৈন্যস্য ভারত॥ 8-44-10 (57147)
তত্তু বিপ্রহতং সৈন্যং ভীমসেনমুখৈস্তব।
ভূয়ঃ সমাদ্রবন্বীরাঃ সাতত্যকিপ্রমুখাস্তদা॥ 8-44-10 (57148)
তেষামাপতততাং বেগমবিষহ্যং নিরীক্ষ্য চ।
পুত্রাণাং তে মহাসৈন্যমাসীদ্রাজন্পরাঙ্মুখম্॥ 8-44-10 (57149)
তৎপ্রকীর্ণরথাশ্বেভং নরবাজিসমাকুলম্।
বিধ্বস্তবর্মকবচং প্রবিদ্বায়ুধকার্মুকম্॥ 8-44-10 (57150)
ব্যদ্রবত্তাবকং সৈন্যং লোড্যমানং সমন্ততঃ।
সিংহার্দিতমিবারণ্যে যথা গজকুলং তথা॥ ॥ 8-44-10 (57151)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে চতুশ্চৎবারিংশোঽধ্যায়ঃ॥ 44 ॥
Mahabharata - Karna Parva - Chapter Footnotes
॥ শ্রীঃ ॥
8.45. অধ্যায়ঃ 045
Mahabharata - Karna Parva - Chapter Topics
কর্ণং পরাজিত্য জিঘাংসোর্ভীমস্য শল্যেন হেতুকয়হপূর্বকং নিষেধনম্॥ 1 ॥
Mahabharata - Karna Parva - Chapter Text
8-45-0 (57152)
সঞ্জয় উবাচ। 8-45-0x (4957)
তানভিদ্রবতো দৃষ্ট্বা পাণ্ডবাংস্তাবকং বলম্। 8-45-1 (57153)
অন্তমদ্য গমিষ্যামি তস্য দুঃখস্য পার্ষত॥ 8-45-10 (57162)
হন্তাস্ম্যদ্য রণে কর্ণং স বা মাং নিহনিষ্যতি।
সঙ্গ্রামেঽদ্য সুঘোরেঽস্মিন্সত্যমেতদ্ব্রবীমি বঃ॥ 8-45-11 (57163)
রাজানমদ্য ভবতাং ন্যাসভূতং দদানি বৈ।
তস্য সংরক্ষণে সর্বে যতধ্বং বিগতজ্বরাঃ॥ 8-45-12 (57164)
এবমুক্ৎবা মহাবাহুঃ প্রায়াদাধিরথিং প্রতি।
সিংহনাদেন মহতা সর্বাঃ সন্নাদয়ন্দিশঃ॥ 8-45-13 (57165)
দৃষ্ট্বা ৎবরিতমায়ান্তং ভীমং যুদ্ধাভিনন্দিনম্।
সূতপুত্রমথোবাচ মদ্রাণামীশ্বরো বিভুঃ॥ 8-45-14 (57166)
শল্য উবাচ। 8-45-15x (4958)
পশ্য কর্ণ মহাবাহুং সঙ্ক্রুদ্ধং পাণ্ডুনন্দনম্।
দীর্ঘকালার্জিতং ক্রোধং মোক্তুকামং ৎবয়ি ধ্রুবম্॥ 8-45-15 (57167)
ঈদৃশং নাস্য রূপং মে দৃষ্টপূর্বং কদাচন।
অভিমন্যৌ হতে কর্ণ রাক্ষসে চ ঘটোৎকচে॥ 8-45-16 (57168)
ত্রৈলোক্যস্য সমস্তস্য শক্তঃ ক্রুদ্ধো নিবারণে।
বিভর্তি সদৃশং রূপং যুগান্তাগ্নিসমপ্রভম্॥ 8-45-17 (57169)
সঞ্জয় উবাচ। 8-45-18x (4959)
ইতি ব্রুবতি রাধেয়ং মদ্রাণামীশ্বরে নৃপ।
অভ্যবর্তত বৈ কর্ণং ক্রোধদীপ্ততো বৃকোদরঃ॥ 8-45-18 (57170)
অথাগতং তু সম্প্রেক্ষ্য ভীমং যুদ্ধাভিনন্দিনম্।
অব্রবীদ্বচনং শল্যং রাধেয়ঃ প্রহসন্নিব॥ 8-45-19 (57171)
যদুক্তং বচনং মেঽদ্য ৎবয়া মদ্রজনেশ্বর।
ভীমসেনং প্রতি বিভো তৎসত্যং নাত্র সংশয়ঃ॥ 8-45-20 (57172)
এষ শূরশ্চ বীরশ্চ ক্রোধনশ্চ বৃকোদরঃ।
নিরপেক্ষঃ শরীরে চ প্রাণতশ্চ বলাধিকঃ॥ 8-45-21 (57173)
অজ্ঞাতবাসং বসতা বিরাটনগরে তদা।
দ্রৌপদ্যাঃ প্রিয়কামেন কেবলং বাহুসংশ্রয়াৎ।
গূঢভাবং সমাশ্রিত্য কীচকঃ সগণো হতঃ॥ 8-45-22 (57174)
সোঽদ্য সঙ্গ্রামশিরসি সন্নদ্বঃ ক্রোধমূর্চ্ছিতঃ।
কিং করোদ্যতদণ্ডেন মৃত্যুনাপি ব্রজেদ্রণম্॥ 8-45-23 (57175)
চিরকালাভিলষিতো মমায়ং তু মনোরথঃ।
অর্জুনং সমরে হন্যাং মাং বা হন্যাদ্বনঞ্জয়ঃ॥ 8-45-24 (57176)
স মে কদাচিদদ্যৈব ভবেদ্ভীমসমাগমাৎ॥ 8-45-25 (57177)
নিহতে ভীমসেনে বা যদি বা বিরথীকৃতে।
অভিয়াস্যতি মাং পার্থস্তন্মে সাধু ভবিষ্যতি।
অত্র যন্মন্যসে প্রাপ্তং তচ্ছীঘ্রং সম্প্রধারয়॥ 8-45-26 (57178)
সঞ্জয় উবাচ। 8-45-27x (4960)
এতচ্ছ্রুৎবা তু বচনং রাধেয়স্যামিতৌজসঃ।
উবাচ বচনং শল্যঃ সূতপুত্রং তথাগতম্॥ 8-45-27 (57179)
অভিয়াহি মহাবাহো ভীমসেনং মহাবলম্।
নিরপেক্ষশ্চ যুধ্যস্ব শক্তিং স্বাং সম্প্রদর্শয়ন্॥ 8-45-28 (57180)
যস্তে কামোঽভিলষিতশ্চিরাৎপ্রভৃতি হৃদ্গততঃ।
স বৈ সম্পৎস্যতে কর্ণ সত্যমেতদ্ব্রবীমি তে॥ 8-45-29 (57181)
এবমুক্তে ততঃ কর্ণঃ শল্যং পুনরভাষত।
হন্তাঽহমেনং সংরব্ধং মাং বা হন্তা বৃকোদরঃ॥ 8-45-30 (57182)
এবমুক্ৎবা মহারাজ রাধেয়ো রথিনাং বরঃ।
যুদ্ধে মনঃ সমাধায় যাহি যাহীত্যচোদয়ৎ॥ 8-45-31 (57183)
ততঃ প্রায়াদ্রথেনাশু শল্যস্তত্র বিশাম্পতে।
যত্র ভীমো মহেষ্বাসো ব্যদ্রাবয়ত বাহিনীম্॥ 8-45-32 (57184)
ততস্তূর্যনিনাদশ্চ ভেরীণাং চ মহাস্বনঃ।
উদতিষ্ঠচ্চ রাজেন্দ্র কর্ণভীমসমাগমে॥ 8-45-33 (57185)
ভীমসেনোঽথথ সঙ্ক্রুদ্ধস্তস্য সৈন্যং দুরাসদম্।
নারাচৈর্বিমলৈস্তীক্ষ্ণৈর্দিশঃ প্রাদ্রাবয়দ্বলী॥ 8-45-34 (57186)
স সন্নিপাতস্ততুমুলো ঘোররূপো বিশাম্পতে।
আসীদ্রৌদ্রো মহারাজ কর্ণপাণ্ডবয়োর্মৃধে॥ 8-45-35 (57187)
ততো মুহূর্তাদ্রাজেন্দ্র নাতিকৃচ্ছ্রাদ্ধসন্নিব।
ভীমসেনো মহাবাহুঃ কর্ণং প্রেপ্সুরভিদ্রবৎ॥ 8-45-36 (57188)
সমাপতন্তং সম্প্রেক্ষ্য কর্ণো বৈকর্তনো বৃষা।
আজঘান সুসঙ্ক্রুদ্ধো নারাচেন স্তনান্তরে।
পুনশ্চৈনমমেয়াত্মা শরবর্ষৈরবাকিরৎ॥ 8-45-37 (57189)
স বিদ্বঃ সূতপুত্রেণ চ্ছাদয়ামাস পত্রিভিঃ।
বিব্যাধ নিশিতৈঃ কর্ণং নবভির্নতপর্বভিঃ॥ 8-45-38 (57190)
তস্য কর্ণো ধনুর্মধ্যে দ্বিধা চিচ্ছেদ পত্রিভিঃ॥ 8-45-39 (57191)
অথৈনং ছিন্নধন্বানং প্রতত্যবিধ্যৎস্তনান্তরে।
নারাচেন সুতীক্ষ্ণেন সর্বাবরণভেদিনা॥ 8-45-40 (57192)
সোঽন্যৎকার্মুকমাদায় সূততপুত্রং বৃকোদরঃ।
রাজন্মর্মসু মর্মজ্ঞো বিব্যাধ নিশিতৈঃ শরৈঃ।
ননাদ বলবন্নাদং কম্পয়ন্নিব রোদসী॥ 8-45-41 (57193)
ততং কর্ণঃ পঞ্চবিংশত্যা নারাচানাং সমার্পয়ৎ।
মদোৎকটং বনে দৃপ্ততমুল্কাভিরিব কুঞ্জরম্॥ 8-45-42 (57194)
ততঃ সায়কভিন্নাঙ্গঃ পাণ্ডবঃ ক্রোধমূর্চ্ছিতঃ।
সংরম্ভামর্ষতাম্রাক্ষঃ সূতপুত্রবধেপ্সয়া॥ 8-45-43 (57195)
স কার্মুকে মহাবেগং ভারসাধনমুত্তমম্।
গিরীণামপি ভেত্তারং সায়কং সময়োজয়ৎ॥ 8-45-44 (57196)
বিকৃষ্য বলবচ্চাপমাকর্ণাদতিমারুতিঃ।
তং মুমোচ মহেষ্বাসঃ ক্রুদ্ধঃ কর্ণজিঘাংসয়া॥ 8-45-45 (57197)
স বিসৃষ্টো বলবতা বাণো বজ্রাশনিস্বনঃ।
অদারয়দ্রণে কর্ণং বজ্রবেগো যথাঽচলম্॥ 8-45-46 (57198)
স ভীমসেনাভিহতঃ সূতপুত্রঃ কুরূদ্বহ।
নিষসাদ রথোপস্থে বিসংজ্ঞঃ পৃতনাপতিঃ।
`রুধিরেণাবসিক্তাঙ্গো গতাসুবদরিন্দমঃ॥ 8-45-47 (57199)
এতস্মিন্নন্তরে দৃষ্ট্বা মদ্ররাজো বৃকোদরম্।
জিঘাংসুং ছেত্তুমায়ান্তং সাধয়ন্নিদমব্রবীৎ॥ 8-45-48 (57200)
ভীমসেন মহাবাহো যতত্তৎবাং বক্ষ্যামি তচ্ছৃণু।
বচনং হেতুসম্পন্নং শ্রুৎবা চৈতত্তথা কুরু॥ 8-45-49 (57201)
অর্জুনেন প্রতিজ্ঞাতো বধঃ কর্ণস্য শুষ্মিণঃ।
তাং তথা কুরু ভদ্রং তে প্রতিজ্ঞাং সব্যসাচিনঃ॥ 8-45-50 (57202)
ভীমসেন উবাচ। 8-45-51x (4961)
দৃঢব্রতৎবং পার্থস্য জানামি নৃপসত্তম।
রাজ্ঞস্তু ধর্ষণং পাপঃ কৃতবান্মম সন্নিধৌ॥ 8-45-51 (57203)
ততঃ কোপাভিভূতেন শেষং ন গণিতং ময়া।
পতিতে চাপি রাধেয়ে ন মে মন্যুঃ শমং গতঃ)।
জিহ্বোদ্বরণমেবাস্য প্রাপ্তকালং মতং মম॥ 8-45-52 (57204)
অনেন সুনৃশংসেন সমবেতেষু রাজসু।
অস্মাকং শৃণ্বতাং শল্য যানি বাক্যানি মাতুল।
অসহেয়ানি নীচানি বহূনি শ্রাবিতানি ভো॥ 8-45-53 (57205)
নূনং চৈতৎপ্রতিজ্ঞাতং দূরস্থস্যাপি পার্থিব।
ছেদনং চাস্য জিহ্বায়াস্তদৈবাকাঙ্ক্ষিতং ময়া।
রাজ্ঞস্তু প্রিয়কামেন কালোঽয়ং পরিপালিতঃ॥ 8-45-54 (57206)
ভবতা তু যদুক্তোঽস্মি বাক্যং হেৎবর্থসংহিতম্।
তদ্গৃহীতং মহারাত কটুকস্থমিবৌষধম্॥ 8-45-55 (57207)
হীনপ্রতিজ্ঞো বীভৎসুর্ন হি জীবেত কর্হিচিৎ।
অস্মিন্বিনষ্টে নষ্টাঃ স্মঃ সর্ব এব সকেশবাঃ॥ 8-45-56 (57208)
অদ্য চৈব নৃশংসাত্মা পাপঃ পাপকৃতাং বরঃ।
গমিষ্যততি পরীভাবং দৃষ্টমাত্রঃ কিরীটিনা॥ 8-45-57 (57209)
যুধিষ্ঠিরস্য কোপেন পূর্বং দগ্ধো নৃশংসকৃৎ।
ৎবয়া সংরক্ষিততস্তৎবদ্য মৎসমীপাদুপাগতঃ॥ 8-45-58 (57210)
সঞ্জয় উবাচ।' 8-45-59x (4962)
এবং মদ্রাধিপঃ শ্রুৎবা বিসংজ্ঞং সূতনন্দনম্।
অপোবাহ রথেনাজৌ কর্ণমাহবশোভিনম্॥ 8-45-59 (57211)
পরাজিতে ততঃ কর্ণে ধার্তরাষ্ট্রী মহাচমূঃ।
ব্যপায়াৎসর্বতো ভগ্না হাহাভূতা সমন্ততঃ॥ ॥ 8-45-60 (57212)
ইতি শ্রীমন্মহাভারতে কর্ণপর্বণি সপ্ততদশদিবসয়ুদ্ধে পঞ্চচৎবারিংশোঽধ্যায়ঃ॥ 45 ॥
Mahabharata - Karna Parva - Chapter Footnotes
॥ শ্রীঃ ॥
8.46. অধ্যায়ঃ 046
Mahabharata - Karna Parva - Chapter Topics
ভীমকর্ণয়োর্যুদ্ধম্॥ 1 ॥ ভীমেন দুর্যোধনানুজানাং কতিপয়ানাং হননম্॥ 2 ॥ সঙ্কুলয়ুদ্ধং চ॥ 3 ॥
Mahabharata - Karna Parva - Chapter Text
8-46-0 (57213)
ধৃতরাষ্ট্র উবাচ। 8-46-0x (4963)
সুদুষ্করমিদং কর্ম কৃতং ভীমেন সঞ্জয়।
যেন কর্ণো মহাবাহূ রথোপস্থে নিপাতিতঃ॥ 8-46-1 (57214)
কর্ণো হ্যেকো রণে হন্তা পাণ্ডবান্সৃঞ্জয়ৈঃ সহ।
ইতি দুর্যোধনঃ সূত প্রাব্রবীন্মাং মুহুর্মুহুঃ॥ 8-46-2 (57215)
পরাজিতং তু রাধেয়ং দৃষ্ট্বা ভীমেন সংয়ুগে।
ততঃ পরং কিমকরোৎপুত্রো দুর্যোধনো মম॥ 8-46-3 (57216)
সঞ্জয় উবাচ। 8-46-4x (4964)
বিমুখং প্রেক্ষ্য রাধেয়ং সূতপুত্রং মহাহবে।
পুত্রস্তব মহারাজ সোদর্যানিদমব্রবীৎ॥ 8-46-4 (57217)
শীঘ্রং গচ্ছত ভদ্রং বো রাধেয়ং পরিরক্ষত।
ভীমসেনভয়েঽগাধে ম়জ্জন্তং ব্যসনার্ণবে॥ 8-46-5 (57218)
তে তু রাজ্ঞা সমাদিষ্টা ভীমসেনং জিঘাংসবঃ।
অভ্যবর্তন্ত সঙ্ক্রুদ্ধাঃ পতঙ্গাঃ পাবকং যথা॥ 8-46-6 (57219)
শ্রুতায়ুর্দুর্ধরঃ ক্রাথো বিবিৎসুর্বিকটঃ সমঃ।
নিষঙ্গী কবচী পাশী তথা নন্দোপনন্দকৌ॥ 8-46-7 (57220)
দুষ্প্রধর্ষঃ সুবাহুশ্চ বাতবেগসুবর্চসৌ।
ধনুর্গ্রাহো দুর্মদশ্চ জলসন্ধঃ শলঃ সহঃ॥ 8-46-8 (57221)
এতে রথৈঃ পরিবৃতা বীর্যবন্তো মহাবলাঃ।
ভীমসেনং সমাসাদ্য সমন্তাৎপর্যবারয়ন্॥ 8-46-9 (57222)
তে ব্যমুঞ্চঞ্ছরব্রাতান্নানালিঙ্গান্সমন্ততঃ।
স তৈরভ্যর্দ্যমানস্তু ভীমসেনো মহাবলঃ॥ 8-46-10 (57223)
তেষামাপততাং ক্ষিপ্রং সুতানাং তে জনাধিপ।
রথৈঃ পঞ্চশতৈঃ সার্ধং পঞ্চাশদহনদ্রথান্॥ 8-46-11 (57224)
বিবিৎসোস্তু ততঃ ক্রুদ্ধো ভল্লেনাপাহরচ্ছিরঃ।
ভীমসেনো মহারাজ তৎপপাত হতং ভুবি॥ 8-46-12 (57225)
সকুণ্ডলশিরস্ত্রাণং পূর্ণচন্দ্রোপমং তথা।
`অশোভত মহারাজ পূর্ণচন্দ্র ইবাম্বরে'॥ 8-46-13 (57226)
তং দৃষ্ট্বা নিহতং শূরং ভ্রাতরঃ সর্বতস্তদা।
অভ্যদ্রবন্ত সমরে ভীমং ভীমপরাক্রমম্॥ 8-46-14 (57227)
ততোঽপরাভ্যাং ভল্লাভ্যাং পুত্রয়োস্তে মহাহবে।
জহার সমরে প্রাণান্ভীমো ভীমপরাক্রমঃ॥ 8-46-15 (57228)
তৌ ধরামন্বপদ্যেতাং বাতরুগ্ণাবিব দ্রুমৌ।
বিকটশ্চ সহশ্চোমৌ দেবপুত্রোপমৌ নৃপ॥ 8-46-16 (57229)
ততস্তু ৎবরিতো ভীমঃ ক্রাথং নিন্যে যমক্ষয়ম্।
নারাচেন সুতীক্ষ্ণেন স হতো ন্যপতদ্ভুবি॥ 8-46-17 (57230)
হাহাকারস্ততস্তীব্রঃ সম্বভূব জনেশ্বর।
বধ্যমানেষু বীরেষু তব পুত্রেষু ধন্বিষু॥ 8-46-18 (57231)
তেষাং সুলুলিতে সৈন্যে পুনর্ভীমো মহাবলঃ।
নন্দোপনন্দৌ সমরে প্রৈষয়দ্যমসাদনম্॥ 8-46-19 (57232)
ততস্তে প্রাদ্রবন্ভীতাঃ পুত্রাস্তে বিহ্বলীকৃতাঃ।
ভীমসেনং রণে দৃষ্ট্বা কালান্তকয়মোপমম্॥ 8-46-20 (57233)
পুত্রাংস্তে নিহতান্দৃষ্ট্বা সূতপুত্রঃ সুদুর্মনাঃ।
হংসবর্ণান্হয়ান্ভূয়ঃ প্রৈষয়দ্যত্র পাণ্ডবঃ॥ 8-46-21 (57234)
তে প্রেষিতা মহারাজ মদ্ররাজেন বাজিনঃ।
ভীমসেনরথং প্রাপ্য সমসজ্জন্ত বেগিতাঃ॥ 8-46-22 (57235)
স সন্নিপাতস্তুমুলো ঘোররূপো বিশাম্পতে।
আসীদ্রৌদ্রো মহারাজ কর্ণপাণ্ডবয়োর্মৃধে॥ 8-46-23 (57236)
দৃষ্ট্বা মম মহারাজ তৌ সমেতৌ মহারথৌ।
আসীদ্বুদ্বিঃ কথং যুদ্বমেতদদ্য ভবিষ্যতি॥ 8-46-24 (57237)
ততো ভীমো রণশ্লাঘী ছাদয়ামাস পত্রিভিঃ।
কর্ণং রণে মহারাজ পুত্রাণাং তব পশ্যতাম্॥ 8-46-25 (57238)
ততঃ কর্ণো ভৃশং ক্রুদ্ধো ভীমং নবভিরায়সৈঃ।
বিব্যাধ পরমাস্ত্রজ্ঞো ভল্লৈঃ সন্নতপর্বভিঃ॥ 8-46-26 (57239)
তান্নিহত্য মহাবাহুর্ভীমো ভীমপরাক্রমঃ।
আকর্ণপূর্ণৈর্বিশিখৈঃ কর্ণং বিব্যাধ সপ্তভিঃ॥ 8-46-27 (57240)
ততঃ কর্ণো মহারাজ আশীবিষ ইব শ্বসন্।
শরবর্ষেণ মহতা ছাদয়ামাস পাণ্ডবম্॥ 8-46-28 (57241)
ভীমোঽপি ততং শরব্রাতৈশ্ছাদয়িৎবা মহারথম্।
পশ্যতাং কৌরবেয়াণাং বিননর্দ মহাবলঃ॥ 8-46-29 (57242)
ততঃ কর্ণো ভৃশং ক্রুদ্ধো দৃঢমাদায় কার্মুকম্।
ভীমং বিব্যাধ দশভিঃ কঙ্কপত্রৈঃ শিলাশিতৈঃ।
কার্মুকং চাস্য চিচ্ছেদ ভল্লেন নিশিতেন চ॥ 8-46-30 (57243)
ততো ভীমো মহাবাহুর্হেমপট্টবিভূষিতম্।
পরিঘং ঘোরমাদায় মৃতত্যুদণ্ডমিবাপরম্।
কর্ণস্য নিধনাকাঙ্ক্ষী চিক্ষেপাতিবলো নদন্॥ 8-46-31 (57244)
তমাপতন্তং পরিঘং বজ্রাশনিসমস্বনম্।
চিচ্ছেদ বহুধা কর্ণঃ শরৈরাশীবিষোপমৈঃ॥ 8-46-32 (57245)
ততঃ কার্মুকমাদায় ভীমো দৃঢতরং তদা।
ছাদয়ামাস বিশিখৈঃ কর্ণং পরবলার্দনম্॥ 8-46-33 (57246)
ততো যুদ্ধমভূদ্ধোরং কর্ণপাণ্ডবয়োর্মৃধে।
বলীন্দ্রয়োরিব মুহুঃ পরস্পরবধৈষিণোঃ॥ 8-46-34 (57247)
ততঃ কর্ণো মহারাজ ভীমসেনং ত্রিভিঃ শরৈঃ।
আকর্ণপূর্ণৈর্বিব্যাধ দৃঢমানম্য কার্মুকম্॥ 8-46-35 (57248)
সোঽতিবিদ্ধো মহেষ্বাসঃ কর্ণেন বলিনাং বরঃ।
ঘোরমাদত্ত বিশিখং কর্ণকায়াবদারণম্॥ 8-46-36 (57249)
তস্য ভিত্ৎবা তনুত্রাণং ভিত্ৎবা কায়ং চ সায়কঃ।
প্রাবিশদ্বরণীং রাজন্বল্মীকমিব পন্নগঃ॥ 8-46-37 (57250)
স তেনাতিপ্রহারেণ ব্যথিতো বিহ্বলন্নিব॥
সঞ্চচাল রথে কর্ণঃ ক্ষিতিকম্পে যথাঽচলঃ॥ 8-46-38 (57251)
ততঃ কর্ণো মহারাজ রোষামর্ষসমন্বিতঃ।
ভীমং তং পঞ্চবিংশত্যা নারাচানাং সমার্পয়ৎ॥ 8-46-39 (57252)
চিচ্ছেদ কার্মুকং তূর্ণং পাণ্ডবস্যাশু পত্রিণা॥ 8-46-40 (57253)
তততো মুহূর্তাদ্রাজেন্দ্র নাতিকৃচ্ছ্রাদ্বসন্নিব।
বিরথং ভীমকর্মাণং ভীমং কর্ণশ্চকার হ॥ 8-46-41 (57254)
বিরথো ভরতশ্রেষ্ঠ প্রহসন্ননিলোপমঃ।
গদাং গৃহ্য মহাবাহুরপতৎস্যন্দনোত্তমাৎ॥ 8-46-42 (57255)
গদয়া চ মহারাজ কর্ণস্য রথকূবরম্।
পোথয়ামাস সঙ্ক্রুদ্ধঃ সমরে শত্রুতাপনঃ॥ 8-46-43 (57256)
স ক্রোধবশমাপন্নঃ পাণ্ডুপুত্রঃ প্রতাপবান্।
বিদ্রাব্য গদয়া বীরস্তব পুত্রান্মহাহবে॥ 8-46-44 (57257)
নাগান্সপ্তশতান্রাজন্নীষাদন্তান্প্রহারিণঃ।
ব্যধমৎসহসা ভীমঃ ক্রুদ্ধরূপঃ পরন্তপঃ॥ 8-46-45 (57258)
দন্তবেষ্টেষু নেত্রেষু কুম্ভেষু চ কটেষু চ।
মর্মস্বপি চ মর্মজ্ঞস্তান্নাগানবধীদ্বলী॥ 8-46-46 (57259)
`অর্দিতা ভীমসেনেন বিনদন্তো ভৃশাতুরাঃ'।
ততস্তে প্রাদ্রবন্ভীতাঃ প্রহতাশ্চ পুনঃপুনঃ।
মহামাত্রাস্তমাবব্রুর্মেঘা ইব দিবাকরম্॥ 8-46-47 (57260)
তান্স সপ্তশতান্নাগান্সারোহায়ুধকেতনান্।
ভূমিষ্ঠো গদয়া জঘ্নে বজ্রেণেন্দ্র ইবাচলান্॥ 8-46-48 (57261)
ততঃ সুবলপুত্রস্য নাগানতিবলান্পুনঃ।
পোথয়ামাস কৌন্তেয়ো দ্বিপঞ্চাশদরিন্দমঃ॥ 8-46-49 (57262)
তথা রথশততং সাগ্রং পত্তীংশ্চ শতশোঽপরান্।
ন্যহনৎপাণ্ডবো যুদ্ধে তাপয়ংস্তব বাহিনীম্॥ 8-46-50 (57263)
প্রতাপ্যমানং সূর্যেণ ভীমেন চ মহাত্মনা।
তব সৈন্যং সঞ্চুকোচ চর্মাগ্নাবাহিতং যথা॥ 8-46-51 (57264)
তে ভীমভয়সন্ত্রস্তাস্তাবকা ভরতর্ষভ।
বিহায় সমরে কর্ণং দুদ্রুবুর্বৈ দিশো দশ॥ 8-46-52 (57265)
রথাঃ পঞ্চশতাশ্চান্যে হাদিনঃ শরবর্ষিণঃ।
ভীমমভ্যদ্রবন্ঘ্নন্তঃ শরপূগৈঃ সমন্ততঃ॥ 8-46-53 (57266)
তান্স পঞ্চশতান্বীরান্সপতাকধ্বজায়ুধান্।
পোথয়ামাস গদয়া ভীমো বিষ্ণুরিবাসুরান্॥ 8-46-54 (57267)
ততঃ শকুনিনির্দিষ্টাঃ সাদিনঃ শূরসম্মতাঃ।
ত্রিসাহস্রাণ্যভিয়যুঃ শরশক্ত্যৃষ্টিপাণয়ঃ॥ 8-46-55 (57268)
তান্প্রত্যুদ্গম্য যবনান্সাশ্বারোহাংস্তদাঽরিহা।
বিবিধান্বিচরন্মার্গান্গদয়া সমপোথয়ৎ॥ 8-46-56 (57269)
তেষামাসীন্মহাঞ্ছব্দস্তাডিতানাং চ সর্বশঃ।
অগ্নিভির্দহ্যমানানাং নলানামিব ভারত॥ 8-46-57 (57270)
এবং সুবলপুত্রস্য ত্রিসাহস্রান্হয়োত্তমান্।
হৎবাঽন্যং রথমাস্থায় ক্রুদ্ধো রাধেয়মভ্যযাৎ॥ 8-46-58 (57271)
কর্ণোঽপি সমরে রাজন্ধর্মপুত্রমরিন্দমম্।
স শরৈশ্ছাদয়ামাস সারথিং চাপ্যপাতয়ৎ॥ 8-46-59 (57272)
ততঃ স প্রদ্রুতং সৈন্যং দৃষ্ট্বা কর্ণো মহারথঃ।
অন্বধাবৎকিরন্বাণৈঃ কঙ্কপত্রৈরজিহ্মগৈঃ॥ 8-46-60 (57273)
রাজানমভিধাবন্তং শরৈরাবৃত্য রোদসী।
ক্রুদ্ধঃ প্রচ্ছাদয়ামাস শরজালেন মারুতিঃ॥ 8-46-61 (57274)
সন্নিবৃত্তস্ততস্তূর্ণং রাধেয়ঃ শত্রুকর্শনঃ।
ভীমং প্রচ্ছাদয়ামাস সমন্তান্নিশিতৈঃ শরৈঃ॥ 8-46-62 (57275)
ভীমসেনরথপ্রেপ্সুং কর্ণং ভারত সাত্যকিঃ।
অভ্যর্দয়দমেয়াত্মা পার্ষ্ণিগ্রহণকারণাৎ॥ 8-46-63 (57276)
ভীমসেনরথপ্রেপ্সুং কর্ণো ভারত সাত্যকিম্।
অভ্যবর্তত শৈনেয়মর্দয়ঞ্ছরবৃষ্টিভিঃ॥ 8-46-64 (57277)
তাবন্যোন্যং সমাসাদ্য বৃষভৌ সর্বধন্বিনাম্।
বিসৃজন্তৌ শরান্দীপ্তান্বিভ্রাজেতাং মনস্বিনৌ॥ 8-46-65 (57278)
তাভ্যাং বিয়তি রাজেন্দ্র বিততততং ভীমদর্শনম্।
কৌঞ্চপৃষ্ঠারুণং রৌদ্রং বাণজালং ব্যদৃশ্যত॥ 8-46-66 (57279)
নৈব সূর্যপ্রভা রাজন্ন দিশঃ প্রদিশস্তথা।
প্রাজ্ঞাসিষ্ম বয়ং তে বা শরৈর্মুক্তৈঃ সহস্রশঃ॥ 8-46-67 (57280)
মধ্যাহ্নে তপতো রাজন্ভাস্করস্য মহাপ্রভাঃ।
হৃতাঃ সর্বাঃ শরৌঘৈস্তৈঃ কর্ণমাধবয়োস্তদা॥ 8-46-68 (57281)
সৌবলং কৃতবর্মাণং দ্রৌণিমাধিরথিং কৃপম্।
সংসক্তান্পাণ্ডবৈর্দৃষ্ট্বা নিবৃত্তাঃ কুরবঃ পুনঃ॥ 8-46-69 (57282)
তেষামাপততাং শব্দস্তীত্র আসীদ্বিশাম্পতে।
উদ্বৃত্তানাং যথা বৃষ্ট্যা সাগরাণাং ভয়াবহঃ॥ 8-46-70 (57283)
তে সেনে ভৃশসংসক্তে দৃষ্ট্বাঽন্যোন্যং মহাহবে।
হর্ষেণ মহতা যুক্তে পরিগৃহ্য পরস্পরম্॥ 8-46-71 (57284)
ততঃ প্রববৃতে যুদ্ধং মধ্যং প্রাপ্তে দিবাকরে।
যাদৃশং নৈবমস্মাভির্দৃষ্টপূর্বং ন চ শ্রুতম্॥ 8-46-72 (57285)
বলৌঘস্তু সমাসাদ্য বলৌঘং সহসা রণে।
উপসর্পত বেগেন বার্যোঘ ইব সাগরম্॥ 8-46-73 (57286)
আসীন্নিনাদঃ সুমহান্বাণৌঘানাং পরস্পরম্।
গর্জতাং সাগরৌঘাণাং যথা স্যান্নিঃস্বনো মহান্॥ 8-46-74 (57287)
তে তু সেনে সমাসাদ্য বেগবত্যৌ পরস্পরম্।
একীভাবমনুপ্রাপ্তে নদ্যাবিব সমাগমে॥ 8-46-75 (57288)
ততঃ প্রববৃতে যুদ্ধং ঘোররূপং বিশাম্পতে।
কুরূণাং পাণ্ডবানাং চ লিপ্সতাং সুমহদ্যশঃ॥ 8-46-76 (57289)
শূরাণাং গর্জতাং তত্র হ্যবিচ্ছেদকৃতা গিরঃ।
শ্রুয়ন্তে বিবিধা রাজন্নামান্যুদ্দিশ্য ভারত॥ 8-46-77 (57290)
যস্য যদ্ধি রণে ব্যঙ্গং পিতৃতো মাতৃতোঽপি বা।
কর্মতঃ শীলতো বাঽপি স তচ্ছ্রাবয়তে যুধি॥ 8-46-78 (57291)
তান্দৃষ্ট্বা সমরে শূশাংস্তর্জমানান্পরস্পরম্।
অভবন্মে মতী রাজন্নৈষামস্তীতি জীবিতম্॥ 8-46-79 (57292)
তেষাং দৃষ্ট্বা তু ক্রুদ্ধানাং বপূংষ্যমিততেজসাম্।
অভবন্মে ভয়ং তীব্রং কথমেতদ্ভবিষ্যতি॥ 8-46-80 (57293)
ততস্তে পাণ্ডবা রাজন্কৌরবাশ্চ মহারথাঃ।
ততক্ষুঃ সায়কৈস্তূর্ণমন্যোন্যং বিজয়ৈষিণঃ॥ ॥ 8-46-81 (57294)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে ষট্চৎবারিংশোঽধ্যায়ঃ॥ 46 ॥
॥ শ্রীঃ ॥
8.47. অধ্যায়ঃ 047
Mahabharata - Karna Parva - Chapter Topics
সঙ্কুলয়ুদ্ধম্॥ 1 ॥
Mahabharata - Karna Parva - Chapter Text
8-47-0 (57295)
সঞ্জয় উবাচ। 8-47-0x (4965)
ক্ষত্রিয়াস্তে মহারাজ পরস্পরবধৈষিণঃ।
অন্যোন্যং সমরে জঘ্নুঃ কৃতবৈরা মহৌজসঃ॥ 8-47-1 (57296)
রথৌঘাশ্চ হয়ৌঘাশ্চ নরৌঘাশ্চ সমন্ততঃ।
গজৌঘাশ্চ মহারাজ সংসক্তাশ্চ পরস্পরম্॥ 8-47-2 (57297)
গদানাং পরিঘাণাং চ শক্তীনাং চ পরস্পরম্।
প্রাসানাং ভিণ্ডিপালানাং মুসুণ্ঠীনাং চ সর্বশঃ॥ 8-47-3 (57298)
সম্পাতং চানুপশ্যাম সঙ্গ্রামে ভৃশদারুণে।
শলভা ইব সম্পেতুঃ শরবৃষ্ট্যঃ সমন্ততঃ॥ 8-47-4 (57299)
নাগান্নাগাঃ সমাসাদ্য ব্যধমন্ত পরস্পরম্।
হয়া হয়াংশ্চ সমরে রথিনো রথিনস্তথা॥ 8-47-5 (57300)
পত্তয়ঃ পত্তিসঙ্ঘাংশ্চ হয়সঙ্ঘাংশ্চ পত্তয়ঃ।
পত্তয়ো রথমাতঙ্গান্রথা হস্ত্যশ্বমেব চ।
নাগাশ্চ সমরে ত্র্যঙ্গং মমৃদুঃ শীঘ্রগা নৃপ॥ 8-47-6 (57301)
বধ্যতাং তত্র শূরাণাং ক্রোশতাং চ পরস্পরম্।
ঘোরমায়োধনং জজ্ঞে পশূনাং ঘাতনে যথা॥ 8-47-7 (57302)
রুধিরেণ সমাস্তীর্ণা বভৌ ভারত মেদিনী।
শক্রগোপগণাকীর্ণা প্রাবৃষীব বসুন্ধরা॥ 8-47-8 (57303)
যথা বা বাসসী শুক্লে মহারজনরঞ্জিতে।
বিভ্রতী যুবতী শ্যামা তদ্বদাসীদ্বসুন্ধরা॥ 8-47-9 (57304)
`বদ্বচূডামণিধরৈঃ শিরোভিশ্চারুকুণ্ডলৈঃ।
উজ্ঝিতৈর্বৃষভাক্ষাণাং ভ্রাজতে স্ম বসুন্ধরা'॥ 8-47-10 (57305)
শশশোণিতদিগ্ধেব শাতকুম্ভময়ীব চ।
`ভূর্বভৌ ভরতশ্রেষ্ঠ শান্তার্চির্ভিরিবানলৈঃ॥' 8-47-11 (57306)
ছিন্নানাং চোত্তমাঙ্গানাং বাহূনাং চোরুভিঃ সহ।
কুণ্ডলানাং পিনদ্ধানাং ভূষণানাং চ ভারত॥ 8-47-12 (57307)
নিষ্কাণাং হেমসূত্রাণাং শরীরাণাং চ ধন্বিনাম্।
চর্মণাং সপতাকানাং সঙ্ঘাস্তত্রাপতন্ভুবি। 8-47-13 (57308)
`অগম্যকল্পা পৃথিবী সর্বতো ভৃশকর্দমা'॥
গজা গজান্সমাসাদ্য বিষাণৈরার্দয়ন্নৃপ।
বিষাণাগ্রহতাস্তত্র ভ্রাজন্তে দ্বিরদোত্তমাঃ।
রুধিরেণাবসিক্তাঙ্গা গৈরিকপ্রস্রবা ইব।
`প্রাবৃট্কালে মহারাজ মেঘা ইব সবিদ্যুতঃ'॥ 8-47-14 (57309)
স্যন্দমানা যথা ভান্তি পর্বতা ধাতুমণ্ডিতাঃ।
`তথা রেজূ রণে নাগা রুধিরেণ সমাপ্লুতাঃ'॥ 8-47-15 (57310)
তোমরান্সাদিভির্মুক্তান্প্রতিমানস্থিতান্বহূন্।
হস্তৈরুদ্ধৃত্য তান্নাগা বভঞ্জুশ্চাপরে রণে॥ 8-47-16 (57311)
নারাচৈশ্ছিন্নবর্মাণো ভ্রাজন্তে স্ম গজোত্তমাঃ।
হিমাগমে যথা রাজন্ব্যভ্রা ইব মহীধরাঃ॥ 8-47-17 (57312)
শরৈঃ কনকপুঙ্খৈশ্চ চিতা রের্জুর্গজোত্তমাঃ।
উল্কাভিঃ সম্প্রদীপ্তাগ্রাঃ পর্বতা ইব ভারত॥ 8-47-18 (57313)
কেচিদভ্যাহতা নাগৈর্নাগা নগবরোপমাঃ।
ন চেলুঃ সমরাত্তস্মাচ্ছিন্নপক্ষা ইবাদ্রয়ঃ॥ 8-47-19 (57314)
অপরে প্রাদ্রবন্নাগাঃ শরার্তা ব্রণপীডিতাঃ।
প্রতিমানৈশ্চ কুম্ভৈশ্চ পেতুরুর্ব্যাং মহাহবে॥ 8-47-20 (57315)
নিষেদুঃ সিংহবচ্চান্যে নদন্তো ভৈরবান্রবান্।
বেমুশ্চ বহবো রাজংশ্চুক্রুশুশ্চাপরে গজাঃ॥ 8-47-21 (57316)
হয়াশ্চ নিহতা বাণৈর্হেমভাণ্ডবিভূষিতাঃ।
নিষেদুশ্চৈব মম্লুশ্চ বভ্রমুশ্চ দিশো দশ॥ 8-47-22 (57317)
অপরে ক্লিশ্যমানাশ্চ ব্যবেষ্টন্ত মহীতলে।
ভাবান্বহুবিধাংশ্চক্রুস্তাডিতাঃ শরতোমরৈঃ॥ 8-47-23 (57318)
নরাস্তু নিহতা ভূমৌ কূজন্তস্তত্র মারিপ।
দৃষ্ট্বা চ বান্ধবানন্যে পিতৄনন্যে পিতামহান্॥ 8-47-24 (57319)
ধাবমানান্পরাংশ্চান্যে দৃষ্ট্বান্যে তত্র ভারত।
খ্যাতানি গোত্রনামানি শশংসুরিতরেতরম্॥ 8-47-25 (57320)
তেষাং ছিন্না মহারাজ ভুজাঃ কনকভূষণাঃ।
উদ্বেষ্টন্তে বিবেষ্টন্তে ভ্রমন্তি হ্যুৎপতন্তি চ॥ 8-47-26 (57321)
নিপতন্তি তথৈবান্যে স্ফুরন্তি চ সহস্রশঃ।
বেগাংশ্চান্যে রমে চক্রুঃ পঞ্চাস্যা ইব পন্নগাঃ॥ 8-47-27 (57322)
তে ভুজা ভোগিভোগাভাশ্চন্দনাক্তা বিশাম্পতে।
লোহিতার্দ্রা ভৃশং রেজুস্তপনীয়ধ্বজা ইব॥ 8-47-28 (57323)
বর্তমানে তথা ঘোরে সঙ্কুলে সর্বতো দিশম্।
অবিজ্ঞাতাঃ স্ম যুধ্যন্তে বিনিঘ্নন্তঃ পরস্পরম্॥ 8-47-29 (57324)
ভৌমেন রজসাকীর্ণে শস্ত্রসম্পাতসঙ্কুলে।
নৈব স্বে ন পরে রাজন্ব্যজ্ঞায়ন্ত তমোবৃতাঃ॥ 8-47-30 (57325)
তথা তদভবদ্যুদ্ধং ঘোররূপং ভয়ানকম্।
লোহিতোদা মহানদ্যঃ প্রসস্রুস্তত্র চাসকৃৎ॥ 8-47-31 (57326)
শীর্ষপাষাণসঞ্ছন্নাঃ কেশশৈবলশাদ্বলাঃ।
অস্থিমীনসমাকীর্ণা ধনুঃশরগদোডুপাঃ॥ 8-47-32 (57327)
মাংসশোণিতপঙ্কিন্যো ঘোররূপাঃ সুদারুণাঃ।
নদীঃ প্রবর্তয়ামাসুঃ সোণিতৌঘবিবর্ধিনীঃ॥ 8-47-33 (57328)
ভীরুবিত্রাসকারিণ্যঃ শূরাণাং হর্ষবর্ধনাঃ।
তা নদ্যো ঘোররূপাস্তু নয়ন্ত্যো যমসাদনম্॥ 8-47-34 (57329)
অবগাঢান্মজ্জয়ন্ত্যঃ ক্ষত্রস্যাজনয়ন্ভয়ম্।
ক্রব্যাদানাং নরব্যাঘ্র নর্দতাং তত্রতত্র হ॥ 8-47-35 (57330)
ঘোরমায়োধনং জজ্ঞে প্রেতরাজপুরোপমম্।
উত্থিতান্যগণেয়ানি কবন্ধানি সমন্ততঃ॥ 8-47-36 (57331)
নৃত্যন্তি বৈ ভূতগণাঃ সুতৃপ্তা মাংসশোণিতৈঃ।
পীৎবা চ শোণিতং তত্র বসাং ভুক্ৎবা চ ভারত॥ 8-47-37 (57332)
মেদোমজ্জাবসামত্তাস্তৃপ্তা মাংসস্য চৈব হ।
ধাবমানাঃ স্ম দৃশ্যন্তে কাকগৃঘ্রবকাস্তথা॥ 8-47-38 (57333)
শূরাস্তু সমরে রাজন্ভয়ং ত্যক্ৎবা সুদুস্ত্যজম্।
যোধব্রতসমাখ্যাতাশ্চক্রুঃ কর্মাণ্যভীতবৎ॥ 8-47-39 (57334)
শরশক্তিসমাকীর্ণে ক্রব্যাদগণসঙ্কুলে।
ব্যচরন্ত রণে শূরাঃ খ্যাপয়ন্তঃ স্বপৌরুষম্॥ 8-47-40 (57335)
অন্যোন্যং শ্রাবয়ন্তি স্ম নামগোত্রাণি ভারত।
পিতৃনামানি চ রণে গোত্রনামানি বা বিভো॥ 8-47-41 (57336)
শ্রাবয়াণাশ্চ বহবস্তত্র যোধা বিশাম্পতে।
অন্যোন্যমবমৃদ্রন্তঃ শক্তিতোমরপট্টসৈঃ॥ 8-47-42 (57337)
বর্তমানে তথা যুদ্ধে ঘোররূপে সুদারুণে।
ব্যষীদৎকৌরবী সেনা ভিন্না নৌরিব সাগরে॥ ॥ 8-47-43 (57338)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে সপ্তচৎবারিংশোঽধ্যায়ঃ॥ 47 ॥
Mahabharata - Karna Parva - Chapter Footnotes
॥ শ্রীঃ ॥
8.48. অধ্যায়ঃ 048
Mahabharata - Karna Parva - Chapter Topics
অর্জুনস্য সংশপ্তকৈর্যুদ্ধম্॥ 1 ॥
Mahabharata - Karna Parva - Chapter Text
8-48-0 (57339)
সঞ্জয় উবাচ। 8-48-0x (4966)
বর্তমানে তথা যুদ্ধে ক্ষত্রিয়াণাং নিমজ্জনে।
গাণ্ডীবস্য মহাঘোষঃ শ্রূয়তে যুধি মারিষ॥ 8-48-1 (57340)
সংশপ্তকানামকরোৎকদনং যত্র পাণ্ডবঃ।
কোসলানাং তথা রাজন্নারায়ণবলস্য চ॥ 8-48-2 (57341)
সংশপ্তকাস্তু সমরে শরবৃষ্টিঃ সমন্ততঃ।
অপাতয়ন্পার্থমূর্ধ্নি জয়গৃদ্ধাঃ প্রমন্যবঃ॥ 8-48-3 (57342)
তাং শস্ত্রবৃষ্টিমায়ান্তীমুরসা ধারয়ন্প্রভুঃ।
ব্যগাহত পরান্পার্থো বিনিঘ্নন্রথিনাং বরান্॥ 8-48-4 (57343)
বিক্ষোভ্য তু রথানীকং কঙ্কপত্রৈঃ শিলাশিতৈঃ।
আসসাদ ততঃ পার্থঃ সুশর্মাণং মহারথম্॥ 8-48-5 (57344)
স তস্য শরবর্ষাণি ববর্ষ রথিনাং বরঃ।
তথা সংশপ্তকাশ্চৈব পার্থস্য সমরে স্থিতাঃ॥ 8-48-6 (57345)
সুশর্মা তু ততঃ পার্থং বিদ্ধ্বা দশভিরাশুগৈঃ।
জনার্দনং ত্রিভির্বাণৈরহনদ্দক্ষিণে ভুজে॥ 8-48-7 (57346)
ততোঽপরেণ ভল্লেন কেতুং পার্থস্য মারিষ।
বিব্যাধ সমরে রাজন্সুশর্মা ক্রোধমূর্চ্ছিতঃ॥ 8-48-8 (57347)
স বানরবরো রাজন্বিশ্বকর্মকৃতো মহান্।
ননাদ সুমহানাদং নৃত্যন্নিব বিভীষয়ন্॥ 8-48-9 (57348)
কপেস্তু নিনদং শ্রুৎবা সন্ত্রস্তা তব বাহিনী।
ভয়ং বিপুলমাসাদ্য নিশ্চেষ্টা সমপদ্যত॥ 8-48-10 (57349)
ততঃ সা শুশুভে সেনা নিশ্চেষ্টাঽবস্থিতা নৃপ।
নানাপুষ্পসমাকীর্ণং যথা চিত্রীকৃতং বনম্॥ 8-48-11 (57350)
প্রতিলভ্য ততঃ সংজ্ঞাং যোধাস্তে কুরুসত্তম।
অর্জুনং সিষিচুর্বাণৈঃ পর্বতং জলদা ইব॥ 8-48-12 (57351)
সঞ্ছাদ্য সমরে পার্থং পরিবব্রুঃ সমন্ততঃ।
তে হয়ান্রথচক্রে তু রথেষাং চাপি মারিষ।
গ্রহীতুং প্রচক্রমুশ্চৈব ক্রোধাবিষ্টাঃ সমন্ততঃ॥ 8-48-13 (57352)
নিগৃহ্য তু রথং তস্য যোধাস্তে তু সহস্রশঃ।
রথবন্ধং প্রচক্রুর্হি পাণ্ডবস্যামিতৌজসঃ॥ 8-48-14 (57353)
রথমারুরুহুঃ কেচিৎকৃষ্ণপার্থৌ জিঘৃক্ষবঃ।
সংশপ্তকানাং যোধাস্তে সিংহনাদাংশ্চ নেদিরে॥ 8-48-15 (57354)
অপরে জগৃহুশ্চৈব কেশবস্য মহাভুজৌ।
পার্থং চৈকে মহারাজ রথস্থং জগৃহুর্মুদা॥ 8-48-16 (57355)
অচ্যুতঃ স মহাবাহুর্বিধুন্বন্রণমূর্ধনি।
পাতয়ামাস তান্সর্বান্দুষ্টহস্তীব হস্তিপান্॥ 8-48-17 (57356)
স রথস্তৈর্গৃহীতস্তু পাণ্ডবস্য মহাত্মনঃ।
স্পন্দিতুং নাশকদ্রাজংস্তদদ্ভুতমিবাভবৎ॥ 8-48-18 (57357)
ততঃ পার্থো মহাবাহুঃ সংবৃতঃ স্তৈর্মহারথৈঃ।
নিগৃহীতং রথং দৃষ্ট্বা তাংশ্চাপ্যাদ্রবতো বহূন্॥ 8-48-19 (57358)
রথারূঢাংশ্চ সুবহূন্পদাঽঽক্ষিপ্য ন্যপাতয়ৎ।
অপাতয়দসম্ভ্রান্তঃ শরৈরাসন্নয়োধিভিঃ॥ 8-48-20 (57359)
তাংস্তাপয়িৎবা সমরে পার্থঃ পরপুরঞ্জয়ঃ।
স্ময়ন্নিব মহাবাহুঃ কেশবং বাক্যমব্রবীৎ॥ 8-48-21 (57360)
পশ্য কৃষ্ণ মহাবাহো সংশপ্তকগণান্বহূন্।
কুর্বতোঽসুকরং কর্ম মুমূর্ষূন্কালচোদিতান্॥ 8-48-22 (57361)
রথবন্ধমিমং প্রাপ্য পৃথিব্যাং নাস্তি কশ্চন।
যঃ সহেত পুমাঁল্লোকে মদন্যঃ ক্ষত্রিয়র্ষভঃ॥ 8-48-23 (57362)
পশ্যৈততানদ্য সমরে মৎপ্রয়ুক্তৈঃ সুতেজনৈঃ।
পাত্যমানান্রণে কৃষ্ণ শরৈরাশীবিষোপমৈঃ॥ 8-48-24 (57363)
ইত্যেবমুক্ৎবা বীভৎসুঃ শঙ্খপ্রবরমুত্তমম্।
ব্যনাদয়দমেয়াত্মা দেবদত্তং মহামৃধে॥ 8-48-25 (57364)
দেবদত্তস্বনং শ্রুৎবা কেশবোঽপি মহায়শাঃ।
পাঞ্চজন্যস্বনং চক্রে পূরয়ন্নিব রোদসী॥ 8-48-26 (57365)
তয়োঃ শঙ্খস্বনং শ্রুৎবা সংশপ্তকবরূথিনী।
সঞ্চচাল মহারাজ বিত্রস্তা চাদ্রবদ্ভৃশম্॥ 8-48-27 (57366)
নাগমস্ত্রং ততঃ পার্থঃ প্রাদুশ্চক্রে হসন্নিব।
পাদবন্ধং স তেষাং বৈ চক্রে তেন মহাস্ত্রবিৎ॥ 8-48-28 (57367)
যানুদ্দিশ্য রণে পার্থঃ পাদবন্ধং চকার হ।
তে বদ্ধাঃ পাদবন্ধেন যোধাঃ সংশপ্তকাস্তদা॥ 8-48-29 (57368)
নির্বিচেষ্টাস্তদাঽভূবন্পাণ্ডবস্যাস্ত্রতেজসা।
নির্বিচেষ্টাংস্ততো যোধানবধীৎপাণ্ডুনন্দনঃ।
যথেন্দ্রঃ সমরে দৈত্যাংস্তারকস্য বধে পুরা॥ 8-48-30 (57369)
তে বধ্যমানাঃ সমরে মুমুচুস্তং রথোত্তমম্।
আয়ুধানি চ সর্বাণি বিস্রষ্টুমুপচক্রমুঃ॥ 8-48-31 (57370)
ততঃ সুশর্মা রাজেন্দ্র গৃহীতাং বীক্ষ্য বাহিনীম্।
সৌপর্ণমস্ত্রং ৎবরিতঃ প্রাদুশ্চক্রে মহারথঃ॥ 8-48-32 (57371)
ততঃ সুপর্ণাঃ সম্পেতুর্ভক্ষয়ন্তো ভুজঙ্গমান্।
ততো বিদুদ্রুবুর্নাগাস্তান্দৃষ্ট্বা খেচরান্নৃপ॥ 8-48-33 (57372)
তদ্বিমুক্তং বলং রেজে পাদবন্ধাদ্বিশাম্পতে।
মেঘবন্ধাদ্যথা মুক্তো ভাস্করস্তাপয়ন্প্রজাঃ॥ 8-48-34 (57373)
বিপ্রমুক্তাঃ স্বকা যোধাঃ ফল্গুনস্য রথং প্রতি।
সসৃজুঃ শরসঙ্ঘাংশ্চ শস্ত্রসঙ্ঘাংশ্চ মারিষ॥ 8-48-35 (57374)
তাং মহাস্ত্রময়ীং বৃষ্টিং শরৈঃ সঞ্ছিদ্য ভারত।
অবধীৎসততো যোধান্বাসবিঃ পরবীরহা॥ 8-48-36 (57375)
সুশর্মা তু ততো রাজন্বাণেন নতপর্বণা।
অর্জুনং হৃদয়ে বিদ্ধ্বা বিব্যাধান্যৈস্ত্রিসপ্তভিঃ॥ 8-48-37 (57376)
স গাঢবিদ্ধো ব্যথিতো রথোপস্থ উপাবিশতৎ।
তত উচ্চুক্রুশুঃ সর্বে হতঃ পার্থ ইতি ব্রুবন্॥ 8-48-38 (57377)
ততঃ শঙ্খনিনাদাশ্চ ভেরীশব্দাশ্চ পুষ্কলাঃ।
নানাবাদিত্রনিনদাঃ সিংহনাদাশ্চ জজ্ঞিরে॥ 8-48-39 (57378)
প্রতিলভ্য ততঃ সংজ্ঞাং শ্বেতাশ্বঃ কৃষ্ণসারথিঃ।
সোঽতিবিদ্ধো মহেষ্বাসঃ শরৈরাশীবিপোপমৈঃ।
সুশর্মাণং মহারাজ ক্রোধাবিষ্টো মহারথঃ॥ 8-48-40 (57379)
ততঃ শরশতৈঃ পার্থঃ সঞ্ছাদ্যৈনং ক্ষণাদ্রণে।
দিশস্তু বারয়ামাস বাণৈস্তত্র মহাস্ত্রবিৎ॥ 8-48-41 (57380)
বিমুখীকৃত্য সমরে সুশর্মাণং ধনঞ্জয়ঃ।
ঐন্দ্রমস্ত্রমমেয়াত্মা প্রাদুশ্চক্রে হসন্নিব॥ 8-48-42 (57381)
ততো বাণসহস্রাণি তদুৎসৃষ্টানি মারিষ।
সর্বদিক্ষু ব্যদৃশ্যন্ত সূদয়ন্তি রথদ্বিপান্॥ 8-48-43 (57382)
হয়ান্পত্তীংশ্চ সমরে শস্ত্রৈঃ শতসহস্রশঃ।
ররাজ সমরে রাজঞ্শক্রো নিঘ্নন্নিবাসুরান্॥ 8-48-44 (57383)
বধ্যমানে ততঃ সৈন্যে ভয়ং সুমহদাবিশৎ।
সংশপ্তকগণানাং চ গোপালানাং চ ভারত॥ 8-48-45 (57384)
ন হি তত্র পুমান্কশ্চিদ্যোঽর্জুনং প্রতিবুধ্যতে।
পশ্যতাং তত্র বীরাণামহন্যত বলং তব॥ 8-48-46 (57385)
হন্যমানং চ তদভূন্নিশ্চেষ্টং চ পরাক্রমে॥ 8-48-47 (57386)
অয়ুতং তত্র যোধানাং হৎবা পাণ্ডুসুতো রণে।
ব্যভ্রাজত মহারাজ বিধূমোঽগ্নিরিব জ্বলন্॥ 8-48-48 (57387)
চতুর্দশসহস্রাণি যানি দৃষ্টনি ভারত।
রথানাময়ুতং চৈব ত্রিসহস্রাশ্চ দন্তিনঃ॥ 8-48-49 (57388)
ততঃ সংশপ্তকা ভূয়ঃ পরিবব্রুর্ধনঞ্জয়ম্।
মর্তব্যমিতি নিশ্চিত্য জয়ং বাপ্যনিবর্তনম্॥ 8-48-50 (57389)
তত্র যুদ্ধং মহচ্চাসীত্তাবকানাং বিশাম্পতে।
শূরেণ বলিনা সার্ধং পাণ্ডবেন কিরীটিনা।
জিৎবা তান্ন্যহনৎপার্থঃ শত্রূঞ্শক্র ইবাসুরান্॥ ॥ 8-48-51 (57390)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে অষ্টচৎবারিংশোঽধ্যায়ঃ॥ 48 ॥
॥ শ্রীঃ ॥
8.49. অধ্যায়ঃ 049
Mahabharata - Karna Parva - Chapter Topics
সঙ্কুলয়ুদ্ধম্॥ 1 ॥
Mahabharata - Karna Parva - Chapter Text
8-49-0 (57391)
সঞ্জয় উবাচ। 8-49-0x (4967)
কৃতবর্মা কৃপো দ্রৌণিঃ সূতপুত্রশ্চ মারিষ।
উলূকঃ সৌবলশ্চৈব রাজা চ সহ সোদরৈঃ॥ 8-49-1 (57392)
সীদমানাং চমূং দৃষ্ট্বা পাণ্ডুপুত্রভয়ার্দিতাম্।
সমুজ্জহ্রুঃ স্ম বেগেন ভিন্নাং নাবমিবার্ণবে॥ 8-49-2 (57393)
ততো যুদ্ধমতীবাসীন্মুহূর্তমিব ভারত।
ভীরূণাং ত্রাসজননং শূরাণাং হর্ষবর্ধনম্॥ 8-49-3 (57394)
কৃপেণ শরবর্ষাণি প্রতিমুক্তানি সংয়ুগে।
সৃঞ্জয়াংশ্ছাদয়ামাসুঃ শলভানাং ব্রজা ইব॥ 8-49-4 (57395)
শিখণ্ডী চ ততঃ ক্রুদ্ধো গৌতমং ৎবরিতো যয়ৌ।
ববর্ষ শরবর্ষাণি সমন্তাদ্দ্বিজপুঙ্গবম্॥ 8-49-5 (57396)
কৃপস্তু শরবর্ষং তদ্বিনিহত্য মহাস্ত্রবিৎ।
শিখণ্ডিনং রণে ক্রুদ্ধো বিব্যাধ দশভিঃ শরৈঃ॥ 8-49-6 (57397)
ততঃ শিখণ্ডী কুপিতঃ শরৈঃ সপ্তভিরাহবে।
কৃপং বিব্যাধ কুপিতং কঙ্কপত্রৈরজিহ্মগৈঃ॥ 8-49-7 (57398)
ততঃ কৃপঃ শরৈস্তীক্ষ্ণৈঃ সোঽতিবিদ্ধো মহারথঃ।
`ততঃ সুনিশিতৈস্তীক্ষ্ণৈঃ ক্ষুরপ্রৈর্হেমভূষিতৈঃ'।
ব্যশ্বসূতরথং চক্রে শিখণ্ডিনমথো দ্বিজঃ॥ 8-49-8 (57399)
হতাশ্বাত্তু ততো যানাদবপ্লুত্য মহারথঃ।
খঙ্গং চর্ম তথা গৃহ্য সৎবরং ব্রাহ্মণং যয়ৌ॥ 8-49-9 (57400)
তমাপতন্তং সহসা শরৈঃ সন্নতপর্বভিঃ।
বারয়ামাস সমরে তদদ্ভুতমিবাভবৎ॥ 8-49-10 (57401)
তত্রাদ্ভুতমপশ্যাম শিলানাং প্লবনং যথা।
নিশ্চেষ্টো যদ্রণে রাজঞ্ছিখণ্ডী সমতিষ্ঠত॥ 8-49-11 (57402)
কৃপেণ বারিতং দৃষ্ট্বা শিখণ্ডিনমথো নৃপ।
প্রত্যুদ্যযৌ কৃপং তূর্ণং ধৃষ্টদ্যুম্নো মহারথঃ॥ 8-49-12 (57403)
ধৃষ্টদ্যুম্নং ততো যান্তং শারদ্বতরথং প্রতি।
প্রতিজগ্রাহ বেগেন কৃতবর্মা মহারথঃ॥ 8-49-13 (57404)
যুধিষ্ঠিরমথায়ান্তং শারদ্বতরথং প্রতি।
সপুত্রং সহসৈন্যং চ দ্রোণপুত্রো ন্যবারয়ৎ॥ 8-49-14 (57405)
নকুলং সহদেবং চ ৎবরমাণৌ মহারথৌ।
প্রতিজগ্রাহ তে পুত্রঃ শরবর্ষেণ বারয়ন্॥ 8-49-15 (57406)
ভীমসেনং করূশাংশ্চ কেকয়ান্সহ সৃঞ্জয়ৈঃ।
কর্ণো বৈকর্তনো যুদ্ধে বারয়ামাস ভারত॥ 8-49-16 (57407)
শিখণ্ডিনে ততো বাণান্কৃপঃ শারদ্বতো যুধি।
প্রাহিণোত্তবরয়া যুক্তো বীভৎসোরথ সন্নিধৌ॥ 8-49-17 (57408)
তাঞ্ছরান্প্রেষিতাংস্তেন সমন্তাৎস্বর্ণভূষিতান্।
চিচ্ছেদ খঙ্গমাবিধ্য ভ্রাময়ংশ্চ পুনঃ পুনঃ॥ 8-49-18 (57409)
শতচন্দ্রং চ তচ্চর্ম গৌতমস্তস্য ভারত।
ব্যধমৎসায়কৈস্তূর্ণং তত উচ্চুক্রুশুর্জনাঃ॥ 8-49-19 (57410)
স বিচর্মা মহারাজ খঙ্গপাণিরুপাদ্রবৎ।
কৃপস্তং শরসঙ্ঘাতৈরাদ্রবন্তমপীডয়ৎ॥ 8-49-20 (57411)
শারদ্বতশরৈর্গ্রস্তং ক্লিশ্যমানং মহাবলঃ।
চিত্রকেতুসুতো রাজন্সুকেতুস্ৎবরিতো যয়ৌ॥ 8-49-21 (57412)
বিকিরন্ব্রাহ্মণং যুদ্ধে বহুভির্নিশিতৈঃ শরৈঃ।
অভ্যাপতদমেয়াত্মা গৌতমস্য রথং প্রতি॥ 8-49-22 (57413)
দৃষ্ট্বা বিষক্তং তং চৈব ব্রাহ্মণং চ নিবারিতম্।
অপয়াতস্ততস্তূর্ণং শিখণ্ডী রাজসত্তম॥ 8-49-23 (57414)
সুকেতুস্তু ততো রাজন্গৌতমং নবভিঃ শরৈঃ।
বিদ্ধ্বা বিব্যাধ সপ্তত্যা পুনশ্চৈনং ত্রিভিঃ শরৈঃ॥ 8-49-24 (57415)
অথাস্য সশরং চাপং পুনশ্চিচ্ছেদ মারিষ।
সারথিং চ শরেণাস্য মৃশং মর্মস্বতাডয়ৎ॥ 8-49-25 (57416)
গৌতমস্তু ততঃ ক্রুদ্ধো ধনুর্গৃহ্য নবং দৃঢম্।
সুকেতুং ত্রিংশতা বাণৈঃ সর্বমর্মস্বতাডয়ৎ॥ 8-49-26 (57417)
স বিহ্বলিতসর্বাঙ্গঃ প্রচচাল রথোত্তমে।
ভূমিকম্পে যথা বৃক্ষশ্চচালাকম্পিতো ভৃশম্॥ 8-49-27 (57418)
চলতস্তস্য কায়াত্তুং শিরো জ্বলিতকুণ্ডলম্।
সোষ্ণীষং সশিরস্ত্রাণং ক্ষুরপ্রেণ ৎবপাতয়ৎ॥ 8-49-28 (57419)
তচ্ছিরঃ প্রাপতদ্ভূমৌ শ্যেনাহৃতমিবামিষম্।
ততোঽস্য কায়ো বসুধাং পশ্চাৎপ্রাপতদচ্যুত॥ 8-49-29 (57420)
তস্মিন্হতে মহারাজ পুত্রাস্তস্য পদানুগাঃ।
গৌতমং সমরে ত্যক্ৎবা দুদ্রুবুস্তে দিশো দশ॥ 8-49-30 (57421)
ধৃষ্টদ্যুম্নং তু সমরে সন্নিবার্য মহারথঃ।
কৃতবর্মাঽব্রবীদ্বৃষ্টস্তিষ্ঠতিষ্ঠেতি ভারত॥ 8-49-31 (57422)
তদভূত্তুমুলং যুদ্বং বৃষ্ণিপার্ষতয়ো রণে।
আমিষার্থে যথা যুদ্ধং শ্যেনয়োঃ ক্রুদ্ধয়োর্নৃপ॥ 8-49-32 (57423)
ধৃষ্টদ্যুম্নস্তু সমরে হার্দিক্যং নবভিঃ শরৈঃ।
আজঘানোরসি ক্রুদ্বঃ পীডয়ন্হৃদিকাত্মজম্॥ 8-49-33 (57424)
কৃতবর্মা তু সমরে পার্ষতেন দৃঢাহতঃ।
পার্ষতং সরথং সাশ্বং ছাদয়ামাস সায়কৈঃ॥ 8-49-34 (57425)
সরথশ্ছাদিতো রাজন্ধৃষ্টদ্যুম্নো ন দৃশ্যতে।
মেঘৈরিব পরিচ্ছন্নো ভাস্করো জলধারিভিঃ॥ 8-49-35 (57426)
বিধূয় তং বাণগণং শরৈঃ কনকভূষণৈঃ।
ব্যরোচত রণে রাজন্ধৃষ্টদ্যুম্নঃ কৃতব্রণঃ॥ 8-49-36 (57427)
ততস্তু পার্ষতঃ ক্রুদ্ধঃ শস্ত্রবৃষ্টিং সুদারুণাম্।
কৃতবর্মাণমাসাদ্য ব্যসৃজৎপৃতনাপতিঃ॥ 8-49-37 (57428)
তামাপতন্তীং সহসা শস্ত্রবৃষ্টিং সুদারুণাম্।
শরৈরনেকসাহস্রৈর্হার্দিক্যোঽবারয়দ্যুধি॥ 8-49-38 (57429)
দৃষ্ট্বা তু বারিতাং যুদ্ধে শস্ত্রবৃষ্টিং দুরাসদাম্।
কৃতবর্মাণমাসাদ্য বারয়ামাস পার্ষতঃ॥ 8-49-39 (57430)
`যথা যুগ্মরথেনাজৌ বাহান্বাহেরমিশ্রয়ৎ।
গৃহীৎবা চর্ম খঙ্গং চ রথং তস্যাবপুপ্লুবে॥ 8-49-40 (57431)
মিলিতেষ্বথ বাহেষু প্রত্যাসন্নে চ পার্ষতে।
দৃষ্ট্বাঽপদানং তস্যাশু গদাং জগ্রাহ সাৎবতঃ॥ 8-49-41 (57432)
গদাপাণিস্ততো রাজন্রথাত্তূর্ণমবপ্লুতঃ।
তমদৃষ্ট্বা রথোপস্থে সারথিং সমতাডয়ৎ॥ 8-49-42 (57433)
খঙ্গেন শিতধারেণ স হতঃ প্রাপতদ্রথাৎ।
কৃতবর্মা ততো হৃষ্টস্তলশব্দং চকার হ॥ 8-49-43 (57434)
পার্ষতং চাব্রবীদ্রাজন্নেহ্যেহীতি পুনঃপুনঃ।
স তং ন মমৃষে যুদ্বে তলশব্দং সমীরিতম্॥ 8-49-44 (57435)
অবপ্লুত্য রথাত্তস্মাৎস্বরথং পুনরাস্থিতঃ।
অভ্যযাৎস তু তত্তূর্ণং তিষ্ঠতিষ্ঠেতি চাব্রবীৎ॥ 8-49-45 (57436)
ততো রাজন্মহেষ্বাসং কৃতবর্মাণমাশু বৈ।
গদাং গৃহ্য পুনর্বেগাৎকৃতবর্মাণমাহনৎ॥ 8-49-46 (57437)
সোঽতিবিদ্বো বলবতা ন্যপতন্মূর্চ্ছয়া হতঃ।
শ্রুতর্বা রথমারোপ্য অপোবাহ রণাজিরাৎ'॥ 8-49-47 (57438)
ধৃষ্টদ্যুম্নস্তু সমরে দৃষ্ট্বা শত্রুং মহারথঃ।
কৌরবান্সমরে তূর্ণং বারয়ামাস সায়কৈঃ॥ 8-49-48 (57439)
ততস্তে তাবকা যোধা ধৃষ্টদ্যুম্নমুপাদ্রবন্।
সিংহনাদরবাংশ্চক্রুস্ততো যুদ্ধমবর্তত॥ ॥ 8-49-49 (57440)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে একোনপঞ্চাশোঽধ্যায়ঃ॥ 49 ॥
॥ শ্রীঃ ॥
8.50. অধ্যায়ঃ 050
Mahabharata - Karna Parva - Chapter Topics
সঙ্কুলয়ুদ্ধম্॥ 1 ॥ অশ্বত্থাম্না যুধিষ্ঠিরপরাজয়ঃ॥ 2 ॥
Mahabharata - Karna Parva - Chapter Text
8-50-0 (57441)
সঞ্জয় উবাচ। 8-50-0x (4968)
দ্রৌণির্যুধিষ্ঠিরং দৃষ্ট্বা শৈনেয়েনাভিরক্ষিতম্।
দ্রৌপদেয়ৈস্তথা শূরৈরভ্যবর্তত হৃষ্টবৎ॥ 8-50-1 (57442)
কিরন্নিষুগণান্ঘোরান্হেমপুঙ্খাঞ্শিলাশিতান্।
দর্শয়ন্বিবিধান্মার্গাঞ্শিক্ষয়া লঘুহস্তবান্॥ 8-50-2 (57443)
খং পুরয়ঞ্শরৈস্তীক্ষ্ণৈর্বেগবদ্ভিঃ সমন্ততঃ।
যুধিষ্ঠিরস্য সমরে দিশঃ সর্বাঃ সমাবৃণোৎ॥ 8-50-3 (57444)
ভারদ্বাজশরৈশ্ছন্নং ন প্রাজ্ঞায়ত কিঞ্চন।
বাণভূতমভূৎসর্বমায়োধনশিরো মহৎ॥ 8-50-4 (57445)
বাণজালং দিবিষ্ঠং তৎস্বর্ণপুঙ্খবিভূষিতম্।
শুশুভে ভরতশ্রেষ্ঠ বিমানমিব বিষ্ঠিতম্॥ 8-50-5 (57446)
তেন চ্ছন্নে রণে রাজন্বাণজালেন ভাস্বতা।
অভ্রচ্ছায়েব সজজ্ঞে হৃতরশ্মিস্তমোনুদঃ॥ 8-50-6 (57447)
তদদ্ভুতমপশ্যাম বাণভূতে নভস্থলে।
ন স্ম সম্পততে ভূতং দ্রৌণের্দৃষ্ট্বা পরাক্রমম্॥ 8-50-7 (57448)
সাত্যকির্যতমানস্তু ধর্মরাজস্তু পাণ়্ডবঃ।
তথেতরাণি সৈন্যানি ন স্ম চক্রুঃ পরাক্রমম্॥ 8-50-8 (57449)
লাঘবং দ্রোণপুত্রস্য দৃষ্ট্বা তত্র মহারথাঃ।
ব্যস্ময়ন্ত মহারাজ ন চৈনং প্রত্যুদীক্ষিতুম্॥ 8-50-9 (57450)
শেকুস্তে সর্বরাজানস্তপন্তমিব ভাস্করম্।
বধ্যমানে ততঃ সৈন্যে দ্রৌপদেয়া মহারথাঃ॥ 8-50-10 (57451)
সাত্যকির্ধর্মরাজশ্চ পাঞ্চালাশ্চাপি সঙ্গতাঃ।
ত্যক্ৎবা মৃত্যুভয়ং ঘোরং দ্রৌণায়নিভুপাদ্রবন্॥ 8-50-11 (57452)
সাত্যকিঃ সপ্তবিংশত্যা দ্রৌণিং বিদ্ধ্বা শিলীমুখৈঃ।
পুনর্বিব্যাধ নারাচৈঃ সপ্তভিঃ স্বর্ণভূষিতৈঃ॥ 8-50-12 (57453)
যুধিষ্ঠিরস্ত্রিসপ্তত্যা প্রতিবিন্ধ্যশ্চ সপ্তভিঃ।
শ্রুতকর্মা ত্রিভির্বাণৈঃ শ্রুতকীর্তিশ্চ সপ্তভিঃ। 8-50-13 (57454)
সুতসোমস্তু নবভিঃ শতানীকশ্চ সপ্তভিঃ।
অন্যে চ বহবঃ শূরা বিব্যধুস্তং সমন্ততঃ॥ 8-50-14 (57455)
স তু ক্রুদ্ধস্ততো রাজন্নাশীবিপ ইব শ্বসন্।
সাত্যকিং পঞ্চবিংশত্যা প্রাবিধ্যত শিলীমুখৈঃ॥ 8-50-15 (57456)
শ্রুতকীর্তিং চ নবভিঃ সুতসোমং চ পঞ্চভিঃ।
অষ্টভিঃ শ্রুতকর্মাণং প্রতিবিন্ধ্যং ত্রিভিঃ শরৈঃ॥ 8-50-16 (57457)
শতানীকং চ নবভির্ধর্মপুত্রং চ পঞ্চভিঃ।
তথেতরাংস্ততঃ শূরান্দ্বাভ্যাং দ্বাভ্যামতাডয়ৎ।
শ্রুতকীর্তেস্তথা চাপং চিচ্ছেদ নিশিতৈঃ শরৈঃ॥ 8-50-17 (57458)
অথান্যদ্বনুরাদায় শ্রুতকীর্তির্মহারথঃ।
দ্রৌণায়নিং ত্রিভির্বিদ্ব্বা বিব্যাধান্যৈঃ শিতৈঃ শরৈঃ॥ 8-50-18 (57459)
ততো দ্রৌণির্মহারাজ শরবর্ষেণ ভারিষ।
ছাদয়ামাস তৎসৈন্যং সমন্তাদ্ভরতর্ষভ॥ 8-50-19 (57460)
ততঃ পুনরমেয়াত্মা ধর্মরাজস্য কার্মুকম্।
দ্রৌণিশ্চিচ্ছেদ বিহসন্বিব্যাধ চ শরৈস্ত্রিভিঃ॥ 8-50-20 (57461)
ততো ধর্মসুতো রাজন্প্রগৃহ্যান্যন্মহদ্ধনুঃ।
দ্রোণপুত্রং ত্রিপষ্টxx ততু বাহ্বোরুরসি চার্পয়যৎ॥ 8-50-21 (57462)
সাত্যকিস্তু ততঃ ক্রুদ্ধো দ্রৌণেঃ প্রহরতো রণে।
অর্ধচন্দ্রেণতীক্ষ্ণেন ধনুশ্ছিত্ৎবাঽনদদ্ভৃশম্॥ 8-50-22 (57463)
ছিন্নধন্বা ততো দ্রৌণিঃ শক্ত্যা শক্তিমতাং বরঃ।
সারথিং পাতয়ামাস শৈনেয়স্য রথাদ্রুতম্॥ 8-50-23 (57464)
অথান্যদ্বনুরাদায় দ্রোণপুত্রঃ প্রতাপবান্।
শৈনেয়ং শরবর্ষেণ চ্ছাদয়ামাস ভারত॥ 8-50-24 (57465)
তস্যাশ্বাঃ প্রদ্রুতাঃ সঙ্খ্যে পতিতে রথসারথৌ।
তত্রতত্রৈব ধাবন্তঃ সমদৃশ্যন্ত ভারত॥ 8-50-25 (57466)
যুধিষ্ঠিরপুরোগাস্তু দ্রৌণিং শস্ত্রভৃতাং বরম্।
অভ্যবর্ষন্ত বেগেন বিসৃজন্তঃ শিতাঞ্ছরান্॥ 8-50-26 (57467)
সহসা পততস্তান্বৈ ক্রুদ্বরূপান্পরন্তপঃ।
প্রহসন্প্রতিজগ্রাহ দ্রোণপুত্রো মহারণে॥ 8-50-27 (57468)
ততঃ শরশতজ্বালঃ সেনাকক্ষং মহারণে।
দ্রৌণির্দদাহ সমরে কক্ষমগ্নিরিবোত্থিতঃ॥ 8-50-28 (57469)
তদ্বলং পাণ্ডুপুত্রস্য দ্রোণপুত্রপ্রতাপিতম্।
চুক্ষুভে ভরতশ্রেষ্ঠ তস্মিন্নেব চমূমুখে॥ 8-50-29 (57470)
তদ্বলং পাণ্ডবেয়স্য দ্রোণপুত্রঃ শরার্চিষা।
তাপয়ন্ভরতশ্রেষ্ঠ গভস্তিভিরিবাংশুমান্॥ 8-50-30 (57471)
তৎপচ্যমানং মর্ষেণ ব্রাহ্মণস্য চ সায়কৈঃ।
ক্ষুভ্যতে পাণ্ডবং সৈন্যং তিমিনেব নদীমুখম্॥ 8-50-31 (57472)
দৃষ্ট্বা চৈব মহারাজ দ্রোণপুত্রপরাক্রমম্।
সর্বান্দুর্যোধনঃ পার্থান্হতান্যুদ্বেঽভ্যমন্যত॥ 8-50-32 (57473)
যুধিষ্ঠিরস্তু ৎবরিতো দ্রৌণিং পীড্য মহারথম্।
অব্রবীদ্দ্রোণপুত্রং স রোষামর্ষসমন্বিতঃ॥ 8-50-33 (57474)
`জানামি ৎবাং যুধি শ্রেষ্ঠ বীর্যবন্তং বলান্বিতম্।
কৃতাস্ত্রং কৃতিনং চৈব তথা লঘুপরাক্রমম্॥ 8-50-34 (57475)
বলমেতদ্ভবান্সর্বং পার্ষতে যদি দর্সয়েৎ।
ততস্ৎবাং বলবন্তং চ কৃতবিদ্যং চ বিদ্মহে॥ 8-50-35 (57476)
ন হি বৈ পার্পতং দৃষ্ট্বা সমরে শত্রুসূদনম্।
ভবেত্তব বলং কিঞ্চিদ্ব্রবীমি ৎবাং ন তু দ্বিজম্'॥ 8-50-36 (57477)
নৈব নাম তব প্রীতির্নৈব নাম কৃতজ্ঞতা।
যতস্ৎবং পুরুষব্যাঘ্র মামেবাদ্য জিঘাংসসি॥ 8-50-37 (57478)
ব্রাহ্মণেন তপঃ কার্যং শমশ্চ দমএব চ।
ক্ষত্রিয়েণ ধনুর্নাভ্যং স ভবান্ব্রাহ্মণব্রুবঃ॥ 8-50-38 (57479)
মিষতস্তে মহাবাহো যুধি জেষ্যামি কৌরবান্।
কুরুষ্ব সমরে কর্ম ব্রহ্মবন্ধে যথেষ্টতঃ॥ 8-50-39 (57480)
এবমুক্তো মহারাজ দ্রোণপুত্রঃ সয়ন্নিব।
যুক্ত তত্ৎবং চ সঞ্চিন্ত্য নোত্তরং কিঞ্চিদব্রবীৎ॥ 8-50-40 (57481)
অনুক্ৎবা চ ততঃ কিঞ্চিচ্ছরবর্ষেণ পাণ্ডবম্।
ছাদয়ামাস সমরে ক্রুদ্ধোঽন্তক ইব প্রজাঃ॥ 8-50-41 (57482)
স চ্ছাদ্যমানস্তু তদা দ্রোণপুত্রেণ মারিষ।
পার্থোঽপয়াতঃ শীঘ্রং বৈ প্রগৃহ্য মহতীং চমূম্॥ 8-50-42 (57483)
অপয়াতে ততস্তস্মিন্ধর্মপুত্রে যুধিষ্ঠিরে।
দ্রোণপুত্রঃ স্থিতো রাজন্প্রত্যাদেশান্মহাত্মনঃ॥ 8-50-43 (57484)
ততো যুধিষ্ঠিরো রাজংস্ত্যক্ৎবা দ্রৌণিং মহাহবে।
প্রয়যৌ তাবকং সৈন্যং যুক্তঃ ক্রুরায় কর্মণে॥ ॥ 8-50-44 (57485)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে পঞ্চাশোঽধ্যায়ঃ॥ 50 ॥
॥ শ্রীঃ ॥
8.51. অধ্যায়ঃ 051
Mahabharata - Karna Parva - Chapter Topics
সঙ্কুলয়ুদ্ধম্॥ 1 ॥
Mahabharata - Karna Parva - Chapter Text
8-51-0 (57486)
সঞ্জয় উবাচ। 8-51-0x (4969)
ভীমসেনং সপাঞ্চালং চেদিকেকয়সংবৃতম্।
সেনাপতিঃ স্বয়ং ক্রুদ্ধো বারয়ামাস সায়কৈঃ॥ 8-51-1 (57487)
ততস্তু চেদিকারূশান্সৃঢ্জয়াংশ্চ মহারথান্।
কর্ণো জঘান সমরে ভীমসেনস্য পশ্যতঃ॥ 8-51-2 (57488)
ভীমসেনস্ততঃ কর্ণে বিহায় রথসত্তমম্।
প্রয়যৌ কৌরবং সৈন্যং কক্ষমগ্নিরিব জ্বলন্॥ 8-51-3 (57489)
সূতপুত্রোঽপি সমরে পাঞ্চালান্কেকয়াংস্তথা।
সৃঞ্জয়াংশ্চ মহেষ্বাসান্নিজঘানং সহস্রশঃ॥ 8-51-4 (57490)
সংশপ্তকেষু পার্থশ্চ কৌরবেষু বৃকোদরঃ।
পাঞ্চালেষু তথা কর্ণঃ ক্ষয়ং চক্রুর্মহারথাঃ॥ 8-51-5 (57491)
তে ক্ষত্রিয়া দহ্যামানাস্ত্রিভিস্তৈঃ পাবকোপমৈঃ।
জগ্মুর্বিনাশং সমরে রাজন্দুর্মন্ত্রিতে তব॥ 8-51-6 (57492)
ততো দুর্যোধনঃ ক্রুদ্দো নকুলং নবভিঃ শরৈঃ।
বিব্যাধ ভরতশ্রেষ্ঠ চতুরশ্চাস্য বাজিনঃ॥ 8-51-7 (57493)
ততঃ পরমমেয়াত্মা তব পুত্রো জনাধিপ।
ক্ষুরেণ সহদেবস্য ধ্বজং চিচ্ছেদ কাঞ্চনম্॥ 8-51-8 (57494)
নকুলস্তু ততঃ ক্রুদ্ধস্তব পুত্রং চ সপ্তভিঃ।
জঘান সমরে রাজন্সহদেবশ্চ পঞ্চভিঃ॥ 8-51-9 (57495)
তাবুভৌ ভরতশ্রেষ্ঠৌ জ্যেষ্ঠৌ সর্বধনুষ্মতাম্।
বিব্যাধোরসি সঙ্ক্রুদ্ধঃ পঞ্চভিঃ পঞ্চভিঃ শরৈঃ॥ 8-51-10 (57496)
ততোঽপরাভ্যাং ভল্লাব্যাং ধনুষী সমকৃন্তত।
যময়োঃ প্রসভং বীরো বিব্যাধাশু ত্রিভিস্ত্রিভিঃ॥ 8-51-11 (57497)
তাবন্যে ধনুষী শ্রেষ্ঠে শক্রচাপনিভে শুভে।
প্রগৃহ্য রেজতুঃ শূরৌ দেবপুত্রসমৌ যুধি॥ 8-51-12 (57498)
ততস্তৌ রভসৌ যুদ্ধে ভ্রাতরৌ ভ্রাতরং যুধি।
শরৈর্ববর্ষতুর্ঘোরৈর্মহামেঘৌ যথাঽচলম্॥ 8-51-13 (57499)
ততঃ ক্রুদ্ধো মহারাজ তব পুত্রো মহারথঃ।
পাণ়্ডুপুত্রৌ মহেষ্বাসৌ বারয়ামাস পত্রিভিঃ॥ 8-51-14 (57500)
ধনুর্মণ্ডলমেবাস্য দদৃশে যুধি ভারত।
সায়কাশ্চাপ্যদৃশ্যন্ত নিশ্চরন্তঃ সমন্ততঃ॥ 8-51-15 (57501)
`তস্য সায়কসঞ্ছন্নৌ মাদ্রেয়ৌ ন বিরেজতুঃ।
মেঘচ্ছন্নৌ যথা ব্যোম্নি চন্দ্রসূর্যৌ গতপ্রভৌ॥ 8-51-16 (57502)
তে তু বাণা মহারাজ স্বর্ণপুঙ্খাঃ শিলাশিতাঃ'।
আচ্ছাদয়ন্দিশঃ সর্বাঃ সূর্যস্যেব মরীচয়ঃ॥ 8-51-17 (57503)
বাণভূতে ততস্তস্মিন্সঞ্ছন্নে চ নভস্তলে।
রাজ্ঞস্তু দদৃশে রূপং কালান্তকয়মোপমম্॥ 8-51-18 (57504)
পরাক্রমং তু তং দৃষ্ট্বা তব সূনোর্মহারথাঃ।
মৃত্যোরুপান্তিকং প্রাপ্তৌ মাদ্রীপুত্রৌ স্ম মেনিরে॥ 8-51-19 (57505)
ততঃ সেনাপতী রাজন্পাণ্ডবানাং মহারথঃ।
পার্ষতঃ প্রয়যৌ তত্র যত্র রাজা সুয়োধনঃ॥ 8-51-20 (57506)
মাদ্রীপুত্রৌ ততঃ শূরৌ ব্যতিক্রম্য মহারথৌ।
ধৃষ্টদ্যুম্নস্তব সুতং পীডয়ামাস সায়কৈঃ॥ 8-51-21 (57507)
তমবিধ্যদমেয়াত্মা তব পুত্রো হ্যমর্পণঃ।
পাঞ্চাল্যং পঞ্চবিংশত্যা প্রহস্য পুরুষর্ষভঃ॥ 8-51-22 (57508)
ততঃ পুনরমেয়াত্মা তব পুত্রো হ্যমর্ষণঃ।
বিদ্ধ্বা ননাদ পাঞ্চাল্যং ষষ্ট্যা পঞ্চভিরেব চ॥ 8-51-23 (57509)
তথাস্য সশরং চাপং মুষ্টিদেশে বিশাম্পতে।
ক্ষুরপ্রেণ সুতীক্ষ্ণেন রাজা চিচ্ছেদ সংয়ুগে॥ 8-51-24 (57510)
তদপাস্য ধনুশ্ছিন্নং পাঞ্চাল্যঃ শত্রুকর্শনঃ।
অন্যদাদত্ত বেগেন ধনুর্ভারসহং নবম্॥ 8-51-25 (57511)
ক্রোধাদ্রুধিররক্তাক্ষঃ সংরম্ভাৎপ্রজ্বলন্নিব।
অশোভত মহেষ্বাসো ধৃষ্টদ্যুম্নঃ কৃতব্রণঃ॥ 8-51-26 (57512)
স পঞ্চদশ নারাচাঞ্শ্বসতঃ পন্নগানিব।
জিঘাংসুর্ভরতশ্রেষ্ঠং ধৃষ্টদ্যুম্নো ব্যপাসৃজৎ॥ 8-51-27 (57513)
তে বর্ম হেমবিকৃতং ভিত্ৎবা রাজ্ঞঃ শিলীমুখাঃ।
বিবিশুর্বসুধাং বেগাৎকঙ্কবর্হিণবাসসঃ॥ 8-51-28 (57514)
সোঽতিবিদ্ধো মহারাজ পুত্রস্তেঽতিব্যরাজত।
বসন্তকালে সুমহান্প্রফুল্ল ইব কিংশুকঃ॥ 8-51-29 (57515)
স চ্ছিন্নবর্মা নারাচপ্রহারৈর্ঝর্ঝরীকৃতঃ।
ধৃষ্টদ্যুম্নস্য ভল্লেন ক্রুদ্ধশ্চিচ্ছেদ কার্মুকম্॥ 8-51-30 (57516)
অথৈনং ছিন্নধন্বানং ৎবরমাণো মহীপতিঃ।
সায়কৈর্দশভী রাজন্ভ্রুবোর্মধ্যে সমার্পয়ৎ॥ 8-51-31 (57517)
তস্য তেঽশোভয়ন্বক্ত্রং কর্মারপরিমার্জিতাঃ।
প্রফুল্লং পঙ্কজং যদ্বদ্ধমরা মধুলিপ্সবঃ॥ 8-51-32 (57518)
তদপাস্য ধনুশ্ছিন্নং দৃষ্টদ্যুম্নো মহামনাঃ।
অন্যদাদত্ত বেগেন ধনুর্ভল্লাংশ্চ ষোডশ॥ 8-51-33 (57519)
ততো দুর্যোধনস্যাশ্বান্হৎবা সূতং চ পঞ্চভিঃ।
ধনুশ্চিচ্ছেদ ভল্লেন জাতরূপপরিষ্কৃতম্॥ 8-51-34 (57520)
রথং সোপস্করং ছত্রং শক্তিং খঙ্গং গদাং ধ্বজম্।
ভল্লৈশ্চিচ্ছেদ দশভিঃ পুত্রস্য তব পার্ষতঃ॥ 8-51-35 (57521)
তপনীয়াঙ্গদং ছত্রং নাগং মণিময়ং শুভম্।
ধ্বজং কুরুপতেশ্ছিন্নং দদৃশুঃ সর্বপার্থিবাঃ॥ 8-51-36 (57522)
দুর্যোধনং তু বিরথং ছিন্নবর্মায়ুধধ্বজম্।
ভ্রাতরং সমুদৈক্ষন্ত সোদরা ভরতর্ষভ॥ 8-51-37 (57523)
তমারোপ্য রথে রাজন্কুণ্ডধারো মহারথম্।
অপাহরদসম্ভ্রান্তো ধৃষ্টদ্যুম্নস্য পশ্যতঃ॥ 8-51-38 (57524)
কর্ণস্তু সাত্যকিং হিৎবা রাজগৃঘ্নুরমর্ষণঃ।
দ্রোমহন্তারমুগ্রেষুং সসারাভিমুখো রণে॥ 8-51-39 (57525)
তং পৃষ্ঠতোঽন্বয়াত্তূর্ণং শৈনেয়োঽভিহতঃ শরৈঃ।
বারণং জঘনোপান্তে বিষাণাভ্যামিব দ্বিপঃ॥ 8-51-40 (57526)
স ভারতপুরোগানাং রাজ্ঞাং চ সুমহাত্মনাম্।
কর্ণপার্ষতয়োর্যুদ্বে সঙ্ক্রদ্ধানাং মহারণে॥ 8-51-41 (57527)
ন পাণ্ডবানাং নাস্মাকং কশ্চিদাসীৎপরাঙ্মুখঃ।
প্রত্যদৃশ্যত যৎকর্ণঃ পাঞ্চালাংস্ৎবরিতো যয়ৌ॥ 8-51-42 (57528)
তস্মিন্ক্ষণে নরশ্রেষ্ঠ গজবাজিরথক্ষয়ঃ।
প্রাদুরাসীদুভয়তো রাজন্মধ্যগতেঽহনি॥ 8-51-43 (57529)
পাঞ্চালাস্তু মহারাজ ৎবরিতা বিজিগীষবঃ।
সর্বতোঽভ্যদ্রবন্কর্ণং পতত্ত্রিণ ইব দ্রুমম্॥ 8-51-44 (57530)
তেষামাধিরথিঃ ক্রুদ্ধঃ প্রধানান্বৈ তরস্বিনঃ।
বিচিন্বন্নিব বাণৌঘৈঃ সমাসাদয়দগ্রতঃ॥ 8-51-45 (57531)
ব্যাঘ্রকেতুঃ সুশর্মা চ শুক্রশ্চিত্রায়ুধঃ ক্রতুঃ।
দুর্জয়ো রোচমানশ্চ সিংহসেনস্তথাঽষ্টমঃ।
মহতা রথবংশেন পরিবব্রুর্নরোত্তমম্॥ 8-51-46 (57532)
সৃজন্তঃ সায়কাংস্তূর্ণং কর্ণমাহবশোভিনম্।
যতমানাংস্তু তাঞ্শূরান্মনুজেন্দ্রঃ শিতৈঃ শরৈঃ।
অষ্টাভিরষ্টৌ রাধেয়ঃ পাঞ্চালান্ন্যহনদ্রণে॥ 8-51-47 (57533)
অথাপরান্মহারাজ সূতপুত্রঃ প্রতাপবান্।
জঘান বহুসাহস্রান্যোধান্যুদ্ববিশারদান্॥ 8-51-48 (57534)
বিষ্ণুং চ বিষ্ণুবর্মাণং দেবাপিং ভদ্রমেব চ।
দণ্ডধারং চ সমরে চিত্রং চিংত্রায়ুধং হরিম্॥ 8-51-49 (57535)
সিংহকেতুং রোচমানং শলভং চ মহারথম্।
নিজঘান সুসঙ্ক্রুদ্বশ্চেদীনাং চ মহারথান্॥ 8-51-50 (57536)
তেষামাদদতঃ প্রাণানাসীদাধিরথের্বপুঃ।
শোণিতাভ্যুক্ষিতাঙ্গস্য রুদ্রস্যৈবাতিভৈরবম্॥ 8-51-51 (57537)
তত্র ভারত কর্ণেন মাতঙ্গাস্তাডিতাঃ শরৈঃ।
সর্বতোঽভ্যদ্রবন্ভীতাঃ কুর্বন্তো মহদাকুলম্॥ 8-51-52 (57538)
নিপেতুরুর্ব্যাং সমরে কর্ণসায়কতাডিতাঃ।
কুর্বন্তো বিবিধান্নাদান্বজ্রনুন্না ইবাচলাঃ॥ 8-51-53 (57539)
গজবাজিমনুষ্যৈশ্চ নিপতদ্ভিঃ সমন্ততঃ।
রথৈর্ভগ্নৈর্ধ্বজৈশ্চৈব সমাস্তীর্যত মেদিনী॥ 8-51-54 (57540)
নৈবং ভাষ্মো ন চ দ্রোণো নান্যে যুধি চ তাবকাঃ।
চক্রুঃ স্ম তাদৃশং কর্ম যাদৃশং কৃতবান্রণে॥ 8-51-55 (57541)
মৃগমধ্যে যথা সিংহো দৃশ্যতে নির্ভয়শ্চরন্।
পাঞ্চালানাং তথা মধ্যে কর্ণোঽচরদভীতবৎ॥ 8-51-56 (57542)
সূতপুত্রোঽথ নাগেষু হয়েষু চ রথেষু চ।
নরেষু চ নরব্যাঘ্রশ্চকার কদনং মহৎ॥ 8-51-57 (57543)
যথা মৃগগণাংস্ত্রস্তান্সিংহো দ্রাবয়তে দিশঃ।
পাঞ্চালানাং রথব্রাতান্কর্ণো ব্যদ্রাবয়ত্তথা॥ 8-51-58 (57544)
সিংহং স্ম হি যথা প্রাপ্য ন জীবন্তি মৃগাঃ ক্বচিৎ।
তথা কর্ণমনুপ্রাপ্তা ন জীবন্তি স্ম সৃঞ্জয়াঃ॥ 8-51-59 (57545)
বৈশ্বানরমুখং প্রাপ্য দহ্যন্তে শলভা যথা।
কর্ণাগ্রিং সমরে প্রাপ্য দগ্ধা ভারত সৃঞ্জয়ঃ॥ 8-51-60 (57546)
চেদিষ্বেকেন কর্ণেন পাঞ্চালেষু চ ভারত।
বেশ্রাব্য নাম নিহতা বহবঃ শূরসম্পতাঃ॥ 8-51-61 (57547)
মম চাসীন্মতী রাজন্দৃষ্ট্বা কর্ণস্য বিক্রমম্।
নৈকোঽপ্যাধিরথের্জীবন্পাঞ্চাল্যো মোক্ষ্যতে যুধি॥ 8-51-62 (57548)
সঙ্খ্যে বিমর্দ্য পাঞ্চালান্সূতপুত্রঃ পুনঃ পুনঃ।
অভ্যধাবৎসুসঙ্ক্রুদ্ধঃ কুন্তীপুত্রং যুধিষ্ঠিরম্॥ 8-51-63 (57549)
ধৃষ্টদ্যুম্নশ্চ রাজানং দ্রৌপদেয়াশ্চ মারিষ।
পরিবব্রুরমিত্রঘ্নং শতশশ্চাপরে জনাঃ॥ 8-51-64 (57550)
শিখণ্ডী সহদেবশ্চ নকুলো নাকুলিস্তথা।
জনমেজয়ঃ শিনের্নপ্তা বহবশ্চ প্রভদ্রকাঃ॥ 8-51-65 (57551)
এতে পুরোগমা ভূৎবা ধৃষ্টদ্যুম্নশ্চ সংয়ুগে।
কর্ণমস্যন্তমিষ্বস্ত্রৈস্ততক্ষুরমিতৌজসম্॥ 8-51-66 (57552)
তাংস্তত্রাধিরথিঃ সঙ্খ্যে চেদিপাঞ্চালপাণ্ডবান্।
একো বহূনভ্যপতদ্গরুত্মানিব পন্নগান্॥ 8-51-67 (57553)
তৈঃ কর্ণস্যাভবদ্যুদ্ধং ঘোররূপং বিশাম্পতে।
তাদৃগ্যাদৃক্পুরাবৃত্তং দেবানাং দানবৈঃ সহ॥ 8-51-68 (57554)
তান্সমেতান্মহেষ্বাসাঞ্শরবর্ষৌধবর্ষিণঃ।
একো ব্যধমদব্যগ্রস্তমাংসীব দিবাকরঃ॥ 8-51-69 (57555)
ভীমসেনস্তু সংসক্তে রাধেয়ে পাণ্ডবৈঃ সহ।
সর্বতোঽভ্যহনৎক্রুদ্ধো যমদণ্ডনিভৈঃ শরৈঃ॥ 8-51-70 (57556)
বাহ্লীকান্কেকয়ান্মাৎস্যান্বাসাত্যান্মদ্রসৈন্ধবান্।
একঃ সঙ্খ্যে মহেষ্বাসো যোধয়ন্বহ্বশোভত॥ 8-51-71 (57557)
তত্র মর্মসু ভীমেন নারাচৈস্তাডিতা গজাঃ।
প্রপতন্তো হতারোহাঃ কম্পয়ন্তি স্ম মেদিনীম্॥ 8-51-72 (57558)
বাজিনশ্চ হতারোহাঃ পত্তয়শ্চ গতাসবঃ।
অশেরত মহারাজ বমন্তো রুধিরং বহু॥ 8-51-73 (57559)
তাডিতাঃ সহসা নাগা ভীমসেনেন মারিষ।
নিপতন্তি মহাবেগা বজ্ররুগ্ণা ইবাচলাঃ॥ 8-51-74 (57560)
পতিতৈস্তৈর্মহারাজ বেগবদ্ভির্মহারথৈঃ।
শুশুভে বসুধা রাজন্বিকীর্ণৈরিব পর্বতৈঃ॥ 8-51-75 (57561)
সহস্রশশ্চ রথিনঃ পত্তয়ঃ পতিতায়ুধাঃ।
অক্ষতাঃ সমদৃশ্যন্ত ভীমাদ্ভীতা গতাসবঃ॥ 8-51-76 (57562)
রথিভিঃ সাদিভিঃ সূতৈঃ পাদাতৈর্বাজিভির্গজৈঃ।
ভীমসেনশরৈশ্ছিন্নৈরাচ্ছন্না সুধাভবৎ॥
তৎস্তম্ভিতমিবাতিষ্ঠদ্ভীমসেনভয়ার্দিতম্। 8-51-77 (57563)
দুর্যোধনবলং সর্বং নিরুৎসাহং কৃতং রণে।
নিশ্চেষ্টং তুমুলং দীনং বভৌ তস্মিন্মহারণে॥ 8-51-78 (57564)
প্রসন্নসলিলে কালে যথা স্যাৎসাগরো নৃপ।
তদ্বত্তব বলং তদ্বৈ নিশ্চলং সমবস্থিতম্॥ 8-51-79 (57565)
মন্যুবীর্যবলোপেতং দর্পাৎপ্রত্যবরোপিতম্।
অভবত্তব পুত্রস্য তৎসৈন্যং নিষ্প্রভং তদা॥ 8-51-80 (57566)
তে বলে ভরতশ্রেষ্ঠ বধ্যমানে পরস্পরম্।
রুধিরৌঘপরিক্লিন্নে রুধিরার্দ্রে বভূবতুঃ॥ 8-51-81 (57567)
