Kumbhaghonam Edition in Kannada Script
2. ಸಭಾಪರ್ವ
ಸಭಾಪರ್ವ - ಅಧ್ಯಾಯ 001
॥ ಶ್ರೀಃ ॥
2.1. ಅಧ್ಯಾಯಃ 001
Mahabharata - Sabha Parva - Chapter Topics
ಮಯಸ್ಯಾರ್ಜುನಂಪ್ರತಿ ಪ್ರತ್ಯುಪಕಾರಪ್ರಾರ್ಥನಾ॥ 1॥ ಕೃಷ್ಣೇ ಉಪಕೃತೇ ಅಹಮುಪಕೃತ ಮಯಂಪ್ರತಿ ಅರ್ಜುನಸ್ಯೋಕ್ತಿಃ॥ 2॥ ಕೃಷ್ಣಾಜ್ಞಯ ಮಯೇನ ಸಭಾನಿರ್ಮಾಣಾರಂಭಃ॥ 3॥Mahabharata - Sabha Parva - Chapter Text
2-1-0 (11255)
॥ ಶ್ರೀವೇದವ್ಯಾಸಾಯ ನಮಃ॥ 2-1-0x (1373)
`ನಾರಾಯಣಂ ನಮಸ್ಕೃತ್ಯ ನರಂ ಚೈವ ನರೋತ್ತಮಂ।
ದೇವೀಂ ಸರಸ್ವತೀಂ ಚೈವ (ವ್ಯಾಸಂ)ತತೋ ಜಯಮುದೀರಯೇತ್॥ 2-1-1 (11256)
ಜನಮೇಜಯ ಉವಾಚ। 2-1-2x (1374)
ಅರ್ಜುನೋ ಜಯತಾಂ ಶ್ರೇಷ್ಠೋ ಮೋಚಯಿತ್ವಾ ಮಯಂ ತದಾ।
ಕಿಂ ಚಕಾರ ಮಹಾತೇಜಾಸ್ತನ್ಮೇ ಬ್ರೂಹಿ ದ್ವಿಜೋತ್ತಮ ॥ 2-1-2 (11257)
ವೈಶಂಪಾಯನ ಉವಾಚ। 2-1-3x (1375)
ಶೃಣು ರಾಜನ್ನವಹಿತಶ್ಚರಿತಂ ಪೂರ್ವಕಸ್ಯ ತೇ।
ಮೋಕ್ಷಯಿತ್ವಾ ಮಯಂ ತತ್ರ ಪಾರ್ಥಃ ಶಸ್ತ್ರಭೃತಾಂ ವರಃ॥ 2-1-3 (11258)
ಗಾಂಡಿವಂ ಕಾರ್ಮುಕಶ್ರೇಷ್ಠಂ ತೂಣೀ ಚಾಕ್ಷಯಸಾಯಕೌ।
ದಿವ್ಯಾನ್ಯಸ್ತ್ರಾಣಿ ರಾಜೇಂದ್ರ ದುರ್ಲಭಾನಿ ನೃಪೈರ್ಭುವಿ॥ 2-1-4 (11259)
ರಥಧ್ವಜಪತಾಕಾಶ್ಚ ಶ್ವೇತಾಶ್ವಾಂಶ್ಚ ಸ ವೀರ್ಯವಾನ್।
ಏತಾನಿ ಪಾವಕಾತ್ಪ್ರಾಪ್ಯ ಮುದಾ ಪರಮಯಾ ಯುತಃ।
ತಸ್ಥೌ ಪಾರ್ಥೋ ಮಹಾವೀರ್ಯಸ್ತದಾ ಸಹ ಮಯೇನ ಸಃ'॥ 2-1-5 (11260)
ತತೋಽಬ್ರವೀನ್ಮಯಃ ಪಾರ್ಥಂ ವಾಸುದೇವಸ್ಯ ಸನ್ನಿಧೌ।
`ಪಾಂಡವೇನ ಪರಿತ್ರಾತಸ್ತತ್ಕೃತಂ ಪ್ರತ್ಯನುಸ್ಮರನ್'॥ 2-1-6 (11261)
ಪ್ರಾಂಜಲಿಃ ಶ್ಲಕ್ಷ್ಣಯಾ ವಾಚಾ ಪೂಜಯಿತ್ವಾ ಪುನಃ ಪುನಃ। 2-1-7 (11262)
ಮಯ ಉವಾಚ।
ಅಸ್ಮಾಚ್ಚ ಕೃಷ್ಣಾತ್ಸಂಕ್ರುದ್ಧಾತ್ಪಾವಕಾಚ್ಚ ದಿಧಕ್ಷತಃ॥ 2-1-7x (1376)
ತ್ವಯಾ ತ್ರಾತೋಽಸ್ಮಿ ಕೌಂತೇಯ ಬ್ರೂಹಿ ಕಿಂ ಕರವಾಣಿ ತೇ।
`ಅಹಂ ಹಿ ವಿಶ್ವಕರ್ಮಾ ವೈ ಅಸುರಾಣಾಂ ಪರಂತಪ॥ 2-1-8 (11263)
ತಸ್ಮಾತ್ತೇ ವಿಸ್ಮಯಂ ಕಿಂಚಿತ್ಕುರ್ಯಾಮನ್ಯೈಃ ಸುದುಷ್ಕರಂ॥ 2-1-9 (11264)
ವೈಶಂಪಾಯನ ಉವಾಚ। 2-1-10x (1377)
ಏವಮುಕ್ತೋ ಮಹಾವೀರ್ಯಃ ಪಾರ್ಥೋ ಮಾಯಾವಿದಂ ಮಯಂ।
ಧ್ಯಾತ್ವಾ ಮುಹೂರ್ತಂ ಕೌಂತೇಯಃ ಪ್ರಹಸನ್ವಾಕ್ಯಮಬ್ರವೀತ್'॥ 2-1-10 (11265)
ಕೃತಮೇವ ತ್ವಯಾ ಸರ್ವಂ ಸ್ವಸ್ತಿ ಗಚ್ಛ ಮಹಾಽಸುರ।
ಪ್ರೀತಿಮಾನ್ಭವ ಮೇ ನಿತ್ಯಂ ಪ್ರೀತಿಮಂತೋ ವಯಂ ಚ ತೇ॥ 2-1-11 (11266)
ಪ್ರೋಪಕಾರಾದರ್ಥಂ ಹಿ ನಾದಾಸ್ಯಾಮೀತಿ ಮೇ ವ್ರತಂ'। 2-1-12 (11267)
ಉವಾಚ।
ಯುಕ್ತಮೇತತ್ತ್ವಯಿ ವಿಭೋ ಯದಾತ್ಥ ಪುರುಷರ್ಷಭ॥ 2-1-12x (1378)
ಪ್ರೀತಿಪೂರ್ವಮಹಂ ಕಿಂಚಿತ್ಕರ್ತುಮಿಚ್ಛಾಮಿ ತೇಽರ್ಜುನ।
ಅಹಂ ಹಿ ವಿಶ್ವಕರ್ಮಾ ವೈ ದಾನವಾನಾಂ ಮಹಾಕವಿಃ॥ 2-1-13 (11268)
`ಸೋಽಹಂ ವೈ ತ್ವತ್ಕೃತೇ ಕಿಂಚಿತ್ಕರ್ತುಮಿಚ್ಛಾಮಿ ಪಾಂಡವ।
`ದಾನವಾನಾಂ ಪುರಾ ಪಾರ್ಥ ಪ್ರಾಸಾದಾ ಹಿ ಮಯಾ ಕೃತಾಃ॥ 2-1-14 (11269)
ರಂಯಾಣಿ ಸುಖಗರ್ಭಾಣಿ ಭೋಗಾಢ್ಯಾನಿ ಸಹಸ್ರಶಃ।
ಉದ್ಯಾನಾನಿ ಚ ರಂಯಾಣಿ ಸರಾಂಸಿ ವಿವಿಧಾನಿ ಚ॥ 2-1-15 (11270)
ವಿಚಿತ್ರಾಣಿ ಚ ವಸ್ತ್ರಾಣಿ ಕಾಮಗಾನಿ ರಥಾನಿ ಚ।
ನಗರಾಣಿ ವಿಶಾಲಾನಿ ಸಾಟ್ಟಪ್ರಾಕಾರವಂತಿ ಚ॥ 2-1-16 (11271)
ವಾಹನಾನಿ ಚ ಮುಖ್ಯಾನಿ ವಿಚಿತ್ರಾಣಿ ಸಹಸ್ರಶಃ।
ಬಿಲಾನಿ ರಮಣೀಯಾನಿ ಸುಖಯುಕ್ತಾನಿ ವೈ ಭೃಶಂ।
ಏತೇ ಕೃತಾ ಮಯಾ ತಸ್ಮಾದಿಚ್ಛಾಮಿ ಫಲ್ಗುನ'॥ 2-1-17 (11272)
ಅರ್ಜುನ ಉವಾಚ। 2-1-18x (1379)
ಪ್ರಾಣಕೃಚ್ಛ್ರಾದ್ವಿನಿರ್ಮುಕ್ತಮಾತ್ಮಾನಂ ಮನ್ಯಸೇ ಮಯಾ।
ಏವಂ ಗತೇ ನ ಶಕ್ಷ್ಯಾಮಿ ಕಿಂಚಿತ್ಕಾರಯಿತುಂ ತ್ವಯಾ॥ 2-1-18 (11273)
ನ ಚಾಪಿ ತವ ಸಂಕಲ್ಪಂ ಮೋಘಮಿಚ್ಛಾಮಿ ದಾನವ।
ಕೃಷ್ಣಸ್ಯ ಕ್ರಿಯತಾಂ ಕಿಂಚಿತ್ತಥಾ ಪ್ರತಿಕೃತಂ ಮಯಿ॥ 2-1-19 (11274)
ವೈಶಂಪಾಯನ ಉವಾಚ। 2-1-20x (1380)
ಚೋದಿತೋ ವಾಸುದೇವಸ್ತು ಮಯಂ ಪ್ರತಿ ನರರ್ಷಭ।
ಮುಹೂರ್ತಮಿವ ಸಂದಧ್ಯೌ ಕಿಮಯಂ ಚೋದ್ಯತಾಮಿತಿ॥ 2-1-20 (11275)
ತತೋ ವಿಚಿಂತ್ಯ ಮನಸಾ ಲೋಕನಾಥಃ ಪ್ರಜಾಪಿತಃ।
ಚೋದಯಾಮಾಸ ತಂ ಕೃಷ್ಣಃ ಸಭಾ ವೈ ಕ್ರಿಯತಾಮಿತಿ॥ 2-1-21 (11276)
ಯದಿ ತ್ವಂ ಕರ್ತುಕಾಮೋಽಸಿ ಪ್ರಿಯಂ ಶಿಲ್ಪವತಾಂ ವರ।
ಧರ್ಮರಾಜಸ್ಯ ದಯಿತಾಂ ಯಾದೃಶೀಮಿಹ ಮನ್ಯಸೇ॥ 2-1-22 (11277)
ಯಾಂ ಕ್ರಿಯಾಂ ನಾನುಕುರ್ಯುಸ್ತೇ ಮಾನವಾಃ ಪ್ರೇಕ್ಷ್ಯ ವಿಷ್ಠಿತಾಃ।
ಮನುಷ್ಯಲೋಕೇ ಸಕಲೇ ತಾದೃಶೀಂ ಕುರು ವೈ ಸಭಾಂ॥ 2-1-23 (11278)
ಯತ್ರ ದ್ವಿವ್ಯಾನಭಿಪ್ರಾಯಾನ್ಪಶ್ಯೇಮ ವಿಹಿತಾಂಸ್ತ್ವಯಾ।
ಆಸುರಾನ್ಮಾನುಪಾಂಶ್ಚೈವ ತಾದೃಶೀಂ ಕುರು ವೈ ಸಭಾಂ॥ 2-1-24 (11279)
ವೈಶಂಪಾಯನ ಉವಾಚ। 2-1-25x (1381)
ಪ್ರತಿಗೃಹ್ಯ ತು ತದ್ವಾಕ್ಯಂ ಸಂಪ್ರಹೃಷ್ಟೋ ಮಯಸ್ತದಾ।
ವಿಮಾನಪ್ರತಿಮಾಂ ಚಕ್ರೇ ಪಾಂಡವಸ್ಯ ಶುಭಾಂ ಸಭಾಂ॥ 2-1-25 (11280)
ತತಃ ಕೃಷ್ಣಶ್ಚ ಪಾರ್ಥಶ್ಚ ಧರ್ಮರಾಜೇ ಯುಧಿಷ್ಠಿರೇ।
ಸರ್ವಮೇತತ್ಸಮಾವೇದ್ಯ ದರ್ಶಯಾಮಾಸತುರ್ಮಯಂ॥ 2-1-26 (11281)
ತಸ್ಮೈ ಯುಧಿಷ್ಠಿರಃ ಪೂಜಾಂ ಯಥಾರ್ಹಮಕರೋತ್ತದಾ।
ಸ ತು ತಾಂ ಪ್ರತಿಜಗ್ರಾಹ ಮಯಃ ಸತ್ಕೃತ್ಯ ಭಾರತ॥ 2-1-27 (11282)
ಸ ಪೂರ್ವದೇವಚರಿತಂ ತದಾ ತತ್ರ ವಿಶಾಂಪತೇ।
ಕಥಯಾಮಾಸ ದೈತೇಯಃ ಪಾಂಡುಪುತ್ರೇಷು ಭಾರತ॥ 2-1-28 (11283)
ಸ ಕಾಲಂ ಕಂಚಿದಾಶ್ವಸ್ಯ ವಿಶ್ವಕರ್ಮಾ ವಿಚಿಂತ್ಯ ತು।
ಸಭಾಂ ಪ್ರಚಕಮೇ ಕರ್ತುಂ ಪಾಂಡವಾನಾಂ ಮಹಾತ್ಮನಾಂ॥ 2-1-29 (11284)
ಅಭಿಪ್ರಾಯೇಣ ಪಾರ್ಥಾನಾಂ ಕೃಷ್ಣಸ್ಯ ಚ ಮಹಾತ್ಮನಃ।
ಪುಣ್ಯೇಽಹನಿ ಮಹಾತೇಜಾಃ ಕೃತಕೌತುಕಮಂಗಲಃ॥ 2-1-30 (11285)
ತರ್ಪಯಿತ್ವಾ ದ್ವಿಜಶ್ರೇಷ್ಠಾನ್ಪಾಯಸೇನ ಸಹಸ್ರಶಃ।
ಧನಂ ಬಹುವಿಧಂ ದತ್ತ್ವಾ ತೇಭ್ಯ ಏವ ಚ ವೀರ್ಯವಾನ್॥ 2-1-31 (11286)
ಸರ್ವರ್ತುಗುಣಸಂಪನ್ನಾಂ ದಿವ್ಯರೂಪಾಂ ಮನೋರಮಾಂ।
ದಶಕಿಷ್ಕುಸಹಸ್ರಾಂ ತಾಂ ಮಾಪಯಾಮಾಸ ಸರ್ವತಃ॥ ॥ 2-1-31 (11287)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಮಂತ್ರಪರ್ವಣಿ ಪ್ರಥಮೋಽಧ್ಯಾಯಃ॥ 1॥
Mahabharata - Sabha Parva - Chapter Footnotes
2-1-1 ಸಭಾo 2-1-28 ಪೂರ್ವದೇವೋ ವೃಷಪರ್ವಾ ದಾನವಸ್ತಸ್ಯ ಚರಿತಂ ಬಿಂದುಸರಸಿ ಯಜ್ಞಕರಣಾದಿ ॥ಸಭಾಪರ್ವ - ಅಧ್ಯಾಯ 002
॥ ಶ್ರೀಃ ॥
2.2. ಅಧ್ಯಾಯಃ 002
Mahabharata - Sabha Parva - Chapter Topics
ದ್ವಾರಕಾಂ ಗಚ್ಛತಃ ಶ್ರೀಕೃಷ್ಣಸ್ಯ ಯುಧಿಷ್ಠರಾದಿಭಿಃ ಸಾರತ್ಯಾದಿಕರಣಂ॥ 1॥ ಅರ್ಧಯೋಜನಪರ್ಯಂತಂ ಗತಾನಾಂ ಕೃಷ್ಣಪಾಂಡವಾನಾಂ ಪರಸ್ಪರಾನುಜ್ಞಯಾ ಸ್ವಸ್ವಪುರಗಮನಂ॥2॥Mahabharata - Sabha Parva - Chapter Text
ವೈಶಂಪಾಯನ ಉವಾಚ।
ಉಷಿತ್ವಾ ಖಾಂಡವಪ್ರಸ್ಥೇ ಸುಖವಾಸಂ ಜನಾರ್ದನಃ।
ಪಾರ್ಥೈಃ ಪ್ರೀತಿಸಮಾಯುಕ್ತೈಃ ಪೂಜನಾರ್ಹೋಽಭಿಪೂಜಿತಃ॥ 2-2-1 (11288)
ಗಮನಾಯ ಮತಿಂ ಚಕ್ರೇ ಪಿತುರ್ದರ್ಶನಲಾಲಸಃ।
ಧರ್ಮರಾಜಮಥಾಮಂತ್ರ್ಯ ಪೃಥಾಂ ಚ ಪೃಥುಲೋಚನಃ॥ 2-2-2 (11289)
ವವಂದೇ ಚರಣೌ ಮೂರ್ಧ್ನಾ ಜಗದ್ವಂದ್ಯಃ ಪಿತೃಷ್ವಸುಃ।
ಸ ತಯಾ ಮೂರ್ಧ್ನ್ಯುಪಾಘ್ರಾತಃ ಪರಿಷ್ವಕ್ತಶ್ಚ ಕೇಶವಃ॥ 2-2-3 (11290)
ದದರ್ಶಾನಂತರಂ ಕೃಷ್ಣೋ ಭಗಿನೀಂ ಸ್ವಾಂ ಮಹಾಯಶಾಃ।
ತಾಮುಪೇತ್ಯ ಹೃಷೀಕೇಶಃ ಪ್ರೀತ್ಯಾ ಬಾಷ್ಪಸಮನ್ವಿತಃ॥ 2-2-4 (11291)
ಅರ್ಥ್ಯಂ ತಥ್ಯಂ ಹಿತಂ ವಾಕ್ಯಂ ಲಘು ಯುಕ್ತಮನುತ್ತರಂ।
ಉವಾಚ ಭಗವಾನ್ಭದ್ರಾಂ ಸುಭದ್ರಾಂ ಭದ್ರಭಾಷಿಣೀಂ॥ 2-2-5 (11292)
ತಯಾ ಸ್ವಜನಗಾಮೀನಿ ಶ್ರಾವಿತೋ ವಚನಾನಿ ಸಃ।
ಸಂಪೂಜಿತಶ್ಚಾಪ್ಯಸಕೃಚ್ಛಿರಸಾ ಚಾಭಿವಾದಿತಃ॥ 2-2-6 (11293)
ತಾಮನುಜ್ಞಾಯ ವಾರ್ಷ್ಣೇಯಃ ಪ್ರತಿನಂದ್ಯ ಚ ಭಾಮಿನೀಂ।
ದದರ್ಶಾನಂತರಂ ಕೃಷ್ಣಾಂ ಧೌಂಯಂ ಚಾಪಿ ಜನಾರ್ದನಃ॥ 2-2-7 (11294)
ವವಂದೇ ಚ ಯಥಾನ್ಯಾಯಂ ಧೌಂಯಂ ಪುರುಷಸತ್ತಮಃ।
ದ್ರೌಪದೀಂ ಸಾಂತ್ವಯಿತ್ವಾ ಚ ಸುಭದ್ರಾಂ ಪರಿದಾಯ ಚ॥ 2-2-8 (11295)
ಭ್ರಾತೃನಭ್ಯಗಮದ್ವಿದ್ವಾನ್ಪಾರ್ಥೇನ ಸಹಿತೋ ಬಲೀ।
ಭ್ರಾತೃಭಿಃ ಪಂಚಭಿಃ ಕೃಷ್ಣೋ ವೃತಃ ಶಕ್ರ ಇವಾಮರೈಃ॥ 2-2-9 (11296)
ಯಾತ್ರಾಕಾಲಸ್ಯ ಯೋಗ್ಯಾನಿ ಕರ್ಮಾಣಿ ಗರುಡಧ್ವಜಃ।
ಕರ್ತುಕಾಮಃ ಶುಚಿರ್ಭೂತ್ವಾ ಸ್ನಾತವಾನ್ಸಮಲಂಕೃತಃ॥ 2-2-10 (11297)
ಅರ್ಚಯಾಮಾಸ ದೇವಾಂಶ್ಚ ದ್ವಿಜಾಂಶ್ಚ ಯದುಪುಂಗವಃ।
ಮಾಲ್ಯಜಾಪ್ಯನಮಸ್ಕಾರೈರ್ಗಂಧೈರುಚ್ಚಾವಚೈರಪಿ॥ 2-2-11 (11298)
ಸ ಕೃತ್ವಾ ಸರ್ವಕಾರ್ಯಾಣಿ ಪ್ರತಸ್ಥೇ ತಸ್ಥುಪಾಂ ವರಃ।
ಉಪೇತ್ಯ ಸ ಯದುಶ್ರೇಷ್ಠೋ ಬಾಹ್ಯಕಕ್ಷಾದ್ವಿನಿರ್ಗತಃ॥ 2-2-12 (11299)
ಸ್ವಸ್ತಿ ವಾಚ್ಯಾರ್ಹತೋ ವಿಪ್ರಾಂದಧಿಪಾತ್ರಫಲಾಕ್ಷತೈಃ।
ವಸು ಪ್ರದಾಯ ಚ ತತಃ ಪ್ರದಕ್ಷಿಣಮಥಾಕರೋತ್॥ 2-2-13 (11300)
ಕಾಂಚನಂ ರಥಮಾಸ್ಥಾಯ ತಾರ್ಕ್ಷ್ಯಕೇತನಮಾಶುಗಂ।
ಗದಾಚಕ್ರಾಸಿಶಾರ್ಂಗಾದ್ಯೈರಾಯುಧೈರಾವೃತಂ ಶುಭಂ॥ 2-2-14 (11301)
ಸುತಿಥಾವಥ ನಕ್ಷತ್ರೇ ಮುಹೂರ್ತೇ ಚ ಗುಣಾನ್ವಿತೇ।
ಪ್ರಯಯೌ ಪುಂಡರೀಕಾಕ್ಷಃ ಶೈಬ್ಯಸುಗ್ರೀವವಾಹನಃ॥ 2-2-15 (11302)
ಅನ್ವಾರುರೋಹ ಚಾಪ್ಯೇನಂ ಪ್ರೇಂಣಾ ರಾಜಾ ಯುಧಿಷ್ಠಿರಃ।
ಅಪಾಸ್ಯ ಚಾಸ್ಯ ಯಂತಾರಂ ದಾರುಕಂ ಯಂತೃಸತ್ತಮಂ॥ 2-2-16 (11303)
ಅಭೀಷೂನ್ಸಂಪ್ರಜಗ್ರಾಹ ಸ್ವಯಂ ಕುರುಪತಿಸ್ತದಾ।
ಉಪಾರುಹ್ಯಾರ್ಜುನಶ್ಚಾಽಪಿ ಚಾಮರವ್ಯಜನಂ ಸಿತಂ॥ 2-2-17 (11304)
ರುಕ್ಮದಂಡಂ ಬೃಹದ್ಬಾಹುರ್ವಿದುಧಾವ ಪ್ರದಕ್ಷಿಣಂ।
ತಥೈವ ಭೀಮಸೇನೋಽಪಿ ರಥಮಾರುಹ್ಯ ವೀರ್ಯವಾನ್॥ 2-2-18 (11305)
`ಛತ್ರಂ ಶತಶಲಾಕಂ ಚ ದಿವ್ಯಮಾಲ್ಯೋಪಶೋಭಿತಂ।
ವೈಡೂರ್ಯಮಣಿದಂಡಂ ಚ ಚಾಮೀಕರವಿಭೂಷಿತಂ। 2-2-19 (11306)
ದಧಾರ ತರಸಾ ಭೀಮಃ ಮುಚ್ಛತ್ರಂ ಶಾರ್ಂಗಧನ್ವನೇ।
ಭೀಮಸೇನಾರ್ಜುನೌ ಚಾಪಿ ಯಮಾವರಿನಿಷೂದನೌ'॥ 2-2-20 (11307)
ಪೃಷ್ಠತೋಽನುಯಯುಃ ಕೃಷ್ಣಮೃತ್ವಿಕ್ಪೌರಜನೈರ್ವೃತಾ।
ಸ ತಥಾ ಭ್ರಾತೃಭಿಃ ಸರ್ವೈಃ ಕೇಶವಃ ಪರವೀರಹಾ॥ 2-2-21 (11308)
ಅನ್ವೀಯಮಾನಃ ಶುಶುಭೇ ಶಿಷ್ಯೈರಿವ ಗುರುಃ ಪ್ರಿಯೈಃ।
`ಅಭಿಮನ್ಯುಂ ಚ ಸೌಭದ್ರಂ ವೃದ್ಧೈಃ ಪರಿವೃತಸ್ತಥಾ॥ 2-2-22 (11309)
ರಥಮಾರೋಪ್ಯ ನಿರ್ಯಾತೋ ಧೌಂಯೋ ಬ್ರಾಹ್ಮಣಪುಂಗವಃ।
ಇಂದ್ರಪ್ರಸ್ಥಮತಿಕ್ರಂಯ ಕ್ರೋಶಮಾತ್ರಂ ಮಹಾದ್ಯುತಿಃ'।
ಪಾರ್ಥಮಾಮಂತ್ರ್ಯ ಗೋವಿಂದಃ ಪರಿಷ್ವಜ್ಯ ಸುಪೀಡಿತಂ ॥ 2-2-23 (11310)
ಯುಧಿಷ್ಠರಂ ಪೂಜಯಿತ್ವಾ ಭೀಮಸೇನಂ ಯಮೌ ತಥಾ।
ಪರಿಷ್ವಕ್ತೋ ಭೃಶಂ ತೈಸ್ತು ಯಮಾಭ್ಯಾಮಭಿವಾದಿತಃ॥ 2-2-24 (11311)
ಯೋಜನಾರ್ಧಮಥೋ ಗತ್ವಾ ಕೃಷ್ಣಃ ಪರಪುರಂಜಯಃ।
ಯುಧಿಷ್ಠಿರಂ ಸಮಾಮಂತ್ರ್ಯ ನಿವರ್ತಸ್ವೇತಿ ಭಾರತ॥ 2-2-25 (11312)
ತತೋಽಭಿವಾದ್ಯ ಗೋವಿಂದಃ ಪಾದೌ ಜಗ್ರಾಹ ಧರ್ಮವಿತ್।
ಉತ್ಥಾಪ್ಯ ಧರ್ಮರಾಜಸ್ತು ಮೂರ್ಧ್ನ್ಯುಪಾಘ್ರಾಯ ಕೇಶವಂ॥ 2-2-26 (11313)
ಪಾಂಡವೋ ಯಾದವಶ್ರೇಷ್ಠಂ ಕೃಷ್ಣಂ ಕಮಲಲೋಚನಂ।
ಗಂಯತಾಮಿತ್ಯನುಜ್ಞಾಪ್ಯ ಧರ್ಮರಾಜೋ ಯುಧಿಷ್ಠಿರಃ॥ 2-2-27 (11314)
ತತಸ್ತೈಃ ಸಂವಿದಂ ಕೃತ್ವಾ ಯಥಾವನ್ಮಧುಸೂದನಃ।
ನಿವರ್ತ್ಯ ಚ ತಥಾ ಕೃಚ್ಛ್ರಾತ್ಪಾಂಡವಾನ್ಸಪದಾನುಗಾನ್॥ 2-2-28 (11315)
ಸ್ವಾಂ ಪುರೀಂ ಪ್ರಯಯೌ ಹೃಷ್ಟೋ ಯಥಾ ಶಕ್ರೋಽಮರಾವತೀಂ॥
ಲೋಚನೈರನುಜಗ್ಮುಸ್ತೇ ತಮಾದೃಷ್ಟಿಪಥಾತ್ತದಾ॥ 2-2-29 (11316)
ಮನೋಭಿರನುಜಗ್ಮುಸ್ತೇ ಕೃಷ್ಣಂ ಪ್ರೀತಿಸಮನ್ವಯಾತ್।
ಅತೃಪ್ತಮನಸಾಮೇವ ತೇಷಾಂ ಕೇಶವದರ್ಶನೇ॥ 2-2-30 (11317)
ಕ್ಷಿಪ್ರಮಂತರ್ದಧೇ ಶೌರಿಶ್ಚಕ್ಷುಷಾಂ ಪ್ರಿಯದರ್ಶನಃ।
ಅಕಾಮಾ ಏವ ಪಾರ್ಥಾಸ್ತೇ ಗೋವಿಂದಗಮಾನಸಾಃ॥ 2-2-31 (11318)
ನಿವೃತ್ಯೋಪಯಯುಸ್ತೂರ್ಣಂ ಸ್ವಂ ಪುರಂ ಪುರುಷರ್ಷಭಾಃ।
ಸ್ಯಂದನೇನಾಥ ಕೃಷ್ಣೋಽಪಿ ತ್ವರಿತಂ ದ್ವಾರಕಾಮಗಾತ್॥ 2-2-32 (11319)
ಸಾತ್ವತೇನ ಚ ವೀರೇಣ ಪೃಷ್ಠತೋ ಯಾಯಿನಾ ತದಾ।
ದಾರುಕೇಣ ಚ ಸೂತೇನ ಸಹಿತೋ ದೇವಕೀಸುತಃ।
ಸ ಗತೋ ದ್ವಾರಕಾಂ ವಿಷ್ಣುರ್ಗರುತ್ಮಾನಿವ ವೇಗವಾನ್॥ 2-2-33 (11320)
ವೈಶಂಪಾಯನ ಉವಾಚ। 2-2-34x (1382)
ನಿವೃತ್ಯ ಧರ್ಮರಾಜಸ್ತು ಸಹ ಭ್ರಾತೃಭಿರಚ್ಯುತಃ।
ಸುಹೃತ್ಪರಿವೃತೋ ರಾಜಾ ಪ್ರವಿವೇಶ ಪುರೋತ್ತಮಂ॥ 2-2-34 (11321)
ವಿಸೃಜ್ಯ ಸುಹೃದಃ ಸರ್ವಾನ್ಭ್ರಾತೄನ್ಪುತ್ರಾಂಶ್ಚ ಧರ್ಮರಾಟ್।
ಮುಮೋದ ಪುರುಷವ್ಯಾಘ್ರೋ ದ್ರೌಪದ್ಯಾ ಸಹಿತೋ ನೃಪ॥ 2-2-35 (11322)
ಕೇಶವೋಪಿ ಮುದಾ ಯುಕ್ತಃ ಪ್ರವಿವೇಶ ಪುರೋತ್ತಮಂ।
ಪೂಜ್ಯಮಾನೋ ಯದುಶ್ರೇಷ್ಠೈರುಗ್ರಸೇನಮುಖೈಸ್ತಥಾ॥ 2-2-36 (11323)
ಆಹುಕಂ ಪಿತರಂ ವೃದ್ಧಂ ಮಾತರಂ ಚ ಯಶಸ್ವಿನೀಂ।
ಅಭಿವಾದ್ಯ ಬಲಂ ಚೈವ ಸ್ಥಿತಃ ಕಮಲಲೋಚನಃ॥ 2-2-37 (11324)
ಪ್ರದ್ಯುಂನಸಾಂಬನಿಶಠಾಂಶ್ಚರುದೇಷ್ಣಂ ಗದಂ ತಥಾ।
ಅನಿರುದ್ಧಂ ಚ ಭಾನುಂ ಚ ಪರಿಷ್ವಜ್ಯ ಜನಾರ್ದನಃ॥ 2-2-38 (11325)
ಸ ವೃದ್ಧೈರಭ್ಯನುಜ್ಞಾತೋ ರುಕ್ಮಿಣ್ಯಾ ಭವನಂ ಯಯೌ।
`ಸ ತತ್ರ ಭವನೇ ದಿವ್ಯೇ ಪ್ರಮುಮೋದ ಸುಖೀ ಸುಖಂ॥ 2-2-39 (11326)
ಏತಸ್ಮಿನ್ನಂತರೇ ರಾಜನ್ಮಯೋ ದೈತ್ಯಾಧಿಪಸ್ತದಾ।
ವಿಧಿವತ್ಕಲ್ಪಯಾಮಾಸ ಸಭಾಂ ಧರ್ಮಸುತಾಯ ವೈ॥ ॥ 2-2-40 (11327)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಮಂತ್ರಪರ್ವಣಿ ದ್ವಿತೀಯೋಽಧ್ಯಾಯಃ॥ 2॥
ಸಭಾಪರ್ವ - ಅಧ್ಯಾಯ 003
॥ ಶ್ರೀಃ ॥
2.3. ಅಧ್ಯಾಯಃ 003
Mahabharata - Sabha Parva - Chapter Topics
ಸಭಾನಿರ್ಮಾಣಸಾಮಗ್ರ್ಯಾನಯನಾಯ ಬಿಂದುಸರಃ ಪ್ರತಿ ಮಯಸ್ಯ ಗಮನಂ॥1॥ ಗದಾಶಂಖಾಭ್ಯಾಂ ಸಹ ಸಾಮಗ್ರೀಂ ಗೃಹೀತ್ವಾ ಮಯಸ್ಯ ಖಾಂಡವಪ್ರಸ್ಥಾಗಮನಂ॥ 2॥ ಭೀಮಾರ್ಜುನಯೋಃ ಗದಾಶಂಖದಾನಂ ಸಭಾನಿರ್ಮಾಣಂ ಚ॥ 3॥Mahabharata - Sabha Parva - Chapter Text
ವೈಶಂಪಾಯನ ಉವಾಚ।
ಅಥಾಬ್ರವೀನ್ಮಯಃ ಪಾರ್ಥಮರ್ಯುನಂ ಜಯತಾಂ ವರಂ।
ಆಪೃಚ್ಛೇ ತ್ವಾಂ ಗಮಿಷ್ಯಾಮಿ ಪುನರೇಷ್ಯಾಮಿ ಚಾಪ್ಯಹಂ॥ 2-3-1 (11328)
`ವಿಶ್ರುತಾಂ ತ್ರಿಷು ಲೋಕೇಷು ಪಾರ್ಥ ದಿವ್ಯಾಂ ಸಭಾಂ ತವ।
ಪ್ರಾಣಿನಾಂ ವಿಸ್ಮಯಕರೀಂ ತವ ಪ್ರಿಯವಿವರ್ಧಿನೀಂ।
ಪಾಂಡವಾನಾಂ ಚ ಸರ್ವೇಷಾಂ ಕರಿಷ್ಯಾಮಿ ಧನಂಜಯ'॥ 2-3-2 (11329)
ಉತ್ತರೇಣ ತು ಕೈಲಾಸಂ ಮೈನಾಕಂ ಪರ್ವತಂ ಪ್ರತಿ।
ಯಿಯಕ್ಷಮಾಣೇಷು ಪುರಾ ದಾನವೇಷು ಮಯಾ ಕೃತಂ॥ 2-3-3 (11330)
ಚಿತ್ರಂ ಮಣಿಮಯಂ ಭಾಂಡಂ ರಂಯಂ ಬಿಂದುಸಾರಃ ಪ್ರತಿ।
ಸಭಾಯಾಂ ಸತ್ಯಸಂಧಸ್ಯ ಯದಾಸೀದ್ವೃಷಪರ್ವಣಃ॥ 2-3-4 (11331)
ಆಗಮಿಷ್ಯಾಮಿ ತದ್ಗೃಹ್ಯ ಯದಿ ತಿಷ್ಠತಿ ಭಾರತ।
ತತಃ ಸಭಾಂ ಕರಿಷ್ಯಾಮಿ ಪಾಂಡವಸ್ಯ ಯಶಸ್ವಿನೀಂ॥ 2-3-5 (11332)
ಮನಃ ಪ್ರಹ್ಲಾದಿನೀಂ ಚಿತ್ರಾಂ ಸರ್ವರತ್ನವಿಭೂಷಿತಾಂ।
ಅಸ್ತಿ ಬಿಂದುಸಾರಸ್ಯುಗ್ರಾ ಗದಾ ಚ ಕುರುನಂದನ॥ 2-3-6 (11333)
ನಿಹಿತಾ ಯೌವನಾಶ್ವೇನ ರಾಜ್ಞಾ ಹತ್ವಾ ರಣೇ ರಿಪೂನ್।
ಸುವರ್ಣಬಿಂದುಭಿಶ್ಚಿತ್ರಾ ಗುರ್ವೀ ಭಾರಸಹಾ ದೃಢಾ॥ 2-3-7 (11334)
ಸಾ ವೈ ಶತಸಹಸ್ರಸ್ಯ ಸಂಮಿತಾ ಶತ್ರುಘಾತಿನೀ।
ಅನುರೂಪಾ ಚ ಭೀಮಸ್ಯ ಗಾಂಡೀವಂ ಭವತೋ ಯಥಾ॥ 2-3-8 (11335)
ವಾರುಣಶ್ಚ ಮಹಾಶಂಖೋ ದೇವದತ್ತಃ ಸುಘೋಷವಾನ್।
ಸರ್ವಮೇತತ್ಪ್ರದಾಸ್ಯಾಮಿ ಭವತೇ ನಾತ್ರ ಸಂಶಯಃ॥ 2-3-9 (11336)
ವೈಶಂಪಾಯನ ಉವಾಚ। 2-3-10x (1383)
ಇತ್ಯುಕ್ತ್ವಾ ಸೋಽಸುರಃ ಪಾರ್ಥಂ ಪ್ರಾಗುದೀಚೀಂ ದಿಶಂ ಗತಃ।
ಅಥೋತ್ತರೇಣ ಕೈಲಾಸಾನ್ಮೈನಾಕಂ ಪರ್ವತಂ ಪ್ರತಿ॥ 2-3-10 (11337)
ಹಿರಣ್ಯಶೃಂಗಃ ಸುಮಹಾನ್ಮಹಾಮಣಿಮಯೋ ಗಿರಿಃ।
ರಂಯಂ ಬಿಂದುಸರೋ ನಾಮ ಯತ್ರ ರಾಜಾ ಭಗೀರಥಃ॥ 2-3-11 (11338)
ದ್ರುಷ್ಟುಂ ಭಾಗೀರಥೀಂ ಗಂಗಾಮುವಾಸ ಬಹುಲಾಃ ಸಮಾಃ।
ಯತ್ರೇಷ್ಟಂ ಸರ್ವಭೂತಾನಾಮೀಶ್ವರೇಣ ಮಹಾತ್ಮನಾ॥ 2-3-12 (11339)
ಆಹೃತಾಃ ಕ್ರತವೋ ಮುಖ್ಯಾಃ ಶತಂ ಭರತಸತ್ತಮ।
ಯತ್ರ ಯೂಪಾ ಮಣಿಮಯಾಶ್ಚೈತ್ಯಾಶ್ಚಾಪಿ ಹಿರಣ್ಮಯಾಃ॥ 2-3-13 (11340)
ಶೋಭಾರ್ಥಂ ವಿಹಿತಾಸ್ತತ್ರ ನ ತು ದೃಷ್ಟಾಂತತಃ ಕೃತಾಃ।
ಯತ್ರೇಷ್ಟ್ವಾ ಸ ಗತಃ ಸಿದ್ಧಿಂ ಸಹಸ್ರಾಕ್ಷಃ ಶಚೀಪತಿಃ॥ 2-3-14 (11341)
ಯತ್ರ ಭೂತಪತಿಃ ಸೃಷ್ಟ್ವಾ ಸರ್ವಾಂʼಲ್ಲೋಕಾನ್ಸನಾತನಃ।
ಅಪಸ್ಯತೇ ತಿಗ್ಮತೇಜಾಃ ಸ್ಥಿತೋ ಭೂತೈಃ ಸಹಸ್ರಶಃ॥ 2-3-15 (11342)
ನರನಾರಾಯಣೌ ಬ್ರಹ್ಮಾ ಯಮಃ ಸ್ಥಾಣುಶ್ಚ ಪಂಚಮಃ।
ಉಪಾಸತೇ ಯತ್ರ ಪರಂ ಸಹಸ್ರಯುಗಪರ್ಯಯೇ॥ 2-3-16 (11343)
ಯತ್ರೇಷ್ಟಂ ವಾಸುದೇವೇನ ಸತ್ತ್ರೈರ್ವರ್ಷಗಣಾನ್ಬಹೂನ್।
ಶ್ರದ್ದಧಾನೇನ ಸತತಂ ಧರ್ಮಸಂಪ್ರತಿಪತ್ತಯೇ॥ 2-3-17 (11344)
ಸುವರ್ಣಮಾಲಿನೋ ಯೂಪಾಶ್ಚೈತ್ಯಾಶ್ಚಾಪ್ಯತಿಭಾಸ್ವರಾಃ।
ದದೌ ಯತ್ರ ಸಹಸ್ರಾಣಿ ಪ್ರಯುತಾನಿ ಚ ಕೇಶವಃ॥ 2-3-18 (11345)
ತತ್ರ ಗತ್ವಾ ಸ ಜಗ್ರಾಹ ಗದಾಂ ಶಂಖಂ ಚ ಭಾರತ।
`ತಸ್ಮಾದ್ಗಿರೇರುಪಾದಾಯ ಶಿಲಾಃ ಸುರುಚಿರಾವಹಾಃ'।
ಸ್ಫಾಟಿಕಂ ಚ ಸಭಾದ್ರವ್ಯಂ ಯದಾಸೀದ್ವೃಷಪರ್ವಣಃ॥ 2-3-19 (11346)
ಕಿಂಕರೈಃ ಸಹ ರಕ್ಷೋಭಿರ್ಯದರಕ್ಷನ್ಮಹದ್ಧನಂ।
ತದಗೃಹ್ಣಾನ್ಮಯಸ್ತತ್ರ ಗತ್ವಾ ಸರ್ವಂ ಮಹಾಽಸುರಃ॥ 2-3-20 (11347)
ತದಾಹೃತ್ಯ ಚ ತಾಂ ಚಕ್ರೇ ಸೋಽಸುರೋಽಪ್ರತಿಮಾಂ ಸಭಾಂ।
ವಿಶ್ರುತಾಂ ತ್ರಿಷು ಲೋಕೇಷು ದಿವ್ಯಾಂ ಮಣಿಮಯೀಂ ಶುಭಾಂ॥ 2-3-21 (11348)
ಗದಾಂ ಚ ಭೀಮಸೇನಾಯ ಪ್ರವರಾಂ ಪ್ರದದೌ ತದಾ।
ದೇವದತ್ತಂ ಚಾರ್ಜುನಾಯ ಶಂಖಪ್ರವರಮುತ್ತಮಂ॥ 2-3-22 (11349)
ಯಸ್ಯ ಶಂಖಸ್ಯ ನಾದೇನ ಭೂತಾನಿ ಪ್ರಚಕಂಪಿರೇ।
`ಸ ಕಾಲಂ ಕಂಚಿದಾಶ್ವಸ್ಯ ವಿಶ್ವಕರ್ಮಾ ವಿಚಿಂತ್ಯ ಚ॥ 2-3-23 (11350)
ಸಭಾಂ ಪ್ರಚಕ್ರಮೇ ಕರ್ತುಂ ಪಾಂಡವಾನಾಂ ಮಹಾತ್ಮನಾಂ।
ಅಭಿಪ್ರಾಯೇಣ ಪಾರ್ಥಾನಾಂ ಕೃಷ್ಣಸ್ಯ ಚ ಮಹಾತ್ಮನಃ॥ 2-3-24 (11351)
ಸರ್ವರ್ತುಗುಣಸಂಪನ್ನಾಂ ದಿವ್ಯರೂಪಾಮಲಂಕೃತಾಂ।
ತರ್ಪಯಿತ್ವಾ ದ್ವಿಜಶ್ರೇಷ್ಠಾನ್ಪಾಯಸೇನ ಸಹಸ್ರಶಃ।
ಸಭಾ ಚ ಸಾ ಮಹಾರಾಜ ಶಾತಕುಂಭಮಯದ್ರುಮಾ॥ 2-3-25 (11352)
ದಶಕಿಷ್ಕುಸಹಸ್ರಾಣಿ ಸಮಂತಾದಾಯತಾಭವತ್।
ಯಥಾ ವಹ್ನೇರ್ಯಥಾರ್ಕಸ್ಯ ಸೋಮಸ್ಯ ಚ ಯಥಾ ಸಭಾ॥ 2-3-26 (11353)
ಭ್ರಾಜಮಾನಾ ತಥಾಽತ್ಯರ್ಥಂ ದಧಾರ ಪರಮಂ ವಪುಃ।
ಅಭಿಘ್ನತೀವ ಪ್ರಭಯಾ ಪ್ರಭಾಮರ್ಕಸ್ಯ ಭಾಸ್ವರಾಂ॥ 2-3-27 (11354)
ಪ್ರಬಭೌ ಜ್ವಲಮಾನೇವ ದಿವ್ಯಾ ದಿವ್ಯೇನ ವರ್ಚಸಾ।
ನವಮೇಘಪ್ರತೀಕಾಶಾ ದಿವಮಾಕೃತ್ಯ ವಿಷ್ಠಿತಾ।
ಆಯತಾ ವಿಪುಲಾ ರಂಯಾ ವಿಪಾಪ್ಮಾ ವಿಗತಕ್ಲಮಾ ॥ 2-3-28 (11355)
ಉತ್ತಮದ್ರವ್ಯಸಂಪನ್ನಾ ರತ್ನಪ್ರಾಕಾರತೋರಣಾ।
ಬಹುಚಿತ್ರಾ ಬಹುಧನಾ ಸುಕೃತಾ ವಿಶ್ವಕರ್ಮಣಾ॥ 2-3-29 (11356)
ನ ದಾಶಾರ್ಹೀ ಸುಧರ್ಮಾ ವಾ ಬ್ರಹ್ಮಣೋ ವಾಥ ತಾದೃಶೀ।
ಸಭಾ ರೂಪೇಣ ಸಂಪನ್ನಾ ಯಾಂ ಚಕ್ರೇ ಮತಿಮಾನ್ಮಯಃ॥ 2-3-30 (11357)
ತಾಂ ಸ್ಮ ತತ್ರ ಮಯೇನೋಕ್ತಾ ರಕ್ಷಂತಿ ಚ ವಹಂತಿ ಚ।
ಸಭಾಮಷ್ಟೌ ಸಹಸ್ರಾಣಿ ಕಿಂಕರಾ ನಾಮ ರಾಕ್ಷಸಾಃ॥ 2-3-31 (11358)
ಅಂತರಿಕ್ಷಚರಾ ಘೋರಾ ಮಹಾಕಾಯಾ ಮಹಾಬಲಾಃ।
ರಕ್ತಾಕ್ಷಾಃ ಪಿಂಗಲಾಕ್ಷಾಶ್ಚ ಶುಕ್ತಿಕರ್ಣಾಃ ಪ್ರಹಾರಿಣಃ॥ 2-3-32 (11359)
ತಸ್ಯಾಂ ಸಭಾಯಾಂ ನಲಿನೀಂ ಚಕಾರಾಪ್ರತಿಮಾಂ ಮಯಃ।
ವೈದೂರ್ಯಪತ್ರವಿತತಾಂ ಮಣಿನಾಲಮಯಾಂಬುಜಾಂ॥ 2-3-33 (11360)
ಪದ್ಮಸೌಗಂಧಿಕವತೀಂ ನಾನಾದ್ವಿಜಗಣಾಯುತಾಂ।
ಪುಷ್ಪಿತೈಃ ಪಂಕಜೈಶ್ಚಿತ್ರಾಂ ಕೂರ್ಮೈರ್ಮತ್ಸ್ಯೈಶ್ಚ ಕಾಂಚನೈಃ।
ಚಿತ್ರಸ್ಫಟಿಕಸೋಪಾನಾಂ ನಿಷ್ಪಂಕಸಲಿಲಾಂ ಶುಭಾಂ॥ 2-3-34 (11361)
ಮಂದಾನಿಲಸಮುದ್ಧೂತಾಂ ಮುಕ್ತಾಬಿಂದುಭಿರಾಚಿತಾಂ।
ಮಹಾಮಣಿಶಿಲಾಪಟ್ಟಬದ್ಧಪರ್ಯಂತವೇದಿಕಾಂ॥ 2-3-35 (11362)
ಮಣಿರತ್ನಚಿತಾಂ ತಾಂ ತು ಕೇಚಿದಭ್ಯೇತ್ಯ ಪಾರ್ಥಿವಾಃ।
ದೃಷ್ಟ್ವಾಪಿ ನಾಭ್ಯಜಾನಂತ ತೇಽಜ್ಞಾನಾತ್ಪ್ರಪತಂತ್ಯುತ ॥ 2-3-36 (11363)
ತಾಂ ಸಭಾಮಭಿತೋ ನಿತ್ಯಂ ಪುಷ್ಪವಂತೋ ಮಹಾದ್ರುಮಾಃ।
ಆಸನ್ನಾನಾವಿಧಾ ಲೋಲಾಃ ಶೀತಚ್ಛಾಯಾ ಮನೋರಮಾಃ॥ 2-3-37 (11364)
ಕಾನನಾನಿ ಸುಗಂಧೀನಿ ಪುಷ್ಕರಿಣ್ಯಶ್ಚ ಸರ್ವಶಃ।
ಹಂಸಕಾರಂಡವೋಪೇತಾಶ್ಚಕ್ರವಾಕೋಪಶೋಭಿತಾಃ॥ 2-3-38 (11365)
ಜಲಜಾನಾಂ ಚ ಪದ್ಮಾನಾಂ ಸ್ಥಲಜಾನಾಂ ಚ ಸರ್ವಶಃ।
ಮಾರುತೋ ಗಂಧಮಾದಾಯ ಪಾಂಡವಾನ್ಸ್ಮ ನಿಷೇವತೇ॥ 2-3-39 (11366)
ಈದೃಶೀಂ ತಾಂ ಸಭಾಂ ಕೃತ್ವಾ ಮಾಸೈಃ ಪರಿಚತುರ್ದಶೈಃ।
ನಿಷ್ಠಿತಾಂ ಧರ್ಮರಾಜಾಯ ಮಯೋ ರಾಜನ್ನ್ಯವೇದಯತ್॥ ॥ 2-3-40 (11367)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ತೃತೀಯೋಽಧ್ಯಾಯಃ॥ 3॥
ಸಭಾಪರ್ವ - ಅಧ್ಯಾಯ 004
॥ ಶ್ರೀಃ ॥
2.4. ಅಧ್ಯಾಯಃ 004
Mahabharata - Sabha Parva - Chapter Topics
ಬ್ರಾಹ್ಮಣಾನ್ಭೋಜಯಿತ್ವಾ ಯುಧಿಷ್ಠಿರಸ್ಯ ಸಭಾಪ್ರವೇಶಃ॥1॥ ಋಷೀಣಾಂ ಕ್ಷತ್ರಿಯಾಣಾಂ ದೇವಗಂಧರ್ವಾದೀನಾಂ ಚ ತತ್ರೋಪವೇಶನಂ॥ 2॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
`ತಾಂ ತು ಕೃತ್ವಾ ಸಭಾಂ ಶ್ರೇಷ್ಠಾಂ ಮಯಶ್ಚಾರ್ಜುನಮಬ್ರವೀತ್।
ಭೂತಾನಾಂ ಚ ಮಹಾವೀರ್ಯೋ ಧ್ವಜಾಗ್ರೇ ಕಿಂಕರೋ ಗಣಃ॥ 2-4-1 (11368)
ತವ ವಿಷ್ಫಾರಘೋಷೇಣ ಮೇಘವನ್ನಿನದಿಷ್ಯತಿ।
ಅಯಂ ಹಿ ಸೂರ್ಯಸಂಕಾಶೋ ಜ್ವಲನಸ್ಯ ರಥೋ ಮಹಾನ್॥ 2॥ 2-4-2 (11369)
ಇಮೇ ಚ ದಿವಿಜಾಃ ಶ್ವೇತಾ ವೀರ್ಯವಂತೋ ಹಯೋತ್ತಮಾಃ।
ಮಾಯಾಮಯಃ ಕೃತೋ ಹ್ಯೇಷ ಧ್ವಜೋ ವಾನರಲಕ್ಷಣಃ॥ 2-4-3 (11370)
ಅಸಜ್ಜಮಾನೋ ವೃಕ್ಷೇಷು ಧೂಮಕೇತುರಿವೋಚ್ಛ್ರಿತಃ।
ಬಹುವರ್ಣಂ ಹಿ ಲಕ್ಷ್ಯೇತ ಧ್ವಜಂ ವಾನರಲಕ್ಷಣಂ॥ 2-4-4 (11371)
ಧ್ವಜೋತ್ಕಟಂ ಹ್ಯನವಮಂ ಯುದ್ಧೇ ದ್ರಕ್ಷ್ಯಸಿ ವಿಷ್ಠಿತಂ।
ಏವ ವೀರಃ ಸವ್ಯಸಾಚಿಂಧ್ವಜಸ್ಯಾಂತೇ ಭವಿಷ್ಯತಿ॥ 2-4-5 (11372)
ವೈಶಂಪಾಯನ ಉವಾಚ। 2-4-6x (1384)
ಇತ್ಯುಕ್ತ್ವಾಽಽಲಿಂಗ್ಯ ವೀಭತ್ಸುಂ ವಿಸೃಷ್ಟಃ ಪ್ರಯಯೌ ಮಯಃ'। 2-4-6 (11373)
ತತಃ ಪ್ರವೇಶನಂ ತಸ್ಯಾಂ ಚಕ್ರೇ ರಾಜಾ ಯುಧಿಷ್ಠಿರಃ।
ಅಯುತಂ ಭೋಜಯಿತ್ವಾ ತು ಬ್ರಾಹ್ಮಣಾನಾಂ ನರಾಧಿಪಃ॥ 2-4-7 (11374)
ಸಾಜ್ಯೇನ ಪಾಯಸೇನೈವ ಮಧುನಾ ಮಿಶ್ರಿತೇನ ಚ।
ಭಕ್ಷ್ಯೈರ್ಮೂಲೈಃ ಫಲೈಶ್ಚೈವ ಮಾಂಸೈರ್ವಾರಾಹಹಾರಿಣೈಃ।
ಕೃಸರೇಣಾಥ ಜೀವಂತ್ಯಾ ಹವಿಷ್ಯೇಣ ಚ ಸರ್ವಶಃ॥ 2-4-8 (11375)
ಮಾಂಸಪ್ರಕಾರೈರ್ವಿವಿಧೈಃ ಖಾದ್ಯೈಶ್ಚಾಪಿ ತಥಾ ನೃಪ।
ಚೋಷ್ಯೈಶ್ಚ ವಿವಿಧೈ ರಾಜನ್ಪೇಯೈಶ್ಚ ಬಹುವಿಸ್ತರೈಃ॥ 2-4-9 (11376)
ಅಹತೈಶ್ಚೈವ ವಾಸೋಭಿರ್ಮಾಲ್ಯೈರುಚ್ಚಾವಚೈರಪಿ।
ತರ್ಪಯಾಮಾಸ ವಿಪ್ರೇಂದ್ರಾನ್ನಾನಾದಿಗ್ಭ್ಯಃ ಸಮಾಗತಾನ್॥ 2-4-10 (11377)
ದದೌ ತೇಭ್ಯಃ ಸಹಸ್ರಾಣಿ ಗವಾಂ ಪ್ರತ್ಯೇಕಶಃ ಪುನಃ।
ಪುಣ್ಯಾಹಘೋಷಸ್ತತ್ರಾಸೀದ್ದಿವಸ್ಪೃಗಿವ ಭಾರತ॥ 2-4-11 (11378)
ವಾದಿತ್ರೈರ್ವಿವಿಧೈರ್ದಿವ್ಯೈರ್ಗಂಧೈರುಚ್ಚಾವಚೈರಪಿ।
ಪೂಜಯಿತ್ವಾ ಕುರುಶ್ರೇಷ್ಠೋ ದೇವತಾನಿ ನಿವೇಶ್ಯ ಚ॥ 2-4-12 (11379)
ತತ್ರ ಮಲ್ಲಾ ನಟಾ ಝಲ್ಲಾಃ ಸೂತಾ ವೈತಾಲಿಕಾಸ್ತಥಾ।
ಉಪತಸ್ಥುರ್ಮಹಾತ್ಮಾನಂ ಧರ್ಮಪುತ್ರಂ ಯುಧಿಷ್ಠಿರಂ॥ 2-4-13 (11380)
ತಥಾ ಸ ಕೃತ್ವಾ ಪೂಜಾಂ ತಾಂ ಭ್ರಾತೃಭಿಃ ಸಹ ಪಾಂಡವಃ।
ತಸ್ಯಾಂ ಸಭಾಯಾಂ ರಂಯಾಯಾಂ ರೇಮೇ ಶಕ್ರೋ ಯಥಾ ದಿವಿ॥ 2-4-14 (11381)
ಸಭಾಯಾಮೃಷಯಸ್ತಸ್ಯಾಂ ಪಾಂಡವೈಃ ಸಹ ಆಸತೇ।
ಆಸಾಂಚಕ್ರುರ್ನರೇಂದ್ರಾಶ್ಚ ನಾನಾದೇಶಸಮಾಗತಾಃ॥ 2-4-15 (11382)
ಅಸಿತೋ ದೇವಲಃ ಸತ್ಯಃ ಸರ್ಪಿರ್ಮಾಲೀ ಮಹಾಶಿರಾಃ।
ಅರ್ವಾ ವಸುಃ ಸುಮಿತ್ರಶ್ಚ ಮೈತ್ರೇಯಃ ಶುನಕೋ ಬಲಿಃ॥ 2-4-16 (11383)
ಬಕೋ ದಾಲ್ಭ್ಯಃ ಸ್ಥೂಲಶಿರಾಃ ಕೃಷ್ಣದ್ವೈಪಾಯನಃ ಶುಕಃ।
ಸುಮಂತುರ್ಜೈಮಿನಿಃ ಪೈಲೋ ವ್ಯಾಸಶಿಷ್ಯಾಸ್ತಥಾ ವಯಂ ॥ 2-4-17 (11384)
ತಿತ್ತಿರಿರ್ಯಾಜ್ಞವಲ್ಕ್ಯಶ್ಚ ಸಸುತೋ ರೋಮಹರ್ಷಣಃ।
ಅಪ್ಸುಹೋಂಯಶ್ಚ ಧೌಂಯಶ್ಚ ಅಣೀಮಾಂಡವ್ಯಕೌಶಿಕೌ॥ 2-4-18 (11385)
ದಾಮೋಷ್ಣೀಪಸ್ತ್ರೈಬಲೀಶ್ಚ ಪರ್ಣಾದೋ ಘಟಜಾನುಕಃ।
ಮೌಂಜಾಯನೋ ವಾಯುಭಕ್ಷಃ ಪಾರಾಶರ್ಯಶ್ಚ ಸಾರಿಕಃ॥ 2-4-19 (11386)
ಬಲಿವಾಕಃ ಸಿನೀವಾಕಃ ಸಪ್ತಪಾಲಃ ಕೃತಶ್ರಮಃ।
ಜಾತೂಕರ್ಣಃ ಶಿಖಾವಾಂಶ್ಚ ಆಲಂಬಃ ಪಾರಿಜಾತಕಃ॥ 2-4-20 (11387)
ಪರ್ವತಶ್ಚ ಮಹಾಭಾಗೋ ಮಾರ್ಕಂಡೇಯೋ ಮಹಾಮುನಿಃ।
ಪವಿತ್ರಪಾಣಿಃ ಸಾವರ್ಣೋ ಭಾಲುಕಿರ್ಗಾಲವಸ್ತಥಾ॥ 2-4-21 (11388)
ಜಂಘಾಬಂಧುಶ್ಚ ರೈಭ್ಯಶ್ಚ ಕೋಪವೇಗಸ್ತಥಾ ಭೃಗುಃ।
ಹರಿಬಭ್ರುಶ್ಚ ಕೌಂಡಿನ್ಯೋ ಬಭ್ರುಮಾಲೀ ಸನಾತನಃ॥ 2-4-22 (11389)
ಕಾಕ್ಷೀವಾನೌಶಿಜಶ್ಚೈವ ನಾಚಿಕೇತೋಽಥ ಗೌತಮಃ।
ಪೈಂಗ್ಯೋ ವರಾಹಃ ಶುನಕಃ ಶಾಂಡಿಲ್ಯಶ್ಚ ಮಹಾತಪಾಃ॥ 2-4-23 (11390)
ಕುಕ್ಕುರೋ ವೇಣುಜಂಘೋಽಥ ಕಾಲಾಪಃ ಕಠ ಏವ ಚ।
ಮುನಯೋ ಧರ್ಮವಿದ್ವಾಂಸೋ ಧೃತಾತ್ಮಾನೋ ಜಿತೇಂದ್ರಿಯಾಃ॥ 2-4-24 (11391)
ಏತೇ ಚಾನ್ಯೇ ಚ ಬಹವೋ ವೇದವೇದಾಂಗಪಾರಗಾಃ।
ಉಪಾಸತೇ ಮಹಾತ್ಮಾನಂ ಸಭಾಯಾಮೃಷಿಸತ್ತಮಾಃ॥ 2-4-25 (11392)
ಕಥಯಂತಃ ಕಥಾಃ ಪುಣ್ಯಾ ಧರ್ಮಜ್ಞಾಃ ಶುಚಯೋಽಮಲಾಃ।
ತಥೈವ ಕ್ಷತ್ರಿಯಶ್ರೇಷ್ಠಾ ಧರ್ಮರಾಜಮುಪಾಸತೇ॥ 2-4-26 (11393)
ಶ್ರೀಮಾನ್ಮಹಾತ್ಮಾ ಧರ್ಮಾತ್ಮಾ ಮುಂಜಕೇತುರ್ವಿವರ್ಧನಃ।
ಸಂಗ್ರಾಮಜಿದ್ದುರ್ಮುಖಶ್ಚ ಉಗ್ರಸೇನಶ್ಚ ವೀರ್ಯವಾನ್। 2-4-27 (11394)
ಕಕ್ಷಸೇನಃ ಕ್ಷಿತಿಪತಿಃ ಕ್ಷೇಮಕಶ್ಚಾಪರಾಜಿತಃ।
ಕಂಬೋಜರಾಜಃ ಕಮಠಃ ಕಂಪನಶ್ಚ ಮಹಾಬಲಃ॥ 2-4-28 (11395)
ಸತತಂ ಕಂಪಯಾಮಾಸ ಯವನಾನೇಕ ಏವ ಯಃ।
ಬಲಪೌರುಷಸಂಪನ್ನಾನ್ಕೃತಾಸ್ತ್ರಾನಮಿತೌಜಸಃ।
ಯಥಾಽಸುರಾನ್ಕಾಲಕೇಯಾಂದೇವೋ ವಜ್ರಧರಸ್ತಥಾ॥ 2-4-29 (11396)
ಜಟಾಸುರೋ ಮದ್ರಕಾನಾಂ ಚ ರಾಜಾ
ಕುಂತಿಃ ಪುಲಿಂದಶ್ಚ ಕಿರಾತರಾಜಃ।
ತಥಾಂಗವಾಂಗೌ ಸಹಪುಂಡ್ರಕೇಣ
ಪಾಂಡ್ಯೋಡ್ರರಾಜೌ ಚ ಸಹಾಂಧ್ರಕೇಣ ॥ 2-4-30 (11397)
ಅಂಗೋ ವಂಗಃ ಸುಮಿತ್ರಶ್ಚ ಶೈಬ್ಯಶ್ಚಾಮಿತ್ರಕರ್ಶನಃ।
ಕಿರಾತರಾಜಃ ಸುಮನಾ ಯವನಾಧಿಪತಿಸ್ತಥಾ॥ 2-4-31 (11398)
ಚಾಣೂರೋ ದೇವರಾತಶ್ಚ ಭೋಜೋ ಭೀಮರಥಶ್ಚ ಯಃ।
ಶ್ರುತಾಯುಧಶ್ಚ ಕಾಲಿಂಗೋ ಜಯಸೇನಶ್ಚ ಮಾಗಧಃ॥ 2-4-32 (11399)
ಸುಕರ್ಮಾ ಚೇಕಿತಾನಶ್ಚ ಪುರುಶ್ಚಾಮಿತ್ರಕರ್ಶನಃ।
ಕೇತುಮಾನ್ವಸುದಾನಶ್ಚ ವೈದೇಹೋಽಥ ಕೃತಕ್ಷಣಃ॥ 2-4-33 (11400)
ಸುಧರ್ಮಾ ಚಾನಿರುದ್ಧಶ್ಚ ಶ್ರುತಾಯುಶ್ಚ ಮಹಾಬಲಃ।
ಅನೂಪರಾಜೋ ದುರ್ಧರ್ಪಃ ಕ್ರಮಜಿಚ್ಚ ಸುದರ್ಶನಃ॥ 2-4-34 (11401)
ಶಿಶುಪಾಲಃ ಸಹಸುತಃ ಕರೂಪಾಧಿಪತಿಸ್ತಥಾ।
ವೃಷ್ಣೀನಾಂ ಚೈವ ದುರ್ಧರ್ಪಾಃ ಕುಮಾರಾ ದೇವರೂಪಿಣಃ॥ 2-4-35 (11402)
ಆಹುಕೋ ವಿಪೃಥುಶ್ಚೈವ ಗದಃ ಸಾರಣ ಏವ ಚ।
ಅಕ್ರೂರಃ ಕೃತವರ್ಮಾ ಚ ಸತ್ಯಕಶ್ಚ ಶಿನೇಃ ಸುತಃ॥ 2-4-36 (11403)
ಭೀಷ್ಮಕೋಽಥಾಕೃತಿಶ್ಚೈವ ದ್ಯುಮತ್ಸೇನಶ್ಚ ವೀರ್ಯವಾನ್।
ಕೇಕಯಾಶ್ಚ ಮಹೇಷ್ವಾಸಾ ಯಜ್ಞಸೇನಶ್ಚ ಸೋಮಕಿಃ॥ 2-4-37 (11404)
ಕೇತುಮಾನ್ವಸುಮಾಂಶ್ಚೈವ ಕೃತಾಸ್ತ್ರಶ್ಚ ಮಹಾಬಲಃ।
ಏತೇ ಚಾನ್ಯೇ ಚ ಬಹವಃ ಕ್ಷತ್ರಿಯಾ ಮುಖ್ಯಸಂಮತಾಃ। 2-4-38 (11405)
ಉಪಾಸತೇ ಸಭಾಯಾಂ ಸ್ಮ ಕುಂತೀಪುತ್ರಂ ಯುಧಿಷ್ಠಿರಂ।
ಅರ್ಜುನಂ ಯೇ ವ ಸಂಶ್ರಿತ್ಯ ರಾಜಪುತ್ರಾ ಮಹಾಬಲಾಃ॥ 2-4-39 (11406)
ಅಶಿಕ್ಷಂತ ಧನುರ್ವೇದಂ ರೌರವಾಜಿನವಾಸಸಃ।
ತತ್ರೈವ ಶಿಕ್ಷಿತಾ ರಾಜನ್ಕುಮಾರಾ ವೃಷ್ಣಿನಂದನಾಃ। 2-4-40 (11407)
ರೌಕ್ಮಿಣೇಯಶ್ಚ ಸಾಂಬಶ್ಚ ಯುಯುಧಾನಶ್ಚ ಸಾತ್ಯಕಿಃ।
ಸುಧರ್ಮಾ ಚಾನಿರುದ್ಧಶ್ಚ ಶೈವ್ಯಶ್ಚ ನರಪುಂಗವಃ॥ 2-4-41 (11408)
ಏತೇ ಚಾನ್ಯೇ ಚ ಬಹವೋ ರಾಜಾನಃ ಪೃಥಿವೀಪತೇ।
ಧನಂಜಯಸಖಾ ಚಾತ್ರ ನಿತ್ಯಮಾಸ್ತೇ ಸ್ಮ ತುಂಬುರುಃ॥ 2-4-42 (11409)
ಉಪಾಸತೇ ಮಹಾತ್ಮಾನಮಾಸೀನಂ ಸಪ್ತವಿಂಶತಿಃ।
ಚಿತ್ರಸೇನಃ ಸಹಾಮಾತ್ಯೋ ಗಂಧರ್ವಾಪ್ಸರಸಸ್ತಥಾ॥ 2-4-43 (11410)
ಗೀತವಾದಿತ್ರಕುಶಲಾಃ ಸಾಂಯತಾಲವಿಶಾರದಾಃ।
ಪ್ರಮಾಣೋಽಥ ಲಯೇ ಸ್ಥಾನೇ ಕಿನ್ನರಾಃ ಕೃತನಿಶ್ರಮಾಃ॥ 2-4-44 (11411)
ಸಂಚೋದಿತಾಸ್ತುಂಬುರುಣಾ ಗಂಧರ್ವಸಹಿತಾಸ್ತದಾ।
ಗಾಯಂತಿ ದಿವ್ಯತಾನೈಸ್ತೇ ಯಥಾನ್ಯಾಯಂ ಮನಸ್ವಿನಃ॥ 2-4-45 (11412)
ಪಾಂಡುಪುತ್ರಾನೃಷೀಂಶ್ಚೈವ ರಮಯಂತ ಉಪಾಸತೇ।
ತಸ್ಯಾಂ ಸಭಾಯಾಮಾಸೀನಾಃ ಸುವ್ರತಾಃ ಸತ್ಯಸಂಗರಾಃ॥ 2-4-46 (11413)
ದಿವೀವ ದೇವಾ ಬ್ರಹ್ಮಾಣಂ ಯುಧಿಷ್ಠಿರಮುಪಾಸತೇ॥ ॥ 2-4-47 (11414)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಮಂತ್ರಪರ್ವಣಿ ಚತುರ್ಥೋಽಧ್ಯಾಯಃ॥ 4॥
Mahabharata - Sabha Parva - Chapter Footnotes
2-4-29 ಕಾಲಕೇಯಾಃ ಕಾಲಕಾಯಾ ಅಪತ್ಯಾನ್ಯಸುರಾಃ॥ಸಭಾಪರ್ವ - ಅಧ್ಯಾಯ 005
॥ ಶ್ರೀಃ ॥
2.5. ಅಧ್ಯಾಯಃ 005
Mahabharata - Sabha Parva - Chapter Topics
ತತ್ರಾಗತೇನ ಯುಧಿಷ್ಠಿರಪೂಜಿತೇನ ನಾರದೇನ ಕುಶಲಪ್ರಶ್ನವ್ಯಾಜೇನ ರಾಜನೀತಿಕಥನಂ॥ 1॥Mahabharata - Sabha Parva - Chapter Text
ವೈಶಂಪಾಯನ ಉವಾಚ।
ಅಥ ತತ್ರೋಪವಿಷ್ಟೇಷು ಪಾಂಡವೇಷು ಮಹಾತ್ಮಸು।
ಮಹತ್ಸು ಚೋಪವಿಷ್ಟೇಷು ಗಂಧರ್ವೇಷು ಚ ಭಾರತ॥ 2-5-1 (11415)
ವೇದೋಪನಿಷದಾಂ ವೇತ್ತಾ ಋಷಿಃ ಸುರಗಣಾರ್ಚಿತಃ।
ಇತಿಹಾಸಪುರಾಣಜ್ಞಃ ಕ್ರಿಯಾಕಲ್ಪವಿಶೇಷವಿತ್॥ 2-5-2 (11416)
`ಸ್ತುತಸ್ತೋಮಗ್ರಹಸ್ತೋಭಪದಕ್ರಮವಿಭಾಗವಿತ್।
ಶಿಕ್ಷಾಕ್ಷರವಿಭಾಗಜ್ಞಃ ಪುರಾಕಲ್ಪವಿಶೇಷವಿತ್॥ 2-5-3 (11417)
ಆದಿಕಲ್ಪಾರ್ಥವೇತ್ತಾ ಚ ಕಲ್ಪಸೂತ್ರಾರ್ಥತತ್ತ್ವವಿತ್।
ಬ್ರಹ್ಮಚರ್ಯವ್ರತಪರ ಊಹಾಪೋಹವಿಶಾರದಃ॥ 2-5-4 (11418)
ನೃತ್ತಗಾಂಧರ್ವಸೇವೀ ಚ ಸರ್ವತ್ರಾಪ್ರತಿಮಸ್ತಥಾ।
ಅಷ್ಟಾದಶಾನಾಂ ವಿದ್ಯಾನಾಂ ಕೋಶಭೂತೋ ಮಹಾದ್ಯುತಿಃ'॥ 2-5-5 (11419)
ನ್ಯಾಯವಿದ್ಧರ್ಮತತ್ತ್ವಜ್ಞಃ ಷಡಂಗವಿದನುತ್ತಮಃ।
ಐಕ್ಯಸಂಯೋಗನಾನಾತ್ವಸಮವಾಯವಿಶಾರದಃ॥ 2-5-6 (11420)
ವಕ್ತಾ ಪ್ರಗಲ್ಭೋ ಮೇಧಾವೀ ಸ್ಮೃತಿಮಾನ್ನಯವಿತ್ಕವಿಃ।
ಪರಾಪರವಿಭಾಗಜ್ಞಃ ಪ್ರಮಾಣಕೃತನಿಶ್ಚಯಃ॥ 2-5-7 (11421)
ಪಂಚಾವಯವಯುಕ್ತಸ್ಯ ವಾಕ್ಯಸ್ಯ ಗುಣದೋಷವಿತ್।
ಉತ್ತರೋತ್ತರವಕ್ತಾ ಚ ವದತೋಪಿ ಬೃಹಸ್ಪತೇಃ॥ 2-5-8 (11422)
ಧರ್ಮಕಾಮಾರ್ಥಮೋಕ್ಷೇಷು ಯಥಾವತ್ಕೃತನಿಶ್ಚಯಃ।
ತಥಾ ಭುವನಕೋಶಸ್ಯ ಸರ್ವಸ್ಯಾಸ್ಯ ಮಹಾಮತಿಃ॥ 2-5-9 (11423)
ಪ್ರತ್ಯಕ್ಷದರ್ಶೀ ಲೋಕಸ್ಯ ತಿರ್ಯಗೂರ್ಧ್ವಮಧಸ್ತಥಾ।
ಸಾಂಖ್ಯಯೋಗವಿಭಾಗಜ್ಞೋ ನಿರ್ವಿವಿತ್ಸುಃ ಸುರಾಸುರಾನ್॥ 2-5-10 (11424)
ಸಂಧಿವಿಗ್ರಹತತ್ತ್ವಜ್ಞಸ್ತ್ವನುಮಾನವಿಭಾಗವಿತ್।
ಷಾಂಗುಣ್ಯವಿಧಿಯುಕ್ತಶ್ಚ ಸರ್ವಶಾಸ್ತ್ರವಿಶಾರದಃ॥ 2-5-11 (11425)
ಯುದ್ಧಗಾಂಧರ್ವಸೇವೀ ಚ ಸರ್ವತ್ರಾಪ್ರತಿಘಸ್ತಥಾ।
ಏತೈಶ್ಚಾನ್ಯೈಶ್ಚ ಬಹುಭಿರ್ಯುಕ್ತೋ ಗುಣಗಣೈರ್ಮುನಿಃ॥ 2-5-12 (11426)
ಲೋಕಾನನುಚರನ್ಸರ್ವಾನಾಗಮತ್ತಾಂ ಸಭಾಂ ನೃಪ।
ನಾರದಃ ಸುಮಹಾತೇಜಾ ಋಷಿಭಿಃ ಸಹಿತಸ್ತದಾ॥ 2-5-13 (11427)
ಪಾರಿಜಾತೇನ ರಾಜೇಂದ್ರ ಪರ್ವತೇನ ಚ ಧೀಮತಾ।
ಸುಮುಖೇನ ಚ ಸೌಂಯೇನ ದೇವರ್ಷಿರಮಿತದ್ಯುತಿಃ॥ 2-5-14 (11428)
ಸಭಾಸ್ಥಾನ್ಪಾಂಡವಾಂದ್ರಷ್ಟುಂ ಪ್ರೀಯಮಾಣೋ ಮನೋಜವಃ।
ಜಯಾಶೀರ್ಭಿಸ್ತು ತಂ ವಿಪ್ರೋ ಧರ್ಮರಾಜಾನಮಾರ್ಚಯತ್॥ 2-5-15 (11429)
ತಮಾಗತಮೃಷಿಂ ದೃಷ್ಟ್ವಾ ನಾರದಂ ಸರ್ವಧರ್ಮವಿತ್।
ಸಹಸಾ ಪಾಂಡವಶ್ರೇಷ್ಠಃ ಪ್ರತ್ಯುತ್ಥಾಯಾನುಜೈಃ ಸಹ॥ 2-5-16 (11430)
ಅಭ್ಯವಾದಯತ ಪ್ರೀತ್ಯಾ ವಿನಯಾವನತಸ್ತದಾ।
ತದರ್ಹಮಾಸನಂ ತಸ್ಮೈ ಸಂಪ್ರದಾಯ ಯಥಾವಿಧಿ॥ 2-5-17 (11431)
ಗಾಂ ಚೈವ ಮಧುಪರ್ಕಂ ಚ ಸಂಪ್ರದಾಯಾರ್ಘ್ಯಮೇವ ಚ।
ಅರ್ಚಯಾಮಾಸ ರತ್ನೈಶ್ಚ ಸರ್ವಕಾಮೈಶ್ಚ ಧರ್ಮವಿತ್॥ 2-5-18 (11432)
ತುತೋಷ ಚ ಯಥಾವಚ್ಚ ಪೂಜಾಂ ಪ್ರಾಪ್ಯ ಯುಧಿಷ್ಠಿರಾತ್।
ಸೋಽರ್ಚಿತಃ ಪಾಂಡವೈಃ ಸರ್ವೈರ್ಮಹರ್ಷಿರ್ವೇದಪಾರಗಃ।
ಧರ್ಮಕಾಮಾರ್ಥಸಂಯುಕ್ತಂ ಪಪ್ರಚ್ಛೇದಂ ಯುಧಿಷ್ಠಿರಂ॥ 2-5-19 (11433)
ನಾರದ ಉವಾಚ। 2-5-20x (1385)
ಕಚ್ಚಿದರ್ಥಾಶ್ಚ ಕಲ್ಪಂತೇ ಧರ್ಮೇ ಚ ರಮತೇ ಮನಃ।
ಸುಖಾನಿ ಚಾನುಭೂಯಂತೇ ಮನಶ್ಚ ನ ವಿಹನ್ಯತೇ॥ 2-5-20 (11434)
ಕಚ್ಚಿದಾಚರಿತಾಂ ಪೂರ್ವೈರ್ನರದೇವಪಿತಾಮಹೈಃ।
ವರ್ತಸೇ ವೃತ್ತಿಮಕ್ಷುದ್ರಾಂ ಧರ್ಮಾರ್ಥಸಹಿತಾಂ ತ್ರಿಷು॥ 2-5-21 (11435)
ಕಚ್ಚಿದರ್ಥೇನ ವಾ ಧರ್ಮಂ ಧರ್ಮೇಣಾರ್ಥಮಥಾಪಿ ವಾ।
ಉಭೌ ವಾ ಪ್ರೀತಿಸಾರೇಣ ನ ಕಾಮೇನ ಪ್ರಬಾಧಸೇ॥ 2-5-22 (11436)
ಕಚ್ಚಿದರ್ಥಂ ಚ ಧರ್ಮಂ ಚ ಕಾಮಂ ಚ ಜಯತಾಂ ವರ।
ವಿಭಜ್ಯ ಕಾಲೇ ಕಾಲಜ್ಞಃ ಸದಾ ವರದ ಸೇವಸೇ ॥ 2-5-23 (11437)
ಕಚ್ಚಿದ್ರಾಜಗುಣೈಃ ಷಡ್ಭಿಃ ಸಪ್ತೋಪಾಯಾಂಸ್ತಥಾಽನಘ।
ಬಲಾಬಲಂ ತಥಾ ಸಂಯಕ್ವತುರ್ದಶ ಪರೀಕ್ಷಸೇ॥ 2-5-24 (11438)
ಕಚ್ಚಿದಾತ್ಸಾನಮರ್ನ್ವಾಕ್ಷ್ಯ ಪರಾಂಶ್ಚ ಜಯತಾಂ ವರ।
ತಥಾ ಸಂಧಾಯ ಕರ್ಮಾಣಿ ಅಷ್ಟೌ ಭಾರತ ಸೇವಸೇ॥ 2-5-25 (11439)
ಕಚ್ಚಿತ್ಪ್ರಕೃತಯಃ ಸಪ್ತ ನ ಲುಪ್ತಾ ಭರತರ್ಷಭ।
ಆಢ್ಯಾಸ್ತಥಾ ವ್ಯಸನಿನಃ ಸ್ವನುರಕ್ತಾಶ್ಚ ಸರ್ವಶಃ॥ 2-5-26 (11440)
ಕಚ್ಚಿನ್ನ ಕೃತಕೈರ್ದೂತೈರ್ಯೇ ಚಾಪ್ಯಪರಿಶಂಕಿತಾಃ।
ತ್ವತ್ತೋ ವಾ ತವ ಚಾಮಾತ್ಯೈರ್ಭಿದ್ಯತೇ ಮಂತ್ರಿತಂ ತಥಾ॥ 2-5-27 (11441)
ಮಿತ್ರೋದಾಸೀನಶತ್ರೂಣಾಂ ಕಚ್ಚಿದ್ವೇತ್ಸಿ ಚಿಕೀರ್ಷಿತಂ।
ಕಚ್ಚಿತ್ಸಂಧಿಂ ಯಥಾಕಾಲಂ ವಿಗ್ರಹಂ ಚೋಪಸೇವಸೇ॥ 2-5-28 (11442)
ಕಚ್ಚಿದ್ವೃತ್ತಿಮುದಾಸೀನೇ ಮಧ್ಯಮೇ ಚಾನುಮನ್ಯಸೇ।
ಕಚ್ಚಿದಾತ್ಮಸಮಾ ವೃದ್ಧಾಃ ಶುದ್ಧಾಃ ಸಂಬೋಧನಕ್ಷಮಾಃ॥ 2-5-29 (11443)
ಕುಲೀನಾಶ್ಚಾನುರಕ್ತಾಶ್ಚ ಕೃತಾಸ್ತೇ ವೀರಮಂತ್ರಿಣಃ।
ವಿಜಯೋ ಮಂತ್ರಮೂಲೋ ಹಿ ರಾಜ್ಞೋ ಭವತಿ ಭಾರತ॥ 2-5-30 (11444)
ಕಚ್ಚಿತ್ಸಂವೃತಮಂತ್ರೈಸ್ತೇ ಅಮಾತ್ಯೈಃ ಶಾಸ್ತ್ರಕೋವಿದೈಃ।
ರಾಷ್ಟ್ರಂ ಸುರಕ್ಷಿತಂ ತಾತ ಶತ್ರುಭಿರ್ನ ವಿಲುಪ್ಯತೇ॥ 2-5-31 (11445)
ಕಚ್ಚಿನ್ನಿದ್ರಾವಶಂ ನೈಷಿ ಕಚ್ಚಿತ್ಕಾಲೇ ವಿಬುದ್ಧ್ಯಸೇ।
ಕಚ್ಚಿಚ್ಚಾಪರರಾತ್ರೇಷು ಚಿಂತಯಸ್ಯರ್ಥಮರ್ಥವಿತ್॥ 2-5-32 (11446)
ಕಚ್ಚಿನ್ಮಂತ್ರಯಸೇ ನೈಕಃ ಕಚ್ಚಿನ್ನ ಬಹುಭಿಃ ಸಹ।
ಕಚ್ಚಿತ್ತೇ ಮಂತ್ರಿತೋ ಮಂತ್ರೋ ನ ರಾಷ್ಟ್ರಂ ಪರಿಧಾವತಿ॥ 2-5-33 (11447)
ಕಚ್ಚಿದರ್ಥಾನ್ವಿನಿಶ್ಚಿತ್ಯ ಲಘುಮೂಲಾನ್ಮಹೋದಯಾನ್।
ಕ್ಷಿಪ್ರಮಾರಭಸೇ ಕರ್ತುಂ ನ ವಿಘ್ನಯಸಿ ತಾದೃಶಾನ್॥ 2-5-34 (11448)
ಕಚ್ಚಿನ್ನ ಸ್ರವೇ ಕರ್ಮಾಂತಾಃ ಪರೋಕ್ಷಾಸ್ತೇ ವಿಶಂಕಿತಾಃ।
ಸರ್ವೇ ವಾ ಪುನರುತ್ಸೃಷ್ಟಾಃ ಸಂಸೃಷ್ಟಂ ಚಾತ್ರ ಕಾರಣಂ॥ 2-5-35 (11449)
ಆಪ್ತೈರಲುಬ್ಧೈಃ ಕ್ರಮಿಕೈಸ್ತೇ ಚ ಕಚ್ಚಿದನುಷ್ಠಿತಾಃ।
ಕಚ್ಚಿದ್ರಾಜನ್ಕೃತಾನ್ಯೇವ ಕೃತಪ್ರಾಯಾಣಿ ವಾ ಪುನಃ॥ 2-5-36 (11450)
ವಿದುಸ್ತೇ ವೀರ ಕರ್ಮಾಣಿ ನಾನವಾಪ್ತಾನಿ ಕಾನಿಚಿತ್।
ಕಚ್ಚಿತ್ಕಾರಣಿಕಾ ಧರ್ಮೇ ಸರ್ವಶಾಸ್ತ್ರೇಷು ಕೋವಿದಾಃ।
ಕಾರಯಂತಿ ಕುಮಾರಾಂಶ್ಚ ಯೋಧಮುಖ್ಯಾಂಶ್ಚ ಸರ್ವಶಃ॥ 2-5-37 (11451)
ಕಚ್ಚಿತ್ಸಹಸ್ರೈರ್ಮೂರ್ಖಾಣಾಮೇಕಂ ಕ್ರೀಣಾಸಿ ಪಂಡಿತಂ।
ಪಂಡಿತೋ ಹ್ಯರ್ಥಕೃಚ್ಛ್ರೇಷು ಕುರ್ಯಾನ್ನಃ ಶ್ರೇಯಸಂ ಪರಂ॥ 2-5-38 (11452)
ಕಚ್ಚಿದ್ದುರ್ಗಾಣಿ ಸರ್ವಾಣಿ ಧನಧಾನ್ಯಾಯುಧೋದಕೈಃ।
ಯಂತ್ರೈಶ್ಚ ಪರಿಪೂರ್ಣಾನಿ ತಥಾ ಶಿಲ್ಪಿಧನುರ್ಧರೈಃ॥ 2-5-39 (11453)
ಏಕೋಪ್ಯಮಾತ್ಯೋ ಮೇಧಾವೀ ಶೂರೋ ದಾಂತೋ ವಿಚಕ್ಷಣಃ।
ರಾಜಾನಂ ರಾಜಪುತ್ರಂ ವಾ ಪ್ರಾಪಯೇನ್ಮಹತೀಂ ಶ್ರಿಯಂ॥ 2-5-40 (11454)
ಕಚ್ಚಿದಷ್ಟಾದಶಾನ್ಯೇಷು ಸ್ವಪಕ್ಷೇ ದಶ ಪಂಚ ಚ।
ತ್ರಿಭಿಸ್ತ್ರಿಭಿರವಿಜ್ಞಾತೈರ್ವೇತ್ಸಿ ತೀರ್ಥಾನಿ ಚಾರಕೈಃ॥ 2-5-41 (11455)
ಕಚ್ಚಿದ್ದ್ವಿಷಾಮವಿದಿತಃ ಪ್ರತಿಪನ್ನಶ್ಚ ಸರವದಾ।
ನಿತ್ಯಯುಕ್ತೋ ರಿಪೂನ್ಸರ್ವಾನ್ವೀಕ್ಷಸೇ ರಿಪುಸೂದನ॥ 2-5-42 (11456)
ಕಚ್ಚಿದ್ವಿನಯಸಂಪನ್ನಃ ಕುಲಪುತ್ರೋ ಬಹುಶ್ರುತಃ।
ಅನಸೂಯುರನುಪ್ರಷ್ಟಾ ಸತ್ಕೃತಸ್ತೇ ಪುರೋಹಿತಃ॥ 2-5-43 (11457)
ಕಚ್ಚಿದಗ್ನಿಷು ತೇ ಯುಕ್ತೋ ವಿಧಿಜ್ಞೋ ಮತಿಮಾನೃಜುಃ।
ಹುತಂ ಚ ಹೋಷ್ಯಮಾಣಂ ಚ ಕಾಲೇ ವೇದಯತೇ ಸದಾ॥ 2-5-44 (11458)
ಕಚ್ಚಿದಂಗೇಷು ನಿಷ್ಣಾತೋ ಜ್ಯೋತಿಪಃ ಪ್ರತಿಪಾದಕಃ।
ಉತ್ಪಾತೇಷು ಚ ಸರ್ವೇಷು ದೈವಜ್ಞಃ ಕುಶಲಸ್ತವ॥ 2-5-45 (11459)
ಕಚ್ಚಿನ್ಮುಖ್ಯಾ ಮಹತ್ಸ್ವೇವ ಮಧ್ಯಮೇಷು ಚ ಮಧ್ಯಮಾಃ।
ಜಘನ್ಯಾಶ್ಚ ಜಘನ್ಯೇಷು ಭೃತ್ಯಾಃ ಕರ್ಮಸು ಯೋಜಿತಾಃ॥ 2-5-46 (11460)
ಅಮಾತ್ಯಾನುಪಧಾತೀತಾನ್ಪಿತೃಪೈತಾಮಹಾಞ್ಶುಚೀನ್।
ಶ್ರೇಷ್ಠಾಞ್ಶ್ರೇಷ್ಠೇಷು ಕಚ್ಚಿತ್ತ್ವಂ ನಿಯೋಜಯಸಿ ಕರ್ಮಸು॥ 2-5-47 (11461)
ಕಚ್ಚಿನ್ನೋಗ್ರೇಣ ದಂಡೇನ ಭೃಶಮುದ್ವಿಜಸೇ ಪ್ರಜಾಃ।
ರಾಷ್ಟ್ರಂ ತವಾನುಶಾಸಂತಿ ಮಂತ್ರಿಣೋ ಭರತರ್ಷಭ॥ 2-5-48 (11462)
ಕಚ್ಚಿತ್ತ್ವಾಂ ನಾವಜಾನಂತಿ ಯಾಜಕಾಃ ಪತಿತಂ ಯಥಾ।
ಉಗ್ರಪ್ರತಿಗ್ರಹೀತಾರಂ ಕಾಮಯಾನಮಿವ ಸ್ತ್ರಿಯಃ॥ 2-5-49 (11463)
ಕಚ್ಚಿದ್ಧೃಷ್ಟಶ್ಚ ಶೂರಶ್ಚ ಮತಿಮಾಂಧೃತಿಮಾಞ್ಶುಚಿಃ।
ಕುಲೀನಶ್ಚಾನುರಕ್ತಶ್ಚ ದಕ್ಷಃ ಸೇನಾಪತಿಸ್ತಥಾ। 2-5-50 (11464)
ಕಚ್ಚಿದ್ಬಲಸ್ಯ ತೇ ಮುಖ್ಯಾಃ ಸರ್ವಯುದ್ಧವಿಶಾರದಾಃ।
ಧೃಷ್ಟಾವದಾತಾ ವಿಕ್ರಾಂತಾಸ್ತ್ವಯಾ ಸತ್ಕೃತ್ಯ ಮಾನಿತಾಃ॥ 2-5-51 (11465)
ಕಚ್ಚಿದ್ವಲಸ್ಯ ಭಕ್ತಂ ಚ ವೇತನಂ ಚ ಯಥೋಚಿತಂ।
ಸಂಪ್ರಾಪ್ತಕಾಲೇ ದಾತವ್ಯಂ ದದಾಸಿ ನ ವಿಕರ್ಷಸಿ॥ 2-5-52 (11466)
ಕಾಲಾತಿಕ್ರಮಣಾದೇತೇ ಭಕ್ತವೇತನಯೋರ್ಭೃತಾಃ।
ಭರ್ತುಃ ಕುಪ್ಯಂತಿ ದೌರ್ಗತ್ಯಾತ್ಸೋಽನರ್ಥಃ ಸುಮಹಾನ್ಸ್ಮೃತಃ॥ 2-5-53 (11467)
ಕಚ್ಚಿತ್ಸರ್ವೇಽನುರಕ್ತಾಸ್ತ್ವಾಂ ಕುಲಪುತ್ರಾಃ ಪ್ರಧಾನತಃ।
ಕಚ್ಚಿತ್ಪ್ರಾಣಾಂಸ್ತವಾರ್ಥೇಷು ಸಂತ್ಯಜಂತಿ ಸದಾ ಯುಧಿ॥ 2-5-54 (11468)
ಕಚ್ಚಿನ್ನೈಕೋ ಬಹೂನರ್ಥಾನ್ಸರ್ವಶಃ ಸಾಂಪರಾಯಿಕಾನ್।
ಅನುಶಾಸ್ತಿ ಯಥಾಕಾಮಂ ಕಾಮಾತ್ಮಾ ಶಾಸನಾತಿಗಃ॥ 2-5-55 (11469)
ಕಚ್ಚಿತ್ಪುರುಷಕಾರೇಣ ಪುರುಷಃ ಕರ್ಮ ಶೋಭಯನ್।
ಲಭತೇ ಮಾನಮಧಿಕಂ ಭೂಯೋ ವಾ ಭಕ್ತವೇತನಂ॥ 2-5-56 (11470)
ಕಚ್ಚಿದ್ವಿದ್ಯಾವಿನೀತಾಂಶ್ಚ ನರಾಂಜ್ಞಾನವಿಶಾರದಾನ್।
ಯಥಾರ್ಹಂ ಗುಣತಶ್ಚೈವ ದಾನೇನಾಭ್ಯುಪಪದ್ಯಸೇ॥ 2-5-57 (11471)
ಕಚ್ಚಿದ್ದಾರಾನ್ಮನುಷ್ಯಾಣಾಂ ತವಾರ್ಥೇ ಮೃತ್ಯುಮೀಯುಷಾಂ।
ವ್ಯಸನಂ ಚಾಭ್ಯುಪೇತಾನಾಂ ಬಿಭರ್ಷಿ ಭರತರ್ಷಭ॥ 2-5-58 (11472)
ಕಚ್ಚಿದ್ಭಯಾದುಪಗತಂ ಕ್ಷೀಣಂ ವಾ ರಿಪುಮಾಗತಂ।
ಯುದ್ಧೇ ವಾ ವಿಜಿತಂ ಪಾರ್ಥ ಪುತ್ರವತ್ಪರಿರಕ್ಷಸಿ॥ 2-5-59 (11473)
ಕಚ್ಚಿತ್ತ್ವಮೇವ ಸರ್ವಸ್ಯಾಃ ಪೃಥಿವ್ಯಾಃ ಪೃಥಿವೀಪತೇ।
ಸಮಶ್ಚಾನಭಿಶಂಕ್ಯಶ್ಚ ಯಥಾ ಮಾತಾ ಯಥಾ ಪಿತಾ॥ 2-5-60 (11474)
ಕಚ್ಚಿದ್ವ್ಯಸನಿನಂ ಶತ್ರುಂ ನಿಶಂಯ ಭರತರ್ಷಭ।
ಅಭಿಯಾಸಿ ಜವೇನೈವ ಸಮೀಕ್ಷ್ಯ ತ್ರಿವಿಧಂ ಬಲಂ॥ 2-5-61 (11475)
ಯಾತ್ರಾಮಾರಭಸೇ ದಿಷ್ಟ್ಯಾ ಪ್ರಾಪ್ತಕಾಲಮರಿಂದಮ।
ಪಾರ್ಷ್ಣಿಮೂಲಂ ಚ ವಿಜ್ಞಾಯ ವ್ಯವಸಾಯಂ ಪರಾಜಯಂ॥ 2-5-62 (11476)
ಬಲಸ್ಯ ಚ ಮಹಾರಾಜ ದತ್ತ್ವಾ ವೇತನಮಗ್ರತಃ।
ಕಚ್ಚಿಚ್ಚ ಬಲಮುಖ್ಯೇಭ್ಯಃ ಪರರಾಷ್ಟ್ರೇ ಪರಂತಪ।
ಉಪಚ್ಛನ್ನಾನಿ ರತ್ನಾನಿ ಪ್ರಯಚ್ಛಸಿ ಯಥಾರ್ಹತಃ॥ 2-5-63 (11477)
ಕಚ್ಚಿದಾತ್ಮಾನಮೇವಾಗ್ರೇ ವಿಜಿತ್ಯ ವಿಜಿತೇಂದ್ರಿಯಃ।
ಪಾರಂಜಿಗೀಷಸೇ ಪಾರ್ಥ ಪ್ರಮತ್ತಾನಜಿತೇಂದ್ರಿಯಾನ್॥ 2-5-64 (11478)
ಕಚ್ಚಿತ್ತೇ ಯಾಸ್ಯತಃ ಶತ್ರೂನ್ಪರ್ವಂ ಯಾಂತಿ ಸ್ವನುಷ್ಠಿತಾಃ।
ಸಾಮ ದಾನಂ ಚ ಭೇದಶ್ಚ ದಂಡಶ್ಚ ವಿಧಿವದ್ಗುಣಾಃ॥ 2-5-65 (11479)
ತಾಂಶ್ಚ ವಿಕ್ರಮಸೇ ಜೇತುಂ ಜಿತ್ವಾ ಚ ಪರಿರಕ್ಷಸಿ॥
ಕಚ್ಚಿದಷ್ಟಾಂಗಸಂಯುಕ್ತಾ ಚತುರ್ವಿಧಬಲಾ ಚಮೂಃ। 2-5-66 (11480)
ಬಲಮುಖ್ಯೈಃ ಸುನೀತಾ ತೇ ದ್ವಿಷತಾಂ ಪ್ರತಿವರ್ಧಿನೀ ॥
ಕಚ್ಚಿಲ್ಲವಂ ಚ ಮುಷ್ಟಿಂ ಚ ಪರರಾಷ್ಟ್ರೇ ಪರಂತಪ। 2-5-67 (11481)
ಅವಿಹಾಯ ಮಹಾರಾಜ ನಿಹಂಸಿ ಸಮರೇ ರಿಪೂನ್॥
ಕಚ್ಚಿತ್ಸ್ವಪರರಾಷ್ಟ್ರೇಷು ಬಹವೋಽಧಿಕೃತಾಸ್ತವ। 2-5-68 (11482)
ಅರ್ಥಾನ್ಸಮಧಿತಿಷ್ಠಂತಿ ರಕ್ಷಂತಿ ಚ ಪರಸ್ಪರಂ॥ 2-5-69 (11483)
ಕಚ್ಚಿದಭ್ಯವಹಾರ್ಯಾಣಿ ಗಾತ್ರಸಂಸ್ಪರ್ಶನಾನಿ ಚ।
ಘ್ರೇಯಾಣಿ ಚ ಮಹಾರಾಜ ರಕ್ಷಂತ್ಯನುಮತಾಸ್ತವ। 2-5-70 (11484)
ಕಚ್ಚಿತ್ಕೋಶಶ್ಚ ಕೋಷ್ಠಂ ಚ ವಾಹನಂ ದ್ವಾರಮಾಯುಧಂ॥
ಆಯಶ್ಚ ಕೃತಕಲ್ಯಾಣೈಸ್ತವ ಭಕ್ತೈರನುಷ್ಠಿತಃ॥ 2-5-71 (11485)
ಕಚ್ಚಿದಾಭ್ಯಂತರೇಭ್ಯಶ್ಚ ಬಾಹ್ಯೇಭ್ಯಶ್ಚ ವಿಶಾಂಪತೇ॥
ರಕ್ಷಸ್ಯಾತ್ಮಾನಮೇವಾಗ್ರೇ ತಾಂಶ್ಚ ಸ್ವೇಭ್ಯೋ ಮಿಥಶ್ಚ ತಾನ್। 2-5-72 (11486)
ಕಚ್ಚಿನ್ನ ಪಾನೇ ದ್ಯೂತೇ ವಾ ಕ್ರೀಡಾಸು ಪ್ರಮದಾಸು ಚ।
ಪ್ರತಿಜಾನಂತಿ ಪೂರ್ವಾಹ್ಣೇ ವ್ಯಯಂ ವ್ಯಸನಜಂ ತವ॥ 2-5-73 (11487)
ಕಚ್ಚಿದಾಯಸ್ಯ ಚಾರ್ಧೇನ ಚತುರ್ಭಾಗೇನ ವಾ ಪುನಃ।
ಪಾದಭಾಗೈಸ್ತ್ರಿಭಿರ್ವಾಪಿ ವ್ಯಯಃ ಸಂಶುದ್ಧ್ಯತೇ ತವ॥ 2-5-74 (11488)
ಕಚ್ಚಿಜ್ಜ್ಞಾತೀನ್ಗುರೂನ್ವೃದ್ಧಾ-
ನ್ವಣಿಜಃ ಶಿಲ್ಪಿನಃ ಶ್ರಿತಾನ್।
ಅಭೀಕ್ಷ್ಣಮನುಗೃಹಾಣಿಸಿ
ಧನಧಾನ್ಯೇನ ದುರ್ಗತಾನ್॥ 2-5-75 (11489)
ಕಚ್ಚಿಚ್ಚಾಯವ್ಯಯೇ ಯುಕ್ತಾಃ ಸರ್ವೇ ಗಣಕಲೇಖಕಾಃ।
ಅನುತಿಷ್ಠಂತಿ ಪೂರ್ವಾಹ್ಣೇ ನಿತ್ಯಮಾಯಂ ವ್ಯಯಂ ತವ॥ 2-5-76 (11490)
ಕಚ್ಚಿದರ್ಥೇಷು ಸಂಪ್ರೌಢಾನ್ಹಿತಕಾಮಾನನುಪ್ರಿಯಾನ್।
ನಾಪಕರ್ಷಸಿ ಕರ್ಮಭ್ಯಃ ಪೂರ್ವಮಪ್ರಾಪ್ಯ ಕಿಲ್ಬಿಷಂ॥ 2-5-77 (11491)
ಕಚ್ಚಿದ್ವಿದಿತ್ವಾ ಪುರುಷಾನುತ್ತಮಾಧಮಮಧ್ಯಮಾನ್।
ತ್ವಂ ಕರ್ಮಸ್ವನುರೂಪೇಷು ನಿಯೋಜಯಸಿ ಭಾರತ॥ 2-5-78 (11492)
ಕಚ್ಚಿನ್ನ ಲುಬ್ಧಾಶ್ಚೌರಾ ವಾ ವೈರಿಣೋ ವಾ ವಿಶಾಂಪತೇ।
ಅಪ್ರಾಪ್ತವ್ಯವಹಾರಾ ವಾ ತವ ಕರ್ಮಸ್ವನುಷ್ಠಿತಾಃ॥ 2-5-79 (11493)
ಕಚ್ಚಿನ್ನ ಚೌರೈರ್ಲುಬ್ಧೈರ್ವಾ ಕುಮಾರೈಃ ಸ್ತ್ರೀಬಲೇನ ವಾ।
ತ್ವಯಾ ವಾ ಪೀಡ್ಯತೇ ರಾಷ್ಟ್ರಂ ಕಚ್ಚಿತ್ತುಷ್ಟಾಃ ಕೃಷೀವಲಾಃ 2-5-80 (11494)
ಕಚ್ಚಿದ್ರಾಷ್ಟ್ರೇ ತಟಾಕಾನಿ ಪೂರ್ಣಾನಿ ಚ ಬೃಹಂತಿ ಚ।
ಭಾಗಶೋ ವಿನಿವಿಷ್ಟಾನಿ ನ ಕೃಷಿರ್ದೇವಮಾತೃಕಾ॥ 2-5-81 (11495)
ಕಚ್ಚಿನ್ನಂ ಭಕ್ತಂ ಬೀಜಂ ಚ ಕರ್ಷಕಸ್ಯಾವಸೀದತಿ।
ಪ್ರತ್ಯೇಕಂ ಚ ಶತಂ ವೃದ್ಧ್ಯಾ ದದಾಸ್ಯೃಣಮನುಗ್ರಹಂ॥ 2-5-82 (11496)
ಕಚ್ಚಿತ್ಸ್ವನುಷ್ಠಿತಾ ತಾತ ವಾರ್ತಾ ತೇ ಸಾಧುಭಿರ್ಜನೈಃ।
ವಾರ್ತಾಯಾಂ ಸಂಶ್ರಿತಸ್ತಾತ ಲೋಕೋಽಯಂ ಸುಖಮೇಧತೇ॥ 2-5-83 (11497)
ಕಚ್ಚಿಚ್ಛೂರಾಃ ಕೃತಪ್ರಜ್ಞಾಃ ಪಂಚಪಂಚ ಸ್ವನುಷ್ಠಿತಾಃ।
ಕ್ಷೇಮಂ ಕುರ್ವಂತಿ ಸಂಹತ್ಯ ರಾಜಂಜನಪದೇ ತವ॥ 2-5-84 (11498)
ಕಚ್ಚಿನ್ನಗರಗುಪ್ತ್ಯರ್ಥಂ ಗ್ರಾಮಾ ನಗರವತ್ಕೃತಾಃ।
ಗ್ರಾಮವಚ್ಚ ಕೃತಾಃ ಪ್ರಾಂತಾಸ್ತೇ ಚ ಸರ್ವೇ ತ್ವದರ್ಪಣಾಃ॥ 2-5-85 (11499)
ಕಚ್ಚಿದ್ಬಲೇನಾನುಗತಾಃ ಸಮಾನಿ ವಿಷಮಾಣಿ ಚ।
ಪುರಾಣಿ ಚೌರಾನ್ನಿಘ್ನಂತಶ್ಚರಂತಿ ವಿಷಯೇ ತವ॥ 2-5-86 (11500)
ಕಚ್ಚಿತ್ಸ್ರಿಯಃ ಸಾಂತ್ವಯಸಿ ಕಚ್ಚಿತ್ತಾಶ್ಚ ಸುರಕ್ಷಿತಾಃ।
ಕಚ್ಚಿನ್ನ ಶ್ರದ್ದಧಾಸ್ಯಾಸಾಂ ಕಚ್ಚಿದ್ಗುಹ್ಯಂ ನ ಭಾಷಸೇ॥ 2-5-87 (11501)
ಕಚ್ಚಿದಾತ್ಯಯಿಕಂ ಶ್ರುತ್ವಾ ತದರ್ಥಮನುಚಿಂತ್ಯ ಚ।
ಪ್ರಿಯಾಣ್ಯನುಭವಞ್ಶೇಷೇ ನ ತ್ವಮಂತಃ ಪುರೇ ನೃಪ॥ 2-5-88 (11502)
ಕಚ್ಚಿದ್ದ್ವೌ ಪ್ರಥಮೌ ಯಾಮೌ ರಾತ್ರೇಃ ಸುಪ್ತ್ವಾ ವಿಶಾಂಪತೇ।
ಸಂಚಿಂತಯಸಿ ಧರ್ಮಾರ್ಥೌ ಯಾಮ ಉತ್ಥಾಯ ಪಶ್ಚಿಮೇ ॥ 2-5-89 (11503)
ಕಚ್ಚಿದ್ದರ್ಶಯಸೇ ನಿತ್ಯಂ ಮನುಷ್ಯಾನ್ಸಮಲಂಕೃತಃ।
ಉತ್ಥಾಯ ಕಾಲೇ ಕಾಲಜ್ಞೈಃ ಸಹ ಪಾಂಡವ ಮಂತ್ರಿಭಿಃ ॥ 2-5-90 (11504)
ಕಚ್ಚಿದ್ರಕ್ತಾಂಬರಧರಾಃ ಖಡ್ಗಹಸ್ತಾಃ ಸ್ವಲಂಕೃತಾಃ।
ಉಪಾಸತೇ ತ್ವಾಮಭಿತೋ ರಕ್ಷಣಾರ್ಥಮರಿಂದಮ॥ 2-5-91 (11505)
ಕಚ್ಚಿದ್ದಂಡ್ಯೇಷು ಯಮವತ್ಪೂಜ್ಯೇಷು ಚ ವಿಶಾಂಪತೇ।
ಪರೀಕ್ಷ್ಯ ವರ್ತಸೇ ಸಂಯಗಪ್ರಿಯೇಷು ಪ್ರಿಯೇಷು ಚ॥ 2-5-92 (11506)
ಕಚ್ಚಿಚ್ಛಾರೀರಮಾಬಾಧಮೌಷಧೈರ್ನಿಯಮೇನ ವಾ।
ಮಾನಸಂ ವೃದ್ಧಸೇವಾಭಿಃ ಸದಾ ಪಾರ್ಥಾಪಕರ್ಷಸಿ ॥ 2-5-93 (11507)
ಕಚ್ಚಿದ್ವೈದ್ಯಾಶ್ಚಿಕಿತ್ಸಾಯಾಮಷ್ಟಾಂಗಾಯಾಂ ವಿಶಾರದಾಃ।
ಸುಹೃದಶ್ಚಾನುರಕ್ತಾಶ್ಚ ಶರೀರೇ ತೇ ಹಿತಾಃ ಸದಾ॥ 2-5-94 (11508)
ಕಚ್ಚಿನ್ನ ಲೋಭಾನ್ಮೋಹಾದ್ವಾ ಮಾನಾದ್ವಾಪಿ ವಿಶಾಂಪತೇ।
ಅರ್ಥಿಪ್ರತ್ಯರ್ಥಿನಃ ಪ್ರಾಪ್ತಾನ್ನಾಪಾಸ್ಯಸಿ ಕಥಂಚನ॥ 2-5-95 (11509)
ಕಚ್ಚಿನ್ನ ಲೋಭಾನ್ಮೋಹಾದ್ವಾ ವಿಶ್ರಂಭಾತ್ಪ್ರಣಯೇನ ವಾ।
ಆಶ್ರಿತಾನಾಂ ಮನುಷ್ಯಾಣಾಂ ವೃತ್ತಿಂ ತ್ವಂ ಸಂರುಣಾತ್ಸಿ ವೈ॥ 2-5-96 (11510)
ಕಚ್ಚಿತ್ಪೌರಾ ನ ಸಹಿತಾ ಯೇ ಚ ತೇ ರಾಷ್ಟ್ರವಾಸಿನಃ।
ತ್ವಯಾ ಸಹ ವಿರುಧ್ಯಂತೇ ಪರೈಃ ಕ್ರೀತಾಃ ಕಥಂಚನ॥ 2-5-97 (11511)
ಕಚ್ಚಿನ್ನ ದುರ್ಬಲಃ ಶತ್ರುರ್ಬಲೇನ ಪರಿಪೀಡಿತಃ।
ಮಂತ್ರೇಣ ಬಲವಾನ್ಕಶ್ಚಿದುಭಾಭ್ಯಾಂ ಚ ಕಥಂಚನ॥ 2-5-98 (11512)
ಕಚ್ಚಿತ್ಸರ್ವೇಽನುರಕ್ತಾಸ್ತ್ವಾಂ ಭೂಮಿಪಾಲಾಃ ಪ್ರಧಾನತಃ।
ಕಚ್ಚಿತ್ಪ್ರಾಣಾಂಸ್ತ್ವದರ್ಥೇಷು ಸಂತ್ಯಜಂತಿ ತ್ವಯಾ ಹೃತಾಃ॥ 2-5-99 (11513)
ಕಚ್ಚಿತ್ತೇ ಸರ್ವವಿದ್ಯಾಸು ಗುಣತೋಽರ್ಚಾ ಪ್ರವರ್ತತೇ।
ಬ್ರಾಹ್ಮಣಾನಾಂ ಚ ಸಾಧೂನಾಂ ತವ ನೈಃ ಶ್ರೇಯಸೀ ಶುಭಾ।
ದಕ್ಷಿಣಾಸ್ತ್ವಂ ದದಾಸ್ಯೇಷಾಂ ನಿತ್ಯಂ ಸ್ವರ್ಗಾಪವರ್ಗದಾಃ ॥ 2-5-100 (11514)
ಕಚ್ಚಿದ್ಧರ್ಮೇ ತ್ರಯೀಮೂಲೇ ಪೂರ್ವೈರಾಚರಿತೇ ಜನೈಃ।
ಯತಮಾನಸ್ತಥಾ ಕರ್ತುಂ ತಸ್ಮಿನ್ಕರ್ಮಣಿ ವರ್ತಸೇ॥ 2-5-101 (11515)
ಕಚ್ಚಿತ್ತವ ಗೃಹೇಽನ್ನಾನಿ ಸ್ವಾದೂನ್ಯಶ್ರಂತಿ ವೈ ದ್ವಿಜಾಃ।
ಗುಣವಂತಿ ಗುಣೋಪೇತಾಸ್ತವಾಧ್ಯಕ್ಷಂ ಸದಕ್ಷಿಣಂ॥ 2-5-102 (11516)
ಕಚ್ಚಿತ್ಕ್ರತೂನೇಕಚಿತ್ತೋ ವಾಜಪೇಯಾಂಶ್ಚ ಸರ್ವಶಃ।
ಪೌಂಡರೀಕಾಂಶ್ಚ ಕಾರ್ತ್ಸ್ನ್ಯೇನ ಯತಸೇ ಕರ್ತುಮಾತ್ಮವಾನ್ ॥ 2-5-103 (11517)
ಕಚ್ಚಿಜ್ಜ್ಞಾತೀನ್ಗುರೂನ್ವೃದ್ಧಾಂದೈವತಾಂಸ್ತಾಪಸಾನಪಿ।
ಚೈತ್ಯಾಂಶ್ಚ ವೃಕ್ಷಾನ್ಕಲ್ಯಾಣಾನ್ಬ್ರಾಹ್ಮಣಾಂಶ್ಚ ನಮಸ್ಯಸಿ ॥ 2-5-104 (11518)
ಕಚ್ಚಿಚ್ಛೋಕೋ ನ ಮನ್ಯುರ್ವಾ ತ್ವಯಾ ಪ್ರೋತ್ಪಾದ್ಯತೇಽನಘ।
ಅಪಿ ಮಂಗಲಹಸ್ತಶ್ಚ ಜನಃ ಪಾರ್ಶ್ವೇ ನ ತಿಷ್ಠತಿ॥ 2-5-105 (11519)
ಕಚ್ಚಿದೇಷಾ ಚ ತೇ ಬುದ್ಧಿರ್ವೃತ್ತಿರೇಷಾ ಚ ತೇಽನಘ।
ಆಯುಷ್ಯಾ ಚ ಯಶಸ್ಯಾ ಚ ಧರ್ಮಕಾಮಾರ್ಥದರ್ಶಿನೀ ॥ 2-5-106 (11520)
ಏತಯಾ ವರ್ತಮಾನಸ್ಯ ಬುದ್ಧ್ಯಾ ರಾಷ್ಟ್ರಂ ನ ಸೀದತಿ।
ವಿಜಿತ್ಯ ಚ ಮಹೀಂ ರಾಜಾ ಸೋತ್ಯಂತಂ ಸುಖಮೇಧತೇ॥ 2-5-107 (11521)
ಕಚ್ಚಿದಾರ್ಯೋ ವಿಶುದ್ಧಾತ್ಮಾ ಕ್ಷಾರಿತಶ್ಚೌರಕರ್ಮಣಿ।
ಅದೃಷ್ಟಶಾಸ್ತ್ರಕುಶಲೈರ್ನ ಲೋಭಾದ್ವಧ್ಯತೇ ಶುಚಿ॥ 2-5-108 (11522)
ದುಷ್ಟೋ ಗೃಹೀತಸ್ತತ್ಕಾರಿತಜ್ಜ್ಞೈರ್ದೃಷ್ಟಃ ಸಕಾರಣಃ।
ಕಚ್ಚಿನ್ನ ಮುಚ್ಯತೇ ಸ್ತೇನೋ ದ್ರವ್ಯಲೋಭಾನ್ನರರ್ಷಭ॥ 2-5-109 (11523)
ಉತ್ಪನ್ನಾನಕಚ್ಚಿದಾಢ್ಯಸ್ಯ ದರಿದ್ರಸ್ಯ ಚ ಭಾರತ।
ಅರ್ಥಾನ್ನ ಮಿಥ್ಯಾ ಪಶ್ಯಂತಿ ತವಾಮಾತ್ಯಾ ಹೃತಾ ಧನೈಃ॥ 2-5-110 (11524)
ನಾಸ್ತಿಕ್ಯಮನೃತಂ ಕ್ರೋಧಂ ಪ್ರಮಾದಂ ದೀರ್ಘಸೂತ್ರತಾಂ।
ಅದರ್ಶನಂ ಜ್ಞಾನವತಾಮಾಲಸ್ಯಂ ಪಂಚವೃತ್ತಿತಾಂ।
ಏಕಚಿಂತನಮರ್ಥಾನಾಮನರ್ಥಜ್ಞೈಶ್ಚ ಚಿಂತನಂ॥ 2-5-111 (11525)
ನಿಶ್ಚಿತಾನಾಮನಾರಂಭಂ ಮಂತ್ರಸ್ಯಾಪರಿರಕ್ಷಣಂ।
ಮಂಗಲಾದ್ಯಪ್ರಯೋಗಂ ಚ ಪ್ರತ್ಯುತ್ಥಾನಂ ಚ ಸರ್ವತಃ॥ 2-5-112 (11526)
ಕಚ್ಚಿತ್ತ್ವಂ ವರ್ಜಯಸ್ಯೇತಾನ್ರಾಜದೋಷಾಂಶ್ಚತುರ್ದಶ।
ಪ್ರಾಯಶೋಯೈರ್ವಿನಶ್ಯಂತಿ ಕೃತಮೂಲಾಪಿ ಪಾರ್ಥಿವಃ ॥ 2-5-113 (11527)
ಕಚ್ಚಿತ್ತೇ ಸಫಲಾ ವೇದಾಃ ಕಚ್ಚಿತ್ತೇ ಸಫಳಂ ಧನಂ।
ಕಚ್ಚಿತ್ತೇ ಸಫಲಾ ದಾರಾಃ ಕಚ್ಚಿತ್ತೇ ಸಫಲಂ ಶ್ರುತಂ॥ 2-5-114 (11528)
ಯುಧಿಷ್ಠಿರ ಉವಾಚ । 2-5-115x (1386)
ಕಥಂ ವೈ ಸಫಲಾ ವೇದಾಃ ಕಥಂ ವೈ ಸಫಲಂ ಧನಂ।
ಕಥಂ ವೈ ಸಫಲಾ ದಾರಾಃ ಕಥಂ ವೈ ಸಫಲಂ ಶ್ರುತಂ ॥ 2-5-115 (11529)
ನಾರದ ಉವಾಚ। 2-5-116x (1387)
ಅಗ್ನಿಹೋತ್ರಫಲಾ ವೇದಾ ದತ್ತಭುಕ್ತಫಲಂ ಧನಂ।
ರತಿಪುತ್ರಫಲಾ ದಾರಾಃ ಶೀಲವೃತ್ತಫಲಂ ಶ್ರುತಂ॥ 2-5-116 (11530)
ವೈಶಂಪಾಯನ ಉವಾಚ। 2-5-117x (1388)
ಏತದಾಖ್ಯಾಯ ಸ ಮುನಿರ್ನಾರದೋ ವೈ ಮಹಾತಪಾಃ।
ಪಪ್ರಚ್ಛಾನಂತರಮಿದಂ ಧರ್ಮಾತ್ಮಾನಂ ಯುಧಿಷ್ಠಿರಂ॥ 2-5-117 (11531)
ನಾರದ ಉವಾಚ। 2-5-118x (1389)
ಕಚ್ಚಿದಭ್ಯಾಗತಾ ದೂರಾದ್ವಣಿಜೋ ಲಾಭಕಾರಣಾತ್।
ಯಥೋಕ್ತಮವಹಾರ್ಯಂತೇ ಶುಲ್ಕಂ ಶುಲ್ಕೋಪಜೀವಿಭಿಃ॥ 2-5-118 (11532)
ಕಚ್ಚಿತ್ತೇ ಪುರುಷಾ ರಾಜನ್ಪುರೇ ರಾಷ್ಟ್ರೇ ಚ ಮಾನಿತಾಃ।
ಉಪಾನಯಂತಿ ಪಣ್ಯಾನಿ ಉಪಾಧಾಭಿರವಂಚಿತಾಃ॥ 2-5-119 (11533)
ಕಚ್ಚಿಚ್ಛೃಣೋಷಿ ವೃದ್ಧಾನಾಂ ಧರ್ಮಾರ್ಥಸಹಿತಾ ಗಿರಃ।
ನಿತ್ಯಮರ್ಥವಿದಾಂ ತಾತ ಯಥಾಧರ್ಮಾರ್ಥದರ್ಶಿನಾಂ॥ 2-5-120 (11534)
ಕಚ್ಚಿತ್ತೇ ಕೃಷಿತಂತ್ರೇಷು ಗೋಷು ಪುಷ್ಪಫಲೇಷು ಚ।
ಧರ್ಮಾರ್ಥಂ ಚ ದ್ವಿಜಾತಿಭ್ಯೋ ದೀಯೇತೇ ಮಧುಸರ್ಪಿಷೀ ॥ 2-5-121 (11535)
ದ್ರವ್ಯೋಪಕರಣಂ ಕಿಂಚಿತ್ಸರ್ವದಾ ಸರ್ವಶಿಲ್ಪಿನಾಂ।
ಚಾತುರ್ಮಾಸ್ಯಾವರಂ ಸಂಯಙ್ನಿಯತಂ ಸಂಪ್ರಯಚ್ಛಸಿ॥ 2-5-122 (11536)
ಕಚ್ಚಿತ್ಕೃತಂ ವಿಜಾನೀಷೇ ಕರ್ತಾರಂ ಚ ಪ್ರಶಂಸಸಿ।
ಸತಾಂ ಮಧ್ಯೇ ಮಹಾರಾಜ ಸತ್ಕರೋಷಿ ಚ ಪೂಜಯನ್॥ 2-5-123 (11537)
ಕಚ್ಚಿತ್ಸೂತ್ರಾಣಿ ಸರ್ವಾಣಿ ಗೃಹ್ಣಾಸಿ ಭರತರ್ಷಭ।
ಹಸ್ತಿಸೂತ್ರಾಶ್ವಸೂತ್ರಾಣಿ ರಥಸೂತ್ರಾಣಿ ವಾ ವಿಭೋ॥ 2-5-124 (11538)
ಕಚ್ಚಿದಭ್ಯಸ್ಯತೇ ಸಂಯಗ್ಗೃಹೇ ತೇ ಭರತರ್ಷಭ।
ಧನುರ್ವೇದಸ್ಯ ಸೂತ್ರಂ ವೈ ಯಂತ್ರಸೂತ್ರಂ ಚ ನಾಗರಂ॥ 2-5-125 (11539)
ಕಚ್ಚಿದಸ್ತ್ರಾಣಿ ಸರ್ವಾಣಿ ಬ್ರಹ್ಮದಂಡಶ್ಚ ತೇಽನಘ।
ವಿಷಯೋಗಾಸ್ತಥಾ ಸರ್ವೇ ವಿದಿತಾಃ ಶತ್ರುನಾಶನಾಃ॥ 2-5-126 (11540)
ಕಚ್ಚಿದಗ್ನಿಭಯಾಚ್ಚೈವ ಸರ್ವಂ ವ್ಯಾಲಭಯಾತ್ತಥಾ।
ರೋಗರಕ್ಷೋಭಯಾಚ್ಚೈವ ರಾಷ್ಟ್ರಂ ಸ್ವಂ ಪರಿರಕ್ಷಶಿ॥ 2-5-127 (11541)
ಕಚ್ಚಿದಂಧಾಂಶ್ಚ ಮೂಕಾಂಶ್ಚ ಪಂಗೂನ್ವ್ಯಂಗಾನಬಾಂಧವಾನ್।
ಪಿತೇವ ಪಾಸಿ ಧರ್ಮಜ್ಞ ತಥಾ ಪ್ರವ್ರಜಿತಾನಪಿ॥ 2-5-128 (11542)
ಷಡವರ್ಥಾ ಮಹಾರಾಜ ಕಚ್ಚಿತ್ತೇ ಪೃಷ್ಠತಃ ಕೃತಾಃ।
ನಿದ್ರಾಽಽಲಸ್ಯಂ ಭಯಂ ಕ್ರೋಧೋ ಮಾರ್ದವಂ ದೀರ್ಘಸೂತ್ರತಾ॥ 2-5-129 (11543)
ವೈಶಂಪಾಯನ ಉವಾಚ। 2-5-130x (1390)
ತತಃ ಕುರೂಣಾಮೃಷಭೋ ಮಹಾತ್ಮಾ
ಶ್ರುತ್ವಾ ಗಿರೋ ಬ್ರಾಹ್ಮಣಸತ್ತಮಸ್ಯ।
ಪ್ರಣಂಯ ಪಾದಾವಭಿವಾದ್ಯ ತುಷ್ಟೋ
ರಾಜಾಽಬ್ರವೀನ್ನಾರದಂ ದೇವರೂಪಂ॥ 2-5-130 (11544)
ಏವಂ ಕರಿಷ್ಯಾಮಿ ಯಥಾ ತ್ವಯೋಕ್ತಂ
ಪ್ರಜ್ಞಾ ಹಿ ಮೇ ಭೂಯ ಏವಾಭಿವೃದ್ಧಾ।
ಉಕ್ತ್ವಾ ತಥಾ ಚೈವ ಚಕಾರ ರಾಜಾ
ಲೇಭೇ ಮಹೀಂ ಸಾಗರಮೇಖಲಾಂ ಚ॥ 2-5-131 (11545)
ನಾರದ ಉವಾಚ। 2-5-132x (1391)
ಏವಂ ಯೋ ವರ್ತತೇ ರಾಜಾ ಚಾತುರ್ವರ್ಣ್ಯಸ್ಯ ರಕ್ಷಣೇ।
ಸ ವಿಹೃತ್ಯೇಹ ಸುಸುಖೀ ಶುಕ್ರಸ್ಯೈತಿ ಸಲೋಕತಾಂ ॥ ॥ 2-5-132 (11546)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಪಂಚಮೋಽಧ್ಯಾಯಃ॥ 5॥
Mahabharata - Sabha Parva - Chapter Footnotes
2-5-24 ಷಡ್ಗುಣಾಃ ಸಂಧಿವಿಗ್ರಹಾದಯಃ। ಸಪ್ತೋಪಾಯಾಃ ಮಂತ್ರೌಷಧೇಂದ್ರಜಾಲಸಹಿತಾಃ ಸಾಮಾದಯಃ। ಸ ್ವಪರಪಕ್ಷಬಲಾವಲಸಹಿತಾ ಏತಏವ ಚತುರ್ದಶ ॥ 2-5-25 ಅಷ್ಟೌ ಕರ್ಮಾಣಿ- ಕೃಷಿರ್ವಣಿಕ್ಪತೋ ದುರ್ಗ ಸೇತುಃ ಕುಂಜರಬಂಧನಂ। ಖನ್ಯಾಕರಕರಾದಾನಂ ಶೂನ್ಯಾನಾಂ ಚ ನಿವೇಶನಮಿತ್ಯುಕ್ತಾನಿ॥ 2-5-26 ಸಪ್ತಪ್ರಕೃತಯಃ ಸ್ವಾಂಯಮಾತ್ಯಸುಹೃತ್ಕೋಶರಾಷ್ಟ್ರದುರ್ಗಬಲಾಖ್ಯಾಃ॥ 2-5-27 ಕಚ್ಚಿನ್ನ ತರ್ಕೈರ್ದೂತೈರ್ವಾ ಇತಿ ಖ-ಪಾಠಃ॥ 2-5-28 ಶುಚಯೋ ಜೀವಿತಕ್ಷಮಾಃ ಇತಿ ಖ-ಪಾಠಃ॥ 2-5-35 ಕರ್ಮಾಂತಾಃ ಕೃಷ್ಯಾದಯಃ॥ 2-5-37 ಕಾರಣಿಕಾಃ ಯುದ್ಧೋಪಕರಣಯುಕ್ತಾಃ॥ 2-5-41 ಮಂತ್ರೀ ಪುರೋಹಿತಶ್ಚೈವ ಯುವರಾಜಶ್ಚಮೂಪತಿಃ। ಪಂಚಮೋ ದ್ವಾರಪಾಲಶ್ಚ ಷಷ್ಠೋಽಂತರ್ವೇಶ ಿಕಸ್ತಥಾ 1, ಕಾರಾಗಾರಾಧಿಕಾರೀ ಚ ದ್ರವ್ಯಸಂಚಯಕೃತ್ತಥಾ। ಕೃತ್ಯಾಕೃತ್ಯೇಷು ಚಾರ್ಥಾನಾಂ ನವಮೋ ವಿನಿಯೋಜಕಃ 2, ಪ್ರೇದೇಷ್ಟಾ ನಗರಾಧ್ಯಕ್ಷಃ ಕಾರ್ಯಾನಿರ್ಮಾಣಕೃತ್ತಥಾ। ಧರ್ಮಾಧ್ಯ ಕ್ಷಃ ಸಭಾಧ್ಯಕ್ಷೋ ದಂಡಪಾಲಸ್ತ್ರಿಪಂಚಮಃ 3, ಷೋಡಶೋ ದುರ್ಗಪಾಲಶ್ಚ ತಥಾ ರಾಷ್ಟ್ರಾಂತ ಪಾಲಕಃ ಅಟವೀಪಾಲಕಾಂತಾನಿ ತೀರ್ಥಾನ್ಯಷ್ಟಾದಶೈವ ತು 4, ಚಾರಾನ್ವಿಚಾರಯೇತ್ತೀರ್ಥೇಷ್ವಾತ ್ಮನಶ್ಚ ಪರಸ್ಯ ಚ । ಪಾಖಂಡಾದೀನವಿಜ್ಞಾತಾನನ್ಯೋನ್ಯಮಿತರೇಷ್ವಪಿ 5, ಮಂತ್ರಿಣಂ ಯುವರಾ ಜಂ ಚ ಹಿತ್ವಾ ಸ್ವೇಷು ಪುರೋಹಿತಮಿತಿ॥ 2-5-67 ಅಷ್ಟಾಂಗಸಂಯುಕ್ತಾ-ರಥಾ ನಾಗಾ ಹಯಾ ಯೋಧಾಃ ಪತ್ತಯಃ ಕರ್ಮಕಾರಕಾಃ। ಚಾರಾ ದೈಶಿಕಮುಖ್ಯಾಶ ್ಚ ಧ್ವಜಿನ್ಯಷ್ಟಾಂಗಿಕಾ ಮತಾ। ಚತುರ್ವಿಧಬಲಾ ಮೌಲಮೈತ್ರಮೃತ್ಯಾಟವಿಕೈರ್ಬಲೈರ್ಯುಕ್ತಾ। ಬಲಮುಖ್ಯೈಃ ಸೇನಾಪತಿಭಿಃ ಪ್ರತಿವರ್ಧಿನೀ ಪ್ರಾತಿಕೂಲ್ಯೇನ ಚ್ಛೇದಿನೀ॥ 2-5-68 ಲವಃ ಸಸ್ಯಚ್ಛೇದನಕಾಲಃ। ಮುಷ್ಟಿಃ ಸಸ್ಯಾನಾಂ ಗೋಪನಕಾಲಃ॥ 2-5-71 ಕೋಷ್ಠಂ ಧಾನ್ಯಸ್ಥಾನಂ॥ 2-5-73 ಕಚ್ಚಿನ್ನೇತಿ ಪಾನಾದಿವ್ಯಸನಜಂ ವ್ಯಯಂ ತವ ಪೂರ್ವಾಹ್ಣೇ ಧರ್ಮಾಚರಣಕಾಲೇ ಭೃತ್ಯಾ ನ ಪ್ರತ ಿಜಾನಂತಿ ನಾವೇದಯಂತಿ॥ 2-5-76 ಅನುತಿಷ್ಠಂತಿ ನಿವೇದಯಂತಿ ॥ 2-5-79 ಅಪ್ರಾಪ್ತವ್ಯವಹಾರಾ ಅಪ್ರೌಢಾಃ॥ 2-5-84 ಪ್ರತಿಗ್ರಾಮಂ ಪಂಚಪಂಚೇತಿ। ತೇಚ-ಪ್ರಶಾಸ್ತಾ ಸಮಾಹರ್ತಾ ಸಂವಿಧಾತಾ ಲೇಖಕಃ ಸಾಕ್ಷೀ ಚೇ ತಿ॥ 2-5-88 ಆತ್ಯಯಿಕಮಕಲ್ಯಾಣಂ॥ 2-5-93 ಆಬಾಧಂ ದುಃಖಂ। ನಿಯಮೇನ ಪಥ್ಯಾಶನಾದಿನಾ॥ 2-5-94 ನಿದಾನಂ ಪೂರ್ವಲಿಂಗಾನಿ ರೂಪಾಣ್ಯುಪಶಯಸ್ತಥಾ। ಸಂಪ್ರಾಪ್ತಿರೌಷಧೀ ರೋಗೀ ಪರಿಚಾರಕ ಏವಂ ಚೇತ್ಯಷ್ಟಾಂಗಾನಿ॥ 2-5-102 ತವಾಧ್ಯಕ್ಷಂ ತ್ವತ್ಸಮಕ್ಷಣ್॥ 2-5-108 ಕ್ಷಾರಿತಃ ಮಿಥ್ಯಾಪವಾದೈಃ ಪಾತಿತಃ॥ 2-5-113 ಕೃತಮೂಲಾಃ ಅಪೀತಿ ಛೇದಃ॥ 2-5-126 ಬ್ರಹ್ಮದಂಡಃ ಅಭಿಚಾರಃ॥ಸಭಾಪರ್ವ - ಅಧ್ಯಾಯ 006
॥ ಶ್ರೀಃ ॥
2.6. ಅಧ್ಯಾಯಃ 006
Mahabharata - Sabha Parva - Chapter Topics
ಉತ್ತಮಸಭಾಲಾಭಗರ್ವಿತೇನ ಯುಧಿಷ್ಠಿರೇಣ ಸಭಾವಿಷಯಕಪ್ರಶ್ನೇ ನಾರದಸ್ಯ ಇಂದ್ರಾದಿಸಭಾವರ್ಣ ನಪ್ರತಿಜ್ಞಾನಂ॥ 1॥Mahabharata - Sabha Parva - Chapter Text
ವೈಶಮಾಪಾಯನ ಉವಾಚ।
ಸಂಪೂಜ್ಯಾಥಾಭ್ಯನುಜ್ಞಾತೋ ಮಹರ್ಷೇರ್ವಚನಾತ್ಪರಂ।
ಪ್ರತ್ಯುವಾಚಾನುಪೂರ್ವ್ಯೇಣ ಧರ್ಮರಾಜೋ ಯುಧಿಷ್ಠಿರಃ॥ 2-6-1 (11547)
ಭಗವತ್ಯಾಯ್ಯಮಾಹೈತಂ ಯಥಾವದ್ಧರ್ಮನಿಶ್ಚಯಂ।
ಯಥಾಶಕ್ತಿ ಯಥಾನ್ಯಾಯಂ ಕ್ರಿಯತೇಽಯಂ ವಿಧಿರ್ಮಯಾ॥ 2-6-2 (11548)
ರಾಜಭಿರ್ಯದ್ಯಥಾ ಕಾರ್ಯಂ, ಪುರಾ ವೈ ತನ್ನ ಸಂಶಯಃ।
ಯಥಾನ್ಯಾಯೋಪನೀತಾರ್ಥಂ ಕೃತಂ ಹೇತುಮದರ್ಥವತ್॥ 2-6-3 (11549)
ವಯಂ ತು ಸತ್ಪಥಂ ತೇಷಾಂ ಯಾತುಮಿಚ್ಛಾಮಹೇ ಪ್ರಭೋ।
ನ ತು ಶಕ್ಯಂ ತಥಾ ಗಂತುಂ ಯಥಾ ತೈರ್ನಿಯತಾತ್ಮಭಿಃ॥ 2-6-4 (11550)
ವೈಶಂಪಾಯನ ಉವಾಚ। 2-6-5x (1392)
ಏಕಮುಕ್ತ್ವಾ ಸ ಧರ್ಮಾತ್ಮಾ ವಾಕ್ಯಂ ತದಭಿಪೂಜ್ಯ ಚ।
` ತಂ ತು ವಿಶ್ರಾಂತಮಾಸೀನಂ ದೇವರ್ಷಿಮಮಿತದ್ಯುತಿಂ'॥
ಮುಹೂರ್ತಾತ್ಪ್ರಾಪ್ತಕಾಲಂ ಚ ದೃಷ್ಟ್ವಾ ಲೋಕಚರಂ ಮುನಿಂ॥ 2-6-5 (11551)
ನಾದರದಂ ಸುಸ್ಥಮಾಸೀನಮುಪಾಸೀನೋ ಯುಧಿಷ್ಠಿರಃ।
ಅಪೃಚ್ಛತ್ಪಾಂಡವಸ್ತತ್ರ ರಾಜಮಧ್ಯೇ ಮಾಹದ್ಯುತಿಃ॥ 2-6-6 (11552)
ಭವಾತ್ಸಂಚರತೇ ಲೋಕಾನ್ಸದಾ ನಾನಾವಿಧಾನ್ಬಹೂನ್।
ಬ್ರಹ್ಮಣಾ ನಿರ್ಮಿತಾನ್ಪೂರ್ವಂ ಪ್ರೇಕ್ಷಮಾಣೋ ಮನೋಜವಃ। 2-6-7 (11553)
ಈದೃಶೀ ಭವಿತಾ ಕಾಚಿದ್ದೃಷ್ಟಪೂರ್ವಾ ಸಭಾ ಕ್ವಚಿತ್।
ಇತೋ ವಾ ಶ್ರೇಯಸೀ ಬ್ರಹ್ಮಂಸ್ತನ್ಮಮಾಚಕ್ಷ್ವ ಪೃಚ್ಛತಃ॥ 2-6-8 (11554)
ವೈಶಂಪಾಯನ ಉವಾಚ। 2-6-9x (1393)
ತಚ್ಛ್ರುತ್ವಾ ನಾರದಸ್ತಸ್ಯ ಧರ್ಮರಾಜಸ್ಯ ಭಾಷಿತಂ।
ಪಾಂಡವಂ ಪ್ರತ್ಯುವಾಚೇದಂ ಸ್ಮಯನ್ಮಧುರಯಾ ಗಿರಾ॥ 2-6-9 (11555)
ನಾರದ ಉವಾಚ। 2-6-10x (1394)
ಮಾನುಷೇಷು ನ ಮೇ ತಾತ ದೃಷ್ಟಪೂರ್ವಾ ನ ಚ ಶ್ರುತಾ।
ಸಭಾ ಮಣಿಮಯೀ ರಾಜನ್ಯಥೇಯಂ ತವ ಭಾರತ॥ 2-6-10 (11556)
ಸಭಾಂ ತು ಪಿತೃರಾಜಸ್ಯ ವರುಣಸ್ಯ ಚ ಧೀಮತಃ।
ಕಥಯಿಷ್ಯೇ ತಥೇಂದ್ರಸ್ಯ ಕೈಲಾಸನಿಲಯಸ್ಯ ಚ॥ 2-6-11 (11557)
ಬ್ರಹ್ಮಣಶ್ಚ ಸಭಾಂ ದಿವ್ಯಾಂ ಕಥಯಿಷ್ಯೇ ಗತಕ್ಲಮಾಂ।
ದಿವ್ಯಾದಿವ್ಯೈರಭಿಪ್ರಾಯೈರುಪೇತಾಂ ವಿಶ್ವರೂಪಿಣೀಂ॥ 2-6-12 (11558)
ದೇವೈಃ ಪಿತೃಗಣೈಃ ಸಾಧ್ಯೈರ್ಯಜ್ವಭಿರ್ನಿಯತಾತ್ಮಭಿಃ।
ಜುಷ್ಟಾಂ ಮುನಿಗಣೈಃ ಶಾಂತೈರ್ವೇದಯಜ್ಞೈಃ ಸದಕ್ಷಿಣೈಃ॥
ಯದಿ ತೇ ಶ್ರವಣೇ ಬುದ್ಧಿರ್ವರ್ತತೇ ಭರತರ್ಷಭ॥ 2-6-13 (11559)
ನಾರದೇನೈವಮುಕ್ತಸ್ತು ಧರ್ಮರಾಜೋ ಯುಧಿಷ್ಠಿರಃ।
ಪ್ರಾಂಜಲಿರ್ಭ್ರಾತೃಭಿಃ ಸಾರ್ಧಂ ತೈಶ್ಚ ಸರ್ವೈರ್ದ್ವಿಜೋತ್ತಮೈಃ॥ 2-6-14 (11560)
ನಾರದಂ ಪ್ರತ್ಯವಾಚೇದಂ ಧರ್ಮರಾಜೋ ಮಹಾಮನಾಃ।
ಸಭಾಃ ಕಥಯ ತಾಃ ಸರ್ವಾಃ ಶ್ರೋತುಮಿಚ್ಛಾಮಹೇ ವಯಂ॥ 2-6-15 (11561)
ಕಿಂದ್ರವ್ಯಾಸ್ತಾಃ ಸಭಾ ಬ್ರಹ್ಮನ್ಕಿಂವಿಸ್ತಾರಾಃ ಕಿಮಾಯತಾಃ।
ಪಿತಾಮಹಂ ಚ ಕೇ ತಸ್ಯಾಂ ಸಭಾಯಾಂ ಪರ್ಯುಪಾಸತೇ॥ 2-6-16 (11562)
ವಾಸವಂ ದೇವರಾಜಂ ಚ ಯಮಂ ವೈವಸ್ವತಂ ಚ ಕೇ।
ವರುಣಂ ಚ ಕುಬೇರಂ ಚ ಸಭಾಯಾಂ ಪರ್ಯುಪಾಸತೇ॥ 2-6-17 (11563)
ಏತತ್ಸರ್ವಂ ಯಥಾನ್ಯಾಯಂ ಬ್ರಹ್ಮರ್ಷೇ ವದತಸ್ತವ।
ಶ್ರೋತುಮಿಚ್ಛಾಮ ಸಹಿತಾಃ ಪರಂ ಕೌತೂಹಲಂ ಹಿ ನಃ॥ 2-6-18 (11564)
ಏವಮುಕ್ತಃ ಪಾಂಡವೇನ ನಾರದಃ ಪ್ರತ್ಯಭಾಷತ।
ಕ್ರಮೇಣ ರಾಜಂದಿವ್ಯಾಸ್ತಾಃ ಶ್ರೂಯಂತಾಮಿಹ ನಃ ಸಭಾಃ॥ ॥ 2-6-19 (11565)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಮಂತ್ರಪರ್ವಣಿ ಷಷ್ಠೋಽಧ್ಯಾಯಃ॥ 6॥
Mahabharata - Sabha Parva - Chapter Footnotes
2-6-11 ಕೈಲಾಸನಿಲಯಸ್ಯ ಕುಬೇರಸ್ಯ॥ಸಭಾಪರ್ವ - ಅಧ್ಯಾಯ 007
॥ ಶ್ರೀಃ ॥
2.7. ಅಧ್ಯಾಯಃ 007
Mahabharata - Sabha Parva - Chapter Topics
ಇಂದ್ರಸಭಾವರ್ಣನಂ॥ 1॥Mahabharata - Sabha Parva - Chapter Text
ನಾರದ ಉವಾಚ॥
ಶಕ್ರಸ್ಯ ತು ಸಭಾ ದಿವ್ಯಾ ಭಾಸ್ವರಾ ಕರ್ಮನಿರ್ಮಿತಾ।
ಸ್ವಯಂ ಶಕ್ರೇಣ ಕೌರವ್ಯ ನಿರ್ಜಿತಾರ್ಕಸಮಪ್ರಭಾ॥ 2-7-1 (11566)
ವಿಸ್ತೀರ್ಣಾ ಯೋಜನಶತಂ ಶತಮಧ್ಯರ್ಧಮಾಯತಾ।
ವೈಹಾಯಸೀ ಕಾಮಗಮಾ ಪಂಚಯೋಜನಮುಚ್ಛ್ರಿತಾ। 2-7-2 (11567)
ಜರಾಶೋಕಕ್ಲಮಾಪೇತಾ ನಿರಾತಂಕಾ ಶಿವಾ ಶುಭಾ।
ವೇಶ್ಮಾಸನವತೀ ರಂಯಾ ದಿವ್ಯಪಾದಪಶೋಭಿತಾ॥ 2-7-3 (11568)
ತಸ್ಯಾಂ ದೇವೇಶ್ವರಃ ಪಾರ್ಥ ಸಭಾಯಾಂ ಪರಮಾಸನೇ।
ಆಸ್ತೇ ಶಚ್ಯಾ ಮಹೇಂದ್ರಾಣ್ಯಾ ಶ್ರಿಯಾ ಲಕ್ಷ್ಂಯಾ ಚ ಭಾರತ। 2-7-4 (11569)
ಬಿಭ್ರದ್ವಪುರನಿರ್ದೇಶ್ಯಂ ಕಿರೀಟೀ ಲೋಹಿತಾಂಗದಃ।
ವಿರಜೋಂಬರಶ್ಚಿತ್ರಮಾಲ್ಯೋ ಹ್ರೀಕೀರ್ತಿದ್ಯುತಿಭಿಃ ಸಹ॥ 2-7-5 (11570)
ತಸ್ಯಾಮುಪಾಸತೇ ನಿತ್ಯಂ ಮಹಾತ್ಮಾನಂ ಶತಕ್ರತುಂ।
ಮರುತಃ ಸರ್ವಶೋ ರಾಜನ್ಸರ್ವೇ ಚ ಗೃಹಮೇಧಿನಃ॥ 2-7-6 (11571)
ಸಿದ್ಧಾ ದೇವರ್ಷಯಶ್ಚೈವ ಸಾಧ್ಯಾ ದೇವಗಣಾಸ್ತಥಾ।
ಮರುತ್ತ್ವಂತಶ್ಚ ಸಹಿತಾ ಭಾಸ್ವಂತೋ ಹೇಮಮಾಲಿನಃ॥ 2-7-7 (11572)
ಏತೇ ಸಾನುಚರಾಃ ಸರ್ವೇ ದಿವ್ಯರೂಪಾಃ ಸ್ವಲಂಕೃತಾಃ।
ಉಪಾಸತೇ ಮಹಾತ್ಮಾನ ದೇವರಾಜಮರಿಂದಮಂ॥ 2-7-8 (11573)
ತಥಾ ದೇವರ್ಷಯಃ ಸರ್ವೇ ಪಾರ್ತೇ ಶಕ್ರಮುಪಾಸತೇ।
ಅಮಲಾ ಧೂತಪಾಪ್ಮಾನೋ ದೀಪ್ಯಮಾನಾ ಇವಾಗ್ನಯಃ॥ 2-7-9 (11574)
ತೇಜಸ್ವಿನಃ ಸೋಮಸುತೋ ವಿಶೋಕಾ ವಿಗತಜ್ವರಾಃ।
ಪರಾಶರಃ ಪರ್ವತಶ್ಚ ತಥಾ ಸಾವರ್ಣಿಗಾಲವೌ॥ 2-7-10 (11575)
`ಏಕತಶ್ಚ ದ್ವಿತಶ್ಚೈವ ತ್ರಿತಶ್ಚೈವ ಮಹಾಮತಿಃ'।
ಶಂಖಶ್ಚ ಲಿಖಿತಶ್ಚೈವ ತಥಾ ಗೌರಶಿರಾ ಮುನಿಃ।
ದುರ್ವಾಸಾಃ ಕ್ರೋಧನಃ ಶ್ಯೇನಸ್ತಥಾ ದೀರ್ಘತಮಾ ಮುನಿಃ॥ 2-7-11 (11576)
ಪವಿತ್ರಪಾಣಿಃ ಸಾವರ್ಣಿರ್ಯಾಜ್ಞವಲ್ಕ್ಯೋಽಥ ಭಾಲುಕಿಃ।
ಉದ್ದಾಲಕಃ ಶ್ವೇತಕೇತುಸ್ತಾಂಡೋ ಭಾಂಡಾಯನಿಸ್ತಥಾ॥ 2-7-12 (11577)
ಹವಿಷ್ಮಾಂಶ್ಚ ಗರಿಷ್ಠಶ್ಚ ಹರಿಶ್ಚಂದ್ರಶ್ಚ ಪಾರ್ಥಿವಃ॥
ಹೃದ್ಯಶ್ಚೋದರಶಾಂಡಿಲ್ಯಃ ಪಾರಾಶರ್ಯಃ ಕೃಷೀವಲಃ॥ 2-7-13 (11578)
ವಾತಸ್ಕಂಧೋ ವಿಶಾಖಶ್ಚ ವಿಧಾತಾ ಕಾಲ ಏವ ಚ।
ಕರಾಲದಂತಸ್ತ್ವಷ್ಟಾ ಚ ವಿಶ್ವಕರ್ಮಾ ಚ ತುಂಬುರುಃ॥ 2-7-14 (11579)
ಅಯೋನಿಜಾ ಯೋನಿಜಾಶ್ಚ ವಾಯುಭಕ್ಷಾ ಹುತಾಶಿನಃ।
ಈಶಾನಂ ಸರ್ವಲೋಕಸ್ಯ ವಜ್ರಿಣಂ ಸಮುಪಾಸತೇ॥ 2-7-15 (11580)
ಸಹದೇವಃ ಸುನೀಥಶ್ಚ ವಾಲ್ಮೀಕಿಶ್ಚ ಮಹಾತಪಾಃ।
ಸಮೀಕಃ ಸತ್ಯವಾಕ್ಚೈವ ಪ್ರಚೇತಾಃ ಸತ್ಯಸಂಗರಃ॥ 2-7-16 (11581)
ಮೇಧಾತಿಥಿರ್ವಾಮದೇವಃ ಪುಲಸ್ತ್ಯಃ ಪುಲಹಃ ಕ್ರತುಃ।
ಮರುತ್ತಶ್ಚ ಮರೀಚಿಶ್ಚ ಸ್ಥಾಣುಶ್ಚಾತ್ರ ಮಹಾತಪಾಃ॥ 2-7-17 (11582)
ಕಕ್ಷೀವಾನ್ಗೌತಮಸ್ತಾರ್ಕ್ಷ್ಯಸ್ತಥಾ ವೈಶ್ವಾನರೋ ಮುನಿಃ।
ಮುನಿಃ ಕಾಲಕವೃಕ್ಷೀಯ ಆಶ್ರಾವ್ಯೋಽಥ ಹಿರಣ್ಮಯಃ॥ 2-7-18 (11583)
ಸಂವರ್ತೋ ದೇವಹವ್ಯಶ್ಚ ವಿಷ್ವಕ್ಸೇನಶ್ಚ ವೀರ್ಯವಾನ್।
ದಿವ್ಯಾ ಆಪಸ್ತಥೌಷಧ್ಯಃ ಶ್ರದ್ಧಾ ಮೇಧಾ ಸರಸ್ವತೀ॥ 2-7-19 (11584)
ಅರ್ಥೋ ಧರ್ಮಶ್ಚ ಕಾಮಶ್ಚ ವಿದ್ಯುತಶ್ಚೈವ ಪಾಂಡವ।
ಜಲವಾಹಾಸ್ತಥಾ ಮೇಘಾ ವಾಯವಃ ಸ್ತನಯಿತ್ನವಃ॥ 2-7-20 (11585)
ಪ್ರಾಚೀದಿಗ್ಯಜ್ಞವಾಹಾಶ್ಚ ಪಾವಕಾಃ ಸಪ್ತವಿಂಶತಿಃ।
ಅಗ್ನೀಷೋಮೌ ತಥೇಂದ್ರಾಗ್ನೀ ಮಿತ್ರಶ್ಚ ಸವಿತಾಽರ್ಯಮಾ॥ 2-7-21 (11586)
ಭಗೋ ವಿಶ್ವೇ ಸಾಧ್ಯಾಶ್ಚ ಗುರುಃ ಶುಕ್ರಸ್ತಥೈವ ಚ।
ವಿಶ್ವಾವಸುಶ್ಚಿತ್ರಸೇನಃ ಸುಮನಸ್ತರುಣಸ್ತಥಾ॥ 2-7-22 (11587)
ಯಜ್ಞಾಶ್ಚ ದಕ್ಷಿಣಾಶ್ಚೈವಂ ಗ್ರಹಾಸ್ತೋಭಾಶ್ಚ ಭಾರತ।
ಯಜ್ಞವಾಹಾಶ್ಚ ಯೇ ಮಂತ್ರಾಃ ಸರ್ವೇ ತತ್ರ ಸಮಾಸತೇ॥ 2-7-23 (11588)
ತಥೈವಾಪ್ಸರಸೋ ರಾಜನ್ `ರಂಭೋರ್ವಶ್ಯಥ ಮೇನಕಾ।
ಘೃತಾಚೀ ಪಂಚಚೂಡಾ ಚ ವಿಪ್ರಚಿತ್ತಿಪುರೋಗಮಾಃ॥ 2-7-24 (11589)
ವಿದ್ಯಾಧರಾಶ್ಚ ರಾಜೇಂದ್ರ' ಗಂಧರ್ವಾಶ್ಚ ಮನೋರಮಾಃ।
ನೃತ್ಯವಾದಿತ್ರಗೀತೈಶ್ಚ ಹಾಸ್ಯೈಶ್ಚ ವಿವಿಧೈರಪಿ॥ 2-7-25 (11590)
ರಮಯಂತಿ ಸ್ಮ ನೃಪತೇ ದೇವರಾಜಂ ಶತಕ್ರತುಂ।
ಸ್ತುತಿಭಿರ್ಮಂಗಲೈಶ್ಚೈವ ವಸ್ತುವಂತಃ ಕರ್ಮಭಿಸ್ತಥಾ॥ 2-7-26 (11591)
ವಿಕ್ರಮೈಶ್ಚ ಮಹಾತ್ಮಾನಂ ಬಲವೃತ್ರನಿಷೂದನಂ।
ಬ್ರಹ್ಮರಾಜರ್ಷಯಶ್ಚೈವ ಸರ್ವೇ ದೇವರ್ಷಯಸ್ತಥಾ॥ 2-7-27 (11592)
ವಿಮಾನೈರ್ವಿವಿಧೈರ್ದಿವ್ಯೈರ್ದೀಪ್ಯಮಾನಾ ಇವಾಗ್ನಯಃ।
ಸ್ರಗ್ವಿಣೋ ಭೂಷಿತಾಃ ಸರ್ವೇ ಯಾಂತಿ ಚಾಯಾಂತಿ ಚಾಪರೇ॥ 2-7-28 (11593)
ಬೃಹಸ್ಪತಿಶ್ಚ ಶುಕ್ರಶ್ಚ ನಿತ್ಯಮಾಸ್ತಾಂ ಹಿ ತತ್ರ ವೈ॥
ಏತೇ ಚಾನ್ಯೇ ಚ ಬಹವೋ ಮಹಾತ್ಮಾನೋ ಯತವ್ರತಾಃ॥ 2-7-29 (11594)
ವಿಮಾನೈಶ್ಚಂದ್ರಸಂಕಾಶೈಃ ಸೋಮವತ್ಪ್ರಿಯದರ್ಶನಾಃ।
ಬ್ರಹ್ಮಣೋ ವಚನಾದ್ರಾಜನ್ಭೃಗುಃ ಸಪ್ತರ್ಷಯಸ್ತಥಾ॥ 2-7-30 (11595)
ಏಷಾ ಸಭಾ ಮಯಾ ರಾಜಂದೃಷ್ಟಾ ಪುಷ್ಕರಮಾಲಿನೀ।
ಶತಕ್ರತೋರ್ಮಹಾಬಾಹೋ ಯಾಂಯಾಮಪಿ ಸಭಾಂ ಶೃಣು॥ ॥ 2-7-31 (11596)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಮಂತ್ರಪರ್ವಣಿ ಸಪ್ತಮೋಽಧ್ಯಾಯಃ॥ 7॥
Mahabharata - Sabha Parva - Chapter Footnotes
2-7-13 ಪಾರಾಶರ್ಯಃ ಕಪಿಷ್ಠಲ ಇತಿ ಘ. ಪಾಠಃ॥ 2-7-21 ಬ್ರಹ್ಮಣೋಂಗಾತ್ಪ್ರಸೂತೋಽಗ್ನಿರಂಗಿರಾ ಇತಿ ವಿಶ್ರುತಃ। ದಕ್ಷಿಣಾಗ್ನಿರ್ಗಾರ್ಹಪತ್ಯಾ ಹವನೀಯಾವಿತಿ ತ್ರಯೀ। ನಿರ್ಮಂಥ್ಯೋ ವೈದ್ಯುತಃ ಶೂರಃ ಸಂವರ್ತೋ ಲೌಕಿಕಸ್ತಥಾ। 2-7-31 ಪುಷ್ಕರಮಾಲಿನೀ ನಾಮತಃ॥ಸಭಾಪರ್ವ - ಅಧ್ಯಾಯ 008
॥ ಶ್ರೀಃ ॥
2.8. ಅಧ್ಯಾಯಃ 008
Mahabharata - Sabha Parva - Chapter Topics
ಯಮಸಭಾವರ್ಣಮಂ॥ 1॥Mahabharata - Sabha Parva - Chapter Text
ನಾರದ ಉವಾಚ।
ಕಥಯಿಷ್ಯೇ ಸಭಾಂ ಯಾಂಯಾಂ ಯುಧಿಷ್ಠಿರ ನಿಬೋಧ ತಾಂ।
ವೈವಸ್ವತಸ್ಯ ಯಾಂ ಪಾರ್ಥ ವಿಶ್ವಕರ್ಮಾ ಚಕಾರ ಹ॥ 2-8-1 (11597)
ತೈಜಸೀ ಸಾ ಸಭಾ ರಾಜನ್ಬಭೂವ ಶತಯೋಜನಾ।
ವಿಸ್ತಾರಾಯಾಮಸಂಪನ್ನಾ ಭೂಯಸೀ ಚಾಪಿ ಪಾಂಡವ॥ 2-8-2 (11598)
ಅರ್ಕಪ್ರಕಾಶಾ ಭ್ರಾಜಿಷ್ಣುಃ ಸರ್ವತಃ ಕಾಮರೂಪಿಣೀ।
ನಾತಿಶೀತಾ ಚ ಚಾತ್ಯುಷ್ಣಾ ಮನಸಶ್ಚ ಪ್ರಹರ್ಷಿಣೀ॥ 2-8-3 (11599)
ನ ಶೋಕೋ ನ ಜರಾ ತಸ್ಯಾಂ ಕ್ಷುತ್ಪಿಪಾಸೇ ನ ಚಾಪ್ರಿಯಂ।
ನ ಚ ದೈನ್ಯಂ ಕ್ಲಮೋ ವಾಽಪಿ ಪ್ರತಿಕೂಲಂ ನ ಚಾಪ್ಯುತ॥ 2-8-4 (11600)
ಸರ್ವೇ ಕಾಮಾಃ ಸ್ಥಿತಾಸ್ತಸ್ಯಾಂ ಯೇ ದಿವ್ಯಾ ಯೇ ಚ ಮಾನುಷಾಃ।
ರಸವಚ್ಚ ಪ್ರಭೂತಂ ಚ ಭಕ್ಷ್ಯಂ ಭೋಜ್ಯಮರಿಂದಮ॥ 2-8-5 (11601)
ಲೇಹ್ಯಂ ಚೋಪ್ಯಂ ಚ ಪೇಯಂ ಚ ಹೃದ್ಯಂ ಸ್ವಾದು ಮನೋಹರಂ।
ಪುಣ್ಯಗಂಧಾಃ ಸ್ರಜಸ್ತಸ್ಯ ನಿತ್ಯಂ ಕಾಮಫಲಾ ದ್ರುಮಾಃ॥ 2-8-6 (11602)
ರಸವಂತಿ ಚ ತೋಯಾನಿ ಶೀತಾನ್ಯುಷ್ಣಾನಿ ಚೈವ ಹಿ।
ತಸ್ಯಾಂ ರಾಜರ್ಷಯಃ ಪುಣ್ಯಾಸ್ತಥಾ ಬ್ರಹ್ಮರ್ಷಯೋಽಮಲಾಃ॥ 2-8-7 (11603)
ಯಮಂ ವೈವಸ್ವತಂ ತಾತ ಪ್ರಹೃಷ್ಟಾಃ ಪರ್ಯುಪಾಸತೇ।
ಯಯಾತಿರ್ನಹುಷಃ ಪುರುರ್ಮಾಂಧಾತಾ ಸೋಮಕೋ ನುಗಃ॥ 2-8-8 (11604)
ತ್ರಸದಸ್ಯುಶ್ಚ ರಾಜರ್ಷಿಃ ಕೃತವೀರ್ಯಃ ಶ್ರುತಶ್ರವಾಃ।
ಅರಿಷ್ಟನೇಮಿಃ ಸಿದ್ಧಶ್ಚ ಕೃತವೇಗಃ ಕೃತಿರ್ನಿಮಿಃ॥ 2-8-9 (11605)
ಪ್ರತರ್ದನಃ ಶಿಬಿರ್ಮತ್ಸ್ಯಃ ಪೃಥುಲಾಕ್ಷೋ ಬೃಹದ್ರಥಃ।
ವಾರ್ತೋ ಮರುತ್ತಃ ಕುಷಿಕಃ ಸಾಂಕಾಶ್ಯಃ ಸಾಂಕೃತಿರ್ಧ್ರುವಃ॥ 2-8-10 (11606)
ಚತುರಶ್ಚಃ ಸದಸ್ಯೋರ್ಮಿಃ ಕಾರ್ತವೀರ್ಯಶ್ಚ ಪಾರ್ಥಿವಃ।
ಭರತಃ ಸುರಥಶ್ಚೈವ ಸುನೀಥೋ ನಿಶಠೋಽನಲಃ॥ 2-8-11 (11607)
ದಿವೋದಾಸಶ್ಚ ಸುಮನಾ ಅಂಬರೀಷೋ ಭಗೀರಥಃ।
ವ್ಯಶ್ವಃ ಸದಶ್ವೋ ವಾಘ್ರ್ಯಶ್ವಃ ಪೃಥುವೇಗಃ ಪೃಥುಶ್ರವಾಃ॥ 2-8-12 (11608)
ಪೃಪದಶ್ವೋ ವಸುಮನಾಃ ಕ್ಷುಪಶ್ಚ ಸುಮಹಾಬಲಃ।
ರುಷದ್ರುರ್ವೃಷಸೇನಶ್ಚ ಪುರುಕುತ್ಸೋ ಧ್ವಜೀ ರಥೀ॥ 2-8-13 (11609)
ಆರ್ಷ್ಟಿಷೇಣೋ ದಿಲೀಪಶ್ಚ ಮಹಾತ್ಮಾ ಚಾಪ್ಯುಶೀನರಃ।
ಔಶೀನರಿಃ ಪುಂಡರೀಕಃ ಶರ್ಯಾತಿಃ ಶರಭಃ ಶುಚಿಃ॥ 2-8-14 (11610)
ಅಂಗೋ ರಿಷ್ಟಶ್ಚ ವೇನಶ್ಚ ದುಷ್ಯಂತಃ ಸೃಂಜಯೋ ಜಯಃ।
ಭಾಂಗಾಸುರಿಃ ಸುನೀಥಶ್ಚ ನಿಷಧೋಽಥ ವಹೀನರಃ॥ 2-8-15 (11611)
ಕರಂಧಮೋ ಬಾಹ್ಲಿಕಶ್ಚ ಸುದ್ಯುಂನೋ ಬಲವಾನ್ಮಧುಃ।
ಐಲೋ ಮರುತ್ತಶ್ಚ ತಥಾ ಬಲವಾನ್ಪೃಥಿವೀಪತಿಃ॥ 2-8-16 (11612)
ಕಪೋತರೋಮಾ ತೃಣಕಃ ಸಹದೇವಾರ್ಜುನೌ ತಥಾ।
ವ್ಯಶ್ವಃ ಸಾಶ್ವಃ ಕೃಶಾಶ್ವಶ್ಚ ಶಶಬಿಂದುಶ್ಚ ಪಾರ್ಥಿವಃ॥ 2-8-17 (11613)
ರಾಮೋ ದಾಶರಥಿಶ್ಚೈವ ಲಕ್ಷ್ಮಣೋಽಥ ಪ್ರತರ್ದನಃ।
ಅಲರ್ಕಃ ಕಕ್ಷಸೇನಶ್ಚ ಗಯೋ ಗೌರಾಓಶ್ವ ಏವ ಚ॥ 2-8-18 (11614)
ಜಾಮದಗ್ನ್ಯಶ್ಚ ರಾಮಶ್ಚ ನಾಭಾಗಸಗರೌ ತಥಾ।
ಭೂರಿದ್ಯುಂನೋ ಮಹಾಶ್ವಶ್ಚ ಪೃಥಾಶಅವೋ ಜನಕಸ್ತಥಾ॥ 2-8-19 (11615)
ರಾಜಾ ವೈನ್ಯೋ ವಾರಿಸೇನಃ ಪುರಿಜಿಜ್ಜನಮೇಜಯಃ।
ಬ್ರಹ್ಮದತ್ತಸ್ತ್ರಿಗರ್ತಿಶ್ಚ ರಾಜೋಪರಿಚರಸ್ತಥಾ॥ 2-8-20 (11616)
ಇಂದ್ರದ್ಯುಂನೋ ಭೀಮಜಾನುರ್ಗೌರಪೃಷ್ಠೋಽನಘೋ ಲಯಃ।
ಪದ್ಮೋಽಥ ಮುಚುಕುಂದಶ್ಚ ಭೂರಿದ್ಯುಂನಃ ಪ್ರಸೇನಜಿತ್॥ 2-8-21 (11617)
ಅರಿಷ್ಟನೇಮಿಃ ಸುದ್ಯುಂನಃ ಪೃಥುಲಾಶ್ವೋಽಷ್ಟಕಸ್ತಥಾ।
ಶತಂ ಮತ್ಸ್ಯಾ ನೃಪತಯಃ ಶತಂ ನೀಪಾಃ ಶತಂ ಹಯಾಃ॥ 2-8-22 (11618)
ಧೃತರಾಷ್ಟ್ರಾಶ್ಚೈಕಶತಮಶೀತಿರ್ಜನಮೇಜಯಾಃ।
ಶತಂ ಚ ಬ್ರಹ್ಮದತ್ತಾನಾಂ ವೀರಿಣಾಮೀರಿಣಾಂ ಶತಂ॥ 2-8-23 (11619)
ಭೀಷ್ಣಾಣಾಂ ದ್ವೇ ಶತೇಽಪ್ಯತ್ರ ಭೀಮಾನಾಂ ತು ತಥಾ ಶತಂ।
ಶತಂ ಚ ಪ್ರತಿವಿಂಧ್ಯಾನಾಂ ಶತಂ ನಾಗಾಃ ಶತಂ ಹಯಾಃ॥ 2-8-24 (11620)
ಪಲಾಶಾನಾಂ ಶತಂ ಜ್ಞೇಯಂ ಶತಂ ಕಾಶಕುಶಾದಯಃ।
ಶಾಂತನುಶ್ಚೈವ ರಾಜೇಂದ್ರ ಪಾಂಡುಶ್ಚೈವ ಪಿತಾ ತವ॥ 2-8-25 (11621)
ಉಶಂಗವಃ ಶತರಥೋ ದೇವರಾಜೋ ಜಯದ್ರಥಃ।
ವೃಷದರ್ಭಶ್ಚ ರಾಜರ್ಷಿರ್ಬುದ್ಧಿಮಾನ್ಸಹಮಂತ್ರಿಭಿಃ॥ 2-8-26 (11622)
ಅಥಾಪರೇ ಸಹಸ್ರಾಣಿ ಯೇ ಗತಾಃ ಶಸಬಿಂದವಃ।
ಇಷ್ಟ್ವಾಽಶ್ವಮೇಧೈರ್ಬಹುಭಿರ್ಮಹದ್ಭಿರ್ಭೂರಿದಕ್ಷಿಣೈಃ॥ 2-8-27 (11623)
ಏತೇ ರಾಜರ್ಷಯಃ ಪುಣ್ಯಾಃ ಕೀರ್ತಿಮಂತೋ ಬಹುಶ್ರುತಾಃ।
ತಸ್ಯಾಂ ಸಭಾಯಾಂ ರಾಜೇಂದ್ರ ವೈವಸ್ವತಮುಪಾಸತೇ॥ 2-8-28 (11624)
ಅಗಸ್ತ್ಯೋಽಥ ಮತಂಗಶ್ಚ ಕಾಲೋ ಮೃತ್ಯುಸ್ತಥೈವ ಚ।
ಯಜ್ವಾನಶ್ಚೈವ ಸಿದ್ಧಾಶ್ಚ ಯೇ ನ ಯೋಗಶರೀರಿಣಃ॥ 2-8-29 (11625)
ಅಗ್ನಿಷ್ವಾತ್ತಾಶ್ಚ ಪಿತರಃ ಫೇನಪಾಶ್ವೋಷ್ಮಪಾಶ್ಚ ಯೇ।
ಸುಧಾವಂತೋ ಬರ್ಹಿಷದೋ ಮೂರ್ತಿಮಂತಸ್ತಥಾಽಪರೇ॥ 2-8-30 (11626)
ಕಾಲಚಕ್ರಂ ಚ ಸಾಕ್ಷಾಚ್ಚ ಭಗವಾನ್ಹವ್ಯವಾಹನಃ।
ನರಾ ದುಷ್ಕೃತಕರ್ಮಾಣೋ ದಕ್ಷಿಣಾಯನಮೃತ್ಯವಃ॥ 2-8-31 (11627)
ಕಾಲಸ್ಯ ನಯನೇ ಯುಕ್ತಾ ಯಮಸ್ಯ ಪುರುಪಾಶ್ಚ ಯೇ।
ತಸ್ಯಾಂ ಶಿಂಶುಪಪಾಲಾಶಾಸ್ತಥಾ ಕಾಶಕುಶಾದಯಃ॥ 2-8-32 (11628)
ಉಪಾಸತೇ ಧರ್ಮರಾಜಂ ಮೂರ್ತಿಮಂತೋ ಜನಾಧಿಪ।
ಏತೇ ಚಾನ್ಯೇ ಚ ಬಹವಃ ಪಿತೃರಾಜಸಭಾಸದಃ।
ನ ಶಕ್ಯಾಃ ಪರಿಸಂಖ್ಯಾತುಂ ನಾಮಭಿಃ ಕರ್ಮಭಿಸ್ತಥಾ । 2-8-33 (11629)
ಅಸಂಬಾಧಾ ಹಿ ಸಾ ಪಾರ್ಥ ರಂಯಾ ಕಾಮಗಮಾ ಸಭಾ।
ದೀರ್ಘಕಾಲಂ ತಪಸ್ತಪ್ತ್ವಾ ನಿರ್ಮಿತಾ ವಿಶ್ವಕರ್ಮಣಾ। 2-8-34 (11630)
ಜ್ವಲಂತೀ ಭಾಸಮಾನಾ ಚ ತೇಜಸಾ ಸ್ವೇನ ಭಾರತ।
ತಾಮುಗ್ರತಪಸೋ ಯಾಂತಿ ಸುವ್ರತಾಃ ಸತ್ಯವಾದಿನಃ॥ 2-8-35 (11631)
ಶಾಂತಾಃ ಸನ್ಯಾಸಿನಃ ಶುದ್ಧಾಃ ಪೂತಾಃ ಪುಣ್ಯೇನ ಕರ್ಮಣಾ।
ಸರ್ವೇ ಭಾಸ್ವರದೇಹಾಶ್ಚ ಸರ್ವೇ ಚ ವಿರಜೋಂಬರಾಃ॥ 2-8-36 (11632)
ಚಿತ್ರಾಂಗದಾಶ್ಚಿತ್ರಮಾಲ್ಯಾಃ ಸರ್ವೇ ಜ್ವಲಿತಕುಂಡಲಾಃ।
ಸುಕೃತೈಃ ಕರ್ಮಭಿಃ ಪುಣ್ಯೈಃ ಪಾರಿಬರ್ಹೈಶ್ಚ ಭೂಷಿತಾಃ॥ 2-8-37 (11633)
ಗಂಧರ್ವಾಶ್ಚ ಮಹಾತ್ಮಾನಃ ಸಂಘಶಶ್ಚಾಪ್ಸರೋಗಣಾಃ।
ವಾದಿತ್ರಂ ನೃತ್ತಗೀತಂ ಚ ಹಾಸ್ಯಂ ಲಾಸ್ಯಂ ಚ ಸರ್ವಶಃ॥ 2-8-38 (11634)
ಪುಣ್ಯಾಶ್ಚ ಗಂಧಾಃ ಶಬ್ದಾಶ್ಚ ತಸ್ಯಾಂ ಪಾರ್ಥ ಸಮಂತತಃ।
ದಿವ್ಯಾನಿ ಚೈವ ಮಾಲ್ಯಾನಿ ಉಪತಿಷ್ಠಂತಿ ನಿತ್ಯಶಃ॥ 2-8-39 (11635)
ಶತಂ ಶತಸಹಸ್ರಾಣಿ ಧರ್ಮಿಣಾಂ ತಂ ಪ್ರಜೇಶ್ವರಂ।
ಉಪಾಸತೇ ಮಹಾತ್ಮಾನಂ ರೂಪಯುಕ್ತಾ ಮನಸ್ವಿನಃ॥ 2-8-40 (11636)
ಈದೃಶೀ ಸಾ ಸಭಾ ರಾಜನ್ಪಿತೃರಾಜ್ಞೋ ಮಹಾತ್ಮನಃ।
ವರುಣಸ್ಯಾಪಿ ವಕ್ಷ್ಯಾಮಿ ಸಭಾಂ ಪುಷ್ಕರಮಾಲಿನೀಂ॥ ॥ 2-8-41 (11637)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಮಂತ್ರಪರ್ವಣಿ ಅಷ್ಟಮೋಽಧ್ಯಾಯಃ॥ 8॥
Mahabharata - Sabha Parva - Chapter Footnotes
2-8-18 ರಾಮಇತಿ ರಾಮಲಕ್ಷ್ಮಣಯೋರ್ವಿಷ್ಣುಶೇಷರೂಪೇಣ ಸ್ವಸ್ಥಾನಸ್ಥಯೋರಪಿ ರೂಪಾಂತರೇಣ ಉಪಾಸಕಾನು ಗ್ರಹಾರ್ಥಮತ್ರಾವಸ್ಥಾನಂ॥ 2-8-23 ಧೃತರಾಷ್ಟಾಶ್ಚೈಕಶತಮಿತಿ ಪುರಾಣೇಷು ಪ್ರಾಯೇಣಾಧಿಕಾರಿಣಾಮೇವ ಕೀರ್ತನಾತ್ತೇಷಾಂ ಚ ಪ್ರತಿ ಕಲ್ಪಂ ಸಮಾನನಾಮರೂಪಕರ್ಮತ್ವಾದನೇಕಕಲ್ಪಂ ಧರ್ಮಸಭಾವಾಸಿನಾಂ ತೇಷಾಂ ಬಹುತ್ವಂ ಯುಕ್ತಂ। ಏವಮನ್ಯೇಷಾಮಪಿ॥ 2-8-31 ದುಷ್ಕೃತಕರ್ಮಾಣೋ ವಿದ್ಯಾವಿಹೀನಕರ್ಮಮಾತ್ರನಿಷ್ಟಾಃ॥ಸಭಾಪರ್ವ - ಅಧ್ಯಾಯ 009
॥ ಶ್ರೀಃ ॥
2.9. ಅಧ್ಯಾಯಃ 009
Mahabharata - Sabha Parva - Chapter Topics
ವರುಣಸಭಾವರ್ಣನಂ॥ 1॥Mahabharata - Sabha Parva - Chapter Text
ನಾರದ ಉವಾಚ॥
ಯುಧಿಷ್ಠಿರ ಸಭಾ ದಿವ್ಯಾ ವರುಣಸ್ಯಾಮಿತಪ್ರಭಾ।
ಪ್ರಮಾಣೇನ ಯಥಾ ಯಾಂಯಾ ಶುಭಪ್ರಾಕಾರತೋರಣಾ॥ 2-9-1 (11638)
ಅಂತಃ ಸಲಿಲಮಾಸ್ಥಾಯ ವಿಹಿತಾ ವಿಶ್ವಕರ್ಮಣಾ।
ದಿವ್ಯೈ ರತ್ನಮಯೈರ್ವೃಕ್ಷೈಃ ಫಲಪುಷ್ಪಪ್ರದೈರ್ಯುತಾ॥ 2-9-2 (11639)
ನೀಲಪೀತೈಃ ಸಿತಾಃ ಶ್ಯಾಮೈಃ ಸಿತೈರ್ಲೋಹಿತಕೈರಪಿ।
ಅವತಾನೈಸ್ತಥಾ ಗುಲ್ಮೈರ್ಮಂಜರೀಜಾಲಧಾರಿಭಿಃ॥ 2-9-3 (11640)
ತಥಾ ಶಕುನಯಸ್ತಸ್ಯಾಂ ವಿಚಿತ್ರಾ ಮಧುರಸ್ವರಾಃ।
ಅನಿರ್ದೇಶ್ಯಾ ವಪುಷ್ಮಂತಃ ಶತಶೋಽಥ ಸಹಸ್ರಶಃ॥ 2-9-4 (11641)
ಸಾ ಸಭಾ ಸುಖಸಂಸ್ಪರ್ಶಾ ನ ಶೀತಾ ನ ಚ ಧರ್ಮದಾ।
ವೇಶ್ಮಾಸನವತೀ ರಂಯಾ ಸಿತಾ ವರುಣಪಾಲಿತಾ॥ 2-9-5 (11642)
ಯಸ್ಯಾಮಾಸ್ತೇ ಸ ವರುಣೋ ವಾರುಣ್ಯಾ ಚ ಸಮನ್ವಿತಃ।
ದಿವ್ಯರತ್ನಾಂಬರಧರೋ ದಿವ್ಯಾಭರಣಭೂಷಿತಃ॥ 2-9-6 (11643)
`ದ್ವಿತೀಯೇನ ತು ನಾಂನಾ ವೈ ಗೌರೀತಿ ಭುವಿ ವಿಶ್ರುತಾ।
ಪತ್ನ್ಯಾ ಸವರುಣೋ ದೇವಃ ಪ್ರಮೋದತಿ ಸುಖೀ ಸುಖಂ'॥ 2-9-7 (11644)
ಸ್ರಗ್ವಿಣೋ ದಿವ್ಯಗಂಧಾಶ್ಚ ದಿವ್ಯಗಂಧಾನುಲೇಪನಾಃ।
ಆದಿತ್ಯಾಸ್ತತ್ರ ವರುಣಂ ಜಲೇಶ್ವರಮುಪಾಸತೇ॥ 2-9-8 (11645)
ವಾಸುಕಿಸ್ತಕ್ಷಕಶ್ಚೈವ ನಾಗಶ್ಚೈರಾವತಸ್ತಥಾ।
ಕೃಷ್ಣಶ್ಚ ಲೋಹಿತಶ್ಚೈವ ಪದ್ಮಶ್ಚಿತ್ರಶ್ಚ ವೀರ್ಯವಾನ್॥ 2-9-9 (11646)
ಕಂಬಲಾಶ್ವತರೌ ನಾಗೌ ಧೃತರಾಷ್ಟ್ರಬಲಾಹಕೌ।
ಮಣಿಮಾನ್ಕುಂಡಧಾರಶ್ಚ ಕರ್ಕೋಟಕಧನಂಜಯೌ॥ 2-9-10 (11647)
ಪಾಣಿಮಾನ್ಕುಂಡಧಾರಶ್ಚ ಬಲವಾನ್ಪೃಥಿವೀಪತೇ।
ಪ್ರಹ್ರಾದೋ ಮುಷಿಕಾದಶ್ಚ ತಥೈವ ಜನಮೇಜಯಃ ॥ 2-9-11 (11648)
ಪತಾಕಿನೋ ಮಂಡಲಿನಃ ಫಣವಂತಶ್ಚ ಸರ್ವಶಃ।
` ಅರ್ಥೋ ಧರ್ಮಶ್ಚ ಕಾಮಶ್ಚ ವಸುಃ ಕಪಿಲ ಏವ ಚ॥ 2-9-12 (11649)
ಅನಂತಶ್ಚ ಮಹಾನಾಗೋ ಯಂ ದೃಷ್ಟ್ವಾ ಜಲಜೇಶ್ವರಃ।
ಅಭ್ಯರ್ಚಯತಿ ಸತ್ಕಾರೈರಾಸನೇನ ಚ ತಂ ವಿಭುಃ॥ 2-9-13 (11650)
ವಾಸುಕಿಪ್ರಮುಖಾಶ್ಚೈವ ಸರ್ವೇ ಪ್ರಾಂಜಲಯಃ ಸ್ಥಿತಾಃ।
ಅನುಜ್ಞಾತಾಶ್ಚ ಶೇಷೇಣ ಯಥಾರ್ಹಮುಪವಿಶ್ಯ ಚ॥ 2-9-14 (11651)
ಏತೇ ಚಾನ್ಯೇ ಚ ಬಹವಃ ಸರ್ಪಾಸ್ತಸ್ಯಾಂ ಯುಧಿಷ್ಠಿರ।
`ವೈನತೇಯಶ್ಚ ಗರುಡೋ ಯೇ ಚಾಸ್ಯ ಪರಿಚಾರಿಣಃ'।
ಉಪಾಸತೇ ಮಹಾತ್ಮಾನಂ ವರುಣಂ ವಿಗತಕ್ಲಮಾಃ॥ 2-9-15 (11652)
ಬಲಿರ್ವೈರೋಚನೋ ರಾಜಾ ನರಕಃ ಪೃಥಿವೀಂಜಯಃ।
ಸಂಹ್ರಾದೋ ವಿಪ್ರಚಿತ್ತಿಶ್ಚ ಕಾಲಖಂಜಾಶ್ಚ ದಾನವಾಃ॥ 2-9-16 (11653)
ಸುಹನುರ್ದುರ್ಮುಖಃ ಶಂಖಃ ಸುಮನಾಃ ಸುಮತಿಸ್ತತಃ।
ಘಟೋದರೋ ಮಹಾಪಾರ್ಶ್ವಃ ಕ್ರಥನಃ ಪಿಠರಸ್ತಥಾ॥ 2-9-17 (11654)
ವಿಶ್ವರೂಪಃ ಸ್ವರೂಪಶ್ಚ ವಿರೂಪೋಽಥ ಮಹಾಶಿರಾಃ।
ದಶಗ್ರೀವಶ್ಚ ವಾಲೀ ಚ ಮೇಘವಾಸಾ ದಶಾವರಃ॥ 2-9-18 (11655)
ಟಿಟ್ಟಿಭೋ ವಿಟಭೂತಶ್ಚ ಸಂಹ್ರಾದಶ್ಚೇಂದ್ರತಾಪನಃ।
ದೈತ್ಯದಾನವಸಂಘಾಶ್ಚ ಸರ್ವೇ ರುಚಿರಕುಂಡಲಾಃ॥ 2-9-19 (11656)
ಸ್ರಗ್ವಿಣೋ ಮೌಲಿನಶ್ಚೈವ ತಥಾ ದಿವ್ಯಪರಿಚ್ಛದಾಃ।
ಸರ್ವೇ ಲಬ್ಧವರಾಃ ಶೂರಾಃ ಸರ್ವೇ ವಿಗತಮೃತ್ಯವಃ॥ 2-9-20 (11657)
ತೇ ತಸ್ಯಾಂ ವರುಣಂ ದೇವಂ ಧರ್ಮಪಾಶಧರಂ ಸದಾ।
ಉಪಾಸತೇ ಮಹಾತ್ಮಾನಂ ಸರ್ವೇ ಸುಚರಿತವ್ರತಾಃ॥ 2-9-21 (11658)
ತಥಾ ಸಮುದ್ರಾಶ್ಚತ್ವಾರೋ ನದೀ ಭಾಗೀರಥೀ ಚ ಸಾ।
ಕಾಲಿಂದೀ ವಿದಿಶಾ ವೇಣಾ ನರ್ದಮಾ ವೇಗವಾಹಿನೀ॥ 2-9-22 (11659)
ವಿಪಾಶಾ ಚ ಶತದ್ರುಶ್ಚ ಚಂದ್ರಭಾಗಾ ಸರಸ್ವತೀ।
ಇರಾವತೀ ವಿತಸ್ತಾ ಚ ಸಿಂಧುರ್ದೇವನದೀ ತಥಾ॥ 2-9-23 (11660)
ಗೋದಾವರೀ ಕೃಷ್ಣವೇಣೀ ಕಾವೇರೀ ಚ ಸರಿದ್ವರಾ।
ಕಿಂಪುನಾ ಚ ವಿಶಲ್ಯಾ ಚ ತಥಾ ವೈತರಣೀ ನದೀ॥ 2-9-24 (11661)
ತೃತೀಯಾ ಜ್ಯೇಷ್ಠಿಲಾ ಚೈವ ಶೋಣಶ್ಚಾಪಿ ಮಹಾನದಃ।
ಚರ್ಮಣ್ವತೀ ತಥಾ ಚೈವ ಪರ್ಣಾಶಾ ಚ ಮಹಾನದೀ॥ 2-9-25 (11662)
ಸರಯೂರ್ವಾರವತ್ಯಾಽಥ ಲಾಂಗಲೀ ಚ ಸರಿದ್ವರಾ।
ಕರತೋಯಾ ತಥಾಽಽತ್ರೇಯೀ ಲೌಹಿತ್ಯಶ್ಚ ಮಹಾನದಃ॥ 2-9-26 (11663)
ಲಂಘತೀ ಗೋಮತೀ ಚೈವ ಸಂಧ್ಯಾ ತ್ರಿಸ್ರೋತಸೀ ತಥಾ।
ಏತಾಶ್ಚನ್ಯಾಶ್ಚ ರಾಜೇಂದ್ರ ಸುತೀರ್ಥಾ ಲೋಕವಿಶ್ರುತಾಃ॥ 2-9-27 (11664)
ಸರಿತಃ ಸರ್ವತಶ್ಚಾನ್ಯಾಸ್ತೀರ್ಥಾನಿ ಚ ಸರಾಂಸಿ ಚ।
ಕೂಪಾಶ್ಚ ಸಪ್ರಸ್ರವಣಾ ದೇಹವಂತೋ ಯುಧಿಷ್ಠಿರ। 2-9-28 (11665)
ಪಲ್ವಲಾನಿ ತಟಾಕಾನಿ ದೇಹವಂತ್ಯಥ ಭಾರತ।
ದಿಶಸ್ತಥಾ ಮಹೀ ಚೈವ ತಥಾ ಸರ್ವೇ ಮಹೀಧರಾಃ॥ 2-9-29 (11666)
ಉಪಾಸತೇ ಮಹಾತ್ಮಾನಂ ಸರ್ವೇ ಜಲಚರಾಸ್ತಥಾ।
ಗೀತವಾದಿತ್ರವಂತಶ್ಚ ಗಂಧರ್ವಾಪ್ಸರಸಾಂ ಗಣಾಃ॥ 2-9-30 (11667)
ಸ್ತುವಂತೋ ವರುಣಂ ತಸ್ಯಾಂ ಸರ್ವ ಏವ ಸಮಾಸತೇ।
ಮಹೀಧರಾ ರತ್ನವಂತೋ ರಸಾ ಯೇ ಚ ಪ್ರತಿಷ್ಠಿತಾಃ॥ 2-9-31 (11668)
ಕಥಯಂತಃ ಸುಮಧುರಾಃ ಕಥಾಸ್ತತ್ರ ಸಮಾಸತೇ।
ವಾರುಣಶ್ಚ ತಥಾ ಮಂತ್ರೀ ಸುನಾಭಃ ಪರ್ಯುಪಾಸತೇ॥ 2-9-32 (11669)
ಪುತ್ರಪೌತ್ರೈಃ ಪರಿವೃತೋ ಗೋನಾಂನಾ ಪುಷ್ಕರೇಣ ಚ।
ಸರ್ವೇ ವಿಗ್ರಹವಂತಸ್ತೇ ತಮೀಶ್ವರಮುಪಾಸತೇ॥ 2-9-33 (11670)
ಏಷಾ ಮಯಾ ಸಂಪತತಾ ವಾರುಣೀ ಭರತರ್ಷಭ।
ದೃಷ್ಟಪೂರ್ವಾ ಸಭಾ ರಂಯಾ ಕುಬೇರಸ್ಯ ಸಭಾಂ ಶೃಣು॥ ॥ 2-9-34 (11671)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಮಂತ್ರಪರ್ವಣಿ ನವಮೋಽಧ್ಯಾಯಃ॥ 9॥
Mahabharata - Sabha Parva - Chapter Footnotes
2-9-34 ಸಂಪತತಾ ಸಮಾಗಚ್ಛತಾ॥ಸಭಾಪರ್ವ - ಅಧ್ಯಾಯ 010
॥ ಶ್ರೀಃ ॥
2.10. ಅಧ್ಯಾಯಃ 010
Mahabharata - Sabha Parva - Chapter Topics
ಕುಬೇರಸಭಾವರ್ಣನಂ॥ 1॥Mahabharata - Sabha Parva - Chapter Text
ನಾರದ ಉವಾಚ।
ಸಭಾ ವೈಶ್ರವಣೀ ರಾಜಞ್ಶತಯೋಜನಮಾಯತಾ।
ವಿಸ್ತೀರ್ಣಾ ಸಪ್ತತಿಶ್ಚೈವ ಯೋಜನಾನಿ ಸಿತಪ್ರಭಾ॥ 2-10-1 (11672)
ತಪಸಾ ನಿರ್ಜಿತಾ ರಾಜನ್ಸ್ವಯಂ ವೈಶ್ರವಣೇನ ಸಾ।
ಶಶಿಪ್ರಭಾ ಪ್ರಾವರಣಾ ಕೈಲಾಸಶಿಖರೋಪಮಾ॥ 2-10-2 (11673)
ಗುಹ್ಯಕೈರುಹ್ಯಮಾನಾ ಸಾ ಖೇ ವಿಷಕ್ತೇವ ಶೋಭತೇ।
ದಿವ್ಯಾ ಹೇಮಮಯೈರುಚ್ಚೈಃ ಪ್ರಾಸಾದೈರುಪಶೋಭಿತಾ॥ 2-10-3 (11674)
ಮಹಾರತ್ನವತೀ ಚಿತ್ರಾ ದಿವ್ಯಗಂಧಾ ಮನೋರಮಾ।
ಸಿತಾಭ್ರಶಿಖರಾಕಾರಾ ಪ್ಲವಮಾನೇವ ದೃಶ್ಯತೇ। 2-10-4 (11675)
ದಿವ್ಯಾ ಹೇಮಮಯೈ ರಂಗೈರ್ವಿದ್ಯುದ್ಭಿರಿವ ಚಿತ್ರಿತಾ।
ತಸ್ಯಾಂ ವೈಶ್ರವಣೋ ರಾಜಾ ವಿಚಿತ್ರಾಭರಣಾಂಬರಃ॥ 2-10-5 (11676)
ಸ್ತ್ರೀಸಹಸ್ರೈರ್ವೃತಃ ಶ್ರೀಮಾನಾಸ್ತೇ ಜ್ವಲಿತಕುಂಡಲಃ।
`ಸಹ ಪತ್ನ್ಯಾ ಮಹಾರಾಜ ಋದ್ಧ್ಯಾ ಸಹ ವಿರಾಜತೇ। 2-10-6 (11677)
ಸರ್ವಾಭರಣಭೂಷಿಣ್ಯಾ ವಪುಷ್ಮತ್ಯಾ ಧನೇಶ್ವರಃ'।
ದಿವಾಕರನಿಭೇ ಪುಣ್ಯೇ ದಿವ್ಯಾಸ್ತರಣಸಂವೃತೇ।
ದಿವ್ಯಪಾದೋಪಧಾನೇ ಚ ನಿಷಣ್ಣಃ ಪರಮಾಸನೇ॥ 2-10-7 (11678)
ಮಂದಾರಾಣಾಮುದಾರಾಣಾಂ ವನಾನಿ ಪರಿಲೋಡಯನ್।
ಸೌಗಂಧೀಕವನಾನಾಂ ಚ ಗಂಧಂ ಗಂಧವಹೋ ವಹನ್॥ 2-10-8 (11679)
ನಲಿನ್ಯಾಶ್ಚಾಲಕಾಖ್ಯಾಯಾ ನಂದನಸ್ಯ ವನಸ್ಯ ಚ।
ಶೀತೋ ಹೃದಯಸಂಹ್ಲಾದೀ ವಾಯುಸ್ತಮುಪಸೇವತೇ॥ 2-10-9 (11680)
ತತ್ರ ದೇವಾಃ ಸಗಂಧರ್ವಾ ಗಣೈರಪ್ಸರಸಾಂ ವೃತಾಃ।
ದಿವ್ಯತಾನೈರ್ಮಹಾರಾಜ ಗಾಯಂತಿಸ್ಮ ಸಭಾಗತಾಃ॥ 2-10-10 (11681)
ಮಿಶ್ರಕೇಶೀ ಚ ರಂಭಾ ಚ ಚಿತ್ರಸೇನಾ ಶುಚಿಸ್ಮಿತಾ।
ಚಾರುನೇತ್ರಾ ಘೃತಾಚೀ ಚ ಮೇನಕಾ ಪುಂಜಿಕಸ್ಥಲಾ॥ 2-10-11 (11682)
ವಿಶ್ವಾಚೀ ಸಹಜನ್ಯಾ ಚ ಪ್ರಂಲೋಚಾ ಉರ್ವಶೀ ॥ 2-10-12 (11683)
ವರ್ಗಾ ಚ ಸೌರಭೇಯೀ ಚ ಸಮೀಚೀ ಬುದ್ಬುದಾ ಲತಾ।
ಏತಾಃ ಸಹಸ್ರಶಶ್ಚಾನ್ಯಾ ನೃತ್ತಗೀತವಿಶಾರದಾಃ॥ 2-10-13 (11684)
ಉಪತಿಷ್ಠಂತಿ ಧನದಂ ಗಂಧರ್ವಾಪ್ಸರಸಾಂ ಗಣಾಃ।
ಅನಿಶಂ ದಿವ್ಯವಾದಿತ್ರೈರ್ನೃತ್ತಗೀತೈಶ್ಚ ಸ ಸಭಾ॥ 2-10-14 (11685)
ಅಶೂನ್ಯಾ ರುಚಿರಾ ಭಾತಿ ಗಂಧರ್ವಾಪ್ಸರಸಾಂ ಗಣೈಃ।
ಕಿನ್ನರಾ ನಾಮ ಗಂಧರ್ವಾ ನರಾ ನಾಮ ತಥಾಽಪರೇ॥ 2-10-15 (11686)
ಮಾಣಿಭದ್ರೋಽಥ ಧನದಃ ಶ್ವೇತಭದ್ರಶ್ಚ ಗುಹ್ಯಕಃ।
ಕಶೇರಕೋ ಗಂಡಕಂಡೂಃ ಪ್ರದ್ಯೋತಶ್ಚ ಮಹಾಬಲಃ॥ 2-10-16 (11687)
ಕುಸ್ತಂಬರುಃ ಪಿಶಾಚಶ್ಚ ಗಜಕರ್ಣೋ ವಿಶಾಲಕಃ।
ವರಾಹಕರ್ಣಸ್ತಾಂರೌಷ್ಠಃ ಫಲಕಕ್ಷಃ ಫಲೋದಕಃ॥ 2-10-17 (11688)
ಹಂಸಚೂಡಃ ಶಇಖಾವರ್ತೋ ಹೇಮನೇತ್ರೋ ವಿಭೀಷಣಃ।
ಪುಷ್ಪಾನನಃ ಪಿಂಗಲಕಃ ಶೋಣಿತೋದಃ ಪ್ರವಾಲಕಃ॥ 2-10-18 (11689)
ವೃಕ್ಷವಾಸ್ಯನಿಕೇತಶ್ಚ ಚೀರವಾಸಾಶ್ಚ ಭಾರತ।
ಏತೇ ಚಾನ್ಯೇ ಚ ಬಹವೋ ಯಕ್ಷಾಃ ಶತಸಹಸ್ರಶಃ॥ 2-10-19 (11690)
ಸದಾ ಭಗವತೀ ಲಕ್ಷ್ಮೀಸ್ತತ್ರೈವ ನಲಕೂಬರಃ।
ಅಹಂ ಚ ಬಹುಶಸ್ತಸ್ಯಾಂ ಭವಂತ್ಯನ್ಯೇ ಚ ಮದ್ವಿಧಾಃ॥ 2-10-20 (11691)
ಬ್ರಹ್ಮರ್ಷಯೋ ಭವಂತ್ಯತ್ರ ತಥಾ ದೇವರ್ಷಯೋಽಪರೇ।
ಕ್ರವ್ಯಾದಾಶ್ಚ ತಥೈವಾನ್ಯೇ ಗಂಧರ್ವಾಶ್ಚ ಮಹಾಬಲಾಃ॥ 2-10-21 (11692)
ಉಪಾಸತೇ ಮಹಾತ್ಮಾನಂ ತಸ್ಯಾಂ ಧನದಮೀಶ್ವರಂ।
ಭಗವಾನ್ಭೂತಸಂಘೈಶ್ಚ ವೃತಃ ಶತಸಹಸ್ರಶಃ॥ 2-10-22 (11693)
ಉಮಾಪತಿಃ ಪಶುಪತಿಃ ಶೂಲಭೃದ್ಭಗನೇತ್ರಹಾ।
ತ್ರ್ಯಂಬಕೋ ರಾಜಶಾರ್ದೂಲ ದೇವೀ ಚ ವಿಗತಕ್ಲಮಾ॥ 2-10-23 (11694)
ವಾಮನೈರ್ವಿಕಟೈಃ ಕುಬ್ಜೈಃ ಕ್ಷತಜಾಕ್ಷೈರ್ಮಹಾರವೈಃ।
ಮೇದೋಮಾಂಸಾಶನೈರುಗ್ರೈರುಗ್ರಧನ್ವಾ ಮಹಾಬಲಃ॥ 2-10-24 (11695)
ನಾನಾಪ್ರಹರಣೈರುಗ್ರೈರ್ವಾತೈರಿವ ಮಹಾಜವೈಃ।
ವೃತಃ ಸಖಾಯಮನ್ವಾಸ್ತೇ ಸದೈವ ಧನದಂ ನೃಪ॥ 2-10-25 (11696)
ಪ್ರಹೃಷ್ಟಾಃ ಶತಶಶ್ಚಾನ್ಯೇ ಬಹುಶಃ ಸಪರಿಚ್ಛದಾಃ।
ಗಂಧರ್ವಾಣಾಂ ಚ ಪತಯೋ ವಿಶ್ವಾವಸುರ್ಹಹಾ ಹುಹೂಃ॥ 2-10-26 (11697)
ತುಂಬುರುಃ ಪ್ರವತಶ್ಚೈವ ಶೈಲೂಷಶ್ಚ ತಥಾಽಪರಃ।
ಚಿತ್ರಸೇನಶ್ಚ ಗೀತಜ್ಞಸ್ತಥಾ ಚಿತ್ರರಥೋಪಿ ಚ॥ 2-10-27 (11698)
ಏತೇ ಚಾನ್ಯೇ ಚ ಗಂಧರ್ವಾ ಧನೇಶ್ವರಮುಪಾಸತೇ।
ವಿದ್ಯಾಧರಾಧಿಪಶ್ಚೈವ ಚಕ್ರಧರ್ಮಾ ಸಹಾನುಜೈಃ॥ 2-10-28 (11699)
ಉಪಾಚರತಿ ತತ್ರ ಸ್ಮ ಧನಾನಾಮೀಶ್ವರಂ ಪ್ರಭುಂ।
ಕಿನ್ನರಾಃ ಶತಶಸ್ತತ್ರ ಧನಾನಾಮೀಶ್ವರಂ ಪ್ರಭುಂ॥ 2-10-29 (11700)
ಆಸತೇ ಚಾಪಿ ರಾಜಾನೋ ಭಗದತ್ತಪುರೋಗಮಾಃ।
ದ್ರುಮಃ ಕಿಂಪುರುಷೇಶಶ್ಚ ಉಪಾಸ್ತೇ ಧನದೇಶ್ವರಂ॥ 2-10-30 (11701)
ರಾಕ್ಷಸಾಧಿಪತಿಶ್ಚೈವ ಮಹೇಂದ್ರೋ ಗಂಧಮಾದನಃ।
ಸಹ ಯಕ್ಷೈಃ ಸಗಂಧರ್ವೈಃ ಸಹ ಸರ್ವೈರ್ನಿಶಾಚರೈಃ॥ 2-10-31 (11702)
ವಿಭೀಷಣಶ್ಚ ಧರ್ಮಿಷ್ಠ ಉಪಾಸ್ತೇ ಭ್ರಾತರಂ ಪ್ರಭುಂ।
ಹಿಮವಾನ್ಪಾರಿಯಾತ್ರಶ್ಚ ವಿಂಧ್ಯಕೈಲಾಸಮಂದರಾಃ॥ 2-10-32 (11703)
ಮಲಯೋ ದರ್ದುರಶ್ಚೈವ ಮಹೇಂದ್ರೋ ಗಂಧಮಾದನಃ।
ಇಂದ್ರಕೀಲಃ ಸುನಾಭಶ್ಚ ತಥಾ ದಿವ್ಯೌ ಚ ಪರ್ವತೌ॥ 2-10-33 (11704)
ಏತೇ ಚಾನ್ಯೇ ಚ ಬಹವಃ ಸರ್ವೇ ಮೇರುಪುರೋಗಮಾಃ।
ಉಪಾಸತೇ ಮಹಾತ್ಮಾನಂ ಧನಾನಾಮೀಶ್ವರಂ ಪ್ರಭುಂ॥ 2-10-34 (11705)
ಂದೀಶ್ವರಶ್ಚ ಭಗವಾನ್ಮಹಾಕಾಲಸ್ತಥೈವ ಚ।
ಶಂಕುಕರ್ಣಮುಖಾಃ ಸರ್ವೇ ದಿವ್ಯಾಃ ಪಾರಿಷದಾಸ್ತಥಾ॥ 2-10-35 (11706)
ಕಾಷ್ಠಃ ಕುಟೀ ಮುಖೋ ದಂತೀ ವಿಜಯಶ್ಚ ತಪೋಧಿಕಃ।
ಶ್ವೇತಶ್ಚ ವೃಷಭಸ್ತತ್ರ ನರ್ದನ್ನಾಸ್ತೇ ಮಹಾಬಲಃ॥ 2-10-36 (11707)
ಧನದಂ ರಾಕ್ಷಸಾಶ್ಚಾನ್ಯೇ ಪಿಶಾಚಾಶ್ಚ ಉಪಾಸತೇ।
ಪಾರಿಷದೈಃ ಪರಿವೃತಮುಪಾಯಾಂತಂ ಮಹೇಶ್ವರಂ॥ 2-10-37 (11708)
ಸದಾ ಹಿ ದೇವದೇವೇಶಂ ಶಿವಂ ತ್ರೈಲೋಕ್ಯಭಾವನಂ।
ಪ್ರಣಂಯ ಮೂರ್ಧ್ನಾ ಪೌಲಸ್ತ್ಯೋ ಬಹುರೂಪಮುಮಾಪತಿಂ॥ 2-10-38 (11709)
ತತೋಽಭ್ಯನುಜ್ಞಾಂ ಸಂಪ್ರಾಪ್ಯ ಮಹಾದೇವಾದ್ಧನೇಶ್ವರಃ।
ಆಸ್ತೇ ಕದಾಚಿದ್ಭಗವಾನ್ಭವೋ ಧನಪತೇಃ ಸಖಾ॥ 2-10-39 (11710)
ನಿಧಿಪ್ರವರಮುಖ್ಯೌ ಚ ಶಂಖಪದ್ಮೌ ಧನೇಶ್ವರೌ।
ಸರ್ವಾನ್ನಿಧೀನ್ಪ್ರಗೃಹ್ಯಾಥ ಉಪಾಸ್ತಾಂ ವೈ ಧನೇಶ್ವರಂ॥ 2-10-40 (11711)
ಸಾ ಸಭಾ ತಾದೃಶೀ ರಂಯಾ ಮಯಾ ದೃಷ್ಟಾಂತರಿಕ್ಷಗಾ।
ಪಿತಾಮಹಸಭಾಂ ರಾಜನ್ಕೀರ್ತಯಿಷ್ಯೇ ನಿಬೋಧ ತಾಂ॥ ॥ 2-10-41 (11712)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಮಂತ್ರಪರ್ವಣಿ ದಶಮೋಽಧ್ಯಾಯಃ॥ 10॥
Mahabharata - Sabha Parva - Chapter Footnotes
2-10-5 ರಂಗೈರಿತಿಚ್ಛೇದಃ॥ 2-10-39 ಆಸ್ತೇ ಇತ್ಯಾವೃತ್ತ್ಯಾ ಯೋಜನೀಯಂ। ಯದಾ ಭವಃ ಕದಾಚಿತ್ಕುಬೇರಸಭಾಮಧ್ಯಾಸ್ತೇ ತದಾ ಕುಬೇರೋಽಪಿ ಭವಾದನುಜ್ಞಾಂ ಪ್ರಾಪ್ಯ ತನ್ನಿಕಟೇ ಆಸ್ತೇ ಉಪವಿಶತಿ॥ಸಭಾಪರ್ವ - ಅಧ್ಯಾಯ 011
॥ ಶ್ರೀಃ ॥
2.11. ಅಧ್ಯಾಯಃ 011
Mahabharata - Sabha Parva - Chapter Topics
ಬ್ರಹ್ಮಸಭಾವರ್ಣನಂ॥1॥Mahabharata - Sabha Parva - Chapter Text
ನಾರದ ಉವಾಚ॥
ಪಿತಾಮಹಸಭಾಂ ತಾತ ಕಥ್ಯಮಾನಾಂ ನಿಬೋಧ ಮೇ।
ಶಕ್ಯತೇ ಯಾ ನ ನಿರ್ದೇಷ್ಟುಮೇವಂರೂಪೇತಿ ಭಾರತ॥ 2-11-1 (11713)
ಪುರಾ ದೇವಯುಗೇ ರಾಜನ್ನಾದಿತ್ಯೋ ಭಗವಾಂದಿವಃ।
ಆಗಚ್ಛನ್ಮಾನುಷಂ ಲೋಕಂ ದಿದೃಕ್ಷುರ್ವಿಗತಕ್ಲಮಃ॥ 2-11-2 (11714)
ಚರನ್ಮಾನುಷರೂಪೇಣ ಸಭಾಂ ದೃಷ್ಟ್ವಾ ಸ್ವಯಂಭುವಃ।
ಸ ತಾಮಕಥಯನ್ಮಹ್ಯಂ ದೃಷ್ಟ್ವಾ ತತ್ತ್ವೇನ ಪಾಂಡವ॥ 2-11-3 (11715)
ಅಪ್ರಮೇಯಾಂ ಸಭಾಂ ದಿವ್ಯಾಂ ಮಾನಸೀಂ ಭರತರ್ಷಭ।
ಅನಿರ್ದೇಶ್ಯಾಂ ಪ್ರಭಾವೇಣ ಸರ್ವಭೂತಮನೋರಮಾಂ॥ 2-11-4 (11716)
ಶ್ರುತ್ವಾ ಗುಣಾನಹಂ ತಸ್ಯಾಃ ಸಭಾಯಾಃ ಪಾಂಡವರ್ಷಭ।
ದರ್ಶನೇಪ್ಸುಸ್ತಥಾ ರಾಜನ್ನಾದಿತ್ಯಮಿದಮಬ್ರುವಂ। 2-11-5 (11717)
ಭಗವಂದ್ರಷ್ಟುಮಿಚ್ಛಾಮಿ ಪಿತಾಮಹಸಭಾಂ ಶುಭಾಂ।
ಯೇನ ವಾ ತಪಸಾ ಶಕ್ಯಾ ಕರ್ಮಣಾ ವಾಽಪಿ ಗೋಪತೇ॥ 2-11-6 (11718)
ಔಷಧೈರ್ಯಾ ತಥಾ ಯುಕ್ತೈರುತ್ತಮಾ ಪಾಪನಾಶಿನೀ।
ತನ್ಮಮಾಚಕ್ಷ್ವ ಭಗವನ್ಪಶ್ಯೇಯಂ ತಾಂ ಸಭಾಂ ಯಥಾ॥ 2-11-7 (11719)
ಸ ತನ್ಮಮ ವಚಃ ಶ್ರುತ್ವಾ ಸಹಸ್ರಾಂಶುರ್ದಿವಾಕರಃ।
ಪ್ರೋವಾಚ ಭಾರತಶ್ರೇಷ್ಠ ವ್ರತಂ ವರ್ಷಸಹಸ್ರಕಂ॥ 2-11-8 (11720)
ಬ್ರಹ್ಮವ್ರತಮುಪಾಸ್ಸ್ವ ತ್ವಂ ಪ್ರಯತೇನಾಂತರಾತ್ಮನಾ।
ತತೋಽಹಂ ಹಿಮವತ್ಪೃಷ್ಠೇ ಸಮಾರಬ್ದೋ ಮಹಾವ್ರತಂ॥ 2-11-9 (11721)
ತತಃ ಸ ಭಗವಾನ್ಸೂರ್ಯೋ ಮಾಮುಪಾದಾಯ ವೀರ್ಯವಾನ್।
ಆಗಚ್ಛತ್ತಾಂ ಸಭಾಂ ಬ್ರಾಹ್ಮೀಂ ವಿಪಾಪ್ಮಾ ವಿಗತಕ್ಲಮಃ ? 2-11-10 (11722)
ಏವಂರೂಪೇತಿ ಸಾ ಶಕ್ಯಾ ನ ನಿರ್ದೇಷ್ಟುಂ ನರಾಧಿಪ।
ಕ್ಷಣೇನ ಹಿ ಬಿಭರ್ತ್ಯನ್ಯದನಿರ್ದೇಶ್ಯಂ ವಪುಸ್ತಥಾ॥ 2-11-11 (11723)
ನ ವೇದ ಪರಿಮಾಣಂ ವಾ ಸಂಸ್ಥಾನಂ ಚಾಪಿ ಭಾರತ।
ನ ಚ ರೂಪಂ ಮಯಾ ತಾದೃಕ್ ದೃಷ್ಟಪೂರ್ವಂ ಕದಾಚನ॥ 2-11-12 (11724)
ಸುಸುಖಾ ಸಾ ಸದಾ ರಾಜನ್ನ ಶೀತಾ ನ ಚ ಘರ್ಮದಾ।
ನ ಕ್ಷುತ್ಪಿಪಾಸೇ ನ ಗ್ಲಾನಿಂ ಪ್ರಾಪ್ಯತಾಂ ಪ್ರಾಪ್ತುವಂತ್ಯುತ ॥ 2-11-13 (11725)
ನಾನಾರೂಪೈರಿವ ಕೃತಾ ಮಣಿಭಿಃ ಸಾ ಸುಭಾಸ್ವರೈಃ।
ಸ್ತಂಭೈರ್ನ ಚ ಧೃತಾ ಸಾ ತು ಶಾಶ್ವತೀ ನ ಚ ಸಾ ಕ್ಷರಾ ॥ 2-11-14 (11726)
ದಿವ್ಯೈರ್ನಾನಾವಿಧೈರ್ಭಾವೈರ್ಭಾಸದ್ಭಿರಮಿತಪ್ರಭೈಃ॥ 2-11-15 (11727)
ಅತಿ ಚಂದ್ರಂ ಚ ಸೂರ್ಯಂ ಚ ಶಿಖಿನಂ ಚ ಸ್ವಯಂಪ್ರಭಾ।
ದೀಪ್ಯತೇ ನಾಕಪೃಷ್ಠಸ್ಥಾ ಭರ್ತ್ಸಯನ್ವೀವ ಭಾಸ್ಕರಂ॥ 2-11-16 (11728)
ತಸ್ಯಾಂ ಸ ಭಗವಾನಾಸ್ತೇ ವಿದಧದ್ದೇವಮಾಯಯಾ।
ಸ್ವಯಮೇಕೋಽನಿಶಂ ರಾಜನ್ಸರ್ವಲೋಕಪಿತಾಮಹಃ॥ 2-11-17 (11729)
ಉಪತಿಷ್ಠಂತಿ ಚಾಪ್ಯೇನಂ ಪ್ರಜಾನಾಂ ಪತಯಃ ಪ್ರಭುಂ।
ದಕ್ಷಃ ಪ್ರಚೇತಾಃ ಪುಲಹೋ ಮರೀಚಿಃ ಕಶ್ಯಪಃ ಪ್ರಭುಃ॥ 2-11-18 (11730)
ಭೃಗುರತ್ರಿರ್ವಸಿಷ್ಠಶ್ಚ ಗೌತಮೋಽಥ ತಥಾಂಗಿರಾಃ।
ಪುಲಸ್ತ್ಯಶ್ಚ ಕತುಶ್ಚೈವ ಪ್ರಹ್ಲಾದಃ ಕರ್ದಮಸ್ತಥಾ। 2-11-19 (11731)
ಅಥರ್ವಾಂಗಿರಸಶ್ಚೈವ ವಾಲಖಿಲ್ಯಾ ಸರೀಚಿಪಾಃ।
ಮನೋಽಂತರಿಕ್ಷಂ ವಿದ್ಯಾಶ್ಚ ವಾಯುಸ್ತೇಜೋ ಜಲಂ ಮಹೀ॥ 2-11-20 (11732)
ಶಬ್ದಸ್ಪರ್ಶೌ ತಥಾ ರೂಪಂ ರಸೋ ಗಂಧಶ್ಚ ಭಾರತ।
ಪ್ರಕೃತಿಶ್ಚ ವಿಕಾರಶ್ಚ ಯಚ್ಚಾನ್ಯತ್ಕಾರಣಂ ಭುವಃ॥ 2-11-21 (11733)
ಅಗಸ್ತ್ಯಶ್ಚ ಮಹಾತೇಜಾ ಮಾರ್ಕಂಡೇಯಶ್ಚ ವೀರ್ಯವಾನ್।
ಜಮದಗ್ನಿರ್ಭರದ್ವಾಜಃ ಸಂವರ್ತಶ್ಚ್ಯವನಸ್ತಥಾ॥ 2-11-22 (11734)
ದುರ್ವಾಸಾಶ್ಚ ಮಹಾಭಾಗ ಋಷ್ಣಶೃಂಗಶ್ಚ ಧಾರ್ಮಿಕಃ।
ಸನತ್ಕುಮಾರೋ ಭಗವಾನ್ಯೋಗಾಚಾರ್ಯೋ ಮಹಾತಪಾಃ॥ 2-11-23 (11735)
ಅಸಿತೋ ದೇವಲಶ್ಚೈವ ಜೈಗೀಷವ್ಯಶ್ಚ ತತ್ತ್ವವಿತ್।
ಋಷಭೋ ಜಿತಶತ್ರುಶ್ಚ ಮಹಾವೀರ್ಯಸ್ತಥಾ ಮಣಿಃ॥ 2-11-24 (11736)
ಆಯುರ್ವೇದಸ್ತಥಾಽಷ್ಟಾಂಗೋ ದೇಹವಾಂಸ್ತತ್ರ ಭಾರತ।
ಚಂದ್ರಮಾಃ ಸಹ ನಕ್ಷತ್ರೈರಾದಿತ್ಯಶ್ಚ ಗಭಸ್ತಿಮಾನ್॥ 2-11-25 (11737)
ವಾಯವಃ ಕ್ರತವಶ್ಚೈವ ಸಂಕಲ್ಪಃ ಪ್ರಾಣ ಏವ ಚ।
ಮೂರ್ತಿಮಂತೋ ಮಹಾತ್ಮಾನೋ ಮಹಾವ್ರತಪರಾಯಣಾಃ॥ 2-11-26 (11738)
ಏತೇ ಚಾನ್ಯೇ ಚ ಬಹವೋ ಬ್ರಹ್ಮಾಣಂ ಸಮುಪಸ್ಥಿತಾಃ।
ಅರ್ಥೋ ಧರ್ಮಶ್ಚ ಕಾಮಶ್ಚ ಹರ್ಷೋ ದ್ವೇಷಸ್ತಪೋ ದಮಃ॥ 2-11-27 (11739)
ಆಯಾಂತಿ ತಸ್ಯಾಂ ಸಹಿತಾ ಗಂಧರ್ವಾಪ್ಸರಸಾಂ ಗಣಾಃ।
ವಿಂಶತಿಃ ಸಪ್ತ ಚೈವಾನ್ಯೇ ಲೋಕಪಾಲಾಶ್ಚ ಸರ್ವಶಃ॥ 2-11-28 (11740)
ಶುಕ್ರೋ ಬೃಹಸ್ಪತಿಶ್ಚೈವ ಬುಧೋಽಂಕಾರಕ ಏವ ಚ।
ಶನೈಶ್ಚರಶ್ಚ ರಾಹುಶ್ಚ ಗ್ರಹಾಃ ಸರ್ವೇ ತಥೈವ ಚ॥ 2-11-29 (11741)
ಮಂತ್ರೋ ರಥಂತರಂ ಚೈವ ಹರಿಮಾನ್ವಸುಮಾನಪಿ।
ಆದಿತ್ಯಾಃ ಸಾಧಿರಾಜಾನೋ ನಾಮದ್ವಂದ್ವೈರುದಾಹೃತಾಃ॥ 2-11-30 (11742)
ಮರುತೋ ವಿಶ್ವಕರ್ಮಾ ಚ ವಸವಶ್ಚೈವ ಭಾರತ।
ತಥಾ ಪಿತೃಗಣಾಃ ಸರ್ವೇ ಸರ್ವಾಣಿ ಚ ಹವೀಂಷ್ಯಥ॥ 2-11-31 (11743)
ಋಗ್ವೇದಃ ಸಾಮವೇದಶ್ಚ ಯಜುರ್ವೇದಶ್ಚ ಪಾಂಡವ।
ಅಥರ್ವವೇದಶ್ಚ ತಥಾ ಸರ್ವಶಾಸ್ತ್ರಾಣಿ ಚೈವ ಹ॥ 2-11-32 (11744)
ಇತಿಹಾಸೋಪವೇದಾಶ್ಚ ವೇದಾಂಗಾನಿ ಚ ಸರ್ವಶಃ।
ಗ್ರಹಾ ಯಜ್ಞಾಶ್ಚ ಸೋಮಶ್ಚ ದೇವತಾಶ್ಚಾಪಿ ಸರ್ವಶಃ॥ 2-11-33 (11745)
ಸಾವಿತ್ರೀ ದುರ್ಗತರಣೀ ವಾಣೀ ಸಪ್ತವಿಧಾ ತಥಾ।
ಮೇಧಾ ಧೃತಿಃ ಶ್ರುತಿಶ್ಚೈವ ಪ್ರಜ್ಞಾ ಬುದ್ಧಿರ್ಯಶಃ ಕ್ಷಮಾ॥ 2-11-34 (11746)
ಸಾಮಾನಿ ಸ್ತುತಿಶಸ್ತ್ರಾಣಿ ಗಾಥಾಶ್ಚ ವಿವಿಧಾಸ್ತಥಾ।
ಭಾಷ್ಯಾಣಿ ತರ್ಕಯುಕ್ತಾನಿ ದೇಹವಂತಿ ವಿಶಾಂಪತೇ॥ 2-11-35 (11747)
ನಾಟಕಾ ವಿವಿಧಾಃ ಕಾವ್ಯಾಃ ಕಥಾಖ್ಯಾಯಿಕಾರಿಕಾಃ ।
ತತ್ರತಿಷ್ಠಂತಿ ತೇ ಪುಣ್ಯಾ ಯೇ ಚಾನ್ಯೇ ಗುರುಪೂಜಕಾಃ॥ 2-11-36 (11748)
ಕ್ಷಣಾ ಲವಾ ಮುಹೂರ್ತಾಶ್ಚ ದಿವಾ ರಾತ್ರಿಸ್ತಥೈವ ಚ।
ಅರ್ಧಮಾಸಾಶ್ಚ ಮಾಸಾಶ್ಚ ಋತವಃ ಷಟ್ ಚ ಭಾರತ॥ 2-11-37 (11749)
ಸಂವತ್ಸರಾಃ ಪಞ್ಯಯುಗಮಹೋರಾತ್ರಶ್ಚತುರ್ವಿಧಃ।
ಕಾಲಚಕ್ರಂ ಚ ತದ್ದಿವ್ಯಂ ನಿತ್ಯಮಕ್ಷಯಮವ್ಯಯಂ॥ 2-11-38 (11750)
ಧರ್ಮಚಕ್ರಂ ತಥಾ ಚಾಪಿ ನಿತ್ಯಮಾಸ್ತೇ ಯುಧಿಷ್ಠಿರ।
ಅದಿತಿರ್ದಿತಿರ್ದನುಶ್ಚೈವ ಸುರಸಾ ವಿನತಾ ಇರಾ॥ 2-11-39 (11751)
ಕಾಲಿಕಾ ಸುರಭೀ ದೇವೀ ಸರಮಾ ಚಾಥ ಗೌತಮೀ॥ 2-11-40 (11752)
ಪ್ರಭಾ ಕದ್ರೂಶ್ಚ ವೈ ದೇವ್ಯೌ ದೇವತಾನಾಂ ಚ ಮಾತರಃ।
ರುದ್ರಾಣೀ ಶ್ರೀಶ್ಚ ಲಕ್ಷ್ಮೀಶ್ಚ ಭದ್ರಾ ಷಷ್ಠೀ ತಥಾಽಪರಾ॥ 2-11-41 (11753)
ಪೃಥಿವೀ ಗಾಂ ಗತಾ ದೇವೀ ಹ್ರೀಃ ಸ್ವಾಹಾ ಕೀರ್ತಿರೇವ ಚ।
ಸುರಾ ದೇವೀ ಶಚೀ ಚೈವ ತಥಾ ಪುಷ್ಟಿರರುಂಧತೀ॥ 2-11-42 (11754)
ಸಂವೃತ್ತಿರಾಶಾ ನಿಯತಿಃ ಸೃಷ್ಟಿರ್ದೇವೀ ರತಿಸ್ತಥಾ।
ಏತಾಶ್ಚಾನ್ಯಾಶ್ಚವೈ ದೇವ್ಯ ಉಪತಸ್ಥುಃ ಪ್ರಜಾಪತಿಂ॥ 2-11-43 (11755)
ಆದಿತ್ಯಾ ವಸವೋ ರುದ್ರಾ ಮರುತಶ್ಚಾಸ್ವಿನಾವಪಿ।
ವಿಶ್ವೇದೇವಾಶ್ಚ ಸಾಧ್ಯಾಶ್ಚ ಪಿತರಶ್ಚ ಮನೋಜವಾಃ॥ 2-11-44 (11756)
ಪಿತೃಣಾಂ ಚ ಗಣಾನ್ವಿದ್ಧಿ ಸಪ್ತೈವ ಪುರುಷರ್ಷಭ।
ಮೂರ್ತಿಮಂತೋ ವೈ ಚತ್ವಾರಸ್ತ್ರಯಶ್ಚಾಪಿ ಶರೀರಿಣಃ॥ 2-11-45 (11757)
ವೈರಾಜಶ್ಚ ಮಹಾಭಾಗಾ ಅಗ್ನಿಷ್ವಾತ್ತಾಶ್ಚ ಭಾರತ।
ಗಾರ್ಹಪತ್ಯಾ ನಾಕಚರಾಃ ಪಿತರೋ ಲೋಕವಿಶ್ರುತಾಃ॥ 2-11-46 (11758)
ಸೋಮಪಾ ಏಕಶೃಂಗಾಶ್ಚ ಚತುರ್ವೇದಾಃ ಕಲಾಸ್ತಥಾ।
ಏತೇ ಚತುರ್ಷು ವರ್ಣೇಷು ಪೂಜ್ಯಂತೇ ಪಿತರೋ ನೃಪ॥ 2-11-47 (11759)
ಏತೈರಾಪ್ಯಾಯಿತೈಃ ಪುರ್ವಂ ಸೋಮಶ್ಚಾಪ್ಯಾಯ್ಯತೇ ಪುನಃ।
ತ ಏತೇ ಪಿತರಃ ಸರ್ವೇ ಪ್ರಜಾಪತಿಮುಪಸ್ಥಿತಾಃ॥ 2-11-48 (11760)
ಉಪಾಸತೇ ಚ ಸಂಹೃಷ್ಟಾ ಬ್ರಹ್ಮಾಣಮಮಿತೌಜಸಂ।
ರಾಕ್ಷಸಾಶ್ಚ ಪಿಶಾಚಾಶ್ಚ ದಾನವಾ ಗುಹ್ಯಕಾಸ್ತಥಾ॥ 2-11-49 (11761)
ನಾಗಾಃ ಸುಪರ್ಣಾಃ ಪಶವಃ ಪಿತಾಮಹಮುಪಾಸತೇ।
ಸ್ಥಾವರಾ ಜಂಗಮಾಶ್ಚೈವ ಮಹಾಭೂತಾಸ್ತಥಾಽಪರೇ॥ 2-11-50 (11762)
ಪುರಂದರಶ್ಚ ದೇವೇಂದ್ರೋ ವರುಣೋ ಧನದೋ ಯಮಃ।
ಮಹಾದೇವಃ ಸಹೋಮೋಽತ್ರ ಸದಾ ಗಚ್ಛತಿ ಸರ್ವಶಃ॥ 2-11-51 (11763)
ಮಹಾಸೇನಶ್ಚ ರಾಜೇಂದ್ರ ಸದೋಪಾಸ್ತೇ ಪಿತಾಮಹಂ।
ದೇವೋ ನಾರಾಯಣಸ್ತಸ್ಯಾಂ ತಥಾ ದೇವರ್ಷಯಶ್ಚ ಯೇ॥ 2-11-52 (11764)
ಋಷಯೋ ವಾಲಖಿಲ್ಯಾಶ್ಚ ಯೋನಿಜಾಯೋನಿಜಾಸ್ತಥಾ।
ಯಚ್ಚ ಕಿಂಚಿತ್ರಿಲೋಕೇಽಸ್ಮಿಂದೃಶ್ಯತೇ ಸ್ಥಾಣು ಜಂಗಮಂ।
ಸರ್ವಂ ತಸ್ಯಾಂ ಮಯಾ ದೃಷ್ಟಮಿತಿ ವಿದ್ಧಿ ನರಾಧಿಪ॥ 2-11-53 (11765)
ಅಷ್ಟಾಶೀತಿಸಹಸ್ರಾಣಿ ಋಷೀಣಾಮೂರ್ಧ್ವರೇತಸಾಂ।
ಪ್ರಜಾವತಾಂ ಚ ಪಂಚಾಶದೃಷೀಣಾಮಪಿ ಪಾಂಡವ॥ 2-11-54 (11766)
ತೇ ಸ್ಮ ತತ್ರ ಯಥಾಕಾಮಂ ದೃಷ್ಟ್ವಾ ಸರ್ವೇ ದಿವೌಕಸಃ।
ಪ್ರಣಂಯ ಶಿರಸಾ ತಸ್ಮೈ ಸರ್ವೇ ಯಾಂತಿ ಯಥಾಗಮಂ॥ 2-11-55 (11767)
ಅತಿಥೀನಾಗತಾಂದೇವಾಂದೈತ್ಯಾನ್ನಾಗಾಂಸ್ತಥಾ ದ್ವಿಜಾನ್।
ಯಕ್ಷಾನ್ಮುಪರ್ಣಾನ್ಕಾಲೇಯಾನ್ಗಂಧರ್ವಾಪ್ಸರಸಸ್ತಥಾ॥ 2-11-56 (11768)
ಮಹಾಭಾಗಾನಮಿತಧೀರ್ಬ್ರಹ್ಮಾ ಲೋಕಪಿತಾಮಹಃ।
ದಯಾವಾನ್ಸರ್ವಭೂತೇಷು ಯಥಾರ್ಹಂ ಪ್ರತಿಪದ್ಯತೇ॥ 2-11-57 (11769)
ಪ್ರತಿಗೃಹ್ಯ ತು ವಿಶ್ವಾತ್ಮಾ ಸ್ವಯಂ ಸ್ವಯಂಭೂರಮಿತದ್ಯುತಿಃ।
ಸಾಂತ್ವಮಾನಾರ್ಥಸಂಭೋಗೈರ್ಯುನಕ್ತಿ ಮನುಜಾಧಿಪ॥ 2-11-58 (11770)
ತಥಾ ತೈರುಪಯಾತೈಶ್ಚ ಪ್ರತಿಯದ್ಭಿಶ್ಚ ಭಾರತ।
ಆಕುಲಾ ಸಾ ಸಭಾತಾತ ಭವತಿ ಸ್ಮ ಸುಖಪ್ರದಾ॥ 2-11-59 (11771)
ಸರ್ವತೇಜೋಮಯೀ ದಿವ್ಯಾ ಬ್ರಹ್ಮರ್ಷಿಗಣಸೇವಿತಾ।
ಬ್ರಾಹಯಾ ಶ್ರಿಯಾ ದೀಪ್ಯಮಾನಾ ಶುಶುಭೇ ವಿಗತಕ್ಲಮಾ॥ 2-11-60 (11772)
ಸಾ ಸಭಾ ತಾದೃಶೀ ದೃಷ್ಟಾ ಮಯಾ ಲೋಕೇಷು ದುರ್ಲಭಾ।
ಸಭೇಯಂ ರಾಜಶಾರ್ದೂಲ ಮನುಷ್ಯೇಷು ಯಥಾ ತವ॥ 2-11-61 (11773)
ಏತಾ ಮಯಾ ದೃಷ್ಟಪೂರ್ವಾಃ ಸಭಾ ದೇವೇಷು ಭಾರತ।
ಸಭೇಯಂ ಮಾನುಷೇ ಲೋಕೇ ಸರ್ವಶ್ರೇಷ್ಠತಮಾ ತವ॥ ॥ 2-11-62 (11774)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಮಂತ್ರಪರ್ವಣಿ ಏಕಾದಶೋಽಧ್ಯಾಯಃ॥ 11॥
Mahabharata - Sabha Parva - Chapter Footnotes
2-11-2 ದೇವಯುಗೇ ಕೃತಯುಗೇ॥ 2-11-30 ಮಾಮದ್ವಂದ್ವೈರಗ್ನೀಷೋಮೇಂದ್ರಾಭ್ಯಾದಿಭಿಃ॥ 2-11-38 ಸಂವತ್ಸರಾಃ ಷಷ್ಟಿಃ ಪ್ರಭವಾದಯಃ। ತೇಚ ಪಂಚಪಂಚ ಏಕೈಕಂ ಯುಗಂ। ಚತುರ್ವಿಧೋ ಮಾನುಷೋಽ ಹೋರಾತ್ರಃ ಷಷ್ಟಿಘಟಿಕಾಭಿಃ। ಪೈತ್ರೋ ಮಾಸೇನ। ದೈವೋ ವತ್ಸರೇಣ। ಬ್ರಾಹ್ಮಃ ಕಲ್ಪೇನೇತಿ। ಕಾಲಚಕ್ರಂ ದ್ವಾದಶರಾಶ್ಯಾತ್ಮಕಂ॥ಸಭಾಪರ್ವ - ಅಧ್ಯಾಯ 012
॥ ಶ್ರೀಃ ॥
2.12. ಅಧ್ಯಾಯಃ 012
Mahabharata - Sabha Parva - Chapter Topics
ಇಂದ್ರಸಭಾಸ್ಥಹರಿಶ್ಚಂದ್ರಚರಿತೇ ಯುಧಿಷ್ಠಿರೇಣ ಪೃಷ್ಟೇ ತತ್ಕಥಾಪ್ರಸಂಗೇನ ನಾರದಕೃತಾ ರಾಜಸೂಯಪ್ರಶಂಸಾ॥ 1॥ ಯುಧಿಷ್ಠರಂಪ್ರತಿ ಪಾಂಡುಸಂದೇಶಕಥನಪೂರ್ವಕಂ ನಾರದಸ್ಯ ಗಮನಂ॥ 2॥Mahabharata - Sabha Parva - Chapter Text
ಯುಧಿಷ್ಠಿರ ಉವಾಚ॥
ಪ್ರಾಯಶೋ ರಾಜಲೋಕಸ್ತೇ ಕಥಿತೋ ವದತಾಂ ವರ।
ವೈವಸ್ವತಸಭಾಯಾಂ ತು ಯಥಾ ವದಸಿ ಮೇ ಪ್ರಭೋ॥ 2-12-1 (11775)
ವರುಣಸ್ಯ ಸಭಾಯಾಂ ತು ನಾಗಾಸ್ತೇ ಕಥಿತಾ ವಿಭೋ।
ದೈತ್ಯೇಂದ್ರಾಶ್ಚಾಪಿ ಭೂಯಿಷ್ಠಾಃ ಸರಿತಃ ಸಾಗರಾಸ್ತಥಾ॥ 2-12-2 (11776)
ತಥಾ ಧನಪತೇರ್ಯಕ್ಷಾ ಗುಹ್ಯಕಾ ರಾಕ್ಷಸಾಸ್ತಥಾ।
ಗಂಧರ್ವಾಪ್ಸರಸಶ್ಚೈವ ಭಗವಾಂಶ್ಚ ವೃಷಧ್ವಜಃ॥ 2-12-3 (11777)
ಪಿತಾಮಹಸಭಾಯಾಂ ತು ಕಥಿತಾಸ್ತೇ ಮಹರ್ಷಭಃ।
ಸರ್ವೇ ದೇವನಿಕಾಯಾಶ್ಚ ಸರ್ವಶಾಸ್ತ್ರಾಣಿ ವೈವ ಹ॥ 2-12-4 (11778)
ಶಕ್ರಸ್ಯ ತು ಸಭಾಯಾಂ ತು ದೇವಾಃ ಸಂಕೀರ್ತಿತಾ ಮುನೇ।
ಉದ್ದೇಶತಶ್ಚ ಗಂಧರ್ವಾ ವಿವಿಧಾಶ್ಚ ಮಹರ್ಷಯಃ॥ 2-12-5 (11779)
ಏಕ ಏವ ತು ರಾಜರ್ಷಿರ್ಹರಿಶ್ಚಂದ್ರೋ ಮಹಾಮುನೇ।
ಕಥಿತಸ್ತೇ ಸಭಾಯಾಂ ವೈ ದೇವೇಂದ್ರಸ್ಯ ಮಹಾತ್ಮನಃ॥ 2-12-6 (11780)
ಕಿಂ ಕರ್ಮ ತೇನಾಚರಿತಂ ತಪೋ ವಾ ನಿಯತವ್ರತ।
ಯೇನಾಸೌ ಸಹ ಶಕ್ರೇಣ ಸ್ಪರ್ಧದೇ ಸುಮಹಾಯಶಾಃ॥ 2-12-7 (11781)
ಪಿತೃಲೋಕಗತಶ್ಚೈವ ತ್ವಯಾ ವಿಪ್ರ ಪಿತಾ ಮಮ।
ದೃಷ್ಟಃ ಪಾಂಡುರ್ಮಹಾಭಾಗಃ ಕಥಂ ವಾಽಪಿ ಸಮಾಗತಃ॥ 2-12-8 (11782)
ಕಿಮುಕ್ತವಾಂಶ್ಚ ಭಗವಂಸ್ತನ್ಮಮಾಚಕ್ಷ್ವ ಸುವ್ರತ।
ತ್ವತ್ತಃ ಶ್ರೋತುಂ ಸರ್ವಮಿದಂ ಪರಂ ಕೌತೂಹಲಂ ಹಿ ಮೇ॥ 2-12-9 (11783)
ನಾರದ ಉವಾಚ। 2-12-10x (1395)
ಯನ್ಮಾಂ ಪೃಚ್ಛಸಿ ರಾಜೇಂದ್ರ ಹರಿಶ್ಚಂದ್ರಂ ಪ್ರತಿ ಪ್ರಭೋ।
ತತ್ತೇಽಹಂ ಸಂಪ್ರವಕ್ಷ್ಯಾಮಿ ಮಾಹಾತ್ಂಯಂ ತಸ್ಯ ಧೀಮತಃ॥ 2-12-10 (11784)
` ಇಕ್ಷ್ವಾಕೂಣಾಂ ಕುಲೇ ಜಾತಸ್ತ್ರಿಶಂಕುರ್ನಾಮ ಪಾರ್ಥಿವಃ।
ಅಯೋಧ್ಯಾಧಿಪತಿರ್ವೀರೋ ವಿಶ್ವಾಮಿತ್ರೇಣ ಸಂಸ್ಥಿತಃ॥ 2-12-11 (11785)
ತಸ್ಯ ಸತ್ಯವತೀ ನಾಮ ಪತ್ನೀ ಕೇಕಯವಂಶಜಾ।
ತಸ್ಯಾಂ ಗರ್ಭಃ ಸಮಭವದ್ಧರ್ಮೇಣ ಕುರುನಂದನ॥ 2-12-12 (11786)
ಸಾ ಚ ಕಾಲೇ ಮಹಾಭಾಗಾ ರಾಜನ್ಮಾಸಂ ಪ್ರವಿಶ್ಯ ಚ।
ಕುಮಾರಂ ಜನಯಾಮಾಸ ಹರಿಶ್ಚಂದ್ರಮಕಲ್ಮಷಂ।
ಸ ವೈ ರಾಜಾ ಹರಿಶ್ಚಂದ್ರಸ್ತ್ರೈಶಂಕವ ಇತಿ ಸ್ಮೃತಃ'॥ 2-12-13 (11787)
ಸ ರಾಜಾ ಬಲವಾನಾಸೀತ್ಸಂರಾಟ್ ಸರ್ವಮಹೀಕ್ಷಿತಾಂ।
ತಸ್ಯ ಸರ್ವೇ ಮಹೀಪಾಲಾಃ ಶಾಸನಾವನತಾಃ ಸ್ಥಿತಾಃ॥ 2-12-14 (11788)
ತೇನೈಕಂ ರಥಮಾಸ್ಥಾಯ ಜೈತ್ರಂ ಹೇಮವಿಭೂಷಿತಂ।
ಶಸ್ತ್ರಪ್ರತಾಪೇನ ಜಿತಾ ದ್ವೀಪಾಃ ಸಪ್ತ ಜನೇಶ್ವರ॥ 2-12-15 (11789)
ಸ ನಿರ್ಜಿತ್ಯ ಮಹೀಂ ಕೃತ್ಸ್ನಾಂ ಸಶೈಲವನಕಾನನಾಂ।
ಆಜಹಾರ ಮಹಾರಾಜ ರಾಜಸೂಯಂ ಮಹಾಕ್ರತುಂ॥ 2-12-16 (11790)
ತಸ್ಯ ಸರ್ವೇ ಮಹೀಪಾಲಾ ಧನಾನ್ಯಾಜಹ್ರುರಾಜ್ಞಯಾ।
ದ್ವಿಜಾನಾಂ ಪರಿವೇಷ್ಟಾರಸ್ತಸ್ಮಿನ್ಯಜ್ಞೇ ಚ ತೇಽಭವನ್॥ 2-12-17 (11791)
`ಸಮಾಪ್ತಯಜ್ಞೋ ವಿಧಿವದ್ಧರಿಶ್ಚಂದ್ರಃ ಪ್ರತಾಪವಾನ್।
ಅಭಿಷಿಕ್ತಶ್ಚ ಶುಶುಭೇ ಸಾಂರಾಜ್ಯೇನ ನರಾಧಿಪಃ॥ 2-12-18 (11792)
ರಾಜಸೂಯೇಽಭಿಷಿಕ್ತಶ್ಚ ಸಮಾಪ್ತವರದಕ್ಷಿಣೇ'॥ 2-12-19 (11793)
ಪ್ರಾದಾಚ್ಚ ದ್ರವಿಣಂ ಪ್ರೀತ್ಯಾ ಯಾಚಕಾನಾಂ ನರೇಶ್ವರಃ।
ಯಥೋಕ್ತವಂತಸ್ತೇ ತಸ್ಮಿಂಸ್ತತಃ ಪಂಚಗುಣಾಧಿಕಂ॥ 2-12-20 (11794)
ಅತರ್ಪಯಚ್ಚ ವಿವಿಧೈರ್ವಸುಭಿರ್ಬ್ರಾಹ್ಮಣಾಂಸ್ತದಾ।
ಪ್ರಸರ್ಪಕಾಲೇ ಸಂಪ್ರಾಪ್ತೇ ನಾನಾದಿಗ್ಭ್ಯಃ ಸಮಾಗತಾನ್॥ 2-12-21 (11795)
ಭಕ್ಷ್ಯಭೋಜ್ಯೈಶ್ಚ ವಿವಿಧೈರ್ಯಥಾಕಾಮಪುರಸ್ಕೃತೈಃ।
ರತ್ನೌಘತರ್ಪಿತೈಸ್ತುಷ್ಟೈರ್ದ್ವಿಜೈಶ್ಚ ಸಮುದಾಹೃತಂ।
ತೇಜಸ್ವೀ ಚ ಯಶಸ್ವೀ ಚ ನೃಪೇಭ್ಯೋಽಭ್ಯಧಿಕೋಽಭವತ್ । 2-12-22 (11796)
