1-1-0 (0) ॥ ಶ್ರೀವೇದವ್ಯಾಸಾಯ ನಮಃ॥ 1-1-0x (0) ನಾರಾಯಣಂ ನಮಸ್ಕೃತ್ಯ ನರಂ ಚೈವ ನರೋತ್ತಮಂ। ದೇವೀಂ ಸರಸ್ವತೀಂ ಚೈವ(ವ್ಯಾಸಂ) ತತೋ ಜಯಮುದೀರಯೇತ್ ॥ 1-1-1 (1) `ನಾರಾಯಣಂ ಸುರಗುರುಂ ಜಗದೇಕನಾಥಂ' ಭಕ್ತಪ್ರಿಯಂ ಸಕಲಲೋಕನಮಸ್ಕೃತಂ ಚ। ತ್ರೈಗುಣ್ಯವರ್ಜಿತಮಜಂ ವಿಭುಮಾದ್ಯಮೀಶಂ ವಂದೇ ಭವಘ್ನಮಮರಾಸುರಸಿದ್ಧವಂದ್ಯಂ'॥ 1-1-2 (2) `ನಮೋ ಧರ್ಮಾಯ ಮಹತೇ ನಮಃ ಕೃಷ್ಣಾಯ ವೇಧಸೇ। ಬ್ರಾಹ್ಮಣೇಭ್ಯೋ ನಮಸ್ಕೃತ್ಯ ಧರ್ಮಾನ್ವಕ್ಷ್ಯಾಮಿ ಶಾಶ್ವತಾನ್'॥ 1-1-3 (3) ಓಂ ನಮೋ ಭಗವತೇ ವಾಸುದೇವಾಯ। ಓಂ ನಮಃ ಪಿತಾಮಹಾಯ। ಓಂ ನಮಃ ಪ್ರಜಾಪತಿಭ್ಯಃ। ಓಂ ನಮಃ ಕೃಷ್ಣದ್ವೈಪಾಯನಾಯ। ಓಂ ನಮಃ ಸರ್ವವಿಘ್ನವಿನಾಯಕೇಭ್ಯಃ॥ 1-1-4 (4) ರೋಮಹರ್ಷಣಪುತ್ರ ಉಗ್ರಶ್ರವಾಃ ಸೌತಿಃ ಪೌರಾಣಿಕೋ ನೈಮಿಶಾರಣ್ಯೇ ಶೌನಕಸ್ಯ ಕುಲಪತೇರ್ದ್ವಾದಶವಾರ್ಷಿಕೇ ಸತ್ರೇ 1-1-5 (5) ಸುಖಾಸೀನಾನಭ್ಯಗಚ್ಛದ್ಬ್ರಹ್ಮರ್ಷೀನ್ಸಂಶಿತವ್ರತಾನ್। ವಿನಯಾವನತೋ ಭೂತ್ವಾ ಕದಾಚಿತ್ಸೂತನಂದನಃ॥ 1-1-6 (6) ತಮಾಶ್ರಮಮನುಪ್ರಾಪ್ಯ ನೈಮಿಶಾರಣ್ಯವಾಸಿನಃ। `ಉವಾಚ ತಾನೃಷೀನ್ಸರ್ವಾಂಧನ್ಯೋ ವೋಽಸ್ಂಯದ್ಯದರ್ಶನಾತ್ 1-1-7 (7) ವೇದ ವೈಯಾಸಿಕೀಃ ಸರ್ವಾಃ ಕಥಾ ಧರ್ಮಾರ್ಯೈಸಂಹಿತಾಃ। ವಕ್ಷ್ಯಾಮಿ ವೋ ದ್ವಿಜಶ್ರೇಷ್ಠಾಃ ಶೃಣ್ವಂತ್ವದ್ಯ ತಪೋಧನಾಃ 1-1-8 (8) ತಸ್ಯ ತದ್ವಚನಂ ಶ್ರುತ್ವಾ ನೈಮಿಶಾರಣ್ಯವಾಸಿನಃ। ಚಿತ್ರಾ ಶ್ರೋತುಂ ಕಥಾಸ್ತತ್ರ ಪರಿವ್ರುಸ್ತಪಸ್ವಿನಃ॥ 1-1-9 (9) ಅಭಿವಾದ್ಯ ಮುನೀಂಸ್ತಾಂಸ್ತು ಸರ್ವಾನೇವ ಕುತಾಂಜಲಿಃ। ಅಪೃಚ್ಛತ್ಸ ತಪೋವೃದ್ಧಿಂ ಸದ್ಭಿಶ್ಚೈವಾಭಿಪೂಜಿತಃ॥ 1-1-10 (10) ಅಥ ತೇಷೂಪವಿಷ್ಟೇಷು ಸರ್ವೇಷ್ವೇವ ತಪಸ್ವಿಷು। ನಿರ್ದಿಷ್ಟಮಾಸನಂ ಭೇಜೇ ವಿನಯಾದ್ರೌಮಹರ್ಷಣಿಃ॥ 1-1-11 (11) ಸುಖಾಸೀನಂ ತತಸ್ತಂ ತು ವಿಶ್ರಾಂತಮುಪಲಕ್ಷ್ಯ ಚ। ಅಥಾಪೃಚ್ಛದೃಷಿಸ್ತತ್ರ ಕಶ್ಚಿತ್ಪ್ರಸ್ತಾವಯನ್ಕಥಾಃ॥ 1-1-12 (12) ಕುತ ಆಗಂಯತೇ ಸೌತೇ ಕ್ವಚಾಯಂ ವಿಹೃತಸ್ತ್ವಯಾ। ಕಾಲಃ ಕಮಲಪತ್ರಾಕ್ಷ ಶಂಸೈತತ್ಪೃಚ್ಛತೋ ಮಮ॥ 1-1-13 (13) ಏವಂ ಪೃಷ್ಟೋಽಬ್ರವೀತ್ಸಂಯಗ್ಯಥಾವದ್ರೌಮಹರ್ಷಣಿಃ। ವಾಕ್ಯಂ ವಚನಸಂಪನ್ನಸ್ತೇಷಾಂ ಚ ಚರಿತಾಶ್ರಯಂ॥ 1-1-14 (14) ತಸ್ಮಿನ್ಸದಸಿ ವಿಸ್ತೀರ್ಣೇ ಮುನೀನಾಂ ಭಾವಿತಾತ್ಮನಾಂ। 1-1-15 (15) ಸೌತಿರುವಾಚ। ಜನಮೇಜಯಸ್ಯ ರಾಜರ್ಷೇಃ ಸರ್ಪಸತ್ರೇ ಮಹಾತ್ಮನಃ॥ 1-1-15x (1) ಸಮೀಪೇ ಪಾರ್ಥಿವೇಂದ್ರಸ್ಯ ಸಂಯಕ್ಪಾರಿಕ್ಷಿತಸ್ಯ ಚ। ಕೃಷ್ಣದ್ವೈಪಾಯನಪ್ರೋಕ್ತಾಃ ಸುಪುಣ್ಯಾ ವಿವಿಧಾಃ ಕಥಾಃ 1-1-16 (16) ಕಥಿತಾಶ್ಚಾಪಿ ವಿಧಿವದ್ಯಾ ವೈಶಂಪಾಯನೇನ ವೈ। ಶ್ರುತ್ವಾಽಹಂ ತಾ ವಿಚಿತ್ರಾರ್ಥಾ ಮಹಾಭಾರತಸಂಶ್ರಿತಾಃ॥ 1-1-17 (17) ವಹೂನಿ ಸಂಪರಿಕ್ರಂಯ ತೀರ್ಥಾನ್ಯಾಯತನಾನಿ ಚ। ಸಮಂತಪಂಚಕಂ ನಾಮ ಪುಣ್ಯಂ ದ್ವಿಜನಿಷೇವಿತಂ॥ 1-1-18 (18) ಗತವಾನಸ್ಮಿ ತಂ ದೇಶಂ ಯುದ್ಧಂ ಯತ್ರಾಭವತ್ಪುರಾ। ಕುರೂಣಾಂ ಪಾಂಡವಾನಾಂ ಚ ಸರ್ವೇಷಾಂ ಚಹೀಕ್ಷಿತಾಂ॥ 1-1-19 (19) ದಿದೃಕ್ಷುಂರಾಗತಸ್ತಸ್ಮಾತ್ಸಮೀಪಂ ಭಾವತಾಮಿಹ। ಆಯುಷ್ಮಂತಃ ಸರ್ವ ಏವ ಬ್ರಹ್ಮಭಾತಾ ಹಿ ಮೇ ಮತಾಃ॥ ಅಸ್ಮಿನ್ಯಜ್ಞೇ ಮಹಾಭಂಗಾಃ ಸೂರ್ಯಪಾವಕವರ್ಚಸಃ॥ 1-1-20 (20) ಕೃತಾಭಿಷೇಕಾಃ ಶುಚಯಃ ಕೃತಜಪ್ಯಾ ಹುತಾಗ್ನಯಃ। ಭವಂತ ಆಸತೇ ಸ್ವಸ್ಥಾ ಬ್ರವೀಮಿ ಕಿಮಹಂ ದ್ವಿಜಾಃ 1-1-21 (21) ಪುರಾಣಸಂಹಿತಾಃ ಪುಣ್ಯಾಃ ಕಥಾ ಧರ್ಮಾರ್ಥಸಂಶ್ರಿತಾಃ। ಇತಿವೃತ್ತಂ ನರೇಂದ್ರಾಣಾಮೃಷೀಣಾಂ ಚ ಮಹಾತ್ಮನಾಂ॥ 1-1-22 (22) ಋಷಯ ಊಚುಃ। 1-1-23x (2) ದ್ವೈಪಾಯನೇನ ಯತ್ಪ್ರೋಕ್ತಂ ಪುರಾಣಂ ಪರಮರ್ಷಿಣಾ। ಸುರೈರ್ಬ್ರಹ್ಮರ್ಷಿಭಿಶ್ಚೈವ ಶ್ರುತ್ವಾ ಯದಭಿಪೂಜಿತಂ॥ 1-1-23 (23) ತಸ್ಯಾಖ್ಯಾನವರಿಷ್ಠಸ್ಯ ವಿಚಿತ್ರಪದಪರ್ವಣಃ। ಸೂಕ್ಷ್ಮಾರ್ಥನ್ಯಾಯಯುಕ್ತಸ್ಯ ವೇದಾರ್ಥೈರ್ಭೂಷಿತಸ್ಯ ಚ॥ 1-1-24 (24) ಭಾರತಸ್ಯೇತಿಹಾಸಸ್ಯ ಪುಣ್ಯಾಂ ಗ್ರಂಥಾರ್ಥಸಂಯುತಾಂ। ಸಂಸ್ಕಾರೋಪಗತಾಂ ಬ್ರಾಹ್ಮೀಂ ನಾನಾಶಾಸ್ತ್ರೋಪಬೃಂಹಿತಾಂ॥ 1-1-25 (25) ಜನಮೇಜಯಸ್ಯ ಯಾಂ ರಾಜ್ಞೋ ವೈಶಂಪಾಯನ ಉಕ್ತವಾನ್। ಯಥಾವತ್ಸ ಋಷಿಃ ಪೃಷ್ಟಃ ಸತ್ರೇ ದ್ವೈಪಾಯನಾಜ್ಞಯಾ॥ 1-1-26 (26) ವೇದೈಶ್ಚತುರ್ಭಿಃ ಸಯುಕ್ತಾಂ ವ್ಯಾಸಸ್ಯಾದ್ಭುತಕರ್ಮಣಃ। ಸಂಹಿತಾಂ ಶ್ರೋತುಮಿಚ್ಛಾಮಃ ಪುಣ್ಯಾಂ ಪಾಪಭಯಾಪಹಾಂ॥ 1-1-27 (27) ಸೌತಿರುವಾಚ। 1-1-28x (3) ಆದ್ಯಂ ಪುರುಷಮೀಶಾನಂ ಪುರುಹೂತಂ ಪುರುಷ್ಟುತಂ। ಋತಮೇಕಾಕ್ಷರಂ ಬ್ರಹ್ಮ ವ್ಯಕ್ತಾವ್ಯಕ್ತಂ ಸನಾತನಂ॥ 1-1-28 (28) ಅಸಚ್ಚ ಸಚ್ಚೈವ ಚ ಯದ್ವಿಶ್ವಂ ಸದಸತಃ ಪರಂ ಪರಾವರಾಣಾಂ ಸ್ರಷ್ಟಾರಂ ಪುರಾಣಂ ಪರಮವ್ಯಯಂ॥ 1-1-29 (29) ಮಂಗಲ್ಯಂ ಮಂಗಲಂ ವಿಷ್ಣುಂ ವರೇಣ್ಯಮನಘಂ ಶುಚಿಂ। ನಮಸ್ಕೃತ್ಯ ಹೃಷೀಕೇಶಂ ಚರಾಚರಗುರುಂ ಹರಿಂ॥ 1-1-30 (30) ಮಹರ್ಷೇಃ ಪೂಜಿತಸ್ಯೇಹ ಸರ್ವಲೋಕೈರ್ಮಹಾತ್ಮನಃ। ಪ್ರವಕ್ಷ್ಯಾಮಿ ಮತಂ ಪುಣ್ಯಂ ವ್ಯಾಸಸ್ಯಾದ್ಭುತಕರ್ಮಣಃ॥ 1-1-31 (31) `ನಮೋ ಭಗವತೇ ತಸ್ಮೈ ವ್ಯಾಸಾಯಾಮಿತತೇಜಸೇ। ಯಸ್ಯ ಪ್ರಸಾದಾದ್ವಕ್ಷ್ಯಾಮಿ ನಾರಾಯಣಕಥಾಮಿಮಾಂ॥ 1-1-32 (32) ಸರ್ವಾಶ್ರಮಾಭಿಶಮನಂ ಸರ್ವತೀರ್ಥಾವಗಾಹನಂ। ನ ತಥಾ ಫಲದ ಸೂತೇ ನಾರಾಯಣಕಥಾ ಯಥಾ॥ 1-1-33 (33) ನಾಸ್ತಿ ನಾರಾಯಣಸಮಂ ನ ಭೂತಂ ನ ಭವಿಷ್ಯತಿ। ಏತೇನ ಸತ್ಯವಾಕ್ಯೇನ ಸರ್ವಾರ್ಥಾನ್ಸಾಧಯಾಂಯಹಂ'॥ 1-1-34 (34) ಆಚಖ್ಯುಃ ಕವಯಃ ಕೇಚಿತ್ಸಂಪ್ರತ್ಯಾಚಕ್ಷತೇ ಪರೇ। ಆಖ್ಯಾಸ್ಯಂತಿ ತಥೈವಾನ್ಯ ಇತಿಹಾಸಮಿಮಂ ಭುವಿ॥ 1-1-35 (35) ಇದಂ ತು ತ್ರಿಷು ಲೋಕೇಷು ಮಹಜ್ಜ್ಞಾನಂ ಪ್ರತಿಷ್ಠಿತಂ। ವಿಸ್ತರೈಶ್ಚ ಸಮಾಸೈಶ್ಚ ಧಾರ್ಯತೇ ಯದ್ದ್ವಿಜಾತಿಭಿಃ॥ 1-1-36 (36) ಅಲಂಕೃತಂ ಶುಭೈಃ ಶಬ್ದೈಃ ಸಮಯೈರ್ದಿವ್ಯಧನುಷೈಃ। ಛಂದೋವೃತ್ತೈಶ್ಚ ವಿವಿಧೈರನ್ವಿತಂ ವಿದುಷಾಂಪ್ರಿಯಂ॥ 1-1-37 (37) ತಪಸಾ ಬ್ರಹ್ಮಚರ್ಯೇಣ ವ್ಯಸ್ಯ ವೇದಂ ಸನಾತನಂ। ಇತಿಹಾಸಮಿಮಂ ಚಕ್ರೇ ಪುಣ್ಯಂ ಸತ್ಯವತೀಸುತಃ॥ 1-1-38 (38) `ಪುಣ್ಯೇ ಹಿಮವತಃ ಪಾದೇ ಮೇಧ್ಯೇ ಗಿರಿಗುಹಾಲಯೇ। ವಿಶೋಧ್ಯ ದೇಹಂ ಧರ್ಮಾತ್ಮಾ ದರ್ಭಸಂಸ್ತರಮಾಶ್ರಿತಃ॥ 1-1-39 (39) ಶುಚಿಃ ಸನಿಯಮೋ ವ್ಯಾಸಃ ಶಾಂತಾತ್ಮಾತಪಸಿ ಸ್ಥಿತಃ ಭಾರತಸ್ಯೇತಿಹಾಸಸ್ಯ ಧರ್ಮೇಣಾನ್ವೀಕ್ಷ್ಯ ತಾಂ ಗತಿಂ॥ 1-1-40 (40) ಪ್ರವಿಶ್ಯ ಯೋಗಂ ಜ್ಞಾನೇನ ಸೋಽಪಶ್ಯತ್ಸರ್ವಮಂತತಃ॥ 1-1-41 (41) ನಿಷ್ಪ್ರಭೇಽಸ್ಮಿನ್ನಿರಾಲೋಕೇ ಸರ್ವತಸ್ತಮಸಾ ವೃತೇ। ಬೃಹದಂಡಮಭೂದೇಕಂ ಪ್ರಜಾನಾಂ ಬೀಜಮವ್ಯಯಂ॥ 1-1-42 (42) ಯುಗಸ್ಯಾದಿನಿಮಿತ್ತಂ ತನ್ಮಹದ್ದಿವ್ಯಂ ಪ್ರಚಕ್ಷತ। ವ್ಯಸ್ಮಿಂಸ್ತಚ್ಛ್ರೂಯತೇ ಸತ್ಯಂಜ್ಯೋತಿರ್ಬ್ರಹ್ಮ ಸನಾತನಂ॥ 1-1-43 (43) ಅದ್ಭುತಂ ಚಾಪ್ಯಚಿಂತ್ಯಂ ಚ ಸರ್ವತ್ರ ಸಮತಾಂ ಮತಂ। ಅವ್ಯಕ್ತಂ ಕಾರಣಂ ಸೂಕ್ಷ್ಮಂ ಯತ್ತತ್ಸದಸದಾತ್ಮಕಂ॥ 1-1-44 (44) ಯಸ್ಮಿನ್ಪಿತಾಮಹೋ ಜಜ್ಞೇ ಪ್ರಭುರೇಕಃ ಪ್ರಜಾಪತಿಃ। ಬ್ರಹ್ಮಾ ಸುರಗುರುಃ ಸ್ಥಾಣುರ್ಮನುಃ ಕಃ ಪರಮೇಷ್ಠ್ಯಥ॥ 1-1-45 (45) ಪ್ರಾಚೇತಸಸ್ತಥಾ ದಕ್ಷೋ ದಕ್ಷಪುತ್ರಾಶ್ಚ ಸಪ್ತವೈ। ತತಃ ಪ್ರಜಾನಾಂ ಪತಯಃ ಪ್ರಾಭವನ್ನೇಕವಿಂಶತಿಃ॥ 1-1-46 (46) ಪುರುಷಶ್ಚಾಪ್ರಮೇಯಾತ್ಮಾ ಯಂ ಸರ್ವಋಷಯೋ ವಿದು। ವಿಶ್ವೇದೇವಾಸ್ತಥಾಽಽದಿತ್ಯಾ ವಸವೋಽಥಾಶ್ವಿನಾವಪಿ॥ 1-1-47 (47) ಯಕ್ಷಾಃ ಸಾಧ್ಯಾಃ ಪಿಶಾಚಾಶ್ಚ ಗುಹ್ಯಕಾಃ ಪಿತರಸ್ತಥಾ। ತತಃ ಪ್ರಸೂತಾ ವಿದ್ವಾಂಸಃ ಶಿಷ್ಟಾ ಬ್ರಹ್ಮರ್ಷಿಸತ್ತಮಾಃ॥ 1-1-48 (48) ಮಹರ್ಷಯಶ್ಚ ಬಹವಃ ಸರ್ವೈಃ ಸಮುದಿತಾ ಗುಣೈಃ। ಆತೋ ದ್ಯೌಃ ಪೃಥಿವೀ ವಾಯುರಂತರಿಕ್ಷಂ ದಿಶಸ್ತಯಾ॥ 1-1-49 (49) ಸಂವತ್ಸರರ್ತವೋ ಮಾಸಾಃ ಪಕ್ಷಾಹೋರಾತ್ರಯಃ ಕ್ರಮಾತ್। ಯಚ್ಚಾನ್ಯದಪಿ ತತ್ಸರ್ವಂ ಸಂಭೂತಂ ಲೋಕಸಾಕ್ಷಿಕಂ॥ 1-1-50 (50) ಯದಿದಂ ದೃಶ್ಯತೇ ಕಿಂಚಿದ್ಬೂತಂ ಸ್ಥಾವರಜಂಗಮಂ। ಪುನಃಸಂಕ್ಷಿಪ್ಯತೇ ಸರ್ವಂ ಜಗತ್ಪ್ರಾಪ್ತೇ ಯುಗಕ್ಷಯೇ॥ 1-1-51 (51) ಯಥರ್ತುಷ್ವೃತುಲಿಂಗಾನಿ ನಾನಾರೂಪಾಣಿ ಪರ್ಯಯೇ। ದೃಶ್ಯಂತೇ ತಾನಿ ತಾನ್ಯೇವ ತಥಾ ಭಾವಾ ಯುಗಾದಿಷು॥ 1-1-52 (52) ಏವಮೇತದನಾದ್ಯಂತಂ ಭೂತಸಂಘಾತಕಾರಕಂ। ಅನಾದಿನಿಧನಂ ಲೋಕೇ ಚಕ್ರಂ ಸಂಪರಿವರ್ತತೇ॥ 1-1-53 (53) ತ್ರಯಸ್ತ್ರಿಂಶತ್ಸಹಸ್ರಾಣಿ ತ್ರಯಸ್ತ್ರಿಂಶಚ್ಛತಾನಿ ಚ। ತ್ರಯಸ್ತ್ರಿಂಶಚ್ಚ ದೇವನಾಂ ಸೃಷ್ಟಿಃ ಸಂಕ್ಷೇಪಲಕ್ಷಣಾ॥ 1-1-54 (54) ದಿವಃ ಪುತ್ರೋ ಬೃಹದ್ಭಾನುಶ್ಚಕ್ಷುರಾತ್ಮಾ ವಿಭಾವಸುಃ। ಸವಿತಾ ಸ ಋಚೀಕೋಽರ್ಕೋ ಭಾನುರಾಶಾವಹೋ ರವಿಃ॥ 1-1-55 (55) ಪುತ್ರಾ ವಿವಸ್ವತಃ ಸರ್ವೇ ಮನುಸ್ತೇಷಾಂ ತಥಾಽವರಃ। ದೇವಭ್ರಾಟ್ ತನಯಸ್ತಸ್ಯ ಸುಭ್ರಾಡಿತಿ ತತಃ ಸ್ಮೃತಃ॥ 1-1-56 (56) ಸುಭ್ರಾಜಸ್ತು ತ್ರಯಃ ಪುತ್ರಾಃ ಪ್ರಜಾವಂತೋ ಬಹುಶ್ರುತಾಃ। ದಶಜ್ಯೋತಿಃ ಶತಜ್ಯೋತಿಃ ಸಹಸ್ರಜ್ಯೋತಿರೇವ ಚ॥ 1-1-57 (57) ದಶಪುತ್ರಸಹಸ್ರಾಣಿ ದಶಜ್ಯೋತೇರ್ಮಹಾತ್ಮನಃ। ತತೋ ದಶಗುಣಾಶ್ಚಾನ್ಯೇ ಶತಜ್ಯೋತೇರಿಹಾತ್ಮಜಾಃ॥ 1-1-58 (58) ಭೂಯಸ್ತತೋ ದಶಗುಣಾಃ ಸಹಸ್ರಜ್ಯೋತಿಷಃ ಸುತಾಃ। ತೇಭ್ಯೋಽಯಂ ಕುರುವಂಶಶ್ಚ ಯದೂನಾಂ ಭರತಸ್ಯ ಚ॥ 1-1-59 (59) ಯಯಾತೀಕ್ಷ್ವಾಕೃವಂಶಶ್ಚ ರಾಜರ್ಷೀಣಾಂ ಚ ಸರ್ವಶಃ। ಸಂಭೂತಾ ಬಹವೋ ವಂಶಾ ಭೂತಸರ್ಗಾಃ ಸುವಿಸ್ತರಾಃ॥ 1-1-60 (60) ಭೂತಸ್ಥಾನಾನಿ ಸರ್ವಾಣಿ ರಹಸ್ಯಂ ತ್ರಿವಿಧಂ ಚ ಯತ್। ವೇದಾ ಯೋಗಃ ಸವಿಜ್ಞಾನೋ ಧರ್ಮೋಽರ್ಥಃ ಕಾಮ ಏವ ಚ॥ 1-1-61 (61) ಧರ್ಮಾರ್ಥಕಾಮಯುಕ್ತಾನಿ ಶಾಸ್ತ್ರಾಣಿ ವಿವಿಧಾನಿ ಚ। ಲೋಕಯಾತ್ರಾವಿಧಾನ ಚ ಸರ್ವ ತದ್ದೃಷ್ಟವಾನೃಷಿಃ॥ 1-1-62 (62) `ನೀತಿರ್ಭರತವಂಶಸ್ಯ ವಿಸ್ತಾರಶ್ಚೈವ ಸರ್ವಶಃ।' ಇತಿಹಾಸಾಃ ಸಹವ್ಯಾಖ್ಯಾ ವಿವಿಧಾಶ್ರುತಯೋಽಪಿ ಚ॥ 1-1-63 (63) ಇಹ ಸರ್ವಮನುಕ್ರಾಂತಮುಕ್ತಂ ಗ್ರಂಥಸ್ಯ ಲಕ್ಷಣಂ। `ಸಂಕ್ಷೇಪೇಣೇತಿಹಾಸಸ್ಯ ತತೋ ವಕ್ಷ್ಯತಿ ವಿಸ್ತರಂ॥' 1-1-64 (64) ವಿಸ್ತೀರ್ಯೈತನ್ಮಹಜ್ಜ್ಞಾನಮೃಷಿಃ ಸಂಕ್ಷಿಪ್ಯ ಚಾಬ್ರವೀತ್। ಇಷ್ಟಂ ಹಿ ವಿದುಷಾಂ ಲೋಕೇ ಸಮಾಸವ್ಯಾಸಧಾರಣಂ॥ 1-1-65 (65) ಮನ್ವಾದಿ ಭಾರತಂ ಕೇಚಿದಾಸ್ತೀಕಾದಿ ತಥಾಽಪರೇ। ತಥೋಪರಿಚರಾದ್ಯನ್ಯೇ ವಿಪ್ರಾಃ ಸಂಯಗಧೀಯಿರೇ॥ 1-1-66 (66) ವಿವಿಧಂ ಸಂಹಿತಾಜ್ಞಾನಂ ದೀಪಯಂತಿ ಮನೀಷಿಣಃ। ವ್ಯಾಖ್ಯಾತುಂ ಕುಶಲಾಃ ಕೇಚಿದ್ಗ್ರಂಥಾಂಧಾರಯಿತುಂ ಪರೇ॥ 1-1-67 (67) ತಪಸಾ ಬ್ರಹ್ಮಚರ್ಯೇಣ ವ್ಯಸ್ಯ ವೇದಂ ಸನಾತನಂ। ಇತಿಹಾಸಮಿಮಂ ಚಕ್ರೇ ಪುಣ್ಯಂ ಸತ್ಯವತೀತ್ಸುತಃ॥ 1-1-68 (68) ಪರಾಶರಾತ್ಮಜೋ ವಿದ್ವಾನ್ಬ್ರಹ್ಮರ್ಷಿಃ ಸಂಶಿತವ್ರತಃ। ಮಾತುರ್ನಿಯೋಗಾದ್ಧರ್ಮಾತ್ಮಾ ಗಾಂಗೇಯಸ್ಯ ಚ ಧೀಮತಃ॥ 1-1-69 (69) ಕ್ಷೇತ್ರೇ ವಿಚಿತ್ರವೀರ್ಯಸ್ಯ ಕೃಷ್ಣದ್ವೈಪಾಯನಃ ಪುರಾ। ತ್ರೀನಗ್ನೀನಿವ ಕೌರವ್ಯಾಂಜನಯಾಮಾಸ ವೀರ್ಯವಾನ್॥ 1-1-70 (70) ಉತ್ಪಾದ್ಯ ಧೃತರಾಷ್ಟ್ರಂ ಚ ಪಾಂಡುಂ ವಿದುರಮೇವ ಚ। ಜಗಾಮ ತಪಸೇ ಧೀಮಾನ್ಪುನರೇವಾಶ್ರಮಂ ಪ್ರತಿ॥ 1-1-71 (71) ತೇಷು ಜಾತೇಷು ವೃದ್ಧೇಷು ಗತೇಷು ಪರಮಾಂ ಗತಿಂ। ಅಬ್ರವೀದ್ಭಾರತಂ ಲೋಕೇ ಮಾನುಷೇಽಸ್ಮಿನ್ಮಹಾನೃಷಿಃ॥ 1-1-72 (72) ಜನಮೇಜಯೇನ ಪೃಷ್ಟಃ ಸನ್ಬ್ರಾಹ್ಮಣೈಶ್ಚ ಸಹಸ್ರಶಃ। ಶಶಾಸ ಶಿಷ್ಯಮಾಸೀನಂ ವೈಶಂಪಾಯನಮಂತಿಕೇ॥ 1-1-73 (73) ಸ ಸದಸ್ಯೈಃ ಸಹಾಸೀನಂ ಶ್ರಾವಯಾಮಾಸ ಭಾರತಂ। ಕರ್ಮಾಂತರೇಷು ಯಜ್ಞಸ್ಯ ಚೋದ್ಯಮಾನಃ ಪುನಃ ಪುನಃ॥ 1-1-74 (74) ವಿಸ್ತಾರಂ ಕುರುವಂಶಸ್ಯ ಗಾಂಧಾರ್ಯಾ ಧರ್ಮಶೀಲತಾಂ। ಕ್ಷತ್ತುಃ ಪ್ರಜ್ಞಾಂ ಧೃತಿಂ ಕುಂತ್ಯಾಃ ಸಂಯಗ್ದ್ವೈಪಾಯನೋಬ್ರವೀತ್॥ 1-1-75 (75) ವಾಸುದೇವಸ್ಯ ಮಾಹಾತ್ಂಯಂ ಪಾಂಡವಾನಾಂ ಚ ಸತ್ಯತಾಂ। ದುರ್ವೃತ್ತಂ ಧಾರ್ತರಾಷ್ಟ್ರಾಣಾಮುಕ್ತವಾನ್ಭಗವಾನೃಷಿಃ॥ 1-1-76 (76) ಇದಂ ಶತಸಹಸ್ರಂ ತು ಶ್ಲೋಕಾನಾಂ ಪುಣ್ಯಕರ್ಮಣಾಂ। ಉಪಾಖ್ಯಾನೈಃ ಸಹ ಜ್ಞೇಯಂ ಶ್ರಾವ್ಯಂ ಭಾರತಮುತ್ತಮಂ॥ 1-1-77 (77) ಚತುರ್ವಿಂಶತಿಸಾಹಸ್ರೀಂ ಚಕ್ರೇ ಭಾರತಸಂಹಿತಾಂ। ಉಪಾಖ್ಯಾನೈರ್ವಿನಾ ತಾವದ್ಭಾರತಂ ಪ್ರೋಚ್ಯತೇ ಬುಧೈಃ॥ 1-1-78 (78) ತತೋಽಧ್ಯರ್ಧಶತಂ ಭೂಯಃ ಸಂಕ್ಷೇಪಂ ಕೃತವಾನೃಷಿಃ। ಅನುಕ್ರಮಣಿಕಾಧ್ಯಾಯಂ ವೃತ್ತಾಂತಂ ಸರ್ವಪರ್ವಣಾಂ॥ 1-1-79 (79) ತಸ್ಯಾಖ್ಯಾನವರಿಷ್ಠಸ್ಯ ಕೃತ್ವಾ ದ್ವೈಪಾಯನಃ ಪ್ರಭುಃ। ಕಥಮಧ್ಯಾಪಯಾನೀಹ ಶಿಷ್ಯಾನಿತ್ಯನ್ವಚಿಂತಯತ್॥ 1-1-80 (80) ತಸ್ಯ ತಚ್ಚಿಂತಿತಂ ಜ್ಞಾತ್ವಾ ಋಷೇರ್ದ್ವೈಪಾಯನಸ್ಯ ಚ। ತತ್ರಾಜಗಾಮ ಭಗವಾನ್ಬ್ರಹ್ಮಾ ಲೋಕಗುರುಃ ಸ್ವಯಂ॥ 1-1-81 (81) ಪ್ರೀತ್ಯರ್ಥಂ ತಸ್ಯ ಚೈವರ್ಷೇರ್ಲೋಕಾನಾಂ ಹಿತಕಾಂಯಯಾ। ತಂ ದೃಷ್ಟ್ವಾ ವಿಸ್ಮಿತೋ ಭೂತ್ವಾ ಪ್ರಾಂಜಲಿಃ ಪ್ರಣತಃ ಸ್ಥಿತಃ॥ 1-1-82 (82) ಆಸನಂ ಕಲ್ಪಯಾಮಾಸ ಸರ್ವೈರ್ಮುನಿಗಣೈರ್ವೃತಃ॥ 1-1-83 (83) ಹಿರಣ್ಯಮರ್ಭಮಾಸೀನಂ ತಸ್ಮಿಂಸ್ತು ಪರಮಾಸನೇ। ಪರಿವೃತ್ಯಾಸನಭ್ಯಾಶೇ ವಾಸವೇಯಃ ಸ್ಥಿತೋಽಭವತ್॥ 1-1-84 (84) ಅನುಜ್ಞಾತೋಽಥ ಕೃಷ್ಣಸ್ತು ಬ್ರಹ್ಮಣಾ ಪರಮೇಷ್ಠಿನಾ। ನಿಷಸಾದಾಸನಾಭ್ಯಾಶೇ ಪ್ರೀಯಮಾಣಃ ಶುಚಿಸ್ಮಿತಃ॥ 1-1-85 (85) ಉವಾಚ ಸ ಮಹಾತೇಜಾ ಬ್ರಹ್ಮಾಣಂ ಪರಮೇಷ್ಠಿನಂ। ಕೃತಂ ಮಯೇದಂ ಭಗವನ್ಕಾವ್ಯಂ ಪರಮಪೂಜಿತಂ॥ 1-1-86 (86) ಬ್ರಹ್ಮನ್ವೇದರಹಸ್ಯ ಚ ಯಚ್ಚಾನ್ಯತ್ಸ್ಥಾಪಿತಂ ಮಯಾ। ಸಾಂಗೋಪನಿಷದಾಂ ಚೈವ ವೇದಾನಾಂ ವಿಸ್ತರಕ್ರಿಯಾ॥ 1-1-87 (87) ಇತಿಹಾಸಪುರಾಪಾನಾಮುನ್ಮೇಷಂ ನಿಮಿಷಂ ಚ ಯತ್। ಭೂತಂ ಭವ್ಯಂ ಭವಿಷ್ಯಚ್ಚ ತ್ರಿವಿಧಂ ಕಾಲಸಂಜ್ಞಿತಂ॥ 1-1-88 (88) ಜರಾಮೃತ್ಯುಭಯವ್ಯಾಧಿಭಾವಾಭಾವವಿನಿಶ್ಚಯಃ। ವಿವಿಧಸ್ಯ ಚ ಧರ್ಮಸ್ಯ ಹ್ಯಾಶ್ರಮಾಣಾಂ ಚ ಲಕ್ಷಣಂ॥ 1-1-89 (89) ಚಾತುರ್ವರ್ಣ್ಯವಿಧಾನಂ ಚ ಪುರಾಣಾನಾಂ ಚ ಕೃತ್ಸ್ನಶಃ। ತಪಸೋ ಬ್ರಹ್ಮಚರ್ಯಸ್ಯ ಪೃಥಿವ್ಯಾಶ್ಚಂದ್ರಸೂರ್ಯಯೋಃ॥ 1-1-90 (90) ಗ್ರಹನಕ್ಷತ್ರತಾರಾಣಾಂ ಪ್ರಮಾಣಂ ಚ ಯುಗೈಃ ಸಹ। ಋಚೋ ಯಜೂಷಿ ಸಾಮಾನಿ ವೇದಾಧ್ಯಾತ್ಮಂ ತಥೈವ ಚ॥ 1-1-91 (91) ನ್ಯಾಯಶಿಕ್ಷಾ ಚಿಕಿತ್ಸಾ ಚ ದಾನಂ ಪಾಶುಪತಂ ತಥಾ। ಇತಿ ನೈಕಾಶ್ರಯಂ ಜನ್ಮ ದಿವ್ಯಮಾನುಷಸಂಜ್ಞಿತಂ॥ 1-1-92 (92) ತೀರ್ಥಾನಾಂ ಚೈವ ಪುಣ್ಯಾನಾಂ ದೇಶಾನಾಂ ಚೈವ ಕೀರ್ತನಂ। ನದೀನಾಂ ಪರ್ವತಾನಾಂ ಚ ವನಾನಾಂ ಸಾಗರಸ್ಯ ಚ॥ 1-1-93 (93) ಪುರಾಣಾಂ ಚೈವ ದಿವ್ಯಾನಾಂ ಕಲ್ಪಾನಾಂ ಯುದ್ಧಕೌಶಲಂ। ವಾಕ್ಯಜಾತಿವಿಶೇಷಾಶ್ಚ ಲೋಕಯಾತ್ರಾಕ್ರಮಶ್ಚ ಯಃ॥ 1-1-94 (94) ಯಚ್ಚಾಪಿ ಸರ್ವಗಂ ವಸ್ತು ತಚ್ಚೈವ ಪ್ರತಿಪಾದಿತಂ। ಪರಂ ನ ಲೇಖಕಃ ಕಶ್ಚಿದೇತಸ್ಯ ಭುವಿ ವಿದ್ಯತೇ॥ 1-1-95 (95) ಬ್ರಹ್ಮೋವಾಚ। 1-1-96x (4) ತಪೋವಿಶಿಷ್ಟದಪಿ ವೈ ವಸಿಷ್ಠಾನ್ಮುನಿಪುಂಗವಾತ್। ಮನ್ಯೇ ಶ್ರೇಷ್ಠವ್ಯಂ ತ್ವಾಂ ವೈ ರಹಸ್ಯಜ್ಞಾನವೇದನಾತ್॥ 1-1-96 (96) ಜನ್ಮಪ್ರಭೃತಿ ಸತ್ಯಾಂ ತೇ ವೇದ್ಮಿ ಗಾಂ ಬ್ರಹ್ಮವಾದಿನೀಂ। ತ್ವಯಾಚ ಕಾವ್ಯಮಿತ್ಯುಕ್ತಂ ತಸ್ಮಾತ್ಕಾವ್ಯಂ ಭವಿಷ್ಯತಿ॥ 1-1-97 (97) ಅಸ್ಯ ಕಾವ್ಯಸ್ಯ ಕವಯೋ ನ ಸಮರ್ಥಾ ವಿಶೇಷಣೇ। ವಿಶೇಷಣೇ ಗೃಹಸ್ಥಸ್ಯ ಶೇಷಾಸ್ತ್ರಯ ಇವಾಶ್ರಮಾಃ॥ 1-1-98 (98) `ಜಡಾಂಧಬಧಿರೋನ್ಮತ್ತಂ ತಮೋಭೂತಂ ಜಗದ್ಭವೇತ್। ಯದಿ ಜ್ಞಾನಹುತಾಶೇನ ತ್ವಯಾ ನೋಜ್ಜ್ವಲಿಯಂ ಭವೇತ್॥ 1-1-99 (99) ತಮಸಾಂಧಸ್ಯ ಲೋಕಸ್ಯ ವೇಷ್ಟಿತಸ್ಯ ಸ್ವಕರ್ಮಭಿಃ। ಜ್ಞಾನಾಂಜನಶಲಾಕಾಭಿರ್ಬುದ್ಧಿನೇತ್ರೋತ್ಸವಃ ಕೃತಃ'॥ 1-1-100 (100) ಧರ್ಮಾರ್ಥಕಾಮಮೋಕ್ಷಾರ್ಥೈಃ ಸಮಾಸವ್ಯಾಸಕೀರ್ತನೈಃ। ತ್ವಯಾ ಭಾರತಸೂರ್ಯೇಣ ನೃಣಾಂ ವಿನಿಹತಂ ತಮಃ॥ 1-1-101 (101) ಪುರಾಣಪೂರ್ಣಚಂದ್ರೇಣ ಶ್ರುತಿಜ್ಯೋತ್ಸ್ನಾಪ್ರಕಾಶಿನಾ। ನೃಣಾಂ ಕುಮುದಸೌಂಯಾನಾಂ ಕೃತಂ ಬುದ್ಧಿಪ್ರಸಾದನಂ॥ 1-1-102 (102) ಇತಿಹಾಸಪ್ರದೀಪೇನ ಮೋಹಾವರಣಘಾತಿನಾ। ಲೋಕಗರ್ಭಗೃಹಂ ಕೃತ್ಸ್ನಂ ಯಥಾವತ್ಸಂಪ್ರಕಾಶಿತಂ॥ 1-1-103 (103) ಸಂಗ್ರಹಾಧ್ಯಾಯಬೀಜೋ ವೈ ಪೌಲೋಮಾಸ್ತೀಕಮೂಲವಾನ್। ಸಂಭವಸ್ಕಂಧವಿಸ್ತಾರಃ ಸಭಾಪರ್ವವಿಟಂಕವಾನ್॥ 1-1-104 (104) ಆರಣ್ಯಪರ್ವರೂಪಾಢ್ಯೋ ವಿರಾಟೋದ್ಯೋಗಸಾರವಾನ್। ಭೀಷ್ಮಪರ್ವಮಹಾಶಾಖೋ ದ್ರೋಣಪರ್ವಪಲಾಶವಾನ್॥ 1-1-105 (105) ಕರ್ಣಪರ್ವಸಿತೈಃ ಪುಷ್ಪೈಃ ಶಲ್ಯಪರ್ವಸುಗಂಧಿಭಿಃ। ಸ್ತ್ರೀಪರ್ವೈಷೀಕವಿಶ್ರಾಮಃ ಶಾಂತಿಪರ್ವಮಹಾಫಲಃ॥ 1-1-106 (106) ಅಶ್ವಮೇಧಾಮೃತಸಸ್ತ್ವಾಶ್ರಮಸ್ಥಾನಸಂಶ್ರಯಃ। ಮೌಸಲಶ್ರುತಿಸಂಕ್ಷೇಪಃ ಶಿಷ್ಟದ್ವಿಜನಿಷೇವಿತಃ॥ 1-1-107 (107) ಸರ್ವೇಷಾಂ ಕವಿಮುಖ್ಯಾನಾಮುಪಜೀವ್ಯೋ ಭವಿಷ್ಯತಿ। ಪರ್ಜನ್ಯಇವ ಭೂತಾನಾಮಕ್ಷಯೋ ಭಾರದ್ರುಮಃ॥ 1-1-108 (108) ಕಾವ್ಯಸ್ಯ ಲೇಖನಾರ್ಥಾಯ ಗಣೇಶಃ ಸ್ಮರ್ಯತಾಂ ಮುನೇ। 1-1-109 (109) ಸೌತಿರುವಾಚ। 1-1-110x (5) ಏವಮಾಭಾಷ್ಯ ತಂ ಬ್ರಹ್ಮಾ ಜಗಾಮ ಸ್ವಂ ನಿವೇಶನಂ। ಭಗವಾನ್ಸ ಜಗತ್ಸ್ರಷ್ಟಾ ಋಷಿದೇವಗಣೈಃ ಸಹ॥ 1-1-110 (110) ತತಃ ಸಸ್ಮಾರ ಹೇರಂಬಂ ವ್ಯಾಸಃ ಸತ್ಯವತೀಸುತಃ॥ 1-1-111 (111) ಸ್ಮೃತಮಾತ್ರೋ ಗಣೇಶಾನೋ ಭಕ್ತಚಿಂತಿತಪೂರಕಃ। ತತ್ರಾಜಗಾಮ ವಿಘ್ನೇಶೋ ವೇದವ್ಯಾಸೋ ಯತಃ ಸ್ಥಿತಃ॥ 1-1-112 (112) ಪೂಜಿತಶ್ಚೋಪವಿಷ್ಟಶ್ಚ ವ್ಯಾಸೇನೋಕ್ತಸ್ತದಾನಘ। ಲೇಖಕೋ ಭಾರತಸ್ಯಾಸ್ಯ ಭವ ತ್ವಂ ಗಣನಾಯಕ॥ ಮಯೈವ ಪ್ರೋಚ್ಯಮಾನಸ್ಯ ಮನಸಾ ಕಲ್ಪಿತಸ್ಯ ಚ॥ 1-1-113 (113) ಶ್ರುತ್ವೈತತ್ಪ್ರಾಹ ವಿಘ್ನೇಶೋ ಯದಿ ಮೇ ಲೇಖನೀ ಕ್ಷಣಂ। ಲಿಖತೋ ನಾವತಿಷ್ಠೇತ ತದಾ ಸ್ಯಾಂ ಲೇಖಕೋ ಹ್ಯಹಂ॥ 1-1-114 (114) ವ್ಯಾಸೋಽಪ್ಯುವಾಚ ತಂ ದೇವಮಬುದ್ಧ್ವಾ ಮಾ ಲಿಖ ಕ್ವಚಿತ್। ಓಮಿತ್ಯುಕ್ತ್ವಾ ಗಣೇಶೋಪಿ ಬಭೂವ ಕಿಲ ಲೇಖಕಃ॥ 1-1-115 (115) ಗ್ರಂಥಗ್ರಂಥಿಂ ತದಾ ಚಕ್ರೇ ಮುನಿರ್ಗೂಢಂ ಕುತೂಹಲಾತ್। ಯಸ್ಮಿನ್ಪ್ರತಿಜ್ಞಯಾ ಪ್ರಾಹ ಮುನಿರ್ದ್ವೈಪಾಯನಸ್ತ್ವಿದಂ॥ 1-1-116 (116) ಅಷ್ಟೌ ಶ್ಲೋಕಸಹಸ್ರಾಣಿ ಅಷ್ಟೌ ಶ್ಲೋಕಶತಾನಿ ಚ। ಅಹಂ ವೇದ್ಮಿ ಶುಕೋ ವೇತ್ತಿ ಸಂಜಯೋ ವೇತ್ತಿ ವಾ ನ ವಾ॥ 1-1-117 (117) ತಚ್ಛ್ಲೋಕಕೂಟಮದ್ಯಾಪಿ ಗ್ರಥಿತಂ ಸುದೃಢಂ ಮುನೇ। ಭೇತ್ತುಂ ನ ಶಕ್ಯತೇಽರ್ಥಸ್ಯಂ ಗೂಢತ್ವಾತ್ಪ್ರಶ್ರಿತಸ್ಯ ಚ॥ 1-1-118 (118) ಸರ್ವಜ್ಞೋಪಿ ಗಣೇಶೋ ಯತ್ಕ್ಷಣಮಾಸ್ತೇ ವಿಚಾರಯನ್। ತಾವಚ್ಚಕಾರ ವ್ಯಾಸೋಪಿ ಶ್ಲೋಕಾನನ್ಯಾನ್ಬಹೂನಪಿ॥ 1-1-119 (119) ತಸ್ಯ ವೃಕ್ಷಸ್ಯ ವಕ್ಷ್ಯಾಮಿ ಶಾಖಾಪುಷ್ಪಫಲೋದಯಂ। ಸ್ವಾದುಮೇಧ್ಯರಸೋಪೇತಮಚ್ಛೇದ್ಯಮಮರೈರಪಿ॥ 1-1-120 (120) ಅನುಕ್ರಮಣಿಕಾಧ್ಯಾಯಂ ವೃತ್ತಾಂತಂ ಸರ್ವಪರ್ವಣಾಂ। ಇದಂ ದ್ವೈಪಾಯನಃ ಪೂರ್ವಂ ಪುತ್ರಮಧ್ಯಾಪಯಚ್ಛುಕಂ॥ 1-1-121 (121) ತತೋಽನ್ಯೇಭ್ಯೋಽನುರೂಪೇಭ್ಯಃ ಶಿಷ್ಯೇಭ್ಯಃ ಪ್ರದದೌ ಪ್ರಭು ಷಷ್ಟಿಂ ಶತಸಹಸ್ರಾಣಿ ಚಕಾರಾನ್ಯಾಂ ಸ ಸಂಹಿತಾಂ। ತ್ರಿಂಶಚ್ಛತಸಹಸ್ರಂ ಚ ದೇವಲೋಕೇ ಪ್ರತಿಷ್ಠಿತಂ॥ 1-1-122 (122) ಪಿತ್ರ್ಯೇ ಪಂಚದಶ ಪ್ರೋಕ್ತಂ ರಕ್ಷೋಯಕ್ಷೇ ಚತುರ್ದಶ। ಏಕಂ ಶತಸಹಸ್ರಂ ತು ಮಾನುಷೇಷು ಪ್ರತಿಷ್ಠಿತಂ॥ 1-1-123 (123) ನಾರದೋಽಶ್ರಾವಯದ್ದೇವಾನಸಿತೋ ದೇವಲಃ ಪಿತೃನ್। ಗಂಧರ್ವಯಕ್ಷರಕ್ಷಾಂಸಿ ಶ್ರಾವಯಾಮಾಸ ವೈ ಶುಕಃ॥ 1-1-124 (124) `ವೈಶಂಪಾಯನವಿಪ್ರರ್ಷಿಃ ಶ್ರಾವಯಾಮಾಸ ಪಾರ್ಥಿವಂ। ಪಾರಿಕ್ಷಿತಂ ಮಹಾತ್ಮಾನಂ ನಾಂನಾ ತು ಜನಮೇಜಯಂ'॥ 1-1-125 (125) ಅಸ್ಮಿಂಸ್ತು ಮಾನುಷೇ ಲೋಕೇ ವೈಶಂಪಾಯನ ಉಕ್ತವಾನ್। ಶಿಷ್ಯೋ ವ್ಯಾಸಸ್ಯ ಧರ್ಮಾತ್ಮಾ ಸರ್ವವೇದವಿದಾಂ ವರಃ॥ 1-1-126 (126) ಏಕಂ ಶತಸಹಸ್ರಂ ತು ಮಯೋಕ್ತಂ ವೈ ನಿಬೋಧತ॥ 1-1-127 (127) ದುರ್ಯೋಧನೋ ಮನ್ಯುಮಯೋ ಮಹಾದ್ರುಮಃ ಕರ್ಣಃ ಸ್ಕಂಧಃ ಶಕುನಿಸ್ತಸ್ಯ ಶಾಖಾಃ। ದುಶ್ಶಾಸನಃ ಪುಷ್ಪಫಲೇ ಸಮೃದ್ಧೇ ಮೂಲಂ ರಾಜಾ ಧೃತರಾಷ್ಟ್ರೋಽಮನೀಷಿ। 1-1-128 (128) ಯುಧಿಷ್ಠಿರೇ ಧರ್ಮಮಯೋ ಮಹಾದ್ರುಮಃ ಸ್ಕಂಧೋಽರ್ಜುನೋ ಭೀಮಸೇನೋಽಸ್ಯ ಶಾಖಾಃ। ಮಾದ್ರೀಸುತೌ ಪುಷ್ಪಫಲೇ ಸಮೃದ್ಧೇ ಮೂಲಂ ಕೃಷ್ಣೋ ಬ್ರಹ್ಮ ಚ ಬ್ರಾಹ್ಮಣಾಶ್ಚ॥ 1-1-129 (129) ಪಾಂಡುರ್ಜಿತ್ವಾ ಬಹೂಂದೇಶಾನ್ಯುಧಾ ವಿಕ್ರಮಣೇನ ಚ। ಅರಣ್ಯೇ ಮೃಗಯಾಶೀಲೋ ನ್ಯವಸತ್ಸಜನಸ್ತಥಾ॥ 1-1-130 (130) ಮೃಗವ್ಯವಾಯನಿಧನಾತ್ಕೃಚ್ಛ್ರಾಂ ಪ್ರಾಪ ಸ ಆಪದಂ। ಜನ್ಮಪ್ರಭೃತಿ ಪಾರ್ಥಾನಾಂ ತತ್ರಾಚಾರವಿಧಿಕ್ರಮಃ॥ 1-1-131 (131) ಮಾತ್ರೋರಭ್ಯುಪಪತ್ತಿಶ್ಚ ಧರ್ಮೋಪನಿಷದಂ ಪ್ರತಿ। ಧರ್ಮಾನಿಲೇಂದ್ರಾಂಸ್ತಾಭಿಃ ಸಾಽಽಜುಹಾವ ಸುತವಾಂಛಯಾ॥ 1-1-132 (132) `ತತೋ ಧರ್ಮೋಪನಿಷದಂ ಭೂತ್ವಾ ಭರ್ತುಃ ಪ್ರಿಯಾ ಪೃಥಾ। ಧರ್ಮಾನಿಲೇಂದ್ರಾಂಸ್ತಾಭಿಃ ಸಾಽಽಜುಹಾವ ಸುತವಾಂಛಯಾ॥ 1-1-133 (133) ತದ್ದತ್ತೋಪನಿಷನ್ಮಾದ್ರೀ ಚಾಶ್ವಿನಾವಾಜುಹಾವ ಚ। ಜಾತಾಃ ಪಾರ್ಥಾಸ್ತತಃ ಸರ್ವೇ ಕುಂತ್ಯಾ ಮಾದ್ರ್ಯಾಶ್ಚ ಮಂತ್ರತಃ।' ತಾಪಸೈಃ ಸಹ ಸಂವೃದ್ಧಾ ಮಾತೃಭ್ಯಾಂ ಪರಿರಕ್ಷಿತಾಃ॥ 1-1-134 (134) ಮೇಧ್ಯಾರಣ್ಯೇಷು ಪುಣ್ಯೇಷು ಮಹತಾಮಾಶ್ರಮೇಷು ಚ। `ತೇಷು ಜಾತೇಷು ಸರ್ವೇಷು ಪಾಂಡವೇಷು ಮಹಾತ್ಮಸು॥ 1-1-135 (135) ಮಾದ್ರ್ಯಾ ತು ಸಹ ಸಂಗಂಯ ಋಷಿಶಾಪಪ್ರಭಾವತಃ। ಮೃತಃ ಪಾಂಡುರ್ಮಹಾಪುಣ್ಯೇ ಶತಶೃಂಗೇ ಮಹಾಗಿರೌ॥' 1-1-136 (136) ಋಷಿಭಿಶ್ಚ ಸಮಾನೀತಾ ಧಾರ್ತರಾಷ್ಟ್ರಾನ್ಪ್ರತಿ ಸ್ವಯಂ। ಶಿಶವಶ್ಚಾಭಿರೂಪಾಶ್ಚ ಜಟಿಲಾ ಬ್ರಹ್ಮಚಾರಿಣಃ॥ 1-1-137 (137) ಪುತ್ರಾಶ್ಚ ಭ್ರಾತರಶ್ಚೇಮೇ ಶಿಷ್ಯಾಶ್ಚ ಸುಹೃದಶ್ಚ ವಃ। ಪಾಂಡವಾ ಏತ ಇತ್ಯುಕ್ತ್ವಾ ಮುನಯೋಽಂತರ್ಹಿತಾಸ್ತತಃ॥ 1-1-138 (138) ತಾಂಸ್ತೈರ್ನಿವೇದಿತಾಂದೃಷ್ಟ್ವಾ ಪಾಂಡವಾನ್ಕೌರವಾಸ್ತದಾ। ಶಿಷ್ಟಾಶ್ಚ ವರ್ಣಾಃ ಪೌರಾ ಯೇ ತೇ ಹರ್ಷಾಚ್ಚುಕ್ರುಶುರ್ಭೃಶಂ॥ 1-1-139 (139) ಆಹುಃ ಕೇಚಿನ್ನ ತಸ್ಯೈತೇ ತಸ್ಯೈತ ಇತಿ ಚಾಪರೇ। ಯದಾ ಚಿರಮೃತಃ ಪಾಂಡುಃ ಕಥಂ ತಸ್ಯೇತದಿ ಚಾಪರೇ॥ 1-1-140 (140) ಸ್ವಾಗತಂ ಸರ್ವಥಾ ದಿಷ್ಟ್ಯಾ ಪಾಂಡೋಃ ಪಶ್ಯಾಮ ಸಂತತಿಂ। ಉಚ್ಯತಾಂ ಸ್ವಾಗತಮಿತಿ ವಾಚೋಽಶ್ರೂಯಂತ ಸರ್ವಶಃ॥ 1-1-141 (141) ತಸ್ಮಿನ್ನುಪರತೇ ಶಬ್ದೇ ದಿಶಃ ಸರ್ವಾ ನಿನಾದಯನ್। ಅಂತರ್ಹಿತಾನಾಂ ಭೂತಾನಾಂ ನಿಃಸ್ವನಸ್ತುಮುಲೀಽಭವತ್॥ 1-1-142 (142) ಪುಷ್ಪವೃಷ್ಟಿಃ ಶುಭಾ ಗಂಧಾಃ ಶಂಖದುಂದುಭಿನಿಃಸ್ವನಾಃ। ಆಸನ್ಪ್ರವೇಶೇ ಪಾರ್ಥಾನಾಂ ತದದ್ಭುತಮಿವಾಭವತ್॥ 1-1-143 (143) ತತ್ಪ್ರೀತ್ಯಾ ಚೈವ ಸರ್ವೇಷಾಂ ಪೌರಾಣಾಂ ಹರ್ಷಸಂಭವಃ। ಶಬ್ದ ಆಸೀನ್ಮಹಾಂಸ್ತತ್ರ ದಿವಸ್ಪೃಕ್ಕೀರ್ತಿವರ್ಧನಃ॥ 1-1-144 (144) ತೇಽಧೀತ್ಯ ನಿಖಿಲಾನ್ವೇದಾಞ್ಶಾಸ್ತ್ರಾಣಿ ವಿವಿಧಾನಿ ಚ। ನ್ಯವಸನ್ಪಾಂಡವಾಸ್ತತ್ರ ಪೂಜಿತಾ ಅಕುತೋಭಯಾಃ॥ 1-1-145 (145) ಯುಧಿಷ್ಠಿರಸ್ಯ ಶೌಚೇನ ಪ್ರೀತಾಃ ಪ್ರಕೃತಯೋಽಭವನ್। ಧೃತ್ಯಾ ಚ ಭೀಮಸೇನಸ್ಯ ವಿಕ್ರಮೇಣಾರ್ಜುನಸ್ಯ ಚ॥ 1-1-146 (146) ಗುರುಶುಶ್ರೂಷಯಾ ಕುಂತ್ಯಾ ಯಮಯೋರ್ವಿನಯೇನ ಚ। ತುತೋಷ ಲೋಕಃ ಸಕಲಸ್ತೇಷಾಂ ಶೌರ್ಯಗುಣೇನ ಚ॥ 1-1-147 (147) ಸಮವಾಯೇ ತತೋ ರಾಜ್ಞಾಂ ಕನ್ಯಾಂ ಭರ್ತೃಸ್ವಯಂವರಾಂ। ಪ್ರಾಪ್ತವಾನರ್ಜುನಃ ಕೃಷ್ಣಾಂ ಕೃತ್ವಾ ಕರ್ಮ ಸುದುಷ್ಕರಂ॥ 1-1-148 (148) ತತಃ ಪ್ರಭೃತಿ ಲೋಕೇಽಸ್ಮಿನ್ಪೂಜ್ಯಃ ಸರ್ವಧನುಷ್ಮತಾಂ। ಆದಿತ್ಯ ಇವ ದುಷ್ಪ್ರೇಕ್ಷ್ಯಃ ಸಮರೇಷ್ವಪಿ ಚಾಭವತ್॥ 1-1-149 (149) ಸ ಸರ್ವಾನ್ಪಾರ್ಥಿವಾಂಜಿತ್ವಾ ಸರ್ವಾಂಶ್ಚ ಮಹತೋ ಗಣಾನ್। ಆಜಹಾರಾರ್ಜುನೋ ರಾಜ್ಞೋ ರಾಜಸೂಯಂ ಮಹಾಕ್ರತುಂ॥ 1-1-150 (150) ಅನ್ನವಾಂದಕ್ಷಿಣಾವಾಂಶ್ಚ ಸರ್ವೈಃ ಸಮುದಿತೋ ಗುಣೈಃ। ಯುಧಿಷ್ಠಿರೇಣ ಸಂಪ್ರಾಪ್ತೋ ರಾಜಸೂಯೋ ಮಹಾಕ್ರತುಃ॥ 1-1-151 (151) ಸುನಯಾದ್ವಾಸುದೇವಸ್ಯ ಭೀಮಾರ್ಜುನಬಲೇನ ಚ। ಘಾತಯಿತ್ವಾ ಜರಾಸಂಧಂ ಚೈದ್ಯಂ ಚ ಬಲಗರ್ವಿತಂ॥ 1-1-152 (152) ದುರ್ಯೋಧನಂ ಸಮಾಗಚ್ಛನ್ನರ್ಹಣಾನಿ ತತಸ್ತತಃ। ಮಣಿಕಾಂಚನರತ್ನಾನಿ ಗೋಹಸ್ತ್ಯಶ್ವಧನಾನಿ ಚ॥ 1-1-153 (153) ವಿಚಿತ್ರಾಣಿ ಚ ವಾಸಾಂಸಿ ಪ್ರಾವಾರಾವರಣಾನಿ ಚ। ಕಂಬಲಾಜಿನರತ್ನಾನಿ ರಾಂಕವಾಸ್ತರಣಾನಿ ಚ॥ 1-1-154 (154) ಸಮೃದ್ಧಾಂ ತಾಂ ತಥಾ ದೃಷ್ಟ್ವಾ ಪಾಂಡವಾನಾಂ ತದಾ ಶ್ರಿಯಂ। ಈರ್ಷ್ಯಾಸಮುತ್ಥಃ ಸುಮಹಾಂಸ್ತಸ್ಯ ಮನ್ಯುರಜಾಯತ॥ 1-1-155 (155) ವಿಮಾನಪ್ರತಿಮಾಂ ತತ್ರ ಮಯೇನ ಸುಕೃತಾಂ ಸಭಾಂ। ಪಾಂಡವಾನಾಮುಪಹೃತಾಂ ಸ ದೃಷ್ಟ್ವಾ ಪರ್ಯತಪ್ಯತ॥ 1-1-156 (156) ತತ್ರಾವಹಸಿತಶ್ಚಾಸೀತ್ಪ್ರಸ್ಕಂದನ್ನಿವ ಸಂಭ್ರಮಾತ್। ಪ್ರತ್ಯಕ್ಷಂ ವಾಸುದೇವಸ್ಯ ಭೀಮೇನಾನಭಿಜಾತವತ್॥ 1-1-157 (157) ಸ ಭೋಗಾನ್ವಿವಿಧಾನ್ಭುಂಜನ್ರತ್ನಾನಿ ವಿವಿಧಾನಿ ಚ। ಕಥಿತೋ ಧೃತರಾಷ್ಟ್ರಸ್ಯ ವಿವರ್ಣೋ ಹರಿಣಃ ಕೃಶಃ॥ 1-1-158 (158) ಅನ್ವಜಾನಾತ್ತತೋ ದ್ಯೂತಂ ಧೃತರಾಷ್ಟ್ರಃ ಸುತಪ್ರಿಯಃ। ತಚ್ಛ್ರುತ್ವಾ ವಾಸುದೇವಸ್ಯ ಕೋಪಃ ಸಮಭವನ್ಮಹಾನ್॥ 1-1-159 (159) ನಾತಿಪ್ರೀತಮನಾಶ್ಚಾಸೀದ್ವಿವಾದಾಂಶ್ಚಾನ್ವಮೋದತ। ದ್ಯೂತಾದೀನನಯಾನ್ಘೋರಾನ್ವಿವಿಧಾಂಶ್ಚಾಪ್ಯುಪೈಕ್ಷತ॥ 1-1-160 (160) ನಿರಸ್ಯ ವಿದುರಂ ಭೀಷ್ಮಂ ದ್ರೋಣಂ ಶಾರದ್ವತಂ ಕೃಪಂ। ವಿಗ್ರಹೇ ತುಮುಲೇ ತಸ್ಮಿಂದಹನ್ಕ್ಷತ್ರಂ ಪರಸ್ಪರಂ॥ 1-1-161 (161) ಜಯತ್ಸು ಪಾಂಡುಪುತ್ರೇಷು ಶ್ರುತ್ವಾ ಸುಮಹದಪ್ರಿಯಂ। ದುರ್ಯೋಧನಮತಂ ಜ್ಞಾತ್ವಾ ಕರ್ಣಸ್ಯ ಶಕುನೇಸ್ತಥಾ॥ 1-1-162 (162) ಧೃತರಾಷ್ಟ್ರಶ್ಚಿರಂ ಧ್ಯಾತ್ವಾ ಸಂಜಯಂ ವಾಕ್ಯಮಬ್ರವೀತ್। ಶೃಣು ಸಂಜಯ ಸರ್ವಂ ಮೇ ನಚಾಸೂಯಿತುಮರ್ಹಸಿ॥ 1-1-163 (163) ಶ್ರುತವಾನಸಿ ಮೇಧಾವೀ ಬುದ್ಧಿಮಾನ್ಪ್ರಾಜ್ಞಸಂಮತಃ। ನ ವಿಗ್ರಹೇ ಮಮ ಮತಿರ್ನ ಚ ಪ್ರೀಯೇ ಕುಲಕ್ಷಯೇ॥ 1-1-164 (164) ನ ಮೇ ವಿಶೇಷಃ ಪುತ್ರೇಷು ಸ್ವೇಷು ಪಾಂಡುಸುತೇಷು ವಾ। ವೃದ್ಧಂ ಮಾಮಭ್ಯಸೂಯಂತಿ ಪುತ್ರಾ ಮನ್ಯುಪರಾಯಣಾಃ॥ 1-1-165 (165) ಅಹಂ ತ್ವಚಕ್ಷುಃ ಕಾರ್ಪಣ್ಯಾತ್ಪುತ್ರಪ್ರೀತ್ಯಾ ಸಹಾಮಿ ತತ್। ಮುಹ್ಯಂತಂ ಚಾನುಮುಹ್ಯಾಮಿ ದುರ್ಯೋಧನಮಚೇತನಂ॥ 1-1-166 (166) ರಾಜಸೂಯೇ ಶ್ರಿಯಂ ದೃಷ್ಟ್ವಾ ಪಾಂಡವಸ್ಯ ಮಹೌಜಸಃ। ತಚ್ಚಾವಹಸನಂ ಪ್ರಾಪ್ಯ ಸಭಾರೋಹಣದರ್ಶನೇ॥ 1-1-167 (167) ಅಮರ್ಷಿತಃ ಸ್ವಯಂ ಜೇತುಮಶಕ್ತಃ ಪಾಂಡವಾನ್ರಣೇ। ನಿರುತ್ಸಾಹಶ್ಚ ಸಂಪ್ರಾಪ್ತುಂ ಸುಶ್ರಿಯಂ ಕ್ಷತ್ರಿಯೋಽಪಿ ಸನ್॥ 1-1-168 (168) ಗಾಂಧಾರರಾಜಸಹಿತಶ್ಛದ್ಮದ್ಯೂತಮಮಂತ್ರಯತ್। ತತ್ರ ಯದ್ಯದ್ಯಥಾ ಜ್ಞಾತಂ ಮಯಾಂ ಸಂಜಯ ತಚ್ಛೃಣು॥ 1-1-169 (169) ಶ್ರುತ್ವಾ ತು ಮಮ ವಾಕ್ಯಾನಿ ಬುದ್ಧಿಯುಕ್ತಾನಿ ತತ್ತ್ವತಃ। ತತೋ ಜ್ಞಾಸ್ಯಸಿ ಮಾಂ ಸೌತೇ ಪ್ರಜ್ಞಾಟಚಕ್ಷುಷಮಿತ್ಯುತ॥ 1-1-170 (170) ಯದಾಽಶ್ರೌಷಂ ಧನುರಾಯಂಯ ಚಿತ್ರಂ ವಿದ್ಧಂ ಲಕ್ಷ್ಯಂ ಪಾತಿತಂ ವೈ ಪೃಥಿವ್ಯಾಂ। ಕೃಷ್ಣಾಂ ಹೃತಾಂ ಪ್ರೇಕ್ಷತಾಂ ಸರ್ವರಾಜ್ಞಾಂ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-171 (171) ಯದಾಽಶ್ರೌಷಂ ದ್ವಾರಕಾಯಾಂ ಸುಭದ್ರಾಂ ಪ್ರಸಹ್ಯೋಢಾಂ ಮಾಧವೀಮರ್ಜುನೇನ। ಇಂದ್ರಪ್ರಸ್ಥಂ ವೃಷ್ಣಿವೀರೌ ಚ ಯಾತೌ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-172 (172) ಯದಾಽಶ್ರೌಷಂ ದೇವರಾಜಂ ಪ್ರವೃಷ್ಟಂ ಶರೈರ್ದಿವ್ಯೈರ್ವಾರಿತಂ ಚಾರ್ಜುನೇನ। ಅಗ್ನಿಂ ತಥಾ ತರ್ಪಿತಂ ಖಾಂಡವೇ ಚ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-173 (173) ಯದಾಽಶ್ರೌಷಂ ಜಾತುಷಾದ್ವೇಶ್ಮನಸ್ತಾ- ನ್ಮುಕ್ತಾನ್ಪಾರ್ಥಾನ್ಪಂಚ ಕುಂತ್ಯಾ ಸಮೇತಾನ್। ಯುಕ್ತಂ ಚೈಷಾಂ ವಿದುರಂ ಸ್ವಾರ್ಥಸಿದ್ಧ್ಯೈ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-174 (174) ಯದಾಽಶ್ರೌಷಂ ದ್ರೌಪದೀಂ ರಂಗಮಧ್ಯೇ ಲಕ್ಷ್ಯಂ ಭಿತ್ತ್ವಾ ನಿರ್ಜಿತಾಮರ್ಜುನೇನ। ಶೂರಾನ್ಪಂಚಾಲಾನ್ಪಾಂಡವೇಯಾಂಶ್ಚ ಯುಕ್ತಾಂ- ಸ್ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-175 (175) ಯದಾಽಶ್ರೌಷಂ ಮಾಗಧಾನಾಂ ವರಿಷ್ಠಂ ಜರಾಸಂಧಂ ಕ್ಷ್ವಮಧ್ಯೇ ಜ್ವಲಂತಂ। ದೋರ್ಭ್ಯಾಂ ಹತಂ ಭೀಮಸೇನೇನ ಗತ್ವಾ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-176 (176) ಯದಾಽಶ್ರೌಷಂ ದಿಗ್ಜಯೇ ಪಾಂಡುಪುತ್ರೈ- ರ್ವಶೀಕೃತಾನ್ಭೂಮಿಪಾಲಾನ್ಪ್ರಸಹ್ಯ। ಮಹಾಕ್ರತುಂ ರಾಜಸೂಯಂ ಕೃತಂ ಚ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-177 (177) ಯದಾಽಶ್ರೌಷಂ ದ್ರೌಪದೀಮಶ್ರುಕಂಠೀಂ ಸಭಾಂ ನೀತಾಂ ದುಃಖಿತಾಮೇಕವಸ್ತ್ರಾಂ। ರಜಸ್ವಲಾಂ ನಾಥವತೀಮನಾಥವ- ತ್ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-178 (178) ಯದಾಽಶ್ರೌಷಂ ವಾಸಸಾಂ ತತ್ರ ರಾಶಿಂ ಸಮಾಕ್ಷಿಪತ್ಕಿತವೋ ಮಂದಬುದ್ಧಿಃ। ದುಃಶಾಸನೋ ಗತವಾನ್ನೈವಂ ಚಾಂತಂ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-179 (179) ಯದಾಽಶ್ರೌಷಂ ಹೃತರಾಜ್ಯಂ ಯುಧಿಷ್ಠಿರಂ ಪರಾಜಿತಂ ಸೌಬಲೇನಾಕ್ಷವತ್ಯಾಂ। ಅನ್ವಾಗತಂ ಭ್ರಾತೃಭಿರಪ್ರಮೇಯೈ- ಸ್ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-180 (180) ಯದಾಶ್ರೌಷಂ ವಿವಿಧಾಸ್ತತ್ರ ಚೇಷ್ಟಾ ಧರ್ಮಾತ್ಮನಾಂ ಪ್ರಸ್ಥಿತಾನಾಂ ವನಾಯ। ಜ್ಯೇಷ್ಠಪ್ರೀತ್ಯಾ ಕ್ಲಿಶ್ಯತಾಂ ಪಾಂಡವಾನಾಂ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-181 (181) ಯದಾಽಶ್ರೌಷಂ ಸ್ನಾತಕಾನಾಂ ಸಹಸ್ರೈ- ರನ್ವಾಗತಂ ಧರ್ಮರಾಜಂ ವನಸ್ಥಂ। ಭಿಕ್ಷಾಭುಜಾಂ ಬ್ರಾಹ್ಮಣಾನಾಂ ಮಹಾತ್ಮನಾಂ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-182 (182) `ಯದಾಽಶ್ರೌಷಂ ವನವಾಸೇನ ಪಾರ್ಥಾ- ನ್ಸಮಾಗತಾನ್ಮಹರ್ಷಿಭಿಃ ಪುರಾಣೈಃ। ಉಪಾಸ್ಯಮಾನಾನ್ಸಗಣೈರ್ಜಾತಸಖ್ಯಾಂ- ಸ್ತದಾ ನಾಶಂಸೇ ವಿಜಯಾಯ ಸಂಜರ್ಯ॥' 1-1-184 (183) ಯದಾಶ್ರೌಷಂ ತ್ರಿದಿವಸ್ಥಂ ಧನಂಜಯಂ ಶಕ್ರಾತ್ಸಾಕ್ಷಾದ್ದಿವ್ಯಮಸ್ತ್ರಂ ಯಥಾವತ್। ಅಧೀಯಾನಂ ಶಂಸಿತಂ ಸತ್ಯಸಂಧಂ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-185 (184) ಯದಾಽಶ್ರೋಷಂ ಕಾಲಕೇಯಾಸ್ತತಸ್ತೇ ಪೌಲೋಮಾನೋ ವರದಾನಾಚ್ಚ ದೃಪ್ತಾಃ। ದೇವೈರಜೇಯಾ ನಿರ್ಜಿತಾಶ್ಚಾರ್ಜುನೇನ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-186 (185) ಯದಾಽಶ್ರೌಷಮಸುರಾಣಾಂ ವಧಾರ್ಥೇ ಕಿರೀಟಿನಂ ಯಾಂತಮಮಿತ್ರಕರ್ಶನಂ। ಕೃತಾರ್ಥಂ ಚಾಪ್ಯಾಗತಂ ಶಕ್ರಲೋಕಾ- ತ್ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-187 (186) `ಯದಾಽಶ್ರೌಷಂ ತೀರ್ಥಯಾತ್ರಾಪ್ರವೃತ್ತಂ ಪಾಂಡೋಃ ಸುತಂ ಸಹಿತಂ ಲೋಮಶೇನ। ಬೃಹದಶ್ವಾದಕ್ಷಹೃದಯಂ ಚ ಪ್ರಾಪ್ತಂ ತದಾ ನಾಶಂಸೇ ವಿಜಯಾಯ ಸಂಜಯ॥' 1-1-188 (187) ಯದಾಽಶ್ರೌಷಂ ವೈಶ್ರವಣೇನ ಸಾರ್ಧಂ ಸಮಾಗತಂ ಭೀಮನ್ಯಾಂಶ್ಚ ಪಾರ್ಥಾನ್। ತಸ್ಮಿಂದೇಶೇ ಮಾನುಷಾಣಾಮಗಂಯೇ ತದಾ ನಾಶಂಸಿ ವಿಜಯಾಯ ಸಂಜಯಾ॥ 1-1-189 (188) ಯದಾಽಶ್ರೌಷಂ ಘೋಷಯಾತ್ರಾಗತಾನಾಂ ಬಂಧಂ ಗಂಧರ್ವೈರ್ಮೋಕ್ಷಣಂ ಚಾರ್ಜುನೇನ। ಸ್ವೇಷಾಂ ಸುತಾನಾಂ ಕರ್ಣಬುದ್ಧೌ ರತಾನಾಂ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-190 (189) ಯದಾಽಶ್ರೌಷಂ ಯಕ್ಷರೂಪೇಣ ಧರ್ಮಂ ಸಮಾಗತಂ ಧರ್ಮರಾಜೇನ ಸೂತ। ಪ್ರಶ್ನಾನ್ಕಾಂಶ್ಚಿದ್ವಿಬ್ರುವಾಣಂ ಚ ಸಂಯಕ್ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-191 (190) ಯದಾಽಶ್ರೌಷಂ ನ ವಿದುರ್ಮಾಮಕಾಸ್ತಾನ್ ಪ್ರಚ್ಛನ್ನರೂಪಾನ್ವಸತಃ ಪಾಂಡವೇಯಾನ್। ವಿರಾಟರಾಷ್ಟ್ರೇ ಸಹ ಕೃಷ್ಣಯಾ ಚ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-192 (191) `ಯದಾಽಶ್ರೌಷಂ ಕೀಚಕಾನಾಂ ವರಿಷ್ಠಂ ನಿಷೂದಿತಂ ಭ್ರಾತೃಶತೇನ ಸಾರ್ಧಂ। ದ್ರೌಪದ್ಯರ್ಥೇ ಭೀಮಸೇನೇನ ಸಂಖ್ಯೇ ತದಾ ನಾಶಂಸೇ ವಿಜಯಾಯ ಸಂಜಯ॥' 1-1-193 (192) ಯದಾಽಶ್ರೌಷಂ ಮಾಮಕಾನಾಂ ವರಿಷ್ಠಾ- ಂಧನಂಜಯೇನೈಕರಥೇನ ಭಗ್ನಾನ್। ವಿರಾಟರಾಷ್ಟ್ರೇ ವಸತಾ ಮಹಾತ್ಮನಾ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-194 (193) ಯದಾಽಶ್ರೌಷಂ ಸತ್ಕೃತಂ ಮತ್ಸ್ಯರಾಜ್ಞಾ ಸುತಾಂ ದತ್ತಾಮುತ್ತರಾಮರ್ಜುನಾಯ। ತಾಂ ಚಾರ್ಜುನಃ ಪ್ರತ್ಯಗೃಹ್ಣಾತ್ಸುತಾರ್ಥೇ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-195 (194) ಯದಾಽಶ್ರೌಷಂ ನಿರ್ಜಿತಸ್ಯಾಧನಸ್ಯ ಪ್ರವ್ರಾಜಿತಸ್ಯ ಸ್ವಜನಾತ್ಪ್ರಚ್ಯುತಸ್ಯ। ಅಕ್ಷೌಹಿಣೀಃ ಸಪ್ತ ಯುಧಿಷ್ಠಿರಸ್ಯ ತದಾ ನಾಶಂಸೇ ವಿಜಯಾಯ ಸಂಜಯ॥ 196 ॥ 1-1-196 (195) ಯದಾಽಶ್ರೌಷಂ ಮಾಧವಂ ವಾಸುದೇವಂ ಸರ್ವಾತ್ಮನಾ ಪಾಂಡವಾರ್ಥೇ ನಿವಿಷ್ಟಂ। ಯಸ್ಯೇಮಾಂ ಗಾಂ ವಿಕ್ರಮಮೇಕಮಾಹು- ಸ್ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-197 (196) ಯದಾಽಶ್ರೌಷಂ ನರನಾರಾಯಣೌ ತೌ ಕೃಷ್ಣಾರ್ಜುನೌ ವದತೋ ನಾರದಸ್ಯ। ಅಹಂ ದ್ರಷ್ಟಾ ಬ್ರಹ್ಮಲೋಕೇ ಚ ಸಂಯಕ್ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-198 (197) ಯದಾಽಶ್ರೌಷಂ ಲೋಕಹಿತಾಯ ಕೃಷ್ಣಂ ಶಮಾರ್ಥಿನಮುಪಯಾತಂ ಕುರೂಣಾಂ। ಶಮಂ ಕುರ್ವಾಣಮಕೃತಾರ್ಥಂ ಚ ಯಾತಂ ತದಾ ನಾಶಂಸೇ ವಿಜಯಾಯ ಸಂಜಯ॥ 199 ॥ 1-1-199 (198) ಯದಾಽಶ್ರೌಷಂ ಕರ್ಣದುರ್ಯೋಧನಾಭ್ಯಾಂ ಬುದ್ಧಿಂ ಕೃತಾಂ ನಿಗ್ರಹೇ ಕೇಶವಸ್ಯ। ತಂ ಚಾತ್ಮಾನಂ ಬಹುಧಾ ದರ್ಶಯಾನಂ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-200 (199) ಯದಾಽಶ್ರೌಷಂ ವಾಸುದೇವೇ ಪ್ರಯಾತೇ ರಥಸ್ಯೈಕಾಮಗ್ರತಸ್ತಿಷ್ಠಮಾನಾಂ। ಆರ್ತಾಂ ಪೃಥಾಂ ಸಾಂತ್ವಿತಾಂ ಕೇಶವೇನ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-201 (200) ಯದಾಽಶ್ರೌಷಂ ಮಂತ್ರಿಣಂ ವಾಸುದೇವಂ ತಥಾ ಭೀಷ್ಮಂ ಶಾಂತನವಂ ಚ ತೇಷಾಂ। ಭಾರದ್ವಾಜಂ ಚಾಶಿಷೋಽನುಬ್ರುವಾಣಂ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-202 (201) ಯದಾ ಕರ್ಣೋ ಭೀಷ್ಮಮುವಾಚ ವಾಕ್ಯಂ ನಾಹಂ ಯೋತ್ಸ್ಯೇ ಯುಧ್ಯಮಾನೇ ತ್ವಯೀತಿ। ಹಿತ್ವಾ ಸೇನಾಮಪಚಕ್ರಾಮ ಚಾಪಿ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-203 (202) ಯದಾಽಶ್ರೌಷಂ ವಾಸುದೇವಾರ್ಜುನೌ ತೌ ತಥಾ ಧನುರ್ಗಾಂಡಿವಮಪ್ರಮೇಯಂ। ತ್ರೀಣ್ಯುಗ್ರವೀರ್ಯಾಣಿ ಸಮಾಗತಾನಿ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-204 (203) ಯದಾಽಶ್ರೌಷಂ ಕಶ್ಲಲೇನಾಭಿಪನ್ನೇ ರಥೋಪಸ್ಥೇ ಸೀದಮಾನೇಽರ್ಜುನೇ ವೈ। ಕೃಷ್ಣಂ ಲೋಕಾಂದರ್ಶಯಾನಂ ಶರೀರೇ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-205 (204) ಯದಾಽಶ್ರೌಷಂ ಭೀಷ್ಮಮಿತ್ರಕರ್ಶನಂ ನಿಘ್ನಂತಮಾಜಾವಯುತಂ ರಥಾನಾಂ। ನೈಷಾಂ ಕಶ್ಚಿದ್ವಧ್ಯತೇ ಖ್ಯಾತರೂಪ- ಸ್ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-206 (205) ಯದಾಽಶ್ರೌಷಂ ಚಾಪಗೇಯೇನ ಸಂಖ್ಯೇ ಸ್ವಯಂ ಮೃತ್ಯುಂ ವಿಹಿತಂ ಧಾರ್ಮಿಕೇಣ। ತಚ್ಚಾಕಾರ್ಷುಃ ಪಾಂಡವೇಯಾಃ ಪ್ರಹೃಷ್ಟಾ- ಸ್ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-207 (206) ಯದಾಽಶ್ರೌಷಂ ಭೀಷ್ಮಮತ್ಯಂತಶೂರಂ ಹತಂ ಪಾರ್ಥೇನಾಹವೇಷ್ವಪ್ರಧೃಷ್ಯಂ। ಶಿಖಂಡಿನಂ ಪುರತಃ ಸ್ಥಾಪಯಿತ್ವಾ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-208 (207) ಯದಾಽಶ್ರೌಷಂ ಶರತಲ್ಪೇ ಶಯಾನಂ ವೃದ್ಧಂ ವೀರಂ ಸಾದಿತಂ ಚಿತ್ರಪುಂಖೈಃ। ಭೀಷ್ಮಂ ಕೃತ್ವಾ ಸೋಮಕಾನಲ್ಪಶೇಷಾಂ- ಸ್ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-209 (208) ಯದಾಽಶ್ರೌಷಂ ಶಾಂತನವೇ ಶಯಾನೇ ಪಾನೀಯಾರ್ಥೇ ಚೋದಿತೇನಾರ್ಜುನೇನ। ಭೂಮಿಂ ಭಿತ್ತ್ವಾ ತರ್ಪಿತಂ ತತ್ರ ಭೀಷ್ಮಂ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-210 (209) ಯದಾಶ್ರೌಷಂ ಶುಕ್ರಸೂರ್ಯೌ ಚ ಯುಕ್ತೌ ಕೌಂತೇಯಾನಾಮನುಲೋಮೌ ಜಯಾಯ। ನಿತ್ಯಂ ಚಾಸ್ಮಾಞ್ಶ್ವಾಪದಾ ಭೀಷಯಂತಿ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-211 (210) ಯದಾ ದ್ರೋಣೋ ವಿವಿಧಾನಸ್ತ್ರಮಾರ್ಗಾ- ನ್ನಿದರ್ಶಯನ್ಸಮರೇ ಚಿತ್ರಯೋಧೀ। ನ ಪಾಂಡವಾಞ್ಶ್ರೇಷ್ಠತರಾನ್ನಿಹಂತಿ ತದಾ ನಾಶಂಸೇ ವಿಜಯಾಯಂ ಸಂಜಯ॥ 1-1-212 (211) ಯದಾಽಶ್ರೌಷಂ ಚಾಸ್ಮದೀಯಾನ್ಮಹಾರಥಾ- ನ್ವ್ಯವಸ್ಥಿತಾನರ್ಜುನಸ್ಯಾಂತಕಾಯ। ಸಂಶಪ್ತಕಾನ್ನಿಹತಾನರ್ಜುನೇನ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-213 (212) ಯದಾಽಶ್ರೌಷಂ ವ್ಯೂಹಮಭೇದ್ಯಮನ್ಯೈ- ರ್ಭಾರದ್ವಾಜೇನಾತ್ತಶಸ್ತ್ರೇಣ ಗುಪ್ತಂ। ಭಿತ್ತ್ವಾ ಸೌಭದ್ರಂ ವೀರಮೇಕಂ ಪ್ರವಿಷ್ಟಂ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-214 (213) ಯದಾಽಭಿಮನ್ಯುಂ ಪರಿವಾರ್ಯ ಬಾಲಂ ಸರ್ವೇ ಹತ್ತ್ವಾ ಹೃಷ್ಟರೂಪಾ ಬಭೂವುಃ। ಮಹಾರಥಾಃ ಪಾರ್ಥಮಶಕ್ನುವಂತ- ಸ್ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-215 (214) ಯದಾಽಶ್ರೌಷಮಭಿಮನ್ಯುಂ ನಿಹತ್ಯ ಹರ್ಷಾನ್ಮೂಢಾನ್ಕ್ರೋಶತೋ ಧಾರ್ತರಾಷ್ಟ್ರಾನ್। ಕ್ರೋಧಾದುಕ್ತಂ ಸೈಂಧವೇ ಚಾರ್ಜುನೇನ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-216 (215) ಯದಾಽಶ್ರೌಷಂ ಸೈಂಧವಾರ್ಥೇ ಪ್ರತಿಜ್ಞಾಂ ಪ್ರತಿಜ್ಞಾತಾಂ ತದ್ವಧಾಯಾರ್ಜುನೇನ। ಸತ್ಯಾಂ ತೀರ್ಣಾಂ ಶತ್ರುಮಧ್ಯೇ ಚ ತೇನ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-217 (216) ಯದಾಽಶ್ರೌಷಂ ಶ್ರಾಂತಹಯೇ ಧನಂಜಯೇ ಮುಕ್ತ್ವಾ ಹಯಾನ್ಪಾಯಯಿತ್ವೋಪವೃತ್ತಾನ್। ಪುನರ್ಯುಕ್ತ್ವಾ ವಾಸುದೇವಂ ಪ್ರಯಾತಂ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-218 (217) ಯದಾಽಶ್ರೌಷಂ ವಾಹನೇಷ್ವಕ್ಷಮೇಷು ರಥೋಪಸ್ಥೇ ತಿಷ್ಠತಾ ಪಾಂಡವೇನ। ಸರ್ವಾನ್ಯೋಧಾನ್ವಾರಿತಾನರ್ಜುನೇನ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-219 (218) ಯದಾಽಶ್ರೌಷಂ ನಾಗಬಲೈಃ ಸುದುಃಸಹಂ ದ್ರೋಣಾನೀಕಂ ಯುಯುಧಾನಂ ಪ್ರಮಥ್ಯ। ಯಾತಂ ವಾರ್ಷ್ಣೇಯಂ ಯತ್ರ ತೌ ಕೃಷ್ಣಪಾರ್ಥೌ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-220 (219) ಯದಾಽಶ್ರೌಷಂ ಕರ್ಣಮಾಸಾದ್ಯ ಮುಕ್ತಂ ವಧಾದ್ಭೀಮಂ ಕುತ್ಸಯಿತ್ವಾ ವಚೋಭಿಃ। ಧನುಷ್ಕೋಟ್ಯಾಽಽತುದ್ಯ ಕರ್ಣೇನ ವೀರಂ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-221 (220) ಯದಾ ದ್ರೋಣಃ ಕೃತವರ್ಮಾ ಕೃಪಶ್ಚ ಕರ್ಣೋ ದ್ರೌಣಿರ್ಮದ್ರರಾಜಶ್ಚ ಶೂರಃ। ಅಮರ್ಷಯನ್ಸೈಂಧವಂ ವಧ್ಯಮಾನಂ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-222 (221) ಯದಾಽಶ್ರೌಷಂ ದೇವರಾಜೇನ ದತ್ತಾಂ ದಿವ್ಯಾಂ ಶಕ್ತಿಂ ವ್ಯಂಸಿತಾಂ ಮಾಧವೇನ। ಘಟೋತ್ಕಚೇ ರಾಕ್ಷಸೇ ಘೋರರೂಪೇ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-223 (222) ಯದಾಽಶ್ರೌಷಂ ಕರ್ಣಘಟೋತ್ಕಚಾಭ್ಯಾಂ ಯುದ್ಧೇ ಮುಕ್ತಾಂ ಸೂತಪುತ್ರೇಣ ಶಕ್ತಿಂ। ಯಯಾ ವಧ್ಯಃ ಸಮರೇ ಸವ್ಯಸಾಚೀ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-224 (223) ಯದಾಽಶ್ರೌಷಂ ದ್ರೋಣಮಾಚಾರ್ಯಮೇಕಂ ಧೃಷ್ಟದ್ಯುಂನೇನಾಭ್ಯತಿಕ್ರಂಯ ಧರ್ಮಂ। ರಥೋಪಸ್ಥೇ ಪ್ರಾಯಗತಂ ವಿಶಸ್ತಂ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-225 (224) ಯದಾಽಶ್ರೌಷಂ ದ್ರೌಣಿನಾ ದ್ವೈರಥಸ್ಥಂ ಮಾದ್ರೀಸುತಂ ನಕುಲಂ ಲೋಕಮಧ್ಯೇ। ಸಮಂ ಯುದ್ಧೇ ಮಂಡಲೇಭ್ಯಶ್ಚರಂತಂ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-226 (225) ಯದಾ ದ್ರೋಣೇ ನಿಹತೇ ದ್ರೋಣಪುತ್ರೋ ನಾರಾಯಣಂ ದಿವ್ಯಮಸ್ತ್ರಂ ವಿಕುರ್ವನ್। ನೈಷಾಮಂತಂ ಗತವಾನ್ಪಾಂಡವಾನಾಂ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-227 (226) ಯದಾಽಶ್ರೌಷಂ ಭೀಮಸೇನೇನ ಪೀತಂ ರಕ್ತಂ ಭ್ರಾತುರ್ಯುಧಿ ದುಃಶಾಸನಸ್ಯ। ನಿವಾರಿತಂ ನಾನ್ಯತಮೇನ ಭೀಮಂ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-228 (227) ಯದಾಽಶ್ರೌಷಂ ಕರ್ಣಮತ್ಯಂತಶೂರಂ ಹತಂ ಪಾರ್ಥೇನಾಹವೇಷ್ವಪ್ರಧೃಷ್ಯಂ। ತಸ್ಮಿನ್ಭ್ರಾತೃಣಾಂ ವಿಗ್ರಹೇ ದೇವಗುಹ್ಯೇ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-229 (228) ಯದಾಽಶ್ರೌಷಂ ದ್ರೋಣಪುತ್ರಂ ಚ ಶೂರಂ ದುಃಶಾಸನಂ ಕೃತವರ್ಮಾಣಮುಗ್ರಂ। ಯುಧಿಷ್ಠಿರಂ ಧರ್ಮರಾಜಂ ಜಯಂತಂ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-230 (229) ಯದಾಽಶ್ರೌಷಂ ನಿಹತಂ ಮದ್ರರಾಜಂ ರಣೇ ಶೂರಂ ಧರ್ಮರಾಜೇನ ಸೂತ। ಸದಾ ಸಂಗ್ರಾಮೇ ಸ್ಪ್ರಧತೇ ಯಸ್ತು ಕೃಷ್ಣಂ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-231 (230) ಯದಾಽಶ್ರೌಷಂ ಕಲಹದ್ಯೂತಮೂಲಂ ಮಾಯಾಬಲಂ ಸೌಬಲಂ ಪಾಂಡವೇನ। ಹತಂ ಸಂಗ್ರಾಮೇ ಸಹದೇವೇನ ಪಾಪಂ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-232 (231) ಯದಾಽಶ್ರೌಷಂ ಶ್ರಾಂತಮೇಕಂ ಶಯಾನಂ ಹ್ರದಂ ಗತ್ವಾ ಸ್ತಂಭಯಿತ್ವಾ ತದಂಭಃ। ದುರ್ಯೋಧನಂ ವಿರಥಂ ಭಗ್ನಶಕ್ತಿಂ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-233 (232) ಯದಾಽಶ್ರೌಷಂ ಪಾಂಡವಾಂಸ್ತಿಷ್ಠಮಾನಾನ್ ಗತ್ವಾ ಹ್ರದೇ ವಾಸುದೇವೇನ ಸಾರ್ಧಂ। ಅಮರ್ಷಣಂ ಧರ್ಷಯತಃ ಸುತಂ ಮೇ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-234 (233) ಯದಾಽಶ್ರೌಷಂ ವಿವಿಧಾಂಶ್ಚಿತ್ರಮಾರ್ಗಾನ್ ಗದಾಯುದ್ಧೇ ಮಂಡಲಶಶ್ಚರಂತಂ। ಮಿಥ್ಯಾ ಹತಂ ವಾಸುದೇವಸ್ಯ ಬುದ್ಧ್ಯಾ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-235 (234) ಯದಾಽಶ್ರೌಷಂ ದ್ರೋಣಪುತ್ರಾದಿಭಿಸ್ತೈ- ರ್ಹತಾನ್ಪಂಚಾಲಾಂದ್ರೌಪದೇಯಾಂಶ್ಚ ಸುಪ್ತಾನ್। ಕೃತಂ ಬೀಭತ್ಸಮಯಶಸ್ಯಂ ಚ ಕರ್ಮ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-236 (235) ಯದಾಽಶ್ರೌಷಂ ಭೀಮಸೇನಾನುಯಾತೇ- ನಾಶ್ವತ್ಥಾಂನಾ ಪರಮಾಸ್ತ್ರಂ ಪ್ರಯುಕ್ತಂ। ಕ್ರುದ್ಧೇನೈಷೀಕಮವಧೀದ್ಯೇನ ಗರ್ಭಂ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-237 (236) ಯದಾಽಶ್ರೌಷಂ ಬ್ರಹ್ಮಶಿರೋಽರ್ಜುನೇನ ಸ್ವಸ್ತೀತ್ಯುಕ್ತ್ವಾಽಸ್ತ್ರಮಸ್ತ್ರೇಣ ಶಾಂತಂ। ಅಶ್ವತ್ಥಾಂನಾ ಮಣಿರತ್ನಂ ಚ ದತ್ತಂ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-238 (237) ಯದಾಽಶ್ರೌಷಂ ದ್ರೋಣಪುತ್ರೇಣ ಗರ್ಭೇ ವೈರಾಟ್ಯಾ ವೈ ಪಾತ್ಯಮಾನೇ ಮಹಾಸ್ತ್ರೈಃ। ಸಂಜೀವಯಾಮೀತಿ ಹರೇಃ ಪ್ರತಿಜ್ಞಾಂ ತದಾ ನಾಶಂಸೇ ವಿಜಯಾಯ ಸಂಜಯ॥ 1-1-239 (238) ದ್ವೈಪಾಯನಃ ಕೇಶವೋ ದ್ರೋಣಪುತ್ರಂ ಪರಸ್ಪೇರಣಾಭಿಶಾಪೈಃ ಶಶಾಪ। ಬುದ್ಧ್ವಾ ಚಾಹಂ ಬುದ್ಧಿಹೀನೋಽದ್ಯ ಸೂತ ಸಂತಪ್ಯೇ ವೈ ಪುತ್ರಪೌತ್ರೈಶ್ಚ ಹೀನಃ॥ 1-1-240 (239) ಶೋಚ್ಯಾ ಗಾಂಧಾರೀ ಪುತ್ರಪೌತ್ರೈರ್ವಿಹೀನಾ ತಥಾ ವಧ್ವಾ ಪಿತೃಭಿರ್ಭ್ರಾತೃಭಿಶ್ಚ। ಕೃತಂ ಕಾರ್ಯಂ ದುಷ್ಕರಂ ಪಾಂಡವೇಯೈಃ ಪ್ರಾಪ್ತಂ ರಾಜ್ಯಮಸಪತ್ನಂ ಪುನಸ್ತೈಃ॥ 1-1-241 (240) ಕಷ್ಟಂ ಯುದ್ಧೇ ದಶ ಶೇಷಾಃ ಶ್ರುತಾ ಮೇ ತ್ರಯೋಽಸ್ಮಾಕಂ ಪಾಂಡವಾನಾಂ ಚ ಸಪ್ತ। ದ್ವ್ಯೂನಾ ವಿಂಶತಿರಾಹತಾಽಕ್ಷೌಹಿಣೀನಾಂ ತಸ್ಮಿನ್ಸಂಗ್ರಾಮೇ ಭೈರವೇ ಕ್ಷತ್ರಿಯಾಣಾಂ॥ 1-1-242 (241) ತಮಸ್ತ್ವತೀವ ವಿಸ್ತೀರ್ಣಂ ಮೋಹ ಆವಿಶತೀವ ಮಾಂ। ಸಂಜ್ಞಾಂ ನೋಪಲಭೇ ಸೂತ ಮನೋ ವಿಹ್ವಲತೀವ ಮೇ॥ 1-1-243 (242) ಸೌತಿರುವಾಚ। 1-1-244x (6) ಇತ್ಯುಕ್ತ್ವಾ ಧೃತರಾಷ್ಟ್ರೋಽಥ ವಿಲಪ್ಯ ಬಹು ದುಃಖಿತಃ। ಮೂರ್ಚ್ಛಿತಃ ಪುನರಾಶ್ವಸ್ತಃ ಸಂಜಯಂ ವಾಕ್ಯಮಬ್ರವೀತ್॥ 1-1-244 (243) ಧೃತರಾಷ್ಟ್ರ ಉವಾಚ। 1-1-245x (7) ಸಂಜಯೈವಂ ಗತೇ ಪ್ರಾಣಾಂಸ್ತ್ಯಕ್ತುಮಿಚ್ಛಾಮಿ ಮಾ ಚಿರಂ। ಸ್ತೋಕಂ ಹ್ಯಪಿ ನ ಪಶ್ಯಾಮಿ ಫಲಂ ಜೀವಿತಧಾರಣೇ॥ 1-1-245 (244) ಸೌತಿರುವಾಚ। 1-1-246x (8) ತಂ ತಥಾ ವಾದಿನಂ ದೀನಂ ವಿಲಪಂತಂ ಮಹೀಪತಿಂ। ನಿಃಶ್ವಸಂತಂ ಯಥಾ ನಾಗಂ ಮುಹ್ಯಮಾನಂ ಪುನಃ ಪುನಃ॥ 1-1-246 (245) ಗಾವಲ್ಗಣಿರಿದಂ ಧೀಮಾನ್ಮಹಾರ್ಥಂ ವಾಕ್ಯಮಬ್ರವೀತ್। 1-1-247 (246) ಸಂಜಯ ಉವಾಚ। ಶ್ರುತವಾನಸಿ ವೈ ರಾಜನ್ಮಹೋತ್ಸಾಹಾನ್ಮಹಾಬಲಾನ್॥ 1-1-247x (9) ದ್ವೈಪಾಯನಸ್ಯ ವದತೋ ನಾರದಸ್ಯ ಚ ಧೀಮತಃ। ಮಹತ್ಸು ರಾಜವಂಶೇಷು ಗುಣೈಃ ಸಮುದಿತೇಷು ಚ॥ 1-1-248 (247) ಜಾತಾಂದಿವ್ಯಾಸ್ತ್ರವಿದುಷಃ ಶಕ್ರಪ್ರತಿಮತೇಜಸಃ। ಧರ್ಮೇಣ ಪೃಥಿವೀಂ ಜಿತ್ವಾ ಯಜ್ಞೈರಿಷ್ಟ್ವಾಪ್ತದಕ್ಷಿಣೈಃ॥ 1-1-249 (248) ಅಸ್ಮಿಂʼಲ್ಲೋಕೇ ಯಶಃ ಪ್ರಾಪ್ಯ ತತಃ ಕಾಲವಶಂ ಗತಾನ್। ಶೈಬ್ಯಂ ಮಹಾರಥಂ ವೀರಂ ಸೃಂಜಯಂ ಜಯತಾಂ ವರಂ॥ 1-1-250 (249) ಸುಹೋತ್ರಂ ರಂತಿದೇವಂ ಚ ಕಾಕ್ಷೀವಂತಮತೌಶಿಜಂ। ಬಾಹ್ಲೀಕಂ ದಮನಂ ಚೈದ್ಯಂ ಶರ್ಯಾತಿಮಜಿತಂ ನಲಂ॥ 1-1-251 (250) ವಿಶ್ವಾಮಿತ್ರಮಮಿತ್ರಘ್ನಮಂಬರೀಷಂ ಮಹಾಬಲಂ। ಮರುತ್ತಂ ಮನುಮಿಕ್ಷ್ವಾಕುಂ ಗಯಂ ಭರತಮೇವ ಚ॥ 1-1-252 (251) ರಾಮಂ ದಾಶರಥಿಂ ಚೈವ ಶಶಬಿಂದುಂ ಭಗೀರಥಂ। ಕೃತವೀರ್ಯಂ ಮಹಾಭಾಗಂ ತಥೈವ ಜನಮೇಜಯಂ॥ 1-1-253 (252) ಯಯಾತಿಂ ಶುಭಕರ್ಮಾಣಂ ದೇವೈರ್ಯೋ ಯಾಜಿತಃ ಸ್ವಯಂ। `ಚೈತ್ಯಯೂಪಾಂಕಿತಾ ಭೂಮಿರ್ಯಸ್ಯೇಯಂ ಸವನಾಕರಾ॥ 1-1-254 (253) ಇತಿ ರಾಜ್ಞಾಂ ಚತುರ್ವಿಂಶನ್ನಾರದೇನ ಸುರರ್ಷಿಣಾ। ಪುತ್ರಶೋಕಾಭಿತಪ್ತಾಯ ಪುರಾ ಶ್ವೈತ್ಯಾಯ ಕೀರ್ತಿತಂ॥ 1-1-255 (254) ತೇಭ್ಯಶ್ಚಾನ್ಯೇ ಗತಾಃ ಪೂರ್ವಂ ರಾಜಾನೋ ಬಲವತ್ತರಾಃ। ಮಹಾರಥಾ ಮಹಾತ್ಮಾನಃ ಸರ್ವೈಃ ಸಮುದಿತಾ ಗುಣೈಃ॥ 1-1-256 (255) ಪೂರುಃ ಕುರುರ್ಯದುಃ ಶೂರೋ ವಿಷ್ವಗಶ್ವೋ ಮಹಾದ್ಯುತಿಃ। ಅಣುಹೋ ಯುವನಾಶ್ವಶ್ಚ ಕಕುತ್ಸ್ಥೋ ವಿಕ್ರಮೀ ರಘುಃ॥ 1-1-257 (256) ವಿಜಯೋ ವೀತಿಹೋತ್ರೋಽಹ್ಗೋ ಭವಃ ಶ್ವೇತೋ ಬೃಹದ್ಗುರುಃ। ಉಶೀನರಃ ಶತರಥಃ ಕಂಕೋ ದುಲಿದುಹೋ ದ್ರುಮಃ॥ 1-1-258 (257) ದಂಭೋದ್ಭವಃ ಪರೋ ವೇನಃ ಸಗರಃ ಸಂಕೃತಿರ್ನಿಮಿಃ। ಅಜೇಯಃ ಪರಶುಃ ಪುಂಡ್ರಃ ಶಂಭುರ್ದೇವಾವೃಧೋಽನಘಃ॥ 1-1-259 (258) ದೇವಾಹ್ವಯಃ ಸುಪ್ರತಿಮಃ ಸುಪ್ರತೀಕೋ ಬೃಹದ್ರಥಃ। ಮಹೋತ್ಸಾಹೋ ವಿನೀತಾತ್ಮಾ ಸುಕ್ರತುರ್ನೈಷಧೋ ನಲಃ॥ 1-1-260 (259) ಸತ್ಯವ್ರತಃ ಶಾಂತಭಯಃ ಸುಮಿತ್ರಃ ಸುಬಲಃ ಪ್ರಭುಃ। ಜಾನುಜಂಘೋಽನರಣ್ಯೋಽರ್ಕಃ ಪ್ರಿಯಭೃತ್ಯಃ ಶುಚಿವ್ರತಃ॥ 1-1-261 (260) ಬಲಬಂಧುರ್ನಿರಾಮರ್ದಃ ಕೇತುಶೃಂಗೋ ಬೃಹದ್ಬಲಃ। ಧೃಷ್ಟಕೇತುರ್ಬೃಹತ್ಕೇತುರ್ದೀಪ್ತಕೇತುರ್ನಿರಾಮಯಃ॥ 1-1-262 (261) ಅವಿಕ್ಷಿಚ್ಚಪಲೋ ಧೂರ್ತಃ ಕೃತಬಂಧುರ್ದೃಢೇಷುಧಿಃ। ಮಹಾಪುರಾಣಸಂಭಾವ್ಯಃ ಪ್ರತ್ಯಂಗಃ ಪರಹಾ ಶ್ರುತಿಃ॥ 1-1-263 (262) ಏತೇ ಚಾನ್ಯೇ ಚ ರಾಜಾನಃ ಶತಶೋಽಥ ಸಹಸ್ರಶಃ। ಶ್ರೂಯಂತೇ ಶತಶಶ್ಚಾನ್ಯೇ ಸಂಖ್ಯಾತಾಶ್ಚೈವ ಪದ್ಮಶಃ॥ 1-1-264 (263) ಹಿತ್ವಾ ಸುವಿಪುಲಾನ್ಭೋಗಾನ್ಬುದ್ಧಿಮಂತೋ ಮಹಾಬಲಾಃ। ರಾಜಾನೋ ನಿಧನಂ ಪ್ರಾಪ್ತಾಸ್ತವ ಪುತ್ರೈರ್ಮಹತ್ತರಃ॥ 1-1-265 (264) ಯೇಷಾಂ ದಿವ್ಯಾನಿ ಕರ್ಮಾಣಿ ವಿಕ್ರಮಸ್ತ್ಯಾಗ ಏವ ಚ। ಮಾಹಾತ್ಂಯಮಪಿ ಚಾಸ್ತಿಕ್ಯಂ ಸತ್ಯಂ ಶೌಚಂ ದಯಾಽರ್ಜವಂ॥ 1-1-266 (265) ವಿದ್ವದ್ಭಿಃ ಕಥ್ಯತೇ ಲೋಕೇ ಪುರಾಣೈಃ ಕವಿಸತ್ತಮೈಃ। ಸರ್ವರ್ದ್ಧಿಗುಣಸಂಪನ್ನಾಸ್ತೇ ಚಾಪಿ ನಿಧನಂ ಗತಾಃ॥ 1-1-267 (266) ತವ ಪುತ್ರಾ ದುರಾತ್ಮಾನಃ ಪ್ರತಪ್ತಾಶ್ಚೈವ ಮನ್ಯುನಾ। ಲುಬ್ಧಾ ದುರ್ವೃತ್ತಭೂಯಿಷ್ಠಾ ನ ತಾಂಛೋಚಿತುಮರ್ಹಸಿ॥ 1-1-268 (267) ಶ್ರುತವಾನಸಿ ಮೇಧಾವೀ ಬುದ್ಧಿಮಾನ್ಪ್ರಾಜ್ಞಸಂಮತಃ। ಯೇಷಾಂ ಶಾಸ್ತ್ರಾನುಗಾ ಬುದ್ಧಿರ್ನ ತೇ ಮುಹ್ಯಂತಿ ಭಾರತ॥ 1-1-269 (268) ನಿಗ್ರಹಾನುಗ್ರಹೌ ಚಾಪಿ ವಿದಿತೌ ತೇ ನರಾಧಿಪ। ನಾತ್ಯಂತಮೇವಾನುವೃತ್ತಿಃ ಕಾರ್ಯಾ ತೇ ಪುತ್ರರಕ್ಷಣೇ॥ 1-1-270 (269) ಭವಿತವ್ಯಂ ತಥಾ ತಚ್ಚ ನಾನುಶೋಚಿತುಮರ್ಹಸಿ। ದೈವಂ ಪುರುಷಕಾರೇಣ ಕೋ ನಿವರ್ತಿತುಮರ್ಹತಿ॥ 1-1-271 (270) ವಿಧಾತೃವಿಹಿತಂ ಮಾರ್ಗಂ ನ ಕಶ್ಚಿದತಿವರ್ತತೇ। ಕಾಲಮೂಲಮಿದಂ ಸರ್ವಂ ಭಾವಾಭಾವೌ ಸುಖಾಸುಖೇ॥ 1-1-272 (271) ಕಾಲಃ ಸೃಜತಿ ಭೂತಾನಿ ಕಾಲಃ ಸಂಹರತೇ ಪ್ರಜಾಃ। ಸಂಹರಂತಂ ಪ್ರಜಾಃ ಕಾಲಂ ಕಾಲಃ ಶಮಯತೇ ಪುನಃ॥ 1-1-273 (272) ಕಾಲೋ ವಿಕುರುತೇ ಭಾವಾನ್ಸರ್ವಾಂಲ್ಲೋಕೇ ಶುಭಾಶುಭಾನ್। ಕಾಲಃ ಸಂಕ್ಷಿಪತೇ ಸರ್ವಾಃ ಪ್ರಜಾ ವಿಸೃಜತೇ ಪುನಃ॥ 1-1-274 (273) ಕಾಲಃ ಸುಪ್ತೇಷು ಜಾಗರ್ತಿ ಕಾಲೋ ಹಿ ದುರತಿಕ್ರಮಃ। ಕಾಲಃ ಸರ್ವೇಷು ಭೂತೇಷು ಚರತ್ಯವಿಧತಃ ಸಮಃ॥ 1-1-275 (274) ಅತೀತಾನಾಗತಾ ಭಾವಾ ಯೇ ಚ ವರ್ತಂತಿ ಸಾಂಪ್ರತಂ। ತಾನ್ಕಾಲನಿರ್ಮಿತಾನ್ಬುದ್ಧ್ವಾ ನ ಸಂಜ್ಞಾಂ ಹಾತುಮರ್ಹಸಿ॥ 1-1-276 (275) ಸೌತಿರುವಾಚ। 1-1-277x (10) ಇತ್ಯೇವಂ ಪುತ್ರಶೋಕಾರ್ತಂ ಧೃತರಾಷ್ಟ್ರಂ ಜನೇಶ್ವರಂ। ಆಶ್ವಾಸ್ಯ ಸ್ವಸ್ಥಮಕರೋತ್ಸೂತೋ ಗಾವಲ್ಗಣಿಸ್ತದಾ॥ 1-1-277 (276) ಧೃತರಾಷ್ಟ್ರೋಽಪಿ ತಚ್ಛ್ರುತ್ವಾ ಧೃತಿಮೇವ ಸಮಾಶ್ರಯತ್। ದಿಷ್ಟ್ಯೇದಮಾಗತಮಿತಿ ಮತ್ತ್ವಾ ಸ ಪ್ರಾಜ್ಞಸತ್ತಮಃ॥ 1-1-278 (277) ಲೋಕಾನಾಂ ಚ ಹಿತಾರ್ಥಾಯ ಕಾರುಣ್ಯಾನ್ಮುನಿಸತ್ತಮಃ। ಅತ್ರೋಪನಿಷದಂ ಪುಣ್ಯಾಂ ಕೃಷ್ಣದ್ವೈಪಾಯನೋಽಬ್ರವೀತ್॥ 1-1-279 (278) ವಿದ್ವದ್ಭಿಃ ಕಥ್ಯತೇ ಲೋಕೇ ಪುರಾಣೇ ಕವಿಸತ್ತಮೈಃ। ಭಾರತಾಧ್ಯಯನಂ ಪುಣ್ಯಮಪಿ ಪಾದಮಧೀಯತಃ। ಶ್ರದ್ದಧಾನಸ್ಯ ಪೂಯಂತೇ ಸರ್ವಪಾಪಾನ್ಯಶೇಷತಃ॥ 1-1-280 (279) ದೇವಾ ದೇವರ್ಷಯೋ ಹ್ಯತ್ರ ತಥಾ ಬ್ರಹ್ಮರ್ಷಯೋಽಮಲಾಃ। ಕೀರ್ತ್ಯಂತೇ ಶುಮಕರ್ಮಾಣಸ್ತಥಾ ಯಕ್ಷಾ ಮಹೋರಗಾಃ॥ 1-1-281 (280) ಭಗವಾನ್ವಾಸುದೇವಶ್ಚ ಕೀರ್ತ್ಯತೇಽತ್ರ ಸನಾತನಃ। ಸ ಹಿ ಸತ್ಯಮೃತಂ ಚೈವ ಪವಿತ್ರಂ ಪುಣ್ಯಮೇವ ಚ॥ 1-1-282 (281) ಶಾಶ್ವತಂ ಬ್ರಹ್ಮ ಪರಮಂ ಧ್ರುವಂ ಜ್ಯೋತಿಃ ಸನಾತನಂ। ಯಸ್ಯ ದಿವ್ಯಾನಿ ಕರ್ಮಾಣಿ ಕಥಂತಿ ಮನೀಷಿಣಃ॥ 1-1-283 (282) ಅಸತ್ಸತ್ಸದಸಚ್ಚೈವ ಯಸ್ಮಾದ್ವಿಶ್ವಂ ಪ್ರವರ್ತತೇ। ಸಂತತಿಶ್ಚ ಪ್ರವೃತ್ತಿಶ್ಚ ಜನ್ಮಮೃತ್ಯುಪುನರ್ಭವಾಃ॥ 1-1-284 (283) ಅಧ್ಯಾತ್ಮಂ ಶ್ರೂಯತೇಂ ಯತ್ರ ಪಂಚಭೂತಗುಣಾತ್ಮಕಂ। ಅವ್ಯಕ್ತಾದಿ ಪರಂ ಯಚ್ಚ ಸ ಏವ ಪರಿಗೀಯತೇ॥ 1-1-285 (284) ಯಂ ಧ್ಯಾಯಂತಿ ಸದಾ ಮುಕ್ತಾ ಧ್ಯಾನಯೋಗಬಲಾನ್ವಿತಾಃ। ಪ್ರತಿಬಿಂಬಮಿವಾದರ್ಶೇ ಪಶ್ಯಂತ್ಯಾತ್ಮನ್ಯವಸ್ಥಿತಂ॥ 1-1-286 (285) ಶ್ರದ್ದಧಾನಃ ಸದಾ ಯುಕ್ತಃ ಸದಾ ಧರ್ಮಪರಾಯಣಃ। ಆಸೇವನ್ನಿಮಮಧ್ಯಾಯಂ ನರಃ ಪಾಪಾತ್ಪ್ರಮುಚ್ಯತೇ॥ 1-1-287 (286) ಅನುಕ್ರಮಣಿಕಾಧ್ಯಾಯಂ ಭಾರತಸ್ಯೇಮಮಾದಿತಃ। ಆಸ್ತಿಕಃ ಸತತಂ ಶೃಣ್ವನ್ನ ಕೃಚ್ಛ್ರೇಷ್ವವಸೀದತಿ॥ 1-1-288 (287) ಉಭೇ ಸಂಧ್ಯೇ ಜಪನ್ಕಿಂಚಿತ್ಸದ್ಯೋ ಮುಚ್ಯೇತ ಕಿಲ್ಬಿಷಾತ್। ಅನುಕ್ರಮಣ್ಯಾ ಯಾವತ್ಸ್ಯಾದಹ್ನಾರಾತ್ರ್ಯಾ ಚ ಸಂಚಿತಂ॥ 1-1-289 (288) ಭಾರತಸ್ಯ ವಪುರ್ಹ್ಯೇತತ್ಸತ್ಯಂ ಚಾಮೃತಮೇವ ಚ। ನವನೀತಂ ಯಥಾ ದಧ್ನೋ ದ್ವಿಪದಾಂ ಬ್ರಾಹ್ಮಣೋ ಯಥಾ॥ 1-1-290 (289) ಆರಣ್ಯಕಂ ಚ ವೇದೇಭ್ಯ ಓಷಧಿಭ್ಯೋಽಮೃತಂ ಯಥಾ। ಹ್ರದಾನಾಮುದಧಿಃ ಶ್ರೇಷ್ಠೋ ಗೌರ್ವರಿಷ್ಠಾ ಚತುಷ್ಪದಾಂ॥ 1-1-291 (290) ಯಥೈತಾನೀತಿಹಾಸಾನಾಂ ತಥಾ ಭಾರತಮುಚ್ಯತೇ। ಯಶ್ಚೈನಂ ಶ್ರಾವಯೇಚ್ಛ್ರಾದ್ಧೇ ಬ್ರಾಹ್ಮಣಾನ್ಪಾದಮಂತತಃ॥ 1-1-292 (291) ಅಕ್ಷಯ್ಯಮನ್ನಪಾನಂ ವೈ ಪಿತೃಂಸ್ತಸ್ಯೋಪತಿಷ್ಠತೇ। ಇತಿಹಾಸಪುರಾಣಾಭ್ಯಾಂ ವೇದಂ ಸಮುಪಬೃಂಹಯೇತ್॥ 1-1-293 (292) ಬಿಭೇತ್ಯಲ್ಪಶ್ರುತಾದ್ವೇದೋ ಮಾಮಯಂ ಪ್ರತರಿಷ್ಯತಿ। ಕಾರ್ಷ್ಣಂ ವೇದಮಿಮಂ ವಿದ್ವಾಞ್ಶ್ರಾವಯಿತ್ವಾರ್ಥಮಶ್ನುತೇ॥ 1-1-294 (293) ಭ್ರೂಣಹತ್ಯಾದಿಕಂ ಚಾಪಿ ಪಾಪಂ ಜಹ್ಯಾದಸಂಶಯಂ। ಯ ಇಮಂ ಶುಚಿರಧ್ಯಾಯಂ ಪಠೇತ್ಪರ್ವಣಿ ಪರ್ವಣಿ॥ 1-1-295 (294) ಅಧೀತಂ ಭಾರತಂ ತೇನ ಕೃತ್ಸ್ನಂ ಸ್ಯಾದಿತಿ ಮೇ ಮತಿಃ। ಯಶ್ಚೈನಂ ಶೃಣುಯಾನ್ನಿತ್ಯಮಾರ್ಷಂ ಶ್ರದ್ಧಾಸಮನ್ವಿತಃ॥ 1-1-296 (295) ಸ ದೀರ್ಘಮಾಯುಃ ಕೀರ್ತಿಂ ಚ ಸ್ವರ್ಗತಿಂ ಚಾಪ್ನುಯಾನ್ನರಃ। ಏಕತಶ್ಚತುರೋ ವೇದಾ ಭಾರತಂ ಚೈತದೇಕತಃ॥ 1-1-297 (296) ಪುರಾ ಕಿಲ ಸುರೈಃ ಸರ್ವೈಃ ಸಮೇತ್ಯ ತುಲಯಾ ಧೃತಂ। ಚತುರ್ಭ್ಯಃ ಸರಹಸ್ಯೇಭ್ಯೋ ವೇದೇಭ್ಯೋ ಹ್ಯಧಿಕಂ ಯದಾ॥ 1-1-298 (297) ತದಾಪ್ರಭೃತಿ ಲೋಕೇಽಸ್ಮಿನ್ಮಹಾಭಾರತಮುಚ್ಯತೇ। ಮಹತ್ತ್ವೇ ಚ ಗುರುತ್ವೇ ಚ ಧ್ರಿಯಮಾಣಂ ಯತೋಽಧಿಕಂ॥ 1-1-299 (298) ಮಹತ್ತ್ವಾದ್ಭಾರವತ್ತ್ವಾಚ್ಚ ಮಹಾಭಾರತಮುಚ್ಯತೇ। ನಿರುಕ್ತಮಸ್ಯ ಯೋ ವೇದ ಸರ್ವಪಾಪೈಃ ಪ್ರಮುಚ್ಯತೇ॥ 1-1-300 (299) ತಪೋ ನಕಲ್ಕೋಽಧ್ಯಯನಂ ನಕಲ್ಕಃ ಸ್ವಾಭಾವಿಕೋ ವೇದವಿಧಿರ್ನಕಲ್ಕಃ। ಪ್ರಸಹ್ಯ ವಿತ್ತಾಹರಣಂ ನಕಲ್ಕ- ಸ್ತಾನ್ಯೇವ ಭಾವೋಪಹತಾನಿ ಕಲ್ಕಃ॥ 1-1-301 (300) ಇತಿ ಶ್ರೀಮನ್ಮಾಹಾಭಾರತೇ ಆದಿಪರ್ವಣಿ ಅನುಕ್ರಮಣಿಕಾಪರ್ವಣಿ ಪ್ರಥಮೋಽಧ್ಯಾಯಃ॥ 1 ॥ ॥ ಅನುಕ್ರಮಣಿಕಾಪರ್ವ ಸಮಾಪ್ತಂ ॥

1-2-0 (301) ಋಷಯ ಊಚುಃ। 1-2-0x (11) ಸಮಂತಪಂಚಕಮಿತಿ ಯದುಕ್ತಂ ಸೂತನಂದನ। ಏತತ್ಸರ್ವಂ ಯಥಾತತ್ತ್ವಂ ಶ್ರೋತುಮಿಚ್ಛಾಮಹೇ ವಯಂ॥ 1-2-1 (302) ಸೌತಿರುವಾಚ। 1-2-2x (12) ಶೃಣುಧ್ವಂ ಮಮ ಭೋ ವಿಪ್ರಾ ಬ್ರುವತಶ್ಚ ಕಥಾಃ ಶುಭಾಃ। ಸಮಂತಪಂಚಕಾಖ್ಯಂ ಚ ಶ್ರೋತುಮರ್ಹಥ ಸತ್ತಮಾಃ॥ 1-2-2 (303) ತ್ರೇತಾದ್ವಾಪರಯೋಃ ಸಂಧೌ ರಾಮಃ ಶಸ್ತ್ರಭೃತಾಂ ವರಃ। ಅಸಕೃತ್ಪಾರ್ಥಿವಂ ಕ್ಷತ್ರಂ ಜಘಾನಾಮರ್ಷಚೋದಿತಃ॥ 1-2-3 (304) ಸ ಸರ್ವಂ ಕ್ಷತ್ರಮುತ್ಸಾದ್ಯ ಸ್ವವೀರ್ಯೇಣಾನಲದ್ಯುತಿಃ। ಸಮಂತಪಂಚಕೇ ಪಂಚ ಚಕಾರ ರುಧಿರಹ್ರದಾನ್॥ 1-2-4 (305) ಸ ತೇಷು ರುಧಿರಾಂಭಃಸು ಹ್ರದೇಷು ಕ್ರೋಧಮೂರ್ಚ್ಛಿತಃ। ಪಿತೄನ್ಸಂತರ್ಪಯಾಮಾಸ ರುಧಿರೇಣೇತಿ ನಃ ಶ್ರುತಂ॥ 1-2-5 (306) ಅಥರ್ಚೀಕಾದಯೋಽಭ್ಯೇತ್ಯ ಪಿತರೋ ರಾಮಮಬ್ರುವನ್। ರಾಮ ರಾಮ ಮಹಾಭಾಗ ಪ್ರೀತಾಃ ಸ್ಮ ತವ ಭಾರ್ಗವ॥ 1-2-6 (307) ಅನಯಾ ಪಿತೃಭಕ್ತ್ಯಾ ಚ ವಿಕ್ರಮೇಣ ತವ ಪ್ರಭೋ। ವರಂ ವೃಣೀಷ್ವ ಭದ್ರಂ ತೇ ಯಮಿಚ್ಛಸಿ ಮಹಾದ್ಯುತೇ॥ 1-2-7 (308) ರಾಮ ಉವಾಚ। 1-2-8x (13) ಯದಿ ಮೇ ಪಿತರಃ ಪ್ರೀತಾ ಯದ್ಯನುಗ್ರಾಹ್ಯತಾ ಮಯಿ। ಯಚ್ಚ ರೋಷಾಭಿಭೂತೇನ ಕ್ಷತ್ರಮುತ್ಸಾದಿತಂ ಮಯಾ॥ 1-2-8 (309) ಅತಶ್ಚ ಪಾಪಾನ್ಮುಚ್ಯೇಽಹಮೇಷ ಮೇ ಪ್ರಾರ್ಥಿತೋ ವರಃ। ಹ್ರದಾಶ್ಚ ತೀರ್ಥಭೂತಾ ಮೇ ಭವೇಯುರ್ಭುವಿ ವಿಶ್ರುತಾಃ॥ 1-2-9 (310) ಏವಂ ಭವಿಷ್ಯತೀತ್ಯೇವಂ ಪಿತರಸ್ತಮಥಾಬ್ರುವನ್। ತಂ ಕ್ಷಮಸ್ವೇತಿ ನಿಷಿಷಿಧುಸ್ತತಃ ಸ ವಿರರಾಮ ಹ॥ 1-2-10 (311) ತೇಷಾಂ ಸಮೀಪೇ ಯೋ ದೇಶೋ ಹ್ರದಾನಾಂ ರುಧಿರಾಂಭಸಾಂ। ಸಮಂತಪಂಚಕಮಿತಿ ಪುಣ್ಯಂ ತತ್ಪರಿಕೀರ್ತಿತಂ॥ 1-2-11 (312) ಯೇನ ಲಿಂಗೇನ ಯೋ ದೇಶೋ ಯುಕ್ತಃ ಸಮುಪಲಕ್ಷ್ಯತೇ। ತೇನೈವ ನಾಂನಾ ತಂ ದೇಶಂ ವಾಚ್ಯಮಾಹುರ್ಮನೀಷಿಣಃ॥ 1-2-12 (313) ಅಂತರೇ ಚೈವ ಸಂಪ್ರಾಪ್ತೇ ಕಲಿದ್ವಾಪರಯೋರಭೂತ್। ಸಮಂತಪಂಚಕೇ ಯುದ್ಧಂ ಕುರುಪಾಂಡವಸೇನಯೋಃ॥ 1-2-13 (314) ತಸ್ಮಿನ್ಪರಮಧರ್ಮಿಷ್ಠೇ ದೇಶೇ ಭೂದೋಷವರ್ಜಿತೇ। ಅಷ್ಟಾದಶ ಸಮಾಜಗ್ಮುರಕ್ಷೌಹಿಣ್ಯೋ ಯುಯುತ್ಸಯಾ॥ 1-2-14 (315) ಸಮೇತ್ಯ ತಂ ದ್ವಿಜಾಸ್ತಾಶ್ಚ ತತ್ರೈವ ನಿಧಂ ಗತಾಃ। ಏತನ್ನಾಮಾಭಿನಿರ್ವೃತ್ತಂ ತಸ್ಯ ದೇಶಸ್ಯ ವೈ ದ್ವಿಜಾಃ॥ 1-2-15 (316) ಪುಣ್ಯಶ್ಚ ರಮಣೀಯಶ್ಚ ಸ ದೇಶೋ ವಃ ಪ್ರಕೀರ್ತಿತಃ। ತದೇತತ್ಕಥಿತಂ ಸರ್ವಂ ಮಯಾ ಬ್ರಾಹ್ಮಣಸತ್ತಮಾಃ॥ ಯಥಾ ದೇಶಃ ಸ ವಿಖ್ಯಾತಸ್ತ್ರಿಷು ಲೋಕೇಷು ಸುವ್ರತಾಃ॥ 1-2-16 (317) ಋಷಯ ಊಚುಃ। 1-2-17x (14) ಅಕ್ಷೌಹಿಣ್ಯ ಇತಿ ಪ್ರೋಕ್ತಂ ಯತ್ತ್ವಯಾ ಸೂತನಂದನ। ಏತದಿಚ್ಛಾಮಹೇ ಶ್ರೋತುಂ ಸರ್ವಮೇವ ಯಥಾತಥಂ॥ 1-2-17 (318) ಅಕ್ಷೌಹಿಣ್ಯಾಃ ಪರೀಮಾಣಂ ನರಾಶ್ವರಥದಂತಿನಾಂ। ಯಥಾವಚ್ಚೈವ ನೋ ಬ್ರೂಹಿ ಸರ್ವಂ ಹಿ ವಿದಿತಂ ತವ॥ 1-2-18 (319) ಸೌತಿರುವಾಚ। 1-2-19x (15) ಏಕೋ ರಥೋ ಗಜಶ್ಚೈಕೋ ನರಾಃ ಪಂಚ ಪದಾತಯಃ। ತ್ರಯಶ್ಚ ತುರಗಾಸ್ತಜ್ಜ್ಞೈಃ ಪತ್ತಿರಿತ್ಯಭಿಧೀಯತೇ॥ 1-2-19 (320) ಪತ್ತಿಂ ತು ತ್ರಿಗುಣಾಮೇತಾಮಾಹುಃ ಸೇನಾಮುಖಂ ಬುಧಾಃ। ತ್ರೀಣಿ ಸೇನಾಮುಖಾನ್ಯೇಕೋ ಗುಲ್ಮ ಇತ್ಯಭಿಧೀಯತೇ॥ 1-2-20 (321) ತ್ರಯೋ ಗುಲ್ಮಾ ಗಣೋ ನಾಮ ವಾಹಿನೀ ತು ಗಣಾಸ್ತ್ರಯಃ। ಸ್ಮೃತಾಸ್ತಿಸ್ರಸ್ತು ವಾಹಿನ್ಯಃ ಪೃತನೇತಿ ವಿಚಕ್ಷಣೈಃ॥ 1-2-21 (322) ಚಮೂಸ್ತು ಪೃತನಾಸ್ತಿಸ್ರಸ್ತಿಸ್ರಶ್ಚಂವಸ್ತ್ವನೀಕಿನೀ। ಅನೀಕಿನೀಂ ದಶಗುಣಾಂ ಪ್ರಾಹುರಕ್ಷೌಹಿಣೀಂ ಬುಧಾಃ॥ 1-2-22 (323) ಅಕ್ಷೌಹಿಣ್ಯಾಃ ಪ್ರಸಂಖ್ಯಾತಾ ರಥಾನಾಂ ದ್ವಿಜಸತ್ತಮಾಃ। ಸಂಖ್ಯಾಗಣಿತತತ್ತ್ವಜ್ಞೈಃ ಸಹಸ್ರಾಣ್ಯೇಕವಿಂಶತಿಃ॥ 1-2-23 (324) ಶತಾನ್ಯುಪರಿ ಚೈವಾಷ್ಟೌ ತಥಾ ಭೂಯಶ್ಚ ಸಪ್ತತಿಃ। ಗಜಾನಾಂ ಚ ಪರೀಮಾಣಮೇತದೇವ ವಿನಿರ್ದಿಶೇತ್॥ 1-2-24 (325) ಜ್ಞೇಯಂ ಶತಸಹಸ್ರಂ ತು ಸಹಸ್ರಾಣಿ ನವೈವ ತು। ನರಾಣಾಮಪಿ ಪಂಚಾಶಚ್ಛತಾನಿ ತ್ರೀಣಿ ಚಾನಘಾಃ॥ 1-2-25 (326) ಪಂಚ ಷಷ್ಟಿಸಹಸ್ರಾಣಿ ತಥಾಶ್ವಾನಾಂ ಶತಾನಿ ಚ। ದಶೋತ್ತರಾಣಿ ಷಟ್ ಪ್ರಾಹುರ್ಯಥಾವದಿಹ ಸಂಖ್ಯಯಾ॥ 1-2-26 (327) ಏತಾಮಕ್ಷೌಹಿಣೀಂ ಪ್ರಾಹುಃ ಸಂಖ್ಯಾತತ್ತ್ವದಿತೋ ಜನಾಃ। ಯಾಂ ವಃ ಕಥಿತವಾನಸ್ಮಿ ವಿಸ್ತರೇಣ ತಪೋಧನಾಃ॥ 1-2-27 (328) ಏತಯಾ ಸಂಖ್ಯಯಾ ಹ್ಯಾಸನ್ಕುರುಪಾಂಡವಸೇನಯೋಃ। ಅಕ್ಷೌಹಿಣ್ಯೋ ದ್ವಿಜಶ್ರೇಷ್ಠಾಃ ಪಿಂಡಿತಾಷ್ಟಾದಶೈವ ತು॥ 1-2-28 (329) ಸಮೇತಾಸ್ತತ್ರ ವೈ ದೇಶೇ ತತ್ರೈವ ನಿಧಂ ಗತಾಃ। ಕೌರವಾನ್ಕಾರಣಂ ಕೃತ್ವಾ ಕಾಲೇನಾದ್ಭುತಕರ್ಮಣಾ॥ 1-2-29 (330) ಅಹಾನಿ ಯುಯುಧೇ ಭೀಷ್ಮೋ ದಶೈವ ಪರಮಾಸ್ತ್ರವಿತ್। ಅಹಾನಿ ಪಂಚ ದ್ರೋಣಸ್ತು ರರಕ್ಷ ಕುರುವಾಹಿನೀಂ॥ 1-2-30 (331) ಅಹನೀ ಯುಯುಧೇ ದ್ವೇ ತು ಕರ್ಣಃ ಪರಬಲಾರ್ದನಃ। ಶಲ್ಯೋಽರ್ಧದಿವಸಂ ಚೈವ ಗದಾಯುದ್ಧಮತಃ ಪರಂ॥ 1-2-31 (332) ತಸ್ಯೈವ ದಿವಸಸ್ಯಾಂತೇ ದ್ರೌಣಿಹಾರ್ದಿಕ್ಯಗೌತಮಾಃ। ಪ್ರಸುಪ್ತಂ ನಿಶಿ ವಿಶ್ವಸ್ತಂ ಜಘ್ನುರ್ಯೌಧಿಷ್ಠಿರಂ ಬಲಂ॥ 1-2-32 (333) ಯತ್ತು ಶೌನಕ ಸತ್ರೇ ತೇ ಭಾರತಾಖ್ಯಾನಮುತ್ತಮಂ। ಜನಮೇಜಯಸ್ಯ ತತ್ಸತ್ರೇ ವ್ಯಾಸಶಿಷ್ಯೇಣ ಧೀಮತಾ॥ 1-2-33 (334) ಕಥಿತಂ ವಿಸ್ತರಾರ್ಥಂ ಚ ಯಶೋ ವೀರ್ಯಂ ಮಹೀಕ್ಷಿತಾಂ। ಪೌಷ್ಯಂ ತತ್ರ ಚ ಪೌಲೋಮಮಾಸ್ತೀಕಂ ಚಾದಿತಃ ಸ್ಮೃತಂ॥ 1-2-34 (335) ವಿಚಿತ್ರಾರ್ಥಪದಾಖ್ಯಾನಮನೇಕಸಮಯಾನ್ವಿತಂ। ಪ್ರತಿಪನ್ನಂ ನರೈಃ ಪ್ರಾಜ್ಞೈರ್ವೈರಾಗ್ಯಮಿವ ಮೋಕ್ಷಿಭಿಃ॥ 1-2-35 (336) ಆತ್ಮೇವ ವೇದಿತವ್ಯೇಷು ಪ್ರಿಯೇಷ್ವಿವ ಹಿ ಜೀವಿತಂ। ಇತಿಹಾಸಃ ಪ್ರಧಾನಾರ್ಥಃ ಶ್ರೇಷ್ಠಃ ಸರ್ವಾಗಮೇಷ್ವಯಂ॥ 1-2-36 (337) ಅನಾಶ್ರಿತ್ಯೇದಮಾಖ್ಯಾನಂ ಕಥಾ ಭುವಿ ನ ವಿದ್ಯತೇ। ಆಹಾರಮನಪಾಶ್ರಿತ್ಯ ಶರೀರಸ್ಯೇವ ಧಾರಣಂ॥ 1-2-37 (338) ತದೇತದ್ಭಾರತಂ ನಾಮ ಕವಿಭಿಸ್ತೂಪಜೀವ್ಯತೇ। ಉದಯತೇಪ್ಸುಭಿರ್ಭೃತ್ಯೈರಭಿಜಾತ ಇವೇಶ್ವರಃ॥ 1-2-38 (339) ಇತಿಹಾಸೋತ್ತಮೇ ಯಸ್ಮಿನ್ನರ್ಪಿತಾ ಬುದ್ಧಿರುತ್ತಮಾ। ಸ್ವರವ್ಯಂಜನಯೋಃ ಕೃತ್ಸ್ನಾ ಲೋಕವೇದಾಶ್ರಯೇವ ವಾಕ್॥ 1-2-39 (340) ತಸ್ಯ ಪ್ರಜ್ಞಾಭಿಪನ್ನಸ್ಯ ವಿಚಿತ್ರಪದಪರ್ವಣಃ। ಸೂಕ್ಷ್ಮಾರ್ಥನ್ಯಾಯಯುಕ್ತಸ್ಯ ವೇದಾರ್ಥೈರ್ಭೂಷಿತಸ್ಯ ಚ॥ 1-2-40 (341) ಭಾರತಸ್ಯೇತಿಹಾಸಸ್ಯ ಶ್ರೂಯತಾಂ ಪರ್ವಸಂಗ್ರಹಃ। ಪರ್ವಾನುಕ್ರಮಣೀ ಪೂರ್ವಂ ದ್ವಿತೀಯಃ ಪರ್ವಸಂಗ್ರಹಃ॥ 1-2-41 (342) ಪೌಷ್ಯಂ ಪೌಲೋಮಮಾಸ್ತೀಕಮಾದಿರಂಶಾವತಾರಣಂ। ತತಃ ಸಂಭವಪರ್ವೋಕ್ತಮದ್ಭುತಂ ರೋಮಹರ್ಷಣಂ॥ 1-2-42 (343) ದಾಹೋ ಜತುಗೃಹಸ್ಯಾತ್ರ ಹೈಡಿಂಬಂ ಪರ್ವ ಚೋಚ್ಯತೇ। ತತೋ ಬಕವಧಃ ಪರ್ವ ಪರ್ವ ಚೈತ್ರರಥಂ ತತಃ॥ 1-2-43 (344) ತತಃ ಸ್ವಯಂವರೋ ದೇವ್ಯಾಃ ಪಾಂಚಾಲ್ಯಾಃ ಪರ್ವ ಚೋಚ್ಯತೇ। ಕ್ಷಾತ್ರಧರ್ಮೇಣ ನಿರ್ಜಿತ್ಯ ತತೋ ವೈವಾಹಿಕಂ ಸ್ಮೃತಂ॥ 1-2-44 (345) ವಿದುರಾಗಮನಂ ಪರ್ವ ರಾಜ್ಯಲಾಭಸ್ತಥೈವ ಚ। ಅರ್ಜುನಸ್ಯ ವನೇ ವಾಸಃ ಸುಭದ್ರಾಹರಣಂ ತತಃ॥ 1-2-45 (346) ಸುಭದ್ರಾಹರಣಾದೂರ್ಧ್ವಂ ಜ್ಞೇಯಾ ಹರಣಹಾರಿಕಾ। ತತಃ ಖಾಂಡವದಾಹಾಖ್ಯಂ ತತ್ರೈವ ಮಯದರ್ಶನಂ॥ 1-2-46 (347) ಸಭಾಪರ್ವ ತತಃ ಪ್ರೋಕ್ತಂ ಮಂತ್ರಪರ್ವ ತತಃ ಪರಂ। ಜರಾಸಂಧವಧಃ ಪರ್ವ ಪರ್ವ ದಿಗ್ವಿಜಯಂ ತಥಾ॥ 1-2-47 (348) ಪರ್ವ ದಿಗ್ವಿಜಯಾದೂರ್ಧ್ವಂ ರಾಜಸೂಯಿಕಮುಚ್ಯತೇ। ತತಶ್ಚಾರ್ಘಾಭಿಹರಣಂ ಶಿಶುಪಾಲವಧಸ್ತತಃ॥ 1-2-48 (349) ದ್ಯೂತಪರ್ವ ತತಃ ಪ್ರೋಕ್ತಮನುದ್ಯೂತಮಃ ಪರಂ। ತತ ಆರಣ್ಯಕಂ ಪರ್ವ ಕಿರ್ಮೀರವಧ ಏವಚ॥ 1-2-49 (350) ಅರ್ಜುನಸ್ಯಾಭಿಗಮನಂ ಪರ್ವ ಜ್ಞೇಯಮತಃ ಪರಂ। ಈಶ್ವರಾರ್ಜುನಯೋರ್ಯುದ್ಧಂ ಪರ್ವ ಕೈರಾತಸಂಜ್ಞಿತಂ॥ 1-2-50 (351) ಇಂದ್ರಲೋಕಾಭಿಗಮನಂ ಪರ್ವ ಜ್ಞೇಯಮತಃ ಪರಂ। ನಲೋಪಾಖ್ಯಾನಮಪಿ ಚ ಧಾರ್ಮಿಕಂ ಕರುಣೋದಯಂ॥ 1-2-51 (352) ತೀರ್ಥಯಾತ್ರಾ ತತಃ ಪರ್ವ ಕುರುರಾಜಸ್ಯ ಧೀಮತಃ। ಜಟಾಸುರವಧಃ ಪರ್ವ ಯಕ್ಷಯುದ್ಧಮತಃ ಪರಂ॥ 1-2-52 (353) ನಿವಾತಕವಚೈರ್ಯುದ್ಧಂ ಪರ್ವ ಚಾಜಗರಂ ತತಃ। ಮಾರ್ಕಂಡೇಯಸಮಾಸ್ಯಾ ಚ ಪರ್ವಾನಂತರಮುಚ್ಯತೇ॥ 1-2-53 (354) ಸಂವಾದಶ್ಚ ತತಃ ಪರ್ವ ದ್ರೌಪದೀಸತ್ಯಭಾಮಯೋಃ। ಘೋಷಯಾತ್ರಾ ತತಃ ಪರ್ವ ತತಃ ಪ್ರಾಯೋಪವೇಶನೇಂ। ಮಂತ್ರಸ್ಯ ನಿಶ್ಚಯಂ ಚೈವ ಮೃಗಸ್ವಪ್ನೋದ್ಭವಂ ತತಃ॥ 1-2-54 (355) ವ್ರೀಹಿದ್ರೌಣಿಕಮಾಖ್ಯಾನಮೈಂದ್ರದ್ಯುಂನಂ ತಥೈವ ಚ। ದ್ರೌಪದೀಹರಣಂ ಪರ್ವ ಜಯದ್ರಥವಿಮೋಕ್ಷಣಂ॥ 1-2-55 (356) ರಾಮೋಪಾಖ್ಯಾನಮತ್ರೈವ ಪರ್ವ ಜ್ಞೇಯಮತಃ ಪರಂ। ಪತಿವ್ರತಾಯಾ ಮಾಹಾತ್ಂಯಂ ಸಾವಿತ್ರ್ಯಾಶ್ಚೈವಮದ್ಭುತಂ॥ 1-2-56 (357) ಕುಂಡಲಾಹರಣಂ ಪರ್ವ ತತಃ ಪರಮಿಹೋಚ್ಯತೇ। ಆರಣೇಯಂ ತತಃ ಪರ್ವ ವೈರಾಟಂ ತದನಂತರಂ॥ ಪಾಂಡವಾನಾಂ ಪ್ರವೇಶಶ್ಚ ಸಮಯಸ್ಯ ಚ ಪಾಲನಂ॥ 1-2-57 (358) ಕೀಚಕಾನಾಂ ವಧಃ ಪರ್ವ ಪರ್ವ ಗ್ರೋಗ್ರಹಣಂ ತತಃ। ಅಭಿಮನ್ಯೋಶ್ಚ ವೈರಾಟ್ಯಾಃ ಪರ್ವ ವೈವಾಹಿಕಂ ಸ್ಮೃತಂ॥ 1-2-58 (359) ಉದ್ಯೋಗಪರ್ವ ವಿಜ್ಞೇಯಮತ ಊರ್ಧ್ವಂ ಮಹಾದ್ಭುತಂ। ತತಃ ಸಂಜಯಯಾನಾಖ್ಯಂ ಪರ್ವ ಜ್ಞೇಯಮತಃ ಪರಂ॥ 1-2-59 (360) ಪ್ರಜಾಗರಂ ತಥಾ ಪರ್ವ ಧೃತರಾಷ್ಟ್ರಸ್ಯ ಚಿಂತಯಾ। ಪರ್ವ ಸಾನತ್ಸುಜಾತಂ ವೈ ಗುಹ್ಯಮಧ್ಯಾತ್ಮದರ್ಶನಂ॥ 1-2-60 (361) ಯಾನಸಂಧಿಸ್ತತಃ ಪರ್ವ ಭಗವದ್ಯಾನಮೇವ ಚ। ಮಾತಲೀಯಮುಪಾಖ್ಯಾನಂ ಚರಿತಂ ಗಾಲವಸ್ಯ ಚ॥ 1-2-61 (362) ಸಾವಿತ್ರಂ ವಾಮದೇವ್ಯಂ ಚ ವೈನ್ಯೋಪಾಖ್ಯಾನಮೇವ ಚ। ಜಾಮದಗ್ನ್ಯಮುಪಾಖ್ಯಾನಂ ಪರ್ವ ಷೋಡಶರಾಜಕಂ॥ 1-2-62 (363) ಸಭಾಪ್ರವೇಶಃ ಕೃಷ್ಣಸ್ಯ ವಿದುಲಾಪುತ್ರಶಾಸನಂ। ಉದ್ಯೋಗಃ ಸೈನ್ಯನಿರ್ಯಾಣಂ ವಿಶ್ವೋಪಾಖ್ಯಾನಮೇವ ಚ॥ 1-2-63 (364) ಜ್ಞೇಯಂ ವಿವಾದಪರ್ವಾತ್ರ ಕರ್ಣಸ್ಯಾಪಿ ಮಹಾತ್ಮನಃ। `ಮಂತ್ರಸ್ಯ ನಿಶ್ಚಯಂ ಕೃತ್ವಾ ಕಾರ್ಯಸ್ಯ ಸಮನಂತರಂ॥ 1-2-64 (365) ಶ್ವೇತಸ್ಯ ವಾಸುದೇವೇನ ಚಿತ್ರಂ ಬಹುಕಥಾಶ್ರಯಂ।' ನಿರ್ಯಾಣಂ ಚ ತತಃ ಪರ್ವ ಕುರುಪಾಂಡವಸೇನಯೋಃ॥ 1-2-65 (366) ರಥಾತಿರಥಸಂಖ್ಯಾ ಚ ಪರ್ವೋಕ್ತಂ ತದನಂತರಂ। ಉಲೂಕದೂತಾಗಮನಂ ಪರ್ವಾಮರ್ಷವಿವರ್ಧನಂ॥ 1-2-66 (367) ಅಂಬೋಪಾಖ್ಯಾನಮತ್ರೈವ ಪರ್ವ ಜ್ಞೇಯಮತಃ ಪರಂ॥ ಭೀಷ್ಮಾಭಿಷೇಚನಂ ಪರ್ವ ತತಶ್ಚಾದ್ಭುತಮುಚ್ಯತೇ॥ 1-2-67 (368) ಜಂಬೂಖಂಡವಿನಿರ್ಮಾಣಂ ಪರ್ವೋಕ್ತಂ ತದನಂತರಂ॥ ಭೂಮಿಪರ್ವ ತತಃ ಪ್ರೋಕ್ತಂ ದ್ವೀಪವಿಸ್ತಾರಕೀರ್ತನಂ॥ 1-2-68 (369) `ದಿವ್ಯಂ ಚಕ್ಷುರ್ದದೌ ಯತ್ರ ಸಂಜಯಾಯ ಮಹಾಮುನಿಃ।' ಪರ್ವೋಕ್ತಂ ಭಗವದ್ಗೀತಾ ಪರ್ವ ಭೀಷ್ಮವಧಸ್ತತಃ। ದ್ರೋಣಾಭಿಷೇಚನಂ ಪರ್ವ ಸಂಶಪ್ತಕವಧಸ್ತತಃ॥ 1-2-69 (370) ಅಭಿಮನ್ಯುವಧಃ ಪರ್ವ ಪ್ರತಿಜ್ಞಾ ಪರ್ವ ಚೋಚ್ಯತೇ। ಜಯದ್ರಥವಧಃ ಪರ್ವ ಘಟೋತ್ಕಚವಧಸ್ತತಃ॥ 1-2-70 (371) ತತೋ ದ್ರೋಣವಧಃ ಪರ್ವ ವಿಜ್ಞೇಯಂ ಲೋಮಹರ್ಷಣಂ। ಮೋಕ್ಷೋ ನಾರಾಯಣಾಸ್ತ್ರಸ್ಯ ಪರ್ವಾನಂತರಮುಚ್ಯತೇ॥ 1-2-71 (372) ಕರ್ಣಪರ್ವ ತತೋ ಜ್ಞೇಯಂ ಶಲ್ಯಪರ್ವ ತತಃ ಪರಂ। ಹ್ರದಪ್ರವೇಶನಂ ಪರ್ವ ಗದಾಯುದ್ಧಮತಃ ಪರಂ॥ 1-2-72 (373) ಸಾರಸ್ವತಂ ತತಃ ಪರ್ವ ತೀರ್ಥವಂಶಾನುಕೀರ್ತನಂ। ಅತ ಊರ್ಧ್ವಂ ಸುಬೀಭತ್ಸಂ ಪರ್ವ ಸೌಪ್ತಿಕಮುಚ್ಯತೇ॥ 1-2-73 (374) ಐಷೀಕಂ ಪರ್ವ ಚೋದ್ದಿಷ್ಟಮತ ಊರ್ಧ್ವಂ ಸುದಾರುಣಂ। ಜಲಪ್ರದಾನಿಕಂ ಪರ್ವ ಸ್ತ್ರೀವಿಲಾಪಸ್ತತಃ ಪರಂ॥ 1-2-74 (375) ಶ್ರಾದ್ಧಪರ್ವ ತತೋ ಜ್ಞೇಯಂ ಕುರೂಣಾಮೌರ್ಧ್ವದೇಹಿಕಂ। ಚಾರ್ವಾಕನಿಗ್ರಹಃ ಪರ್ವ ರಕ್ಷಸೋ ಬ್ರಹ್ಮರೂಪಿಣಃ॥ 1-2-75 (376) ಆಭಿಷೇಚನಿಕಂ ಪರ್ವ ಧರ್ಮರಾಜಸರ್ಯ ಧೀಮತಃ। ಪ್ರವಿಭಾಗೋ ಗೃಹಾಣಾಂ ಚ ಪರ್ವೋಕ್ತಂ ತದನಂತರಂ॥ 1-2-76 (377) ಶಾಂತಿಪರ್ವ ತತೋ ಯತ್ರ ರಾಜಧರ್ಮಾನುಶಾಸನಂ। ಆಪದ್ಧರ್ಮಶ್ಚ ಪರ್ವೋಕ್ತಂ ಮೋಕ್ಷಧರ್ಮಸ್ತತಃ ಪರಂ॥ 1-2-77 (378) ಶುಕಪ್ರಶ್ನಾಭಿಗಮನಂ ಬ್ರಹ್ಮಪ್ರಶ್ನಾನುಶಾಸನಂ। ಪ್ರಾದುರ್ಭಾವಶ್ಚ ದುರ್ವಾಸಃಸಂವಾದಶ್ಚೈವ ಮಾಯಯಾ॥ 1-2-78 (379) ತತಃ ಪರ್ವ ಪರಿಜ್ಞೇಯಮಾನುಶಾಸನಿಕಂ ಪರಂ। ಸ್ವರ್ಗಾರೋಹಣಿಕಂ ಚೈವ ತತೋ ಭೀಷ್ಮಸ್ಯ ಧೀಮತಃ॥ 1-2-79 (380) ತತೋಽಶ್ವಮೇಧಿಕಂ ಪರ್ವ ಸರ್ವಪಾಪಪ್ರಣಾಶನಂ। ಅನುಗೀತಾ ತತಃ ಪರ್ವ ಜ್ಞೇಯಮಧ್ಯಾತ್ಮವಾಚಕಂ॥ 1-2-80 (381) ಪರ್ವ ಚಾಶ್ರಮವಾಸಾಖ್ಯಂ ಪುತ್ರದರ್ಶನಮೇವ ಚ। ನಾರದಾಗಮನಂ ಪರ್ವ ತತಃ ಪರಮಿಹೋಚ್ಯತೇ॥ 1-2-81 (382) ಮೌಸಲಂ ಪರ್ವ ಚೋದ್ದಿಷ್ಟಂ ತತೋ ಘೋರಂ ಸುದಾರುಣಂ। ಮಹಾಪ್ರಸ್ಥಾನಿಕಂ ಪರ್ವ ಸ್ವರ್ಗಾರೋಹಣಿಕಂ ತತಃ॥ 1-2-82 (383) ಹರಿವಂಶಸ್ತತಃ ಪರ್ವ ಪುರಾಣಂ ಖಿಲಸಂಜ್ಞಿತಂ। ವಿಷ್ಣುಪರ್ವ ಶಿಶೋಶ್ಚರ್ಯಾ ವಿಷ್ಣೋಃ ಕಂಸವಧಸ್ತಥಾ॥ 1-2-83 (384) ಭವಿಷ್ಯಂ ಪರ್ವ ಚಾಪ್ಯುಕ್ತಂ ಖಿಲೇಷ್ವೇವಾದ್ಭುತಂ ಮಹತ್। ಏತತ್ಪರ್ವಶತಂ ಪೂರ್ಣಂ ವ್ಯಾಸೇನೋಕ್ತಂ ಮಹಾತ್ಮನಾ॥ 1-2-84 (385) ಯಥಾವತ್ಸೂತಪುತ್ರೇಣ ರೌಮಹರ್ಷಣಿನಾ ತತಃ। ಉಕ್ತಾನಿ ನೈಮಿಶಾರಣ್ಯೇ ಪರ್ವಾಣ್ಯಷ್ಟಾದಶೈವ ತು॥ 1-2-85 (386) ಸಮಾಸೋ ಭಾರತಸ್ಯಾಯಮತ್ರೋಕ್ತಃ ಪರ್ವಸಂಗ್ರಹಃ। ಪೌಷ್ಯಂ ಪೌಲೋಮಮಾಸ್ತೀಕಮಾದಿರಂಶಾವತಾರಣಂ॥ 1-2-86 (387) ಸಂಭವೋ ಜತುವೇಶ್ಮಾಖ್ಯಂ ಹಿಡಿಂಬಬಕಯೋರ್ವಧಃ। ತಥಾ ಚೈತ್ರರಥಂ ದೇವ್ಯಾಃ ಪಾಂಚಾಲ್ಯಾಶ್ಚ ಸ್ವಯಂವರಃ॥ 1-2-87 (388) ಕ್ಷಾತ್ರಧರ್ಮೇಣ ನಿರ್ಜಿತ್ಯ ತತೋ ವೈವಾಹಿಕಂ ಸ್ಮೃತಂ। ವಿದುರಾಗಮನಂ ಚೈವ ರಾಜ್ಯಲಾಭಸ್ತಥೈವ ಚ॥ 1-2-88 (389) ವನವಾಸೋಽರ್ಜುನಸ್ಯಾಪಿ ಸುಭದ್ರಾಹರಣಂ ತತಃ। ಹರಣಾಹರಣಂ ಚೈವ ದಹನಂ ಖಾಂಡವಸ್ಯ ಚ॥ 1-2-89 (390) ಮಯಸ್ಯ ದರ್ಶನಂ ಚೈವ ಆದಿಪರ್ವಣಿ ಕಥ್ಯತೇ। ಪೌಷ್ಯೇ ಪರ್ವಣಿ ಮಾಹಾತ್ಂಯಮುತ್ತಂಕಸ್ಯೋಪವರ್ಣಿತಂ॥ 1-2-90 (391) ಪೌಲೋಮೇ ಭೃಗುವಂಶಸ್ಯ ವಿಸ್ತಾರಃ ಪರಿಕೀರ್ತಿತಃ। ಆಸ್ತೀಕೇ ಸರ್ವನಾಗಾನಾಂ ಗರುಡಸ್ಯ ಚ ಸಂಭವಃ॥ 1-2-91 (392) ಕ್ಷೀರೋದಮಥಂ ಚೈವ ಜನ್ಮೋಚ್ಚೈಃಶ್ರವಸಸ್ತಥಾ। ಯಜತಃ ಸರ್ಪಸತ್ರೇಣ ರಾಜ್ಞಃ ಪಾರಿಕ್ಷಿತಸ್ಯ ಚ॥ 1-2-92 (393) ಕಥೇಯಮಭಿನಿರ್ವೃತ್ತಾ ಭಾರತಾನಾಂ ಮಹಾತ್ಮನಾಂ। ವಿವಿಧಾಃ ಸಂಭವಾ ರಾಜ್ಞಾಮುಕ್ತಾಃ ಸಂಭವಪರ್ವಣಿ॥ 1-2-93 (394) ಅನ್ಯೇಷಾಂ ಚೈವ ಶೂರಾಣಾಮೃಷೇರ್ದ್ವೈಪಾಯನಸ್ಯ ಚ। ಅಂಶಾವತರಣಂ ಚಾತ್ರ ದೇವಾನಾಂ ಪರಿಕೀರ್ತಿತಂ॥ 1-2-94 (395) ದೈತ್ಯಾನಾಂ ದಾನವಾನಾಂ ಚ ಯಕ್ಷಾಣಾಂ ಚ ಮಹೌಜಸಾಂ। ನಾಗಾನಾಮಥ ಸರ್ಪಾಣಾಂ ಗಂಧರ್ವಾಣಾಂ ಪತತ್ತ್ರಿಣಾಂ॥ 1-2-95 (396) ಅನ್ಯೇಷಾಂ ಚೈವ ಭೂತಾನಾಂ ವಿವಿಧಾನಾಂ ಸಮುದ್ಭವಃ। ಮಹರ್ಷೇರಾಶ್ರಮಪದೇ ಕಣ್ವಸ್ಯ ಚ ತಪಸ್ವಿನಃ॥ 1-2-96 (397) ಶಕುಂತಲಾಯಾಂ ದುಷ್ಯಂತಾದ್ಭರತಶ್ಚಾಪಿ ಜಜ್ಞಿವಾನ್। ಯಸ್ಯ ಲೋಕೇಷು ನಾಂನೇದಂ ಪ್ರಥಿತಂ ಭಾರತಂ ಕುಲಂ॥ 1-2-97 (398) ವಸೂನಾಂ ಪುನರುತ್ಪತ್ತಿರ್ಭಾಗೀರಥ್ಯಾಂ ಮಹಾತ್ಮನಾಂ। ಶಂತನೋರ್ವೇಶ್ಮನಿ ಪುನಸ್ತೇಷಾಂ ಚಾರೋಹಣಂ ದಿವಿ॥ 1-2-98 (399) ತೇಜೋಂಶಾನಾಂ ಚ ಸಂಪಾತೋ ಭೀಷ್ಮಸ್ಯಾಪ್ಯತ್ರ ಸಂಭವಃ। ರಾಜ್ಯಾನ್ನಿವರ್ತನಂ ತಸ್ಯ ಬ್ರಹ್ಮಚರ್ಯವ್ರತೇ ಸ್ಥಿತಿಃ॥ 1-2-99 (400) ಪ್ರತಿಜ್ಞಾಪಾಲನಂ ಚೈವ ರಕ್ಷಾ ಚಿತ್ರಾಂಗದಸ್ಯ ಚ। ಹತೇ ಚಿತ್ರಾಂಗದೇ ಚೈವ ರಕ್ಷಾ ಭ್ರಾತುರ್ಯವೀಯಸಃ॥ 1-2-100 (401) ವಿಚಿತ್ರವೀರ್ಯಸ್ಯ ತಥಾ ರಾಜ್ಯೇ ಸಂಪ್ರತಿಪಾದನಂ। ಧರ್ಮಸ್ಯ ನೃಷು ಸಂಭೂತಿರಣೀಮಾಂಡವ್ಯಶಾಪಜಾ॥ 1-2-101 (402) ಕೃಷ್ಣದ್ವೈಪಾಯನಾಚ್ಚೈವ ಪ್ರಸೂತಿರ್ವರದಾನಜಾ। ಧೃತರಾಷ್ಟ್ರಸ್ಯ ಪಾಂಡೋಶ್ಚ ಪಾಂಡವಾನಾಂ ಚ ಸಂಭವಃ॥ 1-2-102 (403) ವಾರಣಾವತಯಾತ್ರಾ ಚ ಮಂತ್ರೋ ದುರ್ಯೋಧನಸ್ಯ ಚ। ಕೂಟಸ್ಯ ಧಾರ್ತರಾಷ್ಟ್ರೇಣ ಪ್ರೇಷಣಂ ಪಾಂಡವಾನ್ಪ್ರತಿ॥ 1-2-103 (404) ಹಿತೋಪದೇಶಶ್ಚ ಪಥಿ ಧರ್ಮರಾಜಸ್ಯ ಧೀಮತಃ। ವಿದುರೇಣ ಕೃತೋ ಯತ್ರ ಹಿತಾರ್ಥಂ ಂಲೇಚ್ಛಭಾಷಯಾ॥ 1-2-104 (405) ವಿದುರಸ್ಯ ಚ ವಾಕ್ಯೇನ ಸುರುಂಗೋಪಕ್ರಮಕ್ರಿಯಾ। ನಿಷಾದ್ಯಾಃ ಪಂಚಪುತ್ರಾಯಾಃ ಸುಪ್ತಾಯಾ ಜತುವೇಶ್ಮನಿ॥ 1-2-105 (406) ಪುರೋಚನಸ್ಯ ಚಾತ್ರೈವ ದಹನಂ ಸಂಪ್ರಕೀರ್ತಿತಂ। ಪಾಂಡವಾನಾಂ ವನೇ ಘೋರೇ ಹಿಡಿಂಬಾಯಾಶ್ಚ ದರ್ಶನಂ॥ 1-2-106 (407) ತತ್ರೈವ ಚ ಹಿಡಿಂಬಸ್ಯ ವಧೋ ಭೀಮಾನ್ಮಹಾಬಲಾತ್। ಘಟೋತ್ಕಚಸ್ಯ ಚೋತ್ಪತ್ತಿಂರತ್ರೈವ ಪರಿಕೀರ್ತಿತಾ॥ 1-2-107 (408) ಮಹರ್ಷೇರ್ದರ್ಶನಂ ಚೈವ ವ್ಯಾಸಸ್ಯಾಮಿತತೇಜಸಃ। ತದಾಜ್ಞಯೈಕಚಕ್ರಾಯಾಂ ಬ್ರಾಹ್ಮಣಸ್ಯ ನಿವೇಶನೇ॥ 1-2-108 (409) ಅಜ್ಞಾತಚರ್ಯಯಾ ವಾಸೋ ಯತ್ರ ತೇಷಾಂ ಪ್ರಕೀರ್ತಿತಃ। ಬಕಸ್ಯ ನಿಧನಂ ಚೈವ ನಾಗರಾಣಾಂ ಚ ವಿಸ್ಮಯಃ॥ 1-2-109 (410) ಸಂಭವಶ್ಚೈವ ಕೃಷ್ಣಾಯಾ ಧೃಷ್ಟದ್ಯುಂನಸ್ಯ ಚೈವ ಹ। ಬ್ರಾಹ್ಮಣಾತ್ಸಮುಪಶ್ರುತ್ಯ ವ್ಯಾಸವಾಕ್ಯಪ್ರಚೋದಿತಾಃ॥ 1-2-110 (411) ದ್ರೌಪದೀಂ ಪ್ರಾರ್ಥಯಂತಸ್ತೇ ಸ್ವಯಂವರದಿದೃಕ್ಷಯಾ। ಪಂಚಾಲಾನಭಿತೋ ಜಗ್ಮುರ್ಯತ್ರ ಕೌತೂಹಲಾನ್ವಿತಾಃ॥ 1-2-111 (412) ಅಂಗಾರಪರ್ಣಂ ನಿರ್ಜಿತ್ಯ ಗಂಗಾಕೂಲೇಽರ್ಜುನಸ್ತದಾ। ಸಖ್ಯಂ ಕೃತ್ವಾ ತತಸ್ತೇನ ತಸ್ಮಾದೇವ ಚ ಶುಶ್ರುವೇ॥ 1-2-112 (413) ತಾಪತ್ಯಮಥ ವಾಸಿಷ್ಠಮೌರ್ವಂ ಚಾಖ್ಯಾನಮುತ್ತಮಂ। ಭ್ರಾತೃಭಿಃ ಸಹಿತಃ ಸರ್ವೈಃ ಪಂಚಾಲಾನಭಿತೋ ಯಯೌ॥ 1-2-113 (414) ಪಾಂಚಾಲನಗರೇ ಚಾಪಿ ಲಕ್ಷ್ಯಂ ಭಿತ್ತ್ವಾ ಧನಂಜಯಃ। ದ್ರೌಪದೀಂ ಲಬ್ಧವಾನತ್ರ ಮಧ್ಯೇ ಸರ್ವಮಹೀಕ್ಷಿತಾಂ॥ 1-2-114 (415) ಭೀಮಸೇನಾರ್ಜುನೌ ಯತ್ರ ಸಂರಬ್ಧಾನ್ಪೃಥಿವೀಪತೀನ್। ಶಲ್ಯಕರ್ಣೌ ಚ ತರಸಾ ಜಿತವಂತೌ ಮಹಾಮೃಧೇ॥ 1-2-115 (416) ದೃಷ್ಟ್ವಾ ತಯೋಶ್ಚ ತದ್ವೀರ್ಯಮಪ್ರಮೇಯಮಮಾನುಷಂ। ಶಂಕಮಾನೌ ಪಾಂಡವಾಂಸ್ತಾನ್ ರಾಮಕೃಷ್ಣೌ ಮಹಾಮತೀ॥ 1-2-116 (417) ಜಗ್ಮತುಸ್ತೈಃ ಸಮಾಗಂತುಂ ಶಾಲಾಂ ಭಾರ್ಗವವೇಶ್ಮನಿ। ಪಂಚಾನಾಮೇಕಪತ್ನೀತ್ವೇ ವಿಮರ್ಶೋ ದ್ರುಪದಸ್ಯ ಚ॥ 1-2-117 (418) ಪಂಚೇಂದ್ರಾಣಾಮುಪಾಖ್ಯಾನಮತ್ರೈವಾದ್ಭುತಮುಚ್ಯತೇ। ದ್ರೌಪದ್ಯಾ ದೇವವಿಹೀತೋ ವಿವಾಹಶ್ಚಾಪ್ಯಮಾನುಷಃ॥ 1-2-118 (419) ಕ್ಷತ್ತುಶ್ಚ ಧಾರ್ತರಾಷ್ಟ್ರೇಣ ಪ್ರೇಷಣಂ ಪಾಂಡವಾನ್ಪ್ರತಿ। ವಿದುರಸ್ಯ ಚ ಸಂಪ್ರಾಪ್ತಿರ್ದರ್ಶನಂ ಕೇಶವಸ್ಯ ಚ॥ 1-2-119 (420) ಖಾಂಡವಪ್ರಸ್ಥವಾಸಶ್ಚ ತಥಾ ರಾಜ್ಯಾರ್ಧಸರ್ಜನಂ। ನಾರದಸ್ಯಾಜ್ಞಯಾ ಚೈವ ದ್ರೌಪದ್ಯಾಃ ಸಮಯಕ್ರಿಯಾ॥ 1-2-120 (421) ಸುಂದೋಪಸುಂದಯೋಸ್ತದ್ವದಾಖ್ಯಾನಂ ಪರಿಕೀರ್ತಿತಂ। ಅನಂತರಂ ಚ ದ್ರೌಪದ್ಯಾ ಸಹಾಸೀನಂ ಯುಧಿಷ್ಠಿರಂ॥ 1-2-121 (422) ಅನು ಪ್ರವಿಶ್ಯ ವಿಪ್ರಾರ್ಥೇ ಫಾಲ್ಗುನೋ ಗೃಹ್ಯ ಚಾಯುಧಂ। ಮೋಕ್ಷಯಿತ್ವಾ ಗೃಹಂ ಗತ್ವಾ ವಿಪ್ರಾರ್ಥಂ ಕೃತನಿಶ್ಚಯಃ॥ 1-2-122 (423) ಸಮಯಂ ಪಾಲಯನ್ವೀರೋ ವನಂ ಯತ್ರ ಜಗಾಮ ಹ। ಪಾರ್ಥಸ್ಯ ವನವಾಸೇ ಚ ಉಲೂಪ್ಯಾ ಪಥಿ ಸಂಗಮಃ॥ 1-2-123 (424) ಪುಣ್ಯತೀರ್ಥಾನುಸಂಯಾನಂ ಬಭ್ರುವಾಹನಜನ್ಮ ಚ। ತತ್ರೈವ ಮೋಕ್ಷಯಾಮಾಸ ಪಂಚ ಸೋಽಪ್ಸರಸಃ ಶುಭಾಃ॥ 1-2-124 (425) ಶಾಪಾದ್ಗ್ರಾಹತ್ವಮಾಪನ್ನಾ ಬ್ರಾಹ್ಮಣಸ್ಯ ತಪಸ್ವಿನಃ। ಪ್ರಭಾಸತೀರ್ಥೇ ಪಾರ್ಥೇನ ಕೃಷ್ಣಸ್ಯ ಚ ಸಮಾಗಮಃ॥ 1-2-125 (426) ದ್ವಾರಕಾಯಾಂ ಸುಭದ್ರಾ ಚ ಕಾಮಯಾನೇನ ಕಾಮಿನೀ। ವಾಸುದೇವಸ್ಯಾನುಮತೇ ಪ್ರಾಪ್ತಾ ಚೈವ ಕಿರೀಟಿನಾ॥ 1-2-126 (427) ಗೃಹೀತ್ವಾ ಹರಣಂ ಪ್ರಾಪ್ತೇ ಕೃಷ್ಣೇ ದೇವಕಿನಂದನೇ। ಅಭಿಮನ್ಯೋಃ ಸುಭದ್ರಾಯಾಂ ಜನ್ಮ ಚೋತ್ತಮತೇಜಸಃ॥ 1-2-127 (428) ದ್ರೌಪದ್ಯಾಸ್ತನಯಾನಾಂ ಚ ಸಂಭವೋಽನುಪ್ರಕೀರ್ತಿತಃ। ವಿಹಾರಾರ್ಥಂ ಚ ಗತಯೋಃ ಕೃಷ್ಣಯೋರ್ಯಮುನಾಮನು॥ 1-2-128 (429) ಸಂಪ್ರಾಪ್ತಿಶ್ಚಕ್ರಧನುಷೋಃ ಖಾಂಡವಸ್ಯ ಚ ದಾಹನಂ। ಮಯಸ್ಯ ಮೋಕ್ಷೋ ಜ್ವಲನಾದ್ಭುಜಂಗಸ್ಯ ಚ ಮೋಕ್ಷಣಂ॥ 1-2-129 (430) ಮಹರ್ಷೇರ್ಮಂದಪಾಲಸ್ಯ ಶಾರ್ಂಗ್ಯಾ ತನಯಸಂಭವಃ। ಇತ್ಯೇತದಾದಿಪರ್ವೋಕ್ತಂ ಪ್ರಥಮಂ ಬಹು ವಿಸ್ತರಂ॥ 1-2-130 (431) ಅಧ್ಯಾಯಾನಾಂ ಶತೇ ದ್ವೇ ತು ಸಂಖ್ಯಾತೇ ಪರಮರ್ಷಿಣಾ। ಸಪ್ತವಿಂಶತಿರಧ್ಯಾಯಾ ವ್ಯಾಸೇನೋತ್ತಮತೇಜಸಾ॥ 1-2-131 (432) ಅಷ್ಟೌ ಶ್ಲೋಕಸಹಸ್ರಾಣಿ ಅಷ್ಟೌ ಶ್ಲೋಕಶತಾನಿ ಚ। ಶ್ಲೋಕಾಶ್ಚ ಚತುರಾಶೀತಿರ್ಮುನಿನೋಕ್ತಾ ಮಹಾತ್ಮನಾ॥ 1-2-132 (433) ದ್ವಿತೀಯಂ ತು ಸಭಾಪರ್ವ ಬಹುವೃತ್ತಾಂತಮುಚ್ಯತೇ। ಸಭಾಕ್ರಿಯಾ ಪಾಂಡವಾನಾಂ ಕಿಂಕರಾಣಾಂ ಚ ದರ್ಶನಂ। 1-2-133 (434) ಲೋಕಪಾಲಸಭಾಖ್ಯಾನಂ ನಾರದಾದ್ದೇವದರ್ಶಿನಃ। ರಾಜಸೂಯಸ್ಯ ಚಾರಂಭೋ ಜರಾಸಂಧವಧಸ್ತಥಾ॥ 1-2-134 (435) ಗಿರಿವ್ರಜೇ ನಿರುದ್ಧಾನಾಂ ರಾಜ್ಞಾಂ ಕೃಷ್ಣೇನ ಮೋಕ್ಷಣಂ। ತಥಾ ದಿಗ್ವಿಜಯೋಽತ್ರೈವ ಪಾಂಡವಾನಾಂ ಪ್ರಕೀರ್ತಿತಃ॥ 1-2-135 (436) ರಾಜ್ಞಾಮಾಗಮನಂ ಚೈವ ಸಾರ್ಹಣಾನಾಂ ಮಹಕ್ರತೌ। ರಾಜಸೂಯೇಽರ್ಘಸಂವಾದೇ ಶಿಶುಪಾಲವಧಸ್ತಥಾ॥ 1-2-136 (437) ಯಜ್ಞೇ ವಿಭೂತಿಂ ತಾಂ ದೃಷ್ಟ್ವಾ ದುಃಖಾಮರ್ಷಾನ್ವಿತಸ್ಯ ಚ। ದುರ್ಯೋಧನಸ್ಯಾವಹಾಸೋ ಭೀಮೇನ ಚ ಸಭಾತಲೇ॥ 1-2-137 (438) ಯತ್ರಾಸ್ಯ ಮನ್ಯುರುದ್ಭೂತೋ ಯೇನ ದ್ಯೂತಮಕಾರಯತ್। ಯತ್ರ ಧರ್ಮಸುತಂ ದ್ಯೂತೇ ಶಕುನಿಃ ಕಿತವೋಽಜಯತ್॥ 1-2-138 (439) ಯತ್ರ ದ್ಯೂತಾರ್ಣವೇ ಮಗ್ನಾಂ ದ್ರೌಪದೀಂ ನೌರಿವಾರ್ಣವಾತ್। ಧೃತರಾಷ್ಟ್ರೋ ಮಹಾಪ್ರಾಜ್ಞಃ ಸ್ನುಷಾಂ ಪರಮದುಃಖಿತಾಂ॥ 1-2-139 (440) ತಾರಯಾಮಾಸ ತಾಂಸ್ತೀರ್ಣಾಂಜ್ಞಾತ್ವಾ ದುರ್ಯೋಧನೋ ನೃಪಃ। ಪುನರೇವ ತತೋ ದ್ಯೂತೇ ಸಮಾಹ್ವಯತ ಪಾಂಡವಾನ್॥ 1-2-140 (441) ಜಿತ್ವಾ ಸ ವನವಾಸಾಯ ಪ್ರೇಷಯಾಮಾಸ ತಾಂಸ್ತತಃ। ಏತತ್ಸರ್ವಂ ಸಭಾಪರ್ವ ಸಮಾಖ್ಯಾತಂ ಮಹಾತ್ಮನಾ॥ 1-2-141 (442) ಅಧ್ಯಾಯಾಃ ಸಪ್ತತಿರ್ಜ್ಞೇಯಾಸ್ತಥಾ ಚಾಷ್ಟೌ ಪ್ರಸಂಖ್ಯಯಾ। ಶ್ಲೋಕಾನಾಂ ದ್ವೇ ಸಹಸ್ರೇ ತು ಪಂಚ ಶ್ಲೋಕಶತಾನಿ ಚ॥ 1-2-142 (443) ಶ್ಲೋಕಾಶ್ಚೈಕಾದಶ ಜ್ಞೇಯಾಃ ಪರ್ವಣ್ಯಸ್ಮಿಂದ್ವಿಜೋತ್ತಮಾಃ। ಅತಃ ಪರಂ ತೃತೀಯಂ ತು ಜ್ಞೇಯಮಾರಣ್ಯಕಂ ಮಹತ್॥ 1-2-143 (444) ವನವಾಸಂ ಪ್ರಯಾತೇಷು ಪಾಂಡವೇಷು ಮಹಾತ್ಮಸು। ಪೌರಾನುಗಮನಂ ಚೈವ ಧರ್ಮಪುತ್ರಸ್ಯ ಧೀಮತಃ॥ 1-2-144 (445) ಅನ್ನೌಷಧೀನಾಂ ಚ ಕೃತೇ ಪಾಂಡವೇನ ಮಹಾತ್ಮನಾ। ದ್ವಿಜಾನಾಂ ಭರಣಾರ್ಥಂ ಚ ಕೃತಮಾರಾಧನಂ ರವೇಃ॥ 1-2-145 (446) ಧೌಂಯೋಪದೇಶಾತ್ತಿಗ್ಮಾಂಶುಪ್ರಸಾದಾದನ್ನಸಂಭಃ। ಹಿತಂ ಚ ಬ್ರುವತಃ ಕ್ಷತ್ತುಃ ಪರಿತ್ಯಾಗೋಽಂಬಿಕಾಸುತಾತ್॥ 1-2-146 (447) ತ್ಯಕ್ತಸ್ಯ ಪಾಂಡುಪುತ್ರಾಣಾಂ ಸಮೀಪಗಮನಂ ತಥಾ। ಪುನರಾಗಮನಂ ಚೈವ ಧೃತರಾಷ್ಟ್ರಸ್ಯ ಶಾಸನಾತ್॥ 1-2-147 (448) ಕರ್ಣಪ್ರೋತ್ಸಾಹನಾಚ್ಚೈವ ಧಾರ್ತರಾಷ್ಟ್ರಸ್ಯ ದುರ್ಮತೇಃ। ವನಸ್ಥಾನ್ಪಾಂಡವಾನ್ಹಂತುಂ ಮಂತ್ರೋ ದುರ್ಯೋಧನಸ್ಯಚ॥ 1-2-148 (449) ತಂ ದುಷ್ಟಭಾವಂ ವಿಜ್ಞಾಯ ವ್ಯಾಸಸ್ಯಾಗಮನಂ ದ್ರುತಂ। ನಿರ್ಯಾಣಪ್ರತಿಷೇಧಶ್ಚ ಸುರಭ್ಯಾಖ್ಯಾನಮೇವ ಚ॥ 1-2-149 (450) ಮೈತ್ರೇಯಾಗಮನಂ ಚಾತ್ರ ರಾಜ್ಞಶ್ಚೈವಾನುಶಾಸನಂ। ಶಾಪೋತ್ಸರ್ಗಶ್ಚ ತೇನೈವ ರಾಜ್ಞೋ ದುರ್ಯೋಧನಸ್ಯ ಚ॥ 1-2-150 (451) ಕಿರ್ಮೀರಸ್ಯ ವಧಶ್ಚಾತ್ರ ಭೀಮಸೇನೇನ ಸಂಯುಗೇ। ವೃಷ್ಣೀನಾಮಾಗಮಶ್ಚಾತ್ರ ಪಾಂಚಾಲಾನಾಂ ಚ ಸರ್ವಶಃ॥ 1-2-151 (452) ಶ್ರುತ್ವಾ ಶಕುನಿನಾ ದ್ಯೂತೇ ನಿಕೃತ್ಯಾ ನಿರ್ಜಿತಾಂಶ್ಚ ತಾನ್। ಕ್ರುದ್ಧಸ್ಯಾನುಪ್ರಶಮನಂ ಹರೇಶ್ಚೈವ ಕಿರೀಟಿನಾ॥ 1-2-152 (453) ಪರಿದೇವನಂ ಚ ಪಾಂಚಾಲ್ಯಾ ವಾಸುದೇವಸ್ಯ ಸನ್ನಿಧೌ। ಆಶ್ವಾಸನಂ ಚ ಕೃಷ್ಣೇನ ದುಃಖಾರ್ತಾಯಾಃ ಪ್ರಕೀರ್ತಿತಂ॥ 1-2-153 (454) ತಥಾ ಸೌಭವಧಾಖ್ಯಾನಮತ್ರೈವೋಕ್ತಂ ಮಹರ್ಷಿಣಾ। ಸುಭದ್ರಾಯಾಃ ಸಪುತ್ರಾಯಾಃ ಕೃಷ್ಣೇನ ದ್ವಾರಕಾಂ ಪುರೀಂ॥ 1-2-154 (455) ನಯನಂ ದ್ರೌಪದೇಯಾನಾಂ ಧೃಷ್ಟದ್ಯುಂನೇನ ಚೈವ ಹ। ಪ್ರವೇಶಃ ಪಾಂಡವೇಯಾನಾಂ ರಂಯೇ ದ್ವೈತವನೇ ತತಃ॥ 1-2-155 (456) ಧರ್ಮರಾಜಸ್ಯ ಚಾತ್ರೈವ ಸಂವಾದಃ ಕೃಷ್ಣಯಾ ಸಹ। ಸಂವಾದಶ್ಚ ತಥಾ ರಾಜ್ಞಾ ಭೀಮಸ್ಯಾಪಿ ಪ್ರಕೀರ್ತಿತಃ॥ 1-2-156 (457) ಸಮೀಪಂ ಪಾಂಡುಪುತ್ರಾಣಾಂ ವ್ಯಾಸಸ್ಯಾಗಮನಂ ತಥಾ। ಪ್ರತಿಶ್ರುತ್ಯಾಥ ವಿದ್ಯಾಯಾ ದಾನಂ ರಾಜ್ಞೋ ಮಹರ್ಷಿಣಾ॥ 1-2-157 (458) ಗಮನಂ ಕಾಂಯಕೇ ಚಾಪಿ ವ್ಯಾಸೇ ಪ್ರತಿಗತೇ ತತಃ। ಅಸ್ತ್ರಹೇತೋರ್ವಿವಾಸಶ್ಚ ಪಾರ್ಥಸ್ಯಾಮಿತತೇಜಸಃ॥ 1-2-158 (459) ಮಹಾದೇವೇನ ಯುದ್ಧಂ ಚ ಕಿರಾತವಪುಷಾ ಸಹ। ದರ್ಶನಂ ಲೋಕಪಾಲಾನಾಮಸ್ತ್ರಪ್ರಾಪ್ತಿಸ್ತಥೈವ ಚ॥ 1-2-159 (460) ಮಹೇಂದ್ರಲೋಕಗಮನಮಸ್ತ್ರಾರ್ಥೇ ಚ ಕಿರೀಟಿನಃ। ಯತ್ರ ಚಿಂತಾ ಸಮುತ್ಪನ್ನಾ ಧೃತರಾಷ್ಟ್ರಸ್ಯ ಭೂಯಸೀ॥ 1-2-160 (461) ದರ್ಶನಂ ಬೃಹದಶ್ವಸ್ಯ ಮಹರ್ಷೇರ್ಭಾವಿತಾತ್ಮನಃ। ಯುಧಿಷ್ಠಿರಸ್ಯ ಚಾರ್ತಸ್ಯ ವ್ಯಸನೇ ಪರಿದೇವನಂ॥ 1-2-161 (462) ನಲೋಪಾಖ್ಯಾನಮತ್ರೈವ ಧರ್ಮಿಷ್ಠಂ ಕರುಣೋದಯಂ। ದಮಯಂತ್ಯಾಃ ಸ್ಥಿತಿರ್ಯತ್ರ ನಲಸ್ಯ ಚರಿತಂ ತಥಾ॥ 1-2-162 (463) ತಥಾಕ್ಷಹೃದಯಪ್ರಾಪ್ತಿಸ್ತಸ್ಮಾದೇವ ಮಹರ್ಷಿತಃ। ಲೋಮಶಸ್ಯಾಗಮಸ್ತತ್ರ ಸ್ವರ್ಗಾತ್ಪಾಂಡುಸುತಾನ್ಪ್ರತಿ॥ 1-2-163 (464) ವನವಾಸಗತಾನಾಂ ಚ ಪಾಂಡವಾನಾಂ ಮಹಾತ್ಮನಾಂ। ಸ್ವರ್ಗೇ ಪ್ರವೃತ್ತಿರಾಖ್ಯಾತಾ ಲೋಮಶೇನಾರ್ಜುನಸ್ಯ ವೈ॥ 1-2-164 (465) ಸಂದೇಶಾದರ್ಜುನಸ್ಯಾತ್ರ ತೀರ್ಥಾಭಿಗಮನಕ್ರಿಯಾ। ತೀರ್ಥಾನಾಂ ಚ ಫಲಪ್ರಾಪ್ತಿಃ ಪುಣ್ಯತ್ವಂ ಚಾಪಿ ಕೀರ್ತಿತಂ॥ 1-2-165 (466) ಪುಲಸ್ತ್ಯತೀರ್ಥಯಾತ್ರಾ ಚ ನಾರದೇನ ಮಹರ್ಷಿಣಾ। ತೀರ್ಥಯಾತ್ರಾ ಚ ತತ್ರೈವ ಪಾಂಡವಾನಾಂ ಮಹಾತ್ಮನಾಂ॥ 1-2-166 (467) ತಥಾ ಯಜ್ಞವಿಭೂತಿಶ್ಚ ಗಯಸ್ಯಾತ್ರ ಪ್ರಕೀರ್ತಿತಾ॥ 1-2-167 (468) ಆಗಸ್ತ್ಯಮಪಿ ಚಾಖ್ಯಾನಂ ಯತ್ರ ವಾತಾಪಿಭಕ್ಷಣಂ। ಲೋಪಾಮುದ್ರಾಭಿಪಮನಮಪತ್ಯಾರ್ಥಮೃಷೇಸ್ತಥಾ॥ 1-2-168 (469) ಋಶ್ಯಶೃಂಗಸ್ಯ ಚರಿತಂ ಕೌಮಾರಬ್ರಹ್ಮಚಾರಿಣಃ। ಜಾಮದಗ್ನ್ಯಸ್ಯ ರಾಮಸ್ಯ ಚರಿತಂ ಭೂರಿತೇಜಸಃ॥ 1-2-169 (470) ಕಾರ್ತವೀರ್ಯವಧೋ ಯತ್ರ ಹೈಹಯಾನಾಂ ಚ ವರ್ಣ್ಯತೇ। ಪ್ರಭಾಸತೀರ್ಥೇ ಪಾಂಡೂನಾಂ ವೃಷ್ಣಿಭಿಶ್ಚ ಸಮಾಗಮಃ॥ 1-2-170 (471) ಸೌಕನ್ಯಮಪಿ ಚಾಖ್ಯಾನಂ ಚ್ಯವನೋ ಯತ್ರ ಭಾರ್ಗವಃ। ಶರ್ಯಾತಿಯಜ್ಞೇ ನಾಸತ್ಯೌ ಕೃತವಾನ್ಸೋಮಪೀಥಿನೌ॥ 1-2-171 (472) ತಾಭ್ಯಾಂ ಚ ಯತ್ರ ಸ ಮುನಿರ್ಯೌವನಂ ಪ್ರತಿಪಾದಿತಃ। ಮಾಂಧಾತುಶ್ಚಾಪ್ಯುಪಾಖ್ಯಾನಂ ರಾಜ್ಞೋಽತ್ರೈವಪ್ರಕೀರ್ತಿತಂ॥ 1-2-172 (473) ಜಂತೂಪಾಖ್ಯಾನಮತ್ರೈವ ಯತ್ರ ಪುತ್ರೇಣ ಸೋಮಕಃ। ಪುತ್ರಾರ್ಥಮಯಜದ್ರಾಜಾ ಲೇಭೇ ಪುತ್ರಶತಂ ಚ ಸಃ॥ 1-2-173 (474) ತತಃ ಶ್ಯೇನಕಪೋತೀಯಮುಪಾಖ್ಯಾನಮನುತ್ತಮಂ। ಇಂದ್ರಾಗ್ನೀ ಯತ್ರ ಧರ್ಮಶ್ಚಾಪ್ಯಜಿಜ್ಞಾಸಞ್ಶಿಬಿಂ ನೃಪಂ॥ 1-2-174 (475) ಅಷ್ಟಾವಕ್ರೀಯಮತ್ರೈವ ವಿವಾದೋ ಯತ್ರ ಬಂದಿನಾ। ಅಷ್ಟಾವಕ್ರಸ್ಯ ವಿಪ್ರರ್ಷೇರ್ಜನಕಸ್ಯಾಧ್ವರೇಽಭವತ್॥ 1-2-175 (476) ನೈಯಾಯಿಕಾನಾಂ ಮುಖ್ಯೇನ ವರುಣಸ್ಯಾತ್ಮಜೇನ ಚ। ಪರಾಜಿತೋ ಯತ್ರ ಬಂದೀ ವಿವಾದೇನ ಮಹಾತ್ಮನಾ॥ 1-2-176 (477) ವಿಜಿತ್ಯ ಸಾಗರಂ ಪ್ರಾಪ್ತಂ ಪಿತರಂ ಲಬ್ಧವಾನೃಷಿಃ। ಯವಕ್ರೀತಸ್ಯ ಚಾಖ್ಯಾನಂ ರೈಭ್ಯಸ್ಯ ಚ ಮಹಾತ್ಮನಃ। ಗಂಧಮಾದನಯಾತ್ರಾ ಚ ವಾಸೋ ನಾರಾಯಣಾಶ್ರಮೇ॥ 1-2-177 (478) ನಿಯುಕ್ತೋ ಭೀಮಸೇನಶ್ಚ ದ್ರೌಪದ್ಯಾ ಗಂಧಮಾದನೇ। ವ್ರಜನ್ಪಥಿ ಮಹಾಬಾಹುರ್ದೃಷ್ಟವಾನ್ಪವನಾತ್ಮಜಂ॥ 1-2-178 (479) ಕದಲೀಷಂಡಮಧ್ಯಸ್ಥಂ ಹನೂಮಂತಂ ಮಹಾಬಲಂ। ಯತ್ರ ಮಂದಾರಪುಷ್ಪಾರ್ಥೇ ನಲಿನೀಂ ತಾಮಧರ್ಷಯತ್॥ 1-2-179 (480) ಯತ್ರಾಸ್ಯ ಯುದ್ಧಮಭವತ್ಸುಮಹದ್ರಾಕ್ಷಸೈಃ ಸಹ। ಯಕ್ಷೈಶ್ಚೈವ ಮಹಾವೀರ್ಯೈರ್ಮಣಿಮತ್ಪ್ರಮುಖೈಸ್ತಥಾ॥ 1-2-180 (481) ಜಟಾಸುರಸ್ಯ ಚ ವಧೋ ರಾಕ್ಷಸಸ್ಯ ವೃಕೋದರಾತ್। ವೃಷಪರ್ವಣೋ ರಾಜರ್ಷೇಸ್ತತೋಽಭಿಗಮನಂ ಸ್ಮೃತಂ॥ 1-2-181 (482) ಆರ್ಷ್ಟಿಷೇಣಾಶ್ರಮೇ ಚೈಷಾಂ ಗಮನಂ ವಾಸ ಏವ ಚ। ಪ್ರೋತ್ಸಾಹನಂ ಚ ಪಾಂಚಾಲ್ಯಾ ಭೀಮಸ್ಯಾತ್ರ ಮಹಾತ್ಮನಃ॥ 1-2-182 (483) ಕೈಲಾಸಾರೋಹಣಂ ಪ್ರೋಕ್ತಂ ಯತ್ರ ಯಕ್ಷೈರ್ಬಲೋತ್ಕಟೈಃ। ಯುದ್ಧಮಾಸೀನ್ಮಹಾಘೋರಂ ಮಣಿಮತ್ಪ್ರಮುಖೈಃ ಸಹ॥ 1-2-183 (484) ಸಮಾಗಮಶ್ಚ ಪಾಂಡೂನಾಂ ಯತ್ರ ವೈಶ್ರವಣೇನ ಚ। ಸಮಾಗಮಶ್ಚಾರ್ಜುನಸ್ಯ ತತ್ರೈವ ಭ್ರಾತೃಭಿಃ ಸಹ॥ 1-2-184 (485) ಅವಾಪ್ಯ ದಿವ್ಯಾನ್ಯಸ್ತ್ರಾಣಿ ಗುರ್ವರ್ಥಂ ಸವ್ಯಸಾಚಿನಾ। ನಿವಾತಕವಚೈರ್ಯುದ್ಧಂ ಹಿರಣ್ಯಪುರವಾಸಿಭಿಃ॥ 1-2-185 (486) ನಿವಾತಕವಚೈರ್ಘೋರೈರ್ದಾನವೈಃ ಸುರಶತ್ರುಭಿಃ। ಪೌಲೋಮೈಃ ಕಾಲಕೇಯೈಶ್ಚ ಯತ್ರ ಯುದ್ಧಂ ಕಿರೀಟಿನಃ॥ 1-2-186 (487) ವಧಶ್ಚೈಷಾಂ ಸಮಾಖ್ಯಾತೋ ರಾಜ್ಞಸ್ತೇನೈವ ಧೀಮತಾ। ಅಸ್ತ್ರಸಂದರ್ಶನಾರಂಭೋ ಧರ್ಮರಾಜಸ್ಯ ಸನ್ನಿಧೌ॥ 1-2-187 (488) ಪಾರ್ಥಸ್ಯ ಪ್ರತಿಷೇಧಶ್ಛ ನಾರದೇನ ಸುರರ್ಷಿಣಾ। ಅವರೋಹಣಂ ಪುನಶ್ಚೈವ ಪಾಂಡೂನಾಂ ಗಂಧಮಾದನಾತ್॥ 1-2-188 (489) ಭೀಮಸ್ಯ ಗ್ರಹಣಂ ಚಾತ್ರ ಪರ್ವತಾಭೋಗವರ್ಷ್ಮಣಾ। ಭುಜಗೇಂದ್ರೇಣ ಬಲಿನಾ ತಸ್ಮಿನ್ಸುಗಹನೇ ವನೇ॥ 1-2-189 (490) ಅಮೋಕ್ಷಯದ್ಯತ್ರ ಚೈನಂ ಪ್ರಶ್ನಾನುಕ್ತ್ವಾ ಯುಧಿಷ್ಠಿರಃ। ಕಾಂಯಕಾಗಮನಂ ಚೈವ ಪುನಸ್ತೇಷಾಂ ಮಹಾತ್ಮನಾಂ॥ 1-2-190 (491) ತತ್ರಸ್ಥಾಂಶ್ಚ ಪುನರ್ದ್ರಷ್ಟುಂ ಪಾಂಡವಾನ್ಪರುಷರ್ಷಭಾನ್। ವಾಸುದೇವಸ್ಯಾಗಮನಮತ್ರೈವ ಪರಿಕೀರ್ತಿತಂ॥ 1-2-191 (492) ಮಾರ್ಕಂಡೇಯಸಮಾಸ್ಯಾಯಾಮುಪಾಖ್ಯಾನಾನಿ ಸರ್ವಶಃ। ಪೃಥೋರ್ವೈನ್ಯಸ್ಯ ಯತ್ರೋಕ್ತಮಾಖ್ಯಾನಂ ಪರಮರ್ಷಿಣಾ॥ 1-2-192 (493) ಸಂವಾದಶ್ಚ ಸರಸ್ವತ್ಯಾಸ್ತಾರ್ಕ್ಷ್ಯರ್ಷೇಃ ಸುಮಹಾತ್ಮನಃ। ಮತ್ಸ್ಯೋಪಾಖ್ಯಾನಮತ್ರೈವ ಪ್ರೋಚ್ಯತೇ ತದನಂತರಂ॥ 1-2-193 (494) ಮಾರ್ಕಂಡೇಯಸಮಾಸ್ಯಾ ಚ ಪುರಾಣಂ ಪರಿಕೀರ್ತ್ಯತೇ। ಐಂದ್ರದ್ಯುಂನಾಮುಪಾಖ್ಯಾನಂ ತಥೈವಾಂಗಿರಸಂ ಸ್ಮೃತಂ॥ 1-2-194 (495) ಪತಿವ್ರತಾಯಾಶ್ಚಾಖ್ಯಾನಂ ತಥೈವಾಂಗಿರಸಂ ಸ್ಮೃತಂ। ದ್ರೌಪದ್ಯಾಃ ಕೀರ್ತಿತಶ್ಚಾತ್ರ ಸಂವಾದಃ ಸತ್ಯಭಾಮಯಾ॥ 1-2-195 (496) ಪುನರ್ದ್ವೈತವನಂ ಚೈವ ಪಾಂಡವಾಃ ಸಮುಪಾಗತಾಃ। ಘೋಷಯಾತ್ರಾ ಚ ಗಂಧರ್ವೈರ್ಯತ್ರ ಬದ್ಧಃ ಸುಯೋಧನಃ॥ 1-2-196 (497) ಹ್ರಿಯಮಾಣಸ್ತು ಮಂದಾತ್ಮಾ ಮೋಕ್ಷಿತೋಽಸೌ ಕಿರೀಟಿನಾ। ಧರ್ಮರಾಜಸ್ಯ ಚಾತ್ರೈವ ಮೃಗಸ್ವಪ್ನನಿದರ್ಶನಾತ್॥ 1-2-197 (498) ಕಾಂಯಕೇ ಕಾನನಶ್ರೇಷ್ಠೇ ಪುನರ್ಗಮನಮುಚ್ಯತೇ। ವ್ರೀಹಿದ್ರೌಣಿಕಮಾಖ್ಯಾನಮತ್ರೈವ ಬಹುವಿಸ್ತರಂ॥ 1-2-198 (499) ದುರ್ವಾಸಸೋಽಪ್ಯುಪಾಖ್ಯಾನಮತ್ರೈವ ಪರಿಕೀರ್ತಿತಂ। ಜಯದ್ರಥೇನಾಪಹಾರೋ ದ್ರೌಪದ್ಯಾಶ್ಚಾಶ್ರಮಾಂತರಾತ್॥ 1-2-199 (500) ಯತ್ರೈನಮನ್ವಯಾದ್ಭೀಮೋ ವಾಯುವೇಗಸಮೋ ಜವೇ। ಚಕ್ರೇ ಚೈನಂ ಪಂಚಶಿಖಂ ಯತ್ರ ಭೀಮೋ ಮಹಾಬಲಃ॥ 1-2-200 (501) ರಾಮಾಯಣಮುಪಾಖ್ಯಾನಮತ್ರೈವ ಬಹುವಿಸ್ತರಂ। ಯತ್ರ ರಾಮೇಣ ವಿಕ್ರಂಯ ನಿಹತೋ ರಾವಣೋ ಯುಧಿ॥ 1-2-201 (502) ಸಾವಿತ್ರ್ಯಾಶ್ಚಾಪ್ಯುಪಾಖ್ಯಾನಮತ್ರೈವ ಪರಿಕೀರ್ತಿತಂ। ಕರ್ಣಸ್ಯ ಪರಿಮೋಕ್ಷೋಽತ್ರ ಕುಂಡಲಾಭ್ಯಾಂ ಪುರಂದರಾತ್॥ 1-2-202 (503) ಯತ್ರಾಸ್ಯ ಶಕ್ತಿಂ ತುಷ್ಟೋಽಸಾವದಾದೇಕವಧಾಯ ಚ। ಆರಣೇಯಮುಪಾಖ್ಯಾನಂ ಯತ್ರ ಧರ್ಮೋಽನ್ವಶಾತ್ಸುತಂ॥ 1-2-203 (504) ಜಗ್ಮುರ್ಲಬ್ಧವರಾ ಯತ್ರ ಪಾಂಡವಾಃ ಪಶ್ಚಿಮಾಂ ದಿಶಂ। ಏತದಾರಣ್ಯಕಂ ಪರ್ವ ತೃತೀಯಂ ಪರಿಕೀರ್ತಿತಂ॥ 1-2-204 (505) ಅತ್ರಾಧ್ಯಾಯಶತೇ ದ್ವೇ ತು ಸಂಖ್ಯಯಾ ಪರಿಕೀರ್ತಿತೇ। ಏಕೋನಸಪ್ತತಿಶ್ಚೈವ ತಥಾಽಧ್ಯಾಯಾಃ ಪ್ರಕೀರ್ತಿತಾಃ॥ 1-2-205 (506) ಏಕಾದಶ ಸಹಸ್ರಾಣಿ ಶ್ಲೋಕಾನಾಂ ಷಟ್ ಶತಾನಿ ಚ। ಚತುಃಷಷ್ಟಿಸ್ತಥಾ ಶ್ಲೋಕಾಃ ಪರ್ವಣ್ಯಸ್ಮಿನ್ಪ್ರಕೀರ್ತಿತಾಃ॥ 1-2-206 (507) ಅತಃ ಪರಂ ನಿಬೋಧೇದಂ ವೈರಾಟಂ ಪರ್ವ ವಿಸ್ತರಂ। ವಿರಾಟನಗರೇ ಗತ್ವಾ ಶ್ಮಶಾನೇ ವಿಪುಲಾಂ ಶಮೀಂ॥ 1-2-207 (508) ದೃಷ್ಟ್ವಾ ಸಂನಿದಧುಸ್ತತ್ರ ಪಾಂಡವಾ ಹ್ಯಾಯುಧಾನ್ಯುತ। ಯತ್ರ ಪ್ರವಿಶ್ಯ ನಗರಂ ಛದ್ಮನಾ ನ್ಯವಸಂಸ್ತು ತೇ॥ 1-2-208 (509) ಪಾಂಚಾಲೀಂ ಪ್ರಾರ್ಥಯಾನಸ್ಯ ಕಾಮೋಪಹತಚೇತಸಃ। ದುಷ್ಟಾತ್ಮನೋ ವಧೋ ಯತ್ರ ಕೀಚಕಸ್ಯ ವೃಕೋದರಾತ್॥ 1-2-209 (510) ಪಾಂಡವಾನ್ವೇಷಣಾರ್ಥಂ ಚ ರಾಜ್ಞೋ ದುರ್ಯೋಧನಸ್ಯ ಚ। ಚಾರಾಃ ಪ್ರಸ್ಥಾಪಿತಾಶ್ಚಾತ್ರ ನಿಪುಣಾಃ ಸರ್ವತೋದಿಶಂ॥ 1-2-210 (511) ನ ಚ ಪ್ರವೃತ್ತಿಸ್ತೈರ್ಲಬ್ಧಾ ಪಾಂಡವಾನಾಂ ಮಹಾತ್ಮನಾಂ। ಗೋಗ್ರಹಶ್ಚ ವಿರಾಟಸ್ಯ ತ್ರಿಗರ್ತೈಃ ಪ್ರಥಮಂ ಕೃತಃ॥ 1-2-211 (512) ಯತ್ರಾಸ್ಯ ಯುದ್ಧಂ ಸುಮಹತ್ತೈರಾಸೀಲ್ಲೋಮಹರ್ಷಣಂ। ಹ್ರಿಯಮಾಣಶ್ಚ ಯತ್ರಾಸೌ ಭೀಮಸೇನೇನ ಮೋಕ್ಷಿತಃ॥ 1-2-212 (513) ಗೋಧನಂ ಚ ವಿರಾಟಸ್ಯ ಮೋಕ್ಷಿತಂ ಯತ್ರ ಪಾಂಡವೈಃ। ಅನಂತರಂ ಚ ಕುರುಭಿಸ್ತಸ್ಯ ಗೋಗ್ರಹಣಂ ಕೃತಂ॥ 1-2-213 (514) ಸಮಸ್ತಾ ಯತ್ರ ಪಾರ್ಥೇನ ನಿರ್ಜಿತಾಃ ಕುರವೋ ಯುಧಿ। ಪ್ರತ್ಯಾಹೃತಂ ಗೋಧನಂ ಚ ವಿಕ್ರಮೇಣ ಕಿರೀಟಿನಾ॥ 1-2-214 (515) ವಿರಾಟೇನೋತ್ತರಾ ದತ್ತಾ ಸ್ನುಷಾ ಯತ್ರ ಕಿರೀಟಿನಃ। ಅಭಿಮನ್ಯುಂ ಸಮುದ್ದಿಶ್ಯ ಸೌಭದ್ರಮರಿಘಾತಿನಂ॥ 1-2-215 (516) ಚತುರ್ಥಮೇತದ್ವಿಪುಲಂ ವೈರಾಟಂ ಪರ್ವ ವರ್ಣಿತಂ। ಅತ್ರಾಪಿ ಪರಿಸಂಖ್ಯಾತಾ ಅಧ್ಯಾಯಾಃ ಪರಮರ್ಷಿಣಾ॥ 1-2-216 (517) ಸಪ್ತಷಷ್ಟಿರಥೋ ಪೂರ್ಣಾಃ ಶ್ಲೋಕಾನಾಮಪಿ ಮೇ ಶೃಣು। ಶ್ಲೋಕಾನಾಂ ದ್ವೇ ಸಹಸ್ರೇ ತು ಶ್ಲೋಕಾಃ ಪಂಚಾಶದೇವ ತು॥ 1-2-217 (518) ಉಕ್ತಾನಿ ವೇದವಿದುಷಾ ಪರ್ವಣ್ಯಸ್ಮಿನ್ಮಹರ್ಷಿಣಾ। ಉದ್ಯೋಗಪರ್ವ ವಿಜ್ಞೇಯಂ ಪಂಚಮಂ ಶೃಣ್ವತಃ ಪರಂ॥ 1-2-218 (519) ಉಪಪ್ಲಾವ್ಯೇ ನಿವಿಷ್ಟೇಷು ಪಾಂಡವೇಷು ಜಿಗೀಷಯಾ। ದುರ್ಯೋಧನೋಽರ್ಜುನಶ್ಚೈವ ವಾಸುದೇವಮುಪಸ್ಥಿತೌ॥ 1-2-219 (520) ಸಾಹಾಯ್ಯಮಸ್ಮಿನ್ಸಮರೇ ಭವಾನ್ನೌ ಕರ್ತುಮರ್ಹತಿ। ಇತ್ಯುಕ್ತೇ ವಚನೇ ಕೃಷ್ಣೋ ಯತ್ರೋವಾಚ ಮಹಾಮತಿಃ॥ 1-2-220 (521) ಅಯುಧ್ಯಮಾನಮಾತ್ಮಾನಂ ಮಂತ್ರಿಣಂ ಪುರುಷರ್ಷಭೌ। ಅಕ್ಷೌಹಿಣೀಂ ವಾ ಸೈನ್ಯಸ್ಯ ಕಸ್ಯ ಕಿಂ ವಾ ದದಾಂಯಹಂ॥ 1-2-221 (522) ವವ್ರೇ ದುರ್ಯೋಧನಃ ಸೈನ್ಯಂ ಮಂದಾತ್ಮಾ ಯತ್ರ ದುರ್ಮತಿಃ। ಅಯುಧ್ಯಭಾನಂ ಸಚಿವಂ ವವ್ರೇ ಕೃಷ್ಮಂ ಧನಂಜಯಃ॥ 1-2-222 (523) ಮದ್ರರಾಜಂ ವ ರಾಜಾನಮಾಯಾಂತಂ ಪಾಂಡವಾನ್ಪ್ರತಿ। ಉಪಹಾರೈರ್ವಂಚಾಯತ್ವಾ ವರ್ತ್ಮನ್ಯೇವ ಸುಯೋಧನಃ॥ 1-2-223 (524) ವರದಂ ತಂ ವರಂ ವವ್ರೇ ಸಾಹಾಯ್ಯಂ ಕ್ರಿಯತಾಂ ಮಮ। ಶಲ್ಯಸ್ತಸ್ಮೈ ಪ್ರತಿಶ್ರುತ್ಯ ಜಗಾಮೋದ್ದಿಶ್ಯ ಪಾಂಡವಾನ್॥ 1-2-224 (525) ಶಾಂತಿಪೂರ್ವಂ ಚಾಕಥಯದ್ಯತ್ರೇಂದ್ರವಿಜಯಂ ನೃಪಃ। ಪುರೋಹಿತಪ್ರೇಷಣಂ ಚ ಪಾಂಡವೈಃ ಕೌರವಾನ್ಪ್ರತಿ॥ 1-2-225 (526) ವೈಚಿತ್ರವೀರ್ಯಸ್ಯ ವಚಃ ಸಮಾದಾಯ ಪುರೋಧಸಃ। ತಥೇಂದ್ರವಿಜಯಂ ಚಾಪಿ ಯಾನಂ ಚೈವ ಪುರೋಧಸಃ॥ 1-2-226 (527) ಸಂಜಯಂ ಪ್ರೇಷಯಾಮಾಸ ಶಮಾರ್ಥೀ ಪಾಂಡವಾನ್ಪ್ರತಿ। ಯತ್ರ ದೂತಂ ಮಹಾರಾಜೋ ಧೃತರಾಷ್ಟ್ರಃ ಪ್ರತಾಪವಾನ್॥ 1-2-227 (528) ಶ್ರುತ್ವಾ ಚ ಪಾಂಡವಾನ್ಯತ್ರ ವಾಸುದೇವಪುರೋಗಮಾನ್। ಪ್ರಜಾಗರಃ ಸಂಪ್ರಜಜ್ಞೇ ಧೃತರಾಷ್ಟ್ರಸ್ಯ ಚಿಂತಯಾ॥ 1-2-228 (529) ವಿದುರೋ ಯತ್ರ ವಾಕ್ಯಾನಿ ವಿಚಿತ್ರಾಣಿ ಹಿತಾನಿ ಚ। ಶ್ರಾವಯಾಮಾಸ ರಾಜಾನಂ ಧೃತರಾಷ್ಟ್ರಂ ಮನೀಷಿಣಂ॥ 1-2-229 (530) ತಥಾ ಸನತ್ಸುಜಾತೇನ ಯತ್ರಾಧ್ಯಾತ್ಮಮನುತ್ತಮಂ। ಮನಸ್ತಾಪಾನ್ವಿತೋ ರಾಜಾ ಶ್ರಾವಿತಃ ಶೋಕಲಾಲಸಃ॥ 1-2-230 (531) ಪ್ರಭಾತೇ ರಾಜಸಮಿತೌ ಸಂಜಯೋ ಯತ್ರ ವಾ ವಿಭೋ। ಐಕಾತ್ಂಯಂ ವಾಸುದೇವಸ್ಯ ಪ್ರೋಕ್ತವಾನರ್ಜುನಸ್ಯ ಚ॥ 1-2-231 (532) ಯತ್ರ ಕೃಷ್ಣೋ ದಯಾಪನ್ನಃ ಸಂಧಿಮಿಚ್ಛನ್ಮಹಾಮತಿಃ। ಸ್ವಯಮಾಗಾಚ್ಛಣಂ ಕರ್ತುಂ ನಗರಂ ನಾಗಸಾಹ್ವಯಂ॥ 1-2-232 (533) ಪ್ರತ್ಯಾಖ್ಯಾನಂ ಚ ಕೃಷ್ಣಸ್ಯ ರಾಜ್ಞಾ ದುರ್ಯೋಧನೇನ ವೈ। ಶಮಾರ್ಥೇ ಯಾಚಮಾನಸ್ಯ ಪಕ್ಷಯೋರುಭಯೋರ್ಹಿತಂ॥ 1-2-233 (534) ದಂಭೋದ್ಭವಸ್ಯ ಚಾಖ್ಯಾನಮತ್ರೈವ ಪರಿಕೀರ್ತಿತಂ। ವರಾನ್ವೇಷಣಮತ್ರೈವ ಮಾತಲೇಶ್ಚ ಮಹಾತ್ಮನಃ॥ 1-2-234 (535) ಮಹರ್ಷೇಶ್ಚಾಪಿ ಚರಿತಂ ಕಥಿತಂ ಗಾಲವಸ್ಯ ವೈ। ವಿದುಲಾಯಾಶ್ಚ ಪುತ್ರಸ್ಯ ಪ್ರೋಕ್ತಂ ಚಾಪ್ಯನುಶಾಸನಂ॥ 1-2-235 (536) ಕರ್ಣದುರ್ಯೋಧನಾದೀನಾಂ ದುಷ್ಟಂ ವಿಜ್ಞಾಯ ಮಂತ್ರಿತಂ। ಯೋಗೇಶ್ವರತ್ಪಂ ಕೃಷ್ಣೇನ ಯತ್ರ ರಾಜ್ಞಾಂ ಪ್ರದರ್ಶಿತಂ॥ 1-2-236 (537) ರಥಮಾರೋಪ್ಯ ಕೃಷ್ಣೇನ ಯತ್ರ ಕರ್ಣೋಽನುಮಂತ್ರಿತಃ। ಉಪಾಯಪೂರ್ವಂ ಶೌಟೀರ್ಯಾತ್ಪ್ರತ್ಯಾಖ್ಯಾತಶ್ಚ ತೇನ ಸಃ॥ 1-2-237 (538) ಆಗಂಯ ಹಾಸ್ತಿನಪುರಾದುಪಪ್ಲಾವ್ಯಮರಿಂದಮಃ। ಪಾಂಡವಾನಾಂ ಯಥಾವೃತ್ತಂ ಸರ್ವಮಾಖ್ಯಾತವಾನ್ಹರಿಃ॥ 1-2-238 (539) ತೇ ತಸ್ಯ ವಚನಂ ಶ್ರುತ್ವಾ ಮಂತ್ರಯಿತ್ವಾ ಚ ಯದ್ಧಿತಂ। ಸಾಂಗ್ರಾಮಿಕಂ ತತಃ ಸರ್ವಂ ಸಂಜಂ ಚಕ್ರುಃ ಪರಂತಪಾಃ॥ 1-2-239 (540) ತತೋ ಯುದ್ಧಾಯ ನಿರ್ಯಾತಾ ನರಾಶ್ವರಥದಂತಿನಃ। ನಗರಾದ್ಧಾಸ್ತಿನಪುರಾದ್ವಲಸಂಖ್ಯಾನಮೇವಚ॥ 1-2-240 (541) ಯತ್ರ ರಾಜ್ಞಾ ಹ್ಯುಲೂಕಸ್ಯ ಪ್ರೇಷಣಂ ಪಾಂಡವಾನ್ಪ್ರತಿ। ಶ್ವೋಭಾವಿನಿ ಮಹಾಯುದ್ಧೇ ದೌತ್ಯೇನ ಕೃತವಾನ್ಪ್ರಭುಃ॥ 1-2-241 (542) ರಥಾತಿರಥಸಂಖ್ಯಾನಮಂಬೋಪಾಖ್ಯಾನಮೇವ ಚ। ಏತತ್ಸುಬಹುವೃತ್ತಾಂತಂ ಪಂಚಮಂ ಪರ್ವ ಭಾರತೇ॥ 1-2-242 (543) ಉದ್ಯೋಗಪರ್ವ ನಿರ್ದಿಷ್ಟಂ ಸಂಧಿವಿಗ್ರಹಮಿಶ್ರಿತಂ। ಅಧ್ಯಾಯಾನಾಂ ಶತಂ ಪ್ರೋಕ್ತಂ ಷಡಶೀತಿರ್ಮಹರ್ಷಿಣಾ॥ 1-2-243 (544) ಶ್ಲೋಕಾನಾಂ ಷಟ್ ಸಹಸ್ರಾಣಿ ತಾವಂತ್ಯೇವ ಶತಾನಿ ಚ। ಶ್ಲೋಕಾಶ್ಚ ನವತಿಃ ಪ್ರೋಕ್ತಾಸ್ತಥೈವಾಷ್ಟೌ ಮಹಾತ್ಮನಾ॥ 1-2-244 (545) ವ್ಯಾಸೇನೋದಾರಮತಿನಾ ಪರ್ವಣ್ಯಸ್ಮಿಂಸ್ತಪೋಧನಾಃ। ಅತಃ ಪರಂ ವಿಚಿತ್ರಾರ್ಥಂ ಭೀಷ್ಮಪರ್ವ ಪ್ರಚಕ್ಷತೇ॥ 1-2-245 (546) ಜಂಬೂಖಂಡವಿನಿರ್ಮಾಣಂ ಯತ್ರೋಕ್ತಂ ಸಂಜಯೇನ ಹ। ಯತ್ರ ಯೌಧಿಷ್ಠಿರಂ ಸೈನ್ಯಂ ವಿಷಾದಮಗಮತ್ಪರಂ॥ 1-2-246 (547) ಯತ್ರ ಯುದ್ಧಮಭೂದ್ಧೋರಂ ದಸಾಹಾನಿ ಸುದಾರುಣಂ। ಕಶ್ಮಲಂ ಯತ್ರ ಪಾರ್ಥಸ್ಯ ವಾಸುದೇವೋ ಮಹಾಮತಿಃ॥ 1-2-247 (548) ಮೋಹಜಂ ನಾಶಯಾಮಾಸ ಹೇತುಭಿರ್ಮೋಕ್ಷದರ್ಶಿಭಿಃ। ಸಮೀಕ್ಷ್ಯಾದೋಕ್ಷಜಃ ಕ್ಷಿಪ್ರಂ ಯುಧಿಷ್ಠಿರಹಿತೇ ರತಃ॥ 1-2-248 (549) ರಥಾದಾಪ್ಲುತ್ಯ ವೇಗೇನ ಸ್ವಯಂ ಕೃಷ್ಣ ಉದಾರಧೀಃ। ಪ್ರತೋದಪಾಣಿರಾಧಾವದ್ಭೀಷ್ಮಂ ಹಂತುಂ ವ್ಯಪೇತಭೀಃ॥ 1-2-249 (550) ವಾಕ್ಯಪ್ರತೋದಾಭಿಹತೋ ಯತ್ರ ಕೃಷ್ಣೇನ ಪಾಂಡವಃ। ಗಾಂಡೀವಧನ್ವಾ ಸಮರೇ ಸರ್ವಶಸ್ತ್ರಭೃತಾಂ ವರಃ॥ 1-2-250 (551) ಶಿಖಂಡಿನಂ ಪುರಸ್ಕೃತ್ಯ ಯತ್ರ ಪಾರ್ಥೋ ಮಹಾಧನುಃ। ವಿನಿಘ್ನನ್ನಿಶಿತೈರ್ಬಾಣೈ ರಥಾದ್ಭೀಷ್ಮಮಪಾತಯತ್॥ 1-2-251 (552) ಶರತಲ್ಪಗತಶ್ಚೈವ ಭೀಷ್ಮೋ ಯತ್ರ ಬಭೂವ ಹ। ಷಷ್ಠಮೇತತ್ಸಮಾಖ್ಯಾತಂ ಭಾರತೇ ಪರ್ವ ವಿಸ್ತೃತಂ॥ 1-2-252 (553) ಅಧ್ಯಾಯಾನಾಂ ಶತಂ ಪ್ರೋಕ್ತಂ ತಥಾ ಸಪ್ತದಶಾಪರೇ। ಪಂಚ ಶ್ಲೋಕಸಹಸ್ರಾಣಿ ಸಂಖ್ಯಯಾಷ್ಟೌ ಶತಾನಿ ಚ॥ 1-2-253 (554) ಶ್ಲೋಕಾಶ್ಚ ಚತುರಾಶೀತಿರಸ್ಮಿನ್ಪರ್ವಣಿ ಕೀರ್ತಿತಾಃ। ವ್ಯಾಸೇನ ವೇದವಿದುಷಾ ಸಂಖ್ಯಾತಾ ಭೀಷ್ಮಪರ್ವಣಿ॥ 1-2-254 (555) ದ್ರೋಣಪರ್ವ ತತಶ್ಚಿತ್ರಂ ಬಹುವೃತ್ತಾಂತಮುಚ್ಯತೇ। ಸೈನಾಪತ್ಯೇಽಭಿಷಿಕ್ತೋಽಥ ಯತ್ರಾಚಾರ್ಯಃ ಪ್ರತಾಪವಾನ್॥ 1-2-255 (556) ದುರ್ಯೋಧನಸ್ಯ ಪ್ರೀತ್ಯರ್ಥಂ ಪ್ರತಿಜಜ್ಞೇ ಮಹಾಸ್ತ್ರವಿತ್। ಗ್ರಹಣಂ ಧರ್ಮರಾಜಸ್ಯ ಪಾಂಡುಪುತ್ರಸ್ಯ ಧೀಮತಃ॥ 1-2-256 (557) ಯತ್ರ ಸಂಶಪ್ತಕಾಃ ಪಾರ್ಥಮಪನಿನ್ಯೂ ರಣಾಜಿರಾತ್। ಭಗದತ್ತೋ ಮಹಾರಾಜೋ ಯತ್ರ ಶಕ್ರಸಮೋ ಯುಧಿ॥ 1-2-257 (558) ಸುಪ್ರತೀಕೇನ ನಾಗೇನ ಸ ಹಿ ಶಾಂತಃ ಕಿರೀಟಿನಾ। ಯತ್ರಾಭಿಮನ್ಯುಂ ಬಹವೋ ಜಘ್ನುರೇಕಂ ಮಹಾರಥಾಃ॥ 1-2-258 (559) ಜಯದ್ರಥಮುಖಾ ಬಾಲಂ ಶೂರಮಪ್ರಾಪ್ತಯೌವನಂ। ಹತೇಽಭಿಮನ್ಯೌ ಕ್ರುದ್ಧೇನ ಯತ್ರ ಪಾರ್ಥೇನ ಸಂಯುಗೇ॥ 1-2-259 (560) ಅಕ್ಷೌಹಿಣೀಃ ಸಪ್ತ ಹತ್ವಾ ಹತೋ ರಾಜಾ ಜಯದ್ರಥಃ। ಯತ್ರ ಭೀಮೋ ಮಹಾಬಾಹುಃ ಸಾತ್ಯಕಿಶ್ಚ ಮಹಾರಥಃ॥ 1-2-260 (561) ಅನ್ವೇಷಣಾರ್ಥಂ ಪಾರ್ಥಸ್ಯ ಯುಧಿಷ್ಠಿರನೃಪಾಜ್ಞಯಾ। ಪ್ರವಿಷ್ಟೌ ಭಾರತೀಂ ಸೇನಾಮಪ್ರಧೃಷ್ಯಾಂ ಸುರೈರಪಿ॥ 1-2-261 (562) ಸಂಶಪ್ತಕಾವಶೇಷಂ ಚ ಕೃತಂ ನಿಃಶೇಷಮಾಹವೇ। ಸಂಶಪ್ತಕಾನಾಂ ವೀರಾಣಾಂ ಕೋಟ್ಯೋ ನವ ಮಹಾತ್ಮನಾಂ॥ 1-2-262 (563) ಕಿರೀಟಿನಾಭಿನಿಷ್ಕ್ರಂಯ ಪ್ರಾಪಿತಾ ಯಮಸಾದನಂ। ಧೃತರಾಷ್ಟ್ರಸ್ಯ ಪುತ್ರಾಶ್ಚ ತಥಾ ಪಾಷಾಣಯೋಧಿನಃ॥ 1-2-263 (564) ನಾರಾಯಣಾಶ್ಚ ಗೋಪಾಲಾಃ ಸಮರೇ ಚಿತ್ರಯೋಧಿನಃ। ಅಲಂಬುಷಃ ಶ್ರುತಾಯುಶ್ಚ ಜಲಸಂಧಶ್ಚ ವೀರ್ಯವಾನ್॥ 1-2-264 (565) ಸೌಮದತ್ತಿರ್ವಿರಾಟಶ್ಚ ದ್ರುಪದಶ್ಚ ಮಹಾರಥಃ। ಘಟೋತ್ಕಚಾದಯಶ್ಚಾನ್ಯೇ ನಿಹತಾ ದ್ರೋಣಪರ್ವಣಿ॥ 1-2-265 (566) ಅಶ್ವತ್ಥಾಮಾಪಿ ಚಾತ್ರೈವ ದ್ರೋಣೇ ಯುಧಿ ನಿಪಾತಿತೇ। ಅಸ್ತ್ರಂ ಪ್ರಾದುಶ್ಚಕಾರೋಗ್ರಂ ನಾರಾಯಣಮಮರ್ಷಿತಃ॥ 1-2-266 (567) ಆಗ್ನೇಯಂ ಕೀರ್ತ್ಯತೇ ಯತ್ರ ರುದ್ರಮಾಹಾತ್ಂಯಮುತ್ತಮಂ। ವ್ಯಾಸಸ್ಯ ಚಾಪ್ಯಾಗಮನಂ ಮಾಹಾತ್ಂಯಂ ಕೃಷ್ಣಪಾರ್ಥಯೋಃ॥ 1-2-267 (568) ಸಪ್ತಮಂ ಭಾರತೇ ಪರ್ವ ಮಹದೇತದುದಾಹೃತಂ। ಯತ್ರ ತೇ ಪೃಥಿವೀಪಾಲಾಃ ಪ್ರಾಯಶೋ ನಿಧನಂ ಗತಾಃ॥ 1-2-268 (569) ದ್ರೋಣಪರ್ವಣಿ ಯೇ ಶಊರಾ ನಿರ್ದಿಷ್ಟಾಃ ಪುರುಷರ್ಷಭಾಃ। ಅತ್ರಾಧ್ಯಾಯಶತಂ ಪ್ರೋಕ್ತಂ ತಥಾಧ್ಯಾಯಾಶ್ಚ ಸಪ್ತತಿಃ॥ 1-2-269 (570) ಅಷ್ಟೌ ಶ್ಲೋಕಸಹಸ್ರಾಣಿ ತಥಾ ನವ ಶತಾನಿ ಚ। ಶ್ಲೋಕಾ ನವ ತಥೈವಾತ್ರ ಸಂಖ್ಯಾತಾಸ್ತತ್ತ್ವದರ್ಶಿನಾ॥ 1-2-270 (571) ಪಾರಾಶರ್ಯೇಣ ಮುನಿನಾಂ ಸಂಚಿಂತ್ಯ ದ್ರೋಣಪರ್ವಣಿ। ಅತಃ ಪರಂ ಕರ್ಣಪರ್ವ ಪ್ರೋಚ್ಯತೇ ಪರಮಾದ್ಭುತಂ॥ 1-2-271 (572) ಸಾರಥ್ಯೇ ವಿನಿಯೋಗಶ್ಚ ಮದ್ರರಾಜಸ್ಯ ಧೀಮತಃ। ಆಖ್ಯಾತಂ ಯತ್ರ ಪೌರಾಮಂ ತ್ರಿಪುರಸ್ಯ ನಿಪಾತನಂ॥ 1-2-272 (573) ಪ್ರಯಾಣೇ ಪರುಷಶ್ಚಾತ್ರ ಸಂವಾದಃ ಕರ್ಣಶಲ್ಯಯೋಃ। ಹಂಸಕಾಕೀಯಮಾಖ್ಯಾನಂ ತತ್ರೈವಾಕ್ಷೇಪಸಂಹಿತಂ॥ 1-2-273 (574) ವಧಃ ಪಾಂಡ್ಯಸ್ಯ ಚ ತಥಾ ಅಶ್ವತ್ಥಾಂನಾ ಮಹಾತ್ಮನಾ। ದಂಡಸೇನಸ್ಯ ಚ ತತೋ ದಂಡಸ್ಯ ಚ ವಧಸ್ತಥಾ॥ 1-2-274 (575) ದ್ವೈರಥೇ ಯತ್ರ ಕರ್ಣೇನ ಧರ್ಮರಾಜೋ ಯುಧಿಷ್ಠಿರಃ। ಸಂಶಯಂ ಗಮಿತೋ ಯುದ್ಧೇ ಮಿಷತಾಂ ಸರ್ವಧನ್ವಿನಾಂ॥ 1-2-275 (576) ಅನ್ಯೋನ್ಯಂ ಪ್ರತಿ ಚ ಕ್ರೋಧೋ ಯುಧಿಷ್ಠಿರಕಿರೀಟಿನೋಃ। ಯತ್ರೈವಾನುನಯಃ ಪ್ರೋಕ್ತೋ ಮಾಧವೇನಾರ್ಜುನಸ್ಯ ಹಿ॥ 1-2-276 (577) ಪ್ರತಿಜ್ಞಾಪೂರ್ವಕಂ ಚಾಪಿ ವಕ್ಷೋ ದುಃಶಾಸನಸ್ಯ ಚ। ಭಿತ್ತ್ವಾ ವೃಕೋದರೋ ರಕ್ತಂ ಪೀತವಾನ್ಯತ್ರ ಸಂಯುಗೇ॥ 1-2-277 (578) ದ್ವೈರಥೇ ಯತ್ರ ಪಾರ್ಥೇನ ಹತಃ ಕರ್ಣೋ ಮಹಾರಥಃ। ಅಷ್ಟಮಂ ಪರ್ವ ನಿರ್ದಿಷ್ಟಮೇತದ್ಭಾರತಚಿಂತಕೈಃ॥ 1-2-278 (579) ಏಕೋನಸಪ್ತತಿಃ ಪ್ರೋಕ್ತಾ ಅಧ್ಯಾಯಾಃ ಕರ್ಣಪರ್ವಣಿ। ಚತ್ವಾರ್ಯೇವ ಸಹಸ್ರಾಣಿ ನವ ಶ್ಲೋಕಶತಾನಿ ಚ॥ 1-2-279 (580) ಚತುಃಷಷ್ಟಿಸ್ತಥಾ ಶ್ಲೋಕಾಃ ಪರ್ವಣ್ಯಸ್ಮಿನ್ಪ್ರಕೀರ್ತಿತಾಃ। ಅತಃ ಪರಂ ವಿಚಿತ್ರಾರ್ಥಂ ಶಲ್ಯಪರ್ವ ಪ್ರಕೀರ್ತಿತಂ॥ 1-2-280 (581) ಹತಪ್ರವೀರೇ ಸೈನ್ಯೇ ತು ನೇತಾ ಮದ್ರೇಶ್ವರೋಽಭವತ್। ಯತ್ರ ಕೌಮಾರಮಾಖ್ಯಾನಮಭಿಷೇಕಸ್ಯ ಕರ್ಮ ಚ॥ 1-2-281 (582) ವೃತ್ತಾನಿ ಚಾಥ ಯುದ್ಧಾನಿ ಕೀರ್ತ್ಯಂತೇ ಯತ್ರ ಭಾಗಶಃ। ವಿನಾಶಃ ಕುರುಮುಖ್ಯಾನಾಂ ಶಲ್ಯಪರ್ವಣಿ ಕೀರ್ತ್ಯತೇ॥ 1-2-282 (583) ಶಲ್ಯಸ್ಯ ನಿಧನಂ ಚಾತ್ರ ಧರ್ಮರಾಜಾನ್ಮಹಾತ್ಮನಃ। ಶಕುನೇಶ್ಚ ವಧೋಽತ್ರೈವ ಸಹದೇವೇನ ಸಂಯುಗೇ॥ 1-2-283 (584) ಸೈನ್ಯೇ ಚ ಹತಭೂಯಿಷ್ಠೇ ಕಿಂಚಿಚ್ಛಿಷ್ಟೇ ಸುಯೋಧನಃ। ಹ್ರದಂ ಪ್ರವಿಶ್ಯ ಯತ್ರಾಸೌ ಸಂಸ್ತಭ್ಯಾಪೋವ್ಯವಸ್ಥಿತಃ॥ 1-2-284 (585) ಪ್ರವೃತ್ತಿಸ್ತತ್ರ ಚಾಖ್ಯಾತಾ ಯತ್ರ ಭೀಮಸ್ಯ ಲುಬ್ಧಕೈಃ। ಕ್ಷೇಪಯುಕ್ತೈರ್ವಚೋಭಿಶ್ಚ ಧರ್ಮರಾಜಸ್ಯ ಧೀಮತಃ॥ 1-2-285 (586) ಹ್ರದಾತ್ಸಮುತ್ಥಿತೋ ಯತ್ರ ಧಾರ್ತರಾಷ್ಟ್ರೋಽತ್ಯಮರ್ಷಣಃ। ಭೀಮೇನ ಗದಯಾ ಯುದ್ಧಂ ಯತ್ರಾಸೌ ಕೃತವಾನ್ಸಹ॥ 1-2-286 (587) ಸಮವಾಯೇ ಚ ಯುದ್ಧಸ್ಯ ರಾಮಸ್ಯಾಗಮನಂ ಸ್ಮೃತಂ। ಸರಸ್ವತ್ಯಾಶ್ಚ ತೀರ್ಥಾನಾಂ ಪುಣ್ಯತಾ ಪರಿಕೀರ್ತಿತಾ॥ 1-2-287 (588) ಗದಾಯುದ್ಧಂ ಚ ತುಮುಲಮತ್ರೈವ ಪರಿಕೀರ್ತಿತಂ। ದುರ್ಯೋಧನಸ್ಯ ರಾಜ್ಞೋಽಥ ಯತ್ರ ಭೀಮೇನ ಸಂಯುಗೇ॥ 1-2-288 (589) ಊರೂ ಭಗ್ನೌ ಪ್ರಸಹ್ಯಾಜೌ ಗದಯಾ ಭೀಮವೇಗಯಾ। ನವಮಂ ಪರ್ವ ನಿರ್ದಿಷ್ಟಮೇತದದ್ಭುತಮರ್ಥವತ್॥ 1-2-289 (590) ಏಕೋನಪಷ್ಟಿರಧ್ಯಾಯಾಃ ಪರ್ವಣ್ಯತ್ರ ಪ್ರಕೀರ್ತಿತಾಃ। ಸಂಖ್ಯಾತಾ ಬಹುವೃತ್ತಾಂತಾಃ ಶ್ಲೋಕಸಂಖ್ಯಾಽತ್ರ ಕಥ್ಯತೇ॥ 1-2-290 (591) ತ್ರೀಣಿ ಶ್ಲೋಕಸಹಸ್ರಾಣಿ ದ್ವೇ ಶತೇ ವಿಂಶತಿಸ್ತಥಾ। ಮುನಿನಾ ಸಂಪ್ರಣೀತಾನಿ ಕೌರವಾಣಾಂ ಯಶೋಭೃತಾ॥ 1-2-291 (592) ಅತಃ ಪರಂ ಪ್ರವಕ್ಷ್ಯಾಮಿ ಸೌಪ್ತಿಕಂ ಪರ್ವ ದಾರುಣಂ। ಭಗ್ನೋರುಂ ಯತ್ರ ರಾಜಾನಂ ದುರ್ಯೋಧನಮಮರ್ಷಣಂ॥ 1-2-292 (593) ಅಪಯಾತೇಷು ಪಾರ್ಥೇಷು ತ್ರಯಸ್ತೇಽಭ್ಯಾಯಯೂ ರಥಾಃ। ಕೃತವರ್ಮಾ ಕೃಪೋ ದ್ರೌಣಿಃ ಸಾಯಾಹ್ನೇ ರುಧಿರೋಕ್ಷಿತಂ॥ 1-2-293 (594) ಸಮೇತ್ಯ ದದೃಶುರ್ಭೂಮೌ ಪತಿತಂ ರಣಮೂರ್ಧನಿ। ಪ್ರತಿಜಜ್ಞೇ ದೃಢಕ್ರೋಧೋ ದ್ರೌಣಿರ್ಯತ್ರ ಮಹಾರಥಃ॥ 1-2-294 (595) ಅಹತ್ವಾ ಸರ್ವಪಾಂಚಾಲಾಂಧೃಷ್ಟದ್ಯುಂನಪುರೋಗಮಾನ್। ಪಾಂಡವಾಂಶ್ಚ ಸಹಾಮಾತ್ಯಾನ್ನ ವಿಮೋಕ್ಷ್ಯಾಮಿ ದಂಶನಂ॥ 1-2-295 (596) ಯತ್ರೈವಮುಕ್ತ್ವಾ ರಾಜಾನಮಪಕ್ರಂಯ ತ್ರಯೋ ರಥಾಃ। ಸೂರ್ಯಾಸ್ತಮನವೇಲಾಯಾಮಾಸೇದುಸ್ತೇ ಮಹದ್ವನಂ॥ 1-2-296 (597) ನ್ಯಗ್ರೋಧಸ್ಯಾಥ ಮಹತೋ ಯತ್ರಾಧಸ್ತಾದ್ವ್ಯವಸ್ಥಿತಾಃ। ತತಃ ಕಾಕಾನ್ಬಹೂನ್ರಾತ್ರೌ ದೃಷ್ಟ್ವೋಲೂಕೇನ ಹಿಂಸಿತಾನ್॥ 1-2-297 (598) ದ್ರೌಣಿಃ ಕ್ರೋಧಸಮಾವಿಷ್ಟಃ ಪಿತುರ್ವಧಮನುಸ್ಮರನ್। ಪಾಂಚಾಲಾನಾಂ ಪ್ರಸುಪ್ತಾನಾಂ ವಧಂ ಪ್ರತಿ ಮನೋ ದಧೇ॥ 1-2-298 (599) ಗತ್ವಾ ಚ ಶಿಬಿರದ್ವಾರಿ ದುರ್ದರ್ಶಂ ತತ್ರ ರಾಕ್ಷಸಂ। ಘೋರರೂಪಮಪಶ್ಯತ್ಸ ದಿವಾಮಾವೃತ್ಯ ಧಿಷ್ಠಿರಂ॥ 1-2-299 (600) ತೇನ ವ್ಯಾಘಾತಮಸ್ತ್ರಾಣಾಂ ಕ್ರಿಯಮಾಣಮವೇಕ್ಷ್ಯ ಚ। ದ್ರೌಣಿರ್ಯತ್ರ ವಿರೂಪಾಕ್ಷಂ ರುದ್ರಮಾರಾಧ್ಯ ಸತ್ವರಃ॥ 1-2-300 (601) ಪ್ರಸುಪ್ತಾನ್ನಿಶಿ ವಿಶ್ವಸ್ತಾಂಧೃಷ್ಟದ್ಯುಂನಪುರೋಗಮಾನ್। ಪಾಂಚಾಲಾನ್ಸಪರೀವಾರಾಂದ್ರೌಪದೇಯಾಂಶ್ಚ ಸರ್ವಶಃ॥ 1-2-301 (602) ಕೃತವರ್ಮಣಾ ಚ ಸಹಿತಃ ಕೃಪೇಣ ಚ ನಿಜಘ್ನಿವಾನ್। ಯತ್ರಾಮುಚ್ಯಂತ ತೇ ಪಾರ್ಥಾಃ ಪಂಚ ಕೃಷ್ಣಬಲಾಶ್ರಯಾತ್॥ 1-2-302 (603) ಸಾತ್ಯಕಿಶ್ಚ ಮಹೇಷ್ವಾಸಃ ಶೇಷಾಶ್ಚ ನಿಧನಂ ಗತಾಃ। ಪಾಂಚಾಲಾನಾಂ ಪ್ರಸುಪ್ತಾನಾಂ ಯತ್ರ ದ್ರೋಣಸುತಾದ್ವಧಃ॥ 1-2-303 (604) ಧೃಷ್ಟದ್ಯುಂನಸ್ಯ ಸೂತೇನ ಪಾಂಡವೇಷು ನಿವೇದಿತಃ। ದ್ರೌಪದೀ ಪುತ್ರಶೋಕಾರ್ತಾ ಪಿತೃಭ್ರಾತೃವಧಾರ್ದಿತಾ॥ 1-2-304 (605) ಕೃತಾನಶನಸಂಕಲ್ಪಾ ಯತ್ರ ಭರ್ತೃನುಪಾವಿಶತ್। ದ್ರೌಪದೀವಚನಾದ್ಯತ್ರ ಭೀಮೋ ಭೀಮಪರಾಕ್ರಮಃ॥ 1-2-305 (606) ಪ್ರಿಯಂ ತಸ್ಯಾಶ್ಚಿಕೀರ್ಷನ್ವೈ ಗದಾಮಾದಾಯ ವೀರ್ಯವಾನ್। ಅನ್ವಧಾವತ್ಸುಸಂಕ್ರುದ್ಧೋ ಭಾರದ್ವಾಜಂ ಗುರೋಃ ಸುತಂ॥ 1-2-306 (607) ಭೀಮಸೇನಭಯಾದ್ಯತ್ರ ದೈವೇನಾಭಿಪ್ರಚೋದಿತಃ। ಅಪಾಂಡವಾಯೇತಿ ರುಷಾ ದ್ರೌಣಿರಸ್ತ್ರಮವಾಸಡದತ್॥ 1-2-307 (608) ಮೈವಮಿತ್ಯಬ್ರವೀತ್ಕೃಷ್ಣಃ ಶಮಯಂಸ್ತಸ್ಯ ತದ್ವಚಃ। ಯತ್ರಾಸ್ತ್ರಮಸ್ತ್ರೇಣ ಚ ತಚ್ಛಮಯಾಮಾಸ ಫಾಲ್ಗುನಃ॥ 1-2-308 (609) ದ್ರೌಣೇಶ್ಚ ದ್ರೋಹಬುದ್ಧಿತ್ವಂ ವೀಕ್ಷ್ಯ ಪಾಪಾತ್ಮನಸ್ತದಾ। ದ್ರೌಣಿದ್ವೈಪಾಯನಾದೀನಾಂ ಶಾಪಾಶ್ಚಾನ್ಯೋನ್ಯಕಾರಿತಾಃ॥ 1-2-309 (610) ಮಣಿಂ ತಥಾ ಸಮಾದಾಯ ದ್ರೋಣಪುತ್ರಾನ್ಮಹಾರಥಾತ್। ಪಾಂಡವಾಃ ಪ್ರದದುರ್ಹೃಷ್ಟಾ ದ್ರೌಪದ್ಯೈ ಜಿತಕಾಶಿನಃ॥ 1-2-310 (611) ಏತದ್ವೈ ದಶಮಂ ಪರ್ವ ಸೌಪ್ತಿಕಂ ಸಮುದಾಹೃತಂ। ಅಷ್ಟಾದಶಾಸ್ಮಿನ್ನದ್ಯಾಯಾಃ ಪರ್ವಂಯುಕ್ತಾ ಮಹಾತ್ಮನಾ॥ 1-2-311 (612) ಶ್ಲೋಕಾನಾಂ ಕಥಿತಾನ್ಯತ್ರ ಶತಾನ್ಯಷ್ಟೌ ಪ್ರಸಂಖ್ಯಯಾ। ಶ್ಲೋಕಾಶ್ಚ ಸಪ್ತತಿಃ ಪ್ರೋಕ್ತಾ ಮುನಿನಾ ಬ್ರಹ್ಮವಾದಿನಾ॥ 1-2-312 (613) ಸೌಪ್ತಿಕೈಷೀಕಸಂಬಂಧೇ ಪರ್ವಣ್ಯುತ್ತಮತೇಜಸೀ। ಅತ ಊರ್ಧ್ವಮಿದಂ ಪ್ರಾಹುಃ ಸ್ತ್ರೀಪರ್ವ ಕರುಣೋದಯಂ॥ 1-2-313 (614) ಪುತ್ರಶೋಕಾಭಿಸಂತಪ್ತಃ ಪ್ರಜ್ಞಾಚಕ್ಷುರ್ನರಾಧಿಪಃ। ಕೃಷ್ಣೋಪನೀತಾಂ ಯತ್ರಾಸಾವಾಯಸೀಂ ಪ್ರತಿಮಾಂ ದೃಢಾಂ॥ 1-2-314 (615) ಭೀಮಸೇನದ್ರೋಹಬುದ್ಧಿರ್ಧೃತರಾಷ್ಟ್ರೋ ಬಭಂಜಹ। ತಥಾ ಶೋಕಾಭಿತಪ್ತಸ್ಯ ಧೃತರಾಷ್ಟ್ರಸ್ಯ ಧೀಮತಃ॥ 1-2-315 (616) ಸಂಸಾರದಹನಂ ಬುದ್ಧ್ಯಾ ಹೇತುಭಿರ್ಮೋಕ್ಷದರ್ಶನೈಃ। ವಿದುರೇಣ ಚ ಯತ್ರಾಸ್ಯ ರಾಜ್ಞ ಆಶ್ವಾಸನಂ ಕೃತಂ॥ 1-2-316 (617) ಧೃತರಾಷ್ಟ್ರಸ್ಯ ಚಾತ್ರೈವ ಕೌರವಾಯೋಧನಂ ತಥಾ। ಸಾಂತಃಪುರಸ್ಯ ಗಮನಂ ಶೋಕಾರ್ತಸ್ಯ ಪ್ರಕೀರ್ತಿತಂ॥ 1-2-317 (618) ವಿಲಾಪೋ ವೀರಪತ್ನೀನಾಂ ಯತ್ರಾತಿಕರುಣಃ ಸ್ಮೃತಃ। ಕ್ರೋಧಾವೇಶಃ ಪ್ರಮೋಹಶ್ಚ ಗಾಂಧಾರೀಧೃತರಾಷ್ಟ್ರಯೋಃ॥ 1-2-318 (619) ಯತ್ರ ತಾನ್ಕ್ಷತ್ರಿಯಾಃ ಶೂರಾನ್ಸಂಗ್ರಾಮೇಷ್ವನಿವರ್ತಿನಃ। ಪುತ್ರಾನ್ಭ್ರಾತೃನ್ಪಿತೄಂಶ್ಚೈವ ದದೃಶುರ್ನಿಹತಾನ್ರಣೇ॥ 1-2-319 (620) ಪುತ್ರಪೌತ್ರವಧಾರ್ತಾಯಾಸ್ತಥಾತ್ರೈವ ಪ್ರಕೀರ್ತಿತಾ। ಗಾಂಧಾರ್ಯಾಶ್ಚಾಪಿ ಕೃಷ್ಣೇನ ಕ್ರೋಧೋಪಶಮನಕ್ರಿಯಾ॥ 1-2-320 (621) ಯತ್ರ ರಾಜಾ ಮಹಾಪ್ರಾಜ್ಞಃ ಸರ್ವಧರ್ಮಭೃತಾಂ ವರಃ। ರಾಜ್ಞಾಂತಾನಿ ಶರೀರಾಣಿ ದಾಹಯಾಮಾಸ ಶಾಸ್ತ್ರತಃ॥ 1-2-321 (622) ತೋಯಕರ್ಮಣಿ ಚಾರಬ್ಧೇ ರಾಜ್ಞಾಮುದಕದಾನಿಕೇ। ಗೂಢೋತ್ಪನ್ನಸ್ಯ ಚಾಖ್ಯಾನಂ ಕರ್ಣಸ್ಯ ಪೃಥಯಾತ್ಮನಃ॥ 1-2-322 (623) ಸುತಸ್ಯೈತದಿಹ ಪ್ರೋಕ್ತಂ ವ್ಯಾಸೇನ ಪರಮರ್ಷಿಣಾ। ಏತದೇಕಾದಶಂ ಪರ್ವ ಶೋಕವೈಕ್ಲವ್ಯಕಾರಣಂ॥ 1-2-323 (624) ಪ್ರಣೀತಂ ಸಜ್ಜನಮನೋವೈಕ್ಲವ್ಯಾಶ್ರುಪ್ರವರ್ತಕಂ। ಸಪ್ತವಿಂಶತಿರಧ್ಯಾಯಾಃ ಪರ್ವಣ್ಯಸ್ಮಿನ್ಪ್ರಕೀರ್ತಿತಾಃ॥ 1-2-324 (625) ಶ್ಲೋಕಸಪ್ತಶತೀ ಚಾಪಿ ಪಂಚಸಪ್ತತಿಸಂಯುತಾ। ಸಂಖ್ಯಯಾ ಭಾರತಾಖ್ಯಾನಮುಕ್ತಂ ವ್ಯಾಸೇನ ಧೀಮತಾ॥ 1-2-325 (626) ಅತಃ ಪರಂ ಶಾಂತಿಪರ್ವ ದ್ವಾದಶಂ ಬುದ್ಧಿವರ್ಧನಂ। ಯತ್ರ ನಿರ್ವೇದಮಾಪನ್ನೋ ಧರ್ಮರಾಜೋ ಯುಧಿಷ್ಠಿರಃ॥ 1-2-326 (627) ಘಾತಯಿತ್ವಾ ಪಿತೄನ್ಭ್ರಾತೄನ್ಪುತ್ರಾನ್ಸಂಬಂಧಿಮಾತುಲಾನ್। ಶಾಂತಿಪರ್ವಣಿ ಧರ್ಮಾಶ್ಚ ವ್ಯಾಖ್ಯಾತಾಃಶಾರತಲ್ಪಿಕಾಃ॥ 1-2-327 (628) ರಾಜಭಿರ್ವೇದಿತವ್ಯಾಸ್ತೇ ಸಂಯಗ್ಜ್ಞಾನಬುಭುತ್ಸುಭಿಃ। ಆಪದ್ಧರ್ಮಾಶ್ಚ ತತ್ರೈವ ಕಾಲಹೇತುಪ್ರದರ್ಶಿನಃ॥ 1-2-328 (629) ಯಾನ್ಬುದ್ಧ್ವಾ ಪುರುಷಃ ಸಂಯಕ್ಸರ್ವಜ್ಞತ್ವಮವಾಪ್ನುಯಾತ್। ಮೋಕ್ಷಧರ್ಮಾಶ್ಚ ಕಥಿತಾ ವಿಚಿತ್ರಾ ಬಹುವಿಸ್ತರಾಃ॥ 1-2-329 (630) ದ್ವಾದಶಂ ಪರ್ವ ನಿರ್ದಿಷ್ಟಮೇತತ್ಪ್ರಾಜ್ಞಜನಪ್ರಿಯಂ। ಅತ್ರ ಪರ್ವಣಿ ವಿಜ್ಞೇಯಮಧ್ಯಾಯಾನಾಂ ಶತತ್ರಯಂ॥ 1-2-330 (631) ವಿಂಶಚ್ಚೈವ ತಥಾಧ್ಯಾಯಾ ನವ ಚೈವ ತಪೋಧಾಃ। ಚತುರ್ದಶಸಹಸ್ರಾಣಿ ತಥಾ ಸಪ್ತಶತಾನಿ ಚ॥ 1-2-331 (632) ಸಪ್ತಶ್ಲೋಕಾಸ್ತಥೈವಾತ್ರ ಪಂಚವಿಂಶತಿಸಂಖ್ಯಯಾ। ಅತ ಊರ್ಧ್ವಂ ಚ ವಿಜ್ಞೇಯಮನುಶಾಸನಮುತ್ತಮಂ॥ 1-2-332 (633) ಯತ್ರ ಪ್ರಕೃತಿಮಾಪನ್ನಃ ಶ್ರುತ್ವಾ ಧರ್ಮವಿನಿಶ್ಚಯಂ। ಭೀಷ್ಮಾದ್ಭಾಗೀರಥೀಪುತ್ರಾತ್ಕುರುರಾಜೋ ಯುಧಿಷ್ಠಿರಃ॥ 1-2-333 (634) ವ್ಯವಹಾರೋಽತ್ರ ಕಾರ್ತ್ಸ್ನ್ಯೇನ ಧರ್ಮಾರ್ಥೀಯಃ ಪ್ರಕೀರ್ತಿತಃ। ವಿವಿಧಾನಾಂ ಚ ದಾನಾನಾಂ ಫಲಯೋಗಾಃ ಪ್ರಕೀರ್ತಿತಾಃ॥ 1-2-334 (635) ತಥಾ ಪಾತ್ರವಿಶೇಷಾಶ್ಚ ದಾನಾನಾಂ ಚ ಪರೋ ವಿಧಿಃ। ಆಚಾರವಿಧಿಯೋಗಶ್ಚ ಸತ್ಯಸ್ಯ ಚ ಪರಾ ಗತಿಃ॥ 1-2-335 (636) ಮಹಾಭಾಗ್ಯಂ ಗವಾಂ ಚೈವ ಬ್ರಾಹ್ಮಣಾನಾಂ ತಥೈವ ಚ। ರಹಸ್ಯಂ ಚೈವ ಧರ್ಮಾಣಾಂ ದೇಶಕಾಲೋಪಸಂಹಿತಂ॥ 1-2-336 (637) ಏತತ್ಸುಬಹುವೃತ್ತಾಂತಮುತ್ತಮಂ ಚಾನುಶಾಸನಂ। ಭೀಷ್ಮಸ್ಯಾತ್ರೈವ ಸಂಪ್ರಾಪ್ತಿಃ ಸ್ವರ್ಗಸ್ಯ ಪರಿಕೀರ್ತಿತಾ॥ 1-2-337 (638) ಏತತ್ತ್ರಯೋದಶಂ ಪರ್ವ ಧರ್ಮನಿಶ್ಚಯಕಾರಕಂ। ಅಧ್ಯಾಯಾನಾಂ ಶತಂ ತ್ವತ್ರ ಷಟ್ಚತ್ವಾರಿಂಶದೇವ ತು॥ 1-2-338 (639) ಶ್ಲೋಕಾನಾಂ ತು ಸಹಸ್ರಾಣಿ ಪ್ರೋಕ್ತಾನ್ಯಷ್ಟೌ ಪ್ರಸಂಖ್ಯಯಾ। ತತೋಽಶ್ವಮೇಧಿಕಂ ನಾಮ ಪರ್ವ ಪ್ರೋಕ್ತಂ ಚತುರ್ದಶಂ॥ 1-2-339 (640) ತತ್ಸಂವರ್ತಮರುತ್ತೀಯಂ ಯತ್ರಾಖ್ಯಾನಮನುತ್ತಮಂ। ಸುವರ್ಣಕೋಶಸಂಪ್ರಾಪ್ತಿರ್ಜನ್ಮ ಚೋಕ್ತಂ ಪರೀಕ್ಷಿತಃ॥ 1-2-340 (641) ದಗ್ಧಸ್ಯಾಸ್ತ್ರಾಗ್ನಿನಾ ಪೂರ್ವಂ ಕೃಷ್ಣಾತ್ಸಂಜೀವನಂ ಪುನಃ। ಚರ್ಯಾಯಾಂ ಹಯಮುತ್ಸೃಷ್ಟಂ ಪಾಂಡವಸ್ಯಾನುಗಚ್ಛತಃ॥ 1-2-341 (642) ತತ್ರ ತತ್ರ ಚ ಯುದ್ಧಾನಿ ರಾಜಪುತ್ರೈರಮರ್ಷಣೈಃ। ಚಿತ್ರಾಂಗದಾಯಾಃ ಪುತ್ರೇಣ ಸ್ವಪುತ್ರೇಣ ಧನಂಜಯಃ॥ 1-2-342 (643) ಸಂಗ್ರಾಮೇ ಬಭ್ರುವಾಹೇನ ಸಂಶಯಂ ಚಾತ್ರ ಜಗ್ಮಿವಾನ್। ಸುದರ್ಶನಂ ತಥಾಽಽಖ್ಯಾನಂ ವೈಷ್ಣವಂ ಧರ್ಮಮೇವ ಚ। ಅಶ್ವಮೇಧೇ ಮಹಾಯಜ್ಞೇ ನಕುಲಾಖ್ಯಾನಮೇವ ಚ॥ 1-2-343 (644) ಇತ್ಯಾಶ್ವಮೇಧಿಕಂ ಪರ್ವ ಪ್ರೋಕ್ತಮೇತನ್ಮಹಾದ್ಭುತಂ। ಅಧ್ಯಾಯಾನಾಂ ಶತಂ ಚೈವ ತ್ರಯೋಽಧ್ಯಾಯಾಶ್ಚ ಕೀರ್ತಿತಾಃ॥ 1-2-344 (645) ತ್ರೀಣಿ ಶ್ಲೋಕಸಹಸ್ರಾಣಿ ತಾವಂತ್ಯೇವ ಶತಾನಿ ಚ। ವಿಂಶತಿಶ್ಚ ತಥಾ ಶ್ಲೋಕಾಃ ಸಂಖ್ಯಾತಾಸ್ತತ್ತ್ವದರ್ಶಿನಾ॥ 1-2-345 (646) ತತಸ್ತ್ವಾಶ್ರಮವಾಸಾಖ್ಯಂ ಪರ್ವ ಪಂಚದಶಂ ಸ್ಮೃತಂ। ಯತ್ರ ರಾಜ್ಯಂ ಸಮುತ್ಸೃಜ್ಯ ಗಾಂಧಾರ್ಯಾ ಸಹಿತೋ ನೃಪಃ॥ 1-2-346 (647) ಧೃತರಾಷ್ಟ್ರೋಶ್ರಮಪದಂ ವಿದುರಶ್ಚ ಜಗಾಮ ಹ। ಯಂ ದೃಷ್ಟ್ವಾ ಪ್ರಸ್ಥಿತಂ ಸಾಧ್ವೀ ಪೃಥಾಪ್ಯನುಯಯೌ ತದಾ॥ 1-2-347 (648) ಪುತ್ರರಾಜ್ಯಂ ಪರಿತ್ಯಜ್ಯ ಗುರುಶುಶ್ರೂಷಣೇ ರತಾ। ಯತ್ರ ರಾಜಾ ಹತಾನ್ಪುತ್ರಾನ್ಪೌತ್ರಾನನ್ಯಾಂಶ್ಚ ಪಾರ್ಥಿವಾನ್॥ 1-2-348 (649) ಲಾಕಾಂತರಗತಾನ್ವೀರಾನಪಶ್ಯತ್ಪುನರಾಗತಾನ್। ಋಷೇಃ ಪ್ರಸಾದಾತ್ಕೃಷ್ಣಸ್ಯ ದೃಷ್ಟ್ವಾಶ್ಚರ್ಯಮನುತ್ತಮಂ॥ 1-2-349 (650) ತ್ಯಕ್ತ್ವಾ ಶೋಕಂ ಸದಾರಶ್ಚ ಸಿದ್ಧಿಂ ಪರಮಿಕಾಂ ಗತಃ। ಯತ್ರ ಧರ್ಮಂ ಸಮಾಶ್ರಿತ್ಯ ವಿದುರಃ ಸುಗತಿಂ ಗತಃ॥ 1-2-350 (651) ಸಂಜಯಶ್ಚ ಸಹಾಮಾತ್ಯೋ ವಿದ್ವಾನ್ಗಾವಲ್ಗಣಿರ್ವಶೀ। ದದರ್ಶ ನಾರದಂ ಯತ್ರ ಧರ್ಮರಾಜೋ ಯುಧಿಷ್ಠಿರಃ॥ 1-2-351 (652) ನಾರದಾಚ್ಚೈವ ಶುಶ್ರಾವ ವೃಷ್ಣೀನಾಂ ಕದನಂ ಮಹತ್। ಏತದಾಶ್ರಮವಾಸಾಖ್ಯಂ ಪರ್ವೋಕ್ತಂ ಮಹದದ್ಭುತಂ॥ 1-2-352 (653) ದ್ವಿಚತ್ವಾರಿಂಶದಧ್ಯಾಯಾಃ ಪರ್ವೈತದಭಿಸಂಖ್ಯಯಾ। ಸಹಸ್ರಮೇಕಂ ಶ್ಲೋಕಾನಾಂ ಪಂಚಶ್ಲೋಕಶತಾನಿ ಚ॥ 1-2-353 (654) ಷಡೇವ ಚ ತಥಾ ಶ್ಲೋಕಾಃ ಸಂಖ್ಯಾತಾಸ್ತತ್ತ್ವದರ್ಶಿನಾ। ಅತಃ ಪರಂ ನಿಬೋಧೇದಂ ಮೌಸಲಂ ಪರ್ವ ದಾರುಣಂ॥ 1-2-354 (655) ಯತ್ರ ತೇ ಪುರುಷವ್ಯಾಘ್ರಾಃ ಶಸ್ತ್ರಸ್ಪರ್ಶಹತಾ ಯುಧಿ। ಬ್ರಹ್ಮದಂಡವಿನಿಷ್ಪಿಷ್ಟಾಃ ಸಮೀಪೇ ಲವಣಾಂಭಸಃ॥ 1-2-355 (656) ಆಪಾನೇ ಪಾನಕಲಿತಾ ದೈವೇನಾಭಿಪ್ರಚೋದಿತಾಃ। ಏರಕಾರೂಪಿಭಿರ್ವಜ್ರೈರ್ನಿಜಘ್ನುರಿತರೇತರಂ॥ 1-2-356 (657) ಯತ್ರ ಸರ್ವಕ್ಷಯಂ ಕೃತ್ವಾ ತಾವುಭೌ ರಾಮಕೇಶವೌ। ನಾತಿಚಕ್ರಾಮತುಃ ಕಾಲಂ ಪ್ರಾಪ್ತಂ ಸರ್ವಹರಂ ಮಹತ್॥ 1-2-357 (658) ಯತ್ರಾರ್ಜುನೋ ದ್ವಾರವತೀಮೇತ್ಯ ವೃಷ್ಣಿವಿನಾಕೃತಾಂ। ದೃಷ್ಟ್ವಾ ವಿಪಾದಮಗಮತ್ಪರಾಂ ಚಾರ್ತಿಂ ನರರ್ಷಭಃ॥ 1-2-358 (659) ಸ ಸಂಸ್ಕೃತ್ಯ ನರಶ್ರೇಷ್ಠಂ ಮಾತುಲಂ ಶೌರಿಮಾತ್ಮನಃ। ದದರ್ಶ ಯದುವೀರಾಣಾಮಾಪಾನೇ ವೈಶಸಂ ಮಹತ್॥ 1-2-359 (660) ಶರೀರಂ ವಾಸುದೇವಸ್ಯ ರಾಮಸ್ಯ ಚ ಮಹಾತ್ಮನಃ। ಸಂಸ್ಕಾರಂ ಲಂಭಯಾಮಾಸ ವೃಷ್ಣೀನಾಂ ಚ ಪ್ರಧಾನತಃ॥ 1-2-360 (661) ಸವೃದ್ಧಬಾಲಮಾದಾಯ ದ್ವಾರವತ್ಯಾಸ್ತತೋ ಜನಂ। ದದರ್ಶಾಪದಿ ಕಷ್ಟಾಯಾಂ ಗಾಂಡೀವಸ್ಯ ಪರಾಭವಂ॥ 1-2-361 (662) ಸರ್ವೇಷಾಂ ಚೈವ ದಿವ್ಯಾನಾಮಸ್ತ್ರಾಣಾಮಪ್ರಸನ್ನತಾಂ। ನಾಶಂ ವೃಷ್ಣಿಕಲತ್ರಾಣಾಂ ಪ್ರಭಾವಾನಾಮನಿತ್ಯತಾಂ॥ 1-2-362 (663) ದೃಷ್ಟ್ವಾ ನಿರ್ವೇದಮಾಪನ್ನೋ ವ್ಯಾಸವಾಕ್ಯಪ್ರಚೋದಿತಃ। ಧರ್ಮರಾಜಂ ಸಮಾಸಾದ್ಯ ಸಂನ್ಯಾಸಂ ಸಮರೋಚಯತ್॥ 1-2-363 (664) ಇತ್ಯೇತನ್ಮೌಸಲಂ ಪರ್ವ ಷೋಡಶಂ ಪರಿಕೀರ್ತಿತಂ। ಅಧ್ಯಾಯಾಷ್ಟೌ ಸಮಾಖ್ಯಾತಾಃ ಶ್ಲೋಕಾನಾಂ ಚ ಶತತ್ರಯಂ॥ 1-2-364 (665) ಶ್ಲೋಕಾನಾಂ ವಿಂಶತಿಶ್ಚವ ಸಂಖ್ಯಾತಾ ತತ್ತ್ವದರ್ಶಿನಾ। ಮಹಾಪ್ರಸ್ಥಾನಿಕಂ ತಸ್ಮಾದೂರ್ಧ್ವಂ ಸಪ್ತದಶಂ ಸ್ಮೃತಂ॥ 1-2-365 (666) ಯತ್ರ ರಾಜ್ಯಂ ಪರಿತ್ಯಜ್ಯ ಪಾಂಡವಾಃ ಪುರುಷರ್ಷಭಾಃ। ದ್ರೌಪದ್ಯಾ ಸಹಿತಾ ದೇವ್ಯಾ ಮಹಾಪ್ರಸ್ಥಾನಮಾಸ್ಥಿತಾಃ॥ 1-2-366 (667) ಯತ್ರ ತೇಽಗ್ನಿಂ ದದೃಶಿರೇ ಲೌಹಿತ್ಯಂ ಪ್ರಾಪ್ಯ ಸಾಗರಂ। ಯತ್ರಾಗ್ನಿನಾ ಚೋದಿತಶ್ಚ ಪಾರ್ಥಸ್ತಸ್ಮೈ ಮಹಾತ್ಮನೇ॥ 1-2-367 (668) ದದೌ ಸಂಪೂಜ್ಯ ತದ್ದಿವ್ಯಂ ಗಾಂಡೀವಂ ಧನುರುತ್ತಮಂ। ಯತ್ರ ಭ್ರಾತೃನ್ನಿಪತಿತಾಂದ್ರೌಪದೀಂ ಚ ಯುಧಿಷ್ಠಿರಃ॥ 1-2-368 (669) ದೃಷ್ಟ್ವಾ ಹಿತ್ವಾ ಜಗಾಮೈವ ಸರ್ವಾನನವಲೋಕಯನ್। ಏತತ್ಸಪ್ತದಶಂ ಪರ್ವ ಮಹಾಪ್ರಸ್ಥಾನಿಕಂ ಸ್ಮೃತಂ॥ 1-2-369 (670) ಯತ್ರಾಧ್ಯಾಯಾಸ್ತ್ರಯಃ ಪ್ರೋಕ್ತಾಃ ಶ್ಲೋಕಾನಾಂ ಚ ಶತತ್ರಯಂ। ವಿಂಶತಿಶ್ಚ ತಥಾ ಶ್ಲೋಕಾಃ ಸಂಖ್ಯಾತಾಸ್ತತ್ತ್ವದರ್ಶಿನಾ॥ 1-2-370 (671) ಸ್ವರ್ಗಪರ್ವ ತತೋ ಜ್ಞೇಯಂ ದಿವ್ಯಂ ಯತ್ತದಮಾನುಷಂ। ಪ್ರಾಪ್ತಂ ದೈವರಥಂ ಸ್ವರ್ಗಾನ್ನೇಷ್ಟವಾನ್ಯತ್ರ ಧರ್ಮರಾಟ್॥ 1-2-371 (672) ಆರೋದುಂ ಸುಮಹಾಪ್ರಾಜ್ಞ ಆನೃಶಂಸ್ಯಾಚ್ಛುನಾ ವಿನಾ। ತಾಮಸ್ಯಾವಿಚಲಾಂ ಜ್ಞಾತ್ವಾ ಸ್ಥಿತಿಂ ಧರ್ಮೇ ಮಹಾತ್ಮನಃ॥ 1-2-372 (673) ಶ್ವರೂಪಂ ಯತ್ರ ತತ್ತ್ಯಕ್ತ್ವಾ ಧರ್ಮೇಣಾಸೌ ಸಮನ್ವಿತಃ। ಸ್ವರ್ಗಂ ಪ್ರಾಪ್ತಃಸಚ ತಥಾ ಯಾತನಾವಿಪುಲಾ ಭೃಶಂ॥ 1-2-373 (674) ದೇವದೂತೇನ ನರಕಂ ಯತ್ರ ವ್ಯಾಜೇನ ದರ್ಶಿತಂ। ಶುಶ್ರಾವ ಯತ್ರ ಧರ್ಮಾತ್ಮಾ ಭ್ರಾತೄಣಾಂ ಕರುಣಾಗಿರಃ॥ 1-2-374 (675) ನಿದೇಶೇ ವರ್ತಮಾನಾನಾಂ ದೇಶೇ ತತ್ರೈವ ವರ್ತತಾಂ। ಅನುದರ್ಶಿತಶ್ಚ ಧರ್ಮೇಣ ದೇವರಾಜ್ಞಾ ಚ ಪಾಂಡವಃ॥ 1-2-375 (676) ಆಪ್ಲುತ್ಯಾಕಾಶಗಂಗಾಯಾಂ ದೇಹಂ ತ್ಯಕ್ತ್ವಾ ಸ ಮಾನುಷಂ। ಸ್ವಧರ್ಮನಿರ್ಜಿತಂ ಸ್ಥಾನಂ ಸ್ವರ್ಗೇ ಪ್ರಾಪ್ಯ ಸ ಧರ್ಮರಾಟ್॥ 1-2-376 (677) ಮುಮುದೇ ಪೂಜಿತಃ ಸರ್ವೈಃ ಸೇಂದ್ರೈಃ ಸುರಗಣೈಃ ಸಹ। ಏತದಷ್ಟಾದಶಂ ಪರ್ವ ಪ್ರೋಕ್ತಂ ವ್ಯಾಸೇನ ಧೀಮತಾ॥ 1-2-377 (678) ಅಧ್ಯಾಯಾಃ ಪಂಚ ಸಂಖ್ಯಾತಾಃ ಪರ್ವಂಯಸ್ಮಿನ್ಮಹಾತ್ಮನಾ। ಶ್ಲೋಕಾನಾಂ ದ್ವೇ ಶತೇ ಚೈವ ಪ್ರಸಂಖ್ಯಾತೇ ತಪೋಧಾಃ॥ 1-2-378 (679) ನವ ಶ್ಲೋಕಾಸ್ತಥೈವಾನ್ಯೇ ಸಂಖ್ಯಾತಾಃ ಪರಮರ್ಷಿಣಾ। ಅಷ್ಟಾದಶೈವಮೇತಾನಿ ಪರ್ವಾಣ್ಯೇತಾನ್ಯಶೇಷತಃ॥ 1-2-379 (680) ಖಿಲೇಷು ಹರಿವಂಶಶ್ಚ ಭವಿಷ್ಯಂ ಚ ಪ್ರಕೀರ್ತಿತಂ। ದಶ ಶ್ಲೋಕಸಹಸ್ರಾಣಿ ವಿಂಶಚ್ಛ್ಲೋಕಶತಾನಿ ಚ॥ 1-2-380 (681) ಖಿಲೇಷು ಹರಿವಂಶೇ ಚ ಸಂಖ್ಯಾತಾನಿ ಮಹರ್ಷಿಣಾ। ಏತತ್ಸರ್ವಂ ಸಮಾಖ್ಯಾತಂ ಭಾರತೇ ಪರ್ವಸಂಗ್ರಹಃ॥ 1-2-381 (682) ಅಷ್ಟಾದಶ ಸಮಾಜಗ್ಮುರಕ್ಷೌಹಿಣ್ಯೋ ಯಯುತ್ಸಯಾ। ತನ್ಮಹಾದಾರುಣಂ ಯುದ್ಧಮಹಾನ್ಯಷ್ಟಾದಶಾಭವತ್॥ 1-2-382 (683) ಯೋ ವಿದ್ಯಾಚ್ಚತುರೋ ವೇದಾನ್ಸಾಂಗೋಪನಿಷದೋ ದ್ವಿಜಃ। ನ ಚಾಖ್ಯಾನಮಿದಂ ವಿದ್ಯಾನ್ನೈವ ಸ ಸ್ಯಾದ್ವಿಚಕ್ಷಣಃ॥ 1-2-383 (684) ಅರ್ಥಶಾಸ್ತ್ರಮಿದಂ ಪ್ರೋಕ್ತಂ ಧರ್ಮಶಾಸ್ತ್ರಮಿದಂ ಮಹತ್। ಕಾಮಶಾಸ್ತ್ರಮಿದಂ ಪ್ರೋಕ್ತಂ ವ್ಯಾಸೇನಾಮಿತಬುದ್ಧಿನಾ॥ 1-2-384 (685) ಶ್ರುತ್ವಾ ತ್ವಿದಮುಪಾಖ್ಯಾನಂ ಶ್ರಾವ್ಯಮನ್ಯನ್ನ ರೋಚತೇ। ಪುಂಸ್ಕೋಕಿಲಗಿರಂ ಶ್ರುತ್ವಾ ರೂಕ್ಷಾ ಧ್ವಾಂಕ್ಷಸ್ಯ ವಾಗಿವ॥ 1-2-385 (686) ಇತಿಹಾಸೋತ್ತಮಾದಸ್ಮಾಂಜಾಯಂತೇ ಕವಿಬುದ್ಧಯಃ। ಪಂಚಭ್ಯ ಇವ್ ಭೂತೇಭ್ಯೋ ಲೋಕಸಂವಿಧಯಸ್ತ್ರಯಃ॥ 1-2-386 (687) ಅಸ್ಯಾಖ್ಯಾನಸ್ಯ ವಿಷಯೇ ಪುರಾಣಂ ವರ್ತತೇ ದ್ವಿಜಾಃ। ಅಂತರಿಕ್ಷಸ್ಯ ವಿಷಯೇ ಪ್ರಜಾ ಇವ ಚತುರ್ವಿಧಾಃ॥ 1-2-387 (688) ಕ್ರಿಯಾಗುಣಾನಾಂ ಸರ್ವೇಷಾಮಿದಮಾಖ್ಯಾನಮಾಶ್ರಯಃ। ಇಂದ್ರಿಯಾಣಾಂ ಸಮಸ್ತಾನಾಂ ಚಿತ್ರಾ ಇವ ಮನಃ ಕ್ರಿಯಾಃ॥ 1-2-388 (689) ಅನಾಶ್ರಿತ್ಯೈತದಾಖ್ಯಾನಂ ಕಥಾ ಭುವಿ ನ ವಿದ್ಯತೇ। ಆಹಾರಮನಪಾಶ್ರಿತ್ಯ ಶರೀರಸ್ಯೇವ ಧಾರಣಂ॥ 1-2-389 (690) ಇದಂ ಕವಿವರೈಃ ಸರ್ವೈರಾಖ್ಯಾನಮುಪಜೀವ್ಯತೇ। ಉದಯಪ್ರೇಪ್ಸುಭಿರ್ಭೃತ್ಯೈರಭಿಜಾತ ಇವೇಶ್ವರಃ॥ 1-2-390 (691) ಅಸ್ಯ ಕಾವ್ಯಸ್ಯ ಕವಯೋ ನ ಸಮರ್ಥಾ ವಿಶೇಷಣೇ। ಸಾಧೋರಿವ ಗೃಹಸ್ಥಸ್ಯ ಶೇಷಾಸ್ತ್ರಯ ಇವಾಶ್ರಮಾಃ॥ 1-2-391 (692) ಧರ್ಮೇ ಮತಿರ್ಭವತು ವಃ ಸತತೋತ್ಥಿತಾನಾಂ ಸ ಹ್ಯೇಕ ಏವ ಪರಲೋಕಗತಸ್ಯ ಬಂಧುಃ। ಅರ್ಥಾಃ ಸ್ತ್ರಿಯಶ್ಚ ನಿಪುಣೈರಪಿ ಸೇವ್ಯಮಾನಾ ನೈವಾಪ್ತಭಾವಮುಪಯಾಂತಿ ನ ಚ ಸ್ಥಿರತ್ವಂ॥ 1-2-392 (693) ದ್ವೈಪಾಯನೌಷ್ಠಪುಟನಿಃಸೃತಮಪ್ರಮೇಯಂ ಪುಣ್ಯಂ ಪವಿತ್ರಮಥ ಪಾಪಹರಂ ಶಿವಂ ಚ। ಯೋ ಭಾರತಂ ಸಮಧಿಗಚ್ಛತಿ ವಾಚ್ಯಮಾನಂ ಕಿಂ ತಸ್ಯ ಪುಷ್ಕರಜಲೈರಭಿಷೇಚನೇನ॥ 1-2-393 (694) ಯದಹ್ನಾ ಕುರುತೇ ಪಾಪ ಬ್ರಾಹ್ಮಣಸ್ತ್ವಿಂದ್ರಿಯೈಶ್ಚರನ್। ಮಹಾಭಾರತಮಾಖ್ಯಾಯ ಸಂಧ್ಯಾಂ ಮುಚ್ಯತಿ ಪಶ್ಚಿಮಾಂ॥ 1-2-394 (695) ಯದ್ರಾತ್ರೌ ಕುರುತೇ ಪಾಪಂ ಕರ್ಮಣಾ ಮನಸಾ ಗಿರಾ। ಮಹಾಭಾರತಮಾಖ್ಯಾಯ ಪೂರ್ವಾಂ ಸಂಧ್ಯಾಂ ಪ್ರಮುಚ್ಯತೇ॥ 1-2-395 (696) ಯೋ ಗೋಶತಂ ಕನಕಶೃಂಗಮಯಂ ದದಾತಿ ವಿಪ್ರಾಯ ವೇದವಿದುಷೇ ಚ ಬಹುಶ್ರುತಾಯ। ಪುಣ್ಯಾಂ ಚ ಭಾರತಕಥಾಂ ಶೃಣುಯಾಚ್ಚ ನಿತ್ಯಂ ತುಲ್ಯಂ ಫಲಂ ಭವತಿ ತಸ್ಯ ಚ ತಸ್ಯ ಚೈವ॥ 1-2-396 (697) ಆಖ್ಯಾನಂ ತದಿದಮನುತ್ತಮಂ ಮಹಾರ್ಥಂ ವಿಜ್ಞೇಯಂ ಮಹದಿಹ ಪರ್ವಸಂಗ್ರಹೇಣ। ಶ್ರುತ್ವಾದೌ ಭವತಿ ನೃಣಾಂ ಸುಖಾವಗಾಹಂ ವಿಸ್ತೀರ್ಣಂ ಲವಣಜಲಂ ಯಥಾ ಪ್ಲವೇನ॥ 1-2-397 (698) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಪರ್ವಸಂಗ್ರಹಪರ್ವಣಿ ದ್ವಿತೀಯೋಽಧ್ಯಾಯಃ॥ 2 ॥ ॥ ಸಮಾಪ್ತಂ ಪರ್ವಸಂಗ್ರಹಪರ್ವ ॥