সূতপুত্রোঽবধীৎক্রুদ্বঃ পাণ্ডবানামনীকিনীম্।
ভীমসেনঃ কুরূণাং চ ত্রিগর্তানাং ধনঞ্জয়ঃ॥ 8-51-82 (57568)
বর্তমানে তথা রোদ্রে সঙ্গ্রামেঽদ্ভুতদর্শনে।
নিহত্য পৃতনামধ্যং সংশপ্তকগণান্বহূন্।
অর্জুনো জয়তাং শ্রেষ্ঠো বাসুদেবমথাব্রবীৎ॥ 8-51-83 (57569)
প্রভগ্নং বলমেতদ্ধি যোৎস্যমানং ময়া সহ।
এতে ধাবন্তি সগণাঃ সংশপ্তকমহারথাঃ॥ 8-51-84 (57570)
`দুর্জয়া হ্যেব সমরে দেবৈরপি সবাসবৈঃ'।
অপারয়ন্তো মদ্বাণান্সিংহশব্দং মৃগা ইব॥ 8-51-85 (57571)
দীর্যতে চ মহৎসৈন্যং সৃঞ্জয়ানাং মহারণে।
`কুরবশ্চাভিধাবন্তি ভীমসেনভয়ার্দিতাঃ'॥ 8-51-86 (57572)
হস্তিকক্ষ্যো হ্যসৌ কৃষ্ণ কেতুঃ কর্ণস্য ধীমতঃ।
দৃশ্যতে রাজসৈন্যস্য মধ্যে বিচরতো মুহুঃ॥ 8-51-87 (57573)
ন চ কর্ণং রণে শক্তা জেতুমেতে মহারথাঃ।
জানীতে হি ভবান্কর্ণং বীর্যবন্তং পরাক্রমে॥ 8-51-88 (57574)
তত্র যাহি যতঃ কর্ণো দ্রাবয়ত্যেষ নো বলম্।
ত্রিগর্তান্বর্জয়ন্যাহি সূতপুত্রং মহারথম্।
এতন্মে রোচতে কৃষ্ণ যথা বা তব রোচতে॥ 8-51-89 (57575)
এতচ্ছ্রুৎবা বচস্তস্য গোবিন্দঃ প্রহসন্নিব।
অব্রবীদর্জুনং তূর্ণং কৌরবান্যাহি পাণ্ডব॥ 8-51-90 (57576)
ততস্তব মহাসৈন্যং গোবিন্দপ্রেরিতা হয়াঃ।
হংসবর্ণা বিশংস্তূর্ণং বহন্তোঽর্জুনমাহবে॥ 8-51-91 (57577)
কেশবপ্রেরিতৈরশ্বৈঃ শ্বেতৈঃ কাঞ্চনভূষণৈঃ।
প্রবিশদ্ভিস্তব বলং চতুর্দিশমদীর্যত॥ 8-51-92 (57578)
মেঘস্তনিতনির্হাদঃ স রথো বানরধ্বজঃ।
চলৎপতাকস্তাং সেনাং বিমানং দ্যামিবাবিশৎ॥ 8-51-93 (57579)
তৌ বিদার্য মহাসেনাং প্রবিষ্টৌ কেশবার্জুনো।
ক্রুদ্ধৌ সংরম্ভরক্তাক্ষৌ বিভ্রাজেতাং মহাদ্যুতী॥ 8-51-94 (57580)
যুদ্ধশৌণ্ডৌ সমাহূতাবাগতৌ তৌ রণাধ্বরম্।
যজ্বভির্বিধিনা হূতৌ মখং দেবাবিবাশ্বিনৌ॥ 8-51-95 (57581)
`ক্রোধতাম্রেক্ষণৌ শূরৌ শুশুভাতে মহাবলৌ।
মদোৎকটৌ যথা নাগৌ দৃষ্টিসঞ্চারচারিণৌ'॥ 8-51-96 (57582)
ক্রুদ্ধৌ তৌ তু নরব্যাঘ্রো যোগবন্তৌ বভূবতুঃ।
তলশব্দেন রুষিতৌ মহানাগাবিবোৎকটৌ॥ 8-51-97 (57583)
বিগাহ্য তু রথানীকমশ্বসঙ্ঘাংশ্চ ফল্গুনঃ।
ব্যচরৎপৃতনামধ্যে পাশহস্ত ইবানৎকঃ॥ 8-51-98 (57584)
তং দৃষ্ট্বা যুধি বিক্রান্তং সেনায়াং তব ভারত।
সংশপ্তকগণান্ভূয়ঃ পুত্রস্তে সমচূচুদৎ॥ 8-51-99 (57585)
ততো রথসহস্রেণ দ্বিরদানাং ত্রিভিঃ শতৈঃ।
চতুর্দশসহস্রৈস্তু তুরগাণাং মহাহবে।
দ্বাভ্যাং শতসহস্রাভ্যাং পদাতীনাং চ ধন্বিনাম্॥ 8-51-100 (57586)
শূরাণাং লব্ধলক্ষাণাং বিদিতানাং সমন্ততঃ।
অভ্যবর্তন্ত কৌন্তেয়ং ছাদয়ন্তো মহারথাঃ॥ 8-51-100 (57587)
শরবর্ষৈর্মহারাজ সর্বতঃ পাণ্ডুনন্দনম্।
স চ্ছাদ্যমানঃ সমরে শরৈঃ পরবলার্দনঃ॥ 8-51-101 (57588)
দর্শয়ন্রৌদ্রমাত্মানং পাশহস্ত ইবান্তকঃ।
নিঘ্নন্সংশপ্তকান্পার্থঃ প্রেক্ষণীয়তরোঽভবৎ॥ 8-51-102 (57589)
ততো বিদ্যুৎপ্রভৈর্বাণৈঃ কার্তস্বরবিভূষিতৈঃ।
নিরন্তরমিবাকাশমাসীচ্ছন্নং কিরীটিনা॥ 8-51-103 (57590)
কিরীটিচাপনির্মুক্তৈঃ সম্পতদ্ভির্মহাশরৈঃ।
সমাচ্ছন্নং বভৌ সর্বং কাদ্রবেয়ৈরিব প্রভো॥ 8-51-104 (57591)
রুক্মপুঙ্খাঞ্শরান্ঘোরান্প্রসন্নান্নতপর্বণঃ।
অবাসৃজদমেয়াত্মা দিক্ষু সর্বাসু পাণ্ডবঃ॥ 8-51-105 (57592)
মহী বিয়দ্দিশঃ সর্বাঃ সমুদ্রা গিরয়োঽপি বা।
স্ফুটন্তীতি জনা জজ্ঞুঃ পার্থস্য তলনিঃস্বনাৎ॥ 8-51-106 (57593)
হৎবা দশসহস্রাণি পার্থিবানাং মহারথঃ।
সংশপ্তকানাং কৌন্তেয়ঃ প্রপক্ষং ৎবরিতোভ্যযাৎ॥ 8-51-107 (57594)
প্রপক্ষং চ সমাসাদ্য পার্থঃ কাম্ভোজরক্ষিতম্।
প্রমমাথ বলং ভল্লৈর্দানবানিব বাসবঃ॥ 8-51-108 (57595)
প্রচিচ্ছেদাশু ভল্লেন দ্বিষতামাততায়িনাম্।
শস্ত্রপাণীংস্তথা বাহূংস্তথাপি চ শিরাংস্যুত॥ 8-51-109 (57596)
অঙ্গাংঙ্গাবয়বৈশ্ছিন্নৈর্ব্যায়ুধাস্তেঽপতন্ভুবি।
বিষ্বগ্বাতাভিসম্ভগ্না বহুশাখা ইব দ্রুমাঃ॥ 8-51-110 (57597)
হস্ত্যশ্বরথপত্তীনাং ব্রাতান্নিঘ্নন্তমর্জুনম্।
সুদক্ষিণাদবরজঃ শরবৃষ্ট্যাভ্যবীবৃষৎ॥ 8-51-112 (57598)
তস্যাস্যতোঽর্ধচন্দ্রাভ্যাং স বাহূ পরিঘোপমৌ।
পূর্ণচন্দ্রাভবক্ত্রং চ ক্ষুরেণাপাহরচ্ছিরঃ॥ 8-51-113 (57599)
তৎপপাত ততো বেগাৎস্বলোহিতপরিষ্কৃতম্।
মনঃ শিলাগিরেঃ শৃঙ্গং ব্জ্রেণেবাবদারিতম্॥ 8-51-114 (57600)
সুদক্ষিণাদবরজং কাম্ভোজা দদৃশুর্হতম্।
প্রাংশুং কমলপত্রাক্ষমত্যর্থং প্রিয়দর্শনম্।
কাঞ্চনস্তম্ভসদৃশং ভিন্নং হেমগিরিং যথা॥ 8-51-115 (57601)
ততোঽভবৎপুনর্যুদ্ধং ঘোরমত্যর্থমদ্ভুতম্।
নানাবস্থাশ্চ যোধানাং বভূবুস্তত্র যুধ্যতাম্॥ 8-51-116 (57602)
পার্থেষুনিহতৈরশ্বৈঃ কাম্ভোজৈর্যবনৈঃ শকৈঃ।
শোণিতাক্তৈস্তদা রক্তং সর্বামাসীদ্বিশাং পতে॥ 8-51-117 (57603)
রথৈর্হতাশ্বসূতৈশ্চ হতারোহৈশ্চ বাজিভিঃ।
দ্বিরদৈশ্চ হতারোহৈর্মহামাত্রৈর্হতদ্বিপৈঃ॥ 8-51-118 (57604)
অন্যোন্যেন মহারাজ বিনাশঃ পৃথিবীক্ষিতাম্।
আসীৎক্রুদ্বেঽর্জুনে কর্ণে ভীমসেনে চ দারুণম্॥ 8-51-119 (57605)
তস্পিন্প্রপক্ষে পক্ষে চ বধ্যমানে মদোৎকটঃ।
অর্জুনং জয়তাং শ্রেষ্ঠং ৎবরিতো দ্রৌণিরভ্যযাৎ॥ 8-51-120 (57606)
বিধুন্বানো মহচ্চাপং কার্তস্বরবিভূষিতম্।
আদদানঃ শরান্ঘোরান্স্বরশ্মীনিব ভাস্করঃ॥ 8-51-121 (57607)
তয়োরাসীন্মহদ্যুদ্ধং ধর্মভ্রাত্রোরনৈষ্ঠিকম্।
বিস্মাপয়িষতোর্লোকং যশশ্চোত্তমমিচ্ছতোঃ॥ 8-51-122 (57608)
সংশপ্তকাংস্তু কৌন্তেয়ঃ কুরূংশ্চাপি বৃকোদরঃ।
সূতপুত্রস্তু পাঞ্চালাংস্ত্রয়োঽঘ্নংস্ৎবরিতাঃ শরৈঃ॥ 8-51-123 (57609)
এবমেষ মহারাজ বিনাশঃ পৃথিবীক্ষিতাম্।
যুদ্বং ঘোরং তথা ৎবাসীত্ত্রিধাভূতে চমূমুখে॥ ॥ 8-51-124 (57610)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে একপঞ্চাশোঽধ্যায়ঃ॥ 51 ॥ *.এতদনন্তরং ঝ.পুস্তকে বিদ্যমানা কথা অস্মিন্পাঠে---57--58 তমাধ্যায়যোর্বর্ততে।
॥ শ্রীঃ ॥
8.52. অধ্যায়ঃ 052
Mahabharata - Karna Parva - Chapter Topics
সংশপ্তকৈর্যুধ্যমানস্য পার্থস্যাশ্বত্থাম্নাঽঽহ্নানম্॥ 1 ॥ তয়োর্যুদ্ধম্॥ 2 ॥
Mahabharata - Karna Parva - Chapter Text
8-52-0 (57611)
ধৃতরাষ্ট্র উবাচ। 8-52-0x (4970)
কথং সংশপ্তকৈঃ সার্ধমর্জুনস্যাভবদ্রণঃ।
সূতপুত্রস্য পাঞ্চালৈঃ কথং যুদ্ধং প্রবর্তিতম্॥ 8-52-1 (57612)
অশ্বত্থাম্নস্তু যদ্যুদ্ধমর্জুনস্য চ সঞ্জয়।
অন্যেষাং চ মদীয়ানাং পাণ্ডবৈস্তদ্ব্রবীহি মে॥ 8-52-2 (57613)
সঞ্জয় উবাচ। 8-52-3x (4971)
শৃণু রাজন্যথাবৃত্তং সঙ্গ্রামং ব্রুবতো মম।
বীরাণাং শত্রুভিঃ সার্ধং দেহপাপ্মবিনাশনম্॥ 8-52-3 (57614)
পার্থঃ সংশপ্তকবলং প্রবিশ্যার্ণবসন্নিভম্।
ব্যক্ষোভয়দমিত্রঘ্নো মহাবাত ইবার্ণবম্॥ 8-52-4 (57615)
পূর্ণচন্দ্রাভবক্রাণি স্বক্ষিভ্রূদশনানি চ।
শিরাংস্যুন্মথ্য বীরাণাং শিতৈর্ভল্লৈর্ধনঞ্জয়ঃ।
সন্তস্তার ক্ষিতিং ক্ষিপ্রং বিনালৈর্নলিনৈরিব॥ 8-52-5 (57616)
সুবৃত্তানায়তান্পুষ্টাংশ্চন্দনাগুরুভূষিতান্।
সায়ুধান্সতলত্রাংশ্চ পঞ্চাস্যোরগসন্নিভান্।
বাহূন্ক্ষুরৈরমিত্রাণাং চিচ্ছেদ সমরেঽর্জুনঃ॥ 8-52-6 (57617)
ধুর্যান্ধুর্যোতরান্সূতান্ধ্বজাংশ্চাপানি সায়কান্।
পাণীন্নিতান্তনিশিতৈর্ভল্লৈশ্চিচ্ছেদ পাণ্ডবঃ॥ 8-52-7 (57618)
রথান্দ্বিপান্হয়াংশ্চৈব সারোহানর্জুনো যুধি।
শরৈরনেকসাহস্রৈর্নিন্যে রাজন্যমক্ষয়ম্॥ 8-52-8 (57619)
তং প্রবীরাঃ সুসংরব্ধা নর্দমানা ইবর্ষভাঃ।
বাসিতার্থমিব ক্রুদ্ধমভিদ্রুত্য মহোৎকটাঃ।
নিঘ্ন্তমভিজঘ্নুস্তে শরৈঃ শৃঙ্গৈরিবর্ষভাঃ॥ 8-52-9 (57620)
তস্য তেষাং চ তদ্যুদ্বমভবদ্রোমহর্ষণম্।
ত্রৈলোক্যবিজয়ে যদ্বদ্দৈত্যানাং সহ বজ্রিণা॥ 8-52-10 (57621)
অস্ত্রৈস্ত্রাণি সংবার্য দ্বিষতাং সর্বতোঽর্জুনঃ।
ইষুভির্বহুভিস্তূর্ণং বিদ্ব্বা প্রাণাঞ্জহার সঃ॥ 8-52-11 (57622)
ছিন্নত্রিবেণুচক্রাক্ষান্হতয়োধান্সসারথীন্।
বিধ্বস্তায়ুধতূণীরান্সমুন্মথিতকেতনান্॥ 8-52-12 (57623)
সঞ্ছিন্নয়োক্ররশ্মীষান্বিত্রিবেণূন্বিকূবরান্।
বিস্রস্তবন্ধুরয়ুগান্বিস্রস্তাক্ষপ্রমণ্ডলান্॥ 8-52-13 (57624)
রথান্বিশকলীকুর্বন্মহাভ্রাণীব মারুতঃ॥ 8-52-14 (57625)
বিস্মাপকং প্রেক্ষকাণাং দ্বিষতাং ভয়বর্ধনম্।
মহারথসহস্রস্য সমং কর্মাকরোজ্জয়ঃ॥ 8-52-15 (57626)
সিদ্ধদেবর্ষিসঙ্ঘাশ্চ চারণাশ্চাপি তুষ্টুবুঃ॥ 8-52-16 (57627)
দেবদুন্দুভয়ো নেদুঃ পুষ্পবর্ষাণি চাপতন্।
কেশবার্জুনয়োর্মূর্ধ্নি প্রাহ বাক্বাশরীরিণী॥ 8-52-17 (57628)
চন্দ্রাগ্ন্যনিলসূর্যাণাং কান্তিদীপ্তিবলদ্যুতীঃ।
যৌ সদা বিভ্রতুর্বীরাবিমৌ তৌ কেশবার্জুনৌ॥ 8-52-18 (57629)
ব্রহ্মেশানাবিব পুরা বীরাবেকরথে স্থিতৌ।
সর্বভূতবরৌ বীরৌ নরনারায়ণাবিমৌ॥ 8-52-19 (57630)
ইত্যেতন্মহদাশ্চর্যং দৃষ্ট্বা শ্রুৎবা চ ভারত।
অশ্বত্থামা সুসঙ্ক্রুদ্ধঃ কৃষ্ণাবভ্যদ্রবদ্রণে॥ 8-52-20 (57631)
অথ পাণ্ডবমস্যন্তমমিত্রান্তকরাঞ্ছরান্।
সেষুণা পাণিনাঽঽহূয় প্রহসন্দ্রৌণিরব্রবীৎ॥ 8-52-21 (57632)
যদি মাং মন্যসে বীর প্রাপ্তমর্হমিহাতিথিম্।
ততঃ সর্বাত্মনা ৎবদ্য যুদ্বাতিথ্যং প্রয়চ্ছ মে॥ 8-52-22 (57633)
এবমাচার্যপুত্রেণ সমাহূতো যুয়ুৎসয়া।
বহুমেনেঽর্জুনোঽঽত্মানমিতি চাহ জনার্দনম্॥ 8-52-23 (57634)
সংশপ্তকাশ্চ মে বধ্যা দ্রৌণিরাহ্বয়তে চ মাম্।
যদত্রানন্তরং প্রাপ্তং শংস মে তদ্বি মাধব॥ 8-52-24 (57635)
আতিথ্যকর্মাভ্যুত্থায় দীয়তাং যদি মন্যসে।
এবমুক্তোঽবহৎপার্থং কৃষ্ণোদ্রোণাত্মজান্তিকে॥ 8-52-25 (57636)
শৈক্ষ্যেণ বিধিনাঽঽহূতং বায়ুরিন্দ্রমিবাধ্বরে।
তমামন্ত্র্যৈকমনসং কেশবো দ্রৌণিমব্রবীৎ॥ 8-52-26 (57637)
অশ্বত্থামন্স্থিরো ভূৎবা প্রহরাশু সহস্ব চ।
নির্বেষ্টুং ভর্তৃপিণ্ডং হি কালোঽয়মুপজীবিনাম্॥ 8-52-27 (57638)
সূক্ষ্মো বিবাদো বিপ্রাণাং সূক্ষ্মৌ ক্ষাস্ত্রৌ জয়াজয়ৌ॥ 8-52-28 (57639)
নহি সংক্ষমসে মোহাদ্দিব্যাং পার্থস্য সৎক্রিয়াম্।
সমাপ্তিমিচ্ছন্যুধ্যস্ব স্যিরো ভূৎবাঽদ্য পাণ্ডবং॥ 8-52-29 (57640)
ইত্যুক্তো বাসুদেবেন তথেত্যুক্ৎবা দ্বিজোত্তমঃ।
বিব্যাধ কেশবং ষষ্ট্যা নারাচৈরর্জুনং ত্রিভিঃ॥ 8-52-30 (57641)
তস্যার্জুনঃ সুসঙ্ক্রুদ্ধস্ত্রিভির্বাণৈঃ শরাসনম্।
চিচ্ছেদাথান্যদাদত্ত দ্রৌণির্ঘোরতরং ধনুঃ॥ 8-52-31 (57642)
সজ্যং কৃৎবা নিমেষাচ্চ বিব্যাধার্জুনকেশবৌ।
ত্রিভিঃ শতৈর্বাসুদেবং সহস্রেণ চ পাণ্ডবম্॥ 8-52-32 (57643)
ততঃ শরসহস্রাণি প্রয়ুতান্যর্বুদানি চ।
সসৃজে দ্রৌণিরায়স্তঃ স্তম্ভয়ামাস চার্জুনম্॥ 8-52-33 (57644)
ইষুধের্ধনুষো জ্যায়াস্ৎবঙ্গুলিভ্যশ্চ মারিষ।
বাহ্বোঃ করাভ্যামুরসো বদনাদ্ব্রাণনেত্রতঃ॥ 8-52-34 (57645)
কর্ণাভ্যাং শিরসোঽঙ্গেভ্যো লোমবর্মভ্য এব চ।
রথধ্বজাভ্যাং চ শরা নিষ্পেতুর্ব্রহ্মবাদিনঃ॥ 8-52-35 (57646)
শরজালেন মহতা বদ্ধ্বা মাধবপাণ্ডবৌ।
ননাদ সুদিতো দ্রৌণির্মহামেঘৌঘনিঃস্বনম্॥ 8-52-36 (57647)
`তৈঃ পতদ্ভির্মহারাজ দ্রৌণিমুক্তৈঃ সমন্ততঃ।
সঞ্ছাদিতৌ রথস্থৌ তাবুভৌ কৃষ্ণধনঞ্জয়ৌ॥ 8-52-37 (57648)
দতঃ শরxxxxxxক্ষ্ণৈর্ভারদ্বাজঃ প্রতাপবান্।
নিxxxxxচক্রে রথে মাধবপাণ্ডবৌ॥ 8-52-38 (57649)
xxxxজঙ্গমং স্থাবরং তথা।
চরাচরসা মোপ্তারৌ দৃষ্ট্বা সঞ্ছাদিতৌ শরৈঃ॥ 8-52-39 (57650)
সিদ্ধচারxxxxxশ্চ সংপেতুর্শৈ সমন্ততঃ।
অপি xxxxxxxx লোকানামিতি চাব্রুবন্॥ 8-52-40 (57651)
ন ময়া xxxxxxxxxx রাজন্দৃষ্টপৃর্বঃ পরাকমঃ।
xxxxxxxxxxxx কৃষ্ণো ছাদয়তো রণে॥ 8-52-41 (57652)
xxxxxxxxxxxশব্দং রথানাং ত্রাসনং রণে।
xxxxxxxxxx রাজন্সিংহস্য নদতো যথা॥ 8-52-42 (57653)
চরতো যুদ্ধে সব্যং দক্ষিণমস্যতঃ।
বিদ্যুদম্ভোধরস্যেব ভ্রাজমানা ব্যদৃশ্যত॥ 8-52-43 (57654)
স তদা ক্ষিপ্রকারী চ দৃঢহস্তশ্চ পাণ্ডবঃ।
প্রমোহং পরমং গৎবা প্রেক্ষন্নাস্তে ধনঞ্জয়ঃ॥ 8-52-44 (57655)
বিক্রমং চরতো যুদ্ধে সব্যং দক্ষিণমস্যতঃ।
বিক্রমং চ হৃতং মেনে আত্মনস্তেন সংয়ুগে॥ 8-52-45 (57656)
অথাস্য সমরে রাজন্বপুরাসীৎসুদুর্দৃশম্।
দ্রৌণেস্তৎকুর্বতঃ কর্ম যাদৃগ্রূপং পিনাকিনঃ॥ 8-52-46 (57657)
বর্ধমানে ততস্তত্র দ্রোণপুত্রে বিশাম্পতে।
হীয়মানে চ কৌন্তেয়ে কৃষ্ণং রোষঃ সমাবিশৎ॥ 8-52-47 (57658)
স রোষান্নিশ্বসন্রাজন্নির্দহন্নিব চক্ষুষা।
দ্রৌণিং দদর্শ সঙ্গ্রামে ফল্গুনং চ মুহুর্মুহুঃ॥ 8-52-48 (57659)
ততঃ কৃষ্ণোঽব্রবীৎক্রুদ্ধঃ পার্থং সপ্রণয়ং বচঃ॥ 8-52-49 (57660)
অত্যদ্ভুততমিদং পার্থ ৎবয়ি পশ্যামি সংয়ুগে।
যত্ৎবাং বিশেষয়ত্যাজৌ দ্রোণপুত্রোঽদ্য ভারত॥ 8-52-50 (57661)
কচ্চিত্তে গাণ্ডিবং হস্তে মুষ্টির্বা ন ব্যশীর্যত।
কচ্চিদ্বীর্যং যথাপূর্বং ভুজয়োর্বা বলং তব॥ 8-52-51 (57662)
উদীর্যমাণং হি রণে পশ্যামি দ্রৌণিমাহবে।
গুরুপুত্র ইতি হ্যেনং মানয়ন্পাণ্ডবর্ষভ।
উপেক্ষাং মা কৃথাঃ পার্থ নায়ং কাল উপেক্ষিতুম্'॥ 8-52-52 (57663)
অর্জুন উবাচ। 8-52-53x (4972)
পশ্য মাধব দৌরাত্ম্যং গুরুপুত্রস্য মাং প্রতি।
বধং প্রাপ্তৌ মন্যতে নৌ প্রাবেশ্য শবরেশ্মনি।
এষোস্মি হন্মি সঙ্কল্পং শিক্ষয়া চ বলেন চ॥ 8-52-53 (57664)
`এবমুক্ৎবাঽস্য চিচ্ছেদ ভল্লৈঃ কর্মারমার্জিতৈঃ।
ধনুশ্ছত্রং পতাকাং চ রথশক্তিং গদাং বরাম্'॥ 8-52-54 (57665)
অশ্বত্থাম্নঃ শরানস্তাঞ্ছিত্ৎবৈকৈকং ত্রিধা ত্রিধা।
ব্যধমদ্ভরতশ্রেষ্ঠো নীহারমিব মারুতঃ॥ 8-52-55 (57666)
ততঃ সংশপ্তকান্ভূয়ঃ সাশ্বসূতরথদ্বিপান্।
ধ্বজপত্তিগণানুর্গ্রৈর্বাণৈর্বিব্যাধ পাণ্ডবঃ॥ 8-52-56 (57667)
যে যে দদৃশিরে তত্র যদ্যদ্রূপাস্তদা জনাঃ।
তে তে তত্র শরৈর্ব্যাপ্তং মেনিরেঽঽত্মানমাত্মনা॥ 8-52-57 (57668)
তে গাণ্ডীবপ্রমুক্তাস্তু নানারূপাঃ পতত্রিণঃ।
ক্রোশে সাগ্রে স্থিতাঞ্জঘ্নুর্দ্বিপাংশ্চ পুরুষান্রণে॥ 8-52-58 (57669)
ভল্লৈশ্ছিন্নাঃ করাঃ পেতুঃ করিণাং মদবর্ষিণাম্।
যথা বনে পরশুভির্নিকৃত্তাঃ শাল্মলিদ্রুমাঃ॥ 8-52-59 (57670)
পশ্চাত্তু শৈলবৎপতুস্তে গজাঃ সহ সাদিভিঃ।
বজ্রিবজ্রাবমথিতা যথৈবাদ্রিচয়াস্তথা॥ 8-52-60 (57671)
গন্ধর্বনগরাকারান্রথাংশ্চৈব সুকল্পিতান্।
বিনীতৈর্জবনৈর্যুক্তানাস্থিতান্যুদ্বদুর্মদৈঃ॥ 8-52-61 (57672)
শরৈর্বিশকলীকুর্বন্নমিত্রানভ্যবীবৃষৎ।
স্বলঙ্কৃতানশ্বসাদীন্পত্তীংশ্চাহন্ধনঞ্জয়ঃ॥ 8-52-62 (57673)
ধনঞ্জয়যুগান্তার্কঃ সংশপ্তকমহার্ণবম্।
ব্যশোষয়ত দুঃশোষং তীক্ষ্ণৈঃ শরগভস্তিভিঃ॥ 8-52-63 (57674)
পুনর্দ্রৌণিমহাশৈলং নারাচৈর্বজ্রসন্নিভৈঃ।
নির্বিভেদ মহাবেগৈস্ৎবরন্বজ্রীব পর্বতম্॥ 8-52-64 (57675)
তমাচার্যসুতঃ ক্রুদ্ধঃ সাশ্বয়ন্তারমাশুগৈঃ।
যুয়ুৎসুরাগমদ্যোদ্ধুং পার্থস্তানচ্ছিনচ্ছরান্॥ 8-52-65 (57676)
ততঃ পরমসঙ্ক্রুদ্ধঃ কাণ্ডকোশমবাসৃজৎ।
অশ্বত্থামাভিরূপায় গৃহানতিথয়ে যথা॥ 8-52-66 (57677)
অথ সংশপ্তকাংস্ত্যক্ৎবা পাণ্ডবো দ্রৌণিমভ্যযাৎ।
অপাঙ্ক্তেয়ানিব ত্যক্ৎবা দাতা পাঙ্ক্তেয়মর্থিনম্॥ 8-52-67 (57678)
`স্থিতাঃ সংশপ্তকা রাজন্দৃষ্ট্বা যুদ্বং মহাত্মনোঃ'॥ ॥ 8-52-68 (57679)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে দ্বিপঞ্চাশোঽধ্যায়ঃ॥ 52 ॥
Mahabharata - Karna Parva - Chapter Footnotes
॥ শ্রীঃ ॥
8.53. অধ্যায়ঃ 053
Mahabharata - Karna Parva - Chapter Topics
অর্জুনেনাশ্বত্থামপরাজয়ঃ॥ 1 ॥
Mahabharata - Karna Parva - Chapter Text
8-53-0 (57680)
সঞ্জয় উবাচ। 8-53-0x (4973)
ততঃ সমভবদ্যুদ্ধং শুক্রাঙ্গিরসবর্চসোঃ।
নক্ষত্রমভিতো ব্যোম্নি শুক্রাঙ্গিরসয়োরিব॥ 8-53-1 (57681)
সন্তাপয়ন্তাবন্যোন্যং দীপ্তৈঃ শরগভস্তিভিঃ।
লোকত্রাসকরাবাস্তাং বিমার্গস্থৌ গ্রহাবিব॥ 8-53-2 (57682)
ততোঽবিধ্যদ্ধুবোর্মধ্যে নারাচৈরর্জুনো ভৃশম্।
স তেন বিবভৌ দ্রৌণিরূর্ধ্বরশ্মির্যথা রবিঃ॥ 8-53-3 (57683)
অথ কৃষ্ণৌ শরশতৈরশ্বত্থাম্নাঽর্দিতৌ ভৃশম্।
স্বরশ্মিজালবিকচৌ যুগান্তার্কাবিবাসুতঃ॥ 8-53-4 (57684)
ততোঽর্জুনঃ সর্বতোধারমস্ত্র--
মবাসৃজদ্বাসুদেবেঽভিভূতে।
দ্রৌণায়নিশ্চাভ্যহনৎপৃষৎকৈ--
র্বজ্রাগ্নিবৈবস্বতদণ্ডকল্পৈঃ॥ 8-53-5 (57685)
স কেশবং চার্জুনং চাতিতেজা
বিব্যাধ মর্মস্বতিরৌদ্রকর্মা।
বাণৈঃ সুমুক্তৈরতিতীব্রবেগৈ--
র্যৈরাহতো মৃত্যুরপি ব্যথেত॥ 8-53-6 (57686)
দ্রৌণেরিষূনিষুভিঃ সন্নিবার্য
ব্যায়চ্ছতস্তদ্দ্বিগুণৈঃ সুপুঙ্খৈঃ।
তং সাশ্বসূতধ্বজমেকবীর--
মাবৃত্য সংশপ্তকসৈন্যমার্চ্ছৎ॥ 8-53-7 (57687)
ধনূংষি বাণানিষুধীর্ধনুর্জ্যাঃ
পাণীন্ভুজান্পাণিগতং চ শস্ত্রম্।
ছত্রাণি কেতূংস্তুরগান্রথেষাং
বস্ত্রাণি মাল্যান্যথা ভূষণানি॥ 8-53-8 (57688)
চর্মাণি বর্মাণি মনোরমাণি
প্রসহ্য চৈষাং স শিরাংসি চৈব।
স্রিচ্ছেদ পার্থো দ্বিষতাং সুমুক্তৈ--
র্বাণৈঃ স্থিতানামপরাঙ্মুখানাম্॥ 8-53-9 (57689)
সুকল্পিতাঃ স্মন্দনবাজিনাগাঃ
সমাস্থিতাঃ কৃতয়ত্নৈর্নৃবীরৈঃ।
পার্থেরিতৈর্বাণশতৈর্নিরস্তা--
স্তৈরেব সার্ধং নৃবরৈর্বিনেশুঃ॥ 8-53-10 (57690)
পদ্মার্কপূর্ণেন্দুনিভাননানি
কিরীটমাল্যাভরণোজ্জ্বলানি।
ভল্লার্ধচন্দ্রক্ষুরসন্নিকৃত্তা--
ন্যপাতয়চ্ছত্রুশিরাংস্যজস্রম্॥ 8-53-11 (57691)
অথ দ্বিপৈর্দৈত্যরিপুদ্বিপাভৈ--
র্দেবারিকল্পা বলমন্যুকল্পৈঃ।
কলিঙ্গবঙ্গাঙ্গনিষাদবীরা
জিঘাংসবঃ পাণ্ডবমভ্যধাবন্॥ 8-53-12 (57692)
তেষাং দ্বিপানাং নিচকর্ত পার্থো
বর্মাণি চর্মাণি করান্নিয়ন্তৄন্।
ধ্বজাঃ পতাকাশ্চ ততঃ প্রপেতু--
র্বজ্রাহতানীব গিরেঃ শিরাংসি॥ 8-53-13 (57693)
তেষু প্রভগ্নেষু গুরোস্তনূজং
বাণৈঃ কিরীটি নবসূর্যবর্ণৈঃ।
প্রচ্ছাদয়ামাস মহাভ্রজালৈ--
র্বায়ুঃ সমুদ্যন্তমিবাংশুমন্তম্॥ 8-53-14 (57694)
ততোঽর্জুনেষূনিষুভির্নিরস্য
দ্রৌণিঃ শিতৈরর্জুনবাসুদেবৌ।
প্রচ্ছাদয়িৎবা দিবি চন্দ্রসূর্যৌ
ননাদ সোঽম্ভোদ ইবাতপান্তে॥ 8-53-15 (57695)
তমর্জুনস্তাংশ্চ পুনস্ৎবদীয়া--
নভ্যর্দিতস্তৈরভিসৃত্য শস্ত্রৈঃ।
বাণান্ধকারং সহসৈব কৃত্ৎবা
বিব্যাধ পার্থো বরহেমপুঙ্খৈঃ॥ 8-53-16 (57696)
নাপ্যাদদৎসন্দধন্নৈব মুঞ্চ--
ন্বাণান্রথেঽদৃশ্যত সব্যসাচী।
রথাংশ্চ নাগাংস্তুরগান্পদাতীন্
সংস্যূতদেহান্দদৃশুর্হতাংশ্চ॥ 8-53-17 (57697)
সন্ধায় নারাচবরান্দশাশু
দ্রৌণিস্ৎবরন্নেকমিবোৎসসর্জ।
তেষাং চ পঞ্চার্জুনমভ্যবিধ্য--
ন্পঞ্চাচ্যুতং নির্বিভুদুঃ সুপুঙ্খাঃ॥ 8-53-18 (57698)
তৈরাহতৌ সর্বমনুষ্যমুখ্যা--
বসৃক্স্রবন্তৌ ধনদেন্দ্রকল্পৌ।
সমাপ্তবিদ্যেন তথাঽভিভূতৌ
হতৌ রণে তাবিতি মেনিরেঽন্যে॥ 8-53-19 (57699)
অথার্জুনং প্রাহ দশার্হনাথঃ
প্রমাদ্যসে কিং জহি যোধমেতম্।
কুর্যাদ্ধি দোষং সমুপেক্ষিতোঽয়ং
কষ্টো ভবেদ্ব্যাধিরিবাক্রিয়াবান্॥ 8-53-20 (57700)
তথেতি চোক্ৎবাঽচ্যুতমপ্রমাদী
দ্রৌণেঃ প্রহস্যাশু কিরীটমালী।
ভুজৌ বরৌ চন্দনসারদিগ্ধৌ
বক্ষঃ শিরোঽথাপ্রতিমৌ তথোরূ॥ 8-53-21 (57701)
গাণ্ডীবমুক্তৈঃ কুপিতাহিকল্পৈ--
দ্রৌণিং শরৈঃ সংয়তি নির্বিভেদ।
ছিত্ৎবা তু রশ্মীংস্তুরগানবিধ্য--
ত্তে তং রণাদূহুরতীব দূরম্॥ 8-53-22 (57702)
স তৈর্হৃতো বাতজবৈস্তুরঙ্গৈ-
র্দ্রৌণির্দৃঢং পার্থশরাভিভূতঃ।
আবৃত্য নৈব ব্যষহৎস যোদ্ধুং
পার্থেন সার্ধং মতিমান্বিমৃশ্য। 8-53-23 (57703)
জানঞ্জয়ং নিয়তং বৃষ্ণিবীরে
ধনঞ্জয়ে চাঙ্গিরসাং বরিষ্ঠঃ॥
বিবেশ কর্ণস্য বলং তরস্বী
ভগ্নোৎসাহঃ ক্ষীণবাণাস্ত্রয়োগঃ॥ 8-53-24 (57704)
প্রতীপকামে তু রণাদশ্বত্থাম্নি হৃতে হয়ৈঃ।
মন্ত্রৌষধিক্রিয়ায়োগৈর্ব্যাধৌ দেহাদিবাহৃতে॥ 8-53-25 (57705)
সংশপ্তকানভিমুখৌ প্রয়াতৌ কেশবার্জুনৌ।
বাতোদ্বূতপতাকেন স্যন্দনেনৌঘনাদিনা॥ ॥ 8-53-26 (57706)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে ত্রিপঞ্চাশোঽধ্যায়ঃ॥ 53 ॥
Mahabharata - Karna Parva - Chapter Footnotes
॥ শ্রীঃ ॥
8.54. অধ্যায়ঃ 054
Mahabharata - Karna Parva - Chapter Topics
অর্জুনেন দণ্ডদণ্ডধারয়োর্বধঃ॥ 1 ॥
Mahabharata - Karna Parva - Chapter Text
8-54-0 (57707)
সঞ্জয় উবাচ। 8-54-0x (4974)
অথোত্তরেণ পাণ্ডূনাং সেনায়াং ধ্বনিরুত্থিতঃ।
রথনাগাশ্বপত্তীনাং দণ্ডধারেণ বধ্যতাম্॥ 8-54-1 (57708)
নিবর্তয়িৎবা তু রথং কেশবোঽর্জুনমব্রবীৎ।
বাহয়ন্নেব তুরগান্গরুডানিলরংহসঃ॥ 8-54-2 (57709)
মাগধোঽসাবতিক্রান্তো দ্বিরদেন প্রমাথিনা।
ভগদত্তাদনবমঃ শিক্ষয়া চ বলেন চ॥ 8-54-3 (57710)
এনং হৎবা নিহন্তাঽসি পুনঃ সংশপ্তকানিতি।
বাক্যান্তে প্রাপয়ৎপার্থং দণ্ডধারগজং প্রতি॥ 8-54-4 (57711)
স মাগধানাং প্রবরো মহাবলোঽ--
শুভগ্রহো যোধগণৈঃ সমন্বিতঃ।
সপত্নসেনাং প্রমমাথ দারুণো
ভীমং সমগ্রাং বলবানিব গ্রহম্॥ 8-54-5 (57712)
সুকল্পিতং দানবনাগসন্নিভং
মহাভ্রনির্হাদসমস্বনং রণে।
সমাস্থিতো নাগবরং নরেশ্বরো
রথাশ্বমাতঙ্গনরপ্রমাথিনম্॥ 8-54-6 (57713)
স নাগয়ন্তৄন্সমরে মহারথা--
ন্সপত্তিসঙ্ঘাংস্তুরগান্সসাদিনঃ।
দ্বিপাংশ্চ বাণৈর্নিজঘান বীর্যবা--
ন্সমন্ততো ঘ্নন্নিব কালচক্রবৎ॥ 8-54-7 (57714)
নরাংস্তু কাংস্যায়সবর্মভূষণা--
ন্নিপাত্য সাশ্বানপি পত্তিভিঃ সহ।
ব্যপোথয়দ্দন্তিবরেণ শুষ্মিণা
সশব্দবৎস্থূলনলং যথা তথা॥ 8-54-8 (57715)
অথার্জুনো জ্যাতলনেমিনিঃস্বনে
মৃদঙ্গভেরীবহুশঙ্খনাদিতে।
রথাশ্বমাতঙ্গসহস্রনাদিতে
রথোত্তমেনাভ্যপতদ্দ্বিপোত্তমম্॥ 8-54-9 (57716)
ততোঽর্জুনং দ্বাদশভিঃ শরোত্তমৈ--
র্জনার্দনং ষোডশভিঃ সমার্পয়ৎ।
স দণ়্ডধারস্তুরগাংস্ত্রিভিস্ত্রিভি---
স্ততো ননাদ প্রজহাস চাসকৃৎ॥ 8-54-10 (57717)
ততোঽস্য পার্থঃ সগুণেষুকার্মুকং
চকর্ত ভল্লৈর্ধ্বজমপ্যলঙ্কৃতম্।
পুনর্নিয়ন্তৄন্সহপাদগোপ্তৃভি--
স্ততঃ স চুক্রোধ গিরিব্রজেশ্বরঃ॥ 8-54-11 (57718)
ততোঽর্জুনং ভিন্নকটেন দন্তিনা
ঘনাঘনেনানিলতুল্যরংহসা।
অতীব চুক্রোধয়িষুর্জনার্দনং
ঘনঞ্জয়ং চাভিজঘান তোমরৈঃ॥ 8-54-12 (57719)
অথাস্য বাহূ দ্বিপহস্তসন্নিভৌ
শিরশ্চ পূর্ণেন্দুনিভাননং ত্রিভিঃ।
ক্ষুরৈঃ প্রচিচ্ছেদ সহৈব পাণ্ডব--
স্ততো দ্বিপং বাণশতৈঃ সমর্পয়ৎ॥ 8-54-13 (57720)
স পার্থবাণৈস্তপনীয়ভূষণৈঃ
সমাবৃতঃ কাঞ্চনবর্মভৃদ্দ্বিপঃ।
ভৃশং চকাশে নিশি পর্বতো যথা
দাবাগ্নিনা প্রজ্বলিতৌষধিদ্রুমঃ॥ 8-54-14 (57721)
স বেদনার্তোঽম্বুদনিস্বনো নদং--
শ্চরন্ভ্রমন্প্রস্স্বলিতান্তরোঽদ্রবৎ।
পপাত রুগ্ণঃ সনিয়ন্তৃকস্তথা॥
যথা গিরির্বজ্রবিদারিতস্তথা॥ 8-54-15 (57722)
হিমাবদানেন সুবর্ণমালিনা
হিমাদ্রিকূটপ্রতিমেন দন্তিনা।
হতে রণে ভ্রাতরি দণ্ড আব্রজ--
জ্জিঘাংসুরিন্দ্রাবরজং ধনঞ্জয়ম্॥ 8-54-16 (57723)
সতোমরৈরর্করপ্রভৈস্ত্রিভি--
র্জনার্দনং পঞ্চভিরর্জুনং শিতৈঃ।
সমর্পয়িৎবা বিননাদ চার্দয়ং--
স্ততোঽস্য বাহূ নিচকর্ত পাণ্ডবঃ॥ 8-54-17 (57724)
ক্ষুরপ্রকৃত্তৌ বিপুলৌ সতোমরৌ
শুভাঙ্গদৌ চন্দনরূষিতৌ ভুজৌ।
গজাৎপতন্তৌ যুগপদ্বিরেজতু--
র্যথোরগৌ পর্বতশৃঙ্গবন্মহীম্॥ 8-54-18 (57725)
অথাঽর্ধচন্দ্রেণ হতং কিরীটিনা
পপাত দণ্ডস্য শিরঃ ক্ষিতিং দ্বিপাৎ।
স শোণিতার্দ্রো নিপতন্বিরেজে
দিবাকরোঽস্তাদিব পশ্চিমাং দিশম্॥ 8-54-19 (57726)
অথ দ্বিপং শ্বেতনগাগ্রসন্নিভং
দিবাকরাংশুপ্রতিমৈঃ শরোত্তমৈঃ।
বিভেদ পার্থঃ স পপাত নাদয়ন্
হিমাদ্রিকূটং কুলিশাহতং যথা॥ 8-54-20 (57727)
ততোঽপরং তৎপ্রতিমা গজোত্তমা
জিগীষবঃ সংয়তি সব্যসাচিনা।
তথা কৃতাস্তেঽপি যথৈব তৌ দ্বিপৌ
ততঃ প্রভগ্নং সুমহদ্রিপোর্বলম্॥ 8-54-21 (57728)
গজা রথাশ্বাঃ পুরুষাশ্চ সঙ্ঘশঃ
পরস্পরঘ্নাঃ পরিপেতুরাহবে।
পরস্পরং প্রস্খলিতাঃ সমাহতা
ভৃশং চ তত্তদ্বহুভাষিণো হতাঃ॥ 8-54-22 (57729)
অথার্জুনং স্বে পরিবার্য সৈনিকাঃ
পুরন্দরং দেবগণা ইবাব্রুবন্।
অভৈষ্ম যস্মান্মরণাদিব প্রজাঃ
স বীর দিষ্ট্যা নিহতস্ৎবয়া রিপুঃ॥ 8-54-23 (57730)
ন চেৎপরিত্রাস্যদিমাঞ্জনান্ভয়া--
দ্দ্বিষদ্ভিরেবং বলিভিঃ প্রপীডিতান্।
তথাঽভবিষ্যদ্দ্বিষতাং প্রমোদনং
যথা হতেষ্বেষ্বিহ নোঽরিসূদন॥ 8-54-24 (57731)
ইতীব ভূয়শ্চ সুহৃদ্ভিরীডিতা
নিশম্য বাচঃ সুমনাস্তদাঽর্জুনঃ।
যথাঽনুরূপং প্রতিপূজ্য তং জনং
জগাম সংশপ্তকসঙ্ঘহা পুনঃ॥ ॥ 8-54-25 (57732)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে চতুঃপঞ্চাশোঽধ্যায়ঃ॥ 54 ॥
Mahabharata - Karna Parva - Chapter Footnotes
॥ শ্রীঃ ॥
8.55. অধ্যায়ঃ 055
Mahabharata - Karna Parva - Chapter Topics
অর্জুনেন সংশপ্তকানাং বধঃ॥ 1 ॥
Mahabharata - Karna Parva - Chapter Text
8-55-0 (57733)
সঞ্জয় উবাচ। 8-55-0x (4975)
প্রত্যেত্যাথ পুনর্জিষ্ণুর্জিৎবা সংশপ্তকান্বভৌ।
বক্রানুবক্রগমনাদঙ্গারক ইব গ্রহঃ॥ 8-55-1 (57734)
পার্থবাণহতা রাজন্নরাশ্বরথকুঞ্জরাঃ।
বিচেলুর্বভ্রমুর্নেশুঃ পেতুর্মম্লুশ্চ ভারত॥ 8-55-2 (57735)
ধুর্যান্ধুর্যেতরান্সূতান্ধ্বজাংশ্চপাসিসায়কান্।
পাণীন্পাণিগতাঞ্শস্ত্রান্বাহূনপি শিরাংসি চ॥ 8-55-3 (57736)
ভল্লৈঃ ক্ষুরৈরর্ধচন্দ্রৈর্বৎসদন্তৈশ্চ পাণ্ডবঃ।
চিচ্ছেদামিত্রবীরাণাং সমরে প্রতিয়ুধ্যতাম্॥ 8-55-4 (57737)
তং প্রবীরাস্ৎবদীয়ানাং নর্দমানাঽভিদুদ্রুবুঃ।
বাসিতার্থে যুয়ুৎসন্তো বৃষভা বৃষভং যথা।
নিপতন্ত্যর্জুনং শূরাঃ শতশোঽথ সহস্রশঃ॥ 8-55-5 (57738)
তেষাং তস্য চ তদ্যুদ্ধমভবদ্রোমহর্ষণম্।
ত্রৈলোক্যবিজয়ে যাদৃগ্দৈত্যানাং সহ বজ্রিণা॥ 8-55-6 (57739)
তমবিধ্যত্ত্রিভির্বাণৈর্দন্দশূকৈরিবাহিভিঃ।
উগ্রায়ুধস্য তস্যাশু শিরঃ কায়াদপাহরৎ॥ 8-55-7 (57740)
তেঽর্জুনং সর্বতঃ ক্রুদ্ধা নানাশস্ত্রৈরবীবৃষন্।
মরুদ্ভিঃ প্রেরিতা মেঘা হিমবন্তমিবোষ্ণগে॥ 8-55-8 (57741)
অস্ত্রৈরস্ত্রাণিং সংবার্য দ্বিষতাং সর্বতোঽর্জুনঃ।
সম্যগস্তৈঃ শরৈঃ সর্বানহিতানহনদ্বহূন্॥ 8-55-9 (57742)
ছিন্নত্রিবেণুজঙ্ঘেষান্হতাশ্বান্হতসারথীন্।
বিস্রস্তহস্ততূণীরান্বিচক্রথকেতনান্॥ 8-55-10 (57743)
সঞ্ছিন্নরশ্মিয়োক্ত্রাক্ষান্ব্যনুকর্ষয়ুগান্রথান্।
বিধ্বস্তসর্বসন্নাহান্বাণৈশ্চক্রেঽর্জুনস্ৎবরন্॥ 8-55-11 (57744)
তে রথাস্তত্র বিধ্বস্তাঃ পরার্দ্ব্যা ভান্ত্যনেকশঃ।
ধনিনামিব বেশ্মানি হতান্যগ্ন্যনিলাম্বুভিঃ॥ 8-55-12 (57745)
দ্বিপাঃ সম্ভিন্নমর্মাণো বজ্রাশনিসমৈঃ শরৈঃ।
পেতুর্গির্যগ্রবেশ্মানি বজ্রবাতাগ্নিভির্যথা॥ 8-55-13 (57746)
অনেকৈশ্চ শিলাধৌতৈর্বজ্রানলবিষোপমৈঃ।
শরৈর্নিজঘ্নিবান্পার্থো মহেন্দ্র ইব দানবান্॥ 8-55-14 (57747)
সারোহাস্তুরগাঃ পেতুর্বহবোঽর্জুনতাডিতাঃ।
নির্জিহ্বান্ত্রাঃ ক্ষিতৌ ক্ষীণা রুধিরার্দ্রাঃ সুদুর্দৃশঃ॥ 8-55-15 (57748)
নরাশ্বনাগা নারাচৈঃ সংস্যূতাঃ সব্যসাচিনা।
বভ্রমুশ্চস্খলুঃ পেতুর্নেদুর্মম্লুশ্চ মারিষ॥ 8-55-16 (57749)
মহার্হবর্মাভরণা নানারূপাম্বরায়ুধাঃ।
সরথাশ্বদ্বিপা বীরা হতাঃ পার্থেন শেরতে॥ 8-55-17 (57750)
নির্ভয়াঃ পুণ্যকর্মাণো বিশিষ্টাভিজনশ্রুতাঃ।
গতাঃ শরীরৈর্বসুধামূর্জিতৈঃ কর্মভির্দিবম্॥ 8-55-18 (57751)
অথার্জুনরথং বীরাস্ৎবদীয়াঃ সমভিদ্রবন্।
নানাজনপদাধ্যক্ষাঃ সগণা জাতমন্যবঃ॥ 8-55-19 (57752)
উহ্যমনা রথাশ্বেভৈঃ পত্তয়শ্চ জিঘাংসবঃ।
সমভ্যধাবন্নস্যন্তো বিবিধং ক্ষিপ্রমায়ুধম্॥ 8-55-20 (57753)
তদায়ুধমহাবর্ষং ক্ষিপ্তং যোধমহাম্বুদৈঃ।
ব্যধমন্নিশিতৈর্বাণৈঃ ক্ষিপ্রমর্জুনমারুতঃ॥ 8-55-21 (57754)
সাশ্বপত্তিদ্বিপরথং মহাশস্ত্রৌঘসম্প্লবম্॥
সহসা সন্তিতীর্ষন্তং পার্থং শস্ত্রাস্ত্রসেতুনা॥ 8-55-22 (57755)
অথাব্রবীদ্বাসুদেবঃ পার্থ কিং ক্রীডসেঽনঘ।
সংশপ্তকান্প্রমথ্যৈনাংস্ততঃ কর্ণবধে ৎবর॥ 8-55-23 (57756)
তথেত্যুক্ৎবাঽর্জুনঃ কৃষ্ণং শিষ্টান্সংশপ্তকাংস্তদা।
ক্ষপয়িষ্যংস্তদা বাণৈর্দৈত্যানিন্দ্র ইবাবধীৎ॥ 8-55-24 (57757)
আদদৎসন্দধন্নেষৃন্দৃষ্টঃ কৈশ্চিদ্রণেঽর্জুনঃ।
বিমুঞ্চন্বা শরাঞ্শীঘ্রং দৃশ্যন্তে বৈ নরা হতাঃ॥ 8-55-25 (57758)
আশ্চর্যমিতি গোবিন্দো ব্রুবন্নশ্বানচোদয়ৎ।
হংসাংশুগৌরাস্তে সেনাং হংসাঃ সর ইবাবিশন্॥ 8-55-26 (57759)
ততঃ সঙ্গ্রামভূমিং তাং বর্তমানে জনক্ষয়ে।
অবেক্ষমাণো গোবিন্দঃ সব্যসাচিনমব্রবীৎ॥ 8-55-27 (57760)
এষ পার্থ মহারৌদ্রো বর্ততে ভরতক্ষয়ঃ।
পৃথিব্যাং পার্থিবানাং বৈ দুর্যোধনকৃতে মহান্॥ 8-55-28 (57761)
পশ্য ভারত চাপানি রুক্মপৃষ্ঠানি ধন্বিনাম্।
হতানামপবিদ্ধানি কলাপানিষুধীংস্তথা॥ 8-55-29 (57762)
জাতরূপময়ৈঃ পুঙ্খৈঃ শরাংশ্চ নতপর্বণঃ।
তৈলধৌতাংশ্চ নারাচান্নির্মুক্তানিব পন্নগান্॥ 8-55-30 (57763)
আকীর্ণাংস্তোমরান্বাহাংশ্ছত্রান্হেমবিভূষিতান্।
চর্মাণি চাপবিদ্ধানি রুক্মপৃষ্ঠানি ভারত॥ 8-55-31 (57764)
সুবর্ণবিকৃতান্প্রাসাঞ্শক্তীঃ কনকভূষিতাঃ।
জাম্বূনদময়ৈঃ পট্টৈর্বদ্ধাশ্চ বিপুলা গদাঃ॥ 8-55-32 (57765)
জাতরূপময়ীশ্চর্ষ্টীঃ পট্টসান্হেমভূষিতান্।
দণ্ডৈঃ কনকচিত্রৈশ্চ বিপ্রবিদ্ধান্পরশ্বথান্॥ 8-55-33 (57766)
পরিঘান্ভিণ্ডিপালাংশ্চ ভুশুণ্ডীঃ কণপানপি।
অয়স্কুন্তাংশ্চ পতিতান্মুসলানি গুরূণি চ॥ 8-55-34 (57767)
নানাবিধানি শস্ত্রাণি প্রগৃহ্য জয়গৃদ্ধিনঃ।
জীবন্ত ইব দৃশ্যন্তে গতসৎবাস্তরস্বিনঃ॥ 8-55-35 (57768)
গদাবিমথিতৈর্গাত্রৈর্মুসলৈর্ভিন্নমস্তকান্।
গজবাজিরথৈঃ ক্ষুণ্ণান্পশ্য যোধান্সহস্রশঃ॥ 8-55-36 (57769)
মনুষ্যগজবাজীনাং শরশক্ত্যৃষ্টিতোমরৈঃ।
নিস্ত্রিংশৈঃ পট্টসৈঃ প্রাসৈর্নখরৈর্লগুডৈরপি॥ 8-55-37 (57770)
শরীরৈর্বহুঘা ছিন্নৈঃ শোণিতৌঘপরিপ্লুতৈঃ।
গতাসুভিরমিত্রঘ্ন সংবৃতা রণভূময়ঃ॥ 8-55-38 (57771)
বাহুভিশ্চন্দনাদিগ্ধৈঃ সাঙ্গদৈঃ শুভভূষণৈঃ।
সতলত্রৈঃ সকেয়ূরৈর্ভাতি ভারত মেদিনী॥ 8-55-39 (57772)
সাঙ্গুলিত্রৈর্ভুজাগ্রৈশ্চ বিপ্রবিদ্বৈরলঙ্কৃতৈঃ।
হস্তিহস্তোপমৈশ্ছিন্নৈরূরুভিশ্চ তরস্বিনাম্॥ 8-55-40 (57773)
বদ্ধচূডামণিবরৈঃ শিরোভিশ্চ সকুণ্ডলৈঃ।
`নিকৃত্তৈর্বৃষভাক্ষাণাং শরীরৈশ্চাপি সঙ্ঘশঃ॥ 8-55-41 (57774)
গজবাজিমনুষ্যাণাং শরশক্ত্যৃষ্টিতোমরৈঃ।
কবন্ধৈঃ শোণিতাদিগ্ধৈশ্ছিন্নগাত্রশিরোধরৈঃ।
ভূর্ভাতি ভরতশ্রেষ্ঠ শান্তাগ্নিভিরিবাধ্বরে'॥ 8-55-42 (57775)
রথাংশ্চ বহুধা ভগ্নান্হেমকিঙ্কিণিনঃ শুভান্।
অশ্বাংশ্চ বুহধা পশ্য শোণিতেন পরিপ্লুতান্॥ 8-55-43 (57776)
অনুকর্ষানুপাসঙ্গান্পতাকা বিবিধান্ধ্বজান্।
যোধানাং চ মহাশঙ্খান্পাণ্ডুরাংশ্চ প্রকীর্ণকান্।
নিরস্তজিহ্বান্মাতঙ্গাঞ্শয়ানান্পর্বতোপমান্॥ 8-55-44 (57777)
বৈজয়ন্তীর্বিচিত্রাশ্চ হতাংশ্চ গজয়োধিনঃ।
বারণানাং পরিস্তোমান্সংয়ুক্তানেককম্বলান্॥ 8-55-45 (57778)
বিপাটিতবিচিত্রাশ্চ রূপচিত্রাঃ কুথাস্তথা।
ভিন্নাশ্চ বহুধা ঘণ্টাঃ পতদ্ভিশ্চূর্ণিতা গজৈঃ॥ 8-55-46 (57779)
বৈদূর্যমণিদণ্ডাংশ্চ পতিতাংশ্চাঙ্কুশান্ভুবি।
অশ্বানাং চ যুগাপীডান্রত্নচিত্রানুরশ্ছদান্॥ 8-55-47 (57780)
বিদ্ধাঃ সাদিধ্বজাগ্রেষু সুবর্ণবিকৃতাঃ কুথাঃ।
বিচিত্রান্মণিচিত্রাংশ্চ জাতরূপপরিষ্কৃতান্॥ 8-55-48 (57781)
অশ্বাস্তরপরিস্তোমান্রাঙ্কবান্পতিতান্ভুবি।
চূডামণীন্নরেন্দ্রাণাং বিচিত্রাঃ কাঞ্চনস্রজঃ।
ছত্রাণি চাপবিদ্ধানি চামরব্যজনানি চ॥ 8-55-49 (57782)
চন্দ্রনক্ষত্রভাসৈশ্চ বদনৈশ্চারুকুণ্ডলৈঃ।
ক্লৃপ্তশ্মশ্রুভিরত্যর্থং বীরাণাং সমলঙ্কৃতৈঃ।
বদনৈঃ পশ্য সঞ্ছন্নাং মহীং শোণিতকর্দমাম্॥ 8-55-50 (57783)
সজীবাংশ্চ নরান্পশ্য কূজমানান্সমন্ততঃ।
উপাস্যমানাংশ্চ বহূন্ন্যস্তশস্ত্রৈশ্চ ভূপতে।
জ্ঞাতিভিশ্চ জলক্লিন্নান্রোদমানৈর্মুহুর্মুহুঃ॥ 8-55-51 (57784)
উৎক্রান্তানপরান্যোধাঞ্ছাদয়িৎবা তরস্বিনঃ।
পুনর্যুদ্ধায় গচ্ছন্তি জয়ে লুব্ধাঃ প্রমন্যবঃ॥ 8-55-52 (57785)
অপরে তত্রতত্রৈব পরিধাবন্তি মানবাঃ।
সন্নিবৃত্তাশ্চ তে শূরা দৃষ্টা চৈতান্বিচেতসঃ॥ 8-55-53 (57786)
জলং ত্যক্ৎবা প্রধাবন্তি ক্রোশমানাঃ পরস্পরম্।
জলং পীৎবা মৃতান্পশ্য পিবতোঽন্যাংশ্চ ভারত॥ 8-55-54 (57787)
পরিষ্বজ্য প্রিয়ানন্যে বান্ধবান্বন্ধুবৎসলাঃ।
বিসংজ্ঞান্সমরে যোধাংস্তত্রতত্র মহারণে॥ 8-55-55 (57788)
পশ্যাপরান্নরশ্রেষ্ঠ সন্দষ্টোষ্ঠপুটান্পুনঃ।
ভৃকুটীকুটিলৈর্বক্ত্রৈঃ প্রেক্ষমাণান্মহারণম্॥ 8-55-56 (57789)
এতত্তবৈবানুরূপং কর্মার্জুন মহাহবে।
দিবি বা দেবরাজস্য ৎবয়া যৎকৃতমাহবে॥ 8-55-57 (57790)
সঞ্জয় উবাচ। 8-55-58x (4976)
এবং তাং দর্শয়ন্কৃষ্ণো যুদ্ধভূমিং কিরীটিনে।
গচ্ছন্নেবাশৃণোচ্ছব্দং দুর্যোধনবলে মহৎ॥ 8-55-58 (57791)
শঙ্খদুন্দুভিনির্ঘোষং ভেরীপণবনিঃস্বনম্।
রথাশ্বনরনাগানাং পাদশব্দাংশ্চ দারুণান্॥ 8-55-59 (57792)
প্রবিশ্য তদ্বলং কৃষ্ণস্তুরগৈর্বাতবেগিতৈঃ।
পাণ্ড্যেনাভ্যর্দিতং সৈন্যং ৎবদীয়ং বীক্ষ্য বিস্মিতঃ॥ 8-55-60 (57793)
স হি নানাবিধৈর্বাণৈরিষ্বস্ত্রপ্রবরো যুধি।
ন্যহনদ্দ্বিষতাং পূগান্গতাসূনন্তকো যথা॥ 8-55-61 (57794)
গজবাজিমনুষ্যাণাং শরীরাণি শিতৈঃ শরৈঃ।
ভিত্ৎবা প্রহরতাং শ্রেষ্ঠো বিদেহাসূনপাতয়ৎ॥ 8-55-62 (57795)
শত্রুপ্রবীরৈরস্ত্রাণি নানাশস্ত্রাণি সায়কৈঃ।
ছিত্ৎবা তানবধীচ্ছত্রূন্পাণ্ড্যঃ শক্র ইবাসুরান্॥ ॥ 8-55-63 (57796)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে পঞ্চপঞ্চাশোঽধ্যায়ঃ॥ 55 ॥
Mahabharata - Karna Parva - Chapter Footnotes
॥ শ্রীঃ ॥
8.56. অধ্যায়ঃ 056
Mahabharata - Karna Parva - Chapter Topics
অশ্বত্থাম্না পাণ্ড্যবধঃ॥ 1 ॥
Mahabharata - Karna Parva - Chapter Text
8-56-0 (57797)
ধৃতরাষ্ট্র উবাচ। 8-56-0x (4977)
প্রোক্তস্ৎবয়া পূর্বমেব প্রবীরো লোকবিশ্রুতঃ।
ন ৎবস্য কর্ম সঙ্গ্রামে ৎবয়া সঞ্জয় কীর্তিতম্॥ 8-56-1 (57798)
তস্য বিস্তরশো ব্রূহি প্রবীরস্যাদ্য বিক্রমম্।
শিক্ষাং প্রভাবং বীর্যং চ প্রমাণং দর্পমেব চ॥ 8-56-2 (57799)
সঞ্জয় উবাচ। 8-56-3x (4978)
ভীষ্মদ্রোণকৃপদ্রৌণিকর্ণার্জুনজনার্দনান্।
সমাপ্তবিদ্যান্ধনুষি শ্রেষ্ঠান্যান্সপ্ত মন্যসে॥ 8-56-3 (57800)
যো হ্যাক্ষিপতি বীর্যেণ সর্বানেতান্মহারথান্।
ন মেনে চাত্মনা তুল্যং কঞ্চিদেব নরেশ্বরম্॥ 8-56-4 (57801)
তুল্যতাংদ্রোণভীষ্মাভ্যামাত্মনো যো ন মৃষ্যতে।
বাসুদেবার্জুনাভ্যাং চ ন্যূনতাং নৈচ্ছতাত্মনি॥ 8-56-5 (57802)
স পাণ্ড্যোঽর্থপতিশ্রেষ্ঠঃ সর্বশস্ত্রভৃতাং বরঃ।
কর্ণস্যানীকমহনৎপাশহস্ত ইবান্তকঃ॥ 8-56-6 (57803)
তদুদীর্ণরথাশ্বেভং পত্তিপ্রবরসঙ্কুলম্।
কুলালচক্রবদ্ধান্তং পাণ্ড্যেনাভ্যাহতং বলাৎ॥ 8-56-7 (57804)
ব্যশ্বসূতধ্বজরথান্বিপ্রয়ুক্তয়ুগান্রথান্।
সম্যগস্তৈঃ শরৈঃ পাণ্ড্যো বায়ুর্মেঘানিবাক্ষিপৎ॥ 8-56-8 (57805)
দ্বিরদান্প্রবরারোহান্বিপতাকায়ুধধ্বজান্।
স পাদরক্ষানহনদ্বজ্রেণাদ্রীনিবাদ্রিহা॥ 8-56-9 (57806)
স শক্তিপ্রাসতূণীরানশ্বারোহান্হয়ানপি।
পুলিন্দখসবাহ্লীকনিষাদান্ধ্রককুন্তলান্॥ 8-56-10 (57807)
দাক্ষিণাত্যাংশ্চ ভোজাংশ্চ শূরান্সঙ্গ্রামকর্কশান্।
বিশস্ত্রকবচান্বাণৈঃ কৃৎবা পাণ্ড্যোঽকরোদ্ব্যসূন্॥ 8-56-11 (57808)
চতুরঙ্গং বলং বাণৈর্নিঘ্নন্তং পাণ্ডয়মাহবে।
দৃষ্ট্বা দ্রৌণিরসম্ভ্রান্তমসম্ভ্রান্তস্ততোঽভ্যযাৎ॥ 8-56-12 (57809)
আভাষ্য চৈনং মধুরমভীতং তমভীতবৎ।
প্রাহ প্রহরতাং শ্রেষ্ঠঃ স্মিতপূর্বং সমাহ্বয়ৎ॥ 8-56-13 (57810)
রাজন্কমলপত্রাক্ষ প্রধানায়ুধবাহন।
বজ্রসংহননপ্রখ্য প্রখ্যাতবলপৌরুষ॥ 8-56-14 (57811)
মুষ্টিক্লিষ্টাঙ্গুলিভ্যাং চ ব্যায়তাভ্যাং মহদ্ধনুঃ।
দোর্ভ্যাং বিস্ফারয়ন্ভাসি মহাজলদবদ্ভৃশম্॥ 8-56-15 (57812)
শরবর্ষৈর্মহাবেগৈরমিত্রানভিবর্ষতঃ।
মদন্যং নানুপশ্যামি প্রতিবীরং তবাহবে॥ 8-56-16 (57813)
রথদ্বিরদপত্ত্যশ্বানেকঃ প্রমথসে বহূন্।
মৃগসঙ্ঘানিবারণ্যে বিভীর্ভীমবলো হরিঃ॥ 8-56-17 (57814)
মহতা রথঘোষেণ দিবং ভূমিং চ নাদয়ন্।
বর্ষান্তে সস্যাং সূর্যো ভাভিরাদীপয়ন্নিব॥ 8-56-18 (57815)
সংস্পৃশানঃ শরৈঃ পূর্ণৌ তূণী চাশীবিষোপমৈঃ।
ময়ৈবৈকেন যুধ্যস্ব ত্র্যম্বকেনান্ধকো যথা॥ 8-56-19 (57816)
এবমুক্তস্তথেত্যুক্ৎবা প্রমথ্যৈনং স পার্থিবঃ।
কর্ণিনা দ্রোণতনয়ং বিব্যাধ মলয়ধ্বজঃ॥ 8-56-20 (57817)
মর্মভেদিভিরত্যুগ্রৈর্বাণৈরগ্নিশিখোপমৈঃ।
মর্মস্বভ্যহনদ্দ্রৌণিঃ পাণ্ড্যমাচার্যনন্দনঃ॥ 8-56-21 (57818)
ততোঽপরান্নবাংস্তূর্ণং নারাচান্কঙ্কবাসসঃ।
গত্যা দশম্যা সংয়ুক্তানশ্বত্থামাঽপ্যবাসৃজৎ॥ 8-56-22 (57819)
তানচ্ছিনত্তদা পাণ্ড্যশ্চতুর্ভিরপরৈঃ শরৈঃ।
চতুরোঽভ্যাহনচ্চাশ্বানাশু তে ব্যসবোঽভবন্॥ 8-56-23 (57820)
অথ দ্রোণসুতস্যেষূংস্তাঞ্ছিত্ৎবা নিশিতৈঃ শরৈঃ।
ধনুর্জ্যাং বিততাং পাণ্ড্যশ্চিচ্ছেদাদিত্যতেজসঃ॥ 8-56-24 (57821)
দিব্যং ধনুরথাধিজ্যং কৃৎবা দ্রৌণিরমিত্রহা।
প্রেক্ষ্য চাশু রথে যুক্তান্নরৈরন্যান্হয়োত্তমান্॥ 8-56-25 (57822)
ততঃ শরসহস্রাণি প্রেষয়ামাস বৈ দ্বিজঃ।
ইষুসম্বাধমাকাশমকরোদ্দিশ এব চ॥ 8-56-26 (57823)
ততস্তানস্যতঃ সর্বান্দ্রৌণের্বাণান্মহাত্মনঃ।
জানানোপ্যক্ষয়ান্পাণ্ড্যো শাতয়ৎপুরুষর্ষভঃ॥ 8-56-27 (57824)
প্রয়ুক্তাংস্তান্প্রয়ত্নেন ছিত্ৎবা দ্রৌণেরিষূনরিঃ।
চক্ররক্ষৌ রণে তস্য প্রাণুদন্নিশিতৈঃ শরৈঃ॥ 8-56-28 (57825)
অথ তল্লাঘবং দৃষ্ট্বা মণ্ডলীকৃতকার্মুকঃ।
প্রাস্যদ্দ্রোণসুতো বাণান্বৃষ্টিং পূষানুজো যথা॥ 8-56-29 (57826)
অষ্টাবষ্টগবান্যূহুঃ শকটানি যদায়ুধম্।
অহ্নস্তদষ্টভাগেন দ্রৌণিশ্চিক্ষেপ মারিষ॥ 8-56-30 (57827)
তমন্তকমিব ক্রুদ্ধমন্তকালান্তকোপমম্।
যে যে দদৃশিরে রূপং বিসংজ্ঞাঃ প্রায়শোঽভবন্॥ 8-56-31 (57828)
আচার্যপুত্রস্তাং সেনাং বাণবৃষ্ট্যা ব্যবীবৃষৎ।
পর্জন্য ইব ঘর্মান্তে বৃষ্ট্যা সাদ্রিদ্রুমাং মহিম্॥ 8-56-32 (57829)
দ্রৌণিপর্জন্যমুক্তাং তাং বাণবৃষ্টিং সুদুঃসহাম্।
বায়ব্যাস্ত্রেণ স ক্ষিপ্রং বিদ্ধ্বা পাণ্ড্যাতিলোঽনদৎ॥ 8-56-33 (57830)
তস্য নানদতঃ কেতুং চন্দনাগুরুরূষিতম্।
মলয়প্রতিমং দ্রৌণিশ্ছিত্ৎবাশ্বাংশ্চতুরোঽহনৎ॥ 8-56-34 (57831)
সূতমেকেষুণা হৎবা মহাজলদনিঃস্বনম্।
ধনুশ্ছিত্ৎবাঽর্ধচন্দ্রেণ তিলশো ব্যধমদ্রথম্॥ 8-56-35 (57832)
অস্ত্রৈরস্ত্রাণি সংবার্য ছিত্ৎবা সর্বায়ুধানি চ।
প্রাপ্তমপ্যহিতং দ্রৌণির্নাহনদ্যুদ্ধতৃষ্ণয়া॥ 8-56-36 (57833)
হতেশ্বরো দন্তিবরঃ সুকল্পিত--
সৎবরাভিসৃষ্টঃ প্রতিশব্দগো বলী।
তমাদ্রবদ্দ্রৌণিশরাহতস্ৎবরন্
জবেন কৃৎবা প্রতিহস্তিগর্জিতম্॥ 8-56-37 (57834)
তং বারণং বারণয়ুদ্ধকোবিদো
দ্বিপোত্তমং পর্বতসানুসন্নিভম্।
সম্ভ্যতিষ্ঠন্মলয়ধ্বজস্ৎবর--
ন্যথাঽদ্রিশৃঙ্গং হরিরুন্নদংস্তথা॥ 8-56-38 (57835)
স তোমরং ভাস্কররশ্মিবর্চসং
বলাস্ত্রসর্গোত্তময়ত্নমন্যুভিঃ।
সসর্জ শীঘ্রং পরিপীডয়ন্গজং
গুরোঃ সুতায় দ্রবিডেশ্বরো নদন্॥ 8-56-39 (57836)
মণিপ্রবেকোত্তমবজ্রহাটকৈ--
রলঙ্কৃতং চাংশুকমাল্যমৌক্তিকৈঃ।
হতো ময়াসীত্যসকৃন্মুদা নদ--
ন্পরাভিনদ্দ্রৌণিবরাঙ্গভূষণম্॥ 8-56-40 (57837)
তদর্কচন্দ্রগ্রহপাবকৎবিষং
ভৃশাভিঘাতাৎপতিতং বিঘূর্ণিতম্।
মহেন্দ্রবজ্রাভিহতং মহাস্বনং
যথাঽদ্রিশৃঙ্গং ভরণীতলে তথা॥ 8-56-41 (57838)
ততঃ প্রজজ্বাল পরেণ মন্যুনা'
পাদাহতো নাগপতির্যথা তথা।
সমাদদে চান্তকদণ্ডসন্নিভা--
নিষূনমিত্রান্তকরাংশ্চতুর্দশ॥ 8-56-42 (57839)
দ্বিপস্য পাদাগ্রকরান্স পঞ্চভি--
র্নৃপস্য বাহূ চ শিরোঽথ চ ত্রিভিঃ।
জঘান পড্ভিঃ পডৃতূপমৎবিষঃ
স পাণ্ড্যরাজানুচরান্মহারথান্॥ 8-56-43 (57840)
সুদীর্ঘবৃত্তৌ বরচন্দনোক্ষিতৌ
সুবর্ণমুক্তামণিবজ্রভূষণৌ।
ভুজৌ ধরায়াং পতিতৌ নৃপস্য তৌ
বিচেষ্টতুস্তার্ক্ষ্যহতাবিবোরগৌ॥ 8-56-44 (57841)
শিরশ্চ তৎপূর্ণশশিপ্রভাননং
সরোষতাম্রায়তনেত্রমুন্নসম্।
ক্ষিতাবপি ভ্রাজতি তৎসকুণ্ডলং
বিশাখয়োর্মধ্যগতঃ শশী যথা॥ 8-56-45 (57842)
[স তু দ্বিপঃ পঞ্চভিরুত্তমেষুভিঃ
কৃতঃ ষডংশশ্চতুরো নৃপস্ত্রিভিঃ।
কৃতো দশাংশঃ কুশলেন যুধ্যতা
যথা হবিস্তদ্দশ দৈবতং তথা॥ 8-56-46 (57843)
স পাদশো রাক্ষসভোজনান্বহূন্
প্রদায় পাণ্ড্যোঽশ্বমনুষ্যকুঞ্জরান্।
স্বধামিবাপ্য জ্বলনঃ পিতৃপ্রিয়--
স্ততঃ প্রশান্তঃ সলিলপ্রবাহতঃ]॥ 8-56-47 (57844)
সমাপ্তবিদ্যং তু গুরোঃ সুতং নৃপঃ
সমাপ্তকর্মাণমুপেত্য তে সুতঃ।
সুহৃদ্বৃতোঽত্যর্থমপূজয়ন্মুদা
জিতে বলৌ বিষ্ণুমিবামরেশ্বরঃ॥ ॥ 8-56-48 (57845)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে ষট্পঞ্চাশোঽধ্যায়ঃ॥ 56 ॥
Mahabharata - Karna Parva - Chapter Footnotes
॥ শ্রীঃ ॥
8.57. অধ্যায়ঃ 057
Mahabharata - Karna Parva - Chapter Topics
সঙ্কুলয়ুদ্ধম্॥ 1 ॥
Mahabharata - Karna Parva - Chapter Text
8-57-0 (57846)
দৃতরাষ্ট্র উবাচ। 8-57-0x (4979)
পাণ্ড্যে হতে কিমকরোদর্জুনো জয়তাংবরঃ।
একবীরেণ কর্ণেন দ্রাবিতে চ যুধিষ্ঠিরে॥ 8-57-1 (57847)
সমাপ্তবিদ্যো বলবান্যুক্তো বীরশ্চ পাণ্ডবঃ।
সর্বভূতেষ্বনুজ্ঞাতঃ শঙ্করেণ মহাত্মনা॥ 8-57-2 (57848)
তস্মান্মহদ্ভয়ং তীব্রমমিত্রঘ্নাদ্ধনঞ্জয়াৎ।
স যত্তত্রাকরোৎপার্থস্তন্মমাচক্ষ্ব সঞ্জয়॥ 8-57-3 (57849)
সঞ্জয় উবাচ। 8-57-4x (4980)
হতে পাণ্ড্যেঽর্জুনং কৃষ্ণস্ৎবরন্নাহ বচো হিতম্।
হতং পশ্য স্বরাজানমপয়াতাংশ্চ পাণ্ডবান্॥ 8-57-4 (57850)
কর্ণং পশ্য মহারঙ্গে জ্বলন্তমিব পাবকম্।
অসৌ ভীমো মহেষ্বাসঃ প্রতিবৃত্তো রণং প্রতি॥ 8-57-5 (57851)
ত ইমে নানুবর্তন্তে ধৃষ্টদ্যুম্নপুরোগমাঃ।
পাঞ্চালাঃ সৃঞ্জয়াশ্চৈব পাণ্ডবানাং চমূমুখম্॥ 8-57-6 (57852)
`নিবৃত্তৈশ্চ পুনঃ পার্থৈর্ভগ্নং শত্রুবলং মহৎ'।
কৌরবান্দ্রবতো হ্যেষ কর্ণো বারয়তে ভৃশম্॥ 8-57-7 (57853)
অন্তকপ্রতিমো বেগে শক্রতুল্যপরাক্রমঃ।
অসৌ গচ্ছতি কৌন্তেয় দ্রৌণিঃ শস্ত্রভৃতাং বরঃ॥ 8-57-8 (57854)
তমেষ প্রদ্রুতঃ সঙ্খ্যে ধৃষ্টদ্যুম্নো মহারথঃ।
অশ্বত্থাম্না হতাঃ সঙ্খ্যে সর্বে কৌন্তেয় সৃঞ্জয়াঃ॥ 8-57-9 (57855)
রথাশ্বনরনাগানাং কৃতং চ কদনং মহৎ।
ইত্যেতৎসর্বমাচষ্ট বাসুদেবঃ কিরীটিনে॥ 8-57-10 (57856)
এতচ্ছ্রুৎবা চ দৃষ্ট্বা চ ভ্রাতৃণাং ব্যসনং মহৎ।
বাহয়াশ্বান্হৃষীকেশ ক্ষিপ্রমিত্যাহ পাণ্ডবঃ॥ 8-57-11 (57857)
ততঃ প্রায়াদ্ধৃষীকেশো রথেনাপ্রতিমো যুধি।
`ততো রেণুঃ সমভবৎপুনস্তত্র মহারণে॥ 8-57-12 (57858)
ততো রাজন্মহানাসীৎসঙ্গামো রোমহর্ষণঃ।
সিংহনাদরবাশ্চাত্র প্রাদুরাসন্সমাগমে।
উভয়োঃ সেনয়ো রাজন্মৃত্যুং কৃৎবা নিবর্তনম্॥ 8-57-13 (57859)
ততঃ হুনঃ সমাজগ্মুরভীতাঃ কুরুসৃঞ্জয়াঃ।
যুধিষরমুখাঃ পার্থা বৈকর্তনমুখা বয়ম্॥ 8-57-14 (57860)
ততঃ প্রববৃতে যূদ্ধং ঘোররূপং বিশাম্পতে।
কর্ণস্য পাণ্ডবানাং চ যমরাষ্ট্রবিবর্ধনম্॥ 8-57-15 (57861)
তস্মিন্প্রবৃত্তে সঙ্গ্রামে তুমুলে রোমহর্ষণে।
সংশপ্তকেষু বীরেষু কিঞ্চিচ্ছেষেষু ভারত॥ 8-57-16 (57862)
ধৃষ্টদ্যুম্নো মহারাজ সহিতঃ সর্বরাজভিঃ।
কর্ণমেবাভিদুদ্রাব পাণ্ডবাশ্চ মহারথাঃ॥ 8-57-17 (57863)
আগচ্ছমানাংস্তান্দৃষ্ট্বা সঙ্গ্রমে বিজয়ৈষিণঃ।
দধারৈকো রণে কার্ণো জলৌঘানিব পর্বতঃ॥ 8-57-18 (57864)
সমাসাদ্য তু তে কর্ণং ব্যশীর্যন্ত মহারথাঃ।
যথাঽচলং সমাসাদ্য বার্যোধাঃ সর্বতোদিশম্॥ 8-57-19 (57865)
তয়োরাসীন্মহারাজ সঙ্গ্রামো ঘোরদর্শনঃ।
প্রবৃদ্ধয়োর্মহারঙ্গে বলিনোর্বিজিগীষতোঃ॥ 8-57-20 (57866)
ধৃষ্টদ্যুম্নস্তু রাধেয়ং শরেণানতপর্বণা।
ছাদয়ামাস সঙ্ক্রুদ্ধস্তিষ্ঠতিষ্ঠেতি চাব্রবীৎ॥ 8-57-21 (57867)
বিজয়ং তু ধনুঃ শ্রেষ্ঠং বিধৃন্বানো মহারথঃ।
পার্ষতস্য ধনুশ্ছিত্ৎবা শরাংশ্চাশীবিষোপমান্॥ 8-57-22 (57868)
ববর্ষ শরবর্ষাণি তোয়বর্ষানিবাম্বুদঃ।
ছাদয়ামাস সঙ্ক্রুদ্ধঃ পার্ষতং নবভিঃ শরৈঃ॥ 8-57-23 (57869)
তে হেমবিকৃতং বর্ম ভিত্ৎবা তস্য মহাত্মনঃ।
শোণিতাক্তা ব্যরাজন্ত শক্রগোপা ইবানঘ॥ 8-57-24 (57870)
তদপাস্য ধনুশ্ছিন্নং ধৃষ্টদ্যুম্নঃ প্রতাপবান্।
ততোঽন্যদ্ধনুরাদায় সারবদ্ভারসাধনম্।
কর্ণং বিব্যাধ সপ্তত্যা শরৈঃ সন্নতপর্বভিঃ॥ 8-57-25 (57871)
তথৈব রাজন্কর্ণোঽপি পার্ষতং শত্রুতাপনম্।
দ্রোণশত্রুং মহেষ্বাসো বিব্যাধ নিশিতৈঃ শরৈঃ॥ 8-57-26 (57872)
পুনরন্যং মহারাজ শরং কনকভূষণম্।
প্রেষয়ামাস সমরে মৃত্যুদণ্ডমিবাপরম্॥ 8-57-27 (57873)
তমাপতন্তং সহসা ঘোররূপং বিশাম্পতে।
চিচ্ছেদ শতধা রাজন্পার্ষতঃ কৃতহস্তবৎ॥ 8-57-28 (57874)
দৃষ্টবান্পতিতং ভূমৌ শরং কর্ণো বিশাম্পতে॥ 8-57-29 (57875)
পার্ষতঃ শরবর্ষেণ সমন্তাৎপর্যবারয়ৎ।
বিব্যাধ চৈনং ৎবরিতো নারাচৈঃ সপ্তভিস্তদা॥ 8-57-30 (57876)
তং প্রত্যবিধ্যদ্দশভিঃ শরৈর্হেমবিভূষিতৈঃ।
তয়োর্যুদ্ধং সমভবদ্দৃষ্টিশ্রোত্রমনোহরম্॥ 8-57-31 (57877)
আসীদ্ধোরং চ চিত্রং চ প্রেক্ষণীয়ং চ সর্বশঃ॥ 8-57-32 (57878)
সর্বেষাং তত্র ভূতানাং রোমহর্ষো ব্যজায়ত।
দৃষ্ট্বা তৎসমরে কর্ম কর্ণপার্ষতয়োর্নৃপ॥ 8-57-33 (57879)
এতস্মিন্নন্তরে দ্রৌণিরভ্যযাত্তং মহারথম্।
পার্ষতং শত্রুদমনং শত্রুবীর্যাসুনাশনম্॥ 8-57-34 (57880)
স দৃষ্ট্বা সমরে যান্তমভীতং চ মহারথম্।
অভ্যভাষত সঙ্ক্রুদ্ধঃ পার্ষতং শত্রুতাপনম্॥ 8-57-35 (57881)
রথং রথেন সম্পীড্য পার্ষতস্য তু ব্রাহ্মণঃ॥ 8-57-36 (57882)
তিষ্ঠতিষ্ঠেতি ব্রহ্মঘ্ন ন মে জীবন্বিমোক্ষ্যসে।
ইত্যুক্ৎবা সুভৃশং বীরঃ শীঘ্রকৃন্নিশিতৈঃ শরৈঃ।
ছাদয়ামাস সমরে যতমানো মহারথঃ॥ 8-57-37 (57883)
যত্নতঃ পরয়া শক্ত্যা ধৃষ্টদ্যুম্নং মহারথম্।
যোধয়ামাস সমরে ক্রুদ্ধরূপো বিশাম্পতে॥ 8-57-38 (57884)
তয়োস্তু সন্নিপাতে হি ঘোররূপো বিশাম্পতে॥ 8-57-39 (57885)
যথা হি সমরে দ্রৌণিঃ পার্ষতং দৃশ্যত মারিষ।
নাতিহৃষ্টমনা হ্যাসীন্মন্বানো মৃত্যুমাত্মনঃ॥ 8-57-40 (57886)
স জ্ঞাৎবা পিতুরত্যন্তরৈরিণং তু মহাহবে।
আত্মানং সমরে জ্ঞাৎবাঽশস্ত্রবধ্যং মহাবলঃ।
জবেনাভিয়যৌ দ্রৌণিং কালঃ কালক্ষয়ে যথা॥ 8-57-41 (57887)
দ্রৌণিস্তু দৃষ্ট্বা রাজেন্দ্র ধৃষ্টদ্যুম্নমবস্থিতম্।
ক্রোধেন নিঃশ্বসন্বীরঃ পার্ষদং সমভিদ্রবৎ॥ 8-57-42 (57888)
তাবন্যোন্যং তু দৃষ্ট্বৈব সংরম্ভং জগ্মতুঃ পরম্।
প্রগৃহ্য মহতী চাপে শরাসনসমন্বিতে॥ 8-57-43 (57889)
অথাব্রবীন্মহারাজ দ্রোণপুত্রঃ প্রতাপবান্।
ধৃষ্টদ্যুম্নং সমীপস্থং ৎবরমাণো বিশাম্পতে॥ 8-57-44 (57890)
পাঞ্চালাপশদাদ্য ৎবাং প্রেষয়ামি যমক্ষয়ম্।
পাপং হি যত্ৎবয়া কর্ম কৃতং তাতং ঘ্নতা রণে॥ 8-57-45 (57891)
অদ্য ৎবং প্রাপ্স্যসে তদ্বৈ যথা হ্যকুশলস্তথা।
অরক্ষ্যমাণঃ পার্থেন যদি তিষ্ঠসি সংয়ুগে।
নাপক্রামসি বা মোহাৎসত্যমেতদ্ব্রবীমি তে॥ ॥ 8-57-46 (57892)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে সপ্তপঞ্চাশোঽধ্যায়ঃ॥ 57 ॥
Mahabharata - Karna Parva - Chapter Footnotes
॥ শ্রীঃ ॥
8.58. অধ্যায়ঃ 058
Mahabharata - Karna Parva - Chapter Topics
অর্জুনস্য দ্রৌণিগ্রস্তধৃষ্টদ্যুম্নরক্ষণপূর্বকং দ্রৌণিং নির্জিত্য সংশপ্তকান্প্রতি গমনম্॥ 1 ॥
Mahabharata - Karna Parva - Chapter Text
8-58-0 (57893)
সঞ্জয় উবাচ। 8-58-0x (4981)
এবমুক্তঃ প্রত্যুবাচ ধৃষ্টদ্যুম্নঃ প্রতাপবান্।
আশিষং তাং প্রবক্তব্যাং মামকো দাস্যতে তব॥ 8-58-1 (57894)
যেনৈব তে পিতুর্দত্তা যতমানস্য সংয়ুগে।
এষ তে প্রতিবাক্যং বৈ অসির্দাস্যতি মামকঃ।
যেন কৃত্তং তব পিতুর্যতমানস্য তচ্ছিরঃ॥ 8-58-2 (57895)
যদি তাবন্ময়া দ্রোণো নিহতো ব্রাহ্মণব্রুবঃ।
ৎবামিদানীং কথং যুদ্ধে ন হনিষ্যামি কিল্বিষম্॥ 8-58-3 (57896)
এবমুক্ৎবা মহাতেজাঃ সেনাপতিররিন্দমঃ।
সুতীক্ষ্ণেনাথ ভল্লেন দ্রৌণিং বিব্যাধ পার্ষতঃ॥ 8-58-4 (57897)
ততো দ্রৌণিঃ সুসঙ্ক্রুদ্ধঃ শরৈঃ সন্নতপর্বভিঃ।
আচ্ছাদয়দ্দিশো রাজন্ধৃষ্টদ্যুম্নস্য সংয়ুগে॥ 8-58-5 (57898)
নৈবান্তরিক্ষং ন দিশো নাপি যোধাঃ সহস্রশঃ।
দৃশ্যন্তে বৈ মহারাজ শরৈশ্ছন্নাঃ সমন্ততঃ।
একঃ সন্বারয়ামাস প্রেক্ষণীয়ঃ সমন্ততঃ॥ 8-58-6 (57899)
তথৈব পার্ষতো রাজন্দ্রৌণিমাহবশোভিনম্।
শরৈঃ সঞ্ছাদয়ামাস সূতপুত্রস্য পশ্যতঃ॥ 8-58-7 (57900)
রাধেয়োঽপি মহারাজ পাঞ্চালান্সহ পাণ্ডবৈঃ।
দ্রৌপদেয়া যুধামন্যুমুত্তমৌজসমেব চ॥ 8-58-8 (57901)
সাত্যকিশ্চ মহারাজ যোধাংশ্চান্যান্সহস্রশঃ।
একস্তান্বারয়ামাস প্রেক্ষণীয়ঃ সমন্ততঃ॥ 8-58-9 (57902)
ধৃষ্টদ্যুম্নস্তু সমরে দ্রৌণেশ্চিচ্ছেদ কার্মুকম্।
ক্ষুরপ্রেণ সুতীক্ষ্ণেন পশ্যতাং সর্বয়োধিনাম্॥ 8-58-10 (57903)
তদপাস্য ধনুশ্ছিন্নমন্যদাদত্ত কার্মুকম্।
বেগবৎসমরে ঘোরং শরাংশ্চাশীবিষোপমান্॥ 8-58-11 (57904)
স পার্ষতস্য রাজেন্দ্র ধনুঃ শক্তিং গদাং ধ্বজম্।
হয়ান্সূতং রথং চৈব নিমেষাদ্ব্যধমচ্ছরৈঃ॥ 8-58-12 (57905)
স চ্ছিন্নধন্বা বিরথো হতাশ্বো হতসারথিঃ।
খঙ্গমাদত্ত বিপুলং শতচন্দ্রং চ ভানুমৎ॥ 8-58-13 (57906)
দ্রৌণিস্তদপি রাজেন্দ্র ভল্লৈঃ ক্ষিপ্রং মহারথঃ।
চিচ্ছেদ সমরে বীরঃ ক্ষিপ্রহস্তো দৃঢায়ুধঃ॥ 8-58-14 (57907)
রথাদনবরূঢস্য ধন্বিনো বাহুশালিনঃ।
পশ্যতাং সর্বসৈন্যানাং তদদ্ভুতমিবাভবৎ॥ 8-58-15 (57908)
ধৃষ্টদ্যুম্নং তু বিরথং হতাশ্বরথসারথিম্।
শস্ত্রৈশ্চ বহুধা বিদ্ধমস্ত্রৈশ্চ শকলীকৃতম্।
নাতরদ্ভরতশ্রেষ্ঠ যদমানো মহারথঃ॥ 8-58-16 (57909)
তস্যান্তমিষুভী রাজন্যদা দ্রৌণির্ন গচ্ছতি।
অথ ত্যক্ৎবা রথং বীরঃ পার্ষতং ৎবরিতোঽন্বগাৎ।
প্রগৃহ্য বিপুলং খহ্গং জাতরূপপরিষ্কৃতম্॥ 8-58-17 (57910)
তস্য সম্পততো রাজন্বপুরাসীন্মহাত্মনঃ।
গরুডস্যেব ততো জিঘৃক্ষোঃ পন্নগোত্তমম্॥ 8-58-18 (57911)
এতস্মিন্নেব কালে তু কেশবঃ পরবীরহা।
অব্রবীদ্ভরতশ্রেষ্ঠমর্জুনং জয়তাং বরম্॥ 8-58-19 (57912)
পশ্য দ্রৌণিং পার্ষতস্য যতমানং বধং প্রতি।
যত্নং করোতি বিপুলং হন্যাচ্চৈনং ন সংশয়ঃ॥ 8-58-20 (57913)
ত্রায়স্বৈনং মহাবাহো পার্ষতং যুদ্ধদুর্মদম্।
দ্রৌণেরাস্যগতং বীর মৃত্যোরাস্যগতং যথা॥ 8-58-21 (57914)
এবমুক্ৎবা মহারাজ বাসুদেবঃ প্রতাপবান্।
প্রৈষয়ত্তুরগান্যত্র দ্রৌণির্বীরো ব্যবস্থিতঃ॥ 8-58-22 (57915)
তে হয়াশ্চন্দ্রসঙ্কাশাঃ কেশবেন প্রচোদিতাঃ।
পিবন্ত ইব চাকাশং জগ্মুদ্রৌণের্মহারথম্॥ 8-58-23 (57916)
দৃষ্ট্বা দ্রৌণির্মহারাজ বাসুদেবধনংজয়ৌ।
ধৃষ্টদ্যুম্নবধে রাজংশ্চক্রে যত্নং মহাবলঃ॥ 8-58-24 (57917)
বিকৃষ্যমাণং দৃষ্ট্বৈ ধৃষ্টদ্যুম্নং জনেশ্বর।
শরাংশ্চিক্ষেপ বৈ পার্থো দ্রৌণিং প্রতি মহারথঃ॥ 8-58-25 (57918)
তে শরা হেমবিকৃতা গাণ্ডীবপ্রেষিতা ভৃশম্।
দ্রৌণিমাসাদ্য বিবিশুর্বল্মীকমিব পন্নগাঃ॥ 8-58-26 (57919)
বিদ্ধস্তু তৈঃ শরৈর্ঘোরৈদ্রোণপুত্রঃ প্রতাপবান্।
উৎসৃজ্য সমরে রাজন্পাঞ্চালমমিতৌজসম্॥ 8-58-27 (57920)
আরুরোহ রথং বীরো ধনঞ্জয়শরার্দিতঃ।
প্রগৃহ্য চ ধনুঃ শ্রেষ্ঠং পার্থং বিব্যাধ সায়কৈঃ॥ 8-58-28 (57921)
এতস্মিন্নন্তরে শূরঃ সহদেবো জনাধিপ।
অপোবাহ রথেনাজৌ পার্ষতং শত্রুতাপনম্॥ 8-58-29 (57922)
অর্জুনোঽপি মহারাজ দ্রৌণিং বিব্যাধ পত্রিভিঃ।
তং দ্রোণপুত্রঃ সংরব্ধো বাহ্বোরুরসি চার্পয়ৎ॥ 8-58-30 (57923)
ক্রোধিতস্তু রণে পার্থো নারাচং কালসন্নিভম্।
দ্রোণপুত্রায় চিক্ষেপ যমদণ্ডমিবাপরম্॥ 8-58-31 (57924)
স ব্রাহ্মণস্যাংসদেশে নিপপাত মহাদ্যুতেঃ।
স বিহ্বলো মহারাজ শরবেগেন সংয়ুগে।
নিষসাদ রথোপস্থে বৈক্লব্যং পরমং যয়ৌ॥ 8-58-32 (57925)
তং তু মৎবা হতং বীরং সারথিঃ শত্রুকর্শনম্।
অপোবাহ রণেনাজৌ ৎবরমাণো রণাজিরাৎ॥ 8-58-33 (57926)
অথোদ্ধৃষ্টং মহারাজ পাঞ্চালৈর্জিতকাশিভিঃ।
মোক্ষিতং পার্ষতং দৃষ্ট্বা দ্রোণপুত্রং চ পীডিতম্॥ 8-58-34 (57927)
বাদিত্রাণি চ দিব্যানি প্রাবাদ্যন্ত সহস্রশঃ।
সিংহনাদশ্চ সঞ্জজ্ঞে দৃষ্ট্বা যুদ্ধং তদদ্ভুতম্॥ 8-58-35 (57928)
ততঃ কর্ণো মহারাজ ব্যাক্ষিপদ্বিজয়ং ধনুঃ।
দৃষ্ট্বার্জুনং রণে ক্রুদ্ধঃ প্রেক্ষতে চ মুহুর্মুহুঃ।
দ্বৈরথং চাপি পার্থেন গন্তুকামো মহাদ্যুতিঃ॥ 8-58-36 (57929)
এবং কৃৎবাঽব্রবীৎপার্থো বাসুদেবং ধনঞ্জয়ঃ।
যাহি সংশপ্তকান্কৃষ্ণ কার্যমেতৎপরং মম॥ 8-58-37 (57930)
ততঃ প্রয়াতো গোবিন্দঃ শ্রুৎবা পাণ্ডবভাষিতম্।
রথেনাতিপতাকেন মনোমারুতরংহসা॥ 8-58-38 (57931)
এবমেষ ক্ষয়ো বৃত্তঃ পৃথিব্যাং পৃথিবীপতে।
তাবকানাং পরেষাং চ রাজন্দুর্মন্ত্রিতে তব॥ ॥ 8-58-39 (57932)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে অষ্টপঞ্চাশোঽধ্যায়ঃ॥ 58 ॥
॥ শ্রীঃ ॥
8.59. অধ্যায়ঃ 059
Mahabharata - Karna Parva - Chapter Topics
সঙ্কুলয়ুদ্ধম্॥ 1 ॥
Mahabharata - Karna Parva - Chapter Text
8-59-0 (57933)
সঞ্জয় উবাচ। 8-59-0x (4982)
ততঃ প্রববৃতে ভূয়ঃ সঙ্গ্রামো রাজসত্তম।
কর্ণস্য পাণ্ডবানাং চ যমরাষ্ট্রবিবর্ধনঃ॥ 8-59-1 (57934)
ধনূংষি বাণান্পরিঘানসিপট্টসতোমরান্।
মুসলানি ভুশুণ্ডীশ্চ শক্তিরিষ্টিপরশ্বথান্॥ 8-59-2 (57935)
গদাঃ প্রাসাঞ্শিতান্কুন্তান্ভিংডিপালান্মহাঙ্কুশান্।
প্রগৃহ্য ক্ষিপ্রমাপেতুঃ পরস্পরজিঘাংসয়া॥ 8-59-3 (57936)
বাণজ্যাতলশব্দেন দ্যাং দিশঃ প্রদিশো বিয়ৎ।
পৃথিবীং নেমিঘোষেণ নাদয়ন্তোঽভ্যযুঃ পরান্॥ 8-59-4 (57937)
তেন শব্দেন মহতা সংহৃষ্টাশ্চক্রুরাহবম্।
বীরা বীরৈর্মহাপ্তোরকলহান্তং তিতীর্ষবঃ॥ 8-59-5 (57938)
জ্যাতলত্রধনুঃশব্দাঞ্শস্ত্রাণাং চ নিপাত্যতাম্।
তাডিতানাং চ পততা নিনাদাংশ্চ পদাতিনাম্॥ 8-59-6 (57939)
বাণশব্দাংশ্চ বিবিধাঞ্শূরাণাং চাভিগর্জতাম্।
শ্রুৎবা গজা ভৃশং ত্রেসুঃ পেতুর্মম্লুশ্চ সৈনিকাঃ॥ 8-59-7 (57940)
তেষাং নিনদতাং চৈব শস্ত্রবর্ষং চ মুঞ্চতাম্।
বহূনাধিরথির্বীরঃ প্রমমাথেষুভিঃ পরান্॥ 8-59-8 (57941)
পঞ্চ পাঞ্চালবীরাণাং রথান্দশ চ পঞ্চ চ।
সাশ্বসূতধ্বজান্কর্ণঃ শরৈর্নিন্যে যমক্ষয়ম্॥ 8-59-9 (57942)
যোধমুখ্যা মহাবীর্যাঃ পাণ্ডূনাং কর্ণমাহবে।
শিক্ষিতাস্তমভিদ্রুত্য পরিবব্রুঃ সমন্ততঃ॥ 8-59-10 (57943)
ততঃ কর্ণো দ্বিষৎসেনাং শরবর্ষৈর্বিলোডয়ন্।
বিজগাহাণ্ডজাকীর্ণাং পদ্মিনীমিব যূথপঃ॥ 8-59-11 (57944)
দ্বিষৎসৈন্যমবস্কন্দ্য রাধেয়ো ধনুরুত্তমম্।
বিধুন্বানঃ শিতৈর্বাণৈঃ শিরাংস্যুন্মথ্য পাতয়ৎ॥ 8-59-12 (57945)
`হস্তিনঃ সমহামাত্রান্সাশ্বারোহান্হয়ানপি।
রথিনোঽপ্যেকবাণেন ভ্রমতশ্চাবপাতয়ৎ'॥ 8-59-13 (57946)
বর্ম বা চর্ম বাঽশ্রিত্য নিপাতমপি দেহিনঃ।
বিষেহুর্নাস্য সংস্পর্শং দ্বিতীয়স্য পতত্ত্রিণঃ॥ 8-59-14 (57947)
বর্ময়ুক্তেষু দেহেষু ধনুষোঽস্যঞ্শিতাঞ্শরান্।
মৌর্ব্যা তলত্রে ন্যহনৎকশয়া বাজিনো যথা॥ 8-59-15 (57948)
পাণ্ডুসৃঞ্জয়পাঞ্চালাঞ্শরগোচরমাগতান্।
মমর্দ তরসা কর্ণঃ সিংহো মৃগগণানিব॥ 8-59-16 (57949)
ততঃ পাঞ্চালপুত্রশ্চ দ্রৌপদেয়াশ্চ মারিষ।
যমৌ চ যুয়ুধানশ্চ ৎবরিতাঃ কর্ণমভ্যযুঃ॥ 8-59-17 (57950)
তেষু ব্যায়চ্ছমানেষু কুরুপাঞ্চালপাণ্ডুষু।