ಏತಸ್ಮಾತ್ಕಾರಣಾದ್ರಾಜನ್ಹರಿಶ್ಚಂದ್ರೋ ವಿರಾಜತೇ।
ತೇಭ್ಯೋ ರಾಜಸಹಸ್ರೇಭ್ಯಸ್ತದ್ವಿದ್ವಿ ಭರತರ್ಷಭ॥ 2-12-23 (11797)
ಸಮಾಪ್ಯ ಚ ಹರಿಶ್ಚಂದ್ರೋ ಮಹಾಯಜ್ಞಂ ಪ್ರತಾಪವಾನ್।
ಅಭಿಷಿಕ್ತಶ್ಚ ಶುಶುಭೇ ಸಾಂರಾಜ್ಯೇನ ನರಾಧಿಪ॥ 2-12-24 (11798)
ಯೇ ಚಾನ್ಯೇ ಚ ಮಹೀಪಾಲಾ ರಾಜಸೂಯಂ ಮಹಾಕ್ರತುಂ।
ಯಜಂತೇ ತೇ ಸಹೇಂದ್ರೇಣ ಮೋದಂತೇ ಭರತರ್ಷಭ। 2-12-25 (11799)
ಯೇ ಚಾಪಿ ನಿ ನಂ ಪ್ರಾಪ್ತಾಃ ಸಂಗ್ರಾಮೇಷ್ವಪಲಾಯಿನಃ।
ತೇ ತತ್ಸದನಂ ತಾದ್ಯ ಮೋಂದತೇ ಭರತರ್ಷಭ॥ 2-12-26 (11800)
ತಪಸಾ ಯೇ ಚ ತೀವ್ರೇಣ ತ್ಯಜಂತೀಹ ಕಲೇವರಂ।
ತೇ ತತ್ಸ್ಥಾನಂ ಸಮಾಸಾದ್ಯ ಶ್ರೀಮಂತೋ ಭಾಂತಿ ನಿತ್ಯಶಃ॥ 2-12-27 (11801)
ಪಿತಾ ಚ ತ್ವಾಽಽಹ ಕೌಂತೇಯ ಪಾಂಡುಃ ಕೌರವನಂದನ।
ಹರಿಶ್ಚಂದ್ರೇ ಶ್ರಿಯಂ ದೃಷ್ಟ್ವಾ ನೃಪತೌ ಜಾತವಿಸ್ಮಯಃ॥ 2-12-28 (11802)
ವಿಜ್ಞಾಯ ಮಾನುಷಂ ಲೋಕಮಾಯಾಂತಂ ಮಾಂ ನರಾಧಿಪ।
ಪ್ರೋವಾಚ ಪ್ರಣತೋ ಭೂತ್ವಾ ವದೇಥಾಸ್ತ್ವಂ ಯುಧಿಷ್ಠಿರಂ॥ 2-12-29 (11803)
ಸಮರ್ಥೋಽಸಿ ಮಹೀಂ ಜೇತುಂ ಭ್ರಾತರಸ್ತೇ ಸ್ಥಿತಾ ವಶೇ।
ರಾಜಸೂಯಂ ಕ್ರತುಶ್ರೇಷ್ಠಮಹಾರಸ್ವೇತಿ ಭಾರತ॥ 2-12-30 (11804)
ತ್ವಯೀಷ್ಟವತಿ ಪುತ್ರೇಽಹಂ ಹರಿಶ್ಚಂದ್ರವದಾಶು ವೈ।
ಮೋದಿಷ್ಯೇ ಬಹುಲಾಃ ಶಶ್ವತ್ಸಮಾಃ ಶಕ್ರಸ್ಯ ಸಂಸದಿ॥ 2-12-31 (11805)
ಏವಂ ಭವತು ವಕ್ಷ್ಯೇಽಹಂ ತವ ಪುತ್ರಂ ನರಾಧಿಪಂ।
ಭೂಲೋಕಂ ಯದಿ ಗಚ್ಛೇಯಮಿತಿ ಪಾಂಡುಮಥಾಬ್ರುವಂ॥ 2-12-32 (11806)
ತಸ್ಯ ತ್ವಂ ಪುರುಷವ್ಯಾಘ್ರ ಸಂಕಲ್ಪಂ ಕುರು ಪಾಂಡವ।
ಗಂತಾಸಿತ್ವಂ ಮಹೇಂದ್ರಸ್ಯ ಪೂರ್ವೈಃ ಸಹ ಸಲೋಕತಾಂ॥ 2-12-33 (11807)
ಬಹುವಿಘ್ನಶ್ಚ ನೃಪತೇ ಕ್ರತುರೇಷ ಸ್ಮೃತೋ ಮಹಾನ್।
ಛಿದ್ರಾಣ್ಯಸ್ಯ ವಾಂಛಂತಿ ಯಜ್ಞಘ್ನಾ ಬ್ರಹ್ಮರಾಕ್ಷಸಾಃ॥ 2-12-34 (11808)
ಯುದ್ಧಂ ಚ ಕ್ಷತ್ರಶಮನಂ ಪೃಥಿವೀಕ್ಷಯಕಾರಣಂ।
ಕಿಂಚಿದೇವ ನಿಮಿತ್ತಂ ಚ ಭವತ್ಯತ್ರ ಕ್ಷಯಾವಹಂ॥ 2-12-35 (11809)
ಏತತ್ಸಂಚಿಂತ್ಯ ರಾಜೇಂದ್ರ ಯತ್ಕ್ಷಮಂ ತತ್ಸಮಾಚರ।
ಅಪ್ರಮತ್ತೋತ್ಥಿತೋ ನಿತ್ಯಂ ಚಾತುರ್ವರ್ಣ್ಯಸ್ಯ ರಕ್ಷಣೇ॥ 2-12-36 (11810)
ಭವ ಏಧಸ್ವ ಮೋದಸ್ವ ಧನೈಸ್ತರ್ಪಯ ಚ ದ್ವಿಜಾನ್।
ಏತತ್ತೇ ವಿಸ್ತರೇಣೋಕ್ತಂ ಯನ್ಮಾಂ ತ್ವಂ ಪರಿಪೃಚ್ಛಸಿ।
ಆಪೃಚ್ಛೇ ತ್ವಾಂ ಗಮಿಷ್ಯಾಮಿ ದಾಶಾರ್ಹನಗರೀಂ ಪ್ರತಿ॥ 2-12-37 (11811)
ವೈಶಂಪಾಯನ ಉವಾಚ। 2-12-38x (1396)
ಏವಮಾಖ್ಯಾಯ ಪಾರ್ಥೇಭ್ಯೋ ನಾರದೋ ಜನಮೇಜಯ।
ಜಗಾಮ ತೈರ್ವೃತೋ ರಾಜನ್ನೃಷಿಭಿರ್ಯೈಃ ಸಮಾಗತಃ॥ 2-12-38 (11812)
ಗತೇ ತು ನಾರದೇ ಪಾರ್ಥೋ ಭ್ರಾತೃಭಿಃ ಸಹ ಕೌರವಃ।
ರಾಜಸೂಯಂ ಕ್ರತುಶ್ರೇಷ್ಠಂ ಚಿಂತಯಾಮಾಸ ಪಾರ್ಥಿವಃ॥ ॥ 2-12-39 (11813)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಮಂತ್ರಪರ್ವಣಿ ದ್ವಾದಶೋಽಧ್ಯಾಯಃ॥ 12॥
ಸಭಾಪರ್ವ - ಅಧ್ಯಾಯ 013
॥ ಶ್ರೀಃ ॥
2.13. ಅಧ್ಯಾಯಃ 013
Mahabharata - Sabha Parva - Chapter Topics
ಮಂತ್ರಿಭಿಃ ಸಹ ಸಂಮಂತ್ರ್ಯ ಕೃತರಾಜಸೂಯಕರಣನಿಶ್ಚಯಸ್ಯ ಯುಧಿಷ್ಠಿರಸ್ಯ ಶ್ರೀಕೃಷ್ಣಂಪ ್ರತಿ ದೂತಪ್ರೇಷಣಂ॥ 1॥ ದೂತೇನ ಸಹ ಇಂದ್ರಪ್ರಸ್ಥಮಾಗತಂ ಶ್ರೀಕೃಷ್ಣಂಪ್ರತಿ ಯುಧಿಷ್ಠಿರೋಕ್ತಿ ॥ 2॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ಋಷೇಸ್ತದ್ವಚನಂ ಶ್ರುತ್ವಾ ನಿಶಶ್ವಾಸ ಯುಧಿಷ್ಠಿರಃ।
ಚಿಂತಯನ್ರಾಜಸೂಯೇಷ್ಟಿಂ ನ ಲೇಭೇ ಶರ್ಮ ಭಾರತ॥ 2-13-1 (11814)
ರಾಜರ್ಷೀಣಾಂ ಚ ತಂ ಶ್ರುತ್ವಾ ಮಹಿಮಾನಂ ಮಹಾತ್ಮನಾಂ।
ಯಜ್ವನಾಂ ಕರ್ಮಭಿಃ ಪುಣ್ಯೈರ್ಲೋಕಪ್ರಾಪ್ತಿಂ ಸಮೀಕ್ಷ್ಯ ಚ॥ 2-13-2 (11815)
ಹರಿಶ್ಚಂದ್ರಂ ಚ ರಾಜರ್ಷಿ ರೋಜಮಾನಂ ವಿಶೇಷತಃ।
ಯಜ್ವಾನಂ ಯಜ್ಞಮಾಹರ್ತುಂ ರಾಜಸೂಯಮಿಯೇಷ ಸಃ॥ 2-13-3 (11816)
ಯುಧಿಷ್ಠಿರಸ್ತತಃ ಸರ್ವಾನರ್ಚಯಿತ್ವಾ ಸಭಾಸದಃ।
ಪ್ರತ್ಯರ್ಚಿತಶ್ಚ ತೈಃ ಸರ್ವೈರ್ಯಜ್ಞಾಯೈವ ಮನೋ ದಧೇ॥ 2-13-4 (11817)
ಸ ರಾಜಸೂಯಂ ರಾಜೇಂದ್ರ ಕುರೂಣಾಮೃಷಭಸ್ತದಾ।
ಆಹರ್ತುಂ ಪ್ರವಣಂ ಚಕ್ರೇ ಮನಃ ಸಂಚಿಂತ್ಯ ಚಾಸಕೃತ್॥ 2-13-5 (11818)
ಭೂಯಶ್ಚಾದ್ಭುತವೀರ್ಯೌಜಾ ಧರ್ಮಮೇವಾನುಚಿಂತಯನ್।
ಕಿಂ ಹಿತಂ ಸರ್ವಲೋಕಾನಾಂ ಭವೇದಿತಿ ಮನೋ ದಧೇ॥ 2-13-6 (11819)
ಅನುಗೃಹ್ಣನ್ಪ್ರಜಾಃ ಸರ್ವಾಃ ಸರ್ವಧರ್ಮಭೃತಾಂ ವರಃ।
ಅವಿಶೇಷೇಣ ಸರ್ವೇಷಾಂ ಹಿತಂ ಚಕ್ರೇ ಯುಧಿಷ್ಠಿರಃ॥ 2-13-7 (11820)
ಸರ್ವೇಷಾಂ ದೀಯತಾಂ ದೇಯಂ ಮುಷ್ಣನ್ಕೋಪಮದಾವುಭೌ।
ಸಾಧು ಧರ್ಮೇತಿ ಧರ್ಮೇತಿ ನಾನ್ಯಚ್ಛ್ರೂಯೇತ ಭಾಷಿತಂ॥ 2-13-8 (11821)
ಏವಂ ಗತೇ ತತಸ್ತಸ್ಮಿನ್ಪಿತರೀವಾಶ್ವಸಂಜನಾಃ।
ನ ತಸ್ಯ ವಿದ್ಯತೇ ದ್ರೇಷ್ಟಾ ತತೋಽಸ್ಯಾಜಾತಶತ್ರುತಾ॥ 2-13-9 (11822)
ಪರಿಗ್ರಹಾನ್ನರೇಂದ್ರಸ್ಯ ಭೀಮಸ್ಯ ಪರಿಪಾಲನಾತ್।
ಶತ್ರೂಣಾಂ ಕ್ಷಪಣಾಚ್ಚೈವ ಬೀಭತ್ಸೋಃ ಸವ್ಯಸಾಚಿನಃ॥ 2-13-10 (11823)
`ಬಲೀನಾಂ ಸಂಯಗುತ್ಥಾನಾನ್ನಕುಲಸ್ಯ ಯಶಸ್ವಿನಃ'।
ಧೀಮತಃ ಸಹದೇವಸ್ಯ ಧರ್ಮಾಣಾಮನುಶಾಸನಾತ್॥ 2-13-11 (11824)
ವೈನತ್ಯಾತ್ಸರ್ವತಶ್ಚೈವ ನಕುಲಸ್ಯ ಸ್ವಭಾವತಃ।
ಅವಿಗ್ರಹಾ ವೀತಭಯಾಃ ಸ್ವಕರ್ಮನಿರತಾಃ ಸದಾ॥ 2-13-12 (11825)
ನಿಕಾಮವರ್ಷಾಃ ಸ್ಫೀತಾಶ್ಚ ಆಸಂಜನಪದಾಸ್ತಥಾ।
ವಾರ್ಧುಷೀ ಯಜ್ಞಸತ್ವಾನಿ ಗೋರಕ್ಷಂ ಕರ್ಷಣಂ ವಣಿಕ್ ॥ 2-13-13 (11826)
ವಿಶೇಷಾತ್ಸರ್ವಮೇವೈತತ್ಸಂಜಜ್ಞೇ ರಾಜಕರ್ಮಣಾ।
ಅನುಕರ್ಷಂ ಚ ನಿಷ್ಕರ್ಷಂ ವ್ಯಾಧಿಪಾವಕಮೂರ್ಛನಂ॥ 2-13-14 (11827)
ಸರ್ವಮೇವ ನ ತತ್ರಾಸೀದ್ಧರ್ಮನಿತ್ಯೇ ಯುಧಿಷ್ಠಿರೇ।
ದಸ್ಯುಭ್ಯೋ ವಂಚಕೇಭ್ಯಶ್ಚ ರಾಜ್ಞಃ ಪ್ರತಿ ಪರಸ್ಪರಂ॥ 2-13-15 (11828)
ರಾಜವಲ್ಲಭತಶ್ಚೈವ ನಾಶ್ರೂಯತ ಮೃಷಾಕೃತಂ।
ಪ್ರಿಯಂ ಕರ್ತುಮುಪಸ್ಥಾತುಂ ಬಲಿಕರ್ಮ ಸ್ವಕರ್ಮಜಂ॥ 2-13-16 (11829)
ಅಭಿಹರ್ತುಂ ನೃಪಾಃ ಷಟ್ಸು ಪೃಥಕ್ಜಾತ್ಯೈಶ್ಚ ನೈಗಮೈಃ।
ವವೃಧೇ ವಿಷಯಸ್ತತ್ರ ಧರ್ಮನಿತ್ಯೇ ಯುಧಿಷ್ಠಿರೇ॥ 2-13-17 (11830)
ಕಾಮತೋಽಪ್ಯುಪಯುಂಜಾನೈ ರಾಜಸೈರ್ಲೋಭಜೈರ್ಜನೈಃ।
ಸರ್ವವ್ಯಾಪೀ ಸರ್ವಗುಣೀ ಸರ್ವಸಾಹಃ ಸ ಸರ್ವರಾಟ್॥ 2-13-18 (11831)
ಯಸ್ಮಿನ್ನಧಿಕೃತಃ ಸಂರಾಡ್ ಭ್ರಾಜಮಾನೋ ಮಹಾಯಶಾಃ।
ಯತ್ರ ರಾಜಂದಶ ದಿಶಃ ಪಿತೃತೋ ಮಾತೃತಸ್ತಥಾ।
ಅನುರಕ್ತಾಃ ಪ್ರಜಾ ಆಸನ್ನಾಗೋಪಾಲಾ ದ್ವಿಜಾತಯಃ ॥ 2-13-19 (11832)
ಸ ಮಂತ್ರಿಣಃ ಸಮಾನಾಯ್ಯ ಭ್ರಾತೃಂಶ್ಚ ವದತಾಂ ವರಃ।
ರಾಜಸೂಯಂ ಪ್ರತಿ ತದಾ ಪುನಃ ಪುನರಪೃಚ್ಛತ॥ 2-13-20 (11833)
ತೇ ಪೃಚ್ಛ್ಯಮಾನಾಃ ಸಹಿತಾ ವಚೋಽರ್ಥ್ಯಂ ಮಂತ್ರಿಣಸ್ತದಾ।
ಯುಧಿಷ್ಠಿರಂ ಮಹಾಪ್ರಾಜ್ಞಂ ಯಿಯಕ್ಷುಮಿದಮಬ್ರುವನ್॥ 2-13-21 (11834)
ಯೇನಾಭಿಷಿಕ್ತೋ ನೃಪತಿರ್ವಾರುಣಂ ಗುಣಮೃಚ್ಛತಿ।
ತೇನ ರಾಜಾಽಪಿ ತಂ ಕುತ್ಸ್ನಂ ಸಂರಾಡ್ಗುಣಮಭೀಪ್ಸೃತಿ॥ 2-13-22 (11835)
ತಸ್ಯ ಸಂರಾಡ್ಗುಣಾರ್ಹಸ್ಯ ಭವತಃ ಕುರುನಂದನ।
ರಾಜಸೂಯಸ್ಯ ಸಮಯಂ ಮನ್ಯಂತೇ ಸುಹೃದಸ್ತವ॥ 2-13-23 (11836)
ತಸ್ಯ ಯಜ್ಞಸ್ಯ ಸಮಯಃ ಸ್ವಾಧೀನಃ ಕ್ಷತ್ರಸಂಪದಾ।
ಸಾಂನಾ ಷಡಗ್ನಯೋ ಯಸ್ಮಿಂಶ್ಚೀಯಂತೇ ಶಂಸಿತವ್ರತೈಃ॥ 2-13-24 (11837)
ದರ್ವೀಹೋಮಾನುಪಾದಾಯ ಸರ್ವಾನ್ಯಃ ಪ್ರಾಪ್ನುತೇ ಕ್ರತೂನ್।
ಅಭಿಷೇಕಂ ಚ ಯಜ್ಞಾಂತೇ ಸರ್ವಜಿತ್ತೇನ ಚೋಚ್ಯತೇ॥ 2-13-25 (11838)
ಸಮರ್ಥೋಽಸಿ ಮಹಾಬಾಹೋ ಸರ್ವೇ ತೇ ವಶಗಾ ವಯಂ।
ಅಚಿರಾತ್ತ್ವಂ ಮಹಾರಾಜ ರಾಜಸೂಯಮವಾಪ್ಸ್ಯಸಿ॥ 2-13-26 (11839)
ಅವಿಚಾರ್ಯ ಮಹಾರಾಜ ರಾಜಸೂಯೇ ಮನಃ ಕುರು।
ಇತ್ಯೇವಂ ಸುಹೃದಃ ಸರ್ವೇ ಪೃಥಕ್ಚ ಸಹ ಚಾಬ್ರುವನ್॥ 2-13-27 (11840)
ಸ ಧರ್ಂಯಂ ಪಾಂಡವಸ್ತೇಷಾಂ ವಚಃ ಶ್ರುತ್ವಾ ವಿಶಾಂಪತೇ।
ಧೃಷ್ಟಮಿಷ್ಟಂ ವರಿಷ್ಟಂ ಚ ಜಗ್ರಾಹ ಮನಸಾಽರಿಹಾ॥ 2-13-28 (11841)
ಶ್ರುತ್ವಾ ಸುಹೃದ್ವಚಸ್ತಚ್ಚ ಜಾನಂಶ್ಚಾಪ್ಯಾತ್ಮನಃ ಕ್ಷಮಂ।
`ಸ ಪ್ರಶಸ್ತಕ್ರಿಯಾರಂಭಃ ಪರೀಕ್ಷಾಮುಪಚಕ್ರಮೇ॥ 2-13-29 (11842)
ವೈಶಂಪಾಯನ ಉವಾಚ॥ 2-13-30x (1397)
ಚತುರ್ಭಿರ್ಭೀಮಸೇನಾದ್ಯೈರ್ಭ್ರಾತೃಭಿಃ ಸಹಿತೋ ಹಿತಂ।
ಏವಮುಕ್ತಸ್ತಥಾ ಪಾರ್ಥೋ ಧರ್ಮ ಏವ ಮನೋ ದಧೇ॥ 2-13-30 (11843)
ಸ ರಾಜಸೂಯಂ ರಾಜೇಂದ್ರಃ ಕುರೂಣಾಮೃಷಭಃ ಕ್ರತುಂ।
ಜಗಾಮ ಮನಸಾ ಸದ್ಯ ಆಹರಿಷ್ಯನ್ಯುಧಿಷ್ಠಿರಃ॥ 2-13-31 (11844)
ಭೂಯಸ್ತ್ವದ್ಭುತವೀರ್ಯೋಪಿ ಧರ್ಮಮೇವಾನುಪಾಲಯನ್ '।
ಪುನಃ ಪುನರ್ಮನೋ ದಧ್ರೇ ರಾಜಸೂಯಾಯ ಭಾರತ॥ 2-13-32 (11845)
ಸ ಭ್ರಾತೃಭಿಃ ಪುನರ್ಧೀಮಾನೃತ್ವಿಗ್ನಿಶ್ಚ ಮಹಾತ್ಮಭಿಃ।
ಮಂತ್ರಿಭಿಶ್ಚಾಪಿ ಸಹಿತೋ ಧರ್ಮರಾಜೋ ಯುಧಿಷ್ಠಿರಃ॥ 2-13-33 (11846)
ಧೌಂಯದ್ವೈಪಾಯನಾದ್ಯೈಶ್ಚ ಮಂತ್ರಯಾಮಾಸ ಮಂತ್ರವಿತ್।
`ವಿರಾಟದ್ರುಪದಾಭ್ಯಾಂ ಚ ಸಾತ್ಯಕೇನ ಚ ಧೀಮತಾ॥ 2-13-34 (11847)
ಯುಧಾಮನ್ಯೂತ್ತಮೌಜೋಭ್ಯಾಂ ಸೌಭದ್ರೇಣ ಚ ಧೀಮತಾ।
ದ್ರೌಪದೇಯೈಃ ಪರಂ ಶೂರೈರ್ಮಂತ್ರಯಾಮಾಸ ಸಂವೃತಃ॥ 2-13-35 (11848)
ಯುಧಿಷ್ಠಿರ ಉವಾಚ'॥ 2-13-36x (1398)
ಭವಂತೋ ರಾಜಸೂಯಸ್ಯ ಸಂರಾಡರ್ಹಸ್ಯ ಸುಕ್ರತೋಃ।
ಶ್ರದ್ದಧಾನಸ್ಯ ವದತ ಮಮಾವಾಪ್ತಿಃ ಕಥಂ ಭವೇತ್॥ 2-13-36 (11849)
ವೈಶಂಪಾಯನ ಉವಾಚ। 2-13-37x (1399)
ಏವಮುಕ್ತಾಸ್ತು ತೇ ತೇನ ರಾಜ್ಞಾ ರಾಜೀವಲೋಚನ।
ಇದಮೂಚುರ್ವಚಃ ಕಾಲೇ ಧರ್ಮರಾಜಂ ಯುಧಿಷ್ಠಿರಂ॥ 2-13-37 (11850)
ಅರ್ಹಸ್ತ್ವಮಸಿ ಧರ್ಮಜ್ಞ ರಾಜಸೂಯಂ ಮಹಾಕ್ರತುಂ।
ಅಥೈವಮುಕ್ತೇ ನೃಪತಾವೃತ್ವಿಗ್ಭಿರ್ಋಷಿಭಿಸ್ತಥಾ॥ 2-13-38 (11851)
ಮಂತ್ರಿಣೋ ಭ್ರಾತರಶ್ಚಾಸ್ಯ ತದ್ವಚಃ ಪ್ರತ್ಯಪೂಜಯನ್।
ಸ ತು ರಾಜಾ ಮಹಾಪ್ರಾಜ್ಞಃ ಪುನರೇವಾತ್ಮನಾಽಽತ್ಮವಾನ್॥ 2-13-39 (11852)
ಭೂಯೋ ವಿಮಮೃಶೇ ಪಾರ್ಥೋ ಲೋಕಾನಾಂ ಹಿತಕಾಂಯಯಾ।
ಸಾಮರ್ಥ್ಯಯೋಗಂ ಸಂಪ್ರೇಕ್ಷ್ಯ ದೇಶಕಾಲೌ ವ್ಯಯಾಗಮೌ॥ 2-13-40 (11853)
ವಿಮೃಶ್ಯ ಸಂಯಕ್ ಚ ಧಿಯಾ ಕುರ್ವನ್ಪ್ರಾಜ್ಞೋ ನ ಸೀದತಿ।
ನಹಿ ಯಜ್ಞಸಮಾರಂಭಃ ಕೇವಲಾತ್ಮವಿನಿಶ್ಚಯಾತ್॥ 2-13-41 (11854)
ಭವತೀತಿ ಸಮಾಜ್ಞಾಯ ಯತ್ನತಃ ಕಾರ್ಯಮುದ್ವಹನ್।
ಸ ನಿಶ್ಚಯಾರ್ಥಂ ಕಾರ್ಯಸ್ಯ ಕೃಷ್ಣಮೇವ ಜನಾರ್ದನಂ॥ 2-13-42 (11855)
ಸರ್ವಲೋಕಾತ್ಪರಂ ಮತ್ವಾ ಜಗಾಮ ಮನಸಾ ಹರಿಂ।
ಅಪ್ರಮೇಯಂ ಮಹಾಬಾಹುಂ ಕಾಮಾಂಜಾತಮಜಂ ನೃಷು॥ 2-13-43 (11856)
ಪಾಂಡವಸ್ತರ್ಕಯಾಮಾಸ ಕರ್ಮಭಿರ್ದೇವಸಂಮತೈಃ।
ನಾಸ್ಯ ಕಿಂಚಿದವಿಜ್ಞಾತಂ ನಾಸ್ಯ ಕಿಂಚಿದಕರ್ಮಜಂ॥ 2-13-44 (11857)
ನ ಸ ಕಿಂಚಿನ್ನ ವಿಷಹೇದಿತಿ ಕೃಷ್ಣಮಮನ್ಯತ।
ಸ ತು ತಾಂ ನೈಷ್ಠಿಕೀಂ ಬುದ್ಧಿಂ ಕೃತ್ವಾ ಪಾರ್ಥೋ ಯುಧಿಷ್ಠಿರಃ ॥ 2-13-45 (11858)
ಗುರುವದ್ಭೂತಗುರವೇ ಪ್ರಾಹಿಣೋದ್ದೂತಮಂಜಸಾ।
ಶೀಘ್ರಗೇನ ರಥೇನಾಶು ಸ ದೂತಃ ಪ್ರಾಪ್ಯ ಯಾದವಾನ್॥ 2-13-46 (11859)
ದ್ವಾರಕಾವಾಸಿನಂ ಕೃಷ್ಣಂ ದ್ವಾರವತ್ಯಾಂ ಸಮಾಸದತ್।
` ಸ ಪ್ರಭುಂ ಪ್ರಾಂಜಲಿರ್ಭೂತ್ವಾ ವ್ಯಜ್ಞಾಪಯತ ಮಾಧವಂ॥ 2-13-47 (11860)
ದೂತ ಉವಾಚ॥ 2-13-48x (1400)
ಧರ್ಮರಾಜೋ ಹೃಷೀಕೇಶ ಧೌಂಯವ್ಯಾಸಾದಿಭಿಃ ಸಹ।
ಪಾಂಚಾಲಮಾತ್ಸ್ಯಸಹಿತೈರ್ಭ್ರಾತೃಭಿಶ್ಚೈವ ಸರ್ವಶಃ॥ 2-13-48 (11861)
ತ್ವದ್ದರ್ಶನಂ ಮಹಾಬಾಹೋ ಕಾಂಕ್ಷತೇ ಸ ಯುಧಿಷ್ಠಿರಃ॥ 2-13-49 (11862)
ವೈಶಂಪಾಯನ ಉವಾಚ॥ 2-13-50x (1401)
ಇಂದ್ರಸೇನವಚಃ ಶ್ರುತ್ವಾ ಯಾದವಪ್ರವರೋ ಬಲೀ'।
ದರ್ಶನಾಕಾಂಕ್ಷಿಣಂ ಪಾರ್ಥಂ ದರ್ಶನಾಕಾಂಕ್ಷಯಾಚ್ಯುತಃ॥ 2-13-50 (11863)
`ಆಮಂತ್ರ್ಯ ರಾಜನ್ಸುಹೃದೋ ವಸುದೇವಂ ಚ ಮಾಧವಃ'।
ಇಂದ್ರಸೇನೇನ ಸಹಿತ ಇಂದ್ರಪ್ರಸ್ಥಮಗಾತ್ತದಾ।
ವ್ಯತೀತ್ಯ ವಿವಿಧಾಂದೇಶಾಂಸ್ತ್ವರಾವಾನ್ಕ್ಷಿಪ್ರವಾಹನವಃ॥ 2-13-51 (11864)
ಇಂದ್ರಪ್ರಸ್ಥಗತಂ ಪಾರ್ಥಮಭ್ಯಗಚ್ಛಜ್ಜನಾರ್ದನಃ।
ಸ ಗೃಹೇ ಪಿತೃವದ್ಧಾತ್ರಾ ಧರ್ಮರಾಜೇನ ಪೂಜಿತಃ॥ 2-13-52 (11865)
ಭೀಮೇನ ಚ ತತೋಽಪಶ್ಯತ್ಸ್ವಸಾರಂ ಪ್ರೀತಿಮಾನ್ಪಿತುಃ।
ಪ್ರೀತಃ ಪ್ರೀತೇನ ಸುಹೃದಾ ರೇಮೇ ಸ ಸಹಿತಸ್ತದಾ॥ 2-13-53 (11866)
ಅರ್ಜುನೇನ ಯಮಾಭ್ಯಾಂ ಚ ಗುರುವತ್ಪರ್ಯುಪಾಸಿತಃ।
ತಂ ವಿಶ್ರಾಂತಂ ಶುಭೇ ದೇಶೇ ಕ್ಷಣಿನಂ ಕಲ್ಪಮಚ್ಯುತಂ।
ಧರ್ಮರಾಜಃ ಸಮಾಗಂಯ ಜ್ಞಾಪಯತ್ಸ್ವಪ್ರಯೋಜನಂ॥ 2-13-54 (11867)
ಯುಧಿಷ್ಠಿರ ಉವಾಚ॥ 2-13-5x (1402)
ಪ್ರಾರ್ಥಿತೋ ರಾಜಸೂಯೋ ಮೇ ನ ಚಾಸೌ ಕೇವಲೇಪ್ಸಯಾ।
ಪ್ರಾಪ್ಯತೇ ಯೇನ ತತ್ತೇ ಹಿ ವಿದಿತಂ ಕೃಷ್ಣ ಸರ್ವಶಃ॥ 2-13-55 (11868)
ಯಸ್ಮಿನ್ಸರ್ವಂ ಸಂಭವತಿ ಯಶ್ಚ ಸರ್ವತ್ರ ಪೂಜ್ಯತೇ।
ಯಶ್ಚ ಸರ್ವೇಶ್ವರೋ ರಾಜಾ ರಾಜಸೂಯಂ ಸ ವಿಂದತಿ॥ 2-13-56 (11869)
ತಂ ರಾಜಸೂಯಂ ಸುಹೃದಃ ಕಾರ್ಯಮಾಹುಃ ಸಮೇತ್ಯ ಮೇ।
ತತ್ರ ಮೇ ನಿಶ್ಚಿತತಮಂ ತವ ಕೃಷ್ಣ ಗಿರಾ ಭವೇತ್॥ 2-13-57 (11870)
ಕೇಚಿದ್ಧಿ ಸೌಹೃದಾ ದೇವೇ ನ ದೋಷಂ ಪರಿಚಕ್ಷತೇ।
ಸ್ವಾರ್ಥಹೇತೋಸ್ತಥೈವಾನ್ಯೇ ಪ್ರಿಯಮೇವ ವದಂತ್ಯುತ॥ 2-13-58 (11871)
ಪ್ರಿಯಮೇವ ಪರೀಪ್ಸಂತೇ ಕೇಚಿದಾತ್ಮನಿ ಯದ್ಧಿತಂ।
ಏವಂಪ್ರಾಯಾಶ್ಚ ದೃಶ್ಯಂತೇ ಜನವಾದಾಃ ಪ್ರಯೋಜನೇ॥ 2-13-59 (11872)
ತ್ವಂ ತು ಹೇತೂನತೀತ್ಯೈತಾನ್ಕಾಮಕ್ರೋಧೌ ವ್ಯುದಸ್ಯ ಚ।
ಪರಮಂ ಯತ್ಕ್ಷಮಂ ಲೋಕೇ ಯಥಾವದ್ವಕ್ತುಮರ್ಹಸಿ॥ ॥ 2-13-60 (11873)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಮಂತ್ರಪರ್ವಣಿ ತ್ರಯೋದಶೋಽಧ್ಯಾಯಃ॥ 13॥
Mahabharata - Sabha Parva - Chapter Footnotes
2-13-13 ವಾರ್ಧುಷೀ ವೃದ್ಧ್ಯುಪಜೀವಿಕಾ। ಯಜ್ಞಸತ್ವಾನಿ ಕತೂನಾ ಸಾಮರ್ಥ್ಯಾನಿ ಸದ್ಯಃ ಪುಷ್ಕಲಫಲಪ್ ರದತ್ವಾದಿವಿಷಯಾಣಿ॥ 2-13-14 ಅನುಕರ್ಷ ದಾರಿದ್ರ್ಯಾದ್ರಾಜಕೀಯದ್ರವ್ಯಸ್ಯಾತೀತವರ್ಷಸ್ಯ ಋಣತ್ವೇನ ಧಾರಣಂ। ನಿಷ್ಕರ್ಷ ಕರಾರ್ಥಂ ಪ್ರಜಾಪೀಡನಂ। ಅವರ್ಷಣಂ ಚಾತಿವರ್ಷಂ ಇತಿ ಕ. ಪಾಠಃ। ಮೂರ್ಛನಂ ವೃದ್ಧಿಃ॥ 2-13-17 ನೈಗಮೈರ್ವಣಿಗ್ಭಿಃ ಸಹ ಆಸನ್ನಿತಿ ಶೇವಃ। ಇತರೇ ನೃಪಾ ವಿಣಿಗ್ವದ್ಯೇನ ಕರದೀಕೃತಾ ಇತ್ಯರ್ ಥಃ। ತತ್ರ ತಸ್ಮಿನ್ ವಿಷಯೋದೇಶಃ॥ 2-13-18 ಲೋಭಜೈರ್ವಿಮೋಹೋತ್ಥೈರಾಜಸರೈರ್ವೃತ್ತಿವಿಶೇಷೈಸ್ತೃಷ್ಣಾದಿಭಿಸ್ತಾದೃಶೈರಪಿ ವವೃಧೇ ವೃದ್ಧ ಿಮಾನಭೂತ್॥ 2-13-22 ಯೇನ ಕಾರೇಣ ವಾರುಣಂ ಗುಣಂ ವೃದ್ಧಿಂ। ತೇನ ಕಾರಣೇನಾ॥ 2-13-52 ಭ್ರಾತ್ರಾ ಪಿತೃಷ್ವಸೃಜೇನ॥ 2-13-54 ಕ್ಷಣಿನಂ ಸಾವಸರಂ। ಕಲ್ಪಂ ಸಮರ್ಥಂ ॥ಸಭಾಪರ್ವ - ಅಧ್ಯಾಯ 014
॥ ಶ್ರೀಃ ॥
2.14. ಅಧ್ಯಾಯಃ 014
Mahabharata - Sabha Parva - Chapter Topics
ಜರಾಸಂಧಶೌರ್ಯಕಥನಾದಿರೂಪಂ ಶ್ರೀಕೃಷ್ಣವಾಕ್ಯಂ॥Mahabharata - Sabha Parva - Chapter Text
ಕೃಷ್ಣ ಉವಾಚ॥
ಸರ್ವೈರ್ಗುಣೈರ್ಮಹಾರಾಜ ರಾಜಸೂಯಂ ತ್ವಮರ್ಹಸಿ।
ಜಾನತಸ್ತ್ವೇವ ತೇ ಸರ್ವಂ ಕಿಂಚಿದ್ವಕ್ಷ್ಯಾಮಿ ಭಾರತ॥ 2-14-1 (11874)
ಜಾಮದಗ್ನ್ಯೇನ ರಾಮೇಣ ಕ್ಷತ್ರಂ ಯದವಶೇಷಿತಂ।
ತಸ್ಮಾದವರಜಂ ಲೋಕೇ ಯದಿದಂ ಕ್ಷತ್ರಸಂಜ್ಞಿತಂ॥ 2-14-2 (11875)
ಕೃತೋಽಯಂ ಕಲುಸಂಕಲ್ಪಃ ಕ್ಷತ್ರಿಯೈರ್ವಸುಧಾಧಿಪ।
ನಿದೇಶವಾಗ್ಭಿಸ್ತತ್ತೇಹ ವಿದಿತಂ ಭರತರ್ಷಭ॥ 2-14-3 (11876)
ಐಲಸ್ಯೇಕ್ಷ್ವಾಕುವಂಶಸ್ಯ ಪ್ರಕೃತಿಂ ಪರಿಚಕ್ಷತೇ।
ರಾಜಾನಃ ಶ್ರೇಣಿಬದ್ಧಾಶ್ಚ ತಥಾಽನ್ಯೇ ಕ್ಷತ್ರಿಯಾ ಭುವಿ॥ 2-14-4 (11877)
ಐಲವಂಶ್ಯಾಶ್ಚ ಯೇ ರಾಜಂಸ್ತಥೈವೇಕ್ಷ್ವಾಕವೋ ನೃಪಾಃ।
ತಾನಿ ಚೈಕಶತಂ ವಿದ್ಧಿ ಕುಲಾನಿ ಭರತರ್ಷಭ॥ 2-14-5 (11878)
ಯಯಾತೇಸ್ತ್ವೇವ ಭೋಜಾನಾಂ ವಿಸ್ತರೋ ಗುಣತೋ ಮಹಾನ್।
ಭಜತೇಽದ್ಯ ಮಹಾರಾಜ ವಿಸ್ತರಂ ಸಚತುರ್ದಿಶಂ॥ 2-14-6 (11879)
ತೇಷಾಂ ತಥೈವ ತಾಂ ಲಕ್ಷ್ಮೀಂ ಸರ್ವಕ್ಷತ್ರಮುಪಾಸತೇ।
ಇದಾನೀಮೇವ ವೈ ರಾಜಂಜರಾಸಂಧೋ ಮಹೀಪತಿಃ॥ 2-14-7 (11880)
ಅಭಿಭೂಯ ಶ್ರಿಯಂ ತೇಷಾಂ ಕುಲಾನಾಮಭಿಷೇಚಿತಃ।
ಸ್ಥಿತೋ ಮೂರ್ಧ್ನಿ ನರೇಂದ್ರಾಣಾಮೋಜಸಾಽಽಕ್ರಂಯ ಸರ್ವಶಃ॥ 2-14-8 (11881)
ಸೋಽವನೀಂ ಮಧ್ಯಮಾಂ ಭುಕ್ತ್ವಾ ಮಿಥೋ ಭೇದಮಮನ್ಯತ।
ಪ್ರಭುರ್ಯಸ್ತು ಪರೋ ರಾಜಾ ಯಸ್ಮಿನ್ನೇಕವಶೇ ಜಗತ್॥ 2-14-9 (11882)
ಸ ಸಾಂರಾಜ್ಯಂ ಮಹಾರಾಜ ಪ್ರಾಪ್ತೋ ಭವತಿ ಯೋಗತಃ।
ತಂ ಸ ರಾಜಾ ಜರಾಸಂಧಂ ಸಂಶ್ರಿತ್ಯ ಕಿಲ ಸರ್ವಶಃ॥ 2-14-10 (11883)
ರಾಜನ್ಸೇನಾಪತಿರ್ಜಾತಃ ಶಿಶುಪಾಲಃ ಪ್ರತಾಪವಾನ್।
ತಮೇವ ಚ ಮಹಾರಾಜ ಶಿಷ್ಯವತ್ಸಮುಪಸ್ಥಿತಃ॥ 2-14-11 (11884)
ವಕ್ರಃ ಕರೂಷಾಧಿಪತಿರ್ಮಾಯಾಯೋಧೀ ಮಹಾಬಲಃ॥
ಅಪರೌ ಚ ಮಹಾವೀರ್ಯೌ ಮಹಾತ್ಮಾನೌ ಸಮಾಶ್ರಿತೌ॥ 2-14-12 (11885)
ಜರಾಸಂಧಂ ಮಹಾವೀರ್ಯಂ ತೌ ಹಿಂಸಡಿಂಬಿಕಾವುಭೌ।
ವಕ್ರದಂತಃ ಕರೂಷಸ್ಯ ಕರಭೋ ಮೇಘವಾಹನಃ।
ಮೂರ್ಧ್ನಾ ದಿವ್ಯಂ ಮಣಿಂ ಬಿಭ್ರದ್ಯಮದ್ಭುತಮಣಿಂ ವಿದುಃ॥ 2-14-13 (11886)
ಮರುಂ ಚ ನರಕಂ ಚೈವ ಶಾಸ್ತಿ ಯೋ ಯವನಾಧಿಪಃ।
ಅಪರ್ಯಂತಬಲೋ ರಾಜಾ ಪ್ರತೀಚ್ಯಾಂ ವರುಣೋ ಯಥಾ॥ 2-14-14 (11887)
ಭಗದತ್ತೋ ಮಹಾರಾಜ ವೃದ್ಧಸ್ತವ ಪಿತುಃ ಸಖಾ।
ಸ ವಾಚಾ ಪ್ರಣತಸ್ತಸ್ಯ ಕರ್ಮಣಾ ಚ ವಿಶೇಷತಃ॥ 2-14-15 (11888)
ಸ್ನೇಹಬದ್ಧಶ್ಚ ಮನಸಾ ಪಿತೃವದ್ಭಕ್ತಿಮಾಂಸ್ತ್ವಯಿ।
ಪ್ರತೀಚ್ಯಾಂ ದಕ್ಷಿಣಂ ಚಾಂತಂ ಪೃಥಿವ್ಯಾಃ ಪ್ರತಿ ಯೋ ನೃಪಃ॥ 2-14-16 (11889)
ಮಾತುಲೋ ಭವತಃ ಶೂರಃ ಪುರುಜಿತ್ಕುಂತಿವರ್ಧನಃ।
ಸ ತೇ ಸನ್ನಿತಿಮಾನೇಕಃ ಸ್ನೇಹತಃ ಶತ್ರುಸೂದನಃ॥ 2-14-17 (11890)
ಜರಾಸಂಧಂ ಗತಸ್ತ್ವೇವ ಪುರಾ ಯೋ ನ ಮಯಾ ಹತಃ।
ಪುರುಷೋತ್ತಮವಿಜ್ಞಾತೋ ಯೋಸೌ ಚೇದಿಷು ದುರ್ಮತಿಃ॥ 2-14-18 (11891)
ಆತ್ಮಾನಂ ಪ್ರತಿಜಾನಾತಿ ಲೋಕೇಽಸ್ಮಿನ್ಪುರುಷೋತ್ತಮಂ।
ಆದತ್ತೇ ಸತತಂ ಮೋಹಾದ್ಯಃ ಸ ಚಿಹ್ನಂ ಚ ಮಾಮಕಂ॥ 2-14-19 (11892)
ವಂಗಪುಂಡ್ರಕಿರಾತೇಷು ರಾಜಾ ಬಲಸಮನ್ವಿತಃ।
ಪೌಂಡ್ರಕೋ ವಾಸುದೇವೇತಿ ಯೋಸೌ ಲೋಕೇಽಭಿವಿಶ್ರುತಃ॥ 2-14-20 (11893)
ಚತುರ್ಥಭಾಙ್ಮಹಾರಾಜ ಭೋಜ ಇಂದ್ರಸಖೋ ಬಲೀ।
ವಿದ್ಯಾಬಲಾದ್ಯೋ ವ್ಯಜಯತ್ಸ ಪಾಂಡ್ಯಕ್ರಥಕೈಶಿಕಾನ್॥ 2-14-21 (11894)
ಭ್ರಾತಾ ತಸ್ಯಾಕೃತಿಃ ಶೂರೋ ಜಾಮದಗ್ನ್ಯಸಮೋಽಭವತ್।
ಸ ಭಕ್ತೋ ಮಾಗಧಂ ರಾಜಾ ಭೀಷ್ಮಕಃ ಪರವೀರಹಾ॥ 2-14-22 (11895)
ಪ್ರಿಯಾಣ್ಯಾಚರತಃ ಪ್ರಹ್ವಾನ್ಸದಾ ಸಂಬಂಧಿನಸ್ತತಃ।
ಭಜತೋ ನ ಭಜತ್ಯಸ್ಮಾನಪ್ರಿಯೇಷು ವ್ಯವಸ್ಥಿತಃ॥ 2-14-23 (11896)
ನ ಕುಲಂ ಸಬಲಂ ರಾಜನ್ನಭ್ಯಜಾನಾತ್ತಥಾಽಽತ್ಮನಃ।
ಪಶ್ಯಮಾನೋ ಯಶೋ ದೀಪ್ತಂ ಜರಾಸಂಧಮುಪಸ್ಥಿತಃ॥ 2-14-24 (11897)
ಉದೀಚ್ಯಾಶ್ಚ ತಥಾ ಭೋಜಾಃ ಕುಲಾನ್ಯಷ್ಟಾದಶ ಪ್ರಭೋ।
ಜರಾಸಂಧಭಯಾದೇವ ಪ್ರತೀಚೀಂ ದಿಶಮಾಸ್ಥಿತಾಃ॥ 2-14-25 (11898)
ಶೂರಸೇನಾ ಭದ್ರಕಾರಾ ಬೋಧಾಃ ಶಾಲ್ವಾಃ ಪಟಚ್ಚರಾಃ।
ಸುಸ್ಥಲಾಶ್ಚ ಸುಕುಟ್ಟಾಶ್ಚ ಕುಲಿಂದಾಃ ಕುಂತಿಭಿಃ ಸಹ॥ 2-14-26 (11899)
ಶಾಲ್ವಾಯನಾಶ್ಚ ರಾಜಾನಃ ಸೋದರ್ಯಾನುಚರೈಃ ಸಹ।
ದಕ್ಷಿಣಾ ಯೇ ಚ ಪಂಚಾಲಾಃ ಪೂರ್ವಾಃ ಕುಂತಿಷು ಕೋಸಲಾಃ॥ 2-14-27 (11900)
ತಥೋತ್ತರಾಂ ದಿಶಂ ಚಾಪಿ ಪರಿತ್ಯಜ್ಯ ಭಯಾರ್ದಿತಾಃ।
ಮತ್ಸ್ಯಾಃ ಸನ್ನ್ಯಸ್ತಪಾದಾಶ್ಚ ದಕ್ಷಿಣಾಂ ದಿಶಮಾಶ್ರಿತಾಃ॥ 2-14-28 (11901)
ತಥೈವ ಸರ್ವಪಂಚಾಲಾ ಜರಾಸಂಧಭಾಯರ್ದಿತಾಃ।
ಸ್ವರಾಜ್ಯಂ ಸಂಪರಿತ್ಯಜ್ಯ ವಿದ್ರುತಾಃ ಸರ್ವತೋದಿಶಂ॥ 2-14-29 (11902)
` ಅಗ್ರತೋ ಹ್ಯಸ್ಯ ಪಾಂಚಾಲಾಸ್ತತ್ರಾನೀಕೇ ಮಹಾತ್ಮನಃ।
ಅನಿರ್ಗತೇ ಸಾರಬಲೇ ಮಾಗಧೇಭ್ಯೋ ಗಿರಿವ್ರಜಾತ್॥ 2-14-30 (11903)
ಉಗ್ರಸೇನಸುತಃ ಕಂಸಃ ಪುರಾ ನಿರ್ಜಿತ್ಯ ಬಾಂಧವಾನ್'।
ಬಾರ್ಹದ್ರಥಸುತೇ ದೇವ್ಯಾವುಪಾಗಚ್ಛದ್ವೃಥಾಮತಿಃ॥ 2-14-31 (11904)
ಅಸ್ತಿಃ ಪ್ರಾಸ್ತಿಶ್ಚ ನಾಂನಾ ತೇ ಸಹದೇವಾನುಜೇಽಬಲೇ।
ಬಲೇನ ತೇನ ಸ್ವಜ್ಞಾತೀನಭಿಭೂಯ ವೃಥಾಮತಿಃ॥ 2-14-32 (11905)
ಶ್ರೈಷ್ಠ್ಯಂ ಪ್ರಾಪ್ತಃ ಸ ತಸ್ಯಾಸೀದತೀವಾಪನಯೋ ಮಹಾನ್।
ಭೋಜರಾಜನ್ಯವೃದ್ಧೈಶ್ಚ ಪೀಡ್ಯಮಾನೈರ್ದುರಾತ್ಮನಾ॥ 2-14-33 (11906)
ಜ್ಞಾತಿತ್ರಾಣಮಭೀಪ್ಸದ್ಭಿರಸ್ಮತ್ಸಂಭಾವನಾ ಕೃತಾ।
ದತ್ವಾಽಽಕ್ರೂರಾಯ ಸುತನುಂ ತಾಮಾಹುಕಸುತಾಂ ತದಾ॥ 2-14-34 (11907)
ಸಂಕರ್ಷಣದ್ವಿತೀಯೇನ ಜ್ಞಾತಿಕಾರ್ಯಂ ಮಯಾ ಕೃತಂ।
ಹತೌ ಕಂಸಸುನಾಮಾನೌ ಮಯಾ ರಾಮೇಣ ಚಾಪ್ಯುತ॥ 2-14-35 (11908)
`ಹತ್ವಾ ಕಂಸಂ ತಥೈವಾದೌ ಜರಾಸಂಧಸ್ಯ ಬಿಭ್ಯತಃ।
ಮಯಾ ರಾಮೇಣ ಚಾನ್ಯತ್ರ ಜ್ಞಾತಯಃ ಪರಿಪಾಲಿತಃ'॥ 2-14-36 (11909)
ಭಯೇ ತು ಸಮತಿಕ್ರಾಂತೇ ಜರಾಸಂಧೇ ಸಮುದ್ಯತೇ।
ಮಂತ್ರೋಽಯಂ ಮಂತ್ರಿತೋ ರಾಜನ್ಕುಲೈರಷ್ಟಾದಶಾವರೈಃ॥ 2-14-37 (11910)
ಅನಾರಮಂತೋ ನಿಘ್ನಂತೋ ಮಹಾಸ್ತ್ರೈಃ ಶತ್ರುಘಾತಿಭಿಃ।
ನ ಹನ್ಯಾಮೋ ವಯಂ ತಸ್ಯ ತ್ರಿಭಿರ್ವರ್ಷಶತೈರ್ಬಲಂ॥ 2-14-38 (11911)
ತಸ್ಯ ಹ್ಯಮರಸಂಕಾಶೌ ಬಲೇನ ಬಲಿನಾಂ ವರೌ।
ನಾಮಭ್ಯಾಂ ಹಂಸಡಿಬಿಕಾವಶಸ್ತ್ರನಿಧನಾವುಭೌ॥ 2-14-39 (11912)
ತಾವುಭೌ ಸಹಿತೌ ವೀರೌ ಜರಾಸಂಧಶ್ಚ ವೀರ್ಯವಾನ್।
ತ್ರಯಸ್ತ್ರಯಾಣಾಂ ಲೋಕಾನಾಂ ಪರ್ಯಾಪ್ತಾ ಇತಿ ಮೇ ಮತಿಃ॥ 2-14-40 (11913)
ನ ಹಿ ಕೇವಲಮಸ್ಮಾಕಂ ಯಾವಂತೋಽನ್ಯೇ ಚ ಪಾರ್ಥಿವಾಃ।
ತಥೈವ ತೇಷಾಮಾಸೀಚ್ಚ ಬುದ್ಧಿರ್ಬುದ್ಧಿಮತಾಂ ವರ॥ 2-14-41 (11914)
`ಅಷ್ಟಾದಶ ಮಯಾ ತಸ್ಯ ಸಂಗ್ರಾಮಾ ರೋಮಹರ್ಷಣಾಃ।
ದತ್ತಾ ನ ಚ ಹತೋ ರಾಜಂಜರಾಸಂಧೋ ಮಹಾಬಲಃ'॥ 2-14-42 (11915)
ಅಥ ಹಂಸ ಇತಿ ಖ್ಯಾತಃ ಕಶ್ಚಿದಾಸೀನ್ಮಹಾನ್ನೃಪಃ।
ರಾಮೇಣ ಸ ಹತಸ್ತತ್ರ ಸಂಗ್ರಾಮೇಽಷ್ಟಾದಶಾವರೇ॥ 2-14-43 (11916)
ಹತೋ ಹಂಸ ಇತಿ ಪ್ರೋಕ್ತಸ್ಯ ಕೇನಾಪಿ ಭಾರತ।
ತಚ್ಛ್ರುತ್ವಾ ಡಿಬಿಕೋ ರಾಜನ್ಯಮುನಾಂಭಸ್ಯಮಜ್ಜತ ॥ 2-14-44 (11917)
ವಿನಾ ಹಸೇನ ಲೋಕೇಽಸ್ಮಿನ್ನಾಹಂ ಜೀವಿತುಮುತ್ಸಹೇ।
ಇತ್ಯೇತಾಂ ಮತಿಮಾಸ್ಥಾಯ ಡಿಬಿಕೋ ನಿಧನಂ ಗತಃ॥ 2-14-45 (11918)
ತಥಾ ತು ಡಿಬಿಕಂ ಶ್ರುತ್ವಾ ಹಂಸಃ ಪರುಪುರಂಜಯಃ।
ಪ್ರಪೇದೇ ಯಮುನಾಮೇವ ಸೋಪಿ ತಸ್ಯಾಂ ನ್ಯಮಜ್ಜತ॥ 2-14-46 (11919)
ತೌ ಸ ರಾಜಾ ಜರಾಜಂಧಃ ಶ್ರುತ್ವಾ ಚ ನಿಧನಂ ಗತೌ।
ಪುರಂ ಶೂನ್ಯೇನ ಮನಸಾ ಪ್ರಯಯೌ ಭರತರ್ಷಭ॥ 2-14-47 (11920)
ತತೋ ವಯಮಿತ್ರಘ್ನ ತಸ್ಮಿನ್ಪ್ರತಿಗತೇ ನೃಪೇ।
ಪುನರಾಂದಿನಃ ಸರ್ವೇ ಮಧುರಾಯಾಂ ವಸಾಮಹೇ॥ 2-14-48 (11921)
ಯದಾ ತ್ವಭ್ಯೇತ್ಯ ಪಿತರಂ ಸಾ ವೈ ರಾಜೀವಲೋಚನಾ।
ಕಂಸಭಾರ್ಯಾ ಜರಾಸಂಧಂ ದುಹಿತಾ ಮಾಗಧಂ ನೃಪಂ।
ಚೋದಯತ್ಯೇವ ರಾಜೇಂದ್ರ ಪತಿವ್ಯಸನದುಃಖಿತಾ॥ 2-14-49 (11922)
ಪತಿಘ್ನಂ ಮೇ ಜಹೀತ್ಯೇವಂ ಪುನಃ ಪುನರರಿಂದಮ।
ತತೋ ವಯಂ ಮಹಾರಾಜ ತಂ ಮಂತ್ರಂ ಪೂರ್ವಮಂತ್ರಿತಂ॥ 2-14-50 (11923)
ಸಂಸ್ಮರಂತೋ ವಿಮನಸೋ ವ್ಯಪಯಾತಾ ನರಾಧಿಪ।
ಪೃಥಕ್ತ್ವೇನ ಮಹಾರಾಜ ಸಂಕ್ಷಿಪ್ಯ ಮಹತೀಂ ಶ್ರಿಯಂ॥ 2-14-51 (11924)
ಪಲಾಯಾಮೋ ಭಯಾತ್ತಸ್ಯ ಸಸುತಜ್ಞಾತಿಬಾಂಧವಾಃ।
ಇತಿ ಸಂಚಿಂತ್ಯ ಸರ್ವೇ ಸ್ಮ ಪ್ರತೀಚೀಂ ದಿಶಮಾಶ್ರಿತಾಃ॥ 2-14-52 (11925)
ಕುಶಸ್ಥಲೀಂ ಪುರೀಂ ರಂಯಾಂ ರೈವತೇನೋಪಶೋಭಿತಾಂ।
ತತೋ ನಿವೇಶಂ ತಸ್ಯಾಂ ಚ ಕೃತವಂತೋ ವಯಂ ನೃಪ॥ 2-14-53 (11926)
ತಥೈವ ದುರ್ಗಸಂಸ್ಕಾರಂ ದೇವೈರಪಿ ದುರಾಸದಂ।
ಸ್ತ್ರಿಯೋಽಪಿ ಯಸ್ಯಾಂ ಯುಧ್ಯೇಯುಃ ಕಿಮು ವೃಷ್ಣಿಮಹಾರಥಾಃ॥ 2-14-54 (11927)
ತಸ್ಯಾಂ ವಯಮಮಿತ್ರಘ್ನ ನಿವಸಾಮೋಽಕುತೋಭಯಾಃ।
ಆಲೋಚ್ಯ ಗಿರಿಮುಖ್ಯಂ ತಂ ಮಾಗಧಂ ತೀರ್ಣಮೇವ ಚ॥ 2-14-55 (11928)
ಮಾಧವಾಃ ಕುರುಶಾರ್ದೂಲ ಪರಾಂ ಮುದಮವಾಪ್ನುವನ್।
ಏವಂ ವಯಂ ಜರಾಸಂಧಾದಭಿತಃ ಕೃತಕಿಲ್ಬಿಷಾಃ॥ 2-14-56 (11929)
ಸಾಮರ್ಥ್ಯವಂತಃ ಸಂಬಂಧಾದ್ಗೋಮಂತಂ ಸಮುಪಾಶ್ರಿತಾಃ।
ತ್ರಿಯೋಜನಾಯತಂ ಸದ್ಮ ತ್ರಿಸ್ಕಂಧಂ ಯೋಜನಾವಧಿ॥ 2-14-57 (11930)
ಯೋಜನಾಂತೇ ಶತದ್ವಾರಂ ವೀರವಿಕ್ರಮತೋರಣಂ।
ಅಷ್ಟಾದಶಾವರೈರ್ನದ್ಧಂ ಕ್ಷತ್ರಿಯೈರ್ಯುದ್ಧದುರ್ಮದೈಃ॥ 2-14-58 (11931)
ಅಷ್ಟಾದಶ ಸಹಸ್ರಾಣಿ ಭ್ರಾತೃಣಾಂ ಸಂತಿ ನಃ ಕಲೇ।
ಆಹುಕಸ್ಯ ಶತಂ ಪುತ್ರಾ ಏಕೈಕಸ್ತ್ರಿದಶಾವರಃ॥ 2-14-59 (11932)
ಚಾರುದೇಷ್ಣಃ ಸಹ ಭ್ರಾತ್ರಾ ಚಕ್ರದೇವೋಽಥ ಸಾತ್ಯಕಿಃ।
ಅಹಂ ಚ ರೋಹಿಣೇಯಶ್ಚ ಸಾಂಬಃ ಪ್ರದ್ಯುಂನ ಏವ ಚ॥ 2-14-60 (11933)
ಏವಮೇತೇ ರಥಾಃ ಸಪ್ತ ರಾಜನ್ನನ್ಯಾನ್ನಿಬೋಧ ಮೇ।
ಕೃತವರ್ಮಾ ಹ್ಯನಾಧೃಷ್ಟಿಃ ಸಮೀಕಃ ಸಮಿರ್ತಿಜಯಃ॥ 2-14-61 (11934)
ಕಂಕಃ ಶಂಕುಶ್ಚ ಕುಂತಿಶ್ಚ ಸಪ್ತೈತೇ ವೈ ಮಹಾರಥಾಃ।
`ಪ್ರದ್ಯುಂನಶ್ಚಾನಿರುದ್ಧಶ್ಚ ಭಾನುರಕ್ರೂರಸಾರಣೌ॥ 2-14-62 (11935)
ನಿಶಠಶ್ಚ ಗದಶ್ಚೈವ ಸಪ್ತ ಚೈತೇ ಮಹಾರಥಾಃ।
ವಿಕಮೋ ಝಿಲ್ಲಿಬಭ್ರೂ ಚ ಉದ್ಧವೋಽಥ ವಿದೂರಥಃ॥ 2-14-63 (11936)
ವಸುದೇವೋಗ್ರಸೇನೌ ಚ ಸಪ್ತೈತೇ ಮಂತ್ರಿಪುಂಗವಾಃ।
ಪ್ರಸೇನಜಿಚ್ಚ ಯಮಲೋ ರಾಜರಾಜಗುಣಾನ್ವಿತಃ॥ 2-14-64 (11937)
ಸ್ಯಮಂತಕೋ ಮಣಿರ್ಯಸ್ಯ ರುಕ್ಮಂ ನಿಸ್ರುವತೇ ಬಹು।
ಪುತ್ರೌ ಚಾಂಧಕಭೋಜಸ್ಯ ವೃದ್ಧೋ ರಾಜಾ ಚ ತೇ ದಶ॥ 2-14-65 (11938)
ವಜ್ರಸಂಹನನಾ ವೀರೀ ವೀರ್ಯವಂತೋ ಮಹಾಬಲಾಃ।
ಸ್ಮರಂತೋ ಮಧ್ಯಮಂ ದೇಶಂ ವೃಷ್ಣಿವೀರಾ ಗತಜ್ವರಾಃ॥ 2-14-66 (11939)
ಪಾಂಡವೈಶ್ಚಾಪಿ ಸತತಂ ನಾಥವಂತೋ ವಯಂ ನೃಪ।
ಸರ್ವಸಂಪದ್ಗುಣೈಃ ಸಿದ್ಧೇ ತಸ್ಮಿನ್ನೇವಂ ವ್ಯವಸ್ಥಿತೇ॥ 2-14-67 (11940)
ಕ್ಷತ್ರೇ ಸಂರಾಜಮಾತ್ಮಾನಂ ಕರ್ತುಮರ್ಹಸಿ ಭಾರತ।
ದುರ್ಯೋಧನಂ ಶಾಂತನವಂ ದ್ರೋಣಂ ದ್ರೌಣಾಯನಿಂ ಕೃಪಂ॥ 2-14-68 (11941)
ಕರ್ಣಂ ಚ ಶಿಶುಪಾಲಂ ಚ ರುಕ್ಮಿಣಂ ಚ ಧನುರ್ಧರಂ।
ಏಕಲವ್ಯಂ ದ್ರುಮಂ ಶ್ವೇತಂ ಶೈಬ್ಯಂ ಶಕುನಿಮೇವ ಚ॥ 2-14-69 (11942)
ಏತಾನಜಿತ್ವಾ ಸಂಗ್ರಾಮೇ ಕಥಂ ಶಕ್ನೋಷಿ ತಂ ಕ್ರತುಂ।
ತಥೈತೇ ಗೌರವೇಣೈವ ನ ಯೋತ್ಸ್ಯಂತಿ ನರಾಧಿಪಾಃ॥ 2-14-70 (11943)
ಏಕಸ್ತತ್ರ ಬಲೋನ್ಮತ್ತಃ ಕರ್ಣೋ ವೈಕರ್ತನೋ ವೃಷಾ।
ಯೋತ್ಸ್ಯತೇ ಸ ಪರಾಮರ್ಷೀ ದಿವ್ಯಾಸ್ರಬಲಗರ್ವಿತಃ'॥ 2-14-71 (11944)
ನ ತು ಶಕ್ಯಂ ಜರಾಸಂಧೇ ಜೀವಮಾನೇ ಮಹಾಬಲ
ರಾಜಸೂಯಸ್ತ್ವಯಾಽವಾಪ್ತುಮೇಷಾ ರಾಜನ್ಮತಿರ್ಮಮ॥ 2-14-72 (11945)
ತೇನ ರುದ್ಧಾ ಹಿ ರಾಜಾನಃ ಸರ್ವೇ ಜಿತ್ವಾ ಗಿರಿವ್ರಜೇ।
ಕಂದರೇ ಪರ್ವತೇಂದ್ರಸ್ಯ ಸಿಂಹೇನೇವ ಮಹಾದ್ವಿಪಾಃ॥ 2-14-73 (11946)
ಸ ಹಿ ರಾಜಾ ಜರಾಸಂಧೋ ಯಿಯಕ್ಷುರ್ವಸುಧಾಧಿಪೈಃ।
`ಅಭಿಷಿಕ್ತಃ ಸ ರಾಜನ್ಯೈಃ ಸಹಸ್ರೈರುತ ಚಾಷ್ಟಭಿಃ'।
ಮಹಾದೇವಂ ಮಹಾತ್ಮಾನಮುಮಾಪತಿಮರಿಂದಮ॥ 2-14-74 (11947)
ಆರಾಧ್ಯ ತಪಸೋಗ್ರೇಣ ನಿರ್ಜಿತಾಸ್ತೇನ ಪಾರ್ಥಿವಾಃ।
ಪ್ರತಿಜ್ಞಾಯಾಶ್ಚ ಪಾರಂ ಸ ಗತಃ ಪಾರ್ಥಿವಸತ್ತಮ॥ 2-14-75 (11948)
ಸ ಹಿ ನಿರ್ಜಿತ್ಯ ನಿರ್ಜಿತ್ಯ ಪಾರ್ಥಿವಾನ್ಪೃತನಾಗತಾನ್।
ಪುರಮಾನೀಯ ಬದ್ಧ್ವಾ ಚ ಚಕಾರ ಪುರುಷವ್ರಜಂ॥ 2-14-76 (11949)
ವಯಂ ಚೈವ ಮಹಾರಾಜ ಜರಾಸಂಧಭಯಾತ್ತದಾ।
ಮಧುರಾ ಸಂಪರಿತ್ಯಜ್ಯ ಗತಾ ದ್ವಾರವತೀಂ ಪುರೀಂ॥ 2-14-77 (11950)
ಯದಿ ತ್ವೇನಂ ಮಹಾರಾಜ ಯಜ್ಞಂ ಪ್ರಾಪ್ತುಮಭೀಪ್ಸಸಿ।
ಯತಸ್ವ ತೇಷಾಂ ಮೋಕ್ಷಾಯ ಜರಾಸಂಧವಧಾಯ ಚ॥ 2-14-78 (11951)
ಸಮಾರಂಭೋ ನ ಶಕ್ಯೋಽಯಮನ್ಯಥಾ ಕುರುನಂದನ।
ರಾಜಸೂಯಸ್ಯ ಕಾರ್ತ್ಸ್ನ್ಯೇನ ಕರ್ತುಂ ಮತಿಮತಾಂ ವರ॥ 2-14-79 (11952)
ಇತ್ಯೇಷಾ ಮೇ ಮತೀ ರಾಜನ್ಯಥಾ ವಾ ಮನ್ಯಸೇಽನಘ।
ಏವಂ ಗತೇ ಮಮಾಚಕ್ಷ್ವ ಸ್ವಯಂ ನಿಶ್ಚಿತ್ಯ ಹೇತುಭಿಃ॥ ॥ 2-14-80 (11953)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಮಂತ್ರಪರ್ವಣಿ ಚತುರ್ದಶೋಽಧ್ಯಾಯಃ॥ 14॥
Mahabharata - Sabha Parva - Chapter Footnotes
2-14-4 ಭುವಿ ಯೇ ಶ್ರೇಣಿಬದ್ಧಾ ರಾಜಾನಃ ಯೇಚಾನ್ಯೇ ಕ್ಷತ್ರಿಯಾಃ ತಾನ್ ಇಕ್ಷ್ವಾಕುವಂಶಸ್ಯ ಪ್ರಕೃ ತಿ ಪ್ರಜಾಂ ಪರಿಚಕ್ಷತೇ॥ 2-14-56 ಮಾಧವಾಃ ಮಧುವಶ್ಯಾಃ ॥ಸಭಾಪರ್ವ - ಅಧ್ಯಾಯ 015
॥ ಶ್ರೀಃ ॥
2.15. ಅಧ್ಯಾಯಃ 015
Mahabharata - Sabha Parva - Chapter Topics
ರಾಜಸೂಯವಿಷಯೇ ಶ್ರೀಕೃಷ್ಣಯುಧಿಷ್ಠಿರಭೀಮಾನಾಂ ಸಂವಾದಃ॥ 1॥Mahabharata - Sabha Parva - Chapter Text
ಯುಧಿಷ್ಠಿರ ಉವಾಚ।
ಉಕ್ತಂ ತ್ವಯಾ ಬುದ್ಧಿಮತಾ ಯನ್ನಾನ್ಯೋ ವಕ್ತುಮರ್ಹತಿ।
ಸಂಶಯಾನಾಂ ಹಿ ನಿರ್ಮೋಕ್ತಾ ತ್ವನ್ನಾನ್ಯೋ ವಿದ್ಯತೇ ಭುವಿ॥ 2-15-1 (11954)
ಗೃಹೇ ಗೃಹೇ ಹಿ ರಾಜಾನಃ ಸ್ವಸ್ಯ ಸ್ವಸ್ಯ ಪ್ರಿಯಂಕರಾಃ।
ನ ಚ ಸಾಂರಾಜ್ಯಮಾಪ್ತಾಸ್ತೇ ಸಂರಾದಶಬ್ದೋ ಹಿ ಕೃಚ್ಛ್ರಭಾಕ್। 2-15-2 (11955)
ಕಥಂ ಪರಾನುಭಾವಜ್ಞಃ ಸ್ವಂ ಪ್ರಶಂಸಿತುಮರ್ಹತಿ।
ಪರೇಣ ಸಮವೇತಸ್ತು ಯಃ ಪ್ರಶಸ್ಯಃ ಸ ಪೂಜ್ಯತೇ॥ 2-15-3 (11956)
ವಿಶಾಲಾ ಬಹುಲಾ ಭೂಮಿರ್ಬಹುರತ್ನಸಮಾಚಿತಾ।
ದೂರಂ ಗತ್ವಾ ವಿಜಾನಾತಿ ಶ್ರೇಯೋ ವೃಷ್ಣಿಕುಲೋದ್ವಹ॥ 2-15-4 (11957)
ಶಮಮೇವ ಪರಂ ಮನ್ಯೇ ಶಮಾತ್ಕ್ಷೇಮಂ ಭವೇನ್ಮಮ।
ಆರಂಭೇ ಪಾರಮೇಷ್ಠ್ಯಂ ತು ನ ಪ್ರಾಪ್ಯಮಿತಿ ಮೇ ಮತಿಃ॥ 2-15-5 (11958)
ಏವಮೇತೇ ಹಿ ಜಾನಂತಿ ಕುಲೇ ಜಾತಾ ಮನಸ್ವಿನಃ।
ಕಶ್ಚಿತ್ಕದಾಚಿದೇತೇಷಾಂ ಭವೇಚ್ಛ್ರೇಷ್ಠೋ ಜನಾರ್ದನ। 2-15-6 (11959)
ವಯಂ ಯೈವ ಮಹಾಭಾಗ ಜರಾಸಂಧಭಯಾತ್ತದಾ।
ಶಂಕಿತಾಃ ಸ್ಮ ಮಹಾಭಾಗ ದ್ವೌರಾತ್ಂಯಾತ್ತಸ್ಯ ಚಾನಘ॥ 2-15-7 (11960)
ಅಹಂ ಹಿ ತವ ದುರ್ಧರ್ಷ ಭುಜವೀರ್ಯಾಶ್ರಯಃ ಪ್ರಭೋ।
ನಾತ್ಮಾನಂ ಬಲಿನಂ ಮನ್ಯೇ ತ್ವಯಿ ತಸ್ಮಾದ್ವಿಶಂಕಿತೇ॥ 2-15-8 (11961)
ತ್ವತ್ಸಕಾಶಾಚ್ಚ ರಾಮಾಚ್ಚ ಭೀಮಸೇನಾಚ್ಚ ಮಾಧವ।
ಅರ್ಜುನಾದ್ವಾ ಮಹಾಬಾಹೋ ಹಂತುಂ ಶಕ್ಯೋ ನವೇತಿ ವೈ।
ಏವಂ ಜಾನನ್ಹಿ ವಾರ್ಷ್ಣೇಯ ವಿಮೃಶಾಮಿ ಪುನಃ ಪುನಃ॥ 2-15-9 (11962)
ತ್ವಂ ಮೇ ಪ್ರಮಾಣಭೂತೋಽಸಿ ಸರ್ವಕಾರ್ಯೇಷು ಕೇಶವ।
ತಚ್ಛ್ರುತ್ವಾ ಚಾಬ್ರವೀದ್ಭೀಮೋ ವಾಕ್ಯಂ ವಾಕ್ಯವಿಶಾರದಃ॥ 2-15-10 (11963)
ಭೀಮ ಉವಾಚ॥ 2-15-11x (1403)
ಅನಾರಂಭಪರೋ ರಾಜಾ ವಲ್ಮೀಕ ಇವ ಸೀದತಿ।
ದುರ್ಬಲಶ್ಚಾನುಪಾಯೇನ ಬಲಿನಂ ಯೋಽಧಿತಿಷ್ಠತಿ॥ 2-15-11 (11964)
ಅತಂದ್ರಿತಶ್ಚ ಪ್ರಾಯೇಣ ದುರ್ಬಲೋ ಬಲಿನಂ ರಿಪುಂ।
ಜಯೇತ್ಸಂಯಕ್ಪ್ರಯೋಗೇಣ ನೀತ್ಯಾಽರ್ಥಾನಾತ್ಮನೋ ಹಿತಾನ್॥ 2-15-12 (11965)
ಕೃಷ್ಣೇ ನಯೋ ಮಯಿ ಬಲಂ ಜಯಃ ಪಾರ್ಥೇ ಧನಂಜಯೇ।
ಮಾಗಧಂ ಸಾಧಯಿಷ್ಯಾಮ ಇಷ್ಟಿಂ ತ್ರಯ ಇವಾಗ್ರಯಃ॥ 2-15-13 (11966)
`ತ್ವದ್ಬುದ್ಧಿಬಲಮಾಶ್ರಿತ್ಯ ಸರ್ವಂ ಪ್ರಾಪ್ಸ್ಯತಿ ಧರ್ಮರಾದ।
ಜಯೋಽಸ್ಮಾಕಂ ಹಿ ಗೋವಿಂದ ಯೇಷಾಂ ನಾಥೋ ಭವಾನ್ಸದಾ'॥ 2-15-14 (11967)
ಕೃಷ್ಣ ಉವಾಚ। 2-15-15x (1404)
ಅರ್ಥಾನಾರಭತೇ ಬಾಲೋ ನಾನುಬಂಧಮವೇಕ್ಷತೇ।
ತಸ್ಮಾದರಿಂ ನ ಮೃಷ್ಯಂತಿ ಬಾಲಮರ್ಥಪರಾಯಣಂ॥ 2-15-15 (11968)
ಜಿತ್ವಾ ಜಯ್ಯಾನ್ಯೌವನಾಶ್ವಿಃ ಪಾಲನಾಚ್ಚ ಭಗೀರಥಃ।
ಕಾರ್ತವೀರ್ಯಸ್ತಪೋವೀರ್ಯಾದ್ಬಲಾತ್ತು ಭರತೋ ವಿಭುಃ॥ 2-15-16 (11969)
ಋದ್ಧ್ಯಾ ಮರುತ್ತಸ್ತಾನ್ಪಶ್ಚ ಸಂರಾಜಸ್ತ್ವನುಶುಶ್ರುಮ।
`ಸರ್ವಾನ್ವಂಶ್ಯಾನನುಮೃಶನ್ನೈತೇ ಸಂತಿ ಯುಗೇ ಯುಗೇ'॥ 2-15-17 (11970)
ಸಾಂರಾಜ್ಯಮಿಚ್ಛತಸ್ತೇ ತು ಸರ್ವಾಕಾರಂ ಯುಧಿಷ್ಠಿರ।
ನಿಗ್ರಾಹ್ಯಲಕ್ಷಣಂ ಪ್ರಾಪ್ತಿರ್ಧರ್ಮಾರ್ಥನಯಲಕ್ಷಣೈಃ॥ 2-15-18 (11971)
ಬಾರ್ಹದ್ರಥೋ ನರಾಸಂಧಸ್ತದ್ವಿದ್ಧಿ ಭರತರ್ಷಭ।
ನ ಚೈನಂ ಪ್ರತ್ಯತ್ಯುದ್ಧ್ಯಂತ ಕುಲಾನ್ಯೇಕಶತಂ ನೃಪಾಃ॥ 2-15-19 (11972)
ತಸ್ಮಾದಿಹ ಬಲಾದೇವ ಸಾಂರಾಜ್ಯಂ ಕುರುತೇ ಹಿ ಸಃ॥ 2-15-20 (11973)
ರತ್ನಭಾಜೋ ಹಿ ರಾಜಾನೋ ಜರಾಸಂಧಮುಪಾಸತೇ।
ನ ಚ ತುಷ್ಯತಿ ತೇನಾಪಿ ಬಾಲ್ಯಾದನಯಮಾಸ್ಥಿತಃ॥ 2-15-21 (11974)
ಮೂರ್ಧಾಭಿಷಿಕ್ತಂ ನೃಪತಿಂ ಪ್ರಧಾನಪುರುಷೋ ಬಲಾತ್।
ಆದತ್ತೇ ನ ಚ ನೋ ದೃಷ್ಟೋಽಭಾಗಃ ಪುರುಷತಃ ಕ್ವಚಿತ್॥ 2-15-22 (11975)
ಏವಂ ಸರ್ವಾನ್ವಶೇ ಚಕ್ರೇ ಜರಾಸಂಧಃ ಶತಾವರಾನ್।
ತಂ ದುರ್ಬಲತರೋ ರಾಜಾ ಕಥಂ ಪಾರ್ಥ ಉಪೈಷ್ಯತಿ॥ 2-15-23 (11976)
`ತಂಡುಲಪ್ರಸ್ಥಕೇ ರಾಜಾ ಕಪರ್ದಿನಮುಪಾಸತೇ'।
ಪ್ರೋಕ್ಷಿತಾನಾಂ ಪ್ರಮೃಷ್ಟಾನಾಂ ರಾಜ್ಞಾಂ ಪಶುಪತೇರ್ಗೃಹೇ।
ಪಶೂನಾಮಿವ ಪ್ರಮೃಷ್ಟಾನಾಂ ರಾಜ್ಞಾಂ ಪಶುಪತೇರ್ಗೃಹೇ। 2-15-24 (11977)
ಕ್ಷತ್ರಿಯಃ ಶಸ್ತ್ರಮರಣೋ ಯದಾ ಭವತಿ ಸತ್ಕೃತಃ।
ತತಃ ಸ್ಮ ಮಾಗಧಂ ಸಂಖ್ಯೇ ಪ್ರತಿಬಾಧೇಮ ಯದ್ವಯಂ॥ 2-15-25 (11978)
ಷಡಶೀತಿಃ ಸಮಾನೀತಾಃ ಶೇಷಾ ರಾಜಂಶ್ಚತುರ್ದಶ।
ಜರಾಸಂಧೇನ ರಾಜಾನಸ್ತತಃ ಕ್ರೂರಂ ಪ್ರವರ್ತ್ಸ್ಯತೇ॥ 2-15-26 (11979)
ಪ್ರಾಪ್ನುಯಾತ್ಸ ಯಶೋ ದೀಪ್ತಂ ತತ್ರ ಯೋ ವಿಘ್ನಮಾಚರೇತ್।
ಜಯೇದ್ಯಶ್ಚ ಜರಾಸಂಧಂ ಸ ಸಂರಾಣ್ಣಿಯತಂ ಭವೇತ್॥ ॥ 2-15-27 (11980)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಮಂತ್ರಪರ್ವಣಿ ಪಂಚದಶೋಽಧ್ಯಾಯಃ॥ 25॥
Mahabharata - Sabha Parva - Chapter Footnotes
2-15-18 ಯುಧಿಷ್ಠಿರ ಧರ್ಮಾರ್ಥನಯಲಕ್ಷಣೈಃ ಸಹಿತಾ ಪ್ರಾಪ್ತಿಃ ಪಾಲನಂ ನಿಗ್ರಾಹ್ಯಲಕ್ಷಣಂ ಸಾಂರಾ ಜ್ಯಂ ಚ ತೇಽಸ್ತಿ ॥ 2-15-19 ಬಾರ್ಹದ್ರಥಂ ಜರಾಸಂಧಂ ತಂ ವಿದ್ಧಿ ಇತಿ ಕ. ಘ.ಪಾಠಃ॥ 2-15-22 ಬಲಾತ್ಪ್ರಧಾನಪುರುಷಃ ಜರಾಸಂಧಃ ಪುರುಷತಃ ಪುರುಷೇಷು ಅಭಾಗಃ ಅಸ್ವೀಕೃತಃ॥ಸಭಾಪರ್ವ - ಅಧ್ಯಾಯ 016
॥ ಶ್ರೀಃ ॥
2.16. ಅಧ್ಯಾಯಃ 016
Mahabharata - Sabha Parva - Chapter Topics
ಯುಧಿಷ್ಠಿರ್ಜುನಯೋರ್ಭಾಷಣಂ॥ 1॥Mahabharata - Sabha Parva - Chapter Text
ಯುಧಿಷ್ಠಿರ ಉವಾಚ॥
ಸಂರಾಡ್ಗುಣಮಭೀಪ್ಸನ್ವೈ ಯುಷ್ಮಾನ್ಸ್ವಾರ್ಥಪರಾಯಣಃ।
ಕಥಂ ಪ್ರಹಿಣುಯಾಂ ಕೃಷ್ಣ ಸೋಽಹಂ ಕೇವಲಸಾಹಸಾತ್॥ 2-16-1 (11981)
ಭೀಮಾರ್ಜುನಾವುಭೌ ನೇತ್ರೇ ಮನೋ ಮನ್ಯೇ ಜನಾರ್ದನಂ।
ಮನಶ್ಚಕ್ಷುರ್ವಿಹೀನಸ್ಯ ಕೀದೃಶಂ ಜೀವಿತಂ ಭವೇತ್॥ 2-16-2 (11982)
ಜರಾಸಂಧಬಲಂ ಪ್ರಾಪ್ಯ ದುಷ್ಪಾರಂ ಭೀಮವಿಕ್ರಮಂ।
ಯಮೋಪಿ ನ ವಿಜೇತಾಽಽಜೌ ತತ್ರ ವಃ ಕಿಂ ವಿಚೇಷ್ಟಿತಂ॥ 2-16-3 (11983)
ಅಸ್ಮಿಂಸ್ತ್ವರ್ಥಾಂತರೇ ಯುಕ್ತಮನರ್ಥಃ ಪ್ರತಿಪದ್ಯತೇ।
ತಸ್ಮಾನ್ನ ಪ್ರತಿಪತ್ತಿಸ್ತು ಕಾರ್ಯಾ ಯುಕ್ತಾ ಮತಾ ಮಮ॥ 2-16-4 (11984)
ಯಥಾಽಹಂ ವಿಮೃಶಾಂಯೇಕಸ್ತತ್ತಾವಚ್ಛ್ರೂಯತಾಂ ಮಮ।
ಸಂನ್ಯಾಸಂ ರೋಚಯೇ ಸಾಧು ಕಾರ್ಯಸ್ಯಾಸ್ಯ ಜನಾರ್ದನ।
ಪ್ರತಿಹಂತಿ ಮನೋ ಮೇಽದ್ಯ ರಾಜಸೂಯೋ ದೂರಾಹರಃ॥ 2-16-5 (11985)
ವೈಶಂಪಾಯನ ಉವಾಚ॥ 2-16-6x (1405)
ಪಾರ್ಥಃ ಪ್ರಾಪ್ಯ ಧನುಃ ಶ್ರೇಷ್ಠಮಕ್ಷಯ್ಯೌ ಚ ಮಹೇಷುಧೀ।
ರಥಂ ಧ್ವಜಂ ಹಯಾಂಶ್ಚೈವ ಯುಧಿಷ್ಠಿರಮಭಾಷತ॥ 2-16-6 (11986)
ಅರ್ಜುನ ಉವಾಚ। 2-16-7x (1406)
ಧನುಃ ಶಸ್ತ್ರಂ ಶರಾ ವೀರ್ಯಂ ಪಕ್ಷೋ ಭೂಮಿರ್ಯಶೋ ಬಲಂ।
ಪ್ರಾಪ್ತಮೇತನ್ಮಯ ರಾಜಂದುಷ್ಪ್ರಾಪಂ ಯದಭೀಪ್ಸಿತಂ। 2-16-7 (11987)
ಕುಲೇ ಜನ್ಮ ಪ್ರಶಂಸಂತಿ ವೈದ್ಯಾಃ ಸಾಧು ಸುನಿಷ್ಠಿತಾಃ।
ಬಲೇನ ಸದೃಶಂ ನಾಸ್ತಿ ವೀರ್ಯಂ ತು ಮಮ ರೋಚತೇ। 2-16-8 (11988)
ಕೃತವೀರ್ಯಕುಲೇ ಜಾತೋ ನಿರ್ವೀರ್ಯಃ ಕಿಂ ಕರಿಷ್ಯತಿ।
ನಿರ್ವೀರ್ಯೇ ತು ಕುಲೇ ಜಾತೋ ವೀರ್ಯವಾಂಸ್ತು ವಿಶಿಷ್ಯತೇ॥ 2-16-9 (11989)
ಕ್ಷತ್ರಿಯಃ ಸರ್ವಶೋ ರಾಜನ್ಯಸ್ಯ ವೃತ್ತಿರ್ದ್ವಿಷಜ್ಜಯೇ।
ಸರ್ವೈಗುಣೈರ್ವಿಹೀನೋಽಪಿ ವೀರ್ಯವಾನ್ಹಿ ತರೇಂದ್ರಿಪೂನ್॥ 2-16-10 (11990)
ಸರ್ವೈರಪಿ ಗುಣೈರ್ಯುಕ್ತೋ ನಿರ್ವೀರ್ಯಃ ಕಿಂ ಕರಿಷ್ಯತಿ।
ಜಯಸ್ಯ ಹೇತುಃ ಸಿದ್ಧಿರ್ಹಿ ಕರ್ಮ ದೈವಂ ಚ ಸಂಶ್ರಿತಂ॥ 2-16-11 (11991)
ಸಂಯುಕ್ತೋ ಹಿ ಬಲೈಃ ಕಶ್ಚಿತ್ಪ್ರಮಾದಾನ್ನೋಪಯುಜ್ಯತೇ॥ 2-16-12 (11992)
ತೇನ ದ್ವಾರೇಣ ಶತ್ರುಭ್ಯಃ ಕ್ಷೀಯತೇ ಸಬಲೋ ರಿಪುಃ॥ 2-16-13 (11993)
ದೈನ್ಯಂ ಯಥಾ ಬಲವತಿ ತಥಾ ಮೋಹೋ ಬಲಾನ್ವಿತೇ।
ತಾವುಭೌ ನಾಶಕೌ ಹೇತೂ ರಾಜ್ಞಾ ತ್ಯಾಜ್ಯೌ ಜಯಾರ್ಥಿನಾ॥ 2-16-14 (11994)
ಜರಾಸಂಧಿವಿನಾಶಂ ಚ ರಾಜ್ಞಾಂ ಚ ಪರಿರಕ್ಷಣಂ।
ಯದಿ ಕುರ್ಯಾಂ ಯಜ್ಞಾರ್ಥಂ ಕಿಂ ತತಃ ಪರಮಂ ಭವೇತ್॥ 2-16-15 (11995)
ಅನಾರಂಭೇ ಹಿ ನಿಯತೋ ಭವೇದಗುಣನಿಶ್ಚಯಃ।
ಗುಣಾನ್ನಿಃ ಸಂಶಯಾದ್ರಾಜನ್ನೈರ್ಗುಣ್ಯಂ ಮನ್ಯಸೇ ಕಥಂ॥ 2-16-16 (11996)
ಕಾಷಾಯಂ ಸುಲಭಂ ಪಶ್ಚಾನ್ಮುನೀನಾಂ ಶಮಮಿಚ್ಛತಾಂ।
ಸಾಂರಾಜ್ಯಂ ತು ಭವೇಚ್ಛಕ್ಯಂ ವಯಂ ಯೋತ್ಸ್ಯಾಮಹೇ ಪರಾನ್॥ ॥ 2-16-17 (11997)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಷೋಡಶೋಽಧ್ಯಾಯಃ॥ 16॥
ಸಭಾಪರ್ವ - ಅಧ್ಯಾಯ 017
॥ ಶ್ರೀಃ ॥
2.17. ಅಧ್ಯಾಯಃ 017
Mahabharata - Sabha Parva - Chapter Topics
ಯುಧಿಷ್ಠಿರೇಣ ಜರಾಸಂಧಪ್ರಭಾವಪ್ರಶ್ನೇ ಶ್ರೀಕೃಷ್ಣೇನ ತದುಪೋದ್ಘಾತತಯಾ ಬೃಹದ್ರಥರಾಜೋಪಾ ಖ್ಯಾನಕಥನಾರಂಭಃ॥ 1॥ ಅಪುತ್ರಸ್ಯ ಬೃಹಥಸ್ಯ ಪತ್ನೀಭ್ಯಾಂ ಸಹ ತಪೋವನಗಮನಂ॥ 2॥ ತತ್ರ ಚಂಡಕೌಶಿಕಮುನಿನಾ ಬೃಹದ್ರಥಾಯ ಪುತ್ರೀಯಾಂರಫಲದಾನಂ॥ 3॥ ಪ್ರವಿಭಕ್ತತತ್ಫಲಭೋಜನೇನ ಸಂಜಾತಗರ್ಭಯೋಸ್ತದ್ಭಾರ್ಯಯೋಃ ಪೃಥಗೇಕೈಕಶರೀರಖಂಡಸಂಭವಃ॥4॥ ತತ್ಪತ್ನೀಭ್ಯಾಂ ದಾಸೀದ್ವಾರಾ ಬಹಿಸ್ತ್ಯಾಜಿತಯೋಃ ಖಂಡಯೋಃ ಜರಾನಾಂನ್ಯಾ ರಾಕ್ಷಸ್ಯಾ ಸ ಂಧಾನಾಜರಾಸಂಧಸಂಭವಃ॥ 5॥ ಬಾಲಕಂ ಗೃಹೀತ್ವಾ ಆಗತಯಾ ಜರಯಾ ಸಹ ಬೃಹದ್ರಥಸ್ಯ ಸಂವಾದಃ॥ 6॥Mahabharata - Sabha Parva - Chapter Text
ವಾಸುದೇವ ಉವಾಚ॥
ಜಾತಸ್ಯ ಭಾರತೇ ವಂಶೇ ತಥಾ ಕುಂತ್ಯಾಃ ಸುತಸ್ಯ ಚ।
ಯಾ ವೈ ಯುಕ್ತಾ ಮತಿಃ ಸೇಯಮರ್ಜುನೇನ ಪ್ರದರ್ಶಿತಾ॥ 2-17-1 (11998)
ನ ಸ್ಮ ಮೃತ್ಯುಂ ವಯಂ ವಿದ್ಮ ರಾತ್ರೌ ವಾ ಯದಿ ವಾ ದಿವಾ।
ನ ಚಾಪಿ ಕಂಚಿದಮರಮಯುದ್ಧೇನಾನುಶುಶ್ರುಮ॥ 2-17-2 (11999)
ಏತಾವದೇವ ಪುರುಷೈಃ ಕಾರ್ಯಂ ಹೃದಯತೋಷಣಂ।
ನಯೇನ ವಿಧಿದೃಷ್ಟೇನ ಯದುಪಕ್ರಮತೇ ಪರಾನ್॥ 2-17-3 (12000)
ಸುನಯಸ್ಯಾನಪಾಯಸ್ಯ ಸಂಯೋಗೇ ಪರಮಃ ಕ್ರಮಃ।
ಸಂಗತ್ಯಾ ಜಾಯತೇಽಸಾಂಯಂ ಸಾಂಯಂ ಚ ನ ಭವೇದ್ದ್ವಯೋಃ॥ 2-17-4 (12001)
ಅನಯಸ್ಯಾನುಪಾಯಸ್ಯ ಸಂಯುಗೇ ಪರಮಃ ಕ್ಷಯಟಃ।
ಸಂಶಯೋ ಜಾಯತೇ ಸಾಂಯಾಜ್ಜಯಶ್ಚ ನ ಭವೇದ್ದ್ವಯೋಃ॥ 2-17-5 (12002)
ತೇ ವಯಂ ನಯಮಾಸ್ಥಾಯ ಶತ್ರುದೇಶಸಮೀಪಗಾಃ।
ಕಥಮಂತಂ ನ ಗಚ್ಛೇಮ ವೃಕ್ಷಸ್ಯೇವ ನದೀರಯಾಃ॥
ಪರರಂಧ್ರೇ ಪರಾಕ್ರಾಂತಾಃ ಸ್ವರಂಧ್ರಾವರಣೇ ಸ್ಥಿತಾಃ॥ 2-17-6 (12003)
ವ್ಯೂಢಾನೀಕೈರತಿಬಲೈರ್ನ ಯುದ್ವ್ಯೇದರಿಭಿಃ ಸಹ।
ಇತಿ ಬುದ್ಧಿಮತಾಂ ನೀತಿಸ್ತನ್ಮಮಾಪೀಹ ರೋಚತೇ॥ 2-17-7 (12004)
ಅನವದ್ಯಾ ಹ್ಯಸಂಬುದ್ಧಾಃ ಪ್ರವಿಷ್ಟಾಃ ಶತ್ರುಸದ್ಮ ತತ್।
ಶತ್ರುದೇಶಮುಪಾಕ್ರಂಯ ತಂ ಕಾಮಂ ಪ್ರಾಪ್ನುಯಾಮಹೇ॥ 2-17-8 (12005)
ಏಕೋ ಹ್ಯೇವ ಶ್ರಿಯಂ ನಿತ್ಯಂ ಬಿಭರ್ತಿ ಪುರುಷರ್ಷಭಃ।
ಅಂತರಾತ್ಮೇವ ಭೂತಾನಾಂ ತತ್ಕ್ಷಯಂ ನೈವ ಲಕ್ಷಯೇ॥ 2-17-9 (12006)
ಅಥವೈನಂ ನಿಹತ್ಯಾಜೌ ಶೇಷೇಣಾಪಿ ಸಮಾಹತಾಃ।
ಪ್ರಾಪ್ನುಯಾಮ ತತಃ ಸ್ವರ್ಗಂ ಜ್ಞಾತಿತ್ರಾಣಪರಾಯಣಾಃ॥ 2-17-10 (12007)
ಯುಧಿಷ್ಠಿರ ಉವಾಚ॥ 2-17-11x (1407)
ಕೃಷ್ಣ ಕೋಽಯಂ ಜರಾಸಂಧಃ ಕಿಂವೀರ್ಯಃ ಕಿಂಪರಾಕ್ರಮಃ।
ಯಸ್ತ್ವಾಂ ಸ್ಪೃಷ್ಟ್ವಾಽಗ್ನಿಸದೃಶಂ ನ ದಗ್ಧಃ ಶಲಭೋ ಯಥಾ॥ 2-17-11 (12008)
ಕೃಷ್ಣ ಉವಾಚ॥ 2-17-12x (1408)
ಶೃಣು ರಾಜಂಜರಾಸಂಧೋ ಯದ್ವೀರ್ಯೋ ಯತ್ಪರಾಕ್ರಮಃ।
ಯಥಾ ಚೋಪೇಕ್ಷಿತೋಽಸ್ಮಾಭಿರ್ಬಹುಶಃ ಕೃತವಿಪ್ರಿಯಃ॥ 2-17-12 (12009)
ಅಕ್ಷೌಹಿಣೀನಾಂ ತಿಸೃಣಾಂ ಪತಿಃ ಸಮರದರ್ಪಿತಃ।
ರಾಜಾ ಬೃಹದ್ರಥೋ ನಾಮ ಮಗಧಾಧಿಪತಿರ್ಬಲೀ॥ 2-17-13 (12010)
ರೂಪವಾನ್ವೀರ್ಯಸಂಪನ್ನಃ ಶ್ರೀಮಾನತುಲವಿಕ್ರಮಃ।
ನಿತ್ಯಂ ದೀಕ್ಷಾಂಕಿತತನುಃ ಶತಕ್ರತುರಿವಾಪರಃ॥ 2-17-14 (12011)
ತೇಜಸಾ ಸೂರ್ಯಸಂಕಾಶಃ ಕ್ಷಮಯಾ ಪೃಥಿವೀಸಮಃ।
ಯಶ್ಚಾಂತಕಸಮಃ ಕ್ರೋಧೇ ಶ್ರಿಯಾ ವೈಶ್ರವಣೋಪಮಃ॥ 2-17-15 (12012)
`ಸ್ವರಾಜ್ಯಂ ಕಾರಯಾಮಾಸ ಮಗಧೇಷು ಗಿರಿವ್ರಜೇ'।
ತಸ್ಯಾಭಿಜನಸಂಯುಕ್ತೈರ್ಗಣೈರ್ಭರತಸತ್ತಮ।
ವ್ಯಾಪ್ತೇಯಂ ಪೃಥಿವೀ ಸರ್ವಾ ಸೂರ್ಯಸ್ಯೇವ ಗಭಸ್ತಿಭಿಃ॥ 2-17-16 (12013)
ಸ ಕಾಶಿರಾಜಸ್ಯ ಸುತೇ ಯಮಜೇ ಭರತರ್ಷಭಃ।
ಉಪಯೇಮೇ ಮಹಾವೀರ್ಯೋ ರೂಪದ್ರವಿಣಸಂಯುತೇ। 2-17-17cತಯೋಶ್ಚಕಾರ ಸಮಯಂ ಮಿಥಃ ಸ ಪುರುಷರ್ಷಭಃ॥ 2-17-17 (12014)
ನಾತಿವರ್ತಿಷ್ಯ ಇತ್ಯೇವಂ ಪತ್ನೀಭ್ಯಾಂ ಸನ್ನಿಧೌ ತದಾ।
ಸ ತಾಭ್ಯಾಂ ಶುಶುಭೇ ರಾಜಾ ಪತ್ನೀಭ್ಯಾಂ ವಸುಧಾಧಿಪಃ॥ 2-17-18 (12015)
ಪ್ರಿಯಾಂಭಾಮನುರೂಪಾಭ್ಯಾಂ ಕರೇಣುಭ್ಯಾಮಿವ ದ್ವಿಪಃ।
ತಯೋರ್ಮಧ್ಯಗತಶ್ಚಾಪಿ ರರಾಜ ವಸುಧಾಧಿಪಃ॥ 2-17-19 (12016)
ಗಂಗಾಯಮುನಯೋರ್ಮಧ್ಯೇ ಮೂರ್ತಿಮಾನಿವ ಸಾಗರಃ।
ವಿಷಯೇಷು ನಿಮಗ್ರಸ್ಯ ತಸ್ಯ ಯೌವನಮತ್ಯಗಾತ್॥ 2-17-20 (12017)
ನ ಚ ವಂಶಕರಃ ಪುತ್ರಸ್ತಸ್ಯಾಜಾಯತ ಕಶ್ಚನ।
ಮಂಗಲೈರ್ಬಭಿರ್ಹೋಮೈಃ ಪುತ್ರಕಾಮಾಭಿರಿಷ್ಟಿಭಿಃ॥ 2-17-21 (12018)
ನಾಸಸಾದ ನೃಪಶ್ರೇಷ್ಠಃ ಪುತ್ರಂ ಕುಲವಿವರ್ಧನಂ।
ಸ ಭಾರ್ಯಾಭ್ಯಾಂ ಚ ಸಹಿತೋ ನಿರ್ವೇದಮಗಮದ್ಧೃಶಂ॥ 2-17-22 (12019)
`ರಾಜ್ಯಂ ಚಾಪಿ ಪರಿತ್ಯಜ್ಯ ತಪೋವನಮಥಾಶ್ರಯತ್। '
ವಾರ್ಯಮಾಣಃ ಪ್ರಕೃತಿಭಿರ್ನೃಪಭಕ್ತ್ಯಾ ವಿಶಾಂಪತೇ'॥ 2-17-23 (12020)
ಅಥ ಕಾಕ್ಷೀವತಃ ಪುತ್ರಂ ಗೌತಮಸ್ಯ ಮಹಾತ್ಮನಃ॥
ಶುಶ್ರಾವ ತಪಸಿ ಶ್ರೇಷ್ಠಮುದಾರಂ ಚಂಡಕೌಶಿಕಂ॥ 2-17-24 (12021)
ಯದೃಚ್ಛಯಾಽಽಗತಂ ತಂ ತು ವೃಕ್ಷಮೂಲಮುಪಾಶ್ರಿತಂ।
ಪತ್ನೀಭ್ಯಾಂ ಸಹಿತೋ ರಾಜಾ ಸರ್ವಯತ್ನೈರತೋಷಯತ್॥ 2-17-25 (12022)
`ಬೃಹದ್ರಥಂ ಚ ಸ ಋಷಿರ್ಯಥಾವಚ್ಚಾಭ್ಯನಂದತ। '
ಉಪವಿಷ್ಟಃ ಸ ತೇನಾಥ ಅನುಜ್ಞಾತೋ ಮಹಾತ್ಮನಾ॥ 2-17-26 (12023)
ತಮಪೃಚ್ಛತ್ತದಾ ವಿಪ್ರಃ ಕಿಮಾಗಮನಮಿತ್ಯಥ।
ವಿಪ್ರೈರನುಗತಸ್ಯೈವ ಪತ್ನೀಭ್ಯಾಂ ಸಹಿತಸ್ಯ ಚ॥ 2-17-27 (12024)
ಸ ಉವಾಚ ಮುನಿಂ ರಾಜಾ ಭಗವನ್ನಾಸ್ತಿ ಮೇ ಸುತಃ।
ಅಪುತ್ರಸ್ಯ ತು ರಾಜ್ಯೇನ ವೃದ್ಧತ್ವೇ ಕಿಂ ಪ್ರಯೋಜನಂ॥ 2-17-28 (12025)
ಸೋಽಹಂ ತಪಶ್ಚರಿಷ್ಯಾಮಿ ಪತ್ನೀಭ್ಯಾಂ ಸಹಿತೋ ವನೇ।
ನಾಪ್ರಜಸ್ಯ ಮುನೇ ಕಿರ್ತಿಃ ಸ್ವಧಾ ಚೈವಾಕ್ಷಯಾ ಭವೇತ್।
ಏವಮುಕ್ತಃ ಸ ರಾಜ್ಞಾ ತು ಮುನಿಃ ಕಾರುಣ್ಯಮಾಗತಃ॥ 2-17-29 (12026)
ತಮಬ್ರವೀತ್ಸತ್ಯಧೃತಿಃ ಸತ್ಯವಾಗೃಷಿಸತ್ತಮಃ।
ಪರಿತುಷ್ಟೋಽಸ್ಮಿ ರಾಜೇಂದ್ರ ವರಂ ವರಯ ಸುವ್ರತ॥ 2-17-30 (12027)
ತತಃ ಸಭಾರ್ಯಃ ಪ್ರಣತಸ್ತಮುವಾಚ ಬೃಹದ್ರಥಃ।
ಪುತ್ರದರ್ಶನನೈರಾಶ್ಯಾದ್ಬಾಷ್ಪಸಂದಿಗ್ಧಯಾ ಗಿರಾ॥ 2-17-31 (12028)
ರಾಜೋವಾಚ॥ 2-17-32x (1409)
ಭಗವನ್ ರಾಜ್ಯಮುತ್ಸೃಜ್ಯ ಪ್ರಸ್ಥಿತಸ್ಯ ತಪೋವನಂ।
ಕಿಂ ವರೇಣಾಲ್ಪಭಾಗ್ಯಸ್ಯ ಕಿಂ ರಾಜ್ಯೇನಾಪ್ರಜಸ್ಯ ಮೇ॥ 2-17-32 (12029)
ಕೃಷ್ಣ ಉವಾಚ। 2-17-33x (1410)
ಏತಚ್ಛ್ರುತ್ವಾ ಮುನಿರ್ಧ್ಯಾನಮಗಮನ್ಕ್ಷುಭಿತೇಂದ್ರಿಯಃ।
ತಸ್ಯೈವ ಚಾಂರವೃಕ್ಷಸ್ಯ ಛಾಯಾಯಾಂ ಸಮುಪಾವಿಶತ॥ 2-17-33 (12030)
ತಸ್ಯೋಪವಿಷ್ಟಸ್ಯ ಮುನೇರುತ್ಸಂಗೇ ನಿಪಪಾತ ಹ।
ಅವಾನಮಶುಕಾದಷ್ಟಮೇಕಮಾಂರಫಲಂ ಕಿಲ॥ 2-17-34 (12031)
ತತ್ಪ್ರಗೃಹ್ಯ ಮುನಿಶ್ರೇಷ್ಠೋ ಹೃದಯೇನಾಭಿಮಂತ್ರ್ಯ ಚ।
ರಾಜ್ಞೇ ದದಾವಪ್ರತಿಮಂ ಪುತ್ರಸಂಪ್ರಾಪ್ತಿಕಾರಣಂ॥ 2-17-35 (12032)
ಉವಾಚ ಚ ಮಹಾಪ್ರಾಜ್ಞಸ್ತಂ ರಾಜಾನಂ ಮಹಾಮುನಿಃ।
ಗಚ್ಛ ರಾಜನ್ಕೃತಾರ್ಥೋಽಸಿ ನಿವರ್ತಸ್ವ ನರಾಧಿಪ॥ 2-17-36 (12033)
`ಏಷ ತೇ ತನಯೋ ರಾಜನ್ಮಾ ತಪೇಹ ತಪೋವನೇ।
ಪ್ರಜಾಃ ಪಾಲಯ ಧರ್ಮೇಣ ಏವ ಧರ್ಮೋ ಮಹೀಕ್ಷಿತಾಂ॥ 2-17-37 (12034)
ಯಜಸ್ವ ವಿವಿಧೈರ್ಯಜ್ಞೈರಿಂದ್ರಂ ತರ್ಪಯ ಚೇಂದುನಾ।
ಪುತ್ರಂ ರಾಜ್ಯೇ ಪ್ರತಿಷ್ಠಾಪ್ಯ ತತ ಆಶ್ರಮಮಾವ್ರಜ॥ 2-17-38 (12035)
ಅಷ್ಟೌ ವರಾನ್ಪ್ರಯಚ್ಛಾಮಿ ತವ ಪುತ್ರಸ್ಯ ಪಾರ್ಥಿವ।
ಬ್ರಹ್ಮಣ್ಯತ್ವಮಜೇಯತ್ವಂ ಯುದ್ಧೇಷು ಚ ತಥಾ ಮತಿಃ॥ 2-17-39 (12036)
ಪ್ರಿಯಾತಿಥೇಯತಾಂ ಚೈವ ದೀನಾನಾಮನ್ವವೇಕ್ಷಣಂ।
ತಥಾ ಬಲಂ ಚ ಸುಭಹಲ್ಲೋಕೇ ಕೀರ್ತಿ ಚ ಶಾಶ್ವತೀಂ॥ 2-17-40 (12037)
ಅನುರಾಗಂ ಪ್ರಜಾನಾಂ ಚೇತ್ಯೇವಮಷ್ಟೌ ವರಾನ್ನೃಪ।
ಗಚ್ಛ ತ್ವಂ ಕೃತಕೃತ್ಯೋಽಸಿ ನಿವರ್ತಸ್ವ ಜನಾಧಿಪ'॥ 2-17-41 (12038)
ಅನುಜ್ಞಾತಃ ಸ ಋಷಿಣಾ ಪತ್ನೀಭ್ಯಾಂ ಸಹಿತೋ ನೃಪಃ।
ಪೌರೈರನುಗತಶ್ಚಾಪಿ ವಿವೇಶ ಸ್ವಪುರಂ ತತಃ॥ 2-17-42 (12039)
ಯಥಾಸಮಯಮಾಜ್ಞಾಯ ತದಾ ಸ ನೃಪಸತ್ತಮಃ।
ದ್ವಾಭ್ಯಾಮೇಕಂ ಫಲಂ ಪ್ರಾದಾತ್ಪತ್ನೀಭ್ಯಾಂ ಭರತರ್ಷಭ॥ 2-17-43 (12040)
ಮುನೇಶ್ಚ ಬಹುಮಾನೇನ ಕಾಲಸ್ಯ ಚ ವಿಪರ್ಯಯಾತ್।
ತೇ ತದಾಂರಂ ದ್ವಿಧಾ ಕೃತ್ವಾ ಭಕ್ಷಯಾಮಾಸತುಃ ಶುಭೇ। 2-17-44 (12041)
ತಯೋಃ ಸಮಭವದ್ಗರ್ಭಃ ಫಲಪ್ರಾಶನಸಂಭವಃ।
ತೇ ಚ ದೃಷ್ಟ್ವಾ ಸ ನೃಪತಿಃ ಪರಾಂ ಮುದಮವಾಪ ಹ॥ 2-17-45 (12042)
ಅಥ ಕಾಲೇ ಮಹಾಪ್ರಾಜ್ಞ ಯಥಾಸಮಯಮಾಗತೇ।
ಪ್ರಜಾಯೇತಾಮುಭೇ ರಾಜಞ್ಶರೀರಶಕಲೇ ತದಾ॥ 2-17-46 (12043)
ಏಕಾಕ್ಷಿಬಾಹುಚರಣೇ ಅರ್ಧೋದರಮುಖಸ್ಫಿಚೇ।
ದೃಷ್ಟ್ವಾ ಶರೀರಶಕಲೇ ಪ್ರವೇಪತುರುಭೇ ಭೃಶಂ॥ 2-17-47 (12044)
ಉದ್ವಿಗ್ರೇ ಸಹ ಸಂಮಂತ್ರ್ಯ ತೇ ಭಗಿತ್ಯೌ ತದಾಽಬಲೇ।
ಸಜೀವೇ ಪ್ರಾಣಿಶಕಲೇ ತತ್ಯಜಾತೇ ಸುದುಃಖಿತೇ॥ 2-17-48 (12045)
ತಯೋರ್ಧಾತ್ರ್ಯೌ ಸುಸಂವೀತೇ ಕೃತ್ವಾ ತೇ ಗರ್ಭಸಂಪ್ಲವೇ।
ನಿರ್ಗಂಯಾಂತಃ ಪುರದ್ವಾರಾತ್ಸಮುತ್ಸೃಜ್ಯಾಭಿಜಗ್ಮತುಃ॥ 2-17-49 (12046)
`ದುಕೂಲಾಭ್ಯಾಂ ಸುಸಂಛನ್ನೇ ಪಾಂಡರಾಭ್ಯಾಮುಭೇ ತದಾ।
ಅಜ್ಞಾತೇ ಕಸ್ಯಚಿತ್ತೇ ತು ಜಹತುಸ್ತೇ ಚತುಷ್ಪಥೇ॥ 2-17-50 (12047)
ತತೋ ವಿವಿಶತುರ್ಧಾತ್ರ್ಯೌ ಪುನರಂತಃ ಪುರಂ ತದಾ।
ಕಥಯಾಮಾಸತುರುಭೇ ದೇವೀಭ್ಯಾಂ ತು ಪೃಥಕ್ಪೃಥಕ್'॥ 2-17-51 (12048)
ತೇ ಚತುಷ್ಪಥನಿಕ್ಷಿಪ್ತೇ ಜರಾ ನಾಮಾಥ ರಾಕ್ಷಸೀ।
ಜಗ್ರಾಹ ಮನುಜವ್ಯಾಘ್ರ ಮಾಂಸಶೋಣಿತಭೋಜನಾ॥ 2-17-52 (12049)
ಕರ್ತುಕಾಮಾ ಸುಖವಹೇ ಶಕಲೇ ಸಾ ತು ರಾಕ್ಷಸೀ।
ಸಂಯೋಜಯಾಮಾಸ ತದಾ ವಿಧಾನಬಲಚೋದಿತಾ॥ 2-17-53 (12050)
ತೇ ಸಮಾನೀತಮಾತ್ರೇ ತು ಶಕಲೇ ಪುರುಷರ್ಷಭ।
ಏಕಮೂರ್ತಿಧರೋ ವೀರಃ ಕುಮಾರಃ ಸಮಪದ್ಯತ॥ 2-17-54 (12051)
ತತಃ ಸಾ ರಾಕ್ಷಸೀ ರಾಜನ್ವಿಸ್ಮಯೋತ್ಫುಲ್ಲಲೋಚನಾ।
ನ ಶಶಾಕ ಸಮುದ್ವೋದುಂ ವಜ್ರಸಾರಮಯಂ ಶಿಶುಂ॥ 2-17-55 (12052)
ಬಾಲಸ್ತಾಂರತಲಂ ಮುಷ್ಟಿಂ ಕೃತ್ವಾ ಚಾಸ್ಯೇ ನಿಧಾಯ ಸಃ।
ಪ್ರಾಕ್ರೋಶದತಿಸಂರಬ್ಧಃ ಸತೋಯ ಇವ ತೋಯದಃ॥ 2-17-56 (12053)
ತೇನ ಶಬ್ದೇನ ಸಂಭ್ರಾಂತಃ ಸಹಸಾಽಂತಃ ಪುರೇ ಜನಃ।
ನಿರ್ಜಗಾಮ ನರವ್ಯಾಘ್ರ ರಾಜ್ಞಾ ಸಹ ಪರಂತಪ॥ 2-17-57 (12054)
ತೇ ಚಾಬಲೇ ಪರಿಂಲಾನೇ ಪಯಃ ಪೂರ್ಣಪಯೋಧರೇ।
ನಿರಾಶೇ ಪುತ್ರಲಾಭಾಯ ಸಹಸೈವಾಬ್ಯಗಚ್ಛತಾಂ॥ 2-17-58 (12055)
ತೇ ಚ ದೃಷ್ಟ್ವಾ ತಥಾಭೂತೇ ರಾಜಾನಂ ಚೇಷ್ಟಸಂತತಿಂ।
ತಂ ಚ ಬಾಲಂ ಸುಬಲಿನಂ ಚಿಂತಯಾಮಾಸ ರಾಕ್ಷಸೀ॥ 2-17-59 (12056)
ನಾರ್ಹಾಮಿ ವಿಷಯೇ ರಾಜ್ಞೋ ವಸಂತೀ ಪುತ್ರಗೃದ್ಧಿನಃ।
ಬಾಲಂ ಪುತ್ರಮಿಮಂ ಹಂತುಂ ಧಾರ್ಮಿಕಸ್ಯ ಮಹಾತ್ಮನಃ॥ 2-17-60 (12057)
ಸಾ ತಂ ಬಾಲಮುಪಾದಾಯ ಮೇಘಲೇಖೇನ ಭಾಸ್ಕರಂ।
ಕೃತ್ವಾ ಚ ಮಾನುಷಂ ರೂಪಮುವಾಚ ವಸುಧಾಧಿಪಂ॥ 2-17-61 (12058)
ಬೃಹದ್ರಥ ಸುತಸ್ತೇಽಯಂ ಮಯಾ ದತ್ತಃ ಪ್ರಗೃಹ್ಯತಾಂ।
ತವ ಪತ್ನೀದ್ವಯೇ ಜಾತೋ ದ್ವಿಜಾತಿವರಶಾಸನಾತ್।
ಧಾತ್ರೀಜನಪರಿತ್ಯಕ್ತೋ ಮಯಾಽಯಂ ಪರಿರಕ್ಷಿತಃ॥ 2-17-62 (12059)
ಕೃಷ್ಣ ಉವಾಚ। 2-17-63x (1411)
ತತಸ್ತೇ ಭರತಶ್ರೇಷ್ಠ ಕಾಶಿರಾಜಸುತೇ ಶುಭೇ।
ತಂ ಬಾಲಮಭಿಪದ್ಯಾಶು ಪ್ರಸ್ರವೈರಭ್ಯಷಿಂಜತಾಂ॥ 2-17-63 (12060)
ತತಃ ಸ ರಾಜಾ ಸಂಹೃಷ್ಟಃ ಸರ್ವಂ ತದುಪಲಭ್ಯ ಚ।
ಅಪೃಚ್ಛದ್ಧೇಮಗರ್ಭಾಭಾಂ ರಾಕ್ಷಸೀಂ ತಾಮರಾಕ್ಷಸೀಂ॥ 2-17-64 (12061)
ಕಾತ್ವಂ ಕಮಲಗರ್ಭಾಭೇ ಮಮ ಪುತ್ರಪ್ರದಾಯಿನೀ।
ಕಾಮಂ ಮಾ ಬ್ರೂಹಿ ಕಲ್ಯಾಣಿ ದೇವತಾ ಪ್ರತಿಭಾಸಿ ಮೇ॥ ॥ 2-17-65 (12062)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಮಂತ್ರಪರ್ವಣಿ ಸಪ್ತದಶೋಽಧ್ಯಾಯಃ॥ 17॥
Mahabharata - Sabha Parva - Chapter Footnotes
2-17-4 ಕ್ರಮಃ ಉಪಕ್ರಮಃ॥ 2-17-9 ತತ್ಕ್ಷಯೇ ಬಲಕ್ಷಯಃ ಇತಿ ಪಾಠಃ॥ 2-17-34 ಅವಾನಮಶುಷ್ಕಂ ಸರಸಮಿತಿ ಯಾವತ್। ಅಮಾರುತಮನಾವಿದ್ಧಂ ಇತಿ ಘ.ಪಾಠಃ॥ 2-17-46 ಪ್ರಜಾಯೇತಾಂ ಸುಷುವತುಃ॥ 2-17-47 ಸ್ಫಿಕ್ ಕಟ್ಯಾ ಅಧೋಭಾಗಃ॥ 2-17-53 ಸುಖವಹೇ ಏಕೀಕೃತಯೋರ್ವಹನಂ ಹಿ ಸುಖೇನ ಭವತೀತಿ ಪ್ರಸಿದ್ಧಂ॥ 2-17-54 ಸಮಾನೀತಮಾತ್ರೇ ಸಂಯೋಜಿತಮಾತ್ರೇ॥ 2-17-64 ಅರಾಕ್ಷಸೀ ವೇಷತಃ॥ಸಭಾಪರ್ವ - ಅಧ್ಯಾಯ 018
॥ ಶ್ರೀಃ ॥
2.18. ಅಧ್ಯಾಯಃ 018
Mahabharata - Sabha Parva - Chapter Topics
ರಾಜಾನಂಪ್ರತಿ ಸ್ವಸ್ವರೂಪಮಭಿಧಾಯ ಜರಾಯಾ ಅಂತರ್ಧಾನಂ॥ 1॥Mahabharata - Sabha Parva - Chapter Text
ರಾಕ್ಷಸ್ಯುವಾಚ॥
ಜರಾ ನಾಮಾಸ್ಮಿ ಭದ್ರಂ ತೇ ರಾಕ್ಷಸೀ ಕಾಮರೂಪಿಣೀ।
ತವ ವೇಶ್ಮನಿ ರಾಜೇಂದ್ರ ಪೂಜಿತಾ ನ್ಯವಸಂ ಸುಖಂ॥ 2-18-1 (12063)
ಗೃಹೇ ಗೃಹೇ ಮನುಷ್ಯಾಣಾಂ ನಿತ್ಯಂ ತಿಷ್ಠಾಮಿ ರಾಕ್ಷಸೀ।
ಗೃಹದೇವೀತಿ ನಾಂನಾ ವೈ ಪುರಾ ಸೃಷ್ಟಾ ಸ್ವಯಂಂಭುವಾ॥ 2-18-2 (12064)
ದಾನವಾನಾಂ ವಿನಾಶಾಯ ಸ್ಥಾಪಿತಾ ದಿವ್ಯರೂಪಿಣೀ।
ಯೋ ಮಾಂ ಭಕ್ತ್ಯಾ ಲಿಖೇತ್ಕುಡ್ಯೇ ಸಪುತ್ರಾಂ ಯೌವನಾನ್ವಿತಾಂ॥ 2-18-3 (12065)
ಗೃಹೇ ತಸ್ಯ ಭವೇದ್ವೃದ್ಧಿರನ್ಯಥಾ ಕ್ಷಯಮಾಪ್ನುಯಾತ್।
ತ್ವದ್ಗೃಹೇ ತಿಷ್ಠಮಾನಾಽಹಂ ಪೂಜಿತಾಽಹಂ ಸದಾ ವಿಭೋ॥ 2-18-4 (12066)
ಲಿಖಿತಾ ಚೈವ ಕುಡ್ಯೇಷು ಪುತ್ರೈರ್ಬಹುಭಿರಾವೃತಾ।
ಗಂಧಪುಷ್ಪೈಸ್ತಥಾ ಧೂಪೈರ್ಭಕ್ಷ್ಯಭೋಜ್ಯೈಃ ಸುಪೂಜಿತಾ॥ 2-18-5 (12067)
ಸಾಽಹಂ ಪ್ರತ್ಯುಪಕಾರಾರ್ಥಂ ಚಿಂತಯಂತ್ಯನಿಶಂ ನೃಪ।
ತವೇಮೇ ಪುತ್ರಶಕಲೇ ದೃಷ್ಟವತ್ಯಸ್ಮಿ ಧಾರ್ಮಿಕಾ। 2-18-6 (12068)
ಸಂಶ್ಲಿಷಿತೇ ಮಯಾ ದೈವಾತ್ಕುಮಾರಃ ಸಮಪದ್ಯತ।
ತವ ಭಾಗ್ಯಾನ್ಮಹಾರಾಜ ಹೇತುಮಾತ್ರಮಹಂ ತ್ವಿಹ॥ 2-18-7 (12069)
ಮೇರುಂ ವಾ ಖಾದಿತುಂ ಶಕ್ತಾ ಕಿಂ ಪುನಸ್ತವ ಬಾಲಕಂ।
ಗೃಹಸಂಪೂಜನಾತ್ತುಷ್ಟ್ಯಾ ಮಯಾ ಪ್ರತ್ಯರ್ಪಿತಸ್ತವ॥ 2-18-8 (12070)
ಮಮ ನಾಂನಾ ಚ ಲೋಕೇಽಸ್ಮಿನ್ಖ್ಯಾತ ಏವ ಭವಿಷ್ಯತಿ। 2-18-9 (12071)
ಕೃಷ್ಣ ಉವಾಚ।
ಏವಮುಕ್ತ್ವಾ ತು ಸಾ ರಾಜಂಸ್ತತ್ರೈವಾಂತರಧೀಯತ।
ಸ ಸಂಗೃಹ್ಯ ಕುಮಾರಂ ತಂ ಪ್ರವಿವೇಶ ಗೃಹಂ ನೃಪಃ॥ 2-18-9x (1412)
ತಸ್ಯ ಬಾಲಸ್ಯ ಯತ್ಕೃತ್ಯಂ ತಚ್ಚಕಾರ ನೃಪಸ್ತದಾ।
ಆಜ್ಞಾಪಯಚ್ಚ ರಾಕ್ಷಸ್ಯಾ ಮಗಧೇಷು ಮಹೋತ್ಸವಂ॥ 2-18-10 (12072)
ತಸ್ಯ ನಾಮಾಕರೋಚ್ಚೈವ ಪಿತಾಮಹಸಮಃ ಪಿತಾ।
ಜರಯಾ ಸಂಧಿತೋ ಯಸ್ಮಾಜ್ಜರಾಸಂಧೋ ಭವತ್ವಯಂ॥ 2-18-11 (12073)
ಸೋಽವರ್ಧತ ಮಹಾತೇಜಾ ಮಾಗಧಾಧಿಪತೇಃ ಸುತಃ।
ಪ್ರಮಾಣಬಲಸಂಪನ್ನೋ ಹುತಾಹುತಿರಿವಾನಲಃ॥ 2-18-12 (12074)
`ಏವಂ ಸ ವವೃಧೇ ರಾಜನ್ಕುಮಾರಃ ಪುಷ್ಕರೇಕ್ಷಣಃ।
ಕಾಲೇನ ಮಹತಾ ಚಾಪಿ ಯೌವನಸ್ಥೋ ಬಭೂವ ಹ'॥
ಮಾತಾಪಿತ್ರೋರ್ನಂದಕರಃ ಶುಕ್ಲಪಕ್ಷೇ ಯಥಾ ಶಶೀ॥ ॥ 2-18-13 (12075)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಮಂತ್ರಪರ್ವಣಿ ಅಷ್ಟಾದಶೋಽಧ್ಯಾಯಃ॥ 18॥
ಸಭಾಪರ್ವ - ಅಧ್ಯಾಯ 019
॥ ಶ್ರೀಃ ॥
2.19. ಅಧ್ಯಾಯಃ 019
Mahabharata - Sabha Parva - Chapter Topics
ಪುನರ್ಯದೃಚ್ಛಾಗತೇನ ಚಂಡಕೌಶಿಕೇನ ಜರಾಸಂಧಪರಾಕ್ರಮಾದೌ ಕಥಿತೇ ಜರಾಸಂಧಂ ರಾಜ್ಯೇಽಭ ಿಷಿಚ್ಯ ತಪೋವನಗತಸ್ಯ ಸಭಾರ್ಯಸ್ಯ ಬೃಹದ್ರಥಸ್ಯ ಸ್ವರ್ಗಗಮನಂ॥ 1॥ ಕೃಷ್ಣೇನ ಕಂಸವಧಾತ್ ಜರಾಸಂಧಸ್ಯ ಸ್ವಸ್ಮಿನ್ವೈರೋದಯಕಥನಂ॥ 2॥Mahabharata - Sabha Parva - Chapter Text
ಕೃಷ್ಣ ಉವಾಚ॥
ಕಸ್ಯಚಿತ್ತ್ವಥ ಕಾಲಸ್ಯ ಪುನರೇವ ಮಹಾತಪಾಃ।
ಮಗಧೇಷುಪಜಕ್ರಾಮ ಭಗವಾಂಶ್ಚಂಡಕೌಶಿಕಃ॥ 2-19-1 (12076)
ತಸ್ಯಾಽಽಗಮನಸಂಹೃಷ್ಟಃ ಸಾಮಾತ್ಯಃ ಸಪುರಃ ಸರಃ।
ಸಭಾರ್ಯಃ ಸಹ ಪುತ್ರೇಣ ನಿರ್ಜಗಾಮ ಬೃಹದ್ರಥಃ॥ 2-19-2 (12077)
ಪಾದ್ಯಾರ್ಘ್ಯಾಚಮನೀಯೈಸ್ತಮರ್ಚಯಾಮಾಸ ಭಾರತ।
ಸ ನೃಪೋ ರಾಜ್ಯಸಹಿತಂ ಪುತ್ರಂ ತಸ್ಮೈ ನ್ಯವೇದಯತ್॥ 2-19-3 (12078)
ಪ್ರತಿಗೃಹ್ಯ ಚ ತಾಂ ಪೂಜಾಂ ಪಾರ್ಥಿವಾದ್ಭಗವಾನೃಷಿಃ।
ಉವಾಚ ಮಾಗಧಂ ರಾಜನ್ಪ್ರಹೃಷ್ಟೇನಾಂತರಾತ್ಮನಾ॥ 2-19-4 (12079)
ಸರ್ವಮೇತನ್ಮಯಾ ಜ್ಞಾತಂ ರಾಜಂದಿವ್ಯೇನ ಚಕ್ಷುಷಾ।
ಪುತ್ರಸ್ತು ಶೃಣು ರಾಜೇಂದ್ರ ಯಾದೃಶೋಽಯಂ ಭವಿಷ್ಯತಿ॥ 2-19-5 (12080)
ಅಸ್ಯ ರೂಪಂ ಚ ಸತ್ವಂ ಚ ಬಲಮೂರ್ಜಿತಮೇವ ಚ।
ಏಷ ಶ್ರಿಯಾ ಸಮುದಿತಃ ಪುತ್ರಸ್ತವ ನ ಸಂಶಯಃ॥ 2-19-6 (12081)
ಪ್ರಾಪಯಿಷ್ಯತಿ ತತ್ಸರ್ವಂ ವಿಕ್ರಮೇಣ ಸಮನ್ವಿತಃ।
ಅಸ್ಯ ವೀರ್ಯವತೋ ವೀರ್ಯಂ ನಾನುಯಾಸ್ಯಂತಿ ಪಾರ್ಥಿವಾಃ॥ 2-19-7 (12082)
ಪತತೋ ವೈನತೇಯಸ್ಯ ಗತಿಮನ್ಯೇ ಯಥಾ ಖಗಾಃ।
ವಿನಾಶಮುಪಯಾಸ್ಯಂತಿ ಯೇ ಚಾಸ್ಯ ಪರಿಪಂಥಿನಃ॥ 2-19-8 (12083)
ದೇವೈರಪಿ ವಿಸೃಷ್ಟಾನಿ ಶಸ್ತ್ರಾಣ್ಯಸ್ಯ ಮಹೀಪತೇ।
ನ ರುಜಂ ಜನಯಿಷ್ಯಂತಿ ಗಿರೇರಿವ ನದೀರಯಾಃ॥ 2-19-9 (12084)
ಸರ್ವಮೂರ್ಧಾಭಿಷಿಕ್ತಾನಾಮೇವ ಮೂರ್ಧ್ನಿ ಜ್ವಲಿಷ್ಯತಿ।
ಪ್ರಭಾಹರೋಽಯಂ ಸರ್ವೇಷಾಂ ಜ್ಯೋತಿಷಾಮಿವ ಭಾಸ್ಕರಃ॥ 2-19-10 (12085)
ಏನಮಾಸಾದ್ಯ ರಾಜಾನಃ ಸಮೃದ್ಧಬಲವಾಹನಾಃ।
ವಿನಾಶಮುಪಯಾಸ್ಯಂತಿ ಶಲಭಾ ಇವ ಪಾವಕಂ॥ 2-19-11 (12086)
ಏಷ ಶ್ರಿಯಃ ಸಮುದಿತಾಃ ಸರ್ವರಾಜ್ಞಾಂ ಗ್ರಹೀಷ್ಯತಿ।
ವರ್ಷಾಸ್ವಿವೋದೀರ್ಣಜಲಾ ನದೀರ್ನದನದೀಪತಿಃ॥ 2-19-12 (12087)
ಏಷ ಧಾರಯಿತ ಸಂಯಕ್ಚಾತುರ್ವರ್ಣ್ಯಂ ಮಹಾಬಲಃ।
ಶುಭಾಂ ಶುಭವತೀಂ ಸ್ಫೀತಾಂ ಸರ್ವಸಸ್ಯಧರಾಂ ಧರಾಂ॥ 2-19-13 (12088)
ಅಸ್ಯಾಜ್ಞಾವಶಗಾಃ ಸರ್ವೇ ಭವಿಷ್ಯಂತಿ ನರಾಧಿಪಾಃ।
ಸರ್ವಭೂತಾತ್ಮಭೂತಸ್ಯ ವಾಯೋರಿವ ಶರೀರಿಣಃ॥ 2-19-14 (12089)
ಏಷ ರುದ್ರಂ ಮಹಾದೇವಂ ತ್ರಿಪುರಾಂತಕರಂ ಹರಂ।
ಸರ್ವಲೋಕೇಷ್ವತಿಬಲಃ ಸಾಕ್ಷಾದ್ದ್ರಕ್ಷ್ಯತಿ ಮಾಗಧಃ॥ 2-19-15 (12090)
ಏವಂ ಬ್ರುವನ್ನೇವ ಮುನಿಃ ಸ್ವಕಾರ್ಯಮಿವ ಚಿಂತಯನ್।
ವಿಸರ್ಜಯಾಮಾಸ ನೃಪಂ ಬೃಹದ್ರಥಮಥಾರಿಹನ್॥ 2-19-16 (12091)
ಪ್ರವಿಶ್ಯ ನಗರೀಂ ಚಾಪಿ ಜ್ಞಾತಿಸಂಬಂಧಿಭಿರ್ವೃತಃ।
ಅಭಿಷಿಚ್ಯ ಜರಾಸಂಧಂ ಮಗಧಾಧಿಪತಿಸ್ತದಾ॥ 2-19-17 (12092)
ಬೃಹದ್ರಥೋ ನರಪತಿಃ ಪರಾಂ ನಿರ್ವೃತಿಮಾಯಯೌ।
ಅಭಿಷಿಕ್ತೇ ಜರಾಸಂಧೇ ತದಾ ರಾಜಾ ಬೃಹದ್ರಥಃ।
ಪತ್ನೀದ್ವಯೇನಾನುಗತಸ್ತಪೋವನಚರೋಽಭವತ್॥ 2-19-18 (12093)
ತತೋ ವನಸ್ಥೇ ಪಿತರಿ ಮಾತೃಭ್ಯಾಂ ಸಹ ಭಾರತ।
ಜರಾಸಂಧಃ ಸ್ವವೀರ್ಯೇಣ ಪಾರ್ಥಿವಾನಕರೋದ್ವಶೇ॥ 2-19-19 (12094)
ಅಥ ದೀರ್ಘಸ್ಯ ಕಾಲಸ್ಯ ತಪೋವನಚರೋ ನೃಪಃ।
ಸಭಾರ್ಯಃ ಸ್ವರ್ಗಮಗಮತ್ತಪಸ್ತಪ್ತ್ವಾ ಬೃಹದ್ರಥಃ॥ 2-19-20 (12095)
ಜರಾಸಂಧೋಽಪಿ ನೃಪತಿರ್ಯಥೋಕ್ತಂ ಕೌಶಿಕೇನ ತತ್।
ವರಪ್ರದಾನಮಖಿಲಂ ಪ್ರಾಪ್ಯ ರಾಜ್ಯಮಪಾಲಯತ್॥ 2-19-21 (12096)
ಹತೇ ಚೈವ ಮಯಾ ಕಂಸೇ ಸಹಂಸಡಿಭಿಕೇ ತದಾ।
ಜರಾಸಂಧಸ್ಯ ದುಹಿತಾ ರೋದತೇ ಪಾರ್ಶ್ವತಃ ಪಿತುಃ।
ಜಾತೋ ವೈ ವೈರನಿರ್ಬಂಧೋ ಮಯಾಸೀತ್ತತ್ರ ಭಾರತ॥ 2-19-22 (12097)
ಭ್ರಾಮಯಿತ್ವಾ ಶತಗುಣಮೇಕೋನಂ ಯೇನ ಭಾರತ।
ಗದಾ ಕ್ಷಿಪ್ತಾ ಬಲವತಾ ಮಾಗಧೇನ ಗಿರಿವ್ರಜಾತ್॥ 2-19-23 (12098)
ತಿಷ್ಠತೋ ಮಥುರಾಯಾಂ ವೈ ಕುತ್ಸ್ನಸ್ಯಾದ್ಭುತಕರ್ಮಣಃ।
ಏಕೋನಯೋಜನಶತೇ ಸಾ ಪಪಾತ ಗದಾ ಶುಭಾ॥ 2-19-24 (12099)
ದೃಷ್ಟ್ವಾ ಪೌರೈಸ್ತದಾ ಸಂಯಗ್ಗದಾ ಚೈವ ನಿವೇದಿತಾ।
ಗದಾವಸಾನಂ ತತ್ಖ್ಯಾತಂ ಮಥುರಾಯಾಃ ಸಮೀಪತಃ॥ 2-19-25 (12100)
ತಸ್ಯಾಸ್ತಾಂ ಹಂಸಡಿಭಿಕಾವಶಸ್ತ್ರನಿಧನಾವುಭೌ।
ಮಂತ್ರೇ ಮತಿಮತಾಂ ಶ್ರೇಷ್ಠೌ ನೀತಿಶಾಸ್ತ್ರೇ ವಿಶಾರದೌ॥ 2-19-26 (12101)
ಯೌ ತೌ ಮಯಾ ತೇ ಕಥಿತೌ ಪೂರ್ವಮೇವ ಮಹಾಬಲೌ।
ತ್ರಯಸ್ತ್ರಯಾಣಾಂ ಲೋಕಾನಾಂ ಪರ್ಯಾಪ್ತಾ ಇತಿ ಮೇ ಮತಿಃ॥ 2-19-27 (12102)
ಏವಮೇಷ ತದಾ ವೀರ ಬಲಿಭಿಃ ಕುಕುರಾಂಧಕೈಃ।
ವೃಷ್ಣಿಭಿಶ್ಚ ಮಹಾರಾಜ ನೀತಿಹೇತೋರುಪೇಕ್ಷಿತಃ॥ ॥ 2-19-28 (12103)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಮಂತ್ರಪರ್ವಣಿ ಏಕೋನವಿಂಶೋಽಧ್ಯಾಯಃ॥ 19॥
Mahabharata - Sabha Parva - Chapter Footnotes
2-19-16 ಆಹ್ನಿಕಾಯ ಮಹಾತಪಾಃ ಇತಿ ಘ. ಪಾಠಃ॥ಸಭಾಪರ್ವ - ಅಧ್ಯಾಯ 020
॥ ಶ್ರೀಃ ॥
2.20. ಅಧ್ಯಾಯಃ 020
Mahabharata - Sabha Parva - Chapter Topics
ಕೃಷ್ಣಯುಧಿಷ್ಠಿರಸಂವಾದಾನಂತರಂ ಭೀಮಾರ್ಜುನಾಭ್ಯಾಂಸಹ ಕೃಷ್ಣಸ್ಯ ಮಾಗಧಪುರಪ್ರಸ್ಥಾನಂ॥ 1॥Mahabharata - Sabha Parva - Chapter Text
ವಾಸುದೇವ ಉವಾಚ॥
ಪತಿತೌ ಹಂಸಡಿಭಿಕೌ ಕಂಸಶ್ಚ ಸಗಣೋ ಹತಃ।
ಜರಾಸಂಧಸ್ಯ ನಿಧನೇ ಕಾಲೋಽಯಂ ಸಮುಪಾಗತಃ॥ 2-20-1 (12104)
ನ ಶಕ್ಯೋಽಸೌ ರಣೇ ಜೇತುಂ ಸರ್ವೈರಪಿ ಸುರಾಸುರೈಃ।
ಪ್ರಾಣಯುದ್ಧೇನ ಜೇತವ್ಯಃ ಸ ಇತ್ಯುಪಲಭಾಮಹೇ॥ 2-20-2 (12105)
ಮಯಿ ನೀತಿರ್ಬಲಂ ಭೀಮೇ ರಕ್ಷಿತಾ ಚಾವಯೋರ್ಜಯಃ।
ಮಾಗಧಂ ಸಾಧಯಿಷ್ಯಾಮ ಇಷ್ಟಿಂ ತ್ರಯ ಇವಾಗ್ನಯಃ॥ 2-20-3 (12106)
ತ್ರಿಭಿರಾಸಾದಿತೋಽಸ್ಮಾಭಿರ್ವಿಜನೇ ಸ ನರಾಧಿಪಃ।
ನ ಸಂದೇಹೋ ಯಥಾ ಯುದ್ಧಮೇಕೇನಾಪ್ಯುಪಯಾಸ್ಯತಿ॥ 2-20-4 (12107)
ಅವಮಾನಾಚ್ಚ ಲೋಭಾಚ್ಚ ಬಾಹುವೀರ್ಯಾಚ್ಚ ದರ್ಪಿತಃ।
ಭೀಮಸೇನೇನ ಯುದ್ಧಾಯ ಧ್ರುವಮಪ್ಯುಪಯಾಸ್ಯತಿ॥ 2-20-5 (12108)
ಅಲಂ ತಸ್ಯ ಮಹಾಬಾಹುರ್ಭೀಮಸೇನೋ ಮಹಾಬಲಃ।
ಲೋಕಸ್ಯ ಸಮುದೀರ್ಣಸ್ಯ ನಿಧನಾಯಾಂತಕೋ ಯಥಾ॥ 2-20-6 (12109)
ಯದಿ ಭೀಮಬಲಂ ವೇತ್ಸಿ ಯದಿ ತೇ ಪ್ರತ್ಯಯೋ ಮಯಿ।
ಭೀಮಸೇನಾರ್ಜುನೌ ಶೀಘ್ರಂ ನ್ಯಾಸಭೂತೌ ಪ್ರಯಚ್ಛ ಮೇ॥ 2-20-7 (12110)
ವೈಶಂಪಾಯನ ಉವಾಚ॥ 2-20-8x (1413)
ಏವಮುಕ್ತೋ ಭಗವತಾ ಪ್ರತ್ಯುವಾಚ ಯುಧಿಷ್ಠಿರಃ।
ಭೀಮಾರ್ಜುನೌ ಸಮಾಲೋಕ್ಯ ಸಂಪ್ರಹೃಷ್ಟಮುಖೌ ಸ್ಥಿತೌ॥ 2-20-8 (12111)
ಯುಧಿಷ್ಠರ ಉವಾಚ। 2-20-9x (1414)
ಅಚ್ಯುತಾಚ್ಯುತ ಮಾಮೈವಂ ವ್ಯಾಹರಾಮಿತ್ರಕರ್ಶನ।
ಪಾಂಡವಾನಾಂ ಭವಾನ್ನಾಥೋ ಭವಂತಂ ಚಾಶ್ರಿತಾ ವಯಂ॥ 2-20-9 (12112)
ಯಥಾ ವದಸಿ ಗೋವಿಂದ ಸರ್ವಂ ತದುಪಪದ್ಯತೇ।
ನಹಿ ತ್ವಮಗ್ರತಸ್ತೇಷಾಂ ಯೇಷಾಂ ಲಕ್ಷ್ಮೀಃ ಪರಾಙ್ಮುಖೀ॥ 2-20-10 (12113)
`ಯೇಷಾಮಭಿಮುಖೀ ಲಕ್ಷ್ಮೀಸ್ತೇಷಾಂ ಕೃಷ್ಣ ತ್ವಮಗ್ರತಃ'।
ನಿಹತಶ್ಚ ಜರಾಸಂಧೋ ಮೋಕ್ಷಿತಾಶ್ಚ ಮಹೀಕ್ಷಿತಃ। 2-2--11c ರಾಜಸೂಯಶ್ಚ ಮೇ ಲಬ್ಧೋ ನಿದೇಶೇ ತ್ವ ತಿಷ್ಠತಃ॥ 2-20-11 (12114)
ಕ್ಷಿಪ್ರಮೇವ ಯಥಾ ತ್ವೇತತ್ಕಾರ್ಯಂ ಸಮುಪಪದ್ಯತೇ।
ಅಪ್ರಮತ್ತೋ ಜಗನ್ನಾಥ ತಥಾ ಕುರು ಸಮುಪಪದ್ಯತೇ। 2-20-12 (12115)
ತ್ರಿಭಿರ್ಭವದ್ಭಿರ್ಹಿ ವಿನಾ ನಾಹಂ ಜೀವಿತುಮುತ್ಸಹೇ।
ಧರ್ಮಕಾಮಾರ್ಥರಹಿತೋ ರೋಗಾರ್ತ ಇವ ದುಃಖಿತಃ॥ 2-20-13 (12116)
ನ ಶೌರಿಣಾ ವಿನಾ ಪಾರ್ಥೋ ನ ಶೌರಿಃ ಪಾಂಡವಂ ವಿನಾ।
ನಾಜೇಯೋಸ್ತ್ಯನಯೋಽರ್ಲೋಕೇ ಕೃಷ್ಣಯೋರಿತಿ ಮೇ ಮತಿಃ॥ 2-20-14 (12117)
ಅಯಂ ಚ ಬಲಿನಾಂ ಶ್ರೇಷ್ಠಃ ಶ್ರೀಮಾನಪಿ ವೃಕೋದರಃ।
ಯುವಾಭ್ಯಾಂ ಸಹಿತೋ ವೀರ ಕಿಂ ನ ಕುರ್ಯಾನ್ಮಹಾಯಶಾಃ॥ 2-20-15 (12118)
ಸುಪ್ರಣೀತೋ ಬಲೌಘೋ ಹಿ ಕುರುತೇ ಕಾರ್ಯಮುತ್ತಮಂ।
ಅಂಧಂ ಬಲಂ ಜಡಂ ಪ್ರಾಹುಃ ಪ್ರಣೇತವ್ಯಂ ವಿಚಕ್ಷಣೈಃ॥ 2-20-16 (12119)
ಯತೋ ಹಿ ನಿಂನಂ ಭವತಿ ನಯಂತಿ ಹಿ ತತೋ ಜಲಂ।
ಯತಶ್ಛಿದ್ರಂ ತತಶ್ಚಾಪಿ ನಯಂತೇ ಧೀವರಾ ಜಲಂ॥ 2-20-17 (12120)
ತಸ್ಮಾನ್ನಯವಿಧಾನಜ್ಞಂ ಪುರುಷಂ ಲೋಕವಿಶ್ರುತಂ।
ವಯಮಾಶ್ರಿತ್ಯ ಗೋವಿಂದಂ ಯತಾಮಃ ಕಾರ್ಯಸಿದ್ಧಯೇ॥ 2-20-18 (12121)
ಏವಂ ಪ್ರಜ್ಞಾನಯಬಲಂ ಕ್ರಿಯೋಪಾಯಸಮನ್ವಿತಂ।
ಪುರಸ್ಕೃರ್ವೀತ ಕಾರ್ಯೇಷು ಕೃಷ್ಣಕಾರ್ಯಾರ್ಥಸಿದ್ಧಯೇ॥ 2-20-19 (12122)
ಏವಮೇವ ಯದುಶ್ರೇಷ್ಠ ಯಾವತ್ಕಾರ್ಯಾಥಿಸಿದ್ಧಯೇ।
ಅರ್ಜುನಃ ಕೃಷ್ಣಮನ್ವೇತು ಭೀಮೋಽನ್ವೇತು ಧನಂಜಯಂ।
ನಯೋ ಜಯೋ ಬಲಂ ಚೈವ ವಿಕ್ರಮೇ ಸಿದ್ಧಿಮೇಷ್ಯತಿ॥ 2-20-20 (12123)
ವೈಶಂಪಾಯನ ಉವಾಚ। 2-20-21x (1415)
ಏವಮುಕ್ತಾಸ್ತತಃ ಸರ್ವೇ ಭ್ರಾತರೋ ವಿಪುಲೌಜಸಃ।
ವಾರ್ಷ್ಣೇಯಃ ಪಾಂಡವೇಯೌ ಚ ಪ್ರತಸ್ಥುರ್ಮಾಗಧಂ ಪ್ರತಿ॥ 2-20-21 (12124)
ವರ್ಚಸ್ವಿನಾಂ ಬ್ರಾಹ್ಮಣಾನಾಂ ಸ್ನಾತಕಾನಾಂ ಪರಿಚ್ಛದೈಃ।
ಆಚ್ಛಾದ್ಯ ಸುಹೃದಾಂ ವಾಕ್ಯೈರ್ಮನೋಜ್ಞೈರಭಿನಂದಿತಾಃ॥ 2-20-22 (12125)
`ಮಾಧವಃ ಪಾಂಡವೇಯೌ ಚ ಪ್ರತಸ್ಥುರ್ವ್ರತಧಾರಿಣಃ'।
ಅಮರ್ಷಾದಭಿತಪ್ತಾನಾಂ ಜ್ಞಾತ್ಯರ್ಥಂ ಮುಖ್ಯತೇಜಸಾಂ।
ರವಿಸೋಮಾಗ್ನಿವಪುಷಾಂ ದೀಪ್ತಮಾಸೀತ್ತದಾ ವಪುಃ॥ 2-20-23 (12126)
ಇತಂ ಮೇನೇ ಜರಾಸಂಧಂ ದೃಷ್ಟ್ವಾ ಭೀಮಪುರೋಗಮೌ।
ಏಕಕಾರ್ಯಸಮುದ್ಯಂತೌ ಕೃಷ್ಣೌ ಯುದ್ಧೇಽಪರಾಜಿತೌ॥ 2-20-24 (12127)
ಈಶೌ ಹಿತೌ ಮಹಾತ್ಮಾನೌ ಸರ್ವಕಾರ್ಯಪ್ರವರ್ತಿನೌ।
ಧರ್ಮಕಾಮಾರ್ಥಲೋಕಾನಾಂ ಕಾರ್ಯಾಣಾಂ ಚ ಪ್ರವರ್ತಕೌ॥ 2-20-25 (12128)
ಕುರುಭ್ಯಃ ಪ್ರಸ್ಥಿತಾಸ್ತೇ ತು ಮಧ್ಯೇನ ಕುರುಜಾಂಗಲಂ।
ರಂಯಂ ಪದ್ಮಸರೋ ಗತ್ವಾ ಕಾಲಕೂಡಮತೀತ್ಯ ಚ॥ 2-20-26 (12129)
ಗಂಡಕೀಂ ಚ ಮಹಾಶೋಣಂ ಸದಾನೀರಾಂ ತಥೈವ ಚ।
ಏಕಪರ್ವತಕೇ ನದ್ಯಃ ಕ್ರಮೇಣೈತ್ಯಾವ್ರಜಂತ ತೇ॥ 2-20-27 (12130)
ಉತ್ತೀರ್ಯ ಸರಯೂಂ ರಂಯಾಂ ದೃಷ್ಟ್ವಾ ಪೂರ್ವಾಂಶ್ಚ ಕೋಸಲಾನ್।
ಅತೀತ್ಯ ಜಗ್ಮುರ್ಮಿಥಿಲಾಂ ಮಾಲಾಂ ಚರ್ಮಣ್ವತೀಂ ನದೀಂ॥ 2-20-28 (12131)
ಅತೀತ್ಯ ಗಂಗಾಂ ಶೋಣಂ ಚ ತ್ರಯಸ್ತೇ ಪ್ರಾಙ್ಮುಖಾಸ್ತದಾ।
ಕುಶಚೀರಚ್ಛದಾ ಜಗ್ಮುರ್ಮಾಗಧಂ ಕ್ಷೇತ್ರಮಚ್ಯುತಾಃ॥ 2-20-29 (12132)
ತೇ ಶಶ್ವದ್ಗೋಧನಾಕೀರ್ಣಮಂಬುಮಂತಂ ಶುಭದ್ರುಮಂ।
ಗೋರಥಂ ಗಿರಿಮಾಸಾದ್ಯ ದದೃಶುರ್ಮಾಗಧಂ ಪುರಂ॥ ॥ 2-20-30 (12133)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಜರಾಸಂಧವಧಪರ್ವಣಿ ವಿಂಶೋಽಧ್ಯಾಯಃ॥ 20॥
Mahabharata - Sabha Parva - Chapter Footnotes
2-20-3 ಜಯೋಽರ್ಜುನಃ॥ಸಭಾಪರ್ವ - ಅಧ್ಯಾಯ 021
॥ ಶ್ರೀಃ ॥
2.21. ಅಧ್ಯಾಯಃ 021
Mahabharata - Sabha Parva - Chapter Topics
ಜರಾಸಂಧಸಮೀಪಂ ಗತಾನಾಂ ಶ್ರೀಕೃಷ್ಣಭೀಮಾರ್ಜುನಾನಾಂ ಜರಾಸಂಧೇನ ಸಹ ವಿವಾದಃ॥ 1॥Mahabharata - Sabha Parva - Chapter Text
ವಾಸುದೇವ ಉವಾಚ॥
ಏಷ ಪಾರ್ಥ ಮಹಾನ್ಭಾತಿ ಪಶುಮಾನ್ನಿತ್ಯಮಂಬುಮಾನ್।
ನಿರಾಮಯಃ ಸುವೇಶ್ಮಾಢ್ಯೋ ನಿವೇಶೋ ಮಾಗಧಃ ಶುಭಃ॥ 2-21-1 (12134)
ವೈಹಾರೋ ವಿಪುಲಃ ಶೈಲೋ ವಾರಾಹೋ ವೃಷಭಸ್ತಥಾ।
ತಥಾ ಋಷಿಗಿರಿಸ್ತಾತ ಶುಭಾಶ್ಚೈತ್ಯಕಪಂಚಮಾಃ॥ 2-21-2 (12135)
ಏತೇ ಪಂಚಮಹಾಶೃಂಗಾಃ ಪರ್ವತಾಃ ಶೀತಲದ್ರುಮಾಃ।
ರಕ್ಷಂತೀವಾಭಿಸಂಹತ್ಯ ಸಂಹತಾಂಗಾ ಗಿರಿವ್ರಜಂ॥ 2-21-3 (12136)
ಪುಷ್ಪವೇಷ್ಟಿತಶಾಖಾಗ್ರೈರ್ಗಂಧವದ್ಭಿರ್ಮನೋಹರೈಃ।
ನಿಗೂಢಾ ಇವ ಲೋಧ್ರಾಣಾಂ ವನೈಃ ಕಾಮಿಜನಪ್ರಿಯೈಃ॥ 2-21-4 (12137)
`ಯತ್ರ ದೀರ್ಘತಮಾ ನಾಮ ಋಷಿಃ ಪರಮಂತ್ರಿತಃ'।
ಶೂದ್ರಾಯಾಂ ಗೌತಮೋ ಯತ್ರ ಮಹಾತ್ಮಾ ಸಂಶಿತವ್ರತಃ।
ಔಶೀನರ್ಯಾಮಜನಯತ್ಕಾಕ್ಷೀವಾದ್ಯಾನ್ಸುತಾನ್ಮುನಿಃ॥ 2-21-5 (12138)
ಗೌತಮಃ ಪ್ರಣಯಾತ್ತಸ್ಮಾದ್ಯಥಾಽಸೌ ತತ್ರ ಸದ್ಮನಿ।
ಭಜತೇ ಮಾಗಧಂ ವಂಶಂ ಸ ನೃಪಾಣಾಮನುಗ್ರಹಃ। 2-21-6 (12139)
ಅಂಗವಂಗಾದಯಶ್ಚೈವ ರಾಜಾನಃ ಸುಮಹಾಬಲಾಃ।
ಗೌತಮಕ್ಷಯಮಭ್ಯೇತ್ಯ ರಮಂತೇ ಸ್ಮ ಪುರಾರ್ಜುನ॥ 2-21-7 (12140)
ವನರಾಜೀಸ್ತು ಪಶ್ಯೇಮಾಃ ಪಿಪ್ಲಾನಾಂ ಮನೋರಮಾಃ।
ಲೋಘ್ರಾಣಾಂ ಚ ಶುಭಾಃ ಪಾರ್ಥ ಗೌತಮೌಕಃ ಸಮೀಪಜಾಃ॥ 2-21-8 (12141)
ಅರ್ಬುದಃ ಶಕ್ರವಾಪೀ ಚ ಪನ್ನಗೌ ಶತ್ರುತಾಪನೌ।
ಸ್ವಸ್ತಿಕಸ್ಯಾಲಯಶ್ಚಾತ್ರ ಮಣಿನಾಗಸ್ಯ ಚೋತ್ತಮಃ॥ 2-21-9 (12142)
ಅಪಾರಿಹಾರ್ಯಾ ಮೇಘಾನಾಂ ಮಾಗಧಾ ಮನುನಾ ಕೃತಾಃ।
ಕೌಶಿಕೋ ಮಣಿಮಾಂಶ್ಚೈವ ಚಕ್ರಾತೇ ಚಾಪ್ಯನುಗ್ರಹಂ॥ 2-21-10 (12143)
`ಪಾಂಡರೇ ವಿಪುಲೇ ಚೈವ ತಥಾ ವಾರಾಹಕೇಽಪಿ ಚ।
ಚೈತ್ಯಕೇ ಚಜ ಗಿರಿಶ್ರೇಷ್ಠೇ ಮಾದಂಗೇ ಚ ಶಿಲೋಚ್ಚಯೇ॥ 2-21-11 (12144)
ಏತೇಷು ಪರ್ವತೇಂದ್ರೇಷು ಸರ್ವಸಿದ್ಧಸಮಾಲಯಾಃ।
ಯತೀನಾಮಾಶ್ರಮಾಶ್ಚೈವ ಮುನೀನಾಂ ಚ ಮಹಾತ್ಮನಾಂ॥ 2-21-12 (12145)
ವೃಷಭಸ್ಯ ತಮಾಲಸ್ಯ ಮಹಾವೀರ್ಯಸ್ಯ ವೈ ತಥಾ।
ಗಂಧರ್ವರಕ್ಷಸಾಂ ಚೈವ ನಾಗಾನಾಂ ಚ ತಥಾಽಽಲಯಾಃ॥ 2-21-13 (12146)
ಕಕ್ಷೀವತಸ್ತಪೋವೀರ್ಯಾತ್ತಪೋದಾ ಇತಿ ವಿಶ್ರುತಾಃ।
ಪುಣ್ಯತೀರ್ಥಾಶ್ಚ ತೇ ಸರ್ವೇ ಸಿದ್ಧಾನಾಂ ಚೈವ ಕೀರ್ತಿತಾಃ।
ಮಣೇಶ್ಚ ದರ್ಶನಾದೇವ ಭದ್ರಂ ಶಿವಮವಾಪ್ನುಯಾತ್'॥ 2-21-14 (12147)
ಏವಂ ಪ್ರಾಪ್ಯ ಪುರಂ ರಂಯಂ ದುರಾಧರ್ಪಂ ಸಮಂತತಃ॥
ಅರ್ಥಸಿದ್ಧಿಂ ತ್ವನುಪಮಾಂ ಜರಾಸಂಧೋಽಭಿಮನ್ಯತೇ॥ 2-21-15 (12148)
ವಯಮಾಸಾದನೇ ತಸ್ಯ ದರ್ಪಮದ್ಯ ಹರೇಮ ಹಿ। 2-21-16 (12149)
ವೈಶಂಪಾಯನ ಉವಾಚ।
ಏವಮುಕ್ತ್ವಾ ತತಃ ಸರ್ವೇ ಭ್ರಾತರೋ ವಿಪುಲೌಜಸಃ॥ 2-21-16x (1416)
ವಾರ್ಷ್ಣೇಯಃ ಪಾಂಡವೌ ಚೈವ ಪ್ರತಸ್ಥುರ್ಮಾಗಧಂ ಪುರಂ।
ಹೃಷ್ಟಪುಷ್ಟಜನೋಪೇತಂ ಚಾತುರ್ವರ್ಣ್ಯಸಮಾಕುಲಂ॥ 2-21-17 (12150)
ಸ್ಫೀತೋತ್ಸವಮನಾಧೃಷ್ಯಮಾಸೇದುಶ್ಚ ಗಿರಿವ್ರಜತಂ।
ತತೋ ದ್ವಾರಮನಾಸಾದ್ಯ ಪುರಸ್ಯ ಗಿರಿಮುಚ್ಛ್ರಿತಂ॥ 2-21-18 (12151)
ಬಾರ್ಹದ್ರಥೈಃ ಪೂಜ್ಯಮಾನಂ ತಥಾ ನಗರವಾಸಿಭಿಃ।
ಮಾಗಧಾನಾಂ ತು ರುಚಿರಂ ಚೈತ್ಯಕಾಂತರಮಾದ್ರವನ್॥ 2-21-19 (12152)
ಯತ್ರ ಮಾಂಸಾದಮೃಷಭಮಾಸಸಾದ ಬೃಹದ್ರಥಃ।
ತಂ ಹತ್ವಾ ಮಾಸತಾಲಾಭಿಸ್ತಿಸ್ರೋ ಭೇರೀಕಾರಯತ್॥ 2-21-20 (12153)
ಸ್ವಪುರೇ ಸ್ಥಾಪಯಾಮಾಸ ತೇನ ಚಾನಹ್ಯ ಚರ್ಮಣಾ।
ಯತ್ರ ತಾಃ ಪ್ರಾಣದನ್ಭೇರ್ಯೋ ದಿವ್ಯಪುಷ್ಪಾವಚೂರ್ಣಿತಾಃ॥ 2-21-21 (12154)
ಭಂಕ್ತ್ವಾ ಭೇರೀತ್ರಯಂ ತೇಽಪಿ ಚೈತ್ಯಪ್ರಾಕಾರಮಾದ್ರವನ್।
ದ್ವಾರತೋಽಭಿಮುಖಾಃ ಸರ್ವೇ ಯಯುರ್ನಾನಾಯುಧಾಸ್ತಧಾ॥ 2-21-22 (12155)
ಮಾಗಧಾನಾಂ ಸುರುಚಿರಂ ಚೈತ್ಯಕಂ ತಂ ಸಮಾದ್ರವನ್।
ಶಿರಸೀವ ಸಮಾಘ್ನಂತೋ ಜರಾಸಂಧಂ ಜಿಘಾಂಸ್ವಃ॥ 2-21-23 (12156)
ಸ್ಥಿರಂ ಸುವಿಪುಲಂ ಶೃಂಗಂ ಸುಮಹತ್ತತ್ಪುರಾತನಂ।
ಅರ್ಚಿತಂ ಗಂಧಮಾಲ್ಯೈಶ್ಚ ಸತತಂ ಸುಪ್ರತಿಷ್ಠಿತಂ॥ 2-21-24 (12157)
ವಿಪುಲೈರ್ಬಾಹುಭಿರ್ವೀರಸ್ತೇಽಭಿಹತ್ಯಾಭ್ಯಪಾತಯನ್।
ತತಸ್ತೇ ಮಾಗಧಂ ಹೃಷ್ಟಾಃ ಪುರಂ ಪ್ರವಿವಿಶುಸ್ತದಾ॥ 2-21-25 (12158)
ಏತಸ್ಮಿನ್ನೇವ ಕಾಲೇ ತು ಬ್ರಾಹ್ಮಣಾ ವೇದಪಾರಗಾಃ।
ದೃಷ್ಟ್ವಾ ತು ದುರ್ನಿಮಿತ್ತಾನಿ ಜರಾಸಂಧಮದರ್ಶಯನ್॥ 2-21-26 (12159)
ಪರ್ಯುಗ್ನ್ಯಕುರ್ವಂಶ್ಚ ನೃಪಂ ದ್ವಿರದಸ್ಥಂ ಪುರೋಹಿತಾಃ।
ತತಸ್ತಚ್ಛಾಂತಯೇ ರಾಜಾ ಜರಾಸಂಧಃ ಪ್ರತಾಪವಾನ್।
ದೀಕ್ಷಿತೋ ನಿಯಮಸ್ಥೋಽಸಾವುಪವಾಸಪರೋಽಭವತ್॥ 2-21-27 (12160)
ಸ್ನಾತಕವ್ರತಿನಸ್ತೇ ತು ಬಾಹುಶಸ್ತ್ರಾ ನಿರಾಯುಧಾಃ।
ಯುಯುತ್ಸವಃ ಪ್ರವಿವಿಶುರ್ಜರಾಸಂಧೇನ ಭಾರತ॥ 2-21-28 (12161)
ಭಕ್ಷ್ಯಮಾಲ್ಯಾಪಣಾನಾಂ ಚ ದದೃಶುಃ ಶ್ರಿಯಮುತ್ತಮಾಂ।
ಸ್ಫೀತಾಂ ಸರ್ವಗುಣೋಪೇತಾಂ ಸರ್ವಕಾಮಸಮೃದ್ಧಿನಾಂ॥ 2-21-29 (12162)
ತಾಂ ತು ದೃಷ್ಟ್ವಾ ಸಮೃದ್ಧಿಂ ತೇ ವೀಥ್ಯಾಂ ತಸ್ಯಾಂ ನರೋತ್ತಮಾಃ।
ರಾಜಮಾರ್ಗೇಣ ಗಚ್ಛಂತಃ ಕೃಷ್ಣಭೀಮಧನಂಜಯಾಃ।
ಬಲಾದ್ಗೃಹೀತ್ವಾ ಮಾಲ್ಯಾನಿ ಮಾಲಾಕಾರಾನ್ಮಹಾಬಲಾಃ॥ 2-21-30 (12163)
`ಕರ್ಪೂರಶೃಂಗಂ ಕೋಷ್ಠಂ ಚ ಸಫಲಂ ಚಾಂತರಾಪಣೇ।
ವೈಶ್ಯಾದ್ಬಲಾದ್ಗೃಹೀತ್ವಾ ತೇ ವಿಹೃತ್ಯ ಚ ಮಹಾರಥಾಃ'॥ 2-21-31 (12164)
ವಿರಾಗವಸನಾಃ ಸರ್ವೇ ಸ್ರಗ್ವಿಣೋ ಮೃಷ್ಟಕುಂಡಲಾಃ।
ನಿವೇಶನಮಥಾಜಗ್ಮುರ್ಜರಾಸಂಧಸ್ಯ ಧೀಮತಃ॥ 2-21-32 (12165)
ಗೋವಾಸಮಿವ ವೀಕ್ಷಂತಃ ಸಿಂಹಾ ಹೈಮವತಾ ಯಥಾ।
ಶಾಲಸ್ತಂಭನಿಭಾಸ್ತೇಷಾಂ ಚಂದನಾಗುರುರೂಷಿತಾಃ॥ 2-21-33 (12166)
ಅಶೋಭಂತ ಮಹಾರಾಜ ಬಾಹವೋ ಯುದ್ಧಶಾಲಿನಾಂ।
ತಾಂದೃಷ್ಟ್ವಾ ದ್ವಿರದಪ್ರಖ್ಯಾಞ್ಶಾಲಸ್ಕಂದಾನಿವೋದ್ಗತಾನ್॥ 2-21-34 (12167)
ವ್ಯೂಢೋರಸ್ಕಾನ್ಮಾಗಧಾನಾಂ ವಿಸ್ಮಯಃ ಸಮಪದ್ಯತ।
`ಅದ್ವಾರೇಣಾಭ್ಯವಸ್ಕಂದ್ಯ ವಿವಿಶುರ್ಮಾಗಧಾಲಯಂ'॥ 2-21-35 (12168)
ತೇ ತ್ವತೀತ್ಯ ಜನಾಕೀರ್ಣಾಃ ಕಕ್ಷಾಸ್ತಿಸ್ರೋ ನರರ್ಷಭಾಃ।
ಅಹಂಕಾರೇಣ ರಾಜಾನಮುಪತಸ್ಥುರ್ಗತವ್ಯಥಾಃ॥ 2-21-36 (12169)
`ಭೋ ಶಬ್ದೇನೈವ ರಾಜಾನಮುಚುಸ್ತೇ ತು ಮಹಾರಥಾಃ'।
ತಾನ್ಪಾದ್ಯಮಧುಪರ್ಕಾರ್ಹಾನ್ಗವಾರ್ಹಾನ್ಸತ್ಕೃತಿಂ ಗತಾನ್।
ಪ್ರತ್ಯುತ್ಥಾಯ ಜರಾಸಂಧ ಉಪತಸ್ಥೇ ಯಥಾವಿಧಿ॥ 2-21-37 (12170)
ಉವಾಚ ಚೈತಾನ್ರಾಜಾಽಸೌ ಸ್ವಾಗತಂ ವೋಸ್ತ್ವಿತಿ ಪ್ರಭುಃ।
ಮೌನಮಾಸೀತ್ತದಾ ಪಾರ್ಥಭೀಮಯೋರ್ಜನಮೇಜಯ॥ 2-21-38 (12171)
ತೇಷಾಂ ಮಧ್ಯೇ ಮಹಾಬುದ್ಧಿಃ ಕೃಷ್ಣೋ ವಚನಮಬ್ರವೀತ್।
ವಕ್ತುಂ ನಾಯಾತಿ ರಾಜೇಂದ್ರ ಏತಯೋರ್ನಿಯಮಸ್ಥಯೋಃ॥ 2-21-39 (12172)
ಅರ್ವಾಙ್ನಿಶೀಥಾತ್ಪರತಸ್ತ್ವಾಯಾ ಸಾರ್ಧಂ ವದಿಷ್ಯತಃ।
ಯಜ್ಞಾಗಾರೇ ಸ್ಥಾಪಯಿತ್ವಾ ರಾಜಾ ರಾಜಗೃಹಂ ವದಿಷ್ಯತಃ। 2-21-40 (12173)
ತತೋಽರ್ಧರಾತ್ರೇ ಸಂಪ್ರಾಪ್ತೇ ಯಾತೋ ಯತ್ರ ಸ್ಥಿತಾ ದ್ವಿಜಾಃ।
ತಸ್ಯ ಹ್ಯೇತದ್ವ್ರತಂ ರಾಜನ್ಬಭೂವ ಭುವಿ ವಿಶ್ರುತಂ॥ 2-21-41 (12174)
ಸ್ನಾತಕಾನ್ಬ್ರಾಹ್ಮಣಾನ್ಪ್ರಾಪ್ತಾಞ್ಶ್ರುತ್ವಾ ಸ ಸಮಿತಿಂಜಯಃ।
ಅಪ್ಯರ್ಧರಾತ್ರೇ ನೃಪತಿಃ ಪ್ರತ್ಯುದ್ಗಚ್ಛತಿ ಭಾರತ॥ 2-21-42 (12175)
ತಾಂಸ್ತ್ವಪೂರ್ವೇಣ ವೇಷೇಣ ದೃಷ್ಟ್ವಾ ಸ ನೃಪಸತ್ತಮಃ।
ಉಪತಸ್ಥೇ ಜರಾಂಧೋ ವಿಸ್ಮಿತಶ್ಚಾಭವತ್ತದಾ॥ 2-21-43 (12176)
ತೇ ತು ದೃಷ್ಟ್ವೈವ ರಾಜಾನಂ ಜರಾಸಂಧಂ ನರರ್ಷಭಾಃ।
ಇದಮೂಚುರಮಿತ್ರಘ್ನಾಃ ಸರ್ವೇ ಭರತಸತ್ತಮ॥ 2-21-44 (12177)
ಸ್ವಸ್ತ್ಯಸ್ತು ಕುಶಲಂ ರಾಜನ್ನಿತಿ ತತ್ರ ವ್ಯವಸ್ಥಿತಾಃ।
ತಂ ನೃಪಂ ನೃಪಶಾರ್ದೂಲ ಪ್ರೇಕ್ಷಮಾಣಾಃ ಪರಸ್ಪರಂ॥ 2-21-45 (12178)
ತಾನಬ್ರವೀಂಜರಾಸಂಧಸ್ತಥಾ ಪಾಂಡವಯಾದವಾನ್।
ಆಸ್ಯತಾಮಿತಿ ರಾಜೇಂದ್ರ ಬ್ರಾಹ್ಮಣಚ್ಛದ್ಮಸಂವೃತಾನ್॥ 2-21-46 (12179)
ಅಥೋಪವಿವಿಶುಃ ಸರ್ವೇ ತ್ರಯಸ್ತೇ ಪುರುಷರ್ಷಭಾಃ।
ಸಂಪ್ರದೀಪ್ತಾಸ್ತ್ರಯೋ ಲಕ್ಷ್ಂಯಾ ಮಹಾಧ್ವರ ಇವಾಗ್ನಯಃ॥ 2-21-47 (12180)
ತಾನುವಾಚ ಜರಾಸಂಧಃ ಸತ್ಯಸಂಧೋ ನರಾಧಿಪಃ।
ವಿಗರ್ಹಮಾಣಃ ಕೌರವ್ಯ ವೇಷಗ್ರಹಣವೈಕೃತಾನ್॥
ನ ಸ್ನಾತಕವ್ರತಾ ವಿಪ್ರಾ ವಹಿರ್ಮಾಲ್ಯಾನುಲೇಪನಾಃ॥ 2-21-48 (12181)
ಭವಂತೀತಿ ನೃಲೋಕೇಽಸ್ಮಿನ್ವಿದಿತಂ ಮಮ ಸರ್ವಶಃ।
ಕೇ ಯೂಯಂ ಪುಷ್ಪವಂತಶ್ಚ ಭುಜೈರ್ಜ್ಯಾಕೃತಲಕ್ಷಣೈಃ॥ 2-21-49 (12182)
ಬಿಭ್ರತಃ ಕ್ಷಾತ್ರಮೋಜಶ್ಚ ಬ್ರಾಹ್ಮಣ್ಯಂ ಪ್ರತಿಜಾನಥ।
ಏವಂ ವಿರಾಗವಸನಾ ಬಹಿರ್ಮಾಲ್ಯಾನುಲೇಪನಾಃ॥ 2-21-50 (12183)
` ಕ್ಷತ್ರಿಯಾ ಏವ ಲೋಕೇಽಸ್ಮಿನ್ವಿದಿತಾ ಮಮ ಸರ್ವಶಃ'॥
ಸತ್ಯಂ ವದತ ಕೇ ಯೂಯಂ ಸತ್ಯಂ ರಾಜಸು ಶೋಭತೇ॥ 2-21-51 (12184)
ಚೈತ್ಯಕಸ್ಯ ಗಿರೇಃ ಶೃಂಗಂ ಭಿತ್ತ್ವಾ ಕಿಮಿಹ ಸದ್ಮನಿ।
ಅದ್ವಾರೇಣ ಪ್ರವಿಷ್ಟಾಃ ಸ್ಥ ನಿರ್ಭಯಾ ರಾಜಕಿಲ್ವಿಷಾತ್॥ 2-21-52 (12185)
ವದಧ್ವಂ ವಾಚಿ ವೀರ್ಯಂ ಚ ಬ್ರಾಹ್ಮಣಸ್ಯ ವಿಶೇಷತಃ।
ಕರ್ಮ ಚೈತದ್ವಿಲಿಂಗಸ್ಥಂ ಕಿಂ ವೋಽದ್ಯ ಪ್ರಸಮೀಕ್ಷಿತಂ॥ 2-21-53 (12186)
ಏವಂ ಚ ಮಾಮುಪಾಸ್ಥಾಯ ಕಸ್ಮಾಚ್ಚ ವಿಧಿರ್ನಾಹಣಾಂ।
ಪ್ರಣೀತಾಂ ನಾನುಗೃಹ್ಣೀತ ಕಾರ್ಯಂ ಕಿಂ ವಾಽಸ್ಮದಾಗಮೇ॥ 2-21-54 (12187)
ವೈಶಂಪಾಯನ ಉವಾಚ। 2-21-55x (1417)
ಏವಮುಕ್ತೇ ತತಃ ಕೃಷ್ಣಃ ಪ್ರತ್ಯುವಾಚ ಮಹಾಮನಾಃ।
ಸ್ನಿಗ್ಧಗಮಭೀರಯಾ ವಾಚಾ ವಾಕ್ಯಂ ವಾಕ್ಯವಿಶಾರದಃ॥ 2-21-55 (12188)
ಕೃಷ್ಣ ಉವಾಚ। 2-21-56x (1418)
ಸ್ನಾತಕಾನ್ಬ್ರಾಹ್ಮಣಾನ್ರಾಜನ್ವಿದ್ಧ್ಯಸ್ಮಾಂಸ್ತ್ವಂ ನರಾಧಿಪ।
ಸ್ನಾತಕವ್ರತಿನೋ ರಾಜನ್ಬ್ರಾಹ್ಮಣಾಃ ಕ್ಷತ್ರಿಯಾ ವಿಶಃ॥ 2-21-56 (12189)
ವಿಶೇಷನಿಯಮಾಶ್ಚೈಷಾಮವಿಶೇಷಾಶ್ಚ ಸಂತ್ಯುತ।
ವಿಶೇಷವಾಂಶ್ಚ ಸತತಂ ಕ್ಷತ್ರಿಯಃ ಶ್ರಿಯಮೃಚ್ಛತಿ॥ 2-21-57 (12190)
ಪುಷ್ಪವತ್ಸು ಧ್ರುವಾ ಶ್ರೀಶ್ಚ ಪುಷ್ಪವಂತಸ್ತತೋ ವಯಂ।
ಕ್ಷತ್ರಿಯೋ ಬಾಹುವೀರ್ಯಸ್ತು ನ ತಥಾ ವಾಕ್ಯವೀರ್ಯವಾನ್॥
ಅಂಪ್ರಗಲ್ಭಂ ವಚಸ್ತಸ್ಯ ತಸ್ಮಾದ್ಬಾರ್ಹದ್ರಥೇರಿತಂ॥ 2-21-58 (12191)
ಸ್ವವೀರ್ಯಂ ಕ್ಷತ್ರಿಯಾಣಾಂ ತು ಬಾಹ್ವೋರ್ಧಾತಾ ನ್ಯವೇಶಯತ್।
ತದ್ದಿದೃಕ್ಷಸಿ ಚೇದ್ರಾಜಂದ್ರಷ್ಟಾಸ್ಯದ್ಯ ನ ಸಂಶಯಟಃ॥ 2-21-59 (12192)
ಅದ್ವಾರೇಣ ರಿಂಪೋರ್ಗೇಹಂ ದ್ವಾರೇಣ ಸುಹೃದೋ ಗೃಹಾನ್।
ಪ್ರವಿಶಂತಿ ನರಾ ಧೀರಾ ದ್ವಾರಾಣ್ಯೇತಾನಿ ಧರ್ಮತಃ॥ 2-21-60 (12193)
ಕಾರ್ಯವಂತೋ ಗೃಹಾನೇತ್ಯ ಶತ್ರುತೋ ನಾರ್ಹಣಾಂ ವಯಂ।
ಪ್ರತಿಗೃಹ್ಣೀಂ ತದ್ವಿದ್ವಿ ಏತನ್ನಃ ಶಾಶ್ವತಂ ವ್ರತಂ॥ ॥ 2-21-61 (12194)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಜರಾಸಂಧವಧಪರ್ವಣಿ ಏಕವಿಂಶೋಽಧ್ಯಾಯಃ॥ 21॥
ಸಭಾಪರ್ವ - ಅಧ್ಯಾಯ 022
॥ ಶ್ರೀಃ ॥
2.22. ಅಧ್ಯಾಯಃ 022
Mahabharata - Sabha Parva - Chapter Topics
ಕೃಷ್ಣಜರಾಸಂಧಯೋರ್ವಿವಾದಾನಂತರಂ ಜರಾಸಂಧಸ್ಯ ಯುದ್ಧೋದ್ಯಮಃ॥ 1॥Mahabharata - Sabha Parva - Chapter Text
ಜರಾಸಂಧ ಉವಾಚ।
ನ ಸ್ಮರಾಮಿ ಕದಾ ವೈರಂ ಕೃತಂ ಯುಷ್ಮಾಭಿರಿತ್ಯುತ।
ಚಿಂತಯಂಶ್ಚ ನ ಪಶ್ಯಾಮಿ ಭವತಾಂ ಪ್ರತಿ ವೈಕೃತಂ॥ 2-22-1 (12195)
ವೈಕೃತೇ ವಾ ಸತಿ ಕಥಂ ಮನ್ಯಧ್ವಂ ಮಾಮನಾಗಸಂ।
ಅರಿಂ ವೈ ಬ್ರೂತ ಹೇ ವಿಪ್ರಾಃ ಸತಾಂ ಸಮಯ ಏಷ ಹಿ॥ 2-22-2 (12196)
ಅರ್ಥಧರ್ಮೋಪಘಾತಾದ್ಧಿ ಮನಃ ಸಮುಪತಪ್ಯತೇ।
ಯೋಽನಾಗಸಿ ಪ್ರಸಜತಿ ಕ್ಷತ್ರಿಯೋ ಹಿ ನ ಸಂಶಯಟಃ॥ 2-22-3 (12197)
ಅತೋಽನ್ಯಥಾ ಚರಂʼಲ್ಲೋಕೇ ಧರ್ಮಜ್ಞಃ ಸನ್ಮಹಾರಥಃ।
ವೃಜಿನಾಂ ಗತಿಮಾಪ್ನೋತಿ ಶ್ರೇಯಸೋಽಪ್ಯುಪಹಂತಿ ಚ॥ 2-22-4 (12198)
ತ್ರೈಲೋಕ್ಯೇ ಕ್ಷತ್ರಧರ್ಮೋ ಹಿ ಶ್ರೇಯಾನ್ವೈ ಸಾಧುಚಾರಿಣಾಂ।
ನಾನ್ಯಂ ಧರ್ಮಂ ಪ್ರಶಂಸಂತಿ ಯೇ ಚ ಧರ್ಮವಿದೋ ಜನಾಃ॥ 2-22-5 (12199)
ತಸ್ಯ ಮೇಽದ್ಯ ಸ್ಥಿತಸ್ಯೇಹ ಸ್ವಧರ್ಮೇ ನಿಯತಾತ್ಮನಃ।
ಅನಾಗಸಂ ಪ್ರಜಾನಾಂ ಚ ಪ್ರಮಾದಾದಿವ ಜಲ್ಪಥ॥ 2-22-6 (12200)
ಕೃಷ್ಣ ಉವಾಚ। 2-22-7x (1419)
ಕುಲಕಾರ್ಯಂ ಮಹಾಬಾಹೋ ಕಶ್ಚಿದೇಕಃ ಕುಲೋದ್ವಹಃ।
ವಹತೇ ಯಸ್ತನ್ನಿಯೋಗಾದ್ವಯಮಭ್ಯುದ್ಯತಾಸ್ತ್ವಯಿ॥ 2-22-7 (12201)
ತ್ವಯಾ ಚೋಪಹೃತಾ ರಾಜನ್ಕ್ಷತ್ರಿಯಾ ಲೋಕವಾಸಿನಃ।
ತದಾಗಃ ಕ್ರೂರಮುತ್ಪಾದ್ಯ ಮನ್ಯಸೇ ಕಿಮನಾಗಸಂ॥ 2-22-8 (12202)
ರಾಜಾ ರಾಜ್ಞಃ ಕಥಂ ಸಾಧೂನ್ಹಿಂಸ್ಯಾನ್ನೃಪತಿಸತ್ತಮ।
ತದ್ರಾಜ್ಞಃ ಸನ್ನಿಗೃಹ್ಯ ತ್ವಂ ರುದ್ರಾಯೋಪಜಿಹೀರ್ಷಸಿ॥ 2-22-9 (12203)
ಅಸ್ಮಾಂಸ್ತದೇನೋಪಗಚ್ಛೇತ್ಕೃತಂ ಬಾರ್ಹದ್ರಥ ತ್ವಯಾ।
ವಯಂ ಹಿಂ ಶಕ್ತಾ ಧರ್ಮಸ್ಯ ರಕ್ಷಣೇ ಧರ್ಮಚಾರಿಣಃ॥ 2-22-10 (12204)
`ತಸ್ಮಾದದ್ಯೋಪಗಚ್ಛಾಮಸ್ತವ ಬಾರ್ಹದ್ರಥಾಂತಿಕಂ'।
ಮನುಷ್ಯಾಣಾಂ ಸಮಾಲಂಭೋ ನ ಚ ದೃಷ್ಟಃ ಕದಾಚನ।
ಸ ಕಥಂ ಮಾನುಷೈರ್ದೇವಂ ಯಷ್ಟುಮಿಚ್ಛಸಿ ಶಂಕರಂ॥ 2-22-11 (12205)
ಸವರ್ಣೋ ಹಿ ಸವರ್ಣಾನಾಂ ಪಶುಸಂಜ್ಞಾಂ ಕರಿಷ್ಯಸಿ।
ಕೋಽನ್ಯಂ ಏವಂ ಯಥಾ ಹಿ ತ್ವಂ ಜರಾಸಂಧ ವೃಥಾಮತಿಃ॥ 2-22-12 (12206)
ಯಸ್ಯಾಂ ಯಸ್ಯಾಮವಸ್ಥಾಯಾಂ ಯದ್ಯತ್ಕರ್ಮ ಕರೋತಿ ಯಃ।
ತಸ್ಯಾಂ ತಸ್ಯಾಮವಸ್ಥಾಯಾಂ ತತ್ಫಲಂ ಸಮವಾಪ್ನುಯಾತ್॥ 2-22-13 (12207)
ತೇ ತ್ವಾಂ ಜ್ಞಾತಿಕ್ಷಯಕರಂ ಯಮಮಾರ್ತಾನುಸಾರಿಣಃ।
ಜ್ಞಾತಿವೃದ್ಧಿನಿಮಿತ್ತಾರ್ಥಂ ವಿನಿಹಂತುಮಿಹಾಗತಾಃ॥ 2-22-14 (12208)
ನಾಸ್ತಿ ಲೋಕೇ ಪುಮಾನನ್ಯಃ ಕ್ಷತ್ರಿಯೋಷ್ವಿತಿ ಚೈವ ತತ್।
ಮನ್ಯಸೇ ಸ ಚ ತೇ ರಾಜನ್ಸುಮಹಾನ್ಬುದ್ಧಿವಿಪ್ಲವಃ॥ 2-22-15 (12209)
ಕೋ ಹಿ ಜಾನನ್ನಭಿಜನಮಾತ್ಮವಾನ್ಕ್ಷತ್ರಿಯೋ ನೃಪ।
ನಾವಿಶೇತ್ಸ್ವರ್ಗಮತುಲಂ ರಣಾನಂತರಮವ್ಯಯಂ॥ 2-22-16 (12210)
ಸ್ವರ್ಗಂ ಹ್ಯೇವ ಸಮಾಸ್ಥಾಯ ರಣಯಜ್ಞೇಷು ದೀಕ್ಷಿತಾಃ।
ಜಯಂತಿ ಕ್ಷತ್ರಿಯಾ ಲೋಕಾಂಸ್ತದ್ವಿದ್ಧಿ ಮನುಜರ್ಷಭ॥ 2-22-17 (12211)
ಸ್ವರ್ಗಯೋನಿರ್ಮಹದ್ಬ್ರಹ್ಮ ಸ್ವರ್ಗಯೋನಿರ್ಮಹದ್ಯಶಃ।
ಸ್ವರ್ಗಂ ಯೋನಿಸ್ತಪೋ ಯುದ್ಧೇ ಮೃತ್ಯುಃ ಸೋಽವ್ಯಭಿಚಾರವಾನ್॥ 2-22-18 (12212)
ಏಷ ಹ್ಯೈಂದ್ರೋ ವೈಜಯಂತೋ ಗುಣೈರ್ನಿತ್ಯಂ ಸಮಾಹಿತಃ।
ಯೇನಾಸುರಾನ್ಪರಾಜಿತ್ಯ ಜಗತ್ಪಾತಿ ಶತಕ್ರತುಃ॥ 2-22-19 (12213)
ಸ್ವರ್ಗಮಾರ್ಗಾಯ ಕಸ್ಯ ಸ್ಯಾದ್ವಿಗ್ರಹೋ ವೈ ಯಥಾ ತವ।
ಮಾಗಧೈರ್ವಿಪುಲೈಃ ಸೈನ್ಯೈರ್ಬಾಹುಲ್ಯಬಲದರ್ಪಿತಃ॥ 2-22-20 (12214)
ಮಾಽವಮಂಸ್ಥಾಃ ಪರಾನ್ರಾಜನ್ನಾಸ್ತಿ ವೀರ್ಯಂ ನರೇ ನರೇ।
ಸಮಂ ಚೇಜಸ್ತ್ವಯಾ ಚೈವ ವಿಶಿಷ್ಟಂ ವಾ ನರೇಶ್ವರ॥ 2-22-21 (12215)
ಯಾವದೇತದಸಂಬುದ್ಧಂ ತಾವದೇವ ಭವೇತ್ತವ।
ವಿಷಹ್ಯಮೇತದಸ್ಮಾಕಮತೋ ರಾಜನ್ಬ್ರವೀಮಿ ತೇ॥ 2-22-22 (12216)
ಜಹಿ ತ್ವಂ ಸದೃಶೇಷ್ವೇವ ಮಾನಂ ದರ್ಪಂ ಚ ಮಾಗಧ।
ಮಾ ಗಮಃ ಸಸುತಾಮಾತ್ಯಃ ಸಬಲಶ್ಚ ಯಮಕ್ಷಯಂ॥ 2-22-23 (12217)
ದಂಭೋದ್ಭವಃ ಕಾರ್ತವೀರ್ಯ ಉತ್ತರಶ್ಚ ಬೃಹದ್ರಥಃ।
ಶ್ರೇಯಸೋ ಹ್ಯವಮತ್ಯೇಹ ವಿನೇಶುಃ ಸಬಲಾ ನೃಪಾಃ॥ 2-22-24 (12218)
ಯುಯುಕ್ಷಮಾಣಾಸ್ತ್ವತ್ತೋ ಹಿ ನ ವಯಂ ಬ್ರಾಹ್ಮಣಾ ಧ್ರುವಂ।
ಶೌರಿರಸ್ಮಿ ಹೃಷೀಕೇಶೋ ನೃವೀರೌ ಪಾಂಡವಾವಿಮೌ।
ಅನಯೋರ್ಮಾತುಲೇಯಂ ಚ ಕೃಷ್ಣಂ ಮಾಂ ವಿದ್ಧಿ ತೇ ರಿಪುಂ॥ 2-22-25 (12219)
ತ್ವಾಮಾಹ್ವಯಾಮಹೇ ರಾಜನ್ಸ್ಥಿರೋ ಯುಧ್ವಸ್ವ ಮಾಗಧ।
ಮುಚ್ಛ ವಾ ನೃಪತೀನ್ಸರ್ವಾನ್ ಗಚ್ಛ ವಾ ತ್ವಂ ಯಮಕ್ಷಯಂ॥ 2-22-26 (12220)
` ವೈಶಂಪಾಯನ ಉವಾಚ॥ 2-22-27x (1420)
ಏತಚ್ಛ್ರುತ್ವಾ ಜರಾಸಂಧಃ ಕ್ರುದ್ಧೋ ವಚನಮಬ್ರವೀತ್॥ 2-22-27 (12221)
ನಾಹಂ ಕಂಸಃ ಪ್ರಲಂಬೋ ವಾ ನ ಬಾಣೋ ನ ಚ ಮುಷ್ಟಿಕಃ।
ನರಕೋ ನೇಂದ್ರತಪನೋ ನ ಕೇಶೀ ನ ಚ ಪೂತನಾ॥ 2-22-28 (12222)
ನ ಕಾಲಯವನೋ ವಾಽಪಿ ಯೇ ತ್ವಯಾ ನಿಹತಾ ಯುಧಿ।
ತ್ವಂ ತು ಗೋಪಕುಲೋತ್ಪನ್ನೋ ಜಾತಿಂ ವೈ ಪೌರ್ವಿಕೀಂ ಸ್ಮರ॥ 2-22-29 (12223)
ಯೋಽಸ್ಮದ್ಭಯಾದತಿಕ್ರಂಯ ಸಾಗರಾನೂಪಮಾಶ್ರಿತಃ।
ಜನ್ಮಭೂಮಿಂ ಪರಿತ್ಯಜ್ಯ ಮಧುರಾಂ ಪ್ರಾಕೃತೋ ಯಥಾ॥ 2-22-30 (12224)
ಸೋಽಧುನಾ ಕತ್ಥಸೇ ಶೌರೇ ಶರದೀವ ಯಥಾ ಘನಃ।
ಅದ್ಯಾನೃಣ್ಯಂ ಕರಿಷ್ಯಾಮಿ ಭೋಜರಾಜಸ್ಯ ಧೀಮತಃ॥ 2-22-31 (12225)
ಜಾಮಾತುರೌಗ್ರಸೇನಸ್ಯ ತ್ವಾಂ ನಿಹತ್ಯಾದ್ಯ ಮಾಧವ।
ಚಿರಕಾಂಕ್ಷಿತೋ ಮೇ ಸಂಗ್ರಾಮಸ್ತ್ವಾಂ ಹಂತುಂ ಸಮುಹೃದ್ಗುಣಂ॥ 2-22-32 (12226)
ದಿಷ್ಟ್ಯಾ ಮೇ ಸಫಲೋ ಯತ್ನಃ ಕೃತೋ ದೇವೈಃ ಸವಾಸವೈಃ।
ಕ್ಲೀಬಾವಿಮೌ ಚ ಗೋವಿಂದ ಭೀಮಸೇನಾರ್ಜುನಾವುಭೌ॥ 2-22-33 (12227)
ಹಿಂಸ್ಯಾಸಿ ಯುಧಿ ವಿಕ್ರಂಯ ಸಿಂಹಃ ಕ್ಷುದ್ರಮೃಗಾವಿವ। 2-22-34 (12228)
ವೈಶಂಪಾಯನ ಉವಾಚ॥
ತಸ್ಯ ರೋಷಾಭಿಭೂತಸ್ಯ ಜರಾಸಂಧಸ್ಯ ಗರ್ಜತಃ॥ 2-22-34x (1421)
ಸರ್ವಭೂತಾನಿ ವಿತ್ರೇಮುಷೇ ತತ್ರಾಸನ್ಸಮಾಗತಾಃ। 2-22-35 (12229)
ಶ್ರೀಭಗವಾನುವಾಚ॥
ಕಿಂ ಗರ್ಜಸಿ ಜರಾಸಂಧ ಕರ್ಮಣಾ ತತ್ಸಮಾಚರ॥ 2-22-35x (1422)
ಮಮ ನಿರ್ದೇಶಕರ್ತೃಭ್ಯಾಂ ಪಾಂಡವಾಭ್ಯಾಂ ನೃಪಾಧಮ।
ಸಮಾತ್ಯಂ ಸಸುತಂ ಚಾದ್ಯ ಘಾತಯಿಷ್ಯಾಂಯಹಂ ರಣೇ।
ನ ಕಥಂಚನ ಜೀವನ್ವೈ ಪ್ರವೇಕ್ಷ್ಯಸಿ ಪುರೋತ್ತಮಂ'॥ 2-22-36 (12230)
ಜರಾಸಂಧ ಉವಾಚ। 2-22-37x (1423)
ನಾಜಿತಾನ್ವೈ ನರಪತೀನಹಮಾದದ್ಮಿ ಕಾಶ್ಚನ।
ಅಜಿತಃ ಪರ್ಯವಸ್ಥಾತಾ ಕೋಽತ್ರ ಯೋ ನ ಮಯಾ ಜಿತಃ॥ 2-22-37 (12231)
ಕ್ಷತ್ರಿಯಸ್ಯೈತದೇವಾಹುರ್ಧರ್ಂಯಂ ಕೃಷ್ಣೋಪಜೀವನಂ।
ವಿಕ್ರಂಯ ವಶಮಾನೀಯ ಕಾಮತೋ ಯತ್ಸಮಾಚರೇತ್॥ 2-22-38 (12232)
ದೇವಾತಾರ್ಥಮುಪಾಹೃತ್ಯ ರಾಜ್ಞಃ ಕೃಷ್ಣ ಕಥಂ ಭಯಾತ್।
ಅಹಮದ್ಯ ವಿಮುಚ್ಯೇಯಂ ಕ್ಷಾತ್ರಂ ವ್ರತಮನುಸ್ಮರನ್॥ 2-22-39 (12233)
ಸೈನ್ಯಂ ಸೈನ್ಯೇನ ವ್ಯೂಢೇನ ಏಕ ಏಕೇನ ವಾ ಪುನಃ।
ದ್ವಾಭ್ಯಾಂ ತ್ರಿಭಿರ್ವಾ ಯೋತ್ಸ್ಯೇಽಹಂ ಯುಗತ್ಪೃಥಗೇವ ವಾ॥ 2-22-40 (12234)
ವೈಶಂಪಾಯ ಉವಾಚ। 2-22-41x (1424)
ಏವಮುಕ್ತ್ವಾ ಜರಾಸಂಧಃ ಸಹದೇವಾಭಿಷೇಚನಂ।
ಅಜ್ಞಾಪಯತ್ತದಾ ರಾಜಾ ಯಯುತ್ಸುರ್ಭೀಮಕರ್ಮಭಿಃ॥ 2-22-41 (12235)
ಸ ತು ಸೇನಾಪತಿಂ ರಾಜಾ ಸಸ್ಮಾರ ಭರತರ್ಷಭ।
ಕೌಶಿಕಂ ಚಿತ್ರಸೇನಂ ಚ ತಸ್ಮಿನ್ಯುದ್ಧ ಉಪಸ್ಥಿತೇ॥ 2-22-42 (12236)
ಯಯೋಸ್ತೇ ನಾಮನೀ ರಾಜನ್ಹಂಸೇತಿ ಡಿಬಿಕೇತಿ ಚ।
ಪೂರ್ವಂ ಸಂಕಥಿತೇ ಪುಂಭಿರ್ನೃಲೋಕೇ ಲೋಕಸತ್ಕೃತೇ॥ 2-22-43 (12237)
ತಂ ತು ರಾಜನ್ವಿಭುಃ ಶೌರೀ ರಾಜಾನಂ ಬಲಿನಾಂ ವರಂ।
ಸ್ಮೃತ್ವಾ ಪುರುಷಶಾರ್ದೂಲಃ ಶಾರ್ದೂಲಸಮವಿಕ್ರಮಂ॥ 2-22-44 (12238)
ಸತ್ಯಸಂಧೋ ಜರಾಸಂಧಂ ಭುವಿ ಭೀಮಪರಾಕ್ರಮಂ।
ಭಾಗಮನ್ಯಸ್ಯ ನಿರ್ದಿಷ್ಟಮವಧ್ಯಂ ಮಧುರ್ಭಿರ್ಮೃಧೇಃ॥ 2-22-45 (12239)
ನಾತ್ಮನಾಽಽತ್ಮವತಾಂ ಮುಖ್ಯ ಇಯೇಷ ಮಧುಸೂದನಃ।
ಬ್ರಾಹ್ಮೀಮಾಜ್ಞಾಂ ಪುರಸ್ಕೃತ್ಯ ಹಂತುಂ ಹಲಧರಾನುಜಃ॥ ॥ 2-22-46 (12240)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಜರಾಸಂಧವಧಪರ್ವಣಿ ದ್ವಾವಿಂಶೋಽಧ್ಯಾಯಃ॥ 2॥
Mahabharata - Sabha Parva - Chapter Footnotes
2-22-45 ಮಧುಭಿರ್ಯಾದವೈಃ। ಷ್ಟಂ ವಧ್ಯ ಮತ್ವಾ ತದಾಚ್ಯುತಃ ಇತಿ ಪಾಠಃ॥ಸಭಾಪರ್ವ - ಅಧ್ಯಾಯ 023
॥ ಶ್ರೀಃ ॥
2.23. ಅಧ್ಯಾಯಃ 023
Mahabharata - Sabha Parva - Chapter Topics
ಕೃಷ್ಣಜರಾಸಂಧಯೋರ್ದ್ವೇಷಕಾರಣಕಥನಂ॥ 1॥Mahabharata - Sabha Parva - Chapter Text
ಜನಮೇಜಯ ಉವಾಚ।
ಕಿಮರ್ಥಂ ವೈರಿಣಾವಾಸ್ತಾಮುಭೌ ತೌ ಕೃಷ್ಣಮಾಗಧೌ।
ಕಥಂ ಚ ನಿರ್ಜಿತಃ ಸಂಖ್ಯೇ ಜರಾಸಂಧೇನ ಮಾಧವಃ॥ 2-23-1 (12241)
ಕಶ್ಚ ಕಂಸೋ ಮಾಗಧಸ್ಯ ಯಸ್ಯ ಹೇತೋಃ ಸ ವೈರವಾನ್।
ಏತದಾಚಕ್ಷ್ವ ಮೇ ಸರ್ವಂ ವೈಶಂಪಾಯನ ತತ್ವತಃ॥ 2-23-2 (12242)
ವೈಶಂಪಾಯನ ಉವಾಚ॥ 2-23-3x (1425)
ಯಾದವಾನಾಮನ್ವವಾಯೇ ವಸುದೇವೋ ಮಹಾಮತಿಃ।
ಉದಪದ್ಯತ ವಾರ್ಷ್ಣೇಯೋ ಹ್ಯುಗ್ರಸೇನಸ್ಯ ಮಂತ್ರಭೃತ್॥ 2-23-3 (12243)
ಉಗ್ರಸೇನಸ್ಯ ಕಂಸಸ್ತು ಬಭೂವ ಬಲವಾನ್ಸುತಃ।
ಜ್ಯೇಷ್ಠೋ ಬಹೂನಾಂ ಕೌರವ್ಯ ಸರ್ವಶಸ್ತ್ರವಿಶಾರದಃ॥ 2-23-4 (12244)
ಜರಾಸಂಧಸ್ಯ ದುಹಿತಾ ತಸ್ಯ ಭಾರ್ಯಾಽತಿವಿಶ್ರುತಾ।
ರಾಜ್ಯಶುಕ್ಲೇನ ದತ್ತಾ ಸಾ ಜರಾಸಂಧೇನ ಧೀಮತಾ॥ 2-23-5 (12245)
ತದರ್ಥಮುಗ್ರಸೇನಸ್ಯ ಮಧುರಾಯಾಂ ಸುತಸ್ತದಾ।
ಅಭಿಷಿಕ್ತಸ್ತದಾಽಮಾತ್ಯೈಃ ಸ ವೈ ತೀವ್ರಪರಾಕ್ರಮಃ॥ 2-23-6 (12246)
ಐಶ್ವರ್ಯಬಲಮತ್ತಸ್ತು ಸ ತದಾ ಬಲಮೋಹಿತಃ।
ನಿಗೃಹ್ಯ ಪಿತರಂ ಭುಂಕ್ತೇ ತದ್ರಾಜ್ಯಂ ಮಂತ್ರಿಭಿಃ ಸಹ॥ 2-23-7 (12247)
ವಸುದೇವಸ್ಯ ತತ್ಕೃತ್ಯಂ ನ ಶೃಣೋತಿ ಸ ಮಂದಧೀಃ।
ತ ತೇನ ಸಹ ತದ್ರಾಜ್ಯಂ ಧರ್ಮತಃ ಪರ್ಯಪಾಲಯತ್॥ 2-23-8 (12248)
ಪ್ರೀತಿಮಾನ್ಸ ತು ದೈತ್ಯೇಂದ್ರೋ ವಸುದೇವಸ್ಯ ದೇವಕೀಂ।
ಉವಾಹ ಭಾರ್ಯಾ ಸ ತದಾ ದುಹಿತಾ ದೇವಕಸ್ಯ ಯಾ॥ 2-23-9 (12249)
ತಸ್ಯಾಮುದ್ವಾಹ್ಯಮಾನಾಯಾಂ ರಥೇನ ಜನಮೇಜಯ।
ಉಪಾರುರೋಹ ವಾರ್ಷ್ಣೇಯಂ ಕಂಸೋ ಭೂಮಿಪತಿಸ್ತದಾ॥ 2-23-10 (12250)
ತತೋಽಂತರಿಕ್ಷೇ ವಾಗಾಸೀದ್ದೇವದೂತಸ್ಯ ಕಸ್ಯಚಿತ್।
ವಸುದೇವಶ್ಚ ಶುಶ್ರಾವ ತಾಂ ವಾಚಂ ಪಾರ್ಥಿವಶ್ಚ ಸಃ॥ 2-23-11 (12251)
ಯಾಮೇತಾಂ ವಹಮಾನೋಽದ್ಯ ಕಂಸೋದ್ವಹಸಿ ದೇವಕೀಂ।
ಅಸ್ಯಾ ಯಶ್ಚಾಷ್ಟಮೋ ಗರ್ಭಃ ಸ ತೇ ಮೃತ್ಯುರ್ಭವಿಷ್ಯತಿ॥ 2-23-12 (12252)
ಸೋಽವತೀರ್ಯ ತತೋ ರಾಜಾ ಖಡ್ಗಮುದ್ಧೃತ್ಯ ನಿರ್ಮಲಂ।
ಇಯೇಷ ತಸ್ಯಾ ಮೂರ್ಧಾನಂ ಛೇತ್ತುಂ ಪರಮದುರ್ಮತಿಃ॥ 2-23-13 (12253)
ಸಾಂತ್ವಯನ್ಸ ತದಾ ಕಂಸಂ ಹಸನ್ಕೋಧವಶಾನುಗಂ।
ರಾಜನ್ನನುನಯಾಮಾಸ ವಸುದೇವೋ ಮಹಾಮತಿಃ॥ 2-23-14 (12254)
ಅಹಿಂಸ್ಯಾಂ ಪ್ರಮದಾಮಾಹುಃ ಸರ್ವಧರ್ಮೇಷು ಪಾರ್ಥಿವ।
ಅಕಸ್ಮಾದಬಲಾಂ ನಾರೀಂ ಹಂತಾಸೀಮಾಮನಾಗಸೀಂ॥ 2-23-15 (12255)
ಯಚ್ಚ ತೇಽತ್ರ ಭಯಂ ರಾಜಞ್ಶಕ್ಯತೇ ಬಾಧಿತುಂ ತ್ವಯಾ।
ಇಯಂ ಶಕ್ಯಾ ಪಾಲಯಿತುಂ ಸಮಯಂ ಚೈವ ರಕ್ಷಿತುಂ॥ 2-23-16 (12256)
ಅಸ್ಯಾಸ್ತ್ವಮಷ್ಟಮಂ ಗರ್ಭಂ ಜಾತಮಾತ್ರಂ ಮಹೀಪತೇ।
ವಿಧ್ವಂಸಯ ತದಾ ಪ್ರಾಪ್ತಮೇವಂ ಪರಿಹೃತಂ ಭವೇತ್॥ 2-23-17 (12257)
ಏವಂ ಸ ರಾಜಾ ಕಥಿತೋ ವಸುದೇವೇನ ಭಾರತ।
ತಸ್ಯ ತದ್ವಚನಂ ಚಕೇ ಶೂರಸೇನಪತಿಸ್ತದಾ॥ 2-23-18 (12258)
ತತಸ್ತಸ್ಯಾಂ ಸಂಬಭೂವುಃ ಕುಮಾರಾಃ ಸೂರ್ಯವರ್ಚಸಃ।
ಜಾತಾಂಚಾತಾಂಸ್ತು ತಾನ್ಸರ್ವಾಂಜಘಾನ ಮಧುರೇಶ್ವರಃ॥ 2-23-19 (12259)
ಅಥ ತಸ್ಯಾಂ ಸಮಭವದ್ಬಲದೇವಸ್ತು ಸತ್ತಮಃ।
ಯಾಂಯತಾ ಮಾಯಯಾ ತಂ ತು ಯಮೋ ರಾಜಾ ವಿಶಾಂಪತೇ॥ 2-23-20 (12260)
ದೇವಕ್ಯಾ ಗರ್ಭಮತುಲಂ ರೋಹಿಣ್ಯಾ ಜಠರೇಽಕ್ಷಿಪತ್।
ಆಕೃಷ್ಯ ಕರ್ಷಣಾತ್ಸಂಯಕ್ಸಂಕರ್ಷಣಂ ಇತಿ ಸ್ಮೃತಃ॥ 2-23-21 (12261)
ಬಲಶ್ರೇಷ್ಠತಯಾ ತಸ್ಯ ಬಲದೇವ ಇತಿ ಸ್ಮೃತಃ।
ಪುನಸ್ತಸ್ಯಾಂ ಸಮಭವದಷ್ಟಮೋ ಮಧುಮೂದನಃ॥ 2-23-22 (12262)
ತಸ್ಯ ಗರ್ಭಸ್ಯ ರಕ್ಷಾಂ ತು ಸ ಚಕ್ರೇಽಭ್ಯಧಿಕಂ ನೃಪಃ।
ತತಃ ಕಾಲೇ ರಕ್ಷಣಾರ್ಥಂ ವಸುದೇವಸ್ಯ ತತ್ವತಃ॥ 2-23-23 (12263)
ಉಗ್ರಃ ಪ್ರಯುಕ್ತಃ ಕಂಸೇನ ಸಚಿವಃ ಕ್ರೂರಕರ್ಮಕೃತ್॥ 2-23-24 (12264)
ಜಾತಮಾತ್ರಂ ವಾಸುದೇವಮಥಾಕೃಷ್ಯ ಪಿತಾ ತತಃ।
ಉಪಜಹ್ರೇ ಪರಿಕ್ರೀತಾಂ ಸುತಾಂ ಗೋಪಸ್ಯ ಕಸ್ಯಚಿತ್॥ 2-23-25 (12265)
ಅಮೃಷ್ಯಮಾಣಸ್ತಂ ಶಬ್ದಂ ದೇವದೂತಸ್ಯ ಪಾರ್ಥಿವಃ।
ವಾಸುದೇವಂ ಮಹಾತ್ಮಾನಮರ್ಪಯಾಮಾಸ ಗೋಕುಲೇ॥ 2-23-26 (12266)
ವಾಸುದೇವೋಪಿ ಗೋಪೇಷು ವವೃಧೇಽಬ್ಜಮಿವಾಂಭಸಿ।
ಅಜ್ಞಾಯಮಾನಃ ಕಂಸೇನ ಗೂಢೋಽಗ್ನಿರಿವ ದಾರುಷು॥ 2-23-27 (12267)
ವಿಪ್ರಚಕೇ ತದಾ ಸರ್ವಾನ್ಬಲ್ಲವಾನ್ಮಧುರೇಶ್ವರಃ।
ವರ್ಧಮಾನೋ ಮಹಾಬಾಹುಸ್ತೇಜೋಬಲಸಮನ್ವಿತಃ॥ 2-23-28 (12268)
ತತಸ್ತೇ ಕ್ಲಿಶ್ಯಮಾನಾಸ್ತು ಪುಂಡರೀಕಾಕ್ಷಮಚ್ಯುತಂ।
ಭಯೇನ ಕಾಮಾದಪರೇ ಗಣಶಃ ಪರ್ಯವಾರಯನ್॥ 2-23-29 (12269)
ಸ ತು ಲಬ್ಧ್ವಾ ಬಲಂ ರಾಜನ್ನುಗ್ರಸೇನಸ್ಯ ಸಂಮತಃ।
ವಸುದೇವಾತ್ಮಜಃ ಸರ್ವೈರ್ಭ್ರಾತೃಭಿಃ ಸಹಿತಂ ಪುನಃ॥ 2-23-30 (12270)
ನಿರ್ಜಿತ್ಯ ಯುಧಿ ಭೋಜೇಂದ್ರಂ ಹತ್ವಾ ಕಂಸಂ ಮಹಾಬಲಃ।
ಅಭ್ಯಷಿಂಚತ್ತತೋ ರಾಜ್ಯ ಉಗ್ರಸೇನಂ ವಿಶಾಂಪತೇ॥ 2-23-31 (12271)
ತತಃ ಶ್ರುತ್ವಾ ಜರಾಸಂಧೋ ಮಾಧವೇನ ಹತಂ ಯುಧಿ।
ಶೂರಸೇನಾಧಿಪಂ ಚಕ್ರೇ ಕಂಸಪುತ್ರಂ ತದಾ ನೃಪ॥ 2-23-32 (12272)
ಸಸೈನ್ಯಂ ಮಹದುತ್ಥಾಪ್ಯ ವಾಸುದೇವಂ ತದಾ ನೃಪ।
ಅಭ್ಯಷಿಂಚತ್ಸುತಂ ತತ್ರ ಸುತಾಯಾ ಜನಮೇಜಯ॥ 2-23-33 (12273)
ಉಗ್ರಸೇನಂ ಚ ವೃಷ್ಣೀಂಶ್ಚ ಮಹಾಬಲಸಮನ್ವಿತಃ।
ಸ ತತ್ರ ವಿಪ್ರಕುರುತೇ ಜರಾಸಂಧಃ ಪ್ರತಾಪವಾನ್॥ 2-23-34 (12274)
ಏತದ್ವೈರಂ ಕೌರವೇಯ ಜರಾಸಂಧಸ್ಯ ಮಾಧವೇ।
ಆಶಾಸಿತಾರ್ಥೇ ರಾಜೇಂದ್ರ ಸಂರುರೋಧ ವಿನಿರ್ಜಿತಾನ್॥ 2-23-35 (12275)
ಪಾರ್ಥಿವೈಸ್ತೈರ್ನೃಪತಿಭಿರ್ಯಕ್ಷ್ಯಮಾಣಃ ಸಮೃದ್ಧಿಮಾನ್।
ದೇವಶ್ರೇಷ್ಠಂ ಮಹಾದೇವಂ ಕೃತ್ತಿವಾಸಂ ತ್ರಿಯಂಬಕಂ॥ 2-23-36 (12276)
ಏತತ್ಸರ್ವಂ ಯಥಾವೃತ್ತಂ ಕಥಿತಂ ಭರತರ್ಷಭ।
ಯಥಾ ತು ಸ ಹತೋ ರಾಜಾ ಭೀಮಸೇನೇನ ತಚ್ಛೃಣು॥ ॥ 2-23-37 (12277)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಜರಾಸಂಧವಧಪರ್ವಣಿ ತ್ರಯೋರ್ವಿಂಶೋಽಧ್ಯಾಯಃ॥ 23॥
ಸಭಾಪರ್ವ - ಅಧ್ಯಾಯ 024
॥ ಶ್ರೀಃ ॥
2.24. ಅಧ್ಯಾಯಃ 024
Mahabharata - Sabha Parva - Chapter Topics
ಭೀಮಜರಾಸಂಧಯೋಃ ಸ್ವಸ್ತ್ಯಯನಪೂರ್ವಕಂ ಯುದ್ಧಾರಂಭಃ॥ 1॥ ಶ್ರೀಕೃಷ್ಣಪ್ರೋತ್ಸಾಹಿತಸ್ಯ ಭೀಮಸ್ಯ ಜರಾಸಂಧವಧೋದ್ಯಮಃ॥ 2॥Mahabharata - Sabha Parva - Chapter Text
ತತಸ್ತಂ ನಿಶ್ಚಿತಾತ್ಮಾನಂ ಯುದ್ಧಾಯ ಯದುನಂದನಃ।
ಉವಾಚ ವಾಗ್ಮೀ ರಾಜಾನಂ ಜರಾಸಂಧಮಧೋಕ್ಷಜಃ॥ 2-24-1 (12278)
ತ್ರಯಾಣಾಂ ಕೇನ ತೇ ರಾಜನ್ಯೋದ್ಧುಮುತ್ಸಹತೇ ಮನಃ।
ಅಸ್ಮದನ್ಯತಮೇನೇಹ ಸಜ್ಜೀಭವತು ಕೋ ಯುಧಿ॥ 2-24-2 (12279)
ಏವಮುಕ್ತಃ ಸ ನೃಪತಿರ್ಯುದ್ಧಂ ವವ್ರೇ ಮಹಾದ್ಯುತಿಃ।
ಜರಾಸಂಧಸ್ತತೋ ರಾಜಾ ಭೀಮಸೇನೇನ ಮಾಗಧಃ॥ 2-24-3 (12280)
`ಧಾರಯಂತಂ ಗದಾಂ ದಿವ್ಯಾಂ ಬಲಂ ಶ್ರುತ್ವಾ ಚ ನಿರ್ವೃತಃ।
ಅರ್ಜುನ ವಾಸುದೇವಂ ಚ ವಜರ್ಯಿತ್ವಾ ಸ ಮಾಗಧಃ॥ 2-24-4 (12281)
ಮತ್ವಾ ದೇವಂ ಗೋಪ ಇತಿ ಬಾಲೋಽರ್ಜುನ ಇತಿ ಸ್ಮ ಹ'।
ಆದಾಯ ರೋಜನಾಂ ಮಾಲ್ಯಂ ಮಂಗಲ್ಯಾನ್ಯಪರಾಣಿ ಚ॥ 2-24-5 (12282)
ಧಾರಯನ್ನಗದಾನ್ಮುಖ್ಯಾನ್ನಿರ್ವೃತೀರ್ವೇದನಾನಿ ಚ।
ಉಪತಸ್ಥೇ ಜರಾಸಂಧಂ ಯುಯುತ್ಸುಂ ವೈ ಪುರೋಹಿತಃ॥ 2-24-6 (12283)
ಕೃತಸ್ವಸ್ತ್ಯಯನೋ ರಾಜಾ ಬ್ರಾಹ್ಮಣೇನ ಯಶಸ್ವಿನಾ।
ಸಮನಹ್ಯಜ್ಜರಾಸಂಧಃ ಕ್ಷಾತ್ರಂ ಧರ್ಮಮನುಸ್ಮರನ್॥ 2-24-7 (12284)
ಅವಮುಚ್ಯ ಕಿರೀಟಂ ಸ ಕೇಶಾನ್ಸಮನುಮೃಜ್ಯ ಚ।
ಉದತಿಷ್ಠಜ್ಜರಾಸಂಧೋ ವೇಲಾತಿಗ ಇವಾರ್ಣವಃ॥ 2-24-8 (12285)
ಉವಾಚ ಮತಿಮಾನ್ರಾಜಾ ಭೀಮಂ ಭೀಮಪರಾಕ್ರಮಃ।
ಭೀಮ ಯೋತ್ಸ್ಯೇ ತ್ವಯಾ ಸಾರ್ಧಂ ಶ್ರೇಯಸಾ ನಿರ್ಜಿತಂ ವರಂ॥ 2-24-9 (12286)
ಏವಮುಕ್ತ್ವಾ ಜರಾಸಂಧೋ ಭೀಮಸೇನಮರಿಂದಮಃ।
ಪ್ರತ್ಯುದ್ಯಯೌ ಮಹಾತೇಜಾಃ ಶಕ್ರಂ ಬಲ ಇವಾಸುರಃ॥ 2-24-10 (12287)
ತತಃ ಸಂಮಂತ್ರ್ಯ ಕೃಷ್ಣೇನ ಕೃತಸ್ವಸ್ತ್ಯಯನೋ ಬಲೀ।
ಭೀಮಸೇನೋ ಜರಾಸಂಧಮಾಸಸಾದ ಯುಯುತ್ಸಯಾ॥ 2-24-11 (12288)
ತತಸ್ತೌ ನರಶಾರ್ದೂಲೌ ಬಾಹುಶಸ್ತ್ರೌ ಸಮೀಯತುಃ।
ವೀರೌ ಪರಮಸಂಹೃಷ್ಟಾವನ್ಯೋನ್ಯಜಯಕಾಂಕ್ಷಿಣೌ॥ 2-24-12 (12289)
ಕರಗ್ರಹಣಪೂರ್ವಂ ತು ಕೃತ್ವಾ ಪಾದಾಭಿವಂದನಂ।
ಕಕ್ಷೈಃ ಕಕ್ಷಾಂ ವಿಧುನ್ವಾನಾವಾಸ್ಫೋಟಂ ತತ್ರ ಚಕ್ರತುಃ॥ 2-24-13 (12290)
ಸ್ಕಂಧೇ ದೋರ್ಭ್ಯಾಂ ಸಮಾಹತ್ಯ ನಿಹತ್ಯ ಚ ಮುಹುರ್ಮುಹುಃ।
ಅಂಗಮಂಗೈಃ ಸಮಾಶ್ಲಿಷ್ಯ ಪುನರಾಸ್ಫಾಲನಂ ಚ ಚಕ್ರತುಃ। 2-24-14 (12291)
ಚಿತ್ರಹಸ್ತಾದಿಕಂ ಕೃತ್ವಾ ಸಸ್ಫುಲಿಂಗೇನ ಚಾಶನಿಂ॥
ಗಲಗಂಡಾಭಿಘಾತೇನ ಸಸ್ಫುಲಿಂಗೇನ ಚಾಶನಿಂ॥ 2-24-15 (12292)
ಬಾಹುಪಾಶಾದಿಕಂ ಕೃತ್ವಾ ಪಾದಾಹತಶಿರಾವುಭೌ।
ಉರೋಹಸ್ತಂ ತತಶ್ಚಕ್ರೇ ಪೂರ್ಣಕುಂಭೌ ಪ್ರಯುಜ್ಯ ತೌ॥ 2-24-16 (12293)
ಕರಸಂಪೀಡನಂ ಕೃತ್ವಾ ಗರ್ಜಂತೌ ವಾರಣಾವಿವ।
ನರ್ದಂತೌ ಮೇಘಸಂಕಾಶೌ ಬಾಹುಪ್ರಹರಣಾವುಭೌ॥ 2-24-17 (12294)
ತಲೇನಾಹನ್ಯಮಾನೌ ತು ಅನ್ಯೋನ್ಯಂ ಕೃತವೀಕ್ಷಣೌ।
ಸಿಂಹಾವಿವ ಸುಸಂಂಕ್ರುದ್ಧಾವಾಕೃಷ್ಯಾಕೃಷ್ಯ ಯುಧ್ಯತಾಂ॥ 2-24-18 (12295)
ಅಂಗೇನಾಂಗಂ ಸಮಾಪೀಡ್ಯ ಬಾಹುಭ್ಯಾಮುಭಯೋರಪಿ।
ಆವೃತ್ಯ ಬಾಹುಭಿಶ್ಚಾಪಿ ಉದರಂ ಚ ಪ್ರಚಕ್ರತುಃ॥ 2-24-19 (12296)
ಉಭೌ ಕಟ್ಯಾಂ ಸುಪಾರ್ಶ್ವೇ ತು ತಕ್ಷವಂತೌ ಚ ಶಿಕ್ಷಿತೌ।
ಅಧೋ ಹಸ್ತಂ ಸ್ವಕಂಠೇ ತೂದರಸ್ಯೋರಸಿ ಚಾಕ್ಷಿಪತ್॥ 2-24-20 (12297)
ಸರ್ವಾತಿಕ್ರಾಂತಮರ್ಯಾದಂ ಪೃಷ್ಠಭಂಗಂ ಚ ಚಕ್ರತುಃ।
ಸಂಪೂರ್ಣಮೂರ್ಚ್ಛಾಂ ಬಾಹುಭ್ಯಾಂ ಪೂರ್ಣಕುಂಭಂ ಪ್ರಚಕ್ರತುಃ॥ 2-24-21 (12298)
ತೃಣಪೀಡಂ ಯಥಾಕಾಮಂ ಪೂರ್ಣಯೋಗಂ ಸಮುಷ್ಟಿಕಂ।
ಏವಮಾದೀನಿ ಯುದ್ಧಾನಿ ಪ್ರಕುರ್ವಂತೌ ಪರಸ್ಪರಂ॥ 2-24-22 (12299)
ತಯೋರ್ಯುದ್ಧಂ ತತೋ ದ್ರಷ್ಟುಂ ಸಮೇತಾಃ ಪುರವಾಸಿನಾಃ।
ಬ್ರಾಹ್ಮಣಾ ವಣಿಜಶ್ಚೈವ ಕ್ಷತ್ರಿಯಾಶ್ಚ ಸಹಸ್ರಶಃ॥ 2-24-23 (12300)
ಶೂದ್ರಾಶ್ಚ ನರಶಾರ್ದೂಲ ಸ್ತ್ರಿಯೋ ವೃದ್ಧಾಶ್ಚ ಸರ್ವಶಃ।
ನಿರಂತರಮಭೂತ್ತತ್ರ ಜನೌಘೈರಭಿಸಂವೃತಂ॥ 2-24-24 (12301)
ತಯೋರಥ ಭುಜಾಘಾತಾನ್ನಿಗ್ರಹಪ್ರಗ್ರಹಾತ್ತಥಾ।
ಆಸೀತ್ಸುಭೀಮಸಂಪಾತೋ ವಜ್ರಪರ್ವತಯೋರಿವ॥ 2-24-25 (12302)
ಉಭೌ ಪರಮಸಂಹೃಷ್ಟೌ ಬಲೇನ ಬಲಿನಾಂ ವರೌ।
ಅನ್ಯೋನ್ಯಸ್ಯಾಂತರಂ ಪ್ರೇಪ್ಸೂ ಪರಸ್ಪರಜಯೈಷಿಣೌ॥ 2-24-26 (12303)
` ಶಿರೋಭಿರಿವ ತೌ ಮೇಷೌ ವೃಕ್ಷೈರಿವ ನಿಶಾಚರೌ।
ಪದೈರಿವ ಶುಭಾವಶ್ವೌ ತುಂಡಾಭ್ಯಾಂ ತಿತ್ತಿರೀ ಇವ'॥ 2-24-27 (12304)
ತದ್ಭೀಮಮುತ್ಸಾರ್ಯ ಜನಂ ಯುದ್ಧಮಾಸೀದುಪಪ್ಲವೇ।
ಬಲಿನೋಃ ಸಂಯುಗೇ ರಾಜನ್ವೃತ್ರವಾಸವಯೋರಿವ॥ 2-24-28 (12305)
ಪ್ರಕರ್ಷಣಾಕರ್ಷಣಾಭ್ಯಾಮನುಕರ್ಷವಿಕರ್ಷಣೈಃ।
ಆಚಕರ್ಷತುರನ್ಯೋನ್ಯಂ ಜಾನುಭಿಶ್ಚಾವಜಘ್ನತುಃ॥ 2-24-29 (12306)
ತತಃ ಶಬ್ದೇನ ಮಹತಾ ಭರ್ತ್ಸಯಂತೌ ಪರಸ್ಪರಂ।
ಪಾಷಾಣಸಂಘಾತನಿಭೈಃ ಪ್ರಹಾರೈರಭಿಜಘ್ನತುಃ॥ 2-24-30 (12307)
`ತತೋ ಭೀಮಂ ಜರಾಸಂಧೋ ಜಘಾನೋರಸಿ ಮುಷ್ಟಿನಾ।
ಭೀಮೋಷಿ ತಂ ಜರಾಸಂಧಂ ವಕ್ಷಸ್ಯಭಿಜಘಾನ ಹ'॥ 2-24-31 (12308)
ವ್ಯೂಢೋರಸ್ಕೌ ದೀರ್ಘಭುಜೌ ನಿಯುದ್ಧಕುಶಲಾವುಭೌ।
ಬಾಹುಭಿಃ ಸಮಸಜ್ಜೋತಾಮಾಯಸೈಃ ಪರಿಘೈರಿವ॥ 2-24-32 (12309)
ಕಾರ್ತಿಕಸ್ಯ ತು ಮಾಸಸ್ಯ ಪ್ರವೃತ್ತಂ ಪ್ರಥಮೇಽಹನಿ।
ತದಾ ತದ್ಯುದ್ಧಮಭವದ್ದಿನಾನಿ ದಶ ಪಂಚ ಚ।
ಅನಾಹಾರಂ ದಿವಾರಾತ್ರಮವಿಶ್ರಾಂತಮವರ್ತತ॥ 2-24-33 (12310)
ತದ್ವೃತ್ತಂ ತು ತ್ರಯೋದಶ್ಯಾಂ ಸಮವೇತಂ ಮಹಾತ್ಮನೋಃ।
ಚತುರ್ದಶ್ಯಾಂ ನಿಶಾಯಾಂ ತು ನಿವೃತ್ತೋ ಮಾಗಧಃ ಕ್ಲಮಾತ್॥ 2-24-34 (12311)
ತಂ ರಾಜಾನಂ ತಥಾ ಕ್ಲಾಂತಂ ದೃಷ್ಟ್ವಾ ರಾಜಂಜನಾರ್ದನಃ।
ಉವಾಚ ಭೀಮಕರ್ಮಾಣಂ ಭೀಮಂ ಸಂಬೋಧಯನ್ನಿವ॥ 2-24-35 (12312)
ಕ್ಲಾಂತಃ ಶತ್ರುರ್ಹಿ ಕೌಂತೇಯ ಶಕ್ಯಃ ಪೀಡಯಿತುಂ ರಣೇ।
ಪೀಡ್ಯಮಾನೋ ಹಿ ಕಾರ್ತ್ಸ್ನ್ಯೇನ ಜಹ್ಯಾಜ್ಜೀವಿತಮಾತ್ಮನಃ॥ 2-24-36 (12313)
ತಸ್ಮಾತ್ತೇಽದ್ಯೈವ ಕೌಂತೇಯ ಪೀಡನೀಯೋ ಜನಾಧಿಪಃ।
ಸಮಮೇತೇನ ಯುಧ್ಯಸ್ವ ಬಾಹುಭ್ಯಾಂ ಭರತರ್ಷಭ॥ 2-24-37 (12314)
ವೈಶಂಪಾಯನ ಉವಾಚ। 2-24-38x (1426)
ಏವಮುಕ್ತಃಸ ಕೃಷ್ಣೇನ ಪಾಂಡವಃ ಪರವೀರಹಾ।
ಜರಾಸಂದಸ್ಯ ತದ್ರಂಧ್ರಂ ಜ್ಞಾತ್ವಾ ಚಕ್ರೇ ಮತಿಂ ವಧೇ॥ 2-24-38 (12315)
ತತಸ್ತಮಜಿತಂ ಜೇತುಂ ಜರಾಸಂದಂ ವೃಕೋದರಃ।
ಸಂರಂಭಾದ್ಬಲಿನಾಂ ಶ್ರೇಷ್ಠೋ ಜಗ್ರಾಹ ಕುರುನಂದನಃ॥ ॥ 2-24-39 (12316)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಜರಾಸಂಧವಧಪರ್ವಣಿ ಚತುರ್ವಿಶೋಽಧ್ಯಾಯಃ॥ 24॥
Mahabharata - Sabha Parva - Chapter Footnotes
2-24-6 ನಿರ್ವೃತೀರ್ವೇದನಾನಿ ಚ ದುಃಖಮೂರ್ಛಯೋಃ ಕಾಲೇ ಸುಖಸಂಜ್ಞಾಕರಾಣಿ॥ 2-24-13 ಕಕ್ಷೈಃ ದೋರ್ಮೂಲೈಃ ॥ 2-24-16 ಗ್ರಥಿತಾಂಗುಲಿಭ್ಯಾಂ ಹಸ್ತಾಭ್ಯಾಂ ಪರಶಿರಸಃ ಪೀಡನೇ ಪೂರ್ಣಕುಂಭಃ॥ 2-24-20 ತಕ್ಷವಂತೌ ಗ್ರಾತ್ರಸಂಕೋಚವಂತೌ॥ಸಭಾಪರ್ವ - ಅಧ್ಯಾಯ 025
॥ ಶ್ರೀಃ ॥
2.25. ಅಧ್ಯಾಯಃ 025
Mahabharata - Sabha Parva - Chapter Topics
ಜರಾಸಂಧವಧಃ॥ 1॥ ಜರಾಸಂಧೇನ ಬಂಧೀಕೃತಾನಾಂ ರಾಜ್ಞಾಂ ಕೃಷ್ಣೇನ ಮೋಚನಂ॥2॥ ಮೋಚಿತೈ ರಾಜಭಿಃ ಕೃಷ್ಣಾಯ ರತ್ನಾದಿದಾನಂ ॥3॥ ಕೃಷ್ಣಾನುಜ್ಞಯಾ ಜರಾಸಂಧಪುತ್ರೇಣ ಸಹದೇವೇನ ಪಿತುರೌರ್ಧ್ವದೈಹಿಕಕರಣಂ॥4॥ ಸಹದೇವಂ ರಾಜ್ಯೇಽಭಿಷಿಚ್ಯ ಶ್ರೀಕೃಷ್ಣಭೀಮಾರ್ಜುನಾನಾಮಿಂದ್ರಪ್ರಸ್ಥಗಮನಂ॥ 5॥ ಜರಾಸಂಧವಧಶ್ರವಣಹೃಷ್ಟೇನ ಯುಧಿಷ್ಠಿರೇಣ ಪೂಜಿತಸ್ಯ ಕೃಷ್ಣಸ್ಯ ದ್ವಾರಕಾಗಮನಂ॥ 6॥Mahabharata - Sabha Parva - Chapter Text
ವೈಶಂಪಾಯನ ಉವಾಚ।
ಭೀಮಸೇನಸ್ತತಃ ಕೃಷ್ಣಮುವಾಚ ಯದುನಂದನಂ।
ಬುದ್ಧಿಮಾಸ್ಥಾಯ ವಿಪುಲಾಂ ಜರಾಸಂಧವಧೋಪ್ಸಯಾ॥ 2-25-1 (12317)
ನಾಯಂ ಪಾಪೋ ಮಯಾ ಕೃಷ್ಣ ಯುಕ್ತಃ ಸ್ಯಾದನುರೋಧಿತುಂ।
ಪ್ರಾಯೇಣ ಯದುಶಾರ್ದೂಲ ಬಾಂಧವಕ್ಷಯಕೃತ್ತವ॥ 2-25-2 (12318)
ಏವಮುಕ್ತಸ್ತತಃ ಕೃಷ್ಣಃ ಪ್ರತ್ಯುವಾಚ ವೃಕೋದರಂ।
ತ್ವರಯನ್ಪುರುಷವ್ಯಾಘ್ರೋ ಜರಾಸಂಧವಧೇಪ್ಸಯಾ॥ 2-25-3 (12319)
ಯತ್ತೇ ದೈವಂ ಪರಂ ಸತ್ವಂ ಯಚ್ಚ ತೇ ಮಾತರಿಶ್ವನಃ।
ಬಲಂ ಭೀಮಂ ಜರಾಸಂಧೇ ದರ್ಶಯಾಶು ತದದ್ಯ ವೈ॥ 2-25-4 (12320)
`ತವೈಷ ವಧ್ಯೋ ದುರ್ಬುದ್ಧಿರ್ಜರಾಸಂಧೋ ಮಹಾರಥಃ।
ಇತ್ಯಂತರಿಕ್ಷೇ ತ್ವಶ್ರೌಷಂ ಯದಾ ವಾಯುರವಾಪ್ಯತೇ॥ 2-25-5 (12321)
ಗೋಮಂತೇ ಪರ್ವತಶ್ರೇಷ್ಠೇ ಯೇನೈಷ ಪರಿಮೋಕ್ಷಿತಃ।
ಬಲದೇವಬಲಂ ಪ್ರಾಪ್ಯ ಕೋಽನ್ಯೋ ಜೀವೇತ್ತು ಮಾಗಧಾತ್॥ 2-25-6 (12322)
ತದಸ್ಯ ಮೃತ್ಯುರ್ವಿಹಿತಸ್ತ್ವದೃತೇ ನ ಮಹಾಬಲ।
ವಾಯುಂ ಚಿಂತ್ಯ ಮಹಾಬಾಹೋ ಜಹೀಮಂ ಮಗಧಾಧಿಪಂ॥ 2-25-7 (12323)
ವೈಶಂಪಾಯನ ಉವಾಚ। 2-25-8x (1427)
ಏವಮುಕ್ತಸ್ತತೋ ಭೀಮೋ ಮನಸಾಽಽಚಿಂತ್ಯ ಮಾರುತಂ।
ಜನಾರ್ದನಂ ನಮಸ್ಕೃತ್ಯ ಪರಿಷ್ವಜ್ಯ ಚ ಫಲ್ಗುನಂ'॥ 2-25-8 (12324)
ಪ್ರಭಂಜನಬಲಾವಿಷ್ಟೋ ಜರಾಸಂಧಮರಿಂದಮಃ।
ಉತ್ಕ್ಷಿಪ್ಯ ಭ್ರಾಮಯಾಮಾಸ ಬಲವಂತಂ ಮಹಾಬಲಃ॥ 2-25-9 (12325)
ಭ್ರಾಮಯಿತ್ವಾ ಶತಗುಣಂ ಜಾನುಭ್ಯಾಂ ಭರತರ್ಷಭ।
ಬಭಂಜ ಪೃಷ್ಟಂ ಸಂಕ್ಷಿಪ್ಯ ನಿಷ್ಪಿಷ್ಯ ವಿನನಾದ ಚ॥ 2-25-10 (12326)
ಕರೇ ಗೃಹೀತ್ವಾ ಚರಣಂ ದ್ವಿಧಾ ಚಕ್ರೇ ಮಹಾಬಲಃ।
ತಸ್ಯ ನಿಷ್ಪಿಷ್ಯಮಾಣಸ್ಯ ಪಾಂಡವಸ್ಯ ಚ ಗರ್ಜತಃ॥ 2-25-11 (12327)
ಅಭವತ್ತುಮುಲೋ ನಾದಃ ಸರ್ವಪ್ರಾಣಿಭಯಂಕರಃ।
ವಿತ್ರೇಸುರ್ಮಾಗಧಾಃ ಸರ್ವೇ ಸ್ತ್ರೀಣಾಂ ಗರ್ಭಾಶ್ಚ ಸುಸ್ರುವುಃ॥ 2-25-12 (12328)
ಭೀಮಸೇನಸ್ಯ ನಾದೇನ ಜರಾಸಂಧಸ್ಯ ಚೈವ ಹ।
ಕಿಂ ನು ಸ್ಯಾದ್ಧಿಮವಾನ್ಭಿನ್ನಃ ಕಿಂನುಸ್ವಿದ್ದೀರ್ಯತೇ ಮಹೀ॥ 2-25-13 (12329)
ಇತಿ ವೈ ಮಾಗಧಾ ಜಜ್ಞುರ್ಭೀಮಸೇನಸ್ಯ ನಿಖನಾತ್।
`ತತಸ್ತು ಭಗವಾನ್ಕೃಷ್ಣೋ ಜರಾಸಂಧಜಿಘಾಂಸಯಾ॥ 2-25-14 (12330)
ಭೀಮಸೇನಂ ಸಮಾಲೋಕ್ಯ ನಲಂ ಜಗ್ರಾಹ ಪಾಣಿನಾ।
ದ್ವಿಧಾ ಚಿಚ್ಛೇದ ವೈ ತತ್ತು ಜರಾಸಂಧವಧಂ ಪ್ರತಿ॥ 2-25-15 (12331)
ತತಸ್ತ್ವಾಜ್ಞಾಯ ತಸ್ಯೈವ ಪಾದಮುತ್ಕ್ಷಿಪ್ಯ ಮಾರುತಿಃ।
ದ್ವಿಧಾ ಬಭಂಜ ತದ್ಗಾತ್ರಂ ಪ್ರಾಕ್ಷಿಪದ್ವಿನನಾದ ಚ॥ 2-25-16 (12332)
ಪುನಃ ಸಂಧಾಯ ತು ತದಾ ಜರಾಂಧಃ ಪ್ರತಾಪವಾನ್।
ಭೀಮೇನ ಚ ಸಮಾಗಂಯ ಬಾಹುಯುದ್ಧಂ ಚಕಾರ ಹ॥ 2-25-17 (12333)
ತಯೋಃ ಸಮಭವದ್ಯುದ್ಧಂ ತುಮುಲಂ ರೋಮಹರ್ಷಣಂ।
ಸರ್ವಲೋಕಕ್ಷಯಕರಂ ಸರ್ವಭೂತಭಯಾವಹಂ॥ 2-25-18 (12334)
ಪುನಃ ಕೃಷ್ಣಸ್ತಮಿರಿಣಂ ದ್ವಿಧಾ ವಿಚ್ಛಿದ್ಯ ಮಾಧವಃ।
ವ್ಯತ್ಯಸ್ಯ ಪ್ರಾಕ್ಷಿಪತ್ತತ್ತು ಜರಾಸಂಧವಧೇಪ್ಸಯಾ॥ 2-25-19 (12335)