1-3-0 (699) ಸೌತಿರುವಾಚ। 1-3-0x (16) ಜನಮೇಜಯಃ ಪಾರಿಕ್ಷಿತಃ ಸಹ ಭ್ರಾತೃಭಿಃ ಕುರುಕ್ಷೇತ್ರೇ ದೀರ್ಘಸತ್ರಮುಪಾಸ್ತೇ। ತಸ್ಯ ಭ್ರಾತರಸ್ತ್ರಯಃ ಶ್ರುತಸೇನ ಉಗ್ರಸೇನೋ ಭೀಮಸೇನ ಇತಿ। ತೇಷು ತತ್ಸತ್ರಮುಪಾಸೀನೇಷ್ವಭ್ಯಾಗಚ್ಛತ್ಸಾರಮೇಯಃ॥ 1-3-1 (700) ಜನಮೇಜಯಸ್ಯ ಭ್ರಾತೃಭಿರಭಿಹತೋ ರೋರೂಯಮಾಣೋ ಮಾತುಃ ಸಮೀಪಮುಪಾಗಚ್ಛತ್॥ 1-3-2 (701) ತಂ ಮಾತಾ ರೋರೂಯಮಾಣಮುವಾಚ। ಕಿಂ ರೋದಿಷಿ ಕೇನಾಸ್ಯಭಿಹತ ಇತಿ॥ 1-3-3 (702) ಸ ಏವಮುಕ್ತೋ ಮಾತರಂ ಪ್ರತ್ಯುವಾಚ ಜನಮೇಜಯಸ್ಯ ಭ್ರಾತೃಭಿರಭಿಹತೋಽಸ್ಮೀತಿ॥ 1-3-4 (703) ತಂ ಮಾತಾ ಪ್ರತ್ಯುವಾಚ ವ್ಯಕ್ತಂ ತ್ವಯಾ ತತ್ರಾಪರಾದ್ಧಂ ಯೇನಾಸ್ಯಭಿಹತ ಇತಿ॥ 1-3-5 (704) ಸ ತಾಂ ಪುನರುವಾಚ ನಾಪರಾಧ್ಯಾಮಿ ಕಿಂಚಿನ್ನಾವೇಕ್ಷೇ ಹವೀಂಷಿ ನಾವಲಿಹ ಇತಿ॥ 1-3-6 (705) ತಚ್ಛ್ರುತ್ವಾ ತಸ್ಯ ಮಾತಾ ಸರಮಾ ಪುತ್ರದುಃಖಾರ್ತಾ ತತ್ಸತ್ರಮುಪಾಗಚ್ಛದ್ಯತ್ರ ಸ ಜನಮೇಜಯಃ ಸಹ ಭ್ರಾತೃಭಿರ್ದೀರ್ಘಸತ್ರಮುಪಾಸ್ತೇ॥ 1-3-7 (706) ಸ ತಯಾ ಕ್ರುದ್ಧಯಾ ತತ್ರೋಕ್ತೋಽಯಂ ಮೇ ಪುತ್ರೋ ನ ಕಿಂಚಿದಪರಾಧ್ಯತಿ ನಾವೇಕ್ಷತೇ ಹವೀಂಷಿ ನಾವಲೇಢಿ ಕಿಮರ್ಥಮಭಿಹತ ಇತಿ॥ 1-3-8 (707) ನ ಕಿಂಚಿದುಕ್ತವಂತಸ್ತೇ ಸಾ ತಾನುವಾಚ ಯಸ್ಮಾದಯಮಭಿಹತೋಽನಪಕಾರೀ ತಸ್ಮಾದದೃಷ್ಟಂ ತ್ವಾಂ ಭಯಮಾಗಮಿಷ್ಯತೀತಿ॥ 1-3-9 (708) ಜನಮೇಜಯ ಏವಮುಕ್ತೋ ದೇವಶುನ್ಯಾ ಸರಮಯಾ ಭೃಶಂ ಸಂಭ್ರಾಂತೋ ವಿಷಣ್ಣಶ್ಚಾಸೀತ್॥ 1-3-10 (709) ಸ ತಸ್ಮಿನ್ಸತ್ರೇ ಸಮಾಪ್ತೇ ಹಾಸ್ತಿನಪುರಂ ಪ್ರತ್ಯೇತ್ಯ ಪುರೋಹಿತಮನುರೂಪಮನ್ವಿಚ್ಛಮಾನಃ ಪರಂ ಯತ್ನಮಕರೋದ್ಯೋ ಮೇ ಪಾಪಕೃತ್ಯಾಂ ಶಮಯೇದಿತಿ॥ 1-3-11 (710) ಸ ಕದಾಚಿನ್ಮೃಗಯಾಂ ಗತಃ ಪಾರಿಕ್ಷಿತೋ ಜನಮೇಜಯಃ ಕಸ್ಮಿಂಶ್ಚಿತ್ಸ್ವವಿಷಯ ಆಶ್ರಮಮಪಶ್ಯತ್॥ 1-3-12 (711) ತತ್ರ ಕಶ್ಚಿದೃಪಿರಾಸಾಂಚಕ್ರೇ ಶ್ರುತಶ್ರವಾ ನಾಮ। ತಸ್ಯ ತಪಸ್ಯಭಿರತಃ ಪುತ್ರ ಆಸ್ತೇ ಸೋಮಶ್ರವಾ ನಾಮ॥ 1-3-13 (712) ತಸ್ಯ ತಂ ಪುತ್ರಮಭಿಗಂಯ ಜನಮೇಜಯಃ ಪಾರಿಕ್ಷಿತಃ ಪೌರೋಹಿತ್ಯಾಯ ವವ್ರೇ॥ 1-3-14 (713) ಸ ನಮಸ್ಕೃತ್ಯ ತಮೃಷಿಮುವಾಚ ಭಗವನ್ನಯಂ ತವ ಪುತ್ರೋ ಮಮ ಪುರೋಹಿತೋಽಸ್ತ್ವಿತಿ॥ 1-3-15 (714) ಸ ಏವಮುಕ್ತಃ ಪ್ರತ್ಯುವಾಚ ಜನಮೇಜಯಂ ಭೋ ಜನಮೇಜಯ ಪುತ್ರೋಽಯಂ ಮಮ ಸರ್ಪ್ಯಾಂ ಜಾತೋ ಮಹಾತಪಸ್ವೀ ಸ್ವಾಧ್ಯಾಯಸಂಪನ್ನೋ ಮತ್ತಪೋವೀರ್ಯಸಂಭೃತೋ ಮಚ್ಛುಕ್ರಂ ಪೀತವತ್ಯಾಸ್ತಸ್ಯಾಃ ಕುಕ್ಷೌ ಜಾತಃ॥ 1-3-16 (715) ಸಮರ್ಥೋಽಯಂ ಭವತಃ ಸರ್ವಾಃ ಪಾಪಕೃತ್ಯಾಃ ಶಮಯಿತುಮಂತರೇಣ ಮಹಾದೇವಕೃತ್ಯಾಂ॥ 1-3-17 (716) ಅಸ್ಯ ತ್ವೇಕಮುಪಾಂಶುವ್ರತಂ ಯದೇನಂ ಕಶ್ಚಿದ್ಬ್ರಾಹ್ಮಣಃ ಕಂಚಿದರ್ಥಮಭಿಯಾಚೇತ್ತಂ ತಸ್ಮೈ ದದ್ಯಾದಯಂ ಯದ್ಯೇತದುತ್ಸಹಸೇ ತತೋ ನಯಸ್ವೈನಮಿತಿ॥ 1-3-18 (717) ತೇನೈವಮುಕ್ತೋ ಜನಮೇಜಯಸ್ತಂ ಪ್ರತ್ಯುವಾಚ ಭಗವಂಸ್ತತ್ತಥಾ ಭವಿಷ್ಯತೀತಿ॥ 1-3-19 (718) ಸ ತಂ ಪುರೋಹಿತಮುಪಾದಾಯೋಪಾವೃತ್ತೋ ಭ್ರಾತೃನುವಾಚ ಮಯಾಽಯಂ ವೃತ ಉಪಾಧ್ಯಾಯೋ ಯದಯಂ ಬ್ರೂಯಾತ್ತತ್ಕಾರ್ಯಮವಿಚಾರಯದ್ಭಿರ್ಭವದ್ಭಿರಿತಿ। ತೇನೈವಮುಕ್ತಾ ಭ್ರಾತರಸ್ತಸ್ಯ ತಥಾ ಚಕ್ರುಃ। ಸ ತಥಾ ಭ್ರಾತೄನ್ಸಂದಿಶ್ಯ ತಕ್ಷಶಿಲಾಂ ಪ್ರತ್ಯಭಿಪ್ರತಸ್ಥೇ ತಂ ಚ ದೇಶಂ ವಶೇ ಸ್ಥಾಪಯಾಮಾಸ॥ 1-3-20 (719) ಏತಸ್ಮಿನ್ನಂತರೇ ಕಶ್ಚಿದೃಷಿರ್ಧೌಂಯೋ ನಾಮಾಪೋದಸ್ತಸ್ಯ ಶಿಷ್ಯಾಸ್ತ್ರಯೋ ಬಭೂವುಃ॥ 1-3-21 (720) ಉಪಮನ್ಯುರಾರುಣಿರ್ಬೈದಶ್ಚೇತಿ ಸ ಏಕಂ ಶಿಷ್ಯಂಮಾರುಣಿಂ ಪಾಂಚಾಲ್ಯಂ ಪ್ರೇಷಯಾಮಾಸ ಗಚ್ಛ ಕೇದಾರಖಂಡಂ ಬಧಾನೇತಿ॥ 1-3-22 (721) ಸ ಉಪಾಧ್ಯಾಯೇನ ಸಂದಿಷ್ಟ ಆರುಣಿಃ ಪಾಂಚಾಲ್ಯಸ್ತತ್ರ ಗತ್ವಾ ತತ್ಕೇದಾರಖಂಡಂ ಬದ್ಧುಂ ನಾಶಕತ್। ಸ ಕ್ಲಿಶ್ಯಮಾನೋಽಪಶ್ಯದುಪಾಯಂ ಭವತ್ವೇವಂ ಕರಿಷ್ಯಾಮೀತಿ॥ 1-3-23 (722) ಸ ತತ್ರ ಸಂವಿವೇಶ ಕೇದಾರಖಂಡೇ ಶಯಾನೇ ವ ತಥಾ ತಸ್ಮಿಂಸ್ತದುದಕಂ ತಸ್ಥೌ॥ 1-3-24 (723) ತತಃ ಕದಾಚಿದುಪಾಧ್ಯಾಯ ಆಪೋದೋ ಧೌಂಯಃ ಶಿಷ್ಯಾವಪೃಚ್ಛತ್ ಕ್ವ ಆರುಣಿಃ ಪಾಂಚಾಲ್ಯೋ ಗತ ಇತಿ॥ 1-3-25 (724) ತೌ ತಂ ಪ್ರತ್ಯೂಚತುರ್ಭಗವಂಸ್ತ್ವಯೈವ ಪ್ರೇಷಿತೋ ಗಚ್ಛ ಕೇದಾರಖಂಡಂ ಬಧಾನೇತಿ। ಸ ಏವಮುಕ್ತಸ್ತೌ ಶಿಷ್ಯೌ ಪ್ರತ್ಯುವಾಚ ತಸ್ಮಾತ್ತತ್ರ ಸರ್ವೇ ಗಚ್ಛಾಮೋ ಯತ್ರ ಸ ಗತ ಇತಿ॥ 1-3-26 (725) ಸ ತತ್ರ ಗತ್ವಾ ತಸ್ಯಾಹ್ವಾನಾಯ ಶಬ್ದಂ ಚಕಾರಃ। ಭೋ ಆರುಣೇ ಪಾಂಚಾಲ್ಯ ಕ್ವಾಸಿ ವತ್ಸೈಹೀತಿ॥ 1-3-27 (726) ಸ ತಚ್ಛ್ರುತ್ವಾ ಆರುಣಿರುಪಾಧ್ಯಾಯವಾಕ್ಯಂ ತಸ್ಮಾತ್ಕೇದಾರಖಂಡಾತ್ಸಹಸೋತ್ಥಾಯತಮುಪಾಧ್ಯಾಯಮುಪತಸ್ಥೇ॥ 1-3-28 (727) ಪ್ರೋವಾಚ ಚೈನಮಯಮಸ್ಂಯತ್ರ ಕೇದಾರಖಂಡೇ ನಿಃಸರಮಾಣಮುದಕಮವಾರಣೀಯಂ ಸಂರೋದ್ಧುಂ ಸಂವಿಷ್ಟೋ ಭಗವಚ್ಛಬ್ದಂ ಶ್ರುತ್ವೈವ ಸಹಸಾ ವಿದಾರ್ಯ ಕೇದಾರಖಂಡಂ ಭವಂತಮುಪಸ್ಥಿತಃ॥ 1-3-29 (728) ತದಭಿವಾದಯೇ ಭಗವಂತಮಾಜ್ಞಾಪಯತು ಭವಾನ್ಕಮರ್ಥಂ ಕರವಾಣೀತಿ॥ 1-3-30 (729) ಸ ಏವಮುಕ್ತ ಉಪಾಧ್ಯಾಯಃ ಪ್ರತ್ಯುವಾಚ ಯಸ್ಮಾದ್ಭವಾನ್ಕೇದಾರಖಂಡಂ ವಿದಾರ್ಯೋತ್ಥಿತಸ್ತಸ್ಮಾದುದ್ದಾಲಕ ಏವನಾಂನಾ ಭವಾನ್ಭವಿಷ್ಯತೀತ್ಯುಪಾಧ್ಯಾಯೇನಾನುಗೃಹೀತಃ॥ 1-3-31 (730) ಯಸ್ಮಾಚ್ಚ ತ್ವಯಾ ಮದ್ವಚನಮನುಷ್ಠಿತಂ ತಸ್ಮಾಚ್ಛ್ರೇಯೋಽವಾಪ್ಸ್ಯಸಿ। ಸರ್ವೇ ಚ ತೇ ವೇದಾಃ ಪ್ರತಿಭಾಸ್ಯಂತಿ ಸರ್ವಾಣಿ ಚ ಧರ್ಮಶಾಸ್ತ್ರಾಣೀತಿ॥ 1-3-32 (731) ಸ ಏವಮುಕ್ತ ಉಪಾಧ್ಯಾಯೇನೇಷ್ಟಂ ದೇಶಂ ಜಗಾಮ॥ 1-3-33 (732) ಅಥಾಪರಃ ಶಿಷ್ಯಸ್ತಸ್ಯೈವಾಪೋದಸ್ಯ ಧೌಂಯಸ್ಯೋಪಮನ್ಯುರ್ನಾಮ। ತಂ ಚೋಪಾಧ್ಯಾಯಃ ಪ್ರೇಷಯಾಮಾಸ ವತ್ಸೋಪಮನ್ಯೋ ಗಾ ರಕ್ಷಸ್ವೇತಿ॥ 1-3-34 (733) ಸ ಉಪಾಧ್ಯಾಯವಚನಾದರಕ್ಷದ್ಗಾಃ ಸ ಚಾಹನಿ ಗಾ ರಕ್ಷಿತ್ವಾ ದಿವಸಕ್ಷಯೇ ಗುರುಗೃಹಮಾಗಂಯೋಪಾಧ್ಯಾಯಸ್ಯಾಗ್ರತಃ ಸ್ಥಿತ್ವಾ ನಮಶ್ಚಕ್ರೇ॥ 1-3-35 (734) ತಮುಪಾಧ್ಯಾಯಃ ಪೀವಾನಮಪಶ್ಯದುವಾಚ ಚೈನಂ ವತ್ಸೋಪಮನ್ಯೋ ಕೇನ ವೃತ್ತಿಂ ಕಲ್ಪಯಸಿ ಪೀವಾನಸಿ ದೃಢಮಿತಿ॥ 1-3-36 (735) ಸ ಉಪಾಧ್ಯಾಯಂ ಪ್ರತ್ಯುವಾಚ ಭೋ ಭೈಕ್ಷ್ಯೇಣ ವೃತ್ತಿಂ ಕಲ್ಪಯಾಮೀತಿ ತಮುಪಾಧ್ಯಾಯಃ ಪ್ರತ್ಯುವಾಚ॥ 1-3-37 (736) ಮಯ್ಯನಿವೇದ್ಯ ಬೈಕ್ಷ್ಯಂ ನೀಪಯೋಕ್ತವ್ಯಮಿತಿ। ಸ ತಥೇತ್ಯುಕ್ತೋ ಭೈಕ್ಷ್ಯಂ ಚರಿತ್ವೋಣಧ್ಯಾಯನ್ಯವೇದಯತ್॥ 1-3-38 (737) ಸ ತಸ್ಮಾದುಪಾಧ್ಯಾಯಃ ಸರ್ವಮೇವ ಭೈಕ್ಷ್ಯಮಗೃಹ್ಣಾತ್। ಸ ತಥೇತ್ಯುಕ್ತಃ ಪುನರರಕ್ಷದ್ಗಾ ಅಹನಿ ರಕ್ಷಿತ್ವಾ ನಿಶಾಮುಖೇ ಗುರುಕುಲಮಾಗಂಯ ಗುರೋರಗ್ರತಃಸ್ಥಿತ್ವಾ ನಮಶ್ಚಕ್ರೇ॥ 1-3-39 (738) ತಮುಪಾಧ್ಯಾಯಸ್ತಥಾಪಿ ಪೀವಾನಮೇವ ದೃಷ್ಟ್ವೋವಾಚ। ವತ್ಸೋಪಮನ್ಯೋ ಸರ್ವಮಶೇಷತಸ್ತೇ ಭೈಕ್ಷ್ಯಂ ಗೃಹ್ಣಾಮಿ ಕೇನೇದಾನೀಂ ವೃತ್ತಿಂ ಕಲ್ಪಯಸೀತಿ॥ 1-3-40 (739) ಸ ಏವಮುಕ್ತ ಉಪಾಧ್ಯಾಯಂ ಪ್ರತ್ಯುವಾಚ। ಭಗವತೇ ನಿವೇದ್ಯ ಪೂರ್ವಮಪರಂ ಚರಾಮಿ ತೇನ ವೃತ್ತಿಂ ಕಲ್ಪಯಾಮೀತಿ ತಮುಪಾಧ್ಯಾಯಃ ಪ್ರತ್ಯುವಾಚ॥ 1-3-41 (740) ನೈಷಾ ನ್ಯಾಯ್ಯಾ ಗುರುವೃತ್ತಿರನ್ಯೇಷಾಮಪಿ ಭೈಕ್ಷ್ಯೋಪಜೀವಿನಾಂ ವೃತ್ತ್ಯುಪರೋಧಂ ಕರೋಷಿ ಇತ್ಯೇವಂ ವರ್ತಮಾನೋ ಲುಬ್ಧೋಽಸೀತಿ॥ 1-3-42 (741) ಸ ತಥೇತ್ಯುಕ್ತ್ವಾ ಗಾ ಅರಕ್ಷದ್ರಕ್ಷಿತ್ವಾಚ ಪುನರುಪಾಧ್ಯಾಯಗೃಹಮಾಗಂಯೋಪಾಧ್ಯಾಯಸ್ಯಾಗ್ರತಃ ಸ್ಥಿತ್ವಾ ನಮಶ್ಚಕ್ರೇ॥ 1-3-43 (742) ತಮುಪಾಧ್ಯಾಯಸ್ತಥಾಪಿ ಪೀವಾನಮೇವ ದೃಷ್ಟ್ವಾ ಪುನರುವಾಚ। ವತ್ಸೋಪಮನ್ಯೋ ಅಹಂ ತೇ ಸರ್ವಂ ಭೈಕ್ಷ್ಯಂ ಗೃಹ್ಣಾಮಿ ನ ಚಾನ್ಯಚ್ಚರಸಿ ಪೀವಾನಸಿ ಭೃಶಂ ಕೇನ ವೃತ್ತಿಂ ಕಲ್ಪಯಸೀತಿ॥ 1-3-44 (743) ಸ ಏವಮುಕ್ತಸ್ತಮುಪಾಧ್ಯಾಯಂ ಪ್ರತ್ಯುವಾಚ। ಭೋ ಏತಾಸಾಂ ಗವಾಂ ಪಯಸಾ ವೃತ್ತಿಂ ಕಲ್ಪಯಾಮೀತಿ। ತಮುವಾಚೋಪಾಧ್ಯಾಯೋ ನೈತನ್ನ್ಯಾಯ್ಯಂ ಪಯ ಉಪಯೋಕ್ತುಂ ಭವತೋ ಮಯಾ ನಾಭ್ಯನುಜ್ಞಾತಮಿತಿ॥ 1-3-45 (744) ಸ ತಥೇತಿ ಪ್ರತಿಜ್ಞಾಯ ಗಾ ರಕ್ಷಿತ್ವಾ ಪುನರುಪಾಧ್ಯಾಯಗೃಹಮೇತ್ಯ ಗುರೋರಗ್ರತಃ ಸ್ಥಿತ್ವಾ ನಮಶ್ಚಕ್ರೇ॥ 1-3-46 (745) ತಮುಪಾಧ್ಯಾಯಃ ಪೀವಾನಮೇವ ದೃಷ್ಟ್ವೋವಾಚ। ವತ್ಸೋಪಮನ್ಯೋ ಭೈಕ್ಷ್ಯಂ ನಾಶ್ನಾಸಿ ನ ಚಾನ್ಯಚ್ಚರಸಿ ಪಯೋ ನ ಪಿಬಸಿ ಪೀವಾನಸಿ ಭೃಶಂ ಕೇನೇದಾನೀಂ ವೃತ್ತಿಂ ಕಲ್ಪಯಸೀತಿ॥ 1-3-47 (746) ಸ ಏವಮುಕ್ತ ಉಪಾಧ್ಯಾಯಂ ಪ್ರತ್ಯುವಾಚ। ಭೋಃ ಫೇನಂ ಪಿಬಾಪಿ ಯಮಿಮೇ ವತ್ಸಾ ಮಾತೄಣಾಂ ಸ್ತನಾತ್ಪಿಬಂತ ಉದ್ಗಿರಂತಿ॥ 1-3-48 (747) ತಮುಪಾಧ್ಯಾಯಃ ಪ್ರತ್ಯುವಾಚ। ಏತೇ ತ್ವದನುಕಂಪಯಾ ಗುಣವಂತೋ ವತ್ಸಾಃ ಪ್ರಭೂತತರಂ ಫೇನಮುದ್ಗಿರಂತಿ। ತದೇಷಾಮಪಿ ವತ್ಸಾನಾಂ ವೃತ್ತ್ಯುಪರೋಧಂ ಕರೋಷ್ಯೇವಂ ವರ್ತಮಾನಃ। ಫೇನಮಪಿ ಭವಾನ್ನ ಪಾತುಮರ್ಹತೀತಿ ಸ ತಥೇತಿ ಪ್ರತಿಶ್ರುತ್ಯ ನಿರಾಹಾರಃ ಪುನರರಕ್ಷದ್ಗಾಃ॥ 1-3-49 (748) ತಥಾ ಪ್ರತಿಷಿದ್ಧೋ ಭೈಕ್ಷ್ಯಂ ನಾಶ್ನಾತಿ ನಚಾನ್ಯಚ್ಚರತಿ ಪಯೋ ನ ಪಿಬತಿ ಫೇನಂ ನೋಪಯುಹ್ಕ್ತೇ ಸ ಕದಾಚಿದರಣ್ಯೇ ಕ್ಷುಧಾರ್ತೋಽರ್ಕಪತ್ರಾಣ್ಯಭಕ್ಷಯತ್॥ 1-3-50 (749) ಸ ತೈರರ್ಕಪತ್ರೈರ್ಭಕ್ಷಿತೈಃ ಕ್ಷಾರತಿಕ್ತಕಟುರೂಕ್ಷೈಸ್ತೀಕ್ಷ್ಣವಿಪಾಕೈಶ್ಚಕ್ಷುಷ್ಯುಪಹತೋಽಂಧೋ ಬಭೂವ। ತತಃ ಸೋಽಂಧೋಽಪಿ ಚಂಕ್ರಂಯಮಾಣಃ ಕೂಪೇಽಪತತ್॥ 1-3-51 (750) ಅಥ ತಸ್ಮಿನ್ನನಾಗಚ್ಛತಿ ಸೂರ್ಯೇ ಚಾಸ್ತಾಚಲಾವಲಂಬಿನಿ ಉಪಾಧ್ಯಾಯಃ ಶಿಷ್ಯಾನವೋಚತ್॥ 1-3-52 (751) ಮಯೋಪಮನ್ಯುಃ ಸರ್ವತಃ ಪ್ರತಿಷಿದ್ಧಃ ಸ ನಿಯತಂ ಕುಪಿತಸ್ತತೋ ನಾಗಚ್ಛತಿ ಚಿರಗತಸ್ತ್ವಿತಿ। ತತೋಽನ್ವೇಷ್ಯ ಇತ್ಯೇವಮುಕ್ತ್ವಾ ಶಿಷ್ಯೈಃ ಸಾರ್ಧಮರಣ್ಯಂ ಗತ್ವಾ ತಸ್ಯಾಹ್ವಾನಾಯ ಶಬ್ದಂ ಚಕಾರ ಭೋ ಉಪಮನ್ಯೋ ಕ್ವಾಸಿ ವತ್ಸೈಹೀತಿ॥ 1-3-53 (752) ಸ ಉಪಾಧ್ಯಾಯಸ್ಯ ಆಹ್ವಾನವಚನಂ ಶ್ರುತ್ವಾ ಪ್ರತ್ಯುವಾಚೋಚ್ಚೈರಯಮಸ್ಮಿನ್ಕೂಪೇ ಪತಿತೋಽಹಮಿತಿ। ತಮುಪಾಧ್ಯಾಯಃ ಪ್ರತ್ಯುವಾಚ ಕಥಂ ತ್ವಮಸ್ಮಿನ್ಕೂಪೇ ಪತಿತ ಇತಿ॥ 1-3-54 (753) ಸ ಉಪಾಧ್ಯಾಯಂ ಪ್ರತ್ಯುವಾಚ ಅರ್ಕಪತ್ರಾಣಿ ಭಕ್ಷಯಿತ್ವಾಂಧೀಭೂತೋಸ್ಂಯತಶ್ಚಂಕ್ರಂಯಮಾಣಃ ಕೂಪೇ ಪತಿತ ಇತಿ। ತಮುಪಾಧ್ಯಾಯಃ ಪ್ರತ್ಯುವಾಚ॥ 1-3-55 (754) ಅಶ್ವಿನೌ ಸ್ತುಹಿ ತೌ ದೇವಭಿಷಜೌ ತ್ವಾಂ ಚಕ್ಷುಷ್ಮಂತಂ ಕರ್ತಾರಾವಿತಿ। ಸ ಏವಮುಕ್ತ ಉಪಾಧ್ಯಾಯೇನೋಪಮನ್ಯುಃ ಸ್ತೋತುಮುಪಚಕ್ರಮೇ ದೇವಾವಶ್ವಿನೌ ವಾಗ್ಭಿರ್ಋಗ್ಭಿಃ॥ 1-3-56 (755) ಪ್ರಪೂರ್ವಗೌ ಪೂರ್ವಜೌ ಚಿತ್ರಭಾನೂ ಗಿರಾ ವಾಂ ಶಂಸಾಮಿ ತಪಸಾ ಹ್ಯನಂತೌ। ದಿವ್ಯೌ ಸುಪರ್ಣೌ ವಿರಜೌ ವಿಮಾನಾ- ವಧಿಕ್ಷಿಪಂತೌ ಭುವನಾನಿ ವಿಶ್ವಾ॥ 1-3-57 (756) ಹಿರಣ್ಮಯೌ ಶಕುನೀ ಸಾಂಪರಾಯೌ ನಾಸತ್ಯದಸ್ರೌ ಸುನಸೌ ವೈಜಯಂತೌ। ಶುಕ್ಲಂ ವಯಂತೌ ತರಸಾ ಸುವೇಮಾ- ವಧಿವ್ಯಯಂತಾವಸಿತಂ ವಿವಸ್ವತಃ॥ 1-3-58 (757) ಗ್ರಸ್ತಾಂ ಸುಪರ್ಣಸ್ಯ ಬಲೇನ ವರ್ತಿಕಾ- ಮಮುಂಚತಾಮಶ್ವಿನೌ ಸೌಭಗಾಯ। ತಾವತ್ಸುವೃತ್ತಾವನಮಂ ತಮಾಯ ಯಾ- ವಸತ್ತಮಾ ಗಾ ಅರುಣಾ ಉದಾವಹತ್॥ 1-3-59 (758) ಷಷ್ಟಿಶ್ಚ ಗಾವಸ್ತ್ರಿಶತಾಶ್ಚ ಧೇನವ ಏಕಂ ವತ್ಸಂ ಸುವತೇ ತಂ ದುಹಂತಿ। ನಾನಾಗೋಷ್ಠಾ ವಿಹಿತಾ ಏಕದೋಹನಾ- ಸ್ತಾವಶ್ವಿನೌ ದುಹತೋ ಘರ್ಮಮುಕ್ಥ್ಯಂ॥ 1-3-60 (759) ಏಕಾಂ ನಾಭಿಂ ಸಪ್ತ ಸಥಾ ಅರಾಃ ಶ್ರಿತಾಃ ಪ್ರಧಿಷ್ವನ್ಯಾ ವಿಂಶತಿರರ್ಪಿತಾ ಅರಾಃ। ಅನೇಮಿ ಚಕ್ರಂ ಪರಿವರ್ತತೇಽಜರಂ ಮಾಯಾಽಶ್ವಿನೌ ಸಮನಕ್ತಿ ಚರ್ಷಣೀ॥ 1-3-61 (760) ಏಕಂ ಚಕ್ರಂ ವರ್ತತೇ ದ್ವಾದಶಾರಂ ಷಣ್ಣಾಭಿಮೇಕಾಕ್ಷಮಮೃತಸ್ಯ ಧಾರಣಂ। ಯಸ್ಮಿಂದೇವಾ ಅಧಿ ವಿಶ್ವೇ ವಿಷಕ್ತಾ- ಸ್ತಾವಶ್ವಿನೌ ಮುಂಚತೋ ಮಾ ವಿಷೀದತಂ॥ 1-3-62 (761) ಅಶ್ವಿನಾವಿಂದುಮಮೃತಂ ವೃತ್ತಭೂಯೌ ತಿರೋಧತ್ತಾಮಶ್ವಿನೌ ದಾಸಪತ್ನೀ। ಹಿತ್ವಾ ಗಿರಿಮಶ್ವಿನೌ ಗಾಮುದಾಚರಂತೌ ತದ್ವೃಷ್ಟಿಮಹ್ನಾತ್ಪ್ರಸ್ಥಿತೌ ಬಲಸ್ಯ॥ 1-3-63 (762) ಯುವಾಂ ದಿಶೋ ಜನಯಥೋ ದಶಾಗ್ರೇ ಸಮಾನಂ ಮೂರ್ಧ್ನಿ ರಥಯಾನಂ ವಿಯಂತಿ। ತಾಸಾಂ ಯಾತಮೃಷಯೋಽನುಪ್ರಯಾಂತಿ ದೇವಾ ಮನುಷ್ಯಾಃ ಕ್ಷಿತಿಮಾಚರಂತಿ॥ 1-3-64 (763) ಯುವಾಂ ವರ್ಣಾನ್ವಿಕುರುಥೋ ವಿಶ್ವರೂಪಾಂ- ಸ್ತೇಽಧಿಕ್ಷಿಯಂತೇ ಭುವನಾನಿ ವಿಶ್ವಾ। ತೇ ಭಾನವೋಽಪ್ಯನುಸೃತಾಶ್ಚರಂತಿ ದೇವಾ ಮನುಷ್ಯಾಃ ಕ್ಷಿತಿಮಾಚರಂತಿ॥ 1-3-65 (764) ತೌ ನಾಸತ್ಯಾವಶ್ವಿನೌ ವಾಂ ಮಹೇಽಹಂ ಸ್ರಜಂ ಚ ಯಾಂ ಬಿಭೃಥಃ ಪುಷ್ಕರಸ್ಯ। ತೌ ನಾಸತ್ವಾವಮೃತಾವೃತಾವೃಧಾ- ವೃತೇ ದೇವಾಸ್ತತ್ಪ್ರಪದೇ ನ ಸೂತೇ॥ 1-3-66 (765) ಮುಖೇನ ಗರ್ಭಂ ಲಭತಾಂ ಯುವಾನೌ ಗತಾಸುರೇತತ್ಪ್ರಪದೇನ ಸೂತೇ। ಸದ್ಯೋ ಜಾತೋ ಮಾತರಮತ್ತಿ ಗರ್ಭ- ಸ್ತಾವಶ್ವಿನೌ ಮುಂಚಥೌ ಜೀವಸೇ ಗಾಂ॥ 1-3-67 (766) ಸ್ತೋತುಂ ನ ಶಕ್ನೋಮಿ ಗುಣೈರ್ಭವಂತೌ ಚಕ್ಷುರ್ವಿಹೀನಃ ಪಥಿ ಸಂಪ್ರಮೋಹಃ। ದುರ್ಗೇಽಹಮಸ್ಮಿನ್ಪತಿತೋಽಸ್ಮಿ ಕೂಪೇ ಯುವಾಂ ಶರಣ್ಯೌ ಶರಣಂ ಪ್ರಪದ್ಯೇ॥ 1-3-68 (767) ಸೌತಿರುವಾಚ। 1-3-69x (17) ಏವಮೃಗ್ಭಿಶ್ಚಾನ್ಯೈರಸ್ತುವತ್। ಇತ್ಯೇವಂ ತೇನಾಭಿಷ್ಟುತಾವಶ್ವಿನಾವಾಜಗ್ಮತುರಾಹತುಶ್ಚೈಂ ಪ್ರೀತೌ ಸ್ವ ಏಷ ತೇಽಪೂಪೋಶಾನೈನಮಿತಿ॥ 1-3-69 (768) ಸ ಏವಮುಕ್ತಃ ಪ್ರತ್ಯುವಾಚ ನಾನೃತಮೂಚತುರ್ಭಗವಂತೌ ನತ್ವಹಮೇತಮಪೂಪಮುಪಯೋಕ್ತುಮುತ್ಸಹೇ ಗುರವೇಽನಿವೇದ್ಯೇತಿ॥ 1-3-70 (769) ತತಸ್ತಮಶ್ವಿನಾವೂಚತುಃ। ಆವಾಭ್ಯಾಂ ಪುರಸ್ತಾದ್ಭವತ ಉಪಾಧ್ಯಾಯೇನೈವಮೇವಾಭಿಷ್ಟುತಾಭ್ಯಾಮಪೂಪೋದತ್ತ ಉಪಯುಕ್ತಃ ಸ ತೇನಾನಿವೇದ್ಯ ಗುರವೇ ತ್ವಮಪಿ ತಥೈವ ಕುರುಷ್ವ ಯಥಾ ಕೃತಮುಪಾಧ್ಯಾಯೇನೇತಿ॥ 1-3-71 (770) ಸ ಏವಮುಕ್ತಃ ಪ್ರತ್ಯುವಾಚ ಏತತ್ಪ್ರತ್ಯನುನಯೇ ಭವಂತಾವಶ್ವಿನೌ ನೋತ್ಸಹೇಽಹಮನಿವೇದ್ಯ ಗುರವೇಽಪೂಪಮುಪಯೋಕ್ತುಮಿತಿ॥ 1-3-72 (771) ತಮಶ್ವಿನಾವಾಹತುಃ ಪ್ರೀತೌ ಸ್ವಸ್ತವಾನಯಾ ಗುರುಭಕ್ತ್ಯಾ। ಉಪಾಧ್ಯಾಯಸ್ಯ ತೇ ಕಾರ್ಷ್ಣಾಯಸಾ ದಂತಾ ಭವತೋಽಪಿ ಹಿರಣ್ಮಯಾ ಭವಿಷ್ಯಂತಿ ಚಕ್ಷುಷ್ಮಾಂಶ್ಚ ಭವಿಷ್ಯಸಿ ಶ್ರೇಯಶ್ಚಾವಾಪ್ಸ್ಯಸೀತಿ॥ 1-3-73 (772) ಸ ಏವಮುಕ್ತೋಽಶ್ವಿಭ್ಯಾಂ ಲಬ್ಧಚಕ್ಷುರುಪಾಧ್ಯಾಯಸಕಾಶಮಾಗಂಯಾಭ್ಯವಾದಯತ್॥ 1-3-74 (773) ಆಚಚಕ್ಷೇ ಚ ಸ ಚಾಸ್ಯ ಪ್ರೀತಿಮಾನ್ಬಭೂವ॥ 1-3-75 (774) ಆಹ ಚೈನಂ ಯಥಾಽಶ್ವಿನಾವಾಹತುಸ್ತಥಾ ತ್ವಂ ಶ್ರೇಯೋಽವಾಪ್ಸ್ಯಸೀತಿ॥ 1-3-76 (775) ಸರ್ವೇ ಚ ತೇ ವೇದಾಃಪ್ರತಿಭಾಸ್ಯಂತಿ ಸರ್ವಾಣಿ ಚ ಧರ್ಮಶಾಸ್ತ್ರಾಣೀತಿ। ಏಷಾ ತಸ್ಯಾಪಿ ಪರೀಕ್ಷೋಪಮನ್ನ್ಯೋಃ॥ 1-3-77 (776) ಅಥಾಪರಃ ಶಿಷ್ಯಸ್ತಸ್ಯೈವಾಪೋದಸ್ಯ ಧೌಂಯಸ್ಯ ಬೈದೋ ನಾಮ ತಮುಪಾಧ್ಯಾಯಃ ಸಮಾದಿದೇಶ ವತ್ಸ ಬೈದ ಇಹಾಸ್ಯತಾಂ ತಾವನ್ಮಮ ಗೃಹೇ ಕಂಚಿತ್ಕಾಲಂ ಶುಶ್ರೂಷುಣಾ ಚ ಭವಿತವ್ಯಂ ಶ್ರೇಯಸ್ತೇ ಭವಿಷ್ಯತೀತಿ॥ 1-3-78 (777) ಸ ತಥೇತ್ಯುಕ್ತ್ವಾ ಗುರುಕುಲೇ ದೀರ್ಘಕಾಲಂ ಗುರುಶುಶ್ರೂಷಣಪರೋಽವಸತ್। ಗೌರಿವ ನಿತ್ಯಂ ಗುರುಣಾ ಧೂರ್ಷು ನಿಯೋಜ್ಯಮಾನಃ ಶೀತೋಷ್ಣಕ್ಷುತ್ತೃಷ್ಣಾದುಃಖಸಹಃ ಸರ್ವತ್ರಾಪ್ರತಿಕೂಲಸ್ತಸ್ಯ ಮಹತಾತ್ಕಾಲೇನ ಗುರುಃ ಪರಿತೋಷಂ ಜಗಾಮ॥ 1-3-79 (778) ತತ್ಪರಿತೋಷಾಚ್ಚ ಶ್ರೇಯಃ ಸರ್ವಜ್ಞತಾಂ ಚಾವಾಪ। ಏಷಾ ತಸ್ಯಾಪಿ ಪರೀಕ್ಷಾ ಬೈದಸ್ಯ॥ 1-3-80 (779) ಸ ಉಪಾಧ್ಯಾಯೇನಾನುಜ್ಞಾತಃ ಸಮಾವೃತ್ತಸ್ತಸ್ಮಾದ್ಗುರುಕುಲವಾಸಾದ್ಗೃಹಾಶ್ರಮಂ ಪ್ರತ್ಯಪದ್ಯತ। ತಸ್ಯಾಪಿ ಸ್ವಗೃಹೇ ವಸತಸ್ತ್ರಯಃ ಶಿಷ್ಯಾ ಬಭೂವುಃ ಸ ಶಿಷ್ಯಾನ್ನ ಕಿಂಚಿದುವಾಚ ಕರ್ಮ ವಾ ಕ್ರಿಯತಾಂ ಗುರುಶುಶ್ರೂಷಾ ವೇತಿ। ದುಃಖಾಭಿಜ್ಞೋ ಹಿ ಗುರುಕುಲವಾಸಸ್ಯ ಶಿಷ್ಯಾನ್ಪರಿಕ್ಲೇಶೇನ ಯೋಜಯಿತುಂ ನೇಯೇಷ॥ 1-3-81 (780) ಅಥ ಕಸ್ಮಿಂಶ್ಚಿತ್ಕಾಲೇ ಬೈದಂ ಬ್ರಾಹ್ಮಣಂ ಜನಮೇಜಯಃ ಪೌಷ್ಯಶ್ಚ ಕ್ಷತ್ರಿಯಾವುಪೇತ್ಯೋಪಾಧ್ಯಾಯಂ ವರಯಾಂಚಕ್ರತುಃ॥ 1-3-82 (781) ಸ ಕದಾಚಿದ್ಯಾಜ್ಯಕಾರ್ಯೇಣಾಭಿಪ್ರಸ್ಥಿತ ಉತ್ತಂಕನಾಮಾನಂ ಶಿಷ್ಯಂ ನಿಯೋಜಯಾಮಾಸ॥ 1-3-83 (782) ಭೋಯತ್ಕಿಂಚಿದಸ್ಮದ್ಗೃಹೇ ಪರಿಹೀಯತೇ ತದಿಚ್ಛಾಂಯಹಮಪರಿಹೀಯಮಾನಂ ಭವತಾ ಕ್ರಿಯಮಾಣಮಿತಿ ಸ ಏವಂ ಪ್ರತಿಸಂದಿಶ್ಯೋತ್ತಂಕಂ ಬೈದಃ ಪ್ರವಾಸಂ ಜಗಾಮ॥ 1-3-84 (783) ಅಥೋತ್ತಂಕಃ ಶುಶ್ರೂಷುರ್ಗುರುನಿಯೋಗಮನುತಿಷ್ಠಮಾನೋ ಗುರುಕುಲೇ ವಸತಿ ಸ್ಮ। ಸ ತತ್ರ ವಸಮಾನ ಉಪಾಧ್ಯಾಯಸ್ತ್ರೀಭಿಃ ಸಹಿತಾಭಿರಾಹೂಯೋಕ್ತಃ॥ 1-3-85 (784) ಉಪಾಧ್ಯಾಯಾನೀ ತೇ ಋತುಮತೀ ಉಪಾಧ್ಯಾಯಶ್ಚ ಪ್ರೋಷಿತೋಽಸ್ಯಾ ಯಥಾಽಯಮೃತುರ್ವಂಧ್ಯೋ ನ ಭವತಿ ತಥಾ ಕ್ರಿಯತಾಮೇಷಾ ವಿಷೀದತೀತಿ॥ 1-3-86 (785) ಏವಮುಕ್ತಸ್ತಾಃ ಸ್ತ್ರಿಯಃ ಪ್ರತ್ಯುವಾಚ। ನ ಮಯಾ ಸ್ತ್ರೀಣಾಂ ವಚನಾದಿದಮಕಾರ್ಯಂ ಕರಣೀಯಂ। ನ ಹ್ಯಹಮುಪಾಧ್ಯಾಯೇನ ಸಂದಿಷ್ಟೋಽಕಾರ್ಯಮಪಿ ತ್ವಯಾ ಕಾರ್ಯಮಿತಿ॥ 1-3-87 (786) ತಸ್ಯ ಪುನರುಪಾಧ್ಯಾಯಃ ಕಾಲಾಂತರೇಣ ಗೃಹಮಾಜಗಾಮ ತಸ್ಮಾತ್ಪ್ರವಾಸಾತ್। ಸ ತು ತದ್ವೃತ್ತಂ ತಸ್ಯಾಶೇಷಮುಪಲಭ್ಯ ಪ್ರೀತಿಮಾನಭೂತ್॥ 1-3-88 (787) ಉವಾಚ ಚೈನಂ ವತ್ಸೋತ್ತಂಕಂ ಕಿಂ ತೇ ಪ್ರಿಯಂ ಕರವಾಣೀತಿ। ಧರ್ಮತೋ ಹಿ ಶುಶ್ರೂಷಿತೋಽಸ್ಮಿ ಭವತಾ ತೇನ ಪ್ರೀತಿಃ ಪರಸ್ಪರೇಣ ನೌ ಸಂವೃದ್ಧಾ ತದನುಜಾನೇ ಭವಂತಂ ಸರ್ವಾನೇವ ಕಾಮಾನವಾಪ್ಸ್ಯಸಿ ಗಂಯತಾಮಿತಿ॥ 1-3-89 (788) ಸ ಏವಮುಕ್ತಃ ಪ್ರತ್ಯುವಾಚ ಕಿಂ ತೇ ಪ್ರಿಯಂ ಕರವಾಣೀತಿ ಏವಂ ಹ್ಯಾಹುಃ॥ 1-3-90 (789) ಯಶ್ಚಾಧರ್ಮೇಣ ವೈ ಬ್ರೂಯಾದ್ಯಶ್ಚಾಧರ್ಮೇಣ ಪೃಚ್ಛತಿ। ತಯೋರನ್ಯತರಃ ಪ್ರೈತಿ ವಿದ್ವೇಷಂ ಚಾಧಿಗಚ್ಛತಿ॥ 1-3-91 (790) ಸೋಹಮನುಜ್ಞಾತೋ ಭವತಾ ಇಚ್ಛಾಮೀಷ್ಟಂ ಗುರ್ವರ್ಥಮುಪಹರ್ತುಮಿತಿ। ತೇನೈವಮುಕ್ತ ಉಪಾಧ್ಯಾಯಃ ಪ್ರತ್ಯುವಾಚ ವತ್ಸೋತ್ತಂಕ ಉಷ್ಯತಾಂ ತಾವದಿತಿ॥ 1-3-92 (791) ಸ ಕದಾಚಿತ್ತಮುಪಾಧ್ಯಾಯಮಾಹೋತ್ತಂಕ ಆಜ್ಞಾಪಯತು ಭವಾನ್ಕಿಂ ತೇ ಪ್ರಿಯಮುಪಾಹರಾಮಿ ಗುರ್ವರ್ಥಮಿತಿ॥ 1-3-93 (792) ತಮುಪಾಧ್ಯಾಯಃ ಪ್ರತ್ಯುವಾಚ ವತ್ಸೋತ್ತಂಕ ಬಹುಶೋ ಮಾಂ ಚೋದಯಸಿ ಗುರ್ವರ್ಥಮುಪಾಹರಾಮೀತಿ ತದ್ಗಚ್ಛೈನಾಂ ಪ್ರವಿಶ್ಯೋಪಾಧ್ಯಾಯಾನೀಂ ಪೃಚ್ಛ ಕಿಮುಪಾಹರಾಮೀತಿ ಏಷಾ ಯದ್ಬ್ರವೀತಿ ತದುಪಾಹರಸ್ವೇತಿ॥ 1-3-94 (793) ಸ ಏವಮುಕ್ತ ಉಪಾಧ್ಯಾಯೇನೋಪಾಧ್ಯಾಯಾನೀಮಪೃಚ್ಛದ್ಭವತ್ಯುಪಾಧ್ಯಾಯೇನಾಸ್ಂಯನುಜ್ಞಾತೋ ಗೃಹಂ ಗಂತುಮಿಚ್ಛಾಮೀಷ್ಟಂ ತೇ ಗುರ್ವರ್ಥಮುಪಹೃತ್ಯಾನೃಣೋ ಗಂತುಂ ತದಾಜ್ಞಾಪಯತು ಭವತೀ ಕಿಮುಪಾಹರಾಮಿ ಗುರ್ವರ್ಥಮಿತಿ॥ 1-3-95 (794) ಸೈವಮುಕ್ತೋಪಾಧ್ಯಾಯಾನೀ ತಮುತ್ತಂಕಂ ಪ್ರತ್ಯುವಾಚ ಗಚ್ಛ ಪೌಷ್ಯಂ ಪ್ರತಿ ರಾಜಾನಂ ಕುಂಡಲೇ ಭಿಕ್ಷಿತುಂ ತಸ್ಯ ಕ್ಷತ್ರಿಯಯಾ ಪಿನದ್ಧೇ॥ 1-3-96 (795) ಆನಯಸ್ವೇತಶ್ಚತುರ್ಥೇಽಹನಿ ಪುಣ್ಯಕರ್ಮ ಭವಿತಾ ತಾಭ್ಯಾಮಾಬದ್ಧಾಭ್ಯಾಂ ಶೋಭಮಾನಾ ಬ್ರಾಹ್ಮಣಾನ್ಪರಿವೇಷ್ಟುಮಿಚ್ಛಾಮಿ। ತತ್ಸಂಪಾದಯಸ್ವ ಏವಂ ಹಿ ಕುರ್ವತಃ ಶ್ರೇಯೋ ಭವಿತಾಽನ್ಯಥಾ ಕುತಃ ಶ್ರೇಯ ಇತಿ॥ 1-3-97 (796) ಸ ಏವಮುಕ್ತಸ್ತಯೋಪಾಧ್ಯಾಯಾನ್ಯಾ ಪ್ರಾತಿಷ್ಠತೋತ್ತಂಕಃ ಸ ಪಥಿ ಗಚ್ಛನ್ನಪಶ್ಯದೃಷಭಮತಿಪ್ರಮಾಣಂ ತಮಧಿರೂಢಂ ಚ ಪುರುಷಮತಿಪ್ರಮಾಣಮೇವ ಸ ಪುರುಷ ಉತ್ತಂಕಮಭ್ಯಭಾಷತ॥ 1-3-98 (797) ಭೋಉತ್ತಂಕೈತತ್ಪುರೀಷಮಸ್ಯ ಋಷಭಸ್ಯ ಭಕ್ಷಯಸ್ವೇತಿ ಸ ಏವಮುಕ್ತೋ ನೈಚ್ಛತ್॥ 1-3-99 (798) ತಮಾಹ ಪುರುಷೋ ಭೂಯೋ ಭಕ್ಷಯಸ್ವೋತ್ತಂಕ ಮಾ ವಿಚಾರಯೋಪಾಧ್ಯಾಯೇನಾಪಿ ತೇ ಭಕ್ಷಿತಂ ಪೂರ್ವಮಿತಿ॥ 1-3-100 (799) ಸ ಏವಮುಕ್ತೋ ಬಾಢಮಿತ್ಯುಕ್ತ್ವಾ ತದಾ ತದ್ವೃಪಭಸ್ಯ ಮೂತ್ರಂ ಪುರೀಷಂ ಚ ಭಕ್ಷಯಿತ್ವೋತ್ತಂಕಃ ಸಂಭ್ರಮಾಢುತ್ಥಿತ ಏವಾಪೋಽನುಸ್ಪೃಶ್ಯ ಪ್ರತಸ್ಥೇ॥ 1-3-101 (800) ಯತ್ರ ಸ ಕ್ಷತ್ರಿಯಃ ಪೌಷ್ಯಸ್ತಮುಪೇತ್ಯಾಸೀನಮಪಶ್ಯದುತ್ತಂಕಃ। ಸ ಉತ್ತಂಕಸ್ತಮುಪೇತ್ಯಾಶೀರ್ಭಿರಭಿನಂದ್ಯೋವಾಚ॥ 1-3-102 (801) ಅರ್ಥೀ ಭವಂತಮುಪಾಗತೋಽಸ್ಮೀತಿ ಸ ಏನಮಭಿವಾದ್ಯೋವಾಚ। ಭಗವನ್ಪೌಷ್ಯಃ ಖಲ್ವಹಂ ಕಿಂ ಕರವಾಣೀತಿ॥ 1-3-103 (802) ಸ ತಮುವಾಚ ಗುರ್ವರ್ಥಂ ಕುಂಡಲಯೋರರ್ಥೇನಾಭ್ಯಾಗತೋಽಸ್ಮಿ। ಯೇ ವೈ ತೇ ಕ್ಷತ್ರಿಯಾ ಪಿನದ್ಧೇ ಕುಂಡಲೇ ತೇ ಭವಾಂದಾತುಮರ್ಹತೀತಿ॥ 1-3-104 (803) ತಂ ಪ್ರತ್ಯುವಾಚ ಪೌಷ್ಯಃ ಪ್ರವಿಶ್ಯಾಂತಃಪುರಂ ಕ್ಷತ್ರಿಯಾ ಯಾಚ್ಯತಾಮಿತಿ। ಸ ತೇನೈವಮುಕ್ತಃ ಪ್ರವಿಶ್ಯಾಂತಃಪುರಂ ಕ್ಷತ್ರಿಯಾಂ ನಾಪಶ್ಯತ್॥ 1-3-105 (804) ಸ ಪೌಷ್ಯಂ ಪುನರುವಾಚ ನ ಯುಕ್ತಂ ಭವತಾಽಹಮನೃತೇನೋಪಚರಿತುಂ ನ ಹಿ ತೇಽಂತಃಪುರೇ ಕ್ಷತ್ರಿಯಾ ಸನ್ನಿಹಿತಾ ನೈನಾಂ ಪಶ್ಯಾಮಿ॥ 1-3-106 (805) ಸ ಏವಮುಕ್ತಃ ಪೌಷ್ಯಃ ಕ್ಷಣಮಾತ್ರಂ ವಿಮೃಶ್ಯೋತ್ತಂಕಂ ಪ್ರತ್ಯುವಾಚ। ನಿಯತಂ ಭವಾನುಚ್ಛಿಷ್ಟಃ ಸ್ಮರ ತಾವನ್ನ ಹಿ ಸಾ ಕ್ಷತ್ರಿಯಾ ಉಚ್ಛಿಷ್ಟೇನಾಶುಚಿನಾ ಶಕ್ಯಾ ದ್ರಷ್ಟುಂ ಪತಿವ್ರತಾತ್ವಾತ್ಸೈಷಾ ನಾಶುಚೇರ್ದರ್ಶನಮುಪೈತೀತಿ॥ 1-3-107 (806) ಅಥೈವಮುಕ್ತ ಉತ್ತಂಕಃ ಸ್ಮೃತ್ವೋವಾಚಾಸ್ತಿ ಖಲು ಮಯಾ ತು ಭಕ್ಷಿತಂ ನೋಪಸ್ಪೃಷ್ಟಮಾಗಚ್ಛತೇತಿ। ತಂ ಪೌಷ್ಯಃ ಪ್ರತ್ಯುವಾಚ ಏಷ ತೇ ವ್ಯತಿಕ್ರಮೋ ನೋತ್ಥಿತೇನೋಪಸ್ಪೃಷ್ಟಂ ಭವತಿ ಶೀಘ್ರಮಾಗಚ್ಛತೇತಿ॥ 1-3-108 (807) ಅಥೋತ್ತಂಕಸ್ತಂ ತಥೇತ್ಯುಕ್ತ್ವಾ ಪ್ರಾಙ್ಮುಖ ಉಪಾವೇಶ್ಯ ಸುಪ್ರಕ್ಷಾಲಿತಪಾಣಿಪಾದವದನೋ ನಿಃಶಬ್ದಾಭಿರಫೇನಾಭಿರನುಷ್ಣಾಭಿರ್ಹೃದ್ಗತಾಭಿರದ್ಭಿಸ್ತ್ರಿಃ ಪೀತ್ವಾ ದ್ವಿಃ ಪರಿಮೃಜ್ಯ ಖಾನ್ಯದ್ಭಿರುಪಸ್ಪೃಶ್ಯ ಚಾಂತಃಪುರಂ ಪ್ರವಿವೇಶ॥ 1-3-109 (808) ತತಸ್ತಾಂ ಕ್ಷತ್ರಿಯಾಮಪಶ್ಯತ್ಸಾ ಚ ದೃಷ್ಟ್ವೈವೋತ್ತಂಕಂ ಪ್ರತ್ಯುತ್ಥಾಯಾಭಿವಾದ್ಯೋವಾಚ ಸ್ವಾಗತಂ ತೇ ಭಗವನ್ನಾಜ್ಞಾಪಯ ಕಿಂ ಕರವಾಣೀತಿ॥ 1-3-110 (809) ಸ ತಾಮುವಾಚೈತೇ ಕುಂಡಲೇ ಗುರ್ವರ್ಥಂ ಮೇ ಭಿಕ್ಷಿತೇ ದಾತುಮರ್ಹಸೀತಿ। ಸಾ ಪ್ರೀತಾ ತೇನ ತಸ್ಯ ಸದ್ಭಾವೇನ ಪಾತ್ರಮಯಮನತಿಕ್ರಮಣೀಯಶ್ಚೇತಿ ಮತ್ವಾ ತೇ ಕುಂಡಲೇ ಅವಮುಚ್ಯಾಸ್ಮೈ ಪ್ರಾಯಚ್ಛದಾಹ ಚೈನಮೇತೇ ಕುಂಡಲೇ ತಕ್ಷಕೋ ನಾಗರಾಜಃ ಸುಭೃಶಂ ಪ್ರಾರ್ಥಯತ್ಯಪ್ರಮತ್ತೋ ನೇತುಮರ್ಹಸೀತಿ॥ 1-3-111 (810) ಸ ಏವಮುಕ್ತಸ್ತಾಂ ಕ್ಷತ್ರಿಯಾಂ ಪ್ರತ್ಯುವಾಚ ಭವತೀ ಸುನಿರ್ವೃತಾ ಭವತು। ನ ಮಾಂ ಶಕ್ತಸ್ತಕ್ಷಕೋ ನಾಗರಾಜೋ ಧರ್ಷಯಿತುಮಿತಿ॥ 1-3-112 (811) ಸ ಏವಮುಕ್ತ್ವಾ ತಾಂ ಕ್ಷತ್ರಿಯಾಮಾಮಂತ್ರ್ಯ ಪೌಷ್ಯಸಕಾಶಮಾಗಚ್ಛತ್। ಆಹ ಚೈನಂ ಭೋಃ ಪೌಷ್ಯ ಪ್ರೀತೋಽಸ್ಮೀತಿ ತಮುತ್ತಂಕಂ ಪೌಷ್ಯಃ ಪ್ರತ್ಯುವಾಚ॥ 1-3-113 (812) ಭಗವಂಶ್ಚಿರೇಣ ಪಾತ್ರಮಾಸಾದ್ಯತೇ ಭವಾಶ್ಚ ಗುಣವಾನತಿಥಿಸ್ತದಿಚ್ಛೇ ಶ್ರಾದ್ಧಂ ಕರ್ತುಂ ಕ್ರಿಯತಾಂ ಕ್ಷಣ ಇತಿ॥ 1-3-114 (813) ತಮುತ್ತಂಕಃ ಪ್ರತ್ಯುವಾಚ ಕೃತಕ್ಷಣ ಏವಾಸ್ಮಿ ಶೀಘ್ರಮಿಚ್ಛಾಮಿ ಯಥೋಪಪನ್ನಮನ್ನಮುಪಸ್ಕೃತಂ ಭವತೇತಿ ಸ ತಥೇತ್ಯುಕ್ತ್ವಾ ಯಥೋಪಪನ್ನೇನಾನ್ನೇನೈನಂ ಭೋಜಯಾಮಾಸ॥ 1-3-115 (814) ಅಥೋತ್ತಂಕಃ ಸಕೇಶಂ ಶೀತಮನ್ನಂ ದೃಷ್ಟ್ವಾ ಅಶುಚ್ಯೇತದಿತಿ ಮತ್ವಾ ತಂ ಪೌಷ್ಯಮುವಾಚ। ಯಸ್ಮಾನ್ಮೇ ಅಶುಚ್ಯನ್ನಂ ದದಾಸಿ ತಸ್ಮಾದಂಧೋ ಭವಿಷ್ಯಸೀತಿ॥ 1-3-116 (815) ತಂ ಪೌಷ್ಯಃ ಪ್ರತ್ಯುವಾಚ। ಯಸ್ಮಾತ್ತ್ವಮದುಷ್ಟಮನ್ನಂದೂಷಯಸಿ ತಸ್ಮಾದನಪತ್ಯೋ ಭವಿಷ್ಯಸೀತಿ ತಮುತ್ತಂಕಃ ಪ್ರತ್ಯುವಾಚ॥ 1-3-117 (816) ನ ಯುಕ್ತಂ ಭವತಾಽನ್ನಮಶುಚಿ ದತ್ತ್ವಾ ಪ್ರತಿಶಾಪಂ ದಾತುಂ ತಸ್ಮಾದನ್ನಮೇವ ಪ್ರತ್ಯಕ್ಷೀಕುರು। ತತಃ ಪೌಷ್ಯಸ್ತದನ್ನಮಶುಚಿ ದೃಷ್ಟ್ವಾ ತಸ್ಯಾಶುಚಿಭಾವಮಪರೋಕ್ಷಯಾಮಾಸ॥ 1-3-118 (817) ಅಥ ತದನ್ನಂ ಮುಕ್ತಕೇಶ್ಯಾ ಸ್ತ್ರಿಯೋಪಹೃತಮನುಷ್ಣಂ ಸಕೇಶಂ ಚಾಶುಚ್ಯೇತದಿತಿ ಮತ್ವಾ ತಮೃಷಿಮುತ್ತಂಕಂ ಪ್ರಸಾದಯಾಮಾಸ॥ 1-3-119 (818) ಭಘವನ್ನೇತದಜ್ಞಾನಾದನ್ನಂ ಸಕೇಶಮುಪಾಹೃತಂ ಶೀತಂ ಚ। ತತ್ಕ್ಷಾಮಯೇ ಭವಂತಂ ನ ಭವೇಯಮಂಧ ಇತಿ। ತಮುತ್ತಂಕಃ ಪ್ರತ್ಯುವಾಚ॥ 1-3-120 (819) ನ ಮೃಷಾ ಬ್ರವೀಮಿ ಭೂತ್ವಾ ತ್ವಮಂಧೋ ನಚಿರಾದನಂಧೋ ಭವಿಷ್ಯಸೀತಿ। ಮಮಾಪಿ ಶಾಪೋ ಭವತಾ ದತ್ತೋ ನ ಭವೇದಿತಿ॥ 1-3-121 (820) ತಂ ಪೌಷ್ಯಃ ಪ್ರತ್ಯುವಾಚ ನ ಚಾಹಂ ಶಕ್ತಃ ಶಾಪಂ ಪ್ರತ್ಯಾದಾತುಂ ನ ಹಿ ಮೇ ಮನ್ಯುರದ್ಯಾಪ್ಯುಪಶಮಂ ಗಚ್ಛತಿ ಕಿಂ ಚೈತದ್ಭವತಾ ನ ಜ್ಞಾಯತೇ। ಯಥಾ॥ 1-3-122 (821) ನವನೀತಂ ಹೃದಯಂ ಬ್ರಾಹ್ಮಣಸ್ಯ ವಾಚಿ ಕ್ಷುರೋ ನಿಹಿತಸ್ತೀಕ್ಷ್ಣಧಾರಃ। ತದುಭಯಮೇತದ್ವಿಪರೀತಂ ಕ್ಷತ್ರಿಯಸ್ಯ ವಾಂಗವನೀತಂ ಹೃದಯಂ ತೀಕ್ಷ್ಣಧಾರಂ॥ ಇತಿ॥ 1-3-123 (822) ತದೇವಂಗತೇ ನ ಶಕ್ತೋಽಹಂ ತೀಕ್ಷ್ಣಹೃದಯತ್ವಾತ್ತಂ ಶಾಪಮನ್ಯಥಾಕರ್ತುಂ ಗಂಯತಾಮಿತಿ। ತಮುತ್ತಂಕಃ ಪ್ರತ್ಯುವಾಚ॥ 1-3-124 (823) ಭವತಾಽಹಮನ್ನಸ್ಯಾಶುಚಿಭಾವಮಾಲಕ್ಷ್ಯ ಪ್ರತ್ಯನುನೀತಃ। ಪ್ರಾಕ್ ಚ ತೇಽಭಿಹಿತಂ ಯಸ್ಮಾದದುಷ್ಟಮನ್ನಂ ದೂಷಯಸಿ ತಸ್ಮಾದನಪತ್ಯೋ ಭವಿಷ್ಯಸೀತಿ। ದುಷ್ಟೇ ಚಾನ್ನೇ ನೈಷ ಮಮ ಶಾಪೋ ಭವಿಷ್ಯತೀತಿ॥ 1-3-125 (824) ಸಾಧಯಾಮಸ್ತಾವದಿತ್ಯುಕ್ತ್ವಾ ಪ್ರಾತಿಷ್ಠತೋತ್ತಂಕಸ್ತೇ ಕುಂಡಲೇ ಗೃಹೀತ್ವಾ। ಸೋಽಪಶ್ಯದಥ ಪಥಿ ನಗ್ನಂ ಕ್ಷಪಣಕಮಾಗಚ್ಛಂತಂ ಮುಹುರ್ಮುಹುರ್ದೃಶ್ಯಮಾನಮದೃಶ್ಯಮಾನಂ ಚ॥ 1-3-126 (825) ಅಥೋತ್ತಂಕಸ್ತೇ ಕುಂಡಲೇ ಸಂನ್ಯಸ್ಯ ಭೂಮಾವುದಕಾರ್ಥಂ ಪ್ರಚಕ್ರಮೇ। ಏತಸ್ಮಿನ್ನಂತರೇ ಸ ಕ್ಷಪಣಕಸ್ತ್ವರಮಾಣ ಉಪಸೃತ್ಯ ತೇ ಕುಂಡಲೇ ಗೃಹೀತ್ವಾ ಪ್ರಾದ್ರವತ್॥ 1-3-127 (826) ತಮುತ್ತಂಕೋಽಭಿಸೃತ್ಯ ಕೃತೋದಕಕಾರ್ಯಃ ಶುಚಿಃ ಪ್ರಯತೋ ನಮೋ ದೇವೇಭ್ಯೋ ಗುರುಭ್ಯಶ್ಚ ಕೃತ್ವಾ ಮಹತಾ ಜವೇನ ತಮನ್ವಯಾತ್॥ 1-3-128 (827) ತಸ್ಯ ತಕ್ಷಕೋ ದೃಢಮಾಸನ್ನಃ ಸತಂ ಜಗ್ರಾಹ। ಗೃಹೀತಮಾತ್ರಃ ಸ ತದ್ರೂಪಂ ವಿಹಾಯ ತಕ್ಷಕಸ್ವರೂಪಂ ಕೃತ್ವಾ ಸಹಸಾ ಧರಣ್ಯಾಂ ವಿವೃತಂ ಮಹಾಬಿಲಂ ಪ್ರವಿವೇಶ॥ 1-3-129 (828) ಪ್ರವಿಶ್ಯ ಚ ನಾಗಲೋಕಂ ಸ್ವಭವನಮಗಚ್ಛತ್। ಅಥೋತ್ತಂಕಸ್ತಸ್ಯಾಃ ಕ್ಷತ್ರಿಯಾಯಾ ವಚಃ ಸ್ಮೃತ್ವಾ ತಂ ತಕ್ಷಕಮನ್ವಗಚ್ಛತ್॥ 1-3-130 (829) ಸ ತದ್ಬಿಲಂ ದಂಡಕಾಷ್ಠೇನ ಚಖಾನ ನ ಚಾಶಕತ್। ತಂ ಕ್ಲಿಶ್ಯಮಾನಮಿಂದ್ರೋಽಪಶ್ಯತ್ಸ ವಜ್ರಂ ಪ್ರೇಷಯಾಮಾಸ। ಗಚ್ಛಾಸ್ಯ ಬ್ರಾಹ್ಮಣಸ್ಯ ಸಾಹಾಯ್ಯಂ ಕುರುಷ್ವೇತಿ॥ 1-3-131 (830) ಅಥ ವಜ್ರಂ ದಂಡಕಾಷ್ಠಮನುಪ್ರವಿಶ್ಯ ತದ್ಬಿಲಮದಾರಯತ್॥ 1-3-132 (831) ತಮುತ್ತಂಕೋಽನುವಿವೇಶ ತೇನೈವ ಬಿಲೇನ ಪ್ರವಿಶ್ಯ ಚ ತಂ ನಾಗಲೋಕಮಪರ್ಯಂತಮನೇಕವಿಧಪ್ರಾಸಾದಹರ್ಂಯವಲಭೀನಿರ್ಯೂಹಶತಸಂಕುಲಮುಚ್ಚಾವಚಕ್ರೀಡಾಶ್ಚರ್ಯಸ್ಥಾನಾವಕೀರ್ಣಮಪಶ್ಯತ್॥ 1-3-133 (832) ಸ ತತ್ರ ನಾಗಾಂಸ್ತಾನಸ್ತುವದೇಭಿಃ ಶ್ಲೋಕೈಃ। ಯ ಐರಾವತರಾಜಾನಃ ಸರ್ಪಾಃ ಸಮಿತಿಶೋಭಾಃ। ಕ್ಷರಂತ ಇವ ಜೀಮೂತಾಃ ಸವಿದ್ಯುತ್ಪವನೇರಿತಾಃ॥ 1-3-134 (833) ಸುರೂಪಾ ಬಹುರೂಪಾಶ್ಚ ತಥಾ ಕಲ್ಮಾಷಕುಂಡಲಾಃ। ಆದಿತ್ಯವನ್ನಾಕಪೃಷ್ಠೇ ರೇಜುರೈರಾವತೋದ್ಭವಾಃ॥ 1-3-135 (834) ಬಹೂನಿ ನಾಗವೇಶ್ಮಾನಿ ಗಂಗಾಯಾಸ್ತೀರ ಉತ್ತರೇ। ತತ್ರಸ್ಥಾನಪಿ ಸಂಸ್ತೌಮಿ ಮಹತಃ ಪನ್ನಗಾನಹಂ॥ 1-3-136 (835) ಇಚ್ಛೇತ್ಕೋಽರ್ಕಾಂಶುಸೇನಾಯಾಂ ಚರ್ತುಮೈರಾವತಂ ವಿನಾ। ಶತಾನ್ಯಶೀತಿರಷ್ಟೌ ಚ ಸಹಸ್ರಾಣಿ ಚ ವಿಂಶತಿಃ॥ 1-3-137 (836) ಸರ್ಪಾಣಾಂ ಪ್ರಗ್ರಹಾ ಯಾಂತಿ ಧೃತರಾಷ್ಟ್ರೋ ಯದೈಜತಿ। ಯೇ ಚೈನಮುಪಸರ್ಪಂತಿ ಯೇ ಚ ದೂರಪಥಂ ಗತಾಃ॥ 1-3-138 (837) ಅಹಮೈರಾವತಜ್ಯೇಷ್ಠಭ್ರಾತೃಭ್ಯೋಽಕರವಂ ನಮಃ। ಯಸ್ಯ ವಾಸಃ ಕುರುಕ್ಷೇತ್ರೇ ಖಾಂಡವೇ ಚಾಭವತ್ಪುರಾ॥ 1-3-139 (838) ತಂ ನಾಗರಾಜಮಸ್ತೌಷಂ ಕುಂಡಲಾರ್ಥಾಯ ತಕ್ಷಕಂ। ತಕ್ಷಕಶ್ಚಾಶ್ವಸೇನಶ್ಚ ನಿತ್ಯಂ ಸಹಚರಾವುಭೌ॥ 1-3-140 (839) ಕುರುಕ್ಷೇತ್ರಂ ಚ ವಸತಾಂ ನದೀಮಿಕ್ಷುಮತೀಮನು। ಜಘನ್ಯಜಸ್ತಕ್ಷಕಸ್ಯ ಶ್ರುತಸೇನೇತಿ ಯಃ ಸುತಃ॥ 1-3-141 (840) ಅವಸದ್ಯೋ ಮಹದ್ದ್ಯುಂನಿ ಪ್ರಾರ್ಥಯನ್ನಾಗಮುಖ್ಯತಾಂ। ಕರವಾಣಿ ಸದಾ ಚಾಹಂ ನಮಸ್ತಸ್ಮೈ ಮಹಾತ್ಮನೇ॥ 1-3-142 (841) ಸೌತಿರುವಾಚ। 1-3-143x (18) ಏವಂ ಸ್ತುತ್ವಾ ಸ ವಿಪ್ರರ್ಷಿರುತ್ತಂಕೋ ಭುಜಗೋತ್ತಮಾನ್। ನೈವ ತೇ ಕುಂಡಲೇ ಲೇಭೇ ತತಶ್ಚಿಂತಾಮುಪಾಗಮತ್॥ 1-3-143 (842) ಏವಂ ಸ್ತುವನ್ನಪಿ ನಾಗಾನ್ಯದಾ ತೇ ಕುಂಡಲೇ ನಾಲಭತ್ತದಾಽಪಶ್ಯತ್ಸ್ತ್ರಿಯೌ ತಂತ್ರೇ ಅಧಿರೋಪ್ಯ ಸುವೇಮೇ ಪಟಂ ವಯಂತ್ಯೌ। ತಸ್ಮಿಂಸ್ತಂತ್ರೇ ಕೃಷ್ಣಾಃ ಸಿತಾಶ್ಚ ತಂತವಶ್ಚಕ್ರಂ ಚಾಪಶ್ಯದ್ದ್ವಾದಶಾರಂ ಷಡ್ಭಿಃ ಕುಮಾರೈಃ ಪರಿವರ್ತ್ಯಮಾನಂ ಪುರುಷಂ ಚಾಪಶ್ಯದಶ್ವಂ ಚ ದರ್ಶನೀಯಂ॥ 1-3-144 (843) ಸ ತಾನ್ಸರ್ವಾಂಸ್ತುಷ್ಟಾವ ಏಭಿರ್ಮಂತ್ರವಾದಶ್ಲೋಕೈಃ॥ 1-3-145 (844) ತ್ರೀಣ್ಯರ್ಪಿತಾನ್ಯತ್ರ ಶತಾನಿ ಮಧ್ಯೇ ಷಷ್ಟಿಶ್ಚ ನಿತ್ಯಂ ಚರತಿ ಧ್ರುವೇಽಸ್ಮಿನ್। ಚಕ್ರೇ ಚತುರ್ವಿಂಶತಿಪರ್ವಯೋಗೇ ಷಡ್ವೈ ಕುಮಾರಾಃ ಪರಿವರ್ತಯಂತಿ॥ 1-3-146 (845) ತಂತ್ರಂ ಚೇದಂ ವಿಶ್ವರೂಪೇ ಯುವತ್ಯೌ ವಯತಸ್ತಂತೂನ್ಸತತಂ ವರ್ತಯಂತ್ಯೌ। ಕೃಷ್ಣಾನ್ಸಿತಾಂಶ್ಚೈವ ವಿವರ್ತಯಂತ್ಯೌ ಭೂತಾನ್ಯಜಸ್ರಂ ಭುವನಾನಿ ಚೈವ॥ 1-3-147 (846) ವಜ್ರಸ್ಯ ಭರ್ತಾ ಭುವನಸ್ಯ ಗೋಪ್ತಾ ವೃತ್ರಸ್ಯ ಹಂತಾ ನಮುಚೇರ್ನಿಹಂತಾ। ಕೃಷ್ಣೇ ವಸಾನೋ ವಸನೇ ಮಹಾತ್ಮಾ ಸತ್ಯಾನೃತೇ ಯೋ ವಿವಿನಕ್ತಿ ಲೋಕೇ॥ 1-3-148 (847) ಯೋ ವಾಜಿನಂ ಗರ್ಭಮಪಾಂ ಪುರಾಣಂ ವೈಶ್ವಾನರಂ ವಾಹನಮಭ್ಯುಪೈತಿ। ನಮೋಽಸ್ತು ತಸ್ಮೈ ಜಗದೀಶ್ವರಾಯ ಲೋಕತ್ರಯೇಶಾಯ ಪುರಂದರಾಯ॥ 1-3-149 (848) ತತಃ ಸ ಏನಂ ಪುರುಷಃ ಪ್ರಾಹ ಪ್ರೀತೋಽಸ್ಮಿ ತೇಽಹಸನೇನ ಸ್ತೋತ್ರೇಣ ಕಿಂ ತೇ ಪ್ರಿಯಂ ಕರವಾಣೀತಿ। ಸ ತಮುವಾಚ ನಾಗಾ ಮೇ ವಶಮೀಯುರಿತಿ॥ 1-3-150 (849) ಸ ಚೈನಂ ಪುರುಷಃ ಪುನರುವಾಚ ಏತಮಶ್ವಮಪಾನೇ ಧಮಸ್ವೇತಿ॥ 1-3-151 (850) ತತೋಽಶ್ವಸ್ಯಾಪಾನಮಧಮತ್ತತೋಽಶ್ವಾದ್ಧಂಯಮಾನಾತ್ಸರ್ವಸ್ರೋತೋಭ್ಯಃ ಪಾವಕಾರ್ಚಿಷಃ ಸಧೂಮಾ ನಿಷ್ಪೇತುಃ॥ 1-3-152 (851) ತಾಭಿರ್ನಾಗಲೋಕ ಉಪಧೂಪಿತೇಽಥ ಸಂಭ್ರಾಂತಸ್ತಕ್ಷಕೋಽಗ್ನೇಸ್ತೇಜೋಭಯಾದ್ವಿಷಣ್ಣಃ ಕುಂಡಲೇ ಗೃಹೀತ್ವಾ ಸಹಸಾ ಭವನಾನ್ನಿಷ್ಕ್ರಂಯೋತ್ತಂಕಮುವಾಚ॥ 1-3-153 (852) ಇಮೇ ಕುಂಡಲೇ ಗೃಹ್ಣಾತು ಭವಾನಿತಿ। ಸ ತೇ ಪ್ರತಿಜಗ್ರಾಹೋತ್ತಂಕಃ ಪ್ರತಿಗೃಹ್ಯ ಚ ಕುಂಡಲೇಽಚಿಂತಯತ್॥ 1-3-154 (853) ಅದ್ಯ ತತ್ಪುಣ್ಯಕಮುಪಾಧ್ಯಾಯಾನ್ಯಾ ದೂರಂ ಚಾಹಮಭ್ಯಾಗತಃ ಸ ಕಥಂ ಸಂಭಾವಯೇಯಮಿತಿ॥ 1-3-155 (854) ತತ ಏನಂ ಚಿಂತಯಾನಮೇವ ಸ ಪುರುಷ ಉವಾಚ। ಉತ್ತಂಕ ಏನಮೇವಾಶ್ವಮಧಿರೋಹ ತ್ವಾಂ ಕ್ಷಣೇನೈವೋಪಾಧ್ಯಾಯಕುಲಂ ಪ್ರಾಪಯಿಷ್ಯತೀತಿ॥ 1-3-156 (855) ಸ ತಥೇನ್ಯುಕ್ತ್ವಾ ತಮಶ್ವಮಧಿರುಹ್ಯ ಪ್ರತ್ಯಾಜಗಾಮೋಪಾಧ್ಯಾಯಕುಲಂ। ಉಪಾಧ್ಯಾಯಾನೀ ಚ ಸ್ನಾತಾ ಕೇಶಾನಾವಾಪಯಂತ್ಯುಪವಿಷ್ಟೋತ್ತಂಕೋ ನಾಗಚ್ಛತೀತಿ ಶಾಪಾಯಾಸ್ಯ ಮನೋ ದಧೇ॥ 1-3-157 (856) ಅಥೈತಸ್ಮಿನ್ನಂತರೇ ಸ ಉತ್ತಂಕಃ ಪ್ರವಿಶ್ಯ ಉಪಾಧ್ಯಾಯಕುಲಂ ಉಪಾಧ್ಯಾಯಾನೀಮಭ್ಯವಾದಯತ್ತೇ ಚಾಸ್ಯೈ ಕುಂಡಲೇ ಪ್ರಾಯಚ್ಛತ್ಸಾ ಚೈನಂ ಪ್ರತ್ಯುವಾಚ॥ 1-3-158 (857) ಉತ್ತಂಕ ದೇಶೇ ಕಾಲೇಽಭ್ಯಾಗತಃ ಸ್ವಾಗತಂ ತೇ ವತ್ಸ `ಇದಾನೀಂ ಯದ್ಯನಾಗತೋಸಿ ಕೋಪಿತಯಾ ಮಯಾ ಶಪ್ತೋ ಭವಿಷ್ಯಸಿ' ಶ್ರೇಯಸ್ತವೋಪಸ್ಥಿತಂ ಸಿದ್ಧಿಮಾಪ್ನುಹೀತಿ॥ 1-3-159 (858) ಅಥೋತ್ತಂಕ ಉಪಾಧ್ಯಾಯಮಭ್ಯವಾದಯತ್। ತಮುಪಾಧ್ಯಾಯಃ ಪ್ರತ್ಯುವಾಚ ವತ್ಸೋತ್ತಂಕ ಸ್ವಾಗತಂ ತೇ ಕಿಂ ಚಿರಂ ಕೃತಮಿತಿ॥ 1-3-160 (859) ತಮುತ್ತಂಕ ಉಪಾಧ್ಯಾಯಂ ಪ್ರತ್ಯುವಾಚ। ಭೋಸ್ತಕ್ಷಕೇಣ ಮೇ ನಾಗರಾಜೇನ ವಿಘ್ನಃ ಕೃತೋಽಸ್ಮಿನ್ಕರ್ಮಣಿ ತೇನಾಸ್ಮಿ ನಾಗಲೋಕಂ ಗತಃ॥ 1-3-161 (860) ತತ್ರ ಚ ಮಯಾ ದೃಷ್ಟೇ ಸ್ತ್ರಿಯೌ ತಂತ್ರೇಽಧಿರೋಪ್ಯ ಪಟಂ ವಯಂತ್ಯೌ ತಸ್ಮಿಂಶ್ಚ ಕೃಷ್ಣಾಃ ಸಿತಾಶ್ಚ ತಂತವಃ। ಕಿಂ ತತ್॥ 1-3-162 (861) ತತ್ರ ಚ ಮಯಾ ಚಕ್ರಂ ದೃಷ್ಟಂ ದ್ವಾದಶಾರಂ ಷಟ್ಚೈನಂ ಕುಮಾರಾಃ ಪರಿವರ್ತಯಂತಿ ತದಪಿ ಕಿಂ। ಪುರುಷಶ್ಚಾಪಿ ಮಯಾ ದೃಷ್ಟಃ ಸ ಚಾಪಿ ಕಃ। ಅಶ್ವಶ್ಚಾತಿಪ್ರಮಾಣೋ ದೃಷ್ಟಃ ಸ ಚಾಪಿ ಕಃ॥ 1-3-163 (862) ಪಥಿ ಗಚ್ಛತಾ ಚ ಮಯಾ ಋಷಭೋ ದೃಷ್ಟಸ್ತಂ ಚ ಪುರುಷೋಽಧಿರೂಢಸ್ತೇನಾಸ್ಮಿ ಸೋಪಚಾರಮುಕ್ತ ಉತ್ತಂಕಾಸ್ಯ ಋಷಭಸ್ಯ ಪುರೀಷಂ ಭಕ್ಷಯ ಉಪಾಧ್ಯಾಯೇನಾಪಿ ತೇ ಭಕ್ಷಿತಮಿತಿ॥ 1-3-164 (863) ತತಸ್ತಸ್ಯ ವಚನಾನ್ಮಯಾ ತದೃಷಭಸ್ಯ ಪುರೀಷಮುಪಯುಕ್ತಂ ಸ ಚಾಪಿ ಕಃ। ತದೇತದ್ಭವತೋಪದಿಷ್ಟಮಿಚ್ಛೇಯಂ ಶ್ರೋತುಂ ಕಿಂ ತದಿತಿ। ಸ ತೇನೈವಮುಕ್ತ ಉಪಾಧ್ಯಾಯಃ ಪ್ರತ್ಯುವಾಚ॥ 1-3-165 (864) ಯೇ ತೇ ಸ್ತ್ರಿಯೌ ಧಾತಾ ವಿಧಾತಾ ಚ ಯೇ ಚ ತೇ ಕೃಷ್ಣಾಃ ಸಿತಾಸ್ತಂತವಸ್ತೇ ರಾತ್ರ್ಯಹನೀ। ಯದಪಿ ತಚ್ಚಕ್ರಂ ದ್ವಾದಶಾರಂ ಷಟ್ಕುಮಾರಾಃ ಪರಿವರ್ತಯಂತಿ ತೇಪಿ ಷಡ್ಋತವಃ ದ್ವಾದಶಾರಾ ದ್ವಾದಶ ಮಾಸಾಃ ಸಂವತ್ಸರಶ್ಚಕ್ರಂ॥ 1-3-166 (865) ಯಃ ಪುರುಷಃಸ ಪರ್ಜನ್ಯಃ ಯೋಽಶ್ವಃ ಸೋಽಗ್ನಿಃ ಯ ಋಷಭಸ್ತ್ವಯಾ ಪಥಿ ಗಚ್ಛತಾ ದೃಷ್ಟಃ ಸ ಐರಾವತೋ ನಾಗರಾಟ್॥ 1-3-167 (866) ಯಶ್ಚೈನಮಧಿರೂಢಃ ಪುರುಷಃ ಸ ಚೇಂದ್ರಃ ಯದಪಿ ತೇ ಭಕ್ಷಿತಂ ತಸ್ಯ ಋಷಭಸ್ಯ ಪುರೀಷಂ ತದಮೃತಂ ತೇನ ಖಲ್ವಸಿ ತಸ್ಮಿನ್ನಾಗಭವನೇ ನ ವ್ಯಾಪನ್ನಸ್ತ್ವಂ॥ 1-3-168 (867) ಸ ಹಿ ಭಗವಾನಿಂದ್ರೋ ಮಮ ಸಖಾ ತ್ವದನುಕ್ರೋಶಾದಿಮಮನುಗ್ರಹಂ ಕೃತವಾನ್। ತಸ್ಮಾತ್ಕುಂಡಲೇ ಗೃಹೀತ್ವಾ ಪುನರಾಗತೋಽಸಿ॥ 1-3-169 (868) ತತ್ಸೌಂಯ ಗಂಯತಾಮನುಜಾನೇ ಭವಂತಂ ಶ್ರೇಯೋಽವಾಪ್ಸ್ಯಸೀತಿ। ಸ ಉಪಾಧ್ಯಾಯೇನಾನುಜ್ಞಾತೋ ಭಗವಾನುತ್ತಂಕಃ ಕ್ರುದ್ಧಸ್ತಕ್ಷಕಂ ಪ್ರತಿಚಿಕೀರ್ಷಮಾಣೋ ಹಾಸ್ತಿನಪುರಂ ಪ್ರತಸ್ಥೇ॥ 1-3-170 (869) ಸ ಹಾಸ್ತಿನಪುರಂ ಪ್ರಾಪ್ಯ ನಚಿರಾದ್ವಿಪ್ರಸತ್ತಮಃ। ಸಮಾಗಚ್ಛತ ರಾಜಾನಮುತ್ತಂಕೋ ಜನಮೇಜಯಂ॥ 1-3-171 (870) ಪುರಾ ತಕ್ಷಶಿಲಾಸಂಸ್ಥಂ ನಿವೃತ್ತಮಪರಾಜಿತಂ। ಸಂಯಗ್ವಿಜಯಿನಂ ದೃಷ್ಟ್ವಾ ಸಮಂತಾನ್ಮಂತ್ರಿಭಿರ್ವೃತಂ॥ 1-3-172 (871) ತಸ್ಮೈ ಜಯಾಶಿಷಃ ಪೂರ್ವಂ ಯಥಾನ್ಯಾಯಂ ಪ್ರಯುಜ್ಯ ಸಃ। ಉವಾಚೈನಂ ವಚಃ ಕಾಲೇ ಶಬ್ದಸಂಪನ್ನಯಾ ಗಿರಾ॥ 1-3-173 (872) ಉತ್ತಂಕ ಉವಾಚ। 1-3-174x (19) ಅನ್ಯಸ್ಮಿನ್ಕರಣೀಯೇ ತು ಕಾರ್ಯೇ ಪಾರ್ಥಿವಸತ್ತಮ। ಅರ್ಚಯಿತ್ವಾ ಯಥಾನ್ಯಾಯಂ ಪ್ರತ್ಯುವಾಚ ದ್ವಿಜೋತ್ತಮಂ॥ 1-3-174 (873) ಸೌತಿರುವಾಚ। 1-3-175x (20) ಏವಮುಕ್ತಸ್ತು ವಿಪ್ರೇಣ ಸ ರಾಜಾ ಜನಮೇಜಯಃ। ಅರ್ಚಯಿತ್ವಾ ಯಥಾನ್ಯಾಯಂ ಪ್ರತ್ಯುವಾಚ ದ್ವಿಜೋತ್ತಮಂ॥ 1-3-175 (874) ಜನಮೇಜಯ ಉವಾಚ। 1-3-176x (21) ಆಸಾಂ ಪ್ರಜಾನಾಂ ಪರಿಪಾಲನೇನ ಸ್ವಂ ಕ್ಷತ್ರಧರ್ಮಂ ಪರಿಪಾಲಯಾಮಿ। ಪ್ರವ್ರೂಹಿ ಮೇ ಕಿಂ ಕರಣೀಯಮದ್ಯ ಯೇನಾಸಿ ಕಾರ್ಯೇಣ ಸಮಾಗತಸ್ತ್ವಂ॥ 1-3-176 (875) ಸೌತಿರುವಾಚ। 1-3-177x (22) ಸ ಏವಮುಕ್ತಸ್ತು ನೃಪೋತ್ತಮೇನ ದ್ವಿಜೋತ್ತಮಃ ಪುಣ್ಯಕೃತಾಂ ವರಿಷ್ಠಃ। ಉವಾಚ ರಾಜಾನಮದೀನಸತ್ವಂ ಸ್ವಮೇವ ಕಾರ್ಯಂ ನೃಪತೇ ಕುರುಷ್ವ॥ 1-3-177 (876) ಉತ್ತಂಕ ಉವಾಚ। 1-3-178x (23) ತಕ್ಷಕೇಣ ಮಹೀಂದ್ರೇಂದ್ರ ಯೇನ ತೇ ಹಿಂಸಿತಃ ಪಿತಾ। ತಸ್ಮೈ ಪ್ರತಿಕುರುಷ್ವ ತ್ವಂ ಪನ್ನಗಾಯ ದುರಾತ್ಮನೇ॥ 1-3-178 (877) ಕಾರ್ಯಕಾಲಂ ಹಿ ಮನ್ಯೇಽಹಂ ವಿಧಿದೃಷ್ಟಸ್ಯ ಕರ್ಮಣಃ। ತದ್ಗಚ್ಛಾಪಚಿತಿಂ ರಾಜನ್ಪಿತುಸ್ತಸ್ಯ ಮಹಾತ್ಮನಃ॥ 1-3-179 (878) ತೇನ ಹ್ಯನಪರಾಧೀ ಸ ದಷ್ಟೋ ದುಷ್ಟಾಂತರಾತ್ಮನಾ। ಪಂಚತ್ವಮಗಮದ್ರಾಜಾ ವಜ್ರಾಹತ ಇವ ದ್ರುಮಃ॥ 1-3-180 (879) ಬಲದರ್ಪಸಮುತ್ಸಿಕ್ತಸ್ತಕ್ಷಕಃ ಪನ್ನಗಾಧಮಃ। ಅಕಾರ್ಯಂ ಕೃತವಾನ್ಪಾಪೋ ಯೋಽದಶತ್ಪಿತರಂ ತವ॥ 1-3-181 (880) ರಾಜರ್ಷಿವಂಶಗೋಪ್ತಾರಮಮರಪ್ರತಿಮಂ ನೃಪಂ। ಯಿಯಾಸುಂ ಕಾಶ್ಯಪಂ ಚೈವ ನ್ಯವರ್ತಯತ ಪಾಪಕೃತ್॥ 1-3-182 (881) ಹೋತುಮರ್ಹಸಿ ತಂ ಪಾಪಂ ಜ್ವಲಿತೇ ಹವ್ಯವಾಹನೇ। ಸರ್ಪಸತ್ರೇ ಮಹಾರಾಜ ತ್ವರಿತಂ ತದ್ವಿಧೀಯತಾಂ॥ 1-3-183 (882) ಏವಂ ಪಿತುಶ್ಚಾಪಚಿತಿಂ ಕೃತವಾಂಸ್ತ್ವಂ ಭವಿಷ್ಯಸಿ। ಮಮ ಪ್ರಿಯಂ ಚ ಸುಮಹತ್ಕೃತಂ ರಾಜನ್ ಭವಿಷ್ಯತಿ॥ 1-3-184 (883) ಕರ್ಮಣಃ ಪೃಥಿವೀಪಾಲ ಮಮ ಯೇನ ದುರಾತ್ಮನಾ। ವಿಘ್ನಃ ಕೃತೋ ಮಹಾರಾಜ ಗುರ್ವರ್ಥಂ ಚರತೋಽನಘ॥ 1-3-185 (884) ಸೌತಿರುವಾಚ। 1-3-186x (24) ಏತಚ್ಛ್ರುತ್ವಾ ತು ನೃಪತಿಸ್ತಕ್ಷಕಾಯ ಚುಕೋಪ ಹ। ಉತ್ತಂಕವಾಕ್ಯಹವಿಷಾ ದೀಪ್ತೋಽಗ್ನಿರ್ಹವಿಷಾ ಯಥಾ॥ 1-3-186 (885) ಅಪೃಚ್ಛತ್ಸ ತದಾ ರಾಜಾ ಮಂತ್ರಿಣಃ ಸ್ವಾನ್ಸುದುಃಖಿತಃ। ಉತ್ತಂಕಸ್ಯೈವ ಸಾಂನಿಧ್ಯೇ ಪಿತುಃ ಸ್ವರ್ಗಗತಿಂ ಪ್ರತಿ॥ 1-3-187 (886) ತದೈವ ಹಿ ಸ ರಾಜೇಂದ್ರೋ ದುಃಖಶೋಕಾಪ್ಲುತೋಽಭವತ್। ಯದೈವ ವೃತ್ತಂ ಪಿತರಮುತ್ತಂಕಾದಶೃಣೋತ್ತದಾ॥ ॥ 1-3-188 (887) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಪೌಷ್ಯಪರ್ವಮಿ ತೃತೀಯೋಽಧ್ಯಾಯಃ॥ 3 ॥ ॥ ಸಮಾಪ್ತಂ ಚ ಪೌಷ್ಯಪರ್ವ ॥

1-5-0 (900) ಶೌನಕ ಉವಾಚ। 1-5-0x (27) ಪುರಾಣಮಖಿಲಂ ತಾತ ಪಿತಾ ತೇಽಧೀತವಾನ್ಪುರಾ। `ಭಾರತಾಧ್ಯಯನಂ ಸರ್ವಂ ಕೃಷ್ಣದ್ವೈಪಾಯನಾತ್ತದಾ।' ಕಚ್ಚಿತ್ತ್ವಮಪಿ ತತ್ಸರ್ವಮಧೀಷೇ ರೌಮಹರ್ಷಣೇ॥ 1-5-1 (901) ಪುರಾಣೇ ಹಿ ಕಥಾ ದಿವ್ಯಾ ಆದಿವಂಶಾಶ್ಚ ಧೀಮತಾಂ। ಕಥ್ಯಂತೇ ಯೇ ಪುರಾಽಸ್ಮಾಭಿಃ ಶ್ರುತಪೂರ್ವಾಃ ಪಿತುಸ್ತವ॥ 1-5-2 (902) ತತ್ರ ವಂಶಮಹಂ ಪೂರ್ವಂ ಶ್ರೋತುಮಿಚ್ಛಾಮಿ ಭಾರ್ಗವಂ। ಕಥಯಸ್ವ ಕಥಾಮೇತಾಂ ಕಲ್ಯಾಃ ಸ್ಮಃ ಶ್ರವಣೇ ತವ॥ 1-5-3 (903) ಸೌತಿರುವಾಚ। 1-5-4x (28) ಯದಧೀತಂ ಪುರಾ ಸಂಯಗ್ದ್ವಿಜಶ್ರೇಷ್ಠೈರ್ಮಹಾತ್ಮಭಿಃ। ವೈಶಂಪಾಯನವಿಪ್ರಾಗ್ರ್ಯೈಸ್ತೈಶ್ಚಾಪಿ ಕಥಿತಂ ಯಥಾ॥ 1-5-4 (904) ಯದಧೀತಂ ಚ ಪಿತ್ರಾ ಮೇ ಸಂಯಕ್ಕೈವ ತತೋ ಮಯಾ। ತಾವಚ್ಛೃಣುಷ್ವ ಯೋ ದೇವೈಃ ಸೇಂದ್ರೈಃ ಸರ್ಷಿಮರುದ್ಗಣೈಃ॥ 1-5-5 (905) ಪೂಜಿತಃ ಪ್ರವರೋ ವಂಶೋ ಭಾರ್ಗವೋ ಭೃಗುನಂದನ। ಇಮಂ ವಂಶಮಹಂ ಪೂರ್ವಂ ಭಾರ್ಗವಂ ತೇ ಮಹಾಮುನೇ॥ 1-5-6 (906) ನಿಗದಾಮಿ ಯಥಾಯುಕ್ತಂ ಪುರಾಣಾಶ್ರಯಸಂಯುತಂ। ಭೃಗುರ್ಮಹರ್ಷಿರ್ಭಗವಾನ್ಬ್ರಹ್ಮಣಾ ವೈ ಸ್ವಯಂಭುವಾ॥ 1-5-7 (907) ವರುಣಸ್ಯ ಕ್ರತೌ ಜಾತಃ ಪಾವಕಾದಿತಿ ನಃ ಶ್ರುತಂ। ಭೃಗೋಃ ಸುದಯಿತಃ ಪುತ್ರಶ್ಚ್ಯವನೋ ನಾಮ ಭಾರ್ಗವಃ॥ 1-5-8 (908) ಚ್ಯವನಸ್ಯ ಚ ದಾಯಾದಃ ಪ್ರಮತಿರ್ನಾಮ ಧಾರ್ಮಿಕಃ। ಪ್ರಮತೇರಪ್ಯಭೂತ್ಪುತ್ರೋ ಘೃತಾಚ್ಯಾಂ ರುರುರಿತ್ಯುತ॥ 1-5-9 (909) ರುರೋರಪಿ ಸುತೋ ಜಜ್ಞೇ ಶುನಕೋ ವೇದಪಾರಗಃ। ಪ್ರಮದ್ವರಾಯಾಂ ಧರ್ಮಾತ್ಮಾ ತವ ಪೂರ್ವಪಿತಾಮಹಃ॥ 1-5-10 (910) ತಪಸ್ವೀ ಚ ಯಶಸ್ವೀ ಚ ಶ್ರುತವಾನ್ಬ್ರಹ್ಮವಿತ್ತಮಃ। ಧಾರ್ಮಿಕಃ ಸತ್ಯವಾದೀ ಚ ನಿಯತೋ ನಿಯತಾಶನಃ॥ 1-5-11 (911) ಶೌನಕ ಉವಾಚ। 1-5-12x (29) ಸೂತಪುತ್ರ ಯಥಾ ತಸ್ಯ ಭಾರ್ಗವಸ್ಯ ಮಹಾತ್ಮನಃ। ಚ್ಯವನತ್ವಂ ಪರಿಖ್ಯಾತಂ ತನ್ಮಮಾಚಕ್ಷ್ವ ಪೃಚ್ಛತಃ॥ 1-5-12 (912) ಸೌತಿರುವಾಚ। 1-5-13x (30) ಭೃಗೋಃ ಸುದಯಿತಾ ಭಾರ್ಯಾ ಪುಲೋಮೇತ್ಯಭಿವಿಶ್ರುತಾ। ತಸ್ಯಾಂ ಸಮಭವದ್ಗರ್ಭೋ ಭೃಗುವೀರ್ಯಸಮುದ್ಭವಃ॥ 1-5-13 (913) ತಸ್ಮಿನ್ಗರ್ಭೇಽಥ ಸಂಭೂತೇ ಪುಲೋಮಾಯಾಂ ಭೃಗೂದ್ವಹ। ಸಮಯೇ ಸಮಶೀಲಿನ್ಯಾಂ ಧರ್ಮಪತ್ನ್ಯಾಂ ಯಶಸ್ವಿನಃ॥ 1-5-14 (914) ಅಭಿಷೇಕಾಯ ನಿಷ್ಕ್ರಾಂತೇ ಭೃಗೌ ಧರ್ಮಭೃತಾಂ ವರೇ। ಆಶ್ರಮಂ ತಸ್ಯ ರಕ್ಷೋಽಥ ಪುಲೋಮಾಽಭ್ಯಾಜಗಾಮ ಹ॥ 1-5-15 (915) ತಂ ಪ್ರವಿಶ್ಯಾಶ್ರಮಂ ದೃಷ್ಟ್ವಾ ಭೃಗೋರ್ಭಾರ್ಯಾಮನಿಂದಿತಾಂ। ಹೃಚ್ಛಯೇನ ಸಮಾವಿಷ್ಟೋ ವಿಚೇತಾಃ ಸಮಪದ್ಯತ॥ 1-5-16 (916) ಅಭ್ಯಾಗತಂ ತು ತದ್ರಕ್ಷಃ ಪುಲೋಮಾ ಚಾರುದರ್ಶನಾ। ನ್ಯಮಂತ್ರಯತ ವನ್ಯೇನ ಫಲಮೂಲಾದಿನಾ ತದಾ॥ 1-5-17 (917) ತಾಂ ತು ರಕ್ಷಸ್ತದಾ ಬ್ರಹ್ಮನ್ಹೃಚ್ಛಯೇನಾಭಿಪೀಡಿತಂ। ದೃಷ್ಟ್ವಾ ಹೃಷ್ಟಮಭೂದ್ರಾಜಂಜಿಹೀರ್ಷುಸ್ತಾಮನಿಂದಿತಾಂ॥ 1-5-18 (918) ಜಾತಮಿತ್ಯಬ್ರವೀತ್ಕಾರ್ಯಂ ಜಿಹೀರ್ಷುರ್ಮುದಿತಃ ಶುಭಾಂ। ಸಾ ಹಿ ಪೂರ್ವಂ ವೃತಾ ತೇನ ಪುಲೋಂನಾ ತು ಶುಚಿಸ್ಮಿತಾ॥ 1-5-19 (919) ತಾಂ ತು ಪ್ರಾದಾತ್ಪಿತಾ ಪಶ್ಚಾದ್ಭೃಗವೇ ಶಾಸ್ತ್ರವತ್ತದಾ। ತಸ್ಯ ತತ್ಕಿಲ್ಬಿಷಂ ನಿತ್ಯಂ ಹೃದಿ ವರ್ತತಿ ಭಾರ್ಗವ॥ 1-5-20 (920) ಇದಮಂತರಮಿತ್ಯೇವಂ ಹರ್ತುಂ ಚಕ್ರೇ ಮನಸ್ತದಾ। ಅಥಾಗ್ನಿಶರಣೇಽಪಶ್ಯಜ್ಜ್ವಲಂತಂ ಜಾತವೇದಸಂ॥ 1-5-21 (921) ತಮಪೃಚ್ಛತ್ತತೋ ರಕ್ಷಃ ಪಾವಕಂ ಜ್ವಲಿತಂ ತದಾ। ಶಂಸ ಮೇ ಕಸ್ಯ ಭಾರ್ಯೇಯಮಗ್ನೇ ಪೃಚ್ಛೇ ಋತೇನ ವೈ॥ 1-5-22 (922) ಮುಖಂ ತ್ವಮಸಿ ದೇವಾನಾಂ ವದ ಪಾವಕ ಪೃಚ್ಛತೇ। ಮಯಾ ಹೀಯಂ ವೃತಾ ಪೂರ್ವಂ ಭಾರ್ಯಾರ್ಥೇ ವರವರ್ಣಿನೀ॥ 1-5-23 (923) ಪಶ್ಚಾದಿಮಾಂ ಪಿತಾ ಪ್ರಾದಾದ್ಭೃಗವೇಽನೃತಕಾರಕಃ। ಸೇಯಂ ಯದಿ ವರಾರೋಹಾ ಭೃಗೋರ್ಭಾರ್ಯಾ ರಹೋಗತಾ॥ 1-5-24 (924) ತಥಾ ಸತ್ಯಂ ಸಮಾಖ್ಯಾಹಿ ಜಿಹೀರ್ಷಾಂಯಾಶ್ರಮಾದಿಮಾಂ। ಸ ಮನ್ಯುಸ್ತತ್ರ ಹೃದಯಂ ಪ್ರದಹನ್ನಿವ ತಿಷ್ಠತಿ॥ 1-5-25 (925) ಮತ್ಪೂರ್ವಭಾರ್ಯಾಂ ಯದಿಮಾಂ ಭೃಗುರಾಪ ಸುಮಧ್ಯಮಾಂ। `ಅಸಂಮತಮಿದಂ ಮೇಽದ್ಯ ಹರಿಷ್ಯಾಂಯಾಶ್ರಮಾದಿಮಾಂ'॥ 1-5-26 (926) ಸೌತಿರುವಾಚ। 1-5-27x (31) ಏವಂ ರಕ್ಷಸ್ತಮಾಮಂತ್ರ್ಯ ಜ್ವಲಿತಂ ಜಾತವೇದಸಂ। ಶಂಕಮಾನಂ ಭೃಗೋರ್ಭಾರ್ಯಾಂ ಪುನಃಪುನರಪೃಚ್ಛತ॥ 1-5-27 (927) ತ್ವಮಗ್ನೇ ಸರ್ವಭೂತಾನಾಮಂತಶ್ಚರಸಿ ನಿತ್ಯದಾ। ಸಾಕ್ಷಿವತ್ಪುಣ್ಯಪಾಪೇಷು ಸತ್ಯಂ ಬ್ರೂಹಿ ಕವೇ ವಚಃ॥ 1-5-28 (928) ಮತ್ಪೂರ್ವಭಾರ್ಯಾಽಪಹೃತಾ ಭೃಗುಣಾಽನೃತಕಾರಿಣಾ। ಸೇಯಂ ಯದಿ ತಥಾ ಮೇ ತ್ವಂ ಸತ್ಯಮಾಖ್ಯಾತುಮರ್ಹಸಿ॥ 1-5-29 (929) ಶ್ರುತ್ವಾ ತ್ವತ್ತೋ ಭೃಗೋರ್ಭಾರ್ಯಾಂ ಹರಿಷ್ಯಾಂಯಾಶ್ರಮಾದಿಮಾಂ। ಜಾತವೇದಃ ಪಶ್ಯತಸ್ತೇ ವದ ಸತ್ಯಾಂ ಗಿರಂ ಮಮ॥ 1-5-30 (930) ಸೌತಿರುವಾಚ। 1-5-31x (32) ತಸ್ಯೈತದ್ವಚನಂ ಶ್ರುತ್ವಾ ಸಪ್ತಾರ್ಚಿರ್ದುಃಖಿತೋಽಭವತ್। `ಸತ್ಯಂ ವದಾಮಿ ಯದಿ ಮೇ ಶಾಪಃ ಸ್ಯಾದ್ಬ್ರಹ್ಮವಿತ್ತಮಾತ್॥ 1-5-31 (931) ಅಸತ್ಯಂ ಚೇದಹಂ ಬ್ರೂಯಾಂ ಪತಿಷ್ಯೇ ನರಕಾಂಧ್ರುವಂ।' ಭೀತೋಽನೃತಾಚ್ಚ ಶಾಪಾಚ್ಚ ಭೃಗೋರಿತ್ಯಬ್ರವೀಚ್ಛನೈಃ॥ 1-5-32 (932) ತ್ವಯಾ ವೃತಾ ಪುಲೋಮೇಯಂ ಪೂರ್ವಂ ದಾನವನಂದನ। ಕಿಂ ತ್ವಿಯಂ ವಿಧಿನಾ ಪೂರ್ವಂ ಮಂತ್ರವನ್ನ ವೃತಾ ತ್ವಯಾ॥ 1-5-33 (933) ಪಿತ್ರಾ ತು ಭೃಗವೇ ದತ್ತಾ ಪುಲೋಮೇಯಂ ಯಶಸ್ವಿನೀ। ದದಾತಿ ನ ಪಿತಾ ತುಭ್ಯಂ ವರಲೋಭಾನ್ಮಹಾಯಶಾಃ॥ 1-5-34 (934) ಅಥೇಮಾಂ ವೇದದೃಷ್ಟೇನ ಕರ್ಮಣಾ ವಿಧಿಪೂರ್ವಕಂ। ಭಾರ್ಯಾಮೃಷಿರ್ಭೃಗುಃ ಪ್ರಾಪ ಮಾಂ ಪುರಸ್ಕೃತ್ಯ ದಾನವ॥ 1-5-35 (935) ಸೇಯಮಿತ್ಯವಗಚ್ಛಾಮಿ ನಾನೃತಂ ವಕ್ತುಮುತ್ಸಹೇ। ನಾನೃತಂ ಹಿ ಸದಾ ಲೋಕೇ ಪೂಜ್ಯತೇ ದಾನವೋತ್ತಮ॥ ॥ 1-5-36 (936) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಪೌಲೋಮಪರ್ವಣಿ ಪಂಚಮೋಽಧ್ಯಾಯಃ॥ 5 ॥

1-6-0 (937) ಸೌತಿರುವಾಚ। 1-6-0x (33) ಅಗ್ನೇರಥ ವಚಃ ಶ್ರುತ್ವಾ ತದ್ರಕ್ಷಃ ಪ್ರಜಹಾರ ತಾಂ। ಬ್ರಹ್ಮನ್ವರಾಹರೂಪೇಣ ಮನೋಮಾರುತರಂಹಸಾ॥ 1-6-1 (938) ತತಃ ಸ ಗರ್ಭೋ ನಿವಸನ್ಕುಕ್ಷೌ ಭೃಗುಕುಲೋದ್ವಹ। ರೋಷಾನ್ಮಾತುಶ್ಚ್ಯುತಃ ಕುಕ್ಷೇಶ್ಚ್ಯವನಸ್ತೇನ ಸೋಽಭವತ್॥ 1-6-2 (939) ತಂ ದೃಷ್ಟ್ವಾ ಮಾತುರುದರಾಚ್ಚ್ಯುತಮಾದಿತ್ಯವರ್ಚಸಂ। ತದ್ರಕ್ಷೋ ಭಸ್ಮಸಾದ್ಭೂತಂ ಪಪಾತ ಪರಿಮುಚ್ಯ ತಾಂ॥ 1-6-3 (940) ಸಾ ತಮಾದಾಯ ಸುಶ್ರೋಣೀ ಸಸಾರ ಭೃಗುನಂದನಂ। ಚ್ಯವನಂ ಭಾರ್ಗವಂ ಪುತ್ರಂ ಪುಲೋಮಾ ದುಃಖಮೂರ್ಚ್ಛಿತಾ॥ 1-6-4 (941) ತಾಂ ದದರ್ಶ ಸ್ವಯಂ ಬ್ರಹ್ಮಾ ಸರ್ವಲೋಕಪಿತಾಮಹಃ। ರುದತೀಂ ಬಾಷ್ಪಪೂರ್ಣಾಕ್ಷೀಂ ಭೃಗೋರ್ಭಾರ್ಯಾಮನಿಂದಿತಾಂ॥ 1-6-5 (942) ಸಾಂತ್ವಯಾಮಾಸ ಭಗವಾನ್ವಧೂಂ ಬ್ರಹ್ಮಾ ಪಿತಾಮಹಃ। ಅಶ್ರುಬಿಂದೂದ್ಭವಾ ತಸ್ಯಾಃ ಪ್ರಾವರ್ತತ ಮಹಾನದೀ॥ 1-6-6 (943) ಆವರ್ತಂತೀ ಸೃತಿಂ ತಸ್ಯಾ ಭೃಗೋಃ ಪತ್ನ್ಯಾಸ್ತಪಸ್ವಿನಃ। ತಸ್ಯಾ ಮಾರ್ಗಂ ಸೃತವತೀಂ ದೃಷ್ಟ್ವಾ ತು ಸರಿತಂ ತದಾ॥ 1-6-7 (944) ನಾಮ ತಸ್ಯಾಸ್ತದಾ ನದ್ಯಾಶ್ಚಕ್ರೇ ಲೋಕಪಿತಾಮಹಃ। ವಧೂಸರೇತಿ ಭಗವಾಂಶ್ಚ್ಯವನಸ್ಯಾಶ್ರಮಂ ಪ್ರತಿ॥ 1-6-8 (945) ಸ ಏವಂ ಚ್ಯವನೋ ಜಜ್ಞೇ ಭೃಗೋಃ ಪುತ್ರಃ ಪ್ರತಾಪವಾನ್। ತಂ ದದರ್ಶ ಪಿತಾ ತತ್ರ ಚ್ಯವನಂ ತಾಂ ಚ ಭಾಮಿನೀಂ। ಸ ಪುಲೋಮಾಂ ತತೋ ಭಾರ್ಯಾಂ ಪಪ್ರಚ್ಛ ಕುಪಿತೋ ಭೃಗುಃ॥ 1-6-9 (946) ಭೃಗುರುವಾಚ। 1-6-10x (34) ಕೇನಾಸಿ ರಕ್ಷಸೇ ತಸ್ಮೈ ಕಥಿತಾ ತ್ವಂ ಜಿಹೀರ್ಷವೇ। ನ ಹಿ ತ್ವಾ ವೇದ ತದ್ರಕ್ಷೋ ಮದ್ಭಾರ್ಯಾಂ ಚಾರುಹಾಸಿನೀಂ॥ 1-6-10 (947) ತತ್ತ್ವಮಾಖ್ಯಾಹಿ ತಂ ಹ್ಯದ್ಯ ಶಪ್ತುಮಿಚ್ಛಾಂಯಹಂ ರುಷಾ। ಬಿಭೇತಿ ಕೋ ನ ಶಾಪಾನ್ಮೇ ಕಸ್ಯ ಚಾಯಂ ವ್ಯತಿಕ್ರಮಃ॥ 1-6-11 (948) ಪುಲೋಮೋವಾಚ। 1-6-12x (35) ಅಗ್ನಿನಾ ಭಗವಂಸ್ತಸ್ಮೈ ರಕ್ಷಸೇಽಹಂ ನಿವೇದಿತಾ। ತತೋ ಮಾಮನಯದ್ರಕ್ಷಃ ಕ್ರೋಶಂತೀಂ ಕುರರೀಮಿವ॥ 1-6-12 (949) ಸಾಽಹಂ ತವ ಸುತಸ್ಯಾಸ್ಯ ತೇಜಸಾ ಪರಿಮೋಕ್ಷಿತಾ। ಭಸ್ಮೀಭೂತಂ ಚ ತದ್ರಕ್ಷೋ ಮಾಮುತ್ಸೃಜ್ಯ ಪಪಾತ ವೈ॥ 1-6-13 (950) ಸೌತಿರುವಾಚ। 1-6-14x (36) ಇತಿ ಶ್ರುತ್ವಾ ಪುಲೋಮಾಯಾ ಭೃಗುಃ ಪರಮಮನ್ಯುಮಾನ್। ಶಶಾಪಾಗ್ನಿಮತಿಕ್ರುದ್ಧಃ ಸರ್ವಭಕ್ಷೋ ಭವಿಷ್ಯಸಿ॥ ॥ 1-6-14 (951) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಪೌಲೋಮಪರ್ವಣಿ ಷಷ್ಠೋಽಧ್ಯಾಯಃ॥ 6 ॥

1-7-0 (952) ಸೌತಿರುವಾಚ। 1-7-0x (37) ಶಪ್ತಸ್ತು ಭೃಗುಣಾ ವಹ್ನಿಃ ಕ್ರುದ್ಧೋ ವಾಕ್ಯಮಥಾಬ್ರವೀತ್। ಕಿಮಿದಂ ಸಾಹಸಂ ಬ್ರಹ್ಮನ್ಕೃತವಾನಸಿ ಮಾಂ ಪ್ರತಿ॥ 1-7-1 (953) ಧರ್ಮೇ ಪ್ರಯತಮಾನಸ್ಯ ಸತ್ಯಂ ಚ ವದತಃ ಸಮಂ। ಪೃಷ್ಟೋ ಯದಬ್ರವಂ ಸತ್ಯಂ ವ್ಯಭಿಚಾರೋಽತ್ರ ಕೋ ಮಮ॥ 1-7-2 (954) ಪೃಷ್ಟೋ ಹಿಸಾಕ್ಷೀಯಃ ಸಾಕ್ಷ್ಯಂ ಜಾನಾನೋಽಪ್ಯನ್ಯಥಾ ವದೇತ್। ಸ ಪೂರ್ವಾನಾತ್ಮನಃ ಸಪ್ತ ಕುಲೇ ಹನ್ಯಾತ್ತಥಾಽಪರಾನ್॥ 1-7-3 (955) ಯಶ್ಚ ಕಾರ್ಯಾರ್ಥತತ್ತ್ವಜ್ಞೋ ಜಾನಾನೋಽಪಿ ನ ಭಾಷತೇ। ಸೋಽಪಿ ತೇನೈವ ಪಾಪೇನ ಲಿಪ್ಯತೇ ನಾತ್ರ ಸಂಶಯಃ॥ 1-7-4 (956) ಶಕ್ತೋಽಹಮಪಿ ಶಪ್ತುಂ ತ್ವಾಂ ಮಾನ್ಯಾಸ್ತು ಬ್ರಾಹ್ಮಣಾ ಮಮ। ಜಾನತೋಽಪಿ ಚ ತೇ ಬ್ರಹ್ಮನ್ಕಥಯಿಷ್ಯೇ ನಿಬೋಧ ತತ್॥ 1-7-5 (957) ಯೋಗೇನ ಬಹುಧಾಽಽತ್ಮಾನಂ ಕೃತ್ವಾ ತಿಷ್ಠಾಮಿ ಮೂರ್ತಿಷು। ಅಗ್ನಿಹೋತ್ರೇಷು ಸತ್ರೇಷು ಕ್ರಿಯಾಸು ಚ ಮಖೇಷು ಚ॥ 1-7-6 (958) ವೇದೋಕ್ತೇನ ವಿಧಾನೇನ ಮಯಿ ಯದ್ಧೂಯತೇ ಹವಿಃ। ದೇವತಾಃ ಪಿತರಶ್ಚೈವ ತೇನ ತೃಪ್ತಾ ಭವಂತಿ ವೈ॥ 1-7-7 (959) ಆಪೋ ದೇವಗಣಾಃ ಸರ್ವೇ ಆಪಃ ಪಿತೃಗಣಾಸ್ತಥಾ। ದರ್ಶಶ್ಚ ಪೌರ್ಣಮಾಸಶ್ಚ ದೇವಾನಾಂ ಪಿತೃಭಿಃ ಸಹ॥ 1-7-8 (960) ದೇವತಾಃ ಪಿತರಸ್ತಸ್ಮಾತ್ಪಿತರಶ್ಚಾಪಿ ದೇವತಾಃ। ಏಕೀಭೂತಾಶ್ಚ ದೃಶ್ಯಂತೇ ಪೃಥಕ್ತ್ವೇನ ಚ ಪರ್ವಸು॥ 1-7-9 (961) ದೇವತಾಃ ಪಿತರಶ್ಚೈವ ಭುಂಜತೇ ಮಯಿ ಯದ್ಭುತಂ। ದೇವತಾನಾಂ ಪಿತೄಣಾಂ ಚ ಮುಖಮೇತದಹಂ ಸ್ಮೃತಂ॥ 1-7-10 (962) ಅಮಾವಾಸ್ಯಾಂ ಹಿ ಪಿತರಃ ಪೌರ್ಣಮಾಸ್ಯಾಂ ಹಿ ದೇವತಾಃ। ಮನ್ಮುಖೇನೈವ ಹೂಯಂತೇ ಭುಂಜತೇ ಚ ಹುತಂ ಹವಿಃ॥ 1-7-11 (963) ಸರ್ವಭಕ್ಷಃ ಕಥಂ ತ್ವೇಷಾಂ ಭವಿಷ್ಯಾಮಿ ಮುಖಂ ತ್ವಹಂ। 1-7-12 (964) ಸೌತಿರುವಾಚ। ಚಿಂತಯಿತ್ವಾ ತತೋ ವಹ್ನಿಶ್ಚಕೇ ಸಂಹಾರಮಾತ್ಮನಃ॥ 1-7-12x (38) ದ್ವಿಜಾನಾಮಗ್ನಿಹೋತ್ರೇಷು ಯಜ್ಞಸತ್ರಕ್ರಿಯಾಸು ಚ। ನಿರೋಂಕಾರವಷಟ್ಕಾರಾಃ ಸ್ವಧಾಸ್ವಾಹಾವಿವರ್ಜಿತಾಃ॥ 1-7-13 (965) ವಿನಾಽಗ್ನಿನಾ ಪ್ರಜಾಃ ಸರ್ವಾಸ್ತತ ಆಸನ್ಸುದುಃಖಿತಾಃ। ಅಥರ್ಷಯಃ ಸಮುದ್ವಿಗ್ನಾ ದೇವಾನ್ ಗತ್ವಾಬ್ರುವನ್ವಚಃ॥ 1-7-14 (966) ಅಗ್ನಿನಾಶಾತ್ಕ್ರಿಯಾಭ್ರಾಂಶಾದ್ಭ್ರಾಂತಾ ಲೋಕಾಸ್ತ್ರಯೋಽನಘಾಃ। ವಿಧಧ್ವಮತ್ರ ಯತ್ಕಾರ್ಯಂ ನ ಸ್ಯಾತ್ಕಾಲಾತ್ಯಯೋ ಯಥಾ॥ 1-7-15 (967) ಅಥರ್ಷಯಶ್ಚ ದೇವಾಶ್ಚ ಬ್ರಹ್ಮಾಣಮುಪಗಂಯ ತು। ಅಗ್ನೇರಾವೇದಯಞ್ಶಾಪಂ ಕ್ರಿಯಾಸಂಹಾರಮೇವ ಚ॥ 1-7-16 (968) ಭೃಗುಣಾ ವೈ ಮಹಾಭಾಗ ಶಪ್ತೋಽಗ್ನಿಃ ಕಾರಣಾಂತರೇ। ಕಥಂ ದೇವಮುಖೋ ಭೂತ್ವಾ ಯಜ್ಞಭಾಗಾಗ್ರಭುಕ್ ತಥಾ॥ 1-7-17 (969) ಹುತಭುಕ್ಸರ್ವಲೋಕೇಷು ಸರ್ವಭಕ್ಷತ್ವಮೇಷ್ಯತಿ। 1-7-18 (970) ಸೌತಿರುವಾಚ। ಶ್ರುತ್ವಾ ತು ತದ್ವಚಸ್ತೇಷಾಮಗ್ನಿಮಾಹೂಯ ವಿಶ್ವಕೃತ್॥ 1-7-18x (39) ಉವಾಚ ವಚನಂ ಶ್ಲಕ್ಷ್ಣಂ ಭೂತಭಾವನಮವ್ಯಯಂ। ಲೋಕಾನಾಮಿಹ ಸರ್ವೇಷಾಂ ತ್ವಂ ಕರ್ತಾ ಚಾಂತ ಏವ ಚ॥ 1-7-19 (971) ತ್ವಂ ಧಾರಯಸಿ ಲೋಕಾಂಸ್ತ್ರೀನ್ಕ್ರಿಯಾಣಾಂ ಚ ಪ್ರವರ್ತಕಃ। ಸ ತಥಾ ಕುರು ಲೋಕೇಶ ನೋಚ್ಛಿದ್ಯೇರನ್ಯಥಾ ಕ್ರಿಯಾಃ॥ 1-7-20 (972) ಕಸ್ಮಾದೇವಂ ವಿಮೂಢಸ್ತ್ವಮೀಶ್ವರಃ ಸನ್ ಹುತಾಶೇನ। ತ್ವಂ ಪವಿತ್ರಂ ಸದಾ ಲೋಕೇ ಸರ್ವಭೂತಗತಿಶ್ಚ ಹ॥ 1-7-21 (973) ನ ತ್ವಂ ಸರ್ವಶರೀರೇಣ ಸರ್ವಭಕ್ಷತ್ವಮೇಷ್ಯಸಿ। ಅಪಾನೇ ಹ್ಯರ್ಚಿಷೋ ಯಾಸ್ತೇ ಸರ್ವಂ ಭಕ್ಷ್ಯಂತಿ ತಾಃ ಶಿಖಿನ್॥ 1-7-22 (974) ಕ್ರವ್ಯಾದಾ ಚ ತನುರ್ಯಾ ತೇ ಸಾ ಸರ್ವಂ ಭಕ್ಷಯಿಷ್ಯತಿ। ಯಥಾ ಸೂರ್ಯಾಂಶುಭಿಃ ಸ್ಪೃಷ್ಟಂ ಸರ್ವಂ ಶುಚಿ ವಿಭಾವ್ಯತೇ॥ 1-7-23 (975) ತಥಾ ತ್ವದರ್ಚಿರ್ನಿರ್ದಗ್ಧಂ ಸರ್ವಂ ಶುಚಿ ಭವಿಷ್ಯತಿ। ತ್ವಮಗ್ನೇ ಪರಮಂ ತೇಜಃ ಸ್ವಪ್ರಭಾವಾದ್ವಿನಿರ್ಗತಂ॥ 1-7-24 (976) ಸ್ವತೇಜಸೈವ ತಂ ಶಾಪಂ ಕುರು ಸತ್ಯಮೃಷೇರ್ವಿಭೋ। ದೇವಾನಾಂ ಚಾತ್ಮನೋ ಭಾಗಂ ಗೃಹಾಣ ತ್ವಂ ಮುಖೇ ಹುತಂ॥ 1-7-25 (977) ಸೌತಿರುವಾಚ। 1-7-26x (40) ಏವಮಸ್ತ್ವಿತಿ ತಂ ವಹ್ನಿಃ ಪ್ರತ್ಯುವಾಚ ಪಿತಾಮಹಂ। ಜಗಾಮ ಶಾಸನಂ ಕರ್ತುಂ ದೇವಸ್ಯ ಪರಮೇಷ್ಠಿನಃ॥ 1-7-26 (978) ದೇವರ್ಷಯಶ್ಚ ಮುದಿತಾಸ್ತತೋ ಜಗ್ಮುರ್ಯಥಾಗತಂ। ಋಷಯಶ್ಚ ಯಥಾ ಪೂರ್ವಂ ಕ್ರಿಯಾಃ ಸರ್ವಾಃ ಪ್ರಚಕ್ರಿರೇ॥ 1-7-27 (979) ದಿವಿ ದೇವಾ ಮುಮುದಿರೇ ಭೂತಸಂಘಾಶ್ಚ ಲೌಕಿಕಾಃ। ಅಗ್ನಿಶ್ಚ ಪರಮಾಂ ಪ್ರೀತಿಮವಾಪ ಹತಕಲ್ಮಷಃ॥ 1-7-28 (980) ಏವಂ ಸ ಭಗವಾಂಛಾಪಂ ಲೇಭೇಽಗ್ನಿರ್ಭೃಗುತಃ ಪುರಾ। ಏವಮೇಷ ಪುರಾ ವೃತ್ತ ಹತಿಹಾಸೋಽಗ್ನಿಶಾಪಜಃ। ಪುಲೋಂನಶ್ಚ ವಿನಾಶೋಽಯಂ ಚ್ಯವನಸ್ಯ ಚ ಸಂಭವಃ॥ ॥ 1-7-29 (981) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಪೌಲೋಮಪರ್ವಣಿ ಸಪ್ತಮೋಽಧ್ಯಾಯಃ॥ 7 ॥

1-8-0 (982) ಸೌತಿರುವಾಚ। 1-8-0x (41) ಸ ಚಾಪಿ ಚ್ಯವನೋ ಬ್ರಹ್ಮನ್ಭಾರ್ಗವೋಽಜನಯತ್ಸುತಂ। ಸುಕನ್ಯಾಯಾಂ ಮಹಾತ್ಮಾನಂ ಪ್ರಮತಿಂ ದೀಪ್ತತೇಜಸಂ॥ 1-8-1 (983) ಪ್ರಮತಿಸ್ತು ರುರುಂ ನಾಮ ಘೃತಾಚ್ಯಾಂ ಸಮಜೀಜನತ್। ರುರುಃ ಪ್ರಮದ್ವರಾಯಾಂ ತು ಶುನಕಂ ಸಮಜೀಜನಂ॥ 1-8-2 (984) ಶುನಕಸ್ತು ಮಹಾಸತ್ವಃ ಸರ್ವಭಾರ್ಗವನಂದನಃ। ಜಾತಸ್ತಪಸಿ ತೀವ್ರೇ ಚ ಸ್ಥಿತಃ ಸ್ಥಿರಯಶಾಸ್ತತಃ॥ 1-8-3 (985) ತಸ್ಯ ಬ್ರಹ್ಮನ್ರುರೋಃ ಸರ್ವಂ ಚರಿತಂ ಭೂರಿತೇಜಸಃ। ವಿಸ್ತರೇಣ ಪ್ರವಕ್ಷ್ಯಾಮಿ ತಚ್ಛೃಣು ತ್ವಮಶೇಷತಃ॥ 1-8-4 (986) ಋಷಿರಾಸೀನ್ಮಹಾನ್ಪೂರ್ವಂ ತಪೋವಿದ್ಯಾಸಮನ್ವಿತಃ। ಸ್ಥೂಲಕೇಶ ಇತಿ ಖ್ಯಾತಃ ಸರ್ವಭೂತಹಿತೇ ರತಃ॥ 1-8-5 (987) ಏತಸ್ಮಿನ್ನೇವ ಕಾಲೇ ತು ಮೇನಕಾಯಾಂ ಪ್ರಜಜ್ಞಿವಾನ್। ಗಂಧರ್ವರಾಜೋ ವಿಪ್ರರ್ಷೇ ವಿಶ್ವಾವಸುರಿತಿ ಸ್ಮೃತಃ॥ 1-8-6 (988) ಅಪ್ಸರಾ ಮೇನಕಾ ತಸ್ಯ ತಂ ಗರ್ಭಂ ಭೃಗುನಂದನ। ಉತ್ಸಸರ್ಜ ಯಥಾಕಾಲಂ ಸ್ಥೂಲಕೇಶಾಶ್ರಮಂ ಪ್ರತಿ॥ 1-8-7 (989) ಉತ್ಸೃಜ್ಯ ಚೈವ ತಂ ಗರ್ಭಂ ನದ್ಯಾಸ್ತೀರೇ ಜಗಾಮ ಸಾ। ಅಪ್ಸರಾ ಮೇನಕಾ ಬ್ರಹ್ಮನ್ನಿರ್ದಯಾ ನಿರಪತ್ರಪಾ॥ 1-8-8 (990) ಕನ್ಯಾಮಮರಗರ್ಭಾಭಾಂ ಜ್ವಲಂತೀಮಿವ ಚ ಶ್ರಿಯಾ। ತಾಂ ದದರ್ಶ ಸಮುತ್ಸೃಷ್ಟಾಂ ನದೀತೀರೇ ಮಹಾನೃಷಿಃ॥ 1-8-9 (991) ಸ್ಥೂಲಕೇಶಃ ಸ ತೇಜಸ್ವೀ ವಿಜನೇ ಬಂಧುವರ್ಜಿತಾಂ। ಸ ತಾಂ ದೃಷ್ಟ್ವಾ ತದಾ ಕನ್ಯಾಂ ಸ್ಥೂಲಕೇಶೋ ಮಹಾದ್ವಿಜಃ॥ 1-8-10 (992) ಜಗ್ರಾಹ ಚ ಮುನಿಶ್ರೇಷ್ಠಃ ಕೃಪಾವಿಷ್ಟಃ ಪುಪೋಷ ಚ। ವವೃಧೇ ಸಾ ವರಾರೋಹಾ ತಸ್ಯಾಶ್ರಮಪದೇ ಶುಭೇ॥ 1-8-11 (993) ಜಾತಕಾದ್ಯಾಃ ಕ್ರಿಯಾಶ್ಚಾಸ್ಯಾ ವಿಧಿಪೂರ್ವಂ ಯಥಾಕ್ರಮಂ। ಸ್ಥೂಲಕೇಶೋ ಮಹಾಭಾಗಶ್ಚಕಾರ ಸುಮಹಾನೃಷಿಃ॥ 1-8-12 (994) ಪ್ರಮದಾಭ್ಯೋ ವರಾ ಸಾ ತು ಸತ್ತ್ವರೂಪಗುಣಾನ್ವಿತಾ। ತತಃ ಪ್ರಮದ್ವರೇತ್ಯಸ್ಯಾ ನಾಮ ಚಕ್ರೇ ಮಹಾನೃಷಿಃ॥ 1-8-13 (995) ತಾಮಾಶ್ರಮಪದೇ ತಸ್ಯ ರುರುರ್ದೃಷ್ಟ್ವಾ ಪ್ರಮದ್ವರಾಂ। ಬಭೂವ ಕಿಲ ಧರ್ಮಾತ್ಮಾ ಮದನೋಪಹತಸ್ತದಾ॥ 1-8-14 (996) ಪಿತರಂ ಸಖಿಭಿಃ ಸೋಽಥ ಶ್ರಾವಯಾಮಾಸ ಭಾರ್ಗವಂ। ಪ್ರಮತಿಶ್ಚಾಭ್ಯಯಾಚತ್ತಾಂ ಸ್ಥೂಲಕೇಶಂ ಯಶಸ್ವಿನಂ॥ 1-8-15 (997) ತತಃ ಪ್ರಾದಾತ್ಪಿತಾ ಕನ್ಯಾಂ ರುರವೇ ತಾಂ ಪ್ರಮದ್ವರಾಂ। ವಿವಾಹಂ ಸ್ಥಾಪಯಿತ್ವಾಗ್ರೇ ನಕ್ಷತ್ರೇ ಭಗದೈವತೇ॥ 1-8-16 (998) ತತಃ ಕತಿಪಯಾಹಸ್ಯ ವಿವಾಹೇ ಸಮುಪಸ್ಥಿತೇ। ಸಖೀಭಿಃ ಕ್ರೀಡತೀ ಸಾರ್ಧಂ ಸಾ ಕನ್ಯಾವರವರ್ಣಿನೀ॥ 1-8-17 (999) ನಾಪಶ್ಯತ್ಸಂಪ್ರಸುಪ್ತಂ ವೈ ಭುಜಂಗಂ ತಿರ್ಯಗಾಯತಂ। ಪದಾ ಚೈನಂ ಸಮಾಕ್ರಾಮನ್ಮುಮೂರ್ಷುಃ ಕಾಲಚೋದಿತಾ॥ 1-8-18 (1000) ಸ ತಸ್ಯಾಃ ಸಂಪ್ರಮತ್ತಾಯಾಶ್ಚೋದಿತಃ ಕಾಲಧರ್ಮಣಾ। ವಿಷೋಪಲಿಪ್ತಾಂದಶನಾನ್ಭೃಶಮಂಗೇ ನ್ಯಪಾತಯತ್॥ 1-8-19 (1001) ಸಾ ದಷ್ಟಾ ತೇನ ಸರ್ಪೇಣ ಪಪಾತ ಸಹಸಾ ಭುವಿ। ವಿವರ್ಣಾ ವಿಗತಶ್ರೀಕಾ ಭ್ರಷ್ಟಾಭರಣಚೇತನಾ॥ 1-8-20 (1002) ನಿರಾನಂದಕರೀ ತೇಷಾಂ ಬಂಧೂನಾಂ ಮುಕ್ತಮೂರ್ಧಜಾ। ವ್ಯಸುರಪ್ರೇಕ್ಷಣೀಯಾ ಸಾ ಪ್ರೇಕ್ಷಣೀಯತಮಾಽಭವತ್॥ 1-8-21 (1003) ಪ್ರಸುಪ್ತೇವಾಭವಚ್ಚಾಪಿ ಭುವಿ ಸರ್ಪವಿಷಾರ್ದಿತಾ। ಭೂಯೋ ಮನೋಹರತರಾ ಬಭೂವ ತನುಮಧ್ಯಮಾ॥ 1-8-22 (1004) ದದರ್ಶ ತಾಂ ಪಿತಾ ಚೈವ ಯೇ ಚೈವಾನ್ಯೇ ತಪಸ್ವಿನಃ। ವಿಚೇಷ್ಟಮಾನಾಂ ಪತಿತಾಂ ಭೂತಲೇ ಪದ್ಮವರ್ಚಸಂ॥ 1-8-23 (1005) ತತಃ ಸರ್ವೇ ದ್ವಿಜತರಾಃ ಸಮಾಜಗ್ಮುಃ ಕೃಪಾನ್ವಿತಾಃ। ಸ್ವಸ್ತ್ಯಾತ್ರೇಯೋ ಮಹಾಜಾನುಃ ಕುಶಿಕಃ ಶಂಖಮೇಖಲಃ॥ 1-8-24 (1006) ಉದ್ದಾಲಕಃ ಕಠಶ್ಚೈವ ಶ್ವೇತಶ್ಚೈವ ಮಹಾಯಶಾಃ। ಭರದ್ವಾಜಃ ಕೌಣಕೃತ್ಸ್ಯ ಆರ್ಷ್ಟಿಷೇಣೋಽಥ ಗೌತಮಃ॥ 1-8-25 (1007) ಪ್ರಮತಿಃ ಸಹ ಪುತ್ರೇಣ ತಥಾನ್ಯೇ ವನವಾಸಿನಃ। ತಾಂ ತೇ ಕನ್ಯಾಂ ವ್ಯಸುಂ ದೃಷ್ಟ್ವಾ ಭುಜಂಗಸ್ಯ ವಿಷಾರ್ದಿತಾಂ॥ 1-8-26 (1008) ರುರುದುಃ ಕೃಪಯಾಽವಿಷ್ಟಾ ರುರುಸ್ತ್ವಾರ್ತೋ ಬಹಿರ್ಯಯೌ। ತೇ ಚ ಸರ್ವೇ ದ್ವಿಜಶ್ರೇಷ್ಠಾಸ್ತತ್ರೈವೋಪಾವಿಶಂಸ್ತದಾ॥ ॥ 1-8-27 (1009) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಪೌಲೋಮಪರ್ವಣಿ ಅಷ್ಟಮೋಽಧ್ಯಾಯಃ॥ 8 ॥

1-9-0 (1010) ಸೌತಿರುವಾಚ। 1-9-0x (42) ತೇಷು ತತ್ರೋಪವಿಷ್ಟೇಷು ಬ್ರಾಹ್ಮಣೇಷು ಮಹಾತ್ಮಸು। ರುರುಶ್ಚುಕ್ರೋಶ ಗಹನಂ ವನಂ ಗತ್ವಾಽತಿದುಃಖಿತಃ॥ 1-9-1 (1011) ಶೋಕೇನಾಭಿಹತಃ ಸೋಽಥ ವಿಲಪನ್ಕರುಣಂ ಬಹು। ಅಬ್ರವೀದ್ವಚನಂ ಶೋಚನ್ಪ್ರಿಯಾಂ ಸ್ಮೃತ್ವಾ ಪ್ರಮದ್ವರಾಂ॥ 1-9-2 (1012) ಶೇತೇ ಸಾ ಭುವಿ ತನ್ವಂಗೀ ಮಮ ಶೋಕವಿವರ್ಧಿನೀ। `ಪ್ರಾಣಾನಪಹರಂತೀವ ಪೂರ್ಣಚಂದ್ರನಿಭಾನನಾ॥ 1-9-3 (1013) ಯದಿ ಪೀನಾಯತಶ್ರೋಣೀ ಪದ್ಮಪತ್ರನಿಭೇಕ್ಷಣಾ। ಮುಮೂರ್ಷುರಪಿ ಮೇ ಪ್ರಾಣಾನಾದಾಯಾಶು ಗಮಿಷ್ಯತಿ॥ 1-9-4 (1014) ಪಿತೃಮಾತೃಸಖೀನಾಂ ಚ ಲುಪ್ತಪಿಂಡಸ್ಯ ತಸ್ಯ ಮೇ।' ಬಾಂಧವಾನಾಂ ಚ ಸರ್ವೇಷಾಂ ಕಿಂ ನು ದುಃಖಮತಃಪರಂ॥ 1-9-5 (1015) ಯದಿ ದತ್ತಂ ತಪಸ್ತಪ್ತಂ ಗುರವೋ ವಾ ಮಯಾ ಯದಿ। ಸಂಯಗಾರಾಧಿತಾಸ್ತೇನ ಸಂಜೀವತು ಮಮ ಪ್ರಿಯಾ॥ 1-9-6 (1016) ಯಥಾ ಚ ಜನ್ಮಪ್ರಭೃತಿ ಯತಾತ್ಮಾಽಹಂ ಧೃತವ್ರತಃ। ಪ್ರಮದ್ವರಾ ತಥಾದ್ಯೈಷಾ ಸಮುತ್ತಿಷ್ಠತು ಭಾಮಿನೀ॥ 1-9-7 (1017) [ಏವಂ ಲಾಲಪ್ಯತಸ್ತಸ್ಯ ಭಾರ್ಯಾರ್ಥೇ ದುಃಖಿತಸ್ಯ ಚ। ದೇವದೂತಸ್ತದಾಽಭ್ಯೇತ್ಯ ವಾಕ್ಯಮಾಹ ರುರುಂ ವನೇ॥] 1-9-8 (1018) `ಕೃಷ್ಣೇ ವಿಷ್ಣೌ ಹೃಷೀಕೇಶೇ ಲೋಕೇಶೇಽಸುರವಿದ್ವಿಷಿ। ಯದಿ ಮೇ ನಿಶ್ಚಲಾ ಭಕ್ತಿರ್ಮಮ ಜೀವತು ಸಾ ಪ್ರಿಯಾ॥ 1-9-9 (1019) ವಿಲಪ್ಯಮಾನೇ ತು ರುರೌ ಸರ್ವೇ ದೇವಾಃ ಕೃಪಾನ್ವಿತಾಃ। ದೂತಂ ಪ್ರಸ್ಥಾಪಯಾಮಾಸುಃ ಸಂದಿಶ್ಯಾಸ್ಯ ಹಿತಂ ವಚಃ॥ 1-9-10 (1020) ಸ ದೂತಸ್ತ್ವರಿತೋಽಭ್ಯೇತ್ಯ ದೇವಾನಾಂ ಪ್ರಿಯಕೃಚ್ಛುಚಿಃ। ಉವಾಚ ದೇವವಚನಂ ರುರುಮಾಭಾಷ್ಯ ದುಃಖಿತಂ॥ 1-9-11 (1021) ದೇವೈಃ ಸರ್ವೈರಹಂ ಬ್ರಹ್ಮನ್ಪ್ರೇಷಿತೋಽಸ್ಮಿ ತವಾಂತಿಕಂ। ತ್ವದ್ಧಿತಂ ತ್ವದ್ಧಿತೈರುಕ್ತಂ ಶೃಣು ವಾಕ್ಯಂ ದ್ವಿಜೋತ್ತಮ॥' 1-9-12 (1022) ಅಭಿಧತ್ಸೇ ಹ ಯದ್ವಾಚಾ ರುರೋ ದುಃಖಾನ್ನ ತನ್ಮೃಷಾ। ನ ತು ಮರ್ತ್ಯಸ್ಯ ಧರ್ಮಾತ್ಮನ್ನಾಯುರಸ್ತಿ ಗತಾಯುಷಃ॥ 1-9-13 (1023) ಗತಾಯುರೇಷಾ ಕೃಪಣಾ ಗಂಧರ್ವಾಪ್ಸರಸೋಃ ಸುತಾ। ತಸ್ಮಾಚ್ಛೋಕೇ ಮನಸ್ತಾತ ಮಾ ಕೃಥಾಸ್ತ್ವಂ ಕಥಂಚನ॥ 1-9-14 (1024) ಉಪಾಯಶ್ಚಾತ್ರ ವಿಹಿತಃ ಪೂರ್ವಂ ದೇವೈರ್ಮಹಾತ್ಮಭಿಃ। ತಂ ಯದೀಚ್ಛಸಿ ಕರ್ತುಂ ತ್ವಂ ಪ್ರಾಪ್ಸ್ಯಸೀಹ ಪ್ರಮದ್ವರಾಂ॥ 1-9-15 (1025) ರುರುರುವಾಚ। 1-9-16x (43) ಕ ಉಪಾಯಃ ಕೃತೋ ದೇವೈರ್ಬೂಹಿ ತತ್ತ್ವೇನ ಖೇಚರ। ಕರಿಷ್ಯೇಽಹಂ ತಥಾ ಶ್ರುತ್ವಾ ತ್ರಾತುಮರ್ಹತಿ ಮಾಂ ಭವಾನ್॥ 1-9-16 (1026) ದೇವೇದೂತ ಉವಾಚ। 1-9-17x (44) ಆಯುಷೋಽರ್ಧಂ ಪ್ರಯಚ್ಛ ತ್ವಂ ಕನ್ಯಾಯೈ ಭೃಗುನಂದನ। ಏವಮುತ್ಥಾಸ್ಯತಿ ರುರೋ ತವ ಭಾರ್ಯಾ ಪ್ರಯದ್ವರಾ॥ 1-9-17 (1027) ರುರುರುವಾಚ। 1-9-18x (45) ಆಯುಷೋಽರ್ಧಂ ಪ್ರಯಚ್ಛಾಮಿ ಕನ್ಯಾಯೈ ಖೇಚರೋತ್ತಮ। ಶೃಂಗಾರರೂಪಾಭರಣಾ ಸಮುತ್ತಿಷ್ಠತು ಮೇ ಪ್ರಿಯಾ॥ 1-9-18 (1028) ಸೌತಿರುವಾಚ। 1-9-19x (46) ತತೋ ಗಂಧರ್ವರಾಜಶ್ಚ ದೇವದೂತಶ್ಚ ಸತ್ತಮೌ। ಧರ್ಮರಾಜಮುಪೇತ್ಯೇದಂ ವಚನಂ ಪ್ರತ್ಯಭಾಷತಾಂ॥ 1-9-19 (1029) ಧರ್ಮರಾಜಾಯುಷೋಽರ್ಧೇನ ರುರೋರ್ಭಾರ್ಯಾ ಪ್ರಮದ್ವರಾ। ಸಮುತ್ತಿಷ್ಠತು ಕಲ್ಯಾಣೀ ಮೃತೈವಂ ಯದಿ ಮನ್ಯಸೇ॥ 1-9-20 (1030) ಧರ್ಮರಾಜ ಉವಾಚ। 1-9-21x (47) ಪ್ರಮದ್ವರಾ ರುರೋರ್ಭಾರ್ಯಾ ದೇವದೂತ ಯದೀಚ್ಛಸಿ। ಉತ್ತಿಷ್ಠತ್ವಾಯುಷೋಽರ್ಧೇನ ರುರೋರೇವ ಸಮನ್ವಿತಾ॥ 1-9-21 (1031) ಸೌತಿರುವಾಚ। 1-9-22x (48) ಏವಮುಕ್ತೇ ತತಃ ಕನ್ಯಾ ಸೋದತಿಷ್ಠತ್ಪ್ರಮದ್ವರಾ। ರುರೋಸ್ತಸ್ಯಾಯುಷೋಽರ್ಧೇನ ಸುಪ್ತೇವ ವರವರ್ಣಿನೀ॥ 1-9-22 (1032) ಏತದ್ದೃಷ್ಟಂ ಭವಿಷ್ಯೇ ಹಿ ರುರೋರುತ್ತಮತೇಜಸಃ। ಆಯುಷೋಽತಿಪ್ರವೃದ್ಧಸ್ಯ ಭಾರ್ಯಾರ್ಥೇಽರ್ಧಮಲುಪ್ಯತ॥ 1-9-23 (1033) ತತ ಇಷ್ಟೇಽಹನಿ ತಯೋಃ ಪಿತರೌ ಚಕ್ರತುರ್ಮುದಾ। ವಿವಾಹಂ ತೌ ಚ ರೇಮಾತೇ ಪರಸ್ಪರಹಿತೈಷಿಣೌ॥ 1-9-24 (1034) ಸ ಲಬ್ಧ್ವಾ ದುರ್ಲಭಾಂ ಭಾರ್ಯಾಂ ಪದ್ಮಕಿಂಜಲ್ಕಸುಪ್ರಭಾಂ। ವ್ರತಂ ಚಕ್ರೇ ವಿನಾಶಾಯ ಜಿಹ್ಮಗಾನಾಂ ಧೃತವ್ರತಃ॥ 1-9-25 (1035) ಸ ದೃಷ್ಟ್ವಾ ಜಿಹ್ಮಗಾನ್ಸರ್ವಾಂಸ್ತೀವ್ರಕೋಪಸಮನ್ವಿತಃ। ಅಭಿಹಂತಿ ಯಥಾಸತ್ತ್ವಂ ಗೃಹ್ಯ ಪ್ರಹರಣಂ ಸದಾ॥ 1-9-26 (1036) ಸ ಕದಾಚಿದ್ವನಂ ವಿಪ್ರೋ ರುರುರಭ್ಯಾಗಮನ್ಮಹತ್। ಶಯಾನಂ ತತ್ರ ಚಾಪಶ್ಯಡ್ಡುಂಡುಭಂ ವಯಸಾನ್ವಿತಂ॥ 1-9-27 (1037) ತತ ಉದ್ಯಂಯ ದಂಡಂ ಸ ಕಾಲದಂಡೋಪಮಂ ತದಾ। ಜಿಘಾಂಸುಃ ಕುಪಿತೋ ವಿಪ್ರಸ್ತಮುವಾಚಾಥ ಡುಂಡುಭಃ॥ 1-9-28 (1038) ನಾಪರಾಧ್ಯಾಮಿ ತೇ ಕಿಂಚಿದಹಮದ್ಯ ತಪೋಧನ। ಸಂರಂಭಾಚ್ಚ ಕಿಮರ್ಥಂ ಮಾಮಭಿಹಂಸಿ ರುಷಾನ್ವಿತಃ॥ ॥ 1-9-29 (1039) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಾಣಿ ಪೌಲೋಮಪರ್ವಣಿ ನವಮೋಽಧ್ಯಾಯಃ॥ 9 ॥

1-10-0 (1040) ರುರುರುವಾಚ। 1-10-0x (49) ಮಮ ಪ್ರಾಣಸಮಾ ಭಾರ್ಯಾ ದಷ್ಟಾಸೀದ್ಭುಜಗೇನ ಹ। ತತ್ರ ಮೇ ಸಮಯೋ ಘೋರ ಆತ್ಮನೋರಗ ವೈ ಕೃತಃ॥ 1-10-1 (1041) ಭುಜಂಗಂ ವೈ ಸದಾ ಹನ್ಯಾಂ ಯಂ ಯಂ ಪಶ್ಯೇಯಮಿತ್ಯುತ। ತತೋಽಹಂ ತ್ವಾಂ ಜಿಘಾಂಸಾಮಿ ಜೀವಿತೇನಾದ್ಯ ಮೋಕ್ಷ್ಯಸೇ॥ 1-10-2 (1042) ಡುಂಡುಭ ಉವಾಚ। 1-10-3x (50) ಅನ್ಯೇ ತೇ ಭುಜಗಾ ಬ್ರಹ್ಮನ್ಯೇ ದಶ್ತೀಹ ಮಾನವಾನ್। ಡುಂಡುಭಾನಹಿಗಂಧೇನ ನ ತ್ವಂ ಹಿಂಸಿತುಮರ್ಹಸಿ॥ 1-10-3 (1043) ಏಕಾನರ್ಥಾನ್ಪೃಥಗ್ಧರ್ಮಾನೇಕದುಃಖಾನ್ಪೃಥಕ್ಸುಖಾನ್। ಡುಂಡುಭಾಂಧರ್ಮವಿದ್ಭೂತ್ವಾ ನ ತ್ವಂ ಹಿಂಸಿತುಮರ್ಹಸಿ॥ 1-10-4 (1044) ಸೌತಿರುವಾಚ। 1-10-5x (51) ಇತಿ ಶ್ರುತ್ವಾ ವಚಸ್ತಸ್ಯ ಡುಂಡುಭಸ್ಯ ರುರುಸ್ತದಾ। ನಾವಧೀದ್ಭಯಸಂವಿಗ್ನಮೃಷಿಂ ಮತ್ತ್ವಾಽಥ ಡುಂಡುಭಂ॥ 1-10-5 (1045) ಉವಾಚ ಚೈನಂ ಭಗವಾನ್ರುರುಃ ಸಂಶಮಯನ್ನಿವ। ಕೇನ ತ್ವಂ ಭುಜಗ ಬ್ರೂಹಿ ಕೋಽಸೀಮಾಂ ವಿಕ್ರಿಯಾಂ ಗತಃ॥ 1-10-6 (1046) ಡುಂಡುಭ ಉವಾಚ। 1-10-7x (52) ಅಹಂ ಪುರಾ ರುರೋ ನಾಂನಾ ಋಷಿರಾಸಂ ಸಹಸ್ರಪಾತ್। ಸೋಽಹಂ ಶಾಪೇನ ವಿಪ್ರಸ್ಯ ಭುಜಗತ್ವಮುಪಾಗತಃ॥ 1-10-7 (1047) ರುರುರುವಾಚ। 1-10-8x (53) ಕಿಮರ್ಥಂ ಶಪ್ತವಾನ್ಕುದ್ಧೋ ದ್ವಿಜಸ್ತ್ವಾಂ ಭುಜಗೋತ್ತಮ। ಕಿಯಂತಂ ಚೈವ ಕಾಲಂ ತೇ ವಪುರೇತದ್ಭವಿಷ್ಯಸಿ॥ ॥ 1-10-8 (1048) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಪೌಲೋಮಪರ್ವಣಿ ದಶಮೋಽಧ್ಯಾಯಃ॥ 10 ॥

1-11-0 (1049) ಡುಂಡುಭ ಉವಾಚ। 1-11-0x (54) ಸಖಾ ಬಭೂವ ಮೇ ಪೂರ್ವಂ ಖಗಮೋ ನಾಮ ವೈ ದ್ವಿಜಃ। ಭೃಶಂ ಸಂಶಿತವಾಕ್ತಾತ ತಪೋಬಲಸಮನ್ವಿತಃ॥ 1-11-1 (1050) ಸ ಮಯಾ ಕ್ರೀಡತಾ ಬಾಲ್ಯೇ ಕೃತ್ವಾ ತಾರ್ಣಂ ಭುಜಂಗಮಂ। ಅಗ್ನಿಹೋತ್ರೇ ಪ್ರಸಕ್ತಸ್ತು ಭೀಷಿತಃ ಪ್ರಮುಮೋಹ ವೈ॥ 1-11-2 (1051) ಲಬ್ಧ್ವಾ ಸ ಚ ಪುನಃ ಸಂಜ್ಞಾಂ ಮಾಮುವಾಚ ತಪೋಧನಃ। ನರ್ದಹನ್ನಿವ ಕೋಪೇನ ಸತ್ಯವಾಕ್ಸಂಶಿತವ್ರತಃ॥ 1-11-3 (1052) ಯಥಾವೀರ್ಯಸ್ತ್ವಯಾ ಸರ್ಪಃ ಕೃತೋಽಯಂ ಮದ್ಬಿಭೀಷಯಾ। ತಥಾವೀರ್ಯೋ ಭುಜಂಗಸ್ತ್ವಂ ಮಮ ಶಾಪಾದ್ಭವಿಷ್ಯಸಿ॥ 1-11-4 (1053) ತಸ್ಯಾಹಂ ತಪಸೋ ವೀರ್ಯಂ ಜಾನನ್ನಾಸಂ ತಪೋಧನ। ಭೃಶಮುದ್ವಿಗ್ನಹೃದಯಸ್ತಮವೋಚಮಹಂ ತದಾ॥ 1-11-5 (1054) ಪ್ರಣತಃ ಸಂಭ್ರಮಾಚ್ಚೈವ ಪ್ರಾಂಜಲಿಃ ಪುರತಃ ಸ್ಥಿತಃ। ಸಖೇತಿ ಹಸತೇದಂ ತೇ ನರ್ಮಾರ್ಥಂ ವೈ ಕೃತಂ ಮಯಾ॥ 1-11-6 (1055) ಕ್ಷಂತುಮರ್ಹಸಿ ಮೇ ಬ್ರಹ್ಮಞ್ಶಾಪೋಽಯಂ ವಿನಿವರ್ತ್ಯತಾಂ। ಸೋಽಥ ಮಾಮಬ್ರವೀದ್ದೃಷ್ಟ್ವಾ ಭೃಶಮುದ್ವಿಗ್ನಚೇತಸಂ॥ 1-11-7 (1056) ಮುಹುರುಷ್ಣಂ ವಿನಿಃಶ್ವಸ್ಯ ಸುಸಂಭ್ರಾಂತಸ್ತಪೋಧನಃ। ನಾನೃತಂ ವೈ ಮಯಾ ಪ್ರೋಕ್ತಂ ಭವಿತೇದಂ ಕಥಂಚನ॥ 1-11-8 (1057) ಯತ್ತು ವಕ್ಷ್ಯಾಮಿ ತೇ ವಾಕ್ಯಂ ಶೃಣು ತನ್ಮೇ ತಪೋಧನ। ಶ್ರುತ್ವಾ ಚ ಹೃದಿ ತೇ ವಾಕ್ಯಮಿದಮಸ್ತು ಸದಾಽನಘ॥ 1-11-9 (1058) ಉತ್ಪತ್ಸ್ಯತಿ ರುರುರ್ನಾಮ ಪ್ರಮತೇರಾತ್ಮಜಃ ಶುಚಿಃ। ತಂ ದೃಷ್ಟ್ವಾ ಶಾಪಮೋಕ್ಷಸ್ತೇ ಭವಿತಾ ನಚಿರಾದಿವ। `ಏವಮುಕ್ತಸ್ತು ತೇನಾಹಮುರಗತ್ವಮವಾಪ್ತವಾನ್॥' 1-11-10 (1059) ಸ ತ್ವಂ ರುರುರಿತಿ ಖ್ಯಾತಃ ಪ್ರಮತೇರಾತ್ಮಜೋಽಪಿ ಚ। ಸ್ವರೂಪಂ ಪ್ರತಿಪದ್ಯಾಹಮದ್ಯ ವಕ್ಷ್ಯಾಮಿ ತೇ ಹಿತಂ॥ 1-11-11 (1060) ಸೌತಿರುವಾಚ। 1-11-12x (55) ಸ ಡೌಂಡುಭಂ ಪರಿತ್ಯಜ್ಯ ರೂಪಂ ವಿಪ್ರರ್ಷಭಸ್ತದಾ। ಸ್ವರೂಪಂ ಭಾಸ್ವರಂ ಭೂಯಃ ಪ್ರತಿಪೇದೇ ಮಹಾಯಶಾಃ॥ 1-11-12 (1061) ಇದಂ ಚೋವಾಚ ವಚನಂ ರುರುಮಪ್ರತಿಮೌಜಸಂ। ಅಹಿಂಸಾ ಪರಮೋ ಧರ್ಮಃ ಸರ್ವಪ್ರಾಣಭೃತಾಂ ವರ॥ 1-11-13 (1062) ತಸ್ಮಾತ್ಪ್ರಾಣಭೃತಃ ಸರ್ವಾನ್ನ ಹಿಂಸ್ಯಾದ್ಬ್ರಾಹ್ಮಣಃ ಕ್ವಚಿತ್। ಬ್ರಾಹ್ಮಣಃ ಸೌಂಯ ಏವೇಹ ಭವತೀತಿ ಪರಾ ಶ್ರುತಿಃ॥ 1-11-14 (1063) ವೇದವೇದಾಂಗವಿನ್ನಾಮ ಸರ್ವಭೂತಾಭಯಪ್ರದಃ। ಅಹಿಂಸಾ ಸತ್ಯವಚನಂ ಕ್ಷಮಾ ಚೇತಿ ವಿನಿಶ್ಚಿತಂ॥ 1-11-15 (1064) ಬ್ರಾಹ್ಮಣಸ್ಯ ಪರೋ ಧರ್ಮೋ ವೇದಾನಾಂ ಧಾರಣಾಪಿ ಚ। ಕ್ಷತ್ರಿಯಸ್ಯ ಹಿ ಯೋ ಧರ್ಮಃ ಸ ನೇಹೇಷ್ಯೇತ ವೈ ತವ॥ 1-11-16 (1065) ದಂಡಧಾರಣಮುಗ್ರತ್ವಂ ಪ್ರಜಾನಾಂ ಪರಿಪಾಲನಂ। ತದಿದಂ ಕ್ಷತ್ರಿಯಸ್ಯಾಸೀತ್ಕರ್ಮ ವೈ ಶೃಣು ಮೇ ರುರೋ॥ 1-11-17 (1066) ಜನಮೇಜಯಸ್ಯ ಯಜ್ಞೇಽಸ್ಮಿನ್ಸರ್ಪಾಣಾಂ ಹಿಂಸನಂ ಪುರಾ। ಪರಿತ್ರಾಣಂ ಚ ಭೀತಾನಾಂ ಸರ್ಪಾಣಾಂ ಬ್ರಾಹ್ಮಣಾದಪಿ॥ 1-11-18 (1067) ತಪೋವೀರ್ಯಬಲೋಪೇತಾದ್ವೇದವೇದಾಂಗಪಾರಗಾತ್। ಆಸ್ತೀಕಾದ್ದ್ವಿಜಮುಖ್ಯಾದ್ವೈ ಸರ್ಪಸತ್ರೇ ದ್ವಿಜೋತ್ತಮ॥ ॥ 1-11-19 (1068) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಪೌಲೋಮಪರ್ವಣಿ ಏಕಾದಶೋಽಧ್ಯಾಯಃ॥ 11 ॥

1-12-0 (1069) ರುರುರುವಾಚ। 1-12-0x (56) ಕಥಂ ಹಿಂಸಿತವಾನ್ಸರ್ಪಾನ್ಸ ರಾಜಾ ಜನಮೇಜಯಃ। ಸರ್ಪಾ ವಾ ಹಿಂಸಿತಾಸ್ತತ್ರ ಕಿಮರ್ಥಂ ದ್ವಿಜಸತ್ತಮ॥ 1-12-1 (1070) ಕಿಮರ್ಥಂ ಮೋಕ್ಷಿತಾಶ್ಚೈವ ಪನ್ನಗಾಸ್ತೇನ ಧೀಮತಾ। ಆಸ್ತೀಕೇನ ದ್ವಿಜಶ್ರೇಷ್ಠ ಶ್ರೋತುಮಿಚ್ಛಾಂಯಶೇಷತಃ॥ 1-12-2 (1071) ಋಷಿರುವಾಚ। 1-12-3x (57) ಶ್ರೋಷ್ಯಸಿ ತ್ವಂ ರುರೋ ಸರ್ವಮಾಸ್ತೀಕಚರಿತಂ ಮಹತ್। ಬ್ರಾಹ್ಮಣಾನಾಂ ಕಥಯತಾಂ ತ್ವರಾವಾನ್ಗಮನೇ ಹ್ಯಹಂ॥ 1-12-3 (1072) ಸೌತಿರುವಾಚ। 1-12-4x (58) `ಇತ್ಯುಕ್ತ್ವಾಂತರ್ಹಿತೇ ಯೋಗಾತ್ತಸ್ಮಿನ್ನೃಷಿವರೇ ಪ್ರಭೌ। ಸಂಭ್ರಮಾವಿಷ್ಟಹೃದಯೋ ರುರುರ್ಮೇನೇ ತದದ್ಭುತಂ॥' 1-12-4 (1073) ಬಲಂ ಪರಮಮಾಸ್ಥಾಯ ಪರ್ಯಧಾವತ್ಸಮಂತತಃ। ತಮೃಷಿಂ ನಷ್ಟಮನ್ವಿಚ್ಛನ್ಸಂಶ್ರಾಂತೋ ನ್ಯಪತದ್ಭುವಿ॥ 1-12-5 (1074) ಸ ಮೋಹೇ ಪರಮಂ ಗತ್ವಾ ನಷ್ಟಸಂಜ್ಞ ಇವಾಭವತ್। ತದೃಷೇರ್ವಚನಂ ತಥ್ಯಂ ಚಿಂತಯಾನಃ ಪುನಃಪುನಃ॥ 1-12-6 (1075) ಲಬ್ಧಸಂಜ್ಞೋ ರುರುಶ್ಚಾಯಾತ್ತದಾಚಖ್ಯೌ ಪಿತುಸ್ತದಾ। `ಪಿತ್ರೇ ತು ಸರ್ವಮಾಖ್ಯಾಯ ಡುಂಡುಭಸ್ಯ ವಚೋಽರ್ಥವತ್॥ 1-12-7 (1076) ಅಪೃಚ್ಛತ್ಪಿತರಂ ಭೂಯಃ ಸೋಸ್ತೀಕಸ್ಯ ವಚಸ್ತದಾ। ಆಖ್ಯಾಪಯತ್ತದಾಽಽಖ್ಯಾನಂ ಡುಂಡುಭೇನಾಥ ಕೀರ್ತಿತಂ॥ 1-12-8 (1077) ತತ್ಕೀರ್ತ್ಯಮಾನಂ ಭಗವಞ್ಶ್ರೋತುಮಿಚ್ಛಾಮಿ ತತ್ತ್ವತಃ।' ಪಿತಾ ಚಾಸ್ಯ ತದಾಖ್ಯಾನಂ ಪೃಷ್ಟಃ ಸರ್ವಂ ನ್ಯವೇದಯತ್॥ ॥ 1-12-9 (1078) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಪೌಲೋಮಪರ್ವಣಿ ದ್ವಾದಶೋಽಧ್ಯಾಯಃ॥ 12 ॥ ॥ ಸಮಾಪ್ತಂ ಪೌಲೋಮಪರ್ವ ॥

1-13-0 (1079) ಶೌನಕ ಉವಾಚ। 1-13-0x (59) ಕಿಮರ್ಥಂ ರಾಜಶಾರ್ದೂಲಃ ಸ ರಾಜಾ ಜನಮೇಜಯಃ। ಸರ್ಪಸತ್ರೇಣ ಸರ್ಪಾಣಾಂ ಗತೋಽಂತಂ ತದ್ವದಸ್ವ ಮೇ॥ 1-13-1 (1080) ನಿಖಿಲೇನ ಯಥಾತತ್ತ್ವಂ ಸೌತೇ ಸರ್ವಮಶೇಷತಃ। ಆಸ್ತೀಕಶ್ಚ ದ್ವಿಜಶ್ರೇಷ್ಠಃ ಕಿಮರ್ಥಂ ಜಪತಾಂ ವರಃ॥ 1-13-2 (1081) ಮೋಕ್ಷಯಾಮಾಸ ಭುಜಗಾನ್ಪ್ರದೀಪ್ತಾದ್ವಸುರೇತಸಃ। ಕಸ್ಯ ಪುತ್ರಃ ಸ ರಾಜಾಸೀತ್ಸರ್ಪಸತ್ರಂ ಯ ಆಹರತ್॥ 1-13-3 (1082) ಸ ಚ ದ್ವಿಜಾತಿಪ್ರವರಃ ಕಸ್ಯ ಪುತ್ರೋಽಭಿಧತ್ಸ್ವ ಮೇ। 1-13-4 (1083) ಸೌತಿರುವಾಚ। ಮಹದಾಕ್ಯಾನಮಾಸ್ತೀಕಂ ಯಥೈತತ್ಪ್ರೋಚ್ಯತೇ ದ್ವಿಜ॥ 1-13-4x (60) ಸರ್ವಮೇತದಶೇಷೇಣ ಶೃಣು ಮೇ ವದತಾಂ ವರ। 1-13-5 (1084) ಶೌನಕ ಉವಾಚ। ಶ್ರೋತುಮಿಚ್ಛಾಂಯಶೇಷೇಣ ಕಥಾಮೇತಾಂ ಮನೋರಮಾಂ॥ 1-13-5x (61) ಆಸ್ತೀಕಸ್ಯ ಪುರಾಣರ್ಷೇರ್ಬ್ರಾಹ್ಮಣಸ್ಯ ಯಶಸ್ವಿನಃ। 1-13-6 (1085) ಸೌತಿರುವಾಚ। ಇತಿಹಾಸಮಿಮಂ ವಿಪ್ರಾಃ ಪುರಾಣಂ ಪರಿಚಕ್ಷತೇ॥ 1-13-6x (62) ಕೃಷ್ಣದ್ವೈಪಾಯನಪ್ರೋಕ್ತಂ ನೈಮಿಷಾರಣ್ಯವಾಸಿಷು। ಪೂರ್ವಂ ಪ್ರಚೋದಿತಃ ಸೂತಃ ಪಿತಾ ಮೇ ಲೋಮಹರ್ಷಣಃ॥ 1-13-7 (1086) ಶಿಷ್ಯೋ ವ್ಯಾಸಸ್ಯ ಮೇಧಾವೀ ಬ್ರಾಹ್ಮಣೇಷ್ವಿದಮುಕ್ತವಾನ್। ತಸ್ಮಾದಹಮುಪಶ್ರುತ್ಯ ಪ್ರವಕ್ಷ್ಯಾಮಿ ಯಥಾತಥಂ॥ 1-13-8 (1087) ಇದಮಾಸ್ತೀಕಮಾಖ್ಯಾನಂ ತುಭ್ಯಂ ಶೌನಕ ಪೃಚ್ಛತೇ। ಕಥಯಿಷ್ಯಾಂಯಶೇಷೇಣ ಸರ್ವಪಾಪಪ್ರಣಾಶನಂ॥ 1-13-9 (1088) ಆಸ್ತೀಕಸ್ಯ ಪಿತಾ ಹ್ಯಾಸೀತ್ಪ್ರಜಾಪತಿಸಮಃ ಪ್ರಭುಃ। ಬ್ರಹ್ಮಚಾರೀ ಯತಾಹಾರಸ್ತಪಸ್ಯುಗ್ರೇ ರತಃ ಸದಾ॥ 1-13-10 (1089) ಜರತ್ಕಾರುರಿತಿ ಖ್ಯಾತ ಊರ್ಧ್ವರೇತಾ ಮಹಾತಪಾಃ। ಯಾಯಾವರಾಣಾಂ ಪ್ರವರೋ ಧರ್ಮಜ್ಞಃ ಸಂಶಿತವ್ರತಃ॥ 1-13-11 (1090) ಸ ಕದಾಚಿನ್ಮಹಾಭಾಗಸ್ತಪೋಬಲಸಮನ್ವಿತಃ। ಚಚಾರ ಪೃಥಿವೀಂ ಸರ್ವಾಂ ಯತ್ರಸಾಯಂಗೃಹೋ ಮುನಿಃ॥ 1-13-12 (1091) ತೀರ್ಥೇಷು ಚ ಸಮಾಪ್ಲಾವಂ ಕುರ್ವನ್ನಟತಿ ಸರ್ವಶಃ। ಚರಂದೀಕ್ಷಾಂ ಮಹಾತೇಜಾ ದುಶ್ಚರಾಮಕೃತಾತ್ಮಭಿಃ॥ 1-13-13 (1092) ವಾಯುಭಕ್ಷೋ ನಿರಾಹಾರಃ ಶುಷ್ಯನ್ನನಿಮಿಷೋ ಮುನಿಃ। ಇತಸ್ತತಃ ಪರಿಚರಂದೀಪ್ತಪಾವಕಸಪ್ರಭಃ॥ 1-13-14 (1093) ಅಟಮಾನಃ ಕದಾಚಿತ್ಸ್ವಾನ್ಸ ದದರ್ಶ ಪಿತಾಮಹಾನ್। ಲಂಬಮಾನಾನ್ಮಹಾಗರ್ತೇ ಪಾದೈರೂರ್ಧ್ವೈರವಾಙ್ಮುಖಾನ್॥ 1-13-15 (1094) ತಾನಬ್ರವೀತ್ಸ ದೃಷ್ಟ್ವೈ ಜರತ್ಕಾರುಃ ಪಿತಾಮಹಾನ್। ಕೇ ಭವಂತೋಽವಲಂಬಂತೇ ಗರ್ತೇ ಹ್ಯಸ್ಮಿನ್ನಧೋಮುಖಾಃ॥ 1-13-16 (1095) ವೀರಣಸ್ತಂಭಕೇ ಲಗ್ನಾಃ ಸರ್ವತಃ ಪರಿಭಕ್ಷಿತೇ। ಮೂಷಕೇನ ನಿಗೂಢೇನ ಗರ್ತೇಽಸ್ಮಿನ್ನಿತ್ಯವಾಸಿನಾ॥ 1-13-17 (1096) ಪಿತರ ಊಚುಃ। 1-13-18x (63) ಯಾಯಾವರಾ ನಾಮ ವಯಮೃಷಯಃ ಸಂಶಿತವ್ರತಾಃ। ಸಂತಾನಪ್ರಕ್ಷಯಾದ್ಬ್ರಹ್ಮನ್ನಧೋ ಗಚ್ಛಾಮ ಮೇದಿನೀಂ॥ 1-13-18 (1097) ಅಸ್ಮಾಕಂ ಸಂತತಿಸ್ತ್ವೇಕೋ ಜರತ್ಕಾರುರಿತಿ ಸ್ಮೃತಃ। ಮಂದಭಾಗ್ಯೋಽಲ್ಪಭಾಗ್ಯಾನಾಂ ತಪ ಏಕಂ ಸಮಾಸ್ಥಿತಃ॥ 1-13-19 (1098) ನ ಸ ಪುತ್ರಾಂಜನಯಿತುಂ ದಾರಾನ್ಮೂಢಶ್ಚಿಕೀರ್ಷತಿ। ತೇನ ಲಂಬಾಮಹೇ ಗರ್ತೇ ಸಂತಾನಸ್ಯ ಕ್ಷಯಾದಿಹ॥ 1-13-20 (1099) ಅನಾಥಾಸ್ತೇನ ನಾಥೇನ ಯಥಾ ದುಷ್ಕೃತಿನಸ್ತಥಾ। `ಯೇಷಾಂ ತು ಸಂತತಿರ್ನಾಸ್ತಿ ಮರ್ತ್ಯಲೋಕೇ ಸುಖಾವಹಾ॥ 1-13-21 (1100) ನ ತೇ ಲಭಂತೇ ವಸತಿಂ ಸ್ವರ್ಗೇ ಪುಣ್ಯಕೃತೋಽಪಿ ಹಿ।' ಕಸ್ತ್ವಂ ಬಂಧುರಿವಾಸ್ಮಾಕಮನುಶೋಚಸಿ ಸತ್ತಮ॥ 1-13-22 (1101) ಜ್ಞಾತುಮಿಚ್ಛಾಮಹೇ ಬ್ರಹ್ಮನ್ಕೋ ಭವಾನಿಹ ನಃ ಸ್ಥಿತಃ। ಕಿಮರ್ಥಂ ಚೈವ ನಃ ಶೋಚ್ಯಾನನುಶೋಚಸಿ ಸತ್ತಮ॥ 1-13-23 (1102) ಜರತ್ಕಾರುರುವಾಚ। 1-13-24x (64) ಮಮ ಪೂರ್ವೇ ಭವಂತೋ ವೈ ಪಿತರಃ ಸಪಿತಾಮಹಾಃ। ಬ್ರೂತ ಕಿಂ ಕರವಾಣ್ಯದ್ಯ ಜರತ್ಕಾರುರಹಂ ಸ್ವಯಂ॥ 1-13-24 (1103) ಪಿತರ ಊಚುಃ। 1-13-25x (65) ಯತಸ್ವ ಯತ್ನವಾಂಸ್ತಾತ ಸಂತಾನಾಯ ಕುಲಸ್ಯ ನಃ। ಆತ್ಮನೋಽರ್ಥೇಽಸ್ಮದರ್ಥೇ ಚ ಧರ್ಮ ಇತ್ಯೇವ ವಾ ವಿಭೋ॥ 1-13-25 (1104) ನ ಹಿ ಧರ್ಮಫಲೈಸ್ತಾತ ನ ತಪೋಽಭಿಃ ಸುಸಂಚಿತೈಃ। ತಾಂ ಗತಿಂ ಪ್ರಾಪ್ನುವಂತೀಹ ಪುತ್ರಿಣೋ ಯಾಂ ವ್ರಜಂತಿ ವೈ॥ 1-13-26 (1105) ತದ್ದಾರಗ್ರಹಣೇ ಯತ್ನಂ ಸಂತತ್ಯಾಂ ಚ ಮನಃ ಕುರು। ಪುತ್ರಕಾಸ್ಮನ್ನಿಯೋಗಾತ್ತ್ವಮೇತನ್ನಃ ಪರಮಂ ಹಿತಂ॥ 1-13-27 (1106) ಜರತ್ಕಾರುರುವಾಚ। 1-13-28x (66) ನ ದಾರಾನ್ವೈ ಕರಿಷ್ಯೇಽಹಂ ನ ಧನಂ ಜೀವಿತಾರ್ಥತಃ। ಭವತಾಂ ತು ಹಿತಾರ್ಥಾಯ ಕರಿಷ್ಯೇ ದಾರಸಂಗ್ರಹಂ॥ 1-13-28 (1107) ಸಮಯೇನ ಚ ಕರ್ತಾಽಹಮನೇನ ವಿಧಿಪೂರ್ವಕಂ। ತಥಾ ಯದ್ಯುಪಲಪ್ಸ್ಯಾಮಿ ಕರಿಷ್ಯೇ ನಾನ್ಯಥಾ ಹ್ಯಹಂ॥ 1-13-29 (1108) ಸನಾಂನೀ ಯಾ ಭವಿತ್ರೀ ಮೇ ದಿತ್ಸಿತಾ ಚೈವ ಬಂಧುಭಿಃ। ಭೈಕ್ಷ್ಯವತ್ತಾಮಹಂ ಕನ್ಯಾಮುಪಯಂಸ್ಯೇ ವಿಧಾನತಃ॥ 1-13-30 (1109) ದರಿದ್ರಾಯ ಹಿ ಮೇ ಭಾರ್ಯಾಂ ಕೋ ದಾಸ್ಯತಿ ವಿಶೇಷತಃ। ಪ್ರತಿಗ್ರಹೀಷ್ಯೇ ಭಿಕ್ಷಾಂ ತು ಯದಿ ಕಶ್ಚಿತ್ಪ್ರದಾಸ್ಯತಿ॥ 1-13-31 (1110) ಏವಂ ದಾರಕ್ರಿಯಾಹೇತೋಃ ಪ್ರಯತಿಷ್ಯೇ ಪಿತಾಮಹಾಃ। ಅನೇನ ವಿಧಿನಾ ಶಶ್ವನ್ನ ಕರಿಷ್ಯೇಽಹಮನ್ಯಥಾ॥ 1-13-32 (1111) ತತ್ರ ಚೋತ್ಪತ್ಸ್ಯತೇ ಜಂತುರ್ಭವತಾಂ ತಾರಣಾಯ ವೈ। ಶಾಶ್ವತಂ ಸ್ಥಾನಮಾಸಾದ್ಯ ಮೋದಂತಾಂ ಪಿತರೋ ಮಮ॥ ॥ 1-13-33 (1112) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ತ್ರಯೋದಶೋಽಧ್ಯಾಯಃ॥ 13 ॥

1-14-0 (1113) ಸೌತಿರುವಾಚ। 1-14-0x (67) ತತೋ ನಿವೇಶಾಯ ತದಾ ಸ ವಿಪ್ರಃ ಸಂಶಿತವ್ರತಃ। ಮಹೀಂ ಚಚಾರ ದಾರಾರ್ಥೀ ನ ಚ ದಾರಾನವಿಂದತ॥ 1-14-1 (1114) ಸ ಕದಾಚಿದ್ವನಂ ಗತ್ವಾ ವಿಪ್ರಃ ಪಿತೃವಚಃ ಸ್ಮರನ್। ಚುಕ್ರೋಶ ಕನ್ಯಾಭಿಕ್ಷಾರ್ಥೀ ತಿಸ್ರೋ ವಾಚಃ ಶನೈರಿವ॥ 1-14-2 (1115) ತಂ ವಾಸುಕಿಃ ಪ್ರತ್ಯಗೃಹ್ಣಾದುದ್ಯಂಯ ಭಗಿನೀಂ ತದಾ। ನ ಸ ತಾಂ ಪ್ರತಿಜಗ್ರಾಹ ನ ಸನಾಂನೀತಿ ಚಿಂತಯನ್॥ 1-14-3 (1116) ಸನಾಂನೀಂ ಚೋದ್ಯತಾಂ ಭಾರ್ಯಾಂ ಗೃಹ್ಣೀಯಾಮಿತಿ ತಸ್ಯ ಹಿ। ಮನೋ ನಿವಿಷ್ಟಮಭವಜ್ಜರತ್ಕಾರೋರ್ಮಹಾತ್ಮನಃ॥ 1-14-4 (1117) ತಮುವಾಚ ಮಹಾಪ್ರಾಜ್ಞೋ ಜರತ್ಕಾರುರ್ಮಹಾತಪಾಃ। ಕಿಂನಾಂನೀ ಭಗಿನೀಯಂ ತೇ ಬ್ರೂಹಿ ಸತ್ಯಂ ಭುಜಂಗಮ॥ 1-14-5 (1118) ವಾಸುಕಿರುವಾಚ। 1-14-6x (68) ಜರತ್ಕಾರೋ ಜರತ್ಕಾರುಃ ಸ್ವಸೇಯಮನುಜಾ ಮಮ। ಪ್ರತಿಗೃಹ್ಣೀಷ್ವ ಭಾರ್ಯಾರ್ಥೇ ಮಯಾ ದತ್ತಾಂ ಸುಮಧ್ಯಮಾಂ। ತ್ವದರ್ಥಂ ರಕ್ಷಿತಾ ಪೂರ್ವಂ ಪ್ರತೀಚ್ಛೇಮಾಂ ದ್ವಿಜೋತ್ತಮ॥ 1-14-6 (1119) ಸೌತಿರುವಾಚ। 1-14-7x (69) ಏವಮುಕ್ತ್ವಾ ತತಃ ಪ್ರಾದಾದ್ಭಾರ್ಯಾರ್ಥೇ ವರವರ್ಣಿನೀಂ। ಸ ಚ ತಾಂ ಪ್ರತಿಜಗ್ರಾಹ ವಿಧಿದೃಷ್ಟೇನ ಕರ್ಮಣಾ॥ ॥ 1-14-7 (1120) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಚತುರ್ದಶೋಽಧ್ಯಾಯಃ॥ 14 ॥

1-15-0 (1121) ಸೌತಿರುವಾಚ। 1-15-0x (70) ಮಾತ್ರಾ ಹಿ ಭುಜಗಾಃ ಶಪ್ತಾಃ ಪೂರ್ವಂ ಬ್ರಹ್ಮವಿದಾಂ ವರ। ಜನಮೇಜಯಸ್ಯ ವೋ ಯಜ್ಞೇ ಧಕ್ಷ್ಯತ್ಯನಿಲಸಾರಥಿಃ॥ 1-15-1 (1122) ತಸ್ಯ ಶಾಪಸ್ಯ ಶಾಂತ್ಯರ್ಥಂ ಪ್ರದದೌ ಪನ್ನಗೋತ್ತಮಃ। ಸ್ವಸಾರಮೃಷಯೇ ತಸ್ಮೈ ಸುವ್ರತಾಯ ಮಹಾತ್ಮನೇ॥ 1-15-2 (1123) ಸ ಚ ತಾಂ ಪ್ರತಿಜಗ್ರಾಹ ವಿಧಿದೃಷ್ಟೇನ ಕರ್ಮಣಾ। ಆಸ್ತೀಕೋ ನಾಮ ಪುತ್ರಶ್ಚ ತಸ್ಯಾಂ ಜಜ್ಞೇ ಮಹಾಮನಾಃ॥ 1-15-3 (1124) ತಪಸ್ವೀ ಚ ಮಹಾತ್ಮಾ ಚ ವೇದವೇದಾಂಗಪಾರಗಃ। ಸಮಃ ಸರ್ವಸ್ಯ ಲೋಕಸ್ಯ ಪಿತೃಮಾತೃಭಯಾಪಹಃ॥ 1-15-4 (1125) ಅಥ ದೀರ್ಘಸ್ಯ ಕಾಲಸ್ಯ ಪಾಂಡವೇಯೋ ನರಾಧಿಪಃ। ಆಜಹಾರ ಮಹಾಯಜ್ಞಂ ಸರ್ಪಸತ್ರಮಿತಿ ಶ್ರುತಿಃ॥ 1-15-5 (1126) ತಸ್ಮಿನ್ಪ್ರವೃತ್ತೇ ಸತ್ರೇ ತು ಸರ್ಪಾಣಾಮಂತಕಾಯ ವೈ। ಮೋಚಯಾಮಾಸ ತಾಞ್ಶಾಪಾದಾಸ್ತೀಕಃ ಸುಮಹಾತಪಾಃ॥ 1-15-6 (1127) ಭ್ರಾತೄಂಶ್ಚ ಮಾತುಲಾಂಶ್ಚೈವ ತಥೈವಾನ್ಯಾನ್ಸ ಪನ್ನಗಾನ್। ಪಿತೄಂಶ್ಚ ತಾರಯಾಮಾಸ ಸಂತತ್ಯಾ ತಪಸಾ ತಥಾ॥ 1-15-7 (1128) ವ್ರತೈಶ್ಚ ವಿವಿಧೈರ್ಬ್ರಹ್ಮನ್ಸ್ವಾಧ್ಯಾಯೈಶ್ಚಾನೃಣೋಽಭವತ್। ದೇವಾಂಶ್ಚ ತರ್ಪಯಾಮಾಸ ಯಜ್ಞೈರ್ವಿವಿಧದಕ್ಷಿಣೈಃ॥ 1-15-8 (1129) ಋಷೀಂಶ್ಚ ಬ್ರಹ್ಮಚರ್ಯೇಮ ಸಂತತ್ಯಾ ಚ ಪಿತಾಮಹಾನ್। ಅಪಹೃತ್ಯ ಗುರಂ ಭಾರಂ ಪಿತೄಣಾಂ ಸಂಶಿತವ್ರತಃ॥ 1-15-9 (1130) ಜರತ್ಕಾರುರ್ಗತಃ ಸ್ವರ್ಗಂ ಸಹಿತಃ ಸ್ವೈಃ ಪಿತಾಮಹೈಃ। ಆಸ್ತೀಕಂ ಚ ಸುತಂ ಪ್ರಾಪ್ಯ ಧರ್ಮಂ ಚಾನುತ್ತಮಂ ಮುನಿಃ॥ 1-15-10 (1131) ಜರತ್ಕಾರುಃ ಸುಮಹತಾ ಕಾಲೇನ ಸ್ವರ್ಗಮೇಯಿವಾನ್। ಏತದಾಖ್ಯಾನಮಾಸ್ತೀಕಂ ಯಥಾವತ್ಕಥಿತಂ ಮಯಾ। ಪ್ರಬ್ರೂಹಿ ಭೃಗುಶಾರ್ದೂಲ ಕಿಮನ್ಯತ್ಕಥಯಾಮಿ ತೇ॥ ॥ 1-15-11 (1132) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಪಂಚದಶೋಽಧ್ಯಾಯಃ॥ 15 ॥

1-16-0 (1133) ಶೌನಕ ಉವಾಚ। 1-16-0x (71) ಸೌತೇ ತ್ವಂ ಕಥಯಸ್ವೇಮಾಂ ವಿಸ್ತರೇಣ ಕಥಾಂ ಪುನಃ। ಆಸ್ತೀಕಸ್ಯ ಕವೇಃಸಾಧೋಃ ಶುಶ್ರೂಷಾ ಪರಮಾ ಹಿನಃ॥ 1-16-1 (1134) ಮಧುರಂ ಕಥ್ಯತೇ ಸೌಂಯ ಶ್ಲಕ್ಷ್ಣಾಕ್ಷರಪದಂ ತ್ವಯಾ। ಪ್ರೀಯಾಮಹೇ ಭೃಶಂ ತಾತ ಪಿತೇವೇದಂ ಪ್ರಭಾಷಸೇ॥ 1-16-2 (1135) ಅಸ್ಮಚ್ಛುಶ್ರೂಷಣೇ ನಿತ್ಯಂ ಪಿತಾ ಹಿ ನಿರತಸ್ತವ। ಆಚಷ್ಟೈತದ್ಯಥಾಽಽಕ್ಯಾನಂ ಪಿತಾ ತೇತ್ವಂ ತಥಾ ವದ॥ 1-16-3 (1136) ಸೌತಿರುವಾಚ। 1-16-4x (72) ಆಯುಷ್ಮನ್ನಿದಮಾಖ್ಯಾನಮಾಸ್ತೀಕಂ ಕಥಯಾಮಿ ತೇ। ಯಥಾಶ್ರುತಂ ಕಥಯತಃ ಸಕಾಶಾದ್ವೈ ಪಿತುರ್ಮಯಾ॥ 1-16-4 (1137) ಪುರಾ ದೇವಯುಗೇ ಬ್ರಹ್ಮನ್ಪ್ರಜಾಪತಿಸುತೇ ಶುಭೇ। ಆಸ್ತಾಂ ಭಗಿನ್ಯೌ ರೂಪೇಣ ಸಮುಪೇತೇಽದ್ಭುತೇಽನಘ॥ 1-16-5 (1138) ತೇ ಭಾರ್ಯೇ ಕಶ್ಯಪಸ್ಯಾಸ್ತಾಂ ಕದ್ರೂಶ್ಚ ವಿನತಾ ಚ ಹ। ಪ್ರಾದಾತ್ತಾಭ್ಯಾಂ ವರಂ ಪ್ರೀತಃ ಪ್ರಜಾಪತಿಸಮಃ ಪತಿಃ॥ 1-16-6 (1139) ಕಶ್ಯಪೋ ಧರ್ಮಪತ್ನೀಭ್ಯಾಂ ಮುದಾ ಪರಮಯಾ ಯುತಃ। ವರಾತಿಸರ್ಗಂ ಶ್ರುತ್ವೈವಂ ಕಶ್ಯಪಾದುತ್ತಮಂ ಚ ತೇ॥ 1-16-7 (1140) ಹರ್ಷಾದಪ್ರತಿಮಾಂ ಪ್ರೀತಿಂ ಪ್ರಾಪತುಃ ಸ್ಮ ವರಸ್ತ್ರಿಯೌ। ವವ್ರೇ ಕದ್ರೂಃ ಸುತಾನ್ನಾಗಾನ್ಸಹಸ್ರಂ ತುಲ್ಯವರ್ಚಸಃ॥ 1-16-8 (1141) ದ್ವೌ ಪುತ್ರೌ ವಿನತಾ ವವ್ರೇ ಕದ್ರೂಪುತ್ರಾಧಿಕೌ ಬಲೇ। ತೇಜಸಾ ವಪುಷಾ ಚೈವ ವಿಕ್ರಮೇಣಾಧಿಕೌ ಚ ತೌ॥ 1-16-9 (1142) ತಸ್ಯೈ ಭರ್ತಾ ವರಂ ಪ್ರಾದಾದೀದೃಸೌ ತೇ ಭವಿಷ್ಯತಃ। ಏವಮಸ್ತ್ವಿತಿ ತಂ ಚಾಹ ಕಶ್ಯಪಂ ವಿನತಾ ತದಾ॥ 1-16-10 (1143) ಯಥಾವತ್ಪ್ರಾರ್ಥಿತಂ ಲಬ್ಧ್ವಾ ವರಂ ತುಷ್ಟಾಭವತ್ತದಾ। ಕೃತಕೃತ್ಯಾ ತು ವಿನತಾ ಲಬ್ಧ್ವಾ ವೀರ್ಯಾಧಿಕೌ ಸುತೌ॥ 1-16-11 (1144) ಕದ್ರೂಶ್ಚ ಲಬ್ಧ್ವಾ ಪುತ್ರಾಣಾಂ ಸಹಸ್ರಂ ತುಲ್ಯವರ್ಚಸಾಂ। ಧಾರ್ಯೌ ಪ್ರಯತ್ನತೋ ಗರ್ಭಾವಿತ್ಯುಕ್ತ್ವಾ ಸ ಮಹಾತಪಾಃ॥ 1-16-12 (1145) ತೇ ಭಾರ್ಯೇ ವರಸಂತುಷ್ಟೇ ಕಶ್ಯಪೋ ವನಮಾವಿಶತ್। 1-16-13 (1146) ಸೌತುರಿವಾಚ। ಕಾಲೇನ ಮಹತಾ ಕದ್ರೂರಂಡಾನಾಂ ದಶತೀರ್ದಶ॥ 1-16-13x (73) ಜನಯಾಮಾಸ ವಿಪ್ರೇಂದ್ರ ದ್ವೇ ಚಾಂಡೇ ವಿನತಾ ತದಾ। ತಯೋರಂಡಾನಿ ನಿದಧುಃ ಪ್ರಹೃಷ್ಟಾಃ ಪರಿಚಾರಿಕಾಃ॥ 1-16-14 (1147) ಸೋಪಸ್ವೇದೇಷು ಭಾಂಡೇಷು ಪಂಚವರ್ಷಶತಾನಿ ಚ। ತತಃ ಪಂಚಶತೇ ಕಾಲೇ ಕದ್ರೂಪುತ್ರಾ ವಿನಿಃಸೃತಾಃ॥ 1-16-15 (1148) ಅಂಡಾಭ್ಯಾಂ ವಿನತಾಯಾಸ್ತು ಮಿಥುನಂ ನ ವ್ಯದೃಶ್ಯತ। ತತಃ ಪುತ್ರಾರ್ಥಿನೀ ದೇವೀ ವ್ರೀಡಿತಾ ಚ ತಪಸ್ವಿನೀ॥ 1-16-16 (1149) ಅಂಡಂ ಬಿಭೇದ ವಿನತಾ ತತ್ರ ಪುತ್ರಮಪಶ್ಯತ। ಪೂರ್ವಾರ್ಧಕಾಯಸಂಪನ್ನಮಿತರೇಣಾಪ್ರಕಾಶತಾ॥ 1-16-17 (1150) ಸ ಪುತ್ರಃ ಕ್ರೋಧಸಂರಬ್ಧಃ ಶಶಾಪೈನಾಮಿತಿ ಶ್ರುತಿಃ। ಯೋಽಹಮೇವಂ ಕೃತೋ ಮಾತಸ್ತ್ವಯಾ ಲೋಭಪರೀತಯಾ॥ 1-16-18 (1151) ಶರೀರೇಣಾಸಮಗ್ರೇಣ ತಸ್ಮಾದ್ದಾಸೀ ಭವಿಷ್ಯಸಿ। ಪಂಚ ವರ್ಷಶತಾನ್ಯಸ್ಯಾ ಯಯಾ ವಿಸ್ಪರ್ಧಸೇ ಸಹ॥ 1-16-19 (1152) ಏಷ ಚ ತ್ವಾಂ ಸುತೋ ಮಾತರ್ದಾಸೀತ್ವಾನ್ಮೋಚಯಿಷ್ಯತಿ। ಯದ್ಯೇನಮಪಿ ಮಾತಸ್ತ್ವಂ ಮಾಮಿವಾಂಡವಿಭೇದನಾತ್॥ 1-16-20 (1153) ನ ಕರಿಷ್ಯಸ್ಯನಂಗಂ ವಾ ವ್ಯಂಗಂ ವಾಪಿ ತಪಸ್ವಿನಂ। ಪ್ರತಿಪಾಲಯಿತವ್ಯಸ್ತೇ ಜನ್ಮಕಾಲೋಽಸ್ಯ ಧೀರಯಾ॥ 1-16-21 (1154) ವಿಶಿಷ್ಟಂ ಬಲಮೀಪ್ಸಂತ್ಯಾ ಪಂಚವರ್ಷಶತಾತ್ಪರಃ। ಏವಂ ಶಪ್ತ್ವಾ ತತಃ ಪುತ್ರೋ ವಿನತಾಮಂತರಿಕ್ಷಗಃ॥ 1-16-22 (1155) ಅರುಣೋಽದೃಶ್ಯತ ಬ್ರಹ್ಮನ್ಪ್ರಭಾತಸಮಯೇ ತದಾ। `ಉದ್ಯನ್ನಥ ಸಹಸ್ರಾಂಶುರ್ದೃಷ್ಟ್ವಾ ತಮರುಣಂ ಪ್ರಭುಃ॥ 1-16-23 (1156) ಸ್ವತೇಜಸಾ ಪ್ರಜ್ವಲಂತಮಾತ್ಮನಃ ಸಮತೇಜಸಂ। ಸಾರಥ್ಯೇ ಕಲ್ಪಯಾಮಾಸ ಪ್ರೀಯಮಾಣಸ್ತಮೋನುದಃ॥ 1-16-24 (1157) ಸೋಽಪಿ ತಂ ರಥಮಾರುಹ್ಯ ಭಾನೋರಮಿತತೇಜಸಃ। ಸರ್ವಲೋಕಪ್ರದೀಪಸ್ಯ ಹ್ಯಮರೋಽಪ್ಯರುಣೋಽಭವತ್॥' 1-16-25 (1158) ಗರುಡೋಽಪಿ ಯಥಾಕಾಲಂ ಜಜ್ಞೇ ಪನ್ನಗಭೋಜನಃ। ಸ ಜಾತಮಾತ್ರೋ ವಿನತಾಂ ಪರಿತ್ಯಜ್ಯ ಖಮಾವಿಶತ್॥ 1-16-26 (1159) ಆದಾಸ್ಯನ್ನಾತ್ಮನೋ ಭೋಜ್ಯಮನ್ನಂ ವಿಹಿತಮಸ್ಯ ಯತ್। ವಿಧಾತ್ರಾ ಭೃಗುಶಾರ್ದೂಲ ಕ್ಷುಧಿತಃ ಪತಗೇಶ್ವರಃ॥ ॥ 1-16-27 (1160) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಾಣಿ ಆಸ್ತೀಕಪರ್ವಣಿ ಷೋಡಶೋಽಧ್ಯಾಯಃ॥ 16 ॥

1-17-0 (1161) ಸೌತಿರುವಾಚ। 1-17-0x (74) ಏತಸ್ಮಿನ್ನೇವ ಕಾಲೇ ತು ಭಗಿನ್ಯೌ ತೇ ತಪೋಧನ। ಅಪಶ್ಯತಾಂ ಸಮಾಯಾಂತಮುಚ್ಚೈಃ ಶ್ರವಸಮಂತಿಕಾತ್॥ 1-17-1 (1162) ಯಂ ತು ದೇವಗಣಾಃ ಸರ್ವೇ ಹೃಷ್ಟರೂಪಮಪೂಜಯನ್। ಮಥ್ಯಮಾನೇಽಮೃತೇ ಜಾತಮಶ್ವರತ್ನಮನುತ್ತಮಂ॥ 1-17-2 (1163) ಅಮೋಘಬಲಮಶ್ವಾನಾಮುತ್ತಮಂ ಜವಿನಾಂ ವರಂ। ಶ್ರೀಮಂತಮಜರಂ ದಿವ್ಯಂ ಸರ್ವಲಕ್ಷಣಪೂಜಿತಂ॥ 1-17-3 (1164) ಶೌನಕ ಉವಾಚ। 1-17-4x (75) ಕಥಂ ತದಮೃತಂ ದೇವೈರ್ಮಥಿತಂ ಕ್ವ ಚ ಶಂಸ ಮೇ। `ಕಾರಣಂ ಚಾತ್ರ ಮಥನೇ ಸಂಜಾತಮಮೃತಾತ್ಪರಂ॥' ಯತ್ರ ಜಜ್ಞೇ ಮಹಾವೀರ್ಯಃ ಸೋಽಶ್ವರಾಜೋ ಮಹಾದ್ಯುತಿಃ॥ 1-17-4 (1165) ಸೌತಿರುವಾಚ। 1-17-5x (76) ಜ್ವಲಂತಮಚಲಂ ಮೇರುಂ ತೇಜೋರಾಶಿಮನುತ್ತಮಂ। ಆಕ್ಷಿಪಂತಂ ಪ್ರಭಾಂ ಭಾನೋಃ ಸ್ವಶೃಂಗೈಃ ಕಾಂಚನೋಜ್ಜ್ವಲೈಃ॥ 1-17-5 (1166) ಕನಕಾಭರಣಂ ಚಿತ್ರಂ ದೇವಗಂಧರ್ವಸೇವಿತಂ। ಅಪ್ರಮೇಯಮನಾಧೃಷ್ಯಮಧರ್ಮಬಹುಲೈರ್ಜನೈಃ॥ 1-17-6 (1167) ವ್ಯಾಲೈರಾವಾರಿತಂ ಘೋರೈರ್ದಿವ್ಯೌಷಧಿವಿದೀಪಿತಂ। ನಾಕಮಾವೃತ್ಯ ತಿಷ್ಠಂತಮುಚ್ಛ್ರಯೇಣ ಮಹಾಗಿರಿಂ॥ 1-17-7 (1168) ಅಗಂಯಂ ಮನಸಾಪ್ಯನ್ಯೈರ್ನದೀವೃಕ್ಷಸಮನ್ವಿತಂ। ನಾನಾಪತಗಸಂಘೈಶ್ಚ ನಾದಿತಂ ಸುಮನೋಹರೈಃ॥ 1-17-8 (1169) ತಸ್ಯ ಶೃಂಗಮುಪಾರುಹ್ಯ ಬಹುರತ್ನಾಚಿತಂ ಶುಭಂ। ಅನಂತಕಲ್ಪಮದ್ವಂದ್ವಂ ಸುರಾಃ ಸರ್ವೇ ಮಹೌಜಸಃ॥ 1-17-9 (1170) ತೇ ಮಂತ್ರಯಿತುಮಾರಬ್ಧಾಸ್ತತ್ರಾಸೀನಾ ದಿವೌಕಸಃ। ಅಮೃತಾಯ ಸಮಾಗಂಯ ತಪೋನಿಯಮಸಂಯುತಾಃ॥ 1-17-10 (1171) ತತ್ರ ನಾರಾಯಣೋ ದೇವೋ ಬ್ರಹ್ಮಾಣಮಿದಮಬ್ರವೀತ್। ಚಿಂತಯತ್ಸು ಸುರೇಷ್ವೇವಂ ಮಂತ್ರಯತ್ಸು ಚ ಸರ್ವಶಃ॥ 1-17-11 (1172) ದೇವೈರಸುರಸಂಘೈಶ್ಚ ಮಥ್ಯತಾಂ ಕಲಶೋದಧಿಃ। ಭವಿಷ್ಯತ್ಯಮೃತಂ ತತ್ರ ಮಥ್ಯಮಾನೇ ಮಹೋದಧೌ॥ 1-17-12 (1173) ಸರ್ವೌಷಧೀಃ ಸಮಾವಾಪ್ಯ ಸರ್ವರತ್ನಾನಿ ಚೈವ ಹ। ಮಂಥಧ್ವಯುದಧಿಂ ದೇವಾ ವೇತ್ಸ್ಯಧ್ವಮಮೃತಂ ತತಃ॥ ॥ 1-17-13 (1174) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಸಪ್ತದಶೋಽಧ್ಯಾಯಃ॥ 17 ॥

1-18-0 (1175) ಸೌತಿರುವಾಚ। 1-18-0x (77) ತತೋಽಭ್ರಶಿಖರಾಕಾರೈರ್ಗಿರಿಶೃಂಗೈರಲಂಕೃತಂ। ಮಂದರಂ ಪರ್ವತವರಂ ಲತಾಜಾಲಸಮಾಕುಲಂ॥ 1-18-1 (1176) ನಾನಾವಿಹಂಗಸಂಘುಷ್ಟಂ ನಾನಾದಂಷ್ಟ್ರಿಸಮಾಕುಲಂ। ಕಿಂನರೈರಪ್ಸರೋಭಿಶ್ಚ ದೇವೈರಪಿ ಚ ಸೇವಿತಂ॥ 1-18-2 (1177) ಏಕಾದಶ ಸಹಸ್ರಾಣಿ ಯೋಜನಾನಾಂ ಸಮುಚ್ಛ್ರಿತಂ। ಅಧೋಭೂಮೇಃ ಸಹಸ್ರೇಷು ತಾವತ್ಸ್ವೇವ ಪ್ರತಿಷ್ಠಿತಂ॥ 1-18-3 (1178) ತಮುದ್ಧರ್ತುಮಶಕ್ತಾ ವೈ ಸರ್ವೇ ದೇವಗಣಾಸ್ತದಾ। ವಿಷ್ಣುಮಾಸೀನಮಭ್ಯೇತ್ಯ ಬ್ರಹ್ಮಾಣಂ ಚೇದಮಬ್ರುವನ್॥ 1-18-4 (1179) ಭವಂತಾವತ್ರ ಕುರುತಾಂ ಬುದ್ಧಿಂ ನೈಃಶ್ರೇಯಸೀಂ ಪರಾಂ। ಮಂದರೋದ್ಧರಣೇ ಯತ್ನಃ ಕ್ರಿಯತಾಂ ಚ ಹಿತಾಯ ನಃ॥ 1-18-5 (1180) ಸೌತಿರುವಾಚ। 1-18-6x (78) ತಥೇತಿ ಚಾಬ್ರವೀದ್ವಿಷ್ಣುರ್ಬ್ರಹ್ಮಣಾ ಸಹ ಭಾರ್ಗವ। ಅಚೋದಯದಮೇಯಾತ್ಮಾ ಫಣೀಂದ್ರಂ ಪದ್ಮಲೋಚನಃ॥ 1-18-6 (1181) ತತೋಽನಂತಃ ಸಮುತ್ಥಾಯ ಬ್ರಹ್ಮಣಾ ಪರಿಚೋದಿತಃ। ನಾರಾಯಣೇನ ಚಾಪ್ಯುಕ್ತಸ್ತಸ್ಮಿನ್ಕರ್ಮಣಿ ವೀರ್ಯವಾನ್॥ 1-18-7 (1182) ಅಥ ಪರ್ವತರಾಜಾನಂ ತಮನಂತೋ ಮಹಾಬಲಃ। ಉಜ್ಜಹಾರ ಬಲಾದ್ಬ್ರಹ್ಮನ್ಸವನಂ ಸವನೌಕಸಂ॥ 1-18-8 (1183) ತತಸ್ತೇನ ಸುರಾಃ ಸಾರ್ಧಂ ಸಮುದ್ರಮುಪತಸ್ಥಿರೇ। ತಮೂಚುರಮೃತಸ್ಯಾರ್ಥೇ ನಿರ್ಮಥಿಷ್ಯಾಮಹೇ ಜಲಂ॥ 1-18-9 (1184) ಅಪಾಂಪತಿರಥೋವಾಚ ಮಮಾಪ್ಯಂಶೋ ಭವೇತ್ತತಃ। ಸೋಢಾಽಸ್ಮಿ ವಿಪುಲಂ ಮರ್ದಂ ಮಂದರಭ್ರಮಣಾದಿತಿ॥ 1-18-10 (1185) ಊಚುಶ್ಚ ಕೂರ್ಮರಾಜಾನಮಕೂಪಾರೇ ಸುರಾಸುರಾಃ। ಅಧಿಷ್ಠಾನಂ ಗಿರೇರಸ್ಯ ಭವಾನ್ಭವಿತುಮರ್ಹತಿ॥ 1-18-11 (1186) ಕೂರ್ಮೇಣ ತು ತಥೇತ್ಯುಕ್ತ್ವಾ ಪೃಷ್ಠಮಸ್ಯ ಸಮರ್ಪಿತಂ। ತಂ ಶೈಲಂ ತಸ್ಯ ಪೃಷ್ಠಸ್ಥಂ ವಜ್ರೇಣೇಂದ್ರೋಽಭ್ಯಪೀಡಯತ್॥ 1-18-12 (1187) ಮಂಥಾನಂ ಮಂದರಂ ಕೃತ್ವಾ ತಥಾ ಯೋಕ್ತ್ರಂ ಚ ವಾಸುಕಿಂ। ದೇವಾ ಮಥಿತುಮಾರಬ್ಧಾಃ ಸಮುದ್ರಂ ನಿಧಿಮಂಭಸಾಂ। ಅಮೃತಾರ್ಥೇ ಪುರಾ ಬ್ರಹ್ಮಸ್ತಥೈವಾಸುರದಾನವಾಃ॥ 1-18-13 (1188) ಏಕಮಂತಮುಪಾಶ್ಲಿಷ್ಟಾ ನಾಗರಾಜ್ಞೋ ಮಹಾಸುರಾಃ॥ 1-18-14 (1189) ವಿಬುಧಾಃ ಸಹಿತಾಃ ಸರ್ವೇ ಯತಃ ಪುಚ್ಛಂ ತತಃ ಸ್ಥಿತಾಃ। ಅನಂತೋ ಭಗವಾಂದೇವೋ ಯತೋ ನಾರಾಯಣಃ ಸ್ಥಿತಃ॥ 1-18-15 (1190) `ವಾಸುಕೇರಗ್ರಮಾಶ್ಲಿಷ್ಟಾ ನಾಗರಾಜ್ಞೋ ಮಹಾಸುರಾಃ।' ಶಿರ ಉತ್ಕ್ಷಿಪ್ಯ ನಾಗಸ್ಯ ಪುನಃ ಪುನರವಾಕ್ಷಿಪನ್॥ 1-18-16 (1191) ವಾಸುಕೇರಥ ನಾಗಸ್ಯ ಸಹಸಾ ಕ್ಷಿಪ್ಯತೋಽಸುರೈಃ। ಸಧೂಮಾಃ ಸಾರ್ಚಿಷೋ ವಾತಾ ನಿಷ್ಪೇತುರಸಕೃನ್ಮುಖಾತ್॥ 1-18-17 (1192) `ವಾಸುಕೇರ್ಮಥ್ಯಮಾನಸ್ಯ ನಿಃಸೃತೇನ ವಿಷೇಣ ಚ। ಅಭವನ್ಮಿಶ್ರಿತಂ ತೋಯಂ ತದಾ ಭಾರ್ಗವನಂದನ॥ 1-18-18 (1193) ಮಥನಾನ್ಮಂದರೇಣಾಥ ದೇವದಾನವಬಾಹುಭಿಃ। ವಿಷಂ ತೀಕ್ಷ್ಣಂ ಸಮುದ್ಭೂತಂ ಹಾಲಾಹಲಮಿತಿ ಶ್ರುತಂ॥ 1-18-19 (1194) ದೇವಾಶ್ಚ ದಾನವಾಶ್ಚೈವ ದಗ್ಧಾಶ್ಚೈವ ವಿಷೇಣ ಹ। ಅಪಾಕ್ರಾಮಂಸ್ತತೋ ಭೀತಾ ವಿಷಾದಮಗಮಂಸ್ತದಾ॥ 1-18-20 (1195) ಬ್ರಹ್ಮಾಣಮಬ್ರುವಂದೇವಾಃ ಸಮೇತ್ಯ ಮುನಿಪುಂಗವೈಃ। ಮಥ್ಯಮಾನೇಽಮೃತೇ ಜಾತಂ ವಿಷಂ ಕಾಲಾನಲಪ್ರಭಂ॥ 1-18-21 (1196) ತೇನೈವ ತಾಪಿತಾ ಲೋಕಾಸ್ತಸ್ಯ ಪ್ರತಿಕುರುಷ್ವಹ। ಏವಮುಕ್ತಸ್ತದಾ ಬ್ರಹ್ಮಾ ದಧ್ಯೌ ಲೋಕೇಶ್ವರಂ ಹರಂ॥ 1-18-22 (1197) ತ್ರ್ಯಕ್ಷಂ ತ್ರಿಶೂಲಿನಂ ರುದ್ರೇ ದೇವದೇವಮುಮಾಪತಿಂ। ತದಾಽಥ ಚಿಂತಿತೋ ದೇವಸ್ತಜ್ಜ್ಞಾತ್ವಾ ದ್ರುತಮಾಯಯೌ॥ 1-18-23 (1198) ತಸ್ಯಾಥ ದೇವಸ್ತತ್ಸರ್ವಮಾಚಚಕ್ಷೇ ಪ್ರಜಾಪತಿಃ। ತಚ್ಛ್ರುತ್ವಾ ದವೇದೇವೇಶೋ ಲೋಕಸ್ಯಾಸ್ಯ ಹಿತೇಪ್ಸಯಾ॥ 1-18-24 (1199) ಅಪಿಬತ್ತದ್ವಿಷಂ ರುದ್ರಃ ಕಾಲಾನಲಸಮಪ್ರಭಂ। ಕಂಠೇ ಸ್ಥಾಪಿತವಾಂದೇವೋ ಲೋಕಾನಾಂ ಹಿತಕಾಂಯಯಾ॥ 1-18-25 (1200) ಯಸ್ಮಾತ್ತು ನೀಲತಾ ಕಂಠೇ ನೀಲಕಂಠಸ್ತತಃ ಸ್ಮೃತಃ। ಪೀತಮಾತ್ರೇ ವಿಷೇ ತತ್ರ ರುದ್ರೇಣಾಮಿತತೇಜಸಾ॥ 1-18-26 (1201) ದೇವಾಃ ಪ್ರೀತಾಃ ಪುನರ್ಜಗ್ಮುಶ್ಚಕ್ರುರ್ವೈ ಕರ್ಮ ತತ್ತಥಾ। ಮಥ್ಯಮಾನೇಽಮೃತಸ್ಯಾರ್ಥೇ ಭೂಯೋ ವೈ ದೇವದಾನವೈಃ॥ 1-18-27 (1202) ವಾಸುಕೇರಥ ನಾಗಸ್ಯ ಸಹಸಾ ಕ್ಷಿಪ್ಯತೋಽಸುರೈಃ। ಸಧೂಮಾಃ ಸಾರ್ಚಿಷೋ ವಾತಾ ನಿಷ್ಪೇತುರಸಕೃನ್ಮುಖಾತ್॥' 1-18-28 (1203) ತೇ ಧೂಮಸಂಘಾಃ ಸಂಭೂತಾ ಮೇಘಸಂಘಾಃ ಸವಿದ್ಯುತಃ। ಅಭ್ಯವರ್ಷನ್ಸುರಗಣಾಞ್ಶ್ರಮಸಂತಾಪಕರ್ಶಿತಾನ್॥ 1-18-29 (1204) ತಸ್ಮಾಚ್ಚ ಗಿರಿಕೂಟಾಗ್ರಾತ್ಪ್ರಚ್ಯುತಾಃ ಪುಷ್ಪವೃಷ್ಟಯಃ। ಸುರಾಸುರಗಣಾನ್ಸರ್ವಾನ್ಸಮಂತಾತ್ಸಮವಾಕಿರನ್॥ 1-18-30 (1205) ಬಭೂವಾತ್ರ ಮಹಾನ್ನಾದೋ ಮಹಾಮೇಘರವೋಪಮಃ। ಉದಧೇರ್ಮಥ್ಯಮಾನಸ್ಯ ಮಂದರೇಣ ಸುರಾಸುರೈಃ॥ 1-18-31 (1206) ತತ್ರ ನಾನಾಜಲಚರಾ ವಿನಿಷ್ಪಿಷ್ಟಾ ಮಹಾದ್ರಿಣಾ। ವಿಲಯಂ ಸಮುಪಾಜಗ್ಮುಃ ಶತಶೋ ಲವಣಾಂಭಸಿ॥ 1-18-32 (1207) ವಾರುಣಾನಿ ಚ ಭೂತಾನಿ ವಿವಿಧಾನಿ ಮಹೀಧರಃ। ಪಾತಾಲತಲವಾಸೀನಿ ವಿಲಯಂ ಸಮುಪಾನಯತ್॥ 1-18-33 (1208) ತಸ್ಮಿಂಶ್ಚ ಭ್ರಾಂಯಮಾಣೇಽದ್ರೌ ಸಂಘೃಷ್ಯಂತಃ ಪರಸ್ಪರಂ। ನ್ಯಪತನ್ಪತಗೋಪೇತಾಃ ಪರ್ವತಾಗ್ರಾನ್ಮಹಾದ್ರುಮಾಃ॥ 1-18-34 (1209) ತೇಷಾಂ ಸಂಘರ್ಷಜಶ್ಚಾಗ್ನಿರರ್ಚಿರ್ಭಿಃ ಪ್ರಜ್ವಲನ್ಮುಹುಃ। ವಿದ್ಯುದ್ಭಿರಿವ ನೀಲಾಭ್ರಮಾವೃಣೋನ್ಮಂದರಂ ಗಿರಿಂ॥ 1-18-35 (1210) ದದಾಹ ಕುಂಜರಾಂಸ್ತತ್ರ ಸಿಂಹಾಂಶ್ಚೈವ ವಿನಿರ್ಗತಾನ್। ವಿಗತಾಸೂನಿ ಸರ್ವಾಣಿ ಸತ್ತ್ವಾನಿ ವಿವಿಧಾನಿ ಚ॥ 1-18-36 (1211) ತಮಗ್ನಿಮಮರಶ್ರೇಷ್ಠಃ ಪ್ರದಹಂತಮಿತಸ್ತತಃ। ವಾರಿಣಾ ಮೇಘಜೇನೇಂದ್ರಃ ಶಮಯಾಮಾಸ ಸರ್ವಶಃ॥ 1-18-37 (1212) ತತೋ ನಾನಾವಿಧಾಸ್ತತ್ರ ಸುಸ್ರುವುಃ ಸಾಗರಾಂಭಸಿ। ಮಹಾದ್ರುಮಾಣಾಂ ನಿರ್ಯಾಸಾ ಬಹವಶ್ಚೌಷಧೀರಸಾಃ॥ 1-18-38 (1213) ತೇಷಾಮಮೃತವೀರ್ಯಾಣಾಂ ರಸಾನಾಂ ಪಯಸೈವ ಚ। ಅಮರತ್ವಂ ಸುರಾ ಜಗ್ಮುಃ ಕಾಂಚನಸ್ಯ ಚ ನಿಃಸ್ರವಾತ್॥ 1-18-39 (1214) ತತಸ್ತಸ್ಯ ಸಮುದ್ರಸ್ಯ ತಂಜಾತಮುದಕಂ ಪಯಃ। ರಸೋತ್ತಮೈರ್ವಿಮಿಶ್ರಂ ಚ ತತಃ ಕ್ಷೀರಾದಭೂದ್ಧೃತಂ॥ 1-18-40 (1215) ತತೋ ಬ್ರಹ್ಮಾಣಮಾಸೀನಂ ದೇವಾ ವರದಮಬ್ರುವನ್। ಶ್ರಾಂತಾಃ ಸ್ಮ ಸುಭೃಶಂ ಬ್ರಹ್ಮನ್ನೋದ್ಭವತ್ಯಮೃತಂ ಚ ತತ್॥ 1-18-41 (1216) ಋತೇ ನಾರಾಯಣಂ ದೇವಂ ಸರ್ವೇಽನ್ಯೇ ದೇವದಾನವಾಃ। ಚಿರಾರಬ್ಧಮಿದಂ ಚಾಪಿ ಸಾಗರಸ್ಯಾಪಿ ಮಂಥನಂ॥ 1-18-42 (1217) `ಗ್ಲಾನಿರಸ್ಮಾನ್ಸಮಾವಿಷ್ಟಾ ನ ಚಾತ್ರಾಮೃತಮತ್ಥಿತಂ। 1-18-43 (1218) ಸೌತಿರುವಾಚ। ದೇವಾನಾಂ ವಚನಂ ಶ್ರುತ್ವಾ ಬ್ರಹ್ಮಾ ಲೋಕಪಿತಾಮಹಃ'॥ 1-18-43x (79) ತತೋ ನಾರಾಯಣಂ ದೇವಂ ವಚನಂ ಚೇದಮಬ್ರವೀತ್। ವಿಧತ್ಸ್ವೈಷಾಂ ಬಲಂ ವಿಷ್ಣೋ ಭವಾನತ್ರ ಪರಾಯಣಂ॥ 1-18-44 (1219) ವಿಷ್ಣುರುವಾಚ। 1-18-45x (80) ಬಲಂ ದದಾಮಿ ಸರ್ವೇಷಾಂ ಕರ್ಮೈತದ್ಯೇ ಸಮಾಸ್ಥಿತಾಃ। ಕ್ಷೋಭ್ಯತಾಂ ಕಲಶಃ ಸರ್ವೈಮಂದರಃ ಪರಿವರ್ತ್ಯತಾಂ॥ 1-18-45 (1220) ಸೌತಿರುವಾಚ। 1-18-46x (81) ನಾರಾಯಣವಚಃ ಶ್ರುತ್ವಾ ಬಲಿನಸ್ತೇ ಮಹೋದಧೇಃ। ತತ್ಪಯಃ ಸಹಿತಾ ಭೂಯಶ್ಚಕ್ರಿರೇ ಭೃಶಮಾಕುಲಂ॥ 1-18-46 (1221) `ತತ್ರ ಪೂರ್ವಂ ವಿಷಂ ಜಾತಂ ತದ್ಬ್ರಹ್ಮವಚನಾಚ್ಛಿವಃ। ಪ್ರಾಗ್ರಸಲ್ಲೋಕರಕ್ಷಾರ್ಥಂ ತತೋ ಜ್ಯೇಷ್ಠಾ ಸಮುತ್ಥಿತಾ। ಕೃಷ್ಣರೂಪಧರಾ ದೇವೀ ಸರ್ವಾಭರಣಭೂಷಿತಾ॥' 1-18-47 (1222) ತತಃ ಶತಸಹಸ್ರಾಂಶುರ್ಮಥ್ಯಮಾನಾತ್ತು ಸಾಗರಾತ್। ಪ್ರಸನ್ನಾತ್ಮಾ ಸಮುತ್ಪನ್ನಃ ಸೋಮಃ ಶೀತಾಂಶುರುಜ್ಜ್ವಲಃ॥ 1-18-48 (1223) ಶ್ರೀರನಂತರಮುತ್ಪನ್ನಾ ಘೃತಾತ್ಪಾಂಡುರವಾಸಿನೀ। ಸುರಾ ದೇವೀ ಸಮುತ್ಪನ್ನಾ ತುರಗಃ ಪಾಂಡುರಸ್ತಥಾ॥ 1-18-49 (1224) ಕೌಸ್ತುಭಸ್ತು ಮಣಿರ್ದಿವ್ಯ ಉತ್ಪನ್ನೋ ಘೃತಸಂಭವಃ। ಮರೀಚಿವಿಕಚಃ ಶ್ರೀಮಾನ್ನಾರಾಯಣಉರೋಗತಃ॥ 1-18-50 (1225) ಶ್ರೀಃ ಸುರಾ ಚೈವ ಸೋಮಶ್ಚ ತುರಗಶ್ಚ ಮನೋಜವಃ। `ಪಾರಿಜಾತಶ್ಚ ತತ್ರೈವ ಸುರಭಿಶ್ಚ ಮಹಾಮುನೇ। ಜಜ್ಞಾತೇ ತೌ ತದಾ ಬ್ರಹ್ಮನ್ಸರ್ವಕಾಮಫಲಪ್ರದೌ॥ 1-18-51 (1226) ತತೋ ಜಜ್ಞೇ ಮಹಾಕಾಯಶ್ಚತುರ್ದಂತೋ ಮಹಾಗಜಃ। ಕಪಿಲಾ ಕಾಮವೃಕ್ಷಶ್ಚ ಕೌಸ್ತುಭಶ್ಚಾಪ್ಸರೋಗಣಃ।' ಯತೋ ದೇವಾಸ್ತತೋ ಜಗ್ಮುರಾದಿತ್ಯಪಥಮಾಶ್ರಿತಾಃ॥ 1-18-52 (1227) ಧನ್ವಂತರಿಸ್ತತೋ ದೇವೋ ವಪುಷ್ಮಾನುದತಿಷ್ಠತ। ಶ್ವೇತಂ ಕಮಂಡಲುಂ ಬಿಭ್ರದಮೃತಂ ಯತ್ರ ತಿಷ್ಠತಿ॥ 1-18-53 (1228) ಏತದತ್ಯದ್ಭುತಂ ದೃಷ್ಟ್ವಾ ದಾನವಾನಾಂ ಸಮುತ್ಥಿತಃ। ಅಮೃತಾರ್ಥೇ ಮಹಾನ್ನಾದೋ ಮಮೇದಮಿತಿ ಜಲ್ಪತಾಂ॥ 1-18-54 (1229) ತತೋ ನಾರಾಯಣೋ ಮಾಯಾಂ ಮೋಹಿನೀಂ ಸಮುಪಾಶ್ರಿತಃ। ಸ್ತ್ರೀರೂಪಮದ್ಭುತಂ ಕೃತ್ವಾ ದಾನವಾನಭಿಸಂಶ್ರಿತಃ॥ 1-18-55 (1230) ತತಸ್ತದಮೃತಂ ತಸ್ಯೈ ದದುಸ್ತೇ ಮೂಢಚೇತಸಃ। ಸ್ತ್ರಿಯೈ ದಾನವದೈತೇಯಾಃ ಸರ್ವೇ ತದ್ಗತಮಾನಸಾಃ॥ 1-18-56 (1231) `ಸಾ ತು ನಾರಾಯಣೀ ಮಾಯಾ ಧಾರಯಂತೀ ಕಮಂಡಲುಂ। ಆಸ್ಯಮಾನೇಷು ದೈತ್ಯೇಷು ಪಂಕ್ತ್ಯಾ ಚ ಪ್ರತಿ ದಾನವೈಃ॥ 1-18-57 (1232) ದೇವಾನಪಾಯಯದ್ದೇವೀ ನ ದೈತ್ಯಾಂಸ್ತೇ ಚ ಚುಕ್ರುಶುಃ॥ ॥ 1-18-58 (1233) ಇತಿ ಶ್ರೀಮನ್ಮಹಾಬಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಅಷ್ಟಾದಶೋಽಧ್ಯಾಯಃ॥ 18 ॥

1-19-0 (1234) ಸೌತಿರುವಾಚ। 1-19-0x (82) ಅಥಾವರಣಮುಖ್ಯಾನಿ ನಾನಾಪ್ರಹರಣಾನಿ ಚ। ಪ್ರಗೃಹ್ಯಾಭ್ಯದ್ರವಂದೇವಾನ್ಸಹಿತಾ ದೈತ್ಯದಾನವಾಃ॥ 1-19-1 (1235) ತತಸ್ತದಮೃತಂ ದೇವೋ ವಿಷ್ಣುರಾದಾಯ ವೀರ್ಯವಾನ್। ಜಹಾರ ದಾನವೇಂದ್ರೇಭ್ಯೋ ನರೇಣ ಸಹಿತಃ ಪ್ರಭುಃ॥ 1-19-2 (1236) ತತೋ ದೇವಗಣಾಃ ಸರ್ವೇ ಪಪುಸ್ತದಮೃತಂ ತದಾ। ವಿಷ್ಣೋಃ ಸಕಾಶಾತ್ಸಂಪ್ರಾಪ್ಯ ಸಂಭ್ರಮೇ ತುಮುಲೇ ಸತಿ॥ 1-19-3 (1237) `ಪಾಯಯತ್ಯಮೃತಂ ದೇವಾನ್ಹರೌ ಬಾಹುಬಲಾನ್ನರಃ। ನಿರೋಧಯತಿ ಚಾಪೇನ ದೂರೀಕೃತ್ಯ ಧನುರ್ಧರಾನ್। ಯೇ ಯೇಽಮೃತಂ ಪಿಬಂತಿ ಸ್ಮ ತೇ ತೇ ಯುದ್ಧ್ಯಂತಿ ದಾನವೈಃ;'॥ 1-19-4 (1238) ತತಃ ಪಿಬತ್ಸು ತತ್ಕಾಲಂ ದೇವೇಷ್ವಮೃತಮೀಪ್ಸಿತಂ। ರಾಹುರ್ವಿಬುಧರೂಪೇಣ ದಾನವಃ ಪ್ರಾಪಿಬತ್ತದಾ॥ 1-19-5 (1239) ತಸ್ಯ ಕಂಠಮನುಪ್ರಾಪ್ತೇ ದಾನವಸ್ಯಾಮೃತೇ ತದಾ। ಆಖ್ಯಾತಂ ಚಂದ್ರಸೂರ್ಯಾಭ್ಯಾಂ ಸುರಾಣಾಂ ಹಿತಕಾಂಯಯಾ॥ 1-19-6 (1240) ತತೋ ಭಗವತಾ ತಸ್ಯ ಶಿರಶ್ಛಿನ್ನಮಲಂಕೃತಂ। ಚಕ್ರಾಯುಧೇನ ಚಕ್ರೇಣ ಪಿಬತೋಽಮೃತಮೋಜಸಾ॥ 1-19-7 (1241) ತಚ್ಛೈಲಶೃಹ್ಗಪ್ರಂಗಿಮಂ ದಾನವಸ್ಯ ಶಿರೋ ಮಹತ್। `ಚಕ್ರೇಣೋತ್ಕೃತ್ತಮಪತಚ್ಚಾಲಯದ್ವಸುಧಾತಲಂ॥' 1-19-8 (1242) ಚಕ್ರಚ್ಛಿನ್ನಂ ಖಮುತ್ಪತ್ಯ ನನಾದಾತಿಭಯಂಕರಂ। ತತ್ಕಬಂಧಂ ಪಪಾತಾಸ್ಯ ವಿಸ್ಫುರದ್ಧರಣೀತಲೇ॥ 1-19-9 (1243) `ತ್ರಯೋದಶ ಸಹಸ್ರಾಣಿ ಚತುರಶ್ರಂ ಸಮಂತತಃ। ಸಪರ್ವತವನದ್ವೀಪಾಂ ದೈತ್ಯಸ್ಯಾಕಂಪಯನ್ಮಹೀಂ॥ 1-19-10 (1244) ತತೋ ವೈರವಿನಿರ್ಬಂಧಃ ಕೃತೋ ರಾಹುಮುಖೇನ ವೈ। ಶಾಶ್ವತಶ್ಚಂದ್ರಸೂರ್ಯಾಭ್ಯಾಂ ಗ್ರಸತ್ಯದ್ಯಾಪಿ ಚೈವ ತೌ॥ 1-19-11 (1245) ವಿಹಾಯ ಭಗವಾಂಶ್ಚಾಪಿ ಸ್ತ್ರೀರೂಪಮತುಲಂ ಹರಿಃ। ನಾನಾಪ್ರಹರಣೈರ್ಭೀಮೈರ್ದಾನವಾಂತಮಕಂಪಯತ್॥ 1-19-12 (1246) ತತಃ ಪ್ರವೃತ್ತಃ ಸಂಗ್ರಾಮಃ ಸಮೀಪೇ ಲವಣಾಂಭಸಃ। ಸುರಾಣಾಮಸುರಾಣಾಂ ಚ ಸರ್ವಘೋರತರೋ ಮಹಾನ್॥ 1-19-13 (1247) ಪ್ರಾಸಾಶ್ಚ ವಿಪುಲಾಸ್ತೀಕ್ಷ್ಣಾ ನ್ಯಪತಂತ ಸಹಸ್ರಶಃ। ತೋಮರಾಶ್ಚ ಸುತೀಕ್ಷ್ಣಾಗ್ರಾಃ ಶಸ್ತ್ರಾಣಿ ವಿವಿಧಾನಿ ಚ॥ 1-19-14 (1248) ತತೋಽಸುರಾಶ್ಚಕ್ರಭಿನ್ನಾ ವಮಂತೋ ರುಧಿರಂ ಬಹು। ಅಸಿಶಕ್ತಿಗದಾರುಗ್ಣಾ ನಿಪೇತುರ್ಧರಣೀತಲೇ॥ 1-19-15 (1249) ಛಿನ್ನಾನಿ ಪಟ್ಟಿಶೈಶ್ಚೈವ ಶಿರಾಂಸಿ ಯುಧಿ ದಾರುಣೈಃ। ತಪ್ತಕಾಂಚನಮಾಲೀನಿ ನಿಪೇತುರನಿಶಂ ತದಾ॥ 1-19-16 (1250) ರುಧಿರೇಣಾನುಲಿಪ್ತಾಂಗಾ ನಿಹತಾಶ್ಚ ಮಹಾಸುರಾಃ। ಅದ್ರೀಣಾಮಿವ ಕೂಟಾನಿ ಧಾತುರಕ್ತಾನಿ ಶೇರತೇ॥ 1-19-17 (1251) ಆಹಾಕಾರಃ ಸಮಭವತ್ತತ್ರ ತತ್ರ ಸಹಸ್ರಶಃ। ಅನ್ಯೋನ್ಯಂಛಿಂದತಾಂ ಶಸ್ತ್ರೈರಾದಿತ್ಯೇ ಲೋಹಿತಾಯತಿ॥ 1-19-18 (1252) ಪರಿಘೈರಾಯಸೈಸ್ತೀಕ್ಷ್ಣೈಃ ಸನ್ನಿಕರ್ಷೇ ಚ ಮುಷ್ಟಿಭಿಃ। ನಿಘ್ನತಾಂ ಸಮರೇಽನ್ಯೋನ್ಯಂ ಶಬ್ದೋ ದಿವಮಿವಾಸ್ಪೃಶತ್॥ 1-19-19 (1253) ಛಿಂಧಿಭಿಂಧಿ ಪ್ರಧಾವ ತ್ವಂ ಪಾತಯಾಭಿಸರೇತಿ ಚ। ವ್ಯಶ್ರೂಯಂತ ಮಹಾಘೋರಾಃ ಶಬ್ದಾಸ್ತತ್ರ ಸಮಂತತಃ॥ 1-19-20 (1254) ಏವಂ ಸುತುಮುಲೇ ಯುದ್ಧೇ ವರ್ತಮಾನೇ ಮಹಾಭಯೇ। ನರನಾರಾಯಣೌ ದೇವೌ ಸಮಾಜಗ್ಮತುರಾಹವಂ॥ 1-19-21 (1255) ತತ್ರ ದಿವ್ಯಂ ಧನುರ್ದೃಷ್ಟ್ವಾ ನರಸ್ಯ ಭಗವಾನಪಿ। ಚಿಂತಯಾಮಾಸ ತಚ್ಚಕ್ರಂ ವಿಷ್ಣುರ್ದಾನವಸೂದನಂ॥ 1-19-22 (1256) ತತೋಽಂಬರಾಚ್ಚಿಂತಿತಮಾತ್ರಮಾಗತಂ ಮಹಾಪ್ರಭಂ ಚಕ್ರಮಮಿತ್ರತಾಪನಂ। ವಿಭಾವಸೋಸ್ತುಲ್ಯಮಕುಂಠಮಂಡಲಂ ಸುದರ್ಶನಂ ಸಂಯತಿ ಭೀಮದರ್ಶನಂ॥ 1-19-23 (1257) ತದಾಗತಂ ಜ್ವಲಿತಹುತಾಶನಪ್ರಭಂ ಭಯಂಕರಂ ಕರಿಕರಬಾಹುರಚ್ಯುತಃ। ಮುಮೋಚ ವೈ ಪ್ರಬಲವದುಗ್ರವೇಗವಾ- ನ್ಮಹಾಪ್ರಭಂ ಪರನಗರಾವದಾರಣಂ॥ 1-19-24 (1258) ತದಂತಕಜ್ವಲನಸಮಾನವರ್ಚಸಂ ಪುನಃಪುನರ್ನ್ಯಪತತ ವೇಗವತ್ತದಾ। ವಿದಾರಯದ್ದಿತಿದನುಜಾನ್ಸಹಸ್ರಶಃ ಕರೇರಿತಂ ಪುರುಷವರೇಣ ಸಂಯುಗೇ॥ 1-19-25 (1259) ದಹತ್ಕ್ವಚಿಜ್ಜ್ವಲನ ಇವಾವಲೇಲಿಹ- ತ್ಪ್ರಸಹ್ಯ ತಾನಸುರಗಣಾನ್ನ್ಯಕೃಂತತ। ಪ್ರವೇರಿತಂ ವಿಯತಿ ಮುಹುಃ ಕ್ಷಿತೌ ತಥಾ ಪಪೌ ರಣೇ ರುಧಿರಮಥೋ ಪಿಶಾಚವತ್॥ 1-19-26 (1260) ತಥಾಽಸುರಾ ಗಿರಿಭಿರದೀನಚೇತಸೋ ಮುಹುರ್ಮುಹುಃ ಸುರಗಣಮಾರ್ದಯಂಸ್ತದಾ। ಮಹಾಬಲಾ ವಿಗಲಿತಮೇಘವರ್ಚಸಃ ಸಹಸ್ರಶೋ ಗಗನಮಭಿಪ್ರಪದ್ಯಹ॥ 1-19-27 (1261) ಅಥಾಂಬರಾದ್ಭಯಜನನಾಃ ಪ್ರಪೇದಿರೇ ಸಪಾದಪಾ ಬಹುವಿಧಮೇಘರೂಪಿಣಃ। ಮಹಾದ್ರಯಃ ಪರಿಗಲಿತಾಗ್ರಸಾನವಃ ಪರಸ್ಪರಂ ದ್ರುತಮಭಿಹತ್ಯ ಸಸ್ವನಾಃ॥ 1-19-28 (1262) ತತೋ ಮಹೀ ಪ್ರವಿಚಲಿತಾ ಸಕಾನನಾ ಮಹಾದ್ರಿಪಾತಾಭಿಹತಾ ಸಮಂತತಃ। ಪರಸ್ಪರಂ ಭೃಶಮಭಿಗರ್ಜತಾಂ ಮುಹೂ ರಣಾಜಿರೇ ಭೃಶಮಭಿಸಂಪ್ರವರ್ತಿತೇ॥ 1-19-29 (1263) ನರಸ್ತತೋ ವರಕನಕಾಗ್ರಭೂಷಣೈ- ರ್ಮಹೇಷುಭಿರ್ಗಗನಪಥಂ ಸಮಾವೃಣೋತ್। ವಿದಾರಯನ್ಗಿರಿಶಿಖರಾಣಿ ಪತ್ರಿಭಿ- ರ್ಮಹಾಭಯೇಽಸುರಗಣವಿಗ್ರಹೇ ತದಾ॥ 1-19-30 (1264) ತತೋ ಮಹೀಂ ಲವಣಜಲಂ ಚ ಸಾಗರಂ ಮಹಾಸುರಾಃ ಪ್ರವಿವಿಶುರರ್ದಿತಾಃ ಸುರೈಃ। ವಿಯದ್ಗತಂ ಜ್ವಲಿತಹುತಾಶನಪ್ರಭಂ ಸುದರ್ಶನಂ ಪರಿಕುಪಿತಂ ನಿಶಾಂಯ ತೇ॥ 1-19-31 (1265) ತತಃ ಸುರೈರ್ವಿಜಯಮವಾಪ್ಯ ಮಂದರಃ ಸ್ವಮೇವ ದೇಶಂ ಗಮಿತಃ ಸುಪೂಜಿತಃ। ವಿನಾದ್ಯ ಖಂ ದಿವಮಪಿ ಚೈವ ಸರ್ವಶ- ಸ್ತತೋ ಗತಾಃ ಸಲಿಲಧರಾ ಯಥಾಗತಂ॥ 1-19-32 (1266) ತತೋಽಮೃತಂ ಸುನಿಹಿತಮೇವ ಚಕ್ರಿರೇ ಸುರಾಃ ಪುರಾಂ ಮುದಮಭಿಗಂಯ ಪುಷ್ಕಲಾಂ। ದದೋ ಚ ತಂ ನಿಧಿಮಮೃತಸ್ಯ ರಕ್ಷಿತುಂ ಕಿರೀಟಿನೇ ಬಲಭಿದಥಾಮರೈಃ ಸಹ॥ ॥ 1-19-33 (1267) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಏಕೋನವಿಂಶೋಽಧ್ಯಾಯಃ॥ 19 ॥

1-20-0 (1268) ಸೌತಿರುವಾಚ। 1-20-0x (83) ಏತತ್ತೇ ಕಥಿತಂ ಸರ್ವಮಮೃತಂ ಮಥಿತಂ ಯಥಾ। ಯತ್ರ ಸೋಽಶ್ವಃ ಸಮುತ್ಪನ್ನಃ ಶ್ರೀಮಾನತುಲವಿಕ್ರಮಃ॥ 1-20-1 (1269) ತಂ ನಿಶಾಂಯ ತದಾ ಕದ್ರೂರ್ವಿನತಾಮಿದಮಬ್ರವೀತ್। ಉಚ್ಚೈಃಶ್ರವಾ ಹಿ ಕಿಂವರ್ಣೋ ಭದ್ರೇ ಪ್ರಬ್ರೂಹಿ ಮಾ ಚಿರಂ॥ 1-20-2 (1270) ವಿನತೋವಾಚ। 1-20-3x (84) ಶ್ವೇತ ಏವಾಶ್ವರಾಜೋಽಯಂ ಕಿಂ ವಾ ತ್ವಂ ಮನ್ಯಸೇ ಶುಭೇ। ಬ್ರೂಹಿ ವರ್ಣಂ ತ್ವಮಪ್ಯಸ್ಯ ತತೋಽತ್ರ ವಿಪಣಾವಹೇ॥ 1-20-3 (1271) ಕದ್ರೂರುವಾಚ। 1-20-4x (85) ಕೃಷ್ಣವಾಲಮಹಂ ಮನ್ಯೇ ಹಯಮೇನಂ ಶುಚಿಸ್ಮಿತೇ। ಏಹಿ ಸಾರ್ಧಂ ಮಯಾ ದೀವ್ಯ ದಾಸೀಭಾವಾಯ ಭಾಮಿನಿ॥ 1-20-4 (1272) ಸೌತಿರುವಾಚ। 1-20-5x (86) ಏವಂ ತೇ ಸಮಯಂ ಕೃತ್ವಾ ದಾಸೀಭಾವಾಯ ವೈ ಮಿಥಃ। ಜಗ್ಮತುಃ ಸ್ವಗೃಹಾನೇವ ಶ್ವೋ ದ್ರಕ್ಷ್ಯಾವ ಇತಿ ಸ್ಮ ಹ॥ 1-20-5 (1273) ತತಃ ಪುತ್ರಸಹಸ್ರಂ ತು ಕದ್ರೂರ್ಜಿಹ್ಯಂ ಚಿಕೀರ್ಷತೀ। ಆಜ್ಞಾಪಯಾಮಾಸ ತದಾ ವಾಲಾ ಭೂತ್ವಾಽಂಜನಪ್ರಭಾಃ॥ 1-20-6 (1274) ಆವಿಶಧ್ವಂ ಹಯಂ ಕ್ಷಿಪ್ರಂ ದಾಸೀ ನ ಸ್ಯಾಮಹಂ ಯಥಾ। ನಾವಪದ್ಯಂತ ಯೇ ವಾಕ್ಯಂ ತಾಞ್ಶಶಾಪ ಭುಜಂಗಮಾನ್॥ 1-20-7 (1275) ಸರ್ಪಸತ್ರೇ ವರ್ತಮಾನೇ ಪಾವಕೋ ವಃ ಪ್ರಧಕ್ಷ್ಯತಿ। ಜನಮೇಜಯಸ್ಯ ರಾಜರ್ಷೇಃ ಪಾಂಡವೇಯಸ್ಯ ಧೀಮತಃ॥ 1-20-8 (1276) ಶಾಪಮೇನಂ ತು ಶುಶ್ರಾವ ಸ್ವಯಮೇವ ಪಿತಾಮಹಃ। ಅತಿಕ್ರೂರಂ ಸಮುತ್ಸೃಷ್ಟಂ ಕದ್ರ್ವಾ ದೈವಾದತೀವ ಹಿ॥ 1-20-9 (1277) ಸಾರ್ಧಂ ದೇವಗಣೈಃ ಸರ್ವೈರ್ವಾಚಂ ತಾಮನ್ವಮೋದತ। ಬಹುತ್ವಂ ಪ್ರೇಕ್ಷ್ಯ ಸರ್ಪಾಣಾಂ ಪ್ರಜಾನಾಂ ಹಿತಕಾಂಯಯಾ॥ 1-20-10 (1278) ತಿಗ್ಮವೀರ್ಯವಿಷಾ ಹ್ಯೇತೇ ದಂದಶೂಕಾ ಮಹಾಬಲಾಃ। ತೇಷಾಂ ತೀಕ್ಷ್ಣವಿಷತ್ವಾದ್ಧಿ ಪ್ರಜಾನಾಂ ಚ ಹಿತಾಯ ಚ॥ 1-20-11 (1279) ಯುಕ್ತಂ ಮಾತ್ರಾ ಕೃತಂ ತೇಷಾಂ ಪರಪೀಡೋಪಸರ್ಪಿಣಾಂ। ಅನ್ಯೇಷಾಮಪಿ ಸತ್ತ್ವಾನಾಂ ನಿತ್ಯಂ ದೋಷಪರಾಸ್ತು ಯೇ॥ 1-20-12 (1280) ತೇಷಾಂ ಪ್ರಾಣಾಂತಿಕೋ ದಂಡೋ ದೈವೇನ ವಿನಿಪಾತ್ಯತೇ। ಏವಂ ಸಂಭಾಷ್ಯ ದೇವಸ್ತು ಪೂಜ್ಯ ಕದ್ರೂಂ ಚ ತಾಂ ತದಾ॥ 1-20-13 (1281) ಆಹೂಯ ಕಶ್ಯಪಂ ದೇವ ಇದಂ ವಚನಮಬ್ರವೀತ್। ಯದೇತೇ ದಂದಶೂಕಾಶ್ಚ ಸರ್ಪಾ ಜಾತಾಸ್ತ್ವಯಾನಘ॥ 1-20-14 (1282) ವಿಷೋಲ್ಬಣಾ ಮಹಾಭೋಗಾ ಮಾತ್ರಾ ಶಪ್ತಾಃ ಪರಂತಪ। ತತ್ರ ಮನ್ಯುಸ್ತ್ವಯಾ ತಾತ ನ ಕರ್ತವ್ಯಃ ಕಥಂಚನ॥ 1-20-15 (1283) ದೃಷ್ಟಂ ಪುರಾತನಂ ಹ್ಯೇತದ್ಯಜ್ಞೇ ಸರ್ಪವಿನಾಶನಂ। ಇತ್ಯುಕ್ತ್ವಾ ಸೃಷ್ಟಿಕೃದ್ದೇವಸ್ತಂ ಪ್ರಸಾದ್ಯ ಪ್ರಜಾಪತಿಂ। ಪ್ರಾದಾದ್ವಿಷಹರೀಂ ವಿದ್ಯಾಂ ಕಶ್ಯಪಾಯ ಮಹಾತ್ಮನೇ॥ 1-20-16 (1284) `ಏವಂ ಶಪ್ತೇಷು ನಾಗೇಷು ಕದ್ರ್ವಾತು ದ್ವಿಜಸತ್ತಮ। ಅದ್ವಿಗ್ನಃ ಶಾಪತಸ್ತಸ್ಯಾಃ ಕದ್ರೂಂ ಕರ್ಕೋಟಕೋಽಬ್ರವೀತ್॥ 1-20-17 (1285) ಮಾತರಂ ಪರಮಪ್ರೀತಸ್ತಥಾ ಭುಜಗಸತ್ತಮಃ। ಆವಿಶ್ಯ ವಾಜಿನಂ ಮುಖ್ಯಂ ಬಾಲೋ ಭೂತ್ವಾಂಜನಪ್ರಭಃ॥ 1-20-18 (1286) ದರ್ಶಯಿಷ್ಯಾಮಿ ತತ್ರಾಹಮಾತ್ಮಾನಂ ಕಾಮಮಾಶ್ವಸ। ಏವಮಸ್ತ್ವಿತಿ ಸಾ ಪುತ್ರಂ ಪ್ರತ್ಯುವಾಚ ಯಶಸ್ವಿನೀ'॥ ॥ 1-20-19 (1287) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕರ್ಪಣಿ ವಿಂಶೋಽಧ್ಯಾಯಃ॥ 20 ॥

1-21-0 (1288) ಸೌತಿರುವಾಚ। 1-21-0x (87) ತತೋ ರಜನ್ಯಾಂ ವ್ಯುಷ್ಟಾಯಾಂ ಪ್ರಭಾತೇಽಭ್ಯುದಿತೇ ರವೌ। ಕದ್ರೂಶ್ಚ ವಿನತಾ ಚೈವ ಭಗಿನ್ಯೌ ತೇ ತಪೋಧನ॥ 1-21-1 (1289) ಅಮರ್ಷಿತೇ ಸುಸಂರಬ್ಧೇ ದಾಸ್ಯೇ ಕೃತಪಣೇ ತದಾ। `ಸ್ಮಗರಸ್ಯ ಪರಂ ಪಾರಂ ವೇಲಾವನವಿಭೂಷಿತಂ।' ಜಗ್ಮತುಸ್ತುರಗಂ ದ್ರಷ್ಟುಮುಚ್ಚೈಃಶ್ರವಸಮಂತಿಕಾತ್॥ 1-21-2 (1290) ದದೃಶಾತೇಽಥ ತೇ ತತ್ರ ಸಮುದ್ರಂ ನಿಧಿಮಂಭಸಾಂ। ಮಹಾಂತಮುದಕಾಗಾಧಂ ಕ್ಷೋಭ್ಯಮಾಣಂ ಮಹಾಸ್ವನಂ॥ 1-21-3 (1291) ತಿಮಿಂಗಿಲಝಷಾಕೀರ್ಣಂ ಮಕರೈರಾವೃತಂ ತಥಾ। ಸತ್ವೈಶ್ಚ ಬಹುಸಾಹಸ್ರೈರ್ನಾನಾರೂಪೈಃ ಸಮಾವೃತಂ॥ 1-21-4 (1292) ಭೀಷಣೈರ್ವಿಕೃತೈರನ್ಯೈರ್ಘೋರೈರ್ಜಲಚರೈಸ್ತಥಾ। ಉಗ್ರೈರ್ನಿತ್ಯಮನಾಧೃಷ್ಯಂ ಕೂರ್ಮಗ್ರಾಹಸಮಾಕುಲಂ॥ 1-21-5 (1293) ಆಕರಂ ಸರ್ವರತ್ನಾನಾಮಾಲಯಂ ವರುಣಸ್ಯ ಚ। ನಾಗಾನಾಮಾಲಯಂ ರಂಯಮುತ್ತಮಂ ಸರಿತಾಂ ಪತಿಂ॥ 1-21-6 (1294) ಪಾತಾಲಜ್ವಲನಾವಾಸಮಸುರಾಣಾಂ ಚ ಬಾಂಧವಂ। ಭಯಂಕರಂ ಚ ಸತ್ತ್ವಾನಾಂ ಪಯಸಾಂ ನಿಧಿಮರ್ಣವಂ॥ 1-21-7 (1295) ಶುಭಂ ದಿವ್ಯಮಮರ್ತ್ಯಾನಾಮಮೃತಸ್ಯಾಕರಂ ಪರಂ। ಅಪ್ರಮೇಯಮಚಿಂತ್ಯಂ ಚ ಸುಪುಣ್ಯಜಲಮದ್ಭುತಂ॥ 1-21-8 (1296) ಘೋರಂ ಜಲಚರಾರಾವರೌದ್ರಂ ಭೈರವನಿಃಸ್ವನಂ। ಗಂಭೀರಾವರ್ತಕಲಿಲಂ ಸರ್ವಭೂತಭಯಂಕರಂ॥ 1-21-9 (1297) ವೇಲಾದೋಲಾನಿಲಚಲಂ ಕ್ಷೋಭೋದ್ವೇಗಸಮುಚ್ಛ್ರಿತಂ। ವೀಚೀಹಸ್ತೈಃ ಪ್ರಚಲಿತೈರ್ನೃತ್ಯಂತಮಿವ ಸರ್ವತಃ॥ 1-21-10 (1298) ಚಂದ್ರವೃದ್ಧಿಕ್ಷಯವಶಾದುದ್ವೃತ್ತೋರ್ಮಿಸಮಾಕುಲಂ। ಪಾಂಚಜನ್ಯಸ್ಯ ಜನನಂ ರತ್ನಾಕರಮನುತ್ತಮಂ॥ 1-21-11 (1299) ಗಾಂ ವಿಂದತಾ ಭಗವತಾ ಗೋವಿಂದೇನಾಮಿತೌಜಸಾ। ವರಾಹರೂಪಿಣಾ ಚಾಂತರ್ವಿಕ್ಷೋಭಿತಜಲಾವಿಲಂ॥ 1-21-12 (1300) ಬ್ರಹ್ಮರ್ಷಿಣಾ ವ್ರತವತಾ ವರ್ಷಾಣಾಂ ಶತಮತ್ರಿಣಾ। ಅನಾಸಾದಿತಗಾಧಂ ಚ ಪಾತಾಲತಲಮವ್ಯಯಂ॥ 1-21-13 (1301) ಅಧ್ಯಾತ್ಮಯೋಗನಿದ್ರಾಂ ಚ ಪದ್ಮನಾಭಸ್ಯ ಸೇವತಃ। ಯುಗಾದಿಕಾಲಶಯನಂ ವಿಷ್ಣೋರಮಿತತೇಜಸಃ॥ 1-21-14 (1302) ವಜ್ರಪಾತನಸಂತ್ರಸ್ತಮೈನಾಕಸ್ಯಾಭಯಪ್ರದಂ। ಡಿಂಬಾಹವಾರ್ದಿತಾನಾಂ ಚ ಅಸುರಾಣಾಂ ಪರಾಯಣಂ॥ 1-21-15 (1303) ಬಡವಾಮುಖದೀಪ್ತಾಗ್ನೇಸ್ತೋಯಹವ್ಯಪ್ರದಂ ಶಿವಂ। ಅಗಾಧಪಾರಂ ವಿಸ್ತೀರ್ಣಮಪ್ರಮೇಯಂ ಸರಿತ್ಪತಿಂ॥ 1-21-16 (1304) ಮಹಾನದೀಭಿರ್ಬಹ್ವೀಭಿಃ ಸ್ಪರ್ಧಯೇವ ಸಹಸ್ರಶಃ। ಅಭಿಸಾರ್ಯಮಾಣಮನಿಶಂ ದದೃಶಾತೇ ಮಹಾರ್ಣವಂ। ಆಪೂರ್ಯಮಾಣಮತ್ಯರ್ಥಂ ನೃತ್ಯಮಾನಮಿವೋರ್ಮಿಭಿಃ॥ 1-21-17 (1305) ಗಂಭೀರಂ ತಿಮಿಮಕರೋಗ್ರಸಂಕುಲಂ ತಂ ಗರ್ಜಂತಂ ಜಲಚರರಾವರೌದ್ರನಾದೈಃ। ವಿಸ್ತೀರ್ಣಂ ದದೃಶತುರಂಬರಪ್ರಕಾಶಂ ತೇಽಗಾಧಂ ನಿಧಿಮುರುಮಂಭಸಾಮನಂತಂ॥ ॥ 1-21-18 (1306) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಏಕವಿಂಶತಿತಮೋಽಧ್ಯಾಯಃ॥ 21 ॥

1-22-0 (1307) ಸೌತಿರುವಾಚ। 1-22-0x (88) ನಾಗಾಶ್ಚ ಸಂವಿದಂ ಕೃತ್ವಾ ಕರ್ತವ್ಯಮಿತಿ ತದ್ವಚಃ। ನಿಃಸ್ನೇಹಾ ವೈ ದಹೇನ್ಮಾತಾ ಅಸಂಪ್ರಾಪ್ತಮನೋರಥಾ॥ 1-22-1 (1308) ಪ್ರಸನ್ನಾ ಮೋಕ್ಷಯೇದಸ್ಮಾಂಸ್ತಸ್ಮಾಚ್ಛಾಪಾಚ್ಚ ಭಾಮಿನೀ। ಕೃಷ್ಣಂ ಪುಚ್ಛಂ ಕರಿಷ್ಯಾಮಸ್ತುರಗಸ್ಯ ನ ಸಂಶಯಃ॥ 1-22-2 (1309) `ಇತಿ ನಿಶ್ಚಿತ್ಯ ತೇ ತಸ್ಯ ಕೃಷ್ಣಾ ವಾಲಾ ಇವ ಸ್ಥಿತಾಃ।' ಏತಸ್ಮಿನ್ನಂತರೇ ತೇ ತು ಸಪತ್ನ್ಯೌ ಪಣಿತೇ ತದಾ॥ 1-22-3 (1310) ತತಸ್ತೇ ಪಣಿತಂ ಕೃತ್ವಾ ಭಗಿನ್ಯೌ ದ್ವಿಜಸತ್ತಮ। ಜಗ್ಮತುಃ ಪರಯಾ ಪ್ರೀತ್ಯಾ ಪರಂ ಪಾರಂ ಮಹೋದಧೇಃ॥ 1-22-4 (1311) ಕದ್ರೂಶ್ಚ ವಿನತಾ ಚೈವ ದಾಕ್ಷಾಯಣ್ಯೌ ವಿಹಾಯಸಾ। ಆಲೋಕಯಂತ್ಯಾವಕ್ಷೋಭ್ಯಂ ಸಮುದ್ರಂ ನಿಧಿಮಂಭಸಾಂ॥ 1-22-5 (1312) ವಾಯುನಾಽತೀವ ಸಹಸಾ ಕ್ಷೋಭ್ಯಮಾಣಂ ಮಹಾಸ್ವನಂ। ತಿಮಿಂಗಿಲಸಮಾಕೀರ್ಣಂ ಮಕರೈರಾವೃತಂ ತಥಾ॥ 1-22-6 (1313) ಸಂಯುತಂ ಬಹುಸಾಹಸ್ರೈಃ ಸತ್ವೈರ್ನಾನಾವಿಧೈರಪಿ। ಘೋರರ್ಘೋರಮನಾಧೃಷ್ಯಂ ಗಂಭೀರಮತಿಭೈರವಂ॥ 1-22-7 (1314) ಆಕರಂ ಸರ್ವರತ್ನಾನಾಮಾಲಯಂ ವರುಣಸ್ಯ ಚ। ನಾಗಾನಾಮಾಲಯಂ ಚಾಪಿ ಸುರಂಯಂ ಸರಿತಾಂ ಪತಿಂ॥ 1-22-8 (1315) ಪಾತಾಲಜ್ವಲನಾವಾಸಮಸುರಾಣಾಂ ತಥಾಲಯಂ। ಭಯಂಕರಾಣಾಂ ಸತ್ತ್ವಾನಾಂ ಪಯಸೋ ನಿಧಿಮವ್ಯಯಂ॥ 1-22-9 (1316) ಶುಭ್ರಂ ದಿವ್ಯಮಮರ್ತ್ಯಾನಾಮಮೃತಸ್ಯಾಕರಂ ಪರಂ। ಅಪ್ರಮೇಯಮಚಿಂತ್ಯಂ ಚ ಸುಪುಂಯಜಲಸಂಮಿತಂ॥ 1-22-10 (1317) ಮಹಾನದೀಭಿರ್ಬಹ್ವೀಭಿಸ್ತತ್ರ ತತ್ರ ಸಹಸ್ರಶಃ। ಆಪೂರ್ಯಮಾಣಮತ್ಯರ್ಥಂ ನೃತ್ಯಂತಮಿವ ಚೋರ್ಮಿಭಿಃ॥ 1-22-11 (1318) ಇತ್ಯೇವಂ ತರಲತರೋರ್ಮಿಸಂಕುಲಂ ತೇ ಗಂಭೀರಂ ವಿಕಸಿತಮಂಬರಪ್ರಕಾಶಂ। ಪಾತಾಲಜ್ವಲನಶಿಖಾವಿದೀಪಿತಾಂಗಂ ಗರ್ಜಂತಂ ದ್ರುತಮಭಿಜಗ್ಮತುಸ್ತತಸ್ತೇ॥ ॥ 1-22-12 (1319) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ದ್ವಾವಿಂಶೋಽಧ್ಯಾಯಃ॥ 22 ॥

1-23-0 (1320) ಸೌತಿರುವಾಚ। 1-23-0x (89) ತಂ ಸಮುದ್ರಮತಿಕ್ರಂಯ ಕದ್ರೂರ್ವಿನತಯಾ ಸಹ। ನ್ಯಪತತ್ತುರಗಾಭ್ಯಾಶೇ ನ ಚಿರಾದಿವ ಶೀಘ್ರಗಾ॥ 1-23-1 (1321) ತತಸ್ತೇ ತಂ ಹಯಶ್ರೇಷ್ಠಂ ದದೃಶಾತೇ ಮಹಾಜವಂ। ಶಶಾಂಕಕಿರಣಪ್ರಖ್ಯಂ ಕಾಲವಾಲಮುಭೇ ತದಾ॥ 1-23-2 (1322) ನಿಶಾಂಯ ಚ ಬಹೂನ್ವಾಲಾನ್ಕೃಷ್ಣಾನ್ಪುಚ್ಛಸಮಾಶ್ರಿತಾನ್। ವಿಷಣ್ಣರೂಪಾಂ ವಿನತಾಂ ಕದ್ರೂರ್ದಾಸ್ಯೇ ನ್ಯಯೋಜಯತ್॥ 1-23-3 (1323) ತತಃ ಸಾ ವಿನತಾ ತಸ್ಮಿನ್ಪಣಿತೇನ ಪರಾಜಿತಾ। ಅಭವದ್ದುಃಖಸಂತಪ್ತಾ ದಾಸೀಭಾವಂ ಸಮಾಸ್ಥಿತಾ॥ 1-23-4 (1324) ಏತಸ್ಮಿನ್ನಂತರೇ ಚಾಪಿ ಗರುಡಃ ಕಾಲ ಆಗತೇ। ವಿನಾ ಮಾತ್ರಾ ಮಹಾತೇಜಾ ವಿದಾರ್ಯಾಂಡಮಜಾಯತ॥ 1-23-5 (1325) ಮಹಾಸತ್ತ್ವಬಲೋಪೇತಃ ಸರ್ವಾ ವಿದ್ಯೋತಯಂದಿಶಃ। ಕಾಮರೂಪಃ ಕಾಮಗಮಃ ಕಾಮವೀರ್ಯೋ ವಿಹಂಗಮಃ॥ 1-23-6 (1326) ಅಗ್ನಿರಾಶಿರಿವೋದ್ಭಾಸನ್ಸಮಿದ್ಧೋಽತಿಭಯಂಕರಃ। ವಿದ್ಯುದ್ವಿಸ್ಪಷ್ಟಪಿಂಗಾಕ್ಷೋ ಯುಗಾಂತಾಗ್ನಿಸಮಪ್ರಭಃ॥ 1-23-7 (1327) ಪ್ರವೃದ್ಧಃ ಸಹಸಾ ಪಕ್ಷೀ ಮಹಾಕಾಯೋ ನಭೋಗತಃ। ಘೋರೋ ಘೋರಸ್ವನೋ ರೌದ್ರೋ ವಹ್ನಿರೌರ್ವ ಇವಾಪರಃ॥ 1-23-8 (1328) ತಂ ದೃಷ್ಟ್ವಾ ಶರಣಂ ಜಗ್ಮುರ್ದೇವಾಃ ಸರ್ವೇ ವಿಭಾವಸುಂ। ಪ್ರಮಿಪತ್ಯಾಬ್ರುವಂಶ್ಚೈನಮಾಸೀನಂ ವಿಶ್ವರೂಪಿಣಂ॥ 1-23-9 (1329) ಅಗ್ನೇ ಮಾ ತ್ವಂ ಪ್ರವರ್ಧಿಷ್ಠಾಃ ಕಚ್ಚಿನ್ನೋ ನ ದಿಧಕ್ಷಸಿ। ಅಸೌ ಹಿ ರಾಶಿಃ ಸುಮಹಾನ್ಸಮಿದ್ಧಸ್ತವ ಸರ್ಪತಿ॥ 1-23-10 (1330) ಅಗ್ನಿರುವಾಚ। 1-23-11x (90) ನೈತದೇವಂ ಯಥಾ ಯೂಯಂ ಮನ್ಯಧ್ವಮಸುರಾರ್ದನಾಃ। ಗರುಡೋ ಬಲವಾನೇಷ ಮಮ ತುಲ್ಯಶ್ಚ ತೇಜಸಾ॥ 1-23-11 (1331) ಜಾತಃ ಪರಮತೇಜಸ್ವೀ ವಿನತಾನಂದವರ್ಧನಃ। ತೇಜೋರಾಶಿಮಿಮಂ ದೃಷ್ಟ್ವಾ ಯುಷ್ಮಾನ್ಮೋಹಃ ಸಮಾವಿಶತ್॥ 1-23-12 (1332) ನಾಗಕ್ಷಯಕರಶ್ಚೈ ಕಾಶ್ಯಪೇಯೋ ಮಹಾಬಲಃ। ದೇವಾನಾಂ ಚ ಹಿತೇ ಯುಕ್ತಸ್ತ್ವಹಿತೋ ದೈತ್ಯರಕ್ಷಸಾಂ॥ 1-23-13 (1333) ನ ಭೀಃ ಕಾರ್ಯಾ ಕಥಂ ಚಾತ್ರ ಪಶ್ಯಧ್ವಂ ಸಹಿತಾ ಮಯಾ। 1-23-14 (1334) ಸೌತಿರುವಾಚ। ಏವಮುಕ್ತಾಸ್ತದಾ ಗತ್ವಾ ಗರುಡಂ ವಾಗ್ಭಿರಸ್ತುವನ್॥ 1-23-14x (91) ತೇ ದೂರಾದಭ್ಯುಪೇತ್ಯೈನಂ ದೇವಾಃ ಸರ್ಷಿಗಣಾಸ್ತದಾ। 1-23-15 (1335) ದೇವಾ ಊಚುಃ। ತ್ವಮೃಷಿಸ್ತ್ವಂ ಮಹಾಭಾಗಸ್ತ್ವಂ ದೇವಃ ಪತಗೇಶ್ವರಃ॥ 1-23-15x (92) ತ್ವಂ ಪ್ರಭುಸ್ತಪನಃ ಸೂರ್ಯಃ ಪರಮೇಷ್ಠೀ ಪ್ರಜಾಪತಿಃ। ತ್ವಮಿಂದ್ರಸ್ತ್ವಂ ಹಯಮುಖಸ್ತ್ವಂ ಶರ್ವಸ್ತ್ವಂ ಜಗತ್ಪತಿಃ॥ 1-23-16 (1336) ತ್ವಂ ಮುಖಂ ಪದ್ಮಜೀ ವಿಪ್ರಸ್ತ್ವಮಗ್ನಿಃ ಪವನಸ್ತಥಾ। ತ್ವಂ ಹಿ ಧಾತಾ ವಿಧಾತಾ ಚ ತ್ವಂ ವಿಷ್ಣುಃ ಸುರಸತ್ತಮಃ॥ 1-23-17 (1337) ತ್ವಂ ಮಹಾನಭಿಭೂಃ ಶಶ್ವದಮೃತಂ ತ್ವಂ ಮಹದ್ಯಶಃ। ತ್ವಂ ಪ್ರಭಾಸ್ತ್ವಮಭಿಪ್ರೇತಂ ತ್ವಂ ನಸ್ತ್ರಾಣಮನುತ್ತಮಂ॥ 1-23-18 (1338) `ತ್ವಂ ಗತಿಃ ಸತತಂ ತ್ವತ್ತಃ ಕಥಂ ನಃ ಪ್ರಾಪ್ನುಯಾದ್ಭಯಂ।' ಬಲೋರ್ಮಿಮಾನ್ಸಾಧುರದೀನಸತ್ತ್ವಃ ಸಮೃದ್ಧಿಮಾಂದುರ್ವಿಷಹಸ್ತ್ವಮೇವ। ತ್ವತ್ತಃ ಸೃತಂ ಸರ್ವಮಹೀನಕೀರ್ತೇ ಹ್ಯನಾಗತಂ ಚೋಪಗತಂ ಚ ಸರ್ವಂ॥ 1-23-19 (1339) ತ್ವಮುತ್ತಮಃ ಸರ್ವಮಿದಂ ಚರಾಚರಂ ಗಭಸ್ತಿಭಿರ್ಭಾನುರಿವಾವಭಾಸಸೇ। ಸಮಾಕ್ಷಿಪನ್ಭಾನುಮತಃ ಪ್ರಭಾಂ ಮುಹು- ಸ್ತ್ವಮಂತಕಃ ಸರ್ವಮಿದಂ ಧ್ರುವಾಧ್ರುವಂ॥ 1-23-20 (1340) ದಿವಾಕರಃ ಪರಿಕುಪಿತೋ ಯಥಾ ದಹೇ- ತ್ಪ್ರಜಾಸ್ತಥಾ ದಹಸಿ ಹುತಾಶನಪ್ರಭ। ಭಯಂಕರಃ ಪ್ರಲಯ ಇವಾಗ್ನಿರುತ್ಥಿತೋ ವಿನಾಶಯನ್ಯುಗಪರಿವರ್ತನಾಂತಕೃತ್॥ 1-23-21 (1341) ಖಗೇಶ್ವರಂ ಶರಣಮುಪಾಗತಾ ವಯಂ ಮಹೌಜಸಂ ಜ್ವಲನಸಮಾನವರ್ಚಸಂ। ತಡಿತ್ಪ್ರಭಂ ವಿತಿಮಿರಮಭ್ರಗೋಚರಂ ಮಹಾಬಲಂ ಗರುಡಮುಪೇತ್ಯ ಖೇಚರಂ॥ 1-23-22 (1342) ಪರಾವರಂ ವರದಮಜಯ್ಯವಿಕ್ರಮಂ ತವೌಜಸ ಸರ್ವಮಿದಂ ಪ್ರತಾಪಿತಂ। ಜಗತ್ಪ್ರಭೋ ತಪ್ತಸುವರ್ಣವರ್ಚಸಾ ತ್ವಂ ಪಾಹಿ ಸರ್ವಾಂಶ್ಚ ಸುರಾನ್ಮಹಾತ್ಮನಃ॥ 1-23-23 (1343) ಭಯಾನ್ವಿತಾ ನಭಸಿ ವಿಮಾನಗಾಮಿನೋ ವಿಮಾನಿತಾ ವಿಪಥಗತಿಂ ಪ್ರಯಾಂತಿ ತೇ। ಋಷೇಃ ಸುತಸ್ತ್ವಮಸಿ ದಯಾವತಃ ಪ್ರಭೋ ಮಹಾತ್ಮನಃ ಖಗವರ ಕಶ್ಯಪಸ್ಯ ಹ॥ 1-23-24 (1344) ಸ ಮಾ ಕ್ರುಧಃ ಕುರು ಜಗತೋ ದಯಾಂ ಪರಾಂ ತ್ವಮೀಶ್ವರಃ ಪ್ರಶಮಮುಪೈಹಿ ಪಾಹಿ ನಃ। ಮಹಾಶನಿಸ್ಫುರಿತಸಮಸ್ವನೇನ ತೇ ದಿಶೋಽಂಬರಂ ತ್ರಿದಿವಮಿಯಂ ಚ ಮೇದಿನೀ॥ 1-23-25 (1345) ಚಲಂತಿ ನಃ ಖಗ ಹೃದಯಾನಿ ಚಾನಿಶಂ ನಿಗೃಹ್ಯತಾಂ ವಪುರಿದಮಗ್ನಿಸನ್ನಿಭಂ। ತವ ದ್ಯುತಿಂ ಕುಪಿತಕೃತಾಂತಸನ್ನಿಭಾಂ ನಿಶಾಂಯ ನಶ್ಚಲತಿ ಮನೋಽವ್ಯವಸ್ಥಿತಂ। ಪ್ರಸೀದ ನಃ ಪತಗತೇ ಪ್ರಯಾಚತಾಂ ಶಿವಶ್ಚ ನೋ ಭವ ಭಗವನ್ಸುಖಾವಹಃ॥ 1-23-26 (1346) ಸೌತಿರುವಾಚ। 1-23-27x (93) ಏವಂ ಸ್ತುತಃ ಸುಪರ್ಣಸ್ತು ದೇವೈಃ ಸರ್ಷಿಗಣೈಸ್ತದಾ। ತೇಜಸಃ ಪ್ರತಿಸಂಹಾರಮಾತ್ಮನಃ ಸ ಚಕಾರ ಹ॥ ॥ 1-23-27 (1347) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ತ್ರಯೋವಿಂಶೋಽಧ್ಯಾಯಃ॥ 23 ॥