প্রিয়ানসূন্রণে ত্যক্ৎবা যোধা জঘ্নুঃ পরস্পরম্॥ 8-59-18 (57951)
সুসন্নদ্ধাঃ কবচিনঃ সশিরস্ত্রাণভূষণাঃ।
গদাভির্মুসলৈশ্চান্যে পরিঘৈশ্চ মহাবালাঃ॥ 8-59-19 (57952)
সমভ্যধাবন্ত ভৃশং কালদণ্ডৈরিবোদ্যতৈঃ।
নর্দন্তশ্চাহ্বয়ন্তশ্চ প্রবল্গন্তশ্চ মারিষ॥ 8-59-20 (57953)
ততো নিজঘ্নুরন্যোন্যং পেতুশ্চান্যোন্যতাডিতাঃ।
বমন্তো রুধিরং গাত্রৈর্বিমস্তিষ্কেক্ষমায়ুধাঃ॥ 8-59-21 (57954)
দন্তপূর্ণৈঃ সরুধিরৈর্বক্রৈর্দাডিমসন্নিভৈঃ।
জীবন্ত ইব চাপ্যেকে তস্থুঃ শস্ত্রৌঘবৃংহিতাঃ॥ 8-59-22 (57955)
পরশ্বথৈশ্চাপ্যপরে পট্টসৈরসিভিস্তথা।
শক্তিভির্ভিণ্ডিপালৈশ্চ নখরপ্রাসতোমরৈঃ॥ 8-59-23 (57956)
ততক্ষুশ্চিচ্ছিদুশ্চান্যে বিভিদুশ্চিক্ষিপুস্তথা।
সঞ্চকর্তুশ্চ জঘ্নুশ্চ রাজন্যোধা মহারণে॥ 8-59-24 (57957)
পেতুরন্যোন্যনিহতা ব্যসবো রুধিরোক্ষিতাঃ।
ক্ষরন্তঃ স্বরসং রক্তং প্রকৃত্তাশ্চন্দনা ইব॥ 8-59-25 (57958)
রথৈ রথা বিনিহতা হস্তিভিশ্চাপি হস্তিনঃ।
নরৈর্নরা হতাঃ পেতুরশ্বাশ্চাশ্বৈঃ সহস্রশঃ॥ 8-59-26 (57959)
ধ্বজাঃ শিরাংসি চ্ছিন্নাঃ পেতুর্মহীতলে॥
`বধ্যতাং দারুণাঃ শব্দাঃ পততাং স্তনতামপি। 8-59-27 (57960)
ক্ষুরৈর্ভল্লার্ধচন্দ্রৈশ্চ চ্ছিন্নাঃ পেতুর্মহীতলে॥
নরাশ্বেভরথানাং হিনরাশ্বেভরথৈস্তথা'॥ 8-59-28 (57961)
নরাংশ্চ নাগাংশ্চ রথান্হয়ান্মমৃদুরাহবে॥ 8-59-29 (57962)
অশ্বারোহৈর্হতাঃ শূরাশ্ছিন্নহস্তাশ্চ দন্তিনঃ।
সপতাকাধ্বজাঃ পেতুর্বিশীর্ণা ইব পর্বতাঃ॥ 8-59-30 (57963)
পত্তিভিশ্চ সমাপ্লুত্য দ্বিরদাঃ স্যন্দনাস্তথা।
হতাশ্চ হন্যমানাশ্চ পতিতাশ্চৈব সর্বশঃ॥ 8-59-31 (57964)
অশ্বারোহাঃ সমাসাদ্য ৎবরিতাঃ পত্তিভির্হতাঃ।
সাদিভিঃ পত্তিসঙ্ঘাশ্চ নিহতা যুধি শেরতে॥ 8-59-32 (57965)
মৃদিতানীব পদ্মানি প্রম্লানা ইব চ স্রজঃ।
হতানাং বদনান্যাসন্গাত্রাণি চ মহাহবে॥ 8-59-33 (57966)
রূপাণ্যত্যর্থকান্তানি দ্বিরদাশ্বনৃণাং নৃপ।
সমুন্নানীব বস্ত্রাণি যয়ুর্দুর্দুর্শতাং পরাম্॥ ॥ 8-59-34 (57967)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে একোনষষ্টিতমোঽধ্যায়ঃ॥ 59 ॥
Mahabharata - Karna Parva - Chapter Footnotes
॥ শ্রীঃ ॥
8.60. অধ্যায়ঃ 060
Mahabharata - Karna Parva - Chapter Topics
গজয়ুদ্ধম্॥ 1 ॥ সঙ্কুলয়ুদ্ধম্॥ 2 ॥
Mahabharata - Karna Parva - Chapter Text
8-60-0 (57968)
সঞ্জয় উবাচ। 8-60-0x (4983)
হস্তিভিস্তু মহামাত্রাস্তব পুত্রেণ চোদিতাঃ।
ধৃষ্টদ্যুম্নং ঘ্নতেত্যাশু ক্রুদ্ধাঃ পার্ষতমভ্যযুঃ॥ 8-60-1 (57969)
প্রাচ্যাশ্চ দাক্ষিণাত্যাশ্চ প্রবরা গজয়োধিনঃ।
অঙ্গা বঙ্গাশ্চ পুণ্ড্রাশ্চ মাগধাস্তাম্রলিপ্তকাঃ॥ 8-60-2 (57970)
মেকলাঃ কোশলা মদ্রা দশার্ণা নিষধাস্তথা।
গজয়ুদ্ধেষু কুশলাঃ কলিঙ্গৈঃ সহ ভারত॥ 8-60-3 (57971)
শরতোমরনারাচৈর্বৃষ্টিমন্ত ইবাম্বুদাঃ।
সিষিচুস্তে ততঃ সর্বে পাঞ্চালবলমাহবে॥ 8-60-4 (57972)
তানভিদ্রবতো নাগান্মদবেগসমুদ্ধতান্।
বিপাঠক্ষুরনারাচৈর্ধৃষ্টদ্যুম্নো হ্যবীবৃষৎ॥ 8-60-5 (57973)
একৈকং দশভিঃ ষ়ড্ভিরষ্টাভিরপি পার্ষতঃ।
দ্বিরদানভিবিব্যাধ ক্ষিপ্রং গিরিনিভাঞ্শরৈঃ॥ 8-60-6 (57974)
প্রচ্ছাদ্যমানং দ্বিরদৈর্মেঘৈরিব দিবাকরম্।
পর্যযুঃ পাণ্ডুপাঞ্চালা নদন্তো হ্যাত্তকার্মুকাঃ॥ 8-60-7 (57975)
তান্নাগানভিবর্ষন্তো জ্যাতলত্রবিনাদিনঃ।
বীরনৃত্যং প্রনৃত্যন্তঃ শূরতালপ্রচোদিতৈঃ।
নকুলঃ সহদেবশ্চ দ্রৌপদেয়াঃ প্রভদ্রকাঃ॥ 8-60-8 (57976)
সাত্যকিশ্চ শিখণ্ডী চ চেকিতানশ্চ বীর্যবান্।
সমন্তাৎসিষিচুর্বীরা মেঘাস্তোয়ৈরিবাচলান্॥ 8-60-9 (57977)
তে ম্লেচ্ছৈঃ প্রেষিতা নাগা নরানশ্বান্রথানপি।
হস্তৈরাক্ষিপ্য মমৃদুঃ পদ্ভিশ্চাপ্যতিমন্যবঃ॥ 8-60-10 (57978)
বিভিদুশ্চ বিষাণাগ্রৈঃ সমাক্ষিপ্য চ চিক্ষিপুঃ।
বিষাণলগ্নাশ্চাপ্যন্যে পরিপেতুর্বিভীষণাঃ॥ 8-60-11 (57979)
প্রমুখে বর্তমানং তু দ্বিপমঙ্গস্য সাত্যকিঃ।
নারাচেনোগ্রবেগেন ভিত্ৎবা মর্মাণ্যতাডয়ৎ॥ 8-60-12 (57980)
তস্যাবর্জিতকায়স্য দ্বিরদাদুৎপতিষ্যতঃ।
নারাচেনাহনদ্বক্ষঃ সাত্যকিঃ সোঽপতদ্ভুবি॥ 8-60-13 (57981)
পুণ্ড্রস্যাপততো নাগং চলন্তমিব পর্বতম্।
সহদেবঃ প্রসন্নাগ্রৈর্নারাচৈরহনত্ত্রিভিঃ॥ 8-60-14 (57982)
বিপতাকং বিয়ন্তারং বিবর্মধ্বজজীবিতম্।
তং কৃৎবা দ্বিরদং ভূয়ঃ সহদেবোঽঙ্গমভ্যযাৎ॥ 8-60-15 (57983)
সহদেবং তু নকুলো বারয়িৎবাঙ্গমার্দয়ৎ।
নারাচৈর্যমদণ্ডাভৈস্ত্রিভির্নাগং শতেন তম্॥ 8-60-16 (57984)
দিবাকরকপ্রখ্যানঙ্গশ্চিক্ষেপ তোমরান্।
নকুলায় শতান্যষ্টৌ ত্রিধৈকৈকং তু সোঽচ্ছিনৎ॥ 8-60-17 (57985)
তথাঽর্ধচন্দ্রেণ শিরস্তস্য চিচ্ছেদ পাণ্ডবঃ।
স পপাত হতো ম্লেচ্ছস্তেনৈব সহ দন্তিনা॥ 8-60-18 (57986)
অথাঙ্গপুত্রে নিহতে হস্তিশিক্ষাবিশারদে।
অঙ্গাঃ ক্রুদ্ধা মহামাত্রা নাগৈর্নকুলমভ্যযুঃ॥ 8-60-19 (57987)
চলৎপতাকৈঃ সুমুখৈর্হেমকক্ষ্যাতনুচ্ছদৈঃ।
মিমর্দিষন্তস্ৎবরিতাঃ প্রদীপ্তৈরিব পর্বতৈঃ॥ 8-60-20 (57988)
মেকলোৎকলকালিঙ্গা নিষধাস্তাম্রলিপ্তকাঃ।
শরতোমরবর্ষাণি বিমুঞ্চন্তো জিঘাংসবঃ॥ 8-60-21 (57989)
তৈশ্ছাদ্যমানং নকুলং নিশাকরমিবাম্বুদৈঃ।
পরিপেতুঃ সুসংরব্ধাঃ পাণ্ডুপাঞ্চালসাত্যকাঃ॥ 8-60-22 (57990)
ততস্তদভবদ্যুদ্ধং রথিনাং হস্তিভিঃ সহ।
সৃজতাং শরবর্ষাণি তোমরাংশ্চ সহস্রশঃ॥ 8-60-23 (57991)
নাগানাং প্রাস্ফুটন্কুম্ভা মর্মাণি চ নখানি চ।
দন্তাশ্চৈবাতিবিদ্ধানাং নারাচৈর্হেমভূষণৈঃ॥ 8-60-24 (57992)
তেষামষ্টৌ মহানাগাংশ্চতুঃষষ্ট্যা সুতেজনৈঃ।
নারাচৈঃ সহদেবস্তান্পাতয়ামাস সাদিভিঃ॥ 8-60-25 (57993)
অঞ্জোগতিভিরায়ম্য প্রয়ত্নাদ্ধনুরুত্তমম্।
নারাচৈরহনন্নাগান্নকুলঃ কুলনন্দনঃ॥ 8-60-26 (57994)
ততঃ পাঞ্চালশৈনেয়ৌ দ্রৌপদেয়াঃ প্রভদ্রকাঃ।
শিখণ্ডী চ মহানাগান্সিষিচুঃ শরবৃষ্টিভিঃ॥ 8-60-27 (57995)
তে পাণ্ডুয়োধাম্বুধরৈঃ শত্রুদ্বিরদপর্বতাঃ।
বাণবর্ষৈর্হতাঃ পেতুর্বজ্রবর্ষৈরিবাচলাঃ॥ 8-60-28 (57996)
এবং হৎবা তব গজাংস্তে পাণ্ডুরথকুঞ্জরাঃ।
দ্রুতং সেনাং চ বর্ষন্তো ভিন্নকূলামিবাপগাম্॥ 8-60-29 (57997)
তাং তে সেনাং সমালোড্য পাণ্ডুপুত্রস্য সৈনিকাঃ।
বিক্ষোভয়িৎবা চ পুনঃ কর্ণং সমভিদুদ্রুবুঃ॥ ॥ 8-60-30 (57998)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে ষষ্টিতমোঽধ্যায়ঃ॥ 60 ॥
Mahabharata - Karna Parva - Chapter Footnotes
॥ শ্রীঃ ॥
8.61. অধ্যায়ঃ 061
Mahabharata - Karna Parva - Chapter Topics
কৃষ্ণেনার্জুনম্প্রতি কুরূণাং যুধিষ্ঠিরগ্রহণোদ্যমকথনম্॥ 1 ॥
Mahabharata - Karna Parva - Chapter Text
8-61-0 (57999)
সঞ্জয় উবাচ। 8-61-0x (4984)
তেষাং প্রবৃত্তে সঙ্গ্রামে বিপুলে শোণিতোদকে।
ররাজ লোহিতেনোর্বী সংসিক্তা বহুধা ভৃশম্॥ 8-61-1 (58000)
ততো রজসি সংশান্তে প্রকাশঃ সর্বতোঽভবৎ।
এতস্মিন্নন্তরে পার্থং কৃষ্ণো বচনমব্রবীৎ।
দর্শয়ন্নিব কৌন্তেয়ং ধর্মরাজং যুধিষ্ঠিরম্॥ 8-61-2 (58001)
এষ পাণ্ডব তে ভ্রাতা ধার্তরাষ্ট্রৈর্মহাবলৈঃ।
জিঘাংসুভির্মহেষ্বাসৈঃ শীঘ্রং পার্থোঽনুসার্যতে॥ 8-61-3 (58002)
তমন্বগেব পাঞ্চালাশ্চেদিমাৎস্যাশ্চ ভারত।
অনুয়ান্তি মহাত্মানং পরীপ্সন্তো মহাজবাঃ॥ 8-61-4 (58003)
এষ দুর্যোধনঃ পার্থ গজানীকেন দংশিতঃ।
রাজা সর্বস্য লোকস্য রাজানমনুধাবতি॥ 8-61-5 (58004)
জিঘাংসুঃ পুরুষব্যাঘ্রং ভ্রাতৃভিঃ সহিতো বলী।
আশীবিষসমস্পর্শৈঃ সর্বায়ুধবিশারদৈঃ॥ 8-61-6 (58005)
নদদ্ভিঃ সিংহনাদাংশ্চ ধমদ্ভিশ্চাপি বারিজান্।
বলবদ্ভির্মহেষ্বাসৈর্বিধূন্বানৈর্ধনূংষি চ॥ 8-61-7 (58006)
এতে জিঘৃক্ষবো যান্তি দ্বিপাশ্বরথপত্তয়ঃ।
যুধিষ্ঠিরং ধার্তরাষ্ট্রো রত্নোত্তমমিবার্থিনঃ॥ 8-61-8 (58007)
পশ্য সাৎবতভীমাভ্যাং নিরুদ্ধা বিষ্ঠিতাঃ পুনঃ।
জিহীর্ষবোঽমৃতং দৈত্যাঃ শক্রাগ্নিভ্যামিবাহবে॥ 8-61-9 (58008)
এতে বহুৎবাত্ৎবরিতাঃ পুনর্গচ্ছন্তি পাণ্ডবম্।
সমুদ্রমিব বার্যোঘাঃ প্রাবৃট্কালে মহারথাঃ॥ 8-61-10 (58009)
মৃত্যোর্মুখগতং মন্যে কুন্তীপুত্রং যুধিষ্ঠিরম্।
হুতমগ্নৌ চ কৌন্তেয়ং দুর্যোধনবশং গতম্॥ 8-61-11 (58010)
যথায়ুক্তমনীকং হি ধার্তরাষ্ট্রস্য পাণ্ডব।
নাস্য শক্রোঽপি মুচ্যেত সম্প্রাপ্তো বাণগোচরম্॥ 8-61-12 (58011)
দুর্যোধনস্য বীরস্য শরৌঘাঞ্শীঘ্রমস্যতঃ।
সঙ্ক্রুদ্ধস্যান্তকস্যেব কো বেগং সংসহেদ্রণে॥ 8-61-13 (58012)
রসতস্তস্য বীরস্য দ্রৌণেঃ শারদ্বতস্য চ।
কর্ণস্য চেষুবেগো বৈ পর্বতানপি শাতয়েৎ॥ 8-61-14 (58013)
কর্ণেন চ কৃতো রাজা বিমুখোঽদ্য তু দৃশ্যতে॥ 8-61-15 (58014)
বলবাঁল্লুঘুহস্তশ্চ কৃতী যুদ্ধবিশারদঃ।
রাধেয়ঃ পাণ্ডবশ্রেষ্ঠং শক্তঃ পীডয়িতুং রণে।
সহিতো ধৃতরাষ্ট্রস্য পুত্রৈঃ শূরৈর্মহাবলৈঃ॥ 8-61-16 (58015)
তস্যৈভির্যুধ্যমানস্য সঙ্গ্রামে শংসিতাত্মনঃ।
অন্যৈরপি চ পার্থস্য কৃতং কর্ম মহারথৈঃ॥ 8-61-17 (58016)
উপবাসকৃশো রাজা ভৃশং ভরতসত্তমঃ।
ব্রাহ্মো বলে স্থিতো হ্যেষ ন ক্ষাত্রে হি বলে বিভুঃ॥ 8-61-18 (58017)
কর্ণেন চাভিয়ুক্তোঽয়ং ভূপতিঃ শত্রুতাপনঃ।
সংশয়ং সমনুপ্রাপ্তঃ পাণ্ডবো বৈ যুধিষ্ঠিরঃ॥ 8-61-19 (58018)
ন জীবতি মহারাজো মন্যে পার্থ যুধিষ্ঠিরঃ।
যদ্ভীমসেনঃ সহতে সিংহনাদমমর্ষণঃ॥ 8-61-20 (58019)
নর্দতাং ধার্তরাষ্ট্রাণাং পুনঃপুনররিন্দমঃ।
ধমতাং চ মহাশঙ্খান্সঙ্গ্রামে জিতকাশিনাম্॥ 8-61-21 (58020)
যুধিষ্ঠিরং পাণ্ডবেয়ং হতেতি ভরতর্ষভ।
সঞ্চোদয়ত্যসৌ কর্ণো ধার্তরাষ্ট্রান্মহাবলান্॥ 8-61-22 (58021)
স্থূণাকর্ণাস্ত্রজালেন পার্থ পাশুপতেন চ।
প্রচ্ছাদয়ন্তি রাজানমনুয়ান্তি মহারথাঃ॥ ॥ 8-61-23 (58022)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে একষষ্টিতমোঽধ্যায়ঃ॥ 61 ॥
Mahabharata - Karna Parva - Chapter Footnotes
॥ শ্রীঃ ॥
8.62. অধ্যায়ঃ 062
Mahabharata - Karna Parva - Chapter Topics
কৃষ্ণেনার্জুনম্প্রতি যুধিষ্ঠিরস্য কর্ণেন পরাভবকথনপূর্বকং কর্ণয়ুদ্ধপ্রদর্শনম্॥ 1 ॥ তথা ভীমসেনয়ুদ্ধপ্রদর্শনম্॥ 2 ॥
Mahabharata - Karna Parva - Chapter Text
8-62-0 (58023)
শ্রীভগবানুবাচ। 8-62-0x (4985)
আতুরো মে মতো রাজা অবিপহ্যশ্চ ভারত।
যথৈনমনুবর্তন্তে পঞ্চালাঃ সহ পাণ্ডবৈঃ॥ 8-62-1 (58024)
ৎবরমাণাস্ৎবরাকালে সর্বশস্ত্রভৃতাং বরাঃ।
মজ্জন্তমিব পাতালে বলিনো হ্যুজ্জিহীর্ষবঃ॥ 8-62-2 (58025)
ন কেতুর্দৃশ্যতে রাজ্ঞঃ কর্ণস্য পিহিতঃ শরৈঃ।
পশ্যতোর্যময়োঃ পার্থ সাত্যকেশ্চ শিখণ্ডিনঃ॥ 8-62-3 (58026)
ধৃষ্টদ্যুম্নস্য ভীমস্য শতানীকস্য বা বিভো।
পাঞ্চালানাং চ সর্বেষাং চেদীনাং চৈব ভারত॥ 8-62-4 (58027)
এষ কর্ণো রণে পার্থ পাণ্ডবানামনীকিনীম্।
শরৈর্বিধ্বংসয়ামাস নলিনীমিব কুঞ্জরঃ॥ 8-62-5 (58028)
এতে দ্রবন্তি রথিনস্ৎবদীয়াঃ পাণ্ডুনন্দন।
পশ্য পশ্য যথা পার্থ গচ্ছন্ত্যেতে মহারথাঃ॥ 8-62-6 (58029)
এতে ভারত মাতঙ্গাঃ কর্ণেনাভিহতাঃ শরৈঃ।
আর্তনাদান্বিকুর্বাণা বিদ্রবন্তি দিশো দশ॥ 8-62-7 (58030)
রথানাং দ্রবতে বৃন্দমেতচ্চৈব সমন্ততঃ।
দ্রাব্যমাণং রণে পার্থ কর্ণেনামিততেজসা॥ 8-62-8 (58031)
হস্তিকক্ষ্যাং রণে পশ্য চরন্তীং তত্রতত্র হ।
রথস্থং সূতপুত্রস্য কেতুং কেতুমতাং বর॥ 8-62-9 (58032)
অসৌ ধাবতি রাধেয়ো ভীমসেনরথং প্রতি।
কিরঞ্শরশতান্যেব বিনিঘ্নংস্তব বাহিনীম্॥ 8-62-10 (58033)
এতে নশ্যন্তি পাঞ্চালা দ্রাব্যমাণা মহাত্মনা।
শক্রেণেব যথা দৈত্যা দ্রাব্যমাণা মহাত্মনা॥ 8-62-11 (58034)
এষ কর্ণো রণে জিৎবা পাঞ্চালান্পাণ্ডুসৃঞ্জয়ান্।
দিশো বিপ্রেক্ষতে সর্বাস্ৎবদর্থমিতি মে মতিঃ॥ 8-62-12 (58035)
এষ কর্ণো ধনুঃশ্রেষ্ঠং বিধূন্বন্বহুশোভতে।
শত্রুং জিৎবা যথা শক্রো দেবসঙ্খৈঃ সমাবৃতঃ॥ 8-62-13 (58036)
এতে নর্দন্তি কৌরব্যা দৃষ্ট্বা কর্ণস্য বিক্রমম্।
ত্রাসয়ন্তো রণে পাণ্ডূন্সৃংজয়াংশ্চ সমন্ততঃ॥ 8-62-14 (58037)
এষ সর্বাত্মনা পাণ্ডূংস্ত্রাসয়িৎবা মহারণে।
অভিভাষতি রাধেয়ঃ সর্বসৈন্যানি মানদ॥ 8-62-15 (58038)
অভিদ্রবত ভদ্রং বো দ্রুতং দ্রবত কৌরবাঃ।
যথা ন জীববান্কশ্চিন্মুচ্যেত যুধি সৃঞ্জয়ঃ॥ 8-62-16 (58039)
তথা কুরুত সংয়ত্তা বয়ং যাস্যাম পৃষ্ঠতঃ।
এবমুক্ৎবা গতো হ্যেষ পৃষ্ঠতো বিকিরঞ্ছরান্॥ 8-62-17 (58040)
পশ্য কর্ণং রণে পার্থ শ্বেতচ্ছত্রবিরাজিতম্।
উদয়ং পর্বতং যদ্বচ্ছশাঙ্কেনাভিশোভিতম্॥ 8-62-18 (58041)
পূর্ণচন্দ্রনিকাশেন মূর্ধ্নি চ্ছত্রেণ ভারত।
ধ্রিয়মাণেন সমরে শ্রীমচ্ছতশলাকিনা॥ 8-62-19 (58042)
এষ ৎবাং প্রেক্ষতে কর্ণঃ সকটাক্ষং ধনঞ্জয়।
উত্তমং যত্নমাস্থায় ধ্রুবমেষ্যতি সংয়ুগে॥ 8-62-20 (58043)
পশ্য হ্যেনং মহাবাহো বিধুন্বানং মহদ্ধনুঃ।
শরাংশ্চাশীবিষাকারান্বিসৃজন্তং মহারণে॥ 8-62-21 (58044)
অসৌ নিবৃত্তো রাধেয়ো দৃষ্ট্বা তে বানরধ্বজম্।
প্রার্থয়ন্সমরং পার্থ ৎবয়া সহ পরন্তপ।
বধায় হ্যাত্মনোঽভ্যেতি পাবকং শলভো যথা॥ 8-62-22 (58045)
কর্ণমেকাকিনং দৃষ্ট্বা ধার্তরাষ্ট্রো রণাজিরে।
ৎবাং চ পার্থাভিসংরব্ধং কর্ণং প্রতি মহারথম্॥ 8-62-23 (58046)
কৃতাগসং চ রাধেয়ং ধর্মাত্মনি যুধিষ্ঠিরে।
অত্মানং চ কৃতার্থং চ সমীক্ষ্য ভরতর্ষভ॥ 8-62-24 (58047)
অসৌ দুর্যোধনঃ ক্রুদ্ধো রথানীকেন ভারত।
রিরক্ষিষুঃ সুসংবৃত্তো ধার্তরাষ্ট্রো নিবর্ততে॥ 8-62-25 (58048)
সর্বৈঃ সহৈভির্দুষ্টাত্মা বধ্যতাং চ প্রয়ত্নতঃ।
ৎবয়া যশশ্চ রাজ্যং চ সুখং চোত্তমমিচ্ছতা॥ 8-62-26 (58049)
অদীনয়োর্বিশ্রুতয়োর্যুবয়োর্যোৎস্যমানয়োঃ।
দেবাসুরে পার্থ মৃধে দেবদানবয়োরিব।
পশ্যন্তু কৌরবাঃ সর্বে তব পার্থ পরাক্রমম্॥ 8-62-27 (58050)
ৎবাং চ দৃষ্ট্বাতিসংরব্ধং কর্ণং চ ভরতর্ষম্।
অসৌ দুর্যোধনঃ ক্রুদ্ধো নোত্তরং প্রতিপদ্যতে॥ 8-62-28 (58051)
আত্মানং চ কৃতাত্মানং সমীক্ষ্য ভরতর্ষভ।
কৃতাগসং চ রাধেয়ং ধর্মাত্মনি যুধিষ্ঠিরে॥ 8-62-29 (58052)
প্রতিপদ্যস্ব কৌন্তেয় প্রাপ্তকালমনন্তরম্।
আর্যাং যুদ্ধে মতিং কৃৎবা প্রত্যেহি রথয়ূথপম্॥ 8-62-30 (58053)
পঞ্চ হ্যেতানি মুখ্যানি রথানাং রথসত্তম।
শতান্যxxxxxxজলিনাং তিন্মতেজসাম্॥ 8-62-31 (58054)
পঞ্চ নাঘxxxxx দ্বিগুণা বাজিনস্তথা।
অভিসংহত্য কৌন্তেয় পদাতাঃ প্রয়ুতানি চ॥ 8-62-32 (58055)
xxxxxxxx বীর বলং তামভিবর্ততে।
দ্রোমপুত্রং পুরস্কৃত্য তচ্ছীঘ্রং সন্নিষূদয়॥ 8-62-33 (58056)
নিকৃত্ত্যৈতদ্রথানীকং বলিনং লোকবিশ্রুতম্।
সূতপুত্রে মহেষ্বাসে দর্শয়াত্মানমাত্মনা॥ 8-62-34 (58057)
xxxxxxxxxxxxxxxভরতর্ষভ।
xxxxxxxxxxxxx পাঞ্চালানভিঘাবতি। 8-62-35 (58058)
xxxxxx হি পশ্যামি ধৃষ্টদ্যুম্নরর্থ প্রতি।
xxxxxx পাঞ্চালানিতি মন্যে পরন্তপ॥ 8-62-36 (58059)
আচচক্ষে প্রিয়ং পার্থ তবেদং ভরতর্ষভ।
রাজাসৌ কুশলী শ্রীমান্ধর্মপুত্রো যুধিষ্ঠিরঃ॥ 8-62-37 (58060)
অসৌ ভীমো মহাবাহুঃ সন্নিবৃত্তশ্চমূয়ুখে।
বৃতঃ সৃঞ্জয় সৈন্যেন শৈনেয়েন চ ভপ্তত॥ 8-62-38 (58061)
বধ্যন্ত এতে সমরে কৌরবা নিশিতৈঃ শরৈঃ।
ভীমসেনেন কৌন্তেয় পাঞ্চালৈশ্চ মহাত্মভিঃ॥ 8-62-39 (58062)
সেনা হি ধার্তরাষ্ট্রস্য বিমুখা ব্যদ্রবদ্রণাৎ।
বেগেন ভীমসেনস্য বিহতা বিবিধৈঃ শরৈঃ॥ 8-62-40 (58063)
বিপন্নসস্যেব মহী রুধিরেণ সমুক্ষিতা।
ভারতী ভরতশ্রেষ্ঠ সেনা কৃপণদর্শনা॥ 8-62-41 (58064)
নিবৃত্তং পশ্য কৌন্তেয় ভীমসেনং যুধাম্পতিম্।
আশীবিষমিব ক্রুদ্ধং তস্মাদ্দ্রবতি ভারতি॥ 8-62-42 (58065)
পীতরক্তাসিতসিতাস্তারাচন্দ্রার্কমণ্ডিতাঃ।
পতাকা বিপ্রকীর্যন্তে ছত্রাণ্যেতানি চার্জুন॥ 8-62-43 (58066)
সৌবর্ণা রাজতাশ্চৈব তৈজসাশ্চ পৃথগ্বিধাঃ।
কেতবোঽভিনিপাত্যন্তে হস্ত্যশ্বং চ প্রকীর্যতে॥ 8-62-44 (58067)
রথেভ্যঃ প্রপতন্ত্যেতে রথিনো বিগতাসবঃ।
নানাবর্ণৈর্হতা বাণৈঃ পাঞ্চালৈরপলায়িভিঃ॥ 8-62-45 (58068)
নির্মনুষ্যান্গজানশ্বান্রথাংশ্চৈব ধনঞ্জয়।
সমাদ্রবন্তি পাঞ্চালা ধার্তরাষ্ট্রাংস্তরস্বিনঃ॥ 8-62-46 (58069)
বিমৃদ্রন্তি নরব্যাঘ্রা ভীমসেনবলাশ্রয়াৎ।
বলং পরেষাং দুর্ধর্ষং ত্যক্ৎবা প্রাণানরিন্দম্॥ 8-62-47 (58070)
এতে নর্দিন্তি পাঞ্চালা ধ্মাপয়ন্তি চ বারিজান্।
অভিদ্রবন্তি চ রণে মৃদ্রন্তঃ সায়কৈঃ পরান্॥ 8-62-48 (58071)
পশ্য স্বর্গস্য মাহাত্ম্যং পাঞ্চালা হি পরাক্রমাৎ।
ধার্তরাষ্ট্রান্বিনিঘ্নন্তো বিশন্ত্যেতে রথোত্তমান্॥ 8-62-49 (58072)
[শস্ত্রমাচ্ছিদ্য শত্রূণাং সায়ুধানাং নিরায়ুধাঃ।
তেনৈবৈতানমোঘাস্ত্রা নিঘ্নন্তি চ নদন্তি চ॥ 8-62-50 (58073)
শিরাংস্যেতানি পাত্যন্তে শত্রূণাং বাহবোঽপি চ।
রথনাগহয়া বীরা যশস্যাঃ সর্ব এব চ]॥ 8-62-51 (58074)
সর্বতশ্চাভিপন্নৈষা ধার্তরাষ্ট্রী মহাচমূঃ।
ত্যক্ৎবা প্রাণান্মহেষ্বাসৈঃ পাঞ্চালৈঃ পরিপাত্যতে॥ 8-62-52 (58075)
সুহৃদশ্চ পরাক্রান্তাঃ কৃপকর্ণাদয়ো বিভো।
নিবারণে মহেষ্বাসাঃ পাঞ্চালানাং পরন্তপ॥ 8-62-53 (58076)
অনিবৃত্তাংশ্চ ভীতাংস্তান্ধার্তরাষ্ট্রান্পরন্তপ।
ধৃষ্টদ্যুম্নমুখা বীরা ঘ্নন্তি শত্রূন্সহস্রশঃ॥ 8-62-54 (58077)
রথাশ্চ বিবিধাঃ সর্বে নিবৃত্তে ভরতর্ষভে।
বিবর্ণমুখভূয়িষ্ঠা ধার্তরাষ্ট্রী মহাচমূঃ॥ 8-62-55 (58078)
পশ্য ভীমেন নারাচৈর্ভিন্না নাগাঃ পতন্ত্যমী।
বজ্রিবজ্রহতানীব শিখরাণি ধরাভৃতাম্॥ 8-62-56 (58079)
ভীমসেনস্য নির্বিদ্ধা বাণৈঃ সন্নতপর্বভিঃ।
স্বান্যনীকানি মৃদ্গন্তো দ্রবন্ত্যেতে মহাগজাঃ॥ 8-62-57 (58080)
`এতে দ্রবন্তি কুরবো ভীমসেনভয়ার্দিতাঃ।
ত্যক্ৎবা রথান্গজাংশ্চৈব হয়াংশ্চৈব সহস্রশঃ॥ 8-62-58 (58081)
হস্ত্যশ্বরথপত্তীনাং দ্রবতাং নিঃস্বনং শৃণু।
ভীমসেনস্য নিনদং দ্রাবয়ানস্য কৌরবান্॥ 8-62-59 (58082)
অভিজানামি ভীমস্য সিংহনাদং পুনঃপুনঃ'।
নদতঃ পাণ্ডবেয়স্য সঙ্গ্রামে জিতকাশিনঃ॥ 8-62-60 (58083)
এষ নৈষাদিরভ্যেতি দ্বিপমুখ্যেন পাণ্ডবম্।
বিসৃজংস্তোমরান্ক্রুদ্ধো দণ্ডপাণিরিবান্তকঃ॥ 8-62-61 (58084)
তস্য চৈব ভুজৌ ছিন্নৌ ভীমসেনেন গর্জতঃ।
নাগশ্চ ক্রকরপ্রখ্যৈর্নারাচৈর্দশভির্হতঃ॥ 8-62-62 (58085)
হন্তৈতে পুনরায়ান্তি নাগা হ্যন্যে প্রহারিণঃ।
নীলাঞ্জনচয়প্রখ্যা মহামাত্রৈরধিষ্ঠিতাঃ॥ 8-62-63 (58086)
শক্তিতোমরসঙ্ঘতৈর্বিনিঘ্নন্তো বৃকোদরম্।
সপ্তসপ্ত চ নাগস্থা বৈজয়ন্ত্যশ্চ সধ্বজাঃ।
নবত্যা নিশিতৈর্বাণৈশ্ছিন্নাঃ পার্থাগ্রজেন তে॥ 8-62-64 (58087)
দশভির্দশভিশ্চৈকো নারাচৈর্নিহতো গজঃ॥ 8-62-65 (58088)
ন চাসৌ ধার্তরাষ্ট্রাণাং শ্রূয়তে নিনদস্তথা।
পুরন্দরসমে ক্রুদ্ধে নিবৃত্তে ভরতর্ষভে॥ 8-62-66 (58089)
অক্ষৌহিণ্যস্তথা তিস্রো ধার্তরাষ্ট্রস্য সঙ্গতাঃ।
ক্রুদ্ধেন ভীমসেনেন নরসিংহেন বারিতাঃ॥ 8-62-67 (58090)
ন শক্নুবন্তি বৈ পার্থং পার্থিবাঃ সমুদীক্ষিতুম্।
মধ্যন্দিনগতং সূর্যং যথা দুর্বলচক্ষুষঃ॥ 8-62-68 (58091)
এতে ভীমস্য সন্ত্রস্তাঃ সিংহস্যেবেতরে মৃগাঃ।
শরৈঃ সন্ত্রাসিতাঃ সহ্খ্যে ন লভন্তে সুখং ক্বচিৎ॥ 8-62-69 (58092)
রাধেয়ো বহুভিঃ সার্ধমসৌ গচ্ছতি বেগিতঃ।
বর্ধয়িৎবা তু ভীরুং তং পার্শ্বতো হ্যানয়দ্ধনুঃ।
তং পালয়ন্মহারাজং ধার্তরাষ্ট্রং বলান্বিতঃ॥ 8-62-70 (58093)
সঞ্জয় উবাচ। 8-62-71x (4986)
এতচ্ছ্রুৎবা মহাবাহুর্বাসুদেবাদ্ধনঞ্জয়ঃ।
ভীমসেনেন তৎকর্ম কৃতং দৃষ্ট্বা সুদুষ্করম্।
অর্জুনো ব্যধমচ্ছিষ্টান্সংশপ্তকগণান্বহূন্॥ 8-62-71 (58094)
তে বধ্যমানাঃ পার্থেন সংশপ্তকগণাঃ প্রভো।
শক্রস্যাতিথিতাং গৎবা বিশোকা হ্যভবংস্তদা॥ 8-62-72 (58095)
নারায়ণাংস্তু গোপালান্ব্যধমৎপাণ্ডুনন্দনঃ।
উত্তমং বেxxxxxপ্তাস্থায় চণ্ডবায়ুর্ধনানিব॥ 8-62-73 (58096)
অন্বকীর্যন্ত ভীতাস্তে তত্রতত্রৈব ভারত।
লুলিতাংশ্চ ততঃ শূরানহনৎপুরুষোত্তমঃ॥ 8-62-74 (58097)
পুনশ্চ পুরুষব্যাঘ্রঃ শরৈঃ সন্নতপর্বভিঃ।
জঘান ধার্তরাষ্ট্রস্য চতুর্বিধবলাং চমূম্॥ ॥ 8-62-75 (58098)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে দ্বিষষ্টিতমোঽধ্যায়ঃ॥ 62 ॥
Mahabharata - Karna Parva - Chapter Footnotes
॥ শ্রীঃ ॥
8.63. অধ্যায়ঃ 063
Mahabharata - Karna Parva - Chapter Topics
রণায় রাজ্ঞাং দ্বন্দ্বীভাবঃ॥ 1 ॥ কর্ণেন শিখণ্ডিপরাজয়ঃ॥ 2 ॥ ধৃষ্টদ্যুম্নদুঃশাসনয়োর্যুদ্ধম্॥ 3 ॥
Mahabharata - Karna Parva - Chapter Text
8-63-0 (58099)
ধৃতরাষ্ট্র উবাচ। 8-63-0x (4987)
নিবৃত্তে ভীমসেনে চ পাণ্ডবে চ যুধিষ্ঠিরে।
বধ্যমানে বলে চাপি মামকে পাণ্ডুসৃঞ্জয়ৈঃ॥ 8-63-1 (58100)
দ্রবমাণে বলৌঘে চ নিরাক্রন্দে মুহুর্মুহুঃ।
`অবশেষং ন পশ্যামি মম সৈন্যেষু সঞ্জয়॥ 8-63-2 (58101)
অহো বত দশাং প্রাপ্তো ন হি শক্ষ্যামি জীবিতুম্।
জয়কাঙ্ক্ষী কথং সূত পুত্রাণামনিবর্তিনাম্॥ 8-63-3 (58102)
কথং জীবামি নিহতাঞ্শ্রুৎবা চ মম সৈনিকান্।
বহুনাঽদ্য কিমুক্তেন দৈবং তেষাং পরায়ণম্'॥ 8-63-4 (58103)
মামকাঃ কিমকুর্বন্ত তন্মমাচক্ষ্ব সঞ্জয়॥ 8-63-5 (58104)
সঞ্জয় উবাচ। 8-63-6x (4988)
দৃষ্ট্বা ভীমং মহাবাহুং তব পুত্রঃ প্রতাপবান্।
ক্রোধরক্তেক্ষণো রাজন্ভীমসেনমভিদ্রবৎ॥ 8-63-6 (58105)
`তিষ্ঠতিষ্ঠ পৃথাপুত্র পশ্য মেঽদ্য পরাক্রমম্।
অদ্য ৎবাং প্রেষায়ষ্যামি যমস্য সদনং প্রাতে।
ইত্যুক্ৎবা প্রয়যৌ কর্ণো যত্র ভীমো ব্যবস্থিতঃ'॥ 8-63-7 (58106)
তাবকং তু বলং দৃষ্ট্বা ভীমসেনাৎপরাঙ্মুখম্।
যত্নেন মহতা কর্ণঃ পর্যবস্থাপয়দ্বলী॥ 8-63-8 (58107)
ব্যবস্থাপ্য মহাবাহুস্তব পুত্রস্য বাহিনীম্।
প্রত্যুদ্যযৌ তদা কর্ণঃ পাণ্ডবান্যুদ্ধদুর্মদান্॥ 8-63-9 (58108)
প্রত্যুদ্যযুশ্চ রাধেয়ং পাণ্ডবানাং মহারথাঃ।
ধুন্বানাঃ কার্মুকাণ্যাজৌ বিক্ষিপন্তশ্চ সায়কান্॥ 8-63-10 (58109)
ভীমসেনঃ শিনের্নপ্তা শিখণ্ডী জনমেজয়ঃ।
ধৃষ্টদ্যুম্নশ্চ বলবান্সর্বে চাপি প্রভদ্রকাঃ॥ 8-63-11 (58110)
পাঞ্চালানাং নরব্যাঘ্রাঃ সমন্তাত্ৎব বাহিনীম্।
অভ্যদ্রবন্ত সঙ্ক্রুদ্ধাঃ সমরে জিতকাশিনঃ॥ 8-63-12 (58111)
তথৈব তাবকা রাজন্পাণ্ডবানামনীকিনীম্।
অভ্যদ্রবন্ত ৎবরিতা জিঘাংসন্তো মহারথান্॥ 8-63-13 (58112)
রথনাগাশ্বকলিলং পত্তিধ্বজসমাকুলম্।
বভূব পুরুষব্যাঘ্র সৈন্যমদ্ভুতদর্শনম্॥ 8-63-14 (58113)
শিখণ্ডী তু যয়ৌ কর্ণং ধৃষ্টদ্যুম্নঃ সুতং তব।
দুঃশাসনং মহারাজ মহাসেনঃ সমভ্যযাৎ॥ 8-63-15 (58114)
নকুলো বৃষসেনং তু চিত্রসেনং যুধিষ্ঠিরঃ।
উলূকং সমরে রাজন্সহদেবঃ সমভ্যযাৎ॥ 8-63-16 (58115)
সাত্যকিঃ শকুনিং চাপি দ্রৌপদেয়াশ্চ কৌরবান্।
অর্জুনং চ রণে যত্তো দ্রোণপুত্রো মহারথঃ॥ 8-63-17 (58116)
যুধামন্যুং মহেষ্বাসং গৌতমোঽভ্যপতদ্রণে।
কৃতবর্মা চ বলবানুত্তমৌজসমাদ্রবৎ॥ 8-63-18 (58117)
ভীমসেনঃ কুরূন্সর্বান্পুত্রাংশ্চ তব মারিষ।
সহানীকান্মহাবাহুরেক এব ন্যবারয়ৎ॥ 8-63-19 (58118)
শিখণ্ডী তু ততঃ কর্ণং বিচরন্তমভীতবৎ।
ভীষ্মহন্তা মহারাজ বারয়ামাস পত্রিভিঃ॥ 8-63-20 (58119)
প্রতিরুদ্ধস্ততঃ কর্ণো রোপাৎপ্রস্ফুরিতাধরঃ।
শিখণ্ডিনং ত্রিভির্বাণৈর্ভ্রুবোর্মধ্যেঽভ্যতাডয়ৎ॥ 8-63-21 (58120)
ধারয়ংস্তু স তান্বাণাঞ্শিখণ্ডী বহ্বশোভত।
রাজতঃ পর্বতো যদ্বত্ত্রিভিঃ শৃঙ্গৈঃ সমন্বিতঃ॥ 8-63-22 (58121)
সোঽতিবিদ্ধো মহেষ্বাসঃ সূতপুত্রেণ সংয়ুগে।
কর্ণং বিব্যাধ সমরে নবত্যা নিশিতৈঃ শরৈঃ॥ 8-63-23 (58122)
তস্য কর্ণো হয়ান্হৎবা সারথিং চ শরৈঃ।
উন্মমাথ ধ্বজং চাস্য ক্ষুরপ্রেণ মহারথঃ॥ 8-63-24 (58123)
হতাশ্বাত্তু ততো যানাদবপ্লুত্য মহারথঃ।
শক্তিং চিক্ষেপ কর্ণায় সঙ্ক্রুদ্ধঃ শত্রুতাপনঃ॥ 8-63-25 (58124)
তাং ছিত্ৎবা সমরে কর্ণস্ত্রিভির্ভারত সায়কৈঃ।
শিখণ্ডিনমথাবিধ্যন্নবভির্নিশিতৈঃ শরৈঃ॥ 8-63-26 (58125)
কর্ণচাপচ্যুতান্বাণান্বর্জয়ংস্তু নরোত্তমঃ।
অপয়াতস্ততস্তূর্ণং শিখণ্ডী ভৃশবিক্ষতঃ॥ 8-63-27 (58126)
ততঃ কর্ণো মহারাজ পাণ্ডুসৈন্যান্যশাতয়ৎ।
তূলরাশিং সমাসাদ্য যথা বায়ুর্মহাবলঃ॥ 8-63-28 (58127)
ধৃষ্টদ্যুম্নো মহারাজ তব পুত্রেণ পীডিতঃ।
দুঃশাসনং ত্রিভির্বাণৈঃ প্রত্যবিধ্যৎস্তনান্তরে॥ 8-63-29 (58128)
তস্য দুঃশাসনো বাহুং সব্যং বিব্যাধ মারিষ।
স তেন রুক্মপুঙ্খেন ভল্লেন নতপর্বণা॥ 8-63-30 (58129)
ধৃষ্টদ্যুম্নস্তু নির্বিদ্ধঃ শরং ঘোরমমর্ষণঃ।
দুঃশাসনায় সঙ্ক্রুদ্ধঃ প্রেষয়ামাস ভারত॥ 8-63-31 (58130)
আপতন্তং মহাবেগং ধৃষ্টদ্যুম্নসমীরিতম্।
শরৈশ্চিচ্ছেদ পুত্রস্তে ত্রিভিরেব বিশাম্পতে॥ 8-63-32 (58131)
অথাপরৈঃ ষোডশভির্ভল্লৈঃ কনকভূষণৈঃ।
ধৃষ্টদ্যুম্নং সমাসাদ্য বাহ্বোরুরসি চার্পয়ৎ॥ 8-63-33 (58132)
ততঃ স পার্ষতঃ ক্রুদ্ধো ধনুশ্চিচ্ছেদ মারিষ।
ক্ষুরপ্রেণ সুতীক্ষ্ণেন তত উচ্চুক্রুশুর্জনাঃ॥ 8-63-34 (58133)
অথান্যদ্ধনুরাদায় পুত্রস্তে প্রহসন্নিব।
ধৃষ্টদ্যুম্নং শরব্রাতৈঃ সমন্তাৎপর্যবারয়ৎ॥ 8-63-35 (58134)
তব পুত্রস্য তে দৃষ্ট্বা বিক্রমং সুমহাত্মনঃ।
ব্যস্ময়ন্ত রণে যোধাঃ সিদ্ধাশ্চাপ্সরসস্তথা॥ 8-63-36 (58135)
ধৃষ্টদ্যুম্নং তু পশ্যাম ঘটমানং মহাবলম্।
দুঃশাসনেন সংরুদ্ধং সিংহেনেব মহাগজম্॥ ॥ 8-63-37 (58136)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে ত্রিষষ্টিতমোঽধ্যায়ঃ॥ 63 ॥
॥ শ্রীঃ ॥
8.64. অধ্যায়ঃ 064
Mahabharata - Karna Parva - Chapter Topics
সঙ্কুলয়ুদ্ধম্॥ 1 ॥
Mahabharata - Karna Parva - Chapter Text
8-64-0 (58137)
সঞ্জয় উবাচ। 8-64-0x (4989)
ততঃ সরথনাগাশ্বাঃ পাঞ্চালাঃ পাণ্ডুসৃঞ্জয়াঃ।
সেনাপতিং পরীপ্সন্তো রুরুধুস্তনয়ং তব॥ 8-64-1 (58138)
ততঃ প্রববৃতে যুদ্বং তাবকানাং পরৈঃ সহ।
ঘোরং প্রাণভৃতাং কালে ভীমরূপং পরন্তপ॥ 8-64-2 (58139)
নকুলো বৃষসেনং তু বিদ্ধ্বা পঞ্চভিরায়সৈঃ।
পিতুঃ সমীপে তিষ্ঠন্তং ত্রিভিরন্ত্যৈরবিধ্যত॥ 8-64-3 (58140)
নকুলং তু ততঃ শূরো বৃষসেনো হসন্নিব।
নারাচেন সুতীক্ষ্ণেন বিব্যাধ হৃদয়ে ভৃশম্'॥ 8-64-4 (58141)
সোঽতিবিদ্ধো বলবতা শত্রুণা শত্রুকর্শন।
শত্রুং বিব্যাধ বিংশত্যা সূতং চৈবাস্য সপ্তভিঃ॥ 8-64-5 (58142)
ততঃ শরসহস্রেণ তাবুভৌ পুরুষর্ষভৌ।
অন্যোন্যমাচ্ছাদয়তাং তবাভজ্যত বাহিনী॥ 8-64-6 (58143)
স দৃষ্ট্বা প্রদ্রুতাং সেনাং ধার্তরাষ্ট্রস্য সূতজঃ।
নিবারয়ামাস বলাদনুপত্য বিশাম্পতে॥ 8-64-7 (58144)
`এতস্মিন্নন্তরে যুদ্ধং কষ্টমাসীদ্বিশাম্পতে'।
নিবৃত্তে তু ততঃ সৈন্যে নকুলঃ কৌরবান্যযৌ॥ 8-64-8 (58145)
কর্ণপুত্রস্তু সমরে হিৎবা নকুলমেব তু।
জুগোপ চক্রং ৎবরিতো রাধেয়স্যৈব মারিষ॥ 8-64-9 (58146)
উলূকস্তু রণে ক্রুদ্ধঃ সহদেবেন মারিষ।
`নিবারিতঃ শরশতৈঃ ক্রুদ্ধেন রণমূর্ধনি॥ 8-64-10 (58147)
তস্যাশ্বাংশ্চতুরো হৎবা সহদেবঃ প্রতাপবান্।
সারথিং প্রেষয়ামাস যমস্য সদনং প্রতি॥ 8-64-11 (58148)
উলূকস্তু ততো যানাদবপ্লুত্য বিশাম্পতে।
ত্রিগর্তানাং বলং তূর্ণং জগাম পিতৃনন্দনঃ॥ 8-64-12 (58149)
সাত্যকিঃ শকুনিং বিদ্ধ্বা বিংশত্যা নিশিতৈঃ শরৈঃ।
ধ্বজং চিচ্ছেদ ভল্লেন সৌবলস্য হসন্নিব॥ 8-64-13 (58150)
সৌবলস্তস্য সমরে ক্রুদ্ধো রাজন্প্রতাপবান্।
বিদার্য কবচং ভূয়ো ধ্বজং চিচ্ছেদ কাঞ্চনম্॥ 8-64-14 (58151)
তথৈনং নিশিতৈর্বাণৈঃ সাত্যকিঃ প্রত্যবিধ্যত।
সারথিং চ মহারাজ ত্রিভিরেব সমার্পয়ৎ॥ 8-64-15 (58152)
অথাস্য বাহাংস্ৎবরিতঃ শরৈর্নিত্যে যমক্ষয়ম্।
ততোঽবপ্লুত্য সহসা শকুনির্ভরতর্ষভ॥ 8-64-16 (58153)
আরুরোহ রথং তূর্ণমুলূকস্য মহাত্মনঃ।
অপোবাহাথ শীঘ্রং স শৈনেয়াদ্যুদ্ধশালিনঃ॥ 8-64-17 (58154)
সাত্যকিস্তু রণ রাজংস্তাবকানামনীকিনীম্।
অভিদুদ্রাব বেগেন ততোঽনীকমভজ্বত॥ 8-64-18 (58155)
শৈনেয়শরসঞ্ছন্নং তব সৈন্যং বিশাম্পতে।
ভেজে দশা দিশস্তূর্ণং ন্যপতচ্চ গতাসুবৎ॥ 8-64-19 (58156)
ভীমসেনং তব সুতো বারয়ামাস সংয়ুগে॥ 8-64-20 (58157)
তং তু ভীমো মুহূর্তেন ব্যশ্বসূতরথধ্বজম্।
চক্রে লোকেশ্বরং তত্র তেনাতুষ্যন্ত বৈ জনাঃ॥ 8-64-21 (58158)
ততোঽপায়ান্নৃপস্তস্মাদ্ভীমসেনভয়ার্দিতঃ।
কুরুসৈন্যং ততঃ সর্বং ভীমসেনমুপাদ্রবৎ।
তত্র নাদো মহানাসীদ্ধীমসেনং জিঘাংসতাম্॥ 8-64-22 (58159)
যুধামন্যুঃ কৃপং বিদ্ধ্বা ধনুরস্যাশু চিচ্ছদে।
অথান্যদ্ধনুরাদায় কৃপঃ শস্ত্রভৃতাং বরঃ।
যুধামন্যোর্ধ্বজং সূতং ছত্রং চাপাতয়ৎক্ষিতৌ॥ 8-64-23 (58160)
ততোঽপায়াদ্রথেনৈব যুধামন্যুর্মহারথঃ॥ 8-64-24 (58161)
উত্তমৌজাশ্চ হার্দিক্যং ভীমং ভীমপরাক্রমম্।
ছাদয়ামাস সহসা মেঘো বৃষ্ট্যেব পর্বতম্॥ 8-64-25 (58162)
তদ্যুদ্ধমাসীৎসুমহদ্ধোররূপং পরন্তপ।
তাদৃশং ন ময়া যুদ্ধং দৃষ্টপূর্বং বিশাম্পতে॥ 8-64-26 (58163)
কৃতবর্মা ততো রাজন্নুত্তমৌজসমাহবে।
হৃদি বিব্যাধ সহসা রথোপস্থ উপাবিশৎ॥ 8-64-27 (58164)
সারথিস্তমপোবাহ রথেন রথিনাং বরম্।
ততস্তু সাৎবতো রাজন্পাণ্ডুসৈন্যমভিদ্রবৎ॥ 8-64-28 (58165)
[দুঃশাসনঃ সৌবলশ্চ গজানীকেন পাণ্ডবম্।
মহতা পরিবার্যৈব ক্ষুদ্রকৈরভ্যতাডয়ৎ॥ 8-64-29 (58166)
ততো ভীমঃ শরশতৈর্দুর্যোধনমমর্ষণম্।
বিমুখীকৃত্য তরসা গজানীকমুপাদ্রবৎ॥ 8-64-30 (58167)
তমাপতন্তং সহসা গজানীকং বৃকোদরঃ।
দৃষ্ট্বৈব সুভৃশং ক্রুদ্ধো দিব্যমস্ত্রমুদৈরয়ৎ॥ 8-64-31 (58168)
গজৈর্গজানভ্যহনদ্বজ্রেণেন্দ্র ইবাসুরান্॥ 8-64-32 (58169)
ততোঽন্তরিক্ষং বাণৌঘৈঃ শলভৈরিব পাদপম্।
ছাদয়ামাস সমরে গজান্নিঘ্নন্বৃকোদরঃ॥ 8-64-33 (58170)
ততঃ কুঞ্জরয়ূথানি সমেতানি সহস্রশঃ।
ব্যধমত্তরসা ভীমো মেঘসঙ্ঘানিবানিলঃ॥ 8-64-34 (58171)
সুবর্ণজালাপিহিতা মণিজালৈশ্চ কুঞ্জরাঃ।
রেজুরভ্যধিকং সংখ্যে বিদ্যুৎবন্ত ইবাম্বুদাঃ॥ 8-64-35 (58172)
তে বধ্যমানা ভীমেন গজা রাজন্বিদুদ্রুবুঃ।
কেচিদ্বিভিন্নহৃদয়াঃ কুঞ্জরা ন্যপতন্ভুবি॥ 8-64-36 (58173)
পতিতৈর্নিপতদ্ভিশ্চ গজৈর্হেমবিভূষিতৈঃ।
অশোভত মহী তত্র বিশীর্ণৈরিব পর্বতৈঃ॥ 8-64-37 (58174)
দীপ্তাভৈ রত্নবদ্ভিশ্চ পতিতৈর্গজয়োধিভিঃ।
ররাজ ভূমিঃ পতিতৈঃ ক্ষীণপুণ্যৈরিব গ্রহৈঃ॥ 8-64-38 (58175)
ততো ভিন্নকটা নাগা ভিন্নকুম্ভকরাস্তথা।
দুদ্রুবুঃ শতশঃ সংখ্যে ভীমসেনশরাহতাঃ॥ 8-64-39 (58176)
কেচিদ্বমন্তো রুধিরং ভয়ার্তাঃ পর্বতোপমাঃ।
ব্যদ্রবঞ্ছরবিদ্ধাঙ্গা ধাতুচিত্রা ইবাচলাঃ॥ 8-64-40 (58177)
মহাভুজগসঙ্কাশৌ চন্দনাগুরুরূষিতৌ।
অপশ্যং ভীমসেনস্য ধনুর্বিক্ষিপতো ভুজৌ॥ 8-64-41 (58178)
তস্য জ্যাতলনির্ঘোষং শ্রুৎবাশনিসমস্বনম্।
বিমুঞ্চন্তঃ শকৃন্মূত্রং গজাঃ প্রাদুদ্রুবুর্ভৃশম্॥ 8-64-42 (58179)
ভীমসেনস্য তৎকর্ম রাজন্নেকস্য ধীমতঃ।
নিঘ্নতঃ সর্বভূতানি রুদ্রস্যেব চ নির্বভৌ॥] ॥ 8-64-43 (58180)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে চতুঃষষ্টিতমোঽধ্যায়ঃ॥ 64 ॥
॥ শ্রীঃ ॥
8.65. অধ্যায়ঃ 065
Mahabharata - Karna Parva - Chapter Topics
সঙ্কুলয়ুদ্ধম্॥ 1 ॥
Mahabharata - Karna Parva - Chapter Text
8-65-0 (58181)
সঞ্জয় উবাচ। 8-65-0x (4990)
ততঃ শ্বেতাশ্বসংয়ুক্তে নারায়ণসমাহিতে।
তিষ্ঠন্রথবরে শ্রীমানর্জুনঃ সমপদ্যত॥ 8-65-1 (58182)
তদ্বলং নৃপতিশ্রেষ্ঠ তাবকং বিজয়ো রণে।
ব্যক্ষোভয়দুদীর্ণাশ্বং মহোদধিমিবানিলঃ॥ 8-65-2 (58183)
দুর্যোধনস্তব সুতঃ প্রমত্তে শ্বেতবাহনে।
অভ্যেত্য সহসা ক্রুদ্ধঃ সৈন্যার্ধেনাভিসংবৃতঃ॥ 8-65-3 (58184)
পর্যবারয়দায়ান্তং যুধিষ্ঠিরমমর্ষণম্।
ক্ষুরপ্রাণাং ত্রিসপ্তত্যা ততোঽবিধ্যত পাণ্ডবম্॥ 8-65-4 (58185)
অক্রুধ্যত ভৃশং তত্র কুন্তীপুত্রো যুধিষ্ঠিরঃ।
স ভল্লাংস্ত্রিংশতস্তূর্ণং তব পুত্রে ন্যবেশয়ৎ॥ 8-65-5 (58186)
ততো ধাবন্ত কৌরব্যা জিঘৃক্ষন্তো যুধিষ্ঠিরম্॥ 8-65-6 (58187)
দুষ্টভাবান্পরাঞ্জ্ঞাৎবা সমবেতা মহারথাঃ।
আজগ্মুস্তং পরীপ্সন্তঃ কুন্তীপুত্রং যুধিষ্ঠিরম্॥ 8-65-7 (58188)
`সঞ্জয় উবাচ। 8-65-8x (4991)
যুধিষ্ঠিরশ্চিত্রসেনং শরবর্ষৈরবাকিরৎ।
চিত্রসেনস্তু কৌন্তেয়ং সঙ্ক্রুদ্ধঃ সমবারয়ৎ॥ 8-65-8 (58189)
মুহূর্তাদ্বিমুখীকৃত্য চিত্রসেনং স ধর্মরাট্।
তাবকং সৈন্যমভ্যঘ্নৎসমন্তান্নিশিতৈঃ শরৈঃ॥ 8-65-9 (58190)
তাবকা হি মাবাহো দুর্যোধনপুরোগমাঃ।
যুধিষ্ঠিরং জিঘৃক্ষন্তঃ সর্বসৈন্যং সমাক্ষিপন্॥ 8-65-10 (58191)
দৃষ্টপ্রভাবাংস্তান্মৎবা সমবেতান্মহারথান্।
আজগ্মুঃ সম্পরীপ্সন্তঃ পাণ্ডবেয়ং যুধিষ্ঠিরম্'॥ 8-65-11 (58192)
নকুলঃ সহদেবশ্চ ধৃষ্টদ্যুম্নশ্চ পার্ষতঃ।
অক্ষৌহিণ্যা পরিবৃতাস্তেঽভ্যধাবন্যুধিষ্ঠিরম্॥ 8-65-12 (58193)
ভীমসেনশ্চ নারাচৈর্মৃদ্রংস্তব মহারথান্।
অভ্যধাবদভিপ্রেপ্সূ রাজানং শত্রুভির্বৃতম্॥ 8-65-13 (58194)
তাংস্তু সর্বান্মহেষ্বাসান্কর্ণো বৈকর্তনো বৃষা।
শরবর্ষেণ মহতা প্রত্যবারয়দাগতান্॥ 8-65-14 (58195)
শরৌঘান্বিসৃজন্তস্তে প্রেয়ন্তশ্চ কুঞ্জরান্।
ন শেকুর্যত্নবন্তোঽপি রাধেয়ং প্রতিবীক্ষিতুম্॥ 8-65-15 (58196)
তাংশ্চ সর্বান্মহেষ্বাসান্সর্বশস্ত্রবিশারদান্।
মহতা শরবর্ষেণ রাধেয়ঃ প্রত্যবারয়ৎ॥ 8-65-16 (58197)
দুর্যোধনং চ বিংশত্যা নারাচানাং কৃতী বলী।
অবিধ্যত্তূর্ণমভ্যেত্য সহদেবো মহীপতিম্॥ 8-65-17 (58198)
স বিদ্ধঃ সহদেবেন ররাজ বলসন্নিধৌ।
প্রভিন্ন ইব মাতঙ্গো রুধিরেণ পরিপ্লুতঃ॥ 8-65-18 (58199)
দৃষ্ট্বা তব সুতং তত্র গাঢবিদ্ধং সুতেজনৈঃ।
অভ্যধাবদ্দৃঢং ক্রুদ্ধো রাধেয়ো রথিনাং বরঃ॥ 8-65-19 (58200)
দুর্যোধনং তথা দৃষ্ট্বা শীঘ্রমস্ত্রমুদীর্য সঃ।
অবধীৎপাণ্ডবানীকং পাঞ্চালাংশ্চৈব মারিষ॥ 8-65-20 (58201)
ততো যৌধিষ্ঠিরং সৈন্যং বধ্যমানং মহাত্মনা।
সহসা প্রাদ্রাবদ্রাজন্মূতপুত্রশরার্দিতম্॥ 8-65-21 (58202)
বিবিধা বিশিখাস্তত্র সম্পতন্তি পরস্পরম্।
ভল্লাঃ পুঙ্খসমাশ্লিষ্টাঃ সূতপুত্রধনুশ্চ্যুতাঃ॥ 8-65-22 (58203)
অন্তরিক্ষে শরৌঘাণাং পততাং চ পরস্পরম্।
সঙ্ঘর্পেণ মহারাজ পাবকঃ সমজায়ত॥ 8-65-23 (58204)
তকতো দশদিশঃ কর্ণঃ শলভৈরিব যায়িভিঃ।
অভ্যঘ্নংস্তরসা রাজঞ্শরৈঃ পরশরীরগৈঃ॥ 8-65-24 (58205)
রক্তচন্দনসন্দিগ্ধৌ মণিহেমবিভূষিতৌ।
বাহূ ব্যত্যক্ষিপৎকর্ণঃ পরমাস্ত্রং বিদর্শয়ন্॥ 8-65-25 (58206)
ততঃ সর্বা দিশো রাজন্সায়কৈর্বিপ্রমোহয়ন্।
অপীডয়দ্ভৃশং কর্ণো ধর্মরাজং যুধিষ্ঠিরম্॥ 8-65-26 (58207)
ততঃ ক্রুদ্ধো মহারাজ ধর্মপুত্রো যুধিষ্ঠিরঃ।
নিশিতৈরিষুভিঃ কর্ণং পঞ্চাশদ্ভিঃ সমার্পয়ৎ॥ 8-65-27 (58208)
[বাণান্ধকারমভবত্তদ্যুদ্ধং ঘোরদর্শনম্।
হাহাকারো মহানাসীত্তাবকানাং বিশাম্পতে॥ 8-65-28 (58209)
বধ্যমানে তদা সৈন্যে ধর্মপুত্রেণ মারিষ।
সায়কৈর্বিবিধৈস্তীক্ষ্ণৈঃ কঙ্কপত্রৈঃ শিলাশিতৈঃ।
ভল্লৈরনেকৈর্বিবিধৈঃ শক্ত্যৃষ্টিমুসলৈরপি॥ 8-65-29 (58210)
যত্র যত্র স ধর্মাত্মা দুষ্টাং দৃষ্টিং ব্যসর্জয়ৎ।
তত্র তত্র ব্যশীর্যন্ত তাবকা ভরতর্ষভ॥ 8-65-30 (58211)
কর্ণোঽপি ভৃশসঙ্কুদ্রো ধর্মরাজং যুধিষ্ঠিরম্।
নারাচৈরর্ধচন্দ্রৈশ্চ বৎসদন্তৈশ্চ সংয়ুগে॥ 8-65-31 (58212)
অমর্ষী ক্রোধনশ্চৈব রোষপ্রস্ফুরিতাননঃ।
সায়কৈরপ্রমেয়াত্মা যুধিষ্ঠিরমভিদ্রবৎ॥ 8-65-32 (58213)
যুধিষ্ঠিরশ্চাপি স তং স্বর্ণপুঙ্খৈঃ শিতৈঃ শরৈঃ॥] 8-65-33 (58214)
প্রহসন্নিব তং কর্ণঃ কঙ্কপত্রৈঃ শিলাশিতৈঃ।
উরস্যবিধ্যদ্রাজানং কুন্তীপুত্রং যুধিষ্ঠিরম্॥ 8-65-34 (58215)
স পীডিতো ভৃশং তেন ধর্মরাজো যুধিষ্ঠিরঃ।
উপবিশ্য রথোপস্থে সূতং যাহীত্যনোদয়ৎ॥ 8-65-35 (58216)
অক্রোশন্ত ততঃ সর্বে ধার্তরাষ্ট্রাঃ সরাজকাঃ।
গৃহ্ণীধ্বমিতি রাজানমভ্যধাবন্ত সর্বশঃ॥ 8-65-36 (58217)
ততঃ শতাঃ সপ্তদশ কেকয়ানাং প্রহারিণাম্।
পঞ্চালৈঃ সহিতা রাজন্ধার্তরাষ্ট্রান্ন্যবারয়ন্॥ 8-65-37 (58218)
তস্মিন্সুতুমুলে যুদ্ধে বর্তমানে জনক্ষয়ে।
দুর্যোধনশ্চ ভীমশ্চ সমেয়াতাং মহাবলৌ॥ ॥ 8-65-38 (58219)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে পঞ্চষষ্টিতমোঽধ্যায়ঃ॥ 65 ॥
॥ শ্রীঃ ॥
8.66. অধ্যায়ঃ 066
Mahabharata - Karna Parva - Chapter Topics
কর্ণবাণপীডিতস্য যুধিষ্ঠিরস্য বিশ্রমায় স্বশিবিরপ্রবেশঃ॥ 1 ॥
Mahabharata - Karna Parva - Chapter Text
8-66-0 (58220)
সঞ্জয় উবাচ। 8-66-0x (4992)
কর্ণোঽপি শরজালেন কেকয়ানাং মহারথান্।
ব্যধমৎপরমেষ্বাসানগ্রানীকে ব্যবস্থিতান্॥ 8-66-1 (58221)
তেষাং প্রয়তমানানাং রাধেয়স্য নিবারণে।
রথান্পঞ্চশতান্কর্ণঃ প্রাহিণোদ্যমসাদনম্॥ 8-66-2 (58222)
অবিষহ্যতমং দৃষ্ট্বা রাধেয়ং যুধি যোধিনঃ।
ভীমসেনমুপাগচ্ছন্কর্ণবাণপ্রপীডিতাঃ॥ 8-66-3 (58223)
রথানীকং বিদার্যৈব শরৈ রাজন্ননেকধা।
কর্ণ একরথেনৈব যুধিষ্ঠিরমুপাদ্রবৎ॥ 8-66-4 (58224)
সেনানিবেশং গচ্ছন্তং মার্গণৈর্ভৃশপীডিতম্।
যময়োর্মধ্যগং বীরং শনৈর্যান্তং বিচেতসম্॥ 8-66-5 (58225)
স সমাসাদ্য রাজানং দুর্যোধনহিতেপ্সয়া।
সূতপুত্রস্ত্রিভিস্তীক্ষ্ণৈর্বিব্যাধ পরমেষুভিঃ॥ 8-66-6 (58226)
তথৈব রাজা রাধেয়ং প্রত্যবিধ্যৎস্তনান্তরে।
শরৈস্ত্রিভিশ্চ যন্তারং চতুর্ভিশ্চতুরো হয়ান্॥ 8-66-7 (58227)
চক্ররক্ষৌ নৃপসুতৌ মাদ্রীপুত্রৌ পরন্তপৌ।
তাবপ্যধাবতাং কর্ণং রাজানং মা বধীদিতি॥ 8-66-8 (58228)
তৌ পৃথক্শরবর্ষাভ্যাং রাধেয়ং সমবর্ষতাম্।
নকুলঃ সহদেবশ্চ পরমং যত্নমাস্থিতৌ॥ 8-66-9 (58229)
তথৈব তৌ প্রত্যবিধ্যৎসূতপুত্রঃ প্রতাপবান্।
ভল্লাভ্যাং শিতধারাভ্যাং মহাত্মানাবরিন্দমৌ॥ 8-66-10 (58230)
দন্তবর্ণাংস্তু রাধেয়ো নিজঘান মনোজবান্।
যুধিষ্ঠিরস্য সঙ্গ্রামে কালবালান্হয়োত্তমান্॥ 8-66-11 (58231)
ততোঽপরেণ ভল্লেন শিরস্ত্রাণমপাতয়ৎ।
কৌন্তেয়স্য মহেষ্বাসঃ প্রহসন্নিব সূতজঃ॥ 8-66-12 (58232)
তথৈব নকুলস্যাপি হয়ান্হৎবা মহারথঃ।
ততোঽপরেণ ভল্লেন ভৃশং তীক্ষ্ণেন ভারত।
ধনুশ্চিচ্ছেদ বীরস্য মাদ্রীপুত্রস্য ধীমতঃ॥ 8-66-13 (58233)
তৌ হতাশ্বৌ হতরথৌ পাণ্ডবৌ ভৃশবিক্ষতৌ।
ভ্রাতরাবারুরুহতুঃ সহদেবরথং তদা॥ 8-66-14 (58234)
তৌ দৃষ্ট্বা মাতুলস্তত্র বিরথৌ পরবীরহা।
অভ্যভাষত রাধেয়ং মদ্ররাজোঽনুকম্পয়া॥ 8-66-15 (58235)
মার্গিতব্যস্ৎবয়া কর্ণ কুন্তীপুত্রো ধনঞ্জয়ঃ।
অতস্ৎবং ধর্মরাজেন কিমর্থমিহ যুধ্যসে॥ 8-66-16 (58236)
[ক্ষীণশস্ত্রাস্ত্রাকবচঃ ক্ষীণবাণো বিবাণধিঃ।
শ্রান্তসারথিবাহশ্চ চ্ছন্নোঽস্ত্রৈররিভিস্তথা।
পার্থমাসাদ্য রাধেয় উপহাস্যো ভবিষ্যসি॥] 8-66-17 (58237)
তথাপি কর্ণঃ সংরব্ধো যুধিষ্ঠিরমপীডয়ৎ।
শরৈস্তীক্ষ্ণৈর্মহাবীর্যৈর্মাদ্রীপুত্রৌ চ পাণ্ডবৌ॥ 8-66-18 (58238)
ততঃ শল্যঃ প্রহস্যেদং কর্ণং পুনরুবাচ হ।
রথস্থমতিসংরব্ধং যুধিষ্ঠিরবধে স্থিতম্॥ 8-66-19 (58239)
যদর্থং ধার্তরাষ্ট্রেণ সততং মানিতো ভবান্।
তং পার্থ জহি রাধেয় কিং তে হৎবা যুধিষ্ঠিরম্।
`হতে যস্মিন্ধ্রুবং পার্থঃ সর্বাঞ্জেষ্যতি নো রথান্॥ 8-66-20 (58240)
তস্মিন্হি ধার্তরাষ্ট্রস্য নিহতে তু ধ্রুবো জয়ঃ।
ধ্বজোঽসৌ দৃশ্যতে তস্য রোচমানোংঽশুমানিব।
সারো হ্যেষ মহাবাহো কিং তে হৎবা যুধিষ্ঠিরম্॥' 8-66-21 (58241)
শঙ্খয়োর্ধ্মাতয়োঃ শব্দঃ সুমহানেষ কৃষ্ণয়োঃ।
শ্রূয়তে চাপঘোষশ্চ প্রাবৃষীবাম্বুদস্য হ॥ 8-66-22 (58242)
অসৌ নিঘ্নন্রথোদারানর্জুনঃ শরবৃষ্টিভিঃ।
সর্বাং গ্রসতি নঃ সেনাং কর্ণ পশ্যৈনমাহবে॥ 8-66-23 (58243)
পৃষ্ঠরক্ষৌ চ শূরস্য যুধামন্যূত্তমৌজসৌ॥ 8-66-24 (58244)
উত্তরং চাস্য বৈ শূরশ্চক্রং রক্ষতি সাংত্যকিঃ।
ধৃষ্টদ্যুম্নস্তথা চাস্য চক্রং রক্ষতি দক্ষিণম্॥ 8-66-25 (58245)
ভীমসেনশ্চ বৈ রাজ্ঞা ধার্তরাষ্ট্রেণ যুধ্যতে।
যথা ন হন্যাত্তং ভীমঃ সর্বেষাং নোঽদ্য পশ্যতাম্।
কুরু রাধেয় বৈ রাজা যথা মুচ্যেত তত্তথা॥ 8-66-26 (58246)
xxxx ভীমসেনেন গ্রস্তমাহবশোভিনা।
যদি নামাদ্য মুচ্যেত বিস্ময়ঃ সুমহান্ভবেৎ॥ 8-66-27 (58247)
পরিত্রাহ্যেনমভ্যেত্য সংশয়ং পরমং গতম্।
কিং নু মাদ্রীসুতৌ হৎবা রাজানং বা যুধিষ্ঠিরম্॥ 8-66-28 (58248)
ইতি শল্যবচঃ শ্রুৎবা রাধেয়ঃ পৃথিবীপতে।
দৃষ্ট্বা দুর্যোধনং চৈব ভীমগ্রস্তং মহাহবে॥ 8-66-29 (58249)
রাজগৃধ্নুর্ভৃশং চৈব শল্যবাক্যপ্রচোদিতঃ।
অজাতশত্রুমুৎসৃজ্য মাদ্রীপুত্রৌ চ পাণ্ডবৌ॥ 8-66-30 (58250)
তব পুত্রং পরিত্রাতুমভ্যধাবত বীর্যবান্।
মদ্ররাজপ্রণুদিতৈরশ্বৈরাকাশগৈরিব॥ 8-66-31 (58251)
গতে কর্ণে তু কৌন্তেয়ঃ পাণ্ডুপুত্রো যুধিষ্ঠিরঃ।
অপায়াজ্জবনৈরশ্বৈঃ সহদেবস্য মারিষ॥ 8-66-32 (58252)
[তাভ্যাং স সহিতস্তূর্ণং ব্রীডন্নিব নরেশ্বরঃ]।
প্রাপ্য সেনানিবেশং স্বং মার্গণৈর্ভৃশবিক্ষতঃ॥ 8-66-33 (58253)
অবতীর্য রথাত্তূর্ণমাবিশচ্ছয়নং শুভম্।
অপেতশল্যো রাজা তু হৃচ্ছল্যেনাভিপীডিতঃ॥ 8-66-34 (58254)
সোঽব্রবীদ্ধাতরৌ রাজা মাদ্রীপুত্রৌ মহারথৌ।
গচ্ছন্ত ৎবরিতৌ বীরৌ যত্র ভীমো ব্যবস্থিতঃ॥ 8-66-35 (58255)
`ততস্তে পাণ্ডবাঃ সর্বে সমাভাষ্য পরস্পরম্।
অনীকং ভীমসেনস্য পাণ্ডবাবভ্যগচ্ছতাম্'।
জীমূত ইব নর্দংস্তু যুধ্যতে স বৃকোদরঃ॥ 8-66-36 (58256)
ততোঽন্যং রথমাস্থায় নকুলো রথপুঙ্গবঃ।
সহদেবশ্চ তেজস্বী ভ্রাতরৌ শত্রুকর্শনৌ॥ 8-66-37 (58257)
তুরগৈরগ্র্যরংহোভির্যত্র ভীমস্তরস্বিনৌ।
অনীকৈঃ সহিতৌ তত্র ভ্রাতরৌ সমবস্থিতৌ॥ ॥ 8-66-38 (58258)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে ষট্ষষ্টিতমোঽধ্যায়ঃ॥ 66 ॥
॥ শ্রীঃ ॥
8.67. অধ্যায়ঃ 067
Mahabharata - Karna Parva - Chapter Topics
পার্থেনাশ্বত্থাম্নি পরাজিতে কর্ণেন ভার্গবাস্ত্রপ্রয়োগাৎপাণ্ডবসেনাপীডনম্॥ 1 ॥
Mahabharata - Karna Parva - Chapter Text
8-67-0 (58259)
সঞ্জয় উবাচ। 8-67-0x (4993)
দ্রৌণিস্তু রথবংশেন মহতা পরিবারিতঃ।
অপতৎসহসা রাজন্যত্র পার্থো ব্যবস্থিতঃ॥ 8-67-1 (58260)
তমাপতন্তং সহসা শূরঃ শৌরিসহায়বান্।
দধার সমরে পার্থো বেলেব মকরালয়ম্॥ 8-67-2 (58261)
ততঃ ক্রুদ্ধো মহারাজ দ্রোণপুত্রঃ প্রতাপবান্।
অর্জুনং বাসুদেবং চ চ্ছাদয়ামাস সায়কৈঃ॥ 8-67-3 (58262)
অবচ্ছন্নৌ ততঃ কৃষ্ণৌ দৃষ্ট্বা তত্র মহারথাঃ।
বিস্ময়ং পরমং গৎবা প্রৈক্ষন্ত কুরবস্তদা॥ 8-67-4 (58263)
অর্জুনস্তু ততো দিব্যমস্ত্রং চক্রে হসন্নিব।
তদস্ত্রং বারয়ামাস ব্রাহ্মণো যুধি ভারত॥ 8-67-5 (58264)
যদ্যদ্ধি ব্যাক্ষিপদ্যুদ্ধে ফল্গুনোঽস্ত্রং জিঘাংসয়া।
তত্তদস্ত্রৈর্মহেষ্বাসো দ্রোণপুত্রো জঘান হ॥ 8-67-6 (58265)
অস্ত্রয়ুদ্ধে মহারাজ বর্তমানে মহাভয়ে।
অপশ্যাম রণে দ্রৌণিং ব্যাত্তাননমিবান্তকম্॥ 8-67-7 (58266)
স দিশঃ প্রদিশশ্চৈব চ্ছাদয়িৎবা হ্যজিহ্মগৈঃ।
বাসুদেবং ত্রিভির্বাণৈরবিধ্যদ্দক্ষিণে ভুজে॥ 8-67-8 (58267)
ততোঽর্জুনো রথান্সর্বান্হৎবা তস্য পদানুগান্।
চকার সমরে ভূমিং শোণিতৌঘপরিপ্লুতাম্।
[সর্বলোকবহাং রৌদ্রাং পরলোকবহাং নদীম্]॥ 8-67-9 (58268)
সরথা রথিনঃ পেতুঃ পার্থচাপচ্যুতৈঃ শরৈঃ॥ 8-67-10 (58269)
[দ্রৌণেরপহতান্সঙ্খে দদৃশু স চ তাং তথা।
প্রাবর্তয়ন্মহাঘোরাং নদীং পরবহাং তদা॥ 8-67-11 (58270)
তয়োস্তু ব্যাকুলে যুদ্ধে দ্রৌণেঃ পার্থস্য দারুণে।
অমর্যাদং যোধয়ন্তঃ পর্যধাবন্ত পৃষ্ঠতঃ॥ 8-67-12 (58271)
রথৈর্হতাশ্বসূতৈশ্চ হতারোহৈশ্চ বাজিভিঃ।
দ্বিরদৈশ্চ হতারোহৈর্মহামাত্রৈর্হতদ্বিপৈঃ॥ 8-67-13 (58272)
পার্থেন সমরে রাজন্কৃতো ঘোরো জনক্ষয়ঃ।
নিহতা রথিনঃ পেতুঃ পার্থচাপচ্যুতৈঃ শরৈঃ॥] 8-67-14 (58273)
হয়াশ্চ পর্যধাবন্ত মুক্তয়োক্ত্রাস্ততস্ততঃ।
তদ্দৃষ্ট্বা কর্ম পার্থস্য দ্রৌণিরাহবশোভিনঃ॥ 8-67-15 (58274)
অর্জুনং জয়তাং শ্রেষ্ঠং ৎবরিতোঽভ্যেত্য বীর্যবান্।
বিধুন্বানো মহচ্চাপং কার্তস্বরবিভূষিতম্॥ 8-67-16 (58275)
অবাকিরত্ততো দ্রৌমিঃ সমন্তান্নিশিতৈঃ শরৈঃ।
ভূয়োঽর্জুনং মহারাজ দ্রৌণিরায়ম্য পত্রিণা॥ 8-67-17 (58276)
বক্ষোদেশে ভৃশং পার্থং তাডয়ামাস নির্দয়ম্।
সোঽতিবিদ্ধো রণে তেন দ্রোণপুত্রেণ ভারত॥ 8-67-18 (58277)
গাণ্ডীবধন্বা প্রসভং শরবর্ষৈরুদারধীঃ।
সঞ্ছাদ্য সমরে দ্রৌণিং চিচ্ছেদাস্য চ কার্মুকম্॥ 8-67-19 (58278)
স চ্ছিন্নধন্বা পরিধং বজ্রস্পর্শসমং যুধি।
আদায় চিক্ষেপ তদা দ্রোণপুত্রঃ কিরীটিনে॥ 8-67-20 (58279)
তমাপন্ততং পরিঘং জাম্বূনদপরিষ্কৃতম্।
চিচ্ছেদ সহসা রাজন্প্রহসন্নিব পাণ্ডবঃ॥ 8-67-21 (58280)
স পপাত তদা ভূমৌ নিকৃত্তঃ পার্থসায়কৈঃ।
বিকীর্ণঃ পর্বতো রাজন্যথা বজ্রেণ তাডিতঃ॥ 8-67-22 (58281)
ততঃ ক্রুদ্ধো মহারাজ দ্রোণপুত্রো মহারথঃ।
ঐন্দ্রেণ চাস্ত্রবেগেন বীভৎসুং সমবাকিরৎ॥ 8-67-23 (58282)
তস্যেন্দ্রজালাবততং সমীক্ষ্য
পার্থো রাজন্গাণ্ডিবমাদদে সঃ।
ঐন্দ্রং জালং প্রত্যহরত্তরস্বী
বরাস্ত্রমাদায় মহেন্দ্রসৃষ্টম্॥ 8-67-24 (58283)
বিদার্য তজ্জালমথেন্দ্রমুক্তং
পার্থস্ততো দ্রৌণিরথং ক্ষণেন।
প্রচ্ছাদয়ামাস ততোঽভ্যুপেত্য
দ্রৌণিস্তদা পার্থশরাভিভূতঃ॥ 8-67-25 (58284)
বিগাহ্য তাং পাণ্ডববাণবৃষ্টিং
শরৈঃ পরং নাম ততঃ প্রকাশ্য।
শতেন কৃষ্ণং সহসাভ্যবিদ্ধ্যা--
ত্ত্রিভিঃ শতৈরর্জুনং ক্ষুদ্রকাণাম্॥ 8-67-26 (58285)
ততোঽর্জুনঃ সায়কানাং শতেন
গুরোঃ সুতং মর্মসু নির্বিভেদ।
অশ্বাংশ্চ সূতং চ তথা ধনুর্জ্যা--
মবাকিরৎপশ্যতাং তাবকানাম্॥ 8-67-27 (58286)
স বিদ্ধ্বা মর্মসু দ্রৌণিং পাণ্ডবঃ পরবীরহা।
সারথিং চাস্য ভল্লেন রথনীডাদপাতয়ৎ॥ 8-67-28 (58287)
স সঙ্গৃহ্য স্বয়ং বাহান্কৃষ্ণৌ প্রাচ্ছদয়চ্ছরৈঃ।
তত্রাদ্ভুতমপরশ্যাম দ্রৌণেরাশু পরাক্রমম্॥ 8-67-29 (58288)
সংয়চ্ছংস্তুরগান্যচ্চ ফল্গুনং চাপ্যযোধয়ৎ।
তদস্য সমরে রাজন্সর্বভূতান্যপূজয়ন্॥ 8-67-30 (58289)
`তেনাস্য সমরে যোধাস্তুষ্টুবুঃ সর্ব এব তে।
যদা নিজগৃহে পার্থো দ্রোণপুত্রেণ ধন্বিনা॥ 8-67-31 (58290)
তদা প্রহস্য বীভস্তুর্দ্রোণপুত্রস্য সংয়ুগে।
ক্ষিপ্রং রশ্মীনথাশ্বানাং ক্ষুরপ্রৈশ্চিচ্ছিদে জয়ঃ॥ 8-67-32 (58291)
প্রাদ্রবংস্তুরগাস্তস্য শরবেগপ্রপীডিতাঃ।
ততোঽভূন্নিনদো ঘোরস্তব সৈন্যস্য ভারত॥ 8-67-33 (58292)
পাণ্ডবাস্তু জয়ং লব্ধ্বা তব সৈন্যং সমাদ্রবন্।
সমন্তান্নিশিতান্বাণান্বিমুঞ্চন্তো জয়ৈষিণঃ॥ 8-67-34 (58293)
তাবকী চতুরঙ্গৈষা পাণ্ডবৈস্তু মহাচমূঃ।
পুনঃপুনরথো বীরৈঃ প্রভগ্না জিতকাশিভিঃ॥ 8-67-35 (58294)
পশ্যতাং তে মহারাজ পুত্রাণাং চিত্রয়োধিনাম্।
শকুনেঃ সৌবলেয়স্য কর্ণস্য চ বিশাম্পতে॥ 8-67-36 (58295)
বার্যমাণা মহাসেনা পুত্রৈস্তব জনেশ্বর।
ন চাতিষ্ঠত সঙ্গ্রামে পীড্যমানা সমন্ততঃ॥ 8-67-37 (58296)
ততো যোধৈর্মহারাজ পলায়দ্ভিঃ সমন্ততঃ।
অভবদ্য্বাকুলং ভীতং পুত্রাণাং তে মহদ্বলম্॥ 8-67-38 (58297)
তিষ্ঠতিষ্ঠেতি সততং সূতপুত্রস্য জল্পতঃ।
নাবতিষ্ঠতি সা সেনা বধ্যমানা মহাত্মভিঃ॥ 8-67-39 (58298)
অথোৎক্রুষ্টং মহারাজ পাণ্ডবৈর্জিতকাশিভিঃ।
ধার্তরাষ্ট্রবলং দৃষ্ট্বা বিদ্রুতং বৈ সমন্ততঃ॥ 8-67-40 (58299)
ততো দুর্যোধনঃ কর্ণমব্রবীৎপ্রণয়াদিব।
পশ্য কর্ণ মহাসেনাং পাণ্ডবৈরর্দিতাং ভৃশম্॥ 8-67-41 (58300)
ৎবয়ি তিষ্ঠতি সন্ত্রাসাৎসমন্তাৎপ্রপলায়তে।
এতজ্জ্ঞৎবা মহাবাহো কুরু প্রাপ্তমরিন্দম॥ 8-67-42 (58301)
সহস্রাণি চ যোধানাং ৎবামেব পুরুষোত্তম।
ক্রোশন্তে সমরে বীর দ্রাব্যমাণানি পাণ্ডবৈঃ॥ 8-67-43 (58302)
সঞ্জয় উবাচ। 8-67-44x (4994)
এতচ্ছ্রুৎবা তু রাধেয়ো দুর্যোধনবচো মহৎ।
মদ্ররাজমিদং বাক্যমব্রবীৎপ্রহসন্নিব॥ 8-67-44 (58303)
পশ্য মে ভুজয়োর্বীর্যমস্ত্রাণাং চ জনেশ্বর।
অদ্য হন্মি রণে সর্বান্পাঞ্চালান্পাণ্ডুভিঃ সহ॥ 8-67-45 (58304)
বাহয়াশ্বান্নরব্যাঘ্র মদ্রাধিপ ন সংশয়ঃ।
এবমুক্ৎবা মহারাজ সূতপুত্রঃ প্রতাপবান্॥ 8-67-46 (58305)
প্রগৃহ্য বিজয়ং বীরো ধনুঃশ্রেষ্ঠং পুরাতনম্।
সজ্যং কৃৎবা মহারাজ সম্মৃজ্য চ পুনঃ পুনঃ॥ 8-67-47 (58306)
সন্নিবার্য চ তান্যোধান্সত্যেন শপথেন চ।
প্রায়োজয়দমেয়াত্মা ভার্গবাস্ত্রং মহাবলঃ॥ 8-67-48 (58307)
তস্মাদ্রাজন্সহস্রাণি প্রয়ুতান্যর্বুদানি চ।
কোটিশশ্চ শরাস্তীক্ষ্ণা নিরগচ্ছন্মহামৃধে॥ 8-67-49 (58308)
জ্বলিতৈস্তৈঃ শরৈর্ঘোরৈঃ কঙ্কবর্হিণবাজিতৈঃ।
সঞ্চন্না পাণ্ডবী সেনা ন প্রাজ্ঞায়ত কিঞ্চন॥ 8-67-50 (58309)
হাহাকারো মহানাসীৎপাণ্ডবানাং বিশাম্পতে।
পীডিতানাং বলবতা ভার্গবাস্ত্রেণ সংয়ুগে॥ 8-67-51 (58310)
নিপতদ্ভির্গজৈ রাজন্নশ্বৈশ্চাপি সহস্রশঃ।
রথৈশ্চাপি নরব্যাঘ্র নরৈশ্চৈব সমন্ততঃ॥ 8-67-52 (58311)
প্রাকম্পত মহী রাজন্নিহতৈস্তৈঃ সমন্ততঃ।
ব্যাকুলং সর্বমভবৎপাণ্ডবানাং মহদ্বলম্॥ 8-67-53 (58312)
কর্ণস্ৎবেকো যুধাং শ্রেষ্ঠো বিধূম ইব পাবকঃ।
দহঞ্শত্রূন্নরব্যাঘ্রঃ শুশুভে স পরন্তপঃ॥ 8-67-54 (58313)
তে বধ্যমানাঃ কর্ণেন পাঞ্চালাশ্চেদিভিঃ সহ।
তত্র তত্র ব্যমুহ্যন্ত বনদাহে যথা দ্বিপাঃ॥ 8-67-55 (58314)
চুক্রুশুশ্চ নরব্যাঘ্র যথাপ্রাণং নরোত্তমাঃ।
তেষাং তু ক্রোশতাং দীনং ভীতানাং রণমূর্ধনি॥ 8-67-56 (58315)
ধাবতাং চ ততো রাজংস্ত্রস্তানাং চ সমন্ততঃ।
আর্তনাদো বভূবাত্র ভূতানামিব সম্প্লুবে॥ 8-67-57 (58316)
বধ্যমানাংস্তু তান্দৃষ্ট্বা সূতপুত্রেণ মারিষ॥
বিত্রেসুঃ সর্বভূতানি তির্যগ্যোনিগতান্যপি॥ 8-67-58 (58317)
তে বধ্যমাতাঃ সমরে সূতপুত্রেণ সৃঞ্জয়াঃ।
অর্জুনং বাসুদেবং চ ক্রোশন্তি চ মুহুর্মুহুঃ।
প্রেতরাজপুরে যদ্বৎপ্রেতরাজং বিচেতসঃ॥ 8-67-59 (58318)
শ্রুৎবা তু নিনদং তেষাং বধ্যতাং কর্ণসায়কৈঃ।
অথাব্রবীদ্বাসুদেবং কুন্তীপুত্রো ধন়ঞ্জয়ঃ।
ভার্গবাস্ত্রং মহাঘোরং দৃষ্ট্বা তত্র সমীরিতম্॥ 8-67-60 (58319)
পশ্য কৃষ্ণ মহাবাহো ভার্গবাস্ত্রস্য বিক্রমম্।
নৈতদস্ত্রং হি সমরে শক্যং হন্তুং কথঞ্চন॥ 8-67-61 (58320)
সূতপুত্রং চ সংরব্ধং পশ্য কৃষ্ণ মহারণে।
অন্তকপ্রতিমং বীর্যে কুর্বাণং কর্ম দারুণম্॥ 8-67-62 (58321)
অভীক্ষ্ণং চোদয়ন্নশ্বান্প্রেক্ষতে মাং মুহুর্মুহুঃ।
নচ শক্ষ্যামি কর্ণস্য সংয়ুগেঽহং পলায়িতুম্॥ 8-67-63 (58322)
জীবন্প্রাপ্নোতি পুরুষঃ সঙ্খ্যে জয়পরাজয়ৌ।
মৃতস্য তু হৃপীকেশ ভঙ্গ এব কুতো জয়ঃ॥ 8-67-64 (58323)
এষ কর্ণো রণে ভাতি মধ্যাহ্ন ইব ভাস্করঃ।
নিবর্তয় রথং কৃষ্ণ জীবন্ভদ্রাণি পশ্যতি॥ ॥ 8-67-65 (58324)
ইতি শ্রীমন্মহাভারতে কর্ণপর্বণি সপ্তদ্বশদিবসয়ুদ্ধে সপ্তষষ্টিতমোঽধ্যায়ঃ॥ 67 ॥
॥ শ্রীঃ ॥
8.68. অধ্যায়ঃ 068
Mahabharata - Karna Parva - Chapter Topics
কর্ণবাণব্যথাপনোদনায় যুধিষ্ঠিরং শিবিরগতং বিজ্ঞায় শত্রুনিগ্রহে ভীমনিয়োজনপূর্বকমর্জুনেন সহ শ্রীকৃষ্ণস্য তৎসমীপং প্রতি গমনম্॥ 1 ॥
Mahabharata - Karna Parva - Chapter Text
8-68-0 (58325)
সঞ্জয় উবাচ। 8-68-0x (4995)
ততো জনার্দনঃ শ্রুৎবা তস্য বাক্যং বিশাম্পতে।
রথেনাপয়যৌ ক্ষিপ্রং সঙ্গ্রামাদিতি ভারত॥ 8-68-1 (58326)
প্রত্যনীকমবস্থাপ্য ভীমং ভীমপরাক্রমম্।
অলং বিষহিতুং হ্যেষ কুরূণাং সম্প্রপশ্যতাম্॥ 8-68-2 (58327)
কর্ণং চ সমরে রাজন্গ্রাহয়িষ্যঞ্শ্রমং প্রতি।
বিশ্বমার্থং চ কৌরব্য পার্থস্য চ মহাত্মনঃ।
অপয়াতো রণাদ্বীরো রাজানং দ্রষ্টুমেব চ॥ 8-68-3 (58328)
অর্জুনং চাব্রবীৎকৃষ্ণো ভৃশং রাজা পরিক্ষতঃ।
তমাশ্বাস্য কুরুশ্রেষ্ঠ ততঃ কর্ণং হনিষ্যসি॥ 8-68-4 (58329)
ততো ধনঞ্জয়ঃ শ্রুৎবা রাজানং শল্যপীডিতম্।
যাহিয়াহিতি বহুশো বাসুদেবমচোদয়ৎ।
রাজানং প্রতি বার্ষ্ণেয় দূয়তে মে দৃঢং মনঃ॥ 8-68-5 (58330)
স চোদ্যমানঃ পার্থেন কেশিঘ্নো বৃষ্ণিনন্দনঃ।
রথেনাপয়যৌ ক্ষিপ্রং সঙ্গ্রামাদ্ধোরদর্শনাৎ॥ 8-68-6 (58331)
গচ্ছন্নেব তু কৌন্তেয়ো ধর্মরাজদিদৃক্ষয়া।
সৈন্যমালোকয়ামাস নাপশ্যত্তত্র চাগ্রজম্॥ 8-68-7 (58332)
যুদ্ধং কৃৎবা তু কৌন্তেয়ো দ্রোণপুত্রেণ ভারত।
দুঃসহং বজ্রিণা সঙ্খ্যে পরাজিত্য গুরোঃ সুতম্॥ 8-68-8 (58333)
দ্রৌণিং পরাজিত্য ততোগ্রধন্বা
কৃৎবা মহদ্দুষ্করং শূরকর্ম।
আলোকয়ামাস ততঃ স্বসৈন্যং
ধনঞ্জয়ঃ শত্রুভিরপ্রধৃষ্যঃ॥ 8-68-9 (58334)
সংয়ুধ্যমানান্পৃতনামুখস্থা--
ঞ্শূরঃ শূরান্হর্ষয়ন্সব্যসাচী।
পূর্বাপদানৈঃ প্রথিতৈঃ প্রশংস--
ন্স্থিতাংশ্চকারাত্মরথাননীকে॥ 8-68-10 (58335)
অপশ্যমানস্তু কিরীটমালী
যুধিষ্ঠিরং ভ্রাতরমাজমীঢম্।
উবাচ ভীমং তরসাভ্যুপেত্য
রাজ্ঞঃ প্রবৃত্তিস্ৎবিহ কুত্র চেতি॥ 8-68-11 (58336)
ভীমসেন উবাচ। 8-68-12x (4996)
অপয়াত ইতো রাজা ধর্মপুত্রো যুধিষ্ঠিরঃ।
কর্ণবাণাভিতপ্তাঙ্গো যদি জীবেৎকথঞ্চন॥ 8-68-12 (58337)
অর্জুন উবাচ। 8-68-13x (4997)
তস্মাদ্ভবাঞ্শীঘ্রমিতঃ প্রয়াতু
জ্ঞাতুং প্রবৃত্তিং পুরুষর্ষভস্য।
নূনং স বিদ্ধোঽতিভৃশং পৃষৎকৈঃ
কর্ণেন রাজা শিবিরং গতোঽসৌ॥ 8-68-13 (58338)
যঃ সম্প্রহারৈর্যুধি সম্প্রবৃত্তে
দ্রোণেন বিদ্ধোঽতিভৃশং তরস্বী।
তস্থৌ স তত্রাপি জয়প্রতীক্ষো
দ্রোণেন যাবন্ন হতঃ কিলাসীৎ॥ 8-68-14 (58339)
স সংশয়ং গমিতঃ পাণ্ডবাগ্র্যঃ
সঙ্খ্যেঽদ্য কর্ণেন মহানুভাবঃ।
জ্ঞাতুং প্রয়াহ্যাশু তমদ্য ভীম
স্থাস্যাম্যহং শত্রুগণান্নিরুধ্য॥ 8-68-15 (58340)
ভীমসেন উবাচ। 8-68-16x (4998)
ৎবমেব জানীহি মহানুভাব
রাজ্ঞঃ প্রবৃত্তিং ভরতর্ষভস্য।
অহং হি যদ্যর্জুন যাম্যমিত্রা
বদন্তি মাং ভীত ইতি প্রবীরাঃ॥ 8-68-16 (58341)
ততোঽব্রবীদর্জুনো ভীমসেনং
সংশপ্তকাঃ প্রত্যনীকস্থিতা মে।
এতানহৎবাদ্য ময়া ন শক্য--
মিতোপয়াতুং রিপুসঙ্খমধ্যাৎ॥ 8-68-17 (58342)
অথাব্রবীদর্জুনং ভীমসেনঃ
স্ববীর্যমাসাদ্য কুরুপ্রবীর।
সংশপ্তকান্প্রতিয়োৎস্যামি সঙ্খ্যে
সর্বানহং যাহি ধনঞ্জয় ৎবম্॥ 8-68-18 (58343)
তদ্ভীমসেনস্য বচো নিশম্য
ধনঞ্জয়ো ভ্রাতুরমিত্রমধ্যে।
দ্রষ্টুং কুরুশ্রেষ্ঠমভিপ্রয়াস্য--
ন্প্রোবাচ বৃষ্ণিপ্রবরং তদানীম্॥ 8-68-19 (58344)
অর্জুন উবাচ। 8-68-20x (4999)
`রাজানং প্রতি বার্ষ্ণেয় দূয়তে মে দৃঢং মনঃ'।
চোদয়াশ্বান্হৃষীকেশ বিহায়ৈতদ্বলার্ণবম্।
অজাতশত্রুং রাজানং দ্রষ্টুমিচ্ছামি কেশব॥ 8-68-20 (58345)
সঞ্জয় উবাচ। 8-68-21x (5000)
`তং রথ চোদয়ামাস বীভৎসোর্বচনাদ্ধরিঃ'॥ 8-68-21 (58346)
ততো হয়ান্সর্বদাশার্হমুখ্যঃ
প্রচোদয়ন্ভীমমুবাচ চেদম্।
নৈতচ্চিত্রং তব কর্মাদ্য ভীম
যাস্যাবহে জহি পার্থারিসঙ্ঘান্॥ 8-68-22 (58347)
ততো যয়ৌ হৃষীকেশো যত্র রাজা যুধিষ্ঠিরঃ।
শীঘ্রাচ্ছীঘ্রতরো রাজন্বাজিভির্গরুডোপমৈঃ॥ 8-68-23 (58348)
প্রত্যনীকে ৎববস্থাপ্য ভীমসেনমরিন্দমম্।
সন্দিশ্য চৈনং রাজেন্দ্র যুদ্ধং প্রতি বৃকোদরম্॥ 8-68-24 (58349)
ততস্তু গৎবা পুরুষপ্রবীরৌ
রাজানমাসাদ্য শয়ানমেকম্।
রথাদুভৌ প্রত্যবরুহ্য তস্মা--
দ্ববন্দতুর্ধর্মরাজস্য পাদৌ॥ 8-68-25 (58350)
`ইত্যেবমুপসঙ্গৃহ্য উভৌ তু পাঞ্জলী স্থিতৌ।
শস্ত্রক্ষতৌ মহারাজ রুধিরেণ সমুক্ষিতৌ।
নিহত্য বাহিনীং তুভ্যমপয়াতৌ রণাজিরাৎ'॥ 8-68-26 (58351)
তং দৃষ্ট্বা পুরুষব্যাঘ্রং ক্ষেমিণং পুরুষর্ষভম্।
মুদাভ্যনন্দতাং কৃষ্ণাবশ্বিনাবিব বাসবম্॥ 8-68-27 (58352)
তাবভ্যনন্দদ্রাজাপি বিবস্বানশ্বিনাবিব।
হতে মহাসুরে জম্ভে শক্রবিষ্ণূ যথা গুরুঃ॥ 8-68-28 (58353)
মন্যমানো হতং কর্ণং প্রীতঃ পরপুরঞ্জয়ঃ।
`স ভূৎবা পুরুষব্যাঘ্রো রাজা তত্র যুধিষ্ঠিরঃ'।
হর্ষগদ্গদয়া বাচা প্রীতঃ প্রাহ পরন্তপঃ॥ ॥ 8-68-29 (58354)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে অষ্টষষ্টিতমোঽধ্যায়ঃ॥ 68 ॥
Mahabharata - Karna Parva - Chapter Footnotes
॥ শ্রীঃ ॥
8.69. অধ্যায়ঃ 069
Mahabharata - Karna Parva - Chapter Topics
যুধিষ্ঠিরেণ কর্ণশরবিক্ষতস্যাত্মনো দিদৃক্ষয়া স্বশিবিরমুপাগতৌ কৃষ্ণার্জুনৌ দৃষ্ট্বা পার্থেন রাধেয়স্য বধভ্রমেণ পার্থস্য প্রশংসনম্॥ 1 ॥
Mahabharata - Karna Parva - Chapter Text
8-69-0 (58355)
সঞ্জয় উবাচ। 8-69-0x (5001)
[অথোপয়াতৌ পৃথুলোহিতাক্ষৌ
শরাচিতাঙ্গৌ রুধিরপ্রদিগ্ধৌ।
সমীক্ষ্য সেনাগ্রনরপ্রবীরৌ
যুধিষ্ঠিরো বাক্যমিদং বভাষে॥] 8-69-1 (58356)
ততো যুধিষ্ঠিরো দৃষ্ট্বা সহিতৌ কেশবার্জুনৌ।
হতমাধিরথিং মেনে সঙ্খ্যে গাণ্ডীবধন্বনা॥ 8-69-2 (58357)
তাবভ্যনন্দৎকৌন্তেয়ঃ সাম্না পরমবল্গুনা।
স্মিতপূর্বমমিত্রঘ্ন পূজয়ন্ভরতর্পভ॥ 8-69-3 (58358)
যুধিষ্ঠির উবাচ। 8-69-4x (5002)
স্বাগতং দেবকীপুত্র স্বাগতং তে ধনঞ্জয়।
প্রিয়ং মে দর্শনং বাঢং যুবয়োর্নরসিংহয়োঃ॥ 8-69-4 (58359)
অরিষ্টয়োরক্ষতয়োঃ কর্ণং হৎবা মহারথম্।
আশীবিপসমং যুদ্ধে সর্বশস্ত্রবিশারদম্॥ 8-69-5 (58360)
অগ্রগং ধার্তরাষ্ট্রাণাং সর্বেষাং শর্ম বর্ম চ।
রক্ষিতং বৃষসেনেন সুপেণেন চ ধন্বিনা॥ 8-69-6 (58361)
অনুজ্ঞাতং মহাবীর্যং রামেণাস্ত্রে সুদুর্জয়ম্।
অগ্র্যং সর্বস্য লোকস্য রথিনং লোকবিশ্রুতম্॥ 8-69-7 (58362)
ত্রাতারং ধার্তরাষ্ট্রাণাং গন্তারং বাহিনীমুখে।
হন্তারং পরসৈন্যানামমিত্রগণমর্দনম্॥ 8-69-8 (58363)
দুর্যোধনহিতে যুক্তমস্মদ্দুঃখায় চোদ্যতম্।
অপ্রধৃষ্যং মহায়ুদ্ধে দেবৈরপি সবাসবৈঃ॥ 8-69-9 (58364)
অনলানিলয়োস্তুল্যং তেজসা চ বলেন চ।
পাতালমিব গম্ভীরং সুহৃদাং নন্দিবর্ধনম্॥ 8-69-10 (58365)
অন্তকং মম মিত্রাণাং হৎবা কর্ণং মহামৃধে।
দিষ্ট্যা যুবামনুপ্রাপ্তৌ হৎবাঽসুরমিবামরৌ॥ 8-69-11 (58366)
তেন যুদ্ধমভীতেন ময়াঽদ্যাপ্যচ্যুতার্জুনৌ।
কৃতং ঘোরং মহাবাহূ ধৃষ্টদ্যুম্নস্য পশ্যতঃ।
অন্তকেনেব ক্রুদ্ধেন প্রজাঃ সর্বা জিঘাংসতা॥ 8-69-12 (58367)
তেন কেতুশ্চ মে চ্ছিন্নো হতৌ চ পার্ষ্ণিসারথী।
হতবাহঃ কৃতশ্চাস্মি যুয়ুধানস্য পশ্যতঃ॥ 8-69-13 (58368)
ধৃষ্টদ্যুম্নস্য যময়োর্বীরস্য চ শিখণ্ডিনঃ।
পশ্যতাং দ্রৌপদেয়ানাং শতদ্রোশ্চ মহাত্মনঃ॥ 8-69-14 (58369)
এতাঞ্জিৎবা মহাবীর্যঃ কর্ণঃ শত্রুগণান্বহূন্।
জিতবান্মাং মহাবাহো যতমানো মহারণে॥ 8-69-15 (58370)
অনুসৃত্য চ মাং যুদ্ধে পরুষাণ্যুক্তবান্বহু।
তত্র তত্র যুধাং শ্রেষ্ঠ পরিভূয় ন সংশয়ঃ॥ 8-69-16 (58371)
ভীমসেনপ্রভাবাত্তু যজ্জীবামি ধনঞ্জয়।
বহুনাত্র কিমুক্তেন হতে সোঢুং সমুৎসহে॥ 8-69-17 (58372)
ত্রয়োদশাহং বর্ষাণি যস্মাদ্ভীতো ধনঞ্জয়।
ন স্ম নিদ্রাং লভে রাত্রৌ ন চাহনি সুখং ক্বচিৎ॥ 8-69-18 (58373)
তস্য দ্বেষেণ সংয়ুক্তঃ পরিদহ্যে ধনঞ্জয়।
আত্মনো মরণং জানন্বাধ্রীণস ইব দ্বিজঃ॥ 8-69-19 (58374)
তস্যায়মগমৎকালশ্চিন্তয়ানস্য মে চিরম্।
কথং কর্ণো ময়া শক্যো যুদ্ধে ক্ষপয়িতুং ভবেৎ॥ 8-69-20 (58375)
জাগ্রৎস্বপংশ্চ কৌন্তেয় কর্ণমেব স্মরাহ্যহম্।
পশ্যামি তত্রতত্রৈব কর্ণভূতমিদং জগৎ॥ 8-69-21 (58376)
যত্র যত্র হি গচ্ছামি কর্ণাদ্ভীতো ধনঞ্জয়।
তত্র তত্র হি পশ্যামি কর্ণমেবাগ্রতঃ স্থিতম্॥ 8-69-22 (58377)
সোঽহং তেনৈব বীরেণ সমরেষ্বপলায়িনা।
সহয়ঃ সরথঃ পার্থ জিৎবা জীবন্বিসর্জিতঃ॥ 8-69-23 (58378)
কো নু মে জীবিতেনার্থো রাজ্যেনার্থো ভবেৎপুনঃ।
মমৈবং বিক্ষতস্যাদ্য কর্ণেনাহবশোভিনা॥ 8-69-24 (58379)
ন প্রাপ্তপূর্বং যদ্ভীষ্মাৎকৃপাদ্দ্রোণাচ্চ সংয়ুগে।
তৎপ্রাপ্তমদ্য মে যুদ্ধে সূতপুত্রান্মহারথাৎ॥ 8-69-25 (58380)
স ৎবাং পৃচ্ছামি কৌন্তেয় যথা ন কুশলস্তথা।
তন্মমাচক্ষ্ব কার্ৎস্ন্যেন যথা কর্ণো হতস্ৎবয়া॥ 8-69-26 (58381)
শক্রতুল্যবলো যুদ্ধে যমতুল্যঃ পরাক্রমে।
রামতুল্যস্তথাস্ত্রেষু স কথং তে নিষূদিতঃ॥ 8-69-27 (58382)
মহারথসমাখ্যাতঃ সর্বয়ুদ্ধবিশারদঃ।
ধনুর্ধরাণাং প্রবরঃ সর্বেষাং বৈ সদার্জুন॥ 8-69-28 (58383)
পূজিতো ধৃতরাষ্ট্রেণ সপুত্রেণ বিশাম্পতে।
ৎবদর্থমেব রাধেয়ঃ স কথং নিহতস্ৎবয়া॥ 8-69-29 (58384)
ধার্তরাষ্ট্রস্য যোদ্ধারঃ সর্ব এব সদার্জুন।
তব মৃত্যুং রণে কর্ণং মন্যন্তে পুরুষর্ষভ॥ 8-69-30 (58385)
স ৎবয়া পুরুষব্যাঘ্র কথং যুদ্ধে নিষূদিতঃ।
তন্মমাচক্ষ্ব কৌন্তেয় যথা কর্ণো হতস্ৎবয়া॥ 8-69-31 (58386)
সোৎসেধমস্য চ শিরঃ পশ্যতাং সুহৃদাং হৃতম্।
ৎবয়া পুরুষশার্দূল সিংহেনেব যথা রুরোঃ॥ 8-69-32 (58387)
সর্বা দিশঃ পর্যপতত্ৎবদর্থং
ৎবাং সূতপুত্রঃ সমরে পরীপ্সন্।
দিৎসন্নৃণাং শকটং রত্নপূর্ণং
কথং ৎবয়াসৌ নিহতোঽদ্য কর্ণঃ॥ 8-69-33 (58388)
ৎবয়া রণে নিহতঃ সূতপুত্রঃ
কচ্চিৎকৃতং মে পরমং ৎবয়াদ্য
প্রিয়ং রণে সূতপুত্রং নিহত্য॥ 8-69-34 (58389)
সর্বা দিশঃ পর্যপতত্ৎবদর্থং
মুদান্বিতো গর্বিতঃ সূতপুত্রঃ।
স শূরমানী সমরে সমেত্য
কচ্চিত্ৎবয়া নিহতঃ সূতপুত্রঃ॥ 8-69-35 (58390)
রাজ্যং পরং হস্তিগবাশ্বয়ুক্তং
রথং দিৎসুর্যঃ পরেভ্যস্ৎবর্দর্থে।
ৎবয়া রণে স্পর্ধতে যঃ স পাপঃ
কচ্চিত্ৎবয়া নিহতঃ পাপবুদ্ধিঃ॥ 8-69-36 (58391)
যোঽসৌ নিত্যং শৌর্যমদেন মত্তো
বিকত্থতে সংসদি কৌরবাণাম্।
প্রীত্যর্থং বৈ তাত সুয়োধনস্য
কচ্চিৎস পাপো নিহতস্ৎবয়াদ্য॥ 8-69-37 (58392)
কচ্চিৎসমাগম্য ধনুঃপ্রমুক্তৈ--
স্ৎবৎপ্রেষিতৈর্লোহময়ৈর্বিহংগৈঃ।
শেতে ভিন্নঃ পাংসুষু সূতপুত্রঃ
কচ্চিদ্ভগ্রৌ ধার্তরাষ্ট্রস্য বাহূ॥ 8-69-38 (58393)
যোঽসৌ সদা শ্লাঘতে রাজমধ্যে
দুর্যোধনং হর্ষয়ন্দর্পয়ুক্তঃ।
হন্তাঽস্মি সর্বানিতি পাণ্ডুপুত্রা--
নহং হন্তা ফল্গুনস্যেতি মোহাৎ॥ 8-69-39 (58394)
কচ্চিদ্বচোঽস্য বিতথং ৎবয়া কৃতং
যত্তৎপ্রিয়ামবদত্তাত কর্ণঃ।
সভামথ্যে রূক্ষমনেকরূপং
ধিক্পাণ্ডবানপতিস্ৎবং হি কৃষ্ণে॥ 8-69-40 (58395)
কচ্চিদ্ভুবং শত্রুরয়ং মহাত্মা
হ্যধারয়দ্দ্বাদশ যঃ সমাস্তু।
কর্ণো ব্রতং ঘোরমমিত্রসাহো
দুর্যোধনস্যার্থনিবিষ্টবুদ্ধিঃ॥ 8-69-41 (58396)
পাদৌ ন ধাবে যাবদহং ন হন্মি
ধনঞ্জয়ং সমরেষূগ্রবেগম্।
কচ্চিদ্রণে ফল্গুন তং নিহত্য
কচ্চিদ্ব্রতং তস্য ভগ্নং ৎবয়াঽদ্য॥ 8-69-42 (58397)
যোঽসৌ কৃষ্ণামব্রবীদ্দুষ্টবুদ্ধিঃ
কর্ণঃ সভায়াং কুরুবীরমধ্যে।
কিং পাণ্ডবাংস্ৎবং ন জহাসি কৃষ্ণে
সুদুর্বলান্পতিতান্হীনসৎবান্॥ 8-69-43 (58398)
যোঽসৌ কর্ণঃ প্রত্যজানাত্ৎবদর্থে
নাহং হৎবা সহ কৃষ্ণেন পার্থম্।
ইহোপয়াতেতি স পাপবুদ্ধিঃ
কচ্চিচ্ছেতে শরসম্ভিন্নগাত্রঃ॥ 8-69-44 (58399)
কচ্চিৎসঙ্গ্রামো বিদিতো বৈ তবায়ং
সমাগমে সৃঞ্জয় কৌরবাণাম্।
যেনাবস্থামীদৃশীং প্রাপিতোঽহং
কচ্চিত্ৎবয়া সোঽদ্য হতো দুরাত্মা॥ 8-69-45 (58400)
কচ্চিত্ৎবয়া তস্য সুমন্দবুদ্ধে--
র্গাণ্ডীবমুক্তৈর্বিশিখৈর্জ্বলদ্ভিঃ।
সকুণ্ডলং ভানুমদুত্তমাঙ্গং
কায়াৎপ্রকৃত্তং যুধি সব্যসাচিন্॥ 8-69-46 (58401)
যত্তন্ময়া বাণসমর্পিতেন
ধ্যাতোঽসি কর্ণস্য বধায় বীর।
তন্মে ৎবয়া কচ্চিদমোঘমদ্য
ধ্যানং কৃতং কর্ণনিপাতনেন॥ 8-69-47 (58402)
যদ্দর্পপূর্ণঃ স সুয়োধনোঽস্মা--
ন্দিধক্ষতে কর্ণসমাশ্রয়েণ।
কচ্চিত্ৎবয়া সোঽদ্য সমাশ্রয়োঽস্য
ভগ্নঃ পরাক্রম্য সুয়োধনস্য॥ 8-69-48 (58403)
যো নঃ পুরা ষণ্ঢতিলানবোচ--
ৎসভামধ্যে কৌরবাণাং সমক্ষম্।
স দুর্মতিঃ কচ্চিদুপেত্য সঙ্খ্যে
ৎবয়া হতঃ সূতপুত্রোঽত্যমর্ষী॥ 8-69-49 (58404)
যঃ প্রাহিণোৎসূতপুত্রো দুরাত্মা
কৃষ্ণাং জিতাং সৌবলেহানয়েতি।
স মন্দবুদ্ধির্নিহতঃ প্রসহ্য
বৈকর্তনস্ৎবদ্য কচ্চিন্মহাত্মন্॥ 8-69-50 (58405)
যঃ শস্ত্রভৃচ্ছ্রেষ্ঠতমং পৃথিব্যাং
পিতামহং ব্যাক্ষিপদল্পচেতাঃ।
সঙ্খ্যায়মানোঽর্ধরথঃ স কচ্চি--
ত্ৎবয়াং হতোঽদ্যাধিরথির্মহাত্মন্॥ 8-69-51 (58406)
অমর্ষজং নিকৃতিসমীরণেরিতং
হৃদি স্থিতং জ্বলনমিমং সদা মম।
হতো ময়া সোঽদ্য সমেত্য কর্ণ
ইতি ব্রুবন্প্রশময়সেঽদ্য ফল্গুন॥ ॥ 8-69-52 (58407)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে একোনসপ্ততিতমোঽধ্যায়ঃ॥ 69 ॥
Mahabharata - Karna Parva - Chapter Footnotes
॥ শ্রীঃ ॥
8.70. অধ্যায়ঃ 070
Mahabharata - Karna Parva - Chapter Topics
অর্জুনেন স্যযুদ্ধানুবাদপূর্বকং যুধিষ্ঠিরম্প্রতি কর্ণবধপ্রতিজ্ঞানম্॥ 1 ॥
Mahabharata - Karna Parva - Chapter Text
8-70-0 (58408)
সঞ্জয় উবাচ। 8-70-0x (5003)
তদ্ধর্মশীলস্য বচো নিশম্য
রাজ্ঞঃ ক্রুদ্ধস্যাতিরথো মহাত্মা।
উবাচ দুর্মর্ষমদীনসৎবো
যুধিষ্ঠিরং জিষ্ণুরনন্তবীর্যঃ॥ 8-70-1 (58409)
দ্রোণং হতং পার্থ কর্ণো বিদিৎবা
ভিন্নাং নাববিমাবত্যগাধে কুরূণাম্।
সম্মুহ্যমানান্ধার্তরাষ্ট্রান্বিদিৎবা
নিরুৎসাহাংশ্চ বিজয়ে পরেষাম্॥ 8-70-2 (58410)
সোদর্যবত্ৎবরিতোঽমিতৌজা
উত্তারয়িষ্যন্ধৃতরাষ্ট্রস্য পুত্রান্।
রণে রথেনাধিরথির্মহাত্মা
ততো হি মাং ৎবরিতঃ সোঽভ্যধাবৎ॥ 8-70-3 (58411)
সংশপ্তকৈর্যুধ্যমানস্য মেঽদ্য
সেনাগ্রয়ায়ী কুরুসৈন্যস্য রাজন্।
আশীবিষাভান্বিকিরঞ্শরৌঘা--
ন্দ্রৌণিঃ পুরস্তাৎসহসাধ্যতিষ্ঠৎ॥ 8-70-4 (58412)
স মে দৃষ্ট্বা শূরতমো ধ্বজাগ্রং
সমাদিশদ্রথসঙ্ঘাননেকান্।
তেষামহং পঞ্চশতং নিহত্য
আসাদয়ং দ্রোণপুত্রং নদন্তম্॥ 8-70-5 (58413)
স দ্রোণপুত্রঃ সদৃশং মহাত্মা
মামপ্যরৌৎসীত্তদনীকমধ্যে।
কিরঞ্শরৌঘান্বহুরূপান্বিচিত্রা--
ন্স্বাতীগতঃ শুক্র ইবাতিবর্ষন্॥ 8-70-6 (58414)
স মে রান্সর্বতঃ কঙ্কপত্রা--
নবাসৃজদ্বৈ পৃথিবীপ্রকাশান্।
নিবার্য তূর্ণং পরমাজিমধ্যে
ততোঽপি মাং বাণগণৈঃ সমার্পয়ৎ॥ 8-70-7 (58415)
আকর্ষণং বাপি বিকৃষ্য মুক্তং
ন দৃশ্যতে তস্য মহারথস্য।
ন সন্দধানঃ কুত আদদানো
ন ব্যাক্ষিপন্ন বিকর্ষন্বিমুঞ্চন্॥ 8-70-8 (58416)
সব্যেন বা যদি বা দক্ষিণেন
ন জ্ঞায়তে কতরেণাস্যতীতি।
আচার্যবৎসমরে পর্যবর্ত--
ন্মহচ্চিত্রং দর্শয়ন্সর্বতঃ স্ম॥ 8-70-9 (58417)
দৃষ্ট্বীবিষং চাসুহরং পরেষাং
সর্বা দিশঃ পূরয়ানং শরৌধৈঃ।
অলাতচক্রপ্রতিমং মহাত্মনঃ
সদা নতং কার্মুকং ব্রহ্মবন্ধোঃ॥ 8-70-10 (58418)
ততোঽপরান্বাণগণাননেকা--
নাকর্ণপূর্ণায়তবিপ্রমুক্তান্।
সসর্জ শীঘ্রাস্ত্রবলেন বীর--
স্তোয়ং যথা প্রাবৃষি কালমেঘঃ॥ 8-70-11 (58419)
আবিধ্যন্মাং পঞ্চভিদ্রোণপুত্রঃ
শিতৈঃ শরৈঃ পঞ্চভির্বাসুদেবম্।
অভ্যঘ্নং বাণৈস্তমহং সুধারৈ--
র্নিমেষমাত্রেণ সুবর্ণপুঙ্খৈঃ॥ 8-70-12 (58420)
স নির্বিদ্ধো বিরথো দ্রোণপুত্রো
রথানীকং চাধিরথের্বিবেশ।
ময়াভিভূতান্স্বরথপ্রবর্হা--
নস্ত্রং চ পশ্যন্রুধিরপ্রদিগ্ধম্॥ 8-70-13 (58421)
ততোঽভিভূতং যুধি বীক্ষ্য সৈন্যং
বিধ্বস্তয়োধং দ্রুতনাগয়ূথম্।
পঞ্চাশতা রথমুখ্যৈঃ সমেতঃ
কর্ণস্ৎবরন্নভ্যপতৎপ্রমাথী॥ 8-70-14 (58422)
তান্সূদয়িৎবাঽহমপাস্য কর্ণং
দ্রষ্টুং ভবন্তং ৎবরয়োপয়াতঃ।
সর্বে পাঞ্চালা হ্যুদ্বিজন্তে স্ম কর্ণং
দৃষ্ট্বা গাবঃ কেসরিণং যথৈব॥ 8-70-15 (58423)
মৃত্যোরাস্যং ব্যাত্তমিবাভিপদ্য
প্রভদ্রকাঃ কর্ণমাসাদ্য সর্বে।
যাস্যামি তাংস্তারয়িষ্যন্বলৌঘা--
দ্দিষ্ট্যা ভবান্স্বস্তিমান্পার্থ দৃষ্টঃ॥ 8-70-16 (58424)
হনিষ্যেঽহং ভারত সূতপুত্র--
মস্মিন্সঙ্গ্রামে যদি দৃশ্যতেঽদ্য।
আয়াহি পশ্যাদ্য যুয়ুৎসমানৌ
মাং সূতপুত্রং চ ধৃতৌ রণায়॥ 8-70-17 (58425)
মহাঝষস্যেব মুখং প্রপন্নাঃ
প্রভদ্রকাঃ কর্ণমুখং প্রপন্নাঃ।
ষট্সাহস্রা ভারত রাজপুত্রাঃ
স্বর্গায় লোকায় রণে নিমগ্নাঃ॥ 8-70-18 (58426)
তানদ্য যাস্যামি রণাদ্বিমোক্তুং
সর্বাত্মনা সূতপুত্রং চ হন্তুম্॥ 8-70-19 (58427)
অথ প্রবীরেণ মহানুভাব
দ্বিষৎসৈন্যং নির্দহন্বিস্তরেণ।
সমেত্যাহং সূতপুত্রেণ সঙ্খ্যে
বজ্রীব বৃত্রেণ নরেন্দ্রমুখ্য॥ 8-70-20 (58428)
এবং গতে কিঞ্চ ময়াঽদ্য শক্যং
কার্যং কর্তুং নিগ্রহে সূতজস্য।
তথৈব রাজ্ঞশ্চ সুয়োধনস্য
যে চাপি মাং যোদ্ধুকামাঃ সমেতাঃ॥ 8-70-21 (58429)
কর্ণং ন চেদদ্য নিহন্মি রাজ--
ন্সবান্ধবং যুধ্যমানং প্রসহ্য।
প্রতিশ্রুত্যাঽকুর্বতাং যা গতির্বৈ
কষ্টাং যায়াং তামহং রাজসিংহ॥ 8-70-22 (58430)
আমন্ত্রয়ে ৎবাং ব্রূহি রণে জয়ং মে
পুরা ভীমং ধার্তরাষ্ট্রা গ্রসন্তি।
সৌতিং হনিষ্যামি নরেন্দ্রসিংহ
সৈন্যং তথা শত্রুগণাংশ্চ সর্বান্॥ ॥ 8-70-23 (58431)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে সপ্ততিতমোঽধ্যায়ঃ॥ 70 ॥
॥ শ্রীঃ ॥
8.71. অধ্যায়ঃ 071
Mahabharata - Karna Parva - Chapter Topics
কর্ণস্যামারণজ্ঞানাদ্রুষ্টেন যুধিষ্ঠিরেণ অর্জুনম্প্রতি গর্হণপূর্বকং কৃষ্ণকরে গাণ্ডীবদানচোদনা॥ 1 ॥
Mahabharata - Karna Parva - Chapter Text
8-73-0 (58432)
সঞ্জয় উবাচ। 8-73-0x (5004)
বৈকর্তনং কুশলিনং নিশম্য
ক্রুদ্ধঃ পার্থঃ ফল্গূনস্যামিতৌজাঃ।
ধনঞ্জয়ং বাক্যমুবাচ রাজা
যুধিষ্ঠিরঃ কর্ণশরাভিতপ্তঃ॥ 8-73-1 (58433)
ইমাং চ বসতিং হিৎবা ভয়াৎকর্ণেন ফল্গুন।
অহং চ ভীমসেনশ্চ মাদ্রীপুত্রৌ চ পাণ্ডবৌ॥ 8-73-2 (58434)
বাসুদেবেন সহিতা বয়ং কর্ণেন নির্জিতাঃ।
পুনরেব বনং গৎবা তপশ্চর্যাং চ কুর্মহে।
অথবা ধার্তরাষ্ট্রাণাং পরিচর্যাং চরামহে॥ 8-73-3 (58435)
ইত্যেবমুক্ৎবা বীভৎসুং রোষাৎসংরক্তলোচনঃ।
অব্রবীৎপুনরেবাত্র ধর্মরাজো যুধিষ্ঠিরঃ॥ 8-73-4 (58436)
ইদং যদি দ্বৈতবনে তু সূক্তং
কর্ণং নিয়োদ্ধুং ন সহে নৃপেতি।
বয়ং ততঃ প্রাপ্তকালং যথাব--
ৎকৃৎবাঽভ্যুপেক্ষাম তথৈব রাজ্যম্॥ 8-73-5 (58437)
ময়ি প্রতিশ্রুত্য বধং হি তস্য
বলস্য চার্ধস্য তথৈব যুদ্ধে।
আনীয় মাং শত্রুমধ্যে স কস্মা--
ৎসমুন্নাম্য স্থণ্ডিলে প্রত্যপিংষ্ঠাঃ॥ 8-73-6 (58438)
অন্বাস্য সত্যেন যদাত্থ পার্থ
সত্যং শপন্বাসুদেবেন সার্ধম্।
তন্নঃ সত্যমফলং হ্যকার্ষীঃ
ফলস্য কালে চাচ্ছিন্নঃ পুষ্পবৃক্ষম্॥ 8-73-7 (58439)
প্রচ্ছাদিতস্ৎবং বালিশ দুর্যশোভি--
রনর্থবাক্যোঽস্যর্জুন নৈব সাধুঃ।
ত্যক্ৎবা ভীমং সর্বভীমেষু ভীমং
সংয়োজিতস্ৎবং সূতপুত্রং নিহন্তুম্॥ 8-73-8 (58440)
যত্তদ্বৃথা বাগুবাচান্তরিক্ষে
সপ্তাহ্নি জাতে ৎবয়ি মন্দবুদ্ধৌ।
অপাপীয়ান্বাসবাৎকুন্তিজাতো
বহূন্সঙ্গ্রামানয়মেব জেতা॥ 8-73-9 (58441)
অয়ং জেতা পাণ্ডবো দেবসঙ্ঘান্
সর্বাণি ভূতান্যপি চোত্তমৌজাঃ।
অয়ং জেতা মদ্রকলিঙ্গজাতা--
ন্দৈত্যাংশ্চ রক্ষাংসি সমাগতানি॥ 8-73-10 (58442)
ভূমিং চ সর্বাং নিখিলেন জেতা
কুরূংশ্চ জেতা স্বগণাংশ্চ জেতা।
অস্মাৎপরো নো ভবিতা ধনুর্ধরো
নৈষ্যন্ন ভূতঃ কশ্চিদেনং বিজেতা॥ 8-73-11 (58443)
ইচ্ছন্নয়ং সর্বভূতানি কুর্যা--
দ্বশী বশে সর্বসমাপ্তবিদ্যঃ।
কান্ত্যা শশাঙ্কস্য জবেন বায়োঃ
স্যৈর্যেণ মেরোঃ ক্ষময়া পৃথিব্যাঃ॥ 8-73-12 (58444)
অগ্নেশ্চ তাপে ধনদস্য লক্ষ্ম্যা
শৌর্যেণ শক্রস্য জয়েন বিষ্ণোঃ।
তুল্যো মহাত্মা তব কুন্তি পুত্রো
জাতোঽদিতের্বিষ্ণুরিবামিতৌজাঃ॥ 8-73-13 (58445)
স্বেষাং জয়ায় দ্বিষতাং বধায়
জাতো মহাত্মা তব নন্দিকর্তা।
ইত্যন্তরিক্ষে শতশৃঙ্গমূর্ধ্নি
তপস্বিনাং শৃণ্বতাং বাগুবাচ॥ 8-73-14 (58446)
এবংবিধস্ৎবং ন চ ভূতস্তথাদ্য
দেবাশ্চ নূনমনৃতং বদন্তি॥ 8-73-15 (58447)
তথা পরেষামৃষিসত্তমানাং
শ্রুৎবা গিরঃ পূজয়তাং সদা ৎবাম্।
ন সন্নতিং যামি সুয়োধনস্য
ন ৎবাং জানাম্যাধিরথের্ভয়ার্তম্॥ 8-73-16 (58448)
ৎবষ্ট্রা কৃতং বাহমকূজনাক্ষং
শুভং সমাস্থায় কপিধ্বজং তম্।
খঙ্গং গৃহীৎবা হেমচিত্রাবনদ্বং
ধনুর্বরং গাণ্ডিবং তালমাত্রম্।
ৎবং বাসুদেবেনোহ্যমানঃ কথং নু
কর্ণাদ্ভীতো ব্যপয়াতোঽসি পার্থ॥ 8-73-17 (58449)
পূর্বং যদুক্তং হি সুয়োধনেন
ন ফল্গুনঃ প্রমুখে স্থাস্যতীতি।
কর্ণস্য যুদ্ধে হি মহাবলস্য
মৌর্খ্যাত্তু তন্নাববুদ্ধং ময়াঽসীৎ॥ 8-73-18 (58450)
তেনাদ্য তপ্স্যে ভৃশমপ্রমেয়ং
যন্মিত্রবর্গো নরকং প্রবিষ্টঃ।
তদৈব বাচ্যোঽস্মি ননু ৎবয়াঽহং
ন যোৎস্যেঽহং সূতপুত্রং কথঞ্চিৎ॥ 8-73-19 (58451)
ততো নাহং সৃঞ্জয়ান্কেকয়াংশ্চ
সমানয়েয়ং সুহৃদো রণায়॥ 8-73-20 (58452)
এবং গতে কিং চ ময়াঽদ্য শক্যং
কার্যং কর্তুং নিগ্রহে সূতজস্য।
তথৈব রাজ্ঞশ্চ সুয়োধনস্য
যে বাপি মাং যোদ্ধুকামাঃ সমেতাঃ॥ 8-73-21 (58453)
ধিগস্তু মজ্জীবিতমদ্য কৃষ্ণ
যোঽহং বশং সূতপুত্রস্য যাতঃ।
মধ্যে কুরূণাং সমুয়োধনানাং
যে চাপ্যন্যে যোদ্ধুকামাঃ সমেতাঃ॥ 8-73-22 (58454)
একঃ স মে ভীমসেনোঽদ্যং নাথো
যেনাভিপন্নোঽস্মি রণে মহাভয়ে।
বিমোচ্য মাং চাপি রুপান্বিতস্ততঃ
শরেণ তীক্ষ্ণেন বিভেদ কর্ণম্॥ 8-73-23 (58455)
ত্যক্ৎবা প্রাণান্সমরে ভীমসেন--
শ্চক্রে যুদ্ধং কুরুমুখ্যৈঃ সমেতৈঃ।
গদাগ্রহস্তো রুধিরোক্ষিতাঙ্গ--
শ্চরন্রণে কাল ইবান্তকালে॥ 8-73-24 (58456)
অসৌ হি ভীমস্য মহানিনাদো
মুহুর্মহুঃ শ্রূয়তে ধার্তরাষ্ট্রৈঃ।
যদি স্ম জীবেৎসমরে নিহন্তা
মহারথানাং প্রবরো নরোত্তমঃ॥ 8-73-25 (58457)
তবাভিমন্যুস্তনয়োঽদ্য পার্থ
ন চাস্মি গন্তা সমরে পরাভবম্।
অথাপি জীবেৎসমরে ঘটোৎকচ--
স্তথাঽপি নাহং সমরে পরাঙ্যুখঃ॥ 8-73-26 (58458)
ভীমস্য পুত্রঃ সমরাগ্রয়ায়ী
মহাস্ত্রবিন্নাপি তবানুরূপঃ।
যং তং xxxসাদ্য রিপোর্বলং নো
নিমীলিতাক্ষং ভয়বিপ্লুতং ভবেৎ॥ 8-73-27 (58459)
xxxxxনিশি যুদ্ধমেক--
স্ত্যক্সা রণং যৎব ভয়াদ্রবন্তে॥ 8-73-28 (58460)
স চেৎসমাসাদ্য মহানুভাবঃ
কর্ণং রণে বাণগণৈঃ প্রমোহ্যঃ।
ধৈর্যে স্থিতেনাপি চ সূতজেন
শক্যা হতো বাসবদত্তয়া তয়া॥ 8-73-29 (58461)
মমৈব ভাগ্যানি পুরা কৃতানি
পাপানি নূনং ফলবন্তি যুদ্ধে।
তৃণং চ কৃৎবা সমরে ভবন্তং
ততোঽহমেবং নিকৃতো দুরাত্মনা।
বৈকর্তনেনৈব তথা কৃতোঽহং
যথা হ্যশক্তঃ ক্রিয়তে ৎববান্ধবঃ॥ 8-73-30 (58462)
আপদ্গ্রতং যশ্চ নরো বিমোক্ষয়ে--
ৎস বান্ধবঃ স্নেহয়ুতঃ সুহৃচ্চ।
এবং পুরাণা ঋষয়ো বদন্তি
ধর্মঃ সদা সদ্ভিরনুষ্ঠিতশ্চ॥ 8-73-31 (58463)
খঙ্গং বিভ্রজ্জাতরূপৎসরুং চ
ধনুর্বেদং গাণ্ডিবং তালমাত্রম্।
স কেশবেনোহ্যমানঃ কথং নু
কর্ণাৎপার্থস্ৎবমপৈতুং সমৈষীঃ॥ 8-73-32 (58464)
স গাণ্ডীবং কেশবায় প্রদায়
যন্তা ভবেস্ৎবং যদি কেশবস্য।
ততস্তরেৎকেশবঃ কর্ণমুগ্রং
মরুৎসস্বো বৃত্রমিবাত্তবজ্রঃ॥ 8-73-33 (58465)
মাসেঽপতিষ্যো যদি পঞ্চমে ৎবং
ন বা গর্ভো যদ্যভবঃ পৃথায়াঃ।
মত্তঃ শ্রেয়ান্রাজপুত্রোঽভবিষ্য--
ন্ন তে যশঃ ফল্গুন ইত্যপেয়াৎ॥ ॥ 8-73-34 (58466)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে একসপ্ততিতমোঽধ্যায়ঃ॥ 71 ॥
॥ শ্রীঃ ॥
8.72. অধ্যায়ঃ 072
Mahabharata - Karna Parva - Chapter Topics
xxxxxxxxxxxxx তেন তন্নিবেদনম্॥ 1 ॥ কৃষ্ণেন বধপ্রতিনিধিৎবেন যুধিষ্ঠিরাধিক্ষেপxxxxxxx॥ 2 ॥
Mahabharata - Karna Parva - Chapter Text
8-72-0 (58467)
সঞ্জয় উবাচ। 8-72-0x (5005)
যুধিষ্ঠিরেণৈxxxxক্তঃ কৌন্তেয়ঃ শ্বেতবাহনঃ।
অসিং জগ্রাহ সঙ্ক্রুদ্ধো জিঘাংসুর্ভরতর্ষভম্॥ 8-72-1 (58468)
তস্য কোপং সমাজ্ঞায় চিত্তজ্ঞঃ কেশবস্তদা।
উবাচ কিমিদং খঙ্গং গৃহ্ণাস্যর্জুন শংম মে॥ 8-72-2 (58469)
নেহ পশ্যামি যোদ্ধব্যং ৎবয়া কিঞ্চিদ্বনঞ্জয়।
নেহাগতা ধার্তরাষ্ট্রাঃ সর্বে ভীমেন বারিতাঃ॥ 8-72-3 (58470)
উপাগতোঽসি কৌন্তেয় রাজা দ্রষ্টব্য ইত্যসৌ।
স রাজা ভবতা দৃষ্টঃ কুশলী চ যুধিষ্ঠিরঃ॥ 8-72-4 (58471)
তং দৃষ্ট্বা নৃপশার্দূলং শার্দূলসমবিক্রমম্।
হর্ষকালে চ সম্প্রাপ্তে কস্মাত্ৎবাং মন্যুরাবিশৎ॥ 8-72-5 (58472)
ন তং পশ্যামি কৌন্তেয় যস্তে বধ্যো ভবেদিহ।
প্রহর্তুমিচ্ছসে কস্মাৎকিং বা তে চিত্তবিভ্রমঃ॥ 8-72-6 (58473)
কস্মাদ্ভবান্মহাখঙ্গং পরিগৃহ্ণাত্যকারণাৎ। 8-72-7 (58474)
তত্ৎবাং পৃচ্ছামি কৌন্তেয় কিমিদং তে চিকীর্ষিতম্।
পরামৃশসি যৎক্রুদ্ধঃ খঙ্গমদ্ভুতবিক্রম॥ 8-72-8 (58475)
এবমুক্তঃ কটাক্ষেণ প্রেক্ষমাণো যুধিষ্ঠিরম্।
অর্জুনঃ প্রাহ গোবিন্দং ক্রুদ্ধঃ সর্প ইব শ্বসন্॥ 8-72-9 (58476)
অন্যস্মৈ দেহি গাণ্ডীবমিতি মাং যঃ প্রচোদয়েৎ।
ভিন্দ্যামহং তস্য শির ইত্যুপাংশু ব্রতং মম।
যুধিষ্ঠিরেণ তেনাহমুক্তশ্চাস্মি জনার্দন॥ 8-72-10 (58477)
যদুক্তোঽহমদীনার্থং রাজ্ঞাঽনেন যশস্বিনা।
সমক্ষং তব গোবিন্দ ন তৎক্ষন্তুমিহোৎসহে॥ 8-72-11 (58478)
তস্মাদেনং বিধিষ্যামি রাজানং ধর্মচারিণাম্।
প্রতিজ্ঞাং পালয়িষ্যামি হৎবৈনং নরসত্তমম্॥ 8-72-12 (58479)
এতদর্থং ময়া খহ্গো গৃহীতো যদুনন্দন।
সোঽহং যুধিষ্ঠিরং হৎবা সত্যস্যানৃণ্যতাং গতঃ।
বিশোকো বিজ্বরশ্চাপি ভবিষ্যামি জনার্দন॥ 8-72-13 (58480)
কিং বা ৎবং মন্যসে প্রাপ্তমস্মিন্কার্য উপস্থিতে।
ৎবমস্য জগতস্তাত বেত্থ সর্বং গতাগতম্॥ 8-72-14 (58481)
`জাতস্ৎবত্তো হি ধর্মশ্চাধর্মশ্চেতি পরা শ্রুতিঃ'।
তত্তথা প্রকরিষ্যামি যথা মাং বক্ষ্যতে ভবান্॥ 8-72-15 (58482)
সঞ্জয় উবাচ। 8-72-16x (5006)
ধিগ্ধিগিত্যেব গোবিন্দঃ পার্থমুক্ৎবাব্রবীৎপুনঃ॥ 8-72-16 (58483)
কৃষ্ণ উবাচ। 8-72-17x (5007)
ইদানীং পার্থ জানামি ন বৃদ্ধাঃ সেবিতাস্ৎবয়া।
অকালে পুরুষব্যাঘ্র সংরম্ভং যদ্ভবানগাৎ॥ 8-72-17 (58484)
ন হি ধর্মবিগজ্ঞৈরেবং কার্যং ধনঞ্জয়।
যথা ৎবং পাণ্ডবাদ্যেহ ধর্মভীরুরণ্ডিতঃ॥ 8-72-18 (58485)
যোঽকার্যাণাং ক্রিয়ায়াশ্চ সংয়োগং নাববুধ্যতে।
কার্যাণামক্রিয়ায়াশ্চ স পার্থ পুরুষাধমঃ॥ 8-72-19 (58486)
অনুসৃত্য তু যে ধর্মং কবয়ঃ সমুপস্থিতাঃ।
সমাসবিস্তরবিদাং ন তেষাং বেৎসি নিশ্চয়ম্॥ 8-72-20 (58487)
অনিশ্চয়জ্ঞো হি নরঃ কার্যাকার্যবিনিশ্চয়ে।
এবং স মুহ্যত্যবশো যথা ৎবং পার্থ মুহ্যসি॥ 8-72-21 (58488)
ন হি কার্যমকার্যং বা সুখং জ্ঞাতুং কথঞ্চন।
শ্রুতেন জ্ঞায়তে সর্বং তচ্চ ৎবং নাবহুধ্যসে॥ 8-72-22 (58489)
অবিজ্ঞানাদিহ ভবান্সত্যং রক্ষতি ধর্মবিৎ।
প্রাণিনাং ৎবং বধং পার্থ ধার্মিকো নাববুধ্যসে॥ 8-72-23 (58490)
প্রাণিনাং হি বধাত্তাত বৃথা ধর্মো মতো মম।
অনৃতং তু ভবেদ্বাচ্যং ন তু হিংসা কদাচন॥ 8-72-24 (58491)
স কথং ভ্রাতরং জ্যেষ্ঠং রাজানং ধর্মকোবিদম্।
হন্যাদ্ভবান্নরশ্রেষ্ঠ প্রাকৃতোঽন্যঃ পুমানিব॥ 8-72-25 (58492)
অয়ুধ্যমানস্য গুরোস্তথাঽশত্রোশ্চ মানদ।
পরাঙ্মুখস্য দ্রবতঃ শরণং চাপি গচ্ছতঃ॥ 8-72-26 (58493)
কৃতাঞ্জলেঃ প্রপন্নস্য প্রমত্তস্য তথৈব চ।
ন বধঃ পূজ্যতে সদ্ভিস্তচ্চ সর্বং গুরৌ তব॥ 8-72-27 (58494)
ৎবয়া চৈতদ্ব্রতং পার্থ বালেনেব কৃতং পুরা।
তস্মাদধর্মসংয়ুক্তং মৌর্খ্যাদেব ব্যবস্যসি॥ 8-72-28 (58495)
স্বগুরুং পার্থ কস্মাত্ৎবং হন্তুকামোঽভিধাবসি।
অসম্প্রধার্য ধর্মাণাং গতিং সূক্ষ্মাং দুরত্যযাম্॥ 8-72-29 (58496)
ইদং ধর্মরহস্যং চ তব বক্ষ্যামি পাণ্ডব।
যদ্ব্রূয়াত্তব ভীষ্মো বা রাজা বাপি যুধিষ্ঠিরঃ॥ 8-72-30 (58497)
বিদুরো বা পুনঃ ক্ষত্তা গান্ধারী বা যশস্বিনী।
কুন্তী বা ভরতশ্রেষ্ঠ দ্রৌপদী বা যশস্বিনী।
তত্তে বক্ষ্যামি তত্ৎবেন নিবোধৈতদ্ধনঞ্জয়॥ 8-72-31 (58498)
সত্যস্যং বচনং সাধু ন সত্যাদ্বিদ্যতে পরম্।
সুদুর্বিদং হি তত্ৎবেন তৎসত্যমিতি মে সতিঃ॥ 8-72-32 (58499)
ভবেৎসত্যমবক্তব্যং বক্তব্যমনৃতং ভবেৎ।
যত্রানৃতং ভবেৎসত্যং সত্যং চাপ্যনৃতং ভবেৎ॥ 8-72-33 (58500)
বিবাহকালে রতিসম্প্রয়োগে
প্রাণাত্যযে সর্বত্রনাপহারে।
বিপ্রস্য চার্থে হ্যনৃতং বদেত
পঞ্চানৃতান্যাহুরপাতকানি॥ 8-72-34 (58501)
সর্বস্বস্যাপহারে তু বক্তব্যমনৃতং ভবেৎ॥
তত্রানৃতং ভবেৎসত্যং সত্যং চাপ্যনৃতং ভবেৎ॥ 8-72-35 (58502)
তাদৃশো হন্যতে বালো যস্য সত্যমনিশ্চিতম্।
সত্যানৃতে বিনিশ্চিত্য ততো ভবতি ধর্মবিৎ॥ 8-72-36 (58503)
কিমাশ্চর্যং কৃতপ্রজ্ঞঃ পুরুষোঽপি সুদারুণঃ।
সুমহৎপ্রাপ্নুয়াৎপুণ্যং বলাকোঽন্ধবধাদিব॥ 8-72-37 (58504)
কিমাশ্চর্যং পুনর্মূঢো ধর্মকামো হ্যপণ্ডিতঃ।
সুমহৎপ্রাপ্নুয়াৎপাপমাপগাস্বিব কৌশিকঃ॥ 8-72-38 (58505)
অর্জুন উবাচ। 8-72-39x (5008)
আচক্ষ্ব ভগবন্নেতদ্যথা বিন্দাম্যহং তথা।
বলাকস্যানুসম্বদ্ধং নদীনাং কৌশিকস্য চ॥ 8-72-39 (58506)
বাসুদেব উবাচ। 8-72-40x (5009)
মৃগব্যাধোঽভবৎকশ্চিদ্বলাকো নাম ভারত।
যাত্রার্থং পুত্রদারাণাং মৃগান্হন্তি ন কামতঃ॥ 8-72-40 (58507)
বৃদ্ধৌ চ মাতাপিতরৌ বিভর্ত্যন্যাংশ্চ সংশ্রিতান্।
স্বধর্মনিরতো নিত্যং সংবিভজ্যানসূয়কঃ॥ 8-72-41 (58508)
স কদাচিন্মৃগপ্রেপ্সুর্নান্ববিন্দন্মৃগং ক্বচিৎ।
অথাপশ্যৎস পীবানং শ্বাপদং ঘ্রাণচক্ষুষম্॥ 8-72-42 (58509)
অদৃষ্টপূর্বমপি তৎসৎবং তেন হতং তদা।
অন্ধে হতে ততো ব্যোম্নঃ পুষ্পবর্ষং পপাত চ॥ 8-72-43 (58510)
অপ্সরোগীতবাদিত্রৈর্নাদিতং চ মনোরমম্।
বিমানমগমৎস্বর্গান্মৃগব্যাধনিনীষয়া॥ 8-72-44 (58511)
তদ্ভূতং সর্বভূতানামভাবায় কিলার্জুন।
তপস্তপ্ৎবা বরং প্রাপ্তং কৃতমন্ধং স্বয়ম্ভুবা॥ 8-72-45 (58512)
তদ্ধৎবা সর্বভূতানামভাবকৃতনিশ্চয়ম্।
বলাকোঽগাৎস্বর্গলোকমেবং ধর্মঃ সুদুর্বিদঃ॥ 8-72-46 (58513)
কৌশিকোঽপ্যভবদ্বিপ্রস্তপস্বীনো বহুশ্রুতঃ।
নদীনাং সঙ্গমে গ্রামাদদূরে স কিলাবসৎ॥ 8-72-47 (58514)
সত্যং ময়া সদা বাচ্যমিতি তস্যাভবদ্দ্বতম্।
সত্যবাদীতি বিখ্যাতঃ স তদাসীদ্ধনঞ্জয়॥ 8-72-48 (58515)
অথ দস্যুভয়াৎকেচিত্তদা তদ্বনমাবিশন্।
তত্রাপি দস্যবঃ ক্রুদ্ধাস্তানমার্গন্ত যত্নতঃ॥ 8-72-49 (58516)
অথ কৌশিকমভ্যেত্য প্রোচুস্তে সত্যবাদিনম্।
কতরেণ পথা যাতা ভগবন্নিতি বৈ জনাঃ।
সত্যেন পৃষ্টঃ প্রব্রূহি যদি তদ্বেত্থ শংস নঃ॥ 8-72-50 (58517)
শ্রীকৃষ্ণ উবাচ। 8-72-51x (5010)
সত্যস্য ৎববিভাগজ্ঞঃ সত্যং তেভ্যঃ শশংস হ।
বহুবৃক্ষলতাগুল্মমেতদ্গহনমাশ্রিতাঃ।
ইতি তান্খ্যাপয়ামাস তেভ্যস্তত্ৎবং স কৌশিকঃ॥ 8-72-51 (58518)
ততস্তে তান্সমাসাদ্য ক্রূরা জঘ্নুরিতি শ্রুতিঃ।
ততোঽধর্মেণ মহতা বাগ্দুরুক্তেন কৌশিকঃ॥ 8-72-52 (58519)
গতঃ সুকষ্টং নিরয়ং ধর্মসূক্ষ্মেষ্বতত্ৎববিৎ।
দৃষ্টপূর্বশ্রুতো মূঢো ধর্মাণামবিশারদঃ॥ 8-72-53 (58520)
বৃদ্ধানপৃচ্ছন্সন্দেহানন্ধঃ শ্বভ্রমিবর্চ্ছতি॥ 8-72-54 (58521)
তত্র তে লক্ষণোদ্দেশঃ কশ্চিদেব ভবিষ্যতি।
দুষ্করং প্রতিসংখ্যানং কার্ৎস্ন্যেনাত্র ব্যবস্থিতিঃ॥ 8-72-55 (58522)
সত্যং ধর্ম ইতি হ্যেকে বদন্তি বহবো জনাঃ।
ন চ পার্থাভ্যসূয়ামি নৈতৎসর্বত্র শিষ্যতে॥ 8-72-56 (58523)
শ্রুতিস্তু ধার্যা ইত্যেকে বদন্তি বহবো জনাঃ।
ন ৎবেতৎপ্রত্যসূয়ামি তত্র সর্বং বিধীয়তে॥ 8-72-57 (58524)
যৎস্যাদহিংসাসংয়ুক্তং স ধর্ম ইতি নিশ্চয়ঃ।
অহিংসার্থায় হিংস্রাণাং ধর্মপ্রবচনং কৃতম্।
ধারণাদ্ধর্মমিত্যাহুর্ধর্মো ধারয়তে প্রজাঃ॥ 8-72-58 (58525)
প্রভবার্থায় ভূতানাং ধর্মপ্রবচনং কৃতম্।
যস্মাৎপ্রভবসংয়ুক্তঃ স ধর্ম ইতি নিশ্চয়ঃ॥ 8-72-59 (58526)
যেঽন্যায়েন জিগীষন্তো ধর্মং পৃচ্ছন্তি মানবাঃ।
অকূজনেন চেন্মোক্ষো নাত্র কূজেৎকথঞ্চন॥ 8-72-60 (58527)
অবশ্যং কূজিতব্যে হ শঙ্কেরন্বাপ্যকূজনাৎ।
যেঽন্যায়েন জিহীর্ষন্তো ধর্মং পৃচ্ছন্তি কস্যচিৎ।
শ্রেয়স্তত্রানৃতং বক্তুং সত্যাদিতি বিনিশ্চিত্ম্॥ 8-72-61 (58528)
প্রাণাত্যযে বিবাহে বা সর্বজাত্যা মহাভয়ে।
সর্বস্বস্য চ লোপে বা বক্তব্যমনৃতং ভবেৎ॥ 8-72-62 (58529)
অধর্মং হি ন পশ্যন্তি মৃষোদ্যং তত্র পণ্ডিতাঃ।
সর্বথাঽভিবদেত্তত্তু নানৃতং স্যাদ্বিচক্ষণঃ॥ 8-72-63 (58530)
যঃ স্তেনৈঃ সহ সম্বন্ধো মুচ্যতে শপথাদপি।
ভবেত্তত্রানৃতং শ্রেয়ঃ সত্যাদিতি বিচারিতম্॥ 8-72-64 (58531)
ন চ তেভ্যো ধনং দেয়ং সত্যাদিতি কথঞ্চন।
পাপেভ্যোঽপি ধনং দত্তং দাতারমপি পীডয়েৎ।
তস্মাদ্ধর্মার্থমনৃতমুক্ৎবা নানৃতবাগ্ভবেৎ॥ 8-72-65 (58532)
এষ তে লক্ষণোদ্দেশো ময়োদ্দিষ্টো যথাবিধি।
এতজ্জ্ঞাৎবা ব্রূহি পার্থ যদি বধ্যো যুধিষ্ঠিরঃ॥ 8-72-66 (58533)
অর্জুন উবাচ। 8-72-67x (5011)
যথা ব্রূয়ান্মহাপ্রাজ্ঞো যথা ব্রূয়ান্মহায়শাঃ॥ 8-72-67 (58534)
সুহৃদ্ব্রূয়াদ্যথাঽস্মাকং তথোক্তং বচনং ৎবয়া।
ভবান্মাতৃসমোঽস্মাকং ভবান্পিতৃসমোঽপি চ।
গতিশ্চ পরমা কৃষ্ণ ৎবমেব চ পরায়ণম্॥ 8-72-68 (58535)
ন হি তে ত্রিষু লোকেষু বিদ্যতেঽবিদিতং ক্বচিৎ।
তস্মাদ্ভবান্পরং ধর্মং বেদ সর্বং যথাতথম্॥ 8-72-69 (58536)
অবধ্যং পাণ্ডবং মন্যে ধর্মরাজং যুধিষ্ঠিরম্।
অধর্ময়ুক্তে সংয়োগে ব্রূহি কিঞ্চিদনুগ্রহম্॥ 8-72-70 (58537)
ইদং চাপরমত্রৈব ব্রূহি তত্ৎবং বিবক্ষিতম্॥ 8-72-71 (58538)
জানাসি দাশার্হ মম ব্রতং তু
যো মাং ব্রূয়াৎকশ্চন মানুষেষু।
অন্যস্মৈ ৎবং গাণ্ডিবং দেহি পার্থ
যো মত্তোঽস্ত্রে বীর্যতো বা বিশিষ্টঃ॥ 8-72-72 (58539)
হন্যামহং কেশব তং প্রসহ্য
ভীমো হন্যাত্তূবরকেতি চোক্তঃ।
বন্মাং রাজা হ্যুক্তবাংস্তে সমক্ষং
ধনুর্দেহীত্যসকৃদ্বৃষ্ণিবীরে॥ 8-72-73 (58540)
তং হন্যাং চেৎকেশব জীবলোকে
স্থাতা নাহং কালমপ্যল্পমাত্রম্।
ধ্যাৎবা নূনং হ্যেনসা চাপি মুক্তো
বধং রাজ্ঞো ভ্রষ্টবীর্যো বিচেতাঃ॥ 8-72-74 (58541)
যথা প্রতিজ্ঞা মম লোকবুদ্ধৌ
ভবেৎসত্যা ধর্মভৃতাং বরিষ্ঠ।
যথা জীবৎপাণ্ডবোঽহং চ কৃষ্ণ
তথা বুদ্ধিং দাতুমপ্যর্হসি ৎবম্॥ 8-72-75 (58542)
বাসুদেব উবাচ। 8-72-76x (5012)
রাজা শ্রান্তো বিক্ষতো দুঃখিতশ্চ
কর্ণেন সহ্খ্যে নিশিতৈর্বাণসঙ্ঘৈঃ।
যশ্চানিশং সূতপুত্রেণ বীর
শরৈর্ভৃশং তাডিতো যুধ্যমানঃ॥ 8-72-76 (58543)
অতস্ৎবমেতেন সরোষমুক্তো
দুঃখান্বিতেনেদময়ুক্তরূপম্।
অকোপিতো হ্যেষ যদি স্ম সঙ্খ্যে
কর্ণং ন হন্যাদিতি চাব্রবীৎসঃ॥ 8-72-77 (58544)
জানাতি তং পাণ্ডব এষ চাপি
পাপং লোকে কর্ণমসহ্যমন্যৈঃ।
ততস্ৎবমুক্তো ভৃশরোষিতেন
রাজ্ঞা সমক্ষং পরুষাণি পার্থ॥ 8-72-78 (58545)
নিত্যোদ্যুক্তে সততং চাপ্রসহ্যে
কর্ণে দ্যূতং হ্যদ্য রণে নিবদ্ধম্।
তস্মিন্হতে কুরবো নির্জিতাঃ স্যু--
রেবং বুদ্ধিঃ পার্থিবে ধর্মপুত্রে॥ 8-72-79 (58546)
ততো বধং নার্হতি ধর্মপুত্র--
স্ৎবয়া প্রতিজ্ঞাঽর্জুন পালনীয়া।
জীবন্নয়ং যেন মৃতো ভবেদ্ধি
তন্মে নিবোধেহ তবানুরূপম্॥ 8-72-80 (58547)
যদা মানং লভতে মাননার্হ--
স্তদা স বৈ জীবতি জীবলোকে।
যদাঽবমানং লভতে মহান্তং
তদা জীবন্মৃত ইত্যুচ্যতে সঃ॥ 8-72-81 (58548)
সম্মানিতঃ পার্থিবোঽয়ং সদৈব
ৎবয়া চ ভীমেন তথা যমাভ্যাম্।
বৃদ্ধৈশ্চ লোকে পুরুষৈশ্চ শূরৈ--
স্তস্যাপমানং কলয়া প্রয়ুঙ্ক্ষ্ব॥ 8-72-82 (58549)
ৎবমিত্যত্রভবন্তং হি ব্রূহি পার্থ যুধিষ্ঠিরম্।
ৎবমিত্যুক্তো হি নিহতো গুরুর্ভবতি ভারত॥ 8-72-83 (58550)
এবমাচর কৌন্তেয় ধর্মরাজে যুধিষ্ঠিরে।
অধর্ময়ুক্তং সংয়োগং কুরুষ্বৈনং কুরূদ্বহ॥ 8-72-84 (58551)
অথর্বাঙ্গিরসী হ্যেষা শ্রুতীনামুত্তমা শ্রুতিঃ।
অবিচার্যৈব কার্যৈষা শ্রেয়স্কামৈর্নরৈঃ সদা॥ 8-72-85 (58552)
অবধেন বধঃ প্রোক্তো যদ্গুরুস্ৎবমিতি প্রভুঃ।
তদ্ব্রূহি ৎবং যন্ময়োক্তং ধর্মরাজস্য ধর্মবিৎ॥ 8-72-86 (58553)
যদা হ্যং পাণ্ডব ধর্মরাজ--
সৎবত্তোঽয়ুক্তং লপ্স্যতে চৈব সাধু।
ততোঽস্য পাদাবভিবাদ্য পশ্চা--
চ্ছ্রেয়ো ব্রূয়াৎসান্ৎবয়ুক্তং হিতং চ॥ 8-72-87 (58554)
ভ্রাতা প্রাজ্ঞস্তব কোপং ন জাতু
কুর্যাদ্রাজা ধর্মমার্গানুসারী।
মুক্তোঽনৃতাদ্বাতৃবধাচ্চ পাপা--
দ্ধৃষ্টঃ কর্ণং ৎবং জহি পার্থ পশ্চাৎ॥ ॥ 8-72-88 (58555)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে দ্বিসপ্ততিতমোঽধ্যায়ঃ॥ 72 ॥
Mahabharata - Karna Parva - Chapter Footnotes
॥ শ্রীঃ ॥
8.73. অধ্যায়ঃ 073
Mahabharata - Karna Parva - Chapter Topics
যুধিষ্ঠিরাধিক্ষেপাদাত্মবধোদ্যতং পার্থং প্রতি কৃষ্ণেন তৎপ্রতিনিধিতয়া আত্মপ্রশংসনচোদনা॥ 1 ॥ অর্জুনেনাত্মপ্রশংসনানন্তরং যুধিষ্ঠিরক্ষমাপনম্॥ 2 ॥
Mahabharata - Karna Parva - Chapter Text
8-73-0 (58556)
সঞ্জয় উবাচ। 8-73-0x (5013)
ইত্যেবমুক্তস্তু জনার্দনেন
পার্থঃ প্রশস্যাথ সুহৃদ্বচস্তৎ।
ততোঽব্রবীদর্জুনো ধর্মরাজ--
মনুক্তপূর্বং পরুষং প্রসহ্য॥ 8-73-1 (58557)
মা ৎবং রাজন্ব্যাহরস্বাদ্য পাপং
ৎবং তিষ্ঠসি ক্রোশমাত্রে ব্যপেত্য।
ভীমস্তু মামর্হতি গর্হণায়
যো যুধ্যতে সর্বলোকপ্রবীরৈঃ॥ 8-73-2 (58558)
কালে হি শত্রূন্পরিপীড্য বীরো
হৎবা প্রবীরান্বসুধাধিপানাম্।
রথপ্রধানোত্তমনাগমুখ্যা
যুধিপ্রবীরা নিহতাশ্চ শূরাঃ॥ 8-73-3 (58559)
সুদুষ্করং কর্ম করোতি ভীমঃ
কর্তুং যথা নার্হতি কশ্চিদন্যঃ।
রথাদবস্কন্দ্য গদাং পরামৃশং--
স্তথা রণে হন্তি তথৈব বারণান্॥ 8-73-4 (58560)
স কুঞ্জরাণামধিকং সহস্রং
হৎবা নদংস্তুমুলং সিংহনাদম্।
কাম্ভোজবানায়ুজপার্বতীয়া--
নীহামৃগাভান্বিনিহত্য বাজিনঃ॥ 8-73-5 (58561)
মহারথান্দবিরদাঞ্শৈলকল্পা--
ন্সহেত যঃ কুঞ্জরান্বধ্যমানান্।
অসৌ ভীমো ধার্তরাষ্ট্রেষু মগ্নঃ
স মামুপালব্ধুমরিন্দমোঽর্হতি॥ 8-73-6 (58562)
বরাসিনা চাথ নরাশ্বকুঞ্জরাং--
স্তথা রথাঙ্গৈর্ধনুষা চ হন্ত্যরীন্।
প্রমৃদ্য পদ্ধ্যামহিতাংস্তু হন্তি
পুনশ্চ দোর্ভ্যাং শতমন্যুবিক্রমঃ॥ 8-73-7 (58563)
মহাবলো বৈশ্রবণান্তকোপমঃ
প্রসহ্য হর্তা দ্বিষতাং যশাংসি।
স ভীমসেনোঽর্হতি গর্হণায়
ন ৎবং নিত্যং রক্ষ্যমাণঃ সুহৃদ্ভিঃ॥ 8-73-8 (58564)
কলিঙ্গবঙ্গাঙ্গনিপাদমাগধা--
ন্সদা মহাশৈলবলাহকোপমান্।
নিহন্তি যঃ শত্রুগণাননেকশঃ
স মাং হি বক্তুং প্রভবত্যমানগসম্॥ 8-73-9 (58565)
সংয়ুক্তমাস্থায় রথং হি কালে
ধনুর্বিধূন্বঞ্ছরপূর্ণমুষ্টিঃ।
সৃজেচ্চ যো বাণসঙ্ঘান্পরেষু
মহাবলো মেঘ ইবাম্বুধারাঃ॥ 8-73-10 (58566)
শতান্যষ্টৌ বারণানামদর্শয়--
দ্বিশাতিতৈঃ কুম্ভঘটাগ্রহস্তৈঃ।
যো ভীমসেনো নিহতারিসঙ্ঘঃ
স মামুপালব্ধুমরিন্দমোঽর্হতি॥ 8-73-11 (58567)
রথাশ্চ নাগাশ্চ হয়াশ্চ রাজ--
ন্ভীমেনাজৌ নিহতাঃ সঙ্ঘশোঽদ্য।
রাজানশ্চ বহবো মহাবলাঃ
স মামুপালব্ধুমরিন্দমোঽর্হতি॥ 8-73-12 (58568)
ধৃতরাষ্ট্রপুত্রা বলিনশ্চ যেন
মহাবলা নিহতাঃ প্রায়শো বৈ।
শূরো যুদ্ধে হ্যপ্রতিবার্যবীর্যঃ
স মামুপালব্ধুমরিন্দমোঽর্হতি॥ 8-73-13 (58569)
প্রতাপয়ংস্তদ্বলমুগ্ররূপং
যোঽসৌ রমে ধার্তরাষ্ট্রস্য বীরঃ।
একঃ সহেতাপ্রতিসহ্যপৌরুষ--
স্তেনাস্মি বাচ্যো ন ৎবয়া বৈ কদাচিৎ॥ 8-73-14 (58570)
মহারথা যত্র যত্রৈব যুদ্ধে
ভিন্দন্তি সৈন্যং তব কামতোঽদ্য।
তত্রৈব তত্রৈব রণে মহাত্মা
দৃঢং ভীমঃ পরসঙ্ঘানমৃদ্রাৎ॥ 8-73-15 (58571)
তেনাস্মি বাচ্যো ন ৎবয়া হং কদাচি--
ন্মা মা বোচঃ ক্রূরমিহাদ্য পার্থ।
নাস্মদ্বিধো বৈ ভবতা তু বাচ্যো
যথা ভবান্সর্বলোকস্য বাচ্যঃ॥ 8-73-16 (58572)
এবং হি মা তে ব্রুবতো নরেন্দ্র
কথং ন দীর্যেচ্ছতধাঽদ্য জিহ্বা।
অহো বতেদং সুনৃশংসরূপং
কামাদবোচস্ৎবমিহাদ্য যদ্বৈ॥ 8-73-17 (58573)
বলং ন বাধিষ্ঠিতং সত্তমানাং
যৎক্ষত্রিয়াণাং বহুলং বদন্তি।
ৎবং চাবলো ভারত নিষ্ঠুরোঽসি
ৎবমেব মাং বেৎসি যথাবিধোঽহম্॥ 8-73-18 (58574)
নকুলেন রাজন্গজবাজিয়োধা
হতাশ্চ বীরাঃ সহসা সমেত্য।
ত্যক্ৎবা প্রাণান্সমরে যুদ্ধকাঙ্ক্ষী
স মামুপালব্ধুমরিন্দমোঽর্হতি॥ 8-73-19 (58575)
কৃতং কর্ম সহদেবেন দুষ্করং
যো যুধ্যতে পরসৈন্যাবমর্দী।
ন চাব্রবীৎকিঞ্চিদিহাগতো বলী
পশ্যান্তরং তস্য চেবাত্মনশ্চ॥ 8-73-20 (58576)
ধৃষ্টদ্যুম্নঃ সাত্যকির্দ্রৌপদেয়া
যুধামন্যুশ্চোত্তমৌজাঃ শিখণ্ডী।
এতেঽদ্য যুধি সম্প্রপীডিতা--
স্তে মামুলপালব্ধুমর্হন্তি ন ৎবম্॥ 8-73-21 (58577)
ৎবন্মূলমস্মাভিরিদং হি বৈরং
প্রাপ্তং তথা ব্যসনং চাতিঘোরম্।
দ্যূপ্রমত্তেন কৃতং ৎবয়াঽসকৃ--
ৎকস্মাদুপালব্ধুমিহার্হসি ৎবম্॥ 8-73-22 (58578)
ৎবমেব রাজন্সততং প্রমত্ত--
স্ৎবমেব মূঢো ভারতানামসাধুঃ।
ৎবাং প্রাপ্য রাজ্যং চ বিনষ্টমেত--
ৎপ্রাপ্তা মহৎপাণ্ডবাশ্চাপি দাস্যম্॥ 8-73-23 (58579)
ৎবত্তঃ কৃতোঽস্মকদ্বনবাসদুঃখং
রাজ্যস্য নাশো হ্যভিমন্যোশ্চ ঘোরঃ।
আত্মানমেবং সুনৃশংসরূপং
জ্ঞাৎবা কিমর্থং গর্হসে মাদ্য বীর॥ 8-73-24 (58580)
লজ্জস্ব রাজন্যদি তেঽস্তি লজ্জা
তূষ্ণীম্ভূতঃ পশ্য সর্বং কৃতঘ্নঃ।
ভীমো নিত্যং সমরস্য কর্তা
দর্পস্য ভেত্তা পুনরেব নিত্যম্॥ 8-73-25 (58581)
স্বয়ং হ্যশক্তেন নরেন্দ্র যুদ্ধে
নরেণ কার্যা সততং ক্ষমৈব।
বলং হি বাচি দ্বিজসত্তমানাং
ক্ষাত্রং দ্বিজা বাহুবলং বদন্তি॥ 8-73-26 (58582)
ৎবং বাগ্বলো ভারত নিষ্ঠুরোঽসি
ৎবমেব মাং বেৎসি যথাবিধোঽহম্।
ঘটামি নিত্যং তব কর্তুমিষ্টং
দারৈঃ সুতৈর্জীবিতেনাত্মনা চ॥ 8-73-27 (58583)
এবঞ্চ মাং বাক্ছলাকৈর্হিনৎসি
ৎবত্তঃ সুখং ন বয়ং বিদ্ম কিঞ্চিৎ।
মা মামবংস্থা দ্রৌপদীতল্পকসংস্থো
মহারথান্প্রতিহন্মি ৎবদর্থে॥ 8-73-28 (58584)
সর্বাতিশঙ্কী ভবসি প্রমত্ত--
স্ৎবত্তঃ সুখং নাভিজানামি কিঞ্চিৎ।
প্রোক্তঃ স্বয়ং সত্যসন্ধেন মৃত্যু--
স্তব প্রিয়ার্থং নরদেব যুদ্ধে॥ 8-73-29 (58585)
শিখণ্ডিনাম্না প্রধনে তবার্থে
ময়াভিগুপ্তেন হতশ্চ ভীষ্মঃ।
দ্রোণো হতো যঃ সততোপকারী
ধৃষ্টদ্যুম্নেন স্যন্দনাদ্বিপ্রকৃষ্টঃ॥ 8-73-30 (58586)
দ্রৌণিশ্চ রুদ্ধঃ সগণো মহাত্মা
তথাপি তে বৈ বচনং নৃশংসবৎ।
দুঃখং প্রিয়ং তে নরদেব কর্তুং
যস্য প্রিয়ং তে ন করোম্যহং বৈ॥ 8-73-31 (58587)
ন যুচ্যতে বৈ দিবি চেহ যঃ পুমা--
ন্যস্তে মদন্যোঽপ্রিয়মারভেত।
ন চাভিনন্দামি তথাহি রাজ্যং
যতস্ৎবমক্ষেষু দৃঢং প্রসক্তঃ॥ 8-73-32 (58588)
স্বয়ং কৃতং পাপমনার্যজুষ্ট--
মস্মাভিরাজৌ ব্যসনং তিতীর্ষসি॥
অক্ষেষু দোষা বহবো বিধর্ম্যাঃ
শ্রুতাস্ৎবয়া সহদেবোঽব্রবীদ্যান্॥ 8-73-33 (58589)
তান্নেচ্ছসি ত্যক্তুমনার্যজুষ্টা--
ন্ঘোরে স্ম সর্বে নিরয়ে ৎবয়াঽস্তাঃ।
ৎবং দেবিতা ৎবৎকৃতে রাজ্যনাশং--
স্ৎবৎসম্ভবং ব্যসনং নো নরেন্দ্র॥ 8-73-34 (58590)
মাস্মান্ক্রূরৈর্ষাক্প্রতোদৈস্তুদস্ৎবং
ভূয়ো রাজন্কোপয়স্যল্পবুদ্ধ্যা॥ 8-73-35 (58591)
সঞ্জয় উবাচ। 8-73-36x (5014)
এতা বাচঃ পরুষাঃ সব্যসাচী
স্থিরপ্রতিজ্ঞঃ শ্রাবয়িৎবা নরেন্দ্রম্।
বিনিঃ শ্বসঞ্জ্যেষ্ঠমনিষ্টমুক্ৎবা
ততস্তু কোশাদসিমুদ্ববর্হ॥ 8-73-36 (58592)
তমাহ কৃষ্ণঃ কিমিদং পুনর্ভবা--
ন্বিকোশমাকাশনিভং করোত্যসিম্।
প্রব্রূহি সত্যং পুনরুত্তরং সখে
বচঃ প্রবক্ষ্যাভি তবার্থসিদ্ধয়ে॥ 8-73-37 (58593)
ইতীব পৃষ্টঃ পুরুষোত্তমেন
সুদুঃখিতঃ কেশবমাহ পার্থঃ।
অহং হনিষ্যে স্বশরীরমেত--
ৎপ্রসহ্য যেনাহিতমুক্তবান্গুরুম্॥ 8-73-38 (58594)
নিশম্য তৎপার্থবচোঽব্রবীদিদং
জনার্দনো ধর্মভৃতাং বরিষ্ঠঃ।
প্রব্রূহি পার্থ স্বগুণানিহাত্মন--
স্ততো হতাত্মা ভবসীতি নিশ্চয়ঃ॥ 8-73-39 (58595)
তথা তু কৃষ্ণস্য বচো নিশম্য
ততোঽর্জুনঃ প্রাহ ধনুঃ প্রগৃহ্য।
যুধিষ্ঠিরং ধর্মভৃতাং বরিষ্ঠং
শৃণুষ্ব রাজন্নিতি দুর্বচঃ স্বয়ম্॥ 8-73-40 (58596)
অর্জুন উবাচ। 8-73-41x (5015)
ন মাদৃশোঽন্যো নরদেব বিদ্যতে
ধনুর্ধরো দেবমৃতে পিনাকিনম্।
অহং হি তেনানুমতো মহাত্মনা
ক্ষণেন হন্যাং সচরাচরং জগৎ॥ 8-73-41 (58597)
ময়া হি রাজন্সদিগীশ্বরা দিশো
বিজিত্য সর্বা ভবতঃ কৃতা বশে।
স রাজসূয়শ্চ সমাপ্তদক্ষিণঃ
সভা চ দিব্যা ভবতো মমৌজসা॥ 8-73-42 (58598)
পাণী পৃষৎকালিখিতাবিমৌ পুন--
র্ধনুশ্চ সব্যে বিততং সবাণম্।
পাদৌ চ মে লক্ষণতঃ প্রশস্তৌ
ন মাদৃশং যুদ্ধগতং জয়ন্তি॥ 8-73-43 (58599)
হতা উদীচ্যা নিহতাঃ প্রতীচ্যাঃ
প্রাচ্যা নিরস্তা দাক্ষিণাত্যা বিশস্তাঃ।
সংশপ্তকানাং কিঞ্চিদেবাবশিষ্টং
সর্বস্য লোকস্য হতং ময়াঽর্ধম্॥ 8-73-44 (58600)
শেতে ময়া নিহতা শত্রুসেনা
ছিন্নৈর্গাত্রৈর্ভূমিতলে স্খলন্তী।
অনস্ত্রজ্ঞান্নৈব নিহন্মি চাস্ত্রৈ--
স্তস্মান্ন ভস্মৈব করোমি লোকান্॥ 8-73-45 (58601)
জৈত্রং রথং ভীমমাস্থায় কৃষ্ণ
যাবচ্ছীঘ্রং সূতপুত্রং নিহন্তুম্।
রাজা ভবৎবদ্য সুনির্বৃতোঽয়ং
কর্ণং রণে নাশয়িতাস্মি বাণৈঃ॥ 8-73-46 (58602)
ইত্যেবমুক্ৎবা পুনরাহ পার্থো
যুধিষ্ঠিরং ধর্মভৃতাং বরিষ্ঠম্।
অদ্যাপুত্রা সূতমাতা ভবিত্রী
কুন্তী বাথো বা ময়া তেন বাপি।
সত্যং বদাম্যদ্য ন কর্ণমাজৌ
শরৈরহৎবা কবচং বিমোক্ষ্যে॥ 8-73-47 (58603)
সঞ্জয় উবাচ। 8-73-48x (5016)
ইত্যেবমুক্ৎবা পুনরেব পার্থো
যুধিষ্ঠিরং ধর্মভৃতাং বরিষ্ঠম্।
বিমুচ্য শস্ত্রাণি ধনুর্বিসৃজ্য
কোশে চ খঙ্গং বিনিধায় তূর্ণম্॥ 8-73-48 (58604)
স ব্রীডয়া নম্রশিরাঃ কিরীটী
যুধিষ্ঠিরং প্রাঞ্জলিরভ্যুবাচ।
প্রসীদ রাজন্ক্ষম যন্ময়োক্তং
কালে ভবান্বেৎস্যতি তন্নমস্তে॥ 8-73-49 (58605)
ততস্তু পাদাবুপগৃহ্য পার্থঃ
সমুত্থিতো দীপ্ততেজাঃ কিরীটি।
প্রসাদ্য রাজানমমিত্রসাহং
স্থিতোঽব্রবীচ্চৈনমভিপ্রতপ্তম্॥ 8-73-50 (58606)
যাম্যেষ ভীমং সমরাদ্বিমোক্তুং
সর্বাত্মনা সূতপুত্রং চ হন্তুম্।
ভবৎপ্রিয়ার্থং মম জীবিতং হি
ব্রবীমি সত্যং তদবেহি রাজন্॥ 8-73-51 (58607)
নেদং চিরাৎক্ষিপ্রমিদং ভবিষ্য--
দাবর্ততেঽসাবভিয়ামি চৈনম্।
অদ্যাপ্যপুত্রা তেন হতেন রাধা
কুন্তী ময়া বা তদিদং বিদ্ধি রাজন্॥ ॥ 8-73-52 (58608)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে ত্রিসপ্ততিতমোঽধ্যায়ঃ॥ 73 ॥
Mahabharata - Karna Parva - Chapter Footnotes
॥ শ্রীঃ ॥
8.74. অধ্যায়ঃ 074
Mahabharata - Karna Parva - Chapter Topics
অর্জুনকৃতাবমানাদ্বনং যিয়াসোর্যুধিষ্ঠিরস্য কৃষ্ণেন পরিসান্ৎবনম্॥ 1 ॥
Mahabharata - Karna Parva - Chapter Text
8-74-0 (58609)
সঞ্জয় উবাচ। 8-74-0x (5017)
এতচ্ছ্রুৎবা পাণ্ডবো ধর্মরাজো
ভ্রাতুর্বাক্যং পরুষং ফল্গুনস্য।
উত্থায় তস্মাচ্ছয়নাদুবাচ
পার্থং ততো দুঃখপরীতচেতাঃ॥ 8-74-1 (58610)
কৃতং ময়া পার্থং ন সাধুকর্ম
যেন প্রাপ্তং ব্যসনং বঃ সুঘোরম্।
তস্মাচ্ছিরশ্ছিন্ধি মমৈতদদ্য
কুলান্তকস্যাধমপূরুষস্য॥ 8-74-2 (58611)
পাপস্য পাপ্মোহতস্য বীর
বিমূঢবুদ্ধেরলসস্য ভীরোঃ।
বৃদ্ধাবমন্সুঃ পরুষত্য চৈব
কিং তে চিরং মামনুসৃজ্য রূক্ষম্॥ 8-74-3 (58612)
গচ্ছাম্যহং বনমদ্যৈব পাপঃ
সুখং ভবান্বর্ততাং মদ্বিহীনঃ।
যোগ্যো রাজা ভীমসেনো মহাত্মা
ক্লীবস্য কিং বা মম রাজ্যকৃত্যম্॥ 8-74-4 (58613)
ন চাপি শক্তঃ পরুষাণি সোঢুং
পুনস্তবেমানি রুষান্বিতস্য।
ভীমোঽস্তু রাজা মম জীবিতেন
ন কার্যমদ্যাবমতস্য বীর॥ 8-74-5 (58614)
ইত্যেবমুক্ৎবা সহসোৎপপাত
রুষান্বিতস্তচ্ছয়নং বিহায়।
ইয়েষ নির্গন্তুমথো বনায়
তং বাসুদেবঃ প্রণতোঽভ্যুবাচ॥ 8-74-6 (58615)
ন রাজন্বিদিতং তত্তে যথা গাণ্ডীবধন্বনঃ।
প্রতিজ্ঞা সত্যসন্ধস্য গাণ্ডীবং প্রতি বিশ্রুতা॥ 8-74-7 (58616)
ব্রূয়াদ্য এনং গাণ্ডীবং দেহ্যন্যস্মৈ ৎবমিত্যুত।
বধ্যোঽস্য স পুমাঁল্লোকে ৎবয়া চোক্তোয়মীদৃশম্॥ 8-74-8 (58617)
ততঃ সত্যাং প্রতিজ্ঞাং তাং পার্থেন প্রতিরক্ষতা।
মচ্ছন্দাদবমানোঽয়ং কৃতস্তব মহীপতে॥ 8-74-9 (58618)
গুরূণামবমানো হি বধ ইত্যভিধীয়তে।
তস্মাৎক্ষম মহাবাহো মম পার্থস্য চোভয়োঃ॥ 8-74-10 (58619)
ব্যতিক্রমমিমং রাজন্সত্যসংরক্ষণং প্রতি।
শরণং ৎবাং মহারাজ প্রতিপন্নাবুভাবপি॥ 8-74-11 (58620)
ক্ষন্তুমর্হসি মে রাজন্প্রণতস্যাভিয়াচতঃ।
রাধেয়স্যাদ্য পাপস্য ভূমিঃ পাস্যতি শোণিতম্॥ 8-74-12 (58621)
সত্যং তে প্রতিজানামি হতং বিদ্ব্যদ্য সূতজম্।
যস্যেচ্ছসি বধং তস্য গতমেবাদ্য জিবীতম্॥ 8-74-13 (58622)
ইতি কৃষ্ণবচঃ শ্রুৎবা ধর্মরাজো যুধিষ্ঠিরঃ।
সসম্ভ্রমং হৃষীকেশমুত্থাপ্য প্রণতং তদা।
কৃতাঞ্জলিমুবাচেদং বাক্যং যৎসমনন্তরম্॥ 8-74-14 (58623)
এবমেব যথাত্থ ৎবমস্ত্যেষোঽতিক্রমো মম।
অনুনীতোঽস্মি গোবিন্দ তারিতশ্চাস্মি মাধব॥ 8-74-15 (58624)
মোচিতা ব্যসনাদ্ধোরাদ্বয়মদ্য ৎবয়াচ্যুত।
ভবন্তং নাবমাসাদ্য হ্যাবাং ব্যসনসাগরাৎ।
ঘোরাদদ্য সমুত্তীর্ণাবুভাবজ্ঞানমোহিতৌ॥ 8-74-16 (58625)
ৎবদ্বুদ্ধিপ্লবমাসাদ্য দুঃখশোকার্ণবাদ্বয়ম্।
সমুত্তীর্ণাঃ সহামাত্যাঃ সনাথাঃ স্ম ৎবয়াচ্যুত॥ ॥ 8-74-17 (58626)
ইতি শ্রীমন্মহাভারতে কর্ণপর্বণি চতুঃসপ্ততিতমোঽধ্যায়ঃ॥ 74 ॥
॥ শ্রীঃ ॥
8.75. অধ্যায়ঃ 075
Mahabharata - Karna Parva - Chapter Topics
অর্জুনেন স্বাবমানিতস্য যুধিষ্ঠিরস্য প্রসাদনম্॥ 1 ॥ অর্জুনেন যুধিষ্ঠিরাগ্রে কর্ণবধপ্রতিজ্ঞানম্॥ 2 ॥
Mahabharata - Karna Parva - Chapter Text
8-75-0 (58627)
সঞ্জয় উবাচ। 8-75-0x (5018)
ইতি স্ম কৃষ্ণবচনাৎপ্রত্যুচ্চার্য যুধিষ্ঠিরম্।
বভূব বিমনাঃ পার্থঃ কিঞ্চিৎকৃৎবেব পাতকম্॥ 8-75-1 (58628)
ততোঽব্রবীদ্বাসুদেবঃ প্রহসন্নিব পাণ্ডবম্।
কথং নাম ভবেদেতদ্যদি ৎবং পার্থ ধর্মজম্॥ 8-75-2 (58629)
অসিনা তীক্ষ্ণধারণে হন্যা ধর্মে ব্যস্থিতম্।
ৎবমিত্যুক্ৎবাথ রাজানমেবং কশ্মলমাবিশঃ॥ 8-75-3 (58630)
হৎবা তু নৃপতিং পার্থ করিষ্যসি কিমুত্তরম্।
এবং হি দুর্বিদো ধর্মো মন্দপ্রজ্ঞৈর্বিশেষতঃ॥ 8-75-4 (58631)
স ভবান্ধর্মভীরুৎবাদ্ধবং যায়ান্মহত্তমঃ।
নরকং ঘোররূপং চ ভ্রাতুর্জ্যেতুস্য বৈ বথাৎ॥ 8-75-5 (58632)
স ৎবং ধর্মভৃতাং শ্রেষ্ঠং রাজানং ধর্মসংহিতম্।
প্রসাদয় কুরুশ্রেষ্ঠমেতদত্র মতং মম॥ 8-75-6 (58633)
প্রসাদ্য ভক্ত্যা রাজানং প্রীতে চৈব যুধিষ্ঠিরে।
প্রয়াবস্ৎবরিতৌ যোদ্ধুং সূতপুত্ররথং প্রতি॥ 8-75-7 (58634)
হৎবা তু সমরে কর্ণং ৎবমদ্য নিশিতৈঃ শরৈঃ।
বিপুলাং প্রীতিমাধৎস্ব ধর্মপুত্রস্য মানদ॥ 8-75-8 (58635)
এতদত্র মহাবাহো প্রাপ্তকালং মতং মম।
এবং কৃতে কৃতং চৈব তব কার্যং ভবিষ্যতি॥ 8-75-9 (58636)
সঞ্জয় উবাচ। 8-75-10x (5019)
ততোঽর্জুনো মহারাজ লজ্জপা বৈ সমন্বিতঃ।
ধর্তরাজস্য চরণৌ প্রপদ্য শিরসা নতঃ॥ 8-75-10 (58637)
উবাচ ভরতশ্রেষ্ঠং প্রসীদেতি পুনঃ পুনঃ।
ক্ষমস্ব রাজন্যৎপ্রোক্তস্ৎবং ময়া ধর্মভীরুণা॥ 8-75-11 (58638)
পাদয়োঃ পতিতং দৃষ্ট্বা ধর্মরাজো যুধিষ্ঠিরঃ।
ধনঞ্জয়মমিত্রঘ্নং রুদন্তং ভরতর্ষভম্॥ 8-75-12 (58639)
উত্থাপ্য ভ্রাতরং রাজা ধর্মরাজো ধনঞ্জয়ম্।
সমাশ্লিষ্য চ সস্নেহং প্ররুরোদ মহীপতিঃ॥ 8-75-13 (58640)
রুদিৎবা সুচিরং কালং ভ্রাতরৌ সুমহাদ্যুতী।
কৃতশৌচৌ মহারাজ প্রীতিমন্তৌ বভূবতুঃ॥ 8-75-14 (58641)
তত আশ্লিষ্য তং প্রেম্ণা মূর্ধ্নি চাঘ্রায় পাণ্ডবঃ।
প্রীত্যা পরময়া যুক্তো বিস্ময়ংশ্চ পুনঃপুনঃ।
অব্রবীত্তং মহেষ্বাসং ধর্মরাজো ধনঞ্জয়ম্॥ 8-75-15 (58642)
কর্ণেন মে মহাবাহো সর্বসৈন্যস্য পশ্যতঃ।
কবচং চ ধ্বজং চৈব ধনুঃ শক্তির্হয়াঃ শরাঃ।
শরৈঃ কৃত্তা মহেষ্বাস যতমানস্য সংয়ুগে॥ 8-75-16 (58643)
সোঽহং দৃষ্ট্বা রণে তস্য কর্ণ কর্ণস্য ফল্গুন।
ব্যবসীদামি দুঃখেন ন তু মে জীবিতং প্রিয়ম্॥ 8-75-17 (58644)
ন চেদদ্য হি তং বীরং নিহনিষ্যসি সংয়ুগে।
প্রাণানেব পরিত্যক্ষ্যে জীবিতার্থো হি কো মম॥ 8-75-18 (58645)
এবমুক্তঃ প্রত্যুবাচ বিজয়ো ভরতর্ষভ॥ 8-75-19 (58646)
সত্যেন তে শপে রাজংস্ৎবৎপাদেন তথৈব চ।
ভীমেন চ নরশ্রেষ্ঠ যমাভ্যাং চ মহীপতে॥ 8-75-20 (58647)
`অহমেনং নরশ্রেষ্ঠ সামাত্যং চ মহীপতে'।
যথাদ্য সমরে কর্ণং হনিষ্যামি হতোপি বা।
মহীতলে পতিষ্যামি সত্যেনায়ুধমালভে॥ 8-75-21 (58648)
এবমাভাষ্য রাজানমব্রবীন্মাধবং বচঃ।
অদ্য কর্ণং রণে কৃষ্ণ সূদয়িষ্যে ন সংশয়ঃ।
ৎবমনুধ্যাহি ভদ্রং তে বধং তস্য দুরাত্মনঃ॥ 8-75-22 (58649)
এবমুক্তোঽব্রবীৎপার্থং কেশবো রাজসত্তম।
শক্তোঽসি ভরতশ্রেষ্ঠ যত্নং কর্তুং যদাত্থ মাম্॥ 8-75-23 (58650)
এষ চাপি হি মে কামো নিত্যমেব মহারথ।
কথং ভবান্রণে কর্ণং নিহন্যাদিতি সত্তম॥ 8-75-24 (58651)
এবমুক্তস্ততো রাজন্পার্থো বচনমব্রবীৎ।
হন্যতে দ্বৈরথে ভূয়ো যুজ্যন্তাং বৈ রথোত্তমে॥ 8-75-25 (58652)
উপাবৃত্তাশ্চ তুরগাঃ শিক্ষিতাশ্চাশ্বসাদিভিঃ।
রথোপকরণৈঃ সর্বৈঃ সৎবরং যাতু মে রথঃ॥ 8-75-26 (58653)
এবমুক্তো মহারাজ ফল্গুনেন মহাত্মনা।
উবাচ দারুকং কৃষ্ণঃ কুরু সর্বং যদব্রবীৎ।
অর্জুনো ভারতশ্রেষ্ঠঃ শ্রেষ্ঠঃ সর্বধনুষ্মতাম্॥ 8-75-27 (58654)
আজ্ঞপ্তস্ৎবথ কৃষ্ণেন দারুকো রাজসত্তম।
যোজয়ামাস চ রথং বৈয়াঘ্নং শত্রুতাপনম্।
সজ্জং নিবেদয়ামাস পাণ্ডবস্য মহাত্মনঃ॥ 8-75-28 (58655)
যুক্তং তু রথমাস্থায় দারুকেণ মহাত্মনা।
উপস্থিতং রথং দৃষ্ট্বা পদ্মনাভো রণান্তকৃৎ।
ভূয়শ্চোবাচ মতিমান্মাধবো ধর্মনন্দনম্॥ 8-75-29 (58656)
যুধিষ্ঠিরেমং বীভৎসুং ৎবং সান্ৎবয়িতুমর্হসি।
অনুজ্ঞাতুং চ কর্ণস্য বধায়াদ্য দুরাত্মনঃ॥ 8-75-30 (58657)
শ্রুৎবা হ্যাবাং মহাসংখ্যে ৎবাং কর্ণশরপীডিতম্।
প্রবৃত্তিং জ্ঞাতুমায়াতাবিহাবাং পাণ্ডুনন্দন॥ 8-75-31 (58658)
দিষ্ট্যাসি রাজন্বিরুজো দিষ্ট্যা ন গ্রহণং গতঃ।
পরিসান্ৎবয় বীভৎসুং জয়মাশাধি চানঘ॥ 8-75-32 (58659)
যুধিষ্ঠির উবাচ। 8-75-33x (5020)
এহ্যেহি পার্থ বীভৎসো মাং পরিষ্বজ পাণ্ডব।
বক্তব্যমুক্তোস্ম্যহিতং ৎবয়া ক্ষান্তং চ তন্ময়া॥ 8-75-33 (58660)
অহং ৎবামনুজানামি জহি কর্ণং ধনঞ্জয়।
মন্যুং চ মা কৃথাঃ পার্থ যন্ময়োক্তোঽসি দারুণং॥ 8-75-34 (58661)
সঞ্জয় উবাচ। 8-75-35x (5021)
ততো ধনঞ্জয়ো রাজঞ্শিরসা প্রণতস্তদা।
পাদৌ জগ্রাহ পাণিভ্যাং ভ্রাতুর্জ্যেষ্ঠস্য মারিষ॥ 8-75-35 (58662)
তমুত্থাপ্য ততো রাজা পরিষ্বজ্য চ পীডিতম্।
মূর্ধ্নুপাঘ্রায় চৈবৈনমিদং পুনরুবাচ হ॥ 8-75-36 (58663)
ধনঞ্জয় মহাবাহো মানিতোঽস্মি দৃঢং ৎবয়া।
মাহাত্ম্যং বিজয়ং চৈবং ভূয়ঃ প্রাপ্নুহি শাশ্বতম্॥ 8-75-37 (58664)
অর্জুন উবাচ। 8-75-38x (5022)
অদ্য তং পাপকর্মাণং সানুবন্ধং রণে শরৈঃ।
নয়াম্যন্তং সমাসাদ্য রাধেয়ং বলগর্বিতম্॥ 8-75-38 (58665)
যেন ৎবং পীডিতো বাণৈর্দৃঢমায়ম্য কার্মুকম্।
তস্যাদ্য কর্মণঃ কর্ণঃ ফলমাপ্স্যতি দারুণম্॥ 8-75-39 (58666)
অদ্য ৎবামুপয়াস্যামি কর্ণং হৎবা মহীপতে।
সভাজয়ে ৎবামাক্রন্দাদিতি সত্যং ব্রবীমি তে॥ 8-75-40 (58667)
নাহৎবা বিনিষর্তিষ্যে কর্ণমদ্য রণাজিরাৎ।
ইতি সত্যেন তে পাদৌ স্পৃশামি জগতীপতে॥ 8-75-41 (58668)
সঞ্জয় উবাচ। 8-75-42x (5023)
ইতি ব্রুবাণং সুমনাঃ কিরীটিনং
যুধিষ্ঠিরঃ প্রাহ বচো বৃহত্তরম্।
যশোঽক্ষয়ং জীবিতমীপ্সিতং তে
জয়ং সদা বীর্যমরিক্ষয়ং তদা॥ 8-75-42 (58669)
প্রয়াহি বৃদ্ধিং চ দিশন্তু দেবতা
যথাহমিচ্ছামি তবাস্তু তত্তথা।
প্রয়াহি শীঘ্রং জহি কর্ণমাহবে
পুরন্দরো বৃত্রমিবাত্মবৃদ্বয়ে॥ ॥ 8-75-43 (58670)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে পঞ্চসপ্ততিতমোঽধ্যায়ঃ॥ 75 ॥
॥ শ্রীঃ ॥
8.76. অধ্যায়ঃ 076
Mahabharata - Karna Parva - Chapter Topics
কর্ণেন যোদ্ধুংনির্গচ্ছতোঽর্জুনস্য শুভনিমিত্তপ্রাদুর্ভাবঃ॥ 1 ॥ শ্রীকৃষ্ণেনার্জুনস্য প্রোৎসাহনম্॥ 2 ॥
Mahabharata - Karna Parva - Chapter Text
8-76-0 (58671)
সঞ্জয় উবাচ। 8-76-0x (5024)
প্রসাদ্য ধর্মরাজানং প্রহৃষ্টেনান্তরাত্মনা।
সম্পূজ্য দেবতাঃ সর্ব ব্রাহ্মণান্স্বস্তি বাচ্য চ।
সুমঙ্গলং স্বস্ত্যযনমারুরোহ রথোত্তমম্॥ 8-76-1 (58672)
তস্য রাজা মহাপ্রাজ্ঞো ধর্মরাজো যুধিষ্ঠিরঃ।
আশিষোঽয়ুঙ্ক্ত পরমাঃ যুক্তং কর্ণরথং প্রতি॥ 8-76-2 (58673)
তমায়ান্তং মহেষ্বাসং দৃষ্ট্বা ভূতানি ভারত।
নিহতং মেনিরে কর্ণং পাণ্ডবেন মহাত্মনা॥ 8-76-3 (58674)
বভূবুর্বিমলাঃ সর্বা দিশো রাজন্সমন্ততঃ।
চাষাশ্চ শতপত্রাশ্চ ক্রৌঞ্চাশ্চৈব জনেশ্বর।
প্রদক্ষিণমকুর্বন্ত তদা বৈ পাণ্ডুনন্দনম্॥ 8-76-4 (58675)
বহবঃ পক্ষিণো রাজন্পুন্নামানঃ শুভাঃ শিবাঃ।
ৎবরয়ন্তোঽর্জুনং যুদ্ধে হৃষ্টরূপা ববাশিরে॥ 8-76-5 (58676)
কঙ্কা গৃধ্রা বকাঃ শ্যেনা বায়সাশ্চ বিশাম্পতে।
অগ্রতস্তস্য গচ্ছন্তি ভক্ষ্যহেতোর্ভয়ানকাঃ॥ 8-76-6 (58677)
নিমিত্তানি চ ধন্যানি পাণ্ডবস্য শশংসিরে।
বিনাশমরিসৈন্যানাং কর্ণস্য চ বধং তথা॥ 8-76-7 (58678)
প্রয়াতস্যাথ পার্থস্য মহান্স্বেদো ব্যজায়ত।
চিন্তা চ বিপুলা জজ্ঞে কথং চেদং ভবিষ্যতি॥ 8-76-8 (58679)
বিষণ্ণং তু ততো জ্ঞাৎবা সব্যসাচিনমচ্যুতঃ।
সঞ্চোদয়তি তেজস্বী মধুহা বানরধ্বজম্॥ 8-76-9 (58680)
ততো গাণ্ডীবধন্বানমব্রবীন্মধুসূদনঃ।
দৃষ্ট্বা পার্থং তথায়ান্তং চিন্তাপরিগতং তদা॥ 8-76-10 (58681)
গাণ্ডীবধন্বন্সঙ্গ্রামে যে ৎবয়া ধনুষা জিতাঃ।
ন তেষাং মানুষো জেতা ৎবদন্য ইহ বিদ্যতে॥ 8-76-11 (58682)
এতে হি বহবঃ শূরাঃ শক্রতুল্যপরাক্রমাঃ।
ৎবাং প্রাপ্য সমরে শূরং প্রয়াতাঃ পরমাং গতিম্॥ 8-76-12 (58683)
কো হি দ্রোণং চ ভীষ্মং চ ভগদত্তং চ মারিষ।
বিন্দানুবিন্দাবাবন্ত্যৌ কাম্ভোজং চ সুদক্ষিণম্॥ 8-76-13 (58684)
শ্রুতায়ুং চাশ্রুতায়ুং চ শতায়ুং চ মহারথম্।
প্রত্যুদ্গম্য ভবেৎক্ষেমী যো ন স্যাত্ৎবদ্বিধঃ প্রভুঃ॥ 8-76-14 (58685)
তব হ্যস্ত্রাণি দিব্যানি লাঘবং বলমেব চ।
অসম্মোহশ্চ যুদ্ধেষু বিজ্ঞানস্য চ সন্নতিঃ।
বেধঃ পাতশ্চ লক্ষেষু যোগশ্চৈব তথার্জুন॥ 8-76-15 (58686)
ভবান্দেবান্সগন্ধর্বান্হন্যাৎসর্বাংশ্চ রাক্ষসান্।
পৃথিব্যাং তু রণে পার্থ ন যোদ্ধা ৎবৎসমঃ পুমান্॥ 8-76-16 (58687)
ধনুর্গৃহ্মন্তি যে কেচিৎক্ষত্রিয়া যুদ্ধদুর্মদাঃ।
আত্মনস্তু সমং তেষাং ন পশ্যামি শৃণোমি চ॥ 8-76-17 (58688)
ব্রহ্মণা হি প্রজাঃ সৃষ্টা গাণ্ডীবং চ মহদ্ধনুঃ।
যেন ৎবং যুধ্যসে পার্থ তস্মান্নাস্তি ৎবয়া সমঃ॥ 8-76-18 (58689)
অবশ্যং তু ময়া বাচ্যং যৎপথ্যং তব পাণ্ডব।
মাবমংস্থা মহাবাহো কর্ণমাহবশোভিনম্॥ 8-76-19 (58690)
কর্ণো হি বলবান্দৃপ্তঃ কৃতাস্ত্রশ্চ মহারথঃ।
কৃতী চ চিত্রয়োধী চ দেশকালস্য কোবিদঃ॥ 8-76-20 (58691)
বহুনাত্র কিমুক্তেন সংক্ষেপাচ্ছৃণু পাণ্ডব।
ৎবৎসমং ৎবদ্বিশিষ্টং বা কর্ণং মন্যে মহারথম্।
পরমং যত্নমাস্থায় ৎবয়া বধ্যো মহাহবে॥ 8-76-21 (58692)
তেজসা বহ্নিসদৃশো বায়ুবেগসমো জবে।
অন্তকপ্রতিমঃ ক্রোধে সিংহসংহননো বলী॥ 8-76-22 (58693)
অষ্টরত্নির্মহাবাহুর্ব্যূঢোরস্কঃ সুদুর্জয়ঃ।
অভিমানী চ শূরশ্চ প্রবীরঃ প্রিয়দর্শনঃ॥ 8-76-23 (58694)
সর্বয়োধগুণৈর্যুক্তো মিত্রাণামভয়ঙ্করঃ।
সততং পাণ্ডবদ্বেষী ধার্তরাষ্ট্রহিতে রতঃ॥ 8-76-24 (58695)
সর্বৈরবধ্যো রাধেয়ো দেবৈরপি সবাসবৈঃ।
ঋতে ৎবামিতি মে বুদ্ধিস্তদদ্য জহি সূতজম্॥
দেবৈরপি হি সংয়ত্তৈর্বিভ্রদ্ভির্মাংসশোণিতম্।
অশক্যঃ স রথো জেতুং সর্বৈরপি যুয়ুৎসুভিঃ॥ 8-76-25 (58696)
দুরাত্মানং পাপবৃত্তং নৃশংসং
দুষ্টপ্রজ্ঞং পাণ্ডবেয়েষু নিত্যম্।
হীনস্বার্থং পাণ্ডবেয়ৈর্বিরোধে
হৎবা কর্ণং নিশ্চিতার্থো ভবাদ্য॥ 8-76-27 (58697)
তং সূতপুত্রং রথিনাং বরিষ্ঠং
নিষ্কালিকং কালবশং নয়াদ্য।
তং সূতপুত্রং রথিনাং বরিষ্ঠং
হৎবা প্রীতিং ধর্মরাজে কুরুষ্ব॥ 8-76-28 (58698)
জানামি তে পার্থং বীর্যং যথাব--
দ্দুর্বারণীয়ং চ সুরাসুরৈশ্চ।
সদাবজানাতি হি পাণ্ডুপুত্রা--
নসৌ দর্পাৎসূতপুত্রো দুরাত্মা॥ 8-76-29 (58699)
আত্মানং মন্যতে বীরং যেন পাপঃ সুয়োধনঃ।
তমদ্য মূলং পাপানাং জহি সৌতিং ধনঞ্জয়॥ 8-76-30 (58700)
খঙ্গজিহ্বং ধনুরাস্যং শরদংষ্ট্রং তরস্বিনম্।
দৃপ্তং পুরুষশার্দূলং জহি কর্ণং ধনঞ্জয়॥ 8-76-31 (58701)
অহং ৎবামনুজানামি বীর্যেণ চ বলেন চ।
জহি কর্ণং রণে শূরং মাতঙ্গমিব কেসরী॥ 8-76-32 (58702)
যস্য বীর্যেণ বীর্যং তে ধার্তরাষ্ট্রোঽবমন্যতে।
তমদ্য পার্থ সঙ্গ্রামে কর্ণং বৈকর্তনং জহি॥ ॥ 8-76-33 (58703)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে ষট্সপ্ততিতমোঽধ্যায়ঃ॥ 76 ॥
Mahabharata - Karna Parva - Chapter Footnotes
॥ শ্রীঃ ॥
8.77. অধ্যায়ঃ 077
Mahabharata - Karna Parva - Chapter Topics
কৃষ্ণেনার্জুনম্প্রতি ভীষ্মাদিয়ুদ্ধনিধনপ্রকারানুবাদপূর্বকং তেষাং বধে তস্যৈব মুখ্যকারণৎবকথনম্॥ 1 ॥ বাল্যাৎপ্রভূতি দুর্যোধনাপনয়ানুস্মরাণপূর্বকং সর্বত্র কর্ণস্যৈব মূলতয়া মহাপরাধিৎবদ্যোতনেন তস্যাবশ্যং হননবিধানম্॥ 2 ॥
Mahabharata - Karna Parva - Chapter Text
8-77-0 (58704)
সঞ্জয় উবাচ। 8-77-0x (5025)
ততঃ পুনরমেয়াত্মা কেশবোঽর্জুনমব্রবীৎ।
কৃতসঙ্কল্পমায়ান্তং বধে কর্ণস্য ভারত॥ 8-77-1 (58705)
অদ্য সপ্তদশাহানি বর্তমানস্য নিত্যশঃ।
বিনাশস্যাতিঘোরস্য নরবারণবাজিনাম্॥ 8-77-2 (58706)
ভূৎবা হি বিপুলা সেনা তাবকানাং পরৈঃ সহ।
অন্যোন্যং সমরং প্রাপ্য কিঞ্চিচ্ছেষা বিশাম্পতে॥ 8-77-3 (58707)
ভূৎবা বৈ কৌরবাঃ পার্থ প্রভূতগজবাজিনঃ।
ৎবাং বৈ শত্রুং সমাসাদ্য বিনষ্টা রণমূর্ধনি॥ 8-77-4 (58708)
এতে তে পৃথিবীপালাঃ সৃঞ্জয়াশ্চ সমাগতাঃ।
ৎবাং সমাসাদ্য দুর্ধর্ষং পাণ্ডবাশ্চ ব্যবস্থিতাঃ॥ 8-77-5 (58709)
পাঞ্চালৈঃ পাণ্ডবৈর্মাৎস্যৈঃ কারূশৈশ্চেদিভিঃ সহ।
`মগধৈঃ পারিজাতৈশ্চ দাক্ষিণাত্যৈঃ সকেরলৈঃ'।
ৎবয়া গুপ্তৈরমিত্রঘ্নৈঃ কৃতঃ শত্রুগণক্ষয়ঃ॥ 8-77-6 (58710)
কো হি শক্তো রণে জেতুং কৌরবাংস্তাত সংয়ুগে।
অন্যত্র পাণ্ডবাদ্যুদ্ধে শ্বেতাশ্বাদ্বানরধ্বজাৎ॥ 8-77-7 (58711)
শক্তস্ৎবং হি রণে জেতুং সসুরাসুরমানুষান্।
ত্রীংল্লোকান্সমরে যুক্তান্কিং পুনঃ কৌরবং বলম্॥ 8-77-8 (58712)
ভগদত্তং চ রাজানং কোঽন্যঃ শক্তস্ৎবয়া বিনা।
জেতুং পুরুষশার্দূল যোঽপি স্যাদ্বাসবোপমঃ॥ 8-77-9 (58713)
তথেমাং বিপুলাং সেনাং গুপ্তাং পার্থ ৎবয়াঽনঘ।
ন শেকুঃ পার্থিবাঃ সর্বে চক্ষুর্ভিরপি বীক্ষিতুম্॥ 8-77-10 (58714)
তথৈব সততং পার্থ রক্ষিতাভ্যাং ৎবয়া রণে।
ধৃষ্টদ্যুম্নশিখণ়্ডিভ্যাং দ্রোণভীষ্মৌ নিপাতিতৌ॥ 8-77-11 (58715)
কো হি শক্তো রণে পার্থ ভারতানাং মহারথৌ।
ভীষ্মদ্রোণৌ যুধা জেতুং শক্রতুল্যপরাক্রমৌ॥ 8-77-12 (58716)
কো হি শান্তনবং ভীষ্মং দ্রোণং বৈকর্তনং কৃপম্।
দ্রৌণিং চ সৌমদত্তিং চ কৃতবর্মাণমেব চ॥ 8-77-13 (58717)
সৈন্ধবং মদ্ররাজং চ রাজানং চ সুয়োধনম্।
বীরান্কৃতাস্ত্রান্সমরে সর্বানেবানিবর্তিনঃ॥ 8-77-14 (58718)
অক্ষৌহিণীপতীনুগ্রান্সংহতান্যুদ্ধদুর্মদান্।
ৎবামৃতে পুরুষব্যাঘ্র জেতুং শক্তঃ পুমানিহ॥ 8-77-15 (58719)
শ্রেণ্যশ্চ বহুলাঃ ক্ষীণাঃ প্রদীর্ণাশ্বরথদ্বিপাঃ।
নানাজনপদাশ্চোগ্রাঃ ক্ষত্রিয়াণামমর্ষিণাম্॥ 8-77-16 (58720)
গণাশ্চ দাসমীয়ানাং বসাতীনাং চ ভারত।
প্রাচ্যানাং বাটধানানাং ভোজানাং চাভিমানিনাম্। 8-77-17 (58721)
উদীর্ণাশ্বগজা সেনা সর্বক্ষত্রস্য ভারত।
ৎবাং সমাসাদ্য নিধনং গতা ভীমং চ ভারত॥ 8-77-18 (58722)
উগ্রাশ্চ ভীমকর্মাণস্তুষারা যবনাঃ খশাঃ।
দার্বাভিসারা দরদাঃ শকা মাঠরতঙ্কণাঃ॥ 8-77-19 (58723)
আন্ধ্রকাশ্চ পুলিন্দাশ্চ কিরাতাশ্চোগ্রবিক্রমাঃ।
ম্লেচ্ছাশ্চ পর্বতীয়াশ্চ সাগরানূপবাসিনঃ॥ 8-77-20 (58724)
সংরম্ভিণো যুদ্ধশৌণ্ডা বলিনো দণ্ডপাণয়ঃ॥ 8-77-21 (58725)
এতে সুয়োধনস্যার্থে সংরব্ধাঃ কুরুভিঃ সহ।
ন শক্যা যুধি নির্জেতুং ৎবদন্যেন পরন্তপ॥ 8-77-21 (58726)
এতে সুয়োধনস্যার্থে সংরব্ধাঃ কুরুভিঃ সহ।
ন শক্যা যুধি নির্জেতুং ৎবদন্যেন পরন্তপ॥ 8-77-22 (58727)
ধার্তরাষ্ট্রমুদগ্রং হি ব্যূঢং দৃষ্ট্বা মহদ্বলম্।
যদি ৎবং ন ভবেস্ত্রাতা প্রতীয়াৎকো নু মানবঃ॥ 8-77-23 (58728)
তৎসাগরমিবোদ্বূতং রজসা সংবৃতং বলম্।
বিদার্য পাণ্ডবৈঃ ক্রুদ্ধৈস্ৎবয়া গুপ্তৈর্হতং বিভো॥ 8-77-24 (58729)
মাগধানামধিপতির্জয়ৎসেনো মহাবলঃ।
অদ্য সপ্তৈব চাহানি হতঃ সঙ্খ্যেঽভিমন্যুনা॥ 8-77-25 (58730)
ততো দশসহস্রাণি গজানাং ভীমকর্মণাম্।
জঘান গদয়া ভীমস্তস্য রাজ্ঞঃ পরিচ্ছদম্॥ 8-77-26 (58731)
তথান্যেঽভিহতা নাগা রথাশ্চ শতশো বলাৎ।
তদেবং সমরে পার্থ বর্তমানে মহাভয়ে॥ 8-77-27 (58732)
ভীমসেনং সমাসাদ্য ৎবাং চ পাণ্ডব কৌরবাঃ।
সবাজিরথমাতঙ্গা মৃত্যুলোকমিতো গতাঃ॥ 8-77-28 (58733)
তথা সেনামুখে তত্র নিহতে পার্থ পাণ্ডবৈঃ।
ভীষ্মঃ প্রাসৃজদুগ্রাণি শরতালানি মারিষ॥ 8-77-29 (58734)
সচেদিকাশিপাঞ্চালান্করূশান্মাৎস্যকেকয়ান্।
শরৈঃ প্রচ্ছাদ্য নিধনমনয়ৎপরমাস্ত্রবিৎ॥ 8-77-30 (58735)
তস্য চাপচ্যুতৈর্বাণৈঃ পরদেহবিদারণৈঃ।
পূর্ণমাকাশমভবদ্রুক্মপুহ্খৈরজিহ্মগৈঃ॥ 8-77-31 (58736)
হন্যাদ্রথসহস্রাণি একৈকেনৈব মুষ্টিনা।
লক্ষং নরদ্বিপান্হৎবা সমেতান্সমহাবলান্॥ 8-77-32 (58737)
গত্যা দশম্যা তে গৎবা জঘ্নুর্বাজিরথদ্বিপান্।
হিৎবা নবগতীর্দুষ্টাঃ স বাণানাহবেঽত্যজৎ॥ 8-77-33 (58738)
দিনানি দশ ভীষ্মেণ নিঘ্নতা তাবকং বলম্।
শূন্যাঃ কৃতা রথোপস্থা হতাশ্চ গজবাজিনঃ॥ 8-77-34 (58739)
`দশমেঽহনি সম্প্রাপ্তে কৃৎবা ঘোরং পরাক্রমম্'।
দর্শয়িৎবাঽঽত্মনো রূপং রুদ্রোপেন্দ্রসমং যুধি॥ 8-77-35 (58740)
পাণ্ডবানামনীকানি প্রবিগাহ্য বিশাম্পতে।
বিনিঘ্নন্পৃথিবীপালাংশ্চেদিপাঞ্চালকেকয়ান্॥ 8-77-36 (58741)
অহনৎপাণ্ডবীং সেনাং রথাশ্বগজসঙ্কুলাম্।
মজ্জন্তমপ্লুবে মন্দমুজ্জিহীর্ষুঃ সুয়োধনম্॥ 8-77-37 (58742)
তথা চরন্তং সমরে তপন্তমিব ভাস্করম্।
পদাতিকোটিসাহস্রাঃ প্রবরায়ুধপাণয়ঃ॥ 8-77-38 (58743)
ন শেকুঃ সৃঞ্জয়া দ্রষ্টুং তথৈবান্যে মহীক্ষিতঃ।
বিচরন্তং তথা তং তু সঙ্গ্রমে জিতকাশিনম্॥ 8-77-39 (58744)
সর্বোদ্যমেন মহতা পাণ্ডবান্সমভিদ্রবৎ।
স তু বিদ্রাব্য সমরে পাণ্ডবান্সৃঞ্জয়ানপি।
এক এব রণে ভীষ্ম একবীরৎবমাগতঃ॥ 8-77-40 (58745)
তং শিখণ্ডী সমাসাদ্য ৎবয়া গুপ্তো মহাব্রতম্।
জঘান পুরুষব্যাঘ্রং শরৈঃ সন্নতপর্বভিঃ॥ 8-77-41 (58746)
স এষ পতিতঃ শেতে শরতল্পে পিতামহঃ।
ৎবাং প্রাপ্য পুরুষব্যাঘ্রং বৃত্রঃ প্রাপ্যেব বাসবম্॥ 8-77-42 (58747)
দ্রোণঃ পঞ্চদিনান্যুগ্রো বিধম্য রিপুবাহিনীম্।
কৃৎবা ব্যূহমভেদ্যং চ পাতয়িৎবা মহারথান্॥ 8-77-43 (58748)
জয়দ্রথস্য সমরে কৃৎবা রক্ষাং মহারথঃ।
অন্তকপ্রতিমশ্চোগ্রো রাত্রিয়ুদ্ধেঽদহৎপ্রজাঃ॥ 8-77-44 (58749)
দগ্ধ্বা যোধাঞ্ছরৈর্বীরো ভারদ্বাজঃ প্রতাপবান্।
ধৃষ্টদ্যুম্নং সমাসাদ্য স গতঃ পরমাং গতিম্॥ 8-77-45 (58750)
যদি বাঽদ্য ভবান্যুদ্ধে সূতপুত্রমুখান্রথান্।
নাবারয়িষ্যঃ সঙ্গ্রামে ন স্ম দ্রোণো ব্যনঙ্ক্ষ্যত॥ 8-77-46 (58751)
ভবতা তু বলং সর্বং ধার্তরাষ্ট্রস্য বারিতম্।
ততো দ্রোণো হতো যুদ্ধে পার্ষতেন ধনঞ্জয়॥ 8-77-47 (58752)
কশ্চ শক্তো রণে কর্তুং ৎবদন্যঃ পুরুষব্রুবঃ।
যাদৃশং তে কৃতং পার্থ জয়দ্রথবধং প্রতি॥ 8-77-48 (58753)
নিবার্য সেনাং মহতীং হৎবা শূরাংশ্চ পার্থিবান্।
নিহতঃ সৈন্ধবো রাজা ৎবয়াঽস্ত্রবলতেজসা॥ 8-77-49 (58754)
আশ্চর্যং সিন্ধুরাজস্য বধং জানন্তি পার্থিবাঃ।
অনাশ্চার্যং হি তত্ৎবত্তস্ৎবং হি পার্থ মহারথঃ॥ 8-77-50 (58755)
ৎবাং হি প্রাপ্য রণে ক্ষত্রমেকাহাদিতি ভারত।
নশ্যমানমহং যুক্তং মন্যেয়মিতি মে মতিঃ॥ 8-77-51 (58756)
সেয়ং পার্থ চমূর্ঘোরা ধার্তরাষ্ট্রস্য সংয়ুগে।
হতসর্বস্বভূয়িষ্ঠা ভীষ্মদ্রোণৌ হতৌ যথা॥ 8-77-52 (58757)
শীর্ণপ্রবরয়োধাঢ্যা হতবাজিরথদ্বিপা।
হীনা সূর্যেন্দুনক্ষত্রৈর্দ্যৌরিবাভাতি ভারতী॥ 8-77-53 (58758)
বিধ্বস্তা হি রণে পার্থ সেনেয়ং ভীমবিক্রম।
আসুরীব মহাসেনা দেবরাজপরাক্রমৈঃ॥ 8-77-54 (58759)
তেষাং হতাবশিষ্টাস্তু সন্তি পঞ্চ মহারথাঃ।
দ্রৌণিশ্চ কৃতবর্মা চ কর্ণো মদ্রাধিপঃ কৃপঃ॥ 8-77-55 (58760)
তাংস্ৎবমদ্য নরব্যাঘ্র হৎবা পঞ্চ মহারথান্।
হতামিত্রঃ প্রয়চ্ছোর্বী রাজ্ঞে সদ্বীপপত্তনাম্॥ 8-77-56 (58761)
সাকাশজলপাতালাং সপর্বতমহাবনাম্।
প্রয়চ্ছামিতবীর্যায় পার্থায়াদ্য বসুন্ধরাম্॥ 8-77-57 (58762)
এতাং পুরা বিষ্ণুরিব হৎবা দৈতেয়দানবান্।
প্রয়চ্ছ মেদিনীং রাজ্ঞে শক্রায়ৈব হরির্যথা॥ 8-77-58 (58763)
অদ্য মোদন্তু পাঞ্চালা নিহতেষ্বরিষু ৎবয়া।
বিষ্ণুনা নিহতেষ্বেব দানবেয়েষু দেবতাঃ॥ 8-77-59 (58764)
যদি বা দ্বিপদাং শ্রেষ্ঠং দ্রোণং মানয়তো গুরুম্।
অশ্বত্থাম্নি কৃপা তেঽস্তি কৃপে বাচার্যগৌরবাৎ॥ 8-77-60 (58765)
অত্যন্তাপচিতান্বন্ধূন্মানয়ন্মাতৃবান্ধবান্।
কৃতবর্মাণমাসাদ্য ন নেষ্যাসি যমক্ষয়ম্॥ 8-77-61 (58766)
ভ্রাতরং মাতুরাসাদ্য শল্যং মদ্রজনাধিপম্।
যদি ৎবমরবিন্দাক্ষ দয়াবান্ন জিঘাসসি॥ 8-77-62 (58767)
এতত্তে সুকৃতং কর্ম নাত্র কিঞ্চন বিদ্যতে।
বয়মপ্যনুজানীমো নাত্র দোষোঽস্তি কশ্চন॥ 8-77-63 (58768)
ইমং পাপমতিং ক্ষুদ্রমত্যন্তং পাণ্ডবান্প্রতি।
কর্ণমদ্য নরশ্রেষ্ঠ জহি পার্থ শিতৈঃ শরৈঃ॥ 8-77-64 (58769)
দহনে যৎসপুত্রায়া নিশি মাতুস্তবানঘ।
দ্যূতার্থে যচ্চ যুষ্মাসু প্রাবর্তত সুয়োধনঃ।
তস্য সর্বস্য দুষ্টাত্মা কর্ণো বৈ মূলমিত্যুত॥ 8-77-65 (58770)
প্রোৎসাহয়তি দুষ্টাত্মা ধার্তরাষ্ট্রং সুদুর্মতিম্।
সমিতৌ গদতে কর্ণস্তমদ্য জহি ভারত॥ 8-77-66 (58771)
যশ্চ যুষ্মাসু পাপং বৈ ধার্তরাষ্ট্রঃ প্রয়ুক্তবান্।
তস্য সর্বস্য দুর্বুদ্ধিঃ কর্ণো মূলমিহার্জুন॥ 8-77-67 (58772)
কর্ণং হি মন্যতে ত্রাণং নিত্যমেব সুয়োধনঃ।
ততো মামপি সংরব্ধো নিগ্রহীতুং পরাক্রমাৎ॥ 8-77-68 (58773)
স্থিতা বুদ্ধির্নরেন্দ্রাণাং ধার্তরাষ্ট্রস্য চোভয়োঃ।
কর্ণঃ পার্থান্রণে সর্বান্নাশয়িষ্যতি সায়কৈঃ॥ 8-77-69 (58774)
কর্ণমাশ্রিত্য কৌন্তেয় ধার্তরাষ্ট্রস্য বিগ্রহঃ।
রুচিতো ভবতা সার্ধং জানতোঽপি বলং তব॥ 8-77-70 (58775)
কর্ণো জল্পতি বৈ নিত্যমহং পার্থান্সমাগতান্।
বাসুদেবং চ দাশার্হং বিজেষ্যামি মহারণে।
সমিতৌ বল্গতে কর্ণস্তমদ্য জহি ফল্গুন॥ 8-77-71 (58776)
যচ্চ যুষ্মাসু পাপং বৈ ধার্তরাষ্ট্রঃ প্রতাপবান্।
সভায়াং কৃতবান্নিত্যং কর্ণমাশ্রিত্য বৈ পুরা॥ 8-77-72 (58777)
যচ্চ তং ধার্তরাষ্ট্রাণাং ষড্ভিঃ শূরৈর্মহারথৈঃ।
পশ্যতাং সংবৃতং শূরং সৌভদ্রমপরাজিতম্॥ 8-77-73 (58778)
দ্রোণদ্রৌণিকৃপান্বীরান্কম্পয়ানং মহেষুভিঃ।
বিধমন্তমনীকানি প্রমথন্তং মহারথান্॥ 8-77-74 (58779)
মনুষ্যবাজিমাতঙ্গান্প্রেষয়ন্তং যমক্ষয়ম্।
শরৈঃ সৌভদ্রমায়ান্তং দহন্তমরিবাহিনীম্॥ 8-77-75 (58780)
নির্মনুষ্যাশ্চ মাতঙ্গা বিরথাশ্চ মহারথাঃ।
প্রদ্রবন্তি স্ম সমরে দিশো ভীতাঽভিমন্যবে॥ 8-77-76 (58781)
বিগতাসূংশ্চ তুরগান্পত্তীন্ব্যায়ুধজীবিতান্।
কুর্বন্তমৃষভস্কন্ধং কুরুবৃষ্ণিয়শস্করম্।
তন্মে দহতি গাত্রাণি সখে সত্যেন তে শপে॥ 8-77-77 (58782)
যত্তদাসীৎসুদুষ্টাত্মা কর্ণো বিনিহতঃ প্রভুঃ।
ন শক্তো হ্যভিমন্যোস্তু কর্ণঃ স্থাতুং রণাগ্রতঃ॥ 8-77-78 (58783)
সৌভদ্রশরনির্ভিন্নো বিসংজ্ঞঃ শোণিতোক্ষিতঃ।
নিশ্বসন্ক্রোধসন্দীপ্তো বিমুখঃ সায়কার্দিতঃ॥ 8-77-79 (58784)
তস্থৌ স বিহ্বলঃ সঙ্খ্যে প্রহারজনিতচ্ছবিঃ।
অপয়ানকৃতোৎসাহো নিরুৎসাহশ্চ ভারত॥ 8-77-80 (58785)
দুর্যোধনং রণে দৃষ্ট্বা লজ্জমানো মুহুর্মুহুঃ।
নাপয়াসীত্তততঃ পার্থ সোঽভিমন্যোর্মহারণে॥ 8-77-81 (58786)
দৃষ্ট্বা দ্রোণং বধোপায়মভিমন্যোশ্চ পৃষ্টবান্।
শ্রুৎবা দ্রোণবচঃ ক্রূরং ততশ্চিচ্ছেদ কার্মুকম্॥ 8-77-82 (58787)
ততশ্ছিন্নায়ুধং তেন দৃষ্ট্বা পঞ্চ মহারথাঃ।
স চৈব নিকৃতিপ্রাজ্ঞঃ প্রাহিণোচ্ছরবৃষ্টিভিঃ॥ 8-77-83 (58788)
প্রহসন্স তু দুষ্টাত্মা কর্ণো রাজা চ কৌরবঃ।
যচ্চ কর্ণোঽব্রবীৎকৃষ্ণাং সভায়াং পরুষং বচঃ।
প্রমুখে পাণ্ডবেয়ানাং কুরূণাং চৈব পশ্যতাম্॥ 8-77-84 (58789)
বিনষ্টাঃ পাণ্ডবাঃ কৃষ্ণে শাশ্বতং নরকং গতাঃ।
পতিমন্যং পৃথুশ্রোণি বৃণীষ্ব মৃদুভাষিণি॥ 8-77-85 (58790)
এষা ৎবং ধৃতরাষ্ট্রস্য দাসীভূতা নিবেশনম্।
প্রবিশারালপক্ষ্মাক্ষি ন সন্তি পতয়স্তব॥ 8-77-86 (58791)
ন পাণ্ডবাঃ প্রভবন্তি তব কৃষ্ণে কথঞ্চন।
দাসভার্যা চ পাঞ্চালি স্বয়ং দাসী চ শোভনে॥ 8-77-87 (58792)
অদ্য দুর্যোধনো রাজা পৃথিব্যাং নৃপতিঃ স্মৃতঃ।
সর্বে চাস্য মহিপালা যোগক্ষেমমুপাসতে॥ 8-77-88 (58793)
পশ্যেদানীং যদা ভদ্রে নিবিষ্টাঃ পাণ্ডবাঃ সমম্।
অন্যোন্যং সমুদীক্ষন্তে ধার্তরাষ্ট্রস্য তেজসা॥ 8-77-89 (58794)
ব্যক্তং ষণ্ডতিলা হ্যেতে নরকে চ নিমজ্জিতাঃ।
প্রেষ্যবচ্চাপি রাজানমুপস্থাস্যন্তি কৌরবম্॥ 8-77-90 (58795)
উক্তবান্স চ পাতাত্মা তথা পরমদুর্মতিঃ।
পাপঃ পাপবচঃ কর্ণঃ পশ্যতস্তে ধনঞ্জয়॥ 8-77-91 (58796)
অস্য পাপস্য তদ্বাক্যং সুবর্ণবিকৃতাঃ শরাঃ।
শময়ন্তি শিলাধৌতা নাশয়ন্তোঽস্য জীবিতম্॥ 8-77-92 (58797)
অদ্য কর্ণং রণে গ্রস্তং পশ্যন্তু কুরবস্ৎবয়া।
স্বর্গাবতরণে যত্নং স্বর্গদ্বারগতং যথা॥ 8-77-93 (58798)
অদ্য তে সমরে বীর্যং পশ্যন্তু কুরুয়োধিনঃ।
সূতপুত্রে হতে পার্থ জানন্তু ৎবাং মহারথম্॥ 8-77-94 (58799)
অদ্য কাকবলা গৃধ্রা বায়সা জম্বুকাস্তথা।
বিপ্রকর্ষন্তু গাত্রাণি সূতপুত্রস্য মারিষ॥ 8-77-95 (58800)
অদ্যাধিরথিরাক্ষিপ্তো নিহতশ্চ ৎবয়া রণে।
কুরূণাং শোকমাধত্তাং পাণ্বানাং মুদং তদা॥ 8-77-96 (58801)
অদ্য ৎবাং প্রতিমর্দন্তু পাঞ্চালাঃ পাণ্ডবৈঃ সহ।
যথা বৃত্রবধে বৃত্তে দেবাঃ সর্বে শতক্রতুম্॥ 8-77-97 (58802)
অদ্য কর্ণং রণে হৎবা প্রাপ্য চৈবোত্তমং যশঃ।
বিশোকো বিজ্বরঃ পার্থ ভব বন্ধুপুরস্কৃতঃ॥ 8-77-98 (58803)
নরসিংহবপুঃ কৃৎবা যথা শস্তো মহাসুরঃ।
হিরণ্যকশিপুর্দৈত্যো বিষ্ণুনা প্রভবিষ্ণুনা॥ 8-77-99 (58804)
তথা ৎবমপি রাধেয়ং ঘোরাং কৃৎবা মহাতনুম্।
জহি যুদ্ধে মহাবাহো ত্রায়স্ব চ ভয়াৎস্বকান্॥ 8-77-10 (58805)
কর্ণং হাহাকৃতং দীনং বিষণ্ণং ৎবচ্ছরার্দিতম্।
প্রপতন্তং মহীং কর্ণং পশ্যন্তু বসুধাধিপাঃ॥ 8-77-10 (58806)
তং চ স্বশোণিতে মগ্নং শয়ানং পতিতং ভুবি।
অপবিদ্ধায়ুকধং কর্ণমদ্য পশ্যন্তু বান্ধবাঃ॥ 8-77-10 (58807)
তচ্চৈবাদ্য মহৎকর্ম গাণ্ডীবপ্রেষিতৈঃ শরৈঃ।
রথোপস্থে বিশীর্যেত তারারাজ ইবাম্বরাৎ॥ 8-77-10 (58808)
আশু চাদ্য শরাস্তস্য সম্পতন্তো মহাজবৈঃ।
ৎবচ্ছরৈঃ সন্নিকৃত্তাগ্রা বিশীর্যন্তে মহীতলে॥ 8-77-10 (58809)
ৎবয়া চাদ্য হতে তস্য বিক্রমে ভরতর্ষভ।
বিমুখাঃ সর্বরাজানো ভবন্তু গতজীবিতাঃ॥ 8-77-10 (58810)
তথা চাধিরথৌ যাতে প্রয়ান্তু কুরবো দিশঃ।
মন্বানাস্তং রথশ্রেষ্ঠং সর্বলোকেষু ধন্বিনাম্॥ 8-77-10 (58811)
স বৈ চাদ্য ভয়াত্ত্যক্ৎবা ধার্তরাষ্ট্রো মহাচমূম্।
দুর্যোধনো ভয়োদ্বিগ্নো দ্রবতু স্বং নিবেশনম্॥ 8-77-10 (58812)
তথা চাদ্য হতং শ্রুৎবা ধৃতরাষ্ট্রো জনেশ্বরঃ।
ক্ষণেন নিপতেদ্ভূমৌ বিসংজ্ঞো বৈ মহীপতিঃ॥ 8-77-10 (58813)
অদ্য জানন্তু তে পার্থ বিক্রমং সর্বয়োধিনঃ।
যদুবাচ সভামধ্যে পরুষং ভারত ৎবয়ি॥ 8-77-10 (58814)
যানি চান্যানি দুষ্টাত্মা পাপানি কৃতবাংস্ৎবয়ি।
তান্যদ্য ভরতশ্রেষ্ঠ নাশয়ন্তু শরাস্তব॥ 8-77-10 (58815)
শান্তিং কুরু পরিক্লেশা কৃষ্ণায়াঃ শত্রুপাতন।
হৎবা শত্রুং রণে শ্লাঘ্যং গর্জন্তমতিপৌরুষম্॥ 8-77-10 (58816)
অদ্য চাধিরথির্বেদ্ধস্তব বাণৈঃ সমন্ততঃ।
মন্যতাং ৎবাং নরব্যাঘ্র প্রবরং সর্বধন্বিনাম্॥ 8-77-10 (58817)
গাণ্ডীবপ্রসৃতান্বাণানদ্য গাত্রস্পৃশঃ শরান্।
যাতু কর্ণো রণে পার্থ শ্বাবিচ্ছললতো যথা॥ 8-77-10 (58818)
তং কথং কর্ণমাসাদ্য বিদ্রবেয়ুর্মহারথাঃ।
যস্ৎবেকঃ সর্বপাঞ্চালানহন্যহনি নাশয়ন্।
কালবচ্চরতে বীর পাঞ্চালানাং রথব্রজে॥ 8-77-10 (58819)
তমপ্যাসাদ্য সমরে মিত্রার্থে মিত্রবৎসল।
তথা জ্বলন্তমস্ত্রৈশ্চ শূরং সর্বধনুষ্মতাম্।
নির্দহন্তং সমারূঢং দুর্ধর্ষং দ্রোণমঞ্জসা॥ 8-77-10 (58820)
তে নিত্যমুদিতা জেতুং যুধি শত্রুমরিন্দমাঃ।
ন চেদাধিরথের্ভীতাঃ পাঞ্চালাঃ স্যুঃ পরাঙ্মুখাঃ॥ 8-77-10 (58821)
তেষামাপততাং শূরঃ পাঞ্চালানাং তরস্বিনাম্।
আদত্তাসূঞ্শরৈঃ কর্ণঃ পতঙ্গানামিবানলঃ॥ 8-77-10 (58822)
এতে দ্রবন্তি পাঞ্চালা দ্রাব্যন্তে যোধিভির্ধ্রুবম্।
কর্ণেন ভরতশ্রেষ্ঠ পশ্যপশ্য তথাকৃতান্॥ 8-77-10 (58823)
তান্সমারোহতঃ শূরান্মিত্রার্থে ত্যক্তজীবিতান্।
নিস্তারয় মহাবাহো কর্ণাস্ত্রাৎপাবকোপমাৎ॥ 8-77-10 (58824)
অস্ত্রং হিরামাৎকর্ণেন ভার্গবাদৃষিসত্তমাৎ।
যদবাপ্তং তদা ঘোরং তস্য রূপমুদীর্যতে॥ 8-77-10 (58825)
তাপনং সর্বসৈন্যস্য ঘোররূপং ভয়ানকম্।
যমাশ্রিত্য মহাসেনা জ্বলতে স্বেন তেজসা॥ 8-77-10 (58826)
এতে চরন্তি সঙ্গ্রামে কর্ণচাপচ্যুতাঃ শরাঃ।
প্রভয়া ইহ শত্রূণাং ঘাতয়ন্তো জনান্প্রভো॥ 8-77-10 (58827)
এতে ভ্রমন্তি পাঞ্চালা উৎক্রয়ন্তি চ মারিষ।
কর্ণাস্ত্রং সমরে প্রাপ্য দুর্নিবার্যং মহাত্মভিঃ॥ 8-77-10 (58828)
এষ ভীমো দৃঢক্রোধো বৃতঃ পার্থ সমন্ততঃ।
সৃঞ্জয়ৈর্যোঽজয়ৎকর্ণং পীড্যতে নিশিতৈঃ শরৈঃ॥ 8-77-10 (58829)
পাঞ্চালান্সৃঞ্জয়াংশ্চৈব পাণ্ডবাংশ্চৈব ভারত।
উপেক্ষিতো দহেৎকর্ণো রোগো দেহমিবান্তকঃ॥ 8-77-10 (58830)
নান্যং ৎবত্তো হি পশ্যামি যোধং যৌধিষ্ঠিরে বলে।
যঃ সমাসাদ্য রাধেয়ং স্বস্তিমানাব্রজেদ্গৃহান্॥ 8-77-10 (58831)
তমদ্য নিশিতৈর্বাণৈর্নিহত্য ভরতর্ষভ।
যথা প্রতিজ্ঞাং ৎব পার্থ তীর্ৎবা কীর্তিমবাপ্স্যসি॥ 8-77-10 (58832)
ৎবং হি শক্তো রণে কর্ণং বিজেতুং সহ পার্থিবৈঃ।
নান্যো যুধি যুধাং শ্রেষ্ঠ সত্যমেতদ্ব্রবীমি তে॥ 8-77-10 (58833)
এতৎকৃৎবা মহৎকার্ম হৎবা কর্ণং মহারথম্।
কৃতার্থঃ সফলঃ পার্থ সুখী ভব নরোত্তম॥ ॥ 8-77-10 (58834)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে সপ্তসপ্ততিতমোঽধ্যায়ঃ॥ 77 ॥
Mahabharata - Karna Parva - Chapter Footnotes
॥ শ্রীঃ ॥
8.78. অধ্যায়ঃ 078
Mahabharata - Karna Parva - Chapter Topics
অর্জুনেন কৃষ্ণাগ্রে কর্ণবধানন্তরভাব্যর্থানুবর্ণনপূর্বকং তদ্বধপ্রতিজ্ঞা॥ 1 ॥
Mahabharata - Karna Parva - Chapter Text
8-78-0 (58835)
সঞ্জয় উবাচ। 8-78-0x (5026)
স কেশবস্য বীভৎসুঃ শ্রুৎবা ভারত ভাষিতম্।
বিশোকঃ সম্প্রহৃষ্টশ্চ ক্ষণেন সমপদ্যত॥ 8-78-1 (58836)
ততো জ্যামভিমৃজ্যাশু ব্যাক্ষিপদ্গাণ্ডিবং ধনুঃ।
দধ্রে কর্ণবিনাশায় কেশবং চাভ্যভাষত॥ 8-78-2 (58837)
ৎবয়া নাথেন গোবিন্দ ধ্রুব এব জয়ো মম।
প্রসন্নো যস্য ভগবান্ভূতভব্যভবিষ্যকৃৎ॥ 8-78-3 (58838)
ৎবৎসহায়ো হ্যহং কৃষ্ণ ত্রীংল্লোকান্বৈ সমাগতান্।
প্রাপয়েয়ং পরং লোকং কিমু কর্ণং মহাহবে॥ 8-78-4 (58839)
পশ্যামি দ্রবতীং সেনাং পাঞ্চালানাং জনার্দন।
পশ্যামি কর্ণং সমরে বিচরন্তমভীতবৎ॥ 8-78-5 (58840)
ভার্গবাস্ত্রং চ পশ্যামি জ্বলন্তং কৃষ্ণ সর্বশঃ।
সৃষ্টং কর্ণেন বার্ষ্ণেয় শক্রেণেব মহাশনিম্॥ 8-78-6 (58841)
অনেন খলু সঙ্গ্রামে যত্তু কৃষ্ণ ময়া কৃতম্।
কথয়িষ্যন্তি ভূতানি যাবদ্ভূমির্ধরিষ্যতি॥ 8-78-7 (58842)
অদ্য কৃষ্ণ বিকর্ণা মে কর্ণং নেষ্যন্তি মৃত্যবে।
গাণ্ডীবমুক্তাঃ ক্ষিণ্বন্তো মম হস্তপ্রচোদিতাঃ॥ 8-78-8 (58843)
অদ্য রাজা ধৃতরাষ্ট্রঃ স্বাং বুদ্ধিমবমংস্যতে।
দুর্যোধনমরাজ্যার্হং যয়া রাজ্যেঽভ্যষেচয়ৎ॥ 8-78-9 (58844)
অদ্য রাজ্যাৎসুখাচ্চৈব শ্রিয়ো রাষ্ট্রাত্তথা পুরাৎ।
পুত্রেভ্যশ্চ মহাবাহো ধৃতরাষ্ট্রো বিমোক্ষ্যতি॥ 8-78-10 (58845)
গুণবন্তং হি যো হিৎবা নির্গুণং কুরুতে প্রভুম্।
স শোচতি চিরং কৃষ্ণ ক্ষিপ্রমেবাগতে ক্ষয়ে॥ 8-78-11 (58846)
যথা চ পুরুষঃ কশ্চিচ্ছিত্ৎবা চাম্রবণং মহৎ।
পলাশসেচনে বুদ্ধিং কৃৎবা শোচতি মন্দধীঃ॥ 8-78-12 (58847)
দৃষ্ট্বা পুষ্পং পলে গৃধ্নুঃ ফলং দৃষ্ট্বাঽনুশোচতি।
তথেদং ধৃতরাষ্ট্রস্য পুষ্পলুপ্ধস্য মানদ।
ফলং দৃষ্ট্বা ভৃশং দুঃখং ভবিষ্যতি জনার্দন॥ 8-78-13 (58848)
সূতপুত্রে হতে ৎবদ্য নিরাশো ভবিতা প্রভুঃ॥ 8-78-14 (58849)
অদ্য দুর্যোধনো রাজ্যাজ্জীবিতাচ্চ নিরাশকঃ।
ভবিষ্যতি হতে কর্ণে কৃষ্ণ সত্যং ব্রবীমি তে॥ 8-78-15 (58850)
অদ্য দৃষ্ট্বা ময়া কর্ণং শরৈর্বিশকলীকৃতম্।
স্মরতাং তব বাক্যানি শমং প্রতি জনেশ্বরঃ॥ 8-78-16 (58851)
অদ্যাসৌ সৌবলঃ কৃষ্ণ গ্লহাঞ্জানাতু বৈ শরান্।
দুরোদরং চ গাণ্ডীবং গণ়্ডবং চ রথং মম॥ 8-78-17 (58852)
অদ্য কুন্তীসুতস্যাহং দৃঢং রাজ্ঞঃ প্রজাগরম্।
ব্যপনেষ্যামি গোবিন্দ হৎবা কর্ণং শিতৈঃ শরৈঃ॥ 8-78-18 (58853)
অদ্য কুন্তীসুতো রাজা হতে সূতসুতে ময়া।
সুপ্রহৃষ্টমনাঃ প্রীতশ্চিরং সুখমবাপ্স্যতি॥ 8-78-19 (58854)
অদ্য বাহমনাধৃষ্যং কেশবাপ্রতিমং শরম্।
উৎস্রক্ষ্যামীহয়ঃ কর্ণং জীবিতাদ্ধংশয়িষ্যতি॥ 8-78-20 (58855)
যস্য চৈতদ্ব্রতং মহ্যং বধে কিল দুরাত্মনঃ।
পাদৌন মxxxxxxন্যাং ন ফল্গুনম্॥ 8-78-21 (58856)
xxxxxxxz পাপস্য মধুসূদন।
xxxxxxxxxxxxxx সন্নতপর্বভিঃ॥ 8-78-22 (58857)
xxxxxxxxxxxxxx নান্যং পৃথিব্যামনুমন্যতে।
xxxxxxxxx সূতপুত্রস্য ভূমিঃ পাস্যতি শোণিতম্॥ 8-78-23 (58858)
xxxxxxx সূতপুত্রো যদব্রবীৎ।
xxxxxxxxxxx শ্লাঘমানঃ স্বকান্গুণান্॥ 8-78-24 (58859)
অনৃতং তৎকরিষ্যন্তি মামকা নিশিতাঃ শরাঃ।
আশীবিষা ইব ক্রুদ্ধাস্তস্যপাস্যন্তি শোণিতম্॥ 8-78-25 (58860)
ময়া হস্তবতা মুক্তা নারাচা বৈদ্যুতৎবিষঃ।
গাণ্ডীবসৃষ্টা দাস্যন্তি কর্ণস্য পরমাং গতিম্॥ 8-78-26 (58861)
অদ্য তপ্স্যতি রাধেয়ঃ পাঞ্চালীং যত্তদব্রবীৎ।
সভামধ্যে বচঃ ক্রূরং কুৎসয়ন্পাণ্ডবান্প্রতি॥ 8-78-27 (58862)
এতে ষণ্ডতিলাঃ কৃষ্ণে নির্বীর্যা হতবিক্রমাঃ।
অহং বঃ পাণ্ডবেয়েভ্যো ভয়াত্ত্রাস্যেতি চাব্রবীৎ।
হন্তাঽহং পাণ্ডবান্সর্বান্সপুত্রানিহ ভারত॥ 8-78-28 (58863)
অনৃতং তৎকরিষ্যন্তি মামকা নিশিতাঃ শরাঃ।
হতে বৈকর্তনে কর্ণে সূতপুত্রে দুরাত্মনি॥ 8-78-29 (58864)
যস্য বীর্যং সমাশ্রিত্য ধার্তরাষ্ট্রো বৃহন্মনাঃ।
তমদ্য কর্ণং হন্তাস্মি সমরে মধুসূদন॥ 8-78-30 (58865)
অদ্য কর্ণে হতে কৃষ্ণ ধার্তরাষ্ট্রাঃ সরাজকাঃ।
বিদ্রবন্তি দিশো ভীতাঃ সিংহং দৃষ্ট্বা মৃগা ইব॥ 8-78-31 (58866)
অদ্য দুর্যোধনো রাজা পৃথিবীং নান্ববেক্ষতে।
হতে কর্ণে ময়া সঙ্খ্যে সপুত্রে সসুহৃজ্জনে॥ 8-78-32 (58867)
অদ্য কর্ণে হতং দৃষ্ট্বা ধার্তরাষ্ট্রোঽত্যমর্ষণঃ।
জানাতু মাং রণে কৃষ্ণ প্রবরং সর্বধন্বিনাম্॥ 8-78-33 (58868)
সপুত্রপৌত্রঃ সামাত্যঃ সসুহৃচ্চ নিরাশিষঃ।
পিত্র্যে রাজ্যে নিরাশশ্চ ধার্তরাষ্ট্রো নিরাশ্রয়ঃ॥ 8-78-34 (58869)
অদ্য রাজা ধর্মপুত্রো হতামিত্রো ভবিষ্যতি।
অদ্য দুর্যোধনো দীপ্তাং শ্রিয়ং রাজ্যং চ হাস্যতি॥ 8-78-35 (58870)
হতে বৈকর্তনে কর্ণে ভীষ্মে দ্রোণে চ সংয়ুগে।
কাতরং তদ্বলং কৃষ্ণ প্রবিষ্টং ভোক্ষ্যতে তু যৎ॥ 8-78-36 (58871)
অদ্যপ্রভৃতি রাজানং ধর্মপুত্রং যুধিষ্ঠিরম্।
অনুমোদন্তু সুহৃদো জ্ঞাতপূর্বাশ্চ ব্রাহ্মণাঃ॥ 8-78-37 (58872)
অদ্য তং নিহতং শ্রুৎবা কর্ণং বৈকর্তনং ময়া।
করোতু পটহোন্মিশ্রং দেবতাস্থানপূজনম্॥ 8-78-38 (58873)
অদ্য কৃষ্ণ হতে কর্ণে কুরুতাং চিরসম্ভৃতম্।
যাজনং বৈ মহাবাহো দেবতানাং যথাবিধি॥ 8-78-39 (58874)
অদ্য ৎবম্বা চ কৃষ্ণা চ ৎবরমাণে পরস্পরম্।
সস্বজেতাং হৃষীকেশ সম্পূর্ণেঽস্মিন্মনোরথে॥ 8-78-40 (58875)
অদ্য ৎবং পাণ্ডবো জ্যেষ্ঠস্তথাঽঽর্যশ্চ বৃকোদরঃ।
উদীক্ষেতাং হতে কর্ণে কৃষ্ণ সৌম্যেন চক্ষুষা॥ 8-78-41 (58876)
অভিবাদ্য গুরূনদ্য কনিষ্ঠৈশ্চাভিবাদিতঃ।
সস্বজানো হ্যহং দোর্ভ্যাং প্রাপ্স্যামি বিপূলং যশঃ॥ 8-78-42 (58877)
অদ্য কর্ণে হতে কৃষ্ণ প্রশংসন্তোঽর্জুনং সুরাঃ।
ত্রিদিবং যান্তু সংহৃষ্টাঃ সঙ্গতাশ্চ তপোধনাঃ॥ 8-78-43 (58878)
অদ্য লোকাস্ত্রয়ঃ কৃষ্ণ জানন্তু মম পৌরুষম্।
দৃষ্ট্বা কর্ণং হতং যুদ্ধে দ্বৈরথে সব্যসাচিনা॥ 8-78-44 (58879)
অদ্যাহমনৃণঃ কৃষ্ণ ভবিষ্যামি ধনুষ্মতাম্।
রথস্য চ শরাণাং চ ধনুষো গাণ্ডিবস্য চ॥ 8-78-45 (58880)
মোক্ষ্যাম্যদ্য মহদ্দুঃখং ত্রয়োদশসমার্জিতম্।
হৎবা কর্ণং রণে কৃষ্ণ শম্বরং মঘবানিব॥ 8-78-46 (58881)
অদ্য কর্ণে হতে যুদ্ধে সোমকানাং মহারথাঃ।
কৃতকার্যাঃ প্রমোদন্তাং মিত্রকার্যেপ্সবো যুধি॥ 8-78-47 (58882)
ন জানে চ কথং প্রীতিঃ শৈনেয়স্যাদ্য মাধব।
অহং হৎবা রণে কর্ণং পুত্রাংশ্চাস্য জয়াধিকান্।
প্রীতিং দাস্যামি ভীমস্য সাত্যকের্যময়োস্তথা॥ 8-78-48 (58883)
ধৃষ্টদ্যুম্নস্য বীরস্য তথৈব চ শিখণ্ডিনঃ।
অদ্যানৃণ্যং গমিষ্যামি হৎবা কর্ণং মহাহবে।
ধর্মরাজস্য সংশ্রুত্য বার্ষ্ণেয়শপথং মিথঃ॥ 8-78-49 (58884)
অদ্য পশ্যন্তু সঙ্গ্রামে ধনঞ্জয়মমর্ষণম্।
যুধ্যন্তং কৌরবৈঃ সার্ধং ঘাতয়ন্তং চ সূতজম্॥ 8-78-50 (58885)
ভবৎসমক্ষমং বক্ষ্যামি পুনরেবাত্মসংস্তবম্।
ইত্যপ্যমিত্রপ্রবরমদ্যাহং হন্মি সূতজম্॥ 8-78-51 (58886)
ধনুর্বেদে মৎসমঃ কো নু লোকে
পরাক্রমে বা মম কোঽস্তি তুল্যঃ।
কো বাঽপ্যন্যো মৎসমোঽস্তি ক্ষমায়াং
মমানৃশংস্যে সদৃশোঽস্তি কোঽন্যঃ॥ 8-78-52 (58887)
অহং ধনুষ্মান্সসুরাসুরাংশ্চ
সর্বাণি ভূতানি চ সঙ্গতানি।
স্ববাহুবীর্যাদ্গময়ে পরাভবং
মৎপৌরুষং বিদ্বি পরং পরেভ্যঃ॥ 8-78-53 (58888)
শরার্চিষা গাণ্ডিবেনাহমেকঃ
সর্বান্কুরূন্বাহ্লিকাংশ্চাভিপন্নঃ।
হিমাত্যযে কক্ষগতো যথাঽগ্নিঃ
স নির্দহেয়ং সহসা প্রগৃহ্য॥ 8-78-54 (58889)
পাণী পৃষৎকালিখিতৌ মমৈতৌ
ধনুশ্চ সঙ্খ্যে বিততং সবাণম্।
পাদৌ চেমৌ সুরথৌ সধ্বজৌ চ
ন মাদৃশং যুদ্ধগতং ভজন্তি॥ ॥ 8-78-55 (58890)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে অষ্টসপ্ততিতমোঽধ্যায়ঃ॥ 78 ॥
Mahabharata - Karna Parva - Chapter Footnotes
॥ শ্রীঃ ॥
8.79. অধ্যায়ঃ 079
Mahabharata - Karna Parva - Chapter Topics
দ্বন্দ্বয়ুদ্ধম্॥ 1 ॥
Mahabharata - Karna Parva - Chapter Text
8-79-0 (58891)
[ধৃতরাষ্ট্র উবাচ। 8-79-0x (5027)
সমাগমে পাণ্ডবসৃঞ্জয়ানাং
মহাভয়ে মামকানামগাধে।
ধনঞ্জয়ে তাত রণায় যাতে
কর্ণেন তদ্যুদ্বমথোঽত্র কীদৃক্॥] 8-79-1 (58892)
সঞ্জয় উবাচ। 8-79-2x (5028)
তেষামনীকানি মহাধ্বজানি
রণে সমৃদ্ধানি সুসঙ্গতানি।
ভেরীনিরাদোন্মুখরাণ্যংগর্জ--
ন্মেঘা ইব প্রাবৃষি মারুতাস্তাঃ॥ 8-79-2 (58893)
মহাগজাভ্রাকুলমস্ত্রতোয়ং
বাদিত্রনেমীতলশব্দবচ্চ।
হিরণ্যচিত্রায়ুধবিদ্যুতং চ
শরাসিনারাচমহাস্ত্রধারম্॥ 8-79-3 (58894)
তদ্ভীমবেগং রুধিরৌঘবাহি
খঙ্গাকুলং ক্ষত্রিয়জীবঘাতি।
অনার্তবং ক্রূরমনিষ্টবর্ষং
বভূব সংরম্ভকরং প্রজানাম্॥ 8-79-4 (58895)
একং রথং সম্পরিবার্য মৃত্যুং
নয়ন্ত্যনেকে চ রথাঃ সমেতাঃ।
একস্তথৈকং রথিনং রথাগ্র্যাং--
স্তথা রথশ্চাপি রথাননেকান্॥ 8-79-5 (58896)
রথং সসূতং সহয়ং চ কঞ্চি--
ৎকশ্চিদ্রতী মৃত্যুবশং নিনায়।
নিনায় চাপ্যেকগজেন কশ্চি--
দ্রথান্বহূন্মৃত্যুবশে তথাশ্বান্॥ 8-79-6 (58897)
রথান্সসূতান্সহয়ান্গজাংশ্চ
সর্বানরীন্মৃত্যুবশং শরৌঘৈঃ।
নিন্যে হয়াংশ্চৈব তথা সসাদী--
ন্পদাতিসঙ্ঘাংশ্চ তথৈব পার্থঃ॥ 8-79-7 (58898)
কৃপঃ শিখণ্ডী চ রণে সমেতৌ
দুর্যোধনং সাত্যকিরধ্যগচ্ছৎ।
শ্রুতশ্রবা দ্রোণপুত্রেণ সার্ধং
যুধামন্যুশ্চিত্রসেনেন সার্ধম্॥ 8-79-8 (58899)
কর্ণস্য পুত্রং তু রথী সুষেণং
সমাগতং সৃঞ্জয়শ্চোত্তমৌজাঃ।
গান্ধাররাজং সহদেবোঽক্ষধূর্তং
মহর্ষভং সিংহ ইবাভ্যধাবৎ॥ 8-79-9 (58900)
শতানীকো নাকুলিঃ কর্ণপুত্রং
যুবা যুবানং বৃষসেনং শরৌঘৈঃ।
সমার্পয়ৎকর্ণপুত্রশ্চ শূরঃ
পাঞ্চালেয়ং শরবর্ষৈরনেকৈঃ॥ 8-79-10 (58901)
রথর্ষভঃ কৃতবর্মাণভার্চ্ছ--
ন্মাদ্রীপুত্রো নকুলশ্চিত্রয়োধী।
পাঞ্চালানামধিপো যাজ্ঞসেনিঃ
সেনাপতিঃ কর্ণমার্চ্ছৎসসৈন্যম্॥ 8-79-11 (58902)
দুঃশাসনো ভারত ভারতং তু
ব্যাত্তাননং ক্রূরমিবান্তকাভম্।
ভীমং রণে শস্ত্রভৃতাং বরিষ্ঠং
ভীমং সমার্চ্ছত্তমসহ্যবেগম্॥ 8-79-12 (58903)
কর্ণাত্মজং তত্র জঘান বীর--
স্তথাচ্ছিনচ্চোত্তমৌজাঃ প্রসহ্য।
তস্যোত্তমাঙ্গং নিপপাত ভূমৌ
নিনাদয়দ্গাং নিনদেন খং চ॥ 8-79-13 (58904)
সুষেণশীর্ষং পতিতং পৃথিব্যাং
বিলোক্য কর্ণোঽথ তদার্তরূপঃ।
ক্রোধাদ্ধয়াংস্তস্য রথং ধ্বজং চ
বাণৈঃ সুধারৈর্নিশিতৈরকৃন্তৎ॥ 8-79-14 (58905)
স তূত্তমৌজা নিশিতৈঃ পৃষৎকৈ--
র্বিব্যাধ খঙ্গেন চ ভাস্বরেণ।
পার্ষ্ণিগ্রহাংশ্চৈব কৃপস্য হৎবা
শিখণ্ডিবাহং স ততোঽধ্যরোহৎ॥ 8-79-15 (58906)
কৃপং তু দৃষ্ট্বা বিরথং রথস্থো
নৈচ্ছচ্ছরৈস্তাডয়িতুং শিখণ্ডী।
তং দ্রৌণিরাবার্য রথং কৃপস্য
সমুজ্জহে পঙ্কগতাং যথা গাম্॥ 8-79-16 (58907)
হিরণ্যবর্মা নিশিতৈঃ পৃষৎকৈ--
স্তবাত্মজানামনিলাত্মজো বৈ।
অতাপয়ৎসৈন্যমতীব ভীমঃ
কালে শুচৌ মধ্যগতো যথাঽর্কঃ॥ ॥ 8-79-17 (58908)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে একোনাশীতিতমোঽধ্যায়ঃ॥ 79 ॥
Mahabharata - Karna Parva - Chapter Footnotes
॥ শ্রীঃ ॥
8.80. অধ্যায়ঃ 080
Mahabharata - Karna Parva - Chapter Topics
ভীমসেনবিশোকয়োঃ সংবাদঃ॥ 1 ॥
Mahabharata - Karna Parva - Chapter Text
8-80-0 (58909)
সঞ্জয় উবাচ। 8-80-0x (5029)
অথ ৎবিদানীং তুমুলে বিমর্দে
দ্বিষদ্ভিরেকো বহুভিঃ সমাবৃতঃ।
মহারণে সারথিমিত্যুবাচ
ভীমশ্চমূং বাহয় ধার্তরাষ্ট্রীম্।
ৎবং সারথে যাহি জবেন বাহৈ--
র্নয়াম্যেতান্ধার্তরাষ্ট্রান্যমায়॥ 8-80-1 (58910)
সঞ্চোদিতো ভীমসেনেন চৈবং
স সারথিঃ পুত্রবলং ৎবদীয়ম্।
প্রায়াত্ততঃ সৎবরমুগ্রবেগো
যতো ভীমস্তদ্বলং গন্তুমৈচ্ছৎ॥ 8-80-2 (58911)
ততোঽপরে নাগরথাশ্বপত্তিভিঃ
প্রত্যুদ্যযুস্তং কুরবঃ সমন্তাৎ।
ভীমস্য বাহাগ্র্যমুদারবেগং
সমন্ততো বাণগণৈর্নিজঘ্নুঃ॥ 8-80-3 (58912)
ততঃ শরানাপততো মহাত্মা
চিচ্ছেদ বাণৈস্তপীনয়পুঙ্খৈঃ।
তে বৈ নিপেতুস্তপনীয়পুঙ্খা
দ্বিধা ত্রিধা ভীমশরৈর্নিকৃত্তাঃ॥ 8-80-4 (58913)
ততো রাজন্নাগরথাশ্বয়ূনাং
ভীমাহতানাং বররাজমধ্যে।
ঘোরো নিনাদঃ সুমহানভূত্তদা
বজ্রাহতানামিব পর্বতানাম্॥ 8-80-5 (58914)
তে বধ্যমানাশ্চ নরেন্দ্রমুখ্যা
নির্ভিদ্যন্তো ভীমশরপ্রবেকৈঃ।
ভীমং সমন্তাৎসমরেঽভ্যরোহন্
বৃক্ষং শকুন্তা ইব পুষ্পহেতোঃ॥ 8-80-6 (58915)
ততোঽভিয়াতে তব সৈন্যে স ভীমঃ
প্রাদুশ্চক্রে বেগমনন্তবেগঃ।
যথাঽন্তকালে ক্ষপয়ন্দিধক্ষু--
র্ভূতান্তকৃৎকাল ইবাত্তদণ্ডঃ॥ 8-80-7 (58916)
তস্যাতিবেগস্য রণেঽতিবেগং
নাশক্নুবন্ধারয়িতুং ৎবদীয়াঃ।
ব্যাত্তাননস্যাপততো যথৈব
কালস্য কালে হরতঃ প্রজা বৈ॥ 8-80-8 (58917)
ততো বলং ভারত ভারতানাং
প্রদহ্যমানং সমরে মহাত্মনা।
ভীতং দিশোঽকীর্যত ভীমনুন্নং
মহানিলেনাভ্রগণা যথৈব॥ 8-80-9 (58918)
ততো ধীমান্সারথিমব্রবীদ্বলী
স ভীমসেনঃ পুনরেব হৃষ্টঃ॥ 8-80-10 (58919)
সূতাভিজানীহি পরান্স্বকান্বা
রথান্ধ্বজাংশ্চাপততঃ সমেতান্।
যুধ্যন্হ্যহং নাভিজানামি কিঞ্চি--
ন্মা সৈন্যং স্বং ছাদয়িষ্যে প্রমত্তঃ॥ 8-80-11 (58920)
অরীন্বিশোকান্হি নিরীক্ষ্য সর্বতো
মহাংশ্চ মন্যুঃ পুনরেতি মাং ভৃশম্।
রাজাতুরো নাগমদ্যৎকিরীটী
বহূনি দুঃখান্যভিচিন্তয়ামি॥ 8-80-12 (58921)
এতদ্দুঃখং ধারয়ে ধর্মরাজো
যন্মাং হিৎবা যাতবাঞ্শত্রুমধ্যে।
নৈনং জীবং নাভিজানাম্যজীবং
বীভৎসুং বা তন্মমাদ্যাতিদুঃখম্॥ 8-80-13 (58922)
সোঽহং দ্বিষৎসৈন্যমুদগ্রকল্পং
বিনাশয়িষ্যে পরমপ্রতীতঃ।
এতন্নিহত্যাজিমধ্যে সমেতং
প্রীতো ভবিষ্যামি সহ ৎবয়াদ্য॥ 8-80-14 (58923)
সর্বাংস্তূণান্সায়কানামবেক্ষ্য
কিং শিষ্টং স্যাৎসায়কানাং রথে মে।
কা বা জাতিঃ কিং প্রমাণং চ তেষাং
জ্ঞাৎবা ব্যক্তং তৎসমাচক্ষ্ব সূত।
`কতি বা সহস্রাণি কতি বা শতানি
হ্যাচক্ষ্ব মে সারথে ক্ষিপ্রমেব॥ 8-80-15 (58924)
বিশোক উবাচ। 8-80-16x (5030)
সর্বং বিদিৎবৈবমহং বদামি
তবার্থসিদ্ধিপ্রদমদ্য বীর।
কৈকেয়কাম্ভোজসুরাষ্ট্রবাহ্লিকা
ম্লেচ্ছাশ্চ সুহ্মাঃ পরতঙ্কণাশ্চ। 8-80-16 (58925)
মদ্রাশ্চ বঙ্গা মগধাঃ কুণিন্দা
আনর্তকাবর্তকাঃ পার্বতীয়াঃ।
সর্বে গৃহীতপ্রবরায়ুধাস্ৎবাং
সংবেষ্ট্য সংবেষ্ট্য ততো বিবেদুঃ॥ 8-80-17 (58926)
রথে তবাস্মিন্নিশিতাঃ সুপীতা--
স্ততো ভল্লা দ্বাদশ বৈ সহস্রাঃ'।
ষণ্মার্গণানাময়ুতানি বীর
ক্ষুরাশ্চ ভল্লাশ্চ তথায়ুতাখ্যাঃ॥ 8-80-18 (58927)
নারাচানাং দ্বে সহস্রে চ বীর
ত্রীণ্যেপ চ প্রদরাণাং স্ম পার্থ।
অস্ত্যায়ুধং পাণ্ডবেয়াবশিষ্টং
ন যদ্বহেচ্ছকটং ষঙ্গবীয়ম্॥ 8-80-19 (58928)
এতদ্বিদ্বন্মুঞ্চ সহস্রশোঽপি
গদাসিবাহুদ্রবিণং চ তেঽস্তি।
প্রাসাশ্চ মুদ্ররাঃ শক্তয়স্তোমরাশ্চ
মাভৈষীস্ৎবং সংক্ষয়াদায়ুধানাম্॥ 8-80-20 (58929)
ভীমসেন উবাচ। 8-80-21x (5031)
`অদ্যৈব নূনং কথয়ন্তু সিদ্ধাং
মম প্রতিজ্ঞাং সর্বলোকে বিশোক।
ন মোক্ষ্যতে সমরে ভীমসেন
একঃ শত্রূন্সমরে বাপ্যজৈষীৎ।
আশংসিতানামিদমেকমস্তু
তন্মে দেবাঃ সকলং সাধয়ন্তু॥' 8-80-21 (58930)
সূতাদ্য মদ্বাহুয়ুতৈঃ সমস্তা--
ন্সমাহনদ্ভিঃ পার্থিবানাশুবেগৈঃ।
চ্ছন্নং বাণৈরাহবং ঘোররূপং
নষ্টাদিত্যং মৃত্যুলোকেন তুল্যম্॥ 8-80-22 (58931)
অদ্যৈতদ্যৈ বিদিতং পার্থিবানাং
ভবিষ্যতি হ্যাকুমারং চ সূত।
নিমগ্নো বা সমরে ভীমসেন
একঃ কুরূন্বা সমরে ব্যজৈষীৎ॥ 8-80-23 (58932)
সর্বে সঙ্খ্যে কুরবো নিষ্পতন্তু
মাং বা লোকাঃ কীর্তয়ন্ৎবাকুমারম্।
সর্বানেকস্তানহং পাতয়িষ্যে
তে বা সর্বে ভীমসেনং তুদন্তু॥ 8-80-24 (58933)
আশাস্তারঃ কর্ম চাপ্যুত্তমং যে
তন্মে দেবাঃ সফলং সাধয়ন্তু।
আয়াতীহ কেশবসারথী রথী
শক্রস্তূর্ণং যজ্ঞ ইবোপহূতঃ॥ 8-80-25 (58934)
ঈক্ষস্বৈতাং ভারতীং দীর্যমাণা--
মেতে কস্মাদ্বিদ্রবন্তে নরেন্দ্রাঃ।
ব্যক্তং ধীমান্সব্যসাচী নরাগ্র্যঃ
সৈন্যং হ্যেতচ্ছাদয়ত্যাশু বাণৈঃ॥ 8-80-26 (58935)
পশ্য ধ্বজাংশ্চ দ্রবতো বিশোক
নাগান্হয়ান্পত্তিসঙ্ঘাংশ্চ সঙ্খ্যে।
রথান্বিকীর্ণাঞ্শরশক্তিতাডিতা--
ন্পশ্যস্বৈতান্রথিনশ্চৈব সূত॥ 8-80-27 (58936)
আপূর্যতে কৌরবী চাপ্যভীক্ষ্ণং
সেনা হ্যসৌ সুভৃশং হন্যমানা।
ধনঞ্জয়স্যাশনিতুল্যবেগৈ--
র্গ্রস্তা শরৈঃ কাঞ্চনবর্হজালৈঃ॥ 8-80-28 (58937)
এতে দ্রবন্তি স্ম রথাশ্বনাগাঃ
পদাতিসঙ্ঘানতিমর্দয়ন্তঃ।
সম্মুহ্যমানাঃ কৌরবাঃ সর্ব এব
দ্রবন্তি নাগা ইব দাহভীতাঃ॥ 8-80-29 (58938)
হাহাকৃতাশ্চৈব রণে বিশোক
মুঞ্চন্তি নাদান্বিপুলান্গজেন্দ্রাঃ॥ 8-80-30 (58939)
বিশোক উবাচ। 8-80-31x (5032)
কিং ভীম নৈনং ৎবমিহাশৃণোষি
বিস্ফারিতং গাণ্ডিবস্যাতিঘোরম্।
ক্রুদ্ধেন পার্থেন বিকৃষ্যতোঽদ্য
কচ্চিন্নেমৌ তব কর্ণৌ বিনষ্টৌ॥ 8-80-31 (58940)
সর্বে কামাঃ পাণ্ডব তে সমৃদ্ধাঃ
কপির্হ্যসৌ দৃশ্যতে হস্তিসৈন্যে।
নীলাদ্ধনাদ্বিদ্যুতমুচ্চরন্তীং
তথা পশ্য বিস্ফুরন্তীং ধনুর্জ্যাম্॥ 8-80-32 (58941)
কপির্হ্যসৌ বীক্ষতে সর্বতো বৈ
ধ্বজাগ্রমারুহ্য ধনঞ্জয়স্য।
বিত্রাসয়ন্রি পুসঙ্ঘান্বিমর্দে
বিভেম্যস্মাদাত্মনৈবাভিবীক্ষ্য॥ 8-80-33 (58942)
বিভ্রাজতে চাতিমাত্রং কিরীটং
বিচিত্রমেতচ্চ ধনঞ্জয়স্য।
দিবাকরাভো মণিরেষ দিব্যো
বিভ্রাজতে চৈব কিরীটসংস্থঃ॥ 8-80-34 (58943)
পার্শ্বে ভীমং পাণ্ডুরাভ্রপ্রকাশং
পশ্যস্ব সঙ্খং দেবদত্তং সুঘোষম্।
অভীষুহস্তস্য জনার্দনস্য
বিগাহমানস্য চমূং পরেষাম্॥ 8-80-35 (58944)
রবিপ্রভং বজ্রনাভং ক্ষুরান্তং
পার্শ্বে স্থিতং পশ্য জনার্দনস্য।
চক্রং যশোবর্ধনং কেশবস্য
সদার্চিতং যদিভিঃ পশ্য বীর॥ 8-80-36 (58945)
মহাদ্বিপানাং সরলদ্রুমোপমাঃ
করা নিকৃত্তাঃ প্রপতন্ত্যমী ক্ষুরৈঃ।
কিরীটিনা তেন পুনঃ সসাদিনঃ
শরৈর্নিকৃত্তাঃ কুলিশৈরিবাদ্রয়ঃ॥ 8-80-37 (58946)
তথৈব কৃষ্ণস্য চ পাঞ্চজন্যং
মহার্হমেতং দ্বিজরাজবর্ণম্।
কৌন্তেয় পশ্যোরসি কৌস্তুভং চ
জাজ্বল্যমানং বিজয়াং স্রজং চ॥ 8-80-38 (58947)
ধ্রবং রথাগ্র্যঃ সমুপৈতি পার্থো
বিদ্রাবয়ন্সৈন্যমিদং পরেষাম্।
সিতাভ্রবর্ণৈরসিতপ্রয়ুক্তৈ--
র্হয়ৈর্মহার্হৈ রথিনাং বরিষ্ঠঃ॥ 8-80-39 (58948)
রথান্হয়ান্পত্তিগণাংশ্চ সায়কৈ--
র্বিদারিতান্পশ্য পতন্ত্যমী যথা।
তবানুজেনামররাজতেজসা
মহাবনানীব সুপর্ণবায়ুনা॥ 8-80-40 (58949)
চতুঃ শতান্পশ্য রথানিমান্হতান্
সবাজিসূতান্সমরে কিরীটিনা।
মহেষুভিঃ সপ্তশতানি দন্তিনাং
পদাতিসাদীংশ্চ রথাননেকশঃ॥ 8-80-41 (58950)
অয়ং সমভ্যেতি তবান্তিকং বলী
নিঘ্নন্কুরূংশ্চিত্র ইব গ্রহোঽর্জুনঃ।
সমৃদ্ধকামোঽসি হতাস্তবাহিতা
বলং তবায়ুশ্চ চিরায় বর্ধতাম্॥ 8-80-42 (58951)
ভীমসেন উবাচ। 8-80-43x (5033)
দদানি তে গ্রামবরাংশ্চতুর্দশ
প্রিয়াখ্যানে সারথে সুপ্রসন্নঃ।
দাসীশতং চাপি রথাংশ্চ বিংশতিং
যদর্জুনং বেদয়সে বিশোক॥ ॥ 8-80-43 (58952)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে অশীতিতমোঽধ্যায়ঃ॥ 80 ॥
Mahabharata - Karna Parva - Chapter Footnotes
॥ শ্রীঃ ॥
8.81. অধ্যায়ঃ 081
Mahabharata - Karna Parva - Chapter Topics
পার্থপরাক্রমঃ॥ 1 ॥ ভীমেন দুর্যোধনচোদিতস্য শকুনেঃ পরাজয়ঃ॥ 2 ॥
Mahabharata - Karna Parva - Chapter Text
8-81-0 (58953)
সঞ্জয় উবাচ। 8-81-0x (5034)
শ্রুৎবা তু রথনির্ঘোষং সিংহনাদং চ সংয়ুগে।
অর্জুনঃ প্রাহ গোবিন্দং শীঘ্রং বাহয় বাজিনঃ॥ 8-81-1 (58954)
অর্জুনস্য বচঃ শ্রুৎবা গোবিন্দোঽর্জুনমব্রবীৎ।
এষ গচ্ছামি সুক্ষিপ্রং যত্র ভীমো ব্যবস্থিতঃ॥ 8-81-2 (58955)
তং যান্তমশ্বা হিমশঙ্খবর্ণাঃ
সুবর্ণমুক্তামণিজালনদ্ধাঃ।
জম্ভং জিঘাংসুং প্রগৃহীতবজ্রং
হয়া যথা তত্র যথা বহংস্তদা॥ 8-81-3 (58956)
রথাশ্বমাতঙ্গপদাতিসঙ্ঘা
বাণস্বনৈর্নেমিখুরস্বনৈশ্চ।
সন্নাদয়ন্তো বসুধাং দিশশ্চ
ক্রুদ্ধা নৃসিংহা জয়মভ্যুদীয়ঃ॥ 8-81-4 (58957)
তেষাং চ পার্থস্য চ মারিষাসী--
দ্দেহাসুপাপক্ষপণং সুয়ুদ্ধম্।
ত্রৈলোক্যহেতোরসুরৈর্যথাসী--
দ্দেবস্য বিষ্ণোর্জয়তাং বরস্য॥ 8-81-5 (58958)
তৈরস্তমুচ্চাবচমায়ুধং ত--
দেকঃ প্রচিচ্ছেদ কিরীটমালী।
ক্ষুরার্ধচন্দ্রৈর্নিশিতৈশ্চ ভল্লৈঃ
শিরাংসি তেষাং বহুধা চ বাহূন্॥ 8-81-6 (58959)
ছত্রাণি বালব্যজনানি কেতূ--
নশ্বান্রথান্পত্তিগণান্দ্বিপাংশ্চ।
তে পেতুরুর্ব্যাং বহুধা বিকৃত্তা
বাতপ্রণুন্নানি যথা বনানি॥ 8-81-7 (58960)
সুবর্ণজালাবনতা মহাগজাঃ
সবৈজয়ন্তীধ্বজয়োধকল্পিতাঃ।
সুবর্ণপুঙ্ঘৈরিষুভিঃ সমাচিতা--
শকাশিরে প্রজ্বলিতা যথাচলাঃ॥ 8-81-8 (58961)
বিদার্য নাগাশ্বরথান্ধঞ্জয়ঃ
শরোত্তমৈর্বাসববজ্রসন্নিভৈঃ।
দ্রুতং যয়ৌ কর্ণজিঘাংসয়া তথা
যথা মরুৎবান্বলভেদনে পুরা॥ 8-81-9 (58962)
ততঃ স পুরুষব্যাঘ্রস্তব সৈন্যমরিন্দমঃ।
প্রবিবেশ মহাবাহুর্মকরঃ সাগরং যথা॥ 8-81-10 (58963)
তং হৃষ্টাস্তাবকা রাজন্রথপত্তিসমন্বিতাঃ।
গজাশ্বসাদিবহুলাঃ পাণ্ডবং সমুপাদ্রবন্॥ 8-81-11 (58964)
তেষামাপততাং পার্থমারাবঃ সুমহানভূৎ।
সাগরস্যেব ক্ষুব্ধস্য যথা স্যাৎসলিলস্বনঃ॥ 8-81-12 (58965)
তে তু তং পুরুষব্যাঘ্রং ব্যাঘ্রা ইব মহারথাঃ।
অভ্যদ্রবন্ত সঙ্গ্রামে ত্যক্ৎবা প্রাণকৃতং ভয়ম্॥ 8-81-13 (58966)
তেষামাপততাং তত্র শরবর্ষাণি মুঞ্চতাম্।
অর্জুনো ব্যধমৎসৈন্যং মহাবাতো ঘনানিব॥ 8-81-14 (58967)
তেঽর্জুনং সহিতা ভূৎবা রথবংশৈঃ গ্রহারিণঃ।
অভিয়ায় মহেষ্বাসা বিব্যধুর্নিশিতৈঃ শরৈঃ॥ 8-81-15 (58968)
ততোঽর্জুনঃ সহস্রাণি রথবারণবাজিনাম্।
প্রেষয়ামাস বিশিখৈর্যমস্য সদনং প্রতি॥ 8-81-16 (58969)
তে বধ্যমানাঃ সমরে পার্থচাপচ্যুতৈঃ শরৈঃ।
তত্রতত্র স্ম লীয়ন্তে ভয়ে জাতে মহারথাঃ॥ 8-81-17 (58970)
তেষাং চতুঃশতান্বীরান্যতমানান্মহারথান্।
অর্জুনো নিশিতৈর্বাণৈরনয়দ্যমসাদনম্॥ 8-81-18 (58971)
তে বধ্যমানাঃ সমরে নানালিঙ্গৈঃ শিতৈঃ শরৈঃ।
অর্জুনং সমভিত্যজ্য দুদ্রুবুর্বৈ দিশো দশ॥ 8-81-19 (58972)
তেষাং শব্দো মহানাসীদ্দ্রবতাং বাহিনীমুখে।
মেঘৌঘস্যেব ভদ্রং তে গিরিমাসাদ্য দীর্যতঃ॥ 8-81-20 (58973)
তাং তু সেনাং ভৃশং বিদ্ধ্বা দ্রাবয়িৎবাঽর্জুনঃ শরৈঃ।
প্রায়াদভিমুখঃ পার্থঃ সূতানীকং হি মারিষ॥ 8-81-21 (58974)
তস্য শব্দো মহানাসীৎপরানভিমুখস্য বৈ।
গরুডস্যেব পততঃ পন্নগার্থে যথা পুরা॥ 8-81-22 (58975)
তং তু শব্দমভিশ্রুত্য ভীমসেনো মহাবলঃ।
বভূব পরমপ্রীতঃ পার্থদর্শনলালসঃ॥ 8-81-23 (58976)
শ্রুৎবৈব পার্থমায়ান্তং ভীমসেনঃ প্রতাপবান্।
ত্যক্ৎবা প্রাণান্মহারাজ সেনাং তব মমর্দ হ॥ 8-81-24 (58977)
স বায়ুবীর্যপ্রতিমো বায়ুবেগসমো জবে।
বায়ুবদ্ব্যচরদ্ভীমো বায়ুপুত্রঃ প্রতাপবান্॥ 8-81-25 (58978)
তেনাদ্যমানা রাজেন্দ্র সেনা তব বিশাম্পতে।
ব্যভ্রশ্যত মহারাজ ভিন্না নৌরিব সাগরে॥ 8-81-26 (58979)
তাং তু সেনাং তদা ভীমো দর্শয়ন্পাণিলাঘবম্।
শরৈরবচকর্তোগ্রৈঃ প্রেপয়িষ্যন্যমক্ষয়ম্॥ 8-81-27 (58980)
তত্র ভারত ভীমস্য বলং দৃষ্ট্বাতিমানুষম্।
ব্যত্রস্যন্ত রণে যোধাঃ কালস্যেব যুগক্ষয়ে॥ 8-81-28 (58981)
তথাঽর্দিতান্ভীমবলান্ভীমসেনেন ভারত।
দৃষ্ট্বা দুর্যোধনো রাজা ইদং বচনমব্রবীৎ॥ 8-81-29 (58982)
সৈনিকাংশ্চ মহেষ্বাসান্যোধাংশ্চ ভরতর্ষভ।
সমাদিশন্রণে সর্বান্হত ভীমমিতি স্ম হ॥ 8-81-30 (58983)
তস্মিন্হতে হতং মন্যে পাণ্ডুসৈন্যমশেষতঃ॥ 8-81-31 (58984)
প্রতিগৃহ্য চ তামাজ্ঞাং তব পুত্রস্য পার্থিবাঃ।
ভীমং প্রচ্ছাদয়ামাসুঃ শরবর্ষৈঃ সমন্ততঃ॥ 8-81-32 (58985)
গজাশ্চ বহুলা রাজন্নরাশ্চ জয়গৃদ্ধিনঃ।
রথে স্থিতাশ্চ রাজেন্দ্র পরিবব্রুর্বৃকোদরম্॥ 8-81-33 (58986)
স তৈঃ পরিবৃতঃ শূরৈঃ শূরো রাজন্সমন্ততঃ।
শুশুভে ভরতশ্রেষ্ঠো নক্ষত্রৈরিব চন্দ্রমাঃ॥ 8-81-34 (58987)
পরিবেষী যথা সোমঃ পরিপূর্ণো বিরাজতে।
স ররাজ তথা সঙ্খ্যে দর্শনীয়ো নরোত্তমঃ।
নির্বিশেষো মহারাজ বিজয়েনৈব সংয়ুগে॥ 8-81-35 (58988)
তস্য তে পার্থিবাঃ সর্বে শরবৃষ্টিং সমাসৃজন্।
ক্রোধরক্তেক্ষণাঃ শূরা হন্তুকামা বৃকোদরম্॥ 8-81-36 (58989)
তাং বিদার্য মহাসেনাং শরৈঃ সন্নতপর্বভিঃ।
নিশ্চক্রাম রণাদ্ভীমো মৎস্যো জালাদিবাম্ভসি॥ 8-81-37 (58990)
হৎবা দশসহস্রাণি গজানামনিবর্তিনাম্।
নৃণাং শতসহস্রে দ্বে দ্বে শতে চৈব ভারত॥ 8-81-38 (58991)
পঞ্চ চাশ্বসহস্রাণি রথানাং শতমেব চ।
হৎবা প্রাস্যন্দয়দ্ভীমো নদীং শোণিতবাহিনীম্॥ 8-81-39 (58992)
শোণিতোদাং রথাবর্তাং হস্তিগ্রাহসমাকুলাম্।
নরমীনাশ্বনক্রান্তাং কেশশৈবলশাদ্বলাম্॥ 8-81-40 (58993)
সঞ্ছিন্নভুজনাগেন্দ্রাং বহুরত্নাপহারিণীম্।
ঊরুগ্রাহাং মজ্জপঙ্কাং শীর্ষোপলসমাবৃতাম্॥ 8-81-41 (58994)
ধনুঃকাশাং শরাবাপাং গদাপরিঘকেতনাম্।
হংসছত্রধ্বজোপেতামুষ্ণীষবরফেনিলাম্॥ 8-81-42 (58995)
হারপদ্মাকরাং চৈব ভূমিরেণূর্মিমালিনীম্।
আর্যবৃত্তবতীং সঙ্খ্যে সুতরাং ভীরুদুস্তরাম্॥ 8-81-43 (58996)
যোধগ্রাহবতীং সঙ্খ্যে বহন্তীং পিতৃসাদনম্।
ক্ষণেন পুরুষব্যাঘ্রঃ প্রাবর্তয়ত নিম্নগাম্॥ 8-81-44 (58997)
যথা বৈতরণীমুগ্রাং দুস্তরামকৃতাত্মভিঃ।
তথা দুস্তরণীং ঘোরাং ভীরূণাং ভয়বর্ধনীম্॥ 8-81-45 (58998)
যতোয়তঃ পাণ্ডবেয়ঃ প্রবিষ্টো রথসত্তমঃ।
ততস্ততঃ প্রাপতন্বৈ যোধাঃ শতসহস্রশঃ॥ 8-81-46 (58999)
এবং দৃষ্ট্বা কৃতং কর্ম ভীমসেনেন সংয়ুগে।
দুর্যোধনো মহারাজ শকুনিং বাক্যমব্রবীৎ॥ 8-81-47 (59000)
জহি মাতুল সঙ্গ্রামে ভীমসেনং মহাবলম্।
অস্মিঞ্জিতে জিতং মন্যে পাণ্ডবেয়ং মহাবলম্॥ 8-81-48 (59001)
ততঃ প্রায়ান্মহারাজ সৌবলেয়ঃ প্রতাপবান্।
রণায় মহতে যুক্তো ভ্রাতৃভিঃ পরিবারিতঃ॥ 8-81-49 (59002)
স সমাসাদ্য সঙ্গ্রামে ভীমং ভীমপরাক্রমম্।
বারয়ামাস তং বীরো বেলেব মকরালয়ম্॥ 8-81-50 (59003)
সন্ন্যবর্তত তং ভীমো বার্যমাণঃ শিতৈঃ শরৈঃ।
শকুনিস্তস্য রাজেন্দ্র বামপার্শ্বে স্তনান্তরে।
প্রেষয়ামাস নারাচান্রুক্মপুঙ্খাঞ্শিলাশিতান্॥ 8-81-51 (59004)
বর্ম ভিত্ৎবা তু তে ঘোরাঃ পাণ্ডবস্য মহাত্মনঃ।
ন্যম়ঞ্জন্ত মহারাজ কঙ্কবর্হিণবাসসঃ॥ 8-81-52 (59005)
সোঽতিবিদ্ধো রণে ভীমঃ শরং রুক্মবিভূষিতম্।
প্রেষয়ামাস স রুষা সৌবলং প্রতি ভারত॥ 8-81-53 (59006)
তমায়ান্তং শরং ঘোরং শকুনিঃ শত্রুতাপনঃ।
চিচ্ছেদ সপ্তধা রাজন্কৃতহস্তো মহাবলঃ॥ 8-81-54 (59007)
তস্মিন্নিপতিতে ভূমৌ ভীমঃ ক্রুদ্ধো বিশাম্পতে।
ধনুশ্ছিচ্ছেদ ভল্লেন সৌবলস্য হসন্নিব॥ 8-81-55 (59008)
তদপাস্য ধনুশ্ছিন্নং সৌবলেয়ঃ প্রতাপবান্।
অন্যদাদায় বেগেন ধনুর্ভল্লাংশ্চ ষোডশ।
তৈস্তস্য তু মহারাজ ভল্লৈঃ সন্নতপর্বভিঃ॥ 8-81-56 (59009)
দ্বাভ্যাং স সারথিং হ্যার্চ্ছদ্ভীমং সপ্তভিরেব চ।
ধ্বজমেকেন চিচ্ছেদ দ্বাভ্যাং ছত্রং বিশাম্পতে।
চতুর্ভিশ্চতুরো বাহান্বিব্যাধ সুবলাত্মজঃ॥ 8-81-57 (59010)
ততঃ ক্রুদ্ধো মহারাজ ভীমসেনঃ প্রতাপবান্।
শক্তিং চিক্ষেপ সমরে রুক্মদণ্ডাময়স্ময়ীম্॥ 8-81-58 (59011)
সা ভীমভুজনির্মুক্তা নাগজিহ্বেন চঞ্চলা।
নিপপাত রণে তূর্ণং সৌবলস্য মহাত্মনঃ॥ 8-81-59 (59012)
ততস্তামেব সংগৃহ্য শক্তিং কনকভূষণাম্।
ভীমসেনায় চিক্ষেপ ক্রুদ্ধরূপো বিশাম্পতে॥ 8-81-60 (59013)
সা নির্ভিদ্য ভুজং সব্যং পাণ্ডবস্য মহাত্মনঃ।
নিপপাত তদা ভূমৌ যথা বিদ্যুন্নভশ্চ্যুতা॥ 8-81-61 (59014)
অথোৎক্রুষ্টং মহারাজ ধার্তরাষ্ট্রৈঃ সমন্ততঃ।
ন তু তং মমৃষে ভীমঃ সিংহনাদং তরস্বিনাম্॥ 8-81-62 (59015)
অন্যদ্গৃহ্য ধনুঃ সজ্যং ৎবরমাণো মহাবলঃ।
মুহূর্তাদিব রাজেন্দ্র চ্ছাদয়ামাস সায়কৈঃ।
সৌবলস্য বলং সঙ্খ্যে ত্যক্ৎবা নাদং মহাবলঃ॥ 8-81-63 (59016)
তস্যাশ্বাংশ্চতুরো হৎবা সূতং চৈব বিশাম্পতে।
ধ্বজং চিচ্ছেদ ভল্লেন ৎবরমাণঃ পরাক্রমী॥ 8-81-64 (59017)
হতাশ্বং রথমুৎসৃজ্য ৎবরমাণো নরোত্তমঃ।
তস্থৌ বিস্ফারয়ংশ্চাপং ক্রোধরক্তেক্ষণঃ শ্বসন্॥ 8-81-65 (59018)
শরৈশ্চ বহুধা রাজন্ভীমমার্চ্ছৎসমন্ততঃ॥ 8-81-66 (59019)
প্রতিহত্য তু বেগেন ভীমসেনঃ প্রতাপবান্।
ধনুশ্চিচ্ছেদ সঙ্ক্রুদ্ধো বিব্যাধ চ শিতৈঃ শরৈঃ॥ 8-81-67 (59020)
সোঽতিবিদ্ধো বলবতা শত্রুণা শত্রুকর্শনঃ।
নিপপাত তদা ভূমৌ কিঞ্চিৎপ্রাণো নরাধিপঃ॥ 8-81-68 (59021)
ততস্তং বিহ্বলং জ্ঞাৎবা পুত্রস্তব বিশাম্পতে।
অপোবাহ রথেনাজৌ ভীমসেনস্য পশ্যতঃ॥ 8-81-69 (59022)
শকুনিং বিহ্বলং দৃষ্ট্বা ধার্তরাষ্ট্রাঃ পরাঙ্মুখাঃ।
প্রদুদ্রুবুর্দিশো ভীতা ভীমসেনভয়াৎপ্রভো॥ 8-81-70 (59023)
সৌবলে নির্জিতে রাজন্ভীমসেনেন ধন্বিনা।
ভয়েন মহতাঽঽবিষ্টঃ পুত্রো দুর্যোধনস্তব।
অপায়াজ্জবনৈরশ্বৈঃ সাপেক্ষো মাতুলং প্রতি॥ 8-81-71 (59024)
পরাঙ্মুখং তু রাজানং দৃষ্ট্বা সৈন্যানি ভারত।
বিপ্রজগ্মুঃ সমুৎসৃজ্য দ্বৈরথানি সমন্ততঃ॥ 8-81-72 (59025)
তান্দৃষ্ট্বা বিদ্রুতান্সর্বান্ধার্তরাষ্ট্রান্পরাঙ্মুখান্।
জবেনাভ্যাপতদ্ভীমঃ কিরঞ্শরশতান্বহূন্॥ 8-81-73 (59026)
তে বধ্যমানা ভীমেন ধার্তরাষ্ট্রাঃ পরাঙ্মুখাঃ।
কর্ণমাসাদ্য সমরে স্থিতা রাজন্সমন্ততঃ॥ 8-81-74 (59027)
স হি তেষাং মহাবীর্যো দ্বীপোঽভূৎসুমহাবলঃ।
ভিন্ননৌকা যথা রাজন্দ্বীপমাসাদ্য নির্বৃতাঃ॥ 8-81-75 (59028)
ভবন্তি পুরুষব্যাঘ্র নাবিকাঃ কালপর্যযে।
তথা কর্ণং সমাসাদ্য তাবকাঃ পুরুষর্ষভ॥ 8-81-76 (59029)
সমাশ্বস্তাঃ স্থিতা রাজন্সম্প্রহৃষ্টাঃ পরস্পরম্।
সমাজগ্মুশ্চ যুদ্ধায় মৃত্যুং কৃৎবা নিবর্তনম্॥ ॥ 8-81-77 (59030)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে একাশীতিতমোঽধ্যায়ঃ॥ 81 ॥
॥ শ্রীঃ ॥
8.82. অধ্যায়ঃ 082
Mahabharata - Karna Parva - Chapter Topics
কর্ণপরাক্রমবর্ণনম্॥ 1 ॥
Mahabharata - Karna Parva - Chapter Text
8-82-0 (59031)
ধৃতরাষ্ট্র উবাচ। 8-82-0x (5035)
ততো ভগ্নেষু সৈন্যেষু ভীমসেনেন সংয়ুগে।
দুর্যোধনোঽব্রবীৎকিং নু সৌবলো বাঽপি সঞ্জয়॥ 8-82-1 (59032)
কর্ণো বা জয়তাং শ্রেষ্ঠো যোধা বা মামকা যুধি।
কৃপো বা কৃতবর্মা বা দ্রৌণির্দুঃশাসনোঽপি বা॥ 8-82-2 (59033)
অত্যদ্ভুতমহং মন্যে পাণ্ডবেয়স্য বিক্রমম্।
যদেকঃ সমরে সর্বান্যোধয়ামাস মামকান্॥ 8-82-3 (59034)
যথাপ্রতিজ্ঞং যোধানাং রাধেয়ঃ কৃতবানপি।
কুরূণামথ সর্বেষাং কর্ণঃ শত্রুনিষূদনঃ।
শর্ম বর্ম প্রতিষ্ঠা চ জীবিতাশা চ সঞ্জয়॥ 8-82-4 (59035)
তদ্ভগ্রং স্ববলং দৃষ্ট্বা কৌন্তেয়েনামিতৌজসা।
ধনুর্দরাণাং প্রবরঃ কর্ণঃ কিমকরোদ্যুধি॥ 8-82-5 (59036)
পুত্রা বা মম দুর্ধর্ষা রাজানো বা মহারথাঃ।
এতন্মে সর্বমাচক্ষ্ব কুশলো হ্যসি সঞ্জয়॥ 8-82-6 (59037)
সঞ্জয় উবাচ। 8-82-7x (5036)
অপরাহ্ণে মহারাজ সূতপুত্রঃ প্রতাপবান্।
জঘান সোমকান্সর্বান্ভীমসেনস্য পশ্যতঃ॥ 8-82-7 (59038)
ভীমোঽপ্যতিবলং সৈন্যং ধার্তরাষ্ট্রং ব্যপোথয়ৎ॥ 8-82-8 (59039)
দ্রাব্যমাণং বলং দৃষ্ট্বা ভীমসেনেন ধীমতা।
যন্তারমব্রবীৎকর্ণঃ পাঞ্চালানেব মাং বহ॥ 8-82-9 (59040)
মদ্ররাজস্ততঃ শল্যঃ শ্বেতানশ্বান্মহাজবান্।
প্রাহিণোচ্চেদিপাঞ্চালান্করূশাংশ্চ মহাবলঃ॥ 8-82-10 (59041)
প্রবিশ্য চ মহৎসৈন্যং শল্যঃ পরবলার্দনঃ।
ন্যযচ্ছত্তুরগান্হৃষ্টো যত্রয়ত্র চ তে রথাঃ॥ 8-82-11 (59042)
তং রথং মেঘসঙ্কাশং বৈয়াঘ্রপরিবারণম্।
সংদৃশ্য পাণ্ডুপঞ্চালাস্ত্রস্তা হ্যাসন্বিশাম্পতে॥ 8-82-12 (59043)
ততো রথস্য নিনদঃ প্রাদুরাসীন্মহারণে।
পর্জন্যসমনির্ঘোষঃ পর্বতস্যেব দীর্যতঃ॥ 8-82-13 (59044)
ততঃ শরশতৈস্তীক্ষণৈঃ কর্ণ আকর্ণনিঃসৃতৈঃ।
জঘান পাণ্ডববলং শতশোঽথ সহস্রশঃ॥ 8-82-14 (59045)
তং তথা সমরে কর্ম কুর্বাণমপরাজিতম্।
পরিবব্রুর্মহেষ্বাসাঃ পাণ্ডবানাং মহারথাঃ॥ 8-82-15 (59046)
তং শিখণ্ডী চ ভীমশ্চ ধৃষ্টদ্যুম্নশ্চ পার্ষতঃ।
নকুলঃ সহদেবশ্চ দ্রৌপদেয়াশ্চ সাত্যকিঃ॥ 8-82-16 (59047)
পরিবব্রুর্জিঘাংসন্তো রাধেয়ং শরবৃষ্টিভিঃ।
সাত্যকিস্তু তদা কর্ণং বিংশত্যা নিশিতৈঃ শরৈঃ॥ 8-82-17 (59048)
অতাডয়দ্রণে শূরো জত্রুদেশে নরোত্তমঃ।
শিখণ্ডী পঞ্চবিংশত্যা ধৃষ্টদ্যুম্নশ্চ সপ্তভিঃ॥ 8-82-18 (59049)
দ্রৌপদেয়াশ্চতুঃষষ্ট্যা সহদেবশ্চ সপ্তভিঃ।
নকুলশ্চ শতেনাজৌ কর্ণং বিব্যাধ সায়কৈঃ॥ 8-82-19 (59050)
ভীমসেনস্তু রাধেয়ং নবত্যা নতপর্বণাম্।
বিব্যাধ সমরে ক্রুদ্ধো জত্রুদেশে মহাবলঃ॥ 8-82-20 (59051)
অথ প্রহস্যাধিরথির্ব্যাক্ষিপদ্ধনুরুত্তমম্।
মুমোচ নিশিতান্বাণান্পীডয়ন্সুমহাবলঃ॥ 8-82-21 (59052)
তান্প্রত্যবিধ্যদ্রাধেয়ঃ পঞ্চভিঃ পঞ্চভিঃ শরৈঃ।
সাত্যকেস্তু ধনুশ্ছিত্ৎবা ধ্বজং চ ভরতর্ষভ॥ 8-82-22 (59053)
তং তথা নবভির্বাণৈরাজঘান স্তনান্তরে।
ভীমসেনং ততঃ ক্রুদ্ধো বিব্যাধ ত্রিংশতা শরৈঃ॥ 8-82-23 (59054)
সহদেবস্য ভল্লেন ধ্বজং চিচ্ছেদ মারিষ।
সারথিং চ ত্রিভির্বাণৈরাজঘান পরন্তপঃ॥ 8-82-24 (59055)
বিরথান্দ্রৌপদেয়াংশ্চ চকার ভরতর্ষভ।
অক্ষ্ণোর্নিমেষমাত্রেণ তদদ্ভুতমিবাভবৎ॥ 8-82-25 (59056)
বিমুখীকৃত্য তান্সর্বাঞ্শরৈঃ সন্নতপর্বভিঃ।
পাঞ্চালানহনঞ্ছূরাংশ্চেদীনাং চ মহারথান্॥ 8-82-26 (59057)
তে বধ্যমানাঃ সমরে চেদিমৎস্যা বিশাম্পতে।
কর্ণমেকমভিদ্রুত্য শরসঙ্খৈঃ সমার্পয়ন্॥ 8-82-27 (59058)
তাঞ্জঘান শিতৈর্বাণৈঃ সূতপুত্রো মহারথঃ।
তে বধ্যমানাঃ সমরে চেদিমাৎস্যা বিশাম্পতে।
প্রাদ্রবন্ত রণে ভীতাঃ সিংহত্রস্তা মৃগা ইব॥ 8-82-28 (59059)
এতদত্যুদ্ভতং কর্ম দৃষ্ট্বানস্মি ভারত।
যদেকঃ সমরে শূরান্সূতপুত্রঃ প্রতাপবান্॥ 8-82-29 (59060)
যতমানান্পরং শক্ত্যা যোধয়ানাংশ্চ ধন্বিনঃ।
পাণ্ডবেয়ান্মহারাজ শরৈর্বারিতবান্রণে॥ 8-82-30 (59061)
তত্র ভারত কর্ণস্য লাঘবেন মহাত্মনঃ।
তুতুষুর্দেবতাঃ সর্বাঃ সিদ্ধাশ্চ সহ চারণৈঃ॥ 8-82-31 (59062)
অপূজয়ন্মহেষ্বাসা ধার্তরাষ্ট্রা নরোত্তমম্।
কর্ণং রথবরশ্রেষ্ঠং শ্রেষ্ঠং সর্বধনুষ্মতাম্॥ 8-82-32 (59063)
ততঃ কর্ণো মহারাজ দদাহ রিপুবাহিনীম্।
কক্ষমিদ্ধো যথা বহ্নির্নিদাধে জ্বলিতো মহান্॥ 8-82-33 (59064)
তে বধ্যমানাঃ কর্ণেন পাণ্ডবেয়াস্ততস্ততঃ।
প্রাদ্রবন্ত রণে ভীতাঃ কর্ণং দৃষ্ট্বা মহারথম্॥ 8-82-34 (59065)
তত্রাক্রন্দো মহানাসীৎপাঞ্চালানাং মহারণে।
বধ্যতাং সায়কৈস্তীক্ষ্ণৈঃ কর্ণচাপবরচ্যুতৈঃ॥ 8-82-35 (59066)
তেন শব্দেন বিত্রস্তা পাণ্ডবানাং মহাচমূঃ।
কর্ণমেকং রণে যোধং মেনিরে তত্র শাত্রবাঃ॥ 8-82-36 (59067)
তত্রাদ্ভুতং পুনশ্চক্রে রাধেয়ঃ শত্রুকর্শনঃ।
যদেনং পাণ্ডবাঃ সর্বে ন শেকুরভিবীক্ষিতুম্॥ 8-82-37 (59068)
জলৌঘঃ পর্বতশ্রেষ্ঠং যথাসাদ্য প্রভিদ্যতে।
তথা তৎপাণ্ডবং সৈন্যং কর্ণমাসাদ্য দীর্যতে॥ 8-82-38 (59069)
কর্ণোঽপি সমরে রাজন্বিধূমোঽগ্নিরিব জ্বলৎ।
দহংস্তস্থৌ মহাবাহুঃ পাণ্ডবানাং মহাচমূম্॥ 8-82-39 (59070)
শিরাংসি চ মহারাজ কর্ণাং শ্চৈব সকুণ্ডলান্।
বাহূংশ্চ বীরো বীরাণাং চিচ্ছেদ লঘু চেষুভিঃ॥ 8-82-40 (59071)
হস্তিদন্তৎসরূন্খঙ্গান্ধ্বজাঞ্শক্তীর্হয়ান্গজান্।
রথাংশ্চ বিবিধান্রাজন্পতাকা ব্যজনানি চ॥ 8-82-41 (59072)
অক্ষং চ যুগয়োক্ত্রাণি চক্রাণি বিবিধানি চ।
চিচ্ছেদ বহুধা কর্ণো যোধব্রতমনুষ্ঠিতঃ॥ 8-82-42 (59073)
তত্র ভারত কর্ণেন নিহতৈর্গজবাজিভিঃ।
অগম্যরূপা পৃথিবী মাংসশোণিতকর্দমা॥ 8-82-43 (59074)
বিষমং চ সমং চৈব হতৈরশ্বপদাতিভিঃ।
রথৈশ্চ কুঞ্জরৈশ্চৈব ন প্রাজ্ঞায়ত কিঞ্চন॥ 8-82-44 (59075)
নাপি স্বে ন পরে যোধাঃ প্রাজ্ঞায়ন্ত পরস্পরম্।
ঘোরে শরান্ধকারে তু কর্ণাস্ত্রে চ বিজৃম্ভিতে॥ 8-82-45 (59076)
রাধেয়চাপনির্মুক্তৈঃ শরৈঃ কাঞ্চনভূষণৈঃ।
সঞ্ছাদিতা মহারাজ পাণ্ডবানাং মহারথাঃ॥ 8-82-46 (59077)
তে পাণ্ডবেয়াঃ সমরে রাধেয়েন পুনঃ পুনঃ।
অভজ্যন্ত মহারাজ যতমানা মহারথাঃ॥ 8-82-47 (59078)
মৃগসঙ্ঘান্যথা ক্রুদ্ধঃ সিংহো দ্রাবয়তে বনে।
পঞ্চালানাং রথশ্রেষ্ঠান্দ্রাবয়ঞ্শাত্রবাংস্তথা॥ 8-82-48 (59079)
কর্ণস্তু সমরে যোধাংস্ত্রাসয়ুন্সুমহায়শাঃ।
কালয়ামাস তৎসৈন্যং যথা পশুগণান্বৃকঃ॥ 8-82-49 (59080)
দৃষ্ট্বা তু পাণ্ডবীং মেনাং ধার্তরাষ্ট্রাঃ পরাঙ্যুখীম্।
তত্রাজগ্মুর্মহেষ্বাসা রুদন্তো ভৈরবাত্রবান্ ॥ 8-82-50 (59081)
দুর্যোধনো হি রাজেন্দ্র মুদা পরময়া যুতঃ।
বাদয়ামাস সংহৃষ্টো নানাবাদ্যানি সর্বশঃ॥ 8-82-51 (59082)
পাঞ্চালাশ্চ মহেষ্বাসা ভগ্নাস্তত্র নরোত্তমাঃ।
ন্যবর্তন্ত তদা শূরা মৃত্যুং কৃৎবা নিবর্তনম্॥ 8-82-52 (59083)
তান্নিবৃত্তান্রণে শূরান্রাধেয়ঃ শত্রুতাপনঃ।
অনেকশো মহারাজ বভঞ্জ পুরুষর্ষভঃ॥ 8-82-53 (59084)
তত্র ভারত কর্ণেন পাঞ্চালা বিংশতী রথাঃ।
নিহতাঃ সায়কৈঃ ক্রোধাচ্চেদয়শ্চ পরংশতাঃ॥ 8-82-54 (59085)
কৃৎবা শূন্যান্রথোপস্থান্বাজিপৃষ্ঠাংশ্চ ভারত।
নির্মনুষ্যান্গজস্কন্ধান্পাদাতাংশ্চৈব বিদ্রুতান্॥ 8-82-55 (59086)
আদিত্য ইব মধ্যাহ্নে দুর্নিরীক্ষ্যঃ পরন্তপঃ।
কালান্তকবপুঃ শূরঃ সূতপুত্রোঽভ্যরাজত॥ 8-82-56 (59087)
এবমেতন্মহারাজ নরবাজিরথদ্বিপান্।
হৎবা তস্থৌ মহেষ্বাসঃ কর্ণোঽরিগণসূদনঃ॥ 8-82-57 (59088)
যথা ভূতগণান্হৎবা কালস্তিষ্ঠেন্মহাবলঃ।
তথা স সোমকান্হৎবা তস্থাবেকো মহারথঃ॥ 8-82-58 (59089)
তত্রাদ্ভুতমপশ্যাম পাঞ্চালানাং পরাক্রমম্।
বধ্যমানাঽপি যৎকর্ণং নাজহূ রণমূর্ধনি॥ 8-82-59 (59090)
রাজা দুঃশাসনশ্চৈব কৃপঃ শারদ্বতস্তথা।
অশ্বত্থামা কৃতবর্মা শকুনিশ্চ মহাবলঃ।
ব্যহনন্পাণ্ডবীং সেনাং শতশোঽথ সহস্রশঃ॥ 8-82-60 (59091)
কর্মপুত্রৌ তু রাজেন্দ্র ভ্রাতরৌ সত্যবিক্রমৌ।
নিজঘ্নাতে বলং ক্রুদ্ধৌ পাণ্ডবানামিতস্ততঃ॥ 8-82-61 (59092)
তত্র যুদ্ধং মহচ্চাসীৎক্রূরং বিশসনং মহৎ॥ 8-82-62 (59093)
তথৈব পাণ্ডবাঃ শূরা ধৃষ্টদ্যুম্নশিখণ্ডিনৌ।
দ্রৌপদেয়াশ্চ সঙ্ক্রুদ্ধা অভ্যঘ্নংস্তাবকং বলম্॥ 8-82-63 (59094)
এবমেষ ক্ষয়ো বৃত্তঃ পাণ্ডবানাং ততস্ততঃ।
তাবকানামপি রণে ভীমং প্রাপ্য মহাবলম্॥ ॥ 8-82-64 (59095)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে দ্ব্যশীতিতমোঽধ্যায়ঃ॥ 82 ॥
॥ শ্রীঃ ॥
8.83. অধ্যায়ঃ 083
Mahabharata - Karna Parva - Chapter Topics
পার্থচোদনয়া কৃষ্ণেন কর্ণসমীপম্প্রতি রথপ্রাপণম্॥ 1 ॥ শল্যেন কর্ণপ্রোৎসাহনম্॥ 2 ॥ কর্ণেন পার্থপ্রশংসনপূর্বকং তদ্বধপ্রতিজ্ঞা॥ 3 ॥ সঙ্কুলয়ুদ্ধম্॥ 4 ॥
Mahabharata - Karna Parva - Chapter Text
8-83-0 (59096)
সঞ্জয় উবাচ। 8-83-0x (5037)
হৎবা তু ফল্গুনঃ সেনাং কৌরবাণাং পৃথক্পৃথক্।
সূতপুত্রস্য সংরম্ভং দৃষ্ট্বা চৈব মহারণে॥ 8-83-1 (59097)
শোণিতোদাং নদীং কৃৎবা মাংসমজ্জাস্থিপঙ্কিলাম্।
মনুষ্যশীর্ষপাষাণাং হস্ত্যশ্বকৃতরোধসম্॥ 8-83-2 (59098)
শূরাস্থিত্তয়সঙ্কীর্ণাং কাকগৃধ্রানুনাদিতাম্।
ছত্রহংসপ্লুবোপেতাং বীরবৃক্ষাপহারিণীম্॥ 8-83-3 (59099)
হারপদ্মাকরবতীমুষ্ণীষবরফেনিলাম্।
ধনুঃশরধ্বজোপেতাং নরক্ষুদ্রকপালিনীম্॥ 8-83-4 (59100)
চর্মবর্মভ্রমোপেতাং রথোডুপসমাকুলাম্।
জয়ৈষিণাং চ সুতরাং ভীরূণাং চ সুদুস্তরাম্॥ 8-83-5 (59101)
নদীং প্রাবর্তয়িৎবা চ বীভৎসুঃ পরবীরহা।
বাসুদেবমিদং বাক্যমব্রবীৎপুরুষর্ষভঃ॥ 8-83-6 (59102)
অর্জুন উবাচ। 8-83-7x (5038)
এষ কেতূ রণে কৃষ্ণ সূতপুত্রস্য দৃশ্যতে।
ভীমসেনাদয়শ্চৈতে যোধয়ন্তি মহারথম্॥ 8-83-7 (59103)
এতে দ্রবন্তি পাঞ্চালাঃ কর্মত্রস্তা জনার্দন।
এষ দুর্যোধনো রাজা শ্বেতচ্ছত্রেণ ধার্যতে॥ 8-83-8 (59104)
কর্ণেন ভগ্নান্পাঞ্চালান্দ্রাবয়ন্বহু শোভতে।
কৃপশ্চ কৃতবর্মা চ দ্রৌণিশ্চৈব মহারথঃ॥ 8-83-9 (59105)
এতে রক্ষন্তি রাজানং সূতপুত্রেণ রক্ষিতাঃ।
অবধ্যমানাস্তেঽস্মাভির্যোধয়িষ্যন্তি সোমকান্॥ 8-83-10 (59106)
এষ শল্যো রথোপস্থে রশ্মিসঙ্গ্রাহকোবিদঃ।
সূতপুত্ররথং কৃষ্ণ বাহয়ন্বহু শোভতে॥ 8-83-11 (59107)
তত্র মে বুদ্ধিরুৎপন্না বাহয়াত্র রথং মম।
নাহৎবা সমরে কর্ণং নিবর্তিষ্যে কথঞ্চন॥ 8-83-12 (59108)
মা স্ম কর্ণো রণে পার্থান্সৃঞ্জয়াংশ্চ মহারথান্।
নিঃশেষান্সমরে কুর্যাৎপশ্যতাং নো জনার্দন॥ 8-83-13 (59109)
সঞ্জয় উবাচ। 8-83-14x (5039)
ততঃ প্রায়াজ্জবেনাশু কেশবস্তব বাহিনীম্।
কর্ণং প্রতি মহেষ্বাসং দ্বৈরথে সব্যসাচিনঃ॥ 8-83-14 (59110)
স প্রয়াতো রথেনাশু কৃষ্ণো রাজন্মহাহবে।
আশ্বাসয়ন্রণে চাশু পাণ্ডুসৈন্যানি সর্বশঃ॥ 8-83-15 (59111)
রথঘোষস্ততস্তস্য পাণ্ডবস্য বভূব হ।
বাসবাস্ত্রনিপাতেন পর্বতেষ্বিব মারিষ॥ 8-83-16 (59112)
মহতা রথঘোষেণ পাণ্ডবঃ সত্যবিক্রমঃ।
অভ্যযাদপ্রমেয়াত্মা নির্জয়ংস্তব বাহিনীম্॥ 8-83-17 (59113)
তমায়ান্তং সমীক্ষ্যৈব শ্বেতাশ্বং কৃষ্ণসারথিম্।
মদ্ররাজোঽব্রবীৎকর্ণং কেতুং দৃষ্ট্বা মহাত্মনঃ॥ 8-83-18 (59114)
অয়ং স রথ আয়াতি শ্বেতাশ্বঃ কৃষ্ণসারথিঃ।
নিঘ্নন্নমিত্রান্সমরে যং কর্ণ পরিপৃচ্ছসি॥ 8-83-19 (59115)
এষ তিষ্ঠতি কৌন্তেয়ঃ সংস্পৃশন্গাণ্ডিবং ধনুঃ।
তং হনিষ্যসি চেদদ্য তন্নঃ শ্রেয়ো ভবিষ্যতি॥ 8-83-20 (59116)
ধনুর্জ্যা চন্দ্রতারাঙ্কা পতাকাকিঙ্কিণীয়ুতা।
পশ্য কর্ণার্জুনস্যৈষা সৌদামন্যম্বরে যথা॥ 8-83-21 (59117)
এষ ধ্বজাগ্রে পার্থস্য প্রেক্ষমাণঃ সমন্ততঃ।
দৃশ্যতে বানরো ভীমো বীক্ষতাং ভয়বর্ধনঃ॥ 8-83-22 (59118)
এতচ্চক্রং গদা শঙ্খঃ শার্ঙ্গং কৃষ্ণস্য চ প্রভো।
দৃশ্যতে পাণ্ডবরথে বাহয়ানস্য বাজিনঃ॥ 8-83-23 (59119)
এতৎকূজতি গাণ্ডীবং বিসৃষ্টং সব্যসাচিনা।
এতে হস্তবতা মুক্তা ঘ্নন্ত্যমিত্রাঞ্শিতাঃ শরাঃ॥ 8-83-24 (59120)
বিশালায়ততাম্রাক্ষৈঃ পূর্ণচন্দ্রনিভাননৈঃ।
এষা ভূঃ কীর্যতে রাজ্ঞাং শিরোভিরপলায়িনাম্॥ 8-83-25 (59121)
এতে পরিঘসঙ্কাশাঃ পুণ্যগন্ধানুলেপনাঃ।
উদ্ধতা রণশূরাণাং পাত্যন্তে সায়ুধা ভুজাঃ॥ 8-83-26 (59122)
নিরস্তজিহ্বা নেত্রান্তা বাজিনঃ সহ সাদিভিঃ।
পতিতাঃ পাত্যমানাশ্চ ক্ষিতৌ ক্ষীণা বিশেরতে॥ 8-83-27 (59123)
এতে পর্বতশৃঙ্গাণাং তুল্যা হৈমবতা গজাঃ।
সঞ্ছিন্নকুম্ভাঃ পার্থেন প্রপতন্ত্যদ্রয়ো যথা॥ 8-83-28 (59124)
গন্ধর্বনগরাকারা রথা হতনরেশ্বরাঃ।
বিমানাদিব পুণ্যান্তে স্বর্গিণো নিপতন্ত্যমী॥ 8-83-29 (59125)
ব্যাকুলীকৃতমত্যর্থং পশ্য সৈন্যং কিরীটিনা।
নানামৃগসহস্রাণাং যূথং কেসরিণা যথা॥ 8-83-30 (59126)
ৎবামভিপ্রেপ্সুরায়াতি কর্ণ নিঘ্নন্বরান্রথান্।
অসজ্জমানো রাধেয় তং যাহি প্রতি ভারত॥ 8-83-31 (59127)
এষা বিদীর্যতে সেনা ধার্তরাষ্ট্রী সমন্ততঃ।
অর্জুনস্য ভয়াত্তূর্ণং নিঘ্নতঃ শাত্রবান্বহূন্॥ 8-83-32 (59128)
বর্জয়ন্সর্বসৈন্যানি ৎবরতে হি ধনঞ্জয়ঃ।
ৎবদর্থমিতি মন্যেঽহং যথাস্যোদীর্যতে বপুঃ॥ 8-83-33 (59129)
ন হ্যবস্থাস্যতে পার্থো যুয়ুৎসুঃ কেনচিৎসহ।
ৎবামৃতে ক্রোধদীপ্তো হি পীড্যমানে বৃকোদরে॥ 8-83-34 (59130)
বিরথং ধর্মরাজং তু দৃষ্ট্বা সুদৃঢবিক্ষতম্।
শিখণ্ডিনং সাত্যকিং চ ধৃষ্টদ্যুম্নং চ পার্ষতম্॥ 8-83-35 (59131)
দ্রৌপদেয়ান্যুধামন্যুমুত্তমৌজসমেব চ।
নকুলং সহদেবং চ বশগাংস্তে সমীক্ষ্য তু॥ 8-83-36 (59132)
সহসৈকরথঃ পার্থস্ৎবামভ্যেতি পরন্তপঃ।
ক্রোধরক্তেক্ষণঃ ক্রুদ্ধো জিঘাংসুঃ সর্বপার্থিবান্॥ 8-83-37 (59133)
ৎবরিতোঽভিপতত্যস্মাংস্ত্যক্ৎবা সৈন্যান্যসংশয়ম্।
ৎবং কর্ণ প্রতিয়াহ্যেনং নাস্ত্যন্যো হি ধনুর্ধরঃ॥ 8-83-38 (59134)
ন তং পশ্যামি লোকেঽস্মিংস্ৎবত্তো হ্যন্যং ধনুর্ধরম্।
অর্জুনং সমরে ক্রুদ্ধং যো বেলামিব বারয়েৎ॥ 8-83-39 (59135)
ন চাস্য রক্ষাং পশ্যামি পার্শ্বতো ন চ পৃষ্ঠতঃ।
এক এবাভিয়াতি ৎবাং পশ্য সাফল্যমাত্মনঃ॥ 8-83-40 (59136)
ৎবং হি কৃষ্ণৌ রণে শক্তো যোদ্ধুমেতৌ পরন্তপৌ।
তবৈব ভারো রাধেয় প্রত্যুদ্যাহি ধনঞ্জয়ম্॥ 8-83-41 (59137)
সমানো হ্যসি ভীষ্মেণ দ্রোমদ্রৌণিকৃপেণ চ।
সব্যসাচিনমায়ান্তং নিবারয় মহারণে॥ 8-83-42 (59138)
লেলিহানং যথা সর্পং গর্জন্তমৃষভং যথা।
বনস্থিতং যথা ব্যাঘ্রং জহি কর্ণ ধনঞ্জয়ম্॥ 8-83-43 (59139)
এতে দ্রবন্তি সমরান্নিরপেক্ষা নরাধিপাঃ।
অর্জুনস্য ভয়ত্রস্তা ধার্তরাষ্ট্রা মহাবলাঃ॥ 8-83-44 (59140)
দ্রবতামথ তেষাং তু নান্যোঽস্তি যুধি মানবঃ।
ভয়হা যো ভবেদ্বীরস্ৎবামৃতে সূতনন্দন॥ 8-83-45 (59141)
এতে ৎবাং কুরবঃ সর্বে দ্বীপমাসাদ্য সংয়ুগে।
ধিষ্ঠিতাঃ পুরুষব্যাঘ্র ৎবত্তঃ শরণকাঙ্ক্ষিণঃ॥ 8-83-46 (59142)
বৈদেহাম্বষ্ঠকাম্ভোজাস্তথা নগ্নজিতস্ৎবয়া।
গান্ধারাশ্চ যয়া ধৃত্যা জিতাঃ সঙ্খ্যে সুদুর্জয়াঃ।
তাং ধৃতিং কুরুরাধেয় ততঃ প্রত্যেহি পাণ্ডবম্॥ 8-83-47 (59143)
বাসুদেবং চ বার্ষ্ণেয়ং প্রীয়মাণং কিরীটিনা।
প্রত্যুদ্যাহি মহাবাহো পৌরুষে মহতি স্থিতঃ॥ 8-83-48 (59144)
কর্ণ উবাচ। 8-83-49x (5040)
প্রকৃতিস্থোঽসি মে শল্য ইদানীং সম্মতস্তথা।
প্রতিভাসি মহাবাহো অভীতশ্চ ধনঞ্জয়াৎ॥ 8-83-49 (59145)
পশ্য বাহ্বোর্বলং মেঽদ্য শিক্ষিতস্য চ পশ্য মে।
একোঽদ্য নিহনিষ্যামি পাণ্ডবানাং মহাচমূম্॥ 8-83-50 (59146)
কৃষ্ণৌ চ পুরুষব্যাঘ্র ততঃ সত্যং ব্রবীমি তে।
নাহৎবা যুধি তৌ বীরৌ ব্যপয়াস্যে কথঞ্চন॥ 8-83-51 (59147)
শিশ্যে বা নিহতস্তাভ্যামনিত্যো হি রণে জয়ঃ।
কৃতার্থোঽদ্য ভবিষ্যামি হৎবা বাপ্যথ বা হতঃ॥ 8-83-52 (59148)
শল্য উবাচ। 8-83-53x (5041)
অজয়্যমেনং প্রবদন্তি যুদ্ধে
মহারথাঃ কর্ণ রথপ্রবীরম্।
একাকিন কিমু কৃষ্ণাভিগুপ্তং
বিজেতুমেনং ক ইহোৎসহেত॥ 8-83-53 (59149)
কর্ণ উবাচ। 8-83-54x (5042)
নৈতাদৃশো জাতু বভূব লোকে
রথোত্তমো যাবদুপশ্রুতং নঃ।
তমীদৃশং প্রতিয়োৎস্যামি পার্থং
মহাহবে পশ্য চ পৌরুষং মে ॥ 8-83-54 (59150)
রণে চরত্যেষ রথপ্রবীরঃ
সিতৈর্হয়ৈঃ কৌরবরাজপুত্রঃ।
স বাঽদ্য মাং নেষ্যতি কৃচ্ছ্রমেত--
ৎকর্ণোঽস্যান্তেঽপ্যত্র ভবেৎসমর্থঃ॥ 8-83-55 (59151)
অস্বেদিনৌ রাজপুত্রস্য হস্তা--
ববেপমানৌ জাতকিণৌ বৃহন্তৌ।
দৃঢায়ুধঃ কৃতিমান্ক্ষিপ্রহস্তো
ন পাণ্ডবেয়েন সমোঽস্তি যোধঃ॥ 8-83-56 (59152)
গৃহ্ণাত্যনেকানপি কঙ্কপত্রা--
নেকং যথা তান্প্রতিয়োজ্য চাশু।
তে ক্রোশমাত্রে নিপতন্ত্যমোধাঃ
কস্তেন যোধোঽস্তি সমঃ পৃথিব্যাম্॥ 8-83-57 (59153)
অতোষয়ৎস্বাণ্ডবে যো হুতাশং
কৃষ্ণদ্বিতীয়োঽতিরথস্তরস্বী।
লেভে চক্রং যত্র কৃষ্ণো মহাত্মা
ধনুর্গাণ্ডীবং পাণ্ডবঃ সব্যসাচী॥ 8-83-58 (59154)
শ্বেতাশ্বয়ুক্তং চ সুঘোষমুগ্রং
রথং মহাবাহুরদীনসৎবঃ।
মহেষুধী চাক্ষয়ে দিব্যরূপে
শস্ত্রাণি দিব্যানি চ হব্যবাহাৎ॥ 8-83-59 (59155)
যস্ৎবিন্দ্রলোকে নিজঘান দৈত্যা--
নসঙ্খ্যেয়ান্কালকেয়াংশ্চ সর্বান্।
লেভে শঙ্খং দেবদত্তং স্ম তত্র
কো নাম তেনাভ্যধিকঃ পৃথিব্যাম্॥ 8-83-60 (59156)
মহাদেবং তোষয়ামাস যোঽস্ত্রৈঃ
সাক্ষাৎসুয়ুদ্ধেন মহানুভাবঃ।
লেভে ততঃ পাশুপতং সুঘোরং
ত্রৈলোক্যসংহারকরং মহাস্ত্রম্॥ 8-83-61 (59157)
পৃথক্পৃথগ্লোকপালাঃ সমেতা
দদুর্মহাস্ত্রাণ্যপ্রমেয়াণি সঙ্খ্যে।
যৈস্তাঞ্জঘানাশু রণে নৃসিংহঃ
সকালকেয়ানসুরান্সমেতান্॥ 8-83-62 (59158)
তথা বিরাটস্য পুরে সমেতা--
ন্সর্বানস্মানেকরথেন জিৎবা।
জহার তদ্রোধনমাজিমধ্যে
বস্ত্রাণি চাদত্ত মহারথেভ্যঃ॥ 8-83-63 (59159)
তমীদৃশং বীর্যগুণোপপন্নং
কৃষ্ণদ্বিতীয়ং পরমং নৃপাণাম্।
তমাহ্বয়ন্সাহসমুত্তমং বৈ
জানে স্বয়ং সর্বলোকস্য শল্য॥ 8-83-64 (59160)
অনন্তবীর্যেণ চ কেশবেন
নারায়ণেনাপ্রতিমেন গুপ্তঃ।
বর্ষায়ুতৈর্যস্য গুণা ন শক্যা
বক্তুং সমেতৈরপি সর্বলোকৈঃ॥ 8-83-65 (59161)
মহাত্মনঃ শঙ্খচক্রাসিপাণে--
র্বিষ্ণোর্জিষ্ণোর্বসুদেবাত্মজস্য।
ভয়ং ন মে জায়তে সাধ্বসং চ
দৃষ্ট্বা কৃষ্ণাবেকরথে সমেতৌ॥ 8-83-66 (59162)
অতীবায়ং ধনুষি রাজপুত্রে--
ষ্বতীবান্যান্কেশবশ্চক্রয়ুদ্ধে।
এবংবিধৌ পাণ্ডববাসুদেবৌ
চলেৎস্বদেশাদ্বিমবান্ন কৃষ্ণৌ॥ 8-83-67 (59163)
উভৌ হি শূরৌ বলিনৌ দৃঢায়ুধৌ
মহারথৌ সংহননোপপন্নৌ।
এতৌ বীরৌ নরবীরৌ সমেতৌ
স্থানাচ্চ্যুতৌ দেবকুমাররূপৌ॥ 8-83-68 (59164)
অগ্র্যাদিত্যাবিন্দ্রবৃহস্পতী বা
যমান্তকৌ বা শত্রিপূষণৌ বা।
ভগাংশমিত্রাবরুণাবশ্বিনৌ বা
মরুদ্গণৌ বা বসবঃ সমেতাঃ।
ব্যস্তাঃ সমস্তাশ্চ যুধা ন শক্তা
জেতুং প্রসহ্যার্জুনং চাচ্যুতং চ॥ 8-83-69 (59165)
এতৌ হি তাবর্জুনবাসুদেবৌ
কোঽন্যঃ প্রতীয়ান্মদৃতে তু শল্য॥ 8-83-70 (59166)
সর্বেষাং বৃষ্ণিবীরাণাং কৃষ্ণে লক্ষ্মীঃ প্রতিষ্ঠিতা।
সর্বেষাং পাণ্ডুপুত্রাণাং জয়ঃ পার্থে প্রতিষ্ঠিতঃ॥ 8-83-71 (59167)
তাবুভৌ পুরুষব্যাঘ্রৌ সমানে স্যন্দনে স্থিতৌ।
মামেকমভিয়োদ্ধারৌ সুজাতং বত শল্য মে॥ 8-83-72 (59168)
নৈতচ্চিরং ক্ষিপ্রমিমং রথং মে
প্রবর্তয়ৈতাবভিয়ামি চৈবম্।
অস্মিন্মুহূর্তে নিহতৌ পশ্য কৃষ্ণৌ
তাভ্যাং হতং বা যুধি মাং রিপুভ্যাম্॥ 8-83-73 (59169)
এবং ব্রুবাণঃ সহসা মহারথ--
স্ৎবভ্যদ্রবৎপাণ্ডবং সূতপুত্রঃ॥ 8-83-74 (59170)
অভ্যেত্য পুত্রেণ তবাভিনন্দিতাঃ
সমেত্য চোক্তাঃ কুরুবীরসত্তমাঃ।
কৃপশ্চ ভোজশ্চ মহারথাবুভৌ
তথৈব গান্ধারপতিঃ সহানুজঃ।
গুরোঃ সুতস্তস্য তবাত্মজাস্তথা
পদাতিসঙ্ঘা দ্বিরদাস্তথা তদা॥ 8-83-75 (59171)
নিরুধ্যতাভিদ্রবতাচ্যুতার্জুনৌ
শ্রমেণ সংয়োজয়তাশু সর্বশঃ।
যথা ভবদ্ভির্ভৃশবিক্ষতাবুভৌ
সুখেন হন্যান্মম বাহিনীপতিঃ॥ 8-83-76 (59172)
তথেতি চোক্ৎবা ৎবরিতাঃ স্ম তেঽর্জুনং
জিঘাংসবো বীরতরাঃ সমায়যুঃ।
শরৈশ্চ জঘ্নুর্যুধি তং মহারথা
ধনঞ্জয়ং কর্ণনিদেশকারিণঃ।
নদীনদং ভূরিজলো মহার্ণবো
যথা তথা তান্সমরেঽর্জুনোঽগ্রসৎ॥ 8-83-77 (59173)
ন সন্দধানো ন তথা শরোত্তমান্
প্রমুঞ্চমানো রিপুভিঃ প্রদৃশ্যতে।
ধনঞ্জয়াস্তৈঃ স্ম শরৈর্বিদারিতা
হতা নিপেতুর্নরবাজিকুঞ্জরাঃ॥ 8-83-78 (59174)
শরার্চিষং গাণ্ডিবচারুমণ্ডলং
যুগান্তসূর্যপ্রতিমানতেজসম্।
ন কৌরবাঃ শেকুরুদীক্ষিতুং জয়ং
যথা রবিং ব্যাধিতচক্ষুষো জনাঃ॥ 8-83-79 (59175)
শরোত্তমান্সম্প্রহিতান্মহারথৈ
শ্চিচ্ছেদ পার্থঃ প্রহসঞ্ছরৌধৈঃ।
ভূয়শ্চ তানহনদ্বাণসঙ্ঘান্
গাণ্ডীবধন্বায়তপূর্ণমণ্ডলম্॥ 8-83-80 (59176)
যথোগ্ররশ্মিঃ শুচিশুক্রমধ্যগঃ
সুখং বিবস্বান্হরতে জলৌঘান্।
তথার্জুনো বাণগণান্নিরস্য
দদাহ সেনাং তব পার্থিবেন্দ্র॥ 8-83-81 (59177)
তমভ্যধাবদ্বিসৃজন্কৃপঃ শরাং--
স্তথৈব ভোজস্তব চাত্মজঃ স্বয়ম্।
মহারথো দ্রোণসুতশ্চ সায়কৈ--
রবাকিরংস্তোয়ধরা যথাঽচলম্॥ 8-83-82 (59178)
জিঘাংসুভিস্তান্কুশলৈঃ শরোত্তমান্
মহাত্মভিঃ সম্প্রহিতান্প্রয়ত্নতঃ।
শরৈঃ প্রতিচ্ছেদ স পাণ্ডবস্ৎবরন্
পরান্বিনির্ভিদ্য চ তাংস্ত্রিভিস্ত্রিভিঃ॥ 8-83-83 (59179)
স গাণ্ডিবব্যায়তপূর্ণমণ্ডল--
স্তপন্রিপূনর্জুনভাস্করো বভৌ।
শরোগ্রশ্মিঃ শুচিশুক্রমধ্যগো
যথৈব সূর্যঃ পরিবেয়বাংস্তথা॥ 8-83-84 (59180)
অথাগ্র্যবাণৈর্দশভির্ধনঞ্জয়ং
পরাভিনদ্দোণসুতোঽচ্যুতং ত্রিভিঃ।
চতুর্ভিরশ্বাংশ্চতুরঃ কপিং ততঃ
শরৈশ্চ নারাচবরৈরবাকিরৎ॥ 8-83-85 (59181)
তথা ততঃ প্রস্ফুরদস্য কার্মুকং
ত্রিভিঃ শরৈর্যন্তৃশিরশ্চকর্ত হ।
হয়াংশ্চতুর্ভিশ্চতুরস্ত্রিভির্ধ্বজং
ধনঞ্জয়ো দ্রৌণিরথাদপাতয়ৎ॥ 8-83-86 (59182)
স রোষপূর্ণো হ্মতিবজ্রহাটকৈ---
রলঙ্কৃতং তক্ষকভোগবর্চসম্।
স তদ্বধে কার্মুকমন্যদাদদে
যথা মহাহিপ্রবরং তথৈব চ॥ 8-83-87 (59183)
স্বমায়ুধং চাপি বিকীর্য ভূতলে
ধনুশ্চ কৃৎবা সগুণং গুণাধিকঃ।
সমানয়ংসল্তাবজিতৌ নরোত্তমৌ
শরোত্তমৈর্দ্রৌণিরবিধ্যদন্তিকাৎ॥ 8-83-88 (59184)
কৃপশ্চ ভোজশ্চ তবাত্মজশ্চ তে
শরৈরনেকৈর্যুধি পাণ্ডবর্ষভম্।
মহারথাঃ সংয়ুগমূর্ধনি স্থিতা--
স্তমোনুদং বারিধরা ইবাপতন্॥ 8-83-89 (59185)
কৃপস্য পার্থঃ শরং শরাসনং
হয়ান্ধ্বজান্সারধিমেব পত্রিভিঃ।
[সমার্পয়দ্বাহুসহস্রবিক্রম--
স্তথা যথা বজ্রধরঃ পুরা বলেঃ॥ 8-83-90 (59186)
স পার্থবাণৈর্বিনিপাতিতায়ুধো
ধ্বজাবমর্দে চ কৃতে মহাহবে।
কৃতঃ কৃপো বাণসহস্রয়নিতো
যথাপগেয়ঃ প্রথমং কিরীটিনা॥] 8-83-91 (59187)
শরৈঃ প্রচিচ্ছেদ তবাত্মজস্য
ধ্বজং ধনুশ্চ প্রচকর্ত নর্দতঃ।
জঘান চাশ্বান্কৃতবর্মণঃ শুভান্
ধ্বজং চ চিচ্ছেদ তবাত্মজস্য হ॥ 8-83-92 (59188)
সবাজিসূতেষ্বসনান্সকেতনা--
ঞ্জয়ান নাগাশ্বরথাংশ্চ স ৎবরন্।
ততঃ প্রকীর্ণং সুমহদ্বলং তব
প্রপীডিতং সবিতুরিবৌজসা ভৃশম্॥ 8-83-93 (59189)
ততোঽর্জুনস্বাশু রথেন কেশব--
শ্চকার শত্রূনপসব্যমাতুরান্।
ততঃ প্রয়াতং ৎবরিতং ধনঞ্জয়ং
শতক্রতুং বৃত্রনিজঘ্রুষং যথা।
সমন্বধাবন্পুনরুত্থিতৈর্ধ্বজৈ
রথৈঃ সুয়ুক্তৈরপরে যুয়ুৎসবঃ॥ 8-83-94 (59190)
অথাভিসৃত্য প্রতিবার্য চাহিতান্
ধনঞ্জয়স্যানুচরান্মহারথাঃ।
শিখণ্ডিশৈনেয়যমাঃ শিতৈঃ শরৈ---
র্বিদারয়ন্তো ব্যনদন্সুভৈরবম্॥ 8-83-95 (59191)
ততোঽভিজঘ্নুঃ কুপিতাঃ পরস্পরং
শরৈস্তদাঞ্চোগতিভিঃ সুতেজনৈঃ।
কুরুপ্রবীরাঃ সহ পৃঞ্জয়ৈর্যথা
সুরারয়ো দেবপতিং যথা তথা॥ 8-83-96 (59192)
জয়েপ্সবঃ স্বর্গমনায় চোৎসুকাঃ
পতন্তি নাগাশ্বরথাঃ পরন্তপ।
তথৈব সর্বে বহবশ্চ বিব্যধুঃ
শরৈঃ সুমুক্তৈরিতরেতরং পৃথক্॥ 8-83-97 (59193)
শরান্ধকারে তু মহাত্মভিঃ কৃতে
মহামৃধে যোধবরৈঃ পরস্পরম্।
চতুর্দিশো বৈ বিদিশশ্চ পার্থিব
প্রভা চ সূর্যস্য তমোবৃতাঽভবৎ॥ ॥ 8-83-98 (59194)
ইতি শ্রীমন্মহাভারতে কর্ণপর্বণি ত্র্যশীতিতমোঽধ্যায়ঃ॥ 83 ॥
Mahabharata - Karna Parva - Chapter Footnotes
॥ শ্রীঃ ॥
8.84. অধ্যায়ঃ 084
Mahabharata - Karna Parva - Chapter Topics
সঙ্কুতxxxxx ॥ 1 ॥
Mahabharata - Karna Parva - Chapter Text
8-84-0 (59195)
সঞ্জয় উবাচ। 8-84-0x (5043)
xxxxxxxxxxxপ্রবরৈর্বলৈর্ভীমমভিদ্রুতম্।
xxxxxxxxxx কৌন্তেয়মুস্থিহীর্ষুর্ধনঞ্জয়ঃ॥ 8-84-1 (59196)
xxxxxxxxx সেনাং মারত সায়কৈঃ।
xxxxxxxxxx পরবীরান্ধনঞ্জয়ঃ॥ 8-84-2 (59197)
xxxxxxxxxxx শরজালানি ভাগশঃ।
অদৃশ্যন্ত তথান্যে চ নিজঘ্নুস্তব বাহিনীম্॥ 8-84-3 (59198)
স পক্ষিসঙ্ঘাচরিতমাকাশং পূরয়ঞ্শরৈঃ।
ধনঞ্জয়ো মহাবাহুঃ কুরূণামন্তকোঽময়ৎ 8-84-4 (59199)
ততো ভল্লৈঃ ক্ষুরপ্রৈশ্চ নারাচৈর্বিমলৈরপি।
গাত্রাণি প্রাচ্ছিনৎপার্থঃ শিরাংসি চ চকর্ত হ॥ 8-84-5 (59200)
ছিন্নগাত্রৈর্বিকবচৈর্বিশিরস্কৈঃ সমন্ততঃ।
পাতিতৈশ্চ পতদ্ভিশ্চ যোধৈরাসীৎসমাবৃতা॥ 8-84-6 (59201)
ধনঞ্জয়শরাভ্যস্তৈঃ স্যন্দনাশ্বরথদ্বিপৈঃ।
সঞ্ছিন্নভিন্নবিধ্বস্তৈর্ব্যঙ্গাঙ্গাবয়বৈঃ স্তৃতা।
গতসৎবৈঃ সসৎবৈশ্চ সংবৃতাঽঽসীদ্বসুন্ধরা॥ 8-84-7 (59202)
সুদুর্গমা সুবিষমা ঘোরাঽত্যর্থং সুদুর্দৃশা।
রণভূমিরভূদ্রাজন্মহাবৈতরণী যথা॥ 8-84-8 (59203)
ঈষাচক্রাক্ষভল্লৈশ্চ ব্যশ্বৈঃ সাশ্বৈশ্চ যুধ্যতাম্।
সসূতৈর্হতসূতৈশ্চ রথৈঃ স্তীর্ণাঽভবন্মহী॥ 8-84-9 (59204)
সুবর্ণবর্মসন্নাহৈর্যোধৈঃ কনকমালিভিঃ।
আস্থিতাঃ ক্লৃপ্তবর্মাণো ভদ্রা নিত্যমদা দ্বিপাঃ॥ 8-84-10 (59205)
ক্রুদ্ধাঃ ক্রুরৈর্মহামাত্রৈঃ প্রেষিতার্জুনমভ্যযুঃ।
চতুঃ শতা রথবরা হতাঃ পেতুঃ কিরীটিনা॥ 8-84-11 (59206)
পর্যস্তানীব শৃঙ্গাণি সসৎবানি মহাগিরেঃ।
ধনঞ্জয়শরাভ্যস্তৈঃ স্তীর্ণা ভূর্বরবারণৈঃ॥ 8-84-12 (59207)
সমন্তাজ্জলদপ্রখ্যান্বারণান্মদবর্ষিণঃ।
অভিপেদেঽর্জুনরথো ঘনান্ভিন্দন্নিবাংশুমান্॥ 8-84-13 (59208)
হতৈর্গজমনুষ্যাশ্বৈর্ভিন্নৈশ্চ বহুধা রথৈঃ।
বিশস্ত্রয়ন্ত্রকবচৈর্যুদ্ধশৌণ্ডৈর্গতাসুভিঃ।
উপবিদ্ধায়ুধৈর্মার্গঃ স্তীর্ণোঽভূৎফল্গুনেন বৈ॥ 8-84-14 (59209)
বিস্ফারিতং চ গাণ্ডীবমত্যাসীদ্ভৈরবস্বনম্
সুঘোষং বজ্রনিষ্পেষং স্তনয়ন্নিব তোয়দঃ॥ 8-84-15 (59210)
ততঃ প্রাদীর্যত চমূর্ধনঞ্জয়শরাহতা।
মহাবাতসমাবিদ্ধা মহানৌরিব সাগরে॥ 8-84-16 (59211)
নানারূপাঃ প্রাণহরাঃ শরা গাণ্ডীবচোদিতাঃ।
অলাতোল্কাশনিপ্রখ্যাস্তব সৈন্যং বিনির্দহন্॥ 8-84-17 (59212)
মহাগিরৌ বেণুবনং নিশি প্রজ্বলিতং যথা।
তথা তব মহাসৈন্যং প্রাস্ফুরচ্ছরপীডিতম্॥ 8-84-18 (59213)
তদ্বিনষ্টং সুবিধ্বস্তং তব সৈন্যং কিরীটিনা।
হতপ্রবিহতং বাণৈঃ সর্বতঃ প্রদ্রুতং দিশঃ॥ 8-84-19 (59214)
সশ্বাপদা মৃগগণা দাবাগ্নিত্রাসিতা যথা।
কুরবঃ পর্যবর্তন্ত নির্দগ্ধাঃ সব্যসাচিনা॥ 8-84-20 (59215)
উৎসৃজ্য চ মহাবাহুং ভীমসেনং তথা রণে।
বলং কুরূণামুদ্বিগ্নং সর্বমাসীৎপরাঙ্মুখম্॥ 8-84-21 (59216)
ততঃ কুরুষু ভগ্নেষু বীভৎসুরপরাজিতঃ।
ভীমসেনং সমাসাদ্য মুহূর্তং সোঽভ্যবর্তত॥ 8-84-22 (59217)
সমাগম্য চ ভীমেন মন্ত্রয়িৎবা চ ফল্গুনঃ।
বিশল্যমরুজং চাস্মৈ কথয়িৎবা যুধিষ্ঠিরম্॥ 8-84-23 (59218)
ভীমসেনাভ্যনুজ্ঞাতস্ততঃ প্রায়াদ্ধনঞ্জয়ঃ।
নাদন্রথঘোষেণ পৃথিবীং দ্যাং চ ভারত॥ 8-84-24 (59219)
ততঃ পরিবৃতো বীরৈর্দশভিঃ শত্রুতাপনঃ।
দুঃশাসনাদবরজৈস্তব পুত্রৈর্ধনঞ্জয়ঃ॥ 8-84-25 (59220)
তে তমভ্যর্দয়ন্বাণৈরুল্কাভিরিব কুঞ্জরম্।
আততেষ্বসনা বীরা নৃত্যন্ত ইব ভারত॥ 8-84-26 (59221)
অপসব্যাংস্তু তাংশ্চক্রে রথেন মধুসূদনঃ।
নিয়ুক্তান্হি স তান্মেনে যমায়াশু কিরীটিনা॥ 8-84-27 (59222)
তথান্যে প্রাণদন্মূঢাঃ পরাঙ্মুখমিবার্জুনম্॥ 8-84-28 (59223)
তেষাং নানদতাং কেতূনশ্বাংশ্চাপানি সারথীন্।
নারাচৈরর্ধচন্দ্রৈশ্চ ক্ষিপ্রং পার্থো ন্যকৃন্তত॥ 8-84-29 (59224)
*অথান্যৈর্দশভির্ভল্লৈঃ শিরাংস্যেষামপাতয়ৎ।
রোষসংরক্তনেত্রাণি সন্দষ্টৌষ্ঠানি ভূতলে॥ 8-84-30 (59225)
তেষাং বক্রাণি বিবভুর্ব্যোম্নি তারাগণা ইব॥ 8-84-31 (59226)
তাংস্তু ভল্লৈর্মহাবেগৈর্দশভির্দশ কৌরবান্।
রুক্মাঙ্গদাব্রুক্মপুঙ্খৈর্হৎবা প্রায়াদমিত্রহা॥ ॥ 8-84-32 (59227)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে চতুরশীতিতমোঽধ্যায়ঃ॥ 84 ॥
Mahabharata - Karna Parva - Chapter Footnotes
॥ শ্রীঃ ॥
8.85. অধ্যায়ঃ 085
Mahabharata - Karna Parva - Chapter Topics
সঙ্কুলয়ুদ্ধম্॥ 1 ॥
Mahabharata - Karna Parva - Chapter Text
8-85-0 (59228)
সঞ্জয় উবাচ। 8-85-0x (5044)
তমায়ান্তং মহাবেগৈরশ্বৈঃ কপিবরধ্বজম্।
যুদ্ধায়াভ্যদ্রবন্দীরাঃ কুরূণাং নবতীং রথাঃ॥ 8-85-1 (59229)
কৃৎবা সংশপ্তকা ঘোরং শপথং পারলৌকিকম্।
পরিবব্রুর্নরব্যাঘ্রা নরব্যাঘ্রং রণেঽর্জুনম্॥ 8-85-2 (59230)
কৃষ্ণঃ শ্বেতান্মহাবেগানশ্বান্কাঞ্চনভূষণান্।
মুক্তাজালপ্রতিচ্ছন্নান্প্রৈষীৎকর্ণরথং প্রতি॥ 8-85-3 (59231)
প্রেক্ষ্য কর্ণরথং যান্তমরিঘ্নং তং ধনঞ্জয়ম্।
বাণবর্ষৈরভিঘ্নন্তঃ সংশপ্তকগণা যয়ুঃ॥ 8-85-4 (59232)
ৎবরমাণাংস্তু তান্সর্বান্সসূতেষ্বসনধ্বজান্।
জঘান নবতিং বীরানর্জুনো নিশিতৈঃ শরৈঃ॥ 8-85-5 (59233)
তেঽপতন্ত হতা বাণৈর্নানারূপৈঃ কিরীটিনা।
বিমানেভ্যঃ সুকৃতিনঃ স্বর্গাৎপুণ্যক্ষয়ে যথা॥ 8-85-6 (59234)
ততঃ সরথনাগাশ্বাঃ কুরবঃ কুরুসত্তমম্।
নির্ভয়া ভরতশ্রেষ্ঠমভ্যবর্তন্ত ফল্গুনম্॥ 8-85-7 (59235)
তদায়স্তমনুষ্যাশ্বমুদীর্ণবরবারণম্।
পুত্রাণাং তে মহাসৈন্যং সমরৌৎসীদ্ধনঞ্জয়ম্॥ 8-85-8 (59236)
শক্ত্যৃষ্টিতোমরপ্রাসৈর্গদানিস্ত্রিংশসায়কৈঃ।
প্রাচ্ছাদয়ন্মহেষ্বাসাঃ কুরবঃ কুরুনন্দনম্॥ 8-85-9 (59237)
তামন্তরিক্ষে বিততাং শস্ত্রবৃষ্টিং সমন্ততঃ।
ব্যধমৎপাণ্ডবো বাণৈস্তমঃ সূর্য ইবাংশুভিঃ॥ 8-85-10 (59238)
ততো ম্লেচ্ছাঃ স্থিতা মত্তৈস্ত্রয়োদশশতৈর্গজৈঃ।
পার্শ্বতো ব্যহনন্পার্থং তব পুত্রস্য শাসনাৎ॥ 8-85-11 (59239)
কর্ণিনালীকনারাচৈস্তোমরপ্রাসশক্তিভিঃ।
কর্পণৈর্ভিণ্ডিপালৈশ্চ রথস্থং পার্থমার্দয়ন্॥ 8-85-12 (59240)
তাং শস্ত্রবৃষ্টিমতুলাং দ্বিপস্থৈঃ প্রেষিতাং প্রভুঃ।
চিচ্ছেদ নিশিতৈর্ভল্লৈরর্ধচন্দ্রৈশ্চ ফল্গুনঃ॥ 8-85-13 (59241)
অথ তান্দ্বিরদান্সর্বান্নানালিঙ্গৈঃ শরোত্তমৈঃ।
সপতাকধ্বজারোহান্গিরীন্বজ্রৈরিবাভিনৎ॥ 8-85-14 (59242)
তে হেমপুঙ্খৈরিষুভিরর্দিতা হেমমালিনঃ।
হতাঃ পেতুর্মহানাগাঃ সাগ্রিজ্বালা ইবাদ্রয়ঃ॥ 8-85-15 (59243)
ততো গাণ্ডীবনির্ঘোষো মহানাসীদ্বিশাম্পতে।
স্তনতাং কূজতাং চৈব মনুষ্যগজবাজিনাম্॥ 8-85-16 (59244)
কুঞ্চরাশ্চ হতা রাজন্দদ্রুবুস্তে সমন্ততঃ।
অশ্বাশ্চ পর্যধাবন্ত হতারোহা দিশো দশ॥ 8-85-17 (59245)
রথা হীনা নহারাজ রথিভির্বাজিভিস্তথা।
গন্ধর্বনগরাকারা দৃশ্যন্তে স্ম সহস্রশঃ॥ 8-85-18 (59246)
অশ্বারোহা মহারাজ ধাবমানা ইতস্ততঃ।
তত্রতত্রৈব দৃশ্যন্তে নিহতাঃ পার্থসায়কৈঃ॥ 8-85-19 (59247)
তস্মিন্ক্ষণে পাণ্ডবস্য বাহ্বোর্বলমদৃশ্যত।
যৎসাদিনো বারণাংশ্চ রথাংশ্চৈকোঽজয়দ্যুধি॥ 8-85-20 (59248)
অসংয়ুক্তাশ্চ তে রাজন্পরিবৃত্তা রণং প্রতি।
নরা নাগা রথাশ্চৈব নদন্তোঽর্জুনমভ্যযুঃ॥ 8-85-21 (59249)
ততস্ত্র্যেঙ্গেণ মহতা বলেন ভরতর্ষভ।
দৃষ্ট্বা পরিবৃতং রাজন্ভীমসেনঃ কিরীটিনম্॥ 8-85-22 (59250)
হতাবশেষানুৎসৃজ্য ৎবদীয়ান্কতিচিদ্রথান্।
জবেনাভ্যদ্রবদ্ভীমো ধনঞ্জয়রথং প্রতি॥ 8-85-23 (59251)
ততস্তৎপ্রাদ্রবৎসৈন্যং হতভূয়িষ্ঠমাতুরম্।
দৃষ্ট্বাঽর্জুনং তদা ভীমমাগতং ভ্রাতরং প্রতি॥ 8-85-24 (59252)
হতাবশিষ্টাংস্তুরগানর্জুনেন মহাবলঃ।
ভীমো ব্যধমদশ্রান্তো গদাপাণির্মহাহবে॥ 8-85-25 (59253)
`গদাপাণিং তদা দৃষ্ট্বা ভীমং ভারত ভারতাঃ।
মেনিরে তমনুপ্রাপ্তং দণ্ডপাণিমিবান্তকম্'॥ 8-85-26 (59254)
কালরাত্রিমিবাত্যুগ্রাং নরনাগাশ্বভোজনাম্।
প্রাকারাট্টপুরদ্বারদারণীমতিদারুণাম্॥ 8-85-27 (59255)
গদাং তুরগনাশায় ৎবরন্ভীমো ব্যবাসৃজৎ।
সা জঘান বহূনশ্বানশ্বারোহাংশ্চ মারিষ॥ 8-85-28 (59256)
কাংস্যায়সতনুত্রাংশ্চ নরানশ্বাংশ্চ পাণ্ডবঃ।
পোথয়ামাস গদয়া সশব্দং তেঽপতন্হতাঃ॥ 8-85-29 (59257)
দন্তৈর্দশন্তো বসুধাং শেরতে ক্ষতজোক্ষিতাঃ।
ভগ্নমূর্ধাস্থিচরণাঃ ক্রব্যাদগণভোজনাঃ॥ 8-85-30 (59258)
অসৃঙ্মাংসবসাভিশ্চ তৃপ্তিমভ্যাগতা গদা।
অস্থীন্যপ্যশ্নতী তস্থৌ কালরাত্রীব দুর্দৃশা॥ 8-85-31 (59259)
সহস্রাণি দশাশ্বানাং হৎবা পত্তীংশ্চ ভূয়সঃ।
ভীমোঽভ্যধাবৎসঙ্ক্রুদ্ধো গদাপাণিরিতস্ততঃ॥ 8-85-32 (59260)
গদাপাণিং ততো ভীমং দৃষ্ট্বা ভারত তাবকাঃ।
মেনিরে সমনুপ্রাপ্তং কালদণ়্ডোদ্যতং যমম্॥ 8-85-33 (59261)
স মত্ত ইব মাতঙ্গঃ সঙ্ক্রুদ্ধঃ পাণ্ডুনন্দনঃ।
প্রবিবেশ গজানীকং মকরঃ সাগরং যথা॥ 8-85-34 (59262)
বিগাহ্য চ গজানীকং প্রগৃহ্য মহতীং গদাম্।
ক্ষণেন ভীমঃ সঙ্ক্রুদ্ধস্তন্নিন্যে যমসাদনম্॥ 8-85-35 (59263)
গজান্সকঙ্কটান্মত্তান্সারোহান্সপতাকিনঃ।
পততঃ সমপশ্যাম সপক্ষান্পর্বতানিব॥ 8-85-36 (59264)
হৎবা তু তদ্গজানীকং ভীমসেনো মহাবলঃ।
পুনঃ স্বরথমাস্থায় পৃষ্ঠতোঽর্জুনমভ্যযাৎ॥ 8-85-37 (59265)
ততঃ পরাঙ্মুখীভূতং নিরুৎসাহং বলং তব।
তদানীং তু মহারাজ প্রায়শঃ শস্ত্রবেষ্টিতম্॥ 8-85-38 (59266)
বিলম্বমানং তৎসৈন্যভপ্রগল্ভমবস্থিতম্।
দৃষ্ট্বা প্রাচ্ছাদয়দ্বাণৈরর্জুনঃ শস্ত্রবৃষ্টিভিঃ॥ 8-85-39 (59267)
নরাশ্বরথমাতঙ্গা যুধি গাণ্ডীবধন্বনা।
শরব্রাতৈশ্চিতা রেজুঃ কদম্বা ইব কেসরৈঃ॥ 8-85-40 (59268)
ততঃ কুরুণামভবদার্তনাদো মহান্নৃপ।
নরাশ্বনাগাসুহনান্দৃষ্ট্বা বাণান্কিরীটিনঃ॥ 8-85-41 (59269)
হাহাকৃতং ভৃশং ত্রস্তং লীয়মানং পরস্পরম্।
অলাতচক্রবৎসৈন্যং তদা বভ্রাম তাবকম্॥ 8-85-42 (59270)
ততোঽর্জুনশরধ্বস্তং কুরূণাং সুমহদ্বলম্।
ন হ্যত্রাসীদনির্ভিন্নো রথঃ সাদী হয়ো গজঃ॥ 8-85-43 (59271)
আদীপ্তমিব তৎসৈন্যং শরৈশ্ছিন্নতনুচ্ছদম্।
আসীৎস্বশোণিতক্লিন্নং রৌদ্রং নষ্টং বিশাম্পতে॥ 8-85-44 (59272)
তৎসৈন্যং হতভূয়িষ্ঠমাহতং নিশিতৈঃ শরৈঃ।
ন জহৌ সমরং প্রাপ্য ফল্গুনং শত্রুতাপনম্॥ 8-85-45 (59273)
তত্রাদ্ভুতমপশ্যাম কৌরবাণাং পরাক্রমম্।
বধ্যমানোঽপি যৎপার্থং ন জহৌ ভরতর্ষভ॥ 8-85-46 (59274)
তং দৃষ্ট্বা বিক্রমং তস্য কুরবঃ সব্যসাচিনঃ।
নিরাশাঃ সমপদ্যন্ত সর্বে কর্ণস্য জীবিতে॥ 8-85-47 (59275)
অবিষহ্যং তু পার্থস্য শরসংস্পর্শমাহবে।
মৎবা ন্যবর্তন্কুরবো জিতা গাণ্ডীবধন্বনা॥ 8-85-48 (59276)
তে হিৎবা সমরে পার্থং বধ্যমানাশ্চ সায়কৈঃ।
প্রদুদ্রুবুর্দিশো ভীতাশ্চুক্রুশুশ্চাপি সূতজম্॥ 8-85-49 (59277)
তান্বিদ্রাবয়তে পার্থঃ কিরঞ্শরশতান্বহূন্।
হর্ষয়ন্পাণ্ডবীং সেনাং রাজানং চ যুধিষ্ঠিরম্॥ 8-85-50 (59278)
পুত্রাস্তব মহারাজ জগ্মুঃ কর্ণরথং প্রতি।
অগাধে মজ্জতাং তেষাং দ্বীপঃ কর্ণোঽভবত্তদা॥ 8-85-51 (59279)
কুরবো হি মহারাজ নির্বিষাঃ পন্নগা ইব।
কর্ণমেবোপলীয়ন্ত ভয়াদ্গাণ্ডীবঘন্বনঃ॥ 8-85-52 (59280)
যথা সর্বাণি ভূতানি মৃত্যোর্ভীতানি মারিষ।
উপলীয়ন্তি সন্ত্রাসাদ্ধর্মং লোকপরায়ণম্॥ 8-85-53 (59281)
তথা কর্ণং মহেষ্বাসং পুত্রাস্তব নরাধিপ।
উপালীয়ন্ত সন্ত্রাসাৎপাণ্ডবস্য মহাত্মনঃ॥ 8-85-54 (59282)
তাঞ্শোণিতপরিক্লিন্নান্বিষমস্থাঞ্শরাতুরান্।
মা ভৈষ্টেত্যব্রবীৎকর্ণো ভীতানাবিষ্টচেতসঃ॥ 8-85-55 (59283)
সম্ভগ্নং হি বলং দৃষ্ট্বা বলাৎপার্থেন তাবকম্।
ধনুর্বিস্ফারয়ন্কর্ণস্তস্থৌ শত্রুজিঘাংসয়া॥ 8-85-56 (59284)
তান্প্রদ্রুতান্কুরূন্দৃষ্ট্বা কর্ণঃ শস্ত্রভৃতাং বরঃ।
সঞ্চিন্তয়িৎবা পার্থস্য বধে দধ্রে মনঃ শ্বসন্॥ 8-85-57 (59285)
বিস্ফার্য সুমহচ্চাপং ততশ্চাধিরথির্বৃষঃ।
পাঞ্চালান্পুনরাধাবৎপশ্যতঃ সব্যসাচিনঃ॥ 8-85-58 (59286)
ততঃ ক্ষণেন ক্ষিতিপাঃ ক্ষতজপ্রতিমেক্ষণাঃ।
শরৌঘৈশ্ছাদয়ামাসুর্মহামেঘা ইবাচলম্॥ 8-85-59 (59287)
ততঃ শরসহস্রাণি কর্ণমুক্তানি মারিষ।
পাঞ্চালানাং হরৎপ্রাণাংস্তমাংসীব তমোনুদঃ॥ 8-85-60 (59288)
মহদাসীত্তদা যুদ্ধং পাঞ্চালানাং মহামতে।
বধ্যতাং সূতপুত্রেণ মিত্রার্থে মিত্রগৃদ্ধিনা॥ ॥ 8-85-61 (59289)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে পঞ্চাশীতিতমোঽধ্যায়ঃ॥ 85 ॥
Mahabharata - Karna Parva - Chapter Footnotes
॥ শ্রীঃ ॥
8.86. অধ্যায়ঃ 086
Mahabharata - Karna Parva - Chapter Topics
সঙ্কলয়ুদ্ধম্॥ 1 ॥ ভীমদুঃশাসনয়োঃ সমাগমঃ সংবাদশ্চ॥ 2 ॥
Mahabharata - Karna Parva - Chapter Text
8-86-0 (59290)
সঞ্জয় উবাচ। 8-86-0x (5045)
ততঃ কর্ণঃ কুরুষু প্রদ্রুতেষু
বরূথিনা শ্বেতহয়েন রাজন্।
পাঞ্চালপুত্রান্ব্যধমৎসূতপুত্রো
মহেষুমির্বাত ইবাভ্রসঙ্ঘান্॥ 8-86-1 (59291)
সূতং রথাদঞ্জলিকৈর্নিপাত্য
জঘান চাশ্বাঞ্জনমেজয়স্য।
শতানীকং সুতসোমং চ ভল্লৈ--
রবাকিরদ্ধনুষী চাপ্যকৃন্তৎ॥ 8-86-2 (59292)
ধৃষ্টদ্যুম্নং নির্বিভেদাথ ষড্ভি--
র্জঘানাশ্বান্দক্ষিণাংস্তস্য সঙ্খ্যে।
হৎবা চাশ্বান্সাত্যকেঃ সূতপুত্রঃ
কৈকেয়পুত্রং ন্যবধীদ্বিশোকম্॥ 8-86-3 (59293)
তমভ্যধাবন্নিহতে কুমারে
সেনাপতিঃ কৈকয়ো মিত্রবর্মা।
শরৈর্বিধুন্বন্ভৃশমুগ্রবেগৈঃ
কর্ণাত্মজং চাপ্যহনৎসুদেবম্॥ 8-86-4 (59294)
তস্যার্ধচন্দ্রৈস্ত্রিভিরুচ্চকর্ত
প্রহস্য বাহূ চ শিরশ্চ কর্ণঃ।
স স্যন্দনাদ্গামগমদ্গতাসুঃ
পরশ্বথৈঃ সাল ইবাবরুগ্ণঃ॥ 8-86-5 (59295)
হতাশ্বমঞ্জোগমিভিঃ সুষেণঃ
শিনিপ্রবীরং নিশিতৈঃ পৃষৎকৈঃ।
প্রচ্ছাদ্য নৃত্যন্নিব কর্ণপুত্রঃ
শৈনেয়বাণাভিহতঃ পপাত॥ 8-86-6 (59296)
পুত্রে হতে ক্রোধপরীতয়েতাঃ
কর্ণঃ শিনীনাং প্রবরং জিঘাংসুঃ।
হতোঽসি হে সাত্যক ইত্যুদীর্য
ব্যবাসৃজদ্বাণমমিত্রসাহম্॥ 8-86-7 (59297)
তমস্য চিচ্ছেদ শরং শিখণ্ডী
ত্রিভিস্ত্রিভিশ্চ প্রতুতোদ কর্ণম্।
শিখণ্ডিনঃ কার্মুকং চ ধ্বজং চ
চ্ছিত্ৎবা ক্ষুরাভ্যাং ন্যহনৎসুজাতঃ॥ 8-86-8 (59298)
শিখণ্ডিনং ষড্ভিরবিধ্যদুগ্রো
ধার্ষ্টদ্যুম্নেঃ স শিরশ্চোচ্চকর্ত।
ততোঽভিনৎসুতসোমং ক্ষুরেণ
সুসঞ্ঝিতেনাধিরথির্মহাত্মা॥ 8-86-9 (59299)
অথাক্রন্দে তুমুলে বর্তমানে
ধার্ষ্টদ্যুম্নে নিহতে তত্র কৃষ্ণঃ।
অপাঞ্চাল্যং ক্রিয়তে যাহি পার্থ
কর্ণং জহীলাব্রবীদ্রাজসিংহ॥ 8-86-10 (59300)
ততঃ প্রহস্যাশু নরপ্রবীরো
রথং রথেনাধিরথের্জগাম।
ভয়ে তেষাং ত্রাণমিচ্ছন্সুবাহু--
রভ্যাহতানাং রথয়ূথপেন॥ 8-86-11 (59301)
ততোঽপরে ভারত দুষ্প্রকম্প্যাঃ
পাঞ্চালানাং রথসঙ্ঘাঃ সমেতাঃ।
প্রতিশ্রিতা হ্যন্তরিক্ষে গ্রহাভা
ধনুঃপ্রবীরাস্তু রথপ্রবীরাঃ॥ 8-86-12 (59302)
বিস্ফার্য গাণ্ডীবমথোগ্রঘোষং
জ্যযা সমাহত্য তলে ভৃশং চ।
বাণান্ধকারং সহসৈব কৃৎবা
জঘান নাগাশ্বরথধ্বজাংশ্চ॥ 8-86-13 (59303)
[প্রতিশ্রুতঃ প্রাচরদন্তরিক্ষে
গুহা গিরীণামপতন্বয়াংসি।
যন্মণ্ডলজ্যেন বিজৃম্ভমাণো
রৌদ্রে মুহূর্তেঽভ্যপতৎকিরীটী॥] 8-86-14 (59304)
তং ভীমসেনোঽনুয়যৌ রথেন
পৃষ্ঠে রক্ষন্পাণ্ডবমেকবীরঃ।
তৌ রাজপুত্রৌ ৎবরিতৌ রথাভ্যাং
কর্ণায় যাতাবরিভির্বিষক্তৌ॥ 8-86-15 (59305)
তত্রান্তরে সুমহান্সূতপুত্র--
শ্চক্রে যুদ্ধং সোমকান্সম্প্রমথ্য।
রথাশ্বমাতঙ্গণাঞ্জঘান
প্রচ্ছাদয়ামাস শরৈর্দিশশ্চ॥ 8-86-16 (59306)
তমুত্তমৌজা জনমেজয়শ্চ
ক্রুদ্ধৌ যুধামন্যুশিখণ্ডিনৌ চ।
কর্ণং বিভেদুঃ সহিতাঃ পৃষৎকৈঃ
সন্নর্দমানাঃ সহ পার্ষতেন॥ 8-86-17 (59307)
তে পঞ্চ পাঞ্চালরথাঃ সমেতা
বৈকর্তনং কর্ণমভিদ্রবন্তঃ।
তস্মাদ্রথাচ্চ্যাবয়িতুং ন শেকু--
র্ধৈর্যাৎকৃতাত্মানমিবেন্দ্রিয়ার্থাঃ॥ 8-86-18 (59308)
তেষাং ধনূংষি ধ্বজবাজিসূতাং--
স্তূর্ণং পতাকাশ্চ নিকৃত্য বাণৈঃ।
তান্পাঞ্চালানভ্যহনৎপৃবৎকৈঃ
কর্ণস্ততঃ সিংহ ইবোন্ননাদ॥ 8-86-19 (59309)
তস্যাস্যতস্তানভিনিঘ্নতশ্চ
জ্যাবাণহস্তস্য ধনুঃস্বেনন।
সাদ্রিদ্রুমা স্যাৎপৃথিবী বিশীর্ণে--
ত্যতীব মৎবা জনতা ব্যপীদৎ॥ 8-86-20 (59310)
স শক্রচাপপ্রতিমেন ধন্বনা
ভৃশায়তেনাধিরথিঃ শরান্সৃজন্।
বভৌ রণে দীপ্তমরীচিমণ্ডলো
যথাংশুমালী পরিবেষবাংস্তথা॥ 8-86-21 (59311)
শিখণ্ডিনং দ্বাদশভিঃ পরাভিন--
চ্ছিতৈঃ শরৈঃ ষড্ভিরথোত্তমৌজসম্।
ত্রিভির্যুধামন্যুমবিধ্যদাশুগৈ--
স্ত্রিভিস্ত্রিভিঃ সোমকপার্ষতাত্মজৌ॥ 8-86-22 (59312)
পরাজিতাঃ পঞ্চ মহারথাস্তু তে
মহাহবে সূতসুতেন মারিষ।
নিরুদ্যমাস্তস্থুরমিত্রনন্দনা
যথেন্দ্রিয়ার্থাত্মবতা পরাজিতাঃ॥ 8-86-23 (59313)
নিমজ্জতস্তানথ কর্ণসাগরে
বিপন্ননাবো বণিজো যথার্ণবে।
উদ্দধ্রিরে নৌভিরিবার্ণবাদ্রথৈঃ
সুকল্পিতৈর্দ্রৌপদিজাঃ স্বমাতুলান্॥ 8-86-24 (59314)
ততঃ শিনীনামৃষভঃ শিতৈঃ শরৈ--
র্নিকৃত্য কর্ণপ্রহিতানিষূন্বহূন্।
বিদার্য কর্ণং নিশিতৈরয়স্ময়ৈ--
স্তবাত্মজং জ্যেষ্ঠমবিধ্যদষ্টমিঃ॥ 8-86-25 (59315)
কৃপোঽথ ভোজশ্চ তবাত্মজস্তথা
স্বয়ং চ কর্ণো নিশিতৈরতাডয়ৎ।
স তৈশ্চতুর্ভির্যুয়ুধে যদূত্তমো
দিগীশ্বরৈর্দৈত্যপতির্যথা তথা॥ 8-86-26 (59316)
সমাততেনেষ্বসনেন কূজতা
মহাস্বনেনাশনিপাতদীধিতিঃ।
বভূব দুর্ধর্ষতরঃ স সাত্যকিঃ
শরন্নভোমধ্যগতো যথা রবিঃ॥ 8-86-27 (59317)
পুনঃ সমাস্থায় রথান্সুদংশিতাঃ
শিনিপ্রবীরং জুগুপুঃ পরন্তপাঃ।
সমেত্য পাঞ্চালমহারথা রণে
মরুদ্রণাঃ শক্রমিবারিনিগ্রহে॥ 8-86-28 (59318)
ততোঽভবদ্যুদ্ধমতীব দারুণং
তবাহিতানাং তব সৈনিকৈঃ সহ।
রথাশ্বমাতঙ্গবিনাশনং তথা
যথা সুরাণামসুরৈঃ পুরাঽভবৎ॥ 8-86-29 (59319)
রথা দ্বিপা বাজিপদাতয়স্তথা
ভ্রমন্তি নানাবিধশস্ত্রবেষ্টিতাঃ।
পরস্পরেণাভিহতাশ্চ চস্খলু--
র্বিনেদুরার্তা ব্যসবোঽপতংস্তথা॥ 8-86-30 (59320)
তথাগতং ভীমমভীস্তবাত্মজঃ
সসার রাজাবরজঃ কিরঞ্শরৈঃ।
তমভ্যধাবত্ৎবরিতো বৃকোদরো
মহারুরুং সিংহ ইবাভিপেদিবান্॥ 8-86-31 (59321)
ততস্তয়োর্যুদ্ধমতীব দারুণং
প্রদীব্যতোঃ প্রাণদুরোদরং দ্বয়োঃ।
পরস্পরেণাভিনিবিষ্টরোষয়ো--
রুদগ্রয়োঃ শম্বরশক্রয়োর্যথা॥ 8-86-32 (59322)
শরৈঃ শরীরার্তিকরৈঃ সুতেজনৈ--
র্নিজঘ্নতুস্তাবিতরেতরং ভৃশম্।
সকৃৎপ্রভিন্নাবিব বাসিতান্তরে
মহাগজৌ দোর্ভিরদীনঘাতিনৌ॥ 8-86-33 (59323)
আলোক্য তৌ চৈব পরস্পরং ততঃ
সমং চ শূরৌ চ সসারথী তদা।
ভীমোঽব্রবীদ্যাহি দুঃশাসনায়
দুঃশাসনো যাহি বৃকোদরায়॥ 8-86-34 (59324)
তয়ো রথৌ সারথিসম্প্রচোদিতৌ
সমং রথৌ তৌ মহসা সমীয়তুঃ।
নানায়ুধচ্ছত্রপতাকিকাধ্বজৌ
দিবীব পূর্বং বলশক্রয়ো রণে॥ 8-86-35 (59325)
ভীম উবাচ। 8-86-36x (5046)
দিষ্ট্যাঽসি দুঃশাসন অদ্য দৃষ্টঃ
ক্ষণং প্রতীচ্ছে সহবৃদ্ধি মূলম্।
চিরোদিতং যন্ময়া তে সভায়াং
কৃষ্ণাভিমর্শেন গৃহাণ মত্তঃ॥ 8-86-36 (59326)
স এবমুক্তস্তু ততো মহাত্মা
দুঃশাসনো বাক্যমুবাচ বীরঃ।
সর্বং স্মরন্নেব বিসংস্মরামি
উদীর্যমাণং শৃণু ভীমসেন॥ 8-86-37 (59327)
স্মরামি চাত্মপ্রভবং চিরায়
যজ্জাতুষে বেশ্মনি রাত্র্যহানি।
বিশ্বাসহীনা মৃগয়াং চরন্তো
বসন্তি সর্বত্র নিরাকৃতাস্তু॥ 8-86-38 (59328)
মহাভয়ং রাত্র্যহানি স্মরন্ত--
স্তথোপভোগাচ্চ সুখাচ্চ হীনাঃ।
বনেষ্বটন্তো গিরিগহ্বরাণি
পাঞ্চালরাজস্য পুরং প্রবিষ্টাঃ॥ 8-86-39 (59329)
মায়াং যূয়ং কামপি সম্প্রবিষ্টা
যতো বৃতঃ কৃষ্ণয়া ফল্গুনো বঃ।
সংভূয় পাপৈস্তদনার্যবৃত্তং
কৃতং তদা মাতৃকৃতানুরূপম্॥ 8-86-40 (59330)
একা বৃতা পঞ্চভিঃ সাভিপন্না।
হ্যলজ্জমানেশ্চ পরস্পরস্য।
স্মরে সভায়াং সুবলাত্মজেন
দাসীকৃতা যৎসহ কৃষ্ণয়া চ॥ 8-86-41 (59331)
সঞ্জয় উবাচ। 8-86-42x (5047)
ইত্যেবমুক্তস্তু তবাত্মজেন
পাণ্ডোঃ সুতঃ কোপবশং ভৃশং
ধনুঃ ক্ষুরাভ্যাং ধ্বজমেব চাচ্ছিনৎ।
ললাটমপ্যস্য বিভেদ পত্রিণা 8-86-42 (59332)
শিরশ্চ কায়াৎপ্রজহার সারথেঃ॥
স রাজপুত্রোঽন্যদবাপ্য কার্মুকং
বৃকোদরং দ্বাদশভিঃ পরাভিনৎ।
স্বয়ং নিয়চ্ছংস্তুরগানজিহ্মগৈঃ 8-86-43 (59333)
শরৈশ্চ ভীমং পুনরপ্যবীবৃষৎ॥ ॥ 8-86-44 (59334)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে ষডশীতিতমোঽধ্যায়ঃ॥ 86 ॥
Mahabharata - Karna Parva - Chapter Footnotes
॥ শ্রীঃ ॥
8.87. অধ্যায়ঃ 087
Mahabharata - Karna Parva - Chapter Topics
ভীমেন রাজ্ঞাং সমক্ষং দুঃশাসনবক্ষসো রক্তপানম্॥ 1 ॥
Mahabharata - Karna Parva - Chapter Text
8-87-0 (59335)
সঞ্জয় উবাচ। 8-87-0x (5048)
সর রাজপুত্রেণ সমার্চ্ছদুগ্র--
দুঃশাসনেন নিকৃতো নিকৃত্যা॥ 8-87-1 (59336)
তত্রাকরোদ্দুষ্করং রাজপুত্রো
দুঃশাসনঃ কুরুবীরো মহাত্মা।
যদ্ভীমসেনং প্রতিয়োধয়দ্রণে
জম্ভো যথা শক্রমুদারবীর্যম্॥ 8-87-2 (59337)
ধনুচ্ছিত্ৎবা ভীমসেনস্য সঙ্খ্যে
ষড্ভিঃ শরৈঃ সারথিমভ্যবিধ্যৎ।
ততোঽবিধ্যত্ত্রিংশতা ভীমসেনং
বরেষুভির্বন্যমিব দ্বিপেন্দ্রম্॥ 8-87-3 (59338)
স কার্মুকং গৃহ্য তু ভারসাধনং
ভীমস্তদা রাজপুত্রং হ্যবিধ্যৎ।
পঞ্চাশতৈর্বাণগণৈঃ স্তনানন্তরে
তোত্রৈর্যথা তীব্রবেগং দ্বিপেন্দ্রম্॥ 8-87-4 (59339)
ততস্তু রাজন্বিরথং মহাত্মা
দুঃশাসনো ভীমসেনং চকার।
নিহত্য সঙ্খ্যে চতুরোঽস্য বাহা--
ঞ্ছিত্ৎবা রথেষাং পুনরেব চাক্ষিপৎ॥ 8-87-5 (59340)
ততঃ ক্ষিতিস্বো হ্যবরুহ্য যানা--
দ্বৃকোদরো মদয়া তস্য বাহান্।
যমক্ষয়ং প্রেষয়িৎবা মহাত্মা
রথং সমাকর্পত রাজসূনোঃ॥ 8-87-6 (59341)
তস্মাদবপ্লুত্য রথাৎসসর্জ
দুঃশাসনস্তোমরমুগ্রবেগম্।
স তেন বিদ্ধো হ্যুরসি হ্যপ্রমেয়ো
গদাং তস্মৈ বিসসর্জাপ্রমেয়াম্॥ 8-87-7 (59342)
ততঃ ক্রোধাদ্ভীমসেনঃ কৃতানি
সর্বাণি দুঃখান্যনুসংস্মরন্বৈ।
সংস্মৃত্য সংস্মৃত্য তথা প্রতিজ্ঞা--
মুগ্রামসৌ রাজপুত্রৌ ব্যষীদৎ॥ 8-87-8 (59343)
সঞ্চিন্তিতং রোষমতীব বেগা-
ত্ত্রয়োদশাব্দং পুরুষপ্রবীরঃ।
প্রগৃহ্য বজ্রাশনিতুল্যবেগাং
গদাং করেণাথ বৃকোদরো রুষা॥ 8-87-9 (59344)
নিপাতয়িৎবা পৃথিবীতলে ভৃশং
স তাজয়ামা বৃকোদরো বলী।
অতীব সন্তাডিতভিন্নগাত্রো
দুঃশাসনো বৈ নিপপাত ভূমৌ॥ 8-87-10 (59345)
আক্রম্য কণ্ঠে যুধি রাজপুত্রং
সংরক্তনেত্রো হ্যব্রবীদ্ধার্তরাষ্ট্রম্।
তদ্ব্রূহি কিং ৎবং পরিমার্গমাণো
হ্যস্মান্পরাভূয় ইহাগতঃ পুনঃ॥ 8-87-11 (59346)
দিদীপয়ংস্তদ্ভৃশদীপিতং মে
চিরার্জিতং রোষমতিপ্রদীপ্তম্।
মধু প্রপাস্যে তব কোষ্টভাজনা--
দিত্যব্রবীদ্ভীমসেনস্তরস্বী॥ 8-87-12 (59347)
দুঃশাসনং কণ্ঠদেশে প্রমৃদ্রং--
স্ততঃ ক্রূরং ভীমসেনশ্চকার।
কতং ব্যংসয়িৎবা সহসা সসার
বলাদসৌ ধার্তরাষ্ট্রস্তরস্বী॥ 8-87-13 (59348)
ভীমোঽভিদুদ্রাব সুতং ৎবদীয়ং
সপত্রতাং দর্শয়ন্ধার্তরাষ্ট্রে।
মৃগং মুহুঃ সিংহশিশুর্যথা বনে
তথাশ্বভিদ্রুত্য মহাবলং বলী॥ 8-87-14 (59349)
নিগৃহ্য চৈনং পরমেণ কর্মণা
উৎক্ষিপ্য চোৎক্ষিপ্য চ তূর্ণমেনম্।
ভূমৌ তদা নিষ্পিপেষাথ বীর
অসিং বিকোশং বিমলং চকার॥ 8-87-15 (59350)
তং পাতয়িৎবা তু বৃকোদরোঽথ
জগর্জ হর্ষেণ বিনাদয়ন্দিশঃ।
নাদেন তেনাখিলপার্শ্ববর্তিনো
মূর্চ্ছাকুলাঃ পতিতাস্ৎবাজমীঢ॥ 8-87-16 (59351)
দুঃশাসনং তত্র সমীক্ষ্য রাজ--
ন্ভীমো মহাবাহুরচিন্ত্যকর্মা।
স্মৃৎবা চ কেশগ্রহণং চ দেব্যা
বস্ত্রাপহারং চ রজস্বলায়াঃ॥ 8-87-17 (59352)
অনাগসো ভর্তৃপরাঙ্মুখায়া
দুঃখানি দত্তান্যপি বিপ্রচিন্ত্যা।
জজ্বাল কোপাদথ ভীমসেন
আজ্যপ্রসিক্তো হি যথা হুতাশঃ॥ 8-87-18 (59353)
তত্রাহ কর্ণং চ সুয়োধনং চ
কৃপং দ্রৌণিং কৃতবর্মাণমেব।
নিহন্মি দুঃশাসনমদ্য পাপং
সংরক্ষ্যতামদ্য সমস্তয়োধাঃ॥ 8-87-19 (59354)
ইত্যেবমুক্ৎবা সহসাভ্যধাব--
ন্নিহন্তুকামোঽতিবলস্তরস্বী।
তথা তু বিক্রম্য রমে বৃকোদরো
মহাগজং কেসরিকো যথৈব।
নিগৃহ্য দুঃশাসনমেকবীরঃ
সুয়োধনস্যাধিরথেঃ সমক্ষম্॥ 8-87-20 (59355)
অসিং সমুদ্যম্য সিতং সুধারং
কণ্ঠে পদাক্রম্য চ বেপমানম্।
উবাচ তদ্গৌরিতি যদ্ব্রুবাণো
হৃষ্টোঽবদঃ কর্ণসুয়োধনাভ্যাম্॥ 8-87-21 (59356)
যে রাজসূয়াবভৃথে পবিত্রা
জাতাঃ কছা যাজ্ঞসেন্যা দুরাত্মন্।
তে পাণিনা কতরেণাবকৃষ্টা--
স্তদ্ব্রূহি ৎবাং পৃচ্ছতি ভীমসেনঃ॥ 8-87-22 (59357)
শ্রুৎবা তু তদ্ভীমবচঃ সুঘোরং
দুঃশাসনো ভীমসেনং নিরীক্ষ্য।
জজ্বাল বীমং স তদা স্ময়েন
সংশৃণ্বতাং কৌরবসোমকানাম্।
উক্তস্তদাজৌ স তথা সরোষং
জগাদ ভীমং পরিবৃত্তনেত্রঃ॥ 8-87-23 (59358)
অয়ং করিকরাকারঃ পীনস্তনবিমর্দনঃ।
গোসহস্রপ্রদাতা চ ক্ষত্রিয়ান্তকরঃ করঃ॥ 8-87-24 (59359)
অনেন যাজ্ঞসেন্যা মে ভীম কেশা বিকর্ষিতাঃ।
পশ্যতাং কুরুমুখ্যানাং যুষ্মাকং চ সভাসদাম্॥ 8-87-25 (59360)
এবং ৎবসৌ রাজসুতং নিশম্য
ব্রুবন্তমাজৌ বিনিপীড্য বক্ষঃ।
ভীমো বলাত্তং প্রতিগৃহ্য দোর্ভ্যা--
মুচ্চৈর্ননাদাথ সমস্তয়োধান্॥ 8-87-26 (59361)
উবাচ যস্যাস্তি বলং স রক্ষ--
ৎবসৌ ভবেদদ্য নিরস্তবাহুঃ।
দুঃশানং জীবিতং প্রোৎসৃজন্ত--
মাক্ষিপ্য যোধাংস্তরসা মহাবলঃ॥ 8-87-27 (59362)
এবং ক্রুদ্ধো ভীমসেনঃ করেণ
উৎপাটয়ামাস ভুজং মহাত্মা।
দুঃশাসনং তেন স বীরমধ্যে
জঘান বজ্রাশনিসন্নিভেন॥ 8-87-28 (59363)
কণ্ঠে সমাক্রম্য চ বেপমানং
কৃৎবাঽনু রূপং পরমং সুঘোরম্।
কালান্তকাভ্যাং সদৃশং তদানীং
বিদার্য বক্ষশ্চ মহারথস্য॥ 8-87-29 (59364)
দুঃশাসনস্য নিপুশাসনস্য
উদ্ধৃত্য বক্ষঃ পতিতস্য ভূমৌ।
ততোঽপিবচ্ছোণিতমস্য কোষ্ণ--
মাস্বাদ্য চাস্বাদ্য চ বীক্ষমাণঃ॥ 8-87-30 (59365)
ক্রুদ্ধঃ প্রহৃষ্টো নিজগাদ বাক্যং
স্তন্যস্য মাতুঃ পয়সোঽমৃতস্য।
মাধ্বীকজস্যেব রসস্য তস্য
মধোশ্চ পানাদ্যবকস্য পানাৎ॥ 8-87-31 (59366)
পয়োদধিভ্যাং মথিতাচ্চ মুখ্যা--
ত্তথেক্ষুসারস্য মনোহরস্য।
সর্বেভ্য এবাভ্যধিকো রসোঽস্য
মতো মমাদ্যাহিতলোহিতস্য॥ 8-87-32 (59367)
এবং ব্রুবাণং পুনরুত্থিতং ত--
মাস্ফোট্য বল্গন্তমতিপ্রহৃষ্টম্।
যে ভীমসেনং দদৃশুস্তদানীং
প্রায়েণ তেঽপি ব্যথিতা নিপেতুঃ॥ 8-87-33 (59368)
যে চাপি নাসন্পতিতা মনুষ্যা--
স্তেষাং করেভ্যঃ পতিতং তু শস্ত্রম্।
ভয়াচ্চ সঞ্চুক্রুশুরস্বরৈস্তদা
নিমীলিতাক্ষা মুমুহুশ্চ তত্র॥ 8-87-34 (59369)
যে তত্র ভীমং রুধিরং পিবন্তং
দুঃশাসনস্য দদৃশুঃ প্রপন্নাঃ।
নায়ং মনুষ্যস্ৎবিতি ভাষমাণাঃ
সর্বেঽপলায়ন্ত ভয়াভিপন্নাঃ॥ ॥ 8-87-35 (59370)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে সপ্তশীতিতমোঽধ্যায়ঃ॥ 87 ॥
Mahabharata - Karna Parva - Chapter Footnotes
॥ শ্রীঃ ॥
8.88. অধ্যায়ঃ 088
Mahabharata - Karna Parva - Chapter Topics
দুঃশাসনবধক্রোধাদাত্মনামভিদ্রুতদতাং তদনুজানাং ভীমেন বধঃ॥ 1 ॥ দুঃশাসনাদিনিধনাদ্বিশ্যতঃ কর্ণস্য শল্যেন প্রোৎসাহনম্॥ 2 ॥ সঙ্কুলয়ুদ্ধম্॥ 3 ॥
Mahabharata - Karna Parva - Chapter Text
8-88-0 (59371)
সঞ্জয় উবাচ। 8-88-0x (5049)
স পীৎবা রুধিরং তস্য চরণৌ গৃহ্য ভারত।
ইত্যুচ্চৈর্বচনং প্রাহ প্রতিনৃত্যন্বৃকোদরঃ॥ 8-88-1 (59372)
এষ তে রুধিরং তীব্রং পিবামি পুরুষাদবৎ।
বদেদানীং সুসংরব্ধঃ পুনর্গৌরিতি গৌরিতি॥ 8-88-2 (59373)
যে চাস্মান্প্রতিনৃত্যন্তি তদা গৌরিতি গৌরিতি।
তান্বয়ং প্রতিনৃত্যামঃ পুনর্গৌরিতি গৌরিতি॥ 8-88-3 (59374)
প্রমাণকোট্যাং শয়নে কালকূটকভোজনম্।
দংশনং চাহিভিস্তীক্ষ্ণৈর্দাহং জতুগৃহে চ যৎ॥ 8-88-4 (59375)
দ্যূতে চ দোষভূয়স্ৎবমরণ্যে বসতিশ্চ যা।
ইষ্বস্ত্রাণি চ সঙ্গ্রামে অনিলানিলবেশ্মসু॥ 8-88-5 (59376)
দুঃখান্যেবাভিজানীমো ন সুখানি কদাচন।
ধৃতরাষ্ট্রস্য দৌরাত্ম্যাৎসপুত্রস্য বয়ং সদা॥ 8-88-6 (59377)
ইত্যুচ্চৈর্বচনং প্রোচ্য জয়ং প্রাপ্য বৃকোদরঃ।
পুনরেব মহারাজ তব সৈন্যমভিদ্রবৎ॥ 8-88-7 (59378)
রক্তার্দ্রপাণিস্তু ততো মহাত্মা
গদাপাণিঃ কাল ইবান্তকালে।
বিভীষয়ংস্তব পুত্রস্য সৈন্য--
মিতস্ততো ধাবতি বাহিনীং তে॥ 8-88-8 (59379)
ততঃ ক্ষণাদ্ভারত শূন্যমাসী--
দায়োধনং ঘোরতরং কুরূণাম্।
যত্রাজিমধ্যে প্রাপিবদ্ভীমসেনো
দুঃশাসনস্য রুধিরং ক্রোধদীপ্তঃ॥ 8-88-9 (59380)
স হৎবা সমরে রাজন্রাজপুত্রং মহাবলম্।
পূর্ণকামো মদোদগ্রঃ সিংহো রুরুমিবোৎকটঃ॥ 8-88-10 (59381)
রুধিরার্দ্রো মহারাজ ব্যশোভত পরন্তপঃ।
সপুষ্পঃ কিংশুক ইব রক্তরক্ততরো বভৌ॥ 8-88-11 (59382)
রুধিরাক্তো ঘোরবেষঃ ক্রুদ্ধো রাজন্বচোঽব্রবীৎ।
ব্রূহীদানীং পাপমতে নৃশংস পতিতো হ্যসি॥ 8-88-12 (59383)
দুঃশাসনে যাদৃশং সংশ্রুতং ন--
স্তদবাপ্তং পাণ্ডবৈঃ সর্বমেব।
অত্রৈবমাপ্স্যাম্যপরং দ্বিতীয়ং
দুর্যোধনং যজ্ঞপশুং বিশস্য॥ 8-88-13 (59384)
শিরো মৃদিৎবাঽস্য পুনশ্চ শান্তিং
যাস্যাম্যহং কৌরবাণাং সমক্ষম্।
যা সাঽপতিঃ সা সপতির্হি জাতা
যাস্তাঃ সপত্যোঽপতয়স্তু জাতাঃ॥ 8-88-14 (59385)
পশ্যন্তু চিত্রং বিবিধং হি লোকে
যে বৈ তিলাঃ ষণ্ডতিলা বভূবুঃ।
তে চেৎসংসিদ্ধা নিধনং গতাঃ পরে
কিং চিত্ররূপং বত জীবলোকে॥ 8-88-15 (59386)
এতাবদুক্ৎবা বচনং প্রহৃষ্টঃ
প্রাক্রোশদুচ্চৈ রুধিরার্দ্রবক্রঃ।
ননর্ত চৈবাতিবলো মহাত্মা
বৃত্রং নিহত্যেব সহস্রনেত্রঃ॥ 8-88-16 (59387)
দৃষ্ট্বা তু নৃত্যন্তমুদগ্রবীর্যং
কালং যথা ৎবন্তকালে প্রজানাম্।
মহদ্ভয়ং চাধিরথিং বিবেশ
জয়ে নিরাশাশ্চ সুতাস্ৎবদীয়াঃ॥ 8-88-17 (59388)
দুঃশাসনে তু নিহতে পুত্রাস্তব মহারথাঃ।
মহৎক্রোধবিষং বীরা ধারয়ন্তো মহাবলাঃ।
তে তু রাজন্মহাবীর্যা ভীমং প্রাচ্ছাদয়ঞ্ছরৈঃ॥ 8-88-18 (59389)
নিষঙ্গী কবচী খঙ্গী দণ্ডধারো ধনুর্ধরঃ।
অলম্বুর্জলসন্ধশ্চ বাতবেগসুবর্চসৌ॥ 8-88-19 (59390)
এতে সমেত্য সহিতা ভ্রাতৃব্যসনকর্শিতাঃ।
ভীমসেনং মহাবাহুং পীডয়ামাসুরঞ্জসা॥ 8-88-20 (59391)
স বধ্যমানো বিশিখৈঃ সমন্তাত্তৈর্মহারথৈঃ।
ভীমঃ ক্রোধাভিরক্তাক্ষঃ ক্রুদ্ধঃ কাল ইবাবভৌ॥ 8-88-21 (59392)
ততঃ পরিবৃতো রাজন্নবভিঃ শত্রুতাপনৈঃ।
দুঃশাসনাদবরজৈঃ পুত্রৈস্তব বৃকোদরঃ॥ 8-88-22 (59393)
তাংস্তু ভল্লৈর্মহাবেগৈর্নবভির্নব ভারত।
রুক্মাঙ্গদান্রুক্মপুঙ্খৈঃ পার্থো নিন্যে যমক্ষয়ম্॥ 8-88-23 (59394)
হতেষু তব পুত্রেষু বলং তদ্বিপ্রদুদ্রুবে।
পশ্যতঃ সূতপুত্রস্য পাণ্ডবস্য ভয়ার্দিতম্॥ 8-88-24 (59395)
ততঃ কর্ণং মহারাজ প্রবিবেশ মহদ্ভয়ম্।
দৃষ্ট্বা ভীমস্য বিক্রান্তমন্তকস্য প্রজাস্বিব॥ 8-88-25 (59396)
তস্য ৎবাকারভাবজ্ঞঃ শল্যঃ সমিতিশোভনঃ। 8-88-26 (59397)
উবাচ বচনং কর্ণং প্রাপ্তকালং হিতং তদা॥ 8-88-27 (59398)
এতে দ্রবন্তি রাজানো ভীমসেনভয়ার্দিতাঃ।
দুর্যোধনশ্চ সম্মূঢো ভ্রাতৃব্যসনকর্শিতঃ॥ 8-88-28 (59399)
দুঃশাসনস্য রুধিরে পীয়মানে মহাত্মনা।
ব্যাপন্নচেতাঃ সহসা শোকোপহতচেতনঃ॥ 8-88-29 (59400)
উপাসতে ৎবামেতে হি পরিবার্য মহারথাঃ।
কৃপপ্রভৃতয়ঃ কর্ণ হতশেষাঃ সহোদরাঃ॥ 8-88-30 (59401)
পাণ্ডবা লব্ধলক্ষাশ্চ ধনঞ্জয়পুরোগমাঃ।
ৎবামেবাভিমুখাঃ শূরা যুদ্ধায় সমুপস্থিতাঃ॥ 8-88-31 (59402)
স ৎবং পুরুষশার্দূল পৌরুষে মহতি স্থিতঃ।
ক্ষত্রধর্মং পুরস্কৃত্য প্রত্যুদ্যাহি ধনঞ্জয়ম্॥ 8-88-32 (59403)
ভারো হি ধার্তরাষ্ট্রেণ ৎবয়ি সর্বঃ সমাহিতঃ।
তমুদ্বহ মহাবাহো যথাশক্তি যথাবলম্॥ 8-88-33 (59404)
জয়ে স্যাদ্বিপুলা কীর্তির্ধ্রুবঃ স্বর্গঃ পরাজয়ে।
বৃষসেনশ্চ রাধেয় সঙ্ক্রুদ্ধস্তনয়স্তব।
ৎবয়ি মোহং সমাপন্নে পাণ়্ডবানভিধাবতি॥ 8-88-34 (59405)
সঞ্জয় উবাচ। 8-88-35x (5050)
এতচ্ছ্রুৎবা তু বচনং শল্যস্যামিততোজসঃ।
হৃদি মানুষ্যকং ভাবং কৃৎবা যুদ্বায় সুস্থিরম্॥ 8-88-35 (59406)
ততঃ ক্রুদ্ধো বৃষসেনোঽভ্যধাব--
দ্ভীমং সমায়ান্তমমিত্রসাহম্।
বাণৈঃ কিরন্তং প্রতিয়াতি চোগ্রং
ব্যাত্তাননং কালমিবাপতন্তম্॥ 8-88-36 (59407)
তমভ্যধাবন্নকুলঃ প্রবীর--
মারাদমিত্রং প্রতুদন্পৃষৎকৈঃ।
কর্ণস্য পুত্রং সমরে প্রহৃষ্টং
জিষ্ণুর্জিঘাংসুর্মঘবেব জম্ভম্॥ 8-88-37 (59408)
ততো ধ্বজং স্ফাটিকহেমচিত্রং
চিচ্ছেদ ধৈর্যান্নকুলঃ ক্ষুরেণ।
কর্ণাত্মজস্যেষ্বসনং চ চিত্রং
ভল্লেন জাম্বূনদচিত্রনদ্ধম্॥ 8-88-38 (59409)
অথান্যদাদায় ধনুঃ স শীঘ্রং
কর্ণাত্মজঃ পাণ্ডবমভ্যবিধ্যৎ।
দিব্যৈরস্ত্রৈরভ্যবর্ষত্তদৈনং
কর্ণস্য পুত্রো নকুলং কৃতাস্ত্রম্॥ 8-88-39 (59410)
ততঃ ক্রুদ্ধো নকুলঃ কর্ণপুত্রং
শরৈর্মহোল্কাভিরিবাভ্যপীডয়ৎ।
স কর্ণপুত্রো নকুলস্য রাজ--
ন্সর্বানস্ত্রান্বারয়দুত্তমাস্ত্রৈঃ॥ 8-88-40 (59411)
আসীৎসুঘোরং ভরতপ্রবীর
যুদ্ধং তদা কর্ণজপাণ্ডবাভ্যাম্॥ 8-88-41 (59412)
বনায়ুজান্সুকুমারান্সুশুভ্রা--
নলঙ্কৃতাঞ্জাতরূপেণ চিত্রান্।
জঘান চাশ্বান্নকুলস্য বীরো
রণাজিরে সূতপুত্রস্য পুত্রঃ॥ 8-88-42 (59413)
ততো হতাশ্বাদবরুহ্য যানা--
চ্চর্মাঽঽদদে রুচিরং বর্হিচিত্রম্।
আকাশসঙ্কাশমসিং প্রগৃহ্য
প্রকাশমানঃ খগবচ্চচার॥ 8-88-43 (59414)
ততোঽস্য পক্ষাননয়দ্যমায়
দ্বিসাহস্রান্নকুলঃ ক্ষিপ্রকারী।
তে প্রাপতন্নসিনা বৈ বিশস্তা
যথাঽশ্বমেধে পশবঃ শমিত্রা॥ 8-88-44 (59415)
ততস্ততো বিজিতা যুদ্ধশৌণ্ডা
নানাদেশ্যাঃ সুহৃদঃ সত্যসন্ধাঃ।
একেন শীঘ্রং নকুলেন নুন্নাঃ
সারেপ্সুনেবোত্তমচন্দনস্য॥ 8-88-45 (59416)
ভূমৌ চরন্তং নকুলং রথৌঘাঃ
সমন্ততঃ সায়কৈঃ প্রত্যগৃহ্ণন্।
স তুদ্যমানো নকুলো বিহঙ্গৈ--
শ্চচার সঙ্খ্যে দ্বিষতো বিনিঘ্নন্॥ 8-88-46 (59417)
তং কর্ণপুত্রোঽপি চরন্তমাজৌ
নরাশ্বমাতঙ্গরথপ্রবীরান্।
নিঘ্নন্তমষ্টাদশভিঃ পৃষৎকৈ--
র্বিব্যাধ বীরঃ স চুকোপ বিদ্ধঃ॥ 8-88-47 (59418)
ততোঽভ্যধাবৎসমরে জিঘাংসুঃ
কর্ণাত্মজং পাণ্ডুসুতো নৃবীরম্।
তস্যেষুভির্বধমৎসূতপুত্রো
মহারণে বর্ম সহস্রভারম্॥ 8-88-48 (59419)
তস্যাথ কাংস্যং সুশিতং সুপীত--
মসিপ্রবীরং গুরুভারাসাহম্।
দ্বিষচ্ছরীরাপহরং সুঘোর--
মাধূন্বতঃ সর্পমিবাত্তকোশম্॥ 8-88-49 (59420)
ক্ষিপ্রং শরৈঃ ষঙ্ভিরমিত্রসাহ--
শ্চকর্ত খঙ্গং নিশিতৈঃ সুধারৈঃ।
পুনশ্চ পার্থং নিশিতৈঃ পৃষৎকৈঃ
স্তনান্তরে ক্ষিপ্রমিবাত্যবিধ্যৎ॥ 8-88-50 (59421)
স ভীমসেনস্য রথং চ গৎবা
ববর্ষ বৈ শরবর্ষং সুঘোরম্॥ 8-88-51 (59422)
নকুলমথ বিদিৎবা ছিন্নবাণাসনাসিং
বিরথমরিভিরার্তং কর্ণপুত্রাস্ত্রমগ্নম্।
পবনচলপতাকা হ্লাদিনো বল্গিতাশ্বাঃ
পরপুরুষনিয়ুক্তাঃ স্বৈ রথৈঃ শীঘ্রমীয়ুঃ॥ 8-88-52 (59423)
দ্রুপদসুতবরিষ্ঠাঃ পঞ্চ শৈনেয়ষষ্ঠা
দ্রুপদদুহিতৃপুত্রাঃ পঞ্চ চামিত্রসাহাঃ।
দ্বিরদরথনরাশ্বান্সূদয়ন্তস্ৎবদীয়ান্
ভগবত ইব রুদ্রাঃ সঙ্খ্যযা হেতিমন্তঃ॥ 8-88-53 (59424)
অথ তব রথমুখ্যাস্তান্প্রতীয়ুস্ৎবরন্তঃ
কৃপহৃদিকসুতৌ চ দ্রৌণিদুর্যোধনৌ চ।
শকুনিশুকবৃকাশ্চ ক্রাথদেবাবৃধৌ চ
দ্বিরদজলদঘৌষৈঃ স্যন্দনৈঃ কার্মুকৈশ্চ॥ 8-88-54 (59425)
অথ তব রথবর্যাস্তান্দশৈকপ্রবীরা--
নিষুভিরশনিকল্পৈস্তাডয়ন্তো ন্যরুন্ধন্।
নবজলদসবর্ণৈর্হস্তিভিস্তান্স্ম বব্রু--
র্গিরিশিখরনিকাশৈর্ভীমবেগৈঃ কুণিন্দাঃ॥ ॥ 8-88-55 (59426)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে অষ্টাশীতিতমোঽধ্যায়ঃ॥ 88 ॥
॥ শ্রীঃ ॥
8.89. অধ্যায়ঃ 089
Mahabharata - Karna Parva - Chapter Topics
সঙ্কুলয়ুদ্ধম্॥ 1 ॥
Mahabharata - Karna Parva - Chapter Text
8-89-0 (59427)
সঞ্জয় উবাচ। 8-89-0x (5051)
সুকল্পিতা হৈমবতা মহোৎকটা
রণাভিকামৈঃ কৃতিভিঃ সমাস্থিতাঃ।
সুবর্ণজালৈর্বিততা বভুর্গজা--
স্তথা যথা খে জলদাঃ সবিদ্যুতঃ॥ 8-89-1 (59428)
কুণিন্দপুত্রো দশভির্মহায়সৈঃ
কৃপং সসূতাশ্বমপীডয়দ্ভৃশম্।
ততঃ শরদ্বৎসুতসায়কৈর্হতঃ
সহৈব নাগেন পপাত ভূতলে॥ 8-89-2 (59429)
কুণিন্দপুত্রাবরজস্তু তোমরৈ--
র্দিবাকরাংশুপ্রতিমৈরয়স্ময়ৈঃ।
জঘান ভোজস্য হয়ানথাপতন্
ক্ষণাদ্বিশস্তাঃ কৃতবর্মণে হয়াঃ॥ 8-89-3 (59430)
অথাপরে দ্রৌণিহতা মহাদ্বিপা--
স্ত্রয়ঃ সসর্বায়ুধয়োধকেতনাঃ।
নিপেতুরুর্ব্যাং ব্যসবো বিচেতনা--
স্তথা যথা বজ্রহতা মহাচলাঃ॥ 8-89-4 (59431)
কুণিন্দরাজাবরজাদনন্তরঃ
স্তনান্তরে পত্রিবরৈরতাডয়ৎ।
তবাত্মজং তস্য তবাত্মজঃ শরৈঃ
শিতৈঃ শরীরং ব্যহনদ্দ্বিপং চ তম্॥ 8-89-5 (59432)
স নাগরাজঃ সহ রাজসূনুনা
পপাত রক্তং বহু সর্বতঃ ক্ষরন্।
মহেন্দ্রবজ্রপ্রহতোঽম্বুদাগমে
যথা জলং গেরিকপর্বতস্তথা॥ 8-89-6 (59433)
কুণিন্দপুত্রপ্রহিতোঽপরো দ্বিপঃ
ক্রাথং সসূতাশ্বরথং ব্যপোথয়ৎ।
ততোঽপতৎক্রাথসরাভিঘাতিতঃ
সহেশ্বরো বজ্রহতো যথা গিরিঃ॥ 8-89-7 (59434)
রথী দ্বিপস্থেন হতোঽপতচ্ছরৈঃ
ক্রাথাধিপঃ পর্বতজেন দুর্জয়ঃ।
সবাজিসূতেষ্বসনধ্বজস্তথা
যথা মহাবাতহতো মহাদ্রুমঃ॥ 8-89-8 (59435)
বৃকো দ্বিপস্থং গিরিরাজবাসিনং
ভৃশং শরৈর্দ্বাদশভিঃ পরাভিনৎ।
ততো বৃকং সাশ্বরথং মহাদ্বিপো
দ্রুতং চতুর্ভিরণৈর্ব্যপোথয়ৎ॥ 8-89-9 (59436)
স পোথিতো নাগরবেণ বীর্যবা--
ন্পরাভিনদ্দ্বাদশভিঃ শিলীমুখৈঃ।
বৃকেণ বাণাভিহতোঽপতৎক্ষিতৌ
সবারণো বভ্রুসুতেন সার্ধম্॥ 8-89-10 (59437)
কুণিন্দরাজস্য সুতোঽপরস্তদা
স চাপি শূরঃ সহসা সমর্পিতঃ।
পপাত বাণৈঃ সুবলস্য সূনুনা
বিষাণপুচ্ছাপরগাত্রপাতিনা॥ 8-89-11 (59438)
গজেন বাহাঞ্শকুনেঃ কুণিন্দজো
নিনায় বৈবস্বতমন্দিরং রণে।
রথং চ সংক্ষুভ্য ননাদ নর্দত--
স্ততোঽস্য গান্ধারপতিঃ শিরোঽহরৎ॥ 8-89-12 (59439)
ততঃ কুণিন্দেষু গতেষু তেষু
প্রহৃষ্টরূপাস্তব তে মহারথাঃ।
ভৃশং প্রদরধ্মুর্লবণাম্বুসম্ভবা--
ন্বরাংশ্চ বাণাসনপাণয়োঽভ্যযুঃ॥ 8-89-13 (59440)
তথাঽভবদ্যুদ্ধমতীব দারুণং
পুনঃ কুরূণাং সহ পাণ্ডুসৃঞ্জয়ৈঃ।
শরাসিশক্ত্যৃষ্টিগদাপরশ্বথৈ--
র্নরাশ্বনাগাসুহরং ভৃশাকুলম্॥ 8-89-14 (59441)
রথাশ্বমাতঙ্গপদাতয়স্ততঃ
পরস্পরং বিপ্রহতাঃ ক্ষিতৌ পতন্।
যথা সবিদ্যুত্তটিতো জলপ্রদাঃ
সমুত্থিতৈর্দিগ্ভ্য ইবোগ্রমারুতেঃ॥ 8-89-15 (59442)
ততঃ শতানীকহতা মহাগজা
হয়া রথাঃ পত্তিগণাশ্চ তাবকাঃ।
সুপর্ণবাতপ্রহতা যথোরগা--
স্তথা গতা গাং বিবশা বিচূর্ণিতাঃ॥ 8-89-16 (59443)
ততোঽভ্যবিদ্ধ্যদ্বহুভিঃ শিতৈঃ শরৈঃ
স বিন্দপুত্রো নকুলাত্মজং স্ময়ন্।
ততোঽস্য কোপাদ্বিচকর্ত নাকুলিঃ
শিরঃ ক্ষুরেণাম্বুজসন্নিভাননম্॥ 8-89-17 (59444)
ততঃ শতানীকমবিধ্যদায়সৈ--
স্ত্রিভিঃ শরৈঃ কর্ণসুতোঽর্জুনং ত্রিভিঃ।
ত্রিভিশ্চ ভীমং নকুলং চ সপ্তভি--
র্জনার্দনং দ্বাদশভিশ্চ সায়কৈঃ॥ 8-89-18 (59445)
তদস্য কর্মাতিমনুষ্যকর্মণঃ
সমীক্ষ্য হৃষ্টাঃ কুরবোঽভ্যপূজয়ন্।
পরাক্রমজ্ঞাস্তু ধনঞ্জয়স্য যে
হুতোঽয়মগ্নাবিতি তে তু মেনিরে॥ ॥ 8-89-19 (59446)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে একোননবতিতমোঽধ্যায়ঃ॥ 89 ॥
॥ শ্রীঃ ॥
8.90. অধ্যায়ঃ 090
Mahabharata - Karna Parva - Chapter Topics
অর্জুনেন কর্ণসূনোর্বৃষসেনস্য বধঃ॥ 1 ॥
Mahabharata - Karna Parva - Chapter Text
8-90-0 (59447)
সঞ্জয় উবাচ। 8-90-0x (5052)
ততঃ কিরীটি পরবীরঘাতী
হতাশ্বমালোক্য নরপ্রবীরঃ।
মাদ্রীসুতং নকুলং লোকমধ্যে
সমীক্ষ্য কৃষ্ণং ভৃশবিক্ষতং চ।
সমভ্যধাবদ্বৃষসেনমাহবে
স সূতজস্য প্রমুখে স্থিতস্তদা॥ 8-90-1 (59448)
তমাপতন্তং নরবীরমুগ্রং
মহাহবে বাণসহস্রধারিণম্।
অভ্যাপতৎকর্ণসুতো মহারথং
যথা মহেন্দ্রং নমুচিঃ পুরা তথা॥ 8-90-2 (59449)
তৌ তত্র শূরৌ রথকুঞ্জরৌ রণে
পরস্পরস্যাভিমুখৌ মহারথৌ।
সসর্জতুঃ শরসঙ্ঘাননেকা--
ন্সম্ভ্রান্তরূপৌ সুভৃশং তদানীম্॥ 8-90-3 (59450)
ততো দ্রুতং চৈকশরেণ পার্থং
শিতেন বিদ্ধ্বা যুধি কর্ণপুত্রঃ।
ননাদ নাদং সুমহানুভাবো
বিদ্ধ্বেব শক্রং নমুচিঃ স বীরঃ॥ 8-90-4 (59451)
পুনঃ স পার্থং বৃষসেন উগ্রৈ--
র্বাণৈরবিদ্ধ্যদ্ভুজমূলে তু সব্যে।
তথৈব কৃষ্ণং নবভিঃ সমার্দয়--
ৎপুনশ্চ পার্থং দশভির্জঘান॥ 8-90-5 (59452)
পূর্বং যথা বৃষসেনপ্রয়ুক্তৈ--
রভ্যাহতঃ শ্বেতহয়ঃ শরৈস্তৈঃ।
সংরম্ভমীষদ্গমিতো বধায়
কর্ণাত্মজস্যাথ মনঃ প্রদধ্রে॥ 8-90-6 (59453)
ততঃ কিরীটি রণমূর্ধ্নি কোপাৎ
কৃৎবা ত্রিশাখাং ভ্রুকুটিং ললাটে।
মুমোচ তূর্ণং বিশিখান্মহাত্মা
বধে ধৃতঃ কর্ণসুতস্য সঙ্খ্যে।
আরক্তনেত্রোঽন্তকশত্রুহন্তা
উবাচ কর্ণং ভৃশমুৎস্ময়ংস্তদা॥ 8-90-7 (59454)
দুর্যোধনং দ্রৌণিমুখাংশ্চ সর্বা--
নহং রণে বৃষসেনং তমুগ্রম্।
সম্পশ্যতঃ কর্ণ তবাদ্য সঙ্খ্যে
নয়ামি লোকং নিশিতৈঃ পৃষৎকৈঃ॥ 8-90-8 (59455)
ঊনং চ তাবদ্ধি জনা বদন্তি
সর্বৈর্ভবদ্ভির্মম সূনুর্হতোঽসৌ।
একো রথো মদ্বিহীনস্তরস্বী
অহং হনিষ্যে ভবতাং সমক্ষম্॥ 8-90-9 (59456)
সংরক্ষ্যতাং রথসংস্থাঃ সুতোঽয়--
মহং হনিষ্যে ভবতাং সমক্ষম্॥
পশ্চাদ্বধিষ্যে ৎবামপি সম্প্রমূঢ--
মহং হনিষ্যেঽর্জুন আজিমধ্যে॥ 8-90-10 (59457)
তমদ্য মূলং কলহস্য সঙ্খ্যে
দুর্যোধনাপাশ্রয় জাতদর্পম্।
ৎবামদ্য হন্তাঽস্মি রণে প্রসহ্য
অস্যৈব হন্তা যুধি ভীমসেনঃ।
দুর্যোধনস্যাধমপূরুষস্য
যস্যানয়াদেষ মহান্ক্ষয়োঽভবৎ॥ 8-90-11 (59458)
স এবমুক্ৎবা বিনিমৃজ্য চাপং
লক্ষ্যং হি কৃৎবা বৃষসেনমাজৌ।
সসর্জ বাণান্বিশিখান্মহাত্মা
বধায় রাজন্কর্ণসুতস্য সঙ্খ্যে॥ 8-90-12 (59459)
বিব্যাধ চৈনং দশভিঃ পৃষৎকৈ--
র্মর্মস্বশঙ্কং প্রহসন্কিরীটী।
চিচ্ছেদ চাস্যেষ্বসনং ভুজৌ চ
ক্ষুরৈশ্চতুর্ভির্নিশিতৈঃ শিরশ্চ॥ 8-90-13 (59460)
স পার্থবাণাভিহতঃ পপাত
রথাদ্বিবাহুর্বিশিরা ধরায়াম্।
সুপুষ্পিতো বজ্রহতোঽতিমাত্রো
ভগ্নো যথা সাল ইবাবকৃত্তঃ॥ 8-90-14 (59461)
তং পার্থবাণাভিহতং পতন্তং
সম্প্রেক্ষ্য কর্ণঃ সুতমাশুকারী।
রথং রথেনাশু জগাম রোষা--
ৎকিরীটিনঃ পুত্রবধাভিতপ্তঃ॥ 8-90-1x1 সঞ্জয় উবাচ। 8-90-1a1 তমায়ান্তমভিপ্রেক্ষ্য বেলোদ্বৃত্তমিবার্ণবম্। 8-90-1b1 গর্জন্তং সুমহাকায়ং দুর্নিবারং সুরৈরপি। 8-90-1c1 অর্জুনং প্রাহ দাশার্হঃ প্রহস্য পুরুষর্ষভঃ॥ 8-90-2a2 অর্য সরথ আয়াসি শ্বেতাশ্বঃ শল্যসারথিঃ। 8-90-2b2 যেন তে সহ যোদ্ধব্যং স্থিরো ভব ধনঞ্জয়॥ 8-90-3a3 পশ্য চৈনং সমায়ুক্তং রথং কর্ণস্য পাণ্ডব। 8-90-3b3 শ্বেতবাজিসমায়ুক্তং যুক্তং রাধাসুতেন চ॥ 8-90-4a4 নানাপতাকাকলিলং কিঙ্কিণীজালমালিনম্। 8-90-4b4 উহ্যমানমিবাকাশো বিমানং পাণ্ডুরৈর্হয়ৈঃ॥ 8-90-5a5 ধ্বজং চ পশ্য কর্ণস্য নাগকক্ষং মহাত্মনঃ। 8-90-5b5 আখণ্ডলধনুঃপ্রখ্যমুল্লিখন্তমিবাম্বরম্॥ 8-90-6a6 পশ্য কর্ণং সমায়ান্তং ধার্তরাষ্ট্রপ্রিয়ৈষিণম্। 8-90-6b6 শরধারা বিমুঞ্চন্তং ধারাসারমিবাম্বুদম্॥ 8-90-7a7 এষ মদ্রেশ্বরো রাজা রথাগ্রে পর্যবস্থিতঃ। 8-90-7b7 নিয়চ্ছতি হয়ানস্য রাধেয়স্যামিতৌজসঃ॥ 8-90-8a8 শৃণু দুন্দুভিনির্ঘোষং শঙ্খশব্দং চ দারুণম্। 8-90-8b8 সিংহনাদাংশ্চ বিবিধাঞ্শৃণু পাণ়্ডব সর্বতঃ॥ 8-90-9a9 অন্তর্ধায় মহাশব্দান্কর্ণেনামিততেজসা। 8-90-9b9 দোধূয়মানস্য ভৃশং ধনুষঃ শৃণু নিঃস্বনম্॥ 8-90-10a10 এতে দীর্যন্তি সগণাঃ পাঞ্চালানাং মহারথাঃ। 8-90-10b10 দৃষ্ট্বা কেসরিণং ক্রুদ্ধং মৃগা ইব মহাবনে॥ 8-90-11a11 সর্বয়ত্নেন কৌন্তেয় হন্তুমর্হসি সূতজম্। 8-90-11b11 ন হি কর্ণশরানন্যঃ সোঢুমুৎসহতে নরঃ॥ 8-90-12a12 সদেবাসুরগন্ধর্বাংস্ত্রীঁল্লোকান্সচরাচরান্। 8-90-12b12 ৎবং হি জেতুং রণে শক্তস্তথৈব বিদিতং মম॥ 8-90-13a13 ভীমমুগ্রং মহাত্মানং ত্র্যক্ষং শর্বং কপর্দিনম্। 8-90-13b13 ন শক্তা দ্রষ্টুমীশানং কিং পুনর্যোধিতুং প্রভুম্॥ 8-90-14a14 ৎবয়া সাক্ষান্মহাদেবঃ সর্বভূতশিবঃ শিবঃ। 8-90-14b14 যুদ্ধেনারাধিতঃ স্থাণুর্দেবাশ্চ বরদাস্তব॥ 8-90-15a15 তস্য পার্থ প্রসাদেন দেবদেবস্য শূলিনঃ। 8-90-15b15 জহি কর্ণং মহাবাহো নমুচিং বৃত্রহা যথা॥ 8-90-16a16 শ্রেয়স্তেঽস্তু সদা পার্থ যুদ্ধে জয়মবাপ্নুহি॥ 8-90-16b17x অর্জুন উবাচ। 8-90-17a17 ধ্রুব এব জয়ঃ কৃষ্ণ মম নাস্ত্যত্র সংশয়ঃ। 8-90-17b17 সর্বলোকগুরুর্যস্ৎবং তুষ্টোঽসি মধুসূদন॥ 8-90-18a18 চোদয়াশ্বান্হৃষীকেশ রথং মম মহারথ। 8-90-18b18 নাহৎবা সমরে কর্ণং নিবর্তিষ্যতি ফল্গুনঃ॥ 8-90-19a19 অদ্য কর্ণং হতং পশ্য মচ্ছরৈঃ শকলীকৃতম্। 8-90-19b19 মাং বা দ্রক্ষ্যসি গোবিন্দ কর্ণেন নিহতং শরৈঃ॥ 8-90-20a20 উপস্থিতমিদং ঘোরং যুদ্ধং ত্রৈলোক্যমোহনম্। 8-90-20b20 যজ্জনাঃ কথয়িষ্যন্তি যাবদ্ভূমির্ধরিষ্যতি॥ 8-90-21a21 এবং ব্রুবংস্তদা পার্থঃ কৃষ্ণমক্লিষ্টকারিণম্। 8-90-21b21 প্রত্যুদ্যযৌ রথেনাশু গজং প্রতিগজো যথা॥ 8-90-22a22 পুনরপ্যাহ তেজস্বী পার্থঃ কৃষ্ণমরিন্দম। 8-90-22b22 চোদয়াশ্বান্হৃষীকেশ কালোঽয়মতিবর্ততে॥ 8-90-23a23 এবমুক্তস্তদা তেন পাণ়্ডবেন মহাত্মনা। 8-90-23b23 জয়েন সম্পূজ্য স পাণ্ডবং তদা 8-90-23c23 প্রচোদয়ামাস হয়ান্মনোজবান্॥ 8-90-24a24 স পাণ্ডুপুত্রস্য রথো মনোজবঃ 8-90-24b24 ক্ষণেন কর্ণস্য রথাগ্রগোঽভবৎ॥ ॥ 8-90-15 (59462)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে নবতিতমোঽধ্যায়ঃ*॥ 90 ॥
Mahabharata - Karna Parva - Chapter Footnotes
॥ শ্রীঃ ॥
8.91. অধ্যায়ঃ 091
Mahabharata - Karna Parva - Chapter Topics
রণায় কর্ণার্জুনয়োঃ সমাগমঃ॥ 1 ॥ তদবলোকনায় দিবি দেবগন্ধর্বাদীনাং সমাগমঃ॥ 2 ॥ দেবাসুরাদীনাং কর্ণার্জু নসমাশ্রয়ণেন দ্বৈধীভাবঃ॥ 3 ॥
Mahabharata - Karna Parva - Chapter Text
8-91-0 (59463)
সঞ্জয় উবাচ। 8-91-0x (5053)
বৃষসেনং হতং দৃষ্ট্বা ক্রোধামর্ষসমন্বিতঃ।
পুত্রশোকোদ্ভবং বারি নেত্রাভ্যাং সমবাসৃজৎ॥ 8-91-1 (59464)
রথেন কর্ণস্তেজস্বী জগামাভিমুখো রিপুম্।
যুদ্ধায়ামর্পতাম্রাক্ষঃ সমাহূয় ধনঞ্জয়ম্॥ 8-91-2 (59465)
তৌ রথৌ সূর্যসঙ্কাশৌ বৈয়াঘ্রপরিবারিতৌ।
সমেতৌ দদৃশুস্তত্র দ্বাবিবার্কৌ সমুদ্গতৌ॥ 8-91-3 (59466)
শ্বেতাশ্বৌ পুরুষাদিত্যাবাস্থিতাবরিমর্দনৌ।
শুশুভাতে মহাত্মানৌ চন্দ্রাদিত্যৌ যথা দিবি।
`রথৌ চতুর্ভির্জলদৈর্ভগমিত্রাবিবাম্বরে'॥ 8-91-4 (59467)
তৌ দৃষ্ট্বা বিস্ময়ং জগ্মুঃ সর্বসৈন্যানি মারিষ।
ত্রৈলোক্যবিজয়ে যত্তাবিন্দ্রবৈরোচনাবিব॥ 8-91-5 (59468)
রথজ্যাতলনির্হাদৈর্বাণশঙ্খরবৈস্তথা।
তৌ রথাবভ্যধাবন্ত ক্ষত্রিয়াঃ সর্ব এব হি॥ 8-91-6 (59469)
ধ্বজাবালোক্য বীরাণাং বিস্ময়ঃ সমপদ্যত।
হস্তিকক্ষ্যাং চ কর্ণস্য বানরং চ কিরীটিনঃ॥ 8-91-7 (59470)
তৌ রথৌ সম্প্রসক্তৌ তু দৃষ্ট্বা ভারত পার্থিবাঃ।
সিংহনাদরবাংশ্চক্রুঃ সাধুবাদাংশ্চ পুষ্কলান্॥ 8-91-8 (59471)
শ্রুৎবা তয়োর্দ্বৈরথং চ তত্র যোধাঃ সহস্রশঃ।
চক্রুর্বাহুস্বনাংশ্চৈব তথা বাণরবং মহৎ॥ 8-91-9 (59472)
আজঘ্নুঃ কুরবস্তত্র বাদিত্রাণি সমন্ততঃ।
রাধেয়মভিতো দধ্মুঃ শঙ্খাঞ্শতসহস্রশঃ॥ 8-91-10 (59473)
তথৈব পাণ্ডবাঃ সর্বে হর্ষয়ন্তো ধনঞ্জয়ম্।
তূর্যশঙ্খনিনাদেন দিশঃ সর্বা ব্যনাদয়ন্॥ 8-91-11 (59474)
ক্ষ্বেলিতাস্ফোটিতোৎক্রুষ্টৈস্তুমুলং সর্বতোঽভবৎ।
বাহুশব্দৈশ্চ শূরাণাং কর্ণার্জুনসমাগমে॥ 8-91-12 (59475)
তৌ দৃষ্ট্বা পুরুষব্যাঘ্রৌ রথস্থৌ রথিনাং বরৌ।
প্রগৃহীতমহাচাপৌ শরশক্তিধ্বজায়ুতৌ॥ 8-91-13 (59476)
বর্মিণৌ বদ্ধনিস্ত্রিংশৌ শ্বেতাশ্বৌ শঙ্খশোভিতৌ।
তূণীরবসম্পন্নৌ দ্বাবপ্যেতৌ সুদর্শনৌ॥ 8-91-14 (59477)
রক্তচন্দনদিগ্ধাঙ্গৌ সমদৌ গোবৃষাবিব।
চাপবিদ্যুদ্ধ্বজোপেতৌ শস্ত্রসম্পত্তিয়োধিনৌ॥ 8-91-15 (59478)
চামরব্যজনোপৈতৌ শ্বেতচ্ছত্রোপশোভিতৌ।
কৃষ্ণশল্যরথোপেতৌ তুল্যরূপৌ মহারথৌ॥ 8-91-16 (59479)
সিংহস্কন্ধৌ দীর্ঘভুজৌ রক্তাক্ষৌ হেমমালিনৌ।
সিংহস্কন্ধপ্রতীকাশৌ ব্যূঢোরস্কৌ মহাবলৌ।
অন্যোন্যবধমিচ্ছন্তাবন্যোন্যজয়কাঙ্ক্ষিণৌ॥ 8-91-17 (59480)
অন্যোন্যমভিধাবন্তৌ গোষ্ঠে গোবৃষভাবিব।
প্রভিন্নাবিব মাতঙ্গৌ সুসংরব্ধাবিবাচলৌ॥ 8-91-18 (59481)
আশীবিষশিশুপ্রখ্যৌ যমকালান্তকোপমৌ।
ইন্দ্রবৃত্রাবিব ক্রুদ্ধৌ সূর্যচন্দ্রসমপ্রভৌ॥ 8-91-19 (59482)
মহাগ্রহাবিব ক্রুদ্ধৌ যুগান্তায় সমুত্থিতৌ।
দেবগর্ভৌ দেবসমৌ দেবতুল্যৌ চ রূপতঃ॥ 8-91-20 (59483)
যদৃচ্ছয়া সমায়াতৌ সূর্যাচন্দ্রমসৌ যথা।
বলিনৌ সমরে দৃপ্তৌ নানাশস্ত্রধরৌ যুধি॥ 8-91-21 (59484)
তৌ দৃষ্ট্বা পুরুষব্যাঘ্রৌ শার্দূলাবিব ধিষ্ঠিতৌ।
বভূব পরমো হর্ষস্তাবকানাং বিশাম্পতে॥ 8-91-22 (59485)
সংশয়ঃ সর্বভূতানাং বিজয়ে সমপদ্যত।
সমেতৌ পুরুষব্যাঘ্রৌ প্রেক্ষ্য কর্ণধনঞ্জয়ৌ॥ 8-91-23 (59486)
উভৌ বরায়ুধধরাবুভৌ রণকৃতশ্রমৌ।
উভৌ চ বাহুশব্দেন নাদয়ন্তৌ নভস্তলম্॥ 8-91-24 (59487)
উভৌ বিশ্রুতকর্মাণৌ পৌরুষেণ বলেন চ।
উভৌ চ সদৃশৌ যুদ্ধে শম্বরামররাজয়োঃ॥ 8-91-25 (59488)
কার্তবীর্যসমৌ চোভাবুভৌ দাশরথেঃ সমৌ।
বিষ্ণুবীর্যসমৌ চোভাবুভৌ ভবসমৌ যুধি॥ 8-91-26 (59489)
উভৌ শ্বেতহয়ৌ রাজন্রথপ্রবরবাহিনৌ।
সারথিপ্রবরৌ চাপি উভৌ মদ্রজনার্দনৌ॥ 8-91-27 (59490)
ততো দৃষ্ট্বা মহারাজ রাজমানৌ মহারথৌ।
সিদ্ধচারণসঙ্ঘানাং বিস্ময়ঃ সমপদ্যত॥ 8-91-28 (59491)
ধার্তরাষ্ট্রাস্ততস্তূর্ণং সবলা ভরতর্ষভ।
পরিবব্রুর্মহাত্মানং কর্ণমাহবশোভিনম্॥ 8-91-29 (59492)
তথৈব পাণ্ডবা দৃষ্ট্বা ধৃষ্টদ্যুম্নপুরোগমাঃ।
যমৌ চ চেকিতানশ্চ প্রহৃষ্টাশ্চ প্রভদ্রকাঃ॥ 8-91-30 (59493)
নানাদেশ্যাশ্চ যে শূরাঃ শিষ্টা যুদ্ধাভিনন্দিনঃ।
তে সর্বে সহিতা হৃষ্টাঃ পরিবব্রুর্ধনঞ্জয়ম্॥ 8-91-31 (59494)
রিরক্ষিষন্তঃ শথ্রুঘ্নাঃ পত্ত্যশ্বরথকুঞ্জরাঃ।
ধনঞ্জয়স্য বিজয়ে ধৃতাঃ কর্ণবধেঽপি চ॥ 8-91-32 (59495)
তথৈব তাবকাঃ সর্বে যত্তাঃ সেনাপ্রহারিণঃ।
দুর্যোধনমুখা রাজন্কর্ণং জুগুপুরাহবে॥ 8-91-33 (59496)
তাবকানাং রণে কর্ণো গ্লহো হ্যাসীদ্বিশাম্পতে।
তথৈব পাণ্ডবেয়ানাং গ্লহঃ পার্থোঽভবত্তদা॥ 8-91-34 (59497)
তয়োস্তু সভ্যাস্তত্রাসন্প্রেক্ষকাশ্চাভবন্যুধি।
তত্রৈষাং গ্লহমানানাং ধ্রুবৌ জয়পরাজয়ৌ॥ 8-91-35 (59498)
তাভ্যাং দ্যতং সমাসক্তং বিজয়ায়েতরায় বা।
অস্মাকং পাণ্ডবানাং চ স্থিতানাং রণমূর্ধনি॥ 8-91-36 (59499)
তৌ তু স্থিতৌ মহারাজ সমরে যুদ্ধশালিনৌ।
অন্যোন্যং প্রতিসংরব্ধাবন্যোন্যবধকাঙ্ক্ষিণৌ॥ 8-91-37 (59500)
তাবুমৌ প্রজিহীর্ষন্তাবিন্দ্রবৃত্রাবিব প্রভো।
ভীমরূপধরাবাস্তাং মহাধূমাবিব গ্রহৌ॥ 8-91-38 (59501)
ততোঽন্তরিক্ষে সঞ্জজ্ঞে বিবাদো ভরতর্ষভ।
মিথো ভেদাশ্চ ভূতানামাসন্কর্ণার্জুনান্তরে॥ 8-91-39 (59502)
ব্যাশ্রয়ন্ত দ্বিধা ভিন্নাঃ সর্বে লোকাস্তু মারিষ।
দেবদানবগন্ধর্বাঃ পিশাচোরগরাক্ষসাঃ।
প্রতিপক্ষগ্রহং চক্রুঃ কর্ণার্জুনসমাগমে॥ 8-91-40 (59503)
দ্যৌরাসীৎকর্ণপক্ষেঽত্র সনক্ষত্রা বিশাম্পতে।
ভূর্বিশালা পার্থমাতা পুত্রস্য জয়কাঙ্ক্ষিণী॥ 8-91-41 (59504)
সাগরাশ্চৈব গিরয়ঃ সরিতশ্চ নরোত্তম।
মহীজা জলজাশ্চৈব ব্যাশ্রয়ন্ত কিরীটিনম্॥ 8-91-42 (59505)
অসুরা যাতুধানাশ্চ গুহ্যকাশ্চ পরন্তপ।
কর্ণঃ সমভবদ্যত্র খেচরাণি বয়াংসি চ॥ 8-91-43 (59506)
রত্নানি নিধয়ঃ সর্বে বেদাশ্চাখ্যানপঞ্চমাঃ।
সোপবেদোপনিষদো ব্যাশ্রয়ন্ত কিরীটিনম্॥ 8-91-44 (59507)
বাসুকিশ্চিত্রসেনশ্চ তক্ষকশ্চোপতক্ষকঃ।
মহীবিয়জ্জলচরাঃ কাদ্রবেয়াশ্চ সান্বয়াঃ।
বিষবন্তো মহানাগা বেগিনশ্চার্জুনেঽভবন্॥ 8-91-45 (59508)
ঐরাবতাঃ সৌরভেয়া বৈশালেয়াশ্চ ভোগিনঃ।
এতেঽভবন্নর্জুনস্য পাপাঃ সর্পাশ্চ কর্ণতঃ॥ 8-91-46 (59509)
ঈহামৃগা ব্যালমৃগা মঙ্গলা মৃগপক্ষিণঃ।
মঙ্গলাঃ পশবশ্চৈব সিংহব্যাঘ্রাস্তথৈব চ।
পার্থস্য বিজয়ে রাজন্সর্ব এব সমাশ্রিতাঃ॥ 8-91-47 (59510)
বসবো মরুতঃ সাধ্যা রুদ্রা দেবাশ্বিনাবপি।
অগ্নী রুদ্রশ্চ সোমশ্চ পন্নগাশ্চ দিশো দশ।
কর্ণতঃ সমপদ্যন্ত শ্বসৃগালবয়াংসি চ॥ 8-91-48 (59511)
বসবশ্চ মহেন্দ্রেণ মরুতশ্চ সহাগ্নিনা।
ধনঞ্জয়স্য তে বর্গা আদিত্যাঃ কর্ণতোঽভবন্॥ 8-91-49 (59512)
দেবতাঃ পিতৃভিঃ সার্ধমৃষিভিশ্চ পরন্তপ।
তুম্বুরুপ্রমুখাঃ সর্বে গন্ধর্বা ভরতর্ষভ।
যমৌ বৈশ্রবণশ্চৈব বরুণশ্চ যতোঽর্জুনঃ॥ 8-91-50 (59513)
দেবর্ষিব্রহ্মর্ষিগণাঃ সর্বে চ খচরাশ্চ যে
প্রালেয়াঃ সহমৌনেয়াঃ শুভাশ্চাপ্সরসাং গণাঃ॥ 8-91-51 (59514)
সহাপ্সরোভিঃ শুভ্রাভির্দেবদূতাশ্চ গুহ্যকাঃ।
কিরীটিনং সংশ্রিতাঃ স্ম পুণ্যগন্ধা মনোরমাঃ॥ 8-91-52 (59515)
অমনোজ্ঞাশ্চ যে গন্ধাস্তে সর্বে কর্ণমাশ্রিতাঃ।
বিপরীতান্যনিষ্টানি ভবন্তি বিনশিষ্যতাম্॥ 8-91-53 (59516)
যে ৎবন্তকালে পুরুষং বিপরীতমুপাশ্রিতম্।
প্রবিশন্তি নরং ক্ষিপ্রং মৃত্যুকালেঽভ্যুপাগতে।
তে ভাবাঃ সহিতাঃ কর্ণং প্রবিষ্টাঃ সূতনন্দনম্॥ 8-91-54 (59517)
ওজস্তেজশ্চ সিদ্ধিশ্চ প্রহর্ষঃ সত্যবিক্রমৌ।
মনস্তুষ্টির্জয়শ্চাপি তথাঽঽনন্দো নৃপোত্তম॥ 8-91-55 (59518)
ঈদৃশার্নি নরব্যাঘ্ তস্মিন্সঙ্গ্রামসাগরে।
নিমিত্তানি চ শুভ্রাণি বিবিশুর্জিষ্ণুমাহবে॥ 8-91-56 (59519)
ঋষয়ো ব্রাহ্মণৈঃ সার্ধমভজন্ত কিরীটিনম্॥ 8-91-57 (59520)
ততো দেবগণৈঃ সার্ধং সিদ্ধাশ্চ সহ চারণৈঃ।
দ্বিধা ভূতা মহারাজ ব্যাশ্রয়ন্ত নরোত্তমৌ॥ 8-91-58 (59521)
বিমানানি বিচিত্রাণি গুণবন্তি চ সর্বশঃ।
সমারুহ্য সমাজগ্মুর্দ্বৈরথং কর্ণপার্থয়োঃ।
অন্তরিক্ষে মহারাজ দেবগন্ধর্বরাক্ষসাঃ॥ 8-91-59 (59522)
এবং সর্বেষু ভূতেষু দ্বিধা ভূতেষু ভারত।
আশংসমানেষু জয়ং রাধেয়স্যার্জুনস্য চ।
বিমানায়ুতসম্বাধমাকাশমভবত্তদা॥ 8-91-60 (59523)
ঈহামৃগব্যালমৃগৈর্দিপাশ্বরথপঙ্ক্তিভিঃ।
ঊহ্যমানাঃ পরে মেঘৈর্বায়ুনা চ মনীষিণঃ।
দিদৃক্ষবঃ সমাজগ্মুঃ কর্ণার্জুনসমাগমম্॥ 8-91-61 (59524)
দেবদানবগন্ধর্বা নাগয়ক্ষপতত্রিণঃ।
মহর্ষয়ো দেবগণাঃ পিতরশ্চ স্বধাভুজঃ॥ 8-91-62 (59525)
তপোবিদ্যৌষধীসিদধা নানারূপাম্বরৎবিষঃ।
অন্তরিক্ষে মহারাজ বিবদন্তোঽবতস্থিরে॥ 8-91-63 (59526)
ব্রহ্মা ব্রহ্মর্ষিভিঃ সার্ধং প্রজাপতিভিরেব চ।
আস্থিতো যানমাকাশে দিব্যং তেজঃ সমাগতাঃ॥ 8-91-64 (59527)
ততঃ প্রজাপতিস্তূর্ণমাজগাম মহামতে।
দ্বৈরথং যুধি তং দ্রুষ্টং কর্ণপাণ্ডবয়োস্তদা॥ 8-91-65 (59528)
বিজিত্য কর্ণঃ স্বিদিমাং বসুন্ধরা--
মথার্জুনঃ স্বিৎপ্রতিপদ্যতেঽখিলাম্।
ইতীশ্বরস্যাপি বভূব সংশয়ঃ
প্রজাপতেঃ প্রেক্ষ্য তয়োর্মহদ্বলম্॥ ॥ 8-91-66 (59529)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে একনবতিতমোঽধ্যায়ঃ॥ 91 ॥
॥ শ্রীঃ ॥
8.92. অধ্যায়ঃ 092
Mahabharata - Karna Parva - Chapter Topics
কর্ণার্জুনসমাশ্রয়াৎ লোকক্ষয়ভীরুণা প্রজাপতিনা ব্রহ্মাণং প্রতি উভয়োঃ সাম্যেন জয়প্রার্থনা॥ 1 ॥ ইন্দ্রেণ সকারণনিরূপণমর্জুনস্যৈব জয়ে প্রার্থিতে ব্রহ্মেশানাভ্যাং তদঙ্গীকারে দেবৈর্হর্ষাৎপুষ্পবর্ষণম্॥ 2 ॥
Mahabharata - Karna Parva - Chapter Text
8-92-0 (59530)
সঞ্জয় উবাচ। 8-92-0x (5054)
প্রজাপতিস্তু তং দৃষ্ট্বা দেবভাগং সমাগতম্।
অব্রবীত্তু ততো রাজন্পশ্যতো বৈ স্বয়ংভুবঃ॥ 8-92-1 (59531)
উভাবতিরথৌ শূরাবুভৌ দৃঢপরাক্রমৌ।
উভৌ সদৃশকর্মাণৌ বজ্রিচক্রায়ুধৌপমৌ॥ 8-92-2 (59532)
অহো বত মহদ্যুদ্ধং কর্ণার্জুনসমাগমে।
ভবিষ্যতি মহাঘোরং বৃত্রবাসবয়োরিব॥ 8-92-3 (59533)
প্রজাপতিরথোক্ৎবৈবং স্বয়ম্ভুবমচোদয়ৎ।
সমোঽস্তু বিজয়ঃ কামমুভয়োর্নরসিংহয়োঃ॥ 8-92-4 (59534)
কর্ণার্জুনবিবাদেন মা নশ্যেদখিলং জগৎ।
স্বয়ংভো ব্রূহি তদ্বাক্যং সমোঽস্তু বিজয়োঽনয়োঃ॥ 8-92-5 (59535)
এবমুক্তস্তু ভগবাঞ্জয়ে তাভ্যামনিশ্চিতে।
ইত্যব্রবীন্মহারাজ মহাব্রহ্মা প্রজাপতিম্॥ 8-92-6 (59536)
দ্বাবপ্যেতৌ হি কৃতিনৌ দ্বাবপ্যতিবলোৎকটৌ।
ভবিষ্যত্যনয়োর্যুদ্ধং ত্রৈলোক্যস্য ভয়াবহম্॥ 8-92-7 (59537)
ততঃ প্রজাপতিং তত্র সহস্রাক্ষোঽভ্যচোদয়ৎ।
বিজয়ো ধ্রুব এবাস্তু পাণ্ডবস্য মহাত্মনঃ॥ 8-92-8 (59538)
মনস্বী বলবাঞ্শূরঃ কৃতবিদ্যস্তপোধনঃ।
বিভর্তি চ মহাতেজা ধনুর্বেদমশেষতঃ॥ 8-92-9 (59539)
পার্থঃ সর্বগুণোপেতো দেবকার্যমিদং যতঃ।
ক্লিশ্যন্তে পাণ্ডবা নিত্যং বনবাসাদিভির্ভৃশং॥ 8-92-10 (59540)
সম্পন্নস্তপসা চৈব পর্যাপ্তঃ পুরুষর্ষভঃ।
অতিক্রামেচ্চ মাহাত্ম্যাদ্দিষ্টমপ্যবিচারয়ন্॥ 8-92-11 (59541)
অতিক্রমে চ লোকানামভাবো নিয়তো ভবেৎ।
নাবস্থানং চ পশ্যামি ক্রুদ্ধয়োঃ কৃষ্ণয়োঃ ক্বচিৎ॥ 8-92-12 (59542)
স্রষ্টারৌ জগতশ্চৈতৌ ততশ্চ পুরুষর্ষভৌ।
নরনারায়ণাবেতৌ পুরাণাবৃষিসত্তমৌ॥ 8-92-13 (59543)
অনিয়ম্যৌ নিয়ন্তারৌ জগতঃ পুরুষর্ষভৌ।
[নৈতয়োস্তু সমঃ কশ্চিদ্দিবি বা মানুষেষু বা॥ 8-92-14 (59544)
অনুগম্যাস্ত্রয়ো লোকাঃ সহ দেবর্ষিচারণৈঃ।
সর্বদেবগণাশ্চাপি সর্বভূতানি যানি চ।
অনয়োস্তু প্রভাবেন বর্ততে নিখিলং জগৎ॥] 8-92-15 (59545)
কামং তু সুকৃতাঁল্লোকানাপ্নোতু পুরুষর্ষভঃ।
কর্ণো বৈকর্তনঃ শূরো বিজয়স্ৎবস্তু কৃষ্ণয়োঃ॥ 8-92-16 (59546)
বসূনাং সমলোকৎবং মরুতাং বাসমাপ্নুয়াৎ।
সহিতো দ্রোণভীষ্মাভ্যাং নাকপৃষ্ঠে মহীয়তাম্॥ 8-92-17 (59547)
`ক্লেশিতো হি বনে পার্থো দির্ঘকালং পিতামহ।
তস্মাদেষ জয়েদ্যুদ্ধে তপসাঽভ্যধিকোঽর্জুনঃ॥ 8-92-18 (59548)
পূর্বং ভগবতা প্রোক্তঃ কৃষ্ণয়োর্বিজয়ো ধ্রুবঃ।
তত্তথাস্তু নমস্তেঽস্তু প্রমো ব্রূহি পিতামহ॥ 8-92-19 (59549)
তৎসহস্রাক্ষবচনং নিশম্য ভগবান্প্রভুঃ।
নোবাচ তজ্জয়ং তুল্যং তয়োঃ কর্ণকিরীটিনোঃ॥ 8-92-20 (59550)
তস্মাদাশাং গতঃ শক্রস্তূষ্ণীম্ভূতে পিতামহে।
বিজয়ঃ পাণ্ডবেয়স্য কর্ণস্য চ বধো ভবেৎ॥ 8-92-21 (59551)
ব্রহ্মেশানৌ ততো বাক্যমূচতুর্ভুবনেশ্বরম্।
বিজয়ো ধ্রুব এবাস্তু পাণ্ডবস্য মহাত্মনঃ॥ 8-92-22 (59552)
মনস্বী জয়তাং শূরঃ কৃতবিদ্যস্তপোধনঃ।
বিভর্তি চ মহাতেজা ধনুর্বেদমশেষতঃ॥ 8-92-23 (59553)
অতিক্রামেচ্চ মাহাত্ম্যাদ্দিষ্টমপ্যবিচারয়ন্।
অতিক্রমে চ লোকানামভাবো নিয়তো ভবেৎ॥ 8-92-24 (59554)
ন চ বিদ্ম হ্যবস্থানং ক্রুদ্ধয়োঃ কৃষ্ণয়োঃ ক্বচিৎ।
স্রষ্টারৌ জগতশ্চৈব সতশ্চ পুরুষর্ষভৌ॥ 8-92-25 (59555)
কামং তু সুকৃতাঁল্লোকান্প্রাপ্নোৎবেষ পরন্তপঃ।
কর্ণো বৈকর্তনঃ শূরো বিজয়স্তু নরে ধ্রুবঃ॥ 8-92-26 (59556)
তথোক্তে দেবদেবাভ্যাং সহস্রাক্ষোঽব্রবীদ্বচঃ।
আমন্ত্র্য সর্বভূতানি ব্রহ্মেশানানুশাসনাৎ॥ 8-92-27 (59557)
শ্রুতং ভবদ্ভির্যৎপ্রোক্তং ভগবদ্ভ্যাং জগদ্ধিতম্।
তত্তথা ব্যেতু তে রোগঃ শমাপ্নুত বিমন্যবঃ॥ 8-92-28 (59558)
ইতি শ্রুৎবেন্দ্রবচনং সর্বভূতানি মানিষ।
বিস্মিতান্যভবন্রাজন্পূজয়াঞ্চক্রিরে তদা।
নোচুস্তদা জয়ং তুল্যং তয়োঃ পুরুষসিংহয়োঃ॥ 8-92-29 (59559)
ব্যসৃজংশ্চ সুগন্ধীনি পুষ্পবর্ষাণি হর্ষিতাঃ।
নানারূপাণি বিবুধা দেবতূর্যাণ্যবাদয়ন্॥ 8-92-30 (59560)
দিদৃক্ষবশ্চাপ্রতিমং দ্বৈরথং নরসিংহয়োঃ।
বিস্ময়োৎফুল্লনয়না নান্যা বুবুধিরে ক্রিয়াঃ॥ ॥ 8-92-31 (59561)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে দ্বিনবতিতমোঽধ্যায়ঃ॥ 92 ॥
Mahabharata - Karna Parva - Chapter Footnotes
॥ শ্রীঃ ॥
8.93. অধ্যায়ঃ 093
Mahabharata - Karna Parva - Chapter Topics
শল্যকর্ণয়োঃ সঁলাপঃ॥ 1 ॥ কৃষ্ণার্জুনয়োঃ সঁলাপঃ॥ 2 ॥ অর্জুনেন কৃষ্ণম্প্রতি স্বসামর্থ্যকথনম্॥ 3 ॥
Mahabharata - Karna Parva - Chapter Text
8-93-0 (59562)
সঞ্জয় উবাচ। 8-93-0x (5055)
রথৌ তয়োঃ শ্বেতহয়ৌ দিব্যৌ যুক্তৌ মহাস্বনৌ।
সমাস্থিতৌ লোকবীরৌ শঙ্খান্দধ্মুঃ পৃথক্পৃথকম্।
বাসুদেবার্জুনৌ বীরৌ কর্ণশল্যৌ চ ভারত॥ 8-93-1 (59563)
তদ্ভীরুসন্ত্রাসকরং যুদ্ধং সমভবত্তদা।
অন্যোন্যস্পাংধেনোরুগ্রং শক্রশম্বরয়োরিব॥ 8-93-2 (59564)
তয়োর্ধ্বজৌ হি বিমলৌ শুশুভাতে রথে স্থিতৌ।
রাহুকেতূ যথাঽঽকাশে উদিতৌ জগতঃ ক্ষয়ে॥ 8-93-3 (59565)
কর্ণস্যাশীবিষনিভা রত্নসারময়ী দৃঢ়া।
পুরন্দরধনুঃ প্রখ্যা হস্তিকক্ষ্যা বিরাজতে॥ 8-93-4 (59566)
কপিশ্রেষ্ঠস্তু পার্থস্য ব্যাদিতাস্য ইবান্তকঃ।
দংষ্ট্রাভির্ভীষয়ন্ভাভির্দুর্নিরীক্ষ্যো রবির্যথা॥ 8-93-5 (59567)
যুদ্ধাভিলাষুকো ভূৎবা ধ্বজো গাণ্ডীবধন্বনঃ।
কর্ণধ্বজমুপাতিষ্ঠৎস্বস্থানাদ্বেগবান্কপিঃ॥ 8-93-6 (59568)
উৎপত্য চ মহাবেগঃ কক্ষ্যামভ্যাহনত্তদা।
নখৈশ্চ দশনৈশ্চৈব গরুডঃ পন্নগং যথা॥ 8-93-7 (59569)
সা কিঙ্কিণীকাভরণা কালপাশোপমা তদা।
অভ্যদ্রবৎসুসংরব্ধা হস্তিকক্ষ্যাঽথ তং কপিম্॥ 8-93-8 (59570)
তয়োর্ঘোরতরে যুদ্ধে দ্বৈরথে দ্যূত আহিতে।
প্রাকুর্বতাং ধ্বজৌ যুদ্ধং পূর্বং পূর্বতরং তদা॥ 8-93-9 (59571)
হয়া হয়ানভ্যহেষন্স্পর্ধমানাঃ পরস্পরম্।
অবিধ্যৎপুণ্ডরীকাক্ষঃ শল্যং নয়নসায়কৈঃ।
শল্যশ্চ পুণ্ডরীকাক্ষং তথৈবাভিসমৈক্ষত॥ 8-93-10 (59572)
তত্রাজয়দ্বাসুদেবঃ শল্যং নয়নসায়কৈঃ।
কর্ণং চাপ্যজয়দৃষ্ট্যা কুন্তীপুত্রো ধনঞ্জয়ঃ॥ 8-93-11 (59573)
অয়াব্রবীৎসূতপুত্রঃ শল্যমাভাষ্য সস্মিতম্॥ 8-93-12 (59574)
যদি পার্থো রণে হন্যাদদ্য মামিহ কর্হিচিৎ।
কিং করিষ্যসি সঙ্ঘামে শল্য সত্যমথোচ্যতাম্॥ 8-93-13 (59575)
শল্য উবাচ। 8-93-14x (5056)
যদি কর্ণ রণে হন্যাদদ্য ৎবাং শ্বেতবাহনঃ।
উভাবেকরয়েনাহং হন্যাং মাধবপাণ্ডবৌ॥ 8-93-14 (59576)
সঞ্জয় উবাচ। 8-93-15x (5057)
এবমেব তু গোবিন্দমর্জুনঃ প্রত্যভাষত।
তং প্রহস্যাব্রবীৎকৃষ্ণঃ পার্থং পরমিদং বচঃ॥ 8-93-15 (59577)
পতেদ্দিবাকরঃ স্থানাচ্ছীর্যেদ্ভূমিরনেকধা।
শৈল্যমগ্নিরিয়ান্ন ৎবাং হন্যাৎকার্ণো ধনঞ্জয়॥ 8-93-16 (59578)
যদি চৈতৎকথঞ্চিৎস্যাল্লোকপর্যসনং ভবেৎ।
হন্যাং কর্ণং তথা শল্যং বাহুভ্যামেব সংয়ুগে॥ 8-93-17 (59579)
ইতি কৃষ্ণবচঃ শ্রুৎবা প্রহসন্কপিকেতনঃ।
অর্জুনঃ প্রত্যুবাচেদং কৃষ্ণমক্লিষ্টকারিণম্॥ 8-93-18 (59580)
মম তাবদপর্যাপ্তৌ কর্ণশল্যৌ জনার্দন।
সপতাকধ্বজং কর্ণং সশল্যরথবাজিনম্॥ 8-93-19 (59581)
সচ্ছত্রকবচং চৈব সশক্তিশরকার্মুকম্।
দ্রষ্টাঽস্যদ্য রণে কৃষ্ণ শরৈশ্ছিন্নমনেকধা॥ 8-93-20 (59582)
অদ্যৈব সরথং সাশ্বং সশক্তিকবচায়ুধম্।
সঞ্চূর্ণিতমিবারণ্যে বৃক্ষং পশ্যাদ্য দন্তিনা॥ 8-93-21 (59583)
অদ্য রাধেয়ভার্যাণাং বৈধব্যং সমুপস্থিতম্।
ধ্রুবং স্বপ্নেষ্বনিষ্টানি তাভির্দৃষ্টানি মাধব॥ 8-93-22 (59584)
দ্রষ্টাসি ধ্রুবমদ্যৈব বিধবাঃ কর্ণয়োষিতঃ।
ন হি মে শাম্যতে মন্যুর্যদনেন পুরা কৃতম্॥ 8-93-23 (59585)
কৃষ্ণাং সভাগতাং দৃষ্ট্বা মূঢেনাদীর্ঘদর্শিনা।
অস্মাংস্তথাঽবহসতা ক্ষিপতা চ পুনঃপুনঃ॥ 8-93-24 (59586)
অদ্য দ্রষ্টাসি গোবিন্দ কর্ণমুন্মথিতং ময়া।
বারণেনেব মত্তেন পুষ্পিতং গজতীরুহম্॥ 8-93-25 (59587)
অদ্য তা মধুরা বাচঃ শ্রোতাসি মধুসূদন।
দিষ্ট্যা জয়সি বার্ষ্ণেয় ইতি কর্ণে নিপাতিতে॥ 8-93-26 (59588)
অদ্যাভিমন্যুজননীং প্রহৃষ্টঃ সাংৎবয়িষ্যসি।
কুন্তীং পিতৃষ্বসারং চ প্রহৃষ্টঃ সন্ জনার্দন॥ 8-93-27 (59589)
অদ্য বাষ্পমুখীং কৃষ্ণাং সান্ৎবয়িষ্যসি মাধব।
বাগ্ভিশ্চামৃতকল্পাভির্ধর্মরাজং চ পাণ্ডবম্॥ ॥ 8-93-28 (59590)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে ত্রিনবতিতমোঽধ্যায়ঃ॥ 93 ॥
Mahabharata - Karna Parva - Chapter Footnotes
॥ শ্রীঃ ॥
8.94. অধ্যায়ঃ 094
Mahabharata - Karna Parva - Chapter Topics
কর্ণাল্লংনয়োর্যুদ্ধারম্ভঃ॥ 1 ॥ দ্রৌণিনা দুর্যোধনায় হিতাখ্যানম্॥ 2 ॥ তেন তদনাদৃত্য রণায় সেনানিয়োজনম্॥ 3 ॥
Mahabharata - Karna Parva - Chapter Text
8-94-0 (59591)
সঞ্জয় উবাচ। 8-94-0x (5058)
তদ্দেতনাগাসুরসিদ্ধয়ক্ষৈ--
র্গন্ধর্বরক্ষোপ্সরসাং চ সঙ্ঘৈঃ।
ব্রহ্মর্ষিরাজর্ষিসুপর্ণজুষ্টং
বভৌ বিয়দ্বিস্ময়নীয়রূপম্॥ 8-94-1 (59592)
নানদ্যমানং নিনদৈর্মনোজ্ঞৈ--
র্বাদিত্রগীতস্তুতিনৃত্যহাসৈঃ।
সর্বেঽন্তরিক্ষং দদৃশুর্মনুষ্যাঃ
খস্থাশ্চ তদ্বিস্ময়নীয়রূপম্॥ 8-94-2 (59593)
ততঃ প্রহৃষ্টাঃ কুরুপাণ্ডুয়োধা
বাদিত্রশঙ্খস্বনসিংহনাদৈঃ।
বিনাদয়ন্তো বসুধাং দিশশ্চ
স্বনেন সর্বান্দ্বিষতো নিজঘ্নুঃ॥ 8-94-3 (59594)
নরাশ্বমাতঙ্গরথৈঃ সমাকুলং
শরাসিশক্ত্যৃষ্টিনিপাতদুঃসহম্।
অভীরুজুষ্টং হতদেহসঙ্কুলং
রণাজিরং লোহিতমাবভৌ তদা॥ 8-94-4 (59595)
[বভূব যুদ্ধং কুরুপাণ্ডবানাং
যথা সুরাণামসুরৈঃ সহাভবৎ।]
তথা প্রবৃতে তুমুলে সুদারুণে
ধনঞ্জয়শ্চাধিরথিশ্চ সায়কৈঃ।
দিশশ্চ সৈন্যং চ শিতৈরজিহ্মগৈঃ
পরস্পরং প্রাবৃণুতাং সুদংশিতৌ॥ 8-94-5 (59596)
ততস্ৎবদীয়াশ্চ পরে চ সায়কৈঃ
কৃতেঽন্ধকারে দদৃশুর্ন কিঞ্চন।
ভয়াতুরা একরথৌ সমাশ্রয়ং--
স্ততোঽভবত্ৎবদ্ভুতমেব সর্বতঃ॥ 8-94-6 (59597)
ততোঽস্ত্রমস্ত্রেণ পরস্পরং তৌ
বিধূয় বাতাবিব পূর্বপশ্চিমৌ।
ঘনান্ধকারে বিততে তমোনুদৌ
যথোদিতৌ তদ্বদতীব রেজতুঃ॥ 8-94-7 (59598)
ন চাভিসর্তব্যমিতি প্রচোদিতাঃ
পরে ৎবদীয়াশ্চ তথাঽবতস্থিরে।
মহারথৌ তৌ পরিবার্য সর্বতঃ
সুরাসুরাঃ শম্বরবাসবাবিব॥ 8-94-8 (59599)
মৃদঙ্গভেরীপণবানকস্বনৈ--
র্নিনাদিতে বাহনশঙ্খনিস্বনৈঃ।
তৌ সিংহনাদৈর্বভতুর্নরোত্তমৌ
পতঙ্গচন্দ্রাবিব দুঃসহাবুভৌ॥ 8-94-9 (59600)
মহাধনুর্মণ্ডুলমধ্যগাবুভৌ
সুবর্চসৌ বাণসহস্রদীধিতী।
দিধক্ষমাণৌ সচরাচরং জগ--
দ্যুগান্তসূর্যাবিব দুঃসহৌ রণে॥ 8-94-10 (59601)
উভাবজেয়াবহিতান্তকাবুভা--
বুভৌ জিঘাংসূ কৃতিনৌ পরস্পরম্।
মহাহবে বীতভয়ৌ সমীয়তু--
র্মহেন্দ্রজম্ভাবিব কর্ণপাণ্ডবৌ॥ 8-94-11 (59602)
ততো মহাস্ত্রাণি মহাধনুর্ধরৌ
বিমুঞ্চমানাবিষুভির্ভয়ানকৈঃ।
নরাশ্বনাগানমিতান্নিজঘ্নতুঃ
পরস্পরং চাপি মহারথৌ নৃপ॥ 8-94-12 (59603)
ততো বিসস্রুঃ পুনরর্দিতা নরা
নরোত্তমাভ্যাং কুরুপাণ্ডবাশ্রয়াঃ।
সনাগপত্ত্যশ্বরথা দিশো দ্রুতা--
স্তথা যথা সিংহহতা বনৌকসঃ॥ 8-94-13 (59604)
ততস্তু দুর্যোধনভোজসৌবলাঃ
কৃপো গুরোশ্চাপি সুতো মহাহবে।
মহারথাঃ পঞ্চ ধনঞ্জয়াচ্যুতৌ
শরৈঃ শরীরার্তিকরৈরতাডয়ন্॥ 8-94-14 (59605)
ধনূংষি তেষামিষুধীন্ধ্বজান্হয়া--
ন্রথাংশ্চ সূতাংশ্চ ধনঞ্জয়ঃ শরৈঃ।
সমং প্রমধ্যাশু পরান্সমন্ততঃ
শরোত্তমৈর্দ্বাদশভিন্ন সূতজম্॥ 8-94-15 (59606)
অথাভ্যধাবংস্ৎবরিতাঃ শতং রথাঃ
শতং গজাশ্চার্জুনমাততায়িনঃ।
শকাস্তুষারা যবনাশ্চ সাদিনঃ
সহৈব কাম্ভোজবরৈর্জিঘাংসবঃ॥ 8-94-16 (59607)
বরায়ুধান্পাণিগতৈঃ শরৈঃ সহ
ক্ষুরৈর্ন্যকৃন্তৎপ্রপতঞ্শিরাংসি চ।
হয়াংশ্চ নাগাংশ্চ রথাংশ্চ যুধ্যতো
ধনঞ্জয়ঋ শত্রুগণান্ক্ষিতৌ ক্ষিণৌৎ॥ 8-94-17 (59608)
ততোঽন্তরিক্ষে সুরতূর্যনিঃস্বনাঃ
সসাধুবাদা হৃষিতৈঃ সমীরিতাঃ।
নিপেতুরপ্যুত্তমপুষ্পবৃষ্টয়ঃ
সুরূপগন্ধাঃ পবনেরিতাঃ শুভাঃ॥ 8-94-18 (59609)
তদদ্ভুতং দেবমনুষ্যসাক্ষিকং
সমীক্ষ্য ভূতানি বিসিস্মিয়ুস্তদা।
তবাত্মজঃ সূতসুতশ্চ ন ব্যথাং
ন বিস্ময়ং জগ্মতুরেকনিশ্চয়ৌ॥ 8-94-19 (59610)
অথাব্রবীদ্দ্রোণসুতস্তবাত্মজং
করং করেণ প্রতিপীড্য সান্ৎবয়ন্।
প্রসীদ দুর্যোধন শাম্য পাণ্ডবৈ--
রলং বিরোধেন ধিগস্তু বিগ্রহম্॥ 8-94-20 (59611)
হতো গুরুর্ব্রহ্মসমো মহাস্ত্রবি--
ত্তথৈব ভীষ্মপ্রমুখা মহারথাঃ।
অহং ৎববধ্যো মম চাপি মাতুলঃ
প্রশাধি রাজ্যং সহ পাণ্ডবৈশ্চিরম্॥ 8-94-21 (59612)
ধনঞ্জয়ঃ স্যাস্যতি বারিতো ময়া
জনার্দনো নৈব বিরোধমিচ্ছতি।
যুধিষ্ঠিরো ভূতহিতে রতঃ সদা
বৃকোদরস্তদ্বশগস্তথা যমৌ॥ 8-94-22 (59613)
ৎবয়া তু পার্থৈশ্চ কৃতে চ সংবিদে
প্রজাঃ শিবং প্রাপ্নুয়ুরিচ্ছয়া তব।
ব্রজন্তু শেষাঃ স্বপুরাণি পার্থিবা
নিবৃত্তবৈরাশ্চ ভবন্তু সৈনিকাঃ।
ন চেদ্বচঃ শ্রোষ্যসি মে নরাধিপ
ধ্রুবং হি তপ্তোঽসি হতোঽরিভির্যুধি॥ 8-94-23 (59614)
বৃদ্ধং পিতরমালোক্য গান্ধারীং চ যশস্বিনীম্।
কৃপালুর্ধর্মরাজো হি যাচিতঃ শমমেষ্যতি॥ 8-94-24 (59615)
যথোচিতং চ বৈ রাজ্যমনুজ্ঞাস্যতি তে প্রভুঃ।
বিপশ্চিৎসুমতির্বীরঃ সর্বশাস্ত্রার্থতত্ৎববিৎ॥ 8-94-25 (59616)
বৈরং নেষ্যতি ধর্মাত্মা স্বজনে নাস্ত্যতিক্রমঃ।
ন বিগ্রহমতিঃ কৃষ্ণা স্বজনে প্রতিনন্দতি॥ 8-94-26 (59617)
ভীমসেনার্জুনৌ চোভৌ মাদ্রীপুত্রৌ চ পাণ্ডবৌ।
বাসুদেবমতে চৈব পাণ্ডবস্য চ ধীমতঃ।
স্থাস্যন্তি পুরুষব্যাঘ্রাস্তয়োর্বচনগৌরবাৎ॥ 8-94-27 (59618)
রক্ষ দুর্যোধনাত্মানমাত্মা সর্বস্য ভাজনম্।
জীবনে যত্নমাতিষ্ঠ জীবন্ভদ্রাণি পশ্যতি॥ 8-94-28 (59619)
রাজ্যং শ্রীশ্চৈব ভদ্রং তে জীবমানে চ কল্পতে।
মৃতস্য তু খলু কৌরব্য নৈব রাজ্যং কুতঃ সুখম্॥ 8-94-29 (59620)
লোকবৃত্তমিদং বৃত্তং প্রবৃত্তং পশ্য ভারত।
শাম্য ৎবং পাণ্ডবৈঃ সার্ধং শেষং রক্ষ কুলস্য চ॥ 8-94-30 (59621)
মা ভূৎস কালঃ কৌরব্য যদাঽহমহিতং বচঃ।
ব্রূয়াং কামং মহাবাহো মাঽবমংস্থা বচো মম॥ 8-94-31 (59622)
ধর্মিষ্ঠমিদমত্যর্থং রাজ্ঞশ্চৈব কুলস্য চ।
এতদ্ধি পরমং শ্রেয়ঃ কুরুবংশস্য বৃদ্ধয়ে।
প্রয়াহি তং চ গান্ধারে কুলস্য চ সুখাবহম্॥ 8-94-32 (59623)
পথ্যমায়তিসংয়ুক্তং কর্ণোঽপ্যর্জুনমাহবে।
ন জেষ্যতি নরব্যাঘ্র ইতি মে নিশ্চিতা মতিঃ॥ 8-94-33 (59624)
রোচতাং তে নরশ্রেষ্ঠ মমৈতদ্বচনং শুভম্।
অতোঽন্যথা হি রাজেন্দ্র বিনাশঃ সুমহান্ভবেৎ॥ 8-94-34 (59625)
ইদং চ দৃষ্টং জগতা সহ ৎবয়া
কৃতং যদেকেন কিরীটমালিনা।
যথা ন কুর্যাদ্বলভিন্ন চান্তকো
ন চ প্রচেতা ভগবান্ন যক্ষরাট্॥ 8-94-35 (59626)
অতোঽপি ভূয়ান্স্বগুণৈর্ধনঞ্জয়ো
ন চাতিবর্তিষ্যতি মে বচোঽখিলম্।
তবানুয়াত্রাং চ সদা করিষ্যতি
প্রসীদ রাজেন্দ্র শমং ৎবমাপ্নুহি॥ 8-94-36 (59627)
মমাভিমানঃ পরমঃ সদা ৎবয়ি
ব্রবীম্যতস্ৎবাং পরমাচ্চ সৌহৃদাৎ।
নিবারয়িষ্যামি চ কর্ণমাহবে
মহান্হি মেঽস্তি প্রণয়োঽথ সূতজে॥ 8-94-37 (59628)
বদন্তি মৈত্রীং সহজাং বিচক্ষণা--
স্তথৈব সাম্না চ ধনেন চার্জিতাম্।
প্রতাপতশ্চোপনতাং চতুর্বিধাং
তদস্তি সর্বং তব পাণ্ডবেষু॥ 8-94-38 (59629)
নিসর্গতস্তে তব বীর বান্ধবাঃ
পুনশ্চ সাম্না হিতমাপ্নুয়ুঃ প্রভো।
ৎবয়ি প্রসন্নে যদি মিত্রতাং গতে
হিতং কৃতং স্যাজ্জগতস্ৎবয়াঽতুলম্॥ 8-94-39 (59630)
ইতীদমুক্তঃ সুহৃদা বচো হিতং
বিচিন্ত্য নিঃশ্বস্য চ দুর্মনাঽব্রবীৎ।
যথা ভবানাহ সখে তথৈব ত--
ন্মমাপি বিজ্ঞাপয়তো বচঃ শৃণু॥ 8-94-40 (59631)
নিহত্য দুঃশাসনমুক্তবান্বহু
প্রহস্য শার্দূলবদেষ দুর্মতিঃ।
বৃকোদরস্তদ্বৃদয়ে মম স্থিতং
ন তৎপরোক্ষং ভবতঃ কুতঃ শমঃ॥ 8-94-41 (59632)
ন চাপি কর্ণং প্রসহেদ্রণেঽর্জুনো
মহাগিরিং মেরুমিবোগ্রমারুতঃ।
ন চাশ্বসিষ্যন্তি পৃথাত্মজা ময়ি
প্রসহ্য বৈরং বহুশো বিচিন্ত্য॥ 8-94-42 (59633)
ন চাপি কর্ণং গুরুপুত্র সংয়ুগা--
দুপারমেত্যর্হসি বীর ভাষিতুম্।
শ্রমেণ যুক্তো মহতাদ্য ফল্গুন--
স্তমেষ কর্ণঃ প্রসভং হনিষ্যতি॥ 8-94-43 (59634)
`বসুন্ধরায়াঃ পরিবর্তনং ভবে--
দ্ব্রজেচ্চ শোষং মকরালয়োঽর্ণবঃ।
প্লবেয়ুরপ্যদ্রিবরা মহাম্বুধৌ
ন চার্জুনো জেষ্যতি কর্ণমাহবে॥ 8-94-44 (59635)
অপাং পৃথিব্যা নভসো নভস্বতঃ
সুতিগ্মদীপ্তেশ্চ হিরণ্যরেতসঃ।
অভাব এষামপি সর্বতো ভবে--
ন্ন চার্জুনো জেষ্যতি কর্ণমাহবে'॥ 8-94-45 (59636)
তমেবমুক্ৎবাঽপ্যনুনীয় চাসকৃ--
ত্তবাত্মজঃ স্বাননুশাস্তি সৈনিকান্।
দ্রুতং ঘ্নতাভিদ্রবতাহিতানিমা--
নহীনসৎবাঃ কিমু জোষমাসতে॥ ॥ 8-94-46 (59637)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে চতুর্নবতিতমোঽধ্যায়ঃ॥ 94 ॥
Mahabharata - Karna Parva - Chapter Footnotes
॥ শ্রীঃ ॥
8.95. অধ্যায়ঃ 095
Mahabharata - Karna Parva - Chapter Topics
রণে কর্ণস্যার্জুনসাম্যমসহমানেন ভীমেন সকোপং পার্থপ্রোৎসাহনম্॥ 1 ॥
Mahabharata - Karna Parva - Chapter Text
8-95-0 (59638)
সঞ্জয় উবাচ। 8-95-0x (5059)
তৌ শঙ্খভেরীনিনদে সমৃদ্ধে
সমীয়তুঃ শ্বেতহয়ৌ নরাগ্র্যৌ।
বৈকর্তনঃ সূতপুত্রোঽর্জুনশ্চ
দুর্মন্ত্রিতে তে সসুতস্য রাজন্॥ 8-95-1 (59639)
`আশীবিষাবগ্নিমিবোৎসৃজন্তৌ
তথা মুখাভ্যামভিনিঃ শ্বসন্তৌ।
যশস্বিনৌ জজ্বলতুর্মৃধে তদা
ঘৃতাবসিক্তাবিব হব্যবাহৌ'॥ 8-95-2 (59640)
যথা গজৌ হৈমবতৌ প্রভিন্নৌ
প্রবৃদ্ধদন্তাবিব বাসিতার্থে।
তথা সমাজগ্মতুরুগ্রবীর্যৌ
ধনঞ্জয়শ্চাধিরথিশ্চ বীরৌ॥ 8-95-3 (59641)
বলাহকেনেব মহাবলাহকো
যদৃচ্ছয়া বা গিরিণা যথা গিরিঃ।
তথা ধনুর্জ্যাতলনেমিনিঃস্বনৌ
সমীয়তুস্তাবিষুবর্ষবর্ষিণৌ॥ 8-95-4 (59642)
শরাস্ত্রশক্ত্যৃষ্টিগদাসিসর্পৌ
রোষানিলোদ্বূতমহোর্মিমালৌ।
যথাঽচলৌ দ্বৌ চলতস্তথা তৌ
যথাঽর্ণবৌ চাশু চতুর্যুগান্তে'॥ 8-95-5 (59643)
প্রবৃদ্ধশৃঙ্গদ্রুমবীরুদোষধী
প্রবৃদ্বনানাবিধনির্ঝরৌঘৌ।
যথাঽচলৌ বা চলিতৌ মহাজলৈ--
স্তথা মহাস্ত্রৈরিতরেতরং হতঃ॥ 8-95-6 (59644)
স সন্নিপাতো রথয়োর্মহানভূ--
ৎসুরেশবৈরোচনয়োর্যথা পুরা।
শরৈর্বিনুন্নাশ্বনিয়ন্তৃদেহয়োঃ
সুদুঃসহাস্ত্রৈঃ পরিভিন্নদেহয়োঃ॥ 8-95-7 (59645)
প্রভূতপদ্মোৎপলমৎস্যকচ্ছপৌ
মহাহদৌ পক্ষিগণানুনাদিতৌ।
সুসন্নিকৃষ্টাবনিলোদ্ধতৌ যথা
তথা রথৌ তৌ ধ্বজিনৌ সমীয়তুঃ॥ 8-95-8 (59646)
উভৌ মহেন্দ্রস্য সমানবিক্রমা--
বুভৌ মহেন্দ্রপ্রতিমৌ মহারথৌ।
মহেন্দ্রবজ্রপ্রতিমৈশ্চ সায়কৈ--
র্মহেন্দ্রবৃত্রাবিব সম্প্রজঘ্নতুঃ॥ 8-95-9 (59647)
সনাগপত্ত্যশ্বরথে উভে বলে
বিচিত্রবর্মাভরণাম্বরায়ুধে।
চকম্পতুশ্চোন্নদতুশ্চ বিস্ময়া--
দ্ধরা বিয়চ্চার্জুনকর্ণসঙ্গমে॥ 8-95-10 (59648)
ভুজাঃ সবস্ত্রাঙ্গুলয়ঃ সমুচ্ছ্রিতাঃ
সসিংহনাদৈর্হৃষিতৈর্দিদৃক্ষুভিঃ।
যদাঽর্জুনং মত্ত ইব দ্বিপো দ্বিপং
সমভ্যযাদাধিরথির্জিঘাংসয়া॥ 8-95-11 (59649)
উদক্রোশন্সোমকাস্তত্র পার্থং
ৎবরস্ব যাহ্যর্জুন ভিন্ধি কর্ণম্।
ছিন্ধ্যস্য মূর্ধানমলং চিরেণ
শ্রদ্ধাং চ রাজ্যাদ্বৃতরাষ্ট্রসূনোঃ॥ 8-95-12 (59650)
তথাঽস্মাকং বহবস্তত্র যোধাঃ
কর্ণং তথা যাহি যাহীত্যবোচন্।
জহ্যর্জুনং কর্ণ ততঃ সুদীনাঃ
পুনর্বনং যান্ৎবচিরায় পার্থাঃ॥ 8-95-13 (59651)
কর্ণোঽথ পূর্বং দশভিঃ পৃষৎকৈ--
র্গাণ্ডীবধন্বানমবিধ্যদাশু।
জঘান তং চাপি ততঃ কিরীটী
শরৈস্তদাষ্টাদশভিঃ সুমুক্তৈঃ॥ 8-95-14 (59652)
পুনশ্চ কর্ণস্ৎবরিতোঽপি পার্থং
রথেষুভিস্তং দশভির্জঘান।
তং চাপি পার্থো দশভিঃ শিতাগ্রৈঃ
কক্ষ্যান্তরে তীক্ষ্ণমুখৈরবিধ্যৎ॥ 8-95-15 (59653)
কর্ণস্ততো ভারত সাম্পরায়ে
ঘোরেঽতিবেলং রণসংবিমর্দী।
জঘান পার্থং নবভিঃ শিতাগ্রৈঃ
কক্ষ্যান্তে নাগমিব প্রভিন্নম্॥ 8-95-16 (59654)
ততোঽপরাভ্যাং যুধি সূতপুত্রো
দ্বাভ্যাং ক্ষুরাভ্যাং হরিমাশুকারী।
সমাজঘান ৎবরয়া মহাত্মা
যথা সুরেন্দ্রং নমুচিঃ প্রসহ্য॥ 8-95-17 (59655)
তং পাণ়্ডবঃ পঞ্চভিরায়সাগ্রৈ--
রাকর্ণপূর্ণৈর্নিজঘান কর্ণম্।
তে শোণিতং তস্য পপুস্তদানীং
কালস্য দূতা ইব পার্থবাণাঃ॥ 8-95-18 (59656)
কর্ণোঽপি পার্থং সহ বাসুদেবং
সমাচিনোদ্ভারত বৎসদন্তৈঃ।
পরস্পরং তৌ বিশিখৈঃ প্রমুক্তৈ--
স্ততক্ষতুঃ সূতপুত্রোঽর্জুনশ্চ॥ 8-95-19 (59657)
পরস্পরং ছিদ্রদিদৃক্ষয়া চ
সুভীমমভ্যায়যতুঃ প্ররুষ্টৌ॥ 8-95-20 (59658)
ততোঽস্ত্রমাগ্নেয়মমিত্রতাপনং
মুমোচ কর্ণায় সুরেশ্বরাত্মজঃ।
ধনঞ্জয়াৎসংয়ুগমূর্ধ্নি নিঃসৃতং
তদা প্রজজ্বাল তদস্ত্রমুত্তমম্॥ 8-95-21 (59659)
সমীক্ষ্য কর্ণো জ্বলনাস্ত্রমুদ্যতং
স বারুণং তৎপ্রশমার্থমাহবে।
সমুৎসৃজৎসূতপুত্রঃ প্রতাপবান্
স তেন বহ্নিং শময়াঞ্চকার॥ 8-95-22 (59660)
বলাহকাস্ত্রেণ দিশস্তরস্বী
চকার সর্বাস্তিমিরেণ সংবৃতাঃ।
অপাবহন্মেঘগণাংস্ততস্তান্
সমীরণাস্ত্রেণ সমীরিতেন॥ 8-95-23 (59661)
ততঃ সোঽস্ত্রং দয়িতং দেবরাজ্ঞঃ
প্রাদুশ্চক্রে বজ্রমমিত্রতাপনঃ।
গাণ্ডীবজ্যা বিমৃশংশ্চাতিমন্যু--
র্ধনঞ্জয়ঃ শত্রুসঙ্ঘপ্রমাথী॥ 8-95-24 (59662)
নারাচনালীকবরাহকর্ণা
গাণ্ডীবতঃ প্রাদুরাসন্সুতীক্ষ্ণাঃ।
সহস্রশো বজ্রসমানবেগা--
স্তে সর্বতঃ পর্যধাবন্ত ঘোরাঃ॥ 8-95-25 (59663)
পার্থেষবঃ কর্ণরথং বিলগ্না
অধোমুখাঃ পক্ষিগণা দিনান্তে।
নিশানিকেতার্থমিবাশু বৃক্ষং
জগ্রাহ তান্সূতপুত্রঃ পৃষৎকৈঃ॥ 8-95-26 (59664)
ক্ষিপ্তাংস্তথা পাণ্ডববাণসঙ্ঘা--
নমৃষ্যমাণস্য ধনঞ্জয়স্য।
রণাজিরে ৎবন্তকতুল্যকর্মা
বৈকর্তনো রোষপরীতচেতাঃ॥ 8-95-27 (59665)
জ্যোতিষ্প্রভাং যদ্বদুপাগতঃ স--
ন্দিবাকরো নাশয়তে ক্ষণেন।
পার্থস্য তান্বাণগণান্সমগ্রা--
ন্ব্যনাশয়দ্যুধ্যত এব কর্ণঃ॥ 8-95-28 (59666)
রোষাৎপ্রদীপ্তঃ সুমহাবিমর্দে
ভীমস্ততোঽক্রুধ্যদদীনসৎবঃ।
পাণিং স্বপাণৌ স বিনিষ্পিষ্য রোষা--
দমর্ষিতো বাক্যমুবাচ পার্থম্॥ 8-95-29 (59667)
ৎবাং সূতপুত্রো নু কথং কিরীটি--
ন্রথেষুভির্হন্তি শিতাগ্রধারৈঃ।
ধৃত্যা হি ভূতানি যয়াঽজয়স্ৎবং
গ্রাসং দদৎখাণ্ডবে পাবকায়॥ 8-95-30 (59668)
ধৃত্যা তয়া সূতপুত্রং জহি ৎব--
মহং বৈনং গদয়া পোথয়িষ্যে।
সমেত্য পার্থং সুনৃশংসবাদী
জীবন্নায়ং যাস্যতি কালপক্বঃ॥ ॥ 8-95-31 (59669)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে ম়ঞ্জনবতিতমোঽধ্যায়ঃ॥ 95 ॥
Mahabharata - Karna Parva - Chapter Footnotes
॥ শ্রীঃ ॥
8.96. অধ্যায়ঃ 096
Mahabharata - Karna Parva - Chapter Topics
কর্ণে যুধি বর্ধমানে কৃষ্ণেনার্জুনপ্রোৎসাহনম্॥ 1 ॥ ততোঽর্জুনেন স্বসামর্থ্যপ্রকাশনম্॥ 2 ॥
Mahabharata - Karna Parva - Chapter Text
8-96-0 (59670)
সঞ্জয় উবাচ। 8-96-0x (5060)
অথাব্রবীচ্চক্রধরোঽপি পার্থং
দৃষ্ট্বা রথেষূন্প্রতিহন্যমানান্।
অমূমুষৎপশ্যত এব তেঽদ্য
হ্যস্ত্রাণি কর্ণোঽস্ত্রগণৈঃ কিরীটিন্॥ 8-96-1 (59671)
স পার্থ কিং মুহ্যসি বেৎসি চৈব তা--
ন্দৃষ্ট্বা সমেতান্নদতঃ কুরূস্ৎবম্।
কর্ণং পুরস্কৃত্য বিদুর্হি সর্বে
তবাস্ত্রমস্ত্রৈর্বিনিহন্যমানম্॥ 8-96-2 (59672)
যয়া ধৃত্যা তামসং জঘ্নিবাংস্ৎবং
তৎসংয়ুগে তামসাংশ্চাতিঘোরান্।
দম্ভোদ্ভবং চাসুরমাহবে ৎবং
দর্পোৎসিক্তং বীর্যবন্তং কিরীটিন্।
তয়া ধৃত্যা ৎবং জহি কর্ণমদ্য
পার্থাহবে ত্যক্তুমস্ত্রং সমর্থঃ॥ 8-96-3 (59673)
অনেন চাশু ক্ষুরনেমিনাদ্য
ময়া বিসৃষ্টেন সুদর্শনেন।
ছিন্ধ্যস্য মূর্ধানমরেঃ প্রসহ্য
বজ্রেণ শক্রো নমুচেরিবারেঃ॥ 8-96-4 (59674)
কিরাতরূপী ভগবান্যযা চ
ৎবয়া মহাত্মা পরিতোষিতোঽভূৎ।
স তাং পুনর্বীর ধৃতিং গৃহীৎবা
সহানুবন্ধং জহি সূতপুত্রম্॥ 8-96-5 (59675)
ততো মহীং সাগরমেখলাং ৎবং
সপত্তগা গ্রামবতীং সমৃদ্ধাম্।
প্রয়চ্ছ রাজ্ঞে নিহতারিসঙ্ঘাং
যশশ্চ পার্থাতুলমাপ্নুহি ৎবম্॥ 8-96-6 (59676)
কর্ণং পুরস্কৃত্য নদন্তিং সর্বে
তবাস্ত্রমগ্র্যং প্রতিহত্য বীরাঃ।
কুরু প্রয়ত্নং ভরতপ্রবীর
দ্রবন্ত্যমী সৃঞ্জয়াঃ সোমকাশ্চ।
দৃষ্ট্বাথ কর্ণং সমরে প্রহৃষ্টং
ৎবাং চাপি দৃষ্ট্বা পরিহীয়মানম্॥ 8-96-7 (59677)
সঞ্জয় উবাচ। 8-96-8x (5061)
সঞ্চোদিতো ভীমজনার্দনাভ্যাং
স্মৃৎবা তদাত্মানমবেত্য সর্বম্।
ইহাত্মনশ্চাগমনে বিদিৎবা
প্রয়োজনং কেশবমিত্যুবাচ॥ 8-96-8 (59678)
প্রাদুষ্করোভ্যেষ মহাস্ত্রমুগ্রং
শিবায় লোকস্য বধায় সৌতেঃ।
তন্মেঽনুজানাতু ভবান্সুরাশ্চ
ব্রহ্মা শিবো ব্রহ্মবিদশ্চ সর্বে॥ 8-96-9 (59679)
ইতি স্মোক্ৎবা পাণ্ডবঃ সব্যসাচী
নমস্কৃৎবা ব্রহ্মণে সোঽমিতাত্মা।
অনুত্তমং ব্রাহ্মমসহ্যমস্ত্রং
প্রাদুশ্চক্রে মনসা যদ্বিধেয়ম্॥ 8-96-10 (59680)
ততো দিশশ্চ প্রদিশশ্চ সর্বাঃ
সমাবৃণোৎসায়কৈর্ভূরিতেজাঃ।
গাণ্ডীবমুক্তৈর্ভুজগৈরিবোগ্রৈ--
র্দিবাকরাংশুপ্রতিমৈর্জ্বলদ্ভিঃ॥ 8-96-11 (59681)
সৃষ্টাস্তু বাণা ভরতর্ষভেণ
শতং শতং ভীমমুখাঃ সুতীক্ষ্ণাঃ।
প্রাচ্ছাদয়ন্কর্ণরথং ক্ষণেন
যুগান্তকালার্ককরপ্রকাশাঃ॥ 8-96-12 (59682)
বৈকর্তনেনাশু তদাজিমধ্যে
সহস্রশো বাণগণা বিসৃষ্টাঃ।
তে চাক্ষয়াঃ পাণ্ডবমভ্যুপেয়ুঃ
পর্জন্যসৃষ্টা ইব বারিধারাঃ॥ 8-96-13 (59683)
ততঃ স কৃষ্ণং চ কিরীটিনং চ
বৃকোদরং চাপ্রতিমপ্রভাবঃ।
ত্রিভিস্ত্রিভির্ভীমবলো নিহত্য
ননাদ ঘোরং মহতা স্বনেন॥ 8-96-14 (59684)
ততঃ স বাণাভিহতঃ কিরীটী
ভীমং তথা প্রেক্ষ্য জনার্দনং চ।
অমৃষ্যমাণঃ পুনরেব পার্থঃ
শরান্দশাষ্টৌ সমমুদ্ববর্ষ॥ 8-96-15 (59685)
স কেতুমেকেন শরেণ বিদ্ধ্বা
শল্যং চতুর্ভিস্ত্রিভিরেব কর্ণম্।
ততঃ সুমুক্তৈর্দশভির্জঘান
সেনাপতিং কাঞ্চনবর্মনদ্বম্॥ 8-96-16 (59686)
স রাজপুত্রো বিশিরা বিবাহু--
র্বিবাজিসূতো বিধনুর্বিকেতুঃ।
অথো রথাগ্রাদপতৎপ্ররুগ্ণঃ
পরশ্বথৈঃ সাল ইবাবকৃত্তঃ॥ 8-96-17 (59687)
পুনশ্চ কর্ণং ত্রিভিরষ্টভিশ্চ
দ্বাভ্যাং চতুর্ভির্দশভিশ্চ বিদ্ধা।
চতুশ্শতং দ্বিরদানাং নিপাত্য
রথাঞ্জঘানাষ্টরথান্কিরীটি।
সহস্রমশ্বাংশ্চ পুনশ্চ সাদী--
নষ্টৌ সহস্রাণি চ পত্তিবীরান্॥ 8-96-18 (59688)
দৃষ্ট্বা তু মুখ্যাবতিবিধ্যমানৌ
বরেষুভিঃ শূরবরাবরিঘ্নৌ।
কর্ণং চ পার্থং চ নিয়ম্য বাহা-
ন্সর্বে বরিষ্ঠাশ্চ ততোঽবতস্থুঃ॥ 8-96-19 (59689)
প্রচ্ছাদয়ামাস ততঃ পৃষৎকৈঃ
সঘোষমাচ্ছিদ্য চ গাণ্ডিবজ্যাম্।
অস্মিন্ক্ষণে ফল্গুনং সূতপুত্রঃ
সমাচিনোৎক্ষুদ্রকাণাং শতেন॥ 8-96-20 (59690)
নির্মুক্তসর্পপ্রতিমৈশ্চ তীক্ষ্ণৈ--
স্তৈলপ্রঘৌতৈঃ খগপত্রবাজৈঃ।
ষষ্ট্যা বিভেদাশু চ বাসুদেবং
তদন্তরে প্রাৎবরন্সোমকাশ্চ॥ 8-96-21 (59691)
ততো নবজ্যাং সুদৃঢাং কিরীটি
স্ববাহুবিক্ষেপসহাং প্রগৃহ্য।
সমাদধে গাণ্ডিবে ক্ষিপ্রকারী
নিমেষমাত্রেণ মহাধনুষ্মান্॥ 8-96-22 (59692)
জ্যাছেদনং জ্যাবিধানং চ তস্য
নৈবাববুধ্যৎসূতপুত্রো লঘুৎবাৎ।
পার্থস্য সঙ্খ্যে দ্বিষতাং নিহন্তু--
স্তদদ্ভুতং তত্র বভূব রাজন্॥ 8-96-23 (59693)
পার্থোঽপি তাং জ্যামবধায় তূর্ণং
শরাসনজ্যামাধিরথের্বিহত্য।
সুসংরব্ধঃ কর্ণশরৈঃ ক্ষতাঙ্গো
রণে যোধাংস্তাবকান্প্রত্যগৃহ্ণাৎ॥ 8-96-24 (59694)
নৈবাপৎপক্ষিগণোঽন্তরিক্ষে
পার্থেন চাস্ত্রেণ কৃতেঽন্ধকারে॥ 8-96-25 (59695)
শল্যং তু পার্থো দশভির্নিমেষা--
দ্ভৃশং তনুত্রে প্রহসন্নবিধ্যৎ।
ততঃ কর্ণং দ্বাদশভিঃ পৃষৎকৈ--
র্বিদ্ধ্বা পুনঃ সপ্তভিরপ্যবিধ্যৎ॥ 8-96-26 (59696)
স পার্থবাণাসনবেগনুন্নৈ--
র্দৃঢাহতঃ পত্রিভিরুগ্রবেগৈঃ।
বিভিন্নগাত্রঃ ক্ষতজোক্ষিতাঙ্গঃ
কর্ণো বভৌ রুদ্র ইবান্তকালে॥ 8-96-27 (59697)
ততস্ত্রিভিস্তং ত্রিদশাধিপোপমং
শরৈর্বিভেদাধিরথির্ধনঞ্জয়ম্।
শরাংশ্চ পঞ্চ জ্বলনানিবোরগা--
ন্প্রবেশয়ামাস জিঘাংসুরচ্যুতে॥ 8-96-28 (59698)
সুবর্ণচিত্রং পুরুষোত্তমস্য
বর্মাথ ভিত্ৎবাভ্যপতন্সুপুঙ্খাঃ।
বেগেন গাং তে বিবিশুশ্চ রাজ--
ন্স্নাৎবা কর্ণাঽভিমুখাঃ প্রতীয়ুঃ॥ 8-96-29 (59699)
তান্পঞ্চভল্লৈর্দশভিঃ সুমুক্তৈ--
স্ত্রিধাত্রিধৈকৈকমথোচ্চকর্ত।
ধনঞ্জয়স্তে ন্যপতন্পৃথিব্যাং
যথাঽহয়স্তার্ক্ষ্যমুখেন কৃত্তাঃ॥ 8-96-30 (59700)
ততঃ প্রজজ্বাল কিরীটমালী
ক্রোধেন কক্ষং প্রদহন্নিবাগ্নিঃ।
স কর্ণমাকর্ণবিকৃষ্টসৃষ্টৈঃ
শরৈঃ শরীরান্তকরৈর্জ্বলদ্ভিঃ।
মর্মস্ববিধ্যৎস চচাল দুঃখা--
দ্ধৈর্যাত্তুং তস্থাবতিমাত্রধৈর্যঃ॥ 8-96-31 (59701)
প্রাদুশ্চকারাথ শরান্মহাত্মা
দেহং বিচিন্বন্নিব সূতজস্য।
শরাস্তু তে কাঞ্চনচিত্রপুঙ্খাঃ
সম্পেতুরুর্ব্যাং শতশো মহান্তঃ॥ 8-96-32 (59702)
ততঃ শরৌঘৈঃ প্রদিশো দিশশ্চ
রবিপ্রভাঃ কর্ণরথশ্চ রাজন্।
অদৃশ্য আসীৎকুপিতে ধনঞ্জয়ে
তুষারনীহারবৃতো গিরির্যথা॥ 8-96-33 (59703)
সচক্ররক্ষা অপি পৃষ্ঠগোপাঃ
কর্ণস্য যে চাপি পুরঃসরাশ্চ।
ভীতা দ্রবন্তি স্ম নিহন্যমানা
মহেষুভিঃ পার্থকরপ্রণুন্নৈঃ॥ 8-96-34 (59704)
ততোঽর্জুনো বৈ ভরতপ্রবীরো
মহানুভাবঃ সমরে নিহন্তা।
সুয়োধনেনানুমতান্বিনিঘ্ন--
ন্সমুচ্ছ্রিতান্সরথান্সারভূতান্॥ 8-96-35 (59705)
গাণ্ডীবধন্বা দ্বিগুণং সহস্রং
কুরুপ্রবীরানৃষভঃ কুরূণাম্।
ক্ষণেন সর্বান্সরথান্সসূতা--
ন্নিনায় রাজন্ক্ষয়মেকবীরঃ॥ 8-96-36 (59706)
অথো পলায়ন্ত বিহায় কর্ণং
তবাত্মজা যে কুরবশ্চ শিষ্টাঃ।
এতানবাকীর্য শরক্ষতাংশ্চ
বিলপ্যমানাংস্তনয়ান্বিমৃদ্গন্॥ 8-96-37 (59707)
সর্বে প্রণেশুঃ কুরবো বিভগ্নাঃ
পার্থেষুভিঃ সম্পরিতপ্যমানাঃ।
সুয়োধনেনাথ পুনর্বরিষ্ঠাঃ
প্রচোদিতাঃ কর্ণরথানুয়ানে॥ 8-96-38 (59708)
ভোঃ ক্ষত্রিয়াঃ শূরতমাস্তু সর্বে
ক্ষত্রে চ ধর্মে নিরতাঃ স্থ যূয়ম্।
ন যুক্তরূপং ভবতাং সমীপা--
ৎপলায়নং কর্ণমতিপ্রহায়॥ 8-96-39 (59709)
তবাত্মজেনাপি তথোচ্যমানা
নৈবাবতিষ্ঠন্ত ভয়াদ্বিবর্ণাঃ।
ক্ষণেন নষ্টাঃ প্রদিশো দিশশ্চ
সর্বে ততঃ প্রেক্ষ্য দিশো বিশূন্যাঃ॥ 8-96-40 (59710)
ভয়াবদীর্ণঃ কুরুভির্বিহীনঃ
পার্থেষুভিঃ সম্পরিতপ্যমানঃ।
ন বিব্যধে ভারত তত্র কর্ণঃ
প্রতীপমেবার্জুনমভ্যধাবৎ॥ ॥ 8-96-41 (59711)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে ষণ্ণবতিতমোঽধ্যায়ঃ॥ 96 ॥
॥ শ্রীঃ ॥
8.97. অধ্যায়ঃ 097
Mahabharata - Karna Parva - Chapter Topics
রণে হীয়মানেন কর্ণেনার্জুনস্য শিরো লক্ষীকৃত্য নাগাস্ত্রপ্রয়োগঃ॥ 1 ॥ কৃষ্ণেন পার্থরথে পাদনিপীডনেন ধরণ্যাং কিঞ্চিন্নিমজ্জিতে তদস্ত্রেণ শিরোবর্জং পার্থকিরীটমাত্রাপহারঃ॥ 2 ॥ কর্ণস্য রথচক্রে বিপ্রশাপাৎ ধরণ্যাং নিমগ্নে তদুদ্দিধীর্ষয়া তেনপার্থংপ্রতি মুহূর্তময়ুদ্ধপ্রার্থনম্॥ 3 ॥
Mahabharata - Karna Parva - Chapter Text
8-97-0 (59712)
সঞ্জয় উবাচ। 8-97-0x (5062)
ততোঽপয়াতাঃ শরপাতমাত্র--
মবস্থিতা বৈ কুরবো নরেন্দ্র।
বিদ্যুৎপ্রকাশং দদৃশুঃ সমন্তা--
দ্বনঞ্জয়াস্ত্রং সমুদীর্যমাণম্॥ 8-97-1 (59713)
ততোঽগ্রসৎসূতপুত্রোঽর্জুনস্য
বিয়দ্গতং ঘোরতরং শরৈস্তৎ।
ক্রুদ্ধেন পার্থেন শরং বিসৃষ্টং
বধায় কর্ণস্য মহাবিমর্দে॥ 8-97-2 (59714)
[উদীর্যমাণং স্ম কুরূন্দহন্তং
সুবর্ণপুঙ্খৈর্বিশিখৈর্মমর্দ।
কর্ণস্ৎবমোঘেষ্বসনং দৃঢজ্যং
বিস্ফারয়িৎবা বিসৃজঞ্ছরোঘান্॥] 8-97-3 (59715)
রামাদুপাত্তেন মহামহিম্না
হ্যাথর্বণেনারিবিনাশনেন।
তদর্জুনাস্ত্রং ব্যধমদ্দহন্তং
পার্থং চ বাণৈর্নিশিতৈরবিধ্যৎ॥ 8-97-4 (59716)
ততো বিমর্দঃ সুমহান্বভূব
তত্রার্জুনস্যাধিরথেশ্চ রাজন্।
অন্যোন্যমাসাদয়তোঃ পৃষৎকৈ--
র্বিষাণঘাতৈর্দ্বিপয়োরিবাজৌ॥ 8-97-5 (59717)
ততোঽস্ত্রসঙ্ঘাতসমাবৃতং তদা
বভূব রাজংস্তুমুলং রণাজিরম্।
যৎকর্ণপার্থৌ শরবৃষ্টিসঙ্ঘৈ--
র্নিরন্তরং চক্রতুরম্বরং তদা॥ 8-97-6 (59718)
[ততো জালং বাণময়ং মহান্তং
সর্বেঽদ্রাক্ষুঃ কুরবঃ সোমকাশ্চ।
নান্যং চ ভূতং দদৃশুস্তদা তে
বাণান্ধকারে তুমুলেঽথ কিঞ্চিৎ॥ 8-97-7 (59719)
তৌ সন্দধানাবনিশং চ রাজন্।
সমস্যন্তৌ চাপি শরাননেকান্।
সন্দর্শয়েতাং যুধি মার্গান্বিচিত্রা--
ন্ধনুর্ধরৌ তৌ বিবিধৈঃ কৃতাস্ত্রৈঃ॥ 8-97-8 (59720)
তয়োরেবং যুধ্যতোরাজিমধ্যে
সূতাত্মজোঽভূদধিকঃ কদাচিৎ।
পার্থঃ কদাচিত্ৎবধিকঃ কিরীটি
বীর্যাস্ত্রমায়াবলপৌরুষেণ॥ 8-97-9 (59721)
দৃষ্ট্বা তয়োস্তং যুধি সম্প্রহারং
পরস্পরস্যান্তরমীক্ষমাণয়োঃ।
ঘোরং তয়োর্দুর্বিষহং রণেঽন্যৈ--
র্যোধাঃ সর্বে বিস্ময়মভ্যগচ্ছন্॥ 8-97-10 (59722)
ততো ভূতান্যন্তরিক্ষস্থিতানি
তৌ কর্ণপার্থৌ প্রশশংসুর্নরেন্দ্র।
ভোঃ কর্ণ সাধ্বর্জুন সাধু চেতি
বিয়ৎসু বাণী শ্রূয়তে সর্বতোপি॥ 8-97-11 (59723)
তস্মিন্বিমর্দে রথবাজিনাগৈ--
স্তদাঽভিঘাতৈর্দলিতে হি ভূতলে।
ততস্তু পাতালতলে শয়ানো
নাগোঽশ্বসেনঃ কৃতবৈরোঽর্জুনেন॥ 8-97-12 (59724)
রাজংস্তদা খাণ্ডবদাহমুক্তো
বিবেশ কোপাদ্বসুধাতলে যঃ।
অথোৎপপাতোর্ধ্বগতির্জবেন
সন্দৃশ্য কর্ণার্জুনয়োর্বিমর্দম্॥ 8-97-13 (59725)
অয়ং হি কালোস্য দুরাত্মনো বৈ
পার্থস্য বৈরপ্রতিয়াতনায়।
সঞ্চিন্ত্য তূর্ণং প্রবিবেশ চৈব
কর্ণস্য রাজন্শররূপধারী॥ 8-97-14 (59726)
ততোস্ত্রসঙ্ঘাতসমাকুলং তদা
বভূব জন্যং বিততাংশুজালম্।
তৎকর্ণপার্থো শরসঙ্ঘবৃষ্টিভি--
র্নিরন্তরং চক্রতুরম্বরং তদা॥ 8-97-15 (59727)
তদ্বাণজালৈকময়ং মহান্তং
সর্বেঽত্রসন্কুরবঃ সোমকাশ্চ।
নান্যৎকিঞ্চিদ্দদৃশুঃ সম্পতদ্বৈ
বাণান্ধকারে তুমুলেঽতিমাত্রম্॥ 8-97-16 (59728)
ততস্তৌ পুরুষব্যাঘ্রৌ সর্বলোকধনুর্ধরৌ।
ত্যক্তপ্রাণৌ রণে বীরো যুদ্ধশ্রমমুপাগতৌ॥ 8-97-17 (59729)
সমুৎক্ষেপৈর্বীক্ষমাণৌ সিক্তৌ চন্দনবারিণা।
সবালব্যজনৈর্দিব্যৈর্দিবিস্থৈরপ্সরোগণৈঃ।
শক্রসূর্যকরাব্জাভ্যাং প্রমার্জিতমুখাবুভৌ॥ 8-97-18 (59730)
কর্ণোঽথ পার্থং ন বিশেষয়দ্যদা
ভৃশং চ পার্থেন শরাভিতপ্তঃ।
ততস্তু বীরঃ শরবিক্ষতাঙ্গো
দধ্রে মনো হ্যেকশয়স্য তস্য॥] 8-97-19 (59731)
ততো রিপুঘ্নং সমধত্ত কর্ণঃ
সুসঞ্চিতং সর্পমুখং জ্বলন্তম্।
রৌদ্রং শরং সন্নতমুগ্রধৌতং
পার্থার্থমিত্যেব চিরাভিগুপ্তম্॥ 8-97-20 (59732)
সদার্চিতং চন্দনচূর্ণশায়িতং
সুবর্ণতূণীরশয়ং মহার্চিষম্।
আকর্ণপূর্ণং বিচকর্ষ কর্ণো
বিমোক্তুকামঃ শরমুগ্রবেগম্॥ 8-97-21 (59733)
প্রদীপ্তমৈরাবতবংশসম্ভবং
শিরো জিহীর্ষুর্যুধি সব্যসাচিনঃ।
ততঃ প্রজজ্বাল দিশো নভশ্চ
উল্কাশ্চ ঘোরাঃ শতশঃ প্রপেতুঃ॥ 8-97-22 (59734)
তস্মিংস্তু নাগে ধনুষি প্রয়ুক্তে
হাহাকৃতা লোকপালাঃ সশক্রাঃ॥ 8-97-23 (59735)
স সূতপুত্রস্তমপাঙ্গদেশে
অবাঙ্মুখং সন্ধয়তি স্ম রোষাৎ।
ন তং স্ম জানাতি মহানুভাব--
মপাঙ্গদেশেঽভিনিবিষ্টমাজৌ॥ 8-97-24 (59736)
[ন চাপি তং বুবুধে সূতপুত্রো
বাণে প্রবিষ্টং যোগবলেন নাগম্।
দশশতনয়নোঽহিং দৃশ্য বাণে প্রবিষ্টং
নিহত ইতি সুতো মে স্রস্তগাত্রো বভূব।
জলজকুসুময়োনিঃ শ্রেষ্ঠভাবো জিতাত্মা
ত্রিদশপতিমবোচন্মা ব্যথিষ্ঠা জয়ে শ্রীঃ॥ 8-97-25 (59737)
ততোঽব্রবীন্মদ্ররাজো মহাত্মা
দৃষ্ট্বা কর্ণং প্রহিতেষু তমুগ্রম্।
গ্রীবায়তঃ কর্ণ ন সংহিতোঽয়ং
সমীক্ষ্য সন্ধৎস্ব শরং পরঘ্নম্॥ 8-97-26 (59738)
অথাব্রবীৎক্রোধসংরক্তনেত্রো
মদ্রাধিপং সূতপুত্রো মনস্বী।
ন সন্ধত্তে দ্বিঃ শরং শল্য কর্ণো
ন মাদৃশা জিহ্ময়ুদ্বা ভবন্তি॥ 8-97-27 (59739)
ইতীদমুক্ৎবা বিসসর্জ তং শরং
প্রয়ত্নতো বর্ষগণাভিপূজিতম্।
হতোসি রে ফল্গুন ইত্যধিক্ষিপ--
ন্নুবাচ চোচ্চৈর্নিরমূর্জিতাং বৃষঃ॥ 8-97-28 (59740)
স সায়কঃ কর্ণভুজপ্রসৃষ্টো
হুতাশনার্কপ্রতিমঃ সুঘোরঃ।
গুণচ্যুতঃ কর্ণধনুঃপ্রমুক্তো
বিয়দ্গতঃ প্রাজ্বলদন্তরিক্ষে॥ 8-97-29 (59741)
তমাপতন্তং জ্বলিতং নিরীক্ষ্য
বিয়দ্গতং বৃষ্ণিকুলপ্রবীরঃ।
রথস্য চক্রং সহসা নিপীড্য
পঞ্চাঙ্গুলং মজ্জয়তি স্ম বীরঃ॥ 8-97-30 (59742)
ততোঽন্তরিক্ষে সুমহান্নিনাদঃ
সম্পূজনার্থং মধুসূদনস্য।
[দিব্যাশ্চ বাচঃ সহসা বভূবু--
র্দিব্যানি পুষ্পাণ্যথ সিংহনাদাঃ।
তস্মিংস্তথা বৈ ধরণীং নিমগ্নে
রথে প্রয়ত্নান্মধুসূদনস্য॥] 8-97-31 (59743)
ততঃ কিরীটং বহুরত্নচিত্রং
জঘান নাগোঽর্জুনমূর্ধতো বলাৎ।
গিরেঃ সুজাতাঙ্কুরপুষ্পিতদ্রুমং
মহেন্দ্রবজ্রং শিখরং যথোত্তমম্॥ 8-97-32 (59744)
ততঃ কিরীটং তপনীয়চিত্রং
পার্থোত্তমাঙ্গাদহরত্তরস্বী।
তদ্ধেমজালাবনতং সুঘোরং
সম্প্রজ্বলত্তন্নিপপাত ভূমৌ॥ 8-97-33 (59745)
ততোঽর্জুনস্যোত্তমগাত্রভূষণং
সুবর্ণমুক্তামণিবজ্রচিত্রিতম্।
ধরাবিয়দ্দ্যোসলিলেষু বিশ্রুতং
বলং নিসর্গোত্তমমন্যুধিঃ সদা॥ 8-97-34 (59746)
শরেণ মূর্ধ্নি প্রজহার সূতজো
দিবাকরেন্দুজ্বলনগ্রহৎবিষম্।
সুবর্ণমুক্তামণিবজ্রভূষণং
পুরন্দরার্থং তপসা প্রয়ত্নতঃ॥ 8-97-35 (59747)
স্বয়ং কৃতং যদ্বিধিনা স্বয়ম্ভুবা
মহার্হরূপং দ্বিষতাং ভয়ঙ্করম্।
নিজঘ্নতে দেবরিপূন্সুরেশ্বরঃ
স্বয়ং দদৌ যদ্ধি মুদাঽর্জুনায়॥ 8-97-36 (59748)
হরিপ্রচেতোহরিবিত্তগোপ্তৃভিঃ
পিনাকপাশাশনিদণ্ডধারিভিঃ।
সুরোত্তমৈরপ্যবিষহ্যমর্দিতুং
প্রসহ্য নাগেন জহার তদ্বৃষা॥ 8-97-37 (59749)
তদুত্তমেষূন্মথিতং বিষাহিনা
প্রদীপ্তমর্চিষ্মদতীব সুন্দরম্।
পপাত পার্থস্য কিরীটমুত্তমং
দিবাকরোস্তাদিব পর্বতাজ্জ্বলন্॥ 8-97-38 (59750)
মহীবিয়দ্দ্যোসলিলানি বায়ুনা
প্রসহ্য রুগ্ণানি বিঘূর্ণিতানি বা।
ইতীব শব্দং ভুবনেষু তত্তথা
জনা ব্যবস্যন্তি দিশশ্চ বিহ্বলাঃ॥ 8-97-39 (59751)
বিনা কিরীটং* শুশুভে স পার্থঃ
শ্যামো যুবা শৈল ত্রিশৃঙ্গৈঃ॥ 8-97-40 (59752)
ততঃ সমুদ্গ্রথ্য সিতেন বাসসা
স্বমূর্ধজনাব্যথিতস্তদাঽর্জুনঃ।
বভৌ সুসম্পূর্ণমরীচিনেন্দুনা
শিরোগতেনোদয়পর্বতো যথা॥ 8-97-41 (59753)
স চাপি রাধেয়ভুজপ্রমুক্তো
হুতাশনার্কপ্রতিমদ্যুতির্মহান্।
মহোরগঃ কৃতবৈরোঽর্জুনেন
কিরীটমাহৃত্য সমুৎপপাত॥ 8-97-42 (59754)
তমুৎপতন্তং দ্বিপদাং বরিষ্ঠো
দৃষ্ট্বা বচঃ পার্থমুবাচ কৃষ্ণঃ।
মহোরগং পাণ্ডব পশ্যপশ্য
প্রয়োজিতং ৎবন্নিধনার্থমুগ্রম্॥ 8-97-43 (59755)
স এবমুক্তো মধুসূদনেন
গাণ্ডীবধন্বা হরিমুগ্রবাচা।
উবাচ কো ন্বেষ মমাদ্য নাগঃ
ক্ষয়ায় নাগাদ্গরুডস্য বক্রম্॥ 8-97-44 (59756)
কৃষ্ণ উবাচ। 8-97-45x (5063)
যোঽসৌ ৎবয়া খাণ্ডবে চিত্রভানুং
সন্তর্পয়াণেন ধনুর্ধরেণ।
বিয়দ্গতো জননীগুপ্তদেহো
মৎবৈকরূপং নিহতাঽস্য মাতা॥ 8-97-45 (59757)
স এষ তদ্বৈরমনুস্মরন্বৈ
ৎবাং প্রার্থয়ত্যাত্মবধায় নূনম্।
নভশ্চুতাং প্রজ্বলিতামিবোল্কাং
পশ্যৈনমায়ান্তমমিত্রসাহ॥ 8-97-46 (59758)
সঞ্জয় উবাচ। 8-97-47x (5064)
ততঃ স জিষ্ণুঃ পরিবৃত্য রোষা--
চ্চিচ্ছেদ ষড্ভির্নিশিতৈঃ সুধারৈঃ।
নাগং বিয়ত্তির্যগিবোৎপততং
স চ্ছিন্নগাত্রো নিপপাত ভূমৌ॥ 8-97-47 (59759)
[গতে চ তস্মিন্ভুজগে কিরীটিনা
স্বয়ং বিভুঃ পার্থিব ভূতলাদথ।
সমুজ্জহারাশু পুনঃ পতন্তং
রথং ভুজাভ্যাং পুরুষোত্তমস্ততঃ॥] 8-97-48 (59760)
তস্মিন্মুহূর্তে দশভিঃ পৃষৎকৈঃ
সিলাশিতৈর্বর্হিণবর্হবাজিতৈঃ।
বিব্যাধ কর্ণঃ পুরুষপ্রবীরো
ধনঞ্জয়ং তির্যগবেক্ষমাণঃ॥ 8-97-49 (59761)
ততোঽর্জুনো দ্বাদশভিঃ সুমুক্তৈ--
র্বরাহকর্ণৈর্জিশিতৈঃ সমর্প্য।
নারাচমাশীবিষতুল্যবেগ--
মাকর্ণপূর্ণায়তমুৎসসর্জ॥ 8-97-50 (59762)
স চিত্রবর্মেষুবরো বিদার্য
প্রাণান্নিরস্যন্নিব সাধুমুক্তঃ।
কর্ণস্য পীৎবা রুধিরং বিবেশ
বসুন্ধরাং শোণিতদিগ্ধবাজঃ॥ 8-97-51 (59763)
ততো বৃষো বাণনিপাতকোপিতো
মহোরগো দণ্ডবিঘট্টিতো যথা।
তদাঽঽশুকারী ব্যসৃজচ্ছরোত্তমান্
মহাবিষঃ সর্প ইবোত্তমং বিষম্॥ 8-97-52 (59764)
জনার্দনং দ্বাদশভিঃ পরাভিন--
ন্নবৈর্নবত্যা চ শরৈস্তথাঽর্জুনম্।
শরেণ ঘোরেণ পুনশ্চ পাণ্ডবং
বিদার্য কর্ণো ব্যনদজ্জহাস চ॥ 8-97-53 (59765)
তমস্য হর্ষং মমৃষে ন পাণ্ডবো
বিভেদ মর্মাণি ততোঽস্য মর্মবিৎ।
পরঃশতৈঃ পত্রিভিরিন্দ্রবিক্রম--
স্তথা যথেন্দ্রো বলমোজসা রণে॥ 8-97-54 (59766)
ততঃ শরাণাং নবতিং তদাঽর্জুনঃ
সসর্জ কর্ণেঽন্তকদণ্ডসন্নিভাম্।
তৈঃ পত্রিভির্বিদ্ধতনুঃ স বিব্যথে
তথা যথা বজ্রবিদারিতোঽচলঃ॥ 8-97-55 (59767)
মণিপ্রবেকোত্তমবজ্রহাটকৈ--
রলঙ্কৃতং চাস্য বরাঙ্গভূষণম্।
প্রবিদ্ধমুর্ব্যাং নিপপাত পত্রিভি--
র্ধনঞ্জয়েনোত্তমকুণ্ডলেপি চ॥ 8-97-56 (59768)
মহাধনং শিল্পিবরৈঃ প্রয়ত্নতঃ
কৃতং যদস্যোত্তমবর্ম ভাস্বরম্।
সুদীর্ঘকালেন ততোঽস্য পাণ্ডবঃ
ক্ষণেন বাণৈর্বহুধা ব্যশাতয়ৎ॥ 8-97-57 (59769)
`তস্যেষুভিঃ খণ্ডিতকুণ্ডলোঽন্তঃ
পরিক্ষতশ্চাভ্যধিকং তদানীম্।
স লোহিতাঙ্গশ্রবণশ্চকাশে
সলোহিতাঙ্গশ্রবণো যথা দিবি'॥ 8-97-58 (59770)
স তং বিবর্মাণমথোত্তমেষুভিঃ
শিতৈশ্চতুর্ভিঃ কুপিতঃ পরাভিনৎ।
স বিব্যথেঽত্যর্থমরিপ্রতাডিতো
যথাঽঽতুরঃ পিত্তকফানিলজ্বরৈঃ॥ 8-97-59 (59771)
মহাধনুর্মণ্ডলনিঃসৃতৈঃ শিতৈঃ
ক্রিয়াপ্রয়ত্নপ্রহিতৈর্বলেন চ।
ততক্ষ কর্ণং বহুভিঃ শরোত্তমৈ--
র্বিভেদ মর্মস্বপি চার্জুনস্ৎবরন্॥ 8-97-60 (59772)
দৃঢাহতঃ পত্রিভিরুগ্রবেগৈঃ
পার্থেন কর্ণো বিবিধৈঃ শিতাগ্রৈঃ।
বভৌ গিরির্গৈরিকধাতুরক্তঃ
ক্ষরন্প্রপাতৈরিব রক্তমম্ভঃ॥ 8-97-61 (59773)
[ততোঽর্জুনঃ কর্ণমবক্রগৈর্নবৈঃ
সুবর্ণপুঙ্খৈঃ সুদৃঢৈরয়স্ময়ৈঃ।
যমাগ্নিদণ্ডপ্রতিমৈঃ স্তনান্তরে
পরাভিনৎক্রৌঞ্চমিবাদ্রিমগ্নিজঃ॥ 8-97-62 (59774)
ততঃ শরাবাপমপাস্য সূতজো
ধনুশ্চ তচ্ছক্রশরাসনোপমম্।
ততো রথস্থঃ স মুমোহ চ স্খলন্।
প্রশীর্ণমুষ্টিঃ সুভৃশাহতঃ প্রভো॥ 8-97-63 (59775)
ন চার্জুনস্তং ব্যসনে তদেষিবা--
ন্নিহন্তুমার্যঃ পুরুষব্রতে স্থিতঃ।
ততস্তমিন্দ্রাবরজঃ সুসম্ভ্রমা--
দুবাচ কিং পাণ়্ডব হে প্রমাদ্যসে॥ 8-97-64 (59776)
নৈবাহিতানাং সততং বিপশ্চিতঃ
ক্ষণং প্রতীক্ষন্ত্যপি দুর্বলীয়সাম্।
বিশেষতোঽরীন্ব্যসনেষু পণ্ডিতো
নিহত্য ধর্মং চ যশশ্চ বিন্দতে॥ 8-97-65 (59777)
তদেকবীরং তব চাহিতং সদা
ৎবরস্ব কর্ণং সহসাঽভিমর্দিতুম্।
পুরা সমর্থঃ সমুপৈতি সূতজো
ভিন্ধি ৎবমেনং নমুচিং যথা হরিঃ॥ 8-97-66 (59778)
ততস্তদেবেত্যভিপূজ্য সৎবরং
জনার্দনং কর্ণমবিধ্যদর্জুনঃ।
শরোত্তমৈঃ সর্বকুরূত্তমস্ৎবরং--
স্তথা যথা শম্বরহা পুরা বলিম্॥] 8-97-67 (59779)
সাশ্বং তু কর্ণং সরথং কিরীটি
সমাচিনোদ্ভারত বৎসদন্তৈঃ।
প্রচ্ছাদয়ামাস দিশশ্চ বাণৈঃ
সর্বপ্রয়ত্নাত্তপনীয়পুঙ্খৈঃ॥ 8-97-68 (59780)
সবৎসদন্তৈঃ পৃথুপীনবক্ষাঃ
সমাচিতঃ সোঽধিরথির্বিভাতি।
সুপুষ্পিতাশোকপলাশশাল্মলি--
র্যথাঽচলশ্চন্দনকাননায়ুতঃ॥ 8-97-69 (59781)
শরৈঃ শরীরে বহুভিঃ সমর্পিতৈ--
র্বিভাতি কর্ণঃ সমরে বিশাম্পতে।
মহীরুহৈরাচিতসানুকন্দরো
যথা গিরীন্দ্রঃ স্ফুটকর্ণিকারবান্॥ 8-97-70 (59782)
স বাণসঙ্ঘান্বহুধা ব্যবাসৃজন্
বিভাতি কর্ণঃ শরজালরশ্মিবান্।
স লোহিতো রক্তগভস্তিমণ্ডলো
দিবাকরোঽস্তাভিমুখো যথা তথা॥ 8-97-71 (59783)
বাহ্বন্তরাদাধিরথের্বিমুক্তান্
বাণান্মহাহীনিব দীপ্যমানান্।
ব্যধ্বংসয়ন্নর্জুনবাহুমুক্তাঃ
শরাঃ সমাসাদ্য দিশঃ শিতাগ্রাঃ॥ 8-97-72 (59784)
[ততঃ স কর্ণঃ সমবাপ্য ধৈর্যং
বাণান্বিমুঞ্চন্কুপিতাহিকল্পান্।
বিব্যাধ পার্থং দশভিঃ পৃষৎকৈঃ
কৃষ্ণং চ ষ়ড্ভিঃ কুপিতাহিকল্পৈঃ॥ 8-97-73 (59785)
ততঃ কিরীটি ভৃশমুগ্রনিঃস্বনং
মহাশরং সর্পবিষানলোপমম্।
অয়স্মায়ং রৌদ্রমহাস্ত্রসম্ভৃতং
মহাহবে ক্ষেপ্তুমনা মহামতিঃ॥] 8-97-74 (59786)
কালো হ্যদৃশ্যো নৃপ বিপ্রশাপা--
ন্নিদর্শয়ন্কর্ণবধং ব্রুবাণঃ।
ভূমিস্তু চক্রং গ্রসতীত্যবোচ--
ৎকর্ণস্য তস্মিন্বধকাল আগতে॥ 8-97-75 (59787)
ন চাস্য ঘোরং প্রতিভাতি চাস্ত্রং
যদ্ভার্গবোঽস্মৈ প্রদদৌ মহাত্মা।
চক্রং চ বামং গ্রসতে ভূমিরস্য
প্রাপ্তে তস্মিন্বধকালে নৃবীর॥ 8-97-76 (59788)
ততো রথো ঘূর্ণিতবান্নরেন্দ্র
শাপাত্তদা ব্রাহ্মণসত্তমস্য।
প্রাপ্তং বধং শংসতি চাপ্যথাস্ত্রং
প্রণশ্যমানং দ্বিজমুখ্যশাপাৎ॥ 8-97-77 (59789)
[ততশ্চক্রমপতত্তস্য ভূমৌ
স বিহ্বলঃ সমরে সূতপুত্রঃ।
সবেদিকশ্চৈত্য ইবাতিমাত্রঃ
সুপুষ্পিতো ভূমিতলে নিমগ্নঃ]॥ 8-97-78 (59790)
মগ্নে রথে ব্রাহ্মণশাপমূঢো
হ্যস্ত্রং চ তং মোঘমিষু চ সর্পম্।
অমৃষ্যমাণো ব্যসনানি তানি
হস্তৌ বিধুন্বন্বিজগর্হ ধর্মম্॥ 8-97-79 (59791)
ধর্মপ্রধানং কিল পাতি ধর্ম
ইত্যব্রুবন্ধর্মবিদঃ সদৈব।
বয়ং চ ধর্মে প্রয়তাম নিত্যং
চর্তুং যথাশক্তি যথাশ্রুতং চ।
স চাপি নিঘ্নাতি ন পাতি ভক্তান্
মন্যে ন নিত্যং পরিপাতি ধর্মঃ॥ 8-97-80 (59792)
এবং ব্রুবন্প্রস্খলিতাশ্বসূতো
বিচাল্যমানোঽর্জুনবাণপাতৈঃ।
মর্মাভিঘাতাচ্ছিথিলঃ ক্রিয়াসু
পুনঃ পুনর্ধর্মমসৌ জগর্হ॥ 8-97-81 (59793)
ততঃ শরৈর্ভীমতরৈরবিধ্যত্ত্রিভিরাহবে।
হস্তে কৃষ্ণং তথা পার্থমভ্যবিধ্যচ্চ সপ্তভিঃ॥ 8-97-82 (59794)
ততোঽর্জুনঃ সপ্তদশ তিগ্মবেগানজিহ্মগান্।
ইন্দ্রাশনিসমান্ঘোরানসৃজৎপাবকোপমান্॥ 8-97-83 (59795)
নির্ভিদ্য তে ভীমবেগা হ্যপতন্পৃথিবীতলে।
কম্পিতাত্মা ততঃ কর্ণঃ শক্ত্যা চেষ্টামদর্শয়ৎ॥ 8-97-84 (59796)
বলেনাথ স সংস্তভ্য ব্রহ্মাস্ত্রং সমুদৈরয়ৎ।
ঐন্দ্রং ততোঽর্জুনশ্চাপি তং দৃষ্ট্বাঽভ্যুপমন্ত্রয়ৎ॥ 8-97-85 (59797)
গাণ্ডীবং জ্যাং চ বাণাংশ্চ সোঽনুমন্ত্র্য পরন্তপঃ।
ব্যসৃজচ্ছরবর্ষাণি বর্ষাণীব পুরন্দরঃ॥ 8-97-86 (59798)
ততস্তেজোময়া বাণা রথাৎপার্থস্য নিঃসৃতাঃ।
প্রাদুরাসন্মহাবীর্যাঃ কর্ণস্য রথমন্তিকাৎ। 8-97-87 (59799)
স কর্ণোঽগ্রসদস্যাস্ত্রং কুর্বন্মোক্ষং মহারথঃ॥
ততোঽব্রবীদ্বৃষ্ণিবীরস্তস্মিন্নস্ত্রে বিনাশিতে।
বিসৃজাস্ত্রং পরং পার্থ রাধেয়ো গ্রসতে শরান্॥ 8-97-88 (59800)
ততো ব্রহ্মাস্ত্রমত্যুগ্রং সম্মন্ত্র্য সময়োজয়ৎ।
ছাদয়িৎবা ততো বাণৈঃ কর্ণং প্রত্যস্যদর্জুনঃ॥ 8-97-89 (59801)
ততঃ কর্ণঃ শিতৈর্বাণৈর্জ্যাং চিচ্ছেদ সুতেজনৈঃ।
[দ্বিতীয়াং চ তৃতীয়াং চ চতুর্থী পঞ্চমীং তথা॥ 8-97-90 (59802)
ষষ্ঠীমথাস্য চিচ্ছেদ সপ্তমীং চ তথাঽষ্টমীম্।
নবমীং দশমীং চাস্য তথা চৈকাদশীং বৃষঃ।
জ্যাশতং শতসন্ধানঃ স কর্ণো নাববুধ্যতে॥] 8-97-91 (59803)
ততো জ্যাং বিনিধায়ান্যামভিমন্ত্র্য চ পাণ্ডবঃ।
শরৈরবাকিরৎকর্ণং দীপ্যমানৈরিবাহিভিঃ॥ 8-97-92 (59804)
তস্য জ্যাচ্ছেদনং কর্ণো জ্যাবধানং চ সংয়ুগে।
নান্ববুধ্যত শীঘ্রৎবাত্তদদ্ভুতমিবাভবৎ॥ 8-97-93 (59805)
অস্ত্রৈরস্ত্রাণি সংবার্য প্রনিঘ্নন্সব্যসাচিনঃ।
চক্রে চাপ্যধিকং পার্থাৎস্ববীর্যমতিদর্শয়ন্॥ 8-97-94 (59806)
ততঃ কর্ণোঽর্জুনং দৃষ্ট্বা স্বস্যাস্ত্রেণ চ পীডিতম্।
অভ্যসেত্যব্রবীৎপার্থমাতিষ্ঠাস্ত্রং ব্রজেতি চ॥ 8-97-95 (59807)
ততোঽগ্নিসদৃশং ঘোরং শরং সর্পবিষোপমম্।
অশ্মসারমং দিব্যমভিমন্ত্র্যং পরন্তপঃ।
রৌদ্রমস্ত্রং সমাধায় ক্ষেপ্তুকামঃ কিরীটিনে॥ 8-97-96 (59808)
ততোঽগ্রসন্মহী চক্রং রাধেয়স্য তদা নৃপ॥ 8-97-97 (59809)
[ততোঽবতীর্য রাধেয়ো রথাদাশু সমুদ্যতঃ।
চক্রং ভুজাভ্যামালম্ব্য সমুৎক্ষেপ্তুমিয়েষ সঃ॥ 8-97-98 (59810)
সপ্তদ্বীপা বসুমতী সশৈলবনকাননা।
গীর্ণচক্রা সমুৎক্ষিপ্তা কর্ণেন চতুরঙ্গুলম্॥ 8-97-99 (59811)
গ্রস্তচক্রস্তু রাধেয়ঃ ক্রোধাদশ্রূণ্যবর্তয়ৎ।
অর্জুনং বীক্ষ্য সংরব্ধমিদং বচনমব্রবীৎ॥ 8-97-100 (59812)
ভোভো পার্থ মহেষ্বাস মুহুর্তং পরিপালয়।
যাবচ্চক্রমিদং গ্রস্তমুদ্ধরামি মহীতলাৎ॥ 8-97-101 (59813)
সব্যং চক্রং মহীগ্রস্তং দৃষ্ট্বা দৈবাদিদং মম।
পার্থ কাপুরুষাচীর্ণমভিসন্ধিং বিসর্জয়॥ 8-97-102 (59814)
ন ৎবং কাপুরুষাচীর্ণং মার্গমাস্থাতুমর্হসি।
খ্যাতস্ৎবমসি কৌন্তেয় বিশিষ্টো রণকর্মসু।
বিশিষ্টতরমেব ৎবং কর্তুমর্হসি পাণ্ডব॥ 8-97-103 (59815)
প্রকীর্ণকেশে বিমুখে ব্রাহ্মণেঽথ কৃতাঞ্জলৌ।
শরণাগতে ন্যস্তশস্ত্রেয়াচমানে তথাঽর্জুন॥ 8-97-104 (59816)
অবাণে ভ্রষ্টকবচে ভ্রষ্টভগ্নায়ুধে তথা।
ন বিমুঞ্চন্তি শস্ত্রাণি শূরাঃ সাধুব্রতে স্থিতাঃ॥ 8-97-105 (59817)
ৎবং চ শূরতমো লোকে সাধুবৃত্তশ্চ পাণ্ডব।
অভিজ্ঞো যুদ্ধধর্মাণাং তস্মাৎক্ষম মুহূর্তকম্॥ 8-97-106 (59818)
দিব্যাস্ত্রবিদমেয়াত্মা কার্তবীর্যসমো যুধি।
যাবচ্চক্রমিদং গ্রস্তমুদ্বরামি মহাভুজ॥ 8-97-107 (59819)
ন মাং রথস্থো ভূমিষ্ঠং বিকলং হন্তুমর্হসি।
ন বাসুদেবাত্ৎবত্তো বা পাণ্ডবেয় বিভেম্যহম্॥ 8-97-108 (59820)
ৎবং হি ক্ষত্রিয়দায়াদো মহালকুলবিবর্ধনঃ।
অতস্ৎবাং প্রববীম্যেষ মুহূর্তং ক্ষম পাণ়্ডব॥ ॥ 8-97-109 (59821)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে সপ্তনবতিতমোঽধ্যায়ঃ॥ 97 ॥
[বিনা কিরীটং শংশুভে স পার্থঃ।
শ্যামো যুবা নীল ইবোচ্চশৃঙ্গঃ।
ততঃ সমুদ্গ্রথ্য সিতেন বাসসা
স্বমূর্ধজানব্যথিতস্তদাঽর্জুনঃ।
বিভাসিতঃ সূর্যমরীচিনা দৃঢং
শিরোগতেনোদয়পর্বতো যথা॥ 8-97-1 (59822)
গোকর্ণা সুমুখী কৃতেন ইষুণা গোপুত্রসম্প্রেষিতা
গোশব্দাত্মজভূষণং সুবিহিতং সুব্যক্তগোঽসুপ্রভং
দৃষ্ট্বা গোগতকং জহার মুকুটং গোশব্দগোপূরি বৈ
গোকর্ণাসনমর্দনশ্চ ন যয়াবপ্রাপ্য মৃত্যোর্বশং 8-97-2 (59823)
স সায়কঃ কর্ণভুজপ্রসৃষ্টো
হুতাশনার্কপ্রতিমো মহার্হঃ।
মহোরগঃ কৃতবৈরোঽর্জুনেন
কিরীটমাহত্য ততো ব্যতীয়াৎ॥ 8-97-3 (59824)
তং চাপি দগ্ধ্বা তপনীয়চিত্রং
কিরীটমাকৃষ্য তদর্জুনস্য।
ইয়েষ গন্তুং পুনরেব তূণং
দৃষ্টশ্চ কর্ণেন ততোঽব্রবীত্তম্॥ 8-97-4 (59825)
মুক্তস্ৎবয়াঽহং ৎবসমীক্ষ্য কর্ণ
শিরো হৃতং যন্ন ময়াঽর্জুনস্য।
সমীক্ষ্য মাং মুঞ্চ রণে ৎবমাশু
হন্তাঽস্মি শত্রুং তব চাত্মনশ্চ॥ 8-97-5 (59826)
স এবমুক্তো যুধি সূতপুত্র--
স্তম্ব্রবীৎকো ভবানুগ্ররূপঃ।
নাগোঽব্রবীদ্বিদ্বি কৃতাগসং মাং
পার্থেন মাতুর্বধজাতবৈরম্॥ 8-97-6 (59827)
যদি স্বয়ং বজ্রধরোঽস্য গোপ্তা
তথাপি যাতা পিতৃরাজবেশ্মনি। 8-97-7 (59828)
কর্ণ উবাচ।
ন নাগ কর্ণোঽদ্য রণে পরস্য
বলং সমাস্থায় জয়ং বুভূষেৎ॥ 8-97-7x (5065)
ন সংদধ্যাং দ্বিঃ শরং চৈব নাগ
যদ্যর্জুনানাং শতমেব হন্যাম্।
তমাহ কর্ণঃ পুনরেব নাগং
তদাঽজিমধ্যে রবিসূনুসত্তমঃ॥ 8-97-8 (59829)
ব্যালাস্ত্রসর্গোত্তময়ত্নমন্যুভি--
র্হন্তাঽস্মি পার্থং সুসুখী ব্রজ ৎবম্।
ইত্যেবমুক্তো যুধি নাগরাজঃ
কর্ণেন রোষাদসহংস্তস্য বাক্যম্॥ 8-97-9 (59830)
স্বয়ং প্রায়াৎপার্থবধায় রাজন্
কৃৎবা স্বরূপং বিজিঘাংসুরুগ্রঃ।
ততঃ কৃষ্ণঃ পার্থমুবাচ সঙ্খ্যে
মহোরগং কৃতবৈরং জহি ৎবম্॥ 8-97-10 (59831)
8-97-11 (59832)
স এবমুক্তো মধুসূদনেন
গাণ্ডীবধন্বা রিপুবীর্যসাহঃ।
উবাচ কো হ্যেষ মমাদ্য নাগঃ
স্বয়ং য আয়াদ্গরুডস্য বক্ত্রম্॥]
Mahabharata - Karna Parva - Chapter Footnotes
॥ শ্রীঃ ॥
8.98. অধ্যায়ঃ 098
Mahabharata - Karna Parva - Chapter Topics
পার্থায় ধর্মানুবাদকং কর্ণংম্প্রতি কৃষ্ণেন তৎকৃতদুষ্কৃতানুস্মারণপূর্বকং মর্মোদ্ধাটনম্॥ 1 ॥ কর্ণেন স্ববাণাহতিনির্বিণ্ণেঽর্জুনে তদন্তরে রথাদবরুহ্য তচ্চক্রোদ্ধরণোদ্যমঃ॥ 2 ॥ তদন্তরে কৃষ্ণচোদনয়া পার্থেন কর্ণশিরশ্ছেদঃ॥ 3 ॥
Mahabharata - Karna Parva - Chapter Text
8-98-0 (59833)
সঞ্জয় উবাচ। 8-98-0x (5066)
অথাব্রবীদ্বাসুদেবো মহাত্মা
রাধেয় দিষ্ট্যা স্মরসীহ ধর্মম্।
`ধর্মে হি বদ্ধা সততং হি পার্থা--
স্তেভ্যস্ততো বৃদ্ধিসৌ দদাতি॥ 8-98-1 (59834)
ধর্মাদপেতাঃ পরিপন্থিনস্তে
তস্মাদ্গতা বৈ কুরবো বিনাশম্'।
প্রায়েণ নীচা ব্যসনেষু মগ্না
নিন্দন্তি দৈবং ন তু দুষ্কৃতং স্বম্॥ 8-98-2 (59835)
কৃষ্ণাং সভাং কর্ণ যদেকবস্ত্রা--
মানীতবাংস্ৎবং চ সুয়োধনশ্চ।
দুঃশাসনঃ শকুনিঃ সৌবলশ্চ।
ধর্মস্তদা তে রুচিতো ন কস্মাৎ॥ 8-98-3 (59836)
যদা সভায়াং রাজানমনক্ষজ্ঞং যুধিষ্ঠিরম্।
আনীয় জিতবন্তো বৈ ক্ব তে ধর্মস্তদা গতঃ॥ 8-98-4 (59837)
বনবাসে ব্যতীতে চ কর্ণ বর্ষে ত্রয়োদশে।
ন প্রয়চ্ছসি যদ্রাজ্যং ক্ব তে ধর্মস্তদা গতঃ॥ 8-98-5 (59838)
যদ্ভীমসেনং সর্পৈশ্চ বিষয়ুক্তৈশ্চ ভোজনৈঃ।
আচরত্ৎবন্মতে রাজা ক্ব তে ধর্মস্তদা গতঃ॥ 8-98-6 (59839)
যদ্বারণাবতে পার্থান্সুপ্তাঞ্জতুগৃহে তদা।
হন্তুকামাস্তদা যূয়ং ক্ব তে ধর্মস্তদা গতঃ॥ 8-98-7 (59840)
যদা রজস্বলাং কৃষ্ণাং দুঃশাসনবশে স্থিতাম্।
সভায়াং প্রাহসঃ কর্ণ ক্ব তে ধর্মস্তদা গতঃ॥ 8-98-8 (59841)
যদনার্যৈঃ পুরা কৃষ্ণাং ক্লিশ্যমানামনাগসম্।
উপপ্রেক্ষসি রাধেয় ক্ব তে ধর্মস্তদা গতঃ॥ 8-98-9 (59842)
বিনষ্টাঃ পাণ্ডবাঃ কৃষ্ণে শাশ্বতং নরকং গতাঃ।
পতিমন্যং বৃণীষ্বেতি বদংস্ৎবং গজগামিনীম্।
উপপ্রেক্ষসি রাধেয় ক্ব তে ধর্মস্তদা গতঃ॥ 8-98-10 (59843)
রাজ্যলুব্ধঃ পুনঃ কর্ণ সমাহ্বয়সি পাণ্ডবান্।
যদা শকুনিমাশ্রিত্য ক্ব তে ধর্মস্তদা গতঃ॥ 8-98-11 (59844)
যদাঽভিমন্যুং বহবো যুদ্ধে জঘ্নুর্মহারথাঃ।
পরিবার্য রণে বালং ক্ব তে ধর্মস্তদা গতঃ॥ 8-98-12 (59845)
[যদ্যেষ ধর্মস্তত্র ন বিদ্যতে হি
কিং সর্বথা তালুবিশোষণেন।
অদ্যেহ ধর্ম্যাণি বিধৎস্ব সূত
তথাপি জীবন্ন বিমোক্ষ্যসে হি॥ 8-98-13 (59846)
নলো হ্যক্ষৈর্নির্জিতঃ পুষ্করেণ
পুনর্যশো রাজ্যমবাপ বীর্যাৎ।
প্রাপ্তাস্তথা পাণ্ডবা বাহুবীর্যা--
ৎসর্বৈঃ সমেতাঃ পরিবৃত্তলোভাঃ॥ 8-98-14 (59847)
নিহত্য শত্রূন্সমরে প্রবৃদ্ধা--
ন্সসোমকা রাজ্যমবাপ্নুয়ুস্তে।
তথা গতা ধার্তরাষ্ট্রা বিনাশং
ধর্মাভিগুপ্তৈঃ সততং নৃসিংহৈঃ]॥ 8-98-15 (59848)
সঞ্জয় উবাচ। 8-98-16x (5067)
এবমুক্তস্তদা কর্ণো বাসুদেবেন ভারত।
লজ্জয়াবনতো ভূৎবা নোত্তরং কিঞ্চিদুক্তবান্॥ 8-98-16 (59849)
ক্রোধাৎপ্রস্ফুরমাণৌষ্ঠো ধনুরুদ্যম্য ভারত।
যোধয়ামাস বৈ পার্থং মহাবেগপরাক্রমঃ॥ 8-98-17 (59850)
ততোঽব্রবীদ্বাসুদেবঃ ফল্গুনং পুরুষর্ষভম্।
দিব্যাস্ত্রেণৈব নির্ভিদ্য পাতয়স্ব মহাবল॥ 8-98-18 (59851)
এবমুক্তস্তু দেবেন ক্রোধমাগাত্তদাঽর্জুনঃ।
মন্যুমভ্যাবিশদ্ধোরং স্মৃৎবা তত্তু ধনঞ্জয়ঃ॥ 8-98-19 (59852)
তস্য ক্রুদ্ধস্য সর্বেভ্যঃ স্রোতোভ্যস্তেজসোঽর্চিষঃ।
প্রাদুরাসংস্তদা রাজংস্তদদ্ভুতমিবাভবৎ॥ 8-98-20 (59853)
তৎসমীক্ষ্য ততঃ কর্ণো ব্রহ্মাস্ত্রেণ ধনঞ্জয়ম্।
অভ্যবর্ষৎপুনর্যত্নমকরোদ্রথসর্জনে॥ 8-98-21 (59854)
ব্রহ্মাস্ত্রেণব তং পার্থো কবর্ষ শরবৃষ্টিভিঃ।
তদস্ত্রমস্ত্রেণাবার্য প্রজহার চ পাণ্ডবঃ॥ 8-98-22 (59855)
ততোঽন্যদস্ত্রং কৌন্তেয়ো দয়িতং জাতবেদসঃ।
মুমোচ কর্ণমুদ্দিশ্য তৎপ্রজজ্বাল তেজসা॥ 8-98-23 (59856)
বারুণেন ততঃ কর্ণঃ শময়ামাস পাবক্রম্।
জীমূতৈশ্চ দিশঃ সর্বাশ্চক্রে তিমিরদুর্দিনাঃ॥ 8-98-24 (59857)
পাণ্ডবেয়স্ৎবসম্ভ্রান্তো বায়ব্যাস্ত্রেণ বীর্যবান্।
অপোবাহ তদাঽভ্রাণি রাধেয়স্য প্রপশ্যতঃ॥ 8-98-25 (59858)
[ততঃ শরং মহাঘোরং জ্বলন্তিমিব পাবকম্।
আদদে পাণ্ডুপুত্রস্য সূতপুত্রো জিঘাংসয়া॥ 8-98-26 (59859)
যোজ্যমানে ততস্তস্মিন্বাণে ধনুষি পূজিতে।
চচাল পৃথিবী রাজন্সশৈলবনকাননা॥ 8-98-27 (59860)
ববৌ সশর্করো বায়ুর্দিশশ্চ রজসা বৃতাঃ।
হাহাকারশ্চ সংবজ্ঞে সুরাণাং দিবি ভারত॥ 8-98-28 (59861)
তমিগুং সন্ধিতং দৃষ্ট্বা সূতপুত্রেণ মারিষ।
বিষাদং পরমং জগ্মুঃ পাণ্ডবা দীনচেতসঃ॥ 8-98-29 (59862)
স সায়কঃ কর্ণভুজপ্রমুক্তঃ
শক্রাশনিগ্রখ্যরুচিঃ শিতাগ্রঃ।
মুলান্তরং প্রাপ্য ধনঞ্জয়স্য
বিবেশ বল্মীকমিবোরমোত্তমঃ॥ 8-98-30 (59863)
স রাঢবিদ্ধঃ সমরে মহাত্মা
বিধূর্ণমানঃ শ্লথহস্তগাণ্ডিবঃ।
চচাল বীভৎসুরমিত্রমর্দনঃ
ক্ষিতেঃ প্রকম্পে চ যথাঽচলোত্তমঃ॥ 8-98-31 (59864)
তদন্তরং প্রাপ্য বৃষো মহারথো
রথাঙ্গসুর্বীগতমুজ্জিহীর্ষুঃ।
রথাদবপ্লুত্য নিগৃহ্য দোর্ভ্যাং
শশাক দৈবান্ন মহাবলোঽপি॥ 8-98-32 (59865)
ততঃ কিরীটি প্রতিলভ্য সংজ্ঞাং
জগ্রাহ বাণং যমদণ্ডকল্পম্।
ততোঽর্জুনঃ প্রাঞ্জলিকং মহাত্মা
ততোঽব্রবীদ্বাসুদেবোঽপি পার্থম্॥ 8-98-33 (59866)
ছিন্ধ্যস্য মূর্ধানমরেঃ শরেণ
ন যাবদারোহতি বৈ রথং বৃষঃ।
তথৈব সম্পূজ্য স তদ্বচঃ প্রভো--
স্ততঃ শরং প্রজ্বলিতং প্রগৃহ্য।
জঘান কক্ষামমলার্কবর্ণাং
মহারথে রথচক্রে বিমগ্নে॥ 8-98-34 (59867)
তং হস্তিকক্ষাপ্রবরং সুকেতুং
সুবর্ণমুক্তামণিবজ্রজুষ্টম্।
কলাপ্রকৃষ্টোত্তমশিল্পিয়ত্নৈঃ
কৃতং সুরূপং তপনীয়চিত্রম্॥ 8-98-35 (59868)
জয়াস্পদং তব সৈন্যস্য নিত্য---
মমিত্রবিত্রাসনমীড্যরূপম্।
বিখ্যাতমাদিত্যসুতস্য লোকে
ৎবিষা সমং পাবকভানুচন্দ্রৈঃ॥ 8-98-36 (59869)
ততঃ ক্ষুরপ্রেণ সুসংশিতেন
সুবর্ণপুঙ্খেন হুতাগ্নিবর্চসা।
শ্রিয়া জ্বলন্তং ধ্বজমুন্মমাথ
মহারথস্যাধিরথেঃ কিরীটী॥ 8-98-37 (59870)
যশশ্চ দর্পশ্চ তথা প্রিয়াণি
সর্বাণি কার্যাণি চ তেন কেতুনা।
সাকং কুরূণাং হৃদয়ানি চাপতন্
বভূব হাহেতি চ নিঃস্বনো মহান্॥ 8-98-38 (59871)
দ্বষ্ট্বা ধ্বজং পাতিতমাশুকারিণা
কুরুপ্রবীরেণ নিকৃত্তমাহবে।
নাশংসিরে সূতপুত্রস্য সর্বে
জয়ং তদা ভারত যে ৎবদীয়াঃ॥ 8-98-39 (59872)
অথ ৎবরন্কর্ণবধায় পার্থো
মহেদ্রবজ্রানলদণ্ডসন্নিভম্।
আদত্ত চাথাঞ্জলিকং নিষঙ্গা--
ৎসহস্ররশ্মেরিব রশ্মিমুত্তমম্॥ 8-98-40 (59873)
মর্মচ্ছিদং শোণিতমাংসদিগ্ধং
বৈশ্বানরার্কপ্রতিমং মহার্হম্।
নরাশ্বনাগাসুহরং ত্র্যরত্নিং
ষড্বাজমঞ্জোগতিমুগ্রবেগম্॥ 8-98-41 (59874)
সহস্রনেত্রাশনিতুল্যবীর্যং
কালানলং ব্যাত্তমিবাতিঘোরম্।
পিনাকনারায়ণচক্রসন্নিভং
ভয়ঙ্করং প্রাণভৃতাং বিনাশনম্॥ 8-98-42 (59875)
জগ্রাহ পার্থঃ স শরং প্রহৃষ্টো
যো দেবসঙ্ঘৈরপি দুর্নিবার্যঃ।
সম্পূজিতো যঃ সততং মহাত্মা
দেবাসুরান্যো বিজয়েন্মহেষুঃ॥ 8-98-43 (59876)
তং বৈ প্রমৃষ্টং প্রসমীক্ষ্য যুদ্ধে
চচাল সর্বং সচরাচরং জগৎ।
কৃৎস্নং জগৎস্বস্ত্যৃষয়োঽভিচক্রু--
স্তমুদ্যতং প্রেক্ষ্য মহাহবেষুম্॥ 8-98-44 (59877)
ততস্তু তং বৈ শরমপ্রমেয়ং
গাণ্ডীবধন্বা ধনুষি ব্যযোজয়ৎ।
যুক্ৎবা মহাস্ত্রেণ পরেণ চাপং
বিকৃষ্য গাণ্ডীবমুবাচ সৎবরম্॥ 8-98-45 (59878)
অয়ং হাস্ত্রপ্রহিতো মহাশরঃ
শরীরহৃচ্চাসুহরশ্চ দুর্হৃদঃ।
তপোঽস্তি তপ্তং গুরবশ্চ তোষিতা
ময়া যদীষ্টং সুহুতং যদি শ্রুতম্॥ 8-98-46 (59879)
অনেন সত্যেন নিহন্ৎবয়ং শরঃ
সুসংহিতঃ কর্ণমরিং মমোর্জিতম্।
ইত্যূচিবাংস্তং প্রমুমোচ বাণং
ধনঞ্জয়ঃ কর্ণবধায় ঘোরম্॥ 8-98-47 (59880)
কৃত্যা হ্যথর্বাঙ্গিরসী প্রচোদিতা
যথা তথা ৎবং জহি শাত্রবং মম।
ব্রুবন্কিরীটী তমতিপ্রহৃষ্টো--
ঽসৃজদ্দেবানাং জয়হেতুং মহেষুম্॥ 8-98-48 (59881)
জিঘাংসুরর্কেন্দুসমপ্রভাবঃ
কর্ণং বশী পাণ্ডবঃ ক্ষিপ্রকারী।
ততো বিমুক্তো বলিনা মহেষুঃ
প্রজ্বালয়ামাস নভো দিশশ্চ॥ 8-98-49 (59882)
সৈন্যান্যনেকানি চ বিপ্রমোহ্য
গাণ্ডীবমুক্তেন ততো মহাত্মা।
তেনার্জুনস্তন্মহনীয়মস্য
শিরোঽহরৎসূতপুত্রস্য রাজন্॥ 8-98-50 (59883)
শরোত্তমেনাঞ্জলিকেন রাজং--
স্তদা মহাস্ত্রপ্রতিমন্ত্রিতেন।
পার্থোঽপরাহ্ণে শির উচ্চকর্ত
বৈকর্তনস্যাথ মহেন্দ্রসূনুঃ।
ছিন্নং পপাতাঞ্জলিকেন তূর্ণং
কায়শ্চ পশ্চাদ্ধরণীং জগাম॥ 8-98-51 (59884)
তদুদ্যতাদিত্যসমানতেজসং
শরন্নভোমধ্যগভাস্করোপমম্।
বরাঙ্গমুর্ব্যামপতচ্চমুমূখে
দিবাকরোঽস্তাদিব রক্তমণ্ডলঃ॥ 8-98-52 (59885)
ততোঽস্য দেহং সততং সুখৈধিতং
সুরূপমত্যর্থসুখং সুগন্ধি চ।
পরেণ কৃচ্ছ্রেণ শিরঃ সমত্যজ--
দ্গৃহং মহর্ধীন্নিবসন্নিবেশ্বরঃ॥ 8-98-53 (59886)
শরৈর্বিভিন্নং ব্যসু তৎসুবর্চসঃ
পপাত কর্ণস্য শরীমুচ্ছ্রিতম্।
স্রবদ্ব্রণং গৈরিকতোয়বিস্রবং
গিরের্যথা বজ্রহতং মহাশিরঃ॥ 8-98-54 (59887)
দেহাচ্চ কর্ণস্য নিপাতিতস্য
তেজঃ সূর্যং খং বিতত্যাবিবেশ।
তদদ্ভুতং সর্বমনুষ্যযোধাঃ
সংদৃষ্টবন্তো নিহতে স্ম কর্ণে॥ 8-98-55 (59888)
ততঃ শঙ্খান্পাণ্ডবা দধ্মুরুচ্চৈ--
র্দৃষ্ট্বা কর্ণং পাতিতং ফল্গুনেন।
তথৈব কৃষ্ণশ্চ ধনঞ্জয়শ্চ
হষ্টৌ যমৌ দধ্মতুর্বারিজাতৌ॥ 8-98-56 (59889)
তং সোমকাঃ প্রেক্ষ্য হতং শয়ানং
সৈন্যৈঃ সার্ধং সিংহনাদান্প্রচক্রুঃ।
তূর্যাণি সঞ্জঘ্নুরতীব হৃষ্টা
বাসাংসি চৈবাদুধুবুর্ভুজাংশ্চ॥ 8-98-57 (59890)
সংবর্ধয়ন্তশ্চ নরেন্দ্র যোধাঃ
পার্থং সমাজগ্মুরতীব হৃষ্টাঃ।
বলান্বিতাশ্চাপরে হ্যপ্যনৃত্য--
ন্নন্যোন্যমাশ্লিষ্য নদন্ত ঊচুঃ॥ 8-98-58 (59891)
দৃষ্ট্বা তু কর্ণং ভুবি বা বিপন্নং
কৃত্তং রথাৎসায়কৈরর্জুনস্য।
মহানিলেনাদ্রিমিবাপবিদ্বং
যজ্ঞাবসানেঽগ্নিমিব প্রশান্তম্॥ 8-98-59 (59892)
তদাননং সূর্যসুতস্য রাজ--
ন্বিভ্রাজতে পদ্মিবাবনালম্।
ররাজ কর্ণস্য শিরো নিকৃত্ত--
মস্তংগতং ভাস্করস্যেব বিম্বম্॥ 8-98-60 (59893)
শরৈরাচিতসর্বাঙ্গঃ শোণিতৌঘপরিপ্লুতঃ।
ররাজ দেহঃ কর্ণস্য স্বরশ্মিভিরিবাংশুমান্॥ 8-98-61 (59894)
প্রতাপ্য সেনামামিত্রীং দীপ্তৈঃ শরগভস্তিভিঃ।
বলিনার্জুনকালেন নীতোঽস্তং কর্ণভাস্করঃ॥ 8-98-62 (59895)
অস্তং গচ্ছন্যথাঽদিত্যঃ প্রভামাদায় গচ্ছতি।
তথা জীবিতমাহায় কর্ণস্যেষুর্জগাম সঃ॥ 8-98-63 (59896)
অপরাহ্ণেঽপরাহ্ণস্য সূতপুত্রস্য মারিষ।
ছিন্নমঞ্জলিকেনাজৌ সোৎসেধমপতচ্ছিরঃ॥ 8-98-64 (59897)
উপর্যুপরি সৈন্যানাং বিনিঘ্নন্নিতরাঞ্জনান্।
শিরঃ কর্ণস্য সোঽৎসেধমিষুঃ সোপ্যহরদ্দ্রুতম্॥ 8-98-65 (59898)
কর্ণং তু শূরং পতিতং পৃথিব্যাং
শরাচিতং শোণিতদিগ্ধগাত্রম্।
দৃষ্ট্বা শয়ানং ভুবি মদ্ররাজ--
শ্ছিন্নধ্বজেনাথ যয়ৌ রথেন॥ 8-98-66 (59899)
হতে কর্ণে কুরবঃ প্রাদ্রবন্ত
ভয়ার্দিতা গাঢবিদ্ধাশ্চ সঙ্খ্যে।
অবেক্ষমাণা মুহুরর্জুনস্য
ধ্বজং মহান্তং বপুষা জ্বলন্তম্॥ 8-98-67 (59900)
তচ্ছিরো ভরতশ্রেষ্ঠ শোভয়ামাস মেদিনীম্।
যদৃচ্ছয়েব পতিতং মণ্ডলং চাণ্ডদীধিতেঃ॥ 8-98-68 (59901)
তং দৃষ্ট্বা সমরবিমর্দ (বদ্ধ) লব্ধনিদ্রং
দষ্টোষ্ঠং রুধিরপীরতকাতরাক্ষম্।
রাধেয়ং রথবরপৃষ্ঠসন্নিষণ্ণং
হীনাংশুর্দিবসকরো মুহূর্তমাসীৎ॥ 8-98-69 (59902)
নিঃশব্দতূর্যং হতয়োধমুখ্যং
প্রশান্তদর্পং ধৃতরাষ্ট্রসৈন্যম্।
ন শোভতে সূর্যসুতেন হীনং
বৃন্দং গ্রহাণামিব চন্দ্রহীনম্॥ 8-98-70 (59903)
সহস্রনেত্রপ্রতিমানকর্মণঃ
সহস্রপত্রপ্রতিমাননং শুভম্।
সহস্ররশ্মির্দিবসক্ষয়ে যথা
তথাঽপতৎকর্ণশিরো বসুন্ধরাম্॥ 8-98-71 (59904)
ব্যূঢোরস্কং কমলবদনং তপ্তহেমাবভাসং
কর্ণং দৃষ্ট্বা ভুবি নিপতিতং পার্থবাণাভিতপ্তম্।
পাংসুগ্রস্তং মলিনমসকৃৎপুত্রমন্বীক্ষমাণো
মন্দম্মন্দং ব্রজতি সবিতা মন্দিরং মন্দরশ্মিঃ॥ ॥ 8-98-72 (59905)
ইতি শ্রীমন্মহাভারতে কর্ণপর্বণি সপ্তদশদিবসয়ুদ্ধে অষ্টনবতিতমোঽধ্যায়ঃ॥ 98 ॥
Mahabharata - Karna Parva - Chapter Footnotes
॥ শ্রীঃ ॥
8.99. অধ্যায়ঃ 099
Mahabharata - Karna Parva - Chapter Topics
শল্যেন কর্ণমরণাদ্ব্যাকুলমনসো দুর্যোধনস্য সমাশ্বাসনম্॥ 1 ॥ তথা তম্প্রতি রণাঙ্কণবর্ণনম্॥ 2 ॥ দেবগন্ধর্বাদীনাং স্বস্বস্থানগমনম্॥ 3 ॥
Mahabharata - Karna Parva - Chapter Text
8-99-0
(59906)
সঞ্জয় উবাচ। 8-99-0x (5068)
কর্ণং তু শূরং পতিতং পৃথিব্যাং
শরাচিতং শোণিতদিগ্ধগাত্রম্।
যদৃচ্ছয়া সূর্যমিবাবনিং গতং
দিদৃক্ষবঃ সম্পরিবার্য তস্থুঃ॥ 8-99-1
(59907)
প্রহৃষ্টবিত্রস্তবিষণ্ণবিস্মিতা--
স্তথাঽপরে শোকসমন্বিতাঽভবন্।
পরে ৎবদীয়াশ্চ রণে বিশাম্পতে
যথায়থেষ্টং পৃতনা তথা গতা॥ 8-99-2
(59908)
প্রবিদ্ধবর্মাভরণায়ুধাম্বরং
ধনঞ্জয়েন প্রহতং মহারথম্।
নিশাম্য কর্ণং কুরবঃ প্রদুদ্রুবু--
র্হতর্ষভং কেসরিণেব গোকুলম্॥ 8-99-3
(59909)
কৃৎবা দিমর্দং ভৃশমর্জুনেন
কর্ণং হতং কেসরিণেব নাগম্।
দৃষ্ট্বা শয়ানং যুধি মদ্ররাজ--
শ্ছিন্নধ্বজেনাপয়যৌ রথেন॥ 8-99-4
(59910)
কর্ণে হতে পার্থভয়াৎপ্রদুদ্রুবু--
র্বৈকর্তনে ধার্তরাষ্ট্রাঃ সশল্যাঃ।
অবেক্ষমাণা মুহুরর্জুনস্য
কেতুং মহান্তং যশসা জ্বলন্তম্॥ 8-99-5
(59911)
শল্যস্তু কর্ণার্জুনয়োর্বিমর্দে
বলানি দৃষ্ট্বা মৃদিতধ্বজানি।
যয়ৌ স তেনৈব রথেন তূর্ণং
হেলীকৃতঃ সৃঞ্জয়সোমকৈশ্চ॥ 8-99-6
(59912)
নিপাতিতস্যন্দনবাজিনাগং
বলং চ দৃষ্ট্বা হতসূতপুত্রম্।
ভীমস্তু ভীমেন তদা স্বরেণ
সমুন্নদদ্রোদসী কম্পয়ংশ্চ। 8-99-7
(59913)
আস্ফোটয়ন্নৃত্যতি বল্গতে চ
হতে কর্ণে ত্রাসয়ন্ধার্তরাষ্ট্রান্।
তদা রাজন্সৃঞ্জয়াঃ সোমকাশ্চ
শঙ্খান্দধ্মুঃ সস্বজুশ্চাপি সর্বে॥ 8-99-8
(59914)
পরস্পরং ক্ষত্রিয়া হৃষ্টরূপাঃ
সূতাত্মজে বৈ নিহতে তদানীম্।
দুর্যোধনোঽশ্রুপ্রতিপূর্ণনেত্রো
দীনো মুহুর্নিশ্বসন্নার্তরূপঃ॥ 8-99-9
(59915)
মদ্রাধিপশ্চাপি বিমূঢচেতা--
স্তূর্ণং ধ্বজেনাপহৃতেন তেন।
রথেন দুর্যোধনমেত্য তূর্ণং
পশ্যন্সুদুঃখাত্তমুবাচ রাজন্॥ 8-99-10
(59916)
বিশীর্ণনাগাশ্বরথপ্রবীরং
বলং ৎবদীয়ং যমরাষ্ট্রকল্পম্।
অন্যোন্যমাসাদ্য হতৈঃ শয়ানৈ--
র্নরাশ্বনাগৈর্গিরিকূটকল্পৈঃ॥ 8-99-11
(59917)
নৈতাদৃশং ভারত যুদ্ধমাসী--
দ্যথা হি কর্ণার্জুনয়োর্বভূব।
গ্রস্তৌ হি কর্ণেন সমেত্য কৃষ্ণা--
বন্যে হি সর্বে তব শাত্রবেয়াঃ॥ 8-99-12
(59918)
দৈবং তু যত্তৎস্ববশে প্রবৃত্তং
তৎপাণ্ডবান্পাতি নিহন্তি চাস্মান্।
তবার্থসিদ্ধ্যর্থকরা হি সর্বে
প্রসহ্য বীরা নিহতা দ্বিষদ্ভিঃ॥ 8-99-13
(59919)
কুবেরবৈবস্বতবাসবানাং
তুল্যপ্রভাবা বরুণস্য চাপি।
বীর্যেণ শৌর্যেণ পরাক্রমেণ
তৈশ্চাপি যুক্তা বিমলৈর্গুণৌঘৈঃ॥ 8-99-14
(59920)
অবধ্যকল্পা নিহতা নরেন্দ্রা--
স্তবার্থকামা যুধি পাণ্ডবেয়ৈঃ।
তন্মা শুচো ভারত দিষ্টমেত--
ৎপর্যায়সিদ্ধির্ন তু নিত্যসিদ্ধিঃ॥ 8-99-15
(59921)
এতদ্বচো মদ্রপতের্নিশম্য
স্বং চাবিনীতং মনসা বিচিন্ত্য।
দুর্যোধনোঽশ্রুপ্রতিপূর্ণনেত্রো
মুহুর্মুহুর্নিশ্বসন্নার্তরূপঃ॥ 8-99-16
(59922)
*তদ্ব্যানমূকং কৃপণং ভৃশার্ত--
মার্তায়নির্দীনমুবাচ রাজন্।
পশ্যেদমুগ্রৈর্নরবাজিনাগৈ--
রায়োধনং বীর হতৈঃ সুপূর্ণম্॥ 8-99-17
(59923)
মহীধরাভৈঃ পতিতৈশ্চ নাগৈঃ
সকৃৎপ্রয়ত্নৈঃ শরভিন্নগাত্রৈঃ।
প্রবিহ্বলদ্ভিশ্চ গতাসুভিশ্চ
প্রধ্বস্তবর্মায়ুধসর্বয়োধৈঃ॥ 8-99-18
(59924)
বজ্রাপবিদ্বৈরিব চাচলৌঘৈ--
র্বিভিন্নপাষাণমৃগদ্রুমৌঘৈঃ।
প্রবিদ্ধঘণ্টাঙ্কুশতোমরধ্বজৈঃ
সহেমজালৈ রুধিরৌঘসম্প্লবৈঃ॥ 8-99-19
(59925)
শরাবনুন্নৈঃ পতিতৈস্তুরঙ্গৈ--
স্তনদ্ভিরার্তৈঃ ক্ষতজং বমদ্ভিঃ।
দীনৈস্ত্রসদ্ভিঃ পরিবৃত্তনেত্রৈ--
র্মহী পতদ্ভিঃ কৃপণা বভূব॥ 8-99-20
(59926)
তথাঽপবিদ্বৈর্গজবাজিয়ূথৈ--
র্মন্দাসুভিশ্চাপি গতাসুভিশ্চ।
রথৈশ্চ নাগৈস্তুরগৈশ্চ নুন্নৈ--
র্মহী মহাবৈতরণীব ভাতি॥ 8-99-21
(59927)
গজৈর্নিকৃত্তাপরহস্তগাত্রৈ--
রুদ্বেপমানৈঃ পতিতৈঃ পৃথিব্যাম্।
রথর্ষভৈর্নাগবরাশ্বয়োধৈঃ
পদাতিভিশ্চাভিমুখৈঃ পরৈর্হতৈঃ॥ 8-99-22
(59928)
বিশীর্ণবর্মাভরণাম্বরায়ুধৈ--
র্যুতা প্রশান্তৈরিব পাবকৈর্মহী।
শরপ্রহারাভিহতৈর্মহাবলৈ--
রবেক্ষমাণৈঃ পতিতৈঃ সমন্ততঃ॥ 8-99-23
(59929)
প্রনষ্টসংজ্ঞৈঃ পুনরাশ্বসদ্ভি--
র্মহী বভৌ কুম্ভগতৈরিবাগ্নিভিঃ।
রত্নৈশ্চ্যুতৈর্ভূরতিদীপ্তিমদ্ভি--
র্নক্তং গ্রহৈর্দ্যৌর্বিমলৈর্বিভাতি॥ 8-99-24
(59930)
শরাস্তু কর্ণার্জুনবাহুমুক্তা
বিদার্য নাগাংশ্চ মনুষ্যদেহান্।
প্রাণান্নিরস্যাশু মহীং প্রতীয়ু--
র্মহোরগা বাসমিবাভিনম্রাঃ॥ 8-99-25
(59931)
হতৈর্মনুষ্যৈশ্চ গজৈশ্চ সঙ্খ্যে
শরাবভিন্নৈ রুধিরপ্রদিগ্ধৈঃ।
ধন়ঞ্জয়স্যাধিরথেশ্চ মার্গে
হতৈরগম্যা বসুধাঽতিদুর্গা॥ 8-99-26
(59932)
রথৈর্মহেষূন্মথিতৈঃ সুকল্পিতৈঃ
সনাগয়োধাশ্ববরায়ুধধ্বজৈঃ
বিশীর্ণয়োক্ত্রৈর্বিনিকীর্ণবন্ধনৈ--
র্নিকৃত্তচক্রাক্ষয়ুগত্রিবেণুভিঃ॥ 8-99-27
(59933)
বিমুক্তয়োক্ত্রৈশ্চ রথৈরুপস্করৈঃ
কৃতাভিষঙ্গৈর্বিনিবদ্বকূবরৈঃ।
প্রভগ্ননীডৈর্মণিহেমভূষিতৈ--
র্বৃতা মহী দ্যৌরিব শারদৈর্ঘনৈঃ॥ 8-99-28
(59934)
নিকৃষ্যমাণা জবনৈস্তুরঙ্গমৈ--
র্হতেশ্বরা রাজরথাঃ সুকল্পিতাঃ।
মনুষ্যমাতঙ্করথাশ্বসাদিষু
দ্রুতং ব্রজন্তো বহুধা বিঘূর্ণিতাঃ॥ 8-99-29
(59935)
সহেমপৃষ্ঠাঃ সপরশ্বথায়ুধাঃ
শিতাশ্চ শূলা মুসলাঃ সমুদ্গরাঃ।
চিত্রাশ্চ খঙ্গা বিমলাশ্চ কোশা
গজাশ্চ জাম্বূনদপট্টনদ্ধাঃ॥ 8-99-30
(59936)
চাপানি জাম্বূনদভূষিতানি
শরাশ্চ কার্তস্বরচিত্রপুঙ্খাঃ।
ঋষ্ট্যশ্চ পীতা বিমলাশ্চ কোশাঃ
প্রাসাশ্চ দণ্ডাঃ কনকপ্রভাসাঃ॥ 8-99-31
(59937)
শুভ্রাণি বালব্যজনানি শঙ্খা--
শ্ছিন্নাবরুদ্ধা বিরুচঃ স্রজশ্চ।
কুথাঃ পতাকাম্বরবেষ্টনানি
কিরীটমালা মকুটাশ্চ শুভ্রাঃ॥ 8-99-32
(59938)
প্রকীর্ণকা বিপ্রতিকীর্ণকাশ্চ
প্রধানমুখ্যাস্তরলাশ্চ হারাঃ।
আপীডকেয়ূরবরাঙ্গদানি
গ্রৈবেয়নিষ্কাঃ সসুবর্ণসূত্রাঃ॥ 8-99-33
(59939)
মণ্যুত্তমা বজ্রসুবর্ণয়ুক্তা
রত্নানি চোচ্চাবচমঙ্গলানি।
গাত্রাণি চাভান্তি সুখোচিতানি
শিরাংসি চেন্দুপ্রতিমাননানি॥ 8-99-34
(59940)
দেহাংশ্চ ভোগাংশ্চ পরিচ্ছদাংশ্চ
ত্যক্ৎবা মনোজ্ঞা নিহতাঃ সুখানি।
স্বধর্মনিষ্ঠাং মহতীমবাপ্য
প্রাপ্তাশ্চ লোকান্যশসা গতাস্তে॥ 8-99-35
(59941)
নিবর্ত দুর্যোধন যান্তু সৈনিকা
ব্রজস্ব রাজঞ্শিবিরাণি মানদ।
দিবাকরোঽপ্যেষ বিলম্বতে প্রভো
পুনস্ৎবমেবাত্র নরেন্দ্র কারণম্॥ 8-99-36
(59942)
সঞ্জয় উবাচ। 8-99-37x (5069)
এতাবদুক্ৎবা বিররাম শল্যো
দুর্যোধনং চৈব নিবর্তয়িৎবা।
যুদ্ধায় রাজন্বিনিবিষ্টবুদ্ধি--
র্হা কর্ণ হা কর্ণ ইতি ব্রুবাণম্॥ 8-99-37
(59943)
তং দ্রোণপুত্রপ্রমুখা নরেন্দ্রাঃ
সর্বে সমাশ্বাস্য ততঃ প্রজগ্মুঃ।
নিরীক্ষমাণা ধ্বজমর্জুনস্য
রথং চ দিব্যং যশসা জ্বলন্তম্॥ 8-99-38
(59944)
নরাশ্বমাতঙ্গশরীরজেন
রক্তেন সিক্তাং রুধিরেণ ভূমিম্।
রক্তাম্বরস্রক্তপনীয়যোগা--
ন্নারীং প্রকাশামিব সর্বরম্যাম্॥ 8-99-39
(59945)
প্রচ্ছন্নরূপাং রুধিরেণ রাজ
ন্রৌদ্রে মুহূর্তেঽতিবিরাজমানে।
নৈবাবতস্থুঃ কুরবঃ সমীক্ষ্য
প্রব্রাজিতা নরদেবা যথাঽক্ষৈঃ॥ 8-99-40
(59946)
বধেন কর্ণস্য সুদুঃখিতাস্তে
হা কর্ণ হা কর্ণ ইতি ব্রুবাণাঃ।
দ্রুতং প্রজগ্মুঃ শিবিরাণি রাজ--
ন্দিবাকরং রক্তমবেক্ষমাণাঃ॥ 8-99-41
(59947)
গাণ্ডীবমুক্তৈস্তু সুবর্ণপুঙ্খৈঃ
শিলাশিতৈঃ শোণিতদিগ্ধবাজৈঃ।
শরৈশ্চিতাঙ্গোঽপি ররাজ কর্ণো
হতোঽপি দীপ্তাংশুরিবাংশুজালৈঃ॥ 8-99-42
(59948)
কর্ণস্য দেহং রুধিরাম্বুসিক্তং
পুত্রানকুম্পী ভগবান্বিবস্বান্।
স্পৃষ্ট্বা করাগ্রৈঃ ক্ষতজানুরূপৈঃ
স্নাতুং তদাঽগাদপরং সমুদ্রম্॥ 8-99-43
(59949)
ইতীব সঞ্চিন্ত্য সুরর্ষভাশ্চ
সম্প্রস্থিতাস্তে তু যথানিকেতম্।
সঞ্চিন্ত্য সর্বা জনতা বিসস্রু--
র্যথাসুখং খে চ মহীতলে চ॥ 8-99-44
(59950)
তদদ্ভুতং প্রাণভৃতাং ভয়ঙ্করং
নিশাম্য যুদ্ধং কুরুবীরমুখ্যযোঃ।
সমাচিতৌ কর্ণশরৈঋ পরন্তপৌ
তথৈব সংরেজতুরচ্যুতার্জুনৌ॥ 8-99-45
(59951)
তমো নিহত্যাভ্যুদিতৌ যথাঽমলৌ
শশাঙ্কসূর্যাবিব রশ্মিমালিনৌ।
বিহায় তান্বাণগণান্মহাবলৌ
সুহৃদ্বৃতাবপ্রতিমানবিক্রমৌ॥ 8-99-46
(59952)
সুখপ্রবিষ্টৌ সুখদৌ বিরেজতুঃ
সদস্যচিন্ত্যাবিব বিষ্ণুবাসবৌ।
সদেবগন্ধর্বমনুষ্যচারণৈ--
র্মহর্ষিভির্যক্ষমহোরগৈরপি।
জয়াভিবৃদ্ধ্যা পরয়াঽভিপূজিতৌ
নিহত্য কর্ণং পরমাহবে তদা॥ 8-99-47
(59953)
যথানুরূপং প্রতিপূজ্য তানথ
প্রশস্যমানাবতুলৈশ্চ কর্মভিঃ।
ননন্দতুশ্চৈব সুহৃদ্ভিরাবৃতৌ
বলং নিহত্যেব সুরেশকেশবৌ॥ ॥ 8-99-48
(59954)
ইতি শ্রীমন্মহাভারতে কর্ণপর্বণি একোনশততমোঽধ্যায়ঃ॥ 99 ॥
Mahabharata - Karna Parva - Chapter Text
8-99-0 (59955)
[ধৃষ্টরাষ্ট্র উবাচ। 8-99-0x (5070)
তস্মিংস্তু কর্ণার্জুনয়োর্বিমর্দে
দগ্ধস্য রৌদ্রেঽহনি বিদ্রুতস্য।
বভূব কুরুসৃঞ্জয়ানাং
বলস্য বাণোন্মথিতস্য কীদৃক্॥ 8-99-1 (59956)
সঞ্জয় উবাচ। 8-99-2x (5071)
শৃণু রাজন্নবহিতো যথা বৃত্তো মহাক্ষয়ঃ।
ঘোরো মনুষ্যদেহানামাজৌ চ গজবাজিনাম্॥ 8-99-2 (59957)
যত্র কর্ণে হতে পার্থঃ সিংহনাদমথাকরোৎ।
তদা তব সুতান্রাজন্নাবিবেশ মহদ্ভয়ম্॥ 8-99-3 (59958)
ন সন্ধাতুমনীকানি ন চৈবাশু পরাক্রমে।
আসীদ্বুদ্বির্হতে কর্ণে তব যোধস্য কর্হিচিৎ॥ 8-99-4 (59959)
বণিজো নাবি ভিন্নায়ামগাধে বিপ্লুবে যথা।
অপারে পারমিচ্ছন্তো হতে দ্বীপে কিরীটিনা॥ 8-99-5 (59960)
সূতপুত্রে হতে রাজন্বিত্রস্তাঃ শস্ত্রবিক্ষতাঃ।
অনাথা নাথমিচ্ছন্তো মৃগাঃ সিংহৈরিবার্দিতাঃ॥ 8-99-6 (59961)
ভগ্নশৃঙ্গা বৃষা যদ্বদ্ভগ্নদংষ্ট্রা ইবোরগাঃ।
প্রত্যপায়াম সায়াহ্নে নির্জিতাঃ সব্যসাচিনা॥ 8-99-7 (59962)
হতপ্রবীরা বিধ্বস্তা নিকৃত্তা নিশিতৈঃ শরৈঃ।
সূতপুত্রে হতে রাজন্পুত্রাস্তে দুদ্রুবুর্ভয়াৎ॥ 8-99-8 (59963)
বিস্রস্তয়ন্ত্রকবচাঃ কান্দিগ্ভূতা বিচেতসঃ।
অন্যোন্যমবমৃদ্গন্তো বীক্ষমাণা ভয়ার্দিতাঃ॥ 8-99-9 (59964)
মামেব নূনং বীভৎসুর্মামেব চ বৃকোদরঃ।
অভিয়াতীতি মন্বানাঃ পেতুর্মম্লুশ্চ সম্ভ্রমাৎ॥ 8-99-10 (59965)
হয়ানন্যে গজানন্যে রথানন্যে মহারথাঃ।
আরুহ্য জবসম্পন্নাঃ পদাতীন্প্রজহুর্ভয়াৎ॥ 8-99-11 (59966)
কুঞ্জরৈঃ স্যন্দনাঃ ক্ষুণ্ণাঃ সাদিনশ্চ মহারথৈঃ।
পদাতিসঙ্ঘাশ্চাশ্বৌধৈঃ পলায়দ্ভির্ভয়ার্দিতৈঃ॥ 8-99-12 (59967)
ব্যালতস্করসঙ্কীর্ণে সার্থহীনা যথা বনে।
সূতপুত্রে হতে রাজংস্তব যোধাস্তথাঽভবন্॥ 8-99-13 (59968)
হতারোহা যথা নাগাশ্ছিন্নহস্তা যথা নরাঃ।
সর্বে পার্থময়ং লোকং সম্পশ্যন্তো ভয়ার্দিতাঃ॥ 8-99-14 (59969)
সম্প্রেক্ষ্য দ্রবতঃ সর্বান্ভীমসেনভয়ার্দিতান্।
দুর্যোধনোঽথ স্বং সূতং হাহাকৃৎবেদমব্রবীৎ॥ 8-99-15 (59970)
নাতিক্রমেচ্চ মাং পার্থো ধনুষ্পাণিমবস্থিতম্।
জঘনে সর্বসৈন্যানাং শনৈরশ্বান্প্রচোদয়॥ 8-99-16 (59971)
যুধ্যমানং হি কৌন্তেয়ং হনিষ্যামি ন সংশয়ঃ।
নোৎসহেন্মামতিক্রান্তুং বেলামিব মহোদধিঃ॥ 8-99-17 (59972)
অদ্যার্জুনং সগোবিন্দং মানিনং চ বৃকোদরম্।
অন্যাঞ্শিষ্টাংস্তথা শত্রূন্কর্ণস্যানৃণ্যমাপ্নুয়াম্॥ 8-99-18 (59973)
তচ্ছ্রুৎবা কুরুরাজস্য শূরার্যসদৃশং বচঃ।
সূতো হেমপরিচ্ছন্নাঞ্শনৈরশ্বানচোদয়ৎ॥ 8-99-19 (59974)
রথাশ্বনাগহীনাস্তু পাদাতাস্তব মারিষ।
পঞ্চবিংশতিসাহস্রা যুদ্বায়ৈব ব্যবস্থিতাঃ॥ 8-99-20 (59975)
তান্ভীমসেনঃ সঙ্ক্রুদ্ধো ধৃষ্ট্যদ্যুম্নশ্চ পার্ষতঃ।
বলেন চতুরঙ্গেণ সংবৃত্যাজঘ্নতুঃ শরৈঃ॥ 8-99-21 (59976)
প্রত্যযুধ্যন্ত সমরে ভীমসেনং সপার্ষতম্।
পার্থপার্ষতয়োশ্চান্যে জগৃহুস্তত্র নামনী॥ 8-99-22 (59977)
অক্রুধ্যত রণে ভীমস্তৈস্তদা পর্যবস্থিতৈঃ।
সোঽবতীর্য রথাত্তূর্ণং গদাপাণিরয়ুধ্যত॥ 8-99-23 (59978)
ন তান্রথস্থো ভূমিষ্ঠান্ধর্মাপেক্ষী বৃকোদরঃ।
যোধয়ামাস কৌন্তেয়ো ভুজবীর্যব্যপাশ্রয়ঃ॥ 8-99-24 (59979)
জাতরূপপরিচ্ছন্নাং প্রগৃহ্য মহতীং গদাম্।
অবধীত্তাবকান্সর্বান্দণ্ডপাণিরিবান্তকঃ॥ 8-99-25 (59980)
পদাতিনোঽপি সন্ত্যক্ৎবা প্রিয়ং জীবিতমাত্মনঃ।
ভীমমভ্যদ্রবন্সঙ্খ্যে পতঙ্গা জ্বলনং যথা॥ 8-99-26 (59981)
আসাদ্য ভীমসেনং তু সংরব্ধা যুদ্ধদুর্মদাঃ।
বিনেশুঃ সহসা দৃষ্ট্বা ভূতগ্রামা ইবান্তকম্॥ 8-99-27 (59982)
শ্যেনবদ্বিচরন্ভীমো গদাহস্তো মহাবলঃ।
পঞ্চবিংশতিসাহস্রাংস্তাবকানবপোথয়ৎ॥ 8-99-28 (59983)
হৎবা তৎপুরুষানীকং ভীমঃ সত্যপরাক্রমঃ।
ধৃষ্টদ্যুম্নং পুরস্কৃত্য তস্থৌ তত্র মহাবলঃ॥ 8-99-29 (59984)
ধনঞ্জয়ো রথানীকমভ্যবর্তত বীর্যবান্।
মাদ্রীপুত্রৌ তু শকুনিং সাত্যকিশ্চ মহারথঃ।
জবেনাভ্যপতন্হৃষ্টা ঘ্নন্তো দৌর্যোধনং বলম্॥ 8-99-30 (59985)
তস্যাশ্বসাদীন্সুবহূংস্তে নিহত্য শিতৈঃ শরৈঃ।
সমভ্যধাবংস্ৎবরিতাস্তত্র যুদ্ধমভূন্মহৎ॥ 8-99-31 (59986)
ধনঞ্জয়োঽপি চাভ্যেত্য রথানীকং তব প্রভো।
বিশ্রুতং ত্রিষু লোকেষু গাণ্ডীবং বিক্ষিপন্ধনুঃ॥ 8-99-32 (59987)
কৃষ্ণসারথিমায়ান্তং দৃষ্ট্বা শ্বেতহয়ং রথম্।
অর্জুনং চাপি যোদ্বারং ৎবদীয়াঃ প্রাদ্রবন্ভয়াৎ॥ 8-99-33 (59988)
বিপ্রহীণরথাশ্চৈব শরৈশ্চ পরিকর্শিতাঃ।
পঞ্চবিংশতিসাহস্রাঃ কালমার্ছন্পদাতয়ঃ॥ 8-99-34 (59989)
হৎবা তান্পুরুষব্যাঘ্রঃ পাঞ্চালানাং মহারথঃ।
পুত্রাঃ পাঞ্চালরাজস্য ধৃষ্টদ্যুম্নো মহামনাঃ॥ 8-99-35 (59990)
ভীমসেনং পুরস্কৃত্য নচিরাৎপ্রত্যদৃশ্যত।
মহাধনুর্ধরঃ শ্রীমানমিত্রগণতাপনঃ॥ 8-99-36 (59991)
পারাবতসবর্ণাশ্বং কোবিদারময়ধ্বজম্।
ধৃষ্টদ্যুম্নং রণে দৃষ্ট্বা ৎবদীয়াঃ প্রাদ্রবন্ভয়াৎ॥ 8-99-37 (59992)
গান্ধাররাজং শীঘ্রাস্ত্রমনুসৃত্য যশস্বিনৌ।
নচিরাৎপ্রত্যদৃশ্যেতাং মাদ্রীপুত্রৌ সসাত্যকী॥ 8-99-38 (59993)
বেকিতানঃ শিখণ্ডী চ দ্রৌপদেয়াশ্চ মারিষ।
হৎবা ৎবদীয়ং সুমহৎসৈন্যং শঙ্খাংস্তথাঽধমন্॥ 8-99-39 (59994)
তে সর্বে তাবকান্প্রেক্ষ্য দ্রবতোঽপি পরাঙ্মুখান্।
অভ্যবর্তন্ত সংরব্ধান্বৃষাঞ্জিৎবা যথা বৃষাঃ॥ 8-99-40 (59995)
সেনাবশেষং তং দৃষ্ট্বা তব সৈন্যস্য পাণ্ডবঃ।
ব্যবস্থিতঃ সব্যসাচী চুক্রোধ বলবান্নৃপ॥ 8-99-41 (59996)
ধনঞ্জয়ো রথানীকমভ্যবর্তত বীর্যবান্।
বিশ্রুতং ত্রিষু লোকেষু ব্যাক্ষিপদ্গাণ্ডিবং ধনুঃ॥ 8-99-42 (59997)
তত এনাঞ্শরব্রাতৈঃ সহসা সমবাকিরৎ।
তমসা সংবৃতেনাথ ন স্ম কিঞ্চিদ্বদৃশ্যত॥ 8-99-43 (59998)
অন্ধকারীকৃতে লোকে রজোভূতে মহীতলে।
যোধাঃ সর্বে মহারাজ তাবকাঃ প্রাদ্রাবন্ভয়াৎ॥ 8-99-44 (59999)
সম্ভজ্যমানে সৈন্যে তু কুরুরাজো বিশাম্পতে।
পরানভিমুখাংশ্চৈব সুতস্তে সমুপাদ্রবৎ॥ 8-99-45 (60000)
ততো দুর্যোধনঃ সর্বানাজুহাবাথ পাণ্ডবান্।
যুদ্ধায় ভরতশ্রেষ্ঠ দেবানিব পুরা বলিঃ॥ 8-99-46 (60001)
ত এনমভিগর্জন্তঃ সহিতাঃ সমুপাদ্রবন্।
নানাশস্ত্রভৃতঃ ক্রুদ্ধা ভর্ৎসয়ন্তো মুহুর্মুহুঃ॥ 8-99-47 (60002)
দুর্যোধনোঽপ্যসম্ভ্রান্তস্তান্রণে নিশিতৈঃ শরৈঃ।
তত্রাবধীত্ততঃ ক্রুদ্বঃ শতশোঽথ সহস্রশঃ॥ 8-99-48 (60003)
তৎসৈন্যং পাণ্ডবেয়ানাং যোধয়ামাস সর্বতঃ॥ 8-99-49 (60004)
তত্রাদ্ভুতমপশ্যাম তব পুত্রস্য পৌরুষম্।
যদেকঃ সহিতান্সর্বান্রণেঽয়ুধ্যত পাণ্ডবান্।
ততোঽপশ্যন্মহাত্মা স স্বসৈন্যং ভৃশদুঃখিতম্॥ 8-99-50 (60005)
ততোঽবস্থাপ্য রাজেন্দ্র কৃতবুদ্ধিস্তবাত্মজঃ।
হর্ষয়ন্নিব তান্যোধানিদং বচনমব্রবীৎ॥ 8-99-51 (60006)
ন তং দেশং প্রপশ্যামি যত্র যাতা ভয়ার্দিতাঃ।
গতানাং যত্র বৈ মোক্ষঃ পাণ্ডবাৎকিং গতেন বঃ॥ 8-99-52 (60007)
অল্পং চ বলমেতেষাং কৃষ্ণৌ চ ভৃশবিক্ষতৌ।
অদ্য সর্বান্হনিষ্যামিধ্রুবো হি বিজয়ো ভবেৎ॥ 8-99-53 (60008)
বিপ্রয়াতাংস্তু বো ভিন্নান্পাণ্ডবাঃ কৃতকিল্বিষান্।
অনুসৃত্য বধিষ্যন্তি শ্রেয়ান্নঃ সমরে বধঃ॥ 8-99-54 (60009)
সুখং সাঙ্গ্রামিকো মৃত্যুঃ ক্ষত্রধর্মেণ যুধ্যতাম্।
মৃতো দুঃখং ন জানীতে প্রেত্য চানন্ত্যমশ্নুতে॥ 8-99-55 (60010)
শৃণুধ্বং ক্ষত্রিয়াঃ সর্বে যাবন্তঃ স্থ সমাগতাঃ।
যদা শূরং চ ভীরুং চ মারয়ত্যন্তকো ময়ঃ॥ 8-99-56 (60011)
কো ন মূঢো ন যুধ্যেত মাদৃশঃ ক্ষত্রিয়ব্রতঃ।
দ্বিষতো ভীমসেনস্য ক্রদ্ধস্য বশমেষ্যথা॥ 8-99-57 (60012)
পিতামহৈরাচরিতং ন ধর্মং হাতুমর্হথ।
ন হ্যধর্মোঽস্তি পাপীয়ান্ক্ষত্রিয়স্য পলায়নাৎ॥ 8-99-58 (60013)
ন যুদ্ধধর্মাচ্ছ্রেয়ো হি পন্থাঃ স্বর্গস্য কৌরবাঃ।
অচিরেণ হতা লোকান্সদ্যো যোধাঃ সমশ্নুত॥ 8-99-59 (60014)
সঞ্জয় উবাচ। 8-99-60x (5072)
এবং ব্রুবতি পুত্রে তে সৈনিকা ভৃশবিক্ষতাঃ।
অনবেক্ষ্যৈব তদ্বাক্যং প্রাদ্রবন্সর্বতো দিশঃ॥ 8-99-60 (60015)
সঞ্জয় উবাচ। 8-99-61x (5073)
8-99-61 (60016)
দৃষ্ট্বা তু সৈন্যং পরিবৃত্যমানং
পুত্রেণ তে মদ্রপতিস্তদানীম্।
সন্ত্রস্তরূপঃ পরিমূঢচেতা
দুর্যোধনং বাক্যমিদং বভাষে]॥
Mahabharata - Karna Parva - Chapter Footnotes
॥ শ্রীঃ ॥
8.100. অধ্যায়ঃ 100
Mahabharata - Karna Parva - Chapter Topics
কর্ণবধানন্তরং কৃষ্ণার্জুনয়োর্যুধিষ্ঠিরসমীপগমনম্॥ 1 ॥
Mahabharata - Karna Parva - Chapter Text
8-100-0 (60017)
সঞ্জয় উবাচ। 8-100-0x (5074)
শরসঙ্কৃত্তবর্মাণং রুধিরোক্ষিতবক্ষসম্।
গতাসুমপি রাধেয়ং নৈব লক্ষ্মীর্বিমুঞ্চতি॥ 8-100-1 (60018)
তপ্তজাম্বূনদনিভং বালার্কসদৃশদ্যুতিম্।
জীবন্তমিব তং শূরং সর্বভূতানি মেনিরে॥ 8-100-2 (60019)
হতস্যাপি মহারাজ সূতপুত্রস্য সংয়ুগে।
বিত্রেসুঃ সর্বতো যোধাঃ সিংহস্যেবেতরে মৃগাঃ॥ 8-100-3 (60020)
হতোঽপি পুরুষব্যাঘ্রো ব্যাহরন্নিব লক্ষ্যতে।
নাভবদ্বিকৃতিঃ কাচিন্মৃতস্যাপি মহাত্মনঃ॥ 8-100-4 (60021)
চারুবেষধরং রাজংশ্চারুমৌলিশিরোধরম্।
তন্মুখং সূতপুত্রস্য পূর্ণচন্দ্রসমদ্যুতি॥ 8-100-5 (60022)
কনকোত্তমসহ্কাশো জ্বলন্নিব বিভাবসুঃ।
স শান্তঃ পুরুষব্যাঘ্রঃ পার্থসায়কবারিণা॥ 8-100-6 (60023)
যথাঽগ্নির্জ্বলনো দীপ্তো জলমাসাদ্য শাম্যতি।
কর্ণাগ্নিঃ সমরে তদ্বৎপার্থমেঘেন শামিতঃ॥ 8-100-7 (60024)
আহৃত্য স যশো দীপ্তং সুয়ুদ্ধেনাত্মনো ভুবি।
সপুত্রঃ সমরে কর্ণঃ প্রশান্তঃ পার্থতেজসা॥ 8-100-8 (60025)
প্রতাপ্য পাণ্ডবান্সর্বান্পাঞ্চালানস্ত্রতেজসা।
নানাভরণবান্রজংস্তপ্তজাম্বূনদপ্রভঃ॥ 8-100-9 (60026)
বর্ষিৎবা শরবর্ষাণি প্রতাপ্য রিপুবাহিনীম্।
শ্রীমানিব সহস্রাংশুর্জ্বলন্সর্বান্প্রতাপ্য চ।
হতো বৈকর্তনঃ কর্ণঃ পাদপোঽঙ্কুরবানিব॥ 8-100-10 (60027)
দদানীত্যেব যঃ প্রাদান্ন নাস্তীত্যর্থিতোঽবদৎ।
সদ্ধ্যঃ সদা সৎপুরুষঃ স হতো দ্বৈরথে বৃষা॥ 8-100-11 (60028)
যস্য ব্রাহ্মণসাৎসর্বং বিত্তমাসীন্মহাত্মনঃ।
নাদেয়ং ব্রাহ্মণেষ্বাসীদ্যস্য স্বমপি জীবিতম্॥ 8-100-12 (60029)
স দাতৄণাং প্রিয়ো রাজন্দাতা চৈব মনোরথান্।
স পার্থাস্ত্রবিনির্দগ্ধো গতঃ পরমিকাং গতিম্॥ 8-100-13 (60030)
যমাশ্রিত্যাকরোদ্বৈরং সুতস্তে স গতো দিবম্।
আদায় তব পুত্রাণাং জয়াশাং সর্ম বর্ম চ॥ 8-100-14 (60031)
হতে চ কর্ণে সরিতো ন সস্রু--
র্জগাম চাস্তং কলুষো দিবাকরঃ।
শ্বেতো গ্রহশ্চ জ্বলিতার্কবর্ণো
যমস্য পুত্রোঽভ্যুদিতঃ স তির্যক্॥ 8-100-15 (60032)
নভশ্চচালাথ ননাদ চোর্বী
ববুশ্চ বাতাঃ পরুষাশ্চ ঘোরাঃ।
দিশো বভূবুর্জ্বলিতাঃ সধূমা
মহার্ণবাঃ সস্বনুশ্চুক্ষুভুশ্চ॥ 8-100-16 (60033)
সকাননাশ্চাদ্রিবরাশ্চকম্পিরে
প্রবিব্যথুর্ভূতগণাশ্চ মারিষ।
বৃহস্পতিঃ সম্পরিবার্য রোহিণীং
বভূব চন্দ্রার্কসমো বিশাম্পতে॥ 8-100-17 (60034)
হতে কর্ণে ন দিশো বিপ্রচারাঃ
সচন্দ্রার্কা দ্যৌর্বিচচাল ভূমিঃ।
পপাত চোল্কা জ্বলনপ্রভা চ
নিশাচরা হৃষ্টতরা বভূবুঃ॥ 8-100-18 (60035)
শশিপ্রকাশাননমর্জুনো যদা
জহার কর্ণস্য শিরঃ শরেণ।
ততোঽন্তরিক্ষে সহসৈব শব্দো
বভূব হাহেতি সুরৈর্বিমুক্তঃ॥ 8-100-19 (60036)
সদেবগন্ধর্বমনুষ্যপূজিতং
নিহত্য কর্ণং রিপুমাহবেঽর্জুনঃ।
ররাজ রাজন্পরমেণ তেজসা
যথা পুরা বৃত্রবধে শতক্রতুঃ॥ 8-100-20 (60037)
পতাকিনা ভীমনিনাদকেতুনা
রথেন শঙ্খস্ফটিকাবভাসিনা।
মহেন্দ্রবাহপ্রতিমেন তাবুভৌ
মহেন্দ্রবীর্যপ্রতিমানপৌরুষৌ॥ 8-100-21 (60038)
সুবর্ণমুক্তামণিবজ্রবিদ্রুমৈ--
রলঙ্কৃতেনাপ্রতিমেন রংহসা।
নরোত্তমৌ যাদবপাণ্ডুনন্দনৌ
দিবাকরৌ দীপ্তহুতাশনাবিব।
রণাজিরে বীতভয়ৌ বিরেজতুঃ
সমানয়োগাবিব বিষ্ণুবাসবৈঃ॥ 8-100-22 (60039)
ততো ধনুর্জ্যাতলনেমিনিস্বনৈঃ
প্রসহ্য কৃৎবা চ রিপূন্গতপ্রভান্।
স সাধয়িৎবা চ রিপূঞ্শরৌঘৈঃ
কপিধ্বজঃ পক্ষিবরধ্বজশ্চ।
প্রদধ্মতুঃ শঙ্খবরৌ সুঘোষৌ
মনাংস্যরীণামুপতাপয়ন্তৌ॥ 8-100-23 (60040)
সুবর্ণজালাবততৌ মহাস্বনৌ
হিমাবদাতৌ পরিগৃহ্য পাণিমিঃ।
চুচুম্বতুঃ শঙ্খবরৌ নৃণাং বরৌ
বিঘোষয়ন্তৌ বিজয়ং জগত্ত্রয়ে॥ 8-100-24 (60041)
পাঞ্চজন্যস্য নির্ঘোষো দেবদত্তস্য চোভয়োঃ।
পৃথিবীমন্তরিক্ষং চ দিশশ্চ সমপূরয়ৎ॥ 8-100-25 (60042)
বিত্রস্তাশ্চাভবন্সর্বে কুরবো রাজসত্তম।
শূরয়োঃ শঙ্খশব্দেন মাধবস্যার্জুনস্য চ॥ 8-100-26 (60043)
তৌ শঙ্খশব্দেন নিনাদয়ন্তৌ
বনানি শৈলান্সরিতো গুহাশ্চ।
বিত্রাসয়ন্তৌ তব পুত্রসেনাং
যুধিষ্ঠিরং নন্দয়িতুং প্রয়াতৌ॥ 8-100-27 (60044)
ততঃ প্রজগ্মুঃ কুরবো জবেন
শ্রুৎবৈব শঙ্খস্বনমীর্যমাণম্।
বিহায় মদ্রাধিপতিং পতিং চ
দুর্যোধনং ভারত ভারতানাম্॥ 8-100-28 (60045)
ততো রথেনাম্বুদবৃন্দনাদিনা
শরদ্বহর্মধ্যদিবাকরৎবিষা।
ধনঞ্জয়স্যাধিরথেশ্চ বিস্মিতাঃ
প্রশংসমানাঃ প্রয়যুস্তদাঽর্জুনম্॥ 8-100-29 (60046)
মহাহবে তং বহুশোভমানং
ধনঞ্জয়ং যোধগণৈঃ সমেতাঃ।
তাবন্বমোদংশ্চ জনাঃ প্রকামং
প্রভাকরাবভ্যুদিতৌ যথৈব॥ ॥ 8-100-30 (60047)
ইতি শ্রীমন্মহাভারতে কর্ণপর্বণি শততমোঽধ্যায়ঃ॥ 100 ॥
Mahabharata - Karna Parva - Chapter Footnotes
॥ শ্রীঃ ॥
8.101. অধ্যায়ঃ 101
Mahabharata - Karna Parva - Chapter Topics
কর্ণবধানন্তরমর্জুনেন যুধিষ্ঠিরাভিবাদনম্॥ 1 ॥ তেন কৃষ্ণার্জুনপ্রশংসনম্॥ 2 ॥ কৃষ্ণয়ুধিষ্ঠিরসংবাদঃ॥ 3 ॥
Mahabharata - Karna Parva - Chapter Text
8-101-0 (60048)
সঞ্জয় উবাচ। 8-101-0x (5075)
হতে বৈকর্তনে কর্ণে কুরবো ভয়পীডিতাঃ।
বীক্ষমাণা দিশঃ সর্বাঃ পলায়ন্ত সহস্রশঃ॥ 8-101-1 (60049)
রাবণং নিহতং দৃষ্ট্বা রাক্ষসা রাঘবেণ বা।
দিশো ভীতা দ্রবন্নেব তাবকা ভয়পীডিতাঃ॥ 8-101-2 (60050)
ততো মহারবং চক্রুর্যোধা রাজন্সমন্ততঃ।
বার্যমাণা ভৃশোদ্বিগ্নাস্তব পুত্রেণ ভারত॥ 8-101-3 (60051)
তেষাং তু মতমাজ্ঞায় পুত্রস্তে ভরতর্ষভ।
অবহারং ততশ্চক্রে শল্যস্যানুমতেন চ॥ 8-101-4 (60052)
কৃতবর্মা রণে তূর্ণং বৃতো ভারত তাবকৈঃ।
নারায়ণাবশিষ্টৈশ্চ শিবিরায়ৈব দুদ্রুবে॥ 8-101-5 (60053)
অশ্বত্থামা ততঃ শূরো বিনিশ্বস্য মুহুর্মুহুঃ।
পাণ্ডবানাং জয়ং দৃষ্ট্বা শিবিরায়ৈব দুদ্রুবে॥ 8-101-6 (60054)
কৃপঃ শারদ্বতো রাজন্নাগানীকেন ভারত।
মহতা মেঘকল্পেন শিবিরায়ৈব দুদ্রুবে॥ 8-101-7 (60055)
গান্ধারাণাং সহস্রেণ শকুনিঃ পরিবারিতঃ।
সুশর্মা চ যয়ৌ রাজন্বীক্ষমাণো ভয়ার্দিতঃ॥ 8-101-8 (60056)
দুর্যোধনোঽপি স যয়ৌ হ্বতসর্বস্ব আতুরঃ।
জ্ঞাতিশোকসমাপন্নশ্চিন্তয়িৎবা মুহুর্মুহুঃ॥ 8-101-9 (60057)
ছিন্নধ্বজেন শল্যস্তু রথেন রথিনাং বরঃ।
প্রয়যৌ শিবিরায়ৈব বীক্ষমাণো দিশো দশ॥ 8-101-10 (60058)
ততোঽপরে সুবহুশো ভারতানাং মহারথাঃ।
ব্যদ্রবন্ত দিশো ভীতা ভয়বিহ্বলচেতসঃ॥ 8-101-11 (60059)
অশ্রূপূর্ণা ভয়োদ্বিগ্না বেপমানা ভয়াতুরাঃ।
কুরবঃ প্রাদ্রবন্সর্বে দৃষ্ট্বা কর্ণং নিপাতিতম্॥ 8-101-12 (60060)
প্রশংসন্তোঽর্জুনং কেচিৎকেচিৎকর্ণং মহারথাঃ।
প্রাদ্রবন্ত রণে ভীতাঃ কুরবঃ কুরুসত্তম॥ 8-101-13 (60061)
তেষাং যোধসহস্রাণাং তাবকানাং মহামৃধে।
নাসীত্তত্র পুমান্কশ্চিদ্যস্তু যুদ্ধে মনো দধে॥ 8-101-14 (60062)
কর্ণে হতে মহারাজ নিরাশাঃ কুরবোঽভবন্।
জীবনেষু চ রাজ্যেষু দারেষু চ ধনেষু চ॥ 8-101-15 (60063)
তান্সমানীয় পুত্রস্তে যত্নেন মহতা বিভো।
নিবেশায় মনো দধ্রে দুঃখশোকসমন্বিতঃ॥ 8-101-16 (60064)
তস্যাজ্ঞাং শিরসা দীনাঃ প্রতিগৃহ্য বিশাম্পতে।
বিষণ্ণমনসো ভীত্যা ন্যবিশন্ত মহারথাঃ॥ 8-101-17 (60065)
চিন্তয়ন্তো বধং ঘোরং সূতপুত্রস্য সংয়ুগে।
অর্জুনস্য জয়ং যুদ্ধে চিন্তয়ানাঃ পুনঃপুনঃ॥ 8-101-18 (60066)
পাণ্ডবাশ্চ মহেষ্বাসা ন্যবিশন্ত পরন্তপাঃ।
প্রহৃষ্টমনসঃ সর্বে জিৎবা শত্রুং মহারথাঃ॥ 8-101-19 (60067)
ততো যুধিষ্ঠিরং তত্র নিবিষ্টং বৈ মুদান্বিতম্।
সমেত্য সর্বে পাঞ্চালা বর্ধয়ন্তো যথাবিধি॥ 8-101-20 (60068)
অর্জুনস্তু রথাত্তূর্ণমবরুহ্য মহায়শাঃ।
ধর্মরাজস্য চরণৌ পীডয়ামাস হৃষ্টবৎ॥ 8-101-21 (60069)
তমুত্থাপ্য মহারাজ ধর্মপুত্রঃ প্রতাপবান্।
সস্বজে ভরতশ্রেষ্ঠমুপজিঘ্রন্নুপস্পৃশন্॥ 8-101-22 (60070)
নকুলঃ সহদেবশ্চ পাণ্ডবশ্চ বৃকোদরঃ।
অভিবাদ্য মহারাজমস্বজন্ত স্ম ফল্গুনম্॥ 8-101-23 (60071)
ধৃষ্টদ্যুম্নঃ শিখণ্ডী চ পাণ্ডবানাং চ যে রথাঃ।
বর্ধয়ন্তে স্ম রাজানং নিহতে সূতনন্দনে॥ 8-101-24 (60072)
ততঃ কৃষ্ণো মহারাজ সাত্যকিশ্চাপি সাৎবতঃ।
বর্ধয়ন্তে স্ম রাজানং নিহতে সূতনন্দনে॥ 8-101-25 (60073)
বাসুদেবশ্চ কৌন্তেয়ং প্রণয়াদিদমব্রবীৎ।
অদ্য রাজন্হতাঃ সর্বে ধার্তরাষ্ট্রাঃ সরাজকাঃ।
হতে বৈকর্তনে কর্ণে রথানাং প্রবরে রথে॥ 8-101-26 (60074)
যদি লোকাস্ত্রয়ঃ সর্বে যোধয়েয়ুঃ সবাসবাঃ।
তথাপি দুর্জয়ঃ সূতস্তব কোপাত্তু সূদিতঃ॥ 8-101-27 (60075)
এবমুক্তঃ প্রত্যুবাচ ধর্মরাজো জনার্দনম্॥ 8-101-28 (60076)
তব প্রসাদাদ্গ্রোবিন্দ হতঃ কর্ণো মহায়শাঃ।
পাণ্ডবাশ্চ জয়ং প্রাপ্যা নাশিতাশ্চাপি শত্রবঃ॥ 8-101-29 (60077)
ৎবং হি শক্তো ভয়াত্ত্রাতুং যস্য কস্যচিদাহবে।
ৎবমস্য জগতো গোপ্তা পাণ্ডবানাং চ সর্বদা॥ 8-101-30 (60078)
ৎবাং সমাসাদ্য শক্রোঽপি মোদতে দিবি নিত্যশঃ।
ৎবং পাতা পাণ্ডুপুত্রাণাং যথৈব জগতস্তথা॥ 8-101-31 (60079)
অনাশ্চর্যো জয়স্তেষাং ভক্তির্যেষাং ৎবয়ি প্রভো॥ 8-101-32 (60080)
ৎবয়া নাথেন গোবিন্দ নাথবন্তো বয়ং যুধি।
যথেন্দ্রেণ পুরা দেবাস্ৎবয়া চাপি জনার্দন॥ 8-101-33 (60081)
স্বপ্স্যাম্যদ্য সুখং কৃষ্ণনিদ্রাং লপ্স্যে ৎবহং ক্ষপাম্।
বিগতং হি ভয়ং মেঽদ্য ৎবৎপ্রসাদান্ন সংশয়ঃ॥ 8-101-34 (60082)
এবমুক্তস্তু পার্থেন কেশবঃ প্রাহ পাণ্ডবম্।
নিমিত্তমাত্রং হি বয়ং তবাপ্যস্মিন্মুদাগমে॥ 8-101-35 (60083)
যস্য তে ভ্রাতরঃ শূরা ভীমসেনাদয়ো নৃপ।
সম্বন্ধিনশ্চেন্দ্রবীর্যাঃ পার্ষতপ্রমুখাস্তথা॥ 8-101-36 (60084)
অর্হতে চ ভবান্নিত্যং প্রিয়ং নিত্যং চ মদ্বিতম্।
প্রিয়ো হি মে ৎবমেতেন বচনেন নরোত্তম॥ 8-101-37 (60085)
ইত্যুক্তো ধর্মরাজস্তু স্বরথং হেমভূপিতম্।
দন্তবর্ণৈর্হয়ৈর্যুক্তং কালবালৈর্মহীপতিঃ॥ 8-101-38 (60086)
আস্থায় পুরুষব্যাঘ্রঃ স্ববলেনাপি সংবৃতঃ।
প্রয়যৌ বহুবৃত্তান্তং দ্রষ্টুমায়োধনং প্রতি॥ 8-101-39 (60087)
সম্ভাষমাণৌ তৌ বীর উভৌ মাধবপাণ্ডবৌ॥ 8-101-40 (60088)
স দদর্শ রণে কর্ণং শয়ানং পুরুষর্ষভম্।
গাণ্ডীবমুক্তৈর্বিশিখৈঃ সর্বতঃ সন্নিপীডিতম্॥ 8-101-41 (60089)
সপুত্রং নিহতং দৃষ্ট্বা কর্ণং রাজা যুধিষ্ঠিরঃ।
প্রশশংস নরব্যাঘ্রাবুভৌ মাধবপাণ্ডবৌ॥ 8-101-42 (60090)
অদ্য রাজাঽস্মি সর্বস্যাং পৃথিব্যাং মধুসূদন।
দিষ্ট্যা জয়সি গোবিন্দ দিষ্ট্যাশত্রুর্নিপাতিতঃ॥ 8-101-43 (60091)
এবং সুবহুশো রাজন্প্রশশংস জনার্দনম্।
অর্জুনং চ কুরুশ্রেষ্ঠো ধর্মরাজো যুধিষ্ঠিরঃ॥ 8-101-44 (60092)
দৃষ্ট্বা চ নিহতং কর্ণং স পুত্রং পার্থসায়কৈঃ।
পুনর্জাতমিবাত্মানং মেনে কুরুকুলোদ্বহঃ॥ 8-101-45 (60093)
সমেত্য চ কুরুশ্রেষ্ঠং কুন্তীপুত্রং যুধিষ্ঠিরম্।
বর্ধয়ন্তি স্ম রাজানো হর্ষয়ুক্তা মহারথাঃ॥ 8-101-46 (60094)
সঞ্জয় উবাচ। 8-101-47x (5076)
এবমেষ ক্ষয়ো বৃত্তঃ সুমহান্রোমহর্ষণঃ।
তব দুর্মন্ত্রিতে রাজন্দিষ্ট্যা ৎবমনুশোচসি॥ 8-101-47 (60095)
বৈশম্পায়ন উবাচ। 8-101-48x (5077)
শ্রুৎবৈতদপ্রিয়ং রাজা ধৃতরাষ্ট্রো মহীপতিঃ।
পপাত ভূমৌ নিশ্চেষ্টঃ কৌরব্যঃ পরমাসনাৎ।
তথা সত্যব্রতা দেবী গান্ধারী দিব্যদর্শনা॥ 8-101-48 (60096)
ততস্তূর্ণং তু বিদুরস্তং নৃপং সঞ্জয়স্তথা।
পর্যাশ্বাসয়তাং চৈতাবুভাবেব তু ভূমিপম্॥ 8-101-49 (60097)
তথৈবাশ্বাসয়ামাসুর্গান্ধারীং কুরুয়োষিতঃ॥ 8-101-50 (60098)
স দৈবং পরমং মেনে ভবিতব্যং চ ভারত।
তাভ্যামাশ্বাসিতো রাজা তূষ্ণীমাস্তে বিশাম্পতে॥ 8-101-51 (60099)
এবমাখ্যায় রাজ্ঞে চ সঞ্জয়ো রাজসত্তম।
জগাম শিবিরং ভূয়ো হতে কর্ণে মহাত্মনি॥ 8-101-52 (60100)
স দৃষ্ট্বা নিহতং শল্যং রাজানং চ সুয়োধনম্।
শকুনিং সুবহূন্রাজন্সৈনিকাংশ্চ সহস্রশঃ॥ 8-101-53 (60101)
তথৈব পাণ্ডবীং সেনাং নিহতাং প্রেক্ষ্য সঞ্জয়ঃ।
সৌপ্তিকে দ্রৌণিনা রাজন্হতবাজিনরদ্বিপাম্॥ 8-101-54 (60102)
স হি দৃষ্ট্বা হতান্সর্বান্সমন্তাদ্যুধি সঞ্জয়ঃ।
প্রয়াতো হাস্তিনপুরং শোকার্তো ভয়বিহ্বলঃ॥ 8-101-55 (60103)
হতেষু পুনরেতেষু প্রভূতগজবাজিষু।
যোধৈশ্চ তৈর্মহারাজ নানাদেশসমুদ্ভবৈঃ॥ 8-101-56 (60104)
কুরুক্ষেত্রং তু তৎসর্বং শূন্যমাসীদ্বিশাম্পতে।
নিহতৈঃ পাণ্ডবেয়ৈশ্চ ধার্তরাষ্ট্রৈশ্চ সংয়ুগে॥ 8-101-57 (60105)
যথাহি বিষয়ং বৃত্তং ধার্তরাষ্ট্রস্য সংঞ্জয়ঃ।
নিবেদয়তি তৎসর্বং যথাবৃত্তং যথাবিধি॥ 8-101-58 (60106)
এবং মহায়ুদ্ধমিদং মহাত্মনো
ধনঞ্জয়স্যাধিরথেশ্চ যঃ পঠেৎ।
স সম্যগিষ্টস্য মখস্য যৎফলং
তদাপ্নুয়াদ্যঃ শৃণুয়াচ্চ নিত্যশঃ॥ 8-101-59 (60107)
মখো হি বিষ্ণুর্ভগবান্সনাতনো
বহন্তি যং চাপ্যনিলেন্দুভানবঃ।
অতোঽনসূয়ুঃ শৃণুয়াৎপঠেচ্চ যঃ
স সর্বলোকাংশ্চ জয়েৎসুখী ভবেৎ॥ ॥ 8-101-60 (60108)
ইতি শ্রীমন্মহাভারতে শতসাহস্রিকায়াং সংহিতায়াং বৈয়াসিক্যাং কর্ণপর্বণি একাধিকশততমোঽধ্যায়ঃ॥ 101 ॥ ॥ কর্ণপর্ব সমাপ্তম্॥ 8 ॥
অতঃ পরং শল্যপর্ব ভবিষ্যতি।
তস্যায়মাদ্যঃ শ্লোকঃ॥ 8-101-1 (60109)
জনমেজয় উবাচ। 8-101-2x (5078)
এবং নিপাতিতে কর্ণে সমরে সব্যসাচিনা।
অল্পাবশিষ্টাঃ কুরবঃ কিমকুর্বত বৈ দ্বিজ॥ 8-101-2 (60110)
ইদং কর্ণপর্ব কুম্ভঘোণস্থেন টী.আর্.কৃষ্ণাচার্যেণ টী. আর্. ব্যাসাচার্যেণ চ মুম্বয়্যাং নির্ণয়সাগরমুদ্রায়ন্ত্রে মুদ্রাপিতম্। শকাব্দাঃ 1829 সন 1907.