ಭೀಮಸೇನಸ್ತದಾ ಜ್ಞಾತ್ವಾ ನಿರ್ಬಿಭೇದ ಚ ಮಾಗಧಂ।
ದ್ವಿಧಾ ವ್ಯತ್ಯಸ್ಯ ಪಾದೇನ ಪ್ರಾಕ್ಷಿಪಚ್ಚ ನನಾದ ಹ॥ 2-25-20 (12336)
ಶುಷ್ಕಮಾಂಸಾಸ್ಥಿಮೇದಸ್ತ್ವಗ್ಭಿನ್ನಮಸ್ತಿಷ್ಕಪಿಂಡಕಟಃ।
ಶವಭೂತಸ್ತದಾ ರಾಜನ್ಪಿಂಡೀಕೃತ ಇವಾಬಬೌ'॥ 2-25-21 (12337)
ತತೋ ರಾಜ್ಞಃ ಕುಲದ್ವಾರಿ ಪ್ರಸುಪ್ತಮಿವ ತಂ ನೃಪಂ।
ರಾತ್ರೌ ಗತಾಸುಮುತ್ಸೃಜ್ಯ ನಿಶ್ಚಕ್ರಮುರರಿಂದಮಾಃ॥ 2-25-22 (12338)
ಜರಾಸಂಧರಥಂ ಕೃಷ್ಣೋ ಯೋಜಯಿತ್ವಾ ಪತಾಕಿನಂ।
ಆರೋಪ್ಯ ಭ್ರಾತರೌ ಚೈವ ಮೋಕ್ಷಯಾಮಾಸ ಬಾಂಧವಾನ್॥ 2-25-23 (12339)
ತೇ ವೈ ರತ್ನುಭುಜಂ ಕೃಷ್ಣಂ ರತ್ನಾರ್ಹಂ ಪೃಥಿವೀಶ್ವರಾಃ।
ರಾಜಾನಂ ಚಕ್ರರಾಸಾದ್ಯ ಮೋಕ್ಷಿತಾ ಮಹತೋ ಭಯಾತ್॥ 2-25-24 (12340)
ಅಕ್ಷತಃ ಶಸ್ತ್ರಸಂಪನ್ನೋ ಜಿತಾರಿಃ ಸಹ ರಾಜಭಿಃ।
ರಥಮಾಸ್ಥಾಯ ತಂ ದಿವ್ಯಂ ನಿರ್ಜಗಾಮ ಗಿರಿವ್ರಜಾತ್॥ 2-25-25 (12341)
ಯಃ ಸ ಸೋದರ್ಯವಾನ್ನಾಮ ದ್ವಿಯೋಧೀ ಕೃಷ್ಣಸಾರಥಿಃ।
ಅಭ್ಯಾಸಘಾತೀ ಸಂದೃಶ್ಯೋ ದುರ್ಜಯಃ ಸರ್ವರಾಜಭಿಃ॥ 2-25-26 (12342)
ಭೀಮಾರ್ಜುನಾಭ್ಯಾಂ ಯೋಧಾಭ್ಯಾಮಾಸ್ಥಿತಃ ಕೃಷ್ಣಸಾರಥಿಃ।
ಶುಶುಭೇ ರಥವರ್ಯೋಽಸೌ ದುರ್ಜಯಃ ಸರ್ವಧನ್ವಿಭಿಃ॥ 2-25-27 (12343)
ಶಕ್ರವಿಷ್ಣೂ ಹಿ ಸಂಗ್ರಾಮೇ ಚೇರತುಸ್ತಾರಕಾಮಯೇ।
ರಥೇನ ತೇನ ವೈ ಕೃಷ್ಣ ಉಪಾರುಹ್ಯ ಯಯೌ ತದಾ॥ 2-25-28 (12344)
`ಏವಮೇತೌ ಮಹಾಬಾಹೂ ತದಾ ದುಷ್ಕರಕಾರಿಣೌ।
ಕೃಷ್ಣಪ್ರಣೀತೌ ಲೋಕೇಽಸ್ಮಿನ್ನಥೇ ಕೋ ದ್ರಷ್ಟುಮರ್ಹತಿ॥ 2-25-29 (12345)
ಇತ್ಯವೋಚನ್ವ್ರಜಂತಂ ತಂ ಜರಾಸಂಧಪುರಾಲಯಾಃ।
ವಾಸುದೇವಂ ನರಶ್ರೇಷ್ಠಂ ಯುಕ್ತಂ ವಾತಜವೈರ್ಹಯೈಃ'॥ 2-25-30 (12346)
ತಪ್ತಚಾಮೀಕರಾಭೇಣ ಕಿಂಕಿಣೀಜಾಲಮಾಲಿನಾ।
ಮೇಘನಿರ್ಘೋಷನಾದೇನ ಜೈತ್ರೇಣಾಮಿತ್ರಘಾತಿನಾ॥ 2-25-31 (12347)
ಯೇನ ಶಕ್ರೋ ದಾನವಾನಾಂ ಜಘಾನ ನವತೀರ್ನವ।
ತಂ ಪ್ರಾಪ್ಯ ಸಮಹೃಷ್ಯಂತ ರಥಂ ತೇ ಪುರುಷರ್ಥಭಾಃ॥ 2-25-32 (12348)
ತತಃ ಕೃಷ್ಣಂ ಮಹಾಬಾಹುಂ ಭ್ರಾತೃಭ್ಯಾಂ ಸಹಿತಂ ತದಾ।
ರಥಸ್ಥಂ ಮಾಗಧಾ ದೃಷ್ಟ್ವಾ ಸಮಪದ್ಯಂತ ವಿಸ್ಮಿತಾಃ॥ 2-25-33 (12349)
ಹಯೈರ್ದಿವ್ಯೈಃ ಸಮಾಯುಕ್ತೋ ರಥೋ ವಾಯುಸಮೋ ಜವೇ।
ಅಧಿಷ್ಠಿತಃ ಸ ಶುಶುಭೇ ಕೃಷ್ಣೇನಾತೀವ ಭಾರತ॥ 2-25-34 (12350)
ಅಸಂಗೋ ದೇವವಿಹಿತಸ್ತಸ್ಮಿನ್ರಥವರೇ ಧ್ವಜಃ।
ಯೋಜನಾದ್ದದೃಶೇ ಶ್ರೀಮಾನಿಂದ್ರಾಯುಧಸಮಪ್ರಭಃ॥ 2-25-35 (12351)
ಚಿಂತಯಾಮಾಸ ಕೃಷ್ಣೋಽಥ ಗರುತ್ಮಂತಂ ಸ ಚಾಭ್ಯಯಾತ್।
ಕ್ಷಣೇ ತಸ್ಮಿನ್ಸ ತೇನಾಸೀಚ್ಚೈತ್ಯವೃಕ್ಷ ಇವೋತ್ಥಿತಃ॥ 2-25-36 (12352)
ವ್ಯಾದಿತಾಸ್ಯೈರ್ಮಹಾನಾದೈಃ ಸಹ ಭೂತೈರ್ಧ್ವಜಾಲಯೈಃ।
ತಸ್ಮಿನ್ರಥವರೇ ತಸ್ಥೌ ಗುರುತ್ಮಾನ್ಪನ್ನಗಾಶನಃ॥ 2-25-37 (12353)
ದುರ್ನಿರೀಕ್ಷ್ಯೋ ಹಿ ಭೂತಾನಾಂ ತೇಜಸಾಽಽಭ್ಯಾಧಿಕಂ ಬಭೌ।
ಆದಿತ್ಯ ಇವ ಮಧ್ಯಾಹ್ನೇ ಸಹಸ್ರಕಿರಣಾವೃತಃ॥ 2-25-38 (12354)
ನ ಸಜ್ಜತಿ ವೃಕ್ಷೇಷು ಶಸ್ತ್ರೈಶ್ಚಾಪಿ ನ ರಿಷ್ಯತೇ।
ದಿವ್ಯೋ ಧ್ವಜವರೋ ರಾಜಂದೃಶ್ಯತೇ ಚೇಹ ಮಾನುಷೈಃ॥ 2-25-39 (12355)
ತಮಾಸ್ಥಾಯ ರಥಂ ದಿವ್ಯಂ ಪರ್ಜನ್ಯಸಮನಿಃ ಸ್ವನಂ।
ನಿರ್ಯಯೌ ಪುರುಷವ್ಯಾಘ್ರಃ ಪಾಂಡವಾಭ್ಯಾಂ ಸಹಾಚ್ಯುತಃ॥ 2-25-40 (12356)
ಯಂ ಲೇಭೇ ವಾಸವಾದ್ರಾಜಾ ವಸುಸ್ತಸ್ಮಾದ್ಬೃಹದ್ರಥಃ।
ಬೃಹದ್ರಥಾತ್ಕ್ರಮೇಣೈವ ಪ್ರಾಪ್ತೋ ಬಾರ್ಹದ್ರಥೋ ರಥಂ॥ 2-25-41 (12357)
ಸ ನಿರ್ಯಾಯ ಮಹಾಬಾಹುಃ ಪುಂಡರೀಕೇಕ್ಷಣಸ್ತತಃ।
ಗಿರಿವ್ರಜಾದ್ಬಹಿಸ್ತಸ್ಥೌ ಸಮದೇಶೇ ಮಹಾಯಶಾಃ॥ 2-25-42 (12358)
ತತ್ರೈನಂ ನಾಗರಾಃ ಸರ್ವೇ ಸತ್ಕಾರೇಣಾಭ್ಯಯುಸ್ತದಾ।
ಬ್ರಾಹ್ಮಣಪ್ರಮುಖಾ ರಾಜನ್ವಿಧಿದೃಷ್ಟೇನ ಕರ್ಮಣಾ॥ 2-25-43 (12359)
ಬಂಧನಾದ್ವಿಪ್ರಮುಕ್ತಾಶ್ಚ ರಾಜಾನೋ ಮಧುಸೂದನಂ।
ಪೂಜಯಾಮಾಸುರೂಚುಶ್ಚ ಸ್ತುತಿಪೂರ್ವಮಿದಂ ವಚಃ॥ 2-25-44 (12360)
ನೈತಚ್ಚಿತ್ರಂ ಮಹಾಬಾಹೋ ತ್ವಯಿ ದೇವಕಿನಂದನೇ।
ಭೀಮಾರ್ಜುನಬಲೋಪೇತೇ ಧರ್ಮಸ್ಯ ಪ್ರತಿಪಾಲನಂ॥ 2-25-45 (12361)
ಜರಾಸಂಧಹ್ರದೇ ಘೋರೇ ದುಃಖಪಂಕೇ ನಿಮಜ್ಜತಾಂ।
ರಾಜ್ಞಾಂ ಸಮಭ್ಯುದ್ಧರಮಂ ಯದಿದಂ ಕೃತಮದ್ಯ ವೈ॥ 2-25-46 (12362)
ವಿಷ್ಣೋ ಸಮವಸನ್ನಾನಾಂ ಗಿರಿದುರ್ಗೇ ಸುದಾರುಣೇ।
ದಿಷ್ಟ್ಯಾ ಮೋಕ್ಷಾದ್ಯಶೋ ದೀಪ್ತಮಾಪ್ತಂ ತೇ ಯದುನಂದನ॥ 2-25-47 (12363)
ಕಿಂ ಕರ್ಮಃ ಪುರುಷವ್ಯಾಘ್ರ ಶಾಧಿ ನಃ ಪ್ರಣತಿಸ್ಥಿತಾನ್।
ಕೃತಮಿತ್ಯೇವ ತದ್ವಿದ್ವಿ ನೃಪೈರ್ಯಯದ್ಯಪಿ ದುಷ್ಕರಂ॥ 2-25-48 (12364)
ವೈಶಂಪಾಯನ ಉವಾಚ॥ 2-25-49x (1428)
ತಾನುವಾಚ ಹೃಂಪೀಕೇಶಃ ಸಮಾಶ್ಚಾಸ್ಯ ಮಹಾಮನಾಃ।
ಯಿಧಿಷ್ಠಿರೋ ರಾಜಸೂಯಂ ಕ್ರತುಮಾರ್ಹತುಮಿಚ್ಛತಿ॥ 2-25-49 (12365)
ತಸ್ಯ ಧರ್ಮಪ್ರವೃತ್ತಸ್ಯ ಪಾರ್ಥಿವತ್ವಂ ಚಿಕೀರ್ಷತಃ।
ಸರ್ವೈರ್ಭವದ್ಭಿರ್ವಿಜ್ಞಾಯ ಸಾಹಾಯ್ಯಂ ಕ್ರಿಯತಾಮಿತಿ॥ 2-25-50 (12366)
ತತಃ ಸುಪ್ರೀತಮನಸಸ್ತೇ ನೃಪಾ ನೃಪಸತ್ತಮ।
ತಥೇತ್ಯೇವಾಬ್ರುವನ್ಸರ್ವೇ ಪ್ರತಿಗೃಹ್ಯಾಸ್ಯ ತಾಂ ಗಿರಂ॥ 2-25-51 (12367)
ರತ್ನಭಾಜಂ ಚ ದಾಶಾರ್ಹಂ ಚಕ್ರುಸ್ತೇ ಪೃಥಿವೀಶ್ವರಾಃ।
ಕೃಚ್ಛ್ರಾಂಜಗ್ರಾಹ ಗೋವಿಂದಸ್ತೇಷಾಂ ತದನುಕಂಪಯಾ॥ 2-25-52 (12368)
ಜರಾಸಂಧಾತ್ಮಜಶ್ಚೈವ ಸಹದೇವೋ ಮಹಾಮನಾಃ।
ನಿರ್ಯಯೌ ಸಜನಾಮಾತ್ಯಃ ಪುರಸ್ಕೃತ್ಯ ಪುರೋಹಿತಂ॥ 2-25-53 (12369)
ಸ ನೀಚೈಃ ಪ್ರಣತೋ ಭೂತ್ವಾ ಬಹುರತ್ನಪುರೋಗಮಃ।
ಸಹದೇವೋ ನೃಣಾಂ ದೇವಂ ವಾಸುದೇವಮುಪಸ್ಥಿತಃ॥ 2-25-54 (12370)
ಭಯಾರ್ತಾಯ ತತಸ್ತಸ್ಮೈ ಕೃಷ್ಣೋ ದತ್ತ್ವಾಽಭಯಂ ತದಾ।
ಆದದೇಽಸ್ಯ ಮಹಾರ್ಹಾಣಿ ರತ್ನಾನಿ ಪುರುಷೋತ್ತಮಃ॥ 2-25-55 (12371)
`ಸದದೇವ ಉವಾಚ। 2-25-56x (1429)
ಯತ್ಕೃತಂ ಪುರುಷವ್ಯಾಘ್ರ ಮಮ ಪಿತ್ರಾ ಜನಾರ್ದನ।
ತತ್ತೇ ಹೃದಿ ಮಹಾಬಾಹೋ ನ ಕಾರ್ಯಂ ಪುರುಷೋತ್ತಮ॥ 2-25-56 (12372)
ತ್ವಾಂ ಪ್ರಪನ್ನೋಽಸ್ಮಿ ಗೋವಿಂದ ಪ್ರಾಸದಂ ಕುರು ಮೇ ಪ್ರಭೋ।
ಪಿತುರಿಚ್ಛಾಮಿ ಸಂಸ್ಕಾರಂ ಕರ್ತುಂ ದೇವಕಿನಂದನ॥ 2-25-57 (12373)
ತ್ವತ್ತೋಽಭ್ಯನುಜ್ಞಾಂ ಸಂಪ್ರಾಪ್ಯ ಭೀಮಸೇನಾತ್ತಥಾರ್ಜುನಾತ್।
ನಿರ್ಭಯೋ ವಿಚರಿಷ್ಯಾಮಿ ಯಥಾಕಾಮಂ ಯಥಾಸುಖಂ॥ 2-25-58 (12374)
ವೈಶಂಪಾಯನ ಉವಾಚ। 2-25-59x (1430)
ಏವಂ ವಿಜ್ಞಾಪ್ಯಮಾನಸ್ಯ ಸಹದೇವಸ್ಯ ಮಾರಿಷ।
ಪ್ರಹೃಷ್ಟೋ ದೇವಕೀಪುತ್ರಃ ಪಾಂಡವೈ ಚ ಮಹಾರಥೌ॥ 2-25-59 (12375)
ಕ್ರಿಯತಾಂ ಸಂಸ್ಕ್ರಿಯಾ ರಾಜನ್ಪಿತುಸ್ತ ಇತಿ ಚಾಬ್ರುವನ್।
ತಚ್ಛ್ರುತ್ವಾ ವಾಸುದೇವಸ್ಯ ಪಾರ್ಥಯೋಶ್ಚ ಸ ಮಾಗಧಃ॥ 2-25-60 (12376)
ಪ್ರವಿಶ್ಯ ನಗರಂ ತೂರ್ಣಂ ಸಹ ಮಂತ್ರಿಭಿರಪ್ಯುತ।
ಚಿತಾಂ ಚಂದನಕಾಷ್ಠೈಶ್ಚ ಕಾಲೇಯಸರಲೈಸ್ತಥಾ॥ 2-25-61 (12377)
ಕಾಲಾಗರುಸುನಗಂಧೈಶ್ಚ ತೈಲೈಶ್ಚ ವಿವಿಧೈರಪಿ।
ಘೃತಧಾರಾಶತೈಶ್ಚೈವ ಸುಮನೋಭಿಶ್ಚ ಭಾರತ॥ 2-25-62 (12378)
ಸಮಂತಾದೇವ ಕೀರ್ಯಂತೋಽದಹಂತ ಮಗಧಾಧಿಪಂ।
ಉದಕಂ ತಸ್ಯ ಚಕ್ರೇಽಥ ಸಹದೇವಃ ಸಹಾನುಜಃ॥ 2-25-63 (12379)
ಕೃತ್ವಾ ಪಿತುಃ ಸ್ವರ್ಗಗತಿಂ ನಿರ್ಯಯೌ ಯತ್ರ ಕೇಶವಃ।
ಪಾಂಡವೌ ಚ ಮಹಾಭಾಗೌ ಭೀಮಸೇನಾರ್ಜುನಾವುಭೌ ॥ 2-25-64 (12380)
ಸ ಪ್ರಹ್ವಃ ಪ್ರಾಂಜಲಿರ್ಭೂತ್ವಾ ವ್ಯಜ್ಞಾಪಯತ ಮಾಧವಂ। 2-25-65 (12381)
ಸಹದೇವ ಉವಾಚ।
ಇಮೇ ರತ್ನಾನಿ ಭೂರಿಣೀ ಗೋಜಾವಿಮಹಿಷಾದಯಃ॥ 2-25-65x (1431)
ಹಸ್ತಿನೋಽಶ್ವಾಶ್ಚ ಗೋವಿಂದ ವಾಸಾಂಸಿ ವಿವಿಧಾನಿ ಚ।
ದೀಯತಾಂ ಧರ್ಮರಾಜಾಯ ಯಥಾ ವಾ ಮನ್ಯತೇ ಭವಾನ್॥ 2-25-66 (12382)
ವೈಶಂಪಾಯನ ಉವಾಚ। 2-25-67x (1432)
ಭಯಾರ್ತಾಯ ತತಸ್ತಸ್ಮೈ ಕೃತ್ವಾ ಕೃಷ್ಣೋಽಭಯಂ ತದಾ।
ಅಭ್ಯಷಿಂಚತ ರಾಜಾನಂ ಸಹದೇವಂ ಜನಾರ್ದನಃ॥ 2-25-67 (12383)
ಮಾಗಧಾನಾಂ ಮಹೀಪಾಲಂ ಜರಾಸಂಧಾತ್ಮಜಂ ತದಾ।
ಆದದೇ ಚ ಮಹಾರ್ಹಾಣಿ ರತ್ನಾನಿ ಪುರುಷೋತ್ತಮಃ॥ 2-25-68 (12384)
ಗತ್ವೈಕತ್ವಂ ಸ ಕೃಷ್ಣೇನ ಪಾರ್ಥಾಭ್ಯಾಂ ಚಾಪಿ ಸತ್ಕೃತಃ।
ವಿವೇಶ ಮತಿಮಾಂತ್ರಾಜಾ ಪುನರ್ಬಾರ್ಹದ್ರಥಂ ಪುರಂ॥ 2-25-69 (12385)
ಪಾರ್ಥಾಭಾಯಂ ಸಹಿತಃ ಕೃಷ್ಣಃ ಸರ್ವೈಶ್ಚ ವಸುಧಾಧಿಪೈಃ।
ಯಥಾವಯಃ ಸಮಾಗಂಯ ವಿಸಸರ್ಜ ನರಾಧಿಪಾನ್॥ 2-25-70 (12386)
ವಿಸೃಜ್ಯ ಸರ್ವಾನ್ನೃಪತೀನ್ರಾಜಸೂಯೇ ಮಹಾತ್ಮಭಿಃ।
ಆಗಂತವ್ಯಂ ಭವದ್ಭಿಶ್ಚ ಧರ್ಮರಾಜಪ್ರಿಯೇಪ್ಸುಭಿಃ। 2-25-71 (12387)
ಏವಮುಕ್ತಾ ಮಾಧವೇನ ಸರ್ವೇ ತೇ ವಸುಧಾಧಿಪಾಃ।
ಏವಮಸ್ತ್ವಿತಿ ಚಾಪ್ಯುಕ್ತ್ವಾ ಸಮೇತಾಃ ಪರಯಾ ಮುದಾ॥ 2-25-72 (12388)
ಭೀಮಾರ್ಜುನಹೃಷೀಕೇಶೈಃ ಪ್ರಹೃಷ್ಟಾಃ ಪ್ರಯಯುಸ್ತದಾ।
ರತ್ನಾನ್ಯಾದಾಯ ಭೂರೀಣೀ ಜ್ವಲಂತೋ ರಿಪುಸೂದನಾಃ'॥ 2-25-73 (12389)
ಕೃಷ್ಣಸ್ತು ಸಹ ಪಾರ್ಥಾಭ್ಯಾಂ ಶ್ರಿಯಾ ಪರಮಯಾ ಯುತಃ।
ರತ್ನಾನ್ಯಾದಾಯ ಭೂರಿಣೀ ಪ್ರಯಯೌ ಪುರುಷರ್ಷಭಃ॥ 2-25-74 (12390)
ಇಂದ್ರಪ್ರಸ್ಥಮುಪಾಗಂಯ ಪಾಂಡವಾಭ್ಯಾಂ ಸಹಾಚ್ಯುತಃ।
ಸಮೇತ್ಯ ಧರ್ಮರಾಜಾನಂ ಪ್ರೀಯಮಾಣೋಽಭ್ಯಭಾಷತ॥ 2-25-75 (12391)
ದಿಷ್ಟ್ಯಾ ಭೀಮೇನ ಬಲವಾಂಜರಾಸಂಧೋ ನಿಪಾತಿತಃ।
ರಾಜಾನೋ ಮೋಕ್ಷಿತಾಶ್ಚೇಮೇ ಬಂಧನಾನ್ನೃಪಸತ್ತಮ॥ 2-25-76 (12392)
ದಿಷ್ಟ್ಯಾ ಕುಶಲಿನೌ ಚೇಮೌ ಭೀಮಸೇನಧನಂಜಯೌ।
ಪುನಃ ಸ್ವನಗರಂ ಪ್ರಾಪ್ತಾವಕ್ಷತಾವಿತಿ ಭಾರತ॥ 2-25-77 (12393)
ತತೋ ಯುಧಿಷ್ಠಿರಃ ಕೃಷ್ಣಂ ಪೂಜಯಿತ್ವಾ ಯಥಾರ್ಹತಃ।
ಭೀಮಸೇನಾರ್ಜುನೌ ಚೈವ ಪ್ರಹೃಷ್ಟಃ ಪರಿಷಸ್ವಜೇ॥ 2-25-78 (12394)
ತತಃ ಕ್ಷೀಣೇ ಜರಾಸಂಧೇ ಭ್ರಾತೃಭ್ಯಾಂ ವಿಹಿತಂ ಜಯಂ।
ಅಜಾತಶತ್ರುರಾಸಾದ್ಯ ಮುಮುದೇ ಭ್ರಾತೃಭಿಃ ಸಹ॥ 2-25-79 (12395)
`ಹೃಷ್ಟಶ್ಚ ಧರ್ಮರಾಡ್ವಾಕ್ಯಂ ಜನಾರ್ದನಮಭಾಷತ।
ತ್ವಾಂ ಪ್ರಾಪ್ಯ ಪುರುಷವ್ಯಾಘ್ರ ಭೀಮಸೇನೇನ ಪಾತಿತಃ॥ 2-25-80 (12396)
ಮಾಗಧೋಽಸೌ ಬಲೋನ್ಮತ್ತೋ ಜರಾಸಂಧಃ ಪ್ರತಾಪವಾನ್।
ರಾಜಸೂಯಂ ಕ್ರತುಶ್ರೇಷ್ಠಂ ಪ್ರಾಪ್ಸ್ಯಾಮಿ ವಿಗತಜ್ವರಃ॥ 2-25-81 (12397)
ತ್ವದ್ಬುದ್ಧಿಬಲಮಾಶ್ರಿತ್ಯ ಯಾಗಾರ್ಹೋಽಸ್ಮಿ ಜನಾರ್ದನ।
ಪೀತಂ ಪೃಥಿವ್ಯಾಃ ಕ್ರುದ್ಧೇನ ಯಶಸ್ತೇ ಪುರುಷೋತ್ತಮ॥ 2-25-82 (12398)
ಜರಾಸಂಧವಧೇನೈವ ಪ್ರಾಪ್ತಾಸ್ತೇ ವಿಪುಲಾಃ ಶ್ರಿಯಃ॥ 2-25-83 (12399)
ವೈಶಂಪಾಯನ ಉವಾಚ।
ಏವಂ ಸಂಭಾಷ್ಯ ಕೌಂತೇಯಃ ಪ್ರಾದಾದ್ರಥವರಂ ಪ್ರಭೋಃ॥ 2-25-83x (1433)
ಪ್ರತಿಗೃಹ್ಯ ತು ಗೋವಿಂದೋ ಜರಾಸಂಧಸ್ಯ ತಂ ರಥಂ॥ 2-25-84 (12400)
ಪ್ರಹೃಷ್ಟಸ್ತಸ್ಯ ಮುಮುದೇ ಫಲ್ಗುನೇನ ಜನಾರ್ದನಃ।
ಪ್ರೀತಿಮಾನಭವದ್ರಾಜಂಧರ್ಮರಾಜಪುರಸ್ಕೃತಃ'॥ 2-25-85 (12401)
ಯಥಾವಯಃ ಸಮಾಗಂಯ ಭ್ರಾತೃಭಿಃ ಸಹ ಪಾಂಡವಃ।
ಸತ್ಕೃತ್ಯ ಪೂಜಯಿತ್ವಾ ಚ ವಿಸಸರ್ಜ ನರಾಧಿಪಾನ್॥ 2-25-86 (12402)
ಯುಧಿಷ್ಠಿರಾಭ್ಯನುಜ್ಞಾತಾಸ್ತೇ ನೃಪಾ ಹೃಷ್ಟಮಾನಸಾಃ।
ಜಗ್ಮುಃ ಸ್ವದೇಶಾಂಸ್ತ್ವರಿತಾ ಯಾನೈರುಚ್ಚಾವಚೈಸ್ತತಃ॥ 2-25-87 (12403)
ಏವಂ ಪುರುಷಶಾರ್ದೂಲೋ ಮಹಾಬುದ್ಧಿರ್ಜನಾರ್ದನಃ।
ಪಾಂಡವೈರ್ಘಾತಯಾಮಾಸ ಜರಾಸಂಧಮರಿಂ ತದಾ॥ 2-25-88 (12404)
ಘಾತಯಿತ್ವಾ ಜರಾಸಂಧಂ ಬುದ್ಧಿಪೂರ್ವಮರಿಂದಮಃ।
ಧರ್ಮರಾಜಮನುಜ್ಞಾಪ್ಯ ಪೃಥಾಂ ಕೃಷ್ಣಾಂ ಚ ಭಾರತ॥ 2-25-89 (12405)
ಸುಭದ್ರಾಂ ಭೀಮಸೇನಂ ಚ ಫಾಲ್ಗುನಂ ಯಮಜೌ ತಥಾ।
ಧೌಂಯಮಾಮಂತ್ರಯಿತ್ವಾ ಚ ಪ್ರಯಯೌ ಸ್ವಾಂ ಪುರೀಂ ಪ್ರತಿ॥ 2-25-90 (12406)
`ಪಾಂಡವೈರನುಧಾವದ್ಭಿರ್ಯುಧಿಷ್ಠಿರಪುರೋಗಮೈಃ।
ಹರ್ಷೇಣ ಮಹತಾ ಯುಕ್ತಃ ಪ್ರಾಪ್ಯ ಚಾನುತ್ತಮಂ ಯಶಃ।
ಜಗಾಮ ಹೃಷ್ಟಃ ಕೃಷ್ಣಸ್ತು ಪುನರ್ದ್ವಾರವತೀಂ ಪುರೀಂ'॥ 2-25-91 (12407)
ತೇನೈವ ರಥಮುಖ್ಯೇನ ಮನಸಸ್ತುಲ್ಯಗಾಮಿನಾ।
ಧರ್ಮರಾಜವಿಸೃಷ್ಟೇನ ದಿವ್ಯೇನಾನಾದಯಂದಿಶಃ॥ 2-25-92 (12408)
ತತೋ ಯುಧಿಷ್ಠಿರಮುಖಾಃ ಪಾಂಡವಾ ಭರತರ್ಷಭ।
ಪ್ರದಕ್ಷಿಣಮಕುರ್ವಂತ ಕೃಷ್ಣಮಕ್ಲಿಷ್ಟಕಾರಿಣಂ॥ 2-25-93 (12409)
ತತೋ ಗತೇ ಭಗವತಿ ಕೃಷ್ಣೇ ದೇವಕಿನಂದನೇ।
ಜಯಂ ಲಬ್ಧ್ವಾ ಸುವಿಪುಲಂ ರಾಜ್ಞಾಂ ದತ್ತ್ವಾಽಭಯಂ ತದಾ॥ 2-25-94 (12410)
ಸಂವರ್ಧಿತಂ ಯಶೋ ಭೂಯಃ ಕರ್ಮಣಾ ತೇನ ಭಾರತ।
ದ್ರೌಪದ್ಯಾಃ ಪಾಂಡವಾ ರಾಜನ್ಪರಾಂ ಪ್ರೀತಿಮವರ್ಧಯನ್॥ 2-25-95 (12411)
ತಸ್ಮಿನ್ಕಾಲೇ ತು ಯದ್ಯುಕ್ತಂ ಧರ್ಮಕಾಮಾರ್ಥಸಂಹಿತಂ।
ತದ್ರಾಜಾ ಧರ್ಮತಶ್ಚಕ್ರೇ ಪ್ರಜಾಪಾಲನಕೀರ್ತನಂ॥ ॥ 2-25-96 (12412)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಜರಾಸಂಧವಧಪರ್ವಣಿ ಪಂಚವಿಂಶೋಽಧ್ಯಾಯಃ॥ 25॥
Mahabharata - Sabha Parva - Chapter Footnotes
2-25-5 ಅವಾಪ್ಯತೇ ಪ್ರಾಪ್ತಃ॥ 2-25-8 ಏವಮುಕ್ತಸ್ತದಾ ಭೀಭೋ ಜರಾಸಂಧಮಿತಿ ಝ. ಪಾಠಃ ॥ 2-25-15 ನಲಂ ಇರಿಣನಾಮಕಂ ತೃಣವಿಶೇಷಂ॥ 2-25-22 ಕುಲದ್ವಾರಿ ಗೃಹದ್ವಾರಿ॥ 2-25-35 ಅಸಂಗೋ ರಥಸ್ಪರ್ಶಹೀನಃ॥ಸಭಾಪರ್ವ - ಅಧ್ಯಾಯ 026
॥ ಶ್ರೀಃ ॥
2.26. ಅಧ್ಯಾಯಃ 026
Mahabharata - Sabha Parva - Chapter Topics
ಯುಧಿಷ್ಠಿರಾಜ್ಞಯಾ ದಿಗ್ವಿಜಯಾರ್ಥಂ ನಿರ್ಗತಾನಾಮರ್ಜುನಾದೀನಾಂ ಸಂಕ್ಷೇಪೇಣ ದಿಗ್ವಿಜಯಕ ಥನಂ॥Mahabharata - Sabha Parva - Chapter Text
ವೈಶಂಪಾಯನ ಉವಾಚ।
`ಋಷೇಸ್ತದ್ವಚನಂ ಸ್ಮೃತ್ವಾ ನಿಶಶ್ವಾಸ ಯುಧಿಷ್ಠಿರಃ।
ಧರ್ಮ ಧರ್ಮಭೃತಾಂ ಶ್ರೇಷ್ಠಃ ಕರ್ತುಮಿಚ್ಛನ್ಪರಂತಪಃ। 2-26-1 (12413)
ತಸ್ಯೇಂಗಿತಜ್ಞೋ ಬೀಭತ್ಸುಃ ಸರ್ವಶಸ್ತ್ರಭೃತಾಂ ವರಃ।
ಸಂವಿವರ್ತಯಿಷುಃ ಕಾಮಂ ಪಾವಕಾತ್ಪಾಕಶಾಸನಿಃ'॥ 2-26-2 (12414)
ಪ್ರಾಪ್ತಂ ಪ್ರಾಪ್ಯ ಧನುಃ ಶ್ರೇಷ್ಠಮಕ್ಷಯ್ಯೌ ಚ ಮಹೇಷುಧೀ।
ರಥಂ ಧ್ವಜಂ ಸಭಾಂ ಚೈವ ಯುಧಿಷ್ಠಿರಮಭಾಷತ॥ 2-26-3 (12415)
ಅರ್ಜುನ ಉವಾಚ। 2-26-4x (1434)
ಧನುರಸ್ತ್ರಂ ಶರಾ ವೀರ್ಯಂ ಪಕ್ಷೋ ಭೂಮಿರ್ಯಶೋ ಬಲಂ।
ಪ್ರಾಪ್ತಮೇತನ್ಮಯಾ ರಾಜಂದುಷ್ಪ್ರಾಪಂ ಯದಭೀಪ್ಸಿತಂ॥ 2-26-4 (12416)
ತಸ್ಯ ಕೃತ್ಯಮಹಂ ಮನ್ಯೇ ಕೋಶಸ್ಯ ಪರಿವರ್ಧನಂ।
ಕರಮಾಹಾರಯಿಷ್ಯಾಮಿ ರಾಜ್ಞಃ ಸರ್ವಾನ್ನೃಪೋತ್ತಮ॥ 2-26-5 (12417)
ವಿಜಯಾಯ ಪ್ರಯಾಸ್ಯಾಮಿ ದಿಶಂ ಧನದಪಾಲಿತಾಂ।
ತಿಥಾವಥ ಮುಹೂರ್ತೇ ಚ ನಕ್ಷತ್ರೇ ಚಾಭಿಪೂಜಿತೇ॥ 2-26-6 (12418)
ವೈಶಂಪಾಯನ ಉವಾಚ। 2-26-7x (1435)
ಧನಂಜಯವಚಃ ಶ್ರುತ್ವಾ ಧರ್ಮರಾಜೋ ಯುಧಿಷ್ಠಿರಃ
ಸ್ನಿಗ್ಧಗಂಭೀರನಾದಿನ್ಯಾಂ ತಂ ಗಿರಾ ಪ್ರತ್ಯಭಾಷತ॥ 2-26-7 (12419)
ಸ್ವಸ್ತಿ ವಾಚ್ಯಾರ್ಹತೋ ವಿಪ್ರಾನ್ಪ್ರಯಾಹಿ ಭರತರ್ಷಭ।
ದುರ್ಹೃದಾಮಪ್ರಹರ್ಷಾಯ ಸುಹೃದಾಂ ನಂದನಾಯ ಚ॥ 2-26-8 (12420)
ವಿಜಯಸ್ತೇ ಧ್ರುವಂ ಪಾರ್ಥ ಪ್ರಿಯಂ ಕಾಮಮವಾಪ್ಸ್ಯಸಿ।
ಇತ್ಯುಕ್ತಃ ಪ್ರಯಯೌ ಪಾರ್ಥಃ ಸೈನ್ಯೇನ ಮಹತಾ ವೃತಃ॥ 2-26-9 (12421)
ಅಗ್ನಿದತ್ತೇನ ದಿವ್ಯೇನ ರಥೇನಾದ್ಭುತಕರ್ಮಣಾ।
ತಥೈವ ಭೀಮಸೇನೋಽಪಿ ಯಮೌ ಚ ಪುರುಷರ್ಷಭೌ॥ 2-26-10 (12422)
ಸಸೈನ್ಯಾಃ ಪ್ರಯಯುಃ ಸರ್ವೇ ಧರ್ಮರಾಜೇನ ಪೂಜಿತಾಃ।
ದಿಶಂ ಧನಪತೇರಿಷ್ಟಾಮಜಯತ್ಪಾಕಶಾಸನಿಃ॥ 2-26-11 (12423)
ಭೀಮಸೇನಸ್ತಥಾ ಪ್ರಾಚೀಂ ಸಹದೇವಸ್ತು ದಕ್ಷಿಣಾಂ।
ಪ್ರತೀಚೀಂ ನಕುಲೋ ರಾಜಂದಿಶಂ ವ್ಯಜಯತಾಸ್ತ್ರವಿತ್॥ 2-26-12 (12424)
ಖಾಂಡವಪ್ರಸ್ಥಮಧ್ಯಸ್ಥೋ ಧರ್ಮರಾಜೋ ಯುಧಿಷ್ಠಿರಃ।
ಆಸೀತ್ಪರಮಯಾ ಲಕ್ಷ್ಂಯಾ ಸುಹೃದ್ಗಣವೃತಃ ಪ್ರಭುಃ॥ ॥ 2-26-13 (12425)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದಿಗ್ವಿಜಯಪರ್ವಣಿ ಷಡ್ವಿಂಶೋಽಧ್ಯಾಯಃ॥ 26॥
Mahabharata - Sabha Parva - Chapter Footnotes
2-26-13 ಖಾಂಡವಪ್ರಸ್ಥಂ ಖಾಂಡವದಾಹೇನ ಖ್ಯಾಪಿತಸ್ಥಾನಂ॥ 13॥ಸಭಾಪರ್ವ - ಅಧ್ಯಾಯ 027
॥ ಶ್ರೀಃ ॥
2.27. ಅಧ್ಯಾಯಃ 027
Mahabharata - Sabha Parva - Chapter Topics
ಅರ್ಜುನದಿಗ್ವಜಯೇ ಭಗದತ್ತಾದಿಜಯಃ॥ 1॥Mahabharata - Sabha Parva - Chapter Text
ಜನಮೇಜಯ ಉವಾಚ॥
ದಿಶಾಮಭಿಜಯಂ ಬ್ರಹ್ಮನ್ವಿಸ್ತರೇಣಾನುಕೀರ್ತಯ।
ನ ಹಿ ತೃಪ್ಯಾಮಿ ಪೂರ್ವೇಷಾಂ ಶೃಣ್ವಾನಶ್ಚರಿತಂ ಮಹತ್॥ 2-27-1 (12426)
ವೈಶಂಪಾಯನ ಉವಾಚ। 2-27-2x (1436)
ಧನಂಜಯಸ್ಯ ವಕ್ಷ್ಯಾಮಿ ವಿಜಯಂ ಪೂರ್ವಮೇವ ತೇ।
ಯೌಗಪದ್ಯೇನ ಪಾರ್ಥೈರ್ಹಿ ನಿರ್ಜಿತೇಯಂ ವಸುಂಧರಾ॥ 2-27-2 (12427)
`ಅವಾಪ್ಯ ರಾಜಾ ರಾಜ್ಯಾರ್ಧಂ ಕುಂತೀಪುತ್ರೋ ಯುಧಿಷ್ಠಿರಃ।
ಮಹತ್ತ್ವೇ ರಾಜಶಬ್ದಸ್ಯ ಮನಶ್ಚಕ್ರೇ ಮಹಾಮನಾಃ॥ 2-27-3 (12428)
ತದಾ ಕ್ಷಾತ್ರಂ ವಿದಿತ್ವಾಽಸ್ಯ ಪೃಥಿವೀವಿಜಯಂ ಪ್ರತಿ।
ಅಮರ್ಷಾತ್ಪಾರ್ಥಿವೇಂದ್ರಾಣಾಂ ತಂ ಸಮೇಯಾಯ ವಾರಯತ್॥ 2-27-4 (12429)
ತತ್ಸಮೇತ್ಯ ಭುವಃ ಕ್ಷಾತ್ರಂ ರಥನಾಗಾಶ್ವಪತ್ತಿಮತ್।
ಅಭ್ಯಯಾತ್ಪಾರ್ಥಿವಂ ಜಿಷ್ಣುಂ ಮೋಘಂ ಕರ್ತುಂ ಜನಾಧಿಪ॥ 2-27-5 (12430)
ತತ್ಪಾರ್ಥಃ ಪಾರ್ಥಿವಂ ಕ್ಷಾತ್ರಂ ಯುಯುತ್ಸುಂ ಪರಮಾಹವೇ।
ಪ್ರತ್ಯುದ್ಯಯೌ ಮಹಾಬಾಹುಸ್ತರಸಾ ಪಾಕಶಾಸನಿಃ॥ 2-27-6 (12431)
ತದ್ಭಗ್ರಂ ಪಾರ್ಥಿವಂ ಕ್ಷಾತ್ರಂ ಪಾರ್ಥೇನಾಕ್ಲಿಷ್ಟಕರ್ಮಣಾ।
ವಾಯುನೇವ ಘನಾನೀಕಂ ತೂಲೀಭೂತಂ ಯಯೌ ದಿಶಃ॥ 2-27-7 (12432)
ತಜ್ಜಿತ್ವಾ ಪಾರ್ಥಿವಂ ಕ್ಷಾತ್ರಂ ಸಮರೇ ಪರವೀರಹಾ।
ಯಯೌ ತದಾ ವಶೇ ಕರ್ತುಮುದೀಚೀಂ ಪಾಂಡುನಂದನಃ'॥ 2-27-8 (12433)
ಪೂರ್ವಂ ಕುಲಿಂಗವಿಷಯೇ ವಶೇ ಚಕ್ರೇ ಮಹೀಪತಿಂ।
ಧನಂಜಯೋ ಮಹಾಬಾಹುರ್ನಾತಿತೀವ್ರೇಣ ಕರ್ಮಣಾ॥ 2-27-9 (12434)
`ತೇನೈವ ಸಹಿತಃ ಪ್ರಾಯಾಜ್ಜಿಷ್ಣುಃ ಸಾಲ್ವಪುರಂ ಪ್ರತಿ।
ಸ ಸಾಲ್ವಪುರಮಾಸಾದ್ಯ ಸಾಲ್ವರಾಜಂ ಧನಂಜಯಟಃ॥ 2-27-10 (12435)
ವಿಕ್ರಮೇಣೋಗ್ರಧನ್ವಾನಂ ವಶೇ ಚಕ್ರೇ ಮಹಾಮನಾಃ।
ತಂ ಪಾರ್ಥಃ ಸಹಸಾ ಜಿತ್ವಾ ದ್ಯುಮತ್ಸೇನಂ ಮಹೀಶ್ವರಂ॥ 2-27-11 (12436)
ಕೃತ್ವಾ ಸ ಸೈನಿಕಂ ಪ್ರಾಯಾತ್ಕಟದೇಶಮರಿಂದಮಃ।
ತತ್ರ ಪಾರ್ಥೋ ರಣೇ ಜಿಷ್ಣುಃ ಸುನಾಭಂ ವಸುಧಾಧಿಪಂ॥ 2-27-12 (12437)
ವಿಕ್ರಮೇಣ ವಶೇ ಕೃತ್ವಾ ಕೃತವಾನನುಸೈನಿಕಂ।
ಏತೇನ ಸಹಿತೋ ರಾಜನ್ಸವ್ಯಸಾಚೀ ಪರಂತಪಃ'॥ 2-27-13 (12438)
ವಿಜಿಗ್ಯೇ ಶಾಕಲದ್ವೀಪೇ ಪ್ರತಿವಿಂಧ್ಯಂ ಚ ಪಾರ್ಥಿವಂ।
ಶಾಕಲದ್ವೀಪವಾಸಾಶ್ಚ ಸಪ್ತದ್ವೀಪೇಷು ಯೇ ನೃಪಾಃ॥ 2-27-14 (12439)
ಅರ್ಜುನಸ್ಯ ಚ ಸೈನ್ಯಸ್ಥೈರ್ವಿಗ್ರಹಸ್ತುಮುಲೋಽಭವತ್।
ತಾನ್ಸರ್ವಾನಜಯತ್ಪಾರ್ತೋ ಧರ್ಮರಾಜಪ್ರಿಯೇಪ್ಸಯಾ॥ 2-27-15 (12440)
ತೈರೇವ ಸಹಿತಃ ಸರ್ವೈಃ ಪ್ರಗ್ಜ್ಯೋತಿಷಮುಪಾದ್ರವತ್॥ 2-27-16 (12441)
ತತ್ರ ರಾಜಾ ಮಹಾನಾಸೀದ್ಭಗದತ್ತೋ ವಿಶಾಂಪತೇ।
ತೇನಾಸೀತ್ಸುಮಹದ್ಯುದ್ಧಂ ಪಾಂಡವಸ್ಯ ಮಹಾತ್ಮನಃ॥ 2-27-17 (12442)
ಸ ಕಿರಾತೈಶ್ಚ ಚೀನೈಶ್ಚ ವೃತಃ ಪ್ರಾಗ್ಜ್ಯೋತಿಷೋಽಭವತ್।
ಅನ್ಯೈಶ್ಚ ಬಹುಭಿರ್ಯೋಧೈಃ ಸಾಗರಾನುಪವಾಸಿಭಿಃ॥ 2-27-18 (12443)
ತತಃ ಸ ದಿವಸಾನಷ್ಟೌ ಯೋಧಯಿತ್ವಾ ಧನಂಜಯಂ।
ಪ್ರಹಸನ್ನಬ್ರವೀದ್ರಾಜಾ ಸಂಗ್ರಾಮವಿಗತಕ್ರಮಂ॥ 2-27-19 (12444)
ಉಪಪನ್ನಂ ಮಹಾಬಾಹೋ ತ್ವಯಿ ಕೌರವನಂದನ।
ಪಾಕಶಾಸನದಾಯಾದೇ ವೀರ್ಯಮಾಹವಶೋಭಿನಿ॥ 2-27-20 (12445)
ಅಹಂ ಸಖಾ ಮಹೇಂದ್ರಸ್ಯ ಶಕ್ರಾದನವರೋ ರಣೇ।
ನ ಶಕ್ಷ್ಯಾಮಿ ಚ ತೇ ತಾತ ಸ್ಥಾತುಂ ಪ್ರಮುಖತೋ ಯುಧಿ॥ 2-27-21 (12446)
ತ್ವಮೀಪ್ಸಿತಂ ಪಾಂಡವೇಯಂ ಬ್ರೂಹಿ ಕಿಂ ಕರವಾಣಿ ತೇ।
ಯದ್ವಕ್ಷ್ಯಸಿ ಮಹಾಬಾಹೋ ತತ್ಕರಿಷ್ಯಾಮಿ ಪುತ್ರಕ॥ 2-27-22 (12447)
ಅರ್ಜುನ ಉವಾಚ॥ 2-27-23x (1437)
ಕುರೂಣಾಮೃಷಭೋ ರಾಜಾ ಧರ್ಮಪುತ್ರೋ ಯುಧಿಷ್ಠಿರಃ।
ಧರ್ಮಜ್ಞಃ ಸತ್ಯಸಂಧಶ್ಚ ಯಜ್ವಾ ವಿಪುಲದಕ್ಷಿಣಃ॥ 2-27-23 (12448)
ತಸ್ಯ ಪಾರ್ಥಿವತಾಮೀಪ್ಸೇ ಕರಸ್ತಸ್ಮೈ ಪ್ರದೀಯತಾಂ।
ಭವಾನ್ಪಿತೃಸಖಶ್ಚೈವ ಪ್ರೀಯಮಾಣೋ ಮಯಾಪಿ ಚ।
ತತೋ ನಾಜ್ಞಾಪಯಾಮಿ ತ್ವಾಂ ಪ್ರೀತಿಪೂರ್ವಂ ಪ್ರದೀಯತಾಂ॥ 2-27-24 (12449)
ಭಗದತ್ತ ಉವಾಚ। 2-27-25x (1438)
ಕುಂತೀಮಾತರ್ಯಥಾ ಮೇ ತ್ವಂ ತಥಾ ರಾಜಾ ಯುಧಿಷ್ಠಿರಃ।
ಸರ್ವಮೇತತ್ಕರಿಷ್ಯಾಮಿ ಕಿಂ ಚಾನ್ಯತ್ಕರವಾಣಿ ತೇ॥ ॥ 2-27-25 (12450)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದಿಗ್ವಿಜಯಪರ್ವಣಿ ಸಪ್ತವಿಂಶೋಽಧ್ಯಾಯಃ॥ 27॥
ಸಭಾಪರ್ವ - ಅಧ್ಯಾಯ 028
॥ ಶ್ರೀಃ ॥
2.28. ಅಧ್ಯಾಯಃ 028
Mahabharata - Sabha Parva - Chapter Topics
ಅರ್ಜುನೇನ ಉತ್ತರದಿಗ್ವಿಜಯೇ ನಾನಾದೇಶಜಯಃ॥ 1॥Mahabharata - Sabha Parva - Chapter Text
ವೈಶಂಪಾಯನ ಉವಾಚ।
ಏವಮುಕ್ತಃ ಪ್ರತ್ಯುವಾಚ ಭಗದತ್ತಂ ಧನಂಜಯಃ।
ಅನೇನೈವ ಕೃತಂ ಸರ್ವಂ ಭವಿಷ್ಯತ್ಯನುಜಾನತಾ॥ 2-28-1 (12451)
ತಂ ವಿಜಿತ್ಯ ಮಹಾಬಾಹುಃ ಕುಂತೀಪುತ್ರೋ ಧನಂಜಯಃ।
ಪ್ರಯಯಾವುತ್ತರಾಂ ತಸ್ಮಾದ್ದಿಶಂ ಧನದಪಾಲಿತಾಂ॥ 2-28-2 (12452)
ಅಂತರ್ಗಿರಿಂ ಚ ಕೌಂತೇಯಸ್ತಥೈವ ಚ ಬಹಿರ್ಗಿರಿಂ।
ತಥೈವೋಪಗಿರಂ ಚೈವ ವಿಜಿಗ್ಯೇ ಪುರುಷರ್ಷಭಃ॥ 2-28-3 (12453)
ವಿಜಿತ್ಯ ಪರ್ವತಾನ್ಸರ್ವಾನ್ಯೇ ಚ ತತ್ರ ನರಾಧಿಪಾಃ।
ತಾನ್ವಶೇ ಸ್ಥಾಪಯಿತ್ವಾ ಸ ಧನಾನ್ಯಾದಾಯ ಸರ್ವಶಃ॥ 2-28-4 (12454)
ತೈರೇವ ಸಹಿತಃ ಸರ್ವೈರನುರಜ್ಯ ಚ ತಾನ್ನುಪಾನ್।
ಉಲೂಕವಾಸಿನಂ ರಾಜನ್ಬೃಹಂತಮುಪಜಗ್ಮಿವಾನ್॥ 2-28-5 (12455)
ಮೃದಂಗವರನಾದೇನ ರಥನೇಮಿಸ್ವನೇನ ಚ।
ಹಸ್ತಿನಾಂ ಚ ನಿನಾದೇನ ಕಂಪಯನ್ವಸುಧಾಮಿಮಾಂ॥ 2-28-6 (12456)
ತತೋ ಬೃಹಂತಸ್ತ್ವರಿತೋ ಬಲೇನ ಚತುರಂಗಿಣಾ।
ನಿಷ್ಕ್ರಂಯ ನಗರಾತ್ತಸ್ಮಾದ್ಯೋಧಯಾಮಾಸ ಫಾಲ್ಗುನಂ॥ 2-28-7 (12457)
ಸುಮಹಾನ್ಸನ್ನಿಪಾತೋಽಭೂದ್ಧನಂಜಯಬೃಹಂತಯೋಃ।
ನ ಶಶಾಕ ಬೃಹಂತಸ್ತು ಸೋಢುಂ ಪಾಂಡವವಿಕ್ರಮಂ॥ 2-28-8 (12458)
ಸೋಽವಿಷಹ್ಯತಮಂ ಮತ್ವಾ ಕೌಂತೇಯಂ ಪರ್ವತೇಶ್ವರಃ।
ಉಪಾವರ್ತತ ದುರ್ಧರ್ಷೋ ರತ್ನಾನ್ಯಾದಾಯ ಸರ್ವಶಃ॥ 2-28-9 (12459)
ಸ ತದ್ರಾಜ್ಯಮವಸ್ಥಾಪ್ಯ ಉಲೂಕಸಹಿತೋ ಯಯೌ।
ಸೇನಾಬಿಂದುಮಥೋ ರಾಜನ್ರಾಜ್ಯಾದಾಶು ಸಮಾಕ್ಷಿಪತ್॥ 2-28-10 (12460)
ಮೋದಾಪುರಂ ವಾಮವೇದಂ ಸುದಾಮಾನಂ ಸುಸಂಕುಲಂ।
ಉಲೂಕಾನುತ್ತರಾಂಶ್ಚೈವ ತಾಂಶ್ಚ ರಾಜ್ಞಃ ಸಮಾನಯತ್॥ 2-28-11 (12461)
ತತ್ರಸ್ಥಃ ಪುರುಷೈರೇವ ಧರ್ಮರಾಜಸ್ಯ ಶಾಸನಾತ್।
ಕಿರೀಟೀ ಜಿತವಾನ್ರಾಜಂದೇಶಾನ್ಪಂಚಗಣಾಂಸ್ತತಃ॥ 2-28-12 (12462)
ಸ ದೇವಪ್ರಸ್ಥಮಾಸಾದ್ಯ ಸೇನಾಬಿಂದೋಃ ಪುರಂ ಪ್ರತಿ।
ಬಲೇನ ಚತುರಂಗೇಣ ನಿವೇಶಮಕರೋತ್ಪ್ರಭುಃ॥ 2-28-13 (12463)
ಸ ತೈಃ ಪರಿವೃತಃ ಸರ್ವೈರ್ವಿಷ್ವಗಶ್ವಂ ನರಾಧಿಪಂ॥
ಅಭ್ಯಗಚ್ಛನ್ಮಹಾತೇಜಾಃ ಪೌರವಂ ಪುರುಷರ್ಷಭ॥ 2-28-14 (12464)
ವಿಜಿತ್ಯ ಚಾಹವೇ ಶೂರಾನ್ಪಾರ್ವತೀಯಾನ್ಮಹಾರಥಾನ್।
ಜಿಗಾಯ ಸೇನಯಾ ರಾಜನ್ಪುರಂ ಪೌರವರಕ್ಷಿತಂ॥ 2-28-15 (12465)
ಪೌರವಂ ಯುಧಿ ನಿರ್ಜಿತ್ಯ ದಸ್ಯೂನ್ಪರ್ವತವಾಸಿನಃ।
ಗಣಾನುತ್ಸವಸಂಕೇತಾನಜಯತ್ಸಪ್ತ ಪಾಂಡವಃ॥ 2-28-16 (12466)
ತತಃ ಕಾಶ್ಮೀರಕಾನ್ವೀರಾನ್ಕ್ಷತ್ರಿಯಾನ್ಕ್ಷತ್ರಿಯರ್ಷಭಃ।
ವ್ಯಜಯಲ್ಲೋಹಿತಂ ಚೈವ ಮಂಡಲೈರ್ದಶಭಿಃ ಸಹ॥ 2-28-17 (12467)
ತತಸ್ತ್ರಿಗರ್ತಾಃ ಕೌಂತೇಯಂ ದಾರ್ವಾಃ ಕೋಕನದಾಸ್ತಥಾ।
ಕ್ಷತ್ರಿಯಾ ಬಹವೋ ರಾಜನ್ನುಪಾವರ್ತಂತ ಸರ್ವಶಃ॥ 2-28-18 (12468)
ಅಭಿಸಾರೀಂ ತತೋ ರಂಯಾಂ ವಿಜಿಗ್ಯೇ ಕುರುನಂದನಃ।
ಉರಗಾವಾಸಿನಂ ರಂಯಂ ರೋಚಮಾನಂ ರಣೇಽಜಯತ್॥ 2-28-19 (12469)
ತತಃ ಸಿಂಹಪುರಂ ರಂಯಂ ಚಿತ್ರಾಯುಧಸುರಕ್ಷಿತಂ।
ಪ್ರಾಧಮದ್ಬಲಮಾಸ್ಥಾಯ ಪಾಕಶಾಸನಿರಾಹವೇ॥ 2-28-20 (12470)
ತತಃ ಸುಹ್ಯಾಂಶ್ಚ ಚೋಲಾಂಶ್ಚ ಕಿರೀಟೀ ಪಾಂಡವರ್ಷಭಃ।
ಸಹಿತಃ ಸರ್ವಸೈನ್ಯೇನ ಪ್ರಾಮಥತ್ಕುರುನಂದನಃ॥ 2-28-21 (12471)
ತತಃ ಪರಮವಿಕ್ರಾಂತೋ ಬಾಹ್ಲೀಕಾನ್ಪಾಕಶಾಸನಿಃ।
ಮಹತಾ ಪರಿಮರ್ದೇನ ವಶೇ ಚಕ್ರೇ ದುರಾಸದಾನ್॥ 2-28-22 (12472)
ಗೃಹೀತ್ವಾ ತು ಬಲಂ ಸಾರಂ ಫಲ್ಗುನಃ ಪಾಂಡುನಂದನಃ।
ದರದಾನ್ಸಹಕಾಂಭೋಜೈರಜಯತ್ಪಾಕಶಾಸನಿಃ॥ 2-28-23 (12473)
ಪ್ರಾಗುತ್ತರಂ ದಿಶಂ ಯೇ ಚ ವಸಂತ್ಯಾಶ್ರಿತ್ಯ ದಸ್ಯವಃ।
ನಿವಸಂತಿ ವನೇ ಯೇ ಚ ತಾನ್ಸರ್ವಾನಜಯತ್ಪ್ರಭುಃ॥ 2-28-24 (12474)
ಲೋಹಾನ್ಪರಮಕಾಂಭೋಜಾನೃಷಿಕಾನುತ್ತರಾನಪಿ।
ಸಹಿತಾಂಸ್ತಾನ್ಮಹಾರಾಜ ವ್ಯಜಯತ್ಪಾಕಶಾಸನಿಃ॥ 2-28-25 (12475)
ಋಷಿಕೇಷ್ವಪಿ ಸಂಗ್ರಾಮೇ ಬಭೂವಾತಿಭಯಂಕರಃ।
ತಾರಕಾಮಯಸಂಕಾಶಃ ಪರಸ್ತ್ವೃಷಿಕಪಾರ್ಥಯೋಃ॥ 2-28-26 (12476)
ಸ ವಿಜಿತ್ಯ ತತೋ ರಾಜನ್ನೃಷಿಕಾನ್ರಣಮೂರ್ಧನಿ।
ಶುಕೋದರಸಮಾಂಸ್ತತ್ರ ಹಯಾನಷ್ಟೌ ಸಮಾನಯತ್॥ 2-28-27 (12477)
ಮಯೂರಸದೃಶಾನನ್ಯಾನುತ್ತರಾನಪರಾನಪಿ।
ಜವನಾನಾಶುಗಾಂಶ್ಚೈವ ಕರಾರ್ಥಂ ಸಮುಪಾನಯತ್॥ 2-28-28 (12478)
ಸ ವಿನಿರ್ಜಿತ್ಯ ಸಂಗ್ರಾಮೇ ಹಿಮವಂತಂ ಸನಿಷ್ಕೃಟಂ।
ಶ್ವೇತಪರ್ವತಮಾಸಾದ್ಯ ನ್ಯವಿಶತ್ಪುರುಷರ್ಷಭಃ॥ ॥ 2-28-29 (12479)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದಿಗ್ವಿಜಯಪರ್ವಣಿ ಅಷ್ಟಾವಿಂಶೋಧ್ಯಾಯಃ॥ 28॥
ಸಭಾಪರ್ವ - ಅಧ್ಯಾಯ 029
॥ ಶ್ರೀಃ ॥
2.29. ಅಧ್ಯಾಯಃ 029
Mahabharata - Sabha Parva - Chapter Topics
ಅರ್ಜುನೇನ ಉತ್ತರದಿಗ್ವಿಜಯೇ ಕಿಂಪುರುಷಾದಿಖಂಡಜಯಃ॥ 1॥ ಅರ್ಜುನಸ್ಯ ಖಾಂಡವಪ್ರಸ್ಥಂ ಪ್ರತಿ ಪ್ರತ್ಯಾಗಮನಂ॥ 2॥Mahabharata - Sabha Parva - Chapter Text
ವೈಶಂಪಾಯನ ಇವಾಚ॥
ಸ ಶ್ವೇತಪರ್ವತಂ ವೀರಃ ಸಮತಿಕ್ರಂಯ ವೀರ್ಯವಾನ್।
ದೇಶಂ ಕಿಂಪುರುಷಾವಾಸಂ ದ್ರುಮಪುತ್ರೇಣ ರಕ್ಷಿತಂ॥ 2-29-1 (12480)
ಮಹತಾ ಸನ್ನಿಪಾತೇನ ಕ್ಷತ್ರಿಯಾಂತಕರೇಣ ಹ।
ಅಜಯತ್ಪಾಂಡವಶ್ರೇಷ್ಠಃ ಕರೇ ಚೈನಂ ನ್ಯವೇಶಯತ್॥ 2-29-2 (12481)
ತಂ ಜಿತ್ವಾ ಹಾಟಕಂ ನಾಮ ದೇಶಂ ಗುಹ್ಯಕರಕ್ಷಿತಂ।
ಪಾಕಶಾಸನಿರವ್ಯಗ್ರಃ ಸಹಸೈನ್ಯಃ ಸಮಾಸದತ್॥ 2-29-3 (12482)
ತಾಂಸ್ತು ಸಾಂತ್ವೇನ ನಿರ್ಜಿತ್ಯ ಮಾನಸಂ ಸರ ಉತ್ತಮಂ।
ಋಷಿಕುಲ್ಯಾಸ್ತಥಾ ಸರ್ವಾ ದದರ್ಶ ಕುರುನಂದನಃ॥ 2-29-4 (12483)
ಸರೋ ಮಾನಸಮಾಸಾದ್ಯ ಹಾಟಕಾನಭಿತಃ ಪ್ರಭುಃ।
ಗಂಧರ್ವರಕ್ಷಿತಂ ದೇಶಮಜಯತ್ಪಾಂಡವಸ್ತತಃ॥ 2-29-5 (12484)
ತತ್ರ ತಿತ್ತಿರಿಕಲ್ಮಾಷಾನ್ಮಂಡೂಕಾಖ್ಯಾನ್ಹಯೋತ್ತಮಾನ್।
ಲೇಭೇ ಸ ಕರಸಮತ್ಯಂತಂ ಗಂಧರ್ವನಗರಾತ್ತದಾ॥ 2-29-6 (12485)
`ಹೇಮಕೂಟಮಥಾಸಾದ್ಯ ನ್ಯವಸತ್ಫಲ್ಗುನಸ್ತದಾ।
ತಂ ಹೇಮಕೂಟಂ ರಾಜೇಂದ್ರ ಸಮತಿಕ್ರಂಯ ಪಾಂಡವಃ॥ 2-29-7 (12486)
ಹರಿವರ್ಷಂ ವಿವೇಶಾಥ ಸೈನ್ಯೇನ ಮಹತಾ ವೃತಃ।
ತತ್ರ ಪಾರ್ಥೋ ದದರ್ಶಾಥ ಬಹೂನಿಹ ಮನೋರಮಾನ್॥ 2-29-8 (12487)
ನಗರಾನ್ಸವನಾಂಶ್ಚೈವ ನದೀಶ್ಚ ವಿಮಲೋದಕಾಃ।
ಪುರುಷಾಂದೇವಕಲ್ಪಾಂಶ್ಚ ನಾರೀಶ್ಚ ಪ್ರಿಯದರ್ಶನಾಃ॥ 2-29-9 (12488)
ತಾನ್ಸರ್ವಾಸ್ತತ್ರ ದೃಷ್ಟ್ವಾಽಥ ಮುದಾ ಯುಕ್ತೋ ಧನಂಜಯಟಃ।
ವಶೇ ಚಕ್ರೇ ಸ ರತ್ನಾನಿ ಲೇಭೇ ಚ ಸುಬಹೂನಿ ಚ॥ 2-29-10 (12489)
ತತೋ ನಿಷಧಮಾಸಾದ್ಯ ಗಿರಿಸ್ಥಾನಜಯತ್ಪ್ರಭುಃ।
ಅಥ ರಾಜನ್ನತಿಕ್ರಂಯ ನಿಷಧಂ ಶೈಲಮಾಯತಂ॥ 2-29-11 (12490)
ವಿವೇಶ ಮಧ್ಯಮಂ ವರ್ಷಂ ಪಾರ್ಥೋ ದಿವ್ಯಮಿಲಾವೃತಂ।
ತತ್ರ ದಿವ್ಯೋಪಮಾಂದಿವ್ಯಾನ್ಪುರುಷಾಂದೇವದರ್ಶನಾನ್॥ 2-29-12 (12491)
ಅದೃಷ್ಟಪೂರ್ವಾನ್ಸುಭಗಾನ್ಸ ದದರ್ಶ ಧನಂಜಯಃ।
ಸದನಾನಿ ಚ ಶುಭ್ರಾಣಿ ನಾರೀಶ್ಚಾಪ್ಸರಸಂನಿಭಾಃ॥ 2-29-13 (12492)
ದೃಷ್ಟ್ವಾ ತಾನಜಯದ್ರಂಯಾನ್ಸ ತೈಶ್ಚ ದದೃಶೇ ತದಾ।
ಜಿತ್ವಾ ಚ ತಾನ್ಮಹಾಭಾಗಾನ್ಕರೇ ಚ ವಿನಿವೇಶ್ಯ ಚ॥ 2-29-14 (12493)
ರತ್ನಾನ್ಯಾದಾಯ ದಿವ್ಯಾನಿ ಭೂಷಣಾನ್ಯಾಸನೈಃ ಸಹ।
ಉದೀಚೀಮಥ ರಾಜೇಂದ್ರ ಯಯೌ ಪಾರ್ಥೋ ಮುದಾಽನ್ವಿತಃ॥ 2-29-15 (12494)
ಸ ದದರ್ಶ ತತೋ ಮೇರುಂ ಶಿಖರೀಣಾಂ ಪ್ರಭುಂ ಮಹತ್।
ತಂ ಕಾಂಚನಮಯಂ ದಿವ್ಯಂ ಚತುರ್ವಣಂ ದುರಾಸದಂ॥ 2-29-16 (12495)
ಉನ್ನತಂ ಶತಸಾಹಸ್ರಂ ಯೋಜನಾನಾಂ ತು ಸುಸ್ಥಿತಂ।
ಜ್ವಲಂತಮಚಲಂ ಮೇರುಂ ತೇಜೋರಾಶಿಮನುತ್ತಮಂ॥ 2-29-17 (12496)
ಆಕ್ಷಿಪಂತಂ ಪ್ರಭಾಂ ಭಾನೋಃ ಸ್ವಶೃಂಗೈಃ ಕಾಂಚನೋಜ್ಜ್ವಲೈಃ।
ಕಾಂಚನಾಭರಣಂ ದಿವ್ಯದೇವಗಂಧರ್ವಸೇವಿತಂ॥ 2-29-18 (12497)
ಅಪ್ರಮೇಯಮನಾಧೃಷ್ಯಮಧರ್ಮಬಹುಲೈರ್ಜನೈಃ।
ವ್ಯಾಲೈರಾಚರಿತಂ ಧೋರೈರ್ದಿವ್ಯೌಷಧಿವಿದೀಪಿತಂ॥ 2-29-19 (12498)
ಸ್ವರ್ಗಮಾವೃತ್ಯ ತಿಷ್ಠಂತಮುಚ್ಛ್ರಾಯೇಣ ಮಹಾಗಿರಿಂ।
ಅಗಂಯಂ ಮನಸಾಪ್ಯನ್ಯೈರ್ನದೀವೃಕ್ಷಸಮನ್ವಿತಂ॥ 2-29-20 (12499)
ನಾನಾವಿಹಗಸಂಘೈಶ್ಚ ನಾದಿತಂ ಸುಮನೋಹರೈಃ।
ತಂ ದೃಷ್ಟಾ ಫಲ್ಗುನೋ ಮೇರುಂ ಪ್ರೀತಿಮಾನಭವತ್ತದಾ॥ 2-29-21 (12500)
ಮೇರೋರಿಲಾವೃತಂ ದಿವ್ಯಂ ಸರ್ವತಃ ಪರಿಮಣ಼್ಡಿತಂ।
ಮೇರೋಸ್ತು ದಕ್ಷಿಣೇ ಪಾರ್ಶ್ವೇ ಜಂಬೂರ್ನಾಮ ವನಸ್ಪತಿಃ॥ 2-29-22 (12501)
ನಿತ್ಯಪುಷ್ಪಫಲೋಪೇವಃ ಸಿದ್ಧಚಾರಣಸೇವಿತಃ।
ಆಸ್ವರ್ಗಮುಚ್ಛ್ರಿತಾ ರಾಜಂಸ್ತಸ್ಯ ಶಾಖಾ ವನಸ್ಪತೇಃ॥ 2-29-23 (12502)
ಯಸ್ಯ ನಾಂನಾ ತ್ವಿದಂ ದ್ವೀಪಂ ಜನ್ಬೂದ್ವೀಪಮಿತಿ ಸ್ಮೃತಂ।
ತಾಂ ಚ ಜಂಬೂಂ ದದರ್ಶಾಥ ಸವ್ಯಸಾಚೀ ಪರಂತಪಃ॥ 2-29-24 (12503)
ತೌ ದೃಷ್ಟ್ವಾಽಪ್ರತಿಮೌ ಲೋಕೇ ಜಂಬೂಂ ಮೇರುಂ ಚ ಸಂಸ್ಥಿತೌ।
ಪ್ರತೀಮಾನಭವದ್ರಾಜನ್ಸರ್ವತಃ ಸ ವಿಲೋಕಯನ್॥ 2-29-25 (12504)
ತತ್ರ ಲೇಭೇ ತತೋ ಜಿಷ್ಣುಃ ಸಿದ್ಧೈರ್ದಿವ್ಯೈಶ್ಚ ಚಾರಣೈಃ।
ರತ್ನಾನಿ ಬಹುಸಾಹಸ್ರಂ ದತ್ತಾನ್ಯಾಭರಣಾನಿ ಚ॥ 2-29-26 (12505)
ವಾಸಾಂಸಿ ಚ ಮಹಾರ್ಹಾಣಿ ತತ್ರ ಲಬ್ಧ್ವಾಽರ್ಜುನಸ್ತದಾ।
ಆಮಂತ್ರಯಿತ್ವಾ ತಾನ್ಸರ್ವಾನ್ಯಜ್ಞಮುದ್ದಿಶ್ಯ ವೈ ಗುರೋಃ॥ 2-29-27 (12506)
ಅಥಾದಾಯ ಬಹೂನ್ರತ್ನಾನ್ಗಮನಾಯಯೋಪಚಕ್ರಮೇ।
ಮೇರುಂ ಪ್ರದಕ್ಷಿಣೀಕೃತ್ಯ ಪ್ರವತಪ್ರವರಂ ಪ್ರಭುಃ॥ 2-29-28 (12507)
ಯಯೌ ಜಂಬೂನದೀತೀರೇ ನದೀಂ ಶ್ರೇಷ್ಠಾಂ ವಿಲೋಕಯನ್।
ಸ ತಾಂ ಮನೋರಮಾಂ ದಿವ್ಯಾಂ ಜಂಬೂಸ್ವಾದುರಸಾವಹಾಂ॥ 2-29-29 (12508)
ಹೈಮಪಕ್ಷಿಗಣೈರ್ಜುಷ್ಟಾಂ ಸೌವರ್ಣಜಲಜಾಕುಲಾಂ।
ಹೈಮಪಂಕಾಂ ಹೈಮಜಲಾಂ ಸೌವರ್ಣೋಜ್ಜ್ವಲವಾಲುಕಾಂ॥ 2-29-30 (12509)
ಕ್ವಚಿತ್ಮುಪಿಷ್ಪಿತೈಃ ಪೂರ್ಣಾಂ ಸೌವರ್ಣಕುಸುಮೋತ್ಪಲೈಃ।
ಕ್ವಚಿತ್ತೀರರುಹೈಃ ಕೀರ್ಣಾಂ ಹೈಮಪುಷ್ಪೈಃ ಸುಪುಷ್ಪಿತೈಃ॥ 2-29-31 (12510)
ತೀರ್ಥೈಶ್ಚ ರುಕ್ಮಸೋಪಾನೈಃ ಸರ್ವತಃ ಸಮಲಂಕುತಾಂ।
ವಿಮಲೈರ್ಮಣಿಜಾಲೈಶ್ಚ ನೃತ್ತಗೀತರವೈರ್ಯುತಾಂ॥ 2-29-32 (12511)
ದೀಪ್ತೈರ್ಹೇಮವಿತಾನೈಶ್ಚ ಸಮಂತಾಚ್ಛೋಭಿತಾಂ ಶುಭಾಂ।
ತಥಾವಿಧಾಂ ನದೀಂ ದೃಷ್ಟ್ವಾ ಪಾರ್ಥಸ್ತಾಂ ಪ್ರಶಶಂಸ ಹ॥ 2-29-33 (12512)
ಅದೃಷ್ಟಪೂರ್ವಾಂ ರಾಜೇಂದ್ರ ದೃಷ್ಟ್ವಾ ಹರ್ಷಮವಾಪ ಚ।
ದರ್ಶನೀಯಾಂ ನದೀತೀರೇ ಪುರುಷಾನ್ಸುಮನೋಹರಾನ್॥ 2-29-34 (12513)
ತಾನ್ನದೀಸಲಿಲಾಹಾರಾನ್ಸದಾರಾನಮರೋಪಮಾನ್।
ನಿತ್ಯಂ ಸುಖಮುದಾ ಯುಕ್ತಾನ್ಸರ್ವಾಲಂಕಾರಶೋಭಿತಾನ್॥ 2-29-35 (12514)
ತೇಭ್ಯೋ ಬಹೂನಿ ರತ್ನಾನಿ ತದಾ ಲೇಭೇ ಧನಂಜಯಃ।
ದಿವ್ಯಜಂಬೂಫಲಂ ಹೈಮಂ ಭೂಷಣಾನಿ ಚ ಪೇಶಲಂ॥ 2-29-36 (12515)
ಲಬ್ಧ್ವಾ ತಾಂದುರ್ಲಭಾನ್ಪಾರ್ಥಃ ಪ್ರತೀಚೀಂ ಪ್ರಯಯೌ ದಿಶಂ।
ನಾಗಾನಾಂ ರಕ್ಷಿತಂ ದೇಶಮಜಯಶ್ಚ ಪುನಸ್ತತಃ॥ 2-29-37 (12516)
ತತೋ ಗನ್ವಾ ಮಹಾರಾಜ ವಾರುಣೀಂ ಪಾಕಶಾಸನಿಃ।
ಗಂಧಮಾದನಮಾಸಾದ್ಯ ತತಸ್ತಾನಜಯತ್ಪ್ರಭುಃ॥ 2-29-38 (12517)
ತಂ ಗಂಧಮಾದನಂ ರಾಜನ್ನತಿಕ್ರಂಯ ತತೋಽರ್ಜುನಃ।
ಕೇತುಮಾಲಂ ದದರ್ಶಾಥ ವರ್ಷಂ ರತ್ನಸಮನ್ವಿತಂ॥ 2-29-39 (12518)
ಸೇವಿತಂ ದೇವಕಲ್ಪೈಶ್ಚ ನಾರೀಭಿಃ ಪ್ರಿಯದರ್ಶನೈಃ।
ತಂ ಜಿತ್ವಾ ಚಾರ್ಜುನೋ ರಾಜನ್ಕರೇ ಚ ವಿನಿವೇಶ್ಯ ಚ॥ 2-29-40 (12519)
ಆಹೃತ್ಯ ತತ್ರ ರತ್ನಾನಿ ದುರ್ಲಭಾನಿ ತಥಾರ್ಜುನಃ।
ಪುನಶ್ಚ ಪರಿವೃತ್ಯಾಥ ಮಾಧ್ಯಂ ದೇಶಮಿಲಾವೃತಂ॥ 2-29-41 (12520)
ಗತ್ವಾ ಪ್ರಾಚೀಂ ದಿಶಂ ರಾಜನ್ಸವ್ಯಸಾಚೀ ಧನಂಜಯಃ।
ಮೇರುಮಂದರಯೋರ್ಮಧ್ಯೇ ಶೈಲೋದಾಮಭಿತೋ ನದೀಂ॥ 2-29-42 (12521)
ಯೇ ತೇ ಕೀಚಕವೇಣೂನಾಂ ಛಾಯಾಂ ರಂಯಾಮುಪಾಸತೇ।
ಕಷಾನ್ಝಷಾಂಶ್ಚ ನದ್ಯೌ ತಾನ್ಪ್ರಘಸಾಂದೀಪ್ತವೇಣಿಪಾನ್॥ 2-29-43 (12522)
ಪಶುಪಾಂಶ್ಚ ಕುಲಿಂದಾಂಶ್ಚ ತಂಕಣಾನ್ಪರತಂಕಣಾನ್।
ಏತಾನ್ಸಮಸ್ತಾಂಜಿತ್ವಾ ಚ ಕರೇ ಚ ವಿನಿವೇಶ್ಯ ಚ॥ 2-29-44 (12523)
ರತ್ನಾನ್ಯಾದಾಯ ಸರ್ವೇಭ್ಯೋ ಮಾಲ್ಯವಂತಂ ತತೋ ಯಯೌ।
ತಂ ಮಾಲ್ಯವಂತಂ ಶೈಲೇಂದ್ರಂ ಸಮತಿಕ್ರಂಯ ಪಾಂಡವಃ॥ 2-29-45 (12524)
ಭದ್ರಾಶ್ವಂ ಪ್ರವಿವೇಶಾಥ ವರ್ಷಂ ಸ್ವರ್ಗೋಪಮಂ ಶುಚಿಂ।
ತತ್ರ ದೇವೋಪಮಾಂದಿವ್ಯಾನ್ಪುರುಷಾಞ್ಶುಭಸಂಯುತಾನ್॥ 2-29-46 (12525)
ಜಿತ್ವಾ ತಾನ್ಸ್ವವಶೇ ಕೃತ್ವಾ ಕರೇ ಚ ವಿನಿವೇಶ್ಯ ಚ।
ಆಹೃತ್ಯ ಸರ್ವತೋ ರತ್ನಾನ್ಯಸಂಖ್ಯಾನಿ ತತಸ್ತತಃ॥ 2-29-47 (12526)
ನೀಲಂ ನಾಮ ಗಿರಿಂ ಗತ್ವಾ ತತ್ರಸ್ಥಾನಜಯತ್ಪ್ರಭುಃ।
ತತೋ ಜಿಷ್ಣುರತಿಕ್ರಂಯ ಪರ್ವತಂ ನೀಲಮಾಯತಂ॥ 2-29-48 (12527)
ವಿವೇಶ ರಂಯಕಂ ವರ್ಷಂ ಸಂಕೀರ್ಣಂ ಮಿಥುನೈಃ ಶುಭೈಃ।
ತಂ ದೇಶಮಥ ಜಿತ್ವಾ ಸ ಕರೇ ಚ ವಿನಿವೇಶ್ಯ ಚ॥ 2-29-49 (12528)
ಅಜಯಚ್ಚಾಪಿ ಬೀಭತ್ಸುರ್ದೇಶಂ ಗುಹ್ಯಕರಕ್ಷಿತಂ।
ತತ್ರ ಲೇಭೇ ಚ ರಾಜೇಂದ್ರ ಸೌವರ್ಣಾನ್ಮೃಗಪಕ್ಷಿಣಃ॥ 2-29-50 (12529)
ಅಗೃಹ್ಣಾದ್ಯಜ್ಞಭೂತ್ಯರ್ಥಂ ರಮಣೀಯಾನ್ಮನೋಹರಾನ್।
ಅನ್ಯಾಂಶ್ಚ ಲಬ್ಧ್ವಾ ರತ್ನಾನಿ ಪಾಂಡವೋಽಥ ಮಹಾಬಲಃ॥ 2-29-51 (12530)
ಗಂಧರ್ವರಕ್ಷಿತಂ ದೇಶಮಜಯತ್ಸಗಣಂ ತದಾ।
ತತ್ರ ರತ್ನಾನಿ ದಿವ್ಯಾನಿ ಲಬ್ಧ್ವಾ ರಾಜನ್ನಥಾರ್ಜುನಃ॥ 2-29-52 (12531)
ವರ್ಷಂ ಹಿರಣ್ವತಂ ನಾಮ ವಿವೇಶಾಥ ಮಹೀಪತೇ।
ಸ ತು ದೇಶೇಷು ರಂಯೇಷು ಗಂತುಂ ತತ್ರೋಪಚಕ್ರಮೇ॥ 2-29-53 (12532)
ಮಧ್ಯೇ ಪ್ರಾಸಾದವೃಂದೇಷು ನಕ್ಷತ್ರಾಣಾಂ ಶಶೀ ಯಥಾ।
ಮಹಾಪಥೇಷು ರಾಜೈಂದ್ರ ಸರ್ವತೋ ಯಾಂತಮರ್ಜುನಂ॥ 2-29-54 (12533)
ಪ್ರಾಸಾದವರಶೃಂಗಸ್ಥಾಃ ಪರಯಾ ವೀರ್ಯಶೋಭಯಾ।
ದದೃಶುಸ್ತಂ ಸ್ರಿಯಃ ಸರ್ವಾಃ ಪಾರ್ಥಮಾತ್ಮಯಶಸ್ಕರಂ॥ 2-29-55 (12534)
ತಂ ಕಲಾಪಧರಂ ಶೂರಂ ಸರಥಂ ಸಧನುಃ ಕರಂ।
ಸವರ್ಮಂ ಸಕಿರೀಟಂ ವೈ ಸಂನದ್ಧಂ ಸಪರಿಚ್ಛದಂ॥ 2-29-56 (12535)
ಸುಕುಮಾರಂ ಮಹಾಸತ್ವಂ ತೇಜೋರಾಶಿಮನುತ್ತಮಂ।
ಶಕ್ರೋಪಮಮಮಿತ್ರಘ್ನಂ ಪರವಾರಣವಾರಣಂ॥ 2-29-57 (12536)
ಪಶ್ಯಂತಃ ಸ್ತ್ರೀಗಣಾಸ್ತತ್ರ ಶಕ್ತಿಪಾಣಿಂ ಸ್ಮ ಮೇನಿರೇ।
ಅಯಂ ಸ ಪುರುಷವ್ಯಾಘ್ರೋ ರಣೇಽದ್ಭುತಪರಾಕ್ರಮಃ॥ 2-29-58 (12537)
ಅಸ್ಯ ಬಾಹುಬಲಂ ಪ್ರಾಪ್ಯ ನ ಭವಂತ್ಯಸುಹೃದ್ಗಣಾಃ।
ಇತಿ ವಾಚೋ ಬ್ರುವಂತ್ಯಸ್ತಾಃ ಸ್ತ್ರಿಯಃ ಪ್ರೇಂಣಾ ಧನಂಜಯಂ॥ 2-29-59 (12538)
ತುಷ್ಟುವುಃ ಪುಷ್ಪವೃಷ್ಟಿಂ ಚ ಸಸೃಜುಸ್ತಸ್ಯ ಮೂರ್ಧನಿ।
ದೃಷ್ಟ್ವಾ ತೇ ತು ಮುದಾ ಯುಕ್ತಾಃ ಕೌತೂಹಲಸಮನ್ವಿತಃ॥ 2-29-60 (12539)
ರತ್ನೈರ್ವಿಭೂಷಣೈಶ್ಚೈವ ಅಭ್ಯವರ್ಷಂಶ್ಚ ಪಾಂಡವಂ।
ಅಥ ಜಿತ್ವಾ ಸಮಸ್ತಾಂಸ್ತಾನ್ಕರೇ ಚ ವಿನಿವೇಶ್ಯ ಚ॥ 2-29-61 (12540)
ಮಣಿಹೇಮಪ್ರಬಾಲಾನಿ ಶಸ್ತ್ರಾಣ್ಯಾಭರಣಾನಿ ಚ।
ಏತಾನಿ ಲಬ್ಧ್ವಾ ಪಾರ್ಥೋಽಥ ಶೃಂಗವಂತಂ ಗಿರಿಂ ಯಯೌ॥ 2-29-62 (12541)
ಶೃಂಗವಂತಂ ಚ ಕೌರವ್ಯಃ ಸಮತಿಕ್ರಂಯ ಫಲ್ಗುನಃ।
ಉತ್ತರಂ ಹರಿವರ್ಷಂ ತು ಸ ಸಮಾಸಾದ್ಯ ಪಾಂಡವಃ॥ 2-29-63 (12542)
ವಿದ್ಯಾಧರಗಣಾಂಶ್ಚೈವ ಯಕ್ಷೇಂದ್ರಾಂಶ್ಚ ವಿನಿರ್ಜಯನ್।
ತತ್ರ ಲೇಭೇ ಮಹಾತ್ಮಾ ವೈ ವಾಸೋ ದಿವ್ಯಮನುತ್ತಮಂ॥ 2-29-64 (12543)
ಕಿನ್ನರದ್ರುಮಪತ್ರಾಂಶ್ಚ ತತ್ರ ಕೃಷ್ಣಾಜಿನಾನ್ಬಹೂನ್।
ಯಾಜ್ಞೀಯಾಂಸ್ತಾಂಸ್ತದಾ ದಿವ್ಯಾಂಸ್ತತ್ರ ಲೇಭೇ ಧನಂಜಯ'॥ 2-29-65 (12544)
ಉತ್ತರಂ ಹರಿವರ್ಷಂ ತು ಸ ಸಮಾಸಾದ್ಯ ಪಾಂಡವಃ।
ಇಯೇಷ ಜೇತುಂ ತಂ ದೇಶಂ ಪಾಕಶಾಸನಂದನಃ॥ 2-29-66 (12545)
ತತ ಏನಂ ಮಹಾವೀರ್ಯಂ ಮಹಾಕಾಯಾ ಮಹಾಬಲಾಃ।
ದ್ವಾರಪಾಲಾಃ ಸಮಾಸಾದ್ಯ ಹೃಷ್ಟಾ ವಚನಮಬ್ರುವನ್॥ 2-29-67 (12546)
ಪಾರ್ಥ ನೇದಂ ತ್ವಯಾ ಶಕ್ಯಂ ಪುರಂ ಜೇತುಂ ಕಥಂಜನ।
ಉಪಾವರ್ತಸ್ವ ಕಲ್ಯಾಣ ಪರ್ಯಾಪ್ತಮಿದಮಚ್ಯುತ॥ 2-29-68 (12547)
ಇದಂ ಪುರಂ ಯಃ ಪ್ರವಿಶೇದ್ಘ್ರುವಂ ನ ಸ ಭವೇನ್ನರಃ।
ಪ್ರೀಯಾಮಹೇ ತ್ವಯಾ ವೀರ ಪರ್ಯಾಪ್ತೋ ವಿಜಯಸ್ತವೈ॥ 2-29-69 (12548)
ನ ಚಾತ್ರ ಕಿಂಚಿಜ್ಜೇತವ್ಯಮರ್ಜುನಾತ್ರ ಪ್ರದೃಶ್ಯತೇ।
ಉತ್ತರಾಃ ಕುರುವೋ ಹ್ಯೇತೇ ನಾತ್ರ ಯುದ್ಧಂ ಪ್ರವರ್ತತೇ॥ 2-29-70 (12549)
ಪ್ರವಿಷ್ಟೋಽಪಿ ಹಿ ಕೌಂತೇಯ ನೇಹ ದ್ರಕ್ಷ್ಯಸಿ ಕಿಂಚನ।
ನ ಹಿ ಮಾನುಷದೇಹೇನ ಶಕ್ಯಮತ್ರಾಭಿವೀಕ್ಷಿತುಂ॥ 2-29-71 (12550)
ಅಥೇಹ ಪುರುಷವ್ಯಾಘ್ರ ಕಿಂಚಿದನ್ಯಚ್ಚಿಕೀರ್ಷಸಿ।
ತತ್ಪ್ರಬ್ರೂಹಿ ಕರಿಷ್ಯಾಮೋ ವಚನಾತ್ತವ ಭಾರತ॥ 2-29-72 (12551)
ತತಸ್ತಾನಬ್ರವೀದ್ರಾಜನ್ನರ್ಜುನಃ ಪ್ರಹಸನ್ನಿವ।
ಪಾರ್ಥಿವತ್ವಂ ಚಿಕೀರ್ಷಾಮಿ ಧರ್ಮರಾಜಸ್ಯ ಧೀಮತಃ॥ 2-29-73 (12552)
ನ ಪ್ರವೇಕ್ಷ್ಯಾಮಿ ವೋ ದೇಶಂ ವಿರುದ್ಧಂ ಯದಿ ಮಾನುಷೈಃ।
ಯುಧಿಷ್ಠಿರಾಯ ಯತ್ಕಿಂಚಿತ್ಕರಪಣ್ಯಂ ಪ್ರದೀಯತಾಂ॥ 2-29-74 (12553)
`ನೋ ಚೇತ್ಕೃಷ್ಣೇನ ಸಹಿತೋ ಯೋಧಯಿಷ್ಯಾಮಿ ಸಾಯಕೈಃ'।
ತತೋ ದಿವ್ಯಾನಿ ವಸ್ತ್ರಾಣಿ ದಿವ್ಯಾನ್ಯಾಭರಣಾನಿ ಚ।
ಕ್ಷೌಮಾಜಿನಾನಿ ದಿವ್ಯಾನಿ ತಸ್ಯ ತೇ ಪ್ರದದುಃ ಕರಂ॥ 2-29-75 (12554)
ಏವಂ ಸ ಪುರುಷವ್ಯಾಘ್ರೋ ವಿಜಿತ್ಯ ದಿಶಮುತ್ತರಾಂ।
ಸಂಗ್ರಾಮಾನ್ಸುಬಹೂನ್ಕೃತ್ವಾ ಕ್ಷತ್ರಿಯೈರ್ದಸ್ಯುಭಿಸ್ತಥಾ॥ 2-29-76 (12555)
ಸ ವಿನಿರ್ಜಿತ್ಯ ರಾಜ್ಞಸ್ತಾನ್ಕರೇ ಚ ವಿನಿವೇಶ್ಯ ತು।
ಧನಾನ್ಯಾದಾಯ ಸರ್ವೇಭ್ಯೋ ರತ್ನಾನಿ ವಿವಿಧಾನಿ ಚ॥ 2-29-77 (12556)
ಹಯಾಂಸ್ತಿತ್ತಿರಿಕಲ್ಮಾಷಾಞ್ಶುಕಪತ್ರನಿಭಾನಪಿ।
ಮಯೂರಸದೃಶಾನ್ಯಾನ್ಸರ್ವಾನನಿಲರಂಹಸಃ॥ 2-29-78 (12557)
ವೃತಃ ಸುಮಹತಾ ರಾಜನ್ಬಲೇನ ಚತುರಂಗಿಣಾ।
ಆಜಗಾಮ ಪುನರ್ವೀರಃ ಶಕ್ರಪ್ರಸ್ಥಂ ಪುರೋತ್ತಮಂ॥ 2-29-79 (12558)
ಧರ್ಮರಾಜಾಯ ತತ್ಪಾರ್ಥೋ ಧನಂ ಸರ್ವಂ ಸವಾಹನಂ।
ನ್ಯವೇದಯದನುಜ್ಞಾತಸ್ತೇನ ರಾಜ್ಞಾ ಗೃಹಾನ್ಯಯೌ॥ ॥ 2-29-80 (12559)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದಿಗ್ವಿಜಯಪರ್ವಣಿ ಏಕೋನತ್ರಿಂಶೋಽಧ್ಯಾಯಃ॥ 29॥
ಸಭಾಪರ್ವ - ಅಧ್ಯಾಯ 030
॥ ಶ್ರೀಃ ॥
2.30. ಅಧ್ಯಾಯಃ 030
Mahabharata - Sabha Parva - Chapter Topics
ಭೀಮೇನ ಪ್ರಾಚೀದಿಗ್ವಿಜಯೇ ಪಾಂಚಾಲದೇಶಗಮನಂ॥Mahabharata - Sabha Parva - Chapter Text
ವೈಶಂಪಾಯನ ಉವಾಚ।
ಏತಸ್ಮಿನ್ನೇವ ಕಾಲೇ ತು ಭೀಮಸೇನೋಽಪಿ ವೀರ್ಯವಾನ್।
ಧರ್ಮರಾಜಮನುಜ್ಞಾಪ್ಯ ಯಯೌ ಪ್ರಾಚೀಂ ದಿಶಂ ಪ್ರತಿ॥ 5 2-30-1 (12560)
ಮಹತಾ ಬಲಚಕ್ರೇಣ ಪರರಾಷ್ಟ್ರಾವಮರ್ದಿನಾ।
ಹಸ್ತ್ಯಶ್ವರಥಪೂರ್ಣೇನ ದಂಶಿತೇನ ಪ್ರತಾಪವಾನ್। 2-30-2 (12561)
ವೃತೋ ಭರತಶಾರ್ದೂಲೋ ದ್ವಿಷಚ್ಛೋಕವಿವರ್ಧನಃ।
ಸ ಗತ್ವಾ ನರಶಾರ್ದೂಲಃ ಪಂಚಾಲಾನಾಂ ಪುರಂ ಮಹತ್॥ 2-30-3 (12562)
ಪಂಚಾಲಾನ್ವಿವಿಧೋಪಾಯೈಃ ಸಾಂತ್ವಯಾಮಾಸ ಪಾಂಡವಃ।
`ಕಿಂಚಿತ್ಕರಂ ಸಮಾದಾಯ ವಿದೇಹಾನಾಂ ಪುರಂ ಯಯೌ'॥
ತತಃ ಸ ಗಂಡಕಾಞ್ಶೂರೋ ವಿದೇಹಾನ್ಭರತರ್ಷಭಃ॥ 2-30-4 (12563)
ವಿಜಿತ್ಯಾಲ್ಪೇನ ಕಾಲೇನ ದಶಾರ್ಣಾನಜಯತ್ಪ್ರಭುಃ।
ತತ್ರ ದಾಶಾರ್ಣಕೋ ರಾಜಾ ಸುಧರ್ಮಾ ರೋಮಹರ್ಷಣಂ।
ಕೃತವಾನ್ಭೀಮಸೇನೇಮ ಮಹದ್ಯುದ್ಧಂ ನಿರಾಯುಧಂ। 2-30-5 (12564)
ಭೀಮಸೇನಸ್ತು ತದ್ದೃಷ್ಟ್ವಾ ತಸ್ಯ ಕರ್ಮ ಮಹಾತ್ಮನಃ।
ಅಧಿಸೇನಾಪತಿಂ ಚಕ್ರೇ ಸುಧರ್ಮಾಣಂ ಮಹಾಬಲಂ॥ 2-30-6 (12565)
ತತಃ ಪ್ರಾಚೀಂ ದಿಶಂ ಭೀಮೋ ಯಯೌ ಭೀಮಪರಾಕ್ರಮಃ।
ಸೈನ್ಯೇನ ಮಹತಾ ರಾಜನ್ಕಂಪಯನ್ನಿವ ಮೇದಿನೀಂ॥ 2-30-7 (12566)
ಸೋಽಶ್ವಮೇಧೇಶ್ವರಂ ರಾಜನ್ರೋಚಮಾನಂ ಸಹಾನುಗಂ।
ಜಿಗಾಯ ಸಮರೇ ವೀರೋ ಬಲೇನ ಬಲಿನಾಂ ವರಃ॥ 2-30-8 (12567)
ಸ ತಂ ನಿರ್ಜಿತ್ಯ ಕೌಂತೇಯೋ ನಾತಿತೀವ್ರೇಣ ಕರ್ಮಣಾ।
ಪೂರ್ವದೇಶಂ ಮಹಾವೀರ್ಯಂ ವಿಜಿಗ್ಯೇ ಕುರನಂದನಃ॥ 2-30-9 (12568)
ತತೋ ದಕ್ಷಿಣಮಾಗಂಯ ಪುಲಿಂದನಗರಂ ಮಹತ್।
ಸುಕುಮಾರಂ ವಶೇ ಚಕ್ರೇ ಸುಮಿತ್ರಂ ಚ ನರಾಧಿಪಂ॥ 2-30-10 (12569)
ತತಸ್ತು ಧರ್ಮರಾಜಸ್ಯ ಶಾಸನಾದ್ಭರತರ್ಷಭಃ।
ಶಿಶುಪಾಲಂ ಮಹಾವೀರ್ಯಮಭ್ಯಗಾಜ್ಜನಮೇಜಯ॥ 2-30-11 (12570)
ಚೇದಿರಾಜೋಽಪಿ ತಚ್ಛ್ರುತ್ವಾ ಪಾಂಡವಸ್ಯ ಚಿಕೀರ್ಷಿತಂ।
ಉಪನಿಷ್ಕಂಯ ನಗರಾತ್ಪ್ರತ್ಯಗೃಹ್ಣಾತ್ಪರಂತಪ॥ 2-30-12 (12571)
ತೌ ಸಮೇತ್ಯ ಮಹಾರಾಜ ಕುರುಚೇದಿವೃಷೌ ತದಾ।
ಉಭಯೋರಾತ್ಮಕುಲಯೋಃ ಕೌಶಲಂ ಪರ್ಯಪೃಚ್ಛತಾಂ॥ 2-30-13 (12572)
ತತೋ ನಿವೇದ್ಯ ತದ್ರಾಷ್ಟ್ರಂ ಚೇದಿರಾಜೋ ವಿಶಾಂಪತೇ।
ಉವಾಚ ಭೀಮಂ ಪ್ರಹಸನ್ಕಿಮಿದಂ ಕುರುಷೇಽನಘ। 2-30-14 (12573)
ತಸ್ಯ ಭೀಮಸ್ತದಾಚಖ್ಯೌ ಧರ್ಮರಾಜಚಿಕೀರ್ಷಿತಂ।
ಸ ಚ ತಂ ಪ್ರತಿಗೃಹ್ಯೈವ ತಥಾ ಚಕ್ರೇ ನರಾಧಿಪಃ॥ 2-30-15 (12574)
ತತೋ ಭೀಮಸ್ತತ್ರ ರಾಜನ್ನಿಷಿತ್ವಾ ತ್ರಿದಶಾಃ ಕ್ಷಪಾಃ।
ಸತ್ಕೃತಃ ಶಿಶುಪಾಲೇನ ಯಯೌ ಸಬಲವಾಹನಃ॥ ॥ 2-30-16 (12575)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದಿಗ್ವಿಜಯಪರ್ವಣಿ ತ್ರಿಂಶೋಽಧ್ಯಾಯಃ॥ 30॥
ಸಭಾಪರ್ವ - ಅಧ್ಯಾಯ 031
॥ ಶ್ರೀಃ ॥
2.31. ಅಧ್ಯಾಯಃ 031
Mahabharata - Sabha Parva - Chapter Topics
ಪ್ರಾಚೀಂ ದಿಶಂ ನಿರ್ಜಿತ್ಯ ಭೀಮಸ್ಯ ಪ್ರತಿನಿವರ್ತನಂ॥1॥Mahabharata - Sabha Parva - Chapter Text
ವೈಶಂಪಾಯನ ಉವಾಚ।
ತತಃ ಕುಮಾರವಿಷಯೇ ಶ್ರೇಣಿಮಂತಮಥಾಜಯತ್।
ಕೋಸಲಾಧಿಪತಿಂ ಚೈವ ಬೃಹದ್ಬಲಮರಿಂದಮಃ॥ 2-31-1 (12576)
ಅಯೋಧ್ಯಾಯಾಂ ತು ಧರ್ಮಜ್ಞಂ ದೀರ್ಘಯಜ್ಞಂ ಮಹಾಬಲಂ।
ಅಜಯತ್ಣಂಡವಶ್ರೇಷ್ಠೋ ನಾತಿತೀವ್ರೇಣ ಕರ್ಮಣಾ॥ 2-31-2 (12577)
ತತೋ ಗೋಪಾಲಕಕ್ಷಂ ಚ ಸೋತ್ತರಾನಪಿ ಕೋಸಲಾನ್।
ಮಲ್ಲಾನಾಮಧಿಪಂ ಚೈವ ಪಾರ್ಥಿವಂ ಚಾಜಯತ್ಪ್ರಭುಃ॥ 2-31-3 (12578)
ತತೋ ಹಿಮವತಃ ಪಾರ್ಶ್ವಂ ಸಮಭ್ಯೇತ್ಯ ಜಲೋದ್ಭವಂ।
ಸರ್ವಮಲ್ಪೇನ ಕಾಲೇನ ದೇಶಂ ಚಕ್ರೇ ವಶಂ ಬಲೀ॥ 2-31-4 (12579)
ಏವಂ ಬಹುವಿಧಾಂದೇಶಾನ್ವಿಜಿಗ್ಯೇ ಭರತರ್ಷಭಃ।
ಭಲ್ಲಾಟಮಭಿತೋ ಜಿಗ್ಯೇ ಶುಕ್ತಿಮಂತಂ ಚ ಪರ್ವತಂ॥ 2-31-5 (12580)
ಪಾಂಡವಃ ಸುಮಹಾವೀರ್ಯೋ ಬಲೇನ ಬಲಿನಾಂ ವರಃ।
ಸ ಕಾಶಿರಾಜಂ ಸಮರೇ ಸುಬಾಹುಮನಿವರ್ತಿನಂ॥ 2-31-6 (12581)
ವಶೇ ಚಕ್ರೇ ಮಹಾಬಾಹುರ್ಭೀಮೋ ಭೀಮಪರಾಕ್ರಮಃ।
ತತಃ ಸುಪಾರ್ಶ್ವಮಭಿತಸ್ತಥಾ ರಾಜಪತಿಂ ಕ್ರಥಂ॥ 2-31-7 (12582)
ಯುಧ್ಯಮಾನಂ ಬಾಲತ್ಸಂಖ್ಯೇ ವಿಜಿಗ್ಯೇ ಪಾಂಡವರ್ಷಭಃ।
ತತೋ ಮತ್ಸ್ಯಾನ್ಮಹಾತೇಜಾ ಮಲದಾಂಶ್ಚ ಮಹಾಬಲಾನ್॥ 2-31-8 (12583)
ಅನಘಾನಭಯಾಂಶ್ಚೈವ ಪಶುಭೂಮಿಂ ಚ ಸರ್ವಶಃ।
ನಿವೃತ್ಯ ಚ ಮಹಾಬಾಹುರ್ಮದಧಾರಂ ಮಹೀಧರಂ॥ 2-31-9 (12584)
ಸೋಮಧೇಯಾಂಶ್ಚ ನಿರ್ಜಿತ್ಯ ಪ್ರತ್ಯಯಾವುತ್ತರಾಮುಖಃ।
ವತ್ಸಭೂಮಿಂ ಚ ಕೌಂತೇಯೋ ವಿಜಿಗ್ಯೇ ಬಲವಾನ್ಬಲಾತ್॥ 2-31-10 (12585)
ಭರ್ಗಾಣಾಮಧಿಪಂ ಚೈವ ನಿಷಾದಾಧಿಪತಿಂ ತಥಾ।
ವಿಜಿಗ್ಯೇ ಭೂಮಿಪಾಲಾಂಶ್ಚ ಮಮಿಮತ್ಪ್ರಮುಖಾನ್ಬಹೂನ್॥ 2-31-11 (12586)
ತತೋ ದಕ್ಷಿಣಮಲ್ಲಾಂಶ್ಚ ಭೋಗವಂತಂ ಚ ಪರ್ವತಂ।
ತರಸೈವಾಜಯದ್ಭೀಮೋ ನಾತಿತೀವ್ರೇಣ ಕರ್ಮಣಾ॥ 2-31-12 (12587)
ಶರ್ಮಕಾನ್ವರ್ಮಕಾಂಶ್ಚೈವ ವ್ಯಜಯತ್ಸಾಂತ್ವಪೂರ್ವಕಂ।
ವೈದೇಹಕಂ ಚ ರಾಜಾನಂ ಜನಕಂ ಜಗತೀಪತಿಂ॥ 2-31-13 (12588)
ವಿಜಿಗ್ಯೇ ಪುರುಷವ್ಯಾಘ್ರೋ ನಾತಿತೀವ್ರೇಣ ಕರ್ಮಣಾ।
ಶಕಾಂಶ್ಚ ಬರ್ಬರಾಶ್ಚೈವ ಅಜಯಚ್ಛದ್ಮಪೂರ್ವಕಂ॥ 2-31-14 (12589)
ವೈದೇಹಸ್ಥಸ್ತು ಕೌಂತೇಯ ಇಂದ್ರಪರ್ವತಮಂತಿಕಾತ್।
ಕಿರಾತಾನಾಮಧಿಪತೀನಜಯತ್ಸಪ್ತ ಪಾಂಡವಃ॥ 2-31-15 (12590)
ತತಃ ಸುಹ್ಯಾನ್ಪ್ರಸುಹ್ಯಾಂಶ್ಚ ಸಪಕ್ಷಾನತಿವೀರ್ಯವಾನ್।
ವಿಜಿತ್ಯ ಯುಧಿ ಕೌಂತೇಯೋ ಮಾಗಧಾನಭ್ಯಧಾದ್ಬಲೀ॥ 2-31-16 (12591)
ದಂಡಂ ಚ ದಂಡಧಾರಂ ಚ ವಿಜಿತ್ಯ ಪೃಥಿವೀಪತೀನ್।
ತೈರೇವ ಸಹಿತೈಃ ಸರ್ವೈರ್ಗಿರಿವ್ರಜಮುಪಾದ್ರವತ್॥ 2-31-17 (12592)
ಜಾರಾಸಂಧಿಂ ಸಾಂತ್ವಯಿತ್ವಾ ಕರೇ ಚ ವಿನಿವೇಶ್ಯ ಹ।
ತೈರೇವ ಸಹಿತೈಃ ಸರ್ವೈಃ ಕರ್ಣಮಬ್ಯದ್ರವದ್ಬಲೀ॥ 2-31-18 (12593)
ಸ ಕಂಪಯನ್ನಿವ ಮಹೀಂ ಬಲೇನ ಚತುಂಗಿಣಾ।
ಯುಯುಧೇ ಪಾಂಡವಶ್ರೇಷ್ಠಃ ಕರ್ಣೇನಾಮಿತ್ರಘಾತಿನಾ॥ 2-31-19 (12594)
ಸ ಕರ್ಣಂ ಯುಧಿ ನಿರ್ಜಿತ್ಯ ವಶೇ ಕೃತ್ವಾ ಚ ಭಾರತ।
ತತೋ ವಿಜಿಗ್ಯೇ ಬಲವಾನ್ರಾಜ್ಞಃ ಪರ್ವತವಾಸಿನಃ॥ 2-31-20 (12595)
ಅಥ ಮೋದಾಗಿರೌ ಚೈವ ರಾಜಾನಂ ಬಲವತ್ತರಂ।
ಪಾಂಡವೋ ಬಾಹುವೀರ್ಯೇಣ ನಿಜಘಾನ ಮಹಾಮೃಧೇ॥ 2-31-21 (12596)
ತತಃ ಪುಂಡ್ರಾಧಿಪಂ ವೀರಂ ವಾಸುದೇವಂ ಸಮಾಯಯೌ।
`ಇದಾನೀಂ ವೃಷ್ಣಿವೀರೇಣ ನ ಯೋತ್ಸ್ಯಾಮೀತಿ ಪೌಂಡ್ರಕಃ॥ 2-31-22 (12597)
ಕೃಷ್ಣಸ್ಯ ಭುಜಸಂತ್ರಾಸಾತ್ಕರಮಾಶು ದದೌ ನೃಪಃ'।
ಕೌಶಿಕೀಕಚ್ಛನಿಲಯಂ ರಾಜಾನಂ ಚ ಮಹೌಜಸಂ॥ 2-31-23 (12598)
ಉಭೌ ಬಲಭೃತೌ ವೀರಾವುಮೌ ತೀವ್ರಪರಾಕ್ರಮೌ।
ನಿರ್ಜಿತ್ಯಾಜೌ ಮಹಾರಾಜ ವಂಗರಾಜಮುಪಾದ್ರವತ್॥ 2-31-24 (12599)
ಸಮುದ್ರಸೇನ ನಿರ್ಜಿತ್ಯ ಚಂದ್ರಸೇನಂ ಚ ಪಾರ್ಥಿವಂ।
ತಾಂರಲಿಪ್ತಂ ಚ ರಾಜಾನಂ ಕರ್ವಟಾಧಿಪತಿಂ ತಥಾ॥ 2-31-25 (12600)
ಸುಹ್ಯಾನಾಮಧಿಪಂ ಚೈವ ಯೇ ಚ ಸಾಗರವಾಸಿನಃ।
ಸರ್ವಾನ್ಂಲೇಚ್ಛಗಣಾಂಶ್ಚೈವ ವಿಜಿಗ್ಯೇ ಭರತರ್ಷಭಃ॥ 2-31-26 (12601)
ಏವಂ ಬಹುವಿಧಾಂದೇಶಾನ್ವಿಜಿತ್ಯ ಪವನಾತ್ಮಜಃ।
ವಸು ತೇಭ್ಯ ಉಪಾದಾಯ ಲೌಹಿತ್ಯಮಗದ್ಬಲೀ॥ 2-31-27 (12602)
ಸ ಸರ್ವಾನ್ಂಲೇಚ್ಛನೃಪತೀನ್ಸಾಗರಾನೂಪವಾಸಿನಃ।
ಕರಮಾಹಾರಯಾಮಾಸ ರತ್ನಾನಿ ವಿವಿಧಾನಿ ಚ॥ 2-31-28 (12603)
ಚಂದನಾಗುರುವಸ್ತ್ರಾಣಿ ಮಣಿಮೌಕ್ತಿಕಕಂಬಲಂ।
ಕಾಂಚನಂ ರಜತಂ ಚೈವ ವಿದ್ರುಮಂ ಚ ಮಹಾಧನಂ॥ 2-31-29 (12604)
ತೇ ಕೋಟೀಶತಸಂಖ್ಯೇನ ಕೌಂತೇಯಂ ಮಹತಾ ತದಾ।
ಅಭ್ಯವರ್ಷನ್ಮಹಾತ್ಮಾನಂ ಧನವರ್ಷೇಣ ಪಾಂಡವಂ॥ 2-31-30 (12605)
ಇಂದ್ರಪ್ರಸ್ಥಮುಪಾಗಂಯ ಭೀಮೋ ಭೀಮಪರಾಕ್ರಮಃ।
ನಿವೇದಯಾಮಾಸ ತದಾ ಧರ್ಮರಾಜಾಯ ತದ್ಧನಂ॥ ॥ 2-31-31 (12606)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದಿಗ್ವಿಜಯಪರ್ವಣಿ ಏಕತ್ರಿಂಶೋಽಧ್ಯಾಯಃ॥ 32॥
Mahabharata - Sabha Parva - Chapter Footnotes
2-31-16 ಸುಹ್ಯಾ ರಾಢಾಃ ಮಾಗಧಾನಭ್ಯಧಾದ್ಬಲೀ ಕರಂ ಪ್ರಯಚ್ಛತೇತ್ಯುಕ್ತವಾನ್। ಪೂರ್ವಮೇವ ಪರಾಕಾನ್ ತತ್ವಾತ್॥ಸಭಾಪರ್ವ - ಅಧ್ಯಾಯ 032
॥ ಶ್ರೀಃ ॥
2.32. ಅಧ್ಯಾಯಃ 032
Mahabharata - Sabha Parva - Chapter Topics
ದಕ್ಷಿಣದಿಗ್ವಿಜಯೇ ಶೂರಸೇನಾದೀಂಜಿತವತಃ ಸಹದೇವಸ್ಯ ಮಾಹಿಷ್ಮತ್ಯಾಂ ನೀಲೇನ ಸಹ ಯುದ್ಧಂ ॥ 1॥ ನೋಲಸ್ಯ ಅಗ್ನಿಸಾಹಾಯ್ಯಕರಣಕಾರಣಕಥನಂ॥ 2॥ ಸಹದೇವಸ್ತುತ್ಯಾ ತುಷ್ಟಸ್ಯಾಗ್ನೇರಾಜ್ಞಯಾ ನೀಲೇನಾರ್ಚಿತಸ್ಯ ಸಹದೇವಸ್ಯ ವಿಭೀಷಣಾತ್ಕರಗ್ ರಹಣಾರ್ಥಂ ಘಟೋತ್ಕಚಪ್ರೇಷಣಂ॥ 3॥Mahabharata - Sabha Parva - Chapter Text
ವೈಶಂಪಾಯ ಉವಾಚ॥
ತಥೈವ ಸಹದೇವೋಽಪಿ ಧರ್ಮರಾಜೇನ ಪೂಜಿತಃ।
ಮಹತ್ಯಾ ಸೇನಯಾ ರಾಜನ್ಪ್ರಯಯೌ ದಕ್ಷಿಣಾಂ ದಿಶಂ॥ 2-32-1 (12607)
ಸ ಶೂರಸೇನಾನ್ಕಾರ್ತ್ಸ್ನ್ಯೇನ ಪೂರ್ವಮೇವಾಜಯತ್ಪ್ರಭುಃ।
ಮತ್ಸ್ಯರಾಜಂ ಚ ಕೌರವ್ಯೋ ವಶೇ ಚಕ್ರೇ ಬಲಾದ್ಬಲೀ॥ 2-32-2 (12608)
ಅಧಿರಾಜಾಧಿಪಂ ಚೈವ ದಂತವಕ್ರಂ ಮಹಾಬಲಂ।
ಜಿಗಾಯ ಕರದಂ ಚೈವ ಕೃತ್ವಾ ರಾಜ್ಯೇ ನ್ಯವೇಶಯತ್॥ 2-32-3 (12609)
ಸುಕುಮಾರಂ ವಶೇ ಚಕ್ರೇ ಸುಮಿತ್ರಂ ಚ ನರಾಧಿಪಂ।
ತಥೈವಾಪರಮತ್ಸ್ಯಾಂಶ್ಚ ವ್ಯಜಯತ್ಸ ಪಟಚ್ಚರಾನ್॥ 2-32-4 (12610)
ನಿಷಾದಭೂಮಿಂ ಗೋಶೃಂಗಂ ಪರ್ವತಪ್ರವರಂ ತಥಾ।
ತರಸೈವಾಜಯದ್ಧೀಮಾಞ್ಶ್ರೇಣಿಮಂತಂ ಚ ಪಾರ್ಥಿವಂ॥ 2-32-5 (12611)
ನರರಾಷ್ಟ್ರಂ ಚ ನಿರ್ಜಿತ್ಯ ಕುಂತಿಭೋಜಮುಪಾದ್ರವತ್।
ಪ್ರೀತಿಪೂರ್ವಂ ಚ ತಸ್ಯಾಸೌ ಪ್ರತಿಜಗ್ರಾಹ ಶಾಸನಂ॥ 2-32-6 (12612)
ತತಶ್ಚರ್ಮಣ್ವತೀಕೂಲೇ ಜಂಭಕಸ್ಯಾತ್ಮಜಂ ನೃಪಂ।
ದದರ್ಶ ವಾಸುದೇವೇನ ಶೇಷಿತಂ ಪೂರ್ವವೈರಿಣಾ॥ 2-32-7 (12613)
ಚಕ್ರೇ ತೇನ ಸ ಸಂಗ್ರಾಮಂ ಸಹದೇವೇನ ಭಾರತ।
ಸ ತಮಾಜೌ ವಿನಿರ್ಜಿತ್ಯ ದಕ್ಷಿಣಾಭಿಮುಖೋ ಯಯೌ॥ 2-32-8 (12614)
ಸೇಕಾನಪರಸೇಕಾಂಶ್ಚ ರತ್ನಾನಿ ವಿವಿಧಾನಿ ಚ॥
ತತಸ್ತೇನೈವ ಸಹಿತೋ ನರ್ಮದಾಮಭಿತೋ ಯಯೌ। 2-32-10a`ಭಗದತ್ತಂ ಮಹಾಬಾಹುಂ ಕ್ಷತ್ರಿಯಂ ನರಕಾತ್ಮಜಂ।
ಅರ್ಜುನಾಯ ಕರಂ ದತ್ತಂ ಶ್ರುತ್ವಾ ತತ್ರ ನ್ಯವರ್ತತ'॥ 2-32-9 (12615)
ವಿಂದಾನುವಿಂದಾವಾವಂತ್ಯೌ ಸೈನ್ಯೇನ ಮಹತಾವೃತೌ।
ಜಿಗಾಯ ಸಮರೇ ವೀರಾವಾಶ್ವಿನೇಯಃ ಪ್ರತಾಪವಾನ್॥ 2-32-11 (12616)
ತತೋ ರತ್ನಾನ್ಯುಪಾದಾಯ ಪುರಂ ಭೋಜಕಟಂ ಯಯೌ।
ತತ್ರ ಯುದ್ಧಮಭೂದ್ರಾಜಂದಿವಸದ್ವಯಮಚ್ಯುತ॥ 2-32-12 (12617)
ಸ ವಿಜಿತ್ಯ ದುರಾಧರ್ಷಂ ಭೀಷ್ಮಕಂ ಮಾದ್ರಿನಂದನಃ।
ಕೋಸಲಾಧಿಪತಿಂ ಚೈವ ತಥಾ ವೇಣಾತಟಾಧಿಪಂ॥ 2-32-13 (12618)
ಕಾಂತಾರಕಾಂಶ್ಚ ಸಮರ ತಥಾ ಪ್ರಾಕೋಟಕಾನ್ನೃಪಾನ್।
ನಾಟಕೇಯಾಂಶ್ಚ ಸಮರೇ ತಥಾ ಹೇರಂಬಕಾನ್ಯುಧಿ॥ 2-32-14 (12619)
ಮಾರುಧಂ ಚ ವಿನಿರ್ಜಿತ್ಯ ರಂಯಗ್ರಾಮಮಥೋ ಬಲಾತ್।
ನಾಚೀನಾನರ್ಬುಕಾಂಶ್ಚೈವ ರಾಜಾನಶ್ಚ ಮಹಾಬಲಃ॥ 2-32-15 (12620)
ತಾಂಸ್ತಾನಾಟವಿಕಾನ್ಸರ್ವಾನಜಯತ್ಪಾಂಡುನಂದನಃ।
ನಾತಾಧಿಪಂ ಚ ನೃಪತಿಂ ವಶೇ ಚಕ್ರೇ ಮಹಾಬಲಃ॥ 2-32-16 (12621)
ಪುಲಿಂದಾಂಶ್ಚ ರಣೇ ಜಿತ್ವಾ ಯಯೌ ದಕ್ಷಿಣತಃ ಪುರಃ।
ಯುಯುಧೇ ಪಾಂಡ್ಯರಾಜೇನ ದಿವಸಂ ನಕುಲಾನುಜಃ॥ 2-32-17 (12622)
ತಂ ಜಿತ್ವಾ ಸ ಮಹಾಬಾಹುಃ ಪ್ರಯಯೌ ದಕ್ಷಿಣಾಪಥಂ।
ಗುಹಾಮಾಸಾದಯಾಮಾಸ ಕಿಷ್ಕಿಂಧಾಂ ಲೋಕವಿಶ್ರುತಾಂ॥ 2-32-18 (12623)
`ಪುರಾ ವಾನರರಾಜೇನ ವಾಲಿನಾ ಚಾಭಿರಕ್ಷಿತಾಂ।
ತತಃ ಕೋಸಲರಾಜಸ್ಯ ರಾಮಸ್ಯೈವಾನುಗೇನ ಚ।
ಸುಗ್ರೀವೇಣಾಭಿಗುಪ್ತಾಂ ತಾಂ ಪ್ರವಿಷ್ಟಸ್ತಮಥಾಹ್ವಯತ್'॥ 2-32-19 (12624)
ತತ್ರ ವಾನರರಾಜಾಭ್ಯಾಂ ಮೈಂದೇನ ದ್ವಿವಿದೇನ ಚ।
ಯುಯುಧೇ ದಿವಸಾನ್ಸಪ್ತ ನ ಚ ತೌ ವಿಕೃತಿಂ ಗತೌ॥ 2-32-20 (12625)
ತತಸ್ತುಷ್ಟೌ ಮಹಾತ್ಮಾನೌ ಸಹದೇವಾಯ ವಾನರೌ।
ಊಚತುಶ್ಚೈವ ಸಂಹೃಷ್ಟೌ ಪ್ರೀತಿಪೂರ್ವಮಿದಂ ವಚಃ॥ 2-32-21 (12626)
ಗಚ್ಛ ಪಾಂಡವಶಾರ್ದೂಲ ರತ್ನಾನ್ಯಾದಾಯ ಸರ್ವಶಃ।
ಅವಿಘ್ನಮಸ್ತ ಕಾರ್ಯಾಯ ಧರ್ಮರಾಜಾಯ ಧೀಮತೇ॥ 2-32-22 (12627)
ತತೋ ರತ್ನಾನ್ಯುಪಾದಾಯ ಪುರೀಂ ಮಾಹಿಷ್ಮತೀಂ ಯಯೌ॥
ತತ್ರ ನೀಲೇನ ರಾಜ್ಞಾ ಸ ಚಕ್ರೇ ಯುದ್ಧಂ ನರರ್ಷಭಃ॥ 2-32-23 (12628)
ಪಾಂಡವಃ ಪರವೀರಘ್ನಃ ಸಹದೇವಃ ಪ್ರತಾಪವಾನ್॥
ತತೋಽಸ್ಯ ಸುಮಹದ್ಯುದ್ಧಮಾಸೀದ್ಭೀರುಭಯಂಕರಂ॥ 2-32-24 (12629)
ಸೈನ್ಯಕ್ಷಯಕರಂ ಚೈವ ಪ್ರಾಣಾನಾಂ ಸಂಶಯಾವಹಂ।
ಚಕ್ರೇ ತಸ್ಯ ಹಿ ಸಾಹಾಯ್ಯಂ ಭಗವಾನ್ಹವ್ಯವಾಹನಃ॥ 2-32-25 (12630)
ತತೋ ರಥಾ ಹಯಾ ನಾಗಾಃ ಪುರುಷಾಃ ಕವಚಾನಿ ಚ।
ಪ್ರತೀಪ್ತಾನಿ ವ್ಯದೃಶ್ಯಂತ ಸಹದೇವಬಲೇ ತದಾ॥ 2-32-26 (12631)
ತತಃ ಸುಸಂಭ್ರಾಂತಮನಾ ಬಭೂವ ಕುರುನಂದನಃ।
ನೋತ್ತರಂ ಪ್ರತಿವಕ್ತುಂ ಚ ಶಕ್ತೋಽಭೂಜ್ಜನಮೇಜಯ॥ 2-32-27 (12632)
ಜನಮೇಜಯ ಉವಾಚ। 2-32-28x (1439)
ಕಿಮರ್ಥಂ ಭಗವಾನ್ವಹ್ನಿಃ ಪ್ರತ್ಯಮಿತ್ರೋಽಭವದ್ಯುಧಿ।
ಸಹದೇವಸ್ಯ ಯಜ್ಞಾರ್ಥಂ ಘಟಮಾನಸ್ಯ ವೈ ದ್ವಿಜ॥ 2-32-28 (12633)
ವೈಶಂಪಾಯನ ಉವಾಚ। 2-32-29x (1440)
ತತ್ರ ಮಾಹಿಷ್ಮತೀವಾಸೀ ಭಗವಾನ್ಹವ್ಯವಾಹನಃ।
ಶ್ರೂಯತೇ ಹಿ ಗೃಹೀತೋ ವೈ ಪುರಸ್ತಾತ್ಪಾರದಾರಿಕಃ॥ 2-32-29 (12634)
ನೀಲಸ್ಯ ರಾಜ್ಞೋ ದುಹಿತಾ ಬಭೂವತಾತೀವ ಶೋಭನಾ।
ಸಾಽಗ್ನಿಹೋತ್ರಮುಪಾತಿಷ್ಠದ್ಬೋಧನಾಯ ಪಿತುಃ ಸದಾ॥ 2-32-30 (12635)
ವ್ಯಜನೈರ್ಧೂಯಮಾನೋಽಪಿ ತಾವತ್ಪ್ರಜ್ವಲತೇ ನ ಸಃ॥
ಯಾವಚ್ಚಾರುಪುಟೌಷ್ಠೇನ ವಾಯುನಾ ನ ವಿಧೂಯತೇ॥ 2-32-31 (12636)
ತತಃ ಸ ಭಗವಾನಗ್ನಿಶ್ಚಕಮೇ ತಾಂ ಸುದರ್ಶನಾಂ।
ನೀಲಸ್ಯ ರಾಜ್ಞಃ ಸರ್ವೇಷಾಮುಪನೀತಶ್ಚ ಸೋಽಭವತ್॥ 2-32-32 (12637)
ತತೋ ಬ್ರಹ್ಮಣರೂಪೇಣ ರಮಮಾಣೋ ಯದೃಚ್ಛಯಾ॥
ಚಕಮೇ ತಾಂ ವರಾರೋಹಾಂ ಕನ್ಯಾಮುತ್ಪಲಲೋಚನಾಂ॥
ತಂ ತು ರಾಜಾ ಯಥಾಶಾಸ್ತ್ರಮಶಾಸದ್ಧಾರ್ಮಿಕಸ್ತದಾ॥ 2-32-33 (12638)
ಪ್ರಜಜ್ವಾಲ ತತಃ ಕೋಪಾದ್ಭಗವಾನ್ಹವ್ಯವಾಹನಃ।
ತಂ ದೃಷ್ಟ್ವಾ ವಿಸ್ಮಿತೋ ರಾಜಾ ಜಗಾಮ ಶಿರಸಾಽವನಿಂ॥ 2-32-34 (12639)
ತತಃ ಕಾಲೇನ ತಾಂ ಕನ್ಯಾಂ ತಥೈವ ಹಿ ತದಾ ನೃಪಃ।
ಪ್ರದದೌ ವಿಪ್ರರೂಪಾಯ ವಹ್ರಯೇ ಶಿರಸಾ ನತಃ॥ 2-32-35 (12640)
ಪ್ರತಿಗೃಹ್ಯ ಚ ತಾಂ ಸುಭ್ರುಂ ನೀಲರಾಜ್ಞಃ ಸುತಾಂ ತದಾ।
ಚಕ್ರೇ ಪ್ರಸಾದಂ ಭಗವಾಂಸ್ತಸ್ಯ ರಾಜ್ಞೋ ವಿಭಾವಸುಃ॥ 2-32-36 (12641)
ವರೇಣ ಚ್ಛಂದಯಾಮಾಸ ತಂ ನೃಪಂ ಸ್ವಿಷ್ಟಕೃತ್ತಮಃ।
ಅಭಯಂ ಚ ಸ ಜಗ್ರಾಹ ಸ್ವಸೈನ್ಯೇ ವೈ ಮಹೀಪತಿಃ॥ 2-32-37 (12642)
ತತಃ ಪ್ರಭೃತಿ ಯೇ ಕೇಚಿದಜ್ಞಾನಾತ್ತಾಂ ಪುರೀಂ ನೃಪಾಃ।
ಜಿಗೀಷಂತಿ ಬಲಾದ್ರಾಜಂಸ್ತೇ ದಹ್ಯಂತೇ ಸ್ಮ ವಹ್ನಿನಾ॥ 2-32-38 (12643)
ತಸ್ಯಾಂ ಪುರ್ಯಾಂ ತದಾ ಚೈವ ಮಾಹಿಷ್ಮತ್ಯಾಂ ಕುರೂದ್ವಹ।
ಬಭೂವುರನತಿಗ್ರಾಹ್ಯ ಯೋಷಿತಶ್ಛಂದತಃ ಕಿಲ॥ 2-32-39 (12644)
ಏವಮಗ್ನಿರ್ವರಂ ಪ್ರಾದಾತ್ಸ್ತ್ರೀಣಾಮಪ್ರತಿವಾರಣೇ।
ಸ್ವೈರಿಣ್ಯಸ್ತತ್ರ ಚ ರಾಜಾನಸ್ತತ್ಪುರಂ ಭರತರ್ಷಭ। 2-32-40 (12645)
ವರ್ಜಯಂತಿ ಚ ರಾಜಾನಸ್ತತ್ಪುರಂ ಭರತರ್ಷಭ।
ಭಯಾದಗ್ನೇರ್ಮಹಾರಾಜ ತದಾಪ್ರಭೃತಿ ಸರ್ವದಾ॥ 2-32-41 (12646)
ಸಹದೇವಸ್ತು ಧರ್ಮಾತ್ಮಾ ಸೈನ್ಯಂ ದೃಷ್ಟ್ವಾ ಭಯಾರ್ದಿತಂ।
ಪರೀತಮಗ್ನಿನಾ ರಾಜನ್ನಾಕಂಪತ ಯಥಾಽಚಲಃ।
ಉಪಸ್ಪೃಶ್ಯ ಶುಚಿರ್ಭೂತ್ವಾ ಸೋಽಬ್ರವೀತ್ಪಾವಕಂ ತತಃ॥ 2-32-42 (12647)
ಸಹದೇವ ಉವಾಚ। 2-32-43x (1441)
ತ್ವದರ್ಥೋಽಯಂ ಸಮಾರಂಭಃ ಕೃಷ್ಣವರ್ತ್ಮನ್ನಮೋಸ್ತು ತೇ।
ಮುಖಂ ತ್ವಮಸಿ ದೇವಾನಾಂ ಯಜ್ಞಸ್ತ್ವಮಸಿ ಪಾವಕ॥ 2-32-43 (12648)
ಪಾವನಾತ್ಪಾವಕಶ್ಚಾಸಿ ವಹನಾದ್ಧವ್ಯವಾಹನಃ।
ವೇದಾಸ್ತ್ವದರ್ಥಂ ಜಾತಾ ವೈ ಜಾತವೇದಾಸ್ತತೋ ಹ್ಯಸಿ॥ 2-32-44 (12649)
ಚಿತ್ರಭಾನುಃ ಸುರೇಶಶ್ಚ ಅನಲಸ್ತ್ವಂ ವಿಭಾವಸೋ।
ಸ್ವರ್ಗದ್ವಾರಸ್ಪೃಶಶ್ಚಾಸಿ ಹುತಾಶೋ ಜ್ವಲನಃ ಶಿಖೀ॥ 2-32-45 (12650)
ವೈಶ್ವಾನರಸ್ತ್ವಂ ಪಿಂಗೇಶಃ ಪ್ಲವಂಗೋ ಭೂರಿತೇಜಸಃ।
ಕುಮಾರಸೂಸ್ತ್ವಂ ಭಗವಾನ್ರುದ್ರಗರ್ಭೋ ಹಿರಣ್ಯಕೃತ್॥ 2-32-46 (12651)
ಅಗ್ನಿರ್ದದಾತು ಮೇ ತೇಜೋ ವಾಯುಃ ಪ್ರಾಣಂ ದದಾತು ಮೇ।
ಪೃಥಿವೀ ಬಲಮಾದಧ್ಯಾಚ್ಛಿವಂ ಚಾಪೋ ದಿಶಂತು ಮೇ॥ 2-32-47 (12652)
ಅಪಾಂ ಗರ್ಭ ಮಹಾಸತ್ವ ಜಾತವೇದಃ ಸುರೇಶ್ವರ।
ದೇವಾನಾಂ ಮುಖಮಗ್ನೇ ತ್ವಂ ಸತ್ಯೇನ ವಿಪುನೀಹಿ ಮಾಂ॥ 2-32-48 (12653)
ಋಷಿಭಿರ್ಬ್ರಾಹ್ಮಣೈಶ್ಚೈವ ದೈವತೈರಸುರೈರಪಿ।
ನಿತ್ಯಂ ಸುಹುತ ಯಜ್ಞೇಷು ಸತ್ಯೇನ ವಿಪುನೀಹಿ ಮಾಂ॥ 2-32-49 (12654)
ಧೂಮಕೇತುಃ ಶಿಖೀ ಚ ತ್ವಂ ಪಾಪಹಾಽನಿಸಂಭವಃ।
ಸರ್ವಪ್ರಾಣಿಷು ನಿತ್ಯಸ್ಥಃ ಸತ್ಯೇನ ವಿಪುನೀಹಿ ಮಾಂ॥ 2-32-50 (12655)
ಏವಂ ಸ್ತುತೋಽಸಿ ಭಗವನ್ಪ್ರೀತೇನ ಶಿಚಿನಾ ಮಯಾ।
ತುಷ್ಟಿಂ ಪುಷ್ಟಿಂ ಶ್ರುತಂ ಚೈವ ಪ್ರೀತಿ ಚಾಗ್ನೇ ಪ್ರಯಚ್ಛ ಮೇ॥ 2-32-51 (12656)
ವೈಶಂಪಾಯನ ಉವಾಚ। 2-32-52x (1442)
ಇತ್ಯೇವಂ ಮಂತ್ರಮಾಗ್ನೇಯಂ ಪಠನ್ಯೋ ಜುಹುಯಾದ್ವಿಭುಂ।
ಋದ್ಧಿಮಾನ್ಸತತಂ ದಾಂತಃ ಸರ್ವಪಾಪೈಃ ಪ್ರಮುಚ್ಯತೇ॥ 2-32-52 (12657)
ಸಹದೇವ ಉವಾಚ। 2-32-53x (1443)
ಯಜ್ಞವಿಘ್ನಮಿಮಂ ಕರ್ತುಂ ನಾರ್ಹಸ್ತ್ವಂ ಯಜ್ಞವಾಹನ।
ಏವಮುಕ್ತ್ವಾ ತು ಮಾದ್ರೇಯಃ ಕುಶೈರಾಸ್ತೀರ್ಯ ಮೇದಿನೀಂ॥ 2-32-53 (12658)
ವಿಧಿವತ್ಪುರುಷವ್ಯಾಘ್ರಃ ಪಾವಕಂ ಪ್ರತ್ಯುಪಾವಿಶತ್।
ಪ್ರಮುಖೇ ತಸ್ಯ ಸೈನ್ಯಸ್ಯ ಭೀತೋದ್ವಿಗ್ರಸ್ಯ ಭಾರತ॥ 2-32-54 (12659)
ನ ಚೈನಮತ್ಯಗಾದ್ವಹ್ನಿರುವಾಚ ಮಹೋದಧಿಃ।
ತಮುಪೇತ್ಯ ಶನೈರ್ವಹ್ನಿರುವಾಚ ಕುರುನಂದನಂ॥ 2-32-55 (12660)
ಸಹದೇವಂ ನೃಣಾಂ ದೇವಂ ಸಾಂತ್ವಪೂರ್ವಮಿದಂ ವಚಃ।
ಉತ್ತಿಷ್ಠೋತ್ತಿಷ್ಠ ಕೌರವ್ಯ ಜಿಜ್ಞಾಸೇಯಂ ಕೃತಾ ಮಯಾ॥ 2-32-56 (12661)
ವೇದ್ಮಿ ಸರ್ವಮಭಿಪ್ರಾಯಂ ತವ ಧರ್ಮಸುತಸ್ಯ ಚ।
ಮಯಾ ತು ರಕ್ಷಿತವ್ಯಾ ಪೂರಿಯಂ ಭರತಸತ್ತಮ॥ 2-32-57 (12662)
ಯಾವದ್ರಾಜ್ಞೋ ಹಿ ನೀಲಸ್ಯ ಕುಲೇ ವಂಶಧರಾ ಇತಿ।
ಈಪ್ಸಿತಂ ತು ಕರಿಷ್ಯಾಮಿ ಮನಸಸ್ತವ ಪಾಂಡವ॥ 2-32-58 (12663)
ತತ ಉತ್ಥಾಯ ಹೃಷ್ಟಾತ್ಮಾ ಪ್ರಾಂಜಲಿಃ ಶಿರಸಾ ನತಃ।
ಪೂಜಯಾಮಾಸ ಮಾದ್ರೇಯಟಃ ಪಾವಕಂ ಭರತರ್ಷಭ॥ 2-32-59 (12664)
ಪಾವಕೇ ವಿನಿವೃತ್ತೇ ತು ನೀಲೋ ರಾಜಾಽಭ್ಯಗಾತ್ತದಾ।
ಪಾವಕಸ್ಯಾಜ್ಞಯಾ ಚೈನಮರ್ಚಯಾಮಾಸ ಪಾರ್ಥಿವಃ॥ 2-32-60 (12665)
ಸತ್ಕಾರೇಣ ನರವ್ಯಾಘ್ರಂ ಸಹದೇವಂ ಯುಧಾಂ ಪತಿಂ।
ಪ್ರತಿಗೃಹ್ಯ ಚ ತಾಂ ಪೂಜಾಂ ಕರೇ ಚ ವಿನಿವೇಶ್ಯ ಚ॥ 2-32-61 (12666)
ಮಾದ್ರೀಸುತಸ್ತತಃ ಪ್ರಾಯಾದ್ವಿಜಯೀ ದಕ್ಷಿಣಾಂ ದಿಶಂ।
ತ್ರೈಪುರಂ ಸ ವಶೇ ಕೃತ್ವಾ ರಾಜಾನಮಮಿತೌಜಸಂ॥ 2-32-62 (12667)
ನಿಜಗ್ರಾಹ ಮಹಾಬಾಹುಸ್ತರಸಾ ಪೌರವೇಶ್ವರಂ।
ಆಕೃತಿಂ ಕೌಶಿಕಾಚಾರ್ಯಂ ಯತ್ನೇ ಮಹತಾ ತತಃ॥ 2-32-63 (12668)
ವಶೇ ಚಕ್ರೇ ಮಹಾಬಾಹುಃ ಸುರಾಷ್ಟ್ರಾಧಿಪತಿಂ ತದಾ।
ಸುರಾಷ್ಟ್ರವಿಷಯಸ್ಥಶ್ಚ ಪ್ರೇಷಯಾಮಾಸ ರುಕ್ಮಿಣೇ॥ 2-32-64 (12669)
ರಾಜ್ಞೇ ಭೋಜಕಟಸ್ಥಾಯ ಮಹಾಮಾತ್ರಾಯ ಧೀಮತೇ।
ಭೀಷ್ಮಕಾಯಸ ಧರ್ಮಾತ್ಮಾ ಸಾಕ್ಷಾದಿಂದ್ರಸಖಾಯ ವೈ॥ 2-32-65 (12670)
ಚ ಚಾಸ್ಯ ಪ್ರತಿಜಗ್ರಾಹ ಸಸುತಃ ಶಾಸನಂ ತದಾ।
ಪ್ರೀತಿಪೂರ್ವಂ ಮಹಾರಾಜ ವಾಸುದೇವಮವೇಕ್ಷ್ಯ ಚ॥ 2-32-66 (12671)
ತತಃ ಸ ರತ್ನಾನ್ಯಾದಾಯ ಪುನಃ ಪ್ರಾಯಾದ್ಯುಧಾಂ ಪತಿಃ।
ತತಃ ಶೂರ್ಪಾರಕಂ ಚೈವ ತಾಲಾಕಟಮಥಾಪಿ ಚ॥ 2-32-67 (12672)
ವಶೇ ಚಕ್ರೇ ಮಹಾತೇಜಾ ದಂಡಕಾಂಶ್ಚ ಮಹಾಬಲಃ।
ಸಾಗರದ್ವೀಪವಾಸಾಂಶ್ಚ ನೃಪತೀನ್ಂಲೇಚ್ಛಯೋನಿಜಾನ್॥ 2-32-68 (12673)
ನಿಷಾದಾನ್ಪುರುಷಾದಾಂಶ್ಚ ಕರ್ಣಪ್ರಾವರಣಾನಪಿ।
ಯೇ ಚ ಕಾಲಮುಖಾ ನಾಮ ನರರಾಕ್ಷಸಯೋನಯಃ॥ 2-32-69 (12674)
ಕೃತ್ಸ್ನಂ ಕೋಲಗಿರಿಂ ಚೈವ ಸುರಭೀಪಟ್ಟನಂ ತಥಾ।
ದ್ವೀಪಂ ತಾಂರಾಹ್ವಯಂ ಚೈವ ಪರ್ವತಂ ರಾಮಕಂ ತಥಾ॥ 2-32-70 (12675)
ತಿಮಿಂಗಿಲಂ ಚ ಸ ನೃಪಂ ವಶೇ ಕೃತ್ವಾ ಮಹಾಮತಿಃ।
ಏಕಪಾದಾಂಶ್ಚ ಪುರುಷಾನ್ಕೇರಲಾನ್ವನವಾಸಿನಃ॥ 2-32-71 (12676)
ನಗರೀಂ ಸಂಜಯಂತೀಂ ಚ ಪಾಷಂಡಂ ಕರಹಾಟಕಂ।
ದೂತೈರೇವ ವಶೇ ಚಕ್ರೇ ಕರಂ ಚೈನಾನದಾಪಯತ್॥ 2-32-72 (12677)
ಪಾಂಡ್ಯಾಂಶ್ಚ ದ್ರವಿಡಾಂಶ್ಚೈವ ಸಹಿತಾಂಶ್ಚೋಡ್ರಕೇರಲೈಃ।
ಅಂಧ್ರಾಂಸ್ತಾವನಾಂಶ್ಚೈವ ಕಲಿಂಗಾನುಷ್ಟ್ರಕರ್ಣಿಕಾನ್॥ 2-32-73 (12678)
ಆಟವೀಂ ಚ ಪುರೀಂ ರಂಯಾಂ ಯವನಾನಾಂ ಪುರಂ ತಥಾ।
ದೂತೈರೇವ ವಶೇ ಚಕ್ರೇ ಕರಂ ಚೈನಾನದಾಪಯತ್॥ 2-32-74 (12679)
`ತಾತ್ರಪರ್ಣೀ ತತೋ ಗತ್ವಾ ಕನ್ಯಾತೀರ್ಥಮತೀತ್ಯ ಚ।
ದಕ್ಷಿಣಾಂ ಚ ದಿಶಂ ಸರ್ವಾ ವಿಜಿತ್ಯ ಕುರುನಂದನಃ॥ 2-32-75 (12680)
ಉತ್ತರಂ ತೀರಮಾಸಾದ್ಯ ಸಾಗರಸ್ಯೋರ್ಮಿಮಾಲಿನಃ।
ಚಿಂತಯಾಮಾಸ ಕೌಂತೇಯೋ ಭ್ರಾತುಃ ಪುತ್ರಂ ಘಟೋತ್ಕಚಂ॥ 2-32-76 (12681)
ತತಶ್ಚಿಂತಿತಮಾತ್ರಸ್ತು ರಾಕ್ಷಸಃ ಪ್ರತ್ಯದೃಶ್ಯತ।
ತಂ ಮೇರುಶಿಖರಾಕಾರಮಾಗತಂ ಪಾಂಡುನಂದನಃ॥ 2-32-77 (12682)
ಭೃಗುಕಚ್ಛಾತ್ತತೋ ಧೀಮಾನ್ಸಾಂನೈವಾಮಿತ್ರಕರ್ಶನಃ।
ಆಗಂಯತಾಮಿತಿ ಪ್ರಾಹ ಧರ್ಮರಾಜಸ್ಯ ಶಸನಾಃ॥ 2-32-78 (12683)
ಸ ರಾಕ್ಷಸಪರೀವಾರಸ್ತಂ ಪ್ರಣಂಯಾಶು ಸಂಸ್ಥಿತಃ।
ಘಟೋತ್ಕಚಂ ಮಹಾತ್ಮಾನಂ ರಾಕ್ಷಸಂ ಘೋರದರ್ಶನಂ॥ 2-32-79 (12684)
ತತ್ರಸ್ಥಃ ಪ್ರೇಷಯಾಮಾಸ ಪೌಲಸ್ತ್ಯಾಯ ಮಹಾತ್ಮನೇ'।
ಬಿಭೀಷಣಾಯ ಧರ್ಮಾತ್ಮಾ ಪ್ರೀತಿಪೂರ್ವಮರಿಂದಮಃ॥ 2-32-80 (12685)
ಸ ಚಾಸ್ಯ ಪ್ರತಿಜಗ್ರಾಹ ಶಾಸನಂ ಪ್ರೀತಿಪೂರ್ವಕಂ।
ತಚ್ಚ ಕೃಷ್ಣಕೃತಂ ಧೀಮಾನಭ್ಯಮನ್ಯತ ಸ ಪ್ರಭುಃ॥ 2-32-81 (12686)
ತತಃ ಸಂಪ್ರೇಷಯಾಮಾಸ ರತ್ನಾನಿ ವಿವಿಧಾನಿ ಚ।
ಚಂದನಾಗುರುಕಾಷ್ಠಾನಿ ದಿವ್ಯಾನ್ಯಾಭರಣಾನಿ ಚ॥ 2-32-82 (12687)
ವಾಸಾಂಸಿ ಚ ಮಹಾರ್ಹಾಣಿ ಮಣೀಂಶ್ಚೈವ ಮಹಾಧನಾನ್॥ ॥ 2-32-82x (1444)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದಿಗ್ವಿಜಯಪರ್ವಣಿ ದ್ವಾತ್ರಿಂಶೋಽಧ್ಯಾಯಃ॥ 32॥
ಸಭಾಪರ್ವ - ಅಧ್ಯಾಯ 033
॥ ಶ್ರೀಃ ॥
2.33. ಅಧ್ಯಾಯಃ 033
Mahabharata - Sabha Parva - Chapter Topics
ಜನಮೇಜಯಪ್ರಶ್ನಾನುರೋಧೇನ ಸಹದೇವಸ್ಯ ದ್ರಾವಿಡಪಾಂಡ್ಯದೇಶಗಮನಕಥನಂ॥ 1॥Mahabharata - Sabha Parva - Chapter Text
`ಜನಮೇಜಯ ಉವಾಚ॥
ಇಚ್ಛಾಂಯಾಗಮನಂ ಶ್ರೋತುಂ ಹೈಡಿಂಬಸ್ಯ ದ್ವಿಜೋತ್ತಮ।
ಲಂಕಾಯಾಂ ಚ ಗತಿಂ ಬ್ರಹ್ಮನ್ಪೌಲಸ್ತ್ಯಸ್ಯ ಚ ದರ್ಶನಂ॥ 2-33-1 (12688)
ಕಾವೇರೀದರ್ಶನಂ ಚೈವ ಆನುಪೂರ್ವ್ಯಾ ವದಸ್ವ ಮೇ। 2-33-2 (12689)
ವೈಶಂಪಾಯನ ಉವಾಚ।
ಶೃಣು ರಾಜನ್ಯಥಾ ವೃತ್ತಂ ಸಹೇದವಸ್ಯ ಸಾಹಸಂ॥ 2-33-2x (1445)
ಕಾಲನದ್ವೀಪಗಾಂಶ್ಚೈವ ತರಸಾಽಜಿತ್ಯ ಚಾಹವೇ।
ದಕ್ಷಿಣಾಂ ಚ ದಿಶಂ ಜಿತ್ವಾ ಚೋಲಸ್ಯ ವಿಷಯಂ ಯಯೌ॥ 2-33-3 (12690)
ದದರ್ಶ ಪುಣ್ಯತೋಯಾಂ ವೈ ಕಾವೇರೀಂ ಸರಿತಾಂ ವರಾಂ।
ನಾಜಾಪಕ್ಷಿಗಣೈರ್ಜುಷ್ಟಾಂ ತಾಪಸೈರುಪಶೋಭಿತಾಂ॥ 2-33-4 (12691)
ಕದಂಬೈಃ ಸಪ್ತಪರ್ಣೈಶ್ಚ ಕಶ್ಮರ್ಯಾಮಲಕೈರ್ವೃತಾಂ॥ 2-33-5 (12692)
ನ್ಯಗ್ರೋಧೈಶ್ಚ ಮಹಾಶಾಖೈಃ ಪ್ಲಕ್ಷೈರೌದುಂಬರೈರಪಿ।
ಶಮೀಪಲಾಶವೃಕ್ಷೈಶ್ಚ ಅಶ್ವತ್ಥೈಃ ಖದಿರೈರ್ವೃತಾಂ॥ 2-33-6 (12693)
ಬದರೀಭಿಶ್ಚ ಸಂಛನ್ನಾಮಶ್ವಕರ್ಣೈಶ್ಚ ಶೋಭಿತಾಂ।
ಬೂತೈಃ ಪುಂಡ್ರಕಪತ್ರೈಶ್ಚ ಕದಲೀವನಸಂವೃತಾಂ॥ 2-33-7 (12694)
ಚಕ್ರವಾಕಗಣೈಃ ಕೀರ್ಣಂ ಪ್ಲವೈಶ್ಚ ಜಲವಾಯಸೈಃ।
ಸಮುದ್ರಕಾಕೈಃ ಕ್ರೌಂಚೈಶ್ಚ ನಾದಿತಾಂ ಜಲಕುಕ್ಕುಟೈಃ॥ 2-33-8 (12695)
ಏವಂ ಖಗೈಶ್ಚ ಬಹುಭಿಃ ಸಂಘುಷ್ಟಾಂ ಜಲವಾಸಿಭಿಃ।
ಆಶ್ರಮೈರ್ಬಹುಭಿಃ ಸಕ್ತಾಂ ಚೈತ್ಯವೃಕ್ಷೈಶ್ಚ ಶೋಭಿತಾಂ॥ 2-33-9 (12696)
ಶೋಭಿತಾಂ ಬ್ರಾಹ್ಮಣೈಃ ಶುಭ್ರೈರ್ವೇದವೇದಾಂಗಪಾರಗೈಃ।
ಕ್ವಚಿತ್ತೀರರುಹೈರ್ವೃಕ್ಷೈರ್ಮಾಲಾಭಿರಿವ ಶೋಭಿತಾಂ॥ 2-33-10 (12697)
ಕ್ವಚಿತ್ಸುಪುಷ್ಪಿತೈರ್ವೃಕ್ಷೈಃ ಕ್ವಚಿತ್ಸೌಗಂಧಿಕೋತ್ಪಲೈಃ।
ಕಹ್ಲಾರಕುಮುದೋತ್ಫುಲ್ಲೈಃ ಕಮಲೈರುಪಶೋಭಿತಾಂ॥ 2-33-11 (12698)
ಕಾವೇರೀಂ ತಾದೃಶೀಂ ದೃಷ್ಟ್ವಾ ಪ್ರೀತಿಮಾನ್ಪಾಂಡವಸ್ತದಾ।
ಅಸ್ಮದ್ರಾಷ್ಟ್ರೇ ಯಥಾ ಗಂಗಾ ಕಾವೇರೀ ಚ ತಥಾ ಶುಭಾ॥ 2-33-12 (12699)
ಸಹದೇವಸ್ತು ತಾಂ ತೀರ್ತ್ವಾ ನದೀಮನುಚರೈಃ ಸಹ।
ದಕ್ಷಿಣಂ ತೀರಭಾಸಾದ್ಯ ಗಮನಾಯೋಪಚಕ್ರಮೇ॥ 2-33-13 (12700)
ಆಗತಂ ಪಾಂಡವಂ ತತ್ರ ಶ್ರುತ್ವಾ ವಿಷಯವಾಸಿನಃ।
ದರ್ಶನಾರ್ಥಂ ಯಯುಸ್ತೇ ತು ಕೌತೂಹಲಸಮನ್ವಿತಾಃ॥ 2-33-14 (12701)
ದ್ರಮಿಡಾಃ ಪುರುಷಾ ರಾಜನ್ಸ್ರಿಯಚಶ್ಚ ಪ್ರಿಯದರ್ಶನಾಃ।
ಗತ್ವಾ ಪಾಂಡುಸುತಂ ತತ್ರ ದದೃಶುಸ್ತೇ ಮುದಾಽನ್ವಿತಾಃ॥ 2-33-15 (12702)
ಸುಕುಮಾರಂ ವಿಶಾಲಾಕ್ಷಂ ವ್ರಜಂತಂ ತ್ರಿದಶೋಪಮಂ।
ದರ್ಶನೀಯತಮಂ ಲೋಕೇ ನೇತ್ರೈರನಿಮಿಷೈರಿವ॥ 2-33-16 (12703)
ಆಶ್ಚರ್ಯಭೂತಂ ದದೃಶುರ್ದ್ರಮಿಡಾಸ್ತೇ ಸಮಾಗತಾಃ।
ಮಹಾಸೇನೋಪಮಂ ದೃಷ್ಟ್ವಾ ಪೂಜಾಂ ಚಕ್ರುಶ್ಚ ತಸ್ಯ ವೈ॥ 2-33-17 (12704)
ರತ್ನೈಶ್ಚ ವಿವಿಧೈರಿಷ್ಟೈರ್ಭೋಗೈರನ್ಯೈಶ್ಚ ಸಂಮತೈಃ।
ಗತಿಮಂಗಲಯುಕ್ತಾರ್ಭಿಃ ಸ್ತುವಂತೋ ನಕುಲಾನುಜಂ॥ 2-33-18 (12705)
ಸಹದೇವಸ್ತು ತಾಂದೃಷ್ಟ್ವಾ ದ್ರಮಿಲಾನಾಗತಾನ್ಮುದಾ।
ವಿಸೃಜ್ಯ ತಾನ್ಮಹಾಬಾಹುಃ ಪ್ರಸ್ಥಿತೋ ದಕ್ಷಿಣಾಂ ದಿಶಂ॥ 2-33-19 (12706)
ದೂತೇನ ತರಸಾ ಚೋಲಂ ವಿಜಿತ್ಯ ದ್ರಮಿಡೇಶ್ವರಂ।
ತತೋ ರತ್ನಾನ್ಯುಪಾದಾಯ ಪಾಂಡಸ್ಯ ವಿಷಯಂ ಯಯೌ॥ 2-33-20 (12707)
ದರ್ಶನೇ ಸಹದೇವಸ್ಯ ನ ಚ ತೃಪ್ತಾ ನರಾಃ ಪರೇ।
ಗಚ್ಛಂತಮನುಗಚ್ಛಂತಃ ಪ್ರಾಪ್ತಾಃ ಕೌತೂಹಲಾನ್ವಿತಾಃ॥ 2-33-21 (12708)
ತತೋ ಮಾದ್ರೀಸುತೋಂ ರಾಜನ್ಮೃಗಸಂಘಾನ್ವಿಲೋಕಯನ್।
ಗಜಾನ್ವನಚರಾನನ್ಯಾನ್ವ್ಯಾಘ್ರಾನ್ಕುಷ್ಣಮೃಗಾನ್ಬಹೂನ್ ॥ 2-33-22 (12709)
ಶುಕಾನ್ಮಯೂರಾಂದೃಷ್ಟ್ವಾ ತು ಗೃಧ್ರಾನಾರಣ್ಯಕುಕ್ಕುಟಾನ್।
ತತೋ ದೇಶಂ ಸಮಾಸಾದ್ಯ ಶ್ವಶುರಸ್ಯ ಮಹೀಪತೇಃ॥ 2-33-23 (12710)
ಪ್ರೇಷಯಾಮಾಸ ಮಾದ್ರೇಯೋ ದೂತಾನ್ಪಾಂಡ್ಯಾಯ ವೈ ತದಾ।
ಪ್ರತಿಜಗ್ರಾಹ ತಸ್ಯಾಜ್ಞಾಂ ಸಂಪ್ರೀತ್ಯಾ ಮಲಯಧ್ವಜಃ॥ 2-33-24 (12711)
ಭಾರ್ಯಾ ರೂಪವತೀ ಜಿಷ್ಣೋಃ ಪಾಂಡ್ಯಸ್ಯ ತನಯಾ ಶುಭಾ।
ಚಿತ್ರಾಂಗದೇತಿ ವಿಖ್ಯಾತಾ ದ್ರಮಿಡೀ ಯೋಷಿತಾಂ ವರಾ॥ 2-33-25 (12712)
ಆಗತಂ ಸಹದೇವಂ ತು ಸಾ ಶ್ರುತ್ವಾಽಂತಃ ಪುರೇ ಪಿತುಃ।
ಪ್ರೇಷಯಾಮಾಸ ಸಂಪ್ರೀತ್ಯಾ ಪೂಜಾರತ್ನಂ ಚ ವೈ ಬಹು॥ 2-33-26 (12713)
ಪಾಂಡ್ಯೋಽಪಿ ಬಹುರತ್ನಾನಿ ದೂತೈಃ ಸಹ ಮುಮೋಚ ಹ।
ಮಣಿಮುಕ್ತಾಪ್ರವಾಲಾನಿ ಸಹದೇವಾಯ ಕೀರ್ತಿಮಾನ್॥ 2-33-27 (12714)
ತಾಂ ದೃಷ್ಟ್ವಾಽಪ್ರತಿಮಾಂ ಪೂಜಾಂ ಪಾಂಡವೋಽಪಿ ಮುದಾ ನೃಪ।
ಭ್ರಾತುಃ ಪುತ್ರೇ ಬಹೂನ್ರತ್ನಾಂದತ್ವಾ ವೈ ಬಭ್ರೂವಾಹನೇ॥ 2-33-28 (12715)
ಪಾಂಡ್ಯಂ ದ್ರಮಿಡರಾಜಾನಂ ಶ್ವಶುರಂ ಮಲಯಧ್ವಜಂ।
ಸ ದೂತೈಸ್ತಂ ವಶೇ ಕೃತ್ವಾ ಮಣಲೂರೇಶ್ವರಂ ತದಾ॥ 2-33-29 (12716)
ತತೋ ರತ್ನಾನ್ಯುಪಾದಾಯ ದ್ರಮಿಡೈರಾವೃತೋ ಯಯೌ।
ಅಗಸ್ತ್ಯಸ್ಯಾಲಯಂ ದಿವ್ಯಂ ದೇವಲೋಕಸಮಂ ಗಿರಿಂ॥ 2-33-30 (12717)
ಸ ತಂ ಪ್ರದಕ್ಷಿಮಂ ಕೃತ್ವಾ ಮಲಯಂ ಭರತರ್ಷಭ।
ಲಂಘಯಿತ್ವಾ ತು ಮಾದ್ರೇಯಸ್ತಾಂರಪಣೀಂ ನದೀಂ ಶುಭಾಂ॥ 2-33-31 (12718)
ಪ್ರಸನ್ನಸಲಿಲಾಂ ದಿವ್ಯಾಂ ಸುಶೀತಾಂ ಚ ಮನೋಹರಾಂ।
ಸಮುದ್ರತೀರಮಾಸಾದ್ಯ ನ್ಯವಿಶತ್ಪಾಂಡುನಂದನಃ॥ ॥ 2-33-32 (12719)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದಿಗ್ವಿಜಯಪರ್ವಣಿ ತ್ರಯಸ್ತ್ರಿಂಶೋಽಧ್ಯಾಯಃ॥ 33॥
ಸಭಾಪರ್ವ - ಅಧ್ಯಾಯ 034
॥ ಶ್ರೀಃ ॥
2.34. ಅಧ್ಯಾಯಃ 034
Mahabharata - Sabha Parva - Chapter Topics
ಸ್ಮೃತಿಮಾತ್ರಾಗತಘಟೋತ್ಕಚಲಂಕಾಪ್ರೇಷಣವೃತ್ತಾಂತಸ್ಯ ವಿಸ್ತರೇಣ ಕಥನಂ॥1॥ ಕೃಷ್ಣಗೌರವೇಣ ವಿಭೀಷಣೇನ ಕರದಾನಂ॥ 2॥ ವಿಭೀಷಣಾತ್ಕರಣಾಹೃತವತಾ ಘಟೋತ್ಕಚೇನ ಸಹ ಸಹದೇವಸ್ಯ ಪ್ರತಿನಿವರ್ತನಂ॥ 3॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ಸಹದೇವಸ್ತತೋ ರಾಜಾ ಮಂತ್ರಿಭಿಃ ಸಹ ಭಾರತ।
ಸಂಪ್ರಧಾರ್ಯ ಮಹಾಬಾಹುಃ ಸಚಿವೈರ್ಬುದ್ಧಿಮತ್ತರೈಃ॥ 2-34-1 (12720)
ಸ ವಿಚಾರ್ಯ ತದಾ ರಾಜನ್ಸಹದೇವಸ್ತ್ವರಾನ್ವಿತಃ।
ಚಿಂತಯಾಮಾಸ ರಾಜೇಂದ್ರ ಭ್ರಾತುಃ ಪುತ್ರಂ ಘಟೋತ್ಕಚಂ॥ 2-34-2 (12721)
ತತಶ್ಚಿಂತಿತಮಾತ್ರೇ ತು ರಾಕ್ಷಸಃ ಪ್ರತ್ಯದೃಶ್ಯತ।
ಅತಿದೀರ್ಘೋ ಮಹಾಬಾಹು ಸರ್ವಾಭರಣಭೂಷಿತಃ॥ 2-34-3 (12722)
ನೀಲಜೀಮೂತಸಂಕಾಶಸ್ತಪ್ತಕಾಂಚನಕುಂಡಲಃ।
ವಿಚಿತ್ರಹಾರಕೇಯೂರಃ ಕಿಂಕಿಣೀಮಣಿಭೂಷಿತಃ॥ 2-34-4 (12723)
ಹೇಮಮಾಲೀ ಮಹಾದಂಷ್ಟ್ರಃ ಕಿರೀಟೀ ಕುಕ್ಷಿಬಂಧನಃ।
ತಾಂರಕೇಶೋ ಹರಿಶ್ಮಶ್ರುರ್ಭೀಮಾಂಗಃ ಕಟಕಾಂಗದಃ॥ 2-34-5 (12724)
ರಕ್ತಚಂದನದಿಗ್ಧಾಂಗಃ ಸೂಕ್ಷ್ಮಾಂಬರಧರೋ ಬಲೀ।
ಬಲೇನ ಸ ಯಯೌ ತತ್ರ ಚಾಲಯನ್ನಿವ ಮೇದಿನೀಂ॥ 2-34-6 (12725)
ತತೋ ದೃಷ್ಟ್ವಾ ಜನಾ ರಾಜನ್ನಾಯಾಂತಂ ಪರ್ವತೋಪಮಂ।
ಭಯಾದ್ಧಿ ದುದ್ರುವುಃ ಸರ್ವೇ ಸಿಂಹಾತ್ಕ್ಷುದ್ರಮೃಗಾ ಯಥಾ॥ 2-34-7 (12726)
ಆಸಸಾದ ಚ ಮಾದ್ರೇಯಂ ಪುಲಸ್ತ್ಯಂ ರಾವಣೋ ಯಥಾ।
ಅಭಿವಾದ್ಯ ತತೋ ರಾಜನ್ಸಹದೇವಂ ಘಟೋತ್ಕಚಃ॥ 2-34-8 (12727)
ಪ್ರಹ್ವಃ ಕೃತಾಂಜಲಿಸ್ತಸ್ಥೌ ಕಿಂ ಕಾರ್ಯಮಿತಿ ಚಾಬ್ರವೀತ್।
ತಂ ಪರಿಷ್ವಜ್ಯ ಬಾಹುಭ್ಯಾಂ ಮೂರ್ಧ್ನ್ಯುಪಾಘ್ರಾಯ ಪಾಂಡವಃ॥ 2-34-9 (12728)
ತಂ ಮೇರುಶಿಖರಾಕಾರಮಾಗತಂ ಪಾಂಡುನಂದನಃ।
ಪೂಜಯಿತ್ವಾ ಸಹಾಮಾತ್ಯಃ ಪ್ರೀತೋ ವಾಕ್ಯಮುವಾಚ ಹ॥ 2-34-10 (12729)
ಗಚ್ಛ ಲಂಕಾಂ ಪುರೀಂ ವತ್ಸ ಕರಾರ್ಥಂ ಮಮ ಶಾಸನಾತ್। ॥
ತತ್ರ ದೃಷ್ಟ್ವಾ ಮಹಾತ್ಮಾನಂ ರಾಕ್ಷಸೇಂದ್ರಂ ಬಿಭೀಷಣಂ॥ 2-34-11 (12730)
ರತ್ನಾನಿ ರಾಜಸೂಯಾರ್ಥಂ ವಿವಿಧಾನಿ ಬಹೂನಿ ಚ।
ಉಪಾದಾಯ ಚ ಸರ್ವಾಣಿ ಪ್ರತ್ಯಾಗಚ್ಛ ಮಹಾಬಲ॥ 2-34-12 (12731)
ವೈಶಂಪಾಯನ ಉವಾಚ। 2-34-13x (1446)
ಪಾಂಡವೇನೈವಮುಕ್ತಸ್ತು ಮುದಾ ಯುಕ್ತೋ ಘಟೋತ್ಕಚಃ।
ತಥೇತ್ಯುಕ್ತ್ವಾ ಮಹಾರಾಜ ಪ್ರತಸ್ಯೇ ದಕ್ಷಿಣಾಂ ದಿಶಂ॥ 2-34-13 (12732)
ಪ್ರಯಯೌ ದಕ್ಷಿಣಂ ಕೃತ್ವಾ ಸಹದೇವಂ ಘಟೋತ್ಕಚಃ।
ಲಂಕಾಮಭಿಮುಕೋ ರಾಜನ್ಸಮುದ್ರಂ ಸ ವ್ಯಲೋಕಯತ್॥ 2-34-14 (12733)
ಕೂರ್ಮಗ್ರಾಹಝಷಾಕೀರ್ಣಂ ಮೀನನಕ್ರೈಸ್ತಥಾಽಽಕುಲಂ।
ಶುಕ್ತಿವ್ರಾತಸಮಾಕೀರ್ಣಂ ಶಂಕಾನಾಂ ನಿಚಯಾಕುಲಂ॥ 2-34-15 (12734)
ಸ ದೃಷ್ಟ್ವಾ ರಾಮಸೇತುಂ ಚ ಚಿಂತಯನ್ರಾಮವಿಕ್ರಮಂ॥
ಗತ್ವಾ ಪಾರಂ ಸಮುದ್ರಸ್ಯ ದಕ್ಷಿಣಂ ಸ ಘಟೋತ್ಕಚಃ॥ 2-34-16 (12735)
ದದರ್ಶ ಲಂಕಾಂ ರಾಜೇಂದ್ರ ನಾಕಪೃಷ್ಠೋಪಮಾಂ ಶುಭಾಂ।
ಪ್ರಾಕಾರೇಣಾವೃತಾಂ ರಂಯಾಂ ಶುಭದ್ವಾರೈಶ್ಚ ಶೋಭಿತಾಂ॥ 2-34-17 (12736)
ಪ್ರಾಸಾದೈರ್ಬಹುಸಾಹಸ್ರೈಃ ಶ್ವೇತರಕ್ತೈಶ್ಚ ಸಂಕುಲಾಂ।
ದಿವ್ಯದುಂದುಭಿನಿರ್ಹ್ರಾದಾಮುದ್ಯಾನವನಶೋಭಿತಾಂ॥ 2-34-18 (12737)
ಸರ್ವಕಾಲಫಲೈರ್ವೃಕ್ಷೈಃ ಪುಷ್ಪಿತೈರುಪಶೋಭಿತಾಂ।
ಪುಷ್ಪಗಂಧೈಶ್ಚ ಸಂಕೀರ್ಣಾಂ ರಮಣೀಯಮಹಾರಥಾಂ॥ 2-34-19 (12738)
ನಾನಾರತ್ನೈಶ್ಚ ಸಂಪೂರ್ಣಾಮಿಂದ್ರಸ್ಯೇವಾಮರಾವತೀಂ।
ವಿವೇಶ ಸ ಪುರೀಂ ಲಂಕಾಂ ರಾಕ್ಷಸೈಶ್ಚ ನಿಷೇವಿತಾಂ॥ 2-34-20 (12739)
ದದರ್ಶ ಸ ಪುರೀಂ ಲಂಕಾಂ ರಾಕ್ಷಸೈಶ್ಚ ನಿಷೇವಿತಾಂ॥
ನಾನಾವೇಷಧರಾಂದಕ್ಷಾನ್ನಾರೀಶ್ಚ ಪ್ರಿಯದರ್ಶನಾಃ॥ 2-34-21 (12740)
ದಿವ್ಯಮಾಲ್ಯಾಂಬರಧರಾ ದಿವ್ಯಭೂಷಣಭೂಷಿತಾಃ।
ಮದರಕ್ತಾಂತನಯನಾಃ ಪೀನಶ್ರೋಣಿಪಯೋಧರಾಃ॥ 2-34-22 (12741)
ಭೈಮಸೇನಿಂ ತತೋ ದೃಷ್ಟ್ವಾ ಹೃಷ್ಟಾಸ್ತೇ ವಿಸ್ಮಯಂ ಗತಾಃ।
ಆಸಸಾದ ಗೃಹಂ ರಾಜ್ಞ ಇಂದ್ರಸ್ಯ ಸದನೋಪಮಂ॥ 2-34-23 (12742)
ಸ ದ್ವಾರಪಾಲಮಾಸಾದ್ಯ ವಾಕ್ಯಮೇತದುವಾಚ ಹ। 2-34-24 (12743)
ಘಟೋತ್ಕಚ ಉವಾಚ॥
ಕುರೂಣಾಮೃಷ್ಟಬೋ ರಾಜಾ ಪಾಂಡುರ್ನಾಮ ಮಹಾಬಲಃ॥ 2-34-24x (1447)
ಕನೀಯಾಂಸ್ತಸ್ಯ ದಾಯಾದಃ ಸಹದೇವ ಇತಿ ಶ್ರುತಃ।
ತೇನಾಹಂ ಪ್ರೇಷಿತೋ ದೂತಃ ಕರಾರ್ಥಂ ಕೌರವಸ್ಯ ಚ॥ 2-34-25 (12744)
ದ್ರಷ್ಟುಮಿಚ್ಛಾಮಿ ರಾಜೇನದ್ರಂ ತ್ವಂ ಕ್ಷಿಪ್ರಂ ಮಾಂ ನಿವೇದಯ। 2-34-26 (12745)
ವೈಶಂಪಾಯನ ಉವಾಚ॥
ತಸ್ಯ ತದ್ವಚನಂ ಶ್ರುತ್ವಾ ದ್ವಾರಪಾಲೋ ಮಹೀಪತೇ॥ 2-34-26x (1448)
ತಥೇತ್ಯುಕ್ತ್ವಾ ವಿವೇಶಾಥ ಭವನಂ ಸ ನಿವೇದಕಃ।
ಪ್ರಾಂಜಲಿಃ ಸ್ರವಮಾಚಷ್ಟ ಸ್ರವಾಂ ದೂತಗಿರಂ ತದಾ॥ 2-34-27 (12746)
ದ್ವಾರಪಾಲವಚಃ ಶ್ರುತ್ವಾ ರಾಕ್ಷಸೇಂದ್ರೋ ವಿಭೀಷಣಃ।
ಉವಾಚ ವಾಕ್ಯಂ ಧರ್ಮಾತ್ಮಾ ಸಮೀಪಂ ಮೇ ಪ್ರವೇಶ್ಯತಾಂ॥ 2-34-28 (12747)
ಏವಮುಕ್ತಸ್ತು ರಾಜ್ಞಾ ಸ ಧರ್ಮಜ್ಞೇನ ಮಹಾತ್ಮನಾ।
ಅಥನಿಷ್ಕಂಯ ಸಂಭ್ರಾಂತೋ ದ್ವಾರ್ಸ್ಥೋಹೈಡಿಂಬಮಬ್ರವೀತ್॥ 2-34-29 (12748)
ಏಹಿ ದೂತ ನೃಪಂ ದ್ರಷ್ಟುಂ ಕ್ಷಿಪ್ರಂ ಪ್ರವಿಶ ಚ ಸ್ವಯಂ।
ದ್ವಾರಪಾಲವಚಃ ಶ್ರುತ್ವಾ ಪ್ರವಿವೇಶ ಘಟೋತ್ಕಚಃ॥ 2-34-30 (12749)
ಸ ಪ್ರವಿಶ್ಯ ದದರ್ಶಾಥ ರಾಕ್ಷಸೇಂದ್ರಸ್ಯ ಮಂದಿರಂ।
ತತಃ ಕೈಲಾಸಸಂಕಾಶಂ ತತ್ಪಕಾಂಚನತೋರಣಂ॥ 2-34-31 (12750)
ಪ್ರಾಕಾರೇಣ ಪರಿಕ್ಷಿಪ್ತಂ ಗೋಪುರೈಶ್ಚಾಪಿ ಶೋಭಿತಂ।
ಹರ್ಂಯಪ್ರಾಸಾದಸಂಬಾಧಂ ನಾನಾರತ್ನೋಪಶೋಭಿತಂ॥ 2-34-32 (12751)
ಕಾಂಚನೈಸ್ತಾಪನೀಯೈಶ್ಚ ಸ್ಫಾಟಿಕೈ ರಾಜತೈರಪಿ।
ವಜ್ರವೈಡೂರ್ಯಜುಷ್ಟೈಶ್ಚ ಸ್ತಂಭೈಶ್ಚ ಸುಮನೋಹರೈಃ॥ 2-34-33 (12752)
ನಾನಾಧ್ವಜಪತಾಕಾಭಿರ್ಯುಕ್ತಂ ಮಣಿವಿಚಿತ್ರಿತಂ।
ಚಿತ್ರಮಾಲ್ಯಾವೃತಂ ರಂಯಂ ತಪ್ತಕಾಂಚನವೇದಿಕಂ॥ 2-34-34 (12753)
ಸ ದೃಷ್ಟ್ವಾ ತತ್ರ ಸರ್ವಂ ಚ ಭೈಮಸೇನಿರ್ಮನೋಹರಂ।
ಪ್ರವಿಶನ್ನೇವ ಹೈಡಿಂಬಃ ಶುಶ್ರಾವ ಮಧುರಸ್ವರಂ॥ 2-34-35 (12754)
ತಂತ್ರೀಗೀತಸಮಾಕೀರ್ಣಂ ಸಮತಾಲಮಿತಾಕ್ಷರಂ।
ದಿವ್ಯದುಂದುಭಿನಿರ್ಹ್ರಾದಂ ವಾದಿತ್ರಸತತಂ ಶುಭಂ॥ 2-34-36 (12755)
ಸ ಶ್ರುತ್ವಾ ಮಧುರಂ ಶಬ್ದಂ ಪ್ರೀತಿಮಾನಭವತ್ತದಾ।
ತತೋ ವಿಗಾಹ್ಯ ಹೈಡಿಂಬೋ ಬಹುಕಕ್ಷ್ಯಾಂ ಮನೋರಮಾಂ॥ 2-34-37 (12756)
ಸ ದದರ್ಶ ಮಹಾತ್ಮಾನಂ ದ್ವಾರ್ಸ್ಥೇನ ಸಹ ಭಾರತ।
ತಂ ವಿಭೀಷಣಮಾಸೀನಂ ಕಾಂಚನೇ ಪರಮಾಸನೇ॥ 2-34-38 (12757)
ದಿವಿ ಭಾಸ್ಕರಸಂಕಾಶಂ ಮುಕ್ತಾಮಣಿವಿಭೂಷಿತಂ।
ದಿವ್ಯಾಭರಣಚಿತ್ರಾಂಗಂ ದಿವ್ಯರೂಪಧರಂ ವಿಭುಂ॥ 2-34-39 (12758)
ದಿವ್ಯಮಾಲ್ಯಾಂಬರಧರಂ ದಿವ್ಯಗಂಧೋಕ್ಷಿತಂ ಶುಭಂ।
ವಿಭ್ರಾಜಮಾನಂ ವಪುಷಾ ಸೂರ್ಯವೈಶ್ವಾನರಪ್ರಭಂ॥ 2-34-40 (12759)
ಉಪೋಪವಿಷ್ಟಂ ಸಚಿವೈರ್ದೇವೈರಿವ ಶತಕ್ರತುಂ।
ಯಕ್ಷೈರ್ಮಹಾತ್ಮಭಿರ್ದಿವ್ಯನಾರೀಭಿರ್ಹೃದ್ಯಕಾಂತಿಭಿಃ॥ 2-34-41 (12760)
ಗೀತೈರ್ಮಂಗಲಯುಕ್ತೈಶ್ಚ ಪೂಜ್ಯಮಾನಂ ಯಥಾ ದಿವಿ।
ಚಾಮರೇ ವ್ಯಜನೇ ಚಾಗ್ರ್ಯೇ ಹೇಮದಂಡೇ ಮಹಾಧನೇ॥ 2-34-42 (12761)
ಗೃಹೀತೇ ವರನಾರೀಭ್ಯಾಂ ಧೂಯಮಾನೇ ಚ ಮೂರ್ಧನಿ।
ಅರ್ಚಿಷ್ಮಂತಂ ಶ್ರಿಯಾ ಜುಷ್ಟಂ ಕುಬೇರವರುಣೋಪಮಂ॥ 2-34-43 (12762)
ಧರ್ಮೇ ಚೈವ ಸ್ಥಿತಂ ನಿತ್ಯಮದ್ಭುತಂ ರಾಕ್ಷಸೇಸ್ವರಂ।
ರಾಮಮಿಕ್ಷ್ವಾಕುನಾಥಂ ವೈ ಸ್ಮರಂತಂ ಮನಸಾ ಸದಾ॥ 2-34-44 (12763)
ದೃಷ್ಟ್ವಾ ಘಟೋತ್ಕಚೋ ರಾಜನ್ವವಂದೇ ತಂ ಕೃತಾಂಜಲಿಃ।
ಪ್ರಹ್ವಸ್ತಸ್ಥೌ ಮಹಾವೀರ್ಯಃ ಶಕ್ರಂ ಚಿತ್ರರಥೋ ಯಥಾ॥ 2-34-45 (12764)
ತಂ ದೂತಮಾಗತಂ ದೃಷ್ಟ್ವಾ ರಾಕ್ಷಸೇಂದ್ರೋ ವಿಭೀಷಣಃ।
ಪೂಜಯಿತ್ವಾ ಯಥಾನ್ಯಾಯಂ ಸಾಂತ್ವಪೂರ್ವಂ ವಚೋಽಬ್ರವೀತ್॥ 2-34-46 (12765)
ವಿಭೀಷಣ ಉವಾಚ॥ 2-34-47x (1449)
ಕಸ್ಯ ವಂಶೇ ಸ ಸಂಜಾತಃ ಕರಮಿಚ್ಛನ್ಮಹೀಪತಿಃ।
ತಸ್ಯಾನುಜಾನ್ಸಮಸ್ತಾಂಶ್ಚ ಪುರಂ ದೇಶಂ ಚ ತಸ್ಯ ವೈ॥ 2-34-47 (12766)
ತ್ವಾಂ ಚ ಕಾರ್ಯಂ ಚ ತತ್ಸರ್ವಂ ಶ್ರೋತುಮಿಚ್ಛಾಮಿ ತತ್ವತಃ।
ವಿಸ್ತರೇಣ ಮಮ ಬ್ರೂಹಿ ಸರ್ವಾನೇತಾನ್ಪೃಥಕ್ಪೃಥಕ್॥ 2-34-48 (12767)
ವೈಶಂಪಾಯನ ಉವಾಚ। 2-34-49x (1450)
ಏವಮುಕ್ತಸ್ತು ಹೈಡಿಂಬಃ ಪೌಲಸ್ತ್ಯೇನ ಮಹಾತ್ಮನಾ।
ಕೃತಾಂಜಲಿರುವಾಚಾಥ ಸಮರ್ಥಮಿದಮುತ್ತರಂ॥ 2-34-49 (12768)
ಘಟೋತ್ಕಚ ಉವಾಚ। 2-34-50x (1451)
ಸೋಮವಂಶೋದ್ಭವೋ ರಾಜಾ ಪಾಂಡುರ್ನಾಮ ಮಹಾಬಲಃ।
ಪಾಂಡೋಶ್ಚ ಪುತ್ರಾಃ ಪಂಚಾಸಂಛಕ್ರತುಲ್ಯಪರಾಕ್ರಮಾಃ॥ 2-34-50 (12769)
ತೇಷಾಂ ಜ್ಯೇಷ್ಠಸ್ತು ನಾಂನಾ ವೈ ಯುಧಿಷ್ಠಿರ ಇತಿ ಶ್ರುತಃ।
ಅಜಾತಶತ್ರುರ್ಧರ್ಮಾತ್ಮಾ ಧರ್ಮೋ ವಿಗ್ರಹವಾನಿವ॥ 2-34-51 (12770)
ತತೋ ಯುಧಿಷ್ಠಿರೋ ರಾಜಾ ಪ್ರಾಪ್ಯ ರಾಜ್ಯಮಕಾರಯತ್।
ಗಂಗಾಯಾ ದಕ್ಷಿಣೇ ತೀರೇ ನಗರೇ ನಾಗಸಾಹ್ವಯೇ॥ 2-34-52 (12771)
ತದ್ದತ್ವಾ ಧೃತರಾಷ್ಟ್ರಾಯ ಶಕ್ರಪ್ರಸ್ಥಂ ಯಯೌ ತತಃ।
ಭ್ರಾತೃಭಿಃ ಸಹ ರಾಜೇಂದ್ರ ಶಕ್ರಪ್ರಸ್ಥೇಽನ್ವಮೋದತ॥ 2-34-53 (12772)
ಗಂಗಾಯಮುನಯೋರ್ಮಧ್ಯೇ ತೇ ಉಭೇ ನಗರೋತ್ತಮೇ।
ನಿತ್ಯಂ ಧರ್ಮೇ ಸ್ಥಿತೋ ರಾಜಾ ಶಕ್ರಪ್ರಸ್ಥೇ ಪ್ರಶಾಸ್ತಿ ನಃ॥ 2-34-54 (12773)
ತಸ್ಯಾನುಜೋ ಮಹಾಬಾಹುರ್ಭೀಮಸೇನ ಇತಿ ಶ್ರುತಃ।
ಮಹಾತೇಜಾ ಮಹಾಕೀರ್ತಿಃ ಶಕ್ರತುಲ್ಯಪರಾಕ್ರಮಃ॥ 2-34-55 (12774)
ದಶನಾಗಸಹಸ್ರಾಣಾಂ ಬಲೇ ತುಲ್ಯಃ ಸ ಪಾಂಡವಃ।
ತಸ್ಯಾನುಜೋಽರ್ಜುನೋ ನಾಮ ಮಹಾಬಲಪರಾಕ್ರಮಃ॥ 2-34-56 (12775)
ಸುಕುಮಾರೋ ಮಹಾಸತ್ವೋ ಲೋಕೇ ವೀರ್ಯೇಣ ವಿಶ್ರುತಃ।
ಕಾರ್ತವೀರ್ಯಸಮೋ ವೀರ್ಯೇ ಸಾಗರಪ್ರತಿಮೋ ಬಲೇ॥ 2-34-57 (12776)
ಜಾಮದಗ್ನ್ಯಸಮಶ್ಚಾಸ್ತ್ರೇ ಸಂಖ್ಯೇ ರಾಮಸಮೋಽರ್ಜುನಃ।
ರೂಪೇ ಶಕ್ರಸಮಃ ಪಾರ್ಥಸ್ತೇಜಸಾ ಭಾಸ್ಕರೋಪಮಃ॥ 2-34-58 (12777)
ದೇವದಾನವಗಂಧರ್ವೈಃ ಪಿಶಾಚೋರಗರಾಕ್ಷಸೈಃ।
ಮಾನುಷೈಶ್ಚ ಸಮಸ್ತೈಸ್ತು ಅಜೇಯಃ ಫಲ್ಗುನೋ ರಣೇ॥ 2-34-59 (12778)
ತೇನ ತತ್ಖಂಡವಂ ದಾವಂ ತರ್ಪಿತಂ ಜಾತವೇದಸೇ।
ವಿಜಿತ್ಯ ತರಸಾ ಶಕ್ರಂ ಯುಧಿ ದೇವಗಣೈಃ ಸಹ॥ 2-34-60 (12779)
ಲಬ್ಧಾನ್ಯಸ್ತ್ರಾಣಿ ದಿವ್ಯಾನಿ ತರ್ಪಯಿತ್ವಾ ಹುತಾಶನಂ।
ತೇನ ಲಬ್ಧಾ ಮಹಾರಾಜ ದುರ್ಲಭಾ ದೈವತೈರಪಿ॥ 2-34-61 (12780)
ವಾಸುದೇವಸ್ಯ ಭಗಿನೀ ಸುಭದ್ರಾ ನಾಮ ವಿಶ್ರುತಾ।
ಅರ್ಜುನಸ್ಯಾನುಜೋ ರಾಜನ್ನಕುಲಶ್ಚೇತಿ ವಿಶ್ರುತಃ॥ 2-34-62 (12781)
ದರ್ಶನೀಯತಮೋ ಲೋಕೇ ಮೂರ್ತಿಮಾನಿವ ಮನ್ಮಥಃ।
ತಸ್ಯಾನುಜೋ ಮಹಾತೇಜಾಃ ಸಹದೇವ ಇತಿ ಶ್ರುತಃ॥ 2-34-63 (12782)
ತೇನಾಹಂ ಪ್ರೇಷಿತೋ ರಾಜನ್ಕುಮಾರೇಣ ಸಮೋ ರಣೇ।
ಅಹಂ ಘಟೋತ್ಕಚೋ ನಾಮ ಭೀಮಸೇನಸುತೋ ಬಲೀ॥ 2-34-64 (12783)
ಮಮ ಮಾತಾ ಮಹಾಭಾಗಾ ಹಿಡಿಂಬಾ ನಾಮ ರಾಕ್ಷಸೀ।
ಪಾರ್ಥಾನಾಮುಪಕಾರಾರ್ಥಂ ಚರಾಮಿ ಪೃಥಿವೀಮಿಮಾಂ॥ 2-34-65 (12784)
ಆಸೀತ್ಪೃಥಿವ್ಯಾಃ ಸರ್ವಸ್ಯಾ ಮಹೀಪಾಲೋ ಯುಧಿಷ್ಠಿರಃ।
ರಾಜಸೂಯಂ ಕ್ರತುಶ್ರೇಷ್ಠಮಾಹರ್ತುಮುಪಚಕ್ರಮೇ॥ 2-34-66 (12785)
ಸಂದಿದೇಶ ಚ ಸ ಭ್ರಾತೃನ್ಕರಾರ್ಥಂ ಸರ್ವತೋದಿಶಂ।
ವೃಷ್ಣಿವೀರೇಣ ಸಹಿತಃ ಸಂದಿದೇಶಾನುಜಾನ್ನೃಪಃ॥ 2-34-67 (12786)
ಉದೀಚೀಮರ್ಜುನಸ್ತೂರ್ಣಂ ಗತ್ವಾ ಮೇರೋರಥೋತ್ತಮಃ।
ಗತ್ವಾ ಶತಸಹಸ್ರಾಣಿ ಯೋಜನಾನಿ ಮಹಾಬಲಃ॥ 2-34-68 (12787)
ಜಿತ್ವಾ ಸರ್ವಾನ್ನೃಪಾನ್ಯುದ್ಧೇ ಹತ್ವಾ ಚ ತರಸಾ ವಶೀ।
ಸ್ವರ್ಗದ್ವಾರಮುಪಾಗಂಯ ರತ್ನಾನ್ಯಾದಾಯ ವೈ ಭೃಶಂ॥ 2-34-69 (12788)
ಅಶ್ವಾಂಶ್ಚ ವಿವಿಧಾಂದಿವ್ಯಾನ್ಸರ್ವಾನಾದಾಯ ಫಲ್ಗುನಃ।
ಧನಂ ಬಹುವಿಧಂ ರಾಜಂಧರ್ಮಪುತ್ರಾಯ ವೈ ದದೌ॥ 2-34-70 (12789)
ಭೀಮಸೇನೋ ಹಿ ರಾಜೇಂದ್ರ ಜಿತ್ವಾ ಪ್ರಾಚೀಂ ದಿಶಂ ಬಲಾತ್।
ವಶೇ ಕೃತ್ವಾ ಮಹೀಪಾಲಾನ್ಪಾಂಡವಾಯ ಧನಂ ದದೌ॥ 2-34-71 (12790)
ದಿಶಂ ಪ್ರತೀಚೀಂ ನಕುಲಃ ಕರಾರ್ಥಂ ಪ್ರಯಯೌ ತಥಾ।
ಸಹದೇವೋ ದಿಶಂ ಯಾಂಯಾಂ ಜಿತ್ವಾ ಸರ್ವಾನ್ಮಹೀಕ್ಷಿತಃ॥ 2-34-72 (12791)
ಮಾಂ ಸಂದಿದೇಶ ರಾಜೇಂದ್ರ ಕರಾರ್ಥಮಿಹ ಸತ್ಕೃತಃ।
ಪಾರ್ಥಾನಾಂ ಚರಿತಂ ತುಭ್ಯಂ ಸಂಕ್ಷೇಪಾತ್ಸಮುದಾಹೃತಂ॥ 2-34-73 (12792)
ತಮವೇಕ್ಷ್ಯ ಮಹಾರಾಜ ಧರ್ಮರಾಜಂ ಯುಧಿಷ್ಠಿರಂ।
ಪಾವನಂ ರಾಜಸೂಯಂ ಚ ಭಗವಂತಂ ಹರಿಂ ಪ್ರಭುಂ।
ಏತಾನವೇಕ್ಷ್ಯ ಧರ್ಮಜ್ಞ ಕರಂ ದಾತುಮಿಹಾರ್ಹಸಿ॥ 2-34-74 (12793)
ವೈಶಂಪಾಯನ ಉವಾಚ॥ 2-34-75x (1452)
ತೇನ ತದ್ಭಾಷಿತಂ ಶ್ರುತ್ವಾ ರಾಕ್ಷಸೇಂದ್ರೋ ಬಿಭೀಷಣಃ।
ಶಾಸನಂ ಪ್ರತಿಜಗ್ರಾಹ ಧರ್ಮಾತ್ಮಾ ರಾಕ್ಷಸೈಃ ಸಹ॥ 2-34-75 (12794)
ತಚ್ಚ ಕೃಷ್ಣಕೃತಂ ಧೀಮಾನಿತ್ಯಮನ್ಯತ ಸ ಪ್ರಭುಃ।
ತತೋ ದದೌ ವಿಚಿತ್ರಾಣಿ ಕಂಬಲಾನಿ ಕುಥಾನಿ ಚ॥ 2-34-76 (12795)
ದಾಂತಕಾಂಚನಪರ್ಯಂಕಾನ್ಮಣಿಹೇಮವಿಚಿತ್ರಿತಾನ್।
ಭೂಷಣಾನಿ ಮಹಾರ್ಹಾಣಿ ಪ್ರವಾಲಾನಿ ಮಣೀಂಶ್ಚ ಸಃ॥ 2-34-77 (12796)
ಕಾಂಚನಾನಿ ಚ ಭಾಂಡನಿ ಕಲಶಾನಿ ಘಟಾನಿ ಚ।
ಕಟಾಹಾನಿ ವಿಚಿತ್ರಾನಿ ದ್ರೋಣ್ಯಶ್ಚೈವ ಸಹಸ್ರಶಃ॥ 2-34-78 (12797)
ರಾಜತಾನಿ ಚ ಭಾಂಡಾನಿ ರತ್ನಗರ್ಭಾಂಶ್ಚ ಕುಂಡಲಾನ್।
ಹೇಮಪುಷ್ಪಾನಿ ಚಾನ್ಯಾನಿ ರುಕ್ಮಮುಖ್ಯಾನಿ ಚಾಪರಾನ್। 2-34-79 (12798)
ಶಂಖಾಂಶ್ಚ ಚಂದ್ರಸಂಕಾಶಾಂಶ್ಚಿತ್ರಾವರ್ತವಿಚಿತ್ರಿತಾನ್।
ಯಜ್ಞಸ್ಯ ತೋರಣೇ ಯುಕ್ತಾಂದದೌ ತಾಲಾಂಶ್ಚತುರ್ದಶ॥ 2-34-80 (12799)
ರುಕ್ಮಪಂಕಜಪುಷ್ಪಾಣಿ ಶಿಬಿಕಾ ಮಣಿಭೂಷಿತಾಃ।
ಮುಕುಟಾನಿ ಮಹಾರ್ಹಾಣಿ ರತ್ನಗರ್ಭಾಂಶ್ಚ ಕಂಕಣಾನ್॥ 2-34-81 (12800)
ಚಂದನಾನಿ ಚ ಮುಖ್ಯಾನಿ ವಾಸಾಂಸಿ ವಿವಿಧಾನಿ ಚ।
ಸ ದದೌ ಸಹದೇವಾಯ ತದಾ ರಾಜಾ ವಿಭೀಷಣಾಃ॥ 2-34-82 (12801)
ತಾನಿ ಸರ್ವಾಣಿ ರತ್ನಾನಿ ಆಜಹ್ರುಸ್ತೇ ನಿಶಾಚರಾಃ।
ಅಷ್ಟಾಶೀತಿಸಹಸ್ರಾಣಿ ಸಮದಾ ರಕ್ತಲೋಚನಾಃ॥ 2-34-83 (12802)
ರತ್ನಾನ್ಯಾದಾಯ ಸರ್ವಾಣಿ ಪ್ರತಸ್ಥೇ ಸ ಘಟೋತ್ಕಚಃ।
ವಿಭೀಷಣಂ ಚ ರಾಜಾನಮಭಿವಾದ್ಯ ಕೃತಾಂಜಲಿಃ॥ 2-34-84 (12803)
ಪ್ರದಕ್ಷಿಣಂ ಪರೀತ್ಯೈವ ನಿರ್ಜಗಾಮ ಘಟೋತ್ಕಚಃ।
ತತೋ ರತ್ನಾನ್ಯುಪಾದಾಯ ಹೈಡಿಂಬೋ ರಾಕ್ಷಸೈಃ ಸಹ॥ 2-34-85 (12804)
ಜಗಾಮ ತೂರ್ಣಂ ಲಂಕಾಯಾಃ ಸಹದೇವಪದಂ ಪ್ರತಿ।
ಆಸೇದುಃ ಪಾಂಡವಂ ಸರ್ವೇ ಲಂಘಯಿತ್ವಾ ಮಹೋದಧಿಂ॥ 2-34-86 (12805)
ಸಹದೇವೋ ದದರ್ಶಾಥ ರತ್ನಾಹಾರಾನ್ನಿಶಾಚರಾನ್।
ಆಗತಾನ್ಭೀಮಸಂಕಾಶಾನ್ಹೈಡಿಂಬಂ ಚ ತಥಾ ನೃಪ॥ 2-34-87 (12806)
ದ್ರಮಿಲಾ ನೈಋತಾಂದೃಷ್ಟ್ವಾ ದುದ್ರುವುಸ್ತೇ ಭಯಾರ್ದಿತಾಃ।
ಭೈಮಸೇನಿಸ್ತತೋ ಗತ್ವಾ ಮಾರ್ದೇಯಂ ಪ್ರಾಂಜಲಿಃ ಸ್ಥಿತಃ॥ 2-34-88 (12807)
ಪ್ರೀತಿಮಾನಭವದ್ದೃಷ್ಟ್ವಾ ರತ್ನೌಧಂ ತಂ ಚ ಪಾಂಡವಃ।
ತಂ ಪರಿಷ್ವಜ್ಯ ಪಾಣಿಭ್ಯಾಂ ದೃಷ್ಟ್ವಾ ತಾನ್ಪ್ರೀತಿಮಾನಭೂತ್॥ 2-34-89 (12808)
ವಿಸೃಜ್ಯ ದ್ರವಿಡಾನ್ಸರ್ವಾನ್ಗಮನಾಯೋಪಚಕ್ರಮೇ।
ನ್ಯವರ್ತಮ ತತೋ ಧೀಮಾನ್ಸಹದೇವೋ ನರಾಧಿಪಃ॥ 2-34-90 (12809)
ಏವಂ ವಿಜಿತ್ಯ ತರಸಾ ಸಾಂತ್ವೇನ ವಿಜಯೇನ ಚ।
ಕರದಾನ್ಪಾರ್ಥಿವಾನ್ಕೃತ್ವಾ ಪ್ರತ್ಯಾಗಚ್ಛದರಿಂದಮಃ॥ 2-34-91 (12810)
ರತ್ನಸಾಲಮುಪಾದಾಯ ಯಯೌ ಸಹನಿಶಾಚರಃ।
ಇಂದ್ರಪ್ರಸ್ಥಂ ವಿವೇಶಾಥ ಕಂಪಯನ್ನಿವ ಮೇದಿನೀಂ॥ 2-34-92 (12811)
ದೃಷ್ಟ್ವಾ ಯುಧಿಷ್ಠಿರಂ ರಾಜನ್ಸಹದೇವಃ ಕೃತಾಂಜಲಿಃ।
ಪ್ರಹ್ವೋಽಭಿವಾದ್ಯ ತಸ್ಥೌ ಸ ಪೂಜಿತಶ್ಚಾಪಿ ತೇನ ವೈ॥ 2-34-93 (12812)
ಲಂಕಾಪ್ರಾಪ್ತಾಂಧನೌಘಾಂಶ್ಚ ದೃಷ್ಟ್ವಾ ತಾಂದುರ್ಲಭಾನ್ಬಹೂನ್।
ಪ್ರೀತಿಮಾನಭವದ್ರಾಜಾ ವಿಸ್ಮಯಂ ಪರಮಂ ಯಯೌ॥ 2-34-94 (12813)
ಧರ್ಮರಾಜಾಯ ತತ್ಸರ್ವಂ ನಿವೇದ್ಯ ಭರತರ್ಷಭ।
ಕೋಟೀಸಹಸ್ರಮಧಿಕಂ ಹಿರಣ್ಯಸ್ಯ ಮಹಾತ್ಮನೇ॥ 2-34-95 (12814)
ವಿವಿಧಾನಿ ಚ ರತ್ನಾನಿ ಗೋಜಾವಿಮಹಿಷಾಂಸ್ತಥಾ।
ಕೃತಕರ್ಮಾ ಸುಖಂ ರಾಜನ್ನುವಾಸ ಜನಮೇಜಯ॥ ॥ 2-34-96 (12815)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದಿಗ್ವಿಜಯಪರ್ವಣಿ ಚತುಸ್ತ್ರಿಂಸೋಽಧ್ಯಾಯಃ॥ 34॥ ॥
ಸಭಾಪರ್ವ - ಅಧ್ಯಾಯ 035
॥ ಶ್ರೀಃ ॥
2.35. ಅಧ್ಯಾಯಃ 035
Mahabharata - Sabha Parva - Chapter Topics
ನಕುಲಸ್ಯ ಪಶ್ಚಿಮದಿಗ್ವಿಜಯಃ॥ 1॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ನಕುಲಸ್ಯ ತು ವಕ್ಷ್ಯಾಮಿ ಕರ್ಮಾಣಿ ವಿಜಯಂ ತಥಾ।
ವಾಸುದೇವಜಿತಾಮಾಶಾಂ ಯಥಾಽಸಾವಜಯತ್ಪ್ರಭುಃ॥ 2-35-1 (12816)
ನಿರ್ಯಾಯ ಖಾಂಡವಪ್ರಸ್ಥಾತ್ಪ್ರತೀಚೀಮಭಿತೋ ದಿಶಂ।
ಉದ್ದಿಶ್ಯ ಮತಿಮಾನ್ಪ್ರಾಯಾನ್ಮಹತ್ಯಾ ಸೇನಯಾ ಸಹ॥ 2-35-2 (12817)
ಸಿಂಹನಾದೇನ ಮಹತಾ ಯೋಧಾನಾಂ ಗರ್ಜಿತೇನ ಚ।
ರಥನೇಮಿನಿನಾದೈಶ್ಚ ಕಂಪಯನ್ವಸುಧಾಮಿಮಾಂ॥ 2-35-3 (12818)
ತತೋ ಬಹು ಧನಂ ರಂಯಂ ಗಾವಾಢ್ಯಂ ಧನಧಾನ್ಯವತ್।
ಕಾರ್ತಿಕೇಯಸ್ಯ ದಯಿತಂ ರೋಹೀತಕುಪಾದ್ರವತ್॥ 2-35-4 (12819)
ತತ್ರ ಯುದ್ಧಂ ಮಹಚ್ಚಾಸೀಚ್ಛೂರೈರ್ಮತ್ತಮಯೂರಕೈಃ।
ಮರುಭೂಮಿಂ ಸ ಕಾರ್ತ್ಸ್ನ್ಯೇನ ತಥೈವ ಬಹುಧಾನ್ಯಕಂ॥ 2-35-5 (12820)
ಶೈರೀಷಕಂ ಮಹೇತ್ಥಂ ಚ ವಶೇ ಚಕ್ರೇ ಮಹಾದ್ಯುತಿಃ।
ಆಕ್ರೋಶಂ ಚೈವ ರಾಜರ್ಷಿ ತೇನ ಯುದ್ಧಮಭೂನ್ಮಹತ್॥ 2-35-6 (12821)
ತಾಂದಶಾರ್ಣಾನ್ಸ ಜಿತ್ವಾ ಚ ಪ್ರತಸ್ಥೇ ಪಾಂಡುನಂದನಃ।
ಶಿಬೀಂಸ್ತ್ರಿಗರ್ತಾನಂಬಷ್ಠಾನ್ಮಾಲವಾನ್ಪಂಚ ಕರ್ಪಟಾನ್॥ 2-35-7 (12822)
ತಥಾ ಮಧ್ಯಮಕೇಯಾಂಶ್ಚ ವಾಟಧಾನಾಂದ್ವಿಜಾನಥ।
ಪುನಶ್ಚ ಪರಿವೃತ್ಯಾಥ ಪುಷ್ಕರಾರಣ್ಯವಾಸಿನಃ॥ 2-35-8 (12823)
ಗಣಾನುತ್ಸವಸಂಕೇತಾನ್ವ್ಯಜಯತ್ಪುರುಷರ್ಷಭಃ।
ಸಿಂಧುಕೂಲಾಶ್ರಿತಾ ಯೇ ಚ ಗ್ರಾಮಣೀಯಾ ಮಹಾಬಲಾಃ॥ 2-35-9 (12824)
ಶೂದ್ರಾಭೀರಗಣಾಶ್ಚೈವ ಯೇ ಚಾಶ್ರಿತ್ಯ ಸರಸ್ವತೀಂ।
ವರ್ತಯಂತಿ ಚ ಯೇ ಮತ್ಸ್ಯೈರ್ಯೇ ಚ ಪರ್ವತವಾಸಿನಃ॥ 2-35-10 (12825)
ಕತ್ಸ್ನಂ ಪಂಚನಂದಂ ಚೈವ ತಥೈವಾಮರಪರ್ವತಂ।
ಉತ್ತರಜ್ಯೋತಿಷಂ ಚೈವ ತಥಾ ದಿವ್ಯಕಟಂ ಪುರಂ॥ 2-35-11 (12826)
ದ್ವಾರಪಾಲಂ ಚ ತರಸಾ ವಶೇ ಚಕ್ರೇ ಮಹಾದ್ಯುತಿಃ।
ರಾಮಠಾನ್ಹಾರಹೂಣಾಂಶ್ಚ ಪ್ರತೀಚ್ಯಾಶ್ಚೈವ ಯೇ ನೃಪಾಃ॥ 2-35-12 (12827)
ತಾನ್ಸರ್ವಾನ್ಸ ವಶೇ ಚಕ್ರೇ ಶಾಸನಾದೇವ ಪಾಂಡವಃ।
ತತ್ರಸ್ಥಃ ಪ್ರೇಷಯಾಮಾಸ ವಾಸುದೇವಾಯ ಭಾರತ॥ 2-35-13 (12828)
ಸ ಚಾಸ್ಯ ಗತಭೀ ರಾಜನ್ಪ್ರತಿಜಗ್ರಾಹ ಶಾಸನಂ।
ತತಃ ಶಾಕಲಮಭ್ಯೇತ್ಯ ಮದ್ರಾಣಾಂ ಪುಟಭೇದನಂ॥ 2-35-14 (12829)
ಮಾತುಲಂ ಪ್ರೀತಿಪೂರ್ವೇಣ ಶಲ್ಯಂ ಚಕ್ರೇ ವಶೇ ಬಲೀ।
ಸ ತೇನ ಸತ್ಕೃತೋ ರಾಜ್ಞಾ ಸತ್ಕಾರಾರ್ಹೋ ವಿಶಾಂಪತೇ॥ 2-35-15 (12830)
ರತ್ನಾನಿ ಭೂರೀಣ್ಯಾದಾಯ ಸಂಪ್ರತಸ್ಥೇ ಯುಧಾಂ ಪತಿಃ।
ತತಃ ಸಾಗರಕುಕ್ಷಿಸ್ಥಾನ್ಂಲೇಚ್ಛಾನ್ಪರಮದಾರುಣಾನ್॥ 2-35-16 (12831)
ಪಹ್ಲವಾನ್ವರ್ಬರಾಂಶ್ಚೈವ ಕಿರಾತಾನ್ಯವನಾಞ್ಶಕಾನ್।
ತತೋ ರತ್ನಾನ್ಯಪಾದಾಯ ವಶೇ ಕೃತ್ವಾ ಚ ಪಾರ್ಥಿವಾನ್।
ನ್ಯವರ್ತತ ಕುರುಶ್ರೇಷ್ಠೋ ನಕುಲಶ್ಚಿತ್ರಮಾರ್ಗವಿತ್॥ 2-35-17 (12832)
ಕರಮಾಣಾಂ ಸಹಸ್ರಾಣಿ ಕೋಶಂ ತಸ್ಯ ಮಹಾತ್ಮನಃ।
ಊಹರ್ದಶ ಮಹಾರಾಜ ಕೃಚ್ಛ್ರಾದಿವ ಮಹಾಧನಂ॥ 2-35-18 (12833)
ಇಂದ್ರಪ್ರಸ್ಥಗತಂ ವೀರಮಭ್ಯೇತ್ಯ ಸ ಯುಧಿಷ್ಠಿರಂ।
ತತೋ ಮಾದ್ರೀಸುತಃ ಶ್ರೀಮಾಂಧನಂ ತಸ್ಮೈ ನ್ಯವೇದಯತ್॥ 2-35-19 (12834)
ಏವಂ ವಿಜಿತ್ಯ ನಕುಲೋ ದಿಶಂ ವರುಣಪಾಲಿತಾಂ।
ಪ್ರತೀಚೀಂ ವಾಸುದೇವೇನ ನಿರ್ಜಿತಾಂ ಭರತರ್ಷಭ॥ ॥ 2-35-20 (12835)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದಿಗ್ವಿಜಯಪರ್ವಣಿ ಪಂಚತ್ರಿಂಶೋಽಧ್ಯಾಯಃ॥ 35॥
ಸಭಾಪರ್ವ - ಅಧ್ಯಾಯ 036
॥ ಶ್ರೀಃ ॥
2.36. ಅಧ್ಯಾಯಃ 036
Mahabharata - Sabha Parva - Chapter Topics
ದ್ವಾರಕಾತಃ ಆಗತಸ್ಯ ಶ್ರೀಕೃಷ್ಣಸ್ಯಾಜ್ಞಯಾ ಯಜ್ಞಸಾಮಗ್ರೀಸಂಪಾದನೋಪಕ್ರಮಃ॥ 1॥ ದ್ವೈಪಾಯನೇನ ಋತ್ವಿಗಾನಯನಂ॥ 2॥ ಬ್ರಾಹ್ಮಣಕ್ಷತ್ರಿಯಾದೀನಾಮಾಮಂತ್ರಣಾಯ ದೂತಪ್ರೇಷಣಂ॥ 3॥ ಧೃತರಾಷ್ಟ್ರಾದ್ಯಮಂತ್ರಣಾಯ ನಕುಲಗಮನಂ॥ 4॥। ದೀಕ್ಷಾ ॥ 5॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ರಕ್ಷಣಾದ್ಧರ್ಮರಾಜಸ್ಯ ಸತ್ಯಸ್ಯ ಪರಿಪಾಲನಾತ್।
ಶತ್ರೂಣಾಂ ಕ್ಷಪಣಾಚ್ಚೈವ ಸ್ವಕರ್ಮನಿರತಾಃ ಪ್ರಜಾಃ॥ 2-36-1 (12836)
ಬಲೀನಾಂ ಸಂಯಗಾದಾನಾದ್ಧರ್ಮತಶ್ಚಾನುಶಾಸನಾತ್।
ನಿಕಾಮವರ್ಷೀ ಪರ್ಜನ್ಯಃ ಸ್ಫೀತೋ ಜನಪದೋಽಭವತ್॥ 2-36-2 (12837)
ಸರ್ವಾರಂಭಾಃ ಸುಪ್ರವೃತ್ತಾ ಗೋರಕ್ಷಾ ಕರ್ಷಣಂ ವಣಿಕ್।
ವಿಶೇಷಾತ್ಸರ್ವಮೇವೈತತ್ಸಂಜಜ್ಞೇ ರಾಜಕರ್ಮಣಃ॥ 2-36-3 (12838)
ದಸ್ಯುಭ್ಯೋ ವಂಚಕೇಭ್ಯೋ ವಾ ರಾಜನ್ಪ್ರತಿ ಪರಸ್ಪರಂ।
ರಾಜವಲ್ಲಭತಶ್ಚೈವ ನಾಶ್ರೂಯಂತ ಮೃಷಾಗಿರಃ॥ 2-36-4 (12839)
ಅವರ್ಷಂ ಚಾತಿವರ್ಷಂ ಚ ವ್ಯಾಧಿಪಾವಕಮೂರ್ಛನಂ।
ಸರ್ವಮೇತತ್ತದಾ ನಾಸೀದ್ಧರ್ಮನಿತ್ಯೇ ಯುಧಿಷ್ಠಿರೇ॥ 2-36-5 (12840)
ಪ್ರಿಯಂ ಕರ್ತುಮುಪಸ್ಥಾತುಂ ಬಲಿಕರ್ಮ ಸ್ವಭಾವಜಂ।
ಅಭಿಹರ್ತುಂ ನೃಪಾ ಜಗ್ಮುರ್ನಾನ್ಯೈಃ ಕಾರ್ಯೈಃ ಕಥಂಚನಃ॥ 2-36-6 (12841)
ಧರ್ಮೈರ್ಧನಾಗಮೈಸ್ತಸ್ಯ ವವಧೇ ನಿಚಯೋ ಮಹಾನ್।
ಕರ್ತುಂ ಯಸ್ಯ ನ ಶಕ್ಯೇನ ಕ್ಷಯೋ ವರ್ಷಶತೈರಪಿ॥ 2-36-7 (12842)
ಸ್ವಕೋಷ್ಠಸ್ಯ ಪರೀಮಾಣಂ ಕೋಶಸ್ಯ ಚ ಮಹೀಪತಿಃ।
ವಿಜ್ಞಾಯ ರಾಜಾ ಕೌಂತೇಯೋ ಯಜ್ಞಾಯೈವ ಮನೋ ದಧೇ॥ 2-36-8 (12843)
ಸುಹೃದಶ್ಚೈವ ಯೇ ಸರ್ವೇ ಪೃಥಕ್ಚ ಸಹಚಾಬ್ರುವನ್।
ಯಜ್ಞಕಾಲಸ್ತವ ವಿಭೋ ಕ್ರಿಯತಾಮತ್ರ ಸಾಂಪ್ರತಂ॥ 2-36-9 (12844)
ಅಥೈವಂ ಬ್ರುವತಾಮೇವ ತೇಷಾಮಭ್ಯಾಯಯೌ ಹರಿಃ।
ಋಷಿಃ ಪುರಾಣೋ ವೇದಾತ್ಮಾ ದೃಶ್ಯಶ್ಚೈವ ವಿಜಾನತಾಂ॥ 2-36-10 (12845)
ಜಗತಸ್ತಸ್ಥುಷಾಂ ಶ್ರೇಷ್ಠಃ ಪ್ರಭವಶ್ಚಾಪ್ಯಯಶ್ಚ ಹ।
ಭೂತಭವ್ಯಭವನ್ನಾಥಃ ಕೇಶವಃ ಕೇಶಿಸೂದನಃ॥ 2-36-11 (12846)
ಪ್ರಾಕಾರಃ ಸರ್ವವೃಷ್ಣೀನಾಮಾಪತ್ಸ್ವಭಯದೋಽರಿಹಾ।
ಬಲಾಧಿಕಾರೇ ನಿಕ್ಷಿಪ್ಯ ಸಂಯಗಾನಕದುಂದುಭಿಂ॥ 2-36-12 (12847)
ಉಚ್ಚಾವಚಮುಪಾದಾಯ ಧರ್ಮರಾಜಾಯ ಮಾಧವಃ।
ಧನೌಘಂ ಪುರುಷವ್ಯಾಘ್ರೋ ಬಲೇನ ಮಹತಾ ವೃತಃ॥ 2-36-13 (12848)
ತಂ ಧನೌಘಮಪರ್ಯಂತಂ ರತ್ನಸಾಗರಮಕ್ಷಯಂ।
ನಾದಯನ್ರಥಘೋಷೇಣ ಪ್ರವಿಶೇಶ ಪುರೋತ್ತಮಂ॥ 2-36-14 (12849)
ಪೂರ್ಣಮಾಪೂರಯಂಸ್ತೇಷಾಂ ದ್ವಿಷಚ್ಛೋಕಾವಹೋಽಭವತ್।
ಅಸೂರ್ಯಮಿವ ಸೂರ್ಯೇಣ ನಿವಾತಮಿವ ವಾಯುನಾ।
ಕೃಷ್ಣೇನ ಸಮುಪೇತೇನ ಜಹೃಷೇ ಭಾರತಂ ಪುರಂ॥ 2-36-15 (12850)
ತಂ ಮುದಾಽಭಿಸಮಾಗಂಯ ಸತ್ಕೃತ್ಯ ಚ ಯಥಾವಿಧಿ।
ಸ ಪೃಷ್ಟ್ವಾ ಕುಶಲಂ ಚೈವ ಸುಖಾಸೀನಂ ಯುಧಿಷ್ಠಿರಃ॥ 2-36-16 (12851)
ಧೌಂಯದ್ವೈಪಾಯನಮುಖೈರ್ಋತ್ವಿಗ್ಭಿಃ ಪುರುಷರ್ಷಭಃ।
ಭೀಮಾರ್ಜುನಯಮೈಶ್ಚೈವ ಸಹಿತಃ ಕೃಷ್ಣಮಬ್ರವೀತ್॥ 2-36-17 (12852)
ಯುಧಿಷ್ಠಿರ ಉವಾಚ॥ 2-36-18x (1453)
ತ್ವತ್ಕೃತೇ ಪೃಥಿವೀ ಸರ್ವಾ ಮದ್ವಶೇ ಕೃಷ್ಣ ವರ್ತತೇ।
ಧನಂ ಚ ಬಹು ವಾರ್ಷ್ಣೇಯ ತ್ವತ್ಪ್ರಸಾದಾದುಪಾರ್ಜಿತಂ॥ 2-36-18 (12853)
ಸೋಽಹಮಿಚ್ಛಾಮಿ ತತ್ಸರ್ವಂ ವಿಧಿವದ್ದೇವಕೀಸುತ।
ಉಪಯೋಕ್ತುಂ ದ್ವಿಜಾಗ್ರ್ಯೇಭ್ಯೋ ಹವ್ಯವಾಹೇ ಚ ಮಾಧವ॥ 2-36-19 (12854)
ತದಹಂ ಯಷ್ಟುಮಿಚ್ಛಾಮಿ ದಾಶಾರ್ಹ ಸಹಿತಸ್ತ್ವಯಾ।
ಅನುಜೈಶ್ಚ ಮಹಾಬಾಹೋ ತನ್ಮಾಽನುಜ್ಞಾತುಮರ್ಹಸಿ॥ 2-36-20 (12855)
ತದ್ದೀಕ್ಷಾಪಯ ಗೋವಿಂದ ತ್ವಮಾತ್ಮಾನಂ ಮಹಾಭುಜ।
ತ್ವಯೀಷ್ಟವತಿ ದಾಶಾರ್ಹ ವಿಪಾಪ್ಮಾ ಭವಿತಾ ಹ್ಯಹಂ॥ 2-36-21 (12856)
ಮಾಂ ವಾಪ್ಯಭ್ಯನುಜಾನೀಹ ಸಹೈಭಿರನುಜೈರ್ವಿಭೋ।
ಅನುಜ್ಞಾತಸ್ತ್ವಯಾ ಕೃಷ್ಣ ಪ್ರಾಪ್ನುಯಾಂ ಕ್ರತುಮುತ್ತಮಂ॥ 2-36-22 (12857)
ವೈಶಂಪಾಯನ ಉವಾಚ। 2-36-23x (1454)
ತಂ ಕೃಷ್ಣಃಸ ಪ್ರತ್ಯುವಾಚೇದಂ ಬಹೂಕ್ತ್ವಾ ಗುಣವಿಸ್ತರಂ।
ತ್ವಮೇವ ರಾಜಶಾರ್ದೂಲ ರಂರಾಡರ್ಹೋ ಮಹಾಕ್ರತುಂ।
ಸಂಪ್ರಾಪ್ನುಹಿ ತ್ವಯಾ ಪ್ರಾಪ್ತೇ ಕೃತಕೃತ್ಯಾಸ್ತತೋ ವಯಂ॥ 2-36-23 (12858)
ಯದಸ್ವಾಭೀಪ್ಸಿತಂ ಯಜ್ಞಂ ಮಯಿ ಶ್ರೇಯಸ್ಯವಸ್ಥಿತೇ।
ನಿಯುಂಕ್ಷ್ವ ತ್ವಂ ಚ ಮಾಂ ಕೃತ್ಯೇ ಸರ್ವಂ ಕರ್ತಾಸ್ಮಿ ತೇ ವಚಃ॥ 2-36-24 (12859)
ಯುಧಿಷ್ಠಿರ ಉವಾಚ। 2-36-25x (1455)
ಸಫಲಃ ಕೃಷ್ಣ ಸಂಕಲ್ಪಃ ಸಿದ್ಧಿಶ್ಚ ನಿಯತಾ ಮಮ।
ಯಸ್ಯಮೇ ತ್ವಂ ಹೃಷೀಕೇಶ ಯಥೇಪ್ಸಿತಮುಪಸ್ಥಿತಃ॥ 2-36-25 (12860)
ವೈಶಂಪಾಯನ ಉವಾಚ। 2-36-26x (1456)
ಅನುಜ್ಞಾತಸ್ತು ಕೃಷ್ಣೇನ ಪಾಂಡವೋ ಭ್ರಾತೃಭಿಃ ಸಹ।
ಈಜಿತುಂ ರಾಜಸೂಯೇನ ಸಾಧನಾನ್ಯುಪಚಕ್ರಮೇ॥ 2-36-26 (12861)
ತತಸ್ತ್ವಾಜ್ಞಾಪಯಾಮಾಸ ಪಾಂಡವೋಽರಿನಿಬರ್ಹಣಃ।
ಸಹದೇವಂ ಯುಧಾಂ ಶ್ರೇಷ್ಠಂ ಮಂತ್ರಿಣಶ್ಚೈವ ಸರ್ವಶಃ॥ 2-36-27 (12862)
ಅಸ್ಮಿನ್ಕ್ರತೌ ಯಥೋಕ್ತಾನಿ ಯಜ್ಞಾಂಗಾನಿ ದ್ವ್ಜಾತಿಭಿಃ।
ಯಥೋಪಕರಣಂ ಸರ್ವಂ ಮಂಗಲಾನಿ ಚ ಸರ್ವಶಃ॥ 2-36-28 (12863)
ಅಧಿಯಜ್ಞಾಂಶ್ಚ ಸಂಭಾರಾಂದೌಂಯೋಕ್ತಾನ್ಕ್ಷಿಪ್ರಮೇವ ಹಿ।
ಸಮಾನಯಂತು ಪುರುಷಾ ಯಥಾಯೋಗಂ ಯಥಾಕ್ರಮಂ॥ 2-36-29 (12864)
ಇಂದ್ರಸೇನೋ ವಿಶೋಕಶ್ಚ ಪೂರಶ್ಚಾರ್ಜುನಸಾರಥಿಃ।
ಅನ್ನಾದ್ಯಾಹರಣೇ ಯುಕ್ತಾಃ ಸಂತು ಮತ್ಪ್ರಿಯಕಾಂಯಯಾ॥ 2-36-30 (12865)
ಸರ್ವಕಾಮಾಶ್ಚ ಕಾರ್ಯಂತಾಂ ರಸಗಂಧಸಮನ್ವಿತಾಃ।
ಮನೋರಥಪ್ರೀತಿಕರಾ ದ್ವಿಜಾನಾಂ ಕುರುಸತ್ತಮ॥ 2-36-31 (12866)
ವೈಶಂಪಾಯನ ಉವಾಚ॥ 2-36-32x (1457)
ತದ್ವಾಕ್ಯಸಮಕಾಲಂ ಚ ಕೃತಂ ಸರ್ವಂ ನ್ಯವೇದಯತ್।
ಸಹದೇವೋ ಯುಧಾಂ ಶ್ರೇಷ್ಠೋ ಧರ್ಮರಾಜೋ ಯುಧಿಷ್ಠಿರೇ॥ 2-36-32 (12867)
ತತೋ ದ್ವೈಪಾಯನೋ ರಾಜನ್ನೃತ್ವಿಜಃ ಸಮುಪಾನಯತ್।
ವೇದಾನಿವ ಮಹಾಭಾಗಾನ್ಸಾಕ್ಷಾನ್ಮೂರ್ತಿಮತೋ ದ್ವಿಜಾನ್॥ 2-36-33 (12868)
ಸ್ವಯಂ ಬ್ರಹ್ಮತ್ವಮಕರೋತ್ತಸ್ಯ ಸತ್ಯವತೀಸುತಃ।
ಧನಂಜಯಾನಾಮೃಷಭಃ ಸುಸಾಮಾ ಸಾಮಗೋಽಭವತ್॥ 2-36-34 (12869)
ಯಾಜ್ಞವಲ್ಕ್ಯೋ ಬಭೂವಾಥ ಬ್ರಹ್ಮಿಷ್ಠೋಽಧ್ವರ್ಯುಸತ್ತಮಃ।
ಪೈಲೋ ಹೋತಾ ವಸೋಃ ಪುತ್ರೋ ಧೌಂಯೇನ ಸಹಿತೋಽಭವತ್॥ 2-36-35 (12870)
ಏತೇಷಾಂ ಪುತ್ರವರ್ಗಾಶ್ಚ ಶಿಷ್ಯಾಶ್ಚ ಭರತರ್ಷಭ।
ಬಭೂವುರ್ಹೋತ್ರಗಾಃ ಸರ್ವೇ ವೇದವೇದಾಂಗಪಾರಗಾಃ॥ 2-36-36 (12871)
ತೇ ವಾಚಯಿತ್ವಾ ಪುಣ್ಯಾಹಮೂಹಯಿತ್ವಾ ಚ ತಂ ವಿಧಿಂ।
ಶಾಸ್ತ್ರೋಕ್ತಂ ಪೂಜಯಾಮಾಸುಸ್ತದ್ದೇವಯಜನಂ ಮಹತ್॥ 2-36-37 (12872)
ತತ್ರ ಚಕ್ರುರನುಜ್ಞಾತಾಃ ಶರಣಾನ್ಯುತ ಶಿಲ್ಪಿನಃ।
ಗಂಧವಂತಿ ವಿಶಾಲಾನಿ ವೇಶ್ಮಾನೀವ ದಿವೌಕಸಾಂ॥ 2-36-38 (12873)
ತತ ಆಜ್ಞಾಪಯಾಮಾಸ ಸ ರಾಜಾ ರಾಜಸತ್ತಮಃ।
ಸಹದೇವಂ ತದಾ ಸದ್ಯೋ ಮಂತ್ರಿಣಂ ಪುರುಷರ್ಷಭಃ॥ 2-36-39 (12874)
ಆಮಂತ್ರಣಾರ್ಥಂ ದೂತಾಂಸ್ತ್ವಂ ಪ್ರೇಷಯಸ್ವಾಶುಗಾಂದ್ರುತಂ।
ಉಪಶ್ರುತ್ಯ ವಚೋ ರಾಜ್ಞಃ ಸ ದೂತಾನ್ಪ್ರಾಹಿಣೋತ್ತದಾ॥ 2-36-40 (12875)
ಆಮಂತ್ರಯಧ್ವಂ ರಾಷ್ಟ್ರೇಷು ಬ್ರಾಹ್ಮಣಾನ್ಭೂಮಿಪಾನಥ।
ವಿನಾಶ್ಚ ಮಾನ್ಯಾಞ್ಶೂದ್ರಾಂಶ್ಚ ಸರ್ವಾನಾನಯತೇತಿ ಚ॥ 2-36-41 (12876)
ವೈಶಂಪಾಯನ ಉವಾಚ॥ 2-36-42x (1458)
ತೇ ಸರ್ವಾನ್ಪೃಥಿವೀಪಾಲಾನ್ಪಾಂಡವೇಯಸ್ಯ ಶಾಸನಾತ್।
ಆಮಂತ್ರಯಾಂಬಭೂವುಸ್ತೇ ಪ್ರೇಷಯಾಮಾಸ ಚಾಪರಾನ್॥ 2-36-42 (12877)
ದೂತಾಶ್ಚ ವಾಹನೈರ್ಜಗ್ಭೂ ರಾಷ್ಟ್ರಾಣಿ ಸುಬಹೂನ್ಯಪಿ।
ತತೋ ಯುಧಿಷ್ಠಿರೋ ರಾಜಾ ಪ್ರೇಷಯಾಮಾಸ ಪಾಂಡವಂ॥ 2-36-43 (12878)
ನಕುಲಂ ಹಾಸ್ತಿನಪುರಂ ಭೀಷ್ಮಾಯ ಭರತರ್ಷಭ।
ದ್ರೋಣಾಯ ಧೃತರಾಷ್ಟ್ರಾಯ ವಿದುರಾಯ ಕೃಪಾಯ ಚ।
ಭ್ರಾತೃಣಾಂ ಚೈವ ಸರ್ವೇಣಾಂ ಯೇಽನುರಕ್ತಾ ಯುಧಿಷ್ಠಿರೇ॥ 2-36-44 (12879)
ತತಸ್ತೇ ತು ಯಥಾಕಾಲಂ ಕುಂತೀಪುತ್ರಂ ಯುಧಿಷ್ಠಿರಂ।
ದೀಕ್ಷಯಾಂಚಕ್ರಿರೇ ವಿಪ್ರಾ ರಾಜಸೂಯಾಯ ಭಾರತ॥ 2-36-45 (12880)
` ಜ್ಯೇಷ್ಠಾಮೂಲೇ ಅಮಾವಾಸ್ಯಾಂ ಮೃಗಾಜಿನಸಮಾವೃತಃ।
ರೌರವಾಜಿನಸಂವೀತೋ ನವನೀತಾಕ್ತದೇಹವಾನ್'॥ 2-36-46 (12881)
ದೀಕ್ಷಿತಃ ಸ ತು ಧರ್ಮಾತ್ಮಾ ಧರ್ಮರಾಜೋ ಯುಧಿಷ್ಠಿರಃ।
ಜಗಾಮ ಯಜ್ಞಾಯತನಂ ವೃತೋ ವಿಪ್ರೈಃ ಸಹಸ್ರಶಃ॥ 2-36-47 (12882)
ಭಾತೃಭಿರ್ಜ್ಞಾತಿಭಿಶ್ಚೈವ ಸುಹೃದ್ಭಿಃ ಸಚಿವೈಃ ಸಹ।
ಕ್ಷತ್ರಿಯೈಶ್ಚ ಮನುಷ್ಯೇಂದ್ರೈರ್ನಾನಾದೇಶಸಮಾಗತೈಃ॥ 2-36-48 (12883)
ಅಮಾತ್ಯೈಶ್ಚ ನರಶ್ರೇಷ್ಠೋ ಧರ್ಮೋ ವಿಗ್ರಹವಾನಿವ।
ಆಜಗ್ಮುರ್ಬ್ರಾಹ್ಮಣಾಸ್ತತ್ರ ವಿಷಯೇಭ್ಯಸ್ತತಸ್ತತಃ॥ 2-36-49 (12884)
ಸರ್ವವಿದ್ಯಾಸು ನಿಷ್ಣಾತಾ ವೇದವೇದಾಂಗಪಾರಗಾಃ।
ತೇಷಾಮಾವಸಥಾಂಶ್ಚಕ್ರುರ್ಧರ್ಮರಾಜಸ್ಯ ಶಾಸನಾತ್॥ 2-36-50 (12885)
ಬಹ್ವನ್ನಾಚ್ಛಾದನೈರ್ಯುಕ್ತಾನ್ಸಗಣಾನಾಂ ಪೃಥಕ್ ಪೃಥಕ್।
ಸರ್ವರ್ತುಗುಣಸಂಪನ್ನಾಞ್ಶಿಲ್ಪಿನೋಽಥ ಸಹಸ್ರಶಃ॥ 2-36-51 (12886)
ತೇಷು ತೇ ನ್ಯವಸನ್ರಾಜನ್ಬ್ರಾಹ್ಮಣಾ ನೃಪಸತ್ಕೃತಾಃ।
ಕಥಯಂತಃ ಕಥಾ ಬಹ್ವೀಃ ಪಶ್ಯಂತೋ ನಟನರ್ತಕಾನ್॥ 2-36-52 (12887)
ಭುಂಜತಾಂ ಚೈವ ವಿಪ್ರಾಣಾಂ ವದತಾಂ ಚ ಮಹಾಸ್ವನಃ।
ಅನಿಶಂ ಶ್ರೂಯತೇ ತತ್ರ ಮುದಿತಾನಾಂ ಮಹಾತ್ಮನಾಂ॥ 2-36-53 (12888)
ದೀಯತಾಂ ದೀಯತಾಮೇಷಾಂ ಭುಜ್ಯತಾಂ ಭುಜ್ಯತಾಮಿತಿ।
ಏವಂಪ್ರಕಾರಾಃ ಸಂಜಲ್ಪಾಃ ಶ್ರೂಯಂತೇಸ್ಮಾತ್ರ ನಿತ್ಯಶಃ॥ 2-36-54 (12889)
ಗವಾಂ ಶತಸಹಸ್ರಾಣಿ ಶಯನಾನಾಂ ಚ ಭಾರತ।
ರುಕ್ಮಸ್ಯ ಯೋಷಿತಾಂ ಚೈವ ಧರ್ಮರಾಜಃ ಪೃಥಕ್ ದದೌ॥ 2-36-55 (12890)
ಪ್ರಾವರ್ತತೈವ ಯಜ್ಞಃ ಸ ಪಾಂಡವಸ್ಯ ಮಹಾತ್ಮನಃ।
ಪೃಥಿವ್ಯಾಮೇಕವೀರಸ್ಯ ಶಕ್ರಸ್ಯೇವ ತ್ರಿವಿಷ್ಟಪೇ॥ ॥ 2-36-56 (12891)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದಿಗ್ವಿಜಯಪರ್ವಣಿ ಷಟ್ತ್ರಿಂಶೋಽಧ್ಯಾಯಃ॥ 36॥
Mahabharata - Sabha Parva - Chapter Footnotes
2-36-5 ಮೂರ್ಛನಂ ಪ್ರದೀಪನಂ॥ 2-36-7 ನಿಚಯೋ ಭಾಂಡಾಗಾರಂ॥ 2-36-34 ಧನಂಜಯಾನಾಂ ಧನಂಜಯಗೋತ್ರಾಣಾಂ ಮಧ್ಯೇ ಶ್ರೇಷ್ಠಃ ಸುಸಾಮಾನಾಮ ಆಂಗಿರಸಃ ॥ಸಭಾಪರ್ವ - ಅಧ್ಯಾಯ 037
॥ ಶ್ರೀಃ ॥
2.37. ಅಧ್ಯಾಯಃ 037
Mahabharata - Sabha Parva - Chapter Topics
ಆಮಂತ್ರಿತಾನಾಂ ಸರ್ವೇಷಾಂ ಆಗಮನಂ॥ 1॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ತತ ಆಮಂತ್ರಿತಾ ರಾಜನ್ರಾಜಾನಃ ಸತ್ಕೃತಾಸ್ತದಾ।
ಪುರೇಭ್ಯಃ ಪ್ರಯಯುಸ್ತೇಭ್ಯೋ ವಿಮಾನೇಭ್ಯ ಇವಾಮರಾಃ॥ 2-37-1 (12892)
ತೇ ವೈ ದಿಗ್ಭ್ಯಃ ಸಮಾಪೇತುಃ ಪಾರ್ಥಿವಾಸ್ತತ್ರ ಭಾರತ।
ಸಮಾದಾಯ ಮಹಾರ್ಹಾಣಿ ರತ್ನಾನಿ ವಿವಿಧಾನಿ ಚ॥ 2-37-2 (12893)
ತಚ್ಛ್ರುತ್ವಾ ಧರ್ಮರಾಜಸ್ಯ ಯಜ್ಞೇ ಯಜ್ಞವಿದಸ್ತದಾ।
ರಾಜಾನಃ ಶತಶಸ್ತುಷ್ಟೈರ್ಮನೋಭಿರ್ಮನುರ್ಷಭ॥ 2-37-3 (12894)
ಬಹು ವಿತ್ತಂ ಸಮಾದಾಯ ವಿವಿಧಂ ಪಾರ್ಥಿವಾ ಯಯುಃ।
ದ್ರಷ್ಟುಕಾಮಾಃ ಸಭಾಂ ಚೈವ ಧರ್ಮರಾಜಂ ಚ ಪಾಂಡವಂ॥ 2-37-4 (12895)
ಸ ಗತ್ವಾ ಹಾಸ್ತಿನಪುರಂ ನಕುಲಃ ಸಮಿತಿಂಜಯಃ।
ಭೀಷ್ಮಮಾಮಂತ್ರಯಾಂಚಕ್ರೇ ಧೃತರಾಷ್ಟ್ರಂ ಚ ಪಾಂಡವಃ॥ 2-37-5 (12896)
ಪ್ರಯತಃ ಪ್ರಾಂಜಲಿರ್ಭೂತ್ವಾ ಭಾರತಾನಾನಯತ್ತದಾ।
ಧೃತರಾಷ್ಟ್ರಂ ಚ ಭೀಷ್ಮಂ ಚ ವಿದುರಂ ಚ ಮಹಾಮತಿಂ॥ 2-37-6 (12897)
ದುರ್ಯೋಧನಮುಖಾಂಶ್ಚೈವ ಭ್ರಾತೄನ್ಸರ್ವಾನಥಾನಯತ್॥ 2-37-7 (12898)
ಸತ್ಕೃತ್ಯಾಮಂತ್ರಿತಾಃ ಸರ್ವೇ ಹ್ಯಾಚಾರ್ಯಪ್ರಮುಖಾಸ್ತತಃ।
ಪ್ರಯಯುಃ ಪ್ರೀತಮನಸೋ ಯಜ್ಞಂ ಬ್ರಹ್ಮಪುರಸ್ಸರಾಃ॥ 2-37-8 (12899)
ಧೃತರಾಷ್ಟ್ರಶ್ಚ ಭೀಷ್ಮಶ್ಚ ವಿದುರಸ್ಚ ಮಹಾಮತಿಃ।
ದುರ್ಯೋಧನಪುರೋಗಾಶ್ಚ ಭ್ರಾತರಃ ಸರ್ವ ಏವ ತೇ।
ಗಾಂಧಾರರಾಜಃ ಸುಬಲಃ ಶಕುನಿಶ್ಚ ಮಹಾಬಲಃ॥ 2-37-9 (12900)
ಅಚಲೋ ವೃಷಕಶ್ಚೈವ ಕರ್ಣಶ್ಚ ರಥಿನಾಂ ವರಃ।
ತಥಾ ಶಲ್ಯಶ್ಚ ಬಲವಾನ್ಬಾಹ್ಲಿಕಶ್ಚ ಮಹಾಬಲಃ॥ 2-37-10 (12901)
ಸೋಮದತ್ತೋಽಥ ಕೌರವ್ಯೋ ಭೂರಿರ್ಭೂರಿಶ್ರವಾಃ ಶಲಃ।
ಅಶ್ವತ್ಥಾಮಾ ಕೃಪೋ ದ್ರೋಣಃ ಸೈಂಧವಶ್ಚ ಜಯದ್ರಥಃ॥ 2-37-11 (12902)
ಯಜ್ಞಸೇನಃ ಸಪುತ್ರಶ್ಚ ಸಾಲ್ವಶ್ಚ ವಸುಧಾಧಿಪಃ।
ಪ್ರಾಗ್ಜ್ಯೋತಿಷಶ್ಚ ನೃಪತಿರ್ಭಗದತ್ತೋ ಮಹಾರಥಃ॥ 2-37-12 (12903)
ಸ ತು ಸರ್ವೈಃ ಸಹ ಂಲೇಚ್ಛೈಃ ಸಾಗರಾನೂಪವಾಸಿಭಿಃ।
ಪಾರ್ವತೀಯಾಶ್ಚ ರಾಜಾನೋ ರಾಜಾ ಚೈವ ಬೃಹದ್ಬಲಃ॥ 2-37-13 (12904)
ಪೌಂಡ್ರಕೋ ವಾಸುದೇವಶ್ಚ ವಂಗಃ ಕಾಲಿಂಗಕಸ್ತಥಾ।
ಆಕರ್ಷಾಃ ಕುಂತಲಾಶ್ಚೈವ ಗಾಲವಾಶ್ಚಾಂಧ್ರಕಾಸ್ತಥಾ॥ 2-37-14 (12905)
ದ್ರಾವಿಡಾಃ ಸಿಂಹಲಾಶ್ಚೈವ ರಾಜಾ ಕಾಶ್ಮೀರಕಸ್ತಥಾ।
ಕುಂತಿಭೋಜೋ ಮಹಾತೇಜಾಃ ಪಾರ್ಥಿವೋ ಗೌರವಾಹನಃ॥ 2-37-15 (12906)
ಬಾಹ್ಲಿಕಾಶ್ಚಾಪರೇ ಶೂರಾ ರಾಜಾನಃ ಸರ್ವ ಏವ ತೇ।
ವಿರಾಟಃ ಸಹ ಪುತ್ರಾಭ್ಯಾಂ ಮಾವೇಲ್ಲಶ್ಚ ಮಹಾಬಲಃ॥ 2-37-16 (12907)
ರಾಜಾನೋ ರಾಜಪುತ್ರಾಶ್ಚ ನಾನಾಜನಪದೇಶ್ವರಾಃ।
ಶಿಶುಪಾಲೋ ಮಹಾವೀರ್ಯಃ ಸಹ ಪುತ್ರೇಣ ಭಾರತ॥ 2-37-17 (12908)
ಆಗಚ್ಛತ್ಪಾಂಡವೇಯಸ್ಯ ಯಜ್ಞಂ ಸಮರದುರ್ಮದಃ।
ರಾಮಶ್ಚೈವಾನಿರುದ್ಧಶ್ಚ ಕಂಕಶ್ಚ ಸಹಸಾರಣಃ॥ 2-37-18 (12909)
ಗದಪ್ರದ್ಯುಂನಸಾಂಬಾಶ್ಚ ಚಾರುದೇಷ್ಣಶ್ಚ ವೀರ್ಯವಾನ್।
ಉಲ್ಮುಕೋ ನಿಶಠಶ್ಚೈವ ವೀರಶ್ಚಾಂಗಾವಹಸ್ತಥಾ॥ 2-37-19 (12910)
ವೃಷ್ಣಯೋ ನಿಖಿಲಾಶ್ಚಾನ್ಯೇ ಸಮಾಜಗ್ಮುರ್ಮಹಾರಥಾಃ।
ಏತೇ ಚಾನ್ಯೇ ಚ ಬಹವೋ ರಾಜಾನೋ ಮಧ್ಯದೇಶಜಾಃ॥ 2-37-20 (12911)
ಆಜಗ್ಮುಃ ಪಾಂಡುಪುತ್ರಸ್ಯ ರಾಜಸೂಯಂ ಮಹಾಕ್ರತುಂ।
ದದುಸ್ತೇಷಾಮಾವಸಥಾಂಧರ್ಮರಾಜಸ್ಯ ಶಾಸನಾತ್॥ 2-37-21 (12912)
ಬಹುಭಕ್ಷ್ಯಾನ್ವಿತಾನ್ರಾಜಂದೀರ್ಘಿಕಾವೃಕ್ಷಶೋಭಿತಾನ್।
ತಥಾ ಧರ್ಮಾತ್ಮಜಃ ಪೂಜಾಂ ಚಕ್ರೇ ತೇಷಾಂ ಮಹಾತ್ಮನಾಂ॥ 2-37-22 (12913)
ಸತ್ಕೃತಾಶ್ಚ ಯಥೋದ್ದಿಷ್ಟಾಂಜಗ್ಮುರಾವಸಥಾನ್ನೃಪಾಃ।
ಕೈಲಾಸಶಿಖರಪ್ರಖ್ಯಾನ್ಮನೋಜ್ಞಾಂದ್ರವ್ಯಭೂಷಿತಾನ್॥ 2-37-23 (12914)
ಸರ್ವತಃ ಸಂವೃತಾನುಚ್ಚೈಃ ಪ್ರಾಕಾರೈಃ ಸುಕೃತೈಃ ಸಿತೈಃ।
ಸುವರ್ಣಜಾಲಸಂವೀತಾನ್ಮಣಿಕುಟ್ಟಿಮಭೂಷಿತಾನ್॥ 2-37-24 (12915)
ಸುಖಾರೋಹಣಸೋಪಾನಾನ್ಮಹಾಸನಪರಿಚ್ಛದಾನ್।
ಸ್ನಗ್ದಾಮಸಮವಚ್ಛನ್ನಾನುತ್ತಮಾಗುರುಗಂಧಿನಃ॥ 2-37-25 (12916)
ಹಂಸೇಂದುವರ್ಣಸದೃಶಾನಾಯೋಜನಸುದರ್ಶನಾನ್।
ಅಸಂಬಾಧಾನ್ಸಮದ್ವಾರಾನ್ಯುತಾನುಚ್ಚಾವಚೈರ್ಗುಣೈಃ॥ 2-37-26 (12917)
ಬಹುಧಾತುನಿಬದ್ಧಾಂಗಾನ್ಹಿಮವಚ್ಛಿಖರಾನಿವ।
ವಿಶ್ರಾಂತಾಸ್ತೇ ತತೋಽಪಶ್ಯನ್ಭೂಮಿಪಾ ಭೂರಿದಕ್ಷಿಣಂ॥ 2-37-27 (12918)
ವೃತಂ ಸದಸ್ಯೈರ್ಬಹುಭಿರ್ಧರ್ಮರಾಜಂ ಯುಧಿಷ್ಠಿರಂ।
ತತ್ಸದಃ ಪಾರ್ಥಿವೈಃ ಕೀರ್ಣಂ ಬ್ರಾಹ್ಮಣೈಶ್ಚ ಮಹರ್ಷಿಭಿಃ।
ಭ್ರಾಜತೇ ಸ್ಮ ತದಾ ರಾಜನ್ನಾಕಪೃಷ್ಠಂ ಯಥಾಽಮರೈಃ॥ ॥ 2-37-28 (12919)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದಿಗ್ವಿಜಯಪರ್ವಣಿ ಸಪ್ತತ್ರಿಂಶೋಽಧ್ಯಾಯಃ॥ 37॥
Mahabharata - Sabha Parva - Chapter Footnotes
2-37-8 ಬ್ರಹ್ಮಪುರಸ್ಸರಾಃ ಬ್ರಾಹ್ಮಣಪುರಸ್ಸರಾಃ॥ಸಭಾಪರ್ವ - ಅಧ್ಯಾಯ 038
॥ ಶ್ರೀಃ ॥
2.38. ಅಧ್ಯಾಯಃ 038
Mahabharata - Sabha Parva - Chapter Topics
ಆಗತಾನ್ಭೀಷ್ಣಾದೀನ್ಸಮಾನ್ಯ ತತ್ತದಧಿಕಾರೇಷು ತೇಷಾಂತೇಷಾಂ ನಿಯಮನಂ॥ 1॥ ರಾಜಸೂಯಯಾಗಃ॥ 2॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ಪಿತಾಮಹಂ ಗುರುಂ ಚೈವ ಪ್ರತ್ಯುದ್ಗಂಯ ಯುಧಿಷ್ಠಿರಃ।
ಅಭಿವಾದ್ಯ ತತೋ ರಾಜನ್ನಿದಂ ವಚನಮಬ್ರವೀತ್॥ 2-38-1 (12920)
ಭೀಷ್ಮಂ ದ್ರೋಣಂ ಕೃಪಂ ದ್ರೌಣಿಂ ದುರ್ಯೋಧನವಿವಿಂಶತೀ।
ಅಸ್ಮಿನ್ಯಜ್ಞೇ ಭವಂತೋ ಮಾಮನುಗೃಹ್ಣಂತು ಸರ್ವಶಃ॥ 2-38-2 (12921)
ಇದಂ ವಃ ಸುಮಹಚ್ಚೈವ ಯದಿಹಾಸ್ತಿ ಧನಂ ಮಮ।
ಪ್ರಣಯಂತು ಭವಂತೋ ಮಾಂ ಯಥೇಷ್ಟಮಭಿಮಂತ್ರಿತಃ॥ 2-38-3 (12922)
ಏವಮುಕ್ತ್ವಾ ಸ ತಾನ್ಸರ್ವಾಂದೀಕ್ಷಿತಃ ಪಾಂಡವಾಗ್ರಜಃ।
ಯುಯೋಜ ಸ ಯಥಾಯೋಗಮಧಿಕಾರೇಷ್ವನಂತರಂ॥ 2-38-4 (12923)
`ಪಂಕ್ತ್ಯಾರೋಪಣಕಾರ್ಯೇ ಚ ಉಚ್ಛಿಷ್ಟಾಪನಯೇ ಪುನಃ।
ಭೋಜನಾವೇಕ್ಷಣೇ ಚೈವ ಯುಯುತ್ಸುಂ ಸಮಯೋಜಯತ್'॥ 2-38-5 (12924)
ಭಕ್ಷ್ಯಭೋಜ್ಯಾಧಿಕಾರೇಷು ದುಃಶಾಸನಮಯೋಜಯತ್।
ಪರಿಗ್ರಹೇ ಬ್ರಾಹ್ಮಣಾನಾಮಶ್ವತ್ಥಾಮಾನಮುಕ್ತವಾನ್। 2-38-6 (12925)
ರಾಜ್ಞಾಂ ತು ಪ್ರತಿಪೂಜಾರ್ಥಂ ಸಂಜಯಂ ನ್ಯಯೋಜಯತ್।
ಕೃತಾಕೃತಪರಿಜ್ಞಾನೇ ಭೀಷ್ಣದ್ರೋಣೌ ಮಹಾಮತೀ॥ 2-38-7 (12926)
ಹಿರಣ್ಯಸ್ಯ ಸುವರ್ಣಸ್ಯ ರತ್ನಾನಾಂ ಚಾನ್ವವೇಕ್ಷಣೇ।
ದಕ್ಷಿಣಾನಾಂ ಚ ವೈ ದಾನೇ ಕೃಪಂ ರಾಜಾ ನ್ಯಯೋಜಯತ್॥ 2-38-8 (12927)
ತಥಾಽಽನ್ಯಾನ್ಪುರುಷವ್ಯಾಘ್ರಾಂಸ್ತಸ್ಮಿಂಸ್ತಸ್ಮಿನ್ನ್ಯಯೋಜಯತ್।
ಬಾಹ್ಲಿಕೋ ಧೃತರಾಷ್ಟ್ರಶ್ಚ ಸೋಮದತ್ತೋ ಜಯದ್ರಥಃ।
ನಕುಲೇನ ಸಮಾನೀತಾಃ ಸ್ವಾಮಿವತ್ತತ್ರ ರೇಮಿರೇ॥ 2-38-9 (12928)
ಕ್ಷತ್ತಾ ವ್ಯಯಕರಸ್ತ್ವಾಸೀದ್ವಿದುರಃ ಸರ್ವಧರ್ಮವಿತ್।
ದುರ್ಯೋಧನಸ್ತ್ವರ್ಹಣಾನಿ ಪ್ರತಿಜಗ್ರಾಹ ಸರ್ವಶಃ॥ 2-38-10 (12929)
`ಕುಂತೀ ಸಾಧ್ವೀ ಚ ಗಾಂಧಾರೀ ಸ್ತ್ರೀಣಾಂ ಕುರ್ವಂತಿ ಚಾರ್ಚನಂ॥
ಅನ್ಯಾಃ ಸರ್ವಾಃ ಸ್ನುಷಾಸ್ತಾಸಾಂ ಸಂದೇಶಂ ಯಾಂತು ಮಾಚಿರಂ।
ತಿಷ್ಠೇತ್ಕೃಷ್ಣಾಂತಿಕೇ ಸೋಯಮರ್ಜುನಃ ಕಾರ್ಯಸಿದ್ಧಯೇ'॥ 2-38-11 (12930)
ಚರಣಕ್ಷಾಲನೇ ಕೃಷ್ಣೋ ಬ್ರಾಹ್ಮಣಾನಾಂ ಸ್ವಯಂ ಹ್ಯಭೂತ್।
ಸರ್ವಲೋಕಸಮಾವೃತ್ತಃ ಪಿಪ್ರೀಷುಃ ಫಲಮುತ್ತಮಂ॥ 2-38-12 (12931)
ದ್ರಷ್ಟುಕಾಮಃ ಸಭಾಂ ಚೈವ ಧರ್ಮರಾಜಂ ಯಧಿಷ್ಠಿರಂ।
ನ ಕಶ್ಚಿದಾಹರತ್ತತ್ರ ಸಹಸ್ರಾವರಮರ್ಹಣಂ॥ 2-38-13 (12932)
ರತ್ನೈಶ್ಚ ಬಹುಭಿಸ್ತತ್ರ ಧರ್ಮರಾಜಮವರ್ಧಯತ್।
ಕಥಂ ತು ಮಮ ಕೌರವ್ಯೋ ರತ್ನದಾನೈಃ ಸಮಾಪ್ನುಯಾತ್॥ 2-38-14 (12933)
ಯಜ್ಞಮಿತ್ಯೇವ ರಾಜಾನಃ ಸ್ಪರ್ಧಮಾನಾ ದದುರ್ಧನಂ।
ಭವನೈಃ ಸವಿಮಾನಾಗ್ರೈಃ ಸೋದರ್ಕೈರ್ಬಲಸಂವೃತೈಃ॥ 2-38-15 (12934)
ಲೋಕರಾಜವಿಮಾನೈಶ್ಚ ಬ್ರಾಹ್ಮಣಾವಸಥೈಃ ಸಹ।
ಕೃತೈರಾವಸಥೈರ್ದಿವ್ಯೈರ್ವಿಮಾನಪ್ರತಿಮೈಸ್ತಥಾ॥ 2-38-16 (12935)
ವಿಚಿತ್ರೈ ರತ್ವವದ್ಭಿಶ್ಚ ಋದ್ಧ್ಯಾ ಪರಮಯಾ ಯುತೈಃ।
ರಾಜಭಿಶ್ಚ ಸಮಾವೃತ್ತೈರತೀವ ಶ್ರೀಸಮೃದ್ಧಿಭಿಃ।
ಅಶೋಭತ ಸದೋ ರಾಜನ್ಕೌಂತೇಯಸ್ಯ ಮಹಾತ್ಮನಃ॥ 2-38-17 (12936)
ಋದ್ಧ್ಯಾ ತು ವರುಣಂ ದೇವಂ ಸ್ಪರ್ಧಮಾನೋ ಯುಧಿಷ್ಠಿರಃ।
ಷಡಗ್ನಿನಾಥ ಯಜ್ಞೇನ ಸೋಽಯಜದ್ದಕ್ಷಿಣಾವತಾ॥ 2-38-18 (12937)
ಸರ್ವಾಂಜನಾನ್ಸರ್ವಕಾಮೈಃ ಸಮೃದ್ಧೈಃ ಸಮತರ್ಪಯತ್।
ಅನ್ನವಾನ್ಬಹುಭಕ್ಷ್ಯಶ್ಚ ಭುಕ್ತವಜ್ಜನಸಂವೃತಃ।
ರತ್ನೋಪಹಾರಸಂಪನ್ನೋ ಬಭೂವ ಸ ಸಮಾಗಮಃ॥ 2-38-19 (12938)
ಇಡಾಜ್ಯಹೋಮಾಹುತಿಭಿರ್ಮಂತ್ರಶಿಕ್ಷಾವಿಶಾರದೈಃ।
ತಸ್ಮಿನ್ಹಿ ತತೃಪುರ್ದೇವಾಸ್ತತೇ ಯಜ್ಞೇ ಮಹರ್ಷಿಭಿಃ॥ 2-38-20 (12939)
ಯಥಾ ದೇವಾಸ್ತಥಾ ವಿಪ್ರಾ ದಕ್ಷಿಣಾನ್ನಮಹಾಧನೈಃ।
ತತೃಪುಃ ಸರ್ವವರ್ಣಾಶ್ಚ ತಸ್ಮಿನ್ಯಜ್ಞೇ ಮುದಾಽನ್ವಿತಾಃ॥ ॥ 2-38-21 (12940)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದಿಗ್ವಿಜಯಪರ್ವಣಿ ಅಷ್ಟತ್ರಿಂಶೋಽಧ್ಯಾಯಃ॥ 38 ॥ ॥ ಸಮಾಪ್ತಂ ಚ ರಾಜಸೂಯಪರ್ವ॥
ಸಭಾಪರ್ವ - ಅಧ್ಯಾಯ 039
॥ ಶ್ರೀಃ ॥
2.39. ಅಧ್ಯಾಯಃ 039
Mahabharata - Sabha Parva - Chapter Topics
ಅಭಿಷೇಚನದಿನೇ ಬ್ರಾಹ್ಮಣಾದೀನಾಮಂತರ್ವೇದಿಪ್ರವೇಶಃ॥ 1॥ ಭೂಭಾರಕ್ಷಪಣೇ ನಾರದಚಿಂತನಂ॥ 2॥ ಪೂರ್ವಂ ಸಂಕ್ಷಿಪ್ಯೋಕ್ತಾಯಾಃ ಕೃಷ್ಣಾಗಮನಕಥಾಯಾಃ ಕಿಂಚಿದ್ವಿಸ್ತರೇಣ ಕಥನಂ॥ 3॥ ಸಹದೇವೇನ ಶ್ರೀಕೃಷ್ಣಸ್ಯಾಗ್ರಪೂಜಾಕರಣಂ॥ 4॥ ಶಿಶುಪಾಲೇನ ಶ್ರೀಕೃಷ್ಣಸ್ಯಾಗ್ರಪೂಜಾಽಸಹನಂ॥ 5॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ತತೋಽಭಿಷೇಚನೀಯೇಽಹ್ನಿ ಬ್ರಾಹ್ಮಣಾ ರಾಜಭಿಃ ಸಹ।
ಅಂತರ್ವೇದೀಂ ಪ್ರವಿವಿಶುಃ ಸತ್ಕಾರಾರ್ಹಾ ಮಹರ್ಷಯಃ॥ 2-39-1 (12941)
ನಾರದಪ್ರಮುಖಾಸ್ತಸ್ಯಾಮಂತರ್ವೇದ್ಯಾಂ ಮಹಾತ್ಮನಃ।
ಸಮಾಸೀನಾಃ ಶುಶುಭಿರೇ ಸಹರಾಜರ್ಷಿಭಿಸ್ತದಾ॥ 2-39-2 (12942)
ಸಮೇತಾ ಬ್ರಹ್ಮಭವನೇ ದೇವಾ ದೇವರ್ಷಯಸ್ತಥಾ।
ಕರ್ಮಾಂತರಮುಪಾಸಂತೋ ಜಜಲ್ಪುರಮಿತೌಜಸಃ॥ 2-39-3 (12943)
ಏವಮೇತನ್ನ ಚಾಪ್ಯೇವಮೇವಂ ಚೈತನ್ನ ಚಾನ್ಯಥಾ।
ಇತ್ಯೂಚುರ್ಬಹವಸ್ತತ್ರ ವಿತಂಡಾಂ ವೈ ಪರಸ್ಪರಂ॥ 2-39-4 (12944)
ಕೃಶಾನರ್ಥಾಂಸ್ತತಃ ಕೇಚಿದಕೃಶಾಂಸ್ತತ್ರ ಕುರ್ವತೇ।
ಅಕೃಶಾಂಶ್ಚ ಕೃಶಾಂಶ್ಚಕ್ರುರ್ಹೇತುಭಿಃ ಶಾಸ್ತ್ರನಿಶ್ಚಯೈಃ॥ 2-39-5 (12945)
ತತ್ರ ಮೇಧಾವಿನಃ ಕೇಚಿದರ್ಥಮನ್ಯೈರುದೀರಿತಂ।
ವಿಚಿಕ್ಷಿಪುರ್ಯಥಾ ಶ್ಯೇನಾ ನಭೋಗತಮಿವಾಮಿಷಂ॥ 2-39-6 (12946)
ಕೇಚಿದ್ಧರ್ಮಾರ್ಥಕುಶಲಾಃ ಕೇಚಿತ್ತತ್ರ ಮಹಾವ್ರತಾಃ।
ರೇಮಿರೇ ಕಥಯಂತಶ್ಚ ಸರ್ವಭಾಷ್ಯವಿದಾಂ ವರಾಃ॥ 2-39-7 (12947)
ಸಾ ವೇದಿರ್ವೇದಸಂಪನ್ನೈರ್ದೇವದ್ವಿಜಮಹರ್ಷಿಭಿಃ।
ಆಬಭಾಸೇ ಸಮಾಕೀರ್ಣಾ ನಕ್ಷತ್ರೈರ್ದ್ಯೌರಿವಾಯತಾ॥ 2-39-8 (12948)
ನ ತಸ್ಯಾಂ ಸನ್ನಿಧೌ ಶೂದ್ರಃ ಕಶ್ಚಿದಾಸೀನ್ನ ಚಾವ್ರತೀ।
ಅಂತರ್ವೇದ್ಯಾಂ ತದಾ ರಾಜನ್ಯುಧಿಷ್ಠಿರನಿವೇಶನೇ॥ 2-39-9 (12949)
ತಾಂ ತು ಲಕ್ಷ್ಮೀವತೋ ಲಕ್ಷ್ಮೀಂ ತದಾ ಯಜ್ಞವಿಧಾನಜಾಂ।
ತುತೋಷ ನಾರದಃ ಪಶ್ಯಂಧರ್ಮರಾಜಸ್ಯ ಧೀಮತಃ॥ 2-39-10 (12950)
ಅಥ ಚಿಂತಾಂ ಸಮಾಪೇದೇ ಸ ಮುನಿರ್ಮನುಜಾಧಿಪ।
ನಾರದಸ್ತು ತದಾ ಪಶ್ಯನ್ಸರ್ವಕ್ಷತ್ರಸಮಾಗಮಂ॥ 2-39-11 (12951)
ಸಸ್ಮಾರ ಚ ಪುರಾವೃತ್ತಾಂ ಕಥಾಂ ತಾಂ ಪುರುಷರ್ಷಭ।
ಅಂಶಾವತರಣೇ ಯಾಽಸೌ ಬ್ರಹ್ಮಣೋ ಭವನೇಽಭವತ್॥ 2-39-12 (12952)
ದೇವಾನಾಂ ಸಂಗಮಂ ತಂ ತು ವಿಜ್ಞಾಯ ಕುರುನಂದನ।
ನಾರದಃ ಪುಂಡರೀಕಾಕ್ಷಂ ಸಸ್ಮಾರ ಮನಸಾ ಹರಿಂ॥ 2-39-13 (12953)
ಸಾಕ್ಷಾತ್ಸ ವಿಬುಧಾರಿಘ್ನಃ ಕ್ಷತ್ರೇ ನಾರಾಯಣೋ ವಿಭುಃ।
ಪ್ರತಿಜ್ಞಾಂ ಪಾಲಯಂಶ್ಚೇಮಾಂ ಜಾತಃ ಪರಪುರಂಜಯಃ॥ 2-39-14 (12954)
ಸಂದಿದೇಶ ಪುರಾ ಯೋಽಸೌ ವಿಬುಧಾನ್ಭೂತಕೃತ್ಸ್ವಯಂ।
ಅನ್ಯೋನ್ಯಮಭಿನಿಘ್ನಂತಃ ಪುನರ್ಲೋಕಾನವಾಪ್ಸ್ಯಥ॥ 2-39-15 (12955)
ಇತಿ ನಾರಾಯಣಃ ಶಂಭುರ್ಭಗವಾನ್ಭೂತಭಾವನಃ।
ಆದಿಶ್ಯ ವಿಬುಧಾನ್ಸರ್ವಾನಜಾಯತ ಯದುಕ್ಷಯೇ॥ 2-39-16 (12956)
ಕ್ಷಿತಾವಂಧಕವೃಷ್ಣೀನಾಂ ವಂಶೇ ವಂಶಭೃತಾಂ ವರಃ।
ಪರಯಾ ಶುಶುಭೇ ಲಕ್ಷ್ಂಯಾ ನಕ್ಷತ್ರಾಣಾಮಿವೋಡುರಾಟ್॥ 2-39-17 (12957)
ಯಸ್ಯ ಬಾಹುಬಲಂ ಸೇಂದ್ರಾಃ ಸುರಾಃ ಸರ್ವ ಉಪಾಸತೇ।
ಸೋಯಂ ಮಾನುಷವನ್ನಾಮ ಹರಿರಾಸ್ತೇಽರಿಮರ್ದನಃ॥ 2-39-18 (12958)
ಅಹೋ ಬತ ಮಹದ್ಭೂತಂ ಸ್ವಯಂಭೂರ್ಯದಿದಂ ಸ್ವಯಂ।
ಆದಾಸ್ಯತಿ ಪುನಃ ಕ್ಷತ್ರಮೇವಂ ಬಲಸಮನ್ವಿತಂ॥ 2-39-19 (12959)
ಇತ್ಯೇತಾಂ ನಾರದಶ್ಚಿಂತಾಂ ಚಿಂತಯಾಮಾಸ ಸರ್ವವಿತ್।
ಹರಿಂ ನಾರಾಯಣಂ ಜ್ಞಾತ್ವಾ ಯಜ್ಞೈರೀಜ್ಯಂ ತಮೀಶ್ವರಂ॥ 2-39-20 (12960)
ತಸ್ಮಿಂಧರ್ಮವಿದಾಂ ಶ್ರೇಷ್ಠೋ ಧರ್ಮರಾಜಸ್ಯ ಧೀಮತಃ।
ಮಹಾಧ್ವರೇ ಮಹಾಬುದ್ಧಿಸ್ತಸ್ಥೌ ಸ ಬಹುಮಾನತಃ॥ 2-39-21 (12961)
`ತತಃ ಸಮುದಿತಾ ಮುಖ್ಯೈರ್ಗುಣೈರ್ಗುಣವತಾಂ ವರಾಃ।
ಬಹವೋ ಭಾವಿತಾತ್ಮಾನಃ ಪೃಥಕ್ಪೃಥಗರಿಂದಮಾಃ॥ 2-39-22 (12962)
ಆತ್ಮಕೃತ್ಯಮಿತಿ ಜ್ಞಾತ್ವಾ ಪಾಂಚಾಲಾಸ್ತತ್ರ ಸರ್ವಶಃ।
ಸಮೀಯುರ್ವೃಷ್ಣಯಶ್ಚೈವ ತದಾಽನೀಕಾಗ್ರಹಾರಿಣಃ॥ 2-39-23 (12963)
ಸದಾರಾಃ ಸಜನಾಮಾತ್ಯಾ ವಹಂತೋ ರತ್ನಸಂಚಯಾನ್।
ವಿಕೃಷ್ಟತ್ವಾಚ್ಚ ದೇಶಸ್ಯ ಗುರುಭಾರತಯಾ ಚ ತೇ॥ 2-39-24 (12964)
ಯಯುಃ ಪ್ರಮುದಿತಾಃ ಪಶ್ಚಾದ್ಭಗವಂತಂ ಸಮನ್ವಯುಃ।
ಬಲಶೇಷಂ ಸಮುದಿತಂ ಪರಿಗೃಹ್ಯ ಸಮಂತತಃ॥ 2-39-25 (12965)
ಅಜಶ್ಚಕ್ರಾಯುಧಃ ಶೌರಿರಮಿತ್ರಗಣಮರ್ದನಃ।
ಬಲಾಧಿಕಾರೇ ನಿಕ್ಷಿಪ್ಯ ಸಂಮಾನ್ಯಾನಕದುಂದುಭಿಂ॥ 2-39-26 (12966)
ಸಂಪ್ರಾಯಾದ್ಯಾದವಶ್ರೇಷ್ಠೋ ಜಯಮಾನೇ ಯುಧಿಷ್ಠಿರೇ।
ಉಚ್ಚಾವಚಮುಪಾದಾಯ ಧರ್ಮರಾಜಾಯ ಮಾಧವಃ॥ 2-39-27 (12967)
ಧನೌಘಂ ಪುರತಃ ಕೃತ್ವಾ ಖಾಂಡವಪ್ರಸ್ಥಮಾಯಯೌ।
ತತ್ರ ಯಜ್ಞಗತಾನ್ಪಶ್ಯಂಶ್ಚೈದ್ಯವರ್ಗಸಮಾಗತಾನ್॥ 2-39-28 (12968)
ಭೂಮಿಪಾಲಗಣಾನ್ಸರ್ವಾನ್ಸಪ್ರಭಾನಿವ ತೋಯದಾನ್।
ಮೇಘಕಾಯಾನ್ನಿವಸತೋ ಯೂಥಪಾನಿವ ಯೂಥಪಃ॥ 2-39-29 (12969)
ಬಲಿನಃ ಸಿಂಹಸಂಕಾಶಾನ್ಮಹೀಮಾವೃತ್ಯ ತಿಷ್ಠತಃ।
ತತೋ ಜನೌಘಸಂಬಾಧಂ ರಾಜಸಾಗರಮವ್ಯಯಂ॥ 2-39-30 (12970)
ನಾದಯನ್ರಥಘೋಷೇಣ ಹ್ಯುಪಾಯಾನ್ಮಧುಸೂದನಃ।
ಅಸೂರ್ಯಮಿವ ಸೂರ್ಯೇಣ ನಿವಾತಮಿವ ವಾಯುನಾ॥ 2-39-31 (12971)
ಕೃಷ್ಣೇನ ಸಮುಪೇತೇನ ಜಹರ್ಷೇ ಭಾರತಂ ಪುರಂ।
ಬ್ರಾಹ್ಮಣಕ್ಷತ್ರಿಯಾಣಾಂ ತು ಪೂಜಾರ್ಥಂ ಹ್ಯರ್ಥಧರ್ಮವಿತ್॥ 2-39-32 (12972)
ಸಹದೇವೋ ವಿಶೇಷಜ್ಞೋ ಮಾದ್ರೀಪುತ್ರಃ ಕೃತೋಽಭವತ್।
ಭಗವಂತಂ ತು ಭೂತಾನಾಂ ಭಾಸ್ವಂತಮಿವ ತೇಜಸಾ॥ 2-39-33 (12973)
ವಿಶಂತಂ ಯಜ್ಞಭೂಮಿಂ ತಾಂ ಸಿತಸ್ಯಾವರಜಂ ಪ್ರಭುಂ।
ತೇಜೋರಾಶಿಮೃಷಿಂ ವಿಪ್ರಮದೃಶ್ಯಂ ವೈ ವಿಜಾನತಾಂ॥ 2-39-34 (12974)
ವಯೋಧಿಕಾನಾಂ ವೃದ್ಧಾನಾಂ ಮಾರ್ಗಮಾತ್ಮನಿ ತಿಷ್ಠತಾಂ।
ಜಗತಸ್ತಸ್ಥುಷಶ್ಚೈವ ಪ್ರಭವಾಪ್ಯಯಮಚ್ಯುತಂ॥ 2-39-35 (12975)
ಅನಂತಮಂತಂ ಶತ್ರೂಣಾಮಮಿತ್ರಗಣಮರ್ದನಂ।
ಪ್ರಭವಂ ಸರ್ವಭೂತಾನಾಮಾಪತ್ಸ್ವಭಯಮಚ್ಯುತಂ॥ 2-39-36 (12976)
ಭವಿಷ್ಯಂ ಭಾವನಂ ಭೂತಂ ದ್ವಾರವತ್ಯಾಮರಿಂದಮಂ।
ಸ ದೃಷ್ಟ್ವಾ ಕೃಷ್ಣಮಾಯಾಂತಂ ಪ್ರತಿಪೂಜ್ಯಾಮಿತೌಜಸಂ॥ 2-39-37 (12977)
ಯಥಾರ್ಹಂ ಕೇಶವೇ ವೃತ್ತಿಂ ಪ್ರತ್ಯಪದ್ಯತ ಪಾಂಡವಃ।
ಜ್ಯೈಷ್ಠ್ಯಕಾನಿಷ್ಠ್ಯಸಂಯೋಗಂ ಸಂಪ್ರಧಾರ್ಯ ಗುಣಾಗುಣೈಃ॥ 2-39-38 (12978)
ಆರಿರಾಧಯಿಷುರ್ಧರ್ಮಃ ಪೂಜಯಿತ್ವಾ ದ್ವಿಜೋತ್ತಮಾನ್।
ಮಹದಾದಿತ್ಯಸಂಕಾಶಮಾಸನಂ ಚ ಜಗತ್ಪತೇಃ।
ದದೌ ನಾಸಾದಿತಂ ಕೈಶ್ಚಿತ್ತಸ್ಮಿನ್ನುಪವಿವೇಶ ಸಃ'॥ 2-39-39 (12979)
ತತೋ ಭೀಷ್ಮೋಽಬ್ರವೀದ್ರಾಜಂಧರ್ಮರಾಜಂ ಯುಧಿಷ್ಠಿರಂ।
ಕ್ರಿಯತಾಮರ್ಹಣಂ ರಾಜ್ಞಾಂ ಯಥಾರ್ಹಮಿತಿ ಭಾರತ॥ 2-39-40 (12980)
ಆಚಾರ್ಯಮೃತ್ವಿಜಂ ಚೈವ ಸಂಯುಜಂ ಚ ಯುಧಿಷ್ಠಿರ।
ಸ್ನಾತಕಂ ಚ ಪ್ರಿಯಂ ಪ್ರಾಹುಃ ಷಡರ್ಘಾರ್ಹಾನ್ನೃಪಂ ತಥಾ॥ 2-39-41 (12981)
ಏತಾನರ್ಘ್ಯಾನಭಿಗತಾನಾಹುಃ ಸಂವತ್ಸರೋಷಿತಾನ್।
ತ ಇಮೇ ಕಾಲಪೂಗಸ್ಯ ಮಹತೋಽಸ್ಮಾನುಪಾಗತಾಃ॥ 2-39-42 (12982)
ಏಷಾಮೇಕೈಕಶೋ ರಾಜನ್ನರ್ಘ ಆನೀಯತಾಮಿತಿ।
ಅಥ ತೈಷಾಂ ವರಿಷ್ಠಾಯ ಸಮರ್ಥಾಯೋಪನೀಯತಾಂ॥ 2-39-43 (12983)
ಯುಧಿಷ್ಠಿರ ಉವಾಚ॥ 2-39-44x (1459)
ಕಸ್ಮೈ ಭವಾನ್ಮನ್ಯತೇಽರ್ಘಮೇಕಸ್ಮೈ ಕುರುನಂದನ।
ಉಪನೀಯಮಾನಂ ಯುಕ್ತಂ ಚ ತನ್ಮೇ ಬ್ರೂಹಿ ಪಿತಾಮಹ॥ 2-39-44 (12984)
ವೈಶಂಪಾಯನ ಉವಾಚ॥ 2-39-45x (1460)
ತತೋ ಭೀಷ್ಮಃ ಶಾಂತನವೋ ಬುದ್ಧ್ಯಾ ನಿಶ್ಚಿತ್ಯ ವೀರ್ಯವಾನ್।
ವಾರ್ಷ್ಣೇಯಂ ಮನ್ಯತೇ ಕೃಷ್ಣಮರ್ಹಣೀಯತಮಂ ಭುವಿ॥ 2-39-45 (12985)
ಭೀಷ್ಣ ಉವಾಚ॥ 2-39-46x (1461)
ಏಷ ಹ್ಯೇಷಾಂ ಸಮಸ್ತಾನಾಂ ತೇಜೋಬಲಪರಾಕ್ರಮೈಃ।
ಮಧ್ಯೇ ತಪನ್ನಿವಾಭಾತಿ ಜ್ಯೋತಿಷಾಮಿವ ಭಾಸ್ಕರಃ॥ 2-39-46 (12986)
ಅಸೂರ್ಯಮಿವ ಸೂರ್ಯೇಣ ನಿರ್ವಾತಮಿವ ವಾಯುನಾ।
ಭಾಸಿತಂ ಹ್ಲಾದಿತಂ ಚೈವ ಕೃಷ್ಣೇನೇದಂ ಸದೋ ಹಿ ನಃ॥ 2-39-47 (12987)
ತಸ್ಮೈ ಭೀಷ್ಮಾಭ್ಯನುಜ್ಞಾತಃ ಸಹದೇವಃ ಪ್ರತಾಪವಾನ್।
ಉಪಜಹ್ರೇಽಥ ವಿಧಿವದ್ವಾರ್ಷ್ಣೇಯಾಯಾರ್ಘ್ಯಮುತ್ತಮಂ॥ 2-39-48 (12988)
`ಗಾಮರ್ಘ್ಯಂ ಮಧುಪರ್ಕಂ ಚ ಹ್ಯಾನೀಯೋಪಾಹರತ್ತದಾ।
ಏತಸ್ಮಿನ್ನಂತರೇ ರಾಜನ್ನಿದಮಾಸೀತ್ತದಾಽದ್ಭುತಂ॥ 2-39-49 (12989)
ತಾಂ ದೃಷ್ಟ್ವಾ ಕ್ಷತ್ರಿಯಾಃ ಸರ್ವೇ ಪೂಜಾಂ ಕೃಷ್ಣಸ್ಯ ಭೂಯಸೀಂ।
ಸಂಪ್ರೇಕ್ಷ್ಯಾನ್ಯೋನ್ಯಮಾಸೀನಾ ಹೃದಯೈಸ್ತಾಮಧಾರಯನ್'॥ 2-39-50 (12990)
ಪ್ರತಿಜಗ್ರಾಹ ತಾಂ ಕೃಷ್ಣಃ ಶಾಸ್ತ್ರದೃಷ್ಟೇನ ಕರ್ಮಣಾ।
ಶಿಶುಪಾಲಸ್ತು ತಾಂ ಪೂಜಾಂ ವಾಸುದೇವೇ ನ ಚಕ್ಷಮೇ॥ 2-39-51 (12991)
ಉಪಾಲಭ್ಯ ಸ ಭೀಷ್ಮಂ ಚ ಧರ್ಮರಾಜಂ ಚ ಸಂಸದಿ।
ಅವಾಕ್ಷಿಪದ್ವಾಸುದೇವಂ ಚೇದಿರಾಜೋ ಮಹಾಬಲಃ॥ 2-39-52 (12992)
`ತೇಷಾಮಾಕಾರಭಾವಜ್ಞಃ ಸಹದೇವೋ ನ ಚಕ್ಷಮೇ।
ಮಾನಿನಾಂ ಬಲಿನಾಂ ರಾಜ್ಞಾಂ ಪುರುಃ ಸಂದರ್ಶಿತೇ ಪದೇ॥ 2-39-53 (12993)
ಪುಷ್ಪವೃಷ್ಟಿರ್ಮಹತ್ಯಾಸೀತ್ಸಹದೇವಸ್ಯ ಮೂರ್ಧನಿ।
ಜನ್ಮಪ್ರಭೃತಿ ವೃಷ್ಣೀನಾ ಸುನೀಥಃ ಶತ್ರುರಬ್ರವೀತ್॥ 2-39-54 (12994)
ಪ್ರಷ್ಟಾ ವಿಯೋನಿಜೋ ರಾಜಾ ಪ್ರತಿವಕ್ತಾ ನದೀಸುತಃ।
ಪ್ರತಿಗ್ರಹೀತಾ ಗೋಪಾಲಃ ಪ್ರದಾತಾ ಚ ವಿಯೋನಿಜಃ॥ 2-39-55 (12995)
ಸದಸ್ಯಾ ಮೂಕವತ್ಸರ್ವೇ ಆಸತೇಽತ್ರ ಕಿಮುಚ್ಯತೇ।
ಇತ್ಯುಕ್ತ್ವಾ ಸ ವಿಹಸ್ಯಾಶು ಪಾಂಡುಂ ಪುನರಬ್ರವೀತ್॥ 2-39-56 (12996)
ಅತಿಪಶ್ಯಸಿ ವಾ ಸರ್ವಾನ್ನ ವಾ ಪಶ್ಯಸಿ ಪಾಂಡವ।
ತಿಷ್ಠತ್ಸ್ವನ್ಯೇಷು ಪೂಜ್ಯೇಷು ಗೋಪಮರ್ಚಿತವಾನಸಿ॥ 2-39-57 (12997)
ಏತೇ ಚೈವೋಭಯೇ ತಾತ ಕಾರ್ಯಸ್ಯ ತು ವಿನಾಶಕೇ।
ಅತಿದೃಷ್ಟಿರದೃಷ್ಟಿರ್ವಾ ತಯೋಃ ಕಿಂ ತ್ವಂ ಸಮಾಸ್ಥಿತಃ'॥ ॥ 2-39-58 (12998)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದಿಗ್ವಿಜಯಪರ್ವಣಿ ಏಕೋನಚತ್ವಾರಿಂಶೋಽಧ್ಯಾಯಃ॥39॥
Mahabharata - Sabha Parva - Chapter Footnotes
2-39-41 ಸಂಯುಜಂ ಸಂಬಂಧಿನಂ ಶ್ವಶುರಾದಿಂ। ಪ್ರಿಯಂ ಮಿತ್ರಂ॥ 2-39-52 ಅವಾಕ್ಷಿಪದ್ದೂಷಿತವಾನ್॥ಸಭಾಪರ್ವ - ಅಧ್ಯಾಯ 040
॥ ಶ್ರೀಃ ॥
2.40. ಅಧ್ಯಾಯಃ 040
Mahabharata - Sabha Parva - Chapter Topics
ಶಿಶುಪಾಲೇನ ಅನೇಕಧಾ ಕೃಷ್ಣೋಪಾಲಂಭನಪೂರ್ವಕಂ ಸಭಾತೋ ನಿರ್ಗಮನಂ॥ 1॥Mahabharata - Sabha Parva - Chapter Text
ಶಿಶುಪಾಲ ಉವಾಚ।
ನಾಯಮರ್ಹತಿ ವಾರ್ಷ್ಣೇಯಸ್ತಿಷ್ಠತ್ಸ್ವಿಹ ಮಹಾತ್ಮಸು।
ಮಹೀಪತಿಷು ಕೌರವ್ಯ ರಾಜವತ್ಪಾರ್ಥಿವಾರ್ಹಣಂ॥ 2-40-1 (12999)
ನಾಯಂ ಯುಕ್ತಃ ಸಮಾಚಾರಃ ಪಾಂಡವೇಷು ಮಹಾತ್ಮಸು।
ಯತ್ಕಾಮಾದ್ದೇವಕೀಪುತ್ರಂ ಪಾಂಡವಾರ್ಚಿತವಾನಸಿ॥ 2-40-2 (13000)
ಬಾಲಾ ಯೂಯಂ ನ ಜಾನೀಧ್ವಂ ಧರ್ಮಃ ಸೂಕ್ಷ್ಮೋ ಹಿ ಪಾಂಡವಾಃ।
ಅಯಂ ತತ್ರಾಭ್ಯತಿಕ್ರಾಂತೋ ಹ್ಯಾಪಗೇಯೋಽಲ್ಪದರ್ಶನಃ॥ 2-40-3 (13001)
ತ್ವಾದೃಶೋ ಧರ್ಮಯುಕ್ತೋ ಹಿ ಕುರ್ವಾಣಃ ಪ್ರಿಯಕಾಂಯಯಾ।
ಭವತ್ಯಭ್ಯಧಿಕಂ ಭೀಷ್ಮೋ ಲೋಕೇಷ್ವವಮತಃ ಸತಾಂ॥ 2-40-4 (13002)
ಕಥಂ ಹ್ಯರಾಜಾ ದಾಶಾರ್ಹೋ ಮಧ್ಯೇ ಸರ್ವಮಹೀಕ್ಷಿತಾಂ।
ಅರ್ಹಣಾಮರ್ಹತಿ ತಥಾ ಯಥಾ ಯುಷ್ಮಾಭಿರರ್ಚಿತಃ॥ 2-40-5 (13003)
ಅಥವಾ ಮನ್ಯಸೇ ಕೃಷ್ಣಂ ಸ್ಥವಿರಂ ಕುರುಪುಂಗವಃ।
ವಸುದೇವೇ ಸ್ಥಿತೇ ವೃದ್ಧೇ ಕಥಮರ್ಹತಿ ತತ್ಸುತಃ॥ 2-40-6 (13004)
ಅಥವಾ ವಾಸುದೇವೋಽಪಿ ಪ್ರಿಯಕಾಮೋಽನುವೃತ್ತವಾನ್।
ದ್ರುಪದೇ ತಿಷ್ಠತಿ ಕಥಂ ಮಾಧವೋಽರ್ಹತಿ ಪೂಜನಂ॥ 2-40-7 (13005)
ಆಚಾರ್ಯಂ ಮನ್ಯಸೇ ಕೃಷ್ಣಮಥವಾ ಕುರುನಂದನ।
ದ್ರೋಣೇ ತಿಷ್ಠತಿ ವಾರ್ಷ್ಣೇಯಂ ಕಸ್ಮಾದರ್ಚಿತವಾನಸಿ॥ 2-40-8 (13006)
ಋತ್ವಿಜಂ ಮನ್ಯಸೇ ಕೃಷ್ಣಮಥವಾ ಕುರುನಂದನ।
ದ್ವೌಪಾಯನೇ ಸ್ಥಿತೇ ವೃದ್ಧೇ ಕಥಂ ಕೃಷ್ಣೋಽರ್ಚಿತಸ್ತ್ವಯಾ॥ 2-40-9 (13007)
ಭೀಷ್ಮೇ ಶಾಂತನವೇ ರಾಜನ್ಸ್ಥಿತೇ ಪುರುಷಸತ್ತಮೇ।
ಸ್ವಚ್ಛಂದಮೃತ್ಯುಕೇ ರಾಜನ್ಕಥಂ ಕೃಷ್ಣೋಽರ್ಚಿತಸ್ತ್ವಯಾ॥ 2-40-10 (13008)
ಅಶ್ವತ್ಥಾಂನಿ ಸ್ಥಿತೇ ವೀರೇ ಸರ್ವಶಾಸ್ತ್ರವಿಶಾರದೇ।
ಕಥಂ ಕೃಷ್ಣಸ್ತ್ವಯಾ ರಾಜನ್ನರ್ಚಿತಃ ಕುರುನಂದನ॥ 2-40-11 (13009)
ದುರ್ಯೋಧನೇ ಚ ರಾಜೇಂದ್ರೇ ಸ್ಥಿತೇ ಪುರುಷಸತ್ತಮೇ।
ಕೃಪೇ ಚ ಭಾರತಾಚಾರ್ಯೇ ಕಥಂ ಕೃಷ್ಣಸ್ತ್ವಯಾಽರ್ಚಿತಃ॥ 2-40-12 (13010)
ದ್ರುಮಂ ಕಂಪುರುಷಾಚಾರ್ಯಮತಿಕ್ರಂಯ ತಥಾಽರ್ಚಿತಃ।
ಭೀಷ್ಮಕೇ ಚೈವ ದುರ್ಧರ್ಷೇ ಪಾಂಡುವತ್ಕೃತಲಕ್ಷಣೇ॥ 2-40-13 (13011)
ನೃಪೇ ಚ ರುಕ್ಮಿಣಿ ಶ್ರೇಷ್ಠೇ ಏಕಲವ್ಯೇ ತಥೈವ ಚ।
ಶಲ್ಯೇ ಮದ್ರಾಧಿಪೇ ಚೈವ ಕಥಂ ಕೃಷ್ಣಸ್ತ್ವಯಾರ್ಚಿತಃ॥ 2-40-14 (13012)
ಅಯಂ ಚ ಸರ್ವರಾಜ್ಞಾಂ ವೈ ಬಲಶ್ಲಾಘೀ ಮಹಾಬಲಃ।
ಜಾಮದಗ್ನ್ಯಸ್ಯ ದಯಿತಃ ಶಿಷ್ಯೋ ವಿಪ್ರಸ್ಯ ಭಾರತ॥ 2-40-15 (13013)
ಯೇನಾತ್ಮಬಲಮಾಶ್ರಿತ್ಯ ರಾಜಾನೋ ಯುಧಿ ನಿರ್ಜಿತಾಃ।
ತಂ ಚ ಕರ್ಣಮತಿಕ್ರಂಯ ಕಥಂ ಕೃಷ್ಣಸ್ತ್ವಯಾರ್ಚಿತಃ॥ 2-40-16 (13014)
ನೈವರ್ತ್ವಿಙ್ನೈವ ಚಾಚಾರ್ಯೋ ನ ರಾಜಾ ಮಧುಸೂದನಃ।
ಅರ್ಚಿತಶ್ಚ ಕುರುಶ್ರೇಷ್ಠ ಕಿಮನ್ಯತ್ಪ್ರಿಯಕಾಂಯಯಾ॥ 2-40-17 (13015)
ಅಥವಾಽಭ್ಯರ್ಚನೀಯೋಽಯಂ ಯುಷ್ಮಾಕಂ ಮಧುಸೂದನಃ।
ಕಿಂ ರಾಜಭಿರಿಹಾನೀತೈರವಮಾನಾಯ ಭಾರತ॥ 2-40-18 (13016)
ವಯಂ ತು ನ ಭಯಾದಸ್ಯ ಕೌಂತೇಯಸ್ಯ ಮಹಾತ್ಮನಃ।
ಪ್ರಯಚ್ಛಾಮಃ ಕರಾನ್ಸರ್ವೇ ನ ಲೋಭಾನ್ನ ಚ ಸಾಂತ್ವನಾತ್॥ 2-40-19 (13017)
ಅಸ್ಯ ಧರ್ಮಪ್ರವೃತ್ತಸ್ಯ ಪಾರ್ಥಿವತ್ವಂ ಚಿಕೀರ್ಷತಃ।
ಕರಾನಸ್ಮೈ ಪ್ರಯಚ್ಛಾಮಃ ಸೋಽಯಮಸ್ಮಾನ್ನ ಮನ್ಯತೇ॥ 2-40-20 (13018)
ಕಿಮನ್ಯದವಮನಾನಾದ್ಧೇ ಯದೇನಂ ರಾಜಸಂಸದಿ।
ಅಪ್ರಾಪ್ತಲಕ್ಷಣಂ ಕೃಷ್ಣಮರ್ಘ್ಯೇಣಾರ್ಚಿತವಾನಸಿ॥ 2-40-21 (13019)
ಅಕಸ್ಮಾದ್ಧರ್ಮಪುತ್ರಸ್ಯ ಧರ್ಮಾತ್ಮೇತಿ ಯಶೋ ಗತಂ।
ಕೋ ಹಿ ಧರ್ಮಚ್ಯುತೇ ಪೂಜಾಮೇವಂ ಯುಕ್ತಾಂ ನಿಯೋಜಯೇತ್॥ 2-40-22 (13020)
ಯೋಯಂ ವೃಷ್ಣಿಕುಲೇ ಜಾತೋ ರಾಜಾನಂ ಹತವಾನ್ಪುರಾ।
ಜರಾಸಂಧಂ ಮಹಾತ್ಮಾನಮನ್ಯಾಯೇನ ದುರಾತ್ಮವಾನ್॥ 2-40-23 (13021)
ಅದ್ಯ ಧರ್ಮಾತ್ಮತಾ ಚೈವ ವ್ಯಪಕೃಷ್ಟಾ ಯುಧಿಷ್ಠಿರಾತ್।
ದರ್ಶಿತಂ ಕೃಪಣತ್ವಂ ಚ ಕೃಷ್ಣೇಽರ್ಘ್ಯಸ್ಯ ನಿವೇದನಾತ್॥ 2-40-24 (13022)
ಯದಿ ಭೀತಾಶ್ಚ ಕೌಂತೇಯಾಃ ಕೃಪಣಾಶ್ಚ ತಪಸ್ವಿನಃ।
ನನು ತ್ವಯಾಽಪಿ ಬೋದ್ಧವ್ಯಂ ಯಾಂ ಪೂಜಾಂ ಮಾಧವಾರ್ಹಸಿ॥ 2-40-25 (13023)
ಅಥವಾ ಕೃಪಣೈರೇತಾಮುಪನೀತಾಂ ಜನಾರ್ದನ।
ಪೂಜಾಮನರ್ಹಃ ಕಸ್ಮಾತ್ತ್ವಮಭ್ಯನುಜ್ಞಾತವಾನಸಿ॥ 2-40-26 (13024)
ಅಯುಕ್ತಾಮಾತ್ಮನಃ ಪೂಜಾಂ ತ್ವಂ ಪುನರ್ಬಹುಮನ್ಯಸೇ।
ಹವಿಷಃ ಪ್ರಾಪ್ಯ ನಿಷ್ಯಂದಂ ಪ್ರಾಶಿತಾ ಶ್ವೇವ ನಿರ್ಜನೇ॥ 2-40-27 (13025)
ನ ತ್ವಂ ಪಾರ್ಥಿವೇಂದ್ರಾಣಾಮಪಮಾನಃ ಪ್ರಯುಜ್ಯತೇ।
ತ್ವಾಮೇವ ಕುರವೋ ವ್ಯಕ್ತಂ ಪ್ರಲಂಭಂತೇ ಜನಾರ್ದನ॥ 2-40-28 (13026)
ಕ್ಲೀಬೇ ದಾರಕ್ರಿಯಾ ಯಾದೃಗಂಧೇ ವಾ ರೂಪದರ್ಶನಂ।
ಅರಾಜ್ಞೋ ರಾಜವತ್ಪೂಜಾ ತಥಾ ತೇ ಮಧುಸೂದನ॥ 2-40-29 (13027)
ದೃಷ್ಟೋ ಯುಧಿಷ್ಠಿರೋ ರಾಜಾ ದೃಷ್ಟೋ ಭೀಷ್ಮಶ್ಚ ಯಾದೃಶಃ।
ವಾಸುದೇವೋಽಪ್ಯಯಂ ದೃಷ್ಟಃ ಸರ್ವಮೇತದ್ಯಥಾತಥಂ॥ 2-40-30 (13028)
ಇತ್ಯುಕ್ತ್ವಾ ಶಿಶುಪಾಲಸ್ತಾನುತ್ಥಾಯ ಪರಮಾಸನಾತ್।
ನಿರ್ಯಯೌ ಸದಸಸ್ತಸ್ಮಾತ್ಸಹಿತೋ ರಾಜಭಿಸ್ತದಾ॥ ॥ 2-40-31 (13029)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದಿಗ್ವಿಜಯಪರ್ವಣಿ ಚತ್ವಾರಿಂಶೋಽಧ್ಯಾಯಃ॥ 40॥
ಸಭಾಪರ್ವ - ಅಧ್ಯಾಯ 041
॥ ಶ್ರೀಃ ॥
2.41. ಅಧ್ಯಾಯಃ 041
Mahabharata - Sabha Parva - Chapter Topics
ಶಿಶುಪಾಲಂ ಸಾಂತ್ವಯಂತಂ ಯುಧಿಷ್ಠಿರಂ ನಿವಾರ್ಯ ಭೀಷ್ಣೇಣ ಶ್ರೀಕೃಷ್ಣಮಾಹಾತ್ಂಯಕಥನಂ ॥ 1॥Mahabharata - Sabha Parva - Chapter Text
ವೈಶಂಪಾಯನ ಉವಾಚ।
ತತೋ ಯುಧಿಷ್ಠಿರೋ ರಾಜಾ ಶಿಶುಪಾಲಮುಪಾದ್ರವತ್।
ಉವಾಚ ಚೈನಂ ಮಧುರಂ ಸಾಂತ್ವಪೂರ್ವಮಿದಂ ವಚಃ॥ 2-41-1 (13030)
ನೇದಂ ಯುಕ್ತಂ ಮಹೀಪಾಲ ಯಾದೃಶಂ ವೈ ತ್ವಮುಕ್ತವಾನ್।
ಅಧರ್ಮಶ್ಚ ಪರೋ ರಾಜನ್ಪಾರುಷ್ಯಂ ಚ ನಿರರ್ಥಕಂ॥ 2-41-2 (13031)
ನ ಹಿ ಧರ್ಮಂ ಪರಂ ಜಾತು ನಾವಬುಧ್ಯೇತ ಪಾರ್ಥಿವಃ।
ಭೀಷ್ಮಃ ಶಾಂತನವಸ್ತ್ವೇನಂ ಮಾವಮಂಸ್ಥಾಸ್ತ್ವಮನ್ಯಥಾ॥ 2-41-3 (13032)
ಪಶ್ಯ ಚೈತಾನ್ಮಹೀಪಾಲಾಂಸ್ತ್ವತ್ತೋ ವೃದ್ಧತರಾನ್ಬಹೂನ್।
ಮೃಷ್ಯಂತೇ ಚಾರ್ಹಣಾಂ ಕೃಷ್ಣೇ ತದ್ವತ್ವಂ ಕ್ಷಂತುಮರ್ಹಸಿ॥ 2-41-4 (13033)
ವೇದ ತತ್ತ್ವೇನ ಕೃಷ್ಣಂ ಹಿ ಭೀಷ್ಣಶ್ಚೇದಿಪತೇ ಭೃಶಂ।
ನ ಹ್ಯೇನಂ ತ್ವಂ ತಥಾ ಯಥೈನಂ ವೇದ ಕೌರವಃ॥ 2-41-5 (13034)
ಭೀಷ್ಮ ಉವಾಚ। 2-41-6x (1462)
ನಾಸ್ಮೈ ದೇಯೋ ಹ್ಯನುನಯೋ ನಾಯಮರ್ಹತಿ ಸಾಂತ್ವನಂ।
ಲೋಕವೃದ್ಧತಮೇ ಕೃಷ್ಣೇ ಯೋಽರ್ಹಣಾಂ ನಾಭಿಮನ್ಯತೇ॥ 2-41-6 (13035)
ಕ್ಷತ್ರಿಯಃ ಕ್ಷತ್ರಿಯಂ ಜಿತ್ವಾ ರಣೇ ರಣಕೃತಾಂ ವರಃ।
ಯೋ ಮುಂಚತಿ ವಶೇ ಕೃತ್ವಾ ಗುರುರ್ಭವತಿ ತಸ್ಯ ಸಃ॥ 2-41-7 (13036)
ಅಸ್ಯಾಂ ಹಿ ಸಮಿತೌ ರಾಜ್ಞಾಮೇಕಮಪ್ಯಜಿತಂ ಯುಧಿ।
ನ ಪಶ್ಯಾಮಿ ಮಹೀಪಾಲಂ ಸಾತ್ವತೀಪುತ್ರತೇಜಸಾ॥ 2-41-8 (13037)
ನ ಹಿ ಕೇವಲಮಸ್ಮಾಕಮಯಮರ್ಚ್ಯತಮೋಽಚ್ಯುತಃ।
ತ್ರಯಾಣಾಮಪಿ ಲೋಕಾನಾಮರ್ಚನೀಯೋ ಮಹಾಭುಜಃ॥ 2-41-9 (13038)
ಕೃಷ್ಣೇನ ಹಿ ಜಿತಾ ಯುದ್ಧೇ ಬಹವಃ ಕ್ಷತ್ರಿಯರ್ಷಭಾಃ।
ಜಗತ್ಸರ್ವಂ ಚ ವಾರ್ಷ್ಣೇಯೇ ನಿಖಿಲೇನ ಪ್ರತಿಷ್ಠಿತಂ॥ 2-41-10 (13039)
ತಸ್ಮಾತ್ಸತ್ಸ್ವಪಿ ವೃದ್ಧೇಷು ಕೃಷ್ಣಮರ್ಚಾಮ ನೇತರಾನ್।
ಏವಂ ವಕ್ತುಂ ನ ಚಾರ್ಹಸ್ತ್ವಂ ಮಾ ತೇಽಭೂದ್ಬುದ್ಧಿರೀದೃಶೀ॥ 2-41-11 (13040)
ಜ್ಞಾನವೃದ್ಧಾ ಮಯಾ ರಾಜನ್ಬಹವಃ ಪರ್ಯುಪಾಸಿತಾಃ।
`ಯಸ್ಯ ರಾಜನ್ಪ್ರಭಾವಜ್ಞಾಃ ಪುರಾ ಸರ್ವೇ ಚ ರಕ್ಷಿತಾಃ'।
ತೇಷಾಂ ಕಥಯತಾಂ ಶೌರೇರಹಂ ಗುಣವತೋ ಗುಣಾನ್॥ 2-41-12 (13041)
ಸಮಾಗತಾನಾಮಶ್ರೌಷಂ ಬಹೂನ್ಬಹುಮತಾನ್ಸತಾಂ।
ಕರ್ಮಾಣ್ಯಪಿ ಚ ಯಾನ್ಯಸ್ಯ ಜನ್ಮಪ್ರಭೃತಿ ಧೀಮತಃ॥ 2-41-13 (13042)
ಬಹೃಶಃ ಕಥ್ಯಮಾನಾನಿ ನರೈರ್ಭೂಯಃ ಶ್ರುತಾನಿ ಮೇ।
ನ ಕೇವಲಂ ವಯಂ ಕಾಮಾಚ್ಚೇದಿಗಜ ಜನಾರ್ದನಂ॥ 2-41-14 (13043)
ನ ಸಂಬಂಧಂ ಪುರಸ್ಕೃತ್ಯ ಕೃತಾರ್ಥಂ ವಾ ಕಥಂಚನ।
ಅರ್ಚಾಮಹೇಽರ್ಚಿತಂ ಸದ್ಭಿರ್ಭುವಿ ಭೂತಸುಖಾವಹಂ॥ 2-41-15 (13044)
ಯಶಃ ಶೌರ್ಯಂ ಜಯಂ ಚಾಸ್ಯ ವಿಜ್ಞಾಯಾರ್ಚಾಂ ಪ್ರಯುಂಜ್ಮಹೇ
ನ ಚ ಕಶ್ಚಿದಿಹಾಸ್ಮಾಭಿಃ ಸುವಾಲೋಪ್ಯಪರೀಕ್ಷಿತಃ॥ 2-41-16 (13045)
ಗುಣೈರ್ವೃದ್ಧಾನತಿಕ್ರಂಯ ಹರಿರರ್ಚ್ಯತಮೋ ಮತಃ।
ಜ್ಞಾನವೃದ್ಧೋ ದ್ವಿಜಾತೀನಾಂ ಕ್ಷತ್ರಿಯಾಣಾಂ ಬಲಾಧಿಕಃ॥ 2-41-17 (13046)
ವೈಶ್ಯಾನಾಂ ಧಾನ್ಯಧನವಾಞ್ಶೂದ್ರಾಣಾಮೇವ ಜನ್ಮತಃ।
ಪೂಜ್ಯತಾಯಾಂ ಚ ಗೋವಿಂದೇ ಹೇತೂ ದ್ವಾವಪಿ ಸಂಸ್ಥಿತೌ॥ 2-41-18 (13047)
ವೇದವೇದಾಂಗವಿಜ್ಞಾನಂ ಬಲಂ ಚಾಭ್ಯಧಿಕಂ ತಥಾ।
ನೃಣಾಂ ಲೋಕೇ ಹಿ ಕೋಽನ್ಯೋಸ್ತಿ ವಿಶಿಷ್ಟಃ ಕೇಶವಾದೃತೇ॥ 2-41-19 (13048)
ದಾನಂ ದಾಕ್ಷ್ಯಂ ಶ್ರುತಂ ಶೌರ್ಯಂ ಹ್ರೀಃ ಕೀರ್ತಿರ್ಬುದ್ಧಿರುತ್ತಮಾ।
ಸಂನತಿಃ ಶ್ರೀರ್ಧೃತಿಸ್ತುಷ್ಟಿಃ ಪುಷ್ಟಿಶ್ಚ ನಿಯತಾಽಚ್ಯುತೇ॥ 2-41-20 (13049)
ತಮಿಮಂ ಲೋಕಸಂಪನ್ನಮಾಚಾರ್ಯಂ ಪಿತರಂ ಗುರುಂ।
ಅರ್ಘ್ಯಮರ್ಚಿತಮರ್ಚಾಮಃ ಸರ್ವೇ ಸಂಕ್ಷಂತುಮರ್ಹಥ॥ 2-41-21 (13050)
ಋತ್ವಿಗ್ಗುರುರ್ವಿವಾಹ್ಯಶ್ಚ ಸ್ನಾತಕೋ ನೃಪತಿಃ ಪ್ರಿಯಃ।
ಸರ್ವಮೇತದ್ಧೃಷೀಕೇಶಸ್ತಸ್ಮಾದಭ್ಯರ್ಚಿತೋಽಚ್ಯುತಃ॥ 2-41-22 (13051)
ಕೃಷ್ಣ ಏವ ಹಿ ಲೋಕಾನಾಮುತ್ಪತ್ತಿರಪಿ ಚಾಪ್ಯಯಃ।
ಕೃಷ್ಣಸ್ಯ ಹಿ ಕೃತೇ ವಿಶ್ವಮಿದಂ ಭೂತಂ ಚರಾಚರಂ॥ 2-41-23 (13052)
ಏಷ ಪ್ರಕೃತಿರವ್ಯಕ್ತಾ ಕರ್ತಾ ಚೈವ ಸನಾತನಃ।
ಪರಶ್ಚ ಸರ್ವಭೂತೇಭ್ಯಸ್ತಸ್ಮಾತ್ಪೂಜ್ಯತಮೋಽಚ್ಯುತಃ॥ 2-41-24 (13053)
ಬುದ್ಧಿರ್ಮನೋ ಮಹದ್ವಾಯುಸ್ತೇಜೋಽಭಃ ಖಂ ಮಹೀ ಚ ಯಾ।
ಚತುರ್ವಿಧಂ ಚ ಯದ್ಭೂತಂ ಸರ್ವಂ ಕೃಷ್ಣೇ ಪ್ರತಿಷ್ಠಿತಂ॥ 2-41-25 (13054)
ಆದಿತ್ಯಶ್ಚಂದ್ರಮಾಶ್ಚೈವ ನಕ್ಷತ್ರಾಣಿ ಗ್ರಹಾಶ್ಚ ಯೇ।
ದಿಶಶ್ಚ ವಿದಿಶಶ್ಚೈವ ಸರ್ವಂ ಕೃಷ್ಣೇ ಪ್ರತಿಷ್ಠಿತಂ॥ 2-41-26 (13055)
` ಏಷ ರುದ್ರಶ್ಚ ಸರ್ವಾತ್ಮಾ ಬ್ರಹ್ಮಾ ಚೈವ ಸನಾತನಃ।
ಅಕ್ಷರಂ ಕ್ಷರರೂಪೇಣ ಮಾನುಷತ್ವಮುಪಾಗತಃ'॥ 2-41-27 (13056)
ಅಗ್ನಿಹೋತ್ರಮುಖಾ ವೇದಾ ಗಾಯತ್ರೀ ಚ್ಛಂದಸಾಂ ಮುಖಂ।
ರಾಜಾ ಮುಖಂ ಮನುಷ್ಯಾಣಾಂ ನದೀನಾಂ ಸಾಗರೋ ಮುಖಂ॥ 2-41-28 (13057)
ನಕ್ಷತ್ರಾಣಾಂ ಮುಖಂ ಚಂದ್ರ ಆದಿತ್ಯಸ್ತೇಜಸಾಂ ಮುಖಂ।
ಪರ್ವತಾನಾಂ ಮುಖಂ ಮೇರುರ್ಗರುಡಃ ಪತತಾಂ ಮುಖಂ॥ 2-41-29 (13058)
ಊರ್ಧ್ವಂ ತಿರ್ಯಗಧಶ್ಚೈವ ಯಾವತೀ ಜಗತೋ ಗತಿಃ।
ಸದೇವಕೇಷು ಲೋಕೇಷು ಭಗವಾನ್ಕೇಶವೋ ಮುಖಂ॥ 2-41-30 (13059)
ಅಯಂ ತು ಪುರುಷೋ ಬಾಲಃ ಶಿಶುಪಾಲೋ ನ ಬುಧ್ಯತೇ।
ಸರ್ವತ್ರ ಸರ್ವದಾ ಕೃಷ್ಣಂ ತಸ್ಮಾದೇವಂ ಪ್ರಭಾಷತೇ॥ 2-41-31 (13060)
ಯೋ ಹಿ ಧರ್ಮಂ ವಿಚಿನುಯಾದುತ್ಕೃಷ್ಟಂ ಮತಿಮಾನ್ನರಃ।
ಸ ವೈ ಪಶ್ಯೇದ್ಯಥಾ ಧರ್ಮಂ ನ ತಥಾ ಚೇದಿರಾಡಯಂ॥ 2-41-32 (13061)
ಸವೃದ್ಧಬಾಲೇಷ್ವಥವಾ ಪಾರ್ಥಿವೇಷು ಮಹಾತ್ಮಸು।
ಕೋ ನಾರ್ಹಂ ಮನ್ಯತೇ ಕೃಷ್ಣಂ ಕೋ ವಾಪ್ಯೇನಂ ನ ಪೂಜಯೇತ್॥ 2-41-33 (13062)
ಅಥೈನಾಂ ದುಷ್ಕೃತಾಂ ಪೂಜಾಂ ಶಿಶುಪಾಲೋ ವ್ಯವಸ್ಯತಿ।
ದುಷ್ಕೃತಾಯಾಂ ಯಥಾನ್ಯಾಯಂ ತಥಾಽಯಂ ಕರ್ತುಮರ್ಹತಿ॥ ॥ 2-41-34 (13063)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅರ್ಘಾಹರಣಪರ್ವಣಿ ಏಕಚತ್ವಾರಿಂಶೋಽಧ್ಯಾಯಃ॥ 41 ॥
Mahabharata - Sabha Parva - Chapter Footnotes
2-41-25 ಚತುರ್ವಿಧಂ ಜರಾಯುಜಾದಿ ಭೌತಿಕಂ॥ಸಭಾಪರ್ವ - ಅಧ್ಯಾಯ 042
॥ ಶ್ರೀಃ ॥
2.42. ಅಧ್ಯಾಯಃ 042
Mahabharata - Sabha Parva - Chapter Topics
ಶ್ರೀಕೃಷ್ಣಸ್ಯಾಗ್ರಪೂಜಾಮಸಹಮಾನಾನಾಂ ಶಿರಸಿ ಪದಮಾಹಿತಮಿತಿ ಸಹದೇವವಚನಶ್ರವಣೇನ ಶಿಶುಪಾಲ ಸ್ಯ ಕೋಪೋದಯಃ॥ 1॥Mahabharata - Sabha Parva - Chapter Text
`ವೈಶಂಪಾಯನ ಉವಾಚ॥
ಗಾಂಗೇಯೇನೈವಮುಕ್ತಸ್ತು ಶಿಶುಪಾಲಶ್ಚುಕೋಪ ತಂ।
ಕ್ರುದ್ಧಂ ಸುನೀಥಂ ದೃಷ್ಟ್ವಾಽಥ ಸಹದೇವೋಽಬ್ರವೀತ್ತದಾ॥ 2-42-1 (13064)
ಮತಿಪೂರ್ವಮಿದಂ ಸರ್ವಂ ಚೇದಿರಾಜ ಮಯಾ ಕೃತಂ।
ತನ್ಮೇ ನಿಗದತಸ್ತತ್ತ್ವಂ ಕಾರಣಾದತ್ರ ಮೇ ಶೃಣು॥ 2-42-2 (13065)
ಸ ಪಾರ್ಥಿವಾನಾಂ ಸರ್ವೇಷಾಂ ಗುರುಃ ಕೃಷ್ಣೋಽಪರೋ ನ ಹಿ।
ತಸ್ಮಾದಭ್ಯರ್ಚಿತೋಽಸ್ಮಾಭಿಃ ಸರ್ವೇ ಸಂಮಂತುಮರ್ಹಥ॥ 2-42-3 (13066)
ಯೋ ವಾ ಸಹತೇ ಕಶ್ಚಿದ್ರಾಜ್ಞಾಂ ಸಬಲವಾಹನಃ।
ಕ್ಷಿಪ್ರಂ ಯುದ್ಧಾಯ ನಿರ್ಯಾತು ತಸ್ಯ ಮೂರ್ಧ್ನ್ಯಾಹಿತಂ ಪದಂ॥ 2-42-4 (13067)
ಏವಮುಕ್ತೋ ಮಯಾ ಹೇತುರುತ್ತರಂ ಪ್ರಬ್ರವೀತು ಮೇ। 2-42-5 (13068)
ವೈಶಂಪಾಯನ ಉವಾಚ॥
ತತೋ ನ ವ್ಯಾಜಹಾರೈಷಾಂ ಕಶ್ಚಿದ್ಬುದ್ಧಿಮತಾಂ ಸತಾಂ॥ 2-42-5x (1463)
ಮಾನಿನಾಂ ಬಲಿನಾಂ ರಾಜ್ಞಾಂ ಮಧ್ಯೇ ಸಂದರ್ಶಿತೇ ಪದೇ।
ಏವಮುಕ್ತೇ ಸುನೀಥಸ್ಯ ಸಹದೇವೇನ ಕೇಶವೇ॥ 2-42-6 (13069)
ಸ್ವಭಾವರಕ್ತೇ ನಯನೇ ಕೋಪಾದ್ರಕ್ತತರೇ ಕೃತೇ।
ತಸ್ಯ ಕೋಪಂ ಸಮುದ್ಭೂತಂ ಜ್ಞಾತ್ವಾ ಭೀಷ್ಮಃ ಪ್ರತಾಪವಾನ್॥ 2-42-7 (13070)
ಆಚಚಕ್ಷೇ ಪುನಸ್ತಸ್ಮೈ ಕೃಷ್ಣಸ್ಯೈವೋತ್ತರಾನ್ಗುಣಾನ್।
ಸ ಸುನೀಥಂ ಸಮಾಮಂತ್ರ್ಯ ತಾಂಶ್ಚ ಸರ್ವಾನ್ಮಹೀಕ್ಷಿತಃ॥ 2-42-8 (13071)
ಉವಾಚ ವದತಾಂ ಶ್ರೇಷ್ಠಂ ಇದಂ ಮತಿಮತಾಂ ವರಃ।
ಸಹದೇವೇನ ರಾಜಾನೋ ಯದುಕ್ತಂ ಕೇಶವಂ ಪ್ರತಿ।
ತತ್ತಥೇತಿ ವಿಜಾನೀಧ್ವಂ ಭೂಯಶ್ಚಾತ್ರ ವಿಬೋಧತ॥ ॥ 2-42-9 (13072)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅರ್ಘಾಹರಣಪರ್ವಣಿ ದ್ವಿಚತ್ವಾರಿಂಶೋಽಧ್ಯಾಯಃ॥ 42 ॥
ಸಭಾಪರ್ವ - ಅಧ್ಯಾಯ 043
॥ ಶ್ರೀಃ ॥
2.43. ಅಧ್ಯಾಯಃ 043
Mahabharata - Sabha Parva - Chapter Topics
ಶ್ರೀಕೃಷ್ಣಮಹಿಂನೋ ವಿಸ್ತರೇಣ ಕಥನಾಯ ಭೀಷ್ಮಂಪ್ರತಿ ಯುಧಿಷ್ಠಿರಪ್ರಾರ್ಥನಾ॥ 1॥ ಭೀಷ್ಣೇಣ ವಿಷ್ಣೋರ್ಜಗತ್ಸೃಷ್ಟಿಕಥಾಕಥನಂ॥ 2॥Mahabharata - Sabha Parva - Chapter Text
ವೈಶಂಪಾಯನ ಉವಾಚ।
ತತೋ ಭೀಷ್ಮಸ್ಯ ತಚ್ಛ್ರುತ್ವಾ ವಚಃ ಕಾಲೇ ಯುಧಿಷ್ಠಿರಃ।
ಜ್ಞಾಪನಾರ್ಥಾಯ ಸರ್ವೇಷಾಂ ಭೀಷ್ಮಂ ಪುನರಥಾಬ್ರವೀತ್॥ 2-43-1 (13073)
ವಿಸ್ತರೇಣಾಸ್ಯ ದೇವಸ್ಯ ಕರ್ಮಾಣೀಚ್ಛಾಮಿ ಸರ್ವಶಃ।
ಶ್ರೋತುಂ ಭಗವತಸ್ತಾನಿ ಪ್ರಬ್ರವೀಹಿ ಪಿತಾಮಹ॥ 2-43-2 (13074)
ಕರ್ಮಣಾಮಾನುಪೂರ್ವಾ ಚ ಪ್ರಾದುರ್ಭಾವಾಶ್ಚ ಯೇ ವಿಭೋಃ।
ಯಥಾ ಚ ಪ್ರಕೃತಿಃ ಕೃಷ್ಣೇ ತನ್ಮೇ ಬ್ರೂಹಿ ಪಿತಾಮಹ॥ 2-43-3 (13075)
ಏವಮುಕ್ತಸ್ತದಾ ಭೀಷ್ಮಃ ಪ್ರೋವಾಚ ಭರತರ್ಷಭ।
ಯುಧಿಷ್ಠಿರಮಮಿತ್ರಘ್ನಂ ತಸ್ಮಿಂತ್ರಾಜಸಮಾಗಮೇ॥ 2-43-4 (13076)
ಸಮಕ್ಷಂ ವಾಸುದೇವಸ್ಯ ದೇವಸ್ಯೇವ ಶತಕ್ರತೋಃ।
ಕರ್ಮಾಣ್ಯಸುಕರಾಣ್ಯನ್ಯೈರಾಚಚಕ್ಷೇ ಜನಾಧಿಪ॥ 2-43-5 (13077)
ಶೃಣ್ವತಾಂ ಪಾರ್ಥಿವಾನಾಂ ಚ ಧರ್ಮರಾಜಸ್ಯ ಚಾಂತಿಕೇ।
ಇದಂ ಮತಿಮತಾಂ ಶ್ರೇಷ್ಠಃ ಕೃಷ್ಣಂ ಪ್ರತಿ ವಿಶಾಂಪತೇ॥ 2-43-6 (13078)
ನಾಂನೈವಾಮಂತ್ರ್ಯ ರಾಜೇಂದ್ರ ಚೇದಿರಾಜಮರಿಂದಮಂ।
ಭೀಮಕರ್ಮಾ ತತೋ ಭೀಷ್ಣೋ ಭೂಯಃ ಸ ಇತಮಬ್ರವೀತ್॥ 2-43-7 (13079)
ಕರೂಣಾಮಪಿ ರಾಜಾನಂ ಯುಧಿಷ್ಠಿರಮಭಾಷತ। 2-43-8 (13080)
ಭೀಷ್ಣ ಉವಾಚ।
ವರ್ತಮಾನಾಮತೀತಾಂ ಚ ಶೃಣು ರಾಜನ್ಯುಧಿಷ್ಠಿರ॥ 2-43-8x (1464)
ಈಶ್ವರಸ್ಯೋತ್ತಮಸ್ಯೈನಾಂ ಕರ್ಮಣಾಂ ಗಹನಾಂ ಗತಿಂ।
ಅವ್ಯಕ್ತೋ ವ್ಯಕ್ತಲಿಂಗಸ್ಥೋ ಯ ಏಷ ಭಗವಾನ್ಪ್ರಭುಃ॥ 2-43-9 (13081)
ಪುರಾ ನಾರಾಯಣೋ ದೇವಃ ಸ್ವಯಂಭೂಃ ಪ್ರಪಿತಾಮಹಃ।
ಸಹಸ್ರಶೀರ್ಷಃ ಪುರುಷೋ ಧ್ರವೋಽನಂತಃ ಸನಾತನಃ॥ 2-43-10 (13082)
ಸಹಸ್ರಾಸ್ಯಃ ಸಹಸ್ರಾಶ್ಚಃ ಸಹಸ್ರಚರಣೋ ವಿಭುಃ।
ಸಹಸ್ರವಾಹುಃ ಸರ್ವಜ್ಞೋ ದೇವೋ ನಾಮಸಹಸ್ರವಾನ್॥ 2-43-11 (13083)
ಸಹಸ್ರಮುಕುಟೋ ದೇವೋ ವಿಶ್ವರೂಪೋ ಮಹಾದ್ಯುತಿಃ।
ಅನೇಕವರ್ಣೋ ದೇವಾದಿರವ್ಯಕ್ತಾದ್ವೈ ಪರೇ ಸ್ಥಿತಃ॥ 2-43-12 (13084)
ಅಸೃಜತ್ಸಲಿಲಂ ಪೂರ್ವಂ ಸ ಚ ನಾರಾಯಣಃ ಪ್ರಭುಃ।
ತತಸ್ತು ಭಗವಾಂಸ್ತೋಯೇ ಬ್ರಹ್ಮಾಣಮಸೃಜತ್ಸ್ವಯಂ॥ 2-43-13 (13085)
ಬ್ರಹ್ಮಾ ಚತುರ್ಮುಖೋ ಲೋಕಾನ್ಸರ್ವಾಂಸ್ತಾನಸೃಜತ್ಸ್ವಯಂ।
ಆದಿಕಾಲೇ ಪುರಾ ಹ್ಯೇವಂ ಸರ್ವಲೋಕಸ್ಯ ಚೋದ್ಭವಃ।
ಪುರಾ ಯಃ ಪ್ರಲಯೇ ಪ್ರಾಪ್ತೇ ನಷ್ಟೇ ಸ್ಥಾವರಜಂಗಮೇ॥ 2-43-14 (13086)
ಬ್ರಹ್ಮಾದಿಷು ಪ್ರಲೀನೇಷು ನಷ್ಟೇ ಲೋಕೇ ಚರಾಚರೇ।
ಆಭೂತಸಂಪ್ಲವೇ ಪ್ರಾಪ್ತೇ ಪ್ರಲೀನೇ ಪ್ರಕೃತೌ ಮಹಾನ್॥ 2-43-15 (13087)
ಏಕಸ್ಮಿಷ್ಠತಿ ಸರ್ವಾತ್ಮಾ ಸ ತು ನಾರಾಯಣಃ ಪ್ರಭುಃ।
ನಾರಾಯಣಸ್ಯ ಚಾಂಗಾನಿ ಸರ್ವದೈವಾನಿ ಭಾರತ॥ 2-43-16 (13088)
ಶಿರಸ್ತಸ್ಯ ದಿವಂ ರಾಜನ್ನಾಭಿಃ ಖಂ ಚರಣೌ ಮಹೀ।
ಅಶ್ವಿನೌ ಕರ್ಣಯೋರ್ದೇವೌ ಚಕ್ಷುಷೀ ಶಶಿಭಾಸ್ಕರೌ॥ 2-43-17 (13089)
ಇಂದ್ರವೈಶ್ವಾನರೌ ದೇವೌ ಮುಖಂ ತಸ್ಯ ಮಹಾತ್ಮನಃ।
ಅನ್ಯಾನಿ ಸರ್ವದೈವಾನಿ ಸರ್ವಾಂಗಾನಿ ಮಹಾತ್ಮನಃ॥ 2-43-18 (13090)
ಸರ್ವಂ ಚಾಪಿ ಹರೌ ಸಂಸ್ಥಂ ಸೂತ್ರೇ ಮಣಿಗಣಾ ಇವ।
ಆಭೂತಸಂಪ್ಲವಾಂತೇಽಥ ದೃಷ್ಟ್ವಾ ಸರ್ವಂ ತಮೋನ್ವಿತಂ॥ 2-43-19 (13091)
ನಾರಾಯಣೋ ಮಹಾಯೋಗೀ ಸರ್ವಜ್ಞಃ ಪರಮಾತ್ಮವಾನ್।
ಬ್ರಹ್ಮಭೂತಸ್ತದಾತ್ಮಾನಂ ಬ್ರಹ್ಮಣಮಸೃಜತ್ಸ್ವಯಂ॥ 2-43-20 (13092)
ಸೋಽಧ್ಯಕ್ಷಃ ಸರ್ವಭೂತಾನಾಂ ಪ್ರಭೂತಪ್ರಭವೋಽಚ್ಯುತಃ।
ಸನತ್ಕುಮಾರಂ ರುದ್ರಂ ಚ ಸಪ್ತರ್ಷೀಶ್ಚ ತಪೋಧನಾತ್॥ 2-43-21 (13093)
ಸರ್ವಮೇವಾಸೃಜದ್ಬ್ರಹ್ಮಾ ತಥಾ ಲೋಕಾಂಸ್ತಥಾ ಪ್ರಜಾಃ।
ತೇ ಚ ತದ್ವ್ಯಸೃಜಂಸ್ತತ್ರ ಪ್ರಾಪ್ತಕಾಲೇ ಯುಧಿಷ್ಠಿರ॥ 2-43-22 (13094)
ತೇಭ್ಯೋಽಭವನ್ಮಹಾತ್ಮಭ್ಯೋ ಬಹುಧಾ ಬ್ರಹ್ಮ ಶಾಶ್ವತಂ।
ಕಲ್ಪಾನಾಂ ಬಹುಕೋಟ್ಯಶ್ಚಸಮತೀತಾಸ್ತು ಭಾರತ॥ 2-43-23 (13095)
ಆಭೂತಸಂಪ್ಲವಾಶ್ಚೈವ ಬಹುಧಾಽದ್ಧಾಽಪಚಕ್ರಮುಃ।
ಮನ್ವಂತರಯುಗಾ ರಾಜನ್ಸಂಕಲ್ಪೋ ಭೂತಸಂಪ್ಲವಾಃ॥ 2-43-24 (13096)
ಚಕ್ರವತ್ಪರಿವರ್ತಂತೇ ಸರ್ವಂ ವಿಷಮುಖಂ ಜಗತ್।
ಸೃಷ್ಟ್ವಾ ಚತುರ್ಮುಖಂ ದೇವಂ ದೇವೋ ನಾರಾಯಣಃ ಪ್ರಭುಃ॥ 2-43-25 (13097)
ಸ ಲೋಕಾನಾಂ ಹಿತಾರ್ಥಾಯ ಕ್ಷೀರೋದೇ ವಸತಿ ಪ್ರಭುಃ।
ಬ್ರಹ್ಮಾ ಚ ಸರ್ವಲೋಕಾನಾಂ ಲೋಕಸ್ಯ ಚ ಪಿತಾಮಹಃ॥ 2-43-26 (13098)
ತತೋ ನಾರಾಯಣೋ ದೇವಃ ಸರ್ವಸ್ಯ ಪ್ರಪಿತಾಮಹಃ। ॥ 2-43-27 (13099)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅರ್ಘಾಹರಣಪರ್ವಣಿ ತ್ರಿಚತ್ವಾರಿಂಶೋಽಧ್ಯಾಯಃ॥ 43 ॥
Mahabharata - Sabha Parva - Chapter Footnotes
2-43-25 ವಿಷಮುಖಂ ಜಲಾದಿಕಂ॥ಸಭಾಪರ್ವ - ಅಧ್ಯಾಯ 044
॥ ಶ್ರೀಃ ॥
2.44. ಅಧ್ಯಾಯಃ 044
Mahabharata - Sabha Parva - Chapter Topics
ಮಧುಕೈಟಭವಧಕಥನಂ॥ 1॥Mahabharata - Sabha Parva - Chapter Text
ಭೀಷ್ಮ ಉವಾಚ।
ಅವ್ಯಕ್ತೋ ವ್ಯಕ್ತಲಿಂಗಸ್ಥೋ ಯ ಏವ ಭಗವಾನ್ಪ್ರಭುಃ।
ನರನಾರಾಯಣೋ ಭೂತ್ವಾ ಹರಿರಾಸೀದ್ಯುಧಿಷ್ಠಿರ॥ 2-44-1 (13100)
ಬ್ರಹ್ಮಾ ಚ ಶಕ್ರಃ ಸೂರ್ಯಶ್ಚ ಧರ್ಮಶ್ಚೈವ ಸನಾತನಃ।
ಬಹುಶಃ ಸರ್ವಭೂತಾತ್ಮಾ ಪ್ರಾದುರ್ಭವತಿ ಕಾರ್ಯತಃ।
ಪ್ರಾದುರ್ಭಾವಾಂಸ್ತು ವಕ್ಷ್ಯಾಮಿ ದಿವ್ಯಾಂದೇವಗಣೈರ್ಯುತಾನ್। 2-44-2 (13101)
ಸುಪ್ತ್ವಾ ಯುಗಸಹಸ್ರಂ ಸ ಪ್ರಾದುರ್ಭವತಿ ಕಾರ್ಯವಾನ್।
ಅನೇಕಬಹುಸಾಹಸ್ರೈರ್ದೇವದೇವೋ ಜಗತ್ಪತಿಃ॥ 2-44-3 (13102)
ಬ್ರಹ್ಮಾಣಂ ಕಪಿಲಂ ಚೈವ ಪರಮೇಷ್ಠಿಂ ತಥೈವ ಚ।
ದೇವಾನ್ಸಪ್ತರ್ಷಿಭಿಶ್ಚೈವ ಶಂಕರಂ ಚ ಮಹಾಯಶಾಃ॥ 2-44-4 (13103)
ಸನತ್ಕುಮಾರಂ ಭಗವಾನ್ಮನುಂ ಚೈವ ಪ್ರಜಾಪತಿಂ।
ಪುರಾ ಚಕ್ರೇ ಚ ದೇವಾದಿಃ ಪ್ರದೀಪ್ತಾಗ್ನಿಸಮಪ್ರಭಃ॥ 2-44-5 (13104)
ಯೇನ ಚಾರ್ಣವಮಧ್ಯಸ್ಥೌ ನಷ್ಟೇಸ್ಥಾವರಜಂಗಮೇ।
ನಷ್ಟದೇವಾಸುರವರೇ ಪ್ರನಷ್ಟೋರಗರಾಕ್ಷಸೇ॥ 2-44-6 (13105)
ಯೋದ್ಧುಕಾಮೌ ಸುದುರ್ಧರ್ಷೌ ಭ್ರಾತರೌ ಮಧುಕೈಠಭೌ।
ಹತೌ ಭಗವತಾ ತೇನ ತತೋ ದತ್ತ್ವಾ ವರಂ ಪರಂ॥ 2-44-7 (13106)
ಭೂಮಿಂ ಬದ್ಧ್ವಾ ಕೃತೌ ಪೂರ್ವಾವಜೇಯೌ ದ್ವೌ ಮಹಾಽಸುರೌ।
ತೌ ಕರ್ಣಮಲಸಂಭೂತೌ ವಿಷ್ಣೋಸ್ತಸ್ಯ ಮಹಾತ್ಮನಃ॥ 2-44-8 (13107)
ಮಹಾರ್ಣವೇ ಪ್ರಸ್ವಪತಃ ಶೈಲರಾಜಸಮೌ ಸ್ಥಿತೌ।
ತೌ ವಿವೇಶ ಸ್ವಯಂ ವಾಯುರ್ಬ್ರಹ್ಮಣಾ ಸಾಧು ಚೋದಿತಃ॥ 2-44-9 (13108)
ತೌ ದಿವಂ ಛಾದಯಿತ್ವಾ ತು ವವೃಧಾತೇ ಮಹಾಽಸುರೌ।
ವಾಯುಪ್ರಮಾಣೌ ತೌ ದೃಷ್ಟ್ವಾ ಬ್ರಹ್ಮಾ ಪರ್ಯಮೃಶಚ್ಛನೈಃ॥ 2-44-10 (13109)
ಏಕಂ ಮೃದುತರಂ ವೇತ್ತಿ ಕಠಿನಂ ವೇತ್ತಿ ಚಾಪರಂ।
ನಾಮನೀ ತು ತಯೋಶ್ಚಕೇ ಸವಿತಾ ಸಲಿಲೋದ್ಭವಃ॥ 2-44-11 (13110)
ಮೃದುಸ್ತ್ವಯಂ ಮಧುರ್ನಾಮ ಕಠಿನಃ ಕೈಠಭಃ ಸ್ವಯಂ।
ತೌ ದೈತ್ಯೌ ಕೃತನಾಮಾನೌ ಚೇರತುರ್ಬಲಗರ್ವಿತೌ॥ 2-44-12 (13111)
ತೌ ಪುರಾಽಥ ದಿವಂ ಸರ್ವಾಂ ಪ್ರಾಪ್ತೌ ರಾಜನ್ಮಹಾಸುರೌ।
ಪ್ರಚ್ಛಾದ್ಯಾಥ ದಿವಂ ಸರ್ವಾಂ ಚೇರತುರ್ಮಧುಕೈಠಭೌ॥ 2-44-13 (13112)
ಸರ್ವಮೇಕಾರ್ಣವಂ ಲೋಕಂ ಯೋದ್ಧುಕಾಮೌ ಸುನಿರ್ಭಯೌ।
ತೌ ಗತಾವಸುರೌ ದೃಷ್ಟ್ವಾ ಬ್ರಹ್ಮಾ ಲೋಕಪಿತಾಮಹಃ॥ 2-44-14 (13113)
ಏಕಾರ್ಣವಾಂಬುನಿಚಯೇ ತತ್ರೈವಾಂತರಧೀಯತ।
ಸ ಪದ್ಮಾತ್ಪದ್ಮನಾಭಸ್ಯ ನಾಭಿದೇಶಾತ್ಸಮುತ್ಥಿತಾತ್॥ 2-44-15 (13114)
ಆಸಸಾದ ಸ್ವಯಂ ಜನ್ಮ ತತ್ಪಂಕಜಮಪಂಕಜಂ।
ಪೂಜಯಾಮಾಸ ವಸತಿಂ ಬ್ರಹ್ಮಾ ಲೋಕಪಿತಾಮಹಃ॥ 2-44-16 (13115)
ತಾವುಭೌ ಜಲಗರ್ಭಸ್ಥೌ ನಾರಾಯಣಚತುರ್ಮುಖೌ।
ಬಹೂನ್ವರ್ಷಾಯುತಾನಪ್ಸು ಶಯಾನೌ ನ ಚ ಕಂಪಿತೌ॥ 2-44-17 (13116)
ಅಥ ದೀರ್ಘಸ್ಯ ಕಾಲಸ್ಯ ತಾವುಭೌ ಮಧುಕೈಠಭೌ।
ಆಜಗ್ಮತುಸ್ತೌ ತಂ ದೇಶಂ ಯತ್ರ ಬ್ರಹ್ಮಾ ವ್ಯವಸ್ಥಿತಃ॥ 2-44-18 (13117)
ತೌ ದೃಷ್ಟ್ವಾ ಲೋಕನಾಥಸ್ತು ರೋಷಾತ್ಸಂರಕ್ತಲೋಚನಃ।
ಉತ್ಪಪಾತಾಥ ಶಯನಾತ್ಪದ್ಮನಾಭೋ ಮಹಾದ್ಯುತಿಃ॥ 2-44-19 (13118)
ತದ್ಯುದ್ಧಮಭವದ್ಘೋರಂ ತಯೋಸ್ತಸ್ಯ ಚ ಭಾರತ।
ಏಕಾರ್ಣವೇ ತದಾ ಘೋರೇ ತ್ರೈಲೋಕ್ಯೇ ಜಲತಾಂ ಗತೇ॥ 2-44-20 (13119)
ತದಭೂತ್ತುಮುಲಂ ಯುದ್ಧಂ ವರ್ಷಸಂಖ್ಯಾಸಹಸ್ರಶಃ।
ನ ಚ ತಾವಸುರೌ ಯುದ್ಧೇ ತದಾ ಶ್ರಮಮವಾಪತುಃ॥ 2-44-21 (13120)
ಅಥ ದೀರ್ಘಸ್ಯ ಕಾಲಸ್ಯ ತೌ ದೈತ್ಯೌ ಯುದ್ಧದುರ್ಮದೌ।
ಊಚತುಃ ಪ್ರೀತಮನಸೌ ದೇವಂ ನಾರಾಯಣಂ ಪ್ರಭುಂ॥ 2-44-22 (13121)
ಪ್ರೀತೌ ಸ್ವಸ್ತವ ಯುದ್ಧೇನ ಶ್ಲಾಘ್ಯಸ್ತ್ವಂ ಮೃತ್ಯುರಾವಯೋಃ।
ಆವಾಂ ಜಹಿ ನ ಯತ್ರೋರ್ವಾ ಸಲಿಲೇನ ಪಿರಪ್ಲುತಾ॥ 2-44-23 (13122)
ಹತೌ ಚ ತವ ಪುತ್ರತ್ವಂ ಪ್ರಾಪ್ನುಯಾವ ಸುರೋತ್ತಮ।
ಯೋ ಹ್ಯಾನಾಂ ಯುಧಿ ನಿರ್ಜೇತಾ ತಸ್ಯಾವಾಂ ವಿಹಿತೌ ಸುತೌ॥ 2-44-24 (13123)
ತಯೋಸ್ತು ವಚನಂ ಶ್ರುತ್ವಾ ತದಾ ನಾರಾಯಣಃ ಪ್ರಭುಃ।
ತೌ ಪ್ರಹಸ್ಯ ಮೃಧೇ ದೈತ್ಯೌ ದೋರ್ಭ್ಯಾಂ ಚ ಸಮಪೀಡಯಂ॥ 2-44-25 (13124)
ಊರುಭ್ಯಾಂ ನಿಧನಂ ಚಕ್ರೇ ತಾವುಭೌ ಮಧುಕೈಠಬೌ।
ತೌ ಹತೌ ಚಾಪ್ಲುತೌ ತೋಯೇ ವಪುರ್ಭ್ಯಾಮೇಕತಾಂ ಗತೌ॥ 2-44-26 (13125)
ಮೇದೋ ಮುಮುಚತುರ್ದೈತ್ಯೌ ಮಜ್ಜಮಾನೌ ಜಲೋರ್ಮಿಭಿಃ।
ಮೇದಸಾ ತಜ್ಜಲಂ ವ್ಯಾಪ್ತಂ ತಾಭ್ಯಾಮಂತರ್ದಧೇ ತದಾ॥ 2-44-27 (13126)
ನಾರಾಯಣಶ್ಚ ಭಗವಾನಸೃಜದ್ವಿವಿಧಾಃ ಪ್ರಜಾಃ।
ದೈತ್ಯಯೋರ್ಮೇದಸಾ ಛನ್ನಾ ಸರ್ವಾ ರಾಜನ್ವಸುಂಧರಾ॥ 2-44-28 (13127)
ತದಾಪ್ರಭೃತಿ ಕೌಂತೇಯ ಮೇದಿನೀತಿ ಸ್ಮೃತಾ ಮಹೀ।
ಪ್ರಭಾವಾತ್ಪದ್ಮನಾಭಸ್ಯ ಶಾಶ್ವತೀ ಚ ಕೃತಾ ನೃಣಾಂ॥ ॥ 2-44-29 (13128)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅರ್ಘಾಹರಣಪರ್ವಣಿ ಚತುಶ್ಚತ್ವಾರಿಂಶೋಽಧ್ಯಾಯಃ॥ 44॥
ಸಭಾಪರ್ವ - ಅಧ್ಯಾಯ 045
॥ ಶ್ರೀಃ ॥
2.45. ಅಧ್ಯಾಯಃ 045
Mahabharata - Sabha Parva - Chapter Topics
ವರಾಹಾವತಾರಕಥನಂ॥ 1॥Mahabharata - Sabha Parva - Chapter Text
ಭೀಷ್ಮ ಉವಾಚ॥
ಪ್ರಾದುರ್ಭಾವಸಹಸ್ರಾಣಿ ಸಮತೀತಾನ್ಯನೇಕಶಃ।
ಯಥಾಶಕ್ತಿ ತು ವಕ್ಷ್ಯಾಮಿ ಶೃಣು ತಾನ್ಕುರುನಂದನ॥ 2-45-1 (13129)
ಪುರಾ ಕಮಲನಾಭಸ್ಯ ಸ್ವಪತಃ ಸಾಗರಾಂಭಸಿ।
ಪುಷ್ಕರೇ ಯತ್ರ ಸಂಭೂತಾ ದೇವಾ ಋಷಿಗಣೈಃ ಸಹ॥ 2-45-2 (13130)
ಏಷ ಪೌಷ್ಕರಿಕೋ ನಾಮ ಪ್ರಾದುರ್ಭಾವಃ ಪ್ರಕೀರ್ತಿತಃ।
ಪುರಾಣೈಃ ಕಥ್ಯತೇ ಯತ್ರ ವೇದಶ್ರುತಿಸಮಾಹಿತಃ॥ 2-45-3 (13131)
ವಾರಾಹಸ್ತು ಶ್ರುತಿಸುಖಃ ಪ್ರಾದುರ್ಭಾವೋ ಮಹಾತ್ಮನಃ।
ಯತ್ರ ವಿಷ್ಣುಃ ಸುರಶ್ರೇಷ್ಠೋ ವಾರಾಹಂ ರೂಪಮಾಸ್ಥಿತಃ॥ 2-45-4 (13132)
ಉಜ್ಜಹಾರ ಮಹೀಂ ತೋಯಾತ್ಸಶೈಲವನಕಾನನಾಂ।
ವೇದಪಾದೋ ಯೂಪದಂಷ್ಟ್ರಃ ಕ್ರತುರ್ದಂತಶ್ಚಿತೀಮುಖಃ॥ 2-45-5 (13133)
ಅಗ್ನಿಜಿಹ್ವೋ ದರ್ಭರೋಮಾ ಬ್ರಹ್ಮಶೀರ್ಷೋ ಮಹಾತಪಾಃ।
ಅಹೋರಾತ್ರೇಕ್ಷಣೋ ದಿವ್ಯೋ ವೇದಾಂಗಃ ಶ್ರುತಿಭೂಷಣಃ॥ 2-45-6 (13134)
ಆಜ್ಯನಾಸಃ ಸ್ರುವಂ ತುಂಡಂ ಸಾಮಘೋಷಸ್ವನೋ ಮಹಾನ್।
ಧರ್ಮಸತ್ಯಮಯಃ ಶ್ರೀಮಾನ್ಕರ್ಮವಿಕ್ರಮಸತ್ಕೃತಃ॥ 2-45-7 (13135)
ಪ್ರಾಯಶ್ಚಿತ್ತಮುಖೋ ಧೀರಃ ಪಶುಜಾನುರ್ಮಹಾವೃಷಃ।
ಔದ್ಗಾತ್ರಹೋಮಲಿಂಗೋಽಸೌ ಪಶುಬೀಜಮಹೌಷಧಿಃ॥ 2-45-8 (13136)
ಬಾಹ್ಯಂತರಾತ್ಮಾ ಮಂತ್ರಾಸ್ಥಿವಿಕೃತಃ ಸೌಂಯದರ್ಶನಃ।
ವೇದಿಸ್ಕಂಧೋ ಹವಿರ್ಗಂಧೋ ಹವ್ಯಕವ್ಯಾಭಿವೇಗವಾನ್॥ 2-45-9 (13137)
ಪ್ರಾಗ್ವಂಶಕಾಯೋ ದ್ಯುತಿಮಾನ್ನಾನಾದೀಕ್ಷಾಭಿರೂರ್ಜಿತಃ।
ದಕ್ಷಿಣಾಹೃದಯೋ ಯೋಗೀ ಮಹಾಶಾಸ್ತ್ರಮಯೋ ಮಹಾನ್॥ 2-45-10 (13138)
ಉಪಾಕರ್ಮೋಷ್ಠರುಚಕಃ ಪ್ರಾವರ್ಗ್ಯಾವರ್ತಭೂಷಣಃ।
ಶಾಲಾಪತ್ನೀಸಹಾಯೋ ವೈ ಮಣಿಶೃಂಗಸಮುಚ್ಛ್ರಿತಃ॥ 2-45-11 (13139)
ಏವಂ ಯಜ್ಞವರಾಹೋ ವೈ ಭೂತ್ವಾ ವಿಷ್ಣುಃ ಸನಾತನಃ।
ಮಹೀಂ ಸಾಗರಪರ್ಯಂತಾಂ ಸಶೈಲವನಕಾನನಾಂ॥ 2-45-12 (13140)
ಏಕಾರ್ಣವಜಲೇ ಭ್ರಷ್ಟಾಮೇಕಾರ್ಣವಗತಃ ಪ್ರಭುಃ।
ಮಜ್ಜಂತೀಂ ಸಲಿಲೇ ತಸ್ಮಿನ್ಸ್ವದೇವೀಂ ಪೃಥಿವೀಂ ತದಾ॥ 2-45-13 (13141)
ಉಜ್ಜಹಾರ ವಿಷಾಣೇನ ಮಾರ್ಗಂಡೇಯಸ್ಯ ಪಶ್ಯತಃ।
ಶೃಂಗೇಣ ಯಃ ಸಮುದ್ಧೃತ್ಯ ಲೋಕಾನಾಂ ಹಿತಕಾಂಯಯಾ॥ 2-45-14 (13142)
ಸಹಸ್ರಶೀರ್ಷೋ ದೇವೇಶೋ ನಿರ್ಮಮೇ ಜಗತೀಂ ಪ್ರಭುಃ।
ಏವಂ ಯಜ್ಞವರಾಹೇಣ ಭೂತಭವ್ಯಭಾತ್ಮನಾ॥ 2-45-15 (13143)
ಉದ್ಧೃತಾ ಪೃಥಿವೀ ದೇವೀ ಪೂಜ್ಯಾ ವೈ ಸಾಗರಾಂಬರಾ।
ನಿಹತಾ ದಾನವಾಃ ಸರ್ವೇ ದೇವದೇವೇನ ವಿಷ್ಣುನಾ॥ 2-45-16 (13144)
ವಾರಾಹಃ ಕಥಿತೋ ಹ್ಯೇಷ ನಾರಸಿಂಹಮತೋ ಶೃಣು।
ಯತ್ರ ಭೂತ್ವಾ ಮೃಗೇಂದ್ರೇಣ ಹಿರಣ್ಯಕಶಿಪುರ್ಹತಃ॥ ॥ 2-45-17 (13145)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅರ್ಘಾಹರಣಪರ್ವಣಿ ಪಂಚಚತ್ವಾರಿಂಶೋಽಧ್ಯಾಯಃ॥ 45 ॥
ಸಭಾಪರ್ವ - ಅಧ್ಯಾಯ 046
॥ ಶ್ರೀಃ ॥
2.46. ಅಧ್ಯಾಯಃ 046
Mahabharata - Sabha Parva - Chapter Topics
ಹಿರಣ್ಯಕಶಿಪುನಾ ಸಮುದ್ರೇ ತಪಶ್ರರಣಂ॥ 1॥ ತಪಃ ಪ್ರಸನ್ನೇನ ಬ್ರಹ್ಮಣಾ ತಸ್ಮೈ ವರದಾನಂ॥2॥ ತಸ್ಯ ವರಪ್ರಾಪ್ತ್ಯಾ ಭೀತಾನಾಂ ದೇವಾನಾಂ ಬ್ರಹ್ಮಣಾ ಪರಿಸಾಂತ್ವನಂ॥ 3॥ ಹಿರಣ್ಯಕಶಇಪುನಾ ತ್ರೈಲೋಕ್ಯಪೀಡನೇ ಆತ್ಮಾನಂ ಶರಣಂ ಗತಾನಾಂ ದೇವಾನಾಂ ಶ್ರೀಹರಿಣಾಽಭಯಪ್ ರದಾನಂ॥ 4॥ ನೃಸಿಂಹರೂಪಿಣಾ ಹರಿಣಾ ಹಿರಣ್ಯಕಶಿಪುಹನನಂ॥ 5॥Mahabharata - Sabha Parva - Chapter Text
ಭೀಷ್ಮ ಉವಾಚ।
ದೈತ್ಯೇಂದ್ರೋ ಬಲವಾಂತ್ರಾಜನ್ಸುರಾರಿರ್ಬಲಗರ್ವಿತಃ।
ಹಿರಣ್ಯಕಶಿಪುರ್ನಾಮ ಆಸೀತ್ರೈಲೋಕ್ಯಕಂಟಕಃ॥ 2-46-1 (13146)
ದೈತ್ಯಾನಾಮಾದಿಪುರುಷೋ ವೀರ್ಯೇಣಾಪ್ರತಿಮೋ ಬಲೀ।
ಪ್ರವಿಶ್ಯ ಜಲಧಂ ರಾಜಂಶ್ಚಕಾರ ತಪ ಉತ್ತಮಂ॥ 2-46-2 (13147)
ದಶವರ್ಷಸಹಸ್ರಾಣಿ ಶತಾನಿ ದಶ ಪಂಚ ಚ।
ವ್ರತೋಪವಾಸತಸ್ತಸ್ಥೌ ಸ್ಯಾಣುಮೌನವ್ರತೋ ದೃಢಃ॥ 2-46-3 (13148)
ತತಃ ಶಮದಮಾಭ್ಯಾಂ ಚ ಬ್ರಹ್ಮಚರ್ಯೇಣ ಚಾನಘ।
ಬ್ರಹ್ಮಾ ಪ್ರೀತಮನಾಸ್ತಸ್ಯ ತಪಸಾ ನಿಯಮೇನ ಚ॥ 2-46-4 (13149)
ತತಃ ಸ್ವಯಂಭೂರ್ಭಗವಾನ್ಸ್ವಯಮಾಗಂಯ ಭೂಪತೇ।
ವಿಮಾನೇನಾರ್ಕವರ್ಣೇನ ಹಂಸಯುಕ್ತೇನ ಭಾಸ್ವತಾ॥ 2-46-5 (13150)
ಆದಿತ್ಯೈರ್ವಸುಭಿಃ ಸಾಧ್ಯೈರ್ಮರುದ್ಭಿರ್ದೈವತೈಸ್ತಥಾ।
ರುದ್ರೈರ್ವಿಶ್ವಸಹಾಯೈಶ್ಚ ಯಕ್ಷರಾಕ್ಷಸಕಿನ್ನರೈಃ॥ 2-46-6 (13151)
ದಿಶಾಭಿರ್ವಿದಿಶಾಭಿಶ್ಚ ನದೀಭಿಃ ಸಾಗರೈಃ ಸಹ।
ನಕ್ಷತ್ರೈಶ್ಚ ಮುಹೂರ್ತೈಶ್ಚ ಖೇಚರೈಶ್ಚಾಪರೈರ್ಗ್ರಹೈಃ॥ 2-46-7 (13152)
ದೇವರ್ಷಿಭಿಸ್ತಪೋಯುಕ್ತೈಃ ಸಿದ್ಧೈಃ ಸಪ್ತರ್ಷಿಭಿಸ್ತದಾ।
ರಾಜರ್ಷಿಭಿಃ ಪುಣ್ಯತಮೈರ್ಗಂಧರ್ವೈರಪ್ಸರೋಗಣೈಃ॥ 2-46-8 (13153)
ಚರಾಚರಗುರುಃ ಶ್ರೀಮಾನ್ವೃತಃ ಸರ್ವಸುರೈಸ್ತಥಾ।
ಬ್ರಹ್ಮಾ ಬ್ರಹ್ಮವಿದಾಂ ಶ್ರೇಷ್ಠೋ ದೈತ್ಯಮಾಗಂಯ ಚಾಬ್ರವೀತ್॥ 2-46-9 (13154)
ಪ್ರೀತೋಽಸ್ಮಿ ತವ ಭಕ್ತಸ್ಯ ತಪಸಾಽನೇನ ಸುವ್ರತ।
ವರಂ ವರಯ ಭದ್ರಂ ತೇ ಯಥೇಷ್ಟಂ ಕಾಮಮಾಪ್ನುಹಿ॥ 2-46-10 (13155)
ಹಿರಣ್ಯಕಶಿಪುರುವಾಚ। 2-46-11x (1465)
ನ ದೇವಾ ನ ಚ ಗಂಧರ್ವಾ ನ ಯಕ್ಷೋರಗರಾಕ್ಷಸಾಃ।
ನ ಮಾನುಷಾಃ ಪಿಶಾಚಾಶ್ಚ ಹನ್ಯುರ್ಮಾಂ ದೇವಸತ್ತಮ॥ 2-46-11 (13156)
ಋಷಯೋ ವಾ ನ ಮಾಂ ಶಾಪೈಃ ಕ್ರುದ್ಧಾ ಲೋಕಪಿತಾಮಹ।
ಶಪೇಯುಸ್ತಪಸಾ ಯುಕ್ತಾ ವರ ಏಷ ವೃತೋ ಮಯಾ॥ 2-46-12 (13157)
ನ ಶಸ್ತ್ರೇಣ ನಚಾಸ್ತ್ರೇಣ ಗಿರಿಣಾ ಪಾದಪೇನ ಚ।
ನ ಶುಷ್ಕೇಣ ನ ಚಾರ್ದೇಣ ಸ್ಯಾನ್ನ ವಾಽನ್ಯೇನ ಮೇ ವಧಃ॥ 2-46-13 (13158)
ನಾಕಾಶೇ ನಾಥ ಭೂಮೌ ವಾ ರಾತ್ರೌ ವಾ ದಿವಸೇಪಿ ವಾ।
ನಾಂತರ್ವಾ ನ ಬಹಿರ್ವಾಪಿ ಸ್ಯಾದ್ವಧೋ ಮೇ ಪಿತಾಮಹ॥ 2-46-14 (13159)
ಪಶುಭಿರ್ವಾ ಮೃಗೈರ್ನ ಸ್ಯಾತ್ಪಕ್ಷಿಭಿರ್ವಾ ಸರೀಸೃಪೈಃ।
ದದಾಸಿ ಚೇದ್ವರಾನೇತಂದೇವದೇವ ವೃಣೋಂಯಹಂ।। 2-46-15 (13160)
ಬ್ರಹ್ಮೋವಾಚ। 2-46-16x (1466)
ಏತೇ ದಿವ್ಯಾ ವರಾಸ್ತಾತ ಮಯಾ ದತ್ತಾಸ್ತವಾದ್ಭುತಾಃ।
ಸರ್ವಕಾಮವರಾಂಸ್ತಾತ ಪ್ರಾಪ್ಸ್ಯಸಿ ತ್ವಮಸಂಶಯಂ॥ 2-46-16 (13161)
ಏವಮುಕ್ತ್ವಾ ಸ ಭಗವಾಂಜಗಾಮಾಕಾಶಮೇವ ಹಿ।
ರರಾಜ ಬ್ರಹ್ಮಲೋಕೇ ಹಿ ಬ್ರಹ್ಮರ್ಷಿಗಣಸೇವಿತಃ॥ 2-46-17 (13162)
ತತೋ ದೇವಾಶ್ಚ ನಾಗಾಶ್ಚ ಗಂಧರ್ವಾ ಮುನಯಸ್ತಥಾ।
ವರಪ್ರದಾನಂ ಶ್ರುತ್ವೈವ ತೇ ಬ್ರಹ್ಮಾಣಮುಪಸ್ಥಿತಃ॥ 2-46-18 (13163)
ದೇವಾ ಊಚುಃ। 2-46-19x (1467)
ವರೇಣಾನೇ ಭಗವನ್ಬಾಧಿಷ್ಯತಿ ಸ ನೋಽಸುರಃ।
ತತ್ಪ್ರಸೀದಸ್ವ ಭಗವನ್ವಧೋಪಾಯೋಽಸ್ಯ ಚಿಂತ್ಯತಾಂ॥ 2-46-19 (13164)
ಭೀಷ್ಮ ಉವಾಚ॥ 2-46-20x (1468)
ತತೋ ಲೋಕಹಿತಂ ವಾಕ್ಯಂ ಶ್ರುತ್ವಾ ದೇವಃ ಪ್ರಜಾಪತಿಃ।
ಪ್ರೋವಾಚ ಭಗವಾನ್ವಾಕ್ಯಂ ಸರ್ವದೇವಗಣಾಂಸ್ತದಾ॥ 2-46-20 (13165)
ಅವಶ್ಯಂ ತ್ರಿದಶಾಸ್ತೇನ ಪ್ರಾಪ್ತವ್ಯಂ ತಪಸಃ ಫಲಂ।
ತಪಸೋಽಂತೇಽಸ್ಯ ಭಗವಾನ್ವಧಂ ಕೃಷ್ಣಃ ಕರಿಷ್ಯತಿ॥ 2-46-21 (13166)
ಏತಚ್ಛ್ರುತ್ವಾ ಸುರಾಃ ಸರ್ವೇ ಬ್ರಹ್ಮಣಾ ತಸ್ಯ ವೈ ವಧಂ।
ಸ್ವಾನಿ ಸ್ಥಾನಾನಿ ದಿವ್ಯಾನಿ ಜಗ್ಮುಸ್ತೇ ವೈ ಮುದಾನ್ವಿತಾಃ॥ 2-46-22 (13167)
ಲಬ್ಧಮಾತ್ರೇ ವರೇ ಚಾಪಿ ಸರ್ವಾಸ್ತಾ ಬಾಧತೇ ಪ್ರಜಾಃ।
ಹಿರಣ್ಯಕಶಿಪುರ್ದೈತ್ಯೋ ವರದಾನೇನ ದರ್ಪಿತಃ॥ 2-46-23 (13168)
ರಾಜ್ಯಂ ಚಕಾರ ದೈತ್ಯೇಂದ್ರೋ ದೈತ್ಯಸಂಘೈಃ ಸಮಾವೃತಃ।
ಸಪ್ತದ್ವೀಪಾನ್ವಶೇಚಕೇ ಲೋಕಾಲೋಕಾಂತರಂ ಬಲಾತ್॥ 2-46-24 (13169)
ದಿವ್ಯಭೋಗಾನ್ಸಮಸ್ತಾನ್ವೈ ಲೋಕೇ ಸರ್ವಾನವಾಪ ಸಃ।
ದೇವಾಂಸ್ತ್ರಿಭುವನಸ್ಥಾಂಸ್ತು ಪರಾಜಿತ್ಯ ಮಹಾಸುರಃ॥ 2-46-25 (13170)
ತ್ರೈಲೋಕ್ಯಂ ವಶಮಾನೀಯ ಸ್ವರ್ಗೇ ವಸತಿ ದಾನವಃ।
ಯದಾ ವರಮದೋನ್ಮತ್ತೋ ನ್ಯವಸದ್ದಾನವೋ ದಿವಿ॥ 2-46-26 (13171)
ಅಥ ಲೋಕಾನ್ಸಗಸ್ತಾಂಶ್ಚ ವಿಜಿತ್ಯ ಸ ಮಹಾಬಲಃ।
ಭವೇಯಮಹಮೇವೇಂದ್ರಃ ಸೋಮೋಽಗ್ನಿರ್ಮಾರುತೋ ರವಿಃ॥ 2-46-27 (13172)
ಸಲಿಲಂ ಚಾಂತರಿಕ್ಷಂ ಚ ನಕ್ಷತ್ರಾಣಿ ದಿಶೋ ದಶ।
ಅಹಂ ಕ್ರೋಧಶ್ಚ ಕಾಮಶ್ಚ ವರುಣೋ ವಸವೋಽರ್ಯಮಾ॥ 2-46-28 (13173)
ಧನದಶ್ಚ ಧನಾಧ್ಯಕ್ಷೋ ಯಕ್ಷಕಿಂಪುರುಷಾಧಿಪಃ।
ಏತೇ ಭವೇಯಮಿತ್ಯುಕ್ತ್ವಾ ಸ್ವಯಂ ಭೂತ್ವಾ ಬಲಾತ್ಸ ಚ॥ 2-46-29 (13174)
ಏಷಾಂ ಗೃಹೀತ್ವಾ ಸ್ಥಾನಾನಿ ತೇಷಾಂ ಕಾರ್ಯಾಣ್ಯವಾಪ ಸಃ।
ಇಜ್ಯಶ್ಚಾಸೀನ್ಮಖವರೈರ್ದೇವಕಿನ್ನರಸತ್ತಮೈಃ॥ 2-46-30 (13175)
ನರಕಸ್ಥಾನ್ಸಮಾನೀಯ ಸ್ವರ್ಗಸ್ಥಾಂಶ್ಚ ಚಕಾರ ಸಃ।
ಏವಮಾದೀನಿ ಕರ್ಮಾಣಿ ಕೃತ್ವಾ ದೈತ್ಯಪತಿರ್ಬಲೀ॥ 2-46-31 (13176)
ಆಶ್ರಮೇಷು ಮಹಾಭಾಗಾನ್ಮುನೀನ್ವೈ ಶಂಸಿತವ್ರತಾನ್।
ಸತ್ಯಧರ್ಮಪರಾಂದಾಂತಾನ್ಪುರಾ ಧರ್ಷಿತವಾಂಸ್ತು ಸಃ॥ 2-46-32 (13177)
ಯಾಜ್ಞೀಯಾನ್ಕೃತಬಾಂದೈತ್ಯನ್ಯಾಜಕಾಂಶ್ಚೈವ ದೇವತಾಃ।
ಯತ್ರಯತ್ರ ಸುರಾ ಜಗ್ಮುಸ್ತತ್ರತತ್ರ ವ್ರಜತ್ಯುತ॥ 2-46-33 (13178)
ಸ್ಥಾನಾನಿ ದೇವತಾನಾಂ ತು ಹೃತ್ವಾ ರಾಜ್ಯಮಕಾರಯತ್।
ಪಂಚಕೋಟ್ಯಶ್ಚ ವರ್ಷಾಣಿ ಅಯುತಾನ್ಯೇಕಷಷ್ಟಿ ಚ॥ 2-46-34 (13179)
ಷಷ್ಟಿಶ್ಚೈವ ಸಹಸ್ರಾಣಾಂ ಜಗ್ಮುಸ್ತಸ್ಯ ದುರಾತ್ಮನಃ।
ಏತದ್ವರ್ಷಂ ಸ ದೈತ್ಯೇಂದ್ರೋ ಭೋಗೈಶ್ಚರ್ಯಮವಾಪ ಸಃ॥ 2-46-35 (13180)
ತೇನಾತಿಬಾಧ್ಯಮಾನಾಸ್ತೇ ದೈತ್ಯೇಂದ್ರೇಣ ಬಲೀಯಸಾ।
ಬ್ರಹ್ಮಲೋಕಂ ಸುರಾ ಜಗ್ಮುಃ ಶರ್ವಶಕ್ರಪುರೋಗಮಾಃ॥ 2-46-36 (13181)
ಪಿತಾಮಹಂ ಸಮಾಸಾದ್ಯ ಖಿನ್ನಾಃ ಪ್ರಾಂಜಲಯೋಽಬ್ರುವನ್ ॥ 2-46-37 (13182)
ದೇವಾ ಊಚುಃ। 2-46-38x (1469)
ಭಗವನ್ಭೂತಭವ್ಯೇಶ ನಸ್ತ್ರಾಯಸ್ವ ಇಹಾಗತಾನ್।
ಭಯಂ ದಿತಿಸುತಾದ್ಘೋರಾದ್ಭವತ್ಯದ್ಯ ದಿವಾನಿಶಂ॥ 2-46-38 (13183)
ಭಗವನ್ಸರ್ವದೈತ್ಯಾನಾಂ ಸ್ವಯಂಭೂರಾದಿಕೃತ್ಪ್ರಭುಃ।
ಸ್ರಷ್ಟಾ ತ್ವಂ ಹವ್ಯಕವ್ಯಾನಾಮವ್ಯಕ್ತಃ ಪ್ರಕೃತಿರ್ಧ್ರುವಃ॥ 2-46-39 (13184)
ಬ್ರಹ್ಮೋವಾಚ। 2-46-40x (1470)
ಶ್ರೂಯತಾಮಾಪದೇವಂ ಹಿ ದುರ್ವಿಜ್ಞೇಯಾ ಮಯಾಪಿ ಚ।
ನಾರಾಯಣಸ್ತು ಪುರುಷೋ ವಿಶ್ವರೂಪೋ ಮಹಾದ್ಯುತಿಃ॥ 2-46-40 (13185)
ಅವ್ಯಕ್ತಃ ಸರ್ವಭೂತಾನಾಮಚಿಂತ್ಯೋ ವಿಭುರವ್ಯಯಃ।
ಮಮಾಪಿ ಸ ತು ಯುಷ್ಮಾಕಂ ವ್ಯಸನೇ ಪರಮಾ ಗತಿಃ॥ 2-46-41 (13186)
ನಾರಾಯಣಃ ಪರೋಽವ್ಯಕ್ತಾದಹಮವ್ಯಕ್ತಸಂಭವಃ।
ಮತ್ತೋ ಜಜ್ಞುಃ ಪ್ರಜಾ ಲೋಕಾಃ ಸರ್ವೇ ದೇವಾಸುರಾಶ್ಚ ತೇ॥ 2-46-42 (13187)
ದೇವಾ ಯಥಾಹಂ ಯುಷ್ಮಾಕಂ ತಥಾ ನಾರಾಯಣೋ ಮಮ।
ಪಿತಾಮಹೋಽಹಂ ಸರ್ವಸ್ಯ ಸ ವಿಷ್ಣುಃ ಪ್ರಪಿತಾಮಹಃ॥ 2-46-43 (13188)
ನಿಶ್ಚಿತಂ ವಿಷುಧಾ ದೈತ್ಯಂ ಸ ವಿಷ್ಣುಸ್ತಂ ಹನಿಷ್ಯತಿ।
ತಸ್ಯ ನಾಸ್ತಿ ನ ಶಕ್ಯಂ ಚ ತಸ್ಮಾದ್ವ್ರಜತ ಮಾಚಿರಂ॥ 2-46-44 (13189)
ಭೀಷ್ಮ ಉವಾಚ॥ 2-46-45x (1471)
ಪಿತಾಮಹವಚಃ ಶ್ರುತ್ವಾ ಸರ್ವೇ ತೇ ಭರತರ್ಷಭ।
ವಿಬುಧಾ ಬ್ರಹ್ಮಣಾ ಸಾರ್ಧಂ ಜಗ್ಮುಃ ಕ್ಷೀರೋದಧಿಂ ಪ್ರತಿ॥ 2-46-45 (13190)
ಆದಿತ್ಯಾ ವಸವಃ ಸಾಧ್ಯಾ ವಿಶ್ವೇ ಚ ಮರುತಸ್ತಥಾ।
ರುದ್ರಾ ಮಹರ್ಷಯಶ್ಚೈವ ಅಶ್ವಿನೌ ಚ ಸುರೂಪಿಣೌ॥ 2-46-46 (13191)
ಅನ್ಯೇ ಚ ದಿವ್ಯಾ ಯೇ ರಾಜಂಸ್ತೇ ಸರ್ವೇ ಸಗಣಾಃ ಸುರಾಃ।
ಚತುರ್ಮುಖಂ ಪುರಸ್ಕೃತ್ಯ ಶ್ವೇತದ್ವೀಪಮುಪಾಗತಾಃ॥ 2-46-47 (13192)
ದೇವಾ ಊಚುಃ। 2-46-48x (1472)
ತ್ರಾಯಸ್ವ ನೋಽದ್ಯ ದೇವೇಶ ಹಿರಣ್ಯಕಶಿಪೋರ್ವಧಾತ್।
ತ್ವಂ ಹಿ ನಃ ಪರಮೋ ಧಾತಾ ಬ್ರಹ್ಮಾದೀನಾಂ ಸುರೋತ್ತಮ॥ 2-46-48 (13193)
ಉತ್ಫುಲ್ಲಾಂಬುಜಪತ್ರಾಕ್ಷ ಶತ್ರುಪಕ್ಷಭಯಂಕರ।
ಕ್ಷಯಾಯ ದಿತಿವಂಶಸ್ಯ ಶರಣಂ ತ್ವಂ ಭವಿಷ್ಯಸಿ॥ 2-46-49 (13194)
ಭೀಷ್ಣ ಉವಾಚ॥ 2-46-50x (1473)
ತದ್ದೇವಾನಾಂ ವಚಃ ಶ್ರುತ್ವಾ ತದಾ ವಿಷ್ಣುಃ ಶುಚಿಶ್ರವಾಃ।
ಅದೃಶ್ಯಃ ಸರ್ವಭೂತಾತ್ಮಾ ವಕ್ತುಮೇವೋಪಚಕ್ರಮೇ॥ 2-46-50 (13195)
ವಿಷ್ಣುರುವಾಚ॥ 2-46-51x (1474)
ಭಯಂ ತ್ಯಜಧ್ವಮಮರಾ ಅಭಯಂ ವೋ ದದಾಂಯಹಂ।
ತದೇವ ತ್ರಿದಿವಂ ದೇವಾಃ ಪ್ರತಿಪದ್ಯತ ಮಾಚಿರಂ॥ 2-46-51 (13196)
ಏಷೋಽಹಂ ಸಗಣಂ ದೈತ್ಯಂ ವರದಾನೇನ ದರ್ಪಿತಂ।
ಅವಧ್ಯಮಮರೇಂದ್ರಾಣಾಂ ದಾನವೇಂದ್ರಂ ನಿಹನ್ಂಯಹಂ॥ 2-46-53 ಬ್ರಹ್ಮೋವಾಚ॥ 2-46-52 (13197)
ಭಹವಂದೇವದೇವೇಶ ಖಿನ್ನಾ ಏತೇ ಭೃಶಂ ಸುರಾಃ।
ತಸ್ಮಾತ್ತ್ವಂ ಜಹಿ ದೈತ್ಯೇಂದ್ರಂ ಕ್ಷಿಪ್ರಂ ಕಾಲೋಽಸ್ಯ ಮಾಚಿರಂ।
ಏಷ ತ್ವಂ ಸಗಣಂ ದೈತ್ಯಂ ವರದಾನೇನ ದರ್ಪಿತಂ॥ 2-46-53 (13198)
ವಿಷ್ಣುರುವಾಚ॥ 2-46-54x (1475)
ಕ್ಷಿಪ್ರಮೇವ ಕರಿಷ್ಯಾಮಿ ತ್ವರಯಾ ದೈತ್ಯನಾಶನಂ।
ತಸ್ಮಾತ್ತ್ವಂ ವಿಬುಧಾಶ್ಚೈವ ಪ್ರತಿಪದ್ಯತ ವೈ ದಿವಂ॥ 2-46-54 (13199)
ಭೀಷ್ಮ ಉವಾಚ॥ 2-46-55x (1476)
ಏವಮುಕ್ತ್ವಾ ತು ಭಗವಾನ್ವಿಸೃಜ್ಯ ತ್ರಿದಿವೇಶ್ವರಾನ್।
ನರಸ್ಯಾರ್ಧತನುರ್ಭೂತ್ವಾ ಸಿಂಹಸ್ಯಾರ್ಧತನುಃ ಪುನಃ॥ 2-46-55 (13200)
ನಾರಸಿಂಹೇನ ವಪುಷಾ ಪಾಣಿಂ ಸಂಸ್ಪೃಶ್ಯ ಪಾಣಿನಾ।
ಭೀಮರೂಪೋ ಮಹಾತೇಜಾ ವ್ಯಾದಿತಾಸ್ಯ ಇವಾಂತಕಃ॥ 2-46-56 (13201)
ಹಿರಣ್ಯಕಶಿಪುಂ ರಾಜಂಜಗಾಮ ಹರಿರೀಶ್ವರಃ।
ದೈತ್ಯಾಸ್ತಮಾಗತಂ ದೃಷ್ಟ್ವಾ ನಾರಸಿಂಹಂ ಮಹಾಬಲಂ॥ 2-46-57 (13202)
ವವರ್ಷುಃ ಶಸ್ತ್ರವರ್ಷೈಸ್ತೇ ಸುಸಂಕ್ರುದ್ಧಾಸ್ತದಾ ಹರಿಂ।
ತೈಃ ಸೃಷ್ಟಸರ್ವಶಸ್ತ್ರಾಣಿ ಭಕ್ಷಯಾಮಾಸ ವೈ ಹರಿಃ॥ 2-46-58 (13203)
ಜಘಾನ ನ ರಣೇ ದೈತ್ಯಾನ್ಸಹಸ್ರಾಣಿ ಬಹೂನಿ ಚ।
ತಾನ್ನಿಹತ್ಯ ಚ ದೈತೇಯಾನ್ಸರ್ವಾನ್ಕ್ರುದ್ಧಾನ್ಮಹಾಬಲಾನ್॥ 2-46-59 (13204)
ಅಭ್ಯಧಾವತ್ಸುಸಂಕ್ರುದ್ಧೋ ದೈತ್ಯೇಂದ್ರಂ ಬಲಗರ್ವಿತಂ।
ಜೀಮೂತಘನಸಂಕಾಶೋ ಜೀಮೂತಘನನಿಸ್ವನಃ॥ 2-46-60 (13205)
ಜೀಮೂತ ಇವ ದೀಪ್ತೌಜಾ ಜೀಮೂತ ಇವ ವೇಗವಾನ್।
ದೈತ್ಯಂ ಸೋಽತಿಬಲಂ ದೃಪ್ತಂ ದೃಪ್ತಶಾರ್ದೂಲವಿಕ್ರಮಂ॥ 2-46-61 (13206)
ದೃಪ್ತೈರ್ದೈತ್ಯಗಣೈರ್ಗುಪ್ತಂ ಖರೈರ್ನಖಮುಕೈರುತ।
ತತಃ ಕೃತ್ವಾ ತು ಯುದ್ಧಂ ವೈ ತೇನ ದೈತ್ಯೇನ ವೈ ಹರಿಃ॥ 2-46-62 (13207)
ಸಂಧ್ಯಾಕಾಲೇ ಮಹಾತೇಜಾ ಭವನಾಂತೇ ತ್ವರಾನ್ವಿತಃ।
ಊರೌ ನಿಧಾಯ ದೈತ್ಯೇಂದ್ರಂ ನಿರ್ಬಿಭೇದ ನಖೈಸ್ತದಾ॥ 2-46-63 (13208)
ಮಹಾಬಲಂ ಮಹಾವೀರ್ಯಂ ವರದಾನೇನ ಗರ್ವಿತಂ।
ದೈತ್ಯಶ್ರೇಷ್ಠಂ ಸುರಶ್ರೇಷ್ಠೋ ಜಘಾನ ತರಸಾ ಹರಿಃ॥ 2-46-64 (13209)
ಹಿರಣ್ಯಕಶಿಪುಂ ಹತ್ವಾ ಸರ್ವದೈತ್ಯಾಂಶ್ಚ ವೈ ತದಾ।
ವಿಬುಧಾನಾಂ ಪ್ರಜಾನಾಂ ಚ ಹಿತಂ ಕೃತ್ವಾ ಮಹಾದ್ಯುತಿಃ॥ 2-46-65 (13210)
ಪ್ರಮುಮೋದ ಹರಿರ್ದೇವಃ ಪ್ರಾಪ್ಯ ಧರ್ಮಂ ತದಾ ಭುವಿ।
ಏಷ ತೇ ನಾರಸಿಂಹೋಽತ್ರ ಕಥಿತಃ ಪಾಂಡುನಂದನ। 2-46-66 (13211)
ಶೃಣು ತ್ವಂ ವಾಮನಂ ನಾಮ ಪ್ರಾದುರ್ಭಾವಂ ಮಹಾತ್ಮನಃ॥ ॥ 2-46-67 (13212)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅರ್ಘಾಹರಣಪರ್ವಣಿ ಷಟ್ಚತ್ವಾರಿಂಶೋಽಧ್ಯಾಯಃ॥ 46॥
ಸಭಾಪರ್ವ - ಅಧ್ಯಾಯ 047
॥ ಶ್ರೀಃ ॥
2.47. ಅಧ್ಯಾಯಃ 047
Mahabharata - Sabha Parva - Chapter Topics
ಬಲಿನಿಪೀಡಿತೈರಿಂದ್ರಾದಿಭಿಃ ಪ್ರಾರ್ಧಿತೇನ ಹರಿಣಾ ಅದಿತ್ಯಾಂ ವಾಮನತ್ವೇನಾವತೀರ್ಯ ಬಲಿ ಂಪ್ರತಿ ಯಾಚನಂ॥ 1॥ ತ್ರಿವಿಕ್ರಮರೂಪಿಣೋ ಹರೇಃ ಪಾದಾಂಗುಷ್ಠನಖನಿರ್ಭಿಣ್ಣೋರ್ಧ್ವಾಂಡಾದ್ಗಂಗಾಯಾಃ ಪ್ರಾದು ರ್ಭಾವೋ ಬಲಿನಿಗ್ರಹಶ್ಚ ॥ 2॥Mahabharata - Sabha Parva - Chapter Text
ಭೀಷ್ಮ ಉವಾಚ॥
ಪುರಾ ತ್ರೇತಾಯುಗೇ ರಾಜನ್ಬಲಿರ್ವೈರೋಜನೋಽಭವತ್।
ದೈತ್ಯಾನಾಂ ಪಾರ್ಥಿವೋ ವೀರೋ ಬಲೇನಾಪ್ರತಿಮೋ ಬಲೀ॥ 2-47-1 (13213)
ತದಾ ಬಲಿರ್ಮಹಾರಾಜ ದೈತ್ಯಸಂಘೈಃ ಸಮಾವೃತಃ।
ವಿಜೇತುಂ ತರಸಾ ಶಕ್ರಮಿಂದ್ರಸ್ಥಾನಮವಾಪ ಸಃ॥ 2-47-2 (13214)
ತೇನ ವಿತ್ರಾಸಿತಾ ದೇವಾ ಬಲಿನಾಽಽಖಂಡಲಾದಯಃ।
ಬ್ರಹ್ಮಾಣಂ ತು ಪುರಸ್ಕೃತ್ಯ ಗತ್ವಾ ಕ್ಷೀರೋದಧಿಂ ತದಾ॥ 2-47-3 (13215)
ತುಷ್ಟುವುಃ ಸಹಿತಾಃ ಸರ್ವೇ ದೇವಂ ನಾರಾಯಣಂ ಪ್ರಭುಂ।
ಸ ತೇಷಾಂ ದರ್ಶನಂ ಚಕ್ರೇ ವಿಬುಧಾನಾಂ ಹರಿಸ್ತದಾ॥ 2-47-4 (13216)
ಪ್ರಸಾದಜಂ ತಸ್ಯ ವಿಭೋರದಿತ್ಯಾಂ ಜನ್ಮ ಉಚ್ಯತೇ।
ಅದಿತೇರಪಿ ಪುತ್ರತ್ವಮೇತ್ಯ ಯಾದವನಂದನಃ॥ 2-47-5 (13217)
ಏಷ ವಿಷ್ಣುರಿತಿ ಖ್ಯಾತ ಇಂದ್ರಸ್ಯಾವರಜೋಽಭವತ್।
ತಸ್ಮಿನ್ನೇವ ಚ ಕಾಲೇ ತು ದೈತ್ಯೇಂದ್ರೋ ಬಲವೀರ್ಯವಾನ್॥ 2-47-6 (13218)
ಅಶ್ವಮೇಧಂ ಕ್ರತುಶ್ರೇಷ್ಠಮಾಹರ್ತುಮುಪಚಕ್ರಮೇ।
ವರ್ತಮಾನೇ ತದಾ ಯಜ್ಞೇ ದೈತ್ಯೇಂದ್ರಸ್ಯ ಯುಧಿಷ್ಠಿರ॥ 2-47-7 (13219)
ಸ ವಿಷ್ಣುರ್ಮಾನವೋ ಭೂತ್ವಾ ಪ್ರಚ್ಛನ್ನೋ ಬ್ರಹ್ಮಸಂವೃತಃ।
ಮುಂಡೋ ಯತ್ರೋಪವೀತೀ ಚ ಕೃಷ್ಣಾಜಿನಧರಃ ಶಿಖೀ॥ 2-47-8 (13220)
ಪಾಲಾಶದಂಡಂ ಸಂಗೃಹ್ಯ ವಾಮನೋಽದ್ಭುತದರ್ಶನಃ।
ಪ್ರವಿಶ್ಯ ಸ ಬಲೇರ್ಯಜ್ಞೇ ವರ್ತಮಾನೋ ಚ ದಕ್ಷಿಣಾಂ॥ 2-47-9 (13221)
ದೇಹೀತ್ಯುವಾಚ ದೈತ್ಯೇಂದ್ರಂ ವಿಕ್ರಮಾಂಸ್ತ್ರೀನಿಹೈವ ಹ।
ದೀಯತಾಂ ತ್ರಿಪದೀಮಾತ್ರಮಿತ್ಯಯಾಚನ್ಮಹಾಸುರಂ॥ 2-47-10 (13222)
ಸ ತಥೇತಿ ಪ್ರತಿಶ್ರುತ್ಯ ಪ್ರದದೌ ವಿಷ್ಣವೇ ತದಾ।
ತೇನ ಲಬ್ಧ್ವಾ ಹಿರರ್ಭೂಮಿಂ ಜೃಂಭಯಾಮಾಸ ವೈ ಭೃಶಂ॥ 2-47-11 (13223)
ಸ ಶಿಶುಃ ಸದಿವಂ ಖಂ ಚ ಪೃಥಿವೀಂ ವಚ ವಿಶಾಂಪತೇ।
ತ್ರಿಭಿರ್ವಿಕ್ರಮಣೈಶ್ಚೈವ ಸರ್ವಮಾಕ್ರಮತಾಭಿಭೂಃ॥ 2-47-12 (13224)
ಬಲೇರ್ಬಲವತೋ ಯಜ್ಞೇ ಬಲಿನಾ ವಿಷ್ಣುನಾ ಪುರಾ।
ವಿಕ್ರಮೈಸ್ತ್ರಿಭಿರಕ್ಷೋಭ್ಯಾಃ ಕ್ಷೋಭಿತಾಸ್ತೇ ಮಹಾಸುರಾಃ॥ 2-47-13 (13225)
ವಿಪ್ರಚಿತ್ತಿಮುಖಾಃ ಕ್ರುದ್ಧಾಃ ಸರ್ವಸಂಘಾ ಮಹಾಸುರಾಃ।
ನಾನಾವಕ್ರಾ ಮಹಾಕಾಯಾ ನಾನಾವೇಷಧರಾ ನೃಪ॥ 2-47-14 (13226)
ನಾನಾಪ್ರಹರಣಾ ರೌದ್ರಾ ನಾನಾಮಾಲ್ಯಾನುಲೇಪನಾಃ।
ಸ್ವಾನ್ಯಾಯುಧಾನಿ ಸಂಗೃಹ್ಯ ಪ್ರದೀಪ್ತಾ ಇವ ತೇಜಸಾ॥ 2-47-15 (13227)
ಕ್ರಮಮಾಣಂ ಹರಿ ತತ್ರ ಉಪಾವರ್ತಂತ ಭಾರತ।
ಪ್ರಮಥ್ಯ ಸರ್ವಾಂದೈತೇಯಾನ್ಪಾದಹಸ್ತತಲೈಸ್ತು ತಾನ್॥ 2-47-16 (13228)
ರೂಪಂ ಕೃತ್ವಾ ಮಹಾಭೀಮಂ ಜಹಾರಾಶು ಸ ಮೇದಿನೀಂ।
ಸಂಪ್ರಾಪ್ಯ ದಿವಮಾಕಾಶಮಾದಿತ್ಯಸದನೇ ಸ್ಥಿತಃ॥ 2-47-17 (13229)
ಅತ್ಯರೋಚತ ಭೂತಾತ್ಮಾ ಆದಿತ್ಯಸ್ಯೈವ ತೇಜಸಾ।
ಪ್ರಕಾಶಯಂದಿಶಃ ಸರ್ವಾಃ ಪ್ರದಿಶಶ್ಚ ಮಹಾಯಶಾಃ॥ 2-47-18 (13230)
ಶುಶುಭೇ ಸ ಮಹಾಬಾಹುಃ ಸರ್ವಲೋಕಾನ್ಪ್ರಕಾಶಯನ್।
ತಸ್ಯ ವಿಕ್ರಮತೋ ಭೂಮಿಂ ಚಂದ್ರಾದಿತ್ಯೌ ಸ್ತನಾಂತರೇ॥ 2-47-19 (13231)
ನಭಸ್ತು ಕ್ರಮಮಾಣಸ್ಯ ನಾಭ್ಯಾಂ ಕಿಲ ತದಾ ಸ್ಥಿತೌ।
ಪರಮಾಕ್ರಮಮಾಣಸ್ಯ ನಾನುಭ್ಯಾಂ ತೌ ವ್ಯವಸ್ಥಿತೌ॥ 2-47-20 (13232)
ವಿಷ್ಣೋರಮಿತವೀರ್ಯಸ್ಯ ವದಂತ್ಯೇವಂ ದ್ವಿಜಾತಯಃ।
ಅಥಾಸ್ಯ ಪಾದಾಕ್ರಮಣಾತ್ಪಫಾಲಾಂಡೋ ಯುಧಿಷ್ಠಿರಃ॥ 2-47-21 (13233)
ತಚ್ಛಿದ್ರಾತ್ಸ್ಯಂದಿನೀ ತಸ್ಯ ಪಾದಭ್ರಷ್ಟಾ ತು ನಿಂನಗಾ।
ಸಸಾರ ಸಾಗರಂ ಸಾ ತು ಪಾವನೀ ಸಾಗರಂಗಮಾ॥ 2-47-22 (13234)
ಜಹಾರ ಮೇದಿನೀಂ ಸರ್ವಾಂ ಹತ್ವಾ ದಾನವಪುಂಗವಾನ್।
ಆಸುರೀ ಶ್ರಿಯಮಾಹೃತ್ಯ ತ್ರೀಲ್ಲೋಕಾನ್ಸ ಜನಾರ್ದನ॥ 2-47-23 (13235)
ಸಪುತ್ರದಾರಾನಸುರಾನ್ಪಾತಾಲೇ ಸಂನ್ಯವೇಶಯತ್।
ನಮುಚಿಃ ಶಂಬರಶ್ಚೈವ ಪ್ರಹ್ಲಾದಶ್ಚ ಮಹಾಮನಾಃ॥ 2-47-24 (13236)
ಮಹಾಭೂತಾನಿ ಭೂತಾತ್ಮಾ ಸವಿಶೇಷಾನಿ ವೈ ಹರಿಃ।
ಕಾಲಂ ಚ ಸಕಲಂ ರಾಜನ್ಗಾತ್ರಭೂತಾನ್ಯದರ್ಶಯತ್॥ 2-47-25 (13237)
ತಸ್ಯ ಗಾತ್ರೇ ಜಗತ್ಸರ್ವಮಾನೀತಮಧಿಪಶ್ಯತಿ।
ನ ಕಿಂಚಿದಸ್ತಿ ಲೋಕೇಷು ಯದನಾಪ್ತಂ ಮಹಾತ್ಮನಾ॥ 2-47-26 (13238)
ತದ್ಧಿ ರೂಪಮುಪೇಂದ್ರಸ್ಯ ದೇವದಾನವಮಾನವಾಃ।
ದೃಷ್ಟ್ವಾ ಸಂಮುಮುಹುಃ ಸರ್ವೇ ವಿಷ್ಣುತೇಜೋಽಭಿಪೀಡಿತಾಃ॥ 2-47-27 (13239)
ಬಲಿರ್ಬದ್ಧೋಽಭಿಮಾನೀ ಚ ಯಜ್ಞವಾಟೇ ಮಹಾತ್ಮನಾ।
ವಿರೋಚನಕುಲಂ ಸರ್ವಂ ಪಾತಾಲೇ ವಿನಿವೇಶಿತಂ॥ 2-47-28 (13240)
ಏವಂವಿಧಾನಿ ಕರ್ಮಾಣಿ ಕೃತ್ವಾ ಗರುಡಾವಾಹನಃ।
ನ ವಿಸ್ಮಯಮುಪಾಗಚ್ಛತ್ಪಾರಮೇಷ್ಠ್ಯೇನ ತೇಜಸಾ॥ 2-47-29 (13241)
ಸ ಸರ್ವಮಸುರೈಶ್ವರ್ಯಂ ಸಂಪ್ರದಾಯ ಶಚೀಪತೇಃ।
ತ್ರೈಲೋಕ್ಯಂ ಚ ದದೌ ಶಕ್ರೇ ವಿಷ್ಣುರ್ದಾನವಸೂದನಃ॥ 2-47-30 (13242)
ಏಷ ತೇ ವಾಮನೋ ನಾಮ ಪ್ರಾದುರ್ಭಾವೋ ಮಹಾತ್ಮನಃ।
ವೇದವಿದ್ಭಿರ್ದ್ವಿಜೈರೇತಚ್ಛ್ರೂಯತೇ ವೈಷ್ಣವಂ ಯಶಃ।
ಮಾನುಷೇಷು ತತೋ ವಿಷ್ಣೋಃ ಪ್ರಾದುರ್ಭಾವಾಂಸ್ತಥಾ ಶೃಣು॥ ॥ 2-47-31 (13243)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅರ್ಘಾಹರಣಪರ್ವಣಿ ಸಪ್ತಚತ್ವಾರಿಂಶೋಽಧ್ಯಾಯಃ॥ 47 ॥
ಸಭಾಪರ್ವ - ಅಧ್ಯಾಯ 048
॥ ಶ್ರೀಃ ॥
2.48. ಅಧ್ಯಾಯಃ 048
Mahabharata - Sabha Parva - Chapter Topics
ದತ್ತಾತ್ರೇಯನಾಂನಾಽವತೀರ್ಣಸ್ಯ ಹರೇಃ ಕಾರ್ತವೀರ್ಯಾರ್ಜುನಸ್ಯ ವರದಾನಾದಿಕಂ॥ 1॥Mahabharata - Sabha Parva - Chapter Text
ಭೀಷ್ಣ ಉವಾಚ॥
ವಿಷ್ಣೋಃ ಪುನರ್ಮಹಾಭಾಗಃ ಪ್ರಾದುರ್ಭಾವೋ ಮಹಾತ್ಮನಃ।
ದತ್ತಾತ್ರೇಯ ಇತಿ ಖ್ಯಾತ ಋಷಿರಾಸೀನ್ಮಹಾಯಶಾಃ॥ 2-48-1 (13244)
ತೇನ ನಷ್ಟೇಷು ವೇದೇಷು ಕ್ರಿಯಾಸು ಚ ಮಖೇಷು ಚ।
ಚಾತುರ್ವರ್ಣ್ಯೇ ಚ ಸಂಕೀರ್ಣೇ ಧರ್ಮೇ ಶಿಥಿಲತಾಂ ಗತೇ॥ 2-48-2 (13245)
ಅಭವರ್ಧತಿ ಚಾಧರ್ಮೇ ಸತ್ಯೇ ನಷ್ಟೇ ಸ್ಥಿತೇಽನೃತೇ।
ಪ್ರಜಾಸು ಕ್ಷೀಯಮಾಣಾಸು ಧರ್ಮೇ ಚಾಮೂಲತಾಂ ಪತೇ॥ 2-48-3 (13246)
ಸಯಜ್ಞಾಃ ಸಕ್ರಿಯಾ ವೇದಾಃ ಪ್ರತ್ಯಾನೀತಾ ಹಿ ತೇನ ವೈ।
ಚಾತುರ್ವರ್ಣ್ಯಮಸಂಕೀರ್ಣಂ ಕೃತಂ ತೇನ ಮಹಾತ್ಮನಾ॥ 2-48-4 (13247)
ಸ ಏವ ವೈ ಯದಾ ಪ್ರಾದಾದ್ಧೈಹಯಾಧಿಪತೇರ್ವರಂ।
ತಂ ಹೈಹಯಾನಾಮಧಿಪಸ್ತ್ವರ್ಜುನೋಽಭಿಪ್ರಸಾದಯನ್॥ 2-48-5 (13248)
ವನಂ ಪರ್ಯಚರನ್ಸಂಯಕ್ಛುಶ್ರೂಷುರನುಸೂಯಕಃ।
ನಿರ್ಮಮೋ ನಿರಹಂಕಾರೋ ದೀರ್ಘಕಾಲಮತೋಷಯತ್॥ 2-48-6 (13249)
ಆರಾಧ್ಯ ದತ್ತಾತ್ರೇಯಂ ಹಿ ಅಗೃಙ್ಣಾತ್ಸ ವರಾನಿಮಾನ್।
ಆಪ್ತಾದಾಪ್ತತರಾನ್ವಿಪ್ರಾದ್ವಿದ್ವಾನ್ವಿದ್ವನ್ನಿಷೇವಿತಾತ್॥ 2-48-7 (13250)
ಋತೇಽಮರತ್ವಂ ವಿಪ್ರೇಣ ದತ್ತಾತ್ರೇಯೇಣ ಧೀಮತಾ।
ವರೈಶ್ಚತುರ್ಭಿಃ ಪ್ರವೃತ ಇಮಾನ್ವವ್ರೇ ವರಾನ್ನೃಪಃ॥ 2-48-8 (13251)
ಶ್ರೀಮಾನ್ಮನಸ್ವೀ ಬಲವಾನ್ಸತ್ಯವಾಗನಸೂಯಕಃ।
ಸಹಸ್ರಬಾಹುರ್ಭೂಯಾಸಮೇಷು ಮೇ ಪ್ರಥಮೋ ವರಃ॥ 2-48-9 (13252)
ಜರಾಯುಜಾಂಡಜಂ ಸರ್ವಂ ಸರ್ವಂ ಚೈವ ಚರಾಚರಂ।
ಶಾಸ್ತುಮಿಚ್ಛಾಮಿ ಧರ್ಮೇಣ ದ್ವಿತೀಯಸ್ತ್ವೇಷ ಮೇ ವರಃ॥ 2-48-10 (13253)
ಪಿತೃಂದೇವಾನೃಷೀನ್ವಿಪ್ರಾನ್ಯಜೇಯಂ ವಿಪುಲೈರ್ಮಖೈಃ।
ಅಮಿತ್ರಾಂಶ್ಚ ಶಿತೈರ್ಬಾಣೈಸ್ತೃತೀಯೋ ವ್ರರ ಏಷ ಮೇ॥ 2-48-11 (13254)
ಯಸ್ಯ ನಾಸೀನ್ನ ಭವಿತಾ ನ ಚಾಸ್ತಿ ಸದೃಶಃ ಪುಮಾನ್।
ಇಹ ವಾ ದಿವಿ ವಾ ಲೋಕೇ ಸ ಮೇ ಹಂತಾ ಭವೇದಿತಿ॥ 2-48-12 (13255)
ಸೋಽರ್ಜುನಃ ಕೃತವೀರ್ಯಸ್ಯ ವರಃ ಪುತ್ರೋಽಭವದ್ಯುಧಿ।
ಸ ಸಹಸ್ರಂ ಸಹಸ್ರಾಣಾಂ ಮಾಹಿಷ್ಮತ್ಯಾಮವರ್ಧತ॥ 2-48-13 (13256)
ಸ ಭೂಮಿಮಖಿಲಾಂ ಜಿತ್ವಾ ದ್ವೀಪಾಂಶ್ಚಾಪಿ ಸಮುದ್ರಿಣಃ।
ನಭಸೀವಾಜ್ವಲತ್ಸೂರ್ಯಃ ಪುಣ್ಯೈಃ ಕರ್ಮಭಿರ್ಜುನಃ॥ 2-48-14 (13257)
ಇಂದ್ರದ್ವೀಪಂ ಕಶೇರುಂ ಚ ಕಾಮದ್ವೀಪಂ ಗಭಸ್ತಿತಂ।
ಗಂಧರ್ವವರುಣದ್ವೀಪಂ ಸೌಹೃಷ್ಟಮಮಿತಪ್ರಭಃ॥ 2-48-15 (13258)
ಪೂರ್ವೈರಜಿತಪೂರ್ವಾಂಶ್ಚ ದ್ವೀಪನಜಯದರ್ಜುನಃ।
ಇದಂ ತು ಕಾರ್ತವೀರ್ಯಸ್ಯ ಬಭೂವಾಸದೃಶಂ ಜನೈಃ॥ 2-48-16 (13259)
ನ ಪೂರ್ವೇ ನಾಪರೇ ತಸ್ಯ ಗಮಿಷ್ಯಂತಿ ಗತಿಂ ನೃಪಾಃ।
ಯದರ್ಣವೇ ಪ್ರಯಾತಸ್ಯ ವಸ್ತ್ರಂ ನ ಪರಿಷಿಚ್ಯತೇ॥ 2-48-17 (13260)
ಸೌವರ್ಣಂ ಸರ್ವಮಪ್ಯಾಸೀದ್ವಿಮಾನವರಮುತ್ತಮಂ।
ಚತುರ್ಧಾ ವ್ಯಭಜದ್ರಾಷ್ಟ್ರಂ ತದ್ವಿಭಜ್ಯಾನ್ವಪಾಲಯತ್॥ 2-48-18 (13261)
ಏಕಾಂಶೇನಾಹರತ್ಸೇನಾಮೇಕಾಂಶೇನಾವಸದ್ಗೃಹಾನ್।
ಯಸ್ತು ತಸ್ಯ ತೃತೀಯಾಂಶೋ ರಾಜ್ಞೋಽಭೂಜ್ಜನಸಂಗ್ರಹೇ॥ 2-48-19 (13262)
ಆಪ್ತಃ ಪರಮಕಲ್ಯಾಣಸ್ತೇನ ಯಜ್ಞಾನಕಲ್ಪಯತ್।
ಯೇ ದಸ್ಯವೋ ಗ್ರಾಮಚರಾ ಅರಂಯೇ ಚ ವಸಂತಿ ಯೇ॥ 2-48-20 (13263)
ಚತುರ್ಥೇನ ತು ಸೋಂಽಶೇನ ತಾನ್ಸರ್ವಾನ್ಪ್ರತ್ಯಷೇಧಯತ್।
ದ್ವಾರಾಣಿ ನಾಪಿಧೀಯಂತೇ ಪುರೇಷು ನಗರೇಷು ಚ॥ 2-48-21 (13264)
ಸ ಏವ ರಾಷ್ಟ್ರಪಾಲೋಽಭೂತ್ಸ್ರೀಪಾಲೋಽಭವದರ್ಜುನಃ।
ಸ ಏವಾಸೀದ್ಜಾಪಾಲಃ ಸಃ ಗೋಪಾಲೋ ವಿಶಾಂಪತೇ॥ 2-48-22 (13265)
ಶತಂ ವರ್ಷಸಹಸ್ರಾಣಾಮನುಶಿಷ್ಯಾರ್ಜುನೋ ಮಹೀಂ।
ದತ್ತಾತ್ರೇಯಪ್ರಸಾದೇನ ಏವಂ ರಾಜ್ಯಂ ಚಕಾರ ಸಃ॥ 2-48-23 (13266)
ಏವಂ ಬಹೂನಿ ಕರ್ಮಾಣಿ ಚಕ್ರೇ ಲೋಕಹಿತಾಯ ಸಃ॥
ದತ್ತಾತ್ರೇಯ ಇತಿ ಖ್ಯಾತಃ ಪ್ರಾದುರ್ಭಾವೋ ಹ್ಯಯಂ ಹರೇಃ।
ಕಥಿತೋ ಭರತಶ್ರೇಷ್ಟ ಶೃಣು ಭೂಯೋ ಮಹಾತ್ಮನಃ॥ ॥ 2-48-24 (13267)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅರ್ಘಾಹರಣಪರ್ವಣಿ ಅಷ್ಟಚತತ್ವಾರಿಂಶೋಽಧ್ಯಾಯಃ॥ 48 ॥
ಸಭಾಪರ್ವ - ಅಧ್ಯಾಯ 049
॥ ಶ್ರೀಃ ॥
2.49. ಅಧ್ಯಾಯಃ 049
Mahabharata - Sabha Parva - Chapter Topics
ಶ್ರೀಹರೇರ್ಜಮದಗ್ನಿಗೃಹೇ ರಾಮನಾಂನಾಽವತರಣಂ॥ 1॥ ಪರಶುರಾಮೇಣ ಕಾರ್ತವೀರ್ಯಾರ್ಜುನಹನನಂ॥ 2॥। ತ್ರಿಸ್ಸಪ್ತಕೃತ್ವಃ ಕ್ಷತ್ರಿಯಾನ್ನಿಹತ್ಯ ತದ್ರಕ್ತಜಲೈಃ ಸ್ವಪಿತೄಣಾಂ ತರ್ಪಣಂ॥3॥ ಕಾಶ್ಯಪಾಯಾಖಂಡಭೂಮಂಡಲಂ ದತ್ತ್ವಾ ಸಾಲ್ವೇನಾಯೋಧನೇ ಕುಮಾರೀಣಾಂ ವಾಣ್ಯಾ ತಂ ವಿಸೃಜ್ಯ ಶಸ್ತ್ರನ್ಯಾಸಪೂರ್ವಕಂ ತಪಶ್ಚರಣಂ॥ 4॥Mahabharata - Sabha Parva - Chapter Text
ಭೀಷ್ಮ ಉವಾಚ॥
ತಥಾ ಭೃಗುಕುಲೇ ಜನ್ಮ ಯದರ್ಥಂ ಚ ಮಹಾತ್ಮನಃ।
ಜಾಮದಗ್ನ್ಯ ಇತಿ ಖ್ಯಾತಃ ಪ್ರಾದುರ್ಭಾವಶ್ಚ ವೈಷ್ಣವಃ॥ 2-49-1 (13268)
ಜಮದಗ್ನಿಸುತೋ ರಾಜಂತ್ರಾಮೋ ನಾಮ ಸ ವೀರ್ಯವಾನ್।
ಹೇಹಯಾಂತಕರೋ ರಾಜನ್ಸ ರಾಮೋ ಬಲಿನಾಂ ವರಃ॥ 2-49-2 (13269)
ಕಾರ್ತಾವೀರ್ಯೋ ಮಹಾವೀರ್ಯೋ ಬಲೇನಾಪ್ರತಿಮಸ್ತದಾ।
ರಾಮೇಣ ಜಾಮದಗ್ನ್ಯೇನ ಹತೋ ವಿಷಮಮಾಚರನ್॥ 2-49-3 (13270)
ತಂ ಕಾರ್ತವೀರ್ಯಂ ರಾಜಾನಂ ಹೇಹಯಾನಾಮರಿಂದಮಂ।
ರಥಸ್ಥಂ ಪಾರ್ಥಿವಂ ರಾಮಃ ಪಾತಯಿತ್ವಾಽವಧೀದ್ರಣೇ॥ 2-49-4 (13271)
ಜಂಭಸ್ಯ ಯಜ್ಞಂ ಹತ್ವಾ ಸ ಋತ್ವಿಜಶ್ಚೈವ ಸಂಸ್ತರೇ।
ಜಂಭಸ್ಯ ಮೂರ್ಧ್ನಿ ಭೇತ್ತಾ ಚ ಹಂತಾ ಚ ಶತದುಂದುಭೇಃ॥ 2-49-5 (13272)
ಸ ಏಷ ಕೃಷ್ಣೋ ಗೋವಿಂದೋ ಜಾತೋ ಭೃಗುಷು ವೀರ್ಯವಾನ್।
ಸಹಸ್ರಬಾಹುಮುದ್ಧರ್ತುಂ ಸಹಸ್ರಜಿತಮಾಹವೇ॥ 2-49-6 (13273)
ಕ್ಷತ್ರಿಯಾಣಾಂ ಚತುಷ್ಪಷ್ಟಿಮಯುತಾನಿ ಮಹಾಯಶಾಃ।
ಸರಸ್ವತ್ಯಾಂ ಸಮೇತಾನಿ ಏಷ ವೈ ಧನುಷಾಽಜಯತ್॥ 2-49-7 (13274)
ಬ್ರಹ್ಮದ್ವಿಷಾಂ ಧೇ ತಸ್ಮಿನ್ಮಹಸ್ರಾಣಿ ಚತುರ್ದಶ।
ಪುನರ್ಜಘಾನ ಶೂರಾಣಾಮತಿಕ್ರೂರೋ ರಥರ್ಷಭಃ॥ 2-49-8 (13275)
ತತೋ ರಾಜ್ಞಾಂ ಸಹಸ್ರಂ ಸ ಭಂಕ್ತಾ ಪೂರ್ವಮರಿಂದಮಃ।
ಸಹಸ್ರಂ ಮುಸಲೇನಾಹನ್ಸಹಸ್ರಮುದಕೃಂತತ॥ 2-49-9 (13276)
ಚತುರ್ದಶಸಹಸ್ರಾಣಿ ಕೃಣದೂಮಮಪಾಯಯತ್।
ಶಿಷ್ಟಾನ್ಬ್ರಹ್ಮದ್ವಿಷೋ ಜಿತ್ವಾ ತತೋಽಸ್ನಾಯತ ಭಾರ್ಗವಃ 2-49-10 (13277)
ರಾಮರಾಮೇತ್ಯಮಿಕ್ರುಷ್ಟೋ ಬ್ರಾಹ್ಮಣೈಃ ಕ್ಷತ್ರಿಯಾರ್ದಿತೈಃ।
ನಿಘ್ನಞ್ಶತಸಹಸ್ರಾಣಿ ರಾಮಃ ಪರಶುನಾಭಿಭೂಃ॥ 2-49-11 (13278)
ನ ಹ್ಯಮೃಷ್ಯತ ತಾಂ ವಾಚಮಾರ್ತೈರ್ಭೃಶಮುದೀರಿತಾಂ।
ಭೃಗೋ ರಾಮಾಭಿಧಾವೇತಿ ಯದಾಽಕ್ರಂದಂದ್ವಿಜಾತಯಃ॥ 2-49-12 (13279)
ಕಾಶ್ಮೀರಾಂದರದಾನ್ಕುಂತೀನ್ಕ್ಷುದ್ರಕಾನ್ಮಾಲವಾಂಛವಾನ್।
ಚೇದಿಕಾಶಿಕರೂಶಾಂಶ್ಚ ಋಷಿಕಾನ್ಕ್ರಥಕೈಶಿಕಾನ್॥ 2-49-13 (13280)
ಅಂಗಾನ್ವಂಗಾನ್ಕಲಿಂಗಾಂಶ್ಚ ಮಾಗಧಾನ್ಕಾಶಿಕೋಸಲಾನ್।
ರಾತ್ರಾಯಣಾನ್ವೀತಿಹೋತ್ರಾನ್ಕಿರಾತಾನ್ಕಾರ್ತಿಕಾವತಾನ್॥ 2-49-14 (13281)
ಏತಾನನ್ಯಾಂಶ್ಚ ರಾಜನ್ಯಾಂದೇಶೇದೇಶೇ ಸಹಸ್ರಶಃ।
ನಿಕೃತ್ಯ ನಿಶಿತೈರ್ಬಾಣೈಃ ಸಂಪ್ರದಾಯ ವಿವಸ್ವತೇ॥ 2-49-15 (13282)
ಕೀರ್ಣಾ ಕ್ಷತ್ರಿಯಕೋಟೀಭಿರ್ಮೇರುಮಂದರಭೂಷಣಾ।
ತ್ರಿಃ ಸಪ್ತಕೃತ್ವಃ ಪೃಥಿವೀ ತೇನ ನಿಃಕ್ಷತ್ರಿಯಾ ಕೃತಾ॥ 2-49-16 (13283)
ಕೃತ್ವಾ ನಿಃಕ್ಷತ್ರಿಯಾಂ ಚೈವ ಭಾರ್ಗವಃ ಸ ಮಹಾಯಶಾಃ।
ಇಂದ್ರಗೋಪಕವರ್ಣಸ್ಯ ಜೀವಂಜೀವನಿಭಸ್ಯ ಚ॥ 2-49-17 (13284)
ಪೂರಯಿತ್ವಾ ಚ ಸರಿತಃ ಕ್ಷತಜಸ್ಯ ಸರಾಂಸಿ ಚ।
ಚಕಾರ ತರ್ಪಣಂ ವೀರಃ ಪಿತೄಣಾಂ ತಾಸು ತೇಷು ಚ॥ 2-49-18 (13285)
ಸರ್ವಾನಷ್ಟಾದಶ ದ್ವೀಪಾನ್ವಶಮಾನೀಯ ಭಾರ್ಗವಃ।
ಸೋಽಶ್ವಮೇಧಸಹಸ್ರಾಣಿ ನರಮೇಧಶತಾನಿ ಚ॥ 2-49-19 (13286)
ಇಷ್ಟ್ವಾ ಸಾಗರಪರ್ಯಂತಾಂ ಕಾಶ್ಯಪಾಯ ಮಹೀಂ ದದೌ।
ತಸ್ಯಾಗ್ರೇಣಾನುಪರ್ಯೇತಿ ಭೂಮಿಂ ಕೃತ್ವಾ ವಿಪಾಂಸುಲಾಂ॥ 2-49-20 (13287)
ತತಃ ಕಾಲಕೃತಾಂ ಸತ್ಯಾಂ ಭಾರ್ಗವಾಯ ಮಹಾತ್ಮನೇ।
ಗಾಧಾಮಪ್ಯತ್ರ ಗಾಯಂತಿ ಯೇ ಪುರಾಣವಿದೋ ಜನಾಃ॥ 2-49-21 (13288)
ವೇದಿಮಷ್ಟಾದಶೋತ್ಸೇಧಾಂ ಹಿರಣ್ಯಸ್ಯಾತಿಪೌರುಷೀಂ।
ರಾಮೇಣ ಜಾಮದಗ್ನ್ಯೇನ ಪ್ರತಿಜಗ್ರಾಹ ಕಾಶ್ಯಪಃ॥ 2-49-22 (13289)
ಏವಮಿಷ್ಟ್ವಾ ಮಹಾಬಾಹುಃ ಕ್ರತುಭಿರ್ಭೂರಿದಕ್ಷಿಣೈಃ।
ಅನ್ಯದ್ವರ್ಷಶತಂ ರಾಮಃ ಸೌಭೇ ಸಾಲ್ವಮಯೋಧಯತ್॥ 2-49-23 (13290)
ತತಃ ಸ ಭೃಗುಶಾರ್ದೂಲಸ್ತಂ ಸೌಭಂ ಯೋಧಯನ್ಪ್ರಭುಃ।
ಸುಬಂಧುರಂ ರಥಂ ರಾಜನ್ನಾಸ್ಥಾಯ ಭರತರ್ಷಭ॥ 2-49-24 (13291)
ನಗ್ನಿಕಾನಾಂ ಕುಮಾರೀಣಾಂ ಗಾಯಂತೀನಾಮುಪಾಶೃಣೋತ್।
ರಾಮರಾಮ ಮಹಾಬಾಹೋ ಭೃಗೂಣಾಂ ಕೀರ್ತಿವರ್ಧನ॥ 2-49-25 (13292)
ತ್ಯಜ ಶಸ್ತ್ರಾಣಿ ಸರ್ವಾಣಿ ನ ತ್ವಂ ಸೌಭಂ ವಧಿಷ್ಯಸಿ।
ಶಂಖಚಕ್ರಗದಾಪಾಣಿರ್ದೇವಾನಾಮಭಯಂಗರಃ॥ 2-49-26 (13293)
ಯುಧಿ ಪ್ರದ್ಯುಂನಸಾಂಬಾಭ್ಯಾಂ ಕೃಷ್ಣಃ ಸೌಭಂ ವಧಿಷ್ಯತಿ।
ತಚ್ಛ್ರುತ್ವಾ ಪುರುಷವ್ಯಾಘ್ರಸ್ತತ ಏವ ವನಂ ಯಯೌ॥ 2-49-27 (13294)
ನ್ಯಸ್ಯ ಸರ್ವಾಣಿ ಶಸ್ತ್ರಾಣಿ ಕಾಲಕಾಂಕ್ಷೀ ಮಹಾಯಶಾಃ।
ರಥಂ ಸರ್ವಾಯುಧಂ ಚೈವ ಶರಾನ್ಪರಶುಮೇವ ಚ॥ 2-49-28 (13295)
ಧನೂಂಷ್ಯಪ್ಸು ಪ್ರತಿಷ್ಠಾಪ್ಯ ರಾಮಸ್ತೇಪೇ ಪರಂ ತಪಃ।
ಹ್ರಿಯಂ ಪ್ರಜ್ಞಾಂ ಶ್ರಿಯಂ ಕೀರ್ತಿಂ ಲಕ್ಷ್ಮೀಂ ಚಾಮಿತ್ರಕರ್ಶನಃ॥ 2-49-29 (13296)
ಪಂಚಾಧಿಷ್ಠಾಯ ಧರ್ಮಾತ್ಮಾ ತಂ ರಥಂ ವಿಸಸರ್ಜ ಹ।
ಆದಿಕಾಲೇ ಪ್ರವೃತ್ತಂ ತು ವ್ಯಭಜತ್ಕರಮೀಶ್ವರಃ॥ 2-49-30 (13297)
ನಾಘ್ನತಂ ಶ್ರದ್ಧಯಾ ಸೌಭಂ ನ ಹ್ಯಶಕ್ತೋ ಮಹಾಯಶಾಃ।
ಜಾಮದಗ್ನ್ಯ ಇತಿ ಖ್ಯಾತೋ ಯಸ್ತ್ವಯಂ ಭಗವಾನುಪಿಃ। 2-49-31 (13298)
ಸೋಽಸ್ಯ ಭಾಗಸ್ತಪಸ್ತೇಪೇ ಭಾರ್ಗವೋ ಲೋಕವಿಶ್ರುತಃ॥ ॥ 2-49-32 (13299)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅರ್ಘಾಹರಣಪರ್ವಣಿ ಏಕೋನಪಂಚಾಶೋಽಧ್ಯಾಯಃ॥ 49॥
ಸಭಾಪರ್ವ - ಅಧ್ಯಾಯ 050
॥ ಶ್ರೀಃ ॥
2.50. ಅಧ್ಯಾಯಃ 050
Mahabharata - Sabha Parva - Chapter Topics
ಶ್ರೀವಿಷ್ಣೋರ್ದಶರಥಗೃಹೇ ರಾಮತ್ವೇನಾವತಾರಃ॥ 1॥ ವಿಶ್ವಾಮಿತ್ರೇಣ ಸ್ವಾಶ್ರಮಂ ನೀತೇನ ಸಲಕ್ಷ್ಮಣೇನ ರಾಮೇಣ ಸುಬಾಹ್ವಾದಿಹನನಂ॥ 2॥ ಸೀತಾಮುದೂಹ್ಯ ನಿಜನಗರಮೇತ್ಯ ಪಿತೃನಿದೇಶೇನ ಸೀತಾಲಕ್ಷ್ಮಣಾಭ್ಯಾಂ ಸಹ ವನಂ ಗತೇನ ರಾಮೇಣ ಸ್ವರದೂಷಣಾದಿಹನನಂ॥ 3॥ ಸೀತಾವಿಯೋಗಿನಃ ಸುಗ್ರೀವೇಣ ಸಖ್ಯಮೇತ್ಯ ವಾಲಿನಂ ಸಂಹೃತವತೋ ರಾಮಸ್ಯ ಹನುಮದ್ವಚನೇನ ಲಂಕ ಾಗಮನಂ॥ 4॥ ರಾವಣಾದೀನ್ನಿಹತ್ಯ ಸೀತಾಪ್ರಮುಖೈಃ ಸಹಾಯೋಧ್ಯಾಂ ಗತೇನ ರಾಮೇಣ ಲವಣಾಸುರಂ ಶತ್ರುಘ್ನೇನ ಘ ಾತಯಿತ್ವಾ ಪ್ರಜಾಪಾಲನಂ॥ 5॥ ಸಂಗ್ರಹೇಣ ಶ್ರೀಕೃಷ್ಣಚರಿತ್ರನಿರೂಪಣಂ ಕಲ್ಕ್ಯವತಾರಕಥನಂ ಚ॥ 6॥Mahabharata - Sabha Parva - Chapter Text
ಭೀಷ್ಮ ಉವಾಚ॥
ಶೃಣು ರಾಜಂಸ್ತತೋ ವಿಷ್ಣೋಃ ಪ್ರಾದುರ್ಭಾವಂ ಮಹಾತ್ಮನಃ।
ಅಷ್ಟಾವಿಂಶೇ ಯುಗೇ ಚಾಪಿ ಮಾರ್ಕಂಡೇಯಪುರಃ ಸರಃ॥ 2-50-1 (13300)
ತಿಥೌ ನಾವಮಿಕೇ ಜಜ್ಞೇ ತಥಾ ದಶರಥಾದಪಿ।
ಕೃತ್ವಾಽಽತ್ಮಾನಂ ಮಹಾಬಾಹುಶ್ಚತುರ್ಧಾ ವಿಷ್ಣುರವ್ಯಯಃ॥ 2-50-2 (13301)
ಲೋಕೇ ರಾಮ ಇತಿ ಖ್ಯಾತಸ್ತೇಜಸಾ ಭಾಸ್ಕರೋಪಮಃ।
ಪ್ರಸಾದನಾರ್ಥಂ ಲೋಕಸ್ಯ ವಿಷ್ಣುಸ್ತತ್ರ ಸನಾತನಃ॥ 2-50-3 (13302)
ಧರ್ಮಾರ್ಥಮೇವ ಕೌಂತೇಯ ಜಜ್ಞೇ ತತ್ರ ಮಹಾಯಶಾಃ।
ತಮಪ್ಯಾಹುರ್ಮನುಷ್ಯೇಂದ್ರಂ ಸರ್ವಭೂತಪತೇಸ್ತನುಂ॥ 2-50-4 (13303)
ಯಜ್ಞವಿಘ್ನಕರಸ್ತತ್ರ ವಿಶ್ವಾಮಿತ್ರಸ್ಯ ಭಾರತ।
ಸುಬಾಹುರ್ನಿಹತಸ್ತೇನ ಮಾರೀಚಸ್ತಾಡಿತೋ ಭೃಶಂ॥ 2-50-5 (13304)
ತಸ್ಮೈ ದತ್ತಾನಿ ಚಾಸ್ರಾಣಿ ವಿಶ್ವಮಿತ್ರೇಣ ಧೀಮತಾ।
ವಧಾರ್ಥಂ ಸರ್ವಶತ್ರೂಣಾಂ ದುರ್ವಾರಾಣಿ ಸುರೈರಪಿ॥ 2-50-6 (13305)
ವರ್ತಮಾನೇ ಮಹಾಯಜ್ಞೇ ಜನಕಸ್ಯ ಮಹಾತ್ಮನಃ।
ಭಗ್ನಂ ಮಾಹೇಶ್ವರಂ ಚಾಪಂ ಕ್ರೀಡತಾ ಲೀಲಯಾ ಭೃಶಂ॥ 2-50-7 (13306)
ತತಸ್ತು ಸೀತಾಂ ಜಗ್ರಾಹ ಭಾರ್ಯಾರ್ಥೇ ಜಾನಕೀಂ ವಿಭುಃ।
ನಗರೀಂ ಪುನರಾಸಾದ್ಯ ಮುಮುದೇ ತತ್ರ ಸೀತಯಾ॥ 2-50-8 (13307)
ಕಸ್ಯಚಿತ್ತ್ವಥ ಕಾಲಸ್ಯ ಪಿತ್ರಾ ತತ್ರಾಭಿಚೋದಿತಃ।
ಕೈಕೇಯ್ಯಾಃ ಪ್ರಿಯಮನ್ವಿಚ್ಛನ್ವನಮಭ್ಯವಪದ್ಯತ॥ 2-50-9 (13308)
ಯಃ ಸಮಾಃ ಸರ್ವಧರ್ಮಜ್ಞಶ್ಚತುರ್ದಶ ವನೇ ವಸನ।
ಲಕ್ಷ್ಮಣಾನುಚರೋ ರಾಮಃ ಸರ್ವಭೂತಹಿತೇ ರತಃ॥ 2-50-10 (13309)
ಚತುರ್ದಶ ವನೇ ತೀರ್ತ್ವಾ ತದಾ ವರ್ಷಾಣಿ ಭಾರತ।
ರೂಪಿಣೀ ಯಸ್ಯ ಪಾರ್ಶ್ವಸ್ಥಾ ಸೀತೇತ್ಯಭಿಹಿತಾ ಜನೈಃ॥ 2-50-11 (13310)
ಪೂರ್ವೋಚಿತತ್ವಾತ್ಸಾ ಲಕ್ಷ್ಮೀರ್ಭರ್ತಾರಮನುಶೋಚತಿ।
ಜನಸ್ಥಾನೇ ವಸನ್ಕಾರ್ಯಂ ತ್ರಿದಶಾನಾಂ ಚಕಾರ ಸಃ॥ 2-50-12 (13311)
ಮಾರೀಚಂ ದೂಷಣಂ ಹುತ್ವಾ ಖರಂ ತ್ರಿಶಿರಸಂ ತಥಾ।
ಚತುರ್ದಶ ಸಹಸ್ರಾಣಿ ರಕ್ಷಸಾಂ ಘೋರಕರ್ಮಣಾಂ॥ 2-50-13 (13312)
ಜಘಾನ ರಾಮೋ ಧರ್ಮಾತ್ಮಾ ಪ್ರಜಾನಾಂ ಹಿತಕಾಂಯಯ।
ವಿರಾಧಂ ಚ ಕಬಂಧಂ ಚ ರಾಕ್ಷಸೌ ಘೋರಕರ್ಮಿಣೌ॥ 2-50-14 (13313)
ಜಘಾನ ಚ ತದಾ ರಾಮೋ ಗಂಧರ್ವೌ ಶಾಷವಿಕ್ಷತೌ।
ಸ ರಾವಣಸ್ಯ ಭಗಿನೀನಾಸಾಚ್ಛೇದಮಕಾರಯತ್॥ 2-50-15 (13314)
ಭಾರ್ಯಾವಿಯೋಗಂ ತಂ ಪ್ರಾಪ್ಯ ಮೃಗಯನ್ವ್ಯಚರದ್ವನಂ।
ಸ ತಸ್ಮಾದೃಶ್ಯಮೂಕಂ ತು ಗತ್ವಾ ಪಂಪಾಮತೀತ್ಯ ಚ॥ 2-50-16 (13315)
ಸುಗ್ರೀವಂ ಮಾರುತಿಂ ದೃಷ್ಟ್ವಾ ಚಕ್ರೇ ಮೈತ್ರೀಂ ತಯೋಃ ಸ ವೈ।
ಅಥ ಗತ್ವಾ ಸ ಕಿಷ್ಕಿಂಧಾಂ ಸುಗ್ರೀವೇಣ ತದಾ ಸಹ॥ 2-50-17 (13316)
ನಿಹತ್ಯ ವಾಲಿನಂ ಯುದ್ಧೇ ವಾನರೇದ್ರಂ ಮಹಾಬಲಂ।
ಅಭ್ಯಪಿಂಚತ್ತದಾ ರಾಮಃ ಸುಗ್ರೀವಂ ವಾನರೇಶ್ವರಂ॥ 2-50-18 (13317)
ತತಃ ಸ ವೀರ್ಯವಾನ್ರಾಜಂಸ್ತ್ವರಯಾ ವೈ ಸಮುತ್ಸುಕಃ।
ವಿಚಿತ್ಯ ವಾಯುಪುತ್ರೇಣ ಲಂಕಾದೇಶಂ ನಿವೇದಿತಃ॥ 2-50-19 (13318)
ಮೇತುಂ ವದ್ಧ್ವಾ ಸಮುದ್ರಸ್ಯ ವಾನರೈಃ ಸ ಸಮುತ್ಸುಕಃ।
ಸೀತಾಯಾಃ ಪದಮನ್ವಿಚ್ಛನ್ರಾಮೋ ಲಂಕಾಂ ವಿವೇಶ ವೈ॥ 2-50-20 (13319)
ದೇವೋರಗಗಣಾನಾಂ ಹಿ ಯಕ್ಷರಾಕ್ಷಸಪಕ್ಷಿಣಾಂ।
ತತ್ರಾವದ್ಯಂ ರಾಕ್ಷಸೇಂದ್ರಂ ರಾವಣಂ ಯುಧಿ ದುರ್ಜಯಂ॥ 2-50-21 (13320)
ಯುಕ್ತಂ ರಾಕ್ಷಸಕೋಟೀಭಿರ್ಭಿನ್ನಾಂಜನಚಯೋಪಮಂ।
ದುರ್ನಿರೀಕ್ಷ್ಯಂ ಸುರಗಣೈರ್ವರದಾನೇನ ದರ್ಪಿತಂ॥ 2-50-22 (13321)
ಜಘಾನ ಸಚಿವೈಃ ಸಾರ್ಧಂ ಸಾನ್ವಯಂ ರಾವಣಂ ರಣೇ॥ 2-50-23 (13322)
ತ್ರೈಲೋಕ್ಯಕಂಟಕಂ ವೀರಂ ಮಹಾಕಾಯಂ ಮಹಾಬಲಂ।
ರಾವಮಂ ಸಗಣಂ ಹತ್ವಾ ರಾಮೋ ಭೂತಪತಿಃ ಪುರಾ॥ 2-50-24 (13323)
ಲಂಕಾಯಾಂ ತಂ ಮಹಾತ್ಮಾನಂ ರಾಕ್ಷಸೇಂದ್ರಂ ವಿಭೀಷಣಂ।
ಅಭಿಷಿಚ್ಯ ತತೋ ರಾಮ ಅಮರತ್ವಂ ದದೌ ತದಾ॥ 2-50-25 (13324)
ಆರುಹ್ಯ ಪುಷ್ಪಕಂ ರಾಮಃ ಸೀತಾಮಾದಾಯ ಪಾಂಡವ।
ಸಬಲಂ ಸ್ವಪುರಂ ಗತ್ವಾ ಧರ್ಮರಾಜ್ಯಮಪಾಲಯತ್॥ 2-50-26 (13325)
ದಾನವೋ ಲವಣೋ ನಾಮ ಮಧೋಃ ಪುತ್ರೋ ಮಹಾಬಲಃ।
ಶತ್ರುಘ್ನೇನ ಹತೋ ರಾಜಂಸ್ತದಾ ರಾಮಸ್ಯ ಶಾಸನಾತ್॥ 2-50-27 (13326)
ಏವಂ ಬಹೂನಿ ಕರ್ಮಾಣಿ ಕೃತ್ವಾ ಲೋಕಹಿತಾಯ ಸಃ।
ರಾಜಂ ಚಕಾರ ವಿಧಿವದ್ರಾಮೋ ಧರ್ಮಭೃತಾಂ ವರಃ॥ 2-50-28 (13327)
ಶತಾಶ್ವಮೇಧಾನಾಜಹ್ರೇ ಜ್ಯೋತಿರುಕ್ಥ್ಯಾನ್ನಿರರ್ಗಲಾನ್।
ನಾಶ್ರೂಯಂತಾಶುಭಾ ವಾಚೋ ನಾತ್ಯಯಃ ಪ್ರಾಣಿನಾಂ ತದಾ। 2-50-29 (13328)
ನ ದಸ್ಯುಜಂ ಭಯಂ ಚಾಸೀದ್ರಾಮೇ ರಾಜ್ಯಂ ಪ್ರಶಸತಿ।
ಋಷೀಣಾಂ ದೇವತಾನಾಂ ಚ ಮನುಷ್ಯಾಣಾಂ ತಥೈವ ಚ॥ 2-50-30 (13329)
ಪೃಥಿವ್ಯಾಂ ಧಾರ್ಮಿಕಾಃ ಸರ್ವೇ ರಾಮೇ ರಾಜ್ಯಂ ಪ್ರಶಾಸತಿ।
ನಾಧರ್ಮಿಷ್ಠೋ ನರಃ ಕಶ್ಚಿದ್ಬಭೂವ ಪ್ರಾಣಿನಾಂ ಕ್ವಚಿತ್॥ 2-50-31 (13330)
ಪ್ರಾಣಾಪಾನೌ ಸಮೌ ಹ್ಯಾಸ್ತಾಂ ರಾಮೇ ರಾಜ್ಯಂ ಪ್ರಶಾಸತಿ।
ಗಾಧಾಮಪ್ಯತ್ರ ಗಾಯಂತಿ ಯೇ ಪುರಾಣವಿದೋ ಜನಾಃ॥ 2-50-32 (13331)
ಶ್ಯಾಮೋ ಯುವಾ ಲೋಹಿತಾಕ್ಷೋ ಮಾತಂಗಾನಾಮಿವರ್ಷಭಃ।
ಆಜಾನುಬಾಹುಃ ಸುಮುಖಃ ಸಿಂಹಸ್ಕಂಧೋ ಮಹಾಬಲಃ॥ 2-50-33 (13332)
ದಶವರ್ಷಸಹಸ್ರಾಣಿ ದಶವರ್ಷಶತಾನಿ ಚ।
ರಾಜ್ಯಂ ಭೋಗಂ ಚ ಸಂಪ್ರಾಪ್ಯ ಶಶಾಸ ಪೃಥಿವೀಮಿಮಾಂ॥ 2-50-34 (13333)
ರಾಮೋ ರಾಮೋ ರಾಮ ಇತಿ ಪ್ರಾಜಾನಾಮಭವನ್ಕಥಾಃ।
ರಾಮಭೂತಂ ಜಗದಿದಂ ರಾಮೇ ರಾಜ್ಯಂ ಪ್ರಶಾಸತಿ॥ 2-50-35 (13334)
ಋಗ್ಯಜುಃ ಸಾಮಹೀನಾಶ್ಚ ನ ತದಾಽಸಂದ್ವಿಜಾಯಃ।
ಉಷಿತ್ವಾ ದಂಡಕೇ ಕಾರ್ಯಂ ತ್ರಿದಶಾನಾಂ ಚಕಾರ ಸಃ॥ 2-50-36 (13335)
ಪೂರ್ವಾಪಕಾರಿಣಂ ತಂ ತು ಪೌಲಸ್ತ್ಯಂ ಮನುಜರ್ಷಭಂ।
ದೇವಗಂಧರ್ವನಾಗಾನಾಮರಿಂ ಸ ನಿಜಘಾನಹ॥ 2-50-37 (13336)
ಸತ್ವವಾನ್ಗುಣಸಂಪನ್ನೋ ದೀಪ್ಯಮಾನಃ ಸ್ವತೇಜಸಾ।
ಏವಮೇವ ಮಹಾಬಾಹುರಿಕ್ಷ್ವಾಕುಕುಲವರ್ಧನಃ॥ 2-50-38 (13337)
ರಾವಣಂ ಸಗಣಂ ಹತ್ವಾ ದಿವಮಾಕ್ರಮತಾಭಿಭೂಃ।
ಇತಿ ದಾಶರಥೇಃ ಖ್ಯಾತಃ ಪ್ರಾದುರ್ಭಾವೋ ಮಹಾತ್ಮನಃ॥ 2-50-39 (13338)
ತತಃ ಕೃಷ್ಣೋ ಮಹಾಬಾಹುರ್ಭೀತಾನಾಮಭಯಂಕರಃ।
ಅಷ್ಟಾವಿಂಶೇ ಯುಗೇ ರಾಜಂಜಜ್ಞೇ ಶ್ರೀವತ್ಸಲಕ್ಷಣಃ॥ 2-50-40 (13339)
ಪೇಶಲಶ್ಚ ವದಾನ್ಯಶ್ಚಲೋಕೇ ಬಹುಮತೋ ನೃಷು।
ಸ್ಮೃತಿಮಾಂದೇಶಕಾಲಜ್ಞಃ ಶಂಖಚಕ್ರಗದಾಸಿಭೃತ್॥ 2-50-41 (13340)
ವಾಸುದೇವ ಇತಿ ಖ್ಯಾತೋ ಲೋಕಾನಾಂ ಹಿತಕೃತ್ಸದಾ।
ವೃಷ್ಣೀನಾಂ ಚ ಕುಲೇ ಜಾತೋ ಭೂಮೇಃ ಪ್ರಿಯಚಿಕೀರ್ಷಯಾ॥ 2-50-42 (13341)
ಶತ್ರೂಣಾಂ ಭಯಕೃದ್ದಾತಾ ಮಧುಹೇತಿ ಸ ವಿಶ್ರುತಃ।
ಶಕಟಾರ್ಜುನರಾಮಾಣಾಂ ಕೀಲಸ್ಥಾನಾನ್ಯಸೂದಯತ್॥ 2-50-43 (13342)
ಕಂಸಾದೀನ್ನಿಜಘಾನಾಜೌ ದೈತ್ಯಾನ್ಮಾನುಷವಿಗ್ರಹಾನ್।
ಅಯಂ ಲೋಕಹಿತಾರ್ಥಾಯ ಪ್ರಾದುರ್ಭಾವೋ ಮಹಾತ್ಮನಃ॥ 2-50-44 (13343)
ಕಲ್ಕೀ ವಿಷ್ಣುಯಶಾ ನಾಮ ಭೂಯಶ್ಚೋತ್ಪತ್ಸ್ಯತೇ ಹರಿಃ।
ಲೇರ್ಯುಗಾಂತೇ ಸಂಪ್ರಾಪ್ತೇ ಧರ್ಮೇ ಶಿಥಿಲತಾಂ ಗತೇ॥ 2-50-45 (13344)
ಪಾಷಂಡಿನಾಂ ಗಣಾನಾಂ ಹಿ ವಧಾರ್ಥಂ ಭರತರ್ಷಭ।
ಧರ್ಮಸ್ಯ ಚ ವಿವೃದ್ಧ್ಯರ್ಥಂ ವಿಪ್ರಾಣಾಂ ಹಿತಕಾಂಯಯಾ॥ 2-50-46 (13345)
ಏತೇ ಚಾನ್ಯೇ ಚ ಬಹವೋ ವಿಷ್ಣೋರ್ದೇವಗಣೈರ್ಯುತಾಃ।
ಪ್ರಾದುರ್ಭಾವಾಃ ಪುರಾಣೇಷು ಗೀಯಂತೇ ಬ್ರಹ್ಮವಾದಿಭಿಃ॥ ॥ 2-50-47 (13346)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅರ್ಘಾಹರಣಪರ್ವಣಿ ಪಂಚಾಶೋಽಧ್ಯಾಯಃ॥ 50॥
ಸಭಾಪರ್ವ - ಅಧ್ಯಾಯ 051
॥ ಶ್ರೀಃ ॥
2.51. ಅಧ್ಯಾಯಃ 051
Mahabharata - Sabha Parva - Chapter Topics
ಯುಧಿಷ್ಠಿರೇಣ ಭೀಷ್ಮಂಪ್ರತಿ ವಿಸ್ತರೇಣ ಕೃಷ್ಣಕಥಾಕಥನಪ್ರಾರ್ಥನಾ॥ 1॥ ದೇವಾಸುರಯುದ್ಧೇ ಪರಾಜಿತಾನಾಂ ದೇವಾನಾಂ ಸ್ಮರಣಮಾತ್ರಸಂನಿಹಿತೇನ ಹರಿಣಾ ದೈತ್ಯಾನಾಂ ಪರಾ ಜಯಃ॥ 2॥ ಭೂಂಯಾ ಸ್ವಭಾರಾವತರಣಂ ಪ್ರಾರ್ಥಿತೇಽಸ್ಯ ವಿಷ್ಣೋಃ ಭೂಮಾವವತಾರನಿರ್ಧಾರಣಂ॥ 3॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ಏವಮುಕ್ತೇ ತು ಕೌಂತೇಯಸ್ತತಃ ಕೌರವನಂದನಃ।
ಆಬಭಾಷೇ ಪುನರ್ಭೀಷ್ಣೇ ಧರ್ಮರಾಜೋ ಯುಧಿಷ್ಠಿರಃ॥ 2-51-1 (13347)
ಭೂಯ ಏವ ಮನುಷ್ಯೇಂದ್ರ ಉಪೇಂದ್ರಸ್ಯ ಯಶಸ್ವಿನಃ।
ಜನ್ಮ ವೃಷ್ಣಿಷು ವಿಜ್ಞಾತುಮಿಚ್ಛಾಮಿ ವದತಾಂ ವರ॥ 2-51-2 (13348)
ಯಥೈವ ಭಗವಾಂಜಾತಃ ಕ್ಷಿತಾವಿಹ ಜನಾರ್ದನಃ।
ಮಾಧವೇಷು ಮಹಾಬುದ್ಧಿಸ್ತನ್ಮೇ ಬ್ರೂಹಿ ಪಿತಾಮಹ॥ 2-51-3 (13349)
ವೈಶಂಪಾಯನ ಉವಾಚ। 2-51-4x (1477)
ಏವಮುಕ್ತಸ್ತತೋ ಭೀಷ್ಮಃ ಕೇಶವಸ್ಯ ಮಹಾತ್ಮನಃ।
ಮಾಧವೇಷು ತಥಾ ಜನ್ಮ ಕಥಯಾಮಾಸ ವೀರ್ಯವಾನ್॥ 2-51-4 (13350)
ಹಂತ ತೇ ಕಥಯಿಷ್ಯಾಮಿ ಯುಧಿಷ್ಠಿರ ಯಥಾತಥಂ।
ಯತೋ ನಾರಾಯಣಸ್ಯೇಹ ಜನ್ಮ ವೃಷ್ಣಿಷು ಕೌರವ॥ 2-51-5 (13351)
ಪುರಾ ಲೋಕೇ ಮಹಾರಾಜ ವರ್ತಮಾನೇ ಕೃತೇ ಯುಗೇ।
ಆಸೀತ್ರೈಲೋಕ್ಯವಿಖ್ಯಾತಃ ಸಂಗ್ರಾಮಸ್ತಾರಕಾಮಯಃ॥ 2-51-6 (13352)
ವಿರೋಚನೋ ಮಯಸ್ತಾರೋ ವರಾಹಃ ಶ್ವೇತ ಏವ ಚ।
ವಿಪ್ರಚಿತ್ತಿಃ ಪ್ರಲಂಬಶ್ಚ ವೃತ್ರಜಂಭಬಲಾದಯಃ॥ 2-51-7 (13353)
ನಮುಚಿಃ ಕಾಲನೇಮಿಶ್ಚ ಪ್ರಹ್ಲಾದ ಇತಿ ವಿಶ್ರುತಃ।
ಲಂಬಃ ಕಿಶೋರಃ ಸ್ವರ್ಭಾನುರರಿಷ್ಟೋ ರಾಕ್ಷಸೇಶ್ವರಃ॥ 2-51-8 (13354)
ಏತೇ ಚಾನ್ಯೇ ಚ ಬಹವೋ ದೈತ್ಯಸಂಘಾಃ ಸಹಸ್ರಶಃ।
ನಾನಾಶಸ್ತ್ರಧರಾ ರಾಜನ್ನಾನಾಭೂಷಣವಾಹನಾಃ॥ 2-51-9 (13355)
ದೇವತಾನಾಮಭಿಮುಖಾಸ್ತಸ್ಥುರ್ದೈತೇಯದಾನವಾಃ।
ದೇವಾಸ್ತು ಯುಧ್ಯಮಾನಾಸ್ತೇ ದಾನವಾನಭ್ಯಯೂ ರಣೇ॥ 2-51-10 (13356)
ಆದಿತ್ಯಾ ವಸವೋ ರುದ್ರಾಃ ಸಾಧ್ಯಾ ವಿಶ್ವೇ ಮರುದ್ಗಣಾಃ।
ಇಂದ್ರೋ ಯಮಶ್ಚ ವರುಣಶ್ಚಂದ್ರಶ್ಚೈವ ಧನೇಶ್ವರಃ॥ 2-51-11 (13357)
ಅಶ್ವಿನೌ ಚ ಮಹಾವೀರ್ಯೌ ಯೇ ಚಾನ್ಯೇ ದೇವತಾಗಣಾಃ।
ಚಕ್ರುರ್ಯುದ್ಧಂ ಮಹಾಘೋರಂ ದಾನವೈಶ್ಚ ಯಥಾಕ್ರಮಂ॥ 2-51-12 (13358)
ಯುಧ್ಯಮಾನಾಃ ಸಮೇಯುಶ್ಚ ದೇವಾ ದೈತೇಯದಾನವೈಃ।
ತದ್ಯುದ್ಧಮಭವದ್ಘೋರಂ ದೇವದಾನವಸಂಕುಲಂ॥ 2-51-13 (13359)
ತಾಭ್ಯಾಂ ಬಲಾಭ್ಯಾಂ ಸಂಜಜ್ಞೇ ತುಮುಲೋ ವಿಗ್ರಹಸ್ತದಾ।
ತೀಕ್ಷ್ಣಶಸ್ತ್ರೈಃ ಕಿರಂತೋಽಥ ಅಭ್ಯಯುರ್ದೇವದಾನವಾಃ॥ 2-51-14 (13360)
ಘ್ರಂತಿ ದೇವಾನ್ಸಗಂಧರ್ವಾನ್ಸಯಕ್ಷೋರಗಚಾರಣಾನ್।
ತೇ ವಧ್ಯಮಾನಾ ದೈತೇಯೈರ್ದೇವಸಂಘಾಸ್ತದಾ ರಣೇ॥ 2-51-15 (13361)
ತ್ರಾತಾರಂ ಮನಸಾ ಜಗ್ಮುರ್ದೇವಂ ನಾರಾಯಮಂ ಪ್ರಭುಂ।
ಏತಸ್ಮಿನ್ನಂತರೇ ತತ್ರ ಜಗಾಮ ಹರಿರೀಶ್ವರಃ॥ 2-51-16 (13362)
ದೀಪಯಂಜ್ಯೋತಿಷಾ ಭೂಮಿಂ ಶಂಖಚಕ್ರಗದಾಧರಃ।
ತಮಾಗತಂ ಸುಪರ್ಣಸ್ಥಂ ವಿಷ್ಣುಂ ಲೋಕನಮಸ್ಕೃತಂ॥ 2-51-17 (13363)
ದೃಷ್ಟ್ವಾ ಮುದಾ ಯುತಾಃ ಸರ್ವೇ ಭಯಂ ತ್ಯಕ್ತ್ವಾ ರಮೇ ಸುರಾಃ।
ಚಕ್ರುರ್ಯುದ್ಧಂ ಪುನಃ ಸರ್ವೇ ದೇವಾ ದೈತೇಯದಾನವೈಃ॥ 2-51-18 (13364)
ತದ್ಯುದ್ಧಮಭವದ್ಘೋರಮಚಿಂತ್ಯಂ ರೋಮಹರ್ಷಣಂ।
ಜಘ್ರುರ್ದೈತ್ಯಾಂತ್ರಣೇ ಘೋರಾಃ ಸರ್ವೇ ಶಕ್ರಪುರೋಗಮಾಃ॥ 2-51-19 (13365)
ತೇ ಬಾಧ್ಯಮಾನಾ ಬಿಬುಧೈರ್ದುದ್ರುವುದೈತ್ಯದಾನವಾಃ॥ 2-51-20 (13366)
ವಿದ್ರುತಾಂದಾನವಾಂದೃಷ್ಟ್ವಾ ತದಾ ಭಾರತ ಸಂಯುಗೇ।
ಕಾಲನೇಮಿರಿತಿ ಖ್ಯಾತೋ ದಾನವಃ ಪ್ರತ್ಯದೃಶ್ಯತಾ॥ 2-51-21 (13367)
ಶತ್ರುಪ್ರಹರಣೇ ಘೋರಃ ಶತಬಾಹುಃ ಶತಾನನಃ।
ಶತಶೀರ್ಷಃ ಸ್ಥಿತಃ ಶ್ರೀಮಾಂಛತಶೃಂಗಂ ಇವಾಚಲಃ॥ 2-51-22 (13368)
ಭಾಸ್ಕರಾಕಾರಮುಕುಟಃ ಶಿಂಜಿತಾಭರಣಾಂಗದಃ।
ಧೂಂರಕೇತುರ್ಹರಿಶ್ಮಶ್ರುರ್ನಿರ್ದಷ್ಟೋಷ್ಠಪುಟಾನನಃ॥ 2-51-23 (13369)
ತ್ರೈಲೋಕ್ಯಾಂತರವಿಸ್ತಾರಂ ಧಾರಯನ್ವಿಪುಲಂ ವಪುಃ।
ತರ್ಜಯನ್ವೈ ರಣೇ ದೇವಾಂಛಾದಯನ್ವೈ ದಿಶೋ ದಶ॥ 2-51-24 (13370)
ಅಭ್ಯಧಾವತ್ಸುಸಂಕ್ರುದ್ಧೋ ವ್ಯಾದಿತಾಸ್ಯ ಇವಾಂತಕಃ।
ತತ್ರ ಶಸ್ತ್ರಪ್ರತಾನೈಶ್ಚ ದೇವಾಂಧರ್ಷಿತವಾಂತ್ರಣೇ॥ 2-51-25 (13371)
ಅಭ್ಯಾಯಯುಃ ಸುರಾನ್ಸರ್ವಾನ್ಪುನಸ್ತೇ ದೈತ್ಯದಾನವಾಃ।
ಆಪೀಡಯಂತ್ರಣೇ ಕ್ರುದ್ಧಾಸ್ತತೋ ದೇವಾನ್ಯುಧಿಷ್ಠಿರ॥ 2-51-26 (13372)
ತೇ ವಧ್ಯಮಾನಾ ವಿಬುಧಾಃ ಸಮರೇ ಕಾಲನೇಮಿನಾ।
ದೈತ್ಯೈಶ್ಚೈವ ಮಹಾರಾಜ ದುದ್ರುವುಸ್ತೇ ದಿಶೋ ದಶ॥ 2-51-27 (13373)
ವಿಬುಧಾನ್ವಿದ್ರುತಾಂದೃಷ್ಟ್ವಾ ಕಾಲನೇಮಿರ್ಮಹಾ।ಞಸುರಃ।
ಇಂದ್ರಂ ಯಮಂ ಚ ವರುಣಂ ವಾಯುಂ ಚ ಧನದಂ ರವಿಂ॥ 2-51-28 (13374)
ಏತಾಂಶ್ಚಾನ್ಯಾನ್ಬಲಾಂಜಿತ್ವಾ ತೇಷಾಂ ಕಾರ್ಯಾಣ್ಯವಾಪ ಸಃ।
ತಾನ್ಸರ್ವಾನ್ಸಹಸಾ ಜಿತ್ವಾ ಕಾಲನೇಮಿರ್ಮಹಾಸುರಃ॥ 2-51-29 (13375)
ದದರ್ಶ ಗಗನೇ ವಿಷ್ಣುಂ ಸುಪರ್ಣಸ್ಥಂ ಮಹಾದ್ಯುತಿಂ।
ತಂ ದೃಷ್ಟ್ವಾ ಕ್ರೋಧತಾಂರಾಕ್ಷಸ್ತರ್ಜಯನ್ನಭ್ಯಯಾತ್ತದಾ॥ 2-51-30 (13376)
ಸ ಬಾಹುಶತಮುದ್ಯಂಯ ಸರ್ವಾಸ್ತ್ರಗ್ರಹಣಂ ರಣೇ।
ರೋಷಾದ್ಭಾರತ ದೈತ್ಯೇಂದ್ರೋ ವಿಷ್ಣೋರುರಸಿ ಪಾತಯತ್॥ 2-51-31 (13377)
ದೈತ್ಯಾಶ್ಚ ದಾನವಾಶ್ಚೈವ ಸರ್ವೇ ಮಯಪುರೋಗಮಾಃ।
ಸ್ವಾನ್ಯಾಯುಧಾನಿ ಸಂಗೃಹ್ಯ ಸರ್ವೇ ವಿಷ್ಣುಮುಪಾದ್ರವನ್॥ 2-51-32 (13378)
ಸ ತಾಡ್ಯಮಾನೋ।ಞತಿಬಲೈರ್ದೈತ್ಯೈಃ ಸರ್ವಾಯುಘೋದ್ಯತೈಃ।
ನ ಚಚಾಲ ಹರಿರ್ಯುದ್ಧೇಽಕಂಪಮಾನ ಇವಾಚಲಃ॥ 2-51-33 (13379)
ಪುನರುದ್ಯಂಯ ಸಂಕ್ರುದ್ಧಃ ಕಾಲನೇಮಿರ್ದೃಢಾಂ ಗದಾಂ।
ಜಘಾನ ಗದಯಾ ರಾಜಂಸ್ತಂ ವಿಷ್ಣುಂ ಗರುಡಂ ಚ ವೈ॥ 2-51-34 (13380)
ತಂ ದೃಷ್ಟ್ವಾ ಗುರಡಂ ಶ್ರಾಂತಂ ಚಕ್ರಮುದ್ಯಸ್ಯ ವೈ ಹರಿಃ।
ಶತಂ ಶಿರಾಂಸಿ ಬಾಹೂಂಶ್ಚ ಸೋಚ್ಛಿನತ್ಕಾಲನೇಮಿನಃ॥ 2-51-35 (13381)
ಜಘಾನಾನ್ಯಾಂಸ್ಚ ತಾನ್ಸರ್ವಾನ್ಸಮರೇ ದೈತ್ಯದಾನವಾನ್।
ವಿಬುಧಾನಾಮೃಷೀಣಾಂ ಚ ಸ್ವಾನಿ ಸ್ಥಾನಾನಿ ವೈ ದದೌ॥ 2-51-36 (13382)
ದತ್ತ್ವಾ ಸುರಾಣಾಂ ಸುಗ್ರೀತೋ ಯೋಗ್ಯಕರ್ಮಾಣಿ ಭಾರತ।
ಜಗಾಮ ಬ್ರಹ್ಮಣಾ ಸಾರ್ಧಂ ಬ್ರಹ್ಮಲೋಕಂ ತದಾ ಹರಿಃ॥ 2-51-37 (13383)
ಬ್ರಹ್ಮಲೋಕಂ ಪ್ರವಿಶ್ಯಾಶ್ಚ ಪ್ರಾಪ್ಯ ನಾರಾಯಣಃ ಪ್ರಭುಃ।
ಪೌರಾಣಂ ಬ್ರಹ್ಮಸದನಂ ದಿವ್ಯಂ ನಾರಾಯಣಾಶ್ರಯಂ॥ 2-51-38 (13384)
ಸ ಪ್ರವಿಶ್ಯ ತದಾ ದೇವಃ ಸ್ತೂಯಮಾನೋ ಮಹರ್ಷಿಭಿಃ।
ಸಹಸ್ರಶೀರ್ಷಾ ಭೂತ್ವಾ ಚ ಶಯನಾಯೋಪಚಕ್ರಮೇ॥ 2-51-39 (13385)
ಆದಿದೇವಃ ಪುರಾಣಾತ್ಮಾ ನಿದ್ರಾವಶಮುಪಾಗತಃ।
ಶೇತೇ ಸುಖಂ ಸದಾ ವಿಷ್ಣುರ್ಮೋಹಯಂಜಗದವ್ಯಯಃ॥ 2-51-40 (13386)
ಜಗ್ಮುಸ್ತಸ್ಯಾಥ ವರ್ಷಾಣಿ ಶಯಾನಸ್ಯ ಮಹಾತ್ಮನಃ।
ಷಟ್ತ್ರಿಂಶಚ್ಛತಸಾಹಸ್ರಂ ಮಾನುಷೇಣೇಹ ಸಂಖ್ಯಯಾ॥ 2-51-41 (13387)
ಜಗ್ಮುಃ ಕೃತಯುಗತ್ರೇತಾದ್ವಾಪರಾಂತೇ ಬುಬೋಧ ಹ।
ಬ್ರಹ್ಮಾದಿಭಿಃ ಸ್ತೂಯಮಾನಃ ಸುರೈಶ್ಚಾಪಿ ಸಹರ್ಷಿಭಿಃ॥ 2-51-42 (13388)
ಉತ್ಪತ್ಯ ಶಯನಾದ್ವಿಷ್ಣುರ್ಬ್ರಹ್ಮಣಾ ವಿಬುಧೈಃ ಸಹ।
ದೇವಾನಾಂ ಚ ಹಿತಾರ್ಥಾಯ ಯಯೌ ದೇವಸಭಾಂ ಪ್ರತಿ॥ 2-51-43 (13389)
ಮೇರೋಃ ಶಿರಸಿ ವಿನ್ಯಸ್ತಾಂ ಜ್ವಲಂತೀಂ ತಾಂ ಶುಭಾಂ ಸಭಾಂ।
ವಿವಿಶುಸ್ತೇ ಸುರಾಃ ಸರ್ವೇ ಬ್ರಹ್ಮಣಾ ಸಹ ಭಾರತ॥ 2-51-44 (13390)
ಜಗ್ಮುಸ್ತತ್ರ ನಿಷೇದುಸ್ತೇ ಸಾ ನಿಃಶಬ್ದಾ ಹ್ಯಭೂತ್ತದಾ।
ತತ್ರ ಭೂಮಿರುವಾಚಾಥ ಖೇದಾತ್ಕರುಣಭಾಷಿಣೀ॥ 2-51-45 (13391)
ರಾಜ್ಞಾಂ ಬಲೈರ್ಬಲವತಾಂ ಖಿನ್ನಾಸ್ಮಿ ಭೃಶಪೀಡಿತಾ।
ನಿತ್ಯಂ ಭಾರಪರಿಶ್ರಾಂತಾ ದುಃಖಂ ಜೀವಾಂಯಹಂ ಸುರಾಃ॥ 2-51-46 (13392)
ಪುರೇ ಪುರೇ ಚ ನೃಪತಿಃ ಕೋಟಿಸಂಖ್ಯೈರ್ಬಲೈರ್ವೃತಃ।
ರಾಷ್ಟ್ರೇ ರಾಷ್ಟ್ರೇ ಚ ಶತಶೋ ಗ್ರಾಮಾಃ ಕುಲಸಹಸ್ರಿಣಃ॥ 2-51-47 (13393)
ಭೂಮಿಪಾನಾಂ ಸಹಸ್ರೈಶ್ಚ ತೇಷಾಂ ಚ ಬಿಲನಾಂ ಬಲೈಃ।
ಗ್ರಾಮಾಯುತೈಃ ಪುರೈ ರಾಷ್ಟ್ರೈರಹಂ ನಿರ್ವಿವರೀಕೃತಾ॥ 2-51-48 (13394)
ತಸ್ಮಾದ್ಧಾರಯಿತುಂ ಶಕ್ತ್ಯಾ ನ ಕ್ಷಮಾಸಿ ಜನಾನಹಂ।
ದೈತ್ಯೈಶ್ಚ ಬಾಧ್ಯಮಾನಾಸ್ತಾಃ ಪ್ರಾಜ ನಿತ್ಯಂ ದುರಾತ್ಮಭಿಃ॥ 2-51-49 (13395)
ಭೀಷ್ಣ ಉವಾಚ। 2-51-50x (1478)
ಭೂಮೇಸ್ತು ವಚನಂ ಶ್ರುತ್ವಾ ದೇವೋ ನಾರಾಯಣಸ್ತದಾ।
ವ್ಯಾದಿಶ್ಯ ತಾನ್ಸುರಾನ್ಸರ್ವಾನ್ಕ್ಷಿತೌ ವಸ್ತುಂ ಮನೋ ದಧೇ॥ ॥ 2-51-50 (13396)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅರ್ಘಾಹರಣಪರ್ವಣಿ ಏಕಪಂಚಾಶೋಽಧ್ಯಾಯಃ॥ 51॥
Mahabharata - Sabha Parva - Chapter Footnotes
2-51-42 ಕೃತಯುಗತ್ರೇತಾದ್ವಾಪರಾಃ ಅಂತ ಇತಿ ಛೇದಃ॥ಸಭಾಪರ್ವ - ಅಧ್ಯಾಯ 052
॥ ಶ್ರೀಃ ॥
2.52. ಅಧ್ಯಾಯಃ 052
Mahabharata - Sabha Parva - Chapter Topics
ವಿಷ್ಣುನಾ ದೇವಾನಾಂ ಭೂಮಾವುತ್ಪತ್ತಯೇ ಆಜ್ಞಾಪನಂ॥ 1॥ ಅವತೀರ್ಣೇ ಕೃಷ್ಣೇ ಸ್ವರ್ಗಾದಾಗತಾನಾಮಿಂದ್ರಾದೀನಾಂ ಶ್ರೀಕೃಷ್ಣಂ ಸ್ತುತ್ವಾ ಪುನಃ ಸ್ವ ಲೋಕಗಮನಂ॥ 2॥ ಶ್ರೀಕೃಷ್ಣೇನ ಶಕಟಾಸುರವಧಃ। ಅರ್ಜುನತರುಭಂಜನಂ। ಬೃಂದಾವಂ ಗತ್ವಾ ವನೇ ವಿಹರಣಂ॥ 3॥Mahabharata - Sabha Parva - Chapter Text
ಭೀಷ್ಣ ಉವಾಚ।
ಯಚ್ಚಕೇ ಭಗವಾನ್ವಿಷ್ಣುರ್ವಸುದೇವಸುತಸ್ತದಾ।
ತತ್ತೇಽಹಂ ಸಂಪ್ರವಕ್ಷ್ಯಾಮಿ ಶೃಣು ಸ್ರವಮಶೇಷತಃ॥ 2-52-1 (13397)
ವಾಸುದೇವಸ್ಯ ಮಹಾತ್ಂಯಂ ಚರಿತಂ ಚ ಮಹಾತ್ಮನಃ।
ಹಿತಾರ್ಥಂ ಸುರಸರ್ತ್ಯಾನಾಂ ಲೋಕಾನಾಂ ಚ ಹಿತಾಯ ಚ॥ 2-52-2 (13398)
ಯದಾ ದಿವಿ ವಿಭುಸ್ತಾತ ನ ರೇಮೇ ಭಗವಾನಸೌ।
ತತೋ ವ್ಯಾದಿಶಯ ಭೂತಾನಿ ವಿಭುರ್ಭೂಮಿಸುಖಾವಹಃ॥ 2-52-3 (13399)
ನಿಗ್ರಹಾರ್ಥಾಯ ದೈತ್ಯಾನಾಂ ಚೋದಯಾಮಾಸ ವೈ ತದಾ।
ಮುರುತಶ್ಚ ವಸೂಂಶ್ಚೈವ ಸೂರ್ಯಾಚಂದ್ರಮಸಾವುಭೌ॥ 2-52-4 (13400)
ಗಂಧರ್ವಾಪ್ಸರಸಶ್ಚೈವ ರುದ್ರಾದಿತ್ಯಾಂಸ್ತಥಾಽಶ್ವಿನೌ।
ಜಾಯಧ್ವಂ ಮಾನುಷೇ ಲೋಕೇ ಸರ್ವಲೋಕಮಹೇಶ್ವರಾಃ॥ 2-52-5 (13401)
ಜಂಗಮಾನಿ ವಿಶಾಲಾಕ್ಷೋ ಹ್ಯಾತ್ಮಾರ್ಥಮಸೃಜತ್ಪ್ರಭುಃ।
ಜಾಯಂತಾಮಿತಿ ಗೋವಿಂದಸ್ತಿರ್ಯಗ್ಯೋನಿಗತೈಃ ಸಹ॥ 2-52-6 (13402)
ತಾನಿ ಸರ್ವಾಣಿ ಸರ್ವಜ್ಞೋ ವ್ಯಜಾಯತ ಯದೋಃ ಕುಲೇ।
ಆತ್ಮಾನಮಾತ್ಮನಾ ತಾತ ಕೃತ್ವಾ ಬಹುವಿಧಂ ಹರಿಃ।
ರತ್ಯರ್ಥಮಿಹ ಗಾಸ್ತತ್ರ ರರಕ್ಷ ಪುರುಷೋತ್ತಮಃ। 2-52-7 (13403)
ಅಜಾತಶತ್ರೋ ಜಾತಸ್ತು ಯಥೇಷ್ಟ ಭುವಿ ಭೂಮಿಪ।
ಕೀರ್ತ್ಯಮಾನಂ ಮಯಾ ತಾತ ನಿಬೋಧ ಭರತರ್ಷಭ॥ 2-52-8 (13404)
ಸಾಗರಾಃ ಸಮಕಂಪಂತ ಮುದಾ ಚೇಲುಶ್ಚ ಪರ್ವತಾಃ।
ಜಜ್ವಲುಶ್ಚಾಗ್ನಯಃ ಶಾಂತಾ ಜಾಯಮಾನೇ ಜನಾರ್ದನೇ॥ 2-52-9 (13405)
ಶಿವಾಃ ಸಂಪ್ರವವುರ್ವಾತಾಃ ಪ್ರಶಾಂತಮಭವದ್ರಜಃ।
ಜ್ಯೋತೀಂಷಿ ಸಂಪ್ರಕಾಶಂತ ಜಾಯಮಾನೇ ಜನಾರ್ದನೇ॥ 2-52-10 (13406)
ದೇವದುಂದುಭಯಶ್ಚಾಪಿ ಸಸ್ವನುರ್ಭೃಶಮಂಬರೇ।
ಅಭ್ಯವರ್ಷಂಸ್ತದಾಽಽಗಂಯ ದೇವತಾಃ ಪುಷ್ಪವೃಷ್ಟಿಭಿಃ॥ 2-52-11 (13407)
ಗೀರ್ಭಿರ್ಮಂಗಲಯುಕ್ತಾಭಿಃ ಸ್ತುವನ್ವೈ ಮಧುಸದನಂ।
ಉಪತಸ್ಥುಸ್ತದಾ ಪ್ರೀತಾಃ ಪ್ರಾದುರ್ಭಾವೇ ಮಹರ್ಷಯಃ॥ 2-52-12 (13408)
ತತಸ್ತಾನಭಿಸಂಪ್ರೇಕ್ಷ್ಯ ನಾರದಪ್ರಮುಖಾನೃಷೀನ್।
ಉಪಾನೃತ್ಯನ್ನುಪಜಗುರ್ಗಂಧರ್ವಾಪ್ಸರಸಾಂ ಗಣಾಃ॥ 2-52-13 (13409)
ಉಪತಸ್ಥೇ ಚ ಗೋವಿಂದಂ ಸಹಸ್ರಾಕ್ಷಃ ಶಚೀಪತಿಃ।
ಅಭ್ಯಭಾಷತ ತೇಜಸ್ವೀ ಮಹರ್ಷೀನ್ಪೂಜಯಂಸ್ತದಾ॥ 2-52-14 (13410)
ಕೃತ್ವಾ ಚ ದೇವಕಾರ್ಯಾಣಿ ಕೃತ್ವಾ ದೇವಹಿತಾನಿ ಚ।
ಖಂ ಲೋಕಂ ಲೋಕಕೃದ್ದೇವಃ ಪುನರ್ಗಚ್ಛತಿ ತೇಜಸಾ॥ 2-52-15 (13411)
ಇತ್ಯುಕ್ತ್ವಾ ಋಷಿಭಿಃ ಸಾರ್ಘಂ ಜಗಾಮ ತ್ರಿದಿವಂ ಪುನಃ।
ಅಭ್ಯನುಜ್ಞಾಯ ತಾನ್ಸರ್ವಾಂಛಾದಯನ್ಪ್ರಕೃತಿಂ ಪರಾಂ॥ 2-52-16 (13412)
ನಂದಗೋಪಕುಲೇ ಕೃಷ್ಣ ಉವಾಸ ಬಹುಲಾಃ ಸಮಾಃ।
ತತಃ ಕದಾಚಿತ್ಸುಪ್ತಂ ತಂ ಶಕಟಸ್ಯ ತ್ವಧಃ ಶಿಶುಂ॥ 2-52-17 (13413)
ಯಶೋದಾ ಸಂಪರಿತ್ಯಜ್ಯ ಜಗಾಮ ಯಮುನಾಂ ನದೀಂ।
ಶಿಶುಲೀಲಾಂ ತತಃ ಕುರ್ವನ್ಸ್ವಹಸ್ತಚರಣೌ ಕ್ಷಿಪನ್॥ 2-52-18 (13414)
ರುರೋದ ಮಧುರಂ ಕೃಷ್ಣಃ ಪಾದಾವೂರ್ಧ್ವಂ ಪ್ರಸಾರಯನ್।
ಪಾದಾಂಗುಷ್ಠೇನ ಶಕಟಂ ದಾರಯನ್ನಥ ಕೇಶವಃ॥ 2-52-19 (13415)
ತತ್ರ ಏಕೇನ ಪಾದೇನ ಪಾತಯಿತ್ವಾ ತಥಾ ಶಿಶುಃ।
ನ್ಯುಬ್ಜಂ ಪಯೋಧರಾಕಾಂಕ್ಷೀ ಸಸಾರ ಚ ರುರೋದ ಚ॥ 2-52-20 (13416)
ಪಾಟಿತಂ ಶಕಟಂ ದೃಷ್ಟ್ವಾ ಭಿನ್ನಭಾಂಡಪುಟೀಕಟಂ।
ಜನಾಸ್ತೇ ಶಿಶುನಾ ತೇನ ವಿಸ್ಮಯಂ ಪರಮಂ ಯಯುಃ॥ 2-52-21 (13417)
ಪ್ರತ್ಯಕ್ಷಂ ಶೂರಸೇನಾನಾಂ ದೃಶ್ಯತೇ ಮಹದದ್ಭುತಂ।
ಶಯಾನೇನ ಹತಃ ಕಂಸಪಕ್ಷವಾಂಸ್ತಿಗ್ಮತೇಜಸಾ॥ 2-52-22 (13418)
ಪೂತನಾ ಚಾಪಿ ನಿಹತಾ ಮಹಾಕಾಯಾ ಮಹಾಸ್ತನೀ।
ತತಃ ಕಾಲೇ ಮಹಾರಾಜ ಸಂಸಕ್ತೌ ರಾಮಕೇಶವೌ॥ 2-52-23 (13419)
ಕೃಷ್ಣಃ ಸಂಕರ್ಷಣಶ್ಚೋಭೌ ರಿಂಖಿಣೌ ಚ ಬಭೂವತುಃ।
ಅನ್ಯೋನ್ಯಕಿರಣಾಕ್ರಾಂತೌ ಚಂದ್ರಸೂರ್ಯಾವಿವಾಂಬರೇ॥ 2-52-24 (13420)
ವಿಸರ್ಪಂತೌ ಚ ಸರ್ವತ್ರ ಮಹಾಸರ್ಪಭುಜೌ ತದಾ।
ರೇಜತುಃ ಪಾಂಸುದಿಗ್ಧಾಂಗೌ ರಾಮಕೃಷ್ಣೌ ತದಾ ನೃಪ॥ 2-52-25 (13421)
ಕ್ವಚಿಚ್ಚ ಜಾನುಭಿಃ ಸ್ಪೃಷ್ಟೌ ಕ್ರೀಡಮಾನೌ ಕ್ವಚಿದ್ವನೇ।
ಪಿಬಂತೌ ದಧಿಕುಲ್ಯಾಂಶ್ಚ ಮಥ್ಯಮಾನೇ ಚ ಭಾರತ॥ 2-52-26 (13422)
ತತಃ ಸ ಬಾಲೋ ಗೋವಿಂದೋ ನವನೀತಂ ತದಾ ಕ್ಷಯಂ।
ಗ್ರಾಸಮಾನಸ್ತು ತತ್ರಾಯಂ ಗೋಪೀಭಿರ್ದದೃಶೇ ತಥಾ॥ 2-52-27 (13423)
ದಾಂನಾಽಥೋಲೂಖಲೇ ಕೃಷ್ಣೋ ಗೋಪೀಭಿಶ್ಚ ನಿಬಂಧಿತಃ।
ತತ್ತಥಾ ಶಿಶುನಾ ತೇನ ಕರ್ಷತಾ ಚಾರ್ಜುನಾವೃಭೌ॥ 2-52-28 (13424)
ಸಮೂಲವಿಟಪೌ ಭಗ್ನೌ ತದದ್ಭುತಮಿವಾಭವತ್।
ತತಸ್ತೌ ಬಾಲ್ಯಮುತ್ತೀರ್ಣೌ ಕೃಷ್ಣಸಂಕರ್ಷಣಾವುಭೌ॥ 2-52-29 (13425)
ತಸ್ಮಿನ್ನೇವ ವ್ರಜಸ್ಥಾನೇ ಸಪ್ತವರ್ಷೈ ಬಭೂವತುಃ।
ನೀಲಪೀತಾಂಬರಧರೌ ಪೀತಶ್ವೇತಾನುಲೇಪನೌ॥ 2-52-30 (13426)
ಬಭುವತುರ್ವತ್ಸಪಾಲೌ ಕಾಕಪಕ್ಷಧರಾವುಭೌ।
ಪರ್ಣವಾದ್ಯಂ ಶ್ರುತಿಸುಖಂ ವಾದಯಂತೌ ವರಾನನೌ॥ 2-52-31 (13427)
ಶುಶುಭಾತೇ ವನಗತೌ ತ್ರಿಶೀರ್ಷಾವಿವ ಪನ್ನಗೌ।
ಮಯೂರಾಂಗಜಕರ್ಣೌ ತೌ ಪಲ್ಲವಾಪೀಡಧಾರಿಣೌ॥ 2-52-32 (13428)
ವನಮಾಲಾಪರಿಕ್ಷಿಪ್ತೌ ಸಾಲಪೋತಾವಿವೋದ್ಗತೌ।
ಅರವಿಂದಕೃತಾಪೀಡೌ ರಜ್ಜುಯಜ್ಞೋಪವೀತಿನೌ॥ 2-52-33 (13429)
ಸಶಿಕ್ಯತುಂಬುರುಕರೌ ಗೋಪವೇಣುಪ್ರವಾದಕೌ।
ಕ್ವಚಿದ್ವಸಂತಾವನ್ಯೋನ್ಯಂ ಕ್ರಡಮಾನೌ ಕ್ವಚಿದ್ವನೇ॥ 2-52-34 (13430)
ಪರ್ಣಶಯ್ಯಾಸು ತೌ ಸುಪ್ತೌ ಕ್ವಚಿನ್ನಿದ್ರಾಂತರೈಷಿಣೌ।
ತೌ ವತ್ಸಾನ್ಪಾಲಯಂತೌ ಹಿ ಶೋಭಯಂತೌ ಮಹದ್ವನಂ॥ 2-52-35 (13431)
ಚಂಚೂರ್ಯಂತೌ ರಮಂತೌ ಚ ರಾಜನ್ನೇವಂ ತದಾ ಶುಭಂ।
ತತೋ ಬೃಂದಾವನಂ ಗತ್ವಾ ವಸುದೇವಸುತಾವುಭೌ।
ಗೋಕುಲಂ ತತ್ರ ಕೌನ್ಯೇಯ ಚಾರಯಂತೌ ವಿಜಹ್ರತುಃ॥ ॥ 2-52-36 (13432)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅರ್ಘಾಹರಣಪರ್ವಣಿ ದ್ವಿಪಂಚಾಶೋಽಧ್ಯಾಯಃ॥ 52॥
ಸಭಾಪರ್ವ - ಅಧ್ಯಾಯ 053
॥ ಶ್ರೀಃ ॥
2.53. ಅಧ್ಯಾಯಃ 053
Mahabharata - Sabha Parva - Chapter Topics
ಕೃಷ್ಣೇನ ಬಾಲಕೈಃ ಸಹ ವಿಹೃತ್ಯ ಕಾಲಿಯಮರ್ದನಂ॥ 1॥ ಬಲರಾಮೇಣ ಧೇನುಕಾಸುರಹನನಂ॥ 2॥ ಕೃಷ್ಣೇನ ಗೋವರ್ಧನೋದ್ಧರಣಂ॥ 3॥ ಅರಿಷ್ಟಾಸುರಾದಿಹನನಂ॥ 4॥ ಮಧುರಾಯಾಂ ಕಂಸಂ ಹತ್ವಾ ಪಿತ್ರೋಃ ಪಾದಾಭಿವಂದನಂ॥ 5।Mahabharata - Sabha Parva - Chapter Text
ಭೀಷ್ಣ ಉವಾಚ।
ತತಃ ಕದಚಿದ್ಗೋವಿಂದೋ ಜ್ಯೇಷ್ಠಂ ಸಂಕರ್ಷಣಂ ವಿನಾ।
ಚಚಾರ ತದ್ವನಂ ರಂಯಂ ಸುಸ್ವರೂಪೋ ವರಾನನಃ॥ 2-53-1 (13433)
ಕಾಕಪಕ್ಷಧರಃ ಶ್ರೀಮಾಂಛ್ಯಾಮಃ ಪದ್ಮನಿಭೇಕ್ಷಣಃ।
ಶ್ರೀವತ್ಸೇನೋರಸಾ ಯುಕ್ತಃ ಶಶಾಂಕ ಇವ ಲಕ್ಷ್ಮಣಾ॥ 2-53-2 (13434)
ರಜ್ಜುಯಜ್ಞೋಪವೀತೀ ಸ ಪೀತಾಂಬರಧರೋ ಯುವಾ।
ಶ್ವೇತಚಂದ್ರನಲಿಪ್ರಾಂಗೋ ನೀಲಕುಂಚಿತಮೂರ್ಧಜಃ॥ 2-53-3 (13435)
ರಾಜತಾ ಬರ್ಹಿಪತ್ರೇಣ ಮಂದಮಾರುತಕಂಪಿನಾ।
ಕ್ವಚಿದ್ಗಾಯನ್ಕ್ವಂಚಿತ್ಕ್ರೀಡನ್ಕ್ವಚಿನ್ನೃತ್ಯನ್ಕ್ವಚಿದ್ಧಸನ್॥ 2-53-4 (13436)
ಗೋಪವೇಣುಂ ಸುಮಧುರಂ ಕಾಮಂ ತದಪಿ ವಾದಯನ್।
ಪ್ರಹ್ಲಾದನಾರ್ಥಂ ಚ ಗವಾಂ ಕ ಕ್ವಚಿದ್ವನಗತೋ ಯುವಾ॥ 2-53-5 (13437)
ಗೋಕುಲೇ ಮೇಘಕಾಲೇ ತು ಚಚಾರ ದ್ಯುತಿಮಾನ್ಪ್ರಭುಃ।
ಬಹುರಂಯೇಷು ದೇಶೇಷು ವನಸ್ಯ ವನರಾಜಿಪು॥ 2-53-6 (13438)
ತಾಸು ಕೃಷ್ಣೋ ಮುದಾ ಯುಕ್ತಃ ಕ್ರೀಡಯನ್ಭರತರ್ಷಭ।
ಸ ಕದಾಚಿದ್ವನೇ ತಸ್ಮಿನ್ಗೋಭಿಃ ಸಹ ಪರಿವ್ರಜನ್॥ 2-53-7 (13439)
ಭಾಂಡೀರಂ ನಾಮ ದೃಷ್ಟ್ವಾಽಥ ನ್ಯಗ್ರೋಧಂ ಕೇಶವೋ ಮಹಾನ್।
ತಚ್ಛಾಯಾಯಾಂ ಮತಿಂ ಚಕ್ರೇ ನಿವಾಸಾಯ ತದಾ ಪ್ರಭುಃ॥ 2-53-8 (13440)
ಸ ತತ್ರ ವಯಸಾ ತುಲ್ಯೈರ್ಬತ್ಸಪಾಲೈಸ್ತದಾಽನಘ।
ರೇಮೇ ಸ ದಿವಸಂ ಕೃಷ್ಣಃ ಪುರಾ ಸ್ವರ್ಗಗತೋ ಯಥಾ॥ 2-53-9 (13441)
ತಂ ಕ್ರೀಡಮಾನಂ ಗೋಪಾಲಾಃ ಕೃಷ್ಣಂ ಭಾಂಡೀರವಾಸಿನಃ।
ರಮಯಂತಿ ಸ್ಮ ಬಹವೋ ಮಾನ್ಯೈಃ ಕ್ರೀಡನಕೈಸ್ತದಾ॥ 2-53-10 (13442)
ಅನ್ಯೇ ಸ್ಮ ಪರಿಗಾಯಂತಿ ಗೋಪಾ ಮುದಿತಮಾನಸಾಃ।
ಗೋಪಾಲಕೃಷ್ಣಮೇವಾನ್ಯೇ ಗಾಯಂತಿ ಸ್ಮ ವನಪ್ರಿಯಾಃ॥ 2-53-11 (13443)
ತೇಷಾಂ ಸಂಗಾಯತಾಮೇವ ವಾದಯಾಮಾಸ ಕೇಶವಃ।
ಪರ್ಣವಾದ್ಯಾಂತರೇ ವೇಣುಂ ತುಂಬವೀಣಾಂ ಚ ತತ್ರ ವೈ॥ 2-53-12 (13444)
ಏವಂ ಕ್ರೀಡಾಂತರೈಃ ಕೃಷ್ಣೋ ಗೋಪಾಲೈರ್ವಿಜಹಾರ ಸಃ।
ತೇನ ಬಾಲೇನ ಕೌಂತೇಯ ಕೃತಂ ಲೋಕಹಿತಂ ತದಾ॥ 2-53-13 (13445)
ಪಶ್ಯತಾಂ ಸರ್ವಭೂತಾನಾಂ ವಾಸುದೇವೇನ ಭಾರತ।
ಹ್ರದೇ ನಿಪಾತತಾ ತತ್ರ ಕ್ರೀಡಿತಂ ನಾಗಮೂರ್ಧನಿ॥ 2-53-14 (13446)
ಶಾಸಯಿತ್ವಾ ತು ಕಾಲೀಯಂ ಸರ್ವಲೋಕಸ್ಯ ಪಶ್ಯತಃ।
ವಿಜಹಾರ ತತಃ ಕೃಷ್ಣೋ ಬಲೇದವಸಹಾಯವಾನ್॥ 2-53-15 (13447)
ಧೇನುಕೋ ದಾರುಣೋ ರಾಜಂದೈತ್ಯೋ ರಾಸಭವಿಗ್ರಹಃ।
ತದಾ ತಾಲವನೇ ರಾಜನ್ಬಲದೇವೇನ ವೈ ಹತಃ॥ 2-53-16 (13448)
ತತಃ ಕದಾಚಿತ್ಕೌಂತೇಯ ರಾಮಕೃಷ್ಣೌ ವನಂ ಗತೌ।
ಚಾರಯಂತೌ ಪ್ರವೃದ್ಧಾನಿ ಗೋಧನಾನಿ ಶುಭಾನನೌ॥ 2-53-17 (13449)
ವಿಹರಂತೌ ಮುದಾ ಯುಕ್ತೌ ವೀಕ್ಷಮಾಣೌ ವನಾನಿ ವೈ।
ಶ್ವೇಲಯಂತೌ ಪ್ರಗಾಯಂತೌ ವಿಚಿನ್ವಂತೌ ಚ ಪಾದಪಾನ್॥ 2-53-18 (13450)
ನಾಮಭಿರ್ವ್ಯಾಹರಂತೌ ಚ ವತ್ಸಾನ್ಗಾಶ್ಚ ಪರಂತಪೌ।
ಚೇರತುರ್ಲೋಕಸಿದ್ಧಾಭಿಃ ಕ್ರೀಡಾಭಿರಪರಾಜಿತೌ॥ 2-53-19 (13451)
ತೌ ದೇವೌ ಮಾನುಷೀಂ ದೀಕ್ಷಾಂ ವಹಂತೌ ಸುರಪೂಜಿತೌ।
ತಜ್ಜಾತಿಗುಣಯುಕ್ತಾಭಿಃ ಕ್ರೀಡಾಭಿಶ್ಚೇರತುರ್ವನಂ॥ 2-53-20 (13452)
ಏವಂ ಬಾಲ್ಯೇಽಪಿ ಗೋಪಾಲೈಃ ಕ್ರೀಡಾಭಿಶ್ಚ ವಿಜಹ್ರತುಃ॥ 2-53-21 (13453)
ತತಃ ಕೃಷ್ಣೋ ಮಹಾತೇಜಾಸ್ತದಾ ಗತ್ವಾ ತು ಗೋವ್ರಜಂ।
ಗಿರಿಯಜ್ಞಂ ತಮೇವೈಷ ಪ್ರವೃತ್ತಂ ಗೋಪದಾರಕೈಃ॥ 2-53-22 (13454)
ಬುಭುಜೇ ಪಾಯಸಂ ಶೌರಿರೀಶ್ವರಃ ಸರ್ವಭೂತಕೃತ್।
ತಂ ದೃಷ್ಟ್ವಾ ಗೋಪಕಾಃ ಸರ್ವೇ ಕೃಷ್ಣಮೇವ ಸಮರ್ಚಯನ್॥ 2-53-23 (13455)
ಪೂಜ್ಯಮಾನಸ್ತದಾ ದೇವೈರ್ದಿವ್ಯಂ ವಪುರಧಾರಯತ್।
ಧೃತೋ ಗೋವರ್ಧನೋ ನಾಮ ಸಪ್ತಾಹಂ ಪರ್ವತೋ ಧೃತಃ॥ 2-53-24 (13456)
ಶಿಶುನಾ ವಾಸುದೇವೇನ ಗವಾರ್ಥಮರಿಮರ್ದನ।
ಕ್ರೀಡಮಾನಸ್ತದಾ ಕೃಷ್ಣಃ ಕೃತವಾನ್ಕರ್ಮ ದುಷ್ಕರಂ॥ 2-53-25 (13457)
ತದದ್ಭುತಮತೀವಾಸೀತ್ಸರ್ವಲೋಕಸ್ಯ ಭಾರತ।
ದೇವದೇವಃ ಕ್ಷಿತಂ ಗತ್ವಾ ಕೃಷ್ಣಂ ನತ್ವಾ ಮುದಾನ್ವಿತಃ। 2-53-26 (13458)
ಗೋವಿಂದ ಇತಿ ತಂ ಹ್ಯುಕ್ತ್ವಾ ಹ್ಯಭ್ಯಷಿಂಚತ್ಪುರಂದರಃ।
ಇತ್ಯುಕ್ತ್ವಾಶ್ಲಿಷ್ಯ ಗೋವಿಂದಂ ಪುರುಹೂತೋಭ್ಯಯಾದ್ದಿವಂ॥ 2-53-27 (13459)
ಅಥಾರಿಷ್ಟ ಇತಿ ಖ್ಯಾತಂ ದೈತ್ಯಂ ವೃಷಭವಿಗ್ರಹಂ।
ಜಘಾನ ತರಸಾ ಕೃಷ್ಣಃ ಪಶೂನಾಂ ಹಿತಕಾಂಯಯಾ॥ 2-53-28 (13460)
ಕೇಶಿನಾಮಾ ತತೋ ದೈತ್ಯೋ ರಾಜಂಸ್ತುರಗವಿಗ್ರಹಃ।
ತಥಾ ವನಗತಂ ಪಾರ್ಥ ಗಜಾಯುತಬಲಂ ಹಯಂ॥ 2-53-29 (13461)
ಕರಾಂಭೋರುಹವಜ್ರೇಣ ಜಘಾನ ಮಧುಸೂದನಃ।
ಅಥ ಮಲ್ಲಂ ತು ಚಾಣೂರಂ ನಿಜಘಾನ ಮಹಾಽಸುರಂ॥ 2-53-30 (13462)
ಸುದಾಮಾನಮಮಿತ್ರಘ್ನ ಸರ್ವಸೈನ್ಯಪುರಸ್ಕೃತಂ।
ಬಾಲರೂಪೇಣ ಗೋವಿಂದೋ ನಿಜಘಾನ ಚ ಭಾರತ॥ 2-53-31 (13463)
ಬಲದೇವೇನ ಚಾಯತ್ನಾತ್ಸಮಾಜೇ ಮುಷ್ಟಿಕೋ ಹತಃ।
ತಾಡಿತಶ್ಚ ಸಹಾಮಾತ್ಯಃ ಕಂಸಃ ಕೃಷ್ಣೇನ ಭಾರತ॥ 2-53-32 (13464)
ಹತ್ವಾ ಕಂಸಮಮಿತ್ರಘ್ನಃ ಸರ್ವೇಷಾಂ ಪಶ್ಯತಾಂ ತದಾ।
ಅಭಿಷಿಚ್ಯೋಗ್ರಸೇನಂ ತಂ ಪಿತ್ರೋಃ ಪಾದಮವಂದತ। 2-53-33 (13465)
ಏವಮಾದೀನಿ ಕರ್ಮಾಣಿ ಕೃತವಾನ್ವೈ ಜನಾರ್ದನಃ॥ ॥ 2-53-34 (13466)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅರ್ಘಾಹರಣಪರ್ವಣಿ ತ್ರಿಪಂಚಾಶೋಽಧ್ಯಾಯಃ॥53 ॥
ಸಭಾಪರ್ವ - ಅಧ್ಯಾಯ 054
॥ ಶ್ರೀಃ ॥
2.54. ಅಧ್ಯಾಯಃ 054
Mahabharata - Sabha Parva - Chapter Topics
ರಾಮಕೃಷ್ಣಯೋಃ ವಿದ್ಯಾಭ್ಯಾಸಾರ್ಥಂ ಸಾಂದೀರ್ಪಿನ್ಯಾಚಾರ್ಯಸಮೀಪಗಮನಂ॥ 1॥ ಸಾಂದೀಪಿನಿನಾ ಗುರುದಕ್ಷಿಣಾತ್ವೇನ ಮೃತಪುತ್ರಾನಯನಂ ಚೋದಿತೇನ ಕೃಷ್ಣೇನ ಸ್ವೇನೋಜ್ಜೀವಿ ತಸ್ಯ ಪುತ್ರಸ್ಯ ಸಮರ್ಪಣಂ॥2॥ ಕಂಸಪರಾಕ್ರಮಾದಿವರ್ಣನಂ॥ 3॥ ಕೃಷ್ಣೇನ ಜರಾಸಂಧಪರಾಜಯಃ॥ 4॥Mahabharata - Sabha Parva - Chapter Text
ಭೀಷ್ಮ ಉವಾಚ॥
ತತಸ್ತೌ ಜಗ್ಮತುಸ್ತತ್ರ ಗುರುಂ ಸಾಂದೀಪಿನಿಂ ಪುನಃ।
ಗುರುಶುಶ್ರೂಷಣಾಯುಕ್ತೌ ಧರ್ಮಜ್ಞೌ ಧರ್ಮಚಾರಿಣೌ॥ 2-54-1 (13467)
ವ್ರತಮುಗ್ರಂ ಮಹಾತ್ಮಾನೌ ವಿಚರಂತಾವವಂತಿಷು।
ಅಹೋರಾತ್ರೈಶ್ಚತುಷ್ಪಷ್ಟ್ಯಾ ಸಾಂಗಾನ್ವೇದಾನವಾಪತುಃ॥ 2-54-2 (13468)
ಲೇಖ್ಯಂ ಚ ಗಣಿತಂ ಚೋಭೌ ಪ್ರಾಪ್ನುತಾಂ ಯದುನಂದನೌ।
ಗಾಂಧರ್ವವೇದಂ ವೈದ್ಯಂ ಚ ಸಕಲಂ ಸಮಾವಾಪತುಃ॥ 2-54-3 (13469)
ಹಸ್ತಿಶಿಕ್ಷಾಮಶ್ವಿಶಿಕ್ಷಾಂ ದ್ವಾದಶಾಹೇನ ಚಾಪ್ನುತಾಂ।
ತಾವುಭೌ ಜಗ್ಮತುರ್ವೀರೌ ಗುರುಂ ಸಾಂದೀಪಿನಿಂ ಪುನಃ॥ 2-54-4 (13470)
ಧನುರ್ವೇದಚಿಕೀರ್ಷಾರ್ಥಂ ಧರ್ಮಜ್ಞೌ ಧರ್ಮಚಾರಿಣೌ।
ತಾವಿಷ್ವಾಸವರಾಚಾರ್ಯಮಭಿಗಂಯ ಪ್ರಣಂಯ ಚ॥ 2-54-5 (13471)
ತೇನ ವೈ ಸತ್ಕೃತೌ ರಾಜಂಶ್ಚರಂತೌ ತಾವವಂತಿಷು।
ಪಂಚಾಶದ್ಭಿರಹೋರಾತ್ರೈರ್ದಶಾಂಗಂ ಸುಪ್ರತಿಷ್ಠಿತಂ॥ 2-54-6 (13472)
ಸರಹಸ್ಯಂ ಧನುರ್ವೇದಂ ಸಕಲಂ ತಾವವಾಪತುಃ।
ದೃಷ್ಟ್ವಾ ಕೃತಾರ್ಥೋ ವಿಪ್ರೇಂದ್ರೋ ಗುರ್ವರ್ಥೇ ತಾವಚೋದಯತ್॥ 2-54-7 (13473)
ಅಯಾಚತಾರ್ಥಂ ಗೋವಿಂದಂ ತದಾ ಸಾಂದೀಪಿನಿರ್ವಿಭುಂ।
ಮಮ ಪುತ್ರಃ ಸಮುದ್ರೇಽಸ್ಮಿಂಸ್ತಿಮಿನಾ ಚಾಪವಾಹಿತಃ॥ 2-54-8 (13474)
ಪುತ್ರಮಾನಯ ಭದ್ರಂ ತೇ ಭಕ್ಷಿತಂ ತಿಮಿನಾ ಮಮ।
ಆರ್ತಾಯ ಗುರವೇ ತತ್ರ ಪ್ರತಿಶುಶ್ರಾವ ದುಷ್ಕರಂ॥ 2-54-9 (13475)
ಅಶಕ್ಯಂ ಸರ್ವಭೂತೇಷು ಕರ್ತುಮನ್ಯೇನ ಕೇನಚಿತ್।
ಯಶ್ಚ ಸಾಂದೀಪಿನೇಃ ಪುತ್ರಂ ಜಹಾರ ಭರತರ್ಷಭ॥ 2-54-10 (13476)
ಸೋಽಸುರಃ ಸಮರೇ ತಾಭ್ಯಾಂ ಸಮುದ್ರೇ ವಿನಿಪಾತಿತಃ।
ತತಃ ಸಾಂದೀಪಿನೇಃ ಪುತ್ರಃ ಪ್ರಸಾದಾದಮಿತೌಜಸಃ॥ 2-54-11 (13477)
ದೀರ್ಘಕಾಲಂ ಕೃತಃ ಪ್ರೇತಃ ಪುನರಾಸೀಚ್ಛರೀರವಾನ್।
ತದಶಕ್ಯಮಚಿಂತ್ಯಂ ಚ ದೃಷ್ಟ್ವಾ ಸುಮಹದದ್ಭುತಂ॥ 2-54-12 (13478)
ಸರ್ವೇಷಾಮೇವ ಭೂತಾನಾಂ ವಿಸ್ಮಯಃ ಸಮಜಾಯತ।
ಆಸನಾನಿ ಚ ಸರ್ವಾಣಿ ಗವಾಶ್ವಂ ಚ ಧನಾದಿಕಂ॥ 2-54-13 (13479)
ಸರ್ವಂ ತದುಪಜಹಾತೇ ಗುರವೇ ರಾಮಕೇಶವೌ।
ಗದಾಪರಿಘಯುದ್ಧೇ ಚ ಸರ್ವಾಸ್ತ್ರೇಷು ಚ ಕೇಶವಃ॥ 2-54-14 (13480)
ಪರಮಾಂ ಮುಖ್ಯತಾಂ ಪ್ರಾಪ್ತಃ ಸರ್ವಲೋಕೇಷು ವಿಶ್ರುತಃ।
ಕಶ್ಚ ನಾರಾಯಣಾದನ್ಯಃ ಸರ್ವರತ್ನವಿಭೂಷಿತಂ॥ 2-54-15 (13481)
ರಥಮಾದಿತ್ಯಸಂಕಾಶಮಾತಿಷ್ಠೇತ ಶಚೀಪತೇಃ।
ಕಸ್ಯ ಚಾಪ್ರತಿಮೋ ಯಂತಾ ವಜ್ರಪಾಣೇಃ ಪ್ರಿಯಃ ಸಖಾ॥ 2-54-16 (13482)
ಮಾತಲಿಃ ಸಂಗೃಹೀತಾ ಸ್ಯಾದನ್ಯತ್ರ ಪುರುಷೋತ್ತಮಾತ್।
ಭೋಜರಾಜಾತ್ಮಜೋ ವಾಪಿ ಕಂಸಸ್ತಾತ ಯುಧಿಷ್ಠಿರ॥ 2-54-17 (13483)
ಅಸ್ತ್ರಜಾತೇ ಬಲೇ ವೀರ್ಯೇ ಕಾರ್ತವೀರ್ಯಸಮೋಽಭವತ್।
ತಸ್ಯ ಭೋಜಪತೇಃ ಪುತ್ರಾದ್ಭೋಜರಾಜನ್ಯವರ್ಧನಾತ್॥ 2-54-18 (13484)
ಉದ್ವಿಜಂತೇ ಸ್ಮ ರಾಜಾನಃ ಸುಪರ್ಣಾದಿವ ಪನ್ನಗಾಃ।
ಚಿತ್ರಕಾರ್ಮುಕನಿಸ್ತ್ರಿಂಶವಿಮಲಪ್ರಾಸಯೋಧಿನಃ॥ 2-54-19 (13485)
ಶತಂ ಶತಸಹಸ್ರಾಣಿ ಪಾದಾತಾಸ್ತಸ್ಯ ಭಾರತ।
ಅಷ್ಟೌ ಶತಸಹಸ್ರಾಣಿ ಶೂರಾಣಾಮನಿವರ್ತಿನಾಂ॥ 2-54-20 (13486)
ಅಭವನ್ಭೋಜರಾಜಸ್ಯ ಜಾಂಬೂನದಮಯಾ ಧ್ವಜಾಃ।
ರುಕ್ಮಕಾಂಚನಕಕ್ಷ್ಯಾಸ್ತು ರಥಾಸ್ತಸ್ಯ ಯುಧಿಷ್ಠಿ॥ 2-54-21 (13487)
ಅಭವನ್ಭೋಜಪುತ್ರಸ್ಯ ದ್ವಿಪಾಸ್ತಾವದ್ಧಿ ತದ್ಬಲಂ।
ಚಿತ್ರಕಾರ್ಮುಕನಿಸ್ತ್ರಿಂಶವಿಮಲಪ್ರಾಸಯೋಧಿನಾಂ॥ 2-54-22 (13488)
ಷೋಡಶಾಶ್ವಸಹಸ್ರಾಣಿ ಕಿಂಶುಕಾಭಾನಿ ತಸ್ಯ ವೈ।
ಅಪರಸ್ತು ಮಹಾವ್ಯೂಹಃ ಕಿಶೋರಣಾಂ ಯುಧಿಷ್ಠಿರ॥ 2-54-23 (13489)
ಆರೋಹವರಸಂಪನ್ನೋ ದುರ್ಧರ್ಷಃ ಕೇನಚಿದ್ಬಲಾನ್।
ಸ ಚ ಷೋಡಶಸಾಹಸ್ರಃ ಕಂಸಭ್ರಾತೃಪುರಃ ಸರಃ॥ 2-54-24 (13490)
ಸುನಾಮಾ ಸರ್ವತಸ್ತ್ವೇನಂ ಸ ಕಂಸಂ ಪರ್ಯಪಾಲಯತ್।
ಸಗಣೋ ಮಿಶ್ರಕೋ ನಾಮ ಷಷ್ಟಿಮಸಾಹಸ್ರ ಉಚ್ಯತೇ॥ 2-54-25 (13491)
ಕಂಸರೋಷಮಹಾವೇಗಾಂ ವೈವಸ್ವತವಶಾನುಗಾಂ॥
ಮತ್ತದ್ವಿಪಮಹಾಗ್ರಾಹಾಂ ವೈವಸ್ವತವಶಾನುಗಾಂ॥ 2-54-26 (13492)
ಶಸ್ರಜಾಲಮಹಾಫೇನಾಂ ಸಾದಿವೇಗಮಹಾಜಲಾಂ।
ಗದಾಪರಿಘಪಾಠೀನಾಂ ನಾನಾಕವಚಶೈವಲಾಂ॥ 2-54-27 (13493)
ರಥನಾಗಮಹಾವರ್ತಾಂ ನಾನಾರುಧಿರಕರ್ದಮಾಂ।
ಚಿತ್ರಕಾರ್ಮುಕಕಲ್ಲೋಲಾಂ ರಥಾಶ್ವಕಲಿಲಹ್ರದಾಂ॥ 2-54-28 (13494)
ಮಹಾಮೃಧನದೀಂ ಘೋರಾಂ ಯೋಧಾವರ್ತನನಿಸ್ವನಾಂ।
ಕೋಽನ್ಯೋ ನಾರಾಯಣಾದೇತ್ಯ ಕಂಸಹಂತಾ ಯುಧಿಷ್ಠಿರ॥ 2-54-29 (13495)
ಏಷ ಶಕ್ರರಥೇ ತಿಷ್ಠಂಸ್ತಾನ್ಯನೀಕಾನಿ ಭಾರತ।
ವ್ಯಧಮದ್ಭೋಜಪುತ್ರಸ್ಯ ಮಹಾಭ್ರಾಣೀವ ಮಾರುತಃ॥ 2-54-30 (13496)
ತಂ ಸಭಾಸ್ಥಂ ಸಹಾಮಾತ್ಯಂ ಹತ್ವಾ ಕಂಸಂ ಸಹಾನ್ವಯಂ।
ಆನಯಾಮಾಸ ಮಾನಾರ್ಹಾಂ ದೇವಕೀಂ ಸಮುಹೃದ್ಗಣಾಂ॥ 2-54-31 (13497)
ಯಶೋದಾಂ ರೋಹಿಣೀಂ ಚೈವ ಅಭಿವಾದ್ಯ ಪುನಃ ಪುನಃ।
ಉಗ್ರಸೇನಂ ಚ ರಾಜಾನಮಭಿಷಿಚ್ಯ ಜನಾರ್ದನಃ॥ 2-54-32 (13498)
ಅರ್ಚಿತೋ ಯದುಮುಖ್ಯೈಶ್ಚ ಭಗವಾನ್ವಾಸವಾನುಜಃ।
ತತಃ ಪಾರ್ಥಿವಮಾಯಾಂತಂ ಸಹಿತಂ ಸರ್ವರಾಜಭಿಃ।
ಸರಸ್ವತ್ಯಾಂ ಜರಾಸಂಧಮಜಯತ್ಪುರುಷೋತ್ತಮಃ॥ ॥ 2-54-33 (13499)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅರ್ಘಾಹರಣಪರ್ವಣಿ ಚತುಃ ಪಂಚಾಶೋಽಧ್ಯಾಯಃ॥ 54॥
ಸಭಾಪರ್ವ - ಅಧ್ಯಾಯ 055
॥ ಶ್ರೀಃ ॥
2.55. ಅಧ್ಯಾಯಃ 055
Mahabharata - Sabha Parva - Chapter Topics
ಕೃಷ್ಣಸ್ಯ ಮಧುರಾಂ ತ್ಯಕ್ತ್ವಾ ದ್ವಾರಕಾಗಮನಂ॥1॥ ನರಕಾಸುರಪ್ರತಾಪವರ್ಣನಂ॥ 2॥ ಇಂದ್ರೇಣ ದ್ವಾರಕಾಮೇತ್ಯ ಕೃಷ್ಣಂ ಪ್ರತಿ ನರಕವಧಪ್ರಾರ್ಥನಂ॥ 3॥ ಗರುಡಮಾರುಹ್ಯ ಪ್ರಾಗ್ಜ್ಯೋತಿಚಂ ಗತೇನ ಕೃಷ್ಣೇನ ನಿಹತೇ ಧರಣ್ಯಾ ತಸ್ಮೈ ಕುಂಡಲಾರ್ಪಣಂ ॥ 4॥Mahabharata - Sabha Parva - Chapter Text
ಭೀಷ್ಣ ಉವಾಚ॥
ಶೂರಸೇನಪುರಂ ತ್ಯಕ್ತ್ವಾ ತತೋ ಯಾದವನಂದನಃ।
ದ್ವಾರಕಾಂ ಭಗವಾನ್ಕೃಷ್ಣಃ ಪ್ರತ್ಯಪದ್ಯತ ಭಾರತ॥ 2-55-1 (13500)
ತತೋ ಮಹಾತ್ಮಾ ಯಾನಾನಿ ರತ್ನಾನಿ ವಿವಿಧಾನಿ ಚ।
ಯಥಾರ್ಹಂ ಪುಂಡರೀಕಾಕ್ಷೋ ನೈರ್ಋತಾತ್ಪ್ರತ್ಯಪದ್ಯತ॥ 2-55-2 (13501)
ತತ್ರ ವಿಘ್ನಂ ಚರಂತಿ ಸ್ಮ ದೈತೇಯಾಃ ಸಹದಾನವೈಃ।
ತಾಂಜಘಾನ ಮಹಾಬಾಹುರ್ವರಮತ್ತಾನ್ಮಹಾಸುರಾನ್॥ 2-55-3 (13502)
ಸ ವಿಘ್ನಮಕರೋತ್ತತ್ರ ನರಕೋ ನಾಮ ನೈರ್ಋತಃ।
ಅದಿತಿಂ ಧರ್ಷಯಾಮಾಸ ಕುಂಡಲಾರ್ಥಂ ಯುಧಿಷ್ಠಿರ॥ 2-55-4 (13503)
ನ ಚಾಸುರಗಣೈಃ ಸರ್ವೈಃ ಸಹಿತೈಃ ಕರ್ಮ ತತ್ಪುರಾ।
ಕೃತಪೂರ್ವಂ ಮಹಾಘೋರಂ ಯದಕಾರ್ಷೀನ್ಮಹಾಸುರಃ॥ 2-55-5 (13504)
ಯಂ ಮಹೀ ಸುಷುವೇ ದೇವೀ ಯಸ್ಯ ಪ್ರಾಗ್ಜ್ಯೋತಿಷಂ ಪುರಂ।
ವಿಷಯಾಂತಪಾಲಾಶ್ಚತ್ವಾರೋ ಯಸ್ಯಾಸನ್ಯುದ್ಧದುರ್ಮದಾಃ॥ 2-55-6 (13505)
ಆದೇವಯಾನಮಾವೃತ್ಯ ಪಂಥಾನಂ ಪರ್ಯವಸ್ಥಿತಾಃ।
ತ್ರಾಸನಾಃ ಸುರಸಂಘಾನಾಂ ವಿರೂಪೈ ರಾಕ್ಷಸೈಃ ಸಹ॥ 2-55-7 (13506)
ಹಯಗ್ರೀವೋ ನಿಕುಂಭಶ್ಚ ಘೋರಃ ಪಂಚಜನಸ್ತದಾ।
ಮುರಃ ಪುತ್ರಸಹಸ್ರೈಶ್ಚ ವರಮತ್ತೋ ಮಹಾಸುರಃ॥ 2-55-8 (13507)
ತದ್ವಧಾರ್ಥಂ ಮಹಾಬಾಹುರೇಷ ಚಕ್ರಗದಾಸಿಭೃತ್।
ಜಾತೋ ವೃಷ್ಣಿಷು ದೇವಕ್ಯಾಂ ವಾಸುದೇವೋ ಜನಾರ್ದನಃ॥ 2-55-9 (13508)
ತಸ್ಯಾಸ್ಯ ಪುರುಷೇಂದ್ರಸ್ಯಲೋಕಪ್ರಥಿತತೇಜಸಃ।
ನಿವಾಸೋ ದ್ವಾರಕಾಯಾಂ ತು ವಿದಿತೋ ವಃ ಪ್ರಧಾನತಃ॥ 2-55-10 (13509)
ಅತೀವ ಹಿ ಪುರೀ ರಂಯಾ ದ್ವಾರಕಾ ವಾಸವಕ್ಷಯಾತ್।
ಅತಿವೈರಾಜಮಪ್ಯದ್ಧಾ ಪ್ರತ್ಯಕ್ಷಸ್ತೇ ಯುಧಿಷ್ಠಿರ॥ 2-55-11 (13510)
ತಸ್ಮಿಂದೇವಪುರಪ್ರಖ್ಯೇ ಸಾ ಸಭಾ ವೃಷ್ಣ್ಯುಪಾಶ್ರಯಾ।
ಸುಧರ್ಮೇತಿ ಚ ವಿಖ್ಯಾತಾ ಯೋಜನಾಯತವಿಸ್ತೃತಾ॥ 2-55-12 (13511)
ತತ್ರ ವೃಷ್ಣ್ಯಂದಕಾಃ ಸರ್ವೇ ರಾಮಕೃಷ್ಣಪುರೋಗಮಾಃ।
ಲೋಕಯಾತ್ರಾಮಿಮಾಂ ಕೃತ್ಸ್ನಾಂ ಪರಿರಕ್ಷಂತ ಆಸತೇ॥ 2-55-13 (13512)
ತತ್ರಾಸೀನೇಷು ಸರ್ವೇಷು ಕದಾಚಿದ್ಭರತರ್ಷಭ।
ದಿವ್ಯಗಂಧಾ ವವುರ್ವಾತಾಃ ಕುಸುಮಾನಾಂ ಚ ವೃಷ್ಟಯಃ॥ 2-55-14 (13513)
ತತಃ ಸೂರ್ಯಸಹಸ್ರಾಭಸ್ತೇಜೋರಾಶಿರ್ಮಹಾದ್ಭುತಃ।
ಮಧ್ಯೇ ತು ತೇಜಸಸ್ತಸ್ಯ ಪಾಂಡರಂ ಗಜಮಾಸ್ಥಿತಃ। 2-55-15 (13514)
ವೃತೋ ದೇವಗಣೈಃ ಸರ್ವೈರ್ವಾಸವಃ ಪ್ರತ್ಯದೃಶ್ಯತ॥
ರಾಮಕೃಷ್ಣೌ ಚ ರಾಜಾ ಚ ವೃಷ್ಣ್ಯಂಧಕಗಣೈಃ ಸಹ। 2-55-16 (13515)
ಉತ್ಪತ್ಯ ಸಹಸಾ ದೇವೇ ನಮಸ್ಕಾರಮಕುರ್ವತ॥
ಸೋಽವತೀರ್ಯ ಗಜಾತ್ತೂರ್ಣಂ ಪರಿಷ್ವಜ್ಯ ಜನಾರ್ದನಂ। 2-55-17 (13516)
ಸಸ್ವಜೇ ಬಲದೇವಂ ಚ ರಾಜಾನಂ ಚ ತಮಾಹುಕಂ॥
ವಾಸುದೇವೋದ್ಧವೌ ಚೈವ ವಿಕದ್ರುಂ ಚ ಮಹಾಮತಿಂ। 2-55-18 (13517)
ಪ್ರದ್ಯುಂನಸಾಂಬನಿಶಠಾನನಿರುದ್ಧಂ ಚ ಸಾತ್ಯಕಿಂ॥
ಗದಂ ಸಾರಣಮಕ್ರೂರಂ ಭಾನುಝಲ್ಲಿವಿಡೂರಥಾನ್। 2-55-19 (13518)
ತಥೈವ ಕೃತವರ್ಣಾಣಾಂ ಚಾರುದೇಷ್ಣಂ ಮಹಾಬಲಂ॥
ದೇವಕಲ್ಪಾನ್ಮಹಾರಾಜ ತಾಂದಾಶಾರ್ಹಪುರೋಗಮಾನ್। 2-55-20 (13519)
ಪಿರಿಷ್ವಜ್ಯ ಚ ದೃಷ್ಟ್ವಾ ಚ ಭಗವಾನ್ಭೂತಭಾವನಃ॥
ವೃಷ್ಣ್ಯಂಧಕಮಹಾಮಾತ್ರಾನ್ಪರಿಷ್ವಜ್ಯಾಥ ವಾಸವಃ। 2-55-21 (13520)
ಪ್ರಗೃಹ್ಯ ಪೂಜಾಂ ತೈರ್ದತ್ತಾಂ ಭಗವಾನ್ಪಾಕಶಾಸನಃ॥
ಸೋಽದಿತೇರ್ವಚನಾತ್ತಾತ ಕುಂಡಲಾರ್ಥೇ ಜನಾರ್ದನಂ। 2-55-22 (13521)
ಉವಾಚ ಪರಮಪ್ರೀತೋ ಜಹಿ ಭೌಮಂ ನರೇಶ್ವ॥ 2-55-23 (13522)
ಭೀಷ್ಣ ಉವಾಚ।
ನಿಹತ್ಯ ನರಕಂ ಭೌಮಮಾಹರಿಷ್ಯಾಮಿ ಕುಂಡಲೇ। 2-55-23x (1479)
ಏವಮುಕ್ತ್ವಾಽಥ ಗೋವಿಂದೋ ರಾಮಮೇವಾಭ್ಯಭಾಷತ॥
ಪ್ರದ್ಯುಂನಮನಿರುದ್ಧಂ ಚ ಸಾಂಬಂ ಚಾಪ್ರತಿಮಂ ಬಲೇ। 2-55-24 (13523)
ಏತಾಂಶ್ಚೋಚ್ತ್ಕಾ ತಥಾ ತತ್ರ ವಾಸುದೇವೋ ಮಹಾಯಶಾಃ॥
ಅಥಾರುಹ್ಯ ಸುಪರ್ಣಂ ವೈ ಶಂಖಚಕ್ರಗದಾಸಿಭೃತ್। 2-55-25 (13524)
ಯಯೌ ತದಾ ಹೃಷೀಕೇಶೋ ದೇವಾನಾಂ ಹಿತಕಾಂಯಯಾ॥
ತಂ ಪ್ರಯಾಂತಮಮಿತ್ರಘ್ನಂ ದೇವಾಃ ಸಹಪುರಂದರಾಃ। 2-55-26 (13525)
ಪೃಷ್ಠತೋಽನುಯಯುಃ ಪ್ರೀತ್ಯಾ ಸ್ತುವಂತೋ ವಿಷ್ಣುಮಚ್ಯುತಂ।
ಉಗ್ರಾಂತ್ರಕ್ಷೋಗಣಾನ್ಹತ್ವಾ ನರಕಸ್ಯ ಮಹಾಸುರಾನ್। 2-55-27 (13526)
ಕ್ಷುರಾಂತಾನ್ಮೌರವಾನ್ಪಾಶಾನ್ಷಟ್ಸಹಸ್ರಂ ದದರ್ಶ ಸಃ॥
ಸ಼ಂಛಿದ್ಯ ಪಾಶಾಚ್ಛಸ್ತ್ರೇಣ ಮುರಂ ಹತ್ವಾ ಸಹಾನ್ವಯಂ। 2-55-28 (13527)
ಶೈಲಸಂಘಾನತಿಕ್ರಂಯ ನಿಶುಂಭಂ ಚ ವ್ಯಪೋಥಯತ್॥ 2-55-29 (13528)
ಯಃ ಸಹಸ್ರಸಹಸ್ತ್ವೇಕಃ ಸರ್ವಾಂದೇವಾನಪೋಥಯತ್।
ತಂ ಜಘಾನ ಮಹಾವೀರ್ಯಂ ಹಯಗ್ರೀವಂ ಮಹಾಬಲಂ॥ 2-55-30 (13529)
ಅಪಾರತೇಜಾ ದುರ್ಧರ್ಷಃ ಸರ್ವಯಾದವನಂದನಃ॥
ಮಧ್ಯೇ ಲೋಹಿತಗಂಗಾಯಾಂ ಭಗವಾಂದೇವಕೀಸುತಃ॥ 2-55-31 (13530)
ಔದಕಾಯಾಂ ವಿರೂಪಾಕ್ಷಂ ಜಘಾನ ಮಧುಸೂದನಃ।
ತತಃ ಪ್ರಾಗ್ಜ್ಯೋತಿಷಂ ನಾಮ ದೀಪ್ಯಮಾನಮಿವ ಶ್ರಿಯಾ।
ಪುರಮಾಸಾದಯಾಮಾಸ ತತ್ರ ಯುದ್ಧಮವರ್ತತ॥ 2-55-32 (13531)
ತದ್ಯುದ್ಧಮಭವದ್ಘೋರಂ ತೇನ ಭೌಮೇನ ಭಾರತ।
ಕುಂಡಲಾರ್ಥೇ ಸುರೇಶಸ್ಯ ನರಕೇಣ ಮಹಾತ್ಮನಾ॥ 2-55-33 (13532)
ಮುಹೂರ್ತಂ ಲಾಲಯಿತ್ವಾ ತು ನರಕಂ ಮಧೂಸೂದನಃ।
ಪ್ರವೃತ್ತಚಕ್ರಂ ಚಕ್ರೇಣ ಪ್ರಮಮಾಥ ಬಲಾದ್ಬಲೀ॥ 2-55-34 (13533)
ಚಕ್ರಪ್ರಮಥಿತಂ ತಸ್ಯ ಪಪಾತ ಸಹಸಾ ಭುವಿ।
ಉತ್ತಮಾಂಗಂ ಹತಾಂಗಸ್ಯ ವೃತ್ರೇ ವಜ್ರಹತೇ ಯಥಾ॥ 2-55-35 (13534)
ಭೂಮಿಸ್ತು ಪತಿತಂ ದೃಷ್ಟ್ವಾ ಪ್ರಾಯಚ್ಛತ್ಕುಂಡಲೇ ಸುತಂ।
ಪ್ರದಾಯ ಚ ಮಹಾಬಾಹುಮಿದಂ ವಚನಮಬ್ರವೀತ್॥ 2-55-36 (13535)
ಸೃಷ್ಟಸ್ತ್ವಯೈವ ಮಧುಹಂಸ್ತ್ವಯೈವ ವಿನಿಪಾತಿತಃ।
ಯಥೇಚ್ಛಸಿ ತಥಾ ಕ್ರೀಡಾ ಪ್ರಜಾಸ್ತಸ್ಯಾನುಪಾಲಯ॥ 2-55-37 (13536)
ಶ್ರೀವಾಸುದೇವ ಉವಾಚ। 2-55-38x (1480)
ದೇವಾನಾಂ ಚ ಮುನೀನಾಂ ಚ ಪಿತೄಣಾಂ ಚ ಮಹಾತ್ಮನಾಂ।
ಉದ್ವೇಜನೀಯೋ ಭೂತಾನಾಂ ಬ್ರಹ್ಮದ್ವಿದ್ ಪುರುಷಾಧಮಃ॥ 2-55-38 (13537)
ಲೋಕದ್ವಿಷ್ಟಃ ಸುತಸ್ತೇ ತು ದೇವಾರಿರ್ಲೋಕಕಂಟಕಃ।
ಸರ್ವಲೋಕನಮಸ್ಕಾರ್ಯಾಮದಿತಂ ಬಾಧಯದ್ವಲೀ॥ 2-55-39 (13538)
ಕುಂಡಲೇ ಹೃತವಾಂದರ್ಪಾತ್ತತಸ್ತೇ ನಿಹತಃ ಸುತಃ।
ನೈವ ಮನ್ಯುಸ್ತ್ವಯಾ ಕಾರ್ಯೋ ಯತ್ಕೃತಂ ಮಯಿ ಭಾಮಿನಿ ॥ 2-55-40 (13539)
ತ್ವತ್ಪ್ರಭಾವಾಚ್ಚ ತೇ ಪುತ್ರೋ ಲಬ್ಧವಾನ್ಗತಿಮುತ್ತಮಾಂ।
ತಸ್ಮಾದ್ಗಚ್ಛ ಮಹಾಭಾಗೇ ಭಾರಾವತರಣಂ ಕೃತಂ॥ ॥ 2-55-41 (13540)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅರ್ಘಾಹರಣಪರ್ವಣಿ ಪಂಚಪಂಚಾಶೋಽಧ್ಯಾಯಃ॥55 ॥
ಸಭಾಪರ್ವ - ಅಧ್ಯಾಯ 056
॥ ಶ್ರೀಃ ॥
2.56. ಅಧ್ಯಾಯಃ 056
Mahabharata - Sabha Parva - Chapter Topics
ಕೃಷ್ಣಸ್ಯ ನರಕಂ ನಿಹತ್ಯ ತದೀಯಧನರತ್ನಾದಿಕಂ ಶತೋತ್ತರಷೋಡಶಸಹಸ್ರಸ್ತ್ರೀಸಹಿತಂ ಮಣಿಪರ್ವ ತಂ ಚ ಗರುಡಮಾರೋಪ್ಯ ಸ್ವರ್ಗಲೋಕಗಮನಂ॥ 1॥ ರಾಮಕೃಷ್ಣಯೋಃ ಅದಿತ್ಯೈ ಕುಂಡಲಾದಿಕಂ ದತ್ತ್ವಾ ಅದಿತಿಶಚೀಭ್ಯಾಂ ಸತ್ಕೃತಯಾ ಸತ್ಯಭಾಮಯಾ ಸಹ ದ್ವಾರಕಾಂ ಪ್ರತ್ಯಾಗಮನಂ॥ 2॥Mahabharata - Sabha Parva - Chapter Text
ಭೀಷ್ಣ ಉವಾಚ॥
ನಿಹತ್ಯ ನರಕಂ ಭೌಮಂ ಸತ್ಯಭಾಮಾಸಹಾಯವಾನ್।
ಸಹಿತೋ ಲೋಕಪಾಲೈಶ್ಚ ದದರ್ಶ ನರಕಾಲಯಂ॥ 2-56-1 (13541)
ಅಥಾಸ್ಯ ಗೃಹಮಾಸಾದ್ಯ ನಾರಕಸ್ಯ ಮಹಾತ್ಮನಃ।
ದದರ್ಶ ಧನಮಕ್ಷಯ್ಯಂ ರತ್ನಾನಿ ವಿವಿಧಾನಿ ಚ। 2-56-2 (13542)
ಮಣಿಮುಕ್ತಾಪ್ರವಾಲಾನಿ ವೈಡೂರ್ಯವಿಕೃತಾನಿ ಚ।
ವಿಸ್ತಾರಾಲ್ಪಾಂಶ್ಚಾರ್ಕಮಣೀನ್ವಿಪುಲಾನ್ಸ್ಫಾಟಿಕಾನಪಿ॥ 2-56-3 (13543)
ಜಾಂಬೂನದಮಯಾನ್ಯೇವ ಶಾತಕುಂಭಮಯಾನಿ ಚ।
ಪ್ರದೀಪ್ತಜ್ವಲನಾಭಾನಿ ಶೀತರಶ್ಮಿಪ್ರಭಾಣಿ ಚ॥ 2-56-4 (13544)
ಹಿರಣ್ಯವರ್ಣಂ ರುಚಿರಂ ಶ್ವೇತಮಭ್ಯಂತರಂ ಗೃಹಂ।
ತದಕ್ಷಯ್ಯಂ ಗೃಹೇ ದೃಷ್ಟಂ ನರಕಸ್ಯ ಧನಂ ಬಹು॥ 2-56-5 (13545)
ನ ಹಿ ರಾಜ್ಞಃ ಕುಬೇರಸ್ಯ ತಾವದ್ಧನಸಮುಚ್ಛ್ರಯಃ।
ದೃಷ್ಟಪೂರ್ವಃ ಪುರಾ ಸಾಕ್ಷಾನ್ಮಹೇಂದ್ರಭವನೇಷ್ವಪಿ॥ 2-56-6 (13546)
ಹತೇ ಭೌಮೇ ನಿಶುಂಭೇ ಚ ವಾಸವಃ ಸಗಣೋಽಬ್ರವೀತ್।
ದಾಶಾರ್ಹಪತಿಮಾಸೀನಮಾಹೃತ್ಯ ಮಣಿಕುಂಡಲೇ॥ 2-56-7 (13547)
ಹೇಮಸೂತ್ರಾ ಮಹಾಕಕ್ಷ್ಯಾಸ್ತೋಮರೈರ್ವೀರ್ಯಶಾಲಿನಃ।
ವಿಮಲಾನಿ ಪತಾಕಾನಿ ವಾಸಾಂಸಿ ವಿವಿಧಾನಿ ಚ॥ 2-56-8 (13548)
ಭೀಮರೂಪಾಶ್ಚ ಮಾತಂಗಾಃ ಪ್ರವಾಲವಿಕೃತಾಃ ಕುಥಾಃ।
ತೇ ಚ ವಿಂಶತಿಸಾಹಸ್ರಾ ದ್ವಾಸ್ತಾವತ್ಯಃ ಕರೇಣವಃ॥ 2-56-9 (13549)
ಅಷ್ಟೌ ಶತಸಹಸ್ರಾಣಿ ದೇಶಜಾಶ್ಚೋತ್ತಮಾ ಹಯಾಃ।
ಗೋಭಿಶ್ಚಾವಿಕೃತೈರ್ಯಾವತ್ಕಾಮಾತ್ತವ ಜನಾರ್ದನ॥ 2-56-10 (13550)
ಏತತ್ತೇ ಪ್ರಾಪಯಿಷ್ಯಾಣಿ ವೃಷ್ಣ್ಯಾವಾಸಮರಿಂದಮ।
ವಸು ಯತ್ರಿಷು ಲೋಕೇಷು ಧರ್ಮೇಣಾವರ್ಜಿತಂ ತ್ವಯಾ॥ 2-56-11 (13551)
ಭೀಷ್ಮ ಉವಾಚ। 2-56-12x (1481)
ದೇವಗಂಧರ್ವರತ್ನಾನಿ ದೈತೇಯಾಸುರಜಾನಿ ಚ।
ಯಾನಿ ಸಂತಿ ಹಿರಣ್ಯಾನಿ ನರಕಸ್ಯ ನಿವೇಶನೇ॥ 2-56-12 (13552)
ಏತತ್ತು ಗರುಡೇ ಸರ್ವಂ ಕ್ಷಿಪ್ರಮಾರೋಪ್ಯ ವಾಸವಃ।
ದಾರ್ಶಾರ್ಹಪತಿನಾ ಸಾರ್ಧಮುಪಾಯಾನ್ಮಣಿಪರ್ವತಂ॥ 2-56-13 (13553)
ಚಿತ್ರಗ್ರಥಿತಮೇಘಾಭಃ ಪ್ರಬಭೌ ಮಣಿಪರ್ವತಃ।
ಹೇಮಚಿತ್ರವಿತಾನೈಶ್ಚ ಪ್ರಾಸಾದೈರುಪಶೋಭಿತಃ॥ 2-56-14 (13554)
ಹರ್ಂಯಾಣಿ ಚ ವಿಶಾಲಾನಿ ಮಣಿಸೋಪಾನವಂತಿ ಚ।
ತತ್ರಸ್ಥಾ ವರವರ್ಣಿನ್ಯೋ ದದೃಶುರ್ಮಧುಸೂದನಂ॥ 2-56-15 (13555)
ಗಂಧರ್ವಸುರಮುಖ್ಯಾನಾಂ ಪ್ರಿಯಾ ದುಹಿತರಸ್ತದಾ।
ತ್ರಿವಿಷ್ಟಪಸಮೇ ದೇಶೇ ತಿಷ್ಠಂತಮಪರಾಜಿತಂ॥ 2-56-16 (13556)
ಪರಿವವ್ರುರ್ಮಹಾಬಾಹುಮೇಕವೇಣೀಧರಾಃ ಸ್ತ್ರಿಯಃ।
ಪರ್ವಾಃ ಕಾಷಾಯವಾಸಿನ್ಯಃ ಸರ್ವಾಶ್ಚ ನಿಯತೇಂದ್ರಿಯಾಃ॥ 2-56-17 (13557)
ವ್ರತಸಂತಾಪಜಃ ಶೋಕೇ ನಾತ್ರ ಕಶ್ಚಿದಪೀಡಯತ್।
ಅರಜಾಂಸಿ ಚ ವಾಸಾಂಸಿ ಬಿಭ್ರತ್ಯಃ ಕೌಶಿಕಾನ್ಯಪಿ॥ 2-56-18 (13558)
ಸಮೇತ್ಯ ಯದುಸಿಂಹಸ್ಯ ಚಕ್ರುರಸ್ಯಾಂಜಲಿಂ ಸ್ತ್ರಿಯಃ।
ಊಚುಶ್ಚೈನಂ ಹೃಷೀಕೇಶಂ ಸರ್ವಾಸ್ತಾಃ ಕಮಲೇಕ್ಷಣಾಃ॥ 2-56-19 (13559)
ನಾರದೇನ ಸಮಾಖ್ಯಾತಮಸ್ಮಾಕಂ ಪುರುಷೋತ್ತಮ।
ಆಗಮಿಷ್ಯತಿ ಗೋವಿಂದಃ ಸುರಕಾರ್ಯಾರ್ಥಸಿದ್ಧಯೇ॥ 2-56-20 (13560)
ಸೋಽಸುರಂ ನರಕಂ ಹತ್ವಾ ನಿಶುಂಭಂ ಮುರಮೇವ ಚ।
ಭೌಮಂ ಚ ಸಪರೀವಾರಂ ಹಯಗ್ರೀವಂ ಚ ದಾನವಂ॥ 2-56-21 (13561)
ತಥಾ ಪಂಚಜನಂ ಚೈವ ಪ್ರಾಪ್ಸ್ಯತೇ ಧನಮಕ್ಷಯಂ।
ಸೋಽಚಿರೇಣೈವ ಕಾಲೇನ ಯುಷ್ಮನ್ಮೋಕ್ತಾ ಭವಿಷ್ಯತಿ॥ 2-56-22 (13562)
ಏವಮುಕ್ತ್ವಾಗಮದ್ಧೀರೋ ದೇವರ್ಷಿರ್ನಾರದಸ್ತಥಾ।
ತ್ವಾಂ ಚಿಂತಯಾನಾಃ ಸತತಂ ತಪೋ ಘೋರಮುಪಾಸ್ಮಹೇ॥ 2-56-23 (13563)
ಕಾಲೇಽತೀತೇ ಮಹಾಬಾಹುಂ ಕದಾ ದ್ರಕ್ಷ್ಯಾಮ ಮಾಧವಂ।
ಇತ್ಯೇವಂ ಹೃದಿ ಸಂಕಲ್ಪಂ ಕೃತ್ವಾ ಪುರುಷಸತ್ತಮ।
ತಪಶ್ಚರಾಮ ಸತತಂ ರಕ್ಷ್ಯಮಾಣಾ ಹಿ ದಾನವೈಃ॥ 2-56-24 (13564)
ತತೋಽಸ್ಮತ್ಪ್ರಿಯಕಾಮಾರ್ಥಂ ಭಗವಾನ್ಮಾರುತೋಽಬ್ರವೀತ್।
ಯಥೋಕ್ತಂ ನಾರದೇನಾಥ ನ ಚಿರಾತ್ತದ್ಭವಿಷ್ಯತಿ॥ 2-56-25 (13565)
ಭೀಷ್ಣ ಉವಾಚ॥ 2-56-26x (1482)
ತಾಸಾಂ ಪರಮನಾರೀಣಾಮೃಷಭಾಕ್ಷಂ ಪುರಃ ಸ್ಥಿತಂ।
ದದೃಶುರ್ದೇವಗಂಧರ್ವಾ ಗೃಷ್ಟೀನಾಮಿವ ಗೋಪತಿಂ॥ 2-56-26 (13566)
ತಸ್ಯ ಚಂದ್ರೋಪಮಂ ವಕ್ತ್ರಮುದೀಕ್ಷ್ಯ ಮುದಿತೇಂದ್ರಿಯಾಃ।
ಸಂಪ್ರಹೃಷ್ಟಾ ಮಹಾಬಾಹುಮಿದಂ ವಚನಮಬ್ರುವನ್। 2-56-27 (13567)
ಸತ್ಯವ್ರತ ಪುರಾ ವಾಯುರಿದಮಸ್ಮಾನಿಹಾಬ್ರವೀತ್।
ಸರ್ವಭೂತಹಿತಜ್ಞಶ್ಚ ಮಹರ್ಷಿರಪಿ ನಾರದಃ॥ 2-56-28 (13568)
ವಿಷ್ಣುರ್ನಾರಾಯಣೋ ದೇವಃ ಶಂಖಚಕ್ರಗದಾಸಿಭೃತ್।
ಸ ಭೌಮಂ ನರಕಂ ಹತ್ವಾ ಭರ್ತಾ ವೋ ಭವಿತಾ ಧ್ರುವಂ॥ 2-56-29 (13569)
ದಿಷ್ಟ್ಯಾ ತಸ್ಯರ್ಷಿಮುಖ್ಯಸ್ಯ ನಾರದಸ್ಯ ಮಹಾತ್ಮನಃ।
ವಚನಾದೇವ ಸತ್ಯಂ ನೋ ಭರ್ತಾ ಭವಿತುಮರ್ಹಸಿ॥ 2-56-30 (13570)
ಯತ್ಪ್ರಿಯಂ ಬತ ಪಶ್ಯಾಮ ಶ್ರುತಂ ಪ್ರಿಯಮರಿಂದಮ।
ದರ್ಶನೇನ ಕೃತಾರ್ಥಾಃ ಸ್ಮೋ ವಯಮಸ್ಯ ಮಹಾತ್ಮನಃ॥ 2-56-31 (13571)
ಉವಾಚ ಹಿ ಯದುಶ್ರೇಷ್ಠಃ ಸರ್ವಾಸ್ತಾ ಜಾತಮನ್ಮಥಾಃ।
ಯಥಾ ಬ್ರೂತ ವಿಶಾಲಾಕ್ಷ್ಯಸ್ತತ್ಸರ್ವಂ ವೋ ಭವಿಷ್ಯತಿ॥ 2-56-32 (13572)
ತತಸ್ತಾ ಗರುಡೇ ಸರ್ವಾಃ ಸರತ್ನಧನಸಂಚಯಾಃ।
ಕ್ಷಿಪ್ರಮಾರೋಪಯಾಂಚಕ್ರೇ ಭಗವಾಂದೇವಕೀಸುತಃ॥ 2-56-33 (13573)
ಸಪಕ್ಷಿಗಣಮಾತಂಗಂ ಸವ್ಯಾಲಮೃಗಪನ್ನಗಂ।
ಶಾಖಾಮೃಗಗಣೈರ್ಜುಷ್ಟಂ ಸಪ್ರಸ್ತರಶಿಲಾತಲಂ॥ 2-56-34 (13574)
ನ್ಯಂಕುಭಿಶ್ಚ ವರಾಹೈಶ್ಚ ರುರುಭಿಶ್ಚ ನಿಷೇವಿತಂ।
ಸಪ್ರಪಾತಮಹಾಸಾನುಂ ವಿಚಿತ್ರಶಿಖಿಸಂಕುಲಂ॥ 2-56-35 (13575)
ಸ ಮಹೇಂದ್ರಾನುಜಃ ಶೌರಿಶ್ಚಕಾರ ಗುರುಡೋಪರಿ।
ಪಶ್ಯತಾಂ ಸರ್ವಭೂತಾನಾಮುತ್ಪಾಟ್ಯ ಮಣಿಪರ್ವತಂ॥ 2-56-36 (13576)
ಉಪೇಂದ್ರಂ ಬಲದೇವಂ ಚ ವಾಸವಂ ಚ ಮಹಾಬಲಂ।
ಸ್ವಪಕ್ಷಬಲವಿಕ್ಷೇಪೈರ್ಮಹಾದ್ರಿಶಿಖರೋಪಮಃ॥ 2-56-37 (13577)
ದಿಕ್ಷು ಸರ್ವಾಸು ಸಂರಾವಂ ಸ ಚಕ್ರೇ ಗರುಡೋ ವಹನ್।
ಆರುಜನ್ಪರ್ವತಾಗ್ರಾಣಿ ಪಾದಪಾಂಶ್ಚ ಸಮುತ್ಕ್ಷಿಪನ್॥ 2-56-38 (13578)
ಸಂಜಹಾರ ಮಹಾಭ್ರಾಣಿ ವೈಶ್ವಾನರಪಥಂ ಗತಃ।
ಗ್ರಹನಕ್ಷತ್ರತಾರಾಣಾಂ ಸಪ್ತರ್ಷೀಣಾಂ ಸ್ವತೇಜಸಾ॥ 2-56-39 (13579)
ಪ್ರಭಾಜಾಲಮತಿಕ್ರಂಯ ಚಾಶ್ವಿನೋಶ್ಚ ಪರಂತಪ।
ಪ್ರಾಪ್ಯ ಪುಣ್ಯತಮಂ ಸ್ಥಾನಂ ದೇವಲೋಕಮರಿಂದಮಃ॥ 2-56-40 (13580)
ಶಕ್ರಸದ್ಮ ಸಮಾಸಾದ್ಯ ಚಾವರುಹ್ಯ ಜನಾರ್ದನಃ।
ಸೋಽಭಿವಾದ್ಯಾದಿತೇಃ ಪಾದಾವರ್ಚಿತಃ ಸರ್ವದೈವತೈಃ।
ಬ್ರಹ್ಮದಕ್ಷಪುರೋಗೈಶ್ಚ ಪ್ರಜಾಪತಿಭಿರೇವ ಚ॥ 2-56-41 (13581)
ಅದಿತೇಃ ಕುಂಡಲೇ ದಿವ್ಯೇ ದದಾವಥ ತದಾ ವಿಭುಃ।
ರತ್ನಾನ ಚ ಪರಾರ್ಘ್ಯಾಣಿ ರಾಮೇಣ ಸಹ ಕೇಶವಃ॥ 2-56-42 (13582)
ಪ್ರತಿಗೃಹ್ಯ ಚ ತತ್ಸರ್ವಮದಿತಿರ್ವಾಸವಾನುಜಂ।
ಪೂಜಯಾಮಾಸ ದಾಶಾರ್ಹಂ ರಾಮಂ ಚ ವಿಗತಜ್ವರಾ॥ 2-56-43 (13583)
ಶಚೀ ಮಹೇಂದ್ರಮಹಿಷೀ ಕೃಷ್ಣಸ್ಯ ಮಹಿಷೀಂ ತದಾ।
ಸತ್ಯಭಾಮಾಂ ತು ಸಂಗೃಹ್ಯ ಅದಿತ್ಯೈ ಸಾ ನ್ಯವೇದಯತ್॥ 2-56-44 (13584)
ಸಾ ತಸ್ಯಾಃ ಸತ್ಯಭಾಮಾಯಾಃ ಕೃಷ್ಣಾಪ್ರಿಯಚಿಕೀರ್ಷಯಾ।
ವರಂ ಪ್ರಾದಾದ್ದೇವಮಾತಾ ಸತ್ಯಾಯೈ ವಿಗತಜ್ವರಾ॥ 2-56-45 (13585)
ಜರಾಂ ನ ಯಾಸ್ಯಸಿ ಶುಭೇ ಯಾವತ್ಕೃಷ್ಣೋಽಸ್ತಿ ಭೂತಲೇ।
ಸರ್ವಗಂಧಗುಣೋಪೇತಾ ಭವಿಷ್ಯಸಿ ವರಾನನೇ॥ 2-56-46 (13586)
ವಿಸೃಜ್ಯ ಸತ್ಯಭಾಮಾ ವೈ ಪೌಲೋಮೀಂ ಚ ಸುಮಧ್ಯಮಾ।
ಶಚ್ಯಾಪಿ ಸಮನುಜ್ಞಾತಾ ಯಯೌ ಕೃಷ್ಣನಿವೇಶನಂ॥ 2-56-47 (13587)
ಸಂಪೂಜ್ಯಮಾನಸ್ತ್ರಿದಶೈರ್ಮಹರ್ಷಿಗಣಸೇವಿತಃ।
ದ್ವಾರಕಾಂ ಪ್ರಯಯೌ ಕೃಷ್ಣೋ ದೇವಲೋಕಾದರಿಂದಮಃ॥ 2-56-48 (13588)
ಶೀಘ್ರಾದೇತ್ಯ ಮಹಾಬಾಹುರ್ದೀರ್ಘಮಧ್ವಾನಮಚ್ಯುತಃ।
ವರ್ಘಮಾನಪುರದ್ವಾರಮಾಸಸಾದ ಸುರೋತ್ತಮಃ॥ ॥ 2-56-49 (13589)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅರ್ಘಾಹರಣಪರ್ವಣಿ ಷಟ್ಪಂಚಾಶೋಽಧ್ಯಾಯಃ॥ 56॥
ಸಭಾಪರ್ವ - ಅಧ್ಯಾಯ 057
॥ ಶ್ರೀಃ ॥
2.57. ಅಧ್ಯಾಯಃ 057
Mahabharata - Sabha Parva - Chapter Topics
ದ್ವಾರಕಾವರ್ಣನಂ॥ 1॥ ರುಕ್ಮಿಣೀಸತ್ಯಭಾಮಾದಿಗೃಹವರ್ಣನಂ॥2॥ ಕೃಷ್ಣೇನ ಸ್ವರ್ಗಾದಾನೀತಸ್ವ ಪಾರಿಜಾತಸ್ಯ ಪ್ರತಿಷ್ಠಾಪನಮುದ್ಯಾನ ವರ್ಣನಂ ಚ॥ 3॥Mahabharata - Sabha Parva - Chapter Text
ಭೀಷ್ಣ ಉವಾಚ॥
ತಾಂ ಪುರೀ ದ್ವಾರಕೀಂ ದೃಷ್ಟ್ವಾ ವಿಭುರ್ನಾರಾಯಣೋ ಹರಿಃ।
ಹೃಷ್ಟಃ ಸರ್ವಾರ್ಥಸಂಪನ್ನಃ ಪ್ರವೇಷ್ಟುಮುಪಚಕ್ರಮೇ॥ 2-57-1 (13590)
ಸೋಽಪಶ್ಯದ್ವೃಕ್ಷಷಂಡಾಂಶ್ಚ ರಂಯಾನ್ನಾನಾಜನಾನ್ವಹೂನ್।
ಸಮಂತತೋ ದ್ವಾರವತ್ಯಾಂ ನಾನಾಪುಷ್ಪಫಲಾನ್ವಿತಾನ್॥ 2-57-2 (13591)
ಅರ್ಕಚಂದ್ರಪ್ರತೀಕಾಶೈರ್ಮೇರುಕೂಟನಿಭೈರ್ಗೃಹೈಃ।
ದ್ವಾರಕಾಮಾವೃತಾಂ ರಂಯಾಂ ಸುಕೃತಾಂ ವಿಶ್ವಕರ್ಮಣಾ॥ 2-57-3 (13592)
ಪದ್ಮಷಂಡಾಕುಲಾಭಿಶ್ಚ ಹಂಸಸೇವಿತವಾರಿಭಿಃ।
ಗಂಗಾಸಿಂಧುಪ್ರಕಾಶಾಭಿಃ ಪರಿಘಾಭಿರಲಂಕೃತಾಂ॥ 2-57-4 (13593)
ಪ್ರಾಕಾರೇಣಾರ್ಕವರ್ಣೇನ ಪಾಂಡರೇಣ ವಿರಾಜಿತಾಂ।
ವಿಯನ್ಮೂರ್ಧ್ನಿ ನಿವಿಷ್ಟೇನ ದ್ಯಾಮಿವಾಭ್ರಪರಿಚ್ಛದಾಂ॥ 2-57-5 (13594)
ನಂದನಪ್ರತಿಮೈಶ್ವಾಪಿ ಮಿಶ್ರಕಪ್ರತಿಮೈರ್ವನೈಃ।
ತತ್ರ ಸಾ ವಿಹಿತಾ ಸಾಕ್ಷಾನ್ನಗರೀ ವಿಶ್ವಕರ್ಮಣಾ॥ 2-57-6 (13595)
ಕಾಂಚನೈರ್ಮಣಿಸೋಪಾನೈರುಪೇತಾ ಜನಹರ್ಷಿಣೀ।
ಗೀತಘೋಷಮಹಾಘೋಷೈಃ ಪ್ರಸಾದಪ್ರವರೈಃ ಶುಭಾ॥ 2-57-7 (13596)
ತಸ್ಮಿನ್ಪುರವಾರಶ್ರೇಷ್ಠೇ ದಾಶಾರ್ಹಾಣಾಂ ಯಶಸ್ವಿನಾಂ।
ನೇಶ್ಮಾನಿ ಜಹೃಷೇ ದೃಷ್ಟ್ವಾ ಭಗವಾನ್ಪಾಕಶಾಸನಃ॥ 2-57-8 (13597)
ಸಮುಚ್ಛ್ರಿತಪತಾಕಾನಿ ಪಾರಿಪ್ಲವನಿಭಾನಿ ಚ।
ಕಾಂಚನಾಭಾನಿ ಭಾಖಂತಿ ಮೇರುಕೂಟನಿಭಾನಿ ಚ॥ 2-57-9 (13598)
ಸುಧಾಪಾಂಡರಶೃಂಗೈಶ್ಚ ಶಾತಕುಂಭಪರಿಚ್ಛದೈಃ।
ರತ್ನಸಾನುಮಹಾಶೃಂಗೈಃ ಸರ್ವರತ್ನಸಮನ್ವಿತೈಃ? 2-57-10 (13599)
ಸಹರ್ಂಯೈಃ ಸಾರ್ಧಚಂದ್ರೈಶ್ಚ ಸನಿರ್ಯೂಹೈಃ ಸಪಂಜರೈಃ।
ಸಯಂತ್ರಗೃಹಸಂಬಾಧೈಃ ಸಧಾತುಭಿರಿವಾದ್ರಿಭಿಃ॥ 2-57-11
ಮಣಿಕಾಂಚನಭೋಮೇಶ್ಚ ಸುಧಾಮೃಷ್ಟತಲೈಸ್ತಥಾ।
ಜಾಂಬೂನದಮಯದ್ವಾರೈರ್ವೈಡೂರ್ಯವಿಕೃತಾರ್ಗಲೈಃ॥ 2-57-11 (13600)
ಸರ್ವರ್ತುಸುಖಸಂಸ್ಯರ್ಶೈರ್ಮಹಾಧನಪರಿಚ್ಛದೈಃ।
ರಂಯಸಾನುಗೃಹೈಃ ಶೃಂಗೈರ್ವಿಚಿತ್ರೈರಿವ ಪರ್ವತೈಃ॥ 2-57-13 (13601)
ಪಂಚವರ್ಣಸವರ್ಣೈಶ್ಚ ಪುಷ್ಪವೃಷ್ಟಿಸಮಪ್ರಭೈಃ।
ತುಲ್ಯೈಃ ಪರ್ಜನ್ಯನಿರ್ಘೋಷೈರ್ಹ್ರಾದೈರ್ಭೋಗವತೀ ಯಥಾ॥ 2-57-14 (13602)
ಕೃಷ್ಣಧ್ವಜೋಪವಾಹ್ಯೈಶ್ಚ ದಾಶಾರ್ಹಾಯುಧರೋಹಿತೈಃ।
ವೃಷ್ಣಿವೀರಮಯೂರೈಶ್ಚ ಸ್ತ್ರೀಸಹಸ್ರಪ್ರಜಾಕುಲೈಃ॥ 2-57-15 (13603)
ವಾಸುದೇವೈಂದ್ರಪರ್ಜನ್ಯೈರ್ಗೃಹಮೇಘೈರಲಂಕೃತಾ।
ದದೃಶೇ ದ್ವಾರಕಾಽತೀವ ಮೇಘೈರ್ದ್ಯೈರಿವ ಸಂವೃತಾ॥ 2-57-16 (13604)
ಸಾಕ್ಷಾದ್ಭಗವತೋ ವೇಶ್ಮ ವಿಹಿತಂ ವಿಶ್ವಕರ್ಮಣಾ।
ದದೃಶುರ್ವಾಸುದೇವಸ್ಯ ಚತುರ್ಯೋಜನಮಾಯತಂ॥ 2-57-17 (13605)
ತಾವದೇವ ಸುವಿಸ್ತೀರ್ಣಂ ಸುಸಂಪೂರ್ಣಂ ಮಹಾಧನೈಃ।
ಪ್ರಾಸಾದವರಸಂಪನ್ನಂ ಯುಕ್ತಂ ಜಗತಿ ಪರ್ವತೈಃ॥ 2-57-18 (13606)
ಯಂ ಚಕಾರ ಮಹಾಭಾಗಸ್ತ್ವಷ್ಟಾ ವಾಸವಚೋದಿತಃ।
ಪ್ರಾಸಾದಂ ಹೇಮನಾಭಸ್ಯ ಸರ್ವತೋ ಯೋಜನಾಯತಂ॥ 2-57-19 (13607)
ಮೇರೋರಿವ ಗಿರೇಃ ಶೃಂಗಮುಚ್ಛ್ರಿತಂ ಕಾಂಚನಾಲಯಂ।
ರುಕ್ಮಿಣ್ಯಾಃ ಪ್ರವರೋ ವಾಸೋ ನಿರ್ಮಿತಃ ಸುಮಹಾತ್ಮನಾ॥ 2-57-20 (13608)
ಸತ್ಯಭಾಮಾ ಪುನರ್ವೇಶ್ಮ ಸದಾ ವಸತಿ ಪಾಂಡರಂ।
ವಿಚಿತ್ರಮಣಿಸೋಪಾನಂ ಯಂ ವಿದುಃ ಶೀತವಾನಿತಿ॥ 2-57-21 (13609)
ವಿಮಲಾದಿತ್ಯವರ್ಣಾಭಿಃ ಪತಾಕಾಭಿರಲಂಕೃತಂ।
ವ್ಯಕ್ತಬದ್ಧಂ ಯಥೋದ್ದೇಶೇ ಚತುರ್ದಶಮಹಾಧ್ವಜಂ॥ 2-57-22 (13610)
ಸರ್ವಪ್ರಾಸಾದಮುಖ್ಯೋಽತ್ರ ಜಾಂಬವತ್ಯಾ ವಿಭೂಷಿತಃ।
ಪ್ರಭಾಯಾ ಜೃಂಭಣೈಶ್ಚಿತ್ರೈಸ್ತ್ರೈಲೋಕ್ಯಮಿವ ಭಾಸಯನ್॥ 2-57-23 (13611)
ಯಸ್ತು ಪಾಂಡರವರ್ಣಾಭಸ್ತಯೋರಂತರಮಾಶ್ರಿತಃ।
ವಿಶ್ವಕರ್ಮಾಕರೋದೇನಂ ಕೈಲಾಸಶಿಖರೋಪಮಂ॥ 2-57-24 (13612)
ಜಾಂಬೂನದಪ್ರದೀಪ್ತಾಗ್ರಃ ಪ್ರದೀಪ್ತಜ್ವಲನೋಪಮಃ।
ಸಾಗರಪ್ರತಿಮೋಽತಿಷ್ಠನ್ಮೇರುರಿತ್ಯಭಿವಿಶ್ರುತಃ॥ 2-57-25 (13613)
ತಸ್ಮಿನ್ಗಾಂಧಾರರಾಜಸ್ಯ ದುಹಿತಾ ಕುಲಶಾಲಿನೀ।
ಸುಕೇಶೀ ನಾಮ ವಿಖ್ಯಾತಾ ಕೇಶವೇನ ನಿವೇಶಿತಾ॥ 2-57-26 (13614)
ಪದ್ಮಕೂಟ ಇತಿ ಖ್ಯಾತಃ ಪದ್ಮವರ್ಣೋ ಮಹಾಪ್ರಭಃ।
ಸುಪ್ರಭಾಯಾ ಮಹಾಬಾಹೋ ವಾಸಃ ಸ ಪರಮೋಚ್ಛ್ರಿತಃ॥ 2-57-27 (13615)
ಯಸ್ತು ಸೂರ್ಯಪ್ರಭೋ ನಾಮ ಪ್ರಾಸಾದವರ ಉಚ್ಯತೇ।
ಲಕ್ಷಣಾಯಾಃ ಕುರುಶ್ರೇಷ್ಠ ಸ ದತ್ತಃ ಶಾರ್ಂಗಧನ್ವನಾ॥ 2-57-28 (13616)
ವೈಡೂರ್ಯವರವರ್ಣಾಭಃ ಪ್ರಾಸಾದೋ ಹರಿತಪ್ರಭಃ।
ಶ್ವೇತಜಾಲಾ ಹಿ ಯತ್ರೈವ ಯತ್ರೈವ ಚ ನಿವೇಶಿತಾ॥ 2-57-29 (13617)
ಯಂ ವಿದುಃ ಸರ್ವಭೂತಾನಿ ಹರಿರಿತ್ಯೇವ ಭಾರತ।
ಸುಮಿತ್ರವಿಜಯಾವಾಸೋ ದೇವರ್ಷಿಗಣಪೂಜಿತಃ॥ 2-57-30 (13618)
ಮಹಿಷ್ಯಾ ವಾಸುದೇವಸ್ಯ ಭೂಷಣಂ ಸರ್ವವೇಶ್ಮನಾಂ।
ಯಸ್ತು ಪ್ರಾಸಾದಮುಖ್ಯೋಽತ್ರ ವಿಹಿತಃ ಸರ್ವಶಿಲ್ಪಿಭಿಃ॥ 2-57-31 (13619)
ಮಹಿಷ್ಯಾ ವಾಸುದೇವಸ್ಯ ಕೇತುಮಾನಿತಿ ವಿಶ್ರುತಃ।
ಪ್ರಸಾದೋ ವಿರಜೋ ನಾಮ ವಿರಜಸ್ಕೋ ಮಹಾತ್ಮನಃ॥ 2-57-32 (13620)
ಉಪಸ್ಥಾನಗೃಹಂ ತಾತ ಕೇಶವಸ್ಯ ಮಹಾತ್ಮನಃ।
ಯಸ್ತು ಪ್ರಾಸಾದಮುಖ್ಯೋಽತ್ರ ಯಂ ತ್ವಷ್ಟಾ ವ್ಯದಧಾತ್ಸ್ವಯಂ॥ 2-57-33 (13621)
ಯೋಜನಾಯತವಿಷ್ಕಂಭಂ ಸರ್ವರತ್ನಮಯಂ ವಿಭೋಃ।
ತೇಷಾಂ ತು ವಿಹಿತಾಃ ಸರ್ವೇ ರುಕ್ಮದಂಡಾಃ ಪತಾಕಿನಃ॥ 2-57-34 (13622)
ಸದನೇ ವಾಸುದೇವಸ್ಯ ಮಾರ್ಗಸಂಜನನಾ ಧ್ವಜಾಃ।
ಘಂಟಾಜಾಲಾನಿ ತತ್ರೈವ ಸರ್ವೇಷಾಂ ನಿವೇಶನೇ॥ 2-57-35 (13623)
ಆಹೃತ್ಯ ಯದುಸಿಂಹೇನ ವೈಜಯಂತಚ್ಛಲೋ ಮಹಾತ್।
ಹಂಸಕೂಟಸ್ಯ ಯಚ್ಛ್ರಂಗಮಿಂದ್ರದ್ಯುಂನಸರೋ ಮಹತ್॥ 2-57-36 (13624)
ಷಷ್ಟಿತಾಲಸಮುತ್ಸೇಧಮರ್ಧಯೋಜನವಿಸ್ತೃತಂ।
ಸಕಿನ್ನರಮಹಾನಾದಂ ತದಪ್ಯಮಿತತೇಜಸಃ॥ 2-57-37 (13625)
ಪಶ್ಯತಾಂ ಸರ್ವಭೂತಾನಾಂ ತ್ರಿಷು ಲೋಕೇಷು ವಿಶ್ರುತಂ।
ಆದಿತ್ಯಪಥಗಂ ಯತ್ತನ್ಮೇರೋಃ ಶಿಖರಮುತ್ತಮಂ॥ 2-57-38 (13626)
ಜಾಂಬೂನದಮಯಂ ದಿವ್ಯಂ ತ್ರಿಷು ಲೋಕೇಷು ವಿಶ್ರುತಂ।
ತದಪ್ಯುತ್ಪಾಟ್ಯ ಕುಚ್ಛ್ರೇಣ ಸ್ವಂ ನಿವೇಶನಮಾಹೃತಂ॥ 2-57-39 (13627)
ಭ್ರಾಜಮಾನಂ ಪುರಾ ತತ್ರ ಸರ್ವೌಷಧಿವಿದೀಪಿತಂ।
ಯಮಿಂದ್ರಭವನಾಚ್ಛೌರಿರಾಜಹಾರ ಪರಂತಪಃ॥ 2-57-40 (13628)
ಪಾರಿಜಾತಃ ಸ ತತ್ರೈವ ಕೇಶವೇನ ನಿವೇಶಿತಃ।
ಲೇಪಹಸ್ತಶತೈರ್ಜುಷ್ಟೋ ವಿಮಾನೈಶ್ಚ ಹಿರಣ್ಮಯೈಃ॥ 2-57-41 (13629)
ವಿಹಿತಾ ವಾಸುದೇವೇನ ತತ್ರೈವ ಚ ಮಹಾದ್ರುಮಾಃ।
ಪದ್ಮಾಕುಲಜಲೋಪೇತಾ ರಕ್ತಸೌಗಂಧಿಕೋತ್ಪಲಾಃ॥ 2-57-42 (13630)
ಮಣಿಮೌಕ್ತಿಕವಾಲೂಕಾಃ ಪುಷ್ಕರಿಣ್ಯಃ ಸರಾಂಸಿ ಚ।
ತಾಸಾಂ ಪರಮಕೂಲಿ ಶೋಭಯಂತಿ ಮಹಾದ್ರುಮಾಃ॥ 2-57-43 (13631)
ಸಾಲತಾಲಾಶ್ವಕರ್ಣಾಶ್ಚ ಶತಶಾಖಾಶ್ಚ ರೋಹಿಣಃ।
ಭಲ್ಲಾತಕಕಪಿತ್ಥಾಶ್ಚ ಇಂದ್ರವೃಕ್ಷಾಶ್ಚ ಚಂಪಕಾಃ॥ 2-57-44 (13632)
ಖಾದಿರಾ ಮೃತಕಾಶ್ಚೈವ ಸಮಂತಾತ್ಪರಿರೋಪಿತಾಃ।
ಯೇ ಚ ಹೈಮವತಾ ವೃಕ್ಷಾ ಯೇ ಚ ನಂದನಜಾಸ್ತಥಾ॥ 2-57-45 (13633)
ಆಹೃತ್ಯ ಯದುಸಿಂಹೇನ ತೇಽಪಿ ತತ್ರ ನಿವೇಶಿತಾಃ।
ರತ್ನಪೀತಾರುಣಪ್ರಖ್ಯಾಃ ಸಿತಪುಷ್ಪಾಶ್ಚ ಪಾದಪಾಃ॥ 2-57-46 (13634)
ಸರ್ವರ್ತುಫಲಪೂರ್ಣೋಸ್ತೇ ತೇ ಚ ಕಾನನಸಿಂಧುಷು।
ಸಹಸ್ರಪತ್ರಪದ್ಮಾಶ್ಚ ಮಂದರಾಶ್ಚ ಸಹಸ್ರಶಃ॥ 2-57-47 (13635)
ಅಶೋಕಾಃ ಕರ್ಣಿಕಾರಾಶ್ಚ ತಿಲಕಾ ನಾಗ ಮಲ್ಲಿಕಾಃ।
ಕುರಕಾ ನಾಗಪುಷ್ಪಾಶ್ಚ ಚಂಪಕಾಸ್ತೃಣಪುಲ್ಲಿಕಾಃ॥ 2-57-48 (13636)
ಸಪ್ತವರ್ಣಾಃ ಕಬಂಧಾಶ್ಚ ನೀಪಾಃ ಕುರವಕಾಸ್ತಥಾ।
ಕೇತಕಾಃ ಕೇಸರಾಶ್ಚೈವ ಹಿನತಾಲತಲತಾಟಕಾಃ॥ 2-57-49 (13637)
ತಾಲಾಃ ಪ್ರಲಂಬಾ ವಕುಲಾಃ ಪಿಂಡಿಕಾ ಬೀಜಪೂರಕಾಃ।
ದ್ರುತಾಮಲಕಖರ್ಜೂರಾ ಮಹಿತಾ ಜಂಬುಕಾಸ್ತಥಾ॥ 2-57-50 (13638)
ಆಂರಾಃ ಪನಸವೃಕ್ಷಾಶ್ಚ ಚಂಪಕಾಸ್ತಿಲತಿಂದುಕಾಃ।
ಲಿಕುಚಾಮೃತಾಶ್ಚೈವ ಕ್ಷೀರಿಕಾ ಕರ್ಣಿಕಾ ತಥಾ॥ 2-57-51 (13639)
ನಾಲಿಕೇರೇಂಗುದಾಶ್ಚೈವ ಉತ್ಕ್ರೋಶಕವನಾನಿ ಚ।
ಕದಲೀ ಜಾತಮಲ್ಲೀ ಚ ಪಾಟಲೀ ಕುಮುದೋತ್ಪಲಾಃ॥ 2-57-52 (13640)
ನೀಲೋತ್ಪಲಕಪೂರ್ಣಾಶ್ಚ ವಾಪ್ಯಃ ಕೂಪಾಃ ಸಹಸ್ರಶಃ।
ಫುಲ್ಲಾಶಾಕಕಪಿತ್ಥಾಶ್ಚ ತೈಸ್ತೀರ್ತ್ವಾ ಬಂಧುಜೀವಕಾಃ॥ 2-57-53 (13641)
ಪ್ರಿಯಾಲಾಶೋಕವಾದಿರ್ಯಾಃ ಪ್ರಾಚೀನಾಶ್ಚಾಪಿ ಸರ್ವಶಃ।
ಪ್ರಿಯಂಗುಬದರೀಭಿಶ್ಚ ಯವೈಃ ಸ್ಯಂದನಚಂದನೈಃ॥ 2-57-54 (13642)
ಶಚೀಪೀಲುಪಲಾಶ್ಚೈಶ್ಚ ಪಲಾಶವಧಪಿಪ್ಲೈಃ।
ಉದುಂಬರೈಶ್ಚ ಬಿಲ್ವೈಶ್ಚ ಪಾಲಾಶೈಃ ಪಾರಿಭದ್ರಕೈಃ॥ 2-57-55 (13643)
ಇಂದ್ರವೃಕ್ಷಾರ್ಜುನೈಶ್ಚೈವ ಅಶ್ವತ್ಥೈಶ್ಚಿರಬಿಲ್ವಕೈಃ।
ಭೌಮಗಂಜನವೃಕ್ಷೈಶ್ಚ ಭಲ್ಲಾಭೈರಶ್ವಸಾಹ್ವಯೈಃ॥ 2-57-56 (13644)
ಸಜ್ಜೈಸ್ತಾಂಬೂಲವಲ್ಲೀಭಿರ್ಲವಂಗೈಃ ಕ್ರಮುಕೈಸ್ತಥಾ।
ವಂಶೈಶ್ಚ ವಿವಿಧೈಸ್ತತ್ರ ಸಮಂತಾತ್ಪರಿರೋಪಿತೈಃ॥ 2-57-57 (13645)
ಯೇ ಚ ನಂದನಜಾ ವೃಕ್ಷಾ ಯೇ ಚ ಚೈತ್ರರಥೇ ವನೇ।
ಸರ್ವೇ ತೇ ಯದುನಾಥೇನ ಸಮಂತಾತ್ಪರಿರೋಪಿತಾಃ॥ 2-57-58 (13646)
ಸಮಾಹಿತಾ ಮಹಾನದ್ಯಃ ಪೀತಲೋಹಿತವಾಲುಕಾಃ।
ತಸ್ಮಿನ್ಗೃಹವರೇ ರಂಯೇ ಮಣಿಶಕ್ರಸವಾಲುಕಾಃ॥ 2-57-59 (13647)
ಮತ್ತಬರ್ಹಿಣನಾದಾಶ್ಚ ಕೋಕಿಲಾಶ್ಚ ಮದಾವಹಾಃ।
ಬಭೂವುಃ ಪರಮೋಪೇತಾಃ ಸರ್ವೇ ಜಗತಿ ಪರ್ವತಾಃ॥ 2-57-60 (13648)
ತತ್ರೈವ ಗಜಯೂಥಾನಿ ತತ್ರ ಗೋಮಹಿಷಾಸ್ತಥಾ।
ನಿವಾಸಾಶ್ಚ ಕೃತಾಸ್ತತ್ರ ವರಾಹಾ ಮೃಗಪಕ್ಷಿಣಾಂ॥ 2-57-61 (13649)
ವಿಶ್ವಕರ್ಮಕೃತಃ ಶೈಲಃ ಪ್ರಾಕಾರಸ್ತತ್ರ ವೇಶ್ಮನಿ।
ವ್ಯಕ್ತಕಿಷ್ಕುಶತೋದ್ಯಾಮಃ ಸುಧಾರಸಸಮಪ್ರಭಃ॥ 2-57-62 (13650)
ತೇನ ತೇ ಚ ಮಹಾಶೈಲಾಃ ಸರಿತಶ್ಚ ಸರಾಂಸಿ ಚ।
ಪರಿಕ್ಷಿಪ್ತಾನಿ ವೈ ತಸ್ಯ ವನಾನ್ಯುಪವನಾನಿ ಚ॥ ॥ 2-57-63 (13651)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣ ಅರ್ಘಾಹರಣಪರ್ವಣಿ ಸಪ್ತಪಂಚಾಶೋಽಧ್ಯಾಯಃ॥ 57॥
ಸಭಾಪರ್ವ - ಅಧ್ಯಾಯ 058
॥ ಶ್ರೀಃ ॥
2.58. ಅಧ್ಯಾಯಃ 058
Mahabharata - Sabha Parva - Chapter Topics
ಕೃಷ್ಣದರ್ಶನಾಯ ವಸುದೇವಾದೀನಾಮಾಗಮನಂ॥1॥ ರಾಮಕೃಷ್ಣಾಭ್ಯಾಂ ಪಿತ್ರಾದಿವಂದನಪೂರ್ವಕಂ ಬಂಧುಭ್ಯೋ ರತ್ನಾದಿವಿತರಣಂ॥ 2॥ ಇಂದ್ರಸ್ಯ ಕೃಷ್ಣಚರಿತಪ್ರಶಂಸನಪೂರ್ವಕಂ ಸ್ವಲೋಕಗಮನಂ॥ 3॥Mahabharata - Sabha Parva - Chapter Text
ಭೀಷ್ಮ ಉವಾಚ।
ಏವಮಾಲೋಕಯಾಂಚಕ್ರುರ್ದ್ವಾರಕಾಮೃಷಭಾಸ್ತ್ರಯಃ।
ಉಪೇಂದ್ರಬಲದೇವೌ ಚ ವಾಸವಶ್ಚ ಮಹಾಯಶಾಃ॥ 2-58-1 (13652)
ತತಸ್ತಂ ಪಾಂಡರಂ ಶೌರಿರ್ಮೂರ್ಧ್ನಿ ತಿಷ್ಠನ್ಗರುತ್ಮತಃ।
ಪ್ರೀತಃ ಶಂಖಮುಪಾಧ್ಮಾಸೀದ್ದ್ವಿಷತಾಂ ರೋಮಹರ್ಷಣಂ॥ 2-58-2 (13653)
ತಸ್ಯ ಶಂಖಸ್ಯ ಶಬ್ದೇನ ಸಾರಶ್ಚುಕ್ಷುಭೇ ಭೃಶಂ।
ರರಾಸ ಚ ನಭಃ ಸರ್ವಂ ತಚ್ಚಿತ್ರಮಭವತ್ತದಾ॥ 2-58-3 (13654)
ಪಾಂಚಜನ್ಯಸ್ಯ ನಿರ್ಘೋಷಂ ನಿಶಂಯ ಕುಕುರಾಂದಕಾಃ।
ಪ್ರೀಯಮಾಣಾಃ ಸಮಾಜಗ್ಮುರಾಲೋಕ್ಯ ಮಧುಸೂದನಂ॥ 2-58-4 (13655)
ವಸುದೇವಂ ಪುರಸ್ಕೃತ್ಯ ವೇಣುಶಂಖರವೈಃ ಸಹ।
ಉಗ್ರಸೇನೋ ಯಯೌ ರಾಜಾ ವಾಸುದೇವನಿವೇಶನಂ॥ 2-58-5 (13656)
ಆನಂದಿತುಂ ಪರ್ಯಚನ್ಸ್ವೇಷು ವೇಶ್ಮಸು ದೇವಕೀ।
ರೋಹಿಣೀ ಚ ಯಯೌ ದೇಶಮಾಹುಕಸ್ಯ ಚ ಯಾಃ ಸ್ತ್ರಿಯಃ॥ 2-58-6 (13657)
ಹತಾ ಬ್ರಹ್ಮದ್ವಿಷಃ ಸರ್ವೇ ಜಯಂತ್ಯಂಧಕವೃಷ್ಣಯಟಃ।
ಏವಮುಕ್ತಃ ಸಹ ಸ್ತ್ರೀಭಿರಕ್ಷತೈರ್ಮಧುಸೂದನಃ॥ 2-58-7 (13658)
ತತಃ ಶೌರಿಃ ಸುಪರ್ಣೇನ ಸ್ವಂ ನಿವೇಶನಮಭ್ಯಯಾತ್।
ಚಕಾರಾಥ ಯಥೋದ್ದೇಶಮೀಶ್ವರೋ ಮಣಿಪರ್ವತಂ॥ 2-58-8 (13659)
ತತೋ ಧನಾನಿ ರತ್ನಾನಿ ಸಭಾಯಾಂ ಮಧುಸೂದನಃ।
ನಿಧಾಯ ಪುಂಡರೀಕಾಕ್ಷಃ ಪಿತುರ್ದರ್ಶನಲಾಲಸಃ॥ 2-58-9 (13660)
ತತಃ ಸಾಂದೀಪಿನಿಂ ಪೂರ್ವಂ ಬ್ರಾಹ್ಮಣಂ ಚಾಪಿ ಭಾರತ।
ಯಥಾನ್ಯಾಯಂ ವಾಸುದೇವ ಉಪಸ್ಪೃಷ್ಟ್ವಾ ಮಹಾಯಶಾಃ॥ 2-58-10 (13661)
ವವಂದೇ ಪೃಥುತಾಂರಾಕ್ಷಃ ಪ್ರೀಯಮಾಣೋ ಮಹಾಯಶಾಃ।
ತಥಾಽಶ್ರುಪರಿಪೂರ್ಣಾಕ್ಷಮಾನಂದಭೃತಚೇತಸಂ॥ 2-58-11 (13662)
ವವಂದೇ ಸಹ ರಾಮೇಣ ಪಿತರಂ ವಾಸವಾನುಜಃ।
ತಾಭ್ಯಾಂ ಚ ಮೂರ್ಧ್ನ್ಯುಪಾಘ್ರಾತಃ ಕೇಶವಃ ಪರವೀರಹಾ॥ 2-58-12 (13663)
ಯಥಾಶ್ರೇಷ್ಠಮುಪಾಗಂಯ ಸಾತ್ವತಾನ್ಯದುನಂದನಃ।
ಸರ್ವೇಷಾಂ ನಾಮ ಜಗ್ರಾಹ ದಾಶಾರ್ಹಾಣಾಮಧೋಕ್ಷಜಃ॥ 2-58-13 (13664)
ತತಃ ಸರ್ವಾಣಿ ವಿತ್ತಾನಿ ಸರ್ವರತ್ನಮಯಾನಿ ಚ।
ವ್ಯಭಜತ್ತಾನಿ ತೇಭ್ಯೋಽಥ ಸರ್ವೇಭ್ಯೋ ಯದುನಂದನಃ॥ 2-58-14 (13665)
ಸಾ ಕೇಶವಮಹಾಮಾತ್ರೈರ್ಮಹೇಂದ್ರಪ್ರತಿಮೈಃ ಸಭಾ।
ಶುಶುಭೇ ವೃಷ್ಣಿಶಾರ್ದೂಲೈಃ ಸಿಂಹೈರಿವ ಗಿರೇರ್ಗುಹಾ॥ 2-58-15 (13666)
ಅಥಾಸನಗತಾನ್ಸರ್ವಾನುವಾಚ ವಿಬುಧಾಧಿಪಃ।
ಶುಭಯಾ ಹರ್ಷಯನ್ವಾಚಾ ಮಹೇಂದ್ರಸ್ತಾನ್ಮಹಾಯಶಾಃ।
ಕುಕುರಾಂಧಕಮುಖ್ಯಾಂಶ್ಚ ತಂ ಚ ರಾಜಾನಮಾಹುಕಂ॥ 2-58-16 (13667)
ಇಂದ್ರ ಉವಾಚ। 2-58-17x (1483)
ಯದರ್ಥಂ ಜನ್ಮ ಕೃಷ್ಣಸ್ಯ ಮಾನುಷೇಷು ಮಹಾತ್ಮನಃ।
ಯತ್ಕೃತಂ ವಾಸುದೇವೇನ ತದ್ವಕ್ಷ್ಯಾಮಿ ಸಮಾಸತಃ॥ 2-58-17 (13668)
ಅಯಂ ಶತಸಹಸ್ರಾಣಿ ದಾನವಾನಾಮರಿಂದಮಃ।
ನಿಹಯ್ ಪುಂಡರೀಕಾಕ್ಷಃ ಪಾತಾಲವಿವರಂ ಯಯೌ॥ 2-58-18 (13669)
ಯಚ್ಚ ನಾಧಿಗತಂ ಪೂರ್ವೈಃ ಪ್ರಹ್ಲಾದಬಲಿಶಂಬರೈಃ।
ತದಿದಂ ಶೌರಿಣಾ ವಿತ್ತಂ ಪ್ರಾಪಿತಂ ಭವತಾಮಿಹ॥ 2-58-19 (13670)
ಸಪಾಶಂ ಮುರಮಾಕ್ರಮಯ್ ಪಾಂಚಜನ್ಯಂ ಚ ಧೀಮತಾ।
ಶಿಲಾಸಂಘಾನತಿಕ್ರಂಯ ನಿಶುಂಭಃ ಸಗಣೋ ಹತಃ॥ 2-58-20 (13671)
ಹಯಗ್ರೀವಶ್ಚ ವಿಕ್ರಾಂತೋ ದಾನವೋ ನಿಹತೋ ಬಲೀ।
ಮಥಿತಶ್ಚ ಮೃಧೇ ಭೌಮಃ ಕುಂಡಲೇ ಚಾಹೃತೇ ಪುನಃ॥ 2-58-21 (13672)
ಪುನರ್ಬಾಣವಧೇ ಶೌರಿಮಾದಿತ್ಯಾ ವಸುಭಿಃ ಸಹ।
ಮನ್ಮುಖಾ ಆಗಮಿಷ್ಯಂತಿ ಸಾಧ್ಯಾಶ್ಚ ಮಧುಸೂದನಂ॥ 2-58-22 (13673)
ಏವಮುಕ್ತ್ವಾ ತತಃ ಸರ್ವಾನಾಮಂತ್ರ್ಯ ಕುಕುರಾಂಧಕಾನ್।
ಸಸ್ವಜೇ ರಾಮಕೃಷ್ಣೌ ಚ ವಸುದೇವಂ ಚ ವಾಸವಃ॥ 2-58-23 (13674)
ಪ್ರದ್ಯುಂನಸಾಂಬಪ್ರಮುಖಾನನಿರೂದ್ಧಂ ಚ ಸಾರಣಂ।
ಬಭ್ರುಂ ಝಲ್ಲಿಂ ಗದಂ ಭಾನುಂ ಚಾರುದೇಷ್ಣಂ ಚ ವೃತ್ರಹಾ॥ 2-58-24 (13675)
ಸತ್ಕೃತ್ಯ ಸಾರಣಾಕ್ರೂರೌ ಪುನರಾಭಾಷ್ಯ ಸಾತ್ಯಕಿಂ।
ಸಸ್ವಜೇ ವೃಷ್ಣಿರಾಜಾನಮಾಹುಕಂ ಕುಕುರಾಧಿಪಂ।
ಭೋಜಂ ಚ ಕೃತವರ್ಣಾಣಮನ್ಯಾಂಶ್ಚಾಂದಕವೃಷ್ಣಿಷು॥ 2-58-25 (13676)
ಆಮಂತ್ರ್ಯ ದೇವಪ್ರವರೈರ್ವಾಸವೋ ವಾಸವಾನುಜಂ।
ತತಃ ಶ್ವೇತಾಚಲಪ್ರಖ್ಯಂ ಗಜಮೈರಾವತಂ ಪ್ರಭುಃ॥ 2-58-26 (13677)
ಪಶ್ಯತಾಂ ಸರ್ವಭಾತಾನಾಮಾರುರೋಹ ಶಚೀಪತಿಃ।
ಪೃಥಿವೀಂ ಚಾಂತರಿಕ್ಷಂ ಚ ದಿವಂ ಚ ವರವಾರಣಂ॥ 2-58-27 (13678)
ಮುಖಾಡಂಬರನಿರ್ಘೋಷೈಃ ಪೂರಯಂತಮಿವಾಸಕೃತ್।
ಹೈಮಯಂತ್ರಮಹಾಕಕ್ಷ್ಯಂ ಹಿರಣ್ಮಯವಿಷಾಣಿನಂ॥ 2-58-28 (13679)
ಮನೋಹರಕುಥಾಸ್ತೀರ್ಣಂ ಸರ್ವರತ್ನವಿಭೂಷಿತಂ।
ನಿತ್ಯಸ್ರುತಮದಸ್ರಾವಂ ಕ್ಷರಂತಮಿವ ತೋಯದಂ॥ 2-58-29 (13680)
ದಿಶಾಗಜಂ ಮಹಾಮಾತ್ರಂ ಕಾಂಚನಸ್ರಜಮಾಸ್ಥಿತಃ।
ಪ್ರಬಭೌ ಮಂದರಾಗ್ರಸ್ಥಃ ಪ್ರತಪನ್ಭಾನುಮಾನಿವ॥ 2-58-30 (13681)
ತತೋ ವಜ್ಮಯಂ ಭೀಮಂ ಪ್ರಗೃಹ್ಯ ಪರಾಮಾಂಕುಶಂ।
ಯಯೌ ಬಲವತಾ ಸಾರ್ಧಂ ಪಾವಕೇನ ಶಚೀಪತಿಃ॥ 2-58-31 (13682)
ತಂ ಕರೇಣುಗಜವ್ರಾತೈರ್ವಿಮಾನೈಶ್ಚ ಮರುದ್ಗಣಾಃ।
ಪೃಷ್ಠತೋಽನುಯಯುಃ ಪ್ರೀತಾಃ ಕುಬೇರವರುಣಗ್ರಹಾಃ॥ 2-58-32 (13683)
ಸ ವಾಯುಪಕ್ಷಮಾಸ್ಥಾಯ ವೈಶ್ವಾನರಪಥಂ ಗತಃ।
ಪ್ರಾಪ್ಯ ಸೂರ್ಯಪಥಂ ದೇವಸ್ತತ್ರೈವಾಂತರಧೀಯತ॥ ॥ 2-58-33 (13684)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅರ್ಘಾಹರಣಪರ್ವಣಿ ಅಷ್ಟಪಂಚಾಶೋಽಧ್ಯಾಯಃ॥ 58॥
ಸಭಾಪರ್ವ - ಅಧ್ಯಾಯ 059
॥ ಶ್ರೀಃ ॥
2.59. ಅಧ್ಯಾಯಃ 059
Mahabharata - Sabha Parva - Chapter Topics
ಕೃಷ್ಣೇನಾಹೃತವಿಭೂತಿವಿಲೋಕನಾಯ ದೇವಕೀರುಕ್ಮಿಣ್ಯಾದಿಸ್ತ್ರೀಣಾಮಾಗಮನಂ॥1॥ ಸಭಾಮಾಗತಾಯಾಃ ಯಶೋದಾಸುತಾಯಾಃ ರಾಮಕೃಷ್ಣಾಭ್ಯಾಂ ಸತ್ಕಾರಃ॥ 2॥ ಸರ್ವೇಷಾಂ ಸ್ವಸ್ವಭವನಗಮನಂ॥ 3॥Mahabharata - Sabha Parva - Chapter Text
ಭೀಷ್ಮ ಉವಾಚ॥
ತತಃ ಸರ್ವದಶಾರ್ಹಾಣಾಮಾಹುಕಸ್ಯ ಚ ಯಾಃ ಸ್ತ್ರಿಯಃ।
ನಂದಗೋಪಸ್ಯ ಮಹಿಷೀ ಯಶೋದಾ ಲೋಕವಿಶ್ರುತಾ॥ 2-59-1 (13685)
ರೇವತೀ ಚ ಮಹಾಭಾಗಾ ರುಕ್ಮಿಣೀ ಚ ಪತ್ರಿವ್ರತಾ।
ಸತ್ಯಾ ಜಾಂಬವತೀ ಚೋಭೇ ಗಾಂಧಾರೀ ಶಿಂಶುಮಾಪಿ ಚ॥ 2-59-2 (13686)
ವಿಶೋಕಾ ಲಕ್ಷಣಾ ಚಾಪಿ ಸುಮಿತ್ರಾ ಕೇತುಮಾ ತಥಾ।
ವಾಸುದೇವಮಹಿಷ್ಯೋಽನ್ಯಾಃ ಶ್ರಿಯಾ ಸಾರ್ಧಂ ಯಯುಸ್ತದಾ॥ 2-59-3 (13687)
ವಿಭೂತಿಂ ದ್ರಷ್ಟುಮನಸಃ ಕೇಶವಸ್ಯ ಮಹಾತ್ಮನಃ।
ಪ್ರೀಯಮಾಣಾಃ ಸಭಾಂ ಜಗ್ಮುರಾಲೋಕಯಿತುಮಚ್ಯುತಂ॥ 2-59-4 (13688)
ದೇವಕೀ ಸರ್ವದೇವೀನಾಂ ರೋಹಿಣೀ ಚ ಪುರಸ್ಕೃತಾ।
ದದೃಶುರ್ದೇವಮಾಸೀನಂ ಕೃಷ್ಣಂ ಹಲಭೃತಾ ಸಹ॥ 2-59-5 (13689)
ತೌ ತು ಪೂರ್ವಮತಿಕ್ರಂಯ ರೋಹಿಣೀಮಭಿವಾದ್ಯ ಚ।
ಅಭ್ಯವಾದಯತಾಂ ದೇವೌ ದೇವಕೀಂ ರಾಮಕೇಶವೌ॥ 2-59-6 (13690)
ಸಾ ತಾಭ್ಯಾಮೃಷಭಾಕ್ಷಾಭ್ಯಾಂ ಪುತ್ರಾಭ್ಯಾಂ ಶುಶುಭೇಽಧಿಕಂ।
ದೇವಕೀ ದೇವಮಾತೇವ ಮಿತ್ರೇಣ ವರುಣೇನ ಚ॥ 2-59-7 (13691)
ತತಃ ಪ್ರಾಪ್ತಾ ಯಶೋದಾಯಾ ದುಹಿತಾ ವೈ ಕ್ಷಣೇನ ಹಿ।
ಜಾಜ್ವಲ್ಯಮಾನಾ ವಪುಷಾ ಪ್ರಭಯಾಽತೀವ ಭಾರತ॥ 2-59-8 (13692)
ಏಕಾನಂಗೇತಿ ಯಾಮಾಹುಃ ಕನ್ಯಾಂ ವೈ ಕಾಮರೂಪಿಣೀಂ।
ಯತ್ಕೃತೇ ಸಗಣಂ ಕಂಸಂ ಜಘಾನ ಪುರುಷೋತ್ತಮಃ॥ 2-59-9 (13693)
ತತಃ ಸ ಭಗವಾನ್ರಾಮಸ್ತಾಮುಪಾಕ್ರಂಯ ಭಾಮಿನಾಂ।
ಮೂರ್ಧ್ನ್ಯುಪಾಘ್ರಾಯ ಸವ್ಯೇನ ಪರಿಜಗ್ರಾಹ ಪಾಣಿನಾ॥ 2-59-10 (13694)
ತಾಂ ಚ ತತ್ರೋಪಸಂಪ್ರಾಪ್ಯ ಪ್ರಿಯಾಮಿವ ಸಖೀಮಿಮಾಂ।
ದಕ್ಷಿಣೇನ ಕರಾಗ್ರೇಣ ಪಿರಜಗ್ರಾಹ ಮಾಧವಃ॥ 2-59-11 (13695)
ದದೃಶುಸ್ತಾಂ ಸಭಾಮಧ್ಯೇ ಭಗಿನೀಂ ರಾಮಕೃಷ್ಣಯೋಃ।
ರುಕ್ಮಪದ್ಮಶಾಂ ಪದ್ಮಶ್ರೀಮಿವೋತ್ತಮನಾಭಯೋಃ॥ 2-59-12 (13696)
ಅಥಾಕ್ಷತಮಹಾವಷ್ಟ್ಯಾ ಲಾಜಪುಷ್ಪಘೃತೈರಪಿ।
ವೃಷ್ಣಯೋಽವಾಕಿರನ್ಪ್ರೀತಾಃ ಸಂಕರ್ಷಣಜನಾರ್ದನೌ॥ 2-59-13 (13697)
ಸಬಾಲಾಃ ಸಹವೃದ್ಧಾಶ್ಚ ಯೇ ಜ್ಞಾತಿಕುಲಬಾಂಧವಾಃ।
ಉಪೋಪವಿವಿಶುಃ ಪ್ರೀತಾ ವೃಷ್ಣಯೋ ಮಧುಸೂದನಂ॥ 2-59-14 (13698)
ಪೂಜ್ಯಮಾನೋ ಮಹಾಬಾಹುಃ ಪೌರಾಣಾಂ ರತಿವರ್ಧನಃ।
ವಿವೇಶ ಪುರುಷವ್ಯಾಘ್ರಃ ಸ್ವವೇಶ್ಮ ಮಧುಸೂದನಃ॥ 2-59-15 (13699)
ರುಕ್ಮಿಣ್ಯಾ ಸಹಿತೋ ದೇವ್ಯಾ ಪ್ರಮುಮೋದ ಸುಖೀ ಸುಖಂ।
ಅನಂತರಂ ಚ ಸತ್ಯಾಯಾ ಜಾಂಬವತ್ಯಾಶ್ಚ ಭಾರತ॥ 2-59-16 (13700)
ಸರ್ವಾಸಾಂ ಚ ಯದುಶ್ರೇಷ್ಠೋ ಗೇಹೇ ಗೇಹೇ ವಿಹಾರವಾನ್।
ಜಗಾಮ ಚ ಹೃಷೀಕೇಶೋ ರುಕ್ಮಿಣ್ಯಾಃ ಸದನಂ ಪುನಃ॥ 2-59-17 (13701)
ಏಷ ತಾತ ಮಹಾಬಾಹೋ ವಿಜಯಃ ಶಾರ್ಂಗಧನ್ವನಃ।
ಏತದರ್ಥಂ ಚ ಜನ್ಮಾಹುರ್ಮಾನುಷೇಷು ಮಹಾತ್ಮನಃ॥ ॥ 2-59-18 (13702)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅರ್ಘಾಹರಣಪರ್ವಣಿ ಏಕೋನಷಷ್ಟಿತಮೋಽಧ್ಯಾಯಃ॥ 59 ॥
ಸಭಾಪರ್ವ - ಅಧ್ಯಾಯ 060
॥ ಶ್ರೀಃ ॥
2.60. ಅಧ್ಯಾಯಃ 060
Mahabharata - Sabha Parva - Chapter Topics
ಶರ್ವವರಗರ್ವಿತೇನ ಬಾಣಾಸುರೇಣ ಸ್ವತನಯಯಾ ಉಷಯಾ ಸಹ ಗೂಢಂ ರಮಮಾಣಸ್ಯ ಅನಿರುದ್ಘಸ್ಯ ಕಾರಾ ಗೃಹಪ್ರಾಷಣಂ॥1॥ ನಾರದಾದ್ವಿದಿತಪೌತ್ರವೃತ್ತೇನ ಕೃಷ್ಣೇನ ಸರಾಮಪ್ರದ್ಯುಂನೇನ ಬಾಣಂ ನಿರ್ಜಿತ್ಯ ಉಷಯಾ ಸಹ ಅನಿರುದ್ಘಾನಯನಂ॥ 2॥Mahabharata - Sabha Parva - Chapter Text
ಭೀಷ್ಮ ಉವಾಚ॥
ದ್ವಾರಕಾಯಾಂ ತತಃ ಕೃಷ್ಣಃ ಸ್ವದಾರೇಷು ದಿವಾನಿಶಂ।
ಸುಖಂ ಲಬ್ಧ್ವಾ ಮಹಾರಾಜ ಪ್ರಮುಮೋದ ಮಹಾಯಶಾಃ॥ 2-60-1 (13703)
ಪೌತ್ರಸ್ಯ ಕಾರಣಾಚ್ಚಕ್ರೇ ವಿಬುಧಾನಾಂ ಪ್ರಿಯಂ ತದಾ।
ಸಾವಸವೈಃ ಸುರೈಃ ಸರ್ವೈರ್ದುಷ್ಕರಂ ಭರತರ್ಷಭ॥ 2-60-2 (13704)
ಬಾಣೋ ನಾಮಾಽಭವದ್ರಾಜಾ ಬಲೇರ್ಜ್ಯೇಷ್ಠಸುತೋ ಬಲೀ।
ವೀರ್ಯವಾನ್ಭರತಶ್ರೇಷ್ಠ ಸ ಚ ಬಾಹುಸಹಸ್ರವಾನ್॥ 2-60-3 (13705)
ತತಸ್ತೇಪೇ ತಪಸ್ತೀವ್ರಂ ಸತ್ವೇನ ಮನಸಾ ನೃಪ।
ರುದ್ರಮಾರಾಧಯಾಮಾಸ ಸ ಚ ಬಾಣಃ ಸಮಾ ಬಹು॥ 2-60-4 (13706)
ತಸ್ಮೈ ಬಹುವರಾ ದತ್ತಾಃ ಶಂಕರೇಣ ಮಹಾತ್ಮನಾ।
ತಾಂಶ್ಚ ಲಬ್ಧ್ವಾ ವರಾನ್ಬಾಣೋ ದುರ್ಲಭಾನಸುರೈರ್ಭುವಿ॥ 2-60-5 (13707)
ಸ ಶೋಣಿತಪುರೇ ರಾಜ್ಯಂ ಚಕಾರಾಪ್ರತಿಮೋ ಬಲೀ।
ತ್ರಾಸಿತಾಶ್ಚ ಸುರಾಃ ಸರ್ವೇ ತೇನ ಬಾಣೇನ ಪಾಂಡವ॥ 2-60-6 (13708)
ವಿಜಿತ್ಯ ವಿಬುಧಾನ್ಸೇಂದ್ರಾನ್ಬಾಣಃ ಸಂವತ್ಸರಾನ್ಬಹೂನ್।
ಅಶಾಸತ ಮಹದ್ರಾಜ್ಯಂ ಕುಬೇರ ಇವ ಭಾರತ॥ 2-60-7 (13709)
ತತೋ ರಾಜನ್ನುಷಾ ನಾಮ ಬಾಣಸ್ಯ ದುಹಿತಾ ಯಥಾ।
ಯೇನೋಪಾಯೇನ ಕೌಂತೇಯ ಅನಿರುದ್ಧೋ ಮಹಾದ್ಯುತಿಃ॥ 2-60-8 (13710)
ಪ್ರಾದ್ಯುಂನಿಸ್ತಾಮುಷಾಂ ಪ್ರಾಪ್ಯ ಪ್ರಚ್ಛನ್ನಃ ಪ್ರಮುಮೋದ ಹ।
ಅಥ ಬಾಣೋ ಮಹಾತೇಜಾಸ್ತದಾ ತತ್ರ ಯುಧಿಷ್ಠಿರ ॥ 2-60-9 (13711)
ತಂ ಗೃಹ್ಯನಿಲಯಂ ಜ್ಞಾತ್ವಾ ಪ್ರಾದ್ಯುಂನಿಂ ಸುತಯಾ ತದಾ।
ಗೃಹೀತ್ವಾ ಕಾರಯಾಮಾಸ ವಸ್ತುಂ ಕಾರಾಗೃಹೇ ಬಲಾತ್॥ 2-60-10 (13712)
ಸ ಕುಮಾರಃ ಸುಖಾರ್ಹೋಽಥ ತದಾ ದುಃಖಸಮನ್ವಿತಃ।
ಬಾಮೇನ ಘಾತಿತೋ ರಾಜನ್ನನಿರುದ್ಧೋ ಮುಮೋಹ ಚ॥ 2-60-11 (13713)
ಏತಸ್ಮಿನ್ನೇವ ಕಾಲೇ ತು ನಾರದೋ ಮುನಿಪುಂಗವಃ।
ದ್ವಾರಕಾಂ ಪ್ರಾಪ್ಯ ಕೌಂತೇಯ ಕೃಷ್ಣಂ ದೃಷ್ಟ್ವಾ ವಚೋಽಬ್ರವೀತ್॥ 2-60-12 (13714)
ಕೃಷ್ಣ ಕೃಷ್ಣ ಮಹಾಬಾಹೋ ಯದೂನಾಂ ಕೀರ್ತಿವರ್ಧನ।
ಪೌತ್ರಸ್ತೇ ಬಾಧ್ಯಮಾನೋಽತ್ರ ಬಾಣೇನಾಮಿತತೇಜಸಾ॥ 2-60-13 (13715)
ಕೃಚ್ಛ್ರಂ ಪ್ರಾಪ್ತೋಽನಿರುದ್ಧೋ ವೈ ಶೇತೇ ಕಾರಾಗೃಹೇ ಸದಾ।
ಏತದುಕ್ತ್ವಾ ಸುರರ್ಷಿರ್ವೈ ಬಾಣಸ್ಯಾಥ ಪುರಂ ಯಯೌ॥ 2-60-14 (13716)
ನಾರದಸ್ಯ ವಚಃ ಶ್ರುತ್ವಾ ತತೋ ರಾಜಂಜನಾರ್ದನಃ।
ಜಾಹೂಯ ಬಲದೇವಂ ಹಿ ಪ್ರದ್ಯುಂನಂ ಚ ಮಹಾದ್ಯುತಿಂ॥ 2-60-15 (13717)
ಆರುರೋಹ ಗರುತ್ಮಂತಂ ತಾಭ್ಯಾಂ ಸಹ ಜನಾರ್ದನಃ।
ತತಃ ಸುಪರ್ಣಮಾರುಹ್ಯ ಜಯಾಯ ಭರತರ್ಷಭ॥ 2-60-16 (13718)
ಜಗ್ಮುಃ ಕ್ರುಧಾ ಮಹಾವೀರ್ಯಾ ಬಾಣಸ್ಯ ನಗರಂ ಪ್ರತಿ।
ಅಥಾಸಾದ್ಯ ಮಹಾರಾಜ ತತ್ಪುರಂ ದದೃಶುಶ್ಚ ತೇ॥ 2-60-17 (13719)
ತಾಂರಪ್ರಾಕಾರಸಂಗುಪ್ತಾಂ ಹೇಮಪ್ರಾಸಾದಸಂಕುಲಾಂ।
ದೃಷ್ಟ್ವಾ ಮುದಾ ಯುತಾಃ ಸರ್ವೇ ವಿಸ್ಮಯಂ ಪರಮಂ ಯಯುಃ॥ 2-60-18 (13720)
ತಥಾ ಬಾಣಪುರಸ್ಯಾಸಂದ್ವಾರಸ್ಥಾ ದೇವತಾಃ ಸದಾ।
ಮಹೇಶ್ವರೋ ಗುಹಶ್ಚೈವ ಭದ್ರಕಾಲೀ ವಿನಾಯಕಃ॥ 2-60-19 (13721)
ಅಥ ಕೃಷ್ಣೋ ಬಲಾಜ್ಜಿತ್ವಾ ದ್ವಾರಪಾಲಾನ್ಯುಧಿಷ್ಠಿರ।
ಸುಸಂಕ್ರುದ್ಧೋ ಮಹಾತೇಜಾಃ ಶಂಖಚಕ್ರಗದಾಸಿಭೃತ್॥ 2-60-20 (13722)
ಆಸಸಾದೋತ್ತರದ್ವಾರಂ ಶಂಕರೇಣಾಭಿರಕ್ಷಿತಂ।
ತತ್ರ ತಸ್ಥೌ ಮಹಾತೇಜಾಃ ಶೂಲಪಾಣಿರ್ಮಹೇಶ್ವರಃ॥ 2-60-21 (13723)
ಪಿನಾಕಂ ಸಶರಂ ಗೃಹ್ಯ ಬಾಣಸ್ಯ ಹಿತಕಾಂಯಯಾ।
ಜ್ಞಾತ್ವಾ ತಮಾಗತಂ ಕೃಷ್ಣಂ ವ್ಯಾದಿತಾಸ್ಯಮಿವಾಂತಕಂ॥ 2-60-22 (13724)
ತತಸ್ತೌ ಚಕ್ರತುರ್ಯುದ್ಧಂ ವಾಸುದೇವಮಹೇಶ್ವರೌ।
ತದ್ಯುದ್ಧಮಭವದ್ಘೋರಮಚಿಂತ್ಯಂ ರೋಮಹರ್ಷಣಂ॥ 2-60-23 (13725)
ಅನ್ಯೋನ್ಯಂ ತೌ ತತಕ್ಷಾತೇ ಅನ್ಯೋನ್ಯಜಯಕಾಂಕ್ಷಿಣೌ।
ದಿವ್ಯಾನ್ಯಸ್ತ್ರಾಣಿ ತೌ ದೇವೌ ಕ್ರುದ್ಧೌ ಮುಮುಚತುಸ್ತದಾ॥ 2-60-24 (13726)
ತತಃ ಕೃಷ್ಣೋ ರಣಂ ಕೃತ್ವಾ ಮುಹೂರ್ತಂ ಶೂಲಪಾಣಿನಾ।
ವಿಜಿತ್ಯ ತಂ ಮಹಾದೇವಂ ತತೋ ಯುದ್ಧೇ ಶೂಲಪಾಣಿನಾ।
ಅನ್ಯಾಂಶ್ಚ ಜಿತ್ವಾ ದ್ವಾರಸ್ಥಾನ್ಪ್ರವಿವೇಶ ಪುರೋತ್ತಮಂ॥ 2-60-25 (13727)
ಪ್ರವಿಶ್ಯ ಬಾಣಮಾಸಾದ್ಯ ಸ ತತ್ರಾಥ ಜನಾರ್ದನಃ।
ಚಕ್ರೇ ಯುದ್ಧಂ ಮಹಾಕ್ರುದ್ಧಸ್ತೇನ ಬಾಣೇನ ಭರತರ್ಷಭ। 2-60-26 (13728)
ಬಾಣೋಽಪಿ ಸರ್ವಶಸ್ತ್ರಾಣಿ ಶಿತಾನಿ ಭರತರ್ಷಭ।
ಸುಸಂಕ್ರುದ್ಧಸ್ತದಾ ಯುದ್ಧೇ ಪಾತಯಾಮಾಸ ಕೇಶವೇ॥ 2-60-27 (13729)
ಪುನರುದ್ಯಂಯ ಶಸ್ತ್ರಾಣಿ ಸಹಸ್ರಂ ಸರ್ವಬಾಹುಭಿಃ।
ಮುಮೋಚ ಬಾಣಃ ಸಂಕ್ರುದ್ಧಃ ಕೃಷ್ಣಂ ಪ್ರತಿ ರಣಾಜಿರೇ॥ 2-60-28 (13730)
ತತಃ ಕೃಷ್ಣಸ್ತದಾ ಕೃತ್ತ್ವಾ ತಾನಿ ಸರ್ವಾಣಿ ಭಾರತ।
ಕೃತ್ತ್ವಾ ಮುಹೂರ್ತಂ ಬಾಣೇನ ಯುದ್ಧಂ ರಾಜನ್ನಗೋಕ್ಷಜಃ॥ 2-60-29 (13731)
ಚಕ್ರಮುದ್ಯಂಯ ರೋಷಾದ್ವೈ ದಿವ್ಯಂ ಶಸ್ತ್ರೋತ್ತಮಂ ತತಃ।
ಸಹಸ್ರಬಾಹೂಂಶ್ಚಿಚ್ಛೇದ ಬಾಣಸ್ಯಾಮಿತತೇಜಸಃ॥ 2-60-30 (13732)
ತತೋ ಬಾಣೋ ಮಹಾರಾಜ ಕೃಷ್ಣೇನ ಭೃಶಪೀಡಿತಃ।
ಭಿನ್ನಬಾಹುಃ ಪಪಾತಾಶು ವಿಶಾಖ ಇವ ಪಾದಪಃ॥ 2-60-31 (13733)
ಸ ಪಾತಯಿತ್ವಾ ಬಾಣೈಸ್ತಂ ಬಾಣಂ ಕೃಷ್ಣಸ್ತ್ವರಾನ್ವಿತಃ।
ಪ್ರಾದ್ಯುಂನಿಂ ಮೋಚಯಾಮಾಸ ಕ್ಷಿಪ್ರಂ ರಾಜಗೃಹಾತ್ತದಾ॥ 2-60-32 (13734)
ಮೋಕ್ಷಯಿತ್ವಾಽಥ ಗೋವಿಂದಃ ಪ್ರಾದ್ಯುಂನಿಂ ಸಹ ಭಾರ್ಯಯಾ।
ಬಾಣಸ್ಯ ಸರ್ವರತ್ನಾನಿ ಅಸಂಖ್ಯಾನಿ ಜಹಾರ ಸಃ॥ 2-60-33 (13735)
ಗೋಧನಾನಿ ಚ ಸರ್ವಸ್ವಂ ಸ ಬಾಣಸ್ಯಾಲಯೇ ಬಲಾತ್।
ಜಹಾರ ಚ ಹೃಷೀಕೇಶೋ ಯದೂನಾಂ ಕುಲವರ್ಧನಃ॥ 2-60-34 (13736)
ತತಃ ಸ ಸರ್ವರತ್ನಾನಿ ಚಾಹೃತ್ಯ ಮಧುಸೂದನಃ।
ಕ್ಷಿಪ್ರಮಾರೋಪಯಾಂಚಕ್ರೇ ಸರ್ವಸ್ವಂ ಗರುಡೋಪರಿ॥ 2-60-35 (13737)
ತ್ವರಯಾಽಥ ಸ ಕೌಂತೇಯ ಬಲದೇವಂ ಮಹಾಬಲಂ।
ಪ್ರಾದುಂನಿಂ ಚ ಮಹಾವೀರ್ಯಮನಿರುದ್ಧಂ ಮಹಾದ್ಯುತಿಂ॥ 2-60-36 (13738)
ಉಷಾಂ ಚ ಸುಂದರೀಂ ರಾಜನ್ಭೃತ್ಯದಾರಗಣೈಃ ಸಹ।
ಸರ್ವಾನೇತಾನ್ಸಮಾರೋಪ್ಯ ಗರುಡೋಪರಿ ವೀರ್ಯವಾನ್॥ 2-60-37 (13739)
ಮುದಾ ಯುಕ್ತೋ ಮಹಾತೇಜಾಃ ಪೀತಾಂಬರಧರೋ ಬಲೀ।
ದಿವ್ಯಾಭರಮಚಿತ್ರಾಂಗಃ ಶಂಕಚಕ್ರಗದಾಸಿಭೃತ್। 2-60-38ca ಆರುರೋಹ ಗರುತ್ಮಂತಮುದಯಂ ಭಾಸ್ಕರೋ ಯಥಾ॥ ॥ 2-60-38 (13740)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅರ್ಘಾಹರಣಪರ್ವಣಿ ಷಷ್ಟಿತಮೋಽಧ್ಯಾಯಃ॥ 60॥
ಸಭಾಪರ್ವ - ಅಧ್ಯಾಯ 061
॥ ಶ್ರೀಃ ॥
2.61. ಅಧ್ಯಾಯಃ 061
Mahabharata - Sabha Parva - Chapter Topics
ಭೀಷ್ಮೇಣ ನರಕಬಾಣಾಸುರಪ್ರಮುಖದುಷ್ಟನಿಗ್ರಹಾದಿರೂಪಾತೀತಾನಾಗತಕೃಷ್ಣಚರಿತ್ರನಿರೂಪಣಂ॥ 1॥।Mahabharata - Sabha Parva - Chapter Text
ಭೀಷ್ಣ ಉವಾಚ॥
ಸೂದಿತಾ ದ್ವಾರಪಾಲಾಶ್ಚ ನಿಶುಂಭನರಕೌ ಹತೌ।
ಕೃತಕ್ಷೇಮಃ ಪುನಃ ಪಂಥಾಃ ಪುರಂ ಪ್ರಾಗ್ಜ್ಯೋತಿಷಂ ಪ್ರತಿ॥ 2-61-1 (13741)
ಶೌರಿಣಾ ಪೃಥಿವೀಪಾಲಾಸ್ತ್ರಾಸಿತಾ ಭರತರ್ಷಭ।
ಧನುಷಶ್ಚ ಪ್ರಣಾದೇನ ಪಾಂಚಜನ್ಯಸ್ವನೇನ ಚ॥ 2-61-2 (13742)
ಮೇಘಪ್ರಖ್ಯೈರನೇಕೈಶ್ಚ ದಾಕ್ಷಿಣಾತ್ಯಾಭಿಸಂವೃತಂ।
ರುಕ್ಮಿಣಂ ತ್ರಾಸಯಾಮಾಸ ಕೇಶವೋ ಭರತರ್ಷಭ॥ 2-61-3 (13743)
ತತಃ ಪರ್ಜನ್ಯಘೋಷೇಣ ರಥೇನಾದಿತ್ಯವರ್ಚಸಾ।
ಉವಾಹ ಮಹಿಷೀಂ ಭೋಜ್ಯಾಮೇಷ ಚಕ್ರಗದಾಧರಃ॥ 2-61-4 (13744)
ಜಾರೂಥ್ಯ ಆಹೃತಕ್ರೋಧಃ ಶಿಶುಪಾಲಶ್ಚ ನಿರ್ಜಿತಃ।
ವಕ್ರಶ್ಚ ಸ ಹತಃ ಸಂಖ್ಯೇ ಶತಧನ್ವಾ ಚ ಕ್ಷತ್ರಿಯಃ॥ 2-61-5 (13745)
ಇಂದ್ರದ್ಯುಂನೋ ಹತಃ ಕೋಪಾದ್ಯವನಶ್ಚ ಕಶೇರುಕಃ।
ಹತಃ ಸೌಭಪತಿಶ್ಚೈವ ಸಾಲ್ವಶ್ಚ ಕೃತಧನ್ವನಾ॥ 2-61-6 (13746)
ಪರ್ವತಾನಾಂ ಸಹಸ್ರಂ ಚ ಚಕ್ರೇಣ ಪುರುಷೋತ್ತಮಃ।
ವಿಭಜ್ಯ ಪುಂಡರೀಕಾಕ್ಷೋ ದ್ಯುಮತ್ಸೇನಮಪೋಥಯತ್॥ 2-61-7 (13747)
ಮಹೇಂದ್ರಶಿಖರೇ ಚೈವ ನಿಮೇಷಾಂತರಚಾರಿಣೌ।
ಜಗ್ರಾಹ ಭರತಶ್ರೇಷ್ಠ ವಾನರಾವಭಿತಶ್ಚರೌ॥ 2-61-8 (13748)
ಇರಾವತ್ಯಾಂ ಮಹಾಭೋಜೋ ವಹ್ನಿಸೂರ್ಯಸಮೋ ಬಲೇ।
ಗೋಪತಿಸ್ತಾಲಕೇತುಶ್ಚ ನಿಹತೌ ಶಾರ್ಂಗಧನ್ವನಾ॥ 2-61-9 (13749)
ಅಕ್ಷಪ್ರಪತ್ತನೇ ರಾಜನ್ನವಹೇಲನತತ್ಪರೌ।
ಉಭೌ ತಾವಪಿ ಕೃಷ್ಣೇನ ಸ್ವರಾಷ್ಟ್ರೇ ವಿನಿಪಾತಿತೌ॥ 2-61-10 (13750)
ದಗ್ಧಾ ವಾರಾಣಸೀ ತಾತ ಕೇಶವೇನ ಮಹಾತ್ಮನಾ।
ಪಾಂಡ್ಯಂ ಪೌಂಡ್ರಂ ಚ ಮಾತ್ಸ್ಯಂ ಚ ಕಲಿಂಗಂ ಚ ಜನಾರ್ದನಃ॥ 2-61-11 (13751)
ಜಘಾನ ಸಹಿತಾನ್ಸರ್ವಾನಂಗರಾಜಂ ಚ ಮಾಧವಃ॥ 2-61-12 (13752)
ಏಷ ಚೈವ ಶತಂ ಹತ್ವಾ ರಥೇನ ಕ್ಷತ್ರಪುಂಗವಾನ್।
ಗಾಂಧಾರೀಮವಹತ್ಕೃಷ್ಣೋ ಮಹಿಷೀಂ ಯಾದವರ್ಷಭಃ॥ 2-61-13 (13753)
ಅಥ ಗಾಂಡೀವಧನ್ವಾನಂ ಕ್ರೀಡಾರ್ಥಂ ಮಧುಸೂದನಃ।
ಜಿಗಾಯ ಭರತಶ್ರೇಷ್ಠ ಕುಂತ್ಯಾಶ್ಚ ಪ್ರಮುಖೇ ವಿಭುಃ॥ 2-61-14 (13754)
ದ್ರೌಣಿಂ ಕೃಪಂ ಚ ಕರ್ಣಂ ಚ ಭೀಮಸೇನಂ ಸುಯೋಧನಂ।
ಯುದ್ಧಾಯ ಸಹಿತಾಂತ್ರಾಜಂಜಿಗಾಯ ಭರತರ್ಷಭ॥ 2-61-15 (13755)
ಬಭ್ರೋಶ್ಚ ಪ್ರಿಯಮನ್ವಿಚ್ಛನ್ನೇಷ ಚಕ್ರಗದಾಧರಃ।
ವೇಣುದಾರಿವೃತಾಂ ಭಾರ್ಯಾಂ ಪ್ರಮಮಾಥ ಯುಧಿಷ್ಠಿರ॥ 2-61-16 (13756)
ಪರ್ಯಾಪ್ತಾಂ ಪೃಥಿವೀಂ ಸರ್ವಾಂ ಸಾಶ್ವಾಂ ಸರಥಕುಂಜರಾಂ।
ವೇಣುದಾರಿವಶೇ ಯುಕ್ತಾಂ ಜಿಗಾಯ ಮಧುಸೂದನಃ॥ 2-61-17 (13757)
ಅವಾಪ್ಯ ತಪಸಾ ವೀರ್ಯಂ ಬಲಮೋಜಶ್ಚ ಭಾರತ।
ತ್ರಾಸಿತಾಃ ಸಗಣಾಃ ಸರ್ವೇ ಬಾಣೇನ ವಿಬುಧಾಧಿಪಾಃ॥ 2-61-18 (13758)
ವಜ್ರಾಶನಿಗದಾಬಾಮೈಸ್ತಾಡಯದ್ಭಿರನೇಕಶಃ।
ತಸ್ಯ ನಾಸೀದ್ರಣೇ ಮೃತ್ಯುರ್ದೇವೈರಪಿ ಸವಾಸವೈಃ॥ 2-61-19 (13759)
ಸೋಽಭಿಭೂತಶ್ಚ ಕೃಷ್ಣೇನ ನ ಹತಶ್ಚ ಮಗಾತ್ಮನಾ।
ಛಿತ್ವಾ ಬಾಹುಸಹಸ್ರಂ ತು ಗೋವಿಂದೇನ ಮಹಾತ್ಮನಾ॥ 2-61-20 (13760)
ಏಷೋಽಪೀಡನ್ಮಹಾಬಾಹುಃ ಕಂಸಂ ಚ ಮಧುಸೂದನಃ।
ಅವಾಪ್ತಂ ತಪಸಾ ವೀರ್ಯಂ ಬಲಮೋಜಶ್ಚ ಭಾರತ।
ಕೈಟಭಂ ಚಾತಿಲೋಮಾನಿ ನಿಜಘಾನ ಜನಾರ್ದನಃ॥ 2-61-21 (13761)
ಜಂಬುಮೈರಾವತಂ ಚೈವ ವಿರೂಪಂ ಚ ಮಹಾಯಶಾಃ। 2-61-22bಜಘಾನ ಭರತಶ್ರೇಷ್ಠ ಶಂಬರಂ ಚಾರಿಮರ್ದನಂ॥ 2-61-22 (13762)
ಏಷ ಭೋಗವತೀಂ ಗತ್ವಾ ವಾಸುಕಿಂ ಭರತರ್ಷಭ।
ನಿರ್ಜಿತ್ಯ ಪುಂಡರೀಕಾಕ್ಷೋ ರೌಕ್ಮಿಣೇಯಮಮೋಚಯತ್॥ 2-61-23 (13763)
ಏವಂ ಬಹೂನಿ ಕರ್ಮಾಣಿ ಶಿಶುರೇವ ಜನಾರ್ದನಃ।
ಕೃತವಾನ್ಪುಂಡರೀಕಾಕ್ಷಃ ಸಂಕರ್ಷಣಸಹಾಯವಾನ್॥ 2-61-24 (13764)
ಏವಮೇಷೋಽಸುರಾಣಾಂ ಚಸುರಾಣಾಮಪಿ ಸರ್ವಶಃ।
ಭಯಾಮಯಕರಃ ಕೃಷ್ಣಃ ಸರ್ವಲೋಕೇಶ್ವರಃ ಪ್ರಭುಃ॥ 2-61-25 (13765)
ಏವಮೇವ ಮಹಾಬಾಹುಃ ಶಾಸ್ತಾ ಸರ್ವದುರಾತ್ಮನಾಂ।
ಕೃತ್ವಾ ದೇವಾರ್ಥಮಮಿತಂ ಸ್ವಸ್ಥಾನಂ ಪ್ರಾಪ್ಸ್ಯತೇ ಪುನಃ॥ 2-61-26 (13766)
ಏಷ ಭೋಗವತೀಂ ಪುಣ್ಯಾಂ ರವಿಕಾಂತಿಂ ಮಹಾಯಶಾಃ।
ದ್ವಾರಕಾಮಾತ್ಮಸಾತ್ಕೃತ್ವಾ ಸಾಗರಂ ಪ್ಲಾವಯಿಷ್ಯತಿ॥ 2-61-27 (13767)
ಸುರಾಸುರಮನುಷ್ಯೇಷು ನಾಭೂನ್ನ ಭವಿತಾ ಕ್ವಚಿತ್।
ಯಸ್ತಾಮಧ್ಯವಸದ್ರಾಜಾ ನಾನ್ಯತ್ರ ಮಧುಸೂದನಾತ್॥ 2-61-28 (13768)
ಭ್ರಾಜಮಾನಾಸ್ತು ವೈ ಸರ್ವೇ ವೃಷ್ಣ್ಯಂಧಕಮಹಾರಥಾಃ।
ತೇಜಿಷ್ಠಂ ಪ್ರತಿಪತ್ಸ್ಯಂತೇ ನಾಕಪೃಷ್ಟಂ ಗತಾಸವಃ॥ 2-61-29 (13769)
ಏವಮೇವ ದಶಾರ್ಹಾಣಾಂ ವಿಧಾಯ ವಿಧಿನಾ ವಿಧಿಂ।
ವಿಷ್ಣುರ್ನಾರಾಯಣಃ ಸಾಕ್ಷಾತ್ಸ್ವಸ್ಥಾನಂ ಪ್ರಾಪ್ಸ್ಯತೇ ಧ್ರುವಂ॥ 2-61-30 (13770)
ಅಪ್ರಮೇಯೋಽನಿಯೋಜ್ಯಶ್ಚ ಯತ್ರ ಕಾಮಗಮೋ ವಶೀ। 2-61-32ab ಮೋದತೇ ಭಗವಾನ್ಪ್ರೀತೋ ವಾಲಃ ಕ್ರೀಡಾನಕೈರಿವ॥ 2-61-31 (13771)
ನೈಷ ಗರ್ಭತ್ವಮಾಪೇದೇ ನ ಯೋನ್ಯಾಮಾವಸತ್ಪ್ರಭುಃ।
ಆತ್ಮನಸ್ತೇಜಸಾ ಕೃಷ್ಣಃ ಸರ್ವೇಷಾಂ ಕುರುತೇ ಗತಿಂ॥ 2-61-32 (13772)
ಯಥಾ ಬುದ್ಬುದ ಉತ್ಥಾಯ ತತ್ರೈವ ಪ್ರವಿಲೀಯತೇ।
ಚರಾಚರಾಣಿ ಭೂತಾನಿ ತಥಾ ನಾರಾಯಣೇ ಸದಾ॥ 2-61-33 (13773)
ನ ಪ್ರಮಾತುಂ ಮಹಾಬಾಹುಃ ಶಕ್ಯೋ ಭಾರತ ಕೇಶವಃ।
ಪರಂ ಹಿ ಪರತಸ್ತಸ್ಮಾದ್ವಿಶ್ವರೂಪಾನ್ನ ವಿದ್ಯತೇ॥ ॥ 2-61-34 (13774)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅರ್ಘಾಹರಣಪರ್ವಣಿ ಏಕಷಷ್ಟಿತಮೋಽಧ್ಯಾಯಃ॥ 61॥
ಸಭಾಪರ್ವ - ಅಧ್ಯಾಯ 062
॥ ಶ್ರೀಃ ॥
2.62. ಅಧ್ಯಾಯಃ 062
Mahabharata - Sabha Parva - Chapter Topics
ಭೀಷ್ಮವಾಕ್ಯೋಪರಮೇ ಸಹದೇವೇನ ಕೃಷ್ಣಪೂಜಾವಿರುದ್ಧಭಾಷಿಣೋ ವಧೇ ಪ್ರತಿಜ್ಞಾತೇ ರಾಜ್ಞಾಂ ತ ೂಷ್ಣೀಂಭಾವಃ॥ 1॥ ಸಹದೇವಮೂರ್ಧ್ನಿ ಪುಷ್ಪವೃಷ್ಟಿಃ। ಅಶರೀರವಾಣೀಚ॥ 2॥ ನಾದರದೇನ ಕೃಷ್ಣಾನರ್ಚಕಸ್ಯ ನಿಂದನಂ॥ 3॥ ಸಹದೇವೇನ ಸಭ್ಯಷೂಜನಪೂರ್ವಕಂ ಕರ್ಮಸಮಾಪನಂ॥ 4॥ ಶಿಶುಪಾಲೇನ ಯಜ್ಞವಿಘಾತಾಯ ರಾಜ್ಞಾಂ ಪ್ರೋತ್ಸಾಹನಂ॥ 5॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ಏವಮುಕ್ತ್ವಾ ತತೋ ಭೀಷ್ಣೋ ವಿರರಾಮ ಮಹಾಬಲಃ।
ವ್ಯಾಜಹಾರೋತ್ತರಂ ತತ್ರ ಸಹದೇವೋಽರ್ಥವದ್ವಚಃ॥ 2-62-1 (13775)
ಕೇಶವಂ ಕೇಶಿಹಂತಾರಮಪ್ರಮೇಯಪರಾಕ್ರಮಂ।
ಪೂಜ್ಯಮಾನಂ ಮಯಾ ಯೋ ವಃ ಕೃಷ್ಣಂ ನ ಸಹತೇ ನೃಪಾಃ॥ 2-62-2 (13776)
ಸರ್ವೇಷಾಂ ಬಲಿನಾಂ ಮೂರ್ಧ್ನಿ ಮಯೇದಂ ನಿಹಿತಂ ಪದಂ।
ಏವಮುಕ್ತೇ ಮಯಾ ಸಂಯಗುತ್ತರಂ ಪ್ರಬ್ರವೀತು ಸಃ॥ 2-62-3 (13777)
ಸ ಏವ ಹಿ ಮಯಾ ವಧ್ಯೋ ಭವಿಷ್ಯತಿ ನ ಸಂಶಯಃ।
ಮತಿಮಂತಶ್ಚ ಯೇ ಕೇಚಿದಾಚಾರ್ಯಂ ಪಿತರಂ ಗುರುಂ॥ 2-62-4 (13778)
ಅರ್ಚ್ಯಮರ್ಚಿತಮರ್ಘಾರ್ಹಮನುಜಾನಂತು ತೇ ನೃಪಾಃ।
ತತೋ ನ ವ್ಯಾಜಹಾರೈಷಾಂ ಕಶ್ಚಿದ್ಬುದ್ಧಿಮತಾಂ ಸತಾಂ॥ 2-62-5 (13779)
ಮಾನಿನಾಂ ಬಲಿನಾಂ ರಾಜ್ಞಾಂ ಮಧ್ಯೇ ವೈ ದರ್ಶಿತೇ ಪದೇ।
ತತೋಽಪತತ್ಪುಷ್ಪವೃಷ್ಟಿಃ ಸಹದೇವಸ್ಯ ಮೂರ್ಧನಿ॥ 2-62-6 (13780)
ಅದೃಶ್ಯರೂಪಾ ವಾಚಶ್ಚಾಪ್ಯಬ್ರುವನ್ಸಾಧುಸಾಧ್ವಿತಿ।
ಅವಿಧ್ಯದಜಿನಂ ಕೃಷ್ಣಂ ಭವಿಷ್ಯದ್ಭೂತಜಲ್ಪನಃ॥ 2-62-7 (13781)
ಸರ್ವಸಂಶಯನಿರ್ಮೋಕ್ತಾ ನಾರದಃ ಸರ್ವಲೋಕವಿತ್।
ಉವಾಚಾಖಿಲಭೂತಾನಾಂ ಮಧ್ಯೇ ಸ್ಪಷ್ಟತರಂ ವಚಃ॥ 2-62-8 (13782)
ಕೃಷ್ಣಂ ಕಮಲಪತ್ರಾಕ್ಷಂ ನಾರ್ಚಯಿಷ್ಯಂತಿ ಯೇ ನರಾಃ।
ಜೀವನ್ಮೃತಾಸ್ತು ತೇ ಜ್ಞೇಯಾ ನ ಸಭಾಷ್ಯಾಃ ಕದಾಚನಾ॥ 2-62-9 (13783)
ವೈಶಂಪಾಯನ ಉವಾಚ। 2-62-10x (1484)
ಪೂಜಯಿತ್ವಾ ಚ ಪೂಜಾರ್ಹಾನ್ಬ್ರಹ್ಮಕ್ಷತ್ರವಿಶೇಷವಿತ್।
ಸಹದೇವೋ ನೃಣಾಂ ದೇವಃ ಸಮಾಪಯತ ಕರ್ಮ ತತ್॥ 2-62-10 (13784)
ತಸ್ಮಿನ್ನಭ್ಯರ್ಚಿತೇ ಕೃಷ್ಣೇ ಸುನೀಥಃ ಶತ್ರುಕರ್ಷಣಃ।
ಅತಿತಾಂರೇಕ್ಷಣಃ ಕೋಪಾದುವಾಚ ಮನುಜಾಧಿಪಾನ್॥ 2-62-11 (13785)
ಸ್ಥಿತಃ ಸೇನಾಪತಿರ್ಯೋಽಹಂ ಮನ್ವಧ್ವಂ ಕಿಂ ತು ಸಾಂಪ್ರತಂ।
ಯುಧಿ ತಿಷ್ಠಾಮ ಸನ್ನಹ್ಯ ಸಮೇತಾನ್ವೃಷ್ಣಿಪಾಂಡವಾನ್॥ 2-62-12 (13786)
ಇತಿ ಸರ್ವಾನ್ಸಮುತ್ಸಾದ್ಯ ರಾಜ್ಞಸ್ತಾಂಶಅಚೇದಿಪುಂಗವಃ।
ಯಜ್ಞೋಪಘಾತಾಯ ತತಃ ಸೋಽಮಂತ್ರತಯ ರಾಜಭಿಃ॥ 2-62-13 (13787)
ತತ್ರಾಹೂತಾಗತಾಃ ಸರ್ವೇ ಸುನೀಥಪ್ರಮುಖಾ ಗಣಾಃ.
ಸಮದೃಶ್ಯಂತ ಸಂಕ್ರುದ್ಧಾ ವಿವರ್ಣವದನಾಸ್ತಥಾ॥ 2-62-14 (13788)
ಯುಧಿಷ್ಠಿರಾಭಿಷೇಕಂ ಚ ವಾಸುದೇವಸ್ಯ ಚಾರ್ಹಣಂ।
ನ ಸ್ಯಾದ್ಯಥಾ ತಥಾ ಕಾರ್ಯಮೇವಂ ಸರ್ವೇ ತದಾಽಬ್ರುವನ್॥ 2-62-15 (13789)
ನಿಷ್ಕರ್ಷಾನ್ನಿಶ್ಚಯಾತ್ಸರ್ವೇ ರಾಜಾನಃ ಕ್ರೋಧಮೂರ್ಛಿತಾಃ।
ಅಬ್ರುವಂಸ್ತತ್ರ ರಾಜಾನೋ ನಿರ್ವೇದಾದಾತ್ಮನಿಶ್ಚಯಾತ್॥ 2-62-16 (13790)
ಸುಹೃದ್ಭಿರ್ವಾರ್ಯಮಾಣಾನಾಂ ತೇಷಾಂ ಹಿ ವಪುರಾಬಭೌ।
ಆಮಿಷಾದಪಕೃಷ್ಟಾನಾಂ ಸಿಹಾನಾಮಿವ ಗರ್ಜತಾಂ॥ 2-62-17 (13791)
ತಂ ಬಲೌಘಮಪರ್ಯಂತಂ ರಾಜಸಾಗಾರಮಕ್ಷಯಂ।
ಕುರ್ವಾಣಂ ಸಮಯಂ ಕೃಷ್ಣೋ ಯುದ್ಧಾಯ ಬುಬುಧೇ ತದಾ॥ ॥ 2-62-18 (13792)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅರ್ಘಾಹರಣಪರ್ವಣಿ ದ್ವಿಷಷ್ಟಿತಮೋಽಧ್ಯಾಯಃ॥ 62॥
ಸಭಾಪರ್ವ - ಅಧ್ಯಾಯ 063
॥ ಶ್ರೀಃ ॥
2.63. ಅಧ್ಯಾಯಃ 063
Mahabharata - Sabha Parva - Chapter Topics
ರಾಜ್ಞಾಂ ರಣೋದ್ಯಮಾದ್ವಿಭ್ಯತೋ ಯುಧಿಷ್ಠಿರಸ್ಯ ಭೀಷ್ಣೇಣ ಸಮಾಶ್ವಾಸನಂ॥ 1॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ತತಃ ಸಾಗರಸಂಕಾಶಂ ದೃಷ್ಟ್ವಾ ನೃಪತಿಮಂಡಲಂ।
ಸಂವರ್ತವಾತಾಭಿಹತಂ ಭೀಮಂ ಕ್ಷುಬ್ಧಮಿವಾರ್ಣವಂ। 2-63-1 (13793)
ರೋಷಾತ್ಪ್ರಚಲಿತಂ ಸರ್ವಮಿದಮಾಹ ಯುಧಿಷ್ಠಿರಃ।
ಭೀಷ್ಮಂ ಮತಿಮತಾಂ ಮುಖ್ಯಂ ವೃದ್ಧಂ ಕುರುಪಿತಾಮಹಂ।
ಬೃಹಸ್ಪತಿಂ ಬೃಹತ್ತೇಜಾಃ ಪುರುಹೂತ ಇವಾರಿಹಾ। 2-63-2 (13794)
ಅಸೌ ರೋಷಾತ್ಪ್ರಚಲಿತೋ ಮಹಾನ್ನೃಪತಿಸಾಗರಃ।
ಅತ್ರ ಯತ್ಪ್ರತಿಪತ್ತವ್ಯಂ ತನ್ಮೇ ಬ್ರೂಹಿ ಪಿತಾಮಹ॥ 2-63-3 (13795)
ಯಜ್ಞಸ್ಯ ಚ ನ ವಿಘ್ನಃ ಸ್ಯಾತ್ಪ್ರಜಾನಾಂ ಚ ಹಿತಂ ಭವೇತ್।
ಯಥಾ ಸರ್ವತ್ರ ತತ್ಸರ್ವಂ ಬ್ರೂಹಿ ಮೇಽದ್ಯ ಪಿತಾಮಹ॥ 2-63-4 (13796)
ಇತ್ಯುಕ್ತವತಿ ಧರ್ಮಜ್ಞೇ ಧರ್ಮರಾಜೇ ಯುಧಿಷ್ಠಿರೇ।
ಉವಾಚೇದಂ ವಚೋ ಭೀಷ್ಮಸ್ತತಃ ಕುರುಪಿತಾಮಹಃ॥ 2-63-5 (13797)
ಮಾ ಭೈಸ್ತ್ವಂ ಕುರುಶಾರ್ದೂಲ ಶ್ವಾ ಸಿಂಹಂ ಹಂತುಮರ್ಹತಿ।
ಶಿವಃ ಪಂಥಾಃ ಸುನೀತೋಽತ್ರ ಮಯಾ ಪೂರ್ವತರಂ ವೃತಃ॥ 2-63-6 (13798)
ಪ್ರಸುಪ್ತೇ ಹಿ ಯಥಾ ಸಿಂಹೇ ಶ್ವಾನಸ್ತಾತ ಸಮಾಗತಾಃ।
ಭಷೇಯುಃ ಸಹಿತಾಃ ಸರ್ವೇ ತಥೇಮೇ ವಸುಧಾಧಿಪಾಃ॥ 2-63-7 (13799)
ವೃಷ್ಣಿಸಿಂಹಸ್ಯ ಸುಪ್ತಸ್ಯ ತಥಾಽಮೀ ಪ್ರಮುಕೇ ಸ್ಥಿತಾಃ।
ಭಷಂತೇ ತಾತ ಸಂಕ್ರುದ್ಧಾಃ ಶ್ವಾನಃ ಸಿಂಹಸ್ಯ ಸನ್ನಿಧೌ॥ 2-63-8 (13800)
ನ ಹಿ ಸಂಬುಧ್ಯತೇ ಯಾವತ್ಸುಪ್ತಃ ಸಿಂಹ ಇವಾಚ್ಯುತಃ।
` ತದಿದಂ ಜ್ಞಾತಪೂರ್ವಂ ಹಿ ತವ ಸಂಸ್ತೋತುಮಿಚ್ಛಸಿ'।
ತೇನ ಸಿಂಹೀಕರೋತ್ಯೇತಾನಸಿಂಹಶ್ಚೇದಿಪುಂಗವಃ॥ 2-63-9 (13801)
ಪಾರ್ಥಿವಾನ್ಪಾರ್ಥಿವಶ್ರೇಷ್ಠ ಶಿಶುಪಾಲೋಽಲ್ಪಚೇತನಃ।
ಸರ್ವಾನ್ಸರ್ವಾತ್ಮನಾ ತಾತ ನೇತುಕಾಮೋ ಯಮಕ್ಷಯಂ॥ 2-63-10 (13802)
ನೂನಮೇತತ್ಸಮಾದಾತುಂ ಪುನರಿಚ್ಛತ್ಯಧೋಕ್ಷಜಃ।
ಯದಸ್ಯ ಶಿಶುಪಾಲಸ್ಯ ತೇಜಸ್ತಿಷ್ಠತಿ ಭಾರತ॥ 2-63-11 (13803)
ವಿಪ್ಲುತಾ ಚಾಸ್ಯ ಭದ್ರಂ ತೇ ಬುದ್ಧಿರ್ಬುದ್ಧಿಮತಾಂ ವರ।
ಚೇದಿರಾಜಸ್ಯ ಕೌಂತೇಯ ಸರ್ವೇಷಾಂ ಚ ಮಹೀಕ್ಷಿತಂ॥ 2-63-12 (13804)
ಆದಾತುಂ ಚ ನರವ್ಯಾಘ್ರೋ ಯಂ ಯಮಿಚ್ಛತ್ಯಯಂ ತದಾ।
ತಸ್ಯ ವಿಪ್ಲವತೇ ಬುದ್ಧಿರೇವಂ ಚೇದಿಪತೇರ್ಯಥಾ॥ 2-63-13 (13805)
ಚತುರ್ವಿಧಾನಾಂ ಭೂತಾನಾಂ ತ್ರಿಷು ಲೋಕೇಷು ಮಾಧವಃ।
ಪ್ರಭವಶ್ಚೈವ ಸರ್ವೇಷಾಂ ನಿಧನಂ ಚ ಯುಧಿಷ್ಠಿರ॥ 2-63-14 (13806)
ವೈಶಂಪಾಯನ ಉವಾಚ। 2-63-15x (1485)
ಇತಿ ತಸ್ಯ ವಚಃ ಶ್ರುತ್ವಾ ತತಶ್ಚೇದಿಪತಿರ್ನೃಪಃ।
ಭೀಷ್ಮಂ ರೂಕ್ಷಾಕ್ಷರಾ ವಾಚಃ ಶ್ರಾವಯಾಮಾಸ ಭಾರತ॥ ॥ 2-63-15 (13807)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಶಿಶುಪಾಲವಧಪರ್ವಣಿ ತ್ರಿಷಷ್ಟಿತಮೋಽಧ್ಯಾಯಃ॥ 63॥
Mahabharata - Sabha Parva - Chapter Footnotes
2-63-7 ಭಷಣಂ ಶ್ವರವಃ॥ಸಭಾಪರ್ವ - ಅಧ್ಯಾಯ 064
॥ ಶ್ರೀಃ ॥
2.64. ಅಧ್ಯಾಯಃ 064
Mahabharata - Sabha Parva - Chapter Topics
ಶಿಶುಪಾಲೇನ ಭೀಷ್ಮಸ್ತೃತಕೃಷ್ಣಚರಿತ್ರಾಪಹಸನಪೂರ್ವಕಂ ಭೀಷ್ಮೋಪಾಲಂಭನಂ॥Mahabharata - Sabha Parva - Chapter Text
ಶಿಶುಪಾಲ ಉವಾಚ।
ಬಿಭೀಷಿಕಾಭಿರ್ಬಹ್ವೀಭಿರ್ಭೀಷಯನ್ಭೀಷ್ಮ ಪಾರ್ಥಿವಾನ್।
ನ ವ್ಯಪತ್ರಪಸೇ ಕಸ್ಮಾದ್ವೃದ್ಧಃ ಸನ್ಕುಲಪಾಂಸನಃ॥ 2-64-1 (13808)
ಯುಕ್ತಮೇತತ್ತೃತೀಯಾಯಾಂ ಪ್ರಕೃತೌ ವರ್ತತಾ ತ್ವಯಾ।
ವಕ್ತುಂ ಧರ್ಮಾದಪೇತಾರ್ಥಂ ತ್ವಂ ಹಿ ಸರ್ವಕುರೂತ್ತಮಃ॥ 2-64-2 (13809)
ನಾವಿ ನೌರಿವ ಸಂಬದ್ಧಾ ಯಥಾಂಧೋ ವಾಂಧಮನ್ವಿಯಾತ್।
ತಥಾಭೂತಾ ಹಿ ಕೌರವ್ಯಾ ಯೇಷಾಂ ಭೀಷ್ಮ ತ್ವಮಗ್ರಣೀಃ॥ 2-64-3 (13810)
ಪೂತನಾಘಾತಪೂರ್ವಾಣಿ ಕರ್ಮಾಣ್ಯಸ್ಯ ವಿಶೇಷತಃ।
ತ್ವಯಾ ಕೀರ್ತಯತಾಽಸ್ಮಾಕಂ ಭೂಯಃ ಪ್ರವ್ಯಥಿತಂ ಮನಃ॥ 2-64-4 (13811)
ಅವಲಿಪ್ತಸ್ಯ ಮೂರ್ಶಸ್ಯ ಕೇಶವಂ ಸ್ತೋತುಮಿಚ್ಛತಃ।
ಕಥಂ ಭೀಷ್ಮ ನ ತೇ ಜಿಹ್ವಾ ಶತಧೇಯಂ ವಿದೀರ್ಯತೇ॥ 2-64-5 (13812)
ಯತ್ರ ಕುತ್ಸಾ ಪ್ರಯೋಕ್ತವ್ಯಾ ಭೀಷ್ಮ ಬಾಲತರೈರ್ನರೈಃ।
ತಮಿಮಂ ಜ್ಞಾನವೃದ್ಧಃ ಸನ್ಗೋಪಂ ಸಂಸ್ತೋತುಮಿಚ್ಛಸಿ॥ 2-64-6 (13813)
ಯದ್ಯನೇನ ಹತಾ ಬಾಲ್ಯೇ ಶಕುನಿಶ್ಚಿತ್ರಮತ್ರ ಕಿಂ।
ತೌ ವಾಽಶ್ವವೃಷಭೌ ಭೀಷ್ಣ ಯೌ ನ ಯುದ್ಧವಿಶಾರದೌ॥ 2-64-7 (13814)
ಚೇತನಾರಹಿತಂ ಕಾಷ್ಠಂ ಯದ್ಯನೇನ ನಿಪಾತಿತಂ।
ಪಾದೇನ ಶಕಟಂ ಭೀಷ್ಣ ತತ್ರ ಕಿಂ ಕೃತಮದ್ಭುತಂ॥ 2-64-8 (13815)
`ಅರ್ಕಪ್ರಮಾಣೌ ತೌ ವೃಕ್ಷೌ ಯದ್ಯನೇನ ನಿಪಾತಿತೌ। '
ನಾಗಶ್ಚ ದಮಿತೋಽನೇನ ತತ್ರ ಕೋ ವಿಸ್ಮಯಃ ಕೃತಃ'॥ 2-64-9 (13816)
ವಲ್ಮೀಕಮಾತ್ರಃ ಸಪ್ತಾಹಂ ಯದ್ಯನೇನ ಧೃತೋಽಚಲಃ।
ತದಾ ಗೋವರ್ಧನೋ ಭೀಷ್ಮ ನ ತಚ್ಚಿತ್ರಂ ಮತಂ ಮಮ॥ 2-64-10 (13817)
ಭುಕ್ತಮೇತೇನ ಬಹ್ವನ್ನಂ ಕ್ರೀಡತಾ ನಗಮೂರ್ಧನಿ।
ಇತಿ ತೇ ಭೀಷ್ಣ ಶೃಣ್ವಾನಾಃ ಪರೇ ವಿಸ್ಮಯಮಾಗತಾಃ॥ 2-64-11 (13818)
ಯಸ್ಯ ಚಾನೇನ ಧರ್ಮಜ್ಞ ಭುಕ್ತಮನ್ನಂ ಬಲೀಯಸಃ।
ಸ ಚಾನೇನ ಹತಃ ಕಂಸ ಇತ್ಯೇತತ್ತು ಬಲೀಯಸಃ। 2-64-12 (13819)
ಸ ಚಾನೇನ ಹತಃ ಕಂಸ ಇತ್ಯೇತತ್ತು ಮಹಾದ್ಭುತಂ॥
ನ ತೇ ಶ್ರುತಮಿದಂ ಭೀಷ್ಮ ನೂನಂ ಕಥಯತಾಂ ಸತಾಂ। 2-64-13 (13820)
ಯದ್ವಕ್ಷ್ಯೇ ತ್ವಾಮಧರ್ಮಜ್ಞಂ ವಾಕ್ಯಂ ಕುರುಕುಲಾಧಮ॥
ಸ್ತ್ರೀಷು ಗೋಷು ನ ಶಸ್ತ್ರಾಣಿ ಪಾತಯೇದ್ಬ್ರಾಹ್ಮಣೇಷು ಚ। 2-64-14 (13821)
ಇತಿ ಸಂತೋಽನುಶಾಸಂತಿ ಸಂಜನಾ ಧರ್ಮಿಣಃ ಸದಾ।
ಭೀಷ್ಮ ಲೋಕೇ ಹಿ ತತ್ಸರ್ವಂ ವಿತಥಂ ತ್ವಯಿ ದೃಶ್ಯತೇ॥ 2-64-15 (13822)
ಜ್ಞಾನವೃದ್ಧಂ ಚ ವೃದ್ಧಂ ಚ ಭೂಯಾಂಸಂ ಕೇಶವಂ ಮಮ।
ಅಜಾನತ ಇವಾಖ್ಯಾಸಿ ಸಂಸ್ತುವನ್ಕೌರವಾಧಮ॥ 2-64-16 (13823)
ಗೋಘ್ರಃ ಸ್ತ್ರೀಘ್ನಶ್ಚ ಸನ್ಭೀಷ್ಮ ತ್ವದ್ವಾಕ್ಯಾದ್ಯದಿ ಪೂಜ್ಯತೇ।
ಏವಂಭೂತಶ್ಚ ಯೋ ಭೀಷ್ಮ ಕಥಂ ಸಂಸ್ತವಮರ್ಹತಿ॥ 2-64-17 (13824)
ಅಸೌ ಮತಿಮತಾಂ ಶ್ರೇಷ್ಠೋ ಯ ಏಷ ಜಗತಃ ಪ್ರಭುಃ।
ಸಂಭಾವಯತಿ ಚಾಪ್ಯೇವಂ ತ್ವದ್ವಾಕ್ಯಾಚ್ಚ ಜನಾರ್ದನಃ।
ಏವಮೇತತ್ಸರ್ವಮಿತಿ ತತ್ಸರ್ವಂ ವಿತಥಂ ಧ್ರುವಂ॥ 2-64-18 (13825)
ಆತ್ಮಾನಮಾತ್ಮನಾಽಽಧಾತುಂ ಯದಿ ಶಕ್ತೋ ಜನಾರ್ದನಃ।
ಅಕಾಮಯಂತಂ ತಂ ಭೀಷ್ಮ ಕಥಂ ಸಾಧ್ವಿವ ಪಶ್ಯಸಿ॥ 2-64-19 (13826)
ನ ಗಾಥಾ ಗಾಥಿನಂ ಶಾಸ್ತಿ ಬಹುಚೇದಪಿ ಗಾಯತಿ।
ಪ್ರಕೃತಿಂ ಯಾಂತಿ ಭೂತಾನಿ ಕುಲಿಂಗಶಕುನಿರ್ಯಥಾ॥ 2-64-20 (13827)
ನೂನಂ ಪ್ರಕೃತಿರೇಷಾ ತೇ ಜಘನ್ಯಾ ನಾತ್ರ ಸಂಶಯಟಃ।
`ನದೀಸುತತ್ವಾತ್ತೇ ಚಿತ್ತಂ ಚಂಚಲಂ ನ ಸ್ಥಿರಂ ಸ್ಮೃತಂ' ॥ 2-64-21 (13828)
ಅತಃ ಪಾಪೀಯಸೀ ಚೈಷಾಂ ಪಾಂಡವಾನಾಮಪೀಷ್ಯತೇ।
ಯೇಷಾಮರ್ಚ್ಯತಮಃ ಕೃಷ್ಣಸ್ತ್ವಂ ಚ ಯೇಷಾಂ ಪ್ರದರ್ಶಕಃ॥ 2-64-22 (13829)
ಧರ್ಮವಾಂಸ್ತ್ವಮಧರ್ಮಜ್ಞಃ ಸತಾಂ ಮಾರ್ಗಾದವಪ್ಲುತಃ।
ಕೋ ಹಿ ಧರ್ಮಿಣಮಾತ್ಮಾನಂ ಜಾನಂಜ್ಞಾನವಿದಾಂ ವರಃ॥ 2-64-23 (13830)
ಕುರ್ಯಾದ್ಯಥಾ ತ್ವಯಾ ಭೀಷಮ ಕೃತಂ ಧರ್ಮಮವೇಕ್ಷತಾ।
ಚೇತ್ತ್ವಂ ಧರ್ಮಂ ವಿಜಾನಾಸಿ ಯದಿ ಪ್ರಾಜ್ಞಾ ಮತಿಸ್ತವ॥ 2-64-24 (13831)
ಅನ್ಯಕಾಮಾ ಹಿ ಧರ್ಮಜ್ಞಾ ಕನ್ಯಕಾ ಪ್ರಾಜ್ಞಮಾನಿನಾ।
ಅಂಬಾ ನಾಮೇತಿ ಭದ್ರಂ ತೇ ಕಥಂ ಸಾಽಪಹೃತಾ ತ್ವಯಾ॥ 2-64-25 (13832)
ತಾಂ ತ್ವಯಾಽಪಹೃತಾಂ ಭೀಷ್ಮ ಕನ್ಯಾಂ ನೈಷಿತವಾನ್ನೃಪಃ।
ಭ್ರಾತಾ ವಿಚಿತ್ರವೀರ್ಯಸ್ತೇ ಸತಾಂ ಮಾರ್ಗಮನುಸ್ಮರನ್॥ 2-64-26 (13833)
ಭಾರ್ಯಯೋರ್ಯಸ್ಯ ಚಾನ್ಯೇನ ಮಿಷತಃ ಪ್ರಾಜ್ಞಮಾನಿನಃ।
ತವ ಜಾತಾನ್ಯಪತ್ಯಾನಿ ಸಜ್ಜನಾಚರಿತೇ ಪಥಿ॥ 2-64-27 (13834)
ಕೋ ಹಿ ಧರ್ಮೋಽಸ್ತಿ ತೇ ಭೀಷಮ ಬ್ರಹ್ಮಚರ್ಯಮಿದಂ ವೃಥಾ।
ಯದ್ಧಾರಯಸಿ ಮೋಹಾದ್ವಾ ಕ್ಲೀಬತ್ವಾದ್ವಾ ನ ಸಂಶಯಃ॥ 2-64-28 (13835)
ನ ತ್ವಂ ತವ ಧರ್ಮಜ್ಞ ಪಶ್ಯಾಂಯುಪಚರಂ ಕ್ವಚಿತ್।
ನ ಹಿ ತೇ ಸೇವಿತಾ ವೃದ್ಧಾ ಯ ಏವಂ ಧರ್ಮಮಬ್ರವೀಃ॥ 2-64-29 (13836)
ಇಷ್ಟಂ ದತ್ತಮಧೀತಂ ಚ ಯಜ್ಞಾಶ್ಚ ಬಹುದಕ್ಷಿಣಾಃ।
ಸರ್ವಮೇತದಪತ್ಯಸ್ಯ ಕಲಾಂ ನಾರ್ಹಂತಿ ಷೋಡಶೀಂ॥ 2-64-30 (13837)
ವ್ರತೋಪವಾಸೈರ್ಬಹುಭಿಃ ಕೃತಂ ಭವತಿ ಭೀಷ್ಮ ಯತ್।
ಸರ್ವಂ ತದನಪತ್ಯಸ್ಯ ಮೋಘಂ ಭವತಿ ನಿಶ್ಚಯಾತ್॥ 2-64-31 (13838)
ಸೋಽನಪತ್ಯಶ್ಚ ವೃದ್ಧಶ್ಚ ಮಿಥ್ಯಾಧರ್ಮಾನುಶಾಸನಾತ್।
ಹಂಸವತ್ತ್ವಮಪೀದಾನೀಂ ಜ್ಞಾತಿಭ್ಯಃ ಪ್ರಾಪ್ನುಯಾ ವಧಂ॥ 2-64-32 (13839)
ಏವಂ ಹಿ ಕಥಯಂತ್ಯನ್ಯೇ ನರಾ ಜ್ಞಾನವಿದಃ ಪುರಾ।
ಭೀಷ್ಮ ಯತ್ತದಹಂ ಸಂಯಗ್ವಕ್ಷ್ಯಾಮಿ ತವ ಶೃಣ್ವತಃ॥ 2-64-33 (13840)
ವೃದ್ಧಃ ಕಿಲ ಸಮುದ್ರಾಂತೇ ಕಶ್ಚಿದ್ಧಂಸೋಽಭವತ್ಪುರಾ।
ಧರ್ಮವಾಗನ್ಯಥಾವೃತ್ತಃ ಪಕ್ಷಿಣಃ ಸೋಽನುಶಾಸ್ತಿ ಚ॥ 2-64-34 (13841)
ಧರ್ಮ ಚರತ ಮಾಽಧರ್ಮಮಿತಿ ತಸ್ಯ ವಚಃ ಕಿಲ।
ಪಕ್ಷಿಣಃ ಶುಶ್ರುವುರ್ಭೀಷ್ಮ ಸತತಂ ಧರ್ಮವಾದಿನಃ॥ 2-64-35 (13842)
ಹಂಸಸ್ಯ ತು ವಚಃ ಶ್ರುತ್ವಾ ಮುದಿತಾಃ ಸರ್ವಪಕ್ಷಿಣಃ।
ಊಚುಶ್ಚೈವ ಸ್ವಗಾ ಹಂಸಂ ಪರಿವಾರ್ಯ ಚ ಸರ್ವಶಃ॥ 2-64-36 (13843)
ಕಥಯಸ್ವ ಭವಾನ್ಸರ್ವಂ ಪಕ್ಷಿಣಾಂ ತು ಸಮಾಸತಃ।
ಕೋ ಹಿ ನಾಮ ದ್ವಿಜಶ್ರೇಷ್ಠ ಬ್ರೂಹಿ ನೋ ಧರ್ಮ ಉತ್ತಮಃ॥ 2-64-37 (13844)
ಹಂಸ ಉವಾಚ॥ 2-64-38x (1486)
ಪ್ರಜಾಸ್ವಹಿಂಸಾ ಧರ್ಮೋ ವೈ ಹಿಂಸಾಽಧರ್ಮಃ ಖಗವ್ರಜಾಃ।
ಏತದೇವಾನುಬೋದ್ಧವ್ಯಂ ಧರ್ಮಾಧರ್ಮಃ ಸಮಾಸತಃ॥ 2-64-38 (13845)
ಶಿಶುಪಾಲ ಉವಾಚ॥ 2-64-39x (1487)
ವೃದ್ಧಹಂಸವಚಃ ಶ್ರುತ್ವಾ ಪಕ್ಷಿಣಸ್ತೇ ಸುಸಂಹಿತಾಃ।
ಊಚುಶ್ಚ ಧರ್ಮಲುಬ್ಧಾಸ್ತೇ ಸ್ಮಯಮಾನಾ ಇವಾಂಡಜಾಃ॥ 2-64-39 (13846)
ಧರ್ಮಂ ಯಃ ಕುರುತೇ ನಿತ್ಯಂ ಲೋಕೇ ಧೀರತರೋಽಂಡಜಃ।
ಸ ಯತ್ರ ಗಚ್ಛೇದ್ಧರ್ಮಾತ್ಮಾ ತನ್ಮೇ ಬ್ರೂಹೀಹ ತತ್ತ್ವತಃ॥ 2-64-40 (13847)
ಹಂಸ ಉವಾಚ॥ 2-64-41x (1488)
ಬಾಲಾ ಯೂಯಂ ನ ಜಾನೀಧ್ವಂ ಧರ್ಮಸೂಕ್ಷ್ಮಂ ವಿಹಂಗಮಾಃ।
ಧರ್ಮಂ ಯಃ ಕುರುತೇ ಲೋಕೇ ಸತತಂ ಶುಭಬುದ್ಧಿನಾ।
ನ ಚಾಯುಷೋಽಂತೇ ಸ್ವಂ ದೇಹಂ ತ್ಯಕ್ತ್ವಾ ಸ್ವರ್ಗಂ ಸ ಗಚ್ಛತಿ॥ 2-64-41 (13848)
ತಥಾಽಹಮಪಿ ಚ ತ್ಯಕ್ತ್ವಾ ಕಾಲೇ ದೇಹಮಿಮಂ ದ್ವಿಜಾಃ।
ಸ್ವರ್ಗಲೋಕಂ ಗಮಿಷ್ಯಾಮಿ ಇಯಂ ಧರ್ಮಸ್ಯ ವೈ ಗತಿಃ॥ 2-64-42 (13849)
ಏವಂ ಧರ್ಮಕಥಾಂ ಚಕ್ರೇ ಸ ಹಂಸಃ ಪಕ್ಷಿಣಾಂ ಭೃಶಂ।
ಪಕ್ಷಿಣಃ ಶುಶ್ರುವುರ್ಭೀಷ್ಮ ಸತತಂ ಧರ್ಮಮೇವ ತೇ॥ 2-64-43 (13850)
ಅಥಾಸ್ಯ ಭಕ್ಷ್ಯಮಾಜಹ್ರುಃ ಸಮುದ್ರಜಲಚಾರಿಣಃ।
ಅಂಡಜಾ ಭೀಷ್ಮ ತಸ್ಯಾನ್ಯೇ ಧರ್ಮಾರ್ಥಮಿತಿ ಶುಶ್ರುಮ॥ 2-64-44 (13851)
ತೇ ಚ ತಸ್ಯ ಸಮಭ್ಯಾಶೇ ನಿಕ್ಷಿಪ್ಯಾಂಡಾನಿ ಸರ್ವಶಃ।
ಸಮುದ್ರಾಂಭಸ್ಯಮೋದಂತ ಚರಂತೋ ಭೀಷ್ಮ ಪಕ್ಷಿಣಃ॥ 2-64-45 (13852)
ತೇಷಾಮಂಡಾನಿ ಸರ್ವೇಷಾಂ ಭಕ್ಷಯಾಮಾಸ ಪಾಪಕೃತ್।
ಸ ಹಂಸಃ ಸಂಪ್ರಮತ್ತಾನಾಮಪ್ರಮತ್ತಃ ಸ್ವಕರ್ಮಣಿ॥ 2-64-46 (13853)
ತತಃ ಪ್ರಕ್ಷೀಯಮಾಣೇಷು ತೇಷು ತೇಷ್ವಂಡಜೋಽಪರಃ।
ಅಶಂಕತ ಮಹಾಪ್ರಾಜ್ಞಃ ಸ ಕದಾಚಿದ್ದದರ್ಶ ಹ॥ 2-64-47 (13854)
ತತಃ ಸಂಕಥಯಾಮಾಸ ದೃಷ್ಟ್ವಾ ಹಂಸಸ್ಯ ಕಿಲ್ಬಿಷಂ।
ತೇಷಾಂ ಪರಮದುಃಖಾರ್ತಃ ಸ ಪಕ್ಷೀ ಸರ್ವಪಕ್ಷಿಣಾಂ॥ 2-64-48 (13855)
ತತಃ ಪ್ರತ್ಯಕ್ಷತೋ ದೃಷ್ಟ್ವಾ ಪಕ್ಷಿಣಸ್ತೇ ಸಮೀಪಗಾಃ।
ನಿಜಘ್ನಸ್ತಂ ತದಾ ಹಂಸಂ ಮಿಥ್ಯಾವೃತ್ತಂ ಕುರೂದ್ವಹ॥ 2-64-49 (13856)
ಏವಂ ತ್ವಾಂ ಹಂಸಧರ್ಮಾಣಮಪೀಮೇ ವಸುಧಾಧಿಪಾಃ।
ನಿಹನ್ಯುರ್ಭೀಷ್ಮ ಸಂಕ್ರುದ್ಧಾಃ ಪಕ್ಷಿಣಸ್ತಂ ಯಥಾಂಡಜಂ॥ 2-64-50 (13857)
ಗಾಥಾಮಪ್ಯತ್ರ ಗಾಯಂತಿ ಯೇ ಪುರಾಣವಿದೋ ಜನಾಃ।
ಭೀಷ್ಮ ಯಾಂ ತಾಂ ಚ ತೇ ಸಂಯಕ್ವಥಯಿಷ್ಯಾಮಿ ಭಾರತ॥ 2-64-51 (13858)
ಅಂತರಾತ್ಮನ್ಯಭಿಹತೇ ರೌಷಿ ಪತ್ರರಥಾಶುಚಿ।
ಅಂಡಭಕ್ಷಣಕರ್ಮೈತತ್ತವ ವಾಚಮತೀಯತೇ॥ ॥ 2-64-52 (13859)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಶಿಶುಪಾಲವಧಪರ್ವಣಿ ಚತುಃಷಷ್ಟಿತೋಽಧ್ಯಾಯಃ॥ 64 ॥
Mahabharata - Sabha Parva - Chapter Footnotes
2-64-2 ತೃತೀಯಾಯಾಂ ಪ್ರಕೃತೌ ನಪುಂಸಕತ್ವೇ॥ 2-64-20 ಕುಲಿಗೋನಾಮ ಭೂಶಾಯೀ ಪಕ್ಷೀ ಮಾಸಾಹಸಮಿತ್ಯನಿಶಂ ವದನ್ನಪಿ ಸಿಂಹದಂಷ್ಟಾಂತರಸ್ಥಂ ಮಾಂಸಮಾ ದತ್ತೇ ಸ್ವಯಂ ಸಾಹಸಮತಿಶಯಿತಂ ಕರೋತಿ॥ಸಭಾಪರ್ವ - ಅಧ್ಯಾಯ 065
॥ ಶ್ರೀಃ ॥
2.65. ಅಧ್ಯಾಯಃ 065
Mahabharata - Sabha Parva - Chapter Topics
ಕೃಷ್ಣನಿಂದಾಶ್ರವಣೇನ ಶಿಶುಪಾಲಜಿಘಾಂಸಯಾ ಉತ್ಪತತೋ ಭೀಮಸ್ಯ ಭೀಷ್ಮೇಣ ವಿನಿವರ್ತನಂ॥ 1॥Mahabharata - Sabha Parva - Chapter Text
ಶಿಶುಪಾಲ ಉವಾಚ।
ಸ ಮೇ ಬಹುಮತೋ ರಾಜಾ ಜರಾಸಂಧೋ ಮಹಾಬಲಃ।
ಯೋಽನೇನ ಯುದ್ಧಂ ನೇಯೇಷ ದಾಕ್ಷೋಽಯಮಿತಿ ಸಂಯುಗೇ॥ 2-65-1 (13860)
ಕೇಶವೇನ ಕೃತಂ ಕರ್ಮ ಜರಾಸಂಧವಧೇ ತದಾ।
ಭೀಮಸೇನಾರ್ಜುನಾಭ್ಯಾಂ ಚ ಕಸ್ತತ್ಸಾಧ್ವಿತಿ ಮನ್ಯತೇ॥ 2-65-2 (13861)
ಉದ್ವಾರೇಣ ಪ್ರವಿಷ್ಟೇನ ಛದ್ಮನಾ ಬ್ರಹ್ಮವಾದಿನಾ।
ದೃಷ್ಟಃ ಪ್ರಭಾವಃ ಕೃಷ್ಣೇನ ಜರಾಸಂಧಸ್ಯ ಭೂಪತೇಃ॥ 2-65-3 (13862)
ಯೇನ ಧರ್ಮಾತ್ಮನಾಽಽತ್ಮಾನಂ ಬ್ರಹ್ಮಣ್ಯಮಭಿಜಾನತಾ।
ಪ್ರೇಷಿತಂ ಪಾದ್ಯಮಸ್ಮೈ ತದ್ದಾತುಮಗ್ರೇ ದೂರಾತ್ಮನೇ॥ 2-65-4 (13863)
ಭುಜ್ಯತಾಮಿತಿ ತೇನೋಕ್ತಾಃ ಕೃಷ್ಣಬೀಮಧನಂಜಯಾಟಃ।
ಜರಾಸಂಧೇನ ಕೌರವ್ಯ ಕೃಷ್ಣೇನ ವಿಕೃತಂ ಕೃತಂ॥ 2-65-5 (13864)
ಯದ್ಯಯಂ ಜಗತಃ ಕರ್ತಾ ಯಥೈನಂ ಮೂರ್ಖ ಮನ್ಯಸೇ।
ಕಸ್ಮಾನ್ನ ಬ್ರಾಹ್ಮಣಂ ಸಂಯಗಾತ್ಮಾನಮವಗಚ್ಛತಿ॥ 2-65-6 (13865)
ಇದಂ ತ್ವಾಶ್ಚರ್ಯಭೂತಂ ಮೇ ಯದಿಭೇ ಪಾಂಡವಾಸ್ತ್ವಯಾ।
ಅಪಕೃಷ್ಟಾಃ ಸತಾಂ ಮಾರ್ಗಾನ್ಮನ್ಯಂತೇ ತಚ್ಚ ಸಾಧ್ವಿತಿ॥ 2-65-7 (13866)
ಅಥವಾ ನೈತದಾಶ್ಚರ್ಯಂ ಯೇಷಾಂ ತ್ವಮಸಿ ಭಾರತ।
ಸ್ತ್ರೀಸಧರ್ಮಾ ಚ ವೃದ್ಧಶ್ಚ ಸರ್ವಾರ್ಥಾನಾಂ ಪ್ರದರ್ಶಕಃ॥ 2-65-8 (13867)
ವೈಶಂಪಾಯನ ಉವಾಚ॥ 2-65-9x (1489)
ತಸ್ಯ ತದ್ವಚನಂ ಶ್ರುತ್ವಾ ರೂಕ್ಷಂ ರೂಕ್ಷಾಕ್ಷರಂ ಬಹು।
ಚಕೋಪ ಬಲಿನಾಂ ಶ್ರೇಷ್ಠೋ ಭೀಮಸೇನಃ ಪ್ರತಾಪವಾನ್॥ 2-65-9 (13868)
ತಥಾ ಪದ್ಮಪ್ರತೀಕಾಶೇ ಸ್ವಭಾವಾಯತವಿಸ್ತೃತೇ।
ಭೂಯಃ ಕ್ರೋಧಾಭಿತಾಂರಾಕ್ಷೇ ರಕ್ತೇ ನೇತ್ರೇ ಬಭೂವತುಃ॥ 2-65-10 (13869)
ತ್ರಿಶಿಖಾಂ ಭ್ರಕುಟೀಂ ಚಾಸ್ಯ ದದೃಶುಃ ಸರ್ವಪಾರ್ಥಿವಾಃ।
ಲಲಾಟಸ್ಥಾಂ ತ್ರಿಕೂಟಸ್ಥಾಂ ಗಂಗಾಂ ತ್ರಿಪಥಗಾಮಿವ॥ 2-65-11 (13870)
ದಂತಾನ್ಸಂದಶತಸ್ತಸ್ಯ ಕೋಪಾದ್ದದೃಶುರಾನನಂ।
ಯುಗಾಂತೇ ಸರ್ವಭೂತಾನಿ ಕಾಲಸ್ಯೇವ ಜಿಘತ್ಸತಃ॥ 2-65-12 (13871)
ಉತ್ಪತಂತಂ ತು ವೇಗೇನ ಜಗ್ರಾಹೈನಂ ಮನಸ್ವಿನ್।
ಭೀಷ್ಮ ಏವ ಮಹಾಬಾಹುರ್ಮಹಾಸೇನಮಿವೇಶ್ವರಃ॥ 2-65-13 (13872)
ತಸ್ವ ಭೀಮಸ್ಯ ಭೀಷ್ಮೇಣ ವಾರ್ಯಮಾಣಸ್ಯ ಭಾರತ।
ಗುರುಣಾ ವಿವಿಧೈರ್ವಾಕ್ಯೈಃ ಕ್ರೋಧಃ ಪ್ರಶಮಮಾಗತಃ॥ 2-65-14 (13873)
ನಾತಿಚಕ್ರಾಮ ಭೀಷ್ಮಸ್ಯ ಸ ಹಿ ವಾಕ್ಯಮರಿಂದಮಃ।
ಸಮುದ್ವೃತ್ತೋ ಘನಾಪಾಯೇ ವೇಲಾಮಿವ ಮಹೋದಧಿಃ॥ 2-65-15 (13874)
ಶಿಶುಪಾಲಸ್ತು ಸಂಕ್ರುದ್ಧೇ ಭೀಮಸೇನೇ ಜನಾಧಿಪ।
ನಾಕಂಪತ ತದಾ ವೀರಃ ಪೌರುಷೇ ವ್ಯವಸ್ಥಿತಃ॥ 2-65-16 (13875)
ಉತ್ಪತಂತಂ ತು ವೇಗೇನ ಪುನಃ ಪುನರರಿಂದಮಃ।
ನ ಸ ತಂ ಚಿಂತಯಾಮಾಸ ಸಿಂಹಃ ಕ್ರುದ್ಧೋ ಮೃಗಂ ಯಥಾ॥ 2-65-17 (13876)
ಪ್ರಹಸಂಶ್ಚಾಬ್ರವೀದ್ವಾಕ್ಯಂ ಚೇದಿರಾಜಃ ಪ್ರತಾಪವಾನ್।
ಭೀಮಸೇನಮಭಿಕ್ರುದ್ಧಂ ದೃಷ್ಟ್ವಾ ಭೀಮಪರಾಕ್ರಮಂ॥ 2-65-18 (13877)
ಮುಂಚೈನಂ ಭೀಷ್ಮ ಪಶ್ಯಂತು ಯಾವದೇನಂ ನರಾಧಿಪಃ।
ಮತ್ಪ್ರಭಾವವಿನಿರ್ದಗ್ಧಂ ಪತಂಗಮಿವ ವಹ್ನಿನಾ॥ 2-65-19 (13878)
ತತಶ್ಚೇದಿಪತೇರ್ವಾಕ್ಯಂ ಶ್ರುತ್ವಾ ತತ್ಕುರುಸತ್ತಮಃ।
ಭೀಮಸೇನಮುವಾಚೇದಂ ಭೀಷ್ಮೇ ಮತಿಮತಾಂ ವರಃ॥ 2-65-20 (13879)
`ನೈಷಾ ಚೇದಿಪತೇರ್ಬುದ್ಧಿರ್ಯತ್ತ್ವಾಮಾಹ್ವಯತೇಽಚ್ಯುತಂ।
ಭೀಮಸೇನ ಮಹಾಬಾಹೋ ಕೃಷ್ಣಸ್ಯೈವ ವಿನಿಶ್ಚಯಃ'॥ ॥ 2-65-21 (13880)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಶಿಶುಪಾಲವಧಪರ್ವಣಿ ಪಂಚಷಷ್ಟಿತಮೋಽಧ್ಯಾಯಃ॥65॥
Mahabharata - Sabha Parva - Chapter Footnotes
2-65-13 ಮಹಾಸೇನ ಕಾರ್ತಿಕಯಂ॥ಸಭಾಪರ್ವ - ಅಧ್ಯಾಯ 066
॥ ಶ್ರೀಃ ॥
2.66. ಅಧ್ಯಾಯಃ 066
Mahabharata - Sabha Parva - Chapter Topics
ಭೀಷ್ಮೇಣ ಶಿಶುಪಾಲವೃತ್ತಾಂತಕಥನಪೂರ್ವಕಂ ಸ್ವೇನ ಭೀಮನಿಷೇಧನೇ ಸ್ವಾಭಿಪ್ರಾಯಾವಿಷ್ಕರಣಂ॥ 1॥Mahabharata - Sabha Parva - Chapter Text
ಭೀಷ್ಮ ಉವಾಚ॥
ಚೇದಿರಾಜಕುಲೇ ಜಾತಖ್ಯಕ್ಷ ಏಷ ಚತುರ್ಭುಜಃ।
ರಾಸಭಾರಾವಸದೃಶಂ ರರಾಸ ಚ ನನಾದ ಚ॥ 2-66-1 (13881)
ತೇನಾಸ್ಯ ಮಾತಾಪಿತರೌ ತ್ರೇಸತುಸ್ತೌ ಸಬಾಂಧವೌ।
ವೈಕೃತಂ ತಸ್ಯತ ತೌ ದೃಷ್ಟ್ವಾ ತ್ಯಾಗಾಯಾಕುರುತಾಂ ಮತಿಂ॥ 2-66-2 (13882)
ತತಃ ಸಭಾರ್ಯಂ ನೃಪತಿಂ ಸಾಮಾತ್ಯಂ ಸಪುರೋಹಿತಂ।
ಚಿಂತಾಸಂಮೂಢಹೃದಯಂ ವಾಗುವಾಚಾಶರೀರೇಣೀ॥ 2-66-3 (13883)
ಏಷ ತೇ ನೃಪತೇ ಪುತ್ರಃ ಶ್ರೀಮಾಂಜಾತೋ ಬಲಾಧಿಕಃ।
ತಸ್ಮಾದಸ್ಮಾನ್ನ ಭೇತವ್ಯಮವ್ಯಗ್ರಃ ಪಾಹಿ ವೈ ಶಿಶುಂ॥ 2-66-4 (13884)
ನ ಚ ವೈ ತಸ್ಯ ಮೃತ್ಯುಸ್ತ್ವಂ ನ ಕಾಲಃ ಪ್ರತ್ಯುಪಸ್ಥಿತಃ।
ಯಶ್ಚ ಶಸ್ತ್ರೇಣ ಹಂತಾಽಸ್ಯ ಸ ಚೋತ್ಪನ್ನೋ ನರಾಧಿಪ॥ 2-66-5 (13885)
ಸಂಶ್ರುತ್ಯೋದಾಹೃತಂ ವಾಕ್ಯಂ ಭೂತಮಂತರ್ಹಿತಂ ತತಃ।
ಪುತ್ರಸ್ನೇಹಾಭಿಸಂತಪ್ತಾ ಜನನೀ ವಾಕ್ಯಮಬ್ರವೀತ್॥ 2-66-6 (13886)
ಯೇನೇದಮೀರಿತಂ ವಾಕ್ಯಂ ಮಮೈತಂ ತನಯಂ ಪ್ರತಿ।
ಪ್ರಾಂಜಲಿಸ್ತಂ ನಮಸ್ಯಾಮಿ ಬ್ರವೀತು ಸ ಪುನರ್ವಚಃ॥ 2-66-7 (13887)
ಯಾಥಾತಥ್ಯೇನ ಭಗವಾಂದೇವೋ ವಾ ಯದಿ ವೇತರಃ।
ಶ್ರೋತುಮಿಚ್ಛಾಮಿ ಪುತ್ರಸ್ಯ ಕೋಽಸ್ಯ ಮೃತ್ಯುರ್ಭವಿಷ್ಯತಿ॥ 2-66-8 (13888)
ಅಂತರ್ಭೂತಂ ತತೋ ಭೂತಮುವಾಚೇದಂ ಪುನರ್ವಚಃ।
ಯಸ್ಯೋತ್ಸಂಗೇ ಗೃಹೀತಸ್ಯ ಭುಜಾವಭ್ಯಧಿಕಾವುಭೌ॥ 2-66-9 (13889)
ಪತಿಷ್ಯತಃ ಕ್ಷಿತಿತಲೇ ಪಂಚಶೀರ್ಷಾವಿವೋರಗೌ।
ತೃತೀಯಮೇತದ್ಬಾಲಸ್ಯ ಲಲಾಟಸ್ಥಂ ತು ಲೋಚನಂ॥ 2-66-10 (13890)
ನಿಮಜ್ಜಿಷ್ಯತಿ ಯಂ ದೃಷ್ಟ್ವಾ ಸೋಽಸ್ಯ ಮೃತ್ಯುರ್ಭವಿಷ್ಯತಿ।
ತ್ರ್ಯಕ್ಷಂ ಚತುರ್ಭುಜಂ ಶ್ರುತ್ವಾ ತಥಾ ಚ ಸಮುದಾಹೃತಂ॥ 2-66-11 (13891)
ಪೃಥಿವ್ಯಾಂ ಪಾರ್ಥಿವಾಃ ಸರ್ವೇ ಅಭ್ಯಾಗಚ್ಛಂದಿದೃಕ್ಷವಃ।
ತಾನ್ಪೂಜಯಿತ್ವಾ ಸಂಪ್ರಾಪ್ತಾನ್ಯಥಾರ್ಹಂ ಸ ಮಹೀಪತಿಃ॥ 2-66-12 (13892)
ಏಕೈಕಸ್ಯ ನೃಪಸ್ಯಾಂಕೇ ಪುತ್ರಮಾರೋಪಯತ್ತದಾ।
ಏವಂ ರಾಜಸಹಸ್ರಾಣಾ ಪೃಥಕ್ತ್ವೇನ ಯಥಾಕ್ರಮಂ॥ 2-66-13 (13893)
ಶಿಶುರಂಕೇ ಸಮಾರೂಢೋ ನ ತತ್ಪ್ರಾಯ ನಿದರ್ಶನಂ।
ಏತದೇವ ತು ಸಂಶ್ರುತ್ಯ ದ್ವಾರವತ್ಯಾಂ ಮಹಾಬಲೌ॥ 2-66-14 (13894)
ತತಶ್ಚೇದಿಪುರಂ ಪ್ರಾಪ್ತೌ ಸಂಕರ್ಷಣಜನಾರ್ದನೌ।
ಯಾದವೌ ಯಾದವೀಂ ದ್ರುಷ್ಟುಂ ಸ್ವಸಾರಂ ತೌ ಪಿತುಸ್ತದಾ॥ 2-66-15 (13895)
ಅಭಿವಾದ್ಯ ಯಥಾನ್ಯಾಯಂ ಯಥಾಶ್ರೇಷ್ಠಂ ನೃಪಂ ಚ ತಾಂ।
ಕುಶಲಾನಾಮಯಂ ಪೃಷ್ಟ್ವಾ ನಿಷಣ್ಣೌ ರಾಮಕೇಶವೌ॥ 2-66-16 (13896)
ಸಾಽಭ್ಯರ್ಚ್ಯ ತೌ ತದಾ ವೀರೌ ಪ್ರೀತ್ಯಾ ಚಾಭ್ಯಧಿಕಂ ತತಃ।
ಪುತ್ರಂ ದಾಮೋದರೋತ್ಸಂಗೇ ದೇವೀ ಸಂನ್ಯದಧಾತ್ಸ್ವಯಂ॥ 2-66-17 (13897)
ನ್ಯಸ್ತಮಾತ್ರಸ್ಯ ತಸ್ಯಾಂಕೇ ಭುಜಾವಭ್ಯಧಿಕಾವುಭೌ।
ಪೇತತುಸ್ತಚ್ಚ ನಯನಂ ನ್ಯಮಜ್ಜತ ಲಲಾಟಜಂ॥ 2-66-18 (13898)
ತದ್ದೃಷ್ಟ್ವಾ ವ್ಯಥಿತಾ ತ್ರಸ್ತಾ ವರಂ ಕೃಷ್ಣಮಯಾಚತ।
ದದಸ್ವ ಮೇ ವರಂ ಕೃಷ್ಣ ಭಯಾರ್ತಾಯಾ ಮಹಾಭುಜ॥ 2-66-19 (13899)
ತ್ವಂ ಹ್ಯಾರ್ತಾನಾಂ ಸಮಾಶ್ವಾಸೋ ಭೀತಾನಾಮಭಯಪ್ರದಃ।
ಏವಮುಕ್ತಸ್ತತಃ ಕೃಷ್ಣಃ ಸೋಽಬ್ರವೀದ್ಯದುನಂದನಃ॥ 2-66-20 (13900)
ಮಾ ಭೈಸ್ತ್ವಂ ದೇವಿ ಧರ್ಮಜ್ಞೇ ನ ಮತ್ತೋಽಸ್ತಿ ಭಯಂ ತವ।
ದದಾಮಿ ಕಂ ವರಂ ಕಿಂ ಚ ಕರವಾಣಿ ಪಿತೃಷ್ವಸಃ॥ 2-66-21 (13901)
ಶಕ್ಯಂ ವಾ ಯದಿ ವಾಽಶಕ್ಯಂ ಕರಿಷ್ಯಾಣಿ ವಚಸ್ತವ।
ಏವಮುಕ್ತಾ ತತಃ ಕೃಷ್ಣಮಬ್ರವೀದ್ಯದುನಂದನಂ॥ 2-66-22 (13902)
ಶಿಶುಪಾಲಸ್ಯಾಪರಾಧಾನ್ಕ್ಷಮೇಥಾಸ್ತ್ವಂ ಮಹಾಬಲ।
ಮತ್ಕೃತೇ ಯದುಶಾರ್ದೂಲ ವಿದ್ಧ್ಯೇನಂ ಮೇ ವರಂ ಪ್ರಭೋ॥ 2-66-23 (13903)
ಕೃಷ್ಣ ಉವಾಚ। 2-66-24x (1490)
ಅಪರಾಧಶತಂ ಕ್ಷಾಂಯಂ ಮಯಾ ಹ್ಯಸ್ಯ ಪಿತೃಷ್ವಸಃ।
ಪುತ್ರಸ್ಯ ತೇ ವಧಾರ್ಹಸ್ಯ ಮಾ ತ್ವಂ ಶೋಕೇ ಮನಃ ಕೃಥಾಃ॥ 2-66-24 (13904)
ಭೀಷ್ಮ ಉವಾಚ। 2-66-25x (1491)
`ಸ ಜಾನನ್ನಾತ್ಮನೋ ಮೃತ್ಯುಂ ಕೃಷ್ಣಂ ಯದುಸುಖಾವಹಂ'।
ಏವಮೇಷ ನೃಪಃ ಪಾಪಃ ಶಿಶುಪಾಃ ಸುಮಂದಧೀಃ।
ತ್ವಾಂ ಸಮಾಹ್ವಯತೇ ವೀರ ಗೋವಿಂದವರದರ್ಪಿತಃ॥ ॥ 2-66-25 (13905)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಶಿಶುಪಾಲವಧಪರ್ವಣಿ ಷಟ್ಷಷ್ಟಿತಮೋಽಧ್ಯಾಯಃ॥ 66 ॥
ಸಭಾಪರ್ವ - ಅಧ್ಯಾಯ 067
॥ ಶ್ರೀಃ ॥
2.67. ಅಧ್ಯಾಯಃ 067
Mahabharata - Sabha Parva - Chapter Topics
ಶಿಶುಪಾಲೇನ ರಾಜ್ಞಾಂ ಪ್ರಶಂಸನಪೂರ್ವಕಂ ಗರ್ಹಿತೇನ ಭೀಷ್ಮೇಣ ರಾಜ್ಞಾಂ ತಿರಸ್ಕರಣಾದಿಕಂ॥ 1॥Mahabharata - Sabha Parva - Chapter Text
ಭೀಷ್ಮ ಉವಾಚ॥
ನೈಷಾ ಚೇದಿಪತೇರ್ಬುದ್ಧಿರ್ಯಯಾ ತ್ವಾಹ್ವಯತೇಽಚ್ಯುತಂ।
ನೂನಮೇವ ಜಗದ್ಭರ್ತುಃ ಕೃಷ್ಣಸ್ಯೈವ ವಿನಿಶ್ಚಯಃ। 2-67-1 (13906)
ಕೋ ಹಿ ಮಾಂ ಭೀಮಸೇನಾದ್ಯ ಕ್ಷಿತಾವರ್ಹತಿ ಪಾರ್ಥಿವಃ।
ಕ್ಷೇಪ್ತುಂ ಕಾಲಪರೀತಾತ್ಮಾ ಯಥೈಷ ಕುಲಪಾಂಸನಃ॥ 2-67-2 (13907)
ಏಷ ಹ್ಯಸ್ಯ ಮಹಾಬಾಹುಸ್ತೇರ್ಜೋಶಶ್ಚ ಹರೇರ್ಧ್ರುವಂ।
ತಮೇವ ಪುನರಾದಾತುಂ ಕುರುತೇಽತ್ರ ಮತಿಂ ಹರಿಃ॥ 2-67-3 (13908)
ಯೇನೈಷ ಕುರುಶಾರ್ದೂಲ ಶಾರ್ದೂಲ ಇವ ಚೇದಿರಾಟ್।
ಗರ್ಜತ್ಯತೀವ ದುರ್ಬುದ್ಧಿಃ ಸರ್ವಾನಸ್ಮಾನಚಿಂತಯನ್॥ 2-67-4 (13909)
ವೈಶಂಪಾಯನ ಉವಾಚ॥ 2-67-5x (1492)
ತತೋ ನ ಮಮೃಷೇ ಚೈದ್ಯಸ್ತದ್ಭೀಷ್ಮವಚನಂ ತದಾ।
ಉವಾಚ ಚೈನ ಸಂಕ್ರುದ್ಧಃ ಪುನರ್ಭೀಷ್ಮಮಥೋತ್ತರಂ॥ 2-67-5 (13910)
ಶಿಶುಪಾಲ ಉವಾಚ॥ 2-67-6x (1493)
ದ್ವಿಷತಾಂ ನೋಽಸ್ತು ಭೀಷ್ಮೈಷ ಪ್ರಭಾವಃ ಕೇಶವಸ್ಯ ಯಃ।
ಯಸ್ಯ ಸಂಸ್ತವವಕ್ತಾ ತ್ವಂ ಬಂದಿವತ್ಸತತೋತ್ಥಿತಃ॥ 2-67-6 (13911)
ಸಂಸ್ತವೇ ಚಮನೋ ಭೀಷ್ಮ ಪರೇಷಾಂ ರಮತೇ ಯದಿ।
ತದಾ ಸಂಸ್ತುಹಿ ರಾಜ್ಞಸ್ತ್ವಮಿಮಂ ಹಿತ್ವಾ ಜನಾರ್ದನಂ॥ 2-67-7 (13912)
ದರದಂ ಸ್ತುಹಿ ಬಾಹ್ಲೀಕಮಿಮಂ ಪಾರ್ಥಿವಸತ್ತಮಂ।
ಜಾಯಮಾನೇನ ಯೇನೇಯಭವದ್ದಾರಿತಾ ಮಹೀ॥ 2-67-8 (13913)
ವಂಗಾಂಗವಿಷಯಾಧ್ಯಕ್ಷಂ ಸಹಸ್ರಾಕ್ಷಸಮಂ ಬಲೇ।
ಸ್ತುಹಿ ಕರ್ಣಮಿಮಂ ಭೀಷ್ಮ ಮಹಾಚಾಪವಿಕರ್ಷಣಂ॥ 2-67-9 (13914)
ಯಸ್ಯೇಮೇ ಕುಂಡಲೇ ದಿವ್ಯೇ ಸಹಜೇ ದೇವನಿರ್ಮಿತೇ।
ಕವಚಂ ಚ ಮಹಾಬಾಹೋ ಬಾಲಾರ್ಕಸದೃಶಪ್ರಭಂ॥ 2-67-10 (13915)
ವಾಸವಪ್ರತಿಮೋ ಯೇನ ಜರಾಸಂಧೋಽತಿದುರ್ಜಯಃ।
ವಿಜಿತೋ ಬಾಹುಯುದ್ಧೇನ ದೇಹಭೇದಂ ಚ ಲಂಭಿತಃ॥ 2-67-11 (13916)
ದ್ರೋಣಂ ದ್ರೌಣಿಂ ಚ ಸಾಧು ತ್ವಂ ಪಿತಾಪುತ್ರೌ ಮಹಾರಥೌ।
ಸ್ತುಹಿ ಸ್ತುತ್ಯಾವುಭೌ ಭೀಷ್ಮ ಸತತಂ ದ್ವಿಜಸತ್ತಮೌ॥ 2-67-12 (13917)
ಯಯೋರನ್ಯತರೋ ಭೀಷ್ಮ ಸಂಕ್ರುದ್ಧಃ ಸಚರಾಚರಾಂ।
ಇಮಾಂ ವಸುಮತೀಂ ಕುರ್ಯಾನ್ನಿಃ ಶೇಷಾಮಿತಿ ಮೇ ಮತಿಃ॥ 2-67-13 (13918)
ದ್ರೋಣಸ್ಯ ಹಿ ಸಮಂ ಯುದ್ಧೇ ನ ಪಶ್ಯಾಮಿ ನರಾಧಿಪಂ।
ನಾಶ್ವತ್ಥಾಂನಃ ಸಮಂ ಭೀಷ್ಮ ನ ಚ ತೌ ಸ್ತೋತುಮಿಚ್ಛಸಿ॥ 2-67-14 (13919)
ಪೃಥಿವ್ಯಾಂ ಸಾಗರಾಂತಾಯಾಂ ಯೋ ವೈಪ್ರತಿಸಮೋ ಭವೇತ್।
ದುರ್ಯೋಧನಂ ತ್ವಂ ರಾಜೇಂದ್ರಮತಿಕ್ರಂಯ ಮಹಾಭುಜಂ॥ 2-67-15 (13920)
ಜಯದ್ರಥಂ ಚ ರಾಜಾನಂ ಕೃತಾಸ್ತ್ರಂ ದೃಢವಿಕ್ರಮಂ।
ದ್ರುಮಂ ಕಿಂಪುರುಷಾಚಾರ್ಯಂ ಲೋಕೇ ಪ್ರಥಿತವಿಕ್ರಮಂ।
ಅತಿಕ್ರಂಯ ಮಹಾವೀರ್ಯಂ ಕಿಂ ಪ್ರಶಂಸಸಿ ಕೇಶವಂ॥ 2-67-16 (13921)
ವೃದ್ಧಂ ಚ ಭರತಾಚಾರ್ಯಂ ತಥಾ ಶಾರದ್ವತಂ ಕೃಪಂ।
ಅತಿಕ್ರಂಯ ಮಹಾವೀರ್ಯಂ ಕಿಂ ಪ್ರಶಂಸಸಿ ಕೇಶವಂ॥ 2-67-17 (13922)
ಧನುರ್ಧರಾಣಾಂ ಪ್ರವರಂ ರುಕ್ಮಿಣಂ ಪುರುಷೋತ್ತಮಂ।
ಅತಿಕ್ರಂಯ ಮಹಾವೀರ್ಯಂ ಕಿಂ ಪ್ರಶಂಸಸಿ ಕೇಶವಂ॥ 2-67-18 (13923)
ಭೀಷ್ಮಕಂ ಚ ಮಹಾವೀರ್ಯಂ ದಂತವಕ್ತ್ರಂ ಚ ಭೂಮಿಪಂ।
ಭಗದತ್ತಂ ಯೂಪಕೇಥು ಜಯತ್ಸೇನಂ ಚ ಮಾಗಧಂ॥ 2-67-19 (13924)
ವಿರಾಟದ್ರುಪದೌ ಚೋಭೌ ಶಕುನಿಂ ಚ ಬಹದ್ಬಲಂ।
ವಿಂದಾನುವಿಂದಾವಾವಂತ್ಯೌ ಪಾಂಡ್ಯಂ ಶ್ವೇತಮಥೋತ್ತಮಂ॥ 2-67-20 (13925)
ಶಂಖಂ ಚ ಸುಮಹಾಭಾಗಂ ವೃಷಸೇನಂ ಚ ಮಾನಿನಂ।
ಏಕಲವ್ಯಂ ಚ ವಿಕ್ರಾಂತಂ ಕಾಲಿಂಗಂ ಚ ಮಹಾರಥಂ॥ 2-67-21 (13926)
ಅತಿಕ್ರಂಯ ಮಹಾವೀರ್ಯಂ ಕಿಂ ಪ್ರಶಂಸತಿ ಕೇಶವಂ।
ಶಲ್ಯಾದೀನಪಿ ಕಸ್ಮಾತ್ತ್ವಂ ನ ಸ್ತೌಷಿ ವಸುಧಾಧಿಪಾನ್।
ಸ್ತವಾಯ ಯದಿ ತೇ ಬುದ್ಧಿರ್ವರ್ತತೇ ಭೀಷ್ಮ ವಸುಧಾಧಿಪಾನ್। 2-67-22 (13927)
ಕಿಂ ಹಿ ಶಕ್ಯಂ ಮಯಾ ಕರ್ತುಂ ಯದ್ವೃದ್ಧಾನಾಂ ತ್ವಯಾ ನೃಪ।
ಪುರಾ ಕಥಯತಾಂ ನೂನಂ ನ ಶ್ರುತಂ ಧರ್ಮವಾದಿನಾಂ॥ 2-67-23 (13928)
ಆತ್ಮನಿಂದಾತ್ಮಪೂಜಾ ಚ ಪರನಿಂದಾ ಪರಸ್ತವಃ।
ಅನಾಚರಿತಮಾರ್ಯಾಣಾಮಿತಿ ತೇ ಭೀಷ್ಮ ನ ಶ್ರುತಂ॥ 2-67-24 (13929)
ಯದಸ್ತವ್ಯಮಿಮಂ ಶಶ್ವನ್ಮೋಹಾತ್ಸಂಸ್ತೌಷಿ ಭಕ್ತಿತಃ।
ಕೇಶವಂ ತಚ್ಚ ತೇ ಭೀಷ್ಮ ನ ಕಶ್ಚಿದನುಮನ್ಯತೇ॥ 2-67-25 (13930)
ಕಥಂ ಭೋಜಸ್ಯ ಪುರುಷೇ ವತ್ಸಪಾಲೇ ದುರಾತ್ಮನಿ।
ಸಮಾವೇಶಯಸೇ ಸರ್ವಂ ಜಗತ್ಕೇವಲಕಾಂಯಯಾ॥ 2-67-26 (13931)
ಅಥ ಚೈಷಾ ನ ತೇ ಬುದ್ಧಿಃ ಪ್ರಕೃತಿಂ ಯಾತಿ ಭಾರತ।
ಮಯೈವ ಕಥಿತಂ ಪೂರ್ವಂ ಕುಲಿಂಗಶಕುನಿರ್ಯಥಾ॥ 2-67-27 (13932)
ಕುಲಿಂಗಶಕುನಿರ್ನಾಮ ಪಾರ್ಶ್ವೇ ಹಿಮವತಃ ಪರೇ।
ಭೀಷ್ಮ ತಸ್ಯಾಃ ಸದಾ ವಾಚಃ ಶ್ರೂಯಂತೇಽರ್ಥವಿಗರ್ಹಿತಾಃ॥ 2-67-28 (13933)
ಮಾ ಸಾಹಸಮಿತೀದಂ ಸಾ ಸತತಂ ವಾಶತೇ ಕಿಲ।
ಸಾಹಸಂ ಚಾತ್ಮನಾತೀವ ಚರಂತೀ ನಾವಬುಧ್ಯತೇ॥ 2-67-29 (13934)
ಸಾ ಹಿ ಮಾಂಸಾರ್ಗಲಂ ಭೀಷ್ಮ ಮುಖಾತ್ಸಿಂಹಸ್ಯ ಖಾದತಃ।
ದಂತಾಂತರವಿಲಗ್ನಂ ಯತ್ತದಾದತ್ತೇಽಲ್ಪಚೇತನಾ॥ 2-67-30 (13935)
ಇಚ್ಛತಃ ಸಾ ಹಿ ಸಿಂಹಸ್ಯ ಭೀಷ್ಮ ಜೀವತ್ಯಸಂಶಯಂ।
ತದ್ವತ್ತ್ವಮಪ್ಯಧರ್ಮಿಷ್ಠ ಸದಾ ವಾಚಃ ಪ್ರಭಾಷಸೇ॥ 2-67-31 (13936)
ಇಚ್ಛತಾಂ ಭೂಮಿಪಾಲಾನಾಂ ಭೀಷ್ಮ ಜೀವಸ್ಯಸಂಶಯಂ।
ಲೋಕವಿದ್ವಿಷ್ಟಕರ್ಮಾ ಹಿ ನಾನ್ಯೋಽಸ್ತಿ ಭವತಾ ಸಮಃ॥ 2-67-32 (13937)
ವೈಶಂಪಾಯನ ಉವಾಚ॥ 2-67-33x (1494)
ತತಶ್ಚೇದಿಪತೇಃ ಶ್ರುತ್ವಾ ಭೀಷ್ಮಃ ಸ ಕಟುಕಂ ವಚಃ।
ಉವಾಚೇದಂ ವಚೋ ರಾಜಂಶ್ಚೇದಿರಾಜಸ್ಯ ಶೃಣ್ವತಃ॥ 2-67-33 (13938)
ಇಚ್ಛತಾಂ ಕಿಲ ನಾಮಾಹಂ ಜೀವಾಂಯೇಷಾಂ ಮಹೀಕ್ಷಿತಾಂ।
ಸೋಽಹಂ ನ ಗಣಯಾಂಯೇತಾಂಸ್ತೃಣೇನಾಪಿ ನರಾಧಿಪಾನ್॥ 2-67-34 (13939)
ಏವಮುಕ್ತೇ ತು ಭೀಷ್ಮೇಣ ತತಃ ಸಂಚುಕ್ರುಶುರ್ನೃಪಾಃ।
ಕೇಚಿಜ್ಜಹೃಷಿರೇ ತತ್ರ ಕೇಚಿದ್ಭೀಷ್ಮಂ ಜಗರ್ಹಿರೇ॥ 2-67-35 (13940)
ಕೇಚಿದೂಚುರ್ಮಹೇಷ್ವಾಸಾಃ ಶ್ರುತ್ವಾ ಭೀಷ್ಮಸ್ಯ ಯದ್ವಚಃ।
ಪಾಪೋಽವಲಿಪ್ತೋ ವೃದ್ಧಶ್ಚ ನಾಯಂ ಭೀಷ್ಮೋಽರ್ಹತಿ ಕ್ಷಮಾಂ॥ 2-67-36 (13941)
ಹನ್ಯತಾಂ ದುರ್ಮತಿರ್ಭೀಷ್ಮಃ ಪಶುವತ್ಸಾಧ್ವಯಂ ನೃಪಾಃ।
ಸರ್ವೈಃ ಸಮೇತ್ಯ ಸಂರಬ್ಧೈರ್ದಹ್ಯತಾಂ ವಾ ಕಟಾಗ್ನಿನಾ॥ 2-67-37 (13942)
ಇತಿ ತೇಷಾಂ ವಚಃ ಶ್ರುತ್ವಾ ತತಃ ಕುರುಪಿತಾಮಹಃ।
ಉವಾಚ ಮತಿಮಾನ್ಭೀಷ್ಮಸ್ತಾನೇವ ವಸುಧಾಧಿಪಾನ್॥ 2-67-38 (13943)
ಉಕ್ತಸ್ಯೋಕ್ತಸ್ಯ ನೇಹಾಂತಮಹಂ ಸಮುಪಲಕ್ಷಯೇ।
ಯತ್ತು ವಕ್ಷ್ಯಾಮಿ ತತ್ಸರ್ವಂ ಶೃಣುಧ್ವಂ ವಸುಧಾಧಿಪಾಃ॥ 2-67-39 (13944)
ಪಶುವದ್ಘಾತನಂ ವಾ ಮೇ ದಹನಂ ವಾ ಕಟಾಗ್ನಿನಾ।
ಕ್ರಿಯತಾಂ ಮೂರ್ಧ್ನಿ ವೋ ನ್ಯಸ್ತಂ ಮಯೇದಂ ಸಕಲಂ ಪದಂ॥ 2-67-40 (13945)
ಏಷ ತಿಷ್ಠತಿ ಗೋವಿಂದಃ ಪೂಜಿತೋಽಸ್ಮಾಭಿರಚ್ಯುತಃ।
ಯಸ್ಯ ವಸ್ತ್ವರತೇ ಬುದ್ಧಿರ್ಮರಣಾಯ ಸ ಮಾಧವಂ॥ 2-67-41 (13946)
ಕೃಷ್ಣಮಾಹ್ವಯತಾಮದ್ಯ ಯುದ್ಧೇ ಚಕ್ರಗದಾಧರಂ।
ಯಾದವಸ್ಯೈವ ದೇವಸ್ಯ ದೇಹಂ ವಿಶತು ಪಾತಿತಃ॥ ॥ 2-67-42 (13947)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಶಿಶುಪಾಲವಧಪರ್ವಣಿ ಸಪ್ತಷಷ್ಟಿತಮೋಽಧ್ಯಾಯಃ॥ 67 ॥
Mahabharata - Sabha Parva - Chapter Footnotes
2-67-15 ವೈಪ್ರತಿಸಮಃ ವಿಗತಃ ಪ್ರತಿಸಮೋ ಯಸ್ಯ ಸ ತಥಾ। ಸ್ವಾರ್ಥೇ ತದ್ಧಿತಃ। ಅತುಲ ಇತ್ಯರ್ಥಃ॥ 2-67-27 ಕುಲಿಂಗಶಕುನಿರಿತಿ ಸ್ತ್ರೀಪಕ್ಷಿವಿಶೇಷಃ॥ 2-67-37 ಕಟಾಗ್ನಿನಾ ಕಕ್ಷಾಗ್ನಿನಾ॥ಸಭಾಪರ್ವ - ಅಧ್ಯಾಯ 068
॥ ಶ್ರೀಃ ॥
2.68. ಅಧ್ಯಾಯಃ 068
Mahabharata - Sabha Parva - Chapter Topics
ಭೀಷ್ಮವಾಕ್ಯಾತ್ಕುಪಿತೇನ ಶಶುಪಾಲೇನ ರಾಜ್ಞಃ ಸಜ್ಞಾಹ್ಯ ಯುಯುತ್ಸಯಾ ಕೃಷ್ಣಸ್ಯಾಹ್ವಾನಂ ॥ 1॥ ಕೃಷ್ಣೇನ ಸ್ವಸ್ಮಿನ್ ಶಿಶುಪಾಲಕೃತಾಪರಾಧಾನ್ವಿಶ್ರಾವ್ಯ ವಿಭೀಷಿತಾನಾಂ ರಾಜ್ಞಾಂ ಪಲಾಯನಮ ್॥ 2॥ ಅಪಗತೇಷು ರಾಜಸು ಶಿಶುಪಾಲಸ್ಯ ಏಕಾಕಿನಃ ಕೃಷ್ಣಂ ಪ್ರತಿ ಯುದ್ಧಾಯ ಗಮನಂ॥ 3॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ವಚಃ ಶ್ರುತ್ವೈವ ಭೀಷ್ಮಸ್ಯ ಚೇದಿರಾಡುರುವಿಕ್ರಮಃ।
ಯುಯುತ್ಸುರ್ವಾಸುದೇವೇನ ವಾಸುದೇವಮುವಾಚ ಹ॥ 2-68-1 (13948)
ಆಹ್ವಯೇ ತ್ವಾಂ ರಣಂ ಗಚ್ಛ ಮಯಾ ಸಾರ್ಧಂ ಜನಾರ್ದನ।
ಯಾವದದ್ಯ ನಿಹನ್ಮಿ ತ್ವಾಂ ಸಹಿತಂ ಸರ್ವಪಾಂಡವೈಃ॥ 2-68-2 (13949)
ಸಹ ತ್ವಯಾ ಹಿ ಮೇ ವಧ್ಯಾಃ ಸರ್ವಥಾ ಕೃಷ್ಣ ಪಾಂಡವಾಃ।
ನೃಪತೀನ್ಸಮತಿಕ್ರಂಯ ಯೈರರಾಜಾ ತ್ವಮರ್ಚಿತಃ॥ 2-68-3 (13950)
ಯೇ ತ್ವಾಂ ದಾಸಮರಾಜಾನಂ ಬಾಲ್ಯಾದರ್ಚಂತಿ ದುರ್ಮತಿಂ।
ಅನರ್ಹಮರ್ಹವತ್ಕೃಷ್ಣ ವಧ್ಯಾಸ್ತ ಇತಿ ಮೇ ಮತಿಃ॥ 2-68-4 (13951)
ಇತ್ಯುಕ್ತ್ವಾ ರಾಜಶಾರ್ದೂಲ `ಶಾರ್ದೂಲ ಇವ ನಾದಯನ್।
ಪಶ್ಯತಾಂ ಸರ್ವಭೂತಾನಾಂ ಶಿಶುಪಾಲಃ ಪ್ರತಾಪವಾನ್॥ 2-68-5 (13952)
ಸ ರಣಾಯೈವ ಸಂಕ್ರುದ್ಧಃ ಸನ್ನದ್ಧಃ ಸರ್ವರಾಜಭಿಃ।
ಸುನೀಥಃ ಪ್ರಯಯೌ ಕ್ಷಿಪ್ರಂ ಪಾರ್ಥಯಜ್ಞಜಿಘಾಂಸಯಾ॥ 2-68-6 (13953)
ತತಶ್ಚಕ್ರಗದಾಪಾಣಿಃ ಕೇಶವಃ ಕೇಶಿಹಾ ಹರಿಃ।
ಸಧ್ವಜಂ ರಥಮಾಸ್ಥಾಯ ದಾರುಕೇಣ ಸುಸತ್ಕೃತಂ।
ಭೀಷ್ಮೇಣ ದತ್ತಹಸ್ತೋಽಸಾವಾರುಹೋಹ ರಥೋತ್ತಮಂ॥ 2-68-7 (13954)
ತೇನ ಪಾಪಸ್ವಭಾವೇನ ಕೋಪಿತಾನ್ಸರ್ವಪಾರ್ಥಿವಾನ್।
ಆಸಸಾದ ರಣೇ ಕೃಷ್ಣಃ ಸಜ್ಜಿತೈಕರಥಃ ಸ್ಥಿತಃ॥ 2-68-8 (13955)
ತತಃ ಪುಷ್ಕರಪತ್ರಾಕ್ಷಂ ತಾರ್ಕ್ಷ್ಯಧ್ವಜರಥೇ ಸ್ಥಿತಂ।
ದಿವಾಕರಮಿವೋದ್ಯಂತಂ ದದೃಶುಃ ಸರ್ವಪಾರ್ಥಿವಾಃ॥ 2-68-9 (13956)
ಆರೋಪಯಂತಂ ಜ್ಯಾಂ ಕೃಷ್ಣಂ ಪ್ರತಪಂತಮಿವೌಜಸಾ।
ಸ್ಥಿತಂ ಪುಷ್ಪರಥೇ ದಿವ್ಯೇ ಪುಷ್ಪಕೇತುಮಿವಾಪರಂ॥ 2-68-10 (13957)
ದೃಷ್ಟ್ವಾ ಕೃಷ್ಣಂ ತಥಾ ಯಾಂತಂ ಪ್ರತಪಂತಮಿವೌಜಸಾ।
ಯಥಾರ್ಹಂ ಕೇಶವೇ ವೃತ್ತಿಮವಶಾಃ ಪ್ರತಿಪೇದಿರೇ॥ 2-68-11 (13958)
ತಾನುವಾಚ ಮಹಾಬಾಹುರ್ಮಹಾಽಸುರನಿಬರ್ಹಣಃ।
ವೃಷ್ಣಿವೀರಸ್ತದಾ ರಾಜನ್ಸಾಂತ್ವಯನ್ಪರವೀರಹಾ॥ 2-68-12 (13959)
ಶ್ರೀಭಗವಾನುವಾಚ॥ 2-68-13x (1495)
ಅಪೇತ ಸಬಲಾಃ ಸರ್ವ ಆಸ್ವಸ್ತಾ ಮಮ ಶಾಸನಾತ್।
ಮಾ ದೃಷ್ಟೋ ದೂಷಯೇತ್ಪಾಪ ಏಷ ವಃ ಸರ್ವಪಾರ್ಥಿಪಾಃ॥ 2-68-13 (13960)
ಏಷ ನಃ ಶತ್ರುರತ್ಯಂತಮೇಷ ವೃಷ್ಣಿವಿಮರ್ದನಃ।
ಸಾತ್ವತಾಂ ಸಾತ್ವತೀಪುತ್ರೋ ವೈರಂ ಚರತಿ ಶಾಶ್ವತಂ'॥ 2-68-14 (13961)
ಪ್ರಾಗ್ಜ್ಯೋತಿಷಪುರಂ ಯಾತಾನಸ್ಮಾಂಜ್ಞಾತ್ವಾ ನೃಶಂಸಕೃತ್।
ಅದಹದ್ದ್ವಾರಕಾಮೇಷ ಸ್ವಸ್ತ್ರೀಯಃ ಸನ್ನರಾಧಿಪಾಃ॥ 2-68-15 (13962)
ಕ್ರೀಡತೋ ಭೋಜರಾಜಸ್ಯ ಏವ ರೈವತಕೇ ಗಿರೌ।
ಹತ್ವಾ ಬಧ್ವಾ ಚ ತಾನ್ಸಾರ್ವಾನುಪಾಯಾತ್ಸ್ವಪುರಂ ಪುರಾ॥ 2-68-16 (13963)
ಅಶ್ವಮೇಧೇ ಹಯಂ ಮೇಧ್ಯಮುತ್ಸೃಷ್ಟಂ ರಕ್ಷಿಭಿರ್ವೃತಂ।
ಪಿತುರ್ಮೇ ಯಜ್ಞವಿಘ್ನಾರ್ಥಮಹರತ್ಪಾಪನಿಶ್ಚಯಃ॥ 2-68-17 (13964)
ಸೌವೀರಾನ್ಪ್ರತಿಯಾತಾಂ ಚ ಬಭ್ರೋರೇಷ ತಪಸ್ವಿನಃ।
ಭಾರ್ಯಾಮಭ್ಯಹರನ್ಮೋಹಾದಕಾಮಾಂ ತಾಮಿತೋ ಗತಾಂ॥ 2-68-18 (13965)
ಏಷ ಮಾಯಾಪ್ರತಿಚ್ಛನ್ನಃ ಕಾರೂಶಾರ್ಥೇ ತಪಸ್ವಿನೀಂ।
ಜಹಾರ ಭದ್ರಾಂ ವೈಶಾಲೀಂ ಮಾತುಲಸ್ಯ ನೃಶಂಸಕೃತ್॥ 2-68-19 (13966)
ವೃಷ್ಣಿದಾರಾನ್ವಿಲಾಪ್ಯೈವ ಹತ್ವಾ ಚ ಕುಕುರಾಂಧಕಾನ್।
ಪಾಪಾಬುದ್ಧಿರುಪಾತಿಷ್ಠತ್ಸ ಪ್ರವಿಶ್ಯ ಸಸಂಭ್ರಮಂ॥ 2-68-20 (13967)
ವಿಶಾಲರಾಜ್ಞೋ ದುಹಿತಾಂ ಮಮ ಪಿತ್ರಾ ವೃತಾಂ ಸತೀಂ।
ಅನೇನ ಕೃತ್ವಾ ಸಂಧಾನಂ ಕರೂಶೇನ ಜಿಗೀಷಯಾ॥ 2-68-21 (13968)
ಜರಾಸಂಧಂ ಸಮಾಶ್ರಿತ್ಯ ಕೃತವಾನ್ವಿಪ್ರಿಯಾಣಿ ಮೇ।
ತಾನಿ ಸರ್ವಾಣಿ ಸಂಖ್ಯಾತುಂ ನ ಶಕ್ನೋಮಿ ನರಾಧಿಪಾಃ॥ 2-68-22 (13969)
ಏವಮೇತದಪರ್ಯಂತಮೇಷ ವೃಷ್ಣಿಷು ಕಿಲ್ಬಿಷೀ।
ಅಸ್ಮಾಕಮಯಮಾರಂಭಾಂಶ್ಚಕಾರ ಪರಭಾನೃಜುಃ॥ 2-68-23 (13970)
ಶತಂ ಕ್ಷಂತವ್ಯಮಸ್ಮಾಭಿರ್ವಧಾರ್ಹಾಣಾಂ ಕಿಲಾಗಸಾಂ।
ಬದ್ಧೋಽಸ್ಮಿ ಸಮಯೈರ್ಘೋರೈರ್ಮಾತುರಸ್ಯೈವ ಸಂಗರೇ॥ 2-68-24 (13971)
ತತ್ತಥಾ ಶತಮಸ್ಮಾಕಂ ಕ್ಷಾಂತಂ ಕ್ಷಯಕರಂ ಮಯಾ।
ದ್ವೌ ತು ಮೇ ವಧಕಾಲೇಽಸ್ಮಿನ್ನ ಕ್ಷಂತವ್ಯೌ ಕಥಂಚನ॥ 2-68-25 (13972)
ಯಜ್ಞವಿಘ್ನಕರಂ ಹನ್ಯಾಂ ಪಾಂಡವಾನಾಂ ಚ ದುರ್ಹೃದಂ।
ಇತಿ ಮೇ ವರ್ತತೇ ಭಾವಸ್ತಮತೀಯಾಂ ಕಥಂ ನ್ವಹಂ॥ 2-68-26 (13973)
ಪಿತೃಷ್ವಸುಃ ಕೃತೇ ದುಃಖಂ ಸುಮಹನ್ಮರ್ಷಯಾಂಯಹಂ।
ದಿಷ್ಟ್ಯಾ ಹೀದಂ ಸರ್ವರಾಜ್ಞಾಂ ಸನ್ನಿಧಾವದ್ಯ ವರ್ತತೇ॥ 2-68-27 (13974)
ಪಶ್ಯಂತಿ ಹಿ ಭವಂತೋಽದ್ಯ ಮಯ್ಯತೀವ ವ್ಯತಿಕ್ರಮಂ।
ಕೃತಾನಿ ತು ಪರೋಕ್ಷಂ ಮೇ ಯಾನಿ ತಾನಿ ನಿಬೋಧತ॥ 2-68-28 (13975)
ಇಮಂ ತ್ವಸ್ಯ ನ ಶಕ್ಷ್ಯಾಮಿ ಕ್ಷಂತುಮದ್ಯ ವ್ಯತಿಕ್ರಮಂ।
ಅವಲೇಪಾದ್ವಧಾರ್ಹಸ್ಯ ಸಮಗ್ರೇ ರಾಜಮಂಡಲೇ॥ 2-68-29 (13976)
ರುಕ್ಮಿಣ್ಯಾಮಸ್ಯ ಮೂಢಸ್ಯ ಪ್ರಾರ್ಥನಾಽಽಸೀನ್ಮುಮೂರ್ಷತಃ।
ನ ಚ ತಾಂ ಪ್ರಾಪ್ತವಾನ್ಮೂಢಃ ಶೂದ್ರೋ ವೇದಶ್ರುತೀಮಿವ॥ 2-68-30 (13977)
ವೈಶಂಪಾಯನ ಉವಾಚ॥ 2-68-31x (1496)
ಏವಮಾದಿ ತತಃ ಸರ್ವೇ ಸಹಿತಾಸ್ತೇ ನರಾಧಿಪಾಃ।
ಗರ್ಹಣಂ ಶಿಶುಪಾಲಸ್ಯ ವಾಸುದೇವೇನ ವಿಶ್ರುತಃ॥ 2-68-31 (13978)
ವಾಸುದೇವವಚಃ ಶ್ರುತ್ವಾ ಚೇದಿರಾಜಂ ವ್ಯಗರ್ಹಯನ್।
ರಥೋಪಸ್ಥೇ ಧನುಷ್ಮಂತಂ ಶರಾನ್ಸಂದಧತಂ ರುಷಾ॥ 2-68-32 (13979)
ಶ್ರುತ್ವಾಽಪಿ ಚ ವಿಲೋಕ್ಯಾಶು ದುದ್ರುವುಃ ಸರ್ವಪಾರ್ಥಿವಾಃ।
ವಿಹಾಯ ಪರಮೋದ್ವಿಗ್ನಾಶ್ಚೇದಿರಾಜಂ ಚಮೂಮುಖೇ॥ 2-68-33 (13980)
ತಸ್ಯ ತದ್ವಚನಂ ಶ್ರುತ್ವಾ ಶಿಶುಪಾಲಃ ಪ್ರತಾಪವಾನ್।
ಜಹಾಸ ಸ್ವನವದ್ಧಾಸಂ ವಾಕ್ಯಂ ಚೇದಮುವಾಚ ಹ॥ 2-68-34 (13981)
ಮತ್ಪೂರ್ವಾಂ ರುಕ್ಮಿಣೀಂ ಕೃಷ್ಣ ಸಂಸತ್ಸು ಪರಿಕೀರ್ತಯನ್।
ವಿಶೇಷತಃ ಪಾರ್ಥಿವೇಷು ವ್ರೀಡಾಂ ನ ಕುರುಷೇ ಕಥಂ॥ 2-68-35 (13982)
ಮನ್ಯಮಾನೋ ಹಿ ಕಃ ಸತ್ಸು ಪುರುಷಃ ಪರಿಕೀರ್ತಯೇತ್।
ಅನ್ಯಪೂರ್ವಾ ಸ್ತ್ರಿಯಂ ಜಾತು ತ್ವದನ್ಯೋ ಮಧೂಸೂದನ॥ 2-68-36 (13983)
ಕ್ಷಮಾ ವಾ ಯದಿ ತೇ ಶ್ರದ್ಧಾ ಮಾ ವಾ ಕೃಷ್ಣ ಮಮ ಕ್ಷಮ।
ಕ್ರುದ್ಧಾದ್ವಾಪಿ ಪ್ರಸನ್ನಾದ್ವಾ ಕಿಂ ಮೇ ತ್ವತ್ತೋ ಭವಿಷ್ಯತೇ॥ 2-68-37 (13984)
`ವೈಶಂಪಾಯನ ಉವಾಚ॥ 2-68-38x (1497)
ಸ ತಾಂಸ್ತು ವಿದ್ರುತಾನ್ಸರ್ವಾನ್ಸಾಶ್ವಪತ್ತಿರಥದ್ವಿಪಾನ್।
ಕೃಷ್ಣತೇಜೋಹತಾನ್ಸರ್ವಾನ್ಸಮೀಕ್ಷ್ಯ ವಸುಧಾಧಿಪಾನ್॥ 2-68-38 (13985)
ಶಿಶುಪಾಲೋ ರಥೇನೈಕಃ ಪ್ರತ್ಯುಪಾಯಾತ್ಸ ಕೇಶವಂ।
ರುಷಾ ತಾಂರೇಕ್ಷಣೋ ರಾಜಂಛಲಭಃ ಪಾವಕಂ ಯಥಾ॥ ॥ 2-68-39 (13986)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಶಿಶುಪಾಲವಧಪರ್ವಣಿ ಅಷ್ಟಷಷ್ಟಿತಮೋಽಧ್ಯಾಯಃ॥ 68॥
Mahabharata - Sabha Parva - Chapter Footnotes
2-68-31 ವಿಶ್ರುತಾಃ ಶ್ರಾವಿತಾಃ॥ಸಭಾಪರ್ವ - ಅಧ್ಯಾಯ 069
॥ ಶ್ರೀಃ ॥
2.69. ಅಧ್ಯಾಯಃ 069
Mahabharata - Sabha Parva - Chapter Topics
ಶಿಶುಪಾಲೇ ಸನ್ನದ್ಧೇ ಸತಿ ಉತ್ಪಾತದರ್ಶನೇನ ಯುಧಿಷ್ಠಿರಸ್ಯ ಪ್ರಶ್ನೇ ನಾರದೇನ ತತ್ತದುತ ್ಪಾತಾನಾಂ ವಿಶಿಷ್ಯ ಫಲಕಥನಂ॥ 1॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ತತೋ ಯುದ್ಧಾಯ ಸಂನದ್ಧಂ ಚೇದಿರಾಜಂ ಯುಧಿಷ್ಠಿರಃ।
ದೃಷ್ಟ್ವಾ ಮತಿಮತಾಂ ಶ್ರೇಷ್ಠೋ ನಾರದಂ ಸಮುವಾಚ ಹ॥ 2-69-1 (13987)
ಯುಧಿಷ್ಠಿರ ಉವಾಚ॥ 2-69-2x (1498)
ಅಂತರಿಕ್ಷೇ ಚ ಭೂಮೌ ಚ ತೇಽಸ್ತ್ಯವಿದಿತಂ ಕ್ವಚಿತ್।
ಯಾನಿ ರಾಜವಿನಾಶಾಯ ಭೌಮಾನಿ ಚ ಖಗಾನಿ ಚ॥ 2-69-2 (13988)
ನಿಮಿತ್ತಾನೀಹ ಜಾಯಂತೇ ಉತ್ಪಾತಾಶ್ಚ ಪೃಥಗ್ವಿಧಾಃ।
ಏತದಿತ್ಛಾಮಿ ಕಾರ್ತ್ಸ್ನ್ಯೇನ ಶ್ರೋತುಂ ತ್ವತ್ತೋ ಮಹಾಮುನೇ॥ 2-69-3 (13989)
ವೈಶಂಪಾಯನ ಉವಾಚ। 2-69-4x (1499)
ಇತ್ಯೇವಂ ಮಿತಮಾನ್ವಿಪ್ರಃ ಕುರುರಾಜಸ್ಯ ಧೀಮತಃ।
ಪೃಚ್ಛತಃ ಸರ್ವಮವ್ಯಗ್ರಮಾಚಚಕ್ಷೇ ಮಹಾಯಶಾಃ॥ 2-69-4 (13990)
ನಾರದ ಉವಾಚ॥ 2-69-5x (1500)
ಪರಾಕ್ರಮಂ ಚ ಮಾರ್ಗಂ ಚ ಸಂನಿಪಾತಂ ಸಮುಚ್ಛ್ರಯಂ।
ಆರೋಹಣಂ ಕುರುಶ್ರೇಷ್ಠ ಅನ್ಯೋನ್ಯಂ ಪ್ರತಿಸರ್ಪಣಂ॥ 2-69-5 (13991)
ಪಶ್ಮೀನಾಂ ವ್ಯತಿಸಂಸರ್ಗಂ ವ್ಯಾಯಾಮಂ ವೃತ್ತಿಪೀಡನಂ।
ದರ್ಶನಾದರ್ಶನಂ ಚೈವ ಅದೃಶ್ಯಾನಾಂ ಚ ದರ್ಶನಂ॥ 2-69-6 (13992)
ಹಾನಿಂ ವೃದ್ಧಿಂ ಚ ಹ್ರಾಸಂ ಚ ವರ್ಣಸ್ಥಾನಂ ಬಲಾಬಲಂ।
ಸರ್ವಮೇತತ್ಪರೀಕ್ಷೇತ ಗ್ರಹಾಣಾಂ ಗ್ರಹಕೋವಿದಃ॥ 2-69-7 (13993)
ಭೌಮಾಃ ಪೂರ್ವಂ ಪ್ರವರ್ತಂತೇ ಖೇಚರಾಶ್ಚ ತತಃ ಪರಂ।
ಉತ್ಪದ್ಯಂತೇ ಚ ಲೋಕೇಽಸ್ಮಿನ್ನುತ್ಪಾತಾ ದೇವನಿರ್ಮಿತಾಃ॥ 2-69-8 (13994)
ಯದಾ ತು ಸರ್ವಭೂತಾನಾಂ ಛಾಯಾ ನ ಪರಿವರ್ತತೇ।
ಅಪರೇಣ ಗತೇ ಸೂರ್ಯೇ ತತ್ಪರಾಭವಲಕ್ಷಣಂ॥ 2-69-9 (13995)
ಅಚ್ಛಾಯೇ ವಿಮಲಚ್ಛಾಯಾ ಪ್ರತಿಚ್ಛಾಯೇವ ದೃಶ್ಯತೇ।
ಯತ್ರ ಚೈತ್ಯಕವೃಕ್ಷಾಣಾಂ ತತ್ರ ವಿದ್ಯಾನ್ಮಹದ್ಭಯಂ॥ 2-69-10 (13996)
ಶೀರ್ಣಪರ್ಣಪ್ರವಾಲಾಶ್ಚ ಶುಷ್ಕಪರ್ಣಾಶ್ಚ ಚೈತ್ಯಕಾಃ।
ಅಪಭ್ರಷ್ಟಪ್ರವಾಲಾಶ್ಚ ತತ್ರಾಭಾವಂ ವಿನಿರ್ದಿಶೇತ್॥ 2-69-11 (13997)
ಸ್ನಿಗ್ಧಪರ್ಣಪ್ರವಾಲಾಶ್ಚ ದೃಶ್ಯಂತೇ ಯತ್ರ ಚೈತ್ಯಕಾಃ।
ಈಹಮಾನಾಶ್ಚ ವೃಕ್ಷಾಶ್ಚ ಭಾವಸ್ತತ್ರ ನ ಸಂಶಯಟಃ॥ 2-69-12 (13998)
ಪುಷ್ಪೇ ಪುಷ್ಪಂ ಪ್ರಜಾಯೇತ ಫಲೇ ವಾ ಫಲಮಾಶ್ರಿತಂ।
ರಾಜಾ ವಾ ರಾಜಮಾತ್ರೋ ವಾ ಮರಣಾಯೋಪಪದ್ಯತೇ॥ 2-69-13 (13999)
ಪ್ರಾವೃಟ್ಛರದಿ ಹೇಮಂತೇ ವಸಂತೇ ವಾಪಿ ಸರ್ವಶಃ।
ಆಕಾಲಿಕಂ ಪುಷ್ಪಫಲಂ ರಾಷ್ಟ್ರಕ್ಷೋಭಂ ವಿನಿರ್ದಿಶೇತ್॥ 2-69-14 (14000)
ನದೀನಾಂ ಸ್ತ್ರೋತಸೋಽಕಾಲೇ ದ್ಯೋತಯಂತಿ ಮಹಾಭಯಂ।
ವನಸ್ಪತಿಃ ಪೂಜ್ಯಮಾನಃ ಪೂಜಿತೋಽಪೂಜಿತೋಽಪಿ ವಾ॥ 2-69-15 (14001)
ಯದಾ ಭಜ್ಯೇತ ವಾತೇನ ಭಿದ್ಯತೇ ನಮಿತೋಽಪಿ ವಾ।
ಅಗ್ನಿವಾಯುಭಯಂ ವಿದ್ಯಾಚ್ಛ್ರೇಷ್ಠೋ ವಾಪಿ ವಿನಶ್ಯತಿ॥ 2-69-16 (14002)
ದಿಶಃ ಸರ್ವಾಶ್ಚ ದೀಪ್ಯಂತೇ ಜಾಯಂತೇ ರಾಜವಿಭ್ರಮಾಃ।
ಭಿದ್ಯಮಾನೋ ಯದಾ ವೃಕ್ಷೋ ನಿನದೇಚ್ಚಾಪಿ ಪಾತಿತಃ।
ಸಹ ರಾಷ್ಟ್ರಂ ಚ ಪತಿತಂ ನತಂ ವೃಕ್ಷಂ ಪ್ರಪಾತಯೇತ್॥ 2-69-17 (14003)
ಅಥೈನಂ ಛೇದಯೇತ್ಕಶ್ಚಿತ್ಪ್ರತಿಕ್ರುದ್ಧೋ ವನಸ್ಪತಿಃ।
ಛೇತ್ತಾ ಭೇತ್ತಾ ಪತಿಶ್ಚೈವ ಕ್ಷಿಪ್ರಮೇವ ನಶಿಷ್ಯತಿ॥ 2-69-18 (14004)
ದೇವತಾನಾಂ ಚ ಪತನಂ ಮಷ್ಟಪಾನಾಂ ಚ ಪಾತನಂ।
ಅಚಲಾನಾಂ ಪ್ರಕಂಪಶ್ಚ ತತ್ಪರಾಭವಲಕ್ಷಣಂ॥ 2-69-19 (14005)
ನಿಶಿ ಚೇಂದ್ರಧನುರ್ದೃಷ್ಟಂ ತತೋಪಿ ಚ ಮಹದ್ಭಯಂ।
ತದ್ದ್ರಷ್ಟರೇವ ಭೀತಿಃ ಸ್ಯಾನ್ನಾನ್ಯೇಷಾಂ ಭರತರ್ಷಭ॥ 2-69-20 (14006)
ರಾತ್ರಾವಿಂದ್ರಧನುರ್ದೃಷ್ಟ್ವಾ ತದ್ರಾಷ್ಟ್ರಂ ಪರಿವರ್ಜಯೇತ್॥ 2-69-21 (14007)
ಅರ್ಚಾ ಯತ್ರ ಪ್ರನೃತ್ಯಂತ ನದಂತಿ ಚ ಹಸಂತಿ ಚ।
ಉನ್ಮೀಲಂತಿ ನಿಮೀಲಂತಿ ರಾಷ್ಟ್ರಕ್ಷೋಭಂ ವಿನಿರ್ದಿಶೇತ್॥ 2-69-22 (14008)
ಶಿಲಾ ಯದಿ ಪ್ರಸಿಂಚಂತಿ ಸ್ನೇಹಾಂಶ್ಚೋದಕಸಂಭವಾನ್।
ಅನ್ಯದ್ವಾ ವಿಕೃತಂ ಕಿಂಚಿತ್ತದ್ಭಯಸ್ಯ ನಿದರ್ಶನಂ॥ 2-69-23 (14009)
ಂರಿಯಂತೇ ವಾ ಮಹಾಮಾತ್ರಾ ರಾಜಾ ಸಪರಿವಾರಕಃ।
ಪುರಸ್ಯ ಯಾ ಭವೇದ್ವ್ಯಾಧೀ ರಾಷ್ಟ್ರೇ ದೇಶೇ ಚ ವಿಭ್ರಮಾಃ॥ 2-69-24 (14010)
ದೇವತಾನಾಂ ಯದಾಽಽವಾಸೇ ರಾಜ್ಞಾಂ ವಾ ಯತ್ರ ವೇಶ್ಮನಿ।
ಭಾಂಡಾಗಾರಾಯುಧಾಗಾರೇ ನಿವಿಶೇತ ಯದಾ ಮಧು॥ 2-69-25 (14011)
ಸರ್ವಂ ತದಾ ಭವೇತ್ಸ್ಥಾನಂ ಹನ್ಯಮಾನಂ ಬಲೀಯಸಾ।
ಆಗಂತುಕಂ ಭಯಂ ತತ್ರ ಭವೇದಿತ್ಯೇವ ನಿರ್ದಿಶೇತ್॥ 2-69-26 (14012)
ಪಾದಪಶ್ಚೈವ ಯೋ ಯತ್ರ ರಕ್ತಂ ಸ್ರವತಿ ಶೋಣಿತಂ।
ದಂತಾಗ್ರಾತ್ಕುಂಜರೋ ವಾಪಿ ಶೃಂಗಾದ್ವಾ ವೃಷಭಸ್ತಥಾ॥ 2-69-27 (14013)
ಪಾದಪಾದ್ರಾಷ್ಟ್ರಿವಿಭ್ರಂಶಃ ಕುಂಜರಾದ್ರಾಜವಿಭ್ರಮಃ।
ಗೋಬ್ರಾಹ್ಮಣವಿನಾಶಃ ಸ್ಯಾದ್ವೃವಭಸ್ಯೇತಿ ನಿರ್ದಿಶೇತ್॥ 2-69-28 (14014)
ಛತ್ರಂ ನರಪತೇರ್ಯತ್ರ ನಿಪತೇತ್ಪೃಥಿವೀತಲೇ।
ಸರಾಷ್ಟ್ರೋ ನೃಪತೀ ರಾಜನ್ಕ್ಷಿಪ್ರಮೇವ ವಿನಶ್ಯತಿ॥ 2-69-29 (14015)
ದೇವಾಗಾರೇಷು ವಾ ಯತ್ರ ರಾಜ್ಞೋ ವಾ ಯತ್ರ ವೇಶ್ಮನಿ।
ವಿಕೃತಂ ಯದಿ ದೃಶ್ಯೇತ ನಾಗಾವಾಸೇಷು ವಾ ಪುನಃ॥ 2-69-30 (14016)
ತಸ್ಯ ದೇಶಸ್ಯ ಪೀಡಾ ಸ್ಯಾದ್ರಾಜ್ಞೋ ಜನಪದಸ್ಯ ವಾ।
ಅನಾವೃಷ್ಟಿಭಯಂ ಘೋರಮತಿದುರ್ಭಿಕ್ಷಮಾದಿಶೇತ್॥ 2-69-31 (14017)
ಅರ್ಚಾಯಾ ಬಾಹುಭಂಗೇನ ಗೃಹಸ್ಥಾನಾಂ ಭಯಂ ಭವೇತ್।
ಭಗ್ನೇ ಪ್ರಹರಣೇ ವಿದ್ಯಾತ್ಸೇನಾಪತಿವಿನಾಶನಂ॥ 2-69-32 (14018)
ಆಗಂತುಕಾ ತು ಪ್ರತಿಮಾ ಸ್ಥಾನಂ ಯತ್ರ ನ ವಿಂದತಿ।
ಜಭ್ಯಂತರೇಣ ಷಣ್ಮಾಸಾದ್ರಾಜಾ ತ್ಯಜತಿ ತತ್ಪುರಂ॥ 2-69-33 (14019)
ಪ್ರದೀರ್ಯತೇ ಮಹೀ ಯತ್ರ ವಿನದತ್ಯಪಿ ಪಾತ್ಯತೇ।
ಂರಿಯತೇ ತತ್ರ ರಾಜಾ ಚ ತತ್ರ ರಾಷ್ಟ್ರಂ ವಿನಶ್ಯತಿ॥ 2-69-34 (14020)
ಏಣೀಪದಾನ್ವಾ ಸರ್ಪಾನ್ವಾ ಡುಂಡುಭಾನಥ ದೀಪ್ಯಕಾನ್।
ಮಂಡೂಕೋ ಗ್ರಸತೇ ಯತ್ರ ತತ್ರ ರಾಜಾ ವಿನಶ್ಯತಿ॥ 2-69-35 (14021)
ಅಭಿನ್ನಂ ವಾಪ್ಯಪಕ್ವಂ ವಾ ಯತ್ರಾನ್ನಮುಪಚೀಯತೇ।
ಜೀರ್ಯಂತೇ ವಾ ಂರಿಯಂತೇ ವಾ ತದನ್ನಂ ನೋಪಭುಂಜತೇ॥ 2-69-36 (14022)
ಉದಪಾನೇ ಚ ಯತ್ರಾಪೋ ವಿವರ್ಧಂತೇ ಯುಧಿಷ್ಠಿರ।
ಸ್ಥಾವರೇಷು ಪ್ರವರ್ತಂತೇ ನಿರ್ಗಚ್ಛೇನ್ನ ಪುನಸ್ತತಃ॥ 2-69-37 (14023)
ಅಪಾದಂ ವಾ ತ್ರಿಪಾದಂ ವಾ ದ್ವಿಶೀರ್ಷಂ ವಾ ಚತುರ್ಭುಜಂ।
ಸ್ತ್ರಿಯೋ ಯತ್ರ ಪ್ರಸೂಯಂತೇ ಬ್ರೂಯಾತ್ತತ್ರ ಪರಾಭವಂ॥ 2-69-38 (14024)
ಅಜೈಡಕಾಃ ಸ್ತ್ರಿಯೋ ಗಾವೋ ಯೇ ಚಾನ್ಯೇ ಚ ವಿಯೋನಯಃ।
ವಿಕೃತಾನಿ ಪ್ರಜಾಯಂತೇ ತತ್ರ ತತ್ರ ಪರಾಭವಃ॥ 2-69-39 (14025)
ನದೀ ಯತ್ರ ಪ್ರತಿಸ್ರೋತಾ ಆವಹೇತ್ಕಲುಷೋದಕಂ।
ದಿಶಶ್ಚ ನ ಪ್ರಕಾಶಂತೇ ತತ್ಪರಾಭವಲಕ್ಷಣಂ॥ 2-69-40 (14026)
ಏತಾನಿ ಚ ನಿಮಿತ್ತಾನಿ ಯಾನಿ ಚಾನ್ಯಾನಿ ಭಾರತ।
ಕೇಶವಾದೇವ ಜಾಯಂತೇ ಭೌಮಾನಿ ಚ ಖಗಾನಿ ಚ॥ 2-69-41 (14027)
ಚಂದ್ರಾದಿತ್ಯೌ ಗ್ರಹಾಶ್ಚೈವ ನಕ್ಷತ್ರಾಣಿ ಚ ಭಾರತ।
ವಾಯುರಗ್ನಿಸ್ತಥಾ ಚಾಪಃ ಪೃಥಿವೀ ಚ ಜನಾರ್ದನಾತ್॥ 2-69-42 (14028)
ಯಸ್ಯ ದೇಶಸ್ಯ ಹಾನಿಂ ವಾ ವೃದ್ಧಿಂ ವಾ ಕರ್ತುಮಿಚ್ಛತಿ।
ತಸ್ಮಿಂದೇಶೇ ನಿಮಿತ್ತಾನಿ ತಾನಿ ತಾನಿ ಕರೋತ್ಯಯಂ॥ 2-69-43 (14029)
ಸೋಸೌ ಚೇದಿಪತೇಸ್ತಾತ ವಿನಾಶಂ ಸಮುಪಸ್ಥಿತಂ।
ನಿವೇದಯತಿ ಗೋವಿಂದಃ ಸ್ವೈರುಪಾಯೈರ್ನ ಸಂಶಯಃ॥ 2-69-44 (14030)
ಇಯಂ ಪ್ರಚಲಿತಾ ಭೂಮಿರಶಿವಾ ವಾಂತಿ ಮಾರುತಾಃ।
ರಾಹುಶ್ಚಾಪ್ಯಪತತ್ಸೋಮಮಪರ್ವಣಿ ವಿಶಾಂಪತೇ॥ 2-69-45 (14031)
ಸನಿರ್ಘಾತಾಃ ಪತಂತ್ಯುಲ್ಕಾಸ್ತಮಃ ಸಂಜಾಯತೇ ಭೃಶಂ।
ಚೇದಿರಾಜವಿನಾಶಾಯ ಹರಿರೇಷ ವಿಜೃಂಭತೇ॥ 2-69-46 (14032)
ವೈಶಂಪಾಯನ ಉವಾಚ॥ 2-69-47x (1501)
ಏವಮುಕ್ತ್ವಾ ತು ದೇವರ್ಷಿರ್ನಾರದೋ ವಿರರಾಮ ಹ।
ತಾಭ್ಯಾಂ ಪುರುಷಸಿಂಹಾಭ್ಯಾಂ ತಸ್ಮಿನ್ಯುದ್ಧ ಉಪಸ್ಥಿತೇ। 2-69-47 (14033)
ದದೃಶುರ್ಭೂಮಿಪಾಲಾಸ್ತೇ ಘೋರಾನೌತ್ಪಾತಿಕಾನ್ಬಹೂನ್॥
ತತ್ರ ವೈ ದೃಶ್ಯಮಾನಾನಾಂ ದಿಕ್ಷು ಸರ್ವಾಸು ಭಾರತ। 2-69-48 (14034)
ಅಶ್ರೂಯಂತ ತದಾ ರಾಜಂಛಿವಾನಾಮಶಿವಾ ರವಾಃ॥
ರರಾಸ ಚ ಮಹೀ ಕೃತ್ಸ್ನಾ ಸವೃಕ್ಷವನಪರ್ವತಾ। 2-69-49 (14035)
ಅಪರ್ವಣಿ ಚ ಮಧ್ಯಾಹ್ನೇ ಮೂರ್ಯಂ ಸ್ವರ್ಭಾನುರಗ್ರಸತ್॥
ಧ್ವಜಾಗ್ರೇ ಚೇದಿರಾಜಸ್ಯ ಸರ್ವರತ್ನಪರಿಷ್ಕೃತೇ। 2-69-50 (14036)
ಅಪತತ್ಖಾಚ್ಚ್ಯುತೋ ಗೃಧ್ರಸ್ತೀಕ್ಷ್ಣತುಂಡಃ ಪರಂತಪ॥
ಆರಣ್ಯೈಃ ಸಹಸಾ ಹೃಷ್ಟಾ ಗ್ರಾಂಯಾಶ್ಚ ಮೃಗಪಕ್ಷಿಣಃ। 2-69-51 (14037)
ಚುಕ್ರುಶುರ್ಭೈರವಂ ತತ್ರ ತಸ್ಮಿನ್ಯುದ್ಧ ಉಪಸ್ಥಿತೇ॥
ಏವಮಾದಿನಿ ಘೋರಾಣಿ ಭೌಮಾನಿ ಚ ಸ್ವಗಾನಿ ಚ। 2-69-52 (14038)
ಔತ್ಪಾತಿಕಾನ್ಯದೃಶ್ಯಂತ ಸಂಕ್ರುದ್ಧೇ ಶಾರ್ಂಗಧನ್ವನಿ॥ ॥ 2-69-53 (14039)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಶಿಶುಪಾಲವಧಪರ್ವಣಿ ಏಕೋನಸಪ್ತತಿತಮೋಽಧ್ಯಾಯಃ॥ 69 ॥
ಸಭಾಪರ್ವ - ಅಧ್ಯಾಯ 070
॥ ಶ್ರೀಃ ॥
2.70. ಅಧ್ಯಾಯಃ 070
Mahabharata - Sabha Parva - Chapter Topics
ಕೃಷ್ಣಶಿಶುಪಾಲಯೋರ್ಯುದ್ಧವರ್ಣನಂ॥ 1॥ ಶಿಶುಪಾಲವಧಃ॥ 2॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ತತೋ ವಿಷ್ಫಾರಯನ್ರಾಜಾ ಮಹಚ್ಚೈದಿಪತಿರ್ಧನುಃ।
ಅಭಿಯಾಸ್ಯನ್ಹೃಷೀಕೇಶಮುವಾಚ ಮಧುಸೂದನಂ॥ 2-70-1 (14040)
ಏಕಸ್ತ್ವಮಸಿ ಮೇ ಶತ್ರುಸ್ತತ್ತ್ವಾಂ ಹತ್ವಾಽದ್ಯ ಮಾಧವ।
ತತಃ ಸಾಗರಪರ್ಯಂತಾಂ ಪಾಲಯಿಷ್ಯಾಮಿ ಮೇದಿನೀಂ॥ 2-70-2 (14041)
ದ್ವೈರಥಂ ಕಾಂಕ್ಷಿತಂ ಯದ್ವೈ ತದಿದಂ ಪರ್ಯುಪಸ್ಥಿತಂ।
ಚಿರಸ್ಯ ವತ ಮೇ ದಿಷ್ಟ್ಯಾ ವಾಸುದೇವ ಸಹ ತ್ವಯಾ।
ಅದ್ಯ ತ್ವಾಂ ನಿಹನಿಷ್ಯಾಮಿ ಭೀಷ್ಮಂ ಚ ಸಹ ಪಾಂಡವೈಃ॥ 2-70-3 (14042)
ವೈಶಂಪಾಯನ ಉವಾಚ। 2-70-4x (1502)
ಏವಮುಕ್ತ್ವಾ ಸ ತಂ ಬಾಣೈರ್ನಿಶಿತೈರತ್ತತೇಜನೈಃ।
ವಿವ್ಯಾಧ ಯುಧಿ ತೀಕ್ಷ್ಣಾಗ್ರೈಶ್ಚೇದಿರಾಡ್ಯಪುಂಗವಂ? 2-70-4 (14043)
ಕಂಕಪತ್ರಚ್ಛದಾ ಬಾಣಾಶ್ಚೇದಿರಾಜಧನುಶ್ಚ್ಯುತಾಃ।
ವಿವಿಶುಸ್ತೇ ತದಾ ಕೃಷ್ಣಂ ಭುಜಂಗಾ ಇವ ಪರ್ವತಂ? 2-70-5 (14044)
ನಾದದಾನಸ್ಯ ಚೈದ್ಯಸ್ಯ ಶರಾನತ್ಯಸ್ಯತೋಪಿ ವಾ।
ದಧೃಶುರ್ವಿವರಂ ಕೇಚಿದ್ಗತಿಂ ವಾಯೋರಿವಾಂಬರೇ? 2-70-6 (14045)
ಚೇದಿರಾಜಮಹಾಮೇಧಃ ಶರಜಾಲಾಂಬುಮಾಂಸ್ತದಾ।
ಅಭ್ಯವರ್ಷದ್ಧೃಷೀಕೇಶಂ ಪಯೋದ ಇವ ಪರ್ವತಂ? 2-70-7 (14046)
ತತಃ ಶಾರ್ಂಗಮಮಿತ್ರಘ್ನಃ ಕೃತ್ವಾ ಸಶರಮಚ್ಯುತಃ।
ಆಬಭಾಷೇ ಮಹಬಾಹುಃ ಸುನೀಥಂ ಪರವೀರಹಾ।। 2-70-8 (14047)
ಅಯಂ ತ್ವಂ ಭಾಮಕಸ್ತೀಕ್ಷ್ಣಶ್ಚೇದಿರಾಜ ಮಹಾಶರಃ।
ಭೇತ್ತುಮರ್ಹತಿ ವೇಗೇನ ಮಹಾಶನಿರಿವಾಚಲಂ॥ 2-70-9 (14048)
ವೈಶಂಪಾಯನ ಉವಾಚ। 2-70-10x (1503)
ಏವಂ ಬ್ರುವತಿ ಗೋವಿಂದೇ ತತಶ್ಚೇದಿಪತಿಃ ಪುನಃ।
ಮುಮೋಚ ನಿಶಿತಾನನ್ಯಾನ್ಕೃಷ್ಣಂ ಪ್ರತಿ ಶರಾನ್ಬಹೂನ್॥ 2-70-10 (14049)
ಅಥ ಬಾಣಾರ್ದಿತಃ ಕೃಷ್ಣಃ ಶಾರ್ಂಗಮಾಯಂಯ ದೀಪ್ತಿಮಾನ್।
ಮುಮೋಚ ನಿಶಿತಾನ್ಬಾಣಾಂಛತಶೋಥ ಸಹಸ್ರಶಃ॥ 2-70-11 (14050)
ತಾಂಛರಾಂಸ್ತು ಸ ಚಿಚ್ಛೇದ ಶರವರ್ಷೈಸ್ತು ಚೇದಿರಾಟ್।
ಷಡ್ಭಿಶ್ಚಾನ್ಯೈರ್ಜಘಾನಾಶು ಕೇಶವಂ ಚೇದಿಪುಂಗವಃ॥ 2-70-12 (14051)
ತತೋಽಸ್ರಂ ಸಹಸಾ ಕೃಷ್ಣಃ ಪ್ರಮುಮೋಚ ಜಗದ್ಗುರುಃ।
ಅಸ್ತ್ರೇಣ ತನ್ಮಹಾಬಾಹುರ್ವಾರಯಾಮಾಸ ಚೇದಿರಾಟ್॥ 2-70-13 (14052)
ತತಃ ಶತಸಹಸ್ರೇಣ ಶರಾಣಾಂ ನತಪರ್ವಣಾಂ।
ಸರ್ವತಃ ಸಮವಾಕೀರ್ಯ ಶೌರಿಂ ದಾಮೋದರಂ ತದಾ॥ 2-70-14 (14053)
ನನಾದ ಬಲವಾನ್ಕ್ರುದ್ಧಃ ಶಿಶುಪಾಲಃ ಪ್ರತಾಪವಾನ್।
ಇದಂ ಚೋವಾಚ ಸಂರಬ್ಧಃ ಕೇಶವಂ ಪರವೀರಹಾ॥ 2-70-15 (14054)
ಶಿಶುಪಾಲ ಉವಾಚ॥ 2-70-16x (1504)
ಅದ್ಯಾಂಗಂ ಮಾಮಕಾ ಬಾಣಾ ಭೇತ್ಸ್ಯಂತಿ ತವ ಸಂಯುಗೇ।
ಹತ್ವಾ ತ್ವಾಂ ಸಮುತಾಮಾತ್ಯಂ ಪಾಂಡವಾಂಶ್ಚ ತರಸ್ವಿನಃ॥ 2-70-16 (14055)
ಅನೃಣ್ಯಮದ್ಯಯ ಯಾಸ್ಯಾಮಿ ಜರಾಸಂಧಸ್ಯ ಧೀಮತಃ।
ಕಂಸಸ್ಯ ಕೇಶಿನಶ್ಚೈವ ನರಕಸ್ಯ ತಥೈವ ಹ॥ 2-70-17 (14056)
ವೈಶಂಪಾಯನ ಉವಾಚ॥ 2-70-18x (1505)
ಇತ್ಯುಕ್ತ್ವಾ ಕ್ರೋಧತಾಂರಾಕ್ಷಃ ಶಿಶುಪಾಲೋ ಜನಾರ್ದನಂ।
ಅದೃಶ್ಯಂ ಶರವರ್ಷೇಣ ಸರ್ವತಃ ಸ ಚಕಾರ ಹ॥ 2-70-18 (14057)
ತತೋಽಸ್ತ್ರೇಣೈವ ಚಾನ್ಯೋನ್ಯಂ ನಿಕೃತ್ಯ ಚ ಶರಾನ್ಬಹೂನ್।
ಶರವರ್ಷೈಸ್ತದಾ ಚೈದ್ಯಮಂತರ್ಧಾತುಂ ಪ್ರಚಕ್ರಮೇ॥ 2-70-19 (14058)
ಅಂತರ್ಧಾನಗತೌ ವೀರೌ ಶುಶುಭಾತೇ ಮಹಾರಥೌ।
ತೌ ದೃಷ್ಟ್ವಾ ಸರ್ವಭೂತಾನಿ ಸಾಧುಸಾಧ್ವಿತ್ಯಪೂಜಯನ್॥ 2-70-20 (14059)
ನ ದೃಷ್ಟಪೂರ್ವಮಸ್ಮಾಭಿರ್ಯುದ್ಧಮೀದೃಶಕಂ ಪುರಾ।
ತತಃ ಕೃಷ್ಣಂ ಜಘಾನಾಶು ಶುಶುಪಾಲಸ್ತ್ರಿಭಿಃ ಶರೈಃ॥ 2-70-21 (14060)
ಕೃಷ್ಣೋಽಪಿ ಬಾಣೈರ್ವಿವ್ಯಾಧ ಸುನೀಥಂ ಪಂಚಭಿರ್ಯುಧಿ।
ತತಃ ಸುನೀಥಂ ಸಪ್ತತ್ಯಾ ನಾರಾಚೈರ್ದಯದ್ಬಲೀ। 2-70-22 (14061)
ತತೋಽತಿವಿದ್ಧಃ ಕೃಷ್ಣೇನ ಸುನೀಥಃ ಕ್ರೋಧಮೂರ್ಛಿತಃ।
ವಿವ್ಯಾಧ ನಿಶಿತೈರ್ಬಾಣೈರ್ವಾಸುದೇವಂ ಸ್ತನಾಂತರೇ॥ 2-70-23 (14062)
ಪುನಃ ಕೃಷ್ಣಂ ತ್ರಿಭಿರ್ವಿದ್ಧ್ವಾ ನನಾದಾವಸರೇ ನೃಪಃ।
ತತೋಽತಿದಾರುಣಂ ಯುದ್ಧಂ ಸಹಸಾ ಚಕ್ರತುಸ್ತದಾ॥ 2-70-24 (14063)
ನೌ ನಖೈರಿವ ಶಾರ್ದೂಲೌ ದಂತೈರಿವ ಮಹಾಗಜೌ।
ದಂಷ್ಟ್ರಾಭಿರಿವ ಪಂಚಾಸ್ಯೌ ಚರಣೈರಿವ ಕುಕ್ಕುಟೌ॥ 2-70-25 (14064)
ದಾರಯೇತಾಂ ಶರೈಸ್ತೀಕ್ಷ್ಣೈರನ್ಯೋನ್ಯಂ ಯುಧಿ ತಾವುಭೌ।
ತತೋ ಮುಮುಚತುಃ ಕ್ರುದ್ಧೌ ಶರವರ್ಷಮನುತ್ತಮಂ॥ 2-70-26 (14065)
ಶರೈರೇವ ಶರಾಂಛಿತ್ವಾ ತಾವುಭೌ ಪುರುಷರ್ಷಭೌ।
ಚಕ್ರಾತೇಽಸ್ತ್ರಮಯಂ ಯುದ್ಧಂ ಘೋರಂ ತದತಿಮಾನುಷಂ॥ 2-70-27 (14066)
ಆಗ್ನೇಯಮಸ್ತ್ರಂ ಮುಮುಚೇ ಶಿಶುಪಾಲಃ ಪ್ರತಾಪವಾನ್।
ವಾರುಣಾಸ್ತ್ರೇಣ ತಚ್ಛ್ರೀಘ್ರಂ ನಾಶಯಾಮಾಸ ಕೇಶವಃ॥ 2-70-28 (14067)
ಕೌಬೇರಮಸ್ತ್ರಂ ಸಹಸಾ ಚೇದಿರಾಟ್ ಪ್ರಮುಮೋಚ ಹ। 2-70-29 ಕೌಬೇರಣೈವ ಸಹಸಾಽನಾಶಯತ್ತಂ ಜಗತ್ಪ್ರಭುಃ॥ 2-70-29 (14068)
ಯಾಂಯಮಸ್ತ್ರಂ ತತಃ ಕ್ರುದ್ಧೋ ಮುಮುಚೇ ಕಾಲಮೋಹಿತಃ।
ಯಾಂಯೇನೈವಾಸ್ತ್ರಯೋಗೇನ ಯಾಂಯಮಸ್ತ್ರಂ ವ್ಯನಾಶಯತ್॥ 2-70-30 (14069)
ಗಾಂಧರ್ವೇಣ ಚ ಗಾಂಧರ್ವಂ ಮಾನವಂ ಮಾನವೇನ ಚ।
ವಾಯವ್ಯೇನ ಚ ವಾಯವ್ಯಂ ರೌದ್ರಂ ರೌದ್ರೇಣ ಚಾಭಿಭೂಃ॥ 2-70-31 (14070)
ಐಂದ್ರಮೈಂದ್ರೇಣ ಭಗವಾನ್ವೈಷ್ಣವೇನ ಚ ವೈಷ್ಣವಂ।
ಏವಮಸ್ತ್ರಾಣಿ ಕುರ್ವಾಣೌ ಯುಯುಧಾತೇ ಮಹಾಬಲೌ॥ 2-70-32 (14071)
ತತೋ ಮಾಯಾಂ ವಿಕುರ್ವಾಣೋ ದಮಗೋಷಸುತೋ ಬಲೀ।
ಗದಾಮುಸಲಸಂಯುಕ್ತಾಂಛಕ್ತಿತೋಮರಸಾಯಕಾನ್॥ 2-70-33 (14072)
ಪರಶ್ವಥಮುಸಂಡೀಶ್ಚ ವವರ್ಷ ಯುಧಿ ಕೇಶವಂ।
ಅಮೋಘಾಸ್ತ್ರೇಣ ಭಗವಾನ್ನಾಶಯಾಮಾಸ ಕೇಶಿಹಾ॥ 2-70-34 (14073)
ಶಿಲಾವರ್ಷಂ ಮಹಾಘೋರಂ ವವರ್ಷ ಯುಧಿ ಚೇದಿರಾಟ್।
ವಜ್ರಾಸ್ತ್ರೇಣಾಭಿಸಂಕ್ರುದ್ಧಶ್ಚೂರ್ಣಂ ತದಕರೋತ್ಪ್ರಭುಃ॥ 2-70-35 (14074)
ಜಲವರ್ಷಂ ತತೋ ಘೋರಂ ವ್ಯಸ಼ಜಚ್ಚೇದಿಪುಂಗವಃ।
ವಾಯವ್ಯಾಸ್ತ್ರೇಣ ಭಗವಾನ್ವ್ಯಾಕ್ಷಿಪಚ್ಛತಶೋ ಹಿ ತತ್॥ 2-70-36 (14075)
ನಿಹತ್ಯ ಸರ್ವಮಾಯಾಂ ವೈ ಸುನೀತಸ್ಯ ಜನಾರ್ದನಃ।
ಸ ಮುಹೂರ್ತಂ ಚಕಾರಾಶು ದ್ವಂದ್ವಯುದ್ಧಂ ಮಹಾರಥಃ॥ 2-70-37 (14076)
ಸ ಬಾಣಯುದ್ಧಂ ಕುರ್ವಾಣೋ ಭರ್ತ್ಸಯಾಮಾಸ ಚೇದಿರಾಟ್।
ದಮಘೋಷಸುತೋ ಧೃಷ್ಟಮುವಾಚ ಯದುಪುಂಗವಂ॥ 2-70-38 (14077)
ಅದ್ಯ ಕೃಷ್ಣಮಕೃಷ್ಣಂ ತು ಕುರ್ವಂತು ಮಮ ಸಾಯಕಾಃ।
ಇತ್ಯೇವಮುಕ್ತ್ವಾ ದುಷ್ಟಾತ್ಮಾ ಶರವರ್ಷಂ ಜನಾರ್ದನೇ॥ 2-70-39 (14078)
ಮುಮೋಚ ಪುರುಷವ್ಯಾಘ್ರೋ ಘೋರಂ ವೈ ಚೇದಿಪುಂಗವಃ।
ಶರಸಂಂಕೃತ್ತಗಾತ್ರಸ್ತು ಕ್ಷಣೇನ ಯದುನಂದನಃ॥ 2-70-40 (14079)
ರುಧಿರಂ ಪರಿಸುಸ್ರಾವ ಮದಂ ಮತ್ತ ಇವ ದ್ವಿಪಃ।
ನ ಯಂತಾ ನ ರಥೋ ವಾಪಿ ನ ಚಾಶ್ವಾಃ ಪರ್ವತೋಪಮಾಃ॥ 2-70-41 (14080)
ದೃಶ್ಯಂತೇ ಶರಸಂಛನ್ನಾಃ ಕೇಶವಸ್ಯ ಮಹಾತ್ಮನಃ।
ಕೇಶವಂ ತದವಸ್ಥಂ ತು ದೃಷ್ಟ್ವಾ ಭೂತಾನಿ ಚಕ್ರುಶುಃ॥ 2-70-42 (14081)
ದಾರುಕಸ್ತು ತದಾ ಪ್ರಾಹ ಕೃಷ್ಣಂ ಯಾದವನಂದನಂ।
ನೇದೃಶೋ ದೃಷ್ಟಪೂರ್ವೋ ಹಿ ಸಂಗ್ರಾಮೋ ವೈ ಪುರಾ ಮಯಾ॥ 2-70-43 (14082)
ಸ್ಥಾತವ್ಯಮಿತಿ ತಿಷ್ಠಾಮಿ ತ್ವತ್ಪ್ರಭಾವೇಣ ಮಾಧವ।
ಅನ್ಯಥಾ ನ ಚ ಮೇ ಪ್ರಾಣಾ ಧರಾಯೇಯುರ್ಜನಾರ್ದನ॥ 2-70-44 (14083)
ಅತಃ ಸಂಚಿಂತ್ಯ ಗೋವಿಂದ ಕ್ಷಿಪ್ರಮಸ್ಯ ವಧಂ ಕುರು।
ಏವಮುಕ್ತಸ್ತು ಸೂತೇನ ಕೇಶವೋ ವಾಕ್ಯಮಬ್ರವೀತ್॥ 2-70-45 (14084)
ಏಷ ಹ್ಯತಿಬಲೋ ದೈತ್ಯೋ ಹಿರಣ್ಯಕಶಿಪುಃ ಪುರಾ।
ರಿಪುಃ ಸುರಾಣಾಮಭವದ್ವರದಾನೇನ ಗರ್ವಿತಃ॥ 2-70-46 (14085)
ತಥಾಽಽಸೀದ್ರಾವಣೋ ನಾಮ ರಾಕ್ಷಸೋ ಹ್ಯತಿವೀರ್ಯವಾನ್।
ತೇನೈವ ಬಲವೀರ್ಯೇಣ ಬಲಂ ನಾಗಣಯನ್ಮಮ॥ 2-70-47 (14086)
ಅಹಂ ಮೃತ್ಯುಶ್ಚ ಭವಿತಾ ಕಾಲೇ ಕಾಲೇ ದುರಾತ್ಮನಃ।
ನ ಭೇತವ್ಯಂ ತಥಾ ಸೂತ ನೈಷ ಕಶ್ಚಿನ್ಮಯಿ ಸ್ಥಿತೇ॥ 2-70-48 (14087)
ಇತ್ಯೇವಮುಕ್ತ್ವಾ ಭಗವಾನ್ನನರ್ದ ಗರುಡಧ್ವಜಃ।
ಪಾಂಚಜನ್ಯಂ ಮಹಾಶಂಖಂ ಪೂರಯಾಮಾಸ ಕೇಶವಃ॥ 2-70-49 (14088)
ಸಂಮೋಹಯಿತ್ವಾ ಭಗವಾಂಶ್ಚಕ್ರಂ ದಿವ್ಯಂ ಸಮಾದದೇ।
ಚಿಚ್ಛೇದ ಚ ಸುನೀಥಸ್ಯ ಶಿರಶ್ಚಕ್ರೇಣ ಸಂಯುಗೇ'॥ 2-70-50 (14089)
ಸ ಪಪಾತ ಮಹಾಬಾಹುರ್ವಜ್ರಾಹತ ಇವಾಚಲಃ।
ತತಶ್ಚೇದಿಪತೇರ್ದೇಹಾತ್ತೇಜೋಽಗ್ರ್ಯಂ ದದೃಶುರ್ನೃಪಾಃ॥ 2-70-51 (14090)
ಉತ್ಪತಂತಂ ಮಹಾರಾಜ ಗಗನಾದಿವ ಭಾಸ್ಕರಂ।
ತತಃ ಕಮಲಪತ್ರಾಕ್ಷಂ ಕೃಷ್ಣಂ ಲೋಕನಮಸ್ಕೃತಂ।
ವವಂದೇ ತತ್ತದಾ ತೇಜೋ ವಿವೇಶ ಚ ನರಾಧಿಪ॥ 2-70-52 (14091)
ತದದ್ಭುತಮಮನ್ಯಂತ ದೃಷ್ಟ್ವಾ ಸರ್ವೇ ಮಹೀಕ್ಷಿತಃ।
ಯದ್ವಿವೇಶ ಮಹಾಬಾಹುಂ ತತ್ತೇಜಃ ಪುರುಷೋತ್ತಮಂ॥ 2-70-53 (14092)
ಅನಭ್ರೇ ಪ್ರವವರ್ಷ ದ್ಯೌಃ ಪಪಾತ ಜ್ವಲಿತಾಶನಿಃ।
ಕೃಷ್ಣೇನ ನಿಹತೇ ಚೈದ್ಯೇ ಚಚಾಲ ನ ವಸುಂಧರಾ॥ 2-70-54 (14093)
ತತಃ ಕೇಚಿನ್ಮಹೀಪಾಲಾ ನಾಬ್ರುವಂಸ್ತತ್ರ ಕಿಂಚನ।
ಅತೀತವಾಕ್ಪಥೇ ಕಾಲೇ ಪ್ರೇಕ್ಷಮಾಣಾ ಜನಾರ್ದನಂ॥ 2-70-55 (14094)
ಹಸ್ತೈರ್ಹಸ್ತಾಗ್ರಮಪರೇ ಪ್ರತ್ಯಪಿಂಷನ್ನಮರ್ಷಿತಾಃ।
ಅಪರೇ ದಶನೈರೋಷ್ಠಾನದಶನ್ಕ್ರೋಧಮೂರ್ಛಿತಾಃ॥ 2-70-56 (14095)
ರಹಶ್ಚ ಕೇಚಿದ್ವಾರ್ಷ್ಣೇಯಂ ಪ್ರಶಶಂಸುರ್ನರಾಧಿಪಾಃ।
ಕೇಚಿದೇವ ಸುಸಂರಬ್ಧಾ ಮಧ್ಯಸ್ಥಾಸ್ತ್ವಪರೇಽಭವನ್॥ 2-70-57 (14096)
ಪ್ರಹೃಷ್ಟಾಃ ಕೇಶವಂ ಜಗ್ಮುಃ ಸಂಸ್ತುವಂತೋ ಮಹರ್ಷಯಃ।
ಬ್ರಾಹ್ಮಣಾಶ್ಚ ಮಹಾತ್ಮಾನಃ ಪಾರ್ಥಿವಾಶ್ಚ ಮಹಾಬಲಾಃ।
ಶಶಂಸುರ್ನಿರ್ವೃತಾಃ ಸರ್ವೇ ದೃಷ್ಟ್ವಾ ಕೃಷ್ಣಸ್ಯ ವಿಕ್ರಮಂ॥ 2-70-58 (14097)
`ಸದೇವಗಂಧರ್ವಗಣಾ ರಾಜಾನೋ ಭುವಿ ವಿಶ್ರುತಾಃ।
ಪ್ರಣಾಮಂ ಹಿ ಹೃಷೀಕೇಶೇ ಪ್ರಾಕುರ್ವತ ಮಹಾತ್ಮನಿ॥ 2-70-59 (14098)
ಯೇ ತ್ವಾಸುರಗಣಾಃ ಪಕ್ಷಾಃ ಸಂಭೂತಾಃ ಕ್ಷತ್ರಿಯಾ ಇಹ।
ತೇ ನಿಂದಂತಿ ಹೃಷೀಕೇಶಂ ದುರಾತ್ಮಾನೋ ಗತಾಯುಷಃ॥ 2-70-60 (14099)
ಪ್ರಜಾಪತಿಗಣಾ ಯೇ ತು ಮಧ್ಯಸ್ಥಾಶ್ಚ ಮಹಾತ್ಮನಿ।
ಬ್ರಹ್ಮರ್ಷಯಶ್ಚ ಸಿದ್ಧಾಶ್ಚ ಗಂಧರ್ವೋರಗಚಾರಣಾಃ॥ 2-70-61 (14100)
ತೇ ವೈ ಸ್ತುವಂತಿ ಗೋವಿಂದಂ ದಿವ್ಯೈರ್ಮಂಗಲಸಂಯುತೈಃ।
ಪರಸ್ಪರಂ ಚ ನೃತ್ಯಂತಿ ಗೀತೇನ ವಿವಿಧೇನ ಚ।
ಉಪತಿಷ್ಠಂತಿ ಗೋವಿಂದಂ ಪ್ರೀತಿಯುಕ್ತಾ ಮಹಾತ್ಮನಿ॥ 2-70-62 (14101)
ಪ್ರಹೃಷ್ಟಾಃ ಕೇಶವಂ ಜಗ್ಮುಃ ಸಂಸ್ತುವಂತೋ ಮಹರ್ಷಯಃ।
ಬ್ರಾಹ್ಮಣಾಶ್ಚಾಪಿ ಸುಪ್ರೀತಾಃ ಪಾಂಡವಾಶ್ಚ ಮಹಾಬಲಾಃ॥ 2-70-63 (14102)
ಪಾಂಡವಸ್ತ್ವಬ್ರವೀದ್ಭಾತೄನ್ಸತ್ಕಾರೇಣ ಮಹೀಪತಿಂ।
ದಮಘೋಷಾತ್ಮಜಂ ಶೂರಂ ಸಂಸ್ಕಾರಯತ ಮಾ ಚಿರಂ॥ 2-70-64 (14103)
ಕುರುರಾಜವಚಃ ಶ್ರುತ್ವಾ ಭ್ರಾತರಸ್ತೇ ತ್ವರಾನ್ವಿತಾಃ।
ತಥಾ ಚ ಕೃತವಂತಸ್ತೇ ಭ್ರಾತುರ್ವೈ ಶಾಸನಂ ತದಾ॥ 2-70-65 (14104)
ಚೇದೀನಾಮಾಧಿಪತ್ಯೇ ಚ ಪುತ್ರಂ ತಸ್ಯಾಜ್ಞಯಾ ಹರೇಃ।
ಅಭ್ಯಷಿಂಚತ ತಂ ಪಾರ್ಥಃ ಸಹಿತೈರ್ವಸುಧಾಧಿಪೈಃ॥ ॥ 2-70-66 (14105)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಶಿಶುಪಾಲವಧಪರ್ವಣಿ ಸಪ್ತತಿತಮೋಽಧ್ಯಾಯಃ॥ 70॥
ಸಭಾಪರ್ವ - ಅಧ್ಯಾಯ 071
॥ ಶ್ರೀಃ ॥
2.71. ಅಧ್ಯಾಯಃ 071
Mahabharata - Sabha Parva - Chapter Topics
ವಿಸ್ತರೇಣ ರಾಜಸೂಯವರ್ಣನಂ॥ 1॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ತತಃ ಪ್ರವವೃತೇ ಯಜ್ಞೋ ಧರ್ಮರಾಜಸ್ಯ ಧೀಮತಃ।
ಶಾಂತವಿಘ್ನಾರ್ಹಣಕ್ಷೋಭೋ ಮಹರ್ಷಿಗಣಸಂಕುಲಃ॥ 2-71-1 (14106)
ತಂ ತು ಯಜ್ಞಂ ಮಹಾಬಾಹುರಾಸಮಾಪ್ತೇರ್ಜನಾರ್ದನಃ।
ರರಕ್ಷ ಭಗವಾಂಛೌರಿಃ ಶಾರ್ಂಗಚಕ್ರಗದಾಧರಃ॥ 2-71-2 (14107)
ತಸ್ಮಿನ್ಯಜ್ಞೇ ಪ್ರವೃತ್ತೇ ತು ವಾಗ್ಮಿನೋ ಹೇತುವಾದಿನಃ।
ಹೇತುವಾದಾನ್ಬಹೂನ್ಪ್ರಾಹುಃ ಪರಪಕ್ಷಜಿಗೀಷವಃ॥ 2-71-3 (14108)
ದದೃಶುಸ್ತೇ ನೃಪತಯೋ ಯಜ್ಞಸ್ಯ ವಿಧಿಮುತ್ತಮಂ।
ಉಪೇಂದ್ರಸ್ಯೇವ ವಿಹಿತಂ ಸಹದೇವೇನ ಭಾರತ॥ 2-71-4 (14109)
ತದ್ಯಜ್ಞೇ ನ್ಯವಸನ್ರಾಜನ್ಬ್ರಾಹ್ಮಣಾ ಭೃಶಮುತ್ಸುಕಾಃ।
ಕಥಯಂತಃ ಕಥಾಃ ಪುಣ್ಯಾಃ ಪಶ್ಯಂತೋ ನಟನರ್ತಕಾನ್॥ 2-71-5 (14110)
ದದೃಶುಸ್ತೋರಣಾನ್ಯತ್ರ ಹೇಮತಾಲಮಯಾನಿ ಚ।
ದೀಪ್ತಭಾಸ್ಕರತುಲ್ಯಾನಿ ಪ್ರದೀಪ್ತಾನೀವ ತೇಜಸಾ॥ 2-71-6 (14111)
ಸ ಯಜ್ಞಸ್ತೋರಣೈಸ್ತತ್ರ ಗ್ರಹೈರ್ದ್ಯೋರಿವ ಸಂಬಭೌ।
ಶಯ್ಯಾಸನವಿಹಾರಾಂಶ್ಚ ಸುಬಹೂನ್ರತ್ನಸಂವೃತಾನ್॥ 2-71-7 (14112)
ಘಟಾನ್ಪಾತ್ರೀಕಟಾಹಾನಿ ಕಲಶಾನಿ ಸಮಂತತಃ।
ನ ತೇ ಕಿಂಚಿದಸೌವರ್ಣಮಪಶ್ಯಂಸ್ತತ್ರ ಪಾರ್ಥಿವಾಃ॥ 2-71-8 (14113)
ಭುಂಜಾನಾನಾಂ ಚ ವಿಪ್ರಾಣಾಂ ಸ್ವಾದುಭೋಜ್ಯೈಃ ಪೃಥಗ್ವಿಧೈಃ।
ಅನಿಶಂ ಶ್ರೂಯತೇ ತತ್ರ ಮುದಿತಾನಾಂ ಮಹಾತ್ಮನಾಂ॥ 2-71-9 (14114)
ದೀಯತಾಂ ದೀಯತಾಮೇಷಾಂ ಭುಜ್ಯತಾಂ ಭುಜ್ಯತಾಮಿತಿ।
ಏವಂಪ್ರಕಾರಾಃ ಸಂಜಲ್ಪಾಃ ಶ್ರೂಯಂತೇ ತತ್ರ ನಿತ್ಯಶಃ॥ 2-71-10 (14115)
ಓದನಾನಾಂ ವಿಕಾರಾಣಿ ಸ್ವಾದೂನಿ ಚ ಬಹೂನಿ ಚ।
ವಿವಿಧಆನಿ ಚ ಭಕ್ಷ್ಯಾಣಿ ಪೇಯಾನಿ ಮಧುರಾಣಿ ಚ॥ 2-71-11 (14116)
ದದುರ್ದ್ವಿಜಾನಾಂ ಸತತಂ ರಾಜಪ್ರೇಷ್ಯಾ ಮಹಾಧ್ವರೇ।
ಪೂರ್ಣೇ ಶತಸಹಸ್ರೇ ತು ವಿಪ್ರಾಣಾಂ ಭುಂಜತಾಂ ತದಾ॥ 2-71-12 (14117)
ಸ್ಥಾಪಿತಸ್ತತ್ರ ಸಂಜ್ಞಾರ್ಥಂ ಶಂಖೋಽಧ್ಮಾಯತ ನಿತ್ಯಶಃ।
ಮುಹುರ್ಮುಹುಃ ಪ್ರಣಾದಸ್ತು ತಸ್ಯ ಶಂಖಸ್ಯ ಭಾರತ॥ 2-71-13 (14118)
ಉತ್ತಮಃ ಶ್ರೂಯತೇ ಶಬ್ದಃ ಶ್ರುತ್ವಾ ವಿಸ್ಮಯಮಾಗಮನ್।
ಏವಂ ಪ್ರವೃತ್ತೇ ಯಜ್ಞೇ ತು ತುಷ್ಟಪುಷ್ಟಜನಾಯುತೇ॥ 2-71-14 (14119)
ಅನ್ನಸ್ಯ ಬಹುಶೋ ರಾಜನ್ನುತ್ಸೇಧಾಃ ಪರ್ವತೋಪಮಾಃ।
ದಧಿಕುಲ್ಯಾಶ್ಚ ದದೃಶುಃ ಸರ್ಪಿಷಶ್ಚ ಹ್ರದಾಂಜನಾಃ॥ 2-71-15 (14120)
ಜಂಬೂದ್ವೀಪೋ ಹಿ ಸಕಲೋ ನಾನಾಜನಪದಾಯುತಃ।
ರಾಜನ್ನದೃಶ್ಯತೈಕಸ್ಥೋ ರಾಜ್ಞಸ್ತಸ್ಮಿನ್ಮಹಾಕ್ರತೌ॥ 2-71-16 (14121)
ತತ್ರ ರಾಜಸಹಸ್ರಾಣಿ ಪುರುಷಾಣಾಂ ತತಸ್ತತಃ।
ಗೃಹೀತ್ವಾ ಧನಮಾಜಗ್ಮುಸ್ತಸ್ಯ ರಾಜ್ಞೋ ಮಹಾಕ್ರತೌ॥ 2-71-17 (14122)
ರಾಜಾನಃ ಸ್ರಗ್ವಿಣಶ್ಚೈವ ಸಂಮೃಷ್ಟಮಣಿಕುಂಡಲಾಃ।
ತಾನ್ಪರೀವಿವಿಷುರ್ವಿಪ್ರಾಂಛತಶೋಽಥ ಸಹಸ್ರಶಃ॥ 2-71-18 (14123)
ವಿವಿಧಾನ್ಯನ್ನಪಾನಾನಿ ಲೇಹ್ಯಾನಿ ವಿವಿಧಾನಿ ಚ।
ತೇಷಾಂ ನೃಪೋಪಭೋಗ್ಯಾನಿ ಬ್ರಾಹ್ಮಣೇಭ್ಯೋ ದದುಃ ಸ್ಮ ತೇ॥ 2-71-19 (14124)
ನಾನಾವಿಧಾನಿ ಭಕ್ಷ್ಯಾಣಿ ಸ್ವಾದುಪುಷ್ಪಫಲಾನಿ ಚ।
ಗುಲಾನಿ ಸ್ವಾದುಕ್ಷೌದ್ರಾಣಿ ದದುಸ್ತೇ ಬ್ರಾಹ್ಮಣೇಷು ವೈ॥ 2-71-20 (14125)
ಏತಾನಿ ಸತತಂ ಭುಕ್ತ್ವಾ ತಸ್ಮಿನ್ಯಜ್ಞೇ ದ್ವಿಜಾತಯಃ।
ಪರಾಂ ಪ್ರೀತಿಂ ಯಯುಃ ಸರ್ವೇ ಮೋದಮಾನಾಸ್ತತಸ್ತತಃ॥ 2-71-21 (14126)
ಏವಂ ಪ್ರಮುದಿತಂ ಸರ್ವಂ ಬಹುಶೋ ಧನಧಾನ್ಯವತ್।
ಯಜ್ಞವಾಟಂ ನೃಪಾ ದೃಷ್ಟ್ವಾ ವಿಸ್ಮಯಂ ಪರಮಂ ಯಯುಃ॥ 2-71-22 (14127)
ಯಥಾಬದ್ಧೂಯಮಾನಾಗ್ನಿಂ ರಾಜಸೂಯಂ ಮಹಾಕ್ರತುಂ।
ಪಾಂಡವಸ್ಯ ಯಥಾಶಾಸ್ತ್ರಂ ಜುಹುವುಃ ಸರ್ವಯಾಜಕಾಃ॥ 2-71-23 (14128)
ವ್ಯಾಸಧೌಂಯಾದಯಃ ಸರ್ವೇ ವಿಧಿವತ್ಷೋಡಶರ್ತ್ವಿಜಃ।
ಸ್ವಸ್ವಕರ್ಮಾಣಿ ಚಕ್ರುಸ್ತೇ ಪಾಂಡವಸ್ಯ ಮಹಾಕ್ರತೌ॥ 2-71-24 (14129)
ನಾಷಡಂಗವಿದತ್ರಾಸೀತ್ಸದಸ್ಯೋ ನಾಬಹುಶ್ರುತಃ।
ನಾವ್ರತೋ ನಾನುಪಾಧ್ಯಾಯೋ ನ ಪಾಪೋ ನಾಕ್ಷಮೋ ದ್ವಿಜಃ॥ 2-71-25 (14130)
ನ ತತ್ರ ಕೃಪಣಃ ಕಶ್ಚಿದ್ದರಿದ್ರೋ ನ ಬಭೂವ ಹ।
ಕ್ಷುಧಿತೋ ದುಃಖಿತೋ ವಾಪಿ ಪ್ರಾಕೃತೋ ವಾಪಿ ಮಾನುಷಃ॥ 2-71-26 (14131)
ಭೋಜನಂ ಭೋಜನಾರ್ಥಿಭ್ಯೋ ದಾಪಯಾಮಾಸ ಸರ್ವದಾ।
ಸಹದೇವೋ ಮಹಾತೇಜಾಃ ಸತತಂ ರಾಜಶಾಸನಾತ್॥ 2-71-27 (14132)
ಸಂಸ್ತರೇ ಕುಶಲಾಶ್ಚಾಪಿ ಸರ್ವಕರ್ಮಾಣಿ ಯಾಜಕಾಃ।
ದಿವಸ ದಿವಸೇ ಚಕ್ರುರ್ಯಥಾಶಾಸ್ತ್ರಾರ್ಥಚಕ್ಷುಷಃ॥ 2-71-28 (14133)
ಬ್ರಾಹ್ಮಣಾ ದೇವಶಾಸ್ತ್ರಜ್ಞಃ ಕಥಾಶ್ಚಕ್ರುಶ್ಚ ಸರ್ವತಃ।
ರೇಮಿರೇ ಚ ಕಥಾಂತೇ ತು ಸರ್ವೇ ತಸ್ಮಿನ್ಮಹಾಕ್ರತೌ॥ 2-71-29 (14134)
ಸಾ ವೇದಿರ್ವೇದಸಂಪನ್ನೈರ್ದೇವದ್ವಿಜಮಹರ್ಷಿಭಿಃ।
ಆಬಭಾಸೇ ತದಾ ಕೀರ್ಣಾ ನಕ್ಷತ್ರೈರ್ದ್ಯೌರಿವಾಮಲಾ॥ 2-71-30 (14135)
ಪಾಂಡಿತ್ಯದರ್ಶನಾರ್ಥಾಯ ಕೇಚನ ದ್ವಿಜಸತ್ತಮಾಃ।
ತರ್ಕಾರ್ಥಮಾಗತಾಃ ಕೇಚಿತ್ಕೇಚಿದ್ವಿದ್ಯಾಭಿಮಾನಿನಃ॥ 2-71-31 (14136)
ಕೇಚಿದ್ದಿದೃಕ್ಷಯಾ ಕೇಚಿದ್ಭೀತ್ಯಾ ರಾಜ್ಞಃ ಪ್ರತಾಪಿನಃ।
ಸರ್ವೇಽಪ್ಯವಭೃಥಸ್ನಾತಾ ಯಾಜಕಾಃ ಕೇಚನ ದ್ವಿಜಾಃ॥ 2-71-32 (14137)
ತತೋ ವೈ ಹೇಮಯೂಪಾಂಶ್ಚ ಸರ್ವರತ್ನಸಮಾಚಿತಾನ್।
ಶೋಭಾರ್ಥಂ ಕಾರಯಾಮಾಸ ಸಹದೇವೋ ಮಹಾದ್ಯುತಿಃ॥ 2-71-33 (14138)
ದದೃಶುಸ್ತೋರಣಾನ್ಯತ್ರ ಹೇಮತಾಲಮಯಾನಿ ಚ।
ಸ ಯಜ್ಞಸ್ತೋರಣೈಸ್ತೈಶ್ಚ ಗ್ರಹೈರ್ದ್ಯೋರಿವ ಸಂಬಭೌ॥ 2-71-34 (14139)
ತಾಲಾನಾಂ ತೋರಣೈರ್ಹೈಮೈರ್ದಾಂತೈರಿವ ದಿಶಾಗಜೈಃ।
ದಿಕ್ಷು ಸರ್ವಾಸು ವಿನ್ಯಸ್ತೈಸ್ತೇಜೋಭಿರ್ಭಾಸ್ಕರೈರ್ಯಥಾ॥ 2-71-35 (14140)
ಸಕಿರೀಟೈರ್ನೃಪೈಶ್ಚೈವ ಶುಶುಭೇ ತತ್ಸದಸ್ತದಾ।
ದೇವೈರ್ದಿವ್ಯೈಶ್ಚ ಯಕ್ಷೈಶ್ಚ ಉರಗೈರ್ದಿವ್ಯಮಾನುಷೈಃ॥ 2-71-36 (14141)
ವಿದ್ಯಾಧರಗಣೈಃ ಕೀರ್ಣಃ ಪಾಂಡವಸ್ಯ ಮಹಾತ್ಮನಃ।
ಸ ರಾಜಸೂಯಃ ಶುಶುಭೇ ಧರ್ಮರಾಜಸ್ಯ ಧೀಮತಃ॥ 2-71-37 (14142)
ಗಂಧರ್ವಗಣಸಂಕೀರ್ಣಃ ಶೋಭಿತೋಽಪ್ಸರಸಾಂ ಗಣೈಃ।
ದೇವೈರ್ಮುನಿಗಣೈರ್ಯಕ್ಷೈರ್ದೇವಲೋಕ ಇವಾಪರಃ॥ 2-71-38 (14143)
ಸ ಕಿಂಪುರುಷಗೀತೈಶ್ಚ ಕಿನ್ನರೈರುಪಶೋಭಿತಃ।
ನಾರದಶ್ಚ ಜಗೌ ತತ್ರ ತುಂಬುರುಶ್ಚ ಮಹಾದ್ಯುತಿಃ॥ 2-71-39 (14144)
ವಿಶ್ವಾಸುಶ್ಚಿತ್ರಸೇನಸ್ತಥಾಽನ್ಯೇ ಗೀತಕೋವಿದಾಃ।
ರಮಯಂತಿ ಸ್ಮ ತಾನ್ಸರ್ವಾನ್ಯಜ್ಞಕರ್ಮಾಂತರೇಷ್ವಥ॥ 2-71-40 (14145)
ತತ್ರ ಚಾಪ್ಸರಸಃ ಸರ್ವಾಃ ಸುಂದರ್ಯಃ ಪ್ರಿಯದರ್ಶನಾಃ।
ನನೃತುಶ್ಚ ಜಗುಶ್ಚಾತ್ರ ನಿತ್ಯಂ ಕರ್ಮಾಂತರೇಷ್ವಥ॥ 2-71-41 (14146)
ಇತಿಹಾಸಪುರಾಣಾನಿ ಆಖ್ಯಾನಾನಿ ಚ ಸರ್ವಶಃ।
ಊಚುರ್ವೈ ಶಬ್ದಶಾಸ್ತ್ರಜ್ಞಾ ನಿತ್ಯಂ ಕರ್ಮಾಂತರೇಷ್ವಥ॥ 2-71-42 (14147)
ಭೇರ್ಯಶ್ಚ ಮುರಜಾಶ್ಚೈವ ಮಡ್ಡುಕಾ ಗೋಮುಖಾಶ್ಚ ಯೇ।
ಶೃಂಗವಂಶಾಂಬುಜಾ ವೀಣಾಃ ಶ್ರೂಯಂತೇ ಸ್ಮ ಸಹಸ್ರಶಃ॥ 2-71-43 (14148)
ಲೋಕೇಽಸ್ಮಿನ್ಸರ್ವವಿಪ್ರಾಶ್ಚ ವೈಶ್ಯಾಃ ಶೂದ್ರಾ ನೃಪಾದಯಃ।
ಸರ್ವೇ ಂಲೇಚ್ಛಾಃ ಸರ್ವಗಣಾಸ್ತ್ವಾದಿಮಧ್ಯಾಂತಜಾಸ್ತಥಾ। 2-71-44 (14149)
ನಾನಾದೇಶಸಮುದ್ಭೂತೈರ್ನಾನಾಜಾತಿಭಿರಾಗತೈಃ।
ಪರ್ಯಾಪ್ತ ಇವ ಲೋಕೋಽಯಂ ಯುಧಿಷ್ಠಿರನಿವೇಶನೇ॥ 2-71-45 (14150)
ಭೀಷ್ಮದ್ರೋಣಾದಯಃ ಸರ್ವೇ ಕುರವಃ ಸಸುಯೋಧನಾಃ।
ವೃಷ್ಣಯಶ್ಚ ಸಮಗ್ರಾಶ್ಚ ಪಾಂಚಾಲಾಶ್ಚಾಪಿ ಸರ್ವಶಃ॥ 2-71-46 (14151)
ಯಜ್ಞೇಽಸ್ಮಿನ್ಸರ್ವಕರ್ಮಾಣಿ ಚಕ್ರುರ್ದಾಸಾ ಇವ ಕ್ರತೌ।
ಏವಂ ಪ್ರವೃತ್ತೋ ಯಜ್ಞಃ ಸ ಧರ್ಮರಾಜಸ್ಯ ಧೀಮತಃ॥ 2-71-47 (14152)
ಶುಶುಭೇ ಚ ಮಹಾಬಾಹೋ ಸೋಮಸ್ಯೇವ ಕ್ರತುರ್ಯಥಾ।
ವಸ್ತ್ರಾಣಿ ಕಂಬಲಾಂಶ್ಚೈವ ಪ್ರಾವಾರಾಂಶ್ಚೈವ ಸರ್ವದಾ॥ 2-71-48 (14153)
ನಿಷ್ಕಹೇಮಜಭಾಂಡಾನಿ ಭೂಷಣಾನಿ ಚ ಸರ್ವಶಃ।
ಪ್ರದದೌ ತತ್ರ ವಿಪ್ರಾಣಾಂ ಧರ್ಮರಾಜೋ ಯುಧಿಷ್ಠಿರಃ॥ 2-71-49 (14154)
ಯಾನಿ ತತ್ರ ಮಹೀಪಾಲೈರ್ಲಬ್ಧವಾನ್ಭರತರ್ಷಭಃ।
ತಾನಿ ಸರ್ವಾಣಿ ರತ್ನಾನಿ ಬ್ರಾಹ್ಮಣಾನಾಂ ದದೌ ತದಾ'॥ ॥ 2-71-50 (14155)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಶಿಶುಪಾಲವಧಪರ್ವಣಿ ಏಕಸಪ್ತತಿತಮೋಽಧ್ಯಾಯಃ॥71 ॥
ಸಭಾಪರ್ವ - ಅಧ್ಯಾಯ 072
॥ ಶ್ರೀಃ ॥
2.72. ಅಧ್ಯಾಯಃ 072
Mahabharata - Sabha Parva - Chapter Topics
ಯುಧಿಷ್ಠಿರೇಣ ವ್ಯಾಸಾದೀನಾಂ ಪೂಜನಂ॥ 1॥ ರಾಜ್ಞಾಂ ಯುಧಿಷ್ಠಿರಮಾಮಂತ್ರ್ಯ ಸ್ವಸ್ವದೇಶಗಮನಂ॥ 2॥ ಶ್ರೀಕೃಷ್ಣಸ್ಯ ಯುಧಿಷ್ಠಿರಾದೀನಾಮಂತ್ರ್ಯ ದ್ವಾರಕಾಂ ಪ್ರತಿ ಗಮನಂ॥ 3॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ತತಃ ಸ ಕುರುರಾಜಸ್ಯ ಸರ್ವಕರ್ಮಸಮೃದ್ಧಿಮಾನ್।
ಯಜ್ಞಃ ಪ್ರೀತಿಕರೋ ರಾಜನ್ಸಂಬಭೌ ವಿಪುಲೋತ್ಸವಃ॥ 2-72-1 (14156)
ಶಾಂತವಿಘ್ನಃ ಸುಖಾರಂಭಃ ಪ್ರಭೂತಧನಧಾನ್ಯವಾನ್।
ಅನ್ನವಾನ್ಬಹುಭಕ್ಷ್ಯಶ್ಚ ಕೇಶವೇನ ಸುರಕ್ಷಿತಃ॥ 2-72-2 (14157)
ಸಮಾಪಯಾಮಾಸ ಚ ತಂ ರಾಜಸೂಯಂ ಮಹಾಕ್ರತುಂ।
`ಕೋಟಿಸಹಸ್ರಂ ಪ್ರದದೌ ಬ್ರಾಹ್ಮಣಾನಾಂ ಮಹಾತ್ಮನಾಂ॥ 2-72-3 (14158)
ನ ಕರಿಷ್ಯತಿ ತಂ ಲೋಕೇ ಕಶ್ಚಿದನ್ಯೋ ಮಹೀಪತಿಃ।
ಯಾಜಕಾಃ ಸರ್ವಕಾಮೈಶ್ಚ ಸತತಂ ತತೃಪುರ್ಧನೈಃ॥ 2-72-4 (14159)
ತತಶ್ಚಾವಭೃಥಸ್ನಾತಃ ಸ ರಾಜಾ ಪಾಂಡುನಂದನಃ।
ವ್ಯಾಸಂ ಧೌಂಯಂ ವಸಿಷ್ಠಂ ಚ ನಾರದಂ ಚ ಮಹಾಮುನಿಂ॥ 2-72-5 (14160)
ಸುಮಂತು ಜೈಮಿನಿಂ ಪೈಲಂ ವೈಶಂಪಾಯನಮೇವ ಚ।
ಯಾಜ್ಞವಲ್ಕ್ಯಂ ಚ ಕಪಿಲಂ ಕಪಾಲಂ ಕೌಶಿಕಂ ತಥಾ।
ಸರ್ವಾಂಶ್ಚ ಋತ್ವಿಕ್ಪ್ರವರಾನ್ಪೂಜಯಾಮಾಸ ಸತ್ಕೃತಾನ್॥ 2-72-6 (14161)
ಯುಧಿಷ್ಠಿರ ಉವಾಚ॥ 2-72-7x (1506)
ಯುಷ್ಮತ್ಪ್ರಸಾದಾತ್ಪ್ರಾಪ್ತೋಽಯಂ ರಾಜಸೂಯೋ ಮಹಾಕ್ರತುಃ।
ಜನಾರ್ದನಪ್ರಸಾದಾದ್ಧಿ ಸಂಪೂರ್ಣೋ ಮೇ ಮನೋರಥಃ॥ 2-72-7 (14162)
ವೈಶಂಪಾಯನ ಉವಾಚ॥ 2-72-8x (1507)
ಅಥ ಯಜ್ಞಂ ಸಮಾಪ್ಯಾಂತೇ ಪೂಜಯಾಮಾಸ ಮಾಧವಂ।
ಬಲದೇವ ಚ ದೇವೇಶಂ ಭೀಷ್ಮಾದ್ಯಾಂಶ್ಚ ಕುರೂದ್ವಹಾನ್'॥ 2-72-8 (14163)
ತತಸ್ತ್ವವಭೃಥಸ್ನಾತಂ ಧರ್ಮಾತ್ಮಾನಂ ಯುಧಿಷ್ಠಿರಂ।
ಸಮಸ್ತಂ ಪಾರ್ಥಿವಂ ಕ್ಷತ್ರಮುಪಗಂಯೇದಮಬ್ರವೀತ್॥ 2-72-9 (14164)
ದಿಷ್ಟ್ಯಾ ವರ್ಧಸಿ ಧರ್ಮಜ್ಞ ಸಾಂರಾಜ್ಯಂ ಪ್ರಾಪ್ತವಾನಸಿ।
ಆಜಮೀಢಾಜಮೀಢಾನಾಂ ಯಶಃ ಸಂವರ್ಧಿತಂ ತ್ವಯಾ॥ 2-72-10 (14165)
ಕರ್ಮಣೈತೇನ ರಾಜೇಂದ್ರ ಧರ್ಮಶ್ಚ ಸುಮಹಾನ್ಕೃತಃ।
ಆಪೃಚ್ಛಾಮೋ ನರವ್ಯಾಘ್ರ ಸರ್ವಕಾಮೈಃ ಸೂಪೂಜಿತಾಃ॥ 2-72-11 (14166)
ಸ್ವರಾಷ್ಟ್ರಾಣಿ ಗಮಿಷ್ಯಾಮಸ್ತದನುಜ್ಞಾತುಮರ್ಹಸಿ।
ಶ್ರುತ್ವಾ ತು ವಚನಂ ರಾಜ್ಞಾಂ ಧರ್ಮರಾಜೋ ಯುಧಿಷ್ಠಿರಃ॥ 2-72-12 (14167)
ಯಥಾರ್ಹಂ ಪೂಜ್ಯ ನೃಪತೀನ್ಭ್ರಾತೄನ್ಸರ್ವಾನುವಾಚ ಹ।
ರಾಜಾನಃ ಸರ್ವ ಏವೈತೇ ಪ್ರೀತ್ಯಾಽಸ್ಮಾನ್ಪ್ತಮುಪಾಗತಾಃ॥ 2-72-13 (14168)
ಪ್ರಸ್ಥಿತಾಃ ಸ್ವಾನಿ ರಾಷ್ಟ್ರಾಣಿ ಮಾಮಾಪೃಚ್ಛಯ ಪರಂತಪಾಃ।
ಅನುವ್ರಜತ ಭದ್ರಂ ವೋ ವಿಷಯಾಂತಂ ನೃಪೋತ್ತಮಾನ್॥ 2-72-14 (14169)
ಭ್ರಾತುರ್ವಚನಮಾಜ್ಞಾಯ ಪಾಂಡವಾ ಧರ್ಮಚಾರಿಣಃ।
ಯಥಾರ್ಹಂ ನೃಪತೀನ್ಸರ್ವಾನೇಕೈಕಂ ಸಮನುವ್ರಜನ್॥ 2-72-15 (14170)
ವಿರಾಯಟಮನ್ವಾಯಾತ್ತೂರ್ಣಂ ಧೃಷ್ಟಹ್ಯುಂನಃ ಪ್ರತಾಪವಾನ್।
ಧನಂಜಯೋ ಯಜ್ಞಸೇನಂ ಮಹಾತ್ಮಾನಂ ಮಹಾರಥಂ॥ 2-72-16 (14171)
ಭೀಷ್ಮಂ ಚ ಧೃತರಾಷ್ಟ್ರಂ ಚ ಭೀಮಸೇನೋ ಮಹಾಬಲಃ।
ದ್ರೋಣಂ ತು ಸಸುತಂ ವೀರಂ ಸಹದೇವೋ ಯುಧಾಂ ಪತಿಃ॥ 2-72-17 (14172)
ನಕುಲಃ ಸುಬಲಂ ರಾಜನ್ಸಹಪುತ್ರಂ ಸಮನ್ವಯಾತ್।
ದ್ರೌಪದೇಯಾಃ ಸಸೌಭದ್ರಾಃ ಪಾರ್ವತೀಯಾನ್ಮಹಾರಥಾನ್॥ 2-72-18 (14173)
ಅನ್ವಗಚ್ಛಂಸ್ತಥೈವಾನ್ಯಾನ್ಕ್ಷತ್ರಿಯಾನ್ಕ್ಷತ್ರಿಯರ್ಷಭಾಃ।
ಏವಂ ಸುಪೂಜಿತಾಃ ಸರ್ವೇ ಜಗ್ಮುರ್ವಿಪ್ರಾಃ ಸಹಸ್ರಶಃ॥ 2-72-19 (14174)
ಗತೇಷು ಪಾರ್ಥಿವೇಂದ್ರೇಷು ಸರ್ವೇಷು ಬ್ರಾಹ್ಮಣೇಷು ಚ।
ಯುಧಿಷ್ಠಿರಮುವಾಚೇದಂ ವಾಸುದೇವಃ ಪ್ರತಾಪವಾನ್॥ 2-72-20 (14175)
ಆಪೃಚ್ಛೇ ತ್ವಾಂ ಗಮಿಷ್ಯಾಮಿ ದ್ವಾರಕಾಂ ಕುರುನಂದನ।
ರಾಜಸೂಯಂ ಕ್ರತುಶ್ರೇಷ್ಠಂ ದಿಷ್ಟ್ಯಾ ತ್ವಂ ಪ್ರಾಪ್ತವಾನಸಿ॥ 2-72-21 (14176)
ತಮುವಾಚೈವಮುಕ್ತಸ್ತು ಧರ್ಮರಾಜೋ ಜನಾರ್ದನಂ।
ತವ ಪ್ರಸಾದಾದ್ಗೋವಿಂದ ಪ್ರಾಪ್ತಃ ಕ್ರತುವರೋ ಮಯಾ॥ 2-72-22 (14177)
ಕ್ಷತ್ರಂ ಸಮಗ್ರಮಪಿ ಚ ತ್ವತ್ಪ್ರಸಾದಾದ್ವಶೇ ಸ್ಥಿತಂ।
ಉಪಾದಾಯ ಬಲಿಂ ಮುಖ್ಯಂ ಮಾಮೇವ ಸಮುಪಸ್ಥಿತಂ॥ 2-72-23 (14178)
ಕಥಂ ತ್ವದ್ಗಮನಾರ್ಥಂ ಮೇ ವಾಣೀ ವಿತರತೇಽನಘ॥ 2-72-24 (14179)
ನ ಹ್ಯಹಂ ತ್ವಾಮೃತೇ ವೀರಂ ರತಿಂ ಪ್ರಾಪ್ನೋಮಿ ಕರ್ಹಚಿತ್।
ಅವಶ್ಯಂ ಚೈವ ಗಂತವ್ಯಾ ಭವತಾ ದ್ವಾರಕಾ ಪುರೀ॥ 2-72-25 (14180)
ವೈಶಂಪಾಯನ ಉವಾಚ॥ 2-72-26x (1508)
ಏವಮುಕ್ತಃ ಸ ಧರ್ಮಾತ್ಮಾ ಯುಧಿಷ್ಠಿರಸಹಾಯವಾನ್।
ಅಭಿಗಂಯಾಬ್ರವೀತ್ಪ್ರೀತಃ ಪೃಥಾಂ ಪೃಥುಯಶಾ ಹರಿಃ॥ 2-72-26 (14181)
ಸಾಂರಾಜ್ಯಂ ಸಮನುಪ್ರಾಪ್ತಾಃ ಪುತ್ರಾಸ್ತೇಽದ್ಯ ಪಿತೃಷ್ವಸಃ।
ಸಿದ್ಧಾರ್ಥಾ ವಸುಮಂತಶ್ಚ ಸಾ ತ್ವಂ ಪ್ರೀತಿಮವಾಪ್ನುಹಿ॥ 2-72-27 (14182)
ಅನುಜ್ಞಾತಸ್ತ್ವಯಾ ಚಾಹಂ ದ್ವಾರಕಾಂ ಗಂತುಮುತ್ಸಹೇ।
ಸುಭದ್ರಾಂ ದ್ರೌಪದೀಂ ಚೈವ ಸಭಾಜಯತ ಕೇಶವಃ॥ 2-72-28 (14183)
ನಿಷ್ಕ್ರಂಯಾಂತಃ ಪುರಾತ್ತಸ್ಮಾದ್ಯುಧಿಷ್ಠಿರಸಹಾಯವಾನ್।
ಸ್ನಾತಶ್ಚ ಕೃತಜಪ್ಯಶ್ಚ ಬ್ರಾಹ್ಮಣಾನ್ಸ್ವಸ್ತಿ ವಾಚ್ಯ ಚ॥ 2-72-29 (14184)
ತತೋ ಮೇಘವಪುಃ ಪ್ರಗ್ವ್ಯಂ ಸ್ಯಂದನಂ ಚ ಸುಕಲ್ಪಿತಂ।
ಯೋಜಯಿತ್ವಾ ಮಹಾಬಾಹುರ್ದಾರುಕಃ ಸಮುಪಸ್ಥಿತಃ॥ 2-72-30 (14185)
ಉಪಸ್ಥಿತಂ ರಥಂ ದೃಷ್ಟ್ವಾ ತಾರ್ಕ್ಷ್ಯಪ್ರವರಕೇತನಂ।
ಪ್ರದಕ್ಷಿಣಮುಪಾವೃತ್ಯ ಸಮಾರುಹ್ಯ ಮಹಾಮನಾಃ॥ 2-72-31 (14186)
ಪ್ರಯಯೌ ಪುಂಡರೀಕಾಕ್ಷಸ್ತತೋ ದ್ವಾರವತೀಂ ಪುರೀಂ॥ 2-72-32 (14187)
ತಂ ಪದ್ಭ್ಯಾಮನುವವ್ರಾಜ ಧರ್ಮರಾಜೋ ಯುಧಿಷ್ಠಿರಃ।
ಭ್ರಾತೃಭಿಃ ಸಹಿತಃ ಶ್ರೀಮಾನ್ವಾಸುದೇವಂ ಮಹಾಬಲಂ॥ 2-72-33 (14188)
ತತೋ ಮುಹೂರ್ತಂ ಸಂಗೃಹ್ಯ ಸ್ಯಂದನಪ್ರವರಂ ಹರಿಃ।
ಅಬ್ರವೀತ್ಪುಂಡರೀಕಾಕ್ಷಃ ಕುಂತೀಪುತ್ರಂ ಯುಧಿಷ್ಠಿರಂ॥ 2-72-34 (14189)
ಅಪ್ರಮತ್ತಃ ಸ್ಥಿತೋ ನಿತ್ಯಂ ಪ್ರಜಾಃ ಪಾಹಿ ವಿಶಾಂಪತೇ।
ಪರ್ಜನ್ಯಮಿವ ಭೂತಾನಿ ಮಹಾದ್ರುಮಮಿವ ದ್ವಿಜಾಃ॥ 2-72-35 (14190)
ಬಾಂಧವಾಸ್ತ್ವೋಪಜೀವಂತು ಸಹಸ್ರಾಕ್ಷಮಿವಾಮರಾಃ।
ಕೃತ್ವಾ ಪರಸ್ಪರೇಣೈವ ಸಂವಾದಂ ಕೃಷ್ಣಪಾಂಡವೌ॥ 2-72-36 (14191)
ಅನ್ಯೋನ್ಯಂ ಸಮನುಜ್ಞಾಪ್ಯ ಜಗ್ಮತುಃ ಸ್ವಗೃಹಾನ್ಪ್ರತಿ।
ಗತೇ ದ್ವಾರವತೀಂ ಕೃಷ್ಣೇ ಸಾತ್ವತಪ್ರವರೇ ನೃಪ॥ 2-72-37 (14192)
ಮಹಾದುರ್ಯೋಧನೋ ರಾಜಾ ಶಕುನಿಶ್ಚಾಪಿ ಸೌಬಲಃ।
`ಸೂತಪುತ್ರಶ್ಚ ಗಧೇಯಃ ಸಹ ದುಃಶಾಸನಾದಿಭಿಃ॥ 2-72-38 (14193)
ಸರ್ವಕಾಮಗುಣೋಪೇತೈರರ್ಚ್ಯಮಾನಾಸ್ತು ಭಾರತ'।
ತಸ್ಯಾಂ ಸಭಾಯಾಂ ದಿವ್ಯಾಯಾಮವಸಂಸ್ತತ್ರ ಪಾಂಡವೈಃ॥ ॥ 2-72-39 (14194)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಶಿಶುಪಾಲವಧಪರ್ವಣಿ ದ್ವಿಸಪ್ತತಿತಮೋಽಧ್ಯಾಯಃ॥72 ॥
Mahabharata - Sabha Parva - Chapter Footnotes
2-72-28 ಸಭಾಜಯತ ಪ್ರೀಣಿತವಾನ್॥ಸಭಾಪರ್ವ - ಅಧ್ಯಾಯ 073
॥ ಶ್ರೀಃ ॥
2.73. ಅಧ್ಯಾಯಃ 073
Mahabharata - Sabha Parva - Chapter Topics
ವ್ಯಾಸಂಪ್ರತಿ ಯುಧಿಷ್ಠಿರೇಣ ಉತ್ಪಾತಫಲಪ್ರಶ್ನೇ ವ್ಯಾಸೇನ ತತ್ಕಥನಪೂರ್ವಕಂ ಕೈಲಾಸಗಮನಮ ್॥ 1॥ ವ್ಯಾಸೋಕ್ತಂ ಭ್ರಾತೃಷು ನಿವೇದ್ಯ ಶೋಚತೋ ಯುಧಿಷ್ಠಿರಸ್ಯ ಅರ್ಜುನೇನ ಸಮಾಶ್ವಾಸನಂ॥ 2। । ಯಿಧಿಷ್ಠಿರೇಣ ಸಮಯಕರಣಂ॥ 3॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
`ಅನುಸಂಸಾರ್ಯ ನೃಪತೀನ್ಪಾಂಡವಾಃ ಪಾಂಡವಾಗ್ರಜಂ।
ಅಭಿಜಗ್ಮುರ್ಮಹೇಷ್ವಾಸಾ ಧರ್ಮರಾಜಂ ಯುಧಿಷ್ಠಿರಂ॥ 2-73-1 (14195)
ಸೋಽನುಮೇನೇ ಮಹಾಬಾಹುರ್ಭಾತೄಂಶ್ಚ ಸುಹೃದಸ್ತಥಾ'।
ಶಿಷ್ಯೈಃ ಪರಿವೃತೋ ವ್ಯಾಸಃ ಪುರಸ್ತಾತ್ಸಮಪದ್ಯತ॥ 2-73-2 (14196)
ಸೋಽಭ್ಯಯಾದಾಸನಾತ್ತೂರ್ಣಂ ಭ್ರಾತೃಭಿಃ ಪರಿವಾರಿತಃ।
ಪಾದ್ಯೇನಾಸನದಾನೇನ ಪಿತಾಮಹಮಪೂಜಯತ್॥ 2-73-3 (14197)
ಅಥೋಪವಿಶ್ಯ ಭಗವಾನ್ಕಾಂಚನೇ ಪರಮಾಸನೇ।
ಆಸ್ಯತಾಮಿತಿ ಚೋವಾಚ ಧರ್ಮರಾಜಂ ಯುಧಿಷ್ಠಿರಂ॥ 2-73-4 (14198)
ಅಥೋಪವಿಷ್ಟಂ ರಾಜಾನಂ ಭ್ರಾತೃಭಿಃ ಪರಿವಾರಿತಂ।
ಉವಾಚ ಭಗವಾನ್ವ್ಯಾಸಸ್ತತ್ತದ್ವಾಕ್ಯವಿಶಾರದಃ॥ 2-73-5 (14199)
ದಿಷ್ಟ್ಯಾ ವರ್ಧಸಿ ಕೌಂತೇಯ ಸಾಂರಾಜ್ಯಂ ಪ್ರಾಪ್ಯ ದುರ್ಲಭಂ।
ವರ್ಧಿತಾಃ ಕುರವಃ ಸರ್ವೇ ತ್ವಯಾ ಕುರುಕುಲೋದ್ವಹ॥ 2-73-6 (14200)
ಆಪೃಚ್ಛೇ ತ್ವಾಂ ಗಮಿಷ್ಯಾಮಿ ಪೂಜಿತೋಽಸ್ಮಿ ವಿಶಾಂಪತೇ।
ಏವಮುಕ್ತಃ ಸ ಕೃಷ್ಣೇನ ಧರ್ಮರಾಜೋ ಯುಧಿಷ್ಠಿರಃ॥ 2-73-7 (14201)
ಅಭಿವಾದ್ಯೋಪಸಂಗೃಹ್ಯ ಪಿತಾಮಹಮಥಾಬ್ರವೀತ್॥ 2-73-8 (14202)
ಯುಧಿಷ್ಠಿರ ಉವಾಚ। 2-73-8x (1509)
ಸಂಶಯೋ ದ್ವಿಪದಾಂ ಶ್ರೇಷ್ಠ ಮಮೋತ್ಪನ್ನಃ ಸುದುರ್ಲಭಃ।
ತಸ್ಯ ನಾನ್ಯೋಽಸ್ತಿ ವಕ್ತಾ ವೈ ತ್ವಾಮೃತೇ ದ್ವಿಜಪುಂಗವ॥ 2-73-9 (14203)
ಉತ್ಪಾತಾಂಸ್ತ್ರಿವಿಧಾನ್ಪ್ರಾಹ ನಾರದೋ ಭಗವಾನೃಷಿಃ।
ದಿವ್ಯಾಂಶ್ಚೈವಾಂತರಿಕ್ಷಾಂಶ್ಚ ಪಾರ್ಥಿವಾಂಶ್ಚ ಪಿತಾಮಹ॥ 2-73-10 (14204)
`ಸುಮಹಚ್ಚ ಫಲಂ ತೇಷಾಂ ಭವಿತೇತಿ ನ ಸಂಶಯಃ'।
ಅಪಿ ಚೈದ್ಯಸ್ಯ ಪತನಾಚ್ಛಾಂತಮೌತ್ಪಾತಿಕಂ ಮಹತ್॥ 2-73-11 (14205)
ವೈಶಂಪಾಯನ ಉವಾಚ॥ 2-73-12x (1510)
ರಾಜ್ಞಸ್ತು ವಚನಂ ಶ್ರುತ್ವಾ ಪರಾಶರಸುತಃ ಪ್ರಭುಃ।
ಕೃಷ್ಣದ್ವೈಪಾಯನೋ ವ್ಯಾಸ ಇದಂ ವಚನಮಬ್ರವೀತ್॥ 2-73-12 (14206)
ತ್ರಯೋದಶ ಸಮಾ ರಾಜನ್ನುತ್ಪಾತಾನಾಂ ಫಲಂ ಮಹತ್।
ಸರ್ವಕ್ಷತ್ರವಿನಾಶಾಯ ಭವಿಷ್ಯತಿ ವಿಶಾಂಪತೇ॥ 2-73-13 (14207)
ತ್ವಾಮೇಕಂ ಕಾರಣಂ ಕೃತ್ವಾ ಕಾಲೇನ ಭರತರ್ಷಭ।
ಸಮೇತಂ ಪಾರ್ಥಿವಂ ಕ್ಷತ್ರಂ ಕ್ಷಯಂ ಯಾಸ್ಯತಿ ಭಾರತ।
ದುರ್ಯೋಧನಾಪರಾಧೇನ ಭೀಮಾರ್ಜುನಬಲೇನ ಚ॥ 2-73-14 (14208)
ಸ್ವಪ್ನಂ ದ್ರಕ್ಷ್ಯಸಿ ರಾಜೇಂದ್ರ ತಸ್ಮಿನ್ಕಾಲ ಉಪಸ್ಥಿತೇ।
ತತ್ತೇಽಹಂ ಸಂಪ್ರವಕ್ಷ್ಯಾಮಿ ತನ್ನಿಬೋಧ ಯುಧಿಷ್ಠಿರ॥ 2-73-15 (14209)
ಯಾಂತಂ ದ್ರಕ್ಷ್ಯಸಿ ರಾಜೇಂದ್ರ ಕ್ಷಪಾಂತೇ ತ್ವಂ ವೃಷಧ್ವಜಂ।
ನೀಲಕಂಠಂ ಭವಂ ಸ್ಥಾಣುಂ ಕಪಾಲಿಂ ತ್ರಿಪುರಾಂತಕಂ॥ 2-73-16 (14210)
ಉಗ್ರಂ ರುದ್ರಂ ಪಶುಪತಿಂ ಮಹಾದೇವಮುಮಾಪತಿಂ।
ಹರಂ ಶರ್ವಂ ವೃಷಂ ಶೂಲಂ ಪಿನಾಕಿಂ ಕೃತ್ತಿವಾಸಸಂ॥ 2-73-17 (14211)
ಕೈಲಾಸಕೂಡಪ್ರತಿಮೇ ವೃಷಭೇಽವಸ್ಥಿತಂ ಶಿವಂ।
ನಿರೀಕ್ಷಮಾಣಂ ಸತತಂ ಪಿತೃರಾಜಾಶ್ರಿತಾಂ ದಿಶಂ॥ 2-73-18 (14212)
ಏವಮೀದೃಶಕಂ ಸ್ವಪ್ನಂ ದ್ರಕ್ಷ್ಯಸಿ ತ್ವಂ ವಿಶಾಂಪತೇ।
ಮಾ ತತ್ಕೃತೇ ಹ್ಯನುಧ್ಯಾಹಿ ಕಾಲೋ ಹಿ ದುರತಿಕ್ರಮಃ॥ 2-73-19 (14213)
ಸ್ವಸ್ತಿ ತೇಽಸ್ತು ಗಮಿಷ್ಯಾಮಿ ಕೈಲಾಸಂ ಪರ್ವತಂ ಪ್ರತಿ।
ಅಪ್ರಮತ್ತಃ ಸ್ಥಿತೋ ದಾಂತಃ ಪೃಥಿವೀಂ ಪರಿಪಾಲಯ॥ 2-73-20 (14214)
ವೈಶಂಪಾಯನ ಉವಾಚ॥ 2-73-21x (1511)
ಏವಮುಕ್ತ್ವಾ ಸ ಭಗವಾನ್ಕೈಲಾಸಂ ಪರ್ವತಂ ಯಯೌ।
ಕೃಷ್ಣದ್ವೈಪಾಯನೋ ವ್ಯಾಸಃ ಸಹ ಶಿಷ್ಯೈಃ ಸಹಾನುಗೈಃ॥ 2-73-21 (14215)
ಗತೇ ಪಿತಾಮಹೇ ರಾಜಾ ಚಿಂತಾಶೋಕಸಮನ್ವಿತಃ।
ನಿಃ ಶ್ವಸನ್ನುಷ್ಣಮಸಕೃತ್ತಮೇವಾರ್ಥಂ ವಿಚಿಂತಯನ್॥ 2-73-22 (14216)
ಕಥಂ ತು ದೈವಂ ಶಕ್ಯೇತ ಪೌರುಷೇಣ ಪ್ರಬಾಧಿತುಂ।
ಅವಶ್ಯಮೇವ ಭವಿತಾ ಯದುಕ್ತಂ ಪರಮರ್ಷಿಣಾ॥ 2-73-23 (14217)
ತತೋಽಬ್ರವೀನ್ಮಹಾತೇಜಾಃ ಸರ್ವಾನ್ಭ್ರಾತೄನ್ಯುಧಿಷ್ಠಿರಃ।
ಶ್ರುತಂ ವೈ ಪುರುಷವ್ಯಾಘ್ರಾ ಯನ್ಮಾಂ ದ್ವೈಪಾಯನೋಽಬ್ರವೀತ್॥ 2-73-24 (14218)
ತದಾ ತದ್ವಚನಂ ಶ್ರುತ್ವಾ ಮರಣೇ ನಿಶ್ಚಿತಾ ಮತಿಃ।
ಸರ್ವಕ್ಷತ್ರಸ್ಯ ನಿಧನೇ ಯದ್ಯಹಂ ಹೇತುರೀಪ್ಸಿತಃ॥ 2-73-25 (14219)
ಕಾಲೇನ ನಿರ್ಮಿತಸ್ತಾತ ಕೋ ಮಮಾರ್ಥೋಽಸ್ತಿ ಜೀವತಃ।
ಏವಂ ಬ್ರುವಂತಂ ರಾಜಾನಂ ಫಾಲ್ಗುನಃ ಪ್ರತ್ಯಭಾಷತ॥ 2-73-26 (14220)
ಮಾ ರಾಜನ್ಕಶ್ಮಲಂ ಘೋರಂ ಪ್ರವಿಶೋ ಬುದ್ಧಿನಾಶನಂ।
ಸಂಪ್ರಧಾರ್ಯ ಮಹಾರಾಜ ಯತ್ಕ್ಷಮಂ ತತ್ಸಮಾಚರ॥ 2-73-27 (14221)
ವೈಶಂಪಾಯನ ಉವಾಚ॥ 2-73-28x (1512)
ತತೋಽಬ್ರವೀತ್ಸತ್ಯಧೃತಿರ್ಭ್ರಾತೄನ್ಸರ್ವಾನ್ಯುಧಿಷ್ಠಿರಃ।
ದ್ವೈಪಾಯನಸ್ಯ ವಚನಂ ತತ್ರೈವ ಸಮಚಿಂತಯತ್॥ 2-73-28 (14222)
ಅದ್ಯಪ್ರಭೃತಿ ಭದ್ರಂ ವಃ ಪ್ರತಿಜ್ಞಾಂ ಮೇ ನಿಬೋಧತ।
ತ್ರಯೋದಶ ಸಮಾಸ್ತಾತ ಕೋ ಮಮಾರ್ಥೋ ಽಸ್ತಿ ಜೀವತಃ॥ 2-73-29 (14223)
ನ ಪ್ರವಕ್ಷ್ಯಾಮಿ ಪರುಷಂ ಭ್ರಾತೄನನ್ಯಾಂಶ್ಚ ಪಾರ್ಥಿವಾನ್।
ಸ್ಥಿತೋ ನಿದೇಶೇ ಜ್ಞಾತೀನಾಂ ಯೋಕ್ಷ್ಯೇ ತತ್ಸುಮುದಾಹರನ್॥ 2-73-30 (14224)
ಏವಂ ಮೇ ವರ್ತಮಾನಸ್ಯ ಸ್ವಸುತೇಽಷ್ವಿತರೇಷು ಚ।
ಭೇದೋ ನ ಭವಿತಾ ಲೋಕೇ ಭೇದಮೂಲೋ ಹಿ ವಿಗ್ರಹಃ॥ 2-73-31 (14225)
ವಿಗ್ರಹಂ ದೂರತೋ ರಕ್ಷನ್ಪ್ರಿಯಾಣ್ಯೇವ ಸಮಾಚರನ್।
ವಾಚ್ಯತಾಂ ನ ಗಮಿಷ್ಯಾಮಿ ಲೋಕೇಷು ಮನುಜರ್ಷಭಾಃ॥ 2-73-32 (14226)
ಭ್ರಾತೃರ್ಜ್ಯೇಷ್ಠಸ್ಯ ವಚನಂ ಪಾಂಡವಾಃ ಸಂನಿಶಂಯ ತತ।
ತಮೇವ ಸಮವರ್ತಂತ ಧರ್ಮರಾಜಹಿತೇ ರತಾಃ॥ 2-73-33 (14227)
ಸಂಸತ್ಸು ಸಮಯಂ ಕೃತ್ವಾ ಧರ್ಮರಾಡ್ಭ್ರಾತೃಭಿಃ ಸಹ।
ಪಿತೄಂಸ್ತರ್ಪ್ಯ ಯಥಾನ್ಯಾಯಂ ದೇವತಾಶ್ಚ ವಿಶಾಂಪತೇ॥ 2-73-34 (14228)
ಕೃತಮಂಗಲಕಲ್ಯಾಮೋ ಭ್ರಾತೃಭಿಃ ಪಿರವಾರಿತಃ।
ಗತೇಷು ಕ್ಷತ್ರಿಯೇಂದ್ರೇಷು ಸರ್ವೇಷು ಭರತರ್ಷಭ॥ 2-73-35 (14229)
ಯುಧಿಷ್ಠಿರಃ ಸಹಾಮಾತ್ಯಃ ಪ್ರವಿವೇಶ ಪುರೋತ್ತಮಂ।
ದುರ್ಯೋಧನೋ ಮಹಾರಾಜ ಶಕುನಿಶ್ಚಾಪಿ ಸೌಬಲಃ।
ಸಭಾಯಾಂ ಸಮಣೀಯಾಯಾಂ ತತ್ರೈವಾಸ್ತೇ ನರಾಧಿಪ॥ ॥ 2-73-36 (14230)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದ್ಯೂತಪರ್ವಣಿ ತ್ರಿಸಪ್ತತಿತಮೋಽಧ್ಯಾಯಃ॥ 73 ॥
ಸಭಾಪರ್ವ - ಅಧ್ಯಾಯ 074
॥ ಶ್ರೀಃ ॥
2.74. ಅಧ್ಯಾಯಃ 074
Mahabharata - Sabha Parva - Chapter Topics
ಯುಧಿಷ್ಠಿರಸಭಾಯಾಂ ದುರ್ಯೋಧನೇ ನಿರ್ಜಲದೇಶೇ ಜಲಭ್ರಮೇಣ ಪರಿಧಾನಮುತ್ಕರ್ಷತಿ ಸತಿ ತಥಾ ಸ ಜಲದೇಶೇ ಸ್ಥಲಭ್ರಾಂತ್ಯಾ ಭವನಧಾನಗಮನೇನ ಜಲೇ ಪತತಿ ಚ ಸತಿ ಭೀಮಾದಿಭಿರುಪಹಾಸಃ॥ 1॥ ಚಿಂತಾತಾಂತಂ ದುರ್ಯೋಧನಂ ಪ್ರತಿ ಶಕುನಿನಾ ಚಿಂತಾಹೇತುಪ್ರಶ್ನೇ ದುರ್ಯೋಧನೇನ ತತ್ಕಥನ ಪೂರ್ವಕಂ ಧೃತರಾಷ್ಟ್ರೇ ಸ್ವದುಃ ಶನಿವೇದನಾಯ ಶಕುನಿಂಪ್ರತಿ ಚೋದನಂ॥ 2॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ವಸಂದುರ್ಯೋಧನಸ್ತಸ್ಯಾಂ ಸಭಾಯಾಂ ಪುರುಷರ್ಷಭ।
ಶನೈರ್ದದರ್ಶ ತಾಂ ಸರ್ವಾಂ ಸಭಾಂ ಶಕುನಿನಾ ಸಹ॥ 2-74-1 (14231)
ತಸ್ಯಾಂ ದಿವ್ಯಾನಭಿಪ್ರಾಯಾಂದದರ್ಶ ಕುರುನಂದನಃ।
ನ ದೃಷ್ಟಪೂರ್ವಾ ಯೇ ತೇನ ನಗರೇ ನಾಗಸಾಹ್ವಯೇ॥ 2-74-2 (14232)
ಸ ಕದಾಚಿತ್ಸಭಾಮಧ್ಯೇ ಧಾರ್ತರಾಷ್ಟ್ರೋ ಮಹೀಪತಿಃ।
ಸ್ಫಾಟಿಕಂ ಸ್ಥಲಮಾಸಾದ್ಯ ಜಲಮಿತ್ಯಭಿಶಂಕಯಾ॥ 2-74-3 (14233)
ಸ್ವವಸ್ತ್ರೋತ್ಕರ್ಷಣಂ ರಾಜಾ ಕೃತವಾನ್ಬುದ್ಧಿಮೋಹಿತಃ।
ದುರ್ಮನಾ ವಿಮುಖಶ್ಚೈವ ಪರಿಚಕ್ರಾಮ ತಾಂ ಸಭಾಂ॥ 2-74-4 (14234)
ತತಃ ಸ್ಥಲೇ ನಿಪತಿತೋ ದುರ್ಮನಾ ವ್ರೀಡಿತೋ ನೃಪಃ।
ನಿಃ ಶ್ವಸನ್ವಿಮುಖಶ್ಚಾಪಿ ಪರಿಚಕ್ರಾಮ ತಾಂ ಸಭಾಂ॥ 2-74-5 (14235)
ತತಃ ಸ್ಫಾಟಿಕತೋಯಾಂ ವೈ ಸ್ಫಾಟಿಕಾಂಬುಜಶೋಭಿತಾಂ।
ವಾಪೀಂ ಮತ್ವಾ ಸ್ಥಲಮಿವ ಸವಾಸಾಃ ಪ್ರಾಪತಂಜಲೇ॥ 2-74-6 (14236)
ಜಲೇ ನಿಪತಿತಂ ದೃಷ್ಟ್ವಾ ಭೀಮಸೇನೋ ಮಹಾಬಲಃ।
ಜಹಾಸ ಜಹಸುಶ್ಚೈವ ಕಿಂಕರಾಶ್ಚ ಸುಯೋಧನಂ॥ 2-74-7 (14237)
ವಾಸಾಂಸಿ ಚ ಶುಭಾನ್ಯಸ್ಮೈ ಪ್ರದದೂ ರಾಜಶಾಸನಾತ್।
ತಥಾಗತಂ ತು ತಂ ದೃಷ್ಟ್ವಾ ಭೀಮಸೇನೋ ಮಹಾಬಲಃ॥ 2-74-8 (14238)
ಅರ್ಜುನಶ್ಚ ಯಮೌ ಚೋಭೌ ಸರ್ವೇ ತೇ ಪ್ರಾಹಸಂಸ್ತದಾ।
ನಾಮರ್ಷಯತ್ತತಸ್ತೇಷಾಮವಹಾಸಮಮರ್ಷಣಃ॥ 2-74-9 (14239)
ಆಕಾರಂ ರಕ್ಷಮಾಣಸ್ತು ನ ಸ ತಾನ್ಸಮುದೈಕ್ಷತ।
ಪುನರ್ವಸನಮುತ್ಕ್ಷಿಪ್ಯ ಪ್ರತಿರಿಷ್ಯನ್ನಿವ ಸ್ಥಲಂ॥ 2-74-10 (14240)
ಆರುರೋಹ ತತಃ ಸರ್ವೇ ಜಹಸುಶ್ಚ ಪುನರ್ಜನಾಃ।
ದ್ವಾರಂ ತು ಪಿಹಿತಾಕಾರಂ ಸ್ಫಾಟಿಕಂ ಪ್ರೇಕ್ಷ್ಯ ಭೂಮಿಪಃ।
ಪ್ರವಿಶನ್ನಾಹತೋ ಮೂರ್ಧ್ನಿ ವ್ಯಾಘೂರ್ಣಿತ ಇವ ಸ್ಥಿತಃ॥ 2-74-11 (14241)
ತಾದೃಶಂ ಚ ಪರಂ ದ್ವಾರಂ ಸ್ಫಾಟಿಕೋರುಕವಾಟಕಂ।
ವಿಘಟ್ಟಯನ್ಕರಾಭ್ಯಾಂ ತು ನಿಷ್ಕ್ರಂಯಾಗ್ರೇ ಪಪಾತ ಹಾ॥ 2-74-12 (14242)
ದ್ವಾರಂ ತು ವಿತತಾಕಾರಂ ಸಮಾಪೇದೇ ಪುನಶ್ಚ ಸಃ।
ತದ್ವೃತ್ತಂ ಚೇತಿ ಮನ್ವಾನೋ ದ್ವಾರಸ್ಥಾನಾದುಪಾರಮತ್॥ 2-74-13 (14243)
ಏವಂ ಪ್ರಲಂಭಾನ್ವಿವಿಧಾನ್ಪ್ರಾಪ್ಯ ತತ್ರ ವಿಶಾಂಪತೇ।
ಪಾಂಡವೇಯಾಭ್ಯನುಜ್ಞಾತಸ್ತತೋ ದುರ್ಯೋಧನೋ ನೃಪಃ॥ 2-74-14 (14244)
ಅಪಹೃಷ್ಟೇನ ಮನಸಾ ರಾಜಸೂಯೇ ಮಹಾಕ್ರತೌ।
ಪ್ರೇಕ್ಷ್ಯ ತಾಮದ್ಭುತಾಮೃದ್ಧಿಂ ಜಗಾಮ ಗಜಸಾಹ್ವಯಂ॥ 2-74-15 (14245)
ಪಾಂಡವಶ್ರೀಪ್ರತಪ್ತಸ್ಯ ಧ್ಯಾಯಮಾನಸ್ಯ ಗಚ್ಛತಃ।
ದುರ್ಯೋಧನಸ್ಯ ನೃಪತೇಃ ಪಾಪಾ ಮತಿರಜಾಯತ॥ 2-74-16 (14246)
ಪಾರ್ಥಾನ್ಸುಮನಸೋ ದೃಷ್ಟ್ವಾ ಪಾರ್ಥಿವಾಂಶ್ಚ ವಶಾನುಗಾನ್।
ಕೃತ್ಸ್ನಂ ಚಾಪಿ ಹಿತಂ ಲೋಕಮಾಕುಮಾರಂ ಕುರೂದ್ವಹ॥ 2-74-17 (14247)
ಮಹಿಮಾನಂ ಪರಂ ಚಾಪಿ ಪಾಂಡವಾನಾಂ ಮಹಾತ್ಮನಾಂ।
ದೂರ್ಯೋಧನೋ ಧಾರ್ತರಾಷ್ಟ್ರೋ ವಿವರ್ಣಃ ಸಮಪದ್ಯತ॥ 2-74-18 (14248)
ಸ ತು ಗಚ್ಛನ್ನನೇಕಾಗ್ನಃ ಸಭಾಮೇಕೋಽನ್ವಚಿಂತಯತ್।
ಶ್ರಿಯಂ ಚ ತಾಮನುಪಮಾಂ ಧರ್ಮರಾಜಸ್ಯ ಧೀಮತಃ॥ 2-74-19 (14249)
ಪ್ರಮತ್ತೋ ಧೃತರಾಷ್ಟ್ರಸ್ಯ ಪುತ್ರೋ ದುರ್ಯೋಧನಸ್ತದಾ।
ನಾಭ್ಯಭಾಷತ್ಸುಬಲಜಂ ಭಾಷಮಾಣಂ ಪುನಃ ಪುನಃ॥ 2-74-20 (14250)
ಅನೇಕಾಗ್ರಂ ತು ತಂ ದೃಷ್ಟ್ವಾ ಶಕುನಿಃ ಪ್ರತ್ಯಭಾಷತ।
ದುರ್ಯೋಧನ ಕೃತೋಮೂಲಂ ನಿಃಶ್ವಸನ್ನಿವ ಗಚ್ಛಸಿ॥ 2-74-21 (14251)
ದುರ್ಯೋಧನ ಉವಾಚ॥ 2-74-22x (1513)
ದೃಷ್ಟ್ವೇಮಾಂ ಪೃಥಿವೀಂ ಕೃತ್ಸ್ನಾಂ ಯುಧಿಷ್ಠಿರವಶಾನುಗಾಂ।
ಜಿತಾಮಸ್ತ್ರಪ್ರತಾಪೇನ ಶ್ವೇತಾಶ್ವಸ್ಯ ಮಹಾತ್ಮನಃ॥ 2-74-22 (14252)
ತಂ ಚ ಯಜ್ಞಂ ತಥಾಭೂತಂ ದೃಷ್ಟ್ವಾ ಪಾರ್ಥಸ್ಯ ಮಾತುಲ।
ಯಥಾ ಶಕ್ರಸ್ಯ ದೇವೇಷು ತಥಾಭೂತಂ ಮಹಾದ್ಯುತೇಃ॥ 2-74-23 (14253)
ಅಮರ್ಷೇಣ ತು ಸಂಪೂರ್ಣೋ ದಹ್ಯಮಾನೋ ದಿವಾನಿಶಂ।
ಶುಚಿಶುಕ್ರಾಗಮೇ ಕಾಲೇ ಶುಷ್ಯೇ ತೋಯಮಿವಾಲ್ಪಕಂ॥ 2-74-24 (14254)
ಪಶ್ಯ ಸಾತ್ವತಮುಖ್ಯೇನ ಶಿಶುಪಾಲೋ ನಿಪಾತಿತಃ।
ನ ಚ ತತ್ರ ಪುಮಾನಾಸೀತ್ಕಶ್ಚಿತ್ತಸ್ಯ ಪದಾನುಗಃ॥ 2-74-25 (14255)
ದಹ್ಯಮಾನಾ ಹಿ ರಾಜಾನಃ ಪಾಂಡವೋತ್ಥೇನ ವಹ್ನಿನಾ।
ಕ್ಷಾಂತವಂತೋಽಪರಾಧಂ ತೇ ಕೋ ಹಿ ತತ್ಕ್ಷಂತುಮರ್ಹತಿ॥ 2-74-26 (14256)
ವಾಸುದೇವೇನ ತತ್ಕರ್ಮ ಯಥಾಽಯುಕ್ತಂ ಮಹತ್ಕೃತಂ।
ಸಿದ್ಧಂ ಚ ಪಾಂಡುಪುತ್ರಾಣಾಂ ಪ್ರತಾಪೇನ ಮಹಾತ್ಮನಾಂ॥ 2-74-27 (14257)
ತಥಾಹಿ ರತ್ನನ್ಯಾದಾಯ ವಿವಿಧಾನಿ ನೃಪಾ ನೃಪಂ।
ಉಪಾತಿಷ್ಠಂತ ಕೌನ್ಯೇಯಂ ವೈಶ್ಯಾ ಇವ ಕರಪ್ರದಾಃ॥ 2-74-28 (14258)
ಶ್ರಿಯಂ ತಥಾಗತಂ ದೃಷ್ಟ್ವಾ ಜ್ವಲಂತೀಮಿವ ಪಾಂಡವೇ।
ಅಮರ್ಷವಶಮಾಪನ್ನೋ ದಹ್ಯಾಮಿ ನ ತಥೋಚಿತಃ॥ 2-74-29 (14259)
ವಹ್ನಿಮೇವ ಪ್ರವೇಕ್ಷ್ಯಾಮಿ ಭಕ್ಷಯಿಷ್ಯಾಮಿ ವಾ ವಿಷಂ।
ಅಪೋ ವಾಪಿ ಪ್ರವೇಕ್ಷ್ಯಾಮಿನ ಹಿ ಶಕ್ಷ್ಯಾಮಿ ಜೀವಿತುಂ॥ 2-74-30 (14260)
ಕೋ ಹಿ ನಾಮ ಪುಮಾಂಲ್ಲೋಕೇ ಮರ್ಷಯಿಷ್ಯತಿ ಸತ್ವವಾನ್।
ಸಪತ್ನಾನೃದ್ಧ್ಯತೋ ದೃಷ್ಟ್ವಾ ಹೀನಮಾತ್ಮಾನಮೇವ ಚ॥ 2-74-31 (14261)
ಸೋಽಹಂ ನ ಸ್ತ್ರೀ ನ ಚಾಪ್ಯಸ್ತ್ರೀ ನ ಪುಮಾನ್ನಾಪುಮಾನಪಿ।
ಯೋಽಹಂ ತಾಂ ಮರ್ಷಯಾಂಯದ್ಯ ತಾದೃಶೀಂ ಶ್ರಿಯಮಾಗತಾಂ॥ 2-74-32 (14262)
ಈಶ್ವರತ್ವಂ ಪೃಥಿವ್ಯಾಶ್ಚ ವಸುಮತ್ತಾಂ ಚ ತಾದೃಶೀಂ।
ಯಜ್ಞಂ ಚ ತಾದೃಶಂ ದೃಷ್ಟ್ವಾ ಮಾದೃಶಃ ಕೋ ನ ಸಂಂಜ್ವರೇತ್॥ 2-74-33 (14263)
ಅಶಕ್ತಶ್ಚೈಕ ಏವಾಹಂ ತಾಮಾಹರ್ತುಂ ನೃಪಶ್ರಿಯಂ।
ಸಹಾಯಾಂಶ್ಚ ನ ಪಶ್ಯಾಮಿ ತೇನ ಮೃತ್ಯುಂ ವಿಚಿಂತಯೇ॥ 2-74-34 (14264)
ದೈವಮೇವ ಪರಂ ಮನ್ಯೇ ಪೌರುಷಂ ಚ ನಿರರ್ಥಕಂ।
ದೃಷ್ಟ್ವಾ ಕುಂತೀಸುತೇ ಶುದ್ಧಾಂ ಶ್ರಿಯಂ ತಾಮಹತಾಂ ತಥಾ॥ 2-74-35 (14265)
ಕೃತೋ ಯತ್ನೋ ಮಯಾ ಪೂರ್ವಂ ವಿನಾಶೇ ತಸ್ಯ ಸೌಬಲ।
ತಚ್ಚ ಸರ್ವಮತಿಕ್ರಂಯ ಸಂವೃದ್ಧೋಽಪ್ಸ್ವಿವ ಪಂಗಜಂ॥ 2-74-36 (14266)
ತೇನ ದೈವಂ ಪರಂ ಮನ್ಯೇ ಪೌರುಷಂ ಚ ನಿರರ್ಥಕಂ।
ಧಾರ್ತರಾಷ್ಟ್ರಾಶ್ಚ ಹೀಯಂತೇ ಪಾರ್ಥಾ ವರ್ಧಂತಿ ನಿತ್ಯಶಃ। 2-74-38c`ಕೃಷ್ಣಸ್ತು ಸುಮನಾಸ್ತೇಷಾಂ ವಿವರ್ಧಯತಿ ಸಂಪದಃ'॥ 2-74-37 (14267)
ಸೋಽಹಂ ಶ್ರಿಯಂ ಚ ತಾಂ ದೃಷ್ಟ್ವಾ ಸಭಾಂ ತಾಂ ಚ ತಥಾವಿಧಾಂ।
ರಕ್ಷಿಭಿಶ್ಚಾವಹಾಸಂ ತಂ ಪರಿತಪ್ಯೇ ಯಥಾಽಗ್ನಿನಾ॥ 2-74-38 (14268)
ಅಮರ್ಷಂ ಚ ಸಮಾವಿಷ್ಟಂ ಧೃತರಾಷ್ಟ್ರೇ ನಿವೇದಯ॥ ॥ 2-74-39 (14269)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದ್ಯೂತಪರ್ವಣಿ ಚತುಃಸಪ್ತತಿತಮೋಽಧ್ಯಾಯಃ॥ 74॥
ಸಭಾಪರ್ವ - ಅಧ್ಯಾಯ 075
॥ ಶ್ರೀಃ ॥
2.75. ಅಧ್ಯಾಯಃ 075
Mahabharata - Sabha Parva - Chapter Topics
ಶಕುನಿನಾ ದುರ್ಯೋಧನಂಪ್ರತಿ ಪಾಂಡವಾನಾಂ ಪೌರುಷೇಣಾಜಯ್ಯತ್ವಕಥನಪೂರ್ವಕಂ ದ್ಯೂತೇನ ಜೇಷ ್ಯಾಮೀತಿ ಸಮಾಶ್ವಾಸನಾದಿಕಂ॥ 1॥Mahabharata - Sabha Parva - Chapter Text
ಶಕುನಿರುವಾಚ॥
ದುರ್ಯೋಧನ ನ ತೇಽಮರ್ಷಃ ಕಾರ್ಯಃ ಪ್ರತಿ ಯುಧಿಷ್ಠಿರಂ।
ಭಾಗಧೇಯಾನಿ ಹಿ ಸ್ವಾನಿ ಪಾಂಡವಾ ಭುಂಜತೇ ಸದಾ॥ 2-75-1 (14270)
ವಿಧಾನಂ ವಿವಿಧಾಕಾರಂ ಪರಂ ತೇಷಾಂ ವಿಧಾನತಃ।
ಅನೇಕೈರಭ್ಯುಪಾಯೈಶ್ಚ ತ್ವಯಾ ನ ಶಕಿತಾಃ ಪುರಾ॥ 2-75-2 (14271)
ಆರಬ್ಧಾ ಹಿ ಮಹಾರಾಜ ಪುನಃ ಪುನರರಿಂದಮ।
ವಿಮುಕ್ತಾಶ್ಚ ನರವ್ಯಾಘ್ರಾ ಭಗಧೇಯಪುರಸ್ಕೃತಾಃ।
`ಉತ್ಸಾಹವಂತಃ ಪುರುಷಾ ನಾವಸೀದಂತಿ ಕರ್ಮಸು'॥ 2-75-3 (14272)
ತೈರ್ಲಬ್ಧಾ ದ್ರೌಪದೀ ಭಾರ್ಯಾ ದ್ರುಪದಶ್ಚ ಸುತೈಃ ಸಹ।
ಸಹಾಯಾಃ ಪೃಥಿವೀಪಾಲಾ ವಾಸುದೇವಶ್ಚ ವೀರ್ಯವಾನ್॥ 2-75-4 (14273)
ಲಬ್ಧಶ್ಚಾನಭಿಭೂತಾರ್ಥೈಃ ಪಿತ್ರ್ಯೋಂಶಃ ಪೃಥಿವೀಪತೇ।
ವಿವೃದ್ಧಸ್ತೇಜಸಾ ತೇಷಾಂ ತತ್ರ ಕಾ ಪರಿದೇವನಾ॥ 2-75-5 (14274)
ಧನಂಜಯೇನ ಗಾಂಡೀವಮಕ್ಷಯ್ಯೌ ಚ ಮಹೇಷುಧೀ।
ಲಬ್ಧಾನ್ಯಸ್ತ್ರಾಣಿ ದಿವ್ಯಾನಿ ತೋಷಯಿತ್ವಾ ಹುತಾಶನಂ॥ 2-75-6 (14275)
ತೇನ ಕಾರ್ಮುಕಮುಖ್ಯೇನ ಬಾಹುವೀರ್ಯೇಣ ಚಾತ್ಮನಃ।
ಕೃತಾ ವಶೇ ಮಹೀಪಾಲಾಸ್ತತ್ರ ಕಾ ಪರಿದೇವನಾ॥ 2-75-7 (14276)
ಅಗ್ನಿದಾಹಾನ್ಮಯಂ ಚಾಪಿ ಮೋಕ್ಷಯಿತ್ವಾ ಸ ದಾನವಂ।
ಸಭಾಂ ತಾಂ ಕಾರಯಾಮಾಸ ಸವ್ಯಸಾಚೀ ಪರಂತಪಃ॥ 2-75-8 (14277)
ತೇನ ಚೈವ ಮಯೇನೋಕ್ತಾಃ ಕಿಂಕರಾ ನಾಮ ರಾಕ್ಷಸಾಃ।
ವಹಂತಿ ತಾಂ ಸಭಾಂ ಭೀಮಾಸ್ತತ್ರ ಕಾ ಪರಿದೇವನಾ॥ 2-75-9 (14278)
ಯಚ್ಚಾಸಹಾಯತಾಂ ರಾಜನ್ನುಕ್ತವಾನಸಿ ಭಾರತ।
ತನ್ಮಿಥ್ಯಾ ಭ್ರಾತರೋ ಹೀಮೇ ತವ ಸರ್ವೇ ವಶಾನುಗಾಃ॥ 2-75-10 (14279)
ದ್ರೋಣಸ್ತವ ಮಹೇಷ್ವಾಸಃ ಸಹ ಪುತ್ರೇಣ ವೀರ್ಯವಾನ್।
ಮೂತಪುತ್ರಶ್ಚ ರಾಧೇಯೋ ದೃಢಧನ್ವಾ ಮಹಾರಥಃ॥ 2-75-11 (14280)
`ಸ ಏಕಃ ಸಮರೇ ಸರ್ವಾನ್ಪಾಂಡವಾನ್ಸಹಸೋಮಕಾನ್।
ವಿಜೇಷ್ಯತಿ ಮಹಾಬಾಹೋ ಕಿಂ ಸಹಾಯೈಃ ಕರಿಷ್ಯಸಿ॥ 2-75-12 (14281)
ಭೀಷ್ಮಶ್ಚ ಪುರುಷವ್ಯಾಘ್ರೋ ಗೌತಮಶ್ಚ ಮಹಾರಥಃ।
ಜಯದ್ರಥಶ್ಚ ಬಲಾವಾನ್ಸೋಮದತ್ತಸ್ತಥೈವ ಚ'॥ 2-75-13 (14282)
ಅಹಂ ಚ ಸಹ ಸೋದರ್ಯೈಃ ಸೌಮದತ್ತಿಶ್ಚ ಪಾರ್ಥಿವಃ।
ಏತೈಸ್ತ್ವಂ ಸಹಿತಃ ಸರ್ವೈರ್ಜಯ ಕೃತ್ಸ್ನಂ ವಸುಂದರಾಂ॥ 2-75-14 (14283)
ದುರ್ಯೋಧನ ಉವಾಚ। 2-75-15x (1514)
ತ್ವಯಾ ಚ ಸಹಿತೋ ರಾಜನ್ನೇತೈಶ್ಚಾನ್ಯೈರ್ಮಹಾರಥೈಃ।
ಏತಾನಹಂ ವಿಜೇಷ್ಯಾಮಿ ಯದಿ ತ್ವಮನುಮನ್ಯಸೇ॥ 2-75-15 (14284)
ಏತೇಷು ವಿಜಿತೇಷ್ವದ್ಯ ಭವಿಷ್ಯತಿ ಮಹೀ ಮಮ।
ಸರ್ವೇ ಚ ಪೃಥಿವೀಪಾಲಾಃ ಸಭಾ ಸಾ ಚ ಮಹಾಧನಾ॥ 2-75-16 (14285)
ಶಕುನಿರುವಾಚ॥ 2-75-17x (1515)
ಧನಂಜಯೋ ವಾಸುದೇವೋ ಭೀಮಸೇನೋ ಯುಧಿಷ್ಠಿರಃ।
ನಕುಲಃ ಸಹದೇವಶ್ಚ ದ್ರುಪದಶ್ಚ ಸಹಾತ್ಮಜೈಃ॥ 2-75-17 (14286)
ನೈತೇ ಯುಧಿ ಪರಾಜೇತುಂ ಶಕ್ಯಾ ದೇವಗಣೈರಪಿ।
ಮಹಾರಥಾ ಮಹೇಷ್ವಾಸಾಃ ಕೃತಾಸ್ತ್ರಾ ಯುದ್ಧದುರ್ಮದಾಃ॥ 2-75-18 (14287)
ಅಹಂ ತು ತದ್ವಿಜಾನಾಮಿ ವಿಜೇತುಂ ಯೇನ ಶಕ್ಯತೇ।
ಯುಧಿಷ್ಠಿರಂ ಸ್ವಯಂ ರಾಜಂಸ್ತನ್ನಿಬೋಧ ಜುಷಸ್ವ ಚ॥ 2-75-19 (14288)
ದುರ್ಯೋಧನ ಉವಾಚ॥ 2-75-20x (1516)
ಅಪ್ರಮಾದೇನ ಸುಹೃದಾಮನ್ಯೇಷಾಂ ಚ ಮಹಾತ್ಮನಾಂ।
ಯದಿ ಶಕ್ಯಾ ವಿಜೇತುಂ ತೇ ತನ್ಮಮಾಚಕ್ಷ್ವ ಮಾತುಲ॥ 2-75-20 (14289)
ಶಕುನಿರುವಾಚ। 2-75-21x (1517)
ದ್ಯೂತಪ್ರಿಯಶ್ಚ ಕೌಂತೇಯೋ ನ ಸ ಜಾನಾತಿ ದೇವಿತುಂ।
ಸಮಾಹೂತಶ್ಚ ರಾಜೇಂದ್ರೋ ನ ಶಕ್ಷ್ಯತಿ ತಿವರ್ತಿತುಂ॥ 2-75-21 (14290)
ದೇವನೇ ಕುಶಲಶ್ಚಾಹಂ ನ ಮೇಽಸ್ತಿ ಸದೃಶೋ ಭುವಿ।
ತ್ರಿಷು ಲೋಕೇಷು ಕೌರವ್ಯ ತಂ ತ್ವಂ ದ್ಯೂತೇ ಸಮಾಹ್ವಯ॥ 2-75-22 (14291)
ತಸ್ಯಾಕ್ಷಕುಶಲೋ ರಾಜನ್ನಾದಾಸ್ಯೇಽಹಮಸಂಶಯಂ।
ರಾಜ್ಯಂ ಶ್ರಿಯಂ ಚ ತಾಂ ದೀಪ್ತಾಂ ತ್ವದರ್ಥಂ ಪುರುಷರ್ಷಭ॥ 2-75-23 (14292)
ಇದಂ ತು ಸರ್ವಂ ತ್ವಂ ರಾಜ್ಞೇ ದುರ್ಯೋಧನ ನಿವೇದಯ।
ಅನುಜ್ಞಾತಸ್ತು ತೇ ಪಿತ್ರಾ ವಿಜೇಷ್ಯೇ ತಾನ್ನ ಸಂಶಯಃ॥ 2-75-24 (14293)
ದುರ್ಯೋಧನ ಉವಾಚ। 2-75-25x (1518)
ತ್ವಮೇವ ಕರುಮುಖ್ಯಾಯ ಧೃತರಾಷ್ಟ್ರಾಯ ಸೌಬಲ।
ನಿವೇದಯ ಯಥಾನ್ಯಾಯಂ ನಾಹಂ ಶಕ್ಷ್ಯೇ ನಿವೇದಿತುಂ॥ ॥ 2-75-25 (14294)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದ್ಯೂತಪರ್ವಣಿ ಪಂಚಸಪ್ತತಿತಮೋಽಧ್ಯಾಯಃ॥75 ॥
ಸಭಾಪರ್ವ - ಅಧ್ಯಾಯ 076
॥ ಶ್ರೀಃ ॥
2.76. ಅಧ್ಯಾಯಃ 076
Mahabharata - Sabha Parva - Chapter Topics
ಶಕುನಿನಾ ದುರ್ಯೋಧನಸ್ಯ ಚಿಂತಯಾ ಕಾರ್ಶ್ಯಾದಿಕಂ ಬೋಧಿತೇನ ಧೃತರಾಷ್ಟ್ರೇಣ ದುರ್ಯೋಧನಂ ಪ್ರತಿ ಚಿಂತಾಕಾರಣಪ್ರಶ್ನಃ॥ 1॥ ದುರ್ಯೋಧನೇನ ತತ್ಕಥನಪುರ್ವಕಂ ಧೃತರಾಷ್ಟ್ರಂ ಪ್ರತಿ ದ್ಯೂತಾಭ್ಯನುಜ್ಞಾನಪ್ರಾರ್ಥನಂ॥ 2॥ ಧೃತರಾಷ್ಟ್ರೇಣ ದ್ಯೂತಸಭಾನಿರ್ಮಾಣಾಜ್ಞಾಪನಪೂರ್ವಕಂ ಪಾಂಡವಾನಯನಾಯ ವಿದುರಂ ಪ್ರತಿ ಚೋದ ನಂ॥ 3॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ಅನುಭೂಯ ತು ರಾಜ್ಞಸ್ತಂ ರಾಜಸೂಯಂ ಸುದುರ್ಮತಿಃ।
`ಯುಧಿಷ್ಠಿರಸ್ಯ ಶಕುನಿರ್ದುರ್ಯೋಧಸುಸಂಯುತಃ॥ 2-76-1 (14295)
ವಿವೇಶ ಹಾಸ್ತಿನಪುರಂ ದುರ್ಯೋಧನಮತೇನ ಸಃ।
ವಾಢಮಿತ್ಯೇವ ಶಕುನಿರ್ದೃಢಂ ಹೃದಿ ಚಕಾರ ಹ॥ 2-76-2 (14296)
ಅಸ್ವಸ್ಥತಾಂ ಚತಾಂ ದೃಷ್ಟ್ವಾ ಧಾರ್ತರಾಷ್ಟ್ರಸ್ಯ ಪಾಪಕೃತ್।
ಭಾರತಾನಾಂ ಚ ದುಷ್ಟಾತ್ಮಾ ಕ್ಷಯಾಯ ಹಿ ನೃಪಕ್ಷಯಃ'॥ 2-76-3 (14297)
ಪ್ರಿಯಕೃನ್ಮತಮಾಜ್ಞಾಯ ಪೂರ್ವಂ ದುರ್ಯೋಧನಸ್ಯ ತತ್।
ಪ್ರಜ್ಞಾಚಕ್ಷುಷಮಾಸೀನಂ ಶಕುನಿಃ ಸೌಬಲಸ್ತದಾ॥ 2-76-4 (14298)
ದುರ್ಯೋಧನವಚಃ ಶ್ರುತ್ವಾ ಧೃತರಾಷ್ಟ್ರಂ ಜನಾಧಿಪಂ।
ಉಪಗಂಯ ಮಹಾಪ್ರಾಜ್ಞಂ ಶಕುನಿರ್ವಾಕ್ಯಮಬ್ರವೀತ್॥ 2-76-5 (14299)
ಶಕುನಿರುವಾಚ। 2-76-6x (1519)
ದುರ್ಯೋಧನೋ ಮಹಾರಾಜ ವಿವರ್ಣೋ ಹರಿಣಃ ಕೃಶಃ।
ದೀನಶ್ಚಿಂತಾಪರಶ್ಚೈವ ತಂ ವಿದ್ಧಿ ಮನುಜಾಧಿಪ॥ 2-76-6 (14300)
ನ ವೈ ಪರೀಕ್ಷಸೇ ಸಂಯಗಸಹ್ಯಂ ಶತ್ರುಸಂಭವಂ।
ಜ್ಯೇಷ್ಠಪುತ್ರಸ್ಯ ಹೃಚ್ಛೋಕಂ ಕಿಮರ್ಥಂ ನಾವಬುಧ್ಯಸೇ॥ 2-76-7 (14301)
`ಏವಮುಕ್ತಃ ಶಕುನಿನಾ ಧೃತರಾಷ್ಟ್ರೋ ಜನೇಶ್ವರಃ।
ದುರ್ಯೋಧನಂ ಸಮಾಹೂಯಂ ಇದಂ ವಚನಮಬ್ರವೀತ್'॥ 2-76-8 (14302)
ಧೃತರಾಷ್ಟ್ರ ಉವಾಚ। 2-76-9x (1520)
ದುರ್ಯೋಧನ ಕೃತೋಮೂಲಂ ಭೃಶಮಾರ್ತೋಽಸಿ ಪುತ್ರಕ।
ಶ್ರೋತವ್ಯಶ್ಚೇನ್ಮಯಾ ಸೋಽರ್ಥೋ ಬ್ರೂಹಿ ಮೇ ಕುರುನಂದನ॥ 2-76-9 (14303)
ಅಯಂ ತ್ವಾಂ ಶಕುನಿಃ ಪ್ರಾಹ ವಿವರ್ಣಂ ಹರಿಮಂ ಕೃಶಂ।
ಚಿಂತಯಂಶ್ಚ ನ ಪಶ್ಯಾಮಿ ಶೋಕಸ್ಯ ತವ ಸಂಭವಂ॥ 2-76-10 (14304)
ಐಶ್ವರ್ಯಂ ಹಿ ಮಹತ್ಪುತ್ರ ತ್ವಯಿ ಸರ್ವಂ ಪ್ರತಿಷ್ಠಿತಂ।
ಭ್ರಾತರಃ ಸುಹೃದಶ್ಚೈವ ನಾಚರಂತಿ ತವಾಪ್ರಿಯಂ॥ 2-76-11 (14305)
ಆಚ್ಛಾದಯಸಿ ಪ್ರಾವಾರಾನಶ್ನಾಸಿ ಪಿಶಿತೌದನಂ।
ಆಜಾನೇಯಾ ವಹಂತ್ಯಶ್ವಾಃ ಕೇನಾಸಿ ಹರಿಣಃ ಕೃಶಃ॥ 2-76-12 (14306)
ಶಯನಾನಿ ಮಹಾರ್ಹಾಣಿ ಯೋಷಿತಶ್ಚ ಮನೋರಮಾಃ।
ಗುಣವಂತಿ ಚ ವೇಶ್ಮಾನಿ ವಿಹಾರಾಶ್ಚ ಯಥಾಸುಖಂ॥ 2-76-13 (14307)
ದೇವನಾಮಿವ ತೇ ಸರ್ವಂ ವಾಚಿ ಬದ್ಧಂ ನ ಸಂಶಯಃ।
ಸ ದೀನ ಇವ ದುರ್ಧರ್ಷ ಕಸ್ಮಾಚ್ಛೋಚಸಿ ಪುತ್ರಕ॥ 2-76-14 (14308)
`ಮಾತ್ರಾ ಪಿತ್ರಾ ಚ ಪುತ್ರಸ್ಯ ಯದ್ವೈ ಕಾರ್ಯಂ ಪರಂ ಸ್ಮೃತಂ।
ಪ್ರಾಪ್ತಸ್ತ್ವಮಸಿ ತತ್ತಾತ ನಿಖಿಲಾಂ ನಃ ಕುಲಶ್ರಿಯಂ॥ 2-76-15 (14309)
ಉಪಸ್ಥಿತಃ ಸರ್ವಕಾಮೈಸ್ತ್ರಿದಿವೇ ವಾಸವೋ ಯಥಾ।
ವಿವಿಧೈರನ್ನಪಾನೈಶ್ಚ ಪ್ರವರೈಃ ಕಿಂ ನು ಶೋಚಸಿ॥ 2-76-16 (14310)
ನಿರುಕ್ತಂ ನಿಗಮಂ ಛಂದಃ ಷಡಂಗಾನ್ಯಸ್ತ್ರಶಾಸ್ತ್ರವಾನ್।
ಅಧೀತೀ ಕೃತವಿದ್ಯಸ್ತ್ವಂ ದಶವ್ಯಾಕರಣೈಃ ಕೃಪಾತ್॥ 2-76-17 (14311)
ಹಲಾಯುಧಾತ್ಕೃಪಾದ್ದ್ರೋಣಾದಸ್ತ್ರವಿದ್ಯಾಮಧೀತವಾನ್।
ಭ್ರಾತಾಜ್ಯೇಷ್ಠಃ ಸ್ಥಿತೋ ರಾಜ್ಯೇ ಕಿಮು ಶೋಚಸಿ ಪುತ್ರಕ॥ 2-76-18 (14312)
ಪೃಥಗ್ಜನೈರಲಭ್ಯಂ ಯದಶನಾಚ್ಛಾದನಂ ಬಹು।
ಪ್ರಭುಃ ಸನ್ಭುಂಜಸೇ ಪುತ್ರ ಸಂಸ್ತುತಃ ಸೂತಮಾಗಧೈಃ॥ 2-76-19 (14313)
ತಸ್ಯ ತೇ ವಿದಿತಪ್ರಜ್ಞ ಶೋಕಮೂಲಮಿದಂ ಕಥಂ।
ಲೋಕೇಸ್ಮಿಂಜ್ಯೇಷ್ಠಭಾಗನ್ಯಸ್ತನ್ಮಮಾಚಕ್ಷ್ವ ಪೃಚ್ಛತಃ॥ 2-76-20 (14314)
ವೈಶಂಪಾಯನ ಉವಾಚ॥ 2-76-21x (1521)
ತಸ್ಯ ತದ್ವಚನಂ ಶ್ರುತ್ವಾ ಮಂದಃ ಕ್ರೋಧವಶಾನುಗಃ।
ಪಿತರಂ ಪ್ರತ್ಯುವಾಚೇದಂ ಸ್ವಮತಿಂ ಸಂಪ್ರಕಾಶಯನ್ '॥ 2-76-21 (14315)
ದುರ್ಯೋಧನ ಉವಾಚ॥ 2-76-22x (1522)
ಅಶ್ನಾಂಯಾಚ್ಛಾದಯೇ ಚಾಹಂ ಯಥಾ ಕುಪುರುಷಸ್ತಥಾ।
ಅಮರ್ಷಂ ಧಾರಯೇ ಚೋಗ್ರಂ ನಿನೀಷುಃ ಕಾಲಪರ್ಯಯಂ॥ 2-76-22 (14316)
ಅಮರ್ಷಣಃ ಸ್ವಾಃ ಪ್ರಕೃತೀರಭಿಭೂಯ ಪರಂ ಸ್ಥಿತಃ।
ಕ್ಲೇಶಾನ್ಮುಮುಕ್ಷುಃ ಪರಜಾನ್ಸ ವೈ ಪುರುಷ ಉಚ್ಯತೇ॥ 2-76-23 (14317)
ಸಂತೋಷೋ ವೈ ಶ್ರಿಯಂ ಹಂತಿ ಹ್ಯಭಿಮಾನಂ ಚ ಭಾರತ।
ಅನುಕ್ರೋಶಭಯೇ ಚೋಭೇ ಯೈರ್ವೃತೋ ನಾಶ್ನುತೇ ಮಹತ್॥ 2-76-24 (14318)
ನ ಮಾಂ ಪ್ರೀಣಾತಿ ಮದ್ಭುಕ್ತಂ ಶ್ರಿಯಂ ದೃಷ್ಟ್ವಾ ಯುಧಿಷ್ಠೇರೇ।
ಅತಿಜ್ವಲಂತೀಂ ಕೌಂತೇಯೇ ವಿವರ್ಣಕರಣೀಂ ಮಮ॥ 2-76-25 (14319)
ಸಪತ್ನಾನೃದ್ವ್ಯತೋತ್ಮಾನಂ ಹೀಯಮಾನಂ ನಿಶಾಂಯ ಚ।
ಅದೃಶ್ಯಾಮಪಿ ಕೌಂತೇಯ ಶ್ರಿಯಂ ಪಶ್ಯನ್ನಿವೋದ್ಯತಾಂ॥ 2-76-26 (14320)
ತಸ್ಮಾದಹಂ ವಿವರ್ಣಶ್ಚ ದೀನಶ್ಚ ಹರಿಮಃ ಕೃಶಃ।
ಅಷ್ಟಾಶೀತಿಸಹಸ್ರಾಣಿ ಸ್ನಾತಕಾ ಗೃಹಮೇಧಿನಃ॥ 2-76-27 (14321)
ತ್ರಿಂಶದ್ದಾಸೀಕ ಏಕೈಕೋ ಯಾನ್ಬಿಭರ್ತಿ ಯುಧಿಷ್ಠಿರಃ।
ದಶಾನ್ಯಾನಿ ಸಹಸ್ರಾಣಿ ಯತೀನಾಮೂರ್ಧ್ವರೇತಸಾಂ।
ಭುಂಜತೇ ರುಕ್ಮಪಾತ್ರೀಭಿರ್ಯುಧಿಷ್ಠಿರನಿವೇಶನೇ॥ 2-76-28 (14322)
ಕದಲೀಮೃಗಮೋಕಾನಿ ಕೃಷ್ಣಶ್ಯಾಮಾರುಣಾನಿ ಚ।
ಕಾಂಭೋಜಃ ಪ್ರಾಹಿಣೋತ್ತಸ್ಮೈ ಪರಾರ್ಧ್ಯಾನಪಿ ಕಂಬಲಾನ್।
ಗಜಯೋಷಿದ್ಗವಾಶ್ವಸ್ಯ ಶತಶೋಽಥ ಸಹಸ್ರಶಃ॥ 2-76-29 (14323)
ತ್ರಿಶತಂ ಚೋಷ್ಟ್ರವಾಮೀನಾಂ ಶತಾನಿ ವಿಚರಂತ್ಯುತ।
ರಾಜನ್ಯಾ ಬಲಿಮಾದಾಯ ಸಮೇತಾ ಹಿ ನೃಪಕ್ಷಯೇ॥ 2-76-30 (14324)
ಪೃಥಗ್ವಿಧಾನಿ ರತ್ನಾನ ಪಾರ್ಥಿವಾಃ ಪೃಥಿವೀಪತೇ।
ಆಹರನ್ಕ್ರತುಮುಖ್ಯೇಽಸ್ಮಿನ್ಕುಂತೀಪುತ್ರಾಯ ಭೂರಿಶಃ॥ 2-76-31 (14325)
ನ ಕ್ವಚಿದ್ಧಿ ಮಯಾ ತಾದೃಗ್ದೃಷ್ಟಪೂರ್ವೋ ನ ಚ ಶ್ರುತಃ।
ಯಾದೃಗ್ಧನಾಗಮೋ ಯಜ್ಞೇ ಪಾಂಡುಪುತ್ರಸ್ಯ ಧೀಮತಃ॥ 2-76-32 (14326)
`ಅಸತ್ಯಂ ಚೇದಿದಂ ಸರ್ವಂ ಸಂಜಯಂ ಪ್ರಷ್ಟುಮರ್ಹಸಿ'।
ಅಪರ್ಯಂತಂ ಧನೌಘಂ ತಂ ದೃಷ್ಟ್ವಾ ಶತ್ರೋರಹಂ ನೃಪ।
ಶರ್ಮ ನೈವಾಭಿಗಚ್ಛಾಮಿ ಚಿಂತಯಾನೋ ವಿಶಾಂಪತೇ॥ 2-76-33 (14327)
ಬ್ರಹ್ಮಣಾ ವಾಟಧಾನಾಶ್ಚ ಗೋಮಂತಃ ಶತಸಂಘಶಃ।
ತ್ರಿಖರ್ವಂ ಬಲಿಮಾದಾಯ ದ್ವಾರಿ ತಿಷ್ಠಂತಿ ವಾರಿತಾಃ॥ 2-76-34 (14328)
ಕಮಂಡಲೂನುಪಾದಾಯ ಜಾತರೂಪಮಯಾಞ್ಶುಭಾನ್।
ತ್ರೈಖರ್ವಾಃ ಪ್ರತಿವೇದ್ಯಾಸ್ಮೈ ಲೇಭಿರೇಽಥ ಪ್ರವೇಶನಂ॥ 2-76-35 (14329)
ಯಥೈವ ಮಧು ಶಕ್ರಾಯ ಧಾರಯಂತ್ಯಮರಸ್ತ್ರಿಯಟಃ।
ತದಸ್ಮೈ ಕಾಂಸ್ಯಮಾಹಾರ್ಷೀದ್ವಾರುಣಂ ಕಲಶೋದಧಿಃ॥ 2-76-36 (14330)
ಶಂಖಪ್ರವರಮಾದಾಯ ವಾಸುದೇವೋಽಭಿಷಿಕ್ತವಾನ್।
ಶಕ್ಯಂ ರುಕ್ಮಸಹಸ್ರಸ್ಯ ಬಹುರತ್ನವಿಭೂಷಿತಂ॥ 2-76-37 (14331)
ದೃಷ್ಟ್ವಾ ಚ ಮಮ ತತ್ಸರ್ವಂ ಜ್ವರರೂಪಮಿವಾಭವತ್।
ಗೃಹೀತ್ವಾ ತತ್ತು ಗಚ್ಛಂತಿ ಸಮುದ್ರೌ ಪೂರ್ವದಕ್ಷಿಣೌ॥ 2-76-38 (14332)
ತಥೈವ ಪಶ್ಚಿಮಂ ಯಾಂತಿ ಗೃಹೀತ್ವಾ ಭರತರ್ಷಭ।
ಉತ್ತರಂ ತು ನ ಗಚ್ಛಂತಿ ವಿನಾ ತಾತ ಪತತ್ರಿಣಃ।
ತತ್ರ ಗತ್ವಾಽರ್ಜುನೋ ದಂಡಮಾಜಹಾರಾಮಿತಂ ಧನಂ॥ 2-76-39 (14333)
`ಕೃತಾಂ ಬೈಂದುಸರೈ ರತ್ನೈರ್ಮಯೇನ ಸ್ಫಾಟಿಕಚ್ಛದಾಂ।
ಅಪಶ್ಯಂ ನಲಿನೀಂ ಪೂರ್ಣಾಮುದಕಸ್ಯೇವ ಭಾರತ॥ 2-76-40 (14334)
ಉತ್ಕರ್ಷಂತಂ ಚ ವಾಸಶ್ಚ ಪ್ರಾಹಸನ್ಮಾಂ ವೃಕೋದರಃ।
ಕಿಂಕರಾಶ್ಚ ಸಭಾಪಾಲಾ ಜಹಸುರ್ಭರತರ್ಷಭ॥ 2-76-41 (14335)
ಪಿತ್ರೋರರ್ಥೇ ವಿಶೇಷೇಣ ಪ್ರಾವೃಣ್ವಂ ತತ್ರ ಜೀವಿತಂ।
ತತ್ರ ತ್ಮ ಯದಿ ಶಕ್ತಃ ಸ್ಯಾಂ ಘಾತಯೇಯಂ ವೃಕೋದರಂ॥ 2-76-42 (14336)
ಸಪತ್ನೇನಾಪಹಾಸೋ ಹಿ ಸ ಮಾಂ ದಹತಿ ಭಾರತ॥ 2-76-43 (14337)
ತತ್ರ ಸ್ಫಾಟಿಕತೋಯಾಂ ಹಿ ಸ್ಫಾಟಿಕಾಂಬುಜಶೋಭಿತಾಂ।
ಸಭಾಂ ಪುಷ್ಕರಿಣೀಂ ಮತ್ವಾ ಪತಿತೋಽಸ್ಮಿ ನರಾಧಿಪ॥ 2-76-44 (14338)
ತತ್ರ ಮಾಮಹಸದ್ಭೀಮಃ ಸಹ ಪಾರ್ಥೇನ ಸಸ್ವರಂ।
ದ್ರೌಪದೀ ಚಸಹ ಸ್ತ್ರೀಭಿಃ ಪಾತಯಂತೀ ಮನೋ ಮಮ॥ 2-76-45 (14339)
ಕ್ಲಿನ್ನವಸ್ತ್ರಸ್ಯ ಚ ಜಲೇ ಕಿಂಕರಾ ರಾಜಚೋದಿತಾಃ।
ದದುರ್ವಾಸಾಂಸಿ ಮೇಽನ್ಯಾನಿ ತಚ್ಚ ದುಃಖತರಂ ಮಮ॥ 2-76-46 (14340)
ಅಸ್ತಂಭಾ ಇವ ತಿಷ್ಠಂತಿ ಸ್ತಂಭಾ ಇವ ಸಹಸ್ರಶಃ।
ಸೋಹಂ ತತ್ರಾಹತೋ ರಾಜನ್ಸ್ಫಟಿಕಾಭ್ಯಂತರೇ ವಿಭೋ॥ 2-76-47 (14341)
ಅದ್ವಾರೇಣ ವಿನಿರ್ಗಚ್ಛಂದ್ವಾರಸಂಸ್ಥಾನರೂಪಿಣಾ।
ಅಭಿಹತ್ಯ ಶಿಲಾಂ ಭೂಯೋ ಲಲಾಟೇನಾಸ್ಮಿ ವಿಕ್ಷತಃ॥ 2-76-48 (14342)
ಆಮೃಶನ್ನಿವ ತಾಂ ದೃಷ್ಟ್ವಾ ಮಾರ್ಗಾಂತರಮುಪಾವಿಶಂ।
ಇದಂ ದ್ವಾರಮಿದಂ ರಾಜನ್ನದ್ವಾರಮಿತಿ ಮಾಂ ಪ್ರತಿ।
ಅದ್ಭುತಂ ಪ್ರಹಸನ್ವಾಕ್ಯಂ ಬಭಾಷೇ ಸ ವೃಕೋದರಃ॥ 2-76-49 (14343)
ಸ್ತ್ರಿಯಶ್ಚ ತತ್ರ ಮಾಂ ದೃಷ್ಟ್ವಾ ಜಹಸುಸ್ತಾದೃಶಂ ನೃಪ।
ಸರ್ವಂ ಹಾಸಕರಂ ತೇಷಾಂ ಸದಸ್ಯಾನಾಂ ನರರ್ಷಭ॥ 2-76-50 (14344)
ನ ಶ್ರುತಾನಿ ನ ದೃಷ್ಟಾನಿ ಯಾನಿ ರತ್ನಾನ ಮೇ ಕ್ವಚಿತ್।
ತಾನಿ ಮೇ ತತ್ರ ದೃಷ್ಟಾನಿ ತೇನ ತಪ್ತೋಸ್ಮಿ ದುಃಖಿತಃ॥ 2-76-51 (14345)
ಹುತಾಶನಂ ಪ್ರವೇಕ್ಷ್ಯಾಮಿ ಪ್ರವೇಕ್ಷ್ಯಾಮಿ ಮಹೋದಧಿಂ।
ಸಂಭಾವಿತಸ್ಯ ಚಾಕೀರ್ತಿರ್ಮರಣಾದತಿರಿಚ್ಯತೇ'॥ 2-76-52 (14346)
ಇದಂ ಚಾದ್ಭುತಮತ್ರಾಸೀತ್ತನ್ಮೇ ನಿಗದತಃ ಶೃಣು॥ 2-76-53 (14347)
ಪೂರ್ಣೇ ಶತಸಹಸ್ರೇ ತು ವಿಪ್ರಾಣಾಂ ಭುಂಜತಾಂ ಸದಾ।
ಸ್ಥಾಪಿತಸ್ತತ್ರ ಸಂಜ್ಞಾರ್ಥಂ ಶಂಖೋ ಧ್ಮಾಯತಿ ನಿತ್ಯಸಃ॥ 2-76-54 (14348)
ಮುಹುರ್ಮುಹುಃ ಪ್ರಣದತಸ್ತಸ್ಯ ಶಂಖಸ್ಯ ಭಾರತ।
ಅನಿಶಂ ಶಬ್ದಮಶ್ರೌಷಂ ತತೋ ರೋಮಾಣಿ ಮೇಽಹೃಷನ್॥ 2-76-55 (14349)
ಪಾರ್ಥಿವೈರ್ಬಹುಭಿಃ ಕೀರ್ಣಮುಪಸ್ಥಾನಂ ದಿದೃಕ್ಷುಭಿಃ।
ಅಶೋಭತ ಮಹಾರಾಜ ನಕ್ಷತ್ರೈರ್ದ್ಯೈರಿವಾಮಲಾ॥ 2-76-56 (14350)
ಸರ್ವರತ್ನಾನ್ಯುಪಾದಾಯ ಪಾರ್ಥಿವಾ ವೈ ಜನೇಶ್ವರ।
ಯಜ್ಞೇ ತಸ್ಯ ಮಹಾರಾಜ ಪಾಂಡುಪುತ್ರಸ್ಯ ಧೀಮತಃ॥ 2-76-57 (14351)
ವೈಶ್ಯಾ ಇವ ಮಹೀಪಾಲಾ ದ್ವಿಜಾತಿಪರಿವೇಷಕಾಃ।
ನ ಸಾ ಶ್ರೀರ್ದೇವರಾಜಸ್ಯ ಯಮಸ್ಯ ವರುಣಸ್ಯ ಚ।
ಗುಹ್ಯಕಾಧಿಪತೇರ್ವಾಪಿ ಯಾ ಶ್ರೀ ರಾಜನ್ಯುಧಿಷ್ಠಿರೇ॥ 2-76-58 (14352)
ತಾಂ ದೃಷ್ಟ್ವಾ ಪಾಂಡುಪುತ್ರಸ್ಯ ಶ್ರಿಯಂ ಪರಮಿಕ್ರಾಮಹಂ।
ಶಾಂತಿಂ ನ ಪರಿಗಚ್ಛಾಮಿ ದಹ್ಯಮಾನೇನ ಚೇತಸಾ॥ 2-76-59 (14353)
`ಅಪ್ರಾಪ್ಯ ಪಾಂಡವೈಶ್ವರ್ಯಂ ಶಮೋ ಮಮ ನ ವಿದ್ಯತೇ।
ಅರೀನ್ಬಾಣೈಃ ಶಾಯಯಿಷ್ಯೇ ಶಯಿಷ್ಯೇ ವಾ ಹತಃ ಪರೈಃ॥ 2-76-60 (14354)
ಏತಾದೃಶಸ್ಯ ಮೇ ಕಿಂ ತು ಜೀವಿತೇನ ಪರಂತಪ।
ವರ್ಧಂತೇ ಪಾಂಡವಾ ರಾಜನ್ವಯಂ ಹಿ ಸ್ಥಿತವೃದ್ಧಯಃ'॥ 2-76-61 (14355)
ಶಕುನಿರುವಾಚ॥ 2-76-62x (1523)
ಯಾಮೇತಾಮತುಲಾಂ ಲಕ್ಷ್ಮೀಂ ದೃಷ್ಟವಾನಸಿ ಪಾಂಡವೇ।
ತಸ್ಯಾಟಃ ಪ್ರಾಪ್ತಾವುಪಾಯಂ ಮೇ ಶೃಣು ಸತ್ಯಪರಾಕ್ರಮ॥ 2-76-62 (14356)
ಅಹಮಕ್ಷೇಷ್ವಭಿಜ್ಞೋಽಸ್ಮಿ ಪೃಥಿವ್ಯಾಮಪಿ ಭಾರತ।
ಹೃದಯಜ್ಞಃ ಪಣಜ್ಞಶ್ಚ ವಿಶೇಷಜ್ಞಶ್ಚ ದೇವನೇ॥ 2-76-63 (14357)
ದ್ಯೂತಪ್ರಿಯಶ್ಚ ಕೌಂತೇಯೋ ನ ಚ ಜಾನಾತಿ ದೇವಿತುಂ।
ಆಹೂತಶ್ಚೈಷ್ಯತಿ ವ್ಯಕ್ತಂ ನಿತ್ಯಮೇವಾಹ್ವಯತ್ಸ್ವಯಂ॥ 2-76-64 (14358)
ನಿಯತಂ ತಂ ವಿಜೇಷ್ಯಾಮಿ ಕೃತ್ವಾ ತು ಕಪಟಂ ವಿಭೋ।
ಆನಯಾಮಿ ಸಮೃದ್ಧಿಂ ತಾಂ ದಿವ್ಯಾಂ ಚೋಪಾಹ್ವಯಸ್ವ ತಂ॥ 2-76-65 (14359)
ವೈಶಂಪಾಯನ ಉವಾಚ॥ 2-76-66x (1524)
ಏವಮುಕ್ತಃ ಶಕುನಿನಾ ರಾಜಾ ದುರ್ಯೋಧನಸ್ತತಃ।
ಧೃತರಾಷ್ಟ್ರಮಿದಂ ವಾಕ್ಯಮಪದಾಂತರಮಬ್ರವೀತ್॥ 2-76-66 (14360)
ಅಯಮುತ್ಸಹತೇ ರಾಜಞ್ಶ್ರಿಯಮಾಹರ್ತುಮಕ್ಷವಿತ್।
ದ್ಯೂತೇನ ಪಾಂಡುಪುತ್ರಸ್ಯ ತದನುಜ್ಞಾತುಮರ್ಹಸಿ॥ 2-76-67 (14361)
ಧೃತರಾಷ್ಟ್ರ ಉವಾಚ॥ 2-76-68x (1525)
ಕ್ಷತ್ತಾ ಮಂತ್ರೀ ಮಹಾಪ್ರಾಜ್ಞಃ ಸ್ಥಿತೋ ಯಸ್ಯಾಸ್ಮಿ ಶಾಸನೇ।
ತೇನ ಸಂಗಂಯ ವೇತ್ಸ್ಯಾಮಿ ಕಾರ್ಯಸ್ಯಾಸ್ಯ ವಿನಿಶ್ಚಯಂ॥ 2-76-68 (14362)
ಸ ಹಿ ಧರ್ಮಂ ಪುರಸ್ಕೃತ್ಯ ದೀರ್ಘದರ್ಶೀ ಪರಂ ಹಿತಂ।
ಉಭಯೋಟಃ ಪಕ್ಷಯೋರ್ಯುಕ್ತಂ ವಕ್ಷ್ಯತ್ಯರ್ಥವಿನಿಶ್ಚಯಂ॥ 2-76-69 (14363)
ದುರ್ಯೋಧನ ಉವಾಚ। 2-76-70x (1526)
ನಿವರ್ತಯಿಷ್ಯತಿ ತ್ವಾಽಸೌ ಯದಿ ಕ್ಷತ್ತಾ ಸಮೇಷ್ಯತಿ।
ನಿವೃತ್ತೇ ತ್ವಯಿ ರಾಜೇಂದ್ರ ಮರಿಷ್ಯೇಽಹಮಸಂಶಯಂ॥ 2-76-70 (14364)
ಸ ತ್ವಂ ಮಯಿ ಮೃತೇ ರಾಜನ್ವಿದುರೇಣ ಸುಖೀ ಭವ।
ಭೋಕ್ಷ್ಯಸೇ ಪೃಥಿವೀಂ ಕೃತ್ಸ್ನಾಂ ಕಿಂ ಮಯಾ ತ್ವಂ ಕರಿಷ್ಯಸಿ॥ 2-76-71 (14365)
ವೈಶಂಪಾಯನ ಉವಾಚ॥ 2-7-72x (1527)
ಆರ್ತವಾಕ್ಯಂ ತು ತತ್ತಸ್ಯ ಪ್ರಣಯೋಕ್ತಂ ನಿಶಂಯ ಸಃ।
ಧೃತರಾಷ್ಟ್ರೋಽಬ್ರವೀತ್ಪ್ರೇಷ್ಯಂದುರ್ಯೋಧನಮತೇ ಸ್ಥಿತಃ॥ 2-76-72 (14366)
ಸ್ಥೂಣಾಸಹಸ್ರೈರ್ಬೃಹತೀಂ ಶತದ್ವಾರಾಂ ಸಭಾಂ ಮಮ।
ಮನೋರಮಾಂ ದರ್ಶನೀಯಾಮಾಶು ಕುರ್ವಂತುಂ ಶಿಲ್ಪಿನಃ॥ 2-76-73 (14367)
ತತಃ ಸಂಸ್ತೀರ್ಯ ರತ್ನೈಸ್ತಾಂ ತಕ್ಷ್ಣ ಆನಾಯ್ಯ ಸರ್ವಶಃ।
ಸುಕೃತಾಂ ಸುಪ್ರವೇಶಾಂ ಚ ನಿವೇದಯತ ಮೇಽಶನೈಃ॥ 2-76-74 (14368)
ದೂರ್ಯೋಧನಸ್ಯ ಶಾಂತ್ಯರ್ಥಮಿತಿ ನಿಶ್ಚಿತ್ಯ ಭೂಮಿಪಃ।
ಧೃತರಾಷ್ಟ್ರೋ ಮಹಾರಾಜ ಪ್ರಾಹಿಣೋದ್ವಿದುರಾಯ ವೈ॥ 2-76-75 (14369)
ಅಪೃಷ್ಟ್ವಾ ವಿದುರಂ ಸ್ವಸ್ಯನ ನಾಸೀತ್ಕಶ್ಚಿದ್ವಿನಿಶ್ಚಯಃ।
ದ್ಯೂತೇ ದೋಷಾಂಶ್ಚ ಜಾನನ್ಸ ಪುತ್ರಸ್ನೇಹಾದಕೃಷ್ಯತ॥ 2-76-76 (14370)
ತಚ್ಛ್ರುತ್ವಾ ವಿದುರೋ ಧೀಮಾನ್ಕಲಿದ್ವಾರಮುಪಸ್ಥಿತಂ।
ವಿನಾಶಮುಖಮುತ್ಪನ್ನಂ ಧೃತರಾಷ್ಟ್ರಮುಪಾದ್ರವತ್॥ 2-76-77 (14371)
ಸೋಽಭಿಗಂಯ ಮಹಾತ್ಮಾನಂ ಭ್ರಾತಾ ಭ್ರಾತರಮಗ್ರಜಂ।
ಮೂರ್ಧ್ನಾ ಪ್ರಣಂಯ ಚರಣಾವಿದಂ ವಚನಮಬ್ರವೀತ್॥ 2-76-78 (14372)
ವಿದುರ ಉವಾಚ। 2-76-79x (1528)
ನಾಭಿನಂದಾಮಿ ತೇ ರಾಜನ್ವ್ಯವಸಾಯಮಿಮಂ ಪ್ರಭೋ।
ಪುತ್ರೈರ್ಭೇದೋ ಯಥಾ ನ ಸ್ಥಾದ್ದ್ಯೂತಹೇತೋಸ್ತಥಾ ಕುರು॥ 2-76-79 (14373)
ಧೃತರಾಷ್ಟ್ರ ಉವಾಚ। 2-76-80x (1529)
ಕ್ಷತ್ತಃ ಪುತ್ರೇಷು ಪುತ್ರೈರ್ಮೇ ಕಲಹೋ ನ ಭವಿಷ್ಯತಿ।
ಯದಿ ದೇವಾಃ ಪ್ರಸಾದಂ ನಃ ಕರಿಷ್ಯಂತಿ ನ ಸಂಶಯಃ॥ 2-76-80 (14374)
ಅಶುಭಂ ವಾ ಶುಭಂ ವಾಪಿ ಹಿತಂ ವಾ ಯದಿ ವಾಽಹಿತಂ। 2-76-81 (14375)
ಮಯಿ ಸನ್ನಿಹಿತೇ ದ್ರೋಣೇ ಭೀಷ್ಮೇ ತ್ವಯಿ ಚ ಭಾರತ।
ಅನಯೋ ದೈವವಿಹಿತೋ ನ ಕಥಂಚಿದ್ಭವಿಷ್ಯತಿ॥ 2-76-82 (14376)
ಗಚ್ಛ ತ್ವಂ ರಥಮಾಸ್ಥಾಯ ಹಯೈರ್ವಾತಸಮೈರ್ಜವೇ।
ಖಾಂಡವಪ್ರಸ್ಥಮದ್ಯೈವ ಸಮಾನಯ ಯುಧಿಷ್ಠಿರಂ॥ 2-76-83 (14377)
ನ ವಾಚ್ಯೋ ವ್ಯವಸಾಯೋ ಮೇ ವಿದುರೈತದ್ಬ್ರವೀಮಿ ತೇ।
ದೈವಮೇವ ಪರಂ ಮನ್ಯೇ ಯೇನೈತದುಪಪದ್ಯತೇ॥ 2-76-84 (14378)
ಇತ್ಯುಕ್ತೋ ವಿದುರೋ ಧೀಮಾನ್ನೇದಮಸ್ತೀತಿ ಚಿಂತಯನ್।
ಆಪಗೇಯಂ ಮಹಾಪ್ರಾಜ್ಞಮಭ್ಯಗಚ್ಛತ್ಸುದುಃ ಖಿತಃ॥ ॥ 2-76-85 (14379)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದ್ಯೂತಪರ್ವಣಿ ಷಟ್ಸಪ್ತತಿತಮೋಽಧ್ಯಾಯಃ॥ 76 ॥
Mahabharata - Sabha Parva - Chapter Footnotes
2-76-9 ಕುತೋಮೂಲಂ ಕಿಂಮುಲಂ। ಕುತಇತಿ ಪ್ರಥಮಾರ್ಥೇ ತಸಿಃ॥ 2-76-29 ಕದಲೀಮೃಗಾ ಹರಿಣವಿಶೇಷಾಸ್ತೇಷಾಂ ಮೋಕಾನ್ಯಜಿನಾನಿ ತಾನ್ಯೇವ ಕೃಷ್ಣಶ್ಯಾಮಾರುಣಾನಿ ಚಿತ್ರ ವರ್ಣಾನೀತ್ಯರ್ಥಃ॥ 2-76-34 ವಾಟಾಃ ಕ್ಷೇತ್ರಾದಿವೃತ್ತಯಸ್ತಾಸಾಂ ಧಾನಾ ಅಭಿನವೋದ್ಭೇದೋ ಯೇಷಾಂ ತೇ ಸಸ್ಯಾದಿಸಂಪನ್ನಕ ್ಷೇತ್ರಾದಿವೃತ್ತಿಮಂತ ಇತ್ಯರ್ಥಃ॥ 2-76-37 ಶೈಕ್ಯಂ ವರತ್ರಾಮಯಂ ಪಾತ್ರಾಧಾರಭೂತಂ ಶಿಕ್ಯಂ ಕಾವಡೀತಿ ಪ್ರಸಿದ್ಧಂ ತತ್ರ ಸ್ಥಿತಂ ಪಾತ್ ರಂ ಶೈಕ್ಯಂ। ಏತೇನ ಸಾಮುದ್ರಯ ಆಪ ಉಕ್ತಾಃ॥ಸಭಾಪರ್ವ - ಅಧ್ಯಾಯ 077
॥ ಶ್ರೀಃ ॥
2.77. ಅಧ್ಯಾಯಃ 077
Mahabharata - Sabha Parva - Chapter Topics
ಜನಮೇಜಯೇನ ವಿಸ್ತರೇಣ ದ್ಯೂತವೃತ್ತಾಂತಕಥನಪ್ರಾರ್ಥನಂ॥ 1॥ ಧೃತರಾಷ್ಟ್ರೇಣ ದುರ್ಯೋಧನಂಪ್ರತಿ ದ್ಯೂತನಿಷೇಧನಂ॥ 2॥ ದುರ್ಯೋಧನೇನ ಧೃತರಾಷ್ಟ್ರಂಪ್ರತಿ ಭೀಮಾದಿಕೃತಸ್ವಾಪಹಸನಾದಿಕಥನಂ॥ 3॥Mahabharata - Sabha Parva - Chapter Text
ಜನಮೇಜಯ ಉವಾಚ॥
ಕಥಂ ಸಮಭವದ್ದ್ಯೂತಂ ಭ್ರಾತೄಣಾಂ ತನ್ಮಹಾತ್ಯಯಂ।
ಯತ್ರ ತದ್ವ್ಯಸನಂ ಪ್ರಾಪ್ತಂ ಪಾಂಡವೈರ್ಮೇ ಪಿತಾಮಹೈಃ॥ 2-77-1 (14380)
ಕೇ ಚ ತತ್ರ ಸಮಾಸ್ತಾರಾ ರಾಜಾನೋ ಬ್ರಹ್ಮವಿತ್ತಮ।
ಕೇ ಚೈನಮನ್ವಮೋದಂತ ಕೇ ಚೈನಂ ಪ್ರತ್ಯಷೇಧಯನ್॥ 2-77-2 (14381)
ವಿಸ್ತರೇಣೈತದಿಚ್ಛಾಮಿ ಕಥ್ಯಮಾನಂ ತ್ವಯಾ ದ್ವಿಜ।
ಮೂಲಂ ಹ್ಯೇತದ್ವಿನಾಶಸ್ಯ ಪೃಥಿವ್ಯಾ ದ್ವಿಜಸತ್ತಮ॥ 2-77-3 (14382)
ಸೌತಿರುವಾಚ। 2-77-4x (1530)
ಏವಮುಕ್ತಸ್ತತೋ ರಾಜ್ಞಾ ವ್ಯಾಸಶಿಷ್ಯಃ ಪ್ರತಾಪವಾನ್।
ಆಚಚಕ್ಷೇಽಥ ಯದ್ವೃತ್ತಂ ತತ್ಸರ್ವಂ ವೇದತತ್ತ್ವವಿದ್॥ 2-77-4 (14383)
ವೈಶಂಪಾಯನ ಉವಾಚ॥ 2-77-5x (1531)
ಏವಮುಕ್ತಸ್ತತೋ ರಾಜ್ಞಾ ವ್ಯಾಸಶಿಷ್ಯಃ ಪ್ರತಾಪವಾನ್।
ಆಚಚಕ್ಷೇಽಥ ಯದ್ವೃತ್ತಂ ತತ್ಸರ್ವಂ ವೇದತತ್ತ್ವವಿತ್॥ 2-77-5 (14384)
ವಿದುರಸ್ಯ ಮತಿಂ ಜ್ಞಾತ್ವಾ ಧೃತರಾಷ್ಟ್ರೋಽಂಬಿಕಾಸುತಃ।
ದುರ್ಯೋಧನಮಿದಂ ವಾಕ್ಯಮುವಾಚ ವಿಜನೇ ಪುನಃ॥ 2-77-6 (14385)
ಅಲಂ ದ್ಯೂತೇನ ಗಾಂಧಾರೇ ವಿದುರೋ ನ ಪ್ರಶಂಸತಿ।
ನ ಹ್ಯಸೌ ಸುಮಹಾಬುದ್ಧಿರಹಿತಂ ನೋ ವದಿಷ್ಯತಿ॥ 2-77-7 (14386)
ಹಿತಂ ಹಿ ಪರಮಂ ಮನ್ಯೇ ವಿದುರೋ ಯತ್ಪ್ರಭಾಷತೇ।
ಕ್ರಿಯತಾಂ ಪುತ್ರ ತತ್ಸರ್ವಮೇತನ್ಮನ್ಯೇ ಹಿತಂ ತವ॥ 2-77-8 (14387)
ದೇವರ್ಷಿರ್ವಾಸವಾಗುರುರ್ದೇವರಾಜಾಯ ಧೀಮತೇ।
ಯತ್ಪ್ರಾಹ ಶಾಸ್ತ್ರಂ ಭಗವಾನ್ಬೃಹಸ್ಪತಿರುದಾರಧೀಃ।
ತದ್ದೇ ವಿದುರಃ ಸರ್ವಂ ಸರಹಸ್ಯಂ ಮಹಾಕವಿಃ॥ 2-77-9 (14388)
ಸ್ಥಿತಸ್ತು ವಚನೇ ತಸ್ಯ ಸದಾಽಹಮಪಿ ಪುತ್ರಕ।
ವಿದುರೋ ವಾಪಿ ಮೇಧಾವೀ ಕುರೂಣಾಂ ಪ್ರವರೋ ಮತಃ॥ 2-77-10 (14389)
ಉದ್ಧವೋ ವಾ ಮಹಾಬುದ್ಧಿರ್ವೃಷ್ಣೀನಾಮರ್ಚಿತೋ ನೃಪ।
ತದಲಂ ಪುತ್ರ ದ್ಯೂತೇನ ದ್ಯೂತೇ ಭೇದೋ ಹಿ ದೃಶ್ಯತೇ॥ 2-77-11 (14390)
ಭೇದೇ ವಿನಾಶೋ ರಾಜ್ಯಸ್ಯ ತತ್ಪುತ್ರ ಪರಿವರ್ಜಯ॥ 2-77-12 (14391)
ಪಿತ್ರಾ ಮಾತ್ರಾ ಚ ಪುತ್ರಸ್ಯ ಯದ್ವೈ ಕಾರ್ಯಂ ಪರಂ ಸ್ಮೃತಂ।
ಪ್ರಾಪ್ತಸ್ತ್ವಮಸಿ ತನ್ನಾಮ ಪಿತೃಪೈತಾಮಹಂ ಪದಂ॥ 2-77-13 (14392)
ಅಧೀತವಾನ್ಕೃತೀ ಶಾಸ್ತ್ರೇ ಲಾಲಿತಃ ಸತತಂ ಗೃಹೇ।
ಭ್ರಾತೃಜ್ಯೇಷ್ಠಃ ಸ್ಥಿತೋ ರಾಜ್ಯೇ ವಿಂದಸರೇ ಕಿಂ ನ ಶೋಭನಂ॥ 2-77-14 (14393)
ಪೃಥಗ್ಜನೈರಲಭ್ಯಂ ಯದ್ಭೋಜನಾಚ್ಛಾದನಂ ಪರಂ।
ತತ್ಪ್ರಾಪ್ತೋಸಿ ಮಹಾಬಾಹೋ ಕಸ್ಮಾಚ್ಛೋನಸಿ ಪುತ್ರಕ॥ 2-77-15 (14394)
ಸ್ಫೀತಂ ರಾಷ್ಟ್ರಂ ಮಹಾಬಾಹೋ ಪಿತೃಪೈತಾಮಹಂ ಮಹತ್।
ನಿತ್ಯಮಾಜ್ಞಾಪಯನ್ಭಾಸಿ ದಿವಿ ದೇವೇಶ್ವರೋ ಯಥಾ॥ 2-77-16 (14395)
`ಯಾದೃಶಂ ಚ ತವೈಶ್ವರ್ಯಂ ತದನ್ಯೇಷಾಂ ಸುದುರ್ಲಭಂ।
ಯೇ ಚೋಪಭೋಗಾಸ್ತೇ ರಾಜನ್ಮಯಾ ತೇ ಪರಿಕೀರ್ತಿತಾಃ'॥ 2-77-17 (14396)
ತಸ್ಯ ತೇ ವಿದಿತಪ್ರಜ್ಞ ಶೋಕಮೂಲಮಿದಂ ಕಥಂ।
ಸಮುತ್ಥಿತಂ ದುಃಖಕರಂ ತನ್ಮೇ ಶಂಸಿತುಮರ್ಹಸಿ॥ 2-77-18 (14397)
ದುರ್ಯೋಧನ ಉವಾಚ॥ 2-77-19x (1532)
ಅಶ್ನಾಂಯಾಚ್ಛಾದಯಾಮೀತಿ ಪ್ರಪಶ್ಯನ್ಹೀನಪೌರುಷಃ।
ನಾಮರ್ಷಂ ಕುರುತೇ ಯಸ್ತು ಪುರುಷಃ ಸೋಽಧಮಃ ಸ್ಮೃತಃ॥ 2-77-19 (14398)
ನ ಮಾಂ ಪ್ರೀಣಾತಿ ರಾಜೇಂದ್ರ ಲಕ್ಷ್ಮೀಃ ಸಾಧಾರಣೀ ವಿಭೋ।
ಜ್ವಲಿತಾಮೇವ ಕೌನ್ಯೇಯೇ ಶ್ರಿಯಂ ದೃಷ್ಟ್ವಾ ಚ ವಿವ್ಯಥೇ॥ 2-77-20 (14399)
ಸರ್ವಾಂ ಚ ಪೃಥಿವೀಂ ಚೈವ ಯುಧಿಷ್ಠಿರವಶಾನುಗಾಂ।
ಸ್ಥಿರೋಽಸ್ಮಿ ಯೋಽಹಂ ಜೀವಾಮಿ ದುಃಖಾದೇತದ್ಬ್ರವೀಮಿ ತೇ। 2-77-21 (14400)
ಆವರ್ಜಿತಾ ಇವಾಭಾಂತಿ ನೀಪಾಶ್ಚಿತ್ರಕಕೌಕುರಾಃ।
ಕಾರಸ್ಕಾರಾ ಲೋಹಜಂಘಾ ಯುಧಿಷ್ಠಿರನಿವೇಶನೇ॥ 2-77-22 (14401)
ಹಿಮವತ್ಸಾಗರಾನುಪಾಃ ಸರ್ವೇ ರತ್ನಾಕರಾಸ್ತಥಾ।
ಅಂತ್ಯಾಃ ಸರ್ವೇ ಪರ್ಯುದಸ್ತಾ ಯುಧಿಷ್ಠಿರನಿವೇಶನೇ॥ 2-77-23 (14402)
ಜ್ಯೇಷ್ಠೋಽಯಮಿತಿ ಮಾಂ ಮತ್ವಾ ಶ್ರೇಷ್ಠಶ್ಚೇತಿ ವಿಶಾಂಪತೇ।
ಯುಧಿಷ್ಠಿರೇಣ ಸತ್ಕೃತ್ಯ ಯುಕ್ತೋ ರತ್ನಪರಿಗ್ರಹೇ॥ 2-77-24 (14403)
ಉಪಸ್ಥಿತಾನಾಂ ರತ್ನಾನಾಂ ಶ್ರೇಷ್ಠಾನಾಮರ್ಘಹಾರಿಣಾಂ।
ನಾದೃಶ್ಯತ ಪರಃ ಪಾರೋ ನಾಪರಸ್ತತ್ರ ಭಾರತ॥ 2-77-25 (14404)
ನ ಮೇ ಹಸ್ತಃ ಸಮಭವದ್ವಸು ತತ್ಪ್ರತಿಗೃಹ್ಣತಃ।
ಅತಿಷ್ಠಂತ ಮಯಿ ಶ್ರಾಂತೇ ಗೃಗ್ಯ ದೂರಾಹೃತಂ ವಸು॥ 2-77-26 (14405)
ಕೃತಾಂ ಬಿಂದುಸರೋರತ್ನೈರ್ಮಯೇನ ಸ್ಫಾಟಿಕಚ್ಛದಾಂ।
ಅಪಶ್ಯಂ ನಲಿನೀಂ ಪೂರ್ಣಾಮುದಕಸ್ಯೇವ ಭಾರತ॥ 2-77-27 (14406)
ವಸ್ತ್ರಮುತ್ಕರ್ಷತಿ ಮಯಿ ಪ್ರಾಹಸತ್ಸ ವೃಕೋದರಃ।
ಶತ್ರೋರ್ಋದ್ಧಿವಿಶೇಷೇಣ ವಿಮೂಢ ರತ್ತವರ್ಜಿತಂ॥ 2-77-28 (14407)
ತತ್ರ ಸ್ಮ ಯದಿ ಶಕ್ತಃ ಸ್ಯಂ ಪಾತಯೇಽಹಂ ವೃಕೋದರಂ।
ಯದಿ ಕುರ್ಯಾಂ ಸಮಾರಂಭಂ ಭೀಮಂ ಹಂತುಂ ನರಾಧಿಪ॥ 2-77-29 (14408)
ಶಿಶುಪಾಲ ಇವಾಸ್ಮಾಕಂ ಗತಿಃ ಸ್ಯಾನ್ನಾತ್ರ ಸಂಶಯಃ।
ಸಪತ್ನೇನಾವಹಾಸೋ ಮೇ ಸ ಮಾಂ ದಹತಿ ಭಾರತ॥ 2-77-30 (14409)
ಪುನಶ್ಚ ತಾದೃಶೀಮೇವ ವಾಪೀಂ ಜಲಜಶಾಲಿನೀಂ।
ಮತ್ವಾ ಶಿಲಾಸಮಾಂ ತೋಯೇ ಪತಿತೋಽಸ್ಮಿ ನರಾಧಿಪ॥ 2-77-31 (14410)
ತತ್ರ ಮಾಂ ಪ್ರಾಹಸತ್ಕೃಷ್ಣಃ ಪಾರ್ಥೇನ ಸಹ ಸುಸ್ವರಂ।
ದ್ರೌಪದೀ ಚ ಸಹ ಸ್ತ್ರೀಭಿರ್ವ್ಯಥಯಂತೀ ಮನೋ ಮಮ॥ 2-77-32 (14411)
ಕ್ಲಿನ್ನವಸ್ತ್ರಸ್ಯ ತು ಜಲೇ ಕಿಂಕರಾ ರಾಜನೋದಿತಾಃ।
ದದುರ್ವಾಸಾಂಸಿ ಮೇಽನ್ಯಾನಿ ತಚ್ಚ ದುಃಖಂ ಪರಂ ಮಮ॥ 2-77-33 (14412)
ಪ್ರಲಂಭಂ ಚ ಶೃಣುಷ್ವಾನ್ಯದ್ವದತೋ ಮೇ ನರಾಧಿಪ।
ಅದ್ವಾರೇಣ ವಿನಿರ್ಗಚ್ಛಂದ್ವಾರಸಂಸ್ಥಾನರೂಪಿಣಾ।
ಅಭಿಹತ್ಯ ಶಿಲಾಂ ಭೂಯೋ ಲಲಾಟೇನಾಸ್ಮಿ ವಿಕ್ಷತಃ॥ 2-77-34 (14413)
ತತ್ರ ಮಾಂ ಯಮಜೌ ದೂರಾದಾಲೋಕ್ಯಾಭಿಹತಂ ತದಾ।
ಬಾಹುಭಿಃ ಪರಿಗೃಹ್ಣೀತಾಂ ಶೋಚಂತೌ ಸಹಿತಾವುಭೌ॥ 2-77-35 (14414)
ಉವಾಚ ಸಹದೇವಸ್ತು ತತ್ರ ಮಾಂ ವಿಸ್ಮಯನ್ನಿವ।
ಇದ ದ್ವಾರಂ ಧಾರ್ತರಾಷ್ಟ್ರ ಮಾ ಗಚ್ಛೇತಿ ಪುನಃ ಪುನಃ॥ 2-77-36 (14415)
ಭೀಮಸೇನೇನ ತತ್ರೋಕ್ತೋ ಧೃತರಾಷ್ಟ್ರಾತ್ಮಜೇತಿ ಚ।
ಸಂಬೋಧ್ಯ ಪ್ರಹಸಿತ್ವಾ ಚ ಇತೋ ದ್ವಾರಂ ನರಾಧಿಪ॥ 2-77-37 (14416)
ನಾಮಧೇಯಾನಿ ರತ್ನಾನಾಂ ಪುರಸ್ತಾನ್ನ ಶ್ರುತಾನಿ ಮೇ।
ಯಾನಿ ದೃಷ್ಟಾನಿ ಮೇ ತಸ್ಯಾಂ ಮನಸ್ತಪತಿ ತಚ್ಚ ಮೇ॥ ॥ 2-77-38 (14417)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದ್ಯೂತಪರ್ವಣಿ ಸಪ್ತಸಪ್ತತಿತಮೋಽಧ್ಯಾಯಃ॥ 77 ॥
Mahabharata - Sabha Parva - Chapter Footnotes
2-77-22 ನೀಪಾದಯೋ ರಾಜಾನಃ। ಆವರ್ಜಿತಾ ದಾಸವದ್ವಶಗಾಃ॥ 2-77-23 ಪರ್ಯುದಸ್ತಾ ದೂರಕ್ಷಿಪ್ತಾಃ॥ 2-77-26 ನ ಸಮಭವತ್ ಸಮರ್ಥೋ ನಾಭವತ್॥ಸಭಾಪರ್ವ - ಅಧ್ಯಾಯ 078
॥ ಶ್ರೀಃ ॥
2.78. ಅಧ್ಯಾಯಃ 078
Mahabharata - Sabha Parva - Chapter Topics
ದುರ್ಯೋಧನೇನ ಧೃತರಾಷ್ಟ್ರಸಮೀಪೇ ಯುಧಿಷ್ಠಿರಾಯ ನಾನಾದೇಶೀಯರಾಜೋಪಾಹೃತೋಪಾಯನವರ್ಣನಂ॥ 1॥Mahabharata - Sabha Parva - Chapter Text
ದುರ್ಯೋಧನ ಉವಾಚ॥
ಯನ್ಮಯಾ ಪಾಂಡವೋಯಾನಾಂ ದೃಷ್ಟಂ ತಚ್ಛೃಣು ಭಾರತ।
ಆಹೃತಂ ಭೂಮಿಪಾಲೈರ್ಹಿ ವಸು ಮುಖ್ಯಂ ತತಸ್ತತಃ॥ 2-78-1 (14418)
ನಾವಿದಂ ಮೂಢಮಾತ್ಮಾನಂ ದೃಷ್ಟ್ವಾಹಂ ತದರೇರ್ಧನಂ।
ಫಲತೋ ಭೂಮಿತೋ ವಾಽಪಿ ಪ್ರತಿಪದ್ಯಸ್ವ ಭಾರತ॥ 2-78-2 (14419)
ಔರ್ಣಾನ್ಬೈಲಾನ್ವಾರ್ಷದಂಶಾನ್ ಜಾತರೂಪಪರಿಷ್ಕೃತಾನ್।
ಪ್ರಾವಾರಾಜಿನಮುಖ್ಯಾಂಶ್ಚ ಕಾಂಭೋಜಃ ಪ್ರದದೌ ಬಹೂನ್॥ 2-78-3 (14420)
ಅಶ್ವಾಂಸ್ತಿತ್ತಿರಿಕಲ್ಮಾಷಾಂಸ್ತ್ರಿಶತಂ ಶುಕನಾಸಿಕಾನ್।
ಅಷ್ಟ್ರವಾಮೀಸ್ತ್ರಿಗರ್ತಾಶ್ಚ ಪುಷ್ಟಾಃ ಪೀಲುಶಮೀಂಗುದೈಃ॥ 2-78-4 (14421)
ಗೋಪಾಃ ಸ್ವೀಯೇನ ಸಹಿತಾಸ್ತದಾದಾಯ ಚತುಷ್ಪದಂ।
ವಸಾತಯೋಽನ್ಯದ್ದ್ರವ್ಯಂ ದ್ವಾರಿ ತಸ್ಯಾವತಸ್ಥಿರೇ॥ 2-78-5 (14422)
ಕಮಂಡಲೂನುಪಾದಾಯ ಜಾತರೂಪಮಯಂಛಿವಾನ್।
ರತ್ನಾನಿ ಚ ಹಿರಣ್ಯಂ ಚ ಸುವರ್ಣಂ ಚೈವ ಕೇವಲಂ। 2-78-6 (14423)
ಪ್ರೀಯಮಾಣಃ ಪ್ರಸನ್ನಾತ್ಮಾ ಸ್ವಯಂ ಸ್ವಜನಸಂವೃತಃ।
ತ್ರೈಖರ್ವೋ ರಥಮುಖ್ಯೇಶಃ ಪಾಂಡವಾಯ ನ್ಯವೇದಯತ್॥ 2-78-7 (14424)
ಯಶ್ಚ ಸ ದ್ವಿಜಮುಖ್ಯೇನ ರಾಜ್ಞಃ ಶಂಖೋ ನಿವೇದಿತಃ।
ಪ್ರೀತ್ಯಾ ದತ್ತಃ ಕುವಿಂದೇನ ಧರ್ಮರಾಜಾಯ ಧೀಮತೇ॥ 2-78-8 (14425)
ತಂ ಸರ್ವೇ ಭ್ರಾತರೋ ಭ್ರಾತ್ರೇ ದದುಃ ಶಂಖಂ ಕಿರೀಟಿನೇ।
ತಂ ಪ್ರತ್ಯಗೃಹ್ಣಾದ್ಬೀಭತ್ಸುಸ್ತೋಯಜಂ ಹೇಮಮಾಲಿನಂ॥ 2-78-9 (14426)
ಚಿತ್ರಂ ನಿಷ್ಕಸಹಸ್ರೇಣ ಭ್ರಾಜಮಾನಂ ಸ್ವತೇಜಸಾ।
ರುಚಿರಂ ದರ್ಶನೀಯಂ ಚ ಪೂಜಿತಂ ವಿಶ್ವಕರ್ಮಣಾ॥ 2-78-10 (14427)
ಅಧಾರಯಚ್ಚ ಧರ್ಮಶ್ಚ ತಂ ನಮಸ್ಯ ಪುನಃ ಪುನಃ।
ಯೋಽನಾದನೇಽಪಿ ನದತಿ ಸ ನನಾದಾಧಿಕಂ ತದಾ॥ 2-78-11 (14428)
ಪ್ರಣಾದಾದ್ಭೂಮಿಪಾಸ್ತಸ್ಯ ಪೇತುರ್ಹೀನಾಃ ಖತೇಜಸಾ।
ಧೃಷ್ಟದ್ಯುಂನಃ ಪಾಂಡವಾಶ್ಚ ಸಾತ್ಯಕಿಃ ಕೇಶವೋಽಷ್ಟಮಃ॥ 2-78-12 (14429)
ಸತ್ವೇನ ಸ್ವೇನ ಸಂಪನ್ನಾ ಅನ್ಯೋನ್ಯಪ್ರಿಯಕಾರಿಣಃ।
ವಿಸಂಜ್ಞಾನ್ಭೂಮಿಪಾಂದೃಷ್ಟ್ವಾ ಮಾಂ ಚ ತೇ ಪ್ರಾಹಸಂಸ್ತದಾ॥ 2-78-13 (14430)
ತತಃ ಪ್ರಹೃಷ್ಟೋ ಬೀಭತ್ಸುರದದಾದ್ಧೇಮಶೃಂಗಿಣಃ।
ಶತಾನನಡುಹಾನ್ಪಂಚ ದ್ವಿಜಮುಖ್ಯಾಯ ಭಾರತ॥ 2-78-14 (14431)
ಸುಮುಖೇನ ಬಲಿರ್ಮುಖ್ಯಃ ಪ್ರೇಷಿತೋಽಜಾತಶತ್ರವೇ।
ಕುವಿಂದೇನ ಹಿರಣ್ಯಂ ಚ ವಾಸಾಂಸಿ ವಿವಿಧಾನಿ ಚ॥ 2-78-15 (14432)
ಕಾಶ್ಮೀರರಾಜೋ ಮಾರ್ದ್ವೀಕಂ ಶುದ್ಧಂ ಚ ಸರಸಂ ಮಧು।
ಬಲಿಂ ಚ ಕುತ್ಸ್ನಮಾದಾಯ ಪಾಂಡವಾಯಾಭ್ಯುಟಪಾಗಮತ್॥ 2-78-16 (14433)
ಯವನಾ ಹಯಾನುಪಾದಾಯ ಪಾರ್ವತೀಯಾನ್ಮನೋಜವಾನ್।
ಆಸನಾನಿ ಮಹಾರ್ಹಾಣಿ ಕಂಬಲಾಂಶ್ಚ ಮಹಾಧನಾನ್॥ 2-78-17 (14434)
ನವಾನ್ಸೂಕ್ಷ್ಮಾಂಶ್ಚ ಹೃದ್ಯಾಂಶ್ಚ ಪರಾರ್ಥ್ಯಾನ್ಸುಪ್ರದರ್ಶನಾನ್।
ಅನ್ಯಚ್ಚ ವಿವಿಧಂ ರತ್ನಂ ದ್ವಾರಿ ತೇ ನ್ಯವತಸ್ಥಿರೇ॥ 2-78-18 (14435)
ಶ್ರುತಾಯುರಪಿ ಕಾಲಿಂಗೋ ಮಣಿರತ್ನಮನುತ್ತಮಂ।
ಅಂಗಃ ಸ್ತ್ರಿಯೋ ದರ್ಶನೀಯಾ ಜಾತರೂಪವಿಭೂಷಿತಾಃ॥ 2-78-19 (14436)
ವಂಗೋ ಜಾಂಬೂನದಮಯಾನ್ಪರ್ಯಂಗಾಂಛತಶೋ ನೃಪ।
ದಕ್ಷಿಣಾತ್ಸಾಗರಾಭ್ಯಾಶಾತ್ಪ್ರಾವಾರಾಂಶ್ಚ ಪರಶ್ಶತಂ॥ 2-78-20 (14437)
ಔದಕಾನಿ ಸರತ್ನಾನಿ ಬಲಿಂ ಚಾದಾಯ ಭಾರತ।
ಅನ್ಯೇಭ್ಯೋ ಭೂಮಿಪಾಲೇಭ್ಯಃ ಪಾಂಡವಾಯ ನ್ಯವೇದಯತ್॥ 2-78-21 (14438)
ದಾರ್ದುರಂ ಚಂದನಂ ಮುಖ್ಯಂ ಭಾರಂ ಷಣ್ಣವತಿ ದ್ರುತಂ।
ಪಾಂಡವಾಯ ದದೌ ಪಾಂಡ್ಯಃ ಶಂಖಾಂಸ್ತಾವತ ಏವ ಚ॥ 2-78-22 (14439)
ಚಂದನಾಗರು ಚಾನಂತಂ ಮುಕ್ತಾವೈಡೂರ್ಯಚಿತ್ರಿತಾಃ।
ಚೋಲಶ್ಚ ಕೇರಲಶ್ಚೋಮೌ ದದತುಃ ಪಾಂಡವಾಯ ವೈ॥ 2-78-23 (14440)
ಅಶ್ಮಕೋ ಹೇಮಶೃಂಗೀಶ್ಚ ದೋಗ್ಧ್ರೀರ್ಹೇಮವಿಭೂಷಿತಃ।
ಸವತ್ಸಾಃ ಕುಂಭದೋಹಾಶ್ಚ ಸಹಸ್ರಾಣ್ಯದದಾದ್ದಶ॥ 2-78-24 (14441)
ಸೈಂಧವಾನಾಂ ಸಹಸ್ರಾಣಿ ಹಯಾನಾಂ ಪಂಚವಿಂಶತಿಂ।
ಅದದಾತ್ಸೈಂಧವೋ ರಾಜಾ ಹೇಮಮಾಲ್ಯೈರಲಂಕೃತಾನ್॥ 2-78-25 (14442)
ಸೌವೀರೋ ಹಸ್ತಿಭಿರ್ಯುಕ್ತಾನ್ರಥಾಂಶ್ಚ ತ್ರಿಶತಂ ಪರಾನ್।
ಜಾತರೂಪಪರಿಷ್ಕಾರಾನ್ಮಣಿರತ್ನವಿಭೂಷಿತಾನ್॥ 2-78-26 (14443)
ಮಧ್ಯಂದಿನಾರ್ಕಪ್ರತಿಮಾಂಸ್ತೇಜಸಾ ಜ್ವಲಿತಾನಿವ।
ಬಲಿಂ ಚ ಕೃತ್ಸ್ನಮಾದಾಯ ಪಾಂಡವಾಯ ನ್ಯವೇದಯತ್॥ 2-78-27 (14444)
ಅವಂತಿರಾಜೋ ರತ್ನಾನಿ ವಿವಿಧಾನಿ ಸಹಸ್ರಶಃ।
ಹಾರಾಂಗದಾಂಶ್ಚ ಮುಖ್ಯಾನ್ವೈ ವಿವಿಧಂ ಚ ವಿಭೂಷಣಂ॥ 2-78-28 (14445)
ದಾಸೀನಾಮಯುತಂ ಚಾಪಿ ಬಲಿಮಾದಾಯ ಭಾರತ।
ಸಭಾದ್ವಾರಿ ನರಶ್ರೇಷ್ಠ ದಿದೃಕ್ಷುರವತಿಷ್ಠತೇ॥ 2-78-29 (14446)
ದಶಾರ್ಣಶ್ಚೇದಿರಾಜಶ್ಚ ಶೂರಸೇನಶ್ಚ ವೀರ್ಯವಾನ್।
ವಸ್ತ್ರಾಣಿ ಮುಖ್ಯಾನ್ಯಾದಾಯ ರತ್ನಾನಿ ವಿವಿಧಾನಿ ಚ।
ಬಲಿಂ ಚ ಕೃತ್ಸ್ನಮಾದಾಯ ಪಾಂಡವಾಯ ನ್ಯವೇದಯತ್॥ 2-78-30 (14447)
ಕಾಶಿರಾಜೇನ ಹೃಷ್ಟೇನ ಬಲೀ ರಾಜ್ಞಿ ನಿವೇದಿತಃ।
ಅಶೀತಿಗೋಸಹಸ್ರಾಣಿ ಶತಾನ್ಯಷ್ಟೌ ಚ ದಂತಿನಾಂ॥ 2-78-31 (14448)
ಅಯುತಂ ಚ ನದೀಜಾನಾಂ ಹಯಾನಾಂ ಹೇಮಮಾಲಿನಾಂ।
ವಿವಿಧಾನಿ ಚ ರತ್ನಾನಿ ಕಾಶಿರಾಜೋ ಬಲಿಂ ದದೌ॥ 2-78-32 (14449)
ಕೃತಕ್ಷಣಶ್ಚ ವೈದೇಹಃ ಕೌಸಲಶ್ಚ ಬೃಹದ್ಬಲಃ।
ದದತುರ್ವಾಜಿಮುಖ್ಯಾಂಶ್ಚ ಸಹಸ್ರಾಣಿ ಚತುರ್ದಶ॥ 2-78-33 (14450)
ಶೈಬ್ಯೋ ವಸಾದಿಭಿಃ ಸಾರ್ಧಂ ತ್ರಿಗರ್ತೋ ಮಾಲವೈಃ ಸಹ।
ತೇಭ್ಯೋ ರತ್ನಾನಿ ದದತುರೇಕೈಕೋ ಭೂಮಿಪೋಽಮಿತಂ॥ 2-78-34 (14451)
ಹಾರಾನ್ಮುಖ್ಯಾನ್ಪರಾರ್ಧ್ಯಾಂಶ್ಚ ವಿವಿಧಂ ಚ ವಿಭೂಷಣಂ।
ಶತಂ ದಾಸೀಸಹಸ್ರಾಣಿ ಕಾರ್ಪಾಸಿಕನಿವಾಸಿನಾಂ॥ 2-78-35 (14452)
ಶ್ಯಾಮಾಸ್ತನ್ವೀರ್ದೀರ್ಘಕೇಶೀರ್ಹೇಮಾಭರಣಭೂಷಿತಾಃ।
ಬಲಿಂ ಚ ಕೃತ್ಸ್ನಮಾದಾಯ ಭಾರುಕಚ್ಛೋ ನರರ್ಷಭ॥ 2-78-36 (14453)
ಶುದ್ಧಾನ್ವಿಪ್ರೋತ್ತಮಾರ್ಹಾಂಶ್ಚ ಕಂಬಲಪ್ರವರಾಂದದೌ।
ತೇ ಸರ್ವೇ ಪಾಂಡುಪುತ್ರಸ್ಯ ದ್ವಾರ್ಯತಿಷ್ಠಂದಿದೃಕ್ಷವಃ॥ 2-78-37 (14454)
ಉಪಾಯನಂ ಯದಾ ದದ್ಯುಸ್ತದಾ ದ್ವಾರಮಲಭ್ಯತ।
ಇಂದ್ರಕೃಷ್ಟೈರ್ವರ್ಧಯಂತಿ ಧಾನ್ಯೈರ್ನದಮುಖೈಸ್ತು ಯೇ॥ 2-78-38 (14455)
ಸಮುದ್ರನಿಕಟೇ ಜಾತಾಃ ಪರಿಸಿಂಧುನಿವಾಸಿನಃ।
ತೇ ವೈ ದ್ರುಮಾಃ ಪಾರದಾಶ್ಚ ಕಾಶ್ಯಕೈರಾತಕೈಃ ಸಹ॥ 2-78-39 (14456)
ಬಲಿಂ ವಿವಿಧಮಾದಾಯ ರತ್ನಾನಿ ವಿವಿಧಾನಿ ಚ।
ಅಜಾವಿಕಂ ಗೋಹಿರಣ್ಯಂ ಖರೋಷ್ಟ್ರಂ ಫಲವನ್ಮಧು॥ 2-78-40 (14457)
ಕಂಬಲಾನ್ವಿವಿಧಾಂಶ್ಚೈವ ದ್ವಾರಿ ತಿಷ್ಠಂತಿ ವಾರಿತಾಃ।
ಪ್ರಾಗ್ಜ್ಯೋತಿಷಪತಿಃ ಶೂರೋ ಂಲೇಚ್ಛಾನಾಮಧಿಪೋ ಬಲೀ॥ 2-78-41 (14458)
ಯವನೈಃ ಸಹಿತೋ ರಾಜಾ ಭಗದತ್ತೋ ಮಹಾಬಲಃ।
ಆಜಾನೇಯಾನ್ಹಯಾಂಛೀಘ್ರಮಾದಾಯಾನಿಲರಂಹಸಃ॥ 2-78-42 (14459)
ಬಲಿಂ ಚ ಕೃತ್ಸ್ನಮಾದಾಯ ದ್ವಾರಿ ತಿಷ್ಠತಿ ವಾರಿತಃ।
ಅಶ್ವಸಾರಮಯಾನ್ಭಾಂಡಾಂಛುಭಾಂದಂತತ್ಸರೂನಸೀನ್॥ 2-78-43 (14460)
ಪ್ರಾಗ್ಜ್ಯೋತಿಷಾಧಿಪೋ ದತ್ತ್ವಾ ಭಗದತ್ತೋಽವ್ರಜತ್ತದಾ।
ವ್ಯಕ್ಷಾಂಖ್ಯಕ್ಷಾಂಲ್ಲಲಾಟಾಕ್ಷಾನ್ನಾನಾದಿಗ್ಭ್ಯಃ ಸಮಾಗತಾನ್॥ 2-78-44 (14461)
ಔಷ್ಣೀಷಆನಹಯಾಂಶ್ಚೈವ ಬಾಹುಕಾನ್ಪುರುಷಾದಕಾನ್।
ಏಕಪಾದಾಂಶ್ಚ ತತ್ರಾಹಮಪಶ್ಯಂ ದ್ವಾರಿ ವಾರಿತಾನ್॥ 2-78-45 (14462)
ಬಲ್ಯರ್ಥಂ ದದತಸ್ತಸ್ಯ ಹಿರಣ್ಯಂ ರಜತಂ ವಸು।
ಇಂದ್ರಗೋಪಕಸಂಕಾಶಾಂಛುಕವರ್ಣಾನ್ಮನೋಜವಾನ್॥ 2-78-46 (14463)
ತಥೈವೇಂದ್ರಾಯುಧನಿಭಾನ್ಸಂಧ್ಯಾಭ್ರಸದೃಶಾನಪಿ।
ಅನೇಕವರ್ಣಾನಾರಣ್ಯಾನ್ಗೃಹೀತ್ವಾಶ್ವಾಂಸ್ತಥಾ ಬಹೂನ್॥ 2-78-47 (14464)
ಜಾತರೂಪಮನರ್ಘ್ಯಂ ಚ ದದುಸ್ತಸ್ಯೈಕಪಾದಕಾಃ।
ಸಿಂಹಲಶ್ಚ ತದಾ ರಾಜಾ ಪರಿಗೃಹ್ಯ ಧನಂ ಬಹು॥ 2-78-48 (14465)
ಗೋಶೀರ್ಷಂ ಹರಿತಶ್ಯಾಮಂ ಚಂದನಪ್ರವರಂ ಮಹತ್।
ಭಾರಾಣಾಂ ಶತಮೇಕಂ ತು ದ್ವಾರಿ ತಿಷ್ಠತಿ ವಾರಿತಃ॥ 2-78-49 (14466)
ಯೇ ನಗ್ನವಿಷಯಾ ರಾಜನ್ಬರ್ಬರೇಯಾಶ್ಚ ವಿಶ್ರುತಾಃ।
ಶತಂ ದಾಸೀಸಹಸ್ರಾಣಾಂ ಕಂಬಲಾಂಶ್ಚ ಸಹಸ್ರಶಃ।
ಪರಿಗೃಹ್ಯ ಮಹಾರಾಜ ದ್ವಾರಿ ತಿಷ್ಠಂತಿ ವಾರಿತಾಃ॥ 2-78-50 (14467)
ಪೌಂಡ್ರಾಶ್ಚ ದಾಮಲಿಪ್ತಾಶ್ಚ ಯಥಾಕಾಮಕೃತೋ ನೃಪಾಃ।
ಕಾಲೇಯಕಂ ಚ ರೂಪ್ಯಂ ಚ ಪರಿಗೃಹ್ಯ ಪರಿಚ್ಛದಾನ್॥ 2-78-51 (14468)
ಅಗರೂನ್ಸ್ಫಾಟಿಕಾಂಶ್ಚೈವ ದಂತಾಂಜಾತೀಫಲಾನಿ ಚ।
ತಕ್ಕೋಲಾಂಶ್ಚ ಲವಂಗಾಶ್ಚ ಕರ್ಪೂರಾಂಶ್ಚ ಮಹಾಬಲ॥ 2-78-52 (14469)
ಅನ್ಯಾಂಶ್ಚ ವಿವಿಧಾಂದ್ರವ್ಯಾನ್ಪರಿಗೃಹ್ಯೋಪತಸ್ಥಿರೇ।
ಏತೇ ಸರ್ವೇ ಮಹಾತ್ಮಾನೋ ದ್ವಾರಿ ತಿಷ್ಠಂತಿ ವಾರಿತಾಃ॥ 2-78-53 (14470)
ಶೈಲೇಯಶ್ಚ ತತೋ ರಾಜಾ ಪತ್ರೋರ್ಣಾನ್ಪರಿಗೃಹ್ಯ ಸಃ।
ದ್ವಾರಿ ತಿಷ್ಠನ್ಮಹಾರಾಜ ದ್ವಾರಪಾಲೈರ್ನಿವಾರಿತಃ॥ 2-78-54 (14471)
ಚೀನಾ ಹೂಣಾಃ ಕಷಾಃ ಕಾಚಾಃ ಪರ್ವತಾಂತರವಾಸಿನಃ।
ಆಹಾರ್ಷುರ್ದಶಸಾಹಸ್ರಾನ್ವಿನ್ನೀತಾಂದಿಕ್ಷು ವಿಂಶ್ರುತಾನ್॥ 2-78-55 (14472)
ಔಷ್ಣೀಕಂ ಕಂಬಲಂ ಚೈವ ಕೀಟಜಂ ಮಣಿಜಂ ತಥಾ।
ಪ್ರಮಾಣರಾಗಸ್ಪರ್ಶಾಢ್ಯಂ ಬಾಹ್ವೀಚೀನಸಮುದ್ಭವಂ॥ 2-78-56 (14473)
ರಸಾನ್ ಗಂಧಾನ್ಪ್ರಶಂಸಂತಸ್ತತೋ ದ್ವಾರಮಲಭ್ಯತ।
ಖರ್ವಟಾಸ್ತೋಮರಾಶ್ಚೈವ ಶೂರಾ ವರ್ಧನಕಾಸ್ತಥಾ॥ 2-78-57 (14474)
ಚೇಲಾನ್ಬಹುವಿಧಾನ್ಗೃಹ್ಯ ದ್ವಾರಿ ತಿಷ್ಠಂತಿ ವಾರಿತಾಃ।
ಪ್ರಾಕ್ಕೋಟಾ ನಾಟಕೇಯಾಶ್ಚ ನಂದೀನಗರಕಾಸ್ತಥಾ॥ 2-78-58 (14475)
ನಾಪಿತಾಸ್ತ್ರೈಪುರಾಶ್ಚೈವ ಪಂಚಮೇಯಾಃ ಸಹೋರುಜಾಃ।
ತಥಾ ಚಾಟವಿಕಾಃ ಸರ್ವೇ ನಾನಾದ್ರವ್ಯಪರಿಚ್ಛದಾನ್॥ 2-78-59 (14476)
ಪರಿಗೃಹ್ಯ ಮಹಾರಾಜ ದ್ವಾರಿ ತಿಷ್ಠಂತಿ ವಾರಿತಾಃ।
ಶಕಾಸ್ತುಷಾರಾಃ ಕೌರವ್ಯ ರೋಮಕಾಃ ಶೃಂಗಿಣೋಶ್ಮಕಾಃ॥ 2-78-60 (14477)
ಬಲಾದೂರುಗಮಾ ರಾಜನ್ಗಣಿತಂ ಚಾರ್ಬುದಂ ಮಯಾ।
ಕೂಟೀಕೃತಂ ಸುವರ್ಣಂ ಚ ಪದ್ಮಕಿಂಜಲ್ಕಸಂನಿಭಂ॥ 2-78-61 (14478)
ಶಿತಾಂದೀರ್ಘಾನಸೀನನ್ಯಾನ್ಯಷ್ಟಿಶಕ್ತಿಪರಶ್ವಥಾನ್।
ಶ್ಲಕ್ಷ್ಣಂ ವಸ್ತ್ರಮಕಾರ್ಪಸಮಾವಿಕಂ ಮೃದು ಚಾಜಿನಂ॥ 2-78-62 (14479)
ಬಲಂ ಮತ್ತಂ ಸಮಾದಾಯ ದ್ವಾರಿ ತಿಷ್ಠಂತಿ ವಾರಿತಾಃ।
ಆಸನಾನಿ ಮಹಾರ್ಹಾಣಿ ಯಾನಾನಿ ಶಯನಾನಿ ಚ॥ 2-78-63 (14480)
ಮಣಿಕಾಂಚನಚಿತ್ರಾಣಿ ಗಜದಂತಮಯಾನಿ ಚ।
ರಥಾಂಶ್ಚ ವಿವಿಧಾಕಾರಾಂಜಾಂಬೂನದಪರಿಷ್ಕೃತಾನ್॥ 2-78-64 (14481)
ಹಯೈರ್ವಿನೀತೈಃ ಸಂಪನ್ನಾನ್ವೈಯಾಘ್ರಪರಿವಾರಿತಾನ್।
ವಿಚಿತ್ರಾನ್ಸಪರಿಸ್ತೋಮಾಂಶ್ಚಾಪಾನಿ ವಿವಿಧಾನಿ ಚ। 2-78-65 (14482)
ನಾರಾಚಾನರ್ಘನಾರಾಚಾಂಛಸ್ತ್ರಾಣಿ ವಿವಿಧಾನಿ ಚ।
ಏತದ್ದ್ರವ್ಯಂ ಮಹದ್ಗೃಹ್ಯ ಪೂರ್ವದೇಶಾಧಿಪೋ ನೃಪಃ॥ 2-78-66 (14483)
ಪ್ರವಿಷ್ಟೋ ಯಜ್ಞಸದನಂ ಪಾಂಡವಸ್ಯ ಮಹಾತ್ಮನಃ।
ಜಂತುಚೇಲಾಂದ್ವಿಸಾಹಸ್ರಾಂದುಕೂಲಾನ್ಯಯುತಾನಿ ಚ॥ 2-78-67 (14484)
ಕಾಂಸ್ಯಾನಿ ಚೈವ ಭಾಂಡಾನಿ ಮಹಾರ್ಹಾಣಿ ಕುಥಾನಿ ಚ।
ಏತಾನ್ಯನ್ಯಾನಿ ರತ್ನಾನಿ ದದೌ ಪಾರ್ಥಸ್ಯ ವೈ ಮುದಾ॥ 2-78-68 (14485)
ಅನ್ಯಾನ್ಬಹುವಿಧಾನ್ರಾಜನ್ನರಃ ಸಾಗರಮಾಶ್ರಿತಾಃ।
ರತ್ನಾನಿ ವಿವಿಧಾನ್ಗೃಹ್ಯ ದದುಸ್ತೇ ಪಾಂಡವಾಯ ತು॥ 2-78-69 (14486)
ಮಾಲವಾಶ್ಚ ತತೋ ರಾಜನ್ರತ್ನಾನಿ ವಿವಿಧಾನಿ ಚ।
ಗೋಧೂಮಾನಾಂ ಚ ರಾಜೇಂದ್ರ ದ್ರೋಣಾನಾಂ ಕೋಟಿಸಂಮಿತಂ॥ 2-78-70 (14487)
ಅನ್ಯಾಂಶ್ಚ ವಿವಿಧಾಂಧಾನ್ಯಾನ್ಪರಿಗೃಹ್ಯ ಮಹಾಬಲಃ।
ಪಾಂಡವಾಯ ದದೌ ಪ್ರೀತ್ಯಾ ಪ್ರವಿವೇಶ ಮಹಾಧ್ವರಂ॥ 2-78-71 (14488)
ನಾನಾರತ್ನಾನ್ಬಹೂನ್ಗೃಹ್ಯ ಸುರಾಷ್ಟ್ರಾಧಿಪತಿರ್ನೃಪಃ।
ತೈಲಕುಂಭಾನ್ಮಹಾರಾಜ ದ್ರೋಣಾನಾಮಯುತಾನಿ ಚ॥ 2-78-72 (14489)
ಗುಡಾನಪಿ ಸ ತಾನ್ಸ್ವಾದೂನ್ಸಹಸ್ರಶಕಟೈರ್ನೃಪಃ।
ಏತಾನಿ ಸರ್ವಾಣ್ಯಾದಾಯ ದದೌ ಕುಂತೀಸುತಾಯ ಸಃ॥ 2-78-73 (14490)
ಅನ್ಯೇ ಚ ಪಾರ್ಥಿವಾ ರಾಜನ್ನಾನಾದೇಶಸಮಾಗತಾಃ।
ರತ್ನಾನಿ ವಿವಿಧಾನ್ಗೃಹ್ಯ ದದುಸ್ತೇ ಕೌರವಾಯ ತು॥ 2-78-74 (14491)
ಜಂಬೂದ್ವೀಪೇ ಸಮಸ್ತೇ ತು ಸರಾಷ್ಟ್ರವನಪರ್ವತೇ।
ಕರಂ ತು ನ ಪ್ರಯಚ್ಛೇತ ನಾಸ್ತಿ ಪಾರ್ಥಸ್ಯ ಪಾರ್ಥಿವಃ॥ 2-78-75 (14492)
ನರಃ ಸಪ್ತಸು ವರ್ಷೇಸು ತದ್ಯಜ್ಞೇ ನಾಸ್ತಿ ನಾಗತಃ।
ಕ್ರತುರ್ನಾನಾಗಣೈಃ ಕೀರ್ಣೋ ಬಭೌ ಶಕ್ರಸದೋ ಯಥಾ॥ 2-78-76 (14493)
ಇಮಾಂಶ್ಚ ದಾಯಾನ್ವಿವಿಧಾನ್ನಿಬೋಧ ಮಮ ಪಾರ್ಥಿವ।
ಯಜ್ಞಾಪ್ಥೇ ರಾಜಭಿರ್ದತ್ತಾನ್ಮಹತೋ ಧನಸಂಚಯಾನ್॥ 2-78-77 (14494)
ಮೇರುಮಂದರಯೋರ್ಮಧ್ಯೇ ಶೈಲೋದಾಮಭಿತೋ ನದೀಂ।
ಯೇ ತೇ ಕೀಚಕವೇಣೂನಾಂ ಛಾಯಾಂ ರಂಯಾಮುಪಾಸತೇ॥ 2-78-78 (14495)
ಖಷಾ ಏಕಾಸನಾದ್ಯರ್ಹಾಃ ಪ್ರದರಾ ದೀರ್ಘವೇಣವಃ।
ಪಾರದಾಶ್ಚ ಕುಲಿಂದಾಶ್ಚ ತಂಕಣಾಃ ಪರತಂಕಣಾಃ॥ 2-78-79 (14496)
ತದ್ವೈ ಪಿಪೀಲಿಕಂ ನಾಮ ಉದ್ಧೃತಂ ಯತ್ಪಿಪೀಲಿಕೈಃ।
ಜಾತರೂಪಂ ದ್ರೋಣಮೇಯಮಹಾರ್ಷುಃ ಕುಂಜಶೋ ನರಾಃ॥ 2-78-80 (14497)
ಕೃಷ್ಣವಾಲಾಂಶ್ಚ ಚಮರಾಂಛುಕ್ಲವಾಲಾಂಸ್ತಥಾ ಪರಾನ್।
ಹಿಮವತ್ಪುಷ್ಪಜಂ ಚೈವ ಸ್ವಾದುಕ್ಷೌದ್ರರಸಂ ಬಹು॥ 2-78-81 (14498)
ಉತ್ತರೇಭ್ಯಃ ಕುರುಭ್ಯಶ್ಚ ವ್ಯೂಢಮಾಲ್ಯೈರ್ಮಹಾತ್ಮಭಿಃ।
ಉತ್ತರಾದಪಿ ಕೈಲಾಸಾದೋಷಧೀಃ ಸುಮಹಾಬಲಾಃ॥ 2-78-82 (14499)
ಪಾರ್ವತೀಯಾಶ್ಚರಾಜಾನ ಆಹೃತ್ಯ ಪ್ರಣತಾಃ ಸ್ಥಿತಾಃ।
ಅಜಾತಶತ್ರವೇ ರಾಜಂದ್ವಾರಿ ತಿಷ್ಠಂತಿ ವಾರಿತಾಃ॥ 2-78-83 (14500)
ಯೇ ಪರಾರ್ಘ್ಯಾ ಹಿಮವತಃ ಸೂರ್ಯೋದಯಗಿರೇರನು।
ಏವಂರೂಪಾಃ ಸಮುದ್ರಾಂತೇ ಲೌಹಿತ್ಯಮಭಿತಶ್ಚ ಯೇ॥ 2-78-84 (14501)
ಫಲಮೂಲಾಶನಾ ಯೇ ಚ ಕಿರಾತಾಶ್ಚರ್ಮವಾಸಸಃ।
ಚಂದ್ನಾಗರುಮುಖ್ಯಾನಿ ಮಹಾರ್ಹಾನ್ಕಂಬಲಾನಿ ಚ॥ 2-78-85 (14502)
ಚರ್ಮರತ್ನಸುವರ್ಣಾನಿ ಗಂಧಾನುಚ್ಚಾವಚಾನಿ ಚ।
ಕೈರಾತಕೀನಾಮಯುತಂ ದಾಸೀನಾಂ ಚ ವಿಶಂಪತೇ ॥ 2-78-86 (14503)
ಆಹೃತ್ಯ ರಮಣೀಯಾರ್ಥಾಂದೂರಗಾನ್ಮೃಗಪಕ್ಷಿಣಃ।
ನಿಚಿತಂ ಪರ್ವತೇಭ್ಯಶ್ಚ ಹಿರಣ್ಯಂಭೂರಿವರ್ಚಸಂ॥ 2-78-87 (14504)
ಬಲಿಂ ಚ ಕೃತ್ಸ್ತ್ರಮಾದಾಯ ದ್ವಾರಿ ತಿಷ್ಟಂತಿ ವಾರಿತಾಃ।
ಕಾಪವ್ಯಾ ದರದಾ ದರ್ವಾಃ ಶೂರಾ ವೈ ಯಮಕಾಸ್ತಥಾ॥ 2-78-88 (14505)
ಔದುಂಬರಾ ದುರ್ವಿಭಾಗಾ ದ್ವಾರಿ ತಿಷ್ಟಂತಿ ವಾರಿತಾಃ।
ಕಾಶ್ಮೀರಾಶ್ಚ ಕುಮಾರಾಶ್ಚ ಗೌರಕಾ ಹಂಸಕಾಸ್ತಥಾ॥ 2-78-89 (14506)
ಶಿಬಿತ್ರೈಗರ್ತಯೌಧೇಯಾ ರಾಜನ್ಯಾ ಮದ್ರಕೈಃ ಸಹ।
ವಸುತೇಯಾಃ ಸಮೌಲೇಯಾ ದಾಹಕ್ಷುದ್ರಕಮಾಲವೈಃ॥ 2-78-90 (14507)
ಚೌಂಡಿಕಾಶ್ಚೌದಕಾಶ್ಚೈವ ಸಾಲ್ವಾಶ್ಚೈವ ವಿಶಂಪತೇ।
ಅಂಕವಂಕಾಶ್ಚ ಯವನಾ ಅನವದ್ಯಾ ಗಯೈಃ ಸಹ॥ 2-78-91 (14508)
ಸುಜಾತಯಃ ಶ್ರೇಣಿಮಂತಃ ಶ್ರೇಯಾಂಸಃ ಶಸ್ತ್ರಧಾರಿಣಃ।
ಆಹಾರ್ಷುಃ ಕ್ಷತ್ರಿಯಾ ವಿತ್ತಂ ಶತಶೋಽಜಾತಶತ್ರವೈ॥ 2-78-92 (14509)
ವಂಕಾಃ ಕಲಿಂಗಾ ಮಗಧಾಸ್ತಾಂರಲಿಪ್ತಾಃ ಸಪುಂಡ್ರಕಾಃ।
ದುಕೂಲಂ ಕೌಶಿಕಂ ಚೈವ ಪತ್ರೋರ್ಣಂ ಚೈವ ಭಾರತ॥ 2-78-93 (14510)
ಉಪಾವೃತ್ತಾ ನೃಪಾಸ್ತಸ್ಯ ದದುಃ ಪ್ರೀತಿಂ ನ ಚಾಗಮನ್।
ಉಚ್ಯಂತೇ ತತ್ರ ಹಿ ದ್ವಾರ್ಸ್ಥೈರ್ಬಲಿಮಾದಾಯ ವಿಷ್ಠಿತಾಃ॥ 2-78-94 (14511)
ಈಷಾದಂತಾನ್ಹೇಮಕಕ್ಷ್ಯಾನ್ಪದ್ಮವರ್ಣಾನ್ಕುಥಾವೃತಾನ್।
ಶೈಲಾಭಾನ್ನಿತ್ಯಮತ್ತಾಂಶ್ಚಾಪ್ಯಭಿತಃ ಕಾಂಯಕಂ ಸರಃ॥ 2-78-95 (14512)
ಕ್ಷಮಾವತಃ ಕುಲೀನಾಂಶ್ಚ ಕುಂಜರಾನ್ಸಪರಿಚ್ಛದಾನ್।
ದತ್ತ್ವೈಕೈಕೋ ದಶಶತಾಂದ್ವಾರೇಣ ಪ್ರವಿಶಂತ್ವಿತಿ॥ 2-78-96 (14513)
ವೈದೇಹಕಾಶ್ಚ ಪುಂಡ್ರಾಶ್ಚ ಗೌಲೇಯಾಸ್ತಾಂರಲಿಪ್ತಕಾಃ।
ಮರುಕಾಃ ಕಾಶಿಕಾ ದರ್ದಾ ಭೌಮೇಯಾ ನಟನಾಟಕಾಃ॥ 2-78-97 (14514)
ಕರ್ಣಾಟಾಃ ಕಾಂಸ್ಯಕುಟ್ಟಾಶ್ಚ ಪದ್ಮಜಾಲಾಃ ಸತೀನರಾಃ।
ದಾಕ್ಷಿಣಾತ್ಯಾಃ ಪುಲಿಂದಾಶ್ಚ ಶವೇರಾಸ್ತಂಕಣಾಃ ಶಷಾಃ॥ 2-78-98 (14515)
ಬರ್ಬರಾ ಯವನಾಶ್ಚೈವ ಗರ್ಗರಾಭೀರಕಾಸ್ತಥಾ।
ಪಲ್ಲವಾಃ ಶಕಕಾರೂಶಾಸ್ತುಂಬಕಾಃ ಕಾಶಿಕಾಸ್ತದಾ॥ 2-78-99 (14516)
ಏತೇ ಚಾನ್ಯೇ ಚ ಬಹವೋ ನಾನಾದಿಗಭ್ಯಃ ಸಮಾಗತಾಃ।
ಅನ್ಯೈಶ್ಚೋಪಹೃತಾನ್ಯತ್ರ ರತ್ನಾನಿ ಹಿ ಮಹಾತ್ಮಭಿಃ॥ 2-78-100 (14517)
ಸಮುದ್ರಸಾರವೈಡೂರ್ಯಾನ್ಮುಕ್ತಾಃ ಶಂಖಾಸ್ತಥೈವ ಚ।
ಶುಭಾವರ್ತಾಂಛುಭಾಂಛುಕ್ತೀಃ ಸಿಂಹಲಾಃ ಸಮುಪಾಹರನ್॥ 2-78-101 (14518)
ಸಂಭೃತಾನ್ಮಣಿಚೀರೈಶ್ಚ ಶ್ಯಾಮಾಂಸ್ತಾಂರಾಂತಲೋಚನಾನ್।
ರಾಜಾ ಚಿತ್ರರಥೋ ನಾಮ ಗಂಧರ್ವೋ ವಾಸವಾನುಗಃ।
ಶತಾನಿ ಚತ್ವಾರ್ಯದದದ್ಧಯಾನಾಂ ವಾತರಂಹಸಾಂ॥ 2-78-102 (14519)
ತುಂಬುರುಸ್ತು ಪ್ರಮುದಿತೋ ಗಂಧರ್ವೋ ವಾಜಿನಾಂ ಶತಂ।
ಆಂರಪತ್ರಸವರ್ಣಾನಾಮದದದ್ಧೇಮಮಾಲಿನಾಂ॥ 2-78-103 (14520)
ಕೃತೀ ರಾಜಾ ಚ ಕೌರವ್ಯ ಶೂಕರಾಣಾಂ ವಿಶಾಂಪತೇ।
ಅದದದ್ಗಜರತ್ನಾನಾಂ ಶತಾನಿ ಸುಬಹೂನ್ಯಥ॥ 2-78-104 (14521)
ವಿರಾಟೇನ ತು ಮತ್ಸ್ಯೇನ ಬಲ್ಯರ್ಥಂ ಹೇಮಮಾಲಿನಾಂ।
ಕುಂಜರಾಣಾಂ ಸಹಸ್ರೇ ದ್ವೇ ಮತ್ತಾನಾಂ ಸಮುಪಾಹೃತೇ॥ 2-78-105 (14522)
ಪಾಂಸುರಾಷ್ಟ್ರಾದ್ವಮುದಾನೋ ರಾಜಾ ಷಡ್ವಿಂಶತಿಂ ಗಜಾನ್।
ಅಶ್ವಾನಾಂ ಚಸಹಸ್ರೇ ದ್ವೇ ರಾಜನ್ಕಾಂಚನಮಾಲಿನಾಂ॥ 2-78-106 (14523)
ಜವಸತ್ವೋಪಪನ್ನಾನಾಂ ವಯಸ್ಥಾನಾಂ ನರಾಧಿಪ।
ಬಲಿಂ ಚ ಕೃತ್ಸ್ನಮಾದಾಯ ಪಾಂಡವೇಭ್ಯೋ ನ್ಯವೇದಯತ್॥ 2-78-107 (14524)
ಯಜ್ಞಸೇನೇನ ದಾಸೀನಾಂ ಸಹಸ್ರಾಣಿ ಚತುರ್ದಶ।
ದಾಸಾನಾಮಯುತಂ ಚೈವ ಸದಾರಾಣಾಂ ವಿಶಾಂಪತೇ॥ 2-78-108 (14525)
ಗಜಯುಕ್ತಾ ಮಹಾರಾಜ ರಥಾಃ ಷಡ್ವಿಂಶತಿಸ್ತಥಾ।
ರಾಜ್ಯಂ ಚ ಕೃತ್ಸ್ನಂ ಪಾರ್ಥೇಭ್ಯೋ ಯಜ್ಞಾರ್ಥಂ ವೈ ನಿವೇದಿತಂ॥ 2-78-109 (14526)
ವಾಸುದೇವೋಽಪಿ ವಾರ್ಷ್ಣೇಯೋ ಮಾನಂ ಕುರ್ವನ್ಕಿರೀಟಿನಃ।
ಅದದದ್ಗಜಮುಖ್ಯಾನಾಂ ಸಹಸ್ರಾಣಿ ಚತುರ್ದಶ॥ 2-78-110 (14527)
ಆತ್ಮಾ ಹಿ ಕೃಷ್ಣಃ ಪಾರ್ಥಸ್ಯ ಕೃಷ್ಣಸ್ಯಾತ್ಮಾ ಧನಂಜಯಃ।
ಯದ್ಬ್ರೂಯಾದರ್ಜುನಃ ಕೃಷ್ಣಂ ಸರ್ವಂ ಕುರ್ಯಾದಸಂಶಯಂ॥ 2-78-111 (14528)
ಕೃಷ್ಣೋ ಧನಂಜಯಸ್ಯಾರ್ಥೇ ಸ್ವರ್ಗಲೋಕಮಪಿ ತ್ಯಜೇತ್।
ತಥೈವ ಪಾರ್ಥಃ ಕೃಷ್ಣಾರ್ಥೇ ಪ್ರಾಣಾನಪಿ ಪರಿತ್ಯಜೇತ್॥ 2-78-112 (14529)
ಸುರಭೀಂಶ್ಚಂದನರಸಾನ್ಹೇಮಕುಂಭಸಮಾಸ್ಥಿತಾನ್।
ಮಲಯಾದ್ದರ್ದುರಾಚ್ಚೈವ ಚಂದನಾಗುರುಸಂಚಯಾನ್॥ 2-78-113 (14530)
ಮಣಿರತ್ನಾನಿ ಭಾಸ್ವಂತಿ ಕಾಂಚನಂ ಸೂಕ್ಷ್ಮವಸ್ತ್ರಕಂ।
ಚೋಲಪಾಂಡ್ಯಾವಪಿ ದ್ವಾರಂ ನ ಲೇಭಾತೇ ಹ್ಯುಪಸ್ಥಿತೌ॥ 2-78-114 (14531)
ಸಮುದ್ರಸಾರಂ ವೈದೂರ್ಯಂ ಮುಕ್ತಾಸಂಘಾಂಸ್ತಥೈವ ಚ।
ಶತಶಶ್ಚ ಕುಥಾಂಸ್ತತ್ರ ಸಿಂಹಲಾಃ ಸಮುಪಾಹರನ್॥ 2-78-115 (14532)
ಸಂವೃತಾ ಮಣಿಚೀರೈಸ್ತು ಶ್ಯಾಮಾಸ್ತಾಂರಾಂತಲೋಚನಾಃ।
ತಾ ಗೃಹೀತ್ವಾ ನರಾಸ್ತತ್ರ ದ್ವಾರಿ ತಿಷ್ಠಂತಿ ವಾರಿತಾಃ॥ 2-78-116 (14533)
ಪ್ರೀತ್ಯರ್ಥಂ ಬ್ರಾಹ್ಮಣಶ್ಚೈವ ಕ್ಷತ್ರಿಯಾಶ್ಚ ವಿನಿರ್ಜಿತಾಃ।
ಉಪಾಜಹ್ರುರ್ವಿಶಶ್ಚೈವ ಶೂದ್ರಾಃ ಶುಶ್ರೂಷವಸ್ತಥಾ॥ 2-78-117 (14534)
ಪ್ರೀತ್ಯಾ ಚ ಬಹುಮಾನಾಚ್ಚಾಪ್ಯುಪಾಗಚ್ಛನ್ಯುಧಿಷ್ಠಿರಂ।
ಸರ್ವೇ ಂಲೇಚ್ಛಾಃ ಸರ್ವವರ್ಣಾ ಆದಿಮಧ್ಯಾಂತಜಾಸ್ತಥಾ॥ 2-78-118 (14535)
ನಾನಾದೇಶಸಮುತ್ಥೈಶ್ಚನ ನಾನಾಜಿತಿಭಿರೇವ ಚ।
ಪರ್ಯಸ್ತ ಇವ ಲೋಕೋಽಯಂ ಯುಧಿಷ್ಠಿರನಿವೇಶನೇ॥ 2-78-119 (14536)
ಉಚ್ಚಾವಚಾನುಪಗ್ರಾಹಾನ್ರಾಜಭಿಃ ಪ್ರಾಪಿತಾನ್ಬಹೂನ್।
ಶತ್ರೂಣಾಂ ಪಶ್ಯತೋ ದುಃಖಾನ್ಮುಮೂರ್ಷಾ ಮೇ ವ್ಯಜಾಯತ॥ 2-78-120 (14537)
ಭೃತ್ಯಾಸ್ತು ಯೇ ಪಾಂಡವಾನಾಂ ತಾಂಸ್ತೇ ವಕ್ಷ್ಯಾಮಿ ಪಾರ್ಥಿವ।
ಯೇಷಾಮಾಮಂ ಚ ಪಕ್ವಂ ಚ ಸಂವಿಧತ್ತೇ ಯುಧಿಷ್ಠಿರಃ॥ 2-78-121 (14538)
ಅಯುತಂ ತ್ರೀಣಿ ಪದ್ಮಾನಿ ಗಜಾರೋಹಾಃ ಸಸಾದಿನಃ।
ರಥಾನಾಮರ್ಬುದಂ ಚಾಪಿ ಪಾದಾತಾ ಬಹವಸ್ತಥಾ॥ 2-78-122 (14539)
ಪ್ರಮೀಯಮಾಣಮಾಂ ಚ ಪಚ್ಯಮಾನಂ ತಥೈವ ಚ।
ವಿಸೃಜ್ಯಮಾನಂ ಚಾನ್ಯತ್ರ ಪುಣ್ಯಾಹಸ್ವನ ಏವ ಚ॥ 2-78-123 (14540)
ನಾಭುಕ್ತವಂತಂ ನಾಪೀತಂ ನಾಲಂಕೃತಮಸತ್ಕೃತಂ।
ಅಪಶ್ಯಂ ಸರ್ವವರ್ಣಾನಾಂ ಯುಧಿಷ್ಠಿರನಿವೇಶನೇ॥ 2-78-124 (14541)
ಅಷ್ಟಾಶೀತಿಸಹಸ್ರಾಣಿ ಸ್ನಾತಕಾ ಗೃಹಮೇಧಿನಃ।
ತ್ರಿಂಶದ್ದಾಸೀಕ ಏಕೈಕೋ ಯಾನ್ಬಿಭರ್ತಿ ಯುಧಿಷ್ಠಿರಃ।
ಸುಪ್ರೀತಾಃ ಪರಿತೃಷ್ಟಾಶ್ಚ ತೇ ಹ್ಯಾಶಂಸತ್ತ್ಯರಿಕ್ಷಯಂ॥ 2-78-125 (14542)
ದಶಾನ್ಯಾನಿ ಸಹಸ್ರಾಣಿ ಯತೀನಾಮೂರ್ಧ್ವರೇತಸಾಂ।
ಭುಂಜತೇ ರುಕ್ಮಪಾತ್ರೀಭಿರ್ಯುಧಿಷ್ಠಿರನಿವೇಶನೇ॥ 2-78-126 (14543)
ಅಭುಕ್ತಂ ಭುಕ್ತವದ್ವಾಪಿ ಸರ್ವಮಾಕುಬ್ಜವಾಮನಂ।
ಅಭುಂಜಾನಾ ಯಾಜ್ಞಸೇನೀ ಪ್ರತ್ಯವೈಕ್ಷದ್ವಿಶಾಂಪತೇ॥ 2-78-127 (14544)
ದ್ವೌ ಕರೌ ನ ಪ್ರಯಚ್ಛೇತಾಂ ಕುಂತೀಪುತ್ರಾಯ ಭಾರತ।
ಸಾಂಬಂಧಿಕೇನಪಾಂಚಾಲಾಃ ಸಖ್ಯೇನಾಂಧಕವೃಷ್ಣಯಃ॥ ॥ 2-78-128 (14545)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದ್ಯೂತಪರ್ವಣಿ ಅಷ್ಟಸಪ್ತತಿತಮೋಽಧ್ಯಾಯಃ॥78॥
Mahabharata - Sabha Parva - Chapter Footnotes
2-78-2 ನಾವಿದಮಿತಿ ಸಂಬಂಧಃ। ಅಪಿ ತಥಾಪಿ ಮುಖ್ಯತೋ ವಕ್ಷ್ಯಮಾಣಂ ಧನಂ ಪ್ರತಿಪದ್ಯಸ್ವೇತ್ಯರ್ಥ ಃ। ಫಲತೋ ಜಾತಂ ವಸ್ತ್ರಾದಿ। ಭೂಮಿತೋ ಜಾತಂ ಹೀರಾದಿ ॥ 2-78-5 ವಸ್ತ್ರಾಣಿ ಧಾನ್ಯದ್ರವ್ಯಂ ಚ ಘ.ಪಾಠಃ ॥ 2-78-104ಸಭಾಪರ್ವ - ಅಧ್ಯಾಯ 079
॥ ಶ್ರೀಃ ॥
2.79. ಅಧ್ಯಾಯಃ 079
Mahabharata - Sabha Parva - Chapter Topics
ದುರ್ಯೋಧನೇನ ಧೃತರಾಷ್ಟ್ರಸಮೀಪೇ ರಾಜಸೂಯವರ್ಣನಾದಿ॥ 1॥Mahabharata - Sabha Parva - Chapter Text
ದುರ್ಯೋಧನ ಉವಾಚ॥
ಆರ್ಯಾಸ್ತು ಯೇ ವೈ ರಾಜಾನಃ ಸತ್ಯಸಂಧಾ ಮಹಾವ್ರತಾಃ।
ಪರ್ಯಾಪ್ತವಿದ್ಯಾ ವಕ್ತಾರೋ ವೇದಾಂತಾವಭೃಥಪ್ಲುತಾಃ॥ 2-79-1 (14546)
ಧೃತಿಮಂತೋ ಹ್ರೀನಿಷೇವಾ ಧರ್ಮಾತ್ಮಾನೋ ನಾಶಸ್ವಿನಃ।
ಮೂರ್ಧಾಭಿಷಿಕ್ತಾಸ್ತೇ ಚೈನಂ ರಾಜಾನಃ ಪರ್ಯುಪಾಂಸತೇ॥ 2-79-2 (14547)
ದಕ್ಷಿಣಾರ್ಥಂ ಸಮಾನೀತ ರಾಜಭಿಃ ಕಾಂಸ್ಯದೋಹನಾಃ।
ಆರಣ್ಯಾ ಬಹುಸಾಹಸ್ರಾ ಅಪಶ್ಯಂಸ್ತತ್ರತತ್ರ ಗಾಃ॥ 2-79-3 (14548)
ಆಜಹ್ರಸ್ತತ್ರ ಸತ್ಕೃತ್ಯ ಸ್ವಯಮುದ್ಯಂಯ ಭಾರತ।
ಅಭಿಷೇಕಾರ್ಥಮವ್ಯಗ್ರಾ ಭಾಂಡಮುಚ್ಚಾವಚಂ ನೃಪಾಃ॥ 2-79-4 (14549)
ಬಾಹ್ಲೀಕೋ ರಥಮಾಹಾರ್ಷೀಜ್ಜಾಂಬೂನದವಿಭೂಷಿತಂ।
ಸುದಕ್ಷಿಣಸ್ತು ಯುಯುಜೇ ಶ್ವೇತೈಃ ಕಾಂಭೋಜಜೈರ್ಹಯೈಃ॥ 2-79-5 (14550)
ಸುನೀಥಃ ಪ್ರೀತಿಮಾಂಶ್ಚೈವ ಹ್ಯನುಕರ್ಷಂ ಮಹಾಬಲಃ।
ಧ್ವಜಂ ಚೇದಿಪತಿಶ್ಚೈವಮಹಾರ್ಷೀತ್ಸ್ವಯಮುದ್ಯತಂ॥ 2-79-6 (14551)
ದಾಕ್ಷಿಣಾತ್ಯಃ ಸನ್ನಹನಂ ಸ್ರಗುಷ್ಣೀಷೇ ಚ ಮಾಗಧಃ।
ವಸುದಾನೋ ಮಹೇಷ್ವಾಸೋ ಗಜೇಂದ್ರಂ ಷಷ್ಟಿಹಾಯನಂ॥ 2-79-7 (14552)
ಮತ್ಸ್ಯಸ್ತ್ವಕ್ಷಾನ್ಹೇಮನದ್ಧಾನೇಕಲವ್ಯ ಉಪಾನಹೌ।
ಆವಂತ್ಯಸ್ತ್ವಭಿಷೇಕಾರ್ಥಮಪೋ ಬಹುವಿಧಾಸ್ತಥಾ॥ 2-79-8 (14553)
ಚೇಕಿತಾನ ಉಪಾಸಂಗಂ ಧನುಃ ಕಾಶ್ಯ ಉಪಾಹರತ್।
ಅಸಿಂ ಚ ಸುತ್ಸರುಂ ಶಲ್ಯಃ ಶೈಕ್ಯಂ ಕಾಂಚನಭೂಷಣಂ॥ 2-79-9 (14554)
ಅಭ್ಯಪಿಂಚತ್ತತೋ ಧೌಂಯೋ ವ್ಯಾಸಶ್ಚ ಸಮುಹಾತಪಾಃ।
ನಾರದಂ ಚ ಪುರಸ್ಕೃತ್ಯ ದೇವಲಂ ಚಾಸಿತಂ ಮುನಿಂ॥ 2-79-10 (14555)
ಪ್ರೀತಿಮಂತ ಉಪಾತಿಷ್ಠನ್ನಭಿಷೇಕಂ ಮಹರ್ಷಯಃ।
ಜಾಮದಗ್ನ್ಯೇನ ಸಹಿತಾಸ್ತಥಾನ್ಯೇ ವೇದಪಾರಗಾಃ॥ 2-79-11 (14556)
ಅಭಿಜಗ್ಮರ್ಮಹಾತ್ಮಾನೋ ಮಂತ್ರವದ್ಭೂರಿದಕ್ಷಿಣಂ।
ಮಹೇಂದ್ರಮಿವ ದೇವೇಂದ್ರಂ ದಿವಿ ಸಪ್ತರ್ಷಯೋ ಯಥಾ॥ 2-79-12 (14557)
ಅಧಾರಯಚ್ಛತ್ರಮಸ್ಯ ಸಾತ್ಯಕಿಃ ಸತ್ಯವಿಕ್ರಮಃ।
ಧನಂಜಯಶ್ಚ ವ್ಯಜನೇ ಭೀಮಸೇನಶ್ಚ ಪಾಂಡವಃ॥ 2-79-13 (14558)
ಚಾಮರೇ ಚಾಪಿ ಶುದ್ಧೇ ದ್ವೇ ಯಮೌ ಜಗೃಹತುಸ್ತಥಾ।
ಉಪಾಗೃಹ್ಣಾದ್ಯಮಿಂದ್ರಾಯ ಪುರಾಕಲ್ಪೇ ಪ್ರಜಾಪತಿಃ॥ 2-79-14 (14559)
ತಮಸ್ಮೈ ಶಂಖಮಾಹಾರ್ಷೀದ್ವಾರುಣಂ ಕಲಶೋದಧಿಃ।
ಶೈಕ್ಯಂ ನಿಷ್ಕಸಹಸ್ರೇಣ ಸುಕೃತಂ ವಿಶ್ವಕರ್ಮಣಾ॥ 2-79-15 (14560)
ತೇನಾಭಿಷಿಕ್ತಃ ಕೃಷ್ಣೇನ ತತ್ರ ಮೇ ಕಶ್ಮಲೋಽಭವತ್।
ಗಚ್ಛಂತಿ ಪೂರ್ವಾದಪರಂ ಸಮುದ್ರಂ ಚಾಪಿ ದಕ್ಷಿಣಂ॥ 2-79-16 (14561)
ಉತ್ತರಂ ತು ಗಚ್ಛಂತಿ ವಿನಾ ತಾತ ಪತತ್ರ್ರಿಭಿಃ।
ತತ್ರ ಸ್ಮ ದಧ್ಮುಃ ಶತಶಃ ಶಂಖಾನ್ಮಂಗಲಕಾರಕಾನ್॥ 2-79-17 (14562)
ಪ್ರಾಣದಂತ ಸಮಾಧ್ಮಾತಾಸ್ತತೋ ರೋಮಾಣಿ ಮೇಽಹೃಷನ್।
ಪ್ರಾಪತನ್ಭೂಮಿಪಾಲಾಶ್ಚ ಯೇ ತು ಹೀನಾಃ ಸ್ವತೇಜಸಾ॥ 2-79-18 (14563)
ಧೃಷ್ಟದ್ಯುಂನಃ ಪಾಂಡವಾಶ್ಚ ಸಾತ್ಯಕಿಃ ಕೇಶವೋಽಷ್ಟಮಃ।
ಸತ್ವಸ್ಥಾ ವೀರ್ಯಸಂಪನ್ನಾ ಹ್ಯನ್ಯೋನ್ಯಪ್ರಿಯದರ್ಶನಾಃ॥ 2-79-19 (14564)
ವಿಸಂಜ್ಞಾನ್ಭೂಮಿಪಾಂದೃಷ್ಟ್ವಾ ಮಾಂ ಚ ತೇ ಪ್ರಾಹಸಂಸ್ತದಾ।
ತತಃ ಪ್ರಹೃಷ್ಟೋ ಬೀಭತ್ಸುಃ ಪ್ರಾದಾದ್ಧೇಮವಿಷಾಣಿನಾಂ॥ 2-79-20 (14565)
ಶತಾನ್ಯನಡುಹಾಂ ಪಂಚ ದ್ವಿಜಮುಖ್ಯೇಷು ಭಾರತ।
ನ ರಂತಿದೇವೋ ನಾಭಾಗೋ ಯೌವನಾಶ್ವೋ ಮನುರ್ನ ಚ॥ 2-79-21 (14566)
ನ ಚ ರಾಜಾ ಪೃಥುರ್ವೈನ್ಯೋ ನ ಚಾಪ್ಯಾಸೀದ್ಭಗೀರಥಃ।
ಯಯಾತಿರ್ನಹುಷೋ ವಾಪಿ ಯಥಾ ರಾಜಾ ಯುಧಿಷ್ಠಿರಃ॥ 2-79-22 (14567)
ಯಥಾಽತಿಮಾತ್ರಂ ಕೌಂತೇಯಃ ಶ್ರಿಯಾ ಪರಮಯಾ ಯುತಃ।
ರಾಜಸೂಯಮವಾಪ್ಯೈವಂ ಹರಿಶ್ಚಂದ್ರ ಇವ ಪ್ರಭುಃ॥ 2-79-23 (14568)
ಏತಾಂ ದೃಷ್ಟಾ ಶ್ರಿಯಂ ಪಾರ್ಥೇ ಹರಿಶ್ಚಂದ್ರೇ ಯಥಾ ವಿಭೋ।
ಕಥಂ ತು ಜೀವಿತಂ ಶ್ರೇಯೋ ಮಮ ಪಶ್ಯಸಿ ಭಾರತ॥ 2-79-24 (14569)
ಅಂಧೇನೇವ ಯುಗಂ ನದ್ಧಂ ವಿಪರ್ಯಸ್ತಂ ನರಾಧಿಪ।
ಕನೀಯಾಂಸೋ ವಿವರ್ಧಂತೇ ಜ್ಯೇಷ್ಠಾ ಹೀಯಂತ ಏವ ಚ॥ 2-79-25 (14570)
ಏವಂ ದೃಷ್ಟ್ವಾ ನಾಭಿವಿಂದಾಮಿ ಶರ್ಮ
ಸಮೀಕ್ಷಮಾಣೋಽಪಿ ಕುರುಪ್ರವೀರ।
ತೇನಾಹಮೇವಂ ಕೃಶತಾಂ ಗತಶ್ಚ
ವಿವರ್ಣತಾಂ ಚೈವ ಸಶೋಕತಾಂ ಚ॥ ॥ 2-79-26 (14571)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದ್ಯೂತಪರ್ವಣಿ ಊನಾಶೀತಿತಮೋಽಧ್ಯಾಯಃ॥79 ॥
Mahabharata - Sabha Parva - Chapter Footnotes
2-79-2 ಹೀನಿಷೇವಾ ಲಜ್ಜಾವಂತಃ॥ಸಭಾಪರ್ವ - ಅಧ್ಯಾಯ 080
॥ ಶ್ರೀಃ ॥
2.80. ಅಧ್ಯಾಯಃ 080
Mahabharata - Sabha Parva - Chapter Topics
ದುರ್ಯೋಧನಂಪ್ರತಿ ಧೃತರಾಷ್ಟ್ರೇಣ ಪಾಂಡವೇಷು ದ್ವೇಷನಿಷೇಧನಂ॥ 1॥Mahabharata - Sabha Parva - Chapter Text
ಧೃತರಾಷ್ಟ್ರ ಉವಾಚ।
ತ್ವಂ ವೈ ಜ್ಯೇಷ್ಠೋ ಜ್ಯೈಷ್ಠಿನೇಯಃ ಪುತ್ರ ಮಾ ಪಾಂಡವಾಂದ್ವಿಷಃ।
ದ್ವೇಷಾ ಹ್ಯಸುಖಮಾದತ್ತೇ ಯಥೈವ ನಿಘನಂ ತಥಾ॥ 2-80-1 (14572)
ಅವ್ಯುತ್ಪನ್ನಂ ಸಮಾನಾರ್ಥಂ ತುಲ್ಯಮಿತ್ರಂ ಯುಧಿಷ್ಠಿರಂ।
ಅದ್ವಿಷಂತಂ ಕಥಂ ದ್ವಿಷ್ಯಾತ್ತ್ವಾದೃಶೋ ಭರತರ್ಷಭ॥ 2-80-2 (14573)
ತುಲ್ಯಾಭಿಜನವೀರ್ಯಶ್ಚ ಕಥಂ ಭ್ರಾತುಃ ಶ್ರಿಯಂ ನೃಪ।
ಪುತ್ರ ಕಾಮಯಸೇ ಮೋಹಾನ್ಮೈವಂ ಭೂಃ ಶಾಂಯ ಮಾ ಶುಚಃ॥ 2-80-3 (14574)
ಅಥ ಯಜ್ಞವಿಭೂತಿಂ ತಾಂ ಕಾಂಕ್ಷಸೇ ಭರತರ್ಷಭ।
ಋತ್ವಿಜಸ್ತವ ತನ್ವಂತು ಸಪ್ತತಂತುಂ ಮಹಾಧ್ವರಂ॥ 2-80-4 (14575)
ಆಹರಿಷ್ಯಂತಿ ರಾಜಾನಸ್ತವಾಪಿ ವಿಪುಲಂ ಧನಂ।
ಪ್ರೀತ್ಯಾ ಚ ಬಹುಮಾನಾಚ್ಚ ರತ್ನಾನ್ಯಾಭರಣಾನಿ ಚ॥ 2-80-5 (14576)
ಅನಾರ್ಯಾಚರಿತಂ ತಾತ ಪರಸ್ವಸ್ಪೃಹಣಂ ಭೃಶಂ।
ಸ್ವಸಂತುಷ್ಟಃ ಸ್ವಧರ್ಮಸ್ಥೋ ಯಃ ಸ ವೈ ಸುಖಮೇಧತೇ॥ 2-80-6 (14577)
`ಮಹೀ ಕಾಮದುಘಾ ಸಾ ಹಿ ವೀರಪತ್ನೀತಿ ಚೋಚ್ಯತೇ।
ತಥಾ ವೀರಸ್ಯ ಭಾರ್ಯಾ ಶ್ರೀಸ್ತೇ ಇಮೇ ಹಿ ಕಲತ್ರವತ್॥ 2-80-7 (14578)
ತವಾಪ್ಯಸ್ತಿ ಹೇ ಚೇದ್ವೀರ್ಯಂ ಭೋಕ್ಷ್ಯಸೇ ಹಿ ಮಹೀಮಿಮಾಂ॥ 2-80-8 (14579)
ಅಯುಕ್ತಮಿದಮೇತತ್ತು ಪರಸ್ವಹರಣಂ ಭೃಶಂ।
ಉಭಯೋರ್ಲೋಕಯೋರ್ದುಃಖಂ ಸುಹೃದಾಂ ಕಾಂಕ್ಷತೋಽನಯಂ॥ 2-80-9 (14580)
ಅವ್ಯಾಪಾರಃ ಪರಾರ್ತೇಷು ನಿತ್ಯೋದ್ಯೋಗಃ ಸ್ವಕರ್ಮಸು।
ರಕ್ಷಣಂ ಸಮುಪಾತ್ತಾನಾಮೇತದ್ವೈಭವಲಕ್ಷಣಂ॥ 2-80-10 (14581)
ವಿಪತ್ತಿಷ್ವವ್ಯಥೋ ದಕ್ಷೋ ನಿತ್ಯಮುತ್ಥಾನವಾನ್ನರಃ।
ಅಪ್ರಮತ್ತೋ ವಿನೀತಾತ್ಮಾ ನಿತ್ಯಂ ಭದ್ರಾಣಿ ಪಶ್ಯತಿ॥ 2-80-11 (14582)
ಬಾಹೂನಿವೈತಾನ್ಮಾ ಚ್ಛೇತ್ಸೀಃ ಪಾಂಡುಪುತ್ರಾಸ್ತಥೈವ ತೇ।
ಭ್ರಾತೃಣಾಂ ತದ್ಧನಾರ್ಥಂ ವೈ ಮಿತ್ರದ್ರೋಹಂ ಚ ಮಾ ಕುರು॥ 2-80-12 (14583)
ಪಾಂಡೋಃ ಪುತ್ರಾನ್ಮಾ ದ್ವಿಷಸ್ವೇಹ ರಾಜಂ-
ಸ್ತಥೈವ ತೇ ಭ್ರಾತೃಧನಂ ಸಮಗ್ರಂ।
ಮಿತ್ರದ್ರೋಹೇ ತಾತ ಮಹಾನಘರ್ಮಃ
ಪಿತಾಮಹಾ ಯೇ ತವ ತೇಽಪಿ ತೇಷಾಂ॥ 2-80-13 (14584)
ಅಂತರ್ವೇದ್ಯಾಂ ದದದ್ವಿತ್ತಂ ಕಾಮಾನನುಭವನ್ಪ್ರಿಯಾನ್।
ಕ್ರೀಡನ್ಸ್ತ್ರೀಭಿರ್ನಿರಾತಂಕಃ ಪ್ರಶಾಂಯ ಭರತರ್ಷಭ॥ ॥ 2-80-14 (14585)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದ್ಯೂತಪರ್ವಣಿ ಅಶೀತಿತಮೋಽಧ್ಯಾಯಃ॥80 ॥
Mahabharata - Sabha Parva - Chapter Footnotes
2-80-1 ಜ್ಯೇಷ್ಠಾಯಾ ಅಪತ್ಯಂ ಜ್ಯೈಷ್ಠಿನೇಯಃ॥ 2-80-2 ಅವ್ಯುತ್ಪನ್ನಂ ಪರಕಪಟಾನಭಿಜ್ಞಂ। ಸಮಾನಾರ್ಥಂ ತುಲ್ಯಧನಂ। ತುಲ್ಯಮಿತ್ರಂ ತ್ವನ್ಮಿತ್ರಾ ದ್ರೋಹಿಣಂ ಅದ್ವಿಷಂತಂ ಚ ತ್ವಾಮಪೀತಿ ಶೇಷಃ॥ಸಭಾಪರ್ವ - ಅಧ್ಯಾಯ 081
॥ ಶ್ರೀಃ ॥
2.81. ಅಧ್ಯಾಯಃ 081
Mahabharata - Sabha Parva - Chapter Topics
ದುರ್ಯೋಧನೇನ ಧೃತರಾಷ್ಟ್ರೋಕ್ತಿಪ್ರತಿಕೂಲಭಾಷಣಂ॥ 1॥Mahabharata - Sabha Parva - Chapter Text
ದುರ್ಯೋಧನ ಉವಾಚ॥
ಯಸ್ಯ ನಾಸ್ತಿ ನಿಜಾ ಪ್ರಜ್ಞಾ ಕೇವಲಂ ತು ಬಹುಶ್ರುತಃ।
ನ ಸ ಜಾನಾತಿ ಶಾಸ್ತ್ರಾರ್ಥಂ ದರ್ವೀ ಸೂಪರಸಾನಿವ॥ 2-81-1 (14586)
ಜಾನನ್ವೈ ಮೋಹಯತಿ ಮಾಂ ನಾವಿ ನೌರಿವ ಸಂಯತಾ।
ಸ್ವಾರ್ಥೇ ಕಿಂ ನಾವಧಾನಂ ತೇ ಉತಾಹೋ ದ್ವೇಷ್ಟಿ ಮಾಂ ಭವಾನ್॥ 2-81-2 (14587)
ನ ಸಂತೀಮೇ ಧಾರ್ತರಾಷ್ಟ್ರಾ ಯೇಷಾಂ ತ್ವಮನುಶಾಸಿತಾ।
ಭವಿಷ್ಯಮರ್ಥಮಾಖ್ಯಾಸಿ ಸರ್ವದಾ ಕೃತ್ಯಮಾತ್ಮನಃ॥ 2-81-3 (14588)
ಪರನೇಯೋಽಗ್ರಣೀರ್ಯಸ್ಯ ಸ ಮಾರ್ಗಾನ್ಪ್ರತಿಮುಹ್ಯತಿ।
ಪಂಥಾನಮನುಗಚ್ಛೇಯುಃ ಕಥಂ ತಸ್ಯ ಪದಾನುಗಾಃ॥ 2-81-4 (14589)
ರಾಜನ್ಪರಿಣತಪ್ರಜ್ಞೋ ವೃದ್ಧಸೇವೀ ಜಿತೇಂದ್ರಿಯಃ।
ಪ್ರತಿಪನ್ನಾನ್ಸ್ವಕಾರ್ಯೇಷು ಸಂಮೋಹಯಸಿ ನೋ ಭೃಶಂ॥ 2-81-5 (14590)
ಲೋಕವೃತ್ತಾದ್ರಾಜವೃತ್ತಮನ್ಯದಾಹ ಬೃಹಸ್ಪತಿಃ।
ತಸ್ಮಾದ್ರಾಜ್ಞಾಽಪ್ರಮತ್ತೇನ ಸ್ವಾರ್ಥಶ್ಚಿಂತ್ಯಃ ಸದೈವ ಹಿ॥ 2-81-6 (14591)
ಕ್ಷತ್ರಿಯಸ್ಯ ಮಹಾರಾಜ ಜಯೇ ವೃತ್ತಿಃ ಸಮಾಹಿತಾ।
ಸ ವೈ ಧರ್ಮಸ್ತ್ವಧರ್ಮೋ ವಾ ಸ್ವವೃತ್ತೌ ಕಾ ಪರೀಕ್ಷಣಾ॥ 2-81-7 (14592)
ಪ್ರಕಾಲಯೇದ್ದಿಶಃ ಸರ್ವಾಃ ಪ್ರತೋದೇನೇವ ಸಾರಥಿಃ।
ಪ್ರತ್ಯಮಿತ್ರಶ್ರಿಯಂ ದೀಪ್ತಾಂ ಜಿಘೃಕ್ಷುರ್ಭರತರ್ಷಭ॥ 2-81-8 (14593)
ಪ್ರಚ್ಛನ್ನೋ ವಾ ಪ್ರಕಾಶೋ ವಾ ಯೋಗೋ ಯೋಽರಿಂ ಪ್ರಬಾಧತೇ।
ತದ್ವೈ ಶಸ್ತ್ರಂ ಶಸ್ತ್ರವಿದಾಂ ನ ಶಸ್ತ್ರಂ ಛೇದನಂ ಸ್ಮೃತಂ॥ 2-81-9 (14594)
ಶತ್ರುಶ್ಚೈವ ಹಿ ಮಿತ್ರಂ ಚ ನ ಲೇಖ್ಯಂ ನ ಚ ಮಾತೃಕಾ।
ಯೋ ವೈ ಸಂತಾಪಯತಿ ಯಂ ಸ ಶತ್ರುಃ ಪ್ರೋಚ್ಯತೇ ನೃಪ॥ 2-81-10 (14595)
ಅಸಂತೋಷಃ ಶ್ರಿಯೋ ಮೂಲಂ ತಸ್ಮಾತ್ತಂ ಕಾಮಯಾಂಯಹಂ।
ಸಮುಚ್ಛ್ರಯೇ ಯೋ ಯತತೇ ಸ ರಾಜನ್ಪರಮೋ ನಯಃ॥ 2-81-11 (14596)
ಮಮತ್ವಂ ಹಿ ನ ಕರ್ತವ್ಯಮೈಶ್ವರ್ಯೇ ವಾ ಧನೇಽಪಿ ವಾ।
ಪೂರ್ವಾವಾಪ್ತಂ ಹರಂತ್ಯನ್ಯೇ ರಾಜಧ್ರಮಂ ಹಿ ತಂ ವಿದುಃ॥ 2-81-12 (14597)
ಅದ್ರೋಹಸಮಂಯ ಕೃತ್ವಾ ಚಿಚ್ಛೇದ ನಮುಚೇಃ ಶಿರಃ।
ಶಕ್ರಃ ಸಾಽಭಿಮತಾ ತಸ್ಯ ರಿಪೌ ವೃತ್ತಿಃ ಸನಾತನೀ॥ 2-81-13 (14598)
ದ್ವಾವೇತೌ ಗ್ರಸತೇ ಭೂಮಿಃ ಸರ್ಪೋ ಬಿಲಶಯಾನಿವ।
ರಾಜಾನಂ ಚಾವಿರೋದ್ಧಾರಂ ಬ್ರಾಹ್ಮಣಂ ಚಾಪ್ರವಾಸಿನಂ॥ 2-81-14 (14599)
ನಾಸ್ತಿ ವೈ ಜಾತಿತಃ ಶತ್ರುಃ ಪುರುಷಸ್ಯ ವಿಶಾಂಪತೇ।
ಯೇನ ಸಾಧಾರಣೀ ವೃತ್ತಿಃ ಸ ಶತ್ರುರ್ನೇತರೋ ಜನಃ॥ 2-81-15 (14600)
ಶತ್ರುಪಕ್ಷಂ ಸಮೃಧ್ಯಂತಂ ಯೋ ಮೋಹಾತ್ಸಮುಪೇಕ್ಷತೇ।
ವ್ಯಾಧಿರಾಪ್ಯಾಯಿತ ಇವ ತಸ್ಯ ಮೂಲಂ ಛಿನತ್ತಿ ಸಃ॥ 2-81-16 (14601)
ಅಲ್ಪೋಽಪಿ ಹ್ಯರಿರತ್ಯರ್ಥಂ ವರ್ಧಮಾನಃ ಪರಾಕ್ರಮೈಃ।
ವಲ್ಮೀಕೋ ಮೂಲಜ ಇವ ಗ್ರಸತೇ ವೃಕ್ಷಮಂತಿಕಾತ್॥ 2-81-17 (14602)
ಆಜಮೀಢ ರಿಪೋರ್ಲಕ್ಷ್ಮೀರ್ಮಾ ತೇ ರೋಚಿಷ್ಟ ಭಾರತ।
ಏಷ ಭಾರಃ ಸತ್ವವತಾಂ ನ ಯಃ ಶಿರಸಿ ಧಿಷ್ಠಿತಃ॥ 2-81-18 (14603)
ಜನ್ಮವೃದ್ಧಿಮಿವಾರ್ಥಾನಾಂ ಯೋ ವೃದ್ಧಿಮಾಭಿಕಾಂಕ್ಷತೇ।
ಏಧತೇ ಜ್ಞಾತಿಷು ಸ ವೈ ಸದ್ಯೋ ವೃದ್ಧಿರ್ಹಿ ವಿಕ್ರಮಃ॥ 2-81-19 (14604)
ನಾಪ್ರಾಪ್ಯ ಪಾಂಡವೈಶ್ವರ್ಯಂ ಸಂಶಯೋ ಮೇ ಭವಿಷ್ಯತಿ।
ಅವಾಪ್ಸ್ಯೇ ವಾ ಶ್ರಿಯಂ ತಾಂ ಹಿ ಶಯಿಷ್ಯೇ ವಾ ಹತೋ ಯುಧಿ॥ 2-81-20 (14605)
ಏತಾದೃಶಸ್ಯ ಕಿಂ ಮೇಽದ್ಯ ಜೀವಿತೇನ ವಿಶಾಂಪತೇ।
ವರ್ಧಂತೇ ಪಾಂಡವಾ ನಿತ್ಯಂ ವಯಂ ಸ್ವಸ್ಥಿರವೃದ್ಧಯಃ॥ ॥ 2-81-21 (14606)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದ್ಯೂತಪರ್ವಣಿ ಏಕಾಶೀತಿತಮೋಽಧ್ಯಾಯಃ॥81 ॥
Mahabharata - Sabha Parva - Chapter Footnotes
2-81-3 ಕೃತ್ಯಂ ಇದಾನೀಂ ಕರ್ತವ್ಯಂ॥ 2-81-14 ಅಪ್ರವಾಸಿನಂ ತೀರ್ಥಾಟನಾದಿರಹಿತಂ॥ 2-81-15 ಸಾಧಾರಣೀ ತುಲ್ಯಾ ವೃತ್ತಿರ್ಜೀವಿಕಾ। ಏಕಾಮಿಷತ್ವಮಿತ್ಯರ್ಥಃ॥ಸಭಾಪರ್ವ - ಅಧ್ಯಾಯ 082
॥ ಶ್ರೀಃ ॥
2.82. ಅಧ್ಯಾಯಃ 082
Mahabharata - Sabha Parva - Chapter Topics
ದುರ್ಯೋಧನಂಪ್ರತಿ ಶಕುನಿನಾ ದ್ಯೂತಾಯ ಪ್ರೋತ್ಸಾಹನಂ॥ 1॥ ಧೃತರಾಷ್ಟ್ರಾಜ್ಞಯಾ ಶಿಲ್ಪಿಭಿಃ ಸಭಾನಿರ್ಮಾಣಂ॥ 2॥ ಧೃತರಾಷ್ಟ್ರೇಣ ಪಾಂಡವಾನಯನಾಯ ವಿದುರಪ್ರೇಷಣಂ॥ 3॥Mahabharata - Sabha Parva - Chapter Text
ಶಕುನಿರುವಾಚ॥
ಯಾಂ ತ್ವಮೇತಾಂ ಶ್ರಿಯಂ ಪಾಂಡುಪುತ್ರೇ ಯುಧಿಷ್ಠಿರೇ।
ತಪ್ಯಸೇ ತಾಂ ಹರಿಷ್ಯಾಮಿ ದ್ಯೂತೇನ ಜಯತಾಂ ವರ॥ 2-82-1 (14607)
ಆಹೂಯತಾಂ ಪರಂ ರಾಜನ್ಕುಂತೀಪುತ್ರೋ ಯುಧಿಷ್ಠಿರಃ।
ಅಗತ್ವಾ ಸಂಶಯಮಹಮಯುದ್ಧ್ವಾ ಚ ಚಮೂಮುಖೇ॥ 2-82-2 (14608)
ಅಕ್ಷಾನ್ಕ್ಷಿಪನ್ನಕ್ಷತಃ ಸನ್ವಿದ್ವಾನವಿದುಷೋ ಜಯೇ।
ಗ್ಲಹಾಂಧನೂಂಷಿ ಮೇ ವಿದ್ಧಿ ಶರಾನಕ್ಷಾಂಶ್ಚ ಭಾರತ॥ 2-82-3 (14609)
ಅಕ್ಷಾಣಾಂ ಹೃದಯಂ ಮೇ ಜ್ಯಾಂ ರಥಂ ವಿದ್ಧಿ ಮಮಾಸ್ಫುರಂ॥ 2-82-4 (14610)
ದುರ್ಯೋಧನ ಉವಾಚ। 2-82-5x (1533)
ಅಯಮುತ್ಸಹತೇ ರಾಜಚ್ಛ್ರಿಯಮಾಹರ್ತುಮಕ್ಷವಿತ್।
ದ್ಯೂತೇನ ಪಾಂಡುಪುತ್ರೇಭ್ಯಸ್ತದನುಜ್ಞಾತುಮರ್ಹಸಿ॥ 2-82-5 (14611)
ಧೃತರಾಷ್ಟ್ರ ಉವಾಚ। 2-82-6x (1534)
ಸ್ಥಿತೋಽಸ್ಮಿ ಶಾಸನೇ ಭ್ರಾತುರ್ವಿದುರಸ್ಯ ಮಹಾತ್ಮನಃ।
ತೇನ ಸಂಗಂಯ ವೇತ್ಸ್ಯಾಮಿ ಕಾರ್ಯಸ್ಯಾಸ್ಯ ವಿನಿಶ್ಚಯಂ॥ 2-82-6 (14612)
ದುರ್ಯೋಧನ ಉವಾಚ॥ 2-82-7x (1535)
`ಕೃಷ್ಣಾದಭ್ಯಾಧಿಕಃ ಸೋಽಪಿ ಕ್ಷತ್ತಾ ಬೋದ್ಧಾ ವಿಶಾಂಪತೇ।
ಕೇವಲಂ ಧರ್ಮಮೇವಾಹ ನ ತದ್ವಿಜಯಸಾಧಕಂ॥ 2-82-7 (14613)
ಜಯಶ್ಚ ಧರ್ಮತೋಪೇತಸ್ತಥೈವ ಭರತರ್ಷಭ।
ತಸ್ಮಾದ್ವಿನಯತೋ ಜೇತಾ ತಾವುಭೌ ಚ ವಿರೋಧಿನೌ'॥ 2-82-8 (14614)
ವ್ಯಪನೇಷ್ಯತಿ ತೇ ಬುದ್ಧಿಂ ವಿದುರೋ ಮುಕ್ತಸಂಶಯಃ।
ಪಾಂಡವಾನಾಂ ಹಿತೇ ಯುಕ್ತೋ ನ ತಥಾ ಮಮ ಕೌರವ॥ 2-82-9 (14615)
ನಾರಭೇತಾನ್ಯಸಾಮರ್ಥ್ಯಾತ್ಪುರುಷಃ ಕಾರ್ಯಮಾತ್ಮನಃ।
ಮತಿಸಾಂಯಂ ದ್ವಯೋರ್ನಾಸ್ತಿ ಕಾರ್ಯೇಷು ಕುರುನಂದನ॥ 2-82-10 (14616)
ಭಯಂ ಪರಿಹರನ್ಮತ್ತ ಆತ್ಮಾನಂ ಪರಿಪಾಲಯನ್।
ವರ್ಷಾಸು ಕ್ಲಿನ್ನವಟವತ್ತಿಷ್ಠನ್ನೈವಾವಸೀದತಿ॥ 2-82-11 (14617)
ನ ವ್ಯಾಧಯೋ ನಾಪಿ ಯಮಃ ಪ್ರಾಪ್ತುಂ ಶ್ರೇಯಃ ಪ್ರತೀಕ್ಷತೇ।
ಯಾವದೇವ ಭವೇತ್ಕಲ್ಪಸ್ತಾವಚ್ಛ್ರೇಯಃ ಸಮಾಚರೇತ್॥ 2-82-12 (14618)
ಧೃತರಾಷ್ಟ್ರ ಉವಾಚ॥ 2-82-13x (1536)
ಸರ್ವಥಾ ಪುತ್ರ ಬಲಿಭಿರ್ವಿಗ್ರಹೋ ಮೇ ರೋಚತೇ।
ವೈರಂ ವಿಕಾರಂ ಸೃಜತಿ ತದ್ವೈ ಶಸ್ತ್ರಮನಾಯಸಂ॥ 2-82-13 (14619)
ಅನರ್ಥಮರ್ಥಂ ಮನ್ಯಸೇ ರಾಜಪುತ್ರ
ಸಂಗ್ರಂಥನಂ ಕಲಹಸ್ಯಾತಿಯಾತಿ।
ತದ್ವೈ ಪ್ರವೃತ್ತಂ ತು ಯಥಾಕಥಂಚಿತ್
ಸೃಜೇದಸೀನ್ನಿಶಿತಾನ್ಸಾಯಕಾಂಶ್ಚ॥ 2-82-14 (14620)
ದುರ್ಯೋಧನ ಉವಾಚ॥ 2-82-15x (1537)
ದ್ಯೂತೇ ಪುರಾಣೈರ್ವ್ಯವಹಾರಃ ಪ್ರಣೀತ-
ಸ್ತತ್ರಾತ್ಯಯೋ ನಾಸ್ತಿ ನ ಸಂಪ್ರಹಾರಃ।
ತದ್ರೋಚತಾಂ ಶಕುನೇರ್ವಾಕ್ಯಮದ್ಯ
ಸಭಾಂ ಕ್ಷಿಪ್ರಂ ತ್ವಮಿಹಾಜ್ಞಾಪಯಸ್ವ॥ 2-82-15 (14621)
ಸ್ವರ್ಗದ್ವಾರಂ ದೀವ್ಯತಾಂ ನೋ ವಿಶಿಷ್ಟಂ
ತದ್ವರ್ತಿನಾಂ ಚಾಪಿ ತಥೈವ ಯುಕ್ತಂ।
ಭವೇದೇವಂ ಹ್ಯಾತ್ಮನಾ ತುಲ್ಯಮೇವ
ದುರೋದರಂ ಪಾಂಡವೈಸ್ತ್ವಂ ಕುರುಷ್ವ॥ 2-82-16 (14622)
ಧೃತರಾಷ್ಟ್ರ ಉವಾಚ। 2-82-17x (1538)
ವಾಕ್ಯಂ ನ ಮೇ ರೋಚತೇ ಯತ್ತ್ವಯೋಕ್ತಂ
ಯತ್ತೇ ಪ್ರಿಯಂ ತತ್ಕ್ರಿಯತಾಂ ನರೇಂದ್ರ।
ಪಶ್ಚಾತ್ತಪ್ಸ್ಯಸೇ ತದುಪಾಕ್ರಂಯ ವಾಕ್ಯಂ
ನ ಹೀದೃಶಂ ಭಾವಿ ವಚೋ ಹಿ ಧರ್ಂಯಂ॥ 2-82-17 (14623)
ದೃಷ್ಟಂ ಹ್ಯೇತದ್ವಿದುರೇಣೈ ಸರ್ವಂ
ವಿಪಶ್ಚಿತಾ ಬುದ್ಧಿವಿದ್ಯಾನುಗೇನ।
ತದೇವೈತದವಶಸ್ಯಾಭ್ಯುಪೈತಿ
ಮಹದ್ಭಯಂ ಕ್ಷತ್ರಿಯಜೀವಘಾತಿ॥ 2-82-18 (14624)
ವೈಶಂಪಾಯನ ಉವಾಚ॥ 2-82-19x (1539)
ಏವಮುಕ್ತ್ವಾ ಧೃತರಾಷ್ಟ್ರೋ ಮನೀಷೀ
ದೈವಂ ಮತ್ವಾ ಪರಮಂ ದುಸ್ತರಂ ಚ।
ಶಶಾಸೋಚ್ಚೈಃ ಪುರುಷಾನ್ಪುತ್ರವಾಕ್ಯೇ
ಸ್ಥಿತೋ ರಾಜಾ ದೈವಸಂಮೂಢಚೇತಾಃ॥ 2-82-19 (14625)
ಸಹಸ್ರಸ್ತಂಭಾಂ ಹೇಮವೈದೂರ್ಯಚಿತ್ರಾಂ
ಶತದ್ವಾರಾಂ ತೋರಣಸ್ಫಾಟಿಕಾಢ್ಯಾಂ।
ಸಭಾಮಗ್ರ್ಯಾಂ ಕ್ರೋಶಮಾತ್ರಾಯತಾಂ ಮೇ
ತದ್ವಿಸ್ತಾರಾಮಾಶು ಕುರ್ವಂತು ಯುಕ್ತಾಃ॥ 2-82-20 (14626)
ಶ್ರುತ್ವಾ ತಸ್ಯ ತ್ವರಿತಾ ನಿರ್ವಿಶಂಕಾಃ
ಪ್ರಾಜ್ಞಾ ದಕ್ಷಾಸ್ತಾಂ ತದಾ ಚಕ್ರುರಾಶು।
ಸರ್ವದ್ರವ್ಯಾಣ್ಯುಪಜಹ್ರುಃ ಸಭಾಯಾಂ
ಸಹಸ್ರಶಃ ಶಿಲ್ಪಿನಶ್ಚೈವ ಯುಕ್ತಾಃ॥ 2-82-21 (14627)
ಕಾಲೇನಾಲ್ಪೇನಾಥ ನಿಷ್ಠಾಂ ಗತಾಂ ತಾಂ
ಸಭಾಂ ರಂಯಾಂ ಬಹುರತ್ನಾಂ ವಿಚಿತ್ರಾಂ।
ಚಿತ್ರೈರ್ಹೈಮೈರಾಸನೈರಭ್ಯುಪೇತಾ-
ಮಾಚಖ್ಯುಸ್ತೇ ತಸ್ಯ ರಾಜ್ಞಃ ಪ್ರತೀತಾಃ॥ 2-82-22 (14628)
ತತೋ ವಿದ್ವಾನ್ವಿದುರಂ ಮಂತ್ರಿಮುಖ್ಯ-
ಮುವಾಚೇದಂ ಧೃತರಾಷ್ಟ್ರೋ ನರೇಂದ್ರಃ।
ಯುಧಿಷ್ಠಿರಂ ರಾಜಪುತ್ರಂ ಚ ಗತ್ವಾ
ಮದ್ವಾಕ್ಯೇನ ಕ್ಷಿಪ್ರಮಿಹಾನಯಸ್ವ॥ 2-82-23 (14629)
ಸಭೇಯಂ ಮೇ ಬಹುರತ್ನಾ ವಿಚಿತ್ರಾ
ಶಯ್ಯಾಸನೈರುಪಪನ್ನಾ ಮಹಾರ್ಹೈಃ।
ಸಾ ದೃಶ್ಯತಾಂ ಭ್ರಾತೃಭಿಃ ಸಾರ್ಧಮೇತ್ಯ
ಮುಹೃದ್ದ್ಯೂತಂ ವರ್ತತಾಮತ್ರ ಚೇತಿ॥ 2-82-24 (14630)
ವೈಶಂಪಾಯನ ಉವಾಚ॥ 2-82-25x (1540)
ಮತಮಾಜ್ಞಾಯ ಪುತ್ರಸ್ಯ ಧೃತರಾಷ್ಟ್ರೋ ನರಾಧಿಪಃ।
ಮತ್ವಾ ಚ ದುಸ್ತರಂ ದೈವಮೇತದ್ರಾಜಂಶ್ಚಕಾರ ಹ॥ 2-82-25 (14631)
ಅನ್ಯಾಯೇನ ತಥೋಕ್ತಸ್ತು ವಿದುರೋ ವಿದುಷಾಂ ವರಃ।
ನಾಭ್ಯನಂದದ್ವಚೋ ಭ್ರಾತುರ್ವಚನಂ ಚೇದಮಬ್ರವೀತ್॥ 2-82-26 (14632)
ವಿದುರ ಉವಾಚ॥ 2-82-27x (1541)
ನಾಭಿನಂದೇ ನೃಪತೇ ಪ್ರೈಷಮೇತಂ
ಮೈವಂ ಕೃಥಾಃ ಕುಲನಾಶಾದ್ಬಿಭೇಮಿ।
ಪುತ್ರೈರ್ಭಿನ್ನಃ ಕಲಹಸ್ತೇ ಧ್ರುವಂ ಸ್ಯಾ-
ದೇತಚ್ಛಂಕೇ ದ್ಯೂತಕೃತೇ ನರೇಂದ್ರ॥ 2-82-27 (14633)
ಧೃತರಾಷ್ಟ್ರ ಉವಾಚ। 2-82-28x (1542)
ನೇಹ ಕ್ಷತ್ತಃ ಕಲಹಸ್ತಪ್ಸ್ಯತೇ ಮಾಂ
ನ ಚೇದ್ದೈವಂ ಪ್ರತಿಲೋಮಂ ಭವಿಷ್ಯತ್।
ಛಾತ್ರಾ ತು ದಿಷ್ಟಸ್ಯ ವಶೇ ಕಿಲೇದಂ
ಸರ್ವಂ ಜಗಚ್ಚೇಷ್ಟತಿ ನ ಸ್ವತಂತ್ರಂ॥ 2-82-28 (14634)
ತದದ್ಯ ವಿದುರ ಪ್ರಾಪ್ಯ ರಾಜಾನಂ ಮಮ ಶಾಸನಾತ್।
ಕ್ಷಿಪ್ರಮಾನಯ ದುರ್ಧರ್ಷಂ ಕುಂತೀಪುತ್ರಂ ಯುಧಿಷ್ಠಿರಂ॥ ॥ 2-82-29 (14635)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದ್ಯೂತಪರ್ವಣಿ ದ್ವ್ಯಶೀತಿತಮೋಽಧ್ಯಾಯಃ॥ 82 ॥
Mahabharata - Sabha Parva - Chapter Footnotes
2-82-3 ಗ್ಲಹಾನ್ ಪಣಾನ್॥ 2-82-4 ಆಸ್ಫುರಮಕ್ಷವಿನ್ಯಾಸಪಾತನಾದಿಸ್ಥಾನಂ ॥ 2-82-8 ವಿನಯತಃ ಅನಯಾತ್॥ 2-82-16 ದುರೋದರಂ ದ್ಯೂತಂ॥ಸಭಾಪರ್ವ - ಅಧ್ಯಾಯ 083
॥ ಶ್ರೀಃ ॥
2.83. ಅಧ್ಯಾಯಃ 083
Mahabharata - Sabha Parva - Chapter Topics
ವಿದುರಸ್ಯ ಇಂದ್ರಪ್ರಸ್ಥಗಮನಂ॥ 1॥ ಪಾಂಡವಾನಾಂ ದ್ಯೂತಸಭಾಪ್ರವೇಶಃ॥ 2॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ತತಃ ಪ್ರಾಯಾದ್ವಿದುರೋಽಶ್ವೈರುದಾರೈ-
ರ್ಮಹಾಜವೈರ್ಬಲಿಭಿಃ ಸಾಧು ದಾಂತೈಃ।
ಬಲಾನ್ನಿಯುಕ್ತೋ ಧೃತರಾಷ್ಟ್ರೇಣ ರಾಜ್ಞಾ
ಮನೀಷಿಣಾಂ ಪಾಂಡವಾನಾಂ ಸಕಾಶೇ॥ 2-83-1 (14636)
ಸೋಽಭಿಪತ್ಯ ತದಧ್ವಾನಮಾಸಾದ್ಯ ನೃಪತೇಃ ಪುರಂ।
ಪ್ರವಿವೇಶ ಮಹಾಬುದ್ಧಿಃ ಪೂಜ್ಯಮಾನೋ ದ್ವಿಜಾತಿಭಿಃ॥ 2-83-2 (14637)
ಸ ರಾಜಗೃಹಮಾಸಾದ್ಯ ಕುಬೇರಭವನೋಪಮಂ।
ಅಭ್ಯಾಗಚ್ಛತ ಧರ್ಮಾತ್ಮಾ ಧರ್ಮಪುತ್ರಂ ಯುಧಿಷ್ಠಿರಂ॥ 2-83-3 (14638)
ತಂ ವೈ ರಾಜಾ ಸತ್ಯಧೃತಿರ್ಮಹಾತ್ಮಾ
ಅಜಾತಶತ್ರುರ್ವಿದುರಂ ಯಥಾವತ್।
ಪೂಜಾಪೂರ್ವಂ ಪ್ರತಿಗೃಹ್ಯಾಜಮೀಢ-
ಸ್ತತೋಽಪೃಚ್ಛದ್ಧೃತರಾಷ್ಟ್ರಂ ಸಪುತ್ರಂ॥ 2-83-4 (14639)
ಯುಧಿಷ್ಠಿರ ಉವಾಚ॥ 2-83-5x (1543)
ವಿಜ್ಞಾಯತೇ ತೇ ಮನಸೋಽಪ್ರಹರ್ಷಃ
ಕಚ್ಚಿತ್ಕ್ಷತ್ತಃ ಕುಶಲೇನಾಗತೋಽಸಿ।
ಕಚ್ಚಿತ್ಪುತ್ರಾಃ ಸ್ಥವಿರಸ್ಯಾನುಲೋಮಾ
ವಶಾನುಗಾಶ್ಚಾಪಿ ವಿಶೋಽಥ ಕಚ್ಚಿತ್॥ 2-83-5 (14640)
ವಿದುರ ಉವಾಚ॥ 2-83-6x (1544)
ರಾಜಾ ಮಹಾತ್ಮಾ ಕುಶಲೀ ಸಪುತ್ರ
ಆಸ್ತೇ ವೃತೋ ಜ್ಞಾತಿಭಿರಿಂದ್ರಕಲ್ಪಃ।
ಪ್ರೀತೋ ರಾಜನ್ಪುತ್ರಗುಣೈರ್ವಿನೀತೋ
ವಿಶೋಕ ಏವಾತ್ಮರತಿರ್ಮಹಾತ್ಮಾ॥ 2-83-6 (14641)
ಇದಂ ತು ತ್ವಾಂ ಕುರುರಾಜೋಽಭ್ಯುವಾಚ
ಪೂರ್ವಂ ಪೃಷ್ಟ್ವಾ ಕುಶಲಂ ಚಾವ್ಯಯಂ ಚ।
ಇಯಂ ಸಭಾ ತ್ವತ್ಸಭಾತುಲ್ಯರೂಪಾ
ಭ್ರಾತೄಣಾಂ ತೇ ದೃಸ್ಯತಾಮೇತ್ಯ ಪುತ್ರ॥ 2-83-7 (14642)
ಸಮಾಗಂಯ ಭ್ರಾತೃಭಿಃ ಪಾರ್ಥ ತಸ್ಯಾಂ
ಸುಹೃದ್ದ್ಯೂತಂ ಕ್ರಿಯತಾಂ ರಂಯತಾಂ ಚ।
ಪ್ರೀಯಾಮಹೇ ಭವತಾಂ ಸಂಗಮೇನ
ಸಮಾಗತಾಃ ಕುರವಶ್ಚಾಪಿ ಸರ್ವೇ॥ 2-83-8 (14643)
ದುರೋದರಾ ವಿಹಿತಾ ಯೇ ತು ತತ್ರ
ಮಹಾತ್ಮನಾ ಧೃತರಾಷ್ಟ್ರೇಣ ರಾಜ್ಞಾ।
ತಾಂದ್ರಕ್ಷ್ಯಸೇ ಕಿತವಾನ್ಸನ್ನಿವಿಷ್ಟಾ-
ನಿತ್ಯಾಗತೋಽಹಂ ನೃಪತೇ ತಜ್ಜುಷಸ್ವ॥ 2-83-9 (14644)
ಯುಧಿಷ್ಠರ ಉವಾಚ॥ 2-83-10x (1545)
ದ್ಯೂತೇ ಕ್ಷತ್ತಃ ಕಲಹೋ ವಿದ್ಯತೇ ನಃ
ಕೋ ವೈ ರೋಚತನೇ ಬುಧ್ಯಮಾನಃ।
ಕಿಂ ವಾ ಭವಾನ್ಮನ್ಯತೇ ಯುಕ್ತರೂಪಂ
ಭವದ್ವಾಕ್ಯೇ ಸರ್ವ ಏವ ಸ್ಥಿತಾಃ ಸ್ಮಃ॥ 2-83-10 (14645)
ವಿದುರ ಉವಾಚ॥ 2-83-11x (1546)
ಜಾನಾಂಯಹಂ ದ್ಯೂತಮನರ್ಥಮೂಲಂ
ಕೃತಶ್ಚ ಯತ್ನೋಽಸ್ಯ ಮಯಾ ನಿವಾರಣೇ।
ರಾಜಾ ಚ ಮಾಂ ಪ್ರಾಹಿಮೋತ್ತ್ವತ್ಸಕಾಶಂ
ಶ್ರುತ್ವಾ ವಿದ್ವಞ್ಶ್ರೇಯ ಇಹಾಚರಸ್ವ॥ 2-83-11 (14646)
ಯುಧಿಷ್ಠಿರ ಉವಾಚ॥ 2-83-12x (1547)
ಕೇ ತತ್ರಾನ್ಯೇ ಕಿತವಾ ದೀವ್ಯಮಾನಾ
ವಿನಾ ರಾಜ್ಞೋ ಧೃತರಾಷ್ಟ್ರಸ್ಯ ಪುತ್ರೈಃ।
ಪೃಚ್ಛಾಮಿ ತ್ವಾಂ ವಿದುರ ಬ್ರೂಹಿ ನಸ್ತಾನ್
ಯೈರ್ದೀವ್ಯಾಮಃ ಶತಶಃ ಸನ್ನಿಪತ್ಯ॥ 2-83-12 (14647)
ವಿದುರ ಉವಾಚ॥ 2-83-13x (1548)
ಗಂಧಾರರಾಜಃ ಶಕುನಿರ್ವಿಶಾಂಪತೇ
ರಾಜಾಽತಿದೇವೀ ಕೃತಹಸ್ತೋ ಮತಾಕ್ಷಃ।
ವಿನಿಂಶತಿಶ್ಚಿತ್ರಸೇನಶ್ಚ ರಾಜಾ
ಸತ್ಯವ್ರತಃ ಪುರುಮಿತ್ರೋ ಜಯಶ್ಚ॥ 2-83-13 (14648)
ಯುಧಿಷ್ಠಿರ ಉವಾಚ॥ 2-83-14x (1549)
ಮಹಾಭಯಾಃ ಕಿತವಾಃ ಸನ್ನಿವಿಷ್ಟಾ
ಮಾಯೋಪಧಾ ದೇವಿತಾರೋಽತ್ರ ಸಂತಿ।
ಧಾತ್ರಾ ತು ದಿಷ್ಟಸ್ಯ ವಶೇ ಕಿಲೇದಂ
ಸರ್ವಂ ಜಗತ್ತಿಷ್ಠತಿ ನ ಸ್ವತಂತ್ರಂ॥ 2-83-14 (14649)
ನಾಹಂ ರಾಜ್ಞೋ ಧೃತರಾಷ್ಟ್ರಸ್ಯ ಶಾಸನಾ-
ನ್ನ ಗಂತುಮಿಚ್ಛಾಮಿ ಕವೇ ದುರೋದರಂ।
ಇಷ್ಟೋ ಹಿ ಪುತ್ರಸ್ಯ ಪಿತಾ ಸದೈವ
ತದಸ್ಮಿ ಕರ್ತಾ ವಿದುರಾತ್ಥ ಮಾಂ ಯಥಾ॥ 2-83-15 (14650)
ನ ಚಾಕಾಮಃ ಶಕುನಿನಾ ದೇವಿತಾಹಂ
ನ ಚೇನ್ಮಾಂ ಜಿಷ್ಣುರಾಹ್ವಯಿತಾ ಸಭಾಯಾಂ।
ಆಹೂತೋಽಹಂ ನ ನಿವರ್ತೇ ಕದಾಚಿತ್
ತದಾಹಿತಂ ಶಾಶ್ವತಂ ವೈ ವ್ರತಂ ಮೇ॥ 2-83-16 (14651)
ವೈಶಂಪಾಯನ ಉವಾಚ॥ 2-83-17x (1550)
ಏವಮುಕ್ತ್ವಾ ವಿದುರಂ ಧರ್ಮರಾಜಃ
ಪ್ರಾಯಾತ್ರಿಕಂ ಸರ್ವಮಾಜ್ಞಾಪ್ಯ ತೂರ್ಣಂ।
ಪ್ರಾಯಾಚ್ಛ್ವೋಭೂತೇ ಸಗಣಃ ಸಾನುಯಾತ್ರಃ
ಸಹ ಸ್ತ್ರೀಭಿರ್ದೌಪದಾಮಾದಿ ಕೃತ್ವಾ॥ 2-83-17 (14652)
ದೈವಂ ಹಿ ಪ್ರಜ್ಞಾಂ ಮುಷ್ಣಾತಿ ಚಕ್ಷುಸ್ತೇಜ ಇವಾಪತತ್।
ಧಾತುಶ್ಚ ವಶಮನ್ವೇತಿ ಪಾಶೈರಿವ ನರಃ ಸಿತಃ॥ 2-83-18 (14653)
ಇತ್ಯುಕ್ತ್ವಾ ಪ್ರಯಯೌ ರಾಜಾ ಸಹ ಕ್ಷತ್ರ್ರಾ ಯುಧಿಷ್ಠಿರಃ।
ಅಮೃಷ್ಯಮಾಣಸ್ತಸ್ಯಾಥ ಸಮಾಹ್ವಾನಮರಿಂದಮಃ॥ 2-83-19 (14654)
ಬಾಹ್ಲಿಕೇನ ರಥಂ ಯತ್ತಮಾಸ್ಥಾಯ ಪರವೀರಹಾ।
ಪರಿಚ್ಛನ್ನೋ ಯಯೌ ಪಾರ್ಥೋ ಭ್ರಾತೃಭಿಃ ಸಹ ಪಾಂಡವಃ।
ರಾಜಶ್ರಿಯಾ ದೀಪ್ಯಮಾನೋ ಯಯೌ ಬ್ರಹ್ಮಪುರಃ ಸರಃ॥ 2-83-20 (14655)
`ಸಂದಿದೇಶ ತತಃ ಪ್ರೇಷ್ಯಾನಾಗತಾನ್ನಗರಂ ಪ್ರತಿ।
ತತಸ್ತೇ ನೃಪಶಾರ್ದೂಲ ಚಕ್ರುರ್ವೈ ನೃಪಶಾಸನಂ॥ 2-83-21 (14656)
ತತೋ ರಾಜಾ ಮಹಾತೇಜಾಃ ಸಂಯಂಯ ಸಪರಿಚ್ಛದಂ।
ಬ್ರಾಹ್ಮಣೈಃ ಸ್ವಸ್ತಿ ವಾಚ್ಯಾಥ ಪ್ರಯಯೌ ಮಂದಿರಾದ್ಬಹಿಃ 2-83-22 (14657)
ಬ್ರಾಹ್ಮಣೇಭ್ಯೋ ಧನಂ ದತ್ತ್ವಾ ಗತ್ಯರ್ಥಂ ಸ ಯಥಾವಿಧಿ।
ಅನ್ಯೇಭ್ಯಃ ಸ ತು ದತ್ತ್ವಾ ಚ ಗಂತುಮೇವೋಪಚಕ್ರಮೇ॥ 2-83-23 (14658)
ಸರ್ವಲಕ್ಷಣಸಂಪನ್ನಂ ರಾಜಹಂಸಪರಿಚ್ಛದಂ।
ತಮಾರುಹ್ಯ ಮಹಾರಾಜೋ ಗಜೇಂದ್ರಂ ಷಷ್ಟಿಹಾಯನಂ॥ 2-83-24 (14659)
ಹಾರೀ ಕಿರೀಟೀ ಹೇಮಾಭಃ ಸರ್ವಾಭರಣಭೂಷಿತಃ।
ರರಾಜ ರಾಜನ್ಪಾರ್ಥೋ ವೈ ಪರಯಾ ನೃಪಶೋಭಯಾ॥ 2-83-25 (14660)
ರುಕ್ಮವೇದಿಗತಃ ಪ್ರಾಜ್ಯೋ ಜ್ವಲನ್ನಿವ ಹುತಾಶನಃ।
ತತೋ ಜಗಾಮ ರಾಜಾ ಸ ಪ್ರಹೃಷ್ಟನರವಾಹನಃ॥ 2-83-26 (14661)
ರಥಘೋಷೇಣ ಮಹತಾ ಪೂರಯನ್ವೈ ನಭಃ ಸ್ಥಲಂ।
ಸಂಸ್ತೂಯಮಾನಃ ಸ್ತುತಿಭಿಃ ಸೂತಮಾಗಧಬಂದಿಭಿಃ॥ 2-83-27 (14662)
ಮಹಾಸೈನ್ಯೇನ ಸಹಿತೋ ಯಥಾದಿತ್ಯಃ ಸ್ವರಶ್ಮಿಭಿಃ।
ಪಾಂಡುರೇಣಾತಪತ್ರೇಣ ಧ್ರಿಯಮಾಣೇನ ಮೂರ್ಧನಿ॥ 2-83-28 (14663)
ಬಭೌ ಯುಧಿಷ್ಠಿರೋ ರಾಜಾ ಪೌರ್ಣಮಾಸ್ಯಾಮಿವೋಡುರಾಟ್।
ಚಾಮರೈರ್ಹೇಮದಂಡೈಶ್ಚ ಧೂಯಮಾನಃ ಸಮಂತತಃ॥ 2-83-29 (14664)
ಜಯಾಶಿಷಃ ಪ್ರಹೃಷ್ಟಾನಾಂ ನರಾಣಾಂ ಪಥಿ ಪಾಂಡವಃ।
ಪ್ರತ್ಯಗೃಹ್ಣಾದ್ಯಥಾನ್ಯಾಯಂ ಯಥಆವದ್ಭರತರ್ಷಭಃ॥ 2-83-30 (14665)
ತಥೈವ ಸೈನಿಕಾ ರಾಜನ್ರಾಜಾನಮನುಯಾಂತಿ ಯೇ।
ತೇಷಾಂ ಹಲಹಲಾಶಬ್ದೋ ದಿವಂ ಸ್ತಬ್ಧಃ ಪ್ರತಿಷ್ಠಿತಃ॥ 2-83-31 (14666)
ನೃಪಸ್ಯಾಗ್ನೇ ಯಯೌ ರಾಜನ್ಭೀಮಸೇನೋ ರಥೀ ಬಲೀ।
ಉಭೌ ಪಾರ್ಶ್ವಗತೌ ರಾಜ್ಞಃ ಸತಲ್ಪೌ ವೈ ಸುಕಲ್ಪಿತೌ॥ 2-83-32 (14667)
ಅಧಿರೂಢೌ ಯಮೌ ಚಾಪಿ ಜಗ್ಮತುರ್ಭರತರ್ಷಭ।
ಶೋಭಯಂತೌ ಮಹಾಸೈನ್ಯಂ ತಾವುಭೌ ರೂಪಶಾಲಿನೌ॥ 2-83-33 (14668)
ಪೃಷ್ಠತೋಽನುಯಯೌ ಜಿಷ್ಣುರ್ವೀರಃ ಶಸ್ತ್ರಭೃತಾಂ ವರಃ।
ಶ್ವೇತಾಶ್ವೋ ಗಾಂಡಿವಂ ಗೃಹ್ಯ ಅಗ್ನಿದತ್ತಂ ರಥಂ ಗತಃ॥ 2-83-34 (14669)
ಸೈನ್ಯಮಧ್ಯೇ ಯಯೌ ರಾಜನ್ಕುರುರಾಜೋ ಯುಧಿಷ್ಠಿರಃ।
ದ್ರೌಪದೀಪ್ರಮುಖಾ ನಾರ್ಯಃ ಸಾನುಗಾಃ ಸಪರಿಚ್ಛದಾಃ॥ 2-83-35 (14670)
ಆರುಹ್ಯ ತಾ ವಿಚಿತ್ರಾಂಗ್ಯೋ ಯಾನಾನಿ ವಿವಿಧಾನಿ ಚ।
ಮಹತ್ಯಾ ಸೇನಯಾ ರಾಜನ್ನಗ್ರೇ ಯಾನಾನಿ ವಿವಿಧಾನಿ ಚ। 2-83-36 (14671)
ಸಮೃದ್ಧನರನಾಗಾಶ್ವಂ ಸಪತಾಕರಥಧ್ವಜಂ।
ಸಂನದ್ಧವರನಿಸ್ತ್ರಿಂಶಂ ಪಥಿ ನಿರ್ಘೋಷನಿಃ ಸ್ವನಂ॥ 2-83-37 (14672)
ಶಂಖದುಂದುಭಿತಾಲಾನಾಂ ವೇಣುವೀಣಾನುವನಾದಿತಂ।
ಶುಶುಭೇ ಪಾಂಡವಂ ಸೈನ್ಯಂ ಪ್ರಯಾಸ್ಯತ್ತತ್ತದಾ ನೃಪ॥ 2-83-38 (14673)
ಯಥಾ ಕುಬೇರೋ ಲಂಕಾಯಾಂ ಪುರಾ ಚಾತ್ಯಂತಶೋಭಯಾ।
ಮಹತ್ಯಾ ಸೇನಯಾ ಸಾರ್ಧಂ ಗುರುಮಿಂದ್ರಂ ಸ ಗಚ್ಛತಿ॥ 2-83-39 (14674)
ತಥಾ ಯಯೌ ಸ ಪಾರ್ಥೋಽಪಿ ಅಸಂಖ್ಯೇಯವಿಭೂತಿನಾ।
ಸುಸಮೃದ್ಧೇನ ಸೈನ್ಯೇನ ಯಥಾ ವೈಶ್ರವಣಸ್ತಥಾ॥ 2-83-40 (14675)
ಸ ಸರಾಂಸಿ ನದೀಶ್ಚೈವ ವನಾನ್ಯುಪವನಾನಿ ಚ।
ಅತ್ಯಕ್ರಾಮನ್ಮಹಾರಾಜ ಪುರೀಂ ಚಾಭ್ಯವಪದ್ಯತ॥ 2-83-41 (14676)
ಸ ಹಾಸ್ತಿನಸಮೀಪೇ ತು ಕುರುರಾಜೋ ಯುಧಿಷ್ಠಿರಃ।
ಚಕ್ರೇ ನಿವೇಶನಂ ತತ್ರ ತತಃ ಸ ಸಹಸೈನಿಕಾಃ॥ 2-83-42 (14677)
ಶಿವೇ ದೇಶೇ ಸಮೇ ಚೈವ ನ್ಯವಸತ್ಪಾಂಡವಸ್ತದಾ।
ತತೋರಾಜನ್ಸಮಾಹೂಯ ಶೋಕವಿಹ್ವಲಯಾ ಗಿರಾ॥ 2-83-43 (14678)
ಏತದ್ವಾಕ್ಯಂ ಚ ಸರ್ವಸ್ವಂ ಧೃತರಾಷ್ಟ್ರಚಿಕೀರ್ಷಿತಂ।
ಆಚಚಕ್ಷೇ ಯಥಾವೃತ್ತಂ ವಿದುರೋಽಥ ನೃಪಸ್ಯ ಹ॥ 2-83-44 (14679)
ತಚ್ಛ್ರುತ್ವಾ ಭಾಷಿತಂ ತೇನ ಧರ್ಮರಾಜೋಽಬ್ರವೀದಿದಂ।
ನ ಮರ್ಷಯಾಂಯಹಂ ಕ್ಷತ್ತಃ ಸಮಾಹ್ವಾನಂ ವ್ರತಂ ಹಿ ಮೇ।
ಸ್ವಸ್ತ್ಯಸ್ತು ಲೋಕೇ ವಿಪ್ರಾಣಾಂ ಪ್ರಜಾನಾಂ ಚೈವ ಸರ್ವದಾ॥ 2-83-45 (14680)
ವೈಶಂಪಾಯನ ಉವಾಚ॥ 2-83-46x (1551)
ಪ್ರವಿವೇಶ ತತೋ ರಾಜಾ ನಗರಂ ನಾಗಸಾಹ್ವಯಂ।
ಧೃತರಾಷ್ಟ್ರೇಣ ಚಾಹೂತಃ ಕಾಲಸ್ಯ ಸಮಯೇನ ಚ'॥ 2-83-46 (14681)
ಸ ಹಾಸ್ತಿನಪುರಂ ಗತ್ವಾ ಧೃತರಾಷ್ಟ್ರಗೃಹಂ ಯಯೌ।
ಸಮಿಯಾಯ ಚ ಧರ್ಮಾತ್ಮಾ ಧೃತರಾಷ್ಟ್ರೇಣ ಪಾಂಡವಃ॥ 2-83-47 (14682)
ತಥಾ ಭೀಷ್ಮೇಣ ದ್ರೋಣೇನ ಕರ್ಣೇನ ಚ ಕೃಪೇಣ ಚ।
ಸಮಿಯಾಯ ಯಥಾನ್ಯಾಯಂ ದ್ರೌಣಿನಾ ಚ ವಿಭುಃ ಸಹ 2-83-48 (14683)
ಸಮೇತ್ಯ ಚ ಮಹಾಬಾಹುಃ ಸೋಮದತ್ತೇನ ಚೈವ ಹ।
ದೂರ್ಯೋಧನೇನ ಸಭ್ರಾತ್ರಾ ಸೌಬಲೇನ ಚ ವೀರ್ಯವಾನ್॥ 2-83-49 (14684)
ಯೇ ಚಾನ್ಯೇ ತತ್ರ ರಾಜಾನಃ ಪೂರ್ವಮೇವ ಸಮಾಗತಾಃ।
ದುಃಶಾಸನೇನ ವೀರೇಣ ಸರ್ವೈರ್ಭ್ರಾತೃಭಿರೇವ ಚ॥ 2-83-50 (14685)
ಜಯದ್ರಥೇನ ಚ ತಥಾ ಕುರುಭಿಶ್ಚಾಪಿ ಸರ್ವಶಃ।
ತತಃ ಸರ್ವೈರ್ಮಹಾಬಾಹುರ್ಭ್ರಾತೃಭಿಃ ಪಿರವಾರಿತಃ॥ 2-83-51 (14686)
ಪ್ರವಿವೇಶ ಗೃಹಂ ರಾಜ್ಞೋ ಧೃತರಾಷ್ಟ್ರಸ್ಯ ಧೀಮತಃ।
ದದರ್ಶ ತತ್ರ ಗಾಂಧಾರೀಂ ದೇವೀಂ ಪತಿಮನುವ್ರತಾಂ॥ 2-83-52 (14687)
ಸ್ನುಷಾಭಿಃ ಸಂವೃತಾಂ ಶಶ್ವತ್ತಾರಾಭಿರಿವ ರೋಹಿಣೀಂ।
ಅಭಿವಾದ್ಯ ಸ ಗಾಂಧಾರೀಂ ತಯಾ ಚ ಪ್ರತಿನಂದಿತಃ॥ 2-83-53 (14688)
ದದರ್ಶ ಪಿತರಂ ವೃದ್ಧಂ ಪ್ರಜ್ಞಾಚಕ್ಷುಷಮೀಶ್ವರಂ॥ 2-83-54 (14689)
ರಾಜ್ಞಾ ಮೂರ್ಧನ್ಯುಪಾಘ್ರಾತಾಸ್ತೇ ಚ ಕೌರವನಂದನಾಃ।
ಚತ್ವಾರಃ ಪಾಂಡವಾ ರಾಜನ್ಭೀಮಸೇನಪುರೋಗಮಾಃ॥ 2-83-55 (14690)
ತತೋ ಹರ್ಷಃ ಸಮಭವತ್ಕೌರವಾಣಾಂ ವಿಶಾಂಪತೇ।
ತಾಂದೃಷ್ಟ್ವಾ ಪುರುಷವ್ಯಾಘ್ರಾನ್ಪಾಂಡವಾನ್ಪ್ರಿಯದರ್ಶನಾನ್॥ 2-83-56 (14691)
ವಿವಿಶುಸ್ತೇಽಭ್ಯನುಜ್ಞಾತಾ ರತ್ನವಂತಿ ಗೃಹಾಣಿ ಚ।
ದದೃಶುಶ್ಚೋಪಯಾತಾರೋ ದ್ರೋಪದೀಪ್ರಮುಖಾಃ ಸ್ತ್ರಿಯಃ॥ 2-83-57 (14692)
ಯಾಜ್ಞಸೇನ್ಯಾಃ ಪರಾಮೃದ್ಧಿಂ ದೃಷ್ಟ್ವಾ ಪ್ರಜ್ವಲಿತಾಮಿವ।
ಸ್ನುಷಾಸ್ತಾ ಧೃತರಾಷ್ಟ್ರಸ್ಯ ನಾತಿಪ್ರಮನಸೋಽಭವನ್॥ 2-83-58 (14693)
ತತಸ್ತೇ ಪುರುಷವ್ಯಾಘ್ರಾ ಗ್ತವಾ ಸ್ತ್ರೀಭಿಸ್ತು ಸಂವಿದಂ।
ಕೃತ್ವಾ ವ್ಯಾಯಾಮಪೂರ್ವಾಣಿ ಕೃತ್ಯಾನಿ ಪ್ರತಿಕರ್ಮ ಚ॥ 2-83-59 (14694)
ತತಃ ಕೃತಾಹ್ನಿಕಾಃ ಸರ್ವೇ ದಿವ್ಯಚಂದನಭೂಷಿತಾಃ।
ಕಲ್ಯಾಣಮನಸಶ್ಚೈವ ಬ್ರಾಹ್ಮಣಾನ್ಸ್ವಸ್ತಿ ವಾಚ್ಯ ಚ॥ 2-83-60 (14695)
ಮನೋಜ್ಞಮಶನಂ ಭುಕ್ತ್ವಾ ವಿವಿಶುಃ ಶರಣಾನ್ಯಥ।
ಉಪಗೀಯಮಾನಾ ನಾರೀಭಿರಸ್ವಪನ್ಕುರುಪುಂಗವಾಃ॥ 2-83-61 (14696)
ಜಗಾಮ ತೇಷಾಂ ಸಾ ರಾತ್ರಿಃ ಪುಣ್ಯಾ ರತಿವಿಹಾರಿಣಾಂ।
ಸ್ತೂಯಮಾನಾಶ್ಚ ವಿಶ್ರಾಂತಾಃ ಕಾಲೇ ನಿದ್ರಾಮಥಾತ್ಯಜನ್॥ 2-83-62 (14697)
ಮುಖೋಷಿತಾಸ್ತೇ ರಜನೀಂ ಪ್ರಾತಃ ಸರ್ವೇ ಕೃತಾಹ್ನಿಕಾಃ।
ಸಭಾಂ ರಂಯಾಂ ಪ್ರವಿವಿಶುಃ ಕಿತವೈರಭಿನಂದಿತಾಃ॥ ॥ 2-83-63 (14698)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದ್ಯೂತಪರ್ವಣಿ ವ್ಯಶೀತಿತಮೋಽಧ್ಯಾಯಃ॥83 ॥
Mahabharata - Sabha Parva - Chapter Footnotes
2-83-2 ದ್ವಿಜಾತಿಭಿಸ್ತ್ರೈವರ್ಣಿಕೈಃ॥ 2-83-6 ಆತ್ಮರತಿಃ ಆತ್ಮನಃ ಸ್ವಸ್ಯೋತ್ಕರ್ಷ ಏವ ರತಿರ್ಯಸ್ಯ ನತು ಧರ್ಮಮನ್ವೀಕ್ಷತೇ ಇತಿ ಭಾವಃ॥ 2-83-7 ಅವ್ಯಯಂ ಧನಾದೇರವಿನಾಶಂ॥ 2-83-9 ದುರೋದರಾ ದ್ಯೂತಕರಾಃ॥ 2-83-17 ಆದಿ ಅವಿಭಕ್ತಿಕನಿರ್ದೇಶಃ॥ 2-83-57 ಯಾತಾರಃ ಯಾತರಃ॥ 2-83-59 ಸಂವಿದಂ ಮಿಥಃ ಕಥಾಂ। ವ್ಯಾಯಾಮಃ ಶ್ರಮಾನೋದನವ್ಯಾಪಾರಃ ಪೂರ್ವೋ ಯೇಷಾಂ ತಾನಿ। ಪ್ರತಿಕರ ್ಮ ಕೇಶಪ್ರಸಾಧನಾದಿಪರಿಷ್ಕಾರಂ॥ಸಭಾಪರ್ವ - ಅಧ್ಯಾಯ 084
॥ ಶ್ರೀಃ ॥
2.84. ಅಧ್ಯಾಯಃ 084
Mahabharata - Sabha Parva - Chapter Topics
ಶಕುನಿಯುಧಿಷ್ಠಿರಯೋಃ ಸಂವಾದಃ॥ 1॥ ದ್ಯೂತನಿರ್ಧಾರಣಂ॥2॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ಪ್ರವಿಶ್ಯ ತಾಂ ಸಭಾಂ ಪಾರ್ಥಾ ಯುಧಿಷ್ಠಿರಪುರೋಗಮಾಃ।
ಸಮೇತ್ಯ ಪಾರ್ಥಿವಾನ್ಸರ್ವಾನ್ಪೂಜಾರ್ಹಾನಭಿಪೂಜ್ಯ ಚ॥ 2-84-1 (14699)
ಯಥಾವಯಃ ಸಮೇಯಾನಾ ಉಪವಿಷ್ಟಾ ಯಥಾರ್ಹತಃ।
ಆಸನೇಷು ವಿಚಿತ್ರೇಷು ಸ್ಪರ್ದ್ಧ್ಯಾಸ್ತರಣವತ್ಸು ಚ॥ 2-84-2 (14700)
ತೇಷು ತತ್ರೋಪವಿಷ್ಟೇಷು ಸರ್ವೇಷ್ವಥ ನೃಪೇಷು ಚ।
ಶಕುನಿಃ ಸೌಬಲಸ್ತತ್ರ ಯುಧಿಷ್ಠಿರಮಭಾಷತ॥ 2-84-3 (14701)
ಶಕುನಿರುವಾಚ॥ 2-84-4x (1552)
ಉಪಸ್ತೀರ್ಣಾ ಸಭಾ ರಾಜನ್ಸರ್ವೇ ತ್ವಯಿ ಕೃತಕ್ಷಣಾಃ।
ಅಕ್ಷಾನುಪ್ತ್ವಾ ದೇವನಸ್ಯ ಸಮಯೋಽಸ್ತು ಯುಧಿಷ್ಠಿರ॥ 2-84-4 (14702)
ಯುಧಿಷ್ಠಿರ ಉವಾಚ। 2-84-5x (1553)
ನಿತಿರ್ದೇವನಂ ಪಾಪಂ ನ ಕ್ಷಾತ್ರೋಽತ್ರ ಪರಾಕ್ರಮಃ।
ನ ಚ ನೀತಿರ್ಧ್ರುವಾ ರಾಜನ್ಕಿಂ ತ್ವಂ ದ್ಯೂತಂ ಪ್ರಶಂಸಸಿ॥ 2-84-5 (14703)
ನ ಹಿ ಮಾನಂ ಪ್ರಶಂಸಂತಿ ನಿಕೃತೌ ಕಿತವಸ್ಯ ಹಿ।
ಶಕುನೇ ಮೈವಂ ನೋಽಜೈಷೀರಮಾರ್ಗೇಣ ನೃಶಂಸವತ್॥ 2-84-6 (14704)
ಶಕುನಿರುವಾಚ। 2-84-7x (1554)
ಯೋ ವೇತ್ತಿ ಸಂಖ್ಯಾ ನಿಕೃತೌ ವಿಧಿಜ್ಞ-
ಶ್ಚೇಷ್ಟಾಸ್ವಖಿನ್ನಃ ಕಿತವೋಽಕ್ಷಜಾಸು।
ಮಹಾಮತಿರ್ಯಶ್ಚ ಜಾನಾತಿ ದ್ಯೂತಂ
ಸ ವೈ ಸರ್ವಂ ಸಹತೇ ಪ್ರಕ್ರಿಯಾಸು॥ 2-84-7 (14705)
ಅಕ್ಷಗ್ಲಹಃ ಸೋಽಭಿಭವೇತ್ಪರಂ ನ-
ಸ್ತೇನೈವ ದೋಷೋ ಭವತೀಹ ಪಾರ್ಥ।
ದೀವ್ಯಾಮಹೇ ಪಾರ್ಥಿವ ಮಾ ವಿಶಂಕಾಂ
ಕುರುಷ್ವ ಪಾಣಂ ಚ ಚಿರಂ ಚ ಮಾ ಕೃಥಾಃ॥ 2-84-8 (14706)
ಯುಧಿಷ್ಠಿರ ಉವಾಚ। 2-84-9x (1555)
ಏವಮಾಹಾಯಮಸಿತೋ ದೇವಲೋ ಮುನಿಸತ್ತಮಃ।
ಇಮಾನಿ ಲೋಕದ್ವಾರಾಣಿ ಯೋ ವೈ ಭ್ರಾಂಯತಿ ಸರ್ವದಾ॥ 2-84-9 (14707)
ಇದಂ ವೈ ದೇವನಂ ಪಾಪಂ ನಿಕೃತ್ಯಾ ಕಿತವೈಃ ಸಹ।
ಧರ್ಮೇಣ ತು ಜಯೋ ಯುದ್ಧೇ ತತ್ಪರಂ ನ ತು ದೇವನಂ॥ 2-84-10 (14708)
ನಾರ್ಯಾ ಂಲೇಚ್ಛಂತಿ ಭಾಷಾಭಿರ್ಮಾಯಯಾ ನ ಚರಂತ್ಯುತ।
ಅಜಿಹ್ಯಮಶಠಂ ಯುದ್ಧಮೇತತ್ಸತ್ಪುರುಷವ್ರತಂ॥ 2-84-11 (14709)
ಶಕ್ತಿತೋ ಬ್ರಾಹ್ಮಣಾರ್ಥಾಯ ಶಿಕ್ಷಿತುಂ ಪ್ರಯತಾಮಹೇ।
ತದ್ವೈ ವಿತ್ತಂ ಮಾತಿದೇವೀರ್ಮಾಜೈಷೀಃ ಶಕುನೇ ಪರಾನ್॥ 2-84-12 (14710)
ನಿಕೃತ್ಯಾ ಕಾಮಯೇ ನಾಹಂ ಸುಖಾನ್ಯುತ ಧನಾನಿ ವಾ।
ಕಿತವಸ್ಯೇಹ ಕೃತಿನೋ ವೃತ್ತಮೇತನ್ನ ಪೂಜ್ಯತೇ॥ 2-84-13 (14711)
ಶಕುನಿರುವಾಚ। 2-84-14x (1556)
ಶ್ರೋತ್ರಿಯಃ ಶ್ರೋತ್ರಿಯಾನೇತಿ ನಿಕೃತ್ಯೈವ ಯುಧಿಷ್ಠಿರ।
ವಿದ್ವಾನವಿದುಷೋಽಭ್ಯೇತಿ ನಾಹುಸ್ತಾಂ ನಿಕೃತಿಂ ಜನಾಃ॥ 2-84-14 (14712)
ಅಕ್ಷೈರ್ಹಿ ಶಿಕ್ಷಿತೋಽಭ್ಯೇತಿ ನಿಕೃತ್ಯೈವ ಯುಧಿಷ್ಠಿರ।
ವಿದ್ವಾನವಿದುಷೋಽಭ್ಯೇತಿ ನಾಹುಸ್ತಾಂ ನಿಕೃತಿಂ ಜನಾಃ॥ 2-84-15 (14713)
ಅಕೃತಾಸ್ತ್ರಂ ಕೃತಾಸ್ರಶ್ಚ ದುರ್ಬಲಂ ಬಲವತ್ತರಃ।
ಏವಂ ಕರ್ಮಸು ಸರ್ವೇಷು ನಿಕೃತ್ಯೈವ ಯುಧಿಷ್ಠಿರಃ।
ವಿದ್ವಾನವಿದುಷೋಭ್ಯೇತಿ ನಾಹುಸ್ತಾಂ ನಿಕೃತಿಂ ಜನಾಃ॥ 2-84-16 (14714)
ಏವಂ ತ್ವಂ ಮಾಮಿಹಾಭ್ಯೇತ್ಯ ನಿಕೃತಿಂ ಯದಿ ಮನ್ಯಸೇ।
ದೇವನಾದ್ವಿನಿವರ್ತಸ್ವ ಯದಿ ತೇ ವಿದ್ಯತೇ ಭಯಂ॥ 2-84-17 (14715)
ಯುಧಿಷ್ಠಿರ ಉವಾಚ॥ 2-84-18x (1557)
ಆಹೂತೋ ನ ನಿವರ್ತೇಯಮಿತಿ ಮೇ ವ್ರತಮಾಹಿತಂ।
ವಿಧಿಶ್ಚ ಬಲವಾನ್ರಾಜಂದಿಷ್ಟಸ್ಯಾಸ್ಮಿ ವಶೇ ಸ್ಥಿತಃ॥ 2-84-18 (14716)
ಅಸ್ಮಿನ್ಸಮಾಗಮೇ ಕೇನ ದೇವನಂ ಮೇ ಭವಿಷ್ಯತಿ।
ಪ್ರತಿಪಾಣಶ್ಚ ಕೋಽನ್ಯೋಸ್ತಿ ತತೋ ದ್ಯೂತಂ ಪ್ರವರ್ತತಾಂ॥ 2-84-19 (14717)
ದುರ್ಯೋಧನ ಉವಾಚ। 2-84-20x (1558)
ಅಹಂ ದಾತಾಸ್ಮಿ ರತ್ನಾನಾಂ ಧನಾನಾಂ ಚ ವಿಶಾಂಪತೇ।
ಮದರ್ಥೇ ದೇವಿತಾ ಚಾಯಂ ಶಕುನಿರ್ಮಾತುಲೋ ಮಮ॥ 2-84-20 (14718)
ಯುಧಿಷ್ಠಿರ ಉವಾಚ॥ 2-84-21x (1559)
ಅನ್ಯೇನಾನ್ಯಸ್ಯ ವೈ ದ್ಯೂತಂ ವಿಷಮಂ ಪ್ರತಿಭಾತಿ ಮೇ।
ಏತದ್ವಿದ್ವಿನ್ನುಪಾದತ್ಸ್ವ ಕಾಮಮೇವಂ ಪ್ರವರ್ತತಂ॥ ॥ 2-84-21 (14719)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದ್ಯೂತಪರ್ವಣಿ ಚತುರಶೀತಿತಮೋಽಧ್ಯಾಯಃ॥84 ॥
Mahabharata - Sabha Parva - Chapter Footnotes
2-84-5 ಪಾಪಂ ಪಾಪಹೇತುಃ॥ 2-84-8 ಪಾಣಂ ಪಣನೀಯದ್ರವ್ಯಂ॥ಸಭಾಪರ್ವ - ಅಧ್ಯಾಯ 085
॥ ಶ್ರೀಃ ॥
2.85. ಅಧ್ಯಾಯಃ 085
Mahabharata - Sabha Parva - Chapter Topics
ಭೀಷಮದ್ರೋಣಾದೀನಾಂ ದ್ಯೂತಸಭಾಪ್ರವೇಶಃ॥ 1॥ ದ್ಯೂತೀಪಕ್ರಮಃ॥ 2॥ ಯುಧಿಷ್ಠಿರೇಣ ಪಣೀಕೃತಾನಾಂ ಸರ್ವವಸ್ತೂನಾಂ ಶಕುನಿನಾ ಅಪಹಾರಃ॥ 3॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ಉಪೋಹ್ಯಮಾನೇ ದ್ಯೂತೇ ತು ರಾಜಾನಃ ಸರ್ವ ಏವ ತೇ।
ಧೃತರಾಷ್ಟ್ರಂ ಪುರಸ್ಕೃತ್ಯ ವಿವಿಶುಸ್ತಾಂ ಸಭಾಂ ತತಃ॥ 2-85-1 (14720)
ಭೀಷ್ಮೋ ದ್ರೋಣಃ ಕೃಪಶ್ಚೈವ ವಿದುರಶ್ಚ ಮಹಾಮತಿಃ।
ನಾತಿಪ್ರೀತೇನ ಮನಸಾ ತೇಽನ್ವವರ್ತಂತ ಭಾರತ॥ 2-85-2 (14721)
ತೇ ದ್ವಂದ್ವಶಃ ಪೃಥಚ್ಕೈವ ಸಿಂಹಗ್ರೀವಾ ಮಹೌಜಸಃ।
ಸಿಂಹಾಸನಾನಿ ಭೂರಿಣೀ ವಿಚಿತ್ರಾಣಿ ಚ ಭೇಜಿರೇ॥ 2-85-3 (14722)
ಶುಶುಭೇ ಸಾ ಸಭಾ ರಾಜನ್ರಾಜಭಿಸ್ತೈಃ ಸಮಾಗತೈಃ।
ದೇವೈರಿವ ಮಹಾಭಾಗೈಃ ಸಮವೇತೈಸ್ತ್ರಿವಿಷ್ಟಪಂ॥ 2-85-4 (14723)
ಸರ್ವೇ ವೇದವಿದಃ ಶೂರಾಃ ಸರ್ವೇ ಭಾಸ್ವರಮೂರ್ತಯಃ।
ಪ್ರವರ್ತತ ಮಹಾರಾಜ ಸುಹೃದ್ದ್ಯೂತಮನಂತರಂ॥ 2-85-5 (14724)
ಯುಧಿಷ್ಠಿರ ಉವಾಚ॥ 2-85-6x (1560)
ಅಯಂ ಬುಹಧನೋ ರಾಜನ್ಸಾಗರಾವರ್ತಸಂಭವಃ।
ಮಣಿರ್ಹಾರೋತ್ತರಃ ಶ್ರೀಮಾನ್ಕನಕೋತ್ತಮಭೂಷಣಃ॥ 2-85-6 (14725)
ಏತದ್ರಾಜನ್ಮಮ ಧನಂ ಪ್ರತಿಪಾಣೋಽಸ್ತಿ ಕಸ್ತವ।
ಯೇನ ಮಾಂ ತ್ವಂ ಮಹಾರಾಜ ಧನೇನ ಪ್ರತಿದೀವ್ಯಸೇ॥ 2-85-7 (14726)
ದುರ್ಯೋಧನ ಉವಾಚ॥ 2-85-8x (1561)
ಸಂತಿ ಮೇ ಮಣಯಶ್ಚೈವ ಧನಾನಿ ಸುಬಹೂನಿ ಚ।
ಮತ್ಸರಶ್ಚ ನ ಮೇಽರ್ಥೇಷು ಜಯಸ್ವೈನಂ ದುರೋದರಂ॥ 2-85-8 (14727)
ವೈಶಂಪಾಯನ ಉವಾಚ॥ 2-85-9x (1562)
ತತೋ ಜಗ್ರಾಹ ಶಕುನಿಸ್ತಾನಕ್ಷಾನಕ್ಷತತ್ತ್ವವಿತ್।
ಜಿತಮಿತ್ಯೇವ ಶಕುನಿರ್ಯುಧಿಷ್ಠಿರಮಭಾಷತ॥ 2-85-9 (14728)
ಯುಧಿಷ್ಠಿರ ಉವಾಚ॥ 2-85-10x (1563)
ಮತ್ತ ಕೈತಕೇನೈವ ಯಜ್ಜಿತೋಽಸ್ಮಿ ದುರೋದರೇ।
ಶಕುನೇ ಹಂತ ದೀವ್ಯಾಮೋ ಗ್ಲಹಮಾನಾಃ ಪರಸ್ಪರಂ॥ 2-85-10 (14729)
ಸಂತಿ ನಿಷ್ಕಸಹಸ್ರಸ್ಯ ಭಾಂಡಿನ್ಯೋ ಭರಿತಾಃ ಶುಭಾಃ।
ಕೋಶೋ ಹಿರಣ್ಯಮಕ್ಷಯ್ಯಂ ಜಾತರೂಪಮನೇಕಶಃ।
ಏತದ್ರಾಜನ್ಮಮ ಧನಂ ತೇನ ದೀವ್ಯಾಂಯಹಂ ತ್ವಯಾ॥ 2-85-11 (14730)
ವೈಶಂಪಾಯನ ಉವಾಚ॥ 2-85-12x (1564)
ಕೌರವಾಣಾಂ ಕುಲಕರಂ ಜ್ಯೇಷ್ಠಂ ಪಾಂಡವಮಚ್ಯುತಂ।
ಇತ್ಯುಕ್ತಃ ಶಕುನಿಃ ಪ್ರಾಹ ಜಿತಮಿತ್ಯೇವ ತಂ ನೃಪಂ॥ 2-85-12 (14731)
ಯುಧಿಷ್ಠಿರ ಉವಾಚ॥ 2-85-13x (1565)
ಅಯಂ ಸಹಸ್ರಸಮಿತೋ ವೈಯಾಘ್ರಃ ಸುಪ್ರತಿಷ್ಠಿತಃ।
ಸುಚಕ್ರೋಪಸ್ಕರಃ ಶ್ರೀಮಾನ್ಕಿಂಕಿಣೀಜಾಲಮಂಡಿತಃ॥ 2-85-13 (14732)
ಸಂಹ್ರಾದನೋ ರಾಜರಥೋ ಯ ಇಹಾಸ್ಮಾನುಪಾವಹತ್।
ಜೌತ್ರೋ ರಥವರಃ ಪುಣ್ಯೋ ಮೇಘಸಾಗರನಿಃ ಸ್ವನಃ॥ 2-85-14 (14733)
ಅಷ್ಟೌ ಯಂ ಕುರರಚ್ಛಾಯಾಃ ಸದಶ್ವಾ ರಾಷ್ಟ್ರಸಂಮತಾಃ।
ವಹಂತಿ ನೈಷಾಂ ಮುಚ್ಯೇತ ಪದಾದ್ಭೂಮಿಮುಪಸ್ಪೃಶನ್।
ಏತದ್ರಾಜಂಧನಂ ಮಹ್ಯಂ ತೇನ ದೀವ್ಯಾಂಯಹಂ ತ್ವಯಾ॥ 2-85-15 (14734)
ವೈಶಂಪಾಯನ ಉವಾಚ॥ 2-85-16x (1566)
ಏವಂ ಶ್ರುತ್ವಾ ವ್ಯವಸಿತೋ ನಿಕೃತಿಂ ಸಮುಪಾಶ್ರಿತಃ।
ಜಿತಮಿತ್ಯೇವ ಶಕುನಿರ್ಯುಧಿಷ್ಠಿರಮಭಾಷತ॥ 2-85-16 (14735)
ಯುಧಿಷ್ಠಿರ ಉವಾಚ॥ 2-85-17x (1567)
ಶತಂ ದಾಸೀಸಹಸ್ರಾಣಿ ತರುಣ್ಯೋ ಹೇಮಭದ್ರಿಕಾಃ।
ಕಂಬುಕೇಯೂರಧಾರಿಣ್ಯೋ ನಿಷ್ಕಕಂಠ್ಯಃ ಸ್ವಲಂಕೃತಾಃ॥ 2-85-17 (14736)
ಮಹಾರ್ಹಮಾಲ್ಯಾಭರಣಾಃ ಸುವಸ್ತ್ರಾಶ್ಚಂದನೋಕ್ಷಿತಾಃ।
ಮಣೀನ್ಹೇಮ ಚ ಬಿಭ್ರತ್ಯಶ್ಚತುಃಷಷ್ಟಿವಿಶಾರದಾಃ॥ 2-85-18 (14737)
ಅನುಸೇವಾಂ ಚರಂತೀಮಾಃ ಕುಶಲಾ ನೃತ್ತಸಾಮಸು।
ಸ್ನಾತಕಾನಾಮಮಾತ್ಯಾನಾಂ ರಾಜ್ಞಾಂ ಚ ಮಮ ಶಾಸನಾತ್।
ಏತದ್ರಾಜನ್ಮಮ ಧನಂ ತೇನ ದೀವ್ಯಾಂಯಹಂ ತ್ವಯಾ॥ 2-85-19 (14738)
ವೈಶಂಪಾಯನ ಉವಾಚ॥ 2-85-20x (1568)
ಏತಚ್ಛುತ್ವಾ ವ್ಯವಸಿತೋ ನಿಕೃತಿಂ ಸಮುಪಾಶ್ರಿತಃ।
ಜಿತಮಿತ್ಯೇವ ಶಕುನಿರ್ಯುಧಿಷ್ಠಿರಮಭಾಷತ॥ 2-85-20 (14739)
ಯುಧಿಷ್ಠಿರ ಉವಾಚ। 2-85-21x (1569)
ಏತಾವಂತಿ ಚ ದಾಸಾನಾಂ ಸಹಸ್ರಾಣ್ಯುತ ಸಂತಿ ಮೇ।
ಪ್ರದಕ್ಷಿಣಾನುಲೋಮಾಶ್ಚ ಪ್ರಾವಾರವಸನಾಃ ಸದಾ॥ 2-85-21 (14740)
ಪ್ರಾಜ್ಞಾ ಮೇಧಾವಿನೋ ದಾಂತಾ ಯುವಾನೋ ಮೃಷ್ಟಕುಂಡಲಾಃ।
ಪಾತ್ರೀಹಸ್ತಾ ದಿವಾರಾತ್ರಮತಿಥೀನ್ಭೋಜಯಂತ್ಯುತ।
ಏತದ್ರಾಜನ್ಮಮ ಧನಂ ತೇನ ದೀವ್ಯಾಂಯಹಂ ತ್ವಯಾ॥ 2-85-22 (14741)
ವೈಶಂಪಾಯನ ಉವಾಚ॥ 2-85-23x (1570)
ಏತಚ್ಛ್ರುತ್ವಾ ವ್ಯವಸಿತೋ ನಿಕೃತಿಂ ಸಮುಪಾಶ್ರಿತಃ।
ಜಿತಮಿತ್ಯೇವ ಶಕುನಿರ್ಯುಧಿಷ್ಠಿರಭಾಷತ॥ 2-85-23 (14742)
ಯುಧಿಷ್ಠಿರ ಉವಾಚ॥ 2-85-24x (1571)
ಸಹಸ್ರಸಂಖ್ಯಾ ನಗಾ ಮೇ ಮತ್ತಾಸ್ತಿಷ್ಠಂತಿ ಸೌಬಲ।
ಹೇಮಕಕ್ಷಾಃ ಕೃತಾಪೀಡಾಃ ಪದ್ಮಿನೋ ಹೇಮಮಾಲಿನಃ॥ 2-85-24 (14743)
ಸುದಾಂತಾ ರಾಜವಹನಾಃ ಸರ್ವಶಬ್ದಕ್ಷಮಾ ಯುಧಿ।
ಈಷಾದಂತಾ ಮಹಾಕಾಯಾಃ ಸರ್ವೇ ಚಾಷ್ಟಕರೇಣವಃ॥ 2-85-25 (14744)
ಸರ್ವೇ ಚ ಪುರಭೇತ್ತಾರೋ ನವಮೇಘನಿಭಾ ಗಜಾಃ।
ಏತದ್ರಾಜನ್ಮಮ ಧನಂ ತೇನ ದೀವ್ಯಾಂಯಹಂ ತ್ವಯಾ॥ 2-85-26 (14745)
ವೈಶಂಪಾಯನ ಉವಾಚ॥ 2-85-27x (1572)
ಇತ್ಯೇವಂವಾದಿನಂ ಪಾರ್ಥಂ ಪ್ರಹಸನ್ನಿವ ಸೌಬಲಃ।
ಜಿತಮಿತ್ಯೇವ ಶಕುನಿರ್ಯುಧಿಷ್ಠಿರಮಭಾಷತ॥ 2-85-27 (14746)
ಯುಧಿಷ್ಠಿರ ಉವಾಚ॥ 2-85-28x (1573)
ರಥಾಸ್ತಾವಂತ ಏವೇಮೇ ಹೇಮದಂಡಾಃ ಪತಾಕಿನಃ।
ಹಯೈರ್ವಿನೀತೈಃ ಸಂಪನ್ನಾ ರಥಿಭಿಶ್ಚಿತ್ರಯೋಧಿಭಿಃ॥ 2-85-28 (14747)
ಏಕೈಕೋ ಹ್ಯತ್ರ ಲಭತೇ ಸಹಸ್ರಪರಮಾಂ ಭೃತಿಂ।
ಯುಧ್ಯತೋಽಯುಧ್ಯತೋ ವಾಪಿ ವೇತನಂ ಮಾಸಕಾಲಿಕಂ।
ಏತದ್ರಾಜನ್ಮ ಧನಂ ತೇನ ದೀವ್ಯಾಂಯಹಂ ತ್ವಯಾ॥ 2-85-29 (14748)
ವೈಶಂಪಾಯನ ಉವಾಚ॥ 2-85-30x (1574)
ಇತ್ಯೇವಮುಕ್ತೇ ವಚನೇ ಕೃತವೈರೋ ದುರಾತ್ಮವಾನ್।
ಜಿತಮಿತ್ಯೇವ ಶಕುನಿರ್ಯುಧಿಷ್ಠಿರಮಭಾಷತ॥ 2-85-30 (14749)
ಯುಧಿಷ್ಠಿರ ಉವಾಚ॥ 2-85-31x (1575)
ಅಶ್ವಾಂಸ್ತಿತ್ತಿರಿಕಲ್ಮಾಷಾನ್ಗಾಂಧರ್ವಾನ್ಹೇಮಮಾಲಿನಃ।
ದದೌ ಚಿತ್ರರಥಸ್ತುಷ್ಟೋ ಯಾಂಸ್ತಾನ್ಗಾಂಡೀವಧನ್ವನೇ॥ 2-85-31 (14750)
ಯುದ್ಧೇ ಜಿತಃ ಪರಾಭೂತಃ ಪ್ರೀತಿಪೂರ್ವಮರಿಂದಮಃ।
ಏತದ್ರಾಜನ್ಮಮ ಧನಂ ತೇನ ದೀವ್ಯಾಂಯಹಂ ತ್ವಯಾ॥ 2-85-32 (14751)
ವೈಶಂಪಾಯನ ಉವಾಚ॥ 2-85-33x (1576)
ಏತಚ್ಛ್ರುತ್ವಾ ವ್ಯವಸಿತೋ ನಿಕೃತಿಂ ಸಮುಪಾಶ್ರಿತಃ।
ಜಿತಮಿತ್ಯೇವ ಶಕುನಿರ್ಯುಧಿಷ್ಠಿರಮಭಾಷತ॥ 2-85-33 (14752)
ಯುಧಿಷ್ಠಿರ ಉವಾಚ॥ 2-85-34x (1577)
ರಥಾನಾಂ ಶಕಟಾನಾಂ ಚ ಶ್ರೇಷ್ಠಾನಾಂ ಚಾಯುತಾನಿ ಮೇ।
ಯುಕ್ತಾನ್ಯೇವ ಹಿ ತಿಷ್ಠಂತಿ ವಾಹೈರುಚ್ಚಾವಚೈಸ್ತಥಾ॥ 2-85-34 (14753)
ಏವಂ ವರ್ಣಸ್ಯ ವರ್ಣಸ್ಯ ಸಮುಚ್ಚೀಯ ಸಹಸ್ರಶಃ।
ಯಥಾ ಸಮುದಿತಾ ವೀರಾಃ ಸರ್ವೇ ವೀರಪರಾಕ್ರಮಾಃ॥ 2-85-35 (14754)
ಕ್ಷೀರಂ ಪಿಬಂತಸ್ತಿಷ್ಠಂತಿ ಭುಂಜಾನಾಃ ಶಾಲಿತಂಡುಲಾನ್।
ಷಷ್ಟಿಸ್ತಾನಿ ಸಹಸ್ರಾಣಿ ಸರ್ವೇ ವಿಪುಲವಕ್ಷಸಃ।
ಏತದ್ರಾಜನ್ಮಮ ಧನಂ ತೇನ ದೀವ್ಯಾಂಯಹಂ ತ್ವಯಾ॥ 2-85-36 (14755)
ವೈಶಂಪಾಯನ ಉವಾಚ॥ 2-85-37x (1578)
ಏತಚ್ಛ್ರತ್ವಾ ವ್ಯವಸಿತೋ ನಿಕೃತಿ ಸಮುಪಾಶ್ರಿತಃ।
ಜಿತಮಿತ್ಯೇವ ಶಕುನಿರ್ಯುಧಿಷ್ಠಿರಮಭಾಷತ॥ 2-85-37 (14756)
ಯುಧಿಷ್ಠಿರ ಉವಾಚ। 2-85-38x (1579)
ತಾಂರಲೋಹೈಃ ಪರಿವೃತಾ ನಿಧಯೋ ಯೇ ಚತುಃ ಶತಾಃ।
ಪಂಚದ್ರೌಣಿಕ ಏಕೈಕಃ ಸುವರ್ಣಸ್ಯಾಹತಸ್ಯ ವೈ॥ 2-85-38 (14757)
ಜಾತರೂಪಸ್ಯ ಮುಖ್ಯಸ್ಯ ನಾರ್ಘೋ ಯಸ್ಯ ಹಿ ಭಾರತ।
ಏತದ್ರಾಜನ್ಮಮ ಧನಂ ತೇನ ದೀವ್ಯಾಂಯಹಂ ತ್ವಯಾ॥ 2-85-39 (14758)
ವೈಶಂಪಾಯನ ಉವಾಚ॥ 2-85-40x (1580)
ಏತಚ್ಛ್ರುತ್ವಾ ವ್ಯವಸಿತೋ ನಿಕೃತಿಂ ಸಮುಪಾಶ್ರಿತಃ।
ಜಿತಮಿತ್ಯೇವ ಶಕುನಿರ್ಯುಧಿಷ್ಠಿರಮಭಾಪತಃ॥ ॥ 2-85-40 (14759)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದ್ಯೂತಪರ್ವಣಿ ಪಂಚಾಶೀತಿತಮೋಽಧ್ಯಾಯಃ॥85 ॥
Mahabharata - Sabha Parva - Chapter Footnotes
2-85-8 ದುರೋದರಂ ಪಣಂ॥ 2-85-11 ಭಾಂಡಿನ್ಯೋ ಮಂಜಷಾಃ॥ 2-85-17 ಕಂಬವಃ ಶಂಖವಲಯಾನಿ। ನಿಷ್ಪೋ ವಕ್ಷೋಭೂಷಣಂ॥ 2-85-18 ಚತುಷ್ಷಷ್ಟಿಕಲಾಸು ವಿಶಾರದಾಃ॥ 2-85-19 ನೃತ್ತಸಾಮಸು ನರ್ತನೇ ಗೀತಿವಿಶೇಷೇಷು ಚ॥ 2-85-24 ಕೃತಪೀಡಾಃ ಕೃತಭೂಷಣಾಃ॥ 2-85-25 ಈಷಾ ಲಾಂಗಲದಂಡಃ। ಅಷ್ಟಕರೇಣವಃ, ಅಷ್ಟಹಸ್ತಿನೀಕಾಃ॥ಸಭಾಪರ್ವ - ಅಧ್ಯಾಯ 086
॥ ಶ್ರೀಃ ॥
2.86. ಅಧ್ಯಾಯಃ 086
Mahabharata - Sabha Parva - Chapter Topics
ವಿದುರೇಣ ಧೃತರಾಷ್ಟ್ರಂ ಪ್ರತಿ ದುರ್ಯೋಧನನಿಂದಾಪೂರ್ವಕಂ ದ್ಯೂತೋಪರಮಚೋದನಂ॥1॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ಏವಂ ಪ್ರವರ್ತಿತೇ ದ್ಯೂತೇ ಘೋರೇ ಸರ್ವಾಪಹಾರಿಣಿ।
ಸರ್ವಸಂಶಯನಿರ್ಮೋಕ್ತಾ ವಿದುರೋ ವಾಕ್ಯಮಬ್ರವೀತ್॥ 2-86-1 (14760)
ಮಹಾರಾಜ ವಿಜಾನೀಹಿ ಯತ್ತ್ವಾಂ ವಕ್ಷ್ಯಾಮಿ ಭಾರತ।
ಮುಮೂರ್ಷೋರೌಷಧಮಿವ ನ ರೋಚೇತಾಪಿ ತೇ ಶ್ರುತಂ॥ 2-86-2 (14761)
ಯದ್ವೈ ಪುರಾ ಜಾತಮಾತ್ರೋ ರುರಾವ
ಗೋಮಾಯುವದ್ವಿಸ್ವರಂ ಪಾಪಚೇತಾಃ।
ದುರ್ಯೋಧನೋ ಭಾರತಾನಾಂ ಕುಲಘ್ನಃ
ಸೋಽಯಂ ಯುಕ್ತೋ ಭವತಾಂ ಕಾಲಹೇತುಃ॥ 2-86-3 (14762)
ಗೃಹೇ ವಸಂತಂ ಗೋಮಾಯುಂ ತ್ವಂ ವೈ ಮೋಹಾನ್ನ ಬುಧ್ಯಸೇ।
ದುರ್ಯೋಧನಸ್ಯ ರೂಪೇಣ ಶೃಣು ಕಾವ್ಯಾಂ ಗಿರಂ ಮಮ॥ 2-86-4 (14763)
ಮಧು ವೈ ಮಾಧ್ವಿಕೋ ಲಬ್ಧ್ವಾ ಪ್ರಪಾತಂ ನೈವ ಬುಧ್ಯತೇ।
ಆರುಹ್ಯ ತಂ ಮಜ್ಜತಿ ವಾ ಪತನಂ ಚಾಧಿಗಚ್ಛತಿ॥ 2-86-5 (14764)
ಸೋಽಯಂ ಮತ್ತೋಽಕ್ಷದ್ಯೂತೇನ ಮಧುವನ್ನ ಪೀರಕ್ಷತೇ।
ಪ್ರಪಾತಂ ಬುಧ್ಯತೇ ನೈವ ವೈರಂ ಕೃತ್ವಾ ಮಹಾರಥೈಃ॥ 2-86-6 (14765)
ವಿದಿತಂ ಮೇ ಮಹಾಪ್ರಾಜ್ಞ ಭೋಜೇಷ್ವೇವಾಸಮಂಜಸಂ।
ಪುತ್ರಂ ಸಂತ್ಯಕ್ತವಾನ್ಪೂರ್ವಂ ಪೌರಾಣಾಂ ಹಿತಕಾಂಯಯಾ॥ 2-86-7 (14766)
ಅಂಧಕಾ ಯಾದವಾ ಭೋಜಾಃ ಸಮೇತಾಃ ಕಂಸಮತ್ಯಜನ್।
ನಿಯೋಗಾತ್ತು ಹತೇ ತಸ್ಮಿನ್ಕೃಷ್ಣೇನಾಮಿತ್ರಘಾತಿನಾ॥ 2-86-8 (14767)
ಏವಂ ತೇ ಜ್ಞಾತಯಃ ಸರ್ವೇ ಮೋದಮಾನಾಃ ಶತಂ ಸಮಾಃ।
ತ್ವನ್ನಿಯುಕ್ತಃ ಸವ್ಯಸಾಚೀ ನಿಗೃಹ್ಣಾತು ಸುಯೋಧನಂ॥ 2-86-9 (14768)
ನಿಗ್ರಹಾದಸ್ಯ ಪಾದಸ್ಯ ಮೋದಂತಾಂ ಕುರವಃ ಸುಖಂ।
ಕಾಕೇನೇಮಾಂಶ್ಚಿತ್ರವರ್ಹಾಞ್ಶಾರ್ದೂಲಾನ್ಕ್ರೋಷ್ಟುಕೇನ ಚ।
ಕ್ರೀಣೀಷ್ವ ಪಾಂಡವಾನ್ರಾಜನ್ಮಾ ಮಜ್ಜೀಃ ಶೋಕಸಾಗರೇ॥ 2-86-10 (14769)
ತ್ಯಜೇತ್ಕುಲಾರ್ಥೇ ಪುರುಷಂ ಗ್ರಾಮಸ್ಯಾರ್ಥೇ ಕುಲಂ ತ್ಯಜೇತ್।
ಗ್ರಾಮಂ ಜನಪದಸ್ಯಾರ್ಥೇ ಆತ್ಮಾರ್ಥೇ ಪೃಥಿವೀಂ ತ್ಯಜೇತ್॥ 2-86-11 (14770)
ಸರ್ವಜ್ಞಃ ಸರ್ವಭಾವಜ್ಞಃ ಸರ್ವಶತ್ರುಭಯಂಕರಃ।
ಇತಿ ಸ್ಮ ಭಾಷತೇ ಕಾವ್ಯೋ ಜಂಭತ್ಯಾಗೇ ಮಹಾಽಸುರಾನ್॥ 2-86-12 (14771)
ಹಿರಣ್ಯಷ್ಠೀವಿನಃ ಕಾಂಶ್ಚಿತ್ಪಕ್ಷಿಣೋ ವನಗೋಚರಾನ್।
ಗೃಹೇ ಕಿಲ ಕೃತಾವಾಸಾಂʼಲ್ಲೋಭಾದ್ರಾಜಾ ನ್ಯಪೀಡಯತ್।
ಸ ಚೋಪಭೋಗಲೋಭಾಂಧೋ ಹಿರಣ್ಯಾರ್ಥೀ ಪರಂತಪ॥ 2-86-13 (14772)
ಆಯತಿಂ ಚ ತದಾತ್ವಂ ಚ ಉಭೇ ಸದ್ಯೋ ವ್ಯನಾಶಯತ್।
ತದರ್ಥಕಾಮಸ್ತದ್ವತ್ತ್ವಂ ಮಾದ್ರುಹಃ ಪಾಂಡವಾನ್ನೃಪ॥ 2-86-14 (14773)
ಮೋಹಾತ್ಮಾ ತಪ್ಸ್ಯಸೇ ಪಶ್ಚಾತ್ಪತ್ರಿಹಾ ಪುರುಷೋ ಯಥಾ।
ಜಾತಂಜಾತಂ ಪಾಂಡವೇಭ್ಯಃ ಪುಷ್ಪಮಾದತ್ಸ್ವ ಭಾರತ॥ 2-86-15 (14774)
ಮಾಲಾಕಾರ ಇವಾರಾಮೇ ಸ್ನೇಹಂ ಕುರ್ವನ್ಪುನಃ ಪುನಃ।
ವೃಕ್ಷಾನಂಗಾರಕಾರೀವ ಮೈನಾದ್ಯಾಕ್ಷೀಃ ಸಮೂಲಕಾನ್।
ಮಾ ಗಮಃ ಸಮುತಾಮಾತ್ಯಃ ಸಬಲಶ್ಚ ಯಮಕ್ಷಯಂ॥ 2-86-16 (14775)
ಸಮವೇತಾನ್ಹಿ ಕಃ ಪಾರ್ಥಾನ್ಪ್ರತಿಯುಧ್ಯೇತ ಭಾರತ।
ಮರುದ್ಭಿಃ ಸಹಿತೋ ರಾಜನ್ನಪಿ ಸಾಕ್ಷಾನ್ಮರುತ್ಪತಿಃ॥ 2-86-17 (14776)
ದ್ಯೂತಂ ಮೂಲಂ ಕಲಹಸ್ಯಾಭ್ಯುಪೈತಿ
ಮಿಥೋ ಭೇದಂ ಮಹತೇ ದಾರುಣಾಯ।
ತದಾ ಸ್ಥಿತೋಽಯಂ ಧೃತರಾಷ್ಟ್ರಸ್ಯ ಪುತ್ರೋ
ದುರ್ಯೋಧನಃ ಸೃಜತೇ ವೈರಮುಗ್ರಂ॥ 2-86-18 (14777)
ಪ್ರಾತಿಪೇಯಾಃ ಶಾಂತನವಾ ಭೀಮಸೇನಾಃ ಸಬಾಹ್ನಿಕಾಃ।
ದುರ್ಯೋಧನಾಪರಾಧೇನ ಕೃಚ್ಛ್ರಂ ಪ್ರಾಪ್ಸ್ಯಂತಿ ಸರ್ವಶಃ॥ 2-86-19 (14778)
ದುರ್ಯೋಧನೋ ಮದೇನೈವ ಕ್ಷೇಮಂ ವ್ಯಪೋಹತಿ।
ವಿಷಾಣಂ ಗೌರಿವ ಮದಾತ್ಸ್ವಯಮಾರುಜತೇತ್ಮನಃ॥ 2-86-20 (14779)
ಯಶ್ಚಿತ್ತಮನ್ವೇತಿ ಪರಸ್ಯ ರಾಜನ್
ವೀರಃ ಕವಿಃ ಸ್ವಾಮವಮತ್ಯ ದೃಷ್ಟಿಂ।
ನಾವಂ ಸಮುದ್ರ ಇವ ಬಾಲನೇತ್ರಾ-
ಮಾರುಹ್ಯ ಘೋರೇ ವ್ಯಸನೇ ನಿಮಜ್ಜೇತ್॥ 2-86-21 (14780)
ದುರ್ಯೋಧನೋ ಗ್ಲಹತೇ ಪಾಂಡವೇನ
ಪ್ರೀಯಾಯಸೇ ತ್ವಂ ಜಯತೀತಿ ತಚ್ಚ।
ಅತಿನರ್ಮಾ ಜಾಯತೇ ಸಂಪ್ರಹಾರೋ
ಯತೋ ವಿನಾಶಃ ಸಮುಪೈತಿ ಪುಂಸಾಂ॥ 2-86-22 (14781)
ಆಕರ್ಷಸ್ತೇಽವಾಕ್ಫಲಃ ಸುಪ್ರಣೀತೋ
ಹೃದಿ ಪ್ರೌಢೋ ಮಂತ್ರಪದಃ ಸಮಾಧಿಃ।
ಯುಧಿಷ್ಠಿರೇಣ ಕಲಹಸ್ತವಾಯ-
ಮಚಿಂತಿತೋಽಭಿಮತಃ ಸ್ವಬಂಧುನಾ॥ 2-86-23 (14782)
ಪ್ರಾತಿಪೇಯಾಃ ಶಾಂತನವಾಃ ಶೃಣುಧ್ವಂ
ಕಾವ್ಯಾಂ ವಾಚಂ ಸಂಸದಿ ಕೌರವಾಣಾಂ।
ವೈಶ್ವಾನರಂ ಪ್ರಜ್ವಲಿತಂ ಸುಘೋರಂ
ಮಾ ಯಾಸ್ಯಧ್ವಂ ಮಂದಮನುಪ್ರಪನ್ನಃ॥ 2-86-24 (14783)
ಯದಾ ಮನ್ಯುಂ ಪಾಂಡವೋಽಜಾತಶತ್ರು-
ರ್ನ ಸಂಯಚ್ಛೇದಕ್ಷಮದಾಭಿಭೂತಃ।
ವೃಕೋದರಃ ಸವ್ಯಸಾಚೀ ಯಮೌ ಚ
ಕೋಽತ್ರ ದ್ವೀಪಃ ಸ್ಯಾತ್ತುಮುಲೇ ವಸ್ತದಾನೀಂ॥ 2-86-25 (14784)
ಮಹಾರಾಜ ಪ್ರಭವಸ್ತ್ವಂ ಧನಾನಾಂ
ಪುರಾ ದ್ಯೂತಾನ್ಮನಸಾ ಯಾವದಿಚ್ಛೇಃ।
ಬಹುವಿತ್ತಾನ್ಪಾಂಡವಾಂಶ್ಚೇಜ್ಜಯಸ್ತ್ವಂ
ಕಿಂ ತೇ ತತ್ಸ್ಯಾದ್ವಸು ವಿಂದೇಹ ಪಾರ್ಥಾನ್॥ 2-86-26 (14785)
ಜಾನೀಮಹೇ ದೇವಿತಂ ಸೌಬಲಸ್ಯ
ವೇದ ದ್ಯೂತೇ ನಿಕೃತಿಂ ಪಾರ್ವತೀಯಃ।
ಯತಃ ಪ್ರಾಪ್ತಃ ಶಕುನಿಸ್ತತ್ರ ಯಾತು
ಮಾ ಯೂಯುಧೋ ಭಾರತ ಪಾಂಡವೇಯಾನ್॥ ॥ 2-86-27 (14786)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದ್ಯೂತಪರ್ವಣಿ ಷಡಶೀತಿತಮೋಽಧ್ಯಾಯಃ॥ 86॥
Mahabharata - Sabha Parva - Chapter Footnotes
2-86-4 ಕಾವ್ಯಂ ಕವಿನಾ ಶುಕ್ರೇಣೋಕ್ತಾಂ ನೀತಿಗಿರಂ॥ 2-86-5 ಮಾಧ್ವಿಕೋ ಮಧುಪಣ್ಯವಾನ್। ಪ್ರಪಾತಂ ಭೃಗುಂ ॥ 2-86-8 ನಿಯೋಗಾದ್ದೈವಯೋಗಾತ್॥ 2-86-10 ಚಿತ್ರವರ್ಹಾನ್ ಮಯೂರಾನ್॥ 2-86-14 ಆಯತಿಮುತ್ತರಕಾಲಂ। ತದಾತ್ವಂ ಸಾಂಪ್ರತಂ। ತತ್ತಸ್ಮಾತ್। ಅರ್ಥಕಾಮೋ ಧನಕಾಮಃ॥ 2-86-15 ಪತ್ರಿಹಾ ಪಕ್ಷಿಹಾ ॥ 2-86-21 ಬಾಲನೇತ್ರಾಮವ್ಯುತ್ಪನ್ನನೇತೃಕಾಂ॥ 2-86-22 ಗ್ಲಹತೇ ಪಣಂ ಕರೋತಿ। ಪ್ರೀಯಾಯಸೇ ಅತಿಶಯೇನ ಪ್ರೀಯಸೇ॥ 2-86-23 ಆಕರ್ಷೋ ದ್ಯೂತಂ ॥ 2-86-26 ಜಯಃ ಅಜಯಃ॥ಸಭಾಪರ್ವ - ಅಧ್ಯಾಯ 087
॥ ಶ್ರೀಃ ॥
2.87. ಅಧ್ಯಾಯಃ 087
Mahabharata - Sabha Parva - Chapter Topics
ದುರ್ಯೋಧನೇನ ವಿದುರೋಪಾಲಂಭಃ॥ 1॥ ವಿದುರೇಣ ಧೃತರಾಷ್ಟ್ರಸ್ಯ ಹಿತೋಪದೇಶಃ॥ 2॥Mahabharata - Sabha Parva - Chapter Text
ದುರ್ಯೋಧನ ಉವಾಚ॥
ಪರೇಷಾಮೇವ ಯಶಸಾ ಶ್ಲೋಘಸೇ ತ್ವಂ
ಸದಾ ಕ್ಷತ್ತಃ ಕುತ್ಸಯಂಧಾರ್ತರಾಷ್ಟ್ರಾನ್।
ಜಾನೀಮಹೇ ವಿದುರ ಯತ್ಪ್ರಿಯಸ್ತ್ವಂ
ಬಾಲಾನಿವಾಸ್ಮಾನವಮನ್ಯಸೇ ನಿತ್ಯಮೇವ॥ 2-87-1 (14787)
ಸ ವಿಜ್ಞೇಯಃ ಪುರುಷೋಽನ್ಯತ್ರಕಾಮೋ
ನಿಂದಾಪ್ರಶಂಸೇ ಹಿ ತಥಾ ಯುನಕ್ತಿ।
ಜಿಹ್ವಾಽಽತ್ಮನೋ ಹೃದಯಸ್ಥಂ ವ್ಯನಕ್ತಿ
ಜಾನೀಮಹೇ ತ್ವನ್ಮನಸಃ ಪ್ರಾತಿಕೂಲ್ಯಂ॥ 2-87-2 (14788)
ಉತ್ಸಂಗೇ ಚ ವ್ಯಾಲ ಇವಾಹಿತೋಽಸಿ
ಮಾರ್ಜರವತ್ಪೋಷಕಂ ಚೋಪಹಂಸಿ।
ಭರ್ತೃಘ್ನಂ ತ್ವಾಂ ನ ಹಿ ಪಾಪೀಯ ಆಹು-
ಸ್ತಸ್ಮಾತ್ಕ್ಷತ್ತಃ ಕಿಂ ನ ಬಿಭೇಷಿ ಪಾಪಾತ್॥ 2-87-3 (14789)
ಜಿತ್ವಾ ಶತ್ರೂನ್ಫಲಮಾಪ್ತಂ ಮಹದ್ವೈ
ಮಾಽಸ್ಮಾನ್ಕ್ಷತ್ತಃ ಪರುಷಾಮೀಹ ವೋಚಃ।
ದ್ವಿಷದ್ಭಿಸ್ತ್ವಂ ಸಂಪ್ರಯೋಗಾಭಿನಂದೀ
ಮುಹುರ್ದೇಷಂ ಯಾಸಿ ನಃ ಸಂಪ್ರಯೋಗಾತ್॥ 2-87-4 (14790)
ಅಮಿತ್ರತಾಂ ಯಾತಿ ನರೋಽಕ್ಷಮಂ ಬ್ರುವ-
ನ್ನಿಗೂಹತೇ ಗುಹ್ಯಮಮಿತ್ರಸಂಸ್ತವೇ।
ತದಾಶ್ರಿತೋಽಪತ್ರಪ ಕಿಂ ನು ಬಾಧಸೇ
ಯದಿಚ್ಛಸಿ ತ್ವಂ ತದಿಹಾಭಿಭಾಷತಸೇ॥ 2-87-5 (14791)
ಮಾ ನೋಽವಮಂಸ್ಥಾ ವಿದ್ಯ ಮಾನಸ್ತವೇದಂ
ಶಿಕ್ಷಸ್ವ ಬುದ್ಧಿಂ ಸ್ಥವಿರಾಣಾಂ ಸಕಾಶಾತ್।
ಯಶೋ ರಕ್ಷಸ್ವ ವಿದುರ ಸಂಪ್ರಣೀತಂ
ಮಾ ವ್ಯಾಪೃತಃ ಪರಕಾರ್ಯೇಶು ಭೂಸ್ತ್ವಂ॥ 2-87-6 (14792)
ಅಹಂ ಕರ್ತೇತಿ ವಿದೂರ ಮಾ ಚ ಮಂಸ್ಥಾ
ಮಾ ನೋ ನಿತ್ಯಂ ಪರುಷಾಣೀಹ ವೋಚಃ।
ನ ತ್ವಾಂ ಪೃಚ್ಛಾಮಿ ವಿದುರ ಯದ್ಧಿತಂ ಮೇ
ಸ್ವಸ್ತಿ ಕ್ಷತ್ತರ್ಮಾ ತಿತಿಕ್ಷೂನ್ ಕ್ಷಿಣ್ ತ್ವಂ॥ 2-87-7 (14793)
ಏಕಃ ಶಾಸ್ತಾ ನ ದ್ವಿತೀಯೋಽಸ್ತಿ ಶಾಸ್ತಾ
ಗರ್ಭೇ ಶಯಾನಂ ಪುರುಷಂ ಶಾಸ್ತಿ ಶಾಸ್ತಾ।
ತೇನಾನುಶಿಷ್ಟಃ ಪ್ರವಣಾದಿವಾಂಭೋ
ಯಥಾ ನಿಯುಕ್ತೋಽಸ್ತಿ ತಥಾ ಭವಾಮಿ॥ 2-87-8 (14794)
ಭಿನತ್ತಿ ಶಿರಸಾ ಶೈಲಮಹಿಂ ಭೋಜಯತೇ ಚ ಯಃ।
ಧೀರೇವ ಕುರುತೇ ತಸ್ಯ ಕಾರ್ಯಾಣಾಮನುಶಾಸನಂ।
ಯೋ ಬಲಾದನುಶಾಸ್ತೀಹ ಸೋಽಮಿತ್ರಂ ತೇನ ವಿಂದತಿ॥ 2-87-9 (14795)
ಮಿತ್ರತಾಮನುವೃತ್ತಂ ತು ಸಮುಪೇಕ್ಷತ್ಯಪಂಡಿತಃ।
ದೀಪ್ಯ ಯಃ ಪ್ರದೀಪ್ತಾಗ್ನಿಂ ಪ್ರಾಚ್ಕಿರಂ ನಾಭಿಧಾವತಿ।
ಭಸ್ಮಾಪಿ ನ ಸ ವಿಂದೇತ ಶಿಷ್ಟಂ ಕ್ವಚನ ಭಾರತ॥ 2-87-10 (14796)
ನ ವಾಸಯೇತ್ಪಾರವರ್ಗ್ಯಂ ದ್ವಿಷಂತಂ
ವಿಶೇಷತಃ ಕ್ಷತ್ತರಹಿತಂ ಮನುಪ್ಯಂ।
ಸ ಯತ್ರೇಚ್ಛಸಿ ವಿದುರ ತತ್ರ ಗಚ್ಛ
ಸುಸಾಂತ್ವಿತಾ ಹ್ಯಸತೀ ಸ್ತ್ರೀ ಜಹಾತಿ॥ 2-87-11 (14797)
ವಿದುರ ಉವಾಚ॥ 2-87-12x (1581)
ಏತಾವತಾ ಪುರುಷಂ ಯೇ ತ್ಯಜಂತಿ
ತೇಷಾಂ ಸಖ್ಯಮಂತವದ್ಬ್ರೂಹಿ ರಾಜನ್।
ರಾಜ್ಞಾಂ ಹಿ ಚಿತ್ತಾನಿ ಪರಿಪ್ಲುತಾನಿ
ಸಾಂತ್ವಂ ದತ್ವಾ ಮುಸಲೈರ್ಘಾತಯಂತಿ॥ 2-87-12 (14798)
ಅಬಾಲತ್ವಂ ಮನ್ಯಸೇ ರಾಜಪುತ್ರ
ಬಾಲೋಽಹಮಿತ್ಯೇವ ಸುಮಂದಬುದ್ಧೇ।
ಯಃ ಸೌಹೃದೇ ಪುರುಷಂ ಸ್ಥಾಪಯಿತ್ವಾ
ಪಶ್ಚಾದೇನಂ ದೂಷಯತೇ ಸ ಬಾಲಃ॥ 2-87-13 (14799)
ನ ಶ್ರೇಯಸೇ ನೀಯತೇ ಮಂದಬುದ್ಧಿಃ
ಸ್ತ್ರೀ ಶ್ರೋತ್ರಿಯಸ್ಯೇವ ಗೃಹೇ ಪ್ರದುಷ್ಟಾ।
ಧ್ರುವಂ ನ ರೋಚೇದ್ಭರತರ್ಷಭಸ್ಯ
ಪತಿಃ ಕುಮಾರ್ಯಾ ಇವ ಷಷ್ಟಿವರ್ಷಃ॥ 2-87-14 (14800)
ಅತಃ ಪ್ರಿಯಂ ಚೇದನುಕಾಂಕ್ಷಸೇ ತ್ವಂ
ಸರ್ವೇಷು ಕಾರ್ಯೇಷು ಹಿತಾಹಿತೇಷು
ಸ್ತ್ರಿಯಶ್ಚ ರಾಜಂಜಡಪಂಗುಕಾಂಶ್ಚ
ಪೃಚ್ಛ ತ್ವಂ ವೈ ತಾದೃಶಾಂಶ್ಚೈವ ಸರ್ವಾನ್॥ 2-87-15 (14801)
ಲಭ್ಯತೇ ಖಲು ಪಾಪೀಯಾನ್ನರೋಽನು ಪ್ರಿಯವಾಗಿಹ।
ಅಪ್ರಿಯಸ್ಯ ಹಿ ಪಥ್ಯಸ್ಯ ವಕ್ತಾ ಶ್ರೋತಾ ಚ ದುರ್ಲಭಃ 2-87-16 (14802)
ಯಸ್ತು ಧರ್ಮಪರಶ್ಚ ಸ್ಯಾದ್ಧಿತ್ವಾ ಭರ್ತುಃ ಪ್ರಿಯಾಪ್ರಿಯೇ।
ಅಪ್ರಿಯಾಣ್ಯಾಹ ಪಥ್ಯಾನಿ ತೇನ ರಾಜಾ ಸಹಾಯವಾನ್॥ 2-87-17 (14803)
ಅವ್ಯಾಧಇಜಂ ಕಟುಜಂ ತೀಕ್ಷ್ಣಮುಷ್ಣಂ
ಯಶೋಮುಷಂ ಪರುಷಂ ಪೂತಿಗಂಧಿಂ।
ಸತಾಂ ಪೇಯಂ ಯನ್ನ ಪಿಬಂತ್ಯಸಂತೋ
ಮನ್ಯುಂ ಮಹಾರಾಜ ಪಿಬ ಪ್ರಶಾಂಯ ॥ 2-87-18 (14804)
ವೈಚಿತ್ರವೀರ್ಯಸ್ಯ ಯಶೋ ಧನಂ ಚ
ವಾಂಛಾಂಯಹಂ ಸಹಪುತ್ರಸ್ಯ ಶಶ್ವತ್।
ಯಥಾ ತಥಾ ತೇಽಸ್ತು ನಮಶ್ಚತೇಽಸ್ತು
ಮಮಾಪಿ ಚ ಸ್ವಸ್ತಿ ದಿಶಂತು ವಿಪ್ರಾಃ॥ 2-87-19 (14805)
ಆಶೀವಿಷಾನ್ನೇತ್ರವಿಷಾನ್ಕೋಪಯೇನ್ನ ಚ ಪಂಡಿತಃ।
ಏವಂ ತೇಽಹಂ ವದಾಮೀದಂ ಪ್ರಯತಃ ಕುರುನಂದನ॥ ॥ 2-87-20 (14806)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದ್ಯೂತಪರ್ವಣಿ ಸಪ್ತಾಶೀತಿತಮೋಽಧ್ಯಾಯಃ॥ 87 ॥
Mahabharata - Sabha Parva - Chapter Footnotes
2-87-3 ಪಾಪೀಯಃ ಪಾಪೀಯಾಂಸಂ॥ 2-87-11 ಪಾರವರ್ಗ್ಯಂ ಶತ್ರುಪಕ್ಷಜಾತಂ॥ಸಭಾಪರ್ವ - ಅಧ್ಯಾಯ 088
॥ ಶ್ರೀಃ ॥
2.88. ಅಧ್ಯಾಯಃ 088
Mahabharata - Sabha Parva - Chapter Topics
ಸಪತ್ನೀಭ್ರಾತೃಕಸ್ಯ ಯುಧಿಷ್ಠಿರಸ್ಯ ಶಕುನಿನಾ ಪರಾಜಯಃ॥ 1॥Mahabharata - Sabha Parva - Chapter Text
ಶಕುನಿರುವಾಚ॥
ಬಹುವಿತ್ತಂ ಪರಾಜೈಷೀಃ ಪಾಂಡವಾನಾಂ ಯುಧಿಷ್ಠಿರ।
ಆಚಕ್ಷ್ವ ವಿತ್ತಂ ಕೌಂತೇಯ ಯದಿ ತೇಽಸ್ತ್ಯಪರಾಜಿತಂ॥ 2-88-1 (14807)
ಯುಧಿಷ್ಠಿರ ಉವಾಚ॥ 2-88-2x (1582)
ಮಮ ವಿತ್ತಮಸಂಖ್ಯೇಯಂ ಯದಹಂ ವೇದ ಸೌಬಲ।
ಅಥ ತ್ವಂ ಶಕುನೇ ಕಸ್ಮಾದ್ವಿತ್ತಂ ಸಮನುಪೃಚ್ಛಸಿ॥ 2-88-2 (14808)
ಅಯುತಂ ಪ್ರಯುತಂ ಚೈವ ಶಂಕುಂ ಪದ್ಮಂ ತಥಾರ್ಬುದಂ।
ಖರ್ವಂ ಶಂಖಂ ನಿಖರ್ವಂ ಚ ಮಹಾಪದ್ಮಂ ಚ ಕೋಟಯಃ॥ 2-88-3 (14809)
ಮಧ್ಯಂ ಚೈವ ಪರಾರ್ಧಂ ಚ ಸಪರಂ ಚಾತ್ರ ಪಣ್ಯತಾಂ।
ಏತನ್ಮಮ ಧನಂ ರಾಜಂಸ್ತೇನ ದೀವ್ಯಾಂಯಹಂ ತ್ವಯಾ॥ 2-88-4 (14810)
ವೈಶಂಪಾಯನ ಉವಾಚ॥ 2-88-5x (1583)
ಏತಚ್ಛುತ್ವಾ ವ್ಯವಸಿತೋ ನಿಕೃತಿಂ ಸಮುಪಾಶ್ರಿತಃ।
ಜಿತಮಿತ್ಯೇವ ಶಕುನಿರ್ಯುಧಿಷ್ಠಿರಮಭಾಷತ॥ 2-88-5 (14811)
ಯುಧಿಷ್ಠಿರ ಉವಾಚ॥ 2-88-6x (1584)
ಗವಾಶ್ವಂ ಬಹುಧೇನೂಕಮಸಂಖ್ಯೇಯಮಜಾವಿಕಂ।
ಯತ್ಕಿಂಚಿದನು ಪರ್ಣಾಶಾಂ ಪ್ರಾಕ್ ಸಿಂಧೋರಪಿ ಸೌಬಲ।
ಏತನ್ಮಮ ಧನಂ ಸರ್ವಂ ತೇನ ದೀವ್ಯಾಂಯಹಂ ತ್ವಯಾ॥ 2-88-6 (14812)
ವೈಶಂಪಾಯನ ಉವಾಚ॥ 2-88-7x (1585)
ಏತಚ್ಛುತ್ವಾ ವ್ಯವಸಿತೋ ನಿಕೃತಿಂ ಸಮುಪಾಶ್ರಿತಃ।
ಜಿತಮಿತ್ಯೇವ ಶಕುನಿರ್ಯುಧಿಷ್ಠಿರಮಭಾಷತ॥ 2-88-7 (14813)
ಯುಧಿಷ್ಠಿರ ಉವಾಚ॥ 2-88-8x (1586)
ಪುರಂ ಜನಪದೋ ಭೂಮಿರಬ್ರಾಹ್ಮಣಧನೈಃ ಸಹ।
ಅಬ್ರಾಹ್ಮಣಾಶ್ಚ ಪುರುಷಾ ರಾಜಞ್ಶಿಷ್ಟಂ ಧನಂ ಮಮ।
ಏತದ್ರಾಜನ್ಮಮ ಧನಂ ತೇನ ದೀವ್ಯಾಂಯಹಂ ತ್ವಯಾ॥ 2-88-8 (14814)
ವೈಶಂಪಾಯನ ಉವಾಚ॥ 2-88-9x (1587)
ಏತಚ್ಛ್ರುತ್ವಾ ವ್ಯವಸಿತೋ ನಿಕೃತಿಂ ಸಮುಪಾಶ್ರಿತಃ।
ಜಿತಮಿತ್ಯೇವ ಶಕುನಿರ್ಯುಧಿಷ್ಠಿರಮಭಾಷತ॥ 2-88-9 (14815)
ಯುಧಿಷ್ಠಿರ ಉವಾಚ॥ 2-88-10x (1588)
ರಾಜಪುತ್ರಾ ಇಮೇ ರಾಜಂಛೋಮಂತೇ ಯೈರ್ವಿಭೂಷಿತಾಃ।
ಕುಂಡಲಾನಿ ಚ ನಿಷ್ಕಾಶ್ಚ ಸರ್ವಂ ರಾಜವಿಭೂಷಣಂ।
ಏತನ್ಮಮ ಧನಂ ರಾಜಂಸ್ತೇನ ದೀವ್ಯಾಂಯಹಂ ತ್ವಯಾ॥ 2-88-10 (14816)
ವೈಶಂಪಾಯನ ಉವಾಚ॥ 2-88-11x (1589)
ಏತಚ್ಛ್ರುತ್ವಾ ವ್ಯವಸಿತೋ ನಿಕೃತಿಂ ಸಮುಪಾಶ್ರಿತಃ।
ಜಿತಮಿತ್ಯೇವ ಶಕುನಿರ್ಯುಧಿಷ್ಠಿರಮಭಾಷತ॥ 2-88-11 (14817)
ಯುಧಿಷ್ಠಿರ ಉವಾಚ॥ 2-88-12x (1590)
ಶ್ಯಾಮೋ ಯುವಾ ಲೋಹಿತಾಕ್ಷಃ ಸಿಂಹಸ್ಕಂಧೋ ಮಹಾಭುಜಃ।
ನಕುಲೋ ಗ್ಲಹ ಏವೈಕೀ ವಿದ್ಧ್ಯೇತನ್ಮಮ ತದ್ಧನಂ॥ 2-88-12 (14818)
ಶಕುನಿರುವಾಚ। 2-88-13x (1591)
ಪ್ರಿಯಸ್ತೇ ನಕುಲೋ ರಾಜನ್ರಾಜಪುತ್ರೋ ಯುಧಿಷ್ಠಿರ।
ಅಸ್ಮಾಕಂ ವಶತಾಂ ಪ್ರಾಪ್ತೋ ಭೂಯಃ ಕೇನೇಹ ದೀವ್ಯಸೇ॥ 2-88-13 (14819)
ವೈಶಂಪಾಯನ ಉವಾಚ॥ 2-88-14x (1592)
ಏವಮುಕ್ತ್ವಾ ತು ತಾನಕ್ಷಾಞ್ಶಕುನಿಃ ಪ್ರತ್ಯದೀವ್ಯತ।
ಜಿತಮಿತ್ಯೇವ ಶಕುನಿರ್ಯುಧಿಷ್ಠಿರಮಭಾಷತ॥ 2-88-14 (14820)
ಯುಧಿಷ್ಠಿರ ಉವಾಚ॥ 2-88-15x (1593)
ಅಯಂ ಧರ್ಮಾನ್ಸಹದೇವೋಽನುಶಾಸ್ತಿ
ಲೋಕೇ ಹ್ಯಸ್ಮಿನ್ಪಂಡಿತಾಖ್ಯಾಂ ಗತಶ್ಚ।
ಅನರ್ಹತಾ ರಾಜಪುತ್ರೇಣ ತೇನ
ದೀವ್ಯಾಂಯಹಂ ಚಾಪ್ರಿಯವತ್ಪ್ರಿಯೇಣ॥ 2-88-15 (14821)
ವೈಶಂಪಾಯನ ಉವಾಚ॥ 2-88-16x (1594)
ಏತಚ್ಛ್ರುತ್ವಾ ವ್ಯವಸಿತೋ ನಿಕೃತಿಂ ಸಮುಪಾಶ್ರಿತಃ।
ಜಿತಮಿತ್ಯೇವ ಶಕುನಿರ್ಯುಧಿಷ್ಠಿರಮಭಾಷತ॥ 2-88-16 (14822)
ಶಕುನಿರುವಾಚ॥ 2-88-17x (1595)
ಮಾದ್ರೀಪುತ್ರೌ ಪ್ರಿಯೌ ರಾಜಂಸ್ತವೇಮೌ ವಿಜಿತೌ ಮಯಾ।
ಗರೀಯಾಂಸೌ ತು ಮನ್ಯೇ ಭೀಮಸೇನಧನಂಜಯೌ॥ 2-88-17 (14823)
ಯುಧಿಷ್ಠಿರ ಉವಾಚ। 2-88-18x (1596)
ಅಧರ್ಮಂ ಚರಸೇ ನೂನಂ ಯೋ ನಾವೇಕ್ಷಸಿ ವೈ ನಯಂ।
ಯೋ ನಃ ಸುಮನಸಾಂ ಮೂಢ ವಿಭೇದಂ ಕರ್ತುಮಿಚ್ಛಸಿ॥ 2-88-18 (14824)
ಶಕುನಿರುವಾಚ॥ 2-88-19x (1597)
ಗರ್ತೇ ಮತ್ತಃ ಪ್ರಪತತೇ ಪ್ರಮತ್ತಃ ಸ್ಥಾಣುಮೃಚ್ಛತಿ।
ಜ್ಯೇಷ್ಠೋ ರಾಜನ್ವ್ರರಿಷ್ಠೋಽಸಿ ನಮಸ್ತೇ ಭರತರ್ಷಭ॥ 2-88-19 (14825)
ಸ್ವಪ್ನೇ ತಾನಿ ನ ದೃಶ್ಯಂತೇ ಜಾಗ್ರತೋ ವಾ ಯುಧಿಷ್ಠಿರ।
ಕಿತವಾ ಯಾನಿ ದೀವ್ಯಂತಃ ಪ್ರಲಪಂತ್ಯುತ್ಕಟಾ ಇವ॥ 2-88-20 (14826)
ಯುಧಿಷ್ಠಿರ ಉವಾಚ॥ 2-88-21x (1598)
ಯೋ ನಃ ಸಂಖ್ಯೇ ನೌರಿವ ಪಾರನೇತಾ
ಜೇತಾ ರಿಪೂಣಾಂ ರಾಜಪುತ್ರಸ್ತರಸ್ವೀ।
ಅನರ್ಹತಾ ಲೋಕವೀರೇಣ ತೇನ
ದೀವ್ಯಾಂಯಹಂ ಶಕುನೇ ಫಾಲ್ಗುನೇನ॥ 2-88-21 (14827)
ವೈಶಂಪಾಯನ ಉವಾಚ॥ 2-88-22x (1599)
ಏತಚ್ಛ್ರುತ್ವಾ ವ್ಯವಸಿತೋ ನಿಕೃತಿಂ ಸಮುಪಾಶ್ರಿತಃ।
ಜಿತಮಿತ್ಯೇವ ಶಕುನಿರ್ಯುಧಿಷ್ಠಿರಮಭಾಷತ॥ 2-88-22 (14828)
ಶಕುನಿರುವಾಚ। 2-88-23x (1600)
ಅಯಂ ಮಯಾ ಪಾಂಡವಾನಾಂ ಧನಿರ್ಧರಃ
ಪರಾಜಿತಃ ಪಾಂಡವಃ ಸವ್ಯಸಾಚೀ।
ಭೀಮೇನ ರಾಜಂದಯಿತೇನ ದೀವ್ಯ
ಯತ್ಕೈತವಂ ಪಾಂಡವ ತೇಽವಶಿಷ್ಟಂ॥ 2-88-23 (14829)
ಯುಧಿಷ್ಠಿರ ಉವಾಚ॥ 2-88-24x (1601)
ಯೋ ನೋ ನೇತಾ ಯೋ ಯುಧಿ ನಃ ಪ್ರಣೇತಾ
ಯಥಾ ವಜ್ರೀ ದಾನವಶತ್ರುರೇಕಃ।
ತಿರ್ಯಕ್ಪ್ರೇಕ್ಷೀ ಸನ್ನತಭ್ರೂರ್ಮಹಾತ್ಮಾ
ಸಿಂಹಸ್ಕಂಧೋ ಯಶ್ಚ ಸದಾಽತ್ಯಮರ್ಷೀ॥ 2-88-24 (14830)
ಬಲೇನ ತುಲ್ಯೋ ಯಸ್ಯಪ ಪುಮಾನ್ನ ವಿದ್ಯತೇ
ಗದಾಭೃತಾಮಗ್ರ್ಯ ಇಹಾರಿಮರ್ದನಃ।
ಅನರ್ಹತಾ ರಾಜಪುತ್ರೇಣ ತೇನ
ದೀವ್ಯಾಂಯಹಂ ಭೀಮಸೇನೇನ ರಾಜನ್॥ 2-88-25 (14831)
ವೈಶಂಪಾಯನ ಉವಾಚ॥ 2-88-26x (1602)
ಏತಚ್ಛ್ರುತ್ವಾ ವ್ಯವಸಿತೋ ನಿಕೃತಿಂ ಸಮುಪಾಶ್ರಿತಃ।
ಜಿತಮಿತ್ಯೇವ ಶಕುನಿರ್ಯುಧಿಷ್ಠಿರಮಭಾಷತ॥ 2-88-26 (14832)
ಶಕುನಿರುವಾಚ। 2-88-27x (1603)
ಬಹುವಿತ್ತಂ ಪರಾಜೈಷೀರ್ಭ್ರಾತೄಂಶ್ಚ ಸಹಯದ್ವಿಪಾನ್।
ಆಚಕ್ಷ್ವ ವಿತ್ತಂ ಕೌಂತೇಯ ಯದಿ ತೇಽಸ್ತ್ಯಪರಾಜಿತಂ॥ 2-88-27 (14833)
ಯುಧಿಷ್ಠಿರ ಉವಾಚ॥ 2-88-28x (1604)
ಅಹಂ ವಿಶಿಷ್ಟಃ ಸರ್ವೇಷಾಂ ಭ್ರಾತೄಣಾಂ ದಯಿತಸ್ತಥಾ।
ಕುರ್ಯಾಮಹಂ ಜಿತಃ ಕರ್ಮ ಸ್ವಯಮಾತ್ಮನ್ಯುಪಲ್ಪುತೇ॥ 2-88-28 (14834)
ವೈಶಂಪಾಯನ ಉವಾಚ॥ 2-88-29x (1605)
ಏತಚ್ಛ್ರುತ್ವಾ ವ್ಯವಸಿತೋ ನಿಕೃತಿಂ ಸಮುಪಾಶ್ರಿತಃ।
ಜಿತಮಿತ್ಯೇವ ಶಕುನಿರ್ಯುಧಿಷ್ಠಿರಮಭಾಷತ॥ 2-88-29 (14835)
ಶಕುನಿರುವಾಚ। 2-88-30x (1606)
ಏತತ್ಪಾಪಿಷ್ಠಮಕರೋರ್ಯದಾತ್ಮಾನಂ ಪರಾಜಯೇಃ।
ಶಿಷ್ಟೇ ಸತಿ ಧನೇ ರಾಜನ್ಪಾಪ ಆತ್ಮಪರಾಜಯಃ॥ 2-88-30 (14836)
ವೈಶಂಪಾಯನ ಉವಾಚ॥ 2-88-31x (1607)
ಏವಮುಕ್ತ್ವಾ ಮತಾಕ್ಷಸ್ತಾನ್ ಗ್ಲಹೇ ಸರ್ವಾನವಸ್ಥಿತಾನ್।
ಪರಾಜಯಲ್ಲೋಕವೀರಾನುಕ್ತ್ವಾ ರಾಜ್ಞಾಂ ಪೃಥಕ್ ಪೃಥಕ್॥ 2-88-31 (14837)
ಶಕುನಿರುವಾಚ॥ 2-88-32x (1608)
ಅಸ್ತಿ ತೇ ವೈ ಪ್ರಿಯಾ ರಾಜನ್ ಗ್ಲಹ ಏಕೋಽಪರಾಜಿತಃ।
ಪಣಸ್ವ ಕೃಷ್ಣಾಂ ಪಾಂಚಾಲೀಂ ತಯಾತ್ಮಾನಂ ಪುನರ್ಜಯ॥ 2-88-32 (14838)
ಯುಧಿಷ್ಠಿರ ಉವಾಚ॥ 2-88-33x (1609)
ನೈವ ಹ್ರಸ್ವಾ ನ ಮಹತೀ ನ ಕೃಶಾ ನಾತಿರೋಹಿಣೀ।
ನೀಲಕುಂಚಿತಕಶೀ ಚ ತಯಾ ದೀವ್ಯಾಂಯಹಂ ತ್ವಯಾ॥ 2-88-33 (14839)
ಶಾರದೋತ್ಪಲಪತ್ರಾಕ್ಷ್ಯಾ ಶಾರದೋತ್ಪಲಗಂಧಯಾ।
ಶಾರದೋತ್ಪಲಸೇವಿನ್ಯಾ ರೂಪೇಣ ಶ್ರೀಸಮಾನಯಾ॥ 2-88-34 (14840)
ತಥೈವ ಸ್ಯಾದಾನುಶಂಸ್ಯಾತ್ತಥ ಸ್ಯಾದ್ರೂಪಸಂಪದಾ।
ತಥಾ ಸ್ಯಾಚ್ಛೀಲಸಂಪತ್ತ್ಯಾ ಯಾಮಿಚ್ಛೇತ್ಪುರುಷಃ ಸ್ತ್ರಿಯಂ॥ 2-88-35 (14841)
ಸರ್ವೈರ್ಗುಣೈರ್ಹಿ ಸಂಪನ್ನಾಮನುಕೂಲಾಂ ಪ್ರಿಯಂವದಾಂ।
ಯಾದೃಶೀಂ ಧರ್ಮಕಾಮಾರ್ಥಸಿದ್ಧಿಮಿಚ್ಛೇನ್ನರಃ ಸ್ತ್ರಿಯಂ॥ 2-88-36 (14842)
ಚರಮಂ ಸಂವಿಶತಿ ಯಾ ಪ್ರಥಮಂ ಪ್ರತಿಬುಧ್ಯತೇ।
ಆಗೋಪಾಲಾವಿಪಾಲೇಭ್ಯಃ ಸರ್ವಂ ವೇದ ಕೃತಾಕೃತಂ॥ 2-88-37 (14843)
ಆಭಾತಿ ಪದ್ಮವದ್ವಕ್ತ್ರಂ ಸಸ್ವೇದಂ ಮಲ್ಲಿಕೇವ ಚ।
ವೇದೀಮಧ್ಯಾ ದೀರ್ಘಕೇಶೀ ತಾಂರಾಸ್ಯಾ ನಾತಿಲೋಮಶಾ॥ 2-88-38 (14844)
ತಯೈವಂವಿಧಯಾ ರಾಜನ್ಪಾಂಚಾಲ್ಯಾಹಂ ಸುಮಧ್ಯಮಾ।
ಗ್ಲಹಂ ದೀವ್ಯಾಮಿ ಚಾರ್ವಂಗ್ಯಾ ದ್ರೌಪದ್ಯಾ ಹಂತ ಸೌಬಲ॥ 2-88-39 (14845)
ವೈಶಂಪಾಯನ ಉವಾಚ॥ 2-88-40x (1610)
ಏವಮುಕ್ತೇ ತು ವಚನೇ ಧರ್ಮರಾಜೇನ ಧೀಮತಾ।
ಧಿಗ್ಧಿಗಿತ್ಯೇವ ವೃದ್ಧಾನಾಂ ಸಭ್ಯಾನಾಂ ನಿಃ ಸೃತಾ ಗಿರಃ॥ 2-88-40 (14846)
ಚುಕ್ಷುಭೇ ಸಾ ಸಭಾ ರಾಜನ್ರಾಜ್ಞಾಂ ಸಂಜತ್ರಿರೇ ಶುಚಃ।
ಭೀಷ್ಮದ್ರೋಣಕೃಪಾದೀನಾಂ ಸ್ವೇದಶ್ಚ ಸಮಜಾಯತ॥ 2-88-41 (14847)
ಶಿರೋ ಗೃಹೀತ್ವಾ ವಿದುರೋ ಗತಸತ್ವ ಇವಾಭವತ್।
ಆಸ್ತೇ ಧ್ಯಾಯನ್ನಧೋವಕ್ತ್ರೋ ನಿಃ ಶ್ವಸನ್ನಿವ ಪನ್ನಗಃ॥ 2-88-42 (14848)
`ಬಾಹ್ಲೀಕಃ ಸೋಮದತ್ತಶ್ಚ ಪ್ರಾತಿಪೇಯಶ್ಚ ಸಂಜಯಃ।
ದ್ರೌಣಿರ್ಭೂರಿಶ್ರವಾಶ್ಚೈವ ಯುಯುತ್ಸುರ್ಧೃತರಾಷ್ಟ್ರಜಃ।
ಆಸುರ್ವೀಕ್ಷ್ಯ ತ್ವಧೋವಕ್ತ್ರಾ ನಿಶ್ವಸಂತ ಇವೋರಗಾಃ'॥ 2-88-43 (14849)
ಧೃತರಾಷ್ಟ್ರಸ್ತು ಸಂಹೃಷ್ಟಃ ಪರ್ಯಪೃಚ್ಛತ್ಪುನಃ ಪುನಃ।
ಕಿಂ ಜಿತಂ ಕಿಂ ಜಿತಮಿತಿ ಹ್ಯಾಕಾರಂ ನಾಭ್ಯರಕ್ಷತ॥ 2-88-44 (14850)
ಜಹರ್ಷ ಕರ್ಣೋಽತಿಭೃಶಂ ಸಹ ದುಃಶಾಸನಾದಿಭಿಃ।
ಇತರೇಷಾಂ ತು ಸಭ್ಯಾನಾಂ ನೇತ್ರೇಭ್ಯಃ ಪ್ರಾಪತಂಜಲಂ॥ 2-88-45 (14851)
ಸೌಬಲಸ್ತ್ವಭಿಘಾಯೈವ ಜಿತಕಾಶೀ ಮದೋತ್ಕಟಃ।
ಜಿತಮಿತ್ಯೇವ ತಾನಕ್ಷಾನ್ಪುರರೇವಾನ್ವಪದ್ಯತ॥ ॥ 2-88-46 (14852)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದ್ಯೂತಪರ್ವಣಿ ಅಷ್ಟಾಶೀತಿತಮೋಽಧ್ಯಾಯಃ॥88॥
Mahabharata - Sabha Parva - Chapter Footnotes
2-88-6 ಪರ್ಣಾಶಾ ನದೀ॥ 2-88-23 ಕೈತವ ಕಿತವೇಭ್ಯ ಆಹರ್ತವ್ಯಂ ಧನಂ॥ 2-88-46 ಜಿತಕಾಶೀ ಜಯಶೋಭೀ॥ಸಭಾಪರ್ವ - ಅಧ್ಯಾಯ 089
॥ ಶ್ರೀಃ ॥
2.89. ಅಧ್ಯಾಯಃ 089
Mahabharata - Sabha Parva - Chapter Topics
ದುಶ್ಶಾಸನೇನ ದ್ರೌಪದ್ಯಾಃ ಸಭಾಂ ಪ್ರತ್ಯಾನಯನಂ॥ 1॥ ದ್ರೌಪದ್ಯಾ ಸಭ್ಯಾನ್ಪ್ರತಿ ಪ್ರಶ್ನಃ॥ 2॥Mahabharata - Sabha Parva - Chapter Text
ದುರ್ಯೋಧನ ಉವಾಚ॥
ಏಹಿ ಕ್ಷತ್ತರ್ದ್ರೌಪದೀಮಾನಸ್ವ
ಪ್ರಿಯಾಂ ಭಾರ್ಯಾಂ ಸಂಮತಾಂ ಪಾಂಡವಾನಾಂ।
ಸಂಮಾರ್ಜತಾಂ ವೇಶ್ಮ ಪರೈತು ಶೀಘ್ರಂ
ತತ್ರಾಸ್ತು ದಾಸೀಭಿರಪುಣ್ಯಶೀಲಾ॥ 2-89-1 (14853)
ವಿದುರ ಉವಾಚ॥ 2-89-2x (1611)
ದರ್ವಿಭಾಷಂ ಭಾಷಿತಂ ತ್ವಾದೃಶೇನ
ನ ಮಂದ ಸಂಬುದ್ಧ್ಯಸಿ ಪಾಶಬದ್ಧಃ।
ಪ್ರಪಾತೇ ತ್ವಂ ಲಂಬಮಾನೋ ನ ವೇತ್ಸಿ
ವ್ಯಾಘ್ರಾನ್ಮೃಗಃ ಕೋಪಯಸೇಽತಿವೇಲಂ॥ 2-89-2 (14854)
ಆಶೀವಿಷಾಸ್ತೇ ಶಿರಸಿ ಪೂರ್ಣಕೋಪಾ ಮಹಾವಿಷಾಃ।
ಮಾ ಕೋಪಿಷ್ಠಾಃ ಸುಮಂದಾತ್ಮನ್ಮಾ ಗಮಸ್ತ್ವಂ ಯಮಕ್ಷಯಂ॥ 2-89-3 (14855)
ನ ಹಿ ದಾಸೀತ್ವಮಾಪನ್ನಾ ಕೃಷ್ಣಾ ಭವಿತುಮರ್ಹತಿ।
ಜನೀಶೇನ ಹಿ ರಾಜ್ಞೈಷಾ ಪಣೇ ನ್ಯಸ್ತೇತಿ ಮೇ ಮತಿಃ॥ 2-89-4 (14856)
ಅಯಂ ದತ್ತೇ ವೇಣುರಿವಾತ್ಮಘಾತೀ
ಫಲಂ ರಾಜಾ ಧೃತರಾಷ್ಟ್ರಸ್ಯ ಪುತ್ರಃ।
ದ್ಯೂತಂ ಹಿ ವೈರಾಯ ಮಹಾಭಯಾಯ
ಮತ್ತೋ ನ ಬುಧ್ಯತ್ಯಯಮಂತಕಾಲಂ॥ 2-89-5 (14857)
ನಾರುಂತುದಃ ಸ್ಯಾನ್ನ ನೃಶಂಸವಾದೀ
ನ ಹೀನತಾಃ ಪರಮಭ್ಯಾದದೀತ।
ಯಯಾಸ್ಯ ವಾಚಾ ಪರ ಉದ್ವಿಜೇತ
ನ ತಾಂ ವದೇದುಶತೀ ಪಾಪಲೋಕ್ಯಾಂ॥ 2-89-6 (14858)
ಸಮುಚ್ಚರಂತ್ಯತಿವಾದಾಶ್ಚ ವಕ್ತ್ರಾ-
ಧ್ಯೌರಾಹತಃ ಶೌಚತಿ ರಾತ್ರ್ಯಹಾನಿ।
ಪರಸ್ಯ ನಾಮರ್ಮಸು ತೇ ಪತಂತಿ
ತಾನ್ಪಂಡಿತೋ ನಾವಸೃಜೇತ್ಪರೇಷು॥ 2-89-7 (14859)
ಅಜೋ ಹಿ ಶಸ್ತ್ರಮಗಿಲತ್ಕಿಲೈಕಃ
ಶಸ್ತ್ರೇ ವಿಪನ್ನೇ ಶಿರಸಾಸ್ಯ ಭೂಮೌ।
ನಿಕೃಂತನಂ ಸ್ವಸ್ಯ ಕಂಠಸ್ಯ ಘೋರಂ
ತದ್ವದ್ವೇರಂ ಮಾ ಕೃಥಾಃ ಪಾಂಡುಪುತ್ರೈಃ॥ 2-89-8 (14860)
ನ ಕಿಂಚಿದಿತ್ಥಂ ಪ್ರವದಂತಿ ಪಾರ್ಥಾ
ವನೇಚರಂ ವಾ ಗೃಹಮೇಧಿನಂ ವಾ।
ತಪಸ್ವಿನಂ ವಾ ಪರಿಪೂರ್ಣವಿದ್ಯಂ
ಭಷಂತಿ ಹೈವಂ ಶ್ವನರಾಃ ಸದೈವ॥ 2-89-9 (14861)
ದ್ವಾರಂ ಸುಘೋರಂ ನರಕಸ್ಯ ಜಿಹ್ಯಂ
ನ ಬುಧ್ಯತೇ ಧೃತರಾಷ್ಟ್ರಸ್ಯ ಪುತ್ರಃ।
ತಮನ್ವೇತಾರೋ ಬಹವಃ ಕುರೂಣಾಂ
ದ್ಯೂತೋದಯೇ ಸಹ ದುಃಶಾಸನೇನ॥ 2-89-10 (14862)
ಮಜ್ಜಂತ್ಯಲಾಬೂನಿ ಶಿಲಾಃ ಪ್ಲವಂತೇ
ಮುಹ್ಯಂತಿ ನಾವೋಂಭಸಿ ಶಶ್ವದೇವ।
ಮೂಢೋ ರಾಜಾ ಧೃತರಾಷ್ಟ್ರಸ್ಯ ಪುತ್ರೋ
ನ ಮೇ ವಾಚಃ ಪಥ್ಯರೂಪಾಃ ಶೃಣೋತಿ॥ 2-89-11 (14863)
ಅಂತೋ ನೂಂ ಭವಿತಾಯಂ ಕರೂಣಾಂ
ಸುದಾರುಣಃ ಸರ್ವಹರೋ ವಿನಾಶಃ।
ವಾಚಃ ಕಾವ್ಯಾಃ ಸುಹೃದಾಂ ಪಥ್ಯರೂಪಾ
ನ ಶ್ರೂಯಂತೇ ವರ್ಧತೇ ಲೋಭ ಏವ॥ 2-89-12 (14864)
ವೈಶಂಪಾಯನ ಉವಾಚ॥ 2-89-13x (1612)
ಧಿಗಸ್ತು ಕ್ಷತ್ತಾರಮಿತಿ ಬ್ರುವಾಣೋ
ದರ್ಪೇಣ ಮತ್ತೋ ಧೃತರಾಷ್ಟ್ರಸ್ಯ ಪುತ್ರಃ।
ಅವೈಕ್ಷತ ಪ್ರಾತಿಕಾಮೀಂ ಸಭಾಯಾ-
ಮುವಾಚ ಚೈನಂ ಪರಮಾರ್ಯಮಧ್ಯೇ॥ 2-89-13 (14865)
ದುರ್ಯೋಧನ ಉವಾಚ॥ 2-89-14x (1613)
ತ್ವಂ ಪ್ರಾತಿಕಾಮಿಂದ್ರೌಪದೀಮಾನಯಸ್ವ
ನ ತೇ ಭಯಂ ವಿದ್ಯತೇ ಪಾಂಡವೇಭ್ಯಃ।
ಕ್ಷತ್ತಾ ಹ್ಯಯಂ ವಿವದತ್ಯೇವ ಭೀತೋ
ನ ಚಾಸ್ಮಾಕಂ ವೃದ್ಧಿಕಾಮಃ ಸದೈವ॥ 2-89-14 (14866)
ವೈಶಂಪಾಯನ ಉವಾಚ॥ 2-89-15x (1614)
ಏವಮುಕ್ತಃ ಪ್ರಾತಿಕಾಮೀ ಸ ಸೂತಃ
ಪ್ರಾಯಾಚ್ಛೀಘ್ರಂ ರಾಜವಚೋ ನಿಶಂಯ।
ಪ್ರವಿಶ್ಯ ಚ ಶ್ವೇವ ಹಿ ಸಿಂಹಗೇಷ್ಠಂ
ಸಮಾಸದನ್ಮಹಿಷೀಂ ಪಾಂಡವಾನಾಂ॥ 2-89-15 (14867)
ಪ್ರಾತಿಕಾಂಯುವಾಚ। 2-89-16x (1615)
ಯುಧಿಷ್ಠಿರೋ ದ್ಯೂತಮದೇನ ಮತ್ತೋ
ದುರ್ಯೋಧನೋ ದ್ರೌಪದಿ ತ್ವಾಮಜೈಷೀತ್।
ಸಾ ತ್ವಂ ಪ್ರಪದ್ಯಸ್ವ ಧೃತರಾಷ್ಟ್ರಸ್ಯ ವೇಶ್ಮ
ನಯಾಮಿ ತ್ವಾಂ ಕರ್ಮಣಿ ಯಾಜ್ಞಸೇನಿ॥ 2-89-16 (14868)
ದ್ರೌಪದ್ಯುವಾಚ॥ 2-89-17x (1616)
ಕಥಂ ತ್ವೇವಂ ವದಸಿ ಪ್ರಾತಿಕಾಮಿ-
ಕೋ ಹಿ ದೀವ್ಯೇದ್ಭಾರ್ಯಯಾ ರಾಜಪುತ್ರಃ।
ಮೂಡೋ ರಾಜಾ ದ್ಯೂತಮದೇನ ಮತ್ತೋ
ಹ್ಯಭೂನ್ನಾನ್ಯತ್ಕೈತವಮಸ್ಯ ಕಿಂಚಿತ್॥ 2-89-17 (14869)
ಪ್ರಾತಿಕಾಂಯುವಾಚ॥ 2-89-18x (1617)
ಯದಾ ನಾಭೂತ್ಕೈತವಮನ್ಯದಸ್ಯ
ತದಾಽದೇವೀತ್ಪಾಂಡವೋಽಜಾತಶತ್ರುಃ।
ನ್ಯಸ್ತಾಃ ಪೂರ್ವಂ ಭ್ರಾತರಸ್ತೇನ ರಾಜ್ಞಾ
ಸ್ವಯಂ ಚಾತ್ಮಾ ತ್ವಮಥೋ ರಾಜಪುತ್ರಿ॥ 2-89-18 (14870)
ದ್ರೌಪದ್ಯುವಾಚ॥ 2-89-19x (1618)
ಗಚ್ಛ ತ್ವಂ ಕಿತವಂ ಗತ್ವಾ ಸಭಾಯಾಂ ಪೃಚ್ಛ ಸೂತಜ।
ಕಿಂ ತು ಪೂರ್ವಂ ಪರಾಜೈಷೀರಾತ್ಮಾನಮಥವಾ ನು ಮಾಂ॥ 2-89-19 (14871)
ಏತಜ್ಜ್ಞಾತ್ವಾ ಸಮಾಗಚ್ಛ ತತೋ ಮಾಂ ನಯಂ ಸೂತಜ।
ಜ್ಞಾತ್ವಾ ಚಿಕೀರ್ಷಿತಮಹಂ ರಾಜ್ಞೋ ಯಾಸ್ಯಾಮಿ ದುಃಖಿತಾ॥ 2-89-20 (14872)
ವೈಶಂಪಾಯನ ಉವಾಚ॥ 2-89-21x (1619)
ಸಭಾಂ ಗತ್ವಾ ಸ ಚೋವಾಚ ದ್ರೌಪದ್ಯಸ್ತದ್ವಚಸ್ತದಾ।
ಯುಧಿಷ್ಠಿರಂ ನರೇನದ್ರಾಣಾಂ ಮಧ್ಯೇ ಸ್ಥಿತಮಿದಂ ವಚಃ॥ 2-89-21 (14873)
ಕಸ್ಯೇಶೋ ನಃ ಪರಾಜೈಷೀರಿತಿ ತ್ವಾಮಾಹ ದ್ರೌಪದೀ।
ಕಿಂ ನು ಪೂರ್ವಂ ಪರಾಜೈಷೀರಾತ್ಮಾನಮಥವಾಪಿ ಮಾಂ॥ 2-89-22 (14874)
ವೈಶಂಪಾಯನ ಉವಾಚ॥ 2-89-23x (1620)
ಯುಧಿಷ್ಠಿರಸ್ತು ನಿಶ್ಚೇತಾ ಗತಸತ್ವ ಇವಾಭವತ್।
ನ ತಂ ಸೂತಂ ಪ್ರತ್ಯುವಾಚ ವಚನಂ ಸಾಧ್ವಸಾಧು ವಾ॥ 2-89-23 (14875)
ದುರ್ಯೋಧನ ಉವಾಚ॥ 2-89-24x (1621)
ಇಹೈವಾಗತ್ಯ ಪಾಂಚಾಲೀ ಪ್ರಶ್ನಮೇನಂ ಪ್ರಭಾಷತಾಂ।
ಇಹೈವ ಸರ್ವೇ ಶೃಣ್ವಂತು ತಸ್ಯಾಶ್ಚೈತಸ್ಯ ಯದ್ವಚಃ॥ 2-89-24 (14876)
ವೈಶಂಪಾಯನ ಉವಾಚ॥ 2-89-25x (1622)
ಸ ಗತ್ವಾ ರಾಜಭವನಂ ದುರ್ಯೋಧನವಶಾನುಗಃ।
ಉವಾಚ ದ್ರೌಪದೀಂ ಸೂತಃ ಪ್ರಾತಿಕಾಮೀ ವ್ಯಥನ್ನಿವ॥ 2-89-25 (14877)
ಸಭ್ಯಾಸ್ತ್ವಮೀ ರಾಜಪುತ್ರ್ಯಾಹ್ವಯಂತಿ
ಮನ್ಯೇ ಪ್ರಾಪ್ತಃ ಸಂಶಯಃ ಕೌರವಾಣಾಂ।
ನ ವೈ ಸಮೃದ್ದಿಂ ಪಾಲಯತೇ ಲಘೀಯಾನ್
ಯಸ್ತ್ವಾಂ ಸಭಾಂ ನೇಷ್ಯತಿ ರಾಜಪುತ್ರಿ॥ 2-89-26 (14878)
ದ್ರೌಪದ್ಯುವಾಚ॥ 2-89-27x (1623)
ಏವಂ ನೂನಂ ವ್ಯದಧಾತ್ಸಂವಿಧಾತಾ
ಸ್ಪರ್ಶಾವುಭೌ ಸ್ಪೃಶತೋ ವೃದ್ಧಬಾಲೌ।
ಧರ್ಮಂ ತ್ವೇಕಂ ಪರಮಂ ಪ್ರಾಹ ಲೋಕೇ
ಸ ನಃ ಶಮಂ ಧಾಸ್ಯತಿ ಗೋಪ್ಯಮಾನಃ॥ 2-89-27 (14879)
ಸೋಽಯಂ ಧರ್ಮೋ ಮಾ ತ್ಯಗಾತ್ಕೌರವಾನ್ವೈ
ಸಭ್ಯಾನ್ಗತ್ವಾ ಪೃಚ್ಛ ಧರ್ಂಯಂ ವಚೋ ಮೇ।
ತೇ ಮಾಂ ಬ್ರೂಯುರ್ನಿಶ್ಚಿತಂ ತತ್ಕರಿಷ್ಯೇ
ಧರ್ಮಾತ್ಮಾನೋ ನೀತಿಮಂತೋ ವರಿಷ್ಠಾಃ॥ 2-89-28 (14880)
ವೈಶಂಪಾಯನ ಉವಾಚ॥ 2-89-29x (1624)
ಶ್ರುತ್ವಾ ಸೂತಸ್ತದ್ವಚೋ ಯಾಜ್ಞಸೇನ್ಯಾಃ
ಸಭಾಂ ಗತ್ವಾ ಪ್ರಾಹ ವಾಕ್ಯಂ ತದಾನೀಂ।
ಅಧೋಮುಖಾಸ್ತೇ ನ ಚ ಕಿಂಚಿದೂಚು-
ರ್ನಿರ್ಬಂಧಂ ತಂ ಧಾರ್ತರಾಷ್ಟ್ರಸ್ಯ ಬುದ್ಧ್ವಾ॥ 2-89-29 (14881)
ಯುಧಿಷ್ಠಿರಸ್ತು ತಚ್ಛ್ರುತ್ವಾ ದುರ್ಯೋಧನಚಿಕೀರ್ಷಿತಂ।
ದ್ರೌಪದ್ಯಾಃ ಸಂಮತಂ ದೂತಂ ಪ್ರಾಹಿಣೋದ್ಭರತರ್ಷಭ॥ 2-89-30 (14882)
ಏಕವಸ್ತ್ರ ತ್ವಧೋನೀವೋ ರೋದಮಾನಾ ರಜಸ್ವಲಾ।
ಸಭಾಮಾಗಂಯ ಪಾಂಚಾಲಿ ಶ್ವಶುರಸ್ಯಾಗ್ರತೋ ಭವ॥ 2-89-31 (14883)
ಅಥ ತ್ವಾಮಾಗತಾಂ ದೃಷ್ಟ್ವಾ ರಾಜಪುತ್ರೀಂ ಸಭಾಂ ತದಾ।
ಸಭ್ಯಾಃ ಸರ್ವೇ ವಿನಿಂದೇರನ್ಮನೋರ್ಭಿರ್ಧೃತರಾಷ್ಟ್ರಜಂ॥ 2-89-32 (14884)
ವೈಶಂಪಾಯನ ಉವಾಚ॥ 2-89-33x (1625)
ಸ ಗತ್ವಾ ತ್ವರಿತಂ ದೂತಃ ಕೃಷ್ಣಾಯಾ ಭವನಂ ನೃಪ।
ನ್ಯವೇದಯನ್ಮತಂ ಧೀಮಾಂಧರ್ಮರಾಜಸ್ಯ ನಿಶ್ಚಿತಂ॥ 2-89-33 (14885)
ಪಾಂಡವಾಶ್ಚ ಮಹಾತ್ಮಾನೋ ದೀನಾ ದುಃಖಸಮನ್ವಿತಾಃ।
ಸತ್ಯೇನಾತಿಪರೀತಾಂಗಾ ನೋದೀಕ್ಷಂತೇ ಸ್ಮ ಕಿಂಚನ॥ 2-89-34 (14886)
ತತಸ್ತ್ವೇಷಾಂ ಮುಖಮಾಲೋಕ್ಯ ರಾಜಾ
ದುರ್ಯೋಧನಃ ಸೂತಮುವಾಚ ಹೃಷ್ಟಃ।
ಇಹೈವೈತಾಮಾನಯ ಪ್ರಾತಿಕಾಮಿನ್
ಪ್ರತ್ಯಕ್ಷಮಸ್ಯಾಃ ಕುರವೋ ಬ್ರುವಂತಃ॥ 2-89-35 (14887)
ತತಃ ಸೂತಸ್ತಸ್ಯ ವಶಾನುಗಾಮೀ
ಭೀತಶ್ಚ ಕೋಪಾದ್ದ್ರುಪದಾತ್ಮಜಾಯಾಃ।
ವಿಹಾಯ ಮಾನಂ ಪುನರೇವ ಸಭ್ಯಾ-
ನುವಾಚ ಕೃಷ್ಣಾಂ ಕಿಮಹಂ ಬ್ರವೀಮಿ॥ 2-89-36 (14888)
ದೂರ್ಯೋಧನ ಉವಾಚ। 2-89-37x (1626)
ದುಃಶಾಸನೈಷ ಮಮ ಸೂತಪುತ್ರೋ
ವೃಕೋದರಾದುದ್ವಿಜತೇಽಲ್ಪಚೇತಾಃ।
ಸ್ವಯಂ ಪ್ರಗೃಹ್ಯಾನಯ ಯಾಜ್ಞಸೇನೀಂ
ಕಿಂ ತೇ ಕರಿಷ್ಯಂತ್ಯವಶಾಃ ಸಪತ್ನಾಃ॥ 2-89-37 (14889)
ವೈಶಂಪಾಯನ ಉವಾಚ॥ 2-89-38x (1627)
ತತಃ ಸಮುತ್ಥಾಯ ಸ ರಾಜಪುತ್ರಃ
ಶ್ರುತ್ವಾ ಭ್ರಾತುಃ ಶಾಸನಂ ರಕ್ತದೃಷ್ಟಿಃ।
ಪ್ರವಿಶ್ಯ ತದ್ವೇಶ್ಮ ಮಹಾರಥಾನಾ-
ಮಿತ್ಯಬ್ರವೀದ್ದ್ರೌಪದೀಂ ರಾಜಪುತ್ರೀಂ॥ 2-89-38 (14890)
ಏಹ್ಯೇಹಿ ಪಾಂಚಾಲಿ ರಾಜಪುತ್ರೀಂ।
ದುರ್ಯೋಧನಂ ಪಶ್ಯ ವಿಮುಕ್ತಲಜ್ಜಾ।
ಕುರೂನ್ಭಜಸ್ವಾಯತಪತ್ರನೇತ್ರೇ
ಧರ್ಮೇಣ ಲಬ್ಧಾಽಸಿ ಸಭಾಂ ಪರೈಹಿ॥ 2-89-39 (14891)
ತತಃ ಸಮುತ್ಥಾಯ ಸುದೂರ್ಮನಾಃ ಸಾ
ವಿವರ್ಣಮಾಮೃಜ್ಯ ಮುಖಂ ಕರೇಣ।
ಆರ್ತಾ ಪ್ರದುದ್ರಾವ ಯತಃ ಸ್ತ್ರಿಯಸ್ತಾ
ವೃದ್ಧಸ್ಯ ರಾಜ್ಞಃ ಕುರುಪುಂಗವಸ್ಯ॥ 2-89-40 (14892)
ತತೋ ಜವೇನಾಭಿಸಸಾರ ರೋಷಾ-
ದ್ದುಃಶಾಸನಸ್ತಾಮಭಿಗರ್ಜಮಾನಃ।
ದೀರ್ಘೇಷು ನೀಲೇಷ್ವಥ ಚೋರ್ಮಿಮತ್ಸು
ಜಗ್ರಾಹ ಕೇಶೇಷು ನರೇಂದ್ರಪತ್ನೀಂ॥ 2-89-41 (14893)
ಯೇ ರಾಜಸೂಯಾವಭೃಥೇ ಜಲೇನ
ಮಹಾಕ್ರತೌ ಮಂತ್ರಪೂತೇನ ಸಿಕ್ತಾಃ।
ತೇ ಪಾಂಡವಾನಾಂ ಪರಿಭೂಯ ವೀರ್ಯಂ
ಬಲಾತ್ಪ್ರಮೃಷ್ಟಾ ಧೃತರಾಷ್ಟ್ರಜೇನ ॥ 2-89-42 (14894)
ಸ ತಾಂ ಪರಾಕೃಷ್ಯ ಸಭಾಸಮೀಪ-
ಮಾನೀಯ ಕೃಷ್ಣಾಮತಿದೀರ್ಘಕೇಶೀಂ।
ದುಃಶಾಸನೋ ನಾಥವತೀಮನಾಥವ-
ಚ್ಚಕರ್ಷ ವಾಯುಃ ಕದಲೀಮಿವಾರ್ತಾಂ॥ 2-89-43 (14895)
ಸಾ ಕೃಷ್ಣಮಾಣಾ ನಮಿತಾಂಗಯಷ್ಟಿಃ
ಶನೈರುವಾಚಾಥ ರಜಸ್ವಲಾಽಸ್ಮಿ।
ಏಕಂ ಚ ವಾಸೋ ಮಮ ಮಂದಬುದ್ಧೇ
ಸಭಾಂ ನೇತುಂ ನಾರ್ಹಸಿ ಮಾಮನಾರ್ಯ॥ 2-89-44 (14896)
ತತೋಽಬ್ರವೀತ್ತಾಂ ಪ್ರಸಭಂ ನಿಗೃಹ್ಯ
ಕೇಶೇಶು ಕೃಷ್ಣೇಷು ತದಾ ಸ ಕೃಷ್ಣಾಂ।
ಕೃಷ್ಣಂ ಚ ಜಿಷ್ಣುಂ ಚ ಹರಿಂ ನರಂ ಚ
ತ್ರಾಯಾಯ ವಿಕ್ರೋಶತಿ ಯಾಜ್ಞಸೇನಿ॥ 2-89-45 (14897)
ರಜಸ್ವಲಾ ವಾ ಭವ ಯಾಜ್ಞಸೇನಿ
ಏಕಾಂಬರಾ ವಾಪ್ಯಥವಾ ವಿವಸ್ತ್ರಾ।
ದ್ಯೂತೇ ಜಿತಾ ಚಾಸಿ ಕೃತಾಽಸಿ ದಾಸೀ
ದಾಸೀಷು ವಾಸಶ್ಚ ಯಥೋಪಜೋಷಂ॥ 2-89-46 (14898)
ವೈಶಂಪಾಯನ ಉವಾಚ। 2-89-47x (1628)
ಪ್ರಕೀರ್ಣಕೇಶೀ ಪತಿತಾರ್ಧವಸ್ತ್ರಾ
ದುಃಶಾಸನೇನ ವ್ಯವಧೂಯಮಾನಾ।
ಹೀಮತ್ಯಮರ್ಷೇಣ ಚ ದಹ್ಯಮಾನಾ
ಶನೈರಿದಂ ವಾಕ್ಯಮುವಾಚ ಕೃಷ್ಣಾ॥ 2-89-47 (14899)
ದ್ರೌಪದ್ಯುವಾಚ। 2-89-48x (1629)
ಇಮೇ ಸಮಾಯಾಮುಪನೀತಶಾಸ್ತ್ರಾಃ
ಕ್ರಿಯಾವಂತಃ ಸರ್ವ ಏವೇಂದ್ರಕಲ್ಪಾಃ।
ಗುರುಸ್ಥಾನಾ ಗುರವಶ್ಚೈವ ಸರ್ವೇ
ತೇಷಾಮಗ್ರೇ ನೋತ್ಸಹೇ ಸ್ಥಾತುಮೇವಂ॥ 2-89-48 (14900)
ನಶಂಸಕರ್ಮಂಸ್ತ್ವಮನಾರ್ಯವೃತ
ಮಾ ಮಾ ವಿವಸ್ತ್ರಾಂ ಕುರು ಮಾ ವಿಕಾರ್ಷೀಃ।
ನ ಮರ್ಷಯೇಯುಸ್ತವ ರಾಜಪುತ್ರಾಃ
ಸೇಂದ್ರಾಪಿ ದೇವಾ ಯದಿ ತೇ ಸಹಾಯಾಃ॥ 2-89-49 (14901)
ಧರ್ಮೇ ಸ್ಥಿತೋ ಧರ್ಮಸುತೋ ಮಹಾತ್ಮಾ
ಧರ್ಮಶ್ಚ ಸೂಕ್ಷ್ಮೋ ನಿಪುಣೋಪಲಕ್ಷ್ಯಃ।
ವಾಚಾಪಿ ಭರ್ತುಃ ಪರಮಾಣುಮಾತ್ರ-
ಮಿಚ್ಛಾಮಿ ದೋಷಂ ನ ಗುಣಾನ್ವಿಸೃಜ್ಯ॥ 2-89-50 (14902)
ಇದಂ ತ್ವಕಾರ್ಯಂ ಕುರುವೀರಮಧ್ಯೇ
ರಜಸ್ವಲಾಂ ಯತ್ಪರಿಕರ್ಷಸೇ ಮಾಂ।
ನ ಚಾಪಿ ಕಶ್ಚಿತ್ಕುರುತೇಽತ್ರ ಕುತ್ಸಾಂ
ಧ್ರುವಂ ತವೇದಂ ಮತಮಭ್ಯುಪೇತಃ॥ 2-89-51 (14903)
ಧಿಗಸ್ತು ನಷ್ಟಃ ಖಲು ಭಾರತಾನಾಂ
ಧರ್ಮಸ್ತಥಾ ಕ್ಷತ್ರವಿದಾಂ ಚ ವೃತ್ತಂ।
ಯತ್ರ ಹ್ಯತೀತಾಂ ಕುರುಧರ್ಮವೇಲಾಂ
ಪ್ರೇಕ್ಷಂತಿ ಸರ್ವೇ ಕುರವಃ ಸಭಾಯಾಂ॥ 2-89-52 (14904)
ದ್ರೋಣಸ್ಯ ಭೀಷ್ಮಸ್ಯ ಚ ನಾಸ್ತಿ ಸತ್ತ್ವಂ
ಕ್ಷತ್ತುಸ್ತಥೈವಾಸ್ಯ ಚನಾಸ್ತಿ ಸತ್ತ್ವಂ
ಕ್ಷತ್ತುಸ್ತಥೈವಾಸ್ಯ ಮಹಾತ್ಮನೋಪಿ।
ನ ಲಕ್ಷಯಂತಿ ಕುರುವೃದ್ಧಮುಖ್ಯಾಃ॥ 2-89-53 (14905)
ವೈಶಂಪಾಯನ ಉವಾಚ॥ 2-89-54x (1630)
ತಥಾ ಬ್ರುವಂತೀ ಕರುಣಂ ಸುಮಧ್ಯಮಾ
ಭರ್ತೄನ್ಕಟಾಕ್ಷೈಃ ಕುಪಿತಾನಪಶ್ಯತ್।
ಸಾ ಪಾಂಡವಾನ್ಕೋಪಪರೀತದೇಹಾ-
ನ್ಸಂದೀಪಯಾಮಾಸ ಕಟಾಕ್ಷಪಾತೈಃ॥ 2-89-54 (14906)
ಹೃತೇನ ರಾಜ್ಯೇನ ತಥಾ ಧನೇನ
ರತ್ನೈಶ್ಚ ಮುಖ್ಯೈರ್ನ ತಥಾ ಬಭೂವ।
ಯಥಾ ತ್ರಪಾಕೋಪಸಮೀರಿತೇನ
ಕೃಷ್ಣಾಕಟಾಕ್ಷೇಣ ಬಭೂವ ದುಃಖಂ॥ 2-89-55 (14907)
ದುಃಶಾಸನಶ್ಚಾಪಿ ಸಮೀಕ್ಷ್ಯ ಕೃಷ್ಣಾ-
ಮವೇಕ್ಷಮಾಣಾಂ ಕೃಪಣಾನ್ಪತೀಂಸ್ತಾನ್।
ಆಧೂಯ ವೇಗೇನ ವಿಸಂಜ್ಞಕಲ್ಪಾ-
ಮುವಾಚ ದಾಸೀತಿ ಹಸನ್ಸಶಬ್ದಂ॥ 2-89-56 (14908)
ಕರ್ಣಸ್ತು ತದ್ವಾಕ್ಯಮತೀವ ಹೃಷ್ಟಃ
ಸಂಪೂಜಯಾಮಾಸ ಹಸನ್ಸಶಬ್ದಂ।
ಗಾಂಧಾರರಾಜಃ ಸುಬಲಸ್ಯ ಪುತ್ರ-
ಸ್ತಥೈವ ದುಃಶಾಸನಮಭ್ಯನಂದತ್॥ 2-89-57 (14909)
ಸಭ್ಯಾಸ್ತು ಯೇ ತತ್ರ ಬಭೂವುರನ್ಯೇ
ತಾಭ್ಯಾಮೃತೇ ಧಾರ್ತರಾಷ್ಟ್ರೇಣ ಚೈವ।
ತೇಷಾಮಭೂದ್ದುಃ ಖಮತೀವ ಕೃಷ್ಣಾಂ
ದೃಷ್ಟ್ವಾ ಸಭಾಯಾಂ ಪರಿಕೃಷ್ಯಮಾಣಾಂ॥ 2-89-58 (14910)
ಭೀಷ್ಮ ಉವಾಚ। 2-89-59x (1631)
ನ ಧರ್ಮಸೌಕ್ಷ್ಂಯಾತ್ಸುಭಗೇ ವಿವೇಕ್ತುಂ
ಶಕ್ರೋಮಿ ತೇ ಪ್ರಶ್ನಮಿಮಂ ಯಥಾವತ್।
ಅಸ್ವಾಂಯಶಕ್ತಃ ಪಣಿತುಂ ಪರಸ್ವಂ
ಸ್ತ್ರಿಯಾಶ್ಚ ಭರ್ತುರ್ವಶತಾಂ ಸಮೀಕ್ಷ್ಯ॥ 2-89-59 (14911)
ತ್ಯಜೇತ ಸರ್ವಾಂ ಪೃಥಿವೀಂ ಸಮೃದ್ಧಾಂ
ಯುಧಿಷ್ಠಿರೋ ಧರ್ಮಮಥೋ ನ ಜಹ್ಯಾತ್।
ಉಕ್ತಂ ಜಿತೋಽಸ್ಮೀತಿ ಚ ಪಾಂಡವೇನ
ತಸ್ಮಾನ್ನ ಶಕ್ನೋಮಿ ವಿವೇಕ್ತುಮೇತತ್॥ 2-89-60 (14912)
ದ್ವ್ಯೂತೇಽದ್ವಿತೀಯಃ ಶಕುನಿರ್ನರೇಷು
ಕುಂತೀಸುತಸ್ತೇನ ನಿಸೃಷ್ಟಕಾಮಃ।
ನ ಮನ್ಯತೇ ತಾಂ ನಿಕೃತಿಂ ಯುಧಿಷ್ಠಿರ-
ಸ್ತಸ್ಮಾನ್ ತೇ ಪ್ರಶ್ನಮಿಮಂ ಬ್ರವೀಮಿ॥ 2-89-61 (14913)
ದ್ರೌಪದ್ಯುವಾಚ। 2-89-61x (1632)
ಆಹೂಯ ರಾಜಾ ಕುಶಲೈರನಾರ್ಯೈ-
ರ್ದುಷ್ಟಾತ್ಮಭಿರ್ನೈಕೃತಿಕೈಃ ಸಭಾಯಾಂ।
ದ್ಯೂತಪ್ರಿಯೈರ್ನಾತಿಕೃತಪ್ರಯತ್ನಃ
ಕಸ್ಮಾದಯಂ ನಾಮ ನಿಸೃಷ್ಟಕಾಮಃ॥ 2-89-62 (14914)
ಅಶುದ್ಧಭಾವೈರ್ನಿಕೃತಿಪ್ರವೃತ್ತೈ-
ರಬುಧ್ಯಮಾನಃ ಕುರುಪಾಂಡವಾಗ್ರ್ಯಃ।
ಸಂಭೂಯ ಸರ್ವೈಶ್ಚ ಜಿತೋಽಪಿ ಯಸ್ಮಾ-
ತ್ಪಶ್ಚಾದಯಂ ಕೈತವಮಭ್ಯುಪೇತಃ॥ 2-89-63 (14915)
ತಿಷ್ಠಂತಿ ಚೇಮೇ ಕುರವಃ ಸಭಾಯಾ-
ಮೀಶಾಃ ಸುತಾನಾಂ ಚ ತಥಾ ಸ್ನುಪಾಣಾಂ।
ಸಮೀಕ್ಷ್ಯ ಸರ್ವೇ ಮಮ ಚಾಪಿ ವಾಕ್ಯಂ
ವಿಬ್ರೂತ ಮೇ ಪ್ರಶ್ನಮಿಮಂ ಯಥಾವತ್॥ 2-89-64 (14916)
ನ ಸಾ ಸಭಾ ಯತ್ರ ನ ಸಂತಿ ವೃದ್ಧಾ
ನ ತೇ ವೃದ್ಧಾ ಯೇ ನ ವದಂತಿ ಧರ್ಮಂ।
ನಾಸೌ ಧರ್ಮೋ ಯತ್ರ ನ ಸತ್ಯಮಸ್ತಿ
ನ ತತ್ಸತ್ಯಂ ಯಚ್ಛಲೇನಾನುವಿದ್ಧಂ॥ 2-89-65 (14917)
ವೈಶಂಪಾಯನ ಉವಾಚ॥ 2-89-66x (1633)
ತಥಾ ಬ್ರುವಂತೀಂ ಕರುಣಂ ರುದಂತೀ-
ಮವೇಕ್ಷಮಾಣಾಂ ಕೃಪಣಾನ್ಪತೀಂಸ್ತಾನ್।
ದುಃಶಾಸನಃ ಪರುಷಾಣ್ಯಪ್ರಿಯಾಣಿ
ವಾಕ್ಯಾನ್ಯುವಾಚಾಮಧುರಾಣಿ ಚೈವ॥ 2-89-66 (14918)
ತಾಂ ಕೃಷ್ಯಮಾಣಾಂ ಚ ರಜಸ್ವಲಾಂ ಚ
ಸ್ರಸ್ತೋತ್ತರೀಯಾಮತದರ್ಹಮಾಣಾಂ।
ವೃಕೋದರಃ ಪ್ರೇಕ್ಷ್ಯ ಯುಧಿಷ್ಠಿರಂ ಚ
ಚಕಾರ ಕೋಪಂ ಪರಮಾರ್ತರೂಪಃ॥ ॥ 2-89-67 (14919)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದ್ಯೂತಪರ್ವಣಿ ಏಕೋನನವತಿತಮೋಽಧ್ಯಾಯಃ॥ 89॥
Mahabharata - Sabha Parva - Chapter Footnotes
2-89-17 ಕೈತವಂ ಕಿತವೇಭ್ಯೋ ದೇಯಂ ಧನಂ॥ 2-89-27 ಸ್ಪರ್ಶೋ ಸುಖದುಃಖೇ ವೃದ್ಧಬಾಲೌ ಸ್ಪೃಶತಃ ಪ್ರಾಪ್ನುತಃ । ಶಮಂ ಸ್ವಾಸ್ಥ್ಯಂ॥ 2-89-41 ಊರ್ಮಿಮತ್ಸು ಪ್ರವಹನ್ನದೀಜಲವನ್ನಿಂನೋನ್ನತೇಷು ॥ 2-89-49 ಸೇಂದ್ರಪಿ ಸೇಂದ್ರಾ ಅಪಿ॥ 2-89-64 ವಿಬ್ರೂತ ವಿಸ್ಪಷ್ಟ ಬ್ರೂತ ನತು ಭಈಷ್ಮವತ್ಸಂದಿಗ್ಧಮಿತಿ ಭಾವಃ॥ಸಭಾಪರ್ವ - ಅಧ್ಯಾಯ 090
॥ ಶ್ರೀಃ ॥
2.90. ಅಧ್ಯಾಯಃ 090
Mahabharata - Sabha Parva - Chapter Topics
ಭೌಮವಚನಂ॥ 1॥ ವಿಕರ್ಣವಚನಂ॥ 2॥ ದುಃಶಾಸನೇನ ದ್ರೌಪದೀವಸ್ತ್ರಾಪಹಾರಃ॥3॥ ಶ್ರೀಕೃಷ್ಣಪ್ರಸಾದಾತ್ ದ್ರೌಪದ್ಯಃ ವಸ್ತ್ರರಾಶಿಪ್ರಾದುರ್ಭಾವಃ॥ 4॥ ವಿದುರವಚನಂ॥ 5॥Mahabharata - Sabha Parva - Chapter Text
ಭೀಮ ಉವಾಚ।
ಭವಂತಿ ಗೇಹೇ ಬಂಧಕ್ಯಃ ಕಿತವಾನಾಂ ಯುಧಿಷ್ಠಿರ।
ಭವಂತಿ ದೀವ್ಯಂತಿ ದಯಾ ಚೈವಾಸ್ತಿ ತಾವಸ್ವಪಿ॥ 2-90-1 (14920)
ಕಾಶ್ಯೋ ಯದ್ಧನಮಾಹಾರ್ಷೀದ್ದ್ರವ್ಯಂ ಯಚ್ಚಾನ್ಯದುತ್ತಮಂ।
ತಥಾಽನ್ಯೇ ಪೃಥಿವೀಪಾಲಾ ಯಾನಿ ರತ್ನಾನ್ಯುಪಾಹರನ್॥ 2-90-2 (14921)
ವಾಹನಾನಿ ಧನಂ ಚೈವ ಕವಚಾನ್ಯಾಯುಧಾನಿ ಚ।
ರಾಜ್ಯಮಾತ್ಮಾ ವಯಂ ಚೈವ ಕೈತವೇನ ಹೃತಂ ಪರೈಃ॥ 2-90-3 (14922)
ನ ಚ ಮೇ ತತ್ರ ಕೋಪೋಽಭೂತ್ಸರ್ವಸ್ಯೇಶೋ ಹಿ ನೋ ಭವಾನ್।
ಇಮಂ ತ್ವತಿಕ್ರಮಂ ಮನ್ಯೋ ದ್ರೌಪದೀ ಯತ್ರ ಪಣ್ಯತೇ॥ 2-90-4 (14923)
ಏಷಾ ಹ್ಯನರ್ಹತೀ ಬಾಲಾ ಪಾಂಡವಾನ್ಪ್ರಾಪ್ಯ ಕೌರವೈಃ।
ತ್ವತ್ಕೃತೇ ಕ್ಲಿಶ್ಯತೇ ಕ್ಷುದ್ರೈರ್ನೃಶಂಸೈರಕೃತಾತ್ಮಭಿಃ॥ 2-90-5 (14924)
ಅಸ್ಯಾಃ ಕೃತೇ ಮನ್ಯುರಯಂ ತ್ವಯಿ ರಾಜನ್ನಿಪಾತ್ಯತೇ।
ಬಾಹೂ ತೇ ಸಂಪ್ರಧಕ್ಷ್ಯಾಮಿ ಸಹದೇವಾಗ್ನಿಮಾನಯಃ॥ 2-90-6 (14925)
ಅರ್ಜುನ ಉವಾಚ। 2-90-7x (1634)
ನ ಪುರಾ ಭೀಮಸೇನ ತ್ವಮೀದೃಶೀರ್ವದಿತಾ ಗಿರಃ।
ಪರೈಸ್ತೇ ನಾಶಿತಂ ನೂನಂ ನೃಶಂಸೈರ್ಧರ್ಮಗೌರವಂ॥ 2-90-7 (14926)
ನ ಸಕಾಮಾಃ ಪರೋ ಕಾರ್ಯಾ ಧರ್ಮಮೇವಾಚರೋತ್ತಮಂ।
ಭ್ರಾತರಂ ಧಾರ್ಮಿಕಂ ಜ್ಯೇಷ್ಠಂ ಕೋಽತಿವರ್ತಿತುಮರ್ಹತಿ॥ 2-90-8 (14927)
ಆಹೂತೋ ಹಿ ಪರೈ ರಾಜಾ ಕ್ಷಾತ್ರಂ ವ್ರತಮನುಸ್ಮರನ್।
ದೀವ್ಯತೇ ಪರಕಾಮೇನ ತನ್ನಃ ಕೀರ್ತಿಕರಂ ಮಹತ್॥ 2-90-9 (14928)
ಭೀಮಸೇನ ಉವಾಚ॥ 2-90-10x (1635)
ಏವಮಸ್ಮಿನ್ಕೃತಂ ವಿದ್ಯಾಂ ಯದಿ ನಾಹಂ ಧನಂಜಯ।
ದೀಪ್ತೇಽಗ್ನೌ ಸಹಿತೌ ಬಾಹೂ ನಿರ್ದಹೇಯಂ ಬಲಾದಿವ॥ 2-90-10 (14929)
ವೈಶಂಪಾಯನ ಉವಾಚ॥ 2-90-11x (1636)
ತಥಾ ತಾಂದುಃ ಖಿತಾಂದೃಷ್ಟ್ವಾ ಪಾಂಡವಾಂಧೃತರಾಷ್ಟ್ರಜಃ।
ಕೃಷ್ಯಮಾಣಾಂ ಚ ಪಾಂಚಾಲೀಂ ವಿಕರ್ಣ ಇದಮಬ್ರವೀತ್॥ 2-90-11 (14930)
ಯಾಜ್ಞಸೇನ್ಯಾ ಯದುಕ್ತಂ ತದ್ವಾಕ್ಯಂ ವಿಬ್ರೂತ ಪಾರ್ಥಿವಾಃ।
ಅವಿವೇಕೇನ ವಾಕ್ಯಸ್ಯ ನರಕಃ ಸದ್ಯ ಏವ ನಃ॥ 2-90-12 (14931)
ಭೀಷ್ಮಶ್ಚ ಧೃತರಾಷ್ಟ್ರಶ್ಚ ಕುರುವೃದ್ಧತಮಾವುಭೌ।
ಸಮೇತ್ಯ ನಾಹತುಃ ಕಿಂಚಿದ್ವಿದುರಶ್ಚ ಮಹಾಮತಿಃ॥ 2-90-13 (14932)
ಭಾರದ್ವಾಜಶ್ಚ ಸರ್ವೇಷಾಮಾಚಾರ್ಯಃ ಕೃಪ ಏವ ಚ।
ಕುತ ಏತಾವಪಿ ಪ್ರಶ್ನಂ ನಾಹತುರ್ದ್ವಿಜಸತ್ತಮೌ॥ 2-90-14 (14933)
ಯೇ ತ್ವನ್ಯೇ ಪೃಥಿವೀಪಾಲಾಃ ಸಮೇತಾಃ ಸರ್ವತೋದಿಶಂ।
ಕಾಮಕ್ರೋಧೌ ಸಮುತ್ಸೃಜ್ಯ ತೇ ಬ್ರುವಂತು ಯಥಾಮತಿ॥ 2-90-15 (14934)
ಯದಿತಂ ದ್ರೌಪದೀ ವಾಕ್ಯಮುಕ್ತವತ್ಯಸಕೃಚ್ಛುಭಾ।
ವಿಮೃಶ್ಯ ಕಸ್ಯ ಕಃ ಪಕ್ಷಃ ಪಾರ್ಥಿವಾ ವದತೋತ್ತರಂ॥ 2-90-16 (14935)
ವಾಶಂಪಾಯನ ಉವಾಚ॥ 2-90-17x (1637)
ಏವಂ ಸ ಬಹುಶಃ ಸರ್ವಾನುಕ್ತವಾಂಸ್ತಾನ್ಸಭಾಸದಃ।
ನ ಚ ತೇ ಪೃಥಿವೀಪಾಲಾಸ್ತಮೂಚುಃ ಸಾಧ್ವಸಾಧು ವಾ॥ 2-90-17 (14936)
ಉಕ್ತ್ವಾಽಸಕೃತ್ತಥಾ ಸರ್ವಾನ್ವಿಕರ್ಣಃ ಪೃಥಿವೀಪತೀನ್।
ಪಾಣೌ ಪಾಣಿಂ ವಿನಿಷ್ಪಿಷ್ಯ ನಿಃಶ್ವಸನ್ನಿದಮಬ್ರವೀತ್॥ 2-90-18 (14937)
ವಿಬ್ರೂತ ಪೃಥಿವೀಪಾಲಾ ವಾಕ್ಯಂ ಮಾ ವಾ ಕಥಂಚನಿ।
ಮನ್ಯೇ ನ್ಯಾಯ್ಯಂ ಯದತ್ರಾಹಂ ತದ್ವಿ ವಕ್ಷ್ಯಾಮಿ ಕೌರವಾಃ॥ 2-90-19 (14938)
ಚತ್ವಾರ್ಯಾಹುರ್ನಶ್ರೇಷ್ಠಾ ವ್ಯಸನಾನಿ ಮಹೀಕ್ಷಿತಾಂ।
ಮೃಗಯಾಂ ಪಾನಮಕ್ಷಾಂಶ್ಚ ಗ್ರಾಂಯೇ ಚೈವಾತಿರಕ್ತತಾಂ॥ 2-90-20 (14939)
ಏತೇಷು ಹಿ ನರಃ ಸಕ್ತೋ ಧರ್ಮಮುತ್ಸೃಜ್ಯ ವರ್ತತೇ।
ಯಥಾಽಯುಕ್ತೇನ ಚ ಕೃತಾಂ ಕ್ರಿಯಾಂ ಲೋಕೋ ನ ಮನ್ಯತೇ॥ 2-90-21 (14940)
ತಥೇಯಂ ಪಾಂಡುಪುತ್ರೇಣ ವ್ಯಸನೇ ವರ್ತತಾ ಭೃಶಂ।
ಸಮಾಹೂತೇನ ಕಿತವೈರಾಸ್ಥಿತೋ ದ್ರೌಪದೀಪಣಃ॥ 2-90-22 (14941)
ಸಾಧಾರಣೀ ಚ ಸರ್ವೇಷಾಂ ಪಾಂಡವಾನಾಮನಿಂದಿತಾ।
ಜಿತೇನ ಪೂರ್ವಂ ಚಾನೇನ ಪಾಂಡವೇನ ಕೃತಃ ಪಣಃ॥ 2-90-23 (14942)
ಇಯಂ ಚ ಕೀರ್ತಿತಾ ಕೃಷ್ಣಾ ಸೌಬಲೇನ ಪಣಾರ್ಥಿನಾ।
ಏತತ್ಸರ್ವಂ ವಿಚಾರ್ಯಾಹಂ ಮನ್ಯೇ ನ ವಿಜಿತಾಮಿಮಾಂ॥ 2-90-24 (14943)
ವೈಶಂಪಾಯನ ಉವಾಚ॥ 2-90-25x (1638)
ಏತಚ್ಛ್ರುತ್ವಾ ಮಹಾನ್ನಾದಃ ಸಭ್ಯಾನಾಮುದತಿಷ್ಠತ।
ವಿಕರ್ಣಂ ಶಂಸಮಾನಾನಾಂ ಸೌಬಲಂ ಚಾಪಿ ನಿಂದತಾಂ॥ 2-90-25 (14944)
ತಸ್ಮಿನ್ನುಪರತೇ ಶಬ್ದೇ ರಾಧೇಯಃ ಕ್ರೋಧಮೂರ್ಛಿತಃ।
ಪ್ರಗೃಹ್ಯ ರುಚಿರಂ ಬಾಹುಮಿದಂ ವಚನಮಬ್ರವೀತ್॥ 2-90-26 (14945)
ಕರ್ಣ ಉವಾಚ॥ 2-90-27x (1639)
ದೃಶ್ಯಂತೇ ವೈ ವಿಕರ್ಣೇಹ ವೈಕೃತಾನಿ ಬಹೂನ್ಯಪಿ।
ತಜ್ಜಾತಸ್ತದ್ವಿನಾಶಾಯ ಯಥಾಽಗ್ನಿರರಣಿಪ್ರಜಃ॥ 2-90-27 (14946)
ಏತೇ ನ ಕಿಂಚಿದಪ್ಯಾಹುಶ್ಚೋದಿತಾ ಹ್ಯಪಿ ಕೃಷ್ಣಯಾ।
ಧರ್ಮೇಣ ವಿಜಿತಾಮೇತಾಂ ಮನ್ಯಂತೇ ದ್ರಪದಾತ್ಮಜಾಂ॥ 2-90-28 (14947)
ತ್ವಂ ತು ಕೇವಲಬಾಲ್ಯೇನ ಧಾರ್ತರಾಷ್ಟ್ರ ವಿದೀರ್ಯಸೇ।
ಯದ್ಬ್ರವೀಷಿ ಸಭಾಂಧ್ಯೇ ಬಾಲಃ ಸ್ಥವಿರಭಾಷಿತಂ॥ 2-90-29 (14948)
ನ ಚ ಧರ್ಮ ಯಥಾವತ್ತ್ವಂ ಕೃಷ್ಣಾಂ ಚ ಜಿತೇತಿ ಸುಮಂದಧೀಃ।
ಯದ್ಬ್ರವೀಷಿ ಜಿತಾಂ ಕೃಷ್ಣಾಂ ನ ಜಿತೇತಿ ಸುಮಂದಧೀಃ॥ 2-90-30 (14949)
ಕಥಂ ಹ್ಯವಿಜಿತಾಂ ಕೃಷ್ಣಾಂ ಮನ್ಯಸೇ ಧೃತರಾಷ್ಟ್ರಜ।
ಯದಾ ಸಭಾಯಾಂ ಸರ್ವಸ್ವಂ ನ್ಯಸ್ತವಾನ್ಪಾಂಡವಾಗ್ರಜಃ॥ 2-90-31 (14950)
ಅಭ್ಯಂತರ ಚ ಸರ್ವಸ್ವೇ ದ್ರೌಪದೀ ಭರತರ್ಷಭ।
ಏವಂ ಧರ್ಮಜಿತಾಂ ಕೃಷ್ಣಾಂ ಮನ್ಯಸೇ ನ ಜಿತಾಂ ಕಥಂ॥ 2-90-32 (14951)
ಕೀರ್ತಿತಾ ದ್ರೌಪದೀ ವಾಚಾ ಅನುಜ್ಞಾತಾ ಚ ಪಾಂಡವೈಃ।
ಭವತ್ಯವಿಜಿತಾ ಕೇನ ಹೇತುನೈಷಾ ಮತಾ ತವ॥ 2-90-33 (14952)
ಮನ್ಯಸೇ ವಾ ಸಭಾಮೇತಾಮಾನೀತಾಮೇಕವಾಸಸಂ।
ಅಧರ್ಮೇಣೇತಿ ತತ್ರಾಪಿ ಶೃಣು ಮೇ ವಾಕ್ಯಮುತ್ತಮಂ॥ 2-90-34 (14953)
ಏಕೋ ಭರ್ತಾ ಸ್ತ್ರಿಯಾ ದೇವೈರ್ವಿಹಿತಃ ಕುರುನಂದನ।
ಇಯಂ ತ್ವನೇಕವಶಗಾ ಬಂಧಕೀತಿ ವಿನಿಶ್ಚಿತಾ॥ 2-90-35 (14954)
ಅಸ್ಯಾಃ ಸಭಾಮಾನಯನಂ ನ ಚಿತ್ರಮಿತಿ ಮೇ ಮತಿಃ।
ಏಕಾಂಬರಧರತ್ವಂ ವಾಽಪ್ಯಥವಾಽಪಿ ವಿವಸ್ತ್ರತಾ॥ 2-90-36 (14955)
ಯಚ್ಚೈಷಾಂ ದ್ರವಿಣಂ ಕಿಂಚಿದ್ಯ ಚೈಷಾ ಯೇ ಚ ಪಾಂಡವಾಃ।
ಸೌಬಲೇನೇಹ ತತ್ಸರ್ವಂ ಧರ್ಮೇಣ ವಿಜಿತಂ ವಸು॥ 2-90-37 (14956)
ದುಃಶಾಸನ ಸುಬಾಲೋಽಯಂ ವಿಕರ್ಣಃ ಪ್ರಾಜ್ಞವಾದಿಕಃ।
ಪಾಂಡವಾನಾಂ ಚ ವಾಸಾಂಸಿ ದ್ರೌಪದ್ಯಾಶ್ಚಾಪ್ಯುಪಾಹರ॥ 2-90-38 (14957)
ವೈಶಂಪಾಯನ ಉವಾಚ॥ 2-90-39x (1640)
ತಚ್ಛ್ರುತ್ವಾ ಪಾಂಡವಾಃ ಸರ್ವೇ ಸ್ವಾನಿ ವಾಸಾಂಸಿ ಭಾರತ।
ಅವಕೀರ್ಯೋತ್ತರೀಯಾಣಿ ಸಭಾಯಾಂ ಸಮುಪಾವಿಶನ್॥ 2-90-39 (14958)
ತತೋ ದುಃಶಾಸನೋ ರಾಜಂದ್ರೌಪದ್ಯಾ ವಸನಂ ಬಲಾತ್।
ಸಭಾಮಧ್ಯೇ ಸಭಾಕ್ಷಿಪ್ಯ ವ್ಯಪಾಕ್ರಷ್ಟುಂ ಪ್ರಚಕ್ರಮೇ॥ 2-90-40 (14959)
`ಆಕೃಷ್ಯಮಾಣೇ ವಸನೇ ವಿಲಲಾಪ ಸುದುಃಖಿತಾ।
ಜ್ಞಾತಂ ಮಯಾ ವಿಸಿಷ್ಠೇನ ಪುರಾ ಗೀತಂ ಮಹಾತ್ಮನಾ॥ 2-90-41 (14960)
ಮಹತ್ಯಾಪದಿ ಸಂಪ್ರಾಪ್ತೇ ಸ್ಮರ್ತವ್ಯೋ ಭಗವಾನ್ಹರಿಃ।
ಇತಿ ನಿಶ್ಚಿತ್ಯ ಮನಸಾ ಶರಣಾಗತವತ್ಸಲಂ।
ಆಕೃಷ್ಯಮಾಣೇ ವಸನೇ ದ್ರೌಪದೀ ಕೃಷ್ಣಮಸ್ತರತ್॥ 2-90-42 (14961)
ಶಂಖಚಕ್ರಗದಾಪಾಣೇ ದ್ವಾರಕಾನಿಲಯಾಚ್ಯುತ।
ಗೋವಿಂದ ಪುಂಡರೀಕಾಕ್ಷ ರಕ್ಷ ಮಾಂ ಶರಣಾಗತಾಂ॥ 2-90-43 (14962)
ಹಾ ಕೃಷ್ಣ ದ್ವಾರಕಾವಾಸಿನ್ಕ್ವಾಸಿ ಯಾದವಂದನ।
ಇಮಾಮವಸ್ಥಾಂ ಸಂಪ್ರಾಪ್ತಾಮನಾಥಾಂ ಕಿಮುಪೇಕ್ಷಸೇ॥ 2-90-44 (14963)
ಗೋವಿಂದ ದ್ವಾರಕಾವಾಸಿನ್ಕೃಷ್ಣ ಗೋಪೀಜನಪ್ರಿಯ।
ಕೌರವೈಃ ಪರಿಭೂತಾಂ ಮಾಂ ಕಿಂ ನ ಜಾನಾಸಿ ಕೇಶವ'॥ 2-90-45 (14964)
ಹೇ ನಾಥ ಹೇ ರಮಾನಾಥ ವ್ರಜನಾಥಾರ್ತಿನಾಶನ।
ಕೌರವಾರ್ಣವಗ್ನಾಂ ಮಾಮುದ್ಧರಸ್ವ ಜನಾರ್ದನ॥ 2-90-46 (14965)
ಕೃಷ್ಣಕೃಷ್ಣ ಮಹಾಯೋಗಿನ್ವಿಶ್ವಾತ್ಮನ್ವಿಶ್ವ್ಭಾವನ।
ಪ್ರಪನ್ನಾಂ ಪಾಹಿ ಗೋವಿಂದ ಕುರಮಧ್ಯೇಽವಸೀದತೀಂ॥ 2-90-47 (14966)
ಇತ್ಯನುಸ್ಮೃತ್ಯ ಕೃಷ್ಣಂ ಸಾ ಹರಿಂ ತ್ರಿಭುವನೇಶ್ವರಂ।
ಪ್ರಾರುದದ್ದುಃ ಖಿತಾ ರಾಜನ್ಮುಖಮಾಚ್ಛಾದ್ಯ ಭಾಮಿನೀ॥ 2-90-48 (14967)
ತಸ್ಯ ಪ್ರಸಾದ್ದ್ರೌಪದ್ಯಾಃ ಕೃಷ್ಣಮಾಣೇಽಂಬರೇ ತದಾ।
ತದ್ರೂಪಮಪರೇ ವಸ್ತ್ರಂ ಪ್ರಾದುರಾಸೀದನೇಕಶಃ॥ 2-90-49 (14968)
ನಾನಾರಾಗವಿರಾಗಾಣಿ ವಸನಾನ್ಯಥ ವೈ ಪ್ರಭೋ।
ಪ್ರಾದುರ್ಭವಂತಿ ಶತಶೋ ಧರ್ಮಸ್ಯ ಪರಿಪಾಲನಾತ್॥ 2-90-50 (14969)
ತತೋ ಹಲಹಲಾಶಬ್ದಸ್ತತ್ರಾಸೀದ್ಘೋರದರ್ಶನಃ।
ತದದ್ಭುತತಮಂ ಲೋಕೇ ವೀಕ್ಷ್ಯ ಸರ್ವೇ ಮಹೀಭೃತಃ॥ 2-90-51 (14970)
ಶಶಂಸುರ್ದ್ರೌಪದೀಂ ತತ್ರ ಕುತ್ಸಂತೋ ಧೃತರಾಷ್ಟ್ರಜಂ।
`ಧಿಗ್ಧಿಗಿತ್ಯಶಿವಾಂ ವಾಚಮುತ್ಸೃಜನ್ಕೌರವಾನ್ಪ್ರತಿ'॥ 2-90-52 (14971)
ಯದಾ ತು ವಾಸಸಾಂ ರಾಶಿಃ ಸಭಾಮಧ್ಯೇ ಸಮಾಚಿತಃ'।
ತದಾ ದುಃಶಾಸನಃ ಶ್ರಾಂತೋ ವ್ರೀಡಿತಃ ಸಮುಪಾವಿಶತ್ 2-90-53 (14972)
ಶಶಾಪ ತತ್ರ ಭೀಮಸ್ತು ರಾಜಮಧ್ಯೇ ಬೃಹತ್ಸ್ವನಃ।
ಕ್ರೋಧಾದ್ವಿಸ್ಫುರಮಾಣೌಷ್ಠೋ ವಿನಿಷ್ಪಿಷ್ಯ ಕರೇ ಕರಂ॥ 2-90-54 (14973)
ಭೀಮ ಉವಾಚ॥ 2-90-55x (1641)
ಇದಂ ಮೇ ವಾಕ್ಯಮಾದಧ್ವಂ ಕ್ಷತ್ರಿಯಾ ಲೋಕವಾಸಿನಃ।
ನೋಕ್ತಪೂರ್ವಂ ನರೈರನ್ಯೈರ್ನ ಚಾನ್ಯೋ ಯದ್ವದಿಷ್ಯತಿ॥ 2-90-55 (14974)
ಯದ್ಯೇತದೇವಮುಕ್ತ್ವಾಽಹಂ ನ ಕುರ್ಯಾಂ ಪೃಥಿವೀಶ್ವರಾಃ।
ಪಿತಾಮಹಾನಾಂ ಪೂರ್ವೇಷಾಂ ನಾಹಂ ಗತಿಮವಾಪ್ನುಯಾಂ॥ 2-90-56 (14975)
ಅಸ್ಯ ಪಾಪಸ್ಯ ದುರ್ಬುದ್ಧೇರ್ಭಾರತಾಪಸದಸ್ಯ ಚ।
ನ ಪಿಬೇಯಂ ಬಲಾದ್ವಕ್ಷೋ ಭಿತ್ತ್ವಾ ಚೇದ್ರುಧಿರಂ ಯುಧಿ॥ 2-90-57 (14976)
ವೈಶಂಪಾಯನ ಉವಾಚ॥ 2-90-58x (1642)
ತಸ್ಯ ತೇ ತದ್ವಚಃ ಶ್ರುತ್ವಾ ರೌದ್ರಂ ಲೋಮಪ್ರಹರ್ಷಣಂ॥
ಪ್ರಚಕ್ರುರ್ಬಹುಲಾಂ ಪೂಜಾಂ ಕುಸಂತೋ ಧೃತರಾಷ್ಟ್ರಜಂ॥ 2-90-58 (14977)
ನ ವಿಬ್ರುವಂತಿ ಕೌರವ್ಯಾಃ ಪ್ರಶ್ನಮೇತಮಿತಿ ಸ್ಮ ಹ।
ಸುಜನಃ ಕ್ರೋಶತಿ ಸ್ಮಾತ್ರ ಧೃತರಾಷ್ಟ್ರಂ ವಿಗರ್ಹಯನ್॥ 2-90-59 (14978)
ವಿದುರ ಉವಾಚ।
ದ್ರೌಪದೀ ಪ್ರಶ್ನಮುಕ್ತ್ವೈವಂ ರೋರವೀತಿ ತ್ವನಾಥವತ್। 2-90-60 (14979)
ವೈಶಂಪಾಯನ ಉವಾಚ॥ 2-90-61x (1643)
ತಸ್ಯ ತೇ ತದ್ವಚಃ ಶ್ರುತ್ವಾ ರೌದ್ರಂ ಲೋಮಪ್ರಹರ್ಷಣಂ।
ನ ಚ ವಿಬ್ರೂತ ತಂ ಪ್ರಶ್ನಂ ಸಭ್ಯಾ ಧರ್ಮೋಽತ್ರ ಪೀಡ್ಯತೇ॥ 2-90-61 (14980)
ಸಭಾಂ ಪ್ರಪದ್ಯತೇ ಪ್ರಶ್ನಃ ಪ್ರಜ್ವಲನ್ನಿವ ಹವ್ಯವಾದ್।
ತಂ ವೈ ಸತ್ಯೇನ ಧರ್ಮೇಣ ಸಭ್ಯಾಃ ಪ್ರಶಮಯಂತ್ಯುತ॥ 2-90-62 (14981)
ಧರ್ಂಯಂ ಪ್ರಶ್ನಮತೋ ಬ್ರೂಯಾದಾರ್ಯಃ ಸತ್ಯೇನ ಮಾನವಃ।
ವಿಬ್ರೂಯುಸ್ತತ್ರ ತಂ ಪ್ರಶ್ನಂ ಕಾಮಕ್ರೋಧಬಲಾತಿಗಾಃ॥ 2-90-63 (14982)
ವಿಕರ್ಣೇನ ಯಥಾಪ್ರಜ್ಞಮುಕ್ತಃ ಪ್ರಶ್ನೋ ನರಾಧಿಪಾಃ।
ಭವಂತೋಽಪಿ ಹಿ ತಂ ಪ್ರಶ್ನಂ ವಿಬ್ರುವಂತು ಯಥಾಮತಿ॥ 2-90-64 (14983)
ಯೋ ಹಿ ಪ್ರಶ್ನಂ ನ ವಿಬ್ರೂಯಾದ್ಧರ್ಮದರ್ಶೀ ಸಭಾಂ ಗತಃ।
ಅನೃತೇ ಯಾ ಫಲಾವಾಪ್ತಿಸ್ತಸ್ಯಾಃ ಸೋಽರ್ಧಂ ಸಮಶ್ನುತೇ॥ 2-90-65 (14984)
ಯಃ ಪುನರ್ವಿತಥಂ ಬ್ರೂಯಾದ್ಧರ್ಮದಶೀಂ ಸಭಾಂ ಗತಃ।
ಅನೃತಸ್ಯ ಫಲಂ ಕೃತ್ಸ್ನಂ ಸ ಪ್ರಾಪ್ನೋತೀತಿ ನಿಶ್ಚಯಃ॥ 2-90-66 (14985)
ಅತ್ರಾಪ್ಯುದಾಹರಂತೀಮಮಿತಿಹಾಸಂ ಪುರಾತನಂ।
ಪ್ರಹ್ಲಾದಸ್ಯ ಚ ಸಂವಾದಂ ಮುನೇರಾಂಗಿರಸಸ್ಯ ಚ॥ 2-90-67 (14986)
ಪ್ರಹ್ಲಾದೋ ನಾಮ ದೈತ್ಯೇಂದ್ರಸ್ತಸ್ಯ ಪುತ್ರೋ ವಿರೋಚನಃ।
ಕನ್ಯಾಹೇತೋರಾಂಗಿರಸಂ ಸುಧನ್ವಾನಮುಪಾದ್ರವತ್॥ 2-90-68 (14987)
ಅಹಂ ಜ್ಯಾಯಾನಹಂ ಜ್ಯಾಯಾನಿತಿ ಕನ್ಯೇಪ್ಸಯಾ ತದಾ।
ತಯೋರ್ದೇವನಮತ್ರಾಸೀತ್ಪ್ರಾಣಯೋರಿತಿ ನಃ ಶ್ರುತಂ॥ 2-90-69 (14988)
ತಯೋಃ ಪ್ರಶ್ನವಿವಾದೋಽಭೂತ್ಪ್ರಹ್ಲಾದಂ ತಾವಪೃಚ್ಛತಾಂ।
ಜ್ಯಾಯಾನ್ಕ ಆವಯೋರೇಕಃ ಪ್ರಶ್ನಂ ಪ್ರಬ್ರೂಹಿ ಮಾ ಮೃಷಾ॥ 2-90-70 (14989)
ಸ ವೈ ವಿವದನಾದ್ಭೀತಃ ಸುಧನ್ವಾನಂ ವಿಲೋಕಯನ್।
ತಂ ಸುಧನ್ವಾಬ್ರವೀತ್ಕ್ರುದ್ಧೋ ಬ್ರಹ್ಮದಂಡ ಇವ ಜ್ವಲನ್॥ 2-90-71 (14990)
ಯದಿ ವೈ ವಕ್ಷ್ಯಸಿ ಮೃಷಾ ಪ್ರಹ್ಲಾದಾಥ ನ ವಕ್ಷ್ಯಸಿ॥
ಶತಘಾ ತೇ ಶಿರೋ ವಜ್ರೀ ವಜ್ರೇಣ ಪ್ರಹರಿಷ್ಯತಿ॥ 2-90-72 (14991)
ಸುಧನ್ವನಾ ತಥೋಕ್ತಃ ಸನ್ವ್ಯಥಿತೋಽಶ್ವತ್ಥಪರ್ಣವತ್।
ಜಗಾಮ ಕಶ್ಯಪಂ ದೈತ್ಯಃ ಪರಿಪ್ರಷ್ಟುಂ ಮಹೌಜಸಂ॥ 2-90-73 (14992)
ಪ್ರಹ್ಲಾದ ಉವಾಚ॥ 2-90-74x (1644)
ತ್ವಂ ವೈ ಧರ್ಮಸ್ಯ ವಿಜ್ಞಾತಾ ದೈವಸ್ಯೇಹಾಸುರಸ್ಯ ಚ।
ಬ್ರಾಹ್ಮಣಸ್ಯ ಮಹಾಭಾಗ ಧರ್ಮಕೃಚ್ಛ್ರಮಿದಂ ಶೃಣು॥ 2-90-74 (14993)
ಯೋ ವೈ ಪ್ರಶ್ನಂ ನ ವಿಬ್ರೂಯಾದ್ವಿತಥಂ ಚೈವ ನಿರ್ದಿಶೇತ್।
ಕೇ ವೈ ತಸ್ಯ ಪರೇ ಲೋಕಾಸ್ತನ್ಮಮಾಚಕ್ಷ್ವ ಪೃಚ್ಛತಃ॥ 2-90-75 (14994)
ಕಶ್ಯಪ ಉವಾಚ॥ 2-90-76x (1645)
ಜಾನನ್ನವಿಬ್ರುವನ್ಪ್ರಶ್ನಾನ್ಕಾಮಾತ್ಕ್ರೋಧಾದ್ಭಯಾತ್ತಥಾ।
ಸಹಸ್ರಂ ವಾರುಣಾನ್ಪಾಶಾನಾತ್ಮನಿ ಪ್ರತಿಮುಂಚತಿ॥ 2-90-76 (14995)
ಸಾಕ್ಷೀ ವಾ ವಿಬ್ರುವನ್ಸಾಕ್ಷ್ಯಂ ಗೋಕರ್ಣಶಿಥಿಲಶ್ವರನ್।
ಸಹಸ್ರಂ ವಾರುಣಾನ್ಪಾಶಾನಾತ್ಮನಿ ಪ್ರತಿಮುಂಜತಿ॥ 2-90-77 (14996)
ತಸ್ಯ ಸಂವತ್ಸರೇ ಪೂರ್ಣೇ ಪಾಶ ಏಕಃ ಪ್ರಮುಚ್ಯತೇ।
ತಸ್ಮಾತ್ಸತ್ಯಂ ತು ವಕ್ತವ್ಯಂ ಜಾನತಾ ಸತ್ಯಮುಂಜಸಾ॥ 2-90-78 (14997)
ವಿದ್ಧೋ ಧರ್ಮೋ ಹ್ಯಧರ್ಮೇಣ ಸಭಾಂ ಯತ್ರೋಪಪದ್ಯತೇ।
ನ ಚಾಸ್ಯ ಶಲ್ಯಂ ಕೃಂತಂತಿ ವಿದ್ಧಾಸ್ತತ್ರ ಸಭಾಸದಃ॥ 2-90-79 (14998)
ಅರ್ಧಂ ಹರತಿ ವೈ ಶ್ರೇಷ್ಠಃ ಪಾದೋ ಭವತಿ ಕರ್ತೃಷು।
ಪಾದಶ್ಚೈವ ಸಭಾಸತ್ಸು ಯೇ ನ ನಿಂದಂತಿ ನಿಂದಿತಂ॥ 2-90-80 (14999)
ಅನೇನಾ ಭವತಿ ಶ್ರೇಷ್ಠೋ ಮುಚ್ಯಂತೇ ಚ ಸಭಾಸದಃ।
ಏನೋ ಗಚ್ಛತಿ ಕರ್ತಾರಂ ನಿಂದಾರ್ಹೋ ಯತ್ರ ನಿಂದ್ಯತೇ॥ 2-90-81 (15000)
ವಿತಥಂ ತು ವದೇಯುರ್ಯೇ ಧರ್ಮಂ ಪ್ರಹ್ಲಾದ ಪೃಚ್ಛತೇ।
ಇಷ್ಟಾಪೂರ್ತಂ ಚ ತೇ ಘ್ಂತಿ ಸಪ್ತಸಪ್ತ ಪರಾವರಾನ್॥ 2-90-82 (15001)
ಹೃತಸ್ವಸ್ಯ ಹಿ ಯದ್ದುಃಖಂ ಹತಪುತ್ರಸ್ಯ ಚೈವ ಯತ್।
ಋಣಿನಃ ಪ್ರತಿ ಯಚ್ಚೈವ ಸ್ವಾರ್ಥಾದ್ಧಷ್ಟಸ್ಯ ಚೈವ ಯತ್॥ 2-90-83 (15002)
ಸ್ತ್ರಿಯಾಃ ಪತ್ಯಾ ವಿಹೀನಾಯಾ ರಾಜ್ಞಾ ಗ್ರಸ್ತಸ್ಯ ಚೈವ ಯತ್।
ಅಪುತ್ರಾಯಾಶ್ಚ ಯದ್ದುಃಖಂ ವ್ಯಾಘ್ರಾಘ್ರಾತಸ್ಯ ಚೈವ ಯತ್॥ 2-90-84 (15003)
ಅಧ್ಯೂಢಾಯಾಶ್ಚ ಯದ್ದುಃಖಂ ವ್ಯಾಘ್ರಾಘ್ರಾತಸ್ಯ ಚೈವ ಯತ್॥
ಏತಾನಿ ವೈ ಸಮಾನ್ಯಾಹುರ್ದುಃಖಾನಿ ತ್ರಿದಿವೇಶ್ವರಾಃ॥ 2-90-85 (15004)
ತಾನಿ ಸರ್ವಾಣಿ ದುಃಖಾನಿ ಪ್ರಾಪ್ನೋತಿ ವಿತಥಂ ಬ್ರುವನ್।
ಸಮಕ್ಷದರ್ಶನಾತ್ಸಾಕ್ಷೀ ಶ್ರವಣಾಚ್ಚೇತಿ ಧಾರಣಾತ್॥ 2-90-86 (15005)
ತಸ್ಮಾತ್ಸತ್ಯಂ ಬ್ರುವತ್ಸಾಕ್ಷೀ ಧರ್ಮಾರ್ಥಾಭ್ಯಾಂ ನ ಹೀಯತೇ।
ಕಶ್ಯಪಸ್ಯ ವಚಃ ಶ್ರುತ್ವಾ ಪ್ರಹ್ಲಾದಃ ಪುತ್ರಮಬ್ರವೀತ್॥ 2-90-87 (15006)
ಶ್ರೇಯಾನ್ಸುಧನ್ವಾ ತ್ವತ್ತೋ ವೈ ಮತ್ತಃ ಶ್ರೇಯಾಂಸ್ತಥಾಂಗಿರಾಃ।
ಮಾತಾ ಸುಧನ್ವಾಽಯಂ ಪ್ರಾಣಾನಾಮೀಶ್ವರಸ್ತವ॥
ವಿರೋಚನ ಸುಧನ್ವಾಽಯಂ ಪ್ರಾಣಾನಾಮೀಶ್ವರಸ್ತವ॥ 2-90-88 (15007)
ಸುಧನ್ವೋವಾಚ। 2-90-89x (1646)
ಪುತ್ರಸ್ನೇಹಂ ಪಿರತ್ಯಜ್ಯ ಯಸ್ತ್ವಂ ಧರ್ಮೇ ವ್ಯವಸ್ಥಿತಃ।
ಅನುಜಾನಾಮಿ ತೇ ಪುತ್ರಂ ಜೀವತ್ವೇವ ಶತಂ ಸಮಾಃ॥ 2-90-89 (15008)
ವಿದುರ ಉವಾಚ। 2-90-90x (1647)
ಏವಂ ವೈ ಪರಮಂ ಧರ್ಮಂ ಶ್ರುತ್ವಾ ಸರ್ವೇ ಸಭಾಸದಃ।
ಯಥಾಪ್ರಶ್ನಂ ತು ಕೃಷ್ಣಾಯಾ ಮನ್ಯಧ್ವಂ ತತ್ರ ಕಿಂ ಪರಂ॥ 2-90-90 (15009)
ವೈಶಂಪಾಯನ ಉವಾಚ॥ 2-90-91x (1648)
ವಿದುರಸ್ಯ ವಚಃ ಶ್ರುತ್ವಾ ನೋಚುಃ ಕಿಂಚನ ಪಾರ್ಥಿವಾಃ।
ಕರ್ಣೋ ದುಃಶಾಸನಂ ತ್ವಾಹ ಕೃಷ್ಣಂ ದಾಸೀಂ ಗೃಹಾನ್ನಯ॥ 2-90-91 (15010)
ತಾಂ ವೇಪಮಾನಾಂ ಸವ್ರೀಡಾಂ ಪ್ರಲಪಂತೀಂ ಸ್ಮ ಪಾಂಡವಾನ್।
ದುಃಶಾಸನಃ ಸಭಾಮಧ್ಯೇ ವಿಚಕರ್ಷ ತಪಸ್ವಿನೀಂ॥ ॥ 2-90-92 (15011)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದ್ಯೂತಪರ್ವಣಿ ನವತಿತಮೋಽಧ್ಯಾಯಃ॥ 90॥
Mahabharata - Sabha Parva - Chapter Footnotes
2-90-20 ಗ್ರಾಂಯೇ ಸ್ತ್ರೀಭೋಗೀ॥ 2-90-41 ಆಕೃಷ್ಯಮಾಣೇ ವಸನೇ ದ್ರೌಪದ್ಯಾ ಚಿಂತಿತೋ ಹರಿಃ। ಗೋವಿಂದ ದ್ವಾರಕಾನ್ವಾಸಿನ್ಕೃಷ್ಣ ಗೋ ಪೀಜನಪ್ರಿಯ। ಕೌರವೈಃ ಪರಿಭೂತಾಂ ಮಾಂ ಕಿಂ ಜ ಜಾನಾಸಿ ಕೇಶವ। ಇತಿ ಝ.ಪಾಠಃ॥ 2-90-77 ಗೋಕರ್ಣಶಿಥಿಲ ಉಭಯಕ್ಷಸ್ಪರ್ಶೀ॥ಸಭಾಪರ್ವ - ಅಧ್ಯಾಯ 091
॥ ಶ್ರೀಃ ॥
2.91. ಅಧ್ಯಾಯಃ 091
Mahabharata - Sabha Parva - Chapter Topics
ದ್ರೌಪದೀವಚನಂ॥ 1॥ ಯುಧಿಷ್ಠಿರೇಣೈವ ದ್ರೌಪದೀಪ್ರಶ್ನಸ್ಯೋತ್ತರಂ ವಕ್ತವ್ಯಮಿತಿ ಭೀಷ್ಮವಚನಂ॥ 2॥Mahabharata - Sabha Parva - Chapter Text
ದ್ರೌಪದ್ಯುವಾಚ॥
ಪುರಸ್ತಾತ್ಕರಣೀಯಂ ಮೇ ನ ಕೃತಂ ಕಾರ್ಯಮುತ್ತರಂ।
ವಿಹ್ವಲಾಽಸ್ಮಿ ಕೃತಾಽನೇನ ಕರ್ಷತಾ ಬಲಿನಾ ಬಲಾತ್॥ 2-91-1 (15012)
ಅಭಿವಾದಂ ಕರೋಂಯೇಷಾಂ ಕುರೂಣಾಂ ಕುರುಸಂಸದಿ।
ನ ಮೇ ಸ್ಯಾದಪರಾಧೋಽಯಂ ತದಿದಂ ನ ಕೃತಂ ಮಯಾ॥
ವೈಶಂಪಾಯನ ಉವಾಚ॥ 2-91-2 (15013)
ಸಾ ತೇನ ಚ ಸಮಾಧೂತಾ ದುಃಖೇನ ಚ ತಪಸ್ವಿನೀ।
ಪತಿತಾ ವಿಲಲಾಪೇದಂ ಸಭಾಯಾಮತಥೋಚಿತಾ॥ 2-91-3 (15014)
ದ್ರೌಪದ್ಯುವಾಚ। 2-91-4x (1649)
ಸ್ವಯಂವರೇ ಯಾಸ್ಮಿ ನೃಪೈದೃಷ್ಟಾ ರಂಗೇ ಸಮಾಗತೈಃ।
ನ ದೃಷ್ಟಪೂರ್ವಾ ಚಾನ್ಯತ್ರ ಸಾಽಹಮದ್ಯ ಸಭಾಂ ಗತಾ॥ 2-91-4 (15015)
ಯಾಂ ನ ವಾಯುರ್ನ ಚಾದಿತ್ಯೋ ದೃಷ್ಟವಂತೌ ಪುರಾ ಗೃಹೇ।
ಸಾಽಹಮದ್ಯ ಸಭಾಮಧ್ಯೇ ದೃಷ್ಟಾಸ್ಮಿ ಜನಸಂಸದಿ॥ 2-91-5 (15016)
ಯಾಂ ನ ಮೃಷ್ಯಂತಿ ವಾತೇನ ಸ್ಪೃಶ್ಯಮಾನಾಂ ಗೃಹೇ ಪುರಾ।
ಸ್ಪೃಶ್ಯಮಾನಾಂ ಸಹಂತೇಽದ್ಯ ಪಾಂಡವಾಸ್ತಾಂ ದೂರಾತ್ಮನಾ॥ 2-91-6 (15017)
ಮೃಷ್ಯಂತಿ ಕುರವಶ್ಚೇಮೇ ಮನ್ಯೇ ಕಾಲಸ್ಯ ಪರ್ಯಯಂ।
ಸ್ನುಷಾಂ ದುಹಿತರಂ ಚೈವ ಕ್ಲಿಶ್ಯಮಾನಾಮನರ್ಹತೀಂ॥ 2-91-7 (15018)
ಕಿಂನ್ವತಃ ಕೃಪಣಂ ಭೂಯೋ ಯದಹಂ ಸ್ತ್ರೀ ಸತೀ ಶುಭಾ।
ಸಭಾಮಧ್ಯಂ ವಿಗಾಹೇಽದ್ಯ ಕ್ವ ನು ಧರ್ಮೋ ಮಹೀಕ್ಷಿತಾಂ॥ 2-91-8 (15019)
ಧರ್ಂಯಂ ಸ್ತ್ರಿಯಂ ಸಭಾಂ ಪೂರ್ವೇ ನ ನಯಂತೀತಿ ನಃ ಶ್ರುತಂ।
ಸ ನಷ್ಟಃ ಕೌರವೇಯೇಷು ಪೂರ್ವೋ ಧರ್ಮಃ ಸನಾತನಃ॥ 2-91-9 (15020)
ಕಥಂ ಹಿ ಭಾರ್ಯಾ ಪಾಂಡುನಾಂ ಪಾರ್ಷತಸ್ಯ ಸ್ವಸಾ ಸತೀ।
ವಾಸುದೇವಸ್ಯ ಚ ಸಖೀ ಪಾರ್ಥಿವಾನಾಂ ಸಭಾಮಿಯಾಂ॥ 2-91-10 (15021)
ತಾಮಿಮಾಂ ಧರ್ಮರಾಜಸ್ಯ ಭಾರ್ಯಾಂ ಸದೃಶವರ್ಣಜಾಂ।
ಬ್ರೂತ ದಾಸೀಮದಾಸೀಂ ವಾ ತತ್ಕರಿಷ್ಯಾಮಿ ಕೌರವಾಃ। 2-91-11 (15022)
ಅಯಂ ಮಾಂ ಸುದೃಢಂ ಕ್ಷುದ್ರಃ ಕೌರವಾಣಾಂ ಯಶೋಹರಃ.
ಕ್ಲಿಶ್ನಾತಿ ನಾಹಂ ತತ್ಸೋಢುಂ ಕ್ಷುದ್ರಃ ಕೌರವಾಣಾಂ ಯಶೋಹರಃ। 2-91-12 (15023)
ಜಿತಾಂ ವಾಽಪ್ಯಜಿತಾಂ ವಾಪಿ ಮನ್ಯಧ್ವಂ ಮಾಂ ಯಥಾ ನೃಪಾಃ।
ತಥಾ ಪ್ರತ್ಯುಕ್ತಮಿಚ್ಛಾಮಿ ತತ್ಕರಿಷ್ಯಾಮಿ ಕೌರವಾಃ॥ 2-91-13 (15024)
ಭೀಷ್ಮ ಉವಾಚ॥ 2-91-14x (1650)
ಉಕ್ತವಾನಸ್ಮಿ ಕಲ್ಯಾಣಿ ಧರ್ಮಸ್ಯ ಪರಮಾ ಗತಿಃ।
ಲೋಕೇ ನ ಶಕ್ಯತೇ ಜ್ಞಾತುಮಪಿ ವಿಜ್ಞೈರ್ಮಹಾತ್ಮಭಿಃ॥ 2-91-14 (15025)
ಬಲವಾಂಶ್ಚ ಯಥಾ ಧರ್ಮಂ ಲೋಕೇ ಪಶ್ಯತಿ ಪುರುಷಃ॥
ಸ ಧರ್ಮೋ ಧರ್ಮವೇಲಾಯಾಂ ಭವತ್ಯಭಿಹತಃ ಪರಃ॥ 2-91-15 (15026)
ನ ವಿವೇಕ್ತುಂ ಚ ತೇ ಪ್ರಶ್ನಮಿಮಂ ಶಕ್ನೋಮಿ ನಿಶ್ಚಯಾತ್।
ಸೂಕ್ಷ್ಮತ್ವಾದ್ಗಹನತ್ವಾಚ್ಚ ಕಾರ್ಯಸ್ಯಾಸ್ಯ ಚ ಗೌರವಾತ್॥ 2-91-16 (15027)
ನೂನಮಂತಃ ಕುಲಸ್ಯಾಸ್ಯ ಭವಿತಾ ನ ಚಿರಾದಿವ।
ತಥಾ ಹಿ ಕುರವಃ ಸರ್ವೇ ಲೋಭಮೋಹಪರಾಯಣಾಃ॥ 2-91-17 (15028)
ಕುಲೇಷು ಜಾತಾಃ ಕಲ್ಯಾಣಿ ವ್ಯಸನೈರಾಹತಾ ಭೃಶಂ।
ಧರ್ಂಯಾನ್ಮಾರ್ಗಾನ್ನ ಚ್ಯವಂತೇ ಯೇಷಾಂ ನಸ್ತ್ವಂ ಬಧೂಃ ಸ್ಥಿತಾ॥ 2-91-18 (15029)
ಉಪಪನ್ನಂ ಚ ಪಾಂಚಾಲಿ ತವೇದಂ ವೃತ್ತಮೀದೃಶಂ।
ಯತ್ಕೃಚ್ಛ್ರಮಪಿ ಸಂಪ್ರಾಪ್ತಾ ಧರ್ಮಮೇವಾನ್ವವೇಕ್ಷಸೇ॥ 2-91-19 (15030)
ಏತೇ ದ್ರೋಣಾದಯಶ್ಚೈವ ವೃದ್ಧಾ ಧರ್ಮವಿದೋ ಜನಾಃ।
ಶೂನ್ಯೈಃ ಶರೀರೈಸ್ತಿಷ್ಠಂತಿ ಗತಾಸವ ಇವಾನತಾಃ॥ 2-91-20 (15031)
ಯುಧಿಷ್ಠಿರಸ್ತು ಪ್ರಶ್ನೋಽಸ್ಮಿನ್ಪ್ರಮಾಣಮಿತಿ ಮೇ ಮತಿಃ।
ಅಜಿತಾಂ ವಾ ಜಿತಾಂ ವೇತಿ ಸ್ವಯಂ ವ್ಯಾಖ್ಯಾತುಮರ್ಹತಿ॥ ॥ 2-91-21 (15032)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದ್ಯೂತಪರ್ವಣಿ ಏಕನವತಿತಮೋಽಧ್ಯಾಯಃ॥91 ॥
ಸಭಾಪರ್ವ - ಅಧ್ಯಾಯ 092
॥ ಶ್ರೀಃ ॥
2.92. ಅಧ್ಯಾಯಃ 092
Mahabharata - Sabha Parva - Chapter Topics
ದುರ್ಯೋಧನವಚನಂ॥ 1॥ ದುರ್ಯೋಧನೇನ ದ್ರೌಪದೀಂ ಪ್ರತಿ ನಿಜೋರೌ ಪ್ರದರ್ಶಿತೇ ಭೀಮೇನ ತದ್ಭೇದನಪ್ರತಿಜ್ಞಾ॥2॥ ಅರ್ಜುನಾದಿಭಿಃ ಕರ್ಣಾದಿಹನನಪ್ರತಿಜ್ಞಾ॥ 3॥ ದ್ರೌಪದ್ಯಾ ದುರ್ಯೋಧನಾದೀನಾಂ ಶಾಪದಾನಸಮಯೇ ಅಂತರಿಕ್ಷಾತ್ಪುಷ್ಪವೃಷ್ಟಿಃ॥ 4॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ತಥಾ ತು ದೃಷ್ಟ್ವಾ ಬಹು ತತ್ರ ದೇವೀಂ
ರೋರೂಯಮಾಣಾಂ ಕುರರೀಮಿವಾರ್ತಾಂ।
ನೋಚುರ್ವಚಃ ಸಾಧ್ವಥವಾಽಪ್ಯಸಾಧು
ಮಹೀಕ್ಷಿತೋ ಧಾರ್ತರಾಷ್ಟ್ರಸ್ಯ ಭೀತಾಃ॥ 2-92-1 (15033)
ದೃಷ್ಟ್ವಾ ತಥಾ ಪಾರ್ಥಿವಪುತ್ರಪೌತ್ರಾಂ-
ಸ್ತೂಷ್ಣೀಂಭೂತಾಂಧೃತರಾಷ್ಟ್ರಸ್ಯ ಪುತ್ರಃ।
ಸ್ಮಯನ್ನಿವೇದಂ ವಚನಂ ಬಭಾಷೇ
ಪಾಂಚಾಲರಾಜಸ್ಯ ಸುತಾಂ ತದಾನೀಂ॥ 2-92-2 (15034)
ದುರ್ಯೋಧನ ಉವಾಚ॥ 2-92-3x (1651)
ತಿಷ್ಠತ್ವಯಂ ಪ್ರಶ್ನ ಉದಾರಸತ್ವೇ
ಭೀಮೇಽರ್ಜುನೇ ಸಹದೇವೇ ತಥೈವ।
ಪತ್ಯೌ ಚ ತೇ ನಕುಲೇ ಯಾಜ್ಞಸೇನಿ
ವದಂತ್ವೇತೇ ವಚನಂ ತ್ವತ್ಪ್ರಸೂತಂ॥ 2-92-3 (15035)
ಅನೀಶ್ವರಂ ವಿಬ್ರುವಂತ್ವಾರ್ಯಮಧ್ಯೇ
ಯುಧಿಷ್ಠಿರಂ ತವ ಪಾಂಚಾಲಿ ಹೇತೋಃ।
ಕುರ್ವಂತು ಸರ್ವೇ ಚಾನೃತಂ ಧರ್ಮರಾಜಂ
ಪಾಂಚಾಲಿ ತ್ವಂ ಮೋಕ್ಷ್ಯಸೇ ದಾಸಭಾವಾತ್॥ 2-92-4 (15036)
ಧರ್ಮೇ ಸ್ಥಿತೋ ಧರ್ಮಸುತೋ ಮಹಾತ್ಮಾ
ಸ್ವಯಂ ಚೇದಂ ಕಥಯತ್ವಿಂದ್ರಕಲ್ಪಃ।
ಈಶೋ ವಾ ತೇ ಹ್ಯನೀಶೋಽಥವೈಷ
ವಾಕ್ಯಾದಸ್ಯ ಕ್ಷಿಪ್ರಮೇಕಂ ಭಜಸ್ವ॥ 2-92-5 (15037)
ಸರ್ವೇ ಹೀಮೇ ಕೌರವೇಯಾಃ ಸಭಾಯಾಂ
ದುಃಖಾಂತರೇ ವರ್ತಮಾನಾಸ್ತವೈವ।
ನ ವಿಬ್ರುವಂತ್ಯಾರ್ಯಸತ್ವಾ ಯಥಾವ-
ತ್ಪತೀಂಶ್ಚ ತೇ ಸಮವೇಕ್ಷ್ಯಾಲ್ಪಭಾಗ್ಯಾನ್॥ 2-92-6 (15038)
ವೈಶಂಪಾಯನ ಉವಾಚ॥ 2-92-7x (1652)
ತತಃ ಸಭ್ಯಾಃ ಕುರುರಾಜಸ್ಯ ತಸ್ಯ
ವಾಕ್ಯಂ ಸರ್ವೇ ಪ್ರಶಶಂಸುಸ್ತಥೋಚ್ಚೈಃ।
ಚೇಲಾವೇಧಾಂಶ್ಚಾಪಿ ಚಕ್ರುರ್ನದಂತೋ
ಹಾಹೇತ್ಯಾಸೀದಪಿ ಚೈವಾರ್ತನಾದಃ॥ 2-92-7 (15039)
ಶ್ರುತ್ವಾ ತುಂ ತದ್ವಾಕ್ಯಮನೋಹರಂ ತ-
ದ್ಧರ್ಷಶ್ಚಾಸೀತ್ಕೌರವಾಣಾಂ ಸಭಾಯಾಂ।
ಸರ್ವೇ ಚಾಸನ್ಪಾರ್ಥಿವಾಃ ಪ್ರೀತಿಮಂತಃ
ಕುರುಶ್ರೇಷ್ಠಂ ಧಾರ್ಮಿಕಂ ಪೂಜಯಂತಃ॥ 2-92-8 (15040)
ಯುಧಿಷ್ಠಿರಂ ಚ ತೇ ಸರ್ವೇ ಸಮುದೈಕ್ಷಂತ ಪಾರ್ಥಿವಾಃ।
ಕಿಂ ನು ವಕ್ಷ್ಯತಿ ಧರ್ಮಜ್ಞ ಇತಿ ಸಾಚೀಕೃತಾನನಾಃ॥ 2-92-9 (15041)
ಕಿಂ ನು ವಕ್ಷ್ಯತಿ ಬೀಭತ್ಸುರಜಿತೋ ಯುಧಿ ಪಾಂಡವಃ।
ಭೀಮಸೇನೋ ಯಮೌ ಚೋಭೌ ಭೃಶಂ ಕೌತೂಹಲಾನ್ವಿತಾಃ॥ 2-92-10 (15042)
ತಸ್ಮಿನ್ನುಪರತೇ ಶಬ್ದೇ ಭೀಮಸೇನೋಽಬ್ರವೀದಿದಂ।
ಪ್ರಗೃಹ್ಯ ರುಚಿರಂ ದಿವ್ಯಂ ಭುಜಂ ಚಂದನಚರ್ಚಿತಂ॥ 2-92-11 (15043)
ಯದ್ಯೇಷ ಗುರುರಸ್ಮಾಕಂ ಧರ್ಮರಾಜೋ ಮಹಾಮನಾಃ।
ನ ಪ್ರಭುಃ ಸ್ಯಾತ್ಕುಲಸ್ಯಾಸ್ಯ ನ ವಯಂ ಮರ್ಷಯೇಮಹಿ॥ 2-92-12 (15044)
ಈಶೋ ನಃ ಪುಣ್ಯತಪಸಾಂ ಪ್ರಾಣಾನಾಮಪಿ ಚೇಶ್ವರಃ।
ಮನ್ಯತೇ ಜಿತಮಾತ್ಮಾನಂ ಯದ್ಯೇಷ ವಿಜಿತಾ ವಯಂ॥ 2-92-13 (15045)
ನ ಹಿ ಮುಚ್ಯೇತ ಮೇ ಜೀವನ್ಪದಾ ಭೂಮಿಮುಪಸ್ಪೃಶನ್।
ಮರ್ತ್ಯಧರ್ಮಾ ಪರಾಮೃಶ್ಯ ಪಾಂಚಾಲ್ಯಾ ಮೂರ್ಧಜಾನಿಮಾನ್॥ 2-92-14 (15046)
ಪಶ್ಯಧ್ವಂ ಹ್ಯಾಯತೌ ವೃತ್ತೌ ಭುಜೌ ಮೇ ಪರಿಘಾವಿವ।
ನೈತಯೋರಂತರಂ ಪ್ರಾಪ್ಯ ಮುಚ್ಯೇತಾಪಿ ಶತಕ್ರತುಃ॥ 2-92-15 (15047)
ಧರ್ಮಪಾಶಸಿತಸ್ತ್ವೇವಮಧಿಗಚ್ಛಾಮಿ ಸಂಕಟಂ।
ಗೌರವೇಣ ನಿರುದ್ಧಶ್ಚ ನಿಗ್ರಹಾದರ್ಜುನಸ್ಯ ಚ॥ 2-92-16 (15048)
ಧರ್ಮರಾಜನಿಸೃಷ್ಟಸ್ತು ಸಿಂಹಃ ಕ್ಷುದ್ರಮೃಗಾನಿವ।
ಧಾರ್ತರಾಷ್ಟಾರಾನಿಮಾನ್ಪಾಪಾನ್ನಿಷ್ಪಷೇಯಂ ತಲಾಸಿಭಿಃ॥ 2-92-17 (15049)
ವೈಶಂಪಾಯನ ಉವಾಚ॥ 2-92-18x (1653)
ತಮುವಾಚ ತದಾ ಭೀಷ್ಮೋ ದ್ರೋಣೋ ವಿದುರ ಏವ ಚ।
ಕ್ಷಂಯತಾಮಿದಮಿತ್ಯೇವಂ ಸರ್ವಂ ಸಂಭಾವ್ಯತೇ ತ್ವಯಿ॥ 2-92-18 (15050)
ಕರ್ಣ ಉವಾಚ॥ 2-92-19x (1654)
ತ್ರಯಃ ಕಿಲೇಮೇ ಹ್ಯಧನಾ ಭವಂತಿ।
ದಾಸಃ ಪುತ್ರಶ್ಚಾಸ್ವತಂತ್ರಾ ಚ ನಾರೀ।
ದಾಸಸ್ಯ ಪತ್ನೀ ತ್ವಧನಸ್ಯ ಭದ್ರೇ
ಹೀನಶ್ವರಾ ದಾಸಧನಂ ಚ ಸರ್ವಂ॥ 2-92-19 (15051)
ಪ್ರವಿಶ್ಯ ರಾಜ್ಞಃ ಪರಿವಾರಂ ಭಜಸ್ವ
ತತ್ತೇ ಕಾರ್ಯಂ ಶಿಷ್ಟಮಾದಿಶ್ಯತೇಽತ್ರ।
ಈಶಾಸ್ತು ಸರ್ವೇ ತವ ರಾಜಪುತ್ರಿ
ಭವಂತಿ ವೈ ಧಾರ್ತರಾಷ್ಟ್ರಾ ನ ಪಾರ್ಥಾಃ॥ 2-92-20 (15052)
ಅನ್ಯಂ ವೃಣೀಷ್ವ ಪತಿಮಾಶು ಭಾಮಿನಿ
ಯಸ್ಮಾದ್ದಾಸ್ಯಂ ನ ಲಭಸಿ ದೇವನೇನ।
ಅವಾಚ್ಯಾ ವೈ ಪತಿಷು ಕಾಮವೃತ್ತಿ-
ರ್ನಿತ್ಯಂ ದಾಸ್ಯೇ ವಿದಿತಂ ತತ್ತವಾಸ್ತು॥ 2-92-21 (15053)
ಪರಾಜಿತೋ ನಕುಲೋ ಭೀಮಸೇನೋ
ಯುಧಿಷ್ಠರಃ ಸಹದೇವಾರ್ಜುನೌ ಚ।
ದಾಸೀಭೂತಾ ತ್ವಂ ಹಿ ವೈ ಯಾಜ್ಞಸೇನಿ
ಪರಾಜಿತಾಸ್ತೇ ಪತಯೋ ನೈವ ಸಂತಿ॥ 2-92-22 (15054)
ಪ್ರಯೋಜನಂ ಜನ್ಮನಿ ಕಿಂ ನ ಮನ್ಯತೇ
ಪರಾಕ್ರಮಂ ಪೌರುಷಂ ಚೈವ ಪಾರ್ಥಟಃ।
ಪಾಂಚಾಲ್ಯಸ್ಯ ದ್ರುಪದಸ್ಯಾತ್ಮಜಾಮಿಮಾಂ
ಸಭಾಮಧ್ಯೇ ಯೋ ವ್ಯದೇವೀದ್ಗ್ಲಹೇಷು॥ 2-92-23 (15055)
ವೈಶಂಪಾಯನ ಉವಾಚ॥ 2-92-24x (1655)
ತದ್ವೈ ಶ್ರುತ್ವಾ ಭೀಮಸೇನೋಽತ್ಯಮರ್ಷೀ
ಭೃಶಂ ನಿಶಶ್ವಾಸ ತದಾಽರ್ತರೂಪಃ।
ರಾಜಾನುಗೋ ಧರ್ಮಪಾಶಾನುಬದ್ಧೋ
ದಹನ್ನಿವೈನಂ ಕ್ರೋಧಸಂರಕ್ತದೃಷ್ಟಿಃ॥ 2-92-24 (15056)
ಭೀಮ ಉವಾಚ॥ 2-92-25x (1656)
ನಾಹಂ ಕುಪ್ಯೇ ಸೂತಪುತ್ರಸ್ಯ ರಾಜ-
ನ್ನೇಷ ಸತ್ಯಂ ದಾಸಧರ್ಮಃ ಪ್ರದಿಷ್ಟಃ।
ಕಿಂ ವಿದ್ವಿಷೋ ವೈ ಮಾಮೇವಂ ವ್ಯಾಹರೇಯು-
ರ್ನಾದೇವೀಸ್ತ್ವಂ ಯದ್ಯನಯಾ ನರೇಂದ್ರ॥ 2-92-25 (15057)
ವೈಶಂಪಾಯನ ಉವಾಚ॥ 2-92-26x (1657)
ಭೀಮಸೇನವಚಃ ಶ್ರುತ್ವಾ ರಾಜಾ ದುರ್ಯೋಧನಸ್ತದಾ।
ಯುಧಿಷ್ಠಿರಮುವಾಚೇದಂ ತೂಷ್ಣೀಂಭೂತಮಚೇತನಂ॥ 2-92-26 (15058)
ಭೀಮಾರ್ಜುನೌ ಯಮೌ ಚೈವ ಸ್ಥಿತೌ ತೇ ನೃಪ ಶಾಸನೇ।
ಪ್ರಶ್ನಂ ಬ್ರೂಹಿ ಚ ಕೃಷ್ಣಾಂ ತ್ವಮಜಿತಾಂ ಯದಿ ಮನ್ಯಸೇ॥ 2-92-27 (15059)
ಏವಮುಕ್ತ್ವಾ ತು ಕೌನ್ಯೇಯಮಪೋಹ್ಯ ವಸನಂ ಸ್ವಕಂ।
ಸ್ಮಯನ್ನಿವೇಕ್ಷ್ಯ ಪಾಂಚಾಲೀಮೈಶ್ವರ್ಯಮದಮೋಹಿತಃ॥ 2-92-28 (15060)
ಕದಲೀದಂಡಸದೃಶಂ ಸರ್ವಲಕ್ಷಣಸಂಯುತಂ।
ಗಜಹಸ್ತಪ್ರತೀಕಾಶಂ ವಜ್ರಪ್ರತಿಮಗೌರವಂ॥ 2-92-29 (15061)
ಅಭ್ಯುತ್ಸ್ಮಯಿತ್ವಾ ರಾಧೇಯಂ ಭೀಮಮಾಧರ್ಷಯನ್ನಿವ।
ದ್ರೌಪದ್ಯಾಃ ಪ್ರೇಕ್ಷಮಾಣಾಯಾಃ ಸವ್ಯಮೂರುಮದರ್ಶಯತ್॥ 2-92-30 (15062)
ಭೀಮಸೇನಸ್ತಮಾಲೋಕ್ಯ ನೇತ್ರೇ ಉತ್ಫಾಲ್ಯ ಲೋಹಿತೇ।
ಪ್ರೋವಾಚ ರಾಜಮಧ್ಯೇ ತಂ ಸಭಾಂ ವಿಶ್ರಾವಯನ್ನಿವ॥ 2-92-31 (15063)
ಪಿತೃಭಿಃ ಸಹ ಸಾಲೋಕ್ಯಂ ಮಾ ಸ್ಮ ಗಚ್ಛೇದ್ವೃಕೋದರಃ।
ಯದ್ಯೇತಮೂರುಂ ಗದಯಾ ನ ಭಿಂದ್ಯಾಂ ತೇ ಮಹಾಹವೇ॥ 2-92-32 (15064)
ವೈಶಂಪಾಯನ ಉವಾಚ॥ 2-92-33x (1658)
ಕ್ರುದ್ಧಸ್ಯ ತಸ್ಯ ಸರ್ವೇಭ್ಯಃ ಸ್ರೋತೋಭ್ಯಃ ಪಾವಕಾರ್ಚಿಷಃ।
ವೃಕ್ಷಸ್ಯೇವ ವಿನಿಶ್ವೇರುಃ ಕೋಟರೇಭ್ಯಃ ಪ್ರದಹ್ಯತಃ॥ 2-92-33 (15065)
ವಿದುರ ಉವಾಚ॥ 2-92-34x (1659)
ಪರಂ ಭಯಂ ಪಶ್ಯತ ಭೀಮಸೇನಾ-
ತ್ತದ್ಬುಧ್ಯಧ್ವಂ ಪಾರ್ಥಿವಾಃ ಪ್ರಾತಿಪೇಯಾಃ।
ದೈವೇರಿತೋ ನೂನಮಯಂ ಪುರಸ್ತಾ-
ತ್ಪರೋಽನಯೋ ಭರತೇಷೂದಪಾದಿ॥ 2-92-34 (15066)
ಅತಿದ್ಯೂತಂ ಕೃತಮಿದಂ ಧಾರ್ತರಾಷ್ಟ್ರ
ಯಸ್ಮಾತ್ಸ್ತ್ರಿಯಂ ವಿವದಧ್ವಂ ಸಭಾಯಾಂ।
ಯೋಗಕ್ಷೇಮೌ ನಶ್ಯತೋ ವಃ ಸಮಗ್ರೌ
ಪಾಪಾನ್ಮಂತ್ರಾನ್ಕುರವೋ ಮಂತ್ರಯಂತಿ॥ 2-92-35 (15067)
ಇಮಂ ಧರ್ಮಂ ಕುರವೋ ಜಾನತಾಶು
ಧ್ವಸ್ತೇ ಧರ್ಮೇ ಪರಿಷತ್ಸಂಪ್ರದುಷ್ಯೇತ್।
ಇಮಾಂ ಚೇತ್ಪೂರ್ವಂ ಕಿತವೋಽಗ್ಲಹಿಷ್ಯ-
ದೀಶೋಽಭವಿಷ್ಯದಪರಾಜಿತಾತ್ಮಾ॥ 2-92-36 (15068)
ಸ್ವಪ್ನೇ ಯಥೈತದ್ವಿಜಿತಂ ಧನಂ ಸ್ಯಾ-
ದೇವಂ ಮನ್ಯೇ ಯಸ್ಯ ದೀವ್ಯತ್ಯನೀಶಃ।
ಗಾಂಧಾರರಾಜಸ್ಯ ವಚೋ ನಿಶಂಯ
ಧರ್ಮಾದಸ್ಮಾತ್ಕುರವೋ ಮಾಽಪಯಾತ॥ 2-92-37 (15069)
ದುರ್ಯೋಧನ ಉವಾಚ॥ 2-92-38x (1660)
ಭೀಮಸ್ಯ ವಾಕ್ಯೇ ತದ್ವದೇವಾರ್ಜುನಸ್ಯ
ಸ್ಥಿತೋಽಹಂ ವೈ ಯಮಯೋಶ್ಚೈವಮೇವ।
ಯುಧಿಷ್ಠಿರಂ ತೇ ಪ್ರವದಂತ್ವನೀಶ-
ಮಥೋ ದಾಸ್ಯಾನ್ಮೋಕ್ಷಸೇ ಯಾಜ್ಞಸೇನಿ॥ 2-92-38 (15070)
ಅರ್ಜುನ ಉವಾಚ॥ 2-92-39x (1661)
ಈಶೋ ರಾಜಾ ಪೂರ್ವಮಾಸೀದ್ಗ್ಲಹೇ ನಃ
ಕುಂತೀಸುತೋ ಧರ್ಮರಾಜೋ ಮಹಾತ್ಮಾ।
ಈಶಸ್ತ್ವಯಂ ಕಸ್ಯ ಪರಾಜಿತಾತ್ಮಾ
ತಜ್ಜಾನೀಧ್ವಂ ಕುರವಃ ಸರ್ವ ಏವ॥ 2-92-39 (15071)
`ಕರ್ಣ ಉವಾಚ॥ 2-92-40x (1662)
ದುಶ್ಶಾಸನ ನಿಬೋಧೇದಂ ವಚನಂ ವೈ ಪ್ರಭಾಷಿತಂ।
ಕಿಮನೇನ ಚಿರಂ ವೀರ ನಯಸ್ವ ದ್ರಪದಾತ್ಮಜಾಂ।
ದಾಸೀಭಾವೇನ ಭುಂಕ್ಷ್ವ ತ್ವಂ ಯಥೇಷ್ಟಂ ಕುರುನಂದನ॥ 2-92-40 (15072)
ವೈಶಂಪಾಯನ ಉವಾಚ॥ 2-92-41x (1663)
ತತೋ ಗಾಂಧಾರರಾಜಸ್ಯ ಪುತ್ರಃ ಶಕುನಿರಬ್ರವೀತ್।
ಸಾಧು ಕರ್ಣ ಮಹಾಬಾಹೋ ಯಥೇಷ್ಟಂ ಕ್ರಿಯತಾಮಿತಿ॥ 2-92-41 (15073)
ತತೋ ದುಶ್ಶಾಸನಸ್ತೂರ್ಣಂ ದ್ರುಪದಸ್ಯ ಸುತಾಂ ಬಲಾತ್।
ಪ್ರವೇಶಯಿತುಮಾರಬ್ಧಃ ಸ ಚಕರ್ಷ ದುರಾತ್ಮವಾನ್॥
ತತೋ ವಿಕ್ರೋಶತಿ ತದಾ ಪಾಂಚಾಲೀ ವರವರ್ಣಿನೀ॥ 2-92-42 (15074)
ದ್ರೌಪದ್ಯುವಾಚ। 2-92-44x (1664)
ಪರಿತ್ರಾಯಸ್ವ ಮಾಂ ಭೀಷ್ಣ ದ್ರೋಣ ದ್ರೌಣೇ ತಥಾ ಕೃಪ।
ಪರಿತ್ರಾಯಸ್ವ ವಿದುರ ಧರ್ಮಿಷ್ಠೋ ಧರ್ಮವತ್ಸಲ॥ 2-92-44 (15075)
ಧೃತರಾಷ್ಟ್ರ ಮಹಾರಾಜ ಪರಿತ್ರಾಯಸ್ವ ವೈ ಸ್ನುಷಾಂ।
ಗಾಂಧಾರಿ ತ್ವಂ ಮಹಾಭಾಗೇ ಸರ್ವಜ್ಞೇ ಸರ್ವದರ್ಶಿನಿ।
ಪಿರತ್ರಾಯಸ್ವ ಮಾಂ ಭೀರುಂ ಸುಯೋಧನಭಯಾರ್ದಿತಾಂ॥ 2-92-45 (15076)
ತ್ವಮಾರ್ಯೇ ವೀರಜನನಿ ಕಿಂ ಮಾಂ ಪಶ್ಯಸಿ ಯಾದವೀಂ।
ಕ್ಲಿಶ್ಯಮಾನಾಮನಾರ್ಯೇಣ ನ ತ್ರಾಯಸಿವ ವಧೂಂ ಸ್ವಕಾಂ॥ 2-92-46 (15077)
ಯದಿ ಲಾಲಪ್ಯಮಾನಾಂ ಮಾಂ ನ ಕಶ್ಚಿತ್ಕಿಂಚಿದಬ್ರವೀತ್।
ಹಾ ಹತಾಽಸ್ಮಿ ಸುಮಂದಾತ್ಮಾ ಸುಯೋಧನವಶಂ ಗತಾ॥ 2-92-47 (15078)
ನ ವೈ ಪಾಂಡುರ್ನರಪತಿರ್ನ ಧರ್ಮೋ ನ ಚ ದೇವರಾಟ್।
ನ ಚಾಯುರ್ನಾಶ್ವಿನೌ ವಾಽಪಿ ಪರಿತ್ರಾಯಂತಿ ವೈ ಸ್ನುಷಾಂ॥
ಧಿಕ್ಕಷ್ಟಂ ಯದಿ ಜೀವೇಯಂ ಮಂದಭಾಗ್ಯಾ ಪತಿವ್ರತಾ॥ 2-92-48 (15079)
ವಿದುರ ಉವಾಚ॥ 2-92-50x (1665)
ಶೃಣೋಮಿ ವಾಕ್ಯಂ ತವ ರಾಜಪುತ್ರಿ
ನೇಮೇ ಪಾರ್ಥಾಃ ಕಿಂಚಿದಪಿ ಬ್ರುವಂತಿ।
ಸಾ ತ್ವಂ ಪ್ರಿಯಾರ್ಥಂ ಶೃಣು ವಾಕ್ಯಮೇತ-
ದ್ಯದುಚ್ಯತೇ ಪಾಪಮತಿಃ ಕೃತಘ್ನಃ॥ 2-92-50 (15080)
ಸುಯೋಧನಃ ಸಾನುಚರಃ ಸುದುಷ್ಟಃ
ಸಹೈವ ರಾಜಾ ನಿಕೃತಃ ಸೂನುನಾ ಚ
ಯದ್ಯೇಷ ವಾಚಂ ಮಹದುಚ್ಯಮಾನಾಂ
ನ ಶ್ರೋಷ್ಯತೇ ಪಾಪಮತಿಃ ಸುದುಷ್ಟಃ॥ 2-92-51 (15081)
ವೈಶಂಪಾಯನ ಉವಾಚ॥ 2-92-52x (1666)
ಇತ್ಯೇವಮುಕ್ತ್ವಾ ದ್ರುಪದಸ್ಯ ಪುತ್ರೀಂ
ಕ್ಷತ್ತಾಽಬ್ರವೀದ್ಧೃತರಾಷ್ಟ್ರಸ್ಯ ಪುತ್ರಂ। 2-92-52 (15082)
ಮಾ ಕ್ಲಿಶ್ಯತಾಂ ವೈ ದ್ರುಪದಸ್ಯ ಪುತ್ರೀಂ
ಮಾ ತ್ವಂ ಚರೀಂ ದ್ರಕ್ಷ್ಯಸಿ ರಾಜಪುತ್ರ॥ 2-92-53 (15083)
ವಿದುರ ಉವಾಚ॥ 2-92-54x (1667)
ಯದ್ಯೇವಂ ತ್ವಂ ಮಹಾರಾಜ ಸಂಕ್ಲೇಶಯಸಿ ದ್ರೌಪದೀಂ।
ಅಚಿರೇಣೈವ ಕಾಲೇನ ಪುತ್ರಸ್ತೇ ಸಹ ಮಂತ್ರಿಭಿಃ।
ಗಮಿಷ್ಯತಿ ಕ್ಷಯಂ ಪಾಪಃ ಪಾಂಡವಕ್ಷಯಕಾರಣಾತ್॥ 2-92-54 (15084)
ಭೀಮಾರ್ಜುನಾಭ್ಯಾಂ ಕ್ರುದ್ಧಾಭ್ಯಾಂ ಮಾದ್ರೀಪುತ್ರದ್ವಯೇನ ಚ।
ತಸ್ಮಾನ್ನಿವಾರಯ ಸುತಂ ಮಾ ವಿನಾಶಂ ವಿಚಿಂತಯ॥ 2-92-55 (15085)
ವೈಶಂಪಾಯನ ಉವಾಚ॥ 2-92-56x (1668)
ಏತಚ್ಛುತ್ವಾ ಮಂದಬುದ್ಧಿರ್ನೋತ್ತರಂ ಕಿಂಚಿದಬ್ರವೀತ್।
ತತೋ ದುರ್ಯೋಧನಸ್ತತ್ರ ದೈವಮೋಹಬಲಾತ್ಕೃತಃ॥ 2-92-56 (15086)
ಅಚಿಂತ್ಯ ಕ್ಷತ್ತುರ್ವಚನಂ ಹರ್ಷೇಣಾಯತಲೋಚನಃ।
ಊರೂ ದರ್ಶಯತೇ ಪಾಪೋ ದ್ರೌಪದ್ಯಾ ವೈ ಮುಹುರ್ಮುಹುಃ॥ 2-92-57 (15087)
ಊರೌ ಸಂದರ್ಶ್ಯಮಾನೇ ತು ನಿರೀಕ್ಷ್ಯ ತು ಸುಯೋಧನಂ।
ವೃಕೋದರಸ್ತದಾಲೋಕ್ಯ ನೇತ್ರೇ ಚೋಲ್ಫಾಲ್ಯ ಲೋಹಿತೇ॥ 2-92-58 (15088)
ಏತತ್ಸಮೀಕ್ಷ್ಯಾತ್ಮನಿ ಚಾವಮಾನಂ
ನಿಯಂಯ ಮನ್ಯುಂ ಬಲನಾನ್ಸ ಮಾನೀ।
ರಾಜಾನುಜಃ ಸಂಸದಿ ಕೌರವಾಣಾಂ
ವಿನಿಷ್ಕ್ರಮನ್ವಾಕ್ಯಮುವಾಚ ಭೀಮಃ॥ 2-92-59 (15089)
ಅಹಂ ದುರ್ಯೋಧನಂ ಹಂತಾ ಕರ್ಣಂ ಹಂತಾ ಧನಂಜಯಃ।
ಶಕುನಿಂ ಚಾಕ್ಷಕಿತವಂ ಸಹದೇವೋ ಹನಿಷ್ಯತಿ॥ 2-92-60 (15090)
ಇದಂ ಚ ಭೂಯೋ ವಕ್ಷ್ಯಾಮಿ ಸಭಾಮಧ್ಯೇ ಬೃಹದ್ವಚಃ।
ಸತ್ಯಂ ದೇವಾಃ ಕರಿಷ್ಯಂತಿ ಯನ್ನೋ ಯುದ್ಧಂ ಭವಿಷ್ಯತಿ॥ 2-92-61 (15091)
ಸುಯೋಧನಮಿಮಂ ಪಾಪಂ ಹಂತಾಽಸ್ಮಿ ಗದಯಾ ಯುಧಿ।
ಶಿರಃ ಪಾದೇನ ಚಾಸ್ಯಾಹಮಧಿಷ್ಠಾಸ್ಯಾಮಿ ಭೂತಲೇ॥ 2-92-62 (15092)
ವಕ್ಷಃ ಶೂರಸ್ಯ ನಿರ್ವಾಸ್ಯ ಪರುಷಸ್ಯ ದುರಾತ್ಮನಃ।
ದುಶ್ಶಾಸನಸ್ಯ ರುಧಿರಂ ಪಾಸ್ಯಾಮಿ ಮೃಗರಾಡಿವ॥ 2-92-63 (15093)
ಅರ್ಜುನ ಉವಾಚ॥ 2-92-64x (1669)
ಭೀಮಸೇನ ನ ತೇ ಸಂತಿ ಯೇಷಾಂ ವೈರಂ ತ್ವಯಾ ಸಹ।
ನಂದಾ ಗೃಹೇಷು ನ ಬುದ್ಧ್ಯಂತೇ ಮಹದ್ಭಯಂ॥ 2-92-64 (15094)
ನೈವ ವಾಚಾ ವ್ಯವಸಿತಂ ಭೀಮ ವಿಜ್ಞಾಯತೇ ಸತಾಂ।
ಯದಿ ಸ್ಥಾಸ್ಯಂತಿ ಸಂಗ್ರಾಮೇ ಕ್ಷತ್ರಧರ್ಮೇಣ ವೈ ಸಹ॥ 2-92-65 (15095)
ದುರ್ಯೋಧನಸ್ಯ ಕರ್ಣಸ್ಯ ಶಕುನೇಶ್ಚ ದುರಾತ್ಮನಃ।
ದುಶ್ಶಾಸನಚತುರ್ಥಾನಾಂ ಭೂಮಿಃ ಪಾಸ್ಯತಿ ಶೋಣಿತಂ॥ 2-92-66 (15096)
ಅಸೂಯಿತಾರಂ ವಕ್ತಾರಂ ಪ್ರಹೃಷ್ಟಾನಾಂ ದುರಾತ್ಮನಾಂ।
ಭೀಮಸೇನ ನಿಯೋಗಾತ್ತೇ ಹಂತಾಽಹಂ ಕರ್ಣಮಾಹವೇ॥ 2-92-67 (15097)
ಕರ್ಣಂ ಕರ್ಣಾನುಗಾಂಶ್ಚೈವ ರಣೇ ಹಂತಾಽಸ್ಮಿ ಪತ್ರಿಭಿಃ।
ಯೇ ಚಾನ್ಯೇ ವಿಪ್ರಯೋತ್ಸ್ಯಂತಿ ಬುದ್ಧಿಮೋಹೇನ ಮಾಂ ನೃಪಾಃ।
ತಾನ್ಸ್ಮ ಸರ್ವಂಛಿತೈರ್ಬಾಣೈರ್ನೇತಾಽಸ್ಮಿ ಯಮಸಾದನಂ॥ 2-92-68 (15098)
ಚಲೇದ್ವಿ ಹಿಮವಾನ್ಸ್ಥಾನಾನ್ನಿಷ್ಪ್ರಭಃ ಸ್ಯಾದ್ದಿವಾಕರಃ।
ಶೈತ್ಯಂ ಸೋಮಾತ್ಪ್ರಣಶ್ಯೇತ ಮತ್ಸತ್ಯಂ ವಿಚಲೇದ್ಯದಿ॥ 2-92-69 (15099)
ವೈಶಂಪಾಯನ ಉವಾಚ॥ 2-92-70x (1670)
ಉತ್ಯುಕ್ತವತಿ ಪಾರ್ಥೇ ತು ಶ್ರೀಮಾನ್ಮಾದ್ರವತೀಸುತಃ।
ಪ್ರಗೃಹ್ಯ ವಿಪುಲಂ ಬಾಹುಂ ಸಹದೇವಃ ಪ್ರತಾಪವಾನ್॥ 2-92-70 (15100)
ಸೌಬಲಸ್ಯ ವಧಪ್ರೇಪ್ಸುರಿದಂ ವಚನಮಬ್ರವೀತ್।
ಕ್ರೋಧಸಂರಕ್ತನಯನೋ ನಿಶ್ವಸ್ಯ ಚ ಮುಹುರ್ಮುಹುಃ॥ 2-92-71 (15101)
ಸಹದೇವ ಉವಾಚ॥ 2-92-72x (1671)
ಯಾನಕ್ಷಾನ್ಮನ್ಯಸೇ ಮೂಢ ಗಾಂಧಾರಾಣಾಂ ಯಶೋಹರ।
ನೈತೇ ಹ್ಯಕ್ಷಾಃ ಶಿತಾ ವಾಣಾಸ್ತ್ವಯೈತೇ ಸಮರೇ ಧೃತಾಃ॥ 2-92-72 (15102)
ಯಥಾ ಚೈವೋಕ್ತವಾನ್ಭೀಮಸ್ತ್ವಾಮುದ್ದಿಶ್ಯ ಸಬಾಂಧವಂ।
ಕರ್ತಾಽಹಂ ಕರ್ಮಣಾ ಚಾಸ್ಯ ಕುರುಕಾರ್ಯಾಣಿ ಸರ್ವಶಃ।
ಯದಿ ಸ್ಥಸ್ಯಾಸಿ ಸಂಗ್ರಾಮೇ ಕ್ಷತ್ರಧರ್ಮೇಣ ಸೌಬಲ॥ 2-92-73 (15103)
ವೈಶಂಪಾಯನ ಉವಾಚ॥ 2-92-74x (1672)
ಸಹದೇವವಚಃ ಶ್ರುತ್ವಾ ನಕುಲೋಽಪಿ ವಿಶಾಂಪತೇ।
ದರ್ಶನೀಯತಮೋ ನೄಣಾಮಿದಂ ವಚನಮಬ್ರವೀತ್॥ 2-92-74 (15104)
ನಕುಲ ಉವಾಚ॥ 2-92-75x (1673)
ಸುತೇಯಂ ಯಜ್ಞಸೇನಸ್ಯ ದ್ಯೂತೇಽಸ್ಮಿಂಧೃತರಾಷ್ಟ್ರಜೈಃ।
ಯೈರ್ವಾಚಃ ಶ್ರಾವಿತಾ ರೂಕ್ಷಾ ಧೂರ್ತೈರ್ದುರ್ಯೋಧನಪ್ರಿಯೈಃ॥ 2-92-75 (15105)
ಧಾರ್ತರಾಷ್ಟ್ರಾನ್ಸುದುರ್ವೃತ್ತಾನ್ಮುಮೂರ್ಷೂನ್ಕಾಲಚೋದಿತಾನ್।
ದರ್ಶಯಿಷ್ಯಾಮಿ ಭೂಯಿಷ್ಠಮಹಂ ವೈವಸ್ವತಕ್ಷಯಂ॥ 2-92-76 (15106)
ಉಲೂಕಂ ಚ ದುರಾತ್ಮಾನಂ ಸೌಬಲಸ್ಯ ಪ್ರಿಯಂ ಸುತಂ।
ಹಂತಾಽಹಮಸ್ಮಿ ಸಮರೇ ಮಮ ಶತ್ರುಂ ನರಾಧಮಂ॥ 2-92-77 (15107)
ನಿದೇಶಾದ್ಧರ್ಮರಾಜಸ್ಯ ದ್ರೌಪದ್ಯಾಃ ಪದವೀಂ ಚರನ್।
ನರ್ಧಾರ್ತರಾಷ್ಟಾಂ ಪೃಥಿವೀಂ ಕರ್ತಾಸ್ಮಿ ನಚಿರಾದಿವಾ॥ 2-92-78 (15108)
ದ್ರೌಪದ್ಯುವಾಚ॥ 2-92-79x (1674)
ಯಸ್ಮಾಚ್ಚೋರುಂ ದರ್ಶಯಸೇ ಯಸ್ಮಾಚ್ಚೋರುಂ ನಿರೀಕ್ಷಸೇ।
ತಸ್ಮಾತ್ತವ ಹ್ಯಧರ್ಮಿಷ್ಠ ಊರೌ ಮೃತ್ಯುರ್ಭವಿಷ್ಯತಿ॥ 2-92-79 (15109)
ಯಸ್ಮಾಚ್ಚೈವಂ ಕ್ಲೇಶಯತಿ ಭ್ರಾತಾ ತೇ ಮಾಂ ದುರಾತ್ಮವಾನ್।
ತಸ್ಮಾದುಧಿರಮೇವಾಸ್ಯ ಪಾಸ್ಯತೇ ವೈ ವೃಕೋದರಃ॥ 2-92-80 (15110)
ಇಮಂ ಚ ಪಾಪಿಷ್ಠಮತಿಂ ಕರ್ಣಂ ಸಮುತಬಾಂಧವಂ।
ಸಾಮಾತ್ಯಂ ಸಪರೀವಾರಂ ಹನಿಷ್ಯತಿ ಧನಂಜಯಃ॥ 2-92-81 (15111)
ಕ್ಷುದ್ರಧರ್ಮಂ ನೈಕೃತಿಕಂ ಶಕುನಿಂ ಪಾಪಚೇತಸಂ।
ಸಹದೇವೋ ರಣೇ ಕ್ರುದ್ಧೋ ಹನಿಷ್ಯತಿ ಸಬಾಂಧವಂ॥ 2-92-82 (15112)
ವೈಶಂಪಾಯನ ಉವಾಚ॥ 2-92-83x (1675)
ಏವಮುಕ್ತೇ ತು ವಚನೇ ದ್ರೌಪದ್ಯಾ ಧರ್ಮಶೀಲಯಾ।
ತತೋಽಂತರಿಕ್ಷಾತ್ಸುಮಹತ್ಪುಷ್ಪವರ್ಷಮವಾಪತತಂ॥ 2-92-83 (15113)
ತೇಷಾಂ ತು ವಚನಂ ಶ್ರುತ್ವಾ ನೋಚುಸ್ತತ್ರ ಸಭಾಸದಃ।
ಅರ್ಜುನಸ್ಯ ಭಯಾದ್ರಾಜನ್ನಭೂನ್ನಿಶ್ಶಬ್ದಮತ್ರ ವೈ॥ ॥ 2-92-84 (15114)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದ್ಯೂತಪರ್ವಣಿ ದ್ವಿನವತಿತಮೋಽಧ್ಯಾಯಃ॥92 ॥
Mahabharata - Sabha Parva - Chapter Footnotes
2-92-13 ದ್ರೌಪದೀಪಣನಾತ್ ಪ್ರಾಗಿತಿ ಶೇಷಃ। ಅತೋ ದ್ರೌಪದೀ ನ ದಾಸಭಾವಮಾಪನ್ನೇತಿ ಭಾವಃ॥ 2-92-16 ಪಶ್ಯಸಿತಃ ಪಾಶಬದ್ಧಃ॥ 2-92-33 ಸ್ರೋತೋಭ್ಯಃ ರೋಮಕೂಪೇಭ್ಯಃ॥ಸಭಾಪರ್ವ - ಅಧ್ಯಾಯ 093
॥ ಶ್ರೀಃ ॥
2.93. ಅಧ್ಯಾಯಃ 093
Mahabharata - Sabha Parva - Chapter Topics
ಕುಪ್ಯತೋಽರ್ಜುನಸ್ಯ ಯುಧಿಷ್ಠಿರೇಣ ಪರಿಸಾಂತ್ವನಂ॥ 1॥ ಧೃತರಾಷ್ಟ್ರೇಣ ವರಂ ವರಯೇತಿ ದ್ರೌಪದೀಂಪ್ರತಿ ಚೋದನಂ॥ 2॥ ತತ್ಪ್ರಾರ್ಥನಯಾ ಧೃತರಾಷ್ಟ್ರೇಣ ಯುಧಿಷ್ಠಿರಾದೀನಾಮದಾಸತ್ವವರದಾನಂ॥ 3॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ದ್ರೌಪದ್ಯಾ ವಚನಂ ಶ್ರುತ್ವಾ ಚುಕೋಪಾಥ ಧನಂಜಯಃ।
ಸ ತದಾ ಕ್ರೋಧತಾಂರಾಕ್ಷ ಇದಂ ವಚನಮಬ್ರವೀತ್॥ 2-93-1 (15115)
ಅಯಂ ತು ಮಾಂ ವಾರಯತೇ ಧರ್ಮರಾಜೋ ಯುಧಿಷ್ಠಿರಃ।
ಇತ್ಯುಕ್ತ್ವಾ ಕ್ರೋಧತಾಂರಾಕ್ಷೋ ಧನುರಾದಾಯ ವೀರ್ಯವಾನ್॥ 2-93-2 (15116)
ಸವ್ಯಸಾಚೀ ಸಮುತ್ಪತ್ಯ ತಾಂಛತ್ರೂನ್ಸಮುದೈಕ್ಷತ।
ಉದ್ಯತಂ ಫಲ್ಗುನಂ ತತ್ರ ದದೃಶುಃ ಸರ್ವಪಾರ್ಥಿವಾಃ॥ 2-93-3 (15117)
ಯುಗಾಂತೇ ಸರ್ವಲೋಕಾಂಸ್ತು ದಹಂತಮಿವ ಪಾವಕಂ।
ವೀಕ್ಷಮಾಣಂ ಧನುಷ್ಪಾಮಿಂ ಹಂತುಕಾಮಂ ಮುಹುರ್ಮುಹುಃ॥ 2-93-4 (15118)
ಹಂತುಕಾಮಂ ಪಶೂನ್ಕ್ರುದ್ಧಂ ರುದ್ರಂ ದಕ್ಷಕ್ರತೌ ಯಥಾ।
ತಥಾಭೂತಂ ನರಂ ದೃಷ್ಟ್ವಾ ವಿಷೇದುಸ್ತತ್ರ ಮಾನವಾಃ॥ 2-93-5 (15119)
ಧನಂಜಯಸ್ಯವ ವೀರ್ಯಜ್ಞಾ ನಿರಾಶಾ ಜೀವಿತೇ ತದಾ।
ಮೃತಭೂತಾ ಭವನ್ಸರ್ವೇ ನೇತ್ರೈರನಿಮಿಷೈರಿವ॥ 2-93-6 (15120)
ಅರ್ಜುನಂ ಧರ್ಮಪುತ್ರಂ ಚ ಸಮುದೈಕ್ಷಂತ ಪಾರ್ಥಿವಾಃ।
ಕ್ರುದ್ಧಂ ತದಾಽರ್ಜುನಂ ದೃಷ್ಟ್ವಾ ಪೃಥಿವೀ ಚ ಚಚಾಲ ಹ॥ 2-93-7 (15121)
ಖೇಚರಾಣಿ ಚ ಭೂತಾನಿ ವಿತ್ರೇಸುರ್ವೈ ಭಯಾರ್ದಿತಾಃ।
ನಾದಿತ್ಯೋ ವಿರರಾಜಾಥ ನಾಪಿ ವಾಂತಿ ಚ ಮಾರುತಾಃ। 2-93-8 (15122)
ನ ಚಂದ್ರೋ ನ ಚ ನಕ್ಷತ್ರಂ ದ್ಯೌರ್ದಿಶೋನ ನ ವಿಭಾಂತಿ ಹ।
ಸರ್ವಮಾವಿದ್ಧಮಭವಜ್ಜಗತ್ಸ್ಥಾವರಜಂಗಮಂ॥ 2-93-9 (15123)
ಉತ್ಪತನ್ಸ ವಭೌ ಪಾರ್ತೋ ದಿವಾಕರ ಇವಾಂಬರೇ। 2-93-10 (15124)
ಪಾರ್ಥಂ ದೃಷ್ಟ್ವಾ ಕ್ರುದ್ಧಂ ಕಾಲಾಂತಕಯಮೋಪಮಂ।
ಭೀಮಸೇನೋ ಮುದಾ ಯುಕ್ತೋ ಯುದ್ಧಾಯೈವ ಮನೋ ದಧೇ॥ 2-93-11 (15125)
ಪಾಂಚಾಲೀ ಚ ದದರ್ಶಾಥ ಸುಸಂಕ್ರುದ್ಧಂ ಧನಂಜಯಂ।
ಹಂತುಕಾಮಂ ರಿಪೂನ್ಮರ್ವಾನ್ಸುಪರ್ಣಮಿವ ಪನ್ನಗಾನ್॥ 2-93-12 (15126)
ದುಷ್ಪ್ರೇಕ್ಷಃ ಸೋಽಭವತ್ಕ್ರುದ್ಧೋ ಯುಗಾಂತಾಗ್ನಿರಿವ ಜ್ವಲನ್।
ತಂ ದೃಷ್ಟ್ವಾ ತೇಜಸಾ ಯುಕ್ತಂ ವಿವ್ಯಧುಃ ಪುರವಾಸಿನಃ॥ 2-93-13 (15127)
ಉತ್ಪತಂತಂ ತು ವೇಗೇನ ತತೋ ದೃಷ್ಟ್ವಾ ಧನಂಜಯಂ।
ಜಗ್ರಾಹ ಸ ತದಾ ರಾಜಾ ಪುರುಹೂತೋ ಯಥಾ ಹರಿಂ॥ 2-93-14 (15128)
ಉವಾಚ ಸ ಘೃಣೀ ಜ್ಯೇಷ್ಠೋ ಧರ್ಮರಾಜೋ ಯುಧಿಷ್ಠಿರಃ।
ಮಾ ಪಾರ್ಥ ಸಾಹಸಂ ಕಾರ್ಷೀರ್ಮಾ ವಿನಾಶಂ ಗಮೇದ್ಯಶಃ॥ 2-93-15 (15129)
ಅಹಮೇತಾನ್ಪಾಪಕೃತೋ ದ್ಯೂತಜ್ಞಾಂದಗ್ಧುಮುತ್ಸಹೇ।
ಕಂತ್ತ್ವಸತ್ಯಗತಿಂ ದೃಷ್ಟ್ವಾ ಕ್ರೋಧೋ ನಾಶಮುಪೈತಿ ಮೇ॥ 2-93-16 (15130)
ತ್ವಮಿಮಂ ಜಗತೋಽರ್ಥೇ ವೈ ಕೋಪಂ ಸಂಯಚ್ಛ ಪಾಂಡವ॥ 2-93-17 (15131)
ವೈಶಂಪಾಯನ ಉವಾಚ॥ 2-93-18x (1676)
ಏವಮುಕ್ತಸ್ತದಾ ರಾಜ್ಞಾ ಪಾಂಡವೋಽಥ ಧನಂಜಯಃ।
ಕ್ರೋಧಂ ಸಂಶಮಯನ್ಪಾರ್ಥೋ ಧಾರ್ತರಾಷ್ಟ್ರಂ ಪ್ರತಿ ಸ್ಥಿತಃ॥ 2-93-18 (15132)
ತಸ್ಮಿನ್ವೀರೇ ಪ್ರಶಾಂತೇ ತು ಪಾಂಡವೇ ಫಲ್ಗುನೇ ಪುನಃ।
ಸುಸಂಪ್ರಹೃಷ್ಟಮಭವಜ್ಜಗತ್ಸ್ಥಾವರಜಂಗಮಂ॥ 2-93-19 (15133)
ವಾರಿತಂ ಚ ತಥಾ ದೃಷ್ಟ್ವಾ ಭ್ರಾತ್ರಾ ಪಾರ್ಥಂ ವೃಕೋದರಃ।
ಬಭೂವ ವಿಮನಾ ರಾಜನ್ನಭೂನ್ನಿಶ್ಶಬ್ದಮತ್ರ ವೈ॥ 2-93-20 (15134)
ತತೋ ರಾಜ್ಞೋ ಧೃತರಾಷ್ಟ್ರಸ್ಯ ಗೇಹೇ
ಗೋಮಾಯುರುಚ್ಚೈರ್ವ್ಯಾಹರದಗ್ನಿಹೋತ್ರೇ।
ತಂ ರಾಸಭಾಃ ಪ್ರತ್ಯಭಾಷಂತ ರಾಜ-
ನ್ಸಮಂತತಃ ಪಕ್ಷಿಣಶ್ಚೈವ ರೌದ್ರಾಃ॥ 2-93-21 (15135)
ತಂ ವೈ ಶಬ್ದಂ ವಿದುರಸ್ತತ್ತ್ವವೇದೀ
ಶುಶ್ರಾವ ಘೋರಂ ಸುಬಲಾತ್ಮಜಾ ಚ।
ಭೀಷ್ಮೋ ದ್ರೋಣೋ ಗೌತಮಶ್ಚಾಪಿ ವಿದ್ವಾನ್
ಸ್ವಸ್ತಿಸ್ವಸ್ತೀತ್ಯಪಿ ಚೈವಾಹುರುಚ್ಚೈಃ॥ 2-93-22 (15136)
ತತೋ ಗಾಂಧಾರೀ ವಿದುರಶ್ಚಾಪಿ ವಿದ್ವಾಂ-
ಸ್ತಮುತ್ಪಾತಂ ಘೋರಮಾಲಕ್ಷ್ಯ ರಾಜ್ಞೇ।
ನಿವೇದಯಾಮಾಸತುರಾರ್ತವತ್ತದಾ
ತತೋ ರಾಜಾ ವಾಕ್ಯಮಿದಂ ಬಭಾಷೇ॥ 2-93-23 (15137)
ಧೃತರಾಷ್ಟ್ರ ಉವಾಚ॥ 2-93-24x (1677)
ಹತೋಽಸಿ ದುರ್ಯೋಧನ ಮಂದಬುದ್ಧೇ
ಯಸ್ತ್ವಂ ಸಭಾಯಾಂ ಕುರುಪುಂಗವಾನಾಂ।
ಸ್ತ್ರಿಯಂ ಸಮಾಭಾಷಸಿ ದುರ್ವಿನೀತ
ವಿಶೇಷತೋ ದ್ರೌಪದೀಂ ಧರ್ಮಪತ್ನೀಂ॥ 2-93-24 (15138)
ವೈಶಂಪಾಯನ ಉವಾಚ॥ 2-93-25x (1678)
ಏವಮುಕ್ತ್ವಾ ಧೃತರಾಷ್ಟ್ರೋ ಮನೀಷೀ
ಹಿತಾನ್ವೇಷೀ ಬಾಂಧವಾನಾಮಪಾಯಾತ್।
ಕೃಷ್ಣಾಂ ಪಾಂಚಾಲೀಮಬ್ರವೀತ್ಸಾಂತ್ವಪೂರ್ವಂ 2-93-25 (15139)
ವಿಮೃಶ್ಯೈತತ್ಪ್ರಜ್ಞಯಾ ತತ್ತ್ವಬುದ್ಧಿಃ॥ 2-93-26 (15140)
ಧೃತರಾಷ್ಟ ಉವಾಚ॥
ವರಂ ವೃಣೀಷ್ವ ಪಾಂಚಾಲಿ ಮತ್ತೋ ಯದಭಿವಾಂಛಸಿ। 2-93-26x (1679)
ವಧೂನಾಂ ಹಿ ವಿಶಿಷ್ಟಾ ಮೇ ತ್ವಂ ಧರ್ಮಪರಮಾ ಸತೀ॥ 2-93-27 (15141)
ದ್ರೌಪದ್ಯುವಾಚ॥ 2-93-27x (1680)
ದದಾಸಿ ಚೇದ್ವರಂ ಮಹ್ಯಂವೃಣೋಮಿ ಭರತರ್ಷಭ।
ಸರ್ವಧರ್ಮಾನುಗಃ ಶ್ರೀಮಾನದಾಸೋಽಸ್ತು ಯುಧಿಷ್ಠಿರಃ॥ 2-93-27 (15142)
ಮನಸ್ವಿನಮಜಾನಂತೋ ಮೈವಂ ಬ್ರೂಯುಃ ಕುಮಾರಕಾಃ।
ಏತಂ ವೈ ದಾಸಪುತ್ರೇತಿ ಪ್ರತಿವಿಂಧ್ಯಂ ಮಮಾತ್ಮಜಂ॥ 2-93-28 (15143)
ರಾಜಪುತ್ರಃ ಪುರಾ ಭೂತ್ವಾ ಯಥಾ ನಾನ್ಯಃ ಪುಮಾನ್ಕ್ವಚಿತ್।
ಲಾಲಿತೋ ದಾಸಪುತ್ರತ್ವಂ ಪಶ್ಯನ್ನಶ್ಯೇದ್ಧಿ ಭಾರತ॥ 2-93-29 (15144)
ಧೃತರಾಷ್ಟ್ರ ಉವಾಚ॥ 2-93-30x (1681)
ಏವಂ ಭವತು ಕಲ್ಯಾಣಿ ಯಥಾ ತ್ವಮಭಿಭಾಷಸೇ।
ದ್ವಿತೀಯಂ ತೇ ವರಂ ಭದ್ರೇ ದದಾನಿ ವರಯಸ್ವ ಹ।
ಮನೋ ಹಿ ಮೇ ವಿತರತಿ ನೈಕಂ ತ್ವಂ ವರಮರ್ಹಸಿ॥ 2-93-30 (15145)
ದ್ರೌಪದ್ಯುವಾಚ॥ 2-93-31x (1682)
ಸರಥೌ ಸಘನುಷ್ಕೌ ನ ಭೀಮಸೇನಧನಂಜಯೌ।
ಯಮೌ ಚ ವರಯೇ ರಾಜನ್ನದಾಸಾನ್ಸ್ವವಶಾನಹಂ॥ 2-93-31 (15146)
ಧೃತರಾಷ್ಟ್ರ ಉವಾಚ॥ 2-93-32x (1683)
ತಥಾಽಸ್ತು ತೇ ಮಹಾಭಾಗೇ ಯಥಾ ತ್ವಂ ನಂದಿನೀಚ್ಛಸಿ।
ತೃತೀಯಂ ವರಯಾಸ್ಮತ್ತೋ ನಾಸಿ ದ್ವಾಭ್ಯಾಂ ಸುಸಂಸ್ಕೃತಾ। 2-93-32 (15147)
ತ್ವಂ ಹಿ ಸರ್ವಸ್ನುಷಾಣಾಂ ಮೇ ಶ್ರೇಯಸೀ ಧರ್ಮಚಾರಿಣೀ ॥ 2-93-33 (15148)
ದ್ರೌಪದ್ಯುವಾಚ। 2-93-33x (1684)
ಲೋಭೋ ಧರ್ಮಸ್ಯ ನಾಶಾಯ ಭಗವನ್ನಾಹಮುತ್ಸಹೇ।
ಅನರ್ಹಾ ವರಮಾದಾತುಂ ತೃತೀಯಂ ರಾಜಸತ್ತಮ॥ 2-93-33 (15149)
ಏಕಾಮಾಹುರ್ವೈಶ್ಯವರಂ ದ್ವೌ ತು ಕ್ಷತ್ರಸ್ತ್ರಿಯೋ ವರೌ।
ತ್ರಯಸ್ತು ರಾಜ್ಞೋ ರಾಜೇಂದ್ರ ಬ್ರಾಹ್ಮಣಸ್ಯ ಶತಂ ವರಾಃ॥ 2-93-34 (15150)
ಪಾಪೀಯಾಂಸ ಇಮೇ ಭೂತ್ವಾ ಸಂತೀರ್ಣಾಃ ಪತಯೋ ಮಮ।
ವೇತ್ಸ್ಯಂತಿ ಚೈವ ಭದ್ರಾಣಿ ರಾಜನ್ಪುಣ್ಯೇನ ಕರ್ಮಣಾ॥ ॥ 2-93-35 (15151)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದ್ಯೂತಪರ್ವಣಿ ತ್ರಿನವತಿತಮೋಽಧ್ಯಾಯಃ॥93 ॥
Mahabharata - Sabha Parva - Chapter Footnotes
2-93-21 ಅಗ್ನಿಹೋತ್ರೇ ಗೃಹ್ಯಾಗ್ನಿಸಮೀಪೇ॥ಸಭಾಪರ್ವ - ಅಧ್ಯಾಯ 094
॥ ಶ್ರೀಃ ॥
2.94. ಅಧ್ಯಾಯಃ 094
Mahabharata - Sabha Parva - Chapter Topics
ಕರ್ಣಪ್ರಲಪಿತಂ॥ 1॥ ಕ್ರುದ್ಧಂ ಭೀಮಂ ನಿವಾರ್ಯ ಯುಧಿಷ್ಠಿರಸ್ಯ ಧೃತರಾಷ್ಟ್ರಸಮೀಪಗಮನಂ॥ 2॥Mahabharata - Sabha Parva - Chapter Text
ಕರ್ಣ ಉವಾಚ॥
ಯಾ ನಃ ಶ್ರುತಾ ಮನುಷ್ಯೇಷು ಸ್ತ್ರಿಯೋ ರೂಪೇಣ ಸಂಮತಾಃ।
ತಾಸಾಮೇತಾದೃಶಂ ಕರ್ಮ ನ ಕಸ್ಯಾಶ್ಚನ ಶುಶ್ರುಮ॥ 2-94-1 (15152)
ಕ್ರೋಧಾವಿಷ್ಟೇಷು ಪಾರ್ಥೇಷು ಧಾರ್ತರಾಷ್ಟ್ರೇಷು ಚಾಪ್ಯತಿ।
ದ್ರೌಪದೀ ಪಾಂಡುಪುತ್ರಾಣಾಂ ಕೃಷ್ಣಾ ಶಾಂತಿರಿಹಾಭವತ್॥ 2-94-2 (15153)
ಅಪ್ಲವೇಽಂಭಸಿ ಮಗ್ನಾನಾಮಪ್ರತಿಷ್ಠೇ ನಿಮಜ್ಜತಾಂ।
ಪಾಂಚಾಲೀ ಪಾಂಡುಪುತ್ರಾಣಾಂ ನೌರೇಷಾಂ ಪಾರಗಾಽಭವತ್॥ 2-94-3 (15154)
ವೈಶಂಪಾಯನ ಉವಾಚ॥ 2-94-4x (1685)
ತದ್ವೈ ಶ್ರುತ್ವಾ ಭೀಮಸೇನಃ ಕುರುಮಧ್ಯೇಽತ್ಯಮರ್ಷಣಃ।
ಸ್ತ್ರೀ ಗತಿಃ ಪಾಂಡುಪುತ್ರಾಣಾಮಿತ್ಯುವಾಚ ಸುದುರ್ಮನಾಃ॥ 2-94-4 (15155)
ಭೀಮ ಉವಾಚ॥ 2-94-5x (1686)
ತ್ರೀಣಿ ಜ್ಯೋತೀಂಷಿ ಪುರುಷ ಇತಿ ವೈ ದೇವಲೋಽಬ್ರವೀತ್।
ಅಪತ್ಯಂ ಕರ್ಮ ವಿದ್ಯಾ ಚ ಯತಃ ಸೃಷ್ಟಾಃ ಪ್ರಜಾಸ್ತತಃ॥ 2-94-5 (15156)
ಅಮೇಧ್ಯೇ ವೈ ಗತಪ್ರಾಮೇ ಶೂನ್ಯೇ ಜ್ಞಾತಿಭಿರುಜ್ಝಿತೇ।
ದೇಹೇ ತ್ರಿತಯಮೇವೈತತ್ಪುರುಷಸ್ಯೋಪಯುಜ್ಯತೇ॥ 2-94-6 (15157)
ತನ್ನೋ ಜ್ಯೋತಿರಭಿಹತಂ ದಾರಾಣಾಮಭಿಮರ್ಶನಾತ್।
ಧನಂಜಯ ಕಥಂ ಸ್ವಿತ್ಸ್ಯಾದಪತ್ಯಮಭಿಮೃಷ್ಟಜಂ॥ 2-94-7 (15158)
ಅರ್ಜುನ ಉವಾಚ॥ 2-94-8x (1687)
ನ ಚೈವೋಕ್ತಾ ನ ಚಾನುಕ್ತಾ ಹೀನತಃ ಪರುಷಾ ಗಿರಃ।
ಭಾರತ ಪ್ರತಿಜಲ್ಪಂತಿ ಸದಾ ತೂತ್ತಮಪೂರುಷಾಃ॥ 2-94-8 (15159)
ಸ್ಮರಂತಿ ಸುಕೃತಾನ್ಯೇವ ನ ವೈರಾಣಿ ಕೃತಾನ್ಯಪಿ।
ಸಂತಃ ಪ್ರತಿವಿಜಾನಂತೋ ಲಬ್ಧಸಂಭಾವನಾಃ ಸ್ವಯಂ॥ 2-94-9 (15160)
ಭೀಮ ಉವಾಚ॥ 2-94-10x (1688)
ಇಹೈವೈತಾನಹಂ ಸರ್ವಾನ್ಹನ್ಮಿ ಶತ್ರೂನ್ಸಮಾಗತಾನ್।
ಅಥ ನಿಷ್ಕ್ರಂಯ ರಾಜೇಂದ್ರ ಸಮೂಲಾನ್ಹನ್ಮಿ ಭಾರತ॥ 2-94-10 (15161)
ಕಿಂ ನೋ ವಿವದಿತೇನೇಹ ಕಿಮುಕ್ತೇನ ಚ ಭಾರತ।
ಅದ್ಯೈವೈತಾನ್ನಿಹನ್ಮೀಹ ಪ್ರಶಾಧಿ ಪೃಥಿವೀಮಿಮಾಂ॥ 2-94-11 (15162)
ಇತ್ಯುಕ್ತ್ವಾ ಭೀಮಸೇನಸ್ತು ಕನಿಷ್ಠೈರ್ಭ್ರಾತೃಭಿಃ ಸಹ।
ಮೃಗಮಧ್ಯೇ ಯಥಾ ಸಿಂಹೋ ಮುಹುರ್ಮುಹುರುದೈಕ್ಷತ॥ 2-94-12 (15163)
ಸಾಂತ್ವ್ಯಮಾನೋ ವೀಕ್ಷಮಾಣಃ ಪಾರ್ಥೇನಾಕ್ಲಿಷ್ಟಕರ್ಮಣಾ।
ಖಿದ್ಯತ್ಯೇವ ಮಹಾಬಾಹುರಂತರ್ದಾಹೇನ ವೀರ್ಯವಾನ್॥ 2-94-13 (15164)
ಕ್ರುದ್ಧಸ್ಯ ತಸ್ಯ ಸ್ರೋತೋಭ್ಯಃ ಕರ್ಣಾದಿಭ್ಯೋ ನರಾಧಿಪ।
ಸಧೂಮಃ ಸಸ್ಫುಲಿಂಗಾರ್ಚಿಃ ಪಾವಕಃ ಸಮಜಾಯತ॥ 2-94-14 (15165)
ಭ್ರುಕುಟೀಕೃತದುಷ್ಪ್ರೇಕ್ಷ್ಯಮಭವತ್ತಸ್ಯ ತನ್ಮುಖಂ।
ಯುಗಾಂತಕಾಲೇ ಸಂಪ್ರಾಪ್ತೇ ಕೃತಾಂತಸ್ಯೇವ ರೂಪಿಣಃ॥ 2-94-15 (15166)
ಯುಧಿಷ್ಠಿರಸ್ತಮಾವಾರ್ಯ ಬಾಹುನಾ ಬಾಹುಶಾಲಿನಂ।
ಮೈವಮಿತ್ಯಬ್ರವೀಚ್ಚೈನಂ ಜೋಷಮಾಸ್ವೇತಿ ಭಾರತ॥ 2-94-16 (15167)
ನಿವಾರ್ಯ ಚ ಮಹಾಬಾಹುಂ ಕೋಪಸಂರಕ್ತಲೋಚನಂ।
ಪಿತರಂ ಸಮುಪಾತಿಷ್ಠದ್ಧೃತರಾಷ್ಟ್ರಂ ಕೃತಾಂಜಲಿಃ॥ ॥ 2-94-17 (15168)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದ್ಯೂತಪರ್ವಣಿ ಚತುರ್ನವತಿತಮೋಽಧ್ಯಾಯಃ॥94 ॥
Mahabharata - Sabha Parva - Chapter Footnotes
2-94-16 ಜೋಷಂ ತೂಷ್ಣೀಂ॥ಸಭಾಪರ್ವ - ಅಧ್ಯಾಯ 095
॥ ಶ್ರೀಃ ॥
2.95. ಅಧ್ಯಾಯಃ 095
Mahabharata - Sabha Parva - Chapter Topics
ಧೃತರಾಷ್ಟ್ರಾನುಜ್ಞಯಾ ಸಭ್ರಾತೃಕಸ್ಯ ಯುಧಿಷ್ಠಿರಸ್ಯ ಇಂದ್ರಪ್ರಸ್ಥಗಮನಂ॥ 1॥Mahabharata - Sabha Parva - Chapter Text
ಯುಧಿಷ್ಠರ ಉವಾಚ॥
ರಾಜನ್ಕಿಂ ಕರವಾಮಸ್ತೇ ಪ್ರಶಾಧ್ಯಸ್ಮಾಂಸ್ತ್ವಮೀಶ್ವರಃ।
ನಿತ್ಯಂ ಹಿ ಸ್ಥಾತುಮಿಚ್ಛಾಮಸ್ತವ ಭಾರತ ಶಾಸನೇ॥ 2-95-1 (15169)
ಧೃತರಾಷ್ಟ್ರ ಉವಾಚ॥ 2-95-2x (1689)
ಅಜಾತಶತ್ರೋ ಭದ್ರಂ ತೇ ಅರಿಷ್ಟಂ ಸ್ವಸ್ತಿ ಗಚ್ಛತ।
ಅನುಜ್ಞಾತಾಃ ಸಹಧನಾಃ ಸ್ವರಾಜ್ಯಮನುಶಾಸತ॥ 2-95-2 (15170)
ಇದಂ ಚೈವಾವಬೋದ್ಧವ್ಯಂ ವೃದ್ಧಸ್ಯ ಮಮ ಶಾಸನಂ।
ಮಯಾ ನಿಗದಿತಂ ಸರ್ವಂ ಪಥ್ಯಂ ನಿಃಶ್ರೇಯಸಂ ಪರಂ॥ 2-95-3 (15171)
ವೇತ್ಥ ತ್ವಂ ತಾತ ಧರ್ಮಾಣಾಂ ಗತಿಂ ಸೂಕ್ಷ್ಮಾಂ ಯುಧಿಷ್ಠಿರ।
ವಿನೀತೋಽಸಿ ಮಹಾಪ್ರಾಜ್ಞ ವೃದ್ಧಾನಾಂ ಪರ್ಯುಪಾಸಿತಾ॥ 2-95-4 (15172)
ಯತೋ ಬುದ್ಧಿಸ್ತತಃ ಶಾಂತಿಃ ಪ್ರಶಮಂ ಗಚ್ಛ ಭಾರತ।
ನಾದಾರುಣಿ ಪತೇಚ್ಛಸ್ತ್ರಂ ದಾರುಣ್ಯೇತನ್ನಿಪಾತ್ಯತೇ॥ 2-95-5 (15173)
ನ ವೈರಾಣ್ಯಭಿಜಾನಂತಿ ಗುಣಾನ್ಪಶ್ಯಂತಿ ನಾಗುಣಾನ್।
ವಿರೋಧಂ ನಾಧಿಗಚ್ಛಂತಿ ಯೇ ತ ಉತ್ತಮಪೂರುಷಾಃ॥ 2-95-6 (15174)
ಸ್ಮರಂತಿ ಸುಕೃತಾನ್ಯೇವ ನ ವೈರಾಣಿ ಕೃತಾನ್ಯಪಿ।
ಸಂತಃ ಪರಾರ್ಥಂ ಕುರ್ವಾಣಾ ನಾವೇಕ್ಷಂತಿ ಪ್ರತಿಕ್ರಿಯಾಂ॥ 2-95-7 (15175)
ಸಂವಾದೇ ಪರುಷಾಣ್ಯಾಹುರ್ಯುಧಿಷ್ಠಿರ ನರಾಧಮಾಃ।
ಪ್ರತ್ಯಾಹುರ್ಮಧ್ಯಮಾಸ್ತ್ವೇತೇಽನುಕ್ತಾಃ ನರಾಧಮಾಃ। 2-95-8 (15176)
ನ ಚೋಕ್ತಾ ನೈವ ಚಾನುಕ್ತಾಸ್ತ್ವಹಿತಾಃ ಪರುಷಾ ಗಿರಃ।
ಪ್ರತಿಜಲ್ಪಂತಿ ವೈ ಧೀರಾಃ ಸದಾ ತೂತ್ತಮಪುರುಷಾಃ॥ 2-95-9 (15177)
ಸ್ಮರಂತಿ ಸುಕೃತಾನ್ಯೇವ ನ ವೈರಾಣಿ ಕೃತಾನ್ಯಪಿ।
ಸಂತಃ ಪ್ರತಿವಿಜಾನಂತೋ ಲಬ್ಧ್ವಾ ಪ್ರತ್ಯಯಮಾತ್ಮನಃ॥ 2-95-10 (15178)
ಅಸಂಭಿನ್ನಾರ್ಯಮರ್ಯಾದಾಃ ಸಾಧವಃ ಪ್ರಿಯದರ್ಶನಾಃ।
ತಥಾ ಚರಿತ್ತಂಮಾರ್ಯೇಣ ತ್ವಯಾಽಸ್ಮಿನ್ಸತ್ಸಮಾಗಮೇ॥ 2-95-11 (15179)
ದುರ್ಯೋಧನಸ್ಯ ಪಾರುಷ್ಯಂ ತತ್ತಾತ ಹೃದಿ ಮಾ ಕೃಥಾಃ।
ಮಾತರಂ ಚೈವ ಗಾಂಧಾರೀಂ ಮಾಂ ಚ ತ್ವಂ ಗುಣಕಾಂಕ್ಷಯಾ॥ 2-95-12 (15180)
ಉಪಸ್ಥಿತಂ ವೃದ್ಧಮಂಧಂ ಪಿತರಂ ಪಶ್ಯ ಭಾರತ।
ಪ್ರೇಕ್ಷಾಪೂರ್ವಂ ಮಯಾ ದ್ಯೂತಮಿದಮಾಸೀದುಪೇಕ್ಷಿತಂ॥ 2-95-13 (15181)
ಮಿತ್ರಾಣಿ ದ್ರಷ್ಟುಕಾಮೇನ ಪುತ್ರಾಣಾಂ ಚ ಬಲಾಬಲಂ।
ಅಶೋಚ್ಯಾಃ ಕುರವೋ ರಾಜನ್ಯೇಷಾಂ ತ್ವಮನುಶಾಸಿತಾ॥ 2-95-14 (15182)
ಮಂತ್ರೀ ಚ ವಿದುರೋ ಧೀಮಾನ್ಸರ್ವಶಾಸ್ತ್ರವಿಶಾರದಃ।
ತ್ವಯಿ ಧರ್ಮೋಽರ್ಜುನೇ ಧೈರ್ಯಂ ಭೀಮಸೇನೇ ಪರಾಕ್ರಮಃ॥ 2-95-15 (15183)
ಶುದ್ಧಾ ಚ ಗುರುಶುಶ್ರೂಷಾ ಯಮಯೋಃ ಪುರುಷಾಗ್ರ್ಯಯೋಃ।
ಅಜಾತಶತ್ರೋ ಭದ್ರಂ ತೇ ಖಾಂಡವಪ್ರಸ್ಥಮಾವಿಶ।
ಭ್ರಾತೃಭಿಸ್ತೇಽಸ್ತು ಸೌಭ್ರಾತ್ರಂ ಧರ್ಮೇ ತೇ ಧೀಯತಾಮ ಮನಃ॥ 2-95-16 (15184)
ವೈಶಂಪಾಯನ ಉವಾಚ॥ 2-95-17x (1690)
ಇತ್ಯುಕ್ತೋ ಭರತಶ್ರೇಷ್ಠ ಧರ್ಮರಾಜೋ ಯುಧಿಷ್ಠಿರಃ।
ಕೃತ್ವಾಽಽರ್ಯಸಮಯಂ ಸರ್ವಂ ಪ್ರತಸ್ಥೇ ಭ್ರಾತೃಭಿಃ ಸಹ॥ 2-95-17 (15185)
ತೇ ರಥಾನ್ಮೇಘಸಂಕಾಶಾನಾಸ್ಥಾಯ ಸಹ ಕೃಷ್ಣಯಾ।
ಪ್ರಯಯುರ್ಹೃಷ್ಟಮನಸ ಇಂದ್ರಪ್ರಸ್ಥಂ ಪುರೋತ್ತಮಂ॥ ॥ 2-95-18 (15186)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ದ್ಯೂತಪರ್ವಣಿ ಪಂಚನವತಿತಮೋಽಧ್ಯಾಯಃ॥95 ॥
ಸಭಾಪರ್ವ - ಅಧ್ಯಾಯ 096
॥ ಶ್ರೀಃ ॥
2.96. ಅಧ್ಯಾಯಃ 096
Mahabharata - Sabha Parva - Chapter Topics
ದುರ್ಯೋಧನೇನ ಧೃತರಾಷ್ಟ್ರಸಮೀಪೇ ಕಾರ್ತವೀರ್ಯಾರ್ಜುನೋಪಾಖ್ಯಾನಕಥನಂ॥ 1॥Mahabharata - Sabha Parva - Chapter Text
ಜನಮೇಜಯ ಉವಾಚ॥
ಅನುಜ್ಞಾತಾಂಸ್ತಾನ್ವಿದಿತ್ವಾ ಸರತ್ನಧನಸಂಜಯಾನ್।
ಪಾಂಡವಾಂಧಾರ್ತರಾಷ್ಟ್ರಾಣಾಂ ಕಥಮಾಸೀನ್ಮನಸ್ತದಾ॥ 2-96-1 (15187)
ವೈಶಂಪಾಯನ ಉವಾಚ॥ 2-96-2x (1691)
ಅನುಜ್ಞಾತಾಂಸ್ತಾನ್ವಿದಿತ್ವಾ ಧೃತರಾಷ್ಟ್ರೇಣ ಧೀಮತಾ।
ರಾಜಂದುಃ ಶಾಸನಃ ಕ್ಷಿಪ್ರಂ ಜಗಾಮ ಭ್ರಾತರಂ ಪ್ರತಿ॥ 2-96-2 (15188)
ದುರ್ಯೋಧನಂ ಸಮಾಸಾದ್ಯ ಸಾಮಾತ್ಯಂ ಭರತರ್ಷಭ।
ದುಃಖಾರ್ತೋ ಭರತಶ್ರೇಷ್ಠ ಇದಂ ವಚನಮಬ್ರವೀತ್॥ 2-96-3 (15189)
ದುಃಶಾಸನ ಉವಾಚ॥ 2-96-4x (1692)
ದುಃಖೇನೈತತ್ಸಮಾನೀತಂ ಸ್ಥವಿರೋ ನಾಶಯತ್ಯಸೌ।
ಶತ್ರುಸಾದ್ಗಮಯದ್ದ್ರವ್ಯಂ ತದ್ಬುಧ್ಯಧ್ವಂ ಮಹಾರಥಾಃ॥ 2-96-4 (15190)
ಅಥ ದುರ್ಯೋಧನಃ ಕರ್ಣಃ ಶಕುನಿಶ್ಚಾಪಿ ಸೌಬಲಃ।
ಮಿಥಃ ಸಂಗಂಯ ಸಹಿತಾಃ ಪಾಂಡವಾನ್ಪ್ರತಿ ಮಾನಿನಃ॥ 2-96-5 (15191)
ವೈಚಿತ್ರವೀರ್ಯಂ ರಾಜಾನಂ ಧೃತರಾಷ್ಟ್ರಂ ಮನೀಷಿಣಂ।
ಅಭಿಗಂಯ ತ್ವರಾಯುಕ್ತಾಃ ಶ್ಲಕ್ಷ್ಣಂ ವಚನಮಬ್ರುವನ್॥ 2-96-6 (15192)
ದುರ್ಯೋಧನ ಉವಾಚ॥ 2-96-7x (1693)
ನ ತ್ವಯೇದಂ ಶ್ರುತಂ ರಾಜನ್ಯಜ್ಜಗಾದ ಬೃಹಸ್ಪತಿಃ।
ಶಕ್ರಸ್ಯ ನೀತಿಂ ಪ್ರವದನ್ವಿದ್ವಾಂದೇವಪುರೋಹಿತಃ॥ 2-96-7 (15193)
ಸರ್ವೋಪಾಯೈರ್ನಿಹಂತವ್ಯಾಃ ಶತ್ರವಃ ಶತ್ರುಸೂದನ।
ಪುರಾ ಯುದ್ಧಾದ್ಬಲಾದ್ವಾಪಿ ಪ್ರಕುರ್ವಂತಿ ತವಾಹಿತಂ॥ 2-96-8 (15194)
ತೇ ವಯಂ ಪಾಂಡವಧನೈಃ ಸರ್ವಾನ್ಸಂಪೂಜ್ಯ ಪಾರ್ಥಿವಾನ್।
ಯದಿ ತಾನ್ಯೋಧಯಿಷ್ಯಾಮಃ ಕಿಂ ವೈ ನಿಃ ಪರಿಹಾಸ್ಯತಿ॥ 2-96-9 (15195)
ಅಹೀನಾಶೀವಿಷಾನ್ಕ್ರುದ್ಧಾನ್ನಾಶಾಯ ಸಮುಪಸ್ಥಿತಾನ್।
ಕೃತ್ವಾ ಕಂಠೇ ಚ ಪೃಷ್ಠೇ ಚ ಕಃ ಸಮುತ್ಸ್ರಷ್ಟುಮರ್ಹತಿ॥ 2-96-10 (15196)
ಆತ್ತಶಸ್ತ್ರಾ ರಥಗತಾಃ ಕುಪಿತಾಸ್ತಾತ ಪಾಂಡವಾಃ।
ನಿಃಶೇಷಾನ್ನಃ ಕರಿಷ್ಯಂತಿ ಕ್ರುದ್ಧಾ ಹ್ಯಾಶೀವಿಷಾ ಇವ॥ 2-96-11 (15197)
ಸನ್ನದ್ಧೋ ಹ್ಯರ್ಜುನೋ ಯಾತಿ ವಿಧೃತ್ಯ ಪರಮೇಷುಧೀ।
ಗಾಂಡೀವಂ ಮುಹುರಾದತ್ತೇ ನಿಃಶ್ವಸಂಶ್ಚ ನಿರೀಕ್ಷತೇ॥ 2-96-12 (15198)
ಗದಾಂ ಗುರ್ವೀ ಸಮುದ್ಯಂಯ ತ್ವರಿತಶ್ಚ ವೃಕೋದರಃ।
ಸ್ವರಥಂ ಯೋಜಯಿತ್ವಾಽಶು ನಿರ್ಯಾತ ಇತಿ ನಃ ಶ್ರುತಂ॥ 2-96-13 (15199)
ನಕುಲಃ ಖಹ್ಗಮಾದಾಯ ಚರ್ಮ ಚಾಪ್ಯರ್ಧಚಂದ್ರವತ್।
ಸಹದೇವಶ್ಚ ರಾಜಾ ಚ ಚಕ್ರುರಾಕಾರಮಿಂಗಿತೈಃ॥ 2-96-14 (15200)
ತೇ ತ್ವಾಸ್ಥಾಯ ರಥಾನ್ಸರ್ವೇ ಬಹುಶಸ್ತ್ರಪರಿಚ್ಛದಾನ್।
ಅಭಿಘ್ನಾಂತೋ ರಥವ್ರಾತಾನ್ಸೇನಾಯೋಗಾಯ ನಿರ್ಯಯುಃ॥ 2-96-15 (15201)
ನ ಕ್ಷಂಸ್ಯಂತೇ ತಥಾಽಸ್ಮಾಭಿರ್ಜಾತು ವಿಪ್ರಕೃತಾ ಹಿ ತೇ।
ದ್ರೌಪದ್ಯಾಶ್ಚ ಪರಿಕ್ಲೇಶಂ ಕಸ್ತೇಷಾಂ ಕ್ಷಂತುಮರ್ಹತಿ॥ 2-96-16 (15202)
` ನ ಪಶ್ಯಾಮಿ ರಣೇ ಕ್ರದ್ಧುಂ ಬೀಭತ್ಸುಂ ಪ್ರತಿವಾರಣಂ।
ಭೀಷ್ಮೋ ದ್ರೋಣಶ್ಚ ಕರ್ಣಶ್ಚ ದ್ರೌಣಿಶ್ಚ ರಥಿನಾಂ ವರಃ॥ 2-96-17 (15203)
ಕೃಪಶ್ಚ ವೃಷಸೇನಶ್ಚ ವಿಕರ್ಣಶ್ಚ ಜಯದ್ರಥಃ।
ವಾಹ್ಲೀಕಃ ಸೋಮದತ್ತಶ್ಚ ಭೂರಿರ್ಭೂರಿಶ್ರವಾಃ ಶಲಃ॥ 2-96-18 (15204)
ಶಕುನಿಃ ಸಸುತಶ್ಚೈವ ನೃಪಾಶ್ಚಾನ್ಯೇ ಚ ಕೌರವಾಃ।
ನೈತೇ ಸರ್ವೇ ರಣೋದ್ಯುಕ್ತಾಃ ಪಾರ್ಥಂ ಸೋಢುಮಶಕ್ನುವನ್॥ 2-96-19 (15205)
ಅರ್ಜುನೇನ ಸಮೋ ಲೋಕೇ ನಾಸ್ತಿ ವೀರ್ಯೇ ಧನುರ್ಧರಃ।
ಯೋಽರ್ಜುನೇನಾರ್ಜುನಸ್ತುಲ್ಯೋ ದ್ವಿಬಾಹುರ್ಬಹುಬಾಹುನಾ॥ 2-96-20 (15206)
ಧೃತರಾಷ್ಟ್ರ ಉವಾಚ॥ 2-96-21x (1694)
ಕಸ್ತ್ವಯೋಕ್ತಃ ಪುಮಾನ್ವೀರೋ ಬೀಭತ್ಸುಸಮವಿಕ್ರಮಃ।
ತಂ ಯೇ ವ್ರೂಹಿ ಮಹಾವೀರ್ಯಂ ಶ್ರೋತುಮಿಚ್ಛಾಮಿ ಪುತ್ರಕ॥ 2-96-21 (15207)
ದುರ್ಯೋಧನ ಉವಾಚ॥ 2-96-22x (1695)
ಕಾರ್ತವೀರ್ಯಸ್ಯ ಚರಿತಂ ಶೃಣು ರಾಜನ್ಮಹಾತ್ಮನಃ।
ಅವ್ಯಕ್ತಪ್ರಭವೋ ಬ್ರಹ್ಮಾ ಸರ್ವಲೋಕಪಿತಾಮಹಃ॥ 2-96-22 (15208)
ಬ್ರಹ್ಮಣೋಽತ್ರಿಃ ಸುತೋ ವಿದ್ವಾನತ್ರೇಃ ಪುತ್ರೋ ನಿಶಾಕರಃ।
ಸೋಮಸ್ಯ ತದು ಬುಧಃ ಪುತ್ರೋ ಬುಧಸ್ಯ ತು ಪುರೂರವಾಃ॥ 2-96-23 (15209)
ತಸ್ಯಾಪ್ಯಧ ಸುತೋಽಪ್ಯಾಯುರಾಯೋಸ್ತು ನಹುಷಃ ಸುತಃ। 2-96-24 (15210)
ಸ ಚಾರ್ಜುನೋಽಥ ತೇಜಸ್ವೀ ತಪಃ ಪರಮದುಶ್ಚರಂ।
ದತ್ತಮಾರಾಧಯಾಮಾಸ ಸೋಽರ್ಜುನೋಽತ್ರಿಸುತಂ ಮುನಿಂ॥ 2-96-30 (15216)
ತಸ್ಯ ದತ್ತೋ ವರಾನ್ಪ್ರಾದಾಚ್ಚತುರಃ ಪಾರ್ಥಿವಸ್ಯ ವೈ।
ಪೂರ್ವಂ ಬಾಹುಸಹಸ್ರಂ ತು ಪ್ರಾರ್ಥಿತಃ ಪರಮೋ ವರಃ॥ 2-96-31 (15217)
ಅಧರ್ಮೇ ಪ್ರೀಯಮಾಣಸ್ಯ ಸದ್ಭಿಸ್ತತ್ರ ನಿವಾರಣಂ।
ಧರ್ಮೇಣ ಪೃಥಿವೀಂ ಜಿತ್ವಾ ಧರ್ಮೇಣೈವ ಹಿ ರಂಜನಂ॥ 2-96-32 (15218)
ಸಂಗ್ರಾಮಾನ್ಸುಬಹೂನ್ಕೃತ್ವಾ ಹತ್ವಾ ಚಾರೀನ್ಸಹಸ್ರಶಃ।
ಸಂಗ್ರಾಮೇ ಯತಮಾನಸ್ಯ ವಧಶ್ಚೈವಾಧಿಕಾದ್ರಣೈ॥ 2-96-33 (15219)
ತಸ್ಯ ಬಾಹುಸಹಸ್ರಂ ತು ಯುಧ್ಯತಃ ಕಿಲ ಭಾರತ।
ರಥೋ ಧ್ವಜಶ್ಚ ಸಂಜಜ್ಞ ಇತ್ಯೇವಂ ಮೇ ಶ್ರುತಂ ಪರಾ॥ 2-96-34 (15220)
ತಥೇಯಂ ಪೃಥಿವೀ ರಾಜಂತ್ಸಪ್ತದ್ವೀಪಾ ಸಪತ್ತನಾ।
ಸಸಮುದ್ರಾಕರಾ ತಾತ ವಿಧಿನೋಗ್ರೇಣ ವೈ ಜಿತಾ॥ 2-96-35 (15221)
ಚಾರ್ಜುನೋಽಥ ತೇಜಸ್ವೀ ಸಪ್ತದ್ವೀಪೇಶ್ವರೋಽಭವತ್।
ಚ ರಾಜಾ ಮಹಾಯಜ್ಞಾನಾಜಹಾರ ಮಹಾಬಲಃ।
ಪ್ರಶಶಾಸ ಮಹಾಬಾಹುರ್ಮಹೀಂ ಸ ಚ ಸಮಾ ಬಹೂಃ॥ 2-96-36 (15222)
ತತೋಽರ್ಜುನಃ ಕದಾಚಿದ್ವೈ ರಾಜನ್ಮಾಹಿಷ್ಮತೀಪತಿಃ।
ನರ್ಮದಾಂ ಭರತಶ್ರೇಷ್ಠಂ ತಾಂ ತು ದಾರೈರ್ಯಯೌ ಸಹ॥ 2-96-37 (15223)
ತತಸ್ತಾಂ ಸ ನದೀಂ ಗತ್ವಾ ಪ್ರವಿಶ್ಯಂತರ್ಜಲೇ ತದಾ।
ಕರ್ತುಂ ರಾಜಂಜಲಕ್ರೀಡಾಂ ತತೋ ರಾಜೋಪಚಕ್ರಮೇ॥ 2-96-38 (15224)
ತಸ್ಮಿನ್ನೇವ ತತಃ ಕಾಲೇ ರಾವಮೋ ರಾಕ್ಷಸೈಃ ಸಹ।
ಲಂಕಾಯಾ ಈಶ್ವರಸ್ತಾತ ತಂ ದೇಶಂ ಪ್ರಯಯೌ ಬಲೀ॥ 2-96-39 (15225)
ತತಸ್ತಮರ್ಜುನಂ ದೃಷ್ಟ್ವಾ ನರ್ಮದಾಯಾಂ ದಶಾನನಃ।
ನಿತ್ಯಂ ಕ್ರೋಧಪರೋ ಧೀರೋ ವರದಾನೇನ ಮೋಹಿತಃ॥ 2-96-40 (15226)
ಅಭ್ಯಘಾವತ್ಸುಸಂಕ್ರುದ್ಧೋ ಮಹೇಂದ್ರಂ ಶಂಬರೋ ಯಥಾ।
ಅರ್ಜುನೋಽಪ್ಯಥ ತಂ ದೃಷ್ಟ್ವಾ ರಾವಣಂ ಪ್ರತ್ಯವಾರಯತ್॥ 2-96-41 (15227)
ತತಸ್ತೌ ಚಕ್ರತುರ್ಯುದ್ಧಂ ರಾವಣಶ್ಚಾರ್ಜುನಶ್ಚ ವೈ।
ತತಸ್ತು ದುರ್ಜಯಂ ವೀರಂ ವರದಾನೇನ ದರ್ಪಿತಂ॥ 2-96-42 (15228)
ರಾಕ್ಷಸೇಂದ್ರಂ ಮನುಷ್ಯೇಂದ್ರೋ ಜಿತ್ವಾ ಬಧ್ವಾ ರಣೇ ಬಲಾತ್।
ಬಧ್ವಾ ಧನುರ್ಜ್ಯಯಾ ರಾಜನ್ವಿವೇಶಾಥ ಪುರೀಂ ಸ್ವಕಾಂ॥ 2-96-43 (15229)
ಸ ತು ತಂ ಬಂಧಿತಂ ಶ್ರುತ್ವಾ ಪುಲಸ್ತ್ಯೋ ರಾವಣಂ ತದಾ।
ಮೋಕ್ಷಯಾಣಾಸ ಬಂಧಾದ್ವೈ ಪುರೇ ದೃಷ್ಟ್ವಾಽರ್ಜುನಂ ತದಾ॥ 2-96-44 (15230)
ತತಃ ಕದಾಚಿತ್ತೇಜಸ್ವೀ ಕಾರ್ತವೀರ್ಯೋರ್ಜುನೋ ಬಲೀ।
ಸಮುದ್ರತೀರಂ ಗತ್ವಾಥ ವಿರಚಂದರ್ಪಮೋಹಿತಃ॥ 2-96-45 (15231)
ಅವಾಕಿರಚ್ಛಿತಶರೈಃ ಸಮುದ್ರಂ ಸ ತು ಭಾರತ।
ತಂ ಸಮುದ್ರೋ ನಮಸ್ಕೃತ್ಯ ಕೃತಾಂಜಲಿರಭಾಷತ॥ 2-96-46 (15232)
ಆಶುಗಾನ್ವೀರ ಮಾ ಮುಂಚ ಬ್ರೂಹಿ ಕಿಂ ಕರವಾಣಿ ತೇ।
ಮದಾಶ್ರಯಾಣಿ ಸತ್ವಾನಿ ತ್ವದ್ವಿಸೃಷ್ಟೈರ್ಮಹೇಷುಭಿಃ।
ಬಾಧ್ಯಂತೇ ರಾಜಶಾರ್ದೂಲ ತೇಭ್ಯೋ ದೇಹ್ಯಭಯಂ ವಿಭೋ॥ 2-96-47 (15233)
ಅರ್ಜುನ ಉವಾಚ॥ 2-96-48x (1696)
ದೇಹಿ ಸಿಂಧುಪತೇ ಯುದ್ಧಮದ್ಯೈವ ತ್ವರಯಾ ಮಮ।
ಅಥವಾ ಪೀಡಯಾಮಿ ತ್ವಾಂ ತಸ್ಮಾತ್ತ್ವಂ ಕುರು ಮಾಚಿರಂ॥ 2-96-48 (15234)
ಸಮುದ್ರ ಉವಾಚ॥ 2-96-49x (1697)
ಲೋಕೇ ರಾಜನ್ಮಹಾವೀರ್ಯಾ ಬಹವೋ ನಿವಸಂತಿ ಯೇ।
ತೇಷಾಮೇಕೇನ ರಾಜೇಂದ್ರ ಕುರು ಯುದ್ಧಂ ಮಹಾಬಲ॥ 2-96-49 (15235)
ಅರ್ಜುನ ಉವಾಚ॥ 2-96-50x (1698)
ಮತ್ಸಮೋ ಯದಿ ಸಂಗ್ರಾಮೇ ವರಾಯುಧಧರಃ ಕ್ವಚಿತ್।
ವಿದ್ಯತೇ ತಂ ಮಮಾಚಕ್ಷ್ವ ಯಃ ಸಮಾಸೇತ ಮಾ ಮೃಧೇ॥ 2-96-50 (15236)
ಸಮುದ್ರ ಉವಾಚ॥ 2-96-51x (1699)
ಮಹರ್ಷಿರ್ಜಮದಗ್ನಿಸ್ತು ಯದಿ ರಾಜನ್ಪರಿಶ್ರುತಃ।
ತಸ್ಯ ಪುತ್ರೋ ರಣಂ ದಾತುಂ ಯಥಾವದ್ವೈ ತವಾರ್ಹತಿ॥ 2-96-51 (15237)
ದುರ್ಯೋಧನ ಉವಾಚ॥ 2-96-52x (1700)
ಸಮುದ್ರಸ್ಯ ವಚಃ ಶ್ರುತ್ವಾ ರಾಜಾ ಮಾಹಿಷ್ಮತೀಪತಿಃ।
ನಾರದಸ್ಯ ಚ ವೈ ಪೂರ್ವಂ ಕ್ರೋಧೇನ ಮಹತಾ ವೃತಃ॥ 2-96-52 (15238)
ತತಃ ಪ್ರತಿಯಯೌ ಶೀಘ್ರಂ ಕ್ರೋಧೇನ ಸಹ ಭಾರತ।
ಸ ತಮಾಶ್ರಮಮಾಗತ್ಯ ಕಾಮಮೇವಾನ್ವಪದ್ಯತ॥ 2-96-53 (15239)
ಸ ಕಾಮಂ ಪ್ರತಿಕೂಲಾನಿ ಚಕಾರ ಸಹ ಬಂಧುಭಿಃ।
ಆಯಾಸಂ ಜನಯಾಮಾಸ ರಾಮಸ್ಯ ಸ ಮಹಾತ್ಮನಃ॥ 2-96-54 (15240)
ತತಸ್ತೇಜಃ ಪ್ರಜಜ್ವಾಲ ರಾಮಸ್ಯಾಮಿತತೇಜಸಃ।
ಪ್ರದಹನ್ನಿವ ಸೈನ್ಯಾನಿ ರಶ್ಮಿಮಾನಿವ ತೇಜಸಾ॥ 2-96-55 (15241)
ಅಥ ತೌ ಚಕ್ರತುರ್ಯುದ್ಧಂ ವೃತ್ರವಾಸವಯೋರಿವ॥ 2-96-56 (15242)
ತತಃ ಪರಶುಮಾದಾಯ ನೃಪಂ ಬಾಹುಸಹಸ್ರಿಣಂ।
ಚಿಚ್ಛೇದ ಸಹಸಾ ರಾಮೋ ಬಹುಶಾಖಮಿವ ದ್ರುಮಂ॥ 2-96-57 (15243)
ತಂ ಹತಂ ಪತಿತಂ ದೃಷ್ಟ್ವಾ ಸಮೇತಾಸ್ತಸ್ಯ ಬಾಂಧವಾಃ।
ಅಸೀನಾದಾಯ ಶಕ್ತೀಶ್ಚ ರಾಮಂ ತೇ ಪ್ರತ್ಯವಾರಯನ್॥ 2-96-58 (15244)
ರಾಮೋಽಪಿ ರಥಮಾಸ್ಥಾಯ ಧನುರಾಯಂಯ ಸತ್ವರಃ।
ವಿಸೃಜನ್ಪರಮಾಸ್ತ್ರಾಣಿ ವ್ಯಧಮತ್ಪಾರ್ಥಿವಾನ್ಬಲೀ॥ 2-96-59 (15245)
ತತಸ್ತು ಕ್ಷತ್ರಿಯಾ ರಾಜಂಜಾಮದಗ್ನ್ಯಭಯಾರ್ದಿತಾಃ।
ವಿವಿಶುರ್ಗಿರಿದುರ್ಗಾಣಿ ಮೃಗಾಃ ಸಿಂಹಭಯಾದಿವ॥ 2-96-60 (15246)
ತೇಷಾಂ ಸ್ವವಿಹಿತಂ ಕರ್ಮ ತದ್ಭಯಾನ್ನಾನುತಿಷ್ಠತಿ।
ಪ್ರಜಾ ವೃಷಲತಾಂ ಪ್ರಾಪ್ತಾ ಬ್ರಾಹ್ಮಣಾನಾಮದರ್ಶನಾತ್॥ 2-96-61 (15247)
ತಥಾ ಚ ದ್ರವಿಡಾಃ ಕಾಚಾಃ ಪುಂಡಾಶ್ಚ ಶಬರೈಃ ಸಹ।
ವೃಷಲತ್ವಂ ಪರಿಗತಾ ವಿಚ್ಛಿನ್ನಾಃ ಕ್ಷತ್ರಧರ್ಮಿಣಃ॥ 2-96-62 (15248)
ತತಸ್ತು ಹತವೀರಾಸು ಕ್ಷತ್ರಿಯಾಸು ಪುನಃ ಪುನಃ।
ದ್ವಿಜೈರಭ್ಯುದಿತಂ ಕ್ಷತ್ರಂ ತಾನಿ ರಾಮೋ ನಿಹತ್ಯ ಚ॥ 2-96-63 (15249)
ತತಸ್ತ್ರಿಸ್ಮಪ್ತಮೇ ಯಾತೇ ರಾಮಂ ವಾಗಶರೀರಿಣೀ।
ದಿವ್ಯಾ ಪ್ರೋವಾಚ ಮಧುರಾ ಸರ್ವಲೋಕಪರಿಶ್ರುತಾ॥ 2-96-64 (15250)
ರಾಮರಾಮ ನಿವರ್ತಸ್ವ ಸ್ವಗುಣಂ ನಾತ್ರ ಪಶ್ಯಸಿ।
ಕ್ಷತ್ರಬಂಧೂನಿಮಾನ್ಪ್ರಾಮೈರ್ವಿಪ್ರಯುಜ್ಯ ಪುನಃ ಪುನಃ॥ 2-96-65 (15251)
ತಥೈವ ತಂ ಮಹಾತ್ಮಾನಮೃಚೀಕಪ್ರಮುಖಾಸ್ತಥಾ।
ರಾಮರಾಮ ಮಹಾವೀರ್ಯ ನಿವರ್ತಸ್ವೇತ್ಯಥಾಬ್ರುವನ್॥ 2-96-66 (15252)
ಪಿತುರ್ವಧಮಸಮೃಷ್ಯಂಸ್ತು ರಾಮಃ ಪ್ರೋವಾಚ ತಾನೃಷೀನ್।
ನಾರ್ಹಾ ಹಂತ ಭವಂತೋ ಮಾಂ ನಿವಾರಯಿತುಮಿತ್ಯುತ॥ 2-96-67 (15253)
ಪಿತರ ಊಚುಃ। 2-96-68x (1701)
ನಾರ್ಹಸಿ ಕ್ಷತ್ರಬಂಧೂಂಸ್ತ್ವಂ ನಿಹಂತುಂ ಜಯತಾಂ ವರ।
ನ ಹಿ ಯುಕ್ತಂ ತ್ವಯಾ ತಾತ ಬ್ರಾಹ್ಮಣೇನಸತಾ ನೃಪಾನ್॥ 2-96-68 (15254)
ದುರ್ಯೋಧನ ಉವಾಚ॥ 2-96-69x (1702)
ಪಿತೄಣಾಂ ವಚನಂ ಶ್ರುತ್ವಾ ಕ್ರೋಧಂ ತ್ಯಕ್ತ್ವಾ ಸ ಭಾರ್ಗವಃ।
ಅಶ್ವಮೇಧಸಹಸ್ರಾಣಿ ನರಮೇಧಶತಾನಿ ಚ॥ 2-96-69 (15255)
ಇಷ್ಟ್ವಾ ಸಾಗರಪರ್ಯಂತಾಂ ಕಾಶ್ಯಪಾಯ ದದೌ ಮಹೀಂ।
ತೇನ ರಾಮೇಣ ಸಂಗ್ರಾಮೇ ತುಲ್ಯಸ್ತಾತ ದಯಂಜಯಃ॥ 2-96-70 (15256)
ಕಾರ್ತವೀರ್ಯೇಣ ಚ ರಣೇ ತುಲ್ಯಃ ಪಾರ್ಥೋ ನ ಸಂಶಯಃ।
ರಣೇ ವಿಕ್ರಂಯ ರಾಜೇಂದ್ರ ಪಾರ್ಥಂ ಜೇತುಂ ನ ಶಕ್ಯತೇ॥ ॥ 2-96-71 (15257)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅನುದ್ಯೂತಪರ್ವಣಿ ಷಣ್ಣವತಿತಮೋಽಧ್ಯಾಯಃ॥96 ॥
Mahabharata - Sabha Parva - Chapter Footnotes
2-96-4 ಗಮಯತ್ ಅಗಮಯತ್॥ 2-96-9 ಪರಿಹಾಸ್ಯತಿ ನಂಕ್ಷ್ಯತಿ॥ಸಭಾಪರ್ವ - ಅಧ್ಯಾಯ 097
॥ ಶ್ರೀಃ ॥
2.97. ಅಧ್ಯಾಯಃ 097
Mahabharata - Sabha Parva - Chapter Topics
ದುರ್ಯೋಧನೇನ ಧೃತರಾಷ್ಟ್ರಸಮೀಪೇ ಅರ್ಜುನಪ್ರಭಾವವರ್ಣನಂ॥ 1॥ ದುರ್ಯೋಧನದುರ್ಬೋಧನೇನ ಧೃತರಾಷ್ಟ್ರಸ್ಯ ಪುನರ್ದ್ಯೂತಾಯ ಪಾಂಡವಾನಯನಾಭ್ಯನುಜ್ಞಾ॥ 2॥Mahabharata - Sabha Parva - Chapter Text
ದುರ್ಯೋಧನ ಉವಾಚ॥
ಶೃಣು ರಾಜನ್ಪುರಾಽಚಿಂತ್ಯಾನರ್ಜುನಸ್ಯ ಚ ಸಾಹಸಾನ್।
ಅರ್ಜುನೋ ಧನ್ವಿನಾಂ ಶ್ರೇಷ್ಠೋ ದುಷ್ಕರಂ ಕೃತವಾನ್ಪುರಾ॥ 2-97-1 (15258)
ದ್ರುಪದಸ್ಯ ಪುರೇ ರಾಜಂದ್ರೌಪದ್ಯಾಶ್ಚ ಸ್ವಯಂವರ॥
ಆಬಾಲವೃದ್ಧಸಂಕ್ಷೋಭೇ ಸರ್ವಕ್ಷತ್ರಸಮಾಗಮೇ।
ಕ್ಷಿಪ್ರಕಾರೀ ಜಲೇ ಮತ್ಸ್ಯಂ ದುರ್ನಿರೀಕ್ಷ್ಯಂ ಸಸರ್ಜ ಹ॥ 2-97-2 (15259)
ಸರ್ವೈರ್ನೃಪೈರಸಾಧ್ಯಂ ತತ್ಕಾರ್ಮುಕಪ್ರವರಂ ಚ ವೈ।
ಕ್ಷಣೇನ ಸಜ್ಯಮಕರೋತ್ಸರ್ವಕ್ಷತ್ರಸ್ಯ ಪಶ್ಯತಃ॥ 2-97-3 (15260)
ತತೋ ಯಂತ್ರಮಯಂ ವಿಧ್ವಾ ವಿಸಾರಂ ಫಲ್ಗುನೋ ಬಲೀ।
ಕೃಷ್ಣಯಾ ಹೇಮಮಾಲ್ಯೇನ ಸ್ಕಂಧೇ ಸ ಪರಿವೇಷ್ಟಿತಃ॥ 2-97-4 (15261)
ತತಸ್ತಯಾ ವೃತಂ ಪಾರ್ಥಂ ದೃಷ್ಟ್ವಾ ಸರ್ವೇ ನೃಪಾಸ್ತದಾ।
ರೋಷಾತ್ಸರ್ವಾಯುಧಾನ್ಗೃಹ್ಯ ಕ್ರುದ್ಧಾ ವೀರಾ ಮಹೌಜಸಃ।
ವೈಕರ್ತನಂ ಪುರಸ್ಕೃತ್ಯ ಸರ್ವೇ ಪಾರ್ಥಮುಪಾದ್ರವನ್॥ 2-97-5 (15262)
ಸ ಸರ್ವಾನ್ಪಾರ್ಥಿವಾಂದೃಷ್ಟ್ವಾ ಕ್ರುದ್ಧಾನ್ಪಾರ್ಥೋ ಮಹಾಬಲಃ।
ವಾರಯಿತ್ವಾ ಶರೈಸ್ತೀಕ್ಷ್ಣೈರಜಯತ್ತತ್ರ ಸ ಸ್ವಯಂ॥ 2-97-6 (15263)
ಜಿತ್ವಾ ತು ತಾನ್ಮಹೀಪಾಲಾನ್ಸರ್ವಾನ್ಕರ್ಣಪುರೋಗಮಾನ್।
ಲೇಭೇ ಕೃಷ್ಣಾಂ ಶುಭಾಂ ಪಾರ್ಥೋ ಯುಧ್ವಾ ವೀರ್ಯಬಲಾತ್ತದಾ॥ 2-97-7 (15264)
ಸರ್ವಕ್ಷತ್ರಸಮೂಹೇಷು ಅಂಬಾಂ ಭೀಷ್ಮೋ ಯಥಾ ಪುರಾ।
ತತಃ ಕದಾಚಿದ್ಬೀಭತ್ಸುಸ್ತೀರ್ಯಯಾತ್ರಾಂ ಯಯೌ ಸ್ವಯಂ॥ 2-97-8 (15265)
ಅಥೋಲೂಪೀಂ ಶುಭಾಂ ತಾತ ನಾಗರಾಜಸತಾಂ ತದಾ।
ನಾಗೇಷ್ವಾಪ ವರಾಗ್ರ್ಯೇಷು ಪ್ರಾರ್ಥಿತೋಽಥ ಯಥಾ ತಥಾ॥ 2-97-9 (15266)
ತತೋ ಗೋದಾವರೀಂ ಕೃಷ್ಣಾಂ ಕಾವೇರೀಂ ಚಾವಗಾಹತ।
ತತ್ರ ಪಾಂಡ್ಯಂ ಸಮಾಸಾದ್ಯ ತಸ್ಯ ಕನ್ಯಾಮವಾಪ ಸಃ॥ 2-97-10 (15267)
ಲಬ್ಧ್ವಾ ಜಿಷ್ಣುರ್ಮುದಂ ತತ್ರ ತತೋ ಯಾಂಯಾಂ ದಿಶಂ ಯಯೌ॥ 2-97-11 (15268)
ಸ ದಕ್ಷಿಣಂ ಸಮುದ್ರಾಂತಂ ಗತ್ವಾ ಚಾಪ್ಸರಸಾಂ ಚ ವೈ।
ಕುಮಾರತೀರ್ಥಮಾಸಾದ್ಯ ಮೋಕ್ಷಯಾಮಾಸ ಚಾರ್ಜುನಃ॥ 2-97-12 (15269)
ಗ್ರಾಹರೂಪಾಶ್ಚ ತಾಃ ಪಂಚ ಅತಿಶೌರ್ಯೇಣ ವೈ ಬಲಾತ್।
ಕನ್ಯಾತೀರ್ಥಂ ಸಮಭ್ಯೇತ್ಯ ತತೋ ದ್ವಾರವತೀಂ ಯಯೌ॥। 2-97-13 (15270)
ತತ್ರ ಕೃಷ್ಣನಿದೇಶಾತ್ಸ ಸುಭದ್ರಾಂ ಪ್ರಾಪ್ಯ ಫಲ್ಗುನಃ।
ತಾಮಾರೋಪ್ಯ ರಥೋಪಸ್ಥೇ ಪ್ರಯಯೌ ಸ್ವಪುರೀಂ ಪ್ರತಿ॥ 2-97-14 (15271)
ಅಥಾದಾಯ ಗತೇ ಪಾರ್ಥೇ ತೇ ಶ್ರುತ್ವಾ ಸರ್ವಯಾದವಾಃ।
ತಮಭ್ಯಧಾವಂತ್ಸಂಕ್ರುದ್ಧಾಃ ಸಿಂಹವ್ಯಾಘ್ರಗಣಾ ಇವ॥ 2-97-15 (15272)
ಪ್ರದ್ಯುಂನಃ ಕೃತವರ್ಮಾ ಚ ಗದಃ ಸಾರಣಸಾತ್ಯಕೀ।
ಆಹುಕಶ್ಚೈವ ಸಾಂಬಶ್ಚ ಚಾರುದೇಷ್ಣೋ ವಿದೂರಥಃ॥ 2-97-16 (15273)
ಅನ್ಯೇ ಚ ಯಾದವಾಃ ಸರ್ವೇ ಬಲದೇವಪುರೋಗಮಾಃ।
ಏಕಮೇವ ಪರೇ ಕೃಷ್ಣಂ ಗಜವಾಜಿರಥೈರ್ಯುತಾಃ॥ 2-97-17 (15274)
ಅಥಾಸಾದ್ಯ ವನೇ ಯಾಂತಂ ಪರಿವಾರ್ಯ ಧನಂಜಯಂ।
ಚಕ್ರುರ್ಯುದ್ಧಂ ಸುಸಂಕ್ರುದ್ಧಾ ಬಹುಕೋಟ್ಯಶ್ಚ ಯಾದವಾಃ॥ 2-97-18 (15275)
ಏಕ ಏವ ತು ಪಾರ್ಥಸ್ತೈರ್ಯುದ್ಧಂ ಚಕ್ರೇ ಸುದಾರುಣಂ।
ತೇನ ತೇಷಾಂ ಸಮಂ ಯುದ್ಧಂ ಮುಹೂರ್ತಂ ಪ್ರಬಭೂವ ಹ॥ 2-97-19 (15276)
ತತಃ ಪಾರ್ಥೋ ರಣೇ ಸರ್ವಾನ್ವಾರಯಿತ್ವಾ ಶಿತೈಃ ಶರೈಃ।
ಬಲಾದ್ವಿಜಿತ್ಯ ರಾಜೇಂದ್ರ ವೀರಸ್ತಾನ್ಸರ್ವಯಾದವಾನ್।
ತಾಂ ಸುಭದ್ರಾಮಥಾದಾಯ ಶಕ್ರಪ್ರಸ್ಥಂ ವಿವೇಶ ಹ॥ 2-97-20 (15277)
ಭೂಯಃ ಶೃಣು ಮಹಾರಾಜ ಫಲ್ಗುನಸ್ಯ ಚ ಸಾಹಸಂ।
ದದೌ ಸ ವಹ್ನೇರ್ಬಿಭತ್ಸುಃ ಪ್ರಾರ್ಥಿತಂ ಖಾಂಡವಂ ವನಂ॥ 2-97-21 (15278)
ಲಬ್ಧಮಾತ್ರೇ ತು ತೇನಾಥ ಭಗವಾನ್ಹವ್ಯವಾಹನಃ।
ಭಕ್ಷಿತುಂ ಖಾಂಡವಂ ರಾಜಂಸ್ತತ್ರಸ್ಥಾನುಪಚಕ್ರಮೇ॥ 2-97-22 (15279)
ತತಸ್ತಂ ಭಕ್ಷಯಂತಂ ವೈ ಸವ್ಯಸಾಚೀ ವಿಭಾವಸುಂ।
ರಥಾ ಧನ್ವೀ ಶರಾನ್ಗೃಹ್ಯ ಸ ಕಲಾಪಯುತಃ ಪ್ರಭುಃ।
ಪಾಲಯಾಮಾಸ ರಾಜೇಂದ್ರ ಸ್ವವೀರ್ಯೇಣ ಮಹಾಬಲಃ॥ 2-97-23 (15280)
ತತಃ ಶ್ರುತ್ವಾ ಮಹೇನದ್ರಸ್ತು ಮೇಘಾಂಸ್ತಾನ್ಸಂದಿದೇಶ ಹ।
ತೇನೋಕ್ತಾ ಮೇಘಸಂಘಾಸ್ತೇ ವವರ್ಷುರತಿವೃಷ್ಟಿಭಿಃ॥ 2-97-24 (15281)
ತತೋ ಮೇಘಗಾಣಾನ್ಪಾರ್ಥಃ ಶರವ್ರಾತೈಃ ಸಮಾಂತತಃ।
ಖಗಮೈರ್ವಾರಯಾಮಾಸ ತದಾಶ್ಚರ್ಯಮಿವಾಭವತ್॥ 2-97-25 (15282)
ವಾರಿತಾನ್ಮೇಘಸಂಘಾಂಶ್ಚ ಶ್ರುತ್ವಾ ಕ್ರುದ್ಧಃ ಪುರಂದರಃ।
ಪಾಂಡರಂ ಗಜಮಾಸ್ಥಾಯ ಸರ್ವದೇವಗಣೈರ್ವೃತಃ।
ಯಯೌ ಪಾರ್ಥೇನ ಸಂಯೋದ್ಧುಂ ರಕ್ಷಾರ್ಥಂ ಖಾಂಡವಸ್ಯ ಚ॥ 2-97-26 (15283)
ರುದ್ರಾಶ್ಚ ಮರುತಶ್ಚೈವ ವಸವಶ್ಚಾಶ್ವಿನೌ ತದಾ।
ಆದಿತ್ಯಾಶ್ಚೈವ ಸಾಧ್ಯಾಶ್ಚ ನಿಶ್ವೇದೇವಾಶ್ಚ ಭಾರತ।
ಗಂಧರ್ವಾಶ್ಚೈವ ಸಹಿತಾ ಅನ್ಯೇ ದೇವಗಣಾಶ್ಚ ಯೇ॥ 2-97-27 (15284)
ತೇ ಸರ್ವೇ ಶಸ್ತ್ರಸಂಪನ್ನಾ ದೀಪ್ಯಮಾನಾಃ ಸ್ವತೇಜಸಾ।
ಧನಂಜಯಂ ಜಿಘಾಂಸಂತಃ ಪ್ರಪೇತುರ್ವಿಬುಧಾಧಿಪಾಃ॥ 2-97-28 (15285)
ಯುಗಾಂತೇ ಯಾನಿ ದೃಶ್ಯಂತೇ ನಿಮಿತ್ತಾನಿ ಮಹಾಂತ್ಯಪಿ।
ಸರ್ವಾಣಿ ತತ್ರ ದೃಶ್ಯಂತೇ ನಿಮಿತ್ತಾನಿ ಮಹೀಪತೇ॥ 2-97-29 (15286)
ತತೋ ದೇವಗಮಾಃ ಸರ್ವೇ ಪಾರ್ಥಂ ಸಮಭಿದುದ್ರುವುಃ।
ಅಸಂಭ್ರಾಂತಸ್ತು ತಾಂದೃಷ್ಟ್ವಾ ಸ ತಾಂ ದೇವಮಯೀಂ ಚಮೂಂ॥ 2-97-30 (15287)
ತ್ವರಿತಃ ಫಲ್ಗುನೋ ಗೃಹ್ಯ ತೀಕ್ಷ್ಣಾಂಸ್ತಾನಾಶುಗಾಂಸ್ತದಾ।
ಇಂದ್ರಂ ದೇವಾಂಶ್ಚ ಸಂಪ್ರೇಕ್ಷ್ಯ ತಸ್ಥೌ ಕಾಲ ಇವಾತ್ಯಯೇ॥ 2-97-31 (15288)
ತತೋ ದೇವಗಣಾಃ ಸರ್ವೇ ಬೀಭತ್ಸುಂ ಸಪುರಂದರಾಃ।
ಅವಾಕಿರಂಛರವ್ರಾತೈರ್ಮಾನುಷಂ ತಂ ಮಹೀಪತೇ॥ 2-97-32 (15289)
ತತಃ ಪಾರ್ಥೋ ಮಹಾತೇಜಾ ಗಾಂಡಿವಂ ಗೃಹ್ಯ ಸತ್ವರಃ।
ವಾರಯಾಮಾಸ ದೇವಾನಾಂ ಶರವ್ರಾತೈಃ ಶರಾಂಸ್ತದಾ॥ 2-97-33 (15290)
ಪುನಃ ಕ್ರುದ್ಧಾಃ ಸುರಾಃ ಸರ್ವೇ ಮರ್ತ್ಯಂ ತಂ ಸುಭಹಾಬಲಾಃ।
ನಾನಾಶಸ್ತ್ರೈರ್ವವರ್ಷುಸ್ತಂ ಸವ್ಯಸಾಚೀ ಮಹೀಪತೇ॥ 2-97-34 (15291)
ತಾನ್ಪಾರ್ಥಃ ಶಸ್ತ್ರವರ್ಷಾನ್ವೈ ವಿಸೃಷ್ಟಾನ್ವಿಬುಧೈಸ್ತದಾ।
ದ್ವಿಧಾ ತ್ರಿಧಾ ಸ ಚಿಚ್ಛೇದ ಸ ಏವ ನಿಶಿತೈಃ ಶರೈಃ॥ 2-97-35 (15292)
ಪುನಶ್ಚ ಪಾರ್ಥಃ ಸಂಕ್ರುದ್ಧೋ ಮಂಡಲೀಕೃತಕಾರ್ಮುಕಃ।
ದೇವಸಂಘಾಂಛರೈಸ್ತೀಕ್ಷ್ಣೈರರ್ಪಯನ್ವೈ ಸಮಂತತಃ॥ 2-97-36 (15293)
ತತೋ ದೇವಗಣಾಃ ಸರ್ವೇ ಯುಧ್ವಾ ಪಾರ್ಥೇನ ವೈ ಮುಹುಃ।
ರಣೇ ಜೇತುಮಶಕ್ಯಂ ತಂ ಜ್ಞಾತ್ವಾ ತೇ ಭರತರ್ಷಭ॥ 2-97-37 (15294)
ಶಾಂತಾಸ್ತೇ ವಿಬುಧಾಃ ಸರ್ವೇ ಪಾರ್ಥಬಾಣಾಭಿಪೀಡಿತಾಃ।
ಸದ್ವಿಪಂ ವಾಸವಂ ತ್ಯಕ್ತ್ವಾ ದುದ್ರುವುಃ ಸರ್ವತೋ ದಿಶಂ॥ 2-97-38 (15295)
ಪ್ರಾಚೀಂ ರುದ್ರಾಃ ಸಗಂಧರ್ವಾ ದಕ್ಷಿಣಾಂ ಮರುತೋ ಯಯುಃ।
ದಿಶಂ ಪ್ರತೀಚೀಂ ಭೀತಾಸ್ತೇ ವಸವಶ್ಚ ತಥಾಽಶ್ವಿನೌ ॥ 2-97-39 (15296)
ಆದಿತ್ಯಾಶ್ಚೈವ ವಿಶ್ವೇ ಚ ದುದ್ರುವುರ್ವಾ ಉದಙ್ಮುಖಾಃ।
ಸಾಧ್ಯಾಶ್ಚೋರ್ಧ್ವಮುಖಾ ಭೀತಾಶ್ಚಿಂತಯಂತೋಽಸ್ಯ ಸಾಯಕಾನ್॥ 2-97-40 (15297)
ಏವಂ ಸುರಗಣಾಃ ಸರ್ವೇ ಪ್ರಾದ್ರವಂತ್ಸರ್ವತೋ ದಿಶಂ।
ಮುಹುರ್ಮುಹುಃ ಪ್ರೇಕ್ಷಮಾಣಾಃ ಪಾರ್ಥಮೇವ ಸಕಾರ್ಮುಕಂ॥ 2-97-41 (15298)
ವಿದ್ರುತಾಂದೇವಸಂಘಾಂಸ್ತಾನ್ರಣೇ ದೃಷ್ಟ್ವಾ ಪುರಂದರಃ।
ತತಃ ಕ್ರುದ್ಧೋ ಮಹಾತೇಜಾಃ ಪಾರ್ಥಂ ಬಾಣೈರವಾಕಿರತ್॥ 2-97-42 (15299)
ಪಾರ್ಥೋಽಪಿ ಶಕ್ರಂ ವಿವ್ಯಾಥ ಮಾನುಷೋ ವಿಬುಧಾಧಿಪಂ॥ 2-97-43 (15300)
ತತಃ ಸೋಽಶ್ಮಮಯಂ ವರ್ಷಂ ವ್ಯಸೃಜದ್ವಿಬುಧಾಧಿಪಃ।
ತಚ್ಛರೈರರ್ಜುನೋ ವರ್ಷಂ ಪ್ರತಿಜಾಘ್ನೇಽತ್ಯಮರ್ಷಣಃ॥ 2-97-44 (15301)
ಅಥ ಸಂವರ್ಧಯಾಮಾಸ ತದ್ವರ್ಷಂ ದೇವರಾಡಪಿ।
ಭೂಯ ಏವ ಮಹಾವೀರ್ಯಂ ಜಿಜ್ಞಾಸುಃ ಸವ್ಯಸಾಚಿನಃ॥ 2-97-45 (15302)
ಸೋಽಶ್ಮವರ್ಷಂ ಮಹಾವೇಗಮಿಷುಭಿಃ ಪಾಂಡವೋಽಪಿ ಚ।
ವಿಲಯಂ ಗಮಯಾಮಾಸ ಹರ್ಷಯನ್ಪಾಕಶಾಸನಂ॥ 2-97-46 (15303)
ಉಪಾದಾಯ ತು ಪಾಣಿಭ್ಯಾಮಂಗದಂ ನಾಮ ಪರ್ವತಂ।
ಸದ್ರುಮಂ ವ್ಯಸೃಜಚ್ಛಕ್ರೋ ಜಿಘಾಂಸುಃ ಶ್ವೇತವಾಹನಂ॥ 2-97-47 (15304)
ತತೋಽರ್ಜುನೋ ವೇಗವದ್ಭಿರ್ಜ್ವಲಮಾನೈರಜಿಹ್ಯಗೈಃ।
ಬಾಣೈರ್ವಿಧ್ವಂಸಯಾಮಾಸ ಗಿರಿರಾಜಂ ಸಹಸ್ರಧಾ॥ 2-97-48 (15305)
ಶಕ್ರಂ ಚ ಪಾತಯಾಮಾಸ ಶರೈಃ ಪಾರ್ಥೋ ಮಹಾನ್ಯುಧಿ।
ತತಃ ಶಕ್ರೋ ಮಹಾರಾಜ ರಣೇ ವೀರಂ ಧನಂಜಯಂ॥ 2-97-49 (15306)
ಜ್ಞಾತ್ವಾ ಜೇತುಮಶಕ್ಯಂ ತಂ ತೇಜೋಬಲಸಮನ್ವಿತಂ।
ಪರಾಂ ಪ್ರೀತಿ ಯಯೌ ತತ್ರ ಪುತ್ರಶೌರ್ಯೇಣ ವಾಸವಃ॥ 2-97-50 (15307)
ತದಾ ತತ್ರ ನ ತಸ್ಯಾಸ್ತಿ ದಿವಿ ಕಶ್ಚಿನ್ಮಹಾಯಶಾಃ।
ಸಮರ್ಥೋ ನಿರ್ಜಯೇ ರಾಜನ್ನಪಿ ಸಾಕ್ಷಾತ್ಪ್ರಜಾಪತಿಃ॥ 2-97-51 (15308)
ತತಃ ಪಾರ್ಥಃ ಶರೈರ್ಹತ್ವಾ ಯಕ್ಷರಾಕ್ಷಸಪನ್ನಗಾನ್।
ದೀಪ್ತೇ ಚಾಗ್ನೌ ಮಹಾತೇಜಾಃ ಪಾತಯಾಮಾಸ ಸಂತತಂ॥ 2-97-52 (15309)
ಪ್ರತಿಷೇಧಯಿತುಂ ಪಾರ್ಥಂ ನ ಶೇಕುಸ್ತತ್ರ ಕೇಚನ।
ದೃಷ್ಟ್ವಾ ನಿವಾರಿತಂ ಶಕ್ರಂ ದಿವಿ ದೇವಗಣೈಃ ಸಹ॥ 2-97-53 (15310)
ಯಥಾ ಸುಪರ್ಣಃ ಸೋಮಾರ್ಥಂ ವಿಬುಧಾನಜಯತ್ಪುರಾ।
ತಥಾ ಜಿತ್ವಾ ಸುರಾನ್ಪಾರ್ಥಸ್ತರ್ಪಯಾಮಾಸ ಪಾವಕಂ॥ 2-97-54 (15311)
ತತೋಽರ್ಜುನಃ ಸ್ವವೀರ್ಯೇಣ ತರ್ಪಯಿತ್ವಾ ವಿಭಾವಸುಂ।
ರಥಂ ಧ್ವಜಂ ಚ ಸಹಯಂ ದಿವ್ಯಾನಸ್ತ್ರಾಂಶ್ಚ ಪಾಂಡವಃ॥ 2-97-55 (15312)
ಗಾಂಡೀವಂ ಚ ಧನುಃ ಶ್ರೇಷ್ಠಂ ತೂಣೀ ಚಾಕ್ಷಯಸಾಯಕೌ।
ಏತಾನ್ಯಪಿ ಚ ಬೀಭತ್ಸುರ್ಲೇಭೇ ಕೀರ್ತಿ ಚ ಭಾರತ॥ 2-97-56 (15313)
ಭೂಯೋಽಪಿ ಶೃಣು ರಾಜೇಂದ್ರ ಪಾರ್ಥೋ ಗತ್ವೋತ್ತರಾಂ ದಿಶಂ।
ವಿಜಿತ್ಯ ನವವರ್ಷಾಂಶ್ಚ ಸಪುರಾಂಶ್ಚ ಸಪರ್ವತಾನ್॥ 2-97-57 (15314)
ಜಂಬುದ್ವೀಪಂ ವಶೇ ಕೃತ್ವಾ ಸರ್ವಂ ತದ್ಭರತರ್ಷಭ।
ಬಲಾಜ್ಜಿತ್ವಾ ನೃಪಾನ್ಸರ್ವಾನ್ಕರೇ ಚವಿನಿವೇಶ್ಯ ಚ॥ 2-97-58 (15315)
ರತ್ನಾನ್ಯಾದಾಯ ಸರ್ವಾಣಿ ಗತ್ವಾ ಚೈವ ಪುನಃ ಪುರೀಂ।
ತತೋ ಜ್ಯೇಷ್ಠಂ ಮಹಾತ್ಮಾನಂ ಧರ್ಮರಾಜಂ ಯುಧಿಷ್ಠಿರಂ।
ರಾಜಸೂಯಂ ಕ್ರತುಶ್ರೇಷ್ಠಂ ಕಾರಯಾಮಾಸ ಭಾರತ॥ 2-97-59 (15316)
ಸ ತಾನ್ಯನ್ಯಾನಿ ಕರ್ಮಾಣಿ ಕೃತವಾನರ್ಜುನಃ ಪುರಾ।
ಅರ್ಜುನೇನ ಸಮೋ ವೀರ್ಯೇ ತ್ರಿಷು ಲೋಕೇಷು ನ ಕ್ವಚಿತ್॥ 2-97-60 (15317)
ದೇವದಾನವಯಕ್ಷಾಶ್ಚ ಪಿಶಾಚೋರಗರಾಕ್ಷಸಾಃ।
ಭೀಷ್ಮದ್ರೋಣಾದಯಃ ಸರ್ವೇ ಕುರವಶ್ಚ ಮಹಾರಥಾಃ॥ 2-97-61 (15318)
ಲೋಕೇ ಸರ್ವನೃಪಾಶ್ಚೈವ ವೀರಾಶ್ಚಾನ್ಯೇ ಧನುರ್ಧರಾಃ।
ಏತೇ ಪಾರ್ಥಂ ರಣೇ ಯುಕ್ತಾಃ ಪ್ರತಿಯೋದ್ಧುಂ ನ ಶಕ್ನುಯುಃ॥ 2-97-62 (15319)
ಅಹಂ ಹಿ ನಿತ್ಯಂ ಕೌರವ್ಯ ಫಲ್ಗುನಂ ಹೃದಿ ಸಂಸ್ಥಿತಂ।
ಅಪಶ್ಯಂ ಚಿಂತಯಿತ್ವಾ ತಂ ಸಮುದ್ವಿಗ್ನೋಽಸ್ಮಿ ತದ್ಭಯಾತ್॥ 2-97-63 (15320)
ಗೃಹೇ ಗೃಹೇ ಚ ಪಶ್ಯಾಮಿ ತಾತ ಪಾರ್ಥಮಹಂ ಸದಾ।
ಶರಗಾಂಡೀವಸಂಯುಕ್ತಂ ಪಾಶಹಸ್ತಮಿವಾಂತಕಂ॥ 2-97-64 (15321)
ಅಪಿ ಪಾರ್ಥಸಹಸ್ರಾಣಿ ಭೀತಃ ಪಶ್ಯಾಮಿ ಭಾರತ।
ಪಾರ್ಥಭೂತಮಿದಂ ಸರ್ವಂ ನಗರಂ ಪ್ರತಿಭಾತಿ ಮೇ॥ 2-97-65 (15322)
ಪಾರ್ಥಮೇವ ಹಿ ಪಶ್ಯಾಮಿ ರಹಿತೇ ತಾತ ಭಾರತ।
ದೃಷ್ಟ್ವಾ ಸ್ವಪ್ನಗತಂ ಪಾರ್ಥಮುದ್ಧಮಾಮಿ ವಿಚೇತನಃ॥ 2-97-66 (15323)
ಅಕಾರಾದೀನಿ ನಾಮಾನಿ ಅರ್ಜುನಗ್ರಸ್ತಚೇತಸಃ।
ಅಶ್ವಾಕ್ಷರಾಂಬುಜಾಶ್ಚೈವ ತ್ರಾಸಂ ಸಂಜನಯಂತಿ ಮೇ॥ 2-97-67 (15324)
ನಾಸ್ತಿ ಪಾರ್ಥಾದೃತೇ ತಾತ ಪರವೀರಾದ್ಭಯಂ ಮಮ।
ಪ್ರಹ್ಲಾದಂ ವಾ ಬಲಿಂ ವಾಪಿ ಹನ್ಯಾದ್ಧಿ ವಿಜಯೋ ರಣೇ॥ 2-97-68 (15325)
ತಸ್ಮಾತ್ತೇನ ಮಹಾರಾಜ ಯುದ್ಧಂ ನಸ್ತಾತ ನ ಕ್ಷಮಂ।
ಅಹಂ ತಸ್ಯ ಪ್ರಭಾವಜ್ಞೋ ನಿತ್ಯಂ ದುಃಖಂ ವಹಾಮಿ ಚ॥ 2-97-69 (15326)
ಪುರಾ ಹಿ ದಂಡಕಾರಣ್ಯೇ ಮಾರೀಚಸ್ಯ ಯಥಾ ಭಯಂ।
ಭವೇದ್ರಾಮೇ ಮಹಾವೀರ್ಯೇ ತಥಾ ಪಾರ್ಥೇ ಭಯಂ ಮಮ॥ 2-97-70 (15327)
ಧೃತರಾಷ್ಟ್ರ ಉವಾಚ॥ 2-97-71x (1703)
ಜಾನಾಂಯೇವ ಮಹದ್ವೀಯಂ ಜಿಷ್ಣೋರೇತದ್ದುರಾಸದಂ।
ಏತದ್ವೀರಸ್ಯ ಪಾರ್ಥಸ್ಯ ಕಾರ್ಷೀಸ್ತ್ವಂ ತು ವಿಪ್ರಿಯಂ॥ 2-97-71 (15328)
ದ್ಯೂತಂ ವಾ ಶಸ್ತ್ರಯುದ್ಧಂ ವಾ ದುವಾಕ್ಯಂ ವಾ ಕಥಂಚನ।
ಏತೇಷ್ವೇವಂ ಕೃತೇ ತಸ್ಯ ವಿಗ್ರಹಶ್ಚೈವ ವೋ ಭವೇತ್॥ 2-97-72 (15329)
ತಸ್ಮಾತ್ತ್ವಂ ಪುತ್ರ ಪಾರ್ಥೇನ ನಿತ್ಯಂ ಸ್ನೇಹೇನ ವರ್ತಯ।
ಯಶ್ಚ ಪಾರ್ಥೇನ ಸಂಬಂಧೋ ವರ್ತತೇ ಚೇನ್ನರೋ ಭುವಿ॥ 2-97-73 (15330)
ತಸ್ಯ ನಾಸ್ತಿ ಭಯಂ ಕಿಂಚಿತ್ರಿಷು ಲೋಕೇಷು ಭಾರತ।
ತಸ್ಮಾತ್ತ್ವಂ ಜಿಷ್ಣುನಾ ವತ್ಸ ನಿತ್ಯಂ ಸ್ನೇಹೇನ ವರ್ತಯ॥ 2-97-74 (15331)
ದುರ್ಯೋಧನ ಉವಾಚ॥ 2-97-75x (1704)
ದ್ಯೂತೇ ಪಾರ್ಥಸ್ಯ ಕೌರವ್ಯ ಮಾಯಯಾ ನಿಕೃತಿಃ ಕೃತಾ।
ತಸ್ಮಾದ್ವಿ ನೋ ಜಯಸ್ತಾತ ಅನ್ಯೋಪಾಯೇನ ನೋ ಭವೇತ್॥ 2-97-75 (15332)
ಧೃತರಾಷ್ಟ್ರ ಉವಾಚ॥ 2-97-76x (1705)
ಉಪಾಯಶ್ಚ ನ ಕರ್ತವ್ಯಃ ಪಾಂಡವಾನ್ಪ್ರತಿ ಭಾರತ।
ಪಾರ್ಥಾನ್ಪ್ರತಿ ಪುರಾ ವತ್ಸ ಬಹೂಪಾಯಾಃ ಕೃತಾಸ್ತ್ವಯಾ॥ 2-97-76 (15333)
ತಾನುಪಾಯಾನ್ಹಿ ಕೌಂತೇಯಾ ಬಹುಶೋ ವ್ಯತಿಚಕ್ರಮುಃ।
ತಸ್ಮಾದ್ವಿತಂ ಜೀವಿತಾಯ ನಃ ಕುಲಸ್ಯ ಜನಸ್ಯ ಚ॥ 2-97-77 (15334)
ತ್ವಂ ಚಿಕೀರ್ಷಸಿ ಚೇದ್ವತ್ಸ ಸಮಿತ್ರಃ ಸಹಬಾಂಧವಃ।
ಸಭ್ರಾತೃಕಸ್ತ್ವಂ ಪಾರ್ಥೇನ ನಿತ್ಯಂ ಸ್ನೇಹೇನ ವರ್ತಯ॥ 2-97-78 (15335)
ವೈಶಂಪಾಯನ ಉವಾಚ॥ 2-97-79x (1706)
ಧೃತರಾಷ್ಟ್ರವಚಃ ಶ್ರುತ್ವಾ ರಾಜಾ ದುರ್ಯೋಧನಸ್ತದಾ।
ಚಿಂತಯಿತ್ವಾ ಮುಹೂರ್ತಂ ತು ವಿಧಿನಾ ಚೋದಿತೋಽಬ್ರವೀತ್'॥ 2-97-79 (15336)
ಪುನರ್ದೀವ್ಯಾಮ ಭದ್ರಂ ತೇ ವನವಾಸಾಯ ಪಾಂಡವೈಃ।
ಏವಮೇತಾನ್ವಶೇ ಕರ್ತುಂ ಶಕ್ಷ್ಯಾಮಃ ಪುರುಷರ್ಷಭ॥ಷ 2-97-80 (15337)
ತೇ ವಾ ದ್ವಾದಶ ವರ್ಷಾಣಿ ವಯಂ ವಾ ದ್ಯೂತನಿರ್ಜಿತಾಃ।
ಪ್ರವಿಶೇಮ ಮಹಾರಣ್ಯಮಜಿನೈಃ ಪ್ರತಿವಾಸಿತಾಃ॥ 2-97-81 (15338)
ತ್ರಯೋದಶಂ ಚ ಸ್ವಜನೈರಜ್ಞಾತಾಃ ಪರಿವತ್ಸರಂ।
ಜ್ಞಾತಾಶ್ಚ ಪುನರನ್ಯಾನಿ ವನೇ ವರ್ಷಾಣಿ ದ್ವಾದಶ॥ 2-97-82 (15339)
ನಿವಸೇಮ ವಯಂ ತೇ ವಾ ತಥಾ ದ್ಯೂತಂ ಪ್ರವರ್ತತಾಂ।
ಅಕ್ಷಾನುಪ್ತ್ವಾ ಪುನರ್ದ್ಯೂತಮಿದಂ ಕುರ್ವಂತು ಪಾಂಡವಃ॥ 2-97-83 (15340)
ಏತತ್ಕೃತ್ಯತಮಂ ರಾಜನ್ನಸ್ಮಾಕಂ ಭರತರ್ಷಭ।
ಅಯಂ ಹಿ ಶಕುನಿರ್ವೇದ ಸವಿದ್ಯಾಮಕ್ಷಸಂಪದಂ॥ 2-97-84 (15341)
ದೃಢಮೂಲಂ ವಯಂ ರಾಜ್ಯೇ ಮಿತ್ರಾಣಿ ಪರಿಗೃಹ್ಯ ಚ।
ಸಾರವದ್ವಿಪುಲಂ ಸೈನ್ಯಂ ಸತ್ಕೃತ್ಯ ಚ ದುರಾಸದಂ॥ 2-97-85 (15342)
ತೇ ಚ ತ್ರಯೋದಶಂ ವರ್ಷಂ ಪಾರಯಿಷ್ಯಂತಿ ಚೇದ್ವ್ರತಂ।
ಜೇಷ್ಯಾಮಸ್ತಾನ್ವಯಂ ರಾಜತ್ರೋಚತಾಂ ತೇ ಪರಂತಪ॥ 2-97-86 (15343)
ಧೃತರಾಷ್ಟ್ರ ಉವಾಚ॥ 2-97-87x (1707)
ತೂರ್ಣಂ ಪ್ರತ್ಯಾನಯಸ್ವೈತಾನ್ಕಾಮಂ ವ್ಯಧ್ವಗತಾನಪಿ।
ಆಗಚ್ಛಂತು ಪುನರ್ದ್ಯೂತಮಿದಂ ಕುರ್ವಂತು ಪಾಂಡವಃ॥ 2-97-87 (15344)
ವೈಶಂಪಾಯನ ಉವಾಚ॥ 2-97-88x (1708)
ತತೋ ದ್ರೋಣಃ ಸೋಮದತ್ತೋ ಬಾಹ್ಲೀಕಶ್ಚೈವ ಗೌತಮಃ।
ವಿದುರೋ ದ್ರೋಣಪುತ್ರಶ್ಚ ವೈಶ್ಯಾಪುತ್ರಶ್ಚ ವೀರ್ಯವಾನ್॥ 2-97-88 (15345)
ಭೂರಿಶ್ರವಾಃ ಶಾಂತನವೋ ವಿಕರ್ಣಶ್ಚ ಮಹಾರಥಃ।
ಮಾ ದ್ಯೂತಮಿತ್ಯಭಾಷಂತ ಶಮೋಽಸ್ತ್ವಿತಿ ಚ ಸರ್ವಶಃ॥ 2-97-89 (15346)
ಅಕಾಮಾನಾಂ ಚ ಸರ್ವೇಷಾಂ ಸುಹೃದಾಮರ್ಥದರ್ಶಿನಾಂ।
ಅಕರೋತ್ಪಾಂಡವಾಹ್ವಾನಂ ಧೃತರಾಷ್ಟ್ರಃ ಸುತಪ್ರಿಯಃ॥ 2-97-90 (15347)
ಅಥಾಬ್ರವೀನ್ಮಹಾರಾಜ ಧೃತರಾಷ್ಟ್ರಂ ಜನೇಶ್ವರಂ।
ಪುತ್ರಹಾರ್ದಾದ್ಧರ್ಮಯುಕ್ತಾ ಗಾಂಧಾರೀ ಶೋಕಕರ್ಶಿತಾ॥ 2-97-91 (15348)
ಜಾತೇ ದುರ್ಯೋಧನೇ ಕ್ಷತ್ತಾ ಮಹಾಮತಿರಭಾಷತ।
ನೀಯತಾಂ ಪರಲೋಕಾಯ ಸಾಧ್ವಯಂ ಕುಲಪಾಂಸನಃ॥ 2-97-92 (15349)
ವ್ಯನದಜ್ಜಾತಮಾತ್ರೋ ಹಿ ಗೋಮಾಯುರಿವ ಭಾರತ।
ಅಂತೋ ನೂನಂ ಕುಲಸ್ಯಾಸ್ಯ ಕುರವಸ್ತನ್ನಿಬೋಧತ॥ 2-97-93 (15350)
ಮಾ ನಿಮಜ್ಜೀಃ ಸ್ವದೋಷೇಣ ಮಹಾಪ್ಸು ತ್ವಂ ಹಿ ಭಾರತ।
ಮಾ ಬಾಲಾನಾಮಶಿಷ್ಟಾನಾಮಭಿಮಂಸ್ಥಾ ಮತಿಂ ಪ್ರಭೋ॥ 2-97-94 (15351)
ಮಾ ಕುಲಸ್ಯ ಕ್ಷಯೇ ಘೋರೇ ಕಾರಣಂ ತ್ವಂ ಭವಿಷ್ಯಸಿ।
ಬದ್ಧಂ ಸೇತುಂ ಕೋ ನು ಭಿಂದ್ಯಾದ್ಧಮೇಚ್ಛಾಂತಂ ಚ ಪಾವಕಂ॥ 2-97-95 (15352)
ಶಮೇ ಸ್ಥಿತಾನ್ಕೋ ನು ಪಾರ್ಥಾನ್ಕೋಪಯೇದ್ಭರತರ್ಷಭ।
ಸ್ಮರಂತಂ ತ್ವಾಮಾಜಮೀಢಂ ಸ್ಮಾರಯಿಷ್ಯಾಂಯಹಂ ಪುನಃ॥ 2-97-96 (15353)
ಶಾಸ್ತ್ರಂ ನ ಶಾಸ್ತಿ ದುರ್ಬುದ್ಧಿಂ ಶ್ರೇಯಸೇ ಚೇತರಾಯ ಚ।
ನ ವೈ ವೃದ್ಧೋ ಬಾಲಮತಿರ್ಭವೇದ್ರಾಜನ್ಕಥಂಚನ॥ 2-97-97 (15354)
ತ್ವನ್ನೇತ್ರಾಃ ಸಂತು ತೇ ಪುತ್ರಾ ಮಾ ತ್ವಾಂ ದೀರ್ಣಾಃ ಪ್ರಹಾಸಿಷುಃ।
ತಸ್ಮಾದಯಂ ಮದ್ವಚನಾತ್ತ್ಯಜ್ಯತಾಂ ಕುಲಪಾಂಸನಃ॥ 2-97-98 (15355)
ತಥಾ ತೇ ನ ಕೃತಂ ರಾಜನ್ಪುತ್ರಸ್ನೇಹಾನ್ನರಾಧಿಪ।
ತಸ್ಯ ಪ್ರಾಪ್ತಂ ಫಲಂ ವಿದ್ಧಿ ಕುಲಾಂತಕರಣಾಯ ಯತ್॥ 2-97-99 (15356)
ಶಮೇನ ಧರ್ಮೇಣ ನಯೇನ ಯುಕ್ತಾ
ಯಾ ತೇ ಬುದ್ಧಿಃ ಸಾಽಸ್ತು ತೇ ಮಾ ಪ್ರಮಾದೀಃ।
ಪ್ರಧ್ವಂಸಿನೀ ಕ್ರೂರಸಮಾಹಿತಾ ಶ್ರೀ-
ರ್ಮೃದುಪ್ರೌಢಾ ಗಚ್ಛತಿ ಪುತ್ರಪೌತ್ರಾನ್॥ 2-97-100 (15357)
ಅಥಾಬ್ರವೀನ್ಮಹಾರಾಜೋ ಗಾಂಧಾರೀಂ ಧರ್ಮದರ್ಶಿನೀಂ।
ಅಂತಃ ಕಾಮಂ ಕುಲಸ್ಯಾಸ್ತು ನ ಶಕ್ನೋಮಿ ನಿವಾರಿತುಂ॥ 2-97-101 (15358)
ಯಥೇಚ್ಛಂತಿ ತಥೈವಾಸ್ತು ಪ್ರತ್ಯಾಗಚ್ಛಂತು ಪಾಂಡವಾಃ।
ಪುನರ್ದ್ಯೂತಂ ಚ ಕುರ್ವಂತು ಮಾಮಕಾಃ ಪಾಂಡವೈಃ ಸಹ॥ ॥ 2-97-102 (15359)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅನುದ್ಯೂತಪರ್ವಣಿ ಸಪ್ತನವತಿತಮೋಽಧ್ಯಾಯಃ॥97॥
Mahabharata - Sabha Parva - Chapter Footnotes
2-97-90 ಅಕಾಮಾನಾಂ ದ್ಯೂತಮನಿಚ್ಛತಾಂ ಸತಾಂ॥ 2-97-98 ತ್ವನ್ನೇತ್ರಾಸ್ತ್ವಮೇವ ನೇತಾ ಯೇಷಾಂ ತೇ ತ್ವನ್ನೇತ್ರಾಃ। ದೀರ್ಣಾಸ್ತ್ವತ್ತೋ ಭಿನ್ನರ್ಮ ಯಾದಾಃ॥ಸಭಾಪರ್ವ - ಅಧ್ಯಾಯ 098
॥ ಶ್ರೀಃ ॥
2.98. ಅಧ್ಯಾಯಃ 098
Mahabharata - Sabha Parva - Chapter Topics
ನಿಜನಗರಂ ಗಚ್ಛತೋ ಯುಧಿಷ್ಠಿರಸ್ಯ ಮಧ್ಯೇಮಾರ್ಗಂ ದೂತಾಹ್ವಾನೇನ ಪುನರ್ನಿವೃತ್ತ್ಯ ದ್ಯೂತ ಸಭಾಪ್ರವೇಶಃ॥ 1॥ ಅನುದ್ಯೂತೇಪಿ ಯುಧಿಷ್ಠಿರಸ್ಯ ಶಕುನಿನಾ ಪರಾಜಯಃ॥ 2॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ತತೋ ವ್ಯಧ್ವಗತಂ ಪಾರ್ಥಂ ಪ್ರಾತಿಕಾಮೀ ಯುಧಿಷ್ಠಿರಂ।
ಉವಾಚ ವಚನಾದ್ರಾಜ್ಞೋ ಧೃತರಾಷ್ಟ್ರಸ್ಯ ಧೀಮತಃ॥ 2-98-1 (15360)
ಉಪಾಸ್ತೀರ್ಣಾ ಸಭಾ ರಾಜನ್ನಕ್ಷಾನುಪ್ತ್ವಾ ಯುಧಿಷ್ಠಿರ।
ಏಹಿ ಪಾಂಡವ ದೀವ್ಯೇತಿ ಪಿತಾ ತ್ವಾಹ ನರಾಧಿಪಃ॥ 2-98-2 (15361)
ಯುಧಿಷ್ಠಿರ ಉವಾಚ॥ 2-98-3x (1709)
ಧಾತುರ್ನಿಯೋಗಾದ್ಭೂತಾನಿ ಪ್ರಾಪ್ನುವಂತಿ ಶುಭಾಶುಭಂ।
ನ ನಿವೃತ್ತಿಸ್ತಯೋರಸ್ತಿ ದೇವತವ್ಯಂ ಪುನರ್ಯದಿ॥ 2-98-3 (15362)
ಅಕ್ಷದ್ಯೂತೇ ಸಮಾಹ್ವಾನಂ ನಿಯೋಗಾತ್ಸ್ಥವಿರಸ್ಯ ಚ।
ಜಾನನ್ನಪಿ ಕ್ಷಯಕರಂ ನಾತಿಕ್ರಮಿತುಮುತ್ಸಹೇ॥ 2-98-4 (15363)
ವೈಶಂಪಾಯನ ಉವಾಚ॥ 2-98-5x (1710)
ಅಸಂಭವೋ ಹೇಮಮಯಸ್ಯ ಜಂತೋ-
ಸ್ತಥಾಪಿ ರಾಮೋ ಲುಲುಭೇ ಮೃಗಾಯ।
ಪ್ರಾಯಃ ಸಮಾಸನ್ನಪರಾಭವಾಣಾಂ
ಧಿಯೋ ವಿಪರ್ಯಸ್ತತರಾ ಭವಂತಿ॥ 2-98-5 (15364)
ಇತಿ ಬ್ರುವನ್ನಿವವೃತೇ ಭ್ರಾತೃಭಿಃ ಸಹ ಪಾಂಡವಃ।
ಜಾನಾಂಶ್ಚ ಶಕುನೇರ್ಮಾಯಾಂ ಪಾರ್ಥೋ ದ್ಯೂತಮಿಯಾತ್ಪುನಃ॥ 2-98-6 (15365)
ವಿವಿಶುಸ್ತೇ ಸಭಾಂ ತಾಂ ತು ಪುನರೇವ ಮಹಾರಥಾಃ।
ವ್ಯಥಯಂತಿ ಸ್ಮ ಚೇತಾಂಸಿ ಮುಹೃದಾಂ ಭರತರ್ಷಭಾಃ॥ 2-98-7 (15366)
ಯಥೋಪಜೋಷಮಾಸೀನಾಃ ಪುನರ್ದ್ಯೂತಪ್ರವೃತ್ತಯೇ।
ಸರ್ವಲೋಕವಿನಾಶಾಯ ದೈವೇನೋಪನಿಪೀಡಿತಾಃ॥ 2-98-8 (15367)
ಶಕುನಿರುವಾಚ॥ 2-98-9x (1711)
ಅಮುಂಚತ್ಸ್ಥವಿರೋ ಯದ್ವೋ ಧನಂ ಪೂಜಿತಮೇವ ತತ್।
ಮಹಾಧನಂ ಗ್ಲಹಂ ತ್ವೇಕಂ ಶೃಣು ಭೋ ಭರತರ್ಷಭ॥ 2-98-9 (15368)
ವಯಂ ವಾ ದ್ವಾದಶಾಬ್ದಾನಿ ಯುಷ್ಮಾಭಿರ್ದ್ಯೂತನಿರ್ಜಿತಾಃ।
ಪ್ರವಿಶೇಮ ಮಹಾರಣ್ಯಂ ರೌರವಾಜಿನವಾಸಸಃ॥ 2-98-10 (15369)
ತ್ರಯೋದಶಂ ಚ ಸ್ವಜನೈರಜ್ಞಾತಾಃ ಪರಿವತ್ಸರಂ।
ಜ್ಞಾತಾಶ್ಚ ಪುನರನ್ಯಾನಿ ವನೇ ವರ್ಷಾಣಿ ದ್ವಾದಶ॥ 2-98-11 (15370)
ಅಸ್ಮಾಭಿರ್ನಿರ್ಜಿತಾ ಯೂಯಂ ವನೇ ದ್ವಾದಶ ವತ್ಸರಾನ್।
ವಸಧ್ವಂ ಕೃಷ್ಣಯಾ ಸಾರ್ಧಮಜಿನೈಃ ಪ್ರತಿವಾಸಿತಾಃ॥ 2-98-12 (15371)
ತ್ರಯೋದಶಂ ಚ ಸ್ವಜನೈರಜ್ಞಾತಾಃ ಪಿರವತ್ಸರಂ।
ಜ್ಞಾತಾಶ್ಚ ಪುನರನ್ಯಾನಿ ವನೇ ವರ್ಷಾಣಿ ದ್ವಾದಶ॥ 2-98-13 (15372)
ತ್ರಯೋದಶೇ ಚ ನಿರ್ವೃತ್ತೇ ಪುನರೇವ ಯಥೋಚಿತಂ।
ಸ್ವರಾಜ್ಯಂ ಪ್ರತಿಪತ್ತವ್ಯಮಿತರೈರಥವೇತರೈಃ॥ 2-98-14 (15373)
ಅನೇನ ವ್ಯವಸಾಯೇನ ಸಹಾಸ್ಮಾಭಿರ್ಯುಧಿಷ್ಠಿರ।
ಅಕ್ಷಾನುಪ್ತ್ವಾ ಪುನರ್ದ್ಯೂತಮೇಹಿ ದೀವ್ಯಸ್ವ ಭಾರತ॥ 2-98-15 (15374)
ಅಥ ಸಭ್ಯಾಃ ಸಭಾಮಧ್ಯೇ ಸಮುಚ್ಛ್ರಿತಕರಾಸ್ತದಾ।
ಊಚುರುದ್ವಿಗ್ನಮನಸಃ ಸಂವೇಗಾತ್ಸರ್ವ ಏವ ಹಿ॥ 2-98-16 (15375)
ಸಭ್ಯಾ ಊಚುಃ। 2-98-17x (1712)
ಅಹೋ ಧಿಗ್ಬಾಂಧವಾ ನೈನಂ ಬೋಧಯಂತಿ ಮಹದ್ಭಯಂ।
ಬುದ್ಧ್ಯಾ ಬುದ್ಧ್ಯೇನ್ನ ವಾ ಬುದ್ಧ್ಯೇದಯಂ ವೈ ಭರತರ್ಷಭ॥ 2-98-17 (15376)
ವೈಶಂಪಾಯನ ಉವಾಚ॥ 2-98-18x (1713)
ಜನಪ್ರವಾದಾನ್ಸುಬಹೂಞ್ಶೃಣ್ವನ್ನಪಿ ನರಾಧಿಪಃ।
ಹ್ರಿಯಾ ಚ ಧರ್ಮಸಂಯೋಗಾತ್ಪಾರ್ಥೋ ದ್ಯೂತಮಿಯಾತ್ಪುನಃ॥ 2-98-18 (15377)
ಜಾನನ್ನಾಪಿ ಮಹಾಬುದ್ಧಿಃ ಪುನರ್ದ್ಯೂತಮವರ್ತಯತ್।
ಅಪ್ಯಾಸನ್ನೋ ವಿನಾಶಃ ಸ್ಯಾತ್ಕುರೂಣಾಮಿತಿಚಿಂತಯನ್॥ 2-98-19 (15378)
ಯುಧಿಷ್ಠಿರ ಉವಾಚ॥ 2-98-20x (1714)
ಕಥಂ ವೈ ಮದ್ವಿಧೋ ರಾಜಾ ಸ್ವಧರ್ಮಮನುಪಾಲಯನ್।
ಆಹೂತೋ ವಿನಿವರ್ತೇತ ದೀವ್ಯಾಮಿ ಶಕುನೇ ತ್ವಯಾ॥ 2-98-20 (15379)
ಶಕುನಿರುವಾಚ॥ 2-98-21x (1715)
ಗವಾಶ್ವಂ ಬಹುಧೇನುಕಮಪರ್ಯಂತಮಜಾವಿಕಂ।
ಗಜಾಃ ಕೋಶೋ ಹಿರಣ್ಯಂ ಚ ದಾಸೀದಾಸಾಶ್ಚ ಸರ್ವಶಃ॥ 2-98-21 (15380)
ಹಿತ್ವಾ ನೋ ಗ್ಲಹ ಏವೈಕೋ ವನವಾಸಾಯ ಪಾಂಡವಾಃ।
ಯೂಯಂ ವಯಂ ವಾ ವಿಜಿತಾ ವಸೇಮ ವನಮಾಶ್ರಿತಾಃ॥ 2-98-22 (15381)
ತ್ರಯೋದಶಂ ಚ ವೈ ವರ್ಣಮಜ್ಞಾತಾಃ ಸ್ವಜನೈಸ್ತಥಾ।
ಅನೇನ ವ್ಯವಸಾಯೇನ ದೀವ್ಯಾಮ ಪುರುಷರ್ಷಭಾಃ। 2-98-23 (15382)
ಸಮುತ್ಕ್ಷೇಪೇಣ ಚೈಕೇನ ವನವಾಸಾಯ ಭಾರತ॥ 2-98-24 (15383)
` ವೈಶಂಪಾಯನ ಉವಾಚ॥ 2-98-24x (1716)
ಏವಂ ದೈವಬಲಾವಿಷ್ಟೋ ಧರ್ಮರಾಜೋ ಯುಧಿಷ್ಠಿರಃ।
ಭೀಷ್ಮದ್ರೋಣಾಽಽವಾರ್ಯಮಾಣೋ ವಿದುರೇಣ ಚ ಧೀಮತಾ॥ 2-98-24 (15384)
ಯುಯುತ್ಸುನಾ ಕೃಪೇಣಾಥ ಸಂಜಯೇನ ಚ ಭಾರತ।
ಗಾಂಧಾರ್ಯಾ ಪೃಥಯಾ ಚೈವ ಭೀಮಾರ್ಜುನಯಮೈಸ್ತಥಾ॥ 2-98-25 (15385)
ವಿಕರ್ಣೇನ ಚ ವೀರೇಣ ದ್ರೌಪದ್ಯಾ ದ್ರೌಣಿನಾ ತಥಾ।
ಸೋಮದತ್ತೇನ ಚ ತಥಾ ಬಾಹ್ಲೀಕೇನ ಚ ಧೀಮತಾ॥ 2-98-26 (15386)
ವಾರ್ಯಮಾಣೋಪಿ ಸತತಂ ನ ಚ ರಾಜನ್ನಿಯಚ್ಛತಿ।
ಏವಂ ಸಂವಾರ್ಯಮಾಣೋಪಿ ಕೌಂತೇಯೋ ಹಿತಕಾಂಯಯಾ॥ 2-98-27 (15387)
ದೇವಕಾರ್ಯಾರ್ಥಸಿದ್ಧ್ಯರ್ಥಂ ಮುಹೂರ್ತಂ ಕಲಿಮಾವಿಶತ್।
ಅವಿಷ್ಟಃ ಕಲಿನಾ ರಾಜಂಛಕುನಿಂ ಪ್ರತ್ಯಭಾಷತ॥ 2-98-28 (15388)
ಏವಂ ಭವತ್ವಿತಿ ತದಾ ವನವಾಸಾಯ ದೀವ್ಯತಿ'।
ಪ್ರತಿಜಗ್ರಾಹ ತಂ ಪಾರ್ಥೋ ಗ್ಲಹಂ ಜಗ್ರಾಹ ಸೌಬಲಃ॥
ಜಿತಮಿತ್ಯೇವ ಶಕುನಿರ್ಯುಧಿಷ್ಠಿರಮಭಾಷತ॥ ॥ 2-98-29 (15389)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅನುದ್ಯೂತಪರ್ವಣಿ ಅಷ್ಟನವತಿತಮೋಽಧ್ಯಾಯಃ॥ 98 ॥
Mahabharata - Sabha Parva - Chapter Footnotes
2-98-16 ಸಂವೇಗಾದತಿಶಯಾತ್॥ಸಭಾಪರ್ವ - ಅಧ್ಯಾಯ 099
॥ ಶ್ರೀಃ ॥
2.99. ಅಧ್ಯಾಯಃ 099
Mahabharata - Sabha Parva - Chapter Topics
ವನಾಯ ಪ್ರಸ್ಥಿತಾನ್ಪಾಂಡವಾನ್ಪ್ರತಿ ದುಶ್ಶಾಸನಕೃತಾಪಹಾಸಃ॥1॥ ಪಾಂಡವಾನಾಂ ಬಹುಪ್ರತಿಜ್ಞಾಕರಣಪೂರ್ವಕಂ ಧೃತರಾಷ್ಟ್ರಸಮೀಪಗಮನಂ॥ 2॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ತತಃ ಪರಾಜಿತಾಃ ಪಾರ್ಥಾ ವನಾವಾಸಾಯ ದೀಕ್ಷಿತಾಃ।
ಅಜಿನಾನ್ಯುತ್ತರೀಯಾಣಿ ಜಗೃಹುಶ್ಚ ಯಥಾಕ್ರಮಂ॥ 2-99-1 (15390)
ಅಜಿನೈಃ ಸಂವೃತಾಂದೃಷ್ಟ್ವಾ ಹೃತರಾಜ್ಯಾನರಿಂದಮಾನ್।
ಪ್ರಸ್ಥಿತಾನ್ವನವಾಸಾಯ ತತೋ ದುಃಶಾಸನೋಽಬ್ರವೀತ್॥ 2-99-2 (15391)
ಪ್ರವೃತ್ತಂ ಧಾರ್ತರಾಷ್ಟ್ರಸ್ಯ ಚಕ್ರಂ ರಾಜ್ಞೋ ಮಹಾತ್ಮನಃ।
ಪರಾಜಿತಾಃ ಪಾಂಡವೇಯಾ ವಿಪತ್ತಿಂ ಪರಮಾಂ ಗತಾಃ॥ 2-99-3 (15392)
ಅದ್ಯ ದೇವಾಃ ಸಂಪ್ರಯಾತಾಃ ಸಮೈರ್ವರ್ತ್ಮಭಿರಸ್ಥಲೈಃ।
ಗುಣಜ್ಯೇಷ್ಠಾಸ್ತಥಾ ಶ್ರೇಷ್ಠಾಃ ಶ್ರೇಯಾಂಸೋ ಯದ್ವಯಂ ಪರೈಃ॥ 2-99-4 (15393)
ನರಕಂ ಪಾತಿತಾಃ ಪಾರ್ಥಾ ದೀರ್ಘಕಾಲಮನಂತಕಂ।
ಮುಖಾಚ್ಚ ಹೀನಾ ರಾಜ್ಯಾಚ್ಚ ವಿನಷ್ಟಾಃ ಶಾಶ್ವತೀಃ ಸಮಾಃ॥ 2-99-5 (15394)
ಧನೇನ ಮತ್ತಾ ಯೇ ತೇ ಸ್ಮ ಧಾರ್ತರಾಷ್ಟ್ರಾನ್ಪ್ರಹಾಸಿಷುಃ।
ತೇ ನಿರ್ಜಿತಾ ಹೃತಧನಾ ವನಮೇಷ್ಯಂತಿ ಪಾಂಡವಃ॥ 2-99-6 (15395)
ಚಿತ್ರಾನ್ಸನ್ನಾಹಾನವಮುಂಚಂತು ಚೈಷಾಂ
ವಾಸಾಂಸಿ ದಿವ್ಯಾನಿ ಚ ಭಾನುಮಂತಿ॥
ವಿವಾಸ್ಯಂತಾಂ ರುರುಚರ್ಮಾಣಿ ಸರ್ವೇ
ಯಥಾ ಗ್ಲಹಂ ಸೌಬಲಸ್ಯಾಭ್ಯುಪೇತಾಃ॥ 2-99-7 (15396)
ನ ಸಂತಿ ಲೋಕೇಷು ಪುಮಾಂಸ ಈದೃಶಾ
ಇತ್ಯೇವ ಯೇ ಭಾವಿತಬುದ್ಧಯಃ ಸದಾ।
ಜ್ಞಾಸ್ಯಂತಿ ತೇತ್ಮಾನಮಿಮೇಽದ್ಯ ಪಾಂಡವಾ
ವಿಪರ್ಯಯೇ ಪಾಂಢತಿಲಾ ಇವಾಫಲಾಃ॥ 2-99-8 (15397)
ಇದಂ ಹಿ ವಾಸೋ ಯದಿ ವೇದೃಶಾನಾಂ
ಮನಸ್ವಿನಾಂ ರೌರವಮಾಹವೇಷು॥
ಆದೀಕ್ಷಿತಾನಾಮಜಿನಾನಿ ಯದ್ವ-
ದ್ವಲೀಯಸಾಂ ಪಶ್ಯತ ಪಾಂಡವಾನಾಂ॥ 2-99-9 (15398)
ಮಹಾಪ್ರಾಜ್ಞಃ ಸೌಮಕಿರ್ಯಜ್ಞಸೇನಃ
ಕನ್ಯಾಂ ಪಾಂಚಾಲೀಂ ಪಾಂಡವೇಭ್ಯಃ ಪ್ರದಾಯ।
ಅಕಾರ್ಷಿದ್ವೈ ಸುಕೃತಂ ನೇಹ ಕಿಂಚಿತ್
ಕ್ಲೀಬಾಃ ಪಾರ್ಥಾಃ ಪತಯೋ ಯಾಜ್ಞಸೇನ್ಯಾಃ॥ 2-99-10 (15399)
ಸೂಕ್ಷ್ಮಪ್ರಾವಾರಾನಜಿನೋತ್ತರೀಯಾನ್
ದೃಷ್ಟ್ವಾಽರಣ್ಯೇ ನಿರ್ಧನಾನಪ್ರತಿಷ್ಠಾನ್।
ಕಾಂ ತ್ವಂ ಪ್ರೀತಿಂ ಲಪ್ಸ್ಯಸೇ ಯಾಜ್ಞಸೇನಿ
ಪತಿಂ ವೃಣೀಷ್ವೇಹ ಯಮನ್ಯಮಿಚ್ಛಸಿ॥ 2-99-11 (15400)
ಏತೇ ಹಿ ಸರ್ವೇ ಕುರವಃ ಸಮೇತಾಃ
ಕ್ಷಾಂತಾ ದಾಂತಾಃ ಸುದ್ರವಿಣೋಪಪನ್ನಾಃ।
ಏಷಾಂ ವೃಣೀಷ್ವೈಕತಮಂ ಪತಿತ್ವೇ
ನ ತ್ವಾಂ ನಯೇತ್ಕಾಲವಿಪರ್ಯಯೋಽಯಂ॥ 2-99-12 (15401)
ಯಥಾಽಫಲಾಃ ಷಂಢತಿಲಾ ಯಥಾ ಚರ್ಮಮಯಾ ಮೃಗಾಃ।
ತಥೈವ ಪಾಂಡವಾಃ ಸರ್ವೇ ಯಥಾ ಕಾಕಯವಾ ಅಪಿ॥ 2-99-13 (15402)
ಕಿಂ ಪಾಂಡವಾಂಸ್ತೇ ಪತಿತಾನುಪಾಸ್ಯ
ಮೋಘಃ ಶ್ರಮಃ ಷಂಢತಿಲಾನುಪಾಸ್ಯ।
ಏವಂ ನೃಶಂಸಃ ಪರುಷಾಣಿ ಪಾರ್ಥಾ-
ನಶ್ರಾವಯದ್ಧೃತರಾಷ್ಟ್ರಸ್ಯ ಪುತ್ರಃ॥ 2-99-14 (15403)
ತದ್ವೈ ಶ್ರುತ್ವಾ ಭೀಮಸೇನೋಽತ್ಯಮರ್ಷೀ
ನಿರ್ಭರ್ತ್ಸ್ಯೋಚ್ಚೈಃ ಸನ್ನಿಗೃಹ್ಯೈವ ರೋಷಾತ್।
ಉವಾಚ ಚೈನಂ ಸಹಸೈವೋಪಗಂಯ
ಸಿಂಹೋ ಯಥಾ ಹೈಮವತಃ ಶೃಗಾಲಂ॥ 2-99-15 (15404)
ಭೀಮಸೇನ ಉವಾಚ॥ 2-99-16x (1717)
ಕ್ರೂರ ಪಾಪಜನೈರ್ಜುಷ್ಟಮಕೃತಾರ್ಥಂ ಪ್ರಭಾಷಸೇ।
ಗಾಂಧಾರವಿದ್ಯಯಾ ಹಿ ತ್ವಂ ರಾಜಮಧ್ಯೇ ವಿಕತ್ಥಸೇ॥ 2-99-16 (15405)
ಯಥಾ ತುದಸಿ ಮರ್ಮಾಣಿ ವಾಕ್ಛರೈರಿಹ ನೋ ಭೃಶಂ।
ತಥಾ ಸ್ಮಾರಯಿತಾ ತೇಽಹಂ ಕೃಂತನ್ಮರ್ಮಾಣಿ ಸಂಯುಗೇ॥ 2-99-17 (15406)
ಯೇ ಚ ತ್ವಾಮನುವರ್ತಂತೇ ಕ್ರೋಧಲೋಭವಶಾನುಗಾಃ।
ಗೋಪ್ತಾರಃ ಸಾನುಬಂಧಾಂಸ್ತಾನ್ನೇತಾಽಸ್ಮಿ ಯಮಸಾದನಂ॥ 2-99-18 (15407)
ವೈಶಂಪಾಯನ ಉವಾಚ॥ 2-99-19x (1718)
ಏವಂ ಬ್ರುವಾಣಮಜಿನೈರ್ವಿವಾಸಿತಂ
ದುಃಶಾಸನಸ್ತಂ ಪರಿನೃತ್ಯತಿ ಸ್ಮ।
ಮಧ್ಯೇ ಕುರೂಣಾಂ ಧರ್ಮನಿಬದ್ಧಮಾರ್ಗಂ
ಗೌರ್ಗೌರಿತಿ ಸ್ಮಾಹ್ವಯನ್ಮುಕ್ತಲಜ್ಜಃ॥ 2-99-19 (15408)
ಭೀಮಸೇನ ಉವಾಚ॥ 2-99-20x (1719)
ನೃಶಂಸ ಪರುಷಂ ವಕ್ತುಂ ದುಃಶಾಸನ ತ್ವಯಾ।
ನಿಕೃತ್ಯಾ ಹಿ ಧನಂ ಲಬ್ಧ್ವಾ ಕೋ ವಿಕತ್ಥಿತುಮರ್ಹತಿ॥ 2-99-20 (15409)
ಮೈವ ಸ್ಮ ಸುಕೃತಾಂ ಲೋಕಾನ್ಗಚ್ಛೇತ್ಪಾರ್ಥೋ ವೃಕೋದರಃ।
ಯದಿ ವಕ್ಷೋ ಹಿ ತೇ ಭಿತ್ತ್ವಾ ನ ಪಿಬೇಚ್ಛೋಣಿತಂ ರಣೇ॥ 2-99-21 (15410)
ಧಾರ್ತರಾಷ್ಟ್ರಾನ್ರಣೇ ಹತ್ತ್ವಾ ಮಿಷತಾಂ ಸರ್ವಧನ್ವಿನಾಂ।
ಶಮಂ ಗಂತಾಽಸ್ಮಿ ನಚಿರಾತ್ಸತ್ಯಮೇತದ್ಬ್ರವೀಮಿ ತೇ॥ 2-99-22 (15411)
ವೈಶಂಪಾಯನ ಉವಾಚ॥ 2-99-23x (1720)
ತಸ್ಯ ರಾಜಾ ಸಿಂಹಗತೇಃ ಸಖೇಲಂ
ದುರ್ಯೋಧನೋ ಭೀಮಸೇನಸ್ಯ ಹರ್ಷಾತ್।
ಗತಿಂ ಸ್ವಗತ್ಯಾಽನುಚಕಾರ ಮಂದೋ
ನಿರ್ಗಚ್ಛತಾಂ ಪಾಂಡವಾನಾಂ ಸಭಾಯಾಃ॥ 2-99-23 (15412)
ನೈತಾವತಾ ಕೃತಮಿತ್ಯಬ್ರವೀತ್ತಂ
ವೃಕೋದರಃ ಸನ್ನಿವೃತ್ತಾರ್ಧಕಾಯಃ।
ಶೀಘ್ರಂ ಹಿ ತ್ವಾಂ ನಿಹತಂ ಸಾನುಬಂಧಂ
ಸಂಸ್ಮಾರ್ಯಾಹಂ ಪ್ರತಿವಕ್ಷ್ಯಾಮಿ ಮೂಢ॥ 2-99-24 (15413)
ಏವಂ ಸಮೀಕ್ಷ್ಯಾತ್ಮನಿ ಚಾವಮಾನಂ
ನಿಯಂಯ ಮನ್ಯುಂ ಬಲವಾನ್ಸ ಮಾನೀ।
ರಾಜಾನುಗಃ ಸಂಸದಿ ಕೌರವಾಣಾಂ
ವಿನಿಷ್ಕಾಮನ್ವಾಕ್ಯಮುವಾಚ ಭೀಮಃ॥ 2-99-25 (15414)
ಅಹಂ ದುರ್ಯೋಧನಂ ಹಂತಾ ಕರ್ಣಂ ಹಂತಾ ಧನಂಜಯಃ।
ಶಕುನಿಂ ಚಾಕ್ಷಕಿತವಂ ಸಹದೇವೋ ಹನಿಷ್ಯತಿ॥ 2-99-26 (15415)
ಇದಂ ಚ ಭೂಯೋ ವಕ್ಷ್ಯಾಮಿ ಸಭಾಮಧ್ಯೇ ಬೃಹದ್ವಚಃ।
ಸತ್ಯಂ ದೇವಾಃ ಕರಿಷ್ಯಂತಿ ಯನ್ನೋ ಯುದ್ಧಂ ಭವಿಷ್ಯತಿ॥ 2-99-27 (15416)
ಸುಯೋಧನಮಿಮಂ ಪಾಪಂ ಹಂತಾಽಸ್ಮಿ ಗದಯಾ ಯುಧಿ।
ಶಿರಃ ಪಾದೇನ ಚಾಸ್ಯಾಹಮಧಿಷ್ಠಾಸ್ಯಾಮಿ ಭೂತಲೇ॥ 2-99-28 (15417)
ವಾಕ್ಯಶೂರಸ್ಯ ಚೈವಾಸ್ಯ ಪರುಷಸ್ಯ ದುರಾತ್ಮನಃ।
ದುಃಶಾಸನಸ್ಯ ರುಧಿರಂ ಪಾತಾಽಸ್ಮಿ ಮೃಗರಾಡಿವ॥ 2-99-29 (15418)
ಅರ್ಜುನ ಉವಾಚ॥ 2-99-30x (1721)
`ಭೀಮಸೇನ ನ ತೇ ಸಂತಿ ಯೇಷಾಂ ವೈರಂ ತ್ವಯಾ ತ್ವಿಹ।
ಮತ್ತಾ ಮೃಗೇಷು ಸುಖಿನೋ ನ ಬುದ್ಧ್ಯಂತೇ ಮಹದ್ಭಯಂ'॥ 2-99-30 (15419)
ನೈವಂ ವಾಚಾ ವ್ಯವಸಿತಂ ಭೀಮ ವಿಜ್ಞಾಯತೇ ಸತಾಂ।
ಇತಶ್ಚತುರ್ದಶೇ ವರ್ಷೇ ದ್ರಷ್ಟಾರೋ ಯದ್ಭವಿಷ್ಯತಿ॥ 2-99-31 (15420)
ಭೀಮಸೇನ ಉವಾಚ॥ 2-99-32x (1722)
ದುರ್ಯೋಧನಸ್ಯ ಕರ್ಣಸ್ಯ ಶಕುನೇಶ್ಚ ದುರಾತ್ಮನಃ।
ದುಃಶಾಸನಚತುರ್ಥಾನಾಂ ಭೂಮಿಃ ಪಾಸ್ಯತಿ ಶೋಣಿತಂ॥ 2-99-32 (15421)
ಅರ್ಜುನ ಉವಾಚ॥ 2-99-33x (1723)
ಅಸೂಯಿತಾರಂ ದ್ರಷ್ಟಾರಂ ಪ್ರವಕ್ತಾರಂ ವಿಕತ್ಥನಂ।
ಭೀಮಸೇನ ನಿಯೋಗಾತ್ತೇ ಹಂತಾಹಂ ಕರ್ಣಮಾಹವೇ॥ 2-99-33 (15422)
ಅರ್ಜುನಃ ಪ್ರತಿಜಾನೀತೇ ಭೀಮಸ್ಯ ಪ್ರಿಯಕಾಂಯಯಾ।
ಕರ್ಣಂ ಕರ್ಣಾನುಗಾಂಶ್ಚೈವ ರಣೇ ಹಂತಾಽಸ್ಮಿ ಪತ್ರಿಭಿಃ॥ 2-99-34 (15423)
ಯೇ ಚಾನ್ಯೇ ಪ್ರತಿಯೋತ್ಸ್ಯಂತಿ ಬುದ್ಧಿಮೋಹೇನ ಮಾಂ ನೃಪಾಃ।
ತಾಂಶ್ಚ ಸರ್ವಾನಹಂ ಬಾಣೈರ್ನೇತಾಽಸ್ಮಿ ಯಮಸಾದನಂ॥ 2-99-35 (15424)
ಚಲೇದ್ವಿ ಹಿಮವಾನ್ಸ್ಥಾನಾನ್ನಿಷ್ಪ್ರಭಃ ಸ್ಯಾದ್ದಿವಾಕರಃ।
ಶೈತ್ಯಂ ಸೋಮಾತ್ಪ್ರಣಶ್ಯೇತ ಮತ್ಸತ್ಯಂ ವಿಚಲೇದ್ಯದಿ॥ 2-99-36 (15425)
ನ ಪ್ರದಾಸ್ಯತಿ ಚೇದ್ರಾಜ್ಯಮಿತೋ ವರ್ಷೇ ಚತುರ್ದಶೇ।
ದುರ್ಯೋಧನೋಽಭಿಸತ್ಕೃತ್ಯ ಸತ್ಯಮೇತದ್ಭವಿಷ್ಯತಿ॥ 2-99-37 (15426)
ವೈಶಂಪಾಯನ ಉವಾಚ॥ 2-99-38x (1724)
ಇತ್ಯುಕ್ತವತಿ ಪಾರ್ಥೇ ತು ಶ್ರೀಮಾನ್ಮಾದ್ರವತೀಸುತಃ।
ಪ್ರಗೃಹ್ಯ ವಿಪುಲಂ ಬಾಹುಂ ಸಹದೇವಃ ಪ್ರತಾಪವಾನ್॥ 2-99-38 (15427)
ಸೌಬಲಸ್ಯ ವಧಂ ಪ್ರೇಪ್ಸುರಿದಂ ವಚನಮಬ್ರವೀತ್।
ಕ್ರೋಧಸಂರಕ್ತನಯನೋ ನಿಃ ಶ್ವಸನ್ನಿವ ಪನ್ನಗಃ॥ 2-99-39 (15428)
ಸಹದೇವ ಉವಾಚ॥ 2-99-40x (1725)
ಅಕ್ಷಾನ್ಯಾನ್ಮನ್ಯಸೇ ಮೂಢ ಗಾಂಧಾರಾಣಾಂ ಯಶೋಹರ।
ನೈತೇಽಕ್ಷಾ ನಿಶಿತಾ ಬಾಣಾಸ್ತ್ವಯೈತೇ ಸಮರೇ ವೃತಾಃ॥ 2-99-40 (15429)
ಯಥಾ ಚೈವೋಕ್ತವಾನ್ಭೀಮಸ್ತ್ವಾಮುದ್ದಿಶ್ಯ ಸಬಾಂಧವಂ।
ಕರ್ತಾಹಂ ಕರ್ಮಣಸ್ತಸ್ಯ ಕುರು ಕಾರ್ಯಾಣಿ ಸರ್ವಶಃ॥ 2-99-41 (15430)
ಹಂತಾಽಸ್ಮಿ ತರಸಾ ಯುದ್ಧೇ ತ್ವಾಮೇವಹೇ ಸಬಾಂಧವಂ।
ಯದಿ ಸ್ಥಾಸ್ಯಸಿ ಸಂಗ್ರಾಮೇ ಕ್ಷತ್ರಧರ್ಮೇಣ ಸೌಬಲ॥ 2-99-42 (15431)
ಸಹದೇವವಚಃ ಶ್ರುತ್ವಾ ನಕುಲೋಽಪಿ ವಿಶಾಂಪತೇ।
ದರ್ಶನೀಯತಮೋ ನೄಣಾಮಿದಂ ವಚನಮಬ್ರವೀತ್॥ 2-99-43 (15432)
ಸುತೇಯಂ ಯಜ್ಞಸೇನಸ್ಯ ದ್ಯೂತೇಽಸ್ಮಿಂಧೃತರಾಷ್ಟ್ರಜೈಃ।
ಯೈರ್ವಾಚಃ ಶ್ರಾವಿತಾ ರೂಕ್ಷಾಃ ಸ್ಥಿತೈರ್ದುರ್ಯೋಧನಪ್ರಿಯೇ॥ 2-99-44 (15433)
ತಾಂಧಾರ್ತರಾಷ್ಟ್ರಾಂದುರ್ವೃತ್ತಾನ್ಮುಮೂರ್ಷೂನ್ಕಾಲನೋದಿತಾನ್।
ಗಮಯಿಷ್ಯಾಮಿ ಭೂಯಿಷ್ಠಾನಹಂ ವೈವಸ್ವತಕ್ಷಯಂ॥ 2-99-45 (15434)
`ಉಲೂಕಂ ಚ ದುರಾತ್ಮಾನಂ ಸೌಬಲಸ್ಯ ಸುತಂ ಪ್ರಿಯಂ।
ಕ್ರೂರಂ ಹಂತಾಽಸ್ಮಿ ಸಮರೇ ತಂ ವೈ ಕ್ರೂರಂ ನರಾಧಮಂ'॥ 2-99-46 (15435)
ನಿದೇಶಾದ್ಧರ್ಮರಾಜಸ್ಯ ದ್ರೌಪದ್ಯಾಃ ಪದವೀಂ ಚರನ್।
ನಿರ್ಧಾರ್ತರಾಷ್ಟ್ರಾಂ ಪೃಥಿವೀಂ ಕರ್ತಾಽಸ್ಮಿ ನಚಿರಾದಿವ॥ 2-99-47 (15436)
ವೈಶಂಪಾಯನ ಉವಾಚ॥ 2-99-48x (1726)
ಏವಂ ತೇ ಪುರುಷವ್ಯಾಘ್ರಾಃ ಸರ್ವೇ ವ್ಯಾಯತಬಾಹವಃ।
ಪ್ರತಿಜ್ಞಾ ಬಹುಲಾಃ ಕೃತ್ವಾ ಧೃತರಾಷ್ಟ್ರಮುಪಾಗಮನ್॥ ॥ 2-99-48 (15437)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅನುದ್ಯೂತಪರ್ವಣಿ ಏಕೋನಶತತಮೋಽಧ್ಯಾಯಃ॥ 99 ॥
Mahabharata - Sabha Parva - Chapter Footnotes
2-99-13 ಕಾಕಯವಾ ನಿಸ್ತಂಡುಲಂ ತೃಣಧಾನ್ಯಂ॥ 2-99-17 ಸ್ಮರಯಿತಾ ಸ್ಮಾರಯಿಷ್ಯಾಮಿ ॥ಸಭಾಪರ್ವ - ಅಧ್ಯಾಯ 100
॥ ಶ್ರೀಃ ॥
2.100. ಅಧ್ಯಾಯಃ 100
Mahabharata - Sabha Parva - Chapter Topics
ಯುಧಿಷ್ಠಿರೇಣ ವನಗಮನಾಯ ಭೀಷ್ಮಾದ್ಯಾಮಂತ್ರಣಂ॥ 1॥ ಪಾಂಡವಾನ್ಪ್ರತಿ ವಿದುರವಚನಂ॥ 2॥Mahabharata - Sabha Parva - Chapter Text
ಯುಧಿಷ್ಠಿರ ಉವಾಚ॥
ಆಮಂತ್ರಯಾಮಿ ಭರತಾಂಸ್ತಥಾ ವೃದ್ಧಂ ಪಿತಾಮಹಂ॥
ರಾಜಾನಂ ಸೋಮದತ್ತಂ ಚ ಮಹಾರಾಜಂ ಚ ಬಾಹ್ಲಿಕಂ॥ 2-100-1 (15438)
ದ್ರೋಣಂ ಕೃಪಂ ನೃಪಾಂಶ್ಚಾನ್ಯಾನಶ್ವತ್ಥಾಮಾನಮೇವ ಚ।
ವಿದುರಂ ಧೃತರಾಷ್ಟ್ರಂ ಚ ಧಾರ್ತರಾಷ್ಟ್ರಾಂಶ್ಚ ಸರ್ವಶಃ॥ 2-100-3a`ಸೌಮದತ್ತಿಂ ಮಹಾವೀರ್ಯಂ ವಿಕರ್ಣಂ ಚ ಮಹಾಮತಿಂ'।
ಯುಯುತ್ಸುಂ ಸಂಜಯಂ ಚೈವ ತಥೈವಾನ್ಯಾನ್ಸಭಾಸದಃ॥ 2-100-4a`ಗಾಂಧಾರೀಂ ಚ ಮಹಾಭಾಗಾಂ ಮಾತರಂ ಚ ತಥಾ ಪೃಥಾಂ'।
ಸರ್ವಾನಾಮಂತ್ರ್ಯ ಗಚ್ಛಾಮಿ ದ್ರಷ್ಟಾಽಸ್ಮಿ ಪುನರೇತ್ಯ ವಃ॥ 2-100-2 (15439)
ವೈಶಂಪಾಯನ ಉವಾಚ॥ 2-100-5x (1727)
ನ ಚ ಕಿಂಚಿದಥೋಚುಸ್ತಂ ಹ್ರಿಯಾಽಽಸನ್ನಾ ಯುಧಿಷ್ಠಿರಂ।
ಮನೋಭಿರೇವ ಕಲ್ಯಾಣಂ ದಧ್ಯುಸ್ತೇ ತಸ್ಯ ಧೀಮತಃ॥ 2-100-5 (15440)
ವಿದುರ ಉವಾಚ॥ 2-100-6x (1728)
ಆರ್ಯಾ ಪೃಥಾ ರಾಜಪುತ್ರೀ ನಾರಣ್ಯಂ ಗಂತುಮರ್ಹತಿ।
ಸುಕುಮಾರೀ ಚ ವೃದ್ಧಾ ಚ ನಿತ್ಯಂ ಚೈವ ಸುಖೋಚಿತಾ॥ 2-100-6 (15441)
ಇಹ ವತ್ಸ್ಯತಿ ಕಲ್ಯಾಣೀ ಸತ್ಕೃತಾ ಮಮ ವೇಶ್ಮನಿ।
ಇತಿ ಪಾರ್ಥಾ ವಿಜಾನೀಧ್ವಮಗದಂ ವೋಽಸ್ತು ಸರ್ವಶಃ॥ 2-100-7 (15442)
ಪಾಂಡವಾ ಊಚುಃ। 2-100-8x (1729)
ತಥೇತ್ಯುಕ್ತ್ವಾಽಬ್ರುವನ್ಸರ್ವೇ ಯಥಾ ನೋ ವದಸೇಽನಘ।
ತ್ವಂ ಪಿತೃವ್ಯಃ ಪಿತೃಸಮೋ ವಯಂ ಚ ತ್ವತ್ಪರಾಯಣಾಃ॥ 2-100-8 (15443)
ಯಥಾಽಽಜ್ಞಾಪಯಸೇ ವಿದ್ವಂಸ್ತ್ವಂ ಹಿ ನಃ ಪರಮೋ ಗುರುಃ।
ಯಚ್ಚಾನ್ಯದಪಿ ಕರ್ತವ್ಯಂ ತದ್ವಿಧತ್ಸ್ವ ಮಹಾಮತೇ॥ 2-100-9 (15444)
ವಿದುರ ಉವಾಚ॥ 2-100-10x (1730)
ಯುಧಿಷ್ಠಿರ ವಿಜಾನೀಹಿ ಮಮೇದಂ ಭರತರ್ಷಭ।
ನಾಧರ್ಮೇಣ ಜಿತಃ ಕಶ್ಚಿದ್ವ್ಯಥತೇ ವೈ ಪರಾಜಯೇ॥ 2-100-10 (15445)
ತ್ವಂ ವೈ ಧರ್ಮಂ ವಿಜಾನೀಷೇ ಯುದ್ಧೇ ಜೇತಾ ಧನಂಜಯಃ।
ಹಂತಾಽರೀಣಾಂ ಭೀಮಸೇನೋ ನಕುಲಸ್ತ್ವರ್ಥಸಂಗ್ರಹೀ॥ 2-100-11 (15446)
ಸಂಯಂತಾ ಸಹದೇವಸ್ತು ಧೌಂಯೋ ಬ್ರಹ್ಮವಿದುತ್ತಮಃ।
ಧರ್ಮಾರ್ಥಕುಶಲಾ ಚೈವ ದ್ರೌಪದೀ ಧರ್ಮಚಾರಿಣೀ॥ 2-100-12 (15447)
ಅನ್ಯೋನ್ಯಸ್ಯ ಪ್ರಿಯಾಃ ಸರ್ವೇ ತಥೈವ ಪ್ರಿಯದರ್ಶನಾಃ।
ಪರೈರಭೇದ್ಯಾಃ ಸಂತುಷ್ಟಾಃ ಕೋ ವೋನ ನ ಸ್ಪೃಹಯೇದಿಹ॥ 2-100-13 (15448)
ಏಷ ವೈ ಸರ್ವಕಲ್ಯಾಣಃ ಸಮಾಧಿಸ್ತವ ಭಾರತ।
ನೈನಂ ಶತ್ರುರ್ವಿಷಹತೇ ಶಕ್ರೇಣಾಪಿ ಸಮೋಽಪ್ಯುತ॥ 2-100-14 (15449)
ಹಿಮವತ್ಯನುಶಿಷ್ಟೋಽಸಿ ಮೇರುಸಾವರ್ಣಿನಾ ಪುರಾ।
ದ್ವೈಪಾಯನೇನ ಕೃಷ್ಣೇನ ನಗರೇ ವಾರಣಾವತೇ॥ 2-100-15 (15450)
ಭೃಗುತುಂಗೇ ಚ ರಾಮೇಣ ದೃಷ್ಟದ್ವತ್ಯಾಂ ಚ ಶಂಭುನಾ।
ಅಶ್ರೌಷೀರಸಿ ತಸ್ಯಾಪಿ ಮಹರ್ಷೇರಂಜನಂ ಪ್ರತಿ॥ 2-100-16 (15451)
ಕಲ್ಮಾಷೀತೀರಸಂಸ್ಥಸ್ಯ ಗತಸ್ತ್ವಂ ಶಿಷ್ಯತಾಂ ಭೃಗೋಃ।
ದ್ರಷ್ಟಾ ಸದಾ ನಾರದಸ್ತೇ ಧೌಂಯಸ್ತೇಽಯಂ ಪುರೋಹಿತಃ॥ 2-100-17 (15452)
ಮಾಹಾಸೀಃ ಸಾಂಪರಾಯೇ ತ್ವಂ ಬುದ್ಧಿಂ ತಾಮೃಷಿಪೂಜಿತಾಂ।
ಪುರೂರವಸಮೈಲಂ ತ್ವಂ ಬುದ್ಧ್ಯಾ ಜಯಸಿ ಪಾಂಡವ॥ 2-100-18 (15453)
ಶಕ್ತ್ಯಾ ಜಯಸಿ ರಾಜ್ಞೋಽನ್ಯಾನೃಷೀಂಧರ್ಗೋಪಸೇವಯಾ।
ಐಂದ್ರೇ ಜಯೇ ಧೃತಮನಾ ಯಾಂಯೇ ಕೋಪವಿಧಾರಣೇ॥ 2-100-19 (15454)
ತಥಾ ವಿಸರ್ಗೇ ಕೌಬೇರೇ ವಾರುಣೇ ಕೋಪವಿಧಾರಣೇ॥
ಆತ್ಮಪ್ರದಾನಂ ಸೌಂಯತ್ವಮದ್ಭ್ಯಶ್ಚೈವೋಪಜೀವನಂ॥ 2-100-20 (15455)
ಭೂಮೇಃ ಕ್ಷಮಾ ಚ ತೇಜಶ್ಚ ಸಮಗ್ರಂ ಸೂರ್ಯಮಂಡಲಾತ್।
ವಾಯೋರ್ಬಲಂ ಪ್ರಾಪ್ನುಹಿ ತ್ವಂ ಭೂತೇಭ್ಯಶ್ಚಾತ್ಮಸಂಪದಂ॥ 2-100-21 (15456)
ಅಗದಂ ವೋಽಸ್ತು ಭದ್ರಂ ವೋ ದ್ರಷ್ಟಾಽಸ್ಮಿ ಪುನರಾಗತಾನ್।
ಆಪದ್ಧರ್ಮಾರ್ಥಕೃಚ್ಛ್ರೇಷು ಸರ್ವಕಾರ್ಯೇಷು ವಾ ಪುನಃ॥ 2-100-22 (15457)
ಯಥಾವತ್ಪ್ರತಿಪದ್ಯೇಥಾಃ ಕಾಲೇ ಕಾಲೇ ಯುಧಿಷ್ಠಿರ।
ಆಪೃಷ್ಟೋಽಸೀಹ ಕೌಂತೇಯ ಸ್ವಸ್ತಿ ಪ್ರಾಪ್ನುಹಿ ಭಾರತ॥ 2-100-23 (15458)
ಕೃತಾರ್ಥಂ ಸ್ವಸ್ಮಿಮಂತಂ ತ್ವಾಂ ದ್ರಕ್ಷ್ಯಾಮಃ ಪುನರಾಗತಂ।
ನ ಹಿ ವೋ ವೃಜಿನಂ ಕಿಂಚಿದ್ವೇದ ಕಶ್ಚಿತ್ಪುರಾಕೃತಂ॥ 2-100-24 (15459)
ವೈಶಂಪಾಯನ ಉವಾಚ॥ 2-100-25x (1731)
ಏವಮುಕ್ತಸ್ತಥೇತ್ಯುಕ್ತ್ವಾ ಪಾಂಡವಃ ಸತ್ಯವಿಕ್ರಮಃ।
ಭೀಷ್ಮದ್ರೋಣೌ ನಮಸ್ಕೃತ್ಯ ಪ್ರಾತಿಷ್ಠತ ಯುಧಿಷ್ಠಿರಃ॥ ॥ 2-100-25 (15460)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅನುದ್ಯಾತಪರ್ವಣಿ ಶತತಮೋಽಧ್ಯಾಯಃ॥ 100॥
Mahabharata - Sabha Parva - Chapter Footnotes
2-100-14 ಸಮಾಧಿರ್ಮನಃ ಸ್ವಾಸ್ಥ್ಯಕರೋ ನಿಯಮಃ॥ 2-100-19 ವಿಧಾರಣೇ ನಿಯಮನೇ ॥ 2-100-20 ವಿಸರ್ಗೇ ದಾನೇ। ಸಂಯಮೇ ವಶೀಕರಣೇ । ಉಪಜೀವನಂ ಜೀವನಹೇತುತ್ವಂ॥ಸಭಾಪರ್ವ - ಅಧ್ಯಾಯ 101
॥ ಶ್ರೀಃ ॥
2.101. ಅಧ್ಯಾಯಃ 101
Mahabharata - Sabha Parva - Chapter Topics
ಪಾಂಡವಾನಾಂ ವನಪ್ರಸ್ಥಾನೇನ ಖಿದ್ಯತಾಂ ಪೌರಾಣಾಂ ವಚನಾನಿ॥ 1॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ತತಃ ಸಂಪ್ರಸ್ಥಿತೇ ತತ್ರ ಧರ್ಮರಾಜೇ ತದಾ ನೃಪ।
ಜನಾಃ ಸಮಂತಾದ್ದ್ರಷ್ಟುಂ ತಂ ಸಮಾರುರುಹುರಾತುರಾಃ॥ 2-101-1 (15461)
ತತಃ ಪ್ರಾಸಾದವರ್ಯಾಣಿ ವಿಮಾನಶಿಖರಾಣಿ ಚ।
ಗೋಪುರಾಣಿ ಚ ಸರ್ವಾಣಿ ವೃಕ್ಷಾನನ್ಯಾಂಶ್ಚ ಸರ್ವಶಃ॥ 2-101-2 (15462)
ಅಥಾಧಿರುಹ್ಯ ಸಸ್ತ್ರೀಕಾ ಉದಾಸೀನಾ ವ್ಯಲೋಕಯನ್।
ನ ಹಿ ರಥ್ಯಾಸ್ತದಾ ಶಕ್ಯಾ ಗಂತುಂ ತಾಶ್ಚ ಜನಾಕುಲಾಃ॥ 2-101-3 (15463)
ಆರುಹ್ಯ ಸ್ಮಾನತಾಸ್ತತ್ರ ದೀನಾಃ ಪಶ್ಯಂತಿ ಪಾಂಡವಾನ್।
ಪದಾತಿಂ ವರ್ಜಿತಚ್ಛತ್ರಂ ಚೇಲಭೂಷಣವರ್ಜಿತಂ॥ 2-101-4 (15464)
ವಲ್ಕಲಾಜಿನಸಂವೀತಂ ಪಾರ್ಥಂ ದೃಷ್ಟ್ವಾ ಜನಾಸ್ತದಾ।
ಊಚುರ್ಬಹುವಿಧಾ ವಾಚೋ ಭೃಶೋಪಹತಚೇತಸಃ॥ 2-101-5 (15465)
ಜನಾ ಊಚುಃ। 2-101-6x (1732)
ಯಂ ಯಾಂತಮನುಯಾತಿ ಸ್ಮ ಚತುರಂಗಬಲಂ ಮಹತ್।
ತಮೇಕಂ ಕೃಷ್ಣಯಾ ಸಾರ್ಧಮನುಗಚ್ಛಂತಿ ಪಾಂಡವಾಃ॥ 2-101-6 (15466)
ಚತ್ವಾರೋ ಭ್ರಾತರಶ್ಚೈವ ಧೌಂಯಶ್ಚೈವ ಪುರೋಹಿತಃ।
ಭೀಮಾರ್ಜುನೌ ವಾರಯಿತ್ವಾ ನಿಕೃತ್ಯಾ ಬದ್ಧಕಾರ್ಮುಕೌ॥ 2-101-7 (15467)
ಧರ್ಮ ಏವಾಸ್ಥಿತೋ ಯೇನ ತ್ಯಕ್ತ್ವಾ ರಾಜ್ಯಂ ಮಹಾತ್ಮನಾ।
ಯಾ ನ ಶಕ್ಯಾ ಪುರಾ ದ್ರಷ್ಟುಂ ಭೂತೈರಾಕಾಶಗೈರಪಿ॥ 2-101-8 (15468)
ತಾಮದ್ಯ ಕೃಷ್ಣಾಂ ಪಶ್ಯಂತಿ ರಾಜಮಾರ್ಗಗತಾ ಜನಾಃ।
ಅಂಗರಾಗೋಚಿತಾಂ ಕೃಷ್ಣಾಂ ರಕ್ತಚಂದನಸೇವಿನೀಂ॥ 2-101-9 (15469)
ವರ್ಷಮುಷ್ಣಂ ಚ ಶೀತಂ ಚ ನೇಷ್ಯತ್ಯಾಶು ವಿವರ್ಣತಾಂ।
ಅದ್ಯ ನೂನಂ ಪೃಥಾ ದೇವೀ ಸತ್ಯಮಾವಿಶ್ಯ ಭಾಷತೇ॥ 2-101-10 (15470)
ಪುತ್ರಾನ್ಸ್ನುಷಾಂ ಚ ದೇವೀ ತು ದ್ರಷ್ಟುಮದ್ಯಾಥ ನಾರ್ಹತಿ।
ನಿರ್ಗುಣಸ್ಯಾಪಿ ಪುತ್ರಸ್ಯ ಕಥಂ ಸ್ಯಾಹುಃ ಸ್ವದರ್ಶನಂ॥ 2-101-11 (15471)
ಕಿಂಪುನರ್ಯಸ್ಯ ಲೋಕೋಽಯಂ ಜಿತೋ ವೃತ್ತೇನ ಕೇವಲಂ।
ಆನೃಶಂಸ್ಯಮನುಕ್ರೋಶೋ ಧೃತಿಃ ಶೀಲಂ ದಮಃ ಶಮಃ॥ 2-101-12 (15472)
ಪಾಂಡವಂ ಶೋಭಯಂತ್ಯೇತೇ ಷಡ್ಗುಣಾಃ ಪುರುಷೋತ್ತಮಂ।
ತಸ್ಮಾದಸ್ಯೋಪಘಾತೇನ ಪ್ರಜಾಃ ಪರಮಪೀಡಿತಾಃ॥ 2-101-13 (15473)
ಔದಕಾನೀವ ಸತ್ವಾನಿ ಗ್ರೀಷ್ಮೇ ಸಲಿಲಸಂಕ್ಷಯಾತ್।
ಪೀಡಯಾ ಪೀಡಿತಂ ಸರ್ವಂ ಜಗದಸ್ಯ ಜಗತ್ಪತೇಃ॥ 2-101-14 (15474)
ಮೂಲಸ್ಯೈವೋಪಘಾತೇನ ವೃಕ್ಷಃ ಪುಷ್ಪಫಲೋಪಗಃ।
ಮೂಲಂ ಹ್ಯೇಷ ಮನುಷ್ಯಾಣಾಂ ಧರ್ಮರಾಜೋ ಮಹಾದ್ಯುತಿಃ॥ 2-101-15 (15475)
ಪುಷ್ಪಂ ಫಲಂ ಚ ಪತ್ರಂ ಚ ಶಾಖಾಸ್ತಸ್ಯೇತರೇ ಜನಾಃ।
ತೇ ಭ್ರಾತರ ಇವ ಕ್ಷಿಪ್ರಂ ಸಪುತ್ರಾಃ ಸಹಬಾಂಧವಾಃ॥ 2-101-16 (15476)
ಗಚ್ಛಂತಮನುಗಚ್ಛಾಮೋ ಯೇನ ಗಚ್ಛತಿ ಪಾಂಡವಃ।
ಉದ್ಯಾನಾನಿ ಪರಿತ್ಯಜ್ಯ ಕ್ಷೇತ್ರಾಣಿ ಚ ಗೃಹಾಣಿ ಚ॥ 2-101-17 (15477)
ಏಕದುಃಖಸುಖಾಃ ಪಾರ್ಥಮನುಯಾಮ ಸುಧಾರ್ಮಿಕಂ।
ಸಮುಚ್ಛ್ರಿತಪತಾಕಾನಿ ಪರಿಧ್ವಸ್ತಾಜಿರಾಣಿ ಚ॥ 2-101-18 (15478)
ಉಪಾತ್ತಧನಧಾನ್ಯಾನಿ ಹೃತಸಾರಾಣಿ ಸರ್ವಶಃ।
ರಜಸಾಽಪ್ಯವಕೀರ್ಣಾನಿ ಪರಿತ್ಯಕ್ತಾನಿ ದೈವತೈಃ॥ 2-101-19 (15479)
ಮೂಷಕೈಃ ಪರಿಧಾವದ್ಭಿರುದ್ಬಲೈರಾವೃತಾನಿ ಚ।
ಅಪೇತೋದಕಧೂಮಾನಿ ಹೀನಸಂಮಾರ್ಜನಾನಿ ಚ॥ 2-101-20 (15480)
ಪ್ರನಷ್ಟಬಲಿಕರ್ಮೇಜ್ಯಾಮಂತ್ರಹೋಮಜಪಾನಿ ಚ।
ದುಷ್ಕಾಲೇನೇವ ಭಗ್ನಾನಿ ಭಿನ್ನಭಾಜನವಂತಿ ಚ॥ 2-101-21 (15481)
ಅಸ್ಮತ್ತ್ಯಕ್ತಾನಿ ವೇಶ್ಮಾನಿ ಸೌಬಲಃ ಪ್ರತಿಪದ್ಯತಾಂ।
ವನಂ ನಗರಮೇವಾಸ್ತು ಯೇನ ಗಚ್ಛಂತಿ ಪಾಂಡವಾಃ॥ 2-101-22 (15482)
ಅಸ್ಮಾಭಿಶ್ಚ ಪರಿತ್ಯಕ್ತಂ ಪುರಂ ಸಂಪದ್ಯತಾಂ ವನಂ।
ಬಿಲಾನಿ ದಂಷ್ಟ್ರಿಣಃ ಸರ್ವೇ ವಾನಿ ಮೃಗಪಕ್ಷಿಣಃ॥ 2-101-23 (15483)
ತ್ಯಜಂತ್ವಸ್ಮದ್ಭಯಾದ್ಭೀತಾ ಗಜಾಃ ಸಿಂಹಾ ವನಾನ್ಯಪಿ।
ಅನಾಕ್ರಾಂತಂ ಪ್ರಪದ್ಯಂತಃ ಸೇವಮಾನಂ ತ್ಯಜಂತು ಚ॥ 2-101-24 (15484)
ತೃಣಮಾಂಸಫಲಾದಾನಾಂ ದೇಶಾಂಸ್ತ್ಯಕ್ತ್ವಾ ಮೃಗದ್ವಿಜಾಃ।
ವಯಂ ಪಾರ್ಥೈರ್ವನೇ ಸಂಯಕ್ಸಹ ವತ್ಸ್ಯಾಮ ನಿರ್ವೃತಾಃ॥ 2-101-25 (15485)
ಇತ್ಯೇವಂ ವಿವಿಧಾ ವಾಚೋ ನಾನಾಜನಸಮೀರಿತಾಃ।
ಶುಶ್ರಾವ ಪಾರ್ಥಃ ಶ್ರುತ್ವಾ ಚ ನ ವಿಚಕ್ರೇಽಸ್ಯ ಮಾನಸಂ॥ 2-101-26 (15486)
ತತಃ ಪ್ರಾಸಾದಸಂಸ್ಥಾಸ್ತು ಸಮಂತಾದ್ವೈ ಗೃಹೇ ಗೃಹೇ।
ಬ್ರಾಹ್ಮಣಕ್ಷತ್ರಿಯವಿಶಾಂ ಶೂದ್ರಾಣಾಂ ಚೈವ ಯೋಷಿತಃ॥ 2-101-27 (15487)
ಗತ್ವಾ ಸ್ವಗೃಹಜಾಲಾನಿ ಉತ್ಪಾಟ್ಯಾವರಣಾನಿ ಚ।
ದದೃಶುಃ ಪಾಂಡವಾಂದೀನಾನ್ವಲ್ಕಲಾಜಿನವಾಸಸಃ॥ 2-101-28 (15488)
ಕೃಷ್ಣಾಂ ತ್ವದೃಷ್ಟಪೂರ್ವಾಂ ತಾಂ ವ್ರಜಂತೀಂ ಪದ್ಭಿರೇವ ಚ।
ಏಕವಸ್ತ್ರಾಂ ರುದಂತೀಂ ತಾಂ ಮುಕ್ತಕೇಶೀಂ ರಜಸ್ವಲಾಂ॥ 2-101-29 (15489)
ದೃಷ್ಟ್ವಾ ತದಾ ಸ್ತ್ರಿಯಃ ಸರ್ವಾ ವಿವರ್ಣವದನಾ ಭೃಶಂ।
ವಿಲಪ್ಯ ಬಹುಧಾ ಮೋಹಾದ್ದುಃಖಶೋಕೇನ ಪೀಡಿತಾಃ।
ಹಾಹಾ ಧಿಗ್ಧಿಗ್ಧಿಗಿತ್ಯುಕ್ತ್ವಾ ನೇತ್ರೈರಶ್ರೂಣ್ಯವರ್ತಯನ್॥ 2-101-30 (15490)
ಜನಸ್ಯಾಥ ವಜಃ ಶ್ರುತ್ವಾ ಸ ರಾಜಾ ಭ್ರಾತೃಭಿಃ ಸಹ।
ಉದ್ದಿಶ್ಯ ವನಾವಾಸಾಯ ಪ್ರತಸ್ಥೇ ಕೃತನಿಶ್ಚಯಃ॥ 2-101-31 (15491)
ವೈಶಂಪಾಯನ ಉವಾಚ॥ 2-101-32x (1733)
ತಸ್ಮಿನ್ಸಂಪ್ರಸ್ಥಿತೇ ಕೃಷ್ಣಾ ಪೃಥಾಂ ಪ್ರಾಪ್ಯ ಯಶಸ್ವಿನೀಂ।
ಅಪೃಚ್ಛದ್ಭೃಶದುಃಖಾರ್ತಾ ಯಾಶ್ಚಾನ್ಯಾಸ್ತತ್ರ ಯೋಷಿತಃ॥ 2-101-32 (15492)
ತತೋ ನಿನಾದಃ ಸುಮಹಾನ್ಪಾಂಡವಾಂತಃ ಪುರೇಽಭವತ್॥ 2-101-33 (15493)
ಕುಂತೀ ಚ ಭೃಶಶಂತಪ್ತಾ ದ್ರೌಪದೀಂ ಪ್ರೇಕ್ಷ್ಯ ಗಚ್ಛತೀಂ।
ಶೋಕವಿಹ್ವಲಯಾ ವಾಚಾ ಕೃಚ್ಛ್ರಾದ್ವಚನಮಬ್ರವೀತ್॥ 2-101-34 (15494)
ವತ್ಸೇ ಶೋಕೋ ನ ತೇ ಕಾರ್ಯಃ ಪ್ರಾಪ್ಯೇದಂ ವ್ಯಸನಂ ಮಹತ್।
ಸ್ತ್ರೀಧರ್ಮಾಣಾಮಭಿಜ್ಞಾಽಸಿ ಶೀಲಾಚಾರವತೀ ತಥಾ॥ 2-101-35 (15495)
ನ ತ್ವಾಂ ಶಂದೇಷ್ಟುಮರ್ಹಾಮಿ ಭರ್ತೄನ್ಪ್ರತಿ ಶುಚಿಸ್ಮಿತೇ।
ಸಾಧ್ವೀ ಗುಣಸಮಾಪನ್ನಾ ಭೂಷಿತಂ ತೇ ಕುಲದ್ವಯಂ॥ 2-101-36 (15496)
ಸಭಾಗ್ಯಾಃ ಕುರವಶ್ಚೇಮೇ ಯೇ ನ ದಗ್ಧಾಸ್ತ್ವಯಾಽನಘೇ।
ಅರಿಷ್ಟಂ ವ್ರಜ ಪಂಥಾನಂ ಮದನುಧ್ಯಾನಬೃಂಹಿತಾ॥ 2-101-37 (15497)
ಭಾವಿನ್ಯರ್ಥೇ ಹಿ ಸತ್ಸ್ತ್ರೀಣಾಂ ವೈಕೃತಂ ನೋಪಜಾಯತೇ।
ಗುರುಧರ್ಮಾಭಿಗುಪ್ತಾ ಚ ಶ್ರೇಯಃ ಕ್ಷಿಪ್ರಮವಪ್ಸ್ಯಸಿ॥ 2-101-38 (15498)
ಸಹದೇವಶ್ಚ ಮೇ ಪುತ್ರಃ ಸದಾಽವೇಕ್ಷ್ಯೋ ವನೇ ವಸನ್।
ಯಥೇದಂ ವ್ಯಸನಂ ಪ್ರಾಪ್ಯ ನಾಯಂ ಸೀದೇನ್ಮಹಾಮತಿಃ॥ 2-101-39 (15499)
ವೈಶಂಪಾಯನ ಉವಾಚ॥ 2-101-40x (1734)
ತಥೇನ್ಯುಕ್ತ್ವಾ ತು ಸಾ ದೇವೀ ಸ್ರವನ್ನೇತ್ರಜಲಾವಿಲಾ।
ಶೋಣಿತಾಕ್ತೈಕವಸನಾ ಮುಕ್ತಕೇಶೀ ವಿನಿರ್ಯಯೌ॥ 2-101-40 (15500)
ತಾಂ ಕ್ರೋಶಂತೀಂ ಪೃಥಾ ದುಃಖಾದನುವವ್ರಾಜ ಗಚ್ಛತೀಂ।
ಅಥಾಪಶ್ಯನ್ಸುತಾನ್ಸರ್ವಾನ್ಹೃತಾಭರಣವಾಸಸಃ॥ 2-101-41 (15501)
ರುರುಚರ್ಮಾವೃತತನೂನ್ಹ್ರಿಯಾ ಕಿಂಚಿದವಾಹ್ಮುಖಾನ್।
ಪರೈಃ ಪರೀತಾನ್ಸಂಹೃಷ್ಟೈಃ ಸುಹೃದ್ಭಿಶ್ಚಾನುಶೋಚಿತಾನ್॥ 2-101-42 (15502)
ತದವಸ್ಥಾನ್ಸುತಾನ್ಸರ್ವಾನುಪಸೃತ್ಯಾತಿವತ್ಸಲಾ।
ಸ್ವಜಮಾನಾಽವದಚ್ಛೇಕಾತ್ತತ್ತದ್ವಿಲಪತೀ ಬಹು॥ 2-101-43 (15503)
ಕುಂತ್ಯುವಾಚ। 2-101-44x (1735)
ಕಥಂ ಸದ್ಧರ್ಮಚಾರಿತ್ರಾನ್ವೃತ್ತಸ್ಥಿತಿವಿಭೂಷಿತಾನ್।
ಅಕ್ಷುದ್ರಾಂದೃಢಭಕ್ತಾಂಶ್ಚ ದೈವತೇಜ್ಯಾಪರಾನ್ಸದಾ॥ 2-101-44 (15504)
ವ್ಯಸನಂ ವಃ ಸಮಭ್ಯಾಗಾತ್ಕೋಽಯಂ ವಿಧಿವಿಪರ್ಯಯಃ।
ಕಸ್ಯಾಪಧ್ಯಾನಜಂ ಚೇದಮಾಗಃ ಪಶ್ಯಾಮಿ ವೋ ಧಿಯಾ॥ 2-101-45 (15505)
ಸ್ಯಾತ್ತು ಮದ್ಭಾಗ್ಯದೋಷೋಽಯಂ ಯಾಽಹಂ ಯುಷ್ಮಾನಜೀಜನಂ।
ದುಃಖಾಯಾಸಭುಜೋಽತ್ಯರ್ಥಂ ಯುಕ್ತಾನಪ್ಯುತ್ತಮೈರ್ಗುಣೈಃ॥ 2-101-46 (15506)
ಕಥಂ ವತ್ಸ್ಯಥ ದುರ್ಗೇಷು ವನೇ ಋದ್ಧಿವಿನಾಕೃತಾಃ।
ವೀರ್ಯಸತ್ವಬಲೋತ್ಸಾಹತೇಜೋಭಿರಕೃಶಾಃ ಕೃಶಾಃ॥ 2-101-47 (15507)
ಯದ್ಯೇವಮಹಮಜ್ಞಾಸ್ಯಂ ವನೇ ವಾಸಂ ಹಿ ವೋ ಧ್ರುವಂ।
ಶತಶೃಂಗಾನ್ಮೃತೇ ಪಾಂಡೌ ನಾಗಮಿಷ್ಯಂ ಗಜಾಹ್ವಯಂ॥ 2-101-48 (15508)
ಧನ್ಯಂ ವಃ ಪಿತರಂ ಮನ್ಯೇ ತಪೋಮೇಧಾನ್ವಿತಂ ತಥಾ।
ಯಃ ಪುತ್ರಾಧಿಮಸಂಪ್ರಾಪ್ಯ ಸ್ವರ್ಗೇಚ್ಛಾಮಕರೋತ್ಪ್ರಿಯಾಂ॥ 2-101-49 (15509)
ಧನ್ಯಾಂ ಚಾತೀಂದ್ರಿಯಜ್ಞಾನಾಮಿಮಾಂ ಪ್ರಾಪ್ತಾಂ ಪರಾಂ ಗತಿಂ।
ಮನ್ಯೇ ತು ಮಾದ್ರೀಂ ಧರ್ಮಜ್ಞಾಂ ಕಲ್ಯಾಣೀಂ ಸರ್ವಥೈವ ತು॥ 2-101-50 (15510)
ರತ್ಯಾ ಮತ್ಯಾ ಚ ಗತ್ಯಾ ಚ ಯಯಾಽಹಮಭಿಸಂಧಿತಾ।
ಜೀವಿತಪ್ರಿಯತಾಂ ಮಹ್ಯಂ ಧಿಙ್ಮಾಂ ಸಂಕ್ಲೇಶಭಾಗಿನೀಂ॥ 2-101-51 (15511)
ಪುತ್ರಕಾ ನ ವಿಹಾಸ್ಯೇ ವಃ ಕೃಚ್ಛ್ರಲಬ್ಧಾನ್ಪ್ರಿಯಾನ್ಸತಃ।
ಸಾಽಹಂ ಯಾಸ್ಯಾಮಿ ಹಿ ವನಂ ಹಾ ಕೃಷ್ಣೇ ಕಿಂ ಜಹಾಸಿ ಮಾಂ। 2-101-52 (15512)
ಅಂತವತ್ಯಸುಧರ್ಮೇಽಸ್ಮಿಂಧಾತ್ರಾ ಕಿಂ ನು ಪ್ರಮಾದತಃ।
ಮಮಾಂತೋ ನೈವ ವಿಹಿತಸ್ತೇನಾಯುರ್ನ ಜಹಾತಿ ಮಾಂ॥ 2-101-53 (15513)
ಹಾ ಕೃಷ್ಣ ದ್ವಾರಕಾವಾಸಿನ್ಕ್ವಾಸಿ ಸಂಕರ್ಷಣಾನುಜ।
ಕಸ್ಮಾನ್ನ ತ್ರಾಯಸೇ ದುಃಖಾನ್ಮಾಂ ಚೇಮಾಂಶ್ಚ ನರೋತ್ತಮಾನ್॥ 2-101-54 (15514)
ಅನಾದಿನಿಧನಂ ಯೇ ತ್ವಾಮನುಧ್ಯಾಯಂತಿ ವೈ ನರಾಃ।
ತಾಂಸ್ತ್ವಂ ಪಾಸೀತ್ಯಯಂ ವಾದಃ ಸ ಗತೋ ವ್ಯರ್ಥತಾಂ ಕಥಂ॥ 2-101-55 (15515)
ಇಮೇ ಸದ್ಧರ್ಮಮಾಹಾತ್ಂಯಯಶೋವೀರ್ಯಾನುವರ್ತಿನಃ।
ನಾರ್ಹಂತಿ ವ್ಯಸನಂ ಭೋಕ್ತುಂ ನನ್ವೇಷಾಂ ಕ್ರಿಯತಾಂ ದಯಾ॥ 2-101-56 (15516)
ಸೇಯಂ ನೀತ್ಯರ್ಥವಿಜ್ಞೇಷು ಕಥಮಾಪದುಪಾಗತಾ॥
ಸ್ಥಿತೇಷು ಕುಲನಾಥೇಷು ಕಥಮಾಪದುಪಾಗತಾ॥ 2-101-57 (15517)
ಹಾ ಪಾಂಡೋ ಹಾ ಮಹಾರಾಜ ಕ್ವಾಸಿ ಕಿಂ ಸಮುಪೇಕ್ಷಸೇ।
ಪುತ್ರಾನ್ವಿವಾಸ್ಯತಃ ಸಾಧೂನರಿಭಿರ್ದ್ಯೂತನಿರ್ಜಿತಾನ್॥ 2-101-58 (15518)
ಸಹದೇವ ನಿವರ್ತಸ್ವ ನನು ತ್ವಮಸಿ ಮೇ ಪ್ರಿಯಃ।
ಶರೀರಾದಪಿ ಮಾದ್ರೇಯ ಮಾಂ ಮಾ ತ್ಯಾಕ್ಷೀಃ ಕುಪುತ್ರವತ್॥ 2-101-59 (15519)
ವ್ರಜಂತು ಬ್ರಾತರಸ್ತೇಽಮೀ ಯದಿ ಸತ್ಯಾಭಿಸಂಧಿನಃ।
ಮತ್ಪರಿತ್ರಾಣಜಂ ಧರ್ಮಮಿಹೈವ ತ್ವಮವಾಪ್ನುಹಿ॥ 2-101-60 (15520)
ವೈಶಂಪಾಯನ ಉವಾಚ॥ 2-101-61x (1736)
ಏವಂ ವಿಪಲತೀಂ ಕುಂತೀಮಭಿವಾದ್ಯ ಪ್ರಣಂಯ ಚ।
ಪಾಂಡವಾ ವಿಗತಾನಂದಾ ವನಾಯೈವ ಪ್ರವವ್ರಜುಃ॥ 2-101-61 (15521)
ವಿದುರಶ್ಚಾಪಿ ತಾಮಾರ್ತಾಂ ಕುಂತೀಮಾಶ್ವಾಸ್ಯ ಹೇತುಭಿಃ।
ಪ್ರಾವೇಶಯದ್ಗೃಹಂ ಕ್ಷತ್ತಾ ಸ್ವಯಮಾರ್ತತರಃ ಶನೈಃ॥ 2-101-62 (15522)
ಧಾರ್ತರಾಷ್ಟ್ರಸ್ತ್ರಿಸ್ತಾಶ್ಚ ನಿಖಿಲೇನೋಪಲಭ್ಯ ತತ್।
ಗಮನಂ ಪರಿಕರ್ಷಂ ಚ ಕೃಷ್ಣಾಯಾ ದ್ಯೂತಮಂಡಲೇ॥ 2-101-63 (15523)
ರುರುದುಃ ಸುಸ್ವನಂ ಸರ್ವಾ ವಿನಿಂದಂತ್ಯಃ ಕುರೂನ್ಭೃಶಂ।
ದಧ್ಯುಶ್ಚ ಸುಚಿರಂ ಕಾಲಂ ಕರಾಸಕ್ತಮುಖಾಂಬುಜಾಃ॥ 2-101-64 (15524)
ರಾಜಾ ಚ ಧೃತರಾಷ್ಟ್ರಸ್ತು ಪುತ್ರಾಣಾಮನಯಂ ತದಾ।
ಧ್ಯಾಯನ್ನುದ್ವಿಗ್ನಹೃದಯೋ ನ ಶಾಂತಿಮಧಿಜಗ್ಮಿವಾನ್॥ 2-101-65 (15525)
ಸ ಚಿಂತಯನ್ನನೇಕಾಗ್ರಃ ಶೋಕವ್ಯಾಕುಲಚೇತನಃ।
ಕ್ಷತ್ತುಃ ಸಂಪ್ರೇಷಯಾಮಾಸ ಶೀಘ್ರಮಾಗಂಯತಾಮಿತಿ॥ 2-101-66 (15526)
ತತೋ ಜಗಾಮ ವಿದುರೋ ಧೃತರಾಷ್ಟ್ರನಿವೇಶನಂ।
ತಂ ಪರ್ಯಪೃಚ್ಛತ್ಸಂವಿಗ್ನೋ ಧೃತರಾಷ್ಟ್ರೋ ಜನಾಧಿಪಃ॥ ॥ 2-101-67 (15527)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅನುದ್ಯೂತಪರ್ವಣಿ ಏಕೋತ್ತರಶತತಮೋಽಧ್ಯಾಯಃ॥ 101॥
Mahabharata - Sabha Parva - Chapter Footnotes
2-101-40 ಶೋಣಿತಾಕ್ತೈಕವಸನಾ ರಜಸ್ವಲಾ॥ 2-101-51 ಮಹ್ಯಂ ಮಮ ॥ 2-101-53 ಅಸುಧರ್ಮೇ ಪ್ರಾಣಧಾರಣೇ। ಅಂತವತಿ ವಿನಾಶವತಿ॥ಸಭಾಪರ್ವ - ಅಧ್ಯಾಯ 102
॥ ಶ್ರೀಃ ॥
2.102. ಅಧ್ಯಾಯಃ 102
Mahabharata - Sabha Parva - Chapter Topics
ಧೃತರಾಷ್ಟ್ರೇಣ ವಿದುರಂಪ್ರತಿ ಪಾಂಡವಾನಾಂ ವನಪ್ರಸ್ಥಾನಸಮಯೇ ಚೇಷ್ಟವಿಶೇಷಪ್ರಶ್ನೇ ತತ ್ತಚ್ಚೇಷ್ಟಾವಿಶೇಷಕಥನಪೂರ್ವಕಂ ತತ್ತದಭಿಪ್ರಾಯಾವಿಷ್ಕರಣಂ ॥ 1॥ ದ್ರೋಣೇನ ದುರ್ಯೋಧನಾಯ ಹಿತೋಪದೇಶಃ॥ 2॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ತಮಾಗತಮಥೋ ರಾಜಾ ವಿದುರಂ ದೀರ್ಘದರ್ಶಿನಂ।
ಸಾಶಂಕ ಇವ ಪ್ರಪಚ್ಛ ಧೃತರಾಷ್ಟೋಽಂಬಿಕಾಸುತಃ॥ 2-102-1 (15528)
ಕಥಂ ಗಚ್ಛತಿ ಕೌಂತೇಯೋ ಧರ್ಮಪುತ್ರೋ ಯುಧಿಷ್ಠಿರಃ।
ಭೀಮಸೇನಃ ಸವ್ಯಸಾಚೀ ಮಾದ್ರೀಪುತ್ರೀ ಚ ಪಾಂಡವೌ॥ 2-102-2 (15529)
ಧೌಂಯಶ್ಚೈವ ಕಥಂ ಕ್ಷತ್ತರ್ದ್ರೌಪದೀ ಚ ಯಶಸ್ವಿನೀ।
ಶ್ರೋತುಮಿಚ್ಛಾಂಯಹಂ ಸರ್ವಂ ತೇಷಾಂ ಶಂಸ ವಿಚೇಷ್ಟಿತಂ॥ 2-102-3 (15530)
ವಿದುರ ಉವಾಚ॥ 2-102-4x (1737)
ವಸ್ತ್ರೇಣ ಸಂವೃತ್ಯ ಮುಖಂ ಕುಂತೀಪುತ್ರೋ ಯುಧಿಷ್ಠಿರಃ।
ಬಾಹೂ ವಿಶಾಲೌ ಸಂಪಶ್ಯನ್ಭೀಮೋ ಗಚ್ಛತಿ ಪಾಂಡವಃ॥ 2-102-4 (15531)
ಸಿಕತಾ ವಪನ್ಸವ್ಯಸಾಚೀ ರಾಜಾನಮನುಗಚ್ಛತಿ।
ಮಾದ್ರೀಪುತ್ರಃ ಸಹದೇವೋ ಮುಖಮಾಲಿಪ್ಯ ಗಚ್ಛತಿ॥ 2-102-5 (15532)
ಪಾಂಸೂಪಲಿಪ್ತಸರ್ವಾಂಗೋ ನಕುಲಶ್ಚಿತ್ತವಿಹ್ವಲಃ।
ದರ್ಶನೀಯತಮೋ ಲೋಕೇ ರಾಜಾನಮನುಗಚ್ಛತಿ॥ 2-102-6 (15533)
ಕೃಷ್ಣಾ ತು ಕೇಶೈಃ ಪ್ರಚ್ಛಾದ್ಯ ಮುಖಮಾಯತಲೋಚನಾ।
ದರ್ಶನೀಯಾ ಪ್ರರುದತೀ ರಾಜಾನಮನುಗಚ್ಛತಿ॥ 2-102-7 (15534)
ಧೌಂಯೋ ರೌದ್ರಾಣಿ ಸಾಮಾನಿ ಯಾಂಯಾನಿ ಚ ವಿಶಾಂಪತೇ।
ಗಾಯನ್ಗಚ್ಛತಿ ಮಾರ್ಗೇಷು ಕುಶಾನಾದಾಯ ಪಾಣಿನಾ॥ 2-102-8 (15535)
ಧೃತರಾಷ್ಟ್ರ ಉವಾಚ॥ 2-102-9x (1738)
ವಿವಿಧಾನೀಹ ರೂಪಾಣಿ ಕೃತ್ವಾ ಗಚ್ಛಂತಿ ಪಾಂಡವಾಃ।
ತನ್ಮಮಾಚಕ್ಷ್ವ ವಿದುರ ಕಸ್ಮಾದೇವಂ ವ್ರಜಂತಿ ತೇ॥ 2-102-9 (15536)
ವಿದುರ ಉವಾಚ॥ 2-102-10x (1739)
ನಿಕೃತಸ್ಯಾಪಿ ತೇ ಪುತ್ರೈರ್ಹೃತೇ ರಾಜ್ಯೇ ಧನೇಷು ಚ।
ನ ಧರ್ಮಾಚ್ಚಲತೇ ಬುದ್ಧಿರ್ಧರ್ಮರಾಜಸ್ಯ ಧೀಮತಃ॥ 2-102-10 (15537)
ಯೋಽಸೌ ರಾಜಾ ಘೃಣೀ ನಿತ್ಯಂ ಧಾರ್ತರಾಷ್ಟ್ರೇಷು ಭಾರತ।
ನಿಕೃತ್ಯಾ ಭ್ರಂಶಿತಃ ಕ್ರೋಧಾನ್ನೋನ್ಮೀಲಯತಿ ಲೋಚನೇ॥ 2-102-11 (15538)
ನಾಹಂ ಜನಂ ನಿರ್ದಹೇಯಂ ದೃಷ್ಟ್ವಾ ಘೋರೇಣ ಚಕ್ಷುಷಾ।
ಸ ಪಿಧಾಯ ಮುಖಂ ರಾಜಾ ತಸ್ಮಾದ್ಗಚ್ಛತಿ ಪಾಂಡವಃ॥ 2-102-12 (15539)
ಯಥಾ ಚ ಭೀಮೋ ವ್ರಜತಿ ನಿಗದತಃ ಶೃಣು।
ಬಾಹ್ವೋರ್ಬಲೇ ನಾಸ್ತಿ ಸಮೋ ಮಮೇತಿ ಭರತರ್ಷಭ॥ 2-102-13 (15540)
ಬಾಹೂ ವಿಶಾಲೌ ಕೃತ್ವಾಽಸೌ ತೇನ ಭೀಮೋಪಿ ಗಚ್ಛತಿ।
ಬಾಹೂ ವಿದರ್ಶಯನ್ರಾಜನ್ಬಾಹುದ್ರವಿಣದರ್ಪಿತಃ॥ 2-102-14 (15541)
ಚಿಕೀರ್ಷನ್ಕರ್ಮ ಶತ್ರುಭ್ಯೋ ಬಾಹುದ್ರವ್ಯಾನುರೂಪತಃ।
ಪ್ರದಿಶಞ್ಶರಸಂಪಾತಾನ್ಕುಂತೀಪುತ್ರೋಽರ್ಜುನಸ್ತದಾ॥ 2-102-15 (15542)
ಸಿಕತಾ ವಪನ್ಸವ್ಯಸಾಚೀ ರಾಜಾನಮನುಗಚ್ಛತಿ।
ಅಸಕ್ತಾಃ ಸಿಕತಾಸ್ತಸ್ಯ ಯಥಾ ಸಂಪ್ರತಿ ಭಾರತ।
ಅಸಕ್ತಂ ಶರವರ್ಷಾಣಿ ತಥಾ ಮೋಕ್ಷ್ಯತಿ ಶತ್ರುಷು॥ 2-102-16 (15543)
ನ ಮೇ ಕಶ್ಚಿದ್ವಿಜಾನೀಯಾನ್ಮುಖಮದ್ಯೇತಿ ಭಾರತ।
ಮುಖಮಾಲಿಪ್ಯ ತೇನಾಸೌ ಸಹದೇವೋಽಪಿ ಗಚ್ಛತಿ॥ 2-102-17 (15544)
ನಾಹಂ ಮನಾಂಸ್ಯಾದದೇಯಂ ಮಾರ್ಗೇ ಸ್ತ್ರೀಣಾಮಿತಿ ಪ್ರಭೋ।
ಪಾಂಸೂಪಲಿಪ್ತಸರ್ವಾಂಗೋ ನಕುಲಸ್ತೇನ ಗಚ್ಛತಿ॥ 2-102-18 (15545)
ಏಕವಸ್ತ್ರಾ ಪ್ರರುದತೀ ಮುಕ್ತಕೇಶೀ ರಜಸ್ವಲಾ।
ಶೋಣಿತೇನಾಕ್ತವಸನಾ ದ್ರೌಪದೀ ವಾಕ್ಯಮಬ್ರವೀತ್॥ 2-102-19 (15546)
ಯತ್ಕೃತೇಽಹಮಿದಂ ಪ್ರಾಪ್ತಾ ತೇಷಾಂ ವರ್ಷೇ ಚತುರ್ದಶೇ।
ಹತಪತ್ಯೋ ಹತಸುತಾ ಹತಬಂಧುಜನಪ್ರಿಯಾಃ॥ 2-102-20 (15547)
ಬಂಧುಶೋಣಿತದಿಗ್ಧಾಂಗ್ಯೋ ಮುಕ್ತಕೇಶ್ಯೋ ರಜಸ್ವಲಾಃ।
ಏವಂ ಕೃತೋದಕಾ ಭಾರ್ಯಾಃ ಪ್ರವೇಕ್ಷ್ಯಂತಿ ಗಜಾಹ್ವಯಂ॥ 2-102-21 (15548)
ಕೃತ್ವಾ ತು ನೈರ್ಋತಾಂದರ್ಭಾಂಧೀರೋ ಧೌಂಯಃ ಪುರೋಹಿತಃ।
ಸಾಮಾನಿ ಗಾಯನ್ಯಾಂಯಾನಿ ಪುರತೋ ಯಾತಿ ಭಾರತ॥ 2-102-22 (15549)
ಹತೇಷು ಭರತೇಷ್ವಾಜೌ ಕುರೂಣಾಂ ಗುರವಸ್ತದಾ।
ಏವಂ ಸಾಮಾನಿ -- ಂತೀತ್ಯುಕ್ತ್ವಾ ಧೌಂಯೋಪಿ ಗಚ್ಛತಿ । 2-102-23 (15550)
`ಪ್ರಸ್ಥಾಪ್ಯ ಪಾಂಡವಾಞ್ಶೇಷಾನ್ನಿಃ ಶೇಷಸ್ತೇ ಭವಿಷ್ಯತಿ।
ಇತಿ ಧೌಂಯೋ ವ್ಯವಸಿತೋ ರೌದ್ರಸಾಮಾನಿ ಗಾಯತಿ॥ 2-102-24 (15551)
ಧೃತರಾಷ್ಟ್ರ ಉವಾಚ॥ 2-102-25x (1740)
ಕಿಮಬ್ರುವನ್ನೈಕೃತಿಕಃ ಕಿಂ ವಾ ನಾಗರಿಕಾ ಜನಾಃ।
ತಥ್ಯೇನ ಮೇ ಸಮಾಚಕ್ಷ್ವ ಕ್ಷತ್ತಃ ಸರ್ವಮಶೇಷತಃ ॥ 2-102-25 (15552)
ವಿದುರ ಉವಾಚ॥ 2-102-26x (1741)
ಬ್ರಾಹ್ಮಣಾಃ ಕ್ಷತ್ರಿಯಾ ವೈಶ್ಯಾಃ ಶೂದ್ರಾ ಯೇಽನ್ಯೇ ವದಂತ್ಯಥ।
ತಚ್ಛೃಣುಷ್ವ ಮಹಾರಾಜ ವಕ್ಷ್ಯತೇ ಚ ಮಯಾ ತವ॥ 2-102-26 (15553)
ಪ್ರಕೃತಯ ಊಚುಃ। 2-102-27x (1742)
ಹಾಹಾ ಗಚ್ಛಂತಿ ನೋ ನಾಥಾಃ ಸಮವೇಕ್ಷಧ್ವಮೀದೃಶಂ।
ಅಹೋ ಧಿಕ್ಕುರುವೃದ್ಧಾನಾಂ ಬಾಲಾನಾಮಿವ ಚೇಷ್ಟಿತಂ॥ 2-102-27 (15554)
ರಾಷ್ಟ್ರೇಭ್ಯಃ ಪಾಂಡುದಾಯಾದಾಂʼಲ್ಲೋಭಾನ್ನಿರ್ವಾಸಯಂತಿ ಯೇ।
ಅನಾಥಾಃ ಸ್ಮ ವಯಂ ಸರ್ವೇ ವಿಯುಕ್ತಾಃ ಪಾಂಡುನಂದನೈಃ॥ 2-102-28 (15555)
ದುರ್ವಿನೀತೇಷು ಲುಬ್ಧೇಷು ಕಾ ಪ್ರೀತಿಃ ಕೌರವೇಷು ನಃ।
ಇತಿ ಪೌರಾಃ ಸುದುಃ ಖಾರ್ತಾಃ ಕ್ರೋಶಂತಿ ಸ್ಮ ಪುನಃ ಪುನಃ॥ 2-102-29 (15556)
ಏವಮಾಕಾರಲಿಂಗೈಸ್ತೇ ವ್ಯವಸಾಯಂ ಮನೋಗತಂ।
ಕಥಯಂತಶ್ಚ ಕೌಂತೇಯಾ ವನಂ ಜಗ್ಮುರ್ಮನಸ್ವಿನಃ॥ 2-102-30 (15557)
ಏವಂ ತೇಷು ನರಾಗ್ರ್ಯೇಷು ನಿರ್ಯತ್ಸು ಗಜಸಾಹ್ವಯಾತ್।
ಅನಭ್ರೇ ವಿದ್ಯುತಶ್ಚಾಸನ್ಭೂಮಿಶ್ಚ ಸಮಕಂಪತ॥ 2-102-31 (15558)
ರಾಹುರಗ್ರಸದಾದಿತ್ಯಮಪರ್ವಣಿ ವಿಶಾಂಪತೇ।
ಉಲ್ಕಾ ಚಾಪ್ಯಪಸವ್ಯೇನ ಪುರಂ ಕೃತ್ವಾ ವ್ಯಶೀರ್ಯತ॥ 2-102-32 (15559)
ಪ್ರತ್ಯಾಹರಂತಿ ಕ್ರವ್ಯಾದಾ ಗೃಧ್ರಗೋಮಾಯುವಾಯಸಾಃ।
ದೇವಾಯತನಚೈತ್ಯೇಷು ಪ್ರಾಕಾರಾಟ್ಟಾಲಕೇಷು ಚ॥ 2-102-33 (15560)
ಏವಮೇತೇ ಮಹೋತ್ಪಾತಾಃ ಪ್ರಾದುರಾಸಂದುರಾಸದಾಃ।
ಭರತಾನಾಮಭಾವಾಯ ರಾಜಂದುರ್ಮಂತ್ರಿತೇ ತವ॥ 2-102-34 (15561)
ವೈಶಂಪಾಯನ ಉವಾಚ॥ 2-102-35x (1743)
ಏವಂ ಪ್ರವದತೋರೇವ ತಯೋಸ್ತತ್ರ ವಿಶಾಂಪತೇ।
ಧೃತರಾಷ್ಟ್ರಸ್ಯ ರಾಜ್ಞಶ್ಚ ವಿದುರಸ್ಯ ಚ ಧೀಮತಃ॥ 2-102-35 (15562)
ನಾರದಶ್ಚ ಸಭಾಮಧ್ಯೇ ಕುರೂಣಾಮಗ್ರತಃ ಸ್ಥಿತಃ।
ಮಹರ್ಷಿಭಿಃ ಪರಿವೃತೋ ರೌದ್ರಂ ವಾಕ್ಯಮುವಾಚ ಹ॥ 2-102-36 (15563)
ಇತಶ್ಚತುರ್ದಶೇ ವರ್ಷೇ ವಿಂಕ್ಷ್ಯಂತೀಹ ಕೌರವಾಃ।
ದುರ್ಯೋಧನಾಪರಾಧೇನ ಭೀಮಾರ್ಜುನಬಲೇನ ಚ॥ 2-102-37 (15564)
ಇತ್ಯುಕ್ತ್ವಾ ದಿವಮಾಕ್ರಂಯ ಕ್ಷಿಪ್ರಮಂತರಧೀಯತ।
ಬ್ರಾಹ್ಮೀಂ ಶ್ರಿಯಂ ಸುವಿಪುಲಾಂ ಬಿಭ್ರದ್ದೇವರ್ಷಿಸತ್ತಮಃ॥ 2-102-38 (15565)
ತತೋ ದುರ್ಯೋಧನಃ ಕರ್ಣಃ ಶಕುನಿಶ್ಚಾಪಿ ಸೌಬಲಃ।
ದ್ರೋಣಂ ದ್ವೀಪಮಮನ್ಯಂತ ರಾಜ್ಯಂ ಚಾಸ್ಮೈ ನ್ಯವೇದಯನ್॥ 2-102-39 (15566)
ಅಥಾಬ್ರವೀತ್ತತೋ ದ್ರೋಣೋ ದುರ್ಯೋಧನಮಮರ್ಷಣಂ।
ದುಃಶಾಸನಂ ಚ ಕರ್ಣಂ ಚ ಸರ್ವಾನೇವ ಚ ಭಾರತಾನ್॥ 2-102-40 (15567)
ಅವಧ್ಯಾನ್ಪಾಂಡವಾನ್ಪ್ರಾಹುರ್ದೇವಪುತ್ರಾಂದ್ವಿಜಾತಯಃ।
ಅಹಂ ಚೈ ಶರಣಂ ಪ್ರಾಪ್ತಾನ್ವರ್ತಮಾನೋ ಯಥಾಬಲಂ॥ 2-102-41 (15568)
ಗಂತಾ ಸರ್ವಾತ್ಮನಾ ಭಕ್ತ್ಯಾ ಧಾರ್ತರಾಷ್ಟ್ರಾನ್ಸರಾಜಕಾನ್।
ನೋತ್ಸಹೇಯಂ ಪರಿತ್ಯಕ್ತುಂ ದೈವಂ ಹಿ ಬಲವತ್ತರಂ॥ 2-102-42 (15569)
ಧರ್ಮತಃ ಪಾಂಡುಪುತ್ರಾ ವೈ ವನಂ ಗಚ್ಛಂತಿ ನಿರ್ಜಿತಾಃ।
ತೇ ಚ ದ್ವಾದಶ ವರ್ಷಾಣಿ ವನೇ ವತ್ಸ್ಯಂತಿ ಪಾಂಡವಃ॥ 2-102-43 (15570)
ಚರಿತಬ್ರಹ್ಮಚರ್ಯಾಶ್ಚ ಕ್ರೋಧಾಮರ್ಷವಶಾನುಗಾಃ।
ವೈರಂ ನಿರ್ಯಾತಯಿಷ್ಯಂತಿ ಮಹದ್ದುಃಖಾಯ ಪಾಂಡವಾಃ॥ 2-102-44 (15571)
ಮಯಾ ಚ ಭ್ರಂಶಿತೋ ರಾಜಂದ್ರುಪದಃ ಸಖಿವಿಗ್ರಹೇ।
ಪುತ್ರಾರ್ಥಮಯಜದ್ರಾಜಾ ವಧಾಯ ಮಮ ಭಾರತ॥ 2-102-45 (15572)
ಯಾಜೋಪಯಾಜತಪಸಾ ಪುತ್ರಂ ಲೇಭೇ ಸ ಪಾವಕಾತ್।
ಧೃಷ್ಟದ್ಯುಂನಂ ದ್ರೌಪದೀಂ ಚ ವೇದೀಮಧ್ಯಾತ್ಸುಮಧ್ಯಮಾಂ॥ 2-102-46 (15573)
ಧೃಷ್ಟದ್ಯುಂನಸ್ತು ಪಾರ್ಥಾನಾಂ ಸ್ಯಾಲಃ ಸಂಬಂಧತೋ ಮತಃ।
ಪಾಂಡವಾನಾಂ ಪ್ರಿಯರತಸ್ತಸ್ಮಾನ್ಮಾಂ ಭಯಮಾವಿಶತ್॥ 2-102-47 (15574)
ಜ್ವಾಲಾವರ್ಣೋ ದೇವದತ್ತೋ ಧನುಷ್ಮಾನ್ಕವಚೀ ಶರೀ।
ಮರ್ತ್ಯಧರ್ಮತಯಾ ತಸ್ಮಾದದ್ಯ ಮೇ ಸಾಧ್ವಸೋ ಮಹಾನ್॥ 2-102-48 (15575)
ಗತೋ ಹಿ ಪಕ್ಷತಾಂ ತೇಷಾಂ ಪಾರ್ಷತಃ ಪರವೀರಹಾ।
ರಥಾತಿರಥಸಂಖ್ಯಾಯಾಂ ಯೋಽಗ್ರಣೀರರ್ಜುನೋ ಯುವಾ॥ 2-102-49 (15576)
ಸೃಷ್ಟಪ್ರಾಣೋ ಭೃಶತರಂ ತೇನ ಚೇತ್ಸಂಗಮೋ ಮಮ।
ಕಿಮನ್ಯದ್ದುಃಖಮಧಿಕಂ ಪರಮಂ ಭುವಿ ಕೌರವಾಃ॥ 2-102-50 (15577)
ಧೃಷ್ಟದ್ಯುಂನೋ ದ್ರೋಣಮೃತ್ಯುರಿತಿ ವಿಪ್ರಥಿತಂ ವಚಃ।
ಮದ್ವಧಾಯಾಶ್ರಿತೋಽಪ್ಯೇಷ ಲೋಕೇ ಚಾಪ್ಯತಿವಿಶ್ರುತಃ॥ 2-102-51 (15578)
ಸೋಽಯಂ ನೂನಮನುಪ್ರಾಪ್ತಸ್ತ್ವತ್ಕೃತೇ ಕಾಲಪರ್ಯಯಃ।
ತ್ವರಿತಂ ಕುರುತ ಶ್ರೇಯೋ ನೈತದೇತಾವತಾ ಕೃತಂ॥ 2-102-52 (15579)
ಮುಹೂರ್ತಂ ಸುಖಮೇವೈತತ್ತಾಲಚ್ಛಾಯೇವ ಹೈಮನೀ।
ಜಯಧ್ವಂ ಚ ಮಹಾಯಜ್ಞೈರ್ಭೋಗಾನಶ್ನೀತ ದತ್ತ ಚ॥ 2-102-53 (15580)
ಇತಶ್ಚತುರ್ದಶೇ ವರ್ಷೇ ಮಹತ್ಪ್ರಾಪ್ಸ್ಯಥ ವೈಶಸಂ।
ದುರ್ಯೋಧನ ನಿಶಂಯೈತತ್ಪ್ರತಿಪದ್ಯ ಯಥೇಚ್ಛಸಿ॥ 2-102-54 (15581)
ಶಮಂ ವಾ ಪಾಂಡುಪುತ್ರೇಣ ಪ್ರಯುಂಕ್ಷ್ವ ಯದಿ ಮನ್ಯಸೇ। 2-102-55 (15582)
ವೈಶಂಪಾಯನ ಉವಾಚ॥
ದ್ರೋಣಸ್ಯ --ಚನಂ ಶ್ರುತ್ವಾ ಧೃತರಾಷ್ಟ್ರೋಽಬ್ರವೀದಿದಂ॥ 2-102-55x (1744)
ಸಂಯಗಾಹ ಗುರುಃ ಕ್ಷತ್ತರುಪಾವರ್ತಯ ಪಾಂಡವಾನ್।
ಯದಿ ತೇ ನ ನಿವರ್ತಂತೇ ಸತ್ಕೃತಾ ಯಾಂತು ಪಾಂಡವಾಃ। 2-102-56 (15583)
ಸಶಸ್ತ್ರರಥಪಾದಾತಾ ಭೋಗವಂತಶ್ಚ ಪುತ್ರಕಾಃ॥ ॥ 2-102-57 (15584)
ಇತಿ ಶ್ರೀಮನ್ಮಹಾಭಾರತೇ ಸಭಾಪರ್ವಣಿ ಅನುದ್ಯತಪರ್ವಣಿ ದ್ವ್ಯಧಿಕಶತತಮೋಽಧ್ಯಾಯಃ॥ 102॥
Mahabharata - Sabha Parva - Chapter Footnotes
2-102-16 ಅಸಕ್ತಾಃ ಪರಸ್ಪರಮಲಗ್ನಾಃ॥ 2-102-39 ದ್ವೀಪಮಾಶ್ರಯಂ॥ 2-102-48 ದೇವದತ್ತೋ ದೇವೈರ್ದತ್ತಃ॥ 2-102-50 ಸಂಗಮಃ ಸಂಗ್ರಾಮೇ ಇತಿ ಶೇಷಃ॥ 2-102-53 ಹೈಮನೀ ಹೇಮಂತಸಂಬಂಧಿನೀ॥ 2-102-54 ವೈಶಸಂ ನಾಶಂ॥ಸಭಾಪರ್ವ - ಅಧ್ಯಾಯ 103
॥ ಶ್ರೀಃ ॥
2.103. ಅಧ್ಯಾಯಃ 103
Mahabharata - Sabha Parva - Chapter Topics
ಧೃತರಾಷ್ಟ್ರಸಂಜಯಯೋಃ ಸಂವಾದಃ॥ 1॥Mahabharata - Sabha Parva - Chapter Text
ವೈಶಂಪಾಯನ ಉವಾಚ॥
ವನಂ ಗತೇಷು ಪಾರ್ಥೇಷು ನಿರ್ಜಿತೇಷು ದುರೋದರೇ।
ಧೃತರಾಷ್ಟ್ರಂ ಮಹಾರಾಜ ತದಾ ಚಿಂತಾ ಸಮಾವಿಶತ್॥ 2-103-1 (15585)
ತಂ ಚಿಂತಯಾನಮಾಸೀನಂ ಧೃತರಾಷ್ಟ್ರಂ ಜನೇಶ್ವರಂ।
ನಿಃ ಶ್ವಸಂತಮನೇಕಾಗ್ರಮಿತಿ ಹೋವಾಚ ಸಂಜಯಃ॥ 2-103-2 (15586)
ಅವಾಪ್ಯ ವಸುಸಂಪೂರ್ಣಾಂ ವಸುಧಾಂ ವಸುಧಾಧಿಪ।
ಪ್ರವ್ರಾಜ್ಯ ಪಾಂಡವಾನ್ರಾಜ್ಯಾದ್ರಾಜನ್ಕಿಮನುಶೋಚಸಿ॥ 2-103-3 (15587)
ಧೃತರಾಷ್ಟ್ರ ಉವಾಚ॥ 2-103-4x (1745)
ಅಶೋಚ್ಯತ್ವಂ ಕುತಸ್ತೇಷಾಂ ಯೇಷಾಂ ವೈರಂ ಭವಿಷ್ಯತಿ।
ಪಾಂಡವೈರ್ಯುದ್ಧಶೌಂಡೈರ್ಹಿ ಬಲವದ್ಭಿರ್ಮಹಾರಥೈಃ॥ 2-103-4 (15588)
ಸಂಜಯ ಉವಾಚ॥ 2-103-5x (1746)
ತವೇದಂ ಸುಕೃತಂ ರಾಜನ್ಮಹದ್ವೈರಮುಪಸ್ಥಿತಂ।
ವಿನಾಶೋ ಯೇನ ಲೋಕಸ್ಯ ಸಾನುಬಂಧೋ ಭವಿಷ್ಯತಿ॥ 2-103-5 (15589)
ವಾರ್ಯಮಾಣೋ ಹಿ ಭೀಷ್ಮೇಣ ದ್ರೋಣೇನ ವಿದುರೇಣ ಚ।
ಪಾಂಡವಾನಾಂ ಪ್ರಿಯಾಂ ಭಾರ್ಯಾಂ ದ್ರೌಪದೀಂ ಧರ್ಮಚಾರಿಣೀಂ। 2-103-6 (15590)
ಪ್ರಾಹಿಣೋದಾನಯೇಹೇತಿ ಪುತ್ರೋ ದುರ್ಯೋಧನಸ್ತವ।
ಸೂತಪುತ್ರಂ ಸುಮಂದಾತ್ಮಾ ನಿರ್ಲಜ್ಜಃ ಪ್ರಾತಿಕಾಮಿನಂ॥ 2-103-7 (15591)
ಯಸ್ಮೈ ದೇವಾಃ ಪ್ರಯಚ್ಛಂತಿ ಪುರುಷಾಯ ಪರಾಭವಂ।
ಬುದ್ಧಿಂ ತಸ್ಯಾಪಕರ್ಷಂತಿ ಸೋಽವಾಚೀನಾನಿ ಪಶ್ಯತಿ॥ 2-103-8 (15592)
ಬುದ್ಧೌ ಕಲುಷಭೂತಾಯಾಂ ವಿನಾಶೇ ಸಮುಪಸ್ಥಿತೇ।
ಅನಯೋ ನಯಸಂಕಾಶೋ ಹೃದಯಾನ್ನಾಪಸರ್ಪತಿ॥ 2-103-9 (15593)
ಅನರ್ಥಾಶ್ಚಾರ್ಥರೂಪೇಣ ಅರ್ಥಾಶ್ಚಾನರ್ಥರೂಪಿಣಃ।
ಉತ್ತಿಷ್ಠಂತಿ ವಿನಾಶಾಯ ನೂನಂ ತಚ್ಚಾಸ್ಯ ರೋಚತೇ॥ 2-103-10 (15594)
ನ ಕಾಲೋ ದಂಡಮುದ್ಯಂಯ ಶಿರಃ ಕೃಂತತಿ ಕಸ್ಯಚಿತ್।
ಕಾಲಸ್ಯ ಬಲಮೇತಾರ್ವಾದ್ವಪರೀತಾರ್ಥದರ್ಶನಂ॥ 2-103-11 (15595)
ಆಸಾದಿತಮಿದಂ ಘೋರಂ ತುಮುಲಂ ರೋಮಹರ್ಷಣಂ।
ಪಾಂಚಾಲೀಮಪಕರ್ಷದ್ಭಿಃ ಸಭಾಮಧ್ಯೇ ತಪಸ್ವಿನೀಂ॥ 2-103-12 (15596)
ಅಯೋನಿಜಾಂ ರೂಪವತೀಂ ಕುಲೇ ಜಾತಾಂ ವಿಭಾವಸೋಃ।
ಕೋ ನು ತಾಂ ಸರ್ವಧರ್ಮಜ್ಞಾಂ ಪರಿಭೂಯ ಯಶಸ್ವಿನೀಂ॥ 2-103-13 (15597)
ಪರ್ಯಾನಯೇತ್ಸಭಾಮಧ್ಯೇ ವಿನಾ ದುರ್ದ್ಯೂತದೇವಿನಂ।
ಸ್ತ್ರೀಧರ್ಮಿಣೀ ವರಾರೋಹಾ ಶೋಣಿತೇನ ಪರಿಪ್ಲುತಾ॥ 2-103-14 (15598)
ಏಕವಸ್ತ್ರಾಥ ಪಾಂಚಾಲೀ ಪಾಂಡವಾನಭ್ಯವೈಕ್ಷತ।
ಹೃತಸ್ವಾನ್ಹೃತರಾಜ್ಯಾಂಶ್ಚ ಹೃತವಸ್ತ್ರಾನ್ಹೃತಶ್ರಿಯಃ॥ 2-103-15 (15599)
ವಿಹೀನಾನ್ಸರ್ವಕಾಮೇಭ್ಯೋ ದಾಸಭಾವಮುಪಾಗತಾನ್।
ಧರ್ಮಪಾಶಪರಿಕ್ಷಿಪ್ತಾನಶಕ್ತಾನಿವ ವಿಕ್ರಮೇ॥ 2-103-16 (15600)
ಕ್ರುದ್ಧಾಂ ಚಾನರ್ಹತೀಂ ಕೃಷ್ಣಾಂ ದುಃಖಿತಾಂ ಕುರುಸಂಸದಿ।
ದುರ್ಯೋಧನಶ್ಚ ಕರ್ಣಶ್ಚ ಕಟುಕಾನ್ಯಭ್ಯಭಾಷತಾಂ॥ 2-103-17 (15601)
ಇತಿ ಸರ್ವಮಿದಂ ರಾಜನ್ನಾಕುಲಂ ಪ್ರತಿಭಾತಿ ಮೇ। 2-103-18 (15602)
ಧೃತರಾಷ್ಟ್ರ ಉವಾಚ॥
ತಸ್ಯಾಃ ಕೃಪಣಚಕ್ಷುರ್ಭ್ಯಾಂ ಪ್ರದಹ್ಯೇತಾಪಿ ಮೇದಿನೀ॥ 2-103-18x (1747)
ಅಪಿ ಶೇಷಂ ಭವೇದದ್ಯ ಪುತ್ರಾಣಾಂ ಮಮ ಸಂಜಯ।
ಭರತಾನಾಂ ಸ್ತ್ರಿಯಃ ಸರ್ವಾ ಗಾಂಧಾರ್ಯಾ ಸಹ ಸಂಗತಾಃ॥ 2-103-19 (15603)
ಪ್ರಾಕೋಶನ್ಭೈರವಂ ತತ್ರ ದೃಷ್ಟ್ವಾ ಕೃಷ್ಣಾಂ ಸಭಾಗತಾಂ।
ಧರ್ಮಿಷ್ಟಾಂ ಧರ್ಮಪತ್ನೀಂ ಚ ರೂಪಯೌವನಶಾಲಿನೀಂ॥ 2-103-20 (15604)
ಪ್ರಜಾಭಿಃಸಹ ಸಂಗಂಯ ಹ್ಯನುಶೋಚಂತಿ ನಿತ್ಯಶಃ।
ಅಗ್ನಿಹೋತ್ರಾಣಿ ಸಾಯಾಹ್ನೇ ಚ ಚಾಹೂಯಂತ ಸರ್ವಶಃ॥ 2-103-21 (15605)
ಬ್ರಾಹ್ಮಣಾಃ ಕುಪಿತಾಶ್ಚಾಸಂದ್ರೌಪದ್ಯಾಃ ಪರಿಕರ್ಷಣೇ।
ಆಸೀನ್ನಿಷ್ಠಾನಕೋ ಘೋರೋ ನಿರ್ಘಾತಶ್ಚ ಮಹಾನಭೂತ್॥ 2-103-22 (15606)
ದಿವ ಉಲ್ಕಾಶ್ಚಾಪತಂತ ರಾಹುಶ್ಚಾರ್ಕಮುಪಾಗ್ರಸತ್।
ಅಪರ್ವಣಿ ಮಹಾಘೋರಂ ಪ್ರಜಾನಾಂ ಜಯನ್ಭಯಂ॥ 2-103-23 (15607)
ತಥೈವ ರಥಶಾಲಾಸು ಪ್ರಾದುರಾಸೀದ್ಧುತಾಶನಃ।
ಧ್ವಜಾಶ್ಚಾಪಿ ವ್ಯಶೀರ್ಯಂತ ಭರತಾನಾಮಭೂತಯೇ॥ 2-103-24 (15608)
ದುರ್ಯೋಧನಸ್ಯಾಗ್ನಿಹೋತ್ರೇ ಪ್ರಾಕ್ರೋಶನ್ಭೈರವಂ ಶಿವಾಃ।
ತಾಸ್ತದಾ ಪ್ರತ್ಯಭಾಷಂತ ರಾಸಭಾಃ ಸರ್ವತೋ ದಿಶಃ॥ 2-103-25 (15609)
ಪ್ರಾತಿಷ್ಠತ ತತೋ ಭೀಷ್ಮೋ ದ್ರೋಣೇನ ಸಹ ಸಂಜಯ।
ಕೃಪಶ್ಚ ಸೋಮದತ್ತಶ್ಚ ಬಾಹ್ಲೀಕಶ್ಚ ಮಹಾಮನಾಃ॥ 2-103-26 (15610)
ತತೋಽಹಮಬ್ರುವಂ ತತ್ರ ವಿದುರೇಣ ಪ್ರಚೋದಿತಃ।
ವರಂ ದದಾನಿ ಕೃಷ್ಣಾಯೈ ಕಾಂಕ್ಷಿತಂ ಯದ್ಯದಿಚ್ಛತಿ॥ 2-103-27 (15611)
ಅವೃಣೋತ್ತತ್ರ ಪಾಂಚಾಲೀ ಪಾಂಡವಾನಾ --ಸತಾಂ।
ಸರಥಾನ್ಸಧನುಷ್ಕಾಂಶ್ಚಾಪ್ಯನುಜ್ಞಾಸಿಷಮಪ್ಯಹಂ॥ 2-103-28 (15612)
ಅಥಾಬ್ರವೀನ್ಮಹಾಪ್ರಾಜ್ಞೋ ವಿದುರಃ ಸರ್ವಧರ್ಮವಿತ್।
ಏತದಂತಾಸ್ತು ಭರತಾ ಯದ್ವ-ಕೃಷ್ಣಾ ಸಭಾಂ ಗತಾ॥ 2-103-29 (15613)
ಯೈಷಾ ಪಾಂಚಾಲರಾಜಸ್ಯ ಸುತಾ ಸಾ ಶ್ರೀರನುತ್ತಮಾ।
ಪಾಂಚಾಲೀ ಪಾಂಡವಾನೇತಾಂದೈವಸೃಷ್ಟೋಪಸರ್ಪತಿ॥ 2-103-30 (15614)
ತಸ್ಯಾಃ ಪಾರ್ಥಾಃ ಪರಿಕ್ಲೇಶಂ ನ ಕ್ಷಂಸ್ಯಂತೇ ಹ್ಯಮರ್ಷಣಾಃ।
ವೃಷ್ಣಯೋ ವಾ ಮಹೇಷ್ವಾಸಾಃ ಪಾಂಚಾಲಾ ವಾ ಮಹಾರಥಾಃ॥ 2-103-31 (15615)
ತೇನ ಸತ್ಯಾಭಿಸಂಧೇನ ವಾಸುದೇವೇನ ರಕ್ಷಿತಾಃ।
ಆಗಮಿಷ್ಯತಿ ಬೀಭತ್ಸುಃ ಪಂಚಾಲೈಃ ಪರಿವಾರಿತಃ॥ 2-103-32 (15616)
ತೇಷಾಂ ಮಧ್ಯೇ ಮಹೇಷ್ವಾಸೋ ಭೀಮಸೇನೋ ಮಹಾಬಲಃ।
ಆಗಮಿಷ್ಯತಿ ಧುನ್ವಾನೋ ಗದಾಂ ದಂಡಮಿವಾಂತಕಃ॥ 2-103-33 (15617)
ತತೋ ಗಾಂಡೀವನಿರ್ಘೋಷಂ ಶ್ರುತ್ವಾ ಪಾರ್ಥಸ್ಯ ಧೀಮತಃ।
ಗದಾವೇಗಂ ಚ ಭೀಮಸ್ಯ ನಾಲಂ ಸೋಢುಂ ನರಾಧಿಪಾಃ॥ 2-103-34 (15618)
ತತ್ರ ಮೇ ರೋಚತೇ ನಿತ್ಯಂ ಪಾರ್ಥೈಃ ಸಾಮ ನ ವಿಗ್ರಹಃ।
ಕುರುಭ್ಯೋ ಹಿ ಸದಾ ಮನ್ಯೇ ಪಾಂಡವಾನ್ಬಲವತ್ತರಾನ್॥ 2-103-35 (15619)
ತಥಾ ಹಿ ಬಲವಾನ್ರಾಜಾ ಜರಾಸಂಧೋ ಮಹಾದ್ಯುತಿಃ।
ಬಾಹುಪ್ರಹರಣೇನೈವ ಭೀಮೇನ ನಿಹತೋ ಯುಧಿ। 2-103-36 (15620)
ತಸ್ಯ ತೇ ಶಮ ಏವಾಸ್ತು ಪಾಂಡವೈರ್ಭರತರ್ಷಭ।
ಉಭಯೋಃ ಪಕ್ಷಯೋರ್ಯುಕ್ತಂ ಕ್ರಿಯತಾಮವಿಶಂಕಯಾ॥ 2-103-37 (15621)
ಏವಂ ಕೃತೇ ಮಹಾರಾಜ ಪರಂ ಶ್ರೇಯಸ್ತ್ವಮಾಪ್ಸ್ಯಸಿ।
ಏವಂ ಗಾವಲ್ಗಣೇ ಕ್ಷತ್ತಾ ಧರ್ಮಾರ್ಥಸಹಿತಂ ವಚಃ॥ 2-103-38 (15622)
ಉಕ್ತವಾನ್ನ ಗೃಹೀತಂ ವೈ ಮಯಾ ಪುತ್ರಹಿತೈಷಿಣಾ॥ ॥ 2-103-39 (15623)
ಇತಿ ಶ್ರೀಮನ್ಮಹಾಭಾರತೇ ಶತಸಾಹಸ್ರಯಾಂ ಸಂಹಿತಾಯಾಂ ವೈಯಾಸಿಕ್ಯಾಂ ಸಭಾಪರ್ವಣಿ ಅನುದ್ಯೂತಪರ್ವಣಿ ವ್ಯಧಿಕಶತತಮೋಽಧ್ಯಾಯಃ॥ 103॥ ॥ ಸಮಾಪ್ತಮನುದ್ಯೂತಪರ್ವ ಸಭಾಪರ್ವ ಚ॥ ಇತಃ ಪರಂ ವನಪರ್ವ ಭವಿಷ್ಯತಿ ತಸ್ಯಾಯಮಾದ್ಯಃ ಶ್ಲೋಕಃ। ಜನಮೇಜಯ ಉವಾಚ॥ ಏವಂ ದ್ಯೂತಜಿತಾಃ ಪಾರ್ಥಾಃ ಕೋಪಿತಾಶ್ಚ ದುರಾತ್ಮಭಿಃ। ಧಾರ್ತರಾಷ್ಟ್ರೈಃ ಸಹಾಮಾತ್ಯೈರ್ನಿಕೃತ್ಯಾ ದ್ವಿಜಸತ್ತಮ॥ 1॥