8-1-0 (54873) ಶ್ರೀವೇದವ್ಯಾಸಾಯ ನಮಃ। 8-1-0x (4817) ನಾರಾಯಣಂ ನಮಸ್ಕೃತ್ಯ ನರಂ ಚೈವ ನರೋತ್ತಮಂ। ದೇವೀಂ ಸರಸ್ವತೀಂ ವ್ಯಾಸಂ ತತೋ ಜಯಮುದೀರಯೇತ್॥ 8-1-1 (54874) `ವೈಶಂಪಾಯನ ಉವಾಚ। ಶಿಬಿರಾದ್ಧಾಸ್ತಿನಪುರಂ ಪ್ರಾಪ್ಯ ಭಾರತ ಸಂಜಯಃ। ಪ್ರವಿವೇಶ ಮಹಾಬಾಹುರ್ಧೃತರಾಷ್ಟ್ರನಿವೇಶನಂ॥ 8-1-1x (4818) ಶೋಕೇನಾಪಹತಃ ಸೂತೋ ವಿಲಪನ್ಭೃಶದುಃಖಿತಃ। ಚಿಂತಯನ್ನಿಧನಂ ಘೋರಂ ಸೂತಪುತ್ರಸ್ಯ ಪಾಂಡವೈಃ॥ 8-1-2 (54875) ಅಂತಃಪುರಂ ಪ್ರವಿಶ್ಯೈವ ಸಂಜಯೋ ರಾಜಸತ್ತಮಂ। ಅಶ್ರುಪೂರ್ಣೋ ಭೃಶಂ ತ್ರಸ್ತೋ ರಾಜಾನಮುಪಜಗ್ಮಿವಾನ್॥ 8-1-3 (54876) ಉಪಸ್ಥಾಯ ಚ ರಾಜಾನಂ ವಿನಿಶ್ವಸ್ಯ ಚ ಸೂತಜಃ। ನಾತಿಹೃಷ್ಟಮನಾ ರಾಜನ್ನಿದಂ ವಚನಮಬ್ರವೀತ್॥ 8-1-4 (54877) ಸಂಜಯ ಉವಾಚ। 8-1-5x (4819) ಸಂಚಯೋಽಹಂ ಮಹಾರಾಜ ನಮಸ್ತೇ ಭರತರ್ಷಭ। ಹತೋ ವೈಕರ್ತನಃ ಕರ್ಣಃ ಕೃತ್ವಾ ಕರ್ಮ ಸುದುಷ್ಕರಂ॥ 8-1-5 (54878) ಚೇದಿಕಾಶಿಕರೂಶಾನಾಂ ಮತ್ಸ್ಯಾನಾಂ ಸೋಮಕೈಃ ಸಹ। ಕೃತ್ವಾಽಸೌ ಕದನಂ ಶೇತೇ ವಾತನುನ್ನ ಇವ ದ್ರುಮಃ॥ 8-1-6 (54879) ಗೋಷ್ಠಮಧ್ಯೇವ ಋಷಭೋ ಗೋವ್ರಜೈಃ ಪರಿವಾರಿತಃ। ವ್ಯಾಲೇನ ನಿಹತೋ ಯದ್ವತ್ತಥಾಽಸೌ ನಿಹತಃ ಪರೈಃ॥ 8-1-7 (54880) ನಿರಾಶಾನ್ಪಾಂಡವಾನ್ಕೃತ್ವಾ ದೃಢಂ ರಾಜನ್ಸಸಾತ್ಯಕಾನ್। ಪಾಂಚಾಲಾನಾಂ ರಥಾಂಶ್ಚೈವ ವಿನಿಹತ್ಯ ಸಹಸ್ರಶಃ॥ 8-1-8 (54881) ಜಿತ್ವಾ ಶೂರಾನ್ಮಹೇಷ್ವಾಸಾನ್ವಿದ್ರಾವ್ಯ ಚ ದಿಶೋದಶ। ಹತೋ ವೈಕರ್ತನಃ ಕರ್ಣಃ ಪಾಂಡವೇನ ಕಿರೀಟಿನಾ॥ 8-1-9 (54882) ವೈರಸ್ಯ ಗತ ಆನೃಣ್ಯಂ ದುರ್ಗಮಸ್ಯ ದುರಾತ್ಮಭಿಃ। ಹತ್ವಾ ಕರ್ಣಂ ಮಹಾರಾಜ ವಿಶಲ್ಯಃ ಪಾಂಡವೋಽಭವತ್॥ 8-1-10 (54883) ಶೋಷಣಂ ಸಾಗರಾಣಾಂ ವಾ ಪತನಂ ವಾ ವಿವಸ್ವತಃ। ವಿಶೀರ್ಣತ್ವಂ ಯಥಾ ಮೇರೋಸ್ತಥಾ ಕರ್ಣಸ್ಯ ಪಾತನಂ॥ 8-1-11 (54884) ಯೋಧಾಶ್ಚ ಬಹವೋ ರಾಜನ್ಹತಾಸ್ತತ್ರ ಜಯೈಷಿಣಃ। ರಾಜಾನೋ ರಾಜಪುತ್ರಾಶ್ಚ ಶೂರಾಃ ಪರಿಘಬಾಹವಃ॥ 8-1-12 (54885) ರಥೌಘಾಶ್ಚ ನರೌಘಾಶ್ಚ ಹತಾ ರಾಜನ್ಸಹಸ್ರಶಃ। ವಾರಣಾ ನಿಹತಾಸ್ತತ್ರ ವಾಜಿನಶ್ಚ ಮಹಾಹವೇ॥ 8-1-13 (54886) ಕ್ಷತ್ರಿಯಾಶ್ಚ ಮಹಾರಾಜ ಸೇನಯೋರುಭಯೋರ್ಹತಾಃ। ಪರಸ್ಪರಂ ವೈ ವೀಕ್ಷ್ಯಾತ್ರ ಪರಸ್ಪರಕೃತಾಗಸಃ॥ 8-1-14 (54887) ಕಿಂಚಿಚ್ಛೇಷಾನ್ಪರಾನ್ಕೃತ್ವಾ ತೀರ್ತ್ವಾ ಪಾಂಡವವಾಹಿನೀಂ। ಪಾರ್ಥವೇಲಾಂ ಸಮಾಸಾದ್ಯ ಹತೋ ವೈಕರ್ತನೋ ವೃಷಾ॥ 8-1-15 (54888) ಜಯಾಶಾ ಧಾರ್ತರಾಷ್ಟ್ರಾಣಾಂ ವೈರಸ್ಯ ಚ ಮುಖಂ ನೃಪ। ತೀರ್ಣಂ ತತ್ಪಾಂಡವೈ ರಾಜನ್ಯತ್ಪುರಾ ನಾವಬುಧ್ಯಸೇ॥ 8-1-16 (54889) ಪ್ರೋಚ್ಯಮಾನಂ ಮಹಾರಾಜ ಬಂಧುಭಿರ್ಹಿತಬುದ್ಧಿಭಿಃ। ತದಿದಂ ಸಮನುಪ್ರಾಪ್ತಂ ವ್ಯಸನಂ ತ್ವಾಂ ಮಹಾಭಯಂ॥ 8-1-17 (54890) ಪುತ್ರಾಣಾಂ ರಾಜ್ಯಕಾಮೇನ ತ್ವಯಾ ರಾಜನ್ಹಿತೈಷಿಣಾ। ಚರಿತಾನ್ಯಹಿತಾನ್ಯೇವ ತೇಷಾಂ ತೇ ಫಲಮಾಗತಂ॥ 8-1-18 (54891) ಹತೋ ದುಃಶಾಸನೋ ರಾಜನ್ಯಥೋಕ್ತಂ ಪಾಂಡವೇನ ತು। ಪ್ರತಿಜ್ಞಾ ಭೀಮಸೇನೇನ ನಿಸ್ತೀರ್ಣಾ ಸಾ ಚಮೂಮುಖೇ॥ 8-1-19 (54892) ಪೀತಂ ಚ ಕ್ಷತಜಂ ತಸ್ಯ ಧಾರ್ತರಾಷ್ಟ್ರಸ್ಯ ಸಂಯುಗೇ। ಪಾಂಡವೇನ ಮಹಾರಾಜ ಕರ್ಮ ಕೃತ್ವಾ ಸುದುಷ್ಕರಂ*'॥ 8-1-20 (54893) ವೈಶಂಪಾಯನ ಉವಾಚ। 8-1-21x (4820) ಏತಚ್ಛ್ರುತ್ವಾ ಮಹಾರಾಜ ಧೃತರಾಷ್ಟ್ರೋಽಂಬಿಕಾಸುತಃ। ಶೋಕಸ್ಯಾಂತಮಪಶ್ಯನ್ವೈ ಹತಂ ಮತ್ವಾ ಸುಯೋಧನಂ। ವಿಹ್ವಲಃ ಪತಿತೋ ಭೂಮೌ ನಷ್ಟಚೇತಾ ಇವ ದ್ವಿಪಃ॥ 8-1-21 (54894) ತಸ್ಮಿನ್ನಿಪತಿತೇ ಭೂಮೌ ವಿಹ್ವಲೇ ರಾಜಸತ್ತಮೇ। ಆರ್ತನಾದೋ ಮಹಾನಾಸೀತ್ಸ್ತ್ರೀಣಾಂ ಭರತಸತ್ತಮ॥ 8-1-22 (54895) ಶ ಶಬ್ದಃ ಪೃಥಿವೀಂ ಕೃತ್ಸ್ನಾಂ ಪೂರಯಾಮಾಸ ಸರ್ವಶಃ॥ 8-1-23 (54896) ಶೋಕಾರ್ಣವೇ ಮಹಾಘೋರೇ ನಿಮಗ್ನಾ ಭರತಸ್ತ್ರಿಯಃ। ರುರುದುರ್ದುಃಖಶೋಕಾರ್ತಾ ಭೃಶಮುದ್ವಿಗ್ನಚೇತಸಃ॥ 8-1-24 (54897) ರಾಜಾನಂ ಚ ಸಮಾಸಾದ್ಯ ಗಾಂಧಾರೀ ಭರತರ್ಷಭ। ನಿಃಸಂಜ್ಞಾ ಪತಿತಾ ಭೂಮೌ ಸರ್ವಾಣ್ಯಂತಃ ಪುರಾಣಿ ಚ॥ 8-1-25 (54898) ತತಸ್ತಾಃ ಸ಼ಂಜಯೋ ರಾಜನ್ಸಮಾಶ್ವಾಸಯದಾತುರಾಃ। ಮುಹ್ಯಾಮಾನಾಃ ಸುಬಹುಶೋ ಮುಂಚಂತೀರ್ವಾರಿ ನೇತ್ರಜಂ॥ 8-1-26 (54899) ಸಮಾಶ್ವಸ್ತಾಃ ಸ್ತ್ರಿಯಸ್ತಾಸ್ತು ವೇಪಮಾನಾ ಮುಹುರ್ಮುಹುಃ। ಕದಲ್ಯ ಇವ ವಾತೇನ ಧೂಯಮಾನಾಃ ಸಮಂತತಃ॥ 8-1-27 (54900) ರಾಜಾನಂ ವಿದುರಶ್ಚಾಪಿ ಪ್ರಜ್ಞಾಚಕ್ಷುಷಮೀಶ್ವರಂ। ಆಶ್ವಾಸಯಾಮಾಸ ತದಾ ಸಿಂಚಂಸ್ತೋಯೇನ ಕೌರವಂ॥ 8-1-28 (54901) ಸ ಲಬ್ಧ್ವಾ ಸನಕೈಃ ಸಂಜ್ಞಾಂ ತಾಶ್ಚ ದೃಷ್ಟ್ವಾ ಸ್ತ್ರಿಯೋ ನೃಪಃ। ಉನ್ಮತ್ತ ಇವ ರಾಜೇಂದ್ರ ಸ್ಥಿತಸ್ತೂಷ್ಣೀಂ ವಿಶಾಂಪತೇ॥ 8-1-29 (54902) ತತೋ ಧ್ಯಾತ್ವಾ ಚಿರಂ ಕಾಲಂ ನಿಃಶ್ವಸ್ಯ ಚ ಪುನಃಪುನಃ। ಸ್ವಾನ್ಪುತ್ರಾನ್ಗರ್ಹಯಾಮಾಸ ಬಹುಮೇನೇ ಚ ಪಾಂಡವಾನ್॥ 8-1-30 (54903) ಗರ್ಹಯಂಶ್ಚಾತ್ಮನೋ ಬುದ್ಧಿಂ ಶಕುನೇಃ ಸೌಬಲಸ್ಯ ಚ। ಧ್ಯಾತ್ವಾ ತು ಸುಚಿರಂ ಕಾಲಂ ವೇಪಮಾನೋ ಮುಹುರ್ಮುಹುಃ॥ 8-1-31 (54904) ಸಂಸ್ತಭ್ಯ ಚ ಮನೋ ಭೂಯೋ ರಾಜಾ ಧೈರ್ಯಸಮನ್ವಿತಃ। ಪುನರ್ಗಾವಲ್ಗಣಿಂ ಸೂತಂ ಪರ್ಯಪೃಚ್ಛತ ಸಂಜಯಂ॥ 8-1-32 (54905) ನ ತ್ವಯಾ ಕಥಿತಂ ವಾಕ್ಯಂ ಶ್ರುತಂ ಸಂಜಯ ತನ್ಮಯಾ॥ 8-1-33 (54906) ಕಚ್ಚಿದ್ದುರ್ಯೋಧನಃ ಸೂತ ನ ಗತೋ ವೈ ಯಮಕ್ಷಯಂ। ಜಯೇ ನಿರಾಶಃ ಪುತ್ರೋ ಮೇ ಸತತಂ ಜಯಕಾಮುಕಃ। ಬ್ರೂಹಿ ಸಂಜಯ ತತ್ತ್ವೇನ ಪುನರುಕ್ತಾಂ ಕಥಾಮಿಮಾಂ॥ 8-1-34 (54907) ವೈಶಂಪಾಯನ ಉವಾಚ। 8-1-35x (4821) ಏವಮುಕ್ತೋಽಬ್ರವೀತ್ಸೂತೋ ರಾಜಾನಂ ಜನಮೇಜಯ। ಹತೋ ವೈಕರ್ತನೋ ರಾಜನ್ಸಹಪುತ್ರೈರ್ಮಹಾರಥಃ। ಭ್ರಾತೃಭಿಶ್ಚ ಮಹೇಷ್ವಾಸೈಃ ಸೂತಪುತ್ರೈಸ್ತನುತ್ಯಜೈಃ॥ 8-1-35 (54908) ದುಃಶಾಸನಶ್ಚ ನಿಹತಃ ಪಾಂಡವೇನ ಯಶಸ್ವಿನಾ। ಪೀತಂ ಚ ರುಧಿರಂ ಕೋಪಾದ್ಭೀಮಸೇನೇನ ಸಂಯುಗೇ॥ 8-1-36 (54909) `ವೈಶಂಪಾಯನ ಉವಾಚ। 8-1-37x (4822) ಏತಚ್ಛ್ರುತ್ವಾ ಮಹಾರಾಜ ಧೃತರಾಷ್ಟ್ರೋಽಂಬಿಕಾಸುತಃ। ದಹ್ಯಮಾನೋಽಬ್ರವೀತ್ಸೂತಂ ಮುಹೂರ್ತಂ ತಿಷ್ಠ ಸಂಜಯ। ವ್ಯಾಕುಲಂ ಮೇ ಮನಸ್ತಾತ ಮಾ ತಾವತ್ಕಿಂಚಿದುಚ್ಯತಾಂ॥ 8-1-37 (54910) ರಾಜಾಪಿ ನಾಬ್ರವೀತ್ಕಿಂಚಿತ್ಸಂಜಯೋ ವಿದುರಸ್ತಥಾ। ತೂಷ್ಣೀಂಭೂತಸ್ತದಾ ಸೋಽಥ ಬಭೂವ ಜಗತೀಪತಿಃ'॥ ॥ 8-1-38 (54911) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಪ್ರಥಮೋಽಧ್ಯಾಯಃ॥ 1 ॥