1-24-0 (1348) ಸೌತಿರುವಾಚ। 1-24-0x (94) ಸ ಶ್ರುತ್ವಾಽಥಾತ್ಮನೋ ದೇಹಂ ಸುಪರ್ಣಃ ಪ್ರೇಕ್ಷ್ಯ ಚ ಸ್ವಯಂ। ಶರೀರಪ್ರತಿಸಂಹಾರಮಾತ್ಮನಃ ಸಂಪ್ರಚಕ್ರಮೇ॥ 1-24-1 (1349) ಸುಪರ್ಣ ಉವಾಚ। 1-24-2x (95) ನ ಮೇ ಸರ್ವಾಣಿ ಭೂತಾನಿ ವಿಭಿಯುರ್ದೇಹದರ್ಶನಾತ್। ಭೀಮರೂಪಾತ್ಸಮುದ್ವಿಗ್ರಾಸ್ತಸ್ಮಾತ್ತೇಜಸ್ತು ಸಂಹರೇ॥ 1-24-2 (1350) ಸೌತಿರುವಾಚ। 1-24-3x (96) ತತಃ ಕಾಮಗಮಃ ಪಕ್ಷೀ ಕಾಮವೀರ್ಯೋ ವಿಹಂಗಮಃ। ಅರುಣಂ ಚಾತ್ಮನಃ ಪೃಷ್ಠಮಾರೋಪ್ಯ ಸ ಪಿತುರ್ಗೃಹಾತ್॥ 1-24-3 (1351) ಮಾತುರಂತಿಕಮಾಗಚ್ಛತ್ಪರಂ ತೀರಂ ಮಹೋದಧೇಃ। ತತ್ರಾರುಣಶ್ಚ ನಿಕ್ಷಿಪ್ತೋ ಪುರೋದೇಶೇ ಮಹಾದ್ಯುತೇಃ॥ 1-24-4 (1352) ಸೂರ್ಯಸ್ತೇಜೋಭಿರತ್ಯುಗ್ರೈರ್ಲೋಕಾಂದಗ್ಧುಮನಾ ಯದಾ। 1-24-5 (1353) ರುರುರುವಾಚ। ಕಿಮರ್ಥಂ ಭಗವಾನ್ಸೂರ್ಯೋ ಲೋಕಾಂದಗ್ಧುಮನಾಸ್ತದಾ॥ 1-24-5x (97) ಕಿಮಸ್ತಾಪಹೃತಂ ದೇವೈರ್ಯೇನಮಂ ಮನ್ಯುರಾವಿಶತ್। 1-24-6 (1354) ಪ್ರಮತಿರುವಾಚ। ಚಂದ್ರಾರ್ಕಾಭ್ಯಾಂ ಯದಾ ರಾಹುರಾಖ್ಯಾತೋ ಹ್ಯಮೃತಂ ಪಿಬನ್॥ 1-24-6x (98) ವೈರಾನುಬಂಧಂ ಕೃತವಾಂಶ್ಚಂದ್ರಾದಿತ್ಯೌ ತದಾಽನಘ। ಬಾಧ್ಯಮಾನಂ ಗ್ರಹೇಣಾಥ ಹ್ಯಾದಿತ್ಯಂ ಮನ್ಯುರಾವಿಶತ್॥ 1-24-7 (1355) ಸುರಾರ್ಥಾಯ ಸಮುತ್ಪನ್ನೋ ರೋಷೋ ರಾಹೋಸ್ತು ಮಾಂ ಪ್ರತಿ। ಬಹ್ವನರ್ಥಕರಂ ಪಾಪಮೇಕೋಽಹಂ ಸಮವಾಪ್ನುಯಾಂ॥ 1-24-8 (1356) ಸಹಾಯ ಏವ ಕಾರ್ಯೇಷು ನ ಚ ಕೃಚ್ಛ್ರೇಷು ದೃಶ್ಯತೇ। ಪಶ್ಯಂತಿ ಗ್ರಸ್ಯಮಾನಂ ಮಾಂ ಸಹಂತೇ ವೈ ದಿವೌಕಸಃ॥ 1-24-9 (1357) ತಸ್ಮಾಲ್ಲೋಕವಿನಾಶಾರ್ಥಂ ಹ್ಯವತಿಷ್ಠೇ ನ ಸಂಶಯಃ। ಏವಂ ಕೃತಮತಿಃ ಸೂರ್ಯೋ ಹ್ಯಸ್ತಮಭ್ಯಗಮದ್ಗಿರಿಂ॥ 1-24-10 (1358) ತಸ್ಮಾಲ್ಲೋಕವಿನಾಶಾಯ ಸಂತಾಪಯತ ಭಾಸ್ಕರಃ। ತತೋ ದೇವಾನುಪಾಗಂಯ ಪ್ರೋಚುರೇವಂ ಮಹರ್ಷಯಃ॥ 1-24-11 (1359) ಆದ್ಯಾರ್ಧರಾತ್ರಸಮಯೇ ಸರ್ವಲೋಕಭಯಾವಹಃ। ಉತ್ಪತ್ಸ್ಯತೇ ಮಹಾಂದಾಹಸ್ತ್ರೈಲೋಕ್ಯಸ್ಯ ವಿನಾಶನಃ॥ 1-24-12 (1360) ತತೋ ದೇವಾಃ ಸರ್ಷಿಗಣಾ ಉಪಗಂಯ ಪಿತಾಮಹಂ। ಅಬ್ರುವನ್ಕಿಮಿವೇಹಾದ್ಯ ಮಹದ್ದಾಹಕೃತಂ ಭಯಂ॥ 1-24-13 (1361) ನ ತಾವದ್ದೃಶ್ಯತೇ ಸೂರ್ಯಃ ಕ್ಷಯೋಽಯಂ ಪ್ರತಿಭಾತಿ ಚ। ಉದಿತೇ ಭಗವನ್ಭಾನೌ ಕಥನೇತದ್ಭವಿಷ್ಯತಿ॥ 1-24-14 (1362) ಪಿತಾಮಹ ಉವಾಚ। 1-24-15x (99) ಏಷ ಲೋಕವಿನಾಶಾಯ ರವಿರುದ್ಯಂತುಮುದ್ಯತಃ। ದೃಶ್ಯನ್ನೇವ ಹಿ ಲೋಕಾನ್ಸ ಭಸ್ಮರಾಶೀಕರಿಷ್ಯತಿ॥ 1-24-15 (1363) ತಸ್ಯ ಪ್ರತಿವಿಧಾನಂ ಚ ವಿಹಿತಂ ಪೂರ್ವಮೇವ ಹಿ। ಕಶ್ಯಪಸ್ಯ ಸುತೋ ಧೀಮಾನರುಣೇತ್ಯಭಿವಿಶ್ರುತಃ॥ 1-24-16 (1364) ಮಹಾಕಾಯೋ ಮಹಾತೇಜಾಃ ಸ ಸ್ಥಾಸ್ಯತಿ ಪುರೋ ರವೇಃ। ಕರಿಷ್ಯತಿ ಚ ಸಾರಥ್ಯಂ ತೇಜಶ್ಚಾಸ್ಯ ಹರಿಷ್ಯತಿ॥ 1-24-17 (1365) ಲೋಕಾನಾಂ ಸ್ವಸ್ತಿ ಚೈವಂ ಸ್ಯಾದೃಷೀಣಾಂ ಚ ದಿವೌಕಸಾಂ। 1-24-18 (1366) ಪ್ರಮತಿರುವಾಚ। ತತಃ ಪಿತಾಮಹಾಜ್ಞಾತಃ ಸರ್ವಂ ಚಕ್ರೇ ತದಾಽರುಣಃ॥ 1-24-18x (100) ಉದಿತಶ್ಚೈವ ಸವಿತಾ ಹ್ಯರುಣೇನ ಸಮಾವೃತಃ। ಏತತ್ತೇ ಸರ್ವಮಾಖ್ಯಾತಂ ಯತ್ಸೂರ್ಯಂ ಮನ್ಯುರಾವಿಶತ್॥ 1-24-19 (1367) ಅರುಣಶ್ಚ ಯಥೈವಾಸ್ಯ ಸಾರಥ್ಯಮಕರೋತ್ಪ್ರಭುಃ। ಭೂಯ ಏವಾಪರಂ ಪ್ರಶ್ನಂ ಶೃಣು ಪೂರ್ವಮುದಾಹೃತಂ॥ ॥ 1-24-20 (1368) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಚತುರ್ವಿಂಶೋಽಧ್ಯಾಯಃ॥ 24 ॥

1-25-0 (1369) ಸೌತಿರುವಾಚ। 1-25-0x (101) ತತಃ ಕಾಮಗಮಃ ಪಕ್ಷೀ ಮಹಾವೀರ್ಯೋ ಮಹಾಬಲಃ। ಮಾತುರಂತಿಕಮಾಗಚ್ಛತ್ಪರಂ ಪಾರಂ ಮಹೋದಧೇಃ॥ 1-25-1 (1370) ಯತ್ರ ಸಾ ವಿನತಾ ತಸ್ಮಿನ್ಪಣಿತೇನ ಪರಾಜಿತಾ। ಅತೀವ ದುಃಖಸಂತಪ್ತಾ ದಾಸೀಭಾವಮುಪಾಗತಾ॥ 1-25-2 (1371) ತತಃ ಕದಾಚಿದ್ವಿನತಾಂ ಪ್ರಣತಾಂ ಪುತ್ರಸನ್ನಿಧೌ। ಕಾಲೇ ಚಾಹೂಯ ವಚನಂ ಕದ್ರೂರಿದಮಭಾಷತ॥ 1-25-3 (1372) ನಾಗಾನಾಮಾಲಯಂ ಭದ್ರೇ ಸುರಂಯಂ ಚಾರುದರ್ಶನಂ। ಸಮುದ್ರಕುಕ್ಷಾವೇಕಾಂತೇ ತತ್ರ ಮಾಂ ವಿನತೇ ನಯ॥ 1-25-4 (1373) ಸೌತಿರುವಾಚ। 1-25-5x (102) ತತಃ ಸುಪರ್ಣಮಾತಾ ತಾಮವಹತ್ಸರ್ಪಮಾತರಂ। ಪನ್ನಗಾನ್ಗರುಡಶ್ಚಾಪಿ ಮಾತುರ್ವಚನಚೋದಿತಃ॥ 1-25-5 (1374) ಸ ಸೂರ್ಯಮಭಿತೋ ಯಾತಿ ವೈನತೇಯೋ ವಿಹಂಗಮಃ। ಸೂರ್ಯರಶ್ಮಿಪ್ರತಪ್ತಾಶ್ಚ ಮೂರ್ಚ್ಛಿತಾಃ ಪನ್ನಗಾಽಭವನ್॥ 1-25-6 (1375) ತದವಸ್ಥಾನ್ಸುತಾಂದೃಷ್ಟ್ವಾ ಕದ್ರೂಃ ಶಕ್ರಮಥಾಸ್ತುವತ್। ನಮಸ್ತೇ ಸರ್ವದೇವೇಶ ನಮಸ್ತೇ ಬಲಸೂದನ॥ 1-25-7 (1376) ನಮುಚಿಘ್ನ ನಮಸ್ತೇಽಸ್ತು ಸಹಸ್ರಾಕ್ಷ ಶಚೀಪತೇ। ಸರ್ಪಾಣಾಂ ಸೂರ್ಯತಪ್ತಾನಾಂ ವಾರಿಣಾ ತ್ವಂ ಪ್ಲವೋ ಭವ॥ 1-25-8 (1377) ತ್ವಮೇವ ಪರಮಂ ತ್ರಾಣಮಸ್ಮಾಕಮಮರೋತ್ತಮ। ಈಶೋ ಅಸಿ ಪವಃ ಸ್ರಷ್ಟುಂ ತ್ವಮನಲ್ಪಂ ಪುರಂದರ॥ 1-25-9 (1378) ತ್ವಮೇವ ಮೇಘಸ್ತ್ವಂ ವಾಯುಸ್ತ್ವಮಗ್ನಿರ್ವಿದ್ಯುತೋಽಂಬರೇ। ತ್ವಮಭ್ರಗಣವಿಕ್ಷೇಪ್ತಾ ತ್ವಾಮೇವಾಹುರ್ಮಹಾಘನಂ॥ 1-25-10 (1379) ತ್ವಂ ವಜ್ರಮತುಲಂ ಘೋರಂ ಘೋಷವಾಂಸ್ತ್ವಂ ಬಲಾಹಕಃ। ಸ್ರಷ್ಟಾ ತ್ವಮೇವ ಲೋಕಾನಾಂ ಸಂಹರ್ತಾ ಚಾಪರಾಜಿತಃ॥ 1-25-11 (1380) ತ್ವಂ ಜ್ಯೋತಿಃ ಸರ್ವಭೂತಾನಾಂ ತ್ವಮಾದಿತ್ಯೋ ವಿಭಾವಸುಃ। ತ್ವಂ ಮಹದ್ಭೂತಮಾಶ್ಚರ್ಯಂ ತ್ವಂ ರಾಜಾ ತ್ವಂ ಸುರೋತ್ತಮಃ॥ 1-25-12 (1381) ತ್ವಂ ವಿಷ್ಣುಸ್ತ್ವಂ ಸಹಸ್ರಾಕ್ಷಸ್ತ್ವಂ ದೇವಸ್ತ್ವಂ ಪರಾಯಣಂ। ತ್ವಂ ಸರ್ವಮಮೃತಂ ದೇವ ತ್ವಂ ಸೋಮಃ ಪರಮಾರ್ಚಿತಃ॥ 1-25-13 (1382) ತ್ವಂ ಮುಹೂರ್ತಸ್ತಿಥಿಸ್ತ್ವಂ ಚ ತ್ವಂ ಲವಸ್ತ್ವಂ ಪುನಃ ಕ್ಷಣಃ। ಶುಕ್ಲಸ್ತ್ವಂ ಬಹುಲಸ್ತ್ವಂ ಚ ಕಲಾ ಕಾಷ್ಠಾ ತ್ರುಟಿಸ್ತಥಾ। ಸಂವತ್ಸರರ್ತವೋ ಮಾಸಾ ರಜನ್ಯಶ್ಚ ದಿನಾನಿ ಚ॥ 1-25-14 (1383) ತ್ವಮುತ್ತಮಾ ಸಗಿರಿವನಾ ವಸುಂಧರಾ ಸಭಾಸ್ಕರಂ ವಿತಿಮಿರಮಂಬರಂ ತಥಾ। ಮದೋದಧಿಃ ಸತಿಮಿತಿಮಿಂಗಿಲಸ್ತಥಾ ಮಹೋರ್ಮಿಮಾನ್ಬಹುಮಕರೋ ಝಷಾಕುಲಃ॥ 1-25-15 (1384) ಮಹಾಯಶಾಸ್ತ್ವಮಿತಿ ಸದಾಽಭಿಪೂಜ್ಯಸೇ ಮನೀಷಿಭಿರ್ಮುದಿತಮನಾ ಮಹರ್ಷಿಭಿಃ। ಅಭಿಷ್ಟುತಃ ಪಿಬಸಿ ಚ ಸೋಮಮಧ್ವರೇ ಕಷಟ್ಕೃತಾನ್ಯಪಿ ಚ ಹವೀಂಷಿ ಭೂತಯೇ॥ 1-25-16 (1385) ತ್ವಂ ವಿಪ್ರೈಃ ಸತತಮಿಹೇಜ್ಯಸೇ ಫಲಾರ್ಥಂ ವೇದಾಂಗೇಷ್ವತುಲಬಲೌಘ ಗೀಯಸೇ ಚ। ತ್ವದ್ಧೇತೋರ್ಯಜನಪರಾಯಣಾ ದ್ವಿಜೇಂದ್ರಾ ವೇದಾಂಗಾನ್ಯಭಿಗಮಯಂತಿ ಸರ್ವಯತ್ನೈಃ॥ ॥ 1-25-17 (1386) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಪಂಚವಿಂಶೋಽಧ್ಯಾಯಃ॥ 25 ॥

1-26-0 (1387) ಸೌತಿರುವಾಚ। 1-26-0x (103) ಏವಂ ಸ್ತುತಸ್ತದಾ ಕದ್ರ್ವಾ ಭಗವಾನ್ಹರಿವಾಹನಃ। ನೀಲಜೀಮೂತಸಂಘಾತೈಃ ಸರ್ವಮಂಬರಮಾವೃಣೋತ್॥ 1-26-1 (1388) ಮೇಘಾನಾಜ್ಞಾಪಯಾಮಾಸ ವರ್ಷಧ್ವಮಮೃತಂ ಶುಭಂ। ತೇ ಮೇಘಾ ಮುಮುಚುಸ್ತೋಯಂ ಪ್ರಭೂತಂ ವಿದ್ಯುದುಜ್ಜ್ವಲಾಃ॥ 1-26-2 (1389) ಪರಸ್ಪರಮಿವಾತ್ಯರ್ಥಂ ಗರ್ಜಂತಃ ಸತತಂ ದಿವಿ। ಸಂವರ್ತಿತಮಿವಾಕಾಶಂ ಜಲದೈಃ ಸುಮಹಾದ್ಭುತೈಃ॥ 1-26-3 (1390) ಸೃಜದ್ಭಿರತುಲಂ ತೋಯಮಜಸ್ರಂ ಸುಮಹಾರವೈಃ। ಸಂಪ್ರನೃತ್ತಮಿವಾಕಾಶಂ ಧಾರೋರ್ಮಿಭಿರನೇಕಶಃ॥ 1-26-4 (1391) ಮೇಘಸ್ತನಿತನಿರ್ಘೋಷೌರ್ವಿದ್ಯುತ್ಪವನಕಂಪಿತೈಃ। ತೈರ್ಮೇಘೈಃ ಸತತಾಸಾರಂ ವರ್ಷದ್ಭಿರನಿಶಂ ತದಾ॥ 1-26-5 (1392) ನಷ್ಟಚಂದ್ರಾರ್ಕಕಿರಣಮಂಬರಂ ಸಮಪದ್ಯತ। ನಾಗಾನಾಮುತ್ತಮೋ ಹರ್ಷಸ್ತಥಾ ವರ್ಷತಿ ವಾಸವೇ॥ 1-26-6 (1393) ಆಪೂರ್ಯತ ಮಹೀ ಚಾಪಿ ಸಲಿಲೇನ ಸಮಂತತಃ। ರಸಾತಲಮನುಪ್ರಾಪ್ತಂ ಶೀತಲಂ ವಿಮಲಂ ಜಲಂ। 1-26-7 (1394) ತದಾ ಭೂರಭವಚ್ಛನ್ನಾ ಜಲೋರ್ಮಿಭಿರನೇಕಶಃ। ರಾಮಣೀಯಕಮಾಗಚ್ಛನ್ಮಾತ್ರಾ ಸಹ ಭುಜಂಗಮಾಃ॥ ॥ 1-26-8 (1395) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಪೌಲೋಮಪರ್ವಣಿ ಷಡ್ವಿಂಶೋಽಧ್ಯಾಯಃ॥ 26 ॥

1-27-0 (1396) ಸೌತಿರುವಾಚ। 1-27-0x (104) ಸಂಪ್ರಹೃಷ್ಟಾಸ್ತತೋ ನಾಗಾ ಜಲಧಾರಾಪ್ಲುತಾಸ್ತದಾ। ಸುಪರ್ಣೇನೋಹ್ಯಮಾನಾಸ್ತೇ ಜಗ್ಮುಸ್ತಂ ದ್ವೀಪಮಾಶು ವೈ॥ 1-27-1 (1397) ತಂ ದ್ವೀಪಂ ಮಕರಾವಾಸಂ ವಿಹಿತಂ ವಿಶ್ವಕರ್ಮಣಾ। ತತ್ರ ತೇ ಲವಣಂ ಘೋರಂ ದದೃಶುಃ ಪೂರ್ವಮಾಗತಾಃ॥ 1-27-2 (1398) ಸುಪರ್ಣಸಹಿತಾಃ ಸರ್ಪಾಃ ಕಾನನಂ ಚ ಮನೋರಮಂ। ಸಾಗರಾಂಬುಪರಿಕ್ಷಿಪ್ತಂ ಪಕ್ಷಿಸಂಘನಿಜಾದಿತಂ॥ 1-27-3 (1399) ವಿಚಿತ್ರಫಲಪುಷ್ಪಾಭಿರ್ವನರಾಜಿಭಿರಾವೃತಂ। ಭವನೈರಾವೃತಂ ರಂಯೈಸ್ತಥಾ ಪದ್ಮಾಕರೈರಪಿ॥ 1-27-4 (1400) ಪ್ರಸನ್ನಸಲಿಲೈಶ್ಚಾಪಿ ಹ್ವದೈರ್ದಿವ್ಯೈರ್ವಿಭೂಷಿತಂ। ದಿವ್ಯಗಂಧವಹೈಃ ಪುಣ್ಯೈರ್ಮಾರುತೈರುಪವೀಜಿತಂ॥ 1-27-5 (1401) ಉತ್ಪತದ್ಭಿರಿವಾಕಾಶಂ ವೃಕ್ಷೈರ್ಮಲಯಜೈರಪಿ। ಶೋಭಿತಂ ಪುಷ್ಪವರ್ಷಾಣಿ ಮುಂಚದ್ಭಿರ್ಮಾರುತೋದ್ಧತೈಃ॥ 1-27-6 (1402) ವಾಯುವಿಕ್ಷಿಪ್ತಕುಸುಮೈಸ್ತಥಾಽನ್ಯೈರಪಿ ಪಾದಪೈಃ। ಕಿರದ್ಭಿರಿವ ತತ್ರಸ್ಥಾನ್ನಾಗಾನ್ಪುಷ್ಪಾಂಬುವೃಷ್ಟಿಭಿಃ॥ 1-27-7 (1403) ಮನಃಸಂಹರ್ಷಜಂ ದಿವ್ಯಂ ಗಂಧರ್ವಾಪ್ಸರಸಾಂ ಪ್ರಿಯಂ। ಮತ್ತಭ್ರಮಸ್ಸಂಘುಷ್ಟಂ ಮನೋಜ್ಞಾಕೃತಿದರ್ಶನಂ॥ 1-27-8 (1404) ರಮಣೀಯಂ ಶಿವಂ ಪುಣ್ಯಂ ಸರ್ವೈರ್ಜನಮನೋಹರೈಃ। ನಾನಾಪಕ್ಷಿರುತಂ ರಂಯಂ ಕದ್ರೂಪುತ್ರಪ್ರಹರ್ಷಣಂ॥ 1-27-9 (1405) ತತ್ತೇ ವನಂ ಸಮಾಸಾದ್ಯ ವಿಜಹ್ರುಃ ಪನ್ನಗಾಸ್ತದಾ। ಅಬ್ರುವಂಶ್ಚ ಮಹಾವೀರ್ಯಂ ಸುಪರ್ಣಂ ಪತಗೇಶ್ವರಂ॥ 1-27-10 (1406) ವಹಾಸ್ಮಾನಪರಂ ದ್ವೀಪಂ ಸುರಂಯಂ ವಿಮಲೋದಕಂ। ತ್ವಂ ಹಿ ದೇಶಾನ್ಬಹೂನ್ರಂಯಾನ್ವ್ರಜನ್ಪಶ್ಯಸಿ ಖೇಚರ॥ 1-27-11 (1407) ಸೌತಿರುವಾಚ। 1-27-12x (105) ಸ ವಿಚಿಂತ್ಯಾಬ್ರವೀತ್ಪಕ್ಷೀ ಮಾತರಂ ವಿನತೋ ತದಾ। ಕಿಂ ಕಾರಣಂ ಮಯಾ ಮಾತಃ ಕರ್ತವ್ಯಂ ಸರ್ಪಭಾಷಿತಂ॥ 1-27-12 (1408) ವಿನತೋವಾಚ। 1-27-13x (106) ದಾಸೀಭೂತಾಸ್ಮಿ ದುರ್ಯೋಗಾತ್ಸಪತ್ನ್ಯಾಃ ಪತಗೋತ್ತಮ। ಪಣಂ ವಿತಥಮಾಸ್ಥಾಯ ಸರ್ಪೈರುಪಧಿನಾ ಕೃತಂ॥ 1-27-13 (1409) ಸೌತಿರುವಾಚ। 1-27-14x (107) ತಸ್ಮಿಂಸ್ತು ಕಥಿತೇ ಮಾತ್ರಾ ಕಾರಣೇ ಗಗನೇತರಃ। ಉವಾಚ ವಚನಂ ಸರ್ಪಾಂಸ್ತೇನ ದುಃಖೇನ ದುಃಖಿತಃ॥ 1-27-14 (1410) ಕಿಮಾಹೃತ್ಯ ವಿದಿತ್ವಾ ವಾ ಕಿಂ ವಾ ಕೃತ್ವೇಹ ಪೌರುಷಂ। ದಾಸ್ಯಾದ್ವೋ ವಿಪ್ರಮುಚ್ಯೇಯಂ ತಥ್ಯಂ ವದತ ಲೇಲಿಹಾಃ॥ 1-27-15 (1411) ಸೌತಿರುವಾಚ। 1-27-16x (108) ಶ್ರುತ್ವಾ ಸಮಬ್ರುವನ್ಸರ್ಪಾ ಆಹರಾಮೃತಮೋಜಸಾ। ತತೋ ದಾಸ್ಯಾದ್ವಿಪ್ರಮೋಕ್ಷೋ ಭವಿತಾ ತವ ಖೇಚರ॥ ॥ 1-27-16 (1412) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಸಪ್ತವಿಂಶೋಽಧ್ಯಾಯಃ॥ 27 ॥

1-28-0 (1413) ಸೌತಿರುವಾಚ। 1-28-0x (109) ಇತ್ಯುಕ್ತೋ ಗರುಡಃ ಸರ್ಪೈಸ್ತತೋ ಮಾತರಮಬ್ರವೀತ್। ಗಚ್ಛಾಂಯಮೃತಮಾಹರ್ತುಂ ಭಕ್ಷ್ಯಮಿಚ್ಛಾಮಿ ವೇದಿತುಂ॥ 1-28-1 (1414) ವಿನತೋವಾಚ। 1-28-2x (110) ಸಮುದ್ರಕುಕ್ಷಾವೇಕಾಂತೇ ನಿಷಾದಾಲಯಮುತ್ತಮಂ। `ಭವನಾನಿ ನಿಷಾದಾನಾಂ ತತ್ರ ಸಂತಿ ದ್ವಿಜೋತ್ತಮ॥ 1-28-2 (1415) ಪಾಪಿನಾಂ ನಷ್ಟಲೋಕಾನಾಂ ನಿರ್ಘೃಣಾನಾಂ ದುರಾತ್ಮನಾಂ'। ನಿಷಾದಾನಾಂ ಸಹಸ್ರಾಣಿ ತಾನ್ಭುಕ್ತ್ವಾಽಮೃತಮಾನಯ॥ 1-28-3 (1416) ನ ಚ ತೇ ಬ್ರಾಹ್ಮಣಂ ಹಂತುಂ ಕಾರ್ಯಾ ಬುದ್ಧಿಃ ಕಥಂಚನ। ಅವಧ್ಯಃ ಸರ್ವಭೂತಾನಾಂ ಬ್ರಾಹ್ಮಣೋ ಹ್ಯನಲೋಪಮಃ॥ 1-28-4 (1417) ಅಗ್ನಿರರ್ಕೋ ವಿಷಂ ಶಸ್ತ್ರಂ ವಿಪ್ರೋ ಭವತಿ ಕೋಪಿತಃ। ಗುರುರ್ಹಿ ಸರ್ವಭೂತಾನಾಂ ಬ್ರಾಹ್ಮಣಃ ಪರಿಕೀರ್ತಿತಃ॥ 1-28-5 (1418) ಏವಮಾದಿಸ್ವರೂಪೈಸ್ತು ಸತಾಂ ವೈ ಬ್ರಾಹ್ಮಣೋ ಮತಃ। ಸ ತೇ ತಾತ ನ ಹಂತವ್ಯಃ ಸಂಕ್ರುದ್ಧೇನಾಪಿ ಸರ್ವಥಾ॥ 1-28-6 (1419) ಬ್ರಾಹ್ಮಣಾನಾಮಭಿದ್ರೋಹೋ ನ ಕರ್ತವ್ಯಃ ಕಥಂಚನ। ನ ಹ್ಯೇವಮಗ್ನಿರ್ನಾದಿತ್ಯೋ ಭಸ್ಮ ಕುರ್ಯಾತ್ತಥಾನಘ॥ 1-28-7 (1420) ಯಥಾ ಕುರ್ಯಾದಭಿಕ್ರುದ್ಧೋ ಬ್ರಾಹ್ಮಣಃ ಸಂಶಿತವ್ರತಃ। ತದೇತೈರ್ವಿವಿಧೈರ್ಲಿಂಗೈಸ್ತ್ವಂ ವಿದ್ಯಾಸ್ತಂ ದ್ವಿಜೋತ್ತಮಂ॥ 1-28-8 (1421) ಭೂತಾನಾಮಗ್ರಭೂರ್ವಿಪ್ರೋ ವರ್ಣಶ್ರೇಷ್ಠಃ ಪಿತಾ ಗುರುಃ। 1-28-9 (1422) ಗರುಡ ಉವಾಚ। ಕಿಂರೂಪೋ ಬ್ರಾಹ್ಮಣೋ ಮಾತಃ ಕಿಂಶೀಲಃ ಕಿಂಪರಾಕ್ರಮಃ॥ 1-28-9x (111) ಕಿಂಸ್ವಿದಗ್ನಿನಿಭೋ ಭಾತಿ ಕಿಂಸ್ವಿತ್ಸೌಂಯಪ್ರದರ್ಶನಃ। ಯಥಾಹಮಭಿಜಾನೀಯಾಂ ಬ್ರಾಹ್ಮಣಂ ಲಕ್ಷಣೈಃ ಶುಭೈಃ॥ 1-28-10 (1423) ತನ್ಮೇ ಕಾರಣತೋ ಮಾತಃ ಪೃಚ್ಛತೋ ವಕ್ತುಮರ್ಹಸಿ। 1-28-11 (1424) ವಿನತೋವಾಚ। ಯಸ್ತೇ ಕಂಠಮನುಪ್ರಾಪ್ತೋ ನಿಗೀರ್ಣಂ ಬಡಿಶಂ ಯಥಾ॥ 1-28-11x (112) ದಹೇದಂಗಾರವತ್ಪುತ್ರಂ ತಂ ವಿದ್ಯಾದ್ಬ್ರಾಹ್ಮಣರ್ಷಭಂ। ವಿಪ್ರಸ್ತ್ವಯಾ ನ ಹಂತವ್ಯಃ ಸಂಕ್ರುದ್ಧೇನಾಪಿ ಸರ್ವದಾ॥ 1-28-12 (1425) ಪ್ರೋವಾಚ ಚೈನ ವಿನತಾ ಪುತ್ರಹಾರ್ದಾದಿದಂ ವಚಃ। ಜಠರೇ ನ ಚ ಜೀರ್ಯೇದ್ಯಸ್ತಂ ಜಾನೀಹಿ ದ್ವಿಜೋತ್ತಮಂ॥ 1-28-13 (1426) ಪುನಃ ಪ್ರೋವಾಚ ವಿನತಾ ಪುತ್ರಹಾರ್ದಾದಿದಂ ವಚಃ। ಜಾನಂತ್ಯಪ್ಯತುಲಂ ವೀರ್ಯಮಾಶೀರ್ವಾದಪರಾಯಣಾ॥ 1-28-14 (1427) ಪ್ರೀತಾ ಪರಮದುಃಖಾರ್ತಾ ನಾಗೈರ್ವಿಪ್ರಕೃತಾ ಸತೀ। 1-28-15 (1428) ವಿನತೋವಾಚ। ಪಕ್ಷೌ ತೇ ಮಾರುತಃ ಪಾತು ಚಂದ್ರಸೂರ್ಯೌ ಚ ಪೃಷ್ಠತಃ॥ 1-28-15x (113) ಶಿರಶ್ಚ ಪಾತು ವಹ್ನಿಸ್ತೇ ವಸವಃ ಸರ್ವತಸ್ತನುಂ। `ವಿಷ್ಣುಃ ಸರ್ವಗತಃ ಸರ್ವಮಹ್ಗಾನಿ ತವ ಚೈವ ಹ।' ಅಹಂ ಚ ತೇ ಸದಾ ಪುತ್ರ ಶಾಂತಿಸ್ವಸ್ತಿಪರಾಯಣಾ॥ 1-28-16 (1429) ಇಹಾಸೀನಾ ಭವಿಷ್ಯಾಮಿ ಸ್ವಸ್ತಿಕಾರೇ ರತಾ ಸದಾ। ಅರಿಷ್ಟಂ ವ್ರಜ ಪಂಥಾನಂ ಪುತ್ರ ಕಾರ್ಯಾರ್ಥಸಿದ್ಧಯೇ॥ 1-28-17 (1430) ಸೌತಿರುವಾಚ। 1-28-18x (114) ತತಃ ಸ ಮಾತುರ್ವಚನಂ ನಿಶಂಯ ವಿತತ್ಯ ಪಕ್ಷೌ ನಭ ಉತ್ಪಪಾತ। ತತೋ ನಿಷಾದಾನ್ಬಲವಾನುಪಾಗತೋ ಬುಭುಕ್ಷಿತಃ ಕಾಲ ಇವಾಂತಕೋಽಪರಃ॥ 1-28-18 (1431) ಸ ತಾನ್ನಿಷಾದಾನುಪಸಂಹರಂಸ್ತದಾ ರಜಃ ಸಮುದ್ಧೂಯ ನಭಃಸ್ಪೃಶಂ ಮಹತ್। ಸಮುದ್ರಕುಕ್ಷೌ ಚ ವಿಶೋಷಯನ್ಪಯಃ ಸಮೀಪಜಾನ್ಭೂಧರಜಾನ್ವಿಚಾಲಯನ್॥ 1-28-19 (1432) ತತಃ ಸ ಚಕ್ರೇ ಮಹದಾನನಂ ತದಾ ನಿಷಾದಮಾರ್ಗಂ ಪ್ರತಿರುಧ್ಯ ಪಕ್ಷಿರಾಟ್। ತತೋ ನಿಷಾದಾಸ್ತ್ವರಿತಾಃ ಪ್ರವವ್ರಜು- ರ್ಯತೋ ಮುಖಂ ತಸ್ಯ ಭುಜಂಗಭೋಜಿನಃ॥ 1-28-20 (1433) ತದಾನನಂ ವಿವೃತಮತಿಪ್ರಮಾಣವ- ತ್ಸಮಭ್ಯಯುರ್ಗಗನಮಿವಾರ್ದಿತಾಃ ಖಗಾಃ। ಸಹಸ್ರಶಃ ಪವನಜೋವಿಮೋಹಿತಾ ಯಥಾ।ಞನಿಲಪ್ರಚಲಿತಪಾದಪೇ ವನೇ॥ 1-28-21 (1434) ತತಃ ಖಗೋ ವದನಮಮಿತ್ರತಾಪನಃ ಸಮಾಹರತ್ಪರಿಚಪಲೋ ಮತ್ಬಲಾಃ। ನಿಷೂದಯನ್ಬಹುವಿಧಮತ್ಸ್ಯಜೀವಿನೋ ಬಭುಕ್ಷಿತೋ ಗಗನಚರೇಶ್ವರಸ್ತದಾ॥ ॥ 1-28-22 (1435) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಅಷ್ಟಾವಿಂಶೋಽಧ್ಯಾಯಃ॥ 28 ॥

1-29-0 (1436) ಸೌತಿರುವಾಚ। 1-29-0x (115) ತಸ್ಯ ಕಂಠಮನುಪ್ರಾಪ್ತೋ ಬ್ರಾಹ್ಮಣಃ ಸಹ ಭಾರ್ಯಯಾ। ದಹಂದೀಪ್ತ ಇವಾಂಗಾರಸ್ತಮುವಾಚಾಂತರಿಕ್ಷಗಃ॥ 1-29-1 (1437) ದ್ವಿಜೋತ್ತಮ ವಿನಿರ್ಗಚ್ಛ ತೂರ್ಣಮಾಸ್ಯಾದಪಾವೃತಾತ್। ನ ಹಿ ಮೇ ಬ್ರಾಹ್ಮಣೋ ವಧ್ಯಃ ಪಾಪೇಷ್ವಪಿ ರತಃ ಸದಾ॥ 1-29-2 (1438) ಸೌತಿರುವಾಚ। 1-29-3x (116) ಬ್ರುವಾಣಮೇವಂ ಗರುಡಂ ಬ್ರಾಹ್ಮಣಃ ಪ್ರತ್ಯಭಾಷತ। ನಿಷಾದೀ ಮಮ ಭಾರ್ಯೇಯಂ ನಿರ್ಗಚ್ಛತು ಮಯಾ ಸಹ॥ 1-29-3 (1439) ಗರುಡ ಉವಾಚ। 1-29-4x (117) ಏತಾಮಪಿ ನಿಷಾದೀಂ ತ್ವಂ ಪರಿಗೃಹ್ಯಾಶು ನಿಷ್ಪತ। ತೂರ್ಣಂ ಸಂಭಾವಯಾತ್ಮಾನಮಜೀರ್ಣಂ ಮಮ ತೇಜಸಾ॥ 1-29-4 (1440) ಸೌತಿರುವಾಚ। 1-29-5x (118) ತತಃ ಸ ವಿಪ್ರೋ ನಿಷ್ಕ್ರಾಂತೋ ನಿಷಾದೀಸಹಿತಸ್ತದಾ। ವರ್ಧಯಿತ್ವಾ ಚ ಗರುಡಮಿಷ್ಟಂ ದೇಶಂ ಜಗಾಮ ಹ॥ 1-29-5 (1441) ಸಹಭಾರ್ಯೇ ವಿನಿಷ್ಕ್ರಾಂತೇ ತಸ್ಮಿನ್ವಿಪ್ರೇ ಸ ಪಕ್ಷಿರಾಟ್। ವಿತತ್ಯ ಪಕ್ಷಾವಾಕಾಶಮುತ್ಪಪಾತ ಮನೋಜವಃ॥ 1-29-6 (1442) ತತೋಽಪಶ್ಯತ್ಸ್ವಪಿತರಂ ಪೃಷ್ಟಶ್ಚಾಖ್ಯಾತವಾನ್ಪಿತುಃ। ಯಥಾನ್ಯಾಯಮಮೇಯಾತ್ಮಾ ತಂ ಚೋವಾಚ ಮಹಾನೃಷಿಃ॥ 1-29-7 (1443) ಕಶ್ಯಪ ಉವಾಚ। 1-29-8x (119) ಕಚ್ಚಿದ್ವಃ ಕುಶಲಂ ನಿತ್ಯಂ ಭೋಜನೇ ಬಹುಲಂ ಸುತ। ಕಚ್ಚಿಚ್ಚ ಮಾನುಷೇ ಲೋಕೇ ತವಾನ್ನಂ ವಿದ್ಯತೇ ಬಹು॥ `ಕ್ವ ಗಂತಾಸ್ಯತಿವೇಗೇನ ಮಮ ತ್ವಂ ವಕ್ತುಮರ್ಹಸಿ॥' 1-29-8 (1444) ಗರುಡ ಉವಾಚ। 1-29-9x (120) ಮಾತಾ ಮೇ ಕುಶಲಾ ಶಶ್ವತ್ತಥಾ ಭ್ರಾತಾ ತಥಾ ಹ್ಯಹಂ। ನ ಹಿ ಮೇ ಕುಶಲಂ ತಾತ ಭೋಜನೇ ಬಹುಲೇ ಸದಾ॥ 1-29-9 (1445) ಅಹಂ ಹಿ ಸರ್ಪೈಃ ಪ್ರಹಿತಃ ಸೋಮಮಾಹರ್ತುಮುತ್ತಮಂ। ಮಹಾತುರ್ದಾಸ್ಯವಿಮೋಕ್ಷಾರ್ಥಮಾಹರಿಷ್ಯೇ ತಮದ್ಯ ವೈ॥ 1-29-10 (1446) ಮಾತ್ರಾ ಚಾತ್ರ ಸಮಾದಿಷ್ಟೋ ನಿಷಾದಾನ್ಭಕ್ಷಯೇತಿ ಹ। ನ ಚ ಮೇ ತೃಪ್ತಿರಭವದ್ಭಕ್ಷಯಿತ್ವಾ ಸಹಸ್ರಶಃ॥ 1-29-11 (1447) ತಸ್ಮಾದ್ಭಕ್ಷ್ಯಂ ತ್ವಮಪರಂ ಭಗವನ್ಪ್ರದಿಶಸ್ವ ಮೇ। ಯದ್ಭುಕ್ತ್ವಾಽಮೃತಮಾಹರ್ತುಂ ಸಮರ್ತಃ ಸ್ಯಾಮಹಂ ಪ್ರಭೋ॥ 1-29-12 (1448) ಕ್ಷುತ್ಪಿಪಾಸಾವಿಘಾತಾರ್ಥಂ ಭಕ್ಷ್ಯಮಾಖ್ಯಾತು ಮೇ ಭವಾನ್। 1-29-13 (1449) ಕಶ್ಯಪ ಉವಾಚ। ಇದಂ ಸರೋ ಮಹಾಪುಣ್ಯಂ ದೇವಲೋಕೇಽಪಿ ವಿಶ್ರುತಂ॥ 1-29-13x (121) ಯತ್ರ ಕೂರ್ಮಾಗ್ರಜಂ ಹಸ್ತೀ ಸದಾ ಕರ್ಷತ್ಯವಾಙ್ಮುಖಃ। ತಯೋರ್ಜನ್ಮಾಂತರೇ ವೈರಂ ಸಂಪ್ರವಕ್ಷ್ಯಾಂಯಸೋಷತಃ॥ 1-29-14 (1450) ತನ್ಮೇ ತತ್ತ್ವಂ ನಿಬೋಧಸ್ಯ ಯತ್ಪ್ರಮಾಣೌ ಚ ತಾವುಭೌ। `ಶೃಣು ತ್ವಂ ವತ್ಸ ಭದ್ರಂ ತೇ ಕಥಾಂ ವೈರಾಗ್ಯವರ್ಧಿನೀಂ॥ 1-29-15 (1451) ಪಿತ್ರೋರರ್ಥವಿಭಾಗೇ ವೈ ಸಮುತ್ಪನ್ನಾಂ ಪುರಾಂಡಜ।' ಆಸೀದ್ವಿಭಾವಸುರ್ನಾಮ ಮಹರ್ಷಿಃ ಕೋಪನೋ ಭೃಶಂ॥ 1-29-16 (1452) ಭ್ರಾತಾ ತಸ್ಯಾನುಜಶ್ಚಾಸೀತ್ಸುಪ್ರತೀಕೋ ಮಹಾತಪಾಃ। ಸ ನೇಚ್ಛತಿ ಧನಂ ಭ್ರಾತ್ರಾ ಸಹೈಕಸ್ಥಂ ಮಹಾಮುನಿಃ॥ 1-29-17 (1453) ವಿಭಾಗಂ ಕೀರ್ತಯತ್ಯೇವ ಸುಪ್ರತೀಕೋ ಹಿ ನಿತ್ಯಶಃ। ಅಥಾಬ್ರವೀಚ್ಚ ತಂ ಭ್ರಾತಾ ಸುಪ್ರತೀಕಂ ವಿಭಾವಸುಃ॥ 1-29-18 (1454) `ವಿಭಾಗೇ ಬಹವೋ ದೋಷಾ ಭವಿಷ್ಯಂತಿ ಮಹಾತಪಃ।' ವಿಭಾಗಂ ಬಹವೋ ಮೋಹಾತ್ಕರ್ತುಮಿಚ್ಛಂತಿ ನಿತ್ಯಶಃ। ತತೋ ವಿಭಕ್ತಾಸ್ತ್ವನ್ಯೋನ್ಯಂ ನಾದ್ರಿಯಂತೇಽರ್ಥಮೋಹಿತಾಃ॥ 1-29-19 (1455) ತತಃ ಸ್ವಾರ್ಥಪರಾನ್ಮೂಢಾನ್ಪೃಥಗ್ಭೂತಾನ್ಸ್ವಕೈರ್ಧನೈಃ। ವಿದಿತ್ವಾ ಭೇದಯಂತ್ಯೇತಾನಮಿತ್ರಾ ಮಿತ್ರರೂಪಿಣಃ॥ 1-29-20 (1456) ವಿದಿತ್ವಾ ಚಾಪರೇ ಭಿನ್ನಾನಂತರೇಷು ಪತಂತ್ಯಥ। ಭಿನ್ನಾನಾಮತುಲೋ ನಾಶಃ ಕ್ಷಿಪ್ರಮೇವ ಪ್ರವರ್ತತೇ॥ 1-29-21 (1457) ತಸ್ಮಾದ್ವಿಭಾಗಂ ಭ್ರಾತೄಣಾಂ ನ ಪ್ರಶಂಸಂತಿ ಸಾಧವಃ। `ಏವಮುಕ್ತಃ ಸುಪ್ರತೀಕೋ ಭಾಗಂ ಕೀರ್ತಯತೇಽನಿಶಂ॥ 1-29-22 (1458) ಏವಂ ನಿರ್ಬಧ್ಯಮಾನಸ್ತು ಶಶಾಪೈನಂ ವಿಭಾವಸುಃ।' ಗುರುಶಾಸ್ತ್ರೇಽನಿಬದ್ಧಾನಾಮನ್ಯೋನ್ಯೇನಾಭಿಶಂಕಿನಾಂ॥ 1-29-23 (1459) ನಿಯಂತು ನ ಹಿ ಶಕ್ಯಸ್ತ್ವಂ ಭೇದತೋ ಧನಮಿಚ್ಛಸಿ। ಯಸ್ಮಾತ್ತಸ್ಮಾತ್ಸುಪ್ರತೀಕ ಹಸ್ತಿತ್ವಂ ಸಮವಾಪ್ಸ್ಯಸಿ॥ 1-29-24 (1460) ಕಶ್ಯಪ ಉವಾಚ। 1-29-25x (122) ಶಪ್ತಸ್ತ್ವೇವಂ ಸುಪ್ರತೀಕೋ ವಿಭಾವಸುಮಥಾಬ್ರವೀತ್। ತ್ವಮಪ್ಯಂತರ್ಜಲಚರಃ ಕಚ್ಛಪಃ ಸಂಭವಿಷ್ಯಸಿ॥ 1-29-25 (1461) ಏವಮನ್ಯೋನ್ಯಶಾಪಾತ್ತೌ ಸುಪ್ರತೀಕವಿಭಾವಸೂ। ಗಜಕಚ್ಛಪತಾಂ ಪ್ರಾಪ್ತಾವರ್ಥಾರ್ಥಂ ಮೂಢಚೇತಸೌ॥ 1-29-26 (1462) ರೋಷದೋಷಾನುಷಂಗೇಣ ತಿರ್ಯಗ್ಯೋನಿಗತಾವಪಿ। ಪರಸ್ಪರದ್ವೇಷರತೌ ಪ್ರಮಾಣಬಲದರ್ಪಿತೌ॥ 1-29-27 (1463) ಸರಸ್ಯಸ್ಮಿನ್ಮಹಾಕಾಯೌ ಪೂರ್ವವೈರಾನುಸಾರಿಣೌ। ತಯೋರನ್ಯತರಃ ಶ್ರೀಮಾನ್ಸಮುಪೈತಿ ಮಹಾಗಜಃ॥ 1-29-28 (1464) ಯಸ್ಯ ಬೃಂಹಿತಶಬ್ದೇನ ಕೂರ್ಮೋಽಪ್ಯಂತರ್ಜಲೇಶಯಃ। ಉತ್ಥಿತೋಽಸೌ ಮಹಾಕಾಯಃ ಕೃತ್ಸ್ನಂ ವಿಕ್ಷೋಭಯನ್ಸರಃ॥ 1-29-29 (1465) ತಂ ದೃಷ್ಟ್ವಾಽಽವೇಷ್ಟಿತಕರಃ ಪತತ್ಯೇಷ ಗಜೋ ಜಲಂ। ದಂತಹಸ್ತಾಗ್ರಲಾಂಗೂಲಪಾದವೇಗೇನ ವೀರ್ಯವಾನ್॥ 1-29-30 (1466) ವಿಕ್ಷೋಭಯಂಸ್ತತೋ ನಾಗಃ ಸರೋ ಬಹುಝಷಾಕುಲಂ। ಕೂರ್ಮೋಽಪ್ಯಭ್ಯುದ್ಯತಶಿರಾ ಯುದ್ಧಾಯಾಭ್ಯೇತಿ ವೀರ್ಯವಾನ್॥ 1-29-31 (1467) ಷಡುಚ್ಛ್ರಿತೋ ಯೋಜನಾನಿ ಗಜಸ್ತದ್ದ್ವಿಗುಣಾಯತಃ। ಕೂರ್ಮಸ್ತ್ರಿಯೋಜನೋತ್ಸೇಧೋ ದಶಯೋಜನಮಂಡಲಃ॥ 1-29-32 (1468) ತಾವುಭೌ ಯುದ್ಧಸಂಮತ್ತೌ ಪರಸ್ಪರವಧೈಷಿಣೌ। ಉಪಯುಜ್ಯಾಶು ಕರ್ಮೇದಂ ಸಾಧಯೇ ಹಿತಮಾತ್ಮನಃ॥ 1-29-33 (1469) ಮಹಾಭ್ರಘನಸಂಕಾಶಂ ತಂ ಭುಕ್ತ್ವಾಮೃತಮಾನಯ। ಮಹಾಗಿರಿಸಮಪ್ರಖ್ಯಂ ಘೋರರೂಪಂ ಚ ಹಸ್ತಿನಂ॥ 1-29-34 (1470) ಸೌತಿರುವಾಚ। 1-29-35x (123) ಇತ್ಯುಕ್ತ್ವಾ ಗರುಡಂ ಸೋಽಥ ಮಾಂಗಲ್ಯಮಕರೋತ್ತದಾ। ಯುಧ್ಯತಃ ಸಹ ದೇವೈಸ್ತೇ ಯುದ್ಧೇ ಭವತು ಮಂಗಲಂ॥ 1-29-35 (1471) ಪೂರ್ಣಕುಂಭೋ ದ್ವಿಜಾ ಗಾವೋ ಯಚ್ಚಾನ್ಯತ್ಕಿಂಚಿದುತ್ತಮಂ। ಶುಭಂ ಸ್ವಸ್ತ್ಯಯನಂ ಚಾಪಿ ಭವಿಷ್ಯತಿ ತವಾಂಡಜಾ॥ 1-29-36 (1472) ಯುಧ್ಯಮಾನಸ್ಯ ಸಂಗ್ರಾಮೇ ದೇವೈಃ ಸಾರ್ಧಂ ಮಹಾಬಲ। ಋಚೋ ಯಜೂಂಷಿ ಸಾಮಾನಿ ಪವಿತ್ರಾಣಿ ಹವೀಂಷಿ ಚ॥ 1-29-37 (1473) ರಹಸ್ಯಾನಿ ಚ ಸರ್ವಾಣಿ ಸರ್ವೇ ವೇದಾಶ್ಚ ತೇ ಬಲಂ। `ವರ್ಧಯಿಷ್ಯಂತಿ ಸಮರೇ ಭವಿಷ್ಯತಿ ಖಗೋತ್ತಮ।' ಇತ್ಯುಕ್ತೋ ಗರುಡಃ ಪಿತ್ರಾ ಗತಸ್ತಂ ಹ್ವದಮಂತಿಕಾತ್॥ 1-29-38 (1474) ಅಪಶ್ಯನ್ನಿರ್ಮಲಜಲಂ ನಾನಾಪಕ್ಷಿಸಮಾಕುಲಂ। ಸ ತತ್ಸ್ಮೃತ್ವಾ ಪಿತುರ್ವಾಕ್ಯಂ ಭೀಮವೇಗೋಽಂತರಿಕ್ಷಗಃ॥ 1-29-39 (1475) ನಖೇನ ಗಜಮೇಕೇನ ಕೂರ್ಮಮೇಕೇನ ಚಾಕ್ಷಿಪತ್। ಸಧುತ್ಪಪಾತ ಚಾಕಾಶಂ ತತ ಉಚ್ಚೈರ್ವಿಹಂಗಮಃ॥ 1-29-40 (1476) ಸೋಽಲಂಬಂ ತೀರ್ಥಣಾಸಾದ್ಯ ದೇವವೃಕ್ಷಾನುಪಾಗಮತ್। ತೇ ಭೀತಾಃ ಸಮಕಂಪಂತ ತಸ್ಯ ಪಕ್ಷಾನಿಲಾಹತಾಃ॥ 1-29-41 (1477) ನ ನೋ ಭಂಜ್ಯಾದಿತಿ ತದಾ ದಿವ್ಯಾಃ ಕನಕಶಾಖಿನಃ। ಪ್ರಚಲಾಂಗಾನ್ಸ ತಾಂದೃಷ್ಟ್ವಾ ಮನೋರಥಫಲದ್ರುಮಾನ್॥ 1-29-42 (1478) ಅನ್ಯಾನತುಲರೂಪಾಂಗಾನುಪಚಕ್ರಾಮ ಖೇಚರಃ। ಕಾಂಚನೈ ರಾಜತೈಶ್ಚೈವ ಫಲೈರ್ವೈದೂರ್ಯಶಾಖಿನಃ। ಸಾಗರಾಂಬುಪರಿಕ್ಷಿಪ್ತಾನ್ಭ್ರಾಜಮಾನಾನ್ಮಹಾದ್ರುಮಾನ್॥ 1-29-43 (1479) `ತೇಷಾಂ ಮಧ್ಯೇ ಮಹಾನಾಸೀತ್ಪಾದಪಃ ಸುಮನೋಹರಃ। ಸಹಸ್ರಯೋಜನೋತ್ಸೇಧೋ ಬಹುಶಾಖಾಸಮನ್ವಿತಃ॥ 1-29-44 (1480) ಖಗಾನಾಮಾಲಯೋ ದಿವ್ಯೋ ನಾಂನಾ ರೌಹಿಣಪಾದಪಃ। ಯಸ್ಯ ಛಾಯಾಂ ಸಮಾಶ್ರಿತ್ಯ ಸದ್ಯೋ ಭವತಿ ನಿರ್ವೃತಃ;॥ 1-29-45 (1481) ತಮುವಾಚ ಖಗಶ್ರೇಷ್ಠಂ ತತ್ರ ರೌಹಿಣಪಾದಪಃ। ಅತಿಪ್ರವೃದ್ಧಃ ಸಮುಹಾನಾಪತಂತಂ ಮನೋಜವಂ॥ 1-29-46 (1482) ರೌಹಿಣ ಉವಾಚ। 1-29-47x (124) ಯೈಷಾ ಮಮ ಮಹಾಶಾಖಾ ಶತಯೋಜನಮಾಯತಾ। ಏತಾಮಾಸ್ಥಾಯ ಶಾಖಾಂ ತ್ವಂ ಖಾದೇಮೌ ಗಜಕಚ್ಛಪೌ॥ 1-29-47 (1483) ಸೌತಿರುವಾಚ। 1-29-48x (125) ತತೋ ದ್ರುಮಂ ಪತಗಸಹಸ್ರಸೇವಿತಂ ಮಹೀಧರಪ್ರತಿಮವಪುಃ ಪ್ರಕಂಪಯನ್। ಖಗೋತ್ತಮೋ ದ್ರುತಮಭಿಪತ್ಯ ವೇಗವಾ- ನ್ಬಭಂಜ ತಾಮವಿರಲಪತ್ರಸಂಚಯಾಂ॥ ॥ 1-29-48 (1484) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಏಕೋನತ್ರಿಂಶೋಽಧ್ಯಾಯಃ॥ 29 ॥

1-30-0 (1485) ಸೌತಿರುವಾಚ। 1-30-0x (126) ಸ್ಪಷ್ಟಮಾತ್ರಾ ತು ಪದ್ಭ್ಯಾಂ ಸಾ ಗರುಡೇನ ಬಲೀಯಸಾ। ಅಭಜ್ಯತ ತರೋಃ ಶಾಖಾ ಭಗ್ನಾಂ ಚೈಕಾಮಧಾರಯತ್॥ 1-30-1 (1486) ತಾಂ ಭಂಕ್ತ್ವಾ ಸ ಮಹಾಶಾಖಾಂ ಸ್ಮಯಮಾನೋ ವಿಲೋಕಯನ್। ಅಥಾತ್ರಂ ಲಂಬತೋಽಪಶ್ಯದ್ವಾಲಖಿಲ್ಯಾನಧೋಮುಖಾನ್॥ 1-30-2 (1487) ಋಷಯೋ ಹ್ಯತ್ರ ಲಂಬಂತೇ ನ ಹನ್ಯಾಮಿತಿ ತಾನೃಷೀನ್। ತಪೋರತಾಂಲ್ಲಂಬಮಾನಾನ್ಬ್ರಹ್ಮರ್ಷೀನಭಿವೀಕ್ಷ್ಯ ಸಃ॥ 1-30-3 (1488) ಹನ್ಯಾದೇತಾನ್ಸಂಪತಂತೀ ಶಾಖೇತ್ಯಥ ವಿಚಿಂತ್ಯ ಸಃ। ನಖೈರ್ದೃಢತರಂ ವೀರಃ ಸಂಗೃಹ್ಯ ಗಜಕಚ್ಛಪೌ॥ 1-30-4 (1489) ಸ ತದ್ವಿನಾಶಸಂತ್ರಾಸಾದಭಿಪತ್ಯ ಸ್ವಗಾಧಿಪಃ। ಶಾಖಾಮಾಸ್ಯೇನ ಜಗ್ರಾಹ ತೇಷಾಮೇವಾನ್ವವೇಕ್ಷಯಾ॥ 1-30-5 (1490) ಅತಿದೈವಂ ತು ತತ್ತಸ್ಯ ಕರ್ಮ ದೃಷ್ಟ್ವಾ ಮಹರ್ಷಯಃ। ವಿಸ್ಮಯೋತ್ಕಂಪಹೃದಯಾ ನಾಮ ಚಕ್ರುರ್ಮಹಾಖಗೇ॥ 1-30-6 (1491) ಗುರುಂ ಭಾರಂ ಸಮಾಸಾದ್ಯೋಡ್ಡೀನ ಏಷ ವಿಹಂಗಮಃ। ಗರುಡಸ್ತು ಖಗಶ್ರೇಷ್ಠಸ್ತಸ್ಮಾತ್ಪನ್ನಗಭೋಜನಃ॥ 1-30-7 (1492) ತತಃ ಶನೈಃ ಪರ್ಯಪತತ್ಪಕ್ಷೈಃ ಶೈಲಾನ್ಪ್ರಕಂಪಯನ್। ಏವಂ ಸೋಽಭ್ಯಪತದ್ದೇಶಾನ್ಬಹೂನ್ಸಗಜಕಚ್ಛಪಃ॥ 1-30-8 (1493) ದಯಾರ್ಥಂ ವಾಲಖಿಲ್ಯಾನಾಂ ನ ಚ ಸ್ಥಾನಮವಿಂದತ। ಸ ಗತ್ವಾ ಪರ್ವತಶ್ರೇಷ್ಠಂ ಗಂಧಮಾದನಮಂಜಸಾ॥ 1-30-9 (1494) ದದರ್ಶ ಕಶ್ಯಪಂ ತತ್ರ ಪಿತರಂ ತಪಸಿ ಸ್ಥಿತಂ। ದದರ್ಶ ತಂ ಪಿತಾ ಚಾಪಿ ದಿವ್ಯರೂಪಂ ವಿಹಂಗಮಂ॥ 1-30-10 (1495) ತೇಜೋವೀರ್ಯಬಲೋಪೇತಂ ಮನೋಮಾರುತರಂಹಸಂ। ಶೈಲಶೃಂಗಪ್ರತೀಕಾಶಂ ಬ್ರಹ್ಮದಂಡಮಿವೋದ್ಯತಂ॥ 1-30-11 (1496) ಅಚಿಂತ್ಯಮನಭಿಧ್ಯೇಯಂ ಸರ್ವಭೂತಭಯಂಕರಂ। ಮಹಾವೀರ್ಯಧರಂ ರೌದ್ರಂ ಸಾಕ್ಷಾದಗ್ನಿಮಿವೋದ್ಯತಂ॥ 1-30-12 (1497) ಅಪ್ರಧೃಷ್ಯಮಜೇಯಂ ಚ ದೇವದಾನವರಾಕ್ಷಸೈಃ। ಭೇತ್ತಾರಂ ಗಿರಿಶೃಂಗಾಣಾಂ ಸಮುದ್ರಜಲಶೋಷಣಂ॥ 1-30-13 (1498) ಲೋಕಸಂಲೋಡನಂ ಘೋರಂ ಕೃತಾಂತಸಮದರ್ಶನಂ। ತಮಾಗತಮಭಿಪ್ರೇಕ್ಷ್ಯ ಭಗವಾನ್ಕಶ್ಯಪಸ್ತದಾ। ವಿದಿತ್ವಾ ಚಾಸ್ಯಂ ಸಂಕಲ್ಪಮಿದಂ ವಚನಮಬ್ರವೀತ್॥ 1-30-14 (1499) ಕಶ್ಯಪ ಉವಾಚ। 1-30-15x (127) ಪುತ್ರ ಮಾ ಸಾಹಸಂ ಕಾರ್ಷೀರ್ಮಾ ಸದ್ಯೋ ಲಪ್ಸ್ಯಸೇ ವ್ಯಥಾಂ। ಮಾ ತ್ವಾಂ ದಹೇಯುಃ ಸಂಕ್ರುದ್ಧಾ ವಾಲಖಿಲ್ಯಾ ಮರೀಚಿಪಾಃ॥ 1-30-15 (1500) ಸೌತಿರುವಾಚ। 1-30-16x (128) ತತಃ ಪ್ರಸಾದಯಾಮಾಸ ಕಶ್ಯಪಃ ಪುತ್ರಕಾರಣಾತ್। ವಾಲಖಿಲ್ಯಾನ್ಮಹಾಭಾಗಾಂಸ್ತಪಸಾ ಹತಕಲ್ಮಷಾನ್॥ 1-30-16 (1501) ಕಶ್ಯಪ ಉವಾಚ। 1-30-17x (129) ಪ್ರಜಾಹಿತಾರ್ಥಮಾರಂಭೋ ಗರುಡಸ್ಯ ತಪೋಧನಾಃ। ಚಿಕೀರ್ಷತಿ ಮಹತ್ಕರ್ಮ ತದನುಜ್ಞಾತುಮರ್ಹಥ॥ 1-30-17 (1502) ಸೌತಿರುವಾಚ। 1-30-18x (130) ಏವಮುಕ್ತಾ ಭಗವತಾ ಮುನಯಸ್ತೇ ಸಮಭ್ಯಯುಃ। ಮುಕ್ತ್ವಾ ಶಾಖಾಂ ಗಿರಿಂ ಪುಣ್ಯಂ ಹಿಮವಂತ ತಪೋಽರ್ಥಿನಃ॥ 1-30-18 (1503) ತತಸ್ತೇಷ್ವಪಯಾತೇಷು ಪಿತರಂ ವಿನತಾಸುತಃ। ಶಾಖಾವ್ಯಾಕ್ಷಿಪ್ತವದನಃ ಪರ್ಯಪೃಚ್ಛತ ಕಶ್ಯಪಂ॥ 1-30-19 (1504) ಭಗವನ್ಕ್ವ ವಿಮುಂಚಾಮಿ ತರೋಃ ಶಾಖಾಮಿಮಾಮಹಂ। ವರ್ಜಿತಂ ಮಾನುಷೈರ್ದೇಶಮಾಖ್ಯಾತು ಭಗವಾನ್ಮಮ॥ 1-30-20 (1505) ಸೌತಿರುವಾಚ। 1-30-21x (131) ತತೋ ನಿಃಪುರುಷಂ ಶೈಲಂ ಹಿಮಸಂರುದ್ಧಕಂದರಂ। ಅಗಂಯಂ ಮನಸಾಪ್ಯನ್ಯೈಸ್ತಸ್ಯಾಚಖ್ಯೌ ಸ ಕಶ್ಯಪಃ॥ 1-30-21 (1506) ತಂ ಪರ್ವತಂ ಮಹಾಕುಕ್ಷಿಮುದ್ದಿಶ್ಯ ಸ ಮಹಾಖಗಃ। ಜವೇನಾಭ್ಯಪತತ್ತಾರ್ಕ್ಷ್ಯಃ ಸಶಾಖಾಗಜಕಚ್ಛಪಃ॥ 1-30-22 (1507) ನ ತಾಂ ವಧ್ರೀ ಪರಿಣಹೇಚ್ಛತಚರ್ಮಾ ಮಹಾತನುಂ। ಶಾಖಿನೋ ಮಹತೀಂ ಶಾಖಾಂ ಯಾಂ ಪ್ರಗೃಹ್ಯ ಯಯೌ ಖಗಃ॥ 1-30-23 (1508) ಸ ತತಃ ಶತಸಾಹಸ್ರಂ ಯೋಜನಾಂತರಮಾಗತಃ। ಕಾಲೇನ ನಾತಿಮಹತಾ ಗರುಡಃ ಪತಗೇಶ್ವರಃ॥ 1-30-24 (1509) ಸ ತಂ ಗತ್ವಾ ಕ್ಷಣೇನೈವ ಪರ್ವತಂ ವಚನಾತ್ಪಿತುಃ। ಅಮುಂಚನ್ಮಹತೀಂ ಶಾಖಾಂ ಸಸ್ವನಂ ತತ್ರ ಖೇಚರಃ॥ 1-30-25 (1510) ಪಕ್ಷಾನಿಲಹತಶ್ಚಾಸ್ಯ ಪ್ರಾಕಂಪತ ಸ ಶೈಲರಾಟ್। ಮುಮೋಚ ಪುಷ್ಪವರ್ಷಂ ಚ ಸಮಾಗಲಿತಪಾದಪ॥ 1-30-26 (1511) ಶೃಂಗಾಣಿ ಚ ವ್ಯಶೀರ್ಯಂತ ಗಿರೇಸ್ತಸ್ಯ ಸಮಂತತಃ। ಮಣಿಕಾಂಚನಚಿತ್ರಾಣಿ ಶೋಭಯಂತಿ ಮಹಾಗಿರಿಂ॥ 1-30-27 (1512) ಶಾಖಿನೋ ಬಹವಶ್ಚಾಪಿ ಶಾಖಯಾಽಭಿಹತಾಸ್ತಯಾ। ಕಾಂಚನೈಃ ಕುಸುಮೈರ್ಭಾಂತಿ ವಿದ್ಯುತ್ವಂತ ಇವಾಂಬುದಾಃ॥ 1-30-28 (1513) ತೇ ಹೇಮವಿಕಚಾ ಭೂಮೌ ಯುತಾಃ ಪರ್ವತಧಾತುಭಿಃ। ವ್ಯರಾಜಂಛಾಖಿನಸ್ತತ್ರ ಸೂರ್ಯಾಂಶುಪ್ರತಿರಂಜಿತಾಃ॥ 1-30-29 (1514) ತತಸ್ತಸ್ಯ ಗಿರೇಃ ಶೃಂಗಮಾಸ್ಥಾಯ ಸ ಖಗೋತ್ತಮಃ। ಭಕ್ಷಯಾಮಾಸ ಗರುಡಸ್ತಾವುಭೌ ಗಜಕಚ್ಛಪೌ॥ 1-30-30 (1515) ತಾವುಭೌ ಭಕ್ಷಯಿತ್ವಾ ತು ಸ ತಾರ್ಕ್ಷ್ಯಃ ಕೂರ್ಮಕುಂಜರೌ। ತತಃ ಪರ್ವತಕೂಟಾಗ್ರಾದುತ್ಪಪಾತ ಮಹಾಜವಃ॥ 1-30-31 (1516) ಪ್ರಾವರ್ತಂತಾಥ ದೇವಾನಾಮುತ್ಪಾತಾ ಭಯಶಂಸಿನಃ। ಇಂದ್ರಸ್ಯ ವಜ್ರಂ ದಯಿತಂ ಪ್ರಜಜ್ವಾಲ ಭಯಾತ್ತತಃ॥ 1-30-32 (1517) ಸಧೂಮಾ ನ್ಯಪತತ್ಸಾರ್ಚಿರ್ದಿವೋಲ್ಕಾ ನಭಸಶ್ಚ್ಯುತಾ। ತಥಾ ವಸೂನಾಂ ರುದ್ರಾಣಾಮಾದಿತ್ಯಾನಾಂ ಚ ಸರ್ವಶಃ॥ 1-30-33 (1518) ಸಾಧ್ಯಾನಾಂ ಮರುತಾಂ ಚೈವ ಯೇ ಚಾನ್ಯೇ ದೇವತಾಗಣಾಃ। ಸ್ವಂ ಸ್ವಂ ಪ್ರಹರಣಂ ತೇಷಾಂ ಪರಸ್ಪರಮುಪಾದ್ರವತ್॥ 1-30-34 (1519) ಅಭೂತಪೂರ್ವಂ ಸಂಗ್ರಾಮೇ ತದಾ ದೇವಾಸುರೇಽಪಿ ಚ। ವವುರ್ವಾತಾಃ ಸನಿರ್ಘಾತಾಃ ಪೇತುರುಲ್ಕಾಃ ಸಹಸ್ರಶಃ॥ 1-30-35 (1520) ನಿರಭ್ರಮೇವ ಚಾಕಾಶಂ ಪ್ರಜಗರ್ಜ ಮಹಾಸ್ವನಂ। ದೇವಾನಾಮಪಿ ಯೋ ದೇವಃ ಸೋಽಪ್ಯವರ್ಷತ ಶೋಣಿತಂ॥ 1-30-36 (1521) ಮಂಲುರ್ಮಾಲ್ಯಾನಿ ದೇವಾನಾಂ ನೇಶುಸ್ತೇಜಾಂಸಿ ಚೈವ ಹಿ। ಉತ್ಪಾತಮೇಘಾ ರೌದ್ರಾಶ್ಚ ವವೃಷುಃ ಶೋಣಿತಂ ಬಹು॥ 1-30-37 (1522) ರಜಾಂಸಿ ಮುಕುಟಾನ್ಯೇಷಾಮುತ್ಥಿತಾನಿ ವ್ಯಧರ್ಷಯನ್। ತತಸ್ತ್ರಾಸಸಮುದ್ವಿಗ್ನಃ ಸಹ ದೇವೈಃ ಶತಕ್ರತುಃ। ಉತ್ಪಾತಾಂದಾರುಣಾನ್ಪಶ್ಯನ್ನಿತ್ಯುವಾಚ ಬೃಹಸ್ಪತಿಂ॥ 1-30-38 (1523) ಕಿಮರ್ಥಂ ಭಗವನ್ಘೋರಾ ಉತ್ಪಾತಾಃ ಸಹಸೋತ್ಥಿತಾಃ। ನ ಚ ಶತ್ರುಂ ಪ್ರಪಶ್ಯಾಮಿ ಯುಧಿ ಯೋ ನಃ ಪ್ರಧರ್ಷಯೇತ್॥ 1-30-39 (1524) ಬೃಹಸ್ಪತಿರುವಾಚ। 1-30-40x (132) ತವಾಪರಾಧಾದ್ದೇವೇಂದ್ರ ಪ್ರಮಾದಾಚ್ಚ ಶತಕ್ರತೋ। ತಪಸಾ ವಾಲಖಿಲ್ಯಾನಾಂ ಮಹರ್ಷೀಣಾಂ ಮಹಾತ್ಮನಾಂ॥ 1-30-40 (1525) ಕಶ್ಯಪಸ್ಯ ಮುನೇಃ ಪುತ್ರೋ ವಿನತಾಯಾಶ್ಚ ಖೇಚರಃ। ಹರ್ತುಂ ಸೋಮಮಭಿಪ್ರಾಪ್ತೋ ಬಲವಾನ್ಕಾಮರೂಪಧೃಕ್॥ 1-30-41 (1526) ಸಮರ್ಥೋ ಬಲಿನಾಂ ಶ್ರೇಷ್ಠೋ ಹರ್ತುಂ ಸೋಮಂ ವಿಹಂಗಮಃ। ಸರ್ವಂ ಸಂಭಾವಯಾಂಯಸ್ಮಿನ್ನಸಾಧ್ಯಮಪಿ ಸಾಧಯೇತ್॥ 1-30-42 (1527) ಸೌತಿರುವಾಚ। 1-30-43x (133) ಶ್ರುತ್ವೈತದ್ವಚನಂ ಶಕ್ರಃ ಪ್ರೋವಾಚಾಮೃತರಕ್ಷಿಣಃ। ಮಹಾವೀರ್ಯಬಲಃ ಪಕ್ಷೀ ಹರ್ತುಂ ಸೋಮಮಿಹೋದ್ಯತಃ॥ 1-30-43 (1528) ಯುಷ್ಮಾನ್ಸಂಬೋಧಯಾಂಯೇಷ `ಗೃಹೀತ್ವಾವರಣಾಯುಧಾನ್। ಪರಿವಾರ್ಯಾಮೃತಂ ಸರ್ವೇ ಯೂಯಂ ಮದ್ವಚನಾದಿಹ॥ 1-30-44 (1529) ರಕ್ಷಧ್ವಂ ವಿಬುಧಾ ವೀರಾ' ಯಥಾ ನ ಸ ಹರೇದ್ಬಲಾತ್। ಅತುಲಂ ಹಿ ಬಲಂ ತಸ್ಯ ಬೃಹಸ್ಪತಿರುವಾಚ ಹ॥ 1-30-45 (1530) ಸೌತಿರುವಾಚ। 1-30-46x (134) ತಚ್ಛ್ರುತ್ವಾ ವಿಬುಧಾ ವಾಕ್ಯಂ ವಿಸ್ಮಿತಾ ಯತ್ನಮಾಸ್ಥಿತಾಃ। ಪರಿವಾರ್ಯಾಮೃತಂ ತಸ್ಥೂರ್ವಜ್ರೀ ಚೇಂದ್ರಃ ಪ್ರತಾಪವಾನ್॥ 1-30-46 (1531) ಧಾರಯಂತೋ ವಿಚಿತ್ರಾಣಿ ಕಾಂಚನಾನಿ ಮನಸ್ವಿನಃ। ಕವಚಾನಿ ಮಹಾರ್ಹಾಣಿ ವೈದೂರ್ಯವಿಕೃತಾನಿ ಚ॥ 1-30-47 (1532) ಚರ್ಮಾಣ್ಯಪಿ ಚ ಗಾತ್ರೇಷು ಭಾನುಮಂತಿ ದೃಢಾನಿ ಚ। ವಿವಿಧಾನಿ ಚ ಶಸ್ತ್ರಾಣಿ ಘೋರರೂಪಾಣ್ಯನೇಕಶಃ॥ 1-30-48 (1533) ಶಿತತೀಕ್ಷ್ಣಾಗ್ರಧಾರಾಣಿ ಸಮುದ್ಯಂಯ ಸುರೋತ್ತಮಃ। ಸವಿಸ್ಫುಲಿಂಗಜ್ವಾಲಾನಿ ಸಧೂಮಾನಿ ಚ ಸರ್ವಶಃ॥ 1-30-49 (1534) ಚಕ್ರಾಣಿ ಪರಘಾಂಶ್ಚೈವ ತ್ರಿಶೂಲಾನಿ ಪರಶ್ವಧಾನ್। ಶಕ್ತೀಶ್ಚ ವಿವಿಧಾಸ್ತೀಕ್ಷ್ಣಾಃ ಕರವಾಲಾಂಶ್ಚ ನಿರ್ಮಲಾನ್। ಸ್ವದೇಹರೂಪಾಣ್ಯಾದಾಯ ಗದಾಶ್ಚೋಗ್ರಪ್ರದರ್ಶನಾಃ॥ 1-30-50 (1535) ತೈಃ ಶಸ್ತ್ರೈರ್ಭಾನುಮದ್ಭಿಸ್ತೇ ದಿವ್ಯಾಭರಣಭೂಷಿತಾಃ। ಭಾನುಮಂತಃ ಸುರಗಣಾಸ್ತಸ್ಥುರ್ವಿಗತಕಲ್ಮಷಾಃ॥ 1-30-51 (1536) ಅನುಪಮಬಲವೀರ್ಯತೇಜಸೋ ಧೃತಮನಸಃ ಪರಿರಕ್ಷಣೇಽಮೃತಸ್ಯ। ಅಸುರಪುರವಿದಾರಣಾಃ ಸುರಾ ಜ್ವಲನಸಮಿದ್ಧವಪುಃಪ್ರಕಾಶಿನಃ॥ 1-30-52 (1537) ಇತಿ ಸಮರವರಂ ಸುರಾಃ ಸ್ಥಿತಾಸ್ತೇ ಪರಿಘಸಹಸ್ರಶತೈಃ ಸಮಾಕುಲಂ। ವಿಗಲಿತಮಿವ ಚಾಂಬರಾಂತರಂ ತಪನಮರೀಚಿವಿಕಾಶಿತಂ ಬಭಾಸೇ॥ ॥ 1-30-53 (1538) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ತ್ರಿಂಶೋಽಧ್ಯಾಯಃ॥ 30 ॥

1-31-0 (1539) ಶೌನಕ ಉವಾಚ। 1-31-0x (135) ಕೋಽಪರಾಧೋ ಮಹೇಂದ್ರಸ್ಯ ಕಃ ಪ್ರಮಾದಶ್ಚ ಸೂತಜ। ತಪಸಾ ವಾಲಖಿಲ್ಯಾನಾಂ ಸಂಭೂತೋ ಗರುಡಃ ಕಥಂ॥ 1-31-1 (1540) ಕಶ್ಯಪಸ್ಯ ದ್ವಿಜಾತೇಶ್ಚ ಕಥಂ ವೈ ಪಕ್ಷಿರಾಟ್ ಸುತಃ। ಅಧೃಷ್ಟಃ ಸರ್ವಭೂತಾನಾಮವಧ್ಯಸ್ಚಾಭವತ್ಕಥಂ॥ 1-31-2 (1541) ಕಥಂ ಚ ಕಾಮಚಾರೀ ಸ ಕಾಮವೀರ್ಯಶ್ಚ ಖೇಚರಃ। ಏತದಿಚ್ಛಾಂಯಹಂ ಶ್ರೋತುಂ ಪುರಾಣೇ ಯದಿ ಪಠ್ಯತೇ॥ 1-31-3 (1542) ಸೌತಿರುವಾಚ। 1-31-4x (136) ವಿಷಯೋಽಯಂ ಪುರಾಣಸ್ಯ ಯನ್ಮಾಂ ತ್ವಂ ಪರಿಪೃಚ್ಛಸಿ। ಶೃಣು ಮೇ ವದತಃ ಸರ್ವಮೇತತ್ಸಂಕ್ಷೇಪತೋಂ ದ್ವಿಜ॥ 1-31-4 (1543) ಯಜತಃ ಪುತ್ರಕಾಮಸ್ಯ ಕಶ್ಯಪಸ್ಯ ಪ್ರಜಾಪತೇಃ। ಸಾಹಾಯ್ಯಮೃಷಯೋ ದೇವಾ ಗಂಧರ್ವಾಶ್ಚ ದದುಃ ಕಿಲ॥ 1-31-5 (1544) ತತ್ರೇಧ್ಮಾನಯನೇ ಶಕ್ರೋ ನಿಯುಕ್ತಃ ಕಶ್ಯಪೇನ ಹ। ಮುನಯೋ ವಾಲಖಿಲ್ಯಾಶ್ಚ ಯೇ ಚಾನ್ಯೇ ದೇವತಾಗಣಾಃ॥ 1-31-6 (1545) ಶಕ್ರಸ್ತು ವೀರ್ಯಸದೃಶಮಿಧ್ಯಭಾರಂ ಗಿರಿಪ್ರಭಂ। ಸಮುದ್ಯಂಯಾನಯಾಮಾಸ ನಾತಿಕೃಚ್ಛ್ರಾದಿವ ಪ್ರಭುಃ॥ 1-31-7 (1546) ಅಥಾಪಶ್ಯದೃಷೀನ್ಹ್ರಸ್ವಾನಂಗುಷ್ಠೋದರವರ್ಷ್ಮಣಃ। ಪಲಾಶವರ್ತಿಕಾಮೇಕಾಂ ವಹತಃ ಸಂಹತಾನ್ಪಥಿ॥ 1-31-8 (1547) ಪ್ರಲೀನಾನ್ಸ್ವೇಷ್ವಿವಾಂಗೇಷು ನಿರಾಹಾರಾಂಸ್ತಪೋಧನಾನ್। ಕ್ಲಿಶ್ಯಮಾನಾನ್ಮಂದಬಲಾನ್ಗೋಷ್ಪದೇ ಸಂಪ್ಲುತೋದಕೇ॥ 1-31-9 (1548) ತಾನ್ಸರ್ವಾನ್ವಿಸ್ಮಯಾವಿಷ್ಟೋ ವೀರ್ಯೋನ್ಮತ್ತಃ ಪುರಂದರಃ। ಅಪಹಾಸ್ಯಾಭ್ಯಗಾಚ್ಛೀಘ್ರಂ ಲಂಬಯಿತ್ವಾಽವಮನ್ಯ ಚ॥ 1-31-10 (1549) ತೇಽಥ ರೋಷಸಮಾವಿಷ್ಟಾಃ ಸುಭೃಶಂ ಜಾತಮನ್ಯವಃ। ಆರೇಭಿರೇ ಮಹತ್ಕರ್ಮ ತದಾ ಶಕ್ರಭಯಂಕರಂ॥ 1-31-11 (1550) ಜುಹುವುಸ್ತೇ ಸುತಪಸೋ ವಿಧಿವಜ್ಜಾತವೇದಸಂ। ಮಂತ್ರೈರುಚ್ಚಾವಚೈರ್ವಿಪ್ರಾ ಯೇನ ಕಾಮೇನ ತಚ್ಛೃಣು॥ 1-31-12 (1551) ಕಾಮವೀರ್ಯಃ ಕಾಮಗಮೋ ದೇವರಾಜಭಯಪ್ರದಃ। ಇಂದ್ರೋಽನ್ಯಃ ಸರ್ವದೇವಾನಾಂ ಭವೇದಿತಿ ಯತವ್ರತಾಃ॥ 1-31-13 (1552) ಇಂದ್ರಾಚ್ಛತಗುಣಃ ಶೌರ್ಯೇ ವೀರ್ಯೇ ಚೈವ ಮನೋಜವಃ। ತಪಸೋ ನಃ ಫಲೇನಾದ್ಯ ದಾರುಣಃ ಸಂಭವಿತ್ವಿತಿ॥ 1-31-14 (1553) ತದ್ಬುದ್ಧ್ವಾ ಭೃಶಸಂತಪ್ತೋ ದೇವರಾಜಃ ಶತಕ್ರತುಃ। ಜಗಾಮ ಶರಣಂ ತತ್ರ ಕಶ್ಯಪಂ ಸಂಶಿತವ್ರತಂ॥ 1-31-15 (1554) ತಚ್ಛ್ರುತ್ವಾ ದೇವರಾಜಸ್ಯ ಕಶ್ಯಪೋಽಥ ಪ್ರಜಾಪತಿಃ। ವಾಲಖಿಲ್ಯಾನುಪಾಗಂಯ ಕರ್ಮಸಿದ್ಧಿಮಪೃಚ್ಛತ॥ 1-31-16 (1555) `ಕಶ್ಯಪ ಉವಾಚ। 1-31-17x (137) ಕೇನ ಕಾಮೇನ ಚಾರಬ್ಧಂ ಭವದ್ಭಿರ್ಹೋಮಕರ್ಮ ಚ। ಯಾಥಾತಥ್ಯೇನ ಮೇ ಬ್ರೂತ ಶ್ರೋತುಂ ಕೌತೂಹಲಂ ಹಿ ಮೇ॥ 1-31-17 (1556) ವಾಲಖಿಲ್ಯಾ ಊಚುಃ। 1-31-18x (138) ಅವಜ್ಞಾತಾಃ ಸುರೇಂದ್ರೇಣ ಮೂಢೇನಾಕೃತಬುದ್ಧಿನಾ। ಐಶ್ವರ್ಯಮದಮತ್ತೇನ ಸದಾಚಾರಾನ್ನಿರಸ್ಯತಾ॥ 1-31-18 (1557) ತದ್ವಿಘಾತಾರ್ಥಮಾರಂಭೋ ವಿಧಿವತ್ತಸ್ಯ ಕಶ್ಯಪ॥ 1-31-19 (1558) ಸೌತಿರುವಾಚ।' 1-31-20x (139) ಏವಮಸ್ತ್ವಿತಿ ತಂ ಚಾಪಿ ಪ್ರತ್ಯೂಚುಃ ಸತ್ಯವಾದಿನಃ। ತಾನ್ಕಶ್ಯಪ ಉವಾಚೇದಂ ಸಾಂತ್ವಪೂರ್ವಂ ಪ್ರಜಾಪತಿಃ॥ 1-31-20 (1559) ಅಯಮಿಂದ್ರಸ್ತ್ರಿಭುವನೇ ನಿಯೋಗಾದ್ಬ್ರಹ್ಮಣಃ ಕೃತಃ। ಇಂದ್ರಾರ್ಥೇ ಚ ಭವಂತೋಽಪಿ ಯತ್ನವಂತಸ್ತಪೋಧನಾಃ॥ 1-31-21 (1560) ನ ಮಿಥ್ಯಾ ಬ್ರಹ್ಮಣೋ ವಾಕ್ಯಂ ಕರ್ತುಮರ್ಹಥ ಸತ್ತಮಾಃ। ಭವತಾಂ ಹಿ ನ ಮಿಥ್ಯಾಽಯಂ ಸಂಕಲ್ಪೋ ವೈ ಚಿಕೀರ್ಷಿತಃ॥ 1-31-22 (1561) ಭವತ್ವೇಷ ಪತತ್ರೀಣಾಮಿಂದ್ರೋಽತಿಬಲಸತ್ತ್ವವಾನ್। ಪ್ರಸಾದಃ ಕ್ರಿಯತಾಮಸ್ಯ ದೇವರಾಜಸ್ಯ ಯಾಚತಃ॥ 1-31-23 (1562) ಸೌತಿರುವಾಚ। 1-31-24x (140) ಏವಮುಕ್ತಾಃ ಕಶ್ಯಪೇನ ವಾಲಖಿಲ್ಯಾಸ್ತಪೋಧನಾಃ। ಪ್ರತ್ಯೂಚುರಭಿಸಂಪೂಜ್ಯ ಮುನಿಶ್ರೇಷ್ಠಂ ಪ್ರಜಾಪತಿಂ॥ 1-31-24 (1563) ವಾಲಖಿಲ್ಯಾ ಊಚುಃ। 1-31-25x (141) ಇಂದ್ರಾರ್ಥೋಽಯಂ ಸಮಾರಂಭಃ ಸರ್ವೇಷಾಂ ನಃ ಪ್ರಜಾಪತೇ। ಅಪತ್ಯಾರ್ಥಂ ಸಮಾರಂಭೋ ಭವತಶ್ಚಾಯಮೀಪ್ಸಿತಃ॥ 1-31-25 (1564) ತದಿದಂ ಸಫಲಂ ಕರ್ಮ ತ್ವಯೈವ ಪ್ರತಿಗೃಹ್ಯತಾಂ। ತಥಾ ಚೈವಂ ವಿಧತ್ಸ್ವಾತ್ರ ಯಥಾ ಶ್ರೇಯೋಽನುಪಶ್ಯಸಿ॥ 1-31-26 (1565) ಸೌತಿರುವಾಚ। 1-31-27x (142) ಏತಸ್ಮಿನ್ನೇವ ಕಾಲೇ ತು ದೇವೀ ದಾಕ್ಷಾಯಣೀ ಶುಭಾ। ವಿನತಾ ನಾಮ ಕಲ್ಯಾಣೀ ಪುತ್ರಕಾಮಾ ಯಶಸ್ವಿನೀ॥ 1-31-27 (1566) ತಪಸ್ತಪ್ತ್ವಾ ವ್ರತಪರಾ ಸ್ನಾತಾ ಪುಂಸವನೇ ಶುಚಿಃ। ಉಪಚಕ್ರಾಮ ಭರ್ತಾರಂ ತಾಮುವಾಚಾಥ ಕಶ್ಯಪಃ॥ 1-31-28 (1567) ಆರಂಭಃ ಸಫಲೋ ದೇವಿ ಭವಿತಾ ಯಸ್ತ್ವಯೇಪ್ಸಿತಃ। ಜನಯಿಷ್ಯಸಿ ಪುತ್ರೌ ದ್ವೌ ವೀರೌ ತ್ರಿಭುವನೇಶ್ವರೌ॥ 1-31-29 (1568) ತಪಸಾ ವಾಲಖಿಲ್ಯಾನಾಂ ಮಮ ಸಂಕಲ್ಪತಸ್ತಥಾ। ಭವಿಷ್ಯತೋ ಮಹಾಭಾಗೌ ಪುತ್ರೌ ತ್ರೈಲೋಕ್ಯಪೂಜಿತೌ॥ 1-31-30 (1569) ಉವಾಚ ಚೈನಾಂ ಭಗವಾನ್ಕಶ್ಯಪಃ ಪುನರೇವ ಹ। ಧಾರ್ಯತಾಮಪ್ರಮಾದೇನ ಗರ್ಭೋಽಯಂ ಸುಮಹೋದಯಃ॥ 1-31-31 (1570) ಏಕಃ ಸರ್ವಪತತ್ರೀಣಾಮಿಂದ್ರತ್ವಂ ಕಾರಯಿಷ್ಯತಿ। ಲೋಕಸಂಭಾವಿತೋ ವೀರಃ ಕಾಮರೂಪೋ ವಿಹಂಗಮಃ॥ 1-31-32 (1571) ಸೌತಿರುವಾಚ। 1-31-33x (143) ಶತಕ್ರತುಮಥೋವಾಚ ಪ್ರೀಯಮಾಣಃ ಪ್ರಜಾಪತಿಃ। ತ್ವತ್ಸಹಾಯೌ ಮಹಾವೀರ್ಯೌ ಭ್ರಾತರೌ ತೇ ಭವಿಷ್ಯತಃ॥ 1-31-33 (1572) ನೈತಾಭ್ಯಾಂ ಭವಿತಾ ದೋಷಃ ಸಕಾಶಾತ್ತೇ ಪುರಂದರ। ವ್ಯೇತು ತೇ ಶಕ್ರ ಸಂತಾಪಸ್ತ್ವಮೇವೇಂದ್ರೋ ಭವಿಷ್ಯಸಿ॥ 1-31-34 (1573) ನ ಚಾಪ್ಯೇವಂ ತ್ವಯಾ ಭೂಯಃ ಕ್ಷೇಪ್ತವ್ಯಾ ಬ್ರಹ್ಮವಾದಿನಃ। ನ ಚಾವಮಾನ್ಯಾ ದರ್ಪಾತ್ತೇ ವಾಗ್ವಜ್ರಾ ಭೃಶಕೋಪನಾಃ॥ 1-31-35 (1574) ಸೌತಿರುವಾಚ। 1-31-36x (144) ಏವಮುಕ್ತೋ ಜಗಾಮೇಂದ್ರೋ ನಿರ್ವಿಶಂಕಸ್ತ್ರಿವಿಷ್ಟಪಂ। ವಿನತಾ ಚಾಪಿ ಸಿದ್ಧಾರ್ಥಾ ಬಭೂವ ಮುದಿತಾ ತಥಾ॥ 1-31-36 (1575) ಜನಯಾಮಾಸ ಪುತ್ರೌ ದ್ವಾವರುಣಂ ಗರುಡಂ ತಥಾ। ವಿಕಲಾಂಗೋಽರುಣಸ್ತತ್ರ ಭಾಸ್ಕರಸ್ಯ ಪುರಃಸರಃ॥ 1-31-37 (1576) ಪತತ್ತ್ರೀಣಾಂ ಚ ಗರುಡಮಿಂದ್ರತ್ವೇನಾಭ್ಯಷಿಂಚತ। ತಸ್ಯೈತತ್ಕರ್ಮ ಸುಮಹಚ್ಛ್ರೂಯತಾಂ ಭೃಗುನಂದನ॥ ॥ 1-31-38 (1577) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಏಕತ್ರಿಂಶೋಽಧ್ಯಾಯಃ॥ 31 ॥

1-32-0 (1578) ಸೌತಿರುವಾಚ। 1-32-0x (145) `ತತಸ್ತಸ್ಮಾದ್ಗಿರಿವರಾತ್ಸಮುದೀರ್ಣಮಹಾಬಲಃ।' ಗರುಡಃ ಪಕ್ಷಿರಾಟ್ ತೂರ್ಣಂ ಸಂಪ್ರಾಪ್ತೋ ವಿಬುಧಾನ್ಪ್ರತಿ॥ 1-32-1 (1579) ತಂ ದೃಷ್ಟ್ವಾತಿಬಲಂ ಚೈವ ಪ್ರಾಕಂಪಂತ ಸುರಾಸ್ತತಃ। ಪರಸ್ಪರಂ ಚ ಪ್ರತ್ಯಘ್ನನ್ಸರ್ವಪ್ರಹರಣಾನ್ಯುತ॥ 1-32-2 (1580) ತತ್ರ ಚಾಸೀದಮೇಯಾತ್ಮಾ ವಿದ್ಯುದಗ್ನಿಸಮಪ್ರಭಃ। ಭೌಮನಃ ಸುಮಹಾವೀರ್ಯಃ ಸೋಮಸ್ಯ ಪರಿರಕ್ಷಿತಾ॥ 1-32-3 (1581) ಸ ತೇನ ಪತಗೇಂದ್ರೇಣ ಪಕ್ಷತುಂಡನಖೈಃ ಕ್ಷತಃ। ಮುಹೂರ್ತಮತುಲಂ ಯುದ್ಧಂ ಕೃತ್ವಾ ವಿನಿಹತೋ ಯುಧಿ॥ 1-32-4 (1582) ರಜಶ್ಚೋದ್ಧೂಯ ಸುಮಹತ್ಪಕ್ಷವಾತೇನ ಖೇಚರಃ। ಕೃತ್ವಾ ಲೋಕಾನ್ನಿರಾಲೋಕಾಂಸ್ತೇನ ದೇವಾನವಾಕಿರತ್॥ 1-32-5 (1583) ತೇನಾವಕೀರ್ಣಾ ರಜಸಾ ದೇವಾ ಮೋಹಮುಪಾಗಮನ್। ನ ಚೈವಂ ದದೃಶುಶ್ಛನ್ನಾ ರಜಸಾಽಮೃತರಕ್ಷಿಣಃ॥ 1-32-6 (1584) ಏವಂ ಸಂಲೋಡಯಾಮಾಸ ಗರುಡಸ್ತ್ರಿದಿವಾಲಯಂ। ಪಕ್ಷತುಂಡಪ್ರಹಾರೈಸ್ತು ದೇವಾನ್ಸ ವಿದದಾರ ಹ॥ 1-32-7 (1585) ತತೋ ದೇವಃ ಸಹಸ್ರಾಕ್ಷಸ್ತೂರ್ಣಂ ವಾಯುಮಚೋದಯತ್। ವಿಕ್ಷಿಪೇಮಾಂ ರಜೋವೃಷ್ಟಿಂ ತವೇದಂ ಕರ್ಮ ಮಾರುತ॥ 1-32-8 (1586) ಸೌತಿರುವಾಚ। 1-32-9x (146) ಅಥ ವಾಯುರಪೋವಾಹ ತದ್ರಜಸ್ತರಸಾ ಬಲೀ। ತತೋ ವಿತಿಮಿರೇ ಜಾತೇ ದೇವಾಃ ಶಕುನಿಮಾರ್ದಯನ್॥ 1-32-9 (1587) ನನಾದೋಚ್ಚೈಃ ಸ ಬಲವಾನ್ಮಹಾಮೇಘ ಇವಾಂಬರೇ। ವಧ್ಯಮಾನಃ ಸುರಗಣೈಃ ಸರ್ವಭೂತಾನಿ ಭೀಷಯನ್॥ 1-32-10 (1588) ಉತ್ಪಪಾತ ಮಹಾವೀರ್ಯಃ ಪಕ್ಷಿರಾಟ್ ಪರವೀರಹಾ। ಸಮುತ್ಪತ್ಯಾಂತರಿಕ್ಷಸ್ಥಂ ದೇವಾನಾಮುಪರಿ ಸ್ಥಿತಂ॥ 1-32-11 (1589) ವರ್ಮಿಮೋ ವಿಬುಧಾಃ ಸರ್ವೇ ನಾನಾಶಸ್ತ್ರೈರವಾಕಿರನ್। ಪಟ್ಟಿಶೈಃ ಪರಿಧೈಃ ಶೂಲೈರ್ಗದಾಭಿಶ್ಚ ಸವಾಸವಾಃ॥ 1-32-12 (1590) ಕ್ಷುರಪ್ರೈರ್ಜ್ವಲಿತೈಶ್ಚಾಪಿ ಚಕ್ರೈರಾದಿತ್ಯರೂಪಿಭಿಃ। ನಾನಾಶಸ್ತ್ರವಿಸರ್ಗೈಸ್ತೈರ್ವಧ್ಯಮಾನಃ ಸಮಂತತಃ॥ 1-32-13 (1591) ಕುರ್ವನ್ಸುತುಮುಲಂ ಯುದ್ಧಂ ಪಕ್ಷಿರಾಣ್ಣ ವ್ಯಕಂಪತ। ನಿರ್ದಹನ್ನಿವ ಚಾಕಾಶೇ ವೈನತೇಯಃ ಪ್ರತಾಪವಾನ್। ಪಕ್ಷಾಭ್ಯಾಮುರಸಾ ಚೈವ ಸಮಂತಾದ್ವ್ಯಕ್ಷಿಪತ್ಸುರಾನ್॥ 1-32-14 (1592) ತೇ ವಿಕ್ಷಿಪ್ತಾಸ್ತತೋ ದೇವಾ ದುದ್ರುವುರ್ಗರುಡಾರ್ದಿತಾಃ। ನಖತುಂಡಕ್ಷತಾಶ್ಚೈವ ಸುಸ್ರುವುಃ ಶೋಣಿತಂ ಬಹು॥ 1-32-15 (1593) ಸಾಧ್ಯಾಃ ಪ್ರಾಚೀಂ ಸಗಂಧರ್ವಾ ವಸವೋ ದಕ್ಷಿಣಾಂ ದಿಶಂ। ಪ್ರಜಗ್ಮುಃ ಸಹಿತಾ ರುದ್ರಾಃ ಪತಗೇಂದ್ರಪ್ರಧರ್ಷಿತಾಃ॥ 1-32-16 (1594) ದಿಶಂ ಪ್ರತೀಚೀಮಾದಿತ್ಯಾ ನಾಸತ್ಯಾವುತ್ತರಾಂ ದಿಶಂ। ಮುಹುರ್ಮುಹುಃ ಪ್ರೇಕ್ಷಮಾಣಾ ಯುಧ್ಯಮಾನಂ ಮಹೌಜಸಃ॥ 1-32-17 (1595) ಅಶ್ವಕ್ರಂದೇನ ವೀರೇಣ ರೇಣುಕೇನ ಚ ಪಕ್ಷಿರಾಟ್। ಕ್ರಥನೇನ ಚ ಶೂರೇಣ ತಪನೇನ ಚ ಖೇಚರಃ॥ 1-32-18 (1596) ಉಲೂಕಶ್ವಸನಾಭ್ಯಾಂ ಚ ನಿಮೇಷೇಣ ಚ ಪಕ್ಷಿರಾಟ್। ಪ್ರರುಜೇನ ಚ ಸಂಗ್ರಾಮಂ ಚಕಾರ ಪುಲಿನೇನ ಚ॥ 1-32-19 (1597) ತಾನ್ಪಕ್ಷನಖತುಂಡಾಗ್ರೈರಭಿನದ್ವಿನತಾಸುತಃ। ಯುಗಾಂತಕಾಲೇ ಸಂಕ್ರುದ್ಧಃ ಪಿನಾಕೀವ ಪರಂತಪ॥ 1-32-20 (1598) ಮಹಾಬಲಾ ಮಹೋತ್ಸಾಹಾಸ್ತೇನ ತೇ ಬಹುಧಾ ಕ್ಷತಾಃ। ರೇಜುರಭ್ರಘನಪ್ರಖ್ಯಾ ರುಧಿರೌಘಪ್ರವರ್ಷಿಣಃ॥ 1-32-21 (1599) ತಾನ್ಕೃತ್ವಾ ಪತಗಶ್ರೇಷ್ಠಃ ಸರ್ವಾನುತ್ಕ್ರಾಂತಜೀವಿತಾನ್। ಅತಿಕ್ರಾಂತೋಽಮೃತಸ್ಯಾರ್ಥೇ ಸರ್ವತೋಽಗ್ನಿಮಪಶ್ಯತ॥ 1-32-22 (1600) ಆವೃಣ್ವಾನಂ ಮಹಾಜ್ವಾಲಮರ್ಚಿರ್ಭಿಃ ಸರ್ವತೋಽಂಬರಂ। ದಹಂತಮಿವ ತೀಕ್ಷ್ಣಾಂಶುಂ ಚಂಡವಾಯುಸಮೀರಿತಂ॥ 1-32-23 (1601) `ನಭಃ ಸ್ಪೃಶಂತಂ ಜ್ವಾಲಾಭಿಃ ಸರ್ವಭೂತಭಯಂಕರಂ।' ತತೋ ನವತ್ಯಾ ನವತೀರ್ಮುಖಾನಾಂ ಕೃತ್ವಾ ಮಹಾತ್ಮಾ ಗರುಡಸ್ತರಸ್ವೀ। ನದೀಃ ಸಮಾಪೀಯ ಮುಖೈಸ್ತತಸ್ತೈಃ ಸುಶೀಘ್ರಮಾಗಂಯ ಪುನರ್ಜವೇನ॥ 1-32-24 (1602) ಜ್ವಲಂತಮಗ್ನಿಂ ತಮಮಿತ್ರತಾಪನಃ ಸಮಾಸ್ತರತ್ಪತ್ರರಥೋ ನದೀಭಿಃ। ತತಃ ಪ್ರಚಕ್ರೇ ವಪುರನ್ಯದಲ್ಪಂ ಪ್ರವೇಷ್ಟುಕಾಮೋಽಗ್ನಿಮಭಿಪ್ರಶಾಂಯ॥ ॥ 1-32-25 (1603) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ದ್ವಾತ್ರಿಂಶೋಽಧ್ಯಾಯಃ॥ 32 ॥

1-33-0 (1604) ಸೌತಿರುವಾಚ। 1-33-0x (147) ಜಾಂಬೂನದಮಯೋ ಭೂತ್ವಾ ಮರೀಚಿನಿಕರೋಜ್ಜ್ವಲಃ। ಪ್ರವಿವೇಶ ಬಲಾತ್ಪಕ್ಷೀ ವಾರಿವೇಗ ಇವಾರ್ಣವಂ॥ 1-33-1 (1605) ಸ ಚಕ್ರಂ ಕ್ಷುರಪರ್ಯಂತಮಪಶ್ಯದಮೃತಾಂತಿಕೇ। ಪರಿಭ್ರಮಂತಮನಿಶಂ ತೀಕ್ಷ್ಣಧಾರಮಯಸ್ಮಯಂ॥ 1-33-2 (1606) ಜ್ವಲನಾರ್ಕಪ್ರಭಂ ಘೋರಂ ಛೇದನಂ ಸೋಮಹಾರಿಣಾಂ। ಘೋರರೂಪಂ ತದತ್ಯರ್ಥಂ ಯಂತ್ರಂ ದೇವೈಃ ಸುನಿರ್ಮಿತಂ॥ 1-33-3 (1607) ತಸ್ಯಾಂತರಂ ಸ ದೃಷ್ಟ್ವೈ ಪರ್ಯವರ್ತತ ಖೇಚರಃ। ಅರಾಂತರೇಣಾಭ್ಯಪತತ್ಸಂಕ್ಷಿಪ್ಯಾಂಗಂ ಕ್ಷಣೇನ ಹ॥ 1-33-4 (1608) ಅಧಶ್ಚಕ್ರಸ್ಯ ಚೈವಾತ್ರ ದೀಪ್ತಾನಲಸಮದ್ವ್ಯುತೀ। ವಿದ್ಯುಜ್ಜಿಹ್ವೌ ಮಹಾವೀರ್ಯೌ ದೀಪ್ತಾಸ್ಯೌ ದೀಪ್ತಲೋಚನೌ॥ 1-33-5 (1609) ಚಕ್ಷುರ್ವಿಷೌ ಮಹಾಘೋರೌ ನಿತ್ಯಂ ಕ್ರುದ್ಧೌ ತರಸ್ವಿನೌ। ಅಮೃತಸ್ಯೈವ ರಕ್ಷಾರ್ಥಂ ದದರ್ಶ ಭುಜಗೋತ್ತಮೌ॥ 1-33-6 (1610) ಸದಾ ಸಂರಬ್ಧನಯನೌ ಸದಾ ಚಾನಿಮಿಷೇಕ್ಷಣೌ। ತಯೋರೇಕೋಽಪಿ ಯಂ ಪಶ್ಯೇತ್ಸ ತೂರ್ಣಂ ಭಸ್ಮಸಾದ್ಭವೇತ್॥ 1-33-7 (1611) `ತೌ ದೃಷ್ಟ್ವಾ ಸಹಸಾ ಖೇದಂ ಜಗಾಮ ವಿನತಾತ್ಮಜಃ। ಕಥಮೇತೌ ಮಹಾವೀರ್ಯೌ ಜೇತವ್ಯೌ ಹರಿಭೋಜಿನೌ॥ 1-33-8 (1612) ಇತಿ ಸಂಚಿಂತ್ಯ ಗರುಡಸ್ತಯೋಸ್ತೂರ್ಣಂ ನಿರಾಕರಃ।' ತಯೋಶ್ಚಕ್ಷೂಂಷಿ ರಜಸಾ ಸುಪರ್ಣಃ ಸಹಸಾಽಽವೃಣೋತ್। ತಾಭ್ಯಾಮದೃಷ್ಟರೂಪೋಽಸೌ ಸರ್ವತಃ ಸಮತಾಡಯತ್॥ 1-33-9 (1613) ತಯೋರಂಗೇ ಸಮಾಕ್ರಂಯ ವೈನತೇಯೋಽಂತರಿಕ್ಷಗಃ। ಆಚ್ಛಿನತ್ತರಸಾ ಮಧ್ಯೇ ಸೋಮಮಭ್ಯದ್ರವತ್ತತಃ॥ 1-33-10 (1614) ಸಮುತ್ಪಾಟ್ಯಾಮೃತಂ ತತ್ರ ವೈನತೇಯಸ್ತತೋ ಬಲೀ। ಉತ್ಪಪಾತ ಜವೇನೈವ ಯಂತ್ರಮುನ್ಮಥ್ಯ ವೀರ್ಯವಾನ್॥ 1-33-11 (1615) ಅಪೀತ್ವೈವಾಮೃತಂ ಪಕ್ಷೀ ಪರಿಗೃಹ್ಯಾಶು ನಿಃಸೃತಃ। ಆಗಚ್ಛದಪರಿಶ್ರಾಂತ ಆವಾರ್ಯಾರ್ಕಪ್ರಭಾಂ ತತಃ॥ 1-33-12 (1616) ವಿಷ್ಣುನಾ ಚ ತದಾಕಾಶೇ ವೈನತೇಯಃ ಸಮೇಯಿವಾನ್। ತಸ್ಯ ನಾರಾಯಣಸ್ತುಷ್ಟಸ್ತೇನಾಲೌಲ್ಯೇನ ಕರ್ಮಣಾ॥ 1-33-13 (1617) ತಮುವಾಚಾವ್ಯಯೋ ದೇವೋ ವರದೋಽಸ್ಮೀತಿ ಖೇಚರಂ। ಸ ವವ್ರೇ ತವ ತಿಷ್ಠೇಯಮುಪರೀತ್ಯಂತರಿಕ್ಷಗಃ॥ 1-33-14 (1618) ಉವಾಚ ಚೈನಂ ಭೂಯೋಽಪಿ ನಾರಾಯಣಮಿದಂ ವಚಃ। ಅಜರಶ್ಚಾಮರಶ್ಚ ಸ್ಯಾಮಮೃತೇನ ವಿನಾಽಪ್ಯಹಂ॥ 1-33-15 (1619) ಸೌತಿರುವಾಚ। 1-33-16x (148) ಏವಮಸ್ತ್ವಿತಿ ತಂ ವಿಷ್ಣುರುವಾಚ ವಿನತಾಸುತಂ। ಪ್ರತಿಗೃಹ್ಯ ವನೌ ತೌ ಚ ಗರುಡೋ ವಿಷ್ಣುಮಬ್ರವೀತ್॥ 1-33-16 (1620) ಭವತೇಪಿ ವರಂ ದದ್ಯಾಂ ವೃಣೋತು ಭಗವಾನಪಿ। ತಂ ವವ್ರೇ ವಾಹನಂ ವಿಷ್ಣುರ್ನರುತ್ಮಂತಂ ಮಹಾಬಲಂ॥ 1-33-17 (1621) ಧ್ವಜಂ ಚ ಚಕ್ರೇ ಭಗವಾನುಪರಿ ಸ್ಥಾಸ್ಯಸೀತಿ ತಂ। ಏವಮಸ್ತ್ವಿತಿ ತಂ ದೇವಮುಕ್ತ್ವಾ ನಾರಾಯಣಂ ಖಗಃ॥ 1-33-18 (1622) ವವ್ರಾಜ ತರಸಾ ವೇಗಾದ್ವಾಯುಂ ಸ್ಪರ್ಧನ್ಮಹಾಜವಃ। ತಂ ವ್ರಜಂತಂ ಖಗಶ್ರೇಷ್ಠಂ ವಜ್ರೇಣೇಂದ್ರೋಽಭ್ಯತಾಡಯತ್॥ 1-33-19 (1623) ಹರಂತಮಮೃತಂ ರೋಷಾದ್ಗರುಡಂ ಪಕ್ಷಿಣಾಂ ವರಂ। ತಮುವಾಚೇಂದ್ರಮಾಕ್ರಂದೇ ಗರುಡಃ ಪತತಾಂ ವರಃ॥ 1-33-20 (1624) ಪ್ರಹಸಞ್ಶ್ಲಕ್ಷ್ಣಯಾ ವಾಚಾ ತಥಾ ವಜ್ರಸಮಾಹತಃ। ಋಷೇರ್ಮಾನಂ ಕರಿಷ್ಯಾಮಿ ವಜ್ರಂ ಯಸ್ಯಾಸ್ಥಿಸಂಭವಂ॥ 1-33-21 (1625) ವಜ್ರಸ್ಯ ಚ ಕರಿಷ್ಯಾಮಿ ತವೈವ ಚ ಶತಕ್ರತೋ। ಏತತ್ಪತ್ರಂ ತ್ಯಜಾಂಯೇಕಂ ಯಸ್ಯಾಂತಂ ನೋಪಲಪ್ಸ್ಯಸೇ॥ 1-33-22 (1626) ನ ಚ ವಜ್ರನಿಪಾತೇನ ರುಜಾ ಮೇಽಸ್ತೀಹ ಕಾಚನ। ಏವಮುಕ್ತ್ವಾ ತತಃ ಪುತ್ರಮುತ್ಸಸರ್ಜ ಸ ಪಕ್ಷಿರಾಟ್॥ 1-33-23 (1627) ತದುತ್ಸೃಷ್ಟಮಭಿಪ್ರೇಕ್ಷ್ಯ ತಸ್ಯ ಪರ್ಣಮನುತ್ತಮಂ। ಹೃಷ್ಟಾನಿ ಸರ್ಧಭೂತಾನಿ ನಾಮ ಚಕ್ರುರ್ಗರುತ್ಮತಃ॥ 1-33-24 (1628) ಸುರೂಪಂ ಪತ್ರಮಾಲಕ್ಷ್ಯ ಸುಪರ್ಣೋಽಯಂ ಭವತ್ವಿತಿ। ತದ್ದೃಷ್ಟ್ವಾ ಮಹದಾಶ್ಚರ್ಯಂ ಸಹಸ್ರಾಕ್ಷಃ ಪುರಂದರಃ। ಖಗೋ ಮಹದಿದಂ ಭೂತಮಿತಿ ಮತ್ವಾಽಭ್ಯಭಾಷತ॥ 1-33-25 (1629) ಬಲಂ ವಿಜ್ಞಾತುಮಿಚ್ಛಾಮಿ ಯತ್ತೇ ಪರಮನುತ್ತಮಂ। ಸಖ್ಯಂ ಚಾನಂತಮಿಚ್ಛಾಮಿ ತ್ವಯಾ ಸಹ ಖಗೋತ್ತಮ॥ ॥ 1-33-26 (1630) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಪರ್ವಣಿ ತ್ರಯಸ್ತ್ರಿಂಶೋಽಧ್ಯಾಯಃ॥ 33 ॥

1-34-0 (1631) ಸೌತಿರುವಾಚ। 1-34-0x (149) `ಇತ್ಯೇವಮುಕ್ತೋ ಗರುಡಃ ಪ್ರತ್ಯುವಾಚ ಶಚೀಪತಿಂ'। 1-34-1 (1632) ಗರುಡ ಉವಾಚ। ಸಖ್ಯಂ ಮೇಽಸ್ತು ತ್ವಯಾ ದೇವ ಯಥೇಚ್ಛಸಿ ಪುರಂದರ। ಬಲಂ ತು ಮಮ ಜಾನೀಹಿ ಮಹಚ್ಚಾಸಹ್ಯಮೇವ ಚ॥ 1-34-1x (150) ಕಾಮಂ ನೈತತ್ಪ್ರಶಂಸಂತಿ ಸಂತಃ ಸ್ವಬಲಸಂಸ್ತವಂ। `ಅನಿಮಿತ್ತಂ ಸುರಶ್ರೇಷ್ಠ ಸದ್ಯಃ ಪ್ರಾಪ್ನೋತಿ ಗರ್ಹಣಾಂ॥ 1-34-2 (1633) ಗುಣಸಂಕೀರ್ತನಂ ಚಾಪಿ ಪೃಷ್ಟೇನಾನ್ಯೇನ ಗೋಪತೇ। ವಕ್ತವ್ಯಂ ನ ತು ವಕ್ತವ್ಯಂ ಸ್ವಯಮೇವ ಶತಕ್ರತೋ॥' 1-34-3 (1634) ಸಖೇತಿ ಕೃತ್ವಾ ತು ಸಖೇ ಪೃಷ್ಟೋ ವಕ್ಷ್ಯಾಂಯಹಂ ತ್ವಯಾ। ನ ಹ್ಯಾತ್ಮಸ್ತವಸಂಯುಕ್ತಂ ವಕ್ತವ್ಯಮನಿಮಿತ್ತತಃ॥ 1-34-4 (1635) ಸಪರ್ವತವನಾಮುರ್ವೀಂ ಸಸಾಗರಜಲಾಮಿಮಾಂ। ವಹೇ ಪಕ್ಷೇಣ ವೈ ಶಕ್ರ ತ್ವಾಮಪ್ಯತ್ರಾವಲಂಬಿನಂ॥ 1-34-5 (1636) ಸರ್ವಾನ್ಸಂಪಿಂಡಿತಾನ್ವಾಪಿ ಲೋಕಾನ್ಸಸ್ಥಾಣುಜಂಗಮಾನ್। ವಹೇಯಮಪರಿಶ್ರಾಂತೋ ವಿದ್ಧೀದಂ ಮೇ ಮಹದ್ಬಲಂ॥ 1-34-6 (1637) ಸೌತಿರುವಾಚ। 1-34-7x (151) ಇತ್ಯುಕ್ತವಚನಂ ವೀರಂ ಕಿರೀಟೀ ಶ್ರೀಮತಾಂ ವರಃ। ಆಹ ಶೌನಕ ದೇವೇಂದ್ರಃ ಸರ್ವಲೋಕಹಿತಃ ಪ್ರಭುಃ॥ 1-34-7 (1638) ಏವಮೇವ ಯಥಾತ್ಥ ತ್ವಂ ಸರ್ವಂ ಸಂಭಾವ್ಯತೇ ತ್ವಯಿ। ಸಂಗೃಹ್ಯತಾಮಿದಾನೀಂ ಮೇ ಸಖ್ಯಮತ್ಯಂತಮುತ್ತಮಂ॥ 1-34-8 (1639) ನ ಕಾರ್ಯಂ ಯದಿ ಸೋಮೇನ ಮಮ ಸೋಮಃ ಪ್ರದೀಯತಾಂ। ಅಸ್ಮಾಂಸ್ತೇ ಹಿ ಪ್ರಬಾಧೇಯುರ್ಯೇಭ್ಯೋ ದದ್ಯಾದ್ಭವಾನಿಮಂ॥ 1-34-9 (1640) ಗರುಡ ಉವಾಚ। 1-34-10x (152) ಕಿಂಚಿತ್ಕಾರಣಮುದ್ದಿಶ್ಯ ಸೋಮೋಽಯಂ ನೀಯತೇ ಮಯಾ। ನ ದಾಸ್ಯಾಮಿ ಸಮಾಪಾತುಂ ಸೋಮಂ ಕಸ್ಮೈಚಿದಪ್ಯಹಂ॥ 1-34-10 (1641) ಯತ್ರೇಮಂ ತು ಸಹಸ್ರಾಕ್ಷ ನಿಕ್ಷಿಪೇಯಮಹಂ ಸ್ವಯಂ। ತ್ವಮಾದಾಯ ತತಸ್ತೃರ್ಣಂ ಹರೇಥಾಸ್ತ್ರಿದಿವೇಶ್ವರ॥ 1-34-11 (1642) ಶಕ್ರ ಉವಾಚ। 1-34-12x (153) ವಾಕ್ಯೇನಾನೇನ ತುಷ್ಟೋಽಹಂ ಯತ್ತ್ವಯೋಕ್ತಮಿಹಾಂಡಜ। ಯಮಿಚ್ಛಸಿ ವರಂ ಮತ್ತಸ್ತಂ ಗೃಹಾಣ ಖಗೋತ್ತಮ॥ 1-34-12 (1643) ಸೌತಿರುವಾಚ। 1-34-13x (154) ಇತ್ಯುಕ್ತಃ ಪ್ರತ್ಯುವಾಚೇದಂ ಕದ್ರೂಪುತ್ರಾನನುಸ್ಮರನ್। ಭವೇಯುರ್ಭುಜಗಾಃ ಶಕ್ರ ಮಮ ಭಕ್ಷ್ಯಾ ಮಹಾಬಲಾಃ॥ 1-34-13 (1644) ಗರುಡ ಉವಾಚ। 1-34-14x (155) ಈಶೋಽಹಮಪಿ ಸರ್ವಸ್ಯ ಕರಿಷ್ಯಾಮಿ ತು ತೇಽರ್ಥಿತಾಂ। ಭವೇಯುರ್ಭುಜಗಾಃ ಶಕ್ರ ಮಮ ಭಕ್ಷ್ಯಾ ಮಹಾಬಲಾಃ॥ 1-34-14 (1645) ಸೌತಿರುವಾಚ। 1-34-15x (156) ತಥೇತ್ಯುಕ್ತ್ವಾಽನ್ವಗಚ್ಛತ್ತಂ ತತೋ ದಾನವಸೂದನಃ। ದೇವದೇವಂ ಮಹಾತ್ಮಾನಂ ಯೋಗಿನಾಮೀಶ್ವರಂ ಹರಿಂ॥ 1-34-15 (1646) ಸ ಚಾನ್ವಮೋದತ್ತಂ ಚಾರ್ಥಂ ಯಥೋಕ್ತಂ ಗರುಡೇನ ವೈ। ಇದಂ ಭೂಯೋ ವಚಃ ಪ್ರಾಹ ಭಗವಾಂಸ್ತ್ರಿದಶೇಶ್ವರಃ॥ 1-34-16 (1647) ಹರಿಷ್ಯಾಮಿ ವಿನಿಕ್ಷಿಪ್ತಂ ಸೋಮಮಿತ್ಯನುಭಾಷ್ಯ ತಂ। ಆಜಗಾಮ ತತಸ್ತೂರ್ಣಂ ಸುಪರ್ಣೀ ಮಾತುರಂತಿಕಂ॥ 1-34-17 (1648) `ವಿನಯಾವನತೋ ಭೂತ್ವಾ ವಚನಂ ಚೇದಮಬ್ರವೀತ್। ಇದಮಾನೀತಮಮೃತಂ ದೇವಾನಾಂ ಭವನಾನ್ಮಯಾ॥ 1-34-18 (1649) ಪ್ರಶಾಧಿ ಕಿಮಿತೋ ಮಾತಃ ಕರಿಷ್ಯಾಮಿ ಶುಭವ್ರತೇ। 1-34-19 (1650) ವಿನತೋವಾಚ। ಪರಿತುಷ್ಟಾಽಹಮೇತೇನ ಕರ್ಮಣಾ ತವ ಪುತ್ರಕ॥ 1-34-19x (157) ಅಜರಶ್ಚಾಭರಶ್ಚೈವ ದೇವಾನಾಂ ಸುಪ್ರಿಯೋ ಭವ। 1-34-20 (1651) ಸೌತಿರುವಾಚ।' ಅಥ ಸರ್ಪಾನುವಾಚೇದಂ ಸರ್ವಾನ್ಪರಮಹೃಷ್ಟವತ್। 1-34-20x (158) ಗರುಡ ಉವಾಚ। ಇದಮಾನೀತಮಮೃತಂ ನಿಕ್ಷೇಪ್ಸ್ಯಾಮಿ ಕುಶೇಷು ವಃ॥ 1-34-20x (159) ಸ್ನಾತಾ ಮಂಗಲಸಂಯುಕ್ತಾಸ್ತತಃ ಪ್ರಾಶ್ನೀತ ಪನ್ನಗಾಃ। ಭವದ್ಭಿರಿದಮಾಸೀನೈರ್ಯದುಕ್ತಂ ತದ್ವಚಸ್ತದಾ॥ 1-34-21 (1652) ಅದಾಸೀ ಚೈವ ಮಾತೇಯಮದ್ಯಪ್ರಭೃತಿ ಚಾಸ್ತು ಮೇ। ಯಥೋಕ್ತಂ ಭವತಾಮೇತದ್ವಚೋ ಮೇ ಪ್ರತಿಪಾದಿತಂ॥ 1-34-22 (1653) ಸೌತಿರುವಾಚ। 1-34-23x (160) ತತಃ ಸ್ನಾತುಂ ಗತಾಃ ಸರ್ಪಾಃ ಪ್ರತ್ಯುಕ್ತ್ವಾ ತಂ ತಥೇತ್ಯುತ। ಶಕ್ರೋಽಪ್ಯಮೃತಮಾಕ್ಷಿಪ್ಯ ಜಗಾಮ ತ್ರಿದಿವಂ ಪುನಃ॥ 1-34-23 (1654) ಅಥಾಗತಾಸ್ತಮುದ್ದೇಶಂ ಸರ್ಪಾಃ ಸೋಮಾರ್ಥಿನಸ್ತದಾ। ಸ್ನಾತಾಶ್ಚ ಕುತಜಪ್ಯಾಶ್ಚ ಪ್ರಹೃಷ್ಟಾಃ ಕೃತಮಂಗಲಾಃ॥ 1-34-24 (1655) `ಪರಸ್ಪರಕೃತದ್ವೇಷಾಃ ಸೋಮಪ್ರಾಶನಕರ್ಮಣಿ। ಅಹಂ ಪೂರ್ವಮಹಂ ಪೂರ್ವಮಿತ್ಯುಕ್ತ್ವಾ ತೇ ಸಮಾದ್ರವನ್॥' 1-34-25 (1656) ಯತ್ರೈತದಮೃತಂ ಚಾಪಿ ಸ್ಥಾಪಿತಂ ಕುಶಸಂಸ್ತರೇ। ತದ್ವಿಜ್ಞಾಯ ಹೃತಂ ಸರ್ಪಾಃ ಪ್ರತಿಮಾಯಾಕೃತಂ ಚ ತತ್॥ 1-34-26 (1657) ಸೋಮಸ್ಥಾನಮಿದಂ ಚೇತಿ ದರ್ಭಾಂಸ್ತೇ ಲಿಲಿಹುಸ್ತದಾ। ತತೋ ದ್ವಿಧಾ ಕೃತಾ ಜಿಹ್ವಾಃ ಸರ್ಪಾಣಾಂ ತೇನ ಕರ್ಮಣಾ॥ 1-34-27 (1658) ಅಭವಂಶ್ಚಾಮೃತಸ್ಪರ್ಶಾದ್ದರ್ಭಾಸ್ತೇಽಥ ಪವಿತ್ರಿಣಃ। `ನಾಗಾಶ್ಚ ವಂಚಿತಾ ಭೂತ್ವಾ ವಿಸೃಜ್ಯ ವಿನತಾಂ ತತಃ। ವಿಷಾದಮಗಮಂಸ್ತೀವ್ರಂ ಗರುಡಸ್ಯ ಬಲಾತ್ಪ್ರಭೋ॥' 1-34-28 (1659) ಏವಂ ತದಮೃತಂ ತೇನ ಹೃತಮಾಹೃತಮೇವ ಚ। ದ್ವಿಜಿಹ್ವಾಶ್ಚ ಕೃತಾಃ ಸರ್ಪಾ ಗರುಡೇನ ಮಹಾತ್ಮನಾ॥ 1-34-29 (1660) ತತಃ ಸುಪರ್ಣಃ ಪರಮಪ್ರಹರ್ಷವಾ- ನ್ವಿಹೃತ್ಯ ಮಾತ್ರಾ ಸಹ ತತ್ರ ಕಾನನೇ। ಭುಜಂಗಭಕ್ಷಃ ಪರಮಾರ್ಚಿತಃ ಖಗೈ- ರಹೀನಕೀರ್ತಿರ್ವಿನತಾಮನಂದಯತ್॥ 1-34-30 (1661) ಇಮಾಂ ಕಥಾಂ ಯಃ ಶೃಣುಯಾನ್ನರಃ ಸದಾ ಪಠೇತ ವಾ ದ್ವಿಜಗಣಮುಖ್ಯಸಂಸದಿ। ಅಸಂಶಯಂ ತ್ರಿದಿವಮಿಯಾತ್ಸ ಪುಣ್ಯಭಾ- ಙ್ಮಹಾತ್ಮನಃ ಪತಗಪತೇಃ ಪ್ರಕೀರ್ತನಾತ್॥ ॥ 1-34-31 (1662) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಚತುಸ್ತ್ರಿಂಶೋಽಧ್ಯಾಯಃ॥ 34 ॥

1-35-0 (1663) ಶೌನಕ ಉವಾಚ। 1-35-0x (161) ಭುಜಂಗಮಾನಾಂ ಶಾಪಸ್ಯ ಮಾತ್ರಾ ಚೈವ ಸುತೇನ ಚ। ವಿನತಾಯಾಸ್ತ್ವಯಾ ಪ್ರೋಕ್ತಂ ಕಾರಣಂ ಸೂತನಂದನ॥ 1-35-1 (1664) ವರಪ್ರದಾನಂ ಭರ್ತ್ರಾ ಚ ಕದ್ರೂವಿನತಯೋಸ್ತಥಾ। ನಾಮನೀ ಚೈವ ತೇ ಪ್ರೋಕ್ತೇ ಪಕ್ಷಿಣೋರ್ವೈನತೇಯಯೋಃ॥ 1-35-2 (1665) ಪನ್ನಗಾನಾಂ ತು ನಾಮಾನಿ ನ ಕೀತರ್ಯಸಿ ಸೂತಜ। ಪ್ರಾಧಾನ್ಯೇನಾಪಿ ನಾಮಾನಿ ಶ್ರೋತುಮಿಚ್ಛಾಮಹೇ ವಯಂ॥ 1-35-3 (1666) ಸೌತಿರುವಾಚ। 1-35-4x (162) ಬಹುತ್ವಾನ್ನಾಮಧೇಯಾನಿ ಪನ್ನಗಾನಾಂ ತಪೋಧನ। ನ ಕೀರ್ತಯಿಷ್ಯೇ ಸರ್ವೇಷಾಂ ಪ್ರಾಧಾನ್ಯೇನ ತು ಮೇ ಶೃಣು॥ 1-35-4 (1667) ಶೇಷಃ ಪ್ರಥಮತೋ ಜಾತೋ ವಾಸುಕಿಸ್ತದನಂತರಂ। ಐರಾವತಸ್ತಕ್ಷಕಶ್ಚ ಕರ್ಕೋಟಕಧನಂಜಯೌ॥ 1-35-5 (1668) ಕಾಲಿಯೋ ಮಣಿನಾಗಶ್ಚ ನಾಗಶ್ಚಾಪೂರಣಸ್ತಥಾ। ನಾಗಸ್ತಥಾ ಪಿಂಜರಕ ಏಲಾಪತ್ರೋಽಥ ವಾಮನಃ॥ 1-35-6 (1669) ನೀಲಾನೀಲೌ ತಥಾ ನಾಗೌ ಕಲ್ಮಾಷಶಬಲೌ ತಥಾ। ಆರ್ಯಕಶ್ಚೋಗ್ರಕಶ್ಚೈವ ನಾಗಃ ಕಲಶಪೋತಕಃ॥ 1-35-7 (1670) ಸುಮನಾಖ್ಯೋ ದಧಿಮುಖಸ್ತಥಾ ವಿಮಲಪಿಂಡಕಃ। ಆಪ್ತಃ ಕೋಟರಕಶ್ಚೈವ ಶಂಖೋ ವಾಲಿಶಿಖಸ್ತಥಾ॥ 1-35-8 (1671) ನಿಷ್ಟಾನಕೋ ಹೇಮಗುಹೋ ನಹುಷಃ ಪಿಂಗಲಸ್ತಥಾ। ಬಾಹ್ಯಕರ್ಣೋ ಹಸ್ತಿಪದಸ್ತಥಾ ಮುದ್ಗರಪಿಂಡಕಃ॥ 1-35-9 (1672) ಕಂಬಲಾಶ್ವತರೌ ಚಾಪಿ ನಾಗಃ ಕಾಲೀಯಕಸ್ತಥಾ। ವೃತ್ತಸಂವರ್ತಕೌ ನಾಗೌ ದ್ವೌ ಚ ಪದ್ಮಾವಿತಿ ಶ್ರುತೌ॥ 1-35-10 (1673) ನಾಗಃ ಶಂಖಮುಖಶ್ಚೈವ ತಥಾ ಕೂಷ್ಮಾಂಡಕೋಽಪರಃ। ಕ್ಷೇಮಕಶ್ಚ ತಥಾ ನಾಗೋ ನಾಗಃ ಪಿಂಡಾರಕಸ್ತಥಾ॥ 1-35-11 (1674) ಕರವೀರಃ ಪುಷ್ಪದಂಷ್ಟ್ರೋ ಬಿಲ್ವಕೋ ಬಿಲ್ವಪಾಂಡುರಃ। ಮೂಷಕಾದಃ ಶಂಖಶಿರಾಃ ಪೂರ್ಣಭದ್ರೋ ಹರಿದ್ರಕಃ॥ 1-35-12 (1675) ಅಪರಾಜಿತೋ ಜ್ಯೋತಿಕಶ್ಚ ಪನ್ನಗಃ ಶ್ರೀವಹಸ್ತಥಾ। ಕೌರವ್ಯೋ ಧೃತರಾಷ್ಟ್ರಶ್ಚ ಶಂಖಪಿಂಡಶ್ಚ ವೀರ್ಯವಾನ್॥ 1-35-13 (1676) ವಿರಜಾಶ್ಚ ಸುಬಾಹುಶ್ಚ ಶಾಲಿಪಿಂಡಶ್ಚ ವೀರ್ಯವಾನ್। ಹಸ್ತಿಪಿಂಡಃ ಪಿಠರಕಃ ಸುಮುಖಃ ಕೌಣಪಾಶನಃ॥ 1-35-14 (1677) ಕುಠಱಃ ಕುಂಜರಶ್ಚೈವ ತಥಾ ನಾಗಃ ಪ್ರಭಾಕರಃ। ಕುಮುದಃ ಕುಮುದಾಕ್ಷಶ್ಚ ತಿತ್ತಿರಿರ್ಹಲಿಕಸ್ತಥಾ॥ 1-35-15 (1678) ಕರ್ದಮಶ್ಚ ಮಹಾನಾಗೋ ನಾಗಶ್ಚ ಬಹುಮೂಲಕಃ। ಕರ್ಕರಾಕರ್ಕರೌ ನಾಗೌ ಕುಂಡೋದರಮಹೋದರೌ॥ 1-35-16 (1679) ಏತೇ ಪ್ರಾಧಾನ್ಯತೋ ನಾಗಾಃ ಕೀರ್ತಿತಾ ದ್ವಿಜಸತ್ತಮ। ಬಹುತ್ವಾನ್ನಾಮಧೇಯಾನಾಮಿತರೇ ನಾನುಕೀರ್ತಿತಾಃ॥ 1-35-17 (1680) ಏತೇಷಾಂ ಪ್ರಸವೋ ಯಶ್ಚ ಪ್ರಸವಸ್ಯ ಚ ಸಂತತಿಃ। ಅಸಂಖ್ಯೇಯೇತಿ ಮತ್ತ್ವಾ ತಾನ್ನ ಬ್ರವೀಮಿ ತಪೋಧನ॥ 1-35-18 (1681) ಬಹೂನೀಹ ಸಹಸ್ರಾಣಿ ಪ್ರಯುತಾನ್ಯರ್ಬುದಾನಿ ಚ। ಅಶಕ್ಯಾನ್ಯೇವ ಸಂಖ್ಯಾತುಂ ಪನ್ನಗಾನಾಂ ತಪೋಧನ॥ ॥ 1-35-19 (1682) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಪಂಚತ್ರಿಂಶೋಽಧ್ಯಾಯಃ॥ 35 ॥

1-36-0 (1683) ಶೌನ ಉವಾಚ। 1-36-0x (163) ಆಖ್ಯಾತಾ ಭುಜಗಾಸ್ತಾತ ವೀರ್ಯವಂತೋ ದುರಾಸದಾಃ। ಶಾಪಂ ತಂ ತೇಽಭಿವಿಜ್ಞಾಯ ಕೃತವಂತಃ ಕಿಮುತ್ತರಂ॥ 1-36-1 (1684) ಸೌತಿರುವಾಚ। 1-36-2x (164) ತೇಷಾಂ ತು ಭಗವಾಂಛೇಷಃ ಕದ್ರೂಂ ತ್ಯಕ್ತ್ವಾ ಮಹಾಯಶಾಃ। ಉಗ್ರಂ ತಪಃ ಸಮಾತಸ್ಥೇ ವಾಯುಭಕ್ಷೋ ಯತವ್ರತಃ॥ 1-36-2 (1685) ಗಂಧಮಾದನಮಾಸಾದ್ಯ ಬದರ್ಯಾಂ ಚ ತಪೋರತಃ। ಗೋಕರ್ಣೇ ಪುಷ್ಕರಾರಣ್ಯೇ ತಥಾ ಹಿಮವತಸ್ತಟೇ॥ 1-36-3 (1686) ತೇಷು ತೇಷು ಚ ಪುಣ್ಯೇಷು ತೀರ್ಥೇಷ್ವಾಯತನೇಷು ಚ। ಏಕಾಂತಶೀಲೋ ನಿಯತಃ ಸತತಂ ವಿಜಿತೇಂದ್ರಿಯಃ॥ 1-36-4 (1687) ತಪ್ಯಮಾನಂ ತಪೋ ಘೋರಂ ತಂ ದದರ್ಶ ಪಿತಾಮಹಃ। ಸಂಶುಷ್ಕಮಾಂಸತ್ವಕ್ಸ್ನಾಯುಂ ಜಟಾಚೀರಧರಂ ಮುನಿಂ॥ 1-36-5 (1688) ತಮಬ್ರವೀತ್ಸತ್ಯಧೃತಿಂ ತಪ್ಯಮಾನಂ ಪಿತಾಮಹಃ। ಕಿಮಿದಂ ಕುರುಷೇ ಶೇಷ ಪ್ರಜಾನಾಂ ಸ್ವಸ್ತಿ ವೈ ಕುರು॥ 1-36-6 (1689) ತ್ವಂ ಹಿ ತೀವ್ರೇಣ ತಪಸಾ ಪ್ರಜಾಸ್ತಾಪಯಸೇಽನಘ। ಬ್ರೂಹಿ ಕಾಮಂ ಚ ಮೇ ಶೇಷ ಯಸ್ತೇ ಹೃದಿ ವ್ಯವಸ್ಥಿತಃ॥ 1-36-7 (1690) ಶೇಷ ಉವಾಚ। 1-36-8x (165) ಸೋದರ್ಯಾ ಮಮ ಸರ್ವೇ ಹಿ ಭ್ರಾತರೋ ಮಂದಚೇತಸಃ। ಸಹ ತೈರ್ನೋತ್ಸಹೇ ವಸ್ತುಂ ತದ್ಭವಾನನುಮನ್ಯತಾಂ॥ 1-36-8 (1691) ಅಭ್ಯಸೂಯಂತಿ ಸತತಂ ಪರಸ್ಪರಮಮಿತ್ರವತ್। ತತೋಽಹಂ ತಪ ಆತಿಷ್ಠೇ ನೈತನ್ಪಶ್ಯೇಯಮಿತ್ಯುತ॥ 1-36-9 (1692) ನ ಮರ್ಷಯಂತಿ ಸಸುತಾಂ ಸತತಂ ವಿನತಾಂ ಚ ತೇ। ಅಸ್ಮಾಕಂ ಚಾಪರೋ ಭ್ರಾತಾ ವೈನತೇಯೋಽಂತರಿಕ್ಷಗಃ॥ 1-36-10 (1693) ತಂ ಚ ದ್ವಿಷಂತಿ ಸತತಂ ಸ ಚಾಪಿ ಬಲವತ್ತರಃ। ವರಪ್ರದಾನಾತ್ಸ ಪಿತುಃ ಕಶ್ಯಪಸ್ಯ ಮಹಾತ್ಮನಃ॥ 1-36-11 (1694) ಸೋಽಹಂ ತಪಃ ಸಮಾಸ್ಥಾಯ ಮೋಕ್ಷ್ಯಾಮೀದಂ ಕಲೇವರಂ। ಕಥಂ ಮೇ ಪ್ರೇತ್ಯಭಾವೇಽಪಿ ನ ತೈಃ ಸ್ಯಾತ್ಸಹ ಸಂಗಮಃ॥ 1-36-12 (1695) ತಮೇವಂ ವಾದಿನಂ ಶೇಷಂ ಪಿತಾಮಹ ಉವಾಚ ಹ। ಜಾನಾಮಿ ಶೇಷ ಸರ್ವೇಷಾಂ ಭ್ರಾತೄಣಾಂ ತೇ ವಿಚೇಷ್ಟಿತಂ॥ 1-36-13 (1696) ಮಾತುಶ್ಚಾಪ್ಯಪರಾಧಾದ್ವೈ ಭ್ರಾತೄಣಾಂ ತೇ ಮಹದ್ಭಯಂ। ಕೃತೋಽತ್ರ ಪರಿಹಾರಶ್ಚ ಪೂರ್ವಮೇವ ಭುಜಂಗಮ॥ 1-36-14 (1697) ಭ್ರಾತೄಣಾಂ ತವ ಸರ್ವೇಷಾಂ ನ ಶೋಕಂ ಕರ್ತುಮರ್ಹಸಿ। ವೃಣೀಷ್ವ ಚ ವರಂ ಮತ್ತಃ ಶೇಷ ಯತ್ತೇಽಭಿಕಾಂಕ್ಷಿತಂ॥ 1-36-15 (1698) ದಾಸ್ಯಾಮಿ ಹಿ ವರಂ ತೇಽದ್ಯ ಪ್ರೀತಿರ್ಮೇ ಪರಮಾ ತ್ವಯಿ। ದಿಷ್ಟ್ಯಾ ಬುದ್ಧಿಶ್ಚ ತೇ ಧರ್ಮೇ ನಿವಿಷ್ಟಾ ಪನ್ನಗೋತ್ತಮ। ಭೂಯೋ ಭೂಯಶ್ಚ ತೇ ಬುದ್ಧಿರ್ಧರ್ಮೇ ಭವತು ಸುಸ್ಥಿರಾ॥ 1-36-16 (1699) ಶೇಷ ಉವಾಚ। 1-36-16x (166) ಏಷ ಏವ ವರೋ ದೇವ ಕಾಂಕ್ಷಿತೋ ಮೇ ಪಿತಾಮಹ। ಧರ್ಮೇ ಮೇ ರಮತಾಂ ಬುದ್ಧಿಃ ಶಮೇ ತಪಸಿ ಚೇಶ್ವರ॥ 1-36-17 (1700) ಬ್ರಹ್ಮೋವಾಚ। 1-36-18x (167) ಪ್ರೀತೋಽಸ್ಂಯನೇನ ತೇ ಶೇಷ ದಮೇನ ಚ ಶಮೇನ ಚ। ತ್ವಯಾ ತ್ವಿದಂ ವಚಃ ಕಾರ್ಯಂ ಮನ್ನಿಯೋಗಾತ್ಪ್ರಜಾಹಿತಂ॥ 1-36-18 (1701) ಇಮಾಂ ಮಹೀಂ ಶೈಲವನೋಪಪನ್ನಾಂ ಸಸಾಗರಗ್ರಾಮವಿಹಾರಪತ್ತನಾಂ ತ್ವಂ ಶೇಷ ಸಂಯಕ್ ಚಲಿತಾಂ ಯಥಾವ- ತ್ಸಂಗೃಹ್ಯ ತಿಷ್ಠಸ್ವ ಯಥಾಽಚಲಾ ಸ್ಯಾತ್॥ 1-36-19 (1702) ಶೇಷ ಉವಾಚ। 1-36-20x (168) ಯಥಾಽಽಹ ದೇವೋ ವರದಃ ಪ್ರಜಾಪತಿ- ರ್ಮಹೀಪತಿರ್ಭೂತಪತಿರ್ಜಗತ್ಪತಿಃ। ತಥಾ ಮಹೀಂ ಧಾರಯಿತಾಽಸ್ಮಿ ನಿಶ್ಚಲಾಂ ಪ್ರಯಚ್ಛತಾಂ ಮೇ ವಿವರಂ ಪ್ರಜಾಪತೇ॥ 1-36-20 (1703) ಬ್ರಹ್ಮೋವಾಚ। 1-36-21x (169) ಅಧೋ ಮಹೀಂ ಗಚ್ಛ ಭುಜಂಗಮೋತ್ತಮ ಸ್ವಯಂ ತವೈಷಾ ವಿವರಂ ಪ್ರದಾಸ್ಯತಿ। ಇಮಾಂ ಧರಾಂ ಧಾರಯತಾ ತ್ವಯಾ ಹಿ ಮೇ ಮಹತ್ಪ್ರಿಯಂ ಶೇಷ ಕೃತಂ ಭವಿಷ್ಯತಿ॥ 1-36-21 (1704) ಸೌತಿರುವಾಚ। 1-36-22x (170) ತಥೈವ ಕೃತ್ವಾ ವಿವರಂ ಪ್ರವಿಶ್ಯ ಸ ಪ್ರಭುರ್ಭುವೋ ಭುಜಗವರಾಗ್ರಜಃ ಸ್ಥಿತಃ। ಬಿಭರ್ತಿ ದೇವೀಂ ಶಿರಸಾ ಮಹೀಮಿಮಾಂ ಸಮುದ್ರನೇಮಿಂ ಪರಿಗೃಹ್ಯ ಸರ್ವತಃ॥ 1-36-22 (1705) ಬ್ರಹ್ಮೋವಾಚ। 1-36-23x (171) ಶೇಷೋಽಸಿ ನಾಗೋತ್ತಮ ಧರ್ಮದೇವೋ ಮಹೀಮಿಮಾಂ ಧಾರಯಸೇ ಯದೇಕಃ। ಅನಂತಭೋಗೈಃ ಪರಿಗೃಹ್ಯ ಸರ್ವಾಂ ಯಥಾಹಮೇವಂ ಬಲಭಿದ್ಯಥಾ ವಾ॥ 1-36-23 (1706) ಸೌತಿರುವಾಚ। 1-36-24x (172) ಅಧೋ ಭೂಮೌ ವಸತ್ಯೇವಂ ನಾಗೋಽನಂತಃ ಪ್ರತಾಪವಾನ್। ಧಾಸ್ಯನ್ವಸುಧಾಮೇಕಃ ಶಾಸನಾದ್ಬ್ರಹ್ಮಣೋ ವಿಭೋಃ॥ 1-36-24 (1707) ಸುಪರ್ಣಂ ಚ ಸಹಾಯಂ ವೈ ಭಗವಾನಮರೋತ್ತಮಃ। ಪ್ರಾದಾದನಂತಾಯ ತದಾ ವೈನತೇಯಂ ಪಿತಾಮಹಃ॥ 1-36-25 (1708) `ಅನಂತೇಽಭಿಪ್ರಯಾತೇ ತು ವಾಸುಕಿಃ ಸ ಮಹಾಬಲಃ। ಅಭ್ಯಷಿಚ್ಯತ ನಾಗೈಸ್ತು ದೈವತೈರಿವ ವಾಸವಃ॥' ॥ 1-36-26 (1709) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಷಟ್ತ್ರಿಂಶೋಽಧ್ಯಾಯಃ॥ 37 ॥

1-37-0 (1710) ಸೌತಿರುವಾಚ। 1-37-0x (173) ಮಾತುಃ ಸಕಾಶಾತ್ತಂ ಶಾಪಂ ಶ್ರುತ್ವಾ ವೈ ಪನ್ನಗೋತ್ತಮಃ। ವಾಸುಕಿಶ್ಚಿಂತಯಾಮಾಸ ಶಾಪೋಽಯಂ ನ ಭವೇತ್ಕಥಂ॥ 1-37-1 (1711) ತತಃ ಸ ಮಂತ್ರಯಾಮಾಸ ಭ್ರಾತೃಭಿಃ ಸಹ ಸರ್ವಶಃ। ಐರಾವತಪ್ರಭೃತಿಭಿಃ ಸರ್ವೈರ್ಧರ್ಮಪರಾಯಣೈಃ॥ 1-37-2 (1712) ವಾಸುಕಿರುವಾಚ। 1-37-3x (174) ಅಯಂ ಶಾಪೋ ಯಥೋದ್ದಿಷ್ಟೋ ವಿದಿತಂ ವಸ್ತಥಾಽನಘಾಃ। ತಸ್ಯ ಶಾಪಸ್ಯ ಮೋಕ್ಷಾರ್ಥಂ ಮಂತ್ರಯಿತ್ವಾ ಯತಾಮಹೇ॥ 1-37-3 (1713) ಸರ್ವೇಷಾಮೇವ ಶಾಪಾನಾಂ ಪ್ರತಿಘಾತೋ ಹಿ ವಿದ್ಯತೇ। ನ ತು ಮಾತ್ರಾಽಭಿಶಪ್ತಾನಾಂ ಮೋಕ್ಷಃ ಕ್ವಚನ ವಿದ್ಯತೇ॥ 1-37-4 (1714) ಅವ್ಯಯಸ್ಯಾಪ್ರಮೇಯಸ್ಯ ಸತ್ಯಸ್ಯ ಚ ತಥಾಗ್ರತಃ। ಶಪ್ತಾ ಇತ್ಯೇವ ಮೇ ಶ್ರುತ್ವಾ ಜಾಯತೇ ಹೃದಿ ವೇಪಥುಃ॥ 1-37-5 (1715) ನೂನಂ ಸರ್ವವಿನಾಶೋಽಯಮಸ್ಮಾಕಂ ಸಮುಪಾಗತಃ। `ಶಾಪಃ ಸೃಷ್ಟೋ ಮಹಾಘೋರೋ ಮಾತ್ರಾ ಖಲ್ವವಿನೀತಯಾ। ನ ಹ್ಯೇತಾಂ ಸೋಽವ್ಯಯೋ ದೇವಃ ಶಪತ್ನೀಂ ಪ್ರತ್ಯಷೇಧಯತ್॥ 1-37-6 (1716) ತಸ್ಮಾತ್ಸಂಮಂತ್ರಯಾಮೋಽದ್ಯ ಭುಜಂಗಾನಾಮನಾಮಯಂ। ಯಥಾ ಭವೇದ್ಧಿ ಸರ್ವೇಷಾಂ ಮಾ ನಃ ಕಾಲೋಽತ್ಯಗಾದಯಂ॥ 1-37-7 (1717) ಸರ್ವ ಏವ ಹಿ ನಸ್ತಾವದ್ಬುದ್ಧಿಮಂತೋ ವಿಚಕ್ಷಣಾಃ। ಅಪಿ ಮಂತ್ರಯಮಾಣಾ ಹಿ ಹೇತುಂ ಪಶ್ಯಾಮ ಮೋಕ್ಷಣೇ॥ 1-37-8 (1718) ಯಥಾ ನಷ್ಟಂ ಪುರಾ ದೇವಾ ಗೂಢಮಗ್ನಿಂ ಗುಹಾಗತಂ। ಯಥಾ ಸ ಯಜ್ಞೋ ನ ಭವೇದ್ಯಥಾ ವಾಽಪಿ ಪರಾಭವಃ। ಜನಮೇಜಯಸ್ಯ ಸರ್ಪಾಣಾಂ ವಿನಾಶಕರಣಾಯ ವೈ॥ 1-37-9 (1719) ಸೌತಿರುವಾಚ। 1-37-10x (175) ತಥೇತ್ಯುಕ್ತ್ವಾ ತತಃ ಸರ್ವೇ ಕಾದ್ರವೇಯಾಃ ಸಮಾಗತಾಃ। ಸಮಯಂ ಚಕಿರೇ ತತ್ರ ಮಂತ್ರಬುದ್ಧಿವಿಶಾರದಾಃ॥ 1-37-10 (1720) ಏಕೇ ತತ್ರಾಬ್ರುವನ್ನಾಗಾ ವಯಂ ಭೂತ್ವಾ ದ್ವಿಜರ್ಷಭಾಃ। ಜನಮೇಜಯಂ ತು ಭಿಕ್ಷಾಮೋ ಯಜ್ಞಸ್ತೇ ನ ಭವೇದಿತಿ॥ 1-37-11 (1721) ಅಪರೇ ತ್ವಬ್ರುವನ್ನಾಗಾಸ್ತತ್ರ ಪಂಡಿತಮಾನಿನಃ। ಮಂತ್ರಿಣೋಽಸ್ಯ ವಯಂ ಸರ್ವೇ ಭವಿಷ್ಯಾಮಃ ಸುಸಂಮತಾಃ॥ 1-37-12 (1722) ಸ ನಃ ಪ್ರಕ್ಷ್ಯತಿ ಸರ್ವೇಷು ಕಾರ್ಯೇಷ್ವರ್ಥವಿನಿಶ್ಚಯಂ। ತತ್ರ ಬುದ್ಧಿಂ ಪ್ರದಾಸ್ಯಾಮೋ ಯಥಾ ಯಜ್ಞೋ ನಿವರ್ತ್ಸ್ಯತಿ॥ 1-37-13 (1723) ಸ ನೋ ಬಹುಮತಾನ್ರಾಜಾ ಬುದ್ಧ್ಯಾ ಬುದ್ಧಿಮತಾಂ ವರಃ। ಯಜ್ಞಾರ್ಥಂ ಪ್ರಕ್ಷ್ಯತಿ ವ್ಯಕ್ತಂ ನೇತಿ ವಕ್ಷ್ಯಾಮಹೇ ವಯಂ॥ 1-37-14 (1724) ದರ್ಶಯಂತೋ ಬಹೂಂದೋಷಾನ್ಪ್ರೇತ್ಯ ಚೇಹ ಚ ದಾರುಣಾನ್। ಹೇತುಭಿಃ ಕಾರಣೈಶ್ಚೈವ ಯಥಾ ಯಜ್ಞೋ ಭವೇನ್ನ ಸಃ॥ 1-37-15 (1725) ಅಥವಾ ಯ ಉಪಾಧ್ಯಾಯಃ ಕ್ರತೋಸ್ತಸ್ಯ ಭವಿಷ್ಯತಿ। ಸರ್ಪಸತ್ರವಿಧಾನಜ್ಞೋ ರಾಜಕಾರ್ಯಹಿತೇ ರತಃ॥ 1-37-16 (1726) ತಂ ಗತ್ವಾ ದಶತಾಂ ಕಶ್ಚಿದ್ಭುಜಂಗಃ ಸ ಮರಿಷ್ಯತಿ। ತಸ್ಮಿನ್ಮೃತೇ ಯಜ್ಞಕಾರೇ ಕ್ರತುಃ ಸ ನ ಭವಿಷ್ಯತಿ॥ 1-37-17 (1727) ಯೇ ಚಾನ್ಯೇ ಸರ್ಪಸತ್ರಜ್ಞಾ ಭವಿಷ್ಯಂತ್ಯಸ್ಯ ಚರ್ತ್ವಿಜಃ। ತಾಂಶ್ಚ ಸರ್ವಾಂದಶಿಷ್ಯಾಮಃ ಕೃತಮೇವಂ ಭವಿಷ್ಯತಿ॥ 1-37-18 (1728) ಅಪರೇ ತ್ವಬ್ರುವನ್ನಾಗಾ ಧರ್ಮಾತ್ಮಾನೋ ದಯಾಲವಃ। ಅಬುದ್ಧಿರೇಷಾ ಭವತಾಂ ಬ್ರಹ್ಮಹತ್ಯಾ ನ ಶೋಭನಂ॥ 1-37-19 (1729) ಸಂಯಕ್ಸದ್ಧರ್ಮಮೂಲಾ ವೈ ವ್ಯಸನೇ ಶಾಂತಿರುತ್ತಮಾ। ಅಧರ್ಮೋತ್ತರತಾ ನಾಮ ಕೃತ್ಸ್ನಂ ವ್ಯಾಪಾದಯೇಜ್ಜಗತ್॥ 1-37-20 (1730) ಅಪರೇ ತ್ವಬ್ರುವನ್ನಾಗಾಃ ಸಮಿದ್ಧಂ ಜಾತವೇದಸಂ। ವರ್ಷೈರ್ನಿರ್ವಾಪಯಿಷ್ಯಾಮೋ ಮೇಘಾ ಭೂತ್ವಾ ಸವಿದ್ಯುತಃ॥ 1-37-21 (1731) ಸ್ರುಗ್ಭಾಂಡಂ ನಿಶಿ ಗತ್ವಾ ಚ ಅಪರೇ ಭುಜಗೋತ್ತಮಾಃ। ಪ್ರಮತ್ತಾನಾಂ ಹರಂತ್ವಾಶು ವಿಘ್ನ ಏವಂ ಭವಿಷ್ಯತಿ॥ 1-37-22 (1732) ಯಜ್ಞೇ ವಾ ಭುಜಗಾಸ್ತಸ್ಮಿಞ್ಶತಶೋಽಥ ಸಹಸ್ರಶಃ। ಜನಾಂದಶಂತು ವೈ ಸರ್ವೇ ನೈವಂ ತ್ರಾಸೋ ಭವಿಷ್ಯತಿ॥ 1-37-23 (1733) ಅಥವಾ ಸಂಸ್ಕೃತಂ ಭೋಜ್ಯಂ ದೂಷಯಂತು ಭುಜಂಗಮಾಃ। ಸ್ವೇನ ಮೂತ್ರಪುರೀಷೇಣ ಸರ್ವಭೋಜ್ಯವಿನಾಶಿನಾ॥ 1-37-24 (1734) ಅಪರೇ ತ್ವಬ್ರುವಂಸ್ತತ್ರ ಋತ್ವಿಜೋಽಸ್ಯ ಭವಾಮಹೇ। ಯಜ್ಞವಿಘ್ನಂ ಕರಿಷ್ಯಾಮೋ ದಕ್ಷಿಣಾ ದೀಯತಾಮಿತಿ॥ 1-37-25 (1735) ವಶ್ಯತಾಂ ಚ ಗತೋಽಸೌ ನಃ ಕರಿಷ್ಯತಿ ಯಥೇಪ್ಸಿತಂ। ಅಪರೇ ತ್ವಬ್ರುವಂಸ್ತತ್ರ ಜಲೇ ಪ್ರಕ್ರೀಡಿತಂ ನೃಪಂ॥ 1-37-26 (1736) ಗೃಹಮಾನೀಯ ಬಧ್ನೀಮಃ ಕ್ರತುರೇವಂ ಭವೇನ್ನ ಸಃ। ಅಪರೇ ತ್ವಬ್ರುವಂಸ್ತತ್ರ ನಾಗಾಃ ಪಂಡಿತಮಾನಿನಃ॥ 1-37-27 (1737) ದಶಾಮಸ್ತಂ ಪ್ರಗೃಹ್ಯಾಶು ಕೃತಪೇವಂ ಭವಿಷ್ಯತಿ। ಛಿನ್ನಂ ಮೂಲಮನರ್ಥಾನಾಂ ಮೃತೇ ತಸ್ಮಿನ್ಭವಿಷ್ಯತಿ॥ 1-37-28 (1738) ಏಷಾ ನೋ ನೈಷ್ಠಿಕೀ ಬುದ್ಧಿಃ ಸರ್ವೇಷಾಮೀಕ್ಷಣಶ್ರವಃ। ಅಥ ಯನ್ಮನ್ಯಸೇ ರಾಜಂದ್ರುತಂ ತತ್ಸಂವಿಧೀಯತಾಂ॥ 1-37-29 (1739) ಇತ್ಯುಕ್ತ್ವಾ ಸಮುದೈಕ್ಷಂತ ವಾಸುಕಿಂ ಪನ್ನಗೋತ್ತಮಂ। ವಾಸುಕಿಶ್ಚಾಪಿ ಸಂಚಿಂತ್ಯ ತಾನುವಾಚ ಭುಜಂಗಮಾನ್॥ 1-37-30 (1740) ನೈಷಾ ವೋ ನೈಷ್ಠಿಕೀ ಬುದ್ಧಿರ್ಮತಾ ಕರ್ತುಂ ಭುಜಂಗಮಾಃ। ಸರ್ವೇಷಾಮೇವ ಮೇ ಬುದ್ಧಿಃ ಪನ್ನಗಾನಾಂ ನ ರೋಚತೇ॥ 1-37-31 (1741) ಕಿಂ ತತ್ರ ಸಂವಿಧಾತವ್ಯಂ ಭವತಾಂ ಸ್ಯಾದ್ಧಿತಂ ತು ಯತ್। ಶ್ರೇಯಃ ಪ್ರಸಾದನಂ ಮನ್ಯೇ ಕಶ್ಯಪಶ್ಯ ಮಹಾತ್ಮನಃ॥ 1-37-32 (1742) ಜ್ಞಾತಿವರ್ಗಸ್ಯ ಸೌಹಾರ್ದಾದಾತ್ಮನಶ್ಚ ಭುಜಂಗಮಾಃ। ನ ಚ ಜಾನಾತಿ ಮೇ ಬುದ್ಧಿಃ ಕಿಂಚಿತ್ಕರ್ತುಂ ವಚೋ ಹಿವಃ॥ 1-37-33 (1743) ಮಯಾ ಹೀದಂ ವಿಧಾತವ್ಯಂ ಭವತಾಂ ಯದ್ಧಿತಂ ಭವೇತ್। ಅನೇನಾಹಂ ಭೃಶಂ ತಪ್ಯೇ ಗುಣದೋಷೌ ಮದಾಶ್ರಯೌ॥ ॥ 1-37-34 (1744) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಸಪ್ತತ್ರಿಂಶೋಽಧ್ಯಾಯಃ॥ 37 ॥

1-38-0 (1745) ಸೌತಿರುವಾಚ। 1-38-0x (176) ಸರ್ಪಾಣಾಂ ತು ವಚಃ ಶ್ರುತ್ವಾ ಸರ್ವೇಷಾಮಿತಿ ಚೇತಿ ಚ। ವಾಸುಕೇಶ್ಚ ವಚಃ ಶ್ರುತ್ವಾ ಏಲಾಪತ್ರೋಽಬ್ರವೀದಿದಂ॥ 1-38-1 (1746) `ಪ್ರಾಗೇವ ದರ್ಶಿತಾ ಬುದ್ಧಿರ್ಮಯೈಷಾ ಭುಜಗೋತ್ತಮಾಃ। ಹೇಯೇತಿ ಯದಿ ವೋ ಬುದ್ಧಿಸ್ತವಾಪಿ ಚ ತಥಾ ಪ್ರಭೋ॥ 1-38-2 (1747) ಅಸ್ತು ಕಾಮಂ ಮಭಾದ್ಯಾಪಿ ಬುದ್ಧಿಃ ಸ್ಮರಣಮಾಗತಾ। ತಾಂ ಶೃಣುಧ್ವಂ ಪ್ರವಕ್ಷ್ಯಾಮಿ ಯಾಥಾತಥ್ಯೇನ ಪನ್ನಗಾಃ॥' 1-38-3 (1748) ನ ಸ ಯಜ್ಞೋ ನ ಭವಿತಾ ನ ಸ ರಾಜಾ ತಥಾವಿಧಃ। ಜನಮೇಜಯಃ ಪಾಂಡವೇಯೋ ಯತೋಽಸ್ಮಾಕಂ ಮಹದ್ಭಯಂ॥ 1-38-4 (1749) ದೈವೇನೋಪಹತೋ ರಾಜನ್ಯೋ ಭವೇದಿಹ ಪೂರುಷಃ। ಸ ದೈವಮೇವಾಶ್ರಯೇತ ನಾನ್ಯತ್ತತ್ರ ಪರಾಯಣಂ॥ 1-38-5 (1750) ತದಿದಂ ಚೈವಮಸ್ಮಾಕಂ ಭಯಂ ಪನ್ನಗಸತ್ತಮಾಃ। ದೈವಮೇವಾಶ್ರಯಾಮೋಽತ್ರ ಶೃಣುಧ್ವಂ ಚ ವಚೋ ಮಮ॥ 1-38-6 (1751) ಅಹಂ ಶಾಪೇ ಸಮುತ್ಸೃಷ್ಟೇ ಸಮಶ್ರೌಷಂ ವಚಸ್ತದಾ। ಮಾತುರುತ್ಸಂಗಮಾರೂಢೋ ಭಯಾತ್ಪನ್ನಗಸತ್ತಮಾಃ। ದೇವಾನಾಂ ಪನ್ನಗಶ್ರೇಷ್ಠಾಸ್ತೀಕ್ಷ್ಣಾಸ್ತೀಕ್ಷ್ಣ ಇತಿ ಪ್ರಭೋ॥ 1-38-7 (1752) `ಶಾಪದುಃಖಾಗ್ನಿತಪ್ತಾನಾಂ ಪನ್ನಗಾನಾಮನಾಮಯಂ। ಕೃಪಯಾ ಪರಯಾಽಽವಿಷ್ಟಾಃ ಪ್ರಾರ್ಥಯಂತೋ ದಿವೌಕಸಃ॥' 1-38-8 (1753) ದೇವಾ ಊಚುಃ। 1-38-9x (177) ಕಾ ಹಿ ಲಬ್ಧ್ವಾ ಪ್ರಿಯಾನ್ಪುತ್ರಾಞ್ಶಪೇದೇವಂ ಪಿತಾಮಹ। ಋತೇ ಕದ್ರೂಂ ತೀಕ್ಷ್ಣರೂಪಾಂ ದೇವದೇವ ತವಾಗ್ರತಃ॥ 1-38-9 (1754) ತಥೇತಿ ಚ ವಚಸ್ತಸ್ಯಾಸ್ತ್ವಯಾಪ್ಯುಕ್ತಂ ಪಿತಾಮಹ। ಇಚ್ಛಾಮ ಏತದ್ವಿಜ್ಞಾತುಂ ಕಾರಣಂ ಯನ್ನ ವಾರಿತಾ॥ 1-38-10 (1755) ಬ್ರಹ್ಮೋವಾಚ। 1-38-11x (178) ಬಹವಃ ಪನ್ನಗಾಸ್ತೀಕ್ಷ್ಣಾ ಘೋರರೂಪಾ ವಿಷೋಲ್ಬಣಾಃ। ಪ್ರಜಾನಾಂ ಹಿತಕಾಮೋಽಹಂ ನ ಚ ವಾರಿತವಾಂಸ್ತದಾ॥ 1-38-11 (1756) ಯೇ ದಂದಶೂಕಾಃ ಕ್ಷುದ್ರಾಶ್ಚ ಪಾಪಾಚಾರಾ ವಿಷೋಲ್ಬಣಾಃ। ತೇಷಾಂ ವಿನಾಶೋ ಭವಿತಾ ನ ತು ಯೇ ಧರ್ಮಚಾರಿಣಃ॥ 1-38-12 (1757) ಯನ್ನಿಮಿತ್ತಂ ಚ ಭವಿತಾ ಮೋಕ್ಷಸ್ತೇಷಾಂ ಮಹಾಭಯಾತ್। ಪನ್ನಗಾನಾಂ ನಿಬೋಧಧ್ವಂ ತಸ್ಮಿನ್ಕಾಲೇ ಸಮಾಗತೇ॥ 1-38-13 (1758) ಯಾಯಾವರಕುಲೇ ಧೀಮಾನ್ಭವಿಷ್ಯತಿ ಮಹಾನೃಷಿಃ। ಜರತ್ಕಾರುರಿತಿ ಖ್ಯಾತಸ್ತಪಸ್ವೀ ನಿಯತೇಂದ್ರಿಯಃ॥ 1-38-14 (1759) ತಸ್ಯ ಪುತ್ರೋ ಜರತ್ಕಾರೋರ್ಭವಿಷ್ಯತಿ ತಪೋಧನಃ। ಆಸ್ತೀಕೋ ನಾಮ ಯಜ್ಞಂ ಸ ಪ್ರತಿಷೇತ್ಸ್ಯತಿ ತಂ ತದಾ। ತತ್ರ ಮೋಕ್ಷ್ಯಂತಿ ಭುಜಗಾ ಯೇ ಭವಿಷ್ಯಂತಿ ಧಾರ್ಮಿಕಾಃ॥ 1-38-15 (1760) ದೇವಾ ಊಚುಃ। 1-38-16x (179) ಸ ಮುನಿಪ್ರವರೋ ಬ್ರಹ್ಮಂಜರತ್ಕಾರುರ್ಮಹಾತಪಾಃ। ಕಸ್ಯಾಂ ಪುತ್ರಂ ಮಹಾತ್ಮಾನಂ ಜನಯಿಷ್ಯತಿ ವೀರ್ಯವಾನ್॥ 1-38-16 (1761) ಬ್ರಹ್ಮೋವಾಚ। 1-38-17x (180) `ವಾಸುಕೇರ್ಭಗಿನೀ ಕನ್ಯಾ ಸಮುತ್ಪನ್ನಾ ಸುಶೋಭನಾ। ತಸ್ಮೈ ದಾಸ್ಯತಿ ತಾಂ ಕನ್ಯಾಂ ವಾಸುಕಿರ್ಭುಜಗೋತ್ತಮಃ॥ 1-38-17 (1762) ತಸ್ಯಾಂ ಜನಯಿತಾ ಪುತ್ರಂ ವೇದವೇದಾಂಗಪಾರಗಂ।' ಸನಾಮಾಯಾಂ ಸನಾಮಾ ಸ ಕನ್ಯಾಯಾಂ ದ್ವಿಜಸತ್ತಮಃ॥ 1-38-18 (1763) ಏಲಾಪತ್ರ ಉವಾಚ। 1-38-19x (181) ಏವಮಸ್ತ್ವಿತಿ ತಂ ದೇವಾಃ ಪಿತಾಮಹಮಥಾಬ್ರುವನ್। ಉತ್ಕ್ವೈವಂ ವಚನಂ ದೇವಾನ್ವಿರಿಂಚಿಸ್ತ್ರಿದಿವಂ ಯಯೌ॥ 1-38-19 (1764) ಸೋಽಹಮೇವಂ ಪ್ರಪಶ್ಯಾಮಿ ವಾಸುಕೇ ಭಗಿನೀ ತವ। ಜರತ್ಕಾರುರಿತಿ ಖ್ಯಾತಾ ತಾಂ ತಸ್ಮೈ ಪ್ರತಿಪಾದಯ॥ 1-38-20 (1765) ಭೈಕ್ಷವದ್ಭಿಕ್ಷಮಾಣಾಯ ನಾಗಾನಾಂ ಭಯಶಾಂತಯೇ। ಋಷಯೇ ಸುವ್ರತಾಯೈನಾಮೇಷ ಮೋಕ್ಷಃ ಶ್ರುತೋ ಮಯಾ॥ ॥ 1-38-21 (1766) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಅಷ್ಟತ್ರಿಂಶೋಽಧ್ಯಾಯಃ॥ 38 ॥

1-39-0 (1767) ಸೌತಿರುವಾಚ। 1-39-0x (182) ಏಲಾಪತ್ರವಚಃ ಶ್ರುತ್ವಾ ತೇ ನಾಗಾ ದ್ವಿಜಸತ್ತಮ। ಸರ್ವೇ ಪ್ರಹೃಷ್ಟಮನಸಃ ಸಾಧುಸಾಧ್ವಿತ್ಯಪೂಜಯನ್॥ 1-39-1 (1768) ತತಃಪ್ರಭೃತಿ ತಾಂ ಕನ್ಯಾಂ ವಾಸುಕಿಃ ಪರ್ಯರಕ್ಷತ। ಜರತ್ಕಾರುಂ ಸ್ವಸಾರಂ ವೈ ಪರಂ ಹರ್ಷಮವಾಪ ಚ॥ 1-39-2 (1769) ತತೋ ನಾತಿಮಹಾನ್ಕಾಲಃ ಸಮತೀತ ಇವಾಭವತ್। ಅಥ ದೇವಾಸುರಾಃ `ಸರ್ವೇ ಮಮಂಥುರ್ವರುಣಾಲಯಂ॥ 1-39-3 (1770) ತತ್ರ ನೇತ್ರಮಭೂನ್ನಾಗೋ ವಾಸುಕಿರ್ಬಲಿನಾಂ ವರಃ। ಸಮಾಪ್ಯೈವ ಚ ತತ್ಕರ್ಮ ಪಿತಾಮಹಮುಪಾಗಮನ್॥ 1-39-4 (1771) ದೇವಾ ವಾಸುಕಿನಾ ಸಾರ್ಧಂ ಪಿತಾಮಹಮಥಾವ್ರುವನ್। ಭಗವಞ್ಶಾಪಭೀತೋಽಯಂ ವಾಸುಕಿಸ್ತಪ್ಯತೇ ಭೃಶಂ॥ 1-39-5 (1772) ಅಸ್ಯೈತನ್ಮಾನಸಂ ಶಲ್ಯಂ ಸಮುದ್ಧರ್ತುಂ ತ್ವಮರ್ಹಸಿ। ಜನನ್ಯಾಃ ಶಾಪಜಂ ದೇವ ಜ್ಞಾತೀನಾಂ ಹಿತಮಿಚ್ಛತಃ॥ 1-39-6 (1773) ಹಿತೋ ಹ್ಯಯಂ ಸದಾಸ್ಮಕಂ ಪ್ರಿಯಕಾರೀ ಚ ನಾಗರಾಟ್। ಪ್ರಸಾದಂ ಕುರು ದೇವೇಶ ಶಮಯಾಸ್ಯ ಮನೋಜ್ವರಂ॥ 1-39-7 (1774) ಬ್ರಹ್ಮೋವಾಚ। 1-39-8x (183) ಮಯೈವ ತದ್ವಿತೀರ್ಣಂ ವೈ ವಚನಂ ಮನಸಾಽಮರಾಃ। ಏಲಾಪತ್ರೇಣ ನಾಗೇನ ಯದಸ್ಯಾಭಿಹಿತಂ ಪುರಾ॥ 1-39-8 (1775) ತತ್ಕರೋತ್ವೇಷ ನಾಗೇಂದ್ರಃ ಪ್ರಾಪ್ತಕಾಲಂ ವಚಃ ಸ್ವಯಂ। ವಿನಶಿಷ್ಯಂತಿ ಯೇ ಪಾಪಾ ನ ತು ಯೇ ಧರ್ಮಚಾರಿಣಃ॥ 1-39-9 (1776) ಉತ್ಪನ್ನಃ ಸ ಜರತ್ಕಾರುಸ್ತಪಸ್ಯುಗ್ರೇ ರತೋ ದ್ವಿಜಃ। ತಸ್ಯೈಷ ಭಗಿನೀಂ ಕಾಲೇ ಜರತ್ಕಾರುಂ ಪ್ರಯಚ್ಛತು॥ 1-39-10 (1777) ಏಲಾಪತ್ರೇಣ ಯತ್ಪ್ರೋಕ್ತಂ ವಚನಂ ಭುಜಗೇನ ಹ। ಪನ್ನಗಾನಾಂ ಹಿತಂ ದೇವಾಸ್ತತ್ತಥಾ ನ ತದನ್ಯಥಾ॥ 1-39-11 (1778) ಸೌತಿರುವಾಚ। 1-39-12x (184) ಏತಚ್ಛ್ರುತ್ವಾ ತು ನಾಗೇಂದ್ರಃ ಪಿತಾಮಹವಚಸ್ತದಾ। ಸಂದಿಶ್ಯ ಪನ್ನಗಾನ್ಸರ್ವಾನ್ವಾಸುಕಿಃ ಶಾಪಮೋಹಿತಃ॥ 1-39-12 (1779) ಸ್ವಸಾರಮುದ್ಯಂಯ ತದಾ ಜರತ್ಕಾರುಮೃಷಿಂ ಪ್ರತಿ। ಸರ್ಪಾನ್ಬಹೂಂಜರತ್ಕಾರೌ ನಿತ್ಯಯುಕ್ತಾನ್ಸಮಾದಧತ್॥ 1-39-13 (1780) ಜರತ್ಕಾರುರ್ಯದಾ ಭಾರ್ಯಾಮಿಚ್ಛೇದ್ವರಯಿತುಂ ಪ್ರಭುಃ। ಶೀಘ್ರಮೇತ್ಯ ತದಾಽಽಖ್ಯೇಯಂ ತನ್ನಃ ಶ್ರೇಯೋ ಭವಿಷ್ಯತಿ॥ ॥ 1-39-14 (1781) ಇತಿ ಶ್ರೀಮನಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಏಕೋನಚತ್ವಾರಿಂಶೋಽಧ್ಯಾಯಃ॥ 39 ॥

1-40-0 (1782) ಶೌನಕ ಉವಾಚ। 1-40-0x (185) ಜರತ್ಕಾರುರಿತಿ ಖ್ಯಾತೋ ಯಸ್ತ್ವಯಾ ಸೂತನಂದನ। ಇಚ್ಛಾಮಿ ತದಹಂ ಶ್ರೋತುಂ ಋಷೇಸ್ತಸ್ಯ ಮಹಾತ್ಮನಃ॥ 1-40-1 (1783) ಕಿಂ ಕಾರಣಂ ಜರತ್ಕಾರೋರ್ನಾಮೈತತ್ಪ್ರಥಿತಂ ಭುವಿ। ಜರತ್ಕಾರುನಿರುಕ್ತಿಂ ತ್ವಂ ಯಥಾವದ್ವಕ್ತುಮರ್ಹಸಿ॥ 1-40-2 (1784) ಸೌತಿರುವಾಚ। 1-40-3x (186) ಜರೇತಿ ಕ್ಷಯಮಾಹುರ್ವೈ ದಾರುಣಂ ಕಾರುಸಂಜ್ಞಿತಂ। ಶರೀರಂ ಕಾರು ತಸ್ಯಾಸೀತ್ತತ್ಸ ಧೀಮಾಞ್ಶನೈಃಶನೈಃ॥ 1-40-3 (1785) ಕ್ಷಪಯಾಮಾಸ ತೀವ್ರೇಣ ತಪಸೇತ್ಯತ ಉಚ್ಯತೇ। ಜರತ್ಕಾರುರಿತಿ ಬ್ರಹ್ಮನ್ವಾಸುಕೇರ್ಭಗಿನೀ ತಥಾ॥ 1-40-4 (1786) ಏವಮುಕ್ತಸ್ತು ಧರ್ಮಾತ್ಮಾ ಶೌನಕಃ ಪ್ರಾಹಸತ್ತದಾ। ಉಗ್ರಶ್ರವಸಮಾಮಂತ್ರ್ಯ ಉಪಪನ್ನಮಿತಿ ಬ್ರುವನ್॥ 1-40-5 (1787) ಶೌನಕ ಉವಾಚ। 1-40-6x (187) ಉಕ್ತಂ ನಾಮ ಯಥಾ ಪೂರ್ವಂ ಸರ್ವಂ ತಚ್ಛ್ರುತವಾನಹಂ। ಯಥಾ ತು ಜಾತೋ ಹ್ಯಾಸ್ತೀಕ ಏತದಿಚ್ಛಾಮಿ ವೇದಿತುಂ। ತಚ್ಛ್ರುತ್ವಾ ವಚನಂ ತಸ್ಯ ಸೌತಿಃ ಪ್ರೋವಾಚ ಶಾಸ್ತ್ರತಃ॥ 1-40-6 (1788) ಸೌತಿರುವಾಚ। 1-40-7x (188) ಸಂದಿಶ್ಯ ಪನ್ನಗಾನ್ಸರ್ವಾನ್ವಾಸುಕಿಃ ಸುಸಮಾಹಿತಃ। ಸ್ವಸಾರಮುದ್ಯಂಯ ತದಾ ಜರತ್ಕಾರುಮೃಷಿಂ ಪ್ರತಿ॥ 1-40-7 (1789) ಅಥ ಕಾಲಸ್ಯ ಮಹತಃ ಸ ಮುನಿಃ ಸಂಶಿತವ್ರತಃ। ತಪಸ್ಯಭಿರತೋ ಧೀಮಾನ್ಸ ದಾರಾನ್ನಾಭ್ಯಕಾಂಕ್ಷತ॥ 1-40-8 (1790) ಸ ತೂರ್ಧ್ವರೇತಾಸ್ತಪಸಿ ಪ್ರಸಕ್ತಃ ಸ್ವಾಧ್ಯಾಯವಾನ್ವೀತಭಯಃ ಕೃತಾತ್ಮಾ। ಚಚಾರ ಸರ್ವಾಂ ಪೃಥಿವೀಂ ಮಹಾತ್ಮಾ ನ ಚಾಪಿ ದಾರಾನ್ಮನಸಾಧ್ಯಕಾಂಕ್ಷತ್॥ 1-40-9 (1791) ತತೋಽಪರಸ್ಮಿನ್ಸಂಪ್ರಾಪ್ತೇ ಕಾಲೇ ಕಸ್ಮಿಂಶ್ಚಿದೇವ ತು। ಪರಿಕ್ಷಿನ್ನಾಮ ರಾಜಾಸೀದ್ಬ್ರಹ್ಮನ್ಕೌರವವಂಶಜಃ॥ 1-40-10 (1792) ಯಥಾ ಪಾಂಡುರ್ಮಹಾಬಾಹುರ್ಧನುರ್ಧರವರೋ ಯುಧಿ। ಬಭೂವ ಮೃಗಯಾಶೀಲಃ ಪುರಾಸ್ಯ ಪ್ರಪಿತಾಮಹಃ॥ 1-40-11 (1793) `ತಥಾ ವಿಖ್ಯಾತವಾಂʼಲ್ಲೋಕೇ ಪರೀಕ್ಷಿದಭಿಮನ್ಯುಜಃ।' ಮೃಗಾನ್ವಿಧ್ಯನ್ವರಾಹಾಂಶ್ಚ ತರಕ್ಷೂನ್ಮಹಿಷಾಂಸ್ತಥಾ। ಅನ್ಯಾಂಶ್ಚ ವಿವಿಧಾನ್ವನ್ಯಾಂಶ್ಚಚಾರ ಪೃಥಿವೀಪತಿಃ॥ 1-40-12 (1794) ಸ ಕದಾಚಿನ್ಮೃಗಂ ವಿದ್ಧ್ವಾ ಬಾಣೇನಾನತಪರ್ವಣಾ। ಪೃಷ್ಠತೋ ಧನುರಾದಾಯ ಸಸಾರ ಗಹನೇ ವನೇ॥ 1-40-13 (1795) ಯಥೈವ ಭಗವಾನ್ರುದ್ರೋ ವಿದ್ಧ್ವಾ ಯಜ್ಞಮೃಗಂ ದಿವಿ। ಅನ್ವಗಚ್ಛದ್ಧನುಷ್ಪಾಣಿಃ ಪರ್ಯನ್ವೇಷ್ಟುಮಿತಸ್ತತಃ॥ 1-40-14 (1796) ನ ಹಿ ತೇನ ಮೃಗೋ ವಿದ್ಧೋ ಜೀವನ್ಗಚ್ಛತಿ ವೈ ವನೇ। ಪೂರ್ವರೂಪಂ ತು ತತ್ತೂರ್ಣಂ ತಸ್ಯಾಸೀತ್ಸ್ವರ್ಗತಿಂ ಪ್ರತಿ॥ 1-40-15 (1797) ಪರಿಕ್ಷಿತೋ ನರೇಂದ್ರಸ್ಯ ವಿದ್ಧೋ ಯನ್ನಷ್ಟವಾನ್ಮೃಗಃ। ದೂರಂ ಚಾಪಹೃತಸ್ತೇನ ಮೃಗೇಣ ಸ ಮಹೀಪತಿಃ॥ 1-40-16 (1798) ಪರಿಶ್ರಾಂತಃ ಪಿಪಾಸಾರ್ತ ಆಸಸಾದ ಮುನಿಂ ವನೇ। ಗವಾಂ ಪ್ರಚಾರೇಷ್ವಾಸೀನಂ ವತ್ಸಾನಾಂ ಮುಖನಿಃಸೃತಂ॥ 1-40-17 (1799) ಭೂಯಿಷ್ಠಮುಪಯುಂಜಾನಂ ಫೇನಮಾಪಿಬತಾಂ ಪಯಃ। ತಮಭಿದ್ರುತ್ಯ ವೇಗೇನ ಸ ರಾಜಾ ಸಂಶಿತವ್ರತಂ॥ 1-40-18 (1800) ಅಪೃಚ್ಛದ್ಧನುರುದ್ಯಂಯ ತಂ ಮುನಿಂ ಕ್ಷುಚ್ಛ್ರಮಾನ್ವಿತಃ। ಭೋಭೋ ಬ್ರಹ್ಮನ್ನಹಂ ರಾಜಾ ಪರೀಕ್ಷಿದಭಿಮನ್ಯುಜಃ॥ 1-40-19 (1801) ಮಯಾ ವಿದ್ಧೋ ಮೃಗೋ ನಷ್ಟಃ ಕಚ್ಚಿತ್ತಂ ದೃಷ್ಟವಾನಸಿ। ಸ ಮುನಿಸ್ತಂ ತು ನೋವಾಚ ಕಿಂಚಿನ್ಮೌನವ್ರತೇ ಸ್ಥಿತಃ॥ 1-40-20 (1802) ತಸ್ಯ ಸ್ಕಂಧೇ ಮೃತಂ ಸರ್ಪಂ ಕ್ರುದ್ಧೋ ರಾಜಾ ಸಮಾಸಜತ್। ಸಮುತ್ಕ್ಷಿಪ್ಯ ಧನುಷ್ಕೋಟ್ಯಾ ಸ ಚೈನಂ ಸಮುಪೈಕ್ಷತ॥ 1-40-21 (1803) ನ ಸ ಕಿಂಚಿದುವಾಚೈನಂ ಶುಭಂ ವಾ ಯದಿ ವಾಽಶುಭಂ। ಸ ರಾಜಾ ಕ್ರೋಧಮುತ್ಸೃಜ್ಯ ವ್ಯಥಿತಸ್ತಂ ತಥಾಗತಂ। ದೃಷ್ಟ್ವಾ ಜಗಾಮ ನಗರಮೃಷಿಸ್ತ್ವಾಸೀತ್ತಥೈವ ಸಃ॥ 1-40-22 (1804) ನ ಹಿ ತಂ ರಾಜಶಾರ್ದೂಲಂ ಕ್ಷಮಾಶೀಲೋ ಮಹಾಮುನಿಃ। ಸ್ವಧರ್ಮನಿರತಂ ಭೂಪಂ ಸಮಾಕ್ಷಿಪ್ತೋಽಪ್ಯಧರ್ಷಯತ್॥ 1-40-23 (1805) ನ ಹಿ ತಂ ರಾಜಶಾರ್ದೂಲಸ್ತಥಾ ಧರ್ಮಪರಾಯಣಂ। ಜಾನಾತಿ ಭರತಶ್ರೇಷ್ಠಸ್ತತ ಏನಮಧರ್ಷಯತ್॥ 1-40-24 (1806) ತರುಣಸ್ತಸ್ಯ ಪುತ್ರೋಽಭೂತ್ತಿಗ್ಮತೇಜಾ ಮಹಾತಪಾಃ। ಶೃಂಗೀ ನಾಮ ಮಹಾಕ್ರೋಧೋ ದುಷ್ಪಸಾದೋಮಹಾವ್ರತಃ॥ 1-40-25 (1807) ಸ ದೇವಂ ಪರಮಾಸೀನಂ ಸರ್ವಭೂತಹಿತೇ ರತಂ। ಬ್ರಹ್ಮಾಣಮುಪತಸ್ಥೇ ವೈ ಕಾಲೇ ಕಾಲೇ ಸುಂಸಯತಃ॥ 1-40-26 (1808) ಸತೇನ ಸಮನುಜ್ಞಾತೋ ಬ್ರಹ್ಮಣಾ ಗೃಹಮೇಯಿವಾನ್। ಸಖ್ಯೋಕ್ತಃ ಕ್ರೀಡಮಾನೇನ ಸ ತತ್ರ ಹಸತಾ ಕಿಲ॥ 1-40-27 (1809) ಸಂರಂಭಾತ್ಕೋಪನೋಽತೀವ ವಿಷಕಲ್ಪೋ ಮುನೇಃ ಸುತಃ। ಉದ್ದಿಶ್ಯ ಪಿತರಂ ತಸ್ಯ ಯಚ್ಛ್ರುತ್ವಾ ರೋಷಮಾಹರತ್। ಋಷಿಪುತ್ರೇಣ ನರ್ಮಾರ್ಥೇ ಕೃಶೇನ ದ್ವಿಜಸತ್ತಮ॥ 1-40-28 (1810) ಕೃಶ ಉವಾಚ। 1-40-29x (189) ತೇಜಸ್ವಿನಸ್ತವ ಪಿತಾ ತಥೈವ ಚ ತಪಸ್ವಿನಃ। ಶವಂ ಸ್ಕಂಧೇನ ವಹತಿ ಮಾ ಶೃಂಗಿನ್ಗರ್ವಿತೋ ಭವ॥ 1-40-29 (1811) ವ್ಯಾಹರತ್ಸ್ವೃಷಿಪುತ್ರೇಷು ಮಾ ಸ್ಮ ಕಿಂಚಿದ್ವಚೋ ವದ। ಅಸ್ಮದ್ವಿಧೇಷು ಸಿದ್ಧೇಷು ಬ್ರಹ್ಮವಿತ್ಸು ತಪಸ್ವಿಷು॥ 1-40-30 (1812) ಕ್ವ ತೇ ಪುರುಷಮಾನಿತ್ವಂ ಕ್ವ ತೇ ವಾಚಸ್ತಥಾವಿಧಾಃ। ದರ್ಪಜಾಃ ಪಿತರಂ ದ್ರಷ್ಟಾ ಯಸ್ತ್ವಂ ಶವಧರಂ ತಥಾ॥ 1-40-31 (1813) ಪಿತ್ರಾ ಚ ತವ ತತ್ಕರ್ಮ ನಾನುರೂಪಮಿವಾತ್ಮನಃ। ಕೃತಂ ಮುನಿಜನಶ್ರೇಷ್ಠ ಯೇನಾಹಂ ಭೃಶದುಃಖಿತಃ॥ ॥ 1-40-32 (1814) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಚತ್ವಾರಿಂಶೋಽಧ್ಯಾಯಃ॥ 40 ॥

1-41-0 (1815) ಸೌತಿರುವಾಚ। 1-41-0x (190) ಏವಮುಕ್ತಃ ಸ ತೇಜಸ್ವೀ ಶೃಂಗೀ ಕೋಪಸಮನ್ವಿತಃ। ಮೃತಧಾರಂ ಗುರುಂ ಶ್ರುತ್ವಾ ಪರ್ಯತಪ್ಯತ ಮನ್ಯುನಾ॥ 1-41-1 (1816) ಸ ತ ಕೃಶಮಕ್ಷಿಪ್ರೇಕ್ಷ್ಯ ಸೂನೃತಾಂ ವಾಚಮುತ್ಸೃಜನ್। ಅಪೃಚ್ಛತ್ತಂ ಕಥಂ ತಾತಃ `ಸರ್ವಭೂತಹಿತೇ ರತಃ॥ 1-41-2 (1817) ಅನನ್ಯಚೇತಾಃ ಸತತಂ ವಿಷ್ಣುಂ ದವೇಮತೋಷಯತ್। ವನ್ಯಾನ್ನಭೋಜೀ ಸತತಂ ಮುನಿರ್ಮೌನವ್ರತೇ ಸ್ಥಿತಃ। ಏವಂಭೂತಃ ಸ ತೇಜಸ್ವೀ' ಸ ಮೇಽದ್ಯ ಮೃತಧಾರಕಃ॥ 1-41-3 (1818) ಕೃಶ ಉವಾಚ। 1-41-4x (191) ರಾಜ್ಞಾ ಪರಿಕ್ಷಿತಾ ತಾತ ಮೃಗಯಾಂ ಪರಿಧಾವತಾ। ಅವಸಕ್ತಃ ಪಿತುಸ್ತೇಽದ್ಯ ಮೃತಃ ಸ್ಕಂಧೇ ಭುಜಂಗಮಃ॥ 1-41-4 (1819) ಶೃಂಗ್ಯುವಾಚ। 1-41-5x (192) ಕಿಂ ಮೇ ಪಿತ್ರಾ ಕೃತಂ ತಸ್ಯ ರಾಜ್ಞೋಽನಿಷ್ಟಂ ದುರಾತ್ಮನಃ। ಬ್ರೂಹಿ ತತ್ಕೃಶ ತತ್ತ್ವೇನ ಪಶ್ಯ ಮೇ ತಪಸೋ ಬಲಂ॥ 1-41-5 (1820) ಕೃಶ ಉವಾಚ। 1-41-6x (193) ಸ ರಾಜಾ ಮೃಗಯಾಂ ಯಾತಃ ಪರಿಕ್ಷಿದಭಿಮನ್ಯುಜಃ। ಸಸಾರ ಮೃಗಮೇಕಾಕೀ ವಿದ್ಧ್ವಾ ಬಾಣೇನ ಶೀಘ್ರಗಂ॥ 1-41-6 (1821) ನ ಚಾಪಶ್ಯನ್ಮೃಗಂ ರಾಜಾ ಚರಂಸ್ತಸ್ಮಿನ್ಮಹಾವನೇ। ಪಿತರಂ ತೇ ಸ ದೃಷ್ಟ್ವೈವ ಪಪ್ರಚ್ಛಾನಭಿಭಾಷಿಣಂ॥ 1-41-7 (1822) ತಂ ಸ್ಥಾಣುಭೂತಂ ತಿಷ್ಠಂತಂ ಕ್ಷುತ್ಪಿಪಾಸಾಶ್ರಮಾತುರಃ। ಪುನಃಪುನರ್ಮೃಗಂ ನಷ್ಟಂ ಪ್ರಪಚ್ಛ ಪಿತರಂ ತವ॥ 1-41-8 (1823) ಸ ಚ ಮೌನವ್ರತೋಪೇತೋ ನೈವ ತಂ ಪ್ರತ್ಯಭಾಷತ। ತಸ್ಯ ರಾಜಾ ಧನುಷ್ಕೋಟ್ಯಾ ಸರ್ಪಂ ಸ್ಕಂಧೇ ಸಮಾಸಜತ್॥ 1-41-9 (1824) ಶೃಂಗಿಂಸ್ತವ ಪಿತಾ ಸೋಽಪಿ ತಥೈವಾಸ್ತೇ ಯತವ್ರತಃ। ಸೋಽಪಿ ರಾಜಾ ಸ್ವನಗರಂ ಪ್ರಸ್ಥಿತೋ ಗಜಸಾಹ್ವಯಂ॥ 1-41-10 (1825) ಸೌತಿರುವಾಚ। 1-41-11x (194) ಶ್ರುತ್ವೈವಮೃಷಿಪುತ್ರಸ್ತು ಶವಂ ಸ್ಕಂಧೇ ಪ್ರತಿಷ್ಠಿತಂ। ಕೋಪಸಂರಕ್ತನಯನಃ ಪ್ರಜ್ವಲನ್ನಿವ ಮನ್ಯುನಾ॥ 1-41-11 (1826) ಆವಿಷ್ಟಃ ಸ ಹಿ ಕೋಪೇನ ಶಶಾಪ ನೃಪತಿಂ ತದಾ। ವಾರ್ಯುಪಸ್ಪೃಶ್ಯ ತೇಜಸ್ವೀ ಕ್ರೋಧವೇಗಬಲಾತ್ಕೃತಃ॥ 1-41-12 (1827) ಶೃಂಗ್ಯುವಾಚ। 1-41-13x (195) ಯೋಽಸೌ ವೃದ್ಧಸ್ಯ ತಾತಸ್ಯ ತಥಾ ಕೃಚ್ಛ್ರಗತಸ್ಯ ಹ। ಸ್ಕಂಧೇ ಮೃತಂ ಸಮಾಸ್ರಾಕ್ಷೀತ್ಪನ್ನಗಂ ರಾಜಕಿಲ್ವಿಷೀ॥ 1-41-13 (1828) ತಂ ಪಾಪಮತಿಸಂಕ್ರುದ್ಧಸ್ತಕ್ಷಕಃ ಪನ್ನಗೇಶ್ವರಃ। ಆಶೀವಿಷಸ್ತಿಗ್ಮತೇಜಾ ಮದ್ವಾಕ್ಯಬಲಚೋದಿತಃ॥ 1-41-14 (1829) ಸಪ್ತರಾತ್ರಾದಿತೋ ನೇತಾ ಯಮಸ್ಯ ಸದನಂ ಪ್ರತಿ। ದ್ವಿಜಾನಾಮವಮಂತಾರಂ ಕುರೂಣಾಮಯಶಸ್ಕರಂ॥ 1-41-15 (1830) ಸೌತಿರುವಾಚ। 1-41-16x (196) ಇತಿ ಶಪ್ತ್ವಾತಿಸಂಕ್ರುದ್ಧಃ ಶೃಂಗೀ ಪಿತರಮಭ್ಯಗಾತ್। ಆಸೀನಂ ಗ್ರೋವ್ರಜೇ ತಸ್ಮಿನ್ವಹಂತಂ ಶವಪನ್ನಗಂ॥ 1-41-16 (1831) ಸ ತಮಲಕ್ಷ್ಯ ಪಿತರಂ ಶೃಂಗೀ ಸ್ಕಂಧಗತೇನ ವೈ। ಶವೇನ ಭುಜಗೇನಾಸೀದ್ಭೂಯಃ ಕ್ರೋಧಸಮಾಕುಲಃ॥ 1-41-17 (1832) ದುಃಖಾಚ್ಚಾಶ್ರೂಣಿ ಮುಮುಚೇ ಪಿತರಂ ಚೇದಮಬ್ರವೀತ್। ಶ್ರುತ್ವೇಮಾಂ ಧರ್ಷಣಾಂ ತಾತ ತವ ತೇನ ದುರಾತ್ಮನಾ॥ 1-41-18 (1833) ರಾಜ್ಞಾ ಪರಿಕ್ಷಿತಾ ಕೋಪಾದಶಪಂ ತಮಹಂ ನೃಪಂ। ಯಥಾರ್ಹತಿ ಸ ಏವೋಗ್ರಂ ಶಾಪಂ ಕುರುಕುಲಾಧಮಃ। ಸಪ್ತಮೇಽಹನಿ ತಂ ಪಾಪಂ ತಕ್ಷಕಃ ಪನ್ನಗೋತ್ತಮಃ॥ 1-41-19 (1834) ವೈವಸ್ವತಸ್ಯ ಸದನಂ ನೇತಾ ಪರಮದಾರುಣಂ। 1-41-20 (1835) ಸೌತಿರುವಾಚ। ತಮಬ್ರವೀತ್ಪಿತಾ ಬ್ರಹ್ಮಂಸ್ತಥಾ ಕೋಪಸಮನ್ವಿತಂ॥ 1-41-20x (197) ಶಮೀಕ ಉವಾಚ। 1-41-21x (198) ನ ಮೇ ಪ್ರಿಯಂ ಕೃತಂ ತಾತ ನೈಷ ಧರ್ಮಸ್ತಪಸ್ವಿನಾಂ। ವಯಂ ತಸ್ಯ ನರೇಂದ್ರಸ್ಯ ವಿಷಯೇ ನಿವಸಾಮಹೇ॥ 1-41-21 (1836) ನ್ಯಾಯತೋ ರಕ್ಷಿತಾಸ್ತೇನ ತಸ್ಯ ಪಾಪಂ ನ ರೋಚಯೇ। ಸರ್ವಥಾ ವರ್ತಮಾನಸ್ಯ ರಾಜ್ಞೋ ಹ್ಯಸ್ಮದ್ವಿಧೈಃ ಸದಾ॥ 1-41-22 (1837) ಕ್ಷಂತವ್ಯಂ ಪುತ್ರ ಧರ್ಮೋ ಹಿ ಹತೋ ಹಂತಿ ನ ಸಂಶಯಃ। ಯದಿ ರಾಜಾ ನ ಸಂರಕ್ಷೇತ್ಪೀಡಾ ನಃ ಪರಮಾ ಭವೇತ್॥ 1-41-23 (1838) ನ ಶಕ್ನುಯಾಮ ಚರಿತುಂ ಧರ್ಮಂ ಪುತ್ರ ಯಥಾಸುಖಂ। ರಕ್ಷಮಾಣಾ ವಯಂ ತಾತ ರಾಜಭಿರ್ಧರ್ಮದೃಷ್ಟಿಭಿಃ॥ 1-41-24 (1839) ಚರಾಮೋ ವಿಪುಲಂ ಧರ್ಮಂ ತೇಷಾಂ ಭಾಗೋಽಸ್ತಿ ಧರ್ಮತಃ। ಸರ್ವಥಾ ವರ್ತಮಾನಸ್ಯ ರಾಜ್ಞಃ ಕ್ಷಂತವ್ಯಮೇವ ಹಿ॥ 1-41-25 (1840) ಪರಿಕ್ಷಿತ್ತು ವಿಶೇಷೇಣ ಯಥಾಽಸ್ಯ ಪ್ರಪಿತಾಮಹಃ। ರಕ್ಷತ್ಯಸ್ಮಾಂಸ್ತಥಾ ರಾಜ್ಞಾ ರಕ್ಷಿತವ್ಯಾಃ ಪ್ರಜಾ ವಿಭೋ॥ 1-41-26 (1841) ಅರಾಜಕೇ ಜನಪದೇ ದೋಷಾ ಜಾಯಂತಿ ವೈ ಸದಾ। ಉದ್ವೃತ್ತಂ ಸತತಂ ಲೋಕಂ ರಾಜಾ ದಂಡೇನ ಶಾಸ್ತಿ ವೈ॥ 1-41-27 (1842) ದಂಡಾತ್ಪ್ರತಿಭಯಂ ಭೂಯಃ ಶಾಂತಿರುತ್ಪದ್ಯತೇ ತದಾ। ನೋದ್ವಿಗ್ನಶ್ಚರತೇ ಧರ್ಮಂ ನೋದ್ವಿಗ್ನಶ್ಚರತೇ ಕ್ರಿಯಾಂ॥ 1-41-28 (1843) ರಾಜ್ಞಾ ಪ್ರತಿಷ್ಠಿತೋ ಧರ್ಮೋ ಧರ್ಮಾತ್ಸ್ವರ್ಗಃ ಪ್ರತಿಷ್ಠಿತಃ। ರಾಜ್ಞೋ ಯಜ್ಞಕ್ರಿಯಾಃ ಸರ್ವಾ ಯಜ್ಞಾದ್ದೇವಾಃ ಪ್ರತಿಷ್ಠಿತಾಃ॥ 1-41-29 (1844) ದೇವಾದ್ವೃಷ್ಟಿಃ ಪ್ರವರ್ತೇತ ವೃಷ್ಟೇರೋಷಧಯಃ ಸ್ಮೃತಾಃ। ಓಷಧಿಭ್ಯೋ ಮನುಷ್ಯಾಣಾಂ ಧಾರಯನ್ಸತತಂ ಹಿತಂ॥ 1-41-30 (1845) ಮನುಷ್ಯಾಣಾಂ ಚ ಯೋ ಧಾತಾ ರಾಜಾ ರಾಜ್ಯಕರಃ ಪುನಃ। ದಶಶ್ರೋತ್ರಿಯಸಮೋ ರಾಜಾ ಇತ್ಯೇವಂ ಮನುರಬ್ರವೀತ್॥ 1-41-31 (1846) ತೇನೇಹ ಕ್ಷುಧಿತೇನೈತ್ಯ ಶ್ರಾಂತೇನ ಮೃಗಲಿಪ್ಸುನಾ। ಅಜಾನತಾ ಕೃತಂ ಮನ್ಯೇ ವ್ರತಮೇತದಿದಂ ಮಮ॥ 1-41-32 (1847) ಕಸ್ಮಾದಿದಂ ತ್ವಯಾ ಬಾಲ್ಯಾತ್ಸಹಸಾ ದುಷ್ಕೃತಂ ಕೃತಂ। ನ ಹ್ಯರ್ಹತಿ ನೃಪಃ ಶಾಪಮಸ್ಮತ್ತಃ ಪುತ್ರ ಸರ್ವಥಾ॥ ॥ 1-41-33 (1848) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಏಕಚತ್ವಾರಿಂಶೋಽಧ್ಯಾಯಃ॥ 41 ॥

1-42-0 (1849) ಶೃಂಗ್ಯುವಾಚ। 1-42-0x (199) ಯದ್ಯೇತತ್ಸಾಹಸಂ ತಾತ ಯದಿ ವಾ ದುಷ್ಕೃತಂ ಕೃತಂ। ಪ್ರಿಯಂ ವಾಪ್ಯಪ್ರಿಯಂ ವಾ ತೇ ವಾಗುಕ್ತಾ ನ ಮೃಷಾ ಭವೇತ್॥ 1-42-1 (1850) ನೈವಾನ್ಯಥೇದಂ ಭವಿತಾ ಪಿತರೇಷ ಬ್ರವೀಮಿ ತೇ। ನಾಹಂ ಮೃಷಾ ಬ್ರವೀಂಯೇವಂ ಸ್ವೈರೇಷ್ವಪಿ ಕುತಃ ಶಪನ್॥ 1-42-2 (1851) ಶಮೀಕ ಉವಾಚ। 1-42-3x (200) ಜಾನಾಂಯುಗ್ರಪ್ರಭಾವಂ ತ್ವಾಂ ತಾತ ಸತ್ಯಗಿರಂ ತಥಾ। ನಾನೃತಂ ಚೋಕ್ತಪೂರ್ವಂ ತೇ ನೈತನ್ಮಿಥ್ಯಾ ಭವಿಷ್ಯತಿ॥ 1-42-3 (1852) ಪಿತ್ರಾ ಪುತ್ರೋ ವಯಸ್ಥೋಽಪಿ ಸತತಂ ವಾಚ್ಯ ಏವ ತು। ಯಥಾ ಸ್ಯಾದ್ಗುಣಸಂಯುಕ್ತಃ ಪ್ರಾಪ್ನುಯಾಚ್ಚ ಮಹದ್ಯಶಃ॥ 1-42-4 (1853) ಕಿಂ ಪುನರ್ಬಾಲ ಏವ ತ್ವಂ ತಪಸಾ ಭಾವಿತಃ ಸದಾ। ವರ್ಧತೇ ಚೇತ್ಪ್ರಭವತಾಂ ಕೋಪೋಽತೀವ ಮಹಾತ್ಮನಾಂ॥ 1-42-5 (1854) `ಉತ್ಸೀದೇಯುರಿಮೇ ಲೋಕಾಃ ಕ್ಷಣಾ ಚಾಸ್ಯ ಪ್ರತಿಕ್ರಿಯಾ।' ಸೋಽಹಂ ಪಶ್ಯಾಮಿ ವಕ್ತವ್ಯಂ ತ್ವಯಿ ಧರ್ಮಭೃತಾಂ ವರ। ಪುತ್ರತ್ವಂ ಬಾಲತಾಂ ಚೈವ ತವಾವೇಕ್ಷ್ಯ ಚ ಸಾಹಸಂ॥ 1-42-6 (1855) ಸ ತ್ವಂ ಶಮಪರೋ ಭೂತ್ವಾ ವನ್ಯಮಾಹಾರಮಾಚರನ್। ಚರ ಕ್ರೋಧಮಿಮಂ ಹಿತ್ವಾ ನೈವಂ ಧರ್ಮಂ ಪ್ರಹಾಸ್ಯಸಿ॥ 1-42-7 (1856) ಕ್ರೋಧೋ ಹಿ ಧರ್ಮಂ ಹರತಿ ಯತೀನಾಂ ದುಃಖಸಂಚಿತಂ। ತತೋ ಧರ್ಮವಿಹೀನಾನಾಂ ಗತಿರಿಷ್ಟಾ ನ ವಿದ್ಯತೇ॥ 1-42-8 (1857) ಶಮ ಏವ ಯತೀನಾಂ ಹಿ ಕ್ಷಮಿಣಾಂ ಸಿದ್ಧಿಕಾರಕಃ। ಕ್ಷಮಾವತಾಮಯಂ ಲೋಕಃ ಪರಶ್ಚೈವ ಕ್ಷಮಾವತಾಂ॥ 1-42-9 (1858) ತಸ್ಮಾಚ್ಚರೇಥಾಃ ಸತತಂ ಕ್ಷಮಾಶೀಲೋ ಜಿತೇಂದ್ರಿಯಃ। ಕ್ಷಮಯಾ ಪ್ರಾಪ್ಸ್ಯಸೇ ಲೋಕಾನ್ಬ್ರಹ್ಮಣಃ ಸಮನಂತರಾನ್॥ 1-42-10 (1859) ಮಯಾ ತು ಶಮಮಾಸ್ಥಾಯ ಯಚ್ಛಕ್ಯಂ ಕರ್ತುಮದ್ಯ ವೈ। ತತ್ಕರಿಷ್ಯಾಂಯಹಂ ತಾತ ಪ್ರೇಪಯಿಷ್ಯೇ ನೃಪಾಯ ವೈ॥ 1-42-11 (1860) ಮಮ ಪುತ್ರೇಣ ಶಪ್ತೋಽಸಿ ಬಾಲೇನಾಕೃತಬುದ್ಧಿನಾ। ಮಮೇಮಾಂ ಧರ್ಷಣಾಂ ತ್ವತ್ತಃ ಪ್ರೇಕ್ಷ್ಯ ರಾಜನ್ನಮರ್ಷಿಣಾ॥ 1-42-12 (1861) ಸೌತಿರುವಾಚ। 1-42-13x (201) ಏವಮಾದಿಶ್ಯ ಶಿಷ್ಯಂ ಸ ಪ್ರೇಷಯಾಮಾಸ ಸುವ್ರತಃ। ಪರಿಕ್ಷಿತೇ ನೃಪತಯೇ ದಯಾಪನ್ನೋ ಮಹಾತಪಾಃ॥ 1-42-13 (1862) ಸಂದಿಶ್ಯ ಕುಶಲಪ್ರಶ್ನಂ ಕಾರ್ಯವೃತ್ತಾಂತಮೇವ ಚ। ಶಿಷ್ಯಂ ಗೌರಮುಖಂ ನಾಮ ಶೀಲವಂತಂ ಸಮಾಹಿತಂ॥ 1-42-14 (1863) ಸೋಽಭಿಗಂಯ ತತಃ ಶೀಘ್ರಂ ನರೇಂದ್ರಂ ಕುರುವರ್ಧನಂ। ವಿವೇಶ ಭವನಂ ರಾಜ್ಞಃ ಪೂರ್ವಂ ದ್ವಾಸ್ಥೈರ್ನಿವೇದಿತಃ॥ 1-42-15 (1864) ಪೂಜಿತಸ್ತು ನರೇಂದ್ರೇಣ ದ್ವಿಜೋ ಗೌರಮುಖಸ್ತದಾ। ಆಚಖ್ಯೌ ಚ ಪರಿಶ್ರಾಂತೋ ರಾಜ್ಞಃ ಸರ್ವಮಶೇಷತಃ॥ 1-42-16 (1865) ಶಮೀಕವಚನಂ ಘೋರಂ ಯಥೋಕ್ತಂ ಮಂತ್ರಿಸನ್ನಿಧೌ। ಶಮೀಕೋ ನಾಮ ರಾಜೇಂದ್ರ ವರ್ತತೇ ವಿಷಯೇ ತವ॥ 1-42-17 (1866) ಋಷಿಃ ಪರಮಧರ್ಮಾತ್ಮಾ ದಾಂತಃ ಶಾಂತೋ ಮಹಾತಪಾಃ। ತಸ್ಯ ತ್ವಯಾ ನರವ್ಯಾಘ್ರ ಸರ್ಪಃ ಪ್ರಾಣೈರ್ವಿಯೋಜಿತಃ॥ 1-42-18 (1867) ಅವಸಕ್ತೋ ಧನುಷ್ಕೋಟ್ಯಾ ಸ್ಕಂಧೇ ಮೌನಾನ್ವಿತಸ್ಯ ಚ। ಕ್ಷಾಂತವಾಂಸ್ತವ ತತ್ಕರ್ಮ ಪುತ್ರಸ್ತಸ್ಯ ನ ಚಕ್ಷಮೇ॥ 1-42-19 (1868) ತೇನ ಶಪ್ತೋಽಸಿ ರಾಜೇಂದ್ರ ಪಿತುರಜ್ಞಾತಮದ್ಯ ವೈ। ತಕ್ಷಕಃ ಸಪ್ತರಾತ್ರೇಣ ಮೃತ್ಯುಸ್ತವ ಭವಿಷ್ಯತಿ॥ 1-42-20 (1869) ತತ್ರ ರಕ್ಷಾಂ ಕುರುಷ್ವೇತಿ ಪುನಃ ಪುನರಥಾಬ್ರವೀತ್। ತದನ್ಯಥಾ ನ ಶಕ್ಯಂ ಚ ಕರ್ತುಂ ಕೇನಚಿದಪ್ಯುತ॥ 1-42-21 (1870) ನ ಹಿ ಶಕ್ನೋತಿ ಸಂಯಂತುಂ ಪುತ್ರಂ ಕೋಪಸಮನ್ವಿತಂ। ತತೋಽಹಂ ಪ್ರೇಷಿತಸ್ತೇನ ತವ ರಾಜನ್ಹಿತಾರ್ಥಿನಾ॥ 1-42-22 (1871) ಸಾತಿರುವಾಚ। 1-42-23x (202) ಇತಿ ಶ್ರುತ್ವಾ ವಚೋ ಘೋರಂ ಸ ರಾಜಾ ಕುರುನಂದನಃ। ಪರ್ಯತಪ್ಯತ ತತ್ಪಾಪಂ ಕೃತ್ವಾ ರಾಜಾ ಮಹಾತಪಾಃ॥ 1-42-23 (1872) ತಂ ಚ ಮೌನವ್ರತಂ ಶ್ರುತ್ವಾ ವನೇ ಮುನಿವರಂ ತದಾ। ಭೂಯ ಏವಾಭವದ್ರಾಜಾ ಶೋಕಸಂತಪ್ತಮಾನಸಃ॥ 1-42-24 (1873) ಅನುಕ್ರೋಶಾತ್ಮತಾಂ ತಸ್ಯ ಶಮೀಕಸ್ಯಾವಧಾರ್ಯ ಚ। ಪರ್ಯತಪ್ಯತ ಭೂಯೋಪಿ ಕೃತ್ವಾ ತತ್ಕಿಲ್ಬಿಷಂ ಮುನೇಃ॥ 1-42-25 (1874) ನ ಹಿ ಮೃತ್ಯುಂ ತಥಾ ರಾಜಾ ಶ್ರುತ್ವಾ ವೈ ಸೋಽನ್ವತಪ್ಯತ। ಅಶೋಚದಮರಪ್ರಖ್ಯೋ ಯಥಾ ಕೃತ್ವೇಹ ಕರ್ಮ ತತ್॥ 1-42-26 (1875) ತತಸ್ತಂ ಪ್ರೇಷಯಾಮಾಸ ರಾಜಾ ಗೌರಮುಖಂ ತದಾ। ಭೂಯಃ ಪ್ರಸಾದಂ ಭಗವಾನ್ಕರೋತ್ವಿಹ ಮಮೇತಿ ವೈ॥ 1-42-27 (1876) `ಶ್ರುತ್ವಾ ತು ವಚನಂ ರಾಜ್ಞೋ ಮುನಿರ್ಗೌರಮುಖಸ್ತದಾ। ಸಮನುಜ್ಞಾಪ್ಯ ವೇಗೇನ ಪ್ರಜಗಾಮಾಶ್ರಮಂ ಗುರೋಃ॥' 1-42-28 (1877) ತಸ್ಮಿಂಶ್ಚ ಗತಮಾತ್ರೇಽಥ ರಾಜಾ ಗೌರಮುಖೇ ತದಾ। ಮಂತ್ರಿಭಿರ್ಮಂತ್ರಯಾಮಾಸ ಸಹ ಸಂವಿಗ್ನಮಾನಸಃ॥ 1-42-29 (1878) ಸಂಮಂತ್ರ್ಯ ಮಂತ್ರಿಭಿಶ್ಚೈವ ಸ ತಥಾ ಮಂತ್ರತತ್ತ್ವವಿತ್। ಪ್ರಾಸಾದಂ ಕಾರಯಾಮಾಸ ಏಕಸ್ತಂಭಂ ಸುರಕ್ಷಿತಂ॥ 1-42-30 (1879) ರಕ್ಷಾಂ ಚ ವಿದಧೇ ತತ್ರ ಭಿಷಜಶ್ಚೌಷಧಾನಿ ಚ। ಬ್ರಾಹ್ಮಣಾನ್ಮಂತ್ರಸಿದ್ಧಾಂಶ್ಚ ಸರ್ವತೋ ವೈ ನ್ಯಯೋಜಯತ್॥ 1-42-31 (1880) ರಾಜಕಾರ್ಯಾಣಿ ತತ್ರಸ್ಥಃ ಸರ್ವಾಣ್ಯೇವಾಕರೋಚ್ಚ ಸಃ। ಮಂತ್ರಿಭಿಃ ಸಹ ಧರ್ಮಜ್ಞಃ ಸಮಂತಾತ್ಪರಿರಕ್ಷಿತಃ॥ 1-42-32 (1881) ನ ಚೈನಂ ಕಶ್ಚಿದಾರೂಢಂ ಲಭತೇ ರಾಜಸತ್ತಮಂ। ವಾತೋಽಪಿ ನಿಶ್ಚರಂಸ್ತತ್ರ ಪ್ರವೇಶೇ ವಿನಿವಾರ್ಯತೇ॥ 1-42-33 (1882) ಪ್ರಾಪ್ತೇ ಚ ದಿವಸೇ ತಸ್ಮಿನ್ಸಪ್ತಮೇ ದ್ವಿಜಸತ್ತಮಃ। ಕಾಶ್ಯಪೋಽಭ್ಯಾಗಮದ್ವಿದ್ವಾಂಸ್ತಂ ರಾಜಾನಂ ಚಿಕಿತ್ಸಿತುಂ॥ 1-42-34 (1883) ಶ್ರುತಂ ಹಿ ತೇನ ತದಭೂದ್ಯಥಾ ತಂ ರಾಜಸತ್ತಮಂ। ತಕ್ಷಕಃ ಪನ್ನಗಶ್ರೇಷ್ಠೋ ನೇಷ್ಯತೇ ಯಮಸಾದನಂ॥ 1-42-35 (1884) ತಂ ದಷ್ಟಂ ಪನ್ನಗೇಂದ್ರೇಣ ಕರಿಷ್ಯೇಽಹಮಪಜ್ವರಂ। ತತ್ರ ಮೇಽರ್ಥಶ್ಚ ಧರ್ಮಶ್ಚ ಭವಿತೇತಿ ವಿಚಿಂತಯನ್॥ 1-42-36 (1885) ತಂ ದದರ್ಶ ಸ ನಾಗೇಂದ್ರಸ್ತಕ್ಷಕಃ ಕಾಶ್ಯಪಂ ಪಥಿ। ಗಚ್ಛಂತಮೇಕಮನಸಂ ದ್ವಿಜೋ ಭೂತ್ವಾ ವಯೋಽತಿಗಃ॥ 1-42-37 (1886) ತಮಬ್ರವೀತ್ಪನ್ನಗೇಂದ್ರಃ ಕಾಶ್ಯಪಂ ಮುನಿಪುಂಗವಂ। ಕ್ವ ಭವಾಂಸ್ತ್ವರಿತೋ ಯಾತಿ ಕಿಂಚ ಕಾರ್ಯಂ ಚಿಕೀರ್ಷತಿ॥ 1-42-38 (1887) ಕಾಶ್ಯಪ ಉವಾಚ। 1-42-39x (203) ನೃಪಂ ಕುರುಕುಲೋತ್ಪನ್ನಂ ಪರಿಕ್ಷಿತಮರಿಂದಮಂ। ತಕ್ಷಕಃ ಪನ್ನಗಶ್ರೇಷ್ಠಸ್ತೇಜಸಾಽಧ್ಯ ಪ್ರಧಕ್ಷ್ಯತಿ॥ 1-42-39 (1888) ತಂ ದಷ್ಟಂ ಪನ್ನಗೇಂದ್ರೇಣ ತೇನಾಗ್ನಿಸಮತೇಜಸಂ। ಪಾಂಡವಾನಾಂ ಕುಲಕರಂ ರಾಜಾನಮಮಿತೌಜಸಂ। 1-42-4oc ಗಚ್ಛಾಮಿತ್ವರಿತಂ ಸೌಂಯ ಸದ್ಯಃ ಕರ್ತುಮಪಜ್ವರಂ॥ 1-42-40 (1889) `ವಿಜ್ಞಾತವಿಷವಿದ್ಯೋಽಹಂ ಬ್ರಾಹ್ಮಣೋ ಲೋಕಪೂಜಿತಃ। ಅಸ್ಮದ್ಗುರುಕಟಾಕ್ಷೇಣ ಕಲ್ಯೋಽಹಂ ವಿಷನಾಶನೇ॥' 1-42-41 (1890) ತಕ್ಷಕ ಉವಾಚ। 1-42-42x (204) ಅಹಂ ಸ ತಕ್ಷಕೋ ಬ್ರಹ್ಮಂಸ್ತಂ ಧಕ್ಷ್ಯಾಮಿ ಮಹೀಪತಿಂ। ನಿವರ್ತಸ್ವ ನ ಶಕ್ತಸ್ತ್ವಂ ಮಯಾ ದಷ್ಟಂ ಚಿಕಿತ್ಸಿತುಂ॥ 1-42-42 (1891) ಕಾಶ್ಯಪ ಉವಾಚ। 1-42-43x (205) ಅಹಂ ತಂ ನೃಪತಿಂ ಗತ್ವಾ ತ್ವಯಾ ದಷ್ಟಮಪಜ್ವರಂ। ಕರಿಷ್ಯಾಮೀತಿ ಮೇ ಬುದ್ಧಿರ್ವಿದ್ಯಾಬಲಸಮನ್ವಿತಾ॥ ॥ 1-42-43 (1892) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ದ್ವಿಚತ್ವಾರಿಂಶೋಽಧ್ಯಾಯಃ॥ 42 ॥

1-43-0 (1893) ತಕ್ಷಕ ಉವಾಚ। 1-43-0x (206) ಯದಿ ದಷ್ಟಂ ಮಯೇಹ ತ್ವಂ ಶಕ್ತಃ ಕಿಂಚಿಚ್ಚಿಕಿತ್ಸಿತುಂ। ತತೋ ವೃಕ್ಷಂ ಮಯಾ ದಷ್ಟಮಿಮಂ ಜೀವಯ ಕಾಶ್ಯಪ॥ 1-43-1 (1894) ಪರಂ ಮಂತ್ರಬಲಂ ಯತ್ತೇ ತದ್ದರ್ಶಯ ಯತಸ್ವ ಚ। ನ್ಯಗ್ರೋಧಮೇನಂ ಧಕ್ಷ್ಯಾಮಿ ಪಶ್ಯತಸ್ತೇ ದ್ವಿಜೋತ್ತಮ॥ 1-43-2 (1895) ಕಾಶ್ಯಪ ಉವಾಚ। 1-43-3x (207) ದಶ ನಾಗೇಂದ್ರ ವೃಕ್ಷಂ ತ್ವಂ ಯದ್ಯೇತದಭಿಮನ್ಯಸೇ। ಅಹಮೇನಂ ತ್ವಯಾ ದಷ್ಟಂ ಜೀವಯಿಷ್ಯೇ ಭುಜಂಗಮ। `ಪಶ್ಯ ಮಂತ್ರಬಲಂ ಮೇಽದ್ಯ ನ್ಯಗ್ರೋಧಂ ದಶ ಪನ್ನಗ॥' 1-43-3 (1896) ಸೌತಿರುವಾಚ। 1-43-4x (208) ಏವಮುಕ್ತಃ ಸ ನಾಗೇಂದ್ರಃ ಕಾಶ್ಯಪೇನ ಮಹಾತ್ಮನಾ। ಅದಶದ್ವೃಕ್ಷಮಭ್ಯೇತ್ಯ ನ್ಯಗ್ರೋಧಂ ಪನ್ನಗೋತ್ತಮಃ॥ 1-43-4 (1897) ಸ ವೃಕ್ಷಸ್ತೇನ ದಷ್ಟಸ್ತು ಪನ್ನಗೇನ ಮಹಾತ್ಮನಾ। ಆಶೀವಿಷವಿಷೋಪೇತಃ ಪ್ರಜಜ್ವಾಲ ಸಮಂತತಃ॥ 1-43-5 (1898) ತಂ ದಗ್ಧ್ವಾ ಸ ನಗಂ ನಾಗಃ ಕಾಶ್ಯಪಂ ಪುನರಬ್ರವೀತ್। ಕುರು ಯತ್ನಂ ದ್ವಿಜಶ್ರೇಷ್ಠ ಜೀವಯೈವ ವನಸ್ಪತಿಂ॥ 1-43-6 (1899) ಸೌತಿರುವಾಚ। 1-43-7x (209) ಭಸ್ಮೀಭೂತಂ ತತೋ ವೃಕ್ಷಂ ಪನ್ನಗೇಂದ್ರಸ್ಯ ತೇಜಸಾ। ಭಸ್ಮ ಸರ್ವಂ ಸಮಾಹೃತ್ಯ ಕಾಶ್ಯಪೋ ವಾಕ್ಯಮಬ್ರವೀತ್॥ 1-43-7 (1900) ವಿದ್ಯಾಬಲಂ ಪನ್ನಗೇಂದ್ರ ಪಶ್ಯ ಮೇಽದ್ಯ ವನಸ್ಪತೌ। ಅಹಂ ಸಂಜೀವಯಾಂಯೇನಂ ಪಶ್ಯತಸ್ತೇ ಭುಜಂಗಮ॥ 1-43-8 (1901) ತತಃ ಸ ಭಗವಾನ್ವಿದ್ವಾನ್ಕಾಶ್ಯಪೋ ದ್ವಿಜಸತ್ತಮಃ। ಭಸ್ಮರಾಶೀಕೃತಂ ವೃಕ್ಷಂ ವಿದ್ಯಯಾ ಸಮಜೀವಯತ್॥ 1-43-9 (1902) ಅಂಕುರಂ ಕೃತವಾಂಸ್ತತ್ರ ತತಃ ಪರ್ಣದ್ವಯಾನ್ವಿತಂ। ಪಲಾಶಿನಂ ಶಾಖಿನಂ ಚ ತಥಾ ವಿಟಪಿನಂ ಪುನಃ॥ 1-43-10 (1903) ತಂ ದೃಷ್ಟ್ವಾ ಜೀವಿತಂ ವೃಕ್ಷಂ ಕಾಶ್ಯಪೇನ ಮಹಾತ್ಮನಾ। ಉವಾಚ ತಕ್ಷಕೋ ಬ್ರಹ್ಮನ್ನೈತದತ್ಯದ್ಭುತಂ ತ್ವಯಿ॥ 1-43-11 (1904) ದ್ವಿಜೇಂದ್ರ ಯದ್ವಿಷಂ ಹನ್ಯಾ ಮಮ ವಾ ಮದ್ವಿಧಸ್ಯ ವಾ। ಕಂ ತ್ವಮರ್ಥಮಭಿಪ್ರೇಪ್ಸುರ್ಯಾಸಿ ತತ್ರ ತಪೋಧನ॥ 1-43-12 (1905) ಯತ್ತೇಽಭಿಲಷಿತಂ ಪ್ರಾಪ್ತಂ ಫಲಂ ತಸ್ಮಾನ್ನೃಪೋತ್ತಮಾತ್। ಅಹಮೇವ ಪ್ರದಾಸ್ಯಾಮಿ ತತ್ತೇ ಯದ್ಯಪಿ ದುರ್ಲಭಂ॥ 1-43-13 (1906) ವಿಪ್ರಶಾಪಾಭಿಭೂತೇ ಚ ಕ್ಷೀಣಾಯುಷಿ ನರಾಧಿಪೇ। ಘಟಮಾನಸ್ಯ ತೇ ವಿಪ್ರ ಸಿದ್ಧಿಃ ಸಂಶಯಿತಾ ಭವೇತ್॥ 1-43-14 (1907) ತತೋ ಯಶಃ ಪ್ರದೀಪ್ತಂ ತೇ ತ್ರಿಷು ಲೋಕೇಷು ವಿಶ್ರುತಂ। ನಿರಂಶುರಿವ ಘರ್ಮಾಂಶುರಂತರ್ಧಾನಮಿತೋ ವ್ರಜೇತ್॥ 1-43-15 (1908) ಕಾಶ್ಯಪ ಉವಾಚ। 1-43-16x (210) ಧನಾರ್ಥೀ ಯಾಂಯಹಂ ತತ್ರ ತನ್ಮೇ ದೇಹಿ ಭುಜಂಗಮ। ತತೋಽಹಂ ವಿನಿವರ್ತಿಷ್ಯೇ ಸ್ವಾಪತೇಯಂ ಪ್ರಗೃಹ್ಯ ವೈ॥ 1-43-16 (1909) ತಕ್ಷಕ ಉವಾಚ। 1-43-17x (211) ಯಾವದ್ಧನಂ ಪ್ರಾರ್ಥಯಸೇ ತಸ್ಮಾದ್ರಾಜ್ಞಸ್ತತೋಽಧಿಕಂ। ಅಹಮೇವ ಪ್ರದಾಸ್ಯಾಮಿ ನಿವರ್ತಸ್ವ ದ್ವಿಜೋತ್ತಮ॥ 1-43-17 (1910) ಸೌತಿರುವಾಚ। 1-43-18x (212) ತಕ್ಷಕಸ್ಯ ವಚಃ ಶ್ರುತ್ವಾ ಕಾಶ್ಯಪೋ ದ್ವಿಜಸತ್ತಮಃ। ಪ್ರದಧ್ಯೌ ಸುಮಹಾತೇಜಾರಾಜಾನಂ ಪ್ರತಿ ಬುದ್ಧಿಮಾನ್॥ 1-43-18 (1911) ದಿವ್ಯಜ್ಞಾನಃ ಸ ತೇಜಸ್ವೀ ಜ್ಞಾತ್ವಾ ತಂ ನೃಪತಿಂ ತದಾ। ಕ್ಷೀಣಾಯುಷಂ ಪಾಂಡವೇಯಮಪಾವರ್ತತ ಕಾಶ್ಯಪಃ॥ 1-43-19 (1912) ಲಬ್ಧ್ವಾ ವಿತ್ತಂ ಮುನಿವರಸ್ತಕ್ಷಕಾದ್ಯಾವದೀಪ್ಸಿತಂ। ನಿವೃತ್ತೇ ಕಾಶ್ಯಪೇ ತಸ್ಮಿನ್ಸಮಯೇನ ಮಹಾತ್ಮನಿ॥ 1-43-20 (1913) ಜಗಾಮ ತಕ್ಷಕಸ್ತೂರ್ಣಂ ನಗರಂ ನಾಗಸಾಹ್ವಯಂ। ಅಥ ಶುಶ್ರಾವ ಗಚ್ಛನ್ಸ ತಕ್ಷಕೋ ಜಗತೀಪತಿಂ॥ 1-43-21 (1914) ಮಂತ್ರೈರ್ವಿಷಹರೈರ್ದಿವ್ಯೈ ರಕ್ಷ್ಯಮಾಣಂ ಪ್ರಯತ್ನತಃ। 1-43-22 (1915) ಸೌತಿರುವಾಚ। ಸ ಚಿಂತಯಾಮಾಸ ತದಾ ಮಾಯಾಯೋಗೇನ ಪಾರ್ಥಿವಃ॥ 1-43-22x (213) ಮಯಾ ವಂಚಯಿತವ್ಯೋಽಸೌ ಕ ಉಪಾಯೋ ಭವೇದಿತಿ। ತತಸ್ತಾಪಸರೂಪೇಣ ಪ್ರಾಹಿಣೋತ್ಸ ಭುಜಂಗಮಾನ್॥ 1-43-23 (1916) ಫಲಪತ್ರೋದಕಂ ಗೃಹ್ಯ ರಾಜ್ಞೇ ನಾಗೋಽಥ ತಕ್ಷಕಃ। 1-43-24 (1917) ತಕ್ಷಕ ಉವಾಚ। ಗಚ್ಛಧ್ವಂ ಯೂಯಮವ್ಯಗ್ರಾ ರಾಜಾನಂ ಕಾರ್ಯವತ್ತಯಾ॥ 1-43-24x (214) ಫಲಪತ್ರೋದಕಂ ನಾಗಾಃ ಪ್ರತಿಗ್ರಾಹಯಿತುಂ ನೃಪಂ। 1-43-25 (1918) ಸೌತಿರುವಾಚ। ತೇ ತಕ್ಷಕಸಮಾದಿಷ್ಟಾಸ್ತಥಾ ಚಕ್ರುರ್ಭುಜಂಗಮಾಃ॥ 1-43-25x (215) ಉಪನಿನ್ಯುಸ್ತಥಾ ರಾಜ್ಞೇ ದರ್ಭಾನಂಭಃ ಫಲಾನಿ ಚ। ತಚ್ಚ ಸರ್ವಂ ಸ ರಾಜೇಂದ್ರಃ ಪ್ರತಿಜಗ್ರಾಹ ವೀರ್ಯವಾನ್॥ 1-43-26 (1919) ಕೃತ್ವಾ ತೇಷಾಂ ಚ ಕಾರ್ಯಾಣಿ ಗಂಯತಾಮಿತ್ಯುವಾಚ ತಾನ್। ಗತೇಷು ತೇಷು ನಾಗೇಷು ತಾಪಸಚ್ಛದ್ಮರೂಪಿಷು॥ 1-43-27 (1920) ಅಮಾತ್ಯಾನ್ಸುಹೃದಶ್ಚೈವ ಪ್ರೋವಾಚ ಸ ನರಾಧಿಪಃ। ಭಕ್ಷಯಂತು ಭವಂತೋ ವೈ ಸ್ವಾದೂನೀಮಾನಿ ಸರ್ವಶಃ॥ 1-43-28 (1921) ತಾಪಸೈರುಪನೀತಾನಿ ಫಲಾನಿ ಸಹಿತಾ ಮಯಾ। ತತೋ ರಾಜಾ ಸಸಚಿವಃ ಫಲಾನ್ಯಾದಾತುಮೈಚ್ಛತ॥ 1-43-29 (1922) ವಿಧಿನಾ ಸಂಪ್ರಯುಕ್ತೋ ವೈ ಋಷಿವಾಕ್ಯೇನ ತೇನ ತು। ಯಸ್ಮಿನ್ನೇವ ಫಲೇ ನಾಗಸ್ತಮೇವಾಭಕ್ಷಯತ್ಸ್ವಯಂ॥ 1-43-30 (1923) ತತೋ ಭಕ್ಷಯತಸ್ತಸ್ಯ ಫಲಾತ್ಕೃಮಿರಭೂದಣುಃ। ಹ್ರಸ್ವಕಃ ಕೃಷ್ಣನಯನಸ್ತಾಂರವರ್ಣೋಽಥ ಶೌನಕ॥ 1-43-31 (1924) ಸ ತಂ ಗೃಹ್ಯ ನೃಪಶ್ರೇಷ್ಠಃ ಸಚಿವಾನಿದಮಬ್ರವೀತ್। ಅಸ್ತಮಭ್ಯೇತಿ ಸವಿತಾ ವಿಷಾದದ್ಯ ನ ಮೇ ಭಯಂ॥ 1-43-32 (1925) ಸತ್ಯವಾಗಸ್ತು ಸ ಮುನಿಃ ಕೃಮಿರ್ಮಾಂ ದಶತಾಮಯಂ। ತಕ್ಷಕೋ ನಾಮ ಭೂತ್ವಾ ವೈ ತಥಾ ಪರಿಹೃತಂ ಭವೇತ್॥ 1-43-33 (1926) ತೇ ಚೈನಮನ್ವವರ್ತಂತ ಮಂತ್ರಿಣಃ ಕಾಲಚೋದಿತಾಃ। ಏವಮುಕ್ತ್ವಾ ಸ ರಾಜೇಂದ್ರೋ ಗ್ರೀವಾಯಾಂ ಸನ್ನಿವೇಶ್ಯಹ॥ 1-43-34 (1927) ಕೃಮಿಕಂ ಪ್ರಾಹಸತ್ತೂರ್ಣಂ ಮುಮೂರ್ಷುರ್ನಷ್ಟಚೇತನಃ। ಪ್ರಹಸನ್ನೇವ ಭೋಗೇನ ತಕ್ಷಕೇಣಾಭಿವೇಷ್ಟಿತಃ॥ 1-43-35 (1928) ತಸ್ಮಾತ್ಫಲಾದ್ವಿನಿಷ್ಕ್ರಂಯ ಯತ್ತದ್ರಾಜ್ಞೇ ನಿವೇದಿತಂ। ವೇಷ್ಟಯಿತ್ವಾ ಚ ಭೋಗೇನ ವಿನದ್ಯ ಚ ಮಹಾಸ್ವನಂ। ಅದಶತ್ಪೃಥಿವೀಪಾಲಂ ತಕ್ಷಕಃ ಪನ್ನಗೇಶ್ವರಃ॥ ॥ 1-43-36 (1929) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ತ್ರಿಚತ್ವಾರಿಂಶೋಽಧ್ಯಾಯಃ॥ 43 ॥

1-44-0 (1930) ಸೌತಿರುವಾಚ। 1-44-0x (216) ತಂ ತಥಾ ಮಂತ್ರಿಣೋ ದೃಷ್ಟ್ವಾ ಭೋಗೇನ ಪರಿವೇಷ್ಟಿತಂ। ವಿಷಣ್ಣವದನಾಃ ಸರ್ವೇ ರುರುದುರ್ಭೃಶದುಃಖಿತಾಃ॥ 1-44-1 (1931) ತಂ ತು ನಾಗಂ ತತೋ ದೃಷ್ಟ್ವಾ ಮಂತ್ರಿಣಸ್ತೇ ಪ್ರದುದ್ರುವುಃ। ಅಪಶ್ಯಂತ ತಥಾ ಯಾಂತಮಾಕಾಶೇ ನಾಗಮದ್ಭುತಂ॥ 1-44-2 (1932) ಸೀಮಂತಮಿವ ಕುರ್ವಾಣಂ ನಭಸಃ ಪದ್ಮವರ್ಚಸಂ। ತಕ್ಷಕಂ ಪನ್ನಗಶ್ರೇಷ್ಠಂ ಭೃಶಂ ಶೋಕಪರಾಯಣಾಃ॥ 1-44-3 (1933) ತತಸ್ತು ತೇ ತದ್ಗೃಹಮಗ್ನಿನಾ ವೃತಂ ಪ್ರದೀಪ್ಯಮಾನಂ ವಿಷಜೇನ ಭೋಗಿನಃ। ಭಯಾತ್ಪರಿತ್ಯಜ್ಯ ದಿಶಃ ಪ್ರಪೇದಿರೇ ಪಪಾತ ತಚ್ಚಾಶನಿತಾಡಿತಂ ಯಥಾ॥ 1-44-4 (1934) ತತೋ ನೃಪೇ ತಕ್ಷಕತೇಜಸಾಹತೇ ಪ್ರಯುಜ್ಯ ಸರ್ವಾಃ ಪರಲೋಕಸತ್ಕ್ರಿಯಾಃ। ಶುಚಿರ್ದಿಜೋ ರಾಜಪುರೋಹಿತಸ್ತದಾ ತಥೈವ ತೇ ತಸ್ಯ ನೃಪಸ್ಯ ಮಂತ್ರಿಣಃ॥ 1-44-5 (1935) ನೃಪಂ ಶಿಶುಂ ತಸ್ಯ ಸುತಂ ಪ್ರಚಕ್ರಿರೇ ಸಮೇತ್ಯ ಸರ್ವೇ ಪುರವಾಸಿನೋ ಜನಾಃ। ನೃಪಂ ಯಮಾಹುಸ್ತಮಮಿತ್ರಘಾತಿನಂ ಕುರುಪ್ರವೀರಂ ಜನಮೇಜಯಂ ಜನಾಃ॥ 1-44-6 (1936) ಸ ಬಾಲ ಏವಾರ್ಯಮತಿರ್ನೃಪೋತ್ತಮಃ ಸಹೈವ ತೈರ್ಮಂತ್ರಿಪುರೋಹಿತೈಸ್ತದಾ। ಶಶಾಸ ರಾಜ್ಯಂ ಕುರುಪುಂಗವಾಗ್ರಜೋ ಯಥಾಽಸ್ಯ ವೀರಃ ಪ್ರಪಿತಾಮಹಸ್ತಥಾ॥ 1-44-7 (1937) ತತಸ್ತು ರಾಜಾನಮಮಿತ್ರತಾಪನಂ ಸಮೀಕ್ಷ್ಯ ತೇ ತಸ್ಯ ನೃಪಸ್ಯ ಮಂತ್ರಿಣಃ। ಸುವರ್ಣವರ್ಮಾಣಮುಪೇತ್ಯ ಕಾಶಿಪ ವಪುಷ್ಟಮಾರ್ಥಂ ವರಯಾಂಪ್ರಚಕ್ರಮುಃ॥ 1-44-8 (1938) ತತಃ ಸ ರಾಜಾ ಪ್ರದದೌ ವಪುಷ್ಟಮಾಂ ಕುರುಪ್ರವೀರಾಯ ಪರೀಕ್ಷ್ಯ ಧರ್ಮತಃ। ಸ ಚಾಪಿ ತಾಂ ಪ್ರಾಪ್ಯ ಮುದಾ ಯುತೋಽಭವ- ನ್ನ ಚಾನ್ಯನಾರೀಷು ಮನೋ ದಧೇ ಕ್ವಚಿತ್॥ 1-44-9 (1939) ಸರಃಸು ಫುಲ್ಲೇಷು ವನೇಷು ಚೈವ ಪ್ರಸನ್ನಚೇತಾ ವಿಜಹಾರ ವೀರ್ಯವಾನ್। ತಥಾ ಸ ರಾಜನ್ಯವರೋ ವಿಜಹ್ರಿವಾನ್ ಯಥೋರ್ವಶೀಂ ಪ್ರಾಪ್ಯ ಪುರಾ ಪುರೂರವಾಃ॥ 1-44-10 (1940) ವಪುಷ್ಟಮಾ ಚಾಪಿ ವರಂ ಪತಿವ್ರತಾ ಪ್ರತೀತರೂಪಾ ಸಮವಾಪ್ಯ ಭೂಪತಿಂ। ಭಾವೇನ ರಾಮಾ ರಮಯಾಂಬಭೂವ ತಂ ವಿಹಾರಕಾಲೇಷ್ವವರೋಧಸುಂದರೀ॥ ॥ 1-44-11 (1941) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಚತುಶ್ಚತ್ವಾರಿಂಶೋಽಧ್ಯಾಯಃ॥ 44 ॥

1-45-0 (1942) ಸೌತಿರುವಾಚ। 1-45-0x (217) ಏತಸ್ಮಿನ್ನೇವ ಕಾಲೇ ತು ಜರತ್ಕಾರುರ್ಮಹಾತಪಾಃ। ಚಚಾರ ಪೃಥಿವೀಂ ಕೃತ್ಸ್ನಾಂ ಯತ್ರಸಾಯಂಗೃಹೋ ಮುನಿಃ॥ 1-45-1 (1943) ಚರಂದೀಕ್ಷಾಂ ಮಹಾತೇಜಾ ದುಶ್ಚರಾಮಕೃತಾತ್ಮಭಿಃ। ತೀರ್ಥೇಷ್ವಾಪ್ಲವನಂ ಕುರ್ವನ್ಪುಣ್ಯೇಷು ವಿಚಚಾರ ಹ॥ 1-45-2 (1944) ವಾಯುಭಕ್ಷೋ ನಿರಾಹಾರಃ ಶುಷ್ಯನ್ನಹರಹರ್ಮುನಿಃ। ಸಂ ದದರ್ಶ ಪಿತೄನ್ಗರ್ತೇ ಲಂಬಮಾನಾನಧೋಮುಖಾನ್॥ 1-45-3 (1945) ಏಕತಂತ್ವವಶಿಷ್ಟಂ ವೈ ವೀರಣಸ್ತಂಬಮಾಶ್ರಿತಾನ್। ತಂ ತಂತುಂ ಚ ಶನೈರಾಖುಮಾದದಾನಂ ಬಿಲೇಶಯಂ॥ 1-45-4 (1946) ನಿರಾಹಾರಾನ್ಕೃಶಾಂದೀನಾನ್ಗರ್ತೇ ಸ್ವತ್ರಾಣಮಿಚ್ಛತಃ। ಉಪಸೃತ್ಯ ಸ ತಾಂದೀನಾಂದೀನರೂಪೋಽಭ್ಯಭಾಷತ॥ 1-45-5 (1947) ಕೇ ಭವಂತೋಽವಲಂಬಂತೇ ವೀರಮಸ್ತಂಬಮಾಶ್ರಿತಾಃ। ದುರ್ಬಲಂ ಖಾದಿತೈರ್ಮೂಲೈರಾಖುನಾ ಬಿಲವಾಸಿನಾ॥ 1-45-6 (1948) ವೀರಣಸ್ತಂಬಕೇ ಮೂಲಂ ಯದಪ್ಯೇಕಮಿಹ ಸ್ಥಿತಂ। ತದ್ಭಪ್ಯಯಂ ಶನೈರಾಖುರಾದತ್ತೇ ದಶನೈಃ ಶಿತೈಃ॥ 1-45-7 (1949) ಛೇತ್ಸ್ಯತೇಽಲ್ಪಾವಶಿಷ್ಟತ್ವಾದೇತದಪ್ಯಚಿರಾದಿವ। ತತಸ್ತು ಪತಿತಾರೋಽತ್ರ ಗರ್ತೇ ವ್ಯಕ್ತಮಧೋಮುಖಾಃ॥ 1-45-8 (1950) ಅತ್ರ ಮೇ ದುಃಖಮುತ್ಪನ್ನಂ ದೃಷ್ಟ್ವಾ ಯುಷ್ಮಾನಧೋಮುಖಾನ್। ಕೃಚ್ಛ್ರಾಮಾಪದಮಾಪನ್ನಾನ್ಪ್ರಿಯಂ ಕಿಂ ಕರವಾಣಿ ವಃ॥ 1-45-9 (1951) ತಪಸೋಽಸ್ಯ ಚತುರ್ಥೇನ ತೃತೀಯೇನಾಥ ವಾ ಪುನಃ। ಅರ್ಧೇನ ವಾಪಿ ನಿಸ್ತರ್ತುಮಾಪದಂ ಬ್ರೂತ ಮಾ ಚಿರಂ॥ 1-45-10 (1952) ಅಥವಾಪಿ ಸಮಗ್ರೇಣ ತರಂತು ತಪಸಾ ಮಮ। ಭವಂತಃ ಸರ್ವ ಏವೇಹ ಕಾಮಮೇವಂ ವಿಧೀಯತಾಂ॥ 1-45-11 (1953) ಪಿತರ ಊಚುಃ। 1-45-12x (218) ಕುತೋ ಭವಾನ್ಬ್ರಹ್ಮಚಾರೀ ಯೋ ನಸ್ತ್ರಾತುಮಿಹೇಚ್ಛಸಿ। ನ ತು ವಿಪ್ರಾಗ್ರ್ಯ ತಪಸಾ ಶಕ್ಯಮೇತದ್ವ್ಯಪೋಹಿತುಂ॥ 1-45-12 (1954) ಅಸ್ತಿ ನಸ್ತಾತ ತಪಸಃ ಫಲಂ ಪ್ರವದತಾಂ ವರ। ಸಂತಾನಪ್ರಕ್ಷಯಾದ್ಬ್ರಹ್ಮನ್ಪತಾಮೋ ನಿರಯೇಽಶುಚೌ॥ 1-45-13 (1955) ಸಂತಾನಂ ಹಿ ಪರೋ ಧರ್ಮಂ ಏವಮಾಹ ಪಿತಾಮಹಃ। ಲಂಬತಾಮಿಹ ನಸ್ತಾತ ನ ಜ್ಞಾನಂ ಪ್ರತಿಭಾತಿ ವೈ॥ 1-45-14 (1956) ಯೇನ ತ್ವಾಂ ನಾಭಿಜಾನೀಮೋ ಲೋಕೇ ವಿಖ್ಯಾತಪೌರುಷಂ। ವೃದ್ಧೋ ಭವಾನ್ಮಹಾಭಾಗೋಯೋನಃ ಶೋಚ್ಯಾನ್ಸುದುಃಖಿತಾನ॥ 1-45-15 (1957) ಶೋಚತೇ ಚೈವ ಕಾರುಣ್ಯಾಚ್ಛೃಣು ಯೇ ವೈ ವಯಂ ದ್ವಿಜ। ಯಾಯಾವರಾ ನಾಮ ವಯಮೃಷಯಃ ಸಂಶಿತವ್ರತಾಃ॥ 1-45-16 (1958) ಲೋಕಾತ್ಪುಂಯಾದಿಹ ಭ್ರಷ್ಟಾಃ ಸಂತಾನಪ್ರಕ್ಷಯಾನ್ಮುನೇ। ಪ್ರಣಷ್ಟಂ ನಸ್ತಪಸ್ತೀವ್ರಂ ನ ಹಿ ನಸ್ತಂತುರಸ್ತಿ ವೈ॥ 1-45-17 (1959) ಅಸ್ತಿತ್ವೇಕೋಽದ್ಯ ನಸ್ತಂತುಃ ಸೋಽಪಿ ನಾಸ್ತಿ ಯಥಾ ತಥಾ। ಮಂದಭಾಗ್ಯೋಽಲ್ಪಭಾಗ್ಯಾನಾಂ ತಪ ಏಕಂ ಸಮಾಸ್ಥಿತಃ॥ 1-45-18 (1960) ಜರತ್ಕಾರುರಿತಿ ಖ್ಯಾತೋ ವೇದವೇದಾಂಗಪಾರಗಃ। ನಿಯತಾತ್ಮಾ ಮಹಾತ್ಮಾ ಚ ಸುವ್ರತಃ ಸುಮಹಾತಪಾಃ॥ 1-45-19 (1961) ತೇನ ಸ್ಮ ತಪಸೋ ಲೋಭಾತ್ಕೃಚ್ಛ್ರಮಾಪಾದಿತಾ ವಯಂ। ನ ತಸ್ಯ ಭಾರ್ಯಾ ಪುತ್ರೋ ವಾ ಬಾಂಧವೋ ವಾಽಸ್ತಿ ಕಶ್ಚನ॥ 1-45-20 (1962) ತಸ್ಮಾಲ್ಲಂಬಾಮಹೇ ಗರ್ತೇ ನಷ್ಟಸಂಜ್ಞಾ ಹ್ಯನಾಥವತ್। ಸ ವಕ್ತವ್ಯಸ್ತ್ವಯಾ ದೃಷ್ಟೋ ಹ್ಯಸ್ಮಾಕಂ ನಾಥವತ್ತಯಾ॥ 1-45-21 (1963) ಪಿತರಸ್ತೇಽವಲಂಬಂತೇ ಗರ್ತೇ ದೀನಾ ಅಧೋಮುಖಾಃ। ಸಾಧು ದಾರಾನ್ಕುರುಷ್ವೇತಿ ಪ್ರಜಾಯಸ್ವೇತಿ ಚಾಭಿ ಭೋಃ॥ 1-45-22 (1964) ಕುಲತಂತುರ್ಹಿ ನಃ ಶಿಷ್ಟಃ ಸ ಏಕೈಕಸ್ತಪೋಧನ। ಯಂ ತು ಪಶ್ಯಸಿ ನೋ ಬ್ರಹ್ಮನ್ವೀರಣಸ್ತಂಬಮಾಶ್ರಯಂ॥ 1-45-23 (1965) ಏಷೋಽಸ್ಮಾಕಂ ಕುಲಸ್ತಂಬ ಆಸ್ತೇ ಸ್ವಕುಲವರ್ಧನಃ। ಯಾನಿ ಪಶ್ಯಸಿ ವೈ ಬ್ರಹ್ಮನ್ಮೂಲಾನೀಹಾಸ್ಯ ವೀರುಧಃ॥ 1-45-24 (1966) ಏತೇ ನಸ್ತಂತವಸ್ತಾತ ಕಾಲೇನ ಪರಿಭಕ್ಷಿತಾಃ। ಯತ್ತ್ವೇತತ್ಪಶ್ಯಸಿ ಬ್ರಹ್ಮನ್ಮೂಲಮಸ್ಯಾರ್ಧಭಕ್ಷಿತಂ॥ 1-45-25 (1967) ಯತ್ರ ಲಂಬಾಮಹೇ ಗರ್ತೇ ಸೋಽಪ್ಯೇಕಸ್ತಪ ಆಸ್ಥಿತಃ। ಯಮಾಖುಂ ಪಶ್ಯಸಿ ಬ್ರಹ್ಮನ್ಕಾಲ ಏಷ ಮಹಾಬಲಃ॥ 1-45-26 (1968) ಸ ತಂ ತಪೋರತಂ ಮಂದಂ ಶನೈಃ ಕ್ಷಪಯತೇ ತುದನ್। ಜರತ್ಕಾರುಂ ತಪೋಲುಬ್ಧಂ ಮಂದಾತ್ಮಾನಮಚೇತಸಂ॥ 1-45-27 (1969) ನ ಹಿ ನಸ್ತತ್ತಪಸ್ತಸ್ಯ ತಾರಯಿಷ್ಯತಿ ಸತ್ತಮ। ಛಿನ್ನಮೂಲಾನ್ಪರಿಭ್ರಷ್ಟಾನ್ಕಾಲೋಪಹತಚೇತಸಃ॥ 1-45-28 (1970) ಅಧಃ ಪ್ರವಿಷ್ಟಾನ್ಪಶ್ಯಾಸ್ಮಾನ್ಯಥಾ ದುಷ್ಕೃತಿನಸ್ತಥಾ। ಅಸ್ಮಾಸು ಪತಿತೇಷ್ವತ್ರ ಸಹ ಸರ್ವೈಃ ಸಬಾಂಧವೈಃ॥ 1-45-29 (1971) ಛಿನ್ನಃ ಕಾಲೇನ ಸೋಽಪ್ಯತ್ರ ಗಂತಾ ವೈ ನರಕಂ ತತಃ। ತಪೋ ವಾಽಪ್ಯಥ ಚಾ ಯಜ್ಞೋ ಯಚ್ಚಾನ್ಯತ್ಪಾವನಂ ಮಹತ್॥ 1-45-30 (1972) ತತ್ಸರ್ವಂ ನ ಸಮಂ ತಾತ ಸಂತತ್ಯೇತಿ ಸತಾಂ ಮತಂ। ಸ ತಾತ ದೃಷ್ಟ್ವಾ ಬ್ರೂಯಾಸ್ತಂ ಜರತ್ಕಾರುಂ ತಪೋಧನ॥ 1-45-31 (1973) ಯಥಾ ದೃಷ್ಟಮಿದಂ ಚಾತ್ರ ತ್ವಯಾಽಽಖ್ಯೇಯಮಶೇಷತಃ। ಯಥಾ ದಾರಾನ್ಪ್ರಕುರ್ಯಾತ್ಸ ಪುತ್ರಾನುತ್ಪಾದಯೇದ್ಯಥಾ॥ 1-45-32 (1974) ವಾ ಬ್ರಹ್ಮಂಸ್ತ್ವಯಾ ವಾಚ್ಯಃ ಸೋಽಸ್ಮಾಕಂ ನಾಥವತ್ತಯಾ। ಬಾಂಧವಾನಾಂ ಹಿತಸ್ಯೇಹ ಯಥಾ ಚಾತ್ಮಕುಲಂ ತಥಾ॥ 1-45-33 (1975) ಕಸ್ತ್ವಂ ಬಂಧುಮಿವಾಸ್ಮಾಕಮನುಶೋಚಸಿ ಸತ್ತಮ। ಶ್ರೋತುಮಿಚ್ಛಾಮ ಸರ್ವೇಷಾಂ ಕೋ ಭವಾನಿಹ ತಿಷ್ಠತಿ॥ ॥ 1-45-34 (1976) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಪಂಚಚತ್ವಾರಿಂಶೋಽಧ್ಯಾಯಃ॥ 45 ॥

1-46-0 (1977) ಸೌತಿರುವಾಚ। 1-46-0x (219) ಏತಚ್ಛ್ರುತ್ವಾ ಜರತ್ಕಾರುರ್ಭೃಶಂ ಶೋಕಪರಾಯಣಃ। ಉವಾಚ ತಾನ್ಪಿತೄಂದುಃಖಾದ್ಬಾಷ್ಪಸಂದಿಗ್ಧಯಾ ಗಿರಾ॥ 1-46-1 (1978) ಜರತ್ಕಾರುರುವಾಚ। 1-46-2x (220) ಮಮ ಪೂರ್ವೇ ಭವಂತೋ ವೈ ಪಿತರಃ ಸಪಿತಾಮಹಾಃ। ತದ್ಬ್ರೂತ ಯನ್ಮಯಾ ಕಾರ್ಯಂ ಭವತಾಂ ಪ್ರಿಯಕಾಂಯಯಾ॥ 1-46-2 (1979) ಅಹಮೇವ ಜರತ್ಕಾರುಃ ಕಿಲ್ಬಿಷೀ ಭವತಾಂ ಸುತಃ। ತೇ ದಂಡಂ ಧಾರಯತ ಮೇ ದುಷ್ಕೃತೇರಕೃತಾತ್ಮನಃ॥ 1-46-3 (1980) ಪಿತರ ಊಚುಃ। 1-46-4x (221) ಪುತ್ರ ದಿಷ್ಟ್ಯಾಽಸಿ ಸಂಪ್ರಾಪ್ತ ಇಮಂ ದೇಶಂ ಯದೃಚ್ಛಯಾ। ಕಿಮರ್ಥಂ ಚ ತ್ವಯಾ ಬ್ರಹ್ಮನ್ನ ಕೃತೋ ದಾರಸಂಗ್ರಹಃ॥ 1-46-4 (1981) ಜರತ್ಕಾರುರುವಾಚ। 1-46-5x (222) ಮಮಾಯಂ ಪಿತರೋ ನಿತ್ಯಂ ಹೃದ್ಯರ್ಥಃ ಪರಿವರ್ತತೇ। ಊರ್ಧ್ವರೇತಾಃ ಶರೀರಂ ವೈ ಪ್ರಾಪಯೇಯಮಮುತ್ರ ವೈ॥ 1-46-5 (1982) ನ ದಾರಾನ್ವೈ ಕರಿಷ್ಯೇಽಹಮಿತಿ ಮೇ ಭಾವಿತಂ ಮನಃ। ಏವಂ ದೃಷ್ಟ್ವಾ ತು ಭವತಃ ಶಕುಂತಾನಿವ ಲಂಬತಃ॥ 1-46-6 (1983) ಮಯಾ ನಿವರ್ತಿತಾ ಬುದ್ಧಿರ್ಬ್ರಹ್ಮಚರ್ಯಾತ್ಪಿತಾಮಹಾಃ। ಕರಿಷ್ಯೇ ವಃ ಪ್ರಿಯಂ ಕಾಮಂ ನಿವೇಕ್ಷ್ಯೇಽಹಮಸಂಶಯಂ॥ 1-46-7 (1984) ಸನಾಂನೀಂ ಯದ್ಯಹಂ ಕನ್ಯಾಮುಪಲಪ್ಸ್ಯೇ ಕದಾಚನ। ಭವಿಷ್ಯತಿ ಚ ಯಾ ಕಾಚಿದ್ಭೈಕ್ಷ್ಯವತ್ಸ್ವಯಮುದ್ಯತಾ॥ 1-46-8 (1985) ಪ್ರತಿಗ್ರಹೀತಾ ತಾಮಸ್ಮಿ ನ ಭರೇಯಂ ಚ ಯಾಮಹಂ। ಏವಂವಿಧಮಹಂ ಕುರ್ಯಾಂ ನಿವೇಶಂ ಪ್ರಾಪ್ನುಯಾಂ ಯದಿ। ಅನ್ಯಥಾ ನ ಕರಿಷ್ಯೇಽಹಂ ಸತ್ಯಮೇತತ್ಪಿತಾಮಹಾಃ॥ 1-46-9 (1986) ತತ್ರ ಚೋತ್ಪತ್ಸ್ಯತೇ ಜಂತುರ್ಭವತಾಂ ತಾರಣಾಯ ವೈ। ಶಾಶ್ವತಾಶ್ಚಾವ್ಯಯಾಶ್ಚೈವ ತಿಷ್ಠಂತು ಪಿತರೋ ಮಮ॥ 1-46-10 (1987) ಸೌತಿರುವಾಚ। 1-46-11x (223) ಏವಮುಕ್ತ್ವಾ ತು ಸ ಪಿತೄಂಶ್ಚಚಾರ ಪೃಥಿವೀ ಮುನಿಃ। ನ ಚ ಸ್ಮ ಲಭತೇ ಭಾರ್ಯಾಂ ವೃದ್ಧೋಽಯಮಿತಿ ಶಾನಕ॥ 1-46-11 (1988) ಯದಾ ನಿರ್ವೇದಮಾಪನ್ನಃ ಪಿತೃಭಿಶ್ಚೋದಿಸ್ತಥಾ। ತದಾಽರಣ್ಯಂ ಸ ಗತ್ವೋಚ್ಚೈಶ್ಚುಕ್ರೋಶ ಭೃಶದುಃಖಿತಃ॥ 1-46-12 (1989) ಸತ್ವರಣ್ಯಗತಃ ಪ್ರಾಜ್ಞಃ ಪಿತೄಣಾ ಹಿತಕಾಂಯಯಾ। ಉವಾಚ ಕನ್ಯಾಂ ಯಾಚಾಮಿ ತಿಸ್ರೋ ವಾಚಃ ಶನೈರಿಮಾಃ॥ 1-46-13 (1990) ಯಾನಿ ಭೂತಾನಿ ಸಂತೀಹ ಸ್ಥಾವರಾಣಿ ಚರಾಣಿ ಚ। ಅಂತರ್ಹಿತಾನಿ ವಾ ಯಾನಿ ತಾನಿ ಶೃಣ್ವಂತು ಮೇ ವಚಃ॥ 1-46-14 (1991) ಉಗ್ರೇ ತಪಸಿ ವರ್ತಂತಂ ಪಿತರಶ್ಚೋದಯಂತಿ ಮಾಂ। ನಿವಿಶಸ್ವೇತಿ ದುಃಖಾರ್ತಾಃ ಸಂತಾನಸ್ಯ ಚಿಕೀರ್ಷಯಾ॥ 1-46-15 (1992) ನಿವೇಶಾಯಾಖಿಲಾಂ ಭೂಮಿಂ ಕನ್ಯಾಭೈಕ್ಷ್ಯಂ ಚರಾಮಿ ಭೋಃ। ದರಿದ್ರೋ ದುಃಖಶೀಲಶ್ಚ ಪಿತೃಭಿಃ ಸನ್ನಿಯೋಜಿತಃ॥ 1-46-16 (1993) ಯಸ್ಯ ಕನ್ಯಾಽಸ್ತಿ ಭೂತಸ್ಯ ಯೇ ಮಯೇಹ ಪ್ರಕೀರ್ತಿತಾಃ। ತೇ ಮೇ ಕನ್ಯಾಂ ಪ್ರಯಚ್ಛಂತು ಚರತಃ ಸರ್ವತೋದಿಶಂ॥ 1-46-17 (1994) ಮಮ ಕನ್ಯಾ ಸನಾಂನೀ ಯಾ ಭೈಕ್ಷ್ಯವಚ್ಚೋದಿತಾ ಭವೇತ್। ಭರೇಯಂ ಚೈವ ಯಾಂ ನಾಹಂ ತಾಂ ಮೇ ಕನ್ಯಾಂ ಪ್ರಯಚ್ಛತ॥ 1-46-18 (1995) ತತಸ್ತೇ ಪನ್ನಗಾ ಯೇ ವೈ ಜರತ್ಕಾರೌ ಸಮಾಹಿತಾಃ। ತಾಮಾದಾಯ ಪ್ರವೃತ್ತಿಂ ತೇ ವಾಸುಕೇಃ ಪ್ರತ್ಯವೇದಯನ್॥ 1-46-19 (1996) ತೇಷಾಂ ಶ್ರುತ್ವಾ ಸ ನಾಗೇಂದ್ರಸ್ತಾಂ ಕನ್ಯಾಂ ಸಮಲಂಕೃತಾಂ। ಪ್ರಗೃಹ್ಯಾರಣ್ಯಮಗಮತ್ಸಮೀಪಂ ತಸ್ಯ ಪನ್ನಗಃ॥ 1-46-20 (1997) ತತ್ರ ತಾಂ ಭೈಕ್ಷ್ಯವತ್ಕನ್ಯಾಂ ಪ್ರಾದಾತ್ತಸ್ಮೈ ಮಹಾತ್ಮನೇ। ನಾಗೇಂದ್ರೋ ವಾಸುಕಿರ್ಬ್ರಹ್ಮನ್ನ ಸ ತಾಂ ಪ್ರತ್ಯಗೃಹ್ಣತ॥ 1-46-21 (1998) ಅಸನಾಮೇತಿ ವೈ ಮತ್ವಾ ಭರಣೇ ಚಾವಿಚಾರಿತೇ। ಮೋಕ್ಷಭಾವೇ ಸ್ಥಿತಶ್ಚಾಪಿ ಮಂದೀಭೂತಃ ಪರಿಗ್ರಹೇ॥ 1-46-22 (1999) ತತೋ ನಾಮ ಸ ಕನ್ಯಾಯಾಃ ಪಪ್ರಚ್ಛ ಭೃಗುನಂದನ। ವಾಸುಕಿಂ ಭರಣಂ ಚಾಸ್ಯಾ ನ ಕುರ್ಯಾಮಿತ್ಯುವಾಚ ಹ॥ ॥ 1-46-23 (2000) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಷಟ್ಚತ್ವಾರಿಂಶೋಽಧ್ಯಾಯಃ॥ 46 ॥

1-47-0 (2001) ಸೌತಿರುವಾಚ। 1-47-0x (224) ವಾಸುಕಿಸ್ತ್ವಬ್ರವೀದ್ವಾಕ್ಯಂ ಜರತ್ಕಾರುಮೃಷಿಂ ತದಾ। ಸನಾಂನೀ ತವ ಕನ್ಯೇಯಂ ಸ್ವಸಾ ಮೇ ತಪಸಾನ್ವಿತಾ॥ 1-47-1 (2002) ಭರಿಷ್ಯಾಮಿ ಚ ತೇ ಭಾರ್ಯಾಂ ಪ್ರತೀಚ್ಛೇಮಾಂ ದ್ವಿಜೋತ್ತಮ। ರಕ್ಷಣಂ ಚ ಕರಿಷ್ಯೇಽಸ್ಯಾಃ ಸರ್ವಶಕ್ತ್ಯಾ ತಪೋಧನ। ತ್ವದರ್ಥಂ ರಕ್ಷ್ಯತೇ ಚೈಷಾ ಮಯಾ ಮುನಿವರೋತ್ತಮ॥ 1-47-2 (2003) ಜರತ್ಕಾರುರುವಾಚ। 1-47-3x (225) ನ ಭರಿಷ್ಯೇಽಹಮೇತಾಂ ವೈ ಏಷ ಮೇ ಸಮಯಃ ಕೃತಃ। ಅಪ್ರಿಯಂ ಚ ನ ಕರ್ತವ್ಯಂ ಕೃತೇ ಚೈನಾಂ ತ್ಯಜಾಂಯಹಂ॥ 1-47-3 (2004) ಸೌತಿರುವಾಚ। 1-47-4x (226) ಪ್ರತಿಶ್ರುತೇ ತು ನಾಗೇನ ಭರಿಷ್ಯೇ ಭಗಿನೀಮಿತಿ। ಜರತ್ಕಾರುಸ್ತದಾ ವೇಶ್ಮ ಭುಜಗಸ್ಯ ಜಗಾಮ ಹ॥ 1-47-4 (2005) ತತ್ರ ಮಂತ್ರವಿದಾಂ ಶ್ರೇಷ್ಠಸ್ತಪೋವೃದ್ಧೋ ಮಹಾವ್ರತಃ। ಜಗ್ರಾಹ ಪಾಣಿಂ ಧರ್ಮಾತ್ಮಾ ವಿಧಿಮಂತ್ರಪುರಸ್ಕೃತಂ॥ 1-47-5 (2006) ತತೋ ವಾಸಗೃಹಂ ರಂಯಂ ಪನ್ನಗೇಂದ್ರಸ್ಯ ಸಂಮತಂ। ಜಗಾಮ ಭಾರ್ಯಾಮ ದಾಯ ಸ್ತೂಯಮಾನೋ ಮಹರ್ಷಿಭಿಃ॥ 1-47-6 (2007) ಶಯನಂ ತತ್ರ ಸಂಕ್ಲೃಪ್ತಂ ಸ್ಪರ್ಧ್ಯಾಸ್ತರಣಸಂವೃತಂ। ತತ್ರ ಭಾರ್ಯಾಸಹಾಯೋ ವೈ ಜರತ್ಕಾರುರುವಾಸ ಹ॥ 1-47-7 (2008) ಸ ತತ್ರ ಸಮಯಂ ಚಕ್ರೇ ಭಾರ್ಯಯಾ ಸಹ ಸತ್ತಮಃ। ವಿಪ್ರಿಯಂ ಮೇ ನ ಕರ್ತವ್ಯಂ ನ ಚ ವಾಚ್ಯಂ ಕದಾಚನ॥ 1-47-8 (2009) ತ್ಯಜೇಯಂ ವಿಪ್ರಿಯೇ ಚ ತ್ವಾಂ ಕೃತೇ ವಾಸಂ ಚ ತೇ ಗೃಹೇ। ಏತದ್ಗೃಹಾಣ ವಚನಂ ಮಯಾ ಯತ್ಸಮುದೀರಿತಂ॥ 1-47-9 (2010) ತತಃ ಪರಮಸಂವಿಗ್ನಾ ಸ್ವಸಾ ನಾಗಪತೇಸ್ತದಾ। ಅತಿದುಃಖಾನ್ವಿತಾ ವಾಕ್ಯಂ ತಮುವಾಚೈವಮಸ್ತ್ವಿತಿ॥ 1-47-10 (2011) ತಥೈವ ಸಾ ಚ ಭರ್ತಾರಂ ದುಃಖಶೀಲಮುಪಚಾರತ್। ಉಪಾಯೈಃ ಶ್ವೇತಕಾಕೀಯೈಃ ಪ್ರಿಯಕಾಮಾ ಯಶಸ್ವಿನೀ॥ 1-47-11 (2012) ಋತುಕಾಲೇ ತತಃ ಸ್ನಾತಾ ಕದಾಚಿದ್ವಾಸುಕೇಃ ಸ್ವಸಾ। ಭರ್ತಾರಂ ವೈ ಯಥಾನ್ಯಾಯಮುಪತಸ್ಥೇ ಮಹಾಮುನಿಂ॥ 1-47-12 (2013) ತತ್ರ ತಸ್ಯಾಃ ಸಮಭವದ್ಗರ್ಭೋ ಜ್ವಲನಸನ್ನಿಭಃ। ಅತೀವ ತೇಜಸಾ ಯುಕ್ತೋ ವೈಶ್ವಾನರಸಮದ್ಯುತಿಃ॥ 1-47-13 (2014) ಶುಕ್ಲಪಕ್ಷೇ ಯಥಾ ಸೋಮೋ ವ್ಯವರ್ಧತ ತಥೈವ ಸಃ। ತತಃ ಕತಿಪಯಾಹಸ್ತು ಜರತ್ಕಾರುರ್ಮಹಾಯಶಾಃ॥ 1-47-14 (2015) ಉತ್ಸಂಗೇಽಸ್ಯಾಃ ಶಿರಃ ಕೃತ್ವಾ ಸುಷ್ವಾಪ ಪರಿಖಿನ್ನವತ್। ತಸ್ಮಿಂಶ್ಚ ಸುಪ್ತೇ ವಿಪ್ರೇಂದ್ರೇ ಸವಿತಾಸ್ತಮಿಯಾದ್ಗಿರಿಂ॥ 1-47-15 (2016) ಅಹ್ನಃ ಪರಿಕ್ಷಯೇ ಬ್ರಹ್ಮಂಸ್ತತಃ ಸಾಽಚಿಂತಯತ್ತದಾ। ವಾಸುಕೇರ್ಭಗಿನೀ ಭೀತಾ ಧರ್ಮಲೋಪಾನ್ಮನಸ್ವಿನೀ॥ 1-47-16 (2017) ಕಿಂ ನು ಮೇ ಸುಕೃತಂ ಭೂಯಾದ್ಭರ್ತುರುತ್ಥಾಪನಂ ನ ವಾ। ದುಃಖಶೀಲೋ ಹಿ ಧರ್ಮಾತ್ಮಾ ಕಥಂ ನಾಸ್ಯಾಪರಾಧ್ನುಯಾಂ॥ 1-47-17 (2018) ಕೋಪೋ ವಾ ಧರ್ಮಶೀಲಸ್ಯ ಧರ್ಮಲೋಪೋಽಥವಾ ಪುನಃ। ಧರ್ಮಲೋಪೋ ಗರೀಯಾನ್ವೈ ಸ್ಯಾದಿತ್ಯತ್ರಾಕರೋನ್ಮತಿಂ॥ 1-47-18 (2019) ಉತ್ಥಾಪಯಿಷ್ಯೇ ಯದ್ಯೇನಂ ಧ್ರುವಂ ಕೋಪಂ ಕರಿಷ್ಯತಿ। ಧರ್ಮಲೋಪೋ ಭವೇದಸ್ಯ ಸಂಧ್ಯಾತಿಕ್ರಮಣೇ ಧ್ರುವಂ॥ 1-47-19 (2020) ಇತಿ ನಿಶ್ಚಿತ್ಯ ಮನಸಾ ಜರತ್ಕಾರುರ್ಭುಜಂಗಮಾ। ತಮೃಷಿಂ ದೀಪ್ತತಪಸಂ ಶಯಾನಮನಲೋಪಮಂ॥ 1-47-20 (2021) ಉವಾಚೇದಂ ವಚಃ ಶ್ಲಕ್ಷ್ಣಂ ತತೋ ಮಧುರಭಾಷಿಣೀ। ಉತ್ತಿಷ್ಠ ತ್ವಂ ಮಹಾಭಾಗ ಸೂರ್ಯೋಽಸ್ತಮುಪಗಚ್ಛತಿ॥ 1-47-21 (2022) ಸಂಧ್ಯಾಮುಪಾಸ್ಸ್ವ ಭಗವನ್ನಪಃ ಸ್ಪೃಷ್ಟ್ವಾ ಯತವ್ರತಃ। ಪ್ರಾದುಷ್ಕೃತಾಗ್ನಿಹೋತ್ರೋಽಯಂ ಮುಹೂರ್ತೋ ರಂಯದಾರುಣಃ॥ 1-47-22 (2023) ಸಂಧ್ಯಾ ಪ್ರವರ್ತತೇ ಚೇಯಂ ಪಶ್ಚಿಮಾಯಾಂ ದಿಶಿ ಪ್ರಭೋ। ಏವಮುಕ್ತಃ ಸ ಭಗವಾಂಜರತ್ಕಾರುರ್ಮಹಾತಪಾಃ॥ 1-47-23 (2024) ಭಾರ್ಯಾಂ ಪ್ರಸ್ಫುರಮಾಣೌಷ್ಠ ಇದಂ ವಚನಮಬ್ರವೀತ್। ಅವಮಾನಃ ಪ್ರಯುಕ್ತೋಽಯಂ ತ್ವಯಾ ಮಮ ಭುಜಂಗಮೇ॥ 1-47-24 (2025) ಸಮೀಪೇ ತೇ ನ ವತ್ಸ್ಯಾಮಿ ಗಮಿಷ್ಯಾಮಿ ಯಥಾಗತಂ। ಶಕ್ತಿರಸ್ತಿ ನ ವಾಮೋರು ಮಯಿ ಸುಪ್ತೇ ವಿಭಾವಸೋಃ॥ 1-47-25 (2026) ಅಸ್ತಂ ಗಂತುಂ ಯಥಾಕಾಲಮಿತಿ ಮೇ ಹೃದಿ ವರ್ತತೇ। ನ ಚಾಪ್ಯವಮತಸ್ಯೇಹ ವಾಸೋ ರೋಚೇತ ಕಸ್ಯಚಿತ್॥ 1-47-26 (2027) ಕಿಂ ಪುನರ್ಧರ್ಮಶೀಲಸ್ಯ ಮಮ ವಾ ಮದ್ವಿಧಸ್ಯ ವಾ। ಏವಮುಕ್ತಾ ಜರತ್ಕಾರುರ್ಭರ್ತ್ರಾ ಹೃದಯಕಂಪನಂ॥ 1-47-27 (2028) ಅಬ್ರವೀದ್ಭಗಿನೀ ತತ್ರ ವಾಸುಕೇಃ ಸನ್ನಿವೇಶನೇ। ನಾವಮಾನಾತ್ಕೃತವತೀ ತವಾಹಂ ವಿಪ್ರೇ ಬೋಧನಂ॥ 1-47-28 (2029) ಧರ್ಮಲೋಪೋ ನ ತೇ ವಿಪ್ರ ಸ್ಯಾದಿತ್ಯೇತನ್ಮಯಾ ಕೃತಂ। ಉವಾಚ ಭಾರ್ಯಾಮಿತ್ಯುಕ್ತೋ ಜರತ್ಕಾರುರ್ಮಹಾತಪಾಃ॥ 1-47-29 (2030) ಋಷಿಃ ಕೋಪಸಮಾವಿಷ್ಟಸ್ತ್ಯಕ್ತುಕಾಮೋ ಭುಜಂಗಮಾಂ। ನ ಮೇ ವಾಗನೃತಂ ಪ್ರಾಹ ಗಮಿಷ್ಯೇಽಹಂ ಭುಜಂಗಮೇ॥ 1-47-30 (2031) ಸಮಯೋ ಹ್ಯೇಷ ಮೇ ಪೂರ್ವಂ ತ್ವಯಾ ಸಹ ಮಿಥಃ ಕೃತಃ। ಸುಖಮಸ್ಂಯುಷಿತೋ ಭದ್ರೇ ಬ್ರೂಯಾಸ್ತ್ವಂ ಭ್ರಾತರಂ ಶುಭೇ॥ 1-47-31 (2032) ಇತೋ ಮಯಿ ಗತೇ ಭೀರು ಗತಃ ಸ ಭಗವಾನಿತಿ। ತ್ವಂ ಚಾಪಿ ಮಯಿ ನಿಷ್ಕ್ರಾಂತೇ ನ ಶೋಕಂ ಕರ್ತುಮರ್ಹಸಿ॥ 1-47-32 (2033) ಇತ್ಯುಕ್ತಾ ಸಾಽನವದ್ಯಾಂಗೀ ಪ್ರತ್ಯುವಾಚ ಮುನಿಂ ತದಾ। ಜರತ್ಕಾರುಂ ಜರತ್ಕಾರುಶ್ಚಿಂತಾಶೋಕಪರಾಯಣಾ॥ 1-47-33 (2034) ಬಾಷ್ಪಗದ್ಗದಯಾ ವಾಚಾ ಮುಖೇನ ಪರಿಶುಷ್ಯತಾ। ಕೃತಾಂಜಲಿರ್ವರಾರೋಹಾ ಪರ್ಯಶ್ರುನಯನಾ ತತಃ॥ 1-47-34 (2035) ಧೈರ್ಯಮಾಲಂಬ್ಯ ವಾಮೋರೂರ್ಹೃದಯೇನ ಪ್ರವೇಪತಾ। ನ ಮಾಮರ್ಹಸಿ ಧರ್ಮಜ್ಞ ಪರಿತ್ಯಕ್ತುಮನಾಗಸಂ॥ 1-47-35 (2036) ಧರ್ಮೇ ಸ್ಥಿತಾಂ ಸ್ಥಿತೋ ಧರ್ಮೇ ಸದಾ ಪ್ರಿಯಹಿತೇ ರತಾಂ। ಪ್ರದಾನೇ ಕಾರಣಂ ಯಚ್ಚ ಮಮ ತುಭ್ಯಂ ದ್ವಿಜೋತ್ತಮ॥ 1-47-36 (2037) ತದಲಬ್ಧವತೀಂ ಮಂದಾಂ ಕಿಂ ಮಾಂ ವಕ್ಷ್ಯತಿ ವಾಸುಕಿಃ। ಮಾತೃಶಾಪಾಭಿಭೂತಾನಾಂ ಜ್ಞಾತೀನಾಂ ಮಮ ಸತ್ತಮ॥ 1-47-37 (2038) ಅಪತ್ಯಮೀಪ್ಸಿತಂ ತ್ವತ್ತಸ್ತಚ್ಚ ತಾವನ್ನ ದೃಶ್ಯತೇ। ತ್ವತ್ತೋ ಹ್ಯಪತ್ಯಲಾಭೇನ ಜ್ಞಾತೀನಾಂ ಮೇ ಶಿವಂ ಭವೇತ್॥ 1-47-38 (2039) ಸಂಪ್ರಯೋಗೋ ಭವೇನ್ನಾಯಾಂ ಮಮ ಮೋಘಸ್ತ್ವಯಾ ದ್ವಿಜ। ಜ್ಞಾತೀನಾಂ ಹಿತಮಿಚ್ಛಂತೀ ಭಗವಂಸ್ತ್ವಾಂ ಪ್ರಸಾದಯೇ॥ 1-47-39 (2040) ಇಮಮವ್ಯಕ್ತರೂಪಂ ಮೇ ಗರ್ಭಮಾಧಾಯ ಸತ್ತಮ। ಕಥಂ ತ್ಯಕ್ತ್ವಾ ಮಹಾತ್ಮಾ ಸನ್ಗಂತುಮಿಚ್ಛಸ್ಯನಾಗಸಂ॥ 1-47-40 (2041) ಏವಮುಕ್ತಸ್ತು ಸ ಮುನಿರ್ಭಾರ್ಯಾಂ ವಚನಮಬ್ರವೀತ್। ಯದ್ಯುಕ್ತಮನುರೂಪಂ ಚ ಜರತ್ಕಾರುಂ ತಪೋಧನಃ॥ 1-47-41 (2042) ಅಸ್ತ್ಯಯಂ ಸುಭಗೇ ಗರ್ಭಸ್ತವ ವೈಶ್ವಾನರೋಪಮಃ। ಋಷಿಃ ಪರಮಧರ್ಮಾತ್ಮಾ ವೇದವೇದಾಂಗಪಾರಗಃ॥ 1-47-42 (2043) ಏವಮುಕ್ತ್ವಾ ಸ ಧರ್ಮಾತ್ಮಾ ಜರತ್ಕಾರುರ್ಮಹಾನೃಷಿಃ। ಉಗ್ರಾಯ ತಪಸೇ ಭೂಯೋ ಜಗಾಮ ಕೃತನಿಶ್ಚಯಃ॥ ॥ 1-47-43 (2044) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಸಪ್ತಚತ್ವಾರಿಂಶೋಽಧ್ಯಾಯಃ॥ 47 ॥

1-48-0 (2045) ಸೌತಿರುವಾಚ। 1-48-0x (227) ಗತಮಾತ್ರಂ ತು ಭರ್ತಾರಂ ಜರತ್ಕಾರುರವೇದಯತ್। ಭ್ರಾತುಃ ಸಕಾಶಮಾಗತ್ಯ ಯಥಾತಥ್ಯಂ ತಪೋಧನ॥ 1-48-1 (2046) ತತಃ ಸ ಭುಜಗಶ್ರೇಷ್ಠಃ ಶ್ರುತ್ವಾ ಸುಮಹದಪ್ರಿಯಂ। ಉವಾಚ ಭಗಿನೀಂ ದೀನಾಂ ತದಾ ದೀನತರಃ ಸ್ವಯಂ॥ 1-48-2 (2047) ವಾಸುಕಿರುವಾಚ। 1-48-3x (228) ಜಾನಾಸಿ ಭದ್ರೇ ಯತ್ಕಾರ್ಯಂ ಪ್ರದಾನೇ ಕಾರಣಂ ಚ ಯತ್। ಪನ್ನಗಾನಾಂ ಹಿತಾರ್ಥಾಯ ಪುತ್ರಸ್ತೇ ಸ್ಯಾತ್ತತೋ ಯದಿ॥ 1-48-3 (2048) ಸ ಸರ್ಪಸತ್ರಾತ್ಕಿಲ ನೋ ಮೋಕ್ಷಯಿಷ್ಯತಿ ವೀರ್ಯವಾನ್। ಏವಂ ಪಿತಾಮಹಃ ಪೂರ್ವಮುಕ್ತವಾಂಸ್ತು ಸುರೈಃ ಸಹ॥ 1-48-4 (2049) ಅಪ್ಯಸ್ತಿ ಗರ್ಭಃ ಸುಭಗೇ ತಸ್ಮಾತ್ತೇ ಮುನಿಸತ್ತಮಾತ್। ನ ಚೇಚ್ಛಾಂಯಫಲಂ ತಸ್ಯ ದಾರಕರ್ಮ ಮನೀಷಿಣಃ॥ 1-48-5 (2050) ಕಾಮಂ ಚ ಮಮ ನ ನ್ಯಾಯ್ಯಂ ಪ್ರಷ್ಟುಂ ತ್ವಾಂ ಕಾರ್ಯಮೀದೃಶಂ। ಕಿಂತು ಕಾರ್ಯಗರೀಯಸ್ತ್ವಾತ್ತತಸ್ತ್ವಾಽಹಮಚೂಚುದಂ॥ 1-48-6 (2051) ದುರ್ವಾರ್ಯತಾಂ ವಿದಿತ್ವಾ ಚ ಭರ್ತುಸ್ತೇಽತಿತಪಸ್ವಿನಃ। ನೈನಮನ್ವಾಗಮಿಷ್ಯಾಮಿ ಕದಾಚಿದ್ಧಿ ಶಪೇತ್ಸ ಮಾಂ॥ 1-48-7 (2052) ಆಚಕ್ಷ್ವ ಭದ್ರೇ ಭರ್ತುಃ ಸ್ವಂ ಸರ್ವಮೇವ ವಿಚೇಷ್ಟಿತಂ। ಉದ್ಧರಸ್ವ ಚ ಶಲ್ಯಂ ಮೇ ಘೋರಂ ಹೃದಿ ಚಿರಸ್ಥಿತಂ॥ 1-48-8 (2053) ಜರತ್ಕಾರುಸ್ತತೋ ವಾಕ್ಯಮಿತ್ಯುಕ್ತಾ ಪ್ರತ್ಯಭಾಷತ। ಆಶ್ವಾಸಯಂತೀ ಸಂತಪ್ತಂ ವಾಸುಕಿಂ ಪನ್ನಗೇಶ್ವರಂ॥ 1-48-9 (2054) ಜರತ್ಕಾರುರುವಾಚ। 1-48-10x (229) ಪೃಷ್ಟೋ ಮಯಾಽಪತ್ಯಹೇತೋಃ ಸ ಮಹಾತ್ಮಾ ಮಹಾತಪಾಃ। ಅಸ್ತೀತ್ಯುತ್ತರಮುದ್ದಿಶ್ಯ ಮಮೇದಂ ಗತವಾಂಶ್ಚ ಸಃ॥ 1-48-10 (2055) ಸ್ವೈರೇಷ್ವಪಿ ನ ತೇನಾಹಂ ಸ್ಮರಾಮಿ ವಿತಥಂ ವಚಃ। ಉಕ್ತಪೂರ್ವಂ ಕುತೋ ರಾಜನ್ಸಾಂಪರಾಯೇ ಸ ವಕ್ಷ್ಯತಿ॥ 1-48-11 (2056) ನ ಸಂತಾಪಸ್ತ್ವಯಾ ಕಾರ್ಯಃ ಕಾರ್ಯಂ ಪ್ರತಿ ಭುಜಂಗಮೇ। ಉತ್ಪತ್ಸ್ಯತಿ ಚ ತೇ ಪುತ್ರೋ ಜ್ವಲನಾರ್ಕಸಮಪ್ರಭಃ॥ 1-48-12 (2057) ಇತ್ಯುಕ್ತ್ವಾ ಸ ಹಿ ಮಾಂ ಭ್ರಾತರ್ಗತೋ ಭರ್ತಾ ತಪೋಧನಃ। ತಸ್ಮಾದ್ವ್ಯೇತು ಪರಂ ದುಃಖಂ ತವೇದಂ ಮನಸಿ ಸ್ಥಿತಂ॥ 1-48-13 (2058) ಸೌತಿರುವಾಚ। 1-48-14x (230) ಏತಚ್ಛ್ರುತ್ವಾ ಸ ನಾಗೇಂದ್ರೋ ವಾಸುಕಿಃ ಪರಯಾ ಮುದಾ। ಏವಮಸ್ತ್ವಿತಿ ತದ್ವಾಕ್ಯಂ ಭಗಿನ್ಯಾಃ ಪ್ರತ್ಯಗೃಹ್ಣತ॥ 1-48-14 (2059) ಸಾಂತ್ವಮಾನಾರ್ಥದಾನೈಶ್ಚ ಪೂಜಯಾ ಚಾರುರೂಪಯಾ। ಸೋದರ್ಯಾಂ ಪೂಜಯಾಮಾಸ ಸ್ವಸಾರಂ ಪನ್ನಗೋತ್ತಮಃ॥ 1-48-15 (2060) ತತಃ ಪ್ರವವೃಧೇ ಗರ್ಭೋ ಮಹಾತೇಜಾ ಮಹಾಪ್ರಭಃ। ಯಥಾ ಮೋಮೋ ದ್ವಿಜಶ್ರೇಷ್ಠ ಶುಕ್ಲಪಕ್ಷೋದಿತೋ ದಿವಿ॥ 1-48-16 (2061) ಅಥ ಕಾಲೇ ತು ಸಾ ಬ್ರಹ್ಮನ್ಪ್ರಜಜ್ಞೇ ಭುಜಗಸ್ವಸಾ। ಕುಮಾರಂ ದೇವಗರ್ಭಾಭಂ ಪಿತೃಮಾತೃಭಯಾಪಹಂ॥ 1-48-17 (2062) ವವೃಧೇ ಸ ತು ತತ್ರೈವ ನಾಗರಾಜನಿವೇಶನೇ। ವೇದಾಂಶ್ಚಾಧಿಜಗೇ ಸಾಂಗಾನ್ಭಾರ್ಗವಚ್ಯವನಾತ್ಮಜಾತ್॥ 1-48-18 (2063) ಚೀರ್ಣವ್ರತೋ ಬಾಲ ಏವ ಬುದ್ಧಿಸತ್ತ್ವಗುಣಾನ್ವಿತಃ। ನಾಮ ಚಾಸ್ಯಾಭವತ್ಖ್ಯಾತಂ ಲೋಕೇಷ್ವಾಸ್ತೀಕ ಇತ್ಯುತ॥ 1-48-19 (2064) ಅಸ್ತೀತ್ಯುಕ್ತ್ವಾ ಗತೋ ಯಸ್ಮಾತ್ಪಿತಾ ಗರ್ಭಸ್ಥಮೇವ ತಂ। ವನಂ ತಸ್ಮಾದಿದಂ ತಸ್ಯ ನಾಮಾಸ್ತೀಕೇತಿ ವಿಶ್ರುತಂ॥ 1-48-20 (2065) ಸ ಬಾಲ ಏವ ತತ್ರಸ್ಥಶ್ಚರನ್ನಮಿತಬುದ್ಧಿಮಾನ್। ಗೃಹೇ ಪನ್ನಗರಾಜಸ್ಯ ಪ್ರಯತ್ನಾತ್ಪರಿರಕ್ಷಿತಃ॥ 1-48-21 (2066) ಭಗವಾನಿವ ದೇವೇಶಃ ಶೂಲಪಾಣಿರ್ಹಿರಣ್ಮಯಃ। ವಿವರ್ಧಮಾನಃ ಸರ್ವಾಂಸ್ತಾನ್ಪನ್ನಗಾನಭ್ಯಹರ್ಷಯತ್॥ ॥ 1-48-22 (2067) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಅಷ್ಟಚತ್ವಾರಿಂಶೋಽಧ್ಯಾಯಃ॥ 48 ॥

1-49-0 (2068) ಶೌನಕ ಉವಾಚ। 1-49-0x (231) ಯದಪೃಚ್ಛತ್ತದಾ ರಾಜಾ ಮಂತ್ರಿಣೋ ಜನಮೇಜಯಃ। ಪಿತುಃ ಸ್ವರ್ಗಗತಿಂ ತನ್ಮೇ ವಿಸ್ತರೇಣ ಪುನರ್ವದ॥ 1-49-1 (2069) ಸೌತಿರುವಾಚ। 1-49-2x (232) ಶೃಣು ಬ್ರಹ್ಮನ್ಯಥಾಽಪೃಚ್ಛನ್ಮಂತ್ರಿಣೋ ನೃಪತಿಸ್ತದಾ। ಯಥಾ ಚಾಖ್ಯಾತವಂತಸ್ತೇ ನಿಧನಂ ತತ್ಪರಿಕ್ಷಿತಃ॥ 1-49-2 (2070) ಜನಮೇಜಯ ಉವಾಚ। 1-49-3x (233) ಜಾನಂತಿ ಸ್ಮ ಭವಂತಸ್ತದ್ಯಥಾವೃತ್ತಂ ಪಿತುರ್ಮಮ। ಆಸೀದ್ಯಥಾ ಸ ನಿಧನಂ ಗತಃ ಕಾಲೇ ಮಹಾಯಶಾಃ॥ 1-49-3 (2071) ಶ್ರುತ್ವಾ ಭವತ್ಸಕಾಶಾದ್ಧಿ ಪಿತುರ್ವೃತ್ತಮಶೇಷತಃ। ಕಲ್ಯಾಣಂ ಪ್ರತಿಪತ್ಸ್ಯಾಮಿ ವಿಪರೀತಂ ನ ಜಾತುಚಿತ್॥ 1-49-4 (2072) ಸೌತಿರುವಾಚ। 1-49-5x (234) ಮಂತ್ರಿಣೋಽಥಾಬ್ರುವನ್ವಾಕ್ಯಂ ಪೃಷ್ಟಾಸ್ತೇನ ಮಹಾತ್ಮನಾ। ಸರ್ವೇ ಧರ್ಮವಿದಃ ಪ್ರಾಜ್ಞಾ ರಾಜಾನಂ ಜನಮೇಜಯಂ॥ 1-49-5 (2073) ಮಂತ್ರಿಣ ಊಚುಃ। 1-49-6x (235) ಶೃಣು ಪಾರ್ಥಿವ ಯದ್ಬ್ರೂಷೇ ಪಿತುಸ್ತವ ಮಹಾತ್ಮನಃ। ಚರಿತಂ ಪಾರ್ಥಿವೇಂದ್ರಸ್ಯ ಯಥಾ ನಿಷ್ಠಾಂ ಗತಶ್ಚ ಸಃ॥ 1-49-6 (2074) ಧರ್ಮಾತ್ಮಾ ಚ ಮಹಾತ್ಮಾ ಚ ಪ್ರಜಾಪಾಲಃ ಪಿತಾ ತವ। ಆಸೀದಿಹಾಯಥಾ ವೃತ್ತಃ ಸ ಮಹಾತ್ಮಾ ಶೃಣುಷ್ವ ತತ್॥ 1-49-7 (2075) ಚಾತುರ್ವರ್ಣ್ಯಂ ಸ್ವಧರ್ಮಸ್ಥಂ ಸ ಕೃತ್ವಾ ಪರ್ಯರಕ್ಷತ। ಧರ್ಮತೋ ಧರ್ಮವಿದ್ರಾಜಾ ಧರ್ಮೋ ವಿಗ್ರಹವಾನಿವ॥ 1-49-8 (2076) ರರಕ್ಷ ಪೃಥಿವೀಂ ದೇವೀಂ ಶ್ರೀಮಾನತುಲವಿಕ್ರಮಃ। ದ್ವೇಷ್ಟಾರಸ್ತಸ್ಯ ನೈವಾಸನ್ಸ ಚ ದ್ವೇಷ್ಟಿ ನ ಕಂಚನ॥ 1-49-9 (2077) ಸಮಃ ಸರ್ವೇಷು ಭೂತೇಷು ಪ್ರಜಾಪತಿರಿವಾಭವತ್। ಬ್ರಾಹ್ಮಣಾಃ ಕ್ಷತ್ರಿಯಾ ವೈಶ್ಯಾಃ ಶೂದ್ರಾಶ್ಚೈವ ಸ್ವಕರ್ಮಸು॥ 1-49-10 (2078) ಸ್ಥಿತಃ ಸುಮನಸೋ ರಾಜಂಸ್ತೇನ ರಾಜ್ಞಾ ಸ್ವಧಿಷ್ಠಿತಾಃ। ವಿಧವಾನಾಥವಿಕಲಾನ್ಕೃಪಣಾಂಶ್ಚ ಬಭಾರ ಸಃ॥ 1-49-11 (2079) ಸುದರ್ಶಃ ಸರ್ವಭೂತಾನಾಮಾಸೀತ್ಸೋಮ ಇವಾಪರಃ। ತುಷ್ಟಪುಷ್ಟಜನಃ ಶ್ರೀಮಾನ್ಸತ್ಯವಾಗ್ದೃಢವಿಕ್ರಮಃ॥ 1-49-12 (2080) ಧನುರ್ವೇದೇ ತು ಶಿಷ್ಯೋಽಭೂನ್ನೃಪಃ ಶಾರದ್ವತಸ್ಯ ಸಃ। ಗೋವಿಂದಸ್ಯ ಪ್ರಿಯಶ್ಚಾಸೀತ್ಪಿತಾ ತೇ ಜನಮೇಜಯ॥ 1-49-13 (2081) ಲೋಕಸ್ಯ ಚೈವ ಸರ್ವಸ್ಯ ಪ್ರಿಯ ಆಸೀನ್ಮಹಾಯಶಾಃ। ಪರಿಕ್ಷೀಣೇಷು ಕುರುಷು ಸೋತ್ತರಾಯಾಮಜೀಜನತ್॥ 1-49-14 (2082) ಪರಿಕ್ಷಿದಭವತ್ತೇನ ಸೌಭದ್ರಸ್ಯಾತ್ಮಜೋ ಬಲೀ। ರಾಜಧರ್ಮಾರ್ಥಕುಶಲೋ ಯುಕ್ತಃ ಸರ್ವಗುಣೈರ್ವೃತಃ॥ 1-49-15 (2083) ಜಿತೇಂದ್ರಿಯಶ್ಚಾತ್ಮವಾಂಶ್ಚ ಮೇಧಾವೀ ಧರ್ಮಸೇವಿತಾ। ಷಡ್ವರ್ಗಜಿನ್ಮಹಾಬುದ್ಧಿರ್ನೀತಿಶಾಸ್ತ್ರವಿದುತ್ತಮಃ॥ 1-49-16 (2084) ಪ್ರಜಾ ಇಮಾಸ್ತವ ಪಿತಾ ಷಷ್ಟಿವರ್ಷಾಣ್ಯಪಾಲಯತ್। ತತೋ ದಿಷ್ಟಾಂತಮಾಪನ್ನಃ ಸರ್ವೇಷಾಂ ದುಃಖಮಾವಹನ್॥ 1-49-17 (2085) ತತಸ್ತ್ವಂ ಪುರುಷಶ್ರೇಷ್ಠ ಧರ್ಮೇಣ ಪ್ರತಿಪೇದಿವಾನ್। ಇದಂ ವರ್ಷಸಹಸ್ರಾಣಿ ರಾಜ್ಯಂ ಕುರುಕುಲಾಗತಂ। ಬಾಲ ಏವಾಭಿಷಿಕ್ತಸ್ತ್ವಂ ಸರ್ವಭೂತಾನುಪಾಲಕಃ॥ 1-49-18 (2086) ಜನಮೇಜಯ ಉವಾಚ। 1-49-19x (236) ನಾಸ್ಮಿನ್ಕುಲೇ ಜಾತು ಬಭೂವ ರಾಜಾ ಯೋ ನ ಪ್ರಜಾನಾಂ ಪ್ರಿಯಕೃತ್ಪ್ರಿಯಶ್ಚ। ವಿಶೇಷತಃ ಪ್ರೇಕ್ಷ್ಯ ಪಿತಾಮಹಾನಾಂ ವೃತ್ತಂ ಮಹದ್ವೃತ್ತಪರಾಯಣಾನಾಂ॥ 1-49-19 (2087) ಕಥಂ ನಿಧನಮಾಪನ್ನಃ ಪಿತಾ ಮಮ ತಥಾವಿಧಃ। ಆಚಕ್ಷಧ್ವಂ ಯಥಾವನ್ಮೇ ಶ್ರೋತುಮಿಚ್ಛಾಮಿ ತತ್ತ್ವತಃ॥ 1-49-20 (2088) ಸೌತಿರುವಾಚ। 1-49-21x (237) ಏವಂ ಸಂಚೋದಿತಾ ರಾಜ್ಞಾ ಮಂತ್ರಿಣಸ್ತೇ ನರಾಧಿಪಂ। ಊಚುಃ ಸರ್ವೇ ಯಥಾವೃತ್ತಂ ರಾಜ್ಞಃ ಪ್ರಿಯಹಿತೈಷಿಣಃ॥ 1-49-21 (2089) ಮಂತ್ರಿಣ ಊಚುಃ। 1-49-22x (238) ಸ ರಾಜಾ ಪೃಥಿವೀಪಾಲಃ ಸರ್ವಶಸ್ತ್ರಭೃತಾಂ ವರಃ। ಬಭೂವ ಮೃಗಯಾಶೀಲಸ್ತವ ರಾಜನ್ಪಿತಾ ಸದಾ॥ 1-49-22 (2090) ಯಥಾ ಪಾಂಡುರ್ಮಹಾಬಾಹುರ್ಧನುರ್ಧರವರೋ ಯುಧಿ। ಅಸ್ಮಾಸ್ವಾಸಜ್ಯ ಸರ್ವಾಣಿ ರಾಜಕಾರ್ಯಾಣ್ಯಶೇಷತಃ॥ 1-49-23 (2091) ಸ ಕದಾಚಿದ್ವನಗತೋ ಮೃಗಂ ವಿವ್ಯಾಧ ಪತ್ರಿಣಾ। ವಿದ್ಧ್ವಾ ಚಾನ್ವಸರತ್ತೂರ್ಣಂ ತಂ ಮೃಗಂ ಗಹನೇ ವನೇ॥ 1-49-24 (2092) ಪದಾತಿರ್ಬದ್ಧನಿಸ್ತ್ರಿಂಶಸ್ತತಾಯುಧಕಲಾಪವಾನ್। ನ ಚಾಸಸಾದ ಗಹನೇ ಮೃಗಂ ನಷ್ಟಂ ಪಿತಾ ತವ॥ 1-49-25 (2093) ಪರಿಶ್ರಾಂತೋ ವಯಸ್ಥಶ್ಚ ಷಷ್ಟಿವರ್ಷೋ ಜರಾನ್ವಿತಃ। ಕ್ಷುಧಿತಃ ಸ ಮಹಾರಣ್ಯೇ ದದರ್ಶ ಮುನಿಸತ್ತಮಂ॥ 1-49-26 (2094) ಸ ತಂ ಪಪ್ರಚ್ಛ ರಾಜೇಂದ್ರೋ ಮುನಿಂ ಮೌನವ್ರತೇ ಸ್ಥಿತಂ। ನ ಚ ಕಿಂಚಿದುವಾಚೇದಂ ಪೃಷ್ಟೋಽಪಿ ಸಮುನಿಸ್ತದಾ॥ 1-49-27 (2095) ತತೋ ರಾಜಾ ಕ್ಷುಚ್ಛ್ರಮಾರ್ತಸ್ತಂ ಮುನಿಂ ಸ್ಥಾಣುವತ್ಸ್ಥಿತಂ। ಮೌನವ್ರತಧರಂ ಶಾಂತಂ ಸದ್ಯೋ ಮನ್ಯುವಶಂ ಗತಃ॥ 1-49-28 (2096) ನ ಬುಬೋಧ ಚ ತಂ ರಾಜಾ ಮೌನವ್ರತಧರಂ ಮುನಿಂ। ಸ ತಂ ಕ್ರೋಧಸಮಾವಿಷ್ಟೋ ಧರ್ಷಯಾಮಾಸ ತೇ ಪಿತಾ॥ 1-49-29 (2097) ಮೃತಂ ಸರ್ಪಂ ಧನುಷ್ಕೋಟ್ಯಾ ಸಮುತ್ಕ್ಷಿಪ್ಯ ಧರಾತಲಾತ್। ತಸ್ಯ ಶುದ್ಧಾತ್ಮನಃ ಪ್ರಾದಾತ್ಸ್ಕಂಧೇ ಭರತಸತ್ತಮ॥ 1-49-30 (2098) ನ ಚೋವಾಚ ಸ ಮೇಧಾವೀ ತಮಥೋ ಸಾಧ್ವಸಾಧು ವಾ। ತಸ್ಥೌ ತಥೈವ ಚಾಕ್ರುದ್ಧಃ ಸರ್ಪಂ ಸ್ಕಂಧೇನ ಧಾರಯನ್॥ ॥ 1-49-31 (2099) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಏಕೋನಪಂಚಾಶತ್ತಮೋಽಧ್ಯಾಯಃ॥ 49 ॥

1-50-0 (2100) ಮಂತ್ರಿಣ ಊಚುಃ। 1-50-0x (239) ತತಃ ಸ ರಾಜಾ ರಾಜೇಂದ್ರ ಸ್ಕಂಧೇ ತಸ್ಯ ಭುಜಂಗಮಂ। ಮುನೇಃ ಕ್ಷುತ್ಕ್ಷಾಮ ಆಸಜ್ಯ ಸ್ವಪುರಂ ಪ್ರಯಯೌ ಪುನಃ॥ 1-50-1 (2101) ಋಷೇಸ್ತಸ್ಯ ತು ಪುತ್ರೋಽಭೂದ್ಗತಿ ಜಾತೋ ಮಹಾಯಶಾಃ। ಶೃಂಗೀ ನಾಮ ಮಹಾತೇಜಾಸ್ತಿಗ್ಮವೀರ್ಯೋಽತಿಕೋಪನಃ॥ 1-50-2 (2102) ಬ್ರಹ್ಮಾಣಂ ಸಮುಪಾಗಂಯ ಮುನಿಃ ಪೂಜಾಂ ಚಕಾರ ಹ। ಸೋಽನುಜ್ಞಾತಸ್ತತಸ್ತತ್ರ ಶೃಂಗೀ ಶುಶ್ರಾವ ತಂ ತದಾ॥ 1-50-3 (2103) ಸಖ್ಯುಃ ಸಕಾಶಾತ್ಪಿತರಂ ಪಿತ್ರಾ ತೇ ಧರ್ಷಿತಂ ಪುರಾ। ಮೃತಂ ಸರ್ಪಂ ಸಮಾಸಕ್ತಂ ಸ್ಥಾಣುಭೂತಸ್ಯ ತಸ್ಯ ತಂ॥ 1-50-4 (2104) ವಹಂತಂ ರಾಜಶಾರ್ದೂಲ ಸ್ಕಂಧೇನಾನಪಕಾರಿಣಂ। ತಪಸ್ವಿನಮತೀವಾಥ ತಂ ಮುನಿಪ್ರವರಂ ನೃಪ॥ 1-50-5 (2105) ಜಿತೇಂದ್ರಿಯಂ ವಿಶುದ್ಧಂ ಚ ಸ್ಥಿತಂ ಕರ್ಮಣ್ಯಥಾದ್ಭುತಂ। ತಪಸಾ ದ್ಯೋತಿತಾತ್ಮಾನಂ ಸ್ವೇಷ್ವಂಗೇಷು ಯತಂ ತದಾ॥ 1-50-6 (2106) ಶುಭಾಚಾರಂ ಶುಭಕಥಂ ಸುಸ್ಥಿತಂ ತಮಲೋಲುಪಂ। ಅಕ್ಷುದ್ರಮನಸೂಯಂ ಚ ವೃದ್ಧಂ ಮೌನವ್ರತೇ ಸ್ಥಿತಂ। ಶರಣ್ಯಂ ಸರ್ವಭೂತಾನಾಂ ಪಿತ್ರಾ ವಿನಿಕೃತಂ ತವ॥ 1-50-7 (2107) ಶಶಾಪಾಥ ಮಹಾತೇಜಾಃ ಪಿತರಂ ತೇ ರುಷಾನ್ವಿತಃ। ಋಷೇಃ ಪುತ್ರೋ ಮಹಾತೇಜಾ ಬಾಲೋಽಪಿ ಸ್ಥವಿರದ್ಯುತಿಃ॥ 1-50-8 (2108) ಸ ಕ್ಷಿಪ್ರಮುದಕಂ ಸ್ಪೃಷ್ಟ್ವಾ ರೋಷಾದಿದಮುವಾಚ ಹ। ಪಿತರಂ ತೇಽಭಿಸಂಧಾಯ ತೇಜಸಾ ಪ್ರಜ್ವಲನ್ನಿವ॥ 1-50-9 (2109) ಅನಾಗಸಿ ಗುರೌ ಯೋ ಮೇ ಮೃತಂ ಸರ್ಪವಾಸೃಜತ್। ತಂ ನಾಗಸ್ತಕ್ಷಕಃ ಕ್ರುದ್ಧಸ್ತೇಜಸಾ ಪ್ರದಹಿಷ್ಯತಿ॥ 1-50-10 (2110) ಆಶೀವಿಷಸ್ತಿಗ್ಮತೇಜಾ ಮದ್ವಾಕ್ಯಬಲಚೋದಿತಃ। ಸಪ್ತರಾತ್ರಾದಿತಃ ಪಾಪಂ ಪಶ್ಯ ಮೇ ತಪಸೋ ಬಲಂ॥ 1-50-11 (2111) ಇತ್ಯುಕ್ತ್ವಾ ಪ್ರಯಯೌ ತತ್ರ ಪಿತಾ ಯತ್ರಾಽಸ್ಯ ಸೋಽಭವತ್। ದೃಷ್ಟ್ವಾ ಚ ಪಿತರಂ ತಸ್ಮೈ ತಂ ಶಾಪಂ ಪ್ರತ್ಯವೇದಯತ್॥ 1-50-12 (2112) ಸ ಚಾಪಿ ಮುನಿಶಾರ್ದೂಲಃ ಪ್ರೇರಯಾಮಾಸ ತೇ ಪಿತುಃ। ಶಿಷ್ಯಂ ಗೌರಮುಖಂ ನಾಮ ಶೀಲವಂತಂ ಗುಣಾನ್ವಿತಂ॥ 1-50-13 (2113) ಆಚಖ್ಯೌಂ ಸತ್ತ್ವ ವಿಶ್ರಾಂತೋ ರಾಜ್ಞಃ ಸರ್ವಮಶೇಷತಃ। ಶಪ್ತೋಽಸಿ ಮಮ ಪುತ್ರೇಣ ಯತ್ತೋ ಭವ ಮಹೀಪತೇ॥ 1-50-14 (2114) ತಕ್ಷಕಸ್ತ್ವಾಂ ಮಹಾರಾಜ ತೇಜಸಾಽಸೌ ದಹಿಷ್ಯತಿ। ಶ್ರುತ್ವಾ ಚ ತದ್ವಚೋ ಘೋರಂ ಪಿತಾ ತೇ ಜನಮೇಜಯ॥ 1-50-15 (2115) ಯತ್ತೋಽಭವತ್ಪರಿತ್ರಸ್ತಸ್ತಕ್ಷಕಾತ್ಪನ್ನಗೋತ್ತಮಾತ್। ತತಸ್ತಸ್ಮಿಂಸ್ತು ದಿವಸೇ ಸಪ್ತಮೇ ಸಮುಪಸ್ಥಿತೇ॥ 1-50-16 (2116) ರಾಜ್ಞಃ ಸಮೀಪಂ ಬ್ರಹ್ಮರ್ಷಿಃ ಕಾಶ್ಯಪೋ ಗಂತುಮೈಚ್ಛತ। ತಂ ದದರ್ಶಾಥ ನಾಗೇಂದ್ರಸ್ತಕ್ಷಕಃ ಕಾಶ್ಯಪಂ ತದಾ॥ 1-50-17 (2117) ತಮಬ್ರವೀತ್ಪನ್ನಗೇಂದ್ರಃ ಕಾಶ್ಯಪಂ ತ್ವರಿತಂ ದ್ವಿಜಂ। ಕ್ವ ಭವಾಂಸ್ತ್ವರಿತೋ ಯಾತಿ ಕಿಂ ಚ ಕಾರ್ಯಂ ಚಿಕೀರ್ಷತಿ॥ 1-50-18 (2118) ಕಾಶ್ಯಪ ಉವಾಚ। 1-50-19x (240) ಯತ್ರ ರಾಜಾ ಕುರುಶ್ರೇಷ್ಠಃ ಪರಿಕ್ಷಿನ್ನಾಮ ವೈ ದ್ವಿಜ। ತಕ್ಷಕೇಣ ಭುಜಂಗೇನ ಧಕ್ಷ್ಯತೇ ಕಿಲ ಸೋಽದ್ಯ ವೈ॥ 1-50-19 (2119) ಗಚ್ಛಾಂಯಹಂ ತಂ ತ್ವರಿತಃ ಸದ್ಯಃ ಕರ್ತುಮಪಜ್ವರಂ। ಮಯಾಽಭಿಪನ್ನಂ ತಂ ಚಾಪಿ ನ ಸರ್ಪೋ ಧರ್ಷಯಿಷ್ಯತಿ॥ 1-50-20 (2120) ತಕ್ಷಕ ಉವಾಚ। 1-50-21x (241) ಕಿಮರ್ಥಂ ತಂ ಮಯಾ ದಷ್ಟಂ ಸಂಜೀವಯಿತುಮಿಚ್ಛಸಿ। ಅಹಂ ತ ತಕ್ಷಕೋ ಬ್ರಹ್ಮನ್ಪಶ್ಯ ಮೇ ವೀರ್ಯಮದ್ಭುತಂ॥ 1-50-21 (2121) ನ ಶಕ್ತಸ್ತ್ವಂ ಮಯಾ ದಷ್ಟಂ ತಂ ಸಂಜೀವಯಿತುಂ ನೃಪಂ। 1-50-22 (2122) ಮಂತ್ರಿಣ ಊಚುಃ। ಇತ್ಯುಕ್ತ್ವಾ ತಕ್ಷಕಸ್ತತ್ರ ಸೋಽದಶದ್ವೈ ವನಸ್ಪತಿಂ॥ 1-50-23x (242) ಸ ದಷ್ಟಮಾತ್ರೋ ನಾಗೇನ ಭಸ್ಮೀಭೂತೋಽಭವನ್ನಗಃ। ಕಾಶ್ಯಪಶ್ಚ ತತೋ ರಾಜನ್ನಜೀವಯತ ತಂ ನಗಂ॥ 1-50-23 (2123) ತತಸ್ತಂ ಲೋಭಯಾಮಾಸ ಕಾಮಂ ಬ್ರೂಹೀತಿ ತಕ್ಷಕಃ। ಸ ಏವಮುಕ್ತಸ್ತಂ ಪ್ರಾಹ ಕಾಶ್ಯಪಸ್ತಕ್ಷಕಂ ಪುನಃ॥ 1-50-24 (2124) ಧನಲಿಪ್ಸುರಹಂ ತತ್ರ ಯಾಮೀತ್ಯುಕ್ತಶ್ಚ ತೇನ ಸಃ। ತಮುವಾಚ ಮಹಾತ್ಮಾನಂ ತಕ್ಷಕಃ ಶ್ಲಕ್ಷ್ಣಯಾ ಗಿರಾ॥ 1-50-25 (2125) ಯಾವದ್ಧನಂ ಪ್ರಾರ್ಥಯಸೇ ರಾಜ್ಞಸ್ತಸ್ಮಾತ್ತತೋಽಧಿಕಂ। ಗೃಹಾಣ ಮತ್ತ ಏವ ತ್ವಂ ಸನ್ನಿವರ್ತಸ್ವ ಚಾನಘ॥ 1-50-26 (2126) ಸ ಏವಮುಕ್ತೋ ನಾಗೇನ ಕಾಶ್ಯಪೋ ದ್ವಿಪದಾಂ ವರಃ। ಲಬ್ಧ್ವಾ ವಿತ್ತಂ ನಿವವೃತೇ ತಕ್ಷಕಾದ್ಯಾವದೀಪ್ಸಿತಂ॥ 1-50-27 (2127) ತಸ್ಮಿನ್ಪ್ರತಿಗತೇ ವಿಪ್ರೇ ಛದ್ಮನೋಪೇತ್ಯ ತಕ್ಷಕಃ। ತಂ ನೃಪಂ ನೃಪತಿಶ್ರೇಷ್ಠಂ ಪಿತರಂ ಧಾರ್ಮಿಕಂ ತವ॥ 1-50-28 (2128) ಪ್ರಾಸಾದಸ್ಥಂ ಯತ್ತಮಪಿ ದಗ್ಧವಾನ್ವಿಷವಹ್ನಿನಾ। ತತಸ್ತ್ವಂ ಪುರುಷವ್ಯಾಘ್ರ ವಿಜಯಾಯಾಭಿಷೇಚಿತಃ॥ 1-50-29 (2129) ಏತದ್ದೃಷ್ಟಂ ಶ್ರುತಂ ಚಾಪಿ ಯಥಾವನ್ನೃಪಸತ್ತಮ। ಅಸ್ಮಾಭಿರ್ನಿಖಿಲಂ ಸರ್ವಂ ಕಥಿತಂ ತೇಽತಿದಾರುಣಂ॥ 1-50-30 (2130) ಶ್ರುತ್ವಾ ಚೈತಂ ನರಶ್ರೇಷ್ಠ ಪಾರ್ಥಿವಸ್ಯ ಪರಾಭವಂ। ಅಸ್ಯ ಚರ್ಷೇರುದಂಕಸ್ಯ ವಿಧತ್ಸ್ವ ಯದನಂತರಂ॥ 1-50-31 (2131) ಸೌತಿರುವಾಚ। 1-50-32x (243) ಏತಸ್ಮಿನ್ನೇವ ಕಾಲೇ ತು ಸ ರಾಜಾ ಜನಮೇಜಯಃ। ಉವಾಚ ಮಂತ್ರಿಣಃ ಸರ್ವಾನಿದಂ ವಾಕ್ಯಮರಿದಮಃ॥ 1-50-32 (2132) ಜನಮೇಜಯ ಉವಾಚ। 1-50-33x (244) ಅಥ ತತ್ಕಥಿತಂ ಕೇನ ಯದ್ವೃತ್ತಂ ತದ್ವನಸ್ಪತೌ। ಆಶ್ಚರ್ಯಭೂತಂ ಲೋಕಸ್ಯ ಭಸ್ಮರಾಶೀಕೃತಂ ತದಾ॥ 1-50-33 (2133) ಯದ್ವೃಕ್ಷಂ ಜೀವಯಾಮಾಸ ಕಾಶ್ಯಪಸ್ತಕ್ಷಕೇಣ ವೈ। ನೂನಂ ಮಂತ್ರೈರ್ಹತವಿಷೋ ನ ಪ್ರಣಶ್ಯೇತ ಕಾಶ್ಯಪಾತ್॥ 1-50-34 (2134) ಚಿಂತಯಾಮಾಸ ಪಾಪಾತ್ಮಾ ಮನಸಾ ಪನ್ನಗಾಧಮಃ। ದಷ್ಟಂ ಯದಿ ಮಯಾ ವಿಪ್ರಃ ಪಾರ್ಥಿವಂ ಜೀವಯಿಷ್ಯತಿ॥ 1-50-35 (2135) ತಕ್ಷಕಃ ಸಂಹತವಿಷೋ ಲೋಕೇ ಯಾಸ್ಯತಿ ಹಾಸ್ಯತಾಂ। ವಿಚಿಂತ್ಯೈವಂ ಕೃತಾ ತೇನ ಧ್ರುವಂ ತುಷ್ಟಿರ್ದ್ವಿಜಸ್ಯ ವೈ॥ 1-50-36 (2136) ಭವಿಷ್ಯತಿ ಹ್ಯುಪಾಯೇನ ಯಸ್ಯ ದಾಸ್ಯಾಮಿ ಯಾತನಾಂ। ಏಕಂ ತು ಶ್ರೋತುಮಿಚ್ಛಾಮಿ ತದ್ವೃತ್ತಂ ನಿರ್ಜನೇ ವನೇ॥ 1-50-37 (2137) ಸಂವಾದಂ ಪನ್ನಗೇಂದ್ರಸ್ಯ ಕಾಶ್ಯಪಸ್ಯ ಚ ಕಸ್ತದಾ। ಶ್ರುತವಾಂದೃಷ್ಟವಾಂಶ್ಚಾಪಿ ಭವತ್ಸು ಕಥಮಾಗತಂ। ಶ್ರುತ್ವಾ ತಸ್ಯ ವಿಧಾಸ್ಯೇಽಹಂ ಪನ್ನಗಾಂತಕರೀಂ ಮತಿಂ॥ 1-50-38 (2138) ಮಂತ್ರಿಣ ಊಚುಃ। 1-50-39x (245) ಶೃಣು ರಾಜನ್ಯಥಾಸ್ಮಾಕಂ ಯೇನ ತತ್ಕಥಿತಂ ಪುರಾ। ಸಮಾಗತಂ ದ್ವಿಜೇಂದ್ರಸ್ಯ ಪನ್ನಗೇಂದ್ರಸ್ಯ ಚಾಧ್ವನಿ॥ 1-50-39 (2139) ತಸ್ಮಿನ್ವೃಕ್ಷೇ ನರಃ ಕಶ್ಚಿದಿಂಧನಾರ್ಥಾಯ ಪಾರ್ಥಿವ। ವಿಚಿನ್ವನ್ಪೂರ್ವಮಾರೂಢಃ ಶುಷ್ಕಶಾಖಾವನಸ್ಪತೌ॥ 1-50-40 (2140) ನ ಬುಧ್ಯೇತಾಮುಭೌ ತೌ ಚ ನಗಸ್ಥಂ ಪನ್ನಗದ್ವಿಜೌ। ಸಹ ತೇನೈವ ವೃಕ್ಷೇಣ ಭಸ್ಮೀಭೂತೋಽಭವನ್ನೃಪ॥ 1-50-41 (2141) ದ್ವಿಜಪ್ರಭಾವಾದ್ರಾಜೇಂದ್ರ ವ್ಯಜೀವತ್ಸ ವನಸ್ಪತಿಃ। ತೇನಾಗಂಯ ದ್ವಿಜಶ್ರೇಷ್ಠ ಪುಂಸಾಽಸ್ಮಾಸು ನಿವೇದಿತಂ॥ 1-50-42 (2142) ಯಥಾ ವೃತ್ತಂ ತು ತತ್ಸರ್ವಂ ತಕ್ಷಕಸ್ಯ ದ್ವಿಜಸ್ಯ ಚ। ಏತತ್ತೇ ಕಥಿತಂ ರಾಜನ್ಯಥಾದೃಷ್ಟಂ ಶ್ರುತಂ ಚ ಯತ್। ಶ್ರುತ್ವಾ ಚ ನೃಪಶಾರ್ದೂಲ ವಿಧತ್ಸ್ವ ಯದನಂತರಂ॥ 1-50-43 (2143) ಸೌತಿರುವಾಚ। 1-50-44x (246) ಮಂತ್ರಿಣಾಂ ತು ವಚಃ ಶ್ರುತ್ವಾ ಸ ರಾಜಾ ಜನಮೇಜಯಃ। ಪರ್ಯತಪ್ಯತ ದುಃಖಾರ್ತಃ ಪ್ರತ್ಯಪಿಂಷತ್ಕರಂ ಕರೇ॥ 1-50-44 (2144) ನಿಃಶ್ವಾಸಮುಷ್ಣಮಸಕೃದ್ದೀರ್ಘಂ ರಾಜೀವಲೋಚನಃ। ಮುಮೋಚಾಶ್ರೂಣಿ ಚ ತದಾ ನೇತ್ರಾಭ್ಯಾಂ ಪ್ರರುದನ್ನೃಪಃ॥ 1-50-45 (2145) ಉವಾಚ ಚ ಮಹೀಪಾಲೋ ದುಃಖಶೋಕಸಮನ್ವಿತಃ। ದುರ್ಧರಂ ಬಾಷ್ಪಮುತ್ಸೃಜ್ಯ ಸ್ಪೃಷ್ಟ್ವಾ ಚಾಪೋ ಯಥಾವಿಧಿ॥ 1-50-46 (2146) ಮುಹೂರ್ತಮಿವ ಚ ಧ್ಯಾತ್ವಾ ನಿಶ್ಚಿತ್ಯ ಮನಸಾ ನೃಪಃ। ಅಮರ್ಷೀ ಮಂತ್ರಿಣಃ ಸರ್ವಾನಿದಂ ವಚನಮಬ್ರವೀತ್॥ 1-50-47 (2147) ಜನಮೇಜಯ ಉವಾಚ। 1-50-48x (247) ಶ್ರುತ್ವೈತದ್ಭವತಾಂ ವಾಕ್ಯಂ ಪಿತುರ್ಮೇ ಸ್ವರ್ಗತಿಂ ಪ್ರತಿ। ನಿಶ್ಚಿತೇಯಂ ಮಮ ಮತಿರ್ಯಾ ಚ ತಾಂ ಮೇ ನಿಬೋಧತ। ಅನಂತರಂ ಚ ಮನ್ಯೇಽಹಂ ತಕ್ಷಕಾಯ ದುರಾತ್ಮನೇ॥ 1-50-48 (2148) ಪ್ರತಿಕರ್ತವ್ಯಮಿತ್ಯೇವಂ ಯೇನ ಮೇ ಹಿಂಸಿತಃ ಪಿತಾ। ಶೃಂಗಿಣಂ ಹೇತುಮಾತ್ರಂ ಯಃ ಕೃತ್ವಾ ದಗ್ಧ್ವಾ ಚ ಪಾರ್ಥಿವಂ॥ 1-50-49 (2149) ಇಯಂ ದುರಾತ್ಮತಾ ತಸ್ಯ ಕಾಶ್ಯಪಂ ಯೋ ನ್ಯವರ್ತಯತ್। ಯದ್ಯಾಗಚ್ಛೇತ್ಸ ವೈ ವಿಪ್ರೋ ನನು ಜೀವೇತ್ಪಿತಾ ಮಮ॥ 1-50-50 (2150) ಪರಿಹೀಯೇತ ಕಿಂ ತಸ್ಯ ಯದಿ ಜೀವೇತ್ಸ ಪಾರ್ಥಿವಃ। ಕಾಶ್ಯಪಸ್ಯ ಪ್ರಸಾದೇನ ಮಂತ್ರಿಣಾಂ ವಿನಯೇನ ಚ॥ 1-50-51 (2151) ಸ ತು ವಾರಿತವಾನ್ಮೋಹಾತ್ಕಾಶ್ಯಪಂ ದ್ವಿಜಸತ್ತಮಂ। ಸಂಜಿಜೀವಯಿಷುಂ ಪ್ರಾಪ್ತಂ ರಾಜಾನಮಪರಾಜಿತಂ॥ 1-50-52 (2152) ಮಹಾನತಿಕ್ರಮೋ ಹ್ಯೇಷ ತಕ್ಷಕಸ್ಯ ದುರಾತ್ಮನಃ। ದ್ವಿಜಸ್ಯ ಯೋಽದದದ್ದ್ರವ್ಯಂ ಮಾ ನೃಪಂ ಜೀವಯೇದಿತಿ॥ 1-50-53 (2153) ಉತ್ತಂಕಸ್ಯ ಪ್ರಿಯಂ ಕರ್ತುಮಾತ್ಮನಶ್ಚ ಮಹತ್ಪ್ರಿಯಂ। ಭವತಾಂ ಚೈವ ಸರ್ವೇಷಾಂ ಗಚ್ಛಾಂಯಪಚಿತಿಂ ಪಿತುಃ॥ ॥ 1-50-54 (2154) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಪಂಚಾಶತ್ತಮೋಽಧ್ಯಾಯಃ॥ 50 ॥

1-51-0 (2155) ಸೌತಿರುವಾಚ। 1-51-0x (248) ಏವಮುಕ್ತ್ವಾ ತತಃ ಶ್ರೀಮಾನ್ಮಂತ್ರಿಭಿಶ್ಚಾನುಮೀದಿತಃ। ಆರುರೋಹ ಪ್ರತಿಜ್ಞಾಂ ಸ ಸರ್ಪಸತ್ರಾಯ ಪಾರ್ಥಿವಃ॥ 1-51-1 (2156) ಬ್ರಹ್ಮನ್ಭರತಶಾರ್ದೂಲೋ ರಾಜಾ ಪಾರಿಕ್ಷಿತಸ್ತದಾ। ಪುರೋಹಿತಮಥಾಹೂಯ ಋತ್ವಿಜೋ ವಸುಧಾಧಿಪಃ॥ 1-51-2 (2157) ಅಬ್ರವೀದ್ವಾಕ್ಯಸಂಪನ್ನಃ ಕಾರ್ಯಸಂಪತ್ಕರಂ ವಚಃ। ಯೋ ಮೇ ಹಿಂಸಿತವಾಂಸ್ತಾತಂ ತಕ್ಷಕಃ ಸ ದುರಾತ್ಮವಾನ್॥ 1-51-3 (2158) ಪ್ರತಿಕುರ್ಯಾಂ ಯಥಾ ತಸ್ಯ ತದ್ಭವಂತೋ ಬ್ರುವಂತು ಮೇ। ಅಪಿ ತತ್ಕರ್ಮ ವಿದಿತಂ ಭವತಾಂ ಯೇನ ಪನ್ನಗಂ॥ 1-51-4 (2159) ತಕ್ಷಕಂ ಸಂಪ್ರದೀಪ್ತೇಽಗ್ನೌ ಪ್ರಕ್ಷಿಪೇಯಂ ಸಬಾಂಧವಂ। ಯಥಾ ತೇನ ಪಿತಾ ಮಹ್ಯಂ ಪೂರ್ವಂ ದಗ್ಧೋ ವಿಷಾಗ್ನಿನಾ॥ ತಥಾಽಹಮಪಿ ತಂ ಪಾಪಂ ದಗ್ಧುಮಿಚ್ಛಾಮಿ ಪನ್ನಗಂ॥ 1-51-5 (2160) ಋತ್ವಿಜ ಊಚುಃ। 1-51-6x (249) ಅಸ್ತಿ ರಾಜನ್ಮಹಾತ್ಸತ್ರಂ ತ್ವದರ್ಥಂ ದೇವನಿರ್ಮಿತಂ। ಸರ್ವಸತ್ರಮಿತಿ ಖ್ಯಾತಂ ಪುರಾಣೇ ಪರಿಪಠ್ಯತೇ॥ 1-51-6 (2161) ಆಹರ್ತಾ ತಸ್ಯ ಸತ್ರಸ್ಯ ತ್ವನ್ನಾನ್ಯೋಽಸ್ತಿ ನರಾಧಿಪ। ಇತಿ ಪೌರಾಣಿಕಾಃ ಪ್ರಾಹುರಸ್ಮಾಕಂ ಚಾಸ್ತಿ ಸ ಕ್ರತುಃ॥ 1-51-7 (2162) ಏವಮುಕ್ತಃ ಸ ರಾಜರ್ಷಿರ್ಮೇನೇ ದಗ್ಧಂ ಹಿ ತಕ್ಷಕಂ। ಹುತಾಶನಮುಖೇ ದೀಪ್ತೇ ಪ್ರವಿಷ್ಟಮಿತಿ ಸತ್ತಮ॥ 1-51-8 (2163) ತತೋಽಬ್ರವೀನ್ಮಂತ್ರವಿದಸ್ತಾನ್ರಾಜಾ ಬ್ರಾಹ್ಮಣಾಂಸ್ತದಾ। ಆಹರಿಷ್ಯಾಮಿ ತತ್ಸತ್ರಂ ಸಂಭಾರಾಃ ಸಂಭ್ರಿಯಂತು ಮೇ॥ 1-51-9 (2164) ಸೌತಿರುವಾಚ। 1-51-10x (250) ತತಸ್ತ ಋತ್ವಿಜಸ್ತಸ್ಯ ಶಾಸ್ತ್ರತೋ ದ್ವಿಜಸತ್ತಮ। ತಂ ದೇಶಂ ಮಾಪಯಾಮಾಸುರ್ಯಜ್ಞಾಯತನಕಾರಣಾತ್॥ 1-51-10 (2165) ಯಥಾವದ್ವೇದವಿದ್ವಾಂಸಃ ಸರ್ವೇ ಬುದ್ಧೇಃ ಪರಂಗತಾಃ। ಋದ್ಧ್ಯಾ ಪರಮಯಾ ಯುಕ್ತಮಿಷ್ಟಂ ದ್ವಿಜಗಣೈರ್ಯುತಂ॥ 1-51-11 (2166) ಪ್ರಭೂತಧನಧಾನ್ಯಾಢ್ಯಮೃತ್ವಿಗ್ಭಿಃ ಸುನಿಷೇವಿತಂ। ನಿರ್ಮಾಯ ಚಾಪಿ ವಿಧಿವದ್ಯಜ್ಞಾಯತನಮೀಪ್ಸಿತಂ॥ 1-51-12 (2167) ರಾಜಾನಂ ದೀಕ್ಷಯಾಮಾಸುಃ ಸರ್ಪಸತ್ರಾಪ್ತಯೇ ತದಾ। ಇದಂ ಚಾಸೀತ್ತತ್ರ ಪೂರ್ವಂ ಸರ್ಪಸತ್ರೇ ಭವಿಷ್ಯತಿ॥ 1-51-13 (2168) ನಿಮಿತ್ತಂ ಮಹದುತ್ಪನ್ನಂ ಯಜ್ಞವಿಘ್ನಕರಂ ತದಾ। ಯಜ್ಞಸ್ಯಾಯತನೇ ತಸ್ಮಿನ್ಕ್ರಿಯಮಾಣೇ ವಚೋಽಬ್ರವೀತ್॥ 1-51-14 (2169) ಸ್ಥಪತಿರ್ಬುದ್ಧಿಸಂಪನ್ನೋ ವಾಸ್ತುವಿದ್ಯಾವಿಶಾರದಃ। ಇತ್ಯಬ್ರವೀತ್ಸೂತ್ರಧಾರಃ ಸೂತಃ ಪೌರಾಣಿಕಸ್ತದಾ॥ 1-51-15 (2170) ಯಸ್ಮಿಂದೇಶೇ ಚ ಕಾಲೇ ಚ ಮಾಪನೇಯಂ ಪ್ರವರ್ತಿತಾ। ಬ್ರಾಹ್ಮಣಂ ಕಾರಣಂ ಕೃತ್ವಾ ನಾಯಂ ಸಂಸ್ಥಾಸ್ಯತೇ ಕ್ರತುಃ॥ 1-51-16 (2171) ಏತಚ್ಛ್ರುತ್ವಾ ತು ರಾಜಾಸೌ ಪ್ರಾಗ್ದೀಕ್ಷಾಕಾಲಮಬ್ರವೀತ್। ಕ್ಷತ್ತಾರಂ ನ ಹಿ ಮೇ ಕಶ್ಚಿದಜ್ಞಾತಃ ಪ್ರವಿಶೇದಿತಿ॥ ॥ 1-51-17 (2172) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಏಕಪಂಚಾಶತ್ತಮೋಽಧ್ಯಾಯಃ॥ 51 ॥

1-52-0 (2173) ಸೌತಿರುವಾಚ। 1-52-0x (251) ತತಃ ಕರ್ಮ ಪ್ರವವೃತೇ ಸರ್ಪಸತ್ರವಿಧಾನತಃ। ಪರ್ಯಕ್ರಾಮಂಶ್ಚ ವಿದಿವತ್ಸ್ವೇ ಸ್ವೇ ಕರ್ಮಣಿ ಯಾಜಕಾಃ॥ 1-52-1 (2174) ಪ್ರಾವೃತ್ಯ ಕೃಷ್ಣವಾಸಾಂಸಿ ಧೂಂರಸಂರಕ್ತಲೋಚನಾಃ। ಜುಹುವುರ್ಮಂತ್ರವಚ್ಚೈವ ಸಮಿದ್ಧಂ ಜಾತವೇದಸಂ॥ 1-52-2 (2175) ಕಂಪಯಂತಶ್ಚ ಸರ್ವೇಷಾಮುರಗಾಣಾಂ ಮನಾಂಸಿ ಚ। ಸರ್ಪಾನಾಜುಹುವುಸ್ತತ್ರ ಸರ್ವಾನಗ್ನಿಮುಖೇ ತದಾ॥ 1-52-3 (2176) ತತಃ ಸರ್ಪಾಃ ಸಮಾಪೇತುಃ ಪ್ರದೀಪ್ತೇ ಹವ್ಯವಾಹನೇ। ವಿಚೇಷ್ಟಮಾನಾಃ ಕೃಪಣಮಾಹ್ವಯಂತಃ ಪರಸ್ಪರಂ॥ 1-52-4 (2177) ವಿಸ್ಫುರಂತಃ ಶ್ವಸಂತಶ್ಚ ವೇಷ್ಟಯಂತಃ ಪರಸ್ಪರಂ। ಪುಚ್ಛೈಃ ಶಿರೋಭಿಶ್ಚ ಭೃಶಂ ಚಿತ್ರಭಾನುಂ ಪ್ರಪೇದಿರೇ॥ 1-52-5 (2178) ಶ್ವೇತಾಃ ಕೃಷ್ಣಾಶ್ಚ ನೀಲಾಶ್ಚ ಸ್ಥವಿರಾಃ ಶಿಶವಸ್ತಥಾ। ನದಂತೋ ವಿವಿಧಾನ್ನಾದಾನ್ಪೇತುರ್ದೀಪ್ತೇ ವಿಭಾವಸೌ॥ 1-52-6 (2179) ಕ್ರೋಶಯೋಜನಮಾತ್ರಾ ಹಿ ಗೋಕರ್ಣಸ್ಯ ಪ್ರಮಾಣತಃ। ಪತಂತ್ಯಜಸ್ರಂ ವೇಗೇನ ವಹ್ನಾವಗ್ನಿಮತಾಂ ವರ॥ 1-52-7 (2180) ಏವಂ ಶತಸಹಸ್ರಾಣಿ ಪ್ರಯುತಾನ್ಯರ್ಬುದಾನಿ ಚ। ಅವಶಾನಿ ವಿನಷ್ಟಾನಿ ಪನ್ನಗಾನಾಂ ತು ತತ್ರ ವೈ॥ 1-52-8 (2181) ತುರಗಾ ಇವ ತತ್ರಾನ್ಯೇ ಹಸ್ತಿಹಸ್ತಾ ಇವಾಪರೇ। ಮತ್ತಾ ಇವ ಚ ಮಾತಂಗಾ ಮಹಾಕಾಯಾ ಮಹಾಬಲಾಃ॥ 1-52-9 (2182) ಉಚ್ಚಾವಚಾಶ್ಚ ಬಹವೋ ನಾನಾವರ್ಣಾ ವಿಷೋಲ್ಬಣಾಃ। ಘೋರಾಶ್ಚ ಪರಿಘಪ್ರಖ್ಯಾ ದಂದಶೂಕಾ ಮಹಾಬಲಾಃ। ಪ್ರಪೇತುರಗ್ನಾವುರಗಾ ಮಾತೃವಾಗ್ದಂಡಪೀಡಿತಾಃ॥ ॥ 1-52-10 (2183) ಇತಿ ಶ್ರೀಮನ್ಮಾಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ದ್ವಿಪಂಚಾಶತ್ತಮೋಽಧ್ಯಾಯಃ॥ 52 ॥

1-53-0 (2184) ಶೌನಕ ಉವಾಚ। 1-53-0x (252) ಸರ್ಪಸತ್ರೇ ತದಾ ರಾಜ್ಞಃ ಪಾಂಡವೇಯಸ್ಯ ಧೀಮತಃ। ಜನಮೇಜಯಸ್ಯ ಕೇ ತ್ವಾಸನ್ನೃತ್ವಿಜಃ ಪರಮರ್ಷಯಃ॥ 1-53-1 (2185) ಕೇ ಸದಸ್ಯಾ ಬಭೂವುಶ್ಚ ಸರ್ಪಸತ್ರೇ ಸುದಾರುಣೇ। ವಿಷಾದಜನನೇಽತ್ಯರ್ಥಂ ಪನ್ನಗಾನಾಂ ಮಹಾಭಯ॥ 1-53-2 (2186) ಸರ್ವಂ ವಿಸ್ತರಶಸ್ತಾತ ಭವಾಂಛಂಸಿತುಮರ್ಹತಿ। ಸರ್ಪಸತ್ರವಿಧಾನಜ್ಞವಿಜ್ಞೇಯಾಃ ಕೇ ಚ ಸೂತಜ॥ 1-53-3 (2187) ಸೌತಿರುವಾಚ। 1-53-4x (253) ಹಂತ ತೇ ಕಥಯಿಷ್ಯಾಮಿ ನಾಮಾನೀಹ ಮನೀಷಿಣಾಂ। ಯೇ ಋತ್ವಿಜಃ ಸದಸ್ಯಾಶ್ಚ ತಸ್ಯಾಸನ್ನೃಪತೇಸ್ತದಾ॥ 1-53-4 (2188) ತತ್ರ ಹೋತಾ ಬಭೂವಾಥ ಬ್ರಾಹ್ಮಣಶ್ಚಂಡಭಾರ್ಗವಃ। ಚ್ಯವನಸ್ಯಾನ್ವಯೇ ಖ್ಯಾತೋ ಜಾತೋ ವೇದವಿದಾಂ ವರಃ॥ 1-53-5 (2189) ಉದ್ಗಾತಾ ಬ್ರಾಹ್ಮಣೋ ವೃದ್ಧೋ ವಿದ್ವಾನ್ಕೌತ್ಸೌಽಥ ಜೈಮಿನಿಃ। ಬ್ರ್ಹಮಾಽಭವಚ್ಛಾರ್ಂಗರವೋಽಥಾಧ್ವರ್ಯುಶ್ಚಾಪಿ ಪಿಂಗಲಃ॥ 1-53-6 (2190) ಸದಸ್ಯಶ್ಚಾಭವದ್ವ್ಯಾಸಃ ಪುತ್ರಶಿಷ್ಯಸಹಾಯವಾನ್। ಉದ್ದಾಲಕಃ ಪ್ರಮತಕಃ ಶ್ವೇತಕೇತುಶ್ಚ ಪಿಂಗಲಃ॥ 1-53-7 (2191) ಅಸಿತೋ ದೇವಲಶ್ಚೈವ ನಾರದಃ ಪರ್ವತಸ್ತಥಾ। ಆತ್ರೇಯಃ ಕುಂಡಜಠರೌ ದ್ವಿಜಃ ಕಾಲಘಟಸ್ತಥಾ॥ 1-53-8 (2192) ವಾತ್ಸ್ಯಃ ಶ್ರುತಶ್ರವಾ ವೃದ್ಧೋ ಜಪಸ್ವಾಧ್ಯಾಯಶೀಲವಾನ್। ಕೋಹಲೋ ದೇವಶರ್ಮಾ ಚ ಮೌದ್ಗಲ್ಯಃ ಸಮಸೌರಭಃ॥ 1-53-9 (2193) ಏತೇ ಚಾನ್ಯೇ ಚ ಬಹವೋ ಬ್ರಾಹ್ಮಣಾ ವೇದಪಾರಗಾಃ। ಸದಸ್ಯಾಶ್ಚಾಭವಂಸ್ತತ್ರ ಸತ್ರೇ ಪಾರಿಕ್ಷಿತಸ್ಯ ಹ॥ 1-53-10 (2194) ಜುಹ್ವತ್ಸ್ವೃತ್ವಿಕ್ಷ್ವಥ ತದಾ ಸರ್ಪಸತ್ರೇ ಮಹಾಕ್ರತೌ। ಅಹಯಃ ಪ್ರಾಪತಂಸ್ತತ್ರ ಘೋರಾಃ ಪ್ರಾಣಿಭಯಾವಹಾಃ॥ 1-53-11 (2195) ವಸಾಮೇದೋವಹಾಃ ಕುಲ್ಯಾ ನಾಗಾನಾಂ ಸಂಪ್ರವರ್ತಿತಾಃ। ವವೌ ಗಂಧಶ್ಚ ತುಮುಲೋ ದಹ್ಯತಾಮನಿಶಂ ತದಾ॥ 1-53-12 (2196) ಪತತಾಂ ಚೈವ ನಾಗಾನಾಂ ಧಿಷ್ಠಿತಾನಾಂ ತಥಾಂಬರೇ। ಅಶ್ರೂಯತಾನಿಶಂ ಶಬ್ದಃ ಪಚ್ಯತಾಂ ಚಾಗ್ನಿನಾ ಭೃಶಂ॥ 1-53-13 (2197) ತಕ್ಷಕಸ್ತು ಸ ನಾಗೇಂದ್ರಃ ಪುರಂದರನಿವೇಶನಂ। ಗತಃ ಶ್ರುತ್ವೈವ ರಾಜಾನಂ ದೀಕ್ಷಿತಂ ಜನಮೇಜಯಂ॥ 1-53-14 (2198) ತತಃ ಸರ್ವಂ ಯಥಾವೃತ್ತಮಾಖ್ಯಾಯ ಭುಜಗೋತ್ತಮಃ। ಅಗಚ್ಛಚ್ಛರಣಂ ಭೀತ ಆಗಸ್ಕೃತ್ವಾ ಪುರಂದರಂ॥ 1-53-15 (2199) ತಮಿಂದ್ರಃ ಪ್ರಾಹ ಸುಪ್ರೀತೋ ನ ತವಾಸ್ತೀಹ ತಕ್ಷಕ। ಭಯಂ ನಾಗೇಂದ್ರ ತಸ್ಮಾದ್ವೈ ಸರ್ಪಸತ್ರಾತ್ಕದಾಚನ॥ 1-53-16 (2200) ಪ್ರಸಾದಿತೋ ಮಯಾ ಪೂರ್ವಂ ತವಾರ್ಥಾಯ ಪಿತಾಮಹಃ। ತಸ್ಮಾತ್ತವ ಭಯಂ ನಾಸ್ತಿ ವ್ಯೇತು ತೇನಸೋ ಜ್ವರಃ॥ 1-53-17 (2201) ಸೌತಿರುವಾಚ। 1-53-18x (254) ಏವಮಾಶ್ವಾಸಿತಸ್ತೇನ ತತಃ ಸ ಭುಜಗೋತ್ತಮಃ। ಉವಾಸ ಭವನೇ ತಸ್ಮಿಞ್ಶಕ್ರಸ್ಯ ಮುದಿತಃ ಸುಖೀ॥ 1-53-18 (2202) ಅಜಸ್ರಂ ನಿಪತತ್ಸ್ವಗ್ನೌ ನಾಗೇಷು ಭೃಶದುಃಖಿತಃ। ಅಲ್ಪಶೇಷಪರೀವಾರೋ ವಾಸುಕಿಃ ಪರ್ಯತಪ್ಯತ॥ 1-53-19 (2203) ಕಶ್ಮಲಂ ಚಾವಿಶದ್ಧೋರಂ ವಾಸುಕಿಂ ಪನ್ನಗೋತ್ತಮಂ। ಸ ಘೂರ್ಣಮಾನಹೃದಯೋ ಭಗಿನೀಮಿದಮಬ್ರವೀತ್॥ 1-53-20 (2204) ದಹ್ಯಂತೇಽಂಗಾನಿ ಮೇ ಭದ್ರೇ ನ ದಿಶಃ ಪ್ರತಿಭಾಂತಿ ಮಾಂ। ಸೀದಾಮೀವ ಚ ಸಂಮೋಹಾದ್ಧೂರ್ಣತೀವ ಚ ಮೇ ಮನಃ॥ 1-53-21 (2205) ದೃಷ್ಟಿರ್ಭ್ರಾಂಯತಿ ಮೇಽತೀವ ಹೃದಯಂ ದೀರ್ಯತೀವ ಚ। ಪತಿಷ್ಯಾಂಯವಶೋಽದ್ಯಾಹಂ ತಸ್ಮಿಂದೀಪ್ತೇ ವಿಭಾವಸೌ॥ 1-53-22 (2206) ಪಾರಿಕ್ಷಿತಸ್ಯ ಯಜ್ಞೋಽಸೌ ವರ್ತತೇಽಸ್ಮಜ್ಜಿಘಾಂಸಯಾ। ವ್ಯಕ್ತಂ ಮಯಾಽಭಿಗಂತವ್ಯಂ ಪ್ರೇತರಾಜನಿವೇಶನಂ॥ 1-53-23 (2207) ಅಯಂ ಸ ಕಾಲಃ ಸಂಪ್ರಾಪ್ತೋ ಯದರ್ಥಮಸಿ ಮೇ ಸ್ವಸಃ। ಜರತ್ಕರೌ(ಪುರಾ)ಮಯಾದತ್ತಾತ್ರಾಯಸ್ವಾಸ್ಮಾನ್ಸಬಾಂಧವಾನ್॥ 1-53-24 (2208) ಆಸ್ತೀಕಃ ಕಿಲ ಯಜ್ಞಂ ತಂ ವರ್ತಂತಂ ಭುಜಗೋತ್ತಮೇ। ಪ್ರತಿಷೇತ್ಸ್ಯತಿ ಮಾಂ ಪೂರ್ವಂ ಸ್ವಯಮಾಹ ಪಿತಾಮಹಃ॥ 1-53-25 (2209) ತದ್ವತ್ಸೇ ಬ್ರೂಹಿ ವತ್ಸಂ ಸ್ವಂ ಕುಮಾರಂ ವೃದ್ಧಸಂಮತಂ। ಮಮಾದ್ಯ ತ್ವಂ ಸಭೃತ್ಯಸ್ಯ ಮೋಕ್ಷಾರ್ಥಂ ವೇದವಿತ್ತಮಂ॥ ॥ 1-53-26 (2210) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ತ್ರಿಪಂಚಾಶತ್ತಮೋಽಧ್ಯಾಯಃ॥ 53 ॥

1-54-0 (2211) ಸೌತಿರುವಾಚ। 1-54-0x (255) ತತ ಆಹೂಯ ಪುತ್ರಂ ಸ್ವಂ ಜರತ್ಕಾರುರ್ಭುಜಂಗಮಾ। ವಾಸುಕೇರ್ನಾಗರಾಜಸ್ಯ ವಚನಾದಿದಮಬ್ರವೀತ್॥ 1-54-1 (2212) ಅಹಂ ತವ ಪಿತುಃ ಪುತ್ರ ಭ್ರಾತ್ರಾ ದತ್ತಾ ನಿಮಿತ್ತತಃ। ಕಾಲಃ ಸ ಚಾಯಂ ಸಂಪ್ರಾಪ್ತಸ್ತತ್ಕುರುಷ್ವ ಯಥಾತಥಂ॥ 1-54-2 (2213) ಆಸ್ತೀಕ ಉವಾಚ। 1-54-3x (256) ಕಿಂನಿಮಿತ್ತಂ ಮಮ ಪಿತುರ್ದತ್ತಾ ತ್ವಂ ಮಾತುಲೇನ ಮೇ। ತನ್ಮಮಾಚಕ್ಷ್ವ ತತ್ತ್ವೇನ ಶ್ರುತ್ವಾ ಕರ್ತಾಽಸ್ಮಿ ತತ್ತಥಾ॥ 1-54-3 (2214) ಸೌತಿರುವಾಚ। 1-54-4x (257) ತತ ಆಚಷ್ಟ ಸಾ ತಸ್ಮೈ ಬಾಂಧವಾನಾಂ ಹಿತೈಷಿಣೀ। ಭಗಿನೀ ನಾಗರಾಜಸ್ಯ ಜರತ್ಕಾರುರವಿಕ್ಲಬಾ॥ 1-54-4 (2215) ಜರತ್ಕಾರುರುವಾಚ। 1-54-5x (258) ಪನ್ನಗಾನಾಮಶೇಷಾಣಾಂ ಮಾತಾ ಕದ್ರೂರಿತಿ ಶ್ರುತಾ। ತಯಾ ಶಪ್ತಾ ರುಷಿತಯಾ ಸುತಾ ಯಸ್ಮಾನ್ನಿಬೋಧ ತತ್॥ 1-54-5 (2216) ಉಚ್ಚೈಃ ಶ್ರವಾಃ ಸೋಽಶ್ವರಾಜೋ ಯನ್ಮಿಥ್ಯಾ ನ ಕೃತೋ ಮಮ। ವಿನತಾರ್ಥಾಯ ಪಣಿತೇ ದಾಸಭಾವಾಯ ಪುತ್ರಕಾಃ॥ 1-54-6 (2217) ಜನಮೇಜಯಸ್ಯ ವೋ ಯಜ್ಞೇ ಧಕ್ಷ್ಯತ್ಯನಿಲಸಾರಥಿಃ। ತತ್ರ ಪಂಚತ್ವಮಾಪನ್ನಾಃ ಪ್ರೇತಲೋಕಂ ಗಮಿಷ್ಯಥ॥ 1-54-7 (2218) ತಾಂ ಚ ಶಪ್ತವತೀಂ ದೇವಃ ಸಾಕ್ಷಾಲ್ಲೋಕಪಿತಾಮಹಃ। ಏವಮಸ್ತ್ವಿತಿ ತದ್ವಾಕ್ಯಂ ಪ್ರೋವಾಚಾನು ಮುಮೋದ ಚ॥ 1-54-8 (2219) ವಾಸುಕಿಶ್ಚಾಪಿ ತಚ್ಛ್ರುತ್ವಾ ಪಿತಾಮಹವಚಸ್ತದಾ। ಅಮೃತೇ ಮಥಿತೇ ತಾತ ದೇವಾಂಛರಣಮೀಯಿವಾನ್॥ 1-54-9 (2220) ಸಿದ್ಧಾರ್ಥಾಶ್ಚ ಸುರಾಃ ಸರ್ವೇ ಪ್ರಾಪ್ಯಾಮೃತಮನುತ್ತಮಂ। ಭ್ರಾತರಂ ಮೇ ಪುರಸ್ಕೃತ್ಯ ಪಿತಾಮಹಮುಪಾಗಮನ್॥ 1-54-10 (2221) ತೇ ತಂ ಪ್ರಸಾದಯಾಮಾಸುಃ ಸುರಾಃ ಸರ್ವೇಽಬ್ಜಸಂಭವಂ। ರಾಜ್ಞಾ ವಾಸುಕಿನಾ ಸಾರ್ಧಂ ಶಾಪೋಽಸೌನ ಭವೇದಿತಿ॥ 1-54-11 (2222) ದೇವಾ ಊಚುಃ। 1-54-12x (259) ವಾಸುಕಿರ್ನಾಗರಾಜೋಽಯಂ ದುಃಖಿತೋ ಜ್ಞಾತಿಕಾರಣಾತ್। ಅಭಿಶಾಪಃ ಸ ಮಾತುಸ್ತು ಭಗವನ್ನ ಭವೇತ್ಕಥಂ॥ 1-54-12 (2223) ಬ್ರಹ್ಮೋವಾಚ। 1-54-13x (260) ಜರತ್ಕಾರುರ್ಜರತ್ಕಾರುಂ ಯಾಂ ಭಾರ್ಯಾಂ ಸಮವಾಪ್ಸ್ಯತಿ। ತತ್ರ ಜಾತೋ ದ್ವಿಜಃ ಶಾಪಾನ್ಮೋಕ್ಷಯಿಷ್ಯತಿ ಪನ್ನಗಾನ್॥ 1-54-13 (2224) ಏತಚ್ಛ್ರುತ್ವಾ ತು ವಚನಂ ವಾಸುಕಿಃ ಪನ್ನಗೋತ್ತಮಃ। ಪ್ರಾದಾನ್ಮಾಮಮರಪ್ರಖ್ಯ ತವ ಪಿತ್ರೇ ಮಹಾತ್ಮನೇ॥ 1-54-14 (2225) ಪ್ರಾಗೇವಾನಾಗತೇ ಕಾಲೇ ತಸ್ಮಾತ್ತ್ವ ಮಯ್ಯಜಾಯಥಾಃ। ಅಯಂ ಸ ಕಾಲಃ ಸಂಪ್ರಾಪ್ತೋ ಭಯಾನ್ನಸ್ತ್ರಾತುಮರ್ಹಸಿ॥ 1-54-15 (2226) ಭ್ರಾತರಂ ಚಾಪಿ ಮೇ ತಸ್ಮಾತ್ತ್ರಾತುಮರ್ಹಸಿ ಪಾವಕಾತ್। ನ ಮೋಘಂ ತು ಕೃತಂ ತತ್ಸ್ಯಾದ್ಯದಹಂ ತವ ಧೀಮತೇ। ಪಿತ್ರೇ ದತ್ತಾ ವಿಮೋಕ್ಷಾರ್ಥಂ ಕಥಂ ವಾ ಪುತ್ರ ಮನ್ಯಸೇ॥ 1-54-16 (2227) ಸೌತಿರುವಾಚ। 1-54-17x (261) ಏವಮುಕ್ತಸ್ತಥೇತ್ಯುಕ್ತ್ವಾ ಸಾಸ್ತೀಕೋ ಮಾತರಂ ತದಾ। ಅಬ್ರವೀದ್ದುಃಖಸಂತಪ್ತಂ ವಾಸುಕಿಂ ಜೀವಯನ್ನಿವ॥ 1-54-17 (2228) ಅಹಂ ತ್ವಾಂ ಮೋಕ್ಷಯಿಷ್ಯಾಮಿ ವಾಸುಕೇ ಪನ್ನಗೋತ್ತಮ। ತಸ್ಮಾಚ್ಛಾಪಾನ್ಮಹಾಸತ್ತ್ವ ಸತ್ಯಮೇತದ್ಬ್ರವೀಮಿ ತೇ॥ 1-54-18 (2229) ಭವ ಸ್ವಸ್ಥಮನಾ ನಾಗ ನ ಹಿ ತೇ ವಿದ್ಯತೇ ಭಯಂ। ಪ್ರಯತಿಷ್ಯೇ ತಥಾ ರಾಜನ್ಯಥಾ ಶ್ರೇಯೋ ಭವಿಷ್ಯತಿ॥ 1-54-19 (2230) ನ ಮೇ ವಾಗನೃತಂ ಪ್ರಾಹ ಸ್ವೈರೇಷ್ವಪಿ ಕುತೋಽನ್ಯಥಾ। ತಂ ವೈ ನೃಪವರಂ ಗತ್ವಾ ದೀಕ್ಷಿತಂ ಜನಮೇಜಯಂ॥ 1-54-20 (2231) ವಾಗ್ಭಿರ್ಮಂಗಲಯುಕ್ತಾಭಿಸ್ತೋಷಯಿಷ್ಯೇಽದ್ಯ ಮಾತುಲ। ಯಥಾ ಸ ಯಜ್ಞೋ ನೃಪತೇರ್ನಿವತ್ರಿಷ್ಯತಿ ಸತ್ತಮ॥ 1-54-21 (2232) ಸ ಸಂಭಾವಯ ನಾಗೇಂದ್ರ ಮಯಿ ಸರ್ವಂ ಮಹಾಮತೇ। ನ ತೇ ಮಯಿ ಮನೋ ಜಾತು ಮಿಥ್ಯಾ ಭವಿತುಮರ್ಹತಿ॥ 1-54-22 (2233) ವಾಸುಕಿರುವಾಚ। 1-54-23x (262) ಆಸ್ತೀಕ ಪರಿಘೂರ್ಣಾಮಿ ಹೃದಯಂ ಮೇ ವಿದೀರ್ಯತೇ। ದಿಶೋ ನ ಪ್ರತಿಜಾನಾಮಿ ಬ್ರಹ್ಮದಂಡನಿಪೀಡಿತಃ॥ 1-54-23 (2234) ಆಸ್ತೀಕ ಉವಾಚ। 1-54-24x (263) ನ ಸಂತಾಪಸ್ತ್ವಯಾ ಕಾರ್ಯಃ ಕಥಂಚಿತ್ಪನ್ನಗೋತ್ತಮ। ಪ್ರದೀಪ್ತಾಗ್ನೇಃ ಸಮುತ್ಪನ್ನಂ ನಾಶಯಿಷ್ಯಾಮಿ ತೇ ಭಯಂ॥ 1-54-24 (2235) ಬ್ರಹ್ಮದಂಡಂ ಮಹಾಘೋರಂ ಕಾಲಾಗ್ನಿಸಮತೇಜಸಂ। ನಾಶಯಿಷ್ಯಾಮಿ ಮಾಽತ್ರ ತ್ವಂ ಭಯಂಕಾರ್ಷೀಃ ಕಥಂಚನ॥ 1-54-25 (2236) ಸೌತಿರುವಾಚ। 1-54-26x (264) ತತಃ ಸ ವಾಸುಕೇರ್ಘೋರಮಪನೀಯ ಮನೋಜ್ವರಂ। ಆಧಾಯ ಚಾತ್ಮನೋಽಂಗೇಷು ಜಗಾಮ ತ್ವರಿತೋ ಭೃಶಂ॥ 1-54-26 (2237) ಜನಮೇಜಯಸ್ಯ ತಂ ಯಜ್ಞಂ ಸರ್ವೈಃ ಸಮುದಿತಂ ಗುಣೈಃ। ಮೋಕ್ಷಾಯ ಭುಜಗೇಂದ್ರಾಣಾಮಾಸ್ತೀಕೋ ದ್ವಿಜಸತ್ತಮಃ॥ 1-54-27 (2238) ಸ ಗತ್ವಾಽಪಶ್ಯದಾಸ್ತೀಕೋ ಯಜ್ಞಾಯತನಮುತ್ತಮಂ। ವೃತಂ ಸದಸ್ಯೈರ್ಬಹುಭಿಃ ಸೂರ್ಯವಹ್ನಿಸಮಪ್ರಭೈಃ॥ 1-54-28 (2239) ಸ ತತ್ರ ವಾರಿತೋ ದ್ವಾಸ್ಥೈಃ ಪ್ರವಿಶಂದ್ವಿಜಸತ್ತಮಃ। ಅಭಿತುಷ್ಟಾವ ತಂ ಯಜ್ಞಂ ಪ್ರವೇಶಾರ್ಥೀ ಪರಂತಪಃ॥ 1-54-29 (2240) ಸ ಪ್ರಾಪ್ಯ ಯಜ್ಞಾಯತನಂ ವರಿಷ್ಠಂ ದ್ವಿಜೋತ್ತಮಃ ಪುಣ್ಯಕೃತಾಂ ವರಿಷ್ಠಃ। ತುಷ್ಟಾವ ರಾಜಾನಮನಂತಕೀರ್ತಿ- ಮೃತ್ವಿಕ್ಸದಸ್ಯಾಂಶ್ಚ ತಥೈವ ಚಾಗ್ನಿಂ॥ ॥ 1-54-30 (2241) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಚತುಃಪಂಚಾಶತ್ತಮೋಽಧ್ಯಾಯಃ॥ 54 ॥

1-55-0 (2242) ಆಸ್ತೀಕ ಉವಾಚ। 1-55-0x (265) ಸೋಮಸ್ಯ ಯಜ್ಞೋ ವರುಣಸ್ಯ ಯಜ್ಞಃ ಪ್ರಜಾಪತೇರ್ಯಜ್ಞ ಆಸೀತ್ಪ್ರಯಾಗೇ। ತಥಾ ಯಜ್ಞೋಽಯಂ ತವ ಭಾರತಾಗ್ರ್ಯ ಪಾರಿಕ್ಷಿತ ಸ್ವಸ್ತಿ ನೋಽಸ್ತು ಪ್ರಿಯೇಭ್ಯಃ॥ 1-55-1 (2243) ಶಕ್ರಸ್ಯ ಯಜ್ಞಃ ಶತಸಂಖ್ಯ ಉಕ್ತ- ಸ್ತಥಾಪರಂ ತುಲ್ಯಸಂಖ್ಯಂ ಶತಂ ವೈ। ತಥಾ ಯಜ್ಞೋಽಯಂ ತವ ಭಾರತಾಗ್ರ್ಯ ಪಾರಿಕ್ಷಿತ ಸ್ವಸ್ತಿ ನೋಽಸ್ತು ಪ್ರಿಯೇಭ್ಯಃ॥ 1-55-2 (2244) ಯಮಸ್ಯ ಯಜ್ಞೋ ಹರಿಮೇಧಸಶ್ಚ ಯಥಾ ಯಜ್ಞೋ ರಂತಿದೇವಸ್ಯ ರಾಜ್ಞಃ। ತಥಾ ಯಜ್ಞೋಽಯಂ ತವ ಭಾರತಾಗ್ರ್ಯ ಪಾರಿಕ್ಷಿತ ಸ್ವಸ್ತಿ ನೋಽಸ್ತು ಪ್ರಿಯೇಭ್ಯಃ॥ 1-55-3 (2245) ಗಯಸ್ಯ ಯಜ್ಞಃ ಶಶಬಿಂದೋಶ್ಚ ರಾಜ್ಞೋ ಯಜ್ಞಸಲ್ತಥಾ ವೈಶ್ರವಣಸ್ಯ ರಾಜ್ಞಃ। ತಥಾ ಯಜ್ಞೋಽಯಂ ತವ ಭಾರತಾಗ್ರ್ಯ ಪಾರಿಕ್ಷಿತ ಸ್ವಸ್ತಿ ನೋಽಸ್ತು ಪ್ರಿಯೇಭ್ಯಃ॥ 1-55-4 (2246) ನೃಗಸ್ಯ ಯಜ್ಞಸ್ತ್ವಜಮೀಢಸ್ಯ ಚಾಸೀ- ದ್ಯಥಾ ಯಜ್ಞೋ ದಾಶರಥೇಶ್ಚ ರಾಜ್ಞಃ। ತಥಾ ಯಜ್ಞೋಽಯಂ ತವ ಭಾರತಾಗ್ರ್ಯ ಪಾರಿಕ್ಷಿತ ಸ್ವಸ್ತಿ ನೋಽಸ್ತು ಪ್ರಿಯೇಭ್ಯಃ॥ 1-55-5 (2247) ಯಜ್ಞಃ ಶ್ರುತೋ ದಿವಿ ದೇವಸ್ಯ ಸೂನೋ- ರ್ಯುಧಿಷ್ಠಿರಸ್ಯಾಜಮೀಢಸ್ಯ ರಾಜ್ಞಃ। ತಥಾ ಯಜ್ಞೋಽಯಂ ತವ ಭಾರತಾಗ್ರ್ಯ ಪಾರಿಕ್ಷಿತ ಸ್ವಸ್ತಿ ನೋಽಸ್ತು ಪ್ರಿಯೇಭ್ಯಃ॥ 1-55-6 (2248) ಕೃಷ್ಣಸ್ಯ ಯಜ್ಞಃ ಸತ್ಯವತ್ಯಾಃ ಸುತಸ್ಯ ಸ್ವಯಂ ಚ ಕರ್ಮ ಪ್ರಚಕಾರ ಯತ್ರ। ತಥಾ ಯಜ್ಞೋಽಯಂ ತವ ಭಾರತಾಗ್ರ್ಯ ಪಾರಿಕ್ಷಿತ ಸ್ವಸ್ತಿ ನೋಽಸ್ತು ಪ್ರಿಯೇಭ್ಯಃ॥ 1-55-7 (2249) ಇಮೇ ಚ ತೇ ಸೂರ್ಯಸಮಾನವರ್ಚಸಃ ಸಮಾಸತೇ ವೃತ್ರಹಣಃ ಕ್ರತುಂ ಯಥಾ। ನೈಷಾಂ ಜ್ಞಾತುಂ ವಿದ್ಯತೇ ಜ್ಞಾನಮದ್ಯ ದತ್ತಂ ಯೇಭ್ಯೋ ನ ಪ್ರಣಶ್ಯೇತ್ಕದಾಚಿತ್॥ 1-55-8 (2250) ಋತ್ವಿಕ್ಸಮೋ ನಾಸ್ತಿ ಲೋಕೇಷು ಚೈವ ದ್ವೈಪಾಯನೇನೇತಿ ವಿನಿಶ್ಚಿತಂ ಮೇ। ಏತಸ್ಯ ಶಿಷ್ಯಾ ಹಿ ಕ್ಷಿತಿಂ ಸಂಚರಂತಿ ಸರ್ವರ್ತ್ವಿಜಃ ಕರ್ಮಸು ಸ್ವೇಷು ದಕ್ಷಾಃ॥ 1-55-9 (2251) ವಿಭಾವಸುಶ್ಚಿತ್ರಭಾನುರ್ಮಹಾತ್ಮಾ ಹಿರಣ್ಯರೇತಾ ಹುತಭುಕ್ಕೃಷ್ಣವರ್ತ್ಮಾ। ಪ್ರದಕ್ಷಿಮಾವರ್ತಶಿಖಃ ಪ್ರದೀಪ್ತೋ ಹವ್ಯಂ ತವೇದಂ ಹುತಭುಗ್ವಷ್ಟಿ ದೇವಃ॥ 1-55-10 (2252) ನೈಹ ತ್ವದನ್ಯೋ ವಿದ್ಯತೇ ಜೀವಲೋಕೇ ಸಮೋ ನೃಪಃ ಪಾಲಯಿತಾ ಪ್ರಜಾನಾಂ। ಧೃತ್ಯಾ ಚ ತೇ ಪ್ರತೀಮನಾಃ ಸದಾಹಂ ತ್ವಂ ವಾ ವರುಣೋ ಧರ್ಮರಾಜೋ ಯಮೋ ವಾ॥ 1-55-11 (2253) ಶಕ್ರಃ ಸಾಕ್ಷಾದ್ವಜ್ರಪಾಣಿರ್ಯಥೇಹ ತ್ರಾತಾ ಲೋಕೇಽಸ್ಮಿಂಸ್ತ್ವಂ ತಥೇಹ ಪ್ರಜಾನಾಂ। ಮತಸ್ತ್ವಂ ನಃ ಪುರುಷೇಂದ್ರೇಹ ಲೋಕೇ ನ ಚ ತ್ವದನ್ಯೋ ಭೂಪತಿರಸ್ತಿ ಜಜ್ಞೇ॥ 1-55-12 (2254) ಖಟ್ವಾಂಗನಾಭಗದಿಲೀಪಕಲ್ಪ ಯಯಾತಿಮಾಂಧಾತೃಸಮಪ್ರಭಾವ। ಆದಿತ್ಯತೇಜಃಪ್ರತಿಮಾನತೇಜಾ ಭೀಷ್ಮೋ ಯಥಾ ರಾಜಸಿ ಸುವ್ರತಸ್ತ್ವಂ॥ 1-55-13 (2255) ವಾಲ್ಮೀಕಿವತ್ತೇ ನಿಭೃತಂ ಸ್ವವೀರ್ಯಂ ವಸಿಷ್ಠವತ್ತೇ ನಿಯತಶ್ಚ ಕೋಪಃ। ಪ್ರಭುತ್ವಮಿಂದ್ರತ್ವಸಮಂ ಮತಂ ಮೇ ದ್ಯುತಿಶ್ಚ ನಾರಾಯಣವದ್ವಿಭಾತಿ॥ 1-55-14 (2256) ಯಮೋ ಯಥಾ ಧರ್ಮವಿನಿಶ್ಚಯಜ್ಞಃ ಕೃಷ್ಣೋ ಯಥಾ ಸರ್ವಗುಣೋಪಪನ್ನಃ। ಶ್ರಿಯಾಂ ನಿವಾಸೋಽಸಿ ಯಥಾ ವಸೂನಾಂ ನಿಧಾನಭೂತೋಽಸಿ ತಥಾ ಕ್ರತೂನಾಂ॥ 1-55-15 (2257) ದಂಭೋದ್ಭವೇನಾಸಿ ಸಮೋ ಬಲೇನ ರಾಮೋ ಯಥಾ ಶಸ್ತ್ರವಿದಸ್ತ್ರವಿಚ್ಚ। ಔರ್ವತ್ರಿತಾಭ್ಯಾಮಸಿ ತುಲ್ಯತೇಜಾ ದುಷ್ಪ್ರೇಕ್ಷಣೀಯೋಽಸಿ ಭಗೀರಥೇನ॥ 1-55-16 (2258) ಸೌತಿರುವಾಚ। 1-55-17x (266) ಏವಂ ಸ್ತುತಾಃ ಸರ್ವ ಏವ ಪ್ರಸನ್ನಾ ರಾಜಾ ಸದಸ್ಯಾ ಋತ್ವಿಜೋ ಹವ್ಯವಾಹಃ। ತೇಷಾಂ ದೃಷ್ಟ್ವಾ ಭಾವಿತಾನೀಂಗಿತಾನಿ ಪ್ರೋವಾಚ ರಾಜಾ ಜನಮೇಜಯೋಽಥ॥ ॥ 1-55-17 (2259) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಪಂಚಪಂಚಾಶತ್ತಮೋಽಧ್ಯಾಯಃ॥ 55 ॥

1-56-0 (2260) ಜನಮೇಜಯ ಉವಾಚ। 1-56-0x (267) ಬಾಲೋಽಪ್ಯಯಂ ಸ್ಥವಿರ ಇವಾವಭಾಷತೇ ನಾಯಂ ಬಾಲಃ ಸ್ಥವಿರೋಽಯಂ ಮತೋ ಮೇ। ಇಚ್ಛಾಂಯಹಂ ವರಮಸ್ಮೈ ಪ್ರದಾತುಂ ತನ್ಮೇ ವಿಪ್ರಾಃ ಸಂವಿದಧ್ವಂ ಯಥಾವತ್॥ 1-56-1 (2261) ಸದಸ್ಯಾ ಊಚುಃ। 1-56-2x (268) ಬಾಲೋಽಪಿ ವಿಪ್ರೋ ಮಾನ್ಯ ಏವೇಹ ರಾಜ್ಞಾ `ಯಶ್ಚಾವಿದ್ವಾನ್ಯಶ್ಚ ವಿದ್ವಾನ್ಯಥಾವತ್। ಪ್ರಸಾದಯೈನಂ ತ್ವರಿತೋ ನರೇಂದ್ರ ದ್ವಿಜಾತಿವರ್ಯಂ ಸಕಲಾರ್ಥಸಿದ್ಧಯೇ।' ಸರ್ವಾನ್ಕಾಮಾಂಸ್ತ್ವತ್ತ ಏವಾರ್ಹತೇಽದ್ಯ ಯಥಾ ಚ ನಸ್ತಕ್ಷಕ ಏತಿ ಶೀಘ್ರಂ॥ 1-56-2 (2262) ಸೌತಿರುವಾಚ। 1-56-3x (269) ವ್ಯಾಹರ್ತುಕಾಮೇ ವರದೇ ನೃಪೇ ದ್ವಿಜಂ ವರಂ ವೃಣೀಷ್ವೇತಿ ತತೋಽಬ್ಯುವಾಚ। ಹೋತಾ ವಾಕ್ಯಂ ನಾತಿಹೃಷ್ಟಾಂತರಾತ್ಮಾ ಕರ್ಮಣ್ಯಸ್ಮಿಂಸ್ತಕ್ಷಕೋ ನೈತಿ ತಾವತ್॥ 1-56-3 (2263) ಜನಮೇಜಯ ಉವಾಚ। 1-56-4x (270) ಯಥಾ ಚೇದಂ ಕರ್ಮ ಸಮಾಪ್ಯತೇ ಮೇ ಯಥಾ ಚ ವೈ ತಕ್ಷಕ ಏತಿ ಶೀಘ್ರಂ। ತಥಾ ಭವಂತಃ ಪ್ರಯತಂತು ಸರ್ವೇ ಪರಂ ಶಕ್ತ್ಯಾ ಸ ಹಿ ಮೇ ವಿದ್ವಿಷಾಣಃ॥ 1-56-4 (2264) ಋತ್ವಿಜ ಊಚುಃ। 1-56-5x (271) ಯಥಾ ಶಸ್ತ್ರಾಣಿ ನಃ ಪ್ರಾಹುರ್ಯಥಾ ಶಂಸತಿ ಪಾವಕಃ। ಇಂದ್ರಸ್ಯ ಭವನೇ ರಾಜಂಸ್ತಕ್ಷಕೋ ಭಯಪೀಡಿತಃ॥ 1-56-5 (2265) ಯಥಾ ಸೂತೋ ಲೋಹಿತಾಕ್ಷೋ ಮಹಾತ್ಮಾ ಪೌರಾಣಿಕೋ ವೇದಿತವಾನ್ಪುರಸ್ತಾತ್। ಸ ರಾಜಾನಂ ಪ್ರಾಹ ಪೃಷ್ಟಸ್ತದಾನೀಂ ಯಥಾಹುರ್ವಿಪ್ರಾಸ್ತದ್ವದೇತನ್ನೃದೇವ॥ 1-56-6 (2266) ಪುರಾಣಮಾಗಂಯ ತತೋ ಬ್ರವೀಂಯಹಂ ದತ್ತಂ ತಸ್ಮೈ ವರಮಿಂದ್ರೇಣ ರಾಜನ್। ವಸೇಹ ತ್ವಂ ಮತ್ಸಕಾಶೇ ಸುಗುಪ್ತೋ ನ ಪಾವಕಸ್ತ್ವಾಂ ಪ್ರದಹಿಷ್ಯತೀತಿ॥ 1-56-7 (2267) ಏತಚ್ಛ್ರುತ್ವಾ ದೀಕ್ಷಿತಸ್ತಪ್ಯಮಾನ ಆಸ್ತೇ ಹೋತಾರಂ ಚೋದಯನ್ಕರ್ಮ ಕಾಲೇ। `ಇಂದ್ರೇಣ ಸಾರ್ಧಂ ತಕ್ಷಕಂ ಪಾತಯಧ್ವಂ ವಿಭಾವಸೌ ನ ವಿಮುಚ್ಯೇತ ನಾಗಃ।' ಹೋತಾ ಚ ಯತ್ತೋಽಸ್ಯಾಜುಹಾವಾಥ ಮಂತ್ರೈ- ರಥೋ ಮಹೇಂದ್ರಃ ಸ್ವಯಮಾಜಗಾಮ॥ 1-56-8 (2268) `ಆಯಾತು ಚೇಂದ್ರೋಽಪಿ ಸತಕ್ಷಕಃ ಪತೇ- ದ್ವಿಭಾವಸೌ ನಾಗರಾಜೇನ ತೂರ್ಣಂ। ಜಂಭಸ್ಯ ಹಂತೇತಿ ಜುಹಾವ ಹೋತಾ ತದಾ ಜಗಾಮಾಹಿದತ್ತಾಭಯಃ ಪ್ರಭುಃ॥' 1-56-9 (2269) ವಿಮಾನಮಾರುಹ್ಯ ಮಹಾನುಭಾವಃ ಸರ್ವೈರ್ದೇವೈಃ ಪರಿಸಂಸ್ತೂಯಮಾನಃ। ಬಲಾಹಕೈಶ್ಚಾಪ್ಯನುಗಂಯಮಾನೋ ವಿದ್ಯಾಧರೈರಪ್ಸರಸಾಂ ಗಣೈಶ್ಚ `ನಾಗಸ್ಯ ನಾಶೋ ಮಮ ಚೈವ ನಾಶೋ ಭವಿಷ್ಯತೀತ್ಯೇವ ವಿಚಿಂತಯಾನಃ॥' 1-56-10 (2270) ತಸ್ಯೋತ್ತರೀಯೇ ನಿಹಿತಃ ಸ ನಾಗೋ ಭಯೋದ್ವಿಗ್ನಃ ಶರ್ಮ ನೈವಾಭ್ಯಗಚ್ಛತ್। ತತೋ ರಾಜಾ ಮಂತ್ರವಿದೋಽಬ್ರವೀತ್ಪುನಃ ಕ್ರುದ್ಧೋ ವಾಕ್ಯಂ ತಕ್ಷಕಸ್ಯಾಂತಮಿಚ್ಛನ್॥ 1-56-11 (2271) ಜನಮೇಜಯ ಉವಾಚ। 1-56-12x (272) ಇಂದ್ರಸ್ಯ ಭವನೇ ವಿಪ್ರಾ ಯದಿ ನಾಗಃ ಸ ತಕ್ಷಕಃ। ತಮಿಂದ್ರೇಣೈವ ಸಹಿತಂ ಪಾತಯಧ್ಯಂ ವಿಭಾವಸೌ॥ 1-56-12 (2272) ಸೌತಿರುವಾಚ। 1-56-13x (273) ಜನಮೇಜಯೇನ ರಾಜ್ಞಾ ತು ನೋದಿತಸ್ತಕ್ಷಕಂ ಪ್ರತಿ। ಹೋತಾ ಜುಹಾವ ತತ್ರಸ್ಥಂ ತಕ್ಷಕಂ ಪನ್ನಗಂ ತಥಾ॥ 1-56-13 (2273) ಹೂಯಮಾನೇ ತಥಾ ಚೈವ ತಕ್ಷಕಃ ಸಪುರಂದರಃ। ಆಕಾಶೇ ದದೃಶೇ ತತ್ರ ಕ್ಷಣೇನ ವ್ಯಥಿತಸ್ತದಾ॥ 1-56-14 (2274) ಪುರಂದರಸ್ತು ತಂ ಯಜ್ಞಂ ದೃಷ್ಟ್ವೋರುಭಯಮಾವಿಶತ್। ಹಿತ್ವಾ ತು ತಕ್ಷಕಂ ತ್ರಸ್ತಃ ಸ್ವಮೇವ ಭವನಂ ಯಯೌ॥ 1-56-15 (2275) ಇಂದ್ರೇ ಗತೇ ತು ರಾಜೇಂದ್ರ ತಕ್ಷಕೋ ಭಯಮೋಹಿತಃ। ಮಂತ್ರಶಕ್ತ್ಯಾ ಪಾವಕಾರ್ಚಿಸ್ಸಮೀಪಮವಶೋ ಗತಃ। `ತಂ ದೃಷ್ಟ್ವಾ ಋತ್ವಿಜಸ್ತತ್ರ ವಚನಂ ಚೇದಮಬ್ರುವನ್'॥ 1-56-16 (2276) ಋತ್ವಿಜ ಊಚುಃ। 1-56-17x (274) ಅಯಮಾಯಾತಿ ತೂರ್ಣಂ ಸ ತಕ್ಷಕಸ್ತೇ ವಶಂ ನೃಪ। ಶ್ರೂಯತೇಽಸ್ಯ ಮಹಾನ್ನಾದೋ ನದತೋ ಭೈರವಂ ರವಂ॥ 1-56-17 (2277) ನೂನಂ ಮುಕ್ತೋ ವಜ್ರಭೃತಾ ಸ ನಾಗೋ ಭ್ರಷ್ಟೋ ನಾಕಾನ್ಮಂತ್ರವಿತ್ರಸ್ತಕಾಯಃ। ಘೂರ್ಣನ್ನಾಕಾಶೇ ನಷ್ಟಸಂಜ್ಞೋಽಭ್ಯುಪೈತಿ ತೀವ್ರಾನ್ನಿಶ್ವಾಸಾನ್ನಿಶ್ವಸನ್ಪನ್ನಗೇಂದ್ರಃ॥ 1-56-18 (2278) ವರ್ತತೇ ತವ ರಾಜೇಂದ್ರ ಕರ್ಮೈತದ್ವಿಧಿವತ್ಪ್ರಭೋ। ಅಸ್ಮೈ ತು ದ್ವಿಜಮುಖ್ಯಾಯ ವರಂ ತ್ವಂ ದಾತುಮರ್ಹಸಿ॥ 1-56-19 (2279) ಜನಮೇಜಯ ಉವಾಚ। 1-56-20x (275) ಬಾಲಾಭಿರೂಪಸ್ಯ ತವಾಪ್ರಮೇಯ ವರಂ ಪ್ರಯಚ್ಛಾಮಿ ಯಥಾನುರೂಪಂ। ವೃಣೀಷ್ವ ಯತ್ತೇಽಭಿಮತಂ ಹೃದಿ ಸ್ಥಿತಂ ತತ್ತೇ ಪ್ರದಾಸ್ಯಾಂಯಪಿ ಚೇದದೇಯಂ॥ 1-56-20 (2280) ಸೌತಿರುವಾಚ। 1-56-21x (276) ಪತಿಷ್ಯಮಾಣೇ ನಾಗೇಂದ್ರೇ ತಕ್ಷಕೇ ಜಾತವೇದಸಿ। ಇದಮಂತರಮಿತ್ಯೇವಂ ತದಾಸ್ತೀಕೋಽಭ್ಯಚೋದಯತ್॥ 1-56-21 (2281) ಆಸ್ತೀಕ ಉವಾಚ। 1-56-22x (277) ವರಂ ದದಾಸಿ ಚೇನ್ಮಹ್ಯಂ ವೃಣೋಮಿ ಜನಮೇಜಯ। ಸತ್ರಂ ತೇ ವಿರಮತ್ವೇತನ್ನ ಪತೇಯುರಿಹೋರಗಾಃ॥ 1-56-22 (2282) ಏವಮುಕ್ತಸ್ತದಾ ತೇನ ಬ್ರಹ್ಮನ್ಪಾರಿಕ್ಷಿತಸ್ತು ಸಃ। ನಾತಿಹೃಷ್ಟಮನಾಶ್ಚೇದಮಾಸ್ತೀಕಂ ವಾಕ್ಯಮಬ್ರವೀತ್॥ 1-56-23 (2283) ಸುವರ್ಣಂ ರಜತಂ ಗಾಶ್ಚ ಯಚ್ಚಾನ್ಯನ್ಮನ್ಯಸೇ ವಿಭೋ। ತತ್ತೇ ದದ್ಯಾಂ ವರಂ ವಿಪ್ರ ನ ನಿವರ್ತೇತ್ಕ್ರತುರ್ಮಮ॥ 1-56-24 (2284) ಆಸ್ತೀಕ ಉವಾಚ। 1-56-25x (278) ಸುವರ್ಣಂ ರಜತಂ ಗಾಶ್ಚ ನ ತ್ವಾಂ ರಾಜನ್ವೃಣೋಂಯಹಂ। ಸತ್ರಂ ತೇ ವಿರಮತ್ವೇತತ್ಸ್ವಸ್ತಿ ಮಾತೃಕುಲಸ್ಯ ನಃ॥ 1-56-25 (2285) ಸೌತಿರುವಾಚ। 1-56-26x (279) ಆಸ್ತೀಕೇನೈವಮುಕ್ತಸ್ತು ರಾಜಾ ಪಾರಿಕ್ಷಿತಸ್ತದಾ। ಪುನಃಪುನರುವಾಚೇದಮಾಸ್ತೀಕಂ ವದತಾಂ ವರಃ॥ 1-56-26 (2286) ಅನ್ಯಂ ವರಯ ಭದ್ರಂ ತೇ ವರಂ ದ್ವಿಜ್ವರೋತ್ತಮ। ಅಯಾಚತ ನ ಚಾಪ್ಯನ್ಯಂ ವರಂ ಸ ಭೃಗುನಂದನ॥ 1-56-27 (2287) ತತೋ ವೇದವಿದಸ್ತಾತ ಸದಸ್ಯಾಃ ಸರ್ವ ಏವ ತಂ। ರಾಜಾನಮೂಚುಃ ಸಹಿತಾ ಲಭತಾಂ ಬ್ರಾಹ್ಮಣೋ ವರಂ॥ ॥ 1-56-28 (2288) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಷಟ್ಪಂಚಾಶತ್ತಮೋಽಧ್ಯಾಯಃ॥ 56 ॥

1-57-0 (2289) ಶೌನಕ ಉವಾಚ। 1-57-0x (280) ಯೇ ಸರ್ಪಾಃ ಸರ್ಪಸತ್ರೇಽಸ್ಮಿನ್ಪತಿತಾ ಹವ್ಯವಾಹನೇ। ತೇಷಾಂ ನಾಮಾನಿ ಸರ್ವೇಷಾಂ ಶ್ರೋತುಮಿಚ್ಛಾಮಿ ಸೂತಜ॥ 1-57-1 (2290) ಸೌತಿರುವಾಚ। 1-57-2x (281) ಸಹಸ್ರಾಣಿ ಬಹೂನ್ಯಸ್ಮಿನ್ಪ್ರಯುತಾನ್ಯರ್ಬುದಾನಿ ಚ। ನ ಶಕ್ಯಂ ಪರಿಸಂಖ್ಯಾತುಂ ಬಹುತ್ವಾದ್ದ್ವಿಜಸತ್ತಮ॥ 1-57-2 (2291) ಯಥಾಸ್ಮೃತಿ ತು ನಾಮಾನಿ ಪನ್ನಗಾನಾಂ ನಿಬೋಧ ಮೇ। ಉಚ್ಯಮಾನಾನಿ ಮುಖ್ಯಾನಾಂ ಹುತಾನಾಂ ಜಾತವೇದಸಿ॥ 1-57-3 (2292) ವಾಸುಕೇಃ ಕುಲಜಾತಾಂಸ್ತು ಪ್ರಾಧಾನ್ಯೇನ ನಿಬೋಧ ಮೇ। ನೀಲರಕ್ತಾನ್ಸಿತಾನ್ಘೋರಾನ್ಮಹಾಕಾಯಾನ್ವಿಷೋಲ್ಬಣಾನ್॥ 1-57-4 (2293) ಅವಶಾನ್ಮಾತೃವಾಗ್ದಂಡಪೀಡಿತಾನ್ಕೃಪಣಾನ್ಹೂತಾನ್। ಕೋಟಿಶೋ ಮಾನಸಃ ಪೂರ್ಣಃ ಶಲಃ ಪಾಲೋ ಹಲೀಮಕಃ॥ 1-57-5 (2294) ಪಿಚ್ಛಲಃ ಕೌಣಪಶ್ಚಕ್ರಃ ಕಾಲವೇಗಃ ಪ್ರಕಾಲನಃ। ಹಿರಣ್ಯಬಾಹುಃ ಶರಣಃ ಕಕ್ಷಕಃ ಕಾಲದಂತಕಃ॥ 1-57-6 (2295) ಏತೇ ವಾಸುಕಿಜಾ ನಾಗಾಃ ಪ್ರವಿಷ್ಟಾ ಹವ್ಯವಾಹನೇ। ಅನ್ಯೇ ಚ ಬಹವೋ ವಿಪ್ರ ತಥಾ ವೈ ಕುಲಸಂಭವಾಃ। ಪ್ರದೀಪ್ತಾಗ್ನೌ ಹುತಾಃಸರ್ವೇ ಘೋರರೂಪಾ ಮಹಾಬಲಾಃ॥ 1-57-7 (2296) ತಕ್ಷಕಸ್ಯ ಕುಲೇ ಜಾತಾನ್ಪ್ರವಕ್ಷ್ಯಾಮಿ ನಿಬೋಧ ತಾನ್। ಪುಚ್ಛಾಂಡಕೋ ಮಂಡಲಕಃ ಪಿಂಡಸೇಕ್ತಾ ರಭೇಣಕಃ॥ 1-57-8 (2297) ಉಚ್ಛಿಖಃ ಶರಭೋ ಭಂಗೋ ಬಿಲ್ವತೇಜಾ ವಿರೋಹಣಃ। ಶಿಲೀ ಶಲಕರೋ ಮೂಕಃ ಸುಕುಮಾರಃ ಪ್ರವೇಪನಃ॥ 1-57-9 (2298) ಮುದ್ಗರಃ ಶಿಶುರೋಮಾ ಚ ಸುರೋಮಾ ಚ ಮಹಾಹನುಃ। ಏತೇ ತಕ್ಷಕಜಾ ನಾಗಾಃ ಪ್ರವಿಷ್ಟಾ ಹವ್ಯವಾಹನಂ॥ 1-57-10 (2299) ಪಾರಾವತಃ ಪಾರಿಯಾತ್ರಃ ಪಾಂಡರೋ ಹರಿಣಃ ಕೃಶಃ। ವಿಹಂಗಃ ಶರಭೋ ಮೋದಃ ಪ್ರಮೋದಃ ಸಂಹತಾಪನಃ॥ 1-57-11 (2300) ಐರಾವತಕುಲಾದೇತೇ ಪ್ರವಿಷ್ಟಾ ಹವ್ಯವಾಹನಂ। ಕೌರವ್ಯಕುಲಜಾನ್ನಾಗಾಞ್ಶೃಣು ಮೇ ತ್ವಂ ದ್ವಿಜೋತ್ತಮ॥ 1-57-12 (2301) ಏರಕಃ ಕುಂಡಲೋ ವೇಣೀ ವೇಣೀಸ್ಕಂಧಃ ಕುಮಾರಕಃ। ಬಾಹುಕಃ ಶೃಂಗಬೇರಶ್ಚ ಧೂರ್ತಕಃ ಪ್ರಾತರಾತಕೌ॥ 1-57-13 (2302) ಕೌರವ್ಯಕುಲಜಾಸ್ತ್ವೇತೇ ಪ್ರವಿಷ್ಟಾ ಹವ್ಯವಾಹನಂ। ಧೃತರಾಷ್ಟ್ರಕುಲೇ ಜಾತಾಞ್ಶೃಣು ನಾಗಾನ್ಯಥಾತಥಂ॥ 1-57-14 (2303) ಕೀರ್ತ್ಯಮಾನಾನ್ಮಯಾ ಬ್ರಹ್ಮನ್ವಾತವೇಗಾನ್ವಿಷೋಲ್ಬಣಾನ್। ಶಂಕುಕರ್ಣಃ ಪಿಠರಕಃ ಕುಠಾರಮುಖಸೇಚಕೌ॥ 1-57-15 (2304) ಪೂರ್ಣಾಂಗದಃ ಪೂರ್ಣಮುಖಃ ಪ್ರಹಾಸಃ ಶಕುನಿರ್ದರಿಃ। ಅಮಾಹಠಃ ಕಾಮಠಕಃ ಸುಷೇಣೋ ಮಾನಸೋಽವ್ಯಯಃ॥ 1-57-16 (2305) `ಅಷ್ಟಾವಕ್ರಃ ಕೋಮಲಕಃ ಶ್ವಸನೋ ಮೌನವೇಪಗಃ।' ಭೈರವೋ ಮುಂಡವೇದಾಂಗಃ ಪಿಶಂಗಶ್ಚೋದಪಾರಕಃ। ಋಷಭೋ ವೇಗವಾನ್ನಾಗಃ ಪಿಂಡಾರಕಮಹಾಹನೂ॥ 1-57-17 (2306) ರಕ್ತಾಂಗಃ ಸರ್ವಸಾರಂಗಃ ಸಮೃದ್ಧಪಟವಾಸಕೌ। ವರಾಹಕೋ ವೀರಣಕಃ ಸುಚಿತ್ರಶ್ಚಿತ್ರವೇಗಿಕಃ॥ 1-57-18 (2307) ಪರಾಶರಸ್ತರುಣಕೋ ಮಣಿಃ ಸ್ಕಂಧಸ್ತಥಾಽಽರುಣಿಃ। ಇತಿ ನಾಗಾ ಮಯಾ ಬ್ರಹ್ಮನ್ಕೀರ್ತಿತಾಃ ಕೀರ್ತಿವರ್ಧನಾಃ॥ 1-57-19 (2308) ಪ್ರಾಧಾನ್ಯೇನ ಬಹುತ್ವಾತ್ತು ನ ಸರ್ವೇ ಪರಿಕೀರ್ತಿತಾಃ। ಏತೇಷಾಂ ಪ್ರಸವೋ ಯಶ್ಚ ಪ್ರಸವಸ್ಯ ಚ ಸಂತತಿಃ॥ 1-57-20 (2309) ನ ಶಕ್ಯಂ ಪರಿಸಂಖ್ಯಾತುಂ ಯೇ ದೀಪ್ತಂ ಪಾವಕಂ ಗತಾಃ। `ದ್ವಿಶೀರ್ಷಾಃ ಪಂಚಶೀರ್ಷಾಶ್ಚ ಸಪ್ತಶೀರ್ಷಾಸ್ತಥಾಽಪರೇ। ದಶಶೀರ್ಷಾಃ ಶತಶೀರ್ಷಾಸ್ತಥಾನ್ಯೇ ಬಹುಶೀರ್ಷಕಾಃ'॥ 1-57-21 (2310) ಕಾಲಾನಲವಿಷಾ ಘೋರಾ ಹುತಾಃ ಶತಸಹಸ್ರಶಃ। ಮಹಾಕಾಯಾ ಮಹಾವೇಗಾಃ ಶೈಲಶೃಂಗಸಮುಚ್ಛ್ರಯಾಃ॥ 1-57-22 (2311) ಯೋಜನಾಯಾಮವಿಸ್ತಾರಾ ದ್ವಿಯೋಜನಸಮಾಯತಾಃ। ಕಾಮರೂಪಾಃ ಕಾಮಬಲಾ ದೀಪ್ತಾನಲವಿಷೋಲ್ಬಣಾಃ॥ 1-57-23 (2312) ದಗ್ಧಾಸ್ತತ್ರ ಮಹಾಸತ್ರೇ ಬ್ರಹ್ಮದಂಡನಿಪಾಡಿತಾಃ॥ ॥ 1-57-24 (2313) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಸಪ್ತಪಂಚಾಶತ್ತಮೋಽಧ್ಯಾಯಃ॥ 57 ॥

1-58-0 (2314) ಸೌತಿರುವಾಚ। 1-58-0x (282) ಇದಮತ್ಯದ್ಭುತಂ ಚಾನ್ಯದಾಸ್ತೀಕಸ್ಯಾನುಶುಶ್ರುಮ। ತಥಾ ವರೈಶ್ಛಂದ್ಯಮಾನೇ ರಾಜ್ಞಾ ಪಾರಿಕ್ಷಿತೇನ ಹಿ॥ 1-58-1 (2315) ಇಂದ್ರಹಸ್ತಾಚ್ಚ್ಯುತೋ ನಾಗಃ ಖ ಏವ ಯದತಿಷ್ಠತ। ತತಶ್ಚಿಂತಾಪರೋ ರಾಜಾ ಬಭೂವ ಜನಮೇಜಯಃ॥ 1-58-2 (2316) ಹೂಯಮಾನೇ ಭೃಶಂ ದೀಪ್ತೇ ವಿಧಿವದ್ವಸುರೇತಸಿ। ನ ಸ್ಮ ಸ ಪ್ರಾಪತದ್ವಹ್ನೌ ತಕ್ಷಕೋ ಭಯಪೀಡಿತಃ॥ 1-58-3 (2317) ಶೌನಕ ಉವಾಚ। 1-58-4x (283) ಕಿಂ ಸೂತ ತೇಷಾಂ ವಿಪ್ರಾಣಾಂ ಮಂತ್ರಗ್ರಾಮೋ ಮನೀಷಿಣಾಂ। ನ ಪ್ರತ್ಯಭಾತ್ತದಾಽಗ್ನೌ ಯತ್ಸ ಪಪಾತ ನ ತಕ್ಷಕಃ॥ 1-58-4 (2318) ಸೌತಿರುವಾಚ। 1-58-5x (284) ತಮಿಂದ್ರಹಸ್ತಾದ್ವಿತ್ರಸ್ತಂ ವಿಸಂಜ್ಞಂ ಪನ್ನಗೋತ್ತಮಂ। ಆಸ್ತೀಕಸ್ತಿಷ್ಠ ತಿಷ್ಠೇತಿ ವಾಚಸ್ತಿಸ್ರೋಽಭ್ಯುದೈರಯತ್॥ 1-58-5 (2319) ವಿತಸ್ಥೇ ಸೋಽಂತರಿಕ್ಷೇ ಚ ಹೃದಯೇನ ವಿದೂಯತಾ। ಯಥಾ ತಿಷ್ಠತಿ ವೈ ಕಶ್ಚಿತ್ಖಂ ಚ ಗಾಂ ಚಾಂತರಾ ನರಃ॥ 1-58-6 (2320) ತತೋ ರಾಜಾಬ್ರವೀದ್ವಾಕ್ಯಂ ಸದಸ್ಯೈಶ್ಚೋದಿತೋ ಭೃಶಂ। ಕಾಮಮೇತದ್ಭವತ್ವೇವಂ ಯಥಾಸ್ತೀಕಸ್ಯ ಭಾಷಿತಂ॥ 1-58-7 (2321) ಸಮಾಪ್ಯತಾಮಿದಂ ಕರ್ಮ ಪನ್ನಗಾಃ ಸಂತ್ವನಾಮಯಾಃ। ಪ್ರೀಯತಾಮಯಮಾಸ್ತೀಕಃ ಸತ್ಯಂ ಸೂತವಚೋಽಸ್ತು ತತ್॥ 1-58-8 (2322) ತತೋ ಹಲಹಲಾಶಬ್ದಃ ಪ್ರೀತಿಜಃ ಸಮಜಾಯತ। ಆಸ್ತೀಕಸ್ಯ ವರೇ ದತ್ತೇ ತಥೈವೋಪರರಾಮ ಚ॥ 1-58-9 (2323) ಸ ಯಜ್ಞಃ ಪಾಂಡವೇಯಸ್ಯ ರಾಜ್ಞಃ ಪಾರಿಕ್ಷಿತಸ್ಯ ಹ। ಪ್ರೀತಿಮಾಂಶ್ಚಾಭವದ್ರಾಜಾ ಭಾರತೋ ಜನಮೇಜಯಃ॥ 1-58-10 (2324) ಋತ್ವಿಗ್ಭ್ಯಃ ಸಸದಸ್ಯೇಭ್ಯೋ ಯೇ ತತ್ರಾಸನ್ಸಮಾಗತಾಃ। ತೇಭ್ಯಶ್ಚ ಪ್ರದದೌ ವಿತ್ತಂ ಶತಶೋಽಥ ಸಹಸ್ರಶಃ॥ 1-58-11 (2325) ಲೋಹಿತಾಕ್ಷಾಯ ಸೂತಾಯ ತಥಾ ಸ್ಥಪತಯೇ ವಿಭುಃ। ಯೇನೋಕ್ತಂ ತಸ್ಯ ತತ್ರಾಗ್ರೇ ಸರ್ಪಸತ್ರನಿವರ್ತನೇ॥ 1-58-12 (2326) ನಿಮಿತ್ತಂ ಬ್ರಾಹ್ಮಣ ಇತಿ ತಸ್ಮೈ ವಿತ್ತಂ ದದೌ ಬಹು। ದತ್ತ್ವಾ ದ್ರವ್ಯಂ ಯಥಾನ್ಯಾಯಂ ಭೋಜನಾಚ್ಛಾದನಾನ್ವಿತಂ॥ 1-58-13 (2327) ಪ್ರೀತಸ್ತಸ್ಮೈ ನರಪತಿರಪ್ರಮೇಯಪರಾಕ್ರಮಃ। ತತಶ್ಚಕಾರಾವಭೃಥಂ ವಿಧಿದೃಷ್ಟೇನ ಕರ್ಮಣಾ॥ 1-58-14 (2328) ಆಸ್ತೀಕಂ ಪ್ರೇಷಯಾಮಾಸ ಗೃಹಾನೇವ ಸುಸಂಸ್ಕೃತಂ। ರಾಜಾ ಪ್ರೀತಮನಾಃ ಪ್ರೀತಂ ಕೃತಕೃತ್ಯಂ ಮನೀಷಿಣಂ॥ 1-58-15 (2329) ಪುನರಾಗಮನಂ ಕಾರ್ಯಮಿತಿ ಚೈನಂ ವಚೋಽಬ್ರವೀತ್। ಭವಿಷ್ಯಸಿ ಸದಸ್ಯೋ ಮೇ ವಾಜಿಮೇಧೇ ಮಹಾಕ್ರತೌ॥ 1-58-16 (2330) ತಥೇತ್ಯುಕ್ತ್ವಾ ಪ್ರದುದ್ರಾವ ತದಾಸ್ತೀಕೋ ಮುದಾ ಯುತಃ। ಕೃತ್ವಾ ಸ್ವಕಾರ್ಯಮತುಲಂ ತೋಷಯಿತ್ವಾ ಚ ಪಾರ್ಥಿವಂ॥ 1-58-17 (2331) ಸ ಗತ್ವಾ ಪರಮಪ್ರೀತೋ ಮಾತುಲಂ ಮಾತರಂ ಚ ತಾಂ। ಅಭಿಗಂಯೋಪಸಂಗೃಹ್ಯ ತಥಾ ವೃತ್ತಂ ನ್ಯವೇದಯತ್॥ 1-58-18 (2332) ಸೌತಿರುವಾಚ। 1-58-19x (285) ಏತಚ್ಛ್ರುತ್ವಾ ಪ್ರೀಯಮಾಣಾಃ ಸಮೇತಾ ಯೇ ತತ್ರಾಸನ್ಪನ್ನಗಾ ವೀತಮೋಹಾಃ। ಆಸ್ತೀಕೇ ವೈ ಪ್ರೀತಿಮಂತೋ ಬಭೂವು- ರೂಚುಶ್ಚೈನಂ ವರಮಿಷ್ಟಂ ವೃಮೀಷ್ವ॥ 1-58-19 (2333) ಭೂಯೋಭೂಯಃ ಸರ್ವಶಸ್ತೇಽಬ್ರುವಂಸ್ತಂ ಕಿಂ ತೇ ಪ್ರಿಯಂ ಕರವಾಮಾದ್ಯ ವಿದ್ವನ್। ಪ್ರೀತಾ ವಯಂ ಮೋಕ್ಷಿತಾಶ್ಚೈವ ಸರ್ವೇ ಕಾಮಂ ಕಿಂ ತೇ ಕರವಾಮಾದ್ಯ ವತ್ಸ॥ 1-58-20 (2334) ಆಸ್ತೀಕ ಉವಾಚ। 1-58-21x (286) ಸಾಯಂ ಪ್ರಾತರ್ಯೇ ಪ್ರಸನ್ನಾತ್ಮರೂಪಾ ಲೋಕೇ ವಿಪ್ರಾ ಮಾನವಾ ಯೇ ಪರೇಽಪಿ। ಧರ್ಮಾಖ್ಯಾನಂ ಯೇ ಪಠೇಯುರ್ಮಮೇದಂ ತೇಷಾಂ ಯುಷ್ಮನ್ನೈವ ಕಿಂಚಿದ್ಭಯಂ ಸ್ಯಾತ್॥ 1-58-21 (2335) ತೈಶ್ಚಾಪ್ಯುಕ್ತೋ ಭಾಗಿನೇಯಃ ಪ್ರಸನ್ನೈ- ರೇತತ್ಸತ್ಯಂ ಕಾಮಮೇವಂ ವರಂ ತೇ। ಪ್ರೀತ್ಯಾ ಯುಕ್ತಾಃ ಕಾಮಿತಂ ಸರ್ವಶಸ್ತೇ ಕರ್ತಾರಃ ಸ್ಮ ಪ್ರವಣಾ ಭಾಗಿನೇಯ॥ 1-58-22 (2336) ಅಸಿತಂ ಚಾರ್ತಿಮಂತಂ ಚ ಸುನೀಥಂ ಚಾಪಿ ಯಃ ಸ್ಮರೇತ್। ದಿವಾ ವಾ ಯದಿ ವಾ ರಾತ್ರೌ ನಾಸ್ಯ ಸರ್ಪಭಯಂ ಭವೇತ್॥ 1-58-23 (2337) ಯೋ ಜರತ್ಕಾರುಣಾ ಜಾತೋ ಜರತ್ಕಾರೌ ಮಹಾವಶಾಃ। ಆಸ್ತೀಕಃ ಸರ್ಪಸತ್ರೇ ವಃ ಪನ್ನಗಾನ್ಯೋಽಭ್ಯರಕ್ಷತ। ತಂ ಸ್ಮರಂತಂ ಮಹಾಭಾಗಾ ನ ಮಾಂ ಹಿಂಸಿತುಮರ್ಹಥ॥ 1-58-24 (2338) ಸರ್ಪಾಪಸರ್ಪ ಭದ್ರಂ ತೇ ಗಚ್ಛ ಸರ್ಪ ಮಹಾವಿಷ। ಜನೇಮೇಜಯಸ್ಯ ಯಜ್ಞಾಂತೇ ಆಸ್ತೀಕವಚನಂ ಸ್ಮರ॥ 1-58-25 (2339) ಆಸ್ತೀಕಸ್ಯ ವಚಃ ಶ್ರುತ್ವಾ ಯಃ ಸರ್ಪೋ ನ ನಿವರ್ತತೇ। ಶತಧಾ ಭಿದ್ಯತೇ ಮೂರ್ಧಾ ಶಿಂಶವೃಕ್ಷಫಲಂ ಯಥಾ॥ 1-58-26 (2340) ಸೌತಿರುವಾಚ। 1-58-27x (287) ಸ ಏವಮುಕ್ತಸ್ತು ತದಾ ದ್ವಿಜೇಂದ್ರಃ ಸಮಾಗತೈಸ್ತೈರ್ಭುಜಗೇಂದ್ರಮುಖ್ಯೈಃ। ಸಂಪ್ರಾಪ್ಯ ಪ್ರೀತಿಂ ವಿಪುಲಾಂ ಮಹಾತ್ಮಾ ತತೋ ಮನೋ ಗಮನಾಯಾಥ ದಧ್ರೇ॥ 1-58-27 (2341) `ಇತ್ಯೇವಂ ನಾಗರಾಜೋಽಥ ನಾಗಾನಾಂ ಮಧ್ಯಗಸ್ತದಾ। ಉಕ್ತ್ವಾ ಸಹೈವ ತೈಃ ಸರ್ಪೈಃ ಸ್ವಮೇವ ಭವನಂ ಯಯೌ॥' 1-58-28 (2342) ಮೋಕ್ಷಯಿತ್ವಾ ತು ಭುಜಗಾನ್ಸರ್ಪಸತ್ರಾದ್ದ್ವಿಜೋತ್ತಮಃ। ಜಗಾಮ ಕಾಲೇ ಧರ್ಮಾತ್ಮಾ ದಿಷ್ಟಾಂತಂ ಪುತ್ರಪೌತ್ರವಾನ್॥ 1-58-29 (2343) ಇತ್ಯಾಖ್ಯಾನಂ ಮಯಾಸ್ತೀಕಂ ಯಥಾವತ್ತವ ಕೀರ್ತಿತಂ। ಯತ್ಕೀರ್ತಯಿತ್ವಾ ಸರ್ಪೇಭ್ಯೋ ನ ಭಯಂ ವಿದ್ಯತೇ ಕ್ವಚಿತ್॥ 1-58-30 (2344) ಸೌತಿರುವಾಚ। 1-58-31x (288) ಯಥಾ ಕಥಿತವಾನ್ಬ್ರಹ್ಮನ್ಪ್ರಮತಿಃ ಪೂರ್ವಜಸ್ತವ। ಪುತ್ರಾಯ ರುರವೇ ಪ್ರೀತಃ ಪೃಚ್ಛತೇ ಭಾರ್ಗವೋತ್ತಮ॥ 1-58-31 (2345) ಯದ್ವಾಕ್ಯಂ ಶ್ರುತವಾಂಶ್ಚಾಹಂ ತಥಾ ಚ ಕಥಿತಂ ಮಯಾ। ಆಸ್ತೀಕಸ್ಯ ಕವೇರ್ವಿಪ್ರ ಶ್ರೀಮಚ್ಚರಿತಮಾದಿತಃ॥ 1-58-32 (2346) ಯನ್ಮಾಂ ತ್ವಂ ಪೃಷ್ಟವಾನ್ಬ್ರಹ್ಮಞ್ಶ್ರುತ್ವಾ ಡುಂಡುಭಭಾಷಿತಂ। ವ್ಯೇತು ತೇ ಸುಮಹದ್ಬ್ರಹ್ಮನ್ಕೌತೂಹಲಮರಿಂದಮ॥ 1-58-33 (2347) ಶ್ರುತ್ವಾ ಧರ್ಮಿಷ್ಠಮಾಖ್ಯಾನಮಾಸ್ತೀಕಂ ಪುಣ್ಯವರ್ಧನಂ। `ಸರ್ವಪಾಪವಿನಿರ್ಮುಕ್ತೋ ದೀರ್ಘಮಾಯುರವಾಪ್ನುಯಾತ್॥' ॥ 1-58-34 (2348) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಆಸ್ತೀಕಪರ್ವಣಿ ಅಷ್ಟಪಂಚಾಶತ್ತಮೋಽಧ್ಯಾಯಃ॥ 58 ॥ ॥ ಸಮಾಪ್ತಂ ಚಾಸ್ತೀಕಪರ್ವ ॥

1-59-0 (2349) ಶೌನಕ ಉವಾಚ। 1-59-0x (289) ಭೃಗುವಂಶಾತ್ಪ್ರಭೃತ್ಯೇವ ತ್ವಯಾ ಮೇ ಕೀರ್ತಿತಂ ಮಹತ್। ಆಖ್ಯಾನಮಖಿಲಂ ತಾತ ಸೌತೇ ಪ್ರೀತೋಽಸ್ಮಿತೇನ ತೇ॥ 1-59-1 (2350) ಪ್ರಕ್ಷ್ಯಾಮಿ ಚೈವ ಭೂಯಸ್ತ್ವಾಂ ಯಥಾವತ್ಸೂತನಂದನ। ಯಾಃ ಕಥಾ ವ್ಯಾಸಸಂಪನ್ನಾಸ್ತಾಶ್ಚ ಭೂಯೋ ವಿಚಕ್ಷ್ವ ಮೇ॥ 1-59-2 (2351) ತಸ್ಮಿನ್ಪರಮದುಷ್ಪಾರೇ ಸರ್ಪಸತ್ರೇ ಮಹಾತ್ಮನಾಂ। ಕರ್ಮಾಂತರೇಷು ಯಜ್ಞಸ್ಯ ಸದಸ್ಯಾನಾಂ ತಥಾಽಧ್ವರೇ॥ 1-59-3 (2352) ಯಾ ಬಭೂವುಃ ಕಥಾಶ್ಚಿತ್ರಾ ಯೇಷ್ವರ್ಥೇಷು ಯಥಾತಥಂ। ತ್ವತ್ತ ಇಚ್ಛಾಮಹೇ ಶ್ರೋತುಂ ಸೌತೇ ತ್ವಂ ವೈ ಪ್ರಚಕ್ಷ್ವ ನಃ॥ 1-59-4 (2353) ಸೌತಿರುವಾಚ। 1-59-5x (290) ಕರ್ಮಾಂತರೇಷ್ವಕಥಯಂದ್ವಿಜಾ ವೇದಾಶ್ರಯಾಃ ಕಥಾಃ। ವ್ಯಾಸಸ್ತ್ವಕಥಯಚ್ಚಿತ್ರಮಾಖ್ಯಾನಂ ಭಾರತಂ ಮಹತ್॥ 1-59-5 (2354) ಶೌನಕ ಉವಾಚ। 1-59-6x (291) ಮಹಾಭಾರತಮಾಖ್ಯಾನಂ ಪಾಂಡವಾನಾಂ ಯಶಸ್ಕರಂ। ಜನಮೇಜಯೇನ ಪೃಷ್ಟಃ ಸನ್ಕೃಷ್ಣದ್ವೈಪಾಯನಸ್ತದಾ॥ 1-59-6 (2355) ಶ್ರಾವಯಾಮಾಸ ವಿಧಿವತ್ತದಾ ಕರ್ಮಾಂತರೇ ತು ಸಃ। ತಾಮಹಂ ವಿಧಿವತ್ಪುಣ್ಯಾಂ ಶ್ರೋತುಮಿಚ್ಛಾಮಿ ವೈ ಕಥಾಂ॥ 1-59-7 (2356) ಮನಃಸಾಗರಸಂಭೂತಾಂ ಮಹರ್ಷೇರ್ಭಾವಿತಾತ್ಮನಃ। ಕಥಯಸ್ವ ಸತಾಂ ಶ್ರೇಷ್ಠ ಸರ್ವರತ್ನಮಯೀಮಿಮಾಂ॥ 1-59-8 (2357) ಸೌತಿರುವಾಚ। 1-59-9x (292) ಹಂತ ತೇ ಕಥಯಿಷ್ಯಾಮಿ ಮಹದಾಖ್ಯಾನಮುತ್ತಮಂ। ಕೃಷ್ಣದ್ವೈಪಾಯನಮತಂ ಮಹಾಭಾರತಮಾದಿತಃ॥ 1-59-9 (2358) ಶೃಣು ಸರ್ವಮಶೇಷೇಣ ಕಥ್ಯಮಾನಂ ಮಯಾ ದ್ವಿಜ। ಶಂಸಿತುಂ ತನ್ಮಹಾನ್ಹರ್ಷೋ ಮಮಾಪೀಹ ಪ್ರವರ್ತತೇ॥ ॥ 1-59-10 (2359) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಅಂಶಾವತರಣಪರ್ವಣಿ ಏಕೋನಷಷ್ಟಿತಮೋಽಧ್ಯಾಯಃ॥ 59 ॥

1-60-0 (2360) ಸೌತಿರುವಾಚ। 1-60-0x (293) ಶ್ರುತ್ವಾ ತು ಸರ್ಪಸತ್ರಾಯ ದೀಕ್ಷಿತಂ ಜನಮೇಜಯಂ। ಅಭ್ಯಗಚ್ಛದೃಷಿರ್ವಿದ್ವಾನ್ಕೃಷ್ಣದ್ವೈಪಾಯನಸ್ತದಾ॥ 1-60-1 (2361) ಜನಯಾಮಾಸ ಯಂ ಕಾಲೀ ಶಕ್ತೇಃ ಪುತ್ರಾತ್ಪರಾಶರಾತ್। ಕನ್ಯೈವ ಯಮುನಾದ್ವೀಪೇ ಪಾಂಡವಾನಾಂ ಪಿತಾಮಹಂ॥ 1-60-2 (2362) ಜಾತಮಾತ್ರಶ್ಚ ಯಃ ಸದ್ಯ ಇಷ್ಟ್ಯಾ ದೇಹಮವೀವೃಧತ್। ವೇದಾಂಶ್ಚಾಧಿಜಗೇ ಸಾಂಗನ್ಸೇತಿಹಾಸಾನ್ಮಹಾಯಶಾಃ॥ 1-60-3 (2363) ಯಂ ನಾತಿ ತಪಸಾ ಕಶ್ಚಿನ್ನ ವೇದಾಧ್ಯಯನೇನ ಚ। ನ ವ್ರತೈರ್ನೋಪವಾಸೈಶ್ಚ ನ ಪ್ರಸೂತ್ಯಾ ನ ಮನ್ಯುನಾ॥ 1-60-4 (2364) ವಿವ್ಯಾಸೈಕಂ ಚತುರ್ಧಾ ಯೋ ವೇದಂ ವೇದವಿದಾಂ ವರಃ। ಪರಾವರಜ್ಞೋ ಬ್ರಹ್ಮರ್ಷಿಃ ಕವಿಃ ಸತ್ಯವ್ರತಃ ಶುಚಿಃ॥ 1-60-5 (2365) ಯಃ ಪಾಂಡುಂ ಧೃತರಾಷ್ಟ್ರಂ ಚ ವಿದುರಂ ಚಾಪ್ಯಜೀಜನತ್। ಶಂತನೋಃ ಸಂತತಿಂ ತನ್ವನ್ಪುಣ್ಯಕೀರ್ತಿರ್ಮಹಾಯಶಾಃ॥ 1-60-6 (2366) ಜನಮೇಜಯಸ್ಯ ರಾಜರ್ಷೇಃ ಸ ಮಹಾತ್ಮಾ ಸದಸ್ತಥಾ। ವಿವೇಶ ಸಹಿತಃ ಶಿಷ್ಯೈರ್ವೇದವೇದಾಂಗಪಾರಗೈಃ॥ 1-60-7 (2367) ತತ್ರ ರಾಜಾನಮಾಸೀನಂ ದದರ್ಶ ಜನಮೇಜಯಂ। ವೃತಂ ಸದಸ್ಯೈರ್ಬಹುಭಿರ್ದೇವೈರಿವ ಪುರಂದರಂ॥ 1-60-8 (2368) ತಥಾ ಮೂರ್ಧಾಭಿಷಿಕ್ತೈಶ್ಚ ನಾನಾಜನಪದೇಶ್ವರೈಃ। ಋತ್ವಿಗ್ಭಿರ್ಬ್ರಹ್ಮಕಲ್ಪೈಶ್ಚ ಕುಶಲೈರ್ಯಜ್ಞಸಂಸ್ತರೇ॥ 1-60-9 (2369) ಜನಮೇಜಯಸ್ತು ರಾಜರ್ಷಿರ್ದೃಷ್ಟ್ವಾ ತಮೃಷಿಮಾಗತಂ। ಸಗಣೋಽಭ್ಯುದ್ಯಯೌ ತೂರ್ಣಂ ಪ್ರೀತ್ಯಾ ಭರತಸತ್ತಮಃ॥ 1-60-10 (2370) ಕಾಂಚನಂ ವಿಷ್ಟರಂ ತಸ್ಮೈ ಸದಸ್ಯಾನುಮತಃ ಪ್ರಭುಃ। ಆಸನಂ ಕಲ್ಪಯಾಮಾಸ ಯಥಾ ಶಕ್ರೋ ಬೃಹಸ್ಪತೇಃ॥ 1-60-11 (2371) ತತ್ರೋಪವಿಷ್ಟಂ ವರದಂ ದೇವರ್ಷಿಗಣಪೂಜಿತಂ। ಪೂಜಯಾಮಾಸ ರಾಜೇಂದ್ರಃ ಶಾಸ್ತ್ರದೃಷ್ಟೇನ ಕರ್ಮಣಾ॥ 1-60-12 (2372) ಪಾದ್ಯಮಾಚಮನೀಯಂ ಚ ಅರ್ಘ್ಯಂ ಗಾಂ ಚ ವಿಧಾನತಃ। ಪಿತಾಮಹಾಯ ಕೃಷ್ಣಾಯ ತದರ್ಹಾಯ ನ್ಯವೇದಯತ್॥ 1-60-13 (2373) ಪ್ರತಿಗೃಹ್ಯ ತು ತಾಂ ಪೂಜಾಂ ಪಾಂಡವಾಜ್ಜನಮೇಜಯಾತ್। ಗಾಂ ಚೈವ ಸಮನುಜ್ಞಾಯ ವ್ಯಾಸಃ ಪ್ರೀತೋಽಭವತ್ತದಾ॥ 1-60-14 (2374) ತಥಾ ಚ ಪೂಜಯಿತ್ವಾ ತಂ ಪ್ರಣಯಾತ್ಪ್ರತಿತಾಮಹಂ। ಉಪೋಪವಿಶ್ಯ ಪ್ರೀತಾತ್ಮಾ ಪರ್ಯಪೃಚ್ಛದನಾಮಯಂ॥ 1-60-15 (2375) ಭಗವಾನಾಪಿ ತಂ ದೃಷ್ಟ್ವಾ ಕುಶಲಂ ಪ್ರತಿವೇದ್ಯ ಚ। ಸದಸ್ಯೈಃ ಪೂಜಿತಃ ಸರ್ವೈಃ ಸದಸ್ಯಾನ್ಪ್ರತ್ಯಪೂಜಯತ್॥ 1-60-16 (2376) ತತಸ್ತು ಸಹಿತಃ ಸರ್ವೈಃ ಸದಸ್ಯೈರ್ಜನಮೇಜಯಃ। ಇದಂ ಪಶ್ಚಾದ್ದ್ವಿಜಶ್ರೇಷ್ಠಂ ಪರ್ಯಪೃಚ್ಛತ್ಕೃತಾಂಜಲಿಃ॥ 1-60-17 (2377) ಜನಮೇಜಯ ಉವಾಚ। 1-60-18x (294) ಕುರೂಣಾಂ ಪಾಂಡವಾನಾಂ ಚ ಭವಾನ್ಪ್ರತ್ಯಕ್ಷದರ್ಶಿವಾನ್। ತೇಷಾಂ ಚರಿತಮಿಚ್ಛಾಮಿ ಕಥ್ಯಮಾನಂ ತ್ವಯಾ ದ್ವಿಜ॥ 1-60-18 (2378) ಕಥಂ ಸಮಭವದ್ಭೇದಸ್ತೇಷಾಮಕ್ಲಿಷ್ಟಕರ್ಮಣಾಂ। ತಚ್ಚ ಯುದ್ಧಂ ಕಥಂ ವೃತ್ತಂ ಭೂತಾಂತಕರಣಂ ಮಹತ್॥ 1-60-19 (2379) ಪಿತಾಮಹಾನಾಂ ಸರ್ವೇಷಾಂ ದೈವೇನಾವಿಷ್ಟಚೇತಸಾಂ। ಕಾರ್ತ್ಸ್ನ್ಯೇನೈತನ್ಮಮಾಚಕ್ಷ್ವ ಯಥಾ ವೃತ್ತಂ ದ್ವಿಜೋತ್ತಮ। `ಇಚ್ಛಾಮಿ ತತ್ತ್ವತಃ ಶ್ರೋತುಂ ಭಗವನ್ಕುಶಲೋ ಹ್ಯಸಿ'॥ 1-60-20 (2380) ಸೌತಿರುವಾಚ। 1-60-21x (295) ತಸ್ಯ ತದ್ವಚನಂ ಶ್ರುತ್ವಾ ಕೃಷ್ಣದ್ವೈಪಾಯನಸ್ತದಾ। ಶಶಾಸ ಶಿಷ್ಯಮಾಸೀನಂ ವೈಶಂಪಾಯನಮಂತಿಕೇ॥ 1-60-21 (2381) ವ್ಯಾಸ ಉವಾಚ। 1-60-22x (296) ಕುರೂಣಾಂ ಪಾಂಡವಾನಾಂ ಚ ಯಥಾ ಭೇದೋಽಭವತ್ಪುರಾ। ತದಸ್ಮೈ ಸರ್ವಮಾಚಕ್ಷ್ವ ಯನ್ಮತ್ತಃ ಶ್ರುತವಾನಸಿ॥ 1-60-22 (2382) ಗುರೋರ್ವಚನಮಾಜ್ಞಾಯ ಸ ತು ವಿಪ್ರರ್ಷಭಸ್ತದಾ। ಆಚಚಕ್ಷೇ ತತಃ ಸರ್ವಮಿತಿಹಾಸಂ ಪುರಾತನಂ॥ 1-60-23 (2383) ರಾಜ್ಞೇ ತಸ್ಮೈ ಸದಸ್ಯೇಭ್ಯಃ ಪಾರ್ಥಿವೇಭ್ಯಶ್ಚ ಸರ್ವಶಃ। ಭೇದಂ ಸರ್ವವಿನಾಶಂ ಚ ಕುರುಪಾಂಡವಯೋಸ್ತದಾ॥ ॥ 1-60-24 (2384) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಅಂಶಾವತರಣಪರ್ವಣಿ ಷಷ್ಟಿತಮೋಽಧ್ಯಾಯಃ॥ 60 ॥

1-61-0 (2385) ವೈಶಂಪಾಯನ ಉವಾಚ। 1-61-0x (297) `ಶೃಣು ರಾಜನ್ಯಥಾ ವೀರಾ ಭ್ರಾತರಃ ಪಂಚ ಪಾಂಡವಾಃ। ವಿರೋಧಮನ್ವಗಚ್ಛಂತ ಧಾರ್ತರಾಷ್ಟ್ರೈರ್ದುರಾತ್ಮಭಿಃ॥' 1-61-1 (2386) ಗುರವೇ ಪ್ರಾಙ್ನಮಸ್ಕೃತ್ಯ ಮನೋಬುದ್ಧಿಸಮಾಧಿಭಿಃ। ಸಂಪೂಜ್ಯ ಚ ದ್ವಿಜಾನ್ಸರ್ವಾಂಸ್ತಥಾನ್ಯಾನ್ವಿದುಷೋ ಜನಾನ್॥ 1-61-2 (2387) ಮಹರ್ಷೇರ್ವಿಶ್ರುತಸ್ಯೇಹ ಸರ್ವಲೋಕೇಷು ಧೀಮತಃ। ಪ್ರವಕ್ಷ್ಯಾಮಿ ಮತಂ ಕೃತ್ಸ್ನಂ ವ್ಯಾಸಸ್ಯಾಮಿತತೇಜಸಃ॥ 1-61-3 (2388) ಶ್ರೋತುಂ ಪಾತ್ರಂ ಚ ರಾಜಂಸ್ತ್ವಂ ಪ್ರಾಪ್ಯೇಮಾಂ ಭಾರತೀಂ ಕಥಾಂ। ಗುರೋರ್ವಕ್ತ್ರಪರಿಸ್ಪಂದೋ ಮನಃ ಪ್ರೋತ್ಸಾಹತೀವ ಮೇ॥ 1-61-4 (2389) ಶೃಣು ರಾಜನ್ಯಥಾ ಭೇದಃ ಕುರುಪಾಂಡವಯೋರಭೂತ್। ರಾಜ್ಯಾರ್ಥೇ ದ್ಯೂತಸಂಭೂತೋ ವನವಾಸಸ್ತಥೈವ ಚ॥ 1-61-5 (2390) ಯಥಾ ಚ ಯುದ್ಧಮಭವತ್ಪೃಥಿವೀಕ್ಷಯಕಾರಕಂ। ತತ್ತೇಽಹಂ ಕಥಯಿಷ್ಯಾಮಿ ಪೃಚ್ಛತೇ ಭರತರ್ಷಭ॥ 1-61-6 (2391) ಮೃತೇ ಪಿತರಿ ತೇ ವೀರಾ ವನಾದೇತ್ಯ ಸ್ವಮಂದಿರಂ। ನಚಿರಾದೇವ ವಿದ್ವಾಂಸೋ ವೇದೇ ಧನುಷಿ ಚಾಭವನ್॥ 1-61-7 (2392) ತಾಂಸ್ತಥಾ ಸತ್ವವೀರ್ಯೌಜಃಸಂಪನ್ನಾನ್ಪೌರಸಂಮತಾನ್। ನಾಮೃಷ್ಯನ್ಕುರವೋ ದೃಷ್ಟ್ವಾ ಪಾಂಡವಾಞ್ಶ್ರೀಯಶೋಭೃತಃ॥ 1-61-8 (2393) ತತೋ ದುರ್ಯೋಧನಃ ಕ್ರೂರಃ ಕರ್ಣಶ್ಚ ಸಹಸೌಬಲಃ। ತೇಷಾಂ ನಿಗ್ರಹನಿರ್ವಾಸಾನ್ವಿವಿಧಾಂಸ್ತೇ ಸಮಾರಭನ್॥ 1-61-9 (2394) ತತೋ ದುರ್ಯೋಧನಃ ಕ್ರೂರಃ ಕುಲಿಂಗಸ್ಯ ಮತೇ ಸ್ಥಿತಃ। ಪಾಂಡವಾನ್ವಿವಿಧೋಪಾಯೈ ರಾಜ್ಯಹೇತೋರಪೀಡಯತ್॥ 1-61-10 (2395) ದದಾವಥ ವಿಷಂ ಪಾಪೋ ಭೀಮಾಯ ಧೃತರಾಷ್ಟ್ರಜಃ। ಜರಯಾಮಾಸ ತದ್ವೀರಃ ಸಹಾನ್ನೇನ ವೃಕೋದರಃ॥ 1-61-11 (2396) ಪ್ರಮಾಣಕೋಟ್ಯಾಂ ಸಂಸುಪ್ತಂ ಪುನರ್ಬದ್ಧ್ವಾ ವೃಕೋದರಂ। ತೋಯೇಷು ಭೀಮಂ ಗಂಗಾಯಾಃ ಪ್ರಕ್ಷಿಪ್ಯ ಪುರಮಾವ್ರಜತ್॥ 1-61-12 (2397) ಯದಾ ವಿಬುದ್ಧಃ ಕೌಂತೇಯಸ್ತದಾ ಸಂಛಿದ್ಯ ಬಂಧನಂ। ಉದತಿಷ್ಠನ್ಮಹಾಬಾಹುರ್ಭೀಮಸೇನೋ ಗತವ್ಯಥಃ॥ 1-61-13 (2398) ಆಶೀವಿಷೈಃ ಕೃಷ್ಣಸರ್ಪೈಃ ಸುಪ್ತಂ ಚೈನಮದಂಶಯತ್। ಸರ್ವೇಷ್ವೇವಾಂಗದೇಶೇಷು ನ ಮಮಾರ ಸ ಶತ್ರುಹಾ॥ 1-61-14 (2399) ತೇಷಾಂ ತು ವಿಪ್ರಕಾರೇಷು ತೇಷು ತೇಷು ಮಹಾಮತಿಃ। ಮೋಕ್ಷಣೇ ಪ್ರತಿಕಾರೇ ಚ ವಿದುರೋಽವಹಿತೋಽಭವತ್॥ 1-61-15 (2400) ಸ್ವರ್ಗಸ್ಥೋ ಜೀವಲೋಕಸ್ಯ ಯಥಾ ಶಕ್ರಃ ಸುಖಾವಹಃ। ಪಾಂಡವಾನಾಂ ತಥಾ ನಿತ್ಯಂ ವಿದುರೋಽಪಿ ಸುಖಾವಹಃ॥ 1-61-16 (2401) ಯದಾ ತು ವಿವಿಧೋಪಾಯೈಃ ಸಂವೃತೈರ್ವಿವೃತೈರಪಿ। ನಾಶಕದ್ವಿನಿಹಂತುಂ ತಾಂದೈವಭಾವ್ಯರ್ಥರಕ್ಷಿತಾನ್॥ 1-61-17 (2402) ತತಃ ಸಂಮಂತ್ರ್ಯ ಸಚಿವೈರ್ವೃಷದುಃಶಾಸನಾದಿಭಿಃ। ಧೃತರಾಷ್ಟ್ರಮನುಜ್ಞಾಪ್ಯ ಜಾತುಷಂ ಗೃಹಮಾದಿಶತ್॥ 1-61-18 (2403) `ತತ್ರ ತಾನ್ವಾಸಯಾಮಾಸ ಪಾಂಡವಾನಮಿತೌಜಸಃ।' ಸುತಪ್ರಿಯೈಷೀ ತಾನ್ರಾಜಾ ಪಾಂಡವಾನಂಬಿಕಾಸುತಃ। ತತೋ ವಿವಾಸಯಾಮಾಸ ರಾಜ್ಯಭೋಗಬುಭುಕ್ಷಯಾ॥ 1-61-19 (2404) ತೇ ಪ್ರಾತಿಷ್ಠಂತ ಸಹಿತಾ ನಗರಾನ್ನಾಗಸಾಹ್ವಯಾತ್। ಪ್ರಸ್ಥಾನೇ ಚಾಭವನ್ಮಂತ್ರೀ ಕ್ಷತ್ತಾ ತೇಷಾಂ ಮಹಾತ್ಮನಾಂ॥ 1-61-20 (2405) ತೇನ ಮುಕ್ತಾ ಜತುಗೃಹಾನ್ನಿಶೀಥೇ ಪ್ರಾದ್ರವನ್ವನಂ। ತತಃ ಸಂಪ್ರಾಪ್ಯ ಕೌಂತೇಯಾ ನಗರಂ ವಾರಣಾವತಂ॥ 1-61-21 (2406) ನ್ಯವಸಂತ ಮಹಾತ್ಮಾನೋ ಮಾತ್ರಾ ಸಹ ಪರಂತಪಾಃ। ಧೃತರಾಷ್ಟ್ರೇಣ ಚಾಜ್ಞಪ್ತಾ ಉಷಿತಾ ಜಾತುಷೇ ಗೃಹೇ॥ 1-61-22 (2407) ಪುರೋಚನಾದ್ರಕ್ಷಮಾಣಾಃ ಸಂವತ್ಸರಮತಂದ್ರಿತಾಃ। ಸುರುಂಗಾಂ ಕಾರಯಿತ್ವಾ ತು ವಿದುರೇಣ ಪ್ರಚೋದಿತಾಃ॥ 1-61-23 (2408) ಆದೀಪ್ಯ ಜಾತುಷಂ ವೇಶ್ಮ ದಗ್ಧ್ವಾ ಚೈವ ಪುರೋಚನಂ। ಪ್ರಾದ್ರವನ್ಭಯಸಂವಿಗ್ನಾ ಮಾತ್ರಾ ಸಹ ಪಂತಪಾಃ॥ 1-61-24 (2409) ದದೃಶುರ್ದಾರುಮಂ ರಕ್ಷೋ ಹಿಡಿಂಬಂ ವನನಿರ್ಝರೇ। ಹತ್ವಾ ಚ ತಂ ರಾಕ್ಷಸೇಂದ್ರಂ ಭೀತಾಃ ಸಮವಬೋಧನಾತ್॥ 1-61-25 (2410) ನಿಶಿ ಸಂಪ್ರಾದ್ರವನ್ಪಾರ್ಥಾ ಧಾರ್ತರಾಷ್ಟ್ರಭಯಾರ್ದಿತಾಃ। ಪ್ರಾಪ್ತಾ ಹಿಡಿಂಬಾ ಭೀಮೇನ ಯತ್ರ ಜಾತೋ ಘಟೋತ್ಕಚಃ॥ 1-61-26 (2411) ಏಕಚಕ್ರಾಂ ತತೋ ಹತ್ವಾ ಪಾಂಡವಾಃ ಸಂಶಿತವ್ರತಾಃ। ವೇದಾಧ್ಯಯನಸಂಪನ್ನಾಸ್ತೇಽಭವನ್ಬ್ರಹ್ಮಚಾರಿಣಃ॥ 1-61-27 (2412) ತೇ ತತ್ರ ನಿಯತಾಃ ಕಾಲಂ ಕಂಚಿದೂಷುರ್ನರರ್ಷಭಾಃ। ಮಾತ್ರಾ ಸಹೈಕಚಕ್ರಾಯಾಂ ಬ್ರಾಹ್ಮಣಸ್ಯ ನಿವೇಶನೇ॥ 1-61-28 (2413) ತತ್ರಾಸಸಾದ ಕ್ಷುಧಿತಂ ಪುರುಷಾದಂ ವೃಕೋದರಃ। ಭೀಮಸೇನೋ ಮಹಾಬಾಹುರ್ಬಕಂ ನಾಮ ಮಹಾಬಲಂ॥ 1-61-29 (2414) ತಂ ಚಾಪಿ ಪುರುಷವ್ಯಾಘ್ರೋ ಬಾಹುವೀರ್ಯೇಣ ಪಾಂಡವಃ। ನಿಹತ್ಯ ತರಸಾ ವೀರೋ ನಾಗರಾನ್ಪರ್ಯಸಾಂತ್ವಯತ್॥ 1-61-30 (2415) ತತಸ್ತೇ ಶುಶ್ರುವುಃ ಕೃಷ್ಣಾಂ ಪಂಚಾಲೇಷು ಸ್ವಯಂವರಾಂ। ಶ್ರುತ್ವಾ ಚೈವಾಭ್ಯಗಚ್ಛ್ತ ಗತ್ವಾ ಚೈವಾಲಭಂತ ತಾಂ॥ 1-61-31 (2416) ತೇ ತತ್ರ ದ್ರೌಪದೀಂ ಲಬ್ಧ್ವಾ ಪರಿಸಂವತ್ಸರೋಷಿತಾಃ। ವಿದಿತಾ ಹಾಸ್ತಿನಪುರಂ ಪ್ರತ್ಯಾಜಗ್ಮುರರಿಂದಮಾಃ॥ 1-61-32 (2417) ತೇ ಉಕ್ತಾ ಧೃತರಾಷ್ಟ್ರೇಣ ರಾಜ್ಞಾ ಶಾಂತನವೇನ ಚ। ಭ್ರಾತೃಭಿರ್ವಿಗ್ರಹಸ್ತಾತ ಕಥಂ ವೋ ನ ಭವೇದಿತಿ॥ 1-61-33 (2418) ಅಸ್ಮಾಭಿಃ ಖಾಂಡವಪ್ರಸ್ಥೇ ಯುಷ್ಮದ್ವಾಸೋಽನುಚಿಂತಿತಃ। ತಸ್ಮಾಜ್ಜನಪದೋಪೇತಂ ಸುವಿಭಕ್ತಮಹಾಪಥಂ॥ 1-61-34 (2419) ವಾಸಾಯ ಸ್ವಾಂಡವಪ್ರಸ್ಥಂ ವ್ರಜಧ್ವಂ ಗತಮತ್ಸರಾಃ। ತಯೋಸ್ತೇ ವಚನಾಜ್ಜಗ್ಮುಃ ಸಹ ಸರ್ವೈಃ ಸುಹೃಜ್ಜನೈಃ॥ 1-61-35 (2420) ನಗರಂ ಖಾಂಡವಪ್ರಸ್ಥಂ ರತ್ನಾನ್ಯಾದಾಯ ಸರ್ವಶಃ। ತತ್ರ ತೇ ನ್ಯವಸನ್ಪಾರ್ಥಾಃ ಸಂವತ್ಸರಗಣಾಂನ್ಬಹೂನ್॥ 1-61-36 (2421) ವಶೇ ಶಸ್ತ್ರಪ್ರತಾಪೇನ ಕುರ್ವಂತೋಽನ್ಯಾನ್ಮಹೀಭೃತಃ। ಏವಂ ಧರ್ಮಪ್ರಧಾನಾಸ್ತೇ ಸತ್ಯವ್ರತಪರಾಯಣಾಃ॥ 1-61-37 (2422) ಅಪ್ರಮತ್ತೋತ್ಥಿತಾಃ ಕ್ಷಾಂತಾಃ ಪ್ರತಪಂತೋಽಹಿತಾನ್ಬಹೂನ್। ಅಜಯದ್ಭೀಮಸೇನಸ್ತು ದಿಶಂ ಪ್ರಾಚೀಂ ಮಹಾಯಶಾಃ॥ 1-61-38 (2423) ಉದೀಚೀಮರ್ಜುನೋ ವೀರಃ ಪ್ರತೀಚೀಂ ನಕುಲಸ್ತಥಾ। ದಕ್ಷಿಣಾಂ ಸಹದೇವಸ್ತು ವಿಜಿಗ್ಯೇ ಪರವೀರಹಾ॥ 1-61-39 (2424) ಏವಂ ಚಕ್ರುರಿಮಾಂ ಸರ್ವೇ ವಶೇ ಕೃತ್ಸ್ನಾಂ ವಸುಂಧರಾಂ। ಪಂಚಭಿಃ ಸೂರ್ಯಸಂಕಾಶೈಃ ಸೂರ್ಯೇಣ ಚ ವಿರಾಜತಾ॥ 1-61-40 (2425) ಷಟ್ಸೂರ್ಯೇವಾಭವತ್ಪೃಥ್ವೀ ಪಾಂಡವೈಃ ಸತ್ಯವಿಕ್ರಮೈಃ। ತತೋ ನಿಮಿತ್ತೇ ಕಸ್ಮಿಂಶ್ಚಿದ್ಧರ್ಮರಾಜೋ ಯುಧಿಷ್ಠಿರಃ॥ 1-61-41 (2426) ವನಂ ಪ್ರಸ್ಥಾಪಯಾಮಾಸ ತೇಜಸ್ವೀ ಸತ್ಯವಿಕ್ರಮಃ। ಪ್ರಾಣೇಭ್ಯೋಽಪಿ ಪ್ರಿಯತರಂ ಭ್ರಾತರಂ ಸವ್ಯಸಾಚಿನಂ॥ 1-61-42 (2427) ಅರ್ಜುನಂ ಪುರುಷವ್ಯಾಘ್ರಂ ಸ್ಥಿರಾತ್ಮಾನಂ ಗುಣೈರ್ಯುತಂ। ಸ ವೈ ಸಂವತ್ಸರಂ ಪೂರ್ಣಂ ಮಾಸಂ ಚೈಕಂ ವನೇ ವಸನ್॥ 1-61-43 (2428) `ತೀರ್ಥಯಾತ್ರಾಂ ಚ ಕೃತವಾನ್ನಾಗಕನ್ಯಾಮವಾಪ ಚ। ಪಾಂಡ್ಯಸ್ಯ ತನಯಾಂ ಲಬ್ಧ್ವಾ ತತ್ರ ತಾಭ್ಯಾಂಸಹೋಷಿತಃ'॥ 1-61-44 (2429) ತತೋಽಗಚ್ಛದ್ಧೃಷೀಕೇಶಂ ದ್ವಾರವತ್ಯಾಂ ಕದಾಚನ। ಲಬ್ಧವಾಂಸ್ತತ್ರ ಬೀಭತ್ಸುರ್ಭಾರ್ಯಾಂ ರಾಜೀವಲೋಚನಾಂ॥ 1-61-45 (2430) ಅನುಜಾಂ ವಾಸುದೇವಸ್ಯ ಸುಭದ್ರಾಂ ಭದ್ರಭಾಷಿಣೀಂ। ಸಾ ಶಚೀವ ಮಹೇಂದ್ರೇಣ ಶ್ರೀಃ ಕೃಷ್ಣೇನೇವ ಸಂಗತಾ॥ 1-61-46 (2431) ಸುಭದ್ರಾ ಯುಯುಜೇ ಪ್ರೀತ್ಯಾ ಪಾಂಡವೇನಾರ್ಜುನೇನ ಹ। ಅತರ್ಪಯಚ್ಚ ಕೌಂತೇಯಃ ಖಾಂಡವೇ ಹವ್ಯವಾಹನಂ॥ 1-61-47 (2432) ಬೀಭತ್ಸುರ್ವಾಸುದೇವೇನ ಸಹಿತೋ ನೃಪಸ್ತಮ। ನಾತಿಭಾರೋ ಹಿ ಪಾರ್ಥಸ್ಯ ಕೇಶವೇನ ಸಹಾಭವತ್॥ 1-61-48 (2433) ವ್ಯವಸಾಯಸಹಾಯಸ್ಯ ವಿಷ್ಣೋಃ ಶತ್ರುವಧೇಷ್ವಿವ। ಪಾರ್ಥಾಯಾಗ್ನಿರ್ದದೌ ಚಾಪಿ ಗಾಂಡೀವಂ ಧನುರುತ್ತಮಂ॥ 1-61-49 (2434) ಇಷುಧೀ ಚಾಕ್ಷಯೈರ್ಬಾಣೈ ರಥಂ ಚ ಕಪಿಲಕ್ಷಣಂ। ಮೋಕ್ಷಯಾಮಾಸ ಬೀಭತ್ಸುರ್ಮಯಂ ಯತ್ರ ಮಹಾಸುರಂ॥ 1-61-50 (2435) ಸ ಚಕಾರ ಸಭಾಂ ದಿವ್ಯಾಂ ಸರ್ವರತ್ನಸಮಾಚಿತಾಂ। ತಸ್ಯಾಂ ದುರ್ಯೋಧನೋ ಮಂದೋ ಲೋಭಂ ಚಕ್ರೇ ಸುದುರ್ಮತಿಃ॥ 1-61-51 (2436) ತತೋಽಕ್ಷೈರ್ವಂಚಯಿತ್ವಾ ಚ ಸೌಬಲೇನ ಯುಧಿಷ್ಠಿರಂ। ವನಂ ಪ್ರಸ್ಥಾಪಯಾಮಾಸ ಸಪ್ತವರ್ಷಾಣಿ ಪಂಚ ಚ॥ 1-61-52 (2437) ಅಜ್ಞಾತಮೇಕಂ ರಾಷ್ಟ್ರೇ ಚ ತತೋ ವರ್ಷಂ ತ್ರಯೋದಶಂ। ತತಶ್ಚತುರ್ದಶೇ ವರ್ಷೇ ಯಾಚಮಾನಾಃ ಸ್ವಕಂ ವಸು॥ 1-61-53 (2438) ನಾಲಭಂತ ಮಹಾರಾಜ ತತೋ ಯುದ್ಧಮವರ್ತತ। ತತಸ್ತೇ ಕ್ಷತ್ರಮುತ್ಸಾದ್ಯ ಹತ್ವಾ ದುರ್ಯೋಧನಂ ನೃಪಂ॥ 1-61-54 (2439) ರಾಜ್ಯಂ ವಿಹತಭೂಯಿಷ್ಠಂ ಪ್ರತ್ಯಪದ್ಯಂತ ಪಾಂಡವಾಃ। `ಇಷ್ಟ್ವಾ ಕ್ರತೂಂಶ್ಚ ವಿವಿಧಾನಶ್ವಮೇಧಾದಿಕಾನ್ಬಹೂನ್॥ 1-61-55 (2440) ಧೃತರಾಷ್ಟ್ರೇ ಗತೇ ಸ್ವರ್ಗಂ ವಿದುರೇ ಪಂಚತಾಂ ಗತೇ। ಗಮಯಿತ್ವಾ ಕ್ರಿಯಾಂ ಸ್ವರ್ಗ್ಯಾಂ ರಾಜ್ಞಾಮಮಿತತೇಜಸಾಂ॥ 1-61-56 (2441) ಸ್ವಂ ಧಾಮ ಯಾತೇ ವಾರ್ಷ್ಣೇಯೇ ಕೃಷ್ಣದಾರಾನ್ಪ್ರರಕ್ಷ್ಯ ಚ। ಮಹಾಪ್ರಸ್ಥಾನಿಕಂ ಕೃತ್ವಾ ಗತಾಃ ಸ್ವರ್ಗಮನುತ್ತಮಂ'॥ 1-61-57 (2442) ಏವಮೇತತ್ಪುರಾವೃತ್ತಂ ತೇಷಾಮಕ್ಲಿಷ್ಟಕರ್ಮಣಾಂ। ಭೇದೋ ರಾಜ್ಯವಿನಾಶಶ್ಚ ಜಯಶ್ಚ ಜಯತಾಂವರ॥ ॥ 1-61-58 (2443) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಅಂಶಾವತರಣಪರ್ವಣಿ ಏಕಷಷ್ಟಿತಮೋಽಧ್ಯಾಯಃ॥ 61 ॥

1-62-0 (2444) ಜನಮೇಜಯ ಉವಾಚ। 1-62-0x (298) ಕಥಿತಂ ವೈ ಸಮಾಸೇನ ತ್ವಯಾ ಸರ್ವಂ ದ್ವಿಜೋತ್ತಮ। ಮಹಾಭಾರತಮಾಖ್ಯಾನಂ ಕುರೂಣಾಂ ಚರಿತಂ ಮಹತ್॥ 1-62-1 (2445) ಕಥಾಂ ತ್ವನಘ ಚಿತ್ರಾರ್ಥಾಂ ಕಥಯಸ್ವ ತಪೋಧನ। ವಿಸ್ತರಶ್ರವಣೇ ಜಾತಂ ಕೌತೂಹಲಮತೀವ ಮೇ॥ 1-62-2 (2446) ಸ ಭವಾನ್ವಿಸ್ತರೇಣೇಮಾಂ ಪುನರಾಖ್ಯಾತುಮರ್ಹತಿ। ನ ಹಿ ತೃಪ್ಯಾಮಿ ಪೂರ್ವೇಷಾಂ ಶೃಣ್ವಾನಶ್ಚರಿತಂ ಮಹತ್॥ 1-62-3 (2447) ನ ತತ್ಕಾರಣಮಲ್ಪಂ ವೈ ಧರ್ಮಜ್ಞಾ ಯತ್ರ ಪಾಂಡವಾಃ। ಅವಧ್ಯಾನ್ಸರ್ವಶೋ ಜಘ್ನುಃ ಪ್ರಶಸ್ಯಂತೇ ಚ ಮಾನವೈಃ॥ 1-62-4 (2448) ಕಿಮರ್ಥಂ ತೇ ನರವ್ಯಾಘ್ರಾಃ ಶಕ್ತಾಃ ಸಂತೋ ಹ್ಯನಾಗಸಃ। ಪ್ರಯುಜ್ಯಮಾನಾನ್ಸಂಕ್ಲೇಶಾನ್ಕ್ಷಾಂತವಂತೋ ದುರಾತ್ಮನಾಂ॥ 1-62-5 (2449) ಕಥಂ ನಾಗಾಯುತಪ್ರಾಣೋ ಬಾಹುಶಾಲೀ ವೃಕೋದರಃ। ಪರಿಕ್ಲಿಶ್ಯನ್ನಪಿ ಕ್ರೋಧಂ ಧೃತವಾನ್ವೈ ದ್ವಿಜೋತ್ತಮ॥ 1-62-6 (2450) ಕಥಂ ಸಾ ದ್ರೌಪದೀ ಕೃಷ್ಣಾ ಕ್ಲಿಶ್ಯಮಾನಾ ದುರಾತ್ಮಭಿಃ। ಶಕ್ತಾ ಸತೀ ಧಾರ್ತರಾಷ್ಟ್ರಾನ್ನಾದಹತ್ಕ್ರೋಧಚಕ್ಷುಷಾ॥ 1-62-7 (2451) ಕಥಂ ವ್ಯಸನಿನಂ ದ್ಯೂತೇ ಪಾರ್ಥೌ ಮಾದ್ರೀಸುತೌ ತದಾ। ಅನ್ವಯುಸ್ತೇ ನರವ್ಯಾಘ್ರಾ ಬಾಧ್ಯಮಾನಾ ದುರಾತ್ಮಭಿಃ॥ 1-62-8 (2452) ಕಥಂ ಧರ್ಮಭೃತಾಂ ಶ್ರೇಷ್ಠಃ ಸುತೋ ಧರ್ಮಸ್ಯ ಧರ್ಮವಿತ್। ಅನರ್ಹಃ ಪರಮಂ ಕ್ಲೇಶಂ ಸೋಢವಾನ್ಸ ಯುಧಿಷ್ಠಿರಃ॥ 1-62-9 (2453) ಕಥಂ ಚ ಬಹುಲಾಃ ಸೇನಾಃ ಪಾಂಡವಃ ಕೃಷ್ಣಸಾರಥಿಃ। ಅಸ್ಯನ್ನೇಕೋಽನಯತ್ಸರ್ವಾಃ ಪಿತೃಲೋಕಂ ಧನಂಜಯಃ॥ 1-62-10 (2454) ಏತದಾಚಕ್ಷ್ವ ಮೇ ಸರ್ವಂ ಯಥಾವೃತ್ತಂ ತಪೋಧನ। ಯದ್ಯಚ್ಚ ಕೃತವಂತಸ್ತೇ ತತ್ರತತ್ರ ಮಹಾರಥಾಃ॥ 1-62-11 (2455) ವೈಶಂಪಾಯನ ಉವಾಚ। 1-62-12x (299) ಕ್ಷಣಂ ಕುರು ಮಹಾರಾಜ ವಿಪುಲೋಽಯಮನುಕ್ರಮಃ। ಪುಣ್ಯಾಖ್ಯಾನಸ್ಯ ವಕ್ತವ್ಯಃ ಕೃಷ್ಣದ್ವೈಪಾಯನೇರಿತಃ॥ 1-62-12 (2456) ಮಹರ್ಷೇಃ ಸರ್ವಲೋಕೇಷು ಪೂಜಿತಸ್ಯ ಮಹಾತ್ಮನಃ। ಪ್ರವಕ್ಷ್ಯಾಮಿ ಮತಂ ಕೃತ್ಸ್ನಂ ವ್ಯಾಸಸ್ಯಾಮಿತತೇಜಸಃ॥ 1-62-13 (2457) ಇದಂ ಶತಸಹಸ್ರಂ ಹಿ ಶ್ಲೋಕಾನಾಂ ಪುಣ್ಯಕರ್ಮಣಾಂ। ಸತ್ಯವತ್ಯಾತ್ಮಜೇನೇಹ ವ್ಯಾಖ್ಯಾತಮಮಿತೌಜಸಾ॥ 1-62-14 (2458) `ಉಪಾಖ್ಯಾನೈಃ ಸಹ ಜ್ಞೇಯಂ ಶ್ರಾವ್ಯಂ ಭಾರತಮುತ್ತಮಂ। ಸಂಕ್ಷೇಪೇಣ ತು ವಕ್ಷ್ಯಾಮಿ ಸರ್ವಮೇತನ್ನರಾಧಿಪ॥ 1-62-15 (2459) ಅಧ್ಯಾಯಾನಾಂ ಸಹಸ್ರೇ ದ್ವೇ ಪರ್ವಣಾಂ ಶತಮೇವ ಚ। ಶ್ಲೋಕಾನಾಂ ತು ಸಹಸ್ರಾಣಿ ನವತಿಶ್ಚ ದಶೈವ ಚ। ತತೋಽಷ್ಟಾದಶಭಿಃ ಪರ್ವೈಃ ಸಂಗೃಹೀತಂ ಮಹರ್ಷಿಣಾ'॥ 1-62-16 (2460) ಯ ಇದಂ ಶ್ರಾವಯೇದ್ವಿದ್ವಾನ್ಯೇ ಚೇದಂ ಶೃಣುಯುರ್ನರಾಃ। ತೇ ಬ್ರಹ್ಮಣಃ ಸ್ಥಾನಮೇತ್ಯ ಪ್ರಾಪ್ನುಯುರ್ದೇವತುಲ್ಯತಾಂ॥ 1-62-17 (2461) ಇದಂ ಹಿ ವೇದೈಃ ಸಮಿತಂ ಪವಿತ್ರಮಪಿ ಚೋತ್ತಮಂ। ಶ್ರಾವ್ಯಾಣಾಮುತ್ತಮಂ ಚೇದಂ ಪುರಾಣಮೃಷಿಸಂಸ್ತುತಂ॥ 1-62-18 (2462) ಅಸ್ಮಿನ್ನರ್ಥಶ್ಚ ಕಾಮಶ್ಚ ನಿಖಿಲೇನೋಪದೇಕ್ಷ್ಯತೇ। ಇತಿಹಾಸೇ ಮಹಾಪುಣ್ಯೇ ಬುದ್ಧಿಶ್ಚ ಪರಿನೈಷ್ಠಿಕೀ॥ 1-62-19 (2463) ಅಕ್ಷುದ್ರಾಂದಾನಶೀಲಾಂಶ್ಚ ಸತ್ಯಶೀಲಾನನಾಸ್ತಿಕಾನ್। ಕಾರ್ಷ್ಣಂ ವೇದಮಿಮಂ ವಿದ್ವಾಂಛ್ರಾವಯಿತ್ವಾಽರ್ಥಮಶ್ನುತೇ॥ 1-62-20 (2464) ಭ್ರೂಣಹತ್ಯಾಕೃತಂ ಚಾಪಿ ಪಾಪಂ ಜಹ್ಯಾದಸಂಶಯಂ। ಇತಿಹಾಸಮಿಮಂ ಶ್ರುತ್ವಾ ಪುರುಷೋಽಪಿ ಸುದಾರುಣಃ॥ 1-62-21 (2465) ಮುಚ್ಯತೇ ಸರ್ವಪಾಪೇಭ್ಯೋ ರಾಹುಣಾ ಚಂದ್ರಮಾ ಯಥಾ। ಜಯೋ ನಾಮೇತಿಹಾಸೋಽಯಂ ಶ್ರೋತವ್ಯೋ ವಿಜಿಗೀಷುಣಾ॥ 1-62-22 (2466) ಮಹೀಂ ವಿಜಯತೇ ರಾಜಾ ಶತ್ರೂಂಶ್ಚಾಪಿ ಪರಾಜಯೇತ್। ಇದಂ ಪುಂಸವನಂ ಶ್ರೇಷ್ಠಮಿದಂ ಸ್ವಸ್ತ್ಯಯನಂ ಮಹತ್॥ 1-62-23 (2467) ಮಹಿಷೀಯುವರಾಜಾಭ್ಯಾಂ ಶ್ರೋತವ್ಯಂ ಬಹುಶಸ್ತಥಾ। ವೀರಂ ಜನಯತೇ ಪುತ್ರಂ ಕನ್ಯಾಂ ವಾ ರಾಜ್ಯಭಾಗಿನೀಂ॥ 1-62-24 (2468) ಧರ್ಮಶಾಸ್ತ್ರಮಿದಂ ಪುಣ್ಯಮರ್ಥಶಾಸ್ತ್ರಮಿದಂ ಪರಂ। ಮೋಕ್ಷಶಾಸ್ತ್ರಮಿದಂ ಪ್ರೋಕ್ತಂ ವ್ಯಾಸೇನಾಮಿತಬುದ್ಧಿನಾ॥ 1-62-25 (2469) `ಧರ್ಮೇ ಚಾರ್ಥೇ ಚ ಕಾಮೇ ಚ ಮೋಕ್ಷೇ ಚ ಭರತರ್ಷಭ। ಯದಿಹಾಸ್ತಿ ತದನ್ಯತ್ರ ಯನ್ನೇಹಾಸ್ತಿ ನ ಕುತ್ರಚಿತ್। ಇದಂ ಹಿ ಬ್ರಾಹ್ಮಣೈರ್ಲೋಕೇ ಆಖ್ಯಾತಂ ಬ್ರಾಹ್ಮಣೇಷ್ವಿಹ'॥ 1-62-26 (2470) ಸಂಪ್ರತ್ಯಾಚಕ್ಷತೇ ಚೇದಂ ತಥಾ ಶ್ರೋಷ್ಯಂತಿ ಚಾಪರೇ। ಪುತ್ರಾಃ ಶುಶ್ರೂಷವಃ ಸಂತಿ ಪ್ರೇಷ್ಯಾಶ್ಚ ಪ್ರಿಯಕಾರಿಣಃ॥ 1-62-27 (2471) ಭರತಾನಾಂ ಮಹಜ್ಜನ್ಮ ಶೃಣ್ವತಾಮನಸೂಯತಾಂ। ನಾಸ್ತಿ ವ್ಯಾಧಿಭಯಂ ತೇಷಾಂ ಪರಲೋಕಭಯಂ ಕುತಃ॥ 1-62-28 (2472) ಶರೀರೇಣ ಕೃತಂ ಪಾಪಂ ವಾಚಾ ಚ ಮನಸೈವ ಚ। ಸರ್ವಂ ಸಂತ್ಯಜತಿ ಕ್ಷಿಪ್ರಂ ಯ ಇದಂ ಶೃಣುಯಾನ್ನರಃ॥ 1-62-29 (2473) ಧನ್ಯಂ ಯಶಸ್ಯಮಾಯುಷ್ಯಂ ಪುಣ್ಯಂ ಸ್ವರ್ಗ್ಯಂ ತಥೈವ ಚ। ಕೃಷ್ಣದ್ವೈಪಾಯನೇನೇದಂ ಕೃತಂ ಪುಣ್ಯಚಿಕೀರ್ಷುಣಾ॥ 1-62-30 (2474) ಕೀರ್ತಿಂ ಪ್ರಥಯತಾ ಲೋಕೇ ಪಾಂಡವಾನಾಂ ಮಹಾತ್ಮನಾಂ। ಅನ್ಯೇಷಾಂ ಕ್ಷತ್ರಿಯಾಣಾಂ ಚ ಭೂರಿದ್ರವಿಣತೇಜಸಾಂ॥ 1-62-31 (2475) ಸರ್ವವಿದ್ಯಾವದಾತಾನಾಂ ಲೋಕೇ ಪ್ರಥಿತಕರ್ಮಣಾಂ। ಯ ಇದಂ ಮಾನವೋ ಲೋಕೇ ಪುಣ್ಯಾರ್ಥೇ ಬ್ರಾಹ್ಮಣಾಂಛುಚೀನ್॥ 1-62-32 (2476) ಶ್ರಾವಯೇತ ಮಹಾಪುಣ್ಯಂ ತಸ್ಯ ಧರ್ಮಃ ಸನಾತನಃ। ಕುರೂಣಾಂ ಪ್ರಥಿತಂ ವಂಶಂ ಕೀರ್ತಯನ್ಸತತಂ ಶುಚಿಃ॥ 1-62-33 (2477) ವಂಶಮಾಪ್ನೋತಿ ವಿಪುಲಂ ಲೋಕೇ ಪೂಜ್ಯತಮೋ ಭವೇತ್। ಯೋಽಧೀತೇ ಭಾರತಂ ಪುಂಯಂ ಬ್ರಾಹ್ಮಣೋ ನಿಯತವ್ರತಃ॥ 1-62-34 (2478) ಚತುರೋ ವಾರ್ಷಿಕಾನ್ಮಾಸಾನ್ಸರ್ವಪಾಪೈಃ ಪ್ರಮುಚ್ಯತೇ। ವಿಜ್ಞೇಯಃ ಸ ಚ ವೇದಾನಾಂ ಪಾರಗೋ ಭಾರತಂ ಪಠನ್॥ 1-62-35 (2479) ದೇವಾ ರಾಜರ್ಷಯೋ ಹ್ಯತ್ರ ಪುಣ್ಯಾ ಬ್ರಹ್ಮರ್ಷಯಸ್ತಥಾ। ಕೀರ್ತ್ಯಂತೇ ಧೂತಪಾಪ್ಮಾನಃ ಕೀರ್ತ್ಯತೇ ಕೇಶವಸ್ತಥಾ॥ 1-62-36 (2480) ಭಗವಾಂಶ್ಚಾಪಿ ದೇವೇಶೋ ಯತ್ರ ದೇವೀ ಚ ಕೀರ್ತ್ಯತೇ। ಅನೇಕಜನನೋ ಯತ್ರ ಕಾರ್ತಿಕೇಯಸ್ಯ ಸಂಭವಃ॥ 1-62-37 (2481) ಬ್ರಾಹ್ಮಣಾನಾಂ ಗವಾಂ ಚೈವ ಮಾಹಾತ್ಂಯಂ ಯತ್ರ ಕೀರ್ತ್ಯತೇ। ಸರ್ವಶ್ರುತಿಸಮೂಹೋಽಯಂ ಶ್ರೋತವ್ಯೋ ಧರ್ಮಬುದ್ಧಿಭಿಃ॥ 1-62-38 (2482) ಯ ಇದಂ ಶ್ರಾವಯೇದ್ವಿದ್ವಾನ್ಬ್ರಾಹ್ಮಣಾನಿಹ ಪರ್ವಸು। ಧೂತಪಾಪ್ಮಾ ಜಿತಸ್ವರ್ಗೋ ಬ್ರಹ್ಮ ಗಚ್ಛತಿ ಶಾಶ್ವತಂ॥ 1-62-39 (2483) ಶ್ರಾವಯೇದ್ಬ್ರಾಹ್ಮಣಾಞ್ಶ್ರಾದ್ಧೇ ಯಶ್ಚೇಮಂ ಪಾದಮಂತತಃ। ಅಕ್ಷಯ್ಯಂ ತಸ್ಯ ತಚ್ಛ್ರಾದ್ಧಮುಪಾವರ್ತೇತ್ಪಿತೄನಿಹ॥ 1-62-40 (2484) ಅಹ್ನಾ ಯದೇನಃ ಕ್ರಿಯತೇ ಇಂದ್ರಿಯೈರ್ಮನಸಾಽಪಿ ವಾ। ಜ್ಞಾನಾದಜ್ಞಾನತೋ ವಾಪಿ ಪ್ರಕರೋತಿ ನರಶ್ಚ ಯತ್॥ 1-62-41 (2485) ತನ್ಮಹಾಭಾರತಾಖ್ಯಾನಂ ಶ್ರುತ್ವೈವ ಪ್ರವಿಲೀಯತೇ। ಭರತಾನಾಂ ಮಹಜ್ಜನ್ಮ ಮಹಾಭಾರತಮುಚ್ಯತೇ॥ 1-62-42 (2486) ನಿರುಕ್ತಮಸ್ಯ ಯೋ ವೇದ ಸರ್ವಪಾಪೈಃ ಪ್ರಮುಚ್ಯತೇ। ಭರತಾನಾಂ ಮಹಜ್ಜನ್ಮ ಮಹಾಭಾರತಮುಚ್ಯತೇ॥ 1-62-43 (2487) ಮಹತೋ ಹ್ಯೇನಸೋ ಮರ್ತ್ಯಾನ್ಮೋಚಯೇದನುಕೀರ್ತಿತಃ। ತ್ರಿಭಿರ್ವರ್ಷೈರ್ಮಹಾಭಾಗಃ ಕೃಷ್ಣದ್ವೈಪಾಯನೋಽಬ್ರವೀತ್॥ 1-62-44 (2488) ನಿತ್ಯೋತ್ಥಿತಃ ಶುಚಿಃ ಶಕ್ತೋ ಮಹಾಭಾರತಮಾದಿತಃ। ತಪೋನಿಯಮಮಾಸ್ಥಾಯ ಕೃತಮೇತನ್ಮಹರ್ಷಿಣಾ॥ 1-62-45 (2489) ತಸ್ಮಾನ್ನಿಯಮಸಂಯುಕ್ತೈಃ ಶ್ರೋತವ್ಯಂ ಬ್ರಾಹ್ಮಣೈರಿದಂ। ಕೃಷ್ಣಪ್ರೋಕ್ತಾಮಿಮಾಂ ಪುಣ್ಯಾಂ ಭಾರತೀಮುತ್ತಮಾಂ ಕಥಾಂ॥ 1-62-46 (2490) ಶ್ರಾವಯಿಷ್ಯಂತಿ ಯೇ ವಿಪ್ರಾ ಯೇ ಚ ಶ್ರೋಷ್ಯಂತಿ ಮಾನವಾಃ। ಸರ್ವಥಾ ವರ್ತಮಾನಾ ವೈ ನ ತೇ ಶೋಚ್ಯಾಃ ಕೃತಾಕೃತೈಃ॥ 1-62-47 (2491) ನರೇಣ ಧರ್ಮಕಾಮೇನ ಸರ್ವಃ ಶ್ರೋತವ್ಯ ಇತ್ಯಪಿ। ನಿಖಿಲೇನೇತಿಹಾಸೋಽಯಂ ತತಃ ಸಿದ್ಧಿಮವಾಪ್ನುಯಾತ್॥ 1-62-48 (2492) ನ ತಾಂ ಸ್ವರ್ಗಗತಿಂ ಪ್ರಾಪ್ಯ ತುಷ್ಟಿಂ ಪ್ರಾಪ್ನೋತಿ ಮಾನವಃ। ಯಾಂ ಶ್ರುತ್ವೈವಂ ಮಹಾಪುಣ್ಯಮಿತಿಹಾಸಮುಪಾಶ್ನುತೇ॥ 1-62-49 (2493) ಶೃಣ್ವಞ್ಶ್ರಾದ್ಧಃ ಪುಣ್ಯಶೀಲಃ ಶ್ರಾವಯಂಶ್ಚೇದಮದ್ಭುತಂ। ನರಃ ಫಲಮವಾಪ್ನೋತಿ ರಾಜಸೂಯಾಶ್ವಮೇಧಯೋಃ॥ 1-62-50 (2494) ಯಥಾ ಸಮುದ್ರೋ ಭಗವಾನ್ಯಥಾ ಮೇರುರ್ಮಹಾಗಿರಿಃ। ಉಭೌ ಖ್ಯಾತೌ ರತ್ನನಿಧೀ ತಥಾ ಭಾರತಮುಚ್ಯತೇ॥ 1-62-51 (2495) ಇದಂ ಹಿ ವೇದೈಃ ಸಮಿತಂ ಪವಿತ್ರಮಷಿ ಚೋತ್ತಮಂ। ಶ್ರಾವ್ಯಂ ಶ್ರುತಿಸುಖಂ ಚೈವ ಪಾವನಂ ಶೀಲವರ್ಧನಂ॥ 1-62-52 (2496) ಯ ಇದಂ ಭಾರತಂ ರಾಜನ್ವಾಚಕಾಯ ಪ್ರಯಚ್ಛತಿ। ತೇನ ಸರ್ವಾ ಮಹೀ ದತ್ತಾ ಭವೇತ್ಸಾಗರಮೇಖಲಾ॥ 1-62-53 (2497) ಪಾರಿಕ್ಷಿತ ಕಥಾಂ ದಿವ್ಯಾಂ ಪುಣ್ಯಾಯ ವಿಜಯಾಯ ಚ। ಕಥ್ಯಮಾನಾಂ ಮಯಾ ಕೃತ್ಸ್ನಾಂ ಶೃಣು ಹರ್ಷಕರೀಮಿಮಾಂ॥ 1-62-54 (2498) ತ್ರಿಭಿರ್ವರ್ಷೈಃ ಸದೋತ್ಥಾಯೀ ಕೃಷ್ಣದ್ವೈಪಾಯನೋ ಮುನಿಃ। ಮಹಾಭಾರತಮಾಖ್ಯಾನಂ ಕೃತವಾನಿದಮದ್ಭುತಂ॥ 1-62-55 (2499) ಶೃಣು ಕೀರ್ತಯತಸ್ತನ್ಮ ಇತಿಹಾಸಂ ಪುರಾತನಂ॥ ॥ 1-62-56 (2500) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಅಂಶಾವತರಣಪರ್ವಣಿ ದ್ವಿಷಷ್ಟಿತಮೋಽಧ್ಯಾಯಃ॥ 62 ॥

1-63-0 (2501) ವೈಶಂಪಾಯನ ಉವಾಚ। 1-63-0x (300) ಪೂರೋರ್ವಂಶಮಹಂ ಧನ್ಯಂ ರಾಜ್ಞಾಮಮಿತತೇಜಸಾಂ। ಪ್ರವಕ್ಷ್ಯಾಮಿ ಪಿತೄಣಾಂ ತೇ ತೇಷಾಂ ನಾಮಾನಿ ಮೇ ಶೃಮು॥ 1-63-1 (2502) ಅವ್ಯಕ್ತಪ್ರಭವೋ ಬ್ರಹ್ಮಾ ಶಾಶ್ವತೋ ನಿತ್ಯ ಅವ್ಯಯಃ। ತಸ್ಮಾನ್ಮರೀಚಿಃ ಸಂಜಜ್ಞೇ ದಕ್ಷಶ್ಚೈವ ಪ್ರಜಾಪತಿಃ॥ 1-63-2 (2503) ಅಂಗುಷ್ಠಾದ್ದಕ್ಷಮಸೃಜಚ್ಚಕ್ಷುರ್ಭ್ಯಾಂ ಚ ಮರೀಚಿನಂ। ಮರೀಚೇಃ ಕಶ್ಯಪಃ ಪುತ್ರೋ ದಕ್ಷಸ್ಯ ದುಹಿತಾಽಽದಿತಿಃ॥ 1-63-3 (2504) ಅದಿತ್ಯಾಂ ಕಶ್ಯಪಾದ್ವಿವಸ್ಥಾನ್। ವಿವಸ್ವತೋ ಮನುರ್ಮನೋರಿಲಾ॥ 1-63-4 (2505) ಇಲಾಯಾಃ ಪುರೂರವಾಃ। ಪುರೂರವಸ ಆಯುಃ। ಆಯುಷೋ ನಹುಷಃ। ನಹುಷಸ್ಯ ಯಯಾತಿಃ॥ 1-63-5 (2506) ಯಯಾತೇರ್ದ್ವೇ ಭಾರ್ಯೇ ಬಭೂವತುಃ। ಉಶನಸೋ ದುಹಿತಾ ದೇವಯಾನೀ ವೃಷಪರ್ವಣಶ್ಚ ದುಹಿತಾ ಶರ್ಮಿಷ್ಠಾ ನಾಮ॥ 1-63-6 (2507) ತತ್ರಾನುವಂಶೋ ಭವತಿ। ಯದುಂ ಚ ತುರ್ವಸುಂ ಚೈವ ದೇವಯಾನೀ ವ್ಯಜಾಯತ। ದ್ರುಹ್ಯಂ ಚಾನುಂ ಚ ಪೂರುಂ ಚ ಶರ್ಮಿಷ್ಠಾ ವಾರ್ಷಪರ್ವಣೀ॥ 1-63-7 (2508) ತತ್ರ ಯದೋರ್ಯಾದವಾಃ। ಪೂರೋಃ ಪೌರವಾಃ। ಪೂರೋರ್ಭಾರ್ಯಾ ಕೌಸಲ್ಯಾ ಬಭೂವ। ತಸ್ಯಾಮಸ್ಯ ಜಜ್ಞೇ ಜನಮೇಜಯಃ॥ 1-63-8 (2509) ಸ ತ್ರೀನ್ಹಯಮೇಧಾನಾಜಹಾರ। ವಿಶ್ವಜಿತಾ ಚೇಷ್ಟ್ವಾ ವನಂ ಪ್ರವಿವೇಶ॥ 1-63-9 (2510) ಜನಮೇಜಯಸ್ತು ಸುನಂದಾಂ ನಾಮೋಪಯೇಮೇ ಮಾಗಧೀಂ। ತಸ್ಯಾಮಸ್ಯ ಜಜ್ಞೇ ಪ್ರಾಚೀನ್ವಾನ್॥ 1-63-10 (2511) ಯಃ ಪ್ರಾಚೀಂ ದಿಶಂ ಜಿಗಾಯ। ಯಾವತ್ಸೂರ್ಯಾದಯಾತ್ ತತ್ತಸ್ಯ ಪ್ರಾಚೀನತ್ವಂ॥ 1-63-11 (2512) ಪ್ರಾಚೀನ್ವಾಂಸ್ತು ಖಲ್ವಾಶ್ಮಕೀಮುಪಯೇಮೇ ಯಾದವೀಂ। ತಸ್ಯಾಮಸ್ಯ ಜಜ್ಞೇ ಶಸ್ಯಾತಿಃ॥ 1-63-12 (2513) ಶಯ್ಯಾತಿಸ್ತು ತ್ರಿಶಂಕೋರ್ದುಹಿತರಂ ವರಾಂಗೀಂ ನಾಮೋಪಯೇಮೇ ತಸ್ಯಾಮಸ್ಯ ಜಜ್ಞೇಽಹಂಯಾತಿಃ॥ 1-63-13 (2514) ಅಹಂಯಾತಿಸ್ತು ಖಲು ಕೃತವೀರ್ಯದುಹಿತರಂ ಭಾನುಮತೀಂ ನಾಮೋಪಯೇಮೇ। ತಸ್ಯಾಮಸ್ಯ ಜಜ್ಞೇ ಸಾರ್ವಭೌಮಃ॥ 1-63-14 (2515) ಸಾರ್ವಭೌಮಸ್ತು ಖಲು ಜಿತ್ವಾಽಽಜಹಾರ ಕೈಕಯೀಂ ಸುಂದರಾಂ ನಾಮ ತಾಮುಪಯೇಮೇ। ತಸ್ಯಾಮಸ್ಯ ಜಜ್ಞೇ ಜಯತ್ಸೇನಃ॥ 1-63-15 (2516) ಜಯತ್ಸೇನಸ್ತು ಖಲು ವೈದರ್ಭೀಮುಪಯೇಮೇ ಸುಶ್ರವಾಂ ನಾಮ। ತಸ್ಯಾಮಸ್ಯ ಜಜ್ಞೇಽಪರಾಚೀನಃ॥ 1-63-16 (2517) ಅಪರಾಚೀನಸ್ತು ಖಲು ವೈದರ್ಭೀಮಪರಾಮುಪಯೇಮೇ ಮರ್ಯಾದಾಂ ನಾಮ। ತಸ್ಯಾಮಸ್ಯ ಜಜ್ಞೇಽರಿಹಃ॥ 1-63-17 (2518) ಅರಿಹಃ ಖಲ್ವಾಂಗೀಮುಪೇಯೇಮೇ। ತಸ್ಯಾಮಸ್ಯ ಜಜ್ಞೇ ಮಹಾಭೌಮಃ॥ 1-63-18 (2519) ಮಹಾಭೌಮಸ್ತು ಖಲು ಪ್ರಸೇನಜಿದ್ದುಹಿತರಮುಪಯೇಮೇ ಸುಯಜ್ಞಾಂ ನಾಮ। ತಸ್ಯಾಮಸ್ಯ ಜಜ್ಞೇ ಅಯುತಾನಾಯೀ॥ 1-63-19 (2520) ಯಃ ಪುರುಷಮೇಧೇ ಪುರುಷಾಣಾಮಯುತಮಾನಯತ್ತತ್ತಸ್ಯಾಯುತಾನಾಯಿತ್ವಂ॥ 1-63-20 (2521) ಅಯುತಾನಾಯೀ ತು ಖಲು ಪೃಥುಶ್ರವಸೋ ದುಹಿತರಮುಪಯೇಮೇ ಭಾಸಾಂ ನಾಮ। ತಸ್ಯಾಮಸ್ಯ ಜಜ್ಞೇಽಕ್ರೋಧನಃ॥ 1-63-21 (2522) ಅಕ್ರೋಧನಸ್ತು ಖಲು ಕಾಲಿಂಗೀಂ ಕಂಡೂಂ ನಾಮೋಪಯೇಮೇ। ತಸ್ಯಾಮಸ್ಯ ಜಜ್ಞೇ ದೇವಾತಿಥಿಃ॥ 1-63-22 (2523) ದೇವಾತಿಥಿಸ್ತು ಖಲು ವೈದರ್ಭೀಮುಪಯೇಮೇ ಮರ್ಯಾದಾಂ ನಾಮ ತಸ್ಯಾಮಸ್ಯ ಜಜ್ಞೇ ಋಚಃ॥ 1-63-23 (2524) ಋಚಸ್ತು ಖಲು ವಾಮದೇವ್ಯಾಮಂಗರಾಜಕನ್ಯಾಯಾಮೃಕ್ಷಂ ಪುತ್ರಮಜೀಜನತ್॥ 1-63-24 (2525) ಋಕ್ಷಸ್ತು ಖಲು ತಕ್ಷಕದುಹಿತರಂ ಜ್ವಲಂತೀಂ ನಾಮೋಪಯೇಮೇ। ತಸ್ಯಾಮಂತ್ಯನಾರಮುತ್ಪಾದಯಾಮಾಸ॥ 1-63-25 (2526) ಅಂತ್ಯನಾರಸ್ತು ಖಲು ಸರಸ್ವತ್ಯಾಂ ದ್ವಾದಶವಾರ್ಷಿಕಂ ಸತ್ರಮಾಜಹಾರ। ತಮುದವಸಾನೇ ಸರಸ್ವತ್ಯಭಿಗಂಯ ಭರ್ತಾರಂ ವರಯಾಮಾಸ॥ 1-63-26 (2527) ತಸ್ಯಾಂ ಪುತ್ರಂ ಜನಯಾಮಾಸ ತ್ರಸ್ನುಂ ನಾಮ। ಅತ್ರಾನುವಂಶೋ ಭವತಿ॥ 1-63-27 (2528) ತ್ರಸ್ನುಂ ಸರಸ್ವತೀ ಪುತ್ರಮಂತ್ಯನಾರಾದಜೀಜನತ್। ಇಲಿಲಂ ಜನಯಾಮಾಸ ಕಾಲಿಂದ್ಯಾಂತ್ರಸ್ನುರಾತ್ಮಜಂ॥ 1-63-28 (2529) ಇಲಿಲಸ್ತು ರಥಂತರ್ಯಾಂ ದುಷ್ಯಂತಾದೀನ್ಪಂಚ ಪುತ್ರಾನಜೀಜನತ್॥ 1-63-29 (2530) ದುಷ್ಯಂತಸ್ತು ಲಾಕ್ಷೀಂ ನಾಮ ಭಾಗೀರಥೀಮುಪಯೇಮೇ ತಸ್ಯಾಮಸ್ಯ ಜಜ್ಞೇ ಜನಮೇಜಯಃ॥ 1-63-30 (2531) ಸಏವ ದುಷ್ಯಂತೋ ವಿಶ್ವಾಮಿತ್ರದುಹಿತರಂ ಶಕುಂತಲಾಂ ನಾಮೋಪಯೇಮೇ। ತಸ್ಯಾಮಸ್ಯ ಜಜ್ಞೇ ಭರತಃ॥ 1-63-31 (2532) ತತ್ರೇಮೌ ಶ್ಲೋಕೌ ಭವತಃ। ಮಾತಾ ಭಸ್ತ್ರಾ ಪಿತುಃ ಪುತ್ರೋ ಯಸ್ಮಾಜ್ಜಾತಃ ಸ ಏವ ಸಃ। ಭರಸ್ವ ಪುತ್ರಂ ದೌಷ್ಯಂತಿಂ ಸತ್ಯಮಾಹ ಶಕುಂತಲಾ॥ 1-63-32 (2533) ರೇತೋಧಾಃ ಪುತ್ರ ಉನ್ನಯತಿ ನರದೇವ ಯಮಕ್ಷಯಾತ್। ತ್ವಂ ಚಾಸ್ಯ ಧಾತಾ ಗರ್ಭಸ್ಯ ಸತ್ಯಮಾಹ ಶಕುಂತಲಾ॥ 1-63-33 (2534) ತತೋಽಸ್ಯ ಭರತತ್ವಂ। ಭರತಸ್ತು ಖಲು ಕಾಶೇಯೀಂ ಸಾರ್ವಸೇನೀಮುಪಯೇಮೇ ಸುನಂದಾಂ ನಾಮ। ತಸ್ಯಾಮಸ್ಯ ಜಜ್ಞೇ ಭುಮನ್ಯುಃ॥ 1-63-34 (2535) ಭುಮನ್ಯುಸ್ತು ಖಲು ದಾಶಾರ್ಹೀಮುಪಯೇಮೇ ಸುವರ್ಣಾಂ ನಾಮ। ತಸ್ಯಾಮಸ್ಯ ಜಜ್ಞೇ ಸುಹೋತ್ರಃ॥ 1-63-35 (2536) ಸುಹೋತ್ರಸ್ತು ಖಲ್ವೈಕ್ಷ್ವಾಕೀಮುಪಯೇಮೇ ಜಯಂತೀಂ ನಾಮ। ತಸ್ಯಾಮಸ್ಯ ಜಜ್ಞೇ ಹಸ್ತೀ। ಯ ಇದಂ ಪುರಂ ನಿರ್ಮಾಪಯಾಮಾಸ॥ 1-63-36 (2537) ತಸ್ಮಾದ್ಧಾಸ್ತಿನಪುರತ್ವಂ। ಹಸ್ತೀ ಖಲು ತ್ರೈಗರ್ತೀಮುಪಯೇಮೇ ಯಶೋದಾಂ ನಾಮ ತಸ್ಯಾಮಸ್ಯ ಜಜ್ಞೇ ವಿಕುಂಜತಃ॥ 1-63-37 (2538) ವಿಕುಂಜನಸ್ತು ಖಲು ದಾಶಾರ್ಹೀಮುಪಯೇಮೇ ಸುಂದರಾಂ ನಾಮ। ತಸ್ಯಾಮಸ್ಯ ಜಜ್ಞೇಽಜಮೀಢಃ॥ 1-63-38 (2539) ಅಜಮೀಢಸ್ಯ ತು ಚತುರ್ವಿಂಶತಿಪುತ್ರಶತಂ ಬಭೂವ। ಕೈಕಯ್ಯಾಂ ನಾಗಾಯಾಂ ಗಾಂಧಾರ್ಯಾಂ ವಿಮಲಾಯಾಮೃಕ್ಷಾಯಾಮಿತಿ॥ 1-63-39 (2540) ಪೃಥಗ್ವಂಶಕರ್ತಾರೋ ನೃಪತಯಃ। ತತ್ರ ಅಜಮೀಢಾದೃಕ್ಷಾಯಾಂ ಸಂವರಣೋ ಜಜ್ಞೇ ಸ ವಂಶಕರಃ॥ 1-63-40 (2541) ಸವರಣಸ್ತು ವೈವಸ್ವತೀಂ ತಪತೀಂ ನಾಮೋಪಯೇಮೇ। ತಸ್ಯಾಮಸ್ಯ ಜಜ್ಞೇ ಕುರುಃ॥ 1-63-41 (2542) ಕುರುಸ್ತು ಖಲು ದಾಶಾರ್ಹೀಮುಪಯೇಮೇ ಶುಭಾಂಗೀಂ ನಾಮ। ತಸ್ಯಾಮಸ್ಯ ಜಜ್ಞೇ ವಿದೂರಥಃ॥ 1-63-42 (2543) ವಿದೂರಥಸ್ತು ಖಲು ಮಾಗಧೀಮುಪಯೇಮೇ ಸಂಪ್ರಿಯಾಂ ನಾಮ। ತಸ್ಯಾಮಸ್ಯ ಜಜ್ಞೇಽನಶ್ವಾನ್॥ 1-63-43 (2544) ಅನಶ್ವಾಂಸ್ತು ಖಲು ಮಾಗಧೀಮುಪಯೇಮೇಽಮೃತಾಂ ನಾಮ। ತಸ್ಯಾಮಸ್ಯ ಜಜ್ಞೇ ಪರಿಕ್ಷಿತ್॥ 1-63-44 (2545) ಪರಿಕ್ಷಿತ್ಖಲು ಬಾಹುಕಾಮುಪಯೇಮೇ ಸುವೇಷಾಂ ನಾಮ। ತಸ್ಯಾಮಸ್ಯ ಜಜ್ಞೇ ಭೀಮಸೇನಃ॥ 1-63-45 (2546) ಭೀಮಸೇನಸ್ತು ಖಲು ಕೈಕಯೀಮುಪಯೇಮೇ ಸುಕುಮಾರೀಂ ನಾಮ। ತಸ್ಯಾಮಸ್ಯ ಜಜ್ಞೇ ಪರಿಶ್ರವಾಃ॥ 1-63-46 (2547) ಯಮಾಹುಃ ಪ್ರತೀಪ ಇತಿ। ಪ್ರತೀಪಸ್ತು ಖಲು ಶೈಬ್ಯಾಮುಪಯೇಮೇ ಸುನಂದೀಂ ನಾಮ। ತಸ್ಯಾಂ ತ್ರೀನ್ಪುತ್ರಾನುತ್ಪಾದಯಾಮಾಸ ದೇವಾಪಿಂ ಶಂತನುಂ ಬಾಹ್ಲೀಕಂ ಚೇತಿ॥ 1-63-47 (2548) ದೇವಾಪಿಸ್ತು ಖಲು ಬಾಲ ಏವಾರಣ್ಯಂ ಪ್ರವಿವೇಶ। ಶಂತನುಸ್ತು ಮಹೀಪಾಲೋಽಭವತ್॥ 1-63-48 (2549) ತತ್ರ ಶ್ಲೋಕೋ ಭವತಿ। ಯಂ ಯಂ ಕರಾಭ್ಯಾಂ ಸ್ಪೃಶತಿ ಜೀರ್ಣಂ ಸ ಸುಖಮಶ್ನುತೇ। ಪುನರ್ಯುವಾ ಚ ಭವತಿ ತಸ್ಮಾತ್ತಂ ಶಂತನುಂ ವಿದುಃ॥ 1-63-49 (2550) ತದಸ್ಯ ಶಂತನುತ್ವಂ। ಶಂತನುಸ್ತು ಖಲು ಗಂಗಾಂ ಭಾಗೀರಥೀಮುಪಯೇಮೇ ತಸ್ಯಾಮಸ್ಯ ಜಜ್ಞೇ ದೇವವ್ರತಃ। ಯಮಾಹುರ್ಭೀಷ್ಮ ಇತಿ॥ 1-63-50 (2551) ಭೀಷ್ಮಸ್ತು ಖಲು ಪಿತುಃ ಪ್ರಿಯಚಿಕೀರ್ಷಯಾ ಸತ್ಯವತೀಮಾನಯಾಮಾಸ ಮಾತರಂ। ಯಾಮಾಹುಃ ಕಾಲೀತಿ॥ 1-63-51 (2552) ತಸ್ಯಾಂ ಪೂರ್ವಂ ಪುರಾಶರಾತ್ಕನ್ಯಾಗರ್ಭೋ ದ್ವೈಪಾಯನಃ। ತಸ್ಯಾಮೇವ ಶಂತನೋರ್ದ್ವೌ ಪುತ್ರೌ ಬಭೂವತುಃ ಚಿತ್ರಾಂಗದೋ ವಿಚಿತ್ರವೀರ್ಯಶ್ಚ॥ 1-63-52 (2553) ಚಿತ್ರಾಂಗದಸ್ತು ಪ್ರಾಪ್ತರಾಜ್ಯ ಏವ ಗಂಧರ್ವೇಣ ನಿಹೃತಃ। ತತೋ ವಿಚಿತ್ರವೀರ್ಯೋ ರಾಜಾ ಬಭೂವ॥ 1-63-53 (2554) ವಿಚಿತ್ರವೀರ್ಯಸ್ತು ಖಲುಕಾಶಿರಾಜಸ್ಯ ಸುತೇ ಅಂಬಿಕಾಂಬಾಲಿಕೇ ಉದವಹತ್। ವಿಚಿತ್ರವೀರ್ಯೋಽನುತ್ಪನ್ನಾಪತ್ಯ ಏವ ವಿದೇಹತ್ವಂ ಪ್ರಾಪ್ತಃ॥ 1-63-54 (2555) ತತಃ ಸತ್ಯವತೀ ಚಿಂತಯಾಮಾಸ ಕಥಂ ನು ಖಲು ಶಂತನೋಃ ಪಿಂಡವಿಚ್ಛೇದೋ ನ ಸ್ಯಾದಿತಿ॥ 1-63-55 (2556) ಸಾಥ ದ್ವೈಪಾಯನಂ ಚಿಂತಯಾಮಾಸ ಸೋಽಗ್ರತಃ ಸ್ಥಿತಃ ಕಿಂ ಕರವಾಣೀತಿ। ತಂ ಸತ್ಯವತ್ಯುವಾಚ ಭ್ರಾತಾ ತೇಽನಪತ್ಯ ಏವ ಸ್ವರ್ಗತಃ ತಸ್ಯಾರ್ಥೇಽಪತ್ಯಮುತ್ಪಾದಯೇತಿ॥ 1-63-56 (2557) ಸ ಪರಮಿತ್ಯುವಾಚ ಸ ತತ್ರ ತ್ರೀನ್ಪುತ್ರಾನುತ್ಪಾದಯಾಮಾಸ ಧೃತರಾಷ್ಟ್ರಂ ಪಾಂಡುಂ ವಿದುರಂ ಚೇತಿ॥ 1-63-57 (2558) ಧೃತರಾಷ್ಟ್ರಾತ್ಪುತ್ರಶತಂ ಬಭೂವ ಗಾಂಧಾರ್ಯಾಂ ವರದಾನಾದ್ದ್ವೈಪಾಯನಸ್ಯ ತೇಷಾಂ ಚ ಧಾರ್ತರಾಷ್ಟ್ರಾಣಾಂ ಚತ್ವಾರಃ ಪ್ರಧಾನಾಃ ದುರ್ಯೋಧನೋ ದುಶ್ಶಾಸನೋ ವಿಕರ್ಣಶ್ಚಿತ್ರಸೇನಶ್ಚೇತಿ॥ 1-63-58 (2559) ಪಾಂಡೋಸ್ತು ಕುಂತೀ ಮಾದ್ರೀತಿ ಸ್ತ್ರೀರತ್ನೇ ಬಭೂವತುಃ। ಸ ಮೃಗಯಾಂ ಚರನ್ಮೈಥುನಗತಮೃಷಿಂ ಮೃಗಚಾರಿಣಂ ಬಾಣೇನ ಜಘಾನ॥ 1-63-59 (2560) ಸ ಬಾಣವಿದ್ಧ ಉವಾಚ ಪಾಂಡುಂ। ಅತ್ರ ಶ್ಲೋಕೋ ಭವತಿ॥ 1-63-60 (2561) ಯೋಽಕೃತಾರ್ಥಂ ಹಿ ಮಾಂ ಗ್ರೂರ ಬಾಣೇನಾಘ್ನಾ ಮೃಗವ್ರತಂ। ತ್ವಾಮಪ್ಯೇತಾದೃಶೋ ಭಾವಃ ಕ್ಷಿಪ್ರಮೇವಾಗಮಿಷ್ಯತಿ॥ 1-63-61 (2562) ಇತಿ ಮೃಗವ್ರತಚಾರಿಣಾ ಋಷಿಣಾ ಶಪ್ತಃ। ಸ ವಿಷಣ್ಣರೂಪಃ ಪಾಂಡುಸ್ತಂ ಶಾಪಂ ಪರಿಹರನ್ನೋಪಸರ್ಪತಿ ಭಾರ್ಯೇ॥ 1-63-62 (2563) ಕದಾಚಿತ್ಸ ಆಹ। ಸ್ವಚಾಪಲ್ಯಾದಿದಂ ಪ್ರಾಪ್ತವಾನಹಂ। ಪುರಾಣೇಷು ಪಠ್ಯಮಾನಂ ಶೃಣೋಮಿ ನಾನಪತ್ಯಸ್ಯ ಲೋಕಾಃ ಸಂತೀತಿ॥ 1-63-63 (2564) ಸಾ ತ್ವಂ ಮದರ್ಥೇ ಪುತ್ರಾನುತ್ಪಾದಯೇತಿ ಕುಂತೀಮುವಾಚ॥ 1-63-64 (2565) ಸಾ ಕುಂತೀ ಪುತ್ರಾನುತ್ಪಾದಯಾಮಾಸ ಧರ್ಮಾದ್ಯುಧಿಷ್ಠಿರಂ ಮಾರುತಾದ್ಭೀಮಸೇನಮಿಂದ್ರಾದರ್ಜುನಮಿತಿ। ಸ ಹೃಷ್ಟರೂಪಃ ಪಾಂಡುರುವಾಚ। ಇಯಂ ತೇ ಸಪತ್ನೀ ಭವತಿ ಮಾದ್ರ್ಯನಪತ್ಯಾ ವ್ರೀಡಿತಾ ಸಾಧ್ವೀ ಅಸ್ಯಾಮಪತ್ಯಮುತ್ಪಾದ್ಯತಾಮಿತಿ॥ 1-63-65 (2566) ಸಾ ಕುಂತೀ ತಸ್ಯೈ ಮಾದ್ರ್ಯೈ ತಥೇತಿ ವ್ರತಮಾದಿದೇಶ। ತತಸ್ತಸ್ಯಾಂ ನಕುಲಸಹದೇವೌ ಯಮಾವಶ್ವಿಭ್ಯಾಂ ಜಜ್ಞಾತೇ॥ 1-63-66 (2567) ಮಾದ್ರೀಂ ತು ಖಲು ಸ್ವಲಂಕೃತಾಂ ದೃಷ್ಟ್ವಾ ಪಾಂಡುರ್ಭಾವಂ ಚಕ್ರೇ। ಸ ತಾಂ ಪ್ರಾಪ್ಯೈವ ವಿದೇಹತ್ವಂ ಪ್ರಾಪ್ತಃ॥ 1-63-67 (2568) ತತಸ್ತೇನ ಸಹ ಚಿತಾಮನ್ವಾರುರೋಹ ಮಾದ್ರೀ। ಕುಂತೀಂ ಚೋವಾಚ ಯಮಯೋರಾರ್ಯಯಾಽಪ್ರಮತ್ತಯಾ ಭವಿತವ್ಯಮಿತಿ॥ 1-63-68 (2569) ತತಃ ಪಂಚಪಾಂಡವಾನ್ಸಹ ಕುಂತ್ಯಾ ಹಾಸ್ತಿನಪುರಂ ನಯಂತಿ ಸ್ಮ ತಪಸ್ವಿನಃ॥ 1-63-69 (2570) ತತ್ರ ಭೀಷ್ಮಾಯ ಧೃತರಾಷ್ಟ್ರವಿದುರಯೋಃ ಪಾಂಡೋಃ ಸ್ವರ್ಗಗಮನಂ ಯಾಥಾತಥ್ಯಂ ನಿವೇದಯಂತಿಸ್ಮ ತಪಸ್ವಿನಃ॥ 1-63-70 (2571) ಪಾಂಡವಾನ್ಸಹ ಕುಂತ್ಯಾ ಜತುಗೃಹೇ ದಾಹಯಿತುಕಾಮೋ ಧೃತರಾಷ್ಟ್ರಾತ್ಮಜೋಽಭೂತ್॥ 1-63-71 (2572) ತಾಂಶ್ಚ ವಿದುರೋ ಮೋಕ್ಷಯಾಮಾಸ। ತತೋ ಭೀಮೋ ಹಿಡಿಂಬಂ ಹತ್ವಾ ಪುತ್ರಮುತ್ಪಾದಯಾಮಾಸ ಹಿಡಿಂಬಾಯಾಂ ಘಟೋತ್ಕಚಂ ನಾಮ॥ 1-63-72 (2573) ತತಶ್ಚೈಕಚಕ್ರಾಂ ಜಗ್ಮುಃ ಕುಶಲಿನಃ। ತತಃ ಪಾಂಚಾಲವಿಷಯಂ ಗತ್ವಾ ಸ್ವಯಂವರೇ ದ್ರೌಪದೀಂ ಲಬ್ಧ್ವಾಽರ್ಧರಾಜ್ಯಂ ಪ್ರಾಪ್ಯೇಂದ್ರಪ್ರಸ್ಥನಿವಾಸಿನಸ್ತಸ್ಯಾಂ ಪುತ್ರಾನುತ್ಪಾದಯಾಮಾಸುರ್ದ್ರೌಪದ್ಯಾಂ॥ 1-63-73 (2574) ಪ್ರತಿವಿಂಧ್ಯಾಂ ಯುಧಿಷ್ಠಿರಃ। ಸುತಸೋಮಂ ವೃಕೋದರಃ। ಶ್ರುತಕೀರ್ತಿಮರ್ಜುನಃ। ಶತಾನೀಕಂ ನಕುಲಃ। ಶ್ರುತಸೇನಂ ಸಹದೇವ ಇತಿ॥ 1-63-74 (2575) ಶೈವ್ಯಸ್ಯ ಕನ್ಯಾಂ ದೇವಕೀಂ ನಾಮೋಪಯೇಮೇ ಯುಧಿಷ್ಠಿರಃ। ತಸ್ಯಾಂ ಪುತ್ರಂ ಜನಯಾಮಾಸ ಯೌಧೇಯಂ ನಾಮ॥ 1-63-75 (2576) ಭೀಮಸೇನಸ್ತು ವಾರಾಣಸ್ಯಾಂ ಕಾಶಿರಾಜಕನ್ಯಾಂ ಜಲಂಧರಾಂ ನಾಮೋಪಯೇಮೇ ಸ್ವಯಂವರಸ್ಥಾಂ। ತಸ್ಯಾಮಸ್ಯ ಜಜ್ಞೇ ಶರ್ವತ್ರಾತಃ॥ 1-63-76 (2577) ಅರ್ಜುನಸ್ತು ಖಲು ದ್ವಾರವತೀಂ ಗತ್ವಾ ಭಗವತೋ ವಾಸುದೇವಸ್ಯ ಭಗಿನೀಂ ಸುಭದ್ರಾಂ ನಾಮೋದವಹದ್ಭಾರ್ಯಾಂ। ತಸ್ಯಾಮಭಿಮನ್ಯುಂ ನಾಮ ಪುತ್ರಂ ಜನಯಾಮಾಸ॥ 1-63-77 (2578) ನಕುಲಸ್ತು ಖಲು ಚೈದ್ಯಾಂ ರೇಣುಮತೀಂ ನಾಮೋದವಹತ್। ತಸ್ಯಾಂ ಪುತ್ರಂ ಜನಯಾಮಾಸ ನಿರಮಿತ್ರಂ ನಾಮ॥ 1-63-78 (2579) ಸಹದೇವಸ್ತು ಖಲು ಮಾದ್ರೀಮೇವ ಸ್ವಯಂವರೇ ವಿಜಯಾಂ ನಾಮೋದವಹದ್ಭಾರ್ಯಾಂ। ತಸ್ಯಾಂ ಪುತ್ರಂ ಜನಯಾಮಾಸ ಸುಹೋತ್ರಂ ನಾಮ॥ 1-63-79 (2580) ಭೀಮಸೇನಶ್ಚ ಪೂರ್ವಮೇವ ಹಿಡಿಂಬಾಯಾಂ ರಾಕ್ಷಸ್ಯಾಂ ಪುತ್ರಮುತ್ಪಾದಯಾಮಾಸ ಘಟೋತ್ಕಚಂ ನಾಮ। ಅರ್ಜುನಸ್ತು ನಾಗಕನ್ಯಾಯಾಮುಲೂಪ್ಯಾಮಿರಾವಂತಂ ನಾಮ ಪುತ್ರಂ ಜನಯಾಮಾಸ॥ 1-63-80 (2581) ತತೋ ಮಣಲೂರುಪತಿಕನ್ಯಾಯಾಂ ಚಿತ್ರಾಂಗದಾಯಾಮರ್ಜುನಃ ಪುತ್ರಮುತ್ಪಾದಯಾಮಾಸ ಬಭ್ರುವಾಹನಂ ನಾಮ। ಏತೇ ತ್ರಯೋದಶ ಪುತ್ರಾಃ ಪಾಂಡವಾನಾಂ॥ 1-63-81 (2582) ವಿರಾಟಸ್ಯ ದುಹಿತರಮುತ್ತರಾಂ ನಾಮಾಭಿಮನ್ಯುರುಪೇಯೇಮೇ। ತಸ್ಯಾಮಸ್ಯ ಪರಾಸುರ್ಗರ್ಭೋಽಜಾಯತ॥ 1-63-82 (2583) ತಮುತ್ಸಂಗೇ ಪ್ರತಿಜಗ್ರಾಹ ಪೃಥಾ ನಿಯೋಗಾತ್ಪುರುಷೋತ್ತಮಸ್ಯ। ಷಾಣ್ಮಾಸಿಕಂ ಗರ್ಭಮಹಂ ಜೀವಯಾಮಿ ಪಾದಸ್ಪರ್ಶಾದಿತಿ ವಾಸುದೇವ ಉವಾಚ॥ 1-63-83 (2584) ಅಹಂ ಜೀವಯಾಮಿ ಕುಮಾರಮನಂತವೀರ್ಯಂ ಜಾತ ಏವಾಯಮಜಾಯತ। ಅಭಿಮನ್ಯೋಃ ಸತ್ಯೇನ ಚೇಯಂ ಪೃಥಿವೀ ಧಾರಯತ್ವಿತಿ ವಾಸುದೇವಸ್ಯ ಪಾದಸ್ಪರ್ಶಾತ್ಸಜೀವೋಽಜಾಯತ। ನಾಮ ತಸ್ಯಾಕರೋತ್ಸುಭದ್ರಾ॥ 1-63-84 (2585) ಪರಿಕ್ಷೀಣೇ ಕುಲೇ ಜಾತ ಉತ್ತರಾಯಾಂ ಪರಂತಪಃ। ಪರಿಕ್ಷಿದಭವತ್ತಸ್ಮಾತ್ಸೌಭದ್ರಾತ್ತು ಯಶಸ್ವಿನಃ॥ 1-63-85 (2586) ಪರೀಕ್ಷಿತ್ತು ಖಲು ಭದ್ರವತೀಂ ನಾಮೋಪಯೇಮೇ। ತಸ್ಯಾಂ ತತ್ರ ಭವಾಂಜನಮೇಜಯಃ॥ 1-63-86 (2587) ಜನಮೇಜಯಾತ್ತು ಭವತಃ ಖಲು ವಪುಷ್ಟಮಾಯಾಂ ಪುತ್ರೌ ದ್ವೌ ಶತಾನೀಕಃ ಶಂಕುಕರ್ಣಶ್ಚ॥ 1-63-87 (2588) ಶತಾನೀಕಸ್ತು ಖಲು ವೈದೇಹೀಮುಪಯೇಮೇ। ತಸ್ಯಾಮಸ್ಯ ಜಜ್ಞೇ ಪುತ್ರೋಽಶ್ವಮೇಧದತ್ತಃ॥ 1-63-88 (2589) ಇತ್ಯೇಷ ಪೂರೋರ್ವಂಶಸ್ತು ಪಾಂಡವಾನಾಂ ಚ ಕೀರ್ತಿತಃ। ಪೂರೋರ್ವಂಶಮಿಮಂ ಶ್ರುತ್ವಾ ಸರ್ವಪಾಪೈಃ ಪ್ರಮುಚ್ಯತೇ॥ ॥ 1-63-89 (2590) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಅಂಶಾವತರಣಪರ್ವಣಿ ತ್ರಿಷಷ್ಟಿತಮೋಽಧ್ಯಾಯಃ॥ 63 ॥

1-64-0 (2591) ವೈಶಂಪಾಯನ ಉವಾಚ। 1-64-0x (301) ರಾಜೋಪರಿಚರೋ ನಾಮ ಧರ್ಮನಿತ್ಯೋ ಮಹೀಪತಿಃ। ಬಭೂವ ಮೃಗಯಾಶೀಲಃ ಶಶ್ವತ್ಸ್ವಾಧ್ಯಾಯವಾಂಛುಚಿಃ॥ 1-64-1 (2592) ಸ ಚೇದಿವಿಷಯಂ ರಂಯಂ ವಸುಃ ಪೌರವನಂದನಃ। ಇಂದ್ರೋಪದೇಶಾಜ್ಜಗ್ರಾಹ ರಮಣೀಯಂ ಮಹೀಪತಿಃ॥ 1-64-2 (2593) ತಮಾಶ್ರಮೇ ನ್ಯಸ್ತಶಸ್ತ್ರಂ ನಿವಸಂತಂ ತಪೋನಿಧಿಂ। ದೇವಾಃ ಶಕ್ರಪುರೋಗಾ ವೈ ರಾಜಾನಮುಪತಸ್ಥಿರೇ॥ 1-64-3 (2594) ಇಂದ್ರತ್ವಮರ್ಹೋ ರಾಜಾಯಂ ತಪಸೇತ್ಯನುಚಿಂತ್ಯ ವೈ। ತಂ ಸಾಂತ್ವೇನ ನೃಪಂ ಸಾಕ್ಷಾತ್ತಪಸಃ ಸಂನ್ಯವರ್ತಯನ್॥ 1-64-4 (2595) ದೇವಾ ಊಚುಃ। 1-64-5x (302) ನ ಸಂಕೀರ್ಯೇತ ಧರ್ಮೋಽಯಂ ಪೃಥಿವ್ಯಾಂ ಪೃಥಿವೀಪತೇ। ತ್ವಯಾ ಹಿ ಧರ್ಮೋ ವಿಧೃತಃ ಕೃತ್ಸ್ನಂ ಧಾರಯತೇ ಜಗತ್॥ 1-64-5 (2596) ಇಂದ್ರ ಉವಾಚ। 1-64-6x (303) `ದೇವಾನಹಂ ಪಾಲಯಿತಾ ಪಾಲಯ ತ್ವಂ ಹಿ ಮಾನುಷಾನ್।' ಲೋಕೇ ಧರ್ಮಂ ಪಾಲಯ ತ್ವಂ ನಿತ್ಯಯುಕ್ತಃ ಸಮಾಹಿತಃ। ಧರ್ಮಯುಕ್ತಸ್ತತೋ ಲೋಕಾನ್ಪುಣ್ಯಾನ್ಪ್ರಾಪ್ಸ್ಯಸಿ ಶಾಶ್ವತಾನ್॥ 1-64-6 (2597) ದಿವಿಷ್ಠಸ್ಯ ಭುವಿಷ್ಠಸ್ತ್ವಂ ಸಖಾಭೂತೋ ಮಮ ಪ್ರಿಯಃ। ಊಧಃ ಪೃಥಿವ್ಯಾ ಯೋ ದೇಶಸ್ತಮಾವಸ ನರಾಧಿಪ॥ 1-64-7 (2598) ಪಶವ್ಯಶ್ಚೈವ ಪುಣ್ಯಶ್ಚ ಪ್ರಭೂತಧನಧಾನ್ಯವಾನ್। ಸ್ವಾರಕ್ಷ್ಯಶ್ಚೈವ ಸೌಂಯಶ್ಚ ಭೋಗ್ಯೈರ್ಭೂಮಿಗುಣೈರ್ಯುತಃ॥ 1-64-8 (2599) ಅರ್ಥವಾನೇಷ ದೇಶೋ ಹಿ ಧನರತ್ನಾದಿಭಿರ್ಯುತಃ। ವಸುಪೂರ್ಣಾ ಚ ವಸುಧಾ ವಸ ಚೇದಿಷು ಚೇದಿಪ॥ 1-64-9 (2600) ಧರ್ಮಶೀಲಾ ಜನಪದಾಃ ಸುಸಂತೋಷಾಶ್ಚ ಸಾಧವಃ। ನ ಚ ಮಿಥ್ಯಾ ಪ್ರಲಾಪೋಽತ್ರ ಸ್ವೈರೇಷ್ವಪಿ ಕುತೋಽನ್ಯಥಾ॥ 1-64-10 (2601) ನ ಚ ಪಿತ್ರಾ ವಿಭಜ್ಯಂತೇ ಪುತ್ರಾ ಗುರುಹಿತೇ ರತಾಃ। ಯುಂಜತೇ ಧುರಿ ನೋ ಗಾಶ್ಚ ಕೃಶಾನ್ಸಂಧುಕ್ಷಯಂತಿ ಚ॥ 1-64-11 (2602) ಸರ್ವೇ ವರ್ಣಾಃ ಸ್ವಧರ್ಮಸ್ಥಾಃ ಸದಾ ಚೇದಿಷು ಮಾನದ। ನ ತೇಽಸ್ತ್ಯವಿದಿತಂ ಕಿಂಚಿತ್ತ್ರಿಷು ಲೋಕೇಷು ಯದ್ಭವೇತ್॥ 1-64-12 (2603) ದೈವೋಪಭೋಗ್ಯಂ ದಿವ್ಯಂ ತ್ವಾಮಾಕಾಶೇ ಸ್ಫಾಟಿಕಂ ಮಹತ್। ಆಕಾಶಗಂ ತ್ವಾಂ ಮದ್ದತ್ತಂ ವಿಮಾನಮುಪಪತ್ಸ್ಯತೇ॥ 1-64-13 (2604) ತ್ವಮೇಕಃ ಸರ್ವಮರ್ತ್ಯೇಷು ವಿಮಾನವರಮಾಸ್ಥಿತಃ। ಚರಿಷ್ಯಸ್ಯುಪರಿಸ್ಥೋ ಹಿ ದೇವೋ ವಿಗ್ರಹವಾನಿವ॥ 1-64-14 (2605) ದದಾಮಿ ತೇ ವೈಜಯಂತೀಂ ಮಾಲಾಮಂಲಾನಪಂಕಜಾಂ। ಧಾರಯಿಷ್ಯತಿ ಸಂಗ್ರಾಮೇ ಯಾ ತ್ವಾಂ ಶಸ್ತ್ರೈರವಿಕ್ಷತಂ॥ 1-64-15 (2606) ಲಕ್ಷಣಂ ಚೈತದೇವೇಹ ಭವಿತಾ ತೇ ನರಾಧಿಪ। ಇಂದ್ರಮಾಲೇತಿ ವಿಖ್ಯಾತಂ ಧನ್ಯಮಪ್ರತಿಮಂ ಮಹತ್॥ 1-64-16 (2607) ಯಷ್ಟಿಂ ಚ ವೈಣವೀಂ ತಸ್ಮೈ ದದೌ ವೃತ್ರನಿಷೂದನಃ। ಇಷ್ಟಪ್ರದಾನಮುದ್ದಿಶ್ಯ ಶಿಷ್ಟಾನಾಂ ಪ್ರತಿಪಾಲಿನೀಂ॥ 1-64-17 (2608) `ಏವಂ ಸಂಸಾಂತ್ವ್ಯ ನೃಪತಿಂ ತಪಸಃ ಸಂನ್ಯವರ್ತಯತ್। ಪ್ರಯಯೌ ದೈವತೈಃ ಸಾರ್ಧಂ ಕೃತ್ವಾ ಕಾರ್ಯಂ ದಿವೌಕಸಾಂ॥ 1-64-18 (2609) ತತಸ್ತು ರಾಜಾ ಚೇದೀನಾಮಿಂದ್ರಾಭರಣಭೂಷಿತಃ। ಇಂದ್ರದತ್ತಂ ವಿಮಾನಂ ತದಾಸ್ಥಾಯ ಪ್ರಯಯೌ ಪುರೀಂ॥' 1-64-19 (2610) ತಸ್ಯಾಃ ಶಕ್ರಸ್ಯ ಪೂಜಾರ್ಥಂ ಭೂಮೌ ಭೂಮಿಪತಿಸ್ತದಾ। ಪ್ರವೇಶಂ ಕಾರಯಾಮಾಸ ಸರ್ವೋತ್ಸವವರಂ ತದಾ॥ 1-64-20 (2611) `ಮಾರ್ಗಶೀರ್ಷೇ ಮಹಾರಾಜ ಪೂರ್ವಪಕ್ಷೇ ಮಹಾಮಖಂ। ತತಃಪ್ರಭೃತಿ ಚಾದ್ಯಾಪಿ ಯಷ್ಟೇಃ ಕ್ಷಿತಿಪಸತ್ತಮೈಃ॥' 1-64-21 (2612) ಪ್ರವೇಶಃ ಕ್ರಿಯತೇ ರಾಜನ್ಯಥಾ ತೇನ ಪ್ರವರ್ತಿತಃ। ಅಪರೇದ್ಯುಸ್ತತಸ್ತಸ್ಯಾಃ ಕ್ರಿಯತೇಽತ್ಯುಚ್ಛ್ರಯೋ ನೃಪೈಃ॥ 1-64-22 (2613) ಅಲಂಕೃತಾಯಾ ಪಿಟಕೈರ್ಗಂಧಮಾಲ್ಯೈಶ್ಚ ಭೂಷಣೈಃ। `ಮಾಲ್ಯದಾಮಪರಿಕ್ಷಿಪ್ತಾಂ ದ್ವಾತ್ರಿಂಶತ್ಕಿಷ್ಕುಸಂಮಿತಾಂ॥ 1-64-23 (2614) ಉದ್ಧೃತ್ಯ ಪಿಟಕೇ ಚಾಪಿ ದ್ವಾದಶಾರತ್ನಿಕೋಚ್ಛ್ರಯೇ। ಮಹಾರಜನವಾಸಾಂಸಿ ಪರಿಕ್ಷಿಪ್ಯ ಧ್ವಜೋತ್ತಮಂ॥ 1-64-24 (2615) ವಾಸೋಭಿರನ್ನಪಾನೈಶ್ಚ ಪೂಜಿತೈರ್ಬ್ರಾಹ್ಮಣರ್ಷಭೈಃ। ಪುಣ್ಯಾಹಂ ವಾಚಯಿತ್ವಾಥ ಧ್ವಜ ಉಚ್ಛ್ರಿಯತೇ ತದಾ॥ 1-64-25 (2616) ಶಂಖಭೇರೀಮೃದಂಗೈಶ್ಚ ಸಂನಾದಃ ಕ್ರಿಯತೇ ತದಾ'। ಭಗವಾನ್ಪೂಜ್ಯತೇ ಚಾತ್ರ ಯಷ್ಟಿರೂಪೇಣ ವಾಸವಃ॥ 1-64-26 (2617) ಸ್ವಯಮೇವ ಗೃಹೀತೇನ ವಸೋಃ ಪ್ರೀತ್ಯಾ ಮಹಾತ್ಮನಃ। `ಮಾಣಿಭದ್ರಾದಯೋ ಯಕ್ಷಾಃ ಪೂಜ್ಯಂತೇ ದೈವತೈಃ ಸಹ॥ 1-64-27 (2618) ನಾನಾವಿಧಾನಿ ದಾನಾನಿ ದತ್ತ್ವಾರ್ಥಿಭ್ಯಃ ಸುಹೃಜ್ಜನೈಃ। ಅಲಂಕೃತ್ವಾ ಮಾಲ್ಯದಾಮೈರ್ವಸ್ತ್ರೈರ್ನಾನಾವಿಧೈಸ್ತಥಾ॥ 1-64-28 (2619) ದೃತಿಭಿಃ ಸಜಲೈಃ ಸರ್ವೈಃ ಕ್ರೀಡಿತ್ವಾ ನೃಪಶಾಸನಾತ್। ಸಭಾಜಯಿತ್ವಾ ರಾಜಾನಂ ಕೃತ್ವಾ ನರ್ಮಾಶ್ರಯಾಃ ಕಥಾಃ॥ 1-64-29 (2620) ರಮಂತೇ ನಾಗರಾಃ ಸರ್ವೇ ತಥಾ ಜಾನಪದೈಃ ಸಹ। ಸೂತಾಶ್ಚ ಮಾಗಧಾಶ್ಚೈವ ರಮಂತೇ ನಟನರ್ತಕಾಃ॥ 1-64-30 (2621) ಪ್ರೀತ್ಯಾ ತು ನೃಪಶಾರ್ದೂಲ ಸರ್ವೇ ಚಕ್ರುರ್ಮಹೋತ್ಸವಂ। ಸಾಂತಃಪುರಃ ಸಹಾಮಾತ್ಯಃ ಸರ್ವಾಭರಣಭೂಷಿತಃ॥ 1-64-31 (2622) ಮಹಾರಜನವಾಸಾಂಸಿ ವಸಿತ್ವಾ ಚೇದಿರಾಟ್ ತದಾ। ಜಾತಿಹಿಂಗುಲಕೇನಾಕ್ತಃ ಸದಾರೋ ಮುಮುದೇ ತದಾ॥ 1-64-32 (2623) ಏವಂ ಜಾನಪದಾಃ ಸರ್ವೇ ಚಕ್ರುರಿಂದ್ರಮಹಂ ವಸುಃ॥' ಯಥಾ ಚೇದಿಪತಿಃ ಪ್ರೀತಶ್ಚಕಾರೇಂದ್ರಮಹಂ ವಸುಃ॥' 1-64-33 (2624) ಏತಾಂ ಪೂಜಾಂ ಮಹೇಂದ್ರಸ್ತು ದೃಷ್ಟ್ವಾ ವಸುಕೃತಾಂ ಶುಭಾಂ। `ಹರಿಭಿರ್ವಾಜಿಭಿರ್ಯುಕ್ತಮಂತರಿಕ್ಷಗತಂ ರಥಂ॥ 1-64-34 (2625) ಆಸ್ಥಾಯ ಸಹ ಶಚ್ಯಾ ಚ ವೃತೋ ಹ್ಯಪ್ಸರಸಾಂ ಗಣೈಃ।' ವಸುನಾ ರಾಜಮುಖ್ಯೇನ ಸಮಾಗಂಯಾಬ್ರವೀದ್ವಚಃ॥ 1-64-35 (2626) ಯೇ ಪೂಜಯಿಷ್ಯಂತಿ ಚ ಮುದಾ ಯಥಾ ಚೇದಿಪತಿರ್ನೃಪಃ। ಕಾರಯಿಷ್ಯಂತಿ ಚ ಮುದಾ ಯಥಾ ಚೇದಿಪತಿರ್ನೃಪಃ॥ 1-64-36 (2627) ತೇಷಾಂ ಶ್ರೀರ್ವಿಜಯಶ್ಚೈವ ಸರಾಷ್ಟ್ರಾಣಾಂ ಭವಿಷ್ಯತಿ। ತಥಾ ಸ್ಫೀತೋ ಜನಪದೋ ಮುದಿತಶ್ಚ ಭವಿಷ್ಯತಿ॥ 1-64-37 (2628) `ನಿರೀತಿಕಾನಿ ಸಸ್ಯಾನಿ ಭವಂತಿ ಬಹುಧಾ ನೃಪ। ರಾಕ್ಷಸಾಶ್ಚ ಪಿಶಾಚಾಶ್ಚ ನ ಲುಂಪಂತೇ ಕಥಂಚನ॥ 1-64-38 (2629) ವೈಶಂಪಾಯನ ಉವಾಚ।' 1-64-39x (304) ಏವಂ ಮಹಾತ್ಮನಾ ತೇನ ಮಹೇಂದ್ರೇಣ ನರಾಧಿಪ। ವಸುಃ ಪ್ರೀತ್ಯಾ ಮಘವತಾ ಮಹಾರಾಜೋಽಭಿಸತ್ಕೃತಃ। ಏವಂ ಕೃತ್ವಾ ಮಹೇಂದ್ರಸ್ತು ಜಗಾಮ ಸ್ವಂ ನಿವೇಶನಂ॥ 1-64-39 (2630) ಉತ್ಸವಂ ಕಾರಯಿಷ್ಯಂತಿ ಸದಾ ಶಕ್ರಸ್ಯ ಯೇ ನರಾಃ। ಭೂಮಿರತ್ನಾದಿಭಿರ್ದಾನೈಸ್ತಥಾ ಪೂಜ್ಯಾ ಭವಂತಿ ತೇ। ವರದಾನಮಹಾಯಜ್ಞೈಸ್ತಥಾ ಶಕ್ರೋತ್ಸವೇನ ಚ॥ 1-64-40 (2631) ಸಂಪೂಜಿತೋ ಮಘವತಾ ವಸುಶ್ಚೇದೀಶ್ವರೋ ನೃಪಃ। ಪಾಲಯಾಮಾಸ ಧರ್ಮೇಣ ಚೇದಿಸ್ಥಃ ಪೃಥಿವೀಮಿಮಾಂ॥ 1-64-41 (2632) ಇಂದ್ರಪೀತ್ಯಾ ಚೇದಿಪತಿಶ್ಚಕಾರೇಂದ್ರಮಹಂ ವಸುಃ। ಪುತ್ರಾಶ್ಚಾಸ್ಯ ಮಹಾವೀರ್ಯಾಃ ಪಂಚಾಸನ್ನಮಿತೌಜಸಃ॥ 1-64-42 (2633) ನಾನಾರಾಜ್ಯೇಷು ಚ ಸುತಾನ್ಸ ಸಂರಾಡಭ್ಯಷೇಚಯತ್। ಮಹಾರಥೋ ಮಾಗಧಾನಾಂ ವಿಶ್ರುತೋ ಯೋ ಬೃಹದ್ರಥಃ॥ 1-64-43 (2634) ಪ್ರತ್ಯಗ್ರಹಃ ಕುಶಾಂಬಶ್ಚ ಯಮಾಹುರ್ಮಣಿವಾಹನಂ। ಮತ್ಸಿಲ್ಲಶ್ಚ ಯದುಶ್ಚೈವ ರಾಜನ್ಯಶ್ಚಾಪರಾಜಿತಃ॥ 1-64-44 (2635) ಏತೇ ತಸ್ಯ ಸುತಾ ರಾಜನ್ರಾಜರ್ಷೇರ್ಭೂರಿತೇಜಸಃ। ನ್ಯವೇಶಯನ್ನಾಮಭಿಃ ಸ್ವೈಸ್ತೇ ದೇಶಾಂಶ್ಚ ಪುರಾಣಿ ಚ॥ 1-64-45 (2636) ವಾಸವಾಃ ಪಂಚ ರಾಜಾನಃ ಪೃಥಗ್ವಂಶಾಶ್ಚ ಶಾಸ್ವತಾಃ। ವಸಂತಮಿಂದ್ರಪ್ರಾಸಾದೇ ಆಕಾಶೇ ಸ್ಫಾಟಿಕೇ ಚ ತಂ॥ 1-64-46 (2637) ಉಪತಸ್ಥುರ್ಮಹಾತ್ಮಾನಂ ಗಂಧರ್ವಾಪ್ಸರಸೋ ನೃಪಂ। ರಾಜೋಪರಿಚರೇತ್ಯೇವಂ ನಾಮ ತಸ್ಯಾಥ ವಿಶ್ರುತಂ॥ 1-64-47 (2638) ಪುರೋಪವಾಹಿನೀಂ ತಸ್ಯ ನದೀಂ ಶುಕ್ತಮತೀಂ ಗಿರಿಃ। ಅರೌತ್ಸೀಚ್ಚೇತನಾಯುಕ್ತಃ ಕಾಮಾತ್ಕೋಲಾಹಲಃ ಕಿಲ॥ 1-64-48 (2639) ಗಿರಿಂ ಕೋಲಾಹಲಂ ತಂ ತು ಪದಾ ವಸುರತಾಡಯತ್। ನಿಶ್ಚಕ್ರಾಮ ತತಸ್ತೇನ ಪ್ರಹಾರವಿವರೇಣ ಸಾ॥ 1-64-49 (2640) ತಸ್ಯಾಂ ನದ್ಯಾಂ ಸ ಜನಯನ್ಮಿಥುನಂ ಪರ್ವತಃ ಸ್ವಯಂ। ತಸ್ಮಾದ್ವಿಮೋಕ್ಷಣಾತ್ಪ್ರೀತಾ ನದೀ ರಾಜ್ಞೇ ನ್ಯವೇದಯತ್॥ 1-64-50 (2641) `ಮಹಿಷೀ ಭವಿತಾ ಕನ್ಯಾ ಪುಮಾನ್ಸೇನಾಪತಿರ್ಭವೇತ್। ಶುಕ್ತಿಮತ್ಯಾ ವಚಃಶ್ರುತ್ವಾ ದೃಷ್ಟ್ವಾ ತೌ ರಾಜಸತ್ತಮಃ'॥ 1-64-51 (2642) ಯಃ ಪುಮಾನಭವತ್ತತ್ರ ತಂ ಸ ರಾಜರ್ಷಿಸತ್ತಮಃ। ವಸುರ್ವಸುಪ್ರದಶ್ಚಕ್ರೇ ಸೇನಾಪತಿಮರಿಂದಮಃ॥ 1-64-52 (2643) ಚಕಾರ ಪತ್ನೀಂ ಕನ್ಯಾಂ ತು ತಥಾ ತಾಂ ಗಿರಿಕಾಂ ನೃಪಃ। ವಸೋಃ ಪತ್ನೀ ತು ಗಿರಿಕಾ ಕಾಮಕಾಲಂ ನ್ಯವೇದಯತ್॥ 1-64-53 (2644) ಋತುಕಾಲಮನುಪ್ರಾಪ್ತಾ ಸ್ನಾತಾ ಪುಂಸವನೇ ಶುಚಿಃ। ತದಹಃ ಪಿತರಶ್ಚೈನಪೂಚುರ್ಜಹಿ ಮೃಗಾನಿತಿ॥ 1-64-54 (2645) ತಂ ರಾಜಸತ್ತಮಂ ಪ್ರೀತಾಸ್ತದಾ ಮತಿಮತಾಂ ವರಃ। ಸ ಪಿತೄಣಾಂ ನಿಯೋಗೇನ ತಾಮತಿಕ್ರಂಯ ಪಾರ್ಥಿವಃ॥ 1-64-55 (2646) ಚಕಾರ ಮೃಗಯಾಂ ಕಾಮೀ ಗಿರಿಕಾಮೇವ ಸಂಸ್ಮರನ್। ಅತೀವ ರೂಪಸಂಪನ್ನಾಂ ಸಾಕ್ಷಾಚ್ಛ್ರಿಯಮಿವಾಪರಾಂ॥ 1-64-56 (2647) ಅಶೋಕೈಶ್ಚಂಪಕೈಶ್ಚೂತೈರನೇಕೈರತಿಮುಕ್ತಕೈಃ। ಪುನ್ನಾಗೈಃ ಕರ್ಣಿಕಾರೈಶ್ಚ ಬಕುಲೈರ್ದಿವ್ಯಪಾಟಲೈಃ॥ 1-64-57 (2648) ಪನಸೈರ್ನಾರಿಕೇಲೈಶ್ಚ ಚಂದನೈಶ್ಚಾರ್ಜುನೈಸ್ತಥಾ। ಏತೈ ರಂಯೈರ್ಮಹಾವೃಕ್ಷೈಃ ಪುಣ್ಯೈಃ ಸ್ವಾದುಫಲೈರ್ಯುತಂ॥ 1-64-58 (2649) ಕೋಕಿಲಾಕುಲಸನ್ನಾದಂ ಮತ್ತಭ್ರಮರನಾದಿತಂ। ವಸಂತಕಾಲೇ ತತ್ಪಶ್ಯನ್ವನಂ ಚೈತ್ರರಥೋಪಮಂ॥ 1-64-59 (2650) ಮನ್ಮಥಾಭಿಪರೀತಾತ್ಮಾ ನಾಪಶ್ಯದ್ಗಿರಿಕಾಂ ತದಾ। ಅಪಶ್ಯನ್ಕಾಮಸಂತಪ್ತಶ್ಚರಮಾಣೋ ಯದೃಚ್ಛಯಾ॥ 1-64-60 (2651) ಪುಷ್ಪಸಂಛನ್ನಶಾಖಾಗ್ರಂ ಪಲ್ಲವೈರುಪಶೋಭಿತಂ। ಅಶೋಕಸ್ತಬಕೈಶ್ಛನ್ನಂ ರಮಣೀಯಮಪಶ್ಯತ॥ 1-64-61 (2652) ಅಧಸ್ಯಾತ್ತಸ್ಯ ಛಾಯಾಯಾಂ ಸುಖಾಸೀನೋ ನರಾಧಿಪಃ। ಮಧುಗಂಧೈಶ್ಚ ಸಂಯುಕ್ತಂ ಪುಷ್ಪಗಂಧಮನೋಹರಂ॥ 1-64-62 (2653) ವಾಯುನಾ ಪ್ರೇರ್ಯಮಾಣಸ್ತು ಧೂಂರಾಯ ಮುದಮನ್ವಗಾತ್। `ಭಾರ್ಯಾಂ ಚಿಂತಯಮಾನಸ್ಯ ಮನ್ಮಥಾಗ್ನಿರವರ್ಧತ।' ತಸ್ಯ ರೇತಃ ಪ್ರಚಸ್ಕಂದ ಚರತೋ ಗಹನೇ ವನೇ॥ 1-64-63 (2654) ಸ್ಕನ್ನಮಾತ್ರಂ ಚ ತದ್ರೇತೋ ವೃಕ್ಷಪತ್ರೇಣ ಭೂಮಿಪಃ। ಪ್ರತಿಜಗ್ರಾಹ ಮಿಥ್ಯಾ ಮೇ ನ ಪತೇದ್ರೇತ ಇತ್ಯುತ॥ 1-64-64 (2655) `ಅಂಗುಲೀಯೇನ ಶುಕ್ಲಸ್ಯ ರಕ್ಷಾಂ ಚ ವಿದಧೇ ನೃಪಃ। ಅಶೋಕಸ್ತಬಕೈ ರಕ್ತೈಃ ಪಲ್ಲವೈಶ್ಚಾಪ್ಯಬಂಧಯತ್॥' 1-64-65 (2656) ಇದಂ ಮಿಥ್ಯಾ ಪರಿಸ್ಕನ್ನಂ ರೇತೋ ಮೇ ನ ಭವೇದಿತಿ। ಋತುಶ್ಚ ತಸ್ಯಾಃ ಪತ್ನ್ಯಾ ಮೇ ನ ಮೋಘಃ ಸ್ಯಾದಿತಿ ಪ್ರಭುಃ॥ 1-64-66 (2657) ಸಂಚಿಂತ್ಯೈವಂ ತದಾ ರಾಜಾ ವಿಚಾರ್ಯ ಚ ಪುನಃಪುನಃ। ಅಮೋಘತ್ವಂ ಚ ವಿಜ್ಞಾಯ ರೇತಸೋ ರಾಜಸತ್ತಮಃ॥ 1-64-67 (2658) ಶುಕ್ರಪ್ರಸ್ಥಾಪನೇ ಕಾಲಂ ಮಹಿಷ್ಯಾ ಪ್ರಸಮೀಕ್ಷ್ಯ ವೈ। ಅಭಿಮಂತ್ರ್ಯಾಥ ತಚ್ಛುಕ್ರಮಾರಾತ್ತಿಷ್ಠಂತಮಾಶುಗಂ॥ 1-64-68 (2659) ಸೂಕ್ಷ್ಮಧರ್ಮಾರ್ಥತತ್ತ್ವಜ್ಞೋ ಗತ್ವಾ ಶ್ಯೇನಂ ತತೋಽಬ್ರವೀತ್। ಮತ್ಪ್ರಿಯಾರ್ಥಮಿದಂ ಸೌಂಯ ಶುಕ್ರಂ ಮಮ ಗೃಹಂ ನಯ॥ 1-64-69 (2660) ಗಿರಿಕಾಯಾಃ ಪ್ರಯಚ್ಛಾಶು ತಸ್ಯಾ ಹ್ಯಾರ್ತವಮದ್ಯ ವೈ। 1-64-70 (2661) ವೈಶಂಪಾಯನ ಉವಾಚ। ಗೃಹೀತ್ವಾ ತತ್ತದಾ ಶ್ಯೇನಸ್ತೂರ್ಣಮುತ್ಪತ್ಯ ವೇಗವಾನ್॥ 1-64-70x (305) ಜವಂ ಪರಮಮಾಸ್ಥಾಯ ಪ್ರದುದ್ರಾವ ವಿಹಂಗಮಃ। ತಮಪಶ್ಯದಥಾಯಾಂತಂ ಶ್ಯೇನಂ ಶ್ಯೇನಸ್ತಥಾಽಪರಃ॥ 1-64-71 (2662) ಅಭ್ಯದ್ರವಚ್ಚ ತಂ ಸದ್ಯೋ ದೃಷ್ಟ್ವೈವಾಮಿಷಶಂಕಯಾ। ತುಂಡಯುದ್ಧಮಥಾಕಾಶೇ ತಾವುಭೌ ಸಂಪ್ರಚಕ್ರತುಃ॥ 1-64-72 (2663) ಯುದ್ಧ್ಯತೋರಪತದ್ರೇತಸ್ತಚ್ಚಾಪಿ ಯಮುನಾಂಭಸಿ। ತತ್ರಾದ್ರಿಕೇತಿ ವಿಖ್ಯಾತಾ ಬ್ರಹ್ಮಶಾಪಾದ್ವರಾಪ್ಸರಾ॥ 1-64-73 (2664) ಮೀನಭಾವಮನುಪ್ರಾಪ್ತಾ ಬಭೂವ ಯಮುನಾಚರೀ। ಶ್ಯೇನಪಾದಪರಿಭ್ರಷ್ಟಂ ತದ್ವೀರ್ಯಮಥ ವಾಸವಂ॥ 1-64-74 (2665) ಜಗ್ರಾಹ ತರಸೋಪೇತ್ಯ ಸಾಽದ್ರಿಕಾ ಮತ್ಸ್ಯರೂಪಿಣೀ। ಕದಾಚಿದಪಿ ಮತ್ಸೀಂ ತಾಂ ಬಬಂಧುರ್ಮತ್ಸ್ಯಜೀವಿನಃ॥ 1-64-75 (2666) ಮಾಸೇ ಚ ದಶಮೇ ಪ್ರಾಪ್ತೇ ತದಾ ಭರತಸತ್ತಮ॥ ಉಜ್ಜಹ್ರುರುದರಾತ್ತಸ್ಯಾಃ ಸ್ತ್ರೀಂ ಪುಮಾಂಸಂ ಚ ಮಾನುಷೌ॥ 1-64-76 (2667) ಆಶ್ಚರ್ಯಭೂತಂ ತದ್ಗತ್ವಾ ರಾಜ್ಞೇಽಥ ಪ್ರತ್ಯವೇದಯನ್। ಕಾಯೇ ಮತ್ಸ್ಯಾ ಇಮೌ ರಾಜನ್ಸಂಭೂತೌ ಮಾನುಷಾವಿತಿ॥ 1-64-77 (2668) ತಯೋಃ ಪುಮಾಂಸಂ ಜಗ್ರಾಹ ರಾಜೋಪರಿಚರಸ್ತದಾ। ಸ ಮತ್ಸ್ಯೋ ನಾಮ ರಾಜಾಸೀದ್ಧಾರ್ಮಿಕಃ ಸತ್ಯಸಂಗರಃ॥ 1-64-78 (2669) ಸಾಽಪ್ಸರಾ ಮುಕ್ತಶಾಪಾ ಚ ಕ್ಷಣೇನ ಸಮಪದ್ಯತ। ಯಾ ಪುರೋಕ್ತಾ ಭಗವತಾ ತಿರ್ಯಗ್ಯೋನಿಗತಾ ಶುಭಾ॥ 1-64-79 (2670) ಮಾನುಷೌ ಜನಯಿತ್ವಾ ತ್ವಂ ಶಾಪಮೋಕ್ಷಮವಾಪ್ಸ್ಯಸಿ। ತತಃ ಸಾಜನಯಿತ್ವಾ ತೌ ವಿಶಸ್ತಾ ಮತ್ಸ್ಯಘಾತಿಭಿಃ॥ 1-64-80 (2671) ಸಂತ್ಯಜ್ಯ ಮತ್ಸ್ಯರೂಪಂ ಸಾ ದಿವ್ಯಂ ರೂಪಮವಾಪ್ಯ ಚ। ಸಿದ್ಧರ್ಷಿಚಾರಣಪಥಂ ಜಗಾಮಾಥ ವರಾಪ್ಸರಾಃ॥ 1-64-81 (2672) ಸಾ ಕನ್ಯಾ ದುಹಿತಾ ತಸ್ಯಾ ಮತ್ಸ್ಯಾ ಮತ್ಸ್ಯಸಗಂಧಿನೀ। ರಾಜ್ಞಾ ದತ್ತಾ ಚ ದಾಶಾಯ ಕನ್ಯೇಯಂ ತೇ ಭವತ್ವಿತಿ॥ 1-64-82 (2673) ರೂಪಸತ್ವಸಮಾಯುಕ್ತಾ ಸರ್ವೈಃ ಸಮುದಿತಾ ಗುಣೈಃ। ಸಾ ತು ಸತ್ಯವತೀ ನಾಮ ಮತ್ಸ್ಯಘಾತ್ಯಭಿಸಂಶ್ರಯಾತ್॥ 1-64-83 (2674) ಆಸೀತ್ಸಾ ಮತ್ಸ್ಯಗಂಧೈವ ಕಂಚಿತ್ಕಾಲಂ ಶುಚಿಸ್ಮಿತಾ। ಶುಶ್ರೂಷಾರ್ಥಂ ಪಿತುರ್ನಾವಂ ವಾಹಯಂತೀಂ ಜಲೇ ಚ ತಾಂ॥ 1-64-84 (2675) ತೀರ್ಥಯಾತ್ರಾಂ ಪರಿಕ್ರಾಮನ್ನಪಶ್ಯದ್ವೈ ಪರಾಶರಃ। ಅತೀವ ರೂಪಸಂಪನ್ನಾಂ ಸಿದ್ಧಾನಾಮಪಿ ಕಾಂಕ್ಷಿತಾಂ॥ 1-64-85 (2676) ದೃಷ್ಟ್ವೈವ ಸ ಚ ತಾಂ ಧೀಮಾಂಶ್ಚಕಮೇ ಚಾರುಹಾಸಿನೀಂ। ದಿವ್ಯಾಂ ತಾಂ ವಾಸವೀಂ ಕನ್ಯಾಂ ರಂಭೋರೂಂ ಮುನಿಪುಂಗವಃ॥ 1-64-86 (2677) ಸಂಭವಂ ಚಿಂತಯಿತ್ವಾ ತಾಂ ಜ್ಞಾತ್ವಾ ಪ್ರೋವಾಚ ಶಕ್ತಿಜಃ। ಕ್ವ ಕರ್ಣಧಾರೋ ನೌರ್ಯೇನ ನೀಯತೇ ಬ್ರೂಹಿ ಭಾಮಿನಿ॥ 1-64-87 (2678) ಮತ್ಸ್ಯಗಂಧೋವಾಚ। 1-64-88x (306) ಅನಪತ್ಯಸ್ಯ ದಾಶಸ್ಯ ಸುತಾ ತತ್ಪ್ರಿಯಕಾಂಯಯಾ। ಸಹಸ್ರಜನಸಂಪನ್ನಾ ನೌರ್ಮಯಾ ವಾಹ್ಯತೇ ದ್ವಿಜ॥ 1-64-88 (2679) ಪರಾಶರ ಉವಾಚ। 1-64-89x (307) ಶೋಭನಂ ವಾಸವಿ ಶುಭೇ ಕಿಂ ಚಿರಾಯಸಿ ವಾಹ್ಯತಾಂ। ಕಲಶಂ ಭವಿತಾ ಭದ್ರೇ ಸಹಸ್ರಾರ್ಧೇನ ಸಂಮಿತಂ॥ 1-64-89 (2680) ಅಹಂ ಶೇಷೋ ಭಿವಿಷ್ಯಾಮಿ ನೀಯತಾಮಚಿರೇಣ ವೈ। 1-64-90 (2681) ವೈಶಂಪಾಯನ ಉವಾಚ। ಮತ್ಸ್ಯಗಂಧಾ ತಥೇತ್ಯುಕ್ತ್ವಾ ನಾವಂ ವಾಹಯತಾಂ ಜಲೇ॥ 1-64-90x (308) ವೀಕ್ಷಮಾಣಂ ಮುನಿಂ ದೃಷ್ಟ್ವಾ ಪ್ರೋವಾಚೇದಂ ವಚಸ್ತದಾ। ಮತ್ಸ್ಯಗಂಧೇತಿ ಮಾಮಾಹುರ್ದಾಶರಾಜಸುತಾಂ ಜನಾಃ॥ 1-64-91 (2682) ಜನ್ಮ ಶೋಕಾಭಿತಪ್ತಾಯಾಃ ಕಥಂ ಜ್ಞಾಸ್ಯಸಿ ಕಥ್ಯತಾಂ। 1-64-92 (2683) ಪರಾಶರ ಉವಾಚ। ದಿವ್ಯಜ್ಞಾನೇನ ದೃಷ್ಟಂ ಹಿ ದೃಷ್ಟಮಾತ್ರೇಣ ತೇ ವಪುಃ॥ 1-64-92x (309) ಪ್ರಣಯಗ್ರಹಣಾರ್ಥಾಯ ವಕ್ಷ್ಯೇವ ವಾಸವಿ ತಚ್ಛೃಣು। ಬರ್ಹಿಷದ ಇತಿ ಖ್ಯಾತಾಃ ಪಿತರಃ ಸೋಮಪಾಸ್ತುತೇ॥ 1-64-93 (2684) ತೇಷಾಂ ತ್ವಂ ಮಾನಸೀ ಕನ್ಯಾ ಅಚ್ಛೋದಾ ನಾಮ ವಿಶ್ರುತಾ। ಅಚ್ಛೋದಂ ನಾಮ ತದ್ದಿವ್ಯಂ ಸರೋ ಯಸ್ಮಾತ್ಸಮುತ್ಥಿತಂ॥ 1-64-94 (2685) ತ್ವಯಾ ನ ದೃಷ್ಟಪೂರ್ವಾಸ್ತು ಪಿತರಸ್ತೇ ಕದಾಚನ। ಸಂಭೂತಾ ಮನಸಾ ತೇಷಾಂ ಪಿತೄನ್ಸ್ವಾನ್ನಾಭಿಜಾನತೀ॥ 1-64-95 (2686) ಸಾ ತ್ವನ್ಯಂ ಪಿತರಂ ವವ್ರೇ ಸ್ವಾನತಿಕ್ರಂಯ ತಾನ್ಪಿತೄನ್। ನಾಂನಾ ವಸುರಿತಿ ಖ್ಯಾತಂ ಮನುಪುತ್ರಂ ದಿವಿ ಸ್ಥಿತಂ॥ 1-64-96 (2687) ಅದ್ರಿಕಾಽಪ್ಸರಸಾ ಯುಕ್ತಂ ವಿಮಾನೇ ದಿವಿ ವಿಷ್ಠಿತಂ। ಸಾ ತೇನ ವ್ಯಭಿಚಾರೇಣ ಮನಸಾ ಕಾಮಚಾರಿಣೀ॥ 1-64-97 (2688) ಪಿತರಂ ಪ್ರಾರ್ಥಯಿತ್ವಾಽನ್ಯಂ ಯೋಗಾದ್ಭಷ್ಟಾ ಪಪಾತ ಸಾ। ಅಪಶ್ಯತ್ಪತಮಾನಾ ಸಾ ವಿಮಾನತ್ರಯಮಂತಿಕಾತ್॥ 1-64-98 (2689) ತ್ರಸರೇಣುಪ್ರಮಾಣಾಂಸ್ತಾಂಸ್ತತ್ರಾಪಶ್ಯತ್ಸ್ವಕಾನ್ಪಿತೄನ್। ಸುಸೂಕ್ಷ್ಮಾನಪರಿವ್ಯಕ್ತಾನಂಗೈರಂಗೇಷ್ವಿವಾಹಿತಾನ್॥ 1-64-99 (2690) ತಾತೇತಿ ತಾನುವಾಚಾರ್ತಾ ಪತಂತೀ ಸಾ ಹ್ಯಧೋಮುಖೀ। ತೈರುಕ್ತಾ ಸಾ ತು ಮಾಭೈಷೀಸ್ತೇನ ಸಾ ಸಂಸ್ಥಿತಾ ದಿವಿ॥ 1-64-100 (2691) ತತಃ ಪ್ರಸಾದಯಾಮಾಸ ಸ್ವಾನ್ಪಿತೄಂದೀನಯಾ ಗಿರಾ। ತಾಮೂಚುಃ ಪಿತರಃ ಕನ್ಯಾಂ ಭ್ರೈಷ್ಟಶ್ವರ್ಯಾಂ ವ್ಯತಿಕ್ರಮಾತ್॥ 1-64-101 (2692) ಭ್ರಷ್ಟೈಶ್ವರ್ಯಾ ಸ್ವದೋಷೇಣ ಪತಸಿ ತ್ವಂ ಶುಚಿಸ್ಮಿತೇ। ಯೈರಾರಭಂತೇ ಕರ್ಮಾಣಿ ಶರೀರೈರಿಹ ದೇವತಾಃ॥ 1-64-102 (2693) ತೈರೇವ ತತ್ಕರ್ಮಫಲಂ ಪ್ರಾಪ್ನುವಂತಿ ಸ್ಮ ದೇವತಾಃ। ಮನುಷ್ಯಾಸ್ತ್ವನ್ಯದೇಹೇನ ಶುಭಾಶುಭಮಿತಿ ಸ್ಥಿತಿಃ॥ 1-64-103 (2694) ಸದ್ಯಃ ಫಲಂತಿ ಕರ್ಮಾಣಿ ದೇವತ್ವೇ ಪ್ರೇತ್ಯ ಮಾನುಷೇ। ತಸ್ಮಾತ್ತ್ವಂ ಪತಸೇ ಪುತ್ರಿ ಪ್ರೇತ್ಯತ್ವಂ ಪ್ರಾಪ್ಸ್ಯಸೇ ಫಲಂ॥ 1-64-104 (2695) ಪಿತೃಹೀನಾ ತು ಕನ್ಯಾ ತ್ವಂ ವಸೋರ್ಹಿ ತ್ವಂ ಸುತಾ ಮತಾ। ಮತ್ಸ್ಯಯೋನೌ ಸಮುತ್ಪನ್ನಾ ಸುತಾರಾಜ್ಞೋ ಭವಿಷ್ಯಸಿ॥ 1-64-105 (2696) ಅದ್ರಿಕಾ ಮತ್ಸ್ಯರೂಪಾಽಭೂದ್ಗಂಗಾಯಮನುಸಂಗಮೇ। ಪರಾಶರಸ್ಯ ದಾಯಾದಂ ತ್ವಂ ಪುತ್ರಂ ಜನಯಿಷ್ಯಸಿ॥ 1-64-106 (2697) ಯೋ ವೇದಮೇಕಂ ಬ್ರಹ್ಮರ್ಷಿಶ್ಚತುರ್ಧಾ ವಿಬಜಿಷ್ಯತಿ। ಮಹಾಭಿಷಕ್ಸುತಸ್ಯೈವ ಶಂತನೋಃ ಕೀರ್ತಿವರ್ಧನಂ॥ 1-64-107 (2698) ಜ್ಯೇಷ್ಠಂ ಚಿತ್ರಾಂಗದಂ ವೀರಂ ಚಿತ್ರವೀರಂ ಚ ವಿಶ್ರುತಂ। ಏತಾನ್ಸೂತ್ವಾ ಸುಪುತ್ರಾಂಸ್ತ್ವಂ ಪುನರೇವ ಗಮಿಷ್ಯಸಿ॥ 1-64-108 (2699) ವ್ಯತಿಕ್ರಮಾತ್ಪಿತೄಣಾಂ ಚ ಪ್ರಾಪ್ಸ್ಯಸೇ ಜನ್ಮ ಕುತ್ಸಿತಂ। ಅಸ್ಯೈವ ರಾಜ್ಞಸ್ತ್ವಂ ಕನ್ಯಾ ಹ್ಯದ್ರಿಕಾಯಾಂ ಭವಿಷ್ಯಸಿ॥ 1-64-109 (2700) ಅಷ್ಟಾವಿಂಶೇ ಭವಿತ್ರೀ ತ್ವಂ ದ್ವಾಪರೇ ಮತ್ಸ್ಯಯೋನಿಜಾ। ಏವಮುಕ್ತಾ ಪುರಾ ತೈಸ್ತ್ವಂ ಜಾತಾ ಸತ್ಯವತೀ ಶುಭಾ॥ 1-64-110 (2701) ಅದ್ರಿಕೇತ್ಯಭಿವಿಖ್ಯಾತಾ ಬ್ರಹ್ಮಶಾಪಾದ್ವರಾಪ್ಸರಾ। ಮೀನಭಾವಮನುಪ್ರಾಪ್ತಾ ತ್ವಂ ಜನಿತ್ವಾ ಗತಾ ದಿವಂ॥ 1-64-111 (2702) ತಸ್ಯಾಂ ಜಾತಾಸಿ ಸಾ ಕನ್ಯಾ ರಾಜ್ಞೋ ವೀರ್ಯೇಣ ಚೈವಹಿ। ತಸ್ಮಾದ್ವಾಸವಿ ಭದ್ರಂ ತೇ ಯಾಚೇ ವಂಶಕರಂ ಸುತಂ॥ 1-64-112 (2703) ಸಂಗಮಂ ಮಮ ಕಲ್ಯಾಣಿ ಕುರುಷ್ವೇತ್ಯಭ್ಯಭಾಷತ॥ 1-64-113 (2704) ವೈಶಂಪಾಯನ ಉವಾಚ। 1-64-114x (310) ವಿಸ್ಮಯಾವಿಷ್ಟಸರ್ವಾಂಗೀ ಜಾತಿಸ್ಮರಣತಾಂ ಗತಾ। ಸಾಬ್ರವೀತ್ಪಶ್ಯ ಭಗವನ್ಪರಪಾರೇ ಸ್ಥಿತಾನೃಷೀನ್॥ 1-64-114 (2705) ಆವಯೋರ್ದೃಷ್ಟಯೋರೇಭಿಃ ಕಥಂ ನು ಸ್ಯಾತ್ಸಮಾಗಮಃ। ಏವಂ ತಯೋಕ್ತೋ ಭಗವಾನ್ನೀಹಾರಮಸೃಜತ್ಪ್ರಭುಃ॥ 1-64-115 (2706) ಯೇನ ದೇಶಃ ಸ ಸರ್ವಸ್ತು ತಮೋಭೂತ ಇವಾಭವತ್। ದೃಷ್ಟ್ವಾ ಸೃಷ್ಟಂ ತು ನೀಹಾರಂ ತತಸ್ತಂ ಪರಮರ್ಷಿಣಾ॥ 1-64-116 (2707) ವಿಸ್ಮಿತಾ ಸಾಭವತ್ಕನ್ಯಾ ವ್ರೀಡಿತಾ ಚ ತಪಸ್ವಿನೀ। 1-64-117 (2708) ಸತ್ಯವತ್ಯುವಾಚ। ವಿದ್ಧಿ ಮಾಂ ಭಗವನ್ಕನ್ಯಾಂ ಸದಾ ಪಿತೃವಶಾನುಗಾಂ॥ 1-64-117x (311) ತ್ವತ್ಸಂಯೋಗಾಚ್ಚ ದುಷ್ಯೇತ ಕನ್ಯಾಭಾವೋ ಮಮಾಽನಘ। ಕನ್ಯಾತ್ವೇ ದೂಷಿತೇ ವಾಪಿ ಕಥಂ ಶಕ್ಷ್ಯೇ ದ್ವಿಜೋತ್ತಮ॥ 1-64-118 (2709) ಗೃಹ ಗಂತುಮುಷೇ ಚಾಹಂ ಧೀಮನ್ನ ಸ್ಥಾತುಮುತ್ಸಹೇ। ಏತತ್ಸಂಚಿಂತ್ಯ ಭಗವನ್ವಿಧತ್ಸ್ವ ಯದನಂತರಂ॥ 1-64-119 (2710) ವೈಶಂಪಾಯನ ಉವಾಚ। 1-64-119x (312) ಏವಮುಕ್ತವತೀಂ ತೀಂ ತು ಪ್ರೀತಿಮಾನುಷಿಸತ್ತಮಃ। ಉವಾಚ ಮತ್ಪ್ರಿಯಂ ಕೃತ್ವಾ ಕನ್ಯೈವ ತ್ವಂ ಭವಿಷ್ಯತಿ॥ 1-64-120 (2711) ವೃಣೀಷ್ವ ಚ ವರಂ ಭೀರುಂ ಯಂ ತ್ವಮಿಚ್ಛಸಿ ಭಾಮಿನಿ। ವೃಥಾ ಹಿ ನ ಪ್ರಸಾದೋ ಮೇ ಭೂತಪೂರ್ವಃ ಶುಚಿಸ್ಮಿತೇ॥ 1-64-121 (2712) ಏವಮುಕ್ತಾ ವರಂ ವವ್ರೇ ಗಾತ್ರಸೌಗಂಧ್ಯಮುತ್ತಮಂ। ಸಚಾಸ್ಯೈ ಭಗವಾನ್ಪ್ರಾದಾನ್ಮನಃ ಕಾಂಕ್ಷಿತಂ ಪ್ರಭುಃ॥ 1-64-122 (2713) ತತೋ ಲಬ್ಧವರಾ ಪ್ರೀತಾ ಸ್ತ್ರೀಭಾವಗುಣಭೂಷಿತಾ। ಜಗಾಮ ಸಹ ಸಂಸರ್ಗಮೃಷಿಣಾಽದ್ಭುತಕರ್ಮಣಾ॥ 1-64-123 (2714) ತೇನ ಗಂಧವತೀತ್ಯೇವಂ ನಾಮಾಸ್ಯಾಃ ಪ್ರಥಿತಂ ಭುವಿ। ತಸ್ಯಾಸ್ತು ಯೋಜನಾದ್ಗಂಧಮಾಜಿಘ್ರಂತ ನರಾ ಭುವಿ॥ 1-64-124 (2715) ತಸ್ಯಾ ಯೋಜನಗಂಧೇತಿ ತತೋ ನಾಮಾಪರಂ ಸ್ಮೃತಂ। ಇತಿ ಸತ್ಯವತೀ ಹೃಷ್ಟಾ ಲಬ್ಧ್ವಾ ವರಮನುತ್ತಮಂ॥ 1-64-125 (2716) ಪರಾಶರೇಣ ಸಂಯುಕ್ತಾ ಸದ್ಯೋ ಗರ್ಭಂ ಸುಷಾವ ಸಾ। ಜಜ್ಞೇ ಚ ಯಮುನಾದ್ವೀಪೇ ಪಾರಾಶರ್ಯಃ ಸ ವೀರ್ಯವಾನ್॥ 1-64-126 (2717) ಸ ಮಾತರಮನುಜ್ಞಾಪ್ಯ ತಪಸ್ಯೇವ ಮನೋ ದಧೇ। ಸ್ಮೃತೋಽಹಂ ದರ್ಶಯಿಷ್ಯಾಮಿ ಕೃತ್ಯೇಷ್ವಿತಿ ಚ ಸೋಽಬ್ರವೀತ್॥ 1-64-127 (2718) ಏವಂ ದ್ವೈಪಾಯನೋ ಜಜ್ಞೇ ಸತ್ಯವತ್ಯಾಂ ಪರಾಶರಾತ್। ನ್ಯಸ್ತೋದ್ವೀಪೇ ಯದ್ಬಾಲಸ್ತಸ್ಮಾದ್ದ್ವೈಪಾಯನಃಸ್ಮೃತಃ॥ 1-64-128 (2719) ಪಾದಾಪಸಾರಿಣಂ ಧರ್ಮಂ ಸ ತು ವಿದ್ವಾನ್ಯುಗೇ ಯುಗೇ। ಆಯುಃ ಶಕ್ತಿಂ ಚ ಮರ್ತ್ಯಾನಾಂ ಯುಗಾವಸ್ಥಾಮವೇಕ್ಷ್ಯಚ॥ 1-64-129 (2720) ಬ್ರಹ್ಮಣೋ ಬ್ರಾಹ್ಮಣಾನಾಂ ಚ ತಥಾನುಗ್ರಹಕಾಂಕ್ಷಯಾ। ವಿವ್ಯಾಸ ವೇದಾನ್ಯಸ್ಮತ್ಸ ತಸ್ಮಾದ್ವ್ಯಾಸ ಇತಿ ಸ್ಮೃತಃ॥ 1-64-130 (2721) ವೇದಾನಧ್ಯಾಪಯಾಮಾಸ ಮಹಾಭಾರತಪಂಚಮಾನ್। ಸುಮಂತುಂ ಜೈಮಿನಿಂ ಪೈಲಂ ಶುಕಂ ಚೈವ ಸ್ವಮಾತ್ಮಜಂ॥ 1-64-131 (2722) ಪ್ರಭುರ್ವರಿಷ್ಠೋ ವರದೋ ವೈಶಂಪಾಯನಮೇವ ಚ। ಸಂಹಿತಾಸ್ತೈಃ ಪೃಥಕ್ತ್ವೇನ ಭಾರತಸ್ಯ ಪ್ರಕಾಶಿತಾಃ॥ 1-64a-1a [ತತೋ ರಂಯೇ ವನೋದ್ದೇಶೇ ದಿವ್ಯಾಸ್ತರಣಸಂಯುತೇ। 1-64a-1b ವೀರಾಸನಮುಪಾಸ್ಥಾಯ ಯೋಗೀ ಧ್ಯಾನಪರೋಽಭವತ್॥ 1-64a-2a ಶ್ವೇತಪಟ್ಟಗೃಹೇ ರಂಯೇ ಪರ್ಯಂಕೇ ಸೋತ್ತರಚ್ಛದೇ। 1-64a-2b ತೂಷ್ಣೀಂಭೂತಾಂ ತದಾ ಕನ್ಯಾಂ ಜ್ವಲಂತೀಂ ಯೋಗತೇಜಸಾ॥ 1-64a-3a ದೃಷ್ಟ್ವಾ ತಾಂ ತು ಸಮಾಧಾಯ ವಿಚಾರ್ಯ ಚ ಪುನಃ ಪುನಃ। 1-64a-3b ಸ ಚಿಂತಯಾಮಾಸ ಮುನಿಃ ಕಿಂ ಕೃತಂ ಸುಕೃತಂ ಭವೇತ್॥ 1-64a-4a ಶಿಷ್ಟಾನಾಂ ತು ಸಮಾಚಾರಃ ಶಿಷ್ಟಾಚಾರ ಇತಿ ಸ್ಮೃತಃ। 1-64a-4b ಶ್ರುತಿಸ್ಮೃತಿವಿದೋ ವಿಪ್ರಾ ಧರ್ಮಜ್ಞಾ ಜ್ಞಾನಿನಃ ಸ್ಮೃತಾಃ॥ 1-64a-5a ಧರ್ಮಜ್ಞೈರ್ವಿಹಿತೋ ಧರ್ಮಃ ಶ್ರೌತಃ ಸ್ಮಾರ್ತೋ ದ್ವಿಧಾ ದ್ವಿಜೈಃ। 1-64a-5b ದಾನಾಗ್ನಿಹೋತ್ರಮಿಜ್ಯಾ ಚ ಶ್ರೌತಸ್ಯೈತದ್ಧಿ ಲಕ್ಷಣಂ॥ 1-64a-6a ಸ್ಮಾರ್ತೋ ವರ್ಣಾಶ್ರಮಾಚಾರೋ ಯಮೈಶ್ಚ ನಿಯಮೈರ್ಯುತಃ। 1-64a-6b ಧರ್ಮೇ ತು ಧಾರಣೇ ಧಾತುಃ ಸಹತ್ವೇ ಚಾಪಿ ಪಠ್ಯತೇ॥ 1-64a-7a ತತ್ರೇಷ್ಟಫಲಭಾಗ್ಧರ್ಮ ಆಚಾರ್ಯೈರುಪದಿಶ್ಯತೇ। 1-64a-7b ಅನಿಷ್ಟಫಲಭಾಕ್ರೇತಿ ತೈರಧರ್ಮೋಽಪಿ ಭಾಷ್ಯತೇ॥ 1-64a-8a ತಸ್ಮಾದಿಷ್ಟಫಲಾರ್ಥಾಯ ಧರ್ಮಮೇವ ಸಮಾಶ್ರಯೇತ್। 1-64a-8b ಬ್ರಾಹ್ಮೋ ದೈವಸ್ತಥೈವಾರ್ಷಃ ಪ್ರಾಜಾಪತ್ಯಶ್ಚ ಧಾರ್ಮಿಕಃ॥ 1-64a-9a ವಿವಾಹಾ ಬ್ರಾಹ್ಮಣಾನಾಂ ತು ಗಾಂಧರ್ವೋ ನೈವ ಧಾರ್ಮಿಕಃ। 1-64a-9b ತ್ರಿವರ್ಣೇತರಜಾತೀನಾಂ ಗಾಂಧರ್ವಾಸುರರಾಕ್ಷಸಾಃ॥ 1-64a-10a ಪೈಶಾಚೋ ನೈವ ಕರ್ತವ್ಯಃ ಪೈಶಾಚಶ್ಚಾಷ್ಟಮೋಽಧಮಃ। 1-64a-10b ಸಾಮರ್ಷಾಂ ವ್ಯಂಗಿಕಾಂ ಕನ್ಯಾಂ ಮಾತುಶ್ಚ ಕುಲಜಾಂ ತಥಾ॥ 1-64a-11a ವೃದ್ಧಾಂ ಪ್ರವ್ರಾಜಿತಾಂ ವಂಧ್ಯಾಂ ಪತಿತಾಂ ಚ ರಜಸ್ವಲಾಂ। 1-64a-11b ಅಪಸ್ಮಾರಕುಲೇ ಜಾತಾಂ ಪಿಂಗಲಾಂಕುಷ್ಠಿನೀಂ ವ್ರಣೀಂ॥ 1-64a-12a ನ ಚಾಸ್ನಾತಾಂ ಸ್ತ್ರಿಯಂ ಗಚ್ಛೇದಿತಿ ಧರ್ಮಾನುಶಾಸನಂ। 1-64a-12b ಪಿತಾ ಪಿತಾಮಹೋ ಭ್ರಾತಾ ಮಾತಾ ಮಾತುಲ ಏವ ಚ॥ 1-64a-13a ಉಪಾಧ್ಯಾಯರ್ತ್ವಿಜಶ್ಚೈವ ಕನ್ಯಾದಾನೇ ಪ್ರಭೂತ್ತಮಾಃ। 1-64a-13b ಏತೈರ್ದತ್ತಾಂ ನಿಷೇವೇತ ನಾದತ್ತಾಮಾದದೀತ ಚ॥ 1-64a-14a ಇತ್ಯೇವ ಋಷಯಃ ಪ್ರಾಹುರ್ವಿವಾಹೇ ಧರ್ಮವಿತ್ತಮಾಃ। 1-64a-14b ಅಸ್ಯಾ ನಾಸ್ತಿ ಪಿತಾ ಭ್ರಾತಾ ಮಾತಾ ಮಾತುಲ ಏವ ಚ॥ 1-64a-15a ಗಾಂಧರ್ವೇಣ ವಿವಾಹೇನ ನ ಸ್ಪೃಶಾಮಿ ಯದೃಚ್ಛಯಾ। 1-64a-15b ಕ್ರಿಯಾಹೀನಂ ತು ಗಾಂಧರ್ವಂ ನ ಕರ್ತವ್ಯಮನಾಪದಿ॥ 1-64a-16a ಯದಸ್ಯಾಂ ಜಾಯತೇ ಪುತ್ರೋ ವೇದವ್ಯಾಸೋ ಭವೇದೃಷಿಃ। 1-64a-16b ಕ್ರಿಯಾಹೀನಃ ಕಥಂ ವಿಪ್ರೋ ಭವೇದೃಷಿರುದಾರಧೀಃ॥ 1-64a-17x ವೈಶಂಪಾಯನ ಉವಾಚ। 1-64a-17a ಏವಂ ಚಿಂತಯತೋ ಭಾವಂ ಮಹರ್ಷೇರ್ಭಾವಿತಾತ್ಮನಃ। 1-64a-17b ಜ್ಞಾತ್ವಾ ಚೈವಾಭ್ಯವರ್ತಂತ ಪಿತರೋ ಬರ್ಹಿಷಸ್ತದಾ॥ 1-64a-18a ತಸ್ಮಿನ್ಕ್ಷಣೇ ಬ್ರಹ್ಮಪುತ್ರೋ ವಸಿಷ್ಠೋಽಪಿ ಸಮೇಯಿವಾನ್। 1-64a-18b ಪೂರ್ವಂ ಸ್ವಾಗತಮಿತ್ಯುಕ್ತ್ವಾ ವಸಿಷ್ಠಃ ಪ್ರತ್ಯಭಾಷತ॥ 1-64a-19x ಪಿತೃಗಣಾ ಊಚುಃ। 1-64a-19a ಅಸ್ಮಾಕಂ ಮಾನಸೀಂ ಕನ್ಯಾಮಸ್ಮಚ್ಛಾಪೇನ ವಾಸವೀಂ। 1-64a-19b ಯದಿಚಚ್ಛಶಿ ಪುತ್ರಾರ್ಥಂ ಕನ್ಯಾಂ ಗೃಹ್ಮೀಷ್ವಮಾ ಚಿರಂ॥ 1-64a-20a ಪಿತೄಣಾಂ ವಚನಂ ಶ್ರುತ್ವಾ ವಸಿಷ್ಠಃ ಪ್ರತ್ಯಭಾಷತ। 1-64a-20b ಮಹರ್ಷೀಣಾಂ ವಚಃ ಸತ್ಯಂ ಪುರಾಣೇಪಿ ಮಯಾ ಶ್ರುತಂ॥ 1-64a-21a ಪರಾಶರೋ ಬ್ರಹ್ಮಚಾರೀ ಪ್ರಜಾರ್ಥೀ ಮಮ ವಂಶಧೃತ್। 1-64a-21b ಏವಂ ಸಂಭಾಷಮಾಣೇ ತು ವಸಿಷ್ಠೇ ಪಿತೃಭಿಃ ಸಹ॥ 1-64a-22a ಋಷಯೋಽಭ್ಯಾಗಮಂಸ್ತತ್ರ ನೈಮಿಶಾರಣ್ಯವಾಸಿನಃ। 1-64a-22b ವಿವಾಹಂ ದ್ರಷ್ಟುಮಿಚ್ಛಂತಃ ಶಕ್ತಿಪುತ್ರಸ್ಯ ಧೀಮತಃ॥ 1-64a-23a ಅರುಂಧತೀ ಮಹಾಭಾಗಾ ಅದೃಶ್ಯಂತ್ಯಾ ಸಹೈವ ಸಾ। 1-64a-23b ವಿಶ್ವಕರ್ಮಕೃತಾಂ ದಿವ್ಯಾಂ ಪರ್ಣಶಾಲಾಂ ಪ್ರವಿಶ್ಯ ಸಾ॥ 1-64a-24a ವೈವಾಹಿಕಾಂಸ್ತು ಸಂಭಾರಾನ್ಸಂಕಲ್ಪ್ಯ ಚ ಯಥಾಕ್ರಮಂ। 1-64a-24b ಅರುಂಧತೀ ಸತ್ಯವತೀಂ ವಧೂಂ ಸಂಗೃಹ್ಯ ಪಾಣಿನಾ॥ 1-64a-25a ಭದ್ರಾಸನೇ ಪ್ರತಿಷ್ಠಾಪ್ಯ ಇಂದ್ರಾಣೀಂ ಸಮಕಲ್ಪಯತ್। 1-64a-25b ಆಪೂರ್ಯಮಾಣಪಕ್ಷೇ ತು ವೈಶಾಖೇ ಸೋಮದೈವತೇ॥ 1-64a-26a ಶುಭಗ್ರಹೇ ತ್ರಯೋದಶ್ಯಾಂ ಮುಹೂರ್ತೇ ಮೈತ್ರ ಆಗತೇ। 1-64a-26b ವಿವಾಹಕಾಲ ಇತ್ಯುಕ್ತ್ವಾ ವಸಿಷ್ಠೋ ಮುನಿಭಿಃ ಸಹ॥ 1-64a-27a ಯಮುನಾದ್ವೀಪಮಾಸಾದ್ಯ ಶಿಷ್ಯೈಶ್ಚ ಮುನಿಪಂಕ್ತಿಭಿಃ। 1-64a-27b ಸ್ಥಂಡಿಲಂ ಚತುರಶ್ರಂ ಚ ಗೋಮಯೇನೋಪಲಿಪ್ಯ ಚ॥ 1-64a-28a ಅಕ್ಷತೈಃ ಫಲಪುಷ್ಪೈಶ್ಚ ಸ್ವಸ್ತಿಕೈರಾಂರಪಲ್ಲವೈಃ। 1-64a-28b ಜಲಪೂರ್ಣಘಟೈಶ್ಚೈವ ಸರ್ವತಃ ಪರಿಶೋಭಿತಂ॥ 1-64a-29a ತಸ್ಯ ಮಧ್ಯೇ ಪ್ರತಿಷ್ಠಾಪ್ಯ ಬೃಸ್ಯಾಂ ಮುನಿವರಂ ತದಾ। 1-64a-29b ಸಿದ್ಧಾರ್ಥಯವಕಲ್ಕೈಶ್ಚ ಸ್ನಾತಂ ಸರ್ವೌಷಧೈರಪಿ॥ 1-64a-30a ಕೃತ್ವಾರ್ಜುನಾನಿ ವಸ್ತ್ರಾಣಿ ಪರಿಧಾಪ್ಯ ಮಹಾಮುನಿಂ। 1-64a-30b ವಾಚಯಿತ್ವಾ ತು ಪುಣ್ಯಾಹಮಕ್ಷತೈಸ್ತು ಸಮರ್ಚಿತಃ॥ 1-64a-31a ಗಂಧಾನುಲಿಪ್ತಃ ಸ್ರಗ್ವೀ ಚ ಸಪ್ರತೋದೋ ವಧೂಗೃಹೇ। 1-64a-31b ಅಪದಾತಿಸ್ತತೋ ಗತ್ವಾ ವಧೂಜ್ಞಾತಿಭಿರರ್ಚಿತಃ॥ 1-64a-32a ಸ್ನಾತಾಮಹತಸಂವೀತಾಂ ಗಂಧಲಿಪ್ತಾಂ ಸ್ರಗುಜ್ಜ್ವಲಾಂ। 1-64a-32b ವಧೂಂ ಮಂಗಲಸಂಯುಕ್ತಾಮಿಷುಹಸ್ತಾಂ ಸಮೀಕ್ಷ್ಯ ಚ॥ 1-64a-33a ಉವಾಚ ವಚನಂ ಕಾಲೇ ಕಾಲಜ್ಞಃ ಸರ್ವಧರ್ಮವಿತ್। 1-64a-33b ಪ್ರತಿಗ್ರಹೋ ದಾತೃವಶಃ ಶ್ರುತಮೇವಂ ಮಯಾ ಪುರಾ॥ 1-64a-34a ಯಥಾ ವಕ್ಷ್ಯಂತಿ ಪಿತರಸ್ತತ್ಕರಿಷ್ಯಾಮಹೇ ವಯಂ। 1-64a-34x ವೈಶಂಪಾಯನ ಉವಾಚ। 1-64a-34b ತದ್ಧರ್ಮಿಷ್ಠಂ ಯಶಸ್ಯಂ ಚ ವಚನಂ ಸತ್ಯವಾದಿನಃ॥ 1-64a-35a ಶ್ರುತ್ವಾ ತು ಪಿತರಃ ಸರ್ವೇ ನಿಃಸಂಗಾ ನಿಷ್ಪರಿಗ್ರಹಾಃ। 1-64a-35b ವಸುಂ ಪರಮಧರ್ಮಿಷ್ಠಮಾನೀಯೇದಂ ವಚೋಽಬ್ರುವನ್॥ 1-64a-36a ಮತ್ಸ್ಯಯೋನೌ ಸಮುತ್ಪನ್ನಾ ತವ ಪುತ್ರೀ ವಿಶೇಷತಃ। 1-64a-36b ಪರಾಶರಾಯ ಮುನಯೇ ದಾತುಮರ್ಹಸಿ ಧರ್ಮತಃ॥ 1-64a-37x ವಸುರುವಾಚ। 1-64a-37a ಸತ್ಯಂ ಮಮ ಸುತಾ ಸಾ ಹಿ ದಾಶರಾಜೇನ ವರ್ಧಿತಾ। 1-64a-37b ಅಹಂ ಪ್ರಭುಃ ಪ್ರದಾನೇ ತು ಪ್ರಜಾಪಾಲಃ ಪ್ರಜಾರ್ಥಿನಾಂ॥ 1-64a-38x ಪಿತರ ಊಚುಃ। 1-64a-38a ನಿರಾಶಿಷೋ ವಯಂ ಸರ್ವೇ ನಿಃಸಂಗಾ ನಿಷ್ಪರಿಗ್ರಹಾಃ। 1-64a-38b ಕನ್ಯಾದಾನೇನ ಸಂಬಂಧೋ ದಕ್ಷಿಣಾಬಂಧ ಉಚ್ಯತೇ॥ 1-64a-39a ಕರ್ಮಭೂಮಿಸ್ತು ಮಾನುಷ್ಯಂ ಭೋಗಭೂಮಿಸ್ತ್ರಿವಿಷ್ಟಪಂ। 1-64a-39b ಇಹ ಪುಣ್ಯಕೃತೋ ಯಾಂತಿ ಸ್ವರ್ಗಲೋಕಂ ನ ಸಂಶಯಃ॥ 1-64a-40a ಇಹ ಲೋಕೇ ದುಷ್ಕೃತಿನೋ ನರಕಂ ಯಾಂತಿ ನಿರ್ಘೃಣಾಃ। 1-64a-40b ದಕ್ಷಿಣಾಬಂಧ ಇತ್ಯುಕ್ತೇ ಉಭೇ ಸುಕೃತದುಷ್ಕೃತೇ॥ 1-64a-41a ದಕ್ಷಿಣಾಬಂಧಸಂಯುಕ್ತಾ ಯೋಗಿನಃ ಪ್ರಪತಂತಿ ತೇ। 1-64a-41b ತಸ್ಮಾನ್ನೋ ಮಾನಸೀಂ ಕನ್ಯಾಂ ಯೋಗಾದ್ಭ್ರಷ್ಟಾಂ ವಿಶಾಪತೇ॥ 1-64a-42a ಸುತಾತ್ವಂ ತವ ಸಂಪ್ರಾಪ್ತಾಂ ಸತೀಂ ಭಿಕ್ಷಾಂ ದದಸ್ವ ವೈ। 1-64a-42b ಇತ್ಯುಕ್ತ್ವಾ ಪಿತರಃ ಸರ್ವೇ ಕ್ಷಣಾದಂತರ್ಹಿತಾಸ್ತದಾ॥ 1-64a-43x ವೈಶಂಪಾಯನ ಉವಾಚ। 1-64a-43a ಯಾಜ್ಞವಲ್ಕ್ಯಂ ಸಮಾಹೂಯ ವಿವಾಹಾಚಾರ್ಯಮಿತ್ಯುತ। 1-64a-43b ವಸುಂ ಚಾಪಿ ಸಮಾಹೂಯ ವಸಿಷ್ಠೋ ಮುನಿಭಿಃ ಸಹ॥ 1-64a-44a ವಿವಾಹಂ ಕಾರಯಾಮಾಸ ವಿಧಿದೃಷ್ಟೇನ ಕರ್ಮಣಾ। 1-64a-44x ವಸುರುವಾಚ। 1-64a-44b ಪರಾಶರ ಮಹಾಪ್ರಾಜ್ಞ ತವ ದಾಸ್ಯಾಂಯಹಂ ಸುತಾಂ॥ 1-64a-45a ಪ್ರತೀಚ್ಛ ಚೈನಾಂ ಭದ್ರಂ ತೇ ಪಾಣಿಂ ಗೃಹ್ಣೀಷ್ವ ಪಾಣಿನಾ। 1-64a-45x ವೈಶಂಪಾಯನ ಉವಾಚ। 1-64a-45b ವಸೋಸ್ತು ವಚನಂ ಶ್ರುತ್ವಾ ಯಾಜ್ಞವಲ್ಕ್ಯಮತೇ ಸ್ಥಿತಃ॥ 1-64a-46a ಕೃತಕೌತುಕಮಂಗಲ್ಯಃ ಪಾಣಿನಾ ಪಾಣಿಮಸ್ಪೃಶತ್। 1-64a-46b ಪ್ರಭೂತಾಜ್ಯೇನ ಹವಿಷಾ ಹುತ್ವಾ ಮಂತ್ರೈರ್ಹುತಾಶನಂ॥ 1-64a-47a ತ್ರಿರಗ್ನಿಂ ತು ಪರಿಕ್ರಂಯ ಸಮಭ್ಯರ್ಚ್ಯ ಹುತಾಶನಂ। 1-64a-47b ಮಹರ್ಷೀನ್ಯಾಜ್ಞವಲ್ಕ್ಯಾದೀಂದಕ್ಷಿಣಾಭಿಃ ಪ್ರತರ್ಪ್ಯಚ॥ 1-64a-48a ಲಬ್ಧಾನುಜ್ಞೋಽಭಿವಾದ್ಯಾಶು ಪ್ರದಕ್ಷಿಣಮಥಾಕರೋತ್। 1-64a-48b ಪರಾಶರೇ ಕೃತೋದ್ವಾಹೇ ದೇವಾಃ ಸರ್ಪಿಗಣಾಸ್ತದಾ॥ 1-64a-49a ಹೃಷ್ಟಾ ಜಗ್ಮುಃ ಕ್ಷಣಾದೇವ ವೇದವ್ಯಾಸೋ ಭವತ್ವಿತಿ। 1-64a-49b ಏವಂ ಸತ್ಯವತೀ ಹೃಷ್ಟಾ ಪೂಜಾಂ ಲಬ್ಧ್ವಾ ಯಥೇಷ್ಟತಃ॥ 1-64a-50a ಪರಾಶರೇಣ ಸಂಯುಕ್ತಾ ಸದ್ಯೋ ಗರ್ಭಂ ಸುಷಾವ ಸಾ। 1-64a-50b ಜಜ್ಞೇ ಚ ಯಮುನಾದ್ವೀಪೇ ಪಾರಾಶರ್ಯಃ ಸ ವೀರ್ಯವಾನ್॥ 1-64a-51a ಜಾತಮಾತ್ರಃ ಸ ವವೃಧೇ ಸಪ್ತವರ್ಷೋಽಭವತ್ತದಾ। 1-64a-51b ಸ್ನಾತ್ವಾಭಿವಾದ್ಯ ಪಿತರಂ ತಸ್ಥೌ ವ್ಯಾಸಃ ಸಮಾಹಿತಃ॥ 1-64a-52a ಸ್ವಸ್ತೀತಿ ವಚನಂ ಚೋಕ್ತ್ವಾ ದದೌ ಕಲಶಮುತ್ತಮಂ। 1-64a-52b ಗೃಹೀತ್ವಾ ಕಲಶಂ ಪ್ರಾಪ್ತೇ ತಸ್ಥೌ ವ್ಯಾಸಃ ಸಮಾಹಿತಃ॥ 1-64a-53a ತತೋ ದಾಶಭಯಾತ್ಪತ್ನೀ ಸ್ನಾತ್ವಾ ಕನ್ಯಾ ಬಭೂವ ಸಾ। 1-64a-53b ಅಭಿವಾದ್ಯ ಮುನೇಃ ಪಾದೌ ಪುತ್ರಂ ಜಗ್ರಾಹ ಪಾಣಿನಾ॥ 1-64a-54a ಸ್ಪೃಷ್ಟಮಾತ್ರೇ ತು ನಿರ್ಭರ್ತ್ಸ್ಯ ಮಾತರಂ ವಾಕ್ಯಮಬ್ರವೀತ್। 1-64a-54b ಮಮ ಪಿತ್ರಾ ತು ಸಂಸ್ಪರ್ಶಾನ್ಮಾತಸ್ತ್ವಮಭವಃ ಶುಚಿಃ॥ 1-64a-55a ಅದ್ಯ ದಾಶಸುತಾ ಕನ್ಯಾ ನ ಸ್ಪೃಶೇರ್ಮಾಮನಿಂದಿತೇ। 1-64a-55x ವೈಶಂಪಾಯನ ಉವಾಚ। 1-64a-55b ವ್ಯಾಸಸ್ಯ ವಚನಂ ಶ್ರುತ್ವಾ ಬಾಷ್ಪಪೂರ್ಣಮುಖೀ ತದಾ॥ 1-64a-56a ಮನುಷ್ಯಭಾವಾತ್ಸಾ ಯೋಷಿತ್ಪಪಾತ ಮುನಿಪಾದಯೋಃ। 1-64a-56b ಮಹಾಪ್ರಸಾದೋ ಭಗವಾನ್ಪುತ್ರಂ ಪ್ರೋವಾಚ ಧರ್ಮವಿತ್॥ 1-64a-57a ಮಾ ತ್ವಮೇವಂವಿಧಂ ಕಾರ್ಷೀರ್ನೈತದ್ಧರ್ಂಯಂ ಮತಂ ಹಿ ನಃ। 1-64a-57b ದೂಷ್ಯೌ ನ ಮಾತಾಪಿತರೌ ತಥಾ ಪೂರ್ವೋಪಕಾರಿಣೌ॥ 1-64a-58a ಧಾರಣಾದ್ದುಃಖಸಹನಾತ್ತಯೋರ್ಮಾತಾ ಗರೀಯಸೀ। 1-64a-58b ಬೀಜಕ್ಷೇತ್ರಸಮಾಯೋಗೇ ಸಸ್ಯಂ ಜಾಯೇತ ಲೌಕಿಕಂ॥ 1-64a-59a ಜಾಯತೇ ಚ ಸುತಸ್ತದ್ವತ್ಪುರುಷಸ್ತ್ರೀಸಮಾಗಮೇ। 1-64a-59b ಮೃಗೀಣಾಂ ಪಕ್ಷಿಣಾಂ ಚೈವ ಅಪ್ಸರಾಣಾಂ ತಥೈವ ಚ॥ 1-64a-60a ಶೂದ್ರಯೋನ್ಯಾಂ ಚ ಜಾಯಂತೇ ಮುನಯೋ ವೇದಪಾರಗಾಃ। 1-64a-60b ಋಷ್ಯಶೃಂಗೋ ಮೃಗೀಪುತ್ರಃ ಕಣ್ವೋ ಬರ್ಹಿಸುತಸ್ತಥಾ॥ 1-64a-61a ಅಗಸ್ತ್ಯಶ್ಚ ವಸಿಷ್ಠಶ್ಚ ಉರ್ವಶ್ಯಾಂ ಜನಿತಾವುಭೌ। 1-64a-61b ಸೋಮಶ್ರವಾಸ್ತು ಸರ್ಪ್ಯಾಂ ತು ಅಶ್ವಿನಾವಶ್ವಿಸಂಭವೌ॥ 1-64a-62a ಸ್ಕಂದಃ ಸ್ಕನ್ನೇನ ಶುಕ್ಲೇನ ಜಾತಃ ಶರವಣೇ ಪುರಾ। 1-64a-62b ಏವಮೇವ ಚ ದೇವಾನಾಮೃಷೀಮಾಂ ಚೈವ ಸಂಭವಃ॥ 1-64a-63a ಲೋಕವೇದಪ್ರವೃತ್ತಿರ್ಹಿ ನ ಮೀಮಾಂಸ್ಯಾ ಬುಧೈಃ ಸದಾ। 1-64a-63b ವೇದವ್ಯಾಸ ಇತಿ ಪ್ರೋಕ್ತಃ ಪುರಾಣೇ ಚ ಸ್ವಯಂಭುವಾ॥ 1-64a-64a ಧರ್ಮನೇತಾ ಮಹರ್ಷೀಣಾಂ ಮನುಷ್ಯಾಣಾಂ ತ್ವಮೇವ ಚ। 1-64a-64b ತಸ್ಮಾತ್ಪುತ್ರ ನ ದೂಷ್ಯೇತ ವಾಸವೀ ಯೋಗಚಾರಿಣೀ॥ 1-64a-65a ಮತ್ಪ್ರೀತ್ಯರ್ಥಂ ಮಹಾಪ್ರಾಜ್ಞ ಸಸ್ನೇಹಂ ವಕ್ತುಮರ್ಹಸಿ। 1-64a-65b ಪ್ರಜಾಹಿತಾರ್ಥಂ ಸಂಭೂತೋ ವಿಷ್ಣೋರ್ಭಾಗೋ ಮಹಾನೃಷಿಃ॥ 1-64a-66a ತಸ್ಮಾತ್ಸ್ವಮಾತರಂ ಸ್ನೇಹಾತ್ಪ್ರಬವೀಹಿ ತಪೋಧನ। 1-64a-66x ವೈಶಂಪಾಯನ ಉವಾಚ। 1-64a-66b ಗುರೋರ್ವಚನಮಾಜ್ಞಾಯ ವ್ಯಾಸಃ ಪ್ರೀತೋಽಭವತ್ತದಾ॥ 1-64a-67a ಚಿಂತಯಿತ್ವಾ ಲೋಕವೃತ್ತಂ ಮಾತುರಂಕಮಥಾವಿಶತ್। 1-64a-67b ಪುತ್ರಸ್ಪರ್ಶಾತ್ತು ಲೋಕೇಷು ನಾನ್ಯತ್ಸುಖಮತೀವ ಹಿ॥ 1-64a-68a ವ್ಯಾಸಂ ಕಮಲಪತ್ರಾಕ್ಷಂ ಪರಿಷ್ವಜ್ಯಾಶ್ರ್ವವರ್ತಯತ್। 1-64a-68b ಸ್ತನ್ಯಾಸಾರೈಃ ಕ್ಲಿದ್ಯಮಾನಾ ಪುತ್ರಮಾಘ್ರಾಯ ಮೂರ್ಧನಿ॥ 1-64a-69x ವಾಸವ್ಯುವಾಚ। 1-64a-69a ಪುತ್ರಲಾಭಾತ್ಪರಂ ಲೋಕೇ ನಾಸ್ತೀಹ ಪ್ರಸವಾರ್ಥಿನಾಂ। 1-64a-69b ದುರ್ಲಭಂ ಚೇತಿ ಮನ್ಯೇಽಹಂ ಮಯಾ ಪ್ರಾಪ್ತಂ ಮಹತ್ತಪಃ॥ 1-64a-70a ಮಹತಾ ತಪಸಾ ತಾತ ಮಹಾಯೋಗಬಲೇನ ಚ। 1-64a-70b ಮಯಾ ತ್ವಂ ಹಿ ಮಹಾಪ್ರಾಜ್ಞ ಲಬ್ಧೋಽಮೃತಮಿವಾಮರೈಃ॥ 1-64a-71a ತಸ್ಮಾತ್ತ್ವಂ ಮಾಮೃಷೇಃ ಪುತ್ರ ತ್ಯಕ್ತುಂ ನಾರ್ಹಸಿ ಸಾಂಪ್ರತಂ। 1-64a-71x ವೈಶಂಪಾಯನ ಉವಾಚ। 1-64a-71b ಏವಮುಕ್ತಸ್ತತಃ ಸ್ನೇಹಾದ್ವ್ಯಾಸೋ ಮಾತರಮಬ್ರವೀತ್॥ 1-64a-72a ತ್ವಯಾ ಸ್ಪೃಷ್ಟಃ ಪರಿಷ್ವಕ್ತೋ ಮೂರ್ಧ್ನಿ ಚಾಘ್ರಾಯಿತೋ ಮುಹುಃ। 1-64a-72b ಏತಾವನ್ಮಾತ್ರಯಾ ಪ್ರೀತೋ ಭವಿಷ್ಯೇಷು ನೃಪಾತ್ಮಜೇ॥ 1-64a-73a ಸ್ಮೃತೋಽಹಂ ದರ್ಶಯಿಷ್ಯಾಮಿ ಕೃತ್ಯೇಷ್ವಿತಿ ಚ ಸೋಽಬ್ರವೀತ್। 1-64a-73b ಸ ಮಾತರಮನುಜ್ಞಾಪ್ಯ ತಪಸ್ಯೇವ ಮನೋ ದಧೇ॥ 1-64a-74a ತತಃ ಕನ್ಯಾಮನುಜ್ಞಾಯ ಪುನಃ ಕನ್ಯಾ ಭವತ್ವಿತಿ। 1-64a-74b ಪರಾಶರೋಽಪಿ ಭಗವಾನ್ಪುತ್ರೇಣ ಸಹಿತೋ ಯಯೌ॥ 1-64a-75a ಗತ್ವಾಶ್ರಮಪದಂ ಪುಂಯಮದೃಶ್ಯಂತ್ಯಾ ಪರಾಶರಃ। 1-64a-75b ಜಾತಕರ್ಮಾದಿಸಂಸ್ಕಾರಂ ಕಾರಯಾಮಾಸ ಧರ್ಮತಃ॥ 1-64a-76a ಕೃತೋಪನಯನೋ ವ್ಯಾಸೋ ಯಾಜ್ಞವಲ್ಕ್ಯೇನ ಭಾರತ। 1-64a-76b ವೇದಾನಧಿಜಗೌ ಸಾಂಗಾನೋಂಕಾರೇಣ ತ್ರಿಮಾತ್ರಯಾ॥ 1-64a-77a ಗುರವೇ ದಕ್ಷಿಣಾಂ ದತ್ತ್ವಾ ತಪಃ ಕರ್ತುಂ ಪ್ರಚಕ್ರಮೇ। 1-64a-77b ಏವಂ ದ್ವೈಪಾಯನೋ ಜಜ್ಞೇ ಸತ್ಯವತ್ಯಾಂ ಪರಾಶರಾತ್॥ 1-64a-78a ದ್ವೀಪ ನ್ಯಸ್ತಃ ಸ ಯದ್ವಾಲಸ್ತಸ್ಮಾದ್ದ್ವೈಪಾಯನೋಽಭವತ್। 1-64a-78b ಪಾದಾಪಸಾರಿಣಂ ಧರ್ಮಂ ವಿದ್ವಾನ್ಸ ತು ಯುಗೇ ಯುಗೇ॥ 1-64a-79a ಆಯುಃ ಶಕ್ತಿಂ ಚ ಮರ್ತ್ಯಾನಾಂ ಯುಗಾದ್ಯುಗಮವೇಕ್ಷ್ಯ ಚ। 1-64a-79b ಬ್ರಹ್ಮರ್ಷಿರ್ಬ್ರಾಹ್ಮಣಾನಾಂ ಚ ತಥಾಽನುಗ್ರಹಕಾಂಕ್ಷಯಾ॥ 1-64a-80a ವಿವ್ಯಾಸ ವೇದಾನ್ಯಸ್ಮಾಚ್ಚ ವೇದವ್ಯಾಸ ಇತಿ ಸ್ಮೃತಃ। 1-64a-80b ತತಃ ಸ ಮಹರ್ಷಿರ್ವಿದ್ವಾಞ್ಶಿಷ್ಯಾನಾಹೂಯ ಧರ್ಮತಃ॥ 1-64a-81a ಸುಮಂತುಂ ಜೈಮಿನಿಂ ಪೈಲಂ ಶುಕಂ ಚೈವ ಸ್ವಮಾತ್ಮಜಂ। 1-64a-81b ಪ್ರಭುರ್ವರಿಷ್ಠೋ ವರದೋ ವೈಶಂಪಾಯನಮೇವ ಚ॥ 1-64a-82a ವೇದಾನಧ್ಯಾಪಯಾಮಾಸ ಮಹಾಭಾರತಪಂಚಮಾನ್। 1-64a-82b ಸಂಹಿತಾಸ್ತೈಃ ಪೃಥಕ್ತ್ವೇನ ಭಾರತಸ್ಯ ಪ್ರಕೀರ್ತಿತಾ॥ 1-64a-83a ತತಃ ಸತ್ಯವತೀ ಹೃಷ್ಟಾ ಜಗಾಮ ಸ್ವಂ ನಿವೇಶನಂ। 1-64a-83b ತಸ್ಯಾಸ್ತು ಯೋಜನಾದ್ಗಂಧಮಾಜಿಘ್ರಂತಿ ನರಾ ಭುವಿ॥ 1-64a-84a ದಾಶರಾಜಸ್ತು ತದ್ಗಂಧಮಾಜಿಘ್ರನ್ಪೀತಿಮಾವಹತ್। 1-64a-84x ದಾಶರಾಜ ಉವಾಚ। 1-64a-84b ತ್ವಾಮಾಹುರ್ಮತ್ಸ್ಯಗಂಧೇತಿ ಕಥಂ ಬಾಲೇ ಸುಗಂಧತಾ॥ 1-64a-85a ಅಪಾಸ್ಯ ಮತ್ಸ್ಯಗಂಧತ್ವಂ ಕೇನ ದತ್ತಾ ಸುಗಂಧತಾ 1-64a-85x ಸತ್ಯವತ್ಯುವಾಚ। 1-64a-85b ಶಕ್ತೇ- ಪುತ್ರೋ ಮಹಾಪ್ರಾಜ್ಞಃ ಪರಾಶರ ಇತಿ ಶ್ರುತಃ॥ 1-64a-86a ನಾವಂ ವಾಹಯಮಾನಾಯಾ ಮಮ ದೃಷ್ಟ್ವಾಂ ಸುಶಿಕ್ಷಿತಂ। 1-64a-86b ಉಪಾಸ್ಯ ಮತ್ಸ್ಯಗಂಧತ್ವಂ ಯೋಜನಾದ್ಗಂಧತಾಂ ದದೌ॥ 1-64a-87a ಋಷೇಃ ಪ್ರಸಾದಂ ದೃಷ್ಟ್ವಾ ತು ಜನಾಃ ಪ್ರೀತಿಮುಪಾಗಮನ್। 1-64a-87b ಏವಂ ಲಬ್ಧೋ ಮಯಾ ಗಂಧೋ ನ ರೋಷಂ ಕರ್ತುಮರ್ಹಸಿ॥ 1-64a-88a ದಾಶರಾಜಸ್ತು ತದ್ವಾಕ್ಯಂ ಪ್ರಶಶಂಸ ನನಂದ ಚ। 1-64a-88b ಏತತ್ಪವಿತ್ರಂ ಪುಣ್ಯಂ ಚ ವ್ಯಾಸಸಮವಮುತ್ತಮಂ। 1-64a-88c ಇತಿಹಾಸಮಿಮಂ ಶ್ರುತ್ವಾ ಪ್ರಜಾವಂತೋ ಭವಂತಿ ಚ॥ 1-64-132 (2723) ತಥಾ ಭೀಷ್ಮಃ ಶಾಂತನವೋ ಗಂಗಾಯಾಮಮಿತದ್ಯುತಿಃ। ವಸುವೀರ್ಯಾತ್ಸಮಭವನ್ಮಹಾವೀರ್ಯೋ ಮಹಾಯಶಾಃ॥ 1-64-133 (2724) ವೈದಾರ್ಥವಿಚ್ಚ ಭಗವಾನೃಷಿರ್ವಿಪ್ರೋ ಮಹಾಯಶಾಃ। ಶೂಲೇ ಪ್ರೋತಃ ಪುರಾಣರ್ಷಿರಚೋರಶ್ಚೋರಶಂಕಯಾ॥ 1-64-134 (2725) ಅಣೀಮಾಂಡವ್ಯ ಇತ್ಯೇವಂ ವಿಖ್ಯಾತಃ ಸ ಮಹಾಯಶಾಃ। ಸ ಧರ್ಮಮಾಹೂಯ ಪುರಾ ಮಹರ್ಷಿರಿದಮುಕ್ತವಾನ್॥ 1-64-135 (2726) ಇಷೀಕಯಾ ಮಯಾ ಬಾಲ್ಯಾದ್ವಿದ್ಧಾ ಹ್ಯೇಕಾ ಶಕುಂತಿಕಾ। ತತ್ಕಿಲ್ಬಿಷಂ ಸ್ಮರೇ ಧರ್ಮ ನಾನ್ಯತ್ಪಾಪಮಹಂ ಸ್ಮರೇ॥ 1-64-136 (2727) ತನ್ಮೇ ಸಹಸ್ರಮಮಿತಂ ಕಸ್ಮಾನ್ನೇಹಾಜಯತ್ತಪಃ। ಗರೀಯಾನ್ಬ್ರಾಹ್ಮಣವಧಃ ಸರ್ವಭೂತವಧಾದ್ಯತಃ॥ 1-64-137 (2728) ತಸ್ಮಾತ್ತ್ವಂ ಕಿಲ್ಬಿಷಾದಸ್ಮಾಚ್ಛೂದ್ರಯೋನೌ ಜನಿಷ್ಯಸಿ। 1-64-138 (2729) ವೈಶಂಪಾಯನ ಉವಾಚ। ತೇನ ಶಾಪೇನ ಧರ್ಮೋಽಪಿ ಶೂದ್ರಯೋನಾವಜಾಯತ॥ 1-64-138x (313) ವಿದ್ವಾನ್ವಿದುರರೂಪೇಣ ಧಾರ್ಮಿಕಃ ಕಿಲ್ಬಿಷಾತ್ತತಃ। ಸಂಜಯೋ ಮುನಿಕಲ್ಪಸ್ತು ಜಜ್ಞೇ ಸೂತೋ ಗವಲ್ಗಣಾತ್॥ 1-64-139 (2730) ಸೂರ್ಯಾಚ್ಚ ಕುಂತಿಕನ್ಯಾಯಾಂ ಜಜ್ಞೇ ಕರ್ಣೋ ಮಹಾಬಲಃ। ಸಹಜಂ ಕವಚಂ ಬಿಭ್ರತ್ಕುಂಡಲೋದ್ಯೋತಿತಾನನಃ॥ 1-64-140 (2731) ಅನುಗ್ರಹಾರ್ಥಂ ಲೋಕಾನಾಂ ವಿಷ್ಣುರ್ಲೋಕನಮಸ್ಕೃತಃ। ವಸುದೇವಾತ್ತು ದೇವಕ್ಯಾಂ ಪ್ರಾದುರ್ಭೂತೋ ಮಹಾಯಶಾಃ॥ 1-64-141 (2732) ಅನಾದಿನಿಧನೋ ದೇವಃ ಸ ಕರ್ತಾ ಜಗತಃ ಪ್ರಭುಃ। ಅವ್ಯಕ್ತಮಕ್ಷರಂ ಬ್ರಹ್ಮ ಪ್ರಧಾನಂ ತ್ರಿಗುಣಾತ್ಮಕಂ॥ 1-64-142 (2733) ಆತ್ಮಾನಮವ್ಯಯಂ ಚೈವ ಪ್ರಕೃತಿಂ ಪ್ರಭವಂ ಪ್ರಭುಂ। ಪುರುಷಂ ವಿಶ್ವಕರ್ಮಾಣಂ ಸತ್ವಯೋಗಂ ಧ್ರುವಾಕ್ಷರಂ॥ 1-64-143 (2734) ಅನಂತಮಚಲಂ ದೇವಂ ಹಂಸಂ ನಾರಾಯಣಂ ಪ್ರಭುಂ। ಧಾತಾರಮಜಮವ್ಯಕ್ತಂ ಯಮಾಹುಃ ಪರಮವ್ಯಯಂ॥ 1-64-144 (2735) ಕೈವಲ್ಯಂ ನಿರ್ಗುಣಂ ವಿಶ್ವಮನಾದಿಮಜಮವ್ಯಯಂ। ಪುರುಷಃ ಸ ವಿಭುಃ ಕರ್ತಾ ಸರ್ವಭೂತಪಿತಾಮಹಃ॥ 1-64-145 (2736) ಧರ್ಮಸಂಸ್ಥಾಪನಾರ್ಥಾಯ ಪ್ರಜಜ್ಞೇಽಂಧಕವೃಷ್ಣಿಷು। ಅಸ್ತ್ರಜ್ಞೌ ತು ಮಹಾವೀರ್ಯೌ ಸರ್ವಶಾಸ್ತ್ರವಿಶಾರದೌ॥ 1-64-146 (2737) ಸಾತ್ಯಕಿಃ ಕೃತವರ್ಮಾ ಚ ನಾರಾಯಣಮನುವ್ರತೌ। ಸತ್ಯಕಾದ್ಧೃದಿಕಾಚ್ಚೈವ ಜಜ್ಞಾತೇಽಸ್ತ್ರವಿಶಾರದೌ॥ 1-64-147 (2738) ಭರದ್ವಾಜಸ್ಯ ಚ ಸ್ಕನ್ನಂ ದ್ರೋಣ್ಯಾಂ ಶುಕ್ರಮವರ್ಧತ। ಸಹರ್ಷೇರುಗ್ರತಪಸಸ್ತಸ್ಮಾದ್ದ್ರೋಣೋ ವ್ಯಜಾಯತ॥ 1-64-148 (2739) ಗೌತಮಾನ್ಮಿಥುನಂ ಜಜ್ಞೇ ಶರಸ್ತಂಬಾಚ್ಛರದ್ವತಃ। ಅಶ್ವತ್ಥಾಂನಶ್ಚ ಜನನೀ ಕೃಪಶ್ಚೈವ ಮಹಾಬಲಃ॥ 1-64-149 (2740) ಅಶ್ವತ್ಥಾಮಾ ತತೋ ಜಜ್ಞೇ ದ್ರೋಣಾದೇವ ಮಹಾಬಲಃ। ತಥೈವ ಧೃಷ್ಟದ್ಯುಂನೋಽಪಿ ಸಾಕ್ಷಾದಗ್ನಿಸಮದ್ಯುತಿಃ॥ 1-64-150 (2741) ವೈತಾನೇ ಕರ್ಮಣಿ ತತೇ ಪಾವಕಾತ್ಸಮಜಾಯತ। ವೀರೋ ದ್ರೋಣವಿನಾಶಾಯ ಧನುರಾದಾಯ ವೀರ್ಯವಾನ್॥ 1-64-151 (2742) ತಥೈವ ವೇದ್ಯಾಂ ಕೃಷ್ಣಾಪಿ ಜಜ್ಞೇ ತೇಜಸ್ವಿನೀ ಶುಭಾ। ವಿಭ್ರಾಜಮಾನಾ ವಪುಷಾ ಬಿಭ್ರತೀ ರೂಪಮುತ್ತಮಂ॥ 1-64-152 (2743) ಪ್ರಹ್ರಾದಶಿಷ್ಯೋ ನಗ್ನಜಿತ್ಸುಬಲಶ್ಚಾಭವತ್ತತಃ। ತಸ್ಯ ಪ್ರಜಾ ಧರ್ಮಹಂತ್ರೀ ಜಜ್ಞೇ ದೇವಪ್ರಕೋಪನಾತ್॥ 1-64-153 (2744) ಗಾಂಧಾರರಾಜಪುತ್ರೋಽಭೂಚ್ಛಕುನಿಃ ಸೌಬಲಸ್ತಥಾ। ದುರ್ಯೋಧನಸ್ಯ ಜನನೀ ಜಜ್ಞಾತೇಽರ್ಥವಿಶಾರದೌ॥ 1-64-154 (2745) ಕೃಷ್ಣದ್ವೈಪಾಯನಾಜ್ಜಜ್ಞೇ ಧೃತರಾಷ್ಟ್ರೋ ಜನೇಶ್ವರಃ। ಕ್ಷೇತ್ರೇ ವಿಚಿತ್ರವೀರ್ಯಸ್ಯ ಪಾಂಡುಶ್ಚೈವ ಮಹಾಬಲಃ॥ 1-64-155 (2746) ಧರ್ಮಾರ್ಥಕುಶಲೋ ಧೀಮಾನ್ಮೇಧಾವೀ ಧೂತಕಲ್ಮಷಃ। ವಿದುರಃ ಶೂದ್ರಯೋನೌ ತು ಜಜ್ಞೇ ದ್ವೈಪಾಯನಾದಪಿ॥ 1-64-156 (2747) ಪಾಂಡೋಸ್ತು ಜಜ್ಞಿರೇ ಪಂಚ ಪುತ್ರಾ ದೇವಸಮಾಃ ಪೃಥಕ್। ದ್ವಯೋಃ ಸ್ತ್ರಿಯೋರ್ಗುಣಜ್ಯೇಷ್ಠಸ್ತೇಷಾಮಾಸೀದ್ಯುಧಿಷ್ಠಿರಃ॥ 1-64-157 (2748) ಧರ್ಮಾದ್ಯುಧಿಷ್ಠಿರೋ ಜಜ್ಞೇ ಮಾರುತಾಚ್ಚ ವೃಕೋದರಃ। ಇಂದ್ರಾದ್ಧನಂಜಯಃ ಶ್ರೀಮಾನ್ಸರ್ವಶಸ್ತ್ರಭೃತಾಂ ವರಃ॥ 1-64-158 (2749) ಜಜ್ಞಾತೇ ರೂಪಸಂಪನ್ನಾವಶ್ವಿಭ್ಯಾಂ ಚ ಯಮಾವಪಿ। ನಕುಲಃ ಸಹದೇವಶ್ಚ ಗುರುಶುಶ್ರೂಷಣೇ ರತೌ॥ 1-64-159 (2750) ತಥಾ ಪುತ್ರಶತಂ ಜಜ್ಞೇ ಧೃತರಾಷ್ಟ್ರಸ್ಯ ಧೀಮತಃ। ದುರ್ಯೋಧನಪ್ರಭೃತಯೋ ಯುಯುತ್ಸುಃ ಕರಣಸ್ತಥಾ॥ 1-64-160 (2751) ತತೋ ದುಃಶಾಸನಶ್ಚೈವ ದುಃಸಹಶ್ಚಾಪಿ ಭಾರತ। ದುರ್ಮರ್ಷಣೋ ವಿಕರ್ಣಶ್ಚ ಚಿತ್ರಸೇನೋ ವಿವಿಂಶತಿಃ॥ 1-64-161 (2752) ಜಯಃ ಸತ್ಯವ್ರತಶ್ಚೈವ ಪುರುಮಿತ್ರಶ್ಚ ಭಾರತ। ವೈಶ್ಯಾಪುತ್ರೋ ಯುಯುತ್ಸುಶ್ಚ ಏಕಾದಶ ಮಹಾರಥಾಃ॥ 1-64-162 (2753) ಅಭಿಮನ್ಯುಃ ಸುಭದ್ರಾಯಾಮರ್ಜುನಾದಭ್ಯಜಾಯತ। ಸ್ವಸ್ರೀಯೋ ವಾಸುದೇವಸ್ಯ ಪೌತ್ರಃ ಪಾಂಡೋರ್ಮಹಾತ್ಮನಃ॥ 1-64-163 (2754) ಪಾಂಡವೇಭ್ಯೋ ಹಿ ಪಾಂಚಾಲ್ಯಾಂ ದ್ರೌಪದ್ಯಾಂ ಪಂಚ ಜಜ್ಞಿರೇ। ಕುಮಾರಾ ರೂಪಸಂಪನ್ನಾಃ ಸರ್ವಶಾಸ್ತ್ರವಿಶಾರದಾಃ॥ 1-64-164 (2755) ಪ್ರತಿವಿಂಧ್ಯೋ ಯುಧಿಷ್ಠಿರಾತ್ಸುತಸೋಮೋ ವೃಕೋದರಾತ್। ಅರ್ಜುನಾಚ್ಛ್ರುತಕೀರ್ತಿಸ್ತು ಶತಾನೀಕಸ್ತು ನಾಕುಲಿಃ॥ 1-64-165 (2756) ತಥೈವ ಸಹದೇವಾಚ್ಚ ಶ್ರುತಸೇನಃ ಪ್ರತಾಪವಾನ್। ಹಿಡಿಂಬಾಯಾಂ ಚ ಭೀಮೇನ ವನೇ ಜಜ್ಞೇ ಘಟೋತ್ಕಚಃ॥ 1-64-166 (2757) ಶಿಖಂಡೀ ದ್ರುಪದಾಜ್ಜಜ್ಞೇ ಕನ್ಯಾ ಪುತ್ರತ್ವಭಾಗತಾ। ಯಾಂ ಯಕ್ಷಃ ಪುರುಷಂ ಚಕ್ರೇ ಸ್ಥೂಮಃ ಪ್ರಿಯಚಿಕೀರ್ಷಯಾ॥ 1-64-167 (2758) ಕುರೂಣಾಂ ವಿಗ್ರಹೇ ತಸ್ಮಿನ್ಸಮಾಗಚ್ಛನ್ಬಹೂನ್ಯಥ। ರಾಜ್ಞಾಂ ಶತಸಹಸ್ರಾಣಿ ಯೋತ್ಸ್ಯಮಾನಾನಿ ಸಂಯುಗೇ॥ 1-64-168 (2759) ತೇಷಾಮಪರಿಮೇಯಾನಾಂ ನಾಮಧೇಯಾನಿ ಸರ್ವಶಃ। ನ ಶಕ್ಯಾನಿ ಸಮಾಖ್ಯಾತುಂ ವರ್ಷಾಣಾಮಯುತೈರಪಿ। ಏತೇ ತು ಕೀರ್ತಿತಾ ಮುಖ್ಯಾ ಯೈರಾಖ್ಯಾನಮಿದಂ ತತಂ॥ ॥ 1-64-169 (2760) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಅಂಶಾವತರಣಪರ್ವಣಿ ಚತುಃಷಷ್ಟಿತಮೋಽಧ್ಯಾಯಃ॥ 64 ॥

1-65-0 (2761) ಜನಮೇಜಯ ಉವಾಚ। 1-65-0x (314) ಯ ಏತೇ ಕೀರ್ತಿತಾ ಬ್ರಹ್ಮನ್ಯೇ ಚಾನ್ಯೇ ನಾನುಕೀರ್ತಿತಾಃ। ಸಂಯಕ್ತಾಞ್ಶ್ರೋತುಮಿಚ್ಛಾಮಿರಾಜ್ಞಶ್ಚಾನ್ಯಾನ್ಸಹಸ್ರಶಃ॥ 1 ॥ 1-65-1 (2762) ಯದರ್ಥಮಿಹ ಸಂಭೂತಾ ದೇವಕಲ್ಪಾ ಮಹಾರಥಾಃ। ಭುವಿ ತನ್ಮೇ ಮಹಾಭಾಗ ಸಂಯಗಾಖ್ಯಾತುಮರ್ಹಸಿ॥ 1-65-2 (2763) ವೈಶಂಪಾಯನ ಉವಾಚ। 1-65-3x (315) ರಹಸ್ಯಂ ಖಲ್ವಿದಂ ರಾಜಂದೇವಾನಾಮಿತಿ ನಃ ಶ್ರುತಂ। ತತ್ತು ತೇ ಕಥಯಿಷ್ಯಾಮಿ ನಮಸ್ಕೃತ್ವಾ ಸ್ವಯಂಭುವೇ॥ 1-65-3 (2764) ತ್ರಿಃಸಪ್ತಕೃತ್ವಃ ಪೃಥಿವೀಂ ಕೃತ್ವಾ ನಿಃಕ್ಷಿತ್ರಯಾಂ ಪುರಾ। ಜಾಮದಗ್ನ್ಯಸ್ತಪಸ್ತೇಪೇ ಮಹೇಂದ್ರೇ ಪರ್ವತೋತ್ತಮೇ॥ 1-65-4 (2765) ತದಾ ನಿಃಕ್ಷತ್ರಿಯೇ ಲೋಕೇ ಭಾರ್ಗವೇಣ ಕೃತೇ ಸತಿ। ಬ್ರಾಹ್ಮಣಾನ್ಕ್ಷತ್ರಿಯಾ ರಾಜನ್ಸುತಾರ್ಥಿನ್ಯೋಽಭಿಚಕ್ರಮುಃ॥ 1-65-5 (2766) ತಾಭಿಃ ಸಹ ಸಮಾಪೇತುರ್ಬ್ರಾಹ್ಮಣಾಃ ಸಂಶಿತವ್ರತಾಃ। ಋತಾವೃತೌ ನರವ್ಯಾಘ್ರ ನ ಕಾಮಾನ್ನಾನೃತೌ ತಥಾ॥ 1-65-6 (2767) ತೇಭ್ಯಶ್ಚ ತೇಭಿರೇ ಗರ್ಭಂ ಕ್ಷತ್ರಿಯಾಸ್ತಾಃ ಸಹಸ್ರಶಃ। ತತಃ ಸುಷುವಿರೇ ರಾಜನ್ಕ್ಷತ್ರಿಯಾನ್ವೀರ್ಯವತ್ತರಾನ್॥ 1-65-7 (2768) ಕುಮಾರಾಂಶ್ಚ ಕುಮಾರೀಶ್ಚ ಪುನಃ ಕ್ಷತ್ರಾಭಿವೃದ್ಧಯೇ। ಏವಂ ತದ್ಬ್ರಾಹ್ಮಣೈಃ ಕ್ಷತ್ರಂ ಕ್ಷತ್ರಿಯಾಸು ತಪಸ್ವಿಭಿಃ॥ 1-65-8 (2769) ಜಾತಂ ವೃದ್ಧಂ ಚ ಧರ್ಮೇಣ ಸುದೀರ್ಗೇಣಾಯುಷಾನ್ವಿತಂ। ಚತ್ವಾರೋಽಪಿ ತತೋ ವರ್ಣಾ ಬಭೂವುರ್ಬ್ರಾಹ್ಮಣೋತ್ತರಾಃ॥ 1-65-9 (2770) ಅಭ್ಯಗಚ್ಛನ್ನೃತೌ ನಾರೀಂ ನ ಕಾಮಾನ್ನಾನೃತೌ ತಥಾ। ತಥೈವಾನ್ಯಾನಿ ಭೂತಾನಿ ತಿರ್ಯಗ್ಯೋನಿಗತಾನ್ಯಪಿ॥ 1-65-10 (2771) ಋತೌ ದಾರಾಂಶ್ಚ ಗಚ್ಛಂತಿ ತತ್ತಥಾ ಭರತರ್ಷಭ। ತತೋಽವರ್ಧಂತ ಧರ್ಮೇಣ ಸಹಸ್ರಶತಜೀವಿನಃ॥ 1-65-11 (2772) ತಾಃ ಪ್ರಜಾಃ ಪೃಥಿವೀಪಾಲ ಧರ್ಮವ್ರತಪರಾಯಣಾಃ। ಆಧಿಭಿರ್ವ್ಯಾಧಿಭಿಶ್ಚೈವ ವಿಮುಕ್ತಾಃ ಸರ್ವಶೋ ನರಾಃ॥ 1-65-12 (2773) ಅಥೇಮಾಂ ಸಾಗರೋಪಾಂತಾಂ ಗಾಂ ಗಜೇಂದ್ರಗತಾಖಿಲಾಂ। ಅಧ್ಯತಿಷ್ಠತ್ಪುನಃ ಕ್ಷತ್ರಂ ಸಶೈಲವನಪತ್ತನಾಂ॥ 1-65-13 (2774) ಪ್ರಶಾಸತಿ ಪುನಃ ಕ್ಷತ್ರೇ ಧರ್ಮೇಣೇಮಾಂ ವಸುಂಧರಾಂ। ಬ್ರಾಹ್ಮಣಾದ್ಯಾಸ್ತತೋ ವರ್ಣಾ ಲೇಭಿರೇ ಮುದಮುತ್ತಮಾಂ॥ 1-65-14 (2775) ಕಾಮಕ್ರೋಧೋದ್ಭವಾಂದೋಷಾನ್ನಿರಸ್ಯ ಚ ನರಾಧಿಪಾಃ। ಧರ್ಮೇಣ ದಂಡಂ ದಂಡೇಷು ಪ್ರಣಯಂತೋಽನ್ವಪಾಲಯನ್॥ 1-65-15 (2776) ತಥಾ ಧರ್ಮಪರೇ ಕ್ಷತ್ರೇ ಸಹಸ್ರಾಕ್ಷಃ ಶತಕ್ರತುಃ। ಸ್ವಾದು ದೇಶೇ ಚ ಕಾಲೇ ಚ ವವರ್ಷಾಪ್ಯಾಯಯನ್ಪ್ರಜಾಃ॥ 1-65-16 (2777) ನ ಬಾಲ ಏವ ಂರಿಯತೇ ತದಾ ಕಶ್ಚಿಜ್ಜನಾಧಿಪ। ನ ಚ ಸ್ತ್ರಿಯಂ ಪ್ರಜಾನಾತಿ ಕಶ್ಚಿದಪ್ರಾಪ್ತಯೌವನಾಂ॥ 1-65-17 (2778) ಏವಮಾಯುಷ್ಮತೀಭಿಸ್ತು ಪ್ರಜಾಭಿರ್ಭರತರ್ಷಭ। ಇಯಂ ಸಾಗರಪರ್ಯಂತಾ ಸಸಾಪೂರ್ಯತ ಮೇದಿನೀ॥ 1-65-18 (2779) ಈಜಿರೇ ಚ ಮಹಾಯಜ್ಞೈಃ ಕ್ಷತ್ರಿಯಾ ಬಹುದಕ್ಷಿಣೈಃ। ಸಾಂಗೋಪನಿಷದಾನ್ವೇದಾನ್ವಿಪ್ರಾಶ್ಚಾಧೀಯತೇ ತದಾ॥ 1-65-19 (2780) ನ ಚ ವಿಕ್ರೀಣತೇ ಬ್ರ್ಹಮ ಬ್ರಾಹ್ಮಣಾಶ್ಚ ತದಾ ನೃಪ। ನ ಚ ಶೂದ್ರಸಮಭ್ಯಾಶೇ ವೇದಾನುಚ್ಚಾರಯಂತ್ಯುತ॥ 1-65-20 (2781) ಕಾರಯಂತಃ ಕೃಷಿಂ ಗೋಭಿಸ್ತಥಾ ವೈಶ್ಯಾಃ ಕ್ಷಿತಾವಿಹ। ಯುಂಜತೇ ಧುರಿ ನೋ ಗಾಶ್ಚ ಕೃಶಾಂಗಾಂಶ್ಚಾಪ್ಯಜೀವಯನ್॥ 1-65-21 (2782) ಫೇನಪಾಂಶ್ಚ ತಥಾ ವತ್ಸಾನ್ನ ದುಹಂತಿ ಸ್ಮ ಮಾನವಾಃ। ನ ಕೂಟಮಾನೈರ್ವಣಿಜಃ ಪಣ್ಯಂ ವಿಕ್ರೀಣತೇ ತದಾ॥ 1-65-22 (2783) ಕರ್ಮಾಣಿ ಚ ನರವ್ಯಾಘ್ರ ಧರ್ಮೋಪೇತಾನಿ ಮಾನವಾಃ। ಧರ್ಮಮೇವಾನುಪಶ್ಯಂತಶ್ಚಕ್ರುರ್ಧರ್ಮಪರಾಯಣಾಃ॥ 1-65-23 (2784) ಸ್ವಕರ್ಮನಿರತಾಶ್ಚಾಸನ್ಸರ್ವೇ ವರ್ಣಾ ನರಾಧಿಪ। ಏವಂ ತದಾ ನರವ್ಯಾಘ್ರ ಧರ್ಮೋ ನ ಹ್ರಸತೇ ಕ್ವಚಿತ್॥ 1-65-24 (2785) ಕಾಲೇ ಗಾವಃ ಪ್ರಸೂಯಂತೇ ನಾರ್ಯಶ್ಚ ಭರತರ್ಷಭ। ಭವಂತ್ಯೃತುಷು ವೃಕ್ಷಾಣಾಂ ಪುಷ್ಪಾಣಿ ಚ ಫಲಾನಿ ಚ॥ 1-65-25 (2786) ಏವಂ ಕೃತಯುಗೇ ಸಂಯಗ್ವರ್ತಮಾನೇ ತದಾ ನೃಪ। ಆಪೂರ್ಯತ ಮಹೀ ಕೃತ್ಸ್ನಾ ಪ್ರಾಣಿಭಿರ್ಬಹುಭಿರ್ಭೃಶಂ॥ 1-65-26 (2787) ಏವಂ ಸಮುದಿತೇ ಲೋಕೇ ಮಾನುಷೇ ಭರತರ್ಷಭ। ಅಸುರಾ ಜಜ್ಞಿರೇ ಕ್ಷೇತ್ರೇ ರಾಜ್ಞಾಂ ತು ಮನುಜೇಶ್ವರ॥ 1-65-27 (2788) ಆದಿತ್ಯೈರ್ಹಿ ತದಾ ದೈತ್ಯಾ ಬಹುಶೋ ನಿರ್ಜಿತಾ ಯುಧಿ। ಐಶ್ವರ್ಯಾದ್ಧಂಶಿತಾಃ ಸ್ವರ್ಗಾತ್ಸಂಬಭೂವುಃ ಕ್ಷಿತಾವಿಹ॥ 1-65-28 (2789) ಇಹ ದೇವತ್ವಮಿಚ್ಛಂತೋ ಮಾನುಷೇಷು ತಪಸ್ವಿನಃ। ಜಜ್ಞಿರೇ ಭುವಿ ಭೂತೇಷು ತೇಷು ತೇಷ್ವಸುರಾ ವಿಭೋ॥ 1-65-29 (2790) ಗೋಷ್ವಶ್ವೇಷು ಚ ರಾಜೇಂದ್ರ ಖರೋಷ್ಟ್ರಮಹಿಷೇಷು ಚ। ಕ್ರವ್ಯಾತ್ಸು ಚೈವ ಭೂತೇಷು ಗಜೇಷು ಚ ಮೃಗೇಷು ಚ॥ 1-65-30 (2791) ಜಾತೈರಿಹ ಮಹೀಪಾಲ ಜಾಯಮಾನೈಶ್ಚ ತೈರ್ಮಹೀ। ನ ಶಶಾಕಾತ್ಮನಾತ್ಮಾನಮಿಯಂ ಧಾರಯಿತುಂ ಧರಾ॥ 1-65-31 (2792) ಅಥ ಜಾತಾ ಮಹೀಪಾಲಾಃ ಕೇಚಿದ್ಬಹುಮದಾನ್ವಿತಾಃ। ದಿತೇಃ ಪುತ್ರಾ ದನೋಶ್ಚೈವ ತದಾ ಲೋಕಾದಿಹ ಚ್ಯುತಾಃ॥ 1-65-32 (2793) ವೀರ್ಯವಂತೋಽವಲಿಪ್ತಾಸ್ತೇ ನಾನಾರೂಪಧರಾ ಮಹೀಂ। ಇಮಾಂ ಸಾಗರಪರ್ಯಂತಾಂ ಪರೀಯುರರಿಮರ್ದನಾಃ॥ 1-65-33 (2794) ಬ್ರಾಹ್ಮಣಾನ್ಕ್ಷತ್ರಿಯಾನ್ವೈಶ್ಯಾಞ್ಶೂದ್ರಾಂಶ್ಚೈವಾಪ್ಯಪೀಡಯನ್। ಅನ್ಯಾನಿ ಚೈವ ಸತ್ವಾನಿ ಪೀಡಯಾಮಾಸುರೋಜಸಾ॥ 1-65-34 (2795) ತ್ರಾಸಯಂತೋಽಭಿನಿಘ್ನಂತಃ ಸರ್ವಭೂತಗಣಾಂಶ್ಚ ತೇ। ವಿಚೇರುಃ ಸರ್ವಶೋ ರಾಜನ್ಮಹೀಂ ಶತಸಹಸ್ರಶಃ॥ 1-65-35 (2796) ಆಶ್ರಮಸ್ಥಾನ್ಮಹರ್ಷೀಂಶ್ಚ ಧರ್ಷಯಂತಸ್ತತಸ್ತತಃ। ಅಬ್ರಹ್ಮಣ್ಯಾ ವೀರ್ಯಮದಾ ಮತ್ತಾ ಮದಬಲೇನ ಚ॥ 1-65-36 (2797) ಏವಂ ವೀರ್ಯಬಲೋತ್ಸಿಕ್ತೈರ್ಭೂರಿಯಂ ತೈರ್ಮಹಾಸುರೈಃ। ಪೀಡ್ಯಮಾನಾ ಮಹೀ ರಾಜನ್ಬ್ರಹ್ಮಾಣಮುಪಚಕ್ರಮೇ॥ 1-65-37 (2798) ನ ಹ್ಯಮೀ ಭೂತಸತ್ವೌಘಾಃ ಪನ್ನಗಾಃ ಸನಗಾಂ ಮಹೀಂ। ತದಾ ಧಾರಯಿತುಂ ಶೇಕುರಾಕ್ರಾಂತಾಂ ದಾನವೈರ್ಬಲಾತ್॥ 1-65-38 (2799) ತತೋ ಮಹೀ ಮಹೀಪಾಲ ಭಾರಾರ್ತಾ ಭಯಪೀಡಿತಾ। ಜಗಾಮ ಶರಣಂ ದೇವಂ ಸರ್ವಭೂತಪಿತಾಮಹಂ॥ 1-65-39 (2800) ಸಾ ಸಂವೃತಂ ಮಹಾಭಾಗೈರ್ದೇವದ್ವಿಜಮಹರ್ಷಿಭಿಃ। ದದರ್ಶ ದೇವಂ ಬ್ರಹ್ಮಾಣಂ ಲೋಕಕರ್ತಾರಮವ್ಯಯಂ॥ 1-65-40 (2801) ಗಂಧರ್ವೈರಪ್ಸರೋಭಿಶ್ಚ ಬಂದಿಕರ್ಮಸು ನಿಷ್ಠಿತೈಃ। ವಂದ್ಯಮಾನಂ ಮುದೋಪತೈರ್ವವಂದೇ ಚೈನಮೇತ್ಯ ಸಾ॥ 1-65-41 (2802) ಅಥ ವಿಜ್ಞಾಪಯಾಮಾಸ ಭೂಮಿಸ್ತಂ ಶರಣಾರ್ಥಿನೀ। ಸನ್ನಿಧೌ ಲೋಕಪಾಲಾನಾಂ ಸರ್ವೇಷಾಮೇವ ಭಾರತ॥ 1-65-42 (2803) ತತ್ಪ್ರಧಾನಾತ್ಮನಸ್ತಸ್ಯ ಭೂಮೇಃ ಕೃತ್ಯಂ ಸ್ವಯಂಭುವಃ। ಪೂರ್ವಮೇವಾಭವದ್ರಾಜನ್ವಿದಿತಂ ಪರಮೇಷ್ಠಿನಃ॥ 1-65-43 (2804) ಸ್ರಷ್ಟಾ ಹಿ ಜಗತಃ ಕಸ್ಮಾನ್ನ ಸಂಬುಧ್ಯೇತ ಭಾರತ। ಸಸುರಾಸುರಲೋಕಾನಾಮಶೇಷೇಣ ಮನೋಗತಂ॥ 1-65-44 (2805) ತಾಮುವಾಚ ಮಹಾರಾಜ ಭೂಮಿಂ ಭೂಮಿಪತಿಃ ಪ್ರಭುಃ। ಪ್ರಭವಃ ಸರ್ವಭೂತಾನಾಮೀಶಃ ಶಂಭುಃ ಪ್ರಜಾಪತಿಃ॥ 1-65-45 (2806) ಬ್ರಹ್ಮೋವಾಚ। 1-65-46x (316) ಯದರ್ಥಮಭಿಸಂಪ್ರಾಪ್ತಾ ಮತ್ಸಕಾಶಂ ವಸುಂಧರೇ। ತದರ್ಥಂ ಸನ್ನಿಯೋಕ್ಷ್ಯಾಮಿ ಸರ್ವಾನೇವ ದಿವೌಕಸಃ॥ 1-65-46 (2807) `ಉತ್ತಿಷ್ಠ ಗಚ್ಛ ವಸುಧೇ ಸ್ವಸ್ಥಾನಮಿತಿ ಸಾಽಗಮತ್।' 1-65-47 (2808) ವೈಶಂಪಾಯನ ಉವಾಚ। ಇತ್ಯುಕ್ತ್ವಾ ಸ ಮಹೀಂ ದೇವೋ ಬ್ರಹ್ಮಾ ರಾಜನ್ವಿಸೃಜ್ಯ ಚ। ಆದಿದೇಶ ತದಾ ಸರ್ವಾನ್ವಿಬುಧಾನ್ಭೂತಕೃತ್ಸ್ವಯಂ॥ 1-65-47x (317) ಅಸ್ಯಾ ಭೂಮೇರ್ನಿರಸಿತುಂ ಭಾರಂ ಭಾಗೈಃ ಪೃಥಕ್ಪೃಥಕ್। ಅಸ್ಯಾಮೇವ ಪ್ರಸೂಯಧ್ವಂ ತಿರೋಧಾಯೇತಿ ಚಾಬ್ರವೀತ್॥ 1-65-48 (2809) ತಥೈವ ಚ ಸಮಾನೀಯ ಗಂಧರ್ವಾಪ್ಸರಸಾಂ ಗಣಾನ್। ಉವಾಚ ಭಗವಾನ್ಸರ್ವಾನಿದಂ ವಚನಮರ್ಥವತ್॥ 1-65-49 (2810) ಬ್ರಹ್ಮೋವಾಚ। 1-65-50x (318) ಸ್ವೈಃ ಸ್ವೈರಂಶೈಃ ಪ್ರಸೂಯಧ್ವಂ ಯಥೇಷ್ಟಂ ಮಾನೇಷೇಷು ಚ। 1-65-50 (2811) ವೈಶಂಪಾಯನ ಉವಾಚ। ಅಥ ಶಕ್ರಾದಯಃ ಸರ್ವೇ ಶ್ರುತ್ವಾ ಸುರಗುರೋರ್ವಚಃ। ತಥ್ಯಮರ್ಥ್ಯಂ ಚ ಪಥ್ಯಂ ಚ ತಸ್ಯ ತೇ ಜಗೃಹುಸ್ತದಾ॥ 1-65-50x (319) ಅಥ ತೇ ಸರ್ವಶೋಂಶೈಃ ಸ್ವೈರ್ಗಂತುಂ ಭೂಮಿಂ ಕೃತಕ್ಷಣಾಃ। ನಾರಾಯಣಮಮಿತ್ರಘ್ನಂ ವೈಕುಂಠಮುಪಚಕ್ರಮುಃ॥ 1-65-51 (2812) ಯಃ ಸ ಚಕ್ರಗದಾಪಾಣಿಃ ಪೀತವಾಸಾಃ ಶಿತಿಪ್ರಭಃ। ಪದ್ಮನಾಭಃ ಸುರಾರಿಘ್ನಃ ಪೃಥುಚಾರ್ವಂಚಿತೇಕ್ಷಣಃ॥ 1-65-52 (2813) ಪ್ರಜಾಪತಿಪತಿರ್ದೇವಃ ಸುರನಾಥೋ ಮಹಾಬಲಃ। ಶ್ರೀವತ್ಸಾಂಕೋ ಹೃಷೀಕೇಶಃ ಸರ್ವದೈವತಪೂಜಿತಃ॥ 1-65-53 (2814) ತಂ ಭುವಃ ಶೋಧನಾಯೇಂದ್ರ ಉವಾಚ ಪುರುಷೋತ್ತಮಂ। ಅಂಶೇನಾವತರೇತ್ಯೇವಂ ತಥೇತ್ಯಾಹ ಚ ತಂ ಹರಿಃ॥ ॥ 1-65-54 (2815) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಅಂಶಾವತರಣಪರ್ವಣಿ ಪಂಚಷಷ್ಟಿತಮೋಽಧ್ಯಾಯಃ॥ 65 ॥ ॥ ಸಮಾಪ್ತಮಂಶಾವತರಣಪರ್ವ ॥

1-66-0 (2816) ವೈಶಂಪಾಯನ ಉವಾಚ। 1-66-0x (320) ಅಥ ನಾರಾಯಣೇನೇಂದ್ರಶ್ಚಕಾರ ಸಹ ಸಂವಿದಂ। ಅವತರ್ತುಂ ಮಹೀಂ ಸ್ವರ್ಗಾದಂಶತಃ ಮಹಿತಃ ಸುರೈಃ॥ 1-66-1 (2817) ಆದಿಶ್ಯ ಚ ಸ್ವಯಂ ಶಕ್ರಃ ಸರ್ವಾನೇವ ದಿವೌಕಸಃ। ನಿರ್ಜಗಾಮ ಪುನಸ್ತಸ್ಮಾತ್ಕ್ಷಯಾನ್ನಾರಾಯಣಸ್ಯ ಹ॥ 1-66-2 (2818) ತೇಽಮರಾರಿವಿನಾಶಾಯ ಸರ್ವಲೋಕಹಿತಾಯ ಚ। ಅವತೇರುಃ ಕ್ರಮೇಣೈವ ಮಹೀಂ ಸ್ವರ್ಗಾದ್ದಿವೌಕಸಃ॥ 1-66-3 (2819) ತತೋ ಬ್ರಹ್ಮರ್ಷಿವಂಶೇಷು ಪಾರ್ಥಿವರ್ಷಿಕುಲೇಷು ಚ। ಜಜ್ಞಿರೇ ರಾಜಶಾರ್ದೂಲ ಯಥಾಕಾಮಂ ದಿವೌಕಸಃ॥ 1-66-4 (2820) ದಾನವಾನ್ರಾಕ್ಷಸಾಂಶ್ಚೈವ ಗಂಧರ್ವಾನ್ಪನ್ನಗಾಂಸ್ತಥಾ। ಪುರುಷಾದಾನಿ ಚಾನ್ಯಾನಿ ಜಘ್ನುಃ ಸತ್ವಾನ್ಯನೇಕಶಃ॥ 1-66-5 (2821) ದಾನವಾ ರಾಕ್ಷಸಾಶ್ಚೈವ ಗಂಧರ್ವಾಃ ಪನ್ನಗಾಸ್ತಥಾ। ನ ತಾನ್ಬಲಸ್ಥಾನ್ಬಾಲ್ಯೇಽಪಿ ಜಘ್ನುರ್ಭರತಸತ್ತಮ॥ 1-66-6 (2822) ಜನಮೇಜಯ ಉವಾಚ। 1-66-7x (321) ದೇವದಾನವಸಂಘಾನಾಂ ಗಂಧರ್ವಾಪ್ಸರಸಾಂ ತಥಾ। ಮಾನವಾನಾಂ ಚ ಸರ್ವೇಷಾಂ ತಥಾ ವೈ ಯಕ್ಷರಕ್ಷಸಾಂ॥ 1-66-7 (2823) ಶ್ರೋತುಮಿಚ್ಛಾಮಿ ತತ್ತ್ವೇನ ಸಂಭವಂ ಕೃತ್ಸ್ನಮಾದಿತಃ। ಪ್ರಾಣಿನಾಂ ಚೈವ ಸರ್ವೇಷಾಂ ಸಂಭವಂ ವಕ್ತುಮರ್ಹಸಿ॥ 1-66-8 (2824) ವೈಶಂಪಾಯನ ಉವಾಚ। 1-66-9x (322) ಹಂತ ತೇ ಕಥಯಿಷ್ಯಾಮಿ ನಮಸ್ಕೃತ್ಯ ಸ್ವಯಂಭುವೇ। ಸುರಾದೀನಾಮಹಂ ಸಂಯಗ್ಲೋಕಾನಾಂ ಪ್ರಭವಾಪ್ಯಯಂ॥ 1-66-9 (2825) ಬ್ರಹ್ಮಣೋ ಮಾನಸಾಃ ಪುತ್ರಾ ವಿದಿತಾಃ ಷಣ್ಮಹರ್ಷಯಃ। ಮರೀಚಿರತ್ರ್ಯಹ್ಗಿರಸೌ ಪುಲಸ್ತ್ಯಃ ಪುಲಹಃ ಕ್ರತುಃ॥ 1-66-10 (2826) ಮರೀಚೇಃ ಕಶ್ಯಪಃ ಪುತ್ರಃ ಕಶ್ಯಪಾತ್ತು ಇಮಾಃ ಪ್ರಜಾಃ। ಪ್ರಜಜ್ಞಿರೇ ಮಹಾಭಾಗಾ ದಕ್ಷಕನ್ಯಾಸ್ತ್ರಯೋದಶ॥ 1-66-11 (2827) ಅದಿತಿರ್ದಿತಿರ್ದನುಃ ಕಾಲಾ ದನಾಯುಃ ಸಿಂಹಿಕಾ ತಥಾ। ಕ್ರೋಧಾ ಪ್ರಾಧಾ ಚ ವಿಶ್ವಾ ಚ ವಿನತಾ ಕಪಿಲಾ ಮುನಿಃ॥ 1-66-12 (2828) ಕದ್ರೂಶ್ಚ ಮನುಜವ್ಯಾಘ್ರ ದಕ್ಷಕನ್ಯೈವ ಭಾರತ। ಏತಾಸಾಂ ವೀರ್ಯಸಂಪನ್ನಂ ಪುತ್ರಪೌತ್ರಮನಂತಕಂ॥ 1-66-13 (2829) ಅದಿತ್ಯಾಂ ದ್ವಾದಶಾದಿತ್ಯಾಃ ಸಂಭೂತಾ ಭುವನೇಶ್ವರಾಃ। ಯೇ ರಾಜನ್ನಾಮತಸ್ತಾಂಸ್ತೇ ಕೀರ್ತಯಿಷ್ಯಾಮಿ ಭಾರತ॥ 1-66-14 (2830) ಧಾತಾ ಮಿತ್ರೋಽರ್ಯಮಾ ಶಕ್ರೋ ವರುಣಸ್ತ್ವಂಶ ಏವ ಚ। ಭಗೋ ವಿವಸ್ವಾನ್ಪೂಷಾ ಚ ಸವಿತಾ ದಶಮಸ್ತಥಾ॥ 1-66-15 (2831) ಏಕಾದಶಸ್ತಥಾ ತ್ವಷ್ಟಾ ದ್ವಾದಶೋ ವಿಷ್ಣುರುಚ್ಯತೇ। ಜಘನ್ಯಜಸ್ತು ಸರ್ವೇಷಾಮಾದಿತ್ಯಾನಾಂ ಗುಣಾಧಿಕಃ॥ 1-66-16 (2832) ಏಕ ಏವ ದಿತೇಃ ಪುತ್ರೋ ಹಿರಣ್ಯಕಶಿಪುಃ ಸ್ಮೃತಃ। ನಾಂನಾ ಖ್ಯಾತಾಸ್ತು ತಸ್ಯೇಮೇ ಪಂಚ ಪುತ್ರಾ ಮಹಾತ್ಮನಃ॥ 1-66-17 (2833) ಪ್ರಹ್ಲಾದಃ ಪೂರ್ವಜಸ್ತೇಷಾಂ ಸಂಹ್ಲಾದಸ್ತದನಂತರಂ। ಅನುಹ್ಲಾದಸ್ತೃತೀಯೋಽಭೂತ್ತಸ್ಮಾಚ್ಚ ಶಿಬಿಬಾಷ್ಕಲೌ॥ 1-66-18 (2834) ಪ್ರಹ್ಲಾದಸ್ಯ ತ್ರಯಃ ಪುತ್ರಾಃ ಖ್ಯಾತಾಃ ಸರ್ವತ್ರ ಭಾರತ। ವಿರೋಚನಶ್ಚ ಕುಂಭಶ್ಚ ನಿಕುಂಭಶ್ಚೇತಿ ಭಾರತ॥ 1-66-19 (2835) ವಿರೋಚನಸ್ಯ ಪುತ್ರೋಽಭೂದ್ಬಲಿರೇಕಃ ಪ್ರತಾಪವಾನ್। ಬಲೇಶ್ಚ ಪ್ರಥಿತಃ ಪುತ್ರೋ ಬಾಣೋ ನಾಮ ಮಹಾಸುರಃ॥ 1-66-20 (2836) ರುದ್ರಸ್ಯಾನುಚರಃ ಶ್ರೀಮಾನ್ಮಹಾಕಾಲೇತಿ ಯಂ ವಿದುಃ। ಚತ್ವಾರಿಂಶದ್ದನೋಃ ಪುತ್ರಾಃ ಖ್ಯಾತಾಃ ಸರ್ವತ್ರ ಭಾರತ॥ 1-66-21 (2837) ತೇಷಾಂ ಪ್ರಥಮಜೋ ರಾಜಾ ವಿಪ್ರಚಿತ್ತಿರ್ಮಹಾಯಶಾಃ। ಶಂಬರೋ ನಮುಚಿಶ್ಚೈವ ಪುಲೋಮಾ ಚೇತಿ ವಿಶ್ರುತಃ॥ 1-66-22 (2838) ಅಸಿಲೋಮಾ ಚ ಕೇಶೀ ಚ ದುರ್ಜಯಶ್ಚೈವ ದಾನವಃ। ಅಯಃಶಿರಾ ಅಶ್ವಶಿರಾ ಅಶ್ವಶಹ್ಕುಶ್ಚ ವೀರ್ಯವಾನ್॥ 1-66-23 (2839) ತಥಾ ಗಗನಮೂರ್ಧಾ ಚ ವೇಗವಾನ್ಕೇತುಮಾಂಶ್ಚ ಸಃ। ಸ್ವರ್ಭಾನುರಶ್ವೋಽಶ್ವಪತಿರ್ವೃಷಪರ್ವಾಽಜಕಸ್ತಥಾ॥ 1-66-24 (2840) ಅಶ್ವಗ್ರೀವಶ್ಚ ಸೂಕ್ಷ್ಮಶ್ಚ ತುಹುಂಡಶ್ಚ ಮಹಾಬಲಃ। ಇಷುಪಾದೇಕಚಕ್ರಶ್ಚ ವಿರೂಪಾಕ್ಷಹರಾಹರೌ॥ 1-66-25 (2841) ನಿಚಂದ್ರಶ್ಚ ನಿಕುಂಭಶ್ಚ ಕುಪಟಃ ಕಪಟಸ್ತಥಾ। ಶರಭಃ ಶಲಭಶ್ಚೈವ ಸೂರ್ಯಾಚಂದ್ರಮಸೌ ತಥಾ। ಏತೇ ಖ್ಯಾತಾ ದನೋರ್ವಂಶೇ ದಾನವಾಃ ಪರಿಕೀರ್ತಿತಾಃ॥ 1-66-26 (2842) ಅನ್ಯೌ ತು ಖಲು ದೇವಾನಾಂ ಸೂರ್ಯಾಚಂದ್ರಮಸೌ ಸ್ಮೃತೌ। ಅನ್ಯೌ ದಾನವಮುಖ್ಯಾನಾಂ ಸೂರ್ಯಾಚಂದ್ರಮಸೌ ತಥಾ॥ 1-66-27 (2843) ಇಮೇ ಚ ವಂಶಾಃ ಪ್ರಥಿತಾಃ ಸತ್ವವಂತೋ ಮಹಾಬಲಾಃ। ದನುಪುತ್ರಾ ಮಹಾರಾಜ ದಶ ದಾನವವಂಶಜಾಃ॥ 1-66-28 (2844) ಏಕಾಕ್ಷೋ ಮೃತಪೋ ವೀರಃ ಪ್ರಲಂಬನರಕಾವಪಿ। ವಾತಾಪಿಃ ಶತ್ರುತಪನಃ ಶಠಶ್ಚೈವ ಮಹಾಸುರಃ॥ 1-66-29 (2845) ಗವಿಷ್ಠಶ್ಚ ವನಾಯುಶ್ಚ ದೀರ್ಘಜಿಹ್ವಶ್ಚ ದಾನವಃ। ಅಸಂಖ್ಯೇಯಾಃ ಸ್ಮೃತಾಸ್ತೇಷಾಂ ಪುತ್ರಾಃ ಪೌತ್ರಾಶ್ಚ ಭಾರತ॥ 1-66-30 (2846) ಸಿಂಹಿಕಾ ಸುಷುವೇ ಪುತ್ರಂ ರಾಹುಂ ಚಂದ್ರಾರ್ಕಮರ್ದನಂ। ಸುಚಂದ್ರಂ ಚಂದ್ರಹರ್ತಾರಂ ತಥಾ ಚಂದ್ರಪ್ರಮರ್ದನಂ॥ 1-66-31 (2847) ಕ್ರೂರಸ್ವಭಾವಂ ಕ್ರೂರಾಯಾಃ ಪುತ್ರಪೌತ್ರಮನಂತಕಂ। ಗಣಃ ಕ್ರೋಧವಶೋ ನಾಮ ಕ್ರೂರಕರ್ಮಾಽರಿಮರ್ದನಃ॥ 1-66-32 (2848) ದನಾಯುಷಃ ಪುನಃ ಪುತ್ರಾಶ್ಚತ್ವಾರೋಽಸುರಪುಂಗವಾಃ। ವಿಕ್ಷರೋ ಬಲವೀರೌ ಚ ವೃತ್ರಶ್ಚೈವ ಮಹಾಸುರಃ॥ 1-66-33 (2849) ಕಾಲಾಯಾಃ ಪ್ರಥಿತಾಃ ಪುತ್ರಾಃ ಕಾಲಕಲ್ಪಾಃ ಪ್ರಹಾರಿಣಃ। ಪ್ರವಿಖ್ಯಾತಾ ಮಹಾವೀರ್ಯಾ ದಾನವೇಷು ಪರಂತಪಾಃ॥ 1-66-34 (2850) ವಿನಾಶನಶ್ಚ ಕ್ರೋಧಶ್ಚ ಕ್ರೋಧಹಂತಾ ತಥೈವ ಚ। ಕ್ರೋಧಶತ್ರುಸ್ತಥೈವಾನ್ಯೇ ಕಾಲಕೇಯಾ ಇತಿ ಶ್ರುತಾಃ॥ 1-66-35 (2851) ಅಸುರಾಣಾಮುಪಾಧ್ಯಾಯಃ ಶಕ್ರಸ್ತ್ವಷಿಸುತೋಽಭವತ್। ಖ್ಯಾತಾಶ್ಚೋಶನಸಃ ಪುತ್ರಾಶ್ಚತ್ವಾರೋಽಸುರಯಾಜಕಾಃ॥ 1-66-36 (2852) ತ್ವಷ್ಟಾ ಧರಸ್ತಥಾತ್ರಿಶ್ಚ ದ್ವಾವನ್ಯೌ ರೌದ್ರಕರ್ಮಿಣೌ। ತೇಜಸಾ ಸೂರ್ಯಸಂಕಾಶಾ ಬ್ರಹ್ಮಲೋಕಪರಾಯಣಾಃ॥ 1-66-37 (2853) ಇತ್ಯೇಷ ವಂಶಪ್ರಭವಃ ಕಥಿತಸ್ತೇ ತರಸ್ವಿನಾಂ। ಅಸುರಾಣಾಂ ಸುರಾಣಾಂ ಚ ಪುರಾಣೇ ಸಂಶ್ರುತೋ ಮಯಾ॥ 1-66-38 (2854) ಏತೇಷಾಂ ಯದಪತ್ಯಂ ತು ನ ಶಕ್ಯಂ ತದಶೇಷತಃ॥ ಪ್ರಸಂಖ್ಯಾತುಂ ಮಹೀಪಾಲ ಗುಣಭೂತಮನಂತಕಂ॥ 1-66-39 (2855) ತಾರ್ಕ್ಷ್ಯಶ್ಚಾರಿಷ್ಟನೇಮಿಶ್ಚ ತಥೈವ ಗರುಡಾರುಣೌ। ಆರುಣಿರ್ವಾರುಣಿಶ್ಚೈವ ವೈನತೇಯಾಃ ಪ್ರಕೀರ್ತಿತಾಃ॥ 1-66-40 (2856) ಶೇಷೋಽನಂತೋ ವಾಸುಕಿಶ್ಚ ತಕ್ಷಕಶ್ಚ ಭುಜಂಗಮಃ। ಕೂರ್ಮಶ್ಚ ಕುಲಿಕಶ್ಚೈವ ಕಾದ್ರವೇಯಾಃ ಪ್ರಕೀರ್ತಿತಾಃ॥ 1-66-41 (2857) ಭೀಮಸೇನೋಗ್ರಸೇನೌ ಚ ಸುಪರ್ಣೋ ವರುಣಸ್ತಥಾ। ಗೋಪತಿರ್ಧೃತರಾಷ್ಟ್ರಶ್ಚ ಸೂರ್ಯವರ್ಚಾಶ್ಚ ಸಪ್ತಮಃ॥ 1-66-42 (2858) ಸತ್ಯವಾಗರ್ಕಪರ್ಣಶ್ಚ ಪ್ರಯುತಶ್ಚಾಪಿ ವಿಶ್ರುತಃ। ಭೀಮಶ್ಚಿತ್ರರಥಶ್ಚೈವ ವಿಖ್ಯಾತಃ ಸರ್ವವಿದ್ವಶೀ॥ 1-66-43 (2859) ತಥಾ ಶಾಲಿಶಿರಾ ರಾಜನ್ಪರ್ಜನ್ಯಶ್ಚ ಚತುರ್ದಶಃ। ಕಲಿಃ ಪಂಚದಶಸ್ತೇಷಾಂ ನಾರದಶ್ಚೈವ ಷೋಡಶಃ॥ ಇತ್ಯೇತೇ ದೇವಗಂಧರ್ವಾ ಮೌನೇಯಾಃ ಪರಿಕೀರ್ತಿತಾಃ॥ 1-66-44 (2860) ಅಥ ಪ್ರಭೂತಾನ್ಯನ್ಯಾನಿ ಕೀರ್ತಯಿಷ್ಯಾಮಿ ಭಾರತ। ಅನವದ್ಯಾಂ ಮನುಂ ವಂಶಾಮಸುರಾಂ ಮಾರ್ಗಣಪ್ರಿಯಾಂ॥ 1-66-45 (2861) ಅರೂಪಾಂ ಸುಭಗಾಂ ಭಾಸೀಮಿತಿ ಪ್ರಾಧಾ ವ್ಯಜಾಯತ। ಸಿದ್ಧಃ ಪೂರ್ಣಶ್ಚ ಬರ್ಹಿಶ್ಚ ಪೂರ್ಣಾಯುಶ್ಚ ಮಹಾಯಶಾಃ॥ 1-66-46 (2862) ಬ್ರಹ್ಮಚಾರೀ ರತಿಗುಣಃ ಸುಪರ್ಣಶ್ಚೈವ ಸಪ್ತಮಃ। ವಿಶ್ವಾವಸುಶ್ಚ ಭಾನುಶ್ಚ ಸುಚಂದ್ರೋ ದಶಮಸ್ತಥಾ॥ 1-66-47 (2863) ಇತ್ಯೇತೇ ದೇವಗಂಧರ್ವಾಃ ಪ್ರಾಧೇಯಾಃ ಪರಿಕೀರ್ತಿತಾಃ। ಇಮಂ ತ್ವಪ್ಸರಸಾಂ ವಂಶಂ ವಿದಿತಂ ಪುಣ್ಯಲಕ್ಷಣಂ॥ 1-66-48 (2864) ಅರಿಷ್ಟಾಽಸೂತ ಸುಭಗಾ ದೇವೀ ದೇವರ್ಷಿತಃ ಪುರಾ। ಅಲಂಬುಷಾ ಮಿಶ್ರಕೇಶೀ ವಿದ್ಯುತ್ಪರ್ಣಾ ತಿಲೋತ್ತಮಾ॥ 1-66-49 (2865) ಅರುಣಾ ರಕ್ಷಿತಾ ಚೈವ ರಂಬಾ ತದ್ವನ್ಮನೋರಮಾ। ಕೇಶಿನೀ ಚ ಸುಬಾಹುಶ್ಚ ಸುರತಾ ಸುರಜಾ ತಥಾ॥ 1-66-50 (2866) ಸುಪ್ರಿಯಾ ಚಾತಿಬಾಹುಶ್ಚ ವಿಖ್ಯಾತೌ ಚ ಹಾಹಾ ಹೂಹೂಃ। ತುಂಬುರುಶ್ಚೇತಿ ಚತ್ವಾರಃ ಸ್ಮೃತಾ ಗಂಧರ್ವಸತ್ತಮಾಃ॥ 1-66-51 (2867) ಅಮೃತಂ ಬ್ರಾಹ್ಮಣಾ ಗಾವೋ ಗಂಧರ್ವಾಪ್ಸರಸಸ್ತಥಾ। ಅಪತ್ಯಂ ಕಪಿಲಾಯಾಸ್ತು ಪುರಾಣೇ ಪರಿಕೀರ್ತಿತಂ॥ 1-66-52 (2868) ಇತಿ ತೇ ಸರ್ವಭೂತಾನಾಂ ಸಂಭವಃ ಕಥಿತೋ ಮಯಾ। ಯಥಾವತ್ಸಂಪರಿಖ್ಯಾತೋ ಗಂಧರ್ವಾಪ್ಸರಸಾಂ ತಥಾ॥ 1-66-53 (2869) ಭುಜಂಗಾನಾಂ ಸುಪರ್ಣಾನಾಂ ರುದ್ರಾಣಾಂ ಮರುತಾಂ ತಥಾ। ಗವಾಂ ಚ ಬ್ರಾಹ್ಮಣಾನಾಂ ಚ ಶ್ರೀಮತಾಂ ಪುಣ್ಯಕರ್ಮಣಾಂ॥ 1-66-54 (2870) ಆಯುಷ್ಯಶ್ಚೈವ ಪುಣ್ಯಶ್ಚ ಧನ್ಯಃ ಶ್ರುತಿಸುಖಾವಹಃ। ಶ್ರೋತವ್ಯಶ್ಚೈವ ಸತತಂ ಶ್ರಾವ್ಯಶ್ಚೈವಾನಸೂಯತಾ॥ 1-66-55 (2871) ಇಮಂ ತು ವಂಶಂ ನಿಯಮೇನ ಯಃ ಪಠೇ- ನ್ಮಹಾತ್ಮನಾಂ ಬ್ರಾಹ್ಮಣದೇವಸನ್ನಿಧೌ। ಅಪತ್ಯಲಾಭಂ ಲಭತೇ ಸ ಪುಷ್ಕಲಂ ಶ್ರಿಯಂ ಯಶಃ ಪ್ರೇತ್ಯ ಚ ಶೋಭನಾಂ ಗತಿಂ॥ ॥ 1-66-56 (2872) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಷಟ್ಷಷ್ಟಿತಮೋಽಧ್ಯಾಯಃ॥ 66 ॥

1-67-0 (2873) ವೈಶಂಪಾಯನ ಉವಾಚ। 1-67-0x (323) ಬ್ರಹ್ಮಣೋ ಮಾನಸಾಃ ಪುತ್ರಾ ವಿದಿತಾಃ ಷಣ್ಮಹರ್ಷಯಃ। ಏಕಾದಶ ಸುತಾಃ ಸ್ಥಾಣೋಃ ಖ್ಯಾತಾಃ ಪರಮತೇಜಸಃ॥ 1-67-1 (2874) ಮೃಗವ್ಯಾಧಶ್ಚ ಸರ್ಪಶ್ಚ ನಿರ್ಋತಿಶ್ಚ ಮಹಾಯಶಾಃ। ಅಜೈಕಪಾದಹಿರ್ಬಿಧ್ನ್ಯಃ ಪಿನಾಕೀ ಚ ಪರಂತಪಃ॥ 1-67-2 (2875) ದಹನೋಽಥೇಶ್ವರಶ್ಚೈವ ಕಪಾಲೀ ಚ ಮಹಾದ್ಯುತಿಃ। ಸ್ಥಾಣುರ್ಭಗಶ್ಚ ಭಗವಾನ್ ರುದ್ರಾ ಏಕಾದಶ ಸ್ಮೃತಾಃ॥ 1-67-3 (2876) ಮರೀಚಿರಂಗಿರಾ ಅತ್ರಿಃ ಪುಲಸ್ತ್ಯಃ ಪುಲಹಃ ಕ್ರತುಃ। ಷಡೇತೇ ಬ್ರಹ್ಮಣಃ ಪುತ್ರಾ ವೀರ್ಯವಂತೋ ಮಹರ್ಷಯಃ॥ 1-67-4 (2877) ತ್ರಯಸ್ತ್ವಂಗಿರಸಃ ಪುತ್ರಾ ಲೋಕೇ ಸರ್ವತ್ರ ವಿಶ್ರುತಾಃ। ಬೃಹಸ್ಪತಿರುತಥ್ಯಶ್ಚ ಸಂವರ್ತಶ್ಚ ಧೃತವ್ರತಾಃ॥ 1-67-5 (2878) ಅತ್ರೇಸ್ತು ಬಹವಃ ಪುತ್ರಾಃ ಶ್ರೂಯಂತೇ ಮನುಜಾಧಿಪ। ಸರ್ವೇ ವೇದವಿದಃ ಸಿದ್ಧಾಃ ಶಾಂತಾತ್ಮಾನೋ ಮಹರ್ಷಯಃ॥ 1-67-6 (2879) ರಾಕ್ಷಸಾಶ್ಚ ಪುಲಸ್ತ್ಯಸ್ಯ ವಾನರಾಃ ಕಿನ್ನರಾಸ್ತಥಾ। ಯಕ್ಷಾಶ್ಚ ಮನುಜವ್ಯಾಘ್ರ ಪುತ್ರಾಸ್ತಸ್ಯ ಚ ಧೀಮತಃ॥ 1-67-7 (2880) ಪುಲಹಸ್ಯ ಸುತಾ ರಾಜಞ್ಶರಭಾಶ್ಚ ಪ್ರಕೀರ್ತಿತಾಃ। ಸಿಂಹಾಃ ಕಿಪುರುಷಾ ವ್ಯಾಘ್ರಾ ಋಕ್ಷಾ ಈಹಾಮೃಗಾಸ್ತಥಾ॥ 1-67-8 (2881) ಕ್ರತೋಃ ಕ್ರತುಸಮಾಃ ಪುತ್ರಾಃ ಪತಂಗಸಹಚಾರಿಣಃ। ವಿಶ್ರುತಾಸ್ತ್ರಿಷು ಲೋಕೇಷು ಸತ್ಯವ್ರತಪರಾಯಣಾಃ॥ 1-67-9 (2882) ದಕ್ಷಸ್ತ್ವಜಾಯತಾಂಗುಷ್ಠಾದ್ದಕ್ಷಿಣಾದ್ಭಗವಾನೃಷಿಃ। ಬ್ರಹ್ಮಣಃ ಪೃಥಿವೀಪಾಲ ಶಾಂತಾತ್ಮಾ ಸುಮಹಾತಪಾಃ॥ 1-67-10 (2883) ವಾಮಾದಜಾಯತಾಂಗುಷ್ಠಾದ್ಭಾರ್ಯಾ ತಸ್ಯ ಮಹಾತ್ಮನಃ। ತಸ್ಯಾಂ ಪಂಚಾಶತಂ ಕನ್ಯಾಃ ಸ ಏವಾಜನಯನ್ಮುನಿಃ॥ 1-67-11 (2884) ತಾಃ ಸರ್ವಾಸ್ತ್ವನವದ್ಯಾಂಗ್ಯಃ ಕನ್ಯಾಃ ಕಮಲಲೋಚನಾಃ। ಪುತ್ರಿಕಾಃ ಸ್ಥಾಪಯಾಮಾಸ ನಷ್ಟಪುತ್ರಃ ಪ್ರಜಾಪತಿಃ॥ 1-67-12 (2885) ದದೌ ಸ ದಶ ಧರ್ಮಾಯ ಸಪ್ತವಿಂಶತಿಮಿಂದವೇ। ದಿವ್ಯೇನ ವಿಧಿನಾ ರಾಜನ್ಕಶ್ಯಪಾಯ ತ್ರಯೋದಶ॥ 1-67-13 (2886) ನಾಮತೋ ಧರ್ಮಪತ್ನ್ಯಸ್ತಾಃ ಕೀರ್ತ್ಯಮಾನಾ ನಿಬೋಧ ಮೇ। ಕೀರ್ತಿರ್ಲಕ್ಷ್ಮೀರ್ಧೃತಿರ್ಮೇಧಾ ಪುಷ್ಟಿಃ ಶ್ರದ್ಧಾ ಕ್ರಿಯಾ ತಥಾ॥ 1-67-14 (2887) ಬುದ್ಧಿರ್ಲಜ್ಜಾ ಮತಿಶ್ಚೈವ ಪತ್ನ್ಯೋ ಧರ್ಮಸ್ಯ ತಾ ದಶ। ದ್ವಾರಾಣ್ಯೇತಾನಿ ಧರ್ಮಸ್ಯ ವಿಹಿತಾನಿ ಸ್ವಯಂಭುವಾ॥ 1-67-15 (2888) ಸಪ್ತವಿಂಶತಿಃ ಸೋಮಸ್ಯ ಪತ್ನ್ಯೋ ಲೋಕಸ್ಯ ವಿಶ್ರುತಾಃ। ಕಾಲಸ್ಯ ನಯನೇ ಯುಕ್ತಾಃ ಸೋಮಪತ್ನ್ಯಾಃ ಶುಚಿವ್ರತಾಃ॥ 1-67-16 (2889) ಸರ್ವಾ ನಕ್ಷತ್ರಯೋಗಿನ್ಯೋ ಲೋಕಯಾತ್ರಾವಿಧಾನತಃ। ಪೈತಾಮಹೋ ಮುನಿರ್ದೇವಸ್ತಸ್ಯ ಪುತ್ರಃ ಪ್ರಜಾಪತಿಃ। ತಸ್ಯಾಷ್ಟೌ ವಸವಃ ಪುತ್ರಾಸ್ತೇಷಾಂ ವಕ್ಷ್ಯಾಮಿ ವಿಸ್ತರಂ॥ 1-67-17 (2890) ಧರೋ ಧ್ರುವಶ್ಚ ಸೋಮಶ್ಚ ಅಹಶ್ಚೈವಾನಿಲೋಽನಲಃ। ಪ್ರತ್ಯೂಷಶ್ಚ ಪ್ರಭಾಸಶ್ಚ ವಸವೋಽಷ್ಟೌ ಪ್ರಕೀರ್ತಿತಾಃ॥ 1-67-18 (2891) ಧೂಂರಾಯಾಸ್ತು ಧರಃ ಪುತ್ರೋ ಬ್ರಹ್ಮವಿದ್ಯೋ ಧ್ರುವಸ್ತಥಾ। ಚಂದ್ರಮಾಸ್ತು ಮನಸ್ವಿನ್ಯಾಃ ಶ್ವಾಸಾಯಾಃ ಶ್ವಸನಸ್ತಥಾ॥ 1-67-19 (2892) ರತಾಯಾಶ್ಚಾಪ್ಯಹಃ ಪುತ್ರಃ ಶಾಂಡಿಲ್ಯಾಶ್ಚ ಹುತಾಶನಃ। ಪ್ರತ್ಯೂಷಶ್ಚ ಪ್ರಭಾಸಶ್ಚ ಪ್ರಭಾತಾಯಾಃ ಸುತೌ ಸ್ಮೃತೌ॥ 1-67-20 (2893) ಧರಸ್ಯ ಪುತ್ರೋ ದ್ರವಿಣೋ ಹುತಹವ್ಯವಹಸ್ತಥಾ। `ಆಪಸ್ಯ ಪುತ್ರೋ ವೈತಂಡ್ಯಃ ಶ್ರಮಃ ಶಾಂತೋಮುನಿಸ್ತಥಾ'। ಧ್ರುವಸ್ಯ ಪುತ್ರೋ ಭಗವಾನ್ಕಾಲೋ ಲೋಕಪ್ರಕಾಲನಃ॥ 1-67-21 (2894) ಸೋಮಸ್ಯ ತು ಸುತೋ ವರ್ಚಾ ವರ್ಚಸ್ವೀ ಯೇನ ಜಾಯತೇ। ಮನೋಹರಾಯಾಃ ಶಿಶಿರಃ ಪ್ರಾಣೋಽಥ ರಮಣಸ್ತಥಾ॥ 1-67-22 (2895) ಅಹ್ನಃ ಸುತಸ್ತಥಾ ಜ್ಯೋತಿಃ ಶಮಃ ಶಾಂತಸ್ತಥಾ ಮುನಿಃ। ಅಗ್ನೇಃ ಪುತ್ರಃ ಕುಮಾರಸ್ತು ಶ್ರೀಮಾಂಛರವಣಾಲಯಃ॥ 1-67-23 (2896) ತಸ್ಯ ಶಾಖೋ ವಿಶಾಖಶ್ಚ ನೈಗಮೇಯಶ್ಚ ಪೃಷ್ಠಜಃ। ಕೃತ್ತಿಕಾಭ್ಯುಪಪತ್ತೇಶ್ಚ ಕಾರ್ತಿಕೇಯ ಇತಿ ಸ್ಮೃತಃ॥ 1-67-24 (2897) ಅನಿಲಸ್ಯ ಶಿವಾ ಭಾರ್ಯಾ ತಸ್ಯಾಃ ಪುತ್ರೋ ಮನೋಜವಃ। ಅವಿಜ್ಞಾತಗತಿಶ್ಚೈವ ದ್ವೌ ಪುತ್ರಾವನಿಲಸ್ಯ ತು॥ 1-67-25 (2898) ಪ್ರತ್ಯೂಷಸ್ಯ ವಿದುಃ ಪುತ್ರಮೃಷಿಂ ನಾಂನಾಽಥ ದೇವಲಂ। ದ್ವೌ ಪುತ್ರೌ ದೇವಲಸ್ಯಾಪಿ ಕ್ಷಮಾವಂತೌ ಮನೀಷಿಣೌ। ಬೃಹಸ್ಪತೇಸ್ತು ಭಗಿನೀ ವರಸ್ತ್ರೀ ಬ್ರಹ್ಮವಾದಿನೀ॥ 1-67-26 (2899) ಯೋಗಸಿದ್ಧಾ ಜಗತ್ಕೃತ್ಸ್ನಮಸಕ್ತಾ ವಿಚಚಾರ ಹ। ಪ್ರಭಾಸಸ್ಯ ತು ಭಾರ್ಯಾ ಸಾ ವಸೂನಾಮಷ್ಟಮಸ್ಯ ಹ॥ 1-67-27 (2900) ವಿಶ್ವಕರ್ಮಾ ಮಹಾಭಾಗೋ ಜಜ್ಞೇ ಶಿಲ್ಪಪ್ರಜಾಪತಿಃ। ಕರ್ತಾ ಶಿಲ್ಪಸಹಸ್ರಾಣಾಂ ತ್ರಿದಶಾನಾಂ ಚ ವರ್ಧಕಿಃ॥ 1-67-28 (2901) ಭೂಷಣಾನಾಂ ಚ ಸರ್ವೇಷಾಂ ಕರ್ತಾ ಶಿಲ್ಪವತಾಂ ವರಃ। ಯೋ ದಿವ್ಯಾನಿ ವಿಮಾನಾನಿ ತ್ರಿದಶಾನಾಂ ಚಕಾರಹ॥ 1-67-29 (2902) ಮನುಷ್ಯಾಶ್ಚೋಪಜೀವಂತಿ ಯಸ್ಯ ಶಿಲ್ಪಂ ಮಹಾತ್ಮನಃ। ಪೂಜಯಂತಿ ಚ ಯಂ ನಿತ್ಯಂ ವಿಶ್ವಕರ್ಮಾಣಮವ್ಯಯಂ॥ 1-67-30 (2903) ಸ್ತನಂ ತು ದಕ್ಷಿಣಂ ಭಿತ್ತ್ವಾ ಬ್ರಹ್ಮಣೋ ನರವಿಗ್ರಹಃ। ನಿಃಸೃತೋ ಭಗವಾಂಧರ್ಮಃ ಸರ್ವಲೋಕಸುಖಾವಹಃ॥ 1-67-31 (2904) ತ್ರಯಸ್ತಸ್ಯ ವರಾಃ ಪುತ್ರಾಃ ಸರ್ವಭೂತಮನೋಹರಾಃ। ಶಮಃ ಕಾಮಶ್ಚ ಹರ್ಷಶ್ಚ ತೇಜಸಾ ಲೋಕಧಾರಿಣಃ॥ 1-67-32 (2905) ಕಾಮಸ್ಯ ತು ರತಿರ್ಭಾರ್ಯಾ ಶಮಸ್ಯ ಪ್ರಾಪ್ತಿರಂಗನಾ। ನಂದಾ ತು ಭಾರ್ಯಾ ಹರ್ಷಸ್ಯ ಯಾಸು ಲೋಕಾಃ ಪ್ರತಿಷ್ಠಿತಾಃ॥ 1-67-33 (2906) ಮರೀಚೇಃ ಕಶ್ಯಪಃ ಪುತ್ರಃ ಕಶ್ಯಪಸ್ಯ ಸುರಾಸುರಾಃ। ಜಜ್ಞಿರೇ ನೃಪಶಾರ್ದೂಲ ಲೋಕಾನಾಂ ಪ್ರಭವಸ್ತು ಸಃ॥ 1-67-34 (2907) ತ್ವಾಷ್ಟ್ರೀ ತು ಸವಿತುರ್ಭಾರ್ಯಾ ವಡವಾರೂಪಧಾರಿಣೀ। ಅಸೂಯತ ಮಹಾಭಾಗಾ ಸಾಂತರಿಕ್ಷೇಽಸ್ವಿನಾವುಭೌ॥ 1-67-35 (2908) ದ್ವಾದಶೈವಾದಿತೇಃ ಪುತ್ರಾಃ ಶಕ್ರಮುಖ್ಯಾ ನರಾಧಿಪ। ತೇಷಾಮವರಜೋ ವಿಷ್ಣುರ್ಯತ್ರ ಲೋಕಾಃ ಪ್ರತಿಷ್ಠಿತಾಃ॥ 1-67-36 (2909) ತ್ರಯಸ್ತ್ರಿಂಶತ ಯತ್ಯೇತೇ ದೇವಾಸ್ತೇಷಾಮಹಂ ತವ। ಅನ್ವಯಂ ಸಂಪ್ರವಕ್ಷ್ಯಾಮಿ ಪಕ್ಷೈಶ್ಚ ಕುಲತೋ ಗಣಾನ್॥ 1-67-37 (2910) ರುದ್ರಾಣಾಮಪರಃ ಪಕ್ಷಃ ಸಾಧ್ಯಾನಾಂ ಮರುತಾಂ ತಥಾ। ವಸೂನಾಂ ಭಾರ್ಗವಂ ವಿದ್ಯಾದ್ವಿಶ್ವೇದೇವಾಂಸ್ತಥೈವ ಚ॥ 1-67-38 (2911) ವೈನತೇಯಸ್ತು ಗರುಡೋ ಬಲವಾನರುಣಸ್ತಥಾ। ಬೃಹಸ್ಪತಿಶ್ಚ ಭಗವಾನಾದಿತ್ಯೇಷ್ವೇವ ಗಣ್ಯತೇ॥ 1-67-39 (2912) ಅಶ್ವಿನೌ ಗುಹ್ಯಕಾನ್ವಿದ್ಧಿ ಸರ್ವೌಷಧ್ಯಸ್ತಥಾ ಪಶೂನ್। ಏತೇ ದೇವಗಣಾ ರಾಜನ್ಕೀರ್ತಿತಾಸ್ತೇಽನುಪೂರ್ವಶಃ॥ 1-67-40 (2913) ಯಾನ್ಕೀರ್ತಯಿತ್ವಾ ಮನುಜಃ ಸರ್ವಪಾಪೈಃ ಪ್ರಮುಚ್ಯತೇ। ಬ್ರಹ್ಮಣೋ ಹೃದಯಂ ಭಿತ್ತ್ವಾ ನಿಃಸೃತೋ ಭಗವಾನ್ಭೃಗುಃ॥ 1-67-41 (2914) ಭೃಗೋಃ ಪುತ್ರಃ ಕವಿರ್ವಿದ್ವಾಂಛುಕ್ರಃ ಕವಿಸುತೋ ಗ್ರಹಃ। ತ್ರೈಲೋಕ್ಯಪ್ರಾಣಯಾತ್ರಾರ್ಥಂ ವರ್ಷಾವರ್ಷೇ ಭಯಾಭಯೇ। ಸ್ವಯಂಭುವಾ ನಿಯುಕ್ತಃ ಸನ್ಭುವನಂ ಪರಿಧಾವತಿ॥ 1-67-42 (2915) ಯೋಗಾಚಾರ್ಯೋ ಮಹಾಬುದ್ಧಿರ್ದೈತ್ಯಾನಾಮಭವದ್ಗುರುಃ। ಸುರಾಣಾಂ ಚಾಪಿ ಮೇಧಾವೀ ಬ್ರಹ್ಮಚಾರೀ ಯತವ್ರತಃ॥ 1-67-43 (2916) ತಸ್ಮಿನ್ನಿಯುಕ್ತೇ ವಿಧಿನಾ ಯೋಗಕ್ಷೇಮಾಯ ಭಾರ್ಗವೇ। ಅನ್ಯಮುತ್ಪಾದಯಾಮಾಸ ಪುತ್ರಂ ಭೃಗುರನಿಂದಿತಂ॥ 1-67-44 (2917) ಚ್ಯವನಂ ದೀಪ್ತತಪಸಂ ಧರ್ಮಾತ್ಮಾನಂ ಯಶಸ್ವಿನಂ। ಯಃ ಸ ರೋಷಾಚ್ಚ್ಯುತೋ ಗರ್ಭಾನ್ಮಾತುರ್ಮೋಕ್ಷಾಯ ಭಾರತ॥ 1-67-45 (2918) ಆರುಷೀ ತು ಮನೋಃ ಕನ್ಯಾ ತಸ್ಯ ಪತ್ನೀ ಮನೀಷಿಣಃ। ಔರ್ವಸ್ತಸ್ಯಾಂ ಸಮಭವದೂರುಂ ಭಿತ್ತ್ವಾ ಮಹಾಯಶಾಃ॥ 1-67-46 (2919) ಮಹಾತೇಜಾ ಮಹಾವೀರ್ಯೋ ಬಾಲ ಏವ ಗುಣೈರ್ಯುತಃ। ಋಚೀಕಸ್ತಸ್ಯ ಪುತ್ರಸ್ತು ಜಮದಗ್ನಿಸ್ತತೋಽಭವತ್॥ 1-67-47 (2920) ಜಮದಗ್ನೇಸ್ತು ಚತ್ವಾರ ಆಸನ್ಪುತ್ರಾ ಮಹಾತ್ಮನಃ। ರಾಮಸ್ತೇಷಾಂ ಜಘನ್ಯೋಽಭೂದಜಘನ್ಯೈರ್ಗುಣೈರ್ಯುತಃ। ಸರ್ವಶಸ್ತ್ರೇಷು ಕುಶಲಃ ಕ್ಷತ್ರಿಯಾಂತಕರೋ ವಶೀ॥ 1-67-48 (2921) ಔರ್ವಸ್ಯಾಸೀತ್ಪುತ್ರಶತಂ ಜಮದಗ್ನಿಪುರೋಗಮಂ। ತೇಷಾಂ ಪುತ್ರಸಹಸ್ರಾಣಿ ಬಭೂವುರ್ಭುವಿ ವಿಸ್ತರಃ॥ 1-67-49 (2922) ದ್ವೌ ಪುತ್ರೋ ಬ್ರಹ್ಮಣಸ್ತ್ವನ್ಯೌ ಯಯೋಸ್ತಿಷ್ಠತಿ ಲಕ್ಷಣಂ। ಲೋಕೇ ಧಾತಾ ವಿಧಾತಾ ಚ ಯೌ ಸ್ಥಿತೌ ಮನುನಾ ಸಹ॥ 1-67-50 (2923) ತಯೋರೇವ ಸ್ವಸಾ ದೇವೀ ಲಕ್ಷ್ಮೀಃ ಪದ್ಮಗೃಹಾ ಶುಭಾ। ತಸ್ಯಾಸ್ತು ಮಾನಸಾಃ ಪುತ್ರಾಸ್ತುರಗಾ ವ್ಯೋಮಚಾರಿಣಃ॥ 1-67-51 (2924) ವರುಣಸ್ಯ ಭಾರ್ಯಾ ಯಾ ಜ್ಯೇಷ್ಠಾ ಶುಕ್ರಾದ್ದೇವೀ ವ್ಯಜಾಯತ। ತಸ್ಯಾಃ ಪುತ್ರಂ ಬಲಂ ವಿದ್ಧಿ ಸುರಾಂ ಚ ಸುರನಂದಿನೀಂ॥ 1-67-52 (2925) ಪ್ರಜಾನಾಮನ್ನಕಾಮಾನಾಮನ್ಯೋನ್ಯಪರಿಭಕ್ಷಣಾತ್। ಅಧರ್ಮಸ್ತತ್ರ ಸಂಜಾತಃ ಸರ್ವಭೂತವಿನಾಶಕಃ॥ 1-67-53 (2926) ತಸ್ಯಾಪಿ ನಿರ್ಋತಿರ್ಭಾರ್ಯಾ ನೈರ್ಋತಾ ಯೇನ ರಾಕ್ಷಸಾಃ। ಘೋರಾಸ್ತಸ್ಯಾಸ್ತ್ರಯಃ ಪುತ್ರಾಃ ಪಾಪಕರ್ಮರತಾಃ ಸದಾ॥ 1-67-54 (2927) ಭಯೋ ಮಹಾಭಯಶ್ಚೈವ ಮೃತ್ಯುರ್ಭೂತಾಂತಕಸ್ತಥಾ। ನ ತಸ್ಯ ಭಾರ್ಯಾ ಪುತ್ರೋ ವಾ ಕಶ್ಚಿದಸ್ತ್ಯಂತಕೋ ಹಿ ಸಃ॥ 1-67-55 (2928) ಕಾಕೀಂ ಶ್ಯೇನೀಂ ತಥಾ ಭಾಸೀಂ ಧೃತರಾಷ್ಟ್ರೀಂ ತಥಾ ಶುಕೀಂ। ತಾಂರಾ ತು ಸುಷುವೇ ದೇವೀ ಪಂಚೈತಾ ಲೋಕವಿಶ್ರುತಾಃ॥ 1-67-56 (2929) ಉಲೂಕಾನ್ಸುಷುವೇ ಕಾಕೀ ಶ್ಯೇನೀ ಶ್ಯೇನಾನ್ವ್ಯಜಾಯತ। ಭಾಸೀ ಭಾಸಾನಜನಯದ್ಗೃಧ್ರಾಂಶ್ಚೈವ ಜನಾಧಿಪ॥ 1-67-57 (2930) ಧೃತರಾಷ್ಟ್ರೀ ತು ಹಂಸಾಂಶ್ಚ ಕಲಹಂಸಾಂಶ್ಚ ಸರ್ವಶಃ। ಚಕ್ರವಾಕಾಂಶ್ಚ ಭದ್ರಾ ತು ಜನಯಾಮಾಸ ಸೈವ ತು॥ 1-67-58 (2931) ಶುಕೀ ಚ ಜನಯಾಮಾಸ ಶುಕಾನೇವ ಯಶಸ್ವಿನೀ। ಕಲ್ಯಾಣಗುಣಸಂಪನ್ನಾ ಸರ್ವಲಕ್ಷಣಪೂಜಿತಾ॥ 1-67-59 (2932) ನವ ಕ್ರೋಧವಶಾ ನಾರೀಃ ಪ್ರಜಜ್ಞೇ ಕ್ರೋಧಸಂಭವಾಃ। ಮೃಗೀ ಚ ಮೃಗಮಂದಾ ಚ ಹರೀ ಭದ್ರಮನಾ ಅಪಿ॥ 1-67-60 (2933) ಮಾತಂಗೀ ತ್ವಥ ಶಾರ್ದೂಲೀ ಶ್ವೇತಾ ಸುರಭಿರೇವ ಚ। ಸರ್ವಲಕ್ಷಣಸಂಪನ್ನಾ ಸುರಸಾ ಚೈವ ಭಾಮಿನೀ॥ 1-67-61 (2934) ಅಪತ್ಯಂ ತು ಮೃಗಾಃ ಸರ್ವೇ ಮೃಗ್ಯಾ ನರವರೋತ್ತಮ। ಋಕ್ಷಾಶ್ಚ ಮೃಗಮಂದಾಯಾಃ ಸೃಮರಾಶ್ಚ ಪರಂತಪ॥ 1-67-62 (2935) ತತಸ್ತ್ವೈರಾವತಂ ನಾಗಂ ಜಜ್ಞೇ ಭದ್ರಮನಾಃ ಸುತಂ। ಐರಾವತಃ ಸುತಸ್ತಸ್ಯಾ ದೇವನಾಗೋ ಮಹಾಗಜಃ॥ 1-67-63 (2936) ಹರ್ಯಾಶ್ಚ ಹರಯೋಽಪತ್ಯಂ ವಾನರಾಶ್ಚ ತರಸ್ವಿನಃ। ಗೋಲಾಂಗೂಲಾಂಶ್ಚ ಭದ್ರಂ ತೇ ಹರ್ಯಾಃ ಪುತ್ರಾನ್ಪ್ರಚಕ್ಷತೇ॥ 1-67-64 (2937) ಪ್ರಜಜ್ಞೇ ತ್ವಥ ಶಾರ್ದೂಲೀ ಸಿಂಹಾನ್ವ್ಯಾಗ್ರಾನನೇಕಶಃ। ದ್ವೀಪಿನಶ್ಚ ಮಹಾಸತ್ವಾನ್ಸರ್ವಾನೇವ ನ ಸಶಂಯಃ॥ 1-67-65 (2938) ಮಾತಂಗ್ಯಪಿ ಚ ಮಾತಂಗಾನಪತ್ಯಾನಿ ನರಾಧಿಪ। ದಿಶಾಂ ಗಜಂ ತು ಶ್ವೇತಾಖ್ಯಂ ಶ್ವೇತಾಽಜನಯದಾಶುಗಂ॥ 1-67-66 (2939) ತಥಾ ದುಹಿತರೌ ರಾಜನ್ಸುರಭಿರ್ವೈ ವ್ಯಜಾಯತ। ರೋಹಿಣೀ ಚೈವ ಭದ್ರಂ ತೇ ಗಂಧರ್ವೀ ತು ಯಶಸ್ವಿನೀ॥ 1-67-67 (2940) ವಿಮಲಾಮಪಿ ಭದ್ರಂ ತೇ ಅನಲಾಮಪಿ ಭಾರತ। ರೋಹಿಣ್ಯಾಂ ಜಜ್ಞಿರೇ ಗಾವೋ ಗಂಧರ್ವ್ಯಾಂ ವಾಜಿನಃ ಸುತಾಃ॥ 1-67-68 (2941) `ಇರಾಯಾಃ ಕನ್ಯಕಾ ಜಾತಾಸ್ತಿಸ್ರಃ ಕಮಲಲೋಚನಾಃ। ವನಸ್ಪತೀನಾಂ ವೃಕ್ಷಾಣಾಂ ವೀರುಧಾಂ ಚೈವ ಮಾತರಃ॥ 1-67-69 (2942) ಲತಾರುಹೇ ಚ ದ್ವೇ ಪ್ರೋಕ್ತೇ ವೀರುಧಾಂ ಚೈವ ತಾಃ ಸ್ಮೃತಾಃ। ಗೃಹ್ಣಂತಿ ಯೇ ವಿನಾ ಪುಷ್ಪಂ ಫಲಾನಿ ತರವಃ ಪೃಥಕ್॥ 1-67-70 (2943) ಲತಾಸುತಾಸ್ತೇ ವಿಜ್ಞೇಯಾಸ್ತಾನೇವಾಹುರ್ವನಸ್ಪತೀನ್। ಪುಷ್ಪೈಃ ಫಲಗ್ರಹಾನ್ವೃಕ್ಷಾನ್ರುಹಾಯಾಃ ಪ್ರಸವಂ ವಿದುಃ॥ 1-67-71 (2944) ಲತಾಗುಲ್ಮಾನಿ ವೃಕ್ಷಾಶ್ಚ ತ್ವಕ್ಸಾರತೃಣಜಂತವಃ। ವೀರುಧೋ ಯಾಃ ಪ್ರಜಾಸ್ತಸ್ಯಾಸ್ತತ್ರ ವಂಶಃ ಸಮಾಪ್ಯತೇ॥ 1-67-72 (2945) ಸಪ್ತಪಿಂಡಫಲಾನ್ವೃಕ್ಷಾನನಲಾಪಿ ವ್ಯಜಾಯತ॥ 1-67-73 (2946) ಅನಲಾಯಾಃ ಶುಕೀ ಪುತ್ರೀ ಕಂಕಸ್ತು ಸುರಸಾಸುತಃ। ಅರುಣಸ್ಯ ಭಾರ್ಯಾ ಶ್ಯೇನೀ ತು ವೀರ್ಯವಂತೌ ಮಹಾಬಲೌ॥ 1-67-74 (2947) ಸಂಪಾತಿಂ ಜನಯಾಮಾಸ ವೀರ್ಯವಂತಂ ಜಟಾಯುಷಂ। ಸುರಸಾಽಜನಯನ್ನಾಗಾನ್ಕದ್ರೂಃ ಪುತ್ರಾಂಸ್ತು ಪನ್ನಗಾನ್॥ 1-67-75 (2948) ದ್ವೌ ಪುತ್ರೌ ವಿನತಾಯಾಸ್ತು ವಿಖ್ಯಾತೌ ಗರುಡಾರುಣೌ। ಇತ್ಯೇಷ ಸರ್ವಭೂತಾನಾಂ ಮಹತಾಂ ಮನುಜಾಧಿಪ। ಪ್ರಭವಃ ಕೀರ್ತಿತಃ ಸಂಯಙ್ಮಯಾ ಮತಿಮತಾಂ ವರ॥ 1-67-76 (2949) ಯಂ ಶ್ರುತ್ವಾ ಪುರುಷಃ ಸಂಯಙ್ಮುಕ್ತೋ ಭವತಿ ಪಾಪ್ಮನಃ। ಸರ್ವಜ್ಞತಾಂ ಚ ಲಭತೇ ರತಿಮಗ್ರ್ಯಾಂ ಚ ವಿಂದತಿ॥ ॥ 1-67-77 (2950) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಸಪ್ತಷಷ್ಟಿತಮೋಽಧ್ಯಾಯಃ॥ 67 ॥

1-68-0 (2951) ಜನಮೇಜಯ ಉವಾಚ। 1-68-0x (324) ದೇವಾನಾಂ ದಾನವಾನಾಂ ಚ ಗಂಧರ್ವೋರಗರಕ್ಷಸಾಂ। ಸಿಂಹವ್ಯಾಘ್ರಮೃಗಾಣಾಂ ಚ ಪನ್ನಗಾನಾಂ ಪತತ್ತ್ರಿಣಾಂ॥ 1-68-1 (2952) ಅನ್ಯೇಷಾಂ ಚೈವ ಭೂತಾನಾಂ ಸಂಭವಂ ಭಗವನ್ನಹಂ। ಶ್ರೋತುಮಿಚ್ಛಾಮಿ ತತ್ತ್ವೇನ ಮಾನುಷೇಷು ಮಹಾತ್ಮನಾಂ। ಜನ್ಮ ಕರ್ಮ ಚ ಭೂತಾನಾಮೇತೇಷಾಮನುಪೂರ್ವಶಃ॥ 1-68-2 (2953) ವೈಶಂಪಾಯನ ಉವಾಚ। 1-68-3x (325) ಮಾನುಷೇಷು ಮನುಷ್ಯೇಂದ್ರ ಸಂಭೂತಾ ಯೇ ದಿವೌಕಸಃ। ಪ್ರಥಮಂ ದಾನವಾಶ್ಚೈವ ತಾಂಸ್ತೇ ವಕ್ಷ್ಯಾಮಿ ಸರ್ವಶಃ॥ 1-68-3 (2954) ವಿಪ್ರಚಿತ್ತಿರಿತಿ ಖ್ಯಾತೋ ಯ ಆಸೀದ್ದಾನವರ್ಷಭಃ। ಜರಾಸಂಧ ಇತಿ ಖ್ಯಾತಃ ಸ ಆಸೀನ್ಮನುಜರ್ಷಭಃ॥ 1-68-4 (2955) ದಿತೇಃ ಪುತ್ರಸ್ತು ಯೋ ರಾಜನ್ಹಿರಣ್ಯಕಶಿಪುಃ ಸ್ಮೃತಃ। ಸ ಜಜ್ಞೇ ಮಾನುಷೇ ಲೋಕೇ ಶಿಶುಪಾಲೋ ನರರ್ಷಭಃ॥ 1-68-5 (2956) ಸಂಹ್ಲಾದ ಇತಿ ವಿಖ್ಯಾತಃ ಪ್ರಹ್ಲಾದಸ್ಯಾನುಜಸ್ತು ಯಃ। ಸ ಶಲ್ಯ ಇತಿ ವಿಖ್ಯಾತೋ ಜಜ್ಞೇ ವಾಹೀಕಪುಂಗವಃ॥ 1-68-6 (2957) ಅನುಹ್ಲಾದಸ್ತು ತೇಜಸ್ವೀ ಯೋಽಭೂತ್ಖ್ಯಾತೋ ಜಘನ್ಯಜಃ। ಧೃಷ್ಟಕೇತುರಿತಿ ಖ್ಯಾತಃ ಸ ಬಭೂವ ನರೇಶ್ವರಃ॥ 1-68-7 (2958) ಯಸ್ತು ರಾಜಞ್ಶಿಬಿರ್ನಾಮ ದೈತೇಯಃ ಪರಿಕೀರ್ತಿತಃ। ದ್ರುಮ ಇತ್ಯಭಿವಿಖ್ಯಾತಃ ಸ ಆಸೀದ್ಭುವಿ ಪಾರ್ಥಿವಃ॥ 1-68-8 (2959) ಬಾಷ್ಕಲೋ ನಾಮ ಯಸ್ತೇಷಾಮಾಸೀದಸುರಸತ್ತಮಃ। ಭಗದತ್ತ ಇತಿ ಖ್ಯಾತಃ ಸಂ ಜಜ್ಞೇ ಪುರುಷರ್ಷಭಃ॥ 1-68-9 (2960) ಅಯಃಶಿರಾ ಅಶ್ವಶಿರಾ ಅಯಃಶಂಕುಶ್ಚ ವೀರ್ಯವಾನ್। ತಥಾ ಗಗನಮೂರ್ಧಾ ಚ ವೇಗವಾಂಶ್ಚಾತ್ರ ಪಂಚಮಃ॥ 1-68-10 (2961) ಪಂಚೈತೇ ಜಜ್ಞಿರೇ ರಾಜನ್ವೀರ್ಯವಂತೋ ಮಹಾಸುರಾಃ। ಕೇಕಯೇಷು ಮಹಾತ್ಮಾನಃ ಪಾರ್ಥಿವರ್ಷಭಸತ್ತಮಾಃ। ಕೇತುಮಾನಿತಿ ವಿಖ್ಯಾತೋ ಯಸ್ತತೋಽನ್ಯಃಪ್ರತಾಪವಾನ್॥ 1-68-11 (2962) ಅಮಿತೌಜಾ ಇತಿ ಖ್ಯಾತಃ ಸೋಗ್ರಕರ್ಮಾ ನರಾಧಿಪಃ। ಸ್ವರ್ಭಾನುರಿತಿ ವಿಖ್ಯಾತಃ ಶ್ರೀಮಾನ್ಯಸ್ತು ಮಹಾಸುರಃ॥ 1-68-12 (2963) ಉಗ್ರಸೇನ ಇತಿ ಖ್ಯಾತ ಉಗ್ರಕರ್ಮಾ ನರಾಧಿಪಃ। ಯಸ್ತ್ವಶ್ವ ಇತಿ ವಿಖ್ಯಾತಃ ಶ್ರೀಮಾನಾಸೀನ್ಮಹಾಸುರಃ॥ 1-68-13 (2964) ಅಶೋಕೋ ನಾಮ ರಾಜಾಽಭೂನ್ಮಹಾವೀರ್ಯೋಽಪರಾಜಿತಃ। ತಸ್ಮಾದವರಜೋ ಯಸ್ತು ರಾಜನ್ನಶ್ವಪತಿಃ ಸ್ಮೃತಃ॥ 1-68-14 (2965) ದೈತೇಯಃ ಸೋಽಭವದ್ರಾಜಾ ಹಾರ್ದಿಕ್ಯೋ ಮನುಜರ್ಷಭಃ। ವೃಷಪರ್ವೇತಿ ವಿಖ್ಯಾತಃ ಶ್ರೀಮಾನ್ಯಸ್ತು ಮಹಾಸುರಃ॥ 1-68-15 (2966) ದೀರ್ಘಪ್ರಜ್ಞ ಇತಿ ಖ್ಯಾತಃ ಪೃಥಿವ್ಯಾಂ ಸೋಽಭವನ್ನೃಪಃ। ಅಜಕಸ್ತ್ವವರೋ ರಾಜನ್ಯ ಆಸೀದ್ವೃಷಪರ್ವಣಃ॥ 1-68-16 (2967) ಸ ಶಾಲ್ವ ಇತಿ ವಿಖ್ಯಾತಃ ಪೃಥಿವ್ಯಾಮಭವನ್ನೃಪಃ। ಅಶ್ವಗ್ರೀವ ಇತಿ ಖ್ಯಾತಃ ಸತ್ವವಾನ್ಯೋ ಮಹಾಸುರಃ॥ 1-68-17 (2968) ರೋಚಮಾನ ಇತಿ ಖ್ಯಾತಃ ಪೃಥಿವ್ಯಾಂ ಕೋಽಭವನ್ನೃಪಃ। ಸೂಕ್ಷ್ಮಸ್ತು ಮತಿಮಾನ್ರಾಜನ್ಕೀರ್ತಿಮಾನ್ಯಃ ಪ್ರಕೀರ್ತಿತಃ॥ 1-68-18 (2969) ಬೃಹದ್ರಥ ಇತಿ ಖ್ಯಾತಃ ಕ್ಷಿತಾವಾಸೀತ್ಸ ಪಾರ್ಥಿವಃ। ತುಹುಂಡ ಇತಿ ವಿಖ್ಯಾತೋ ಯ ಆಸೀದಸುರೋತ್ತಮಃ॥ 1-68-19 (2970) ಸೇನಾಬಿಂದುರಿತಿ ಖ್ಯಾತಃ ಸ ಬೂಭವ ನರಾಧಿಪಃ। ಇಷುಮಾನ್ನಾಮ ಯಸ್ತೇಷಾಮಸುರಾಣಾಂ ಬಲಾಧಿಕಃ॥ 1-68-20 (2971) ನಗ್ನಜಿನ್ನಾಮ ರಾಜಾಸೀದ್ಭುವಿ ವಿಖ್ಯಾತವಿಕ್ರಮಃ। ಏಕಚಕ್ರ ಇತಿ ಖ್ಯಾತ ಆಸೀದ್ಯಸ್ತು ಮಹಾಸುರಃ॥ 1-68-21 (2972) ಪ್ರತಿವಿನ್ಘ್ಯ ಇತಿ ಖ್ಯಾತೋ ಬಭೂವ ಪ್ರಥಿತಃ ಕ್ಷಿತೌ। ವಿರೂಪಾಕ್ಷಸ್ತು ದೈತೇಯಶ್ಚಿತ್ರಯೋಧೀ ಮಹಾಸುರಃ॥ 1-68-22 (2973) ಚಿತ್ರಧರ್ಮೇತಿ ವಿಖ್ಯಾತಃ ಕ್ಷಿತಾವಾಸೀತ್ಸ ಪಾರ್ಥಿವಃ। ಹರಸ್ತ್ವರಿಹರೋ ವೀರ ಆಸೀದ್ಯೋ ದಾನವೋತ್ತಮಃ॥ 1-68-23 (2974) ಸುಬಾಹುರಿತಿ ವಿಖ್ಯಾತಃ ಶ್ರೀಮಾನಾಸೀತ್ಸ ಪಾರ್ಥಿವಃ। ಅಹರಸ್ತು ಮಹಾತೇಜಾಃ ಶತ್ರುಪಕ್ಷಕ್ಷಯಂಕರಃ॥ 1-68-24 (2975) ಬಾಹ್ಲಿಕೋ ನಾಮ ರಾಜಾ ಸ ಬಭೂವ ಪ್ರಥಿತಃ ಕ್ಷಿತೌ। ನಿಚಂದ್ರಶ್ಚಂದ್ರವಕ್ತ್ರಸ್ತು ಯ ಆಸೀದಸುರೋತ್ತಮಃ॥ 1-68-25 (2976) ಮುಂಜಕೇಶ ಇತಿ ಖ್ಯಾತಃ ಶ್ರೀಮಾನಾಸೀತ್ಸ ಪಾರ್ಥಿವಃ। ನಿಕುಂಭಸ್ತ್ವಜಿತಃ ಸಂಖ್ಯೇ ಮಹಾಮತಿರಜಾಯತ॥ 1-68-26 (2977) ಭೂಮೌ ಭೂಮಿಪತಿಶ್ರೇಷ್ಠೋ ದೇವಾಧಿಪ ಇತಿ ಸ್ಮೃತಃ। ಶರಭೋ ನಾಮ ಯಸ್ತೇಷಾಂ ದೈತೇಯಾನಾಂ ಮಹಾಸುರಃ॥ 1-68-27 (2978) ಪೌರವೋ ನಾಮ ರಾಜರ್ಷಿಃ ಸ ಬಭೂವ ನರೋತ್ತಮಃ। ಕುಪಟಸ್ತು ಮಹಾವೀರ್ಯಃ ಶ್ರೀಮಾನ್ರಾಜನ್ಮಹಾಸುರಃ॥ 1-68-28 (2979) ಸುಪಾರ್ಶ್ವ ಇತಿ ವಿಖ್ಯಾತಃ ಕ್ಷಿತೌ ಜಜ್ಞೇ ಮಹೀಪತಿಃ। ಕಪಟಸ್ತು ರಾಜನ್ರಾಜರ್ಷಿಃ ಕ್ಷಿತೌ ಜಜ್ಞೇ ಮಹಾಸುರಃ॥ 1-68-29 (2980) ಪಾರ್ವತೇಯ ಇತಿ ಖ್ಯಾತಃ ಕಾಂಚನಾಚಲಸನ್ನಿಭಃ। ದ್ವಿತೀಯಃ ಶಲಭಸ್ತೇಷಾಮಸುರಾಣಾಂ ಬಭೂವ ಹ॥ 1-68-30 (2981) ಪ್ರಹ್ಲಾದೋ ನಾಮ ಬಾಹ್ಲೀಕಃ ಸ ಬಭೂವ ನರಾಧಿಪಃ। ಚಂದ್ರಸ್ತು ದಿತಿಜಶ್ರೇಷ್ಠೋ ಲೋಕೇ ತಾರಾಧಿಪೋಪಮಃ॥ 1-68-31 (2982) ಚಂದ್ರವರ್ಮೇತಿ ವಿಖ್ಯಾತಃ ಕಾಂಬೋಜಾನಾಂ ನರಾಧಿಪಃ। ಅರ್ಕ ಇತ್ಯಭಿವಿಖ್ಯಾತೋ ಯಸ್ತು ದಾನವಪುಂಗವಃ॥ 1-68-32 (2983) ಋಷಿಕೋ ನಾಮ ರಾಜರ್ಷಿರ್ಬಭೂವ ನೃಪಸತ್ತಮಃ। ಮೃತಪಾ ಇತಿ ವಿಖ್ಯಾತೋ ಯ ಆಸೀದಸುರೋತ್ತಮಃ॥ 1-68-33 (2984) ಪಶ್ಚಿಮಾನೂಪಕಂ ವಿದ್ಧಿ ತಂ ನೃಪಂ ನೃಪಸತ್ತಮ। ಗವಿಷ್ಠಸ್ತು ಮಹಾತೇಜಾ ಯಃ ಪ್ರಖ್ಯಾತೋ ಮಹಾಸುರಃ॥ 1-68-34 (2985) ದ್ರುಮಸೇನ ಇತಿ ಖ್ಯಾತಃ ಪೃಥಿವ್ಯಾಂ ಸೋಽಭವನ್ನೃಪಃ। ಮಯೂರ ಇತಿ ವಿಖ್ಯಾತಃ ಶ್ರೀಮಾನ್ಯಸ್ತು ಮಹಾಸುರಃ॥ 1-68-35 (2986) ಸ ವಿಶ್ವ ಇತಿ ವಿಖ್ಯಾತೋ ಬಭೂವ ಪೃಥಿವೀಪತಿಃ। ಸುಪರ್ಣ ಇತಿ ವಿಖ್ಯಾತಸ್ತಸ್ಮಾದವರಜಸ್ತು ಯಃ॥ 1-68-36 (2987) ಕಾಲಕೀರ್ತಿರಿತಿ ಖ್ಯಾತಃ ಪೃಥಿವ್ಯಾಂ ಸೋಽಭವನ್ನೃಪಃ। ಚಂದ್ರಹಂತೇತಿ ಯಸ್ತೇಷಾಂ ಕೀರ್ತಿತಃ ಪ್ರವರೋಽಸುರಃ॥ 1-68-37 (2988) ಶುನಕೋ ನಾಮ ರಾಜರ್ಷಿಃ ಸ ಬಭೂವ ನರಾಧಿಪಃ। ವಿನಾಶನಸ್ತು ಚಂದ್ರಸ್ಯ ಯ ಆಖ್ಯಾತೋ ಮಹಾಸುರಃ॥ 1-68-38 (2989) ಜಾನಕಿರ್ನಾಮ ವಿಖ್ಯಾತಃ ಸೋಽಭವನ್ಮನುಜಾಧಿಪಃ। ದೀರ್ಘಜಿಹ್ವಸ್ತು ಕೌರವ್ಯ ಯ ಉಕ್ತೋ ದಾನವರ್ಷಭಃ॥ 1-68-39 (2990) ಕಾಶಿರಾಜಃ ಸ ವಿಖ್ಯಾತಃ ಪೃಥಿವ್ಯಾಂ ಪೃಥಿವೀಪತೇ। ಗ್ರಹಂ ತು ಸುಷುವೇ ಯಂ ತು ಸಿಂಹಿಕಾರ್ಕೇಂದುಮರ್ದನಂ। ಸ ಕ್ರಾಥ ಇತಿ ವಿಖ್ಯಾತೋ ಬಭೂವ ಮನುಜಾಧಿಪಃ॥ 1-68-40 (2991) ದನಾಯುಷಸ್ತು ಪುತ್ರಾಣಾಂ ಚತುರ್ಣಾಂ ಪ್ರವರೋಽಸುರಃ। ವಿಕ್ಷರೋ ನಾಮ ತೇಜಸ್ವೀ ವಸುಮಿತ್ರೋ ನೃಪಃ ಸ್ಮೃತಃ॥ 1-68-41 (2992) ದ್ವಿತೀಯೋ ವಿಕ್ಷರಾದ್ಯಸ್ತು ನರಾಧಿಪ ಮಹಾಸುರಃ। ಪಾಂಡ್ಯರಾಷ್ಟ್ರಾಧಿಪ ಇತಿ ವಿಖ್ಯಾತಃ ಸೋಽಭವನ್ನೃಪಃ॥ 1-68-42 (2993) ಬಲೀ ವೀರ ಇತಿ ಖ್ಯಾತೋ ಯಸ್ತ್ವಾಸೀದಸುರೋತ್ತಮಃ। ಪೌಂಡ್ರಮಾತ್ಸ್ಯಕ ಇತ್ಯೇವಂ ಬಭೂವ ಸ ನರಾಧಿಪಃ॥ 1-68-43 (2994) ವೃತ್ರ ಇತ್ಯಭಿವಿಖ್ಯಾತೋ ಯಸ್ತು ರಾಜನ್ಮಹಾಸುರಃ। ಮಣಿಮಾನ್ನಾಮ ರಾಜರ್ಷಿಃ ಸ ಬಭೂವ ನರಾಧಿಪಃ॥ 1-68-44 (2995) ಕ್ರೋಧಹಂತೇತಿ ಯಸ್ತಸ್ಯ ಬಭೂವಾವರಜೋಽಸುರಃ। ದಂಡ ಇತ್ಯಭಿವಿಖ್ಯಾತಃ ಸ ಆಸೀನ್ನೃಪತಿಃ ಕ್ಷಿತೌ॥ 1-68-45 (2996) ಕ್ರೋಧವರ್ಧನ ಇತ್ಯೇವಂ ಯಸ್ತ್ವನ್ಯಃ ಪರಿಕೀರ್ತಿತಃ। ದಂಡಧಾರ ಇತಿ ಖ್ಯಾತಃ ಸೋಽಭವನ್ಮನುಜರ್ಷಭಃ॥ 1-68-46 (2997) ಕಾಲೇಯಾನಾಂ ತು ಯೇ ಪುತ್ರಾಸ್ತೇಷಾಮಷ್ಟೌ ನರಾಧಿಪಾಃ। ಜಜ್ಞಿರೇ ರಾಜಶಾರ್ದೂಲ ಶಾರ್ದೂಲಸಮವಿಕ್ರಮಾಃ॥ 1-68-47 (2998) ಮಗಧೇಷು ಜಯತ್ಸೇನಸ್ತೇಷಾಮಾಸೀತ್ಸ ಪಾರ್ಥಿವಃ। ಅಷ್ಟಾನಾಂ ಪ್ರವರಸ್ತೇಷಾಂ ಕಾಲೇಯಾನಾಂ ಮಹಾಸುರಃ॥ 1-68-48 (2999) ದ್ವಿತೀಯಸ್ತು ತತಸ್ತೇಷಾಂ ಶ್ರೀಮಾನ್ಹರಿಹಯೋಪಮಃ। ಅಪರಾಜಿತ ಇತ್ಯೇವಂ ಸ ಬಭೂವ ನರಾಧಿಪಃ॥ 1-68-49 (3000) ತೃತೀಯಸ್ತು ಮಹಾತೇಜಾ ಮಹಾಮಾಯೋ ಮಹಾಸುರಃ। ನಿಷಾದಾಧಿಪತಿರ್ಜಜ್ಞೇ ಭುವಿ ಭೀಮಪರಾಕ್ರಮಃ॥ 1-68-50 (3001) ತೇಷಾಮನ್ಯತಮೋ ಯಸ್ತು ಚತುರ್ಥಃ ಪರಿಕೀರ್ತಿತಃ। ಶ್ರೇಣಿಮಾನಿತಿ ವಿಖ್ಯಾತಃ ಕ್ಷಿತೌ ರಾಜರ್ಷಿಸತ್ತಮಃ॥ 1-68-51 (3002) ಪಂಚಮಸ್ತ್ವಭವತ್ತೇಷಾಂ ಪ್ರವರೋ ಯೋ ಮಹಾಸುರಃ। ಮಹೌಜಾ ಇತಿ ವಿಖ್ಯಾತೋ ಬಭೂವೇಹ ಪರಂದಪಃ॥ 1-68-52 (3003) ಷಷ್ಠಸ್ತು ಮತಿಮಾನ್ಯೋ ವೈ ತೇಷಾಮಾಸೀನ್ಮಹಾಸುರಃ। ಅಭೀರುರಿತಿ ವಿಖ್ಯಾತಃ ಕ್ಷಿತೌ ರಾಜರ್ಷಿಸತ್ತಮಃ॥ 1-68-53 (3004) ಸಮುದ್ರಸೇನಸ್ತು ನೃಪಸ್ತೇಷಾಮೇವಾಭವದ್ಗಣಾತ್। ವಿಶ್ರುತಃ ಸಾಗರಾಂತಾಯಾಂ ಕ್ಷಿತೌ ಧರ್ಮಾರ್ಥತತ್ತ್ವವಿತ್॥ 1-68-54 (3005) ಬೃಹನ್ನಾಮಾಷ್ಟಮಸ್ತೇಷಾಂ ಕಾಲೇಯಾನಾಂ ನರಾಧಿಪ। ಬಭೂವ ರಾಜಾ ಧರ್ಮಾತ್ಮಾ ಸರ್ವಭೂತಹಿತೇ ರತಃ॥ 1-68-55 (3006) ಕುಕ್ಷಿಸ್ತು ರಾಜನ್ವಿಖ್ಯಾತೋ ದಾನವಾನಾಂ ಮಹಾಬಲಃ। ಪಾರ್ವತೀಯ ಇತಿ ಖ್ಯಾತಃ ಕಾಂಚನಾಚಲಸನ್ನಿಭಃ॥ 1-68-56 (3007) ಕ್ರಥನಶ್ಚ ಮಹಾವೀರ್ಯಃ ಶ್ರೀಮಾನ್ರಾಜಾ ಮಹಾಸುರಃ। ಸೂರ್ಯಾಕ್ಷ ಇತಿ ವಿಖ್ಯಾತಃ ಕ್ಷಿತೌ ಜಜ್ಞೇ ಮಹೀಪತಿಃ॥ 1-68-57 (3008) ಅಸುರಾಣಾಂ ತು ಯಃ ಸಕೂರ್ಯಃ ಶ್ರೀಮಾಂಶ್ಚೈವ ಮಹಾಸುರಃ। ದರದೋ ನಾಮ ಬಾಹ್ಲೀಕೋ ವರಃ ಸರ್ವಮಹೀಕ್ಷಿತಾಂ॥ 1-68-58 (3009) ಗಣಃ ಕ್ರೋಧವಶೋ ನಾಮ ಯಸ್ತೇ ರಾಜನ್ಪ್ರಕೀರ್ತಿತಃ। ತತಃ ಸಂಜಜ್ಞಿರೇ ವೀರಾಃ ಕ್ಷಿತಾವಿಹ ನರಾಧಿಪಾಃ॥ 1-68-59 (3010) ಮದ್ರಕಃ ಕರ್ಣವೇಷ್ಟಶ್ಚ ಸಿದ್ಧಾರ್ಥಃ ಕೀಟಕಸ್ತಥಾ। ಸುವೀರಶ್ಚ ಸುಬಾಹುಶ್ಚ ಮಹಾವೀರೋಽಥ ಬಾಹ್ಲಿಕಃ॥ 1-68-60 (3011) ಕ್ರಥೋ ವಿಚಿತ್ರಃ ಸುರಥಃ ಶ್ರೀಮಾನ್ನೀಲಶ್ಚ ಭೂಮಿಪಃ। ಚೀರವಾಸಾಶ್ಚ ಕೌರವ್ಯ ಭೂಮಿಪಾಲಶ್ಚ ನಾಮತಃ॥ 1-68-61 (3012) ದಂತವಕ್ತ್ರಶ್ಚ ನಾಮಾಸೀದ್ದುರ್ಜಯಶ್ಚೈವ ದಾನವಃ। ರುಕ್ಮೀ ಚ ನೃಪಶಾರ್ದೂಲೋ ರಾಜಾ ಚ ಜನಮೇಜಯಃ॥ 1-68-62 (3013) ಆಷಾಢೋ ವಾಯುವೇಗಶ್ಚ ಭೂರಿತೇಜಾಸ್ತಥೈವ ಚ। ಏಕಲವ್ಯಃ ಸುಮಿತ್ರಶ್ಚ ವಾಟಧಾನೋಽಥ ಗೋಮುಖಃ॥ 1-68-63 (3014) ಕಾರೂಷಕಾಶ್ಚ ರಾಜಾನಃ ಕ್ಷೇಮಧೂರ್ತಿಸ್ತಥೈವ ಚ। ಶ್ರುತಾಯುರುದ್ವಹಶ್ಚೈವ ಬೃಹತ್ಸೇನಸ್ತಥೈವ ಚ॥ 1-68-64 (3015) ಕ್ಷೇಮೋಗ್ರತೀರ್ಥಃ ಕುಹರಃ ಕಲಿಂಗೇಷು ನರಾಧಿಪಃ। ಮತಿಮಾಂಶ್ಚ ಮನುಷ್ಯೇಂದ್ರ ಈಶ್ವರಶ್ಚೇತಿ ವಿಶ್ರುತಃ॥ 1-68-65 (3016) ಗಣಾತ್ಕ್ರೋಧವಶಾದೇಷ ರಾಜಪೂಗೋಽಭವತ್ಕ್ಷಿತೌ। ಜಾತಃ ಪುರಾ ಮಹಾಭಾಗೋ ಮಹಾಕೀರ್ತಿರ್ಮಹಾಬಲಃ॥ 1-68-66 (3017) ಕಾಲನೇಮಿರಿತಿ ಖ್ಯಾತೋ ದಾನವಾನಾಂ ಮಹಾಬಲಃ। ಸ ಕಂಸ ಇತಿ ವಿಖ್ಯಾತ ಉಗ್ರಸೇನಸುತೋ ಬಲೀ॥ 1-68-67 (3018) ಯಸ್ತ್ವಾಸೀದ್ದೇವಕೋ ನಾಮ ದೇವರಾಜಸಮದ್ಯುತಿಃ। ಸ ಗಂಧರ್ವಪತಿರ್ಮುಖ್ಯಃ ಕ್ಷಿತೌ ಜಜ್ಞೇ ನರಾಧಿಪಃ॥ 1-68-68 (3019) ಬೃಹಸ್ಪತೇರ್ಬೃಹತ್ಕೀರ್ತೇರ್ದೇವರ್ಷೇರ್ವಿದ್ಧಿ ಭಾರತ। ಅಶಾದ್ದ್ರೋಣಂ ಸಮುತ್ಪನ್ನಂ ಭಾರದ್ವಾಜಮಯೋನಿಜಂ॥ 1-68-69 (3020) ಧನ್ವಿನಾಂ ನೃಪಶಾರ್ದೂಲ ಯಃ ಸರ್ವಾಸ್ತ್ರವಿದುತ್ತಮಃ। ಮಹಾಕೀರ್ತಿರ್ಮಹಾತೇಜಾಃ ಸ ಜಜ್ಞೇ ಮನುಜೇಶ್ವರ॥ 1-68-70 (3021) ಧನುರ್ವೇದೇ ಚ ವೇದೇ ಚ ಯಂ ತಂ ವೇದವಿದೋ ವಿದುಃ। ವರಿಷ್ಠಂ ಚಿತ್ರಕರ್ಮಾಣಂ ದ್ರೋಣಂ ಸ್ವಕುಲವರ್ಧನಂ॥ 1-68-71 (3022) ಮಹಾದೇವಾಂತಕಾಭ್ಯಾಂ ಚ ಕಾಮಾತ್ಕ್ರೋಧಾಚ್ಚ ಭಾರತ। ಏಕತ್ವಮುಪಸಂಪದ್ಯ ಜಜ್ಞೇ ಶೂರಃ ಪರಂತಪಃ॥ 1-68-72 (3023) ಅಶ್ವತ್ಥಾಮಾ ಮಹಾವೀರ್ಯಃ ಶತ್ರುಪಕ್ಷಭಯಾವಹಃ। ವೀರಃ ಕಮಲಪತ್ರಾಕ್ಷಃ ಕ್ಷಿತಾವಾಸೀನ್ನರಾಧಿಪಃ॥ 1-68-73 (3024) ಜಜ್ಞಿರೇ ವಸವಸ್ತ್ವಷ್ಟೌ ಗಂಗಾಯಾಂ ಶಂತನೋಃ ಸುತಾಃ। ವಸಿಷ್ಠಸ್ಯ ಚ ಶಾಪೇನ ನಿಯೋಗಾದ್ವಾಸವಸ್ಯ ಚ॥ 1-68-74 (3025) ತೇಷಾಮವರಜೋ ಭೀಷ್ಮಃ ಕುರೂಣಾಮಭಯಂಕರಃ। ಮತಿಮಾನ್ವೇದವಿದ್ವಾಗ್ಮೀ ಶತ್ರುಪಕ್ಷಕ್ಷಯಂಕರಃ॥ 1-68-75 (3026) ಜಾಮದಗ್ನ್ಯೇನ ರಾಮೇಣ ಸರ್ವಾಸ್ತ್ರವಿದುಷಾಂ ವರಃ। ಯೋಽಪ್ಯುಧ್ಯತ ಮಹಾತೇಜಾ ಭಾರ್ಗವೇಣ ಮಹಾತ್ಮನಾ॥ 1-68-76 (3027) ಯಸ್ತು ರಾಜನ್ಕೃಪೋ ನಾಮ ಬ್ರಹ್ಮರ್ಷಿರಭವತ್ಕ್ಷಿತೌ। ರುದ್ರಾಣಾಂ ತು ಗಣಾದ್ವಿದ್ಧಿ ಸಂಭೂತಮತಿಪೌರುಷಂ॥ 1-68-77 (3028) ಶಕುನಿರ್ನಾಮ ಯಸ್ತ್ವಾಸೀದ್ರಾಜಾ ಲೋಕೇ ಮಹಾರಥಃ। ದ್ವಾಪರಂ ವಿದ್ಧಿ ತಂ ರಾಜನ್ಸಂಭೂತಮರಿಮರ್ದನಂ॥ 1-68-78 (3029) ಸಾತ್ಯಕಿಃ ಸತ್ಯಸಂಧಶ್ಚ ಯೋಽಸೌ ವೃಷ್ಣಿಕುಲೋದ್ವಹಃ। ಪಕ್ಷಾತ್ಸ ಜಜ್ಞೇ ಮರುತಾಂ ದೇವಾನಾಮರಿಮರ್ದನಃ॥ 1-68-79 (3030) ದ್ರುಪದಶ್ಚೈವ ರಾಜರ್ಷಿಸ್ತತ ಏವಾಭವದ್ಗಣಾತ್। ಮಾನುಷೇ ನೃಪ ಲೋಕೇಽಸ್ಮಿನ್ಸರ್ವಶಸ್ತ್ರಭೃತಾಂ ವರಃ॥ 1-68-80 (3031) ತತಶ್ಚ ಕೃತವರ್ಮಾಣಂ ವಿದ್ಧಿ ರಾಜಂಜನಾಧಿಪಂ। ತಮಪ್ರತಿಮಕರ್ಮಾಣಂ ಕ್ಷತ್ರಿಯರ್ಷಭಸತ್ತಮಂ॥ 1-68-81 (3032) ಮರುತಾಂ ತು ಗಣಾದ್ವಿದ್ಧಿ ಸಂಜಾತಮರಿಮರ್ದನಂ। ವಿರಾಟಂ ನಾಮ ರಾಜಾನಂ ಪರರಾಷ್ಟ್ರಪ್ರತಾಪನಂ॥ 1-68-82 (3033) ಅರಿಷ್ಟಾಯಾಸ್ತು ಯಃ ಪುತ್ರೋ ಹಂಸ ಇತ್ಯಭಿವಿಶ್ರುತಃ। ಸ ಗಂಧರ್ವಪತಿರ್ಜಜ್ಞೇ ಕುರುವಂಶವಿವರ್ಧನಃ॥ 1-68-83 (3034) ಧೃತರಾಷ್ಟ್ರ ಇತಿ ಖ್ಯಾತಃ ಕೃಷ್ಣದ್ವೈಪಾಯನಾತ್ಮಜಃ। ದೀರ್ಘಬಾಹುರ್ಮಹಾತೇಜಾಃ ಪ್ರಜ್ಞಾಚಕ್ಷುರ್ನರಾಧಿಪಃ॥ ಮಾತುರ್ದೋಷಾದೃಷೇಃ ಕೋಪಾದಂಧ ಏವ ವ್ಯಜಾಯತ॥ 1-68-84 (3035) `ಮರುತಾಂ ತು ಗಣಾದ್ವೀರಃ ಸರ್ವಶಸ್ತ್ರಭೃತಾಂ ವರಃ। ಪಾಂಡುರ್ಜಜ್ಞೇ ಮಹಾಬಾಹುಸ್ತವ ಪೂರ್ವಪಿತಾಮಹಃ।' ತಸ್ಯೈವಾವರಜೋ ಭ್ರಾತಾ ಮಹಾಸತ್ವೋ ಮಹಾಬಲಃ॥ 1-68-85 (3036) ಧರ್ಮಾತ್ತು ಸುಮಹಾಭಾಗಂ ಪುತ್ರಂ ಪುತ್ರವತಾಂ ವರಂ। ವಿದುರಂ ವಿದ್ಧಿ ತಂ ಲೋಕೇ ಜಾತಂ ಬುದ್ಧಿಮತಾಂ ವರಂ॥ 1-68-86 (3037) ಕಲೇರಂಶಸ್ತು ಸಂಜಜ್ಞೇ ಭುವಿ ದುರ್ಯೋಧನೋ ನೃಪಃ। ದುರ್ಬದ್ಧಿರ್ದುರ್ಮತಿಶ್ಚೈವ ಕುರೂಣಾಮಯಶಸ್ಕರಃ॥ 1-68-87 (3038) ಜಗತೋ ಯಸ್ತು ಸರ್ವಸ್ಯ ವಿದ್ವಿಷ್ಟಃ ಕಲಿಪೂರುಷಃ। ಯಃ ಸರ್ವಾಂ ಘಾತಯಾಮಾಸ ಪೃಥಿವೀಂ ಪೃಥಿವೀಪತೇ॥ 1-68-88 (3039) ಉದ್ದೀಪಿತಂ ಯೇನ ವೈರಂ ಭೂತಾಂತಕರಣಂ ಮಹತ್। ಪೌಲಸ್ತ್ಯಾ ಭ್ರಾತರಶ್ಚಾಸ್ಯ ಜಜ್ಞಿರೇ ಮನುಜೇಷ್ವಿಹ॥ 1-68-89 (3040) ಶತಂ ದುಃಶಾಸನಾದೀನಾಂ ಸರ್ವೇಷಾಂ ಕ್ರೂರಕರ್ಮಣಾಂ। ದುರ್ಮುಖೋ ದುಃಸಹಶ್ಚೈವ ಯೇ ಚಾನ್ಯೇ ನಾನುಕೀರ್ತಿತಾಃ॥ 1-68-90 (3041) ದುರ್ಯೋಧನಸಹಾಯಾಸ್ತೇ ಪೌಲಸ್ತ್ಯಾ ಭರತರ್ಷಭ। ವೈಶ್ಯಾಪುತ್ರೋ ಯುಯುತ್ಸುಶ್ಚ ಧಾರ್ತರಾಷ್ಟ್ರಃ ಶತಾಧಿಕಃ॥ 1-68-91 (3042) ಜನಮೇಜಯ ಉವಾಚ। 1-68-92x (326) ಜ್ಯೇಷ್ಠಾನುಜ್ಯೇಷ್ಠತಾಮೇಷಾಂ ನಾಮಧೇಯಾನಿ ವಾ ವಿಭೋ। ಧೃತರಾಷ್ಟ್ರಸ್ಯ ಪುತ್ರಾಣಾಮಾನುಪೂರ್ವ್ಯೇಣ ಕೀರ್ತಯ॥ 1-68-92 (3043) ವೈಶಂಪಾಯನ ಉವಾಚ। 1-68-93x (327) ದುರ್ಯೋಧನೋ ಯುಯುತ್ಸುಶ್ಚ ರಾಜಂದುಃಶಾಸನಸ್ತಥಾ। ದುಃಸಹೋ ದುಃಶಲಶ್ಚೈವ ದುರ್ಮುಖಶ್ಚ ತಥಾಪರಃ॥ 1-68-93 (3044) ವಿವಿಂಶತಿರ್ವಿಕರ್ಣಶ್ಚ ಜಲಸಂಧಃ ಸುಲೋಚನಃ। ವಿಂದಾನುವಿಂದೌ ದುರ್ಧರ್ಷಃ ಸುಬಾಹುರ್ದುಷ್ಪ್ರಧರ್ಷಣಃ॥ 1-68-94 (3045) ದುರ್ಮರ್ಷಣೋ ದುರ್ಮುಖಶ್ಚ ದುಷ್ಕರ್ಣಃ ಕರ್ಣ ಏವ ಚ। ಚತ್ರೋಪಚಿತ್ರೌ ಚಿತ್ರಾಕ್ಷಶ್ಚಾರುಚಿತ್ರಾಂಗದಶ್ಚ ಹ॥ 1-68-95 (3046) ದುರ್ಮದೋ ದುಷ್ಪ್ರಹರ್ಷಶ್ಚ ವಿವಿತ್ಸುರ್ವಿಕಟಃ ಸಮಃ। ಊರ್ಣನಾಭಃ ಪದ್ಮನಾಭಸ್ತಥಾ ನಂದೋಪನಂದಕೌ॥ 1-68-96 (3047) ಸೇನಾಪತಿಃ ಸುಷೇಣಶ್ಚ ಕುಂಡೋದರಮಹೋದರೌ। ಚಿತ್ರಬಾಹುಶ್ಚಿತ್ರವರ್ಮಾ ಸುವರ್ಮಾ ದುರ್ವಿರೋಚನಃ॥ 1-68-97 (3048) ಅಯೋಬಾಹುರ್ಮಹಾಬಾಹುಶ್ಚಿತ್ರಚಾಪಸುಕುಂಡಲೌ। ಭೀಮವೇಗೋ ಭೀಮಬಲೋ ಬಲಾಕೀ ಭೀಮವಿಕ್ರಮಃ॥ 1-68-98 (3049) ಉಗ್ರಾಯುಧೋ ಭೀಮಶರಃ ಕನಕಾಯುರ್ದೃಢಾಯುಧಃ। ದೃಢವರ್ಮಾ ದೃಢಕ್ಷತ್ರಃ ಸೋಮಕೀರ್ತಿರನೂದರಃ॥ 1-68-99 (3050) ಜರಾಸಂಧೋ ದೃಢಸಂಧಃ ಸತ್ಯಸಂಧಃ ಸಹಸ್ರವಾಕ್। ಉಗ್ರಶ್ರವಾ ಉಗ್ರಸೇನಃ ಕ್ಷೇಮಮೂರ್ತಿಸ್ತಥೈವ ಚ॥ 1-68-100 (3051) ಅಪರಾಜಿತಃ ಪಂಡಿತಕೋ ವಿಶಾಲಾಕ್ಷೋ ದುರಾಧನಃ॥ 1-68-101 (3052) ದೃಢಹಸ್ತಃ ಸುಹಸ್ತಶ್ಚ ವಾತವೇಗಸುವರ್ಚಸೌ। ಆದಿತ್ಯಕೇತುರ್ಬಹ್ವಾಶೀ ನಾಗದತ್ತಾನುಯಾಯಿನೌ॥ 1-68-102 (3053) ಕವಾಚೀ ನಿಷಂಗೀ ದಂಡೀ ದಂಡಧಾರೋ ಧನುರ್ಗ್ರಹಃ। ಉಗ್ರೋ ಭೀಮರಥೋ ವೀರೋ ವೀರಬಾಹುರಲೋಲುಪಃ॥ 1-68-103 (3054) ಅಭಯೋ ರೌದ್ರಕರ್ಮಾ ಚ ತಥಾ ದೃಢರಥಶ್ಚ ಯಃ। ಅನಾಧೃಷ್ಯಃ ಕುಂಡಭೇದೀ ವಿರಾವೀ ದೀರ್ಘಲೋಚನಃ॥ 1-68-104 (3055) ದೀರ್ಘಬಾಹುರ್ಮಹಾಬಾಹುರ್ವ್ಯೂಢೋರುಃ ಕನಕಾಂಗದಃ। ಕುಂಡಜಶ್ಚಿತ್ರಕಶ್ಚೈವ ದುಃಶಲಾ ಚ ಶತಾಧಿಕಾ॥ 1-68-105 (3056) ವೈಶ್ಯಾಪುತ್ರೋ ಯುಯುತ್ಸುಶ್ಚ ಧಾರ್ತರಾಷ್ಟ್ರಃ ಶತಾಧಿಕಃ। ಏತದೇಕಶತಂ ರಾಜನ್ಕನ್ಯಾ ಚೈಕಾ ಪ್ರಕೀರ್ತಿತಾ॥ 1-68-106 (3057) ನಾಮಧೇಯಾನುಪೂರ್ವ್ಯಾ ಚ ಜ್ಯೇಷ್ಠಾನುಜ್ಯೇಷ್ಠತಾಂ ವಿದುಃ। ಸರ್ವೇ ತ್ವತಿರಥಾಃ ಶೂರಾಃ ಸರ್ವೇ ಯುದ್ಧವಿಶಾರದಾಃ॥ 1-68-107 (3058) ಸರ್ವೇ ವೇದವಿದಶ್ಚೈವ ರಾಜಞ್ಶಾಸ್ತ್ರೇ ಚ ಪರಾಗಾಃ। ಸರ್ವೇ ಸಂಘ್ರಾಮವಿದ್ಯಾಸು ವಿದ್ಯಾಭಿಜನಶೋಭಿನಃ॥ 1-68-108 (3059) ಸರ್ವೇಷಾಮನುರೂಪಾಶ್ಚ ಕೃತಾ ದಾರಾ ಮಹೀಪತೇ। ದುಃಶಲಾಂ ಸಮಯೇ ರಾಜಸಿಂಧುರಾಜಾಯ ಕೌರವಃ॥ 1-68-109 (3060) ಜಯದ್ರಥಾಯ ಪ್ರದದೌ ಸೌಬಲಾನುಮತೇ ತದಾ। ಧರ್ಮಸ್ಯಾಂಶಂ ತು ರಾಜಾನಂ ವಿದ್ಧಿ ರಾಜನ್ಯುಧಿಷ್ಠಿರಂ॥ 1-68-110 (3061) ಭೀಮಸೇನಂ ತು ವಾತಸ್ಯ ದೇವರಾಜಸ್ಯ ಚಾರ್ಜುನಂ। ಅಶ್ವಿನೋಸ್ತು ತಥೈವಾಂಶೌ ರೂಪೇಣಾಪ್ರತಿಮೌ ಭುವಿ॥ 1-68-111 (3062) ನಕುಲಃ ಸಹದೇವಶ್ಚ ಸರ್ವಭೂತಮನೋಹರೌ। ಸ್ಯುವರ್ಚಾ ಇತಿ ಖ್ಯಾತಃ ಸೋಮಪುತ್ರಃ ಪ್ರತಾಪವಾನ್॥ 1-68-112 (3063) ಸೋಽಭಿಮನ್ಯುರ್ಬೃಹತ್ಕೀರ್ತಿರರ್ಜುನಸ್ಯ ಸುತೋಽಭವತ್। ಯಸ್ಯಾವತರಣೇ ರಾಜನ್ಸುರಾನ್ಸೋಮೋಽಬ್ರವೀದಿದಂ॥ 1-68-113 (3064) ನಾಹಂ ದದ್ಯಾಂ ಪ್ರಿಯಂ ಪುತ್ರಂ ಮಮ ಪ್ರಾಣೈರ್ಗರೀಯಸಂ। ಸಮಯಃ ಕ್ರಿಯತಾಮೇಷ ನ ಶಕ್ಯಮತಿವರ್ತಿತುಂ॥ 1-68-114 (3065) ಸುರಕಾರ್ಯಂ ಹಿ ನಃ ಕಾರ್ಯಮಸುರಾಣಾಂ ಕ್ಷಿತೌ ವಧಃ। ತತ್ರ ಯಾಸ್ಯತ್ಯಯಂ ವರ್ಚಾ ನ ಚ ಸ್ಥಾಸ್ಯತಿ ವೈ ಚಿರಂ॥ 1-68-115 (3066) ಐಂದ್ರಿರ್ನರಸ್ತು ಭವಿತಾ ಯಸ್ಯ ನಾರಾಯಣಃ ಸಖಾ। ಸೋರ್ಜುನೇತ್ಯಭಿವಿಖ್ಯಾತಃ ಪಾಂಡೋಃ ಪುತ್ರಃ ಪ್ರತಾಪವಾನ್॥ 1-68-116 (3067) ತಸ್ಯಾಯಂ ಭವಿತಾ ಪುತ್ರೋ ಬಾಲೋ ಭುವಿ ಮಹಾರಥಃ। ತತಃ ಷೋಡಶವರ್ಷಾಣಿ ಸ್ಥಾಸ್ಯತ್ಯಮರಸತ್ತಮಾಃ॥ 1-68-117 (3068) ಅಸ್ಯ ಷೋಡಶವರ್ಷಸ್ಯ ಸ ಸಂಗ್ರಾಮೋ ಭವಿಷ್ಯತಿ। ಯತ್ರಾಂಶಾ ವಃ ಕರಿಷ್ಯಂತಿ ಕರ್ಮ ವೀರನಿಷೂದನಂ॥ 1-68-118 (3069) ನರನಾರಾಯಣಾಭ್ಯಾಂ ತು ಸ ಸಂಗ್ರಾಮೋ ವಿನಾಕೃತಃ। ಚಕ್ರವ್ಯೂಹಂ ಸಮಾಸ್ಥಾಯ ಯೋಧಯಿಷ್ಯಂತಿ ವಃಸುರಾಃ॥ 1-68-119 (3070) ವಿಮುಖಾಂಛಾತ್ರವಾನ್ಸರ್ವಾನ್ಕಾರಯಿಷ್ಯತಿ ಮೇ ಸುತಃ। ಬಾಲಃ ಪ್ರವಿಶ್ಯ ಚ ವ್ಯೂಹಮಭೇದ್ಯಂ ವಿಚರಿಷ್ಯತಿ॥ 1-68-120 (3071) ಮಹಾರಥಾನಾಂ ವೀರಾಣಾಂ ಕದನಂ ಚ ಕರಿಷ್ಯತಿ। ಸರ್ವೇಷಾಮೇವ ಶತ್ರೂಣಾಂ ಚತುರ್ಥಾಂಶಂ ನಯಿಷ್ಯತಿ॥ 1-68-121 (3072) ದಿನಾರ್ಧೇನ ಮಹಾಬಾಹುಃ ಪ್ರೇತರಾಜಪುರಂ ಪ್ರತಿ। ತತೋ ಮಹಾರಥೈರ್ವೀರೈಃ ಸಮೇತ್ಯ ಬಹುಶೋ ರಣೇ॥ 1-68-122 (3073) ದಿನಕ್ಷಯೇ ಮಹಾಬಾಹುರ್ಮಯಾ ಭೂಯಃ ಸಮೇಷ್ಯತಿ। ಏಕಂ ವಂಶಕರಂ ಪುತ್ರಂ ವೀರಂ ವೈ ಜನಯಿಷ್ಯತಿ॥ 1-68-123 (3074) ಪ್ರನಷ್ಟಂ ಭಾರತಂ ವಂಶಂ ಸ ಭೂಯೋ ಧಾರಯಿಷ್ಯತಿ। 1-68-124 (3075) ವೈಶಂಪಾಯನ ಉವಾಚ। ಏತತ್ಸೋಮವಚಃ ಶ್ರುತ್ವಾ ತಥಾಸ್ತ್ವಿತಿ ದಿವೌಕಸಃ॥ 1-68-124x (328) ಪ್ರತ್ಯೂಚುಃ ಸಹಿತಾಃ ಸರ್ವೇ ತಾರಾಧಿಪಮಪೂಜಯನ್। ಏವಂ ತೇ ಕಥಿತಂ ರಾಜಂಸ್ತವ ಜನ್ಮ ಪಿತುಃ ಪಿತುಃ॥ 1-68-125 (3076) ಅಗ್ನೇರ್ಭಾಗಂ ತು ವಿದ್ಧಿ ತ್ವಂ ಧೃಷ್ಟದ್ಯುಂನಂ ಮಹಾರಥಣ್। ಶಿಖಂಡಿನಮಥೋ ರಾಜಂಸ್ತ್ರೀಪೂರ್ವಂ ವಿದ್ಧಿ ರಾಕ್ಷಸಂ॥ 1-68-126 (3077) ದ್ರೌಪದೇಯಾಶ್ಚ ಯೇ ಪಂಚ ಬಭೂವುರ್ಭರತರ್ಷಭ। ವಿಶ್ವಾಂದೇವಗಣಾನ್ವಿದ್ಧಿ ಸಂಜಾತಾನ್ಭರತರ್ಷಭ॥ 1-68-127 (3078) ಪ್ರತಿವಿಂಧ್ಯಃ ಸುತಸೋಮಃ ಶ್ರುತಕೀರ್ತಿಸ್ತಥಾಪರಃ। ನಾಕುಲಿಸ್ತು ಶತಾನೀಕಃ ಶ್ರುತಸೇನಶ್ಚ ವೀರ್ಯವಾನ್॥ 1-68-128 (3079) ಶೂರೋ ನಾಮ ಯದುಶ್ರೇಷ್ಠೋ ವಸುದೇವಪಿತಾಽಭವತ್। ತಸ್ಯ ಕನ್ಯಾ ಪೃಥಾ ನಾಮ ರೂಪೇಣಾಸದೃಶೀ ಭುವಿ। 1-68-129 (3080) ಪಿತುಃ ಸ್ವಸ್ರೀಯಪುತ್ರಾಯ ಸೋಽನಪತ್ಯಾಯ ವೀರ್ಯವಾನ್। ಅಗ್ರಮಗ್ರೇ ಪ್ರತಿಜ್ಞಾಯ ಸ್ವಸ್ಯಾಪತ್ಯಸ್ಯ ವೈ ತದಾ॥ 1-68-130 (3081) ಅಗ್ರಜಾತೇತಿ ತಾಂ ಕನ್ಯಾಂ ಶೂರೋಽನುಗ್ರಹಕಾಂಕ್ಷಯಾ। ಅದದತ್ಕುಂತಿಭೋಜಾಯ ಸ ತಾಂ ದುಹಿತರಂ ತದಾ॥ 1-68-131 (3082) ಸಾ ನಿಯುಕ್ತಾ ಪಿತುರ್ಗೇಹೇ ಬ್ರಾಹ್ಮಣಾತಿಥಿಪೂಜನೇ। ಉಗ್ರಂ ಪರ್ಯಚರದ್ಧೋರಂ ಬ್ರಾಹ್ಮಣಂ ಸಂಶಿತವ್ರತಂ॥ 1-68-132 (3083) ನಿಕೂಢನಿಶ್ಚಯಂ ಧರ್ಮೇ ಯಂ ತಂ ದುರ್ವಾಸಸಂ ವಿದುಃ। ಸಮುಗ್ರಂ ಶಂಸಿತಾತ್ಮಾನಂ ಸರ್ವಯತ್ನೈರತೋಷಯತ್॥ 1-68-133 (3084) ತುಷ್ಟೋಽಭಿಚಾರಸಂಯುಕ್ತಮಾಚಚಕ್ಷೇ ಯಥಾವಿಧಿ। ಉವಾಚ ಚೈನಾಂ ಭಗವಾನ್ಪ್ರೀತೋಽಸ್ಮಿ ಸುಭಗೇ ತವ॥ 1-68-134 (3085) ಯಂ ಯಂ ದೇವಂ ತ್ವಮೇತೇನ ಮಂತ್ರೇಣಾವಾಹಯಿಷ್ಯಸಿ। ತಸ್ಯ ತಸ್ಯ ಪ್ರಸಾದಾತ್ತ್ವಂ ದೇವಿ ಪುತ್ರಾಂಜನಿಷ್ಯಸಿ॥ 1-68-135 (3086) ಏವಮುಕ್ತಾ ಚ ಸಾ ಬಾಲಾ ತದಾ ಕೌತೂಹಲಾನ್ವಿತಾ। ಕನ್ಯಾ ಸತೀ ದೇವಮರ್ಕಮಾಜುಹಾವ ಯಶಸ್ವಿನೀ॥ 1-68-136 (3087) ಪ್ರಕಾಶಕರ್ತಾ ಭಗವಾಂಸ್ತಸ್ಯಾಂ ಗರ್ಭಂ ದಧೌ ತದಾ। ಅಜೀಜನತ್ಸುತಂ ಚಾಸ್ಯಾಂ ಸರ್ವಶಸ್ತ್ರಭೃತಾಂವರಂ॥ 1-68-137 (3088) ಸಕುಂಡಲಂ ಸಕವಚಂ ದೇವಗರ್ಭಂ ಶ್ರಿಯಾನ್ವಿತಂ। ದಿವಾಕರಸಮಂ ದೀಪ್ತ್ಯಾ ಚಾರುಸರ್ವಾಂಗಭೂಷಿತಂ॥ 1-68-138 (3089) ನಿಗೂಹಮಾನಾ ಜಾತಂ ವೈ ಬಂಧುಪಕ್ಷಭಯಾತ್ತದಾ। ಉತ್ಸಸರ್ಜ ಜಲೇ ಕುಂತೀ ತಂ ಕುಮಾರಂ ಯಶಸ್ವಿನಂ॥ 1-68-139 (3090) ತಮುತ್ಸೃಷ್ಟಂ ಜಲೇ ಗರ್ಭಂ ರಾಧಾಭರ್ತಾ ಮಹಾಯಶಾಃ। ರಾಧಾಯಾಃ ಕಲ್ಪಯಾಮಾಸ ಪುತ್ರಂ ಸೋಽಧಿರಥಸ್ತದಾ॥ 1-68-140 (3091) ಚಕ್ರತುರ್ನಾಮಧೇಯಂ ಚ ತಸ್ಯ ಬಾಲಸ್ಯ ತಾವುಭೌ। ದಂಪತೀ ವಸುಷೇಣೇತಿ ದಿಕ್ಷು ಸರ್ವಾಸು ವಿಶ್ರುತಂ॥ 1-68-141 (3092) ಸಂವರ್ಧಮಾನೋ ಬಲವಾನ್ಸರ್ವಾಸ್ತ್ರೇಷೂತ್ತಮೋಽಭವತ್। ವೇದಾಂಗಾನಿ ಚ ಸರ್ವಾಣಿ ಜಜಾಪ ಜಪತಾಂ ವರಃ॥ 1-68-142 (3093) ಯಸ್ಮಿನ್ಕಾಲೇ ಜಪನ್ನಾಸ್ತೇ ಧೀಮಾನ್ಸತ್ಯಪರಾಕ್ರಮಃ। ನಾದೇಯಂ ಬ್ರಾಹ್ಮಣೇಷ್ವಾಸೀತ್ತಸ್ಮಿನ್ಕಾಲೇ ಮಹಾತ್ಮನಃ॥ 1-68-143 (3094) ತಮಿಂದ್ರೋ ಬ್ರಾಹ್ಮಣೋ ಭೂತ್ವಾ ಪುತ್ರಾರ್ಥೇ ಭೂತಭಾವನಃ। ಯಯಾಚೇ ಕುಂಡಲೇ ವೀರಂ ಕವಚಂ ಚ ಸಹಾಂಗಜಂ॥ 1-68-144 (3095) ಉತ್ಕೃತ್ಯ ಕರ್ಣೋ ಹ್ಯದದತ್ಕವಚಂ ಕುಂಡಲೇ ತಥಾ॥ ಶಕ್ತಿಂ ಶಕ್ರೋ ದದೌ ತಸ್ಮೈ ವಿಸ್ಮಿತಶ್ಚೇದಮಬ್ರವೀತ್॥ 1-68-145 (3096) ದೇವಾಸುರಮನುಷ್ಯಾಣಾಂ ಗಂಧರ್ವೋರಗರಕ್ಷಸಾಂ। ಯಸ್ಮಿನ್ಕ್ಷೇಪ್ಸ್ಯಸಿ ದುರ್ಧರ್ಷ ಸ ಏಕೋ ನ ಭವಿಷ್ಯತಿ॥ 1-68-146 (3097) ವೈಶಂಪಾಯನ ಉವಾಚ। 1-68-147x (329) ಪುರಾ ನಾಮ ಚ ತಸ್ಯಾಸೀದ್ವಸುಷೇಣ ಇತಿ ಕ್ಷಿತೌ। ತತೋ ವೈಕರ್ತನಃ ಕರ್ಣಃ ಕರ್ಮಣಾ ತೇನ ಸೋಽಭವತ್॥ 1-68-147 (3098) ಆಮುಕ್ತಕವಚೋ ವೀರೋ ಯಸ್ತು ಜಜ್ಞೇ ಮಹಾಯಶಾಃ। ಸ ಕರ್ಣ ಇತಿ ವಿಖ್ಯಾತಃ ಪೃಥಾಯಾಃ ಪ್ರಥಮಃ ಸುತಃ॥ 1-68-148 (3099) ಸ ತು ಸೂತಕುಲೇ ವೀರೋ ವವೃಧೇ ರಾಜಸತ್ತಮ। ಕರ್ಣಂ ನರವರಶ್ರೇಷ್ಠಂ ಸರ್ವಶಸ್ತ್ರಭೃತಾಂ ವರಂ॥ 1-68-149 (3100) ದುರ್ಯೋಧನಸ್ಯ ಸಚಿವಂ ಮಿತ್ರಂ ಶತ್ರುವಿನಾಶನಂ। ದಿವಾಕರಸ್ಯ ತಂ ವಿದ್ಧಿ ರಾಜನ್ನಂಶಮನುತ್ತಮಂ॥ 1-68-150 (3101) ಯಸ್ತು ನಾರಾಯಣೋ ನಾಮ ದೇವದೇವಃ ಸನಾತನಃ। ತಸ್ಯಾಂಶೋ ಮಾನುಷೇಷ್ವಾಸೀದ್ವಾಸುದೇವಃ ಪ್ರತಾಪವಾನ್॥ 1-68-151 (3102) ಶೇಷಸ್ಯಾಂಶಶ್ಚ ನಾಗಸ್ಯ ಬಲದೇವೋ ಮಹಾಬಲಃ। ಸನತ್ಕುಮಾರಂ ಪ್ರದ್ಯುಂನಂ ವಿದ್ಧಿ ರಾಜನ್ಮಹೌಜಸಂ॥ 1-68-152 (3103) ಏವಮನ್ಯೇ ಮನುಷ್ಯೇಂದ್ರಾ ಬಹವೋಂಶಾ ದಿವೌಕಸಾಂ। ಜಜ್ಞಿರೇ ವಸುದೇವಸ್ಯ ಕುಲೇ ಕುಲವಿವರ್ಧನಾಃ॥ 1-68-153 (3104) ಗಣಸ್ತ್ವಪ್ಸರಸಾಂ ಯೋ ವೈ ಮಯಾ ರಾಜನ್ಪ್ರಕೀರ್ತಿತಃ। ತಸ್ಯ ಭಾಗಃ ಕ್ಷಿತೌ ಜಜ್ಞೇ ನಿಯೋಗಾದ್ವಾಸವಸ್ಯ ಹ॥ 1-68-154 (3105) ತಾನಿ ಷೋಡಶದೇವೀನಾಂ ಸಹಸ್ರಾಣಿ ನರಾಧಿಪ। ಬಭೂವುರ್ಮಾನುಷೇ ಲೋಕೇ ವಾಸುದೇವಪರಿಗ್ರಹಃ॥ 1-68-155 (3106) ಶ್ರಿಯಸ್ತು ಭಾಗಃ ಸಂಜಜ್ಞೇ ರತ್ಯರ್ಥಂ ಪೃಥಿವೀತಲೇ। [ಭೀಷ್ಮಕಸ್ಯ ಕುಲೇ ಸಾಧ್ವೀ ರುಕ್ಮಿಣೀ ನಾಮ ನಾಮತಃ॥ 1-68-156 (3107) ದ್ರೌಪದೀ ತ್ವಥ ಸಂಜಜ್ಞೇ ಶಚೀ ಭಾಗಾದನಿಂದಿತಾ।] ದ್ರುಪದಸ್ಯ ಕುಲೇ ಜಾತಾ ವೇದಿಮಧ್ಯಾದನಿಂದಿತಾ॥ 1-68-157 (3108) ನಾತಿಹ್ರಸ್ವಾ ನ ಮಹತೀ ನೀಲೋತ್ಪಲಸುಗಂಧಿನೀ। ಪದ್ಮಾಯತಾಕ್ಷೀ ಸುಶ್ರೋಣೀ ಸ್ವಸಿತಾಂಚಿತಮೂರ್ಧಜಾ॥ 1-68-158 (3109) ಸರ್ವಲಕ್ಷಣಸಂಪನ್ನಾ ವೈದೂರ್ಯಮಣಿಸಂನಿಭಾ। ಪಂಚಾನಾಂ ಪುರುಷೇಂದ್ರಾಣಾಂ ಚಿತ್ತಪ್ರಮಥನೀ ರಹಃ॥ 1-68-159 (3110) ಸಿದ್ಧಿರ್ಧೃತಿಶ್ಚ ಯೇ ದೇವ್ಯೌ ಪಂಚಾನಾಂ ಮಾತರೌ ತು ತೇ। ಕುಂತೀ ಮಾದ್ರೀ ಚ ಜಜ್ಞಾತೇ ಮತಿಸ್ತು ಕುಬಲಾತ್ಮಜಾ॥ 1-68-160 (3111) ಇತಿ ದೇವಾಸುರಾಣಾಂ ತೇ ಗಂಧರ್ವಾಪ್ಸರಸಾಂ ತಥಾ। ಅಂಶಾವತರಣಂ ರಾಜನ್ರಾಕ್ಷಸಾನಾಂ ಚ ಕೀರ್ತಿತಂ॥ 1-68-161 (3112) ಯೇ ಪೃಥಿವ್ಯಾಂ ಸಮುದ್ಭೂತಾ ರಾಜಾನೋ ಯುದ್ಧದುರ್ಮದಾಃ। ಮಹಾತ್ಮಾನೋ ಯದೂನಾಂ ಚ ಯೇ ಜಾತಾ ವಿಪುಲೇ ಕುಲೇ॥ 1-68-162 (3113) ಬ್ರಾಹ್ಮಣಾಃ ಕ್ಷತ್ರಿಯಾ ವೈಶ್ಯಾ ಮಯಾ ತೇ ಪರಿಕೀರ್ತಿತಾಃ। ಧನ್ಯಂ ಯಶಸ್ಯಂ ಪುತ್ರೀಯಮಾಯುಷ್ಯಂ ವಿಜಯಾವಹಂ॥ 1-68-163 (3114) ಇದಮಂಶಾವತರಣಂ ಶ್ರೋತವ್ಯಮನಸೂಯತಾ। ಅಂಶಾವತರಣಂ ಶ್ರುತ್ವಾ ದೇವಗಂಧರ್ವರಕ್ಷಸಾಂ॥ 1-68-164 (3115) ಪ್ರಭವಾಪ್ಯಯವಿತ್ಪ್ರಾಜ್ಞೋ ನ ಕೃಚ್ಛ್ರೇಷ್ವವಸೀದತಿ॥ ॥ 1-68-165 (3116) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಅಷ್ಟಷಷ್ಟಿತಮೋಽಧ್ಯಾಯಃ॥ 68 ॥

1-69-0 (3117) ಜನಮೇಜಯ ಉವಾಚ। 1-69-0x (330) ತ್ವತ್ತಃ ಶ್ರುತಮಿದಂ ಬ್ರಹ್ಮಂದೇವದಾನವರಕ್ಷಸಾಂ। ಅಂಶಾವತರಣಂ ಸಂಯಗ್ಗಂಧರ್ವಾಪ್ಸರಸಾಂ ತಥಾ॥ 1-69-1 (3118) ಇಮಂ ತು ಭೂಯ ಇಚ್ಛಾಮಿ ಕುರೂಣಾಂ ವಂಶಮಾದಿತಃ। ಕಥ್ಯಮಾನಂ ತ್ವಯಾ ವಿಪ್ರ ವಿಪ್ರರ್ಷಿಗಣಸನ್ನಿಧೌ॥ 1-69-2 (3119) ವೈಶಂಪಾಯನ ಉವಾಚ। 1-69-3x (331) ಧರ್ಮಾರ್ಥಕಾಮಸಹಿತಂ ರಾಜರ್ಷೀಣಾಂ ಪ್ರಕೀರ್ತಿತಂ। ಪವಿತ್ರಂ ಕೀರ್ತ್ಯಮಾನಂ ಮೇ ನಿಬೋಧೇದಂ ಮನೀಷಿಣಾಂ॥ 1-69-3 (3120) ಪ್ರಜಾಪತೇಸ್ತು ದಕ್ಷಸ್ಯ ಮನೋರ್ವೈವಸ್ವತಸ್ಯ ಚ। ಭರತಸ್ಯ ಕುರೋಃ ಪೂರೋರಾಜಮೀಢಸ್ಯ ಚಾನಘ॥ 1-69-4 (3121) ಯಾದವಾನಾಮಿಮಂ ವಂಶಂ ಕೌರವಾಣಾಂ ಚ ಸರ್ವಶಃ। ತಥೈವ ಭರತಾನಾಂ ಚ ಪುಣ್ಯಂ ಸ್ವಸ್ತ್ಯಯನಂ ಮಹತ್॥ 1-69-5 (3122) ಧನ್ಯಂ ಯಶಸ್ಯಮಾಯುಷ್ಯಂ ಕೀರ್ತಯಿಷ್ಯಾಮಿ ತೇಽನಘ। ತೇಜೋಭಿರುದಿತಾಃ ಸರ್ವೇ ಮಹರ್ಷಿಸಮತೇಜಸಃ॥ 1-69-6 (3123) ದಶ ಪ್ರಾಚೇತಸಃ ಪುತ್ರಾಃ ಸಂತಃ ಪುಣ್ಯಜನಾಃ ಸ್ಮೃತಾಃ। ಮುಖಜೇನಾಗ್ನಿನಾ ಯೈಸ್ತೇ ಪೂರ್ವಂ ದಗ್ಧಾ ಮಹೌಜಸಃ॥ 1-69-7 (3124) ತೇಭ್ಯಃ ಪ್ರಾಚೇತಸೋ ಜಜ್ಞೇ ದಕ್ಷೋ ದಕ್ಷಾದಿಮಾಃ ಪ್ರಜಾಃ। ಸಂಭೂತಾಃ ಪುರುಷವ್ಯಾಘ್ರ ಸ ಹಿ ಲೋಕಪಿತಾಮಹಃ॥ 1-69-8 (3125) ವೀರಿಣ್ಯಾ ಸಹ ಸಂಗಂಯ ದಕ್ಷಃ ಪ್ರಾಚೇತಸೋ ಮುನಿಃ। ಆತ್ಮತುಲ್ಯಾನಜನಯತ್ಸಹಸ್ರಂ ಸಂಶಿತವ್ರತಾನ್॥ 1-69-9 (3126) ಸಹಸ್ರಸಂಖ್ಯಾನಸಂಭೂತಾಂದಕ್ಷಪುತ್ರಾಂಶ್ಚ ನಾರದಃ। ಮೋಕ್ಷಮಧ್ಯಾಪಯಾಮಾಸ ಸಾಂಖ್ಯಜ್ಞಾನಮನುತ್ತಮಂ॥ 1-69-10 (3127) `ನಾಶಾರ್ಥಂ ಯೋಜಯಾಮಾಸ ದಿಗಂತಜ್ಞಾನಕರ್ಮಸು'। ತತಃ ಪಂಚಾಶತಂ ಕನ್ಯಾ ಪುತ್ರಿಕಾ ಅಭಿಸಂದಧೇ। ಪ್ರಜಾಪತಿಃ ಪ್ರಜಾ ದಕ್ಷಃ ಸಿಸೃಕ್ಷುರ್ಜನಮೇಜಯ॥ 1-69-11 (3128) ದದೌ ದಶ ಸ ಧರ್ಮಾಯ ಕಶ್ಯಪಾಯ ತ್ರಯೋದಶ। ಕಾಲಸ್ಯ ನಯನೇ ಯುಕ್ತಾಃ ಸಪ್ತವಿಂಶತಿಮಿಂದವೇ॥ 1-69-12 (3129) ತ್ರಯೋದಶಾನಾಂ ಪತ್ನೀನಾಂ ಯಾ ತು ದಾಕ್ಷಾಯಣೀ ವರಾ। ಮಾರೀಚಃ ಕಶ್ಯಪಸ್ತ್ವಸ್ಯಾಮಾದಿತ್ಯಾನ್ಸಮಜೀಜನತ್॥ 1-69-13 (3130) ಇಂದ್ರಾದೀನ್ವೀರ್ಯಸಂಪನ್ನಾನ್ವಿವಸ್ವಂತಮಥಾಪಿ ಚ। ವಿವಸ್ವತಃ ಸುತೋ ಜಜ್ಞೇ ಯಮೋ ವೈವಸ್ವತಃ ಪ್ರಭುಃ॥ 1-69-14 (3131) `ಮಾರ್ತಾಂಡಸ್ಯ ಯಮೀ ಚಾಪಿ ಸುತಾ ರಾಜನ್ನಜಾಯತ'। ಮಾರ್ತಂಡಸ್ಯ ಮನುರ್ಧೀಮಾನಜಾಯತ ಸುತಃ ಪ್ರಭುಃ॥ 1-69-15 (3132) ಧರ್ಮಾತ್ಮಾ ಸ ಮನುರ್ಧೀಮಾನ್ಯತ್ರ ವಂಶಃ ಪ್ರತಿಷ್ಠಿತಃ। ಮನೋರ್ವಂಶೋ ಮಾನವಾನಾಂ ತತೋಽಯಂ ಪ್ರಥಿತೋಽಭವತ್॥ 1-69-16 (3133) ಬ್ರಹ್ಮಕ್ಷತ್ರಾದಯಸ್ತಸ್ಮಾನ್ಮನೋರ್ಜಾತಾಸ್ತು ಮಾನವಾಃ। ತತೋಽಭವನ್ಮಹಾರಾಜ ಬ್ರಹ್ಮ ಕ್ಷತ್ರೇಣ ಸಂಗತಂ॥ 1-69-17 (3134) ಬ್ರಾಹ್ಮಣಾ ಮಾನವಾಸ್ತೇಷಾಂ ಸಾಂಗಂ ವೇದಮದಾರಯನ್। ವೇನಂ ಧೃಷ್ಣುಂ ನರಿಷ್ಯಂತಂ ನಾಭಾಗೇಕ್ಷ್ವಾಕುಮೇವ ಚ॥ 1-69-18 (3135) ಕಾರೂಷಮಥ ಶರ್ಯಾತಿಂ ತಥಾ ಚೈವಾಷ್ಟಮೀಮಿಲಾಂ। ಪೃಷ್ಟಧ್ರಂ ನವಮಂ ಪ್ರಾಹುಃ ಕ್ಷತ್ರಧರ್ಮಪರಾಯಣಂ॥ 1-69-19 (3136) ನಾಭಾಗಾರಿಷ್ಟದಶಮಾನ್ಮನೋಃ ಪುತ್ರಾನ್ಪ್ರಚಕ್ಷತೇ। ಪಂಚಾಶತ್ತು ಮನೋಃ ಪುತ್ರಾಸ್ತಥೈವಾನ್ಯೇಽಭವನ್ಕ್ಷಿತೌ॥ 1-69-20 (3137) ಅನ್ಯೋನ್ಯಭೇದಾತ್ತೇ ಸರ್ವೇ ವಿನೇಶುರಿತಿ ನಃ ಶ್ರುತಂ। ಪುರೂರವಾಸ್ತತೋ ವಿದ್ವಾನಿಲಾಯಾಂ ಸಮಪದ್ಯತ॥ 1-69-21 (3138) ಸಾ ವೈ ತಸ್ಯಾಭವನ್ಮಾತಾ ಪಿತಾ ಚೈವೇತಿ ನಃ ಶ್ರುತಂ। ತ್ರಯೋದಶ ಸಮುದ್ರಸ್ಯ ದ್ವೀಪಾನಶ್ನನ್ಪುರೂರವಾಃ॥ 1-69-22 (3139) ಅಮಾನುಷೈರ್ವೃತಃ ಸತ್ವೈರ್ಮಾನುಷಃ ಸನ್ಮಹಾಯಶಾಃ। ವಿಪ್ರೈಃ ಸ ವಿಗ್ರಹಂ ಚಕ್ರೇ ವೀರ್ಯೋನ್ಮತ್ತಃ ಪುರೂರವಾಃ॥ 1-69-23 (3140) ಜಹಾರ ಚ ಸ ವಿಪ್ರಾಣಾಂ ರತ್ನಾನ್ಯುತ್ಕ್ರೋಶತಾಮಪಿ। ಸನತ್ಕುಮಾರಸ್ತಂ ರಾಜನ್ಬ್ರಹ್ಮಲೋಕಾದುಪೇತ್ಯ ಹ॥ 1-69-24 (3141) ಅನುದರ್ಶಂ ತತಶ್ಚಕ್ರೇ ಪ್ರತ್ಯಗೃಹ್ಣಾನ್ನ ಚಾಪ್ಯಸೌ। ತತೋ ಮಹರ್ಷಿಭಿಃ ಕ್ರುದ್ಧೈಃ ಸದ್ಯಃ ಶಪ್ತೋ ವ್ಯನಶ್ಯತ॥ 1-69-25 (3142) ಲೋಭಾನ್ವಿತೋ ಬಲಮದಾನ್ನಷ್ಟಸಂಜ್ಞೋ ನರಾಧಿಪಃ। ಸ ಹಿ ಗಂಧರ್ವಲೋಕಸ್ಥಾನುರ್ವಶ್ಯಾ ಸಹಿತೋ ವಿರಾಟ್॥ 1-69-26 (3143) ಆನಿನಾಯ ಕ್ರಿಯಾರ್ಥೇಽಗ್ನೀನ್ಯಥಾವದ್ವಿಹಿತಾಂಸ್ತ್ರಿಧಾ। ಷಟ್ ಸುತಾ ಜಜ್ಞಿರೇ ಚೈಲಾದಾಯುರ್ಧೀಮಾನಮಾವಸುಃ॥ 1-69-27 (3144) ದೃಢಾಯುಶ್ಚ ವನಾಯುಶ್ಚ ಶತಾಯುಶ್ಚೋರ್ವಶೀಸುತಾಃ। ನಹುಷಂ ವೃದ್ಧಶರ್ಮಾಣಂ ರಜಿಂ ಗಯಮನೇನಸಂ॥ 1-69-28 (3145) ಸ್ವರ್ಭಾನವೀ ಸುತಾನೇತಾನಾಯೋಃ ಪುತ್ರಾನ್ಪ್ರಚಕ್ಷತೇ। ಆಯುಷೋ ನಹುಷಃ ಪುತ್ರೋ ಧೀಮಾನ್ಸತ್ಯಪರಾಕ್ರಮಃ॥ 1-69-29 (3146) ರಾಜ್ಯಂ ಶಶಾಸ ಸುಮಹದ್ಧರ್ಮೇಣ ಪೃಥಿವೀಪತೇ। ಪಿತೄಂದೇವಾನೃಷೀನ್ವಿಪ್ರಾನ್ಗಂಧರ್ವೋರಗರಾಕ್ಷಸಾನ್॥ 1-69-30 (3147) ನಹುಷಃ ಪಾಲಯಾಮಾಸ ಬ್ರಹ್ಮಕ್ಷತ್ರಮಥೋ ವಿಶಃ। ಸ ಹತ್ವಾ ದಸ್ಯುಸಂಘಾತಾನೃಷೀನ್ಕರಮದಾಪಯತ್॥ 1-69-31 (3148) ಪಶುವಚ್ಚೈವ ತಾನ್ಪೃಷ್ಠೇ ವಾಹಯಾಮಾಸ ವೀರ್ಯವಾನ್। ಕಾರಯಾಮಾಸ ಚೇಂದ್ರತ್ವಮಭಿಭೂಯ ದಿವೌಕಸಃ॥ 1-69-32 (3149) ತೇಜಸಾ ತಪಸಾ ಚೈವ ವಿಕ್ರಮೇಣೌಜಸಾ ತಥಾ। `ವಿಶ್ಲಿಷ್ಟೋ ನಹುಷಃ ಶಪ್ತಃ ಸದ್ಯೋ ಹ್ಯಜಗರೋಽಭವತ್'। ಯತಿಂ ಯಯಾತಿಂ ಸಂಯಾತಿಮಾಯಾತಿಮಯತಿಂ ಧ್ರುವಂ॥ 1-69-33 (3150) ನಹುಷೋ ಜನಯಾಮಾಸ ಷಟ್ ಸುತಾನ್ಪ್ರಿಯವಾದಿನಃ। ಯತಿಸ್ತು ಯೋಗಮಾಸ್ಥಾಯ ಬ್ರಹ್ಮೀಭೂತೋಽಭವನ್ಮುನಿಃ॥ 1-69-34 (3151) ಯಯಾತಿರ್ನಾಹುಷಃ ಸಂರಾಡಾಸೀತ್ಸತ್ಯಪರಾಕ್ರಮಃ। ಸ ಪಾಲಯಾಮಾಸ ಮಹೀಮೀಜೇ ಚ ಬಹುಭಿರ್ಮಖೈಃ॥ 1-69-35 (3152) ಅತಿಭಕ್ತ್ಯಾ ಪಿತೄನರ್ಚಂದೇವಾಂಶ್ಚ ಪ್ರಯತಃ ಸದಾ। ಅನ್ವಗೃಹ್ಣಾತ್ಪ್ರಜಾಃ ಸರ್ವಾ ಯಯಾತಿರಪರಾಜಿತಃ॥ 1-69-36 (3153) ತಸ್ಯ ಪುತ್ರಾ ಮಹೇಷ್ವಾಸಾಃ ಸರ್ವೈಃ ಸಮುದಿತಾ ಗುಣೈಃ। ದೇವಯಾನ್ಯಾಂ ಮಹಾರಾಜ ಶರ್ಮಿಷ್ಠಾಯಾಂ ಚ ಜಜ್ಞಿರೇ॥ 1-69-37 (3154) ದೇವಯಾನ್ಯಾಮಜಾಯೇತಾಂ ಯದುಸ್ತುರ್ವಸುರೇವ ಚ। ದ್ರುಹ್ಯುಶ್ಚಾನುಶ್ಚ ಪೂರುಶ್ಚ ಶರ್ಮಿಷ್ಠಾಯಾಂ ಚ ಜಜ್ಞಿರೇ॥ 1-69-38 (3155) ಸ ಶಾಶ್ವತೀಃ ಸಮಾ ರಾಜನ್ಪ್ರಜಾ ಧರ್ಮೇಣ ಪಾಲಯನ್। ಜರಾಮಾರ್ಚ್ಛನ್ಮಹಾಘೋರಾಂ ನಾಹುಷೋ ರೂಪನಾಶಿನೀಂ॥ 1-69-39 (3156) ಜರಾಽಭಿಭೂತಃ ಪುತ್ರಾನ್ಸ ರಾಜಾ ವಚನಮಬ್ರವೀತ್। ಯದುಂ ಪೂರುಂ ತುರ್ವಸುಂ ಚ ದ್ರುಹ್ಯುಂ ಚಾನುಂ ಚ ಭಾರತ॥ 1-69-40 (3157) ಯೌವನೇನ ಚರನ್ಕಾಮಾನ್ಯುವಾ ಯುವತಿಭಿಃ ಸಹ। ಬಿಹರ್ತುಮಹಮಿಚ್ಛಾಮಿ ಸಾಹ್ಯಂ ಕುರುತ ಪುತ್ರಕಾಃ॥ 1-69-41 (3158) ತಂ ಪುತ್ರೋ ದೈವಯಾನೇಯಃ ಪೂರ್ವಜೋ ವಾಕ್ಯಮಬ್ರವೀತ್। ಕಿಂ ಕಾರ್ಯಂ ಭವತಃ ಕಾರ್ಯಮಸ್ಮಾಕಂ ಯೌವನೇನ ತೇ॥ 1-69-42 (3159) ಯಯಾತಿರಬ್ರವೀತ್ತಂ ವೈ ಜರಾ ಮೇ ಪ್ರತಿಗೃಹ್ಯತಾಂ। ಯೌವನೇನ ತ್ವದೀಯೇನ ಚರೇಯಂ ವಿಷಯಾನಹಂ॥ 1-69-43 (3160) ಯಜತೋ ದೀರ್ಘಸತ್ರೈರ್ಮೇ ಶಾಪಾಚ್ಚೋಶನಸೋ ಮುನೇಃ। ಕಾಮಾರ್ಥಃ ಪರಿಹೀಣೋಽಯಂ ತಪ್ಯೇಯಂ ತೇನ ಪುತ್ರಕಾಃ॥ 1-69-44 (3161) ಮಾಮಕೇನ ಶರೀರೇಣ ರಾಜ್ಯಮೇಕಃ ಪ್ರಶಾಸ್ತು ವಃ। ಅಹಂ ತನ್ವಾಽಭಿನವಯಾ ಯುವಾ ಕಾಮಮವಾಪ್ನುಯಾಂ॥ 1-69-45 (3162) ವೈಶಂಪಾಯನ ಉವಾಚ। 1-69-46x (332) ತೇ ನ ತಸ್ಯ ಪ್ರತ್ಯಗೃಹ್ಣನ್ಯದುಪ್ರಭೃತಯೋ ಜರಾಂ। ತಮಬ್ರವೀತ್ತತಃ ಪೂರುಃ ಕನೀಯಾನ್ಸತ್ಯವಿಕ್ರಮಃ॥ 1-69-46 (3163) ರಾಜಂಶ್ಚರಾಭಿನವಯಾ ತನ್ವಾ ಯೌವನಗೋಚರಃ। ಅಹಂ ಜರಾಂ ಸಮಾದಾಯ ರಾಜ್ಯೇ ಸ್ಥಾಸ್ಯಾಮಿ ತೇಜ್ಞಯಾ॥ 1-69-47 (3164) ಏವಮುಕ್ತಃ ಸ ರಾಜರ್ಷಿಸ್ತಪೋವೀರ್ಯಸಮಾಶ್ರಯಾತ್। ಸಂಚಾರಯಾಮಾಸ ಜರಾಂ ತದಾ ಪುತ್ರೇ ಮಹಾತ್ಮನಿ॥ 1-69-48 (3165) ಪೌರವೇಣಾಥ ವಯಸಾ ರಾಜಾ ಯೌವನಮಾಸ್ಥಿತಃ। ಯಾಯಾತೇನಾಪಿ ವಯಸಾ ರಾಜ್ಯಂ ಪೂರುರಕಾರಯತ್॥ 1-69-49 (3166) ತತೋ ವರ್ಷಸಹಸ್ರಾಣಿ ಯಯಾತಿರಪರಾಜಿತಃ। ಸ್ಥಿತಃ ಸ ನೃಪಶಾರ್ದೂಲಃ ಶಾರ್ದೂಲಸಮವಿಕ್ರಮಃ॥ 1-69-50 (3167) ಯಯಾತಿರಪಿ ಪತ್ನೀಭ್ಯಾಂ ದೀರ್ಘಕಾಲಂ ವಿಹೃತ್ಯ ಚ। ವಿಶ್ವಾಚ್ಯಾ ಸಹಿತೋ ರೇಮೇ ಪುನಶ್ಚೈತ್ರರಥೇ ವನೇ॥ 1-69-51 (3168) ನಾಧ್ಯಗಚ್ಛತ್ತದಾ ತೃಪ್ತಿಂ ಕಾಮಾನಾಂ ಸ ಮಹಾಯಶಾಃ। ಅವೇತ್ಯ ಮನಸಾ ರಾಜನ್ನಿಮಾಂ ಗಾಥಾಂ ತದಾ ಜಗೌ॥ 1-69-52 (3169) ನ ಜಾತು ಕಾಮಃ ಕಾಮಾನಾಮುಪಭೋಗೇನ ಶಾಂಯತಿ। ಇವಿಷಾ ಕೃಷ್ಣವರ್ತ್ಮೇವ ಭೂಯ ಏವಾಭಿವರ್ಧತೇ॥ 1-69-53 (3170) ಯತ್ಪೃಥಿವ್ಯಾಂ ವ್ರೀಹಿಯವಂ ಹಿರಣ್ಯಂ ಪಶವಃ ಸ್ತ್ರಿಯಃ। ನಾಲಮೇಕಸ್ಯ ತತ್ಸರ್ವಮಿತಿ ಮತ್ವಾ ಶಮಂ ವ್ರಜೇತ್॥ 1-69-54 (3171) ಯದಾ ನ ಕುರುತೇ ಪಾಪಂ ಸರ್ವಭೂತೇಷು ಕರ್ಹಿಚಿತ್। ಕರ್ಮಣಾ ಮನಸಾ ವಾಚಾ ಬ್ರಹ್ಮ ಸಂಪದ್ಯತೇ ತದಾ॥ 1-69-55 (3172) ನ ಬಿಭೇತಿ ಯದಾ ಚಾಯಂ ಯದಾ ಚಾಸ್ಮಾನ್ನ ಬಿಭ್ಯತಿ। ಯದಾ ನೇಚ್ಛತಿ ನ ದ್ವೇಷ್ಟಿ ಬ್ರಹ್ಮ ಸಂಪದ್ಯತೇ ತದಾ॥ 1-69-56 (3173) ಇತ್ಯವೇಕ್ಷ್ಯ ಮಹಾಪ್ರಾಜ್ಞಃ ಕಾಮಾನಾಂ ಫಲ್ಗುತಾಂ ನೃಪ। ಸಮಾಧಾಯ ಮನೋ ಬುದ್ಧ್ಯಾ ಪ್ರತ್ಯಗೃಹ್ಣಾಜ್ಜರಾಂ ಸುತಾತ್॥ 1-69-57 (3174) `ತತೋ ವರ್ಷಸಹಸ್ರಾಂತೇ ಯಯಾತಿರಪರಾಜಿತಃ।' ದತ್ವಾ ಚ ಯೌವನಂ ರಾಜಾ ಪೂರುಂ ರಾಜ್ಯೇಽಭಿಷಿಚ್ಯ ಚ। ಅತೃಪ್ತ ಏವ ಕಾಮಾನಾಂ ಪೂರುಂ ಪುತ್ರಮುವಾಚ ಹ॥ 1-69-58 (3175) ತ್ವಯಾ ದಾಯಾದವಾನಸ್ಮಿ ತ್ವಂ ಮೇ ವಂಶಕರಃ ಸುತಃ। ಪೌರವೋ ವಂಶ ಇತಿ ತೇ ಖ್ಯಾತಿಂ ಲೋಕೇ ಗಮಿಷ್ಯತಿ॥ 1-69-59 (3176) ವೈಶಂಪಾಯನ ಉವಾಚ। 1-69-60x (333) ತತಃ ಸ ನೃಪಶಾರ್ದೂಲ ಪೂರುಂ ರಾಜ್ಯೇಽಭಿಷಿಚ್ಯ ಚ। ತತಃ ಸುಚರಿತಂ ಕೃತ್ವಾ ಭೃಗುತುಂಗೇ ಮಹಾತಪಾಃ॥ 1-69-60 (3177) ಕಾಲೇನ ಮಹತಾ ಪಶ್ಚಾತ್ಕಾಲಧರ್ಮಮುಪೇಯಿವಾನ್। ಕಾರಯಿತ್ವಾ ತ್ವನಶನಂ ಸದಾರಃ ಸ್ವರ್ಗಮಾಪ್ತವಾನ್॥ ॥ 1-69-61 (3178) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಏಕೋನಸಪ್ತತಿತಮೋಽಧ್ಯಾಯಃ॥ 69 ॥

1-70-0 (3179) ಜನಮೇಜಯ ಉವಾಚ। 1-70-0x (334) ಯಯಾತಿಃ ಪೂರ್ವಜೋಽಸ್ಮಾಕಂ ದಶಮೋ ಯಃ ಪ್ರಜಾಪತೇಃ। ಕಥಂ ಸ ಶುಕ್ರತನಯಾಂ ಲೇಭೇ ಪರಮದುರ್ಲಭಾಂ॥ 1-70-1 (3180) ಏತದಿಚ್ಛಾಂಯಹಂ ಶ್ರೋತುಂ ವಿಸ್ತರೇಣ ತಪೋಧನ। ಆನುಪೂರ್ವ್ಯಾ ಚ ಮೇ ಶಂಸ ರಾಜ್ಞೋ ವಂಶಕರಾನ್ಪೃಥಕ್॥ 1-70-2 (3181) ವೈಶಂಪಾಯನ ಉವಾಚ। 1-70-3x (335) ಯಯಾತಿರಾಸೀನ್ನೃಪತಿರ್ದೇವರಾಜಸಮದ್ಯುತಿಃ। ತಂ ಶುಕ್ರವೃಷಪರ್ವಾಣೌ ವವ್ರಾತೇ ವೈ ಯಥಾ ಪುರಾ॥ 1-70-3 (3182) ತತ್ತೇಽಹಂ ಸಂಪ್ರವಕ್ಷ್ಯಾಮಿ ಪೃಚ್ಛತೇ ಜನಮೇಜಯ। ದೇವಯಾನ್ಯಾಶ್ಚ ಸಂಯೋಗಂ ಯಯಾತೇರ್ನಾಹುಷಸ್ಯ ಚ॥ 1-70-4 (3183) ಸುರಾಣಾಮಸುರಾಣಾಂ ಚ ಸಮಜಾಯತ ವೈ ಮಿಥಃ। ಐಶ್ವರ್ಯಂ ಪ್ರತಿ ಸಂಘರ್ಷಸ್ತ್ರೈಲೋಕ್ಯೇ ಸಚರಾಚರೇ॥ 1-70-5 (3184) ಜಿಗೀಷಯಾ ತತೋ ದೇವಾ ವವ್ರಿರೇಽಂಗಿರಸಂ ಮುನಿಂ। ಪೌರೋಹಿತ್ಯೇನ ಯಾಜ್ಯಾರ್ಥೇ ಕಾವ್ಯಂ ತೂಶನಸಂ ಪರೇ॥ 1-70-6 (3185) ಬ್ರಾಹ್ಮಣೌ ತಾವುಭೌ ನಿತ್ಯಮನ್ಯೋನ್ಯಸ್ಪರ್ಧಿನೌ ಭೃಶಂ। ತತ್ರ ದೇವಾ ನಿಜಘ್ನುರ್ಯಾಂದಾನವಾನ್ಯುಧಿ ಸಂಗತಾನ್॥ 1-70-7 (3186) ತಾನ್ಪುನರ್ಜೀವಯಾಮಾಸ ಕಾವ್ಯೋ ವಿದ್ಯಾಬಲಾಶ್ರಯಾತ್। ತತಸ್ತೇ ಪುನರುತ್ಥಾಯ ಯೋಧಯಾಂಚಕ್ರಿರೇ ಸುರಾನ್॥ 1-70-8 (3187) ಅಸುರಾಸ್ತು ನಿಜಘ್ನುರ್ಯಾನ್ಸುರಾನ್ಸಮರಮೂರ್ಧನಿ। ನ ತಾನ್ಸಂಜೀವಯಾಮಾಸ ಬೃಹಸ್ಪತಿರುದಾರಧೀಃ॥ 1-70-9 (3188) ನ ಹಿ ವೇದ ಸ ತಾಂ ವಿದ್ಯಾಂ ಯಾಂ ಕಾವ್ಯೋವೇತ್ತಿ ವೀರ್ಯವಾನ್। ಸಂಜೀವಿನೀಂ ತತೋ ದೇವಾ ವಿಷಾದಮಗಮನ್ಪರಂ॥ 1-70-10 (3189) ತೇ ತು ದೇವಾ ಭಯೋದ್ವಿಗ್ನಾಃ ಕಾವ್ಯಾದುಶನಸಸ್ತದಾ। ಊಚುಃ ಕಚಮುಪಾಗಂಯ ಜ್ಯೇಷ್ಠಂ ಪುತ್ರಂ ಬೃಹಸ್ಪತೇಃ॥ 1-70-11 (3190) ಭಜಮಾನಾನ್ಭಜಸ್ವಾಸ್ಮಾನ್ಕುರು ನಃ ಸಾಹ್ಯಮುತ್ತಮಂ। ಯಾ ಸಾ ವಿದ್ಯಾ ನಿವಸತಿ ಬ್ರಾಹ್ಮಣೇಽಮಿತತೇಜಸಿ॥ 1-70-12 (3191) ಶುಕ್ರೇ ತಾಮಾಹರ ಕ್ಷಿಪ್ರಂ ಭಾಗಭಾಂಗೋ ಭವಿಷ್ಯಸಿ। ವೃಷಪರ್ವಸಮೀಪೇ ಹಿ ಶಕ್ಯೋ ದ್ರಷ್ಟುಂ ತ್ವಯಾ ದ್ವಿಜಃ॥ 1-70-13 (3192) ರಕ್ಷತೇ ದಾನವಾಂಸ್ತತ್ರ ನ ಸ ರಕ್ಷತ್ಯದಾನವಾನ್। ತಮಾರಾಧಯಿತುಂ ಶಕ್ತೋ ಭವಾನ್ಪೂರ್ವವಯಾಃ ಕವಿಂ॥ 1-70-14 (3193) ದೇವಯಾನೀಂ ಚ ದಯಿತಾಂ ಸುತಾಂ ತಸ್ಯ ಮಹಾತ್ಮನಃ। ತ್ವಮಾರಾಧಯಿತುಂ ಶಕ್ತೋ ನಾನ್ಯಃ ಕಶ್ಚನ ವಿದ್ಯತೇ॥ 1-70-15 (3194) ಶೀಲದಾಕ್ಷಿಣ್ಯಮಾಧುರ್ಯೈರಾಚಾರೇಣ ದಮೇನ ಚ। ದೇವಯಾನ್ಯಾಂ ಹಿ ತುಷ್ಟಾಯಾಂ ವಿದ್ಯಾಂ ತಾಂ ಪ್ರಾಪ್ಸ್ಯಸಿ ಧ್ರುವಂ॥ 1-70-16 (3195) ವೈಶಂಪಾಯನ ಉವಾಚ। 1-70-17x (336) ತಥೇತ್ಯುಕ್ತ್ವಾ ತತಃ ಪ್ರಾಯಾದ್ಬೃಹಸ್ಪತಿಸುತಃ ಕಚಃ। ತದಾಽಭಿಪೂಜಿತೋ ದೇವೈಃ ಸಮೀಪೇ ವೃಷಪರ್ವಣಃ॥ 1-70-17 (3196) ಸ ಗತ್ವಾ ತ್ವರಿತೋ ರಾಜಂದೇವೈಃ ಸಂಪ್ರೇಷಿತಃ ಕಚಃ। ಅಸುರೇಂದ್ರಪುರೇ ಶುಕ್ರಂ ದೃಷ್ಟ್ವಾ ವಾಕ್ಯಮುವಾಚ ಹ॥ 1-70-18 (3197) ಋಷೇರಂಗಿರಸಃ ಪೌತ್ರಂ ಪುತ್ರಂ ಸಾಕ್ಷಾದ್ಬೃಹಸ್ಪತೇಃ। ನಾಂನಾ ಕಚ ಇತಿ ಖ್ಯಾತಂ ಶಿಷ್ಯಂ ಗೃಹ್ಣಾತ್ ಮಾಂ ಭವಾನ್॥ 1-70-19 (3198) ಬ್ರಹ್ಮಚರ್ಯಂ ಚರಿಷ್ಯಾಮಿ ತ್ವಯ್ಯಹಂ ಪರಮಂ ಗುರೌ। ಅನುಮನ್ಯಸ್ವ ಮಾಂ ಬ್ರಹ್ಮನ್ಸಹಸ್ರಂ ಪರಿವತ್ಸರಾನ್॥ 1-70-20 (3199) ಶುಕ್ರ ಉವಾಚ। 1-70-21x (337) ಕಚ ಸುಸ್ವಾಗತಂ ತೇಽಸ್ತು ಪ್ರತಿಗೃಹ್ಣಾಮಿ ತೇ ವಚಃ। ಅರ್ಚಯಿಷ್ಯೇಽಹಮರ್ಚ್ಯಂ ತ್ವಾಮರ್ಚಿತೋಽಸ್ತು ಬೃಹಸ್ಪತಿಃ॥ 1-70-21 (3200) ವೈಶಂಪಾಯನ ಉವಾಚ। 1-70-22x (338) ಕಚಸ್ತು ತಂ ತಥೇತ್ಯುಕ್ತ್ವಾ ಪ್ರತಿಜಗ್ರಾಹ ತದ್ವ್ರತಂ। ಆದಿಷ್ಟಂ ಕವಿಪುತ್ರೇಣ ಶುಕ್ರೇಣೋಶನಸಾ ಸ್ವಯಂ॥ 1-70-22 (3201) ವ್ರತಸ್ಯ ಪ್ರಾಪ್ತಕಾಲಂ ಸ ಯಥೋಕ್ತಂ ಪ್ರತ್ಯಗೃಹ್ಣತ। ಆರಾಧಯನ್ನುಪಾಧ್ಯಾಯಂ ದೇವಯಾನೀಂ ಚ ಭಾರತ॥ 1-70-23 (3202) ನಿತ್ಯಮಾರಾಧಯಿಷ್ಯಂಸ್ತಾಂ ಯುವಾ ಯೌವನಗಾಂ ಮುನಿಃ। ಗಾಯನ್ನೃತ್ಯನ್ವಾದಯಂಶ್ಚ ದೇವಯಾನೀಮತೋಷಯತ್॥ 1-70-24 (3203) ಸ ಶೀಲಯಂದೇವಯಾನೀಂ ಕನ್ಯಾಂ ಸಂಪ್ರಾಪ್ತಯೌವನಾಂ। ಪುಷ್ಪೈಃ ಫಲೈಃ ಪ್ರೇಷಣೈಶ್ಚ ತೋಷಯಾಮಾಸ ಭಾರತ॥ 1-70-25 (3204) ದೇವಯಾನ್ಯಪಿ ತಂ ವಿಪ್ರಂ ನಿಯಮವ್ರತಧಾರಿಣಂ। ಗಾಯಂತೀ ಚ ಲಲಂತೀ ಚ ರಹಃ ಪರ್ಯಚರತ್ತಥಾ॥ 1-70-26 (3205) `ಗಾಯಂತಂ ಚೈವ ಶುಲ್ಕಂ ಚ ದಾತಾರಂ ಪ್ರಿಯವಾದಿನಂ। ನಾರ್ಯೋ ನರಂ ಕಾಮಯಂತೇ ರೂಪಿಣಂ ಸ್ರಗ್ವಿಣಂ ತಥಾ॥' 1-70-27 (3206) ಪಂಚವರ್ಷಶತಾನ್ಯೇವಂ ಕಚಸ್ಯ ಚರತೋ ವ್ರತಂ। ತತ್ರಾತೀಯುರಥೋ ಬುದ್ಧ್ವಾ ದಾನವಾಸ್ತಂ ತತಃ ಕಚಂ॥ 1-70-28 (3207) ಗಾ ರಕ್ಷಂತಂ ವನೇ ದೃಷ್ಟ್ವಾ ರಹಸ್ಯೇಕಮಮರ್ಷಿತಾಃ। ಜಘ್ನುರ್ಬೃಹಸ್ಪತೇರ್ದ್ವೇಷಾದ್ವಿದ್ಯಾರಕ್ಷಾರ್ಥಮೇವ ಚ॥ 1-70-29 (3208) ಹತ್ವಾ ಶಾಲಾವೃಕೇಭ್ಯಶ್ಚ ಪ್ರಾಯಚ್ಛಂʼಲ್ಲವಶಃ ಕೃತಂ। ತತೋ ಗಾವೋ ನಿವೃತ್ತಾಸ್ತಾ ಅಗೋಪಾಃ ಸ್ವಂ ನಿವೇಶನಂ॥ 1-70-30 (3209) ಸಾ ದೃಷ್ಟ್ವಾ ರಹಿತಾ ಗಾಶ್ಚ ಕಚೇನಾಭ್ಯಾಗತಾ ವನಾತ್। ಉವಾಚ ವಚನಂ ಕಾಲೇ ದೇವಯಾನ್ಯಥ ಭಾರತ॥ 1-70-31 (3210) ದೇವಯಾನ್ಯುವಾಚ। 1-70-32x (339) ಆಹುತಂ ಚಾಗ್ನಿಹೋತ್ರಂ ತೇ ಸೂರ್ಯಶ್ಚಾಸ್ತಂ ಗತಃ ಪ್ರಭೋ। ಅಗೋಪಾಶ್ಚಾಗತಾ ಗಾವಃ ಕಚಸ್ತಾತ ನ ದೃಶ್ಯತೇ॥ 1-70-32 (3211) ವ್ಯಕ್ತಂ ಹತೋ ಮೃತೋ ವಾಪಿ ಕಚಸ್ತಾತ ಭವಿಷ್ಯತಿ। ತಂ ವಿನಾ ನ ಚ ಜೀವೇಯಮಿತಿ ಸತ್ಯಂ ಬ್ರವೀಮಿ ತೇ॥ 1-70-33 (3212) ಶುಕ್ರ ಉವಾಚ। 1-70-34x (340) ಅಯಮೇಹೀತಿ ಸಂಶಬ್ದ್ಯ ಮೃತಂ ಸಂಜೀವಯಾಂಯಹಂ। 1-70-34 (3213) ವೈಶಂಪಾಯನ ಉವಾಚ। ತತಃ ಸಂಜೀವಿನೀಂ ವಿದ್ಯಾಂ ಪ್ರಯುಜ್ಯ ಕಚಮಾಹ್ವಯತ್॥ 1-70-34x (341) ಭಿತ್ತ್ವಾ ಭಿತ್ತ್ವಾ ಶರೀರಾಣಿ ವೃಕಾಣಾಂ ಸ ವಿನಿರ್ಗತಃ। ಆಹೂತಃ ಪ್ರಾದುರಭವತ್ಕಚೋ ಹೃಷ್ಟೋಽಥ ವಿದ್ಯಯಾ॥ 1-70-35 (3214) ಕಸ್ಮಾಚ್ಚಿರಾಯಿತೋಽಸೀತಿ ಪೃಷ್ಟಸ್ತಾಮಾಹ ಭಾರ್ಗವೀಂ। 1-70-36 (3215) ಕಚ ಉವಾಚ। ಸಮಿಧಶ್ಚ ಕುಶಾದೀನಿ ಕಾಷ್ಠಭಾರಂ ಚ ಭಾಮಿನಿ॥ 1-70-36x (342) ಗೃಹೀತ್ವಾ ಶ್ರಮಭಾರಾರ್ತೋ ವಟವೃಕ್ಷಂ ಸಮಾಶ್ರಿತಃ। ಗಾವಶ್ಚ ಸಹಿತಾಃ ಸರ್ವಾ ವೃಕ್ಷಚ್ಛಾಯಾಮುಪಾಶ್ರಿತಾಃ॥ 1-70-37 (3216) ಅಸುರಾಸ್ತತ್ರ ಮಾಂ ದೃಷ್ಟ್ವಾ ಕಸ್ತ್ವಮಿತ್ಯಭ್ಯಚೋದಯನ್। ಬೃಹಸ್ಪತಿಸುತಶ್ಚಾಹಂ ಕಚ ಇತ್ಯಭಿವಿಶ್ರುತಃ॥ 1-70-38 (3217) ಇತ್ಯುಕ್ತಮಾತ್ರೇ ಮಾಂ ಹತ್ವಾ ಪೇಷೀಕೃತ್ವಾ ತು ದಾನವಾಃ। ದತ್ತ್ವಾ ಶಾಲಾವೃಕೇಭ್ಯಸ್ತು ಸುಖಂ ಜಗ್ಮುಃ ಸ್ವಮಾಲಯಂ॥ 1-70-39 (3218) ಆಹೂತೋ ವಿದ್ಯಯಾ ಭದ್ರೇ ಭಾರ್ಗವೇಣ ಮಹಾತ್ಮನಾ। ತ್ವತ್ಸಮೀಪಮಿಹಾಯಾತಃ ಕಥಂಚಿತ್ಪ್ರಾಪ್ತಜೀವಿತಃ॥ 1-70-40 (3219) ಹತೋಽಹಮಿತಿ ಚಾಚಖ್ಯೌ ಪೃಷ್ಟೋ ಬ್ರಾಹ್ಮಣಕನ್ಯಯಾ। ಸ ಪುನರ್ದೇವಯಾನ್ಯೋಕ್ತಃ ಪುಷ್ಪಾಣ್ಯಾಹರ ಮೇ ದ್ವಿಜ॥ 1-70-41 (3220) ವನಂ ಯಯೌ ಕಚೋ ವಿಪ್ರೋ ದದೃಶುರ್ದಾನವಾಶ್ಚ ತಂ। ಪುನಸ್ತಂ ಪೇಷಯಿತ್ವಾ ತು ಸಮುದ್ರಾಂಭಸ್ಯಮಿಶ್ರಯನ್॥ 1-70-42 (3221) ಚಿರಂ ಗತಂ ಪುನಃ ಕನ್ಯಾ ಪಿತ್ರೇ ತಂ ಸಂನ್ಯವೇದಯತ್। ವಿಪ್ರೇಣ ಪುನರಾಹೂತೋ ವಿದ್ಯಯಾ ಗುರುದೇಹಜಃ। ಪುನರಾವೃತ್ಯ ತದ್ವೃತ್ತಂ ನ್ಯವೇದಯತ ತದ್ಯಥಾ॥ 1-70-43 (3222) ತತಸ್ತೃತೀಯಂ ಹತ್ವಾ ತಂ ದಗ್ಧ್ವಾ ಕೃತ್ವಾ ಚ ಚೂರ್ಣಶಃ। ಪ್ರಾಯಚ್ಛನ್ಬ್ರಾಹ್ಮಣಾಯೈವ ಸುರಾಯಾಮಸುರಾಸ್ತಥಾ॥ 1-70-44 (3223) `ಅಪಿಬತ್ಸುರಯಾ ಸಾರ್ಧಂ ಕಚಭಸ್ಮ ಭೃಗೂದ್ವಹಃ। ಸಾ ಸಾಯಂತನವೇಲಾಯಾಮಗೋಪಾ ಗಾಃ ಸಮಾಗತಾಃ॥ 1-70-45 (3224) ದೇವಯಾನೀ ಶಂಕಮಾನಾ ದೃಷ್ಟ್ವಾ ಪಿತರಮಬ್ರವೀತ್।' ಪುಷ್ಪಾಹಾರಃ ಪ್ರೇಷಣಕೃತ್ಕಚಸ್ತಾತ ನ ದೃಶ್ಯತೇ॥ 1-70-46 (3225) ವ್ಯಕ್ತಂ ಹತೋ ಮೃತೋ ವಾಪಿ ಕಚಸ್ತಾತ ಭವಿಷ್ಯತಿ। ತಂ ವಿನಾ ನ ಚ ಜೀವೇಯಂ ಕಚಂ ಸತ್ಯಂ ಬ್ರವೀಮಿ ತೇ॥ 1-70-47 (3226) `ವೈಶಂಪಾಯನ ಉವಾಚ। 1-70-48x (343) ಶ್ರುತ್ವಾ ಪುತ್ರೀವಚಃ ಕಾವ್ಯೋ ಮಂತ್ರೇಣಾಹೂತವಾನ್ಕಚಂ। ಜ್ಞಾತ್ವಾ ಬಹಿಷ್ಠಮಜ್ಞಾತ್ವಾ ಸ್ವಕುಕ್ಷಿಸ್ಥಂ ಕಚಂ ನೃಪ'॥ 1-70-48 (3227) ಶುಕ್ರ ಉವಾಚ। 1-70-49x (344) ಬೃಹಸ್ಪತೇಃ ಸುತಃ ಪುತ್ರಿ ಕಚಃ ಪ್ರೇತಗತಿಂ ಗತಃ। ವಿದ್ಯಯಾ ಜೀವಿತೋಽಪ್ಯೇವಂ ಹನ್ಯತೇ ಕರವಾಮ ಕಿಂ॥ 1-70-49 (3228) ಮೈವಂ ಶುಚೋ ಮಾ ರುದ ದೇವಯಾನಿ ನ ತ್ವಾದೃಶೀ ಮರ್ತ್ಯಮನುಪ್ರಶೋಚತೇ। ಯಸ್ಯಾಸ್ತವ ಬ್ರಹ್ಮ ಚ ಬ್ರಾಹ್ಮಣಾಶ್ಚ ಸೇಂದ್ರಾ ದೇವಾ ವಸವೋಽಥಾಶ್ವಿನೌ ಚ॥ 1-70-50 (3229) ಸುರದ್ವಿಷಶ್ಚೈವ ಜಗಚ್ಚ ಸರ್ವ- ಮುಪಸ್ಥಾನೇ ಸನ್ನಮಂತಿ ಪ್ರಭಾವಾತ್। ಅಶಕ್ಯೋಽಸೌ ಜೀವಯಿತುಂ ದ್ವಿಜಾತಿಃ ಸಂಜೀವಿತೋ ವಧ್ಯತೇ ಚೈವ ಭೂಯಃ॥ 1-70-51 (3230) ದೇವಯಾನ್ಯುವಾಚ। 1-70-52x (345) ಯಸ್ಯಾಂಗಿರಾ ವೃದ್ಧತಮಃ ಪಿತಾಮಹೋ ಬೃಹಸ್ಪತಿಶ್ಚಾಪಿ ಪಿತಾ ತಪೋನಿಧಿಃ। ಋಷೇಃ ಪುತ್ರಂ ತಮಥೋ ವಾಪಿ ಪೌತ್ರಂ ಕಥಂ ನ ಶೋಚೇಯಮಹಂ ನ ರುದ್ಯಾಂ॥ 1-70-52 (3231) ಸ ಬ್ರಹ್ಮಚಾರೀ ಚ ತಪೋಧನಶ್ಚ ಸದೋತ್ಥಿತಃ ಕರ್ಮಸು ಚೈವ ದಕ್ಷಃ। ಕಚಸ್ಯ ಮಾರ್ಗಂ ಪ್ರತಿಪತ್ಸ್ಯೇ ನ ಭೋಕ್ಷ್ಯೇ ಪ್ರಿಯೋ ಹಿ ಮೇ ತಾತ ಕಚೋಽಭಿರೂಪಃ॥ 1-70-53 (3232) ಶುಕ್ರ ಉವಾಚ। 1-70-54x (346) ಅಸಂಶಯಂ ಮಾಮಸುರಾ ದ್ವಿಷಂತಿ ಯೇ ಶಿಷ್ಯಂ ಮೇಽನಾಗಸಂ ಸೂದಯಂತಿ। ಅಬ್ರಾಹ್ಮಣಂ ಕರ್ತುಮಿಚ್ಛ್ತಿ ರೌದ್ರಾ- ಸ್ತೇ ಮಾಂ ಯಥಾ ವ್ಯಭಿಚರಂತಿ ನಿತ್ಯಂ। ಅಪ್ಯಸ್ಯ ಪಾಪಸ್ಯ ಭವೇದಿಹಾಂತಃ ಕಂ ಬ್ರಹ್ಮಹತ್ಯಾ ನ ದಹೇದಪೀಂದ್ರಂ॥ 1-70-54 (3233) `ವೈಶಂಪಾಯನ ಉವಾಚ। 1-70-55x (347) ಸಂಚೋದಿತೋ ದೇವಯಾನ್ಯಾ ಮಹರ್ಷಿಃ ಪುನರಾಹ್ವಯತ್। ಸಂರಂಭೇಣೈವ ಕಾವ್ಯೋ ಹಿ ಬೃಹಸ್ಪತಿಸುತಂ ಕಚಂ॥ 1-70-55 (3234) ಕಚೋಽಪಿ ರಾಜನ್ಸ ಮಹಾನುಭಾವೋ ವಿದ್ಯಾಬಲಾಲ್ಲಬ್ಧಮತಿರ್ಮಹಾತ್ಮಾ।' ಗುರೋರ್ಹಿ ಭೀತೋ ವಿದ್ಯಯಾ ಚೋಪಹೂತಃ। ಶನೈರ್ವಾಕ್ಯಂ ಜಠರೇ ವ್ಯಾಜಹಾರ॥ 1-70-56 (3235) `ಪ್ರಸೀದ ಭಗವನ್ಮಹ್ಯಂ ಕಚೋಽಹಮಭಿವಾದಯೇ। ಯಥಾ ಬಹುಮತಃ ಪುತ್ರಸ್ತಥಾ ಮನ್ಯತು ಮಾಂ ಭವಾನ್॥' 1-70-57 (3236) ವೈಶಂಪಾಯನ ಉವಾಚ। 1-70-58x (348) ತಮಬ್ರವೀತ್ಕೇನ ಪಥೋಪನೀತ- ಸ್ತ್ವಂ ಚೋದರೇ ತಿಷ್ಠಸಿ ಬ್ರೂಹಿ ವಿಪ್ರ। ಅಸ್ಮಿನ್ಮುಹೂರ್ತೇ ಹ್ಯಸುರಾನ್ವಿನಾಶ್ಯ ಗಚ್ಛಾಮಿ ದೇವಾನಹಮದ್ಯ ವಿಪ್ರ॥ 1-70-58 (3237) ಕಚ ಉವಾಚ। 1-70-59x (349) ತವ ಪ್ರಸಾದಾನ್ನ ಜಹಾತಿ ಮಾಂ ಸ್ಮೃತಿಃ ಸ್ಮರಾಮಿ ಸರ್ವಂ ಯಚ್ಚ ಯಥಾ ಚ ವೃತ್ತಂ। ನತ್ವೇವಂ ಸ್ಯಾತ್ತಪಸಃ ಸಂಕ್ಷಯೋ ಮೇ ತತಃ ಕ್ಲೇಶಂ ಘೋರಮಿಮಂ ಸಹಾಮಿ॥ 1-70-59 (3238) ಅಸುರೈಃ ಸುರಾಯಾಂ ಭವತೋಽಸ್ಮಿ ದತ್ತೋ ಹತ್ವಾ ದಗ್ಧ್ವಾ ಚೂರ್ಣಯಿತ್ವಾ ಚ ಕಾವ್ಯ। ಬ್ರಾಹ್ಮೀಂ ಮಾಯಾಂ ಚಾಸುರೀಂ ವಿಪ್ರ ಮಾಯಾಂ ತ್ವಯಿ ಸ್ಥಿತೇ ಕಥಮೇವಾತಿವರ್ತೇತ್॥ 1-70-60 (3239) ಶುಕ್ರ ಉವಾಚ। 1-70-61x (350) ಕಿಂ ತೇ ಪ್ರಿಯಂ ಕರವಾಣ್ಯದ್ಯ ವತ್ಸೇ ವಧೇನ ಮೇ ಜೀವಿತಂ ಸ್ಯಾತ್ಕಚಸ್ಯ। ನಾನ್ಯತ್ರ ಕುಕ್ಷೇರ್ಮಮ ಭೇದನೇನ ದೃಶ್ಯೇತ್ಕಚೋ ಮದ್ಗತೋ ದೇವಯಾನಿ॥ 1-70-61 (3240) ದೇವಯಾನ್ಯುವಾಚ। 1-70-62x (351) ದ್ವೌ ಮಾಂ ಶೋಕಾವಗ್ನಿಕಲ್ಪೌ ದಹೇತಾಂ ಕಚಸ್ಯ ನಾಶಸ್ತವ ಚೈವೋಪಘಾತಃ। ಕಚಸ್ಯ ನಾಶೇ ಮಮ ಶರ್ಮ ನಾಸ್ತಿ ತವೋಪಘಾತೇ ಜೀವಿತುಂ ನಾಸ್ಮಿ ಶಕ್ತಾ॥ 1-70-62 (3241) ಶುಕ್ರ ಉವಾಚ। 1-70-63x (352) ಸಂಸಿದ್ಧರೂಪೋಽಸಿ ಬೃಹಸ್ಪತೇಃ ಸುತ ಯತ್ತ್ವಾಂ ಭಕ್ತಂ ಭಜತೇ ದೇವಯಾನೀ। ವಿದ್ಯಾಮಿಮಾಂ ಪ್ರಾಪ್ನುಹಿ ಜೀವನೀಂ ತ್ವಂ ನ ಚೇದಿಂದ್ರಃ ಕಚರೂಪೀ ತ್ವಮದ್ಯ॥ 1-70-63 (3242) ನ ನಿವರ್ತೇತ್ಪುನರ್ಜೀವನ್ಕಶ್ಚಿದನ್ಯೋ ಮಮೋದರಾತ್। ಬ್ರಾಹ್ಮಣಂ ವರ್ಜಯಿತ್ವೈಕಂ ತಸ್ಮಾದ್ವಿದ್ಯಾಮವಾಪ್ನುಹಿ॥ 1-70-64 (3243) ಪುತ್ರೋ ಭೂತ್ವಾ ಭಾವಯ ಭಾವಿತೋ ಮಾ- ಮಸ್ಮದ್ದೇಹಾದುಪನಿಷ್ಕ್ರಂಯ ತಾತ। ಸಮೀಕ್ಷೇಥಾ ಧರ್ಮವತೀಮವೇಕ್ಷಾಂ ಗುರೋಃ ಸಕಾಶಾತ್ಪ್ರಾಪ್ಯ ವಿದ್ಯಾಂ ಸವಿದ್ಯಃ॥ 1-70-65 (3244) ವೈಶಂಪಾಯನ ಉವಾಚ। 1-70-66x (353) ಗುರೋಃ ಸಕಾಶಾತ್ಸಮವಾಪ್ಯ ವಿದ್ಯಾಂ ಭಿತ್ತ್ವಾ ಕುಕ್ಷಿಂ ನಿರ್ವಿಚಕ್ರಾಮ ವಿಪ್ರಃ। ಕಚೋಽಭಿರೂಪಸ್ತತ್ಕ್ಷಣಾದ್ಬ್ರಾಹ್ಮಣಸ್ಯ ಶುಕ್ಲಾತ್ಯಯೇ ಪೌರ್ಣಮಾಸ್ಯಾಮಿವೇಂದುಃ॥ 1-70-66 (3245) ದೃಷ್ಟ್ವಾ ಚ ತಂ ಪತಿತಂ ಬ್ರಹ್ಮರಾಶಿ- ಮುತ್ಥಾಪಯಾಮಾಸ ಮೃತಂ ಕಚೋಽಪಿ। ವಿದ್ಯಾಂ ಸಿದ್ಧಾಂ ತಾಮವಾಪ್ಯಾಭಿವಾದ್ಯ ತತಃ ಕಚಸ್ತಂ ಗುರುಮಿತ್ಯುವಾಚ॥ 1-70-67 (3246) ಯಃ ಶ್ರೋತ್ರಯೋರಮೃತಂ ಸನ್ನಿಷಿಂಚೇ- ದ್ವಿದ್ಯಾಮವಿದ್ಯಸ್ಯ ಯಥಾ ತ್ವಮಾರ್ಯಃ। ತಂ ಮನ್ಯೇಽಹಂ ಪಿತರಂ ಮಾತರಂ ಚ ತಸ್ಮೈ ನ ದ್ರುಹ್ಯೇತ್ಕೃತಮಸ್ಯ ಜಾನನ್॥ 1-70-68 (3247) ಋತಸ್ಯ ದಾತಾರಮನುತ್ತಮಸ್ಯ ನಿಧಿಂ ನಿಧೀನಾಮಪಿ ಲಬ್ಧವಿದ್ಯಾಃ। ಯೇ ನಾದ್ರಿಯಂತೇ ಗುರುಮರ್ಚನೀಯಂ ಪಾಪಾಂʼಲ್ಲೋಕಾಂಸ್ತೇ ವ್ರಜಂತ್ಯಪ್ರತಿಷ್ಠಾಃ॥ 1-70-69 (3248) ವೈಶಂಪಾಯನ ಉವಾಚ। 1-70-70x (354) ಸುರಾಪಾನಾದ್ವಂಚನಾಂ ಪ್ರಾಪ್ಯ ವಿದ್ವಾ- ನ್ಸಂಜ್ಞಾನಾಶಂ ಚೈವ ಮಹಾತಿಘೋರಂ। ದೃಷ್ಟ್ವಾ ಕಚಂ ಚಾಪಿ ತಥಾಭಿರೂಪಂ ಪೀತಂ ತದಾ ಸುರಯಾ ಮೋಹಿತೇನ॥ 1-70-70 (3249) ಸಮನ್ಯುರುತ್ಥಾಯ ಮಹಾನುಭಾವ- ಸ್ತದೋಶನಾ ವಿಪ್ರಹಿತಂ ಚಿಕೀರ್ಷುಃ। ಸುರಾಪಾನಂ ಪ್ರತಿ ಸಂಜಾತಮನ್ಯುಃ ಕಾವ್ಯಃ ಸ್ವಯಂ ವಾಕ್ಯಮಿದಂ ಜಗಾದ॥ 1-70-71 (3250) ಯೋ ಬ್ರಾಹ್ಮಣೋಽದ್ಯಪ್ರಭೃತೀಹ ಕಶ್ಚಿ- ನ್ಮೋಹಾತ್ಸುರಾಂ ಪಾಸ್ಯತಿ ಮಂದಬುದ್ಧಿಃ। ಅಪೇತಧರ್ಮಾ ಬ್ರ್ಹಮಹಾ ಚೈವ ಸ ಸ್ಯಾ- ದಸ್ಮಿಂಲ್ಲೋಕೇ ಗರ್ಹಿತಃ ಸ್ಯಾತ್ಪರೇ ಚ॥ 1-70-72 (3251) ಮಯಾ ಚೈತಾಂ ವಿಪ್ರಧರ್ಮೋಕ್ತಿಸೀಮಾಂ ಮರ್ಯಾದಾಂ ವೈ ಸ್ಥಾಪಿತಾಂ ಸರ್ವಲೋಕೇ। ಸಂತೋ ವಿಪ್ರಾಃ ಶುಶ್ರುವಾಂಸೋ ಗುರೂಣಾಂ ದೇವಾ ಲೋಕಾಶ್ಚೋಪಶೃಣ್ವಂತು ಸರ್ವೇ॥ 1-70-73 (3252) ವೈಶಂಪಾಯನ ಉವಾಚ। 1-70-74x (355) ಇತೀದಮುಕ್ತ್ವಾ ಸ ಮಹಾನುಭಾವ- ಸ್ತಪೋನಿಧೀನಾಂ ನಿಧಿರಪ್ರಮೇಯಃ। ತಾಂದಾನವಾಂದೈವವಿಮೂಢಬುದ್ಧೀ- ನಿದಂ ಸಮಾಹೂಯ ವಚೋಽಭ್ಯುವಾಚ॥ 1-70-74 (3253) ಆಚಕ್ಷೇ ವೋ ದಾನವಾ ಬಾಲಿಶಾಃ ಸ್ಥ ಸಿದ್ಧಃ ಕಚೋ ವತ್ಸ್ಯತಿ ಮತ್ಸಕಾಶೇ। ಸಂಜೀವಿನೀಂ ಪ್ರಾಪ್ಯ ವಿದ್ಯಾಂ ಮಹಾತ್ಮಾ ತುಲ್ಯಪ್ರಭಾವೋ ಬ್ರಾಹ್ಮಣೋ ಬ್ರಹ್ಮಭೂತಃ॥ 1-70-75 (3254) `ಯೋಽಕಾರ್ಷೀದ್ದುಷ್ಕರಂ ಕರ್ಮ ದೇವಾನಾಂ ಕಾರಣಾತ್ಕಚಃ। ನ ತತ್ಕಿರ್ತಿರ್ಜರಾಂ ಗಚ್ಛೇದ್ಯಾಜ್ಞೀಯಶ್ಚ ಭವಿಷ್ಯತಿ॥ 1-70-76 (3255) ವೈಶಂಪಾಯನ ಉವಾಚ।' 1-70-77x (356) ಏತಾವದುಕ್ತ್ವಾ ವಚನಂ ವಿರರಾಮ ಸ ಭಾರ್ಗವಃ। ದಾನವಾ ವಿಸ್ಮಯಾವಿಷ್ಟಾಃ ಪ್ರಯಯುಃ ಸ್ವಂ ನಿವೇಶನಂ॥ 1-70-77 (3256) ಗುರೋರುಷ್ಯ ಸಕಾಶೇ ತು ದಶ ವರ್ಷಶತಾನಿ ಸಃ। ಅನುಜ್ಞಾತಃ ಕಚೋ ಗಂತುಮಿಯೇಷ ತ್ರಿದಶಾಲಯಂ॥ ॥ 1-70-78 (3257) ಇತಿ ಶ್ರೀಮನ್ಮೇಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಸಪ್ತತಿತಮೋಽಧ್ಯಾಯಃ॥ 70 ॥

1-71-0 (3258) ವೈಶಂಪಾಯನ ಉವಾಚ। 1-71-0x (357) ಸಮಾವೃತವ್ರತಂ ತಂ ತು ವಿಸೃಷ್ಟಂ ಗುರುಣಾ ಕಚಂ। ಪ್ರಸ್ಥಿತಂ ತ್ರಿದಶಾವಾಸಂ ದೇವಯಾನ್ಯಬ್ರವೀದಿದಂ॥ 1-71-1 (3259) ಋಷೇರಂಗಿರಸಃ ಪೌತ್ರ ವೃತ್ತೇನಾಭಿಜನೇನ ಚ। ಭ್ರಾಜಸೇ ವಿದ್ಯಯಾ ಚೈವ ತಪಸಾ ಚ ದಮೇನ ಚ॥ 1-71-2 (3260) ಋಷಿರ್ಯಥಾಂಗಿರಾ ಮಾನ್ಯಃ ಪಿತುರ್ಮಮ ಮಹಾಯಶಾಃ। ತಥಾ ಪ್ರಾನ್ಯಶ್ಚ ಪೂಜ್ಯಶ್ಚ ಮಮ ಭೂಯೋ ಬೃಹಸ್ಪತಿಃ॥ 1-71-3 (3261) ಏವಂ ಜ್ಞಾತ್ವಾ ವಿಜಾನೀಹಿ ಯದ್ಬ್ರವೀಮಿ ತಪೋಧನ। ವ್ರತಸ್ಥೇ ನಿಯಮೋಪೇತೇ ಯಥಾ ವರ್ತಾಂಯಹಂ ತ್ವಯಿ॥ 1-71-4 (3262) ಸ ಸಮಾವೃತವಿದ್ಯೋ ಮಾಂ ಭಕ್ತಾಂ ಭಜಿತುಮರ್ಹಸಿ। ಗೃಹಾಣ ಪಾಣಿಂ ವಿಧಿವನ್ಮಮ ಮಂತ್ರಪುರಸ್ಕೃತಂ॥ ಕಚ ಉವಾಚ। 1-71-5 (3263) ಪೂಜ್ಯೋ ಮಾನ್ಯಶ್ಚ ಭಗವಾನ್ಯಥಾ ತವ ಪಿತಾ ಮಮ। ತಥಾ ತ್ವಮನವದ್ಯಾಂಗಿ ಪೂಜನೀಯತರಾ ಮಮ॥ 1-71-6 (3264) ಪ್ರಾಣೇಭ್ಯೋಽಪಿ ಪ್ರಿಯತರಾ ಭಾರ್ಗವಸ್ಯ ಮಹಾತ್ಮನಃ। ತ್ವಂ ಭತ್ರೇ ಧರ್ಮತಃ ಪೂಜ್ಯಾ ಗುರುಪುತ್ರೀ ಸದಾ ಮಮ॥ 1-71-7 (3265) ಯಥಾ ಮಮ ಗುರುರ್ನಿತ್ಯಂ ಮಾನ್ಯಃ ಶುಕ್ರಃ ಪಿತಾ ತವ। ದೇವಯಾನಿ ತಥೈವ ತ್ವಂ ನೈವಂ ಮಾಂ ವಕ್ತುಮರ್ಹಸಿ॥ 1-71-8 (3266) ದೇವಯಾನ್ಯುವಾಚ। 1-71-9x (358) ಗುರುಪುತ್ರಸ್ಯ ಪುತ್ರೋ ವೈ ನ ತ್ವಂ ಪುತ್ರಶ್ಚ ಮೇ ಪಿತುಃ। ತಸ್ಮಾತ್ಪೂಜ್ಯಶ್ಚ ಮಾನ್ಯಶ್ಚ ಮಮಾಪಿ ತ್ವಂ ದ್ವಿಜೋತ್ತಮ॥ 1-71-9 (3267) ಅಸುರೈರ್ಹನ್ಯಮಾನೇ ಚ ಕಚ ತ್ವಯಿ ಪುನಃಪುನಃ। ತದಾಪ್ರಭೃತಿ ಯಾ ಪ್ರೀತಿಸ್ತಾಂ ತ್ವಮದ್ಯ ಸ್ಮರಸ್ವ ಮೇ॥ 1-71-10 (3268) ಸೌಹಾರ್ದೇ ಚಾನುರಾಗೇ ಚ ವೇತ್ಥ ಮೇ ಭಕ್ತಿಮುತ್ತಮಾಂ। ನ ಮಾಮರ್ಹಸಿ ಧರ್ಮಜ್ಞ ತ್ಯಕ್ತುಂ ಭಕ್ತಾಮನಾಗಸಂ॥ 1-71-11 (3269) ಕಚ ಉವಾಚ। 1-71-12x (359) ಅನಿಯೋಜ್ಯೇ ನಿಯೋಕ್ತುಂ ಮಾಂ ದೇವಯಾನಿ ನ ಚಾರ್ಹಸಿ। ಪ್ರಸೀದ ಸುಭ್ರು ತ್ವಂ ಮಹ್ಯಂ ಗುರೋರ್ಗುರುತರಾ ಶುಭೇ॥ 1-71-12 (3270) ಯತ್ರೋಷಿತಂ ವಿಶಾಲಾಕ್ಷಿ ತ್ವಯಾ ಚಂದ್ರನಿಭಾನನೇ। ತತ್ರಾಹಮುಷಿತೋ ಭದ್ರೇ ಕುಕ್ಷೌ ಕಾವ್ಯಸ್ಯ ಭಾಮಿನಿ॥ 1-71-13 (3271) ಭಗಿನೀ ಧರ್ಮತೋ ಮೇ ತ್ವಂ ಮೈವಂ ವೋಚಃ ಸುಮಧ್ಯಮೇ। ಸುಖಮಸ್ಂಯುಷಿತೋ ಭದ್ರೇ ನ ಮನ್ಯುರ್ವಿದ್ಯತೇ ಮಮ॥ 1-71-14 (3272) ಆಪೃಚ್ಛೇ ತ್ವಾಂ ಗಮಿಷ್ಯಾಮಿ ಶಿವಮಾಶಂಸ ಮೇ ಪಥಿ। ಅವಿರೋಧೇನ ಧರ್ಮಸ್ಯ ಸ್ಮರ್ತವ್ಯೋಽಸ್ಮಿ ಕಥಾಂತರೇ। ಅಪ್ರಮತ್ತೋತ್ಥಿತಾ ನಿತ್ಯಮಾರಾಧಯ ಗುರುಂ ಮಮ॥ 1-71-15 (3273) ದೇವಯಾನ್ಯುವಾಚ। 1-71-16x (360) ಯದಿ ಮಾಂ ಧರ್ಮಕಾಮಾರ್ಥೇ ಪ್ರತ್ಯಾಖ್ಯಾಸ್ಯಸಿ ಯಾಚಿತಃ। ತತಃ ಕಚ ನ ತೇ ವಿದ್ಯಾ ಸಿದ್ಧಿಮೇಷಾ ಗಮಿಷ್ಯತಿ॥ 1-71-16 (3274) ಕಚ ಉವಾಚ। 1-71-17x (361) ಗುರುಪುತ್ರೀತಿ ಕೃತ್ವಾಽಹಂ ಪ್ರತ್ಯಾಚಕ್ಷೇ ನ ದೋಷತಃ। ಗುರುಣಾ ಚಾನನುಜ್ಞಾತಃ ಕಾಮಮೇವಂ ಶಪಸ್ವ ಮಾಂ॥ 1-71-17 (3275) ಆರ್ಷಂ ಧರ್ಮಂ ಬ್ರುವಾಣೋಽಹಂ ದೇವಯಾನಿ ಯಥಾ ತ್ವಯಾ। ಶಪ್ತೋ ಹ್ಯನರ್ಹಃ ಶಾಪಸ್ಯ ಕಾಮತೋಽದ್ಯ ನ ಧರ್ಮತಃ॥ 1-71-18 (3276) ತಸ್ಮಾದ್ಭವತ್ಯಾ ಯಃ ಕಾಮೋ ನ ತಥಾ ಸ ಭವಿಷ್ಯತಿ। ಋಷಿಪುತ್ರೋ ನ ತೇ ಕಶ್ಚಿಜ್ಜಾತು ಪಾಣಿಂ ಗ್ರಹೀಷ್ಯತಿ॥ 1-71-19 (3277) ಫಲಿಷ್ಯತಿ ನ ತೇ ವಿದ್ಯಾ ಯತ್ತ್ವಂ ಮಾಮಾತ್ಥ ತತ್ತಥಾ। ಅಧ್ಯಾಪಯಿಷ್ಯಾಮಿ ತು ಯಂ ತಸ್ಯ ವಿದ್ಯಾ ಫಲಿಷ್ಯತಿ॥ 1-71-20 (3278) ವೈಶಂಪಾಯನ ಉವಾಚ। 1-71-21x (362) ಏವಮುಕ್ತ್ವಾ ದ್ವಿಜಶ್ರೇಷ್ಠೋ ದೇವಯಾನೀಂ ಕಚಸ್ತದಾ। ತ್ರಿದಶೇಶಾಲಯಂ ಶೀಘ್ರಂ ಜಗಾಮ ದ್ವಿಜಸತ್ತಮಃ॥ 1-71-21 (3279) ತಮಾಗತಮಭಿಪ್ರೇಕ್ಷ್ಯ ದೇವಾ ಇಂದ್ರಪುರೋಗಮಾಃ। ಬೃಹಸ್ಪತಿಂ ಸಭಾಜ್ಯೇದಂ ಕಚಂ ವಚನಮಬ್ರುವನ್॥ 1-71-22 (3280) ದೇವಾ ಊಚುಃ। 1-71-23x (363) ಯತ್ತ್ವಯಾಸ್ಮದ್ಧಿತಂ ಕರ್ಮ ಕೃತಂ ವೈ ಪರಮಾದ್ಭುತಂ। ನ ತೇ ಯಶಃ ಪ್ರಣಶಿತಾ ಭಾಗಭಾಕ್ವ ಭವಿಷ್ಯಸಿ॥ ॥ 1-71-23 (3281) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಏಕಸಪ್ತತಿತಮೋಽಧ್ಯಾಯಃ॥ 71 ॥

1-72-0 (3282) ವೈಶಂಪಾಯನ ಉವಾಚ। 1-72-0x (364) ಕೃತವಿದ್ಯೇ ಕಚೇ ಪ್ರಾಪ್ತೇ ಹೃಷ್ಟರೂಪಾ ದಿವೌಕಸಃ। ಕಚಾದಧೀತ್ಯ ತಾಂ ವಿದ್ಯಾಂ ಕೃತಾರ್ಥಾ ಭರತರ್ಷಭ॥ 1-72-1 (3283) ಸರ್ವ ಏವ ಸಮಾಗಂಯ ಶತಕ್ರತುಮಥಾಬ್ರುವನ್। ಕಾಲಸ್ತೇ ವಿಕ್ರಮಸ್ಯಾದ್ಯ ಜಹಿ ಶತ್ರೂನ್ಪುರಂದರ॥ 1-72-2 (3284) ವೈಶಂಪಾಯನ ಉವಾಚ। 1-72-3x (365) ಏವಮುಕ್ತಸ್ತು ಸಹಿತೈಸ್ತ್ರಿದಶೈರ್ಮಘವಾಂಸ್ತದಾ। ತಥೇತ್ಯುಕ್ತ್ವಾ ಪ್ರಚಕ್ರಾಮ ಸೋಽಪಶ್ಯತ ವನೇ ಸ್ತ್ರಿಯಃ॥ 1-72-3 (3285) ಕ್ರೀಡಂತೀನಾಂ ತು ಕನ್ಯಾನಾಂ ವನೇ ಚೈತ್ರರಥೋಪಮೇ। ವಾಯುಭೂತಃ ಸ ವಸ್ತ್ರಾಣಿ ಸರ್ವಾಣ್ಯೇವ ವ್ಯಮಿಶ್ರಯತ್॥ 1-72-4 (3286) ತತೋ ಜಲಾತ್ಸಮುತ್ತೀರ್ಯ ಕನ್ಯಾಸ್ತಾಃ ಸಹಿತಾಸ್ತದಾ। ವಸ್ತ್ರಾಣಿ ಜಗೃಹುಸ್ತಾನಿ ಯಥಾಽಽಸನ್ನಾನ್ಯನೇಕಶಃ॥ 1-72-5 (3287) ತತ್ರ ವಾಸೋ ದೇವಯಾನಯಾಃ ಶರ್ಮಿಷ್ಠಾ ಜಗೃಹೇ ತದಾ। ವ್ಯತಿಮಿಶ್ರಮಜಾನಂತೀ ದುಹಿತಾ ವೃಷಪರ್ವಣಃ॥ 1-72-6 (3288) ತತಸ್ತಯೋರ್ಮಿಥಸ್ತತ್ರ ವಿರೋಧಃ ಸಮಜಾಯತ। ದೇವಯಾನ್ಯಾಶ್ಚ ರಾಜೇಂದ್ರ ಶರ್ಮಿಷ್ಠಾಯಾಶ್ಚ ತತ್ಕೃತೇ॥ 1-72-7 (3289) ದೇವಯಾನ್ಯುವಾಚ। 1-72-8x (366) ಕಸ್ಮಾದ್ಗೃಹ್ಣಾಸಿ ಮೇ ವಸ್ತ್ರಂ ಶಿಷ್ಯಾ ಭೂತ್ವಾ ಮಮಾಸುರಿ। ಸಮುದಾಚಾರಹೀನಾಯಾ ನ ತೇ ಸಾಧು ಭವಿಷ್ಯತಿ॥ 1-72-8 (3290) ಸರ್ಮಿಷ್ಠೋವಾಚ। 1-72-9x (367) ಆಸೀನಂ ಚ ಶಯಾನಂ ಚ ಪಿತಾ ತೇ ಪಿತರಂ ಮಮ। ಸ್ತೌತಿಬಂದೀವ ಚಾಭೀಕ್ಷ್ಣಂ ನೀಚೈಃ ಸ್ಥಿತ್ವಾ ವಿನೀತವತ್॥ 1-72-9 (3291) ಯಾಚತಸ್ತ್ವಂ ಹಿ ದುಹಿತಾ ಸ್ತುವತಃ ಪ್ರತಿಗೃಹ್ಣತಃ। ಸುತಾಹಂ ಸ್ತೂಯಮಾನಸ್ಯ ದದತೋಽಪ್ರತಿಗೃಹ್ಣತಃ॥ 1-72-10 (3292) ಆದುನ್ವಸ್ವ ವಿದುನ್ವಸ್ವ ದ್ರುಹ್ಯ ಕುಪ್ಯಸ್ವ ಯಾಚಕಿ। ಅನಾಯುಧಾ ಸಾಯುಧಾಯಾ ರಿಕ್ತಾ ಕ್ಷುಭ್ಯಸಿ ಭಿಕ್ಷುಕಿ॥ 1-72-11 (3293) ಲಪ್ಸ್ಯಸೇ ಪ್ರತಿಯೋದ್ಧಾರಂ ನ ಹಿ ತ್ವಾಂ ಗಣಯಾಂಯಹಂ। `ಪ್ರತಿಕೂಲಂ ವದಸಿ ಚೇದಿತಃಪ್ರಭೃತಿ ಯಾಚಕಿ॥' 1-72-12 (3294) ವೈಶಂಪಾಯನ ಉವಾಚ। 1-72-13x (368) ಸಮುಚ್ಛ್ರಯಂ ದೇವಯಾನೀಂ ಗತಾಂ ಸಕ್ತಾಂ ಚ ವಾಸಸಿ। ಶರ್ಮಿಷ್ಠಾ ಪ್ರಾಕ್ಷಿಪತ್ಕೂಪೇ ತತಃ ಸ್ವಪುರಮಾಗಮತ್। ಹತೇಯಮಿತಿ ವಿಜ್ಞಾಯ ಶರ್ಮಿಷ್ಠಾ ಪಾಪನಿಶ್ಚಯಾ॥ 1-72-13 (3295) ಅನವೇಕ್ಷ್ಯ ಯಯೌ ವೇಶ್ಮ ಕ್ರೋಧವೇಗಪರಾಯಣಾ। `ಪ್ರವಿಶ್ಯ ಸ್ವಗೃಹಂ ಸ್ವಸ್ಥಾ ಧರ್ಮಮಾಸುರಮಾಸ್ಥಿತಾ।' ಅಥ ತಂ ದೇಶಮಭ್ಯಾಗಾದ್ಯಯಾತಿರ್ನಹುಷಾತ್ಮಜಃ॥ 1-72-14 (3296) ಶ್ರಾಂತಯುಗ್ಯಃ ಶ್ರಾಂತಹಯೋ ಮೃಗಲಿಪ್ಸುಃ ಪಿಪಾಸಿತಃ। ಸ ನಾಹುಷಃ ಪ್ರೇಕ್ಷಮಾಣ ಉದಪಾನಂ ಗತೋದಕಂ॥ 1-72-15 (3297) ದದರ್ಶ ರಾಜಾ ತಾಂ ತತ್ರ ಕನ್ಯಾಮಗ್ನಿಶಿಖಾಮಿವ। ತಾಮಪೃಚ್ಛತ್ಸ ದೃಷ್ಟ್ವೈವ ಕನ್ಯಾಮಮರವರ್ಣಿನೀಂ॥ 1-72-16 (3298) ಸಾಂತ್ವಯಿತ್ವಾ ನೃಪಶ್ರೇಷ್ಠಃ ಸಾಂನಾ ಪರಮವಲ್ಗುನಾ। ಕಾ ತ್ವಂ ತಾಂರನಖೀ ಶ್ಯಾಮಾ ಸುಮೃಷ್ಟಮಣಿಕುಂಡಲಾ॥ 1-72-17 (3299) ದೀರ್ಘಂ ಧ್ಯಾಯಸಿ ಚಾತ್ಯರ್ಥಂ ಕಸ್ಮಾಚ್ಛ್ವಸಿಷಿ ಚಾತುರಾ। ಕಥಂ ಚ ಪತಿತಾಽಸ್ಯಸ್ಮಿನ್ಕೂಪೇ ವೀರುತ್ತೃಣಾವೃತೇ॥ 1-72-18 (3300) ದುಹಿತಾ ಚೈವ ಕಸ್ಯ ತ್ವಂ ವದ ಸತ್ಯಂ ಸುಮಧ್ಯಮೇ। 1-72-19 (3301) ದೇವಯಾನ್ಯುವಾಚ। ಯೋಽಸೌ ದೇವೈರ್ಹತಾಂದೈತ್ಯಾನುತ್ಥಾಪಯತಿ ವಿದ್ಯಯಾ॥ 1-72-20x (369) ತಸ್ಯ ಶುಕ್ರಸ್ಯ ಕನ್ಯಾಹಂ ಸ ಮಾಂ ನೂನಂ ನ ಬುಧ್ಯತೇ। ಏಷ ಮೇ ದಕ್ಷಿಣೋ ರಾಜನ್ಪಾಣಿಸ್ತಾಂರನಖಾಂಗುಲಿಃ॥ 1-72-20 (3302) ಸಮುದ್ಧರ ಗೃಹೀತ್ವಾ ಮಾಂ ಕುಲೀನಸ್ತ್ವಂ ಹಿ ಮೇ ಮತಃ। ಜಾನಾಮಿ ಹಿ ತ್ವಾಂ ಸಂಶಾಂತಂ ವೀರ್ಯವಂತಂ ಯಶಸ್ವಿನಂ॥ 1-72-21 (3303) ತಸ್ಮಾನ್ಮಾಂ ಪತಿತಾಮಸ್ಮಾತ್ಕೂಪಾದುದ್ಧರ್ತುಮರ್ಹಸಿ। 1-72-22 (3304) ವೈಶಂಪಾಯನ ಉವಾಚ। ತಾಮಥೋ ಬ್ರಾಹ್ಮಣೀಂ ಕನ್ಯಾಂ ವಿಜ್ಞಾಯನಹುಷಾತ್ಮಜಃ॥ 1-72-22x (370) ಗೃಹೀತ್ವಾ ದಕ್ಷಿಣೇ ಪಾಣಾವುಜ್ಜಹಾರ ತತೋಽವಟಾತ್। ಉದ್ಧೃತ್ಯ ಚೈನಾಂ ತರಸಾ ತಸ್ಮಾತ್ಕೂಪಾನ್ನರಾಧಿಪಃ॥ 1-72-23 (3305) `ಯಯಾತಿರುವಾಚ। 1-72-24x (371) ಗಚ್ಛ ಭದ್ರೇ ಯಥಾಕಾಮಂ ನ ಭಯಂ ವಿದ್ಯತೇ ತವ। ಇತ್ಯುಚ್ಯಮಾನಾ ನೃಪತಿಂ ದೇವಯಾನೀದಮುತ್ತರಂ॥ 1-72-24 (3306) ಉವಾಚ ಮಾಮುಪಾದಾಯ ಗಚ್ಛ ಶೀಘ್ರಂ ಪ್ರಿಯೋ ಹಿ ಮೇ। ಗೃಹೀತಾಹಂ ತ್ವಯಾ ಪಾಣೌ ತಸ್ಮಾದ್ಭರ್ತಾ ಭವಿಷ್ಯಸಿ॥ 1-72-25 (3307) ಇತ್ಯೇವಮುಕ್ತೋ ನೃಪತಿರಾಹ ಕ್ಷತ್ರಕುಲೋದ್ಭವಃ। ತ್ವಂ ಭದ್ರೇ ಬ್ರಾಹ್ಮಣೀ ತಸ್ಮಾನ್ಮಯಾ ನಾರ್ಹಸಿ ಸಂಗಮಂ॥ 1-72-26 (3308) ಸರ್ವಲೋಕಗುರುಃ ಕಾವ್ಯಸ್ತ್ವಂ ತಸ್ಯ ದುಹಿತಾ ಶುಭೇ। ತಸ್ಮಾದಪಿ ಭಯಂ ಮೇಽದ್ಯ ತತಃ ಕಲ್ಯಾಣಿ ನಾರ್ಹಸಿ॥ 1-72-27 (3309) ದೇವಯಾನ್ಯುವಾಚ। 1-72-28x (372) ಯದಿ ಮದ್ವಚನಾನ್ನಾದ್ಯ ಮಾಂ ನೇಚ್ಛಸಿ ನರಾಧಿಪ। ತ್ವಾಮೇವ ವರಯೇ ಪಿತ್ರಾ ತಸ್ಮಾಲ್ಲಪ್ಸ್ಯಸಿ ಗಚ್ಛ ಹಿ॥ 1-72-28 (3310) ವೈಶಂಪಾಯನ ಉವಾಚ। 1-72-29x (373) ಆಮಂತ್ರಯಿತ್ವಾ ಸುಶ್ರೋಣೀಂ ಯಯಾತಿಃ ಸ್ವಪುರಂ ಯಯೌ। ಗತೇ ತು ನಾಹುಷೇ ತಸ್ಮಿಂದೇವಯಾನ್ಯಪ್ಯನಿಂದಿತಾ॥ 1-72-29 (3311) ಕ್ವಚಿದ್ಗತ್ವಾ ಚ ರುದತೀ ವೃಕ್ಷಮಾಶ್ರಿತ್ಯ ಧಿಷ್ಠಿತಾ। ತತಶ್ಚಿರಾಯಮಾಣಾಯಾಂ ದುಹಿತರ್ಯಥ ಭಾರ್ಗವಃ॥ 1-72-30 (3312) ಸಂಸ್ಮೃತ್ಯೋವಾಚ ಧಾತ್ರೀಂ ತಾಂ ದುಹಿತುಃ ಸ್ನೇಹವಿಕ್ಲವಃ। ಧಾತ್ರಿ ತ್ವಮಾನಯ ಕ್ಷಿಪ್ರಂ ದೇವಯಾನೀಂ ಸಮುಧ್ಯಮಾಂ॥ 1-72-31 (3313) ಇತ್ಯುಕ್ತಮಾತ್ರೇ ಸಾ ಧಾತ್ರೀ ತ್ವರಿತಾಽಽನಯಿತುಂ ಗತಾ। ಯತ್ರಯತ್ರ ಸಶೀಭಿಃ ಸಾ ಗತಾ ಪದಮಮಾರ್ಗತ॥ 1-72-32 (3314) ಸಾ ದದರ್ಶ ತಥಾ ದೀನಾಂ ಶ್ರಮಾರ್ತಾಂ ರುದತೀಂ ಸ್ಥಿತಾಂ। ವೃತ್ತಾಂತಂ ಕಿಮಿದಂ ಭದ್ರೇ ಶೀಘ್ರಂ ವದ ಪಿತಾಹ್ವಯತ್॥ 1-72-33 (3315) ಏವಮುಕ್ತಾಹ ಧಾತ್ರೀಂ ತಾಂ ಶರ್ಮಿಷ್ಠಾವೃಜಿನಂ ಕೃತಂ। ಉವಾಚ ಶೋಕಸಂತಪ್ತಾ ಘೂರ್ಣಿಕಾಮಾಗತಾಂ ಪುರಃ'॥ 1-72-34 (3316) ದೇವಯಾನ್ಯುವಾಚ। 1-72-35x (374) ತ್ವರಿತಂ ಘೂರ್ಣಿಕೇ ಗಚ್ಛ ಶೀಘ್ರಮಾಚಕ್ಷ್ವ ಮೇ ಪಿತುಃ॥ 1-72-35 (3317) ನೇದಾನೀಂ ಸಂಪ್ರವೇಕ್ಷ್ಯಾಮಿ ನಗರಂ ವೃಷಪರ್ವಣಃ। 1-72-36 (3318) ವೈಶಂಪಾಯನ ಉವಾಚ। ಸಾ ತತ್ರ ತ್ವರಿತಂ ಗತ್ವಾ ಘೂರ್ಣಿಕಾಽಸುರಮಂದಿರಂ॥ 1-72-36x (375) ದೃಷ್ಟ್ವಾ ಕಾವ್ಯಮುವಾಚೇದಂ ಸಂಭ್ರಮಾವಿಷ್ಟಚೇತನಾ। ಆಚಚಕ್ಷೇ ಮಹಾಪ್ರಾಜ್ಞಂ ದೇವಯಾನೀಂ ವನೇ ಹತಾಂ॥ 1-72-37 (3319) ಶರ್ಮಿಷ್ಠಯಾ ಮಹಾಭಾಗ ದುಹಿತ್ರಾ ವೃಷಪರ್ವಣಃ। ಶ್ರುತ್ವಾ ದುಹಿತರಂ ಕಾವ್ಯಸ್ತತ್ರ ಶರ್ಮಿಷ್ಠಯಾ ಹತಾಂ॥ 1-72-38 (3320) ತ್ವರಯಾ ನಿರ್ಯಯೌ ದುಃಖಾನ್ಮಾರ್ಗಮಾಣಃ ಸುತಾಂ ವನೇ। ದೃಷ್ಟ್ವಾ ದುಹಿತರಂ ಕಾವ್ಯೋ ದೇವಯಾನೀಂ ತತೋ ವನೇ॥ 1-72-39 (3321) ಬಾಹುಭ್ಯಾಂ ಸಂಪರಿಷ್ವಜ್ಯ ದುಃಖಿತೋ ವಾಕ್ಯಮಬ್ರವೀತ್। ಆತ್ಮದೋಷೈರ್ನಿಯಚ್ಛಂತಿ ಸರ್ವೇ ದುಃಖಸುಖೇ ಜನಾಃ॥ 1-72-40 (3322) ಮನ್ಯೇ ದುಶ್ಚರಿತಂ ತೇಽಸ್ತಿ ಯಸ್ಯೇಯಂ ನಿಷ್ಕೃತಿಃ ಕೃತಾ। 1-72-41 (3323) ದೇವಯಾನ್ಯುವಾಚ। ನಿಷ್ಕೃತಿರ್ಮೇಽಸ್ತು ವಾ ಮಾಸ್ತು ಶೃಣುಷ್ವಾವಹಿತೋ ಮಮ॥ 1-72-41x (376) ಶರ್ಮಿಷ್ಠಯಾ ಯದುಕ್ತಾಽಸ್ಮಿ ದುಹಿತ್ರಾ ವೃಷಪರ್ವಣಃ॥ ಸತ್ಯಂ ಕಿಲೈತತ್ಸಾ ಪ್ರಾಹ ದೈತ್ಯಾನಾಮಸಿ ಗಾಯನಃ॥ 1-72-42 (3324) ಏವಂ ಹಿ ಮೇ ಕಥಯತಿ ಶರ್ಮಿಷ್ಠಾ ವಾರ್ಷಪರ್ವಣೀ। ವಚನಂ ತೀಕ್ಷ್ಣಪರುಷಂ ಕ್ರೋಧರಕ್ತೇಕ್ಷಣಾ ಭೃಶಂ॥ 1-72-43 (3325) ಸ್ತುವತೋ ದುಹಿತಾ ನಿತ್ಯಂ ಯಾಚತಃ ಪ್ರತಿಗೃಹ್ಣತಃ। ಅಹಂ ತು ಸ್ತೂಯಮಾನಸ್ಯ ದದತೋಽಪ್ರತಿಗೃಹ್ಣತಃ॥ 1-72-44 (3326) ಇದಂ ಮಾಮಾಹ ಶರ್ಮಿಷ್ಠಾ ದುಹಿತಾ ವೃಷಪರ್ವಣಃ। ಕ್ರೋಧಸಂರಕ್ತನಯನಾ ದರ್ಪಪೂರ್ಣಾ ಪುನಃ ಪುನಃ॥ 1-72-45 (3327) ಯದ್ಯಹ ಸ್ತುವತಸ್ತಾತ ದುಹಿತಾ ಪ್ರತಿಗೃಹ್ಣತಃ। ಪ್ರಸಾದಯಿಷ್ಯೇ ಶರ್ಮಿಷ್ಠಾಮಿತ್ಯುಕ್ತಾ ತು ಸಖೀ ಮಯಾ॥ 1-72-46 (3328) `ಉಕ್ತಾಪ್ಯೇವಂ ಭೃಶಂ ಮಾಂ ಸಾ ನಿಗೃಹ್ಯ ವಿಜನೇ ವನೇ। ಕೂಪೇ ಪ್ರಕ್ಷೇಪಯಾಮಾಸ ಪ್ರಕ್ಷಿಪ್ಯ ಗೃಹಮಾಗಮತ್॥' 1-72-47 (3329) ಶುಕ್ರ ಉವಾಚ। 1-72-48x (377) ಸ್ತುವತೋ ದುಹಿತಾ ನ ತ್ವಂ ಯಾಚತಃ ಪ್ರತಿಗೃಹ್ಣತಃ। ಅಸ್ತೋತುಃ ಸ್ತೂಯಮಾನಸ್ಯ ದುಹಿತಾ ದೇವಯಾನ್ಯಸಿ॥ 1-72-48 (3330) ವೃಷಪರ್ವೈವ ತದ್ವೇದ ಶಕ್ರೋ ರಾಜಾ ಚ ನಾಹುಷಃ। ಅಚಿಂತ್ಯಂ ಬ್ರಹ್ಮ ನಿರ್ದ್ವಂದ್ವಮೈಶ್ವರಂ ಹಿ ಬಲಂ ಮಮ॥ 1-72-49 (3331) `ಜಾನಾಮಿ ಜೀವಿನೀಂ ವಿದ್ಯಾಂ ಲೋಕೇಸ್ಮಿಞ್ಶಾಶ್ವತೀಂ ಧ್ರುವಂ। ಮೃತಃ ಸಂಜೀವತೇ ಜಂತುರ್ಯಯಾ ಕಮಲಲೋಚನೇ॥ 1-72-50 (3332) ಕತ್ಥನಂ ಸ್ವಗುಣಾನಾಂ ಚ ಕೃತ್ವಾ ತಪ್ಯತಿ ಸಜ್ಜನಃ। ತತೋ ವಕ್ತುಮಶಕ್ತೋಽಸ್ಮಿತ್ವಂ ಮೇ ಜಾನಾಸಿ ಯದ್ಬಲಂ॥ 1-72-51 (3333) ತಸಮಾದುತ್ತಿಷ್ಠ ಗಚ್ಛಾಮಃ ಸ್ವಗೃಹಂ ಕುಲನಂದಿನಿ। ಕ್ಷಮಾಂ ಕೃತ್ವಾ ವಿಶಾಲಾಕ್ಷಿ ಕ್ಷಮಾಸಾರಾ ಹಿ ಸಾಧವಃ'॥ 1-72-52 (3334) ಯಚ್ಚ ಕಿಂಚಿತ್ಸರ್ವಗತಂ ಭೂಮೌ ವಾ ಯದಿ ವಾ ದಿವಿ। ತಸ್ಯಾಹಮೀಶ್ವರೋ ನಿತ್ಯಂ ತುಷ್ಟೇನೋಕ್ತಃ ಸ್ವಯಂಭುವಾ॥ 1-72-53 (3335) ಅಹಂ ಜಲಂ ವಿಮುಂಚಾಮಿ ಪ್ರಜಾನಾಂ ಹಿತಕಾಂಯಯಾ। ಪುಷ್ಣಾಂಯೌಷಧಯಃ ಸರ್ವಾ ಇತಿ ಸತ್ಯಂ ಬ್ರವೀಮಿ ತೇ॥ 1-72-54 (3336) ವೈಶಂಪಾಯನ ಉವಾಚ। 1-72-55x (378) ಏವಂ ವಿಷಾದಮಾಪನ್ನಾಂ ಮನ್ಯುನಾ ಸಂಪ್ರಪೀಡಿತಾಂ। ವಚನೈರ್ಮಧುರೈಃ ಶ್ಲಕ್ಷ್ಣೈಃ ಸಾಂತ್ವಯಾಮಾಸ ತಾಂ ಪಿತಾ॥ ॥ 1-72-55 (3337) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ದ್ವಿಸಪ್ತತಿತಮೋಽಧ್ಯಾಯಃ॥ 72 ॥

1-73-0 (3338) ಶುಕ್ರ ಉವಾಚ। 1-73-0x (379) ಯಃ ಪರೇಷಾಂ ನರೋ ನಿತ್ಯಮತಿವಾದಾಂಸ್ತಿತಿಕ್ಷತೇ। ದೇವಯಾನಿ ವಿಜಾನೀಹಿ ತೇನ ಸರ್ವಮಿದಂ ಜಿತಂ॥ 1-73-1 (3339) ಯಃ ಸಮುತ್ಪತಿತಂ ಕ್ರೋಧಂ ನಿಗೃಹ್ಣಾತಿ ಇಯಂ ಯಥಾ। ಸ ಯಂತೇತ್ಯುಚ್ಯತೇ ಸದ್ಭಿರ್ನ ಯೋ ರಶ್ಮಿಷು ಲಂಬತೇ॥ 1-73-2 (3340) ಯಃ ಸಮುತ್ಪತಿತಂ ಕ್ರೋಧಮಕ್ರೋಧೇನ ನಿರಸ್ಯತಿ। ದೇವಯಾನಿ ವಿಜಾನೀಹಿ ತೇನ ಸರ್ವಮಿದಂ ಜಿತಂ॥ 1-73-3 (3341) ಯಃ ಸಮುತ್ಪತಿತಂ ಕ್ರೋಧಂ ಕ್ಷಮಯೇಹ ನಿರಸ್ಯತಿ। ಯಥೋರಗಸ್ತ್ವಚಂ ಜೀರ್ಣಾಂ ಸ ವೈ ಪುರುಷ ಉಚ್ಯತೇ॥ 1-73-4 (3342) ಯಃ ಸಂಧಾರಯತೇ ಮನ್ಯುಂ ಯೋಽತಿವಾದಾಂಸ್ತಿತಿಕ್ಷತೇ। ಯಶ್ಚ ತಪ್ತೋ ನ ತಪತಿ ದೃಢಂ ಸೋಽರ್ಥಸ್ಯ ಭಾಜನಂ॥ 1-73-5 (3343) ಯೋ ಯಜೇದಪರಿಶ್ರಾಂತೋ ಮಾಸಿಮಾಸಿ ಶತಂ ಸಮಾಃ। ನ ಕ್ರುದ್ಧ್ಯೇದ್ಯಶ್ಚ ಸರ್ವಸ್ಯ ತಯೋರಕ್ರೋಧನೋಽಧಿಕಃ॥ 1-73-6 (3344) `ತಸ್ಮಾದಕ್ರೋಧನಃ ಶ್ರೇಷ್ಠಃ ಕಾಮಕ್ರೋಧೌ ವಿಗರ್ಹಿತೌ। ಕ್ರುದ್ಧಸ್ಯ ನಿಷ್ಫಲಾನ್ಯೇವ ದಾನಯಜ್ಞತಪಾಂಸಿ ಚ॥ 1-73-7 (3345) ತಸ್ಮಾದಕ್ರೋಧನೇ ಯಜ್ಞತಪೋದಾನಫಲಂ ಮಹತ್। ಭವೇದಸಂಶಯಂ ಭದ್ರೇ ನೇತರಸ್ಮಿನ್ಕದಾಚನ॥ 1-73-8 (3346) ನ ಯತಿರ್ನ ತಪಸ್ವೀ ಚ ನ ಯಜ್ವಾ ನ ಚ ಧರ್ಮಭಾಕ್। ಕ್ರೋಧಸ್ಯ ಯೋ ವಶಂ ಗಚ್ಛೇತ್ತಸ್ಯ ಲೋಕದ್ವಯಂ ನ ಚ॥ 1-73-9 (3347) ಪುತ್ರೋ ಭೃತ್ಯಃ ಸುಹೃದ್ಭ್ರಾತಾ ಭಾರ್ಯಾ ಧರ್ಮಶ್ಚ ಸತ್ಯತಾ। ತಸ್ಯೈತಾನ್ಯಪಯಾಸ್ಯಂತಿ ಕ್ರೋಧಶೀಲಸ್ಯ ನಿಶ್ಚಿತಂ॥ 1-73-10 (3348) ಯತ್ಕುಮಾರಾಃ ಕುಮಾರ್ಯಶ್ಚ ವೈರಂ ಕುರ್ಯುರಚೇತಸಃ। ನ ತತ್ಪ್ರಾಜ್ಞೋಽನುಕುರ್ವೀತ ನ ವಿದುಸ್ತೇ ಬಲಾಬಲಂ॥ 1-73-11 (3349) ದೇವಯಾನ್ಯುವಾಚ। 1-73-12x (380) ವೇದಾಹಂ ತಾತ ಬಾಲಾಽಪಿ ಧರ್ಮಾಣಾಂ ಯದಿಹಾಂತರಂ। ಅಕ್ರೋಧೇ ಚಾತಿವಾದೇ ಚ ವೇದ ಚಾಪಿ ಬಲಾಬಲಂ॥ 1-73-12 (3350) `ಸ್ವವೃತ್ತಿಮನನುಷ್ಠಾಯ ಧರ್ಮಮುತ್ಸೃಜ್ಯ ತತ್ತ್ವತಃ।' ಶಿಷ್ಯಸ್ಯಾಶಿಷ್ಯವೃತ್ತೇಸ್ತು ನ ಕ್ಷಂತವ್ಯಂ ಬುಭೂಷತಾ॥ 1-73-13 (3351) `ಪ್ರೇಷ್ಯಃ ಶಿಷ್ಯಃ ಸ್ವವೃತ್ತಿಂ ಹಿ ವಿಸೃಜ್ಯ ವಿಫಲಂ ಗತಃ।' ತಸ್ಮಾತ್ಸಂಕೀರ್ಣವೃತ್ತೇಷು ವಾಸೋ ಮಮ ನ ರೋಚತೇ॥ 1-73-14 (3352) ಪುಮಾಂಸೋ ಯೇ ಹಿ ನಿಂದಂತಿ ವೃತ್ತೇನಾಭಿಜನೇನ ಚ। ನ ತೇಷು ನಿವಸೇತ್ಪ್ರಾಜ್ಞಃ ಶ್ರೇಯೋಽರ್ಥೀ ಪಾಪಬುದ್ಧಿಷು॥ 1-73-15 (3353) ಯೇ ತ್ವೇನಮಭಿಜಾನಂತಿ ವೃತ್ತೇನಾಭಿಜನೇನ ವಾ। ತೇಷು ಸಾಧುಷು ವಸ್ತವ್ಯಂ ಸ ವಾಸಃ ಶ್ರೇಷ್ಠ ಉಚ್ಯತೇ॥ 1-73-16 (3354) `ಸುಯಂತ್ರಿತಪರಾ ನಿತ್ಯಂ ವಿಹೀನಾಶ್ಚ ಧನೈರ್ವರಾಃ। ದುರ್ವೃತ್ತಾಃ ಪಾಪಕರ್ಮಾಣಶ್ಚಂಡಾಲಾ ಧನಿನೋಪಿ ಚ॥ 1-73-17 (3355) ನೈವ ಜಾತ್ಯಾ ಹಿ ಚಂಡಾಲಾಃ ಸ್ವಕರ್ಮವಿಹಿತೈರ್ವಿನಾ। ಧನಾಭಿಜನವಿದ್ಯಾಸು ಸಕ್ತಾಶ್ಚಂಡಾಲಧರ್ಮಿಣಃ॥ 1-73-18 (3356) ಅಕಾರಣಾಶ್ಚ ದ್ವೇಷ್ಯಂತಿ ಪರಿವಾದಂ ವದಂತಿ ತೇ। ಸಾಧೋಸ್ತತ್ರ ನ ವಾಸೋಸ್ತಿ ಪಾಪಿಭಿಃ ಪಾಪತಾಂ ವ್ರಜೇತ್॥ 1-73-19 (3357) ಸುಕೃತೇ ದುಷ್ಕೃತೇ ವಾಪಿ ಯತ್ರ ಸಜ್ಜತಿ ಯೋ ನರಃ। ಧ್ರುವಂ ರತಿರ್ಭವೇತ್ತಸ್ಯ ತಸ್ಮಾದ್ದ್ವೇಷಂ ನ ರೋಚಯೇತ್॥' 1-73-20 (3358) ವಾಗ್ದುರುಕ್ತಂ ಮಹಾಘೋರಂ ದುಹಿತುರ್ವೃಷಪರ್ವಣಃ। ಮಮ ಮಥ್ನಾತಿ ಹೃದಯಮಗ್ನಿಕಾಮ ಇವಾರಣಿಂ॥ 1-73-21 (3359) ನ ಹ್ಯತೋ ದುಷ್ಕರತರಂ ಮನ್ಯೇ ಲೋಕೇಷ್ವಪಿ ತ್ರಿಷು। ಯಃ ಸಪತ್ನಶ್ರಿಯಂ ದೀಪ್ತಾಂ ಹೀನಶ್ರೀಃ ಪರ್ಯುಪಾಸತೇ॥ 1-73-22 (3360) ಮರಣಂ ಶೋಭನಂ ತಸ್ಯ ಇತಿ ವಿದ್ವಜ್ಜನಾ ವಿದುಃ। `ಅವಮಾನಮವಾಪ್ನೋತಿ ಶನೈರ್ನೀಚಸಮಾಗಮಾತ್॥ 1-73-23 (3361) ಅತಿವಾದಾ ವಕ್ತ್ರತೋ ನಿಃಸರಂತಿ ಯೈರಾಹತಃ ಶೋಚತಿ ರಾತ್ರ್ಯಹಾನಿ। ಪರಸ್ಯ ವೈ ಮರ್ಮಸು ತೇ ಪತಂತಿ ತಸ್ಮಾದ್ಧೀರೋ ನೈವ ಮುಚ್ಯೇತ್ಪರೇಷು॥ 1-73-24 (3362) ನಿರೋಹೇದಾಯುಧೈಶ್ಛಿನ್ನಂ ಸಂರೋಹೇದ್ದಗ್ಧಮಾಗ್ನಿನಾ। ವಾಕ್ಕ್ಷತಂ ಚ ನ ಸಂರೋಹೇದಾಶರೀರಂ ಶರೀರಿಣಾಂ॥ 1-73-25 (3363) ಸಂರೋಹಿತ ಶರೈರ್ವಿದ್ಧಂ ನವಂ ಪರಶುನಾ ಹತಂ। ವಾಚಾ ದುರುಕ್ತಂ ಬೀಭತ್ಸಂ ನ ಸಂರೋಹೇತ ವಾಕ್ಕ್ಷತಂ'॥ ॥ 1-73-26 (3364) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ತ್ರಿಸಪ್ತತಿತಮೋಽಧ್ಯಾಯಃ॥ 73 ॥

1-74-0 (3365) ವೈಶಂಪಾಯನ ಉವಾಚ। 1-74-0x (381) ತತಃ ಕಾವ್ಯೋ ಭೃಗುಶ್ರೇಷ್ಠಃ ಸಮನ್ಯುರುಪಗಂಯ ಹ। ವೃಷಪರ್ವಾಣಮಾಸೀನಮಿತ್ಯುವಾಚಾವಿಚಾರಯನ್॥ 1-74-1 (3366) ನಾಧರ್ಮಶ್ಚರಿತೋ ರಾಜನ್ಸದ್ಯಃ ಫಲತಿ ಗೌರಿವ। ಶನೈರಾವರ್ತ್ಯಮಾನೋ ಹಿ ಕರ್ತುರ್ಮೂಲಾನಿ ಕೃಂತತಿ॥ 1-74-2 (3367) ಪುತ್ರೇಷು ವಾ ನಪ್ತೃಷು ವಾ ನ ಚೇದಾತ್ಮನಿ ಪಶ್ಯತಿ। ಫಲತ್ಯೇವ ಧ್ರುವಂ ಪಾಯಂ ಗುರುಭುಕ್ತಮಿವೋದರೇ॥ 1-74-3 (3368) `ಅಧೀಯಾನಂ ಹಿತಂ ರಾಜನ್ಕ್ಷಮಾವಂತಂ ಜಿತೇಂದ್ರಿಯಂ।' ಯದಘಾತಯಥಾ ವಿಪ್ರಂ ಕಚಮಾಂಗಿರಸಂ ತದಾ। ಅಪಾಪಶೀಲಂ ಧರ್ಮಜ್ಞಂ ಶುಶ್ರೂಷುಂ ಮದ್ಗೃಹೇ ರತಂ॥ 1-74-4 (3369) `ಶರ್ಮಿಷ್ಠಯಾ ದೇವಯಾನೀ ಕ್ರೂರಮುಕ್ತಾ ಬಹು ಪ್ರಭೋ। ವಿಪ್ರಕೃತ್ಯ ಚ ಸಂರಂಭಾತ್ಕೂಪೇ ಕ್ಷಿಪ್ತಾ ಮನಸ್ವಿನೀ॥ 1-74-5 (3370) ಸಾ ನ ಕಲ್ಪೇತ ವಾಸಾಯ ತಯಾಹಂ ರಹಿತಃ ಕಥಂ। ವಸೇಯಮಿಹ ತಸ್ಮಾತ್ತೇ ತ್ಯಜಾಮಿ ವಿಷಯಂ ನೃಪ॥' 1-74-6 (3371) ವಧಾದನರ್ಹತಸ್ತಸ್ಯ ವಧಾಚ್ಚ ದುಹಿತುರ್ಮಮ। ವಷಪರ್ವನ್ನಿಬೋಧೇಯಂ ತ್ಯಕ್ಷ್ಯಾಮಿ ತ್ವಾಂ ಸಬಾಂಧವಂ। ಸ್ಥಾತುಂ ತ್ವದ್ವಿಷಯೇ ರಾಜನ್ನ ಶಕ್ಷ್ಯಾಮಿ ತ್ವಯಾ ಸಹ॥ 1-74-7 (3372) `ಮಾ ಶೋಚ ವೃಷಪರ್ವಂಸ್ತ್ವಂ ಮಾ ಕ್ರುಧ್ಯಸ್ವ ವಿಶಾಂಪತೇ। ಸ್ಥಾತುಂ ತೇ ವಿಷಯೇ ರಾಜನ್ನ ಶಕ್ಷ್ಯಾಮಿ ತಯಾ ವಿನಾ। ಅಸ್ಯಾ ಗತಿರ್ಗತಿರ್ಮಹ್ಯಂ ಪ್ರಿಯಮಸ್ಯಾಃ ಪ್ರಿಯಂ ಮಮ॥ 1-74-8 (3373) ವೃಷಪರ್ವೋವಾಚ। 1-74-9x (382) ಯದಿ ಬ್ರಹ್ಮನ್ಘಾತಯಾಮಿ ಯದಿ ವಾ ಕ್ರೋಶಯಾಂಯಹಂ। ಶರ್ಮಿಷ್ಠಯಾ ದೇವಯಾನೀಂ ತೇನ ಗಚ್ಛಾಂಯಸದ್ಗತಿಂ॥ 1-74-9 (3374) ಶುಕ್ರ ಉವಾಚ।' 1-74-10x (383) ಅಹೋ ಮಾಮಭಿಜಾನಾಸಿ ದೈತ್ಯ ಮಿಥ್ಯಾಪ್ರಲಾಪಿನಂ। ಯಥೇಮಮಾತ್ಮನೋ ದೋಷಂ ನ ನಿಯಚ್ಛಸ್ಪುಪೇಕ್ಷಸೇ॥ 1-74-10 (3375) ವೃಷಪರ್ವೋವಾಚ। 1-74-11x (384) ನಾಧರ್ಮಂ ನ ಮೃಷಾವಾದಂ ತ್ವಯಿ ಜಾನಾಮಿ ಭಾರ್ಗವ। ತ್ವಯಿ ಧರ್ಮಶ್ಚ ಸತ್ಯಂ ಚ ತತ್ಪ್ರಸೀದತು ನೋ ಭವಾನ್॥ 1-74-11 (3376) ಯದ್ಯಸ್ಮಾನಪಹಾಯ ತ್ವಮಿತೋ ಗಚ್ಛಸಿ ಭಾರ್ಗವ। ಸಮುದ್ರಂ ಸಂಪ್ರವೇಕ್ಷ್ಯಾಮಿ ಪೂರ್ವಂ ಮದ್ಬಾಂಧವೈಃ ಸಹ॥ 1-74-12 (3377) ಪಾತಾಲಮಥವಾ ಚಾಗ್ನಿಂ ನಾನ್ಯದಸ್ತಿ ಪರಾಯಣಂ। ಯದ್ಯೇವ ದೇವಾನ್ಗಚ್ಛೇಸ್ತ್ವಂ ಮಾಂ ಚ ತ್ಯಕ್ತ್ವಾ ಗ್ರಹಾಧಿಪ। ಸರ್ವತ್ಯಾಗಂ ತತಃ ಕೃತ್ವಾ ಪ್ರವಿಶಾಮಿ ಹುತಾಶನಂ'॥ 1-74-13 (3378) ಶುಕ್ರ ಉವಾಚ। 1-74-14x (385) ಸಮುದ್ರಂ ಪ್ರವಿಶಧ್ವಂ ವಾ ದಿಶೋ ವಾ ದ್ರವತಾಸುರಾಃ। ದುಹಿತುರ್ನಾಪ್ರಿಯಂ ಸೋಹುಂ ಶಕ್ತೋಽಹಂ ದಯಿತಾ ಹಿ ಮೇ॥ 1-74-14 (3379) ಪ್ರಸಾದ್ಯತಾಂ ದೇವಯಾನೀ ಜೀವಿತಂ ಯತ್ರ ಮೇ ಸ್ಥಿತಂ। ಯೋಗಕ್ಷೇಮಕರಸ್ತೇಽಹಮಿಂದ್ರಸ್ಯೇವ ಬೃಹಸ್ಪತಿಃ॥ 1-74-15 (3380) ವೃಷಪರ್ವೋವಾಚ। 1-74-16x (386) ಯತ್ಕಿಂಚಿದಸುರೇಂದ್ರಾಣಾಂ ವಿದ್ಯತೇ ವಸು ಭಾರ್ಗವ। ಭುವಿ ಹಸ್ತಿಗವಾಶ್ವಂ ಚ ತಸ್ಯ ತ್ವಂ ಮಮ ಚೇಶ್ಚರಃ॥ 1-74-16 (3381) ಶುಕ್ರ ಉವಾಚ। 1-74-17x (387) ಯತ್ಕಿಂಚಿದಸ್ತಿ ದ್ರವಿಣಂ ದೈತ್ಯೇಂದ್ರಾಣಾಂ ಮಹಾಸುರ। ತಸ್ಯೇಶ್ವರೋಸ್ಮಿ ಯದ್ಯೇಷಾ ದೇವಯಾನೀ ಪ್ರಸಾದ್ಯತಾಂ॥ 1-74-17 (3382) ವೈಶಂಪಾಯನ ಉವಾಚ। 1-74-18x (388) ಏವಮುಕ್ತಸ್ತಥೇತ್ಯಾಹ ವೃಷಪರ್ವಾ ಮಹಾಕವಿಂ। ದೇವಯಾನ್ಯಂತಿಕಂ ಗತ್ವಾ ತಮರ್ಥಂ ಪ್ರಾಹ ಭಾರ್ಗವಃ॥ 1-74-18 (3383) ದೇವಯಾನ್ಯುವಾಚ। 1-74-19x (389) ಯದಿ ತ್ವಮೀಶ್ವರಸ್ತಾತ ರಾಜ್ಞೋ ವಿತ್ತಸ್ಯ ಭಾರ್ಗವ। ನಾಭಿಜಾನಾಮಿ ತತ್ತೇಽಹಂ ರಾಜಾ ತು ವದತು ಸ್ವಯಂ॥ 1-74-19 (3384) `ವೈಶಂಪಾಯನ ಉವಾಚ। 1-74-20x (390) ಶುಕ್ರಸ್ಯ ವಚನಂ ಶ್ರುತ್ವಾ ವೃಷಪರ್ವಾ ಸಬಾಂಧವಃ। ದೇವಯಾನಿ ಪ್ರಸೀದೇತಿ ಪಪಾತ ಭುವಿ ಪಾದಯೋಃ॥ 1-74-20 (3385) ವೃಷಪರ್ವೋವಾಚ। 1-74-21x (391) ಸ್ತುತ್ಯೋ ವಂದ್ಯಶ್ಚ ಸತತಂ ಮಯಾ ತಾತಶ್ಚ ತೇ ಶುಭೇ।' ಯಂ ಕಾಮಮಭಿಕಾಮಾಽಸಿ ದೇವಯಾನಿ ಶುಚಿಸ್ಮಿತೇ। ತತ್ತೇಽಹಂ ಸಂಪ್ರದಾಸ್ಯಾಮಿ ಯದಿ ವಾಪಿ ಹಿ ದುರ್ಲಭಂ॥ 1-74-21 (3386) ದೇವಯಾನ್ಯುವಾಚ। 1-74-22x (392) ದಾಸೀಂ ಕನ್ಯಾಸಹಸ್ರೇಣ ಶರ್ಮಿಷ್ಠಾಮಭಿಕಾಮಯೇ। ಅನು ಮಾಂ ತತ್ರ ಗಚ್ಛೇತ್ಸಾ ಯತ್ರ ದದ್ಯಾಚ್ಚ ಮೇ ಪಿತಾ॥ 1-74-22 (3387) ವೃಷಪರ್ವೋವಾಚ। 1-74-23x (393) ಉತ್ತಿಷ್ಠ ತ್ವಂ ಗಚ್ಛ ಧಾತ್ರಿ ಶರ್ಮಿಷ್ಠಾಂ ಶೀಘ್ರಮಾನಯ। ಯಂ ಚ ಕಾಮಯತೇ ಕಾಮಂ ದೇವಯಾನೀ ಕರೋತು ತಂ॥ 1-74-23 (3388) `ತ್ಯಜೇದೇಕಂ ಕುಲಸ್ಯಾರ್ಥೇ ಗ್ರಾಮಾರ್ಥೇ ಚ ಕುಲಂ ತ್ಯಜೇತ್। ಗ್ರಾಮಂ ಜನಪದಸ್ಯಾರ್ಥೇ ಆತ್ಮಾರ್ಥೇ ಪೃಥಿವೀಂ ತ್ಯಜೇತ್'॥ 1-74-24 (3389) ವೈಶಂಪಾಯನ ಉವಾಚ। 1-74-25x (394) ತತೋ ಧಾತ್ರೀ ತತ್ರ ಗತ್ವಾ ಶರ್ಮಿಷ್ಠಾಂ ವಾಕ್ಯಮಬ್ರವೀತ್। ಉತ್ತಿಷ್ಠ ಭದ್ರೇ ಶರ್ಮಿಷ್ಠೇ ಜ್ಞಾತೀನಾಂ ಸುಖಮಾವಹ॥ 1-74-25 (3390) ತ್ಯಜತಿ ಬ್ರಾಹ್ಮಣಃ ಶಿಷ್ಯಾಂದೇವಯಾನ್ಯಾ ಪ್ರಚೋದಿತಃ। ಸಾಯಂ ಕಾಮಯತೇ ಕಾಂ ಸ ಕಾರ್ಯೋಽದ್ಯ ತ್ವಯಾಽನಘೇ॥ 1-74-26 (3391) ಶರ್ಮಿಷ್ಠೋವಾಚ। 1-74-27x (395) ಯಂ ಸಾ ಕಾಮಯತೇ ಕಾಂ ಕರವಾಣ್ಯಹಮದ್ಯ ತಂ। ಯದ್ಯೇವಮಾಹ್ವಯೇಚ್ಛುಕ್ರೋ ದೇವಯಾನೀಕೃತೇ ಹಿ ಮಾಂ। ಮದ್ದೋಷಾನ್ಮಾಗಮಚ್ಛುಕ್ರೋ ದೇವಯಾನೀ ಚ ಮತ್ಕೃತೇ॥ 1-74-27 (3392) ವೈಶಂಪಾಯನ ಉವಾಚ। 1-74-28x (396) ತತಃ ಕನ್ಯಾಸಹಸ್ರೇಣ ವೃತಾ ಶಿಬಿಕಯಾ ತದಾ। ಪಿತುರ್ನಿಯೋಗಾತ್ತ್ವರಿತಾ ನಿಶ್ಚಕ್ರಾಮ ಪುರೋತ್ತಮಾತ್॥ 1-74-28 (3393) ಶರ್ಮಿಷ್ಠೋವಾಚ। 1-74-29x (397) ಅಹಂ ದಾಸೀಸಹಸ್ರೇಣ ದಾಸೀ ತೇ ಪರಿಚಾರಿಕಾ। ಅನು ತ್ವಾಂ ತತ್ರ ಯಾಸ್ಯಾಮಿ ಯತ್ರ ದಾಸ್ಯತಿ ತೇ ಪಿತಾ॥ 1-74-29 (3394) ದೇವಯಾನ್ಯುವಾಚ। 1-74-30x (398) ಸ್ತುವತೋ ದುಹಿತಾಽಹಂ ತೇ ಯಾಚತಃ ಪ್ರತಿಗೃಹ್ಣತಃ। ಸ್ತೂಯಮಾನಸ್ಯ ದುಹಿತಾ ಕಥಂ ದಾಸೀ ಭವಿಷ್ಯಸಿ॥ 1-74-30 (3395) ಶರ್ಮಿಷ್ಠೋವಾಚ। 1-74-31x (399) ಯೇನಕೇನಚಿದಾರ್ತಾನಾಂ ಜ್ಞಾತೀನಾಂ ಸುಖಮಾವಹೇತ್। ಅತಸ್ತ್ವಾಮನುಯಾಸ್ಯಾಮಿ ತತ್ರ ದಾಸ್ಯತಿ ತೇ ಪಿತಾ॥ 1-74-31 (3396) ವೈಶಂಪಾಯನ ಉವಾಚ। 1-74-32x (400) ಪ್ರತಿಶ್ರುತೇ ದಾಸಭಾವೇ ದುಹಿತ್ರಾ ವೃಷಪರ್ವಣಃ। ದೇವಯಾನೀ ನೃಪಶ್ರೇಷ್ಠ ಪಿತರಂ ವಾಕ್ಯಮಬ್ರವೀತ್॥ 1-74-32 (3397) ದೇವಯಾನ್ಯುವಾಚ। 1-74-33x (401) ಪ್ರವಿಶಾಮಿ ಪುರಂ ತಾತ ತುಷ್ಟಾಽಸ್ಮಿ ದ್ವಿಜಸತ್ತಮ। ಅಮೋಘಂ ತವ ವಿಜ್ಞಾನಮಸ್ತಿ ವಿದ್ಯಾಬಲಂ ಚ ತೇ॥ 1-74-33 (3398) ವೈಶಂಪಾಯನ ಉವಾಚ। 1-74-34x (402) ಏವಮುಕ್ತೋ ದುಹಿತ್ರಾ ಸ ದ್ವಿಜಶ್ರೇಷ್ಠೋ ಮಹಾಯಶಾಃ। ಪ್ರವಿವೇಶ ಪುರಂ ಹೃಷ್ಟಃ ಪೂಜಿತಃ ಸರ್ವದಾನೈವಃ॥ ॥ 1-74-34 (3399) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಚತುಃಸಪ್ತತಿತಮೋಽಧ್ಯಾಯಃ॥ 74 ॥

1-75-0 (3400) ವೈಶಂಪಾಯನ ಉವಾಚ। 1-75-0x (403) ಅಥ ದೀರ್ಘಸ್ಯ ಕಾಲಸ್ಯ ದೇವಯಾನೀ ನೃಪೋತ್ತಮ। ವನಂ ತದೇವ ನಿರ್ಯಾತಾ ಕ್ರೀಡಾರ್ಥಂ ವರವರ್ಣಿನೀ॥ 1-75-1 (3401) ತೇನ ದಾಸೀಸಹಸ್ರೇಣ ಸಾರ್ಧಂ ಶರ್ಮಿಷ್ಠಯಾ ತದಾ। ತಮೇವ ದೇಶಂ ಸಂಪ್ರಾಪ್ತಾ ಯಥಾಕಾಮಂ ಚಚಾರ ಸಾ॥ 1-75-2 (3402) ತಾಭಿಃ ಸಖೀಭಿಃ ಸಹಿತಾ ಸರ್ವಾಭಿರ್ಮುದಿತಾ ಭೃಶಂ। ಕ್ರೀಡಂತ್ಯೋಽಭಿರತಾಃ ಸರ್ವಾಃ ಪಿಬಂತ್ಯೋ ಮಧುಮಾಧವೀಂ॥ 1-75-3 (3403) ಖಾದಂತ್ಯೋ ವಿವಿಧಾನ್ಭಕ್ಷ್ಯಾನ್ವಿದಶಂತ್ಯಃ ಫಲಾನಿ ಚ। ಪುನಶ್ಚ ನಾಡುಷೋ ರಾಜಾ ಮೃಗಲಿಪ್ಸುರ್ಯದೃಚ್ಛಯಾ॥ 1-75-4 (3404) ತಮೇವ ದೇಶಂ ಸಂಪ್ರಾಪ್ತೋ ಜಲಾರ್ಥೀ ಶ್ರಮಕರ್ಶಿತಃ। ದದರ್ಶ ದೇವಯಾನೀಂ ಸ ಶರ್ಮಿಷ್ಠಾಂ ತಾಶ್ಚ ಯೋಷಿತಃ॥ 1-75-5 (3405) ಪಿಬಂತೀರ್ಲಲಮಾನಾಶ್ಚ ದಿವ್ಯಾಭರಣಭೂಷಿತಾಃ। ಆಸನಪ್ರವರೇ ದಿವ್ಯೇ ಸರ್ವರತ್ನವಿಭೂಷಿತೇ। ಉಪವಿಷ್ಟಾಂ ಚ ದದೃಶೇ ದೇವಯಾನೀಂ ಶುಚಿಸ್ಮಿತಾಂ॥ 1-75-6 (3406) ರೂಪೇಣಾಪ್ರತಿಮಾಂ ತಾಸಾಂ ಸ್ತ್ರೀಣಾಂ ಮಧ್ಯೇ ವರಾಂಗನಂ। `ಆಸನಾಚ್ಚ ತತಃ ಕಿಂಚಿದ್ವಿಹೀನಾಂ ಹೇಮಭೀಷಿತಾಂ॥ 1-75-7 (3407) ಅಸುರೇಂದ್ರಸುತಾಂ ಚಾಪಿ ನಿಷಣ್ಣಾಂ ಚಾರುಹಾಸಿನೀಂ। ದದರ್ಶ ಪಾದೌ ವಿಪ್ರಾಯಾಃ ಸಂವಹಂತೀಮನಿಂದಿತಾಂ॥ 1-75-8 (3408) ಗಾಯಂತ್ಯೋಽಥ ಪ್ರನೃತ್ಯಂತ್ಯೋ ವಾದಯಂತ್ಯೋಽಥ ಭಾರತ। ದೃಷ್ಟ್ವಾ ಯಯಾತಿಮತುಲಂ ಲಜ್ಜಯಾಽವನತಾಃ ಸ್ಥಿತಾಃ॥' 1-75-9 (3409) ಯಯಾತಿರುವಾಚ। 1-75-10x (404) ದ್ವಾಭ್ಯಾಂ ಕನ್ಯಾಸಹಸ್ರಾಭ್ಯಾಂ ದ್ವೇ ಕನ್ಯೇ ಪರಿವಾರಿತೇ। ಗೋತ್ರೇ ಚ ನಾಮನೀ ಚೈವ ದ್ವಯೋಃ ಪೃಚ್ಛಾಂಯಹಂ ಶುಭೇ। 1-75-10 (3410) ದೇವಯಾನ್ಯುವಾಚ। 1-75-11x (405) ಆಖ್ಯಾಸ್ಯಾಂಯಹಮಾದತ್ಸ್ವ ವಚನಂ ಮೇ ನರಾಧಿಪ। ಶುಕ್ರೋ ನಾಮಾಸುರಗುರುಃ ಸುತಾಂ ಜಾನೀಹಿ ತಸ್ಯ ಮಾಂ॥ 1-75-11 (3411) ಇಯಂ ಚ ಮೇ ಸಖೀ ದಾಸೀ ಯತ್ರಾಹಂ ತತ್ರ ಗಾಮಿನೀ। ದುಹಿತಾ ದಾನವೇಂದ್ರಸ್ಯ ಶರ್ಮಿಷ್ಠಾ ವೃಷಪರ್ವಣಃ॥ 1-75-12 (3412) ಯಯಾತಿರುವಾಚ। 1-75-13x (406) ಕಥಂ ತು ತೇ ಸಖೀ ದಾಸೀ ಕನ್ಯೇಯಂ ವರವರ್ಣಿನೀ। ಅಸುರೇಂದ್ರಸುತಾ ಸುಭ್ರೂಃ ಪರಂ ಕೌತೂಹಲಂ ಹಿ ಮೇ॥ 1-75-13 (3413) `ನೈವ ದೇವೀ ನ ಗಂಧರ್ವೀ ನ ಯಕ್ಷೀ ನ ಚ ಕಿನ್ನರೀ। ನೈವಂರೂಪಾ ಮಯಾ ನಾರೀ ದೃಷ್ಟಪೂರ್ವಾ ಮಹೀತಲೇ॥ 1-75-14 (3414) ಶ್ರೀರಿವಾಯತಪದ್ಮಾಕ್ಷೀ ಸರ್ವಲಕ್ಷಣಶೋಭನಾ। ಅಸುರೇಂದ್ರಸುತಾ ಕನ್ಯಾ ಸರ್ವಾಲಂಕಾರಭೂಷಿತಾ॥ 1-75-15 (3415) ದೈವೇನೋಪಹತಾ ಸುಭ್ರೂರುತಾಹೋ ತಪಸಾಪಿ ವಾ। ಅನ್ಯಥೈಷಾಽನವದ್ಯಾಂಗೀ ದಾಸೀ ನೇಹ ಭವಿಷ್ಯತಿ॥ 1-75-16 (3416) ಅಸ್ಯಾ ರೂಪೇಣ ತೇ ರೂಪಂ ನ ಕಿಂಚಿತ್ಸದೃಶಂ ಭವೇತ್। ಪುರಾ ದುಶ್ಚರಿತೇನೇಯಂ ತವ ದಾಸೀ ಭವತ್ಯಹೋ॥' 1-75-17 (3417) ದೇವಯಾನ್ಯುವಾಚ। 1-75-18x (407) ಸರ್ವ ಏವ ನರಶ್ರೇಷ್ಠ ವಿಧಾನಮನುವರ್ತತೇ। ವಿಧಾನವಿಹಿತಂ ಮತ್ವಾ ಮಾ ವಿಚಿತ್ರಾಃ ಕಥಾಃಕೃಥಾಃ॥ 1-75-18 (3418) ರಾಜವದ್ರೂಪವೇಷೌ ತೇ ಬ್ರಾಹ್ಮೀಂ ವಾಚಂ ಬಿಭರ್ಷಿ ಚ। ಕೋ ನಾಮ ತ್ವಂ ಕುತಶ್ಚಾಸಿ ಕಸ್ಯ ಪುತ್ರಶ್ಚ ಶಸ ಮೇ॥ 1-75-19 (3419) ಯಯಾತಿರುವಾಚ। 1-75-20x (408) ಬ್ರಹಮಚರ್ಯೇಣ ವೇದೋ ಮೇ ಕೃತ್ಸ್ರಃ ಶ್ರುತಿಪಥಂ ಗತಃ। ರಾಜಾಹಂ ರಾಜಪುತ್ರಶ್ಚ ಯಯಾತಿರಿತಿ ವಿಶ್ರುತಃ॥ 1-75-20 (3420) ದೇವಯಾನ್ಯುವಾಚ। 1-75-21x (409) ಕೇನಾಸ್ಯರ್ಥೇನ ನೃಪತೇ ಇಮಂ ದೇಶಮುಪಾಗತಃ। ಜಿಘೃಕ್ಷುರ್ವಾರಿಜಂ ಕಿಂಚಿದಥವಾ ಮೃಗಲಿಪ್ಸಯಾ॥ 1-75-21 (3421) ಯಯಾತಿರುವಾಚ। 1-75-22x (410) ಮೃಗಲಿಪ್ಸುರಹಂ ಭದ್ರೇ ಪಾನೀಯಾರ್ಥಮುಪಾಗತಃ। ಬಹುಧಾಽಪ್ಯನುಯುಕ್ತೋಽಸ್ಮಿ ತದನುಜ್ಞಾತುಮರ್ಹಸಿ॥ 1-75-22 (3422) ದೇವಯಾನ್ಯುವಾಚ। 1-75-23x (411) ದ್ವಾಭ್ಯಾಂ ಕನ್ಯಾಸಹಸ್ರಾಭ್ಯಾಂ ದಾಸ್ಯಾ ಶರ್ಮಿಷ್ಠಯಾ ಸಹ। ತ್ವದಧೀನಾಽಸ್ಮಿ ಭದ್ರಂ ತೇ ಸಖಾ ಭರ್ತಾ ಚ ಮೇ ಭವ॥ 1-75-23 (3423) `ವೈಶಂಪಾಯನ ಉವಾಚ। 1-75-24x (412) ಅಸುರೇಂದ್ರಸುತಾಮೀಕ್ಷ್ಯ ತಸ್ಯಾಂ ಸಕ್ತೇನ ಚೇತಸಾ। ಶರ್ಮಿಷ್ಠಾ ಮಹಿಷೀ ಮಹ್ಯಮಿತಿ ಮತ್ವಾ ವಚೋಽಬ್ರವೀತ್'॥ 1-75-24 (3424) ಯಯಾತಿರುವಾಚ। 1-75-25x (413) ವಿದ್ಧ್ಯೌಶನಸಿ ಭದ್ರಂ ತೇ ನ ತ್ವಾಮರ್ಹೋಽಸ್ಮಿ ಭಾಮಿನಿ। ಅವಿವಾಹ್ಯಾ ಹಿ ರಾಜಾನೋ ದೇವಯಾನಿ ಪಿತುಸ್ತವ॥ 1-75-25 (3425) `ಪರಭಾರ್ಯಾ ಸ್ವಸಾ ಶ್ರೇಷ್ಠಾ ಸಗೋತ್ರಾ ಪತಿತಾ ಸ್ನುಷಾ। ಅವರಾ ಭಿಕ್ಷುಕಾಽಸ್ವಸ್ಥಾ ಅಗಂಯಾಃ ಕೀರ್ತಿತಾ ಬುಧೈಃ॥ 1-75-26 (3426) ದೇವಯಾನ್ಯುವಾಚ। 1-75-27x (414) ಸಂಸೃಷ್ಟಂ ಬ್ರಹ್ಮಣಾ ಕ್ಷತ್ರಂ ಕ್ಷತ್ರೇಣ ಬ್ರಹ್ಮ ಸಂಹಿತಂ। `ಅನ್ಯತ್ವಮಸ್ತಿ ನ ತಯೋರೇಕಾಂತತರಮಾಸ್ಥಿತೇ।' ಋಷಿಶ್ಚಾಪ್ಯೃಷಿಪುತ್ರಶ್ಚ ನಾಹುಷಾಂಗ ವಹಸ್ವ ಮಾಂ॥ 1-75-27 (3427) ಯಯಾತಿರುವಾಚ। 1-75-28x (415) ಏಕದೇಹೋದ್ಭವಾ ವರ್ಣಾಶ್ಚತ್ವಾರೋಽಪಿ ವರಾಂಗನೇ। ಪೃಥಗ್ಧರ್ಮಾಃ ಪೃಥಕ್ಶೌಚಾಸ್ತೇಷಾಂ ತು ಬ್ರಾಹ್ಮಣೋ ವರಃ॥ 1-75-28 (3428) ದೇವಯಾನ್ಯುವಾಚ। 1-75-29x (416) ಪಾಣಿ ಧರ್ಮೋ ನಾಹುಷಾಽಯಂ ನ ಪುಂಭಿಃ ಸೇವಿತಃ ಪುರಾ। ತಂ ಮೇ ತ್ವಮಗ್ರಹೀರಗ್ರೇ ವೃಣೋಮಿ ತ್ವಾಮಹಂ ತತಃ॥ 1-75-29 (3429) ಕಥಂ ನು ಮೇ ಮನಸ್ವಿನ್ಯಾಃ ಪಾಣಿಮನ್ಯಃ ಪುಮಾನ್ಸ್ಪೃಶೇತ್। ಗೃಹೀತಮೃಷಿಪುತ್ರೇಣ ಸ್ವಯಂ ವಾಪ್ಯೃಷಿಣಾ ತ್ವಯಾ॥ 1-75-30 (3430) ಯಯಾತಿರುವಾಚ। 1-75-31x (417) ಕ್ರುದ್ಧಾದಾಶೀವಿಷಾತ್ಸರ್ಪಾಜ್ಜ್ವಲನಾತ್ಸರ್ವತೋಮುಖಾತ್। ದುರಾಧರ್ಷತರೋ ವಿಪ್ರೋ ಜ್ಞೇಯಃ ಪುಂಸಾ ವಿಜಾನತಾ॥ 1-75-31 (3431) ದೇವಯಾನ್ಯುವಾಚ। 1-75-32x (418) ಕಥಮಾಶೀವಿಷಾತ್ಸರ್ಪಾಜ್ಜ್ವಲನಾತ್ಸರ್ವತೋಮುಖಾತ್। ದುರಾಧರ್ಷತರೋ ವಿಪ್ರ ಇತ್ಯಾತ್ಥ ಪುರುಷರ್ಷಭ॥ 1-75-32 (3432) ಯಯಾತಿರುವಾಚ। 1-75-33x (419) ಏಕಮಾಶೀವಿಷೋ ಹಂತಿ ಶಸ್ತ್ರೇಣೈಕಶ್ಚ ವಧ್ಯತೇ। ಹಂತಿ ವಿಪ್ರಃ ಸರಾಷ್ಟ್ರಾಣಿ ಪುರಾಣ್ಯಪಿ ಹಿ ಕೋಪಿತಃ॥ 1-75-33 (3433) ದುರಾಧರ್ಷತರೋ ವಿಪ್ರಸ್ತಸ್ಮಾದ್ಭೀರು ಮತೋ ಮಮ। ಅತೋಽದತ್ತಾಂ ಚ ಪಿತ್ರಾ ತ್ವಾಂ ಭದ್ರೇ ನ ವಿವಹಾಂಯಹಂ॥ 1-75-34 (3434) ದೇವಯಾನ್ಯುವಾಚ। 1-75-35x (420) ದತ್ತಾಂ ವಹಸ್ವ ತನ್ಮಾ ತ್ವಂ ಪಿತ್ರಾ ರಾಜನ್ವೃತೋ ಮಯಾ। ಆಯಚತೋ ಭಯಂ ನಾಸ್ತಿ ದತ್ತಾಂ ಚ ಪ್ರತಿಗೃಹ್ಣತಃ॥ 1-75-35 (3435) `ತಿಷ್ಠ ರಾಜನ್ಮುಹೂರ್ತಂ ಚ ಪ್ರೇಷಯಿಷ್ಯಾಂಯಹಂ ಪಿತುಃ। ಗಚ್ಛ ತ್ವಂ ಧಾತ್ರಿಕೇ ಶೀಘ್ರಂ ಬ್ರಹ್ಮಕಲ್ಪಮಿಹಾನಯ। ಸ್ವಯಂವರೇ ವೃತಂ ಶೀಘ್ರಂ ನಿವೇದಯ ಚ ನಾಹುಷಂ'॥ 1-75-36 (3436) ವೈಶಂಪಾಯನ ಉವಾಚ। 1-75-37x (421) ತ್ವರಿತಂ ದೇವಯಾನ್ಯಾಥ ಸಂದಿಷ್ಟಂ ಪಿತುರಾತ್ಮನಃ। ಸರ್ವಂ ನಿವೇದಯಾಮಾಸ ಧಾತ್ರೀ ತಸ್ಮೈ ಯಥಾತಥಂ॥ 1-75-37 (3437) ಶ್ರುತ್ವೈವ ಚ ಸ ರಾಜಾನಂ ದರ್ಶಯಾಮಾಸ ಭಾರ್ಗವಃ। ದೃಷ್ಟ್ವೈವ ಚಾಗತಂ ಶುಕ್ರಂ ಯಯಾತಿಃ ಪೃಥಿವೀಪತಿಃ। ವವಂದೇ ಬ್ರಾಹ್ಮಣಂ ಕಾವ್ಯಂ ಪ್ರಾಂಜಲಿಃ ಪ್ರಣತಃ ಸ್ಥಿತಃ॥ 1-75-38 (3438) ದೇವಯಾನ್ಯುವಾಚ। 1-75-39x (422) ರಾಜಾಯಂ ನಾಹುಷಸ್ತಾತ ದುರ್ಗಮೇ ಪಾಣಿಮಗ್ರಹೀತ್। ನಾನ್ಯಪೂರ್ವಗೃಹೀತಂ ಮೇ ತೇನಾಹಮಭಯಾ ಕೃತಾ। ನಮಸ್ತೇ ದೇಹಿ ಮಾಮಸ್ಮೈ ಲೋಕೇ ನಾನ್ಯಂ ಪತಿಂ ವೃಣೇ॥ 1-75-39 (3439) ಶುಕ್ರ ಉವಾಚ। 1-75-40x (423) ಅನ್ಯೋ ಧರ್ಮಃ ಪ್ರಿಯಸ್ತ್ವನ್ಯೋ ವೃತಸ್ತೇ ನಾಹುಷಃ ಪತಿಃ। ಕಚಶಾಪಾತ್ತ್ವಯಾ ಪೂರ್ವಂ ನಾನ್ಯದ್ಭವಿತುಮರ್ಹತಿ॥ 1-75-40 (3440) ವೃತೋಽನಯಾ ಪತಿರ್ವೀರ ಸುತಯಾ ತ್ವಂ ಮಮೇಷ್ಟಯಾ। ಸ್ವಯಂ ಗ್ರಹೇ ಮಹಾಂದೋಷೋ ಬ್ರಾಹ್ಮಣ್ಯಾ ವರ್ಣಸಂಕರಾತ್। ಗೃಹಾಣೇಮಾಂ ಮಯಾ ದತ್ತಾಂ ಮಹಿಷೀಂ ನಹುಷಾತ್ಮಜ॥ 1-75-41 (3441) ಯಯಾತಿರುವಾಚ। 1-75-42x (424) ಅಧರ್ಮೋ ನ ಸ್ಪೃಶೇದೇಷ ಮಹಾನ್ಮಾಮಿಹ ಭಾರ್ಗವ। ವರ್ಣಸಂಕರಜೋ ಬ್ರಹ್ಮನ್ನಿತಿ ತ್ವಾಂ ಪ್ರವೃಣೋಂಯಹಂ॥ 1-75-42 (3442) ಶುಕ್ರ ಉವಾಚ। 1-75-43x (425) ಅಧರ್ಮಾತ್ತ್ವಾಂ ವಿಮುಂಚಾಮಿ ಶೃಣು ತ್ವಂ ವರಮೀಪ್ಸಿತಂ। ಅಸ್ಮಿನ್ವಿವಾಹೇ ಮಾ ಂಲಾಸೀರಹಂ ಪಾಪಂ ನುದಾಮಿ ತೇ॥ 1-75-43 (3443) ವಹಸ್ವ ಭಾರ್ಯಾಂ ಧರ್ಮೇಣ ದೇವಯಾನೀಂ ಸುಮಧ್ಯಮಾಂ। ಅನಯಾ ಸಹ ಸಂಪ್ರೀತಿಮತುಲಾಂ ಸಮವಾಪ್ನುಹಿ॥ 1-75-44 (3444) ಇಯಂ ಚಾಪಿ ಕುಮಾರೀ ತೇ ಶರ್ಮಿಷ್ಠಾ ವಾರ್ಷಪರ್ವಣೀ। ಸಂಪೂಜ್ಯಾ ಸತತಂ ರಾಜನ್ಮಾ ಚೈನಾಂ ಶಯನೇ ಹ್ವಯೇಃ॥ 1-75-45 (3445) ರಹಸ್ಯೇನಾಂ ಸಮಾಹೂಯ ನ ವದೇರ್ನ ಚ ಸಂಸ್ಪೃಶೇಃ। ವಹಸ್ವ ಭಾರ್ಯಾಂ ಭದ್ರಂ ತೇ ಯಥಾ ಕಾಮಮವಾಪ್ಸ್ಯಸಿ॥ 1-75-46 (3446) ವೈಶಂಪಾಯನ ಉವಾಚ। 1-75-47x (426) ಏವಮುಕ್ತೋ ಯಯಾತಿಸ್ತು ಶುಕ್ರಂ ಕೃತ್ವಾ ಪ್ರದಕ್ಷಿಣಂ। ಶಾಸ್ತ್ರೋಕ್ತವಿಧಿನಾ ರಾಜಾ ವಿವಾಹಮಕರೋಚ್ಛುಭಂ॥ 1-75-47 (3447) ಲಬ್ಧ್ವಾ ಶುಕ್ರಾನ್ಮಹದ್ವಿತ್ತಂ ದೇವಯಾನೀಂ ತದೋತ್ತಮಾಂ। ದ್ವಿಸಹಸ್ರೇಣ ಕನ್ಯಾನಾಂ ತಥಾ ಶರ್ಮಿಷ್ಠಯಾ ಸಹ॥ 1-75-48 (3448) ಸಂಪೂಜಿತಶ್ಚ ಶುಕ್ರೇಣ ದೈತ್ಯೈಶ್ಚ ನೃಪಸತ್ತಮಃ। ಜಗಾಮ ಸ್ವಪುರಂ ಹೃಷ್ಟೋಽನುಜ್ಞಾತೋಽಥ ಮಹಾತ್ಮನಾ॥ ॥ 1-75-49 (3449) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಪಂಚಸಪ್ತತಿತಮೋಽಧ್ಯಾಯಃ॥ 75 ॥

1-76-0 (3450) ವೈಶಂಪಾಯನ ಉವಾಚ। 1-76-0x (427) ಯಯಾತಿಃ ಸ್ವಪುರಂ ಪ್ರಾಪ್ಯ ಮಹೇಂದ್ರಪುರಸಂನಿಭಂ। ಪ್ರವಿಶ್ಯಾಂತಃಪುರಂ ತತ್ರ ದೇವಯಾನೀಂ ನ್ಯವೇಶಯತ್॥ 1-76-1 (3451) ದೇವಯಾನ್ಯಾಶ್ಚಾನುಮತೇ ಸುತಾಂ ತಾಂ ವೃಷಪರ್ವಣಃ। ಅಶೋಕವನಿಕಾಭ್ಯಾಶೇ ಗೃಹಂ ಕೃತ್ವಾ ನ್ಯವೇಶಯತ್॥ 1-76-2 (3452) ವೃತಾಂ ದಾಸೀಸಹಸ್ರೇಣ ಶರ್ಮಿಷ್ಠಾಂ ವಾರ್ಷಪರ್ವಣೀಂ। ವಾಸೋಭರನ್ನಪಾನೈಶ್ಚ ಸಂವಿಭಜ್ಯ ಸುಸತ್ಕೃತಾಂ॥ 1-76-3 (3453) ದೇವಯಾನ್ಯಾ ತು ಸಹಿತಃ ಸ ನೃಪೋ ನಹುಷಾತ್ಮಜಃ। `ಪ್ರೀತ್ಯಾ ಪರಮಯಾ ಯುಕ್ತೋ ಮುಮುದೇ ಶಾಶ್ವತೀಃ ಸಮಾಃ॥ 1-76-4 (3454) ಅಶೋಕವನಿಕಾಮಧ್ಯೇ ದೇವಯಾನೀ ಸಮಾಗತಾ। ಶರ್ಮಿಷ್ಠಯಾ ಸಾ ಕ್ರೀಡಿತ್ವಾ ರಮಣೀಯೇ ಮನೋರಮೇ॥ 1-76-5 (3455) ತತ್ರೈವ ತಾಂ ತು ನಿರ್ದಿಶ್ಯ ರಾಜ್ಞಾ ಸಹ ಯಯೌ ಗೃಹಂ। ಏವಮೇವ ಸಹ ಪ್ರೀತ್ಯಾ ಬಹು ಕಾಲಂ ಮುಮೋದ ಚ॥' 1-76-6 (3456) ವಿಜಹಾರ ಬಹೂನಬ್ದಾಂದೇವವನ್ಮುದಿತಃ ಸುಖೀ॥ 1-76-7 (3457) ಋತುಕಾಲೇ ತು ಸಂಪ್ರಾಪ್ತೇ ದೇವಯಾನೀ ವರಾಂಗನಾ। ಲೇಭೇ ಗರ್ಭಂ ಪ್ರಥಮತಃ ಕುಮಾರಂ ಚ ವ್ಯಜಾಯತ॥ 1-76-8 (3458) ಗತೇ ವರ್ಷಸಹಸ್ರೇ ತು ಶರ್ಮಿಷ್ಠಾ ವಾರ್ಷಪರ್ವಣೀ। ದದರ್ಶ ಯೌವನಂ ಪ್ರಾಪ್ತಾ ಋತುಂ ಸಾ ಚಾನ್ವಚಿಂತಯತ್॥ 1-76-9 (3459) `ಶುದ್ಧಾ ಸ್ನಾತಾ ತು ಶರ್ಮಿಷ್ಠಾ ಸರ್ವಾಲಂಕಾರಶೋಭಿತಾ। ಅಶೋಕಶಾಖಾಮಾಲಂಬ್ಯ ಸುಪುಷ್ಪಸ್ತಬಕೈರ್ವೃತಾಂ॥ 1-76-10 (3460) ಆದರ್ಶೇ ಮುಖಮುದ್ವೀಕ್ಷ್ಯ ಭರ್ತುರ್ದರ್ಶನಲಾಲಸಾ। ಶೋಕಮೋಹಸಮಾವಿಷ್ಟಾ ವಚನಂ ಚೇದಮಬ್ರವೀತ್॥ 1-76-11 (3461) ಅಶೋಕ ಶೋಕಾಪನುದ ಶೋಕೋಪಹತಚೇತಸಾಂ। ತ್ವನ್ನಾಮಾನಂ ಕುರುಷ್ವಾದ್ಯ ಪ್ರಿಯಸಂದರ್ಶನೇನ ಮಾಂ। ಏವಮುಕ್ತವತೀ ಸಾ ತು ಶರ್ಮಿಷ್ಠಾ ಪುನರಬ್ರವೀತ್॥' 1-76-12 (3462) ಋತುಕಾಲಶ್ಚ ಸಂಪ್ರಾಪ್ತೋ ನ ಚ ಮೇಽಸ್ತಿ ವೃತಃ ಪತಿಃ। ಕಿಂ ಪ್ರಾಪ್ತಂ ಕಿಂ ನು ಕರ್ತವ್ಯಂ ಕಿಂ ವಾ ಕೃತ್ವಾ ಸುಖಂ ಭವೇತ್॥ 1-76-13 (3463) ದೇವಯಾನೀ ಪ್ರಜಾತಾಽಸೌ ವೃಥಾಽಹಂ ಪ್ರಾಪ್ತಯೌವನಾ। ಯಥಾ ತಯಾ ವೃತೋ ಭರ್ತಾ ತಥೈವಾಹಂ ವೃಣೋಮಿ ತಂ॥ 1-76-14 (3464) ರಾಜ್ಞಾ ಪುತ್ರಫಲಂ ದೇಯಮಿತಿ ಮೇ ನಿಶ್ಚಿತಾ ಮತಿಃ। ಅಪೀದಾನೀಂ ಸ ಧರ್ಮಾತ್ಮಾ ಈಯಾನ್ಮೇ ದರ್ಶನಂ ರಹಃ॥ 1-76-15 (3465) `ಕೇಶೈರ್ಬಧ್ಯಾ ತು ರಾಜಾನಂ ಯಾಚೇಽಹಂ ಸದೃಶಂ ಪತಿಂ। ಸ್ಪೃಹೇದಿದಂ ದೇವಯಾನೀ ಪುತ್ರಮೀಕ್ಷ್ಯ ಪುನಃಪುನಃ। ಕ್ರೀಡನ್ನಂತಃಪುರೇ ತಸ್ಯಾಃ ಕ್ವಚಿತ್ಕ್ಷಣಮವಾಪ್ಯ ಚ॥ 1-76-16 (3466) ವೈಶಂಪಾಯನ ಉವಾಚ।' 1-76-17x (428) ಅಥ ನಿಷ್ಕ್ರಂಯ ರಾಜಾಽಸೌ ತಸ್ಮಿನ್ಕಾಲೇ ಯದೃಚ್ಛಯಾ। ಅಶೋಕವನಿಕಾಭ್ಯಾಶೇ ಶರ್ಮಿಷ್ಠಾಂ ಪ್ರಾಪ ತಿಷ್ಠತೀಂ॥ 1-76-17 (3467) ತಮೇಕಂ ರಹಿತೇ ದೃಷ್ಟ್ವಾ ಶರ್ಮಿಷ್ಠಾ ಚಾರುಹಾಸಿನೀ। ಪ್ರತ್ಯುದ್ಗಂಯಾಂಜಲಿಂ ಕೃತ್ವಾ ರಾಜಾನಂ ವಾಕ್ಯಮಬ್ರವೀತ್॥ 1-76-18 (3468) ಶರ್ಮಿಷ್ಠೋವಾಚ। 1-76-19x (429) ಸೋಮಸ್ಯೇಂದ್ರಸ್ಯ ವಿಷ್ಣೋರ್ವಾ ಯಮಸ್ಯ ವರುಣಸ್ಯ ವಾ। ತವ ವಾ ನಾಹುಷ ಗೃಹೇ ಕಃ ಸ್ತ್ರಿಯಂ ದ್ರಷ್ಟುಮರ್ಹತಿ॥ 1-76-19 (3469) ರೂಪಾಭಿಜನಶೀಲೈರ್ಹಿ ತ್ವಂ ರಾಜನ್ವೇತ್ಥ ಮಾಂ ಸದಾ। ಸಾ ತ್ವಾಂ ಯಾಚೇ ಪ್ರಸಾದ್ಯಾಹಮೃತುಂ ದೇಹಿ ನರಾಧಿಪ॥ 1-76-20 (3470) ಯಯಾತಿರುವಾಚ। 1-76-21x (430) ವೇದ್ಮಿ ತ್ವಾಂ ಶೀಲಸಂಪನ್ನಾಂ ದೈತ್ಯಕನ್ಯಾಮನಿಂದಿತಾಂ। ರೂಪಂ ಚ ತೇ ನ ಪಶ್ಯಾಮಿ ಸೂಚ್ಯಗ್ರಮಪಿ ನಿಂದಿತಂ॥ 1-76-21 (3471) `ತದಾಪ್ರಭೃತಿ ದೃಷ್ಟ್ವಾ ತ್ವಾಂ ಸ್ಮರಾಂಯನಿಶಮುತ್ತಮೇ'। ಅಬ್ರವೀದುಶನಾ ಕಾವ್ಯೋ ದೇವಯಾನೀಂ ಯದಾಽವಹಂ। ನೇಯಮಾಹ್ವಯಿತವ್ಯಾ ತೇ ಶಯನೇ ವಾರ್ಷಪರ್ವಣೀ॥ 1-76-22 (3472) `ದೇವಯಾನ್ಯಾಃ ಪ್ರಿಯಂ ಕೃತ್ವಾ ಶರ್ಮಿಷ್ಠಾಮಪಿ ಪೋಷಯ॥' 1-76-23 (3473) ಶರ್ಮಿಷ್ಠೋವಾಚ। 1-76-24x (431) ನ ನರ್ಮಯುಕ್ತಮನೃತಂ ಹಿನಸ್ತಿ ನ ಸ್ತ್ರೀಷು ರಾಜನ್ನ ವಿವಾಹಕಾಲೇ। ಪ್ರಾಣಾತ್ಯಯೇ ಸರ್ವಧನಾಪಹಾರೇ ಪಂಚಾನೃತಾನ್ಯಾಹುರಪಾತಕಾನಿ॥ 1-76-24 (3474) ಪೃಷ್ಟಂ ತು ಸಾಕ್ಷ್ಯೇ ಪ್ರವದಂತಮನ್ಯಥಾ ವದಂತಿ ಮಿಥ್ಯಾ ಪತಿತಂ ನರೇಂದ್ರ। ಏಕಾರ್ಥತಾಯಾಂ ತು ಸಮಾಹಿತಾಯಾಂ ಮಿಥ್ಯಾ ವದಂತಂ ಹ್ಯನೃತಂ ಹಿನಸ್ತಿ॥ 1-76-25 (3475) `ಅನೃತಂ ನಾನೃತಂ ಸ್ತ್ರೀಷು ಪರಿಹಾಸವಿವಾಹಯೋಃ। ಆತ್ಮಪ್ರಾಣಾರ್ಥಘಾತೇ ಚ ತದೇವೋತ್ತಮತಾಂ ವ್ರಜೇತ್॥' 1-76-26 (3476) ಯಯಾತಿರುವಾಚ। 1-76-27x (432) ರಾಜಾ ಪ್ರಮಾಣಂ ಭೂತಾನಾಂ ಸ ನಶ್ಯೇತ ಮೃಷಾ ವದನ್। ಅರ್ಥಕೃಚ್ಛ್ರಮಪಿ ಪ್ರಾಪ್ಯ ನ ಮಿಥ್ಯಾ ಕರ್ತುಮುತ್ಸಹೇ॥ 1-76-27 (3477) ಶರ್ಮಿಷ್ಠೋವಾಚ। 1-76-28x (433) ಸಮಾವೇತೌ ಮತೋ ರಾಜನ್ಪತಿಃ ಸಖ್ಯಾಶ್ಚ ಯಃ ಪತಿಃ। ಸಮಂ ವಿವಾಹಮಿತ್ಯಾಹುಃ ಸಖ್ಯಾ ಮೇಽಸಿ ವೃತಃ ಪತಿಃ॥ 1-76-28 (3478) `ಸಹ ದತ್ತಾಸ್ಮಿ ಕಾವ್ಯೇನ ದೇವಯಾನ್ಯಾ ಮನೀಷಿಣಾ। ಪೂಜ್ಯಾ ಪೋಷಯಿತವ್ಯೇತಿ ನ ಮೃಷಾ ಕರ್ತುಮರ್ಹಸಿ॥' 1-76-29 (3479) ಸುವರ್ಣಮಣಿಮುಕ್ತಾನಿ ವಸ್ತ್ರಾಣ್ಯಾಭರಣಾನಿ ಚ। ಯಾಚಿತೄಣಾಂ ದದಾಸಿ ತ್ವಂ ಗೋಭೂಂಯಾದೀನಿ ಯಾನಿ ಚ॥ 1-76-30 (3480) ಬಹಿಃಸ್ಥಂ ದಾನಮಿತ್ಯುಕ್ತಂ ನ ಶರೀರಾಶ್ರಿತಂ ನೃಪ। ದುಷ್ಕರಂ ಪುತ್ರದಾನಂ ಚ ಆತ್ಮದಾನಂ ಚ ದುಷ್ಕರಂ॥ 1-76-31 (3481) ಶರೀರದಾನಾತ್ತತ್ಸರ್ವಂ ದತ್ತಂ ಭವತಿ ಮಾರಿಷ। ಯಸ್ಯ ಯಸ್ಯ ಯಥಾ ಕಾಮಸ್ತಸ್ಯ ತಸ್ಯ ದದಾಂಯಹಂ॥ 1-76-32 (3482) ಇತ್ಯುಕ್ತ್ವಾ ನಗರೇ ರಾಜಂಸ್ತ್ರಿಕಾಲಂ ಘೋಷಿತಂ ತ್ವಯಾ। ತ್ವಯೋಕ್ತಮನೃತಂ ರಾಜನ್ವೃಥಾ ಘೋಷಿತಮೇವ ವಾ। ತತ್ಸತ್ಯಂ ಕುರು ರಾಜೇಂದ್ರ ಯಥಾ ವೈಶ್ರವಣಸ್ತಥಾ॥ 1-76-33 (3483) ಯಯಾತಿರುವಾಚ। 1-76-34x (434) ದಾತವ್ಯಂ ಯಾಚಮಾನೇಭ್ಯ ಇತಿ ಮೇ ವ್ರತಮಾಹಿತಂ। ತ್ವಂ ಚ ಯಾಚಸಿ ಮಾಂ ಕಾಮಂ ಬ್ರೂಹಿ ಕಿಂ ಕರವಾಣಿ ತೇ॥ 1-76-34 (3484) `ಧನಂ ವಾ ಯದಿ ವಾ ಕಿಂಚಿದ್ರಾಜ್ಯಂ ವಾಽಪಿ ಶುಚಿಸ್ಮಿತೇ।' 1-76-35 (3485) ಶರ್ಮಿಷ್ಠೋವಾಚ। ಅಧರ್ಮಾತ್ಪಾಹಿ ಮಾಂ ರಾಜಂಧರ್ಮಂ ಚ ಪ್ರತಿಪಾದಯ॥ 1-76-35x (435) `ನಾನ್ಯಂ ವೃಣೇ ಪುತ್ರಕಾಮಾ ಪುತ್ರಾತ್ಪರತರಂ ನ ಚ।' ತ್ವತ್ತೋಽಪತ್ಯವತೀ ಲೋಕೇ ಚರೇಯಂ ಧರ್ಮಮುತ್ತಮಂ॥ 1-76-36 (3486) ತ್ರಯ ಏವಾಧನಾ ರಾಜನ್ಭಾರ್ಯಾ ದಾಸಸ್ತಥಾ ಸುತಃ। ಯತ್ತೇ ಸಮಧಿಗಚ್ಛಂತಿ ಯಸ್ಯೈತೇ ತಸ್ಯ ತದ್ಧನಂ॥ 1-76-37 (3487) `ಪುತ್ರಾರ್ಥಂ ಭರ್ತೃಪೋಷಾರ್ಥಂ ಸ್ತ್ರಿಯಃ ಸೃಷ್ಟಾಃ ಸ್ವಯಂಭುವಾ। ಅಪತಿರ್ವಾಪಿ ಯಾ ಕನ್ಯಾ ಅನಪತ್ಯಾ ಚ ಯಾ ಭವೇತ್। ತಾಸಾಂ ಜನ್ಮ ವೃಥಾ ಲೋಕೇ ಗತಿಸ್ತಾಸಾಂ ನ ವಿದ್ಯತೇ॥' 1-76-38 (3488) ದೇವಯಾನ್ಯಾ ಭುಜಿಷ್ಯಾಽಸ್ಮಿ ವಶ್ಯಾ ಚ ತವ ಭಾರ್ಗವೀ। ಸಾ ಚಾಹಂ ಚ ತ್ವಯಾ ರಾಜನ್ಭಜನೀಯೇ ಭಜಸ್ವ ಮಾಂ॥ 1-76-39 (3489) ವೈಶಂಪಾಯನ ಉವಾಚ। 1-76-40x (436) ಏವಮುಕ್ತಸ್ತು ರಾಜಾ ಸ ತಥ್ಯಮಿತ್ಯಭಿಜಜ್ಞಿವಾನ್। ಪೂಜಯಾಮಾಸ ಶರ್ಮಿಷ್ಠಾಂ ಧರ್ಮಂ ಚ ಪ್ರತ್ಯಪಾದಯತ್॥ 1-76-40 (3490) ಸ ಸಮಾಗಂಯ ಶರ್ಮಿಷ್ಠಾಂ ಯಥಾ ಕಾಮಮವಾಪ್ಯ ಚ। ಅನ್ಯೋನ್ಯಂ ಚಾಭಿಸಂಪೂಜ್ಯ ಜಗ್ಮತುಸ್ತೌ ಯಥಾಗತಂ॥ 1-76-41 (3491) ತಸ್ಮಿನ್ಸಮಾಗಮೇ ಸುಭ್ರೂಃ ಶರ್ಮಿಷ್ಠಾ ಚಾರುಹಾಸಿನೀ। ಲೇಭೇ ಗರ್ಭಂ ಪ್ರಥಮತಸ್ತಸ್ಮಾನ್ನೃಪತಿಸತ್ತಮಾತ್॥ 1-76-42 (3492) ಪ್ರಯಜ್ಞೇ ಚ ತತಃ ಕಾಲೇ ರಾಜನ್ರಾಜೀವಲೋಚನಾ। ಕುಮಾರಂ ದೇವಗರ್ಭಾಭಂ ರಾಜೀವನಿಭಲೋಚನಂ॥ ॥ 1-76-43 (3493) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಷಟ್ಸಪ್ತತಿತಮೋಽಧ್ಯಾಯಃ॥ 76 ॥

1-77-0 (3494) ವೈಶಂಪಾಯನ ಉವಾಚ। 1-77-0x (437) `ತಸ್ಮಿನ್ನಕ್ಷತ್ರಸಂಯೋಗೇ ಶುಕ್ಲೇ ಪುಣ್ಯರ್ಕ್ಷಗೇಂದುನಾ। ಸ ರಾಜಾ ಮುಮುದೇ ಸಂರಾಟ್ ತಯಾ ಶರ್ಮಿಷ್ಠಯಾ ಸಹ॥ 1-77-1 (3495) ಪ್ರಜಾನಾಂ ಶ್ರೀರಿವಾಭ್ಯಾಶೇ ಶರ್ಮಿಷ್ಠಾ ಹ್ಯಭವದ್ವಧೂಃ। ಪನ್ನಗೀವೋಗ್ರರೂಪಾ ವೈ ದೇವಯಾನೀ ಮಮಾಪ್ಯಭೂತ್॥ 1-77-2 (3496) ಪರ್ಜನ್ಯ ಇವ ಸಸ್ಯಾನಾಂ ದೇವಾನಾಮಮೃತಂ ಯಥಾ। ತದ್ವನ್ಮಮಾಪಿ ಸಂಭೂತಾ ಶರ್ಮಿಷ್ಠಾ ವಾರ್ಷಪರ್ವಣೀ। ಇತ್ಯೇವಂ ಮನಸಾ ಜ್ಞಾತ್ವಾ ದೇವಯಾನೀಮವರ್ಜಯತ್॥' 1-77-3 (3497) ಶ್ರುತ್ವಾ ಕುಮಾರಂ ಜಾತಂ ತು ದೇವಯಾನೀ ಶುಚಿಸ್ಮಿತಾ। ಚಿಂತಯಾಮಾಸ ದುಃಖಾರ್ತಾ ಶರ್ಮಿಷ್ಠಾಂ ಪ್ರತಿ ಭಾರತ॥ 1-77-4 (3498) ಅಭಿಗಂಯ ಚ ಶರ್ಮಿಷ್ಠಾಂ ದೇವಯಾನ್ಯಬ್ರವೀದಿದಂ। 1-77-5 (3499) ದೇವಯಾನ್ವುವಾಚ। ಕಿಮಿದಂ ವೃಜಿನಂ ಸುಭ್ರು ಕೃತಂ ವೈ ಕಾಮಲುಬ್ಧಯಾ॥ 1-77-5x (438) ಶರ್ಮಿಷ್ಠೋವಾಚ। 1-77-6x (439) ಋಷಿರಭ್ಯಾಗತಃ ಕಶ್ಚಿದ್ಧರ್ಮಾತ್ಮಾ ವೇದಪಾರಗಃ। ಸ ಮಯಾ ವರದಃ ಕಾಮಂ ಯಾಚಿತೋ ಧರ್ಮಸಂಹಿತಂ॥ 1-77-6 (3500) `ಅಪತ್ಯಾರ್ಥೇ ಸ ತು ಮಯಾ ವೃತೋ ವೈ ಚಾರುಹಾಸಿನಿ'। ನಾಹಮನ್ಯಾಯತಃ ಕಾಮಮಾಚರಾಮಿ ಶುಚಿಸ್ಮಿತೇ। ತಸ್ಮಾದೃಷೇರ್ಮಮಾಪತ್ಯಮಿತಿ ಸತ್ಯಂ ಬ್ರವೀಮಿ ತೇ॥ 1-77-7 (3501) ದೇವಯಾನ್ಯುವಾಚ। 1-77-8x (440) ಶೋಭನಂ ಭೀರು ಯದ್ಯೇವಮಥ ಸ ಜ್ಞಾಯತೇ ದ್ವಿಜಃ। ಗೋತ್ರನಾಮಾಭಿಜನತೋ ವೇತ್ತುಮಿಚ್ಛಾಮಿ ತಂ ದ್ವಿಜಂ॥ 1-77-8 (3502) ಶರ್ಮಿಷ್ಠೋವಾಚ। 1-77-9x (441) ತಪಸಾ ತೇಜಸಾ ಚೈವ ದೀಪ್ಯಮಾನಂ ಯಥಾ ರವಿಂ। ತಂ ದೃಷ್ಟ್ವಾ ಮಮ ಸಂಪ್ರಷ್ಟುಂ ಶಕ್ತಿರ್ನಾಸೀಚ್ಛುಚಿಸ್ಮಿತೇ॥ 1-77-9 (3503) ದೇವಯಾನ್ಯುವಾಚ। 1-77-10x (442) ಯದ್ಯೇತದೇವಂ ಶರ್ಮಿಷ್ಠೇ ನ ಮನ್ಯುರ್ವಿದ್ಯತೇ ಮಮ। ಅಪತ್ಯಂ ಯದಿ ತೇ ಲಬ್ಧಂ ಜ್ಯೇಷ್ಠಾಚ್ಛ್ರೇಷ್ಠಾಚ್ಚ ವೈ ದ್ವಿಜಾತ್॥ 1-77-10 (3504) ವೈಶಂಪಾಯನ ಉವಾಚ। 1-77-11x (443) ಅನ್ಯೋನ್ಯಮೇವಮುಕ್ತ್ವಾ ತು ಸಂಪ್ರಹಸ್ಯ ಚ ತೇ ಮಿಥಃ। ಜಗಾಮ ಭಾರ್ಗವೀ ವೇಶ್ಮ ತಥ್ಯಮಿತ್ಯವಜಗ್ಮುಷೀ॥ 1-77-11 (3505) ಯಯಾತಿರ್ದೇವಯಾನ್ಯಾಂ ತು ಪುತ್ರಾವಜನಯನ್ನೃಪಃ। ಯದುಂ ಚ ತುರ್ವಸುಂ ಚೈವ ಶಕ್ರವಿಷ್ಣೂ ಇವಾಪರೌ॥ 1-77-12 (3506) `ತಸ್ಮಿನ್ಕಾಲೇ ತು ರಾಜರ್ಷಿರ್ಯಯಾತಿಃ ಪೃಥಿವೀಪತಿಃ। ಮಾಧ್ವೀಕರಸಸಂಯುಕ್ತಾಂ ಮದಿರಾಂ ಮದವರ್ಧನೀಂ॥ 1-77-13 (3507) ಪಾಯಯಾಮಾಸ ಶುಕ್ರಸ್ಯ ತನಯಾಂ ರಕ್ತಪಿಂಗಲಾಂ। ಪೀತ್ವಾ ಪೀತ್ವಾ ಚ ಮದಿರಾಂ ದೇವಯಾನೀ ಮುಮೋಹ ಸಾ॥ 1-77-14 (3508) ರುದತೀ ಗಾಯಮಾನಾ ಚ ನೃತ್ಯಂತೀ ಚ ಮುಹುರ್ಮುಹುಃ। ಬಹು ಪ್ರಲಪತೀ ದೇವೀ ರಾಜಾನಮಿದಮಬ್ರವೀತ್॥ 1-77-15 (3509) ರಾಜವದ್ರೂಪವೇಷೌ ತೇ ಕಿಮರ್ಥಂ ತ್ವಮಿಹಾಗತಃ। ಕೇನ ಕಾರ್ಯೇಣ ಸಂಪ್ರಾಪ್ತೋ ನಿರ್ಜನಂ ಗಹನಂ ವನಂ॥ 1-77-16 (3510) ದ್ವಿಜಶ್ರೇಷ್ಠ ನೃಪಶ್ರೇಷ್ಠೋ ಯಯಾತಿಶ್ಚೋಗ್ರದರ್ಶನಃ। ತಸ್ಮಾದಿತಃ ಪಲಾಯಸ್ವ ಹಿತಮಿಚ್ಛಸಿ ಚೇದ್ದ್ವಿಜ॥ 1-77-17 (3511) ಇತ್ಯೇವಂ ಪ್ರಲಪಂತೀಂ ತಾಂ ದೇವಯಾನೀಂ ತು ನಾಹುಷಃ। ಭರ್ತ್ಸಯಾಮಾಸ ವಚನೈರನರ್ಹಾಂ ಪಾಪವರ್ಧನೀಂ॥ 1-77-18 (3512) ತತೋ ವರ್ಷವರಾನ್ಮೂಕಾನ್ವ್ಯಂಗಾನ್ವೃದ್ಧಾಂಶ್ಚ ಪಂಗುಕಾನ್। ರಕ್ಷಣೇ ದೇವಯಾನ್ಯಾಃ ಸ ಪೋಷಣೇ ಚ ಶಶಾಸ ತಾನ್॥ 1-77-19 (3513) ತತಸ್ತು ನಾಹುಷೋ ರಾಜಾ ಶರ್ಮಿಷ್ಠಾಂ ಪ್ರಾಪ್ಯ ಬುದ್ಧಿಮಾನ್। ರೇಮೇ ಚ ಸುಚಿರಂ ಕಾಲಂ ತಯಾ ಶರ್ಮಿಷ್ಠಯಾ ಸಹ॥' 1-77-20 (3514) ತಸ್ಮಾದೇವ ತು ರಾಜರ್ಷೇಃ ಶರ್ಮಿಷ್ಠಾ ವಾರ್ಷಪರ್ವಣೀ। ದ್ರುಹ್ಯುಂ ಚಾನುಂ ಚ ಪೂರುಂ ಚ ತ್ರೀನ್ಕುಮಾರಾನಜೀಜನತ್॥ 1-77-21 (3515) ತತಃ ಕಾಲೇ ತು ಕಸ್ಮಿಂಶ್ಚಿದ್ದೇವಯಾನೀ ಶುಚಿಸ್ಮಿತಾ। ಯಯಾತಿಸಹಿತಾ ರಾಜಂಜಗಾಮ ರಹಿತಂ ವನಂ॥ 1-77-22 (3516) ದದರ್ಶ ಚ ತದಾ ತತ್ರ ಕುಮಾರಾಂದೇವರೂಪಿಣಃ। ಕ್ರೀಡಮಾನಾನ್ಸುವಿಶ್ರಬ್ಧಾನ್ವಿಸ್ಮಿತಾ ಚೇದಮಬ್ರವೀತ್॥ 1-77-23 (3517) ದೇವಯಾನ್ಯುವಾಚ। 1-77-24x (444) `ಕಸ್ಯೈತೇ ದಾರಕಾ ರಾಜಂದೇವಪುತ್ರೋಪಮಾಃ ಶುಭಾಃ। ವರ್ಚಸಾ ರೂಪತಶ್ಚೈವ ಸದೃಶಾ ಮೇ ಮತಾಸ್ತವ॥ 1-77-24 (3518) ವೈಶಂಪಾಯನ ಉವಾಚ। 1-77-25x (445) ಏವಂ ಪೃಷ್ಟ್ವಾ ತು ರಾಜಾನಂ ಕುಮಾರಾನ್ಪರ್ಯಪೃಚ್ಛತ॥ 1-77-25 (3519) ತಸ್ಮಿನ್ಕಾಲೇ ತು ತಚ್ಛ್ರುತ್ವಾ ಧಾತ್ರೀ ತೇಷಾಂ ವಚೋಽಬ್ರವೀತ್। ಕಿಂ ನ ಬ್ರೂತ ಕುಮಾರಾ ವಃ ಪಿತರಂ ವೈ ದ್ವಿಜರ್ಷಭಂ॥ 1-77-26 (3520) ಕುಮಾರಾ ಊಚುಃ। 1-77-27x (446) ಋಷಿಶ್ಚ ಬ್ರಾಹ್ಮಣಶ್ಚೈವ ದ್ವಿಜಾತಿಶ್ಚೈವ ನಃ ಪಿತಾ। ಶರ್ಮಿಷ್ಠಾ ನಾನೃತಂ ಬ್ರೂತೇ ದೇವಯಾನಿ ಕ್ಷಮಸ್ವ ನಃ॥' 1-77-27 (3521) ದೇವಯಾನ್ಯುವಾಚ। 1-77-28x (447) ಕಿಂನಾಮಧೇಯಗೋತ್ರೋ ವಃ ಪುತ್ರಕಾ ಬ್ರಾಹ್ಮಣಃ ಪಿತಾ। ಪ್ರಬ್ರೂತ ತತ್ತ್ವತಃ ಕ್ಷಿಪ್ರಂ ಕಶ್ಚಾಸೌ ಕ್ವ ಚ ವರ್ತತೇ॥ 1-77-28 (3522) ಪ್ರಬ್ರೂತ ಮೇ ಯಥಾ ತಥ್ಯಂ ಶ್ರೋತುಮಿಚ್ಛಾಮಿ ತಂ ಹ್ಯಹಂ। ಏವಮುಕ್ತಾಃ ಕುಮಾರಸ್ತೇ ದೇವಯಾನ್ಯಾ ಸುಮಧ್ಯಯಾ॥ 1-77-29 (3523) ತೇಽದರ್ಶಯನ್ಪ್ರದೇಶಿನ್ಯಾ ತಮೇವ ನೃಪಸತ್ತಮಂ। ಶರ್ಮಿಷ್ಠಾಂ ಮಾತರಂ ಚೈವ ತಥಾಽಽಚಖ್ಯುಶ್ಚ ದಾರಕಾಃ॥ 1-77-30 (3524) ವೈಶಂಪಾಯನ ಉವಾಚ। 1-77-31x (448) ಇತ್ಯುಕ್ತ್ವಾ ಸಹಿತಾಸ್ತೇ ತು ರಾಜಾನಮುಪಚಕ್ರಮುಃ। ನಾಭ್ಯನಂದತ ತಾನ್ರಾಜಾ ದೇವಯಾನ್ಯಾಸ್ತದಾಂತಿಕೇ॥ 1-77-31 (3525) ರುದಂತಸ್ತೇಽಥ ಶರ್ಮಿಷ್ಠಾಮಭ್ಯಯುರ್ಬಾಲಕಾಸ್ತತಃ। `ಅವಿಬ್ರುವಂತೀ ಕಿಂಚಿಚ್ಚ ರಾಜಾನಂ ಚಾರುಲೋಚನಾ॥ 1-77-32 (3526) ನಾತಿದೂರಾಚ್ಚ ರಾಜಾನಂ ಸಾ ಚಾತಿಷ್ಠದವಾಙ್ಮುಖೀ। ಶ್ರುತ್ವಾ ತೇಷಾಂ ತು ಬಾಲಾನಾಂ ಸವ್ರೀಡ ಇವ ಪಾರ್ಥಿವಃ॥ 1-77-33 (3527) ಪ್ರತಿವಕ್ತುಮಶಕ್ತೋಽಭೂತ್ತೂಷ್ಣೀಂಭೂತೋಽಭವನ್ನೃಪಃ। ದೃಷ್ಟ್ವಾ ತು ತೇಷಾಂ ಬಾಲಾನಾಂ ಪ್ರಣಯಂ ಪಾರ್ಥಿವಂ ಪ್ರತಿ॥ 1-77-34 (3528) ಬುದ್ಧ್ವಾ ತು ತತ್ತ್ವತೋ ದೇವೀ ಶರ್ಮಿಷ್ಠಾಪಿದಮಬ್ರವೀತ್। ಅಭ್ಯಾಗಚ್ಛತಿ ಮಾಂ ಕಶ್ಚಿದೃಷಿರಿತ್ಯೇವಮಬ್ರವೀಃ॥ 1-77-35 (3529) ಯಯಾತಿಮೇವಂ ರಾಜಾನಂ ತ್ವಂ ಗೋಪಾಯಸಿ ಭಾಮಿನಿ। ಪೂರ್ವಮೇವ ಮಯಾ ಪ್ರೋಕ್ತಂ ತ್ವಯಾ ತು ವೃಜಿನಂ ಕೃತಂ॥ 1-77-36 (3530) ಮದಧೀನಾ ಸತೀ ಕಸ್ಮಾದಕಾರ್ಷೀರ್ವಿಪ್ರಿಯಂ ಮಮ। ತಮೇವಾಽಽಸುರಧರ್ಮಂ ತ್ವಮಾಸ್ಥಿತಾ ನ ಬಿಭೇಷಿ ಮೇ॥' 1-77-37 (3531) ಶರ್ಮಿಷ್ಠೋವಾಚ। 1-77-38x (449) ಯದುಕ್ತಮೃಷಿರಿತ್ಯೇವ ತತ್ಸತ್ಯಂ ಚಾರುಹಾಸಿನಿ। ನ್ಯಾಯತೋ ಧರ್ಮತಶ್ಚೈವ ಚರಂತೀ ನ ಬಿಭೇಮಿ ತೇ॥ 1-77-38 (3532) ಯದಾ ತ್ವಯಾ ವೃತೋ ಭರ್ತಾ ವೃತ ಏವ ತದಾ ಮಯಾ। ಸಖೀಭರ್ತಾ ಹಿ ಧರ್ಮೇಣ ಭರ್ತಾ ಭವತಿ ಶೋಭನೇ॥ 1-77-39 (3533) ಪೂಜ್ಯಾಸಿ ಮಮ ಮಾನ್ಯಾ ಚ ಜ್ಯೇಷ್ಠಾ ಚ ಬ್ರಾಹ್ಮಣೀ ಹ್ಯಸಿ। ತ್ವತ್ತೋಪಿ ಮೇ ಪೂಜ್ಯತಮೋ ರಾಜರ್ಷಿಃ ಕಿಂ ನ ವೇತ್ಥ ತತ್॥ 1-77-40 (3534) `ತ್ವತ್ಪಿತ್ರಾ ಮಮ ಗುರುಣಾ ಸಹ ದತ್ತೇ ಉಭೇ ಶುಭೇ। ತತೋ ಭರ್ತಾ ಚ ಪೂಜ್ಯಶ್ಚ ಪೋಷ್ಯಾಂ ಪೋಷಯತೀಹ ಮಾಂ॥ 1-77-41 (3535) ವೈಶಂಪಾಯನ ಉವಾಚ। 1-77-42x (450) ಶ್ರುತ್ವಾ ತಸ್ಯಾಸ್ತತೋ ವಾಕ್ಯಂ ದೇವಯಾನ್ಯಬ್ರವೀದಿದಂ। ರಮಸ್ವೇಹ ಯಥಾಕಾಮಂ ದೇವ್ಯಾ ಶರ್ಮಿಷ್ಠಯಾ ಸಹ॥ 1-77-42 (3536) ರಾಜನ್ನಾದ್ಯೇಹ ವತ್ಸ್ಯಾಮಿ ವಿಪ್ರಿಯಂ ಮೇ ಕೃತಂ ತ್ವಯಾ। ಇತಿ ಜಜ್ವಾಲ ಕೋಪೇನ ದೇವಯಾನೀ ತತೋ ಭೃಶಂ॥ 1-77-43 (3537) ನಿರ್ದಹಂತೀವ ಸವ್ರೀಡಾಂ ಶರ್ಮಿಷ್ಠಾಂ ಸಮುದೀಕ್ಷ್ಯ ಚ। ಅಪವಿಧ್ಯ ಚ ಸರ್ವಾಣಿ ಭೂಷಣಾನ್ಯಸಿತೇಕ್ಷಣಾ॥' 1-77-44 (3538) ಸಹಸೋತ್ಪತಿತಾಂ ಶ್ಯಾಮಾಂ ದೃಷ್ಟ್ವಾ ತಾಂ ಸಾಶ್ರುಲೋಚನಾಂ। ತೂರ್ಣಂ ಸಕಾಶಂ ಕಾವ್ಯಸ್ಯ ಪ್ರಸ್ಥಿತಾಂ ವ್ಯಥಿತಸ್ತದಾ॥ 1-77-45 (3539) ಅನುವವ್ರಾಜ ಸಂಭ್ರಾಂತಃ ಪೃಷ್ಠತಃ ಸಾಂತ್ವಯನ್ನೃಪಃ। ನ್ಯವರ್ತತ ನಚೈವ ಸ್ಮ ಕ್ರೋಧಸಂರಕ್ತಲೋಚನಾ॥ 1-77-46 (3540) ಅವಿಬ್ರುವಂತೀ ಕಿಂಚಿತ್ಸಾ ರಾಜಾನಂ ಸಾಶ್ರುಲೋಚನಾ। ಅಚಿರಾದೇವ ಸಂಪ್ರಾಪ್ತಾ ಕಾವ್ಯಸ್ಯೋಶನಸೋಽಂತಿಕಂ॥ 1-77-47 (3541) ಸಾ ತು ದೃಷ್ಟ್ವೈ ಪಿತರಮಭಿವಾದ್ಯಾಗ್ರತಃ ಸ್ಥಿತಾ। ಅನಂತರಂ ಯಾಯಾತಿಸ್ತು ಪೂಜಯಾಮಾಸ ಭಾರ್ಗವಂ॥ 1-77-48 (3542) ದೇವಯಾನ್ಯುವಾಚ। 1-77-49x (451) ಅಧರ್ಮೇಣ ಜಿತೋ ಧರ್ಮಃ ಪ್ರವೃತ್ತಮಧರೋತ್ತರಂ। ಶರ್ಮಿಷ್ಠಯಾಽತಿವೃತ್ತಾಽಸ್ಮಿ ದುಹಿತ್ರಾ ವೃಷಪರ್ವಣಃ॥ 1-77-49 (3543) ತ್ರಯೋಽಸ್ಯಾಂ ಜನಿತಾಃ ಪುತ್ರಾ ರಾಜ್ಞಾಽನೇನ ಯಯಾತಿನಾ। ದುರ್ಭಗಾಯಾ ಮಮ ದ್ವೌ ತು ಪುತ್ರೌ ತಾತ ಬ್ರವೀಮಿ ತೇ॥ 1-77-50 (3544) ಧರ್ಮಜ್ಞ ಇತಿ ವಿಖ್ಯಾತ ಏಷ ರಾಜಾ ಭೃಗೂದ್ವಹ। ಅತಿಕ್ರಾಂತಶ್ಚ ಮರ್ಯಾದಾಂ ಕಾವ್ಯೈತತ್ಕಥಯಾಮಿ ತೇ॥ 1-77-51 (3545) ಶುಕ್ರ ಉವಾಚ। 1-77-52x (452) ಧರ್ಮಜ್ಞಃ ಸನ್ಮಹಾರಾಜ ಯೋಽಧರ್ಮಮಕೃಥಾಃ ಪ್ರಿಯಂ। ತಸ್ಮಾಜ್ಜರಾ ತ್ವಾಮಚಿರಾದ್ಧರ್ಷಯಿಷ್ಯತಿ ದುರ್ಜಯಾ॥ 1-77-52 (3546) ಯಯಾತಿರುವಾಚ। 1-77-53x (453) ಋತುಂ ವೈ ಯಾಚಮಾನಾಯಾ ಭಗವನ್ನಾನ್ಯಚೇತಸಾ। ದುಹಿತುರ್ದಾನವೇಂದ್ರಸ್ಯ ಧರ್ಂಯಮೇತತ್ಕೃತಂ ಮಯಾ॥ 1-77-53 (3547) ಋತುಂ ವೈ ಯಾಚಮಾನಾಯಾ ನ ದದಾತಿ ಪುಮಾನೃತುಂ। ಭ್ರೂಣಹೇತ್ಯುಚ್ಯತೇ ಬ್ರಹ್ಮನ್ ಸ ಇಹ ಬ್ರಹ್ಮವಾದಿಭಿಃ॥ 1-77-54 (3548) ಅಭಿಕಾಮಾಂ ಸ್ತ್ರಿಯಂ ಯಶ್ಚ ಗಂಯಾಂ ರಹಸಿ ಯಾಚಿತಃ। ನೋಪೈತಿ ಸ ಚ ಧರ್ಮೇಷು ಭ್ರೂಣಹೇತ್ಯುಚ್ಯತೇ ಬುಧೈಃ॥ 1-77-55 (3549) `ಯದ್ಯದ್ವೃಣೋತಿ ಮಾಂ ಕಶ್ಚಿತ್ತತ್ತದ್ದೇಯಮಿತಿ ವ್ರತಂ। ತ್ವಯಾ ಚ ಸಾಪಿ ದತ್ತಾ ಮೇ ನಾನ್ಯಂ ನಾಥಮಿಹೇಚ್ಛತಿ'॥ 1-77-56 (3550) ಇತ್ಯೇತಾನಿ ಸಮೀಕ್ಷ್ಯಾಹಂ ಕಾರಣಾನಿ ಭೃಗೂದ್ವಹ। ಅಧರ್ಮಭಯಸಂವಿಗ್ನಃ ಶರ್ಮಿಷ್ಠಾಮುಪಜಗ್ಮಿವಾನ್। `ಮತ್ವೈತನ್ಮೇ ಧರ್ಮ ಇತಿ ಕೃತಂ ಬ್ರಹ್ಮನ್ಕ್ಷಮಸ್ವ ಮಾಂ॥' 1-77-57 (3551) ಶುಕ್ರ ಉವಾಚ। 1-77-58x (454) ನನ್ವಹಂ ಪ್ರತ್ಯವೇಕ್ಷ್ಯಸ್ತೇ ಮದಧೀನೋಽಸಿ ಪಾರ್ಥಿವ। ಮಿಥ್ಯಾಚಾರಸ್ಯ ಧರ್ಮೇಷು ಚೌರ್ಯಂ ಭವತಿ ನಾಹುಷ॥ 1-77-58 (3552) ವೈಶಂಪಾಯನ ಉವಾಚ। 1-77-59x (455) ಕ್ರುದ್ಧೇನೋಶನಸಾ ಶಪ್ತೋ ಯಯಾತಿರ್ನಾಹುಷಸ್ತದಾ। ಪೂರ್ವಂ ವಯಃ ಪರಿತ್ಯಜ್ಯ ಜರಾಂ ಸದ್ಯೋಽನ್ವಪದ್ಯತ॥ 1-77-59 (3553) ಯಯಾತಿರುವಾಚ। 1-77-60x (456) ಅತೃಪ್ತೋ ಯೌವನಸ್ಯಾಹಂ ದೇವಯಾನ್ಯಾಂ ಭೃಗೂದ್ವಹ। ಪ್ರಸಾದಂ ಕುರು ಮೇ ಬ್ರಹ್ಮಂಜರೇಯಂ ನ ವಿಶೇಚ್ಚ ಮಾಂ॥ 1-77-60 (3554) ಶುಕ್ರ ಉವಾಚ। 1-77-61x (457) ನಾಹಂ ಮೃಷಾ ಬ್ರವೀಂಯೇತಜ್ಜರಾಂ ಪ್ರಾಪ್ತೋಽಸಿ ಭೂಮಿಪ। ಜರಾಂ ತ್ವೇತಾಂ ತ್ವಮನ್ಯಸ್ಮಿನ್ಸಂಕ್ರಾಮಯ ಯದೀಚ್ಛಸಿ॥ 1-77-61 (3555) ಯಯಾತಿರುವಾಚ। 1-77-62x (458) ರಾಜ್ಯಭಾಕ್ಸ ಭವೇದ್ಬ್ರಹ್ಮನ್ಪುಣ್ಯಭಾಕ್ಕೀರ್ತಿಭಾಕ್ತಥಾ। ಯೋ ಮೇ ದದ್ಯಾದ್ವಯಃ ಪುತ್ರಸ್ತದ್ಭವಾನನುಮನ್ಯತಾಂ॥ 1-77-62 (3556) ಶುಕ್ರ ಉವಾಚ। 1-77-63x (459) ಸಂಕ್ರಾಮಯಿಷ್ಯಸಿ ಜರಾಂ ಯೇಥೇಷ್ಟಂ ನಹುಷಾತ್ಮಜ। ಮಾಮನುಧ್ಯಾಯ ಭಾವೇನ ನ ಚ ಪಾಪಮವಾಪ್ಸ್ಯಸಿ॥ 1-77-63 (3557) ವಯೋ ದಾಸ್ಯತಿ ತೇ ಪುತ್ರೋ ಯಃ ಸ ರಾಜಾ ಭವಿಷ್ಯತಿ। ಆಯುಷ್ಮಾನ್ಕೀರ್ತಿಮಾಂಶ್ಚೈವ ಬಹ್ವಪತ್ಯಸ್ತಥೈವ ಚ॥ ॥ 1-77-64 (3558) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಸಪ್ತಸಪ್ತತಿತಮೋಽಧ್ಯಾಯಃ॥ 77 ॥

1-78-0 (3559) ವೈಶಂಪಾಯನ ಉವಾಚ। 1-78-0x (460) ಜರಾಂ ಪ್ರಾಪ್ಯ ಯಯಾತಿಸ್ತು ಸ್ವಪುರಂ ಪ್ರಾಪ್ಯ ಚೈವ ಹಿ। ಪುತ್ರಂ ಜ್ಯೇಷ್ಠಂ ವರಿಷ್ಠಂ ಚ ಯದುಮಿತ್ಯಬ್ರವೀದ್ವಚಃ॥ 1-78-1 (3560) ಯಯಾತಿರುವಾಚ। 1-78-2x (461) ಜರಾವಲೀ ಚ ಮಾಂ ತಾತ ಪಲಿತಾನಿ ಚ ಪರ್ಯಗುಃ। ಕಾವ್ಯಸ್ಯೋಶನಸಃ ಶಾಪಾನ್ನ ಚ ತೃಪ್ತೋಽಸ್ಮಿ ಯೌವನೇ॥ 1-78-2 (3561) ತ್ವಂ ಯದೋ ಪ್ರತಿಪದ್ಯಸ್ವ ಪಾಪ್ಮಾನಂ ಜರಯಾ ಸಹ। ಯೌವನೇನ ತ್ವದೀಯೇನ ಚರೇಯಂ ವಿಷಯಾನಹಂ॥ 1-78-3 (3562) ಪೂರ್ಣೇ ವರ್ಷಸಹಸ್ರೇ ತು ಪುನಸ್ತೇ ಯೌವನಂ ತ್ವಹಂ। ದತ್ತ್ವಾ ಸ್ವಂ ಪ್ರತಿಪತ್ಸ್ಯಾಮಿ ಪಾಪ್ಮಾನಂ ಜರಯಾ ಸಹ॥ 1-78-4 (3563) ಯದುರುವಾಚ। 1-78-5x (462) ಜರಾಯಾಂ ಬಹವೋ ದೋಷಾಃ ಪಾನಭೋಜನಕಾರಿತಾಃ। ತಸ್ಮಾಜ್ಜರಾಂ ನ ತೇ ರಾಜನ್ಗ್ರಹೀಷ್ಯ ಇತಿ ಮೇ ಮತಿಃ॥ 1-78-5 (3564) ಸಿತಶ್ಮಶ್ರುರ್ನಿರಾನಂದೋ ಜರಯಾ ಶಿಥಿಲೀಕೃತಃ। ವಲೀಸಂಗತಗಾತ್ರಸ್ತು ದುರ್ದರ್ಶೋ ದುರ್ಬಲಃ ಕೃಶಃ॥ 1-78-6 (3565) ಅಶಕ್ತಃ ಕಾರ್ಯಕರಣೇ ಪರಿಭೂತಃ ಸ ಯೌವತೈಃ। ಸಹೋಪಜೀವಿಭಿಶ್ಚೈವ ತಾಂ ಜರಾಂ ನಾಭಿಕಾಮಯೇ॥ 1-78-7 (3566) ಸಂತಿ ತೇ ಬಹವಃ ಪುತ್ರಾ ಮತ್ತಃ ಪ್ರಿಯತರಾ ನೃಪ। ಜರಾಂ ಗ್ರಹೀತುಂ ಧರ್ಮಜ್ಞ ತಸ್ಮಾದನ್ಯಂ ವೃಣೀಷ್ವ ವೈ॥ 1-78-8 (3567) ಯಯಾತಿರುವಾಚ। 1-78-9x (463) ಯತ್ತ್ವಂ ಮೇ ಹೃದಯಾಜ್ಜಾತೋ ವಯಃ ಸ್ವಂ ನ ಪ್ರಯಚ್ಛಸಿ। ತಸ್ಮಾದರಾಜ್ಯಭಾಕ್ತಾತ ಪ್ರಜಾ ತವ ಭವಿಷ್ಯತಿ॥ 1-78-9 (3568) `ಪ್ರತ್ಯಾಖ್ಯಾತಸ್ತು ರಾಜಾ ಸ ತುರ್ವಸುಂ ಪ್ರತ್ಯುವಾಚ ಹ।' ತುರ್ವಸೋ ಪ್ರತಿಪದ್ಯಸ್ವ ಪಾಪ್ಮಾನಂ ಜರಯಾ ಸಹ। ಯೌವನೇನ ಚರೇಯಂ ವೈ ವಿಷಯಾಂಸ್ತವ ಪುತ್ರಕ॥ 1-78-10 (3569) ಪೂರ್ಣೇ ವರ್ಷಸಹಸ್ರೇ ತು ಪುನರ್ದಾಸ್ಯಾಮಿ ಯೌವನಂ। ಸ್ವಂ ಚೈವ ಪ್ರತಿಪತ್ಸ್ಯಾಮಿ ಪಾಪ್ಮಾನಂ ಜರಯಾ ಸಹ॥ 1-78-11 (3570) ತುರ್ವಸುರುವಾಚ। 1-78-12x (464) ನ ಕಾಮಯೇ ಜರಾಂ ತಾತ ಕಾಮಭೋಗಪ್ರಣಾಶಿನೀಂ। ಬಲರೂಪಾಂತಕರಣೀಂ ಬುದ್ಧಿಪ್ರಾಣಪ್ರಣಾಶಿನೀಂ॥ 1-78-12 (3571) ಯಯಾತಿರುವಾಚ। 1-78-13x (465) ಯತ್ತ್ವಂ ಮೇ ಹೃದಯಾಜ್ಜಾತೋ ವಯಃ ಸ್ವಂ ನ ಪ್ರಯಚ್ಛಸಿ। ತಸ್ಮಾತ್ಪ್ರಜಾ ಸಮುಚ್ಛೇದಂ ತುರ್ವಸೋ ತವ ಯಾಸ್ಯತಿ॥ 1-78-13 (3572) ಸಂಕೀರ್ಣಾಚಾರಧರ್ಮೇಷು ಪ್ರತಿಲೋಮಚರೇಷು ಚ। ಪಿಶಿತಾಶಿಷು ಚಾಂತ್ಯೇಷು ಮೂಢ ರಾಜಾ ಭವಿಷ್ಯಸಿ॥ 1-78-14 (3573) ಗುರುದಾರಪ್ರಸಕ್ತೇಷು ತಿರ್ಯಗ್ಯೋನಿಗತೇಷು ಚ। ಪಶುಧರ್ಮೇಷು ಪಾಪೇಷು ಂಲೇಚ್ಛೇಷು ತ್ವಂ ಭವಿಷ್ಯಸಿ॥ 1-78-15 (3574) ವೈಶಂಪಾಯನ ಉವಾಚ। 1-78-16x (466) ಏವಂ ಸ ತುರ್ವಸುಂ ಶಪ್ತ್ವಾ ಯಯಾತಿಃ ಸುತಮಾತ್ಮನಃ। ಶರ್ಮಿಷ್ಠಾಯಾಃ ಸುತಂ ದ್ರುಹ್ಯುಮಿದಂ ವಚನಮಬ್ರವೀತ್॥ 1-78-16 (3575) ಯಯಾತಿರುವಾಚ। 1-78-17x (467) ದ್ರುಹ್ಯೋ ತ್ವಂ ಪ್ರತಿಪದ್ಯಸ್ವ ವರ್ಣರೂಪವಿನಾಶಿನೀಂ। ಜರಾಂ ವರ್ಷಸಹಸ್ರಂ ಮೇ ಯೌವನಂ ಸ್ವಂ ದದಸ್ವ ಚ॥ 1-78-17 (3576) ಪೂರ್ಣೇ ವರ್ಷಸಹಸ್ರೇ ತು ಪುನರ್ದಾಸ್ಯಾಮಿ ಯೌವನಂ। ಸ್ವಂ ಚಾದಾಸ್ಯಾಮಿ ಭೂಯೋಽಹಂ ಪಾಪ್ಮಾನಂ ಜರಯಾ ಸಹ॥ 1-78-18 (3577) ದ್ರುಹ್ಯುರುವಾಚ। 1-78-19x (468) ನ ಗಜಂ ನ ರಥಂ ನಾಶ್ವಂ ಜೀರ್ಣೋ ಭುಂಕ್ತೇ ನ ಚ ಸ್ತ್ರಿಯಂ। ವಾಗ್ಭಂಗಶ್ಚಾಸ್ಯ ಭವತಿ ತಾಂ ಜರಾಂ ನಾಭಿಕಾಮಯೇ॥ 1-78-19 (3578) ಯಯಾತಿರುವಾಚ। 1-78-20x (469) ಯತ್ತ್ವಂ ಮೇ ಹೃದಯಾಜ್ಜಾತೋ ವಯಃ ಸ್ವಂ ನ ಪ್ರಯಚ್ಛಸಿ। ತಸ್ಮಾದ್ದ್ರುಹ್ಯೋ ಪ್ರಿಯಃ ಕಾಮೋ ನ ತೇ ಸಂಪತ್ಸ್ಯತೇ ಕ್ವಚಿತ್॥ 1-78-20 (3579) ಯತ್ರಾಶ್ವರಥಮುಖ್ಯಾನಾಮಶ್ವಾನಾಂ ಸ್ಯಾದ್ಗತಂ ನ ಚ। ಹಸ್ತಿನಾಂ ಪೀಠಕಾನಾಂ ಚ ಗರ್ದಭಾನಾಂ ತಥೈವ ಚ॥ 1-78-21 (3580) ಬಸ್ತಾನಾಂ ಚ ಗವಾಂ ಚೈವ ಶಿಬಿಕಾಯಾಸ್ತಥೈವ ಚ। ಉಡುಪಪ್ಲವಸಂತಾರೋ ಯತ್ರ ನಿತ್ಯಂ ಭವಿಷ್ಯತಿ। 1-78-22 (3581) ಯಯಾತಿರುವಾಚ। 1-78-23x (470) ಅನೋ ತ್ವಂ ಪ್ರತಿಪದ್ಯಸ್ವ ಪಾಪ್ಮಾನಂ ಜರಯಾ ಸಹ। ಏಕಂ ವರ್ಷಸಹಸ್ರಂ ತು ಚರೇಯಂ ಯೌವನೇನ ತೇ॥ 1-78-23 (3582) ಅನುರುವಾಚ। 1-78-24x (471) ಜೀರ್ಣಃ ಶಿಶುವದಾದತ್ತೇ ಕಾಲೇಽನ್ನಮಶುಚಿರ್ಯಥಾ। ನ ಜುಹೋತಿ ಚ ಕಾಲೇಽಗ್ನಿಂ ತಾಂ ಜರಾಂ ನಾಭಿಕಾಮಯೇ॥ 1-78-24 (3583) ಯಯಾತಿರುವಾಚ। 1-78-25x (472) ಯತ್ತ್ವಂ ಮೇ ಹೃದಯಾಜ್ಜಾತೋ ವಯಃ ಸ್ವಂ ನ ಪ್ರಯಚ್ಛಸಿ। ಜರಾದೋಷಸ್ತ್ವಯಾ ಪ್ರೋಕ್ತಸ್ತಸ್ಮಾತ್ತ್ವಂ ಪ್ರತಿಲಪ್ಸ್ಯಸೇ॥ 1-78-25 (3584) ಪ್ರಜಾಶ್ಚ ಯೌವನಪ್ರಾಪ್ತಾ ವಿನಶಿಷ್ಯಂತ್ಯನೋ ತವ। ಅಗ್ನಿಪ್ರಸ್ಕಂದನಪರಸ್ತ್ವಂ ಚಾಪ್ಯೇವಂ ಭವಿಷ್ಯಸಿ॥ 1-78-26 (3585) ವೈಶಂಪಾಯನ ಉವಾಚ। 1-78-27x (473) ಪ್ರತ್ಯಾಖ್ಯಾತಶ್ಚತುರ್ಭಿಶ್ಚ ಶಪ್ತ್ವಾ ತಾನ್ಯದುಪೂರ್ವಕಾನ್। ಪೂರೋಃ ಸಕಾಶಮಗಮನ್ಮತ್ತ್ವಾ ಪೂರುಮಲಂಘನಂ॥ 1-78-27 (3586) ಯಯಾತಿರುವಾಚ। 1-78-28x (474) ಪೂರೋ ತ್ವಂ ಮೇ ಪ್ರಿಯಃ ಪುತ್ರಸ್ತ್ವಂ ವರೀಯಾನ್ಭವಿಷ್ಯಸಿ। ಜರಾ ವಲೀ ಚ ಮಾಂತಾತ ಪಲಿತಾನಿ ಚ ಪರ್ಯಗುಃ॥ 1-78-28 (3587) ಕಾವ್ಯಸ್ಯೋಶನಸಃ ಶಾಪಾನ್ನ ಚ ತೃಪ್ತೋಽಸ್ಮಿ ಯೌವನೇ। ಪೂರೋ ತ್ವಂ ಪ್ರತಿಪದ್ಯಸ್ವ ಪಾಪ್ಮಾನಂ ಜರಯಾ ಸಹ। ಕಂಚಿತ್ಕಾಲಂ ಚರೇಯಂ ವೈ ವಿಷಯಾನ್ವಯಸಾತವ॥ 1-78-29 (3588) ಪೂರ್ಣೇ ವರ್ಷಸಹಸ್ರೇ ತು ಪುನರ್ದಾಸ್ಯಾಮಿ ಯೌವನಂ। ಸ್ವಂ ಚೈವ ಪ್ರತಿಪತ್ಸ್ಯಾಮಿ ಪಾಪ್ಮಾನಂ ಜರಯಾ ಸಹ॥ 1-78-30 (3589) ವೈಶಂಪಾಯನ ಉವಾಚ। 1-78-31x (475) ಏವಮುಕ್ತಃ ಪ್ರತ್ಯುವಾಚ ಪೂರುಃ ಪಿತರಮಜ್ಜಸಾ। ಯದಾತ್ಥ ಮಾಂ ಮಹಾರಾಜ ತತ್ಕರಿಷ್ಯಾಮಿ ತೇ ವಚಃ॥ 1-78-31 (3590) `ಗುರೋರ್ವೈ ವಚನಂ ಪುಣ್ಯಂ ಸ್ವರ್ಗ್ಯಮಾಯುಷ್ಕರಂ ನೃಣಾಂ। ಗುರುಪ್ರಸಾದಾತ್ತ್ರೈಲೋಕ್ಯಮನ್ವಶಾಸಚ್ಛತಕ್ರತುಃ॥ 1-78-32 (3591) ಗುರೋರನುಮತಂ ಪ್ರಾಪ್ಯ ಸರ್ವಾನ್ಕಾಮಾನಮಾಪ್ನುಯಾತ್। ಯಾವದಿಚ್ಛಸಿ ತಾವಚ್ಚ ಧಾರಯಿಷ್ಯಾಮಿ ತೇ ಜರಾಂ'॥ 1-78-33 (3592) ಪ್ರತಿಪತ್ಸ್ಯಾಮಿ ತೇ ರಾಜನ್ಪಾಪ್ಮಾನಂ ಜರಯಾ ಸಹ। ಗೃಹಾಣ ಯೌವನಂ ಮತ್ತಶ್ಚರ ಕಾಮಾನ್ಯಥೇಪ್ಸಿತಾನ್॥ 1-78-34 (3593) ಜರಯಾಹಂ ಪ್ರತಿಚ್ಛನ್ನೋ ವಯೋರೂಪಧರಸ್ತವ। ಯೌವನಂ ಭವತೇ ದತ್ತ್ವಾ ಚರಿಷ್ಯಾಮಿ ಯಥಾತ್ಥಮಾಂ॥ 1-78-35 (3594) ಯಯಾತಿರುವಾಚ। 1-78-36x (476) ಪೂರೋ ಪ್ರೀತೋಽಸ್ಮಿ ತೇ ವತ್ಸ ಪ್ರೀತಶ್ಚೇದಂ ದದಾಮಿ ತೇ। ಸರ್ವಕಾಮಸಮೃದ್ಧಾ ತೇ ಪ್ರಜಾ ರಾಜ್ಯೇ ಭವಿಷ್ಯತಿ॥ 1-78-36 (3595) ವೈಶಂಪಾಯನ ಉವಾಚ। 1-78-37x (477) ಏವಮುಕ್ತ್ವಾ ಯಯಾತಿಸ್ತು ಸ್ಮೃತ್ವಾ ಕಾವ್ಯಂ ಮಹಾತಪಾಃ। ಸಂಕ್ರಾಮಯಾಮಾಸ ಜರಾಂ ತದಾ ಪೂರೌ ಮಹಾತ್ಮನಿ॥ ॥ 1-78-37 (3596) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಅಷ್ಟಸಪ್ತತಿತಮೋಽಧ್ಯಾಯಃ॥ 78 ॥

1-79-0 (3597) ವೈಶಂಪಾಯನ ಉವಾಚ। 1-79-0x (478) ಪೌರವೇಣಾಥ ವಯಸಾ ಯಯಾತಿರ್ನಹುಷಾತ್ಮಜಃ। `ರೂಪಯೌವನಸಂಪನ್ನಃ ಕುಮಾರಃ ಸಮಪದ್ಯತ।' ಪ್ರೀತಿಯುಕ್ತೋ ನೃಪಶ್ರೇಷ್ಠಶ್ಚರಾ ವಿಷಯಾನ್ಪ್ರಿಯಾನ್॥ 1-79-1 (3598) ಯಥಾಕಾಮಂ ಯಥೋತ್ಸಾಹಂ ಯಥಾಕಾಲಂ ಯಥಾಸುಖಂ। ಧರ್ಮಾವಿರುದ್ಧಂ ರಾಜೇಂದ್ರೋ ಯಥಾ ಭವತಿ ಸೋಽನ್ವಭೂತ್॥ 1-79-2 (3599) ದೇವಾನತರ್ಪಯದ್ಯಜ್ಞೈಃ ಶ್ರಾದ್ಧೈಸ್ತದ್ವಿತ್ಪಿತೄನಪಿ। ದೀನಾನನುಗ್ರಹೈರಿಷ್ಟೈಃ ಕಾಮೈಶ್ಚ ದ್ವಿಜಸತ್ತಮಾನ್॥ 1-79-3 (3600) ಅತಿಥೀನನ್ನಪಾನೈಶ್ಚ ವಿಶಶ್ಚ ಪರಿಪಾಲನೈಃ। ಆನೃಶಂಸ್ಯೇನ ಶೂದ್ರಾಂಶ್ಚ ದಸ್ಯೂನ್ಸನ್ನಿಗ್ರಹೇಣ ಚ॥ 1-79-4 (3601) ಧರ್ಮೇಣ ಚ ಪ್ರಜಾಃ ಸರ್ವಾ ಯಥಾವದನುರಂಜಯನ್। ಯಯಾತಿಃ ಪಾಲಯಾಮಾಸ ಸಾಕ್ಷಾದಿಂದ್ರ ಇವಾಪರಃ॥ 1-79-5 (3602) ಸ ರಾಜಾ ಸಿಂಹವಿಕ್ರಾಂತೋ ಯುವಾ ವಿಷಯಗೋಚರಃ। ಅವಿರೋಧೇನ ಧರ್ಮಸ್ಯ ಚಚಾರ ಸುಖಮುತ್ತಮಂ॥ 1-79-6 (3603) ಸ ಸಂಪ್ರಾಪ್ಯ ಶುಭಾನ್ಕಾಮಾಂಸ್ತೃಪ್ತಃ ಖಿನ್ನಶ್ಚ ಪಾರ್ಥಿವಃ। ಕಾಲಂ ವರ್ಷಸಹಸ್ರಾಂತಂ ಸಸ್ಮಾರ ಮನುಜಾಧಿಪಃ॥ 1-79-7 (3604) ಪರಿಸಂಖ್ಯಾಯ ಕಾಲಜ್ಞಃ ಕಲಾಃ ಕಾಷ್ಠಾಶ್ಚ ವೀರ್ಯವಾನ್। ಯೌವನಂ ಪ್ರಾಪ್ಯ ರಾಜರ್ಷಿಃ ಸಹಸ್ರಪರಿವತ್ಸರಾನ್॥ 1-79-8 (3605) ವಿಶ್ವಾಚ್ಯಾ ಸಹಿತೋ ರೇಮೇ ವ್ಯಭ್ರಾಜನ್ನಂದನೇ ವನೇ। ಅಲಕಾಯಾಂ ಸ ಕಾಲಂ ತು ಮೇರುಶೃಂಗೇ ತಥೋತ್ತರೇ॥ 1-79-9 (3606) ಯದಾ ಸ ಪಶ್ಯತೇ ಕಾಲಂ ಧರ್ಮಾತ್ಮಾ ತಂ ಮಹೀಪತಿಃ। ಪೂರ್ಣಂ ಮತ್ವಾ ತತಃ ಕಾಲಂ ಪೂರುಂ ಪುತ್ರಮುವಾಚ ಹ॥ 1-79-10 (3607) ಯಥಾಕಾಮಂ ಯಥೋತ್ಸಾಹಂ ಯಥಾಕಾಲಮರಿಂದಮ। ಸೇವಿತಾ ವಿಷಯಾಃ ಪುತ್ರ ಯೌವನೇನ ಮಯಾ ತವ॥ 1-79-11 (3608) ನ ಜಾತು ಕಾಮಃ ಕಾಮಾನಾಮುಪಭೋಗೇನ ಶಾಂಯತಿ। ಹವಿಷಾ ಕೃಷ್ಣವರ್ತ್ಮೇವ ಭೂಯ ಏವಾಭಿವರ್ಧತೇ॥ 1-79-12 (3609) ಯತ್ಪೃಥಿವ್ಯಾಂ ವ್ರೀಹಿಯವಂ ಹಿರಣ್ಯಂ ಪಶವಃ ಸ್ತ್ರಿಯಃ। ಏಕಸ್ಯಾಪಿ ನ ಪರ್ಯಾಪ್ತಂ ತಸ್ಮಾನ್ನೃಷ್ಣಾಂ ಪರಿತ್ಯಜೇತ್॥ 1-79-13 (3610) ಯಾ ದುಸ್ತ್ಯಜಾ ದುರ್ಮತಿಭಿರ್ಯಾ ನ ಜೀರ್ಯತಿ ಜೀರ್ಯತಃ। ಯೋಽಸೌ ಪ್ರಾಣಾಂತಿಕೋ ರೋಗಸ್ತಾಂತೃಷ್ಣಾಂ ತ್ಯಜತಃ ಸುಖಂ॥ 1-79-14 (3611) ಪೂರ್ಣಂ ವರ್ಷಸಹಸ್ರಂ ಮೇ ವಿಷಯಾಸಕ್ತಚೇತಸಃ। ತಥಾಪ್ಯನುದಿನಂ ತೃಷ್ಣಾ ಮಮೈತೇಷ್ವಭಿಜಾಯತೇ॥ 1-79-15 (3612) ತಸ್ಮಾದೇನಾಮಹಂ ತ್ಯಕ್ತ್ವಾ ಬ್ರಹ್ಮಣ್ಯಾಧಾಯ ಮಾನಸಂ। ನಿರ್ದ್ವಂದ್ವೋ ನಿರ್ಮಮೋ ಭೂತ್ವಾ ಚರಿಷ್ಯಾಮಿ ಮೃಗೈಃ ಸಹ॥ 1-79-16 (3613) ಪೂರೋ ಪ್ರೀತೋಽಸ್ಮಿ ಭದ್ರಂ ತೇ ಗೃಹಾಣೇದಂ ಸ್ವಯೌವನಂ। ರಾಜ್ಯಂ ಚೇದಂ ಗೃಹಾಣ ತ್ವಂ `ಯಾವದಿಚ್ಛಸಿ ಯೌವನಂ। ತಾವದ್ದೀರ್ಘಾಯುಷಾ ಭುಂಖ' ತ್ವಂ ಹಿ ಮೇ ಪ್ರಿಯಕೃತ್ಸುತಃ॥ 1-79-17 (3614) ವೈಶಂಪಾಯನ ಉವಾಚ।' 1-79-18x (479) ಪ್ರತಿಪೇದೇ ಜರಾಂ ರಾಜಾ ಯಯಾತಿರ್ನಾಹುಷಸ್ತದಾ। ಯೌವನಂ ಪ್ರತಿಪೇದೇ ಚ ಪೂರುಃ ಸ್ವಂ ಪುನರಾತ್ಮವಾನ್॥ 1-79-18 (3615) ಅಭಿಷೇಕ್ತುಕಾಮಂ ನೃಪತಿಂ ಪೂರುಂ ಪುತ್ರಂ ಕನೀಯಸಂ। ಬ್ರಾಹ್ಮಣಪ್ರಮುಖಾ ವರ್ಣಾ ಇದಂ ವಚನಮಬ್ರುವನ್॥ 1-79-19 (3616) ಕಥಂ ಶುಕ್ರಸ್ಯ ನಪ್ತಾರಂ ದೇವಯಾನ್ಯಾಃ ಸುತಂ ಪ್ರಭೋ। ಜ್ಯೇಷ್ಠಂ ಯದುಮತಿಕ್ರಂಯ ರಾಜ್ಯಂ ಪೂರೋಃ ಪ್ರಯಚ್ಛಸಿ॥ 1-79-20 (3617) ಯದುರ್ಜ್ಯೇಷ್ಠಸ್ತವ ಸುತೋ ಜಾತಸ್ತಮನು ತುರ್ವಸುಃ। ಶರ್ಮಿಷ್ಠಾಯಾಃ ಸುತೋ ದ್ರುಹ್ಯುಸ್ತತೋಽನುಃ ಪೂರುರೇವ ಚ॥ 1-79-21 (3618) ಕಥಂ ಜ್ಯೇಷ್ಠಾನತಿಕ್ರಂಯ ಕನೀಯಾನ್ರಾಜ್ಯಮರ್ಹತಿ। ಏತತ್ಸಂಬೋಧಯಾಮಸ್ತ್ವಾಂ ಧರ್ಮಂ ತ್ವಂ ಪ್ರತಿಪಾಲಯ॥ 1-79-22 (3619) ಯಯಾತಿರುವಾಚ। 1-79-23x (480) ಬ್ರಾಹ್ಮಣಪ್ರಮುಖಾ ವರ್ಣಾಃ ಸರ್ವೇ ಶೃಣ್ವಂತು ಮೇ ವಚಃ। ಜ್ಯೇಷ್ಠಂ ಪ್ರತಿ ಯಥಾ ರಾಜ್ಯಂ ನ ದೇಯಂ ಮೇ ಕಥಂಚನ॥ 1-79-23 (3620) ಮಮ ಜ್ಯೇಷ್ಠೇನ ಯದುನಾ ನಿಯೋಗೋ ನಾನುಪಾಲಿತಃ। ಪ್ರತಿಕೂಲಃ ಪಿತುರ್ಯಶ್ಚ ನ ಸ ಪುತ್ರಃ ಸತಾಂ ಮತಃ॥ 1-79-24 (3621) ಮಾತಾಪಿತ್ರೋರ್ವಚನಕೃದ್ಧಿತಃ ಪಥ್ಯಶ್ಚ ಯಃ ಸುತಃ। ಸ ಪುತ್ರಃ ಪುತ್ರವದ್ಯಶ್ಚ ವರ್ತತೇ ಪಿತೃಮಾತೃಷು॥ 1-79-25 (3622) `ಪುದಿತಿ ನರಕಸ್ಯಾಖ್ಯಾ ದುಃಖಂ ಚ ನರಕಂ ವಿದುಃ। ಪುತಸ್ತ್ರಾಣಾತ್ತತಃ ಪುತ್ತ್ರಮಿಹೇಚ್ಛಂತಿ ಪರತ್ರ ಚ॥ 1-79-26 (3623) ಆತ್ಮನಃ ಸದೃಶಃ ಪುತ್ರಃ ಪಿತೃದೇವರ್ಷಿಪೂಜನೇ। ಯೋ ಬಹೂನಾಂ ಗುಣಕರಃ ಸ ಪುತ್ರೋ ಜ್ಯೇಷ್ಠ ಉಚ್ಯತೇ॥ 1-79-27 (3624) ಮೂಕೋಽಂಧೋ ಬಧಿರಃ ಶ್ವಿತ್ರೀ ಸ್ವಧರ್ಮಂ ನಾನುತಿಷ್ಠತಿ। ಚೋರಃ ಕಿಲ್ಬಿಷಿಕಃ ಪುತ್ರೋ ಜ್ಯೇಷ್ಠೋ ನ ಜ್ಯೇಷ್ಠ ಉಚ್ಯತೇ॥ 1-79-28 (3625) ಜ್ಯೇಷ್ಠಾಂಶಹಾರೀ ಗುಣಕೃದಿಹ ಲೋಕೇ ಪರತ್ರ ಚ। ಶ್ರೇಯಾನ್ಪುತ್ರೋ ಗುಣೋಪೇತಃ ಸ ಪುತ್ರೋ ನೇತರೋ ವೃಥಾ। ವದಂತಿ ಧರ್ಮಂ ಧರ್ಮಜ್ಞಾಃ ಪಿತೄಣಾಂ ಪುತ್ರಕಾರಣಾತ್॥ 1-79-29 (3626) ವೇದೋಕ್ತಂ ಸಂಭವಂ ಮಹ್ಯಮನೇನ ಹೃದಯೋದ್ಭವಂ। ತಸ್ಯ ಜಾತಮಿದಂ ಕೃತ್ಸ್ನಮಾತ್ಮಾ ಪುತ್ರ ಇತಿ ಶ್ರುತಿಃ'॥ 1-79-30 (3627) ಯದುನಾಽಹಮವಜ್ಞಾತಸ್ತಥಾ ತುರ್ವಸುನಾಪಿ ಚ। ದ್ರುಹ್ಯುನಾ ಚಾನುನಾ ಚೈವ ಮಯ್ಯವಜ್ಞ ಕೃತಾ ಭೃಶಂ॥ 1-79-31 (3628) ಪೂರುಣಾ ತು ಕೃತಂ ವಾಕ್ಯಂ ಮಾನಿತಂ ಚ ವಿಶೇಷತಃ। ಕನೀಯಾನ್ಮಮ ದಾಯಾದೋ ಧೃತಾ ಯೇನ ಜರಾ ಮಮ॥ 1-79-32 (3629) ಮಮ ಕಾಮಃ ಸ ಚ ಕೃತಃ ಪೂರುಣಾ ಮಿತ್ರರೂಪಿಣಾ। ಶುಕ್ರೇಣ ಚ ವರೋದತ್ತಃ ಕಾವ್ಯೇನೋಶನಸಾ ಸ್ವಯಂ॥ 1-79-33 (3630) ಪುತ್ರೋ ಯಸ್ತ್ವಾಽನುವರ್ತೇತ ಸ ರಾಜಾ ಪೃಥಿವೀಪತಿಃ। `ಯೋ ವಾನುವರ್ತೀ ಪುತ್ರಾಣಾಂ ಸ ಪುತ್ರೋ ದಾಯಭಾಗ್ಭವೇತ್'॥ 1-79-34 (3631) ಭವತೋಽನುನಯಾಂಯೇವಂ ಪೂರೂ ರಾಜ್ಯೇಽಭಿಷಿಚ್ಯತಾಂ। 1-79-35 (3632) ಪ್ರಕೃತಯ ಊಚುಃ। ಯಃ ಪುತ್ರೋ ಗುಣಸಂಪನ್ನೋ ಮಾತಾಪಿತ್ರೋರ್ಹಿತಃ ಸದಾ॥ 1-79-36x (481) ಸರ್ವಮರ್ಹತಿ ಕಲ್ಯಾಣಂ ಕನೀಯಾನಪಿ ಸತ್ತಮಃ। `ವೇದ ಧಮಾರ್ಥಶಾಸ್ತ್ರೇಷು ಮುನಿಭಿಃ ಕಥಿತಂ ಪುರಾ'॥ 1-79-36 (3633) ಅರ್ಹಃ ಪೂರುರಿದಂ ರಾಜ್ಯಂ ಯಃ ಸುತಃ ಪ್ರಿಯಕೃತ್ತವ। ವರದಾನೇನ ಶುಕ್ರಸ್ಯ ನ ಶಕ್ಯಂ ವಕ್ತುಮುತ್ತರಂ॥ 1-79-37 (3634) ವೈಶಂಪಾಯನ ಉವಾಚ। 1-79-38x (482) ಪೌರಜಾನಪದೈಸ್ತುಷ್ಟೈರಿತ್ಯುಕ್ತೋ ನಾಹುಷಸ್ತದಾ। ಅಭ್ಯಷಿಂಚತ್ತತಃ ಪೂರುಂ ರಾಜ್ಯೇ ಸ್ವೇ ಸುತಮಾತ್ಮನಃ॥ 1-79-38 (3635) `ಯದುಂ ಚ ತುರ್ವಸುಂ ಚೋಭೌ ದ್ರುಹ್ಯುಂ ಚೈವ ಸಹಾನುಜಂ। ಅಂತೇಷು ಸ ವಿನಿಕ್ಷಿಪ್ಯ ನಾಹುಷಃ ಸ್ವಾತ್ಮಜಾನ್ಸುತಾನ್'॥ 1-79-39 (3636) ದತ್ತ್ವಾ ಚ ಪೂರವೇ ರಾಜ್ಯಂ ವನವಾಸಾಯ ದೀಕ್ಷಿತಃ। ಪುರಾತ್ಸ ನಿರ್ಯಯೌ ರಾಜಾ ಬ್ರಾಹ್ಮಣೈಸ್ತಾಪಸೈಃ ಸಹ॥ 1-79-40 (3637) `ದೇವಯಾನ್ಯಾ ಚ ಸಹಿತಃ ಶರ್ಮಿಷ್ಠಯಾ ಚ ಭಾರತ। ಅಕರೋತ್ಸ ವನೇ ರಾಜಾ ಸಭಾರ್ಯಸ್ತಪ ಉತ್ತಮಂ'॥ 1-79-41 (3638) ಯದೋಸ್ತು ಯಾದವಾ ಜಾತಾಸ್ತುರ್ವಸೋರ್ಯವನಾಃ ಸ್ಮೃತಾಃ। ದ್ರುಹ್ಯೋಃ ಸುತಾಸ್ತು ವೈ ಭೋಜಾ ಅನೋಸ್ತು ಂಲೇಚ್ಛಜಾತಯಃ॥ 1-79-42 (3639) ಪೂರೋಸ್ತು ಪೌರವೋ ವಂಶೋ ಯತ್ರ ಜಾತೋಽಸಿ ಪಾರ್ಥಿವ। ಇದಂ ವರ್ಷಸಹಸ್ರಾಣಿ ರಾಜ್ಯಂ ಕಾರಯಿತುಂ ವಶೀ॥ ॥ 1-79-43 (3640) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಊನಾಶೀತಿತಮೋಽಧ್ಯಾಯಃ॥ 79 ॥

1-80-0 (3641) ವೈಶಂಪಾಯನ ಉವಾಚ। 1-80-0x (483) ಏವಂ ಸ ನಾಹುಷೋ ರಾಜಾ ಯಯಾತಿಃ ಪುತ್ರಮೀಪ್ಸಿತಂ। ರಾಜ್ಯೇಽಭಿಷಿಚ್ಯ ಮುದಿತೋ ವಾನಪ್ರಸ್ಥೋಽಭವನ್ಮುನಿಃ॥ 1-80-1 (3642) ಉಷಿತ್ವಾ ಚ ವನೇ ವಾಸಂ ಬ್ರಾಹ್ಮಣೈಃ ಸಂಶಿತವ್ರತಃ। ಫಲಮೂಲಾಶನೋ ದಾಂತಸ್ತತಃ ಸ್ವರ್ಗಮಿತೋ ಗತಃ॥ 1-80-2 (3643) ಸ ಗತಃ ಸ್ವರ್ನಿವಾಸಂ ತಂ ನಿವಸನ್ಮುದಿತಃ ಸುಖೀ। ಕಾಲೇನ ನಾತಿಮಹತಾ ಪುನಃ ಶಕ್ರೇಣ ಪಾತಿತಃ॥ 1-80-3 (3644) `ಸಾಧುಭಿಃ ಸಂಗತಿಂ ಲಬ್ಧ್ವಾ ಪುನಃ ಸ್ವರ್ಗಮುಪೇಯಿವಾನ್। 1-80-4 (3645) ಜನಮೇಜಯ ಉವಾಚ। ಸ್ವರ್ಗತಶ್ಚ ಪುನರ್ಬ್ರಹ್ಮನ್ನಿವಸಂದೇವವೇಶ್ಮನಿ। ಕಾಲೇನ ನಾತಿಮಹತಾ ಕಥಂ ಶಕ್ರೇಣ ಪಾತಿತಃ'॥ 1-80-4x (484) ನಿಪತನ್ಪ್ರಚ್ಯುತಃ ಸ್ವರ್ಗಾದಪ್ರಾಪ್ತೋ ಮೇದಿನೀತಲಂ। ಸ್ಥಿತ ಆಸೀದಂತರಿಕ್ಷೇ ಸ ತದೇತಿ ಶ್ರುತಂ ಮಯಾ॥ 1-80-5 (3646) ತತ ಏವ ಪುನಶ್ಚಾಪಿ ಗತಃ ಸ್ವರ್ಗಮಿತಿ ಶ್ರುತಂ। ರಾಜ್ಞಾ ವಸುಮತಾ ಸಾರ್ಧಮಷ್ಟಕೇನ ಚ ವೀರ್ಯವಾನ್॥ 1-80-6 (3647) ಪ್ರತರ್ದನೇನ ಶಿವಿನಾ ಸಮೇತ್ಯ ಕಿಲ ಸಂಸದಿ। ಕರ್ಮಣಾ ಕೇನ ಸ ದಿವಂ ಪುನಃ ಪ್ರಾಪ್ತೋ ಮಹೀಪತಿಃ॥ 1-80-7 (3648) ಸರ್ವಮೇತದಶೇಷೇಣ ಶ್ರೋತುಮಿಚ್ಛಾಮಿ ತತ್ತ್ವತಃ। ಕಥ್ಯಮಾನಂ ತ್ವಯಾ ವಿಪ್ರ ವಿಪ್ರರ್ಷಿಗಣಸಂನಿಧೌ॥ 1-80-8 (3649) ದೇವರಾಜಸಮೋ ಹ್ಯಾಸೀದ್ಯಯಾತಿಃ ಪೃಥಿವೀಪತಿಃ। ವರ್ಧನಃ ಕುರುವಂಶಸ್ಯ ವಿಭಾವಸುಸಮದ್ಯುತಿಃ॥ 1-80-9 (3650) ತಸ್ಯ ವಿಸ್ತೀರ್ಣಯಶಸಃ ಸತ್ಯಕೀರ್ತೇರ್ಮಹಾತ್ಮನಃ। ಚರಿತಂ ಶ್ರೋತುಮಿಚ್ಛಾಮಿ ದಿವಿ ಚೇಹ ಚ ಸರ್ವಶಃ॥ 1-80-10 (3651) ವೈಶಂಪಾಯನ ಉವಾಚ। 1-80-11x (485) ಹಂತ ತೇ ಕಥಯಿಷ್ಯಾಮಿ ಯಯಾತೇರುತ್ತರಾಂ ಕಥಾಂ। ದಿವಿ ಚೇಹ ಚ ಪುಣ್ಯಾರ್ಥಾಂ ಸರ್ವಪಾಪಪ್ರಣಾಶಿನೀಂ॥ 1-80-11 (3652) ಯಯಾತಿರ್ನಾಹುಷೋ ರಾಜಾ ಪೂರುಂ ಪುತ್ರಂ ಕನೀಯಸಂ। ರಾಜ್ಯೇಽಭಿಷಿಚ್ಯ ಮುದಿತಃ ಪ್ರಾವವ್ರಾಜ ವನಂ ತದಾ॥ 1-80-12 (3653) ಅಂತ್ಯುಷೇ ಸ ವಿನಿಕ್ಷಿಪ್ಯ ಪುತ್ರಾನ್ಯದುಪುರೋಗಮಾನ್। ಫಲಮೂಲಾಶನೋ ರಾಜಾ ವನೇ ಸಂನ್ಯವಸಚ್ಚಿರಂ॥ 1-80-13 (3654) ಶಂಸಿತಾತ್ಮಾ ಜಿತಕ್ರೋಧಸ್ತರ್ಪಯನ್ಪಿತೃದೇವತಾಃ। ಅಗ್ನೀಂಶ್ಚ ವಿಧಿವಜ್ಜುಹ್ವನ್ವಾನಪ್ರಸ್ಥವಿಧಾನತಃ॥ 1-80-14 (3655) ಅಥಿತೀನ್ಪೂಜಯಾಮಾಸ ವನ್ಯೇನ ಹವಿಷಾ ವಿಭುಃ। ಶಿಲೋಂಛವೃತ್ತಿಮಾಸ್ಥಾಯ ಶೇಷಾನ್ನಕೃತಭೋಜನಃ॥ 1-80-15 (3656) ಪೂರ್ಣಂ ವರ್ಷಸಹಸ್ರಂ ಚ ಏವಂವೃತ್ತಿರಭೂನ್ನೃಪಃ। ಅಬ್ಭಕ್ಷಃ ಶರದಸ್ತ್ರಿಂಶದಾಸೀನ್ನಿಯತವಾಙ್ಮನಾಃ॥ 1-80-16 (3657) ತತಶ್ಚ ವಾಯುಭಕ್ಷೋಽಭೂತ್ಸಂವತ್ಸರಮತಂದ್ರಿತಃ। ತಥಾ ಪಂಚಾಗ್ನಿಮಧ್ಯೇ ಚ ತಪಸ್ತೇಪೇ ಸ ವತ್ಸರಂ॥ 1-80-17 (3658) ಏಕಪಾದಃ ಸ್ತಿತಶ್ಚಾಸೀತ್ಷಣ್ಮಾಸಾನನಿಲಾಶನಃ। ಪುಣ್ಯಕೀರ್ತಿಸ್ತತಃ ಸ್ವರ್ಗೇ ಜಗಾಮಾವೃತ್ಯ ರೋದಸೀ॥ ॥ 1-80-18 (3659) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಅಶೀತಿತಮೋಽಧ್ಯಾಯಃ॥ 80 ॥

1-81-0 (3660) ವೈಶಂಪಾಯನ ಉವಾಚ। 1-81-0x (486) ಸ್ವರ್ಗತಃ ಸ ತು ರಾಜೇಂದ್ರೋ ನಿವಸಂದೇವವೇಶ್ಮನಿ। ಪೂಜಿತಸ್ತ್ರಿದಶೈಃ ಸಾಧ್ಯೈರ್ಮರುದ್ಭಿರ್ವಸುಭಿಸ್ತಥಾ॥ 1-81-1 (3661) ದೇವಲೋಕಂ ಬ್ರಹ್ಮಲೋಕಂ ಸಂಚರನ್ಪುಣ್ಯಕೃದ್ವಶೀ। ಅವಸತ್ಪೃಥಿವೀಪಾಲೋ ದೀರ್ಘಕಾಲಮಿತಿ ಶ್ರುತಿಃ॥ 1-81-2 (3662) ಸ ಕದಾಚಿನ್ನೃಪಶ್ರೇಷ್ಠೋ ಯಯಾತಿಃ ಶಕ್ರಮಾಗಮತ್। ಕಥಾಂತೇ ತತ್ರ ಶಕ್ರೇಣ ಸ ಪೃಷ್ಟಃ ಪೃಥಿವೀಪತಿಃ॥ 1-81-3 (3663) ಶಕ್ರ ಉವಾಚ। 1-81-4x (487) ಯದಾ ಸ ಪೂರುಸ್ತವ ರೂಪೇಣ ರಾಜ- ಂಜರಾಂ ಗೃಹೀತ್ವಾ ಪ್ರಚಚಾರ ಭೂಮೌ। ತದಾ ಚ ರಾಜ್ಯಂ ಸಂಪ್ರದಾಯೈವ ತಸ್ಮೈ ತ್ವಯಾ ಕಿಮುಕ್ತಃ ಕಥಯೇಹ ಸತ್ಯಂ॥ 1-81-4 (3664) ಯಯಾತಿರುವಾಚ। 1-81-5x (488) ಗಂಗಾಯಮುನಯೋರ್ಮಧ್ಯೇ ಕೃತ್ಸ್ನೋಯಂ ವಿಷಯಸ್ತವ। ಮಧ್ಯೇ ಪೃಥಿವ್ಯಾಸ್ತ್ವಂ ರಾಜಾ ಭ್ರಾತರೋಽಂತ್ಯಾಧಿಪಾಸ್ತವ॥ 1-81-5 (3665) `ನ ಚ ಕುರ್ಯಾನ್ನರೋ ದೈನ್ಯಂ ಶಾಠ್ಯಂ ಕ್ರೋಧಂ ತಥೈವ ಚ। ಜೈಹಯಂ ಚ ಮತ್ಸರಂ ವೈರಂ ಸರ್ವತ್ರೇದಂ ನ ಕಾರಯೇತ್॥ 1-81-6 (3666) ಮಾತರಂ ಪಿತರಂ ಜ್ಯೇಷ್ಠಂ ವಿದ್ವಾಂಸಂ ಚ ತಪೋಧನಂ। ಕ್ಷಮಾವಂತಂ ಚ ರಾಜೇಂದ್ರ ನಾವಮನ್ಯೇತ ಬುದ್ಧಿಮಾನ್॥ 1-81-7 (3667) ಳಶಕ್ತಸ್ತು ಕ್ಷಮತೇ ನಿತ್ಯಮಶಕ್ತಃ ಕ್ರುಧ್ಯತೇ ನರಃ। ದುರ್ಜನಃ ಸುಜನಂ ದ್ವೇಷ್ಟಿ ದುರ್ಬಲೋ ಬಲವತ್ತರಂ॥ 1-81-8 (3668) ರೂಪವಂತಮರೂಪೀ ಚ ಧನವಂತಂ ಚ ನಿರ್ಧನಃ। ಅಕರ್ಮೀ ಕರ್ಮಿಣಂ ದ್ವೇಷ್ಟಿ ಧಾರ್ಮಿಕಂ ಚ ನಧಾರ್ಮಿಕಃ॥ 1-81-9 (3669) ನಿರ್ಗುಣೋ ಗುಣವಂತಂ ಚ ಪುತ್ರೈತತ್ಕಲಿಲಕ್ಷಣಂ। ವಿಪರೀತಂ ಚ ರಾಜೇಂದ್ರ ಏತೇಷು ಕೃತಲಕ್ಷಣಂ॥ 1-81-10 (3670) ಬ್ರಾಹ್ಮಣೋ ವಾಥ ವಾ ರಾಜಾ ವೈಶ್ಯೋ ವಾ ಶೂದ್ರ ಏವ ವಾ। ಪ್ರಶಸ್ತೇಷು ಪ್ರಸಕ್ತಾಶ್ಚೇತ್ಪ್ರಶಸ್ಯಂತೇ ಯಶಸ್ವಿನಃ॥ 1-81-11 (3671) ತಸ್ಮಾತ್ಪ್ರಶಸ್ತೇ ರಾಜೇಂದ್ರ ನರಃ ಸಕ್ತಮನಾ ಭವೇತ್। ಅಲೋಕಜ್ಞಾ ಹ್ಯಪ್ರಶಸ್ತಾ ಭ್ರಾತರಸ್ತೇ ಹ್ಯಬುದ್ಧಯಃ॥ 1-81-12 (3672) ಅಂತ್ಯಾಧಿಪತಯಃ ಸರ್ವೇ ಹ್ಯಭವನ್ಗುರುಶಾಸನಾತ್। 1-81-13 (3673) ಇಂದ್ರ ಉವಾಚ। ತ್ವಂ ಹಿ ಧರ್ಮವಿದೋ ರಾಜನ್ಕತ್ಥಸೇ ಧರ್ಮಸುತ್ತಮಂ। ಕಥಯಸ್ವ ಪುನರ್ಮೇಽದ್ಯ ಲೋಕವೃತ್ತಾಂತಮುತ್ತಮಂ॥ 1-81-13x (489) ಯಯಾತಿರುವಾಚ' 1-81-14x (490) ಅಕ್ರೋಧನಃ ಕ್ರೋಧನೇಭ್ಯೋ ವಿಶಿಷ್ಟ- ಸ್ತಥಾ ತಿತಿಕ್ಷುರತಿತಿಕ್ಷೋರ್ವಿಶಿಷ್ಟಃ। ಅಮಾನುಷೇಭ್ಯೋ ಮಾನುಷಾಶ್ಚ ಪ್ರಧಾನಾ ವಿದ್ವಾಂಸ್ತಥೈವಾವಿದುಷಃ ಪ್ರಧಾನಃ॥ 1-81-14 (3674) ಆಕ್ರುಶ್ಯಮಾನೋ ನಾಕೋಶೇನ್ಮನ್ಯುರೇವ ತಿತಿಕ್ಷತಃ। ಆಕ್ರೋಷ್ಟಾರಂ ನಿರ್ದಹತಿ ಸುಕೃತಂ ಚಾಸ್ಯ ವಿಂದತಿ॥ 1-81-15 (3675) ನಾರುಂತುದಃ ಸ್ಯಾನ್ನ ನೃಶಂಸವಾದೀ ನ ಹೀನತಃ ಪರಮಭ್ಯಾದದೀತ। ಯಯಾಽಸ್ಯ ವಾಚಾ ಪರ ಉದ್ವಿಜೇತ ನ ತಾಂ ವದೇದ್ರುಶತೀಂ ಪಾಪಲೋಕ್ಯಾಂ॥ 1-81-16 (3676) ಅರುಂತುದಂ ಪುರುಷಂ ತೀಕ್ಷ್ಣವಾಚಂ ವಾಕ್ಕಂಟಕೈರ್ವಿತುದಂತಂ ಮನುಷ್ಯನ್। ವಿದ್ಯಾದಲಕ್ಷ್ಮೀಕತಮಂ ಜನಾನಾಂ ಮುಖೇ ನಿಬದ್ಧಾಂ ನಿರ್ಋತಿಂ ವಹಂತಂ॥ 1-81-17 (3677) ಸದ್ಭಿಃ ಪುರಸ್ತಾದಭಿಪೂಜಿತಃ ಸ್ಯಾ- ತ್ಸದ್ಭಿಸ್ತಥಾ ಪೃಷ್ಠತೋ ರಕ್ಷಿತಃ ಸ್ಯಾತ್। ಸದಾಽಸತಾಮತಿವಾದಾಂಸ್ತಿತಿಕ್ಷೇ- ತ್ಸತಾಂ ವೃತ್ತಂ ಚಾದದೀತಾರ್ಯವೃತ್ತಃ॥ 1-81-18 (3678) ವಾಕ್ಸಾಯಕಾ ವದನಾನ್ನಿಷ್ಪತಂತಿ ಯೈರಾಹತಃ ಶೋಚತಿ ರಾತ್ರ್ಯಹಾನಿ। ಪರಸ್ಯ ಯೇ ಮರ್ಮಸು ಸಂಪತಂತಿ ತಾನ್ಪಂಡಿತೋ ನಾವಸೃಜೇತ್ಪರೇಷು॥ 1-81-19 (3679) ನಹೀದೃಶಂ ಸಂವನನಂ ತ್ರಿಷು ಲೋಕೇಷು ವಿದ್ಯತೇ। ದಯಾ ಮೈತ್ರೀ ಚ ಭೂತೇಷು ದಾನಂ ಚ ಮಧುರಾ ಚ ವಾಕ್॥ 1-81-20 (3680) ತಸ್ಮಾತ್ಸಾಂತ್ವಂ ಸದಾ ವಾಚ್ಯಂ ನ ವಾಚ್ಯಂ ಪರುಷಂ ಕ್ವಚಿತ್। ಪೂಜ್ಯಾನ್ಸಂಪೂಜಯೇದ್ದದ್ಯಾನ್ನ ಚ ಯಾಚೇತ್ಕದಾಚನ॥ ॥ 1-81-21 (3681) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಏಕಾಶೀತಿತಮೋಽಧ್ಯಾಯಃ॥ 81 ॥

1-82-0 (3682) ಇಂದ್ರ ಉವಾಚ। 1-82-0x (491) ಸರ್ವಾಣಿ ಕರ್ಮಾಣಿ ಸಮಾಪ್ಯ ರಾಜನ್ ಗೃಹಂ ಪರಿತ್ಯಜ್ಯ ವನಂ ಗತೋಽಸಿ। ತತ್ತ್ವಾಂ ಪೃಚ್ಛಾಮಿ ನಹುಷಸ್ಯ ಪುತ್ರ ಕೇನಾಸಿ ತುಲ್ಯಸ್ತಪಸಾ ಯಯಾತೇ॥ 1-82-1 (3683) ಯಯಾತಿರುವಾಚ। 1-82-2x (492) ನಾಹಂ ದೇವಮನುಷ್ಯೇಷು ಗಂಧರ್ವೇಷು ಮಹರ್ಷಿಷು। ಆತ್ಮನಸ್ತಪಸಾ ತುಲ್ಯಂ ಕಂಚಿತ್ಪಶ್ಯಾಮಿ ವಾಸವ॥ 1-82-2 (3684) ಇಂದ್ರ ಉವಾಚ। 1-82-3x (493) ಯದಾಽವಮಂಸ್ಥಾಃ ಸದೃಶಃ ಶ್ರೇಯಸಶ್ಚ ಅಲ್ಪೀಯಸಶ್ಚಾವಿದಿತಪ್ರಭಾವಃ। ತಸ್ಮಾಲ್ಲೋಕಾಸ್ತ್ವಂತವಂತಸ್ತವೇ ಮೇ ಕ್ಷೀಣೇ ಪುಣ್ಯೇ ಪತಿತಾಽಸ್ಯದ್ಯ ರಾಜನ್॥ 1-82-3 (3685) ಯಯಾತಿರುವಾಚ। 1-82-4x (494) ಸುರರ್ಷಿಗಂಧರ್ವನರಾವಮಾನಾ- ತ್ಕ್ಷಯಂ ಗತಾ ಮೇ ಯದಿ ಶಕ್ರಲೋಕಾಃ। ಇಚ್ಛಾಂಯಹಂ ಸುರಲೋಕಾದ್ವಿಹೀನಃ ಸತಾಂ ಮಧ್ಯೇ ಪತಿತುಂ ದೇವರಾಜ॥ 1-82-4 (3686) ಇಂದ್ರ ಉವಾಚ। 1-82-5x (495) ಸತಾಂ ಸಕಾಶೇ ಪತಿತಾಽಸಿ ರಾಜಂ- ಶ್ಚ್ಯುತಃ ಪ್ರತಿಷ್ಠಾಂ ಯತ್ರ ಲಬ್ಧಾಸಿ ಭೂಯಃ। ಏತದ್ವಿದಿತ್ವಾ ಚ ಪುನರ್ಯಯಾತೇ ತ್ವಂ ಮಾಽವಮಂಸ್ಥಾಃ ಸದೃಶಃ ಶ್ರೇಯಸಶ್ಚ॥ 1-82-5 (3687) ವೈಶಂಪಾಯನ ಉವಾಚ। 1-82-6x (496) ತತಃ ಪ್ರಹಾಯಾಮರರಾಜಜುಷ್ಟಾ- ನ್ಪುಣ್ಯಾಂʼಲ್ಲೋಕಾನ್ಪತಮಾನಂ ಯಯಾತಿಂ। ಸಂಪ್ರೇಕ್ಷ್ಯ ರಾಜರ್ಷಿವರೋಽಷ್ಟಕಸ್ತ- ಮುವಾಚ ಸದ್ಧರ್ಮವಿಧಾನಗೋಪ್ತಾ॥ 1-82-6 (3688) ಅಷ್ಟಕ ಉವಾಚ। 1-82-7x (497) ಕಸ್ತ್ವಂ ಯುವಾ ವಾಸವತುಲ್ಯರೂಪಃ ಸ್ವತೇಜಸಾ ದೀಪ್ಯಮಾನೋ ಯಥಾಽಗ್ನಿಃ। ಪತಸ್ಯುದೀರ್ಣಾಂಬುಧರಾಂಧಕಾರಾ- ತ್ಖಾತ್ಖೇಚರಾಣಾಂ ಪ್ರವರೋ ಯಥಾಽರ್ಕಃ॥ 1-82-7 (3689) ದೃಷ್ಟ್ವಾ ಚ ತ್ವಾಂ ಸೂರ್ಯಪಥಾತ್ಪತಂತಂ ವೈಶ್ವಾನರಾರ್ಕದ್ಯುತಿಮಪ್ರಮೇಯಂ। ಕಿಂ ನು ಸ್ವಿದೇತತ್ಪತತೀತಿ ಸರ್ವೇ ವಿತರ್ಕಯಂತಃ ಪರಿಮೋಹಿತಾಃ ಸ್ಮಃ॥ 1-82-8 (3690) ದೃಷ್ಟ್ವಾ ಚ ತ್ವಾಂ ಧಿಷ್ಠಿತಂ ದೇವಮಾರ್ಗೇ ಶಕ್ರಾರ್ಕವಿಷ್ಣುಪ್ರತಿಮಪ್ರಭಾವಂ। ಅಭ್ಯುದ್ಗತಾಸ್ತ್ವಾಂ ವಯಮದ್ಯ ಸರ್ವೇ ತತ್ತ್ವಂ ಪ್ರಪಾತೇ ತವ ಜಿಜ್ಞಾಸಮಾನಾಃ॥ 1-82-9 (3691) ನ ಚಾಪಿ ತ್ವಾಂ ಧೃಷ್ಣುಮಃ ಪ್ರಷ್ಟುಮಗ್ರೇ ನ ಚ ತ್ವಮಸ್ಮಾನ್ಪೃಚ್ಛಸಿ ಯೇ ವಯಂ ಸ್ಮಃ। ತತ್ತ್ವಾಂ ಪೃಚ್ಛಾಮಿ ಸ್ಪೃಹಣೀಯರೂಪ ಕಸ್ಯ ತ್ವಂ ವಾ ಕಿಂನಿಮಿತ್ತಂ ತ್ವಮಾಗಾಃ॥ 1-82-10 (3692) ಭಯಂ ತು ತೇ ವ್ಯೇತು ವಿಷಾದಮೋಹೌ ತ್ಯಜಾಶು ಚೈವೇಂದ್ರಸಮಪ್ರಭಾವ। ತ್ವಾಂ ವರ್ತಮಾನಂ ಹಿ ಸತಾಂ ಸಕಾಶೇ ನಾಲಂ ಪ್ರಸೋಢುಂ ಬಲಹಾಽಪಿ ಶಕ್ರಃ॥ 1-82-11 (3693) ಸಂತಃ ಪ್ರತಿಷ್ಠಾ ಹಿ ಸುಖಚ್ಯುತಾನಾಂ ಸತಾಂ ಸದೈವಾಮರರಾಜಕಲ್ಪ। ತೇ ಸಂಗತಾಃ ಸ್ಥಾವರಜಂಗಮೇಶಾಃ ಪ್ರತಿಷ್ಠಿತಸ್ತ್ವಂ ಸದೃಶೇಷು ಸತ್ಸು॥ 1-82-12 (3694) ಪ್ರಭುರಗ್ನಿಃ ಪ್ರತಪನೇ ಭೂಮಿರಾವಪನೇ ಪ್ರಭುಃ। ಪ್ರಭುಃ ಸೂರ್ಯಃ ಪ್ರಕಾಶಿತ್ವೇ ಸತಾಂ ಚಾಭ್ಯಾಗತಃ ಪ್ರಭುಃ॥ ॥ 1-82-13 (3695) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ದ್ವ್ಯಶೀತಿತಮೋಽಧ್ಯಾಯಃ॥ 82 ॥

1-83-0 (3696) ಯಯಾತಿರುವಾಚ। 1-83-0x (498) ಅಹಂ ಯಯಾತಿರ್ನಹುಷಸ್ಯ ಪುತ್ರಃ ಪೂರೋಃ ಪಿತಾ ಸರ್ವಭೂತಾವಮಾನಾತ್। ಪ್ರಭ್ರಂಶಿತಃ ಸುರಸಿದ್ಧರ್ಷಿಲೋಕಾ- ತ್ಪರಿಚ್ಯುತಃ ಪ್ರಪತಾಂಯಲ್ಪಪುಣ್ಯಃ॥ 1-83-1 (3697) ಅಹಂ ಹಿ ಪೂರ್ವೋ ವಯಸಾ ಭವದ್ಭ್ಯ- ಸ್ತೇನಾಭಿವಾದಂ ಭವತಾಂ ನ ಪ್ರಯುಂಜೇ। ಯೋ ವಿದ್ಯಯಾ ತಪಸಾ ಜನ್ಮನಾ ವಾ ವೃದ್ಧಃ ಸ ಪೂಜ್ಯೋ ಭವತಿ ದ್ವಿಜಾನಾಂ॥ 1-83-2 (3698) ಅಷ್ಟಕ ಉವಾಚ। 1-83-3x (499) ಅವಾದೀಸ್ತ್ವಂ ವಯಸಾ ಯಃ ಪ್ರವೃದ್ಧಃ ಸ ವೈ ರಾಜನ್ನಾಭ್ಯಧಿಕಃ ಕಥ್ಯತೇ ಚ। ಯೋ ವಿದ್ಯಯಾ ತಪಸಾ ಸಂಪ್ರವೃದ್ಧಃ ಸ ಏವ ಪೂಜ್ಯೋ ಭವತಿ ದ್ವಿಜಾನಾಂ॥ 1-83-3 (3699) ಯಯಾತಿರುವಾಚ। 1-83-4x (500) ಪ್ರತಿಕೂಲಂ ಕರ್ಮಣಾಂ ಪಾಪಮಾಹು- ಸ್ತದ್ವರ್ತತೇಽಪ್ರವಣೇ ಪಾಪಲೋಕ್ಯಂ। ಸಂತೋಽಸತಾಂ ನಾನುವರ್ತಂತಿ ಚೈತ- ದ್ಯಥಾ ಚೈಷಾಮನುಕೂಲಾಸ್ತಥಾಽಽಸನ್॥ 1-83-4 (3700) ಅಭೂದ್ಧನಂ ಮೇ ವಿಪುಲಂ ಗತಂ ತ- ದ್ವಿಚೇಷ್ಟಮಾನೋ ನಾಧಿಗಂತಾ ತದಸ್ಮಿ। ಏವಂ ಪ್ರಧಾರ್ಯಾತ್ಮಹಿತೇ ನಿವಿಷ್ಟೋ ಯೋ ವರ್ತತೇ ಸ ವಿಜಾನಾತಿ ಜೀವಃ॥ 1-83-5 (3701) ಮಹಾಧನೋ ಯೋ ಯಜತೇ ಸುಯಜ್ಞೈ- ರ್ಯಃ ಸರ್ವವಿದ್ಯಾಸು ವಿನೀತಬುದ್ಧಿಃ। ವೇದಾನಧೀತ್ಯ ತಪಸಾ ಯೋಜ್ಯ ದೇಹಂ ದಿವಂ ಸ ಯಾಯಾತ್ಪುರುಷೋ ವೀತಮೋಹಃ॥ 1-83-6 (3702) ನ ಜಾತು ಹೃಷ್ಯೇನ್ಮಹತಾ ಧನೇನ ವೇದಾನಧೀಯೀತಾನಹಂಕೃತಃ ಸ್ಯಾತ್। ನಾನಾಭಾವಾ ಬಹವೋ ಜೀವಲೋಕೇ ದೈವಾಧೀನಾ ನಷ್ಟಚೇಷ್ಟಾಧಿಕಾರಾಃ। ತತ್ತತ್ಪ್ರಾಪ್ಯ ನ ವಿಹನ್ಯೇತ ಧೀರೋ ದಿಷ್ಟಂ ಬಲೀಯ ಇತಿ ಮತ್ವಾಽಽತ್ಮಬುದ್ಧ್ಯಾ॥ 1-83-7 (3703) ಸುಖಂ ಹಿ ಜಂತುರ್ಯದಿ ವಾಽಪಿ ದುಃಖಂ ದೈವಾಧೀನಂ ವಿಂದತೇ ನಾತ್ಮಶಕ್ತ್ಯಾ। ತಸ್ಮಾದ್ದಿಷ್ಟಂ ಬಲವನ್ಮನ್ಯಮಾನೋ ನ ಸಂಜ್ವರೇನ್ನಾಪಿ ಹೃಷ್ಯೇತ್ಕಥಂಚಿತ್॥ 1-83-8 (3704) ದುಃಖೈರ್ನ ತಪ್ಯೇನ್ನ ಸುಖೈಃ ಪ್ರಹೃಷ್ಯೇ- ತ್ಸಮೇನ ವರ್ತೇತ ಸದೈವ ಧೀರಃ। ದಿಷ್ಟಂ ಬಲೀಯ ಇತಿ ಮನ್ಯಮಾನೋ ನ ಸಂಜ್ವರೇನ್ನಾಪಿ ಹೃಷ್ಯೇತ್ಕಥಂಚಿತ್॥ 1-83-9 (3705) ಭಯೇ ನ ಮುಹ್ಯಾಂಯಷ್ಟಕಾಹಂ ಕದಾಚಿ- ತ್ಸಂತಾಪೋ ಮೇ ಮಾನಸೋ ನಾಸ್ತಿ ಕಶ್ಚಿತ್। ಧಾತಾ ಯಥಾ ಮಾಂ ವಿದಧೀತ ಲೋಕೇ ಧ್ರುವಂ ತಥಾಽಹಂ ಭವಿತೇತಿ ಮತ್ವಾ॥ 1-83-10 (3706) ಸಂಸ್ವೇದಜಾ ಅಂಡಜಾಶ್ಚೋದ್ಭಿದಶ್ಚ ಸರೀಸೃಪಾಃ ಕೃಮಯೋಽಥಾಪ್ಸು ಮತ್ಸ್ಯಾಃ। ತಥಾಶ್ಮನಸ್ತೃಣಕಾಷ್ಠಂ ಚ ಸರ್ವೇ ದಿಷ್ಟಕ್ಷಯೇ ಸ್ವಾಂ ಪ್ರಕೃತಿಂ ಭಜಂತಿ॥ 1-83-11 (3707) ಅನಿತ್ಯತಾಂ ಸುಖದುಃಸ್ವಸ್ಯ ಬುದ್ಧ್ವಾ ಕಸ್ಮಾತ್ಸಂತಾಪಮಷ್ಟಕಾಹಂ ಭಜೇಯಂ। ಕಿಂ ಕುರ್ಯಾಂ ವೈ ಕಿಂ ಚ ಕೃತ್ವಾ ನ ತಪ್ಯೇ ತಸ್ಮಾತ್ಸಂತಾಪಂ ವರ್ಜಯಾಂಯಪ್ರಮತ್ತಃ॥ 1-83-12 (3708) ವೈಶಂಪಾಯನ ಉವಾಚ। 1-83-13x (501) ಏವಂ ವ್ರುವಾಣಂ ನೃಪತಿಂ ಯಯಾತಿ- ಮಥಾಷ್ಟಕಃ ಪುನರೇವಾನ್ವಪೃಚ್ಛತ್। ಮಾತಾಮಹಂ ಸರ್ವಗುಣೋಪಪನ್ನಂ ತತ್ರಸ್ಥಿತಂ ಸ್ವರ್ಗಲೋಕೇ ಯಥಾವತ್॥ 1-83-13 (3709) ಅಷ್ಟಕ ಉವಾಚ। 1-83-14x (502) ಯೇ ಯೇ ಲೋಕಾಃ ಪಾರ್ಥಿವೇಂದ್ರಪ್ರಧಾನಾ- ಸ್ತ್ವಯಾ ಭುಕ್ತಾ ಯಂ ಚ ಕಾಲಂ ಯಥಾವತ್। ತಾನ್ಮೇ ರಾಜನ್ಬ್ರೂಹಿ ಸರ್ವಾನ್ಯಥಾವ- ತ್ಕ್ಷೇತ್ರಜ್ಞವದ್ಭಾಷಸೇ ತ್ವಂ ಹಿ ಧರ್ಮಾನ್॥ 1-83-14 (3710) ಯಯಾತಿರುವಾಚ। 1-83-15x (503) ರಾಜಾಽಹಮಾಸಮಿಹ ಸಾರ್ವಭೌಮ- ಸ್ತತೋ ಲೋಕಾನ್ಮಹತಶ್ಚಾಜಯಂ ವೈ। ತತ್ರಾವಸಂ ವರ್ಷಸಹಸ್ರಮಾತ್ರಂ ತತೋ ಲೋಕಂ ಪರಮಸ್ಂಯಭ್ಯುಪೇತಃ॥ 1-83-15 (3711) ತತಃ ಪುರೀಂ ಪುರುಹೂತಸ್ಯ ರಂಯಾಂ ಸಹಸ್ರದ್ವಾರಾಂ ಶತಯೋಜನಾಯತಾಂ। ಅಧ್ಯಾವಸಂ ವರ್ಷಸಹಸ್ರಮಾತ್ರಂ ತತೋ ಲೋಕಂ ಪರಮಸ್ಂಯಭ್ಯುಪೇತಃ॥ 1-83-16 (3712) ತತೋ ದಿವ್ಯಮಜರಂ ಪ್ರಾಪ್ಯ ಲೋಕಂ ಪ್ರಜಾಪತೇರ್ಲೋಕಪತೇರ್ದುರಾಪಂ। ತತ್ರಾವಸಂ ವರ್ಷಸಹಸ್ರಮಾತ್ರಂ ತತೋ ಲೋಕಂ ಪರಮಸ್ಂಯಭ್ಯುಪೇತಃ॥ 1-83-17 (3713) ಸ ದೇವದೇವಸ್ಯ ನಿವೇಶನೇ ಚ ವಿಹೃತ್ಯ ಲೋಕಾನವಸಂ ಯಥೇಷ್ಟಂ। ಸಂಪೂಜ್ಯಮಾನಸ್ತ್ರಿದಶೈಃ ಸಮಸ್ತೈ- ಸ್ತುಲ್ಯಪ್ರಭಾವದ್ಯುತಿರೀಶ್ವರಾಣಾಂ॥ 1-83-18 (3714) ತಥಾಽಽವಸಂ ನಂದನೇ ಕಾಮರೂಪೀ ಸಂವತ್ಸರಾಣಾಮಯುತಂ ಶತಾನಾಂ। ಸಹಾಪ್ಸರೋಭಿರ್ವಿಹರನ್ಪುಣ್ಯಗಂಧಾ- ನ್ಪಶ್ಯನ್ನಗಾನ್ಪುಷ್ಪಿತಾಂಶ್ಚಾರುರೂಪಾನ್॥ 1-83-19 (3715) ತತ್ರ ಸ್ಥಿತಂ ಮಾಂ ದೇವ ಸುಖೇಷು ಸಕ್ತಂ ಕಾಲೇಽತೀತೇ ಮಹತಿ ತತೋಽತಿಮಾತ್ರಂ। ದೂತೋ ದೇವಾನಾಮಬ್ರವೀದುಗ್ರರೂಪೋ ಧ್ವಂಸೇತ್ಯುಚ್ಚೈಸ್ತ್ರಿಃ ಪ್ಲುತೇನ ಸ್ವರೇಣ॥ 1-83-20 (3716) ಏತಾವನ್ಮೇ ವಿದಿತಂ ರಾಜಸಿಂಹ ತತೋ ಭ್ರಷ್ಟೋಽಹಂ ನಂದನಾತ್ಕ್ಷೀಣಪುಣ್ಯಃ। ವಾಚೋಽಶ್ರೌಷಂ ಚಾಂತರಿಕ್ಷೇ ಸುರಾಣಾಂ ಸಾನುಕ್ರೋಂಶಾಃ ಶೋಚತಾಂ ಮಾಂ ನರೇಂದ್ರ॥ 1-83-21 (3717) ಅಹೋ ಕಷ್ಟಂ ಕ್ಷೀಣಪುಣ್ಯೋ ಯಯಾತಿಃ ಪತತ್ಯಸೌ ಪುಣ್ಯಕೃತ್ಪುಣ್ಯಕೀರ್ತಿಃ। ತಾನಬ್ರುವಂ ಪತಮಾನಸ್ತತೋಽಹಂ ಸತಾಂ ಮಧ್ಯೇ ನಿಪತೇಯಂ ಕಥಂ ನು॥ 1-83-22 (3718) ತೈರಾಖ್ಯಾತಾ ಭವತಾಂ ಯಜ್ಞಭೂಮಿಃ ಸಮೀಕ್ಷ್ಯ ಚೇಮಾಂ ತ್ವರಿತಮುಪಾಗತೋಽಸ್ಮಿ। ಹವಿರ್ಗಂಧಂ ದೇಶಿಕಂ ಯಜ್ಞಭೂಮೇ- ರ್ಧೂಮಾಪಾಂಗಂ ಪ್ರತಿಗೃಹ್ಯ ಪ್ರತೀತಃ॥ ॥ 1-83-23 (3719) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ತ್ರ್ಯಶೀತಿತಮೋಽಧ್ಯಾಯಃ॥ 83 ॥

1-84-0 (3720) ಅಷ್ಟಕ ಉವಾಚ। 1-84-0x (504) ಯದಾಽವಸೋ ನಂದನೇ ಕಾಮರೂಪೀ ಸಂವತ್ಸರಾಣಾಮಯುತಂ ಶತಾನಾಂ। ಕಿಂ ಕಾರಣಂ ಕಾರ್ತಯುಗಪ್ರಧಾನ ಹಿತ್ವಾ ಚ ತ್ವಂ ವಸುಧಾಮನ್ವಪದ್ಯಃ॥ 1-84-1 (3721) ಯಯಾತಿರುವಾಚ। 1-84-2x (505) ಜ್ಞಾತಿಃ ಸುಹೃತ್ಸ್ವಜನೋ ವಾ ಯಥೇಹ ಕ್ಷೀಣೇ ವಿತ್ತೇ ತ್ಯಜ್ಯತೇ ಮಾನವೈರ್ಹಿ। ತಥಾ ತತ್ರ ಕ್ಷೀಣಪುಣ್ಯಂ ಮನುಷ್ಯಂ ತ್ಯಜಂತಿ ಸದ್ಯಃ ಸೇಶ್ವರಾ ದೇವಸಂಘಾಃ॥ 1-84-2 (3722) ಅಷ್ಟಕ ಉವಾಚ। 1-84-3x (506) ತಸ್ಮಿನ್ಕಥಂ ಕ್ಷೀಣಪುಣ್ಯಾ ಭವಂತಿ ಸಂಮುಹ್ಯತೇ ಮೇಽತ್ರ ಮನೋಽತಿಮಾತ್ರಂ। ಕಿಂ ವಾ ವಿಶಿಷ್ಟಾಃ ಕಸ್ಯ ಧಾಮೋಪಯಾಂತಿ ತದ್ವೈ ಬ್ರೂಹಿ ಕ್ಷೇತ್ರವಿತ್ತ್ವಂ ಮತೋ ಮೇ॥ 1-84-3 (3723) ಯಯಾತಿರುವಾಚ। 1-84-4x (507) ಇಮಂ ಭೌಮಂ ನರಕಂ ತೇ ಪತಂತಿ ಲಲಾಪ್ಯಮಾನಾ ನರದೇವ ಸರ್ವೇ। ತೇ ಕಂಕಗೋಮಾಯುಬಲಾಶನಾರ್ಥೇ ಕ್ಷೀಣೇ ಪುಣ್ಯೇ ಬಹುಧಾ ಪ್ರವ್ರಜಂತಿ॥ 1-84-4 (3724) ತಸ್ಮಾದೇತದ್ವರ್ಜನೀಯಂ ನರೇಂದ್ರ ದುಷ್ಟಂ ಲೋಕೇ ಗರ್ಹಣೀಯಂ ಚ ಕರ್ಮ। ಆಖ್ಯಾತಂ ತೇ ಪಾರ್ಥಿವ ಸರ್ವಮೇವ ಭೂಯಶ್ಚೇದಾನೀಂ ವದ ಕಿಂ ತೇ ವದಾಮಿ॥ 1-84-5 (3725) ಅಷ್ಟಕ ಉವಾಚ। 1-84-6x (508) ಯದಾ ತು ತಾನ್ವಿತುದಂತೇ ವಯಾಂಸಿ ತಥಾ ಗೃಧ್ರಾಃ ಶಿತಿಕಂಠಾಃ ಪತಂಗಾಃ। ಕಥಂ ಭವಂತಿ ಕಥಮಾಭವಂತಿ ನ ಭೌಮಮನ್ಯಂ ನರಕಂ ಶೃಣೋಮಿ॥ 1-84-6 (3726) ಯಯಾತಿರುವಾಚ। 1-84-7x (509) ಊರ್ಧ್ವಂ ದೇಹಾತ್ಕರ್ಮಣೋ ಜೃಂಭಮಾಣಾ- ದ್ವ್ಯಕ್ತಂ ಪೃಥಿವ್ಯಾಮನುಸಂಚರಂತಿ। ಇಮಂ ಭೌಮಂ ನರಕಂ ತೇ ಪತಂತಿ ನಾವೇಕ್ಷಂತೇ ವರ್ಷಪೂಗಾನನೇಕಾನ್॥ 1-84-7 (3727) ಷಷ್ಟಿಂ ಸಹಸ್ರಾಣಿ ಪತಂತಿ ವ್ಯೋಂನಿ ತಥಾ ಅಶೀತಿಂ ಪರಿವತ್ಸರಾಣಿ। ತಾನ್ವೈ ತುದಂತಿ ಪತತಃ ಪ್ರಪಾತಂ ಭೀಮಾ ಭೌಮಾ ರಾಕ್ಷಸಾಸ್ತೀಕ್ಷ್ಣದಂಷ್ಟ್ರಾಃ॥ 1-84-8 (3728) ಅಷ್ಟಕ ಉವಾಚ। 1-84-9x (510) ಯದೇನಸಸ್ತೇ ಪತತಸ್ತುದಂತಿ ಭೀಮಾ ಭೌಮಾ ರಾಕ್ಷಸಾಸ್ತೀಕ್ಷ್ಣದಂಷ್ಟ್ರಾಃ। ಕಥಂ ಭವಂತಿ ಕಥಮಾಭವಂತಿ ಕಥಂಭೂತಾ ಗರ್ಭಭೂತಾ ಭವಂತಿ॥ 1-84-9 (3729) ಯಯಾತಿರುವಾಚ। 1-84-10x (511) ಅಸ್ರಂ ರೇತಃ ಪುಷ್ಪಫಲಾನುಪೃಕ್ತ- ಮನ್ವೇತಿ ತದ್ವೈ ಪುರುಷೇಣ ಸೃಷ್ಟಂ। ಸ ವೈ ತಸ್ಯಾ ರಜ ಆಪದ್ಯತೇ ವೈ ಸ ಗರ್ಭಭೂತಃ ಸಮುಪೈತಿ ತತ್ರ॥ 1-84-10 (3730) ವನಸ್ಪತೀನೋಷಧೀಶ್ಚಾವಿಶಂತಿ ಆಪೋ ವಾಯುಂ ಪೃಥಿವೀಂ ಚಾಂತರಿಕ್ಷಂ। ಚತುಷ್ಪದಂ ದ್ವಿಪದಂ ಚಾತಿ ಸರ್ವ- ಮೇವಂಭೂತಾ ಗರ್ಭಭೂತಾ ಭವಂತಿ॥ 1-84-11 (3731) ಅಷ್ಟಕ ಉವಾಚ। 1-84-12x (512) ಅನ್ಯದ್ವಪುರ್ವಿದಧಾತೀಹ ಗರ್ಭ- ಮುತಾಹೋಸ್ವಿತ್ಸ್ವೇನ ಕಾಯೇನ ಯಾತಿ। ಆಪದ್ಯಮಾನೋ ನರಯೋನಿಮೇತಾ- ಮಾಚಕ್ಷ್ವ ಮೇ ಸಂಶಯಾತ್ಪ್ರಬ್ರವೀಮಿ॥ 1-84-12 (3732) ಶರೀರದೇಹಾತಿಸಮುಚ್ಛ್ರಯಂ ಚ ಚಕ್ಷುಃಶ್ರೋತ್ರೇ ಲಭತೇ ಕೇನ ಸಂಜ್ಞಾಂ। ಏತತ್ತತ್ತ್ವಂ ಸರ್ವಮಾಚಕ್ಷ್ವ ಪೃಷ್ಟಃ ಕ್ಷೇತ್ರಜ್ಞಂ ತ್ವಾಂ ತಾತ ಮನ್ಯಾಮ ಸರ್ವೇ॥ 1-84-13 (3733) ಯಯಾತಿರುವಾಚ। 1-84-14x (513) ವಾಯುಃ ಸಮುತ್ಕರ್ಷತಿ ಗರ್ಭಯೋನಿ- ಮೃತೌ ರೇತಃ ಪುಷ್ಪಫಲಾನುಪೃಕ್ತಂ। ಸ ತತ್ರ ತನ್ಮಾತ್ರಕೃತಾಧಿಕಾರಃ ಕ್ರಮೇಣ ಸಂವರ್ಧಯತೀಹ ಗರ್ಭಂ॥ 1-84-14 (3734) ಸ ಜಾಯಮಾನೋ ವಿಗೃಹೀತಮಾತ್ರಃ ಸಂಜ್ಞಾಮಧಿಷ್ಠಾಯ ತತೋ ಮನುಷ್ಯಃ। ಸ ಶ್ರೋತ್ರಾಭ್ಯಾಂ ವೇದಯತೀಹ ಶಬ್ದಂ ಸ ವೈ ರೂಪಂ ಪಶ್ಯತಿ ಚಕ್ಷುಷಾ ಚ॥ 1-84-15 (3735) ಘ್ರಾಣೇನ ಗಂಧಂ ಜಿಹ್ವಯಾಽಥೋ ರಸಂ ಚ ತ್ವಚಾ ಸ್ಪರ್ಶಂ ಮನಸಾ ವೇದಭಾವಂ। ಇತ್ಯಷ್ಟಕೇಹೋಪಹಿತಂ ಹಿ ವಿದ್ಧಿ ಮಹಾತ್ಮನಃ ಪ್ರಾಣಭೃತಃ ಶರೀರೇ॥ 1-84-16 (3736) ಅಷ್ಟಕ ಉವಾಚ। 1-84-17x (514) ಯಃ ಸಂಸ್ಥಿತಃ ಪುರುಷೋ ದಹ್ಯತೇ ವಾ ನಿಖನ್ಯತೇ ವಾಪಿ ನಿಕೃಷ್ಯತೇ ವಾ। ಅಭಾವಭೂತಃ ಸ ವಿನಾಶಮೇತ್ಯ ಕೇನಾತ್ಮಾನಂ ಚೇತಯತೇ ಪರಸ್ತಾತ್॥ 1-84-17 (3737) ಯಯಾತಿರುವಾಚ। 1-84-18x (515) ಹಿತ್ವಾ ಸೋಽಸೂನ್ಸುಪ್ತವನ್ನಿಷ್ಟನಿತ್ವಾ ಪುರೋಧಾಯ ಸುಕೃತಂ ದುಷ್ಕೃತಂ ವಾ। ಅನ್ಯಾಂ ಯೋನಿಂ ಪವನಾಗ್ರಾನುಸಾರೀ ಹಿತ್ವಾ ದೇಹಂ ಭಜತೇ ರಾಜಸಿಂಹ॥ 1-84-18 (3738) ಪುಣ್ಯಾಂ ಯೋನಿಂ ಪುಣ್ಯಕೃತೋ ವ್ರಜಂತಿ ಪಾಪಾಂ ಯೋನಿಂ ಪಾಪಕೃತೋ ವ್ರಜಂತಿ। ಕೀಟಾಃ ಪತಂಗಾಶ್ಚ ಭವಂತಿ ಪಾಪಾ ನ ಮೇ ವಿವಕ್ಷಾಸ್ತಿ ಮಹಾನುಭಾವ॥ 1-84-19 (3739) ಚತುಷ್ಪದಾ ದ್ವಿಪದಾಃ ಷಟ್ಪದಾಶ್ಚ ತಥಾಭೂತಾ ಗರ್ಭಭೂತಾ ಭವಂತಿ। ಆಖ್ಯಾತಮೇತನ್ನಿಖಿಲೇನ ಸರ್ವಂ ಭೂಯಸ್ತು ಕಿಂ ಪೃಚ್ಛಸಿ ರಾಜಸಿಂಹ॥ 1-84-20 (3740) ಅಷ್ಟಕ ಉವಾಚ। 1-84-21x (516) ಕಿಂಸ್ವಿತ್ಕೃತ್ವಾ ಲಭತೇ ತಾತ ಲೋಕಾ- ನ್ಮರ್ತ್ಯಃ ಶ್ರೇಷ್ಠಾಂಸ್ತಪಸಾ ವಿದ್ಯಯಾ ಚ। ತನ್ಮೇ ಪೃಷ್ಟಃ ಶಂಸ ಸರ್ವಂ ಯಥಾವ- ಚ್ಛುಭಾಂʼಲ್ಲೋಕಾನ್ಯೇನ ಗಚ್ಛೇತ್ಕ್ರಮೇಣ॥ 1-84-21 (3741) ಯಯಾತಿರುವಾಚ। 1-84-22x (517) ತಪಶ್ಚ ದಾನಂ ಚ ಶಮೋ ದಮಶ್ಚ ಹ್ರೀರಾರ್ಜವಂ ಸರ್ವಭೂತಾನುಕಂಪಾ। ಸ್ವರ್ಗಸ್ಯ ಲೋಕಸ್ಯ ವದಂತಿ ಸಂತೋ ದ್ವಾರಾಣಿ ಸಪ್ತೈವ ಮಹಾಂತಿ ಪುಂಸಾಂ। ನಶ್ಯಂತಿ ಮಾನೇನ ತಮೋಽಭಿಭೂತಾಃ ಪುಂಸಃ ಸದೈವೇತಿ ವದಂತಿ ಸಂತಃ॥ 1-84-22 (3742) ಅಧೀಯಾನಃ ಪಂಡಿತಂಮನ್ಯಮಾನೋ ಯೋ ವಿದ್ಯಯಾ ಹಂತಿ ಯಶಃ ಪರೇಷಾಂ। ತಸ್ಯಾಂತವಂತಶ್ಚ ಭವಂತಿ ಲೋಕಾ ನ ಚಾಸ್ಯ ತದ್ಬ್ರಹ್ಮ ಫಲಂ ದದಾತಿ॥ 1-84-23 (3743) ಚತ್ವಾರಿ ಕರ್ಮಾಣ್ಯಭಯಂಕರಾಣಿ ಭಯಂ ಪ್ರಯಚ್ಛಂತ್ಯಯಥಾಕೃತಾನಿ। ಮಾನಾಗ್ನಿಹೋತ್ರಮುತ ಮಾನಮೌನಂ ಮಾನೇನಾಧೀತಮುತ ಮಾನಯಜ್ಞಃ॥ 1-84-24 (3744) ನ ಮಾನಮಾನ್ಯೋ ಮುದಮಾದದೀತ ನ ಸಂತಾಪಂ ಪ್ರಾಪ್ನುಯಾಚ್ಚಾವಮಾನಾತ್। ಸಂತಃ ಸತಃ ಪೂಜಯಂತೀಹ ಲೋಕೇ ನಾಸಾಧವಃ ಸಾಧುಬುದ್ಧಿಂ ಲಭಂತೇ॥ 1-84-25 (3745) ಇತಿ ದದ್ಯಾಮಿತಿ ಯಜ ಇತ್ಯದೀಯ ಇತಿ ವ್ರತಂ। ಇತ್ಯೇತಾನಿ ಭಯಾನ್ಯಾಹುಸ್ತಾನಿ ವರ್ಜ್ಯಾನಿ ಸರ್ವಶಃ॥ 1-84-26 (3746) ಯೇ ಚಾಶ್ರಯಂ ವೇದಯಂತೇ ಪುರಾಣಂ ಮನೀಷಿಣೋ ಮಾನಸಮಾರ್ಗರುದ್ಧಂ। ತನ್ನಿಃಶ್ರೇಯಸ್ತೇನ ಸಂಯೋಗಮೇತ್ಯ ಪರಾಂ ಶಾಂತಿಂ ಪ್ರತ್ಯುಃ ಪ್ರೇತ್ಯ ಚೇಹ॥ ॥ 1-84-27 (3747) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಚತುರಶೀತಿತಮೋಽಧ್ಯಾಯಃ॥ 84 ॥

1-85-0 (3748) ಅಷ್ಟಕ ಉವಾಚ। 1-85-0x (518) ಚರನ್ಗೃಹಸ್ಥಃ ಕಥಮೇತಿ ಧರ್ಮಾ- ನ್ಕಥಂ ಭಿಕ್ಷುಃ ಕಥಮಾಚಾರ್ಯಕರ್ಮಾ। ವಾನಪ್ರಸ್ಥಃ ಸತ್ಪಥೇ ಸನ್ನಿವಿಷ್ಟೋ ಬಹೂನ್ಯಸ್ಮಿನ್ಸಂಪ್ರತಿ ವೇದಯಂತಿ॥ 1-85-1 (3749) ಯಯಾತಿರುವಾಚ। 1-85-2x (519) ಆಹೂತಾಧ್ಯಾಯೀ ಗುರುಕರ್ಮಸ್ವಚೋದ್ಯಃ ಪೂರ್ವೋತ್ಥಾಯೀ ಚರಮಂ ಚೋಪಶಾಯೀ। ಮೃದುರ್ದಾಂತೋ ಧೃತಿಮಾನಪ್ರಮತ್ತಃ ಸ್ವಾಧ್ಯಾಶೀಲಃ ಸಿಧ್ಯತಿ ಬ್ರಹ್ಮಚಾರೀ॥ 1-85-2 (3750) ಧರ್ಮಾಗತಂ ಪ್ರಾಪ್ಯ ಧನಂ ಯಜೇತ ದದ್ಯಾತ್ಸದೈವಾತಿಥೀನ್ಭೋಜಯೇಚ್ಚ। ಅನಾದದಾನಶ್ಚ ಪರೈರದತ್ತಂ ಸೈಷಾ ಗೃಹಸ್ಥೋಪನಿಷತ್ಪುರಾಣೀ॥ 1-85-3 (3751) ಸ್ವವೀರ್ಯಜೀವೀ ವೃಜಿನಾನ್ನಿವೃತ್ತೋ ದಾತಾ ಪರೇಭ್ಯೋ ನ ಪರೋಪತಾಪೀ। ತಾದೃಙ್ಮುನಿಃ ಸಿದ್ಧಿಮುಪೈತಿ ಮುಖ್ಯಾಂ ವಸನ್ನರಣ್ಯೇ ನಿಯತಾಹಾರಚೇಷ್ಟಃ॥ 1-85-4 (3752) ಅಶಿಲ್ಪಜೀವೀ ಗುಣವಾಂಶ್ಚೈವ ನಿತ್ಯಂ ಜಿತೇಂದ್ರಿಯಃ ಸರ್ವತೋ ವಿಪ್ರಯುಕ್ತಃ। ಅನೋಕಶಾಯೀ ಲಘುರಲ್ಪಪ್ರಸಾರ- ಶ್ಚರಂದೇಶಾನೇಕಚರಃ ಸ ಭಿಕ್ಷುಃ॥ 1-85-5 (3753) ರಾತ್ರ್ಯಾ ಯಯಾ ವಾಽಭಿಜಿತಾಶ್ಚ ಲೋಕಾ ಭವಂತಿ ಕಾಮಾಭಿಜಿತಾಃ ಸುಖಾಶ್ಚ। ತಾಮೇವ ರಾತ್ರಿಂ ಪ್ರಯತೇತ ವಿದ್ವಾ- ನರಣ್ಯಸಂಸ್ಥೋ ಭವಿತುಂ ಯತಾತ್ಮಾ॥ 1-85-6 (3754) ದಶೈವ ಪೂರ್ವಾಂದಶ ಚಾಪರಾಂಶ್ಚ ಜ್ಞಾತೀನಥಾತ್ಮಾನಮಥೈಕವಿಂಶಂ। ಅರಣ್ಯವಾಸೀ ಸುಕೃತೇ ದಧಾತಿ ವಿಮುಚ್ಯಾರಣ್ಯೇ ಸ್ವಶರೀರಧಾತೂನ್॥ 1-85-7 (3755) ಅಷ್ಟಕ ಉವಾಚ। 1-85-8x (520) ಕತಿಸ್ವಿದೇವ ಮುನಯಃ ಕತಿ ಮೌನಾನಿ ಚಾಪ್ಯುತ। ಭವಂತೀತಿ ತದಾಚಕ್ಷ್ವ ಶ್ರೋತುಮಿಚ್ಛಾಮಹೇ ವಯಂ॥ 1-85-8 (3756) ಯಯಾತಿರುವಾಚ। 1-85-9x (521) ಅರಣ್ಯೇ ವಸತೋ ಯಸ್ಯ ಗ್ರಾಮೋ ಭವತಿ ಪೃಷ್ಠತಃ। ಗ್ರಾಮೇ ವಾ ವಸತೋಽರಣ್ಯಂ ಸ ಮುನಿಃ ಸ್ಯಾಜ್ಜನಾಧಿಪ॥ 1-85-9 (3757) ಅಷ್ಟಕ ಉವಾಚ। 1-85-10x (522) ಕಥಂಸ್ವಿದ್ವಸತೋಽರಣ್ಯೇ ಗ್ರಾಮೋ ಭವತಿ ಪೃಷ್ಠತಃ। ಗ್ರಾಮೇ ವಾ ವಸತೋಽರಣ್ಯಂ ಕಥಂ ಭವತಿ ಪೃಷ್ಠತಃ॥ 1-85-10 (3758) ಯಯಾತಿರುವಾಚ। 1-85-11x (523) ನ ಗ್ರಾಂಯಮುಪಯುಂಜೀತ ಯ ಆರಣ್ಯೋ ಮುನಿರ್ಭವೇತ್। ತಥಾಸ್ಯ ವಸತೋಽರಣ್ಯೇ ಗ್ರಾಮೋ ಭವತಿ ಪೃಷ್ಠತಃ॥ 1-85-11 (3759) ಅನಗ್ನಿರನಿಕೇತಶ್ಚಾಪ್ಯಗೋತ್ರಚರಣೋ ಮುನಿಃ। ಕೌಪೀನಾಚ್ಛಾದನಂ ಯಾವತ್ತಾವದಿಚ್ಛೇಚ್ಚ ಚೀವರಂ॥ 1-85-12 (3760) ಯಾವತ್ಪ್ರಾಣಾಭಿಸಂಧಾನಂ ತಾವದಿಚ್ಛೇಚ್ಚ ಭೋಜನಂ। ತಥಾಽಸ್ಯ ವಸತೋ ಗ್ರಾಮೇಽರಣ್ಯಂ ಭವತಿ ಪೃಷ್ಠತಃ॥ 1-85-13 (3761) ಯಸ್ತು ಕಾಮಾನ್ಪರಿತ್ಯಜ್ಯ ತ್ಯಕ್ತಕರ್ಮಾ ಜಿತೇಂದ್ರಿಯಃ। ಆತಿಷ್ಠೇಚ್ಚ ಮುನಿರ್ಮೌನಂ ಸ ಲೋಕೇ ಸಿದ್ಧಿಮಾಪ್ನುಯಾತ್॥ 1-85-14 (3762) ಧೌತದಂತಂ ಕೃತ್ತನಖಂ ಸದಾ ಸ್ನಾತಮಲಂಕೃತಂ। ಅಸಿತಂ ಸಿತಕರ್ಮಾಣಂ ಕಸ್ತಮರ್ಹತಿ ನಾರ್ಚಿತುಂ॥ 1-85-15 (3763) ತಪಸಾ ಕರ್ಶಿತಃ ಕ್ಷಾಮಃ ಕ್ಷೀಣಮಾಂಸಾಸ್ಥಿಶೋಣಿತಃ। ಸ ಚ ಲೋಕಮಿಮಂ ಜಿತ್ವಾ ಲೋಕಂ ವಿಜಯತೇ ಪರಂ॥ 1-85-16 (3764) ಯದಾ ಭವತಿ ನಿರ್ದ್ವಂದ್ವೋ ಮುನಿರ್ಮೌನಂ ಸಮಾಸ್ಥಿತಃ। ಅಥ ಲೋಕಮಿಮಂ ಜಿತ್ವಾ ಲೋಕಂ ವಿಜಯತೇ ಪರಂ॥ 1-85-17 (3765) ಆಸ್ಯೇನ ತು ಯದಾಽಹಾರಂ ಗೋವನ್ಮೃಗಯತೇ ಮುನಿಃ। ಅಥಾಸ್ಯ ಲೋಕಃ ಸರ್ವೋಽಯಂ ಸೋಽಮೃತತ್ವಾಯ ಕಲ್ಪತೇ॥ 1-85-18 (3766) ಸಾಮಾನ್ಯಧರ್ಮಃ ಸರ್ವೇಷಾಂ ಕ್ರೋಧೋ ಲೋಭೋ ದ್ರುಹಾಽಕ್ಷಮಾ। ವಿಹಾಯ ಮತ್ಸರಂ ಶಾಠ್ಯಂ ದರ್ಪಂ ದಂಭಂ ಚ ಪೈಶುನಂ। ಕ್ರೋಧಂ ಲೋಭಂ ಮಮತ್ವಂ ಚ ಯಸ್ಯ ನಾಸ್ತಿ ಸ ಧರ್ಮವಿತ್॥ 1-85-19 (3767) ಅಷ್ಟಕ ಉವಾಚ। 1-85-20x (524) ನಿತ್ಯಾಶನೋ ಬ್ರಹ್ಮಚಾರೀ ಗೃಹಸ್ಥೋ ವನಗೋ ಮುನಿಃ। ನಾಧರ್ಮಮಶನಾತ್ಪ್ರಾಪ್ಯೇತ್ಕಥಂ ಬ್ರೂಹೀಹ ಪೃಚ್ಛತೇ॥ 1-85-20 (3768) ಯಯಾತಿರುವಾಚ। 1-85-21x (525) ಅಷ್ಟೌ ಗ್ರಾಸಾ ಮುನೇಃ ಪ್ರೋಕ್ತಾಃ ಷೋಡಶಾರಣ್ಯವಾಸಿನಃ। ದ್ವಾತ್ರಿಂಶತ್ತು ಗೃಹಸ್ಥಸ್ಯ ಅಮಿತಂ ಬ್ರಹ್ಮಚಾರಿಣಃ॥ 1-85-21 (3769) ಇತ್ಯೇವಂ ಕಾರಣೈರ್ಜ್ಞೇಯಮಷ್ಟಕೈತಚ್ಛುಭಾಶುಭಂ॥ ॥ 1-85-22 (3770) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಪಂಚಾಶೀತಿತಮೋಽಧ್ಯಾಯಃ॥ 85 ॥

1-86-0 (3771) ಅಷ್ಟಕ ಉವಾಚ। 1-86-0x (526) ಕತರಸ್ತ್ವನಯೋಃ ಪೂರ್ವಂ ದೇವಾನಾಮೇತಿ ಸಾಂಯತಾಂ। ಉಭಯೋರ್ಧಾವತೋ ರಾಜನ್ಸೂರ್ಯಾಚಂದ್ರಮಸೋರಿವ॥ 1-86-1 (3772) ಯಯಾತಿರುವಾಚ। 1-86-2x (527) ಅನಿಕೇತೋ ಗೃಹಸ್ಥೇಷು ಕಾಮವೃತ್ತೇಷು ಸಂಯತಃ। ಗ್ರಾಮ ಏವ ವಸನ್ಭಿಕ್ಷುಸ್ತಯೋಃ ಪೂರ್ವತರಂ ಗತಃ॥ 1-86-2 (3773) ಅಪ್ರಾಪ್ಯ ದೀರ್ಘಮಾಯುಸ್ತು ಯಃ ಪ್ರಾಪ್ತೋ ವಿಕೃತಿಂ ಚರೇತ್। ತಪ್ಯತೇ ಯದಿ ತತ್ಕೃತ್ವಾ ಚರೇತ್ಸೋಽನ್ಯತ್ತಪಸ್ತತಃ॥ 1-86-3 (3774) ಪಾಪಾನಾಂ ಕರ್ಮಣಾಂ ನಿತ್ಯಂ ಬಿಭೀಯಾದ್ಯಸ್ತು ಮಾನವಃ। ಸುಖಮಪ್ಯಾಚರನ್ನಿತ್ಯಂ ಸೋಽತ್ಯಂತಂ ಸುಖಮೇಧತೇ॥ 1-86-4 (3775) ಯದ್ವೈ ನೃಶಂಸಂ ತದಸತ್ಯಮಾಹು- ರ್ಯಃ ಸೇವತೇ ಧರ್ಮಮನರ್ಥಬುದ್ಧಿಃ। ಅಸ್ವೋಽಪ್ಯನೀಶಶ್ಚ ತಥೈವ ರಾಜಂ- ಸ್ತದಾರ್ಜವಂ ಸ ಸಮಾಧಿಸ್ತದಾರ್ಯಂ॥ 1-86-5 (3776) ಅಷ್ಟಕ ಉವಾಚ। 1-86-6x (528) ಕೇನಾಸಿ ಹೂತಃ ಪ್ರಹಿತೋಽಸಿ ರಾಜ- ನ್ಯುವಾ ಸ್ರಗ್ವೀ ದರ್ಶನೀಯಃ ಸುವರ್ಚಾಃ। ಕುತಋ ಆಯಾತಃ ಕತರಸ್ಯಾಂ ದಿಶಿ ತ್ವ- ಮುತಾಹೋಸ್ವಿತ್ಪಾರ್ಥಿವಂ ಸ್ಥಾನಮಸ್ತಿ॥ 1-86-6 (3777) ಯಯಾತಿರುವಾಚ। 1-86-7x (529) ಇಮಂ ಭೌಮಂ ನರಕಂ ಕ್ಷೀಣಪುಣ್ಯಃ ಪ್ರವೇಷ್ಟುಮುರ್ವೀಂ ಗಗನಾದ್ವಿಪ್ರಹೀಣಃ। `ವಿದ್ವಾಂಶ್ಚೈವಂ ಮತಿಮಾನಾರ್ಯಬುದ್ಧಿ- ರ್ಮಮಾಭವತ್ಕರ್ಮಲೋಕ್ಯಂ ಚ ಸರ್ವಂ'। ಉಕ್ತ್ವಾಽಹಂ ವಃ ಪ್ರಪತಿಷ್ಯಾಂಯನಂತರಂ ತ್ವರಂತಿ ಮಾಂ ಲೋಕಪಾ ಬ್ರಾಹ್ಮಣಾ ಯೇ॥ 1-86-7 (3778) ಸತಾಂ ಸಕಾಶೇ ತು ವೃತಃ ಪ್ರಪಾತ- ಸ್ತೇ ಸಂಗತಾ ಗುಣವಂತಶ್ಚ ಸರ್ವೇ। ಶಕ್ರಾಚ್ಚ ಲಬ್ಧೋ ಹಿ ವರೋ ಮಯೈಷ ಪತಿಷ್ಯತಾ ಭೂಮಿತಲಂ ನರೇಂದ್ರ॥ 1-86-8 (3779) ಅಷ್ಟಕ ಉವಾಚ। 1-86-9x (530) ಪೃಚ್ಛಾಮಿ ತ್ವಾಂ ಮಾ ಪ್ರಪತ ಪ್ರಪಾತಂ ಯದಿ ಲೋಕಾಃ ಪಾರ್ಥಿವ ಸಂತಿ ಮೇಽತ್ರ। ಯದ್ಯಂತರಿಕ್ಷೇ ಯದಿ ವಾ ದಿವಿ ಸ್ಥಿತಾಃ ಕ್ಷೇತ್ರಜ್ಞಂ ತ್ವಾಂ ತಸ್ಯ ಧರ್ಮಸ್ಯ ಮನ್ಯೇ॥ 1-86-9 (3780) ಯಯಾತಿರುವಾಚ। 1-86-10x (531) ಯಾವತ್ಪೃಥಿವ್ಯಾಂ ವಿಹಿತಂ ಗವಾಶ್ವಂ ಸಹಾರಣ್ಯೈಃ ಪಶುಭಿಃ ಪಾರ್ವತೈಶ್ಚ। ತಾವಲ್ಲೋಕಾ ದಿವಿ ತೇ ಸಂಸ್ಥಿತಾ ವೈ ತಥಾ ವಿಜಾನೀಹಿ ನರೇಂದ್ರಸಿಂಹ॥ 1-86-10 (3781) ಅಷ್ಟಕ ಉವಾಚ। 1-86-11x (532) ತಾಂಸ್ತೇ ದದಾಮಿ ಮಾ ಪ್ರಪತ ಪ್ರಪಾತಂ ಯೇ ಮೇ ಲೋಕಾ ದಿವಿ ರಾಜೇಂದ್ರ ಸಂತಿ। ಯದ್ಯಂತರಿಕ್ಷೇ ಯದಿ ವಾ ದಿವಿ ಶ್ರಿತಾ- ಸ್ತಾನಾಕ್ರಮ ಕ್ಷಿಪ್ರಮಪೇತಮೋಹಃ॥ 1-86-11 (3782) ಯಯಾತಿರುವಾಚ। 1-86-12x (533) ನಾಸ್ಮದ್ವಿಧೋಽಬ್ರಾಹ್ಮಣೋ ಬ್ರಹ್ಮವಿಚ್ಚ ಪ್ರತಿಗ್ರಹೇ ವರ್ತತೇ ರಾಜಮುಖ್ಯ। ಯಥಾ ಪ್ರದೇಯಂ ಸತತಂ ದ್ವಿಜೇಭ್ಯ- ಸ್ತಥಾಽದದಂ ಪೂರ್ವಮಹಂ ನರೇಂದ್ರ॥ 1-86-12 (3783) ನಾಬ್ರಾಹ್ಮಣಃ ಕೃಪಣೋ ಜಾತು ಜೀವೇ- ದ್ಯಾ ಚಾಪ್ಯಸ್ಯಾಽಬ್ರಾಹ್ಮಣೀ ವೀರಪತ್ನೀ। ಸೋಽಹಂ ನೈವಾಕೃತಪೂರ್ವಂ ಚರೇಯಂ ವಿಧಿತ್ಸಮಾನಃ ಕಿಮು ತತ್ರ ಸಾಧುಃ॥ 1-86-13 (3784) ಪ್ರತರ್ದನ ಉವಾಚ। 1-86-14x (534) ಪೃಚ್ಛಾಮಿ ತ್ವಾಂ ಸ್ಪೃಹಣೀಯರೂಪ ಪ್ರತರ್ದನೋಽಹಂ ಯದಿ ಮೇ ಸಂತಿ ಲೋಕಾಃ। ಯದ್ಯಂತರಿಕ್ಷೇ ಯದಿ ವಾ ದಿವಿ ಶ್ರಿತಾಃ ಕ್ಷೇತ್ರಜ್ಞಂ ತ್ವಾಂ ತಸ್ಯ ಧರ್ಮಸ್ಯ ಮನ್ಯೇ॥ 1-86-14 (3785) ಯಯಾತಿರುವಾಚ। 1-86-15x (535) ಸಂತಿ ಲೋಕಾ ಬಹವಸ್ತೇ ನರೇಂದ್ರ ಅಪ್ಯೇಕೈಕಃ ಸಪ್ತಸಪ್ತಾಪ್ಯಹಾನಿ। ಮಧುಚ್ಯುತೋ ಘೃತಪೃಕ್ತಾ ವಿಶೋಕಾ- ಸ್ತೇ ನಾಂತವಂತಃ ಪ್ರತಿಪಾಲಯಂತಿ॥ 1-86-15 (3786) ಪ್ರತರ್ದನ ಉವಾಚ। 1-86-16x (536) ತಾಂಸ್ತೇ ದದಾನಿ ಮಾ ಪ್ರಪತ ಪ್ರಪಾತಂ ಯೇ ಮೇ ಲೋಕಾಸ್ತವ ತೇ ವೈ ಭವಂತು। ಯದ್ಯಂತರಿಕ್ಷೇ ಯದಿ ವಾ ದಿವಿ ಶ್ರಿತಾ- ಸ್ತಾನಾಕ್ರಮ ಕ್ಷಿಪ್ರಮಪೇತಮೋಹಃ॥ 1-86-16 (3787) ಯಯಾತಿರುವಾಚ। 1-86-17x (537) ನ ತುಲ್ಯತೇಜಾಃ ಸುಕೃತಂ ಕಾಮಯೇತ ಯೋಗಕ್ಷೇಮಂ ಪಾರ್ಥಿವ ಪಾರ್ಥಿವಃ ಸನ್। ದೈವಾದೇಶಾದಾಪದಂ ಪ್ರಾಪ್ಯ ವಿದ್ವಾಂ- ಶ್ಚರೇನ್ನೃಶಂಸಂ ನ ಹಿ ಜಾತು ರಾಜಾ॥ 1-86-17 (3788) ಧರ್ಂಯಂ ಮಾರ್ಗಂ ಯತಮಾನೋ ಯಶಸ್ಯಂ ಕುರ್ಯಾನ್ನೃಪೋ ಧರ್ಮಮವೇಕ್ಷಮಾಣಃ। ನ ಮದ್ವಿಧೋ ಧರ್ಮಬುದ್ಧಿಃ ಪ್ರಜಾನ- ನ್ಕುರ್ಯಾದೇವಂ ಕೃಪಣಂ ಮಾಂ ಯಥಾಽತ್ಥ॥ 1-86-18 (3789) ಕುರ್ಯಾದಪೂರ್ವಂ ನ ಕೃತಂ ಯದನ್ಯೈ- ರ್ವಿಧಿತ್ಸಮಾನಃ ಕಿಮು ತತ್ರ ಸಾಧು। `ಧರ್ಮಾಧರ್ಮೌ ಸುವಿನಿಶ್ಚಿತ್ಯ ಸಂಯ- ಕ್ಕಾರ್ಯಾಕಾರ್ಯೇಷ್ವಪ್ರಮತ್ತಶ್ಚರೇದ್ಯಃ॥ 1-86-19 (3790) ಸ ವೈ ಧೀಮಾನ್ಸತ್ಯಸಂಧಃ ಕೃತಾತ್ಮಾ ರಾಜಾ ಭವೇಲ್ಲೋಕಪಾಲೋ ಮಹಿಂನಾ। ಯದಾ ಭವೇತ್ಸಂಶಯೋ ಧರ್ಮಕಾರ್ಯೇ ಕಾಮಾರ್ಥೌ ವಾ ಯತ್ರ ವಿಂದಂತಿ ಸಂಯಕ್॥ 1-86-20 (3791) ಕಾರ್ಯಂ ತತ್ರ ಪ್ರಥಮಂ ಧರ್ಮಕಾರ್ಯಂ ಯನ್ನೋ ವಿರುಧ್ಯಾದರ್ಥಕಾಮೌ ಸ ಧರ್ಮಃ 1-86-21 (3792) ವೈಶಂಪಾಯನ ಉವಾಚ।' ಬ್ರುವಾಣಮೇವಂ ನೃಪತಿಂ ಯಯಾತಿಂ ನೃಪೋತ್ತಮೋ ವಸುಮಾನಬ್ರವೀತ್ತಂ॥ ॥ 1-86-21x (538) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಷಡಶೀತಿತಮೋಽಧ್ಯಾಯಃ॥ 86 ॥

1-87-0 (3793) ವಸುಮಾನುವಾಚ। 1-87-0x (539) ಪೃಚ್ಛಾಮಿ ತ್ವಾಂ ವಸುಮಾನೌಷದಶ್ವಿ- ರ್ಯದ್ಯಸ್ತಿ ಲೋಕೋ ದಿವಿ ಮೇ ನರೇಂದ್ರ। ಯದ್ಯಂತರಿಕ್ಷೇ ಪ್ರಥಿತೋ ಮಹಾತ್ಮನ್ ಕ್ಷೇತ್ರಜ್ಞಂ ತ್ವಾಂ ತಸ್ಯ ಧರ್ಮಸ್ಯ ಮನ್ಯೇ॥ 1-87-1 (3794) ಯಯಾತಿರುವಾಚ। 1-87-2x (540) ಯದಂತರಿಕ್ಷಂ ಪೃಥಿವೀ ದಿಶಶ್ಚ ಯತ್ತೇಜಸಾ ತಪತೇ ಭಾನುಮಾಂಶ್ಚ। ಲೋಕಾಸ್ತಾವಂತೋ ದಿವಿ ಸಂಸ್ಥಿತಾ ವೈ ತೇನಾಂತವಂತಃ ಪ್ರತಿಪಾಲಯಂತಿ॥ 1-87-2 (3795) ವಸುಮಾನುವಾಚ। 1-87-3x (541) ತಾಂಸ್ತೇ ದದಾನಿ ಮಾ ಪ್ರಪತ ಪ್ರಪಾತಂ ಯೇ ಮೇ ಲೋಕಾಸ್ತವ ತೇ ವೈ ಭವಂತು। ಕ್ರೀಣೀಷ್ವೈತಾಂಸ್ತೃಣಕೇನಾಪಿ ರಾಜ- ನ್ಪ್ರತಿಗ್ರಹಸ್ತೇ ಯದಿ ಧೀಮನ್ಪ್ರದುಷ್ಟಃ॥ 1-87-3 (3796) ಯಯಾತಿರುವಾಚ। 1-87-4x (542) ನ ಮಿಥ್ಯಾಽಹಂ ವಿಕ್ರಯಂ ವೈ ಸ್ಮರಾಮಿ ವೃಥಾ ಗೃಹೀತಂ ಶಿಶುಕಾಚ್ಛಂಕಮಾನಃ। ಕುರ್ಯಾಂ ನ ಚೈವಾಕೃತಪೂರ್ವಮನ್ಯೈ- ರ್ವಿಧಿತ್ಸಮಾನಃ ಕಿಮು ತತ್ರ ಸಾಧುಃ॥ 1-87-4 (3797) ವಸುಮಾನುವಾಚ। 1-87-5x (543) ತಾಂಸ್ತ್ವಂ ಲೋಕಾನ್ಪ್ರತಿಪದ್ಯಸ್ವ ರಾಜ- ನ್ಮಯಾ ದತ್ತಾನ್ಯದಿ ನೇಷ್ಟಃ ಕ್ರಯಸ್ತೇ। ಅಹಂ ನ ತಾನ್ವೈ ಪ್ರತಿಗಂತಾ ನರೇಂದ್ರ ಸರ್ವೇ ಲೋಕಾಸ್ತವ ತೇ ವೈ ಭವಂತು॥ 1-87-5 (3798) ಶಿಬಿರುವಾಚ। 1-87-6x (544) ಪೃಚ್ಛಾಮಿ ತ್ವಾಂ ಶಿಬಿರೌಶೀನರೋಽಹಂ ಮಮಾಪಿ ಲೋಕಾ ಯದಿ ಸಂತೀಹ ತಾತ। ಯದ್ಯಂತರಿಕ್ಷೇ ಯದಿ ವಾ ದಿವಿ ಶ್ರಿತಾಃ ಕ್ಷೇತ್ರಜ್ಞಂ ತ್ವಾಂ ತಸ್ಯ ಧರ್ಮಸ್ಯ ಮನ್ಯೇ॥ 1-87-6 (3799) ಯಯಾತಿರುವಾಚ। 1-87-7x (545) ಯತ್ತ್ವಂ ವಾಚಾ ಹೃದಯೇನಾಪಿ ಸಾಧೂ- ನ್ಪರೀಪ್ಸಮಾನಾನ್ನಾವಮಂಸ್ಥಾ ನರೇಂದ್ರ। ತೇನಾನಂತಾ ದಿವಿ ಲೋಕಾಃ ಶ್ರಿತಾಸ್ತೇ ವಿದ್ಯುದ್ರೂಪಾಃ ಸ್ವನವಂತೋ ಮಹಾಂತಃ॥ 1-87-7 (3800) ಶಿಬಿರುವಾಚ। 1-87-8x (546) ತಾಂಸ್ತ್ವಂ ಲೋಕಾನ್ಪ್ರತಿಪದ್ಯಸ್ವ ರಾಜ- ನ್ಮಯಾ ದತ್ತಾನ್ಯದಿ ನೇಷ್ಟಃ ಕ್ರಯಸ್ತೇ। ನ ಚಾಹಂ ತಾನ್ಪ್ರತಿಪತ್ಸ್ಯೇ ಹ ದತ್ತ್ವಾ ಯತ್ರ ಗತ್ವಾ ನಾನುಶೋಚಂತಿ ಧೀರಾಃ॥ 1-87-8 (3801) ಯಯಾತಿರುವಾಚ। 1-87-9x (547) ಯಥಾ ತ್ವಮಿಂದ್ರಪ್ರತಿಮಪ್ರಭಾವ- ಸ್ತೇ ಚಾಪ್ಯನಂತಾ ನರದೇವ ಲೋಕಾಃ। ತಥಾಽದ್ಯ ಲೋಕೇ ನ ರಮೇಽನ್ಯದತ್ತೇ ತಸ್ಮಾಚ್ಛಿಬೇ ನಾಭಿನಂದಾಮಿ ದಾಯಂ॥ 1-87-9 (3802) ಅಷ್ಟಕ ಉವಾಚ। 1-87-10x (548) ನ ಚೇದೇಕೈಕಶೋ ರಾಜಂʼಲ್ಲೋಕಾನ್ನಃ ಪ್ರತಿನಂದಸಿ। ಸರ್ವೇ ಪ್ರದಾಯ ಭವತೇ ಗಂತಾರೋ ನರಕಂ ವಯಂ॥ 1-87-10 (3803) ಯಯಾತಿರುವಾಚ। 1-87-11x (549) ಯದರ್ಹೋಽಹಂ ತದ್ಯತಧ್ವಂ ಸಂತಃ ಸತ್ಯಾಭಿನಂದಿನಃ। ಅಹಂ ತನ್ನಾಭಿಜಾನಾಮಿ ಯತ್ಕೃತಂ ನ ಮಯಾ ಪುರಾ॥ 1-87-11 (3804) ಅಷ್ಟಕ ಉವಾಚ। 1-87-12x (550) ಕಸ್ಯೈತೇ ಪ್ರತಿದೃಶ್ಯಂತೇ ರಥಾಃ ಪಂಚ ಹಿರಣ್ಮಯಾಃ। ಯಾನಾರುಹ್ಯ ನರೋ ಲೋಕಾನಭಿವಾಂಛತಿ ಶಾಶ್ವತಾನ್॥ 1-87-12 (3805) ಯಯಾತಿರುವಾಚ। 1-87-13x (551) ಯುಷ್ಮಾನೇತೇ ವಹಿಷ್ಯಂತಿ ರಥಾಃ ಪಂಚ ಹಿರಣ್ಮಯಾಃ। ಉಚ್ಚೈಃ ಸಂತಃ ಪ್ರಕಾಶಂತೇ ಜ್ವಲಂತೋಽಗ್ನಿಶಿಖಾ ಇವ॥ 1-87-13 (3806) `ವೈಶಂಪಾಯನ ಉವಾಚ। 1-87-14x (552) ಅಶ್ವಮೇಧೇ ಮಹಾಯಜ್ಞೇ ಸ್ವಯಂಭುವಿಹಿತೇ ಪುರಾ। ಹಯಸ್ಯ ಯಾನಿ ಚಾಂಗಾನಿ ಸಂನಿಕೃತ್ಯ ಯಥಾಕ್ರಮಂ॥ 1-87-14 (3807) ಹೋತಾಽಧ್ವರ್ಯುರಥೋದ್ಗಾತಾ ಬ್ರಹ್ಮಣಾ ಸಹ ಭಾರತ। ಅಗ್ನೌ ಪ್ರಾಸ್ಯಂತಿ ವಿಧಿವತ್ಸಮಸ್ತಾಃ ಷೋಡಶರ್ತ್ವಿಜಃ॥ 1-87-15 (3808) ಧೂಮಗಂಧಂ ಚ ಪಾಪಿಷ್ಠಾ ಯೇ ಜಿಘ್ರಂತಿ ನರಾ ಭುವಿ। ವಿಮುಕ್ತಪಾಪಾಃ ಪೂತಾಸ್ತೇ ತತ್ಕ್ಷಣೇನಾಭವನ್ನರಾಃ॥ 1-87-16 (3809) ಏತಸ್ಮಿನ್ನಂತರೇ ಚೈವ ಮಾಧವೀ ಸಾ ತಪೋಧನಾ। ಮೃಗಚರ್ಮಪರೀತಾಂಗೀ ಪರಿಧಾಯ ಮೃಗತ್ವಚಂ॥ 1-87-17 (3810) ಮೃಗೈಃ ಪರಿಚರಂತೀ ಸಾ ಮೃಗಾಹಾರವಿಚೇಷ್ಟಿತಾ। ಯಜ್ಞವಾಟಂ ಮೃಗಗಣೈಃ ಪ್ರವಿಶ್ಯ ಭೃಶವಿಸ್ಮಿತಾ॥ 1-87-18 (3811) ಆಘ್ರಾಯಂತೀ ಧೂಮಗಂಧಂ ಮೃಗೈರೇವ ಚಚಾರ ಸಾ। ಯಜ್ಞವಾಟಮಟಂತೀ ಸಾ ಪುತ್ರಾಂಸ್ತಾನಪರಾಜಿತಾನ್॥ 1-87-19 (3812) ಪಶ್ಯಂತೀ ಯಜ್ಞಮಾಹಾತ್ಂಯಂ ಮುದಂ ಲೇಭೇ ಚ ಮಾಧವೀ। ಅಸಂಸ್ಪೃಶಂತಂ ವಸುಧಾಂ ಯಯಾತಿಂ ನಾಹುಷಂ ಯದಾ॥ 1-87-20 (3813) ದಿವಿಷ್ಠಂ ಪ್ರಾಪ್ತಮಾಜ್ಞಾಯ ವವಂದೇ ಪಿತರಂ ತದಾ। ತದಾ ವಸುಮನಾಪೃಚ್ಛನ್ಮಾತರಂ ವೈ ತಪಸ್ವಿನೀಂ॥ 1-87-21 (3814) ಭವತ್ಯಾ ಯತ್ಕೃತಮಿದಂ ವಂದನಂ ಪಾದಯೋರಿಹ। ಕೋಯಂ ದೇವೋಪಮೋ ರಾಜಾ ಯಾಽಭಿವಂದಸಿ ಮೇ ವದ॥ 1-87-22 (3815) ಮಾಧವ್ಯುವಾಚ। 1-87-23x (553) ಶೃಣುಧ್ವಂ ಸಹಿತಾಃ ಪುತ್ರಾ ನಾಹುಷೋಯಂ ಪಿತಾ ಮಮ। ಯಯಾತಿರ್ಮಮ ಪುತ್ರಾಣಾಂ ಮಾತಾಮಹ ಇತಿ ಸ್ಮೃತಃ॥ 1-87-23 (3816) ಪೂರುಂ ಮೇ ಭ್ರಾತರಂ ರಾಜ್ಯೇ ಸಮಾವೇಶ್ಯ ದಿವಂ ಗತಃ। ಕೇನ ವಾ ಕಾರಣೇನೈವಮಿಹ ಪ್ರಾಪ್ತೋ ಮಹಾಯಶಾಃ॥ 1-87-24 (3817) ವೈಶಂಪಾಯನ ಉವಾಚ। 1-87-25x (554) ತಸ್ಯಾಸ್ತದ್ವಚನಂ ಶ್ರುತ್ವಾ ಸ್ವರ್ಗಾದ್ಭ್ರಷ್ಟೇತಿ ಚಾಬ್ರವೀತ್। ಸಾ ಪುತ್ರಸ್ಯ ವಚಃ ಶ್ರುತ್ವಾ ಸಂಭ್ರಮಾವಿಷ್ಟಚೇತನಾ॥ 1-87-25 (3818) ಮಾಧವೀ ಪಿತರಂ ಪ್ರಾಹ ದೌಹಿತ್ರಪರಿವಾರಿತಂ। ತಪಸಾ ನಿರ್ಜಿತಾಂʼಲ್ಲೋಕಾನ್ಪ್ರತಿಗೃಹ್ಣೀಷ್ವ ಮಾಮಕಾನ್॥ 1-87-26 (3819) ಪುತ್ರಾಣಾಮಿವ ಪೌತ್ರಾಣಾಂ ಧರ್ಮಾದಧಿಗತಂ ಧನಂ। ಸ್ವಾರ್ಥಣೇವ ವದಂತೀಹ ಋಷಯೋ ಧರ್ಮಪಾಠಕಾಃ। ತಸ್ಮಾದ್ದಾನೇನ ತಪಸಾ ಚಾಸ್ಮಾಕಂ ದಿವಮಾವ್ರಜ॥ 1-87-27 (3820) ಯಯಾತಿರುವಾಚ। 1-87-28x (555) ಯದಿ ಧರ್ಮಫಲಂ ಹ್ಯೇತಚ್ಛೋಭನಂ ಭವಿತಾ ತವ। ದುಹಿತ್ರಾ ಚೈವ ದೌಹಿತ್ರೈಸ್ತಾರಿತೋಽಹಂ ಮಹಾತ್ಮಭಿಃ॥ 1-87-28 (3821) ತಸ್ಮಾತ್ಪವಿತ್ರಂ ದೌಹಿತ್ರಮದ್ಯಪ್ರಭೃತಿ ಪೈತೃಕೇ। ತ್ರೀಣಿ ಶ್ರಾದ್ಧೇ ಪವಿತ್ರಾಣಿ ದೌಹಿತ್ರಃ ಕುತಪಸ್ತಿಲಾಃ॥ 1-87-29 (3822) ತ್ರೀಣಿ ಚಾತ್ರ ಪ್ರಶಂಸಂತಿ ಶೌಚಮಕ್ರೋಧಮತ್ವರಾಂ। ಭೋಕ್ತಾರಃ ಪರಿವೇಷ್ಟಾರಃ ಶ್ರಾವಿತಾರಃ ಪವಿತ್ರಕಾಃ॥ 1-87-30 (3823) ದಿವಸಸ್ಯಾಷ್ಟಮೇ ಭಾಗೇ ಮಂದೀಭವತಿ ಭಾಸ್ಕರೇ। ಸ ಕಾಲಃ ಕುತಪೋ ನಾಮ ಪಿತೄಣಾಂ ದತ್ತಮಕ್ಷಯಂ॥ 1-87-31 (3824) ತಿಲಾಃ ಪಿಶಾಚಾದ್ರಕ್ಷಂತಿ ದರ್ಭಾ ರಕ್ಷಂತಿ ರಾಕ್ಷಸಾತ್। ರಕ್ಷಂತಿ ಶ್ರೋತ್ರಿಯಾಃ ಪಂಕ್ತಿಂ ಯತಿಭಿರ್ಭುಕ್ತಮಕ್ಷಯಂ॥ 1-87-32 (3825) ಲಬ್ಧ್ವಾ ಪಾತ್ರಂ ತು ವಿದ್ವಾಂಸಂ ಶ್ರೋತ್ರಿಯಂ ಸುವ್ರತಂ ಶುಚಿಂ। ಸ ಕಾಲಃ ಕಾಲತೋ ದತ್ತಂ ನಾನ್ಯಥಾ ಕಾಲ ಇಷ್ಯತೇ॥ 1-87-33 (3826) ವೈಶಂಪಾಯನ ಉವಾಚ। 1-87-34x (556) ಏವಮುಕ್ತ್ವಾ ಯಯಾತಿಸ್ತು ಪುನಃ ಪ್ರೋವಾಚ ಬುದ್ಧಿಮಾನ್। ಸರ್ವೇ ಹ್ಯವಭೃಥಸ್ನಾತಾಸ್ತ್ವರಧ್ವಂ ಕಾರ್ಯಗೌರವಾತ್॥' 1-87-34 (3827) ಅಷ್ಟಕ ಉವಾಚ। 1-87-35x (557) ಆತಿಷ್ಠ ಸ್ವರಥಂ ರಾಜನ್ವಿಕ್ರಮಸ್ವ ವಿಹಾಯಸಂ। ವಯಮಪ್ಯನುಯಾಸ್ಯಾಮೋ ಯದಾ ಕಾಲೋ ಭವಿಷ್ಯತಿ॥ 1-87-35 (3828) ಯಯಾತಿರುವಾಚ। 1-87-36x (558) ಸರ್ವೈರಿದಾನೀಂ ಗಂತವ್ಯಂ ಸಹ ಸ್ವರ್ಗಜಿತೋ ವಯಂ। ಏಷ ನೋ ವಿರಜಾಃ ಪಂಥಾ ದೃಶ್ಯತೇ ದೇವಸದ್ಮನಃ॥ 1-87-36 (3829) ವೈಶಂಪಾಯನ ಉವಾಚ। 1-87-37x (559) `ಅಷ್ಟಕಶ್ಚ ಶಿಬಿಶ್ಚೈವ ಕಾಶೇಯಶ್ಚ ಪ್ರತರ್ದನಃ। ಐಕ್ಷ್ವಾಕವೋ ವಸುಮನಾಶ್ಚತ್ವಾರೋ ಭೂಮಿಪಾಸ್ತದಾ। ಸರ್ವೇ ಹ್ಯವಭೃಥಸ್ನಾತಾಃ ಸ್ವರ್ಗತಾಃ ಸಾಧವಃ ಸಹ॥' 1-87-37 (3830) ತೇಽಧಿರುಹ್ಯ ರಥಾನ್ಸರ್ವೇ ಪ್ರಯಾತಾ ನೃಪಸ್ತಮಾಃ। ಆಕ್ರಮಂತೋ ದಿವಂ ಭಾಭಿರ್ಧರ್ಮೇಣಾವೃತ್ಯ ರೋದಸೀ॥ 1-87-38 (3831) ಅಷ್ಟಕ ಉವಾಚ। 1-87-39x (560) ಅಹಂ ಮನ್ಯೇ ಪೂರ್ವಮೇಕೋಽಸ್ಮಿ ಗಂತಾ ಸಖಾ ಚೇಂದ್ರಃ ಸರ್ವಥಾ ಮೇ ಮಹಾತ್ಮಾ। ಕಸ್ಮಾದೇವಂ ಶಿಬಿರೌಶೀನರೋಽಯ- ಮೇಕೋಽತ್ಯಗಾತ್ಸರ್ವವೇಗೇನ ವಾಹಾನ್॥ 1-87-39 (3832) ಯಯಾತಿರುವಾಚ। 1-87-40x (561) ಅದದದ್ಯಾಚಮಾನಾಯ ಯಾವದ್ವಿತ್ತಮವಿಂದತ। ಉಶೀನರಸ್ಯ ಪುತ್ರೋಽಯಂ ತಸ್ಮಾಚ್ಛ್ರೇಷ್ಠೋಹಿ ವಃ ಶಿಬಿಃ॥ 1-87-40 (3833) ದಾನಂ ತಪಃ ಸಂತ್ಯಮಥಾಽಪಿ ಧರ್ಮೋ ಹ್ರೀಃ ಶ್ರೀಃ ಕ್ಷಮಾ ಸೌಂಯಮಥೋ ವಿಧಿತ್ಸಾ। ರಾಜನ್ನೇತಾನ್ಯಪ್ರಮೇಯಾಣಿ ರಾಜ್ಞಃ ಶಿಬೇಃ ಸ್ಥಿತಾನ್ಯಪ್ರತಿಮಸ್ಯ ಬುದ್ಧ್ಯಾ॥ 1-87-41 (3834) ಏವಂ ವೃತ್ತೋ ಹ್ರೀನಿಷೇವಶ್ಚ ಯಸ್ಮಾ- ತ್ತಸ್ಮಾಚ್ಛಿಬಿರತ್ಯಗಾದ್ವೈ ರಥೇನ। 1-87-42 (3835) ವೈಶಂಪಾಯನ ಉವಾಚ। ಅಥಾಷ್ಟಕಃ ಪುನರೇವಾನ್ವಪೃಚ್ಛ- ನ್ಮಾತಾಮಹಂ ಕೌತುಕೇನೇಂದ್ರಕಲ್ಪಂ॥ 1-87-42x (562) ಪೃಚ್ಛಾಮಿ ತ್ವಾಂ ನೃಪತೇ ಬ್ರೂಹಿ ಸತ್ಯಂ ಕುತಶ್ಚ ಕಶ್ಚಾಸಿ ಸುತಶ್ಚ ಕಸ್ಯ। ಕೃತಂ ತ್ವಯಾ ಯದ್ಧಿ ನ ತಸ್ಯ ಕರ್ತಾ ಲೋಕೇ ತ್ವದನ್ಯಃ ಕ್ಷತ್ರಿಯೋ ಬ್ರಾಹ್ಮಣೋ ವಾ॥ 1-87-43 (3836) ಯಯಾತಿರುವಾಚ। 1-87-44x (563) ಯಯಾತಿರಸ್ಮಿ ನಹುಷಸ್ಯ ಪುತ್ರಃ ಪೂರೋಃ ಪಿತಾ ಸಾರ್ವಬೌಮಸ್ತ್ವಿಹಾಸಂ। ಗುಹ್ಯಂ ಚಾರ್ಥಂ ಮಾಮಕೇಭ್ಯೋ ಬ್ರವೀಮಿ ಮಾತಾಮಹೋಽಹಂ ಭವತಾಂ ಪ್ರಕಾಶಂ॥ 1-87-44 (3837) ಸರ್ವಾಮಿಮಾಂ ಪೃಥಿವೀಂ ನಿರ್ಜಿಗಾಯ ದತ್ತ್ವಾ ಪ್ರತಸ್ಥೇ ವಿಪಿನಂ ಬ್ರಾಹ್ಮಣೇಭ್ಯಃ। ಮೇಧ್ಯಾನಶ್ವಾನೇಕಶತಾನ್ಸುರೂಪಾಂ- ಸ್ತದಾ ದೇವಾಃ ಪುಣ್ಯಭಾಜೋ ಭವಂತಿ॥ 1-87-45 (3838) ಅದಾಮಹಂ ಪೃಥಿವೀಂ ಬ್ರಾಹ್ಮಣೇಭ್ಯಃ ಪೂರ್ಣಾಮಿಮಾಮಖಿಲಾಂ ವಾಹನೇನ। ಗೋಭಿಃ ಸುವರ್ಣೇನ ಧನೈಶ್ಚ ಮುಖ್ಯೈ- ಸ್ತದಾಽದದಂ ಗಾಃ ಶಥಮರ್ಬುದಾನಿ॥ 1-87-46 (3839) ಸತ್ಯೇನ ಮೇ ದ್ಯೌಶ್ಚ ವಸುಂಧರಾ ಚ ತಥೈವಾಗ್ನಿಜ್ವರ್ಲತೇ ಮಾನುಷೇಷು। ನ ಮೇ ವೃಥಾ ವ್ಯಾಹೃತಮೇವ ವಾಕ್ಯಂ ಸತ್ಯಂ ಹಿ ಸಂತಃ ಪ್ರತಿಪೂಜಯಂತಿ॥ 1-87-47 (3840) ಯದಷ್ಟಕ ಪ್ರಬ್ರವೀಮೀಹ ಸತ್ಯಂ ಪ್ರತರ್ದನಂ ಚೌಷದಶ್ವಿಂ ತಥೈವ। ಸರ್ವೇ ಚ ಲೋಕಾ ಮುನಯಶ್ಚ ದೇವಾಃ ಸತ್ಯೇನ ಪೂಜ್ಯಾ ಇತಿ ಮೇ ಮನೋಗತಂ॥ 1-87-48 (3841) ಯೋ ನಃ ಸ್ವರ್ಗಜಿತಃ ಸರ್ವಾನ್ಯಥಾವೃತ್ತಂ ನಿವೇದಯೇತ್। ಅನಸೂಯುರ್ದ್ವಿಜಾಗ್ರ್ಯೇಭ್ಯಃ ಸ ಲಭೇನ್ನಃ ಸಲೋಕತಾಂ॥ 1-87-49 (3842) ವೈಶಂಪಾಯನ ಉವಾಚ। 1-87-50x (564) ಏವಂ ರಾಜಾ ಸ ಮಹಾತ್ಮಾ ಹ್ಯತೀವ ಸ್ವೈರ್ದೌಹಿತ್ರೈಸ್ತಾರಿತೋಽಮಿತ್ರಸಾಹ। ತ್ಯಕ್ತ್ವಾ ಮಹೀಂ ಪರಮೋದಾರಕರ್ಮಾ ಸ್ವರ್ಗಂ ಗತಃ ಕರ್ಮಭಿರ್ವ್ಯಾಪ್ಯ ಪೃಥ್ವೀಂ॥ ॥ 1-87-50 (3843) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಸಪ್ತಾಶೀತಿತಮೋಽಧ್ಯಾಯಃ॥ 87 ॥

1-88-0 (3844) ಜನಮೇಜಯ ಉವಾಚ। 1-88-0x (565) ಪುತ್ರಂ ಯಯಾತೇಃ ಪ್ರಬೂಹಿ ಪೂರುಂ ಧರ್ಮಭೃತಾಂ ವರಂ। ಆನುಪೂರ್ವ್ಯೇಣ ಯೇ ಚಾನ್ಯೇ ಪೂರೋರ್ವಂಶವಿವರ್ಧನಾಃ॥ 1-88-1 (3845) ವಿಸ್ತರೇಣ ಪುನರ್ಬ್ರೂಹಿ ದೌಷ್ಯಂತೇರ್ಜನಮೇಜಯಾತ್। ಸಂಬಭೂವ ಯಥಾ ರಾಜಾ ಭರತೋ ದ್ವಿಜಸತ್ತಮ॥ 1-88-2 (3846) ವೈಶಂಪಾಯನ ಉವಾಚ। 1-88-3x (566) ಪೂರುರ್ನೃಪತಿಶಾರ್ದೂಲೋ ಯಥೈವಾಸ್ಯ ಪಿತಾ ನೃಪ। ಧರ್ಮನಿತ್ಯಃ ಸ್ಥಿತೋ ರಾಜ್ಯೇ ಶಕ್ರತುಲ್ಯಪರಾಕ್ರಮಃ॥ 1-88-3 (3847) ಪ್ರವೀರೇಶ್ವರರೌದ್ರಾಶ್ವಾಸ್ತ್ರಯಃ ಪುತ್ರಾ ಮಹಾರಥಾಃ। ಪೂರೋಃ ಪೌಷ್ಟ್ಯಾಮಜಾಯಂತ ಪ್ರವೀರೋ ವಂಶಕೃತ್ತತಃ॥ 1-88-4 (3848) ಮನಸ್ಯುರಭವತ್ತಸ್ಮಾಚ್ಛೂರಸೇನೀಸುತಃ ಪ್ರಭುಃ। ಪೃಥಿವ್ಯಾಶ್ಚತುರಂತಾಯಾ ಗೋಪ್ತಾ ರಾಜೀವಲೋಚನಃ॥ 1-88-5 (3849) ಶಕ್ತಃ ಸಂಹನನೋ ವಾಗ್ಮೀ ಸೌವೀರೀತನಯಾಸ್ತ್ರಯಃ। ಮನಸ್ಯೋರಭವನ್ಪುತ್ರಾಃ ಶೂರಾಃ ಸರ್ವೇ ಮಹಾರಥಾಃ॥ 1-88-6 (3850) ಅನ್ವಗ್ಭಾನುಪ್ರಭೃತಯೋ ಮಿಶ್ರಕೇಶ್ಯಾಂ ಮನಸ್ವಿನಃ। ರೌದ್ರಾಶ್ವಸ್ಯ ಮಹೇಷ್ವಾಸಾ ದಶಾಪ್ಸರಸಿ ಸೂನವಃ॥ 1-88-7 (3851) ಯಜ್ವಾನೋ ಜಜ್ಞಿರೇ ಶೂರಾಃ ಪ್ರಜಾವಂತೋ ಬಹುಶ್ರುತಾಃ। ಸರ್ವೇ ಸರ್ವಾಸ್ತ್ರವಿದ್ವಾಸಃ ಸರ್ವೇ ಧರ್ಮಪರಾಯಣಾಃ॥ 1-88-8 (3852) ಋಚೇಯುರಥ ಕಕ್ಷೇಯುಃ ಕೃಕಣೇಯುಶ್ಚ ವೀರ್ಯವಾನ್। ಸ್ಥಂಡಿಲೇಯುರ್ವನೇಯುಶ್ಚ ಜಲೇಯುಶ್ಚ ಮಹಾಯಶಾಃ॥ 1-88-9 (3853) ತೇಜೇಯುರ್ಬಲಾವಾಂಧೀಮಾನ್ಸತ್ಯೇಯುಶ್ಚಂದ್ರವಿಕ್ರಮಃ। ಧರ್ಮೇಯುಃ ಸನ್ನತೇಯುಶ್ಚ ದಶಮೋ ದೇವವಿಕ್ರಮಃ॥ 1-88-10 (3854) ಅನಾಧೃಷ್ಟಿರಭೂತ್ತೇಷಾಂ ವಿದ್ವಾನ್ಭುವಿ ತಥೈಕರಾಟ್। ಋಚೇಯುರಥ ವಿಕ್ರಾಂತೋ ದೇವಾನಾಮಿವ ವಾಸವಃ॥ 1-88-11 (3855) ಅನಾಧೃಷ್ಟಿಸುತಸ್ತ್ವಾಸೀದ್ರಾಜಸೂಯಾಶ್ವಮೇಧಕೃತ್। ಮತಿನಾರ ಇತಿ ಖ್ಯಾತೋ ರಾಜಾ ಪರಮಧಾರ್ಮಿಕಃ॥ 1-88-12 (3856) ಮತಿನಾರಸುತಾ ರಾಜಂಶ್ಚತ್ವಾರೋಽಮಿತವಿಕ್ರಮಾಃ। ತಂಸುರ್ಮಹಾನತಿರಥೋ ದ್ರುಹ್ಯುಶ್ಚಾಪ್ರತಿಮದ್ಯುತಿಃ॥ 1-88-13 (3857) ತೇಷಾಂ ತಂಸುರ್ಮಹಾವೀರ್ಯಃ ಪೌರವಂ ವಂಶಮುದ್ವಹನ್। ಆಜಹಾರ ಯಶೋ ದೀಪ್ತಂ ಜಿಗಾಯ ಚ ವಸುಂಧರಾಂ॥ 1-88-14 (3858) ಈಲಿನಂ ತು ಸುತಂ ತಂಸುರ್ಜನಯಾಮಾಸ ವೀರ್ಯವಾನ್। ಸೋಽಪಿ ಕೃತ್ಸ್ನಾಮಿಮಾಂ ಭೂಮಿಂ ವಿಜಿಗ್ಯೇ ಜಯತಾಂ ವರಃ॥ 1-88-15 (3859) ರಥಂತರ್ಯಾಂ ಸುತಾನ್ಪಂಚ ಪಂಚಭೂತೋಪಮಾಂಸ್ತತಃ। ಈಲಿನೋ ಜನಯಾಮಾಸ ದುಷ್ಯಂತಪ್ರಭೃತೀನ್ನೃಪಾನ್॥ 1-88-16 (3860) ದುಷ್ಯಂತಂ ಶೂರಭೀಮೌ ಚ ಪ್ರವಸುಂ ವಸುಮೇವ ಚ। ತೇಷಾಂ ಶ್ರೇಷ್ಠೋಽಭವದ್ರಾಜಾ ದುಷ್ಯಂತೋ ದುರ್ಜಯೋ ಯುಧಿ॥ 1-88-17 (3861) ದುಷ್ಯಂತಾಲ್ಲಕ್ಷಣಾಯಾಂ ತು ಜಜ್ಞೇ ವೈ ಜನಮೇಜಯಃ। ಶಕುಂತಲಾಯಾಂ ಭರತೋ ದೌಷ್ಯಂತಿರಭವತ್ಸುತಃ॥ 1-88-18 (3862) ತಸ್ಮಾದ್ಭರತವಂಶಸ್ಯ ವಿಪ್ರತಸ್ಥೇ ಮಹದ್ಯಶಃ॥ ॥ 1-88-19 (3863) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಅಷ್ಟಾಶೀತಿತಮೋಽಧ್ಯಾಯಃ॥ 88 ॥

1-89-0 (3864) ಜನಮೇಜಯ ಉವಾಚ। 1-89-0x (567) ಭಗವನ್ವಿಸ್ತರೇಣೇಹ ಭರತಸ್ಯ ಮಹಾತ್ಮನಃ। ಜನ್ಮ ಕರ್ಮ ಚ ಸುಶ್ರೂಷೋಸ್ತನ್ಮೇ ಶಂಸಿತುಮರ್ಹಸಿ॥ 1-89-1 (3865) ವೈಶಂಪಾಯನ ಉವಾಚ। 1-89-2x (568) ಪೌರವಾಣಾಂ ವಂಶಕರೋ ದುಷ್ಯಂತೋ ನಾಮ ವೀರ್ಯವಾನ್। ಪೃಥಿವ್ಯಾಶ್ಚತುರಂತಾಯಾ ಗೋಪ್ತಾ ಭರತಸತ್ತಮ॥ 1-89-2 (3866) ಚತುರ್ಭಾಗಂ ಭುವಃ ಕೃತ್ಸ್ನಂ ಯೋ ಭುಂಕ್ತೇ ಮನುಜೇಶ್ವರಃ। ಸಮುದ್ರಾವರಣಾಂಶ್ಚಾಪಿ ದೇಶಾನ್ಸ ಸಮಿತಿಂಜಯಃ॥ 1-89-3 (3867) ಆಂಲೇಚ್ಛಾವಧಿಕಾನ್ಸರ್ವಾನ್ಸ ಭುಂಕ್ತೇ ರಿಪುಮರ್ದನಃ। ರತ್ನಾಕರಸಮುದ್ರಾಂತಾಂಶ್ಚಾತುರ್ವರ್ಣ್ಯಜನಾವೃತಾನ್॥ 1-89-4 (3868) ನ ವರ್ಣಸಂಕರಕರೋ ನ ಕೃಷ್ಯಾಕರಕೃಜ್ಜನಃ। ನ ಪಾಪಕೃತ್ಕಶ್ಚಿದಾಸೀತ್ತಸ್ಮಿನ್ರಾಜನಿ ಶಾಸತಿ॥ 1-89-5 (3869) ಧರ್ಮೇ ರತಿಂ ಸೇವಮಾನಾ ಧರ್ಮಾರ್ಥಾವಭಿಪೇದಿರೇ। ತದಾ ನರಾ ನರವ್ಯಾಘ್ರ ತಸ್ಮಿಂಜನಪದೇಶ್ವರೇ॥ 1-89-6 (3870) ನಾಸೀಚ್ಚೋರಭಯಂ ತಾತ ನ ಕ್ಷುಧಾಭಯಮಣ್ವಪಿ। ನಾಸೀದ್ವ್ಯಾಧಿಭಯಂ ಚಾಪಿ ತಸ್ಮಿಂಜನಪದೇಶ್ವರೇ॥ 1-89-7 (3871) ಸ್ವಧರ್ಮೈ ರೇಮಿರೇ ವರ್ಣಾ ದೈವೇ ಕರ್ಮಣಿ ನಿಃಸ್ಪೃಹಾಃ। ತಮಾಶ್ರಿತ್ಯ ಮಹೀಪಾಲಮಾಸಂಶ್ಚೈವಾಕುತೋಭಯಾಃ॥ 1-89-8 (3872) ಕಾಲವರ್ಷೀ ಚ ಪರ್ಜನ್ಯಃ ಸಸ್ಯಾನಿ ರಸವಂತಿ ಚ। ಸರ್ವರತ್ನಸಮೃದ್ಧಾ ಚ ಮಹೀ ಪಶುಮತೀ ತಥಾ॥ 1-89-9 (3873) ಸ್ವಕರ್ಮನಿರತಾ ವಿಪ್ರಾ ನಾನೃತಂ ತೇಷು ವಿದ್ಯತೇ। ಸ ಚಾದ್ಭುತಮಹಾವೀರ್ಯೋ ವಜ್ರಸಂಹನನೋ ಯುವಾ॥ 1-89-10 (3874) ಉದ್ಯಂಯ ಮಂದರಂ ದೋರ್ಭ್ಯಾಂ ವಹೇತ್ಸವನಕಾನನಂ। ಚತುಷ್ಪಥಗದಾಯುದ್ಧೇ ಸರ್ವಪ್ರಹರಣೇಷು ಚ॥ 1-89-11 (3875) ನಾಗಪೃಷ್ಠೇಽಶ್ವಪೃಷ್ಠೇ ಚ ಬಭೂವ ಪರಿನಿಷ್ಠತಃ। ಬಲೇ ವಿಷ್ಣುಸಮಶ್ಚಾಸೀತ್ತೇಜಸಾ ಭಾಸ್ಕರೋಪಮಃ॥ 1-89-12 (3876) ಅಕ್ಷೋಭ್ಯತ್ವೇಽರ್ಣವಸಮಃ ಸಹಿಷ್ಣುತ್ವೇ ಧರಾಸಮಃ। ಸಂಮತಃ ಸ ಮಹೀಪಾಲಃ ಪ್ರಸನ್ನಪುರರಾಷ್ಟ್ರವಾನ್॥ 1-89-13 (3877) ಭೂಯೋ ಧರ್ಮಪರೈರ್ಭಾವೈರ್ಮುದಿತಂ ಜನಮಾದಿಶತ್॥ ॥ 1-89-14 (3878) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಏಕೋನನವತಿತಮೋಽಧ್ಯಾಯಃ॥ 89 ॥

1-90-0 (3879) ಜನಮೇಜಯ ಉವಾಚ। 1-90-0x (569) ಸಂಭವಂ ಭರತಸ್ಯಾಹಂ ಚರಿತಂ ಚ ಮಹಾಮತೇಃ। ಶಕುಂತಲಾಯಾಶ್ಚೋತ್ಪತ್ತಿಂ ಶ್ರೋತುಮಿಚ್ಛಾಮಿ ತತ್ತ್ವತಃ॥ 1-90-1 (3880) ದುಷ್ಯಂತೇನ ಚ ವೀರೇಣ ಯಥಾ ಪ್ರಾಪ್ತಾ ಶಕುಂತಲಾ। ತಂ ವೈ ಪುರುಷಸಿಂಹಸ್ಯ ಭಗವನ್ವಿಸ್ತರಂ ತ್ವಹಂ॥ 1-90-2 (3881) ಶ್ರೋತುಮಿಚ್ಛಾಮಿ ತತ್ತ್ವಜ್ಞ ಸರ್ವಂ ಮತಿಮತಾಂ ವರ। 1-90-3 (3882) ವೈಶಂಪಾಯನ ಉವಾಚ। ಸ ಕದಾಚಿನ್ಮಹಾಬಾಹುಃ ಪ್ರಭೂತಬಲವಾಹನಃ॥ 1-90-3x (570) ವನಂ ಜಗಾಮ ಗಹನಂ ಹಯನಾಗಶತೈರ್ವೃತಃ। ಬಲೇನ ಚತುರಂಗೇಣ ವೃತಃ ಪರಮವಲ್ಗುನಾ॥ 1-90-4 (3883) ಖಡ್ಗಶಕ್ತಿಧರೈರ್ವೀರೈರ್ಗದಾಮುಸಲಪಾಣಿಭಿಃ। ಪ್ರಾಸತೋಮರಹಸ್ತೈಶ್ಚ ಯಯೌ ಯೋಧಶತೈರ್ವೃತಃ॥ 1-90-5 (3884) ಸಿಂಹನಾದೈಶ್ಚ ಯೋಧಾನಾಂ ಶಂಖದುನದುಭಿನಿಃಸ್ವನೈಃ। ರಥನೇಮಿಸ್ವನೈಶ್ಚೈವ ಸನಾಗವರಬೃಂಹಿತೈಃ॥ 1-90-6 (3885) ನಾನಾಯುಧಧರೈಶ್ಚಾಪಿ ನಾನಾವೇಷಧರೈಸ್ತಥಾ। ಹ್ರೇಷಿತಸ್ವನಮಿಶ್ರೈಶ್ಚ ಕ್ಷ್ವೇಡಿತಾಸ್ಫೋಟಿತಸ್ವನೈಃ॥ 1-90-7 (3886) ಆಸೀತ್ಕಿಲಕಿಲಾಶಬ್ದಸ್ತಸ್ಮಿನ್ಗಚ್ಛತಿ ಪಾರ್ಥಿವೇ। ಪ್ರಾಸಾದವರಶೃಂಗಸ್ಥಾಃ ಪರಯಾ ನೃಪಶೋಭಯಾ॥ 1-90-8 (3887) ದದೃಶುಸ್ತಂ ಸ್ತ್ರಿಯಸ್ತತ್ರ ಶೂರಮಾತ್ಮಯಶಸ್ಕರಂ। ಶಕ್ರೋಪಮಮಮಿತ್ರಘ್ನಂ ಪರವಾರಣವಾರಣಂ॥ 1-90-9 (3888) ಪಶ್ಯಂತಃ ಸ್ತ್ರೀಗಣಾಸ್ತತ್ರ ವಜ್ರಪಾಣಿಂ ಸ್ಮ ಮೇನಿರೇ। ಅಯಂ ಸ ಪುರುಷವ್ಯಾಘ್ರೋ ರಣೇ ವಸುಪರಾಕ್ರಮಃ॥ 1-90-10 (3889) ಯಸ್ಯ ಬಾಹುಬಲಂ ಪ್ರಾಪ್ಯ ನ ಭವಂತ್ಯಸುಹೃದ್ಗಣಾಃ। ಇತಿ ವಾಚೋ ಬ್ರುವಂತ್ಯಸ್ತಾಃ ಸ್ತ್ರಿಯಃ ಪ್ರೇಂಣಾ ನರಾಧಿಪಂ॥ 1-90-11 (3890) ತುಷ್ಟುವುಃ ಪುಷ್ಪವೃಷ್ಟೀಶ್ಚ ಸಸೃಜುಸ್ತಸ್ಯ ಮೂರ್ಧನಿ। ತತ್ರತತ್ರ ಚ ವಿಪ್ರೇಂದ್ರೈಃ ಸ್ತೂಯಮಾನಃ ಸಮಂತತಃ॥ 1-90-12 (3891) ನಿರ್ಯಯೌ ಪರಮಪ್ರೀತ್ಯಾ ವನಂ ಮೃಗಜಿಘಾಂಸಯಾ। ತಂ ದೇವರಾಜಪ್ರತಿಮಂ ಮತ್ತವಾರಣಧೂರ್ಗತಂ॥ 1-90-13 (3892) ದ್ವಿಜಕ್ಷತ್ರಿಯವಿಟ್ಶೂದ್ರಾ ನಿರ್ಯಾಂತಮನುಜಗ್ಮಿರೇ। ದದೃಶುರ್ವರ್ಧಮಾನಾಸ್ತೇ ಆಶೀರ್ಭಿಶ್ಚ ಜಯೇನ ಚ॥ 1-90-14 (3893) ಸುದೂರಮನುಜಗ್ಮುಸ್ತಂ ಪೌರಜಾನಪದಾಸ್ತಥಾ। ನ್ಯವರ್ತಂತ ತತಃ ಪಶ್ಚಾದನುಜ್ಞಾತಾ ನೃಪೇಣ ಹ॥ 1-90-15 (3894) ಸುಪರ್ಣಪ್ರತಿಮೇನಾಥ ರಥೇನ ವಸುಧಾಧಿಪಃ। ಮಹೀಮಾಪೂರಯಾಮಾಸ ಘೋಷೇಣ ತ್ರಿದಿವಂ ತಥಾ॥ 1-90-16 (3895) ಸ ಗಚ್ಛಂದದೃಶೇ ಧೀಮಾನ್ನಂದನಪ್ರತಿಮಂ ವನಂ। ಬಿಲ್ವಾರ್ಕಖದಿರಾಕೀರ್ಣಂ ಕಪಿತ್ಥಧವಸಂಕುಲಂ॥ 1-90-17 (3896) ವಿಷಮಂ ಪರ್ವತಸ್ರಸ್ತೈ ರಶ್ಮಭಿಶ್ಚ ಸಮಾವೃತಂ। ನಿರ್ಜಲಂ ನಿರ್ಮನುಷ್ಯಂ ಚ ಬಹುಯೋಜನಮಾಯತಂ॥ 1-90-18 (3897) ಮೃಗಸಿಂಹೈರ್ವೃತಂ ಘೋರೈರನ್ಯೈಶ್ಚಾಪಿ ವನೇಚರೈಃ। ತದ್ವನಂ ಮನುಜವ್ಯಾಘ್ರಃ ಸಭೃತ್ಯಬಲವಾಹನಃ॥ 1-90-19 (3898) ಲೋಡಯಾಮಾಸ ದುಷ್ಯಂತಃ ಸೂದಯನ್ವಿವಿಧಾನ್ಮೃಗಾನ್। ಬಾಣಗೋಚರಸಂಪ್ರಾಪ್ತಾಂಸ್ತತ್ರ ವ್ಯಾಘ್ರಗಣಾನ್ಬಹೂನ್॥ 1-90-20 (3899) ಪಾತಯಾಮಾಸ ದುಷ್ಯಂತೋ ನಿರ್ಬಿಭೇದ ಚ ಸಾಯಕೈಃ। ದೂರಸ್ಥಾನ್ಸಾಯಕೈಃ ಕಾಂಶ್ಚಿದಭಿನತ್ಸ ನರಾಧಿಪಃ॥ 1-90-21 (3900) ಅಭ್ಯಾಶಮಾಗತಾಂಶ್ಚಾನ್ಯಾನ್ಖಡ್ಗೇನ ನಿರಕೃಂತತ। ಕಾಂಶ್ಚಿದೇಣಾನ್ಸಮಾಜಘ್ನೇ ಶಕ್ತ್ಯಾ ಶಕ್ತಿಮತಾಂ ವರಃ॥ 1-90-22 (3901) ಗದಾಮಂಡಲತತ್ತ್ವಜ್ಞಶ್ಚಚಾರಾಮಿತವಿಕ್ರಮಃ। ತೋಮರೈರಸಿಭಿಶ್ಚಾಪಿ ಗದಾಮುಸಲಕಂಪನೈಃ॥ 1-90-23 (3902) ಚಚಾರ ಸ ವಿನಿಘ್ನನ್ವೈ ವನ್ಯಾಂಸ್ತತ್ರ ಮೃಗದ್ವಿಜಾನ್। ರಾಜ್ಞಾ ಚಾದ್ಭುತವೀರ್ಯೇಣ ಯೋಧೈಶ್ಚ ಸಮರಪ್ರಿಯೈಃ॥ 1-90-24 (3903) ಲೋಡ್ಯಮಾನಂ ಮಹಾರಣ್ಯಂ ತತ್ಯಜುಃ ಸ್ಮ ಮೃಗಾಧಿಪಾಃ। ತತ್ರ ವಿದ್ರುತಯೂಥಾನಿ ಹತಯೂಥಪತೀನಿ ಚ॥ 1-90-25 (3904) ಮೃಗಯೂಥಾನ್ಯಥೌತ್ಸುಕ್ಯಾಚ್ಛಬ್ದಂ ಚಕ್ರುಸ್ತತಸ್ತತಃ। ಶುಷ್ಕಾಶ್ಚಾಪಿ ನದೀರ್ಗತ್ವಾ ಜಲನೈರಾಶ್ಯಕರ್ಶಿತಾಃ॥ 1-90-26 (3905) ವ್ಯಾಯಾಮಕ್ಲಾಂತಹೃದಯಾಃ ಪತಂತಿ ಸ್ಮ ವಿಚೇತಸಃ। ಕ್ಷುತ್ಪಿಪಾಸಾಪರೀತಾಶ್ಚ ಶ್ರಾಂತಾಶ್ಚ ಪತಿತಾ ಭುವಿ॥ 1-90-27 (3906) ಕೇಚಿತ್ತತ್ರ ನರವ್ಯಾಘ್ರೈರಭಕ್ಷ್ಯಂತ ಬುಭುಕ್ಷಿತೈಃ। ಕೇಚಿದಗ್ನಿಮಥೋತ್ಪಾದ್ಯ ಸಂಸಾಧ್ಯ ಚ ವನೇಚರಾಃ॥ 1-90-28 (3907) ಭಕ್ಷಯಂತಿ ಸ್ಮ ಮಾಂಸಾನಿ ಪ್ರಕುಟ್ಯ ವಿಧಿವತ್ತದಾ। ತತ್ರ ಕೇಚಿದ್ಗಜಾ ಮತ್ತಾ ಬಲಿನಃ ಶಸ್ತ್ರವಿಕ್ಷತಾಃ॥ 1-90-29 (3908) ಸಂಕೋಚ್ಯಾಗ್ರಕರಾನ್ಭೀತಾಃ ಪ್ರಾದ್ರವಂತಿ ಸ್ಮ ವೇಗಿತಾಃ। ಶಕೃನ್ಮೂತ್ರಂ ಸೃಜಂತಶ್ಚ ಕ್ಷರಂತಃ ಶೋಣಿತಂ ಬಹು॥ 1-90-30 (3909) ವನ್ಯಾ ಗಜವರಾಸ್ತತ್ರ ಮಮೃದುರ್ಮನುಜಾನ್ಬಹೂನ್। ತದ್ವನಂ ಬಲಮೇಘೇನ ಶರಧಾರೇಣ ಸಂವೃತಂ। ವ್ಯರೋಚತ ಮೃಗಾಕೀರ್ಣಂ ರಾಜ್ಞಾ ಹತಮೃಗಾಧಿಪಂ॥ ॥ 1-90-31 (3910) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ನವತಿತಮೋಽಧ್ಯಾಯಃ॥ 90 ॥

1-91-0 (3911) ವೈಶಂಪಾಯನ ಉವಾಚ। 1-91-0x (571) ತತೋ ಮೃಗಸಹಸ್ರಾಣಿ ಹತ್ವಾ ಸಬಲವಾಹನಃ। ತತ್ರ ಮೇಘಘನಪ್ರಖ್ಯಂ ಸಿದ್ಧಚಾರಣಸೇವಿತಂ॥ 1-91-1 (3912) ವನಮಾಲೋಕಯಾಮಾಸ ನಗರಾದ್ಯೋಜನದ್ವಯೇ। ಮೃಗಾನನುಚರನ್ವನ್ಯಾಞ್ಶ್ರಮೇಣ ಪರಿಪೀಡಿತಃ॥ 1-91-2 (3913) ಮೃಗಾನನುಚರನ್ರಾಜಾ ವೇಗೇನಾಶ್ವಾನಚೋದಯತ್। ರಾಜಾ ಮೃಗಪ್ರಸಂಗೇನ ವನಮನ್ಯದ್ವಿವೇಶ ಹ॥ 1-91-3 (3914) ಏಕ ಏವೋತ್ತಮಬಲಃ ಕ್ಷುತ್ಪಿಪಾಸಾಶ್ರಮಾನ್ವಿತಃ। ಸ ವನಸ್ಯಾಂತಮಾಸಾದ್ಯ ಮಹಚ್ಛೂನ್ಯಂ ಸಮಾಸದತ್॥ 1-91-4 (3915) ತಚ್ಚಾಪ್ಯತೀತ್ಯ ನೃಪತಿರುತ್ತಮಾಶ್ರಮಸಂಯುತಂ। ಮನಃಪ್ರಹ್ಲಾದಜನನಂ ದೃಷ್ಟಿಕಾಂತಮತೀವ ಚ॥ 1-91-5 (3916) ಸೀತಮಾರುತಸಂಯುಕ್ತಂ ಜಗಾಮಾನ್ಯನ್ಮಹದ್ವನಂ। ಪುಷ್ಪಿತೈಃ ಪಾದಪೈಃ ಕೀರ್ಣಮತೀವ ಸುಖಶಾದ್ವಲಂ॥ 1-91-6 (3917) ವಿಪುಲಂ ಮಧುರಾರಾವೈರ್ನಾದಿತಂ ವಿಹಗೈಸ್ತಥಾ। ಪುಂಸ್ಕೋಕಿಲನಿನಾದೈಶ್ಚ ಝಿಲ್ಲೀಕಗಣನಾದಿತಂ॥ 1-91-7 (3918) ಪ್ರವೃದ್ಧವಿಟಪೈರ್ವೃಕ್ಷೈಃ ಸುಖಚ್ಛಾಯೈಃ ಸಮಾವೃತಂ। ಷಟ್ಪದಾಘೂರ್ಣಿತತಲಂ ಲಕ್ಷ್ಂಯಾ ಪರಮಯಾ ಯುತಂ॥ 1-91-8 (3919) ನಾಪುಷ್ಪಃ ಪಾದಪಃ ಕಶ್ಚಿನ್ನಾಫಲೋ ನಾಪಿ ಕಂಟಕೀ। ಷಟ್ಪದೈರ್ನಾಪ್ಯಪಾಕೀರ್ಣಸ್ತಸ್ಮಿನ್ವೈ ಕಾನನೇಽಭವತ್॥ 1-91-9 (3920) ವಿಗಹೈರ್ನಾದಿತಂ ಪುಷ್ಪೈರಲಂಕೃತಮತೀವ ಚ। ಸರ್ವರ್ತುಕುಸುಮೈರ್ವೃಕ್ಷೈಃ ಸುಖಚ್ಛಾಯೈಃ ಸಮಾವೃತಂ॥ 1-91-10 (3921) ಮನೋರಮಂ ಸಹೇಷ್ವಾಸೋ ವಿವೇಶ ವನಮುತ್ತಮಂ। ಮಾರುತಾ ಕಲಿತಾಸ್ತತ್ರ ದ್ರುಮಾಃ ಕುಸುಮಶಾಖಿನಃ॥ 1-91-11 (3922) ಪುಷ್ಪವೃಷ್ಟಿಂ ವಿಚಿತ್ರಾಂ ತು ವ್ಯಸಜಂಸ್ತೇ ಪುನಃ ಪುನಃ। ದಿವಸ್ಪೃಶೋಽಥ ಸಂಘುಷ್ಟಾಃ ಪಕ್ಷಿಭಿರ್ಮಧುರಸ್ವನೈಃ॥ 1-91-12 (3923) ವಿರೇಜುಃ ಪಾದಪಾಸ್ತತ್ರ ವಿಚಿತ್ರಕುಸುಮಾಂಬರಾಃ। ತೇಷಾಂ ತತ್ರ ಪ್ರವಾಲೇಷು ಪುಷ್ಪಭಾರಾವನಾಮಿಷು॥ 1-91-13 (3924) ರುವಂತಿ ರಾವಾನ್ಮಧುರಾನ್ಷಟ್ಪದಾ ಮಧುಲಿಪ್ಸವಃ। ತತ್ರ ಪ್ರದೇಶಾಂಶ್ಚ ಬಹೂನ್ಕುಸುಮೋತ್ಕರಮಂಡಿತಾನ್॥ 1-91-14 (3925) ಲತಾಗೃಹಪರಿಕ್ಷಿಪ್ತಾನ್ಮನಸಃ ಪ್ರೀತಿವರ್ಧನಾನ್। ಸಂಪಶ್ಯನ್ಸುಮಹಾತೇಜಾ ಬಭೂವ ಮುದಿತಸ್ತದಾ॥ 1-91-15 (3926) ಪರಸ್ಪರಾಶ್ಲಿಷ್ಟಶಾಖೈಃ ಪಾದಪೈಃ ಕುಸುಮಾನ್ವಿತೈಃ। ಅಶೋಭತ ವನಂ ತತ್ತು ಮಹೇಂದ್ರಧ್ವಜಸನ್ನಿಭೈಃ॥ 1-91-16 (3927) ಸಿದ್ಧಚಾರಣಸಂಘೈಶ್ಚ ಗಂಧರ್ವಾಪ್ಸರಸಾಂ ಗಣೈಃ। ಸೇವಿತಂ ವನಮತ್ಯರ್ಥಂ ಮತ್ತವಾನರಕಿನ್ನರೈಃ॥ 1-91-17 (3928) ಸುಖಃ ಶೀತಃ ಸುಗಂಧೀ ಚ ಪುಷ್ಪರೇಣುವಹೋಽನಿಲಃ। ಪರಿಕ್ರಾಮನ್ವನೇ ವೃಕ್ಷಾನುಪೈತೀವ ರಿರಂಸಯಾ॥ 1-91-18 (3929) ಏವಂಗುಣಸಮಾಯುಕ್ತಂ ದದರ್ಶ ಸ ವನಂ ನೃಪಃ। ನದೀಕಚ್ಛೋದ್ಭಂ ಕಾಂತಮುಚ್ಛ್ರಿತಧ್ವಜಸನ್ನಿಭಂ॥ 1-91-19 (3930) ಪ್ರೇಕ್ಷಮಾಣೋ ವನಂ ತತ್ತು ಸುಪ್ರಹೃಷ್ಟವಿಹಂಗಮಂ। ಆಶ್ರಮಪ್ರವರಂ ರಂಯಂ ದದರ್ಶ ಚ ಮನೋರಮಂ॥ 1-91-20 (3931) ನಾನಾವೃಕ್ಷಸಮಾಕೀರ್ಣಂ ಸಂಪ್ರಜ್ವಲಿತಪಾವಕಂ। ತಂ ತದಾಽಪ್ರತಿಮಂ ಶ್ರೀಮಾನಾಶ್ರಮಂ ಪ್ರತ್ಯಪೂಜಯತ್॥ 1-91-21 (3932) ಯತಿಭಿರ್ವಾಲಖಿಲ್ಯೈಶ್ಚ ವೃತಂ ಮುನಿಗಣಾನ್ವಿತಂ। ಅಗ್ನ್ಯಗಾರೈಶ್ಚ ಬಹುಭಿಃ ಪುಷ್ಪಸಂಸ್ತರಸಂಸ್ತೃತಂ॥ 1-91-22 (3933) ಮಹಾಕಚ್ಛೈರ್ಬೃಹದ್ಭಿಶ್ಚ ವಿಭ್ರಾಜಿತಮತೀವ ಚ। ಮಾಲಿನೀಮಭಿತೋ ರಾಜನ್ನದೀಂ ಪುಣ್ಯಾಂ ಸುಖೋದಕಾಂ॥ 1-91-23 (3934) ನೈಕಪಕ್ಷಿಗಣಾಕೀರ್ಣಾಂ ತಪೋವನಮನೋರಮಾಂ। ತತ್ರವ್ಯಾಲಮೃಗಾನ್ಸೈಂಯಾನ್ಪಶ್ಯನ್ಪ್ರೀತಿಮವಾಪ ಸಃ॥ 1-91-24 (3935) ತಂ ಚಾಪ್ರತಿರಥಃ ಶ್ರೀಮಾನಾಶ್ರಮಂ ಪ್ರತ್ಯಪದ್ಯತ। ದೇವಲೋಕಪ್ರತೀಕಾಶಂ ಸರ್ವತಃ ಸುಮನೋಹರಂ॥ 1-91-25 (3936) ನದೀಂ ಚಾಶ್ರಮಸಂಶ್ಲಿಷ್ಟಾಂ ಪುಣ್ಯತೋಯಾಂ ದದರ್ಶ ಸಃ। ಸರ್ವಪ್ರಾಣಭೃತಾಂ ತತ್ರ ಜನನೀಮಿವ ಧಿಷ್ಠಿತಾಂ॥ 1-91-26 (3937) ಸಚಕ್ರವಾಕಪುಲಿನಾಂ ಪುಷ್ಪಫೇನಪ್ರವಾಹಿನೀಂ। ಸಕಿನ್ನರಗಣಾವಾಸಾಂ ವಾರನರ್ಕ್ಷನಿಷೇವಿತಾಂ॥ 1-91-27 (3938) ಪುಣ್ಯಸ್ವಾಧ್ಯಾಯಸಂಘುಷ್ಟಾ ಪುಲಿನೈರುಪಶೋಭಿತಾಂ। ಮತ್ತವಾರಣಶಾರ್ದೂಲಭುಜಗೇಂದ್ರನಿಷೇವಿತಾಂ॥ 1-91-28 (3939) ತಸ್ಯಾಸ್ತೀರೇ ಭಗವತಃ ಕಾಶ್ಯಪಸ್ಯ ಮಹಾತ್ಮನಃ। ಆಶ್ರಮಪ್ರವರಂ ರಂಯಂ ಮಹರ್ಷಿಗಣಸೇವಿತಂ॥ 1-91-29 (3940) ನದೀಮಾಶ್ರಮಸಂಬದ್ಧಾಂ ದೃಷ್ಟ್ವಾಶ್ರಮಪದಂ ತಥಾ। ಚಕಾರಾಭಿಪ್ರವೇಶಾಯ ಮತಿಂ ಸ ನೃಪತಿಸ್ತದಾ॥ 1-91-30 (3941) ಅಲಂಕೃತಂ ದ್ವೀಪವತ್ಯಾ ಮಾಲಿನ್ಯಾ ರಂಯತೀರಯಾ। ನರನಾರಾಯಣಸ್ಥಾನಂ ಗಂಗಯೇವೋಪಶೋಭಿತಂ॥ 1-91-31 (3942) ಮತ್ತಬರ್ಹಿಣಸಂಘುಷ್ಟಂ ಪ್ರವಿವೇಶ ಮಹದ್ವನಂ। ತತ್ಸ ಚೈತ್ರರಥಪ್ರಖ್ಯಂ ಸಮುಪೇತ್ಯ ನರರ್ಷಭಃ॥ 1-91-32 (3943) ಅತೀವ ಗುಣಸಂಪನ್ನಮನಿರ್ದೇಶ್ಯಂ ಚ ವರ್ಚಸಾ। ಮಹರ್ಷಿಂ ಕಾಶ್ಯಪಂ ದ್ರಷ್ಟುಮಥ ಕಣ್ವಂ ತಪೋಧನಂ॥ 1-91-33 (3944) ಧ್ವಜಿನೀಮಶ್ವಸಂಬಾಧಾಂ ಪದಾತಿಗಜಸಂಕುಲಾಂ। ಅವಸ್ಥಾಪ್ಯ ವನದ್ವಾರಿ ಸೇನಾಮಿದಮುವಾಚ ಸಃ॥ 1-91-34 (3945) ಮುನಿಂ ವಿರಜಸಂ ದ್ರಷ್ಟುಂ ಗಮಿಷ್ಯಾಮಿ ತಪೋಧನಂ। ಕಾಶ್ಯಪಂ ಸ್ಥೀಯತಾಮತ್ರ ಯಾವದಾಗಮನಂ ಮಮ॥ 1-91-35 (3946) ತದ್ವನಂ ನಂದನಪ್ರಖ್ಯಮಾಸಾದ್ಯ ಮನುಜೇಶ್ವರಃ॥ ಕ್ಷುತ್ಪಿಪಾಸೇ ಜಹೌ ರಾಜಾ ಮುದಂ ಚಾವಾಪ ಪುಷ್ಕಲಾಂ॥ 1-91-36 (3947) ಸಾಮಾತ್ಯೋ ರಾಜಲಿಂಗಾನಿ ಸೋಪನೀಯ ನರಾಧಿಪಃ। ಪುರೋಹಿತಸಹಾಯಶ್ಚ ಜಗಾಮಾಶ್ರಮಮುತ್ತಮಂ॥ 1-91-37 (3948) ದಿದೃಕ್ಷುಸ್ತತ್ರ ತಮೃಷಿಂ ತಪೋರಾಶಿಮಥಾವ್ಯಯಂ। ಬ್ರಹ್ಮಲೋಕಪ್ರತೀಕಾಶಮಾಶ್ರಮಂ ಸೋಽಭಿವೀಕ್ಷ್ಯ ಹ। ಷಟ್ಪದೋದ್ಗೀತಸಂಘುಷ್ಟಂ ನಾನಾದ್ವಿಜಗಣಾಯುತಂ॥ 1-91-38 (3949) ವಿಸ್ಮಯೋತ್ಫುಲ್ಲನಯನೋ ರಾಜಾ ಪ್ರೀತೋ ಬಭೂವಹ। ಋಚೋ ಬಹ್ವೃಚಮುಖ್ಯೈಶ್ಚ ಪ್ರೇರ್ಯಮಾಣಾಃ ಪದಕ್ರಮೈಃ। ಶುಶ್ರಾವ ಮನುಜವ್ಯಾಘ್ರೋ ವಿತತೇಷ್ವಿಹ ಕರ್ಮಸು॥ 1-91-39 (3950) ಯಜ್ಞವಿದ್ಯಾಂಗವಿದ್ಭಿಶ್ಚ ಯಜುರ್ವಿದ್ಭಿಶ್ಚ ಶೋಭಿತಂ। ಮಧುರೈಃ ಸಾಮಗೀತೈಶ್ಚ ಋಷಿಭಿರ್ನಿಯತವ್ರತೈಃ॥ 1-91-40 (3951) ಭಾರುಂಡಸಾಮಗೀತಾಭಿರಥರ್ವಶಿರಸೋದ್ಗತೈಃ। ಯತಾತ್ಮಭಿಃ ಸುನಿಯತೈಃ ಶುಶುಭೇ ಸ ತದಾಶ್ರಮಃ॥ 1-91-41 (3952) ಅಥರ್ವವೇದಪ್ರವರಾಃ ಪೂಗಯಜ್ಞಿಯಸಾಮಗಾಃ। ಸಂಹಿತಾಮೀರಯಂತಿ ಸ್ಮ ಪದಕ್ರಮಯುತಾಂ ತು ತೇ॥ 1-91-42 (3953) ಶಬ್ದಸಂಸ್ಕಾರಸಂಯುಕ್ತರ್ಬ್ರುವದ್ಭಿಶ್ಚಾಪರೈರ್ದ್ವಿಜೈಃ। ನಾದಿತಃ ಸ ಬಭೌ ಶ್ರೀಮಾನ್ಬ್ರಹ್ಮಲೋಕ ಇವಾಪರಃ॥ 1-91-43 (3954) ಯಜ್ಞಸಂಸ್ತರವಿದ್ಭಿಶ್ಚ ಕ್ರಮಶಿಕ್ಷಾವಿಶಾರದೈಃ। ನ್ಯಾಯತತ್ತ್ವಾತ್ಮವಿಜ್ಞಾನಸಂಪನ್ನೈರ್ವೇದಪಾರಗೈಃ॥ 1-91-44 (3955) ನಾನಾವಾಕ್ಯಸಮಾಹಾರಸಮವಾಯವಿಶಾರದೈಃ। ವಿಶೇಷಕಾರ್ಯವಿದ್ಭಿಶ್ಚ ಮೋಕ್ಷಧರ್ಮಪರಾಯಣೈಃ॥ 1-91-45 (3956) ಸ್ತಾಪನಾಕ್ಷೇಪಸಿದ್ಧಾಂತಪರಮಾರ್ಥಜ್ಞತಾಂ ಗತೈಃ। ಶಬ್ದಚ್ಛಂದೋನಿರುಕ್ತಜ್ಞೈಃ ಕಾಲಜ್ಞಾನವಿಶಾರದೈಃ॥ 1-91-46 (3957) ದ್ರವ್ಯಕರ್ಮಗುಣಜ್ಞೈಶ್ಚ ಕಾರ್ಯಕಾರಣವೇದಿಭಿಃ। ಪಕ್ಷಿವಾನರರುತಜ್ಞೈಶ್ಚ ವ್ಯಾಸಗ್ರಂಥಸಮಾಶ್ರಿತೈಃ॥ 1-91-47 (3958) ನಾನಾಶಾಸ್ತ್ರೇಷು ಮುಖ್ಯೈಶ್ಚ ಶುಶ್ರಾವ ಸ್ವನಮೀರಿತಂ। ಲೋಕಾಯತಿಕಮುಖ್ಯೈಶ್ಚ ಸಮಂತಾದನುನಾದಿತಂ॥ 1-91-48 (3959) ತತ್ರತತ್ರ ಚ ವಿಪ್ರೇಂದ್ರಾನ್ನಿಯತಾನ್ಸಂಶಿತವ್ರತಾನ್। ಜಪಹೋಮಪರಾನ್ವಿಪ್ರಾಂದದರ್ಶ ಪರವೀರಹಾ॥ 1-91-49 (3960) ಆಸನಾನಿ ವಿಚಿತ್ರಾಣಿ ರುಚಿರಾಣಿ ಮಹೀಪತಿಃ। ಪ್ರಯತ್ನೋಪಹಿತಾನಿ ಸ್ಮ ದೃಷ್ಟ್ವಾ ವಿಸ್ಮಯಮಾಗಮತ್॥ 1-91-50 (3961) ದೇವತಾಯತನಾನಾಂ ಚ ಪ್ರೇಕ್ಷ್ಯ ಪೂಜಾಂ ಕೃತಾಂ ದ್ವಿಜೈಃ। ಬ್ರಹ್ಮಲೋಕಸ್ಥಮಾತ್ಮಾನಂ ಮೇನೇ ಸ ನೃಪಸತ್ತಮಃ॥ 1-91-51 (3962) ಸ ಕಾಶ್ಯಪತಪೋಗುಪ್ತಮಾಶ್ರಮಪ್ರವರಂ ಶುಭಂ। ನಾತೃಪ್ಯತ್ಪ್ರೇಕ್ಷಮಾಣೋ ವೈ ತಪೋವನಗುಣೈರ್ಯುತಂ॥ 1-91-52 (3963) ಸ ಕಾಶ್ಯಪಸ್ಯಾಯತನಂ ಮಹಾವ್ರತೈ- ರ್ವೃತಂ ಸಮಾಂತಾದೃಷಿಭಿಸ್ತಪೋಧನೈಃ। ವಿವೇಶ ಸಾಮಾತ್ಯಪುರೋಹಿತೋಽರಿಹಾ ವಿವಿಕ್ತಮತ್ಯರ್ಥಮನೋಹರಂ ಶುಭಂ॥ ॥ 1-91-53 (3964) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಏಕನವತಿತಮೋಽಧ್ಯಾಯಃ॥ 91 ॥

1-92-0 (3965) ವೈಶಂಪಾಯನ ಉವಾಚ। 1-92-0x (572) ತತೋ ಗಚ್ಛನ್ಮಹಾಬಾಹುರೇಕೋಽಮಾತ್ಯಾನ್ವಿಸೃಜ್ಯ ತಾನ್। ನಾಪಶ್ಯಚ್ಚಾಶ್ರಮೇ ತಸ್ಮಿಂಸ್ತಮೃಷಿಂ ಸಂಶಿತವ್ರತಂ॥ 1-92-1 (3966) ಸೋಽಪಶ್ಯಮಾನಸ್ತಮೃಷಿಂ ಶೂನ್ಯಂ ದೃಷ್ಟ್ವಾ ತಥಾಽಽಶ್ರಮಂ। ಉವಾಚ ಕ ಇಹೇತ್ಯುಚ್ಚೈರ್ವನಂ ಸನ್ನಾದಯನ್ನಿವ॥ 1-92-2 (3967) ಶ್ರುತ್ವಾಽಥ ತಸ್ಯ ತಂ ಶಬ್ದಂ ಕನ್ಯಾ ಶ್ರೀರಿವ ರೂಪಿಣೀ। ನಿಶ್ಚಕ್ರಾಮಾಶ್ರಮಾತ್ತಸ್ಮಾತ್ತಾಪಸೀವೇಷಧಾರಿಣೀ॥ 1-92-3 (3968) ಸಾ ತಂ ದೃಷ್ಟ್ವೈವ ರಾಜಾನಂ ದುಷ್ಯಂತಮಸಿತೇಕ್ಷಣಾ। `ಸುಪ್ರೀತಾಽಭ್ಯಾಗತಂ ತಂ ತು ಪೂಜ್ಯಂ ಪ್ರಾಪ್ತಮಥೇಶ್ವರಂ॥ 1-92-4 (3969) ರೂಪಯೌವನಸಂಪನ್ನಾ ಶೀಲಾಚಾರವತೀ ಶುಭಾ। ಸಾ ತಮಾಯತಪದ್ಮಾಕ್ಷಂ ವ್ಯೂಢೋರಸ್ಕಂ ಮಹಾಭುಜಂ॥ 1-92-5 (3970) ಸಿಂಹಸ್ಕಂಧಂ ದೀರ್ಘಬಾಹುಂ ಸರ್ವಲಕ್ಷಣಪೂಜಿತಂ। ಸ್ಪೃಷ್ಟಂ ಮಧುರಯಾ ವಾಚಾ ಸಾಽಬ್ರವೀಜ್ಜನಮೇಜಯಾ॥' 1-92-6 (3971) ಸ್ವಾಗತಂ ತ ಇತಿ ಕ್ಷಿಪ್ರಮುವಾಚ ಪ್ರತಿಪೂಜ್ಯ ಚ। ಆಸನೇನಾರ್ಚಯಿತ್ವಾ ಚ ಪಾದ್ಯೇನಾರ್ಘ್ಯೇಣ ಚೈವ ಹಿ॥ 1-92-7 (3972) ಪಪ್ರಚ್ಛಾನಾಮಯಂ ರಾಜನ್ಕುಶಲಂ ಚ ನರಾಧಿಪಂ। ಯಥಾವದರ್ಚಯಿತ್ವಾಽಥ ಪೃಷ್ಟ್ವಾ ಚಾನಾಮಯಂ ತದಾ॥ 1-92-8 (3973) ಉವಾಚ ಸ್ಮಯಮಾನೇವ ಕಿಂ ಕಾರ್ಯಂ ಕ್ರಿಯತಾಮಿತಿ। `ಆಶ್ರಮಸ್ಯಾಭಿಗಮನೇ ಕಿಂ ತ್ವಂ ಕಾರ್ಯಂ ಚಿಕೀರ್ಷಸಿ॥ 1-92-9 (3974) ಕಸ್ತ್ವಮದ್ಯೇಹ ಸಂಪ್ರಾಪ್ತೋ ಮಹರ್ಷೇರಾಶ್ರಮಂ ಶುಭಂ।' ತಾಮಬ್ರವೀತ್ತತೋ ರಾಜಾ ಕನ್ಯಾಂ ಮಧುರಭಾಷಿಣೀಂ॥ 1-92-10 (3975) ದೃಷ್ಟ್ವಾ ಸರ್ವಾನವದ್ಯಾಂಗೀಂ ಯಥಾವತ್ಪ್ರತಿಪೂಜಿತಃ। `ರಾಜರ್ಷೇಸ್ತಸ್ಯ ಪುತ್ರೋಽಹಮಿಲಿನಸ್ಯ ಮಹಾತ್ಮನಃ॥ 1-92-11 (3976) ದುಷ್ಯಂತ ಇತಿ ಮೇ ನಾಮ ಸತ್ಯಂ ಪುಷ್ಕರಲೋಚನೇ।' ಆಗತೋಽಹಂ ಮಹಾಭಾಗಮೃಷಿಂ ಕಣ್ವಮುಪಾಸಿತುಂ॥ 1-92-12 (3977) ಕ್ವ ಗತೋ ಭಗವಾನ್ಭದ್ರೇ ಗನ್ಮಮಾಚಕ್ಷ್ವ ಶೋಭನೇ। 1-92-13 (3978) ಶಕುಂತಲೋವಾಚ। ಗತಃ ಪಿತಾ ಮೇ ಭಗವಾನ್ಫಲಾನ್ಯಾಹರ್ತುಮಾಶ್ರಮಾತ್। ಮುಹೂರ್ತಂ ಸಂಪ್ರತೀಕ್ಷಸ್ವ ದ್ರಷ್ಟಾಸ್ಯೇನಮುಪಾಗತಂ॥ 1-92-13x (573) ವೈಶಂಪಾಯನ ಉವಾಚ। 1-92-14x (574) ಅಪಶ್ಯಮಾನಸ್ತಮೃಷಿಂ ತಥಾ ಚೋಕ್ತಸ್ತಯಾ ಚ ಸಃ। ತಾಂ ದೃಷ್ಟ್ವಾ ಚ ವರಾರೋಹಾಂ ಶ್ರೀಮತೀಂ ಚಾರುಹಾಸಿನೀಂ॥ 1-92-14 (3979) ವಿಭ್ರಾಜಮಾನಾಂ ವಪುಷಾ ತಪಸಾ ಚ ದಮೇನ ಚ। ರೂಪಯೌವನಸಂಪನ್ನಾಮಿತ್ಯುವಾಚ ಮಹೀಪತಿಃ॥ 1-92-15 (3980) ಕಾ ತ್ವಂ ಕಸ್ಯಾಸಿ ಸುಶ್ರೋಣಿ ಕಿಮರ್ಥಂ ಚಾಗತಾ ವನಂ। ಏವಂರೂಪಗುಣೋಪೇತಾ ಕುತಸ್ತ್ವಮಸಿ ಶೋಭನೇ॥ 1-92-16 (3981) ದರ್ಶನಾದೇವ ಹಿ ಶುಭೇ ತ್ವಯಾ ಮೇಽಪಹೃತಂ ಮನಃ। ಇಚ್ಛಾಮಿ ತ್ವಾಮಹಂ ಜ್ಞಾತುಂ ತನ್ಮಮಾಚಕ್ಷ್ವ ಶೋಭನೇ॥ 1-92-17 (3982) `ಸ್ಥಿತೋಸ್ಂಯಮಿತಸೌಭಾಗ್ಯೇ ವಿವಕ್ಷುಶ್ಚಾಸ್ಮಿ ಕಿಂಚನ। ಶೃಣು ಮೇ ನಾಗನಾಸೋರು ವಚನಂ ಮತ್ತಕಾಶಿನಿ॥ 1-92-18 (3983) ರಾಜರ್ಷೇರನ್ವಯೇ ಜಾತಃ ಪೂರೋರಸ್ಮಿ ವಿಶೇಷತಃ। ವೃಣ್ವೇ ತ್ವಾಮದ್ಯ ಸುಶ್ರೋಣಿ ದುಷ್ಯಂತೋ ವರವರ್ಣಿನಿ॥ 1-92-19 (3984) ನ ಮೇಽನ್ಯತ್ರ ಕ್ಷತ್ರಿಯಾಯಾ ಮನೋ ಜಾತು ಪ್ರವರ್ತತೇ। ಋಷಿಪುತ್ರೀಷು ಚಾನ್ಯಾಸು ನಾವರಾಸು ಪರಾಸು ಚ॥ 1-92-20 (3985) ತಸ್ಮಾತ್ಪ್ರಣಿಹಿತಾತ್ಮಾನಂ ವಿದ್ದಿ ಮಾಂ ಕಲಭಾಷಿಣಿ। ಯಸ್ಯಾಂ ಮೇ ತ್ವಯಿ ಭಾವೋಽಸ್ತಿ ಕ್ಷತ್ರಿಯಾ ಹ್ಯಸಿ ಕಾ ವದಾ॥ 1-92-21 (3986) ನ ಹಿ ಮೇ ಭೀರು ವಿಪ್ರಾಯಾಂ ಮನಃ ಪ್ರಸಹತೇ ಗತಿಂ। ಭಜೇ ತ್ವಾಮಾಯತಾಪಾಂಗೇ ಭಕ್ತಂ ಭಜಿತುಮರ್ಹಸಿ। ಭುಂಕ್ಷ ರಾಜ್ಯಂ ವಿಶಾಲಾಕ್ಷಿ ಬುದ್ಧಿಂ ಮಾತ್ವನ್ಯಥಾ ಕೃಥಾಃ'॥ 1-92-22 (3987) ಏವಮುಕ್ತಾ ತು ಸಾ ಕನ್ಯಾ ತೇನ ರಾಜ್ಞಾ ತಮಾಶ್ರಮೇ। ಉವಾಚ ಹಸತೀ ವಾಕ್ಯಮಿದಂ ಸುಮಧುರಾಕ್ಷರಂ॥ 1-92-23 (3988) ಕಣ್ವಸ್ಯಾಹಂ ಭಗವತೋ ದುಷ್ಯಂತ ದುಹಿತಾ ಮತಾ। ತಪಸ್ವಿನೋ ಧೃತಿಮತೋ ಧರ್ಮಜ್ಞಸ್ಯ ಮಹಾತ್ಮನಃ॥ 1-92-24 (3989) `ಅಸ್ವತಂತ್ರಾಸ್ಮಿ ರಾಜೇಂದ್ರ ಕಾಶ್ಯಪೋ ಮೇ ಗುರುಃ ಪಿತಾ। ತಮೇವ ಪ್ರಾರ್ಥಯ ಸ್ವಾರ್ಥಂ ನಾಯುಕ್ತಂ ಕರ್ತುಮರ್ಹಸಿ॥' 1-92-25 (3990) ದುಷ್ಯಂತ ಉವಾಚ। 1-92-26x (575) ಊರ್ಧ್ವರೇತಾ ಮಹಾಭಾಗೇ ಭಗವಾಂʼಲ್ಲೋಕಪೂಜಿತಃ। ಚಲೇದ್ಧಿ ವೃತ್ತಾದ್ಧರ್ಮೋಪಿ ನ ಚಲೇತ್ಸಂಶಿತವ್ರತಃ॥ 1-92-26 (3991) ಕಥಂ ತ್ವಂ ತಸ್ಯ ದುಹಿತಾ ಸಂಭೂತಾ ವರವರ್ಣಿನೀ। ಸಂಶಯೋ ಮೇ ಮಹಾನತ್ರ ತನ್ಮೇ ಛೇತ್ತುಮಿಹಾರ್ಹಸಿ॥ 1-92-27 (3992) ಶಕುಂತಲೋವಾಚ। 1-92-28x (576) ಯಥಾಽಯಮಾಗಮೋ ಮಹ್ಯಂ ಯಥಾ ಚೇದಮಭೂತ್ಪುರಾ। `ಅನ್ಯಥಾ ಸಂತಮಾತ್ಮಾನಮನ್ಯಥಾ ಸತ್ಸು ಭಾಷತೇ॥ 1-92-28 (3993) ಸ ಪಾಪೇನಾವೃತೋ ಮೂರ್ಖಸ್ತೇನ ಆತ್ಮಾಪಹಾರಕಃ।' ಶೃಣು ರಾಜನ್ಯಥಾತತ್ತ್ವಂ ಯಥಾಽಸ್ಮಿ ದುಹಿತಾ ಮುನೇಃ॥ 1-92-29 (3994) ಋಷಿಃ ಕಶ್ಚಿದಿಹಾಗಂಯ ಮಮ ಜನ್ಮಾಭ್ಯಚೋದಯತ್। `ಊರ್ಧ್ವರೇತಾ ಯಥಾಸಿ ತ್ವಂ ಕುತಸ್ತ್ವೇಯಂ ಶಕುಂತಲಾ॥ 1-92-30 (3995) ಪುತ್ರೀ ತ್ವತ್ತಃ ಕಥಂ ಜಾತಾ ತತ್ತ್ವಂ ಮೇ ಬ್ರೂಹಿ ಕಾಶ್ಯಪ।' ತಸ್ಮೈ ಪ್ರೋವಾಚ ಭಗವಾನ್ಯಥಾ ತಚ್ಛೃಣು ಪಾರ್ಥಿವಾ॥ 1-92-31 (3996) ಕಣ್ವ ಉವಾಚ। 1-92-32x (577) ತಪ್ಯಮಾನಃ ಕಿಲ ಪುರಾ ವಿಶ್ವಾಮಿತ್ರೋ ಮಹತ್ತಪಃ। ಸುಭೃಶಂ ತಾಪಯಾಮಾಸ ಶಕ್ರಂ ಸುರಗಣೇಶ್ವರಂ॥ 1-92-32 (3997) ತಪಸಾ ದೀಪ್ತವೀರ್ಯೋಽಯಂ ಸ್ಥಾನಾನ್ಮಾಂ ಚ್ಯಾವಯೇದಿತಿ। ಭೀತಃ ಪುರಂದರಸ್ತಸ್ಮಾನ್ಮೇನಕಾಮಿದಮಬ್ರವೀತ್॥ 1-92-33 (3998) ಗುಣೈರಪ್ಸರಸಾಂ ದಿವ್ಯೈರ್ಮೇನಕೇ ತ್ವಂ ವಿಶಿಷ್ಯಸೇ। ಶ್ರೇಯೋ ಮೇ ಕುರು ಕಲ್ಯಾಣಿ ಯತ್ತ್ವಾಂ ವಕ್ಷ್ಯಾಮಿ ತಚ್ಛೃಣು॥ 1-92-34 (3999) ಅಸಾವಾದಿತ್ಯಶಂಕಾಶೋ ವಿಶ್ವಾಮಿತ್ರೋ ಮಹಾತಪಾಃ। ತಪ್ಯಮಾನಸ್ತಪೋ ಘೋರಂ ಮಮ ಕಂಪಯತೇ ಮನಃ॥ 1-92-35 (4000) ಮೇನಕೇ ತವ ಭಾರೋಽಯಂ ವಿಶ್ವಾಮಿತ್ರಃ ಸುಮಧ್ಯಮೇ। ಶಂಸಿತಾತ್ಮಾ ಸುದುರ್ಧರ್ಷ ಉಗ್ರೇ ತಪಸಿ ವರ್ತತೇ॥ 1-92-36 (4001) ಸ ಮಾಂ ನ ಚ್ಯಾವಯೇತ್ಸ್ಥಾನಾತ್ತಂ ವೈ ಗತ್ವಾ ಪ್ರಲೋಭಯ। ಚರ ತಸ್ಯ ತಪೋವಿಘ್ನಂ ಕುರು ಮೇ ಪ್ರಿಯಮುತ್ತಮಂ॥ 1-92-37 (4002) ರೂಪಯೌವನಮಾಧುರ್ಯಚೇಷ್ಟಿತಸ್ಮಿತಭಾಷಣೈಃ। ಲೋಭಯಿತ್ವಾ ವರಾರೋಹೇ ತಪಸಸ್ತಂ ನಿವರ್ತಯ॥ 1-92-38 (4003) ಮೇನಕೋವಾಚ। 1-92-39x (578) ಮಹಾತೇಜಾಃ ಸ ಭಗವಾಂಸ್ತಥೈವ ಚ ಮಹಾತಪಾಃ। ಕೋಪನಶ್ಚ ತಥಾ ಹ್ಯೇನಂ ಜಾನಾತಿ ಭಗವಾನಪಿ॥ 1-92-39 (4004) ತೇಜಸ್ತಪಸಶ್ಚೈವ ಕೋಪಸ್ಯ ಚ ಮಹಾತ್ಮನಃ। ತ್ವಮಪ್ಯುದ್ವಿಜಸೇ ಯಸ್ಯ ನೋದ್ವಿಜೇಯಮಹಂ ಕಥಂ॥ 1-92-40 (4005) ಮಹಾಭಾಗಂ ವಸಿಷ್ಠಂ ಯಃ ಪುತ್ರೈರಿಷ್ಟೈರ್ವ್ಯಯೋಜಯತ್। ಕ್ಷತ್ರಜಾತಶ್ಚ ಯಃ ಪೂರ್ವಮಭವದ್ಬ್ರಾಹ್ಮಣೋ ಬಲಾತ್॥ 1-92-41 (4006) ಶೌಚಾರ್ಥಂ ಯೋ ನದೀಂ ಚಕ್ರೇ ದುರ್ಗಮಾಂ ಬಹುಭಿರ್ಜಲೈಃ। ಯಾಂ ತಾಂ ಪುಣ್ಯತಮಾಂ ಲೋಕೇ ಕೌಶಿಕೀತಿ ವಿದುರ್ಜನಾಃ॥ 1-92-42 (4007) ಬಭಾರ ಯತ್ರಾಸ್ಯ ಪುರಾ ಕಾಲೇ ದುರ್ಗೇ ಮಹಾತ್ಮನಃ। ದಾರಾನ್ಮತಂಗೋ ಧರ್ಮಾತ್ಮಾ ರಾಜರ್ಷಿರ್ವ್ಯಾಧತಾಂ ಗತಃ॥ 1-92-43 (4008) ಅತೀತಕಾಲೇ ದುರ್ಭಿಕ್ಷೇ ಅಭ್ಯೇತ್ಯ ಪುನರಾಕ್ಷಮಂ। ಮುನಿಃ ಪಾರೇತಿ ನದ್ಯಾ ವೈ ನಾಮ ಚಕ್ರೇ ತದಾ ಪ್ರಭುಃ॥ 1-92-44 (4009) ಮತಂಗಂ ಯಾಜಯಾಂಚಕ್ರೇ ಯತ್ರ ಪ್ರೀತಮನಾಃ ಸ್ವಯಂ। ತ್ವಂ ಚ ಸೋಮಂ ಭಯಾದ್ಯಸ್ಯ ಗತಃ ಪಾತುಂ ಸುರೇಶ್ವರ॥ 1-92-45 (4010) ಚಕಾರಾನ್ಯಂ ಚ ಲೋಕಂ ವೈ ಕ್ರುದ್ಧೋ ನಕ್ಷತ್ರಸಂಪದಾ। ಪ್ರತಿಶ್ರವಣಪೂರ್ವಾಣಿ ನಕ್ಷತ್ರಾಣಿ ಚಕಾರ ಯಃ। ಗುರುಶಾಪಹತಸ್ಯಾಪಿ ತ್ರಿಶಂಕೋಃ ಶರಣಂ ದದೌ॥ 1-92-46 (4011) ಬ್ರಹ್ಮರ್ಷಿಶಾಪಂ ರಾಜರ್ಷಿಃ ಕಥಂ ಮೋಕ್ಷ್ಯತಿ ಕೌಶಿಕಃ। ಅವಮತ್ಯ ತದಾ ದೇವೈರ್ಯಜ್ಞಾಂಗಂ ತದ್ವಿನಾಶಿತಂ॥ 1-92-47 (4012) ಅನ್ಯಾನಿ ಚ ಮಹಾತೇಜಾ ಯಜ್ಞಾಂಗಾನ್ಯಸೃಜತ್ಪ್ರಭುಃ। ನಿನಾಯ ಚ ತದಾ ಸ್ವರ್ಗಂ ತ್ರಿಶಂಕುಂ ಸ ಮಹಾತಪಾಃ॥ 1-92-48 (4013) ಏತಾನಿ ಯಸ್ಯ ಕರ್ಮಾಣಿ ತಸ್ಯಾಹಂ ಭೃಶಮುದ್ವಿಜೇ। ಯಥಾಽಸೌ ನ ದಹೇತ್ಕ್ರುದ್ಧಸ್ತಥಾಽಽಜ್ಞಾಪಯ ಮಾಂ ವಿಭೋ॥ 1-92-49 (4014) ತೇಜಸಾ ನಿರ್ದಹೇಲ್ಲೋಕಾನ್ಕಂಪಯೇದ್ಧರಣೀಂ ಪದಾ। ಸಂಕ್ಷಿಪೇಚ್ಚ ಮಹಾಮೇರುಂ ತೂರ್ಣಮಾವರ್ತಯೇದ್ದಿಶಃ॥ 1-92-50 (4015) ತಾದೃಶಂ ತಪಸಾ ಯುಕ್ತಂ ಪ್ರದೀಪ್ತಮಿವ ಪಾವಕಂ। ಕಥಮಸ್ಮದ್ವಿಧಾ ನಾರೀ ಜಿತೇಂದ್ರಿಯಮಭಿಸ್ಪೃಶೇತ್॥ 1-92-51 (4016) ಹುತಾಶನಮುಖಂ ದೀಪ್ತಂ ಸೂರ್ಯಚಂದ್ರಾಕ್ಷಿತಾರಕಂ। ಕಾಲಜಿಹ್ವಂ ಸುರಶ್ರೇಷ್ಠ ಕಥಮಸ್ಮದ್ವಿಧಾ ಸ್ಪೃಶೇತ್॥ 1-92-52 (4017) ಯಮಶ್ಚ ಸೋಮಶ್ಚ ಮಹರ್ಷಯಶ್ಚ ಸಾಧ್ಯಾ ವಿಶ್ವೇ ವಾಲಸ್ವಿಲ್ಯಾಶ್ಚ ಸರ್ವೇ। ಏತೇಽಪಿ ಯಸ್ಯೋದ್ವಿಜಂತೇ ಪ್ರಭಾವಾ- ತ್ತಸ್ಮಾತ್ಕಸ್ಮಾನ್ಮಾದೃಶೀ ನೋದ್ವಿಜೇತ॥ 1-92-53 (4018) ತ್ವಯೈವಮುಕ್ತಾ ಚ ಕಥಂ ಸಮೀಪ- ಮೃಷೇರ್ನ ಗಚ್ಛೇಯಮಹಂ ಸುರೇಂದ್ರ। ರಕ್ಷಾಂ ಚ ಮೇ ಚಿಂತಯ ದೇವರಾಜ ಯಥಾ ತ್ವದರ್ಥಂ ರಕ್ಷಿತಾಽಹಂ ಚರೇಯಂ॥ 1-92-54 (4019) ಕಾಮಂ ತು ಮೇ ಮಾರುತಸ್ತತ್ರ ವಾಸಃ ಪ್ರಕ್ರೀಡಿತಾಯಾ ವಿವೃಣೋತು ದೇವ। ಭವೇಚ್ಚ ಮೇ ಮನ್ಮಥಸ್ತತ್ರ ಕಾರ್ಯೇ ಸಹಾಯಭೂತಸ್ತು ತವ ಪ್ರಸಾದಾತ್॥ 1-92-55 (4020) ವನಾಚ್ಚ ವಾಯುಃ ಸುರಭಿಃ ಪ್ರವಾಯಾ- ತ್ತಸ್ಮಿನ್ಕಾಲೇ ತಮೃಷಿಂ ಲೋಭಯಂತ್ಯಾಃ। ತಥೇತ್ಯುಕ್ತ್ವಾ ವಿಹಿತೇ ಚೈವ ತಸ್ಮಿಂ- ಸ್ತತೋ ಯಯೌ ಸಾಽಽಶ್ರಮಂ ಕೌಶಿಕಸ್ಯ॥ ॥ 1-92-56 (4021) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ದ್ವಿನವತಿತಮೋಽಧ್ಯಾಯಃ॥ 92 ॥

1-93-0 (4022) ಕಣ್ವ ಉವಾಚ। 1-93-0x (579) ಏವಮುಕ್ತಸ್ತಯಾ ಶಕ್ರಃ ಸಂದಿದೇಶ ಸದಾಗತಿಂ। ಪ್ರಾತಿಷ್ಠತ ತದಾ ಕಾಲೇ ಮೇನಕಾ ವಾಯುನಾ ಸಹ॥ 1-93-1 (4023) ಅಥಾಪಶ್ಯದ್ವರಾರೋಹಾ ತಪಸಾ ದಗ್ಧಕಿಲ್ಬಿಷಂ। ಮಿಶ್ವಾಮಿತ್ರಂ ತಪ್ಯಮಾನಂ ಮೇನಕಾ ಭೀರುರಾಶ್ರಮೇ॥ 1-93-2 (4024) ಅಭಿವಾದ್ಯ ತತಃ ಸಾ ತಂ ಪ್ರಾಕ್ರೀಡದೃಷಿಸನ್ನಿಧೌ। ಅಪೋವಾಹ ಚ ವಾಸೋಽಸ್ಯಾ ಮಾರುತಃ ಶಶಿಸಂನಿಭಂ॥ 1-93-3 (4025) ಸಾಗಚ್ಛತ್ತ್ವರಿತಾ ಭೂಮಿಂ ವಾಸಸ್ತದಭಿಲಿಪ್ಸತೀ। ಕುತ್ಸಯಂತೀವ ಸವ್ರೀಡಂ ಮಾರುತಂ ವರವರ್ಣಿನೀ॥ 1-93-4 (4026) ಪಶ್ಯತಸ್ತಸ್ಯ ರಾಜರ್ಷೇರಪ್ಯಗ್ನಿಸಮತೇಜಸಃ। ವಿಶ್ವಾಮಿತ್ರಸ್ತತಸ್ತಾಂ ತು ವಿಷಮಸ್ಥಾಮನಿಂದಿತಾಂ॥ 1-93-5 (4027) ಗೃದ್ಧಾಂ ವಾಸಸಿ ಸಂಭ್ರಾಂತಾಂ ಮೇನಕಾಂ ಮುನಿಸತ್ತಮಃ। ಅನಿರ್ದೇಶ್ಯವಯೋರೂಪಾಮಪಶ್ಯದ್ವಿವೃತಾಂ ತದಾ॥ 1-93-6 (4028) ತಸ್ಯಾ ರೂಪಗುಣಾಂದೃಷ್ಟ್ವಾ ಸ ತು ವಿಪ್ರರ್ಷಭಸ್ತದಾ। ಚಕಾರ ಭಾವಂ ಸಂಸರ್ಗೇ ತಯಾ ಕಾಮವಶಂ ಗತಃ॥ 1-93-7 (4029) ನ್ಯಮಂತ್ರಯತ ಚಾಪ್ಯೇನಾಂ ಸಾ ಚಾಪ್ಯೈಚ್ಛದನಿಂದಿತಾ। ತೌ ತತ್ರ ಸುಚಿರಂ ಕಾಲಮುಭೌ ವ್ಯವಹರತಾಂ ತದಾ॥ 1-93-8 (4030) ರಮಮಾಣೌ ಯಥಾಕಾಮಂ ಯತೈಕದಿವಸಂ ತಥಾ। `ಏವಂ ವರ್ಷಸಹಸ್ರಾಣಾಮತೀತಂ ನಾನ್ವಚಿಂತಯತ್॥ 1-93-9 (4031) ಕಾಮಕ್ರೋಧಾವಜಿತವಾನ್ಮುನಿರ್ನಿತ್ಯಂ ಸಮಾಹಿತಃ। ಚಿರಾರ್ಜಿತಸ್ಯ ತಪಸಃ ಕ್ಷಯಂ ಸ ಕೃತವಾನ್ಮುನಿಃ॥ 1-93-10 (4032) ತಪಸಃ ಸಂಕ್ಷಯಾದೇವ ಮುನಿರ್ಮೋಹಂ ಸಮಾವಿಶತ್। ಮೋಹಾಭಿಭೂತಃ ಕ್ರೋಧಾತ್ಮಾ ಗ್ರಸನ್ಮೂಲಫಲಾನ್ಮುನಿಃ॥ 1-93-11 (4033) ಪಾದೈರ್ಜಲರವಂ ಕೃತ್ವಾ ಅಂತರ್ದ್ವೀಪೇ ಕುಟೀಂ ಗತಃ। ಮೇನಕಾ ಗಂತುಕಾಮಾ ತು ಶುಶ್ರಾವ ಜಲನಿಸ್ವನಂ॥ 1-93-12 (4034) ತಪಸಾ ದೀಪ್ತವೀರ್ಯೋಽಸಾವಾಕಾಶಾದೇತಿ ಯಾತಿ ಚ। ಅದ್ಯ ಸಂಜ್ಞಾಂ ವಿಜಾನಾಮಿ ಯಯಾಽದ್ಯ ತಪಸಃ ಕ್ಷಯಃ॥ 1-93-13 (4035) ಗಂತುಂ ನ ಯುಕ್ತಮಿತ್ಯುಕ್ತ್ವಾ ಋತುಸ್ನಾತಾಥ ಮೇನಕಾ। ಕಾಮರಾಗಾಭಿಭೂತಸ್ಯ ಮುನೇಃ ಪಾರ್ಸ್ವಂ ಜಗಾಮ ಹ॥' 1-93-14 (4036) ಜನಯಾಮಾಸ ಸ ಮುನಿರ್ಮೇನಕಾಯಾಂ ಶಕುಂತಲಾಂ। ಪ್ರಸ್ಥೇ ಹಿಮವತೋ ರಂಯೇ ಮಾಲಿನೀಮಭಿತೋ ನದೀಂ॥ 1-93-15 (4037) `ದೇವಗರ್ಭೋಪಮಾಂ ಬಾಲಾಂ ಸರ್ವಾಭರಣಭೂಷಿತಾಂ। ಶಯಾನಾಂ ಶಯನೇ ರಂಯೇ ಮೇನಕಾ ವಾಕ್ಯಮಬ್ರವೀತ್॥ 1-93-16 (4038) ಮಹರ್ಷೇರುಗ್ರತಪಸಸ್ತೇಜಸ್ತ್ವಮಸಿ ಭಾಮಿನಿ। ತಸ್ಮಾತ್ಸ್ವರ್ಗಂ ಗಮಿಷ್ಯಾಮಿ ದೇವಕಾರ್ಯಾರ್ಥಮಾಗತಾ॥' 1-93-17 (4039) ಜಾತಮುತ್ಸೃಜ್ಯ ತಂ ಗರ್ಭಂ ಮೇನಕಾ ಮಾಲಿನೀಮನು। ಕೃತಕಾರ್ಯಾ ತತಸ್ತೂರ್ಣಮಗಚ್ಛಚ್ಛಕ್ರಸಂಸದಂ॥ 1-93-18 (4040) ತಂ ವನೇ ವಿಜನೇ ಗರ್ಭಂ ಸಿಂಹವ್ಯಾಘ್ರಸಮಾಕುಲೇ। ದೃಷ್ಟ್ವಾ ಶಯಾನಂ ಶಕುನಾಃ ಸಮಂತಾತ್ಪರ್ಯವಾರಯನ್। ನೇಮಾಂ ಹಿಂಸ್ಯುರ್ವನೇ ಬಾಲಾಂ ಕ್ರವ್ಯಾದಾ ಮಾಂಸಗೃದ್ಧಿನಃ॥ 1-93-19 (4041) ಪರ್ಯರಕ್ಷಂತ ತಾಂ ತತ್ರ ಶಕುಂತಾ ಮೇನಕಾತ್ಮಜಾಂ। ಉಪಸ್ಪ್ರಷ್ಟುಂ ಗತಶ್ಚಾಹಮಪಶ್ಯಂ ಶಯಿತಾಮಿಮಾಂ॥ 1-93-20 (4042) ನಿರ್ಜನೇ ವಿಪಿನೇ ರಂಯೇ ಶಕುಂತೈಃ ಪರಿವಾರಿತಾಂ। `ಮಾಂ ದೃಷ್ಟ್ವೈವಾಭ್ಯಪದ್ಯಂತ ಪಾದಯೋಃ ಪತಿತಾ ದ್ವಿಜಾಃ। ಅಬ್ರುಞ್ಶಕುನಾಃ ಸರ್ವೇ ಕಲಂ ಮಧುರಭಾಷಿಣಃ॥ 1-93-21 (4043) ವಿಶ್ವಾಮಿತ್ರಸುತಾಂ ಬ್ರಹ್ಮನ್ನ್ಯಾಸಭೂತಾಂ ಭರಸ್ವ ವೈ। ಕಾಮಕ್ರೋಧಾವಜಿತವಾನ್ಸಖಾ ತೇ ಕೌಶಿಕೀಂ ಗತಃ॥ 1-93-22 (4044) ತಸ್ಮಾತ್ಪೋಷಯ ತತ್ಪುತ್ರೀಂ ದಯಾವಾನಿತಿ ತೇಽಬ್ರುವನ್। ಸರ್ವಭೂತರುತಜ್ಞೋಽಹಂ ದಯಾವಾನ್ಸರ್ವಜಂತುಷು॥' 1-93-23 (4045) ಆನಯಿತ್ವಾ ತತಶ್ಚೈನಾಂ ದುಹಿತೃತ್ವೇ ನ್ಯವೇಶಯಂ॥ 1-93-24 (4046) ಶರೀರಕೃತ್ಪ್ರಾಣದಾತಾ ಯಸ್ಯ ಚಾನ್ನಾನಿ ಭುಂಜತೇ। ಕ್ರಮೇಣೈತೇ ತ್ರಯೋಽಪ್ಯುಕ್ತಾಃ ಪಿತರೋ ಧರ್ಮಶಾಸನೇ॥ 1-93-25 (4047) ನಿರ್ಜನೇ ತು ವನೇ ಯಸ್ಮಾಚ್ಛಕುಂತೈಃ ಪರಿವಾರಿತಾ। ಶಕುಂತಲೇತಿ ನಾಮಾಸ್ಯಾಃ ಕೃತಂ ಚಾಪಿ ತತೋ ಮಯಾ॥ 1-93-26 (4048) ಏವಂ ದುಹಿತರಂ ವಿದ್ಧಿ ಮಮ ವಿಪ್ರ ಶಕುಂತಲಾಂ। ಶಕುಂತಲಾ ಚ ಪಿತರಂ ಮನ್ಯತೇ ಮಾಮನಿಂದಿತಾ॥ 1-93-27 (4049) ಶಕುಂತಲೋವಾಚ। 1-93-28x (580) ಏತದಾಚಷ್ಟ ಪೃಷ್ಟಃ ಸನ್ಮಮ ಜನ್ಮ ಮಹರ್ಷಯೇ। ಸುತಾಂ ಕಣ್ವಸ್ಯ ಮಾಮೇವಂ ವಿದ್ಧಿ ತ್ವಂ ಮನುಜಾಧಿಪ॥ 1-93-28 (4050) ಕಣ್ವಂ ಹಿ ಪಿತರಂ ಮನ್ಯೇ ಪಿತರಂ ಸ್ವಮಜಾನತೀ। ಇತಿ ತೇ ಕಥಿತಂ ರಾಜನ್ಯಥಾವೃತ್ತಂ ಶ್ರುತಂ ಮಯಾ॥ ॥ 1-93-29 (4051) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ತ್ರಿನವತಿತಮೋಽಧ್ಯಾಯಃ॥ 93 ॥

1-94-0 (4052) ದುಷ್ಯಂತ ಉವಾಚ। 1-94-0x (581) ಸುವ್ಯಕ್ತಂ ರಾಜಪುತ್ರೀ ತ್ವಂ ಯಥಾ ಕಲ್ಯಾಣಿ ಭಾಷಸೇ। ಭಾರ್ಯಾ ಮೇ ಭವ ಸುಶ್ರೋಣಿ ಬ್ರೂಹಿ ಕಿಂ ಕರವಾಣಿ ತೇ॥ 1-94-1 (4053) ಸುವರ್ಣಮಾಲಾಂ ವಾಸಾಂಸಿ ಕುಂಡಲೇ ಪರಿಹಾಟಕೇ। ನಾನಾಪತ್ತನಜೇ ಶುಭ್ರೇ ಮಣಿರತ್ನೇ ಚ ಶೋಭನೇ॥ 1-94-2 (4054) ಆಹರಾಮಿ ತವಾದ್ಯಾಹಂ ನಿಷ್ಕಾದೀನ್ಯಜಿನಾನಿ ಚ। ಸರ್ವಂ ರಾಜ್ಯಂ ತವಾದ್ಯಾಸ್ತು ಭಾರ್ಯಾ ಮೇ ಭವ ಶೋಭನೇ॥ 1-94-3 (4055) ಗಾಂಧರ್ವೇಣ ಚ ಮಾಂ ಭೀರು ವಿವಾಹೇನೈಹಿ ಸುಂದರಿ। ವಿವಾಹಾನಾಂ ಹಿ ರಂಭೋರು ಗಾಂಧರ್ವಃ ಶ್ರೇಷ್ಠ ಉಚ್ಯತೇ॥ 1-94-4 (4056) ಶಕುಂತಲೋವಾಚ। 1-94-5x (582) ಫಲಾಹಾರೋ ಗತೋ ರಾಜನ್ಪಿತಾ ಮೇ ಇತ ಆಶ್ರಮಾತ್। ಮುಹೂರ್ತಂ ಸಂಪ್ರತೀಕ್ಷಸ್ವ ಸ ಮಾಂ ತುಭ್ಯಂ ಪ್ರದಾಸ್ಯತಿ॥ 1-94-5 (4057) `ಪಿತಾ ಹಿ ಮೇ ಪ್ರಭುರ್ನಿತ್ಯಂ ದೈವತಂ ಪರಮಂ ಮಮ। ಯಸ್ಮೈ ಮಾಂ ದಾಸ್ಯತಿ ಪಿತಾ ಸ ಮೇ ಭರ್ತಾ ಭವಿಷ್ಯತಿ॥ 1-94-6 (4058) ಪಿತಾ ರಕ್ಷತಿ ಕೌಮಾರೇ ಭರ್ತಾ ರಕ್ಷತಿ ಯೌವನೇ। ಪುತ್ರಸ್ತು ಸ್ಥಾವಿರೇ ಭಾವೇ ನ ಸ್ತ್ರೀ ಸ್ವಾತಂತ್ರ್ಯಮರ್ಹತಿ॥ 1-94-7 (4059) ಸಮನ್ಯಮಾನಾ ರಾಜೇಂದ್ರ ಪಿತರಂ ಮೇ ತಪಸ್ವಿನಂ। ಅಧರ್ಮೇಣ ಹಿ ಧರ್ಮಿಷ್ಠ ಕಥಂ ವರಮುಪಾಸ್ಮಹೇ॥ 1-94-8 (4060) ದುಷ್ಯಂತ ಉವಾಚ। 1-94-9x (583) ಮಾಮೈವಂ ವದ ಕಲ್ಯಾಣಿ ತಪೋರಾಶಿಂ ದಮಾತ್ಮಕಂ। 1-94-9 (4061) ಶಕುಂತಲೋವಾಚ। ಮನ್ಯುಪ್ರಹರಣಾ ವಿಪ್ರಾ ನ ವಿಪ್ರಾಃ ಶಸ್ತ್ರಪಾಣಯಃ॥ 1-94-9x (584) ಮನ್ಯುನಾ ಘ್ನಂತಿ ತೇ ಶತ್ರೂನ್ವಜ್ರೇಣೇಂದ್ರ ಇವಾಸುರಾನ್। ಅಗ್ನಿರ್ದಹತಿ ತೇಜೋಭಿಃ ಸೂರ್ಯೋ ದಹತಿ ರಶ್ಮಿಭಿಃ॥ 1-94-10 (4062) ರಾಜಾ ದಹತಿ ದಂಡೇನ ಬ್ರಾಹ್ಮಣೋ ಮನ್ಯುನಾ ದಹೇತ್। ಕ್ರೋಧಿತಾ ಮನ್ಯುನಾ ಘ್ನಂತಿ ವಜ್ರಪಾಣಿರಿವಾಸುರಾನ್॥ 1-94-11 (4063) ದುಷ್ಯಂತ ಉವಾಚ। 1-94-12x (585) ಜಾನೇ ಭದ್ರೇ ಮಹರ್ಷಿಂ ತಂ ತಸ್ಯ ಮನ್ಯುರ್ನ ವಿದ್ಯತೇ।' ಇಚ್ಛಾಮಿ ತ್ವಾಂ ವರಾರೋಹೇ ಭಜಮಾನಾಮನಿಂದಿತೇ। ತ್ವದರ್ಥಂ ಮಾಂ ಸ್ಥಿತಂ ವಿದ್ಧಿ ತ್ವದ್ಗತಂ ಹಿ ಮನೋ ಮಮ॥ 1-94-12 (4064) ಆತ್ಮನೋ ಬಂಧುರಾತ್ಮೈವ ಗತಿರಾತ್ಮೈವ ಚಾತ್ಮನಃ। ಆತ್ಮನೈವಾತ್ಮನೋ ದಾನಂ ಕರ್ತುಮರ್ಹಸಿ ಧರ್ಮತಃ॥ 1-94-13 (4065) ಅಷ್ಟಾವೇವ ಸಮಾಸೇನ ವಿವಾಹಾ ಧರ್ಮತಃ ಸ್ಮೃತಾಃ। ಬ್ರಾಹ್ಮೋ ದೈವಸ್ತಥೈವಾರ್ಷಃ ಪ್ರಾಜಾಪತ್ಯಸ್ತಥಾಽಽಸುರಃ॥ 1-94-14 (4066) ಗಾಂಧರ್ವೋ ರಾಕ್ಷಸಶ್ಚೈವ ಪೈಶಾಚಶ್ಚಾಷ್ಟಮಃ ಸ್ಮೃತಃ। ತೇಷಾಂ ಧರ್ಂಯಾನ್ಯಥಾಪೂರ್ವಂ ಮನುಃ ಸ್ವಾಯಂಭುವೋಽಬ್ರವೀತ್॥ 1-94-15 (4067) ಪ್ರಶಸ್ತಾಂಶ್ಚತುರಃ ಪೂರ್ವಾನ್ಬ್ರಾಹ್ಮಣಸ್ಯೋಪಧಾರಯ। ಷಡಾನುಪೂರ್ವ್ಯಾ ಕ್ಷತ್ರಸ್ಯ ವಿದ್ಧಿ ಧರ್ಂಯಾನನಿಂದಿತೇ॥ 1-94-16 (4068) ರಾಜ್ಞಾಂ ತು ರಾಕ್ಷಸೋಽಪ್ಯುಕ್ತೋ ವಿಟ್ಶೂದ್ರೇಷ್ವಾಸುರಃ ಸ್ಮೃತಃ। ಪಂಚಾನಾಂ ತು ತ್ರಯೋ ಧರ್ಂಯಾ ಅಧರ್ಂಯೌ ದ್ವೌ ಸ್ಮೃತಾವಿಹ॥ 1-94-17 (4069) ಪೈಶಾಚ ಆಸುರಶ್ಚೈವ ನ ಕರ್ತವ್ಯೌ ಕದಾಚನ। ಅನೇನ ವಿಧಿನಾ ಕಾರ್ಯೋ ಧರ್ಮಸ್ಯೈಷಾ ಗತಿಃ ಸ್ಮೃತಾ॥ 1-94-18 (4070) ಗಾಂಧರ್ವರಾಕ್ಷಸೌ ಕ್ಷತ್ರೇ ಧರ್ಂಯೌ ತೌ ಮಾ ವಿಶಂಕಿಥಾಃ। ಪೃಥಗ್ವಾ ಯದಿ ವಾ ಮಿಶ್ರೌ ಕರ್ತವ್ಯೌ ನಾತ್ರ ಸಂಶಯಃ॥ 1-94-19 (4071) ಸಾ ತ್ವಂ ಮಮ ಸಕಾಮಸ್ಯ ಸಕಾಮಾ ವರವರ್ಣಿನೀ। ಗಾಂಧರ್ವೇಣ ವಿವಾಹೇನ ಭಾರ್ಯಾ ಭವಿತುಮರ್ಹಸಿ॥ 1-94-20 (4072) ಶಕುಂತಲೋವಾಚ। 1-94-21x (586) ಯದಿ ಧರ್ಮಪಥಸ್ತ್ವೇವ ಯದಿ ಚಾತ್ಮಾ ಪ್ರಭುರ್ಮಮ। ಪ್ರದಾನೇ ಪೌರವಶ್ರೇಷ್ಠ ಶೃಣು ಮೇ ಸಮಯಂ ಪ್ರಭೋ॥ 1-94-21 (4073) ಸತ್ಯಂ ಮೇ ಪ್ರತಿಜಾನೀಹಿ ಯಥಾ ವಕ್ಷ್ಯಾಂಯಹಂ ರಹಃ। ಮಯಿ ಜಾಯೇತ ಯಃ ಪುತ್ರಃ ಸ ಭವೇತ್ತ್ವದನಂತರಃ॥ 1-94-22 (4074) ಯುವರಾಜೋ ಮಹಾರಾಜ ಸತ್ಯಮೇತದ್ಬ್ರವೀಮಿ ತೇ। ಯದ್ಯೇತದೇವಂ ದುಷ್ಯಂತ ಅಸ್ತು ಮೇ ಸಂಗಮಸ್ತ್ವಯಾ॥ 1-94-23 (4075) ವೈಶಂಪಾಯನ ಉವಾಚ। 1-94-24x (587) `ತಸ್ಯಾಸ್ತು ಸರ್ವಂ ಸಂಶ್ರುತ್ಯ ಯಥೋಕ್ತಂ ಸ ವಿಶಾಂಪತಿಃ। ದುಷ್ಯಂತಃ ಪುನರೇವಾಹ ಯದ್ಯದಿಚ್ಛಸಿ ತದ್ವದ॥ 1-94-24 (4076) ಶಕುಂತಲೋವಾಚ। 1-94-25x (588) ಖ್ಯಾತೋ ಲೋಕಪ್ರವಾದೋಯಂ ವಿವಾಹ ಇತಿ ಶಾಸ್ತ್ರತಃ। ವೈವಾಹಿಕೀಂ ಕ್ರಿಯಾಂ ಸಂತಃ ಪ್ರಶಂಸಂತಿ ಪ್ರಜಾಹಿತಾಂ॥ 1-94-25 (4077) ಲೋಕಪ್ರವಾದಶಾಂತ್ಯರ್ಥಂ ವಿವಾಹಂ ವಿಧಿನಾ ಕುರು। ಸಂತ್ಯತ್ರ ಯಜ್ಞಪಾತ್ರಾಣಿ ದರ್ಭಾಃ ಸುಮನಸೋಽಕ್ಷತಾಃ॥ 1-94-26 (4078) ಯಥಾ ಯುಕ್ತೋ ವಿವಾಹಃ ಸ್ಯಾತ್ತಥಾ ಯುಕ್ತಾ ಪ್ರಜಾ ಭವೇತ್। ತಸ್ಮಾದಾಜ್ಯಂ ಹವಿರ್ಲಾಜಾಃ ಸಿಕತಾ ಬ್ರಾಹ್ಮಣಾಸ್ತವ॥ 1-94-27 (4079) ವೈವಾಹಿಕಾನಿ ಚಾನ್ಯಾನಿ ಸಮಸ್ತಾನೀಹ ಪಾರ್ಥಿವ। ದುರುಕ್ತಮಪಿ ರಾಜೇಂದ್ರ ಕ್ಷಂತವ್ಯಂ ಧರ್ಮಕಾರಣಾತ್॥ 1-94-28 (4080) ವೈಶಂಪಾಯನ ಉವಾಚ।' 1-94-29x (589) ಏವಮಸ್ತ್ವಿತಿ ತಾಂ ರಾಜಾ ಪ್ರತ್ಯುವಾಚಾವಿಚಾರಯನ್। ಅಪಿ ಚ ತ್ವಾಂ ಹಿ ನೇಷ್ಯಾಮಿ ನಗರಂ ಸ್ವಂ ಶುಚಿಸ್ಮಿತೇ॥ 1-94-29 (4081) ಯಥಾ ತ್ವಮರ್ಹಾ ಸುಶ್ರೋಣಿ ಮನ್ಯಸೇ ತದ್ಬ್ರವೀಮಿ ತೇ। ಏವಮುಕ್ತ್ವಾ ಸ ರಾಜರ್ಷಿಸ್ತಾಮನಿಂದಿತಗಾಮಿನೀಂ॥ 1-94-30 (4082) `ಪುರೋಹಿತಂ ಸಮಾಹೂಯ ವಚನಂ ಯುಕ್ತಮಬ್ರವೀತ್। ರಾಜಪುತ್ರ್ಯಾ ಯದುಕ್ತಂ ವೈ ನ ವೃಥಾ ಕರ್ತುಮುತ್ಸಹೇ॥ 1-94-31 (4083) ಕ್ರಿಯಾಹೀನೋ ಹಿ ನ ಭವೇನ್ಮಮ ಪುತ್ರೋ ಮಹಾದ್ಯುತಿಃ। ತಥಾ ಕುರುಷ್ವ ಶಾಸ್ತ್ರೋಕ್ತಂ ವಿವಾಹಂ ಮಾ ಚಿರಂಕುರು॥ 1-94-32 (4084) ಏವಮುಕ್ತೋ ನೃಪತಿನಾ ದ್ವಿಜಃ ಪರಮಯಂತ್ರಿತಃ। ಶೋಭನಂ ರಾಜರಾಜೇತಿ ವಿಧಿನಾ ಕೃತವಾಂದ್ವಿಜಃ॥ 1-94-33 (4085) ಶಾಸನಾದ್ವಿಪ್ರಮುಖ್ಯಸ್ಯ ಕೃತಕೌತುಕಮಂಗಲಃ।' ಜಗ್ರಾಹ ವಿಧಿವತ್ಪಾಣಾವುವಾಸ ಚ ತಯಾ ಸಹ॥ 1-94-34 (4086) ವಿಶ್ವಾಸ್ಯ ಚೈನಾಂ ಸ ಪ್ರಾಯಾದಬ್ರವೀಚ್ಚ ಪುನಃ ಪುನಃ। ಪ್ರೇಷಯಿಷ್ಯೇ ತವಾರ್ಥಾಯ ವಾಹಿನೀಂ ಚತುರಂಗಿಣೀಂ॥ 1-94-35 (4087) `ತ್ರೈವಿದ್ಯವೃದ್ಧೈಃ ಸಹಿತಾಂ ನಾನಾರಾಜಜನೈಃ ಸಹ। ಶಿಬಿಕಾಸಹಸ್ರೈಃ ಸಹಿತಾ ವಯಮಾಯಾಂತಿ ಬಾಂಧವಾಃ॥ 1-94-36 (4088) ಮೂಕಾಶ್ಚೈವ ಕಿರಾತಾಶ್ಚ ಕುಬ್ಜಾ ವಾಮನಕೈಃ ಸಹ। ಸಹಿತಾಃ ಕಂಚುಕಿವರೈರ್ವಾಹಿನೀ ಸೂತಮಾಗಧೈಃ॥ 1-94-37 (4089) ಶಂಖದುಂದುಭಿನಿರ್ಘೋಷೈರ್ವನಂ ಚ ಸಮುಪೈಷ್ಯತಿ। ತಥಾ ತ್ವಾಮಾನಯಿಷ್ಯಾಮಿ ನಗರಂ ಸ್ವಂ ಶುಚಿಸ್ಮಿತೇ॥ 1-94-38 (4090) ಅನ್ಯಥಾ ತ್ವಾಂ ನ ನೇಷ್ಯಾಮಿ ಸ್ವನಿವೇಶಮಸತ್ಕೃತಾಂ। ಸರ್ವಮಂಗಲಸತ್ಕಾರೈಃ ಸುಭ್ರು ಸತ್ಯಂ ಕರೋಮಿ ತೇ॥ 1-94-39 (4091) ವೈಶಂಪಾಯನ ಉವಾಚ। 1-94-40x (590) ಏವಮುಕ್ತ್ವಾ ಸ ರಾಜರ್ಷಿಸ್ತಾಮನಿಂದಿತಗಾಮಿನೀಂ। ಪರಿಷ್ವಜ್ಯ ಚ ಬಾಹುಭ್ಯಾಂ ಸ್ಮಿತಪೂರ್ವಮುದೈಕ್ಷತ॥ 1-94-40 (4092) ಪ್ರದಕ್ಷಿಣೀಕೃತಾಂ ದೇವೀಂ ಪುನಸ್ತಾಂ ಪರಿಷಸ್ವಜೇ। ಶಕುಂತಲಾ ಸಾ ಸುಮುಖೀ ಪಪಾತ ನೃಪಪಾದಯೋಃ॥ 1-94-41 (4093) ತಾಂ ದೇವೀಂ ಪುನರುತ್ಥಾಪ್ಯ ಮಾ ಶುಚೇತಿ ಪುನಃ ಪುನಃ। ಶಪೇಯಂ ಸುಕೃತೇನೈವ ಪ್ರಾಪಯಿಷ್ಯೇ ನೃಪಾತ್ಮಜೇ॥' 1-94-42 (4094) ಇತಿ ತಸ್ಯಾಃ ಪ್ರತಿಶ್ರುತ್ಯ ಸ ನೃಪೋ ಜನಮೇಜಯ। ಮನಸಾ ಚಿಂತಯನ್ಪ್ರಾಯಾತ್ಕಾಶ್ಯಪಂ ಪ್ರತಿ ಪಾರ್ಥಿವ॥ 1-94-43 (4095) ಭಗವಾಂಸ್ತಪಸಾ ಯುಕ್ತಃ ಶ್ರುತ್ವಾ ಕಿಂ ನು ಕರಿಷ್ಯತಿ। ತಂ ನ ಪ್ರಸಾದ್ಯಾಗತೋಽಹಂ ಪ್ರಸೀದೇತಿ ದ್ವಿಜೋತ್ತಮಂ। ಏವಂ ಸಂಚಿಂತಯನ್ನೇವ ಪ್ರವಿವೇಶ ಸ್ವಕಂ ಪುರಂ॥ 1-94-44 (4096) ತತೋ ಮುಹೂರ್ತೇ ಯಾತೇ ತು ಕಣ್ವೋಽಪ್ಯಾಶ್ರಮಮಾಗಮತ್। ಶಕುಂತಲಾ ಚ ಪಿತರಂ ಹ್ರಿಯಾ ನೋಪಜಗಾಮ ತಂ॥ 1-94-45 (4097) `ಶಂಕಿತೇವ ಚ ವಿಪ್ರರ್ಷಿಮುಪಚಕ್ರಾಮ ಸಾ ಶನೈಃ। ತತೋಽಸ್ಯ ಭಾರಂ ಜಗ್ರಾಹ ಆಸನಂ ಚಾಪ್ಯಕಲ್ಪಯತ್॥ 1-94-46 (4098) ಪ್ರಾಕ್ಷಾಲಯಚ್ಚ ಸಾ ಪಾದೌ ಕಾಶ್ಯಪಸ್ಯ ಮಹಾತ್ಮನಃ। ನ ಚೈನಂ ಲಜ್ಜಯಾಽಶಕ್ನೋದಕ್ಷಿಭ್ಯಾಮಭಿವೀಕ್ಷಿತುಂ॥ 1-94-47 (4099) ಶಕುಂತಲಾ ಚ ಸವ್ರೀಡಾ ತಮೃಷಿಂ ನಾಭ್ಯಭಾಷತ। ತಸ್ಮಾತ್ಸ್ವಧರ್ಮಾತ್ಸ್ಖಲಿತಾ ಭೀತಾ ಸಾ ಭರತರ್ಷಭ॥ 1-94-48 (4100) ಅಭವದ್ದೋಷದರ್ಶಿತ್ವಾದ್ಬ್ರಹ್ಮಚಾರಿಣ್ಯಯಂತ್ರಿತಾ। ಸ ತದಾ ವ್ರೀಡಿತಾಂ ದೃಷ್ಟ್ವಾ ಋಷಿಸ್ತಾಂ ಪ್ರತ್ಯಭಾಷತ॥ 1-94-49 (4101) ಕಣ್ವ ಉವಾಚ। 1-95-50x (591) ಸವ್ರೀಡೈವ ಚ ದೀರ್ಘಾಯುಃ ಪುರೇವ ಭವಿತಾ ನ ಚ। ವೃತ್ತಂ ಕಥಯ ರಂಭೋರು ಮಾ ತ್ರಾಸಂ ಚ ಪ್ರಕಲ್ಪಯ॥ 1-94-50 (4102) ವೈಶಂಪಾಯನ ಉವಾಚ। 1-94-51x (592) ತತಃ ಪ್ರಕ್ಷಾಲ್ಯ ಪಾದೌ ಸಾ ವಿಶ್ರಾಂತಂ ಪುನರಬ್ರವೀತ್। ನಿಧಾಯ ಕಾಮಂ ತಸ್ಯರ್ಷೇಃ ಕಂದಾನಿ ಚ ಫಲಾನಿ ಚ॥ 1-94-51 (4103) ತತಃ ಸಂವಾಹ್ಯ ಪಾದೌ ಸಾ ವಿಶ್ರಾಂತಂ ವೇದಿಮಧ್ಯಮಾ। ಶಕುಂತಲಾ ಪೌರವಾಣಾಂ ದುಷ್ಯಂತಂ ಜಗ್ಮುಷೀ ಪತಿಂ॥ 1-94-52 (4104) ತತಃ ಕೃಚ್ಛ್ರಾದತಿಶುಭಾ ಸವ್ರೀಡಾ ಶ್ರಮತೀ ತದಾ। ಸಗದ್ಗದಮುವಾಚೇದಂ ಕಾಶ್ಯಪಂ ಸಾ ಶುಚಿಸ್ಮಿತಾ॥ 1-94-53 (4105) ಶಕುಂತಲೋವಾಚ। 1-94-54x (593) ರಾಜಾ ತಾತಾಜಗಾಮೇಹ ದುಷ್ಯಂತ ಇಲಿಲಾತ್ಮಜಃ। ಮಯಾ ಪತಿರ್ವೃತೋ ಯೋಽಸೌ ದೈವಯೋಗಾದಿಹಾಗತಃ॥ 1-94-54 (4106) ತಸ್ಯ ತಾತ ಪ್ರಸೀದ ತ್ವಂ ಭರ್ತಾ ಮೇ ಸುಮಹಾಯಶಾಃ। ಅತಃ ಸರ್ವಂ ತು ಯದ್ವೃತ್ತಂ ದಿವ್ಯಜ್ಞಾನೇನ ಪಶ್ಯಸಿ॥ 1-94-55 (4107) ಅಭಯಂ ಕ್ಷತ್ರಿಯಕುಲೇ ಪ್ರಸಾದಂ ಕರ್ತುಮರ್ಹಸಿ। 1-94-56 (4108) ವೈಶಂಪಾಯನ ಉವಾಚ। ಚಕ್ಷುಷಾ ಸ ತು ದಿವ್ಯೇನ ಸರ್ವಂ ವಿಜ್ಞಾಯ ಕಾಶ್ಯಪಃ॥ 1-94-56x (594) ತತೋ ಧರ್ಮಿಷ್ಠತಾಂ ಮತ್ವಾ ಧರ್ಮೇ ಚಾಸ್ಖಲಿತಂ ಮನಃ। ಉವಾಚ ಭಗವಾನ್ಪ್ರೀತಸ್ತದ್ವೃತ್ತಂ ಸುಮಹಾತಪಾಃ॥ 1-94-57 (4109) ಕಣ್ವ ಉವಾಚ। 1-94-58x (595) ಏವಮೇತನ್ಮಯಾ ಜ್ಞಾತಂ ದೃಷ್ಟಂ ದಿವ್ಯೇನ ಚಕ್ಷುಷಾ। ತ್ವಯಾಽದ್ಯ ರಾಜಾನ್ವಯಯಾ ಮಾಮನಾದೃತ್ಯ ಯತ್ಕೃತಂ'॥ 1-94-58 (4110) ಪುಂಸಾ ಸಹ ಸಮಾಯೋಗೋ ನ ಸ ಧರ್ಮೋಪಘಾತಕಃ। ನ ಭಯಂ ವಿದ್ಯತೇ ಭದ್ರೇ ಮಾ ಶುಚಃ ಸುಕೃತಂ ಕೃತಂ॥ 1-94-59 (4111) ಕ್ಷತ್ರಿಯಸ್ಯ ತು ಗಾಂಧರ್ವೋ ವಿವಾಹಃ ಶ್ರೇಷ್ಠ ಉಚ್ಯತೇ। ಸಕಾಮಾಯಾಃ ಸಕಾಮೇನ ನಿಮಂತ್ರಃ ಶ್ರೇಷ್ಠ ಉಚ್ಯತೇ॥ 1-94-60 (4112) `ಕಿಂ ಪುನರ್ವಿಧಿವತ್ಕೃತ್ವಾ ಸುಪ್ರಜಸ್ತ್ವಮವಾಪ್ಸ್ಯಸಿ।' ಧರ್ಮಾತ್ಮಾ ಚ ಮಹಾತ್ಮಾ ಚ ದುಷ್ಯಂತಃ ಪುರುಷೋತ್ತಮಃ॥ 1-94-61 (4113) ಅಭ್ಯಾಗಚ್ಛತ್ಪತಿರ್ಯಸ್ತ್ವಾಂ ಭಜಮಾನಾಂ ಶಕುಂತಲೇ। ಮಹಾತ್ಮಾ ಜನಿತಾ ಲೋಕೇ ಪುತ್ರಸ್ತವ ಮಹಾಯಶಾಃ॥ 1-94-62 (4114) ಸ ಚ ಸರ್ವಾಂ ಸಮುದ್ರಾಂತಾಂ ಕೃತ್ಸ್ನಾಂ ಭೋಕ್ಷ್ಯತಿ ಮೇದಿನೀಂ। ಪರಂ ಚಾಭಿಪ್ರಯಾತಸ್ಯ ಚಕ್ರಂ ತಸ್ಯ ಮಹಾತ್ಮನಃ॥ 1-94-63 (4115) ಭವಿಷ್ಯತ್ಯಪ್ರತಿಹತಂ ಸತತಂ ಚಕ್ರವರ್ತಿನಃ। ಪ್ರಸನ್ನ ಏವ ತಸ್ಯಾಹಂ ತ್ವಕೃತೇ ವರವರ್ಣಿನಿ॥ 1-94-64 (4116) ಋತವೋ ಬಹವಸ್ತೇ ವೈ ಗತಾ ವ್ಯರ್ಥಾಃ ಶುಚಿಸ್ಮಿತೇ। ಸಾರ್ಥಕಂ ಸಾಂಪ್ರತಂ ಹ್ಯೇತನ್ನ ಚ ಪಾಪ್ಮಾಸ್ತಿ ತೇಽನಘೇ। ಗೃಹಾಣ ಚ ವರಂ ಮತ್ತಸ್ತತ್ಕೃತೇ ಯದಭೀಪ್ಸಿತಂ॥ 1-94-65 (4117) ಶಕುಂತಲೋವಾಚ। 1-94-66x (596) ಮಯಾ ಪತಿರ್ವೃತೋ ಯೋಽಸೌ ದುಷ್ಯಂತಃ ಪುರುಷೋತ್ತಮಃ। ಮಮ ಚೈವ ಪತಿರ್ದೃಷ್ಟೋ ದೇವತಾನಾಂ ಸಮಕ್ಷತಃ। ತಸ್ಮೈ ಸಸಚಿವಾಯ ತ್ವಂ ಪ್ರಸಾದಂ ಕರ್ತುಮರ್ಹಸಿ॥ 1-94-66 (4118) ವೈಶಂಪಾಯನ ಉವಾಚ। 1-94-67x (597) ಇತ್ಯೇವಮುಕ್ತ್ವಾ ಮನಸಾ ಪ್ರಣಿಧಾಯ ಮನಸ್ವಿನೀ। ತತೋ ಧರ್ಮಿಷ್ಠತಾಂ ವವ್ರೇ ರಾಜ್ಯೇ ಚಾಸ್ಖಲನಂ ತಥಾ॥ 1-94-67 (4119) ಶಕುಂತಲಾಂ ಪೌರವಾಣಾಂ ದುಷ್ಯಂತಹಿತಕಾಂಯಯಾ। `ಏವಮಸ್ತ್ವಿತಿ ತಾಂ ಪ್ರಾಹ ಕಣ್ವೋ ಧರ್ಮಭೃತಾಂ ವರಃ॥ 1-94-68 (4120) ಪಸ್ಪರ್ಶ ಚಾಪಿ ಪಾಣಿಭ್ಯಾಂ ಸುತಾಂ ಶ್ರೀಮಿವರೂಪಿಣೀಂ॥ 1-94-69 (4121) ಕಣ್ವ ಉವಾಚ। 1-94-70x (598) ಅದ್ಯಪ್ರಭೃತಿ ದೇವೀ ತ್ವಂ ದುಷ್ಯಂತಸ್ಯ ಮಹಾತ್ಮನಃ। ಪತಿವ್ರತಾನಾಂ ಯಾ ವೃತ್ತಿಸ್ತಾಂ ವೃತ್ತಿಮನುಪಾಲಯ॥ 1-94-70 (4122) ವೈಶಂಪಾಯನ ಉವಾಚ। 1-94-71x (599) ಇತ್ಯೇವಮುಕ್ತ್ವಾ ಧರ್ಮಾತ್ಮಾ ತಾಂ ವಿಶುದ್ಧ್ಯರ್ಥಮಸ್ಪೃಶತ್। ಸ್ಪೃಷ್ಟಮಾತ್ರೇ ಶರೀರೇ ತು ಪರಂ ಹರ್ಷಮವಾಪ ಸಾ॥' ॥ 1-94-71 (4123) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಚತುರ್ನವತಿತಮೋಽಧ್ಯಾಯಃ॥ 94 ॥

1-95-0 (4124) ವೈಶಂಪಾಯನ ಉವಾಚ। 1-95-0x (600) ಪ್ರತಿಜ್ಞಾಯ ಚ ದುಷ್ಯಂತೇ ಪ್ರತಿಯಾತೇ ದಿನೇ ದಿನೇ। `ಗರ್ಭಶ್ಚ ವವೃಧೇ ತಸ್ಯಾಂ ರಾಜಪುತ್ರ್ಯಾಂ ಮಹಾತ್ಮನಃ॥' 1-95-1 (4125) ಶಕುಂತಲಾ ಚಿಂತಯಂತೀ ರಾಜಾನಂ ಕಾರ್ಯಗೌರವಾತ್। ದಿವಾರಾತ್ರಮನಿದ್ರೈವ ಸ್ನಾನಭೋಜನವರ್ಜಿತಾ॥ 1-95-2 (4126) ರಾಜಪ್ರೇಷಣಿಕಾ ವಿಪ್ರಾಶ್ಚತುರಂಗಬಲಾನ್ವಿತಾಃ। ಅದ್ಯ ಶ್ವೋ ವಾ ಪರಶ್ವೋ ವಾ ಸಮಾಯಾಂತೀತಿ ನಿಸ್ಚಿತಾ॥ 1-95-3 (4127) ದಿನಾನ್ಪಕ್ಷಾನೃತೂನ್ಮಾಸಾನಯನಾನಿ ಚ ಸರ್ವಶಃ। ಗಣ್ಯಮಾನಾನಿ ವರ್ಷಾಣಿ ವ್ಯತೀಯುಸ್ತ್ರೀಣಿ ಭಾರತ॥ 1-95-4 (4128) ತ್ರಿಷು ವರ್ಷೇಷು ಪೂರ್ಣೇಷು ಋಷೇರ್ವಚನಗೌರವಾತ್। ಋಷಿಪತ್ನ್ಯಃ ಸುಬಹುಶೋ ಹೇತುಮದ್ವಾಕ್ಯಮಬ್ರುವನ್॥ 1-95-5 (4129) ಋಷಿಪತ್ನ್ಯ ಊಚುಃ। 1-95-6x (601) ಶೃಣು ಭದ್ರೇ ಲೋಕವೃತ್ತಂ ಶ್ರುತ್ವಾ ಯದ್ರೋಚತೇ ತವ। ತತ್ಕುರುಷ್ವ ಹಿತಂ ದೇವಿ ನಾವಮಾನ್ಯಂ ಗುರೋರ್ವಚಃ॥ 1-95-6 (4130) ದೇವಾನಾಂ ದೈವತಂ ವಿಷ್ಣುರ್ವಿಪ್ರಾಣಾಮಗ್ನಿರ್ಬ್ರಹ್ಮ ಚ। ನಾರೀಣಾಂ ದೈವತಂ ಭರ್ತಾ ಲೋಕಾನಾಂ ಬ್ರಾಹ್ಮಣೋ ಗುರುಃ॥ 1-95-7 (4131) ಸೂತಿಕಾಲೇ ಪ್ರಸೂಷ್ವೇತಿ ಭಗವಾಂಸ್ತೇ ಪಿತಾಽಬ್ರವೀತ್। ಕರಿಷ್ಯಾಮೀತಿ ಕರ್ತವ್ಯಂ ತದಾ ತೇ ಸುಕೃತಂ ಭವೇತ್॥ 1-95-8 (4132) ವೈಶಂಪಾಯನ ಉವಾಚ। 1-95-9x (602) ಪತ್ನೀನಾಂ ವಚನಂ ಶ್ರುತ್ವಾ ಸಾಧು ಸಾಧ್ವಿತ್ಯಚಿಂತಯತ್।' ಗರ್ಭಂ ಸುಷಾವ ವಾಮೋರೂಃ ಕುಮಾರಮಮಿತೌಜಸಂ॥ 1-95-9 (4133) ತ್ರಿಷು ವರ್ಷೇಷು ಪೂರ್ಣೇಷು ಪ್ರಾಜಾಯತ ಶಕುಂತಲಾ। ರೂಪೌದಾರ್ಯಗುಣೋಪೇತಂ ದೌಷ್ಯಂತಿಂ ಜನಮೇಜಯ॥ 1-95-10 (4134) `ಜಾತೇ' ತಸ್ಮಿನ್ನಂತರಿಕ್ಷಾತ್ಪುಷ್ಪವೃಷ್ಟಿಃ ಪಪಾತ ಹ। ದೇವದುಂದುಭಯೋ ನೇದುರ್ನನೃತುಶ್ಚಾಪ್ಸರೋಗಣಾಃ॥ 1-95-11 (4135) ಗಾಯದ್ಭಿರ್ಮಧುರಂ ತತ್ರ ದೇವೈಃ ಶಕ್ರೋಽಭ್ಯುವಾಚ ಹ। ಶಕುಂತಲೇ ತವ ಸುತಶ್ಚಕ್ರವರ್ತೀ ಭವಿಷ್ಯತಿ॥ 1-95-12 (4136) ಬಲಂ ತೇಜಶ್ಚ ರೂಪಂ ಚ ನ ಸಮಂ ಭುವಿ ಕೇನಚಿತ್। ಆಹರ್ತಾ ವಾಜಿಮೇಧಸ್ಯ ಶತಸಂಖ್ಯಸ್ಯ ಪೌರವಃ॥ 1-95-13 (4137) ಅನೇಕಾರಪಿ ಸಾಹಸ್ರೈ ರಾಜಸೂಯಾದಿಭಿರ್ಮಖೈಃ। ಸ್ವಾರ್ಥಂ ಬ್ರಾಹ್ಮಣಸಾತ್ಕೃತ್ವಾ ದಕ್ಷಿಣಾಮಮಿತಾಂ ದದತ್॥ 1-95-14 (4138) ದೇವತಾನಾಂ ವಚಃ ಶ್ರುತ್ವಾ ಕಣ್ವಾಶ್ರಮನಿವಾಸಿನಃ। ಸಭಾಜಯಂತಃ ಕಣ್ವಸ್ಯ ಸುತಾಂ ಸರ್ವೇ ಮಹರ್ಷಯಃ॥ 1-95-15 (4139) ಶಕುಂತಲಾ ಚ ತಚ್ಛ್ರುತ್ವಾ ಪರಂ ಹರ್ಷಮವಾಪ ಸಾ। ದ್ವಿಜಾನಾಹೂಯ ಮುನಿಭಿಃ ಸತ್ಕೃತ್ಯ ಚ ಮಹಾಯಶಾಃ।' 1-95-16 (4140) ಜಾತಕರ್ಮಾದಿಸಂಸ್ಕಾರಂ ಕಣ್ವಃ ಪುಣ್ಯವತಾಂ ವರಃ। ತಸ್ಯಾಥ ಕಾರಯಾಮಾಸ ವರ್ಧಮಾನಸ್ಯ ಚಾಸಕೃತ್॥ 1-95-17 (4141) ಯಥಾವಿಧಿ ಯಥಾನ್ಯಾಯಂ ಕ್ರಿಯಾಃ ಸರ್ವಾಸ್ತ್ವಕಾರಯತ್। ದಂತೈಃ ಶುಕ್ಲೈಃ ಶಿಖರಿಭಿಃಸಿಂಹಸಂಹನನೋಽಭವತ್॥ 1-95-18 (4142) ಚಕ್ರಾಂಕಿತಕರಃ ಶ್ರೀಮಾನ್ಸ್ವಯಂ ವಿಷ್ಣುರಿವಾಪರಃ। `ಚತುಷ್ಕಿಷ್ಕುರ್ಮಹಾತೇಜಾ ಮಹಾಮೂರ್ಧಾ ಮಹಾಬಲಃ॥' 1-95-19 (4143) ಕುಮಾರೋ ದೇವಗರ್ಭಾಭಃ ಸ ತತ್ರಾಶು ವ್ಯವರ್ಧತ। `ಋಷೇರ್ಭಯಾತ್ತು ದುಷ್ಯಂತಃ ಸ್ಮರನ್ನೈವಾಹ್ವಯತ್ತದಾ॥ 1-95-20 (4144) ಗತೇ ಕಾಲೇ ತು ಮಹತಿ ನ ಸಸ್ಮಾರ ತಪೋಧನಾಂ।' ಷಡ್ವರ್ಷೇಷು ತತೋ ಬಾಲಃ ಕಣ್ವಾಶ್ರಮಪದಂ ಪ್ರತಿ॥ 1-95-21 (4145) ವ್ಯಾಘ್ರಾನ್ಸಿಂಹಾನ್ವರಾಹಾಂಶ್ಚ ವೃಕಾಂಶ್ಚ ಮಹಿಷಾಂಸ್ತಥಾ। `ಋಕ್ಷಾಂಶ್ಚಾಭ್ಯಹನದ್ವ್ಯಾಲಾನ್ಪದ್ಭ್ಯಾಮಾಶ್ರಮಪೀಡಕಾನ್॥ 1-95-22 (4146) ಬಲಾದ್ಭುಜಾಭ್ಯಾಂ ಸಂಗೃಹ್ಯ ಬಲವಾನ್ಸಂನಿಯಂಯ ಚ।' ಬದ್ಧ್ವಾ ವೃಕ್ಷೇಷು ದೌಷ್ಯಂತಿರಾಶ್ರಮಸ್ಯ ಸಮಂತತಃ॥ 1-95-23 (4147) ಆರುರೋಹ ದ್ರುಮಾಂಶ್ಚೈವ ಕ್ರೀಡನ್ಸ್ಮ ಪರಿಧಾವತಿ। `ವನಂ ಚ ಲೋಡಯಾಮಾಸ ಸಿಂಹವ್ಯಾಘ್ರಗಣೈರ್ವೃತಂ॥ 1-95-24 (4148) ತತಶ್ಚ ರಾಕ್ಷಸಾನ್ಸರ್ವಾನ್ಪಿಶಾಚಾಂಶ್ಚ ರಿಪೂನ್ರಣೇ। ಮುಷ್ಟಿಯುದ್ಧೇನ ತಾನ್ಹತ್ವಾ ಋಷೀನಾರಾಧಯತ್ತದಾ॥ 1-95-25 (4149) ಕಶ್ಚಿದ್ದಿತಿಸುತಸ್ತಂ ತು ಹಂತುಕಾಮೋ ಮಹಾಬಲಃ। ವಧ್ಯಮಾನಾಂಸ್ತು ದೈತೇಯಾನಮರ್ಷೀ ತಂ ಸಮಭ್ಯಯಾತ್॥ 1-95-26 (4150) ತಮಾಗತಂ ಪ್ರಹಸ್ಯೈವ ಬಾಹುಭ್ಯಾಂ ಪರಿಗೃಹ್ಯ ಚ। ದೃಢಂ ಚಾಬಧ್ಯ ಬಾಹುಭ್ಯಾಂ ಪೀಡಯಾಮಾಸ ತಂ ತದಾ॥ 1-95-27 (4151) ಮರ್ದಿತೋ ನ ಶಶಾಕಾಸ್ಮಾನ್ಮೋಚಿತುಂ ಬಲವತ್ತಯಾ। ಪ್ರಾಕ್ರೋಶದ್ಭೈರವಂ ತತ್ರ ದ್ವಾರೇಭ್ಯೋ ನಿಃಸೃತಂ ತ್ವಸೃಕ್॥ 1-95-28 (4152) ತೇನ ಶಬ್ದೇನ ವಿತ್ರಸ್ತಾ ಮೃಗಾಃ ಸಿಂಹಾದಯೋ ಗಣಾಃ। ಸುಸ್ರುವುಶ್ಚ ಶಕೃನ್ಮೂತ್ರಮಾಶ್ರಮಸ್ಥಾಶ್ಚ ಸುಸ್ರುವುಃ॥ 1-95-29 (4153) ನಿರಸುಂ ಜಾನುಭಿಃ ಕೃತ್ವಾ ವಿಸಸರ್ಜ ಚ ಸೋಽಪತತ್। ತದ್ದೃಷ್ಟ್ವಾ ವಿಸ್ಮಯಂ ಜಗ್ಮುಃ ಕುಮಾರಸ್ಯ ವಿಚೇಷ್ಟಿತಂ॥ 1-95-30 (4154) ನಿತ್ಯಕಾಲಂ ವಧ್ಯಮಾನಾ ದೈತೇಯಾ ರಾಕ್ಷಸೈಃ ಸಹ। ಕುಮಾರಸ್ಯ ಭಯಾದೇವ ನೈವ ಜಗ್ಮುಸ್ತದಾಶ್ರಮಂ॥' 1-95-31 (4155) ತತೋಽಸ್ಯ ನಾಮ ಚಕ್ರುಸ್ತೇ ಕಣ್ವಾಶ್ರಮನಿವಾಸಿನಃ। ಕಣ್ವೇನ ಸಹಿತಾಃ ಸರ್ವೇ ದೃಷ್ಟ್ವಾ ಕರ್ಮಾತಿಮಾನುಷಂ॥ 1-95-32 (4156) ಅಸ್ತ್ವಯಂ ಸರ್ವದಮನಃ ಸರ್ವಂ ಹಿ ದಮಯತ್ಯಸೌ। ಸ ಸರ್ವದಮನೋ ನಾಮ ಕುಮಾರಃ ಸಮಪದ್ಯತ॥ 1-95-33 (4157) ವಿಕ್ರಮೇಣೌಜಸಾ ಚೈವ ಬಲೇನ ಚ ಸಮನ್ವಿತಃ। `ಅಪ್ರೇಷಯತಿ ದುಷ್ಯಂತೇ ಮಹಿಷ್ಯಾಸ್ತನಯಸ್ಯ ಚ॥ 1-95-34 (4158) ಪಾಂಡುಭಾವಪರೀತಾಂಗೀಂ ಚಿಂತಯಾ ಸಮಭಿಪ್ಲುತಾಂ। ಲಂಬಾಲಕಾಂ ಕೃಶಾಂ ದೀನಾಂ ತಥಾ ಮಲಿನವಾಸಸಂ॥ 1-95-35 (4159) `ಶಕುಂತಲಾಂ ಚ ಸಂಪ್ರೇಕ್ಷ್ಯ ಪ್ರದಧ್ಯೌ ಸ ಮುನಿಸ್ತದಾ। ಶಾಸ್ತ್ರಾಣಿ ಸರ್ವವೇದಾಶ್ಚ ದ್ವಾದಶಾಬ್ದಸ್ಯ ಚಾಭವನ್'॥ ॥ 1-95-36 (4160) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಪಂಚನವತಿತಮೋಽಧ್ಯಾಯಃ॥ 95 ॥

1-96-0 (4161) ವೈಶಂಪಾಯನ ಉವಾಚ। 1-96-0x (603) ತಂ ಕುಮಾರಮೃಷಿರ್ದೃಷ್ಟ್ವಾ ಕರ್ಮ ಚಾಸ್ಯಾತಿಮಾನುಷಂ। ಸಮಯೋ ಯೌವರಾಜ್ಯಾಯ ಇತ್ಯನುಧ್ಯಾಯ ಸ ದ್ವಿಜಃ॥ 1-96-1 (4162) `ಶಕುಂತಲಾಂ ಸಮಾಹೂಯ ಕಣ್ವೋ ವಚನಮಬ್ರವೀತ್। 1-96-2 (4163) ಕಣ್ವ ಉವಾಚ। ಶೃಣು ಭದ್ರೇ ಮಮ ಸುತೇ ಮಮ ವಾಕ್ಯಂ ಶುಚಿಸ್ಮಿತೇ॥ 1-96-2x (604) ಪತಿವ್ರತಾನಾಂ ನಾರೀಣಾಂ ವಿಶಿಷ್ಟಮಿತಿ ಚೋಚ್ಯತೇ। ಪತಿಶುಶ್ರೂಷಣಂ ಪೂರ್ವಂ ಮನೋವಾಕ್ಕಾಯಚೇಷ್ಟಿತೈಃ॥ 1-96-3 (4164) ಅನುಜ್ಞಾತಾ ಮಯಾ ಪೂರ್ವಂ ಪೂಜಯೈತದ್ವ್ರತಂ ತವ। ಏತೇನೈವ ಚ ವೃತ್ತೇನ ಪುಣ್ಯಾಂʼಲ್ಲೋಕಾನವಾಪ್ಯ ಚ॥ 1-96-4 (4165) ತಸ್ಯಾಂತೇ ಮಾನುಷೇ ಲೋಕೇ ವಿಶಿಷ್ಟಾಂ ತಪ್ಸ್ಯಸೇ ಶ್ರಿಯಂ। ತಸ್ಮಾದ್ಭದ್ರೇಽದ್ಯ ಯಾತವ್ಯಂ ಸಮೀಪಂ ಪೌರವಸ್ಯ ಹ॥ 1-96-5 (4166) ಸ್ವಯಂ ನಾಯಾತಿ ಮತ್ವಾ ತೇ ಗತಂ ಕಾಲಂ ಶುಚಿಸ್ಮಿತೇ। ಗತ್ವಾಽಽರಾಧಯ ರಾಜಾನಂ ದುಷ್ಯಂತಂ ಹಿತಕಾಂಯಯಾ॥ 1-96-6 (4167) ದೌಷ್ಯಂತಿಂ ಯೌವರಾಜ್ಯಸ್ಥಂ ದೃಷ್ಟ್ವಾ ಪ್ರೀತಿಮವಾಪ್ಸ್ಯಸಿ। ದೇವತಾನಾಂ ಗುರೂಣಾಂ ಚ ಕ್ಷತ್ರಿಯಾಣಾಂ ಚ ಭಾಮಿನಿ॥ 1-96-7 (4168) ಭರ್ತೄಣಾಂ ಚ ವಿಶೇಷೇಮ ಹಿತಂ ಸಂಗಮನಂ ಭವೇತ್। ತಸ್ಮಾತ್ಪುತ್ರಿ ಕುಮಾರೇಣ ಗಂತವ್ಯಂ ಮತ್ಪ್ರಿಯೇಪ್ಸಯಾ॥ 1-96-8 (4169) ಪ್ರತಿವಾಕ್ಯಂ ನ ದದ್ಯಾಸ್ತ್ವಂ ಶಪಿತಾ ಮಮ ಪಾದಯೋಃ॥ 1-96-9 (4170) ವೈಶಂಪಾಯನ ಉವಾಚ। 1-96-10x (605) ಏವಮುಕ್ತ್ವಾ ಸುತಾಂ ತತ್ರ ಪೌತ್ರಂ ಕಣ್ವೋಽಭ್ಯಭಾಷತ। ಪರಿಷ್ವಜ್ಯ ಚ ಬಾಹುಭ್ಯಾಂ ಮೂರ್ಧ್ನ್ಯುಪಾಘ್ರಾಯ ಪೌರವಂ॥ 1-96-10 (4171) ಸೋಮವಂಶೋದ್ಭವೋ ರಾಜಾ ದುಷ್ಯಂತ ಇತಿ ವಿಶ್ರುತಃ। ತಸ್ಯಾಗ್ರಮಹಿಷೀ ಚೈಷಾ ತವ ಮಾತಾ ಶುಚಿವ್ರತಾ॥ 1-96-11 (4172) ಗಂತುಕಾಮಾ ಭರ್ತೃಪಾರ್ಶ್ವಂ ತ್ವಯಾ ಸಹ ಸುಮಧ್ಯಮಾ। ಗತ್ವಾಽಭಿವಾದ್ಯ ರಾಜನಂ ಯೌವರಾಜ್ಯಮವಾಪ್ಸ್ಯಸಿ॥ 1-96-12 (4173) ಸ ಪಿತಾ ತವ ರಾಜೇಂದ್ರಸ್ತಸ್ಯ ತ್ವಂ ವಶಗೋ ಭವ। ಪಿತೃಪೈತಾಮಹಂ ರಾಜ್ಯಮಾತಿಷ್ಠಸ್ವ ಸ್ವಭಾವತಃ॥ 1-96-13 (4174) ತಸ್ಮಿನ್ಕಾಲೇ ಸ್ವರಾಜ್ಯಸ್ಥೋ ಮಾಮನುಸ್ಮರ ಪೌರವ॥ 1-96-14 (4175) ವೈಶಂಪಾಯನ ಉವಾಚ। 1-96-15x (606) ಅಭಿವಾದ್ಯ ಮುನೇಃ ಪಾದೌ ಪೌರವೋ ವಾಕ್ಯಮಬ್ರವೀತ್। ತ್ವಂ ಪಿತಾ ಮಮ ವಿಪ್ರರ್ಷೇ ತ್ವಂ ಮಾತಾ ತ್ವಂ ಗತಿಶ್ಚ ಮೇ॥ 1-96-15 (4176) ನ ಚಾನ್ಯಂ ಪಿತರಂ ಮನ್ಯೇ ತ್ವಾಮೃತೇ ತು ಮಹಾತಪಃ। ತವ ಶುಶ್ರೂಷಣಂ ಪುಣ್ಯಮಿಹ ಲೋಕೇ ಪರತ್ರ ಚ॥ 1-96-16 (4177) ಶಕುಂತಲಾ ಭರ್ತೃಕಾಮಾ ಸ್ವಯಂ ಯಾತು ಯಥೇಷ್ಟತಃ। ಅಹಂ ಸುಶ್ರೂಷಣಪರಃ ಪಾದಮೂಲೇ ವಸಾಮಿ ವಃ॥ 1-96-17 (4178) ಕ್ರೀಡಾಂ ವ್ಯಾಲಮೃಗೈಃ ಸಾರ್ಧಂ ಕರಿಷ್ಯೇ ನ ಪುರಾ ಯಥಾ। ತ್ವಚ್ಛಾಸನಪರೋ ನಿತ್ಯಂ ಸ್ವಾಧ್ಯಾಯಂ ಚ ಕರೋಂಯಹಂ॥ 1-96-18 (4179) ಏವಮುಕ್ತ್ವಾ ತು ಸಂಶ್ಲಿಷ್ಯ ಪಾದೌ ಕಣ್ವಸ್ಯ ತಿಷ್ಠತಃ। ತಸ್ಯ ತದ್ವಚನಂ ಶ್ರುತ್ವಾ ಪ್ರರುರೋದ ಶಕುಂತಲಾ॥ 1-96-19 (4180) ಸ್ನೇಹಾತ್ಪಿತುಶ್ಚ ಪುತ್ರಸ್ಯ ಹರ್ಷಶೋಕಸಮನ್ವಿತಾ। ನಿಶಾಂಯ ರುದತೀಮಾರ್ತಾಂ ದೌಷ್ಯಂತಿರ್ವಾಕ್ಯಮಬ್ರವೀತ್॥ 1-96-20 (4181) ಶ್ರುತ್ವಾ ಭಗವತೋ ವಾಕ್ಯಂ ಕಿಂ ರೋದಿಷಿ ಶಕುಂತಲೇ। ಗಂತವ್ಯಂ ಕಾಲ್ಯ ಉತ್ಥಾಯ ಭರ್ತೃಪ್ರೀತಿಸ್ವವಾಸ್ತಿ ಚೇತ್॥ 1-96-21 (4182) ಶಕುಂತಲೋವಾಚ। 1-96-22x (607) ಏಕಸ್ತು ಕುರುತೇ ಪಾಪಂ ಫಲಂ ಭುಂಕ್ತೇ ಮಹಾಜನಃ। ಮಯಾ ನಿವಾರಿತೋ ನಿತ್ಯಂ ನ ಕರೋಷಿ ವಚೋ ಮಮ॥ 1-96-22 (4183) ನಿಃಸೃತಾನ್ಕುಂಜರಾನ್ನಿತ್ಯಂ ಬಾಹುಭ್ಯಾಂ ಸಂಪ್ರಮಥ್ಯ ವೈ। ವನಂ ಚ ಲೋಡಯನ್ನಿತ್ಯಂ ಸಿಂಹವ್ಯಾಘ್ರಗಣೈರ್ವೃತಂ॥ 1-96-23 (4184) ಏವಂವಿಧಾನಿ ಚಾನ್ಯಾನಿ ಕೃತ್ವಾ ವೈ ಪುರುನಂದನ। ರುಷಿತೋ ಭಗವಾಂಸ್ತಾತ ತಸ್ಮಾದಾವಾಂ ವಿವಾಸಿತೌ॥ 1-96-24 (4185) ನಾಹಂ ಗಚ್ಛಾಮಿ ದುಷ್ಯಂತಂ ನಾಸ್ಮಿ ಪುತ್ರ ಹಿತೈಷಿಣೀ। ಪಾದಮೂಲೇ ವಸಿಷ್ಯಾಮಿ ಮಹರ್ಷೇರ್ಭಾವಿತಾತ್ಮನಃ॥ 1-96-25 (4186) ವೈಶಂಪಾಯನ ಉವಾಚ। 1-96-26x (608) ಏವಮುಕ್ತ್ವಾ ತು ರುದತೀ ಪಪಾತ ಮುನಿಪಾದಯೋಃ। ಏವಂ ವಿಲಪತೀಂ ಕಣ್ವಶ್ಚಾನುನೀಯ ಚ ಹೇತುಭಿಃ। ಪುನಃ ಪ್ರೋವಾಚ ಭಗವಾನಾನೃಶಂಸ್ಯಾದ್ಧಿತಂ ವಚಃ॥ 1-96-26 (4187) ಕಣ್ವ ಉವಾಚ। 1-96-27x (609) ಶಕುಂತಲೇ ಶೃಣುಷ್ವೇದಂ ಹಿತಂ ಪಥ್ಯಂ ಚ ಭಾಮಿನಿ। ಪತಿವ್ರತಾಭಾವಗುಣಾನ್ಹಿತ್ವಾ ಸಾಧ್ಯಂ ನ ಕಿಂಚನ॥ 1-96-27 (4188) ಪ್ರತಿವ್ರತಾನಾಂ ದೇವಾ ವೈ ತುಷ್ಟಾಃ ಸರ್ವರಪ್ರದಾಃ। ಪ್ರಸಾದಂ ಚ ಕರಿಷ್ಯಂತಿ ಆಪದೋ ಮೋಕ್ಷಯಂತಿ ಚ॥ 1-96-28 (4189) ಪತಿಪ್ರಸಾದಾತ್ಪುಣ್ಯಂ ಚ ಪ್ರಾಪ್ನುವಂತಿ ನ ಚಾಶುಭಂ। ತಸ್ಮಾದ್ಗತ್ವಾ ತು ರಾಜಾನಮಾರಾಧಯ ಶುಚಿಸ್ಮಿತೇ॥ 1-96-29 (4190) ವೈಶಂಪಾಯನ ಉವಾಚ। 1-96-30x (610) ಶಕುಂತಲಾಂ ತಥೋಕ್ತ್ವಾ ವೈ ಶಾಕುಂತಲಮಥಾಬ್ರವೀತ್। ದೌಹಿತ್ರೋ ಮಮ ಪೌತ್ರಸ್ತ್ವಮಿಲಿಲಸ್ಯ ಮಹಾತ್ಮನಃ॥ 1-96-30 (4191) ಶೃಣುಷ್ವ ವಚನಂ ಸತ್ಯಂ ಪ್ರಬ್ರವೀಮಿ ತವಾನಘ। ಮನಸಾ ಭರ್ತೃಕಾಮಾ ವೈ ವಾಗ್ಭಿರುಕ್ತ್ವಾ ಪೃಥಗ್ವಿಧಂ॥ 1-96-31 (4192) ಗಂತುಂ ನೇಚ್ಛತಿ ಕಲ್ಯಾಣೀ ತಸ್ಮಾತ್ತಾತ ವಹಸ್ವ ವೈ। ಶಕ್ತಸ್ತ್ವಂ ಪ್ರತಿಗಂತುಂ ಚ ಮುನಿಭಿಃ ಸಹ ಪೌರವ॥' 1-96-32 (4193) ಇತ್ಯುಕ್ತ್ವಾ ಸರ್ವದಮನಂ ಕಣ್ವಃ ಶಿಷ್ಯಾನಥಾಬ್ರವೀತ್। ಶಕುಂತಲಾಮಿಮಾಂ ಶೀಗ್ರಂ ಸಪುತ್ರಾಮಾಶ್ರಮಾದಿತಃ॥ 1-96-33 (4194) ಭರ್ತುಃ ಪ್ರಾಪಯತಾಭ್ಯಾಶಂ ಸರ್ವಲಕ್ಷಣಪೂಜಿತಾಂ। ನಾರೀಣಾಂ ಚಿರವಾಸೋ ಹಿ ಬಾಂಧವೇಷು ನ ರೋಚತೇ॥ 1-96-34 (4195) ಕೀರ್ತಿಚಾರಿತ್ರಧರ್ಂನಸ್ತಸ್ಮಾನ್ನಯತ ಮಾ ಚಿರಂ॥ 1-96-35 (4196) `ವೈಶಂಪಾಯನ ಉವಾಚ। 1-96-36x (611) ಧರ್ಮಾಭಿಪೂಜಿತಂ ಪುತ್ರಂ ಕಾಶ್ಯಪೇನ ನಿಶಾಂಯ ತು। ಕಾಶ್ಯಪಾತ್ಪ್ರಾಪ್ಯ ಚಾನುಜ್ಞಾಂ ಮುಮುದೇ ಚ ಶಕುಂತಲಾ॥ 1-96-36 (4197) ಕಣ್ವಸ್ಯ ವಚನಂ ಶ್ರುತ್ವಾ ಪ್ರತಿಗಚ್ಛೇತಿ ಚಾಸಕೃತ್। ತಥೇತ್ಯುಕ್ತ್ವಾ ತು ಕಣ್ವಂ ಚ ಮಾತರಂ ಪೌರವೋಽಬ್ರವೀತ್। ಕಿಂ ಚಿರಾಯಸಿ ಮಾತಸ್ತ್ವಂ ಗಮಿಷ್ಯಾಮೋ ನೃಪಾಲಯಂ॥ 1-96-37 (4198) ಏವಮುಕ್ತ್ವಾ ತು ತಾಂ ದೇವೀಂ ದುಷ್ಯಂತಸ್ಯ ಮಹಾತ್ಮನಃ। ಅಭಿವಾದ್ಯ ಮುನೇಃ ಪಾದೌ ಗಂತುಮೈಚ್ಛತ್ಸ ಪೌರವಃ॥ 1-96-38 (4199) ಶಕುಂತಲಾ ಚ ಪಿತರಮಭಿವಾದ್ಯ ಕೃತಾಂಜಲಿಃ। ಪ್ರದಕ್ಷಿಣೀಕೃತ್ಯ ತದಾ ಪಿತರಂ ವಾಕ್ಯಮಬ್ರವೀತ್॥ 1-96-39 (4200) ಅಜ್ಞಾನಾನ್ಮೇ ಪಿತಾ ಚೇತಿ ದುರುಕ್ತಂ ವಾಪಿ ಚಾನೃತಂ। ಅಕಾರ್ಯಂ ವಾಪ್ಯನಿಷ್ಟಂ ವಾ ಕ್ಷಂತುಮರ್ಹತಿ ತದ್ಭವಾನ್॥ 1-96-40 (4201) ಏವಮುಕ್ತೋ ನತಶಿರಾ ಮುನಿರ್ನೋವಾಚ ಕಿಂಚನ। ಮನುಷ್ಯಭಾವಾತ್ಕಣ್ವೋಽಪಿ ಮುನಿರಶ್ರೂಣ್ಯವರ್ತಯತ್॥ 1-96-41 (4202) ಅಬ್ಭಕ್ಷಾನ್ವಾಯುಭಕ್ಷಾಂಶ್ಚ ಶೀರ್ಣಪರ್ಣಾಶನಾನ್ಮುನೀನ್। ಫಲಮೂಲಾಶಿನೋ ದಾಂತಾನ್ಕೃಶಾಂಧಮನಿಸಂತತಾನ್॥ 1-96-42 (4203) ವ್ರತಿನೋ ಜಟಿಲಾನ್ಮುಂಡಾನ್ವಲ್ಕಲಾಜಿನಸಂವೃತಾನ್। ಸಮಾಹೂಯ ಮುನಿಃ ಕಣ್ವಃ ಕಾರುಣ್ಯಾದಿದಮಬ್ರವೀತ್॥ 1-96-43 (4204) ಮಯಾ ತು ಲಾಲಿತಾ ನಿತ್ಯಂ ಮಮ ಪುತ್ರೀ ಯಶಸ್ವಿನೀ। ವನೇ ಜಾತಾ ವಿವೃದ್ಧಾ ಚ ನ ಚ ಜಾನಾತಿ ಕಿಂಚನ॥ 1-96-44 (4205) ಆಶ್ರಮಾತ್ತು ಪಥಾ ಸರ್ವೈರ್ನೀಯತಾಂ ಕ್ಷತ್ರಿಯಾಲಯಂ। ದ್ವಿತೀಯಯೋಜನೇ ವಿಪ್ರಾಃ ಪ್ರತಿಷ್ಠಾನಂ ಪ್ರತಿಷ್ಠಿತಂ॥ 1-96-45 (4206) ಪ್ರತಿಷ್ಠಾನೇ ಪುರೇ ರಾಜಾ ಶಾಕುಂತಲಪಿತಾಮಹಃ। ಅಧ್ಯುವಾಸ ಚಿರಂ ಕಾಲಮುರ್ವಶ್ಯಾ ಸಹಿತಃ ಪುರಾ॥ 1-96-46 (4207) ಅನೂಪಜಾಂಗಲಯುತಂ ಧನಧಾನ್ಯಸಮಾಕುಲಂ। ಪ್ರತಿಷ್ಠಿತಂ ಪುರವರಂ ಗಂಗಾಯಾಮುನಸಂಗಮೇ॥ 1-96-47 (4208) ತತ್ರ ಸಂಗಮಮಾಸಾದ್ಯ ಸ್ನಾತ್ವಾ ಹುತಹುತಾಶನಾಃ। ಶಾಕಮೂಲಫಲಾಹಾರಾ ನಿವರ್ತಧ್ವಂ ತಪೋಧನಾಃ। ಅನ್ಯಥಾ ತು ಭವೇದ್ವಿಪ್ರಾ ಅಧ್ವನೋ ಗಮನೇ ಶ್ರಮಃ॥' 1-96-48 (4209) ತಥೇತ್ಯುಕ್ತ್ವಾ ಚ ತೇ ಸರ್ವೇ ಪ್ರಾತಿಷ್ಠಂತ ಮಹೌಜಸಃ। `ಶಕುಂತಲಾಂ ಪುರಸ್ಕೃತ್ಯ ದುಷ್ಯಂತಸ್ಯ ಪುರಂ ಪ್ರತಿ॥ 1-96-49 (4210) ಗೃಹೀತ್ವಾ ಚಾಮರಪ್ರಖ್ಯಂ ಪುತ್ರಂ ಕಮಲಲೋಚನಂ। ಆಜಗ್ಮುಶ್ಚ ಪುರಂ ರಂಯಂ ದುಷ್ಯಂತಾಧ್ಯುಷಿತಂ ವನಾತ್॥ 1-96-50 (4211) ಶಕುಂತಲಾಂ ಸಮಾದಾಯ ಮುನಯೋ ಧರ್ಮವತ್ಸಲಾಃ। ತೇ ವನಾನಿ ನದೀಃ ಶೈಲಾನ್ಗಿರಿಪ್ರಸ್ರವಣಾನಿ ಚ॥ 1-96-51 (4212) ಕಂದರಾಣಿ ನಿತಂಬಾಂಶ್ಚ ರಾಷ್ಟ್ರಾಣಿ ನಗರಾಣಿ ಚ। ಆಶ್ರಮಾಣಿ ಚ ಪುಣ್ಯಾನಿ ಗತ್ವಾ ಚೈವ ಗತಶ್ರಮಾಃ॥ 1-96-52 (4213) ಶನೈರ್ಮಧ್ಯಾಹ್ನವೇಲಾಯಾಂ ಪ್ರತಿಷ್ಠಾನಂ ಸಮಾಯಯುಃ। ತಾಂ ಪುರೀಂ ಪುರುಹೂತೇನ ಐಲಸ್ಯಾರ್ಥೇ ವಿನಿರ್ಮಿತಾಂ॥ 1-96-53 (4214) ಪರಿಘಾಟ್ಟಾಲಕೈರ್ಮುಖ್ಯೈರುಪಕಲ್ಪಶತೈರಪಿ। ಶತಘ್ನೀಚಕ್ರಯಂತ್ರೈಶ್ಚ ಗುಪ್ತಾಮನ್ಯೈರ್ದುರಾಸದಾಂ॥ 1-96-54 (4215) ಹರ್ಂಯಪ್ರಸಾದಸಂಬಾಧಾಂ ನಾನಾಪಣ್ಯವಿಭೂಷಿತಾಂ। ಮಂಟಪೈಃ ಸಸಭೈ ರಂಯೈಃ ಪ್ರಪಾಭಿಶ್ಚ ಸಮಾವೃತಾಂ॥ 1-96-55 (4216) ರಾಜಮಾರ್ಗೇಣ ಮಹತಾ ಸುವಿಭಕ್ತೇನ ಶೋಭಿತಾಂ। ಕೈಲಾಸಶಿಖರಾಕಾರೈರ್ಗೋಪುರೈಃ ಸಮಲಂಕೃತಾಂ॥ 1-96-56 (4217) ದ್ವಾರತೋರಣನಿರ್ಯೂಹೈರ್ಮಂಗಲೈರುಪಶೋಭಿತಾಂ। ಉದ್ಯಾನಾಂರವಣೋಪೇತಾಂ ಮಹತೀಂ ಸಾಲಮೇಖಲಾಂ॥ 1-96-57 (4218) ಸರ್ವಪುಷ್ಕರಿಣೀಭಿಶ್ಚ ಉದ್ಯಾನೈಶ್ಚ ಸಮಾವೃತಾಂ। ವರ್ಣಾಶ್ರಮೈಃ ಸ್ವಧರ್ಮಸ್ಥೈರ್ನಿತ್ಯೋತ್ಸವಸಮಾಹಿತೈಃ॥ 1-96-58 (4219) ಧನಧಾನ್ಯಸಮೃದ್ಧೈಶ್ಚ ಸಂತುಷ್ಟೈ ರತ್ನಪೂಜಿತೈಃ। ಕೃತಯಜ್ಞೈಶ್ಚ ವಿದ್ವದ್ಭಿರಗ್ನಿಹೋತ್ರಪರೈಃ ಸದಾ॥ 1-96-59 (4220) ವರ್ಜಿತಾ ಕಾರ್ಯಕರಣೈರ್ದಾನಶೀಲೈರ್ದಯಾಪರೈಃ। ಅಧರ್ಮಭೀರುಭಿಃ ಸರ್ವೈಃ ಸ್ವರ್ಗಲೋಕಜಿಗೀಷುಭಿಃ॥ 1-96-60 (4221) ಏವಂವಿಧಜನೋಪೇತಮಿಂದ್ರಲೋಕಮಿವಾಪರಂ। ತಸ್ಮಿನ್ನಗರಮಧ್ಯೇ ತು ರಾಜವೇಶ್ಮ ಪ್ರತಿಷ್ಠಿತಂ॥ 1-96-61 (4222) ಇಂದ್ರಸದ್ಮಪ್ರತೀಕಾಶಂ ಸಂಪೂರ್ಣಂ ವಿತ್ತಸಂಚಯೈಃ। ತಸ್ಯ ಮಧ್ಯೇ ಸಭಾ ದಿವ್ಯಾ ನಾನಾರತ್ನವಿಭೂಷಿತಾ॥ 1-96-62 (4223) ತಸ್ಯಾಂ ಸಭಾಯಾಂ ರಾಜರ್ಷಿಃ ಸರ್ವಾಲಂಕಾರಭೂಷಿತಃ। ಬ್ರಾಹ್ಮಣೈಃ ಕ್ಷತ್ರಿಯೈಶ್ಚಾಪಿ ಮಂತ್ರಿಭಿಶ್ಚಾಪಿ ಸಂವೃತಃ॥ 1-96-63 (4224) ಸಂಸ್ತೂಯಮಾನೋ ರಾಜೇಂದ್ರಃ ಸೂತಮಾಗಧಬಂದಿಭಿಃ। ಕಾರ್ಯಾರ್ಥಿಷು ತದಾಽಭ್ಯೇತ್ಯ ಕೃತ್ವಾ ಕಾರ್ಯಂ ಗತೇಷು ಸಃ॥ 1-96-64 (4225) ಸುಖಾಸೀನೋಽಭವದ್ರಾಜಾ ತಸ್ಮಿನ್ಕಾಲೇ ಮಹರ್ಷಯಃ। ಶಕುಂತಾನಾಂ ಸ್ವನಂ ಶ್ರುತ್ವಾ ನಿಮಿತ್ತಜ್ಞಾಸ್ತ್ವಲಕ್ಷಯನ್॥ 1-96-65 (4226) ಶಕುಂತಲೇ ನಿಮಿತ್ತಾನಿ ಶೋಭನಾನಿ ಭವಂತಿ ನಃ। ಕಾರ್ಯಸಿದ್ಧಿಂ ವದಂತ್ಯೇತೇ ಧ್ರುವಂ ರಾಜ್ಞೀ ಭವಿಷ್ಯಸಿ। ಅಸ್ಮಿಂಸ್ತು ದಿವಸೇ ಪುತ್ರೋ ಯುವರಾಜೋ ಭವಿಷ್ಯತಿ॥ 1-96-66 (4227) ವೈಶಂಪಾಯನ ಉವಾಚ। 1-96-67x (612) ವರ್ಧಮಾನಪುರದ್ವಾರಂ ತೂರ್ಯಘೋಷನಿನಾದಿತಂ। ಶಕುಂತಲಾಂ ಪುರಸ್ಕೃತ್ಯ ವಿವಿಶುಸ್ತೇ ಮಹರ್ಷಯಃ॥ 1-96-67 (4228) ಪ್ರವಿಶಂತಂ ನೃಪಸುತಂ ಪ್ರಶಶಂಸುಶ್ಚ ವೀಕ್ಷಕಾಃ। ವರ್ಧಮಾನಪುರದ್ವಾರಂ ಪ್ರವಿಶನ್ನೇವ ಪೌರವಃ॥ 1-96-68 (4229) ಇಂದ್ರಲೋಕಸ್ಥಮಾತ್ಮಾನಂ ಮೇನೇ ಹರ್ಷಸಮನ್ವಿತಃ॥ 1-96-69 (4230) ತತೋ ವೈ ನಾಗರಾಃ ಸರ್ವೇ ಸಮಾಹೂಯ ಪರಸ್ಪರಂ। ದ್ರಷ್ಟುಕಾಮಾ ನೃಪಸುತಂ ಸಮಪದ್ಯಂತ ಭಾರತ॥ 1-96-70 (4231) ನಾಗರಾ ಊಚುಃ। 1-96-71x (613) ದೇವತೇವ ಜನಸ್ಯಾಗ್ರೇ ಭ್ರಾಜತೇ ಶ್ರೀರಿವಾಗತಾ। ಜಯಂತೇನೇವ ಪೌಲೋಮೀ ಇಂದ್ರಲೋಕಾದಿಹಾಗತಾ॥ 1-96-71 (4232) ಇತಿ ಬ್ರುವಂತಸ್ತೇ ಸರ್ವೇ ಮಹರ್ಷೀನಿದಮಬ್ರುವನ್। ಅಭಿವಾದಯಂತಃ ಸಹಿತಾ ಮಹರ್ಷೀಂದೇವವರ್ಚಸಃ॥ 1-96-72 (4233) ಅದ್ಯ ನಃ ಸಫಲಂ ಜನ್ಮ ಕೃತಾರ್ಥಾಶ್ಚ ತತೋ ವಯಂ। ಏವಂ ಯೇ ಸ್ಮ ಪ್ರಪಶ್ಯಾಮೋ ಮಹರ್ಷೀನ್ಸೂರ್ಯವರ್ಚಸಃ॥ 1-96-73 (4234) ವೈಶಂಪಾಯನ ಉವಾಚ। 1-96-74x (614) ಇತ್ಯುಕ್ತ್ವಾ ಸಹಿತಾಃ ಕೇಚಿದನ್ವಗಚ್ಛಂತ ಪೌರವಂ। ಹೈಮವತ್ಯಾಃ ಸುತಮಿವ ಕುಮಾರಂ ಪುಷ್ಕರೇಕ್ಷಣಂ॥ 1-96-74 (4235) ಯೇ ಕೇಚಿದಬ್ರುವನ್ಮೂಢಾಃ ಶಾಕುಂತಲದಿದೃಕ್ಷವಃ। ಕೃಷ್ಣಾಜಿನೇನ ಸಂಛನ್ನಾನನಿಚ್ಛಂತೋ ಹ್ಯವೇಕ್ಷಿತುಂ॥ 1-96-75 (4236) ಪಿಶಾಚಾ ಇವ ದೃಶ್ಯಂತೇ ನಾಗರಾಣಾಂ ವಿರೂಪಿಣಃ। ವಿನಾ ಸಂಧ್ಯಾಂ ಪಿಶಾಚಾಸ್ತೇ ಪ್ರವಿಶಂತಿ ಪುರೋತ್ತಮಂ॥ 1-96-76 (4237) ಕ್ಷುತ್ಪಿಪಾಸಾರ್ದಿತಾಂದೀನಾನ್ವಲ್ಕಲಾಜಿನವಾಸಸಃ। ತ್ವಗಸ್ಥಿಭೂತಾನ್ನಿರ್ಮಾಂಸಾಂಧಮನೀಸಂತತಾನಪಿ॥ 1-96-77 (4238) ಪಿಂಗಲಾಕ್ಷಾನ್ಪಿಂಗಜಟಾಂದೀರ್ಘದಂತಾನ್ನಿರೂದರಾನ್। ವಿಶೀರ್ಷಕಾನೂರ್ಧ್ವಹಸ್ತಾಂದೃಷ್ಟ್ವಾ ಹಾಸ್ಯಂತಿ ನಾಗರಾಃ॥ 1-96-78 (4239) ಏವಮುಕ್ತವತಾಂ ತೇಷಾಂ ಗಿರಂ ಶ್ರುತ್ವಾ ಮಹರ್ಷಯಃ। ಅನ್ಯೋನ್ಯಂ ತೇ ಸಮಾಹೂಯ ಇದಂ ವಚನಮಬ್ರುವನ್॥ 1-96-79 (4240) ಉಕ್ತಂ ಭಗವತಾ ವಾಕ್ಯಂ ನ ಕೃತಂ ಸತ್ಯವಾದಿನಾ। ಪುರಪ್ರವೇಶನಂ ನಾತ್ರ ಕರ್ತವ್ಯಮಿತಿ ಶಾಸನಂ॥ 1-96-80 (4241) ಕಿಂ ಕಾರಣಂ ಪ್ರವೇಕ್ಷ್ಯಾಮೋ ನಗರಂ ದುರ್ಜನೈರ್ವೃತಂ। ತ್ಯಕ್ತಸಂಗಸ್ಯ ಚ ಮುನೇರ್ನಗರೇ ಕಿಂ ಪ್ರಯೋಜನಂ॥ 1-96-81 (4242) ಗಮಿಷ್ಯಾಮೋ ವನಂ ತಸ್ಮಾದ್ಗಂಗಾಯಾಮುನಸಂಗಮಂ। ಏವಮುಕ್ತ್ವಾ ಮುನಿಗಣಾಃ ಪ್ರತಿಜಗ್ಮುರ್ಯಥಾಗತಂ॥ ॥ 1-96-82 (4243) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಷಣ್ಣವತಿತಮೋಽಧ್ಯಾಯಃ॥ 96 ॥

1-97-0 (4244) ವೈಶಂಪಾಯನ ಉವಾಚ। 1-97-0x (615) ಗತಾನ್ಮುನಿಗಣಾಂದೃಷ್ಟ್ವಾ ಪುತ್ರಂ ಸಂಗೃಹ್ಯ ಪಾಣಿನಾ। ಮಾತಾಪಿತೃಭ್ಯಾಂ ರಹಿತಾ ಯಥಾ ಶೋಚಂತಿ ದಾರಕಾಃ॥ 1-97-1 (4245) ತಥಾ ಶೋಕಪರೀತಾಂಗೀ ಧೃತಿಮಾಲಂಬ್ಯ ದುಃಖಿತಾ। ಗತೇಷು ತೇಷು ವಿಪ್ರೇಷು ರಾಜಮಾರ್ಗೇಣ ಭಾಮಿನೀ॥ 1-97-2 (4246) ಪುತ್ರೇಣೈವ ಸಹಾಯೇನ ಸಾ ಜಗಾಮ ಶನೈಃ ಶನೈಃ। ಅದೃಷ್ಟಪೂರ್ವಾನ್ಪಶ್ಯನ್ವೈ ರಾಜಮಾರ್ಗೇಣ ಪೌರವಃ॥ 1-97-3 (4247) ಹರ್ಂಯಪ್ರಸಾದಚೈತ್ಯಾಂಶ್ಚ ಸಭಾ ದಿವ್ಯಾ ವಿಚಿತ್ರಿತಾಃ। ಕೌತೂಹಲಸಮಾವಿಷ್ಟೋ ದೃಷ್ಟ್ವಾ ವಿಸ್ಮಯಮಾಗತಃ॥ 1-97-4 (4248) ಸರ್ವೇ ಬ್ರುವಂತಿ ತಾಂ ದೃಷ್ಟ್ವಾ ಪದ್ಮಹೀನಾಮಿವ ಶ್ರಿಯಂ। ಗತ್ಯಾ ಚ ಸಂಹೀಸದೃಶೀಂ ಕೋಕಿಲೇನ ಸ್ವರೇ ಸಮಾಂ॥ 1-97-5 (4249) ಮುಖೇನ ಚಂದ್ರಸದೃಶೀಂ ಶ್ರಿಯಾ ಪದ್ಮಾಲಯಾಸಮಾಂ। ಸ್ಮಿತೇನ ಕುಂದಸದೃಶೀಂ ಪದ್ಮಗರ್ಭಸಮತ್ವಚಂ॥ 1-97-6 (4250) ಪದ್ಮಪತ್ರವಿಶಾಲಾಕ್ಷೀಂ ತಪ್ತಜಾಂಬೂನದಪ್ರಭಾಂ। ಕರಾಂತಮಿತಮಧ್ಯೈಷಾ ಸುಕೇಶೀ ಸಂಹತಸ್ತನೀ॥ 1-97-7 (4251) ಜಘನಂ ಸುವಿಶಾಲಂ ವೈ ಊರೂ ಕರಿಕರೋಪಮೌ। ರಕ್ತತುಂಗತಲೌ ಪಾದೌ ಧರಣ್ಯಾಂ ಸುಪ್ರತಿಷ್ಠಿತೌ॥ 1-97-8 (4252) ಏವಂ ರೂಪಸಮಾಯುಕ್ತಾ ಸ್ವರ್ಗಲೋಕಾದಿವಾಗತಾ। ಇತಿ ಸ್ಮ ಸರ್ವೇಽಮನ್ಯಂತ ದುಷ್ಯಂತನಗರೇ ಜನಾಃ॥ 1-97-9 (4253) ಪುನಃ ಪುನರವೋಚಂಸ್ತೇ ಶಾಕುಂತಲಗುಣಾನಪಿ। ಸಿಂಹೇಕ್ಷಣಃ ಸಿಂಹದಂಷ್ಟ್ರಃ ಸಿಂಹಸ್ಕಂಧೋ ಮಹಾಭುಜಃ॥ 1-97-10 (4254) ಸಿಂಹೋರಸ್ಕಃ ಸಿಂಹಬಲಃ ಸಿಂಹವಿಕ್ರಾಂತಗಾಂಯಯಂ। ಪೃಥ್ವಂಸಃ ಪೃಥುವಕ್ಷಾಶ್ಚ ಛತ್ರಾಕಾರಶಿರಾ ಮಹಾನ್॥ 1-97-11 (4255) ಪಾಣಿಪಾದತಲೇ ರಕ್ತೋ ರಕ್ತಾಸ್ಯೋ ದುಂದುಭಿಸ್ವನಃ। ರಾಜಲಕ್ಷಣಯುಕ್ತಶ್ಚ ರಾಜಶ್ರೀಶ್ಚಾಸ್ಯ ಲಕ್ಷ್ಯತೇ॥ 1-97-12 (4256) ಆಕಾರೇಣ ಚ ರೂಪೇಣ ಶರೀರೇಣಾಪಿ ತೇಜಸಾ। ದುಷ್ಯಂತೇನ ಸಮೋ ಹ್ಯೇಷ ಕಸ್ಯ ಪುತ್ರೋ ಭವಿಷ್ಯತಿ॥ 1-97-13 (4257) ಏವಂ ಬ್ರುವಂತಸ್ತೇ ಸರ್ವೇ ಪ್ರಶಶಂಸುಃ ಸಹಸ್ರಶಃ। ಯುಕ್ತಿವಾದಾನವೋಚಂತ ಸರ್ವಾಃ ಪ್ರಾಣಭೃತಃ ಸ್ತ್ರಿಯಃ॥ 1-97-14 (4258) ಬಾಂಧವಾ ಇವ ಸಸ್ನೇಹಾ ಅನುಜಗ್ಮುಃ ಶಕುಂತಲಾಂ। ಪೌರಾಣಾಂ ತದ್ವಚಃ ಶ್ರುತ್ವಾ ತೂಷ್ಣೀಂಭೂತಾ ಶಕುಂತಲಾ॥ 1-97-15 (4259) ವೇಶ್ಮದ್ವಾರಂ ಸಮಾಸಾದ್ಯ ವಿಹ್ವಲಾ ಸಾ ನೃಪಾತ್ಮಜಾ। ಚಿಂತಯಾಮಾಸ ಸಹಸಾ ಕಾರ್ಯಗೌರವಕಾರಣಾತ್॥ 1-97-16 (4260) ಲಜ್ಜಯಾ ಚ ಪರೀತಾಂಗೀ ರಾಜನ್ರಾಜಸಮಕ್ಷತಃ। ಅಘೃಣಾ ಕಿಂ ನು ವಕ್ಷ್ಯಾಮಿ ದುಷ್ಯಂತಂ ಮಮ ಕಾರಣಾತ್॥ 1-97-17 (4261) ಏವಮುಕ್ತ್ವಾ ತು ಕೃಪಣಾ ಚಿಂತಯಂತೀ ಶಕುಂತಲಾ।' ಅಭಿಸೃತ್ಯ ಚ ರಾಜಾನಂ ವೇದಿತಾ ಸಾ ಪ್ರವೇಶಿತಾ॥ 1-97-18 (4262) ಸಹ ತೇನ ಕುಮಾರೇಣ ತರುಣಾದಿತ್ಯವರ್ಚಸಾ। `ಸಿಂಹಾಸನಸ್ಥಂ ರಾಜಾನಂ ಮಹೇಂದ್ರಸದೃಶದ್ಯುತಿಂ॥ 1-97-19 (4263) ಶಕುಂತಲಾ ನತಶಿರಾಃ ಪರಂ ಹರ್ಷಮವಾಪ್ಯ ಚ।' ಪೂಜಯಿತ್ವಾ ಯಥಾನ್ಯಾಯಮಬ್ರವೀತ್ತಂ ಶಕುಂತಲಾ॥ 1-97-20 (4264) `ಅಭಿವಾದಯ ರಾಜಾನಂ ಪಿತರಂ ತೇ ದೃಢವ್ರತಂ। ಏವಮುಕ್ತ್ವಾ ಸುತಂ ತತ್ರ ಲಜ್ಜಾನತಮುಖೀ ಸ್ಥಿತಾ॥ 1-97-21 (4265) ಸ್ತಂಭಮಾಲಿಂಗ್ಯ ರಾಜಾನಂ ಪ್ರಸೀದಸ್ವೇತ್ಯುವಾಚ ಸಾ। ಶಾಕುಂತಲೋಪಿ ರಾಜಾನಮಭಿವಾದ್ಯ ಕೃತಾಂಜಲಿಃ॥ 1-97-22 (4266) ಹರ್ಷೇಣೋತ್ಫುಲ್ಲನಯನೋ ರಾಜಾನಂ ಚಾನ್ವವೈಕ್ಷತ। ದುಷ್ಯಂತೋ ಧರ್ಮಬುದ್ಧ್ಯಾ ತು ಚಿಂತಯನ್ನೇವ ಸೋಬ್ರವೀತ್॥ 1-97-23 (4267) ಕಿಮಾಗಮನಕಾರ್ಯಂ ತೇ ಬ್ರೂಹಿ ತ್ವಂ ವರವರ್ಣಿನಿ। ಕರಿಷ್ಯಾಮಿ ನ ಸಂದೇಹಃ ಸಪುತ್ರಾಯಾ ವಿಶೇಷತಃ॥ 1-97-24 (4268) ಶಕುಂತಲೋವಾಚ। 1-97-25x (616) ಪ್ರಸೀದಸ್ವ ಮಹಾರಾಜ ವಕ್ಷ್ಯಾಮಿ ಪುರುಷೋತ್ತಮ। ಏಷ ಪುತ್ರೋ ಹಿ ತೇ ರಾಜನ್ಮಯ್ಯುತ್ಪನ್ನಃ ಪರಂತಪ॥ 1-97-25 (4269) ತಸ್ಮಾತ್ಪುತ್ರಸ್ತ್ವಯಾ ರಾಜನ್ಯೌವರಾಜ್ಯೇಽಭಿಷಿಚ್ಯತಾಂ। ಯಥೋಕ್ತಮಾಶ್ರಮೇ ತಸ್ಮಿನ್ವರ್ತಸ್ವ ಪುರುಷೋತ್ತಮ॥ 1-97-26 (4270) ಮಯಾ ಸಮಾಗಮೇ ಪೂರ್ವಂ ಕೃತಃ ಸ ಸಮಯಸ್ತ್ವಯಾ। ತತ್ತ್ವಂ ಸ್ಮರ ಮಹಾಬಾಹೋ ಕಣ್ವಾಶ್ರಮಪದಂ ಪ್ರತಿ॥ 1-97-27 (4271) ವೈಶಂಪಾಯನ ಉವಾಚ। 1-97-28x (617) ತಸ್ಯೋಪಭೋಗಸಕ್ತಸ್ಯ ಸ್ತ್ರೀಷು ಚಾನ್ಯಾಸು ಭಾರತ। ಶಕುಂತಲಾ ಸಪುತ್ರಾ ಚ ಮನಸ್ಯಂತರಧೀಯತ॥ 1-97-28 (4272) ಸ ಧಾರಯನ್ಮನಸ್ಯೇನಾಂ ಸಪುತ್ರಾಂ ಸಸ್ಮಿತಾಂ ತದಾ। ತದೋಪಗೃಹ್ಯ ಮನಸಾ ಚಿರಂ ಸುಖಮವಾಪ ಸಃ॥ 1-97-29 (4273) ಸೋಽಥ ಶ್ರುತ್ವಾಪಿ ತದ್ವಾಕ್ಯಂ ತಸ್ಯಾ ರಾಜಾ ಸ್ಮರನ್ನಪಿ। ಅಬ್ರವೀನ್ನ ಸ್ಮರಾಮೀತಿ ತ್ವಯಾ ಭದ್ರೇ ಸಮಾಗಮಂ॥ 1-97-30 (4274) ಮೈಥುನಂ ಚ ವೃಥಾ ನಾಹಂ ಗಚ್ಛೇಯಮಿತಿ ಮೇ ಮತಿಃ। ನಾಭಿಜಾನಾಮಿ ಕಲ್ಯಾಣಿ ತ್ವಯಾ ಸಹ ಸಮಾಗಮಂ'॥ 1-97-31 (4275) ಧರ್ಮಾರ್ಥಕಾಮಸಂಬಂಧಂ ನ ಸ್ಮರಾಮಿ ತ್ವಯಾ ಸಹ। ಗಚ್ಛ ವಾ ತಿಷ್ಠ ವಾ ಕಾಮಂ ಯದ್ವಾಪೀಚ್ಛಸಿ ತತ್ಕುರು॥ ॥ 1-97-32 (4276) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಸಪ್ತನವತಿತಮೋಽಧ್ಯಾಯಃ॥ 97 ॥

ಏವಮುಕ್ತಾ ವರಾರೋಹಾ ವ್ರೀಡಿತೇವ ಮನಸ್ವಿನೀ। ವಿಸಂಜ್ಞೇವ ಚ ದುಃಖೇನ ತಸ್ಥೌ ಸ್ಥೂಣೇವ ನಿಶ್ಚಲಾ॥ 1-98-1 (4277) ಸಂರಂಭಾಮರ್ಷತಾಂರಾಕ್ಷೀ ಸ್ಫುರಮಾಣೋಷ್ಠಸಂಪುಟಾ। ಕಟಾಕ್ಷೈರ್ನಿರ್ದಹಂತೀವ ತಿರ್ಯಗ್ರಾಜಾನಮೈಕ್ಷತ॥ 1-98-2 (4278) ಆಕಾರಂ ಗೂಹಮಾನಾ ಚ ಮನ್ಯುನಾ ಚ ಸಮೀರಿತಂ। ತಪಸಾ ಸಂಭೃತಂ ತೇಜೋ ಧಾರಯಾಮಾಸ ವೈ ತದಾ॥ 1-98-3 (4279) ಸಾ ಮುಹೂರ್ತಮಿವ ಧ್ಯಾತ್ವಾ ದುಃಖಾಮರ್ಷಸಮನ್ವಿತಾ। ಭರ್ತಾರಮಭಿಸಂಪ್ರೇಕ್ಷ್ಯ ಯಥಾನ್ಯಾಯಂ ವಚೋಽಬ್ರವೀತ್॥ 1-98-4 (4280) ಜಾನನ್ನಪಿ ಮಹಾರಾಜ ಕಸ್ಮಾದೇವಂ ಪ್ರಭಾಷಸೇ। ನ ಜಾನಾಮೀತಿ ನಿಃಶಂಕಂ ಯಥಾನ್ಯಃ ಪ್ರಾಕೃತಸ್ತಥಾ॥ 1-98-5 (4281) ತಸ್ಯ ತೇ ಹೃದಯಂ ವೇದ ಸತ್ಯಸ್ಯೈವಾನೃತಸ್ಯ ಚ। ಸಾಕ್ಷಿಣಂ ಬತ ಕಲ್ಯಾಣಮಾತ್ಮಾನಮವಮನ್ಯಸೇ॥ 1-98-6 (4282) ಯೋಽನ್ಯಥಾ ಸಂತಮಾತ್ಮಾನನ್ಯಥಾ ಪ್ರತಿಪದ್ಯತೇ। ಕಿಂ ತೇನ ನ ಕೃತಂ ಪಾಪಂ ಚೋರೇಣಾತ್ಮಾಪಹಾರಿಣಾ॥ 1-98-7 (4283) ಏಕೋಽಹಮಸ್ಮೀತಿ ಚ ಮನ್ಯಸೇ ತ್ವಂ ನ ಹೃಚ್ಛಯಂ ವೇತ್ಸಿ ಮುನಿಂ ಪುರಾಣಂ। ಯೋ ವೇದಿತಾ ಕರ್ಮಣಃ ಪಾಪಕಸ್ಯ ತಸ್ಯಾಂತಿಕೇ ತ್ವಂ ವೃಜಿನಂ ಕರೋಷಿ॥ 1-98-8 (4284) `ಧರ್ಮ ಏವ ಹಿ ಸಾಧೂನಾಂ ಸರ್ವೇಷಾಂ ಹಿತಕಾರಣಂ। ನಿತ್ಯಂ ಮಿಥ್ಯಾವಿಹೀನಾನಾಂ ನ ಚ ದುಃಖಾವಹೋ ಭವೇತ್'॥ 1-98-9 (4285) ಮನ್ಯತೇ ಪಾಪಕಂ ಕೃತ್ವಾ ನ ಕಶ್ಚಿದ್ವೇತ್ತಿ ಮಾಮಿತಿ। ವಿದಂತಿ ಚೈನಂ ದೇವಾಶ್ಚ ಯಶ್ಚೈವಾಂತರಪೂರುಷಃ॥ 1-98-10 (4286) ಆದಿತ್ಯಚಂದ್ರಾವನಿಲೋಽನಲಶ್ಚ ದ್ಯೌರ್ಭೂಮಿರಾಪೋ ಹೃದಯಂ ಯಮಶ್ಚ। ಅಹಶ್ಚ ರಾತ್ರಿಶ್ಚ ಉಭೇ ಚ ಸಂಧ್ಯೇ ಧರ್ಮಶ್ಚ ಜಾನಾತಿ ನರಸ್ಯ ವೃತ್ತಂ॥ 1-98-11 (4287) ಯಮೋ ವೈವಸ್ವತಸ್ತಸ್ಯ ನಿರ್ಯಾತಯತಿ ದುಷ್ಕೃತಂ। ಹೃದಿ ಸ್ಥಿತಃ ಕರ್ಮಸಾಕ್ಷೀ ಕ್ಷೇತ್ರಜ್ಞೋ ಯಸ್ಯ ತುಷ್ಯತಿ॥ 1-98-12 (4288) ನ ತುಷ್ಯತಿ ಚ ಯಸ್ಯೈಷ ಪುರುಷಸ್ಯ ದುರಾತ್ಮನಃ। ತಂ ಯಮಃ ಪಾಪಕರ್ಮಾಣಂ ನಿರ್ಭರ್ತ್ಸಯತಿ ದುಷ್ಕೃತಂ॥ 1-98-13 (4289) ಯೋಽವಮತ್ಯಾತ್ಮನಾತ್ಮಾನಮನ್ಯಥಾ ಪ್ರತಿಪದ್ಯತೇ। ನ ತಸ್ಯ ದೇವಾಃ ಶ್ರೇಯಾಂಸೋ ಯಸ್ಯಾತ್ಮಾಪಿ ನ ಕಾರಣಂ॥ 1-98-14 (4290) ಸ್ವಯಂ ಪ್ರಾಪ್ತೇತಿ ಮಾಮೇವಂ ಮಾವಮಂಸ್ಥಾ ಪತಿವ್ರತಾಂ। ಅರ್ಚಾರ್ಹಾಂ ನಾರ್ಚಯಸಿ ಮಾಂ ಸ್ವಯಂ ಭಾರ್ಯಾಮುಪಸ್ಥಿತಾಂ॥ 1-98-15 (4291) ಕಿಮರ್ಥಂ ಮಾಂ ಪ್ರಾಕೃತವದುಪಪ್ರೇಕ್ಷಸಿ ಸಂಸದಿ। ನಖಲ್ವಹಮಿದಂ ಶೂನ್ಯೇ ರೌಮಿ ಕಿಂ ನ ಶೃಣೋಷಿ ಮೇ॥ 1-98-16 (4292) ಯದಿ ಮೇ ಯಾಚಮಾನಾಯಾ ವಚನಂ ನ ಕರಿಷ್ಯಸಿ। ದುಷ್ಯಂತ ಶತಧಾ ತ್ವದ್ಯ ಮೂರ್ಧಾ ತೇ ವಿಫಲಿಷ್ಯತಿ॥ 1-98-17 (4293) ಜಾಯಾಂ ಪತಿಃ ಸಂಪ್ರವಿಶ್ಯ ಯದಸ್ಯಾಂ ಜಾಯತೇ ಪುನಃ। ಜಾಯಾಯಾಸ್ತದ್ಧಿ ಜಾಯಾತ್ವಂ ಪೌರಾಣಾಃ ಕವಯೋ ವಿದುಃ॥ 1-98-18 (4294) ಯದಾಗಮವತಃ ಪುಂಸಸ್ತದಪತ್ಯಂ ಪ್ರಜಾಯತೇ। ತತ್ತಾರಯತಿ ಸಂತತ್ಯಾ ಪೂರ್ವಪ್ರೇತಾನ್ಪಿತಾಮಹಾನ್॥ 1-98-19 (4295) ಪುನ್ನಾಂನೋ ನರಕಾದ್ಯಸ್ಮಾತ್ಪಿತರಂ ತ್ರಾಯತೇ ಸುತಃ। ತಸ್ಮಾತ್ಪುತ್ರ ಇತಿ ಪ್ರೋಕ್ತಃ ಪೂರ್ವಮೇವ ಸ್ವಯಂಭುವಾ॥ 1-98-20 (4296) `ಪುತ್ರೇಣ ಲೋಕಾಂಜಯಂತಿ ಪೌತ್ರೇಣಾನಂತ್ಯಮಶ್ನುತೇ। ಅಥ ಪೌತ್ರಸ್ಯ ಪುತ್ರೇಣ ಮೋದಂತೇ ಪ್ರಪಿತಾಮಹಾಃ॥' 1-98-21 (4297) ಸಾ ಭಾರ್ಯಾ ಯಾ ಗೃಹೇ ದಕ್ಷಾ ಸಾ ಭಾರ್ಯಾ ಯಾ ಪ್ರಜಾವತೀ। ಸಾ ಭಾರ್ಯಾ ಯಾ ಪತಿಪ್ರಾಣಾ ಸಾ ಭಾರ್ಯಾ ಯಾ ಪತಿವ್ರತಾ॥ 1-98-22 (4298) ಅರ್ಧಂ ಭಾರ್ಯಾ ಮನುಷ್ಯಸ್ಯ ಭಾರ್ಯಾ ಶ್ರೇಷ್ಠತಮಃ ಸಖಾ। ಭಾರ್ಯಾ ಮೂಲಂ ತ್ರಿವರ್ಗಸ್ಯ ಯಃ ಸಭಾರ್ಯಃ ಸ ಬಂಧುಮಾನ್॥ 1-98-23 (4299) ಭಾರ್ಯಾವಂತಃ ಕ್ರಿಯಾವಂತಃ ಸಭಾರ್ಯಾ ಗೃಹಮೇಧಿನಃ। ಭಾರ್ಯಾವಂತಃ ಪ್ರಮೋದಂತೇ ಭಾರ್ಯಾವಂತಃ ಶ್ರಿಯಾವೃತಾಃ॥ 1-98-24 (4300) ಸಖಾಯಃ ಪ್ರವಿವಿಕ್ತೇಷು ಭವಂತ್ಯೇತಾಃ ಪ್ರಿಯಂವದಾಃ। ಪಿತರೋ ಧರ್ಮಕಾರ್ಯೇಷು ಭವಂತ್ಯಾರ್ತಸ್ಯ ಮಾತರಃ॥ 1-98-25 (4301) ಕಾಂತಾರೇಷ್ವಪಿ ವಿಶ್ರಾಮೋ ಜನಸ್ಯಾಧ್ವನಿ ಕಸ್ಯ ವೈ। ಯಃ ಸದಾರಃ ಸ ವಿಶ್ವಾಸ್ಯಸ್ತಸ್ಮಾದ್ದಾರಾಃ ಪರಾ ಗತಿಃ। 1-98-26 (4302) ಸಂಸರಂತಮಭಿಪ್ರೇತಂ ವಿಷಮೇಷ್ವೇಕಪಾತಿನಂ। ಭಾರ್ಯೈವಾನ್ವೇತಿ ಭರ್ತಾರಂ ಸತತಂ ಯಾ ಪತಿವ್ರತಾ॥ 1-98-27 (4303) ಪ್ರಥಮಂ ಸಂಸ್ಥಿತಾ ಭಾರ್ಯಾ ಪತಿಂ ಪ್ರೇತ್ಯ ಪ್ರತೀಕ್ಷತೇ। ಪೂರ್ವಪ್ರೇತಂ ತು ಭರ್ತಾರಂ ಪಶ್ಚಾತ್ಸಾಪ್ಯನುಗಚ್ಛತಿ॥ 1-98-28 (4304) ಏತಸ್ಮಾತ್ಕಾರಣಾದ್ರಾಜನ್ಪಾಣಿಗ್ರಹಣಮಿಷ್ಯತೇ। ಯದಾಪ್ನೋತಿ ಪತಿರ್ಭಾರ್ಯಾಮಿಹ ಲೋಕೇ ಪರತ್ರ ಚ॥ 1-98-29 (4305) `ಪೋಷಣಾರ್ಥಂ ಶರೀರಸ್ಯ ಪಾಥೇಯಂ ಸ್ವರ್ಗತಸ್ಯ ವೈ।' ಆತ್ಮಾಽಽತ್ಮನೈವ ಜನಿತಃ ಪುತ್ರ ಇತ್ಯುಚ್ಯತೇ ಬುಧೈಃ॥ 1-98-30 (4306) ತಸ್ಮಾದ್ಭಾರ್ಯಾಂ ಪತಿಃ ಪಶ್ಯೇನ್ಮಾತೃವತ್ಪುತ್ರಮಾತರಂ। `ಅಂತರಾತ್ಮೈವ ಸರ್ವಸ್ಯ ಪುತ್ರೋ ನಾಮೋಚ್ಯತೇ ಸದಾ॥ 1-98-31 (4307) ಗತೀ ರೂಪಂ ಚ ಚೇಷ್ಟಾ ಚ ಆವರ್ತಾ ಲಕ್ಷಣಾನಿ ಚ। ಪಿತೄಣಾಂ ಯಾನಿ ದೃಶ್ಯಂತೇ ಪುತ್ರಾಣಾಂ ಸಂತಿ ತಾನಿ ಚ॥ 1-98-32 (4308) ತೇಷಾಂ ಶೀಲಗುಣಾಚಾರಾಸ್ತತ್ಸಂಪರ್ಕಾಚ್ಛುಭಾಶುಭಾತ್।' ಭಾರ್ಯಾಯಾಂ ಜನಿತಂ ಪುತ್ರಮಾದರ್ಶೇ ಸ್ವಮಿವಾನನಂ॥ 1-98-33 (4309) ಜನಿತಾ ಮೋದತೇ ಪ್ರೇಕ್ಷ್ಯ ಸ್ವರ್ಗಂ ಪ್ರಾಪ್ಯೇವ ಪುಣ್ಯಕೃತ್। `ಪತಿವ್ರತಾರೂಪಧರಾಃ ಪರಬೀಜಸ್ಯ ಸಂಗ್ರಹಾತ್॥ 1-98-34 (4310) ಕುಲಂ ವಿನಾಶ್ಯ ಭರ್ತೄಣಾಂ ನರಕಂ ಯಾಂತಿ ದಾರುಣಂ। ಪರೇಣ ಜನಿತಾಃ ಪುತ್ರಾಃ ಸ್ವಭಾರ್ಯಾಯಾಂ ಯಥೇಷ್ಟತಃ॥ 1-98-35 (4311) ಮಮ ಪುತ್ರಾ ಇತಿ ಮತಾಸ್ತೇ ಪುತ್ರಾ ಅಪಿ ಶತ್ರವಃ। ದ್ವಿಷಂತಿ ಪ್ರತಿಕುರ್ವಂತಿ ನ ತೇ ವಚನಂಕಾರಿಣಃ॥ 1-98-36 (4312) ದ್ವೇಷ್ಟಿ ತಾಂಶ್ಚ ಪಿತಾ ಚಾಪಿ ಸ್ವಬೀಜೇ ನ ತಥಾ ನೃಪ। ನ ದ್ವೇಷ್ಟಿ ಪಿತರಂ ಪುತ್ರೋ ಜನಿತಾರಮಥಾಪಿ ವಾ॥ 1-98-37 (4313) ನ ದ್ವೇಷ್ಟಿ ಜನಿತಾ ಪುತ್ರಂ ತಸ್ಮಾದಾತ್ಮಾ ಸುತೋ ಭವೇತ್।' ದಹ್ಯಮಾನಾ ಮನೋದುಃಖೈರ್ವ್ಯಾಧಿಭಿಸ್ತುಮುಲೈರ್ಜನಃ॥ 1-98-38 (4314) ಹ್ಲಾದಂತೇ ಸ್ವೇಷು ದಾರೇಷು ಘರ್ಮಾರ್ತಾಃ ಸಲಿಲೇಷ್ವಿವ। `ವಿಪ್ರವಾಸಕೃಶಾ ದೀನಾ ನರಾ ಮಲಿನವಾಸಸಃ॥ 1-98-39 (4315) ತೇಽಪಿ ಸ್ವದಾರಾಂಸ್ತುಷ್ಯಂತಿ ದರಿದ್ರಾ ಧನಲಾಭವತ್।' ಅಪ್ರಿಯೋಕ್ತೋಪಿ ದಾರಾಣಾಂ ನ ಬ್ರೂಯಾದಪ್ರಿಯಂ ಬುಧಃ॥ 1-98-40 (4316) ರತಿಂ ಪ್ರೀತಿಂ ಚ ಧರ್ಮಂ ಚ ತದಾಯತ್ತಮವೇಕ್ಷ್ಯ ಚ। `ಆತ್ಮನೋಽರ್ಧಮಿತಿ ಶ್ರೌತಂ ಸಾ ರಕ್ಷತಿ ಧನಂ ಪ್ರಜಾಃ॥ 1-98-41 (4317) ಶರೀರಂ ಲೋಕಯಾತ್ರಾಂ ವೈ ಧರ್ಮಂ ಸ್ವರ್ಗಮೃಷೀನ್ಪಿತೄನ್।' ಆತ್ಮನೋ ಜನ್ಮನಃ ಕ್ಷೇತ್ರಂ ಪುಣ್ಯಾ ರಾಮಾಃ ಸನಾತನಾಃ॥ 1-98-42 (4318) ಋಷೀಣಾಮಪಿ ಕಾ ಶಕ್ತಿಃ ಸ್ರಷ್ಟುಂ ರಾಮಾಮೃತೇ ಪ್ರಜಾ-। `ದೇವಾನಾಮಪಿ ಕಾ ಶಕ್ತಿಃ ಕರ್ತುಂ ಸಂಭವಮಾತ್ಮನಃ॥ 1-98-43 (4319) ಪಂಡಿತಸ್ಯಾಪಿ ಲೋಕೇಷು ಸ್ತ್ರೀಷು ಸೃಷ್ಟಿಃ ಪ್ರತಿಷ್ಠಿತಾ। ಋಷಿಭ್ಯೋ ಹ್ಯೃಷಯಃ ಕೇಚಿಚ್ಚಂಡಾಲೀಷ್ವಪಿ ಜಜ್ಞಿರೇ'॥ 1-98-44 (4320) ಪರಿಸೃತ್ಯ ಯಥಾ ಸೂನುರ್ಧರಣೀರೇಣುಕುಂಠಿತಃ। ಪಿತುರಾಲಿಂಗತೇಽಂಗಾನಿ ಕಿಮಸ್ತ್ಯಭ್ಯಧಿಕಂ ತತಃ॥ 1-98-45 (4321) ಸ ತ್ವಂ ಸೂನುಮನುಪ್ರಾಪ್ತಂ ಸಾಭಿಲಾಷಂ ಮನಸ್ವಿನಂ। ಪ್ರೇಕ್ಷಮಾಣಂ ಕಟಾಕ್ಷೇಣ ಕಿಮರ್ಥಮವಮನ್ಯಸೇ॥ 1-98-46 (4322) ಅಂಡಾನಿ ಬಿಭ್ರತಿ ಸ್ವಾನಿ ನ ತ್ಯಜಂತಿ ಪಿಪೀಲಿಕಾಃ। ಕಿಂ ಪುನಸ್ತ್ವಂ ನ ಮನ್ಯೇಥಾಃ ಸರ್ವಥಾ ಪುತ್ರಮೀದೃಶಂ॥ 1-98-47 (4323) ನ ಭರೇಥಾಃ ಕಥಂ ನು ತ್ವಂ ಮಯಿ ಜಾತಂ ಸ್ವಮಾತ್ಮಜಂ। `ಮಮಾಂಡಾನೀತಿ ವರ್ಧ್ತೇ ಕೋಕಿಲಾಂಡಾನಿ ವಾಯಸಾಃ॥ 1-98-48 (4324) ಕಿಂ ಪುನಸ್ತ್ವಂ ನ ಮನ್ಯೇಥಾಃ ಸರ್ವಜ್ಞಃ ಪುತ್ರಮೀದೃಶಂ। ಮಲಯಾಚ್ಚಂದನಂ ಜಾತಮತಿಶೀತಂ ವದಂತಿ ವೈ॥ 1-98-49 (4325) ಶಿಶೋರಾಲಿಂಗನಂ ತಸ್ಮಾಚ್ಚಂದನಾದಧಿಕಂ ಭವೇತ್।' ನ ವಾಸಸಾಂ ನ ರಾಮಾಣಾಂ ನಾಪಾಂ ಸ್ಪರ್ಶಸ್ತಥಾವಿಧಃ॥ 1-98-50 (4326) ಶಿಶುನಾಲಿಂಗ್ಯಮಾನಸ್ಯ ಸ್ಪರ್ಶಃ ಸೂನೋರ್ಯಥಾ ಸುಖಃ। ಪುತ್ರಸ್ಪರ್ಶಾತ್ಪ್ರಿಯತರಃ ಸ್ಪರ್ಶೋ ಲೋಕೇ ನ ವಿದ್ಯತೇ॥ 1-98-51 (4327) ಸ್ಪೃಶತು ತ್ವಾಂ ಸಮಾಲಿಂಗ್ಯ ಪುತ್ರೋಽಯಂ ಪ್ರಿಯದರ್ಶನಃ। ಬ್ರಾಹ್ಮಣೋ ದ್ವಿಪದಾಂ ಶ್ರೇಷ್ಠೋ ಗೌರ್ವರಿಷ್ಠಾ ಚತುಷ್ಪದಾಂ॥ 1-98-52 (4328) ಮುರುರ್ಗರೀಯಸಾಂ ಶ್ರೇಷ್ಠಃ ಪುತ್ರಃ ಸ್ಪರ್ಶವತಾಂ ವರಃ॥ ತ್ರಿಷು ವರ್ಷೇಷು ಪೂರ್ಣೇಷು ಪ್ರಜಾತೋಽಯಮರಿಂದಮಃ॥ 1-98-53 (4329) `ಅದ್ಯಾಯಂ ಮನ್ನಿಯೋಗಾತ್ತು ತವಾಹ್ವಾನಂ ಪ್ರತೀಕ್ಷತೇ। ಕುಮಾರೋ ರಾಜಶಾರ್ದೂಲ ತವ ಶೋಕಪ್ರಣಾಶನಃ॥' 1-98-54 (4330) ಆಹರ್ತಾ ವಾಜಿಮೇಧಸ್ಯ ಶತಸಂಖ್ಯಸ್ಯ ಪೌರವಃ। `ರಾಜಸೂಯಾದಿಕಾನನ್ಯಾನ್ಕ್ರತೂನಮಿತದಕ್ಷಿಣಾನ್॥ 1-98-55 (4331) ಇತಿ ಗೌರಂತರಿಕ್ಷೇ ಮಾಂ ಸೂತಕೇ ಹ್ಯವದತ್ಪುರಾ। ಹಂತ ಸ್ವಮಂಕಮಾರೋಪ್ಯ ಸ್ನೇಹಾದ್ಗ್ರಾಮಾಂತರಂ ಗತಾಃ॥ 1-98-56 (4332) ಮೂರ್ಧ್ನಿ ಪುತ್ರಾನುಪಾಘ್ರಾಯ ಪ್ರತಿನಂದಂತಿ ಮಾನವಾಃ। ವೇದೇಷ್ವಪಿ ವದಂತೀಮಂ ಮಂತ್ರಗ್ರಾಮಂ ದ್ವಿಜಾತಯಃ॥ 1-98-57 (4333) ಜಾತಕರ್ಮಣಿ ಪುತ್ರಾಣಾಂ ತವಾಪಿ ವಿದಿತಂ ಧ್ರುವಂ। ಅಂಗಾದಂಗಾತ್ಸಂಭವಸಿ ಹೃದಯಾದಧಿಜಾಯಸೇ॥ 1-98-58 (4334) ಆತ್ಮಾ ವೈ ಪುತ್ರನಾಮಾಸಿ ಸ ಜೀವ ಶರದಃ ಶತಂ। ಉಪಜಿಘ್ರಂತಿ ಪಿತರೋ ಮಂತ್ರೇಣಾನೇನ ಮೂರ್ಧನಿ॥ 1-98-59 (4335) ಪೋಷಣಂ ತ್ವದಧೀನಂ ಮೇ ಸಂತಾನಮಪಿ ಚಾಕ್ಷಯಂ। ತಸ್ಮಾತ್ತ್ವಂ ಜೀವ ಮೇ ಪುತ್ರ ಸ ಸುಖೀ ಶರದಾಂ ಶತಂ॥ 1-98-60 (4336) ಏಕೋ ಭೂತ್ವಾ ದ್ವಿಧಾ ಭೂತ ಇತಿ ವಾದಃ ಪ್ರವರ್ತತೇ। ತ್ವದಂಗೇಭ್ಯಃ ಪ್ರಸೂತೋಽಯಂ ಪುರುಷಾತ್ಪುರುಷಃ ಪರಃ॥ 1-98-61 (4337) ಸರಸೀವಾಮಲೇಽಽತ್ಮಾನಂ ದ್ವಿತೀಯಂ ಪಶ್ಯ ತೇ ಸುತಂ। `ಸರಸೀವಾಮಲೇ ಸೋಮಂ ಪ್ರೇಕ್ಷಾತ್ಮಾನಂ ತ್ವಮಾತ್ಮನಿ'॥ 1-98-62 (4338) ಯಥಾಚಾಹವನೀಯೋಽಗ್ನಿರ್ವರ್ಹಪತ್ಯಾತ್ಪ್ರಣೀಯತೇ। ಏವಂ ತ್ವತ್ತಃ ಪ್ರಣೀತೋಽಯಂ ತ್ವಮೇಕಃ ಸಂದ್ವಿಧಾ ಕೃತಃ॥ 1-98-63 (4339) ಮೃಗಾಪಕೃಷ್ಟೇನ ಹಿ ವೈ ಮೃಗಯಾಂ ಪರಿಧಾವತಾ। ಅಹಮಾಸಾದಿತಾ ರಾಜನ್ಕುಮಾರೀ ಪಿತುರಾಶ್ರಮೇ॥ 1-98-64 (4340) ಉರ್ವಶೀ ಪೂರ್ವಚಿತ್ತಿಶ್ಚ ಸಹಜನ್ಯಾ ಚ ಮೇನಕಾ। ವಿಶ್ವಾಚೀ ಚ ಘೃತಾಚೀ ಚ ಷಡೇವಾಪ್ಸರಸಾಂ ವರಾಃ॥ 1-98-65 (4341) ತಾಸಾಂ ವೈ ಮೇನಕಾ ನಾಮ ಬ್ರಹ್ಮಯೋನಿರ್ವರಾಪ್ಸರಾಃ। ದಿವಃ ಸಂಪ್ರಾಪ್ಯ ಜಗತೀಂ ವಿಶ್ವಾಮಿತ್ರಾದಜೀಜನತ್॥ 1-98-66 (4342) `ಶ್ರೀಮಾನೃಷಿರ್ಧರ್ಮಪರೋ ವೈಶ್ವಾನರ ಇವಾಪರಃ। ಬ್ರಹ್ಮಯೋನಿಃ ಕುಶೋ ನಾಮ ವಿಶ್ವಾಮಿತ್ರಪಿತಾಮಹಃ॥ 1-98-67 (4343) ಕುಶಸ್ಯ ಪುತ್ರೋ ಬಲವಾನ್ಕುಶನಾಭಶ್ಚ ಧಾರ್ಮಿಕಃ। ಗಾಧಿಸ್ತಸ್ಯ ಸುತೋ ರಾಜನ್ವಿಶ್ವಾಮಿತ್ರಸ್ತು ಗಾಧಿಜಃ॥ 1-98-68 (4344) ಏವಂವಿಧೋ ಮಮ ಪಿತಾ ಮೇನಕಾ ಜನನೀ ವರಾ।' ಸಾ ಮಾಂ ಹಿಮವತಃ ಪೃಷ್ಠೇ ಸುಷುವೇ ಮೇನಕಾಽಪ್ಸರಾಃ॥ 1-98-69 (4345) ಪರಿತ್ಯಜ್ಯ ಚ ಮಾಂ ಯಾತಾ ಪರಾತ್ಮಜಮಿವಾಸತೀ। `ಪಕ್ಷಿಣಃ ಪುಂಯವಂತಸ್ತೇ ಸಹಿತಾ ಧರ್ಮತಸ್ತದಾ॥ 1-98-70 (4346) ಪಕ್ಷೈಸ್ತೈರಭಿಗುಪ್ತಾ ಚ ತಸ್ಮಾದಸ್ಮಿ ಶಕುಂತಲಾ। ತತೋಽಹಮೃಷಿಣಾ ದೃಷ್ಟಾ ಕಾಶ್ಯಪೇನ ಮಹಾತ್ಮನಾ॥ 1-98-71 (4347) ಜಲಾರ್ಥಮಗ್ನಿಹೋತ್ರಸ್ಯ ಗತಂ ದೃಷ್ಟ್ವಾ ತು ಪಕ್ಷಿಣಃ। ನ್ಯಾಸಭೂತಾಮಿವ ಮುನೇಃ ಪ್ರದದುರ್ಮಾಂ ದಯಾವತಃ॥ 1-98-72 (4348) ಕಣ್ವಸ್ತ್ವಾಲೋಕ್ಯ ಮಾಂ ಪ್ರೀತೋ ಹಸಂತೀತಿ ಹವಿರ್ಭುಜಃ। ಸ ಮಾಽರಣಿಮಿವಾದಾಯ ಸ್ವಮಾಶ್ರಮಮುಪಾಗಮತ್॥ 1-98-73 (4349) ಸಾ ವೈ ಸಂಭಾವಿತಾ ರಾಜನ್ನನುಕ್ರೋಶಾನ್ಮಹರ್ಷಿಣಾ। ತೇನೈವ ಸ್ವಸುತೇವಾಹಂ ರಾಜನ್ವೈ ವರವರ್ಣಿನೀ॥ 1-98-74 (4350) ವಿಶ್ವಾಮಿತ್ರಸುತಾ ಚಾಹಂ ವರ್ಧಿತಾ ಮುನಿನಾ ನೃಪ। ಯೌವನೇ ವರ್ತಮಾನಾಂ ಚ ದೃಷ್ಟವಾನಸಿ ಮಾಂ ನೃಪ॥ 1-98-75 (4351) ಆಶ್ರಮೇ ಪರ್ಣಶಾಲಾಯಾಂ ಕುಮಾರೀಂ ವಿಜನೇ ತದಾ। ಧಾತ್ರಾ ಪ್ರಚೋದಿತಾಂ ಶೂನ್ಯೇ ಪಿತ್ರಾ ವಿರಹಿತಾಂ ಮಿಥಃ॥ 1-98-76 (4352) ವಾಗ್ಭಿಸ್ತ್ವಂ ಸೂನೃತಾಭಿರ್ಮಾಮಪತ್ಯಾರ್ಥಮಚೂಚುದಃ। ಅಕಾರ್ಷೀಸ್ತ್ವಾಶ್ರಮೇ ವಾಸಂ ಧರ್ಮಕಾಮಾರ್ಥನಿಶ್ಚಿತಂ॥ 1-98-77 (4353) ಗಾಂಧರ್ವೇಣ ವಿವಾಹೇನ ವಿಧಿನಾ ಪಾಣಿಮಗ್ರಹೀಃ। ಸಾಽಹಂ ಕುಲಂ ಚ ಶೀಲಂ ಚ ಸತ್ಯವಾದಿತ್ವಮಾತ್ಮನಃ॥ 1-98-78 (4354) ಸ್ವಧರ್ಮಂ ಚ ಪುರಸ್ಕೃತ್ಯ ತ್ವಾಮದ್ಯ ಶರಣಂ ಗತಾ। ತಸ್ಮಾನ್ನರ್ಹಸಿ ಸಂಶ್ರುತ್ಯ ತಥೇತಿ ವಿತಥಂ ವಚಃ॥ 1-98-79 (4355) ಸ್ವಧರ್ಮಂ ಪೃಷ್ಠತಃ ಕೃತ್ವಾ ಪರಿತ್ಯಕ್ತುಮುಪಸ್ಥಿತಾಂ। ತ್ವನ್ನಾಥಾಂ ಲೋಕನಾಥಸ್ತ್ವಂ ನಾರ್ಹಸಿ ತ್ವಮನಾಗಸಂ'॥ 1-98-80 (4356) ಕಿಂ ನು ಕರ್ಮಾಶುಭಂ ಪೂರ್ವಂ ಕೃತವತ್ಯಸ್ಮಿ ಪಾರ್ಥಿವ। ಯದಹಂ ಬಾಂಧವೈಸ್ತ್ಯಕ್ತಾ ಬಾಲ್ಯೇ ಸಂಪ್ರತಿ ವೈ ತ್ವಯಾ॥ 1-98-81 (4357) ಕಾಮಂ ತ್ವಯಾ ಪರಿತ್ಯಕ್ತಾ ಗಮಿಷ್ಯಾಂಯಹಮಾಶ್ರಮಂ। ಇಮಂ ಬಾಲಂ ತು ಸಂತ್ಯುಕ್ತಂ ನಾರ್ಹಸ್ಯಾತ್ಮಜಮಾತ್ಮನಾ॥ 1-98-82 (4358) ದುಷ್ಯಂತ ಉವಾಚ। 1-98-83x (618) ನ ಪುತ್ರಮಭಿಜಾನಾಮಿ ತ್ವಯಿ ಜಾತಂ ಶಕುಂತಲೇ। ಅಸತ್ವಚನಾ ನಾರ್ಯಃ ಕಸ್ತೇ ಶ್ರದ್ಧಾಸ್ಯತೇ ವಚಃ॥ 1-98-83 (4359) `ಅಶ್ರದ್ಧೇಯಮಿದಂ ವಾಕ್ಯಂ ಕಥಯಂತೀ ನ ಲಜ್ಜಸೇ। ವಿಶೇಷತೋ ಮತ್ಸಕಾಶೇ ದುಷ್ಟತಾಪಸಿ ಗಂಯತಾಂ'॥ 1-98-84 (4360) ಕ್ವ ಮಹರ್ಷಿಸ್ತಪಸ್ಯುಗ್ರಃ ಕ್ವಾಪ್ಸರಾಃ ಸಾ ಚ ಮೇನಕಾ। ಕ್ವ ಚ ತ್ವಮೇವಂ ಕೃಪಣಾ ತಾಪಸೀವೇಷಧಾರಿಣೀ॥ 1-98-85 (4361) ಅತಿಕಾಯಶ್ಚ ಪುತ್ರಸ್ತೇ ಬಾಲೋಽತಿಬಲವಾನಯಂ। ಕಥಮಲ್ಪೇನ ಕಾಲೇನ ಸಾಲಸ್ಕಂಧ ಇವೋದ್ಗತಃ॥ 1-98-86 (4362) ಸುನಿಕೃಷ್ಟಾ ಚ ಯೋನಿಸ್ತೇ ಪುಂಶ್ಚಲೀ ಪ್ರತಿಭಾಸಿ ಮೇ। ಯದೃಚ್ಛಯಾ ಕಾಮರಾಗಾಜ್ಜಾತಾ ಮೇನಕಯಾ ಹ್ಯಸಿ॥ 1-98-87 (4363) ಸರ್ವಮೇವ ಪರೋಕ್ಷಂ ಮೇ ಯತ್ತ್ವಂ ವದಸಿ ತಾಪಸಿ। `ಸರ್ವಾ ವಾಮಾಃ ಸ್ತ್ರಿಯೋ ಲೋಕೇ ಸರ್ವಾಃ ಕಾಮಪರಾಯಣಾಃ॥ 1-98-88 (4364) ಸರ್ವಾಃ ಸ್ತ್ರಿಯಃ ಪರವಶಾಃ ಸರ್ವಾಃ ಕ್ರೋಧಸಮಾಕುಲಾಃ। ಅಸತ್ಯೋಕ್ತಾಃ ಸ್ತ್ರಿಯಃ ಸರ್ವಾ ನ ಕಣ್ವಂ ವಕ್ತುಮರ್ಹಸಿ'॥ 1-98-89 (4365) ಮೇನಕಾ ನಿರನುಕ್ರೋಶಾ ವರ್ಧಕೀ ಜನನೀ ತವ। ಯಯಾ ಹಿಮವತಃ ಪಾದೇ ನಿರ್ಮಾಲ್ಯವದುಪೇಕ್ಷಿತಾ॥ 1-98-90 (4366) ಸ ಚಾಪಿ ನಿರನುಕ್ರೋಶಃ ಕ್ಷತ್ರಯೋನಿಃ ಪಿತಾ ತವ। ವಿಶ್ವಾಮಿತ್ರೋ ಬ್ರಾಹ್ಮಣತ್ವೇ ಲುಬ್ಧಃ ಕಾಮಪರಾಯಣಃ॥ 1-98-91 (4367) ಸುಷಾವ ಸುರನಾರೀ ಮಾಂ ವಿಶ್ವಾಮಿತ್ರಾದ್ಯಥೇಷ್ಟತಃ। ಅಹೋ ಜಾನಾಮಿ ತೇ ಜನ್ಮ ಕುತ್ಸಿತಂ ಕುಲಟೇ ಜನೈಃ॥ 1-98-92 (4368) ಮೇನಕಾಽಪ್ಸರಸಾಂ ಶ್ರೇಷ್ಠಾ ಮಹರ್ಷಿಶ್ಚಾಪಿ ತೇ ಪಿತಾ। ತಯೋರಪತ್ಯಂ ಕಸ್ಮಾತ್ತ್ವಂ ಪುಂಶ್ಚಲೀವಾಭಿಭಾಷಸೇ॥ 1-98-93 (4369) ಜಾತಿಶ್ಚಾಪಿ ನಿಕೃಷ್ಟೋ ತೇ ಕುಲೀನೇತಿ ವಿಜಲ್ಪಸೇ। ಜನಯಿತ್ವಾ ತ್ವಮುತ್ಸೃಷ್ಟಾ ಕೋಕಿಲೇನ ಪರೈರ್ಭೃತಾ॥ 1-98-94 (4370) ಅರಿಷ್ಟೈರಿವ ದುರ್ಬದ್ಧಿಃ ಕಣ್ವೋ ವರ್ಧಯಿತಾ ಪಿತಾ। ಅಶ್ರದ್ಧೇಯಮಿದಂ ವಾಕ್ಯಂ ಯತ್ತ್ವಂ ಜಲ್ಪಸಿ ತಾಪಸಿ॥ 1-98-95 (4371) ಬ್ರುವಂತೀ ರಾಜಸಾನ್ನಿಧ್ಯೇ ಗಂಯತಾಂ ಯತ್ರ ಚೇಚ್ಛಸಿ। `ಸುವರ್ಣಮಣಿಮುಕ್ತಾನಿ ವಸ್ತ್ರಾಣ್ಯಾಭರಣಾನಿ ಚ॥ 1-98-96 (4372) ಯದಿಹೇಚ್ಛಸಿ ಭೋಗಾರ್ಥಂ ತಾಪಸಿ ಪ್ರತಿಗೃಹ್ಯತಾಂ। ನಾಹಂ ತ್ವಾಂ ದ್ರಷ್ಟುಮಿಚ್ಛಾಮಿ ಯಥೇಷ್ಟಂ ಗಂಯತಾಮಿತಃ'॥ ॥ 1-98-97 (4373) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಅಷ್ಟನವತಿತಮೋಽಧ್ಯಾಯಃ॥ 98 ॥

1-99-0 (4374) ಶಕುಂತಲೋವಾಚ। 1-99-0x (619) ರಾಜನ್ಸರ್ಷಪಮಾತ್ರಾಣಿ ಪರಚ್ಛಿದ್ರಾಣಿ ಪಶ್ಯಸಿ। ಆತ್ಮನೋ ಬಿಲ್ವಮಾತ್ರಾಣಿ ಪಶ್ಯನ್ನಪಿ ನ ಪಶ್ಯಸಿ॥ 1-99-1 (4375) ಮೇನಕಾ ತ್ರಿದಶೇಷ್ವೇವ ತ್ರಿದಶಾಶ್ಚಾನು ಮೇನಕಾಂ। ಮಮೈವೋದ್ರಿಚ್ಯತೇ ಜನ್ಮ ದುಷ್ಯಂತ ತವ ಜನ್ಮತಃ॥ 1-99-2 (4376) ಕ್ಷಿತೌ ಚರಸಿ ರಾಜಂಸ್ತ್ವಮಂತರಿಕ್ಷೇ ಚರಾಂಯಹಂ। ಆವಯೋರಂತರಂ ಪಶ್ಯ ಮೇರುಸರ್ಷಪಯೋರಿವ॥ 1-99-3 (4377) ಮಹೇಂದ್ರಸ್ಯ ಕುಬೇರಸ್ಯ ಯಮಸ್ಯ ವರುಣಸ್ಯ ಚ। ಭವನಾನ್ಯನುಸಂಯಾಮಿ ಪ್ರಭಾವಂ ಪಶ್ಯ ಮೇ ನೃಪ॥ 1-99-4 (4378) `ಪುರಾ ನರವರಃ ಪುತ್ರ ಉರ್ವಶ್ಯಾಂ ಜನಿತಸ್ತದಾ। ಆಯುರ್ನಾಮ ಮಹಾರಾಜ ತವ ಪೂರ್ವಪಿತಾಮಹಃ॥ 1-99-5 (4379) ಮಹರ್ಷಯಶ್ಚ ಬಹವಃ ಕ್ಷತ್ರಿಯಾಶ್ಚ ಪರಂತಪಾಃ। ಅಪ್ಸರಃಸು ಋಷೀಣಾಂ ಚ ಮಾತೃದೋಷೋ ನ ವಿದ್ಯತೇ॥' 1-99-6 (4380) ಸತ್ಯಶ್ಚಾಪಿ ಪ್ರವಾದೋಽಯಂ ಪ್ರವಕ್ಷ್ಯಾಮಿ ಚ ತೇ ನೃಪ। ನಿದರ್ಶನಾರ್ಥಂ ನ ದ್ವೇಷಾಚ್ಛ್ರುತ್ವಾ ತತ್ಕ್ಷಂತುಮರ್ಹಸಿ॥ 1-99-7 (4381) ವಿರೂಪೋ ಯಾವದಾದರ್ಶೇ ನಾತ್ಮನೋ ವೀಕ್ಷತೇ ಮುಖಂ। ಮನ್ಯತೇ ತಾವದಾತ್ಮಾನಮನ್ಯೇಭ್ಯೋ ರೂಪವತ್ತರಂ॥ 1-99-8 (4382) ಯದಾ ತು ರೂಪಮಾದರ್ಶೇ ವಿರೂಪಂ ಸೋಽಭಿವೀಕ್ಷತೇ। ತದಾ ಹ್ರೀಮಾಂಸ್ತು ಜಾನೀಯಾದಂತರಂ ನೇತರಂ ಜನಂ॥ 1-99-9 (4383) ಅತೀವ ರೂಪಸಂಪನ್ನೋ ನ ಕಂಚಿದವಮನ್ಯತೇ। ಅತೀವ ಜಲ್ಪಂದುರ್ವಾಚೋ ಭವತೀಹ ವಿಹೇತುಕಃ॥ 1-99-10 (4384) `ಪಾಂಸುಪಾತೇನ ಹೃಷ್ಯಂತಿ ಕುಂಜರಾ ಮದಶಾಲಿನಃ। ತಥಾ ಪರಿವದನ್ನನ್ಯಾನ್ಹೃಷ್ಟೋ ಭವತಿ ದುರ್ಮತಿಃ॥ 1-99-11 (4385) ಸತ್ಯಧರ್ಮಚ್ಯುತಾತ್ಪುಂಸಃ ಕ್ರುದ್ಧಾದಾಶೀವಿಷಾದಿವ। ಸುನಾಸ್ತಿಕೋಪ್ಯುದ್ವಿಜತೇ ಜನಃ ಕಿಂ ಪುನರಾಸ್ತಿಕಃ॥ 1-99-12 (4386) ಸ್ವಯಮುತ್ಪಾದ್ಯ ಪುತ್ರಂ ವೈ ಸದೃಶಂ ಯೋಽವಮನ್ಯತೇ। ತಸ್ಯ ದೇವಾಃ ಶ್ರಿಯಂ ಘ್ನಂತಿ ತತ್ರೈನಂ ಕಲಿರಾವಿಶೇತ್॥ 1-99-13 (4387) ಅಭವ್ಯೇಽಪ್ಯನೃತೇಽಶುದ್ಧೇ ನಾಸ್ತಿಕೇ ಪಾಪಕರ್ಮಣಿ। ದುರಾಚಾರೇ ಕಲಿರ್ಹ್ಯಾಶು ನ ಕಲಿರ್ಧರ್ಮಚಾರಿಷು॥' 1-99-14 (4388) ಮೂರ್ಖೋ ಹಿ ಜಲ್ಪತಾಂ ಪುಂಸಾಂ ಶ್ರುತ್ವಾ ವಾಚಃ ಶುಭಾಶುಭಾಃ। ಅಶುಭಂ ವಾಕ್ಯಮಾದತ್ತೇ ಪುರೀಷಮಿವ ಸೂಕರಃ॥ 1-99-15 (4389) ಪ್ರಾಜ್ಞಸ್ತು ಜಲ್ಪತಾಂ ಪುಂಸಾಂ ಶ್ರುತ್ವಾ ವಾಚಃ ಶುಭಾಶುಭಾಃ। ಗುಣವದ್ವಾಕ್ಯಮಾದತ್ತೇ ಹಂಸಃ ಕ್ಷೀರಮಿವಾಂಭಸಿ॥ 1-99-16 (4390) `ಆತ್ಮನೋ ದುಷ್ಟಭಾವತ್ವಂ ಜಾನನ್ನೀಚೋಽಪ್ರಸನ್ನಧೀಃ। ಪರೇಷಾಮಪಿ ಜಾನಾತಿ ಸ್ವಧರ್ಮಸದೃಶಾನ್ಗುಣಾನ್॥ 1-99-17 (4391) ದಹ್ಯಮಾನಾಸ್ತು ತೀವ್ರೇಣ ನೀಚಾಃ ಪರಯಶೋಗ್ನಿನಾ। ಅಶಕ್ತಾಸ್ತದ್ಗತಿಂ ಗಂತುಂ ತತೋ ನಿಂದಾಂ ಪ್ರಕುರ್ವತೇ॥' 1-99-18 (4392) ಅನ್ಯಾನ್ಪರಿವದನ್ಸಾಧುರ್ಯಥಾ ಹಿ ಪರಿತಪ್ಯತೇ। ತಥಾ ಪರಿವದನ್ನನ್ಯಾನ್ಹೃಷ್ಟೋ ಭವತಿ ದುರ್ಜನಃ॥ 1-99-19 (4393) `ಅಪವಾದರತಾ ಮೂರ್ಖಾ ಭವಂತಿ ಹಿ ವಿಶೇಷತಃ। ನಾಪವಾದರತಾಃ ಸಂತೋ ಭವಂತಿ ಸ್ಮ ವಿಶೇಷತಃ॥' 1-99-20 (4394) ಅಭಿವಾದ್ಯ ಯಥಾ ವೃದ್ಧಾನ್ಸಾಧುರ್ಗಚ್ಛತಿ ನಿರ್ವೃತಿಂ। ಏವಂ ಸಜ್ಜನಮಾಕ್ರುಶ್ಯ ಮೂರ್ಖೋ ಭವತಿ ನಿರ್ವೃತಃ॥ 1-99-21 (4395) ಸುಖಂ ಜೀವಂತ್ಯದೋಷಜ್ಞಾ ಮೂರ್ಖಾ ದೋಷಾನುದರ್ಶಿನಃ। ಯಥಾ ವಾಚ್ಯಾಃ ಪರೈಃ ಸಂತಃ ಪರಾನಾಹುಸ್ತಥಾವಿಧಾನ್॥ 1-99-22 (4396) ಅತೋ ಹಾಸ್ಯತರಂ ಲೋಕೇ ಕಿಂಚಿದನ್ಯನ್ನ ವಿದ್ಯತೇ। ಯದಿ ದುರ್ಜನ ಇತ್ಯಾಹುಃ ಸಜ್ಜನಂ ದುರ್ಜನಾಃ ಸ್ವಯಂ॥ 1-99-23 (4397) `ದಾರುಣಾಲ್ಲೋಕಸಂಕ್ಲೇಶಾದ್ದುಃಖಮಾಪ್ನೋತ್ಯಸಂಶಯಂ॥' ಕುಲವಂಶಪ್ರತಿಷ್ಠಾಂ ಹಿ ಪಿತರಃ ಪುತ್ರಮಬ್ರುವನ್॥ 1-99-24 (4398) ಉತ್ತಮಂ ಸರ್ವಧರ್ಮಾಣಾಂ ತಸ್ಮಾತ್ಪುತ್ರಂ ತು ನ ತ್ಯಜೇತ್। ಸ್ವಪತ್ನೀಪ್ರಭವಾಂʼಲ್ಲಬ್ಧಾನ್ಕೃತಾನ್ಸಮಯವರ್ಧಿತಾನ್॥ 1-99-25 (4399) ಕ್ರೀತಾನ್ಕನ್ಯಾಸು ಚೋತ್ಪನ್ನಾನ್ಪುತ್ರಾನ್ವೈ ಮನುರಬ್ರವೀತ್। `ತೇ ಚ ಷಡ್ವಂಧುದಾಯಾದಾಃ ಷಡದಾಯಾದಬಾಂಧವಾಃ॥ 1-99-26 (4400) ಧರ್ಮಕೃತ್ಯವಹಾ ನೄಣಾಂ ಮನಸಃ ಪ್ರೀತಿವರ್ಧನಾಃ। ತ್ರಾಯಂತೇ ನರಕಾಜ್ಜಾತಾಃ ಪುತ್ರಾ ಧರ್ಮಪ್ಲವಾಃ ಪಿತೄನ್॥ 1-99-27 (4401) ಸ ತ್ವಂ ನೃಪತಿಶಾರ್ದೂಲ ನ ಪುತ್ರಂ ತ್ಯಕ್ತುಮರ್ಹಸಿ। ತಸ್ಮಾತ್ಪುತ್ರಂ ಚ ಸತ್ಯಂ ಚ ಪಾಲಯಸ್ವ ಮಹೀಪತೇ॥ 1-99-28 (4402) ಉಭಯಂ ಪಾಲಯಸ್ವೈತನ್ನಾನೃತಂ ವಕ್ತುಮರ್ಹಸಿ।' ಆತ್ಮಾನಂ ಸತ್ಯಧರ್ಮೌ ಚ ಪಾಲಯೇಥಾ ಮಹೀಪತೇ। ನರೇಂದ್ರಸಿಂಹ ಕಪಟಂ ನ ಹಿ ವೋಢುಂ ತ್ವಮರ್ಹಸಿ॥ 1-99-29 (4403) ವರಂ ಕೂಪಶತಾದ್ವಾಪೀ ವರಂ ವಾಪೀಶತಾತ್ಕ್ರತುಃ। ವರಂ ಕ್ರತುಶತಾತ್ಪುತ್ರಃ ಸತ್ಯಂ ಪುತ್ರಶತಾದ್ವರಂ॥ 1-99-30 (4404) ಅಶ್ವಮೇಧಸಹಸ್ರಂ ಚ ಸತ್ಯಂ ಚ ತುಲಯಾ ಧೃತಂ। ಅಶ್ವಮೇಧಸಹಸ್ರಾದ್ಧಿ ಸತ್ಯಮೇವ ವಿಶಿಷ್ಯತೇ॥ 1-99-31 (4405) ಸರ್ವವೇದಾಧಿಗಮನಂ ಸರ್ವತೀರ್ಥಾವಗಾಹನಂ। ಸತ್ಯಸ್ಯೈವ ಚ ರಾಜೇಂದ್ರ ಕಲಾಂ ನಾರ್ಹತಿ ಷೋಡಶೀಂ॥ 1-99-32 (4406) ನಾಸ್ತಿ ಸತ್ಯಸಮೋ ಧರ್ಮೋ ನ ಸತ್ಯಾದ್ವಿದ್ಯತೇ ಪರಂ। ನ ಹಿ ತೀವ್ರತರಂ ಪಾಪಮನೃತಾದಿಹ ವಿದ್ಯತೇ॥ 1-99-33 (4407) ರಾಜನ್ಸತ್ಯಂ ಪರೋ ಧರ್ಮಃ ಸತ್ಯಾಚ್ಚ ಸಮಯಃ ಪರಃ। ಮಾತ್ಯಾಕ್ಷೀಃ ಸಮಯಂ ರಾಜನ್ಸತ್ಯಂ ಸಂಗತಮಸ್ತು ತೇ॥ 1-99-34 (4408) `ಯಃ ಪಾಪೋ ನ ವಿಜಾನೀಯಾತ್ಕರ್ಮ ಕೃತ್ವಾ ನರಾಧಿಪ। ನ ಹಿ ತಾದೃಕ್ಪರಂ ಪಾಪಮನೃತಾದಿಹ ವಿದ್ಯತೇ॥ 1-99-35 (4409) ಯಸ್ಯ ತೇ ಹೃದಯಂ ವೇದ ಸತ್ಯಸ್ಯೈವಾನೃತಸ್ಯ ಚ। ಕಲ್ಯಾಣಾವೇಕ್ಷಣಂ ತಸ್ಮಾತ್ಕರ್ತುಮರ್ಹಸಿ ಧರ್ಮತಃ॥ 1-99-36 (4410) ಯೋ ನ ಕಾಮಾನ್ನ ಚ ಕ್ರೋಧಾನ್ನ ದ್ರೋಹಾದತಿವರ್ತತೇ। ಅಮಿತ್ರಂ ವಾಪಿ ಮಿತ್ರಂ ವಾ ಸ ಏವೋತ್ತಮಪೂರುಷಃ॥' 1-99-37 (4411) ಅನೃತಶ್ಚೇತ್ಪ್ರಸಂಗಸ್ತೇ ಶ್ರದ್ದಧಾಸಿ ನ ಚೇತ್ಸ್ವಯಂ। ಆಶ್ರಮಂ ಗಂತುಮಿಚ್ಛಾಮಿ ತ್ವಾದೃಶೋ ನಾಸ್ತಿ ಸಂಗತಂ॥ 1-99-38 (4412) `ಪುತ್ರತ್ವೇ ಶಂಕಮಾನಸ್ಯ ತ್ವಂ ಬುದ್ಧ್ಯಾ ನಿಶ್ಚಯಂ ಕುರು। ಗತಿಃ ಸ್ವರಃ ಸ್ಮೃತಿಃ ಸತ್ವಂ ಶೀಲಂ ವಿದ್ಯಾ ಚ ವಿಕ್ರಮಃ॥ 1-99-39 (4413) ಧೃಷ್ಣುಪ್ರಕೃತಿಭಾವೌ ಚ ಆವರ್ತಾ ರೋಮರಾಜಯಃ। ಸಮಾ ಯಸ್ಯ ಯದಾ ಸ್ಯುಸ್ತೇ ತಸ್ಯ ಪುತ್ರೋ ನ ಸಂಶಯಃ॥ 1-99-40 (4414) ಸಾದೃಶ್ಯೇನೋದ್ಧಋತಂ ಬಿಂಬಂ ತವ ದೇಹಾದ್ವಿಶಾಂಪತೇ। ತಾತೇತಿ ಭಾಷಮಾಣಂ ವೈ ಮಾ ಸ್ಮ ರಾಜನ್ವೃಥಾ ಕೃಥಾಃ॥ 1-99-41 (4415) ಋತೇ ಚ ಗರ್ದಭೀಕ್ಷೀರಾತ್ಪಯಃ ಪಾಸ್ಯತಿ ಮೇ ಸುತಃ।' ಋತೇಪಿ ತ್ವಾಂ ಚ ದುಷ್ಯಂತ ಶೈಲರಾಜಾವತಂಸಿಕಾಂ। ಚತುರಂತಾಮಿಮಾಮುರ್ವೀಂ ಪುತ್ರೋ ಮೇ ಪಾಲಯಿಷ್ಯತಿ॥ 1-99-42 (4416) `ಶಕುಂತಲೇ ತವ ಸುತಶ್ಚಕ್ರವರ್ತೀ ಭವಿಷ್ಯತಿ। ಏವಮುಕ್ತಂ ಮಹೇಂದ್ರೇಣ ಭವಿಷ್ಯತಿ ನ ಚಾನ್ಯಥಾ॥ 1-99-43 (4417) ಸಾಕ್ಷಿತ್ವೇ ಬಹವೋ ಹ್ಯುಕ್ತಾ ದೇವದೂತಾದಯೋ ಮಯಾ। ನ ಬ್ರುವಂತಿ ತಥಾ ಸತ್ಯಮುತಾಹೋ ನಾನೃತಂ ಕಿಲ॥ 1-99-44 (4418) ಅಸಾಕ್ಷಿಣೀ ಮಂದಬಾಗ್ಯಾ ಗಮಿಷ್ಯಾಮಿ ಯಥಾಗತಂ॥' 1-99-45 (4419) ವೈಶಂಪಾಯನ ಉವಾಚ। 1-99-46x (620) ಏತಾವದುಕ್ತ್ವಾ ವಚನಂ ಪ್ರಾತಿಷ್ಠತ ಶಕುಂತಲಾ। `ತಸ್ಯಾಃ ಕ್ರೋಧಸಮುತ್ಥೋಗ್ನಿಃ ಸಧೂಮೋ ಮೂರ್ಧ್ನ್ಯದೃಶ್ಯತ॥ 1-99-46 (4420) ಸಂನಿಯಂಯಾತ್ಮನೋಽಂಗೇಷು ತತಃ ಕ್ರೋಧಾಗ್ನಿಮಾತ್ಮಜಂ। ಪ್ರಸ್ಥಿತೈವಾನವದ್ಯಾಂಗೀ ಸಹ ಪುತ್ರೇಣ ವೈ ವನಂ'॥ ॥ 1-99-47 (4421) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಏಕೋನಶತತಮೋಽಧ್ಯಾಯಃ॥ 99 ॥

1-100-0 (4422) ವೈಶಂಪಾಯನ ಉವಾಚ। 1-100-0x (621) ಅಥಾಂತರಿಕ್ಷೇ ದುಷ್ಯಂತಂ ವಾಗುವಾಚಾಶರೀರಿಣೀ। ಋತ್ವಿಕ್ಪುರೋಹಿತಾಚಾರ್ಯೈರ್ಮಂತ್ರಿಭಿಶ್ಚಾಭಿಸಂವೃತಂ॥ 1-100-1 (4423) ಮಾತಾ ಭಸ್ತ್ರಾ ಪಿತುಃ ಪುತ್ರೋ ಯಸ್ಮಾಜ್ಜಾತಃ ಸ ಏವ ಸಃ। ಭರಸ್ವ ಪುತ್ರಂ ದೌಷ್ಯಂತಿಂ ಸತ್ಯಮಾಹ ಶಕುಂತಲಾ॥ 1-100-2 (4424) `ಸರ್ವೇಭ್ಯೋ ಹ್ಯಂಗಮಂಗೇಭ್ಯಃ ಸಾಕ್ಷಾದುತ್ಪದ್ಯತೇ ಸುತಃ। ಆತ್ಮಾ ಚೈವ ಸುತೋ ನಾಮ ತೇನೈವ ತವ ಪೌರವ॥ 1-100-3 (4425) ಆಹಿತಂ ಹ್ಯಾತ್ಮನಾಽಽತ್ಮಾನಂ ಪರಿರಕ್ಷ ಇಮಂ ಸುತಂ। ಅನನ್ಯಾಂ ತ್ವಂ ಪ್ರತೀಕ್ಷಸ್ವ ಮಾವಮಂಸ್ಥಾಃ ಶಕುಂತಲಾಂ॥ 1-100-4 (4426) ಸ್ತ್ರಿಯಃ ಪವಿತ್ರಮತುಲಮೇತದ್ದುಷ್ಯಂತ ಧರ್ಮತಃ। ಮಾಸಿ ಮಾಸಿ ರಜೋ ಹ್ಯಾಸಾಂ ದುರಿತಾನ್ಯಪಕರ್ಷತಿ॥ 1-100-5 (4427) ತತಃ ಸರ್ವಾಣಿ ಭೂತಾನಿ ವ್ಯಾಜಹ್ರಸ್ತಂ ಸಮಂತತಃ। 1-100-6 (4428) ದೇವಾ ಊಚುಃ। ಆಹಿತಸ್ತ್ವತ್ತನೋರೇಷ ಮಾವಮಂಸ್ಥಾಃ ಶಕುಂತಲಾಂ'॥ 1-100-6x (622) ರೇತೋಧಾಃ ಪುತ್ರ ಉನ್ನಯತಿ ನರದೇವ ಯಮಕ್ಷಯಾತ್। ತ್ವಂ ಚಾಸ್ಯ ಧಾತಾ ಗರ್ಭಸ್ಯ ಸತ್ಯಮಾಹ ಶಕುಂತಲಾ॥ 1-100-7 (4429) `ಪತಿರ್ಜಾಯಾಂ ಪ್ರವಿಶತಿ ಸ ತಸ್ಯಾಂ ಜಾಯತೇ ಪುನಃ। ಅನ್ಯೋನ್ಯಪ್ರಕೃತಿರ್ಹ್ಯೇಷಾ ಮಾವಮಂಸ್ಥಾಃ ಶಕುಂತಲಾಂ॥' 1-100-8 (4430) ಜಾಯಾ ಜನಯತೇ ಪುತ್ರಮಾತ್ಮನೋಽಂಗಾದ್ದ್ವಿಧಾ ಕೃತಂ। ತಸ್ಮಾದ್ಭರಸ್ವ ದುಷ್ಯಂತ ಪುತ್ರಂ ಶಾಕುಂತಲಂ ನೃಪ॥ 1-100-9 (4431) ಸುಭೂತಿರೇಷಾ ನ ತ್ಯಾಜ್ಯಾ ಜೀವಿತಂ ಜೀವಯಾತ್ಮಜಂ। ಶಾಕುಂತಲಂ ಮಹಾತ್ಮಾನಂ ದುಷ್ಯಂತ ಭರ ಪೌರವಂ॥ 1-100-10 (4432) ಭರ್ತವ್ಯೋಽಯಂ ತ್ವಯಾ ಯಸ್ಮಾದಸ್ಮಾಕಂ ವಚನಾದಪಿ। ತಸ್ಮಾದ್ಭವತ್ವಯಂ ನಾಂನಾ ಭರತೋ ನಾಮ ತೇ ಸುತಃ॥ 1-100-11 (4433) `ಭರತಾದ್ಭಾರತೀ ಕೀರ್ತಿರ್ಯೇನೇದಂ ಭಾರತಂ ಕುಲಂ। ಅಪರೇ ಯೇ ಚ ಪೂರ್ವೇ ಚ ಭಾರತಾ ಇತಿ ತೇಽಭವನ್॥ 1-100-12 (4434) ವೈಶಂಪಾಯನ ಉವಾಚ। 1-100-13x (623) ಏವಮುಕ್ತ್ವಾ ತತೋ ದೇವಾ ಋಷಯಶ್ಚ ತಪೋಧನಾಃ। ಪತಿವ್ರತೇತಿ ಸಂಹೃಷ್ಟಾಃ ಪುಷ್ಪವೃಷ್ಟಿಂ ವವರ್ಷಿರೇ॥' 1-100-13 (4435) ತಚ್ಛ್ರುತ್ವಾ ಪೌರವೋ ವಾಕ್ಯಂ ವ್ಯಾಹೃತಂ ವೇ ದಿವೌಕಸಾಂ। `ಸಿಂಹಾಸನಾತ್ಸಮುತ್ಥಾಯ ಪ್ರಣಂಯ ಚ ದಿವೌಕಸಃ॥' 1-100-14 (4436) ಪುರೋಹಿತಮಮಾತ್ಯಾಂಶ್ಚ ಸಂಪ್ರಹೃಷ್ಟೋಽಬ್ರವೀದಿದಂ। ಶೃಣ್ವಂತ್ವೇತದ್ಭವಂತೋಽಪಿ ದೇವದೂತಸ್ಯ ಭಾಷಿತಂ॥ 1-100-15 (4437) `ಶೃಣ್ವಂತು ದೇವತಾನಾಂ ಚ ಮಹರ್ಷೀಣಾಂ ಚ ಭಾಷಿತಂ'। ಅಹಮಪ್ಯೇವಮೇವೈನಂ ಜಾನಾಮಿ ಸುತಮಾತ್ಮಜಂ॥ 1-100-16 (4438) ಯದ್ಯಹಂ ವಚನಾದಸ್ಯಾ ಗೃಹ್ಣೀಯಾಮಿಮಮಾತ್ಮಜಂ। ಭವೇದ್ಧಿ ಶಂಕಾ ಲೋಕಸ್ಯ ನೈವಂ ಶುದ್ಧೋ ಭವೇದಯಂ॥ 1-100-17 (4439) ವೈಶಂಪಾಯನ ಉವಾಚ। 1-100-18x (624) ತಾಂ ವಿಶೋಧ್ಯ ತದಾ ರಾಜಾ ದೇವೈಃ ಸಹ ಮಹರ್ಷಿಭಿಃ। ಹೃಷ್ಟಃ ಪ್ರಮುದಿತಶ್ಚಾಪಿ ಪ್ರತಿಜಗ್ರಾಹ ತಂ ಸುತಂ॥ 1-100-18 (4440) ತತಸ್ತಸ್ಯ ತದಾ ರಾಜಾ ಪಿತೃಕರ್ಮಾಣಿ ಸರ್ವಶಃ। ಕಾರಯಾಮಾಸ ಮುದಿತಃ ಪ್ರೀತಿಮಾನಾತ್ಮಜಸ್ಯ ಹ। ಮೂರ್ಧ್ನಿ ಚೈನಂ ಸಮಾಘ್ರಾಯ ಸಸ್ನೇಹಂ ಪರಿಷಸ್ವಜೇ॥ 1-100-19 (4441) ಸಭಾಜ್ಯಮಾನೋ ವಿಪ್ರೈಶ್ಚ ಸ್ತೂಯಮಾನಶ್ಚ ಬಂದಿಭಿಃ। ಮುದಂ ಸ ಪರಮಾಂ ಲೇಭೇ ಪುತ್ರಸ್ಪರ್ಶನಜಾಂ ನೃಪಃ॥ 1-100-20 (4442) ಸ್ವಾಂ ಚೈವ ಭಾರ್ಯಾಂ ಧರ್ಮಜ್ಞಃ ಪೂಜಯಾಮಾಸ ಧರ್ಮತಃ। ಅಬ್ರವೀಚ್ಚೈವ ತಾಂ ರಾಜಾ ಸಾಂತ್ವಪೂರ್ವಮಿದಂ ವಚಃ॥ 1-100-21 (4443) ಲೋಕಸ್ಯಾಯಂ ಪರೋಕ್ಷಸ್ತು ಸಂಬಂಧೋ ನೌ ಪುರಾಽಭವತ್। ಕೃತೋ ಲೋಕಸಮಕ್ಷೋಽದ್ಯ ಸಂಬಂಧೋ ವೈ ಪುನಃ ಕೃತಃ॥ 1-100-22 (4444) ತಸ್ಮಾದೇತನ್ಮಯಾ ತಸ್ಯ ತನ್ನಿಮಿತ್ತಂ ಪ್ರಭಾಷಿತಂ॥ 1-100-23 (4445) ಶಂಕೇತ ವಾಽಯಂ ಲೋಕೋಽಥ ಸ್ತ್ರೀಭಾವಾನ್ಮಯಿ ಸಂಗತಂ। ತಸ್ಮಾದೇತನ್ಮಯಾ ಚಾಪಿ ತಚ್ಛುದ್ಧ್ಯರ್ಥಂ ವಿಚಾರಿತಂ॥ 1-100-24 (4446) `ಬ್ರಾಹ್ಮಣಾಃ ಕ್ಷತ್ರಿಯಾ ವೈಶ್ಯಾಃ ಶೂದ್ರಾಶ್ಚೈವ ಪೃಥಗ್ವಿಧಾಃ। ತ್ವಾಂ ದೇವಿ ವೂಜಯಿಷ್ಯಂತಿ ನಿರ್ವಿಶಂಕಾಂ ಪತಿವ್ರತಾಂ'॥ 1-100-25 (4447) ಪುತ್ರಶ್ಚಾಯಂ ವೃತೋ ರಾಜ್ಯೇ ತ್ವಮಗ್ರಮಹಿಷೀ ಭವ॥ 1-100-26 (4448) ಯಚ್ಚ ಕೋಪನಯಾತ್ಯರ್ಥಂ ತ್ವಯೋಕ್ತೋಽಸ್ಂಯಪ್ರಿಯಂ ಪ್ರಿಯೇ। ಪ್ರಣಯಿನ್ಯಾ ವಿಶಾಲಾಕ್ಷಿತತ್ಕ್ಷಾಂತಂ ತೇ ಮಯಾ ಶುಭೇ॥ 1-100-27 (4449) `ಅನೃತಂ ವಾಪ್ಯನಿಷ್ಟಂ ವಾ ದುರುಕ್ತಂ ವಾತಿದುಷ್ಕೃತಂ। ತ್ವಯಾಪ್ಯೇವಂ ವಿಶಾಲಾಕ್ಷಿ ಕ್ಷಂತವ್ಯಂ ಮಮ ದುರ್ವಚಃ। ಕ್ಷಾಂತ್ಯಾ ಪತಿಕೃತೇ ನಾರ್ಯಃ ಪಾತಿವ್ರತ್ಯಂ ವ್ರಜಂತಿ ತಾಃ॥ 1-100-28 (4450) ಏವಮುಕ್ತ್ವಾ ತು ರಾಜರ್ಷಿಸ್ತಾಮನಿಂದಿತಗಾಮಿನೀಂ। ಅಂತಃಪುರಂ ಪ್ರವೇಶ್ಯಾಥ ದುಷ್ಯಂತೋ ಮಹಿಷೀಂ ಪ್ರಿಯಾಂ॥ 1-100-29 (4451) ವಾಸೋಭಿರನ್ನಪಾನೈಶ್ಚ ಪೂಜಯಿತ್ವಾ ತು ಭಾರತ। `ಸ ಮಾತರಮುಪಸ್ಥಾಯ ರಥಂತರ್ಯಾಮಭಾಷತ॥ 1-100-30 (4452) ಮಮ ಪುತ್ರೋ ವನೇ ಜಾತಸ್ತವ ಶೋಕಪ್ರಣಶನಃ। ಋಣಾದದ್ಯ ವಿಮುಕ್ತೋಽಹಂ ತವ ಪೌತ್ರೇಣ ಶೋಭನೇ॥ 1-100-31 (4453) ವಿಶ್ವಾಮಿತ್ರಸುತಾ ಚೇಯಂ ಕಣ್ವೇನ ಚ ವಿವರ್ಧಿತಾ। ಸ್ನುಷಾ ತವ ಮಹಾಭಾಗೇ ಪ್ರಸೀದಸ್ವ ಶಕುಂತಲಾಂ॥ 1-100-32 (4454) ಪುತ್ರಸ್ಯ ವಚನಂ ಶ್ರುತ್ವಾ ಪೌತ್ರಂ ಸಾ ಪರಿಷಸ್ವಜೇ। ಪಾದಯೋಃ ಪತಿತಾಂ ತತ್ರ ರಥಂತರ್ಯಾ ಶಕುಂತಲಾಂ॥ 1-100-33 (4455) ಪರಿಷ್ವಜ್ಯ ಚ ಬಾಹುಭ್ಯಾಂ ಹರ್ಷಾದಶ್ರುಣ್ಯವರ್ತಯತ್। ಉವಾಚ ವಚನಂ ಸತ್ಯಂ ಲಕ್ಷಯೇ ಲಕ್ಷಣಾನಿ ಚ॥ 1-100-34 (4456) ತವ ಪುತ್ರೋ ವಿಶಾಲಾಕ್ಷಿ ಚಕ್ರವರ್ತೀ ಭವಿಷ್ಯತಿ। ತವ ಭರ್ತಾ ವಿಶಾಲಾಕ್ಷಿ ತ್ರೈಲೋಕ್ಯವಿಜಯೀ ಭವೇತ್॥ 1-100-35 (4457) ದಿವ್ಯಾನ್ಭೋಗಾನನುಪ್ರಾಪ್ತಾ ಭವ ತ್ವಂ ವರವರ್ಣಿನಿ। ಏವಮುಕ್ತಾ ರಥ್ತರ್ಯಾ ಪರಂ ಹರ್ಷಮವಾಪ ಸಾ॥ 1-100-36 (4458) ಶಕುಂತಲಾಂ ತದಾ ರಾಜಾ ಶಾಸ್ತ್ರೋಕ್ತೇನೈವ ಕರ್ಮಣಾ। ತತೋಽಗ್ರಮಹಿಷೀಂ ಕೃತ್ವಾ ಸರ್ವಾಭರಣಭೂಷಿತಾಂ॥ 1-100-37 (4459) ಬ್ರಾಹ್ಮಣೇಭ್ಯೋ ಧನಂ ದತ್ತ್ವಾ ಸೈನಿಕಾನಾಂ ಚ ಭೂಪತಿಃ। ದೌಷ್ಯಂತಿಂ ಚ ತತೋ ರಾಜಾ ಪುತ್ರಂ ಶಾಕುಂತಲಂ ತದಾ'॥ 1-100-38 (4460) ಭರತಂ ನಾಮತಃ ಕೃತ್ವಾ ಯೌವರಾಜ್ಯೇಽಭ್ಯಷೇಚಯತ್। `ಭರತೇ ಭಾರಮಾವೇಶ್ಯ ಕೃತಕೃತ್ಯೋಽಭವನ್ನೃಪಃ॥ 1-100-39 (4461) ತತೋ ವರ್ಷಶತಂ ಪೂರ್ಣಂ ರಾಜ್ಯಂ ಕೃತ್ವಾ ನರಾಧಿಪಃ। ಗತ್ವಾ ವನಾನಿ ದುಷ್ಯಂತಃ ಸ್ವರ್ಗಲೋಕಮುಪೇಯಿವಾನ್॥' ॥ 1-100-40 (4462) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಶತತಮೋಽಧ್ಯಾಯಃ॥ 100 ॥

1-101-0 (4463) `ವೈಶಂಪಾಯನ ಉವಾಚ। 1-101-0x (625) ದುಷ್ಯಂತಾದ್ಭರತೋ ರಾಜ್ಯಂ ಯಥಾನ್ಯಾಯಮವಾಪ ಸಃ।' ತಸ್ಯ ತತ್ಪ್ರಥಿತಂ ಕರ್ಮ ಪ್ರಾವರ್ತತ ಮಹಾತ್ಮನಃ॥ 1-101-1 (4464) ಭಾಸ್ವರಂ ದಿವ್ಯಮಜಿತಂ ಲೋಕಸಂನಾದನಂ ಮಹತ್। ಸ ವಿಜಿತ್ಯ ಮಹೀಪಾಲಾಂಶ್ಚಕಾರ ವಶವರ್ತಿನಃ॥ 1-101-2 (4465) ಚಚಾರ ಚ ಸತಾಂ ಧರ್ಮಂ ಪ್ರಾಪ್ಯ ಚಾನುತ್ತಮಂ ಯಶಃ। ಸ ರಾಜಾ ಚಕ್ರವರ್ತ್ಯಾಸೀತ್ಸಾರ್ವಭೌಮಃ ಪ್ರತಾಪವಾನ್॥ 1-101-3 (4466) ಈಜೇ ಚ ಬಹುಭಿರ್ಯಜ್ಞೈರ್ಯಥಾ ಶಕ್ರೋ ಮರುತ್ಪತಿಃ। ಯಾಜಯಾಮಾಸ ತಂ ಕಣ್ವೋ ದಕ್ಷವದ್ಭೂರಿದಕ್ಷಿಣಂ॥ 1-101-4 (4467) ಶ್ರೀಮದ್ಗೋವಿತತಂ ನಾಮ ವಾಜಿಮೇಧಮವಾಪ ಸಃ। ಯಸ್ಮಿನ್ಸಹಸ್ರಂ ಪದ್ಮಾನಾಂ ಕಣ್ವಾಯ ಭರತೋ ದದೌ॥ 1-101-5 (4468) ಸೋಽಶ್ವಮೇಧಶತೈರೀಜೇ ಯಮುನಾಮನು ತೀರಗಃ। ತ್ರಿಶತೈಶ್ಚ ಸರಸ್ವತ್ಯಾಂ ಗಂಗಾಮನು ಚತುಃಶತೈಃ॥ 1-101-6 (4469) ದೌಷ್ಯಂತಿರ್ಭರತೋ ಯಜ್ಞೈರೀಜೇ ಶಾಕುಂತಲೋ ನೃಪಃ। ತಸ್ಮಾದ್ಭರತವಂಶಸ್ಯ ವಿಪ್ರತಸ್ಥೇ ಮಹದ್ಯಶಃ॥ 1-101-7 (4470) ಭರತಸ್ಯ ವರಸ್ತ್ರೀಷು ಪುತ್ರಾಃ ಸಂಜಜ್ಞಿರೇ ಪೃಥಕ್। ನಾಭ್ಯನಂದತ್ತದಾ ರಾಜಾ ನಾನುರೂಪಾ ಮಮೇತಿ ತಾನ್॥ 1-101-8 (4471) ತತಸ್ತಾನ್ಮಾತರಃ ಕ್ರುದ್ಧಾಃ ಪುತ್ರಾನ್ನಿನ್ಯುರ್ಯಮಕ್ಷಯಂ। ತತಸ್ತಸ್ಯ ನರೇಂದ್ರಸ್ಯ ವಿತಥಂ ಪುತ್ರಜನ್ಮ ತತ್॥ 1-101-9 (4472) ತತೋ ಮಹದ್ಭಿಃ ಕ್ರತುಭಿರೀಜಾನೋ ಭರತಸ್ತದಾ। ಲೇಭೇ ಪುತ್ರಂ ಭರದ್ಪಾಜಾದ್ಭುಮನ್ಯುಂ ನಾಮ ಭಾರತ॥ 1-101-10 (4473) ತತಃ ಪುತ್ರಿಣಮಾತ್ಮಾನಂ ಜ್ಞಾತ್ವಾ ಪೌರವನಂದನಃ। ಭುಮನ್ಯುಂ ಭರತಶ್ರೇಷ್ಠ ಯೌವರಾಜ್ಯೇಽಭ್ಯಷೇಚಯತ್॥ 1-101-11 (4474) ತತೋ ದಿವಿರಥೋ ನಾಮ ಭುಮನ್ಯೋರಭವತ್ಸುತಃ। ಸುಹೋತ್ರಶ್ಚ ಸುಹೋತಾ ಚ ಸುಹವಿಃ ಸುಯಜುಸ್ತಥಾ॥ 1-101-12 (4475) ಪುಷ್ಕರಿಣ್ಯಾಮೃಚೀಕಶ್ಚ ಭುಮನ್ಯೋರಭವನ್ಸುತಾಃ। ತೇಷಾಂ ಜ್ಯೇಷ್ಠಃ ಸುಹೋತ್ರಸ್ತು ರಾಜ್ಯಮಾಪ ಮಹೀಕ್ಷಿತಾಂ॥ 1-101-13 (4476) ರಾಜಸೂಯಾಶ್ವಮೇಧಾದ್ಯೈಃ ಸೋಽಯಜದ್ಬಹುಭಿಃ ಸವೈಃ। ಸುಹೋತ್ರಃ ಪೃಥಿವೀಂ ಕೃತ್ಸ್ನಾಂ ಬುಭುಜೇ ಸಾಗರಾಂಬರಾಂ॥ 1-101-14 (4477) ಪೂರ್ಣಾಂ ಹಸ್ತಿಗವಾಶ್ವೈಶ್ಚ ಬಹುರತ್ನಸಮಾಕುಲಾಂ। ಮಮಜ್ಜೇವ ಮಹೀ ತಸ್ಯ ಭೂರಿಭಾರಾವಪೀಡಿತಾ॥ 1-101-15 (4478) ಹಸ್ತ್ಯಶ್ವರಥಸಂಪೂರ್ಣಾ ಮನುಷ್ಯಕಲಿಲಾ ಭೃಶಂ। ಸುಹೋತ್ರೇ ರಾಜನಿ ತದಾ ಧರ್ಮತಃ ಶಾಸತಿ ಪ್ರಜಾಃ॥ 1-101-16 (4479) ಚೈತ್ಯಯೂಪಾಂಕಿತಾ ಚಾಸೀದ್ಭೂಮಿಃ ಶತಸಹಸ್ರಶಃ। ಪ್ರವೃದ್ಧಜನಸಸ್ಯಾ ಚ ಸರ್ವದೈವ ವ್ಯರೋಚತ॥ 1-101-17 (4480) ಐಕ್ಷ್ವಾಕೀ ಜನಯಾಮಾಸ ಸುಹೋತ್ರಾತ್ಪೃಥಿವೀಪತೇಃ। ಅಜಮೀಢಂ ಸುಮೀಢಂ ಚ ಪುರುಮೀಢಂ ಚ ಭಾರತ॥ 1-101-18 (4481) ಅಜಮೀಢೋ ವರಸ್ತೇಷಾಂ ತಸ್ಮಿನ್ವಂಶಃ ಪ್ರತಿಷ್ಠಿತಃ। ಷಟ್ ಪುತ್ರಾನ್ಸೋಪ್ಯಜನಯತ್ತಿಸೃಷು ಸ್ತ್ರೀಷು ಭಾರತ॥ 1-101-19 (4482) ಋಕ್ಷಂ ಧೂಮಿನ್ಯಥೋ ನೀಲೀ ದುಷ್ಯಂತಪರಮೇಷ್ಠಇನೌ। ಕೇಶಿನ್ಯಜನಯಜ್ಜಹ್ನುಂ ಸುತೌ ಚ ಜನರೂಷಿಣೌ॥ 1-101-20 (4483) ವಿದುಃ ಸಂವರಣಂ ವೀರಮೃಕ್ಷಾದ್ರಾಥಂತರೀಸುತಂ। ತಥೇಮೇ ಸರ್ವಪಂಚಾಲಾ ದುಷ್ಯಂತಪರಮೇಷ್ಠಿನೋಃ। ಅನ್ವಯಾಃ ಕುಶಿಕಾ ರಾಜಂಜನ್ಹೋರಮಿತತೇಜಸಃ॥ 1-101-21 (4484) ಜನರೂಷಣಯೋರ್ಜ್ಯೇಷ್ಠಮೃಕ್ಷಮಾಹುರ್ಜನಾಧಿಪಂ। ಋಕ್ಷಾತ್ಸಂವರಣೋ ಜಜ್ಞೇ ರಾಜನ್ವಂಶಕರಸ್ತವ॥ 1-101-22 (4485) ಆರ್ಕ್ಷೇ ಸಂವರಣೇ ರಾಜನ್ಪ್ರಶಾಸತಿ ವಸುಂಧರಾಂ। ಸಂಕ್ಷಯಃ ಸುಮಹಾನಾಸೀತ್ಪ್ರಜಾನಾಮಿತಿ ನಃ ಶ್ರುತಂ॥ 1-101-23 (4486) ವ್ಯಶೀರ್ಯತ ತತೋ ರಾಷ್ಟ್ರಂ ಕ್ಷಯೈರ್ನಾನಾವಿಧೈಸ್ತದಾ। ಕ್ಷುನ್ಮೃತ್ಯುಭ್ಯಾಮನಾವೃಷ್ಟ್ಯಾ ವ್ಯಾಧಿಭಿಶ್ಚ ಸಮಾಹತಂ॥ 1-101-24 (4487) ಅಭ್ಯಘ್ನನ್ಭಾರತಾಂಶ್ಚೈವ ಸಪತ್ನಾನಾಂ ಬಲಾನಿ ಚ। ಚಾಲಯನ್ವಸುಧಾಂ ಚೇಮಾಂ ಬಲೇನ ಚತುರಂಗಿಣಾ॥ 1-101-25 (4488) ಅಭ್ಯಯಾತ್ತಂ ಚ ಪಾಂಚಲ್ಯೋ ವಿಜಿತ್ಯ ತರಸಾ ಮಹೀಂ। ಅಕ್ಷೌಹಿಣೀಭಿರ್ದಶಭಿಃ ಸ ಏನಂ ಸಮರೇಽಜಯತ್॥ 1-101-26 (4489) ತತಃ ಸದಾರಃ ಸಾಮಾತ್ಯಃ ಸಪುತ್ರಃ ಸಸುಹೃಜ್ಜನಃ। ರಾಜಾ ಸಂವರಣಸ್ತಸ್ಮಾತ್ಪಲಾಯತ ಮಹಾಭಯಾತ್॥ 1-101-27 (4490) `ತೇ ಪ್ರತೀಚೀಂ ಪರಾಭೂತಾಃ ಪ್ರಪನ್ನಾ ಭಾರತಾ ದಿಶಂ'। ಸಿಂಧೋರ್ನದಸ್ಯ ಮಹತೋ ನಿಕುಂಜೇ ನ್ಯವಸಂಸ್ತದಾ। ನದೀವಿಪಯಪರ್ಯಂತೇ ಪರ್ವತಸ್ಯ ಸಮೀಪತಃ॥ 1-101-28 (4491) ತತ್ರಾವಸನ್ಬಹೂನ್ಕಾಲಾನ್ಭಾರತಾ ದುರ್ಗಮಾಶ್ರಿತಾಃ। ತೇಷಾಂ ನಿವಸತಾಂ ತತ್ರ ಸಹಸ್ರಂ ಪರಿವತ್ಸರಾನ್॥ 1-101-29 (4492) ಅಥಾಭ್ಯಗಚ್ಛದ್ಭರತಾನ್ವಸಿಷ್ಠೋ ಭಗವಾನೃಷಿಃ। ತಮಾಗತಂ ಪ್ರಯತ್ನೇನ ಪ್ರತ್ಯುದ್ಗಂಯಾಭಿವಾದ್ಯ ಚ॥ 1-101-30 (4493) ಅರ್ಘ್ಯಮಭ್ಯಾಹರಂಸ್ತಸ್ಮೈ ತೇ ಸರ್ವೇ ಭಾರತಾಸ್ತದಾ। ನಿವೇದ್ಯ ಸರ್ವಮೃಷಯೇ ಸತ್ಕಾರೇಣ ಸುವರ್ಚಸೇ॥ 1-101-31 (4494) ತಮಾಸನೇ ಚೋಪವಿಷ್ಟಂ ರಾಜಾ ವವ್ರೇ ಸ್ವಯಂ ತದಾ। ಪುರೋಹಿತೋ ಭವಾನ್ನೋಽಸ್ತು ರಾಜ್ಯಾಯ ಪ್ರಯತೇಮಹಿ॥ 1-101-32 (4495) ಓಮಿತ್ಯೇವಂ ವಸಿಷ್ಠೋಽಪಿ ಭಾರತಾನ್ಪ್ರತ್ಯಪದ್ಯತ। ಅಥಾಭ್ಯಷಿಂಚತ್ಸಾಂರಾಜ್ಯೇ ಸರ್ವಕ್ಷತ್ರಸ್ಯ ಪೌರವಂ॥ 1-101-33 (4496) ವಿಷಾಣಭೂತಂ ಸರ್ವಸ್ಯಾಂ ಪೃಥಿವ್ಯಾಮಿತಿ ನಃ ಶ್ರುತಂ। ಭರತಾಧ್ಯುಷಿತಂ ಪೂರ್ವಂ ಸೋಽಧ್ಯತಿಷ್ಠತ್ಪುರೋತೋತಮಂ॥ 1-101-34 (4497) ಪುನರ್ಬಲಿಭೃತಶ್ಚೈವ ಚಕ್ರೇ ಸರ್ವಮಹೀಕ್ಷಿತಃ। ತತಃ ಸ ಪೃಥಿವೀಂ ಪ್ರಾಪ್ಯ ಪುನರೀಜೇ ಮಹಾಬಲಃ॥ 1-101-35 (4498) ಆಜಮೀಢೋ ಮಹಾಯಜ್ಞೈರ್ಬಹುಭಿರ್ಭೂರಿದಕ್ಷಿಣೈಃ। ತತಃ ಸಂವರಣಾತ್ಸೌರೀ ತಪತೀ ಸುಷುವೇ ಕುರುಂ॥ 1-101-36 (4499) ರಾಜತ್ವೇ ತಂ ಪ್ರಜಾಃ ಸರ್ವಾ ಧರ್ಮಜ್ಞ ಇತಿ ವವ್ರಿರೇ। `ಮಹಿಂನಾ ತಸ್ಯ ಕುರವೋ ಲೇಭಿರೇ ಪ್ರತ್ಯಯಂ ಭೃಶಂ।' ತಸ್ಯ ನಾಂನಾಽಭಿವಿಖ್ಯಾತಂ ಪೃಥಿವ್ಯಾಂ ಕುರುಜಾಂಗಲಂ॥ 1-101-37 (4500) ಕುರುಕ್ಷೇತ್ರಂ ಸ ತಪಸಾ ಪುಣ್ಯಂ ಚಕ್ರೇ ಮಹಾತಪಾಃ। ಅಶ್ವವಂತಮಭಿಷ್ಯಂತಂ ತಥಾ ಚೈತ್ರರಥಂ ಮುನಿಂ॥ 1-101-38 (4501) ಜನಮೇಜಯಂ ಚ ವಿಖ್ಯಾತಂ ಪುತ್ರಾಂಶ್ಚಾಸ್ಯಾನುಶುಶ್ರುಮ। ಪಂಚೈತಾನ್ವಾಹಿನೀ ಪುತ್ರಾನ್ವ್ಯಜಾಯತ ಮನಸ್ವಿನೀ॥ 1-101-39 (4502) ಅವಿಕ್ಷಿತಃ ಪರಿಕ್ಷಿತ್ತು ಶಬಲಾಶ್ವಸ್ತು ವೀರ್ಯವಾನ್। ಆದಿರಾಜೋ ವಿರಾಜಶ್ಚ ಶಾಲ್ಮಲಿಶ್ಚ ಮಹಾಬಲಃ॥ 1-101-40 (4503) ಉಚ್ಚೈಃಶ್ರವಾ ಭಂಗಕಾರೋ ಜಿತಾರಿಶ್ಚಾಷ್ಟಮಃ ಸ್ಮೃತಃ। ಏತೇಷಾಮನ್ವವಾಯೇ ತು ಖ್ಯಾತಾಸ್ತೇ ಕರ್ಮಜೈರ್ಗುಣೈಃ। ಜನಮೇಜಯಾದಯಃ ಸಪ್ತ ತಥೈವಾನ್ಯೇ ಮಹಾರಥಾಃ॥ 1-101-41 (4504) ಪರೀಕ್ಷಿತೋಽಭವನ್ಪುತ್ರಾಃ ಸರ್ವೇ ಧರ್ಮಾರ್ಥಕೋವಿದಾಃ। ಕಕ್ಷಸೇನೋಗ್ರಸೇನೌ ತು ಚಿತ್ರಸೇನಶ್ಚ ವೀರ್ಯವಾನ್॥ 1-101-42 (4505) ಇಂದ್ರಸೇನಃ ಸುಷೇಣಶ್ಚ ಭೀಮಸೇನಶ್ಚ ನಾಮತಃ। ಜನಮೇಜಯಸ್ಯ ತನಯಾ ಭುವಿ ಖ್ಯಾತಾ ಮಹಾಬಲಾಃ॥ 1-101-43 (4506) ಧೃತರಾಷ್ಟ್ರಃ ಪ್ರಥಮಜಃ ಪಾಂಡುರ್ಬಾಹ್ಲೀಕ ಏವ ಚ। ನಿಷಧಶ್ಚ ಮಹಾತೇಜಾಸ್ತಥಾ ಜಾಂಬೂನದೋ ಬಲೀ॥ 1-101-44 (4507) ಕುಂಡೋದರಃ ಪದಾತಿಶ್ಚ ವಸಾತಿಶ್ಚಾಷ್ಟಮಃ ಸ್ಮೃತಃ। ಸರ್ವೇ ಧರ್ಮಾರ್ಥಕುಶಲಾಃ ಸರ್ವಭೂತಹಿತೇ ರತಾಃ॥ 1-101-45 (4508) ಧೃತರಾಷ್ಟ್ರೋಽಥ ರಾಜಾಸೀತ್ತಸ್ಯ ಪುತ್ರೋಽಥ ಕುಂಡಿಕಃ। ಹಸ್ತೀ ವಿತರ್ಕಃ ಕ್ರಾಥಶ್ಚ ಕುಂಡಿನಶ್ಚಾಪಿ ಪಂಚಮಃ॥ 1-101-46 (4509) ಹವಿಶ್ರವಾಸ್ತಥೇಂದ್ರಾಭೋ ಭುಮನ್ಯುಶ್ಚಾಪರಾಜಿತಃ। ಧೃತರಾಷ್ಟ್ರಸುತಾನಾಂ ತು ತ್ರೀನೇತಾನ್ಪ್ರಥಿತಾನ್ಭುವಿ॥ 1-101-47 (4510) ಪ್ರತೀಪಂ ಧರ್ಮನೇತ್ರಂ ಚ ಸುನೇತ್ರಂ ಚಾಪಿ ಭಾರತ। ಪ್ರತೀಪಃ ಪ್ರಥಿತಸ್ತೇಷಾಂ ಬಭೂವಾಪ್ರತಿಮೋ ಭುವಿ॥ 1-101-48 (4511) ಪ್ರತೀಪಸ್ಯ ತ್ರಯಃ ಪುತ್ರಾ ಜಜ್ಞಿರೇ ಭರತರ್ಷಭ। ದೇವಾಪಿಃ ಶಂತನುಶ್ಚೈವ ಬಾಹ್ಲೀಕಶ್ಚ ಮಹಾರಥಃ॥ 1-101-49 (4512) ದೇವಾಪಿಸ್ತು ಪ್ರವವ್ರಾಜ ತೇಷಾಂ ಧರ್ಮಹಿತೇಪ್ಸಯಾ। ಶಂತನುಶ್ಚ ಮಹೀಂ ಲೇಭೇ ಬಾಹ್ಲೀಕಶ್ಚ ಮಹಾರಥಃ॥ 1-101-50 (4513) ಭರತಸ್ಯಾನ್ವಯಾಸ್ತ್ವೇತೇ ದೇವಕಲ್ಪಾ ಮಹಾರಥಾಃ। ಬಭೂವುರ್ಬ್ರಹ್ಮಕಲ್ಪಾಶ್ಚ ಬಹವೋ ರಾಜಸತ್ತಮಾಃ॥ 1-101-51 (4514) ಏವಂವಿಧಾ ಮಹಾಭಾಗಾ ದೇವರೂಪಾಃ ಪ್ರಹಾರಿಣಃ। ಅನ್ವವಾಯೇ ಮಹಾರಾಜ ಐಲವಂಶವಿವರ್ಧನಾಃ॥ 1-101-52 (4515) `ಗಂಗಾತೀರಂ ಸಮಾಗಂಯ ದೀಕ್ಷಿತೋ ಜನಮೇಜಯ। ಅಶ್ವಮೇಧಸಹಸ್ರಾಣಿ ವಾಜಪೇಯಶತಾನಿ ಚ॥ 1-101-53 (4516) ಪುನರೀಜೇ ಮಹಾಯಜ್ಞೈಃ ಸಮಾಪ್ತವರದಕ್ಷಿಣೈಃ। ಅಗ್ನಿಷ್ಟೋಮಾತಿರಾತ್ರಾಣಾಮುಕ್ಥಾನಾಂ ಸೋಮವತ್ಪುನಃ॥ 1-101-54 (4517) ವಾಜಪೇಯೇಷ್ಟಿಸತ್ರಾಣಾಂ ಸಹಸ್ರೈಶ್ಚ ಸುಸಂಭೃತೈಃ। ದೃಷ್ಟ್ವಾ ಶಾಕುಂತಲೋ ರಾಜಾ ತರ್ಪಯಿತ್ವಾ ದ್ವಿಜಾಂಧನೈಃ॥ 1-101-55 (4518) ಪುನಃ ಸಹಸ್ರಂ ಪದ್ಮಾನಾಂ ಕಣ್ವಾಯ ಭರತೋ ದದೌ। ಜಂಬೂನದಸ್ಯ ಶುದ್ಧಸ್ಯ ಕನಕಸ್ಯ ಮಹಾಯಶಾಃ॥ 1-101-56 (4519) ಯಸ್ಯ ಯೂಪಾಃ ಶತವ್ಯಾಮಾಃ ಪರಿಣಾಹೇಽಥ ಕಾಂಚನಾಃ। ಸಹಸ್ರವ್ಯಾಮಮುದ್ವೃದ್ಧಾಃ ಸೇಂದ್ರೈರ್ದೇವೈಃ ಸಮುಚ್ಛ್ರಿತಾಃ॥ 1-101-57 (4520) ಸ್ವಲಂಕೃತಾ ಭ್ರಾಜಮಾನಾಃ ಸರ್ವರತ್ನೈರ್ಮನೋರಮೈಃ। ಹಿರಣ್ಯಂ ದ್ವಿರದಾನಶ್ವಾನ್ಮಹಿಷೋಷ್ಟ್ರಗಜಾವಿಕಂ॥ 1-101-58 (4521) ದಾಸೀದಾಸಂ ಧನಂ ಧಾನ್ಯಂ ಗಾಃ ಸುಶೀಲಾಃ ಸವತ್ಸಕಾಃ। ಭೂಮಿಂ ಯೂಪಸಹಸ್ರಾಂಕಾಂ ಕಣ್ವಾಯ ಬಹುದಕ್ಷಿಣಾಂ॥ 1-101-59 (4522) ಬಹೂನಾಂ ಬ್ರಹ್ಮಕಲ್ಪಾನಾಂ ಧನಂ ದತ್ತ್ವಾ ಕ್ರತೂನ್ಬಹೂನ್। ಗ್ರಾಮಾನ್ಗೃಹಾಣಿ ಶುಭ್ರಾಣಿ ಕೋಟಿಶೋಥಾದದತ್ತದಾ॥ 1-101-60 (4523) ಭರತಾದ್ಭಾರತೀ ಕೀರ್ತಿರ್ಯೇನೇದಂ ಭಾರತಂ ಕುಲಂ।' ಭರತಸ್ಯಾನ್ವಯೇ ಜಾತಾ ದೇವಕಲ್ಪಾ ಮಹಾರಥಾಃ॥ 1-101-61 (4524) ಬಹವೋ ಬ್ರಹ್ಮಕಲ್ಪಾಶ್ಚ ಬಭೂವುಃ ಕ್ಷತ್ರಸತ್ತಮಾಃ। ತೇಷಾಮಪರಿಮೇಯಾನಿ ನಾಮಧೇಯಾನಿ ಸಂತ್ಯುತ॥ 1-101-62 (4525) ತೇಷಾಂ ಕುಲೇ ಯಥಾ ಮುಖ್ಯಾನ್ಕೀರ್ತಯಿಷ್ಯಾಮಿ ಭಾರತ। ಮಹಾಭಾಗಾಂದೇವಕಲ್ಪಾನ್ಸತ್ಯಾರ್ಜವಪರಾಯಣಾನ್॥ ॥ 1-101-63 (4526) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಏಕೋತ್ತರಶತತಮೋಽಧ್ಯಾಯಃ॥ 101 ॥

1-102-0 (4527) ವೈಶಂಪಾಯನ ಉವಾಚ। 1-102-0x (626) ಇಕ್ಷ್ವಾಕುವಂಶಪ್ರಭೋ ರಾಜಾಸೀತ್ಪೃಥಿವೀಪತಿಃ। ಮಹಾಭಿಷಗಿತಿ ಖ್ಯಾತಃ ಸತ್ಯವಾಕ್ಸತ್ಯವಿಕ್ರಮಃ॥ 1-102-1 (4528) ಸೋಽಶ್ವಮೇಧಸಹಸ್ರೇಣ ರಾಜಸೂಯಶತೇನ ಚ। ತೋಷಯಾಮಾಸ ದೇವೇಶಂ ಸ್ವರ್ಗಂ ಲೇಭೇ ತತಃ ಪ್ರಭುಃ॥ 1-102-2 (4529) ತತಃ ಕದಾಚಿದ್ಬ್ರಹ್ಮಾಣಮುಪಾಸಾಂಚಕ್ರಿರೇ ಸುರಾಃ। ತತ್ರ ರಾಜರ್ಷಯೋ ಹ್ಯಾಸನ್ಸ ಚ ರಾಜಾ ಮಹಾಭಿಷಕ್॥ 1-102-3 (4530) ಅಥ ಗಂಗಾ ಸರಿಚ್ಛ್ರೇಷ್ಠಾ ಸಮುಪಾಯಾತ್ಪಿತಾಮಹಂ। ತಸ್ಯಾ ವಾಸಃ ಸಮುದ್ಧೂತಂ ಮಾರುತೇನ ಶಶಿಪ್ರಭಂ॥ 1-102-4 (4531) ತತೋಽಭವನ್ಸುರಗಣಾಃ ಸಹಸಾಽವಾಙ್ಮುಖಾಸ್ತದಾ। ಮಹಾಭಿಷಕ್ತು ರಾಜರ್ಷಿರಶಂಕೋ ದೃಷ್ಟವಾನ್ನದೀಂ॥ 1-102-5 (4532) ಸೋಪಧ್ಯಾತೋ ಭಗವತಾ ಬ್ರಹ್ಮಣಾ ತು ಮಹಾಭಿಷಕ್। ಉಕ್ತಶ್ಚ ಜಾತೋ ಮರ್ತ್ಯೇಷು ಪುನರ್ಲೋಕಾನವಾಪ್ಸ್ಯಸಿ॥ 1-102-6 (4533) ಯಯಾ ಹೃತಮನಾಶ್ಚಾಸಿ ಗಂಗಯಾ ತ್ವಂ ಹಿ ದುರ್ಮತೇ। ಸಾ ತೇ ವೈ ಮಾನುಷೇ ಲೋಕೇ ವಿಪ್ರಿಯಾಣ್ಯಾಚರಿಷ್ಯತಿ॥ 1-102-7 (4534) ಯದಾ ತೇ ಭವಿತಾ ಮನ್ಯುಸ್ತದಾ ಶಾಪಾದ್ವಿಮೋಕ್ಷ್ಯತೇ। 1-102-8 (4535) ವೈಶಂಪಾಯನ ಉವಾಚ। ಸ ಚಿಂತಯಿತ್ವಾ ನೃಪತಿರ್ನೃಪಾನನ್ಯಾಂಸ್ತಪೋಧನಾನ್॥ 1-102-8x (627) ಪ್ರತೀಪಂ ರೋಚಯಾಮಾಸ ಪಿತರಂ ಭೂರಿತೇಜಸಂ। ಸಾ ಮಹಾಭಿಷಜಂ ದೃಷ್ಟ್ವಾ ನದೀ ದೈರ್ಯಾಚ್ಚ್ಯುತಂ ನೃಪಂ॥ 1-102-9 (4536) ತಮೇವ ಮನಸಾ ಧ್ಯಾಯಂತ್ಯುಪಾವೃತ್ತಾ ಸರಿದ್ವರಾ। ಸಾ ತು ವಿಧ್ವಸ್ತವಪುಷಃ ಕಶ್ಮಲಾಭಿಹತಾನ್ನೃಪ॥ 1-102-10 (4537) ದದರ್ಶ ಪಥಿ ಗಚ್ಛಂತೀ ವಸೂಂದೇವಾಂದಿವೌಕಸಃ। ತಥಾರೂಪಾಂಶ್ಚ ತಾಂದೃಷ್ಟ್ವಾ ಪ್ರಪಚ್ಛ ಸರಿತಾಂ ವರಾ॥ 1-102-11 (4538) ಕಿಮಿದಂ ನಷ್ಟರೂಪಾಃ ಸ್ಥ ಕಚ್ಚಿತ್ಕ್ಷೇಮಂ ದಿವೌಕಸಾಂ। ತಾಮೂಚುರ್ವಸವೋ ದೇವಾಃ ಶಪ್ತಾಃ ಸ್ಮೋ ವೈ ಮಹಾನದಿ॥ 1-102-12 (4539) ಅಲ್ಪೇಽಪರಾಧೇ ಸಂರಂಭಾದ್ವಸಿಷ್ಠೇನ ಮಹಾತ್ಮನಾ। ವಿಮೂಢಾ ಹಿ ವಯಂ ಸರ್ವೇ ಪ್ರಚ್ಛನ್ನಮೃಷಿಸತ್ತಮಂ॥ 1-102-13 (4540) ಸಂಧ್ಯಾಂ ವಸಿಷ್ಠಮಾಸೀನಂ ತಮತ್ಯಭಿಸೃತಾಃ ಪುರಾ। ತೇನ ಕೋಪಾದ್ವಯಂ ಶಪ್ತಾ ಯೋನೌ ಸಂಭವತೇತಿ ಹ॥ 1-102-14 (4541) ನ ತಚ್ಛಕ್ಯಂ ನಿವರ್ತಯಿತುಂ ಯದುಕ್ತಂ ಬ್ರಹ್ಮವಾದಿನಾ। ತ್ವಮಸ್ಮಾನ್ಮಾನುಷೀ ಭೂತ್ವಾ ಸೂಷ್ವ ಪುತ್ರಾನ್ವಸೂನ್ಭುವಿ॥ 1-102-15 (4542) ನ ಮಾನುಷೀಣಾಂ ಜಠರಂ ಪ್ರವಿಶೇಮ ವಯಂ ಶುಭೇ। ಇತ್ಯುಕ್ತಾ ತೈಶ್ಚ ವಸುಭಿಸ್ತಥೇತ್ಯುಕ್ತ್ವಾಽಬ್ರವೀದಿದಂ॥ 1-102-16 (4543) ಗಂಗೋವಾಚ। 1-102-17x (628) ಮರ್ತ್ಯೇಷು ಪುರುಷಶ್ರೇಷ್ಠಃ ಕೋ ವಃ ಕರ್ತಾ ಭವಿಷ್ಯತಿ। 1-102-17 (4544) ವಸವ ಊಚುಃ। ಪ್ರತೀಪಸ್ಯ ಸುತೋ ರಾಜಾ ಶಾಂತನುರ್ಲೋಕವಿಶ್ರುತಃ। ಭವಿತಾ ಮಾನುಷೇ ಲೋಕೇ ಸ ನಃ ಕರ್ತಾ ಭವಿಷ್ಯತಿ॥ 1-102-17x (629) ಗಂಗೋವಾಚ। 1-102-18x (630) ಮಮಾಪ್ಯೇವಂ ಮತಂ ದೇವಾ ಯಥಾ ಮಾಂ ವದಥಾನಘಾಃ। ಪ್ರಿಯಂ ತಸ್ಯ ಕರಿಷ್ಯಾಮಿ ಯುಷ್ಮಾಕಂ ಚೇತದೀಪ್ಸಿತಂ॥ 1-102-18 (4545) ವಸವ ಊಚುಃ। 1-102-19x (631) ಜಾತಾನ್ಕುಮಾರಾನ್ಸ್ವಾನಪ್ಸು ಪ್ರಕ್ಷೇಪ್ತುಂ ವೈ ತ್ವಮರ್ಹಸಿ। ಯಥಾ ನಚಿರಕಾಲಂ ನೋ ನಿಷ್ಕೃತಿಃ ಸ್ಯಾತ್ತ್ರಿಲೋಕಗೇ॥ 1-102-19 (4546) ಜಿಘೃಕ್ಷವೋ ವಯಂ ಸರ್ವೇ ಸುರಭಿಂ ಮಂದಬುದ್ಧಯಃ। ಶಪ್ತಾ ಬ್ರಹ್ಮರ್ಷಿಣಾ ತೇನ ತಾಂಸ್ತ್ವಂ ಮೋಚಯ ಚಾಶು ನಃ॥ 1-102-20 (4547) ಗಂಗೋವಾಚ। 1-102-21x (632) ಏವಮೇತತ್ಕರಿಷ್ಯಾಮಿ ಪುತ್ರಸ್ತಸ್ಯ ವಿಧೀಯತಾಂ। ನಾಸ್ಯ ಮೋಘಃ ಸಂಗಮಃ ಸ್ಯಾತ್ಪುತ್ರಹೇತೋರ್ಮಯಾ ಸಹ॥ 1-102-21 (4548) ವಸವ ಊಚುಃ। 1-102-22x (633) ತುರೀಯಾರ್ಧಂ ಪ್ರದಾಸ್ಯಾಮೋ ವೀರ್ಯಸ್ಯೈಕೈಕಶೋ ವಯಂ। ತೇನ ವೀರ್ಯೇಣ ಪುತ್ರಸ್ತೇ ಭವಿತಾ ತಸ್ಯ ಚೇಪ್ಸಿತಃ॥ 1-102-22 (4549) ನ ಸಂಪತ್ಸ್ಯತಿ ಮರ್ತ್ಯೇಷು ಪುನಸ್ತಸ್ಯ ತು ಸಂತತಿಃ। ತಸ್ಮಾದಪುತ್ರಃ ಪುತ್ರಸ್ತೇ ಭವಿಷ್ಯತಿ ಸ ವೀರ್ಯವಾನ್॥ 1-102-23 (4550) ಏವಂ ತೇ ಸಮಯಂ ಕೃತ್ವಾ ಗಂಗಯಾ ವಸವಃ ಸಹ। ಜಗ್ಮುಃ ಸಂಹೃಷ್ಟಮನಸೋ ಯಥಾಸಂಕಲ್ಪಮಂಜಸಾ॥ ॥ 1-102-24 (4551) ಇತಿ ಶ್ರೀಮನ್ಮಹಾಭಾರತೇ ಆದಿಪ್ರವಮಿ ಸಂಭವಪರ್ವಣಿ ದ್ವ್ಯಧಿಕಶತತಮೋಽಧ್ಯಾಯಃ॥ 102 ॥

1-103-0 (4552) ವೈಶಂಪಾಯನ ಉವಾಚ। 1-103-0x (634) ತತಃ ಪ್ರತೀಪೋ ರಾಜಾಽಽಸೀತ್ಸರ್ವಭೂತಹಿತಃ ಸದಾ। ನಿಷಸಾದ ಸಮಾ ಬಹ್ವೀರ್ಗಂಗಾದ್ವಾರಗತೋ ಜಪನ್॥ 1-103-1 (4553) ತಸ್ಯ ರೂಪಗುಣೋಪೇತಾ ಗಂಗಾ ಸ್ತ್ರೀರೂಪಧಾರಿಣೀ। ಉತ್ತೀರ್ಯ ಸಲಿಲಾತ್ತಸ್ಮಾಲ್ಲೋಭನೀಯತಮಾಕೃತಿಃ॥ 1-103-2 (4554) ಅಧೀಯಾನಸ್ಯ ರಾಜರ್ಷೇರ್ದಿವ್ಯರೂಪಾ ಮನಸ್ವಿನೀ। ದಕ್ಷಿಣಂ ಶಾಲಸಂಕಾಶಮೂರುಂ ಭೇಜೇ ಶುಭಾನನಾ॥ 1-103-3 (4555) ಪ್ರತೀಪಸ್ತು ಮಹೀಪಾಲಸ್ತಾಮುವಾಚ ಯಶಸ್ವಿನೀಂ। `ವಾಕ್ಯಂ ವಾಕ್ಯವಿದಾಂ ಶ್ರೇಷ್ಠೋ ಧರ್ಮನಿಶ್ಚಯತತ್ತ್ವವಿತ್।' ಕರೋಮಿ ಕಿಂ ತೇ ಕಲ್ಯಾಣಿ ಪ್ರಿಯಂ ಯತ್ತೇಽಭಿಕಾಂಕ್ಷಿತಂ॥ 1-103-4 (4556) ಸ್ತ್ರ್ಯುವಾಚ। 1-103-5x (635) ತ್ವಾಮಹಂ ಕಾಮಯೇ ರಾಜನ್ಭಜಮಾನಾಂ ಭಜಸ್ವ ಮಾಂ। ತ್ಯಾಗಃ ಕಾಮವತೀನಾಂ ಹಿ ಸ್ತ್ರೀಣಾಂ ಸದ್ಭಿರ್ವಿಗರ್ಹಿತಃ॥ 1-103-5 (4557) ಪ್ರತೀಪ ಉವಾಚ। 1-103-6x (636) ನಾಹಂ ಪರಸ್ತ್ರಿಯಂ ಕಾಮಾದ್ಗಚ್ಛೇದಂ ವರವರ್ಣಿನಿ। ನ ಚಾಸವರ್ಣಾಂ ಕಲ್ಯಾಣಿ ಧರ್ಂಯಮೇತದ್ಧಿ ಮೇ ವ್ರತಂ॥ 1-103-6 (4558) `ಯಃ ಸ್ವದಾರಾನ್ಪರಿತ್ಯಜ್ಯ ಪಾರಕ್ಯಾಂ ಸೇವತೇ ಸ್ತ್ರಿಯಂ। ನಿರಯಾನ್ನೈವ ಮುಚ್ಯತೇ ಯಾವದಾಭೂತಸಂಪ್ಲವಂ॥' 1-103-7 (4559) ಸ್ತ್ರ್ಯುವಾಚ। 1-103-8x (637) ನಾಶ್ರೇಯಸ್ಯಸ್ಮಿ ನಾಗಂಯಾ ನ ವಕ್ತವ್ಯಾ ಚ ಕರ್ಹಿಚಿತ್। ಭಜಂತೀಂ ಭಜ ಮಾಂ ರಾಜಂದಿವ್ಯಾಂ ಕನ್ಯಾಂ ವರಸ್ತ್ರಿಯಂ॥ 1-103-8 (4560) ಪ್ರತೀಪ ಉವಾಚ। 1-103-9x (638) ತ್ವಯಾ ನಿವೃತ್ತಮೇತತ್ತು ಯನ್ಮಾಂ ಚೋದಯಸಿ ಪ್ರಿಯಂ। ಅನ್ಯಥಾ ಪ್ರತಿಪನ್ನಂ ಮಾಂ ನಾಶಯೇದ್ಧರ್ಮವಿಪ್ಲವಃ॥ 1-103-9 (4561) ಪ್ರಾಪ್ಯ ದಕ್ಷಿಣಮೂರುಂ ಮೇ ತ್ವಮಾಶ್ಲಿಷ್ಟಾ ವರಾಂಗನೇ। ಅಪತ್ಯಾನಾಂ ಸ್ನುಷಾಣಾಂ ಚ ಭೀರು ವಿದ್ಧ್ಯೇತದಾಸನಂ॥ 1-103-10 (4562) ಸವ್ಯೋರುಃ ಕಾಮಿನೀಭೋಗ್ಯಸ್ತ್ವಯಾ ಸ ಚ ವಿವರ್ಜಿತಃ। ತಸ್ಮಾದಹಂ ನಾಚರಿಷ್ಯೇ ತ್ವಯಿ ಕಾಮಂ ವರಾಂಗನೇ॥ 1-103-11 (4563) ಸ್ನುಷಾ ಮೇ ಭವ ಸುಶ್ರೋಣಿ ಪುತ್ರಾರ್ಥಂ ತ್ವಾಂ ವೃಣೋಂಯಹಂ। ಸ್ನುಷಾಪಕ್ಷಂ ಹಿ ವಾಮೋರು ತ್ವಮಾಗಂಯ ಸಮಾಶ್ರಿತಾ॥ 1-103-12 (4564) ಸ್ತ್ರ್ಯುವಾಚ। 1-103-13x (639) ಏವಮಪ್ಯಸ್ತು ಧರ್ಮಜ್ಞ ಸಂಯುಜ್ಯೇಯಂ ಸುತೇನ ತೇ। ತ್ವದ್ಭಕ್ತ್ಯಾ ತು ಭಜಿಷ್ಯಾಮಿ ಪ್ರಖ್ಯಾತಂ ಭಾರತಂ ಕುಲಂ॥ 1-103-13 (4565) ಪೃಥಿವ್ಯಾಂ ಪಾರ್ಥಿವಾ ಯೇ ಚ ತೇಷಾಂ ಯೂಯಂ ಪರಾಯಣಂ। ಗುಣಾ ನ ಹಿ ಮಯಾ ಶಕ್ಯಾ ವಕ್ತುಂ ವರ್ಷಶತೈರಪಿ॥ 1-103-14 (4566) ಕುಲಸ್ಯ ಯೇ ವಃ ಪ್ರಥಿತಾಸ್ತತ್ಸಾಧುತ್ವಮಥೋತ್ತಮಂ। ಸಮಯೇನೇಹ ಧರ್ಮಜ್ಞ ಆಚರೇಯಂ ಚ ಯದ್ವಿಭೋ॥ 1-103-15 (4567) ತತ್ಸರ್ವಮೇವ ಪುತ್ರಸ್ತೇ ನ ಮೀಮಾಂಸೇತ ಕರ್ಹಿಚಿತ್। ಏವಂ ವಸಂತೀ ಪುತ್ರೇ ತೇ ವರ್ಧಯಿಷ್ಯಾಂಯಹಂ ರತಿಂ॥ 1-103-16 (4568) ಪುತ್ರೈಃ ಪುಣ್ಯೈಃ ಪ್ರಿಯೈಶ್ಚೈವ ಸ್ವರ್ಗಂ ಪ್ರಾಪ್ಸ್ಯತಿ ತೇ ಸುತಃ। 1-103-17 (4569) ವೈಶಂಪಾಯನ ಉವಾಚ। ತಥೇತ್ಯುಕ್ತ್ವಾ ತು ಸಾ ರಾಜಂಸ್ತತ್ರೈವಾಂತರಧೀಯತ। `ಅದೃಶ್ಯಾ ರಾಜಸಿಂಹಸ್ಯ ಪಶ್ಯತಃ ಸಾಽಭವತ್ತದಾ॥' 1-103-17x (640) ಪುತ್ರಜನ್ಮ ಪ್ರತೀಕ್ಷನ್ವೈ ಸ ರಾಜಾ ತದಧಾರಯತ್। ಏತಸ್ಮಿನ್ನೇವ ಕಾಲೇ ತು ಪ್ರತೀಪಃ ಕ್ಷತ್ರಿಯರ್ಷಭಃ॥ 1-103-18 (4570) ತಪಸ್ತೇಪೇ ಸುತಸ್ಯಾರ್ಥೇ ಸಭಾರ್ಯಃ ಕುರುನಂದನ। `ಪ್ರತೀಪಸ್ಯ ತು ಭಾರ್ಯಾಯಾಂ ಗರ್ಭಃ ಶ್ರೀಮಾನವರ್ಧತ॥ 1-103-19 (4571) ಶ್ರಿಯಾ ಪರಮಯಾ ಯುಕ್ತಃ ಶರಚ್ಛುಕ್ಲೇ ಯಥಾ ಶಶೀ। ತತಸ್ತು ದಶಮೇ ಮಾಸಿ ಪ್ರಾಜಾಯತ ರವಿಪ್ರಭಂ॥ 1-103-20 (4572) ಕುಮಾರಂ ದೇವಗರ್ಭಾಭಂ ಪ್ರತೀಪಮಹಿಷೀ ತದಾ।' ತಯೋಃ ಸಮಭವತ್ಪುತ್ರೋ ವೃದ್ಧಯೋಃ ಸ ಮಹಾಭಿಷಕ್॥ 1-103-21 (4573) ಶಾಂತಸ್ಯ ಜಜ್ಞೇ ಸಂತಾನಸ್ತಸ್ಮಾದಾಸೀತ್ಸ ಶಾಂತನುಃ। `ತಸ್ಯ ಜಾತಸ್ಯ ಕೃತ್ಯಾನಿ ಪ್ರತೀಪೋಽಕಾರಯತ್ಪ್ರಭುಃ॥ 1-103-22 (4574) ಜಾತಕರ್ಮಾದಿ ವಿಪ್ರೇಣ ವೇದೋಕ್ತೈಃ ಕರ್ಮಭಿಸ್ತದಾ। ನಾಮಕರ್ಮ ಚ ವಿಪ್ರಾಸ್ತು ಚಕ್ರುಃ ಪರಮಸತ್ಕೃತಂ॥ 1-103-23 (4575) ಶಾಂತನೋರವನೀಪಾಲ ವೇದೋಕ್ತೈಃ ಕರ್ಮಭಿಸ್ತದಾ। ತತಃ ಸಂವರ್ಧಿತೋ ರಾಜಾ ಶಾಂತನುರ್ಲೋಕಧಾರ್ಮಿಕಃ॥ 1-103-24 (4576) ಸ ತು ಲೇಭೇ ಪರಾಂ ನಿಷ್ಠಾಂ ಪ್ರಾಪ್ಯ ಧರ್ಮಭೃತಾಂ ವರಃ। ಧನುರ್ವೇದೇ ಚ ವೇದೇ ಚ ಗತಿಂ ಸ ಪರಮಾ ಗತಃ॥ 1-103-25 (4577) ಯೌವನಂ ಚಾಪಿ ಸಂಪ್ರಾಪ್ತಃ ಕುಮಾರೋ ವದತಾಂ ವರಃ।' ಸಂಸ್ಮರಂಶ್ಚಾಕ್ಷಯಾಂʼಲ್ಲೋಕಾನ್ವಿಜಾತಾನ್ಸ್ವೇನ ಕರ್ಮಣಾ॥ 1-103-26 (4578) ಪುಣ್ಯಕರ್ಮಕೃದೇವಾಸೀಚ್ಛಾಂತನುಃ ಕುರುಸತ್ತಮಃ। ಪ್ರತೀಪಃ ಶಾಂತನುಂ ಪುತ್ರಂ ಯೌವನಸ್ಥಂ ತತೋಽನ್ವಶಾತ್॥ 1-103-27 (4579) ಪುರಾ ಸ್ತ್ರೀ ಮಾಂ ಸಮಭ್ಯಾಗಾಚ್ಛಾಂತನೋ ಭೂತಯೇ ತವ। ತ್ವಾಮಾವ್ರಜೇದ್ಯದಿ ರಹಃ ಸಾ ಪುತ್ರ ವರವರ್ಣಿನೀ॥ 1-103-28 (4580) ಕಾಮಯಾನಾಽಭಿರೂಪಾಢ್ಯಾ ದಿವ್ಯಸ್ತ್ರೀ ಪುತ್ರಕಾಂಯಯಾ। ಸಾ ತ್ವಯಾ ನಾನುಯೋಕ್ತವ್ಯಾ ಕಾಸಿ ಕಸ್ಯಾಸಿ ಚಾಂಗನೇ॥ 1-103-29 (4581) ಯಚ್ಚ ಕುರ್ಯಾನ್ನ ತತ್ಕರ್ಮ ಸಾ ಪ್ರಷ್ಟವ್ಯಾ ತ್ವಯಾಽನಘ। ಸನ್ನಿಯೋಗಾದ್ಭಜಂತೀಂ ತಾಂ ಭಜೇಥಾ ಇತ್ಯುವಾಚ ತಂ॥ 1-103-30 (4582) ಏವಂ ಸಂದಿಶ್ಯ ತನಯಂ ಪ್ರತೀಪಃ ಶಾಂತನುಂ ತದಾ। ಸ್ವೇ ಚ ರಾಜ್ಯೇಽಭಿಷಿಚ್ಯೈನಂ ವನಂ ರಾಜಾ ವಿವೇಶ ಹ॥ 1-103-31 (4583) ಸ ರಾಜಾ ಶಾಂತನುರ್ಧೀಮಾಂದೇವರಾಜಸಮದ್ಯುತಿಃ। `ಬಭೂವ ಸರ್ವಲೋಕಸ್ಯ ಸತ್ಯವಾಗಿತಿ ಸಂಮತಃ॥ 1-103-32 (4584) ಪೀನಸ್ಕಂಧೋ ಮಹಾಬಾಹುರ್ಮತ್ತವಾರಣವಿಕ್ರಮಃ। ಅನ್ವಿತಃ ಪರಿಪೂರ್ಣಾರ್ಥೈಃ ಸರ್ವೈರ್ನೃಪತಿಲಕ್ಷಣೈಃ॥ 1-103-33 (4585) ಅಮಾತ್ಯಲಕ್ಷಣೋಪೇತಃ ಕ್ಷತ್ರಧರ್ಮವಿಶೇಷವಿತ್। ವಶೇ ಚಕ್ರೇ ಮಹೀಮೇಕೋ ವಿಜಿತ್ಯ ವಸುಧಾಧಿಪಾನ್॥ 1-103-34 (4586) ವೇದಾನಾಗಮಯತ್ಕೃತ್ಸ್ನಾನ್ರಾಜಧರ್ಮಾಂಶ್ಚ ಸರ್ವಶಃ। ಈಜೇ ಚ ಬಹುಭಿಃ ಸತ್ರೈಃ ಕ್ರತುಭಿರ್ಭೂರಿದಕ್ಷಿಣೈಃ॥ 1-103-35 (4587) ತರ್ಪಯಾಮಾಸ ವಿಪ್ರಾಂಶ್ಚ ವೇದಾಧ್ಯಯನಕೋವಿದಾನ್। ರತ್ನೈರುಚ್ಚಾವಚೈರ್ಗೋಭಿರ್ಗ್ರಾಮೈರಶ್ವೈರ್ಧನೈರಪಿ॥ 1-103-36 (4588) ವಯೋರೂಪೇಣ ಸಂಪನ್ನಃ ಪೌರುಷೇಣ ಬಲೇನ ಚ। ಐಶ್ವರ್ಯೇಣ ಪ್ರತಾಪೇನ ವಿಕ್ರಮೇಣ ಧನೇನ ಚ॥ 1-103-37 (4589) ವರ್ತಮಾನಶ್ಚ ಸತ್ಯೇನ ಸರ್ವಧರ್ಮವಿಶಾರದಃ। ತಂ ಮಹೀಪಂ ಮಹೀಪಾಲಾ ರಾಜರಾಜಮಕುರ್ವತ॥ 1-103-38 (4590) ವೀತಶೋಕಭಯಾಬಾಧಾಃ ಸುಖಸ್ವಪ್ನಪ್ರಬೋಧಾಃ। ಶ್ರಿಯಾ ಭರತಶಾರ್ದೂಲ ಸಮಪದ್ಯಂತ ಭೂಮಿಪಾಃ॥ 1-103-39 (4591) ನಿಯಮೈಃ ಸರ್ವವರ್ಣಾನಾಂ ಬ್ರಹ್ಮೋತ್ತರಮವರ್ತತ। ಬ್ರಾಹ್ಮಣಾಭಿಮುಖಂ ಕ್ಷತ್ರಂ ಕ್ಷತ್ರಿಯಾಭಿಮುಖಾ ವಿಶಃ॥ 1-103-40 (4592) ಬ್ರಹ್ಮಕ್ಷತ್ರಾನುಕೂಲಾಂಶ್ಚ ಶೂದ್ರಾಃ ಪರ್ಯಚರನ್ವಿಶಃ। ಏವಂ ಪಶುವರಾಹಾಣಾಂ ತಥೈವ ಮೃಗಪಕ್ಷಿಣಾಂ॥ 1-103-41 (4593) ಶಾಂತನಾವಥ ರಾಜ್ಯಸ್ಥೇ ನಾವರ್ತತ ವೃಥಾ ವಧಃ। ಅಸುಖಾನಾಮನಾಥಾನಾಂ ತಿರ್ಯಗ್ಯೋನಿಷು ವರ್ತತಾಂ॥ 1-103-42 (4594) ಸ ಏವ ರಾಜಾ ಸರ್ವೇಷಾಂ ಭೂತಾನಾಮಭವತ್ಪಿತಾ। ಸ ಹಸ್ತಿನಾಂನಿ ಧರ್ಮಾತ್ಮಾ ವಿಹರನ್ಕುರುನಂದನಃ॥ 1-103-43 (4595) ತೇಜಸಾ ಸೂರ್ಯಕಲ್ಪೋಽಭೂದ್ವಾಯುನಾ ಚ ಸಮೋ ಬಲೇ। ಅಂತಕಪ್ರತಿಮಃ ಕೋಪೇ ಕ್ಷಮಯಾ ಪೃಥಿವೀಸಮಃ॥ 1-103-44 (4596) ಬಭೂವ ರಾಜಾ ಸುಮತಿಃ ಪ್ರಜಾನಾಂ ಸತ್ಯವಿಕ್ರಮಃ। ಸ ವನೇಷು ಚ ರಂಯೇಷು ಶೈಲಪ್ರಸ್ರವಣೇಷು ಚ॥' 1-103-45 (4597) ಚಚಾರ ಮೃಗಯಾಶೀಲಃ ಶಾಂತನುರ್ವನಗೋಚರಃ। ಸ ಮೃಗಾನ್ಮಹಿಷಾಂಶ್ಚೈವ ವಿನಿಘ್ನನ್ರಾಜಸತ್ತಮಃ॥ 1-103-46 (4598) ಗಂಗಾಮನು ಚಚಾರೈಕಃ ಸಿದ್ಧಚಾರಣಸೇವಿತಾಂ। ಸ ಕದಾಚಿನ್ಮಹಾರಾಜ ದದರ್ಶ ಪರಮಾಂ ಸ್ತ್ರಿಯಂ॥ 1-103-47 (4599) ಜಾಜ್ವಲ್ಯಮಾನಾಂ ವಪುಷಾ ಸಾಕ್ಷಾಚ್ಛ್ರಿಯಮಿವಾಪರಾಂ। ಸರ್ವಾನವದ್ಯಾಂ ಸುದತೀಂ ದಿವ್ಯಾಭರಣಭೂಷಿತಾಂ॥ 1-103-48 (4600) ಸೂಕ್ಷ್ಮಾಂಬರಧರಾಮೇಕಾಂ ಪದ್ಮೋದರಸಮಪ್ರಭಾಂ। `ಸ್ನಾತಗಾತ್ರಾಂ ಧೌತವಸ್ತ್ರಾಂ ಗಂಗಾತೀರರುಹೇ ವನೇ॥ 1-103-49 (4601) ಪ್ರಕೀರ್ಣಕೇಶೀಂ ಪಾಣಿಭ್ಯಾಂ ಸಂಸ್ಪೃಶಂತೀಂ ಶಿರೋರುಹಾನ್। ರೂಪೇಣ ವಯಸಾ ಕಾಂತ್ಯಾ ಶರೀರಾವಯವೈಸ್ತಥಾ॥ 1-103-50 (4602) ಹಾವಭಾವವಿಲಾಸೈಶ್ಚ ಲೋಚನಾಂಚಲವಿಕ್ರಿಯೈಃ। ಶ್ರೋಣೀಭಾರೇಣ ಮಧ್ಯೇನ ಸ್ತನಾಭ್ಯಾಮುರಸಾ ದೃಶಾ॥ 1-103-51 (4603) ಕವರೀಭರೇಣ ಪಾದಾಭ್ಯಾಮಿಂಗಿತೇನ ಸ್ಮಿತೇನ ಚ। ಕೋಕಿಲಾಲಾಪಸಂಲ್ಲಾಪೈರ್ನ್ಯಕ್ಕುರ್ವಂತೀಂ ತ್ರಿಲೋಕಗಾಂ॥ 1-103-52 (4604) ವಾಣೀಂ ಚ ಗಿರಿಜಾಂ ಲಕ್ಷ್ಮೀಂ ಯೋಷಿತೋನ್ಯಾಃ ಸುರಾಂಗನಾಃ। ಸಾ ಚ ಶಾಂತನುಮಬ್ಯಾಗಾದಲಕ್ಷ್ಮೀಮಪಕರ್ಷತೀ॥' 1-103-53 (4605) ತಾಂ ದೃಷ್ಟ್ವಾ ಹೃಷ್ಟರೋಮಾಽಭೂದ್ವಿಸ್ಮಿತೋ ರೂಪಸಂಪದಾ। ಪಿಬನ್ನಿವ ಚ ನೇತ್ರಾಭ್ಯಾಂ ನಾತೃಪ್ಯತ ನರಾಧಿಪಃ॥ 1-103-54 (4606) ಸಾ ಚ ದೃಷ್ಟ್ವೈವ ರಾಜಾನಂ ವಿಚರಂತಂ ಮಹಾದ್ಯುತಿಂ। ಸ್ನೇಹಾದಾಗತಸೌಹಾರ್ದಾ ನಾತೃಪ್ಯತ ವಿಲಾಸಿನೀ॥ 1-103-55 (4607) `ಗಂಗಾ ಕಾಮೇನ ರಾಜಾನಂ ಪ್ರೇಕ್ಷಮಾಣಾ ವಿಲಾಸಿನೀ। ಚಂಚೂರ್ಯತಾಗ್ರತಸ್ತಸ್ಯ ಕಿನ್ನರೀವಾಪ್ಸರೋಪಮಾ॥ 1-103-56 (4608) ದೃಷ್ಟ್ವಾ ಪ್ರಹೃಷ್ಟರೂಪೋಽಭೂದ್ದರ್ಶನಾದೇವ ಶಾಂತನುಃ। ರೂಪೇಣಾತೀತ್ಯ ತಿಷ್ಠಂತೀಂ ಸರ್ವಾ ರಾಜನ್ಯಯೋಷಿತಃ॥' 1-103-57 (4609) ತಾಮುವಾಚ ತತೋ ರಾಜಾ ಸಾಂತ್ವಯಞ್ಶ್ಲಕ್ಷ್ಣಯಾ ಗಿರಾ। ದೇವೀ ವಾ ದಾನವೀ ವಾ ತ್ವಂ ಗಂಧರ್ವೀ ಚಾಥವಾಽಪ್ಸರಾಃ॥ 1-103-58 (4610) ಯಕ್ಷೀ ವಾ ಪನ್ನಗೀ ವಾಽಪಿ ಮಾನುಷೀ ವಾ ಸುಮಧ್ಯಮೇ। `ಯಾಽಸಿ ಕಾಽಸಿ ಸುರಪ್ರಖ್ಯೇ ಮಹಿಷೀ ಮೇ ಭವಾನಘೇ॥ 1-103-59 (4611) ತ್ವಾಂ ಗತಾ ಹಿ ಮಮ ಪ್ರಾಮಾ ವಸು ಯನ್ಮೇಽಸ್ತಿ ಕಿಂಚನ।' ಯಾಚೇ ತ್ವಾಂ ಸುರಗರ್ಭಾಭೇ ಭಾರ್ಯಾ ಮೇ ಭವ ಶೋಭನೇ॥ ॥ 1-103-60 (4612) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ತ್ರ್ಯಧಿಕಶತತಮೋಽಧ್ಯಾಯಃ॥ 103 ॥

1-104-0 (4613) ವೈಶಂಪಾಯನ ಉವಾಚ। 1-104-0x (641) ಏತಚ್ಛ್ರುತ್ವಾ ವಚೋ ರಾಜ್ಞಃ ಸಸ್ಮಿತಂ ಮೃದು ವಲ್ಗು ಚ। ಯಶಸ್ವಿನೀ ಚ ಸಾಽಗಚ್ಛಚ್ಛಾಂತನೋರ್ಭೂತಯೇ ತದಾ॥ 1-104-1 (4614) ಸಾ ತು ದೃಷ್ಟ್ವಾ ನೃಪಶ್ರೇಷ್ಠಂ ಚರಂತಂ ತೀರಮಾಶ್ರಿತಂ। ವಸೂನಾಂ ಸಮಯಂ ಸ್ಮೃತ್ವಾಽಥಾಭ್ಯಗಚ್ಛದನಿಂದಿತಾ॥ 1-104-2 (4615) ಪ್ರಜಾರ್ಥಿನೀ ರಾಜಪುತ್ರಂ ಶಾಂತನುಂ ಪೃಥಿವೀಪತಿಂ। ಪ್ರತೀಪವಚನಂ ಚಾಪಿ ಸಂಸ್ಮೃತ್ಯೈವ ಸ್ವಯಂ ನೃಪಂ॥ 1-104-3 (4616) ಕಾಲೋಽಯಮಿತಿ ಮತ್ವಾ ಸಾ ವಸೂನಾಂ ಶಾಪಚೋದಿತಾ। ಉವಾಚ ಚೈವ ರಾಜ್ಞಃ ಸಾ ಹ್ಲಾದಯಂತೀ ಮನೋ ಗಿರಾ॥ 1-104-4 (4617) ಗಂಗೋವಾಚ। 1-104-5x (642) ಭವಿಷ್ಯಾಮಿ ಮಹೀಪಾಲ ಮಹಿಷೀ ತೇ ವಶಾನುಗಾ। ನ ತು ತ್ವಂ ವಾ ದ್ವಿತೀಯೋ ವಾ ಜ್ಞಾತುಮಿಚ್ಛೇತ್ಕಥಂಚನ॥ 1-104-5 (4618) ಯತ್ತು ಕುರ್ಯಾಮಹಂ ರಾಜಞ್ಶುಭಂ ವಾ ಯದಿ ವಾಽಶುಭಂ। ನ ತದ್ವಾರಯಿತವ್ಯಾಽಸ್ಮಿ ನ ವಕ್ತವ್ಯಾ ತಥಾಽಪ್ರಿಯಂ॥ 1-104-6 (4619) ಏವಂ ಹಿ ವರ್ತಮಾನೇಽಹಂ ತ್ವಯಿ ವತ್ಸ್ಯಾಮಿ ಪಾರ್ಥಿವ। ವಾರಿತಾ ವಿಪ್ರಿಯಂ ಚೋಕ್ತಾ ತ್ಯಜೇಯಂ ತ್ವಾಮಸಂಶಯಂ॥ 1-104-7 (4620) ಏಷ ಮೇ ಸಮಯೋ ರಾಜನ್ಭಜ ಮಾಂ ತ್ವಂ ಯಥೇಪ್ಸಿತಂ। ಅನುನೀತಾಽಸ್ಮಿ ತೇ ಪಿತ್ರಾ ಭರ್ತಾ ಮೇ ತ್ವಂ ಭವ ಪ್ರಭೋ॥ 1-104-8 (4621) ವೈಶಂಪಾಯನ ಉವಾಚ। 1-104-9x (643) ತಥೇತಿ ಸಾ ಯದಾ ತೂಕ್ತಾ ತದಾ ಭರತಸತ್ತಮ। ಪ್ರಹರ್ಷಮತುಲಂ ಲೇಭೇ ಪ್ರಾಪ್ಯ ತಂ ಪಾರ್ಥಿವೋತ್ತಮಂ॥ 1-104-9 (4622) ಪ್ರತಿಜ್ಞಾಯ ತು ತತ್ತಸ್ಯಾಸ್ತಥೇತಿ ಮನುಜಾಧಿಪಃ। ರಥಮಾರೋಪ್ಯ ತಾಂ ದೇವೀಂ ಜಗಾಮ ಸ ತಯಾ ಸಹ॥ 1-104-10 (4623) ಸಾ ಚ ಶಾಂತನುಮಭ್ಯಾಗಾತ್ಸಾಕ್ಷಾಲ್ಲಕ್ಷ್ಮೀರಿವಾಪರಾ। ಆಸಾದ್ಯ ಶಾಂತನುಸ್ತಾಂ ಚ ಬುಭುಜೇ ಕಾಮತೋ ವಶೀ॥ 1-104-11 (4624) ನ ಪ್ರಷ್ಟವ್ಯೇತಿ ಮನ್ವಾನೋ ನ ಸ ತಾಂ ಕಿಂಚಿದೂಚಿವಾನ್। ಸ ತಸ್ಯಾಃ ಶೀಲವೃತ್ತೇನ ರೂಪೌದಾರ್ಯಗುಣೇನ ಚ॥ 1-104-12 (4625) ಉಪಚಾರೇಣ ಚ ರಹಸ್ತುತೋಷ ಜಗತೀಪತಿಃ। ಸ ರಾಜಾ ಪರಮಪ್ರೀತಃ ಪರಮಸ್ತ್ರೀಪ್ರಲಾಲಿತಃ॥ 1-104-13 (4626) ದಿವ್ಯರೂಪಾ ಹಿ ಸಾ ದೇವೀ ಗಂಗಾ ತ್ರಿಪಥಗಾಮಿನೀ। ಮಾನುಷಂ ವಿಗ್ರಹಂ ಕೃತ್ವಾ ಶ್ರೀಮಂತಂ ವರವರ್ಣಿನೀ॥ 1-104-14 (4627) ಭಾಗ್ಯೋಪನತಕಾಮಸ್ಯ ಭಾರ್ಯಾ ಚೋಪನತಾಽಭವತ್। ಶಂತನೋರ್ನೃಪಸಿಂಹಸ್ಯ ದೇವರಾಜಸಮದ್ಯುತೇಃ॥ 1-104-15 (4628) ಸಂಭೋಗಸ್ನೇಹಚಾತುರ್ಯೈರ್ಹಾವಲಾಸ್ಯೈರ್ಮನೋಹರೈಃ। ರಾಜಾನಂ ರಮಯಾಮಾಸ ಯಥಾ ರಜ್ಯೇತ ಸ ಪ್ರಭುಃ॥ 1-104-16 (4629) ಸ ರಾಜಾ ರತಿಸಕ್ತೋಽಭೂದುತ್ತಮಸ್ತ್ರೀಗುಣೈರ್ಹೃತಃ॥ ॥ 1-104-17 (4630) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಚತುರಧಿಕಶತತಮೋಽಧ್ಯಾಯಃ॥ 104 ॥

1-105-0 (4631) ವೈಶಂಪಾಯನ ಉವಾಚ। 1-105-0x (644) ಸಂವತ್ಸರಾನೃತೂನ್ಮಾಸಾನ್ಬುಬುಧೇ ನ ಬಹೂನ್ಗತಾನ್। ರಮಮಾಣಸ್ತಯಾ ಸಾರ್ಧಂ ಯಥಾಕಾಮಂ ನರೇಶ್ವರಃ॥ 1-105-1 (4632) `ದಿವಿಷ್ಠಾನ್ಮಾನುಷಾಂಶ್ಚೈವ ಭೋಗಾನ್ಭುಂಕ್ತೇ ಸ ವೈ ನೃಪಃ।' ಆಸಾದ್ಯ ಶಾಂತನುಃ ಶ್ರೀಮಾನ್ಮುಮುದೇ ಯೋಷಿತಾಂ ವರಾಂ॥ 1-105-2 (4633) ಋತುಕಾಲೇ ತು ಸಾ ದೇವೀ ದಿವ್ಯಂ ಗರ್ಭಮಧಾರಯತ್। ಅಷ್ಟಾವಜನಯತ್ಪುತ್ರಾಂಸ್ತಸ್ಮಾದಮರಸನ್ನಿಭಾನ್॥ 1-105-3 (4634) ಜಾತಂ ಜಾತಂ ಚ ಸಾ ಪುತ್ರಂ ಕ್ಷಿಪತ್ಯಂಯಸಿ ಭಾರತ। ಸೂತಕೇ ಕಂಠಮಾಕ್ರಂಯ ತಾನ್ನಿನಾಯ ಯಮಕ್ಷಯಂ॥ 1-105-4 (4635) ಪ್ರೀಣಾಂಯಹಂ ತ್ವಾಮಿತ್ಯುಕ್ತ್ವಾ ಗಂಗಾಸ್ರೋತಸ್ಯಮಜ್ಜಯತ್। ತಸ್ಯ ತನ್ನ ಪ್ರಿಯಂ ರಾಜ್ಞಃ ಶಾಂತನೋರಭವತ್ತದಾ॥ 1-105-5 (4636) ನ ಚ ತಾಂ ಕಿಂಚನೋವಾಚ ತ್ಯಾಗಾದ್ಭೀತೋ ಮಹೀಪತಿಃ। `ಅಮೀಮಾಂಸ್ಯಾ ಕರ್ಮಯೋನಿರಾಗಮಶ್ಚೇತಿ ಶಾಂತನುಃ॥ 1-105-6 (4637) ಸ್ಮರನ್ಪಿತೃವಚಶ್ಚೈವ ನಾಪೃಚ್ಛತ್ಪುತ್ರಕಿಲ್ಬಿಷಂ। ಜಾತಾಂಜಾತಾಂಶ್ಚ ವೈ ಹಂತಿ ಸಾ ಸ್ತ್ರೀ ಸಪ್ತ ವರಾನ್ಸುತಾನ್॥ 1-105-7 (4638) ಶಾಂತನುರ್ಧರ್ಮಭಂಗಾಚ್ಚ ನಾಪೃಚ್ಛತ್ತಾಂ ಕಥಂಚನ। ಅಷ್ಟಮಂ ತು ಜಿಘಾಂಸಂತ್ಯಾಂ ಚುಕ್ಷುಭೇ ಶಾಂತನೋರ್ಧೃತಿಃ॥' 1-105-8 (4639) ಅಥೈನಾಮಷ್ಟಮೇ ಪುತ್ರೇ ಜಾತೇ ಪ್ರಹಸತೀಮಿವ। ಉವಾಚ ರಾಜಾ ದುಃಖಾರ್ತಃ ಪರೀಪ್ಸನ್ಪುತ್ರಮಾತ್ಮನಃ॥ 1-105-9 (4640) `ಆಲಭಂತೀಂ ತದಾ ದೃಷ್ಟ್ವಾ ತಾಂ ಸ ಕೌರವನಂದನಃ। ಅಬ್ರವೀದ್ಭರತಶ್ರೇಷ್ಠೋ ವಾಕ್ಯಂ ಪರಮದುಃಖಿತಃ॥' 1-105-10 (4641) ಮಾವಧೀಃ ಕಸ್ಯ ಕಾಽಸೀತಿ ಕಿಂ ಹಿನತ್ಸಿ ಸುತಾನಿತಿ। ಪುತ್ರಘ್ನಿ ಸುಮಹತ್ಪಾಪಂ ಸಂಪ್ರಾಪ್ತಂ ತೇ ಸುಗರ್ಹಿತಂ॥ 1-105-11 (4642) ಗಂಗೋವಾಚ। 1-105-12x (645) ಪುತ್ರಕಾಮ ನ ತೇ ಹನ್ಮಿ ಪುತ್ರಂ ಪುತ್ರವತಾಂ ವರ। ಜೀರ್ಣಸ್ತು ಮಮ ವಾಸೋಽಯಂ ಯಥಾ ಸ ಸಮಯಃ ಕೃತಃ॥ 1-105-12 (4643) ಅಹಂ ಗಂಗಾ ಜಹ್ನುಸುತಾ ಮಹರ್ಷಿಗಣಸೇವಿತಾ। ದೇವಕಾರ್ಯಾರ್ಥಸಿದ್ಧ್ಯರ್ಥಮುಷಿತಾಽಹಂ ತ್ವಯಾ ಸಹ॥ 1-105-13 (4644) ಇಮೇಽಷ್ಟೌ ವಸವೋ ದೇವಾ ಮಹಾಭಾಗಾ ಮಹೌಜಸಃ। ವಸಿಷ್ಠಶಾಪದೋಷೇಣ ಮಾನುಷತ್ವಮುಪಾಗತಾಃ॥ 1-105-14 (4645) ತೇಷಾಂ ಜನಯಿತಾ ನಾನ್ಯಸ್ತ್ವದೃತೇ ಭುವಿ ವಿದ್ಯತೇ। ಮದ್ವಿಧಾ ಮಾನುಷೀ ಧಾತ್ರೀ ಲೋಕೇ ನಾಸ್ತೀಹ ಕಾಚನ॥ 1-105-15 (4646) ತಸ್ಮಾತ್ತಜ್ಜನನೀಹೇತೋರ್ಮಾನುಷತ್ವಮುಪಾಗತಾ। ಜನಯಿತ್ವಾ ವಸೂನಷ್ಟೌ ಜಿತಾ ಲೋಕಾಸ್ತ್ವಯಾಽಕ್ಷಯಾಃ॥ 1-105-16 (4647) ದೇವಾನಾಂ ಸಮಯಸ್ತ್ವೇಷ ವಸೂನಾಂ ಸಂಶ್ರುತೋ ಮಯಾ। ಜಾತಂ ಜಾತಂ ಮೋಕ್ಷಯಿಷ್ಯೇ ಜನ್ಮತೋ ಮಾನುಷಾದಿತಿ॥ 1-105-17 (4648) ತತ್ತೇ ಶಾಪಾದ್ವಿನಿರ್ಮುಕ್ತಾ ಆಪವಸ್ಯ ಮಹಾತ್ಮನಃ। ಸ್ವಸ್ತಿ ತೇಸ್ತು ಗಮಿಷ್ಯಾಮಿ ಪುತ್ರಂ ಪಾಹಿ ಮಹಾವ್ರತಂ॥ 1-105-18 (4649) `ಅಯಂ ತವ ಸುತಸ್ತೇಷಾಂ ವೀರ್ಯೇಣ ಕುಲನಂದನಃ। ಸಂಭೂತೋತಿಜನಂ ಕರ್ಮ ಕರಿಷ್ಯತಿ ನ ಸಂಶಯಃ॥' 1-105-19 (4650) ಏಷ ಪರ್ಯಾಯವಾಸೋ ಮೇ ವಸೂನಾಂ ಸನ್ನಿಧೌ ಕೃತಃ। ಮತ್ಪ್ರಸೂತಿಂ ವಿಜಾನೀಹಿ ಗಂಗಾದತ್ತಮಿಮಂ ಸುತಂ॥ ॥ 1-105-20 (4651) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಪಂಚಾಧಿಕಶತತಮೋಽಧ್ಯಾಯಃ॥ 105 ॥

1-106-0 (4652) ಶಾಂತನುರುವಾಚ। 1-106-0x (646) ಆಪವೋ ನಾಮ ಕೋನ್ವೇಷ ವಸೂನಾಂ ಕಿಂ ಚ ದುಷ್ಕೃತಂ। `ಶಶಾಪ ಯಸ್ಮಾತ್ಕಲ್ಯಾಣಿ ಸ ವಸೂಂಶ್ಚಾರುದರ್ಶನೇ।' ಯಸ್ಯಾಭಿಶಾಪಾತ್ತೇ ಸರ್ವೇ ಮಾನುಷೀಂ ಯೋನಿಮಾಗತಾಃ॥ 1-106-1 (4653) ಅನೇನ ಚ ಕುಮಾರೇಣ ತ್ವಯಾ ದತ್ತೇನ ಕಿಂ ಕೃತಂ। ಯಸ್ಯ ಚೈವ ಕೃತೇನಾಯಂ ಮಾನುಷೇಷು ನಿವತ್ಸ್ಯತಿ॥ 1-106-2 (4654) ಈಶಾ ವೈ ಸರ್ವಲೋಕಸ್ಯ ವಸವಸ್ತೇ ಚ ವೈ ಕಥಂ। ಮಾನುಷೇಷೂದಪದ್ಯಂತ ತನ್ಮಮಾಚಕ್ಷ್ವ ಜಾಹ್ನವಿ॥ 1-106-3 (4655) ವೈಶಂಪಾಯನ ಉವಾಚ। 1-106-4x (647) ಏವಮುಕ್ತಾ ತದಾ ಗಂಗಾ ರಾಜಾನಮಿದಮಬ್ರವೀತ್। ಭರ್ತಾರಂ ಜಾಹ್ನವೀ ದೇವೀ ಶಾಂತನುಂ ಪುರುಷರ್ಷಭ॥ 1-106-4 (4656) ಗಂಗೋವಾಚ। 1-106-5x (648) ಯಂ ಲೇಭೇ ವರುಣಃ ಪುತ್ರಂ ಪುರಾ ಭರತಸತ್ತಮ। ವಸಿಷ್ಠನಾಮಾ ಸ ಮುನಿಃ ಖ್ಯಾತ ಆಪವ ಇತ್ಯುತ॥ 1-106-5 (4657) ತಸ್ಯಾಶ್ರಮಪದಂ ಪುಣ್ಯಂ ಮೃಗಪಕ್ಷಿಸಮನ್ವಿತಂ। ಮೇರೋಃ ಪಾರ್ಶ್ವೇ ನಗೇಂದ್ರಸ್ಯ ಸರ್ವರ್ತುಕುಸುಮಾವೃತಂ॥ 1-106-6 (4658) ಸ ವಾರುಣಿಸ್ತಪಸ್ತೇಪೇ ತಸ್ಮಿನ್ಭರತಸತ್ತಮ। ವನೇ ಪುಣ್ಯಕೃತಾಂ ಶ್ರೇಷ್ಠಃ ಸ್ವಾದುಮೂಲಫಲೋದಕೇ॥ 1-106-7 (4659) ದಕ್ಷಸ್ಯ ದುಹಿತಾ ಯಾ ತು ಸುರಭೀತ್ಯಭಿಶಬ್ದಿತಾ। ಗಾಂ ಪ್ರಜಾತಾ ತು ಸಾ ದೇವೀ ಕಶ್ಯಪಾದ್ಭರತರ್ಷಭ॥ 1-106-8 (4660) ಅನುಗ್ರಹಾರ್ಥಂ ಜಗತಃ ಸರ್ವಕಾಮದುಹಾಂ ವರಾಂ। ತಾಂ ಲೇಭೇ ಗಾಂ ತು ಧರ್ಮಾತ್ಮಾ ಹೋಮಧೇನುಂ ಸ ವಾರುಣಿಃ॥ 1-106-9 (4661) ಸಾ ತಸ್ಮಿಂಸ್ತಾಪಸಾರಣ್ಯೇ ವಸಂತೀ ಮುನಿಸೇವಿತೇ। ಚಚಾರ ಪುಣ್ಯೇ ರಂಯೇ ಚ ಗೌರಪೇತಭಯಾ ತದಾ॥ 1-106-10 (4662) ಅಥ ತದ್ವನಮಾಜಗ್ಮುಃ ಕದಾಚಿದ್ಭರತರ್ಷಭ। ಪೃಥ್ವಾದ್ಯಾ ವಸವಃ ಸರ್ವೇ ದೇವಾ ದೇವರ್ಷಿಸೇವಿತಂ॥ 1-106-11 (4663) ತೇ ಸದಾರಾ ವನಂ ತಚ್ಚ ವ್ಯಚರಂತ ಸಮಂತತಃ। ರೇಮಿರೇ ರಮಣೀಯೇಷು ಪರ್ವತೇಷು ವನೇಷು ಚ॥ 1-106-12 (4664) ತತ್ರೈಕಸ್ಯಾಥ ಭಾರ್ಯಾ ತು ವಸೋರ್ವಾಸವವಿಕ್ರಮ। ಸಂಚರಂತೀ ವನೇ ತಸ್ಮಿನ್ಗಾಂ ದದರ್ಶ ಸುಮಧ್ಯಮಾ॥ 1-106-13 (4665) ನಂದಿನೀಂ ನಾಮ ರಾಜೇಂದ್ರ ಸರ್ವಕಾಮಧುಗುತ್ತಮಾಂ। ಸಾ ವಿಸ್ಮಯಸಮಾವಿಷ್ಟಾ ಶೀಲದ್ರವಿಣಸಂಪದಾ॥ 1-106-14 (4666) ದ್ಯವೇ ವೈ ದರ್ಶಯಾಮಾಸ ತಾಂ ಗಾಂ ಗೋವೃಷಭೇಕ್ಷಣ। ಆಪೀನಾಂ ಚ ಸುದೋಗ್ಧ್ರೀಂ ಚ ಸುವಾಲಧಿಖುರಾಂ ಶುಭಾಂ॥ 1-106-15 (4667) ಉಪಪನ್ನಾಂ ಗುಣೈಃ ಸರ್ವೈಃ ಶೀಲೇನಾನುತ್ತಮೇನ ಚ। ಏವಂಗುಣಸಮಾಯುಕ್ತಾಂ ವಸವೇ ವಸುನಂದಿನೀ॥ 1-106-16 (4668) ದರ್ಶಯಾಮಾಸ ರಾಜೇಂದ್ರ ಪುರಾ ಪೌರವನಂದನ। ದ್ಯೌಸ್ತದಾ ತಾಂ ತು ದೃಷ್ಟ್ವೈವ ಗಾಂ ಗಜೇಂದ್ರೇಂದ್ರವಿಕ್ರಮ॥ 1-106-17 (4669) ಉವಾಚ ರಾಜಂಸ್ತಾಂ ದೇವೀಂ ತಸ್ಯಾ ರೂಪಗುಣಾನ್ವದನ್। ಏಷಾ ಗೌರುತ್ತಮಾ ದೇವೀ ವಾರುಣೇರಸಿತೇಕ್ಷಣಾ॥ 1-106-18 (4670) ಋಷೇಸ್ತಸ್ಯ ವರಾರೋಹೇ ಯಸ್ಯೇದಂ ವನಮುತ್ತಮಂ। ಅಸ್ಯಾಃ ಕ್ಷೀರಂ ಪಿಬೇನ್ಮರ್ತ್ಯಃ ಸ್ವಾದು ಯೋ ವೈ ಸುಮಧ್ಯಮೇ॥ 1-106-19 (4671) ದಶವರ್ಷಸಹಸ್ರಾಣಿ ಸ ಜೀವೇತ್ಸ್ಥಿರಯೌವನಃ। 1-106-20 (4672) ವೈಶಂಪಾಯನ ಉವಾಚ। ಏತಚ್ಛ್ರುತ್ವಾ ತು ಸಾ ದೇವೀ ನೃಪೋತ್ತಮ ಸುಮಧ್ಯಮಾ॥ 1-106-20x (649) ತಮುವಾಚಾನವದ್ಯಾಂಗೀ ಭರ್ತಾರಂ ದೀಪ್ತತೇಜಸಂ। ಅಸ್ತಿ ಮೇ ಮಾನುಷೇ ಲೋಕೇ ನರದೇವಾತ್ಮಜಾ ಸಖೀ॥ 1-106-21 (4673) ನಾಂನಾಜಿತವತೀ ನಾಮ ರೂಪಯೌವನಶಾಲಿನೀ। ಉಶೀನರಸ್ಯ ರಾಜರ್ಷೇಃ ಸತ್ಯಸಂಧಸ್ಯ ಧೀಮತಃ॥ 1-106-22 (4674) ದುಹಿತಾ ಪ್ರಥಿತಾ ಲೋಕೇ ಮಾನುಷೇ ರೂಪಸಂಪದಾ। ತಸ್ಯಾ ಹೇತೋರ್ಮಹಾಭಾಗ ಸವತ್ಸಾಂ ಗಾಂ ಮಮೇಪ್ಸಿತಾಂ॥ 1-106-23 (4675) ಆನಯಸ್ವಾಮರಶ್ರೇಷ್ಠ ತ್ವರಿತಂ ಪುಣ್ಯವರ್ಧನ। ಯಾವದಸ್ಯಾಃ ಪಯಃ ಪೀತ್ವಾ ಸಾ ಸಖೀ ಮಮ ಮಾನದ॥ 1-106-24 (4676) ಮಾನುಷೇಷು ಭವತ್ವೇಕಾ ಜರಾರೋಗವಿವರ್ಜಿತಾ। ಏತನ್ಮಮ ಮಹಾಭಾಗ ಕರ್ತುಮರ್ಹಸ್ಯನಿಂದಿತ॥ 1-106-25 (4677) ಪ್ರಿಯಾತ್ಪ್ರಿಯತರಂ ಹ್ಯಸ್ಮಾನ್ನಾಸ್ತಿ ಮೇಽನ್ಯತ್ಕಥಂಚನ। ಏತಚ್ಛ್ರುತ್ವಾ ವಚಸ್ತಸ್ಯಾ ದೇವ್ಯಾಃ ಪ್ರಿಯಚಿಕೀರ್ಷಯಾ॥ 1-106-26 (4678) ಪೃಥ್ವಾದ್ಯೈರ್ಭ್ರಾತೃಭಿಃ ಸಾರ್ಧಂ ದ್ಯೌಸ್ತದಾ ತಾಂ ಜಹಾರ ಗಾಂ। ತಯಾ ಕಮಲಪತ್ರಾಕ್ಷ್ಯಾ ನಿಯುಕ್ತೋ ದ್ಯೌಸ್ತದಾ ನೃಪ॥ 1-106-27 (4679) ಋಷೇಸ್ತಸ್ಯ ತಪಸ್ವೀವ್ರಂ ನ ಶಶಾಕ ನಿರೀಕ್ಷಿತುಂ। ಹೃತಾ ಗೌಃ ಸಾ ತದಾ ತೇನ ಪ್ರಪಾತಸ್ತು ನ ತರ್ಕಿತಃ॥ 1-106-28 (4680) ಅಥಾಶ್ರಮಪದಂ ಪ್ರಾಪ್ತಃ ಫಲಾನ್ಯಾದಾಯ ವಾರುಣಿಃ। ನ ಚಾಪಶ್ಯತ್ಸ ಗಾಂ ತತ್ರ ಸವತ್ಸಾಂ ಕಾನನೋತ್ತಮೇ॥ 1-106-29 (4681) ತತಃ ಸ ಮೃಗಯಾಮಾಸ ವನೇ ತಸ್ಮಿಂಸ್ತಪೋಧನಃ। ನಾಧ್ಯಾಗಮಚ್ಚ ಮೃಗಯಂಸ್ತಾಂ ಗಾಂ ಮುನಿರುದಾರಧೀಃ॥ 1-106-30 (4682) ಜ್ಞಾತ್ವಾ ತಥಾಽಪನೀತಾಂ ತಾಂ ವಸುಭಿರ್ದಿವ್ಯದರ್ಶನಃ। ಯಯೌ ಕ್ರೋಧವಶಂ ಸದ್ಯಃ ಶಶಾಪ ಚ ವಸೂಂಸ್ತದಾ॥ 1-106-31 (4683) ಯಸ್ಮಾನ್ಮೇ ವಸವೋ ಜಹ್ರುರ್ಗಾಂ ವೈ ದೋಗ್ಧ್ರೀಂ ಸುವಾಲಧಿಂ। ತಸ್ಮಾತ್ಸರ್ವೇ ಜನಿಷ್ಯಂತಿ ಮಾನುಷೇಷು ನ ಸಂಶಯಃ॥ 1-106-32 (4684) ಏವಂ ಶಶಾಪ ಭಗವಾನ್ವಸೂಂಸ್ತಾನ್ಭರತರ್ಷಭ। ವಶಂ ಕ್ರೋಧಸ್ಯ ಸಂಪ್ರಾಪ್ತ ಆಪವೋ ಮುನಿಸತ್ತಮಃ॥ 1-106-33 (4685) ಶಪ್ತ್ವಾ ಚ ತಾನ್ಮಹಾಭಾಗಸ್ತಪಸ್ಯೇವ ಮನೋ ದಧೇ। ಏವಂ ಸ ಶಪ್ತವಾನ್ರಾಜನ್ವಸೂನಷ್ಟೌ ತಪೋಧನಃ॥ 1-106-34 (4686) ಮಹಾಪ್ರಭಾವೋ ಬ್ರಹ್ಮರ್ಷಿರ್ದೇವಾನ್ಕ್ರೋಧಸಮನ್ವಿತಃ। `ಏವಂ ಶಪ್ತಾಸ್ತತಸ್ತೇನ ಮುನಿನಾ ಯಾಮುನೇನ ವೈ॥ 1-106-35 (4687) ಅಷ್ಟೌ ಸಮಸ್ತಾ ವಂಸವೋ ದಿವೋ ದೋಷೇಣ ಸತ್ತಮ।' ಅಥಾಶ್ರಮಪದಂ ಪ್ರಾಪ್ತಾಸ್ತೇ ವೈ ಭೂಯೋ ಮಹಾತ್ಮನಃ॥ 1-106-36 (4688) ಶಪ್ತಾಃ ಸ್ಮ ಇತಿ ಜಾನಂತ ಋಷಿಂ ತಮುಪಚಕ್ರಮುಃ। ಪ್ರಸಾದಯಂತಸ್ತಮೃಷಿಂ ವಸವಃ ಪಾರ್ಥಿವರ್ಷಭ॥ 1-106-37 (4689) ಲೇಭಿರೇ ನ ಚ ತಸ್ಮಾತ್ತೇ ಪ್ರಸಾದಮೃಷಿಸತ್ತಮಾತ್। ಆಪವಾತ್ಪುರುಷವ್ಯಾಘ್ರ ಸರ್ವಧರ್ಮವಿಶಾರದಾತ್॥ 1-106-38 (4690) ಉವಾಚ ಚ ಸ ಧರ್ಮಾತ್ಮಾ ಶಪ್ತಾ ಯೂಯಂ ಧರಾದಯಃ। ಅನುಸಂವತ್ಸರಾತ್ಸರ್ವೇ ಶಾಪಮೋಕ್ಷಮವಾಪ್ಸ್ಯಥ॥ 1-106-39 (4691) ಅಯಂ ತು ಯತ್ಕೃತೇ ಯೂಯಂ ಮಯಾ ಶಪ್ತಾಃ ಸ ವತ್ಸ್ಯತಿ। ದ್ಯೌಸ್ತದಾ ಮಾನುಷೇ ಲೋಕೇ ದೀರ್ಘಕಾಲಂ ಸ್ವಕರ್ಮಣಃ॥ 1-106-40 (4692) ನಾನೃತಂ ತಚ್ಚಿಕೀರ್ಷಾಮಿ ಕ್ರುದ್ಧೋ ಯುಷ್ಮಾನ್ಯದಬ್ರುವಂ। ನ ಪ್ರಜಾಸ್ಯತಿ ಚಾಪ್ಯೇಷ ಮಾನುಷೇಷು ಮಹಾಮನಾಃ॥ 1-106-41 (4693) ಭವಿಷ್ಯತಿ ಚ ಧರ್ಮಾತ್ಮಾ ಸರ್ವಶಾಸ್ತ್ರವಿಶಾರದಃ। ಪಿತುಃ ಪ್ರಿಯಹಿತೇ ಯುಕ್ತಃ ಸ್ತ್ರೀಭೋಗಾನ್ವರ್ಜಯಿಷ್ಯತಿ॥ 1-106-42 (4694) ಏವಮುಕ್ತ್ವಾ ವಸೂನ್ಸರ್ವಾನ್ಸಜಗಾಮ ಮಹಾನೃಷಿಃ। ತತೋ ಮಾಮುಪಜಗ್ಮುಸ್ತೇ ಸಮೇತಾ ವಸವಸ್ತದಾ॥ 1-106-43 (4695) ಅಯಾಚಂತ ಚ ಮಾಂ ರಾಜನ್ವರಂ ತಚ್ಚ ಮಯಾ ಕೃತಂ। ಜಾತಾಂಜಾತಾನ್ಪ್ರಕ್ಷಿಪಾಸ್ಮಾನ್ಸ್ವಯಂ ಗಂಗೇ ತ್ವಮಂಭಸಿ॥ 1-106-44 (4696) ಏವಂ ತೇಷಾಮಹಂ ಸಂಯಕ್ ಶಪ್ತಾನಾಂ ರಾಜಸತ್ತಮ। ಮೋಕ್ಷಾರ್ಥಂ ಮಾನುಷಾಲ್ಲೋಕಾದ್ಯಥಾವತ್ಕೃತವತ್ಯಹಂ॥ 1-106-45 (4697) ಅಯಂ ಶಾಪಾದೃಷೇಸ್ತಸ್ಯ ಏಕ ಏವ ನೃಪೋತ್ತಮ। ದ್ಯೌ ರಾಜನ್ಮಾನುಷೇ ಲೋಕೇ ಚಿರಂ ವತ್ಸ್ಯತಿ ಭಾರತ॥ 1-106-46 (4698) ಅಯಂ ಕುಮಾರಃ ಪುತ್ರಸ್ತೇ ವಿವೃದ್ಧಃ ಪುನರೇಷ್ಯತಿ। ಅಹಂ ಚ ತೇ ಭವಿಷ್ಯಾಮಿ ಆಹ್ವಾನೋಪಗತಾ ನೃಪ॥ 1-106-47 (4699) ವೈಶಂಪಾಯನ ಉವಾಚ। 1-106-48x (650) ಏತದಾಖ್ಯಾಯ ಸಾ ದೇವೀ ತತ್ರೈವಾಂತರಧೀಯತ। ಆದಾಯ ಚ ಕುಮಾರಂ ತಂ ಜಗಾಮಾಥ ಯಥೇಪ್ಸಿತಂ॥ 1-106-48 (4700) ಸ ತು ದೇವವ್ರತೋ ನಾಮ ಗಾಂಗೇಯ ಇತಿ ಚಾಭವತ್। ದ್ಯುನಾಮಾ ಶಾಂತನೋಃ ಪುತ್ರಃ ಶಾಂತನೋರಧಿಕೋ ಗುಣೈಃ॥ 1-106-49 (4701) ಶಾಂತನುಶ್ಚಾಪಿ ಶೋಕಾರ್ತೋ ಜಗಾಮ ಸ್ವಪುರಂ ತತಃ। ತಸ್ಯಾಹಂ ಕೀರ್ತಯಿಷ್ಯಾಮಿ ಶಾಂತನೋರಧಿಕಾನ್ಗುಣಾನ್॥ 1-106-50 (4702) ಮಹಾಭಾಗ್ಯಂ ಚ ನೃಪತೇರ್ಭಾರತಸ್ಯ ಮಹಾತ್ಮನಃ। ಯಸ್ಯೇತಿಹಾಸೋ ದ್ಯುತಿಮಾನ್ಮಹಾಭಾರತಮುಚ್ಯತೇ॥ ॥ 1-106-51 (4703) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಷಡಧಿಕಶತತಮೋಽಧ್ಯಾಯಃ॥ 106 ॥

1-107-0 (4704) ವೈಶಂಪಾಯನ ಉವಾಚ। 1-107-0x (651) ಸ ರಾಜಾ ಶಾಂತನುರ್ಧೀಮಾಂದೇವರಾಜರ್ಷಿಸತ್ಕೃತಃ। ಧರ್ಮಾತ್ಮಾ ಸರ್ವಲೋಕೇಷು ಸತ್ಯವಾಗಿತಿ ವಿಶ್ರುತಃ॥ 1-107-1 (4705) ಶಾಂತನೋಃ ಕೀರ್ತಯಿಷ್ಯಾಮಿ ಸರ್ವಾನೇವ ಗುಣಾನಹಂ। ದಮೋ ದಾನಂ ಕ್ಷಮಾ ಬುದ್ಧಿರ್ಹ್ರೀರ್ಧೃತಿಸ್ತೇಜ ಉತ್ತಮಂ। ನಿತ್ಯಾನ್ಯಾಸನ್ಮಹಾಸತ್ವೇ ಶಾಂತನೌ ಪುರುಷರ್ಷಭೇ॥ 1-107-2 (4706) ಏವಂ ಸ ಗುಣಸಂಪನ್ನೋ ಧರ್ಮಾರ್ಥಕುಶಲೋ ನೃಪಃ। ಆಸೀದ್ಭರತವಂಶಸ್ಯ ಗೋಪ್ತಾ ಸರ್ವಜನಸ್ಯ ಚ॥ 1-107-3 (4707) ಕಂಬುಗ್ರೀವಃ ಪೃಥುವ್ಯಂಸೋ ಮತ್ತವಾರಣವಿಕ್ರಮಃ। ಅನ್ವಿತಃ ಪರಿಪೂರ್ಣಾರ್ಥೈಃ ಸರ್ವೈರ್ನೃಪತಿಲಕ್ಷಣೈಃ॥ 1-107-4 (4708) ತಸ್ಯ ಕೀರ್ತಿಮತೋ ವೃತ್ತಮವೇಕ್ಷ್ಯ ಸತತಂ ನರಾಃ। ಧರ್ಮ ಏವ ಪರಃ ಕಾಮಾದರ್ಥಾಚ್ಚೇತಿ ವ್ಯವಸ್ಥಿತಃ॥ 1-107-5 (4709) ಏವಮಾಸೀನ್ಮಹಾಸತ್ವಃ ಶಾಂತನುರ್ಭರತರ್ಷಭ। ನ ಚಾಸ್ಯ ಸದೃಶಃ ಕಶ್ಚಿದ್ಧರ್ಮತಃ ಪಾರ್ಥಿವೋಽಭವತ್॥ 1-107-6 (4710) ವರ್ತಮಾನಂ ಹಿ ಧರ್ಮೇಷು ಸರ್ವಧರ್ಮಭೃತಾಂ ವರಂ। ತಂ ಮಹೀಪಾ ಮಹೀಪಾಲಂ ರಾಜರಾಜ್ಯೇಽಭ್ಯಷೇಚಯನ್॥ 1-107-7 (4711) ವೀತಶೋಕಭಯಾಬಾಧಾಃ ಸುಖಸ್ವಪ್ನನಿಬೋಧನಾಃ। ಪತಿಂ ಭಾರತಗೋಪ್ತಾರಂ ಸಮಪದ್ಯಂತ ಭೂಮಿಪಾಃ॥ 1-107-8 (4712) ತೇನ ಕೀರ್ತಿಮತಾ ಶಿಷ್ಟಾಃ ಶಕ್ರಪ್ರತಿಮತೇಜಸಾ। ಯಜ್ಞದಾನಕ್ರಿಯಾಶೀಲಾಃ ಸಮಪದ್ಯಂತ ಭೂಮಿಪಾಃ॥ 1-107-9 (4713) ಶಾಂತನುಪ್ರಮುಖೈರ್ಗುಪ್ತೇ ಲೋಕೇ ನೃಪತಿಭಿಸ್ತದಾ। ನಿಯಮಾತ್ಸರ್ವವರ್ಣಾನಾಂ ಧರ್ಮೋತ್ತರಮವರ್ತತ॥ 1-107-10 (4714) ಬ್ರಹ್ಮ ಪರ್ಯಚರತ್ಕ್ಷತ್ರಂ ವಿಶಃ ಕ್ಷತ್ರಮನುವ್ರತಾಃ। ಬ್ರಹ್ಮಕ್ಷತ್ರಾನುರಕ್ತಾಶ್ಚ ಶೂದ್ರಾಃ ಪರ್ಯಚರನ್ವಿಶಃ॥ 1-107-11 (4715) ಸ ಹಾಸ್ತಿನಪುರೇ ರಂಯೇ ಕುರೂಣಾಂ ಪುಟಭೇದನೇ। ವಸನ್ಸಾಗರಪರ್ಯಂತಾಮನ್ವಶಾಸದ್ವಸುಂಧರಾಂ॥ 1-107-12 (4716) ಸ ದೇವರಾಜಸದೃಶೋ ಧರ್ಮಜ್ಞಃ ಸತ್ಯವಾಗೃಜುಃ। ದಾನಧರ್ಮತಪೋಯೋಗಾಚ್ಛ್ರಿಯಾ ಪರಮಯಾ ಯುತಃ॥ 1-107-13 (4717) ಅರಾಗದ್ವೇಷಸಂಯುಕ್ತಃ ಸೋಮವತ್ಪ್ರಿಯದರ್ಶನಃ॥ ತೇಜಸಾ ಸೂರ್ಯಕಲ್ಪೋಽಭೂದ್ವಾಯುವೇಗಸಮೋ ಜವೇ। ಅಂತಕಪ್ರತಿಮಃ ಕೋಪೇ ಕ್ಷಮಯಾ ಪೃಥಿವೀಸಮಃ॥ 1-107-14 (4718) ವಧಃ ಪಶುವರಾಹಾಣಾಂ ತಥೈವ ಮೃಗಪಕ್ಷಿಣಾಂ। ಶಾಂತನೌ ಪೃಥಿವೀಪಾಲೇ ನಾವರ್ತತ ತಥಾ ನೃಪ॥ 1-107-15 (4719) ಬ್ರಹ್ಮಧರ್ಮೋತ್ತರೇ ರಾಜ್ಯೇ ಶಾಂತನುರ್ವಿನಯಾತ್ಮವಾನ್। ಸಮಂ ಶಶಾಸ ಭೂತಾನಿ ಕಾಮರಾಗವಿವರ್ಜಿತಃ॥ 1-107-16 (4720) `ಚಕೋರನೇತ್ರಸ್ತಾಂರಾಸ್ಯಃ ಸಿಂಹರ್ಷಭಗತಿರ್ಯುವಾ। ಗುಣೈರನುಪಮೈರ್ಯುಕ್ತಃ ಸಮಸ್ತೈರಾಭಿಗಾಮಿಕೈಃ। ಗಂಭೀರಃ ಸತ್ವಸಂಪನ್ನಃ ಪೂರ್ಣಚಂದ್ರನಿಭಾನನಃ॥' 1-107-17 (4721) ದೇವರ್ಷಿಪಿತೃಯಜ್ಞಾರ್ಥಮಾರಭ್ಯಂತ ತದಾ ಕ್ರಿಯಾಃ। ನ ಚಾಧರ್ಮೇಣ ಕೇಷಾಂಚಿತ್ಪ್ರಾಣಿನಾಮಭವದ್ವಧಃ॥ 1-107-18 (4722) ಅಸುಖಾನಾಮನಾಥಾನಾಂ ತಿರ್ಯಗ್ಯೋನಿಷು ವರ್ತತಾಂ। ಸ ಏವ ರಾಜಾ ಸರ್ವೇಷಾಂ ಭೂತಾನಾಮಭವತ್ಪಿತಾ॥ 1-107-19 (4723) ತಸ್ಮಿನ್ಕುರುಪತಿಶ್ರೇಷ್ಠೇ ರಾಜರಾಜೇಶ್ವರೇ ಸತಿ। ಶ್ರಿತಾ ವಾಗಭವತ್ಸತ್ಯಂ ದಾನಧರ್ಮಾಶ್ರಿತಂ ಮನಃ॥ 1-107-20 (4724) `ಯಜ್ಞಾರ್ಥಂ ಪಶವಃ ಸೃಷ್ಟಾಃ ಸಂತಾನಾರ್ಥಂ ಚ ಮೈಥುನಂ।' ಸ ಸಮಾಃ ಷೋಡಶಾಷ್ಟೌ ಚ ಚತಸ್ರೋಽಷ್ಟೌ ತಥಾಽಪರಾಃ। ರತಿಮಪ್ರಾಪ್ನುವನ್ಸ್ತ್ರೀಷು ಬಭೂವ ವನಗೋಚರಃ॥ 1-107-21 (4725) ತಥಾರೂಪಸ್ತಥಾಚಾರಸ್ತಥಾವೃತ್ತಸ್ತಥಾಶ್ರುತಃ। ಗಾಂಗೇಯಸ್ತಸ್ಯ ಪುತ್ರೋಽಭೂನ್ನಾಂನಾ ದೇವವ್ರತೋ ವಸುಃ॥ 1-107-22 (4726) ಸರ್ವಾಸ್ತ್ರೇಷು ಸ ನಿಷ್ಣಾತಃ ಪಾರ್ಥಿವೇಷ್ವಿತರೇಷು ಚ। ಮಹಾಬಲೋ ಮಹಾಸತ್ವೋ ಮಹಾವೀರ್ಯೋ ಮಹಾರಥಃ॥ 1-107-23 (4727) ಸ ಕದಾಚಿನ್ಮೃಗಂ ವಿದ್ಧ್ವಾ ಗಂಗಾಮನುಸರನ್ನದೀಂ। ಭಾಗೀರಥೀಮಲ್ಪಜಲಾಂ ಶಾಂತನುರ್ದೃಷ್ಟವಾನ್ನೃಪಃ॥ 1-107-24 (4728) ತಾಂ ದೃಷ್ಟ್ವಾ ಚಿಂತಯಾಮಾಸ ಶಾಂತನುಃ ಪುರುಷರ್ಷಭಃ। ಸ್ಯಂದತೇ ಕಿಂ ನ್ವಿಯಂ ನಾದ್ಯ ಸರಿಚ್ಛ್ರೇಷ್ಠಾ ಯಥಾ ಪುರಾ॥ 1-107-25 (4729) ತತೋ ನಿಮಿತ್ತಮನ್ವಿಚ್ಛಂದದರ್ಶ ಸ ಮಹಾಮನಾಃ। ಕುಮಾರಂ ರೂಪಸಂಪನ್ನಂ ಬೃಹಂತಂ ಚಾರುದರ್ಶನಂ॥ 1-107-26 (4730) ದಿವ್ಯಮಸ್ತ್ರಂ ವಿಕುರ್ವಾಣಂ ಯಥಾ ದೇವಂ ಪುರಂದರಂ। ಕೃತ್ಸ್ನಾಂ ಗಂಗಾಂ ಸಮಾವೃತ್ಯ ಶರೈಸ್ತೀಕ್ಷ್ಣೈರವಸ್ಥಿತಂ॥ 1-107-27 (4731) ತಾಂ ಶರೈರಾಚಿತಾಂ ದೃಷ್ಟ್ವಾ ನದೀಂ ಗಂಗಾಂ ತದಂತಿಕೇ। ಅಭವದ್ವಿಸ್ಮಿತೋ ರಾಜಾ ದೃಷ್ಟ್ವಾ ಕರ್ಮಾತಿಮಾನುಷಂ॥ 1-107-28 (4732) ಜಾತಮಾತ್ರಂ ಪುರಾ ದೃಷ್ಟಂ ತಂ ಪುತ್ರಂ ಶಾಂತನುಸ್ತದಾ। ನೋಪಲೇಭೇ ಸ್ಮೃತಿಂ ಧೀಮಾನಭಿಜ್ಞಾತುಂ ತಮಾತ್ಮಜಂ॥ 1-107-29 (4733) ಸ ತು ತಂ ಪಿತರಂ ದೃಷ್ಟ್ವಾ ಮೋಹಯಾಮಾಸ ಮಾಯಯಾ। ಸಂಮೋಹ್ಯ ತು ತತಃ ಕ್ಷಿಪ್ರಂ ತತ್ರೈವಾಂತರಧೀಯತ॥ 1-107-30 (4734) ತದದ್ಬುತಂ ತತೋ ದೃಷ್ಟ್ವಾ ತತ್ರ ರಾಜಾ ಸ ಶಾಂತನುಃ। ಸಂಕಮಾನಃ ಸುತಂ ಗಂಗಾಮಬ್ರವೀದ್ದರ್ಶಯೇತಿ ಹ॥ 1-107-31 (4735) ದರ್ಶಯಾಮಾಸ ತಂ ಗಂಗಾ ಬಿಭ್ರತೀ ರೂಪಮುತ್ತಮಂ। ಗೃಹೀತ್ವಾ ದಕ್ಷಿಣೇ ಪಾಣೌ ತಂ ಕುಮಾರಮಲಂಕೃತಂ॥ 1-107-32 (4736) ಅಲಂಕೃತಾಮಾಭರಣೈರ್ವಿರಜೋಂಬರಧಾರಿಣೀಂ। ದೃಷ್ಟಪೂರ್ವಾಮಪಿ ಸ ತಾಂ ನಾಭ್ಯಜಾನಾತ್ಸ ಶಾಂತನುಃ॥ 1-107-33 (4737) ಗಂಗೋವಾಚ। 1-107-34x (652) ಯಂ ಪುತ್ರಮಷ್ಟಮಂ ರಾಜಂಸ್ತ್ವಂ ಪುರಾ ಮಯ್ಯವಿಂದಥಾಃ। ಸ ಚಾಯಂ ಪುರುಷವ್ಯಾಘ್ರ ಸರ್ವಾಸ್ತ್ರವಿದನುತ್ತಮಃ॥ 1-107-34 (4738) ಗೃಹಾಣೇಮಂ ಮಹಾರಾಜ ಮಯಾ ಸಂವರ್ಧಿತಂ ಸುತಂ। ಆದಾಯ ಪುರುಷವ್ಯಾಘ್ರ ನಯಸ್ವೈನಂ ಗೃಹಂ ವಿಭೋ॥ 1-107-35 (4739) ವೇದಾನಧಿಜಗೇ ಸಾಂಗಾನ್ವಸಿಷ್ಠಾದೇಷ ವೀರ್ಯವಾನ್। ಕೃತಾಸ್ತ್ರಃ ಪರಮೇಷ್ವಾಸೋ ದೇವರಾಜಸಮೋ ಯುಧಿ॥ 1-107-36 (4740) ಸುರಾಣಾಂ ಸಂಮತೋ ನಿತ್ಯಮಸುರಾಣಾಂ ಚ ಭಾರತ। ಉಶಾ ವೇದ ಯಚ್ಛಾಸ್ತ್ರಮಯಂ ತದ್ವೇದ ಸರ್ವಶಃ॥ 1-107-37 (4741) ತಥೈವಾಂಗಿರಸಃ ಪುತ್ರಃ ಸುರಸುರನಮಸ್ಕೃತಃ। ಯದ್ವೇದ ಶಾಸ್ತ್ರಂ ತಚ್ಚಾಪಿ ಕೃತ್ಸ್ನಮಸ್ಮಿನ್ಪ್ರತಿಷ್ಠಿತಂ॥ 1-107-38 (4742) ತವ ಪುತ್ರೇ ಮಹಾಬಾಹೌ ಸಾಂಗೋಪಾಂಗಂ ಮಹಾತ್ಮನಿ। ಋಷಿಃ ಪರೈರನಾಧೃಷ್ಯೋ ಜಾಮದಗ್ನ್ಯಃ ಪ್ರತಾಪವಾನ್॥ 1-107-39 (4743) ಯದಸ್ತ್ರಂ ವೇದ ರಾಭಶ್ಚ ತದೇತಸ್ಮಿನ್ಪ್ರತಿಷ್ಠಿತಂ। ಮಹೇಷ್ವಾಸಮಿಮಂ ರಾಜನ್ರಾಜಧರ್ಮಾರ್ಥಕೋವಿದಂ॥ 1-107-40 (4744) ಮಯಾ ದತ್ತಂ ನಿಜಂ ಪುತ್ರಂ ವೀರಂ ವೀರ ಗೃಹಂ ನಯ। 1-107-41 (4745) ವೈಶಂಪಾಯನ ಉವಾಚ। `ಇತ್ಯುಕ್ತ್ವಾ ಸಾ ಮಹಾಭಾಗಾ ತತ್ರೈವಾಂತರಧೀಯತ।' ತಯೈವಂ ಸಮನುಜ್ಞಾತಃ ಪುತ್ರಮಾದಾಯ ಶಾಂತನುಃ॥ 1-107-41x (653) ಭ್ರಾಜಮಾನಂ ಯಥಾಽದಿತ್ಯಮಾಯಯೌ ಸ್ವಪುರಂ ಪ್ರತಿ। ಪೌರವಸ್ತು ಪುರೀಂ ಗತ್ವಾ ಪುರಂದರಪುರೋಪಮಾಂ॥ 1-107-42 (4746) ಸರ್ವಕಾಮಸಮೃದ್ಧಾರ್ಥಂ ಮೇನೇ ಸೋತ್ಮಾನಮಾತ್ಮನಾ। ಪೌರವೇಷು ತತಃ ಪುತ್ರಂ ರಾಜ್ಯಾರ್ಥಮಭಯಪ್ರದಂ॥ 1-107-43 (4747) ಗುಣವಂತಂ ಮಹಾತ್ಮಾನಂ ಯೌವರಾಜ್ಯೇಽಭ್ಯಷೇಚಯತ್। ಪೌರವಾಞ್ಶಾಂತನೋಃ ಪುತ್ರಃ ಪಿತರಂ ಚ ಮಹಾಯಶಾಃ॥ 1-107-44 (4748) ರಾಷ್ಟ್ರಂ ಚ ರಂಜಯಾಮಾಸ ವೃತ್ತೇನ ಭರತರ್ಷಭ। ಸ ತಥಾ ಸಹ ಪುತ್ರೇಣ ರಮಮಾಣೋ ಮಹೀಪತಿಃ॥ 1-107-45 (4749) ವರ್ತಯಾಮಾಸ ವರ್ಷಾಣಿ ಚತ್ವಾರ್ಯಮಿತವಿಕ್ರಮಃ। ಸ ಕದಾಚಿದ್ವನಂ ಯಾತೋ ಯಮುನಾಮಭಿತೋ ನದೀಂ॥ 1-107-46 (4750) ಮಹೀಪತಿರನಿರ್ದೇಶ್ಯಮಾಜಿಘ್ರದ್ಗಂಧಮುತ್ತಮಂ। ತಸ್ಯ ಪ್ರಭವಮನ್ವಿಚ್ಛನ್ವಿಚಚಾರ ಸಮಂತತಃ॥ 1-107-47 (4751) ಸ ದದರ್ಶ ತದಾ ಕನ್ಯಾಂ ದಾಶಾನಾಂ ದೇವರೂಪಿಣೀಂ। ತಾಮಪೃಚ್ಛತ್ಸ ದೃಷ್ಟ್ವೈವ ಕನ್ಯಾಮಸಿತಲೋಚನಾಂ॥ 1-107-48 (4752) ಕಸ್ಯ ತ್ವಮಸಿ ಕಾ ಚಾಸಿ ಕಿಂ ಚ ಭೀರು ಚಿಕೀರ್ಷಸಿ। ಸಾಽಬ್ರವೀದ್ದಾಶಕನ್ಯಾಽಸ್ಮಿ ಧರ್ಮಾರ್ಥಂ ವಾಹಯೇ ತರಿಂ॥ 1-107-49 (4753) ಪಿತುರ್ನಿಯೋಗಾದ್ಭದ್ರಂ ತೇ ದಾಶರಾಜ್ಞೋ ಮಹಾತ್ಮನಃ। ರೂಪಮಾಧುರ್ಯಗಂಧೈಸ್ತಾಂ ಸಂಯುಕ್ತಾಂ ದೇವರೂಪಿಣೀಂ॥ 1-107-50 (4754) ಸಮೀಕ್ಷ್ಯ ರಾಜಾ ದಾಶೇಯೀಂ ಕಾಮಯಾಮಾಸ ಶಾಂತನುಃ। ಸ ಗತ್ವಾ ಪಿತರಂ ತಸ್ಯಾ ವರಯಾಮಾಸ ತಾಂ ತದಾ॥ 1-107-51 (4755) ಪರ್ಯಪೃಚ್ಛತ್ತತಸ್ತಸ್ಯಾಃ ಪಿತರಂ ಸೋತ್ಮಕಾರಣಾತ್। ಸ ಚ ತಂ ಪ್ರತ್ಯುವಾಚೇದಂ ದಾಶರಾಜೋ ಮಹೀಪತಿಂ॥ 1-107-52 (4756) ಜಾತಮಾತ್ರೈವ ಮೇ ದೇಯಾ ವರಾಯ ವರವರ್ಣಿನೀ। ಹೃದಿ ಕಾಮಸ್ತು ಮೇ ಕಶ್ಚಿತ್ತಂ ನಿಬೋಧ ಜನೇಶ್ವರ॥ 1-107-53 (4757) ಯದೀಮಾಂ ಧರ್ಮಪತ್ನೀಂ ತ್ವಂ ಮತ್ತಃ ಪ್ರಾರ್ಥಯಸೇಽನಘ। ಸತ್ಯವಾಗಸಿ ಸತ್ಯೇನ ಸಮಯಂ ಕುರು ಮೇ ತತಃ॥ 1-107-54 (4758) ಸಮಯೇನ ಪ್ರದದ್ಯಾಂ ತೇ ಕನ್ಯಾಮಹಮಿಮಾಂ ನೃಪ। ನ ಹಿ ಮೇ ತ್ವತ್ಸಮಃ ಕಶ್ಚಿದ್ವರೋ ಜಾತು ಭವಿಷ್ಯತಿ॥ 1-107-55 (4759) ಶಾಂತನುರುವಾಚ। 1-107-56x (654) ಶ್ರುತ್ವಾ ತವ ವರಂ ದಾಶ ವ್ಯವಸ್ಯೇಯಮಹಂ ತವ। ದಾತವ್ಯಂ ಚೇತ್ಪ್ರದಾಸ್ಯಾಮಿ ನ ತ್ವದೇಯಂ ಕಥಂಚನ॥ 1-107-56 (4760) ದಾಶ ಉವಾಚ। 1-107-57x (655) ಅಸ್ಯಾಂ ಜಾಯೇತ ಯಃ ಪುತ್ರಃ ಸ ರಾಜಾ ಪೃಥಿವೀಪತೇ। ತ್ವದೂರ್ಧ್ವಮಭಿಷೇಕ್ತವ್ಯೋ ನಾನ್ಯಃ ಕಶ್ಚನ ಪಾರ್ಥಿವ॥ 1-107-57 (4761) ವೈಶಂಪಾಯನ ಉವಾಚ। 1-107-58x (656) ನಾಕಾಮಯತ ತಂ ದಾತುಂ ವರಂ ದಾಶಾಯ ಶಾಂತನುಃ। ಶರೀರಜೇನ ತೀವ್ರೇಣ ದಹ್ಯಮಾನೋಽಪಿ ಭಾರತ॥ 1-107-58 (4762) ಸ ಚಿಂತಯನ್ನೇವ ತದಾ ದಾಶಕನ್ಯಾಂ ಮಹೀಪತಿಃ। ಪ್ರತ್ಯಯಾದ್ಧಾಸ್ತಿನಪುರಂ ಕಾಮೋಪಹತಚೇತನಃ॥ 1-107-59 (4763) ತತಃ ಕದಾಚಿಚ್ಛೋಚಂತಂ ಶಾಂತನುಂ ಧ್ಯಾನಮಾಸ್ಥಿತಂ। ಪುತ್ರೋ ದೇವವ್ರತೋಽಭ್ಯೇತ್ಯ ಪಿತರಂ ವಾಕ್ಯಮಬ್ರವೀತ್॥ 1-107-60 (4764) ಸರ್ವತೋ ಭವತಃ ಕ್ಷೇಮಂ ವಿಧೇಯಾಃ ಸರ್ವಪಾರ್ಥಿವಾಃ। ತತ್ಕಿಮರ್ಥಮಿಹಾಭೀಕ್ಷ್ಣಂ ಪರಿಶೋಚಸಿ ದುಃಖಿತಃ॥ 1-107-61 (4765) ಧ್ಯಾಯನ್ನಿವ ಚ ಮಾಂ ರಾಜನ್ನಾಭಿಭಾಷಸಿ ಕಿಂಚನ। ನ ಚಾಶ್ವೇನ ವಿನಿರ್ಯಾಸಿ ವಿವರ್ಣೋ ಹರಿಣಃ ಕೃಶಃ॥ 1-107-62 (4766) ವ್ಯಾಧಿಮಿಚ್ಛಾಮಿ ತೇ ಜ್ಞಾತುಂ ಪ್ರತಿಕುರ್ಯಾಂ ಹಿ ತತ್ರ ವೈ। 1-107-63 (4767) `ವೈಶಂಪಾಯನ ಉವಾಚ। ಸ ತಂ ಕಾಮಮವಾಚ್ಯಂ ವೈ ದಾಶಕನ್ಯಾಂ ಪ್ರತೀದೃಶಂ॥ 1-107-63x (657) ವಿವರ್ತುಂ ನಾಶಕತ್ತಸ್ಮೈ ಪಿತಾ ಪುತ್ರಸ್ಯ ಶಾಂತನುಃ।' ಏವಮುಕ್ತಃ ಸ ಪುತ್ರೇಣ ಶಾಂತನುಃ ಪ್ರತ್ಯಭಾಷತ॥ 1-107-64 (4768) ಅಸಂಶಯಂ ಧ್ಯಾನಪರೋ ಯಥಾ ವತ್ಸ ತಥಾ ಶೃಣು। ಅಪತ್ಯಂ ನಸ್ತ್ವಮೇವೈಕಃ ಕುಲೇ ಮಹತಿ ಭಾರತ॥ 1-107-65 (4769) ಶಸ್ತ್ರನಿತ್ಯಶ್ಚ ಸತತಂ ಪೌರುಷೇ ಪರ್ಯವಸ್ಥಿತಃ। ಅನಿತ್ಯತಾಂ ಚ ಲೋಕಾನಾಮನುಶೋಚಾಮಿ ಪುತ್ರಕ॥ 1-107-66 (4770) ಕಥಂಚಿತ್ತವ ಗಾಂಗೇಯ ವಿಪತ್ತೌ ನಾಸ್ತಿ ನಃ ಕುಲಂ। ಅಸಂಶಯಂ ತ್ವಮೇವೈಕಃ ಶತಾದಪಿ ವರಃ ಸುತಃ॥ 1-107-67 (4771) ನ ಚಾಪ್ಯಹಂ ವೃಥಾ ಭೂಯೋ ದಾರಾನ್ಕರ್ತುಮಿಹೋತ್ಸಹೇ। ಸಂತಾನಸ್ಯಾವಿನಾಶಾಯ ಕಾಮಯೇ ಭದ್ರಮಸ್ತು ತೇ॥ 1-107-68 (4772) ಅನಪತ್ಯತೈಕಪುತ್ರತ್ವಮಿತ್ಯಾಹುರ್ಧರ್ಮವಾದಿನಃ। `ಚಕ್ಷುರೇಕಂ ಚ ಪುತ್ರಶ್ಚ ಅಸ್ತಿ ನಾಸ್ತಿ ಚ ಭಾರತ। ಚಕ್ಷುರ್ನಾಶೇ ತನೋರ್ನಾಶಃ ಪುತ್ರನಾಶೇ ಕುಲಕ್ಷಯಃ॥' 1-107-69 (4773) ಅಗ್ನಿಹೋತ್ರಂ ತ್ರಯೀ ವಿದ್ಯಾ ಯಜ್ಞಾಶ್ಚ ಸಹದಕ್ಷಿಣಾಃ। ಸರ್ವಾಣ್ಯೇತಾನ್ಯಪತ್ಯಸ್ಯ ಕಲಾಂ ನಾರ್ಹಂತಿ ಷೋಡಶೀಂ॥ 1-107-70 (4774) ಏವಮೇತನ್ಮನುಷ್ಯೇಷು ತಚ್ಚ ಸರ್ವಂ ಪ್ರಜಾಸ್ವಿತಿ। ಯದಪತ್ಯಂ ಮಹಾಪ್ರಾಜ್ಞ ತತ್ರ ಮೇ ನಾಸ್ತಿ ಸಂಶಯಃ॥ 1-107-71 (4775) `ಅಪತ್ಯೇನಾನೃಣೋ ಲೋಕೇ ಪಿತೄಣಾಂ ನಾಸ್ತಿ ಸಂಶಯಃ।' ಏಷಾ ತ್ರಯೀ ಪುರಾಣಾನಾಂ ದೇವತಾನಾಂ ಚ ಶಾಶ್ವತೀ॥ 1-107-72 (4776) `ಅಪತ್ಯಂ ಕರ್ಮ ವಿದ್ಯಾ ಚ ತ್ರೀಣಿ ಜ್ಯೋತೀಂಷಿ ಭಾರತ॥' 1-107-73 (4777) ತ್ವಂ ಚ ಶೂರಃ ಸದಾಽಮರ್ಷೀ ಶಸ್ತ್ರನಿತ್ಯಶ್ಚ ಭಾರತ। ನಾನ್ಯತ್ರ ಯುದ್ಧಾತ್ತಸ್ಮಾತ್ತೇ ನಿಧನಂ ವಿದ್ಯತೇ ಕ್ವಚಿತ್॥ 1-107-74 (4778) ಸೋಽಸ್ಮಿ ಸಂಶಯಮಾಪನ್ನಸ್ತ್ವಯಿ ಶಾಂತೇ ಕಥಂ ಭವೇತ್। ಇತಿ ತೇ ಕಾರಣಂ ತಾತ ದುಃಖಸ್ಯೋಕ್ತಮಶೇಷತಃ॥ 1-107-75 (4779) ವೈಶಂಪಾಯನ ಉವಾಚ। 1-107-76x (658) ತತಸ್ತತ್ಕಾರಣಂ ರಾಜ್ಞೋ ಜ್ಞಾತ್ವಾ ಸರ್ವಮಶೇಷತಃ। ದೇವವ್ರತೋ ಮಹಾಬುದ್ಧಿಃ ಪ್ರಜ್ಞಯಾ ಚಾನ್ವಚಿಂತಯತ್॥ 1-107-76 (4780) ಅಪತ್ಯಫಲಸಂಯುಕ್ತಮೇತಚ್ಛ್ರುತ್ವಾ ಪಿತುರ್ವಚಃ। ಸೂತಂ ಭೂಯೋಽಪಿ ಸಂತಪ್ತ ಆಹ್ವಯಾಮಾಸ ವೈ ಪಿತುಃ॥ 1-107-77 (4781) ಸೂತಸ್ತು ಕುರುಮುಖ್ಯಸ್ಯ ಉಪಯಾತಸ್ತದಾಜ್ಞಯಾ। ತಮುವಾಚ ಮಹಾಪ್ರಾಜ್ಞೋ ಭೀಷ್ಮೋ ವೈ ಸಾರಥಿಂ ಪಿತುಃ॥ 1-107-78 (4782) ತ್ವಂ ಸಾರಥೇ ಪಿತುರ್ಮಹ್ಯಂ ಸಖಾಸಿ ರಥಧೂರ್ಗತಃ। ಅಪಿ ಜಾನಾಸಿ ಯದಿ ವೈ ಕಸ್ಯಾಂ ಭಾವೋ ನೃಪಸ್ಯ ತು॥ 1-107-79 (4783) ತದಾಚಕ್ಷ್ವ ಭವಾನ್ಪೃಷ್ಟಃ ಕರಿಷ್ಯೇ ನ ತದನ್ಯಥಾ। 1-107-80 (4784) ಸೂತ ಉವಾಚ। ದಾಶಕನ್ಯಾ ಕುರುಶ್ರೇಷ್ಠ ತತ್ರ ಭಾವಃ ಪಿತುರ್ಗತಃ॥ 1-107-80x (659) ವೃತಃ ಸ ನರದೇವೇನ ತದಾ ವಚನಮಬ್ರವೀತ್। ಯೋಽಸ್ಯಾಂ ಪುಮಾನ್ಭವೇಜ್ಜಾತಃ ಸ ರಾಜಾ ತ್ವದನಂತರಂ॥ 1-107-81 (4785) ನಾಕಾಮಯತ ತಂ ದಾತುಂ ಪಿತಾ ತವ ವರಂ ತದಾ। ಸ ಚಾಪಿ ನಿಶ್ಚಯಸ್ತಸ್ಯ ನ ಚ ದದ್ಯಾಂ ತತೋಽನ್ಯಥಾ॥ 1-107-82 (4786) ಏತತ್ತೇ ಕಥಿತಂ ವೀರ ಕುರುಷ್ವ ಯದನಂತರಂ। 1-107-83 (4787) ವೈಶಂಪಾಯನ ಉವಾಚ। ತತಃ ಸ ಪಿತುರಾಜ್ಞಾಯ ಮತಂ ಸಂಯಗವೇಕ್ಷ್ಯ ಚ। ಜ್ಞಾತ್ವಾ ಚ ಮಾನಸಂ ಪುತ್ರಃ ಪ್ರಯಯೌ ಯಮುನಾಂ ಪ್ರತಿ॥ 1-107-83x (660) ಕ್ಷತ್ರಿಯೈಃ ಸಹ ಧರ್ಮಾತ್ಮಾ ಪುರಾಣೈರ್ಧರ್ಮಚಾರಿಭಿಃ। ಉಚ್ಚೈಶ್ಶ್ರವಸಮಾಗಂಯ ಕನ್ಯಾಂ ವವ್ರೇ ಪಿತುಃ ಸ್ವಯಂ'॥ 1-107-84 (4788) ತಂ ದಾಶಃ ಪ್ರತಿಜಗ್ರಾಹ ವಿಧಿವತ್ಪ್ರತಿಪೂಜ್ಯ ಚ। ಅಬ್ರವೀಚ್ಚೈನಮಾಸೀನಂ ರಾಜಸಂಸದಿ ಭಾರತ॥ 1-107-85 (4789) `ರಾಜ್ಯಶುಲ್ಕಾ ಪ್ರದಾತವ್ಯಾ ಕನ್ಯೇಯಂ ಯಾಚತಾಂ ವರ। ಅಪತ್ಯಂ ಯದ್ಭವೇದಸ್ಯಾಃ ಸ ರಾಜಾಽಸ್ತು ಪಿತುಃ ಪರಂ॥' 1-107-86 (4790) ತ್ವಮೇವಾತ್ರ ಮಹಾಬಾಹೋ ಶಾಂತನೋರ್ವಂಶವರ್ಧನಃ। ಪುತ್ರಃ ಶಸ್ತ್ರಭೃತಾಂ ಶ್ರೇಷ್ಠಃ ಕಿಂ ನು ವಕ್ಷ್ಯಾಮಿ ತೇ ವಚಃ॥ 1-107-87 (4791) `ಕುಮಾರಿಕಾಯಾಃ ಶುಲ್ಕಾರ್ಥಂ ಕಿಂಚಿದ್ವಕ್ಷ್ಯಾಮಿ ಭಾರತ।' ಕೋಹಿ ಸಂಬಂಧಖಂ ಶ್ಲಾಘ್ಯಮೀಪ್ಸಿತಂ ಯೌನಮೀದೃಶಂ। ಅತಿಕ್ರಾಮನ್ನ ತಪ್ಯೇತ ಸಾಕ್ಷಾದಪಿ ಶತಕ್ರತುಃ॥ 1-107-88 (4792) ಅಪತ್ಯಂ ಚೈತದಾರ್ಯಸ್ಯ ಯೋ ಯುಷ್ಮಾಕಂ ಸಮೋ ಗುಣೈಃ। ಯಸ್ಯ ಶುಕ್ರಾತ್ಸತ್ಯವತೀ ಸಂಭೂತಾ ವರವರ್ಣಿನೀ॥ 1-107-89 (4793) ತೇನ ಮೇ ಬಹುಶಸ್ತಾತ ಪಿತಾ ತೇ ಪರಿಕೀರ್ತಿತಃ। ಅರ್ಹಃ ಸತ್ಯವತೀಂ ವೋಢುಂ ಧರ್ಮಜ್ಞಃ ಸ ನರಾಧಿಪಃ॥ 1-107-90 (4794) `ಇಯಂ ಸತ್ಯವತೀ ದೇವೀ ಪಿತರಂ ತೇಽಬ್ರವೀತ್ತಥಾ। ಅರ್ಥಿತಶ್ಚಾಪಿರಾಜರ್ಷಿಃ ಪ್ರತ್ಯಾಖ್ಯಾತಃ ಪುರಾ ಮಯಾ'॥ 1-107-91 (4795) ಕನ್ಯಾಪಿತೃತ್ವಾತ್ಕಿಂಚಿತ್ತು ವಕ್ಷ್ಯಾಮಿ ತ್ವಾಂ ನರಾಧಿಪ। ಬಲವತ್ಸಪತ್ನತಾಮತ್ರ ದೋಷಂ ಪಶ್ಯಾಮಿ ಕೇವಲಂ॥ 1-107-92 (4796) `ಭೂಯಾಂಸಂ ತ್ವಯಿ ಪಶ್ಯಾಮಿ ತದ್ದೋಷಮಪರಾಜಿತ।' ಯಸ್ಯ ಹಿ ತ್ವಂ ಸಪತ್ನಃ ಸ್ಯಾ ಗಂಧರ್ವಸ್ಯಾಸುರಸ್ಯ ವಾ॥ 1-107-93 (4797) ನ ಸ ಜಾತು ಚಿರಂ ಜೀವೇತ್ತ್ವಯಿ ಕ್ರುದ್ಧೇ ಪರಂತಪ। ಏತಾವಾನತ್ರ ದೋಷೋ ಹಿ ನಾನ್ಯಃ ಕಶ್ಚನ ಪಾರ್ಥಿವ॥ 1-107-94 (4798) ಏತಜ್ಜಾನೀಹಿ ಭದ್ರಂ ತೇ ದಾನಾದಾನೇ ಪರಂತಪ॥ 1-107-95 (4799) ವೈಶಂಪಾಯನ ಉವಾಚ। 1-107-96x (661) ಏವಮುಕ್ತಸ್ತು ಗಾಂಗೇಯಸ್ತದ್ಯುಕ್ತಂ ಪ್ರತ್ಯಭಾಷತ। ಶೃಣ್ವತಾಂ ಭೂಮಿಪಾಲಾನಾಂ ಪಿತುರರ್ಥಾಯ ಭಾರತ॥ 1-107-96 (4800) `ಇದಂ ವಚನಮಾಧತ್ಸ್ವ ನಾಸ್ತಿ ವಕ್ತಾಸ್ಯ ಮತ್ಸಮಃ। ಅನ್ಯೋ ಜಾತೋ ನ ಜನಿತಾ ನ ಚ ಕಶ್ಚನ ಸಂಪ್ರತಿ'॥ 1-107-97 (4801) ಏವಮೇತತ್ಕರಿಷ್ಯಾಮಿ ಯಥಾ ತ್ವಮನುಭಾಷಸೇ। ಯೋಽಸ್ಯಾಂ ಜನಿಷ್ಯತೇ ಪುತ್ರಃ ಸ ನೋ ರಾಜಾ ಭವಿಷ್ಯತಿ॥ 1-107-98 (4802) ಇತ್ಯುಕ್ತಃ ಪುನರೇವ ಸ್ಮ ತಂ ದಾಶಃ ಪ್ರತ್ಯಭಾಷತ। ಚಿಕೀರ್ಷುರ್ದುಷ್ಕರಂ ಕರ್ಮ ರಾಜ್ಯಾರ್ಥೇ ಭರತರ್ಷಭ॥ 1-107-99 (4803) ತ್ವಮೇವ ನಾಥಃ ಸಂಪ್ರಾಪ್ತಃ ಶಾಂತನೋರಮಿತದ್ಯುತೇ। ಕನ್ಯಾಯಾಶ್ಚೈವ ಧರ್ಮಾತ್ಮನ್ಪ್ರಭುರ್ದಾನಾಯ ಚೇಶ್ವರಃ॥ 1-107-100 (4804) ಇದಂ ತು ವಚನಂ ಸೌಂಯ ಕಾರ್ಯಂ ಚೈವ ನಿಬೋಧ ಮೇ। ಕೌಮಾರಿಕಾಣಾಂ ಶೀಲೇನ ವಕ್ಷ್ಯಾಂಯಹಮರಿಂದಮ॥ 1-107-101 (4805) ಯತ್ತ್ವಯಾ ಸತ್ಯವತ್ಯರ್ಥೇ ಸತ್ಯಧರ್ಮಪರಾಯಣ। ರಾಜಮಧ್ಯೇ ಪ್ರತಿಜ್ಞಾತಮನುರೂಪಂ ತವೈವ ತತ್॥ 1-107-102 (4806) ನಾನ್ಯಥಾ ತನ್ಮಹಾಬಾಹೋ ಸಂಶಯೋಽತ್ರ ನ ಕಶ್ಚನ। ತವಾಪತ್ಯಂ ಭವೇದ್ಯತ್ತು ತತ್ರ ನಃ ಸಂಶಯೋ ಮಹಾನ್॥ 1-107-103 (4807) ವೈಶಂಪಾಯನ ಉವಾಚ। 1-107-104x (662) ತಸ್ಯೈತನ್ಮತಮಾಜ್ಞಾಯ ಸತ್ಯಧರ್ಮಪರಾಯಣಃ। ಪ್ರತ್ಯಜಾನಾತ್ತದಾ ರಾಜನ್ಪಿತುಃ ಪ್ರಿಯಚಿಕೀರ್ಷಯಾ॥ 1-107-104 (4808) ಗಾಂಗೇಯ ಉವಾಚ। 1-107-105x (663) `ಉಚ್ಚೈಶ್ಶ್ರವಃ ಸಮಾಧತ್ಸ್ವ ಪ್ರತಿಜ್ಞಾಂ ಜನಸಂಸದಿ। ಋಷಯೋ ವಾಥ ವಾ ದೇವಾ ಭೂತಾನ್ಯಂತರ್ಹಿತಾನಿ ಚ॥ 1-107-105 (4809) ಯಾನಿ ಯಾನೀಹ ಶೃಣ್ವಂತು ನಾಸ್ತಿ ವಕ್ತಾಸ್ಯ ಮತ್ಸಮಃ।' ದಾಶರಾಜ ನಿಬೋಧೇದಂ ವಚನಂ ಮೇ ನೃಪೋತ್ತಮ॥ 1-107-106 (4810) ಶೃಣ್ವತಾಂ ಭೂಮಿಪಾಲಾನಾಂ ಯದ್ಬ್ರವೀಮಿ ಪಿತುಃ ಕೃತೇ। ರಾಜ್ಯಂ ತಾವತ್ಪೂರ್ವಮೇವ ಮಯಾ ತ್ಯಕ್ತಂ ನರಾಧಿಪಾಃ॥ 1-107-107 (4811) ಅಪತ್ಯಹೇತೋರಪಿ ಚ ಕರಿಷ್ಯೇಽದ್ಯ ವಿನಿಶ್ಚಯಂ। ಅದ್ಯಪ್ರಭೃತಿ ಮೇ ದಾಶ ಬ್ರಹ್ಮಚರ್ಯಂ ಭವಿಷ್ಯತಿ॥ 1-107-108 (4812) ಅಪುತ್ರಸ್ಯಾಪಿ ಮೇ ಲೋಕಾ ಭವಿಷ್ಯಂತ್ಯಕ್ಷಯಾ ದಿವಿ। `ನ ಹಿ ಜನ್ಮಪ್ರಭೃತ್ಯುಕ್ತಂ ಮಯಾ ಕಿಂಚಿದಿಹಾನೃತಂ॥ 1-107-109 (4813) ಯಾವತ್ಪ್ರಾಣಾ ಧ್ರಿಯಂತೇ ವೈ ಮಮ ದೇಹಂ ಸಮಾಶ್ರಿತಾಃ। ತಾವನ್ನ ಜನಯಿಷ್ಯಾಮಿ ಪಿತ್ರೇ ಕನ್ಯಾಂ ಪ್ರಯಚ್ಛ ಮೇ॥ 1-107-110 (4814) ಪರಿತ್ಯಜಾಂಯಹಂ ರಾಜ್ಯಂ ಮೈಥುನಂ ಚಾಪಿ ಸರ್ವಶಃ। ಊರ್ಧ್ವರೇತಾ ಭವಿಷ್ಯಾಮಿ ದಾಶ ಸತ್ಯಂ ಬ್ರವೀಮಿ ತೇ॥' 1-107-111 (4815) ವೈಶಂಪಾಯನ ಉವಾಚ। 1-107-112x (664) ತಸ್ಯ ತದ್ವಚನಂ ಶ್ರುತ್ವಾ ಸಂಪ್ರಹೃಷ್ಟತನೂರುಹಃ। ದದಾನೀತ್ಯೇವ ತಂ ದಾಶೋ ಧರ್ಮಾತ್ಮಾ ಪ್ರತ್ಯಭಾಷತ॥ 1-107-112 (4816) ತತೋಂತರಿಕ್ಷೇಽಪ್ಸರಸೋ ದೇವಾಃ ಸರ್ಷಿಗಣಾಸ್ತದಾ। `ತದ್ದೃಷ್ಟಾ ದುಷ್ಕರಂ ಕರ್ಮ ಪ್ರಶಶಂಸುಶ್ಚ ಪಾರ್ಥಿವಾಃ॥' 1-107-113 (4817) ಅಭ್ಯವರ್ಷಂತ ಕುಸುಮೈರ್ಭೀಷ್ಮೋಽಯಮಿತಿ ಚಾಬ್ರುವನ್। ತತಃ ಸ ಪಿತುರರ್ಥಾಯ ತಾಮುವಾಚ ಯಶಸ್ವಿನೀಂ॥ 1-107-114 (4818) ಅಧಿರೋಹ ರಥಂ ಮಾತರ್ಗಚ್ಛಾವಃ ಸ್ವಗೃಹಾನಿತಿ। ಏವಮುಕ್ತ್ವಾ ತು ಭೀಷ್ಮಸ್ತಾಂ ರಥಮಾರೋಪ್ಯ ಭಾಮಿನೀಂ॥ 1-107-115 (4819) ಆಗಂಯ ಹಾಸ್ತಿನಪುರಂ ಶಾಂತನೋಃ ಸಂನ್ಯವೇದಯತ್। ತಸ್ಯ ತದ್ದುಷ್ಕರಂ ಕರ್ಮ ಪ್ರಶಶಂಸುರ್ನಾರಾಧಿಪಾಃ॥ 1-107-116 (4820) ಸಮೇತಾಶ್ಚ ಪೃಥಕ್ಚೈವ ಭೀಷ್ಮೋಯಮಿತಿ ಚಾಬ್ರುವನ್। ತಚ್ಛ್ರುತ್ವಾ ದುಷ್ಕರಂ ಕರ್ಮ ಕೃತಂ ಭೀಷ್ಮೇಣ ಶಾಂತನುಃ॥ 1-107-117 (4821) ಬಭೂವ ದುಃಖಿತೋ ರಾಜಾ ಚಿರರಾತ್ರಾಯ ಭಾರತ। ಸ ತೇನ ಕರ್ಮಣಾ ಸೂನೋಃ ಪ್ರೀತಸ್ತಸ್ಮೈ ವರಂ ದದೌ॥' 1-107-118 (4822) ಸ್ವಚ್ಛಂದಮರಣಂ ತುಷ್ಟೋ ದದೌ ತಸ್ಮೈ ಮಹಾತ್ಮನೇ। ನ ತೇ ಮೃತ್ಯುಃ ಪ್ರಭವಿತಾ ಯಾವಜ್ಜೀವಿತುಮಿಚ್ಛಸಿ॥ 1-107-119 (4823) ತ್ವತ್ತೋ ಹ್ಯನುಜ್ಞಾಂ ಸಂಪ್ರಾಪ್ಯ ಮೃತ್ಯುಃ ಪ್ರಭವಿತಾಽನಘ॥ 1-107-120 (4824) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಸಪ್ತಾಧಿಕಶತತಮೋಽಧ್ಯಾಯಃ॥ 107 ॥

1-108-0 (4825) ವೈಶಂಪಾಯನ ಉವಾಚ। 1-108-0x (665) `ಚೇದಿರಾಜಸುತಾಂ ಜ್ಞಾತ್ವಾ ದಾಶರಾಜೇನ ವರ್ಧಿತಾಂ। ವಿವಾಹಂ ಕಾರಯಾಮಾಸ ಶಾಸ್ತ್ರದೃಷ್ಟೇನ ಕರ್ಮಣಾ॥' 1-108-1 (4826) ತತೋ ವಿವಾಹೇ ನಿರ್ವೃತ್ತೇ ಸ ರಾಜಾ ಶಾಂತನುರ್ನೃಪಃ। ತಾಂ ಕನ್ಯಾಂ ರೂಪಸಂಪನ್ನಾಂ ಸ್ವಗೃಹೇ ಸಂನ್ಯವೇಶಯತ್॥ 1-108-2 (4827) ತತಃ ಶಾಂತನವೋ ಧೀಮಾನ್ಸತ್ಯವತ್ಯಾಮಜಾಯತ। ವೀರಶ್ಚಿತ್ರಾಂಗದೋ ನಾಮ ವೀರ್ಯವಾನ್ಪುರುಷೇಶ್ವರಃ॥ 1-108-3 (4828) ಅಥಾಪರಂ ಮಹೇಷ್ವಾಸಂ ಸತ್ಯವತ್ಯಾಂ ಸುತಂ ಪ್ರಭುಃ। ವಿಚಿತ್ರವೀರ್ಯಂ ರಾಜಾನಂ ಜನಯಾಮಾಸ ವೀರ್ಯವಾನ್॥ 1-108-4 (4829) ಅಪ್ರಾಪ್ತವತಿ ತಸ್ಮಿಂಸ್ತು ಯೌವನಂ ಪುರುಷರ್ಷಭೇ। ಸ ರಾಜಾ ಶಾಂತನುರ್ಧೀಮಾನ್ಕಾಲಧರ್ಮಮುಪೇಯಿವಾನ್॥ 1-108-5 (4830) ಸ್ವರ್ಗತೇ ಶಾಂತನೌ ಭೀಷ್ಮಶ್ಚಿತ್ರಾಂಗದಮರಿಂದನಂ। ಸ್ಥಾಪಯಾಮಾಸ ವೈ ರಾಜ್ಯೇ ಸತ್ಯವತ್ಯಾ ಮತೇ ಸ್ಥಿತಃ॥ 1-108-6 (4831) ಸ ತು ಚಿತ್ರಾಂಗದಃ ಶೌರ್ಯಾತ್ಸರ್ವಾಂಶ್ಚಿಕ್ಷೇಪ ಪಾರ್ಥಿವಾನ್। ಮನುಷ್ಯಂ ನ ಹಿ ಮೇನ ಸ ಕಂಚಿತ್ಸದೃಶಮಾತ್ಮನಃ॥ 1-108-7 (4832) ತಂ ಕ್ಷಿಪಂತಂ ಸುರಾಂಶ್ಚೈವ ಮನುಷ್ಯಾನಸುರಾಂಸ್ತಥಾ। ಗಂಧರ್ವರಾಜೋ ಬಲವಾಂಸ್ತುಲ್ಯನಾಮಾಽಭ್ಯಯಾತ್ತದಾ॥ 1-108-8 (4833) ಗಂಧರ್ವ ಉವಾಚ। 1-108-9x (666) `ತ್ವಂ ವೈ ಸದೃಶನಾಮಾಸಿ ಯುದ್ಧಂ ದೇಹಿ ನೃಪಾತ್ಮಜ। ನಾಮ ವಾಽನ್ಯತ್ಪ್ರಗೃಹ್ಣೀಷ್ವ ಯದಿ ಯುದ್ಧಂ ನ ದಾಸ್ಯಸಿ॥ 1-108-9 (4834) ತ್ವಯಾಹಂ ಯುದ್ಧಮಿಚ್ಛಾಮಿ ತ್ವತ್ಸಕಾಶಂ ತು ನಾಮತಃ। ಆಗತೋಸ್ಮಿ ವೃಥಾಽಽಭಾಷ್ಯ ನ ಗಚ್ಛೇನ್ನಾಮ ತೇ ಮಮ॥ 1-108-10 (4835) ಇತ್ಯುಕ್ತ್ವಾ ಗರ್ಜಮಾನೌ ತೌ ಹಿರಣ್ವತ್ಯಾಸ್ತಟಂ ಗತೌ'। ತೇನಾಸ್ಯ ಸುಮಹದ್ಯುದ್ಧಂ ಕುರುಕ್ಷೇತ್ರೇ ಬಭೂವ ಹ॥ 1-108-11 (4836) ತಯೋರ್ಬಲವತೋಸ್ತತ್ರ ಗಂಧರ್ವಕುರುಮುಖ್ಯಯೋಃ। ನದ್ಯಾಸ್ತೀರೇ ಹಿರಣ್ವತ್ಯಾಃ ಸಮಾಸ್ತಿಸ್ರೋಽಭವದ್ರಣಃ॥ 1-108-12 (4837) ತಸ್ಮಿನ್ವಿಮರ್ದೇ ತುಮುಲೇ ಶಸ್ತ್ರವರ್ಷಸಮಾಕುಲೇ। ಮಾಯಾಧಿಕೋಽವಧೀದ್ವೀರಂ ಗಂಧರ್ವಃ ಕುರುಸತ್ತಮಂ॥ 1-108-13 (4838) ಸ ಹತ್ವಾ ತು ನರಶ್ರೇಷ್ಠಂ ಚಿತ್ರಾಂಗದಮರಿಂದಮಂ। ಅಂತಾಯ ಕೃತ್ವಾ ಗಂಧರ್ವೋ ದಿವಮಾಚಕ್ರಮೇ ತತಃ॥ 1-108-14 (4839) ತಸ್ಮಿನ್ಪುರುಷಶಾರ್ದೂಲೇ ನಿಹತೇ ಭೂರಿತೇಜಸಿ। ಭೀಷ್ಮಃ ಶಾಂತನವೋ ರಾಜಾ ಪ್ರೇತಕಾರ್ಯಾಣ್ಯಕಾರಯತ್॥ 1-108-15 (4840) ವಿಚಿತ್ರವೀರ್ಯಂ ಚ ತದಾ ಬಾಲಮಪ್ರಾಪ್ತಯೌವನಂ। ಕುರುರಾಜ್ಯೇ ಮಹಾಬಾಹುರಭ್ಯಷಿಂಚದನಂತರಂ॥ 1-108-16 (4841) ವಿಚಿತ್ರವೀರ್ಯಃ ಸ ತದಾ ಭೀಷ್ಮಸ್ಯ ವಚನೇ ಸ್ಥಿತಃ। ಅನ್ವಶಾಸನ್ಮಹಾರಾಜ ಪಿತೃಪೈತಾಮಹಂ ಪದಂ॥ 1-108-17 (4842) ಸ ಧರ್ಮಶಾಸ್ತ್ರಕುಶಲಂ ಭೀಷ್ಮಂ ಶಾಂತನವಂ ನೃಪಃ। ಪೂಜಯಾಮಾಸ ಧರ್ಮೇಣ ಸ ಚೈನಂ ಪ್ರತ್ಯಪಾಲಯತ್॥ ॥ 1-108-18 (4843) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಅಷ್ಟಾಧಿಕಶತತಮೋಽಧ್ಯಾಯಃ॥ 108 ॥

1-109-0 (4844) ವೈಶಂಪಾಯನ ಉವಾಚ। 1-109-0x (667) ಹತೇ ಚಿತ್ರಾಂಗದೇ ಭೀಷ್ಮೋ ಬಾಲೇ ಭ್ರಾತರಿ ಕೌರವ। ಪಾಲಯಾಮಾಸ ತದ್ರಾಜ್ಯಂ ಸತ್ಯವತ್ಯಾ ಮತೇ ಸ್ಥಿತಃ॥ 1-109-1 (4845) `ತಥಾ ವಿಚಿತ್ರವೀರ್ಯಂ ತು ವರ್ತಮಾನಂ ಸುಖೇಽತುಲೇ।' ಸಂಪ್ರಾಪ್ತಯೌವನಂ ದೃಷ್ಟ್ವಾ ಭ್ರಾತರಂ ಧೀಮತಾಂ ವರಃ। ಭೀಷ್ಮೋ ವಿಚಿತ್ರವೀರ್ಯಸ್ಯ ವಿವಾಹಾಯಾಕರೋನ್ಮತಿಂ॥ 1-109-2 (4846) ಅಥ ಕಾಶಿಪತೇರ್ಭೀಷ್ಮಃ ಕನ್ಯಾಸ್ತಿಸ್ರೋಽಪ್ಸರೋಪಮಾಃ। ಶುಶ್ರಾವ ಸಹಿತಾ ರಾಜನ್ವೃಣ್ವಾನಾ ವೈ ಸ್ವಯಂವರಂ॥ 1-109-3 (4847) ತತಃ ಸ ರಥಿನಾಂ ಶ್ರೇಷ್ಠೋ ರಥೇನೈಕೇನ ಶತ್ರುಜಿತ್। ಜಗಾಮಾನುಮತೇ ಮಾತುಃ ಪುರೀಂ ವಾರಾಣಸೀಂ ಪ್ರಭುಃ॥ 1-109-4 (4848) ತತ್ರ ರಾಜ್ಞಃ ಸಮುದಿತಾನ್ಸರ್ವತಃ ಸಮುಪಾಗತಾನ್। ದದರ್ಶ ಕನ್ಯಾಸ್ತಾಶ್ವೈ ಭೀಷ್ಮಃ ಶಾಂತನುನಂದನಃ॥ 1-109-5 (4849) `ತಾಸಾಂ ಕಾಮೇನ ಸಂಮತ್ತಾಃ ಸಹಿತಾಃ ಕಾಶಿಕೋಸಲಾಃ। ವಂಗಾಃ ಪುಂಡ್ರಾಃ ಕಲಿಂಗಾಶ್ಚ ತೇ ಜಗ್ಮುಸ್ತಾಂ ಪುರೀಂ ಪ್ರತಿ॥' 1-109-6 (4850) ಕೀರ್ತ್ಯಮಾನೇಷು ರಾಜ್ಞಾಂ ತು ತದಾ ನಾಮಸು ಸರ್ವಶಃ। ಏಕಾಕಿನಂ ತದಾ ಭೀಷ್ಮಂ ವೃದ್ಧಂ ಶಾಂತನುನಂದನಂ॥ 1-109-7 (4851) ಸೋದ್ವೇಗಾ ಇವ ತಂ ದೃಷ್ಟ್ವಾ ಕನ್ಯಾಃ ಪರಮಶೋಭನಾಃ। ಅಪಾಕ್ರಾಮಂತ ತಾಃ ಸರ್ವಾ ವೃದ್ಧ ಇತ್ಯೇವ ಚಿಂತಯಾ॥ 1-109-8 (4852) ವೃದ್ಧಃ ಪರಮಧರ್ಮಾತ್ಮಾ ವಲೀಪಲಿತಧಾರಣಃ। ಕಿಕಾರಣಮಿಹಾಯಾತೋ ನಿರ್ಲಜ್ಜೋ ಭರತರ್ಷಭಃ॥ 1-109-9 (4853) ಮಿಥ್ಯಾಪ್ರತಿಜ್ಞೋ ಲೋಕೇಷು ಕಿಂ ವದಿಷ್ಯತಿ ಭಾರತ। ಬ್ರಹ್ಮಚಾರೀತಿ ಭೀಷ್ಮೋ ಹಿ ವೃಥೈವ ಪ್ರಥಿತೋ ಭುವಿ॥ 1-109-10 (4854) ಇತ್ಯೇವಂ ಪ್ರಬುವಂತಸ್ತೇ ಹಸಂತಿ ಸ್ಮ ನೃಪಾಧಮಾಃ। 1-109-11 (4855) ವೈಶಂಪಾಯನ ಉವಾಚ। ಕ್ಷತ್ರಿಯಾಣಾಂ ವಚಃ ಶ್ರುತ್ವಾ ಭೀಷ್ಮಶ್ಚುಕ್ರೋಧ ಭಾರತ॥ 1-109-11x (668) ಭೀಷ್ಮಸ್ತದಾ ಸ್ವಯಂ ಕನ್ಯಾ ವರಯಾಮಾಸ ತಾಃ ಪ್ರಭುಃ। ಉವಾಚ ಚ ಮಹೀಪಾಲಾನ್ರಾಜಂಜಲದನಿಃಸ್ವನಃ॥ 1-109-12 (4856) ರಥಮಾರೋಪ್ಯ ತಾಃ ಕನ್ಯಾ ಭೀಷ್ಮಃ ಪ್ರಹರತಾಂ ವರಃ। ಆಹೂಯ ದಾನಂ ಕನ್ಯಾನಾಂ ಗುಣವದ್ಭ್ಯಃ ಸ್ಮೃತಂ ಬುಧೈಃ॥ 1-109-13 (4857) ಅಲಂಕೃತ್ಯ ಯಥಾಶಕ್ತಿ ಪ್ರದಾಯ ಚ ಧನಾನ್ಯಪಿ। ಪ್ರಯಚ್ಛಂತ್ಯಪರೇ ಕನ್ಯಾಂ ಮಿಥುನೇನ ಗವಾಮಪಿ॥ 1-109-14 (4858) ವಿತ್ತೇನ ಕಥಿತೇನಾನ್ಯೇ ಬಲೇನಾನ್ಯೇಽನುಮಾನ್ಯ ಚ। ಪ್ರಮತ್ತಾಮುಪಯಂತ್ಯನ್ಯೇ ಸ್ವಯಮನ್ಯೇ ಚ ವಿಂದತೇ॥ 1-109-15 (4859) ಆರ್ಷಂ ವಿಧಿಂ ಪುರಸ್ಕೃತ್ಯ ದಾರಾನ್ವಿಂದಂತಿ ಚಾಪರೇ। ಅಷ್ಟಮಂ ತಮಥೋ ವಿತ್ತ ವಿವಾಹಂ ಕವಿಭಿರ್ವೃತಂ॥ 1-109-16 (4860) ಸ್ವಯಂವರಂ ತು ರಾಜನ್ಯಾಃ ಪ್ರಶಂಸಂತ್ಯುಪಯಾಂತಿ ಚ। ಪ್ರಮಥ್ಯ ತು ಹೃತಾಮಾಹುರ್ಜ್ಯಾಯಸೀಂ ಧರ್ಮವಾದಿನಃ॥ 1-109-17 (4861) ತಾ ಇಮಾಃ ಪೃಥಿವೀಪಾಲಾ ಜಿಹೀರ್ಷಾಮಿ ಬಲಾದಿತಃ। ತೇ ಯತಧ್ವಂ ಪರಂ ಶಕ್ತ್ಯಾ ವಿಜಯಾಯೇತರಾಯ ವಾ॥ 1-109-18 (4862) ಸ್ಥಿತೋಽಹಂ ಪೃಥಿವೀಪಾಲಾ ಯುದ್ಧಾಯ ಕೃತನಿಶ್ಚಯಃ। 1-109-19 (4863) ವೈಶಂಪಾಯನ ಉವಾಚ। ಏವಮುಕ್ತ್ವಾ ಮಹೀಪಾಲಾನ್ಕಾಶಿರಾಜಂ ಚ ವೀರ್ಯವಾನ್॥ 1-109-19x (669) ಸರ್ವಾಃ ಕನ್ಯಾಃ ಸ ಕೌರವ್ಯೋ ರಥಮಾರೋಪ್ಯ ಚ ಸ್ವಕಂ। ಆಮಂತ್ರ್ಯ ಚ ಸ ತಾನ್ಪ್ರಾಯಾಚ್ಛೀಘ್ರಂ ಕನ್ಯಾಃ ಪ್ರಗೃಹ್ಯ ತಾಃ॥ 1-109-20 (4864) ತತಸ್ತೇ ಪಾರ್ಥಿವಾಃ ಸರ್ವೇ ಸಮುತ್ಪೇತುರಮರ್ಷಿತಾಃ। ಸಂಸ್ಪೃಶಂತಃ ಸ್ವಕಾನ್ಬಾಹೂಂದಶಂತೋ ದಶನಚ್ಛದಾನ್॥ 1-109-21 (4865) ತೇಷಾಮಾಭರಣಾನ್ಯಾಶು ತ್ವರಿತಾನಾಂ ವಿಮುಂಚತಾಂ। ಆಮುಂಚತಾಂ ಚ ವರ್ಮಾಣಿ ಸಂಭ್ರಮಃ ಸುಮಹಾನಭೂತ್॥ 1-109-22 (4866) ತಾರಾಣಾಮಿವ ಸಂಪಾತೋ ಬಭೂವ ಜನಮೇಜಯ। ಭೂಷಣಾನಾಂ ಚ ಸರ್ವೇಷಾಂ ಕವಚಾನಾಂ ಚ ಸರ್ವಶಃ॥ 1-109-23 (4867) ಸವರ್ಮಭಿರ್ಭೂಷಣೈಶ್ಚ ಪ್ರಕೀರ್ಯದ್ಬಿರಿತಸ್ತತಃ। ಸಕ್ರೋಧಾಮರ್ಷಜಿಹ್ಮಭ್ರೂಕಷಾಯೀಕೃತಲೋಚನಾಃ॥ 1-109-24 (4868) ಸೂತೋಪಕ್ಲೃಪ್ತಾನ್ ರುಚಿರಾನ್ಸದಶ್ವೈರುಪಕಲ್ಪಿತಾನ್। ರಥಾನಾಸ್ಥಾಯ ತೇ ವೀರಾಃ ಸರ್ವಪ್ರಹರಣಾನ್ವಿತಾಃ॥ 1-109-25 (4869) ಪ್ರಯಾಂತಮಥ ಕೌರವ್ಯಮನುಸಸ್ರುರುದಾಯುಧಾಃ। ತತಃ ಸಮಭವದ್ಯುದ್ಧಂ ತೇಷಾಂ ತಸ್ಯ ಚ ಭಾರತ। ಏಕಸ್ಯ ಚ ಬಹೂನಾಂ ಚ ತುಮುಲಂ ರೋಮಹರ್ಷಣಂ॥ 1-109-26 (4870) ತೇ ತ್ವಿಷೂಂದಶಸಾಹಸ್ರಾಂಸ್ತಸ್ಮಿನ್ಯುಗಪದಾಕ್ಷಿಪನ್। ಅಪ್ರಾಪ್ತಾಂಶ್ಚೈವ ತಾನಾಶು ಭೀಷ್ಮಃ ಸರ್ವಾಂಸ್ತಥಾಽಂತರಾ॥ 1-109-27 (4871) ಅಚ್ಛಿನಚ್ಛರವರ್ಷೇಣ ಮಹತಾ ಲೋಮವಾಹಿನಾ। ತತಸ್ತೇ ಪಾರ್ಥಿವಾಃ ಸರ್ವೇ ಸರ್ವತಃ ಪರಿವಾರ್ಯ ತಂ॥ 1-109-28 (4872) ವವೃಷುಃ ಶರವರ್ಷೇಣ ವರ್ಷೇಣೇವಾದ್ರಿಮಂಬುದಾಃ। ಸ ತಂ ಬಾಣಮಯಂ ವರ್ಷಂ ಶರೈರಾವಾರ್ಯ ಸರ್ವತಃ॥ 1-109-29 (4873) ತತಃ ಸರ್ವಾನ್ಮಹೀಪಾಲಾನ್ಪರ್ಯವಿಧ್ಯತ್ತ್ರಿಭಿಸ್ತ್ರಿಭಿಃ। ಏಕೈಕಸ್ತು ತತೋ ಭೀಷ್ಮಂ ರಾಜನ್ವಿವ್ಯಾಧ ಪಂಚಭಿಃ॥ 1-109-30 (4874) ಸ ಚ ತಾನ್ಪ್ರತಿವಿವ್ಯಾಧ ದ್ವಾಭ್ಯಾಂ ದ್ವಾಭ್ಯಾಂ ಪರಾಕ್ರಮನ್। ತದ್ಯುದ್ಧಮಾಸೀತ್ತುಮುಲಂ ಘೋರಂ ದೇವಾಸುರೋಪಮಂ॥ 1-109-31 (4875) ಪಶ್ಯತಾಂ ಲೋಕವೀರಾಣಾಂ ಶರಶಕ್ತಿಸಮಾಕುಲಂ। ಸ ಧನೂಂಷಿ ಧ್ವಜಾಗ್ರಾಣಿ ವರ್ಮಾಣಿ ಚ ಶಿರಾಂಸಿ॥ 1-109-32 (4876) ಚಿಚ್ಛೇದ ಸಮರೇ ಭೀಷ್ಮಃ ಶತಶೋಥ ಸಹಸ್ರಶಃ। ತಸ್ಯಾತಿಪುರುಷಂ ಕರ್ಮ ಲಾಘವಂ ರಥಚಾರಿಣಃ॥ 1-109-33 (4877) ರಕ್ಷಣಂ ಚಾತ್ಮನಃ ಸಂಖ್ಯೇ ಶತ್ರವೋಽಪ್ಯಭ್ಯಪೂಜಯನ್। `ಅಕ್ಷತಃ ಕ್ಷಪಯಿತ್ವಾನ್ಯಾನಸಂಖ್ಯೇಯಪರಾಕ್ರಮಃ॥ 1-109-34 (4878) ಆನಿನಾಯ ಸ ಕಾಶ್ಯಸ್ಯ ಸುತಾಃ ಸಾಗರಗಾಸುತಃ।' ತಾನ್ವಿನಿರ್ಜಿತ್ಯ ತು ರಣೇ ಸರ್ವಶಸ್ತ್ರಭೃತಾಂ ವರಃ॥ 1-109-35 (4879) ಕನ್ಯಾಭಿಃ ಸಹಿತಃ ಪ್ರಾಯಾದ್ಭಾರತೋ ಭಾರತಾನ್ಪ್ರತಿ। ತತಸ್ತಂ ಪೃಷ್ಠತೋ ರಾಜಞ್ಶಾಲ್ವರಾಜೋ ಮಹಾರಥಃ॥ 1-109-36 (4880) ಅಭ್ಯಗಚ್ಛದಮೇಯಾತ್ಮಾ ಭೀಷ್ಮಂ ಶಾಂತನವಂ ರಣೇ। ವಾರಣಂ ಜಘನೇ ಭಿಂದಂದಂತಾಭ್ಯಾಮಪರೋ ಯಥಾ॥ 1-109-37 (4881) ವಾಸಿತಾಮನುಸಂಪ್ರಾಪ್ತೋ ಯೂಥಪೋ ಬಲಿನಾಂ ವರಃ। ಸ್ತ್ರೀಕಾಮಸ್ತಿಷ್ಠತಿಷ್ಠೇತಿ ಭೀಷ್ಮಮಾಹ ಸ ಪಾರ್ಥಿವಃ॥ 1-109-38 (4882) ಸಾಲ್ವರಾಜೋ ಮಹಾಬಾಹುರಮರ್ಷೇಣ ಪ್ರಚೋದಿತಃ। ತತಃ ಸ ಪುರುಷವ್ಯಾಘ್ರೋ ಭೀಷ್ಮಃ ಪರಬಲಾರ್ದನಃ॥ 1-109-39 (4883) ತದ್ವಾಕ್ಯಾಕುಲಿತಃ ಕ್ರೋಧಾದ್ವಿಧೂಮೋಗ್ನಿರಿವ ಜ್ವಲನ್। ವಿತತೇಷುಧನುಷ್ಪಾಣಿರ್ವಿಕುಂಚಿತಲಲಾಟಭೃತ್॥ 1-109-40 (4884) ಕ್ಷತ್ರಧರ್ಮಂ ಸಮಾಸ್ಥಾಯ ವ್ಯಪೇತಭಯಸಂಭ್ರಮಃ। ನಿವರ್ತಯಾಮಾಸ ರಥಂ ಸಾಲ್ವಂ ಪ್ರತಿ ಮಹಾರಥಃ॥ 1-109-41 (4885) ನಿವರ್ತಮಾನಂ ತಂ ದೃಷ್ಟ್ವಾ ರಾಜಾನಃ ಸರ್ವ ಏವ ತೇ। ಪ್ರೇಕ್ಷಕಾಃ ಸಮಪದ್ಯಂತ ಭೀಷ್ಮಸಾಲ್ವಸಮಾಗಮೇ॥ 1-109-42 (4886) ತೌ ವೃಷಾವಿವ ನರ್ದಂತೌ ಬಲಿನೌ ವಾಸಿತಾಂತರೇ। ಅನ್ಯೋನ್ಯಮಭಿವರ್ತೇತಾಂ ಬಲವಿಕ್ರಮಶಾಲಿನೌ॥ 1-109-43 (4887) ತತೋ ಭೀಷ್ಮಂ ಶಾಂತನವಂ ಶರೈಃ ಶತಸಹಸ್ರಶಃ। ಸಾಲ್ವರಾಜೋ ನರಶ್ರೇಷ್ಠಃ ಸಮವಾಕಿರದಾಶುಗೈಃ॥ 1-109-44 (4888) ಪೂರ್ವಮಭ್ಯರ್ದಿತಂ ದೃಷ್ಟ್ವಾ ಭೀಷ್ಮಂ ಸಾಲ್ವೇನ ತೇ ನೃಪಾಃ। ವಿಸ್ಮಿತಾಃ ಸಮಪದ್ಯಂತ ಸಾಧುಸಾಧ್ವಿತಿ ಚಾಬ್ರುವನ್॥ 1-109-45 (4889) ಲಾಘವಂ ತಸ್ಯ ತೇ ದೃಷ್ಟ್ವಾ ಸಮರೇ ಸರ್ವಪಾರ್ಥಿವಾಃ। ಅಪೂಜಯಂತ ಸಂಹೃಷ್ಟಾ ವಾಗ್ಭಿಃ ಸಾಲ್ವಂ ನರಾಧಿಪಂ॥ 1-109-46 (4890) ಕ್ಷತ್ರಿಯಾಣಾಂ ತತೋ ವಾಚಃ ಶ್ರುತ್ವಾ ಪರಪುಂಜಯಃ। ಕ್ರುದ್ಧಃ ಶಾಂತನವೋ ಭೀಷ್ಮಸ್ತಿಷ್ಠತಿಷ್ಠೇತ್ಯಭಾಷತ॥ 1-109-47 (4891) ಸಾರಥಿಂ ಚಾಬ್ರವೀತ್ಕ್ರುದ್ಧೋ ಯಾಹಿ ಯತ್ರೈಷ ಪಾರ್ಥಿವಃ। ಯಾವದೇನಂ ನಿಹನ್ಂಯದ್ಯ ಭುಜಂಗಮಿವ ಪಕ್ಷಿರಾಟ್॥ 1-109-48 (4892) ತತೋಽಸ್ತ್ರಂ ವಾರುಣಂ ಸಂಯಗ್ಯೋಜಯಾಮಾಸ ಕೌರವಃ। ತೇನಾಶ್ವಾಂಶ್ಚತುರೋಽಮೃದ್ಗಾತ್ಸಾಲ್ವರಾಜಸ್ಯ ಭೂಪತೇ॥ 1-109-49 (4893) ಅಸ್ತ್ರೈರಸ್ತ್ರಾಣಿ ಸಂವಾರ್ಯ ಸಾಲ್ವರಾಜಸ್ಯ ಕೌರವಃ। ಭೀಷ್ಮೋ ನೃಪತಿಶಾರ್ದೂಲ ನ್ಯವಧೀತ್ತಸ್ಯ ಸಾರಥಿಂ॥ 1-109-50 (4894) ಅಸ್ತ್ರೇಣ ಚಾಸ್ಯಾಥೈಂದ್ರೇಣ ನ್ಯವಧೀತ್ತುರಗೋತ್ತಮಾನ್। ಕನ್ಯಾಹೇತೋರ್ನರಶ್ರೇಷ್ಠ ಭೀಷ್ಮಃ ಶಾಂತನವಸ್ತದಾ॥ 1-109-51 (4895) ಜಿತ್ವಾ ವಿಸರ್ಜಯಾಮಾಸ ಜೀವಂತಂ ನೃಪಸತ್ತಮಂ। ತತಃ ಸಾಲ್ವಃ ಸ್ವನಗರಂ ಪ್ರಯಯೌ ಭರತರ್ಷಭ॥ 1-109-52 (4896) ಸ್ವರಾಜ್ಯಮನ್ವಶಾಚ್ಚೈವ ಧರ್ಮೇಣ ನೃಪತಿಸ್ತದಾ। ರಾಜಾನೋ ಯೇ ಚ ತತ್ರಾಸನ್ಸ್ವಯಂವರದಿದೃಕ್ಷವಃ॥ 1-109-53 (4897) ಸ್ವಾನ್ಯೇವ ತೇಽಪಿ ರಾಷ್ಟ್ರಾಣಿ ಜಗ್ಮುಃ ಪರಪುರಂಜಯಾಃ। ಏವಂ ವಿಜಿತ್ಯ ತಾಃ ಕನ್ಯಾ ಭೀಷ್ಮಃ ಪ್ರಹರತಾಂ ವರಃ॥ 1-109-54 (4898) ಪ್ರಯಯೌ ಹಾಸ್ತಿನಪುರಂ ಯತ್ರ ರಾಜಾ ಸ ಕೌರವಃ। ವಿಚಿತ್ರವೀರ್ಯೋ ಧರ್ಮಾತ್ಮಾ ಪ್ರಶಾಸ್ತಿ ವಸುಧಾಮಿಮಾಂ॥ 1-109-55 (4899) ಯಥಾ ಪಿತಾಸ್ಯ ಕೌರವ್ಯಃ ಶಾಂತನುರ್ನೃಪಸತ್ತಮಃ। ಸೋಽಚಿರೇಣೈವ ಕಾಲೇನ ಅತ್ಯಕ್ರಾಮನ್ನರಾಧಿಪ॥ 1-109-56 (4900) ವನಾನಿ ಸರಿತಶ್ಚೈವ ಶೈಲಾಂಶ್ಚ ವಿನಿಧಾಂದ್ರುಮಾನ್। ಅಕ್ಷತಃ ಕ್ಷಪಯಿತ್ವಾಽರೀನ್ಸಂಖ್ಯೇಽಸಂಖ್ಯೇಯವಿಕ್ರಮಃ॥ 1-109-57 (4901) ಆನಯಾಮಾಸ ಕಾಶ್ಯಸ್ಯ ಸುತಾಃ ಸಾಗರಗಾಸುತಃ। ಸ್ನುಷಾ ಇವ ಸ ಧರ್ಮಾತ್ಮಾ ಭಗಿನೀರಿವ ಚಾನುಜಾಃ॥ 1-109-58 (4902) ಯಥಾ ದುಹಿತಶ್ಚೈವ ಪರಿಗೃಹ್ಯ ಯಯೌ ಕುರೂನ್। ಆನಿನ್ಯೇ ಸ ಮಹಾಬಾಹುರ್ಭ್ರಾತುಃ ಪ್ರಿಯಚಿಕೀರ್ಷಯಾ॥ 1-109-59 (4903) ತಾಃ ಸರ್ವಗುಣಸಂಪನ್ನಾ ಭ್ರಾತಾ ಭ್ರಾತ್ರೇ ಯವೀಯಸೇ। ಭೀಷ್ಮೋ ವಿಚಿತ್ರವೀರ್ಯಾಯ ಪ್ರದದೌ ವಿಕ್ರಮಾಹೃತಾಃ॥ 1-109-60 (4904) ಏವಂ ಧರ್ಮೇಣ ಧರ್ಮಜ್ಞಃ ಕೃತ್ವಾ ಕರ್ಮಾತಿಮಾನುಷಂ। ಭ್ರಾತುರ್ವಿಚಿತ್ರವೀರ್ಯಸ್ಯ ವಿವಾಹಾಯೋಪಚಕ್ರಮೇ॥ 1-109-61 (4905) ಸತ್ಯವತ್ಯಾ ಸಹ ಮಿಥಃ ಕೃತ್ವಾ ನಿಶ್ಚಯಮಾತ್ಮವಾನ್। ವಿವಾಹಂ ಕಾರಯಿಷ್ಯಂತಂ ಭೀಷ್ಮಂ ಕಾಶಿಪತೇಃ ಸುತಾ। ಜ್ಯೇಷ್ಠಾ ತಾಸಾಮಿದಂ ವಾಕ್ಯಮಬ್ರವೀದ್ಧಸತೀ ತದಾ॥ 1-109-62 (4906) ಮಯಾ ಸೌಭಪತಿಃ ಪೂರ್ವಂ ಮನಸಾ ಹಿ ವೃತಃ ಪತಿಃ। ತೇನ ಚಾಸ್ಮಿ ವೃತಾ ಪೂರ್ವಮೇಷ ಕಾಮಶ್ಚ ಮೇ ಪಿತುಃ॥ 1-109-63 (4907) ಮಯಾ ವರಯಿತವ್ಯೋಽಭೂತ್ಸಾಲ್ವಸ್ತಸ್ಮಿನ್ಸ್ವಯಂವರೇ। ಏತದ್ವಿಜ್ಞಾಯ ಧರ್ಮಜ್ಞ ಧರ್ಮತತ್ತ್ವಂ ಸಮಾಚರ॥ 1-109-64 (4908) ಏವಮುಕ್ತಸ್ತಯಾ ಭೀಷ್ಮಃ ಕನ್ಯಯಾ ವಿಪ್ರಸಂಸದಿ। ಚಿಂತಾಮಭ್ಯಗಮದ್ವೀರೋ ಯುಕ್ತಾಂ ತಸ್ಯೈವ ಕರ್ಮಣಃ॥ 1-109-65 (4909) `ಅನ್ಯಸಕ್ತಾ ತ್ವಿಯಂ ಕನ್ಯಾ ಜ್ಯೇಷ್ಠಾ ತ್ವಂಬಾ ಮಯಾ ಜಿತಾ। ವಾಚಾ ದತ್ತಾ ಮನೋದತ್ತಾ ಕೃತಮಂಗಲವಾಚನಾ॥ 1-109-66 (4910) ನಿರ್ದಿಷ್ಟಾ ತು ಪರಸ್ಯೈವ ಸಾ ತ್ಯಾಜ್ಯಾ ಪರಚಿಂತಿನೀ। ಇತ್ಯುಕ್ತ್ವಾ ಚಾನುಮಾನ್ಯೈವ ಭ್ರಾತರಂ ಸ್ವವಶಾನುಗಂ॥' 1-109-67 (4911) ವಿನಿಶ್ಚಿತ್ಯ ಸ ಧರ್ಮಜ್ಞೋ ಬ್ರಾಹ್ಮಣೈರ್ವೇದಪಾರಗೈಃ। ಅನುಜಜ್ಞೇ ತದಾ ಜ್ಯೇಷ್ಠಾಮಂಬಾಂ ಕಾಶಿಪತೇಃ ಸುತಾಂ॥ 1-109-68 (4912) ಅಂಬಿಕಾಂಬಾಲಿಕೇ ಭಾರ್ಯೇ ಪ್ರಾದಾದ್ಭ್ರಾತ್ರೇ ಯವೀಯಸೇ। ಭೀಷ್ಮೋ ವಿಚಿತ್ರವೀರ್ಯಾಯ ವಿಧಿದೃಷ್ಟೇನ ಕರ್ಮಣಾ॥ 1-109-69 (4913) ತಯೋಃ ಪಾಣೀ ಗೃಹೀತ್ವಾ ತು ರೂಪಯೌವನದರ್ಪಿತಃ। ವಿಚಿತ್ರವೀರ್ಯೋ ಧರ್ಮಾತ್ಮಾ ನಾಂಬಾಮೈಚ್ಛತ್ಕಥಂಚನ॥ 1-109-70 (4914) `ಅಂಬಾಮನ್ಯಸ್ಯ ಕೀರ್ತ್ಯಂತೀಮಬ್ರವೀಚ್ಚಾರುದರ್ಶನಾಂ। 1-109-71 (4915) ವಿಚಿತ್ರವೀರ್ಯ ಉವಾಚ। ಪಾಪಸ್ಯ ಫಲಮೇವೈಷ ಕಾಮೋಽಸಾಧುರ್ನಿರರ್ಥಕಃ। ಪರತಂತ್ರೋಪಭೋಗೋ ಮಾಮಾರ್ಯ ನಾಽಽಯೋಕ್ತುಮರ್ಹಸಿ॥ 1-109-71x (670) ಭೀಷ್ಮ ಉವಾಚ। 1-109-72x (671) ಪ್ರಾತಿಷ್ಠಚ್ಛಾಂತನೋರ್ವಂಶಸ್ತಾತ ಯಸ್ಯ ತ್ವಮನ್ವಯಃ। ಅಕಾಮವೃತ್ತೋ ಧರ್ಮಾತ್ಮನ್ಸಾಧು ಮನ್ಯೇ ಮತಂ ತವ॥ 1-109-72 (4916) ಇತ್ಯುಕ್ತ್ವಾಂಬಾಂ ಸಮಾಲೋಕ್ಯ ವಿಧಿವದ್ವಾಕ್ಯಮಬ್ರವೀತ್। ವಿಸೃಷ್ಟಾ ಹ್ಯಸಿ ಗಚ್ಛ ತ್ವಂ ಯಥಾಕಾಮಮನಿಂದಿತೇ॥ 1-109-73 (4917) ನಾನಿಯೋಜ್ಯೇ ಸಮರ್ಥೋಽಹಂ ನಿಯೋಕ್ತುಂ ಭ್ರಾತರಂ ಪ್ರಿಯಂ। ಅನ್ಯಬಾವಗತಾಂ ಚಾಪಿ ಕೋ ನಾರೀಂ ವಾಸಯೇದ್ಗೃಹೇ॥ 1-109-74 (4918) ಅತಸ್ತ್ವಾಂ ನ ನಿಯೋಕ್ಷ್ಯಾಮಿ ಅನ್ಯಕಾಮಾಸಿ ಗಂಯತಾಂ। ಅಹಮಪ್ಯೂರ್ಧ್ವರೇತಾ ವೈ ನಿವೃತ್ತೋ ದಾರಕರ್ಮಣಿ॥ 1-109-75 (4919) ನ ಸಂಬಂಧಸ್ತದಾವಾಭ್ಯಾಂ ಭವಿತಾ ವೈ ಕಥಂಚನ। 1-109-76 (4920) ವೈಶಂಪಾಯನ ಉವಾಚ। ಇತ್ಯುಕ್ತಾ ಸಾ ಗತಾ ತತ್ರ ಸಖೀಭಿಃ ಪರಿವಾರಿತಾ॥ 1-109-76x (672) ನಿರ್ದಿಷ್ಟಾ ಹಿ ಶನೈ ರಾಜನ್ಸಾಲ್ವರಾಜಪುರಂ ಪ್ರತಿ। ಅಥಾಂಬಾ ಸಾಲ್ವಂಮಾಗಂಯ ಸಾಽಬ್ರವೀತ್ಪ್ರತಿಪೂಜ್ಯ ತಂ॥ 1-109-77 (4921) ಪುರಾ ನಿರ್ದಿಷ್ಟಭಾವಾ ತ್ವಾಮಾಗತಾಸ್ಮಿ ವರಾನನ। ದೇವವ್ರತಂ ಸಮುತ್ಸೃಜ್ಯ ಸಾನುಜಂ ಭರತರ್ಷಭಂ॥ 1-109-78 (4922) ಪ್ರತಿಗೃಹ್ಣೀಷ್ವ ಭದ್ರಂ ತೇ ವಿಧಿವನ್ಮಾಂ ಸಮುದ್ಯತಾಂ॥ 1-109-79 (4923) ವೈಶಂಪಾಯನ ಉವಾಚ। 1-109-80x (673) ತಯೈವಮುಕ್ತಃ ಸಾಲ್ವೋಪಿ ಪ್ರಹಸನ್ನಿದಮಬ್ರವೀತ್। ನಿರ್ಜಿತಾಽಸೀಹ ಭೀಷ್ಮೇಣ ಮಾಂ ವಿನಿರ್ಜಿತ್ಯ ರಾಜಸು॥ 1-109-80 (4924) ಅನ್ಯೇನ ನಿರ್ಜಿತಾಂ ಭದ್ರೇ ವಿಸೃಷ್ಟಾಂ ತೇನ ಚಾಲಯಾತ್। ನ ಗೃಹ್ಣಾಮಿ ವರಾರೋಹೇ ತತ್ರ ಚೈವ ತು ಗಂಯತಾಂ॥ 1-109-81 (4925) ವೈಶಂಪಾಯನ ಉವಾಚ। 1-109-82x (674) ಇತ್ಯುಕ್ತಾ ಸಾ ಸಮಾಗಂಯ ಕುರುರಾಜ್ಯಮನುತ್ತಮಂ। ಅಂಬಾಬ್ರವೀತ್ತತೋ ಭೀಷ್ಮಂ ತ್ವಯಾಽಹಂ ಸಹಸಾ ಹೃತಾ॥ 1-109-82 (4926) ಕ್ಷತ್ರಧರ್ಮಮವೇಕ್ಷಸ್ವ ತ್ವಂ ಭರ್ತಾ ಮಮ ಧರ್ಮತಃ। ಯಾಂ ಯಃ ಸ್ವಯಂವರೇ ಕನ್ಯಾಂ ನಿರ್ಜಯೇಚ್ಛೌರ್ಯಸಂಪದಾ॥ 1-109-83 (4927) ರಾಜ್ಞಃ ಸರ್ವಾನ್ವಿನಿರ್ಜಿತ್ಯ ಸ ತಾಮುದ್ವಾಹಯೇದ್ಧ್ರುವಂ। ಅತಸ್ತ್ವಮೇವ ಭರ್ತಾ ಮೇ ತ್ವಯಾಽಹಂ ನಿರ್ಜಿತಾ ಯತಃ॥ 1-109-84 (4928) ತಸ್ಮಾದ್ವಹಸ್ವ ಮಾಂ ಭೀಷ್ಮ ನಿರ್ಜಿತಾಂ ಸಂಸದಿ ತ್ವಯಾ। ಊರ್ಧ್ವರೇತಾ ಹ್ಯಹಮಿತಿ ಪ್ರತ್ಯುವಾಚ ಪುನಃಪುನಃ॥ 1-109-85 (4929) ಭೀಷ್ಮಂ ಸಾ ಚಾಬ್ರವೀದಂಬಾ ಯಥಾಜೈಷೀಸ್ತಥಾ ಕುರು। ಏವಮನ್ವಗಮದ್ಭೀಷ್ಮಂ ಷಟ್ಸಮಾಃ ಪುಷ್ಕರೇಕ್ಷಣಾ॥ 1-109-86 (4930) ಊರ್ಧ್ವರೇತಾಸ್ತ್ವಹಂ ಭದ್ರೇ ವಿವಾಹವಿಮುಖೋಽಭವಂ। ತಮೇವ ಸಾಲ್ವಂ ಗಚ್ಛ ತ್ವಂ ಯಃ ಪುರಾ ಮನಸಾ ವೃತಃ॥ 1-109-87 (4931) ಅನ್ಯಸಕ್ತಂ ಕಿಮರ್ಥಂ ತ್ವಮಾತ್ಮಾನಮವದಃ ಪುರಾ। ಅನ್ಯಸಕ್ತಾಂ ವಧೂಂ ಕನ್ಯಾಂ ವಾಸಯೇತ್ಸ್ವಗೃಹೇ ನ ಹಿ॥ 1-109-88 (4932) ನಾಹಮುದ್ವಾಹಯಿಷ್ಯೇ ತ್ವಾಂ ಮಮ ಭ್ರಾತ್ರೇ ಯವೀಯಸೇ। ವಿಚಿತ್ರವೀರ್ಯಾಯ ಶುಭೇ ಯಥೇಷ್ಟಂ ಗಂಯತಾಮಿತಿ॥ 1-109-89 (4933) ಭೂಯಃ ಸಾಲ್ವಂ ಸಮಭ್ಯೇತ್ಯ ರಾಜನ್ಗೃಹ್ಣೀಷ್ವ ಮಾಮಿತಿ। ನಾಹಂ ಗೃಹ್ಣಾಂಯನ್ಯಜಿತಾಮಿತಿ ಸಾಲ್ವನಿರಾಕೃತಾ॥ 1-109-90 (4934) ಊರ್ಧ್ವರೇತಾಸ್ತ್ವಹಮಿತಿ ಭೀಷ್ಮೇಣ ಚ ನಿರಾಕೃತಾ। ಅಂಬಾ ಭೀಷ್ಮಂ ಪುನಃ ಸಾಲ್ವಂ ಭೀಷ್ಮಂ ಸಾಲ್ವಂ ಪುನಃ ಪುನಃ॥ 1-109-91 (4935) ಗಮನಾಗಮನೇನೈವಮನೈಷೀತ್ಷಟ್ ಸಮಾ ನೃಪ। ಅಶ್ರುಭಿರ್ಭೂಮಿಮುಕ್ಷಂತೀ ಶೋಚಂತೀ ಸಾ ಮನಸ್ವಿನೀ॥ 1-109-92 (4936) ಪೀನೋನ್ನತಕುಚದ್ವಂದ್ವಾ ವಿಶಾಲಜಘನೇಕ್ಷಣಾ। ಶ್ರೋಣೀಭರಾಲಸಗಮಾ ರಾಕಾಚಂದ್ರನಿಭಾನನಾ॥ 1-109-93 (4937) ವರ್ಷತ್ಕಾದಂಬಿನೀಮೂರ್ಧ್ನಿ ಸ್ಫುರಂತೀ ಚಂಚಲೇವ ಸಾ। ಸಾ ತತೋ ದ್ವಾದಶ ಸಮಾ ಬಾಹುದಾಮಭಿತೋ ನದೀಂ। ಪಾರ್ಶ್ವೇ ಹಿಮವತೋ ರಂಯೇ ತಪೋ ಘೋರಂ ಸಮಾದದೇ॥ 1-109-94 (4938) ಸಂಕ್ಷಿಪ್ತಕರಣಾ ತತ್ರ ತಪ ಆಸ್ಥಾಯ ಸುವ್ರತಾ। ಪಾದಾಂಗುಷ್ಠೇನ ಸಾಽತಿಷ್ಠದಕಂಪಂತ ತತಃ ಸುರಾಃ॥ 1-109-95 (4939) ತಸ್ಯಾಸ್ತತ್ತು ತಪೋ ದೃಷ್ಟ್ವಾ ಸುರಾಣಾಂ ಕ್ಷೋಭಕಾರಕಂ। ವಿಸ್ಮಿತಶ್ಚೈವ ಹೃಷ್ಟಶ್ಚ ತಸ್ಯಾನುಗ್ರಹಬುದ್ಧಿಮಾನ್॥ 1-109-96 (4940) ಅನಂತಸೇನೋ ಭಗವಾನ್ಕುಮಾರೋ ವರದಃ ಪ್ರಭುಃ। ಮಾನಯನ್ರಾಜಪುತ್ರೀಂ ತಾಂ ದದೌ ತಸ್ಯೈ ಶುಭಾಂ ಸ್ರಜಂ॥ 1-109-97 (4941) ಏಷಾ ಪುಷ್ಕರಿಣೀ ದಿವ್ಯಾ ಯಥಾವತ್ಸಮುಪಸ್ಥಿತಾ। ಅಂಬೇ ತ್ವಚ್ಛೋಕಶಮನೀ ಮಾಲಾ ಭುವಿ ಭವಿಷ್ಯತಿ॥ 1-109-98 (4942) ಏತಾಂ ಚೈವ ಮಯಾ ದತ್ತಾಂ ಮಾಲಾಂ ಯೋ ಧಾರಯಿಷ್ಯತಿ। ಸೋಽಸ್ಯ ಭೀಷ್ಮಸ್ಯ ನಿಧನೇ ಕಾರಣಂ ವೈ ಭವಿಷ್ಯತಿ॥ ॥ 1-109-99 (4943) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ನವಾಧಿಕಶತತಮೋಽಧ್ಯಾಯಃ॥ 109 ॥

1-110-0 (4944) ಅಂಬೋವಾಚ। 1-110-0x (675) ಅನ್ಯಪೂರ್ವೇತಿ ಮಾಂ ಸಾಲ್ವೋ ನಾಭಿನಂದತಿ ಬಾಲಿಶಃ। ಸಾಹಂ ಧರ್ಮಾಚ್ಚ ಕಾಮಾಚ್ಚ ವಿಹೀನಾ ಶೋಕಧಾರಿಣೀ॥ 1-110-1 (4945) ಅಪತಿಃ ಕ್ಷತ್ರಿಯಾನ್ಸರ್ವಾನಾಕ್ರಂದಾಮಿ ಸಮಂತತಃ। ಇಯಂ ವಃ ಕ್ಷತ್ರಿಯಾ ಮಾಲಾ ಯಾ ಭೀಷ್ಮಂ ನಿಹನಿಷ್ಯತಿ॥ 1-110-2 (4946) ಅಹಂ ಚ ಭಾರ್ಯಾ ತಸ್ಯ ಸ್ಯಾಂ ಯೋ ಭೀಷ್ಮಂ ಘಾತಯಿಷ್ಯತಿ। ತಸ್ಯಾಶ್ಚಂಕ್ರಂಯಮಾಣಾಯಾಃ ಸಮಾಃ ಪಂಚ ಗತಾಃ ಪರಾಃ॥ 1-110-3 (4947) ನಾಭವಚ್ಛರಣಂ ಕಶ್ಚಿತ್ಕ್ಷತ್ರಿಯೋ ಭೀಷ್ಮಜಾದ್ಭಯಾತ್। ಅಗಚ್ಛತ್ಸೋಮಕಂ ಸಾಽಂಬಾ ಪಾಂಚಾಲೇಷು ಯಶಸ್ವಿನಂ॥ 1-110-4 (4948) ಸತ್ಯಸಂಧಂ ಮಹೇಷ್ವಾಸಂ ಸತ್ಯಧರ್ಮಪರಾಯಣಂ। ಸಾ ಸಭಾದ್ವಾರಮಾಗಂಯ ಪಾಂಚಾಲೈರಭಿರಕ್ಷಿತಂ॥ 1-110-5 (4949) ಪಾಂಚಾಲರಾಜಮಾಕ್ರಂದತ್ಪ್ರಗೃಹ್ಯ ಸುಭುಜಾ ಭುಜೌ। ಭೀಷ್ಮೇಣ ಹನ್ಯಮಾನಾಂ ಮಾಂ ಮಜ್ಜಂತೀಮಿವ ಚ ಹ್ರದೇ॥ 1-110-6 (4950) ಯಜ್ಞಸೇನಾಭಿಧಾವೇಹ ಪಾಣಿಮಾಲಂಬ್ಯ ಚೋದ್ಧರ। ತೇನ ಮೇ ಸರ್ವಧರ್ಮಾಶ್ಚ ರತಿಭೋಗಾಶ್ಚ ಕೇವಲಾಃ॥ 1-110-7 (4951) ಉಭೌ ಚ ಲೋಕೌ ಕೀರ್ತಿಶ್ಚ ಸಮೂಲೌ ಸಫಲೌ ಹೃತೌ। ***ಂತ್ಯೇವಂ ನ ವಿಂದಾಮಿ ರಾಜನ್ಯಂ ಶರಣಂ ಕ್ವಚಿತ್॥ 1-110-8 (4952) ಕಿಂ ನು ನಿಃಕ್ಷತ್ರಿಯೋ ಲೋಕೋ ಯತ್ರಾನಾಥೋಽವಸೀದತಿ। ಸಮಾಗಂಯ ತು ರಾಜಾನೋ ಮಯೋಕ್ತಾ ರಾಜಸತ್ತಮಾಃ॥ 1-110-9 (4953) ಶೃಣ್ವಂತು ಸರ್ವೇ ರಾಜಾನೋ ಮಯೋಕ್ತಂ ರಾಜಸತ್ತಮಾಃ। ಇಕ್ಷ್ವಾಕೂಣಾಂ ತು ಯೇ ವೃದ್ಧಾಃ ಪಾಂಚಾಲಾನಾಂ ಚ ಯೇ ವರಾಃ॥ 1-110-10 (4954) ತ್ವತ್ಪ್ರಸಾದಾದ್ವಿವಾಹೇಽಸ್ಮಿನ್ಮಾ ಧರ್ಮೋ ಮಾ ಪರಾಜಯೇತ್। ಪ್ರಸೀದ ಯಜ್ಞಸೇನೇಹ ಗತಿರ್ಮೇ ಭವ ಸೋಮಕ॥ 1-110-11 (4955) ಯಜ್ಞಸೇನ ಉವಾಚ। 1-110-12x (676) ಜಾನಾಮಿ ತ್ವಾಂ ಬೋಧಯಾಮಿ ರಾಜಪುತ್ರಿ ವಿಶೇಷತಃ। ಯಥಾಶಕ್ತಿ ಯಥಾಧರ್ಮಂ ಬಲಂ ಸಂಧಾರಯಾಂಯಹಂ॥ 1-110-12 (4956) ಅನ್ಯಸ್ಮಾತ್ಪಾರ್ಥಿವಾದ್ಯತ್ತೇ ಭಯಂ ಸ್ಯಾತ್ಪಾರ್ಥಿವಾತ್ಮಜೇ। ತಸ್ಯಾಪನಯನೇ ಹೇತುಂ ಸಂವಿಧಾತುಮಹಂ ಪ್ರಭುಃ॥ 1-110-13 (4957) ನಹಿ ಶಾಂತನವಸ್ಯಾಹಂ ಮಹಾಸ್ತ್ರಸ್ಯ ಪ್ರಹಾರಿಣಃ। ಈಶ್ವರಃ ಕ್ಷತ್ರಿಯಾಣಾಂ ಹಿ ಬಲಂ ಧರ್ಮೋಽನುವರ್ತತೇ॥ 1-110-14 (4958) ಸಾ ಸಾಧು ವ್ರಜ ಕಲ್ಯಾಣಿ ನ ಮಾಂ ಭೀಷ್ಮೋ ದಹೇದ್ಬಲಾತ್। ನ ಪ್ರತ್ಯಗೃಹ್ಣಂಸ್ತೇ ಸರ್ವೇ ಕಿಮಿತ್ಯೇವ ನ ವೇದ್ಂಯಹಂ॥ 1-110-15 (4959) ನ ಹಿ ಭೀಷ್ಮಾದಹಂ ಧರ್ಮಂ ಶಕ್ತೋ ದಾತುಂ ಕಥಂಚನ। 1-110-16 (4960) ವೈಶಂಪಾಯನ ಉವಾಚ। ಇತ್ಯುಕ್ತಾ ಸ್ರಜಮಾಸಜ್ಯ ದ್ವಾರಿ ರಾಜ್ಞೋ ವ್ಯಪಾದ್ರವತ್॥ 1-110-16x (677) ವ್ಯುದಸ್ತಾಂ ಸರ್ವಲೋಕೇಷು ತಪಸಾ ಸಂಶಿತವ್ರತಾಂ। ತಾಮನ್ವಗಚ್ಛದ್ದ್ರುಪದಃ ಸಾಂತ್ವಂ ಜಲ್ಪನ್ಪುನಃ ಪುನಃ॥ 1-110-17 (4961) ಸ್ರಜಂ ಗೃಹಾಣ ಕಲ್ಯಾಣಿ ನ ನೋ ವೈರಂ ಪ್ರಸಂಜಯ॥ 1-110-18 (4962) ಅಂಬೋವಾಚ। 1-110-19x (678) ಏವಮೇವ ತ್ವಯಾ ಕಾರ್ಯಮಿತಿ ಸ್ಮ ಪ್ರತಿಕಾಂಕ್ಷತೇ। ನ ತು ತಸ್ಯಾನ್ಯಥಾ ಭಾವೋ ದೈವಮೇತದಮಾನುಷಂ॥ 1-110-19 (4963) ಯಶ್ಚೈನಾಂ ಸ್ರಜಮಾದಾಯ ಸ್ವಯಂ ವೈ ಪ್ರತಿಮೋಕ್ಷತೇ। ಸ ಭೀಷ್ಮಂ ಸಮರೇ ಹಂತಾ ಮಮ ಧರ್ಮಪ್ರಣಾಶನಂ॥ 1-110-20 (4964) ವೈಶಂಪಾಯನ ಉವಾಚ। 1-110-21x (679) ತಾಂ ಸ್ರಜಂ ದ್ರುಪದೋ ರಾಜಾ ಕಂಚಿತ್ಕಾಲಂ ರರಕ್ಷ ಸಃ। ತತೋ ವಿಸ್ರಂಭಮಾಸ್ಥಾಯ ತೂಷ್ಣೀಮೇತಾಮುಪೈಕ್ಷತ॥ 1-110-21 (4965) ತಾಂ ಶಿಖಂಡಿನ್ಯಬಧ್ನಾತ್ತು ಬಾಲಾ ಪಿತುರವಜ್ಞಯಾ। ತಾಂ ಪಿತಾ ತ್ವತ್ಯಜಚ್ಛೀಘ್ರಂ ತ್ರಸ್ತೋ ಭೀಷ್ಮಸ್ಯ ಕಿಲ್ಬಿಷಾತ್॥ 1-110-22 (4966) ಇಷೀಕಂ ಬ್ರಾಹ್ಮಣಂ ಭೀತಾ ಸಾಭ್ಯಗಚ್ಛತ್ತಪಸ್ವಿನಂ। ಗಂಗಾದ್ವಾರಿ ತಪಸ್ಯಂತಂ ತುಷ್ಟಿಹೇತೋಸ್ತಪಸ್ವಿನೀ॥ 1-110-23 (4967) ಉಪಚಾರಾಭಿತುಷ್ಟಸ್ತಾಮಬ್ರವೀದೃಷಿಸತ್ತಮಃ। ಗಂಗಾದ್ವಾರೇ ವಿಭಜನಂ ಭವಿತಾ ನಚಿರಾದಿವ॥ 1-110-24 (4968) ತತ್ರ ಗಂಧರ್ವರಾಜಾನಂ ತುಂಬುರುಂ ಪ್ರಿಯದರ್ಶನಂ। ಆರಾಧಯಿತುಮೀಹಸ್ವ ಸಂಯಕ್ಪರಿಚರಸ್ವ ತಂ॥ 1-110-25 (4969) ಅಹಮಪ್ಯತ್ರ ಸಾಚಿವ್ಯಂ ಕರ್ತಾಸ್ಮಿ ತವ ಶೋಭನೇ। ತಂ ತದಾಚರ ಭದ್ರಂ ತೇ ಸ ತೇ ಶ್ರೇಯೋ ವಿಧಾಸ್ಯತಿ॥ 1-110-26 (4970) ತತೋ ವಿಭಜನಂ ತತ್ರ ಗಂಧರ್ವಾಣಾಮವರ್ತತ। ತತ್ರ ದ್ವಾವವಶಿಷ್ಯೇತಾಂ ಗಂಧರ್ವಾವಮಿತೌ ಜಸೌ॥ 1-110-27 (4971) ತಯೋರೇಕಃ ಸಮೀಕ್ಷ್ಯೈನಾಂ ಸ್ತ್ರೀಬುಭೂಷುರುವಾಚ ಹ। ಇದಂ ಗೃಹ್ಣೀಷ್ವ ಪುಂಲಿಂಗಂ ವೃಣೇ ಸ್ತ್ರೀಲಿಂಗಮೇವ ತೇ॥ 1-110-28 (4972) ನಿಯಮಂ ಚಕ್ರತುಸ್ತತ್ರ ಸ್ತ್ರೀ ಪುಮಾಂಶ್ಚೈವ ತಾವುಭೌ। ತತಃ ಪುಮಾನ್ಸಮಭವಚ್ಛಿಖಂಡೀ ಪರವೀರಹಾ॥ 1-110-29 (4973) ಸ್ತ್ರೀ ಭೂತ್ವಾ ಹ್ಯಪಚಕ್ರಾಮ ಸ ಗಂಧರ್ವೋ ಮುದಾನ್ವಿತಃ। ಲಬ್ಧ್ವಾ ತು ಮಹತೀಂ ಪ್ರೀತಿಂ ಯಾಜ್ಞಸೇನಿರ್ಮಹಾಯಶಾಃ॥ 1-110-30 (4974) ತತೋ ಬುದ್ಬುದಕಂ ಗತ್ವಾ ಪುನರಸ್ತ್ರಾಣಿ ಸೋಽಕರೋತ್। ತತ್ರ ಚಾಸ್ತ್ರಾಣಿ ದಿವ್ಯಾನಿ ಕೃತ್ವಾ ಸ ಸುಮಹಾದ್ಯುತಿಃ॥ 1-110-31 (4975) ಸ್ವದೇಶಮಭಿಸಂಪದೇ ಪಾಂಚಾಲಂ ಕುರುನಂದನ। ಸೋಽಭಿವಾದ್ಯ ಪಿತುಃ ಪಾದೌ ಮಹೇಷ್ವಾಸಃ ಕೃತಾಂಜಲಿಃ॥ 1-110-32 (4976) ಉವಾಚ ಭವತಾ ಭೀಷ್ಮಾನ್ನ ಭೇತವ್ಯಂ ಕಥಂಚನ॥ ॥ 1-110-33 (4977) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ದಶಾಧಿಕಶತತಮೋಽಧ್ಯಾಯಃ॥ 110 ॥

1-111-0 (4978) ವೈಶಂಪಾಯನ ಉವಾಚ। 1-111-0x (680) ಅಂಬಾಯಾಂ ನಿರ್ಗತಾಯಾಂ ತು ಭೀಷ್ಮಃ ಶಾಂತನವಸ್ತದಾ। ನ್ಯಾಯೇನ ಕಾರಯಾಮಾಸ ರಾಜ್ಞೋ ವೈವಾಹಿಕೀಂ ಕ್ರಿಯಾಂ॥ 1-111-1 (4979) ಅಂಬಿಕಾಂಬಾಲಿಕೇ ಚೈವ ಪರಿಣೀಯಾಗ್ನಿಸಂನಿಧೌ। `ತಯೋಃ ಪಾಣೀ ಗೃಹೀತ್ವಾ ತು ಕೌರವ್ಯೋ ರೂಪದರ್ಪಿತಃ।' ವಿಚಿತ್ರವೀರ್ಯೋ ಧರ್ಮಾತ್ಮಾ ಕಾಮಾತ್ಮಾ ಸಮಪದ್ಯತ॥ 1-111-2 (4980) ತೇ ಚಾಪಿ ಬೃಹತೀಶ್ಯಾಮೇ ನೀಲಕುಂಚಿತಮೂರ್ಧಜೇ। ರಕ್ತತುಂಗನಖೋಪೇತೇ ಪೀನಶ್ರೋಣಿಪಯೋಧಱೇ॥ 1-111-3 (4981) ಆತ್ಮನಃ ಪ್ರತಿರೂಪೋಽಸೌ ಲಬ್ಧಃ ಪತಿರಿತಿ ಸ್ಥಿತೇ। ವಿಚಿತ್ರವೀರ್ಯಂ ಕಲ್ಯಾಣ್ಯೌ ಪೂಜಯಾಮಾಸತುಃ ಶುಭೇ॥ 1-111-4 (4982) `ಅನ್ಯೋನ್ಯಂ ಪ್ರತಿ ಸಕ್ತೇ ಚ ಏಕಭಾವೇ ಇವ ಸ್ಥಿತೇ।' ಸ ಚಾಶ್ವಿರೂಪಸದೃಶೋ ದೇವತುಲ್ಯಪರಾಕ್ರಮಃ। ಸರ್ವಾಸಾಮೇವ ನಾರೀಣಾಂ ಚಿತ್ತಪ್ರಮಥನೋ ರಹಃ॥ 1-111-5 (4983) ತಾಭ್ಯಾಂ ಸಹ ಸಮಾಃ ಸಪ್ತ ವಿಹರನ್ಪೃಥಿವೀಪತಿಃ। ವಿಚಿತ್ರವೀರ್ಯಸ್ತರುಣೋ ಯಕ್ಷ್ಮಣಾ ಸಮಗೃಹ್ಯತ॥ 1-111-6 (4984) ಸುಹೃದಾಂ ಯತಮಾನಾನಾಮಾಪ್ತೈಃ ಸಹ ಚಿಕಿತ್ಸಕೈಃ। ಜಗಾಮಾಸ್ತಮಿವಾದಿತ್ಯಃ ಕೌರವ್ಯೋ ಯಮಸಾದನಂ॥ 1-111-7 (4985) ಧರ್ಮಾತ್ಮಾ ಸ ತು ಗಾಂಗೇಯಃ ಚಿಂತಾಶೋಕಪರಾಯಣಃ। ಪ್ರೇತಕಾರ್ಯಾಣಿ ಸರ್ವಾಣಿ ತಸ್ಯ ಸಂಯಗಕಾರಯತ್॥ 1-111-8 (4986) 1-111-9 (4987) ರಾಜ್ಞೋ ವಿಚಿತ್ರವೀರ್ಯಸ್ಯ ಸತ್ಯವತ್ಯಾ ಮತೇ ಸ್ಥಿತಃ। ಋತ್ವಿಗ್ಬಿಃ ಸಹಿತೋ ಭೀಷ್ಮಃ ಸರ್ವೈಶ್ಚ ಕುರುಪುಂಗವೈಃ॥

1-112-0 (4988) ವೈಶಂಪಾಯನ ಉವಾಚ। 1-112-0x (681) ತತಃ ಸತ್ಯವತೀ ದೀನಾ ಕೃಪಣಾ ಪುತ್ರಗೃದ್ಧಿನೀ। ಪುತ್ರಸ್ಯ ಕೃತ್ವಾ ಕಾರ್ಯಾಣಿ ಸ್ನುಷಾಭ್ಯಾಂ ಸಹ ಭಾರತ॥ 1-112-1 (4989) ಸಮಾಶ್ವಾಸ್ಯ ಸ್ನುಷೇ ತೇ ಚ ಭರ್ತೃಶೋಕನಿಪೀಡಿತೇ। ಧರ್ಮಂ ಚ ಪಿತೃವಂಶಂ ಚ ಮಾತೃವಂಶಂ ಚ ಭಾಮಿನೀ। ಪ್ರಸಮೀಕ್ಷ್ಯ ಮಹಾಭಾಗಾ ಗಾಂಗೇಯಂ ವಾಕ್ಯಮಬ್ರವೀತ್॥ 1-112-2 (4990) `ದುಃಖಾರ್ದಿತಾ ತು ಸಾ ದೇವೀ ಮಜ್ಜಂತೀ ಶೋಕಸಾಗರೇ। ಶಂತನೋರ್ಧರ್ಮನಿತ್ಯಸ್ಯ ಕೌರವ್ಯಸ್ಯ ಯಶಸ್ವಿನಃ।' ತ್ವಯಿ ಪಿಂಡಶ್ಚ ಕೀರ್ತಿಶ್ಚ ಸಂತಾನಶ್ಚ ಪ್ರತಿಷ್ಠಿತಃ॥ 1-112-3 (4991) `ಭ್ರಾತಾ ವಿಚಿತ್ರವೀರ್ಯಸ್ತೇ ಭೂತಾನಾಮಂತಮೇಯಿವಾನ್।' ಯಥಾಕರ್ಮ ಶುಭಂ ಕೃತ್ವಾ ಸ್ವರ್ಗೋಪಗಮನಂ ಧ್ರುವಂ। ಯಥಾ ಚಾಯುರ್ಧ್ರುವಂ ಸತ್ಯೇ ತ್ವಯಿ ಧರ್ಮಸ್ತಥಾ ಧ್ರುವಃ॥ 1-112-4 (4992) ವೇತ್ಥ ಧರ್ಮಾಂಶ್ಚ ಧರ್ಮಜ್ಞ ಸಮಾಸೇನೇತರೇಣ ಚ। ವಿವಿಧಾಸ್ತ್ವಂ ಶ್ರುತೀರ್ವೇತ್ಥ ವೇದಾಂಗಾನಿ ಚ ಸರ್ವಶಃ॥ 1-112-5 (4993) ವ್ಯವಸ್ಥಾನಂ ಚ ತೇ ಧರ್ಮೇ ಕುಲಾಚಾರಂ ಚ ಲಕ್ಷಯೇ। ಪ್ರತಿಪತ್ತಿಂ ಚ ಕೃಚ್ಛ್ರೇಷು ಶುಕ್ರಾಂಗಿರಸಯೋರಿವ॥ 1-112-6 (4994) ತಸ್ಮಾತ್ಸುಭೃಶಮಾಶ್ವಸ್ಯ ತ್ವಯಿ ಧರ್ಮಭೃತಾಂ ವರ। ಕಾರ್ಯೇ ತ್ವಾಂ ವಿನಿಯೋಕ್ಷ್ಯಾಮಿ ತಚ್ಛ್ರುತ್ವಾ ಕರ್ತುಮರ್ಹಸಿ॥ 1-112-7 (4995) ಮಮ ಪುತ್ರಸ್ತವ ಭ್ರಾತಾ ವೀರ್ಯವಾನ್ಸುಪ್ರಿಯಶ್ಚ ತೇ। ಬಾಲ ಏವ ಗತಃ ಸ್ವರ್ಗಮಪುತ್ರಃ ಪುರುಷರ್ಷಭ॥ 1-112-8 (4996) ಇಮೇ ಮಹಿಷ್ಯೌ ಭ್ರಾತುಸ್ತೇ ಕಾಶಿರಾಜಸುತೇ ಶುಭೇ। ರೂಪಯೌವನಸಂಪನ್ನೇ ಪುತ್ರಕಾಮೇ ಚ ಭಾರತ॥ 1-112-9 (4997) ತಯೋರುತ್ಪಾದಯಾಪತ್ಯಂ ಸಂತಾನಾಯ ಕುಲಸ್ಯ ನಃ। ಮನ್ನಿಯೋಗಾನ್ಮಹಾಬಾಹೋ ಧರ್ಮಂ ಕರ್ತುಮಿಹಾರ್ಹಸಿ॥ 1-112-10 (4998) ರಾಜ್ಯೇ ಚೈವಾಭಿಷಿಚ್ಯಸ್ವ ಭಾರತಾನನುಶಾಧಿ ಚ। ದಾರಾಂಶ್ಚ ಕುರು ಧರ್ಮೇಣ ಮಾ ನಿಮಜ್ಜೀಃ ಪಿತಾಮಹಾನ್॥ 1-112-11 (4999) ವೈಶಂಪಾಯನ ಉವಾಚ। 1-112-12x (682) ತಥೋಚ್ಯಮಾನೋ ಮಾತ್ರಾ ಸ ಸುಹೃದ್ಭಿಶ್ಚ ಪರಂತಪಃ। ಇತ್ಯುವಾಚಾಥ ಧರ್ಮಾತ್ಮಾ ಧರ್ಂಯಮೇವೋತ್ತರಂ ವಚಃ॥ 1-112-12 (5000) ಅಸಂಶಯಂ ಪರೋ ಧರ್ಮಸ್ತ್ವಯಾ ಮಾತರುದಾಹೃತಃ। ತ್ವಮಪತ್ಯಂ ಪ್ರತಿ ಚ ಮೇ ಪ್ರತಿಜ್ಞಾಂ ವೇತ್ಥ ವೈ ಪರಾಂ॥ 1-112-13 (5001) ಜಾನಾಸಿ ಚ ಯಥಾವೃತ್ತಂ ಶುಲ್ಕಹೇತೋಸ್ತ್ವದಂತರೇ। ಸ ಸತ್ಯವತಿ ಸತ್ಯಂ ತೇ ಪ್ರತಿಜಾನಾಂಯಹಂ ಪುನಃ॥ 1-112-14 (5002) ಪರಿತ್ಯಜೇಯಂ ತ್ರೈಲೋಕ್ಯಂ ರಾಜ್ಯಂ ದೇವೇಷು ವಾ ಪುನಃ। ಯದ್ವಾಽಪ್ಯಧಿಕಮೇತಾಭ್ಯಾಂ ನ ತು ಸತ್ಯಂ ಕಥಂಚನ॥ 1-112-15 (5003) ತ್ಯಜೇಚ್ಚ ಪೃಥಿವೀ ಗಂಧಮಾಪಶ್ಚ ರಸಮಾತ್ಮನಃ। ಜ್ಯೋತಿಸ್ತಥಾ ತ್ಯಜೇದ್ರೂಪಂ ವಾಯುಃ ಸ್ಪರ್ಶಗುಣಂ ತ್ಯಜೇತ್॥ 1-112-16 (5004) ಪ್ರಭಾಂ ಸಮುತ್ಸೃಜೇದರ್ಕೋ ಧೂಮಕೇತುಸ್ತಥೋಷ್ಮತಾಂ। ತ್ಯಜೇಚ್ಛಬ್ದಂ ತಥಾಽಽಕಾಶಂ ಸೋಮಃ ಶೀತಾಂಶುತಾಂ ತ್ಯಜೇತ್॥ 1-112-17 (5005) ವಿಕ್ರಮಂ ವೃತ್ರಹಾ ಜಹ್ಯಾದ್ಧರ್ಮಂ ಜಹ್ಯಾಚ್ಚ ಧರ್ಮರಾಟ್। ನ ತ್ವಹಂ ಸತ್ಯಮುತ್ಸ್ರಷ್ಟುಂ ವ್ಯವಸೇಯಂ ಕಥಂಚನ॥ 1-112-18 (5006) `ತನ್ನ ಜಾತ್ವನ್ಯಥಾ ಕುರ್ಯಾಂ ಲೋಕಾನಾಮಪಿ ಸಂಕ್ಷಯೇ। ಅಮರತ್ವಸ್ಯ ವಾ ಹೇತೋಸ್ತ್ರೈಲೋಕ್ಯಸ್ಯ ಧನಸ್ಯ ಚ॥' 1-112-19 (5007) ಏವಮುಕ್ತಾ ತು ಪುತ್ರೇಣ ಭೂರಿದ್ರವಿಣತೇಜಸಾ। ಮಾತಾ ಸತ್ಯವತೀ ಭೀಷ್ಮಮುವಾಚ ತದನಂತರಂ॥ 1-112-20 (5008) ಜಾನಾಮಿ ತೇ ಸ್ಥಿತಿಂ ಸತ್ಯೇ ಪರಾಂ ಸತ್ಯಪರಾಕ್ರಮ। ಇಚ್ಛನ್ಸೃಜೇಥಾಸ್ತ್ರೀಂಲ್ಲೋಕಾನನ್ಯಾಂಸ್ತ್ವಂ ಸ್ವೇನ ತೇಜಸಾ॥ 1-112-21 (5009) ಜಾನಾಮಿ ಚೈವಂ ಸತ್ಯಂ ತನ್ಮದರ್ಥೇ ಯಚ್ಚ ಭಾಷಿತಂ। ಆಪದ್ಧರ್ಮಂ ತ್ವಮಾವೇಕ್ಷ್ಯ ವಹ ಪೈತಾಮಹೀಂ ಧುರಂ॥ 1-112-22 (5010) ಯಥಾ ತೇ ಕುಲತಂತುಶ್ಚ ಧರ್ಮಶ್ಚ ನ ಪರಾಭವೇತ್। ಸುಹೃದಶ್ಚ ಪ್ರಹೃಷ್ಯೇರಂಸ್ತಥಾ ಕುರು ಪರಂತಪ॥ 1-112-23 (5011) `ಆತ್ಮನಶ್ಚ ಹಿತಂ ತಾತ ಪ್ರಿಯಂ ಚ ಮಮ ಭಾರತ।' ಲಾಲಪ್ಯಮಾನಾಂ ತಾಮೇವಂ ಕೃಪಣಾಂ ಪುತ್ರಗೃದ್ಧಿನೀಂ। ಧರ್ಮಾದಪೇತಂ ಬ್ರುವತೀಂ ಭೀಷ್ಮೋ ಭೂಯೋಽಬ್ರವೀದಿದಂ॥ 1-112-24 (5012) ರಾಜ್ಞಿ ಧರ್ಮಾನವೇಕ್ಷಸ್ವ ಮಾ ನಃ ಸರ್ವಾನ್ವ್ಯನೀನಶಃ। ಸತ್ಯಾಚ್ಚ್ಯುತಿಃ ಕ್ಷತ್ರಿಯಸ್ಯ ನ ಧರ್ಮೇಷು ಪ್ರಶಸ್ಯತೇ॥ 1-112-25 (5013) ಶಾಂತನೋರಪಿ ಸಂತಾನಂ ಯಥಾ ಸ್ಯಾದಕ್ಷಯಂ ಭುವಿ। ತತ್ತೇ ಧರ್ಮಂ ಪ್ರವಕ್ಷ್ಯಾಮಿ ಕ್ಷಾತ್ರಂ ರಾಜ್ಞಿ ಸನಾತನಂ॥ 1-112-26 (5014) ಶ್ರುತ್ವಾ ತಂ ಪ್ರತಿಪದ್ಯಸ್ವ ಪ್ರಾಜ್ಞೈಃ ಸಹ ಪುರೋಹಿತೈಃ। ಆಪದ್ಧರ್ಮಾರ್ಥಕುಶಲೈರ್ಲೋಕತಂತ್ರಮವೇಕ್ಷ್ಯ ಚ॥ ॥ 1-112-27 (5015) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ದ್ವಾದಶಾಧಿಕಶತತಮೋಽಧ್ಯಾಯಃ॥ 112 ॥

1-113-0 (5016) ಭೀಷ್ಮ ಉವಾಚ। 1-113-0x (683) ಜಾಮದಗ್ನ್ಯೇನ ರಾಮೇಣ ಪಿತುರ್ವಧಮಮೃಷ್ಯತಾ। ರಾಜಾ ಪರಶುನಾ ಪೂರ್ವಂ ಹೈಹಯಾಧಿಪತಿರ್ಹತಃ॥ 1-113-1 (5017) ಶತಾನಿ ದಶಬಾಹೂನಾಂ ನಿಕೃತ್ತಾನ್ಯರ್ಜುನಸ್ಯ ವೈ। ಲೋಕಸ್ಯಾಚರಿತೋ ಧರ್ಮಸ್ತೇನಾತಿ ಕಿಲ ದುಶ್ಚರಃ॥ 1-113-2 (5018) ಪುನಶ್ಚ ಧನುರಾದಾಯ ಮಹಾಸ್ತ್ರಾಣಿ ಪ್ರಮುಂಚತಾ। ನಿರ್ದಗ್ಧಂ ಕ್ಷತ್ರಮಸಕೃದ್ರಥೇನ ಜಯತಾ ಮಹೀಂ॥ 1-113-3 (5019) ಏವಮುಚ್ಚಾವಚೈರಸ್ತ್ರೈರ್ಭಾರ್ಗವೇಣ ಮಹಾತ್ಮನಾ। ತ್ರಿಃಸಪ್ತಕೃತ್ವಃ ಪೃಥಿವೀ ಕೃತಾ ನಿಃಕ್ಷತ್ರಿಯಾ ಪುರಾ॥ 1-113-4 (5020) ಏವಂ ನಿಃಕ್ಷತ್ರಿಯೇ ಲೋಕೇ ಕೃತೇ ತೇನ ಮಹರ್ಷಿಣಾ। ತತಃ ಸಂಭೂಯ ಸರ್ವಾಭಿಃ ಕ್ಷತ್ರಿಯಾಭಿಃ ಸಮಂತತಃ॥ 1-113-5 (5021) ಉತ್ಪಾದಿತಾನ್ಯಪತ್ಯಾನಿ ಬ್ರಾಹ್ಮಣೈರ್ವೇದಪಾರಗೈಃ। ಪಾಣಿಗ್ರಾಹಸ್ಯ ತನಯ ಇತಿ ವೇದೇಷು ನಿಶ್ಚಿತಂ॥ 1-113-6 (5022) ಧರ್ಮಂ ಮನಸಿ ಸಂಸ್ಥಾಪ್ಯ ಬ್ರಾಹ್ಮಣಾಂಸ್ತಾಃ ಸಮಭ್ಯಯುಃ। ಲೋಕೇಽಪ್ಯಾಚರಿತೋ ದೃಷ್ಟಃ ಕ್ಷತ್ರಿಯಾಣಾಂ ಪುನರ್ಭವಃ॥ 1-113-7 (5023) ತತಃ ಪುನಃ ಸಮುದಿತಂ ಕ್ಷತ್ರಂ ಸಮಭವತ್ತದಾ। ಇಮಂ ಚೈವಾತ್ರ ವಕ್ಷ್ಯೇಽಹಮಿತಿಹಾಸಂ ಪುರಾತನಂ॥ 1-113-8 (5024) ಅಥೋಚಥ್ಯ ಇತಿ ಖ್ಯಾತ ಆಸೀದ್ಧೀಮಾನೃಷಿಃ ಪುರಾ। ಮಮತಾ ನಾಮ ತಸ್ಯಾಸೀದ್ಭಾರ್ಯಾ ಪರಮಸಂಮತಾ॥ 1-113-9 (5025) ಉಚಥ್ಯಸ್ಯ ಯವೀಯಾಂಸ್ತು ಪುರೋಧಾಸ್ತ್ರಿದಿವೌಕಸಾಂ। ಬೃಹಸ್ಪತಿರ್ಬೃಹತ್ತೇಜಾ ಮಮತಾಮನ್ವಪದ್ಯತ॥ 1-113-10 (5026) ಉವಾಚ ಮಮತಾ ತಂ ತು ದೇವರಂ ವದತಾಂ ವರಂ। ಅಂತರ್ವತ್ನೀ ತ್ವಹಂ ಭ್ರಾತ್ರಾ ಜ್ಯೇಷ್ಠೇನಾರಂಯತಾಮಿತಿ॥ 1-113-11 (5027) ಅಯಂ ಚ ಮೇ ಮಹಾಭಾಗ ಕುಕ್ಷಾವೇವ ಬೃಹಸ್ಪತೇ। ಔಚಥ್ಯೋ ದೇವಮತ್ರಾಪಿ ಷಡಂಗಂ ಪ್ರತ್ಯಧೀಯತ॥ 1-113-12 (5028) ಅಮೋಘರೇತಾಸ್ತ್ವಂ ಚಾಪಿ ದ್ವಯೋರ್ನಾಸ್ತ್ಯತ್ರ ಸಂಭವಃ। ತಸ್ಮಾದೇವಂ ಗತೇ ತ್ವದ್ಯ ಉಪಾರಮಿತುಮರ್ಹಸಿ॥ 1-113-13 (5029) ವೈಶಂಪಾಯನ ಉವಾಚ। 1-113-14x (684) ಏವಮುಕ್ತಸ್ತದಾ ಸಂಯಕ್ ಬೃಹಸ್ಪತಿರುದಾರಧೀಃ। ಕಾಮಾತ್ಮಾನಂ ತದಾತ್ಮಾನಂ ನ ಶಶಾಕ ನಿಯಚ್ಛಿತುಂ॥ 1-113-14 (5030) ಸ ಬಭೂವ ತತಃ ಕಾಮೀ ತಯಾ ಸಾರ್ಧಮಕಾಮಯಾ। ಉತ್ಸೃಜಂತಂ ತು ತಂ ರೇತಃ ಸ ಗರ್ಭಸ್ಥೋಽಭ್ಯಭಾಷತ॥ 1-113-15 (5031) ಭೋಸ್ತಾತ ಮಾ ಗಮಃ ಕಾಮಂ ದ್ವಯೋರ್ನಾಸ್ತೀಹ ಸಂಭವಃ। ಅಲ್ಪಾವಕಾಶೋ ಭಗವನ್ಪೂರ್ವಂ ಚಾಹಮಿಹಾಗತಃ॥ 1-113-16 (5032) ಅಮೋಘರೇತಾಶ್ಚ ಭವಾನ್ನ ಪೀಡಾಂ ಕರ್ತುಮರ್ಹತಿ। ಅಶ್ರುತ್ವೈವ ತು ತದ್ವಾಕ್ಯಂ ಗರ್ಭಸ್ಥಸ್ಯ ಬೃಹಸ್ಪತಿಃ॥ 1-113-17 (5033) ಜಗಾಮ ಮೈಥುನಾಯೈವ ಮಮತಾಂ ಚಾರುಲೋಚನಾಂ। ಶುಕ್ರೋತ್ಸರ್ಗಂ ತತೋ ಬುದ್ಧ್ವಾ ತಸ್ಯಾ ಗರ್ಭಗತೋ ಮುನಿಃ॥ 1-113-18 (5034) ಪದ್ಭ್ಯಾಮಾರೋಧಯನ್ಮಾರ್ಗಂ ಶುಕ್ರಸ್ಯ ಚ ಬೃಹಸ್ಪತೇಃ। ಸ್ಥಾನಮಪ್ರಾಪ್ತಮಥ ತಚ್ಛುಕ್ರಂ ಪ್ರತಿಹತಂ ತದಾ॥ 1-113-19 (5035) ಪಪಾತ ಸಹಸಾ ಭೂಮೌ ತತಃ ಕ್ರುದ್ಧೋ ಬೃಹಸ್ಪತಿಃ। ತಂ ದೃಷ್ಟ್ವಾ ಪತಿತಂ ಶುಕ್ರಂ ಶಶಾಪ ಸ ರುಷಾನ್ವಿತಃ॥ 1-113-20 (5036) ಉಚಥ್ಯಪುತ್ರಂ ಗರ್ಭಸ್ಥಂ ನಿರ್ಭರ್ತ್ಸ್ಯ ಭಗವಾನೃಷಿಃ। ಯನ್ಮಾಂ ತ್ವಮೀದೃಶೇ ಕಾಲೇ ಸರ್ವಭೂತೇಪ್ಸಿತೇ ಸತಿ॥ 1-113-21 (5037) ಏವಮಾತ್ಥ ವಚಸ್ತಸ್ಮಾತ್ತಮೋ ದೀರ್ಘಂ ಪ್ರವೇಕ್ಷ್ಯಸಿ। ಸ ವೈ ದೀರ್ಘತಮಾ ನಾಮ ಶಾಪಾದೃಷಿರಜಾಯತ॥ 1-113-22 (5038) ಬೃಹಸ್ಪತೇರ್ಬೃಹತ್ಕೀರ್ತೇರ್ಬೃಹಸ್ಪತಿರಿವೌಜಸಾ। ಜಾತ್ಯಂಧೋ ವೇದವಿತ್ಪ್ರಾಜ್ಞಃ ಪತ್ನೀಂ ಲೇಭೇ ಸ ವಿದ್ಯಯಾ॥ 1-113-23 (5039) ತರುಣೀಂ ರುಪಸಂಪನ್ನಾಂ ಪ್ರದ್ವೇಷೀಂ ನಾಮ ಬ್ರಾಹ್ಮಣೀಂ। ಸ ಪುತ್ರಾಂಜನಯಾಮಾಸ ಗೌತಮಾದೀನ್ಮಹಾಯಶಾಃ॥ 1-113-24 (5040) ಋಷೇರುಚಥ್ಯಸ್ಯ ತದಾ ಸಂತಾನಕುಲವೃದ್ಧಯೇ। ಧರ್ಮಾತ್ಮಾ ಚ ಮಹಾತ್ಮಾ ಚ ವೇದವೇದಾಂಗಪಾರಗಃ॥ 1-113-25 (5041) ಗೋಧರ್ಮಂ ಸೌರಭೇಯಾಚ್ಚ ಸೋಽಧೀತ್ಯ ನಿಖಿಲಂ ಮುನಿಃ। ಪ್ರಾವರ್ತತ ತದಾ ಕರ್ತುಂ ಶ್ರದ್ಧಾವಾಂಸ್ತಮಶಂಕಯಾ॥ 1-113-26 (5042) ತತೋ ವಿತಥಮರ್ಯಾದಂ ತಂ ದೃಷ್ಟ್ವಾ ಮುನಿಸತ್ತಮಾಃ। ಕ್ರುದ್ಧಾ ಮೋಹಾಭಿಭೂತಾಸ್ತೇ ಸರ್ವೇ ತತ್ರಾಶ್ರಮೌಕಸಃ॥ 1-113-27 (5043) ಅಹೋಽಯಂ ಭಿನ್ನಮರ್ಯಾದೋ ನಾಶ್ರಮೇ ವಸ್ತುಮರ್ಹತಿ। ತಸ್ಮಾದೇನಂ ವಯಂ ಸರ್ವೇ ಪಾಪಾತ್ಮಾನಂ ತ್ಯಜಾಮಹೇ॥ 1-113-28 (5044) ಇತ್ಯನ್ಯೋನ್ಯಂ ಸಮಾಭಾಷ್ಯ ತೇ ದೀರ್ಘತಮಸಂ ಮುನಿಂ। ಪುತ್ರಲಾಭಾಚ್ಚ ಸಾ ಪತ್ನೀ ನ ತುತೋಷ ಪತಿಂ ತದಾ॥ 1-113-29 (5045) ಪ್ರದ್ವಿಷಂತೀಂ ಪತಿರ್ಭಾರ್ಯಾಂ ಕಿಂ ಮಾಂ ದ್ವೇಕ್ಷೀತಿ ಚಾಬ್ರವೀತ್। 1-113-30 (5046) ಪ್ರದ್ವೇಷ್ಯುವಾಚ। ಭಾರ್ಯಾಯಾ ಭರಣಾದ್ಭರ್ತಾ ಪಾಲನಾಚ್ಚ ಪತಿಃ ಸ್ಮೃತಃ॥ 1-113-30x (685) ಅಹಂ ತ್ವದ್ಭರಣಾಶಕ್ತಾ ಜಾತ್ಯಂಧಂ ಸಸುತಂ ತದಾ। ನಿತ್ಯಕಾಲಂ ಶ್ರಮೇಣಾರ್ತಾ ನ ಭರೇಯಂ ಮಹಾತಪಃ॥ 1-113-31 (5047) ಭೀಷ್ಮ ಉವಾಚ। 1-113-32x (686) ತಸ್ಮಾಸ್ತದ್ವಚನಂ ಶ್ರುತ್ವಾ ಋಷಿಃ ಕೋಪಸಮನ್ವಿತಃ। ಪ್ರತ್ಯುವಾಚ ತತಃ ಪತ್ನೀಂ ಪ್ರದ್ವೇಷೀಂ ಸಸುತಾಂ ತದಾ॥ 1-113-32 (5048) ನೀಯತಾಂ ಕ್ಷತ್ರಿಯಕುಲೇ ಧನಾರ್ಥಶ್ಚ ಭವಿಷ್ಯತಿ। 1-113-33 (5049) ಪ್ರದ್ವೇಷ್ಯುವಾಚ। ತ್ವಯಾ ದತ್ತಂ ಧನಂ ವಿಪ್ರ ನೇಚ್ಛೇಯಂ ದುಃಖಕಾರಣಂ॥ 1-113-33x (687) ಯಥೇಷ್ಟಂ ಕುರು ವಿಪ್ರೇಂದ್ರ ನ ಭೇರಯಂ ಪುರಾ ಯಥಾ। 1-113-34 (5050) ದೀರ್ಘತಮಾ ಉವಾಚ। ಅದ್ಯಪ್ರಭೃತಿ ಮರ್ಯಾದಾ ಮಯಾ ಲೋಕೇ ಪ್ರತಿಷ್ಠಿತಾ॥ 1-113-34x (688) ಏಕ ಏವ ಪತಿರ್ನಾರ್ಯಾ ಯಾವಜ್ಜೀವಂ ಪರಾಯಣಂ। ಮೃತೇ ಜೀವತಿ ವಾ ತಸ್ಮಿನ್ನಾಪರಂ ಪ್ರಾಪ್ನುಯಾನ್ನರಂ॥ 1-113-35 (5051) ಅಭಿಗಂಯ ಪರಂ ನಾರೀ ಪತಿಷ್ಯತಿ ನ ಸಂಶಯಃ। ಅಪತೀನಾಂ ತು ನಾರೀಣಾಮದ್ಯಪ್ರಭೃತಿ ಪಾತಕಂ॥ 1-113-36 (5052) ಯದ್ಯಸ್ತಿ ಚೇದ್ಧನಂ ಸರ್ವಂ ವೃಥಾಭೋಗಾ ಭವಂತು ತಾಃ। ಅಕೀರ್ತಿಃ ಪರಿವಾದಾಶ್ಚ ನಿತ್ಯಂ ತಾಸಾಂ ಭವಂತು ವೈ॥ 1-113-37 (5053) ಇತಿ ತದ್ವಚನಂ ಶ್ರುತ್ವಾ ಬ್ರಾಹ್ಮಣೀ ಭೃಶಕೋಪಿತಾ। ಗಂಗಾಯಾಂ ನೀಯತಾಮೇಷ ಪುತ್ರಾ ಇತ್ಯೇವಮಬ್ರವೀತ್॥ 1-113-38 (5054) ಲೋಭಮೋಹಾಭಿಭೂತಾಸ್ತೇ ಪುತ್ರಾಸ್ತಂ ಗೌತಮಾದಯಃ। ವದ್ಧ್ವೋಡುಪೇ ಪರಿಕ್ಷಿಪ್ಯ ಗಂಗಾಯಾಂ ಸಮವಾಸೃಜನ್॥ 1-113-39 (5055) ಕಸ್ಮಾದಂಧಶ್ಚ ವೃದ್ಧಶ್ಚ ಭರ್ತವ್ಯೋಽಯಮಿತಿ ಸ್ಮ ತೇ। ಚಿಂತಯಿತ್ವಾ ತತಃ ಕ್ರೂರಾಃ ಪ್ರತಿಜಗ್ಮುರಥೋ ಗೃಹಾನ್॥ 1-113-40 (5056) ಸೋಽನುಸ್ರೋತಸ್ತದಾ ವಿಪ್ರಃ ಪ್ಲವಮಾನೋ ಯದೃಚ್ಛಯಾ। ಜಗಾಮ ಸುಬಹೂಂದೇಶಾನಂಧಸ್ತೇನೋಡುಪೇನ ಹ॥ 1-113-41 (5057) ತಂ ತು ರಾಜಾ ಬಲಿರ್ನಾಮ ಸರ್ವಧರ್ಮವಿದಾಂ ವರಃ। ಅಪಶ್ಯನ್ಮಜ್ಜನಗತಃ ಸ್ರೋತಸಾಽಭ್ಯಾಶಮಾಗತಂ॥ 1-113-42 (5058) ಜಗ್ರಾಹ ಚೈನಂ ಧರ್ಮಾತ್ಮಾ ಬಲಿಃ ಸತ್ಯಪರಾಕ್ರಮಃ। ಜ್ಞಾತ್ವಾ ಚೈವಂ ಸ ವವ್ರೇಽಥ ಪುತ್ರಾರ್ಥೇ ಭರತರ್ಷಭ॥ 1-113-43 (5059) `ತಂ ಪೂಜಯಿತ್ವಾ ರಾಜರ್ಷಿರ್ವಿಶ್ರಾಂತಂ ಮುನಿಮಬ್ರವೀತ್।' ಸಂತಾನಾರ್ಥಂ ಮಹಾಭಾಗ ಭಾರ್ಯಾಸು ಮಮ ಮಾನದ। ಪುತ್ರಾಂಧರ್ಮಾರ್ಥಕುಶಲಾನುತ್ಪಾದಯಿತುಮರ್ಹಸಿ॥ 1-113-44 (5060) ಭೀಷ್ಮ ಉವಾಚ। 1-113-45x (689) ಏವಮುಕ್ತಃ ಸ ತೇಜಸ್ವೀ ತಂ ತಥೇತ್ಯುಕ್ತವಾನೃಷಿಃ। ತಸ್ಮೈಸ ರಾಜಾ ಸ್ವಾಂ ಭಾರ್ಯಾಂ ಸುದೇಷ್ಣಾಂ ಪ್ರಾಹಿಣೋತ್ತದಾ॥ 1-113-46 (5061) ಅಂಧಂ ವೃದ್ಧಂ ಚ ತಂ ಮತ್ವಾ ನ ಸಾ ದೇವೀ ಜಗಾಮ ಹ। ಸ್ವಾಂ ತು ಧಾತ್ರೇಯಿಕಾಂ ತಸ್ಮೈ ವೃದ್ಧಾಯ ಪ್ರಾಹಿಣೋತ್ತದಾ॥ 1-113-46 (5062) ತಸ್ಯಾಂ ಕಾಕ್ಷೀವದಾದೀನ್ಸ ಶೂದ್ರಯೋನಾವೃಷಿಸ್ತದಾ। ಜನಯಾಮಾಸ ಧರ್ಮಾತ್ಮಾ ಪುತ್ರಾನೇಕಾದಶೈವ ತು॥ 1-113-47 (5063) ಕಾಕ್ಷೀವದಾದೀನ್ಪುತ್ರಾಂಸ್ತಾಂದೃಷ್ಟ್ವಾ ಸರ್ವಾನಧೀಯತಃ। ಉವಾಚ ತಮೃಷಿಂ ರಾಜಾ ಮಮೇಮ ಇತಿ ಭಾರತ॥ 1-113-48 (5064) ನೇತ್ಯುವಾಚ ಮಹರ್ಷಿಸ್ತಂ ಮಮೇಮ ಇತಿ ಚಾಬ್ರವೀತ್। ಶೂದ್ರಯೋನೌ ಮಯಾ ಹೀಮೇ ಜಾತಾಃ ಕಾಕ್ಷೀವದಾದಯಃ॥ 1-113-49 (5065) ಅಂಧಂ ವೃದ್ಧಂ ಚ ಮಾಂ ದೃಷ್ಟ್ವಾ ಸುದೇಷ್ಣಾ ಮಹಿಷೀ ತವ। ಅವಮನ್ಯ ದದೌ ಮೂಢಾ ಶೂದ್ರಾಂ ಧಾತ್ರೇಯಿಕಾಂ ಮಮ॥ 1-113-50 (5066) ಭೀಷ್ಮ ಉವಾಚ। 1-113-51x (690) ತತಃ ಪ್ರಸಾದಯಾಮಾಸ ಪುನಸ್ತಮೃಷಿಸತ್ತಮಂ। ಬಲಿಃ ಸುದೇಷ್ಣಾಂ ಸ್ವಾಂ ಭಾರ್ಯಾಂ ತಸ್ಮೈ ಸ ಪ್ರಾಹಿಣೋತ್ಪುನಃ॥ 1-113-51 (5067) ತಾಂ ಸ ದೀರ್ಘತಮಾಂಗೇಷು ಸ್ಪೃಷ್ಟ್ವಾ ದೇವೀಮಥಾಬ್ರವೀತ್। ಭವಿಷ್ಯಂತಿ ಕುಮಾರಾಸ್ತೇ ತೇಜಸಾಽಽದಿತ್ಯವರ್ಚಸಃ॥ 1-113-52 (5068) ಅಂಗೋ ವಂಗಃ ಕಲಿಂಗಶ್ಚ ಪುಂಡ್ರಃ ಸುಹ್ಮಶ್ಚ ತೇ ಸುತಾಃ। ತೇಷಾಂ ದೇಶಾಃ ಸಮಾಖ್ಯಾತಾಃ ಸ್ವನಾಮಕಥಿತಾ ಭುವಿ॥ 1-113-53 (5069) ಅಂಗಸ್ಯಾಂಗೋಽಭವದ್ದೇಶೋ ವಂಗೋ ವಂಗಸ್ಯ ಚ ಸ್ಮೃತಃ। ಕಲಿಂಗವಿಷಯಶ್ಚೈವ ಕಲಿಂಗಸ್ಯ ಚ ಸ ಸ್ಮೃತಃ॥ 1-113-54 (5070) ಪುಂಡ್ರಸ್ಯ ಪುಂಡ್ರಾಃ ಪ್ರಖ್ಯಾತಾಃ ಸುಹ್ಮಾಃ ಸುಹ್ಮಸ್ಯ ಚ ಸ್ಮೃತಾಃ। ಏವಂ ಬಲೇಃ ಪುರಾ ವಂಶಃ ಪ್ರಖ್ಯಾತೋ ವೈ ಮಹರ್ಷಿಜಃ॥ 1-113-55 (5071) ಏವಮನ್ಯೇ ಮಹೇಷ್ವಾಸಾ ಬ್ರಾಹ್ಮಣೈಃ ಕ್ಷತ್ರಿಯಾ ಭುವಿ। ಜಾತಾಃ ಪರಮಧರ್ಮಜ್ಞಾ ವೀರ್ಯವಂತೋ ಮಹಾಬಲಾಃ। ಏತಚ್ಛ್ರುತ್ವಾ ತ್ವಮಪ್ಯತ್ರ ಮಾತಃ ಕುರು ಯಥೇಪ್ಸಿತಂ॥ ॥ 1-113-56 (5072) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ತ್ರಯೋದಶಾಧಿಕಶತತಮೋಽಧ್ಯಾಯಃ॥ 113 ॥

1-114-0 (5073) ಭೀಷ್ಮ ಉವಾಚ। 1-114-0x (691) ಪುನರ್ಭರತವಂಶಸ್ಯ ಹೇತುಂ ಸಂತಾನವೃದ್ಧಯೇ। ವಕ್ಷ್ಯಾಮಿ ನಿಯತಂ ಮಾತಸ್ತನ್ಮೇ ನಿಗದತಃ ಶೃಣು॥ 1-114-1 (5074) ಬ್ರಾಹ್ಮಣೋ ಗುಣವಾನ್ಕಶ್ಚಿದ್ಧನೇನೋಪನಿಮಂತ್ರ್ಯತಾಂ। ವಿಚಿತ್ರವೀರ್ಯಕ್ಷೇತ್ರೇಷು ಯಃ ಸಮುತ್ಪಾದಯೇತ್ಪ್ರಜಾಃ॥ 1-114-2 (5075) `ವೈಶಂಪಾಯನ ಉವಾಚ। 1-114-3x (692) ಭೀಷ್ಮಸ್ಯ ತು ವಚಃ ಶ್ರುತ್ವಾ ಧರ್ಮಹೇತ್ವರ್ಥಸಂಹಿತಂ। ಮಾತಾ ಸತ್ಯವತೀ ಭೀಷ್ಮಂ ಪುನರೇವಾಭ್ಯಭಾಷತ॥ 1-114-3 (5076) ಔಚಥ್ಯಮಧಿಕೃತ್ಯೇದಮಂಗಂ ಚ ಯದುದಾಹೃತಂ। ಪೌರಾಣೀ ಶ್ರುತಿರಿತ್ಯೇಷಾ ಪ್ರಾಪ್ತಕಾಲಮಿದಂ ಕುರು॥ 1-114-4 (5077) ತ್ವಂ ಹಿ ಪುತ್ರ ಕುಲಸ್ಯಾಸ್ಯ ಜ್ಯೇಷ್ಠಃ ಶ್ರೇಷ್ಠಶ್ಚ ಭಾರತ। ಯಥಾ ಚ ತೇ ಪಿತುರ್ವಾಕ್ಯಂ ಮಮ ಕಾರ್ಯಂ ತಥಾಽನಘ॥ 1-114-5 (5078) ಮಮ ಪುತ್ರಸ್ತವ ಭ್ರಾತಾ ಯವೀಯಾನ್ಸುಪ್ರಿಯಶ್ಚ ತೇ। ಬಾಲ ಏವ ಗತಃ ಸ್ವರ್ಗಂ ಭಾರತೋ ಭರತರ್ಷಭ॥ 1-114-6 (5079) ಇಮೇ ಮಹಿಷ್ಯೌ ತಸ್ಯೇಹ ಕಾಶಿರಾಜಸುತೇ ಉಭೇ। ರೂಪಯೌವನಸಂಪನ್ನೇ ಪುತ್ರಕಾಮೇ ಚ ಭಾರತ॥ 1-114-7 (5080) ಧರ್ಂಯಮೇತತ್ಪರಂ ಜ್ಞಾತ್ವಾ ಸಂತಾನಾಯ ಕುಲಸ್ಯ ಚ। ಆಭ್ಯಾಂ ಮಮ ನಿಯೋಗಾತ್ತು ಧರ್ಮಂ ಚರಿತುಮರ್ಹಸಿ॥ 1-114-8 (5081) ಭೀಷ್ಮ ಉವಾಚ। 1-114-9x (693) ಅಸಂಶಯಂ ಪರೋ ಧರ್ಮಸ್ತ್ವಯಾಃ ಮಾತಃ ಪ್ರಕೀರ್ತಿತಃ। ತ್ವಮಪ್ಯೇತಾಂ ಪ್ರತಿಜ್ಞಾಂ ತು ವೇತ್ಥ ಯಾ ಮಯಿ ವರ್ತತೇ॥ 1-114-9 (5082) ಅಮರತ್ವಸ್ಯ ವಾ ಹೇತೋಸ್ತ್ರೈಲೋಕ್ಯಸದನಸ್ಯ ವಾ। ಉತ್ಸೃಜೇಯಮಹಂ ಪ್ರಾಣಾನ್ನ ತು ಸತ್ಯಂ ಕಥಂಚನ॥ 1-114-10 (5083) ಸತ್ಯವತ್ಯುವಾಚ। 1-114-11x (694) ಜಾನಾಮಿ ತ್ವಯಿ ಧರ್ಮಜ್ಞ ಸತ್ಯಂ ಸತ್ಯಪರಾಕ್ರಮ। ಇಚ್ಛಂಸ್ತ್ವಮಿಹ ಲೋಕಾಂಸ್ತ್ರೀನ್ಸೃಜೇರನ್ಯಾನರಿಂದಮ॥ 1-114-11 (5084) ಯಥಾ ತು ನಃ ಕುಲಂ ಚೈವ ಧರ್ಮಶ್ಚ ನ ಪರಾಭವೇತ್। ಸುಹೃದಶ್ಚ ಪ್ರಹೃಷ್ಟಾಃ ಸ್ಯುಸ್ತಥಾ ತ್ವಂ ಕರ್ತುಮರ್ಹಸಿ॥ 1-114-12 (5085) ಭೀಷ್ಮ ಉವಾಚ। 1-114-13x (695) ತ್ವಮೇವ ಕುಲವೃದ್ಧಾಸಿ ಗೌರವಂ ತು ಪರಂ ತ್ವಯಿ। ಸೋಪಾಯಂ ಕುಲಸಂತಾನೇ ವಕ್ತುಮರ್ಹಸಿ ನಃ ಪರಂ॥ 1-114-13 (5086) ಸ್ತ್ರಿಯೋ ಹಿ ಪರಮಂ ಗುಹ್ಯಂ ಧಾರಯಂತಿ ಸದಾ ಕುಲೇ। ಪುರುಷಾಂಶ್ಚೈವ ಮಾಯಾಭಿರ್ಬಹ್ವೀಭಿರುಪಗೃಹ್ಣತೇ॥ 1-114-14 (5087) ಸಾ ಸತ್ಯವತಿ ಸಂಪಶ್ಯ ಧರ್ಮಂ ಸತ್ಯಪರಾಯಣೇ। ಯಥಾ ನ ಜಹ್ಯಾಂ ಸತ್ಯಂ ಚ ನ ಸೀದೇಚ್ಚ ಕುಲಂ ಹಿ ನಃ॥' 1-114-15 (5088) ವೈಶಂಪಾಯನ ಉವಾಚ। 1-114-16x (696) ತತಃ ಸತ್ಯವತೀ ಭೀಷ್ಮಂ ವಾಚಾ ಸಂಸಜ್ಜಮಾನಯಾ। ವಿಹಸಂತೀವ ಸವ್ರೀಡಮಿದಂ ವಚನಮಬ್ರವೀತ್॥ 1-114-16 (5089) ಸತ್ಯಮೇತನ್ಮಹಾಬಾಹೋ ಯಥಾ ವದಸಿ ಭಾರತ। ವಿಶ್ವಾಸಾತ್ತೇ ಪ್ರವಕ್ಷ್ಯಾಮಿ ಸಂತಾನಾಯ ಕುಲಸ್ಯ ನಃ॥ 1-114-17 (5090) ನ ತೇ ಶಕ್ಯಮನಾಖ್ಯಾತುಮಾಪದ್ಧರ್ಮಂ ತಥಾವಿಧಂ। ತ್ವಮೇವ ನಃ ಕುಲೇ ಧರ್ಮಸ್ತ್ವಂ ಸತ್ಯಂ ತ್ವಂ ಪರಾ ಗತಿಃ॥ 1-114-18 (5091) `ಯತ್ತ್ವಂ ವಕ್ಷ್ಯಸಿ ತತ್ಕಾರ್ಯಮಸ್ಮಾಭಿರಿತಿ ಮೇ ಮತಿಃ।' ತಸ್ಮಾನ್ನಿಶಂಯ ಸತ್ಯಂ ಮೇ ಕುರುಷ್ವ ಯದನಂತರಂ। `ಶೃಣು ಭೀಷ್ಮ ವಚೋ ಮಹ್ಯಂ ಧರ್ಮಾರ್ಥಸಹಿತಂ ಹಿತಂ॥ 1-114-19 (5092) ನ ಚ ವಿಸ್ರಂಭಕಥಿತಂ ಭವಾನ್ಸೂಚಿತುಮರ್ಹತಿ। ಯಸ್ತು ರಾಜಾ ವಸುರ್ನಾಮ ಶ್ರುತಸ್ತೇ ಭರತರ್ಷಭ॥ 1-114-20 (5093) ತಸ್ಯ ಶುಕ್ಲಾದಹಂ ಮತ್ಸ್ಯಾ ಧೃತಾ ಕುಕ್ಷೌ ಪುರಾ ಕಿಲ। ಮಾತರಂ ಮೇ ಜಲಾದ್ಧೃತ್ವಾ ದಾಶಃ ಪರಮಧರ್ಮವಿತ್॥ 1-114-21 (5094) ಮಾಂ ತು ಸ್ವಗೃಹಮಾನೀಯ ದುಹಿತೃತ್ವೇಽಭ್ಯಕಲ್ಪಯತ್। ಧರ್ಮಯುಕ್ತಃ ಸ ಧರ್ಮೇಣ ಪಿತಾ ಚಾಸೀತ್ತತೋ ಮಮ॥' 1-114-22 (5095) ಧರ್ಮಯುಕ್ತಸ್ಯ ಧರ್ಮಾರ್ಥಂ ಪಿತುರಾಸೀತ್ತರೀ ಮಮ। ಸಾ ಕದಾಚಿದಹಂ ತತ್ರ ಗತಾ ಪ್ರಥಮಯೌವನಂ॥ 1-114-23 (5096) ಅಥ ಧರ್ಮವಿದಾಂ ಶ್ರೇಷ್ಠಃ ಪರಮರ್ಷಿಃ ಪರಾಶರಃ। ಆಜಗಾಮ ತರೀಂ ಧೀಮಾಂಸ್ತರಿಷ್ಯನ್ಯಮುನಾಂ ನದೀಂ॥ 1-114-24 (5097) ಸ ತಾರ್ಯಮಾಣೋ ಯಮುನಾಂ ಮಾಮುಪೇತ್ಯಾಬ್ರವೀತ್ತದಾ। ಸಾಂತ್ವಪೂರ್ವಂ ಮುನಿಶ್ರೇಷ್ಠಃ ಕಾಮಾರ್ತೋ ಮಧುರಂ ವಚಃ। ಉಕ್ತ್ವಾ ಜನ್ಮ ಕುಲಂ ಮಹ್ಯಂ ನಾಸಿ ದಾಶಸುತೇತಿ ಚ॥ 1-114-25 (5098) ತಮಹಂ ಶಾಪಭೀತಾ ಚ ಪಿತುರ್ಭೀತಾ ಚ ಭಾರತ। ವರೈರಸುಲಭೈರುಕ್ತಾ ನ ಪ್ರತ್ಯಾಖ್ಯಾತುಮುತ್ಸಹೇ॥ 1-114-26 (5099) `ಪ್ರೇಕ್ಷ್ಯ ತಾಂಸ್ತು ಮಹಾಭಾಗಾನ್ಪಾರಾವಾರೇ ಋಷೀನ್ಸ್ಥಿತಾನ್। ಯಮುನಾತೀರವಿನ್ಯಸ್ತಾನ್ಪ್ರದೀಪ್ತಾನಿವ ಪಾವಕಾನ್॥ 1-114-27 (5100) ಪುರಸ್ತಾದರುಣಶ್ಚೈವ ತರುಣಃ ಸಂಪ್ರಕಾಶತೇ। ಯೇನೈಷಾ ತಾಂರವಸ್ತ್ರೇವ ದ್ಯೌಃ ಕೃತಾ ಪ್ರವಿಜೃಂಭಿತಾ॥ 1-114-28 (5101) ಉಕ್ತಮಾತ್ರೋ ಮಯಾ ತತ್ರ ನೀಹಾರಮಸೃಜತ್ಪ್ರಭುಃ। ಪರಾಶರಃ ಸತ್ಯಧೃತಿರ್ದ್ವೀಪೇ ಚ ಯಮುನಾಂಭಸಿ॥' 1-114-29 (5102) ಅಭಿಭೂಯ ಸ ಮಾಂ ಬಾಲಾಂ ತೇಜಸಾ ವಶಮಾನಯತ್। ತಮಸಾ ಲೋಕಮಾವೃತ್ಯ ನೌಗತಾಮೇವ ಭಾರತ॥ 1-114-30 (5103) ಮತ್ಸ್ಯಗಂಧೋ ಮಹಾನಾಸೀತ್ಪುರಾ ಮಮ ಜುಗುಪ್ಸಿತಃ। ತಮಪಾಸ್ಯ ಶುಭಂ ಗಂಧಮಿಮಂ ಪ್ರಾದಾತ್ಸ ಮೇ ಮುನಿಃ॥ 1-114-31 (5104) ತತೋ ಮಾಮಾಹ ಸ ಮುನಿರ್ಗರ್ಭಮುತ್ಸೃಜ್ಯ ಮಾಮಕಂ। ದ್ವೋಪೇಽಸ್ಯಾ ಏವ ಸರಿತಃ ಕನ್ಯೈವ ತ್ವಂ ಭವಿಷ್ಯಸಿ॥ 1-114-32 (5105) ಕನ್ಯಾತ್ವಂ ಚ ದದೌ ಪ್ರೀತಃ ಪುನರ್ವಿದ್ವಾಂಸ್ತಪೋಧನಃ। ತಸ್ಯ ವೀರ್ಯಮಹಂ ದೃಷ್ಟ್ವಾ ತಥಾ ಯುಕ್ತಂ ಮಹಾತ್ಮನಃ॥ 1-114-33 (5106) ವಿಸ್ಮಿತಾ ವ್ಯಥಿತಾ ಚೈವ ಪ್ರಾದಾಮಾತ್ಮಾನಮೇವ ಚ। ತತಸ್ತದಾ ಮಹಾತ್ಮಾ ಸ ಕನ್ಯಾಯಾಂ ಮಯಿ ಭಾರತ। ಪ್ರಹೃಷ್ಟೋಽಜನಯತ್ಪುತ್ರಂ ದ್ವೀಪ ಏವ ಪರಾಶರಃ॥' 1-114-34 (5107) ಪಾರಾಶರ್ಯೋ ಮಹಾಯೋಗೀ ಸ ಬಭೂವ ಮಹಾನೃಷಿಃ। ಕನ್ಯಾಪುತ್ರೋ ಮಮ ಪುರಾ ದ್ವೈಪಾಯನ ಇತಿ ಶ್ರುತಃ॥ 1-114-35 (5108) ಯೋ ವ್ಯಸ್ಯ ವೇದಾಂಶ್ಚತುರಸ್ತಪಸಾ ಭಗವಾನೃಷಿಃ। ಲೋಕೇ ವ್ಯಾಸತ್ವಮಾಪೇದೇ ಕಾರ್ಷ್ಣ್ಯಾತ್ಕೃಷ್ಣತ್ವಮೇವ ಚ॥ 1-114-36 (5109) ಸತ್ಯವಾದೀ ಶಮಪರಸ್ತಪಸ್ವೀ ದಗ್ಧಕಿಲ್ಬಿಷಃ। ಸದ್ಯೋತ್ಪನ್ನಃ ಸ ತು ಮಹಾನ್ಸಹ ಪಿತ್ರಾ ತತೋ ಗತಃ॥ 1-114-37 (5110) ಸ ನಿಯುಕ್ತೋ ಮಯಾ ವ್ಯಕ್ತಂ ತ್ವಯಾ ಚಾಪ್ರತಿಮದ್ಯುತಿಃ। ಭ್ರಾತುಃ ಕ್ಷೇತ್ರೇಷು ಕಲ್ಯಾಣಮಪತ್ಯಂ ಜನಯಿಷ್ಯತಿ॥ 1-114-38 (5111) ಸ ಹಿ ಮಾಮುಕ್ತವಾಂಸ್ತತ್ರ ಸ್ಮರೇಃ ಕೃಚ್ಛ್ರೇಷು ಮಾಮಿತಿ। ತಂ ಸ್ಮರಿಷ್ಯೇ ಮಹಾಬಾಹೋ ಯದಿ ಭೀಷ್ಮ ತ್ವಮಿಚ್ಛಸಿ॥ 1-114-39 (5112) ತವ ಹ್ಯನುಮತೇ ಭೀಷ್ಮ ನಿಯತಂ ಸ ಮಹಾತಪಾಃ। ವಿಚಿತ್ರವೀರ್ಯಕ್ಷೇತ್ರೇಷು ಪುತ್ರಾನುತ್ಪಾದಯಿಷ್ಯತಿ॥ 1-114-40 (5113) ವೈಶಂಪಾಯನ ಉವಾಚ। 1-114-41x (697) ಮಹರ್ಷೇಃ ಕೀರ್ತನೇ ತಸ್ಯ ಭೀಷ್ಮಃ ಪ್ರಾಂಜಲಿರಬ್ರವೀತ್। `ದೇಶಕಾಲೌ ಚ ಜಾನಾಸಿ ಕ್ರಿಯತಾಮರ್ಥಸಿದ್ಧಯೇ।' 1-114-41 (5114) ಧರ್ಮಮರ್ಥಂ ಚ ಕಾಮಂ ಚ ತ್ರೀನೇತಾನ್ಯೋನುಪಶ್ಯತಿ॥ 1-114-41x (698) ಅರ್ಥಮರ್ಥಾನುಬಂಧಂ ಚ ಧರ್ಮಂ ಧರ್ಮಾನುಬಂಧನಂ। ಕಾಮಂ ಕಾಮಾನುಬಂಧಂ ಚ ವಿಪರೀತಾನ್ಪೃಥಕ್ಪೃಥಕ್॥ 1-114-42 (5115) ಯೋ ವಿಚಿಂತ್ಯ ಧಿಯಾ ಧೀರೋ ವ್ಯವಸ್ಯತಿ ಸ ಬುದ್ಧಿಮಾನ್। ತದಿದಂ ಧರ್ಮಯುಕ್ತಂ ಚ ಹಿತಂ ಚೈವ ಕುಲಸ್ಯ ನಃ॥ 1-114-43 (5116) ಉಕ್ತಂ ಭವತ್ಯಾ ಯಚ್ಛ್ರೇಯಸ್ತನ್ಮಹ್ಯಂ ರೋಚತೇ ಭೃಶಂ। 1-114-44 (5117) ವೈಶಂಪಾಯನ ಉವಾಚ। ತತಸ್ತಸ್ಮಿನ್ಪ್ರತಿಜ್ಞಾತೇ ಭೀಷ್ಮೇಣ ಕುರುನಂದನ॥ 1-114-44x (699) ಕೃಷ್ಣದ್ವೈಪಾಯನಂ ಕಾಲೀ ಚಿಂತಯಾಮಾಸ ವೈ ಮುನಿಂ। ಸ ವೇದಾನ್ವಿಬ್ರುವಂಧೀಮಾನ್ಮಾತುರ್ವಿಜ್ಞಾಯ ಚಿಂತಿತಂ॥ 1-114-45 (5118) ಪ್ರಾದುರ್ಬಭೂವಾವಿದಿತಃ ಕ್ಷಣೇನ ಕುರುನಂದನ। ತಸ್ಮೈ ಪೂಜಾಂ ತತಃ ಕೃತ್ವಾ ಸುತಾಯ ವಿಧಿಪೂರ್ವಕಂ॥ 1-114-46 (5119) ಪರಿಷ್ವಜ್ಯ ಚ ಬಾಹುಭ್ಯಾಂ ಪ್ರಸ್ರವೈರಭ್ಯಷಿಂಚತ। ಮುಮೋಚ ಬಾಷ್ಪಂ ದಾಶೇಯೀ ಪುತ್ರಂ ದೃಷ್ಟ್ವಾ ಚಿರಸ್ಯ ತು॥ 1-114-47 (5120) ತಾಮದ್ಭಿಃ ಪರಿಷಿಚ್ಯಾರ್ತಾಂ ಮಹರ್ಷಿರಭಿವಾದ್ಯ ಚ। ಮಾತರಂ ಪೂರ್ವಜಃ ಪುತ್ರೋ ವ್ಯಾಸೋ ವಚನಮಬ್ರವೀತ್॥ 1-114-48 (5121) ಭವತ್ಯಾ ಯದಭಿಪ್ರೇತಂ ತದಹಂ ಕರ್ತುಮಾಗತಃ। ಶಾಧಿ ಮಾಂ ಧರ್ಮತತ್ತ್ವಜ್ಞೇ ಕರವಾಣಿ ಪ್ರಿಯಂ ತವ॥ 1-114-49 (5122) ತಸ್ಮೈ ಪೂಜಾಂ ತತೋಽಕಾರ್ಷೀತ್ಪುರೋಧಾಃ ಪರಮರ್ಷಯೇ। ಸ ಚ ತಾಂ ಪ್ರತಿಜಗ್ರಾಹ ವಿಧಿಮನ್ಮಂತ್ರಪೂರ್ವಕಂ॥ 1-114-50 (5123) ಪೂಜಿತೋ ಮಂತ್ರಪೂರ್ವಂ ತು ವಿಧಿವತ್ಪ್ರೀತಿಮಾಪ ಸಃ। ತಮಾಸನಗತಂ ಮಾತಾ ಪೃಷ್ಟ್ವಾ ಕುಶಲಮವ್ಯಯಂ॥ 1-114-51 (5124) ಸತ್ಯವತ್ಯಥ ವೀಕ್ಷ್ಯೈನಮುವಾಚೇದಮನಂತರಂ। ಮಾತಾಪಿತ್ರೋಃ ಪ್ರಜಾಯಂತೇ ಪುತ್ರಾಃ ಸಾಧಾರಣಾಃ ಕವೇ॥ 1-114-52 (5125) ತೇಷಾಂ ಪಿತಾ ಯಥಾ ಸ್ವೀಮೀ ತಥಾ ಮಾತಾ ನ ಸಂಶಯಃ। ವಿಧಾನವಿಹಿತಃ ಸ ತ್ವಂ ಯಥಾ ಮೇ ಪ್ರಥಮಃ ಸುತಃ॥ 1-114-53 (5126) ವಿಚಿತ್ರವೀರ್ಯೋ ಬ್ರಹ್ಮರ್ಷೇ ತಥಾ ಮೇಽವರಜಃ ಸುತಃ। ಯಥೈವ ಪಿತೃತೋ ಭೀಷ್ಮಸ್ತಥಾ ತ್ವಮಪಿ ಮಾತೃತಃ॥ 1-114-54 (5127) ಭ್ರಾತಾ ವಿಚಿತ್ರವೀರ್ಯಸ್ಯ ಯಥಾ ವಾ ಪುತ್ರ ಮನ್ಯಸೇ। ಅಯಂ ಶಾಂತನವಃ ಸತ್ಯಂ ಪಾಲಯನ್ಸತ್ಯವಿಕ್ರಮಃ॥ 1-114-55 (5128) ಬುದ್ಧಿಂ ನ ಕುರುತೇಽಪತ್ಯೇ ತಥಾ ರಾಜ್ಯಾಽನುಶಾಸನೇ। ಸ ತ್ವಂ ವ್ಯಪೇಕ್ಷಯಾ ಭ್ರಾತುಃ ಸಂತಾನಾಯ ಕುಲಸ್ಯ ಚ॥ 1-114-56 (5129) ಭೀಷ್ಮಸ್ಯ ಚಾಸ್ಯ ವಚನಾನ್ನಿಯೋಗಾಚ್ಚ ಮಮಾನಘ। ಅನುಕ್ರೋಶಾಚ್ಚ ಭೂತಾನಾಂ ಸರ್ವೇಷಾಂ ರಕ್ಷಣಾಯ ಚ॥ 1-114-57 (5130) ಆನೃಶಂಸ್ಯಾಚ್ಚ ಯದ್ಬ್ರೂಯಾಂ ತಚ್ಛ್ರುತ್ವಾ ಕರ್ತುಮರ್ಹಸಿ। ಯವೀಯಸಸ್ವ ಭ್ರಾತುರ್ಭಾರ್ಯೇ ಸುರಸುತೋಪಮೇ॥ 1-114-58 (5131) ರೂಪಯೌವನಸಂಪನ್ನೇ ಪುತ್ರಕಾಮೇ ಚ ಧರ್ಮತಃ। ತಯೋರುತ್ಪಾದಯಾಪತ್ಯಂ ಸಮರ್ಥೋ ಹ್ಯಸಿ ಪುತ್ರಕ॥ 1-114-59 (5132) ಅನುರೂಪಂ ಕುಲಸ್ಯಾಸ್ಯ ಸಂತತ್ಯಾಃ ಪ್ರಸವಸ್ಯ ಚ। 1-114-60 (5133) ವ್ಯಾಸ ಉವಾಚ। ವೇತ್ಥ ಧರ್ಮಂ ಸತ್ಯವತಿ ಪರಂ ಚಾಪರಮೇವ ಚ॥ 1-114-60x (700) ತಥಾ ತವ ಮಹಾಪ್ರಾಜ್ಞೇ ಧರ್ಮೇ ಪ್ರಣಿಹಿತಾ ಮತಿಃ। ತಸ್ಮಾದಹಂ ತ್ವನ್ನಿಯೋಗಾದ್ಧರ್ಮಮುದ್ದಿಶ್ಯ ಕಾರಣಂ॥ 1-114-61 (5134) ಈಪ್ಸಿತಂ ತೇ ಕರಿಷ್ಯಾಮಿ ದೃಷ್ಟಂ ಹ್ಯೇತತ್ಸನಾತನಂ। ಭ್ರಾತುಃ ಪುತ್ರಾನ್ಪ್ರದಾಸ್ಯಾಮಿ ಮಿತ್ರಾವರುಣಯೋಃ ಸಮಾನ್॥ 1-114-62 (5135) ವ್ರತಂ ಚರೇತಾಂ ತೇ ದೇವ್ಯೌ ನಿರ್ದಿಷ್ಟಮಿಹ ಯನ್ಮಯಾ। ಸಂವತ್ಸರಂ ಯಥಾನ್ಯಾಯಂ ತತಃ ಶುದ್ಧೇ ಭವಿಷ್ಯತಃ॥ 1-114-63 (5136) ನಹಿ ಮಾಮವ್ರತೋಪೇತಾ ಉಪೇಯಾತ್ಕಾಚಿದಂಗನಾ। 1-114-64 (5137) ಸತ್ಯವತ್ಯುವಾಚ। ಸದ್ಯೋ ಯಥಾ ಪ್ರಪದ್ಯೇತೇ ದೇವ್ಯೌ ಗರ್ಭಂ ತಥಾ ಕುರು॥ 1-114-64x (701) ಅರಾಜಕೇಷು ರಾಷ್ಟ್ರೇಷು ಪ್ರಜಾಽನಾಥಾ ವಿನಶ್ಯತಿ। ನಶ್ಯಂತಿ ಚ ಕ್ರಿಯಾಃ ಸರ್ವಾ ನಾಸ್ತಿ ವೃಷ್ಟಿರ್ನ ದೇವತಾ॥ 1-114-65 (5138) ಕಥಂ ಚಾರಾಜಕಂ ರಾಷ್ಟ್ರಂ ಶಕ್ಯಂ ಧಾರಯಿತುಂ ಪ್ರಭೋ। ತಸ್ಮಾದ್ಗರ್ಭಂ ಸಮಾಧತ್ಸ್ವ ಭೀಷ್ಮಃ ಸಂವರ್ಧಯಿಷ್ಯತಿ॥ 1-114-66 (5139) ವ್ಯಾಸ ಉವಾಚ। 1-114-67x (702) ಯದಿ ಪುತ್ರಃ ಪ್ರದಾತವ್ಯೋ ಮಯಾ ಭ್ರಾತುರಕಾಲಿಕಃ। ವಿರೂಪತಾಂ ಮೇ ಸಹತಾಂ ತಯೋರೇತತ್ಪರಂ ವ್ರತಂ॥ 1-114-67 (5140) ಯದಿ ಮೇ ಸಹತೇ ಗಂಧಂ ರೂಪಂ ವೇಷಂ ತಥಾ ವಪುಃ। ಅದ್ಯೈವ ಗರ್ಭಂ ಕೌಸಲ್ಯಾ ವಿಶಿಷ್ಟಂ ಪ್ರತಿಪದ್ಯತಾಂ॥ 1-114-68 (5141) `ತಸ್ಯಾಪಿ ಚ ಶತಂ ಪುತ್ರಾ ಭವಿತಾರೋ ನ ಸಂಶಯಃ। ಗೋಪ್ತಾರಃ ಕುರುವಂಶಸ್ಯ ಭವತ್ಯಾಃ ಶೋಕನಾಶನಾಃ॥' 1-114-69 (5142) ವೈಶಂಪಾಯನ ಉವಾಚ। 1-114-70x (703) ಏವಮುಕ್ತ್ವಾ ಮಹಾತೇಜಾ ವ್ಯಾಸಃ ಸತ್ಯವತೀಂ ತದಾ। ಶಯನೇ ಸಾ ಚ ಕೌಸಲ್ಯಾ ಶುಚಿವಸ್ತ್ರಾ ಹ್ಯಲಂಕೃತಾ॥ 1-114-70 (5143) ಸಮಾಗಮನಮಾಕಾಂಕ್ಷೇದಿತಿ ಸೋಽಂತರ್ಹಿತೋ ಮುನಿಃ। ತತೋಽಭಿಗಂಯ ಸಾ ದೇವೀ ಸ್ನುಷಾಂ ರಹಸಿ ಸಂಗತಾಂ॥ 1-114-71 (5144) ಧರ್ಂಯಮರ್ಥಸಮಾಯುಕ್ತಮುವಾಚ ವಚನಂ ಹಿತಂ। ಕೌಸಲ್ಯೇ ಧರ್ಮತಂತ್ರಂ ತ್ವಾಂ ಯದ್ಬ್ರವೀಮಿ ನಿಬೋಧ ತತ್॥ 1-114-72 (5145) ಭರತಾನಾಂ ಸಮುಚ್ಛೇದೋ ವ್ಯಕ್ತಂ ಮದ್ಭಾಗ್ಯಸಂಕ್ಷಯಾತ್। ವ್ಯಥಿತಾಂ ಮಾಂ ಚ ಸಂಪ್ರೇಕ್ಷ್ಯ ಪಿತೃವಂಶಂ ಚ ಪೀಡಿತಂ॥ 1-114-73 (5146) ಭೀಷ್ಮೋ ಬುದ್ಧಿಮದಾನ್ಮಹ್ಯಂ ಕುಲಸ್ಯಾಸ್ಯ ವಿವೃದ್ಧಯೇ। ಸಾ ಚ ಬುದ್ಧಿಸ್ತ್ವಯ್ಯಧೀನಾ ಪುತ್ರಿ ಪ್ರಾಪಯ ಮಾಂ ತಥಾ॥ 1-114-74 (5147) ನಷ್ಟಂ ಚ ಭಾರತಂ ವಂಶಂ ಪುನರೇವ ಸಮುದ್ಧಱ। ಪುತ್ರಂ ಜನಯ ಸುಶ್ರೋಣಿ ದೇವರಾಜಸಮಪ್ರಭಂ॥ 1-114-75 (5148) ಸ ಹಿ ರಾಜ್ಯಧುರಂ ಗುರ್ವೀಮುದ್ವಕ್ಷ್ಯತಿ ಕುಲಸ್ಯ ನಃ। `ಏವಮುಕ್ತ್ವಾ ತು ಸಾ ದೇವೀ ಸ್ನುಷಾಂ ಸತ್ಯವತೀ ತದಾ॥' 1-114-76 (5149) ಸಾ ಧರ್ಮತೋಽನುನೀಯೈನಾಂ ಕಥಂಚಿದ್ಧರ್ಮಚಾರಿಣೀಂ। ಭೋಜಯಾಮಾಸ ವಿಪ್ರಾಂಶ್ಚ ದೇವರ್ಷೀನತಿಥೀಂಸ್ತಥಾ॥ ॥ 1-114-77 (5150) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಚತುರ್ದಶಾಧಿಕಶತತಮೋಽಧ್ಯಾಯಃ॥ 114 ॥

1-115-0 (5151) ವೈಶಂಪಾಯನ ಉವಾಚ। 1-115-0x (704) ತತಃ ಸತ್ಯವತೀ ಕಾಲೇ ವಧೂಂ ಸ್ನಾತಾಮೃತೌ ತದಾ। ಸಂವೇಶಯಂತೀ ಶಯನೇ ಶನೈರ್ವಚನಮಬ್ರವೀತ್॥ 1-115-1 (5152) ಕೌಸಲ್ಯೇ ದೇವರಸ್ತೇಽಸ್ತಿ ಸೋಽದ್ಯ ತ್ವಾಽನುಪ್ರವೇಕ್ಷ್ಯತಿ। ಅಪ್ರಮತ್ತಾ ಪ್ರತೀಕ್ಷೈನಂ ನಿಶೀಥೇ ಹ್ಯಾಗಮಿಷ್ಯತಿ॥ 1-115-2 (5153) ಶ್ವಶ್ರ್ವಾಸ್ತದ್ವಚನಂ ಶ್ರುತ್ವಾ ಶಯಾನಾ ಶಯನೇ ಶುಭೇ। ಸಾಽಚಿಂತಯತ್ತದಾ ಭೀಷ್ಮಮನ್ಯಾಂಶ್ಚ ಕುರುಪುಂಗವಾನ್॥ 1-115-3 (5154) `ತತಃ ಸುಪ್ತಜನಪ್ರಾಯೇಽರ್ಧರಾತ್ರೇ ಭಗವಾನೃಷಿಃ। ದೀಪ್ಯಮಾನೇಷು ದೀಪೇಷು ಶರಣಂ ಪ್ರವಿವೇಶ ಹ॥ 1-115-4 (5155) ತತೋಽಂಬಿಕಾಯಾಂ ಪ್ರಥಮಂ ನಿಯುಕ್ತಃ ಸತ್ಯವಾಗೃಷಿಃ। ಜಗಾಮ ತಸ್ಯಾಃ ಶಯನಂ ವಿಪುಲೇ ತಪಸಿ ಸ್ಥಿತಃ॥ 1-115-5 (5156) ತಂ ಸಮೀಕ್ಷ್ಯ ತು ಕೌಸಲ್ಯಾ ದುಷ್ಪ್ರೇಕ್ಷಮತಥೋಚಿತಾ। ವಿರೂಪ ಇತಿ ವಿತ್ರಸ್ತಾ ಸಂಕುಚ್ಯಾಸೀನ್ನಿಮೀಲಿತಾ॥ 1-115-6 (5157) ವಿರೂಪೋ ಹಿ ಜಟೀ ಚಾಪಿ ದುರ್ವರ್ಣಃ ಪರುಷಃ ಕೃಶಃ। ಸುಗಂಧೇತರಗಂಧಶ್ಚ ಸರ್ವಥಾ ದುಷ್ಪ್ರಧರ್ಷಣಃ॥' 1-115-7 (5158) ತಸ್ಯ ಕೃಷ್ಣಸ್ಯ ಕಪಿಲಾಂ ಜಟಾಂ ದೀಪ್ತೇ ಚ ಲೋಚನೇ। ಬಬ್ರೂಣಿ ಚೈವ ಶ್ಮಶ್ರೂಮಿ ದೃಷ್ಟ್ವಾ ದೇವೀ ನ್ಯಮೀಲಯತ್॥ 1-115-8 (5159) ಸಂಭೂವ ತಯಾ ಸಾರ್ಧಂ ಮಾತುಃ ಪ್ರಿಯಚಿಕೀರ್ಷಯಾ। ಭಯಾತ್ಕಾಶಿಸುತಾ ತಂ ತು ನಾಶಕ್ನೋದಭಿವೀಕ್ಷಿತುಂ॥ 1-115-9 (5160) ತತೋ ನಿಷ್ಕ್ರಾಂತಮಾಗಂಯ ಮಾತಾ ಪುತ್ರಮುವಾಚ ಹ। ಅಪ್ಯಸ್ಯಾಂ ಗುಣವಾನ್ಪುತ್ರ ರಾಜಪುತ್ರೋ ಭವಿಷ್ಯತಿ॥ 1-115-10 (5161) ನಿಶಂಯ ತದ್ವಚೋ ಮಾತುರ್ವ್ಯಾಸಃ ಸತ್ಯವತೀಸುತಃ। `ಪ್ರೋವಾಚಾತೀಂದ್ರಿಯಜ್ಞಾನೋ ವಿಧಿನಾ ಸಂಪ್ರಚೋದಿತಃ॥' 1-115-11 (5162) ನಾಗಾಯುತಸಮಪ್ರಾಣೋ ವಿದ್ವಾನ್ರಾಜರ್ಷಿಸತ್ತಮಃ। ಮಹಾಭಾಗೋ ಮಹಾವೀರ್ಯೋ ಮಹಾಬುದ್ಧಿರ್ಭವಿಷ್ಯತಿ॥ 1-115-12 (5163) ತಸ್ಯ ಚಾಪಿ ಶತಂ ಪುತ್ರಾ ಭವಿಷ್ಯಂತಿ ಮಹಾತ್ಮನಃ। ಕಿಂತು ಮಾತುಃ ಸ ವೈಗುಣ್ಯಾದಂಧ ಏವ ಭವಿಷ್ಯತಿ॥ 1-115-13 (5164) ತಸ್ಯ ತದ್ವಚನಂ ಶ್ರುತ್ವಾ ಮಾತಾ ಪುತ್ರಮಥಾಽಬ್ರವೀತ್। ನಾಂಧಃ ಕುರೂಣಾಂ ನೃಪತಿರನುರೂಪಸ್ತಪೋಧನ॥ 1-115-14 (5165) ಜ್ಞಾತಿವಂಶಸ್ಯ ಗೋಪ್ತಾರಂ ಪಿತೄಣಾಂ ವಂಶವರ್ಧನಂ। `ಅಪರಸ್ಯಾಮಪಿ ಪುನರ್ಮಮ ಶೋಕವಿನಾಶನಂ॥ 1-115-15 (5166) ತಸ್ಮಾದವರಜಂ ಪುತ್ರಂ ಜನಯಾನ್ಯಂ ನರಾಧಿಪಂ। ಭ್ರಾತುರ್ಭಾರ್ಯಾಽವರಾ ಚೇಯಂ ರೂಪಯೌವನಶಾಲಿನೀ॥ 1-115-16 (5167) ಅಸ್ಯಾಮುತ್ಪಾದಯಾಽಪತ್ಯಂ ಮನ್ನಿಯೋಗಾದ್ಗುಣಾಧಿಕಂ।' ದ್ವಿತೀಯಂ ಕುರುವಂಶಸ್ಯ ರಾಜಾನಂ ದಾತುಮರ್ಹಸಿ॥ 1-115-17 (5168) ಸ ತಥೇತಿ ಪ್ರತಿಜ್ಞಾಯ ನಿಶ್ಚಕ್ರಾಮ ಮಹಾಯಶಾಃ। ಸಾಽಪಿ ಕಾಲೇನ ಕೌಸಲ್ಯಾ ಸುಷುವೇಽಂಧಂ ತಮಾತ್ಮಜಂ॥ 1-115-18 (5169) ಪುನರೇವ ತು ಸಾ ದೇವೀ ಪರಿಭಾಷ್ಯ ಸ್ನುಷಾಂ ತತಃ। ಋಷಿಮಾವಾಹಯತ್ಸತ್ಯಾ ಯಥಾಪೂರ್ವಮರಿಂದಮ॥ 1-115-19 (5170) `ಅಂಬಾಲಿಕಾಂ ಸಮಾಹೂಯ ತಸ್ಯಾಂ ಸತ್ಯವತೀ ಸುತಂ। ಭೂಯೋ ನಿಯೋಜಯಾಮಾಸ ಸಂತಾನಾಯ ಕುಲಸ್ಯ ವೈ॥ 1-115-20 (5171) ವಿಷಣ್ಣಾಂಬಾಲಿಕಾ ಸಾಧ್ವೀ ನಿಷಣ್ಣಾ ಶಯನೋತ್ತಮೇ। ಕೋನ್ವೇಷ್ಯತೀತಿ ಧ್ಯಾಯಂತೀ ನಿಯತಾಂ ಸಂಪ್ರತೀಕ್ಷತೇ'॥ 1-115-21 (5172) ತತಸ್ತೇನೈವ ವಿಧಿನಾ ಮಹರ್ಷಿಸ್ತಾಮಪದ್ಯತ। ಅಂಬಾಲಿಕಾಮಥಾಽಭ್ಯಾಗಾದೃಷಿಂ ದೃಷ್ಟ್ವಾ ಚ ಸಾಽಪಿ ತಂ॥ 1-115-22 (5173) ವಿವರ್ಣಾ ಪಾಂಡುಸಂಕಾಶಾ ಸಮಪದ್ಯತ ಭಾರತ। ತಾಂ ಭೀತಾಂ ಪಾಂಡುಸಂಕಾಶಾಂ ವಿಷಣ್ಣಾಂ ಪ್ರೇಕ್ಷ್ಯ ಭಾರತ॥ 1-115-23 (5174) ವ್ಯಾಸಃ ಸತ್ಯವತೀಪುತ್ರ ಇದಂ ವಚನಮಬ್ರವೀತ್। ಯಸ್ಮಾತ್ಪಾಂಡುತ್ವಮಾಪನ್ನಾ ವಿರೂಪಂ ಪ್ರೇಕ್ಷ್ಯ ಮಾಮಿಹ॥ 1-115-24 (5175) ತಸ್ಮಾದೇಷ ಸುತಸ್ತೇ ವೈ ಪಾಂಡುರೇವ ಭವಿಷ್ಯತಿ। ನಾಮ ಚಾಸ್ಯೈತದೇವೇಹ ಭವಿಷ್ಯತಿ ಶುಭಾನನೇ॥ 1-115-25 (5176) ಇತ್ಯುಕ್ತ್ವಾ ಸ ನಿರಾಕ್ರಾಮದ್ಭಗವಾನೃಷಿಸತ್ತಮಃ। ತತೋ ನಿಷ್ಕ್ರಾಂತಮಾಲೋಕ್ಯ ಸತ್ಯಾ ಪುತ್ರಮಥಾಽಬ್ರವೀತ್॥ 1-115-26 (5177) `ಕುಮಾರೋ ಬ್ರೂಹಿ ಮೇ ಪುತ್ರ ಅಪ್ಯತ್ರ ಭವಿತಾ ಶುಭಃ।' ಶಶಂಸ ಸ ಪುನರ್ಮಾತ್ರೇ ತಸ್ಯ ಬಾಲಸ್ಯ ಪಾಂಡುತಾಂ॥ 1-115-27 (5178) `ಭವಿಷ್ಯತಿ ಸುವಿಕ್ರಾಂತಃ ಕುಮಾರೋ ದಿಕ್ಷು ವಿಶ್ರುತಃ। ಪಾಂಡುತ್ವಂ ವರ್ಣತಸ್ತಸ್ಯ ಮಾತೃದೋಷಾದ್ಭವಿಷ್ಯತಿ॥ 1-115-28 (5179) ತಸ್ಯ ಪುತ್ರಾ ಮಹೇಷ್ವಾಸಾ ಭವಿಷ್ಯಂತೀಹ ಪಂಚ ವೈ। ಇತ್ಯುಕ್ತ್ವಾ ಮಾತರಂ ತತ್ರ ಸೋಽಭಿವಾದ್ಯ ಜಗಾಮ ಹ॥' 1-115-29 (5180) ತಂ ಮಾತಾ ಪುನರೇವಾನ್ಯಮೇಕಂ ಪುತ್ರಮಯಾಚತ। ತಥೇತಿ ಚ ಮಹರ್ಷಿಸ್ತಾಂ ಮಾತರಂ ಪ್ರತ್ಯಭಾಷತ॥ 1-115-30 (5181) ತತಃ ಕುಮಾರಂ ಸಾ ದೇವೀ ಪ್ರಾಪ್ತಕಾಲಮಜೀಜನತ್। ಪಾಂಡುಲಕ್ಷಣಸಂಪನ್ನಂ ದೀಪ್ಯಮಾನಮಿವ ಶ್ರಿಯಾ॥ 1-115-31 (5182) ಯಸ್ಯ ಪುತ್ರಾ ಮಹೇಷ್ವಾಸಾ ಜಜ್ಞಿರೇ ಪಂಚ ಪಾಂಡವಾಃ। `ತಯೋರ್ಜನ್ಮಕ್ರಿಯಾಃ ಸರ್ವಾ ಯಥಾವದನುಪೂರ್ವಶಃ॥ 1-115-32 (5183) ಕಾರಯಾಮಾಸ ವೈ ಭೀಷ್ಮೋ ಬ್ರಾಹ್ಮಣೈರ್ವೇದಪಾರಗೈಃ। ಅಂಧಂ ದೃಷ್ಟ್ವಾಽಂಬಿಕಾಪುತ್ರಂ ಜಾತಂ ಸತ್ಯವತೀ ಸುತಂ॥ 1-115-33 (5184) ಕೌಸಲ್ಯಾರ್ಥೇ ಸಮಾಹೂಯ ಪುತ್ರಮನ್ಯಮಯಾಚತ। ಅಂಧೋಯಮನ್ಯಮಿಚ್ಛಾಮಿ ಕೌಸಲ್ಯಾತನಯಂ ಶುಭಂ॥ 1-115-34 (5185) ಏವಮುಕ್ತೋ ಮಹರ್ಷಿಸ್ತಾಂ ಮಾತರಂ ಪ್ರತ್ಯಭಾಷತ। ನಿಯತಾ ಯದಿ ಕೌಸಲ್ಯಾ ಭವಿಷ್ಯತಿ ಪುನಃಶುಭಾ॥ 1-115-35 (5186) ಭವಿಷ್ಯತಿ ಕುಮಾರೋಽಸ್ಯಾ ಧರ್ಮಶಾಸ್ತ್ರಾರ್ಥತತ್ವವಿತ್। ತಾಂ ಸಮಾಧಾಯ ವೈ ಭೂಯಃ ಸ್ನುಷಾಂ ಸತ್ಯವತೀ ಪುನಃ॥' 1-115-36 (5187) ಋತುಕಾಲೇ ತತೋ ಜ್ಯೇಷ್ಠಾಂ ವಧೂಂ ತಸ್ಮೈ ನ್ಯಯೋಜಯತ್। ಸಾ ತು ರೂಪಂ ಚ ಗಂಧಂ ಚ ಮಹರ್ಷೇಃ ಪ್ರವಿಚಿಂತ್ಯ ತಂ॥ 1-115-37 (5188) ನಾಕರೋದ್ವಚನಂ ದೇವ್ಯಾ ಭಯಾತ್ಸುರಸುತೋಪಮಾ। ತತಃಸ್ವೈರ್ಭೂಷಣೈರ್ದಾಸೀಂ ಭೂಷಯಿತ್ವಾಽಪ್ಸರೋಪಮಾಂ॥ 1-115-38 (5189) ಪ್ರೇಷಯಾಮಾಸ ಕೃಷ್ಣಾಯ ತತಃ ಕಾಶಿಪತೇಃ ಸುತಾ। ಸಾ ತಂ ತ್ವೃಷಿಮನುಪ್ರಾಪ್ತಂ ಪ್ರತ್ಯುದ್ಗಂಯಾಭಿವಾದ್ಯ ಚ॥ 1-115-39 (5190) ಸಂವಿವೇಶಾಭ್ಯನುಜ್ಞಾತಾ ಸತ್ಕೃತ್ಯೋಪಚಚಾರ ಹ। `ವಾಗ್ಭಾವೋಪಪ್ರದಾನೇನ ಗಾತ್ರಸಂಸ್ಪರ್ಶನೇನ ಚ॥' 1-115-40 (5191) ಕಾಮೋಪಭೋಗೇನ ರಹಸ್ತಸ್ಯಾಂ ತುಷ್ಟಿಮಗಾದೃಷಿಃ। ತಯಾ ಸಹೋಷಿತೋ ರಾಜನ್ಮಹರ್ಷಿಃ ಸಂಶಿತವ್ರತಃ॥ 1-115-41 (5192) ಉತ್ತಿಷ್ಠನ್ನಬ್ರವೀದೇನಾಮಭುಜಿಷ್ಯಾ ಭವಿಷ್ಯಸಿ। ಅಯಂ ಚ ತೇ ಶುಭೇ ಗರ್ಭಃ ಶ್ರೇಯಾನುದರಮಾಗತಃ। ಧರ್ಮಾತ್ಮಾ ಭವಿತಾ ಲೋಕೇ ಸರ್ವಬುದ್ಧಿಮತಾಂ ವರಃ॥ 1-115-42 (5193) ಸ ಜಜ್ಞೇ ವಿದುರೋ ನಾಮ ಕೃಷ್ಣದ್ವೈಪಾಯನಾತ್ಮಜಃ। ಧೃತರಾಷ್ಟ್ರಸ್ಯ ವೈ ಭ್ರಾತಾ ಪಾಂಡೋಶ್ಚೈವ ಮಹಾತ್ಮನಃ॥ 1-115-43 (5194) ಧರ್ಮೋ ವಿದುರರೂಪೇಣ ಶಾಪಾತ್ತಸ್ಯ ಮಹಾತ್ಮನಃ। ಮಾಂಡವ್ಯಸ್ಯಾರ್ಥತತ್ತ್ವಜ್ಞಃ ಕಾಮಕ್ರೋಧವಿವರ್ಜಿತಃ॥ 1-115-44 (5195) ಕೃಷ್ಣದ್ವೈಪಾಯನೋಽಪ್ಯೇತತ್ಸತ್ಯವತ್ಯೈ ನ್ಯವೇದಯತ್। ಪ್ರಲಂಭಮಾತ್ಮನಶ್ಚೈವ ಶೂದ್ರಾಯಾಃ ಪುತ್ರಜನ್ಮ ಚ॥ 1-115-45 (5196) ಸ ಧರ್ಮಸ್ಯಾನೃಣೋ ಭೂತ್ವಾ ಪುನರ್ಮಾತ್ರಾ ಸಮೇತ್ಯ ಚ। ತಸ್ಯೈ ಗರ್ಭಂ ಸಮಾವೇದ್ಯ ತತ್ರೈವಾಂತರಧೀಯತ॥ 1-115-46 (5197) ಏತೇ ವಿಚಿತ್ರವೀರ್ಯಸ್ಯ ಕ್ಷೇತ್ರೇ ದ್ವೈಪಾಯನಾದಪಿ। ಜಜ್ಞಿರೇ ದೇವಗರ್ಭಾಭಾಃ ಕುರುವಂಶವಿವರ್ಧನಾಃ॥ ॥ 1-115-47 (5198) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಪಂಚಾದಶಾಧಿಕಶತತಮೋಽಧ್ಯಾಯಃ॥ 115 ॥

1-116-0 (5199) ಜನಮೇಜಯ ಉವಾಚ। 1-116-0x (705) ಕಿಂ ಕೃತಂ ಕರ್ಮ ಧರ್ಮೇಣ ಯೇನ ಶಾಪಮುಪೇಯಿವಾನ್। ಕಸ್ಯ ಶಾಪಾಚ್ಚ ಬ್ರಹ್ಮರ್ಷೇಃ ಶೂದ್ರಯೋನಾವಜಾಯತ॥ 1-116-1 (5200) ವೈಶಂಪಾಯನ ಉವಾಚ। 1-116-2x (706) ಬಭೂವ ಬ್ರಾಹ್ಮಣಃ ಕಶ್ಚಿನ್ಮಾಂಡವ್ಯ ಇತಿ ವಿಶ್ರುತಃ। ಧೃತಿಮಾನ್ಸರ್ವಧರ್ಮಜ್ಞಃ ಸತ್ಯೇ ತಪಸಿ ಚ ಸ್ಥಿತಃ॥ 1-116-2 (5201) `ಸ ತೀರ್ಥಯಾತ್ರಾಂ ವಿಚರನ್ನಾಜಗಾಮ ಯದೃಚ್ಛಯಾ। ಸಂನಿಕೃಷ್ಟಾನಿ ತೀರ್ಥಾನಿ ಗ್ರಾಮಾಣಾಂ ಯಾನಿ ಕಾನಿ ಚ। ತತ್ರಾಶ್ರಮಪದಂ ಕೃತ್ವಾ ವಸತಿ ಸ್ಮ ಮಹಾಮುನಿಃ॥' 1-116-3 (5202) ಸ ಆಶ್ರಮಪದದ್ವಾರಿ ವೃಕ್ಷಮೂಲೇ ಮಹಾತಪಾಃ। ಊರ್ಧ್ವಬಾಹುರ್ಮಹಾಯೋಗೀ ತಸ್ಥೌ ಮೌನವ್ರತಾನ್ವಿತಃ॥ 1-116-4 (5203) ತಸ್ಯ ಕಾಲೇನ ಮಹತಾ ತಸ್ಮಿಂಸ್ತಪಸಿ ವರ್ತತಃ। ತಮಾಶ್ರಮಮನುಪ್ರಾಪ್ತಾ ದಸ್ಯವೋ ಲೋಪ್ತ್ರಹಾರಿಣಃ॥ 1-116-5 (5204) ಅನುಸಾರ್ಯಮಾಣಾ ಬಹುಭೀ ರಕ್ಷಿಭಿರ್ಭರತರ್ಷಭ। `ತಾಮೇವ ವಸತಿಂ ಜಗ್ಮುಸ್ತೇ ಗ್ರಾಮಾಲ್ಲೋಪ್ತ್ರಹಾರಿಣಃ॥ 1-116-6 (5205) ಯಸ್ಮಿನ್ನಾವಸಥೇ ಶೇತೇ ಸ ಮುನಿಃ ಸಂಶಿತವ್ರತಃ।' ತೇ ತಸ್ಯಾವಸಥೇ ಲೋಪ್ತ್ರಂ ದಸ್ಯವಃ ಕುರುಸತ್ತಮ॥ 1-116-7 (5206) ನಿಧಾಯ ಚ ಭಯಾಲ್ಲೀನಾಸ್ತತ್ರೈವಾನಾಗತೇ ಬಲೇ। ತೇಷು ಲೀನೇಷ್ವಥೋ ಶೀಘ್ರಂ ತತಸ್ತದ್ರಕ್ಷಿಣಾಂ ಬಲಂ॥ 1-116-8 (5207) ಆಜಗಾಮ ತತೋಽಪಶ್ಯಂಸ್ತಮೃಷಿಂ ತಸ್ಕರಾನುಗಾಃ। ತಮಪೃಚ್ಛಂಸ್ತತೋ ರಾಜಂಸ್ತಥಾವೃತ್ತಂ ತಪೋಧನಂ॥ 1-116-9 (5208) ಕತರೇಣ ಪಥಾ ಯಾತಾ ದಸ್ಯವೋ ದ್ವಿಜಸತ್ತಮ। ತೇನ ಗಚ್ಛಾಮಹೇ ಬ್ರಹ್ಮನ್ಯಥಾ ಶೀಘ್ರತರಂ ವಯಂ॥ 1-116-10 (5209) ತಥಾ ತು ರಕ್ಷಿಮಾಂ ತೇಷಾಂ ಬ್ರುವತಾಂ ಸ ತಪೋಧನಃ। ನ ಕಿಂಚಿದ್ವಚನಂ ರಾಜನ್ನಬ್ರವೀತ್ಸಾಧ್ವಸಾಧು ವಾ॥ 1-116-11 (5210) ತತಸ್ತೇ ರಾಜಪುರುಷಾ ವಿಚಿನ್ವಾನಾಸ್ತಮಾಶ್ರಮಂ। ದದೃಶುಸ್ತತ್ರ ಲೀನಾಂಸ್ತಾಂಶ್ಚೋರಾಂಸ್ತದ್ದ್ರವ್ಯಮೇವ ಚ॥ 1-116-12 (5211) ತತಃ ಶಂಕಾ ಸಮಭವದ್ರಕ್ಷಿಣಾಂ ತಂ ಮುನಿಂ ಪ್ರತಿ। ಸಂಯಂಯೈನಂ ತತೋ ರಾಜ್ಞೇ ದಸ್ಯೂಂಶ್ಚೈವ ನ್ಯವೇದಯನ್॥ 1-116-13 (5212) ತಂ ರಾಜಾ ಸಹ ತೈಶ್ಚೋರೈರನ್ವಶಾದ್ವಧ್ಯತಾಮಿತಿ। ಸ ರಕ್ಷಿಭಿಸ್ತೈರಜ್ಞಾತಃ ಶೂಲೇ ಪ್ರೋತೋ ಮಹಾತಪಾಃ॥ 1-116-14 (5213) ತತಸ್ತೇ ಶೂಲಮಾರೋಪ್ಯ ತಂ ಮುನಿಂ ರಕ್ಷಿಣಸ್ತದಾ। ಪ್ರತಿಜಗ್ಮುರ್ಮಹೀಪಾಲಂ ಧನಾನ್ಯಾದಾಯ ತಾನ್ಯಥ॥ 1-116-15 (5214) ಶೂಲಸ್ಥಃ ಸ ತು ಧರ್ಮಾತ್ಮಾ ಕಾಲೇನ ಮಹತಾ ತತಃ। ನಿರಾಹಾರೋಽಪಿ ವಿಪ್ರರ್ಷಿರ್ಮರಣಂ ನಾಭ್ಯಪದ್ಯತ॥ 1-116-16 (5215) ಧಾರಯಾಮಾಸ ಚ ಪ್ರಾಣಾನೃಷೀಂಶ್ಚ ಸಮುಪಾನಯತ್। ಶೂಲಾಗ್ರೇ ತಪ್ಯಮಾನೇನ ತಪಸ್ತೇನ ಮಹಾತ್ಮನಾ॥ 1-116-17 (5216) ಸಂತಾಪಂ ಪರಮಂ ಜಗ್ಮುರ್ಮುನಯಸ್ತಪಸಾಽನ್ವಿತಾಃ। ತೇ ರಾತ್ರೌ ಶಕುನಾ ಭೂತ್ವಾ ಸನ್ನಿಪತ್ತ್ಯ ತು ಭಾರತ। ದರ್ಶಂತೋ ಯಥಾಶಕ್ತಿ ತಮಪೃಚ್ಛಂದ್ವಿಜೋತ್ತಮಂ॥ 1-116-18 (5217) ಶ್ರೋತುಮಿಚ್ಛಾಮಹೇ ಬ್ರಹ್ಮನ್ಕಿಂ ಪಾಪಂ ಕೃತವಾನಸಿ। ಯೇನೇಹ ಸಮನುಪ್ರಾಪ್ತಂ ಶೂಲೇ ದುಃಖಭಯಂ ಮಹತ್॥ ॥ 1-116-19 (5218) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಷೋಡಶಾಧಿಕಶತತಮೋಽಧ್ಯಾಯಃ॥ 116 ॥

1-117-0 (5219) ವೈಶಂಪಾಯನ ಉವಾಚ। 1-117-0x (707) ತತಃ ಸ ಮುನಿಶಾರ್ದೂಲಸ್ತಾನುವಾಚ ತಪೋಧನಾನ್। ದೋಷತಃ ಕಂ ಗಮಿಷ್ಯಾಮಿ ನ ಹಿ ಮೇಽನ್ಯೋಪರಾಧ್ಯತಿ॥ 1-117-1 (5220) ತಂ ದೃಷ್ಟ್ವಾ ರಕ್ಷಿಣಸ್ತತ್ರ ತಥಾ ಬಹುತಿಥೇಽಹನಿ। ನ್ಯವೇದಯಂಸ್ತಥಾ ರಾಜ್ಞೇ ಯಥಾವೃತ್ತಂ ನರಾಧಿಪ॥ 1-117-2 (5221) ರಾಜಾ ಚ ತಮೃಷಿಂ ಶ್ರುತ್ವಾ ನಿಷ್ಕ್ರಂಯ ಸಹ ಮಂತ್ರಿಭಿಃ। ಪ್ರಸಾದಯಾಮಾಸ ತದಾ ಶೂಲಸ್ಥಮೃಷಿಸತ್ತಮಂ॥ 1-117-3 (5222) ಪ್ರಜೋವಾಚ। 1-117-4x (708) ಯನ್ಮಯಾಽಪಕೃತಂ ಮೋಹಾದಜ್ಞಾನಾದೃಷಿಸತ್ತಮ। ಪ್ರಸಾದಯೇ ತ್ವಾಂ ತತ್ರಾಹಂ ನ ಮೇ ತ್ವಂ ಕ್ರೋದ್ಧುಮರ್ಹಸಿ॥ 1-117-4 (5223) ವೈಶಂಪಾಯನ ಉವಾಚ। 1-117-5x (709) ಏವಮುಕ್ತಸ್ತತೋ ರಾಜ್ಞಾ ಪ್ರಸಾದಮಕರೋನ್ಮುನಿಃ। ಕೃತಪ್ರಸಾದಂ ರಾಜಾ ತಂ ತತಃ ಸಮವತಾರಯತ್॥ 1-117-5 (5224) ಅವತಾರ್ಯ ಚ ಶೂಲಾಗ್ರಾತ್ತಚ್ಛೂಲಂ ನಿಶ್ಚಕರ್ಷ ಹ। ಅಶಕ್ನುವಂಶ್ಚ ನಿಷ್ಕ್ರಷ್ಟುಂ ಶೂಲಂ ಮೂಲೇ ಸ ಚಿಚ್ಛಿದೇ॥ 1-117-6 (5225) ಸ ತಥಾಂತರ್ಗತೇನೈವ ಶೂಲೇನ ವ್ಯಚರನ್ಮುನಿಃ। ಕಂಠಪಾರ್ಶ್ವಾಂತರಸ್ಥೇನ ಶಂಕುನಾ ಮುನಿರಾಚತ್। ಪುಷ್ಪಭಾಜನಧಾರೀ ಸ್ಯಾದಿತಿ ಚಿಂತಾಪರೋಽಭವತ್॥' 1-117-7 (5226) ಸ ಚಾತಿತಪಸಾ ಲೋಕಾನ್ವಿಜಿಗ್ಯೇ ದುರ್ಲಭಾನ್ಪರೈಃ॥ 1-117-8 (5227) ಅಣೀಮಾಂಡವ್ಯ ಇತಿ ಚ ತತೋ ಲೋಕೇಷು ಗೀಯತೇ। ಸ ಗತ್ವಾ ಸದನಂ ವಿಪ್ರೋ ಧರ್ಮಸ್ಯ ಪರಮಾರ್ಥವಿತ್॥ 1-117-9 (5228) ಆಸನಸ್ಥಂ ತತೋ ಧರ್ಮಂ ದೃಷ್ಟ್ವೋಪಾಲಭತ ಪ್ರಭುಂ। ಕಿಂ ನು ತದ್ದುಷ್ಕೃತಂ ಕರ್ಮ ಮಯಾ ಕೃತಮಜಾನತಾ॥ 1-117-10 (5229) ಯಸ್ಯೇಯಂ ಫಲನಿರ್ವೃತ್ತಿರೀದೃಶ್ಯಾಸಾದಿತಾ ಮಯಾ। ಶೀಘ್ರಮಾಚಕ್ಷ್ವ ಮೇ ತತ್ತ್ವಂ ಪಶ್ಯ ಮೇ ತಪಸೋ ಬಲಂ॥ 1-117-11 (5230) ಧರ್ಮ ಉವಾಚ। 1-117-12x (710) ಪತಂಗಿಕಾನಾಂ ಪುಚ್ಛೇಷು ತ್ವಯೇಷೀಕಾ ಪ್ರವೇಶಿತಾ। ಕರ್ಮಣಸ್ತಸ್ಯ ತೇ ಪ್ರಾಪ್ತಂ ಫಲಮೇತತ್ತಪೋಧನ॥ 1-117-12 (5231) ಸ್ವಲ್ಪಮೇವ ಯಥಾ ದತ್ತಂ ದಾನಂ ಬಹುಗುಣಂ ಭವೇತ್। ಅಧರ್ಮ ಏವಂ ವಿಪ್ರರ್ಷೇ ಬಹುದುಃಖಫಲಪ್ರದಃ॥ 1-117-13 (5232) ಅಣೀಮಾಂಡವ್ಯ ಉವಾಚ। 1-117-14x (711) ಕಸ್ಮಿನ್ಕಾಲೇ ಮಯಾ ತತ್ತು ಕೃತಂ ಬ್ರೂಹಿ ಯಥಾತಥಂ। ತೇನೋಕ್ತಂ ಧರ್ಮರಾಜೇನ ಬಾಲಭಾವೇ ತ್ವಯಾ ಕೃತಂ॥ 1-117-14 (5233) ಅಣೀಮಾಂಡವ್ಯ ಉವಾಚ। 1-117-15x (712) ಬಾಲೋ ಹಿ ದ್ವಾದಶಾದ್ವರ್ಷಾಜ್ಜನ್ಮತೋ ಯತ್ಕರಿಷ್ಯತಿ। ನ ಭವಿಷ್ಯತ್ಯಧರ್ಮೋಽತ್ರ ನ ಪ್ರಜ್ಞಾಸ್ಯತಿ ವೈ ದಿಶಃ॥ 1-117-15 (5234) ಅಲ್ಪೇಽಪರಾಧೇಽಪಿ ಮಹಾನ್ಮಮ ದಂಡಸ್ತ್ವಯಾ ಧೃತಃ। ಗರೀಯಾನ್ಬ್ರಾಹ್ಮಣವಧಃ ಸರ್ವಭೂತವಧಾದಪಿ॥ 1-117-16 (5235) ಶೂದ್ರಯೋನಾವತೋ ಧರ್ಮ ಮಾನುಷಃ ಸಂಭವಿಷ್ಯಸಿ। ಮರ್ಯಾದಾಂ ಸ್ಥಾಪಯಾಂಯದ್ಯ ಲೋಕೇ ಕರ್ಮಫಲೋದಯಾಂ॥ 1-117-17 (5236) ಆ ಚತುರ್ದಶಕಾದ್ವರ್ಷಾನ್ನ ಭವಿಷ್ಯತಿ ಪಾತಕಂ। ಪರತಃ ಕುರ್ವತಾಮೇವ ದೋಷ ಏವ ಭವಿಷ್ಯತಿ॥ 1-117-18 (5237) ವೈಶಂಪಾಯನ ಉವಾಚ। 1-117-19x (713) ಏತೇನ ತ್ವಪರಾಧೇನ ಶಾಪಾತ್ತಸ್ಯ ಮಹಾತ್ಮನಃ। ಧರ್ಮೋ ವಿದುರರೂಪೇಣ ಶೂದ್ರಯೋನಾವಜಾಯತ॥ 1-117-19 (5238) ಧರ್ಮೇ ಚಾರ್ಥೇ ಚ ಕುಶಲೋ ಲೋಭಕ್ರೋಧವಿವರ್ಜಿತಃ। ದೀರ್ಘದರ್ಶೀ ಶಮಪರಃ ಕುರೂಣಾಂ ಚ ಹಿತೇ ರತಃ॥ ॥ 1-117-20 (5239) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಸಪ್ತದಶಾಧಿಕಶತತಮೋಽಧ್ಯಾಯಃ॥ 117 ॥

1-118-0 (5240) ವೈಶಂಪಾಯನ ಉವಾಚ। 1-118-0x (714) `ಧೃತರಾಷ್ಟ್ರೇ ಚ ಪಾಂಡೌ ಚ ವಿದುರೇ ಚ ಮಹಾತ್ಮನಿ।' ಏಷು ತ್ರಿಷು ಕುಮಾರೇಷು ಜಾತೇಷು ಕುರುಜಾಂಗಲಂ। ಕುರವೋಽಥ ಕುರುಕ್ಷೇತ್ರಂ ತ್ರಯಮೇತದವರ್ಧತ॥ 1-118-1 (5241) ಊರ್ಧ್ವಸಸ್ಯಾಽಭವದ್ಭೂಮಿಃ ಸಸ್ಯಾನಿ ಫಲವಂತಿ ಚ। ಯಥರ್ತುವರ್ಷೀ ಪರ್ಜನ್ಯೋ ಬಹುಪುಷ್ಪಫಲಾ ದ್ರುಮಾಃ॥ 1-118-2 (5242) ವಾಹನಾನಿ ಪ್ರಹೃಷ್ಟಾನಿ ಮುದಿತಾ ಮೃಗಪಕ್ಷಿಣಃ। ಗಂಧವಂತಿ ಚ ಮಾಲ್ಯಾನಿ ರಸವಂತಿ ಫಲಾನಿ ಚ॥ 1-118-3 (5243) ವಣಿಗ್ಭಿಶ್ಚಾನ್ವಕೀರ್ಯಂತ ನಗರಾಣ್ಯಥ ಶಿಲ್ಪಿಭಿಃ। ಶೂರಾಶ್ಚ ಕೃತವಿದ್ಯಾಶ್ಚ ಸಂತಶ್ಚ ಸುಖಿನೋಽಭವನ್॥ 1-118-4 (5244) ನಾಭವಂದಸ್ಯವಃ ಕೇಚಿನ್ನಾಧರ್ಮರುಚಯೋ ಜನಾಃ। ಪ್ರದೇಶೇಷ್ವಪಿ ರಾಷ್ಟ್ರಾಣಾಂ ಕೃತಂ ಯುಗಮವರ್ತತ॥ 1-118-5 (5245) ಧರ್ಮಕ್ರಿಯಾ ಯಜ್ಞಶೀಲಾಃ ಸತ್ಯವ್ರತಪರಾಯಣಾಃ। ಅನ್ಯೋನ್ಯಪ್ರೀತಿಸಂಯುಕ್ತಾ ವ್ಯವರ್ಧಂತ ಪ್ರಜಾಸ್ತದಾ॥ 1-118-6 (5246) ಮಾನಕ್ರೋಧವಿಹೀನಾಶ್ಚ ನರಾ ಲೋಭವಿವರ್ಜಿತಾಃ। ಅನ್ಯೋನ್ಯಮಭ್ಯನಂದಂತ ಧರ್ಮೋತ್ತರಮವರ್ತತ॥ 1-118-7 (5247) ತನ್ಮಹೋದಧಿವತ್ಪೂರ್ಣಂ ನಗರಂ ವೈ ವ್ಯರೋಚತ। ದ್ವಾರತೋರಣನಿರ್ಯೂಹೈರ್ಯುಕ್ತಮಭ್ರಚಯೋಪಮೈಃ॥ 1-118-8 (5248) ಪ್ರಸಾದಶತಸಂಬಾಧಂ ಮಹೇಂದ್ರಪುರಸನ್ನಿಭಂ। ನದೀಷು ವನಖಂಡೇಷು ವಾಪೀಪಲ್ವಲಸಾನುಷು। ಕಾನನೇಷು ಚ ರಂಯೇಷು ವಿಜಹ್ರುರ್ಮುದಿತಾ ಜನಾಃ॥ 1-118-9 (5249) ಉತ್ತರೈಃ ಕುರುಭಿಃ ಸಾರ್ಧಂ ದಕ್ಷಿಣಾಃ ಕುರವಸ್ತಥಾ। ವಿಸ್ಪರ್ಧಮಾನಾ ವ್ಯಚರಂಸ್ತಥಾ ದೇವರ್ಷಿಚಾರಣೈಃ॥ 1-118-10 (5250) ನಾಭವತ್ಕೃಪಣಃ ಕಶ್ಚಿನ್ನಾಭವನ್ವಿಧವಾಃ ಸ್ತ್ರಿಯಃ। ತಸ್ಮಿಂಜನಪದೇ ರಂಯೇ ಕುರುಭಿರ್ಬಹುಲೀಕೃತೇ॥ 1-118-11 (5251) ಕೂಪಾರಾಮಸಭಾವಾಪ್ಯೋ ಬ್ರಾಹ್ಮಣಾವಸಥಾಸ್ತಥಾ। ಬಭೂವುಃ ಸರ್ವರ್ದ್ಧಿಯುತಾಸ್ತಸ್ಮಿನ್ರಾಷ್ಟ್ರೇ ಸದೋತ್ಸವಾಃ॥ 1-118-12 (5252) ಭೀಷ್ಮೇಣ ಧರ್ಮತೋ ರಾಜನ್ಸರ್ವತಃ ಪರಿರಕ್ಷಿತೇ। ಬಭೂವ ರಮಣೀಯಶ್ಚ ಚೈತ್ಯಯೂಪಶತಾಂಕಿತಃ॥ 1-118-13 (5253) ಸ ದೇಶಃ ಪರರಾಷ್ಟ್ರಾಣಿ ವಿಮೃಜ್ಯಾಭಿಪ್ರವರ್ಧಿತಃ। ಭೀಷ್ಮೇಣ ವಿಹಿತಂ ರಾಷ್ಟ್ರೇ ಧರ್ಮಚಕ್ರಮವರ್ತತ॥ 1-118-14 (5254) ಕ್ರಿಯಮಾಣೇಷು ಕೃತ್ಯೇಷು ಕುಮಾರಾಣಾಂ ಮಹಾತ್ಮನಾಂ। ಪೌರಜಾನಪದಾಃ ಸರ್ವೇ ಬಭೂವುಃ ಪರಮೋತ್ಸುಕಾಃ॥ 1-118-15 (5255) ಗೃಹೇಷು ಕುರುಮುಖ್ಯಾನಾಂ ಪೌರಾಣಾಂ ಚ ನರಾಧಿಪ। ದೀಯತಾಂ ಭುಜ್ಯತಾಂ ಚೇತಿ ವಾಚೋಽಶ್ರೂಯಂತ ಸರ್ವಶಃ॥ 1-118-16 (5256) ಧೃತರಾಷ್ಟ್ರಶ್ಚ ಪಾಂಡುಶ್ಚ ವಿದುರಶ್ಚ ಮಹಾಮತಿಃ। ಜನ್ಮಪ್ರಭೃತಿ ಭೀಷ್ಮೇಣ ಪುತ್ರವತ್ಪರಿಪಾಲಿತಾಃ॥ 1-118-17 (5257) ಸಂಸ್ಕಾರೈಃ ಸಂಸ್ಕೃತಾಸ್ತೇ ತು ವ್ರತಾಧ್ಯಯನಸಂಯುತಾಃ। ಶ್ರಮವ್ಯಾಯಾಮಕುಶಲಾಃ ಸಮಪದ್ಯಂತ ಯೌವನಂ॥ 1-118-18 (5258) ಧನುರ್ವೇದೇ ಚ ವೇದೇ ಚ ಗದಾಯುದ್ಧೇಽಸಿಚರ್ಮಣಿ। ತಥೈವ ಗಜಶಿಕ್ಷಾಯಾಂ ನೀತಿಶಾಸ್ತ್ರೇಷು ಪಾರಗಾಃ॥ 1-118-19 (5259) ಇತಿಹಾಸಪುರಾಣೇಷು ನಾನಾಶಿಕ್ಷಾಸು ಬೋಧಿತಾಃ। ವೇದವೇದಾಂಗತತ್ತ್ವಜ್ಞಾಃ ಸರ್ವತ್ರ ಕೃತನಿಶ್ಚಯಾಃ॥ 1-118-20 (5260) `ವೈದಿಕಾಧ್ಯಯನೇ ಯುಕ್ತೋ ನೀತಿಶಾಸ್ತ್ರೇಷು ಪಾರಗಃ। ಭೀಷ್ಮೇಣ ರಾಜಾ ಕೌರವ್ಯೋ ಧೃತರಾಷ್ಟ್ರೋಽಭಿಷೇಚಿತಃ॥ 1-118-21 (5261) ಧನುರ್ವೇದೇಽಶ್ವಪೃಷ್ಠೇ ಚ ಗದಾಯುದ್ಧೇಽಸಿಚರ್ಮಣಿ। ತಥೈವ ಗಜಶಿಕ್ಷಾಯಾಮಸ್ತ್ರೇಷು ವಿವಿಧೇಷು ಚ॥ 1-118-22 (5262) ಅರ್ಥಧರ್ಮಪ್ರಧಾನಾಸು ವಿದ್ಯಾಸು ವಿವಿಧಾಸು ಚ। ಗತಃ ಪಾರಂ ಯದಾ ಪಾಂಡುಸ್ತದಾ ಸೇನಾಪತಿಃ ಕೃತಃ॥' 1-118-23 (5263) ಪಾಂಡುರ್ಧನುಷಿ ವಿಕ್ರಾಂತೋ ನರೇಷ್ವಭ್ಯದಿಕೋಽಭವತ್। ಅನ್ಯೇಭ್ಯೋ ಬಲವಾನಾಸೀದ್ಧೃತರಾಷ್ಟ್ರೋ ಮಹೀಪತಿಃ॥ 1-118-24 (5264) ಅಮಾತ್ಯೋ ಮನುಜೇಂದ್ರಸ್ಯ ಬಾಲ ಏವ ಯಶಸ್ವಿನಃ। ಭೀಷ್ಮೇಣ ಸರ್ವಧರ್ಮಾಣಾಂ ಪ್ರಣೇತಾ ವಿದುರಃ ಕೃತಃ॥ 1-118-25 (5265) `ಸರ್ವಶಾಸ್ತ್ರಾರ್ಥತತ್ತ್ವಜ್ಞೋ ಬುದ್ಧಿಮೇಧಾಪಟುರ್ಯುವಾ। ಭಾವೇನಾಗಮಯುಕ್ತೇನ ಸರ್ವಂ ವೇದಯತೇ ಜಗತ್॥' 1-118-26 (5266) ತ್ರಿಷು ಲೋಕೇಷು ನ ತ್ವಾಸೀತ್ಕಶ್ಚಿದ್ವಿದುರಸಂಮಿತಃ। ಧರ್ಮನಿತ್ಯಸ್ತಥಾ ರಾಜಂಧರ್ಮಂ ಚ ಪರಮಂ ಗತಃ॥ 1-118-27 (5267) ಪ್ರನಷ್ಟಂ ಶಾಂತನೋರ್ವಂಶಂ ಸಮೀಕ್ಷ್ಯ ಪುನರುದ್ಧೃತಂ। ತತೋ ನಿರ್ವಚನಂ ಲೋಕೇ ಸರ್ವರಾಷ್ಟ್ರೇಷ್ವವರ್ತತ॥ 1-118-28 (5268) ವೀರಸೂನಾಂ ಕಾಶಿಸುತೇ ದೇಶಾನಾಂ ಕುರುಜಾಂಗಲಂ। ಸರ್ವಧ್ರಮವಿದಾಂ ಭೀಷ್ಮಃ ಪುರಾಣಾಂ ಗಜಸಾಹ್ವಯಂ॥ 1-118-29 (5269) ಧೃತರಾಷ್ಟ್ರಸ್ತ್ವಚಕ್ಷುಷ್ಟ್ವಾದ್ರಜ್ಯಂ ನ ಪ್ರತ್ಯಪದ್ಯತ। ಪಾರಸವತ್ವಾದ್ವಿದುರೋ ರಾಜಾ ಪಾಂಡುರ್ಬಭೂವ ಹ॥ 1-118-30 (5270) `ಅಥ ಶುಶ್ರಾವ ವಿಪ್ರೇಭ್ಯಃ ಕುಂತಿಭೋಜಮಹೀಪತೇಃ। ರೂಪಯೌವನಸಂಪನ್ನಾಂ ಸುತಾಂ ಸಾಗರಗಾಸುತಃ॥ 1-118-31 (5271) ಸುಬಲಸ್ಯ ಚ ಕಲ್ಯಾಣೀಂ ಗಾಂಧಾರಾಧಿಪತೇಃ ಸುತಾಂ। ಸುತಾಂ ಚ ಮದ್ರರಾಜಸ್ಯ ರೂಪೇಣಾಪ್ರತಿಮಾಂ ಭುವಿ॥' 1-118-32 (5272) ಕದಾಚಿದಥ ಗಾಂಗೇಯಃ ಸರ್ವನೀತಿಮತಾಂ ವರಃ। ವಿದುರಂ ಧರ್ಮತತ್ತ್ವಜ್ಞಂ ವಾಕ್ಯಮಾಹ ಯಥೋಚಿತಂ॥ ॥ 1-118-33 (5273) ಇತಿ ಶ್ರೀಮನ್ಮಹಾಭಾರತೇ ಆದಿಪರ್ವಣಿ ಸಂಭವಪರ್ವಣಿ ಅಷ್ಟಾದಶಾಧಿಕಶತತಮೋಽಧ್ಯಾಯಃ॥ 118 ॥