Mahabharata - Karna Parva - Chapter Topics

ದುರ್ಯೋಧನಾದಿಭಿಃ ಕರ್ಣಸ್ಯ ಸೈನಾಪತ್ಯೇಽಭಿಷೇಚನಪೂರ್ವಕಂ ಯುದ್ಧಾಯ ನಿರ್ಯಾಣಂ॥ 1 ॥ ಜನಮೇಜಯೇನ ವೈಶಂಪಾಯನಂಪ್ರತಿ ಕರ್ಣಮರಣಶ್ರಾವಿಣೋ ಧೃತರಾಷ್ಟ್ರಸ್ಯ ಪ್ರವೃತ್ತಿಪ್ರಶ್ನಃ॥ 2 ॥

Mahabharata - Karna Parva - Chapter Text

Mahabharata - Karna Parva - Chapter Topics

ಧೃತರಾಷ್ಟ್ರೇಣ ಭೀಷ್ಮದ್ರೋಣೌ ಪ್ರತ್ಯನುಶೋಚನಪೂರ್ವಕಂ ಸಂಜಯಂಪ್ರತಿ ದುರ್ಯೋಧನಾದಿಪ್ರವೃತ್ತಿಪ್ರಶ್ನಃ॥ 1 ॥

Mahabharata - Karna Parva - Chapter Text

Mahabharata - Karna Parva - Chapter Topics

ದುರ್ಯೋಧನೇನ ದ್ರೋಣಮರಣನಿರ್ವಿಣ್ಣಾನಾಂ ಸೈನಿಕಾನಾಂ ಕರ್ಣಗುಣಾನುವರ್ಣನೇನ ಪ್ರೋತ್ಸಾಹನಂ॥ 1 ॥ ಸಂಜಯೇನ ಧೃತರಾಷ್ಟ್ರಂಪ್ರತಿ ಕರ್ಣಪರಾಕ ಮಪ್ರಶಂಸನಪೂರ್ವಕಂ ತನ್ನಿಧನಕಥನಂ॥ 2 ॥

Mahabharata - Karna Parva - Chapter Text

Mahabharata - Karna Parva - Chapter Footnotes

8-1-21 ವಿಹ್ವಲಃ ಚಲನಾಸಮರ್ಥಃ ಕಾಷ್ಠವತ್ಪತಿತಃ॥ 8-1-25 ಅಂತಃಪುರಾಣಿ ಸ್ತ್ರಿಯಃ॥ 8-1-27 ಕದಲ್ಯಇವ ವೇಪಮಾನಾ ಆಸನ್ನಿತಿ ಶೇಷಃ॥ 8-1-29 ದೃಷ್ಟ್ವಾ ಮನಸೈವಾತ್ಮಪ್ರತ್ಯಯೇನ ದುಃಖವತೀರ್ಜ್ಞತ್ವಾ॥ 8-1-34 ಇಷ್ಟವಿಯೋಗಮಾತ್ರೇಣ ದಶರಥಾದಿರ್ಮೃತಃ। ಅಸ್ಯತು ಜಯೇ ನೈರಾಶ್ಯಮಧಿಕಂ ಮರಣಕಾರಣಮಸ್ತೀತಿ ಭಾವಃ॥ 8-1-1 ಪ್ರಥಮೋಽಧ್ಯಾಯಃ॥

8-2-0 (54987) `ಜನಮೇಜಯ ಉವಾಚ। 8-2-0x (4832) ತಚ್ಛ್ರುತ್ವಾ ಕರ್ಣಹನನಂ ಪುತ್ರಾಂಶ್ಚೈವ ಪಲಾಯಿತಾನ್। ಧೃತರಾಷ್ಟ್ರೋ ನೃಪಶ್ಚೈವ ದ್ವಿಜಶ್ರೇಷ್ಠ ಕಿಮಬ್ರವೀತ್॥ 8-2-1 (54988) ಪ್ರಾಪ್ತವಾನ್ವ್ಯಸನಂ ಘೋರಂ ಪುತ್ರವ್ಯಸನಜಂ ಮಹತ್। ಕಾಲೇ ಯದುಕ್ತವಾಂಸ್ತಸ್ಮಿಂಸ್ತನ್ಮಮಾಚಕ್ಷ್ವ ತತ್ತ್ವತಃ'॥ 8-2-2 (54989) ವೈಶಂಪಾಯನ ಉವಾಚ। 8-2-3x (4833) ಏತಚ್ಛ್ರುತ್ವಾ ಮಹಾರಾಜ ಧೃತರಾಷ್ಟ್ರೋಽಂಬಿಕಾಸುತಃ। ಅಬ್ರವೀತ್ಸಂಜಯಂ ಸೂತಂ ಶೋಕಸಂವಿಗ್ನಮಾನಸಃ॥ 8-2-3 (54990) ದುಷ್ಪ್ರಣೀತೇನ ಮೇ ತಾತ ಪುತ್ರಸ್ಯಾದೀರ್ಘಜೀವಿನಃ। ಹತಂ ವೈಕರ್ತನಂ ಶ್ರುತ್ವಾ ಶೋಕೋ ಮರ್ಮಾಣಿ ಕೃಂತತಿ॥ 8-2-4 (54991) ತಸ್ಯ ಮೇ ಸಂಶಯಂ ಛಿಂಧಿ ದುಃಖಪಾರಂ ತಿತೀರ್ಷತಃ। ಕುರೂಣಾಂ ಸೃಂಜಯಾನಾಂ ಚ ಕೇ ಜೀವಂತಿ ಕೇ ಮೃತಾಃ॥ 8-2-5 (54992) ಸಂಜಯ ಉವಾಚ। 8-2-6x (4834) ಹತಃ ಶಾಂತನವೋ ರಾಜಂದುರಾಧರ್ಷಃ ಪ್ರತಾಪವಾನ್। ಹತ್ವಾ ಪಾಂಡವಯೋಧಾನಾಮರ್ಬುದಂ ದಶಭಿರ್ದಿನೈಃ॥ 8-2-6 (54993) ತಥಾ ದ್ರೋಣೋ ಮಹೇಷ್ವಾಸಃ ಪಾಂಚಾಲಾನಾಂ ರಥವ್ರಜಾನ್। ನಿಹತ್ಯ ಯುಧಿ ದುರ್ಧರ್ಷಃ ಪಂಚಾದ್ರುಕ್ಮರಥೋ ಹತಃ॥ 8-2-7 (54994) ಹತಶೇಷಸ್ಯ ಭೀಷ್ಮೇಣ ದ್ರೋಣೇನ ಚ ಮಹಾತ್ಮನಾ। ಅರ್ಧಂ ನಿಹತ್ಯ ಸೈನ್ಯಸ್ಯ ಕರ್ಣೋ ವೈಕರ್ತನೋ ಹತಃ॥ 8-2-8 (54995) ವಿವಿಂಶತಿರ್ಮಹಾರಾಜ ರಾಜಪುತ್ರೋ ಮಹಾಬಲಃ। ಆನರ್ತಯೋಧಾಞ್ಶತಶೋ ನಿಹತ್ಯ ನಿಹತೋ ರಣೇ॥ 8-2-9 (54996) ತಥಾ ಪುತ್ರೋ ವಿಕರ್ಣಸ್ತೇ ಕ್ಷತ್ರವ್ರತಮನುಸ್ಮರನ್। ಕ್ಷೀಣಬಾಣೋ ಹತಃ ಶೂರಃ ಸ್ಥಿತೋ ಹ್ಯಭಿಮುಖಃ ಪರೈಃ॥ 8-2-10 (54997) ಧೋರರೂಪಾನ್ಪರಿಕ್ಲೇಶಾಂದುರ್ಯೋಧನಕೃತಾನ್ಬಹೂನ್। ಪ್ರತಿಜ್ಞಾಂ ಸ್ಮರತಾ ತೇನ ಭೀಮಸೇನೇನ ಪಾತಿತಃ॥ 8-2-11 (54998) ವಿಂದಾನುವಿಂದಾವಾವಂತ್ಯೌ ರಾಜಪುತ್ರೌ ಮಹಾರಥೌ। ಕೃತ್ವಾ ಸ್ವಸುಕರಂ ಕರ್ಮ ಗತೌ ವೈವಸ್ವತಕ್ಷಯಂ॥ 8-2-12 (54999) ಸಿಂಧುರಾಷ್ಟ್ರಮುಖಾನೀಹ ದಶ ರಾಷ್ಟ್ರಾಣಿ ಯಾನಿಹ। ಯಸ್ಯ ತಿಷ್ಠಂತಿ ವಚನೇ ಯಃ ಸ್ಥಿತಸ್ತವ ಶಾಸನೇ॥ 8-2-13 (55000) ಅಕ್ಷೌಹಿಣೀರ್ದಶೈಕಾಂ ಚ ವಿನಿರ್ಜಿತ್ಯ ಶಿತೈಃ ಶರೈಃ। ಸೋಽರ್ಜುನೇನ ಹತೋ ರಾಜನ್ಮಹಾವೀರ್ಯೋ ಜಯದ್ರಥಃ॥ 8-2-14 (55001) ತಥಾ ದುರ್ಯೋಧನಸುತಸ್ತರಸ್ವೀ ಯುದ್ಧದುರ್ಮದಃ। ವರ್ತಮಾನಃ ಪಿತುಃ ಶಾಸ್ತ್ರೇ ಸೌಭದ್ರೇಣ ನಿಪಾತಿತಃ॥ 8-2-15 (55002) ತಥಾ ದೌಃಶಾಸನಿಃ ಸೂರೋ ಬಾಹುಶಾಲೀ ರಣೋತ್ಕಟಃ। ದ್ರೌಪದೇಯೇನ ಸಂಗಂಯ ಗಮಿತೋ ಯಮಸಾದನಂ॥ 8-2-16 (55003) ಕಿರಾತಾನಾಮಧಿಪತಿಃ ಸಾಗರಾನೂಪವಾಸಿನಾಂ। ದೇವರಾಜಸ್ಯ ಧರ್ಮಾತ್ಮಾ ಪ್ರಿಯೋ ಬಹುಮತಃ ಸಖಾ॥ 8-2-17 (55004) ಭಗದತ್ತೋ ಮಹೀಪಾಲಃ ಕ್ಷತ್ರಧರ್ಮರತಃ ಸದಾ। ಧನಂಜಯೇನ ವಿಕ್ರಂಯ ಗಮಿತೋ ಯಮಸಾದನಂ॥ 8-2-18 (55005) ತಥಾ ಕೌರವದಾಯಾದೋ ನ್ಯಸ್ತಶಸ್ತ್ರೋ ಮಹಾಯಶಾಃ। ಹತೋ ಭೂರಿಶ್ರವಾ ರಾಜಞ್ಶೂರಃ ಸಾತ್ಯಕಿನಾ ಯುಧಿ॥ 8-2-19 (55006) ಶ್ರುತಾಯುರಪಿ ಚಾಂಬಷ್ಠಃ ಕ್ಷತ್ರಿಯಾಣಾಂ ಧುರಂಧರಃ। ಚರನ್ನಭೀತವತ್ಸಂಖ್ಯೇ ನಿಹತಃ ಸವ್ಯಸಾಚಿನಾ॥ 8-2-20 (55007) ತವ ಪುತ್ರಃ ಸದಾಮರ್ಷೀ ಕೃತಾಸ್ತ್ರೋ ಯುದ್ಧದುರ್ಮದಃ। ದುಃಶಾಸನೋ ಮಹಾರಾಜ ಭೀಮಸೇನೇನ ಪಾತಿತಃ॥ 8-2-21 (55008) ಯಸ್ಯ ರಾಜನ್ಗಜಾನೀಕಂ ಬಹುಸಾಹಸ್ರಮದ್ಭುತಂ। ಸುದಕ್ಷಿಣಃ ಸ ಸಂಗ್ರಾಮೇ ನಿಹತಃ ಸವ್ಯಸಾಚಿನಾ॥ 8-2-22 (55009) ಕೋಸಲಾನಾಮಧಿಪತಿರ್ಹತ್ವಾ ಬಹುಮತಾನ್ಪರಾನ್। ಸೌಭದ್ರೇಣೇಹ ವಿಕ್ರಂಯ ಗಮಿತೋ ಯಮಸಾದನಂ॥ 8-2-23 (55010) ಬಹುಶೋ ಯೋಧಯಿತ್ವಾ ತು ಭೀಮಸೇನಂ ಮಹಾರಥಂ। ಚಿತ್ರಸೇನಸ್ತವ ಸುತೋ ಭೀಮಸೇನೇನ ಪಾತಿತಃ॥ 8-2-24 (55011) ಮದ್ರರಾಜಾತ್ಮಜಃ ಶೂರಃ ಪರೇಷಾಂ ಭಯವರ್ಧನಃ। ಅಸಿಚರ್ಮಧರಃ ಶ್ರೀಮಾನ್ಸೌಭದ್ರೇಣ ನಿಪಾತಿತಃ॥ 8-2-25 (55012) ಸಮಃ ಕರ್ಣಸ್ಯ ಸಮರೇ ಯಃ ಸ ಕರ್ಣಸ್ಯ ಪಶ್ಯತಃ। ವೃಷಸೇನೋ ಮಹಾತೇಜಾಃ ಶೀಘ್ರಾಸ್ತ್ರೋ ದೃಢವಿಕ್ರಮಃ॥ 8-2-26 (55013) ಅಭಿಮನ್ಯೋರ್ವಧಂ ಸ್ಮೃತ್ವಾ ಪ್ರತಿಜ್ಞಾಮಪಿ ಚಾತ್ಮನಃ। ಧನಂಜಯೇನ ವಿಕ್ರಂಯ ಗಮಿತೋ ಯಮಸಾದನಂ॥ 8-2-27 (55014) ನಿತ್ಯಂ ಪ್ರಸಕ್ತವೈರೋ ಯಃ ಪಾಂಡವೈಃ ಪೃಥಿವೀಪತಿಃ। ವಿಶ್ರಾವ್ಯ ವೈರಂ ಪಾರ್ಥೇನ ಶ್ರುತಾಯುಃ ಸ ನಿಪಾತಿತಃ॥ 8-2-28 (55015) ಶಲ್ಯಪುತ್ರಸ್ತು ವಿಕ್ರಾಂತಃ ಸಹದೇವೇನ ಮಾರಿಷ। ಹತೋ ರುಕ್ಮರಥೋ ರಾಜಞ್ಶ್ಯಾಲೋ ಮಾತುಲಜೋ ಯುಧಿ॥ 8-2-29 (55016) ರಾಜಾ ಭಾಗೀರಥೋ ವೃದ್ಧೋ ಬೃಹತ್ಕ್ಷತ್ರಶ್ಚ ಕೇಕಯಃ। ಪರಾಕ್ರಮಂತೌ ವಿಕ್ರಾಂತೌ ನಿಹತೌ ವೀರ್ಯವತ್ತರೌ॥ 8-2-30 (55017) ಭಗದತ್ತಸುತೋ ರಾಜನ್ಕೃತಪ್ರಜ್ಞೋ ಮಂಹಾಬಲಃ। ಶ್ಯೇನವಚ್ಚರತಾ ಸಂಖ್ಯೇ ನಕುಲೇನ ನಿಪಾತಿತಃ॥ 8-2-31 (55018) ಪಿತಾಮಹಸ್ತವ ತಥಾ ಬಾಹ್ಲೀಕಃ ಸಹ ಬಾಹ್ಲಿಕೈಃ। ನಿಹತೋ ಭೀಮಸೇನೇನ ಮಹಾಬಾಲಪರಾಕ್ರಮಃ॥ 8-2-32 (55019) ಜಯತ್ಸೇನಸ್ತಥಾ ರಾಜಂಜಾರಾಸಂಧಿರ್ಮಹಾಬಲಃ। ಮಾಗಧೋ ನಿಹತಃ ಸಂಖ್ಯೇ ಸೌಭದ್ರೇಣ ಮಹಾತ್ಮನಾ॥ 8-2-33 (55020) ಪುತ್ರಸ್ತೇ ದುರ್ಮುಖೋ ರಾಜಂದುಃಸಹಶ್ಚ ಮಹಾರಥಃ। ಗದಯಾ ಭೀಮಸೇನೇನ ನಿಹತೌ ಶೂರಮಾನಿನೌ॥ 8-2-34 (55021) ದುರ್ಮರ್ಷಣೋ ದುರ್ವಿಷಹೋ ದುರ್ಜಯಶ್ಚ ಮಹಾರಥಃ। ಕೃತ್ವಾ ತ್ವಸುಕರಂ ಕರ್ಮ ಗತಾ ವೈವಸ್ವತಕ್ಷಯಂ॥ 8-2-35 (55022) ಉಭೌ ಕಲಿಂಗವೃಷಕೌ ಭ್ರಾತರೌ ಯುದ್ಧದುರ್ಮದೌ। ಕೃತ್ವಾ ಚಾಸುಕರಂ ಕರ್ಮ ಗತೌ ವೈವಸ್ವತಕ್ಷಯಂ॥ 8-2-36 (55023) ಸಚಿವೋ ವೃಷಪರ್ವಾ ತೇ ಶೂರಃ ಪರಮವೀರ್ಯವಾನ್। ಭೀಮಸೇನೇನ ವಿಕ್ರಂಯ ಗಮಿತೋ ಯಮಸಾದನಂ॥ 8-2-37 (55024) ತಥೈವ ಪೌರವೋ ರಾಜಾ ನಾಗಾಯುತಬಲೋ ಮಹಾನ್। ಸಮರೇ ಪಾಂಡುಪುತ್ರೇಣ ನಿಹತಃ ಸವ್ಯಸಾಚಿನಾ॥ 8-2-38 (55025) ವಸಾತಯೋ ಮಹಾರಾಜ ದ್ವಿಸಾಹಸ್ರಾಃ ಪ್ರಹಾರಿಣಃ। ಶೂರಸೇನಾಶ್ಚ ವಿಕ್ರಾಂತಾಃ ಸರ್ವೇ ಯುಧಿ ನಿಪಾತಿತಾಃ॥ 8-2-39 (55026) ಅಭೀಷಾಹಾಃ ಕವಚಿನಃ ಪ್ರಹರಂತೋ ರಣೋತ್ಕಟಾಃ। ಶಿಬಯಶ್ಚ ರಥೋದಾರಾಃ ಕಾಲಿಂಗಸಹಿತಾ ಹತಾಃ॥ 8-2-40 (55027) ಗೋಕುಲೇ ನಿತ್ಯಸಂವೃದ್ಧಾ ಯುದ್ಧೇ ಪರಮಕೋಪನಾಃ। ಗೋಪಾಲಾಃ ಕೃತವೀರಾಸ್ತೇ ನಿಹತಾಃ ಸವ್ಯಸಾಚಿನಾ॥ 8-2-41 (55028) ಶ್ರೇಣಯೋ ಬಹುಸಾಹಸ್ರಾಃ ಸಂಶಪ್ತಕಗಣಾಶ್ಚ ಯೇ। ತೇ ಸರ್ವೇ ಪಾರ್ಥಮಾಸಾದ್ಯ ಗದಾ ವೈವಸ್ವತಕ್ಷಯಂ॥ 8-2-42 (55029) ಶ್ಯಾಲೌ ತವ ಮಹಾರಾಜ ರಾಜಾನೌ ವೃಷಕಾಚಲೌ। ತ್ವದರ್ಥಮತಿವಿಕ್ರಾಂತೌ ನಿಹತೌ ಸವ್ಯಸಾಚಿನಾ॥ 8-2-43 (55030) ಉಗ್ರಕರ್ಮಾ ಮಹೇಷ್ವಾಸೋ ನಾಮತಃ ಕರ್ಮತಸ್ತಥಾ। ಸಾಲ್ವರಾಜೋ ಮಹಾಬಾಹುರ್ಭೀಮಸೇನೇನ ಪಾತಿತಃ॥ 8-2-44 (55031) ಓಘವಾಂಶ್ಚ ಮಹಾರಾಜ ಬೃಹಂತಃ ಸಹಿತೌ ರಣೇ। ಪರಾಕ್ರಮಂತೌ ಮಿತ್ರಾರ್ಥೇ ಗತೌ ವೈವಸ್ವತಕ್ಷಯಂ॥ 8-2-45 (55032) ತಥೈವ ರಥಿನಾಂ ಶ್ರೇಷ್ಠಃ ಕ್ಷೇಮಧೂರ್ತಿರ್ವಿಶಾಂಪತೇ। ನಿಹತೋ ಗದಯಾ ರಾಜನ್ಭೀಮಸೇನೇನ ಸಂಯುಗೇ॥ 8-2-46 (55033) ತಥಾ ರಾಜನ್ಮಹೇಷ್ವಾಸೋ ಜಲಸಂಧೌ ಮಹಾಬಲಃ। ಸುಮಹತ್ಕದನಂ ಕೃತ್ವಾ ಹತಃ ಸಾತ್ಯಕಿನಾ ರಣೇ॥ 8-2-47 (55034) ಅಲಂಬುಸೋ ರಾಕ್ಷಸೇಂದ್ರಃ ಖರಬಂಧುರಯಾನವಾನ್। ಘಟೋತ್ಕಚೇನ ವಿಕ್ರಂಯ ಗಮಿತೋ ಯಮಸಾದನಂ॥ 8-2-48 (55035) ರಾಧೇಯಃ ಸೂತಪುತ್ರಶ್ಚ ಭ್ರಾತರಶ್ಚ ಮಹಾರಥಾಃ। ಕೇಕಯಾಃ ಸರ್ವಶಶ್ಚಾಪಿ ನಿಹತಾಃ ಸ್ವ್ಯಸಾಚಿನಾ॥ 8-2-49 (55036) ಮಾಲವಾ ಮದ್ರಕಾಶ್ಚೈವ ದ್ರಾವಿಡಾಶ್ಚೋಗ್ರಕರ್ಮಿಣಃ। ಯೌಧೇಯಾಶ್ಚ ಲಲಿತ್ಥಾಶ್ಚ ಕ್ಷುದ್ರಕಾಶ್ಚಾಪ್ಯುಶೀನರಾಃ॥ 8-2-50 (55037) ಮಾವೇಲ್ಲಕಾಸ್ತುಂಡಿಕೇರಾಃ ಸಾವಿತ್ರೀಪುತ್ರಕಾಶ್ಚ ಯೇ। ಪ್ರಾಚ್ಯೋದೀಚ್ಯಾಃ ಪ್ರತೀಚ್ಯಾಶ್ಚ ದಾಕ್ಷಿಣಾತ್ಯಾಶ್ಚ ಮಾರಿಷ॥ 8-2-51 (55038) ಪತ್ತೀನಾಂ ನಿಹತಾಃ ಸಂಘಾ ಹಯಾನಾಂ ಪ್ರಯುತಾನಿ ಚ। ರಥವ್ರಜಾಶ್ಚ ನಿಹತಾ ಹತಾಶ್ಚ ವರವಾರಣಾಃ॥ 8-2-52 (55039) ಸಧ್ವಜಾಃ ಸಾಯುಧಾಃ ಶೂರಾಃ ಸವರ್ಮಾಂಬರಭೂಷಣಾಃ। ಕಾಲೇನ ಮಹತಾಽಽಯಸ್ತಾಃ ಕುಶಲೈರ್ಯೇ ಚ ವರ್ಧಿತಾಃ॥ 8-2-53 (55040) ತೇ ಹತಾಃ ಸಮರೇ ರಾಜನ್ಪಾರ್ಥೇನಾಕ್ಲಿಷ್ಟಕರ್ಮಣಾ। ಅನ್ಯೇ ತಥಾಽಮಿತಬಲಾಃ ಪರಸ್ಪರವಧೈಷಿಣಃ॥ 8-2-54 (55041) ಏತೇ ಚಾನ್ಯೇ ಚ ಬಹವೋ ರಾಜಾನಃ ಸಗಣಾ ರಣೇ। ಹತಾಃ ಸಹಸ್ರಶೋ ರಾಜನ್ಯನ್ಮಾಂ ತ್ವಂ ಪರಿಪೃಚ್ಛಸಿ॥ 8-2-55 (55042) ಏವಮೇಷ ಕ್ಷಯೋ ವೃತ್ತಃ ಕರ್ಣಾರ್ಜುನಸಮಾಗಮೇ। ಮಹೇಂದ್ರೇಣ ಯಥಾ ವೃತ್ರೋ ಯಥಾ ರಾಮೇಣ ರಾವಣಃ॥ 8-2-56 (55043) ಯಥಾ ಕೃಷ್ಣೇನ ನರಕೋ ಮುರುಶ್ಚ ನಿಹತೋ ರಣೇ। ಕಾರ್ತವೀರ್ಯಶ್ಚ ರಾಮೇಣ ಭಾರ್ಗವೇಣ ಯಥಾ ಹತಃ॥ 8-2-57 (55044) ಸಜ್ಞಾತಿಬಾಂಧವಃ ಶೂರಃ ಸಮರೇ ಯುದ್ಧದುರ್ಮದಃ। ರಣೇ ಕೃತ್ವಾ ಮಹದ್ಯುದ್ಧಂ ಘೋರಂ ತ್ರೈಲೋಕ್ಯಮೋಹನಂ॥ 8-2-58 (55045) ಯಥಾ ಸ್ಕಂದೇನ ಮಹಿಷೋ ಯಥಾ ರುದ್ರೇಣ ಚಾಂಧಕಃ। ತಥಾಽರ್ಜುನೇನ ಸ ಹತೋ ದ್ವೈರಥೇ ಯುದ್ಧದುರ್ಮದಃ॥ 8-2-59 (55046) ಸಾಮಾತ್ಯಬಾಂಧವೋ ರಾಜನ್ಕರ್ಣಃ ಪ್ರಹರತಾಂ ವರಃ। ಜಯಾಶಾ ಧಾರ್ತರಾಷ್ಟ್ರಾಣಾಂ ವೈರಸ್ಯ ಚ ಮುಖಂ ನೃಪಃ॥ 8-2-60 (55047) ತೀರ್ಣಂ ತತ್ಪಾಂಡವೈ ರಾಜನ್ಯತ್ಪುರಾ ನಾವಬುಧ್ಯಸೇ। ಉಚ್ಯಮಾನೋ ಮಹಾರಾಜ ಬಂಧುಭಿರ್ಹಿತಕಾಂಕ್ಷಿಭಿಃ॥ 8-2-61 (55048) `ನ ಕೃತಂ ಚ ತ್ವಯಾ ಪೂರ್ವಂ ದೈವೇನ ವಿಧಿನಾ ಬಲಾತ್'। ತದಿದಂ ಸಮನುಪ್ರಾಪ್ತಂ ವ್ಯಸನಂ ಸುಮಹಾತ್ಯಯಂ॥ 8-2-62 (55049) ಗಾಣಾಂ ರಾಜ್ಯಕಾಮಾನಾಂ ತ್ವಯಾ ರಾಜನ್ಹಿತೈಷಿಣಾ। ಅಹಿತಾನ್ಯೇವ ಚೀರ್ಣಾನಿ ತೇಷಾಂ ತೇ ಫಲಮಾಗತಂ॥ ॥ 8-2-63 (55050) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ದ್ವಿತೀಯೋಽಧ್ಯಾಯಃ॥ 2 ॥

8-3-0 (55051) ಧೃತರಾಷ್ಟ್ರ ಉವಾಚ। 8-3-0x (4835) ಆಖ್ಯಾತಾ ಮಾಮಕಾಸ್ತಾತ ನಿಹತಾ ಯುಧಿ ಪಾಂಡವೈಃ। ಹತಾಂಶ್ಚ ಪಾಂಡವೇಯಾನಾಂ ಮಾಮಕೈರ್ಬ್ರೂಹಿ ಸಂಜಯ॥ 8-3-1 (55052) ಸಂಜಯ ಉವಾಚ। 8-3-2x (4836) ಕೃತಿನೋ ಯುಧಿ ವಿಕ್ರಾಂತಾ ಮಹಾಸತ್ವಾ ಮಹಾಬಲಾಃ। ಸಾನುಬಂಧಾಃ ಸಹಾಮಾತ್ಯಾ ಗಾಂಗೇಯೇನ ನಿಪಾತಿತಾಃ॥ 8-3-2 (55053) ನಾರಾಯಣಾ ವಲ್ಲವಾಶ್ಚ ರಾಮಾಶ್ಚ ಶತಶೋ ಪರೇ। ಅನುರಕ್ತಾಶ್ಚ ವೀರೇಣ ಭೀಷ್ಮೇಣ ಯುಧಿ ಪಾತಿತಾಃ॥ 8-3-3 (55054) ಸಮಃ ಕಿರೀಟಿನಾ ಸಂಖ್ಯೇ ವೀರ್ಯೇಣ ಚ ಬಲೇನ ಚ। ಸತ್ಯಜಿತ್ಸತ್ಯಸಂಧೇನ ದ್ರೋಣೇನ ನಿಹತೋ ಯುಧಿ॥ 8-3-4 (55055) ಪಾಂಚಾಲಾನಾಂ ಮಹೇಷ್ವಾಸಾಃ ಸರ್ವೇ ಯುದ್ವವಿಶಾರದಾಃ। ದ್ರೋಣೇನ ಸಹ ಸಂಗಂಯ ಗತಾ ವೈವಸ್ವತಕ್ಷಯಂ॥ 8-3-5 (55056) ತಥಾ ವಿರಾಟದ್ರುಪದೌ ವೃದ್ವೌ ಸಹಸುತೌ ನೃಪೌ। ಪರಾಕ್ರಮಂತೌ ಮಿತ್ರಾರ್ಥೇ ದ್ರೋಣೇನ ನಿಹತೌ ರಣೇ॥ 8-3-6 (55057) ಯೋ ಬಾಲ ಏವ ಸಮರೇ ಸಂಮಿತಃ ಸವ್ಯಸಾಚಿನಾ। ಕೇಶವೇನ ಚ ದುರ್ಧರ್ಷೋ ಬಲದೇವೇನ ಚಾಭಿಭೂಃ॥ 8-3-7 (55058) ಪರೇಷಾಂ ಕದನಂ ಕೃತ್ವಾ ಮಹದ್ರಣವಿಶಾರದಃ। ಪರಿವಾರ್ಯ ಮದಾಮಾತ್ರೈಃ ಷಡ್ಭಿಃ ಪರಮಕೈ ರಥೈಃ। ಅಶಕ್ನುವದ್ಭಿರ್ಬೀಭತ್ಸುಮಭಿಮನ್ಯುರ್ನಿಪಾತಿತಃ॥ 8-3-8 (55059) ಕೃತಂ ತಂ ವಿರಥಂ ವೀರಂ ಕ್ಷತ್ರಧರ್ಮೇ ವ್ಯವಸ್ಥಿತಂ। ದೌಃಶಾಸನಿರ್ಮಹಾರಾಜ ಸೌಭದ್ರಂ ಹತವಾನ್ರಣೇ॥ 8-3-9 (55060) ಪಟಚ್ಚರನಿಹಂತಾ ಚ ಮಹತ್ಯಾ ಸೇನಯಾ ವೃತಃ। ಅಂಬಷ್ಠಸ್ಯ ಸುತಃ ಶ್ರೀಮಾನ್ಮಿತ್ರಹೇತೋಃ ಪರಾಕ್ರಮನ್॥ 8-3-10 (55061) ಆಸಾದ್ಯ ಲಕ್ಷ್ಮಣಂ ವೀರಂ ದುರ್ಯೋಧನಸುತಂ ರಣೇ। ಸುಮಹತ್ಕದನಂ ಕೃತ್ವಾ ಗತೋ ವೈವಸ್ವತಕ್ಷಯಂ॥ 8-3-11 (55062) ಬೃಹಂತಃ ಸುಮಹೇಷ್ವಾಸಃ ಕೃತಾಸ್ತ್ರೋ ಯುದ್ವದುರ್ಮದಃ। ದುಃಶಾಸನೇನ ವಿಕ್ರಂಯ ಗಮಿತೋ ಯಮಸಾದನಂ॥ 8-3-12 (55063) ಮಣಿಮಾಂದಂಡಧಾರಶ್ಚ ರಾಜಾನೌ ಯುದ್ಧದುರ್ಮದೌ। ಪರಾಕ್ರಮಂತೌ ಮಿತ್ರಾರ್ಥೇ ದ್ರೋಣೇನ ಯುಧಿ ಪಾತಿತೌ॥ 8-3-13 (55064) ಅಂಶುಮಾನ್ಭೋಜರಾಜಸ್ತು ಸಹಸೈನ್ಯೋ ಮಹಾರಥಃ। ಭಾರದ್ವಾಜೇನ ವಿಕ್ರಂಯ ಗಮಿತೋ ಯಮಸಾದನಂ॥ 8-3-14 (55065) ಸಾಮುದ್ರಶ್ಚಿತ್ರಸೇನಶ್ಚ ಸಹ ಪುತ್ರೇಣ ಭಾರತ। ಸಮುದ್ರಸೇನೇನ ಬಲಾದ್ಗಮಿತೋ ಯಮಸಾದನಂ॥ 8-3-15 (55066) ಅನೂಪವಾಸೀ ನೀಲಶ್ಚ ವ್ಯಾಧ್ರದತ್ತಶ್ಚ ವೀರ್ಯವಾನ್। ಅಶ್ವತ್ಥಾಂನಾ ವಿಕರ್ಣೇನ ಗಮಿತೌ ಯಮಸಾದನಂ॥ 8-3-16 (55067) ಚಿತ್ರಾಯುಧಶ್ಚಿತ್ರಯೋಧೀ ಕೃತ್ವಾ ಚ ಕದನಂ ಮಹತ್। ಚಿತ್ರಮಾರ್ಗೇಣ ವಿಕ್ರಂಯ ವಿಕರ್ಣೇನ ಹತೋ ಮೃಧೇ। 8-3-17 (55068) ವೃಕೋದರಸಮೋ ಯುದ್ಧೇ ವೃತಃ ಕೇಕಯಜೋ ಯುಧಿ। ಕೇಕಯೇನ ಚ ವಿಕ್ರಂಯ ಭ್ರಾತಾ ಭ್ರಾತ್ರಾ ನಿಪಾತಿತಃ॥ 8-3-18 (55069) ಜನಮೇಜಯೋ ಗದಾಯೋಧೀ ಪಾರ್ವತೀಯಃ ಪ್ರತಾಪವಾನ್। ದುರ್ಮುಖೇನ ಮಹಾರಾಜ ತವ ಪುತ್ರೇಣ ಪಾತಿತಃ॥ 8-3-19 (55070) ರೋಚಮಾನೌ ನರವ್ಯಾಘ್ರೌ ರೋಚಮಾನೌ ಗ್ರಹಾವಿವ। ದ್ರೌಣೇನ ಯುಗಪದ್ರಾಜಂದಿವಂ ಸಂಪ್ರಾತಿತೌ ಶರೈಃ॥ 8-3-20 (55071) ನೃಪಾಶ್ಚ ಪ್ರತಿಯುಧ್ಯಂತಃ ಪರಾಕ್ರಾಂತಾ ವಿಶಾಂಪತೇ। ಕೃತ್ವಾ ನಸುಕರಂ ಕರ್ಮ ಗತಾ ವೈವಸ್ವತಕ್ಷಯಂ॥ 8-3-21 (55072) ಪುರುಜಿತ್ಕೃಂತಿಭೋಜಶ್ಚ ಮಾತುಲೌ ಸವ್ಯಸಾಚಿನಃ। ಸಂಗ್ರಾಮನಿರ್ಜಿತಾಂʼಲ್ಲೋಕಾನ್ಗಮಿತೌ ದ್ರೋಣಸಾಯಕೈಃ॥ 8-3-22 (55073) ಅಭಿಭೂಃ ಕಾಶಿರಾಜಶ್ಚ ಕಾಶಿಕೈರ್ಬಹುಭಿರ್ವೃತಃ। ವಸುದಾನಸ್ಯ ಪುತ್ರೇಣ ತ್ಯಾಜಿತೋ ದೇಹಮಾಹವೇ॥ 8-3-23 (55074) ಅಮಿತೌಜಾ ಯುಧಾಮನ್ಯುರುತ್ತಮೌಜಾಶ್ಚ ವೀರ್ಯವಾನ್। ನಿಹತ್ಯ ಶತಶಃ ಸೂರಾನಸ್ಮದೀಯೈರ್ನಿಪಾತಿತಾಃ॥ 8-3-24 (55075) ಮಿತ್ರವರ್ಮಾ ಚ ಪಾಂಚಾಲ್ಯಃ ಕ್ಷತ್ರಧರ್ಮಾ ಚ ಭಾರತ। ದ್ರೋಣೇನ ಪರಮೇಷ್ವಾಸೌ ಗಮಿತೌ ಯಮಸಾದನಂ॥ 8-3-25 (55076) ಶಿಖಂಡಿತನಯೋ ಯುದ್ಧೇ ಕ್ಷತ್ರದೇವೋ ಯುಧಾಂಪತಿಃ। ಲಕ್ಷ್ಮಣೇನ ಹತೋ ರಾಜಂಸ್ತವ ಪೌತ್ರೇಣ ಭಾರತ॥ 8-3-26 (55077) ಸುಚಿತ್ರಶ್ಚಿತ್ರವರ್ಮಾ ಚ ಪಿತಾಪುತ್ರೌ ಮಹಾರಥೌ। ಪ್ರಚರಂತೌ ಮಹಾವೀರೌ ದ್ರೋಣೇನ ನಿಹತೌ ರಣೇ॥ 8-3-27 (55078) ವಾರ್ಧಕ್ಷೇಮಿರ್ಮಹಾರಾಜ ಸಮುದ್ರ ಇವ ಪರ್ವಣಿ। ಆಯುಧಕ್ಷಯಮಾಸಾದ್ಯ ಪ್ರಶಾಂತಿಂ ಪರಮಾಂ ಗತಃ॥ 8-3-28 (55079) ಸೇನಾಬಿಂದುಸುತಃ ಶ್ರೇಷ್ಠಃ ಶಾಸ್ತ್ರವಾನ್ಪ್ರಹರನ್ಯುಧಿ। ಬಾಹ್ಲಿಕೇನ ಮಹಾರಾಜ ಕೌರವೇಂದ್ರೇಣ ಪಾತಿತಃ॥ 8-3-29 (55080) ಧೃಷ್ಟಕೇತುರ್ಮಹಾರಾಜ ಚೇದೀನಾಂ ಪ್ರವರೋ ರಥಃ। ಕೃತ್ವಾ ನಸುಕರಂ ಕರ್ಮ ಗತೋ ವೈವಸ್ವತಕ್ಷಯಂ॥ 8-3-30 (55081) ತಥಾ ಸತ್ಯಧೃತಿರ್ವೀರಃ ಕೃತ್ವಾ ಕದನಮಾಹವೇ। ಪಾಂಡವಾರ್ಥೇ ಪರಾಕ್ರಾಂತೋ ಗಮಿತೋ ಯಮಸಾದನಂ॥ 8-3-31 (55082) ಪುತ್ರಸ್ತು ಶಿಶುಪಾಲಸ್ಯ ಸುಕೇತುಃ ಪೃಥಿವೀಪತಿಃ। ನಿಹತ್ಯ ಶಾತ್ರವಾನ್ಸಂಖ್ಯೇ ದ್ರೋಣೇನ ನಿಹತೋ ಯುಧಿ॥ 8-3-32 (55083) ತಥಾ ಸತ್ಯಧೃತಿರ್ವೀರೋ ಮದಿರಾಶ್ವಶ್ಚ ವೀರ್ಯವಾನ್। ಸೂರ್ಯದತ್ತಶ್ಚ ವಿಕ್ರಾಂತೋ ನಿಹತೋ ದ್ರೋಣಸಾಯಕೈಃ॥ 8-3-33 (55084) `ಮಾತ್ಸ್ಯಾದವರಜಃ ಶ್ರೀಮಾಞ್ಶತಾನೀಕೋ ನಿಪಾತಿತಃ। ಶ್ರೇಣಿಮಾಂಶ್ಚ ಮಹಾರಾಜ ಯುಧ್ಯಮಾನಃ ಪರಾಕ್ರಮೀ। ಕೃತ್ವಾ ನಸುಕರಂ ಕರ್ಮ ಗತೋ ವೈವಸ್ವತಕ್ಷಯಂ॥ 8-3-34 (55085) ತಥೈವ ಯುಧಿ ವಿಕ್ರಾಂತೋ ಮಾಗಧಃ ಪರಮಾಸ್ತ್ರವಿತ್। ಭೀಷ್ಮೇಣ ನಿಹತೋ ರಾಜಞ್ಶೇತೇಽದ್ಯ ಪರವೀರಹಾ॥ 8-3-35 (55086) ವಿರಾಟಪುತ್ರಃ ಶಂಖಸ್ತು ಉತ್ತರಶ್ಚ ಮಹಾರಥಃ। ಕುರ್ವಂತೌ ಸುಮಹತ್ಕರ್ಮ ಗತೌ ವೈವಸ್ವತಕ್ಷಯಂ॥ 8-3-36 (55087) ವಸುದಾನಶ್ಚ ಕದನಂ ಕುರ್ವಾಣೋಽತೀವ ಸಂಯುಗೇ। ಭಾರದ್ವಾಜೇನ ವಿಕ್ರಂಯ ಗಮಿತೋ ಯಮಸಾದನಂ॥ 8-3-37 (55088) ಏತೇ ಚಾನ್ಯೇ ಚ ಬಹವಃ ಪಾಂಡವಾನಾಂ ಮಹಾರಥಾಃ। ಹತಾ ದ್ರೋಣೇನ ವಿಕ್ರಂಯ ಯನ್ಮಾಂ ತ್ವಂ ಪರಿಪೃಚ್ಛಸಿ॥ ॥ 8-3-38 (55089) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ತೃತೀಯೋಽಧ್ಯಾಯಃ॥ 3 ॥

8-4-0 (55090) ಧೃತರಾಷ್ಟ್ರ ಉವಾಚ। 8-4-0x (4837) ಮಾಮಕಸ್ಯಾಸ್ಯ ಸೈನ್ಯಸ್ಯ ಹೃತೋತ್ಸೇಕಸ್ಯ ಸ಼ಂಜಯ। ಅವಶೇಷಂ ನ ಪಶ್ಯಾಮಿ ಕಕುದೇ ಮೃದಿತೇ ಸತಿ॥ 8-4-1 (55091) ತೌ ಹಿ ವೀರೌ ಮಹೇಷ್ವಾಸೌ ಮದರ್ಥೇ ಕುರುಸತ್ತಮೌ। ಭೀಷ್ಮದ್ರೋಣೌ ಹತೌ ಶ್ರುತ್ವಾ ಕೋನ್ವರ್ಥೋ ಜೀವಿತೇನ ಮೇ॥ 8-4-2 (55092) ನ ಚ ಮೃಷ್ಯಾಮಿ ರಾಧೇಯಂ ಹತಮಾಹವಶೋಭಿನಂ। ಯಸ್ಯ ಬಾಹ್ವೋರ್ಬಲಂ ತುಲ್ಯಂ ಕುಂಜರಾಣಾಂ ಶತಂ ಶತಂ॥ 8-4-3 (55093) ಹತಪ್ರವರಸೈನ್ಯಂ ಮೇ ಯಥಾ ಶಂಸಸಿ ಸಂಜಯ। ಅಹತಾನಪಿ ಮೇ ಶಂಸ ಯೇಽತ್ರ ಜೀವಂತಿ ಕೇಚನ॥ 8-4-4 (55094) ಏತೇಷು ಹಿ ಮೃತೇಷ್ವದ್ಯ ಯೇ ತ್ವಯಾ ಪರಿಕೀರ್ತಿತಾಃ। ಯೇಽಪಿ ಜೀವಂತಿ ತೇ ಸರ್ವೇ ಮೃತಾ ಇತಿ ಮತಿರ್ಮಮ॥ 8-4-5 (55095) ಸಂಜಯ ಉವಾಚ। 8-4-6x (4838) ಯಸ್ಮಿನ್ಮಹಾಸ್ತ್ರಾಣಿ ಸಮರ್ಪಿತಾನಿ ಚಿತ್ರಾಣಿ ಶುಭ್ರಾಣಿ ಚತುರ್ವಿಧಾನಿ। ದಿವ್ಯಾನಿ ರಾಜನ್ವಿಹಿತಾನಿ ಚೈವ ದ್ರೋಣೇನ ವೀರೇ ದ್ವಿಜಸತ್ತಮೇನ॥ 8-4-6 (55096) ಮಹಾರಥಃ ಕೃತಿಮಾನ್ಕ್ಷಿಪ್ರಹಸ್ತೋ ದೃಢಾಯುಧೋ ದೃಢಮುಷ್ಟಿರ್ದೃಢೇಷುಃ। ಸ ವೀರ್ಯವಾಂದ್ರೋಣಪುತ್ರಸ್ತರಸ್ವೀ ವ್ಯವಸ್ಥಿತೋ ಯೋದ್ವುಕಾಮಸ್ತ್ವದರ್ಥೇ॥ 8-4-7 (55097) ಆನರ್ತವಾಸೀ ಹೃದಿಕಾತ್ಮಜೋಽಸೌ ಮಹಾರಥಃ ಸಾತ್ವತಾನಾಂ ವರಿಷ್ಠಃ। ಸ್ವಯಂ ಭೋಜಃ ಕೃತವರ್ಮಾ ಕೃತಾಸ್ತ್ರೋ ವ್ಯವಸ್ಥಿತೋ ಯೋದ್ವುಕಾಮಸ್ತ್ವದರ್ಥೇ॥ 8-4-8 (55098) ಆರ್ತಾಯನಿಃ ಸಮರೇ ದುಷ್ಪ್ರಕಂಪ್ಯಃ ಸೇನಾಗ್ರಣೀಃ ಪ್ರಥಮಸ್ತಾವಕಾನಾಂ। ಯಃ ಸ್ವಸ್ರೀಯಾನ್ಪಾಂಡವೇಯಾನ್ವಿಸೃಜ್ಯ ಸತ್ಯಾಂ ವಾಚಂ ಸ್ವಾಂ ಚಿಕೀರ್ಷುಸ್ತರಸ್ವೀ॥ 8-4-9 (55099) ತಜೋವಧಂ ಸೂತಪುತ್ರಸ್ಯ ಸಂಖ್ಯೇ ಪ್ರತಿಶ್ರುತ್ಯಾಜಾತಶತ್ರೋಃ ಪುರಸ್ತಾತ್। ದುರಾಧರ್ಷಃ ಶಕ್ರಸಮಾನವೀರ್ಯಃ ಶಲ್ಯಃ ಸ್ಥಿತೋ ಯೋದ್ವುಕಾಮಸ್ತ್ವದರ್ಥೇ॥ 8-4-10 (55100) ಶಾರದ್ವತೋ ಗೌತಮಶ್ಚಾಪಿ ರಾಜ-- ನ್ಮಹಾಬಾಹುಚಿತ್ರಾಸ್ತ್ರಯೋಧೀ। ಧನುಶ್ಚಿತ್ರಂ ಸುಮಹದ್ಭಾವರಸಾಹಂ ವ್ಯವಸ್ಥಿತೋ ಯೋದ್ವುಕಾಮಃ ಪ್ರಗೃಹ್ಯ॥ 8-4-11 (55101) ಗಾಂಧಾರರಾಜಃ ಸಸುತಶ್ಚ ರಾಜ-- ಂದುರ್ದ್ಯೂತದೇವೀ ಕಲಹಪ್ರಿಯಶ್ಚ। ಗಾಂಧಾರಮುಖ್ಯೈರ್ಯವನೈಶ್ಚ ರಾಜ-- ನ್ವ್ಯವಸ್ಥಿತೋ ಯೋದ್ವುಕಾಮಸ್ತ್ವದರ್ಥೇ॥ 8-4-12 (55102) ಮಹಾರಥಃ ಕೇಕಯರಾಜಪುತ್ರಃ ಸದಶ್ವಯುಕ್ತಂ ಚ ಪತಾಕಿನಂ ಚ। ರಥಂ ಸಮಾರುಹ್ಯ ಕುರುಪ್ರವೀರ ವ್ಯವಸ್ಥಿತೋ ಯೋದ್ವುಕಾಮಸ್ತ್ವದರ್ಥೇ॥ 8-4-13 (55103) ತಥಾ ಸುತಸ್ತೇ ಜ್ವಲನಾರ್ಕವರ್ಣಂ ರಥಂ ಸಮಾಸ್ಥಾಯ ಕುರುಪ್ರವೀರಃ। ವ್ಯವಸ್ಥಿತಃ ಪುರುಮಿತ್ರೋ ನರೇಂದ್ರ ವ್ಯಭ್ರೇ ಸೂರ್ಯೋ ಭ್ರಾಜಮಾನೋ ಯಥಾ ಖೇ॥ 8-4-14 (55104) ದುರ್ಯೋಧನೋ ನಾಗಕುಲಸ್ಯ ಮಧ್ಯೇ ವ್ಯವಸ್ಥಿತಃ ಸಿಂಹ ಇವಾಬಭಾಸೇ। ರಥೇನ ಜಾಂಬೂನದಭೂಷಣೇನ ವ್ಯವಸ್ಥಿತಃ ಸಮರೇ ಯೋತ್ಸ್ಯಮಾನಃ॥ 8-4-15 (55105) ಸ ರಾಜಮಧ್ಯೇ ಪುರುಷಪ್ರವೀರೋ ರರಾಜ ಜಾಂಬೂನದಚಿತ್ರವರ್ಮಾ। ಪದ್ಮಪ್ರಭೋ ವಹ್ನಿರಿವಾಲ್ಪಧೂಮೋ ಮೇಘಾಂತರೇ ಸೂರ್ಯ ಇವ ಪ್ರಕಾಶಃ॥ 8-4-16 (55106) ತಥಾ ಸುಷೇಣೋಽಪ್ಯಸಿಚರ್ಮಪಾಣಿ-- ಸ್ತವಾತ್ಮಜಃ ಸತ್ಯಸೇನಶ್ಚ ವೀರಃ। ವ್ಯವಸ್ಥಿತೌ ಚಿತ್ರಸೇನೇನ ಸಾರ್ಧಂ ಹೃಷ್ಟಾತ್ಮಾನೌ ಸಮರೇ ಯೋದ್ಧಕಾಮೌ॥ 8-4-17 (55107) ಹೀನಿಷೇವೋ ಭಾರತರಾಜಪುತ್ರ ಉಗ್ರಾಯುಧಃ ಶ್ರುತವರ್ಮಾ ಜಯಶ್ಚ। ಶಲಶ್ಚ ಸತ್ಯವ್ರತದುಃಶಲೌ ಚ ವ್ಯವಸ್ಥಿತಾಃ ಸಹಸೈನ್ಯಾ ನರಾಗ್ರ್ಯಾಃ॥ 8-4-18 (55108) ಕೈತವ್ಯಾನಾಮಧಿಪಃ ಶೂರಮಾನೀ ರಣೇರಣೇ ಶತ್ರುಹಾ ರಾಜಪುತ್ರಃ। ರಥೀ ಹಯೀ ನಾಗಪತ್ತಿಪ್ರಯಾಯೀ ವ್ಯವಸ್ಥಿತೋ ಯೋದ್ವುಕಾಮಸ್ತ್ವದರ್ಥೇ॥ 8-4-19 (55109) ವೀರಃ ಶ್ರುತಾಯುಶ್ಚ ಧೃತಾಯುಧಶ್ಚ ಚಿತ್ರಾಂಗದಶ್ಚಿತ್ರಸೇನಶ್ಚ ವೀರಃ। ವ್ಯವಸ್ಥಿತಾ ಯೋದ್ವುಕಾಮಾ ನರಾಗ್ರ್ಯಾಃ ಪ್ರಹಾರಿಣೋ ಮಾನಿನಃ ಸತ್ಯಸಂಧಾಃ॥ 8-4-20 (55110) ಕರ್ಣಾತ್ಮಜಃ ಸತ್ಯಸಂಧೋ ಮಹಾತ್ಮಾ ವ್ಯವಸ್ಥಿತಃ ಸಮರೇ ಯೋದ್ವುಕಾಮಃ॥ 8-4-21 (55111) ಅಥಾಪರೌ ಕರ್ಣಸುತೌ ವರಾಸ್ತ್ರೌ ವ್ಯವಸ್ಥಿತೌ ಲಘುಹಸ್ತೌ ನರೇಂದ್ರ। ಬಲೇ ಮಹತ್ಯುಲ್ಬಣಸತ್ವವೀರ್ಯೌ ಸಮಾಸ್ಥಿತೌ ಯೋದ್ವುಕಾಮೌ ತ್ವದರ್ಥೇ॥ 8-4-22 (55112) ಏತೈಶ್ಚ ಮುಖ್ಯೈರಪರೈಶ್ಚ ರಾಜ-- ನ್ಯೋಧಪ್ರವೀರೈರಮಿತಪ್ರಭಾವೈಃ। ವ್ಯವಸ್ಥಿತೋ ನಾಗಕುಲಸ್ಯ ಮಧ್ಯೇ ಯಥಾ ಮಹೇಂದ್ರಃ ಕುರುರಾಜೋ ಜಯಾಯ॥ 8-4-23 (55113) ಧೃತರಾಷ್ಟ್ರ ಉವಾಚ। 8-4-24x (4839) ಆಖ್ಯಾತಾ ಜೀವಮಾನಾ ಯೇ ಪರೇ ಸೈನ್ಯಾ ಯಥಾಯಥಂ। ಇತೀದಮವಗಚ್ಛಾಮಿ ವ್ಯಕ್ತಮರ್ಥಾಭಿಪತ್ತಿತಃ॥ 8-4-24 (55114) ವೈಶಂಪಾಯನ ಉವಾಚ। 8-4-25x (4840) ಏವಂ ಬ್ರುವನ್ನೇವ ತದಾ ಧೃತರಾಷ್ಟ್ರೋಽಂಬಿಕಾಸುತಃ। ಹತಪ್ರವೀರಂ ಭೂಯಿಷ್ಠಂ ಕಿಂಚಿಚ್ಛೇಷಂ ಸ್ವಕಂ ಬಲಂ। ಶ್ರುತ್ವಾ ವ್ಯಾಮೋಹಮಾಗಚ್ಛಚ್ಛೋಕವ್ಯಾಕುಲಿತೇಂದ್ರಿಯಃ॥ 8-4-25 (55115) ವ್ಯಾಕುಲಂ ಮೇ ಮನಸ್ತಾತ ಶ್ರುತ್ವಾ ಸುಮಹದಪ್ರಿಯಂ॥ ಮನೋ ಮುಹ್ಯತಿ ಚಾಂಗಾನಿ ನ ಚ ಶಕ್ನೋಮಿ ಧಾವಿತುಂ। ಇತ್ಯೇವಮುಕ್ತ್ವಾ ವಚನಂ ಧೃತರಾಷ್ಟ್ರೋಽಂಬಿಕಾಸುತಃ। ಭ್ರಾಂತಚಿತ್ತಸ್ತತಃ ಸೋಽಥ ಬಭೂವ ಜಗತೀಪತಿಃ॥ ॥ 8-4-26 (55116) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಚತುರ್ಥೋಽಧ್ಯಾಯಃ॥ 4 ॥

8-5-0 (55117) ಜನಮೇಜಯ ಉವಾಚ। 8-5-0x (4841) ಶ್ರುತ್ವಾ ಕರ್ಣಂ ಹತಂ ಯುದ್ವೇ ಪುತ್ರಾಂಶ್ಚೈವ ಪಲಾಯಿನಃ। ನರೇಂದ್ರಃ ಕಿಂಚಿದಾಶ್ವಸ್ತೋ ದ್ವಿಜಶ್ರೇಷ್ಠ ಕಿಮಬ್ರವೀತ್॥ 8-5-1 (55118) ಪ್ರಾಪ್ತವಾನ್ಪರಮಂ ದುಃಖಂ ಪುತ್ರವ್ಯಸನಜಂ ಮಹತ್। ತಸ್ಮಿನ್ಯದುಕ್ತವಾನ್ಕಾಲೇ ತನ್ಮಮಾಚಕ್ಷ್ವ ಪೃಚ್ಛತಃ॥ 8-5-2 (55119) ವೈಶಂಪಾಯನ ಉವಾಚ। 8-5-3x (4842) ಶ್ರುತ್ವಾ ಕರ್ಣಸ್ಯ ನಿಧನಮಶ್ರದ್ವೇಯಮಿವಾದ್ಭುತಂ। ಭೂತಸಂಮೋಹನಂ ಭೀಮಂ ಮೇರೋಃ ಸಂಸರ್ಪಣಂ ಯಥಾ॥ 8-5-3 (55120) ಚಿತ್ತಮೋಹಮಿವಾಯುಕ್ತಂ ಭಾರ್ಗವಸ್ಯ ಮಹಾಮತೇಃ। ಪರಾಜಯಮಿವೇಂದ್ರಸ್ಯ ದ್ವಿಷದ್ಧ್ಯೋ ಭೀಮಕರ್ಮಣಃ॥ 8-5-4 (55121) ದಿವಃ ಪ್ರಪತನಂ ಭಾನೋರುರವ್ಯಾಮಿವ ಮಹಾದ್ಯುತೇಃ। ಸಂಶೋಷಣಮಿವಾಚಿಂತ್ಯಂ ಸಮುದ್ರಸ್ಯಾಕ್ಷಯಾಂಭಸಃ॥ 8-5-5 (55122) ಮಹೀವಿಯದ್ದಿಗಂಬೂನಾಂ ಸರ್ವನಾಶಮಿವಾದ್ಭುತಂ। ಕರ್ಮಣೋರಿವ ವೈಫಲ್ಯಮುಭಯೋಃ ಪುಣ್ಯಪಾಪಯೋಃ॥ 8-5-6 (55123) ಸಂಚಿಂತ್ಯ ನಿಪುಣಂ ಬುದ್ಧ್ಯಾ ಧೃತರಾಷ್ಟ್ರೋ ಜನೇಶ್ವರಃ। ನೇದಮಸ್ತೀತಿ ಸಂಚಿಂತ್ಯ ಕರ್ಣಸ್ಯ ಸಮರೇ ವಧಂ॥ 8-5-7 (55124) ಪ್ರಾಣಿನಾಮೇವಮಾತ್ಮತ್ವಾತ್ಸ್ಯಾದಪೀತಿ ವಿಚಾರ್ಯ ಚ। ಶೋಕಾಗ್ನಿನಾ ದಹ್ಯಮಾನೋ ಧಂಯಮಾನ ಇವಾಶಯೇ॥ 8-5-8 (55125) ವಿಸ್ರಸ್ತಾಂಗಃ ಶ್ವಸಂದೀನೋ ಹಾಹೇತ್ಯುಕ್ತ್ವಾ ಸುದುಃಖಿತಃ। ವಿಲಲಾಪ ಮಹಾರಾಜ ಧೃತರಾಷ್ಟ್ರೋಽಂಬಿಕಾಸುತಃ॥ 8-5-9 (55126) ಧೃತರಾಷ್ಟ್ರ ಉವಾಚ। 8-5-10x (4843) ಸಂಜಯಾಧಿರಥಿರ್ವೀರಃ ಸಿಂಹದ್ವಿರದವಿಕ್ರಮಃ। ವೃಷಭಪ್ರತಿಮಸ್ಕಂಧೋ ವೃಷಭಾಕ್ಷಗತಿಸ್ವರಃ॥ 8-5-10 (55127) ವೃಷಭೋ ವೃಷಭಸ್ಯೇವ ಯೋ ಯುದ್ಧೇ ನ ನಿವರ್ತತೇ। ಶತ್ರೋರಪಿ ಮಹೇಂದ್ರಸ್ಯ ವಜ್ರಸಂಹನನೋ ಯುವಾ॥ 8-5-11 (55128) ಯಸ್ಯ ಜ್ಯಾತಲಶಬ್ದೇನ ಶರವೃಷ್ಟಿರವೇಣ ಚ। ರಥಾಶ್ವನರಮಾತಂಗಾ ನಾವತಿಷ್ಠಂತಿ ಸಂಯುಗೇ॥ 8-5-12 (55129) ಯಮಾಶ್ರಿತ್ಯ ಮಹಾಬಾಹುಂ ದ್ವಿಷತ್ಸಂಘಘ್ನಮಚ್ಯುತಂ। ದುರ್ಯೋಧನೋಽಕರೋದ್ವೈರಂ ಪಾಂಡುಪುತ್ರೈರ್ಮಹಾರಥೈಃ॥ 8-5-13 (55130) ಸ ಕಥಂ ರಥಿನಾಂ ಶ್ರೇಷ್ಠಃ ಕರ್ಣಃ ಪಾರ್ಥೇನ ಸಂಯುಗೇ। ನಿಹತಃ ಪುರುಷವ್ಯಾಘ್ರಃ ಪ್ರಸಹ್ಯಾಸಹ್ಯವಿಕ್ರಮಃ॥ 8-5-14 (55131) ಯೋ ನಾಮನ್ಯತ ವೈ ನಿತ್ಯಮಚ್ಯುತಂ ಚ ಧನಂಜಯಂ। ನ ವೃಷ್ಮೀನ್ಸಹಿತಾನನ್ಯಾನ್ಸ್ವಬಾಹುಬಲದರ್ಪಿತಃ॥ 8-5-15 (55132) ಶಾರ್ಂಗಗಾಂಡೀವಧನ್ವಾನೌ ಸಹಿತಾವಪರಾಜಿತೌ। ಅಹಂ ದಿವ್ಯಾದ್ರಥಾದೇಕಃ ಪಾತಯಿಷ್ಯಾಮಿ ಸಂಯುಗೇ॥ 8-5-16 (55133) ಇತಿ ಯಃ ಸತತಂ ಮಂದಮವೋಚಲ್ಲೋಭಮೋಹಿತಂ। ದುರ್ಯೋಧನಮವಾಚೀನಂ ರಾಜ್ಯಕಾಮುಕಮಾತುರಂ॥ 8-5-17 (55134) ಯೋಽಜಯತ್ಸರ್ವಕಾಂಭೋಜಾನಾವಂತ್ಯಾನ್ಕೇಕಯೈಃ ಸಹ। ಗಾಂಧಾರಾನ್ಮದ್ರಕಾನ್ಮಾತ್ಸ್ಯಾಂಸ್ತ್ರಿಗರ್ತಾಂಸ್ತಂಕಣಾಞ್ಶಕಾನ್। 8-5-18 (55135) ಪಾಂಚಾಲಾಂಶ್ಚ ವಿದೇಹಾಂಶ್ಚ ಕುಲಿಂದಾನ್ಕಾಶಿಕೋಸಲಾನ್ ಸೂಹ್ಮಾನಂಗಾಂಶ್ಚ ವಂಗಾಂಶ್ಚ ನಿಷಾದಾನ್ಪುಂಡ್ರಕೀಕಟಾನ್॥ 8-5-19 (55136) ವತ್ಸಾನ್ಕಲಿಂಗಾಂದರದಾನಶ್ಮಕಾನೃಷಿಕಾನಪಿ। `ಶಬರಾನ್ಹಾರಹೂಣಾಂಶ್ಚ ಪ್ರಘೂಣಾನ್ಸರಲಾನಪಿ॥ 8-5-20 (55137) ಂಲೇಚ್ಛರಾಷ್ಟ್ರಾಧಿಪಾಂಶ್ಚೈವ ದುರ್ಗಾನಾಟವಿಕಾಂಸ್ತಥಾ'। ಜಿತ್ವೈತಾನ್ಸಮರೇ ವೀರಃ ಪ್ರದೀಪ್ತೈಃ ಕಂಕಪತ್ರಿಭಿಃ॥ 8-5-21 (55138) ಕರಮಾಹಾರಯಾಮಾಸ ಜಿತ್ವಾ ಸರ್ವಾನರೀಂಸ್ತಥಾ। ದುರ್ಯೋಧನಸ್ಯ ವೃದ್ಧ್ಯರ್ಥಂ ರಾಧೇಯೋ ರಥಿನಾಂ ವರಃ। ದಿವ್ಯಾಸ್ತ್ರವಿಮನ್ಹಾತೇಜಾಃ ಕರ್ಣೋ ವೈಕರ್ತನೋ ವೃಷಃ॥ 8-5-22 (55139) ಸೇನಾಗೋಪಶ್ಚ ಸ ಕಥಂ ಶತ್ರುಭಿಃ ಪರಮಾಸ್ತ್ರವಿತ್। ಘಾತಿತಃ ಪಾಂಡವೈಃ ಶೂರೈಃ ಸಮರೇ ವೀರ್ಯಶಾಲಿಭಿಃ॥ 8-5-23 (55140) ವೃಷೋ ಮಹೇಂದ್ರೋ ದೇವೇಷು ವೃಷಃ ಕರ್ಣೋ ನರೇಷ್ವಪಿ। ತೃತೀಯಮನ್ಯಂ ಲೋಕೇಷು ವೃಷಂ ನೈವಾನುಶುಶ್ರುಮ॥ 8-5-24 (55141) ಉಚ್ಚೈಃ ಶ್ರವಾ ವರೋಽಶ್ವಾನಾಂ ರಾಜ್ಞಾಂ ವೈಶ್ರವಣೋ ವರಃ। ವರೋ ಮಹೇಂದ್ರೋ ದೇವಾನಾಂ ಕರ್ಣಃ ಪ್ರಹರತಾಂ ವರಃ॥ 8-5-25 (55142) ಯೋಽಜಿತಃ ಪಾರ್ಥಿವೈಃ ಶೂರೈಃ ಸಮರ್ಥೈರ್ವೀರ್ಯಶಾಲಿಭಿಃ। ದುರ್ಯೋಧನಸ್ಯ ವೃದ್ಧ್ಯರ್ಥಂ ಕೃತ್ಸ್ನಾಮುರ್ವೀಮಥಾಜಯತ್॥ 8-5-26 (55143) ಯಂ ಲಬ್ಧ್ವಾ ಮಾಗಧೋ ರಾಜಾ ಸಾಂತ್ವಮಾನೋಽಥ ಸೌಹೃದೈಃ। ಅರೌತ್ಸೀತ್ಪಾರ್ಥಿವಂ ಕ್ಷತ್ರಮೃತೇ ಯಾದವಕೌರವಾನ್॥ 8-5-27 (55144) ತಂ ಶ್ರುತ್ವಾ ನಿಹತಂ ಕರ್ಣಂ ದ್ವೈರಥೇ ಸವ್ಯಸಾಚಿನಾ। ಶೋಕಾರ್ಣವೇ ನಿಮಗ್ನೋಽಹಂ ಭಿನ್ನಾ ನೌರಿವ ಸಾಗರೇ॥ 8-5-28 (55145) ತಂ ವೃಷಂ ನಿಹತಂ ಶ್ರುತ್ವಾ ದ್ವೈರಥೇ ರಥಿನಾಂ ವರಂ। ಶೋಕಾರ್ಣವೇ ನಿಮಗ್ನೋಽಹಮಪ್ಲುವಃ ಸಾಗರೇ ಯಥಾ॥ 8-5-29 (55146) ಈದೃಶೈರ್ಯದ್ಯಹಂ ದುಃಖೈರ್ನ ವಿನಶ್ಯಾಮಿ ಸಂಜಯ। ವಜ್ರಾದ್ದೃಢತರಂ ಮನ್ಯೇ ಹೃದಯಂ ಮಮ ದುರ್ಭಿದಂ॥ 8-5-30 (55147) ಜ್ಞಾತಿಸಂಬಂಧಿಮಿತ್ರಾಣಾಮಿಮಂ ಶ್ರುತ್ವಾ ಪರಾಭವಂ। ಕೋ ಮದನ್ಯಃ ಪುಮಾಂʼಲ್ಲೋಕೇ ನ ಜಹ್ಯಾತ್ಸೂತ ಜೀವಿತಂ॥ 8-5-31 (55148) ವಿಷಮಗ್ನಿಂ ಪ್ರಪಾತಂ ಚ ಪರ್ವತಾಗ್ರಾದಹಂ ವೃಣೇ। `ಮಹಾಪ್ರಸ್ಥಾನಗಮನಂ ಜಲಂ ಪ್ರಾಯೋಪವೇಶನಂ'। ನ ಹಿ ಶಕ್ಷ್ಯಾಮಿ ದುಃಖಾನಿ ಸೋಢುಂ ಕಷ್ಟಾನಿ ಸಂಜಯ॥ ॥ 8-5-32 (55149) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಪಂಚಮೋಽಧ್ಯಾಯಃ॥ 5 ॥

8-6-0 (55150) ಸಂಜಯ ಉವಾಚ। 8-6-0x (4844) ಶ್ರಿಯಾ ಕುಲೇನ ಯಶಸಾ ತಪಸಾ ಚ ಶ್ರುತೇನ ಚ। ತ್ವಾಮದ್ಯ ಸಂತೋ ಮನ್ಯಂತೇ ಯಯಾತಿಮಿವ ನಾಹುಷಂ॥ 8-6-1 (55151) ಶ್ರುತೇ ಮಹರ್ಷಿಪ್ರತಿಮಃ ಕೃತಕೃತ್ಯೋಽಸಿ ಪಾರ್ಥಿವ। ಪರ್ಯವಸ್ಥಾಪಯಾತ್ಮಾನಂ ಮಾ ವಿಷಾದೇ ಮನಃ ಕೃಥಾಃ॥ 8-6-2 (55152) ಧೃತರಾಷ್ಟ್ರ ಉವಾಚ। 8-6-3x (4845) ದೈವಮೇವ ಪರಂ ಮನ್ಯೇ ಧಿಕ್ಪೌರುಷಮನರ್ಥಕಂ। ಯತ್ರ ಸಾಲಪ್ರತೀಕಾಶಃ ಕರ್ಣೋಽಹನ್ಯತ ಸಂಯುಗೇ॥ 8-6-3 (55153) ಹತ್ವಾ ಯುಧಿಷ್ಠಿರಾನೀಕಂ ಪಾಂಚಾಲಾನಾಂ ರಥವ್ರಜಾನ್। ಪ್ರತಾಪ್ಯ ಶರವರ್ಷೇಣ ದಿಶಃ ಸರ್ವಾ ಮಹಾರಥಃ॥ 8-6-4 (55154) ಮೋಹಿಯಿತ್ವಾ ರಣೇ ಪಾರ್ಥಾನ್ವಜ್ನಹಸ್ತ ಇವಾಸುರಾನ್। ಸ ಕಥಂ ನಿಹತಃ ಶೇತೇ ವಾಯುರುಗ್ಣ ಇವ ದ್ರುಮಃ॥ 8-6-5 (55155) ಶೋಕಸ್ಯಾಂತಂ ನ ಪಶ್ಯಾಮಿ ಪಾರಂ ಜಲನಿಧೇರಿವ। ಚಿಂತಾ ಮೇ ವರ್ಧತೇಽತೀವ ಮುಮೂರ್ಷಾ ಚಾಪಿ ಜಾಯತೇ॥ 8-6-6 (55156) ಕರ್ಣಸ್ಯ ನಿಧನಂ ಶ್ರುತ್ವಾ ವಿಜಯಂ ಫಲ್ಗುನಸ್ಯ ಚ। ಅಶ್ರದ್ಧೇಯಮಹಂ ಮನ್ಯೇ ವಧಂ ಕರ್ಣಸ್ಯ ಸಂಜಯ॥ 8-6-7 (55157) ವಜ್ರಸಾರಮಿದಂ ನೂನಂ ಹೃದಯಂ ದುರ್ಭಿದಂ ಮಮ। ಯಚ್ಛ್ರುತ್ವಾ ಪುರುಷವ್ಯಾಘ್ರಂ ಹತಂ ಕರ್ಣಂ ನ ದೀರ್ಯತೇ॥ 8-6-8 (55158) ಆರ್ಯುರ್ನೂನಂ ಸುದೀರ್ಘಂ ಮೇ ವಿಹಿತಂ ದೈವತೈಃ ಪುರಾ। ಯತ್ರ ಕರ್ಣಂ ಹತಂ ಶ್ರುತ್ವಾ ಜೀವಾಮೀಹ ಸುದುಃಖಿತಃ॥ 8-6-9 (55159) ಧಿಗ್ಜೀವಿತಮಿದಂ ಚೈವ ಸುಹೃದ್ವೀನಸ್ಯ ಸಂಜಯ। ಅದ್ಯ ಚಾಹಂ ದಶಾಮೇತಾಂ ಗತಃ ಸಂಜಯ ಗರ್ಹಿತಾಂ। ಕೃಪಣಂ ವರ್ತಯಿಷ್ಯಾಮಿ ಶೋಚ್ಯಃ ಸರ್ವಸ್ಯ ಮಂದಧೀಃ॥ 8-6-10 (55160) ಅಹಮೇವ ಪುರಾ ಭೂತ್ವಾ ಸರ್ವಲೋಕಸ್ಯ ಸತ್ಕೃತಃ। ಪರಿಭೂತಃ ಕಥಂ ಸೂತ ಪರೈಃ ಶಕ್ಷ್ಯಾಮಿ ಜೀವಿತುಂ॥ 8-6-11 (55161) ದುಃಖಾದ್ದುಃಖತರಂ ಭನ್ಯೇ ಪ್ರಾಪ್ತವಾನಸ್ಮಿ ಸಂಜಯ। ಭೀಷ್ಮದ್ರೋಣವಧೇನೈವ ಕರ್ಣಸ್ಯ ಚ ಮಹಾತ್ಮನಃ॥ 8-6-12 (55162) ನಾವಶೇಷಂ ಪ್ರಪಶ್ಯಾಮಿ ಸೂತಪುತ್ರೇ ಹತೇ ಯುಧಿ। ಸಹಿ ಪಾರಂ ಮಹಾನಾಸೀತ್ಪುತ್ರಾಣಾಂ ಮಮ ಸಂಜಯ॥ 8-6-13 (55163) ಯುದ್ಧೇ ಹಿ ನಿಹತಃ ಶೂರೋ ವಿಸೃಜನ್ಸಾಯಕಾನ್ಬಹೂನ್। ಕೋ ಹಿ ಮೇ ಜೀವಿತೇನಾರ್ಥಸ್ತಮೃತೇ ಪುರುಷರ್ಷಭಂ॥ 8-6-14 (55164) ರಥಾದಾಧಿರಥಿರ್ನೂನಂ ನ್ಯಪತತ್ಸಾಯಕಾರ್ದಿತಃ। ಪರ್ವತಸ್ಯೇವ ಶಿಖರಂ ವ ಜ್ರಪಾತಾದ್ವಿದಾರಿತಂ॥ 8-6-15 (55165) ಸ ಶೇತೇ ಪೃಥಿವೀಂ ನೂನಂ ಶೋಭಯನ್ರುಧಿರೋಕ್ಷಿತಃ। ಮಾತಂಗ ಇವ ಮತ್ತೇನ ಮತಾಂಗೇನ ನಿಪಾತಿತಃ॥ 8-6-16 (55166) ಯೋ ಬಲಂ ಧಾರ್ತರಾಷ್ಟ್ರಾಣಾಂ ಪಾಂಡವಾನಾಂ ಯತೋ ಭಯಂ। ಸೋಽರ್ಜುನೇನ ಹತಃ ಕರ್ಣಃ ಪ್ರತಿಮಾನಂ ಧನುಷ್ಮತಾಂ॥ 8-6-17 (55167) ಸ ಹಿ ವೀರೋ ಮಹೇಷ್ವಾಸೋ ಮಿತ್ರಾಣಾಮಭಯಂಕರಃ। ಶೇತೇ ವಿನಿಹತೋ ವೀರಃ ಶಕ್ರೇಣೇವ ಪುರಾ ಬಲಃ॥ 8-6-18 (55168) ಪಂಗೋರಿವಾಧ್ವಗಮನಂ ದರಿದ್ರಸ್ಯೇವ ಕಾಮಿತಂ। ದುರ್ಯೋಧನಸ್ಯ ಲೋಭಶ್ಚ ಸಮಾನ್ಯೇತಾನಿ ಸಂಜಯ॥ 8-6-19 (55169) ಅನ್ಯಥಾ ಚಿಂತಿತಂ ಕಾರ್ಯಮನ್ಯಥಾ ತತ್ತು ಜಾಯತೇ। ಅಹೋ ನು ಬಲವದ್ದೈವಂ ಕಾಲಶ್ಚ ದುರತಿಕ್ರಮಃ॥ 8-6-20 (55170) ಪಲಾಯಮಾನಃ ಕೃಪಣೋ ದೀನಾತ್ಮಾ ದೀನಪೌರುಷಃ। ಕಚ್ಚಿದ್ವಿನಿಹತಃ ಸೂತ ಪುತ್ರೋ ದುಃಶಾಸನೋ ಮಮ॥ 8-6-21 (55171) ಕಚ್ಚಿನ್ನ ದೀನಾಚರಿತಂ ಕೃತವಾಂಸ್ತಾತ ಸಂಯುಗೇ। ಕಚ್ಚಿನ್ನ ನಿಹತಃ ಶೂರಾ ಯಥಾಽನ್ಯೇ ಕ್ಷತ್ರಿಯರ್ಷಭಾಃ॥ 8-6-22 (55172) ಯುಧಿಷ್ಠಿರಸ್ಯ ವಚನಂ ಮಾ ಯುದ್ಧಮಿತಿ ಸರ್ವದಾ। ದುರ್ಯೋಧನೋ ನಾಭ್ಯಗೃಹ್ಣಾನ್ಮೂಢಃ ಪಥ್ಯಮಿವೌಷಧಂ॥ 8-6-23 (55173) ಶತಲ್ಪೇ ಶಯಾನೇನ ಭೀಷ್ಮೇಣ ಸುಮಹಾತ್ಮನಾ। ಪಾನೀಯಂ ಯಾಚಿತಃ ಪಾರ್ಥಃ ಸೋವಿಧ್ಯನ್ಮೇದಿನೀತಲಂ॥ 8-6-24 (55174) ಜಲಸ್ಯ ಧಾರಾಂ ಜನಿತಾಂ ದೃಷ್ಟ್ವಾ ಪಾಂಡುಸುತೇನ ಚ। ಅಬ್ರವೀತ್ಸ ಮಹಾಬಾಹುಸ್ತಾತ ಸಂಶಾಂಯ ಪಾಂಡವೈಃ॥ 8-6-25 (55175) ಪ್ರಶಮಾದ್ವಿ ಭವೇಚ್ಛಾಂತಿರ್ಮದಂತಂ ಯುದ್ಧಮಸ್ತು ವಃ। ಭ್ರಾತೃಭಾವೇನ ಪೃಥಿವೀಂ ಭುಂಕ್ಷ್ವ ಪಾಂಡುಸುತೈಃ ಸಹ॥ 8-6-26 (55176) ಅಕುರ್ವನ್ವಚನಂ ತಸ್ಯ ನೂನಂ ಶೋಚತಿ ಪುತ್ರಕಃ। ತದಿದಂ ಸಮನುಪ್ರಾಪ್ತ ವಚನಂ ದೀರ್ಘದರ್ಶಿನಃ॥ 8-6-27 (55177) ಅಹಂ ತು ನಿಹತಾಮಾತ್ಯೋ ಹತಪುತ್ರಶ್ಚ ಸಂಜಯ। ದ್ಯೂತತಃ ಕೃಚ್ಛ್ರಮಾಪನ್ನೋ ಲೂನಪಕ್ಷ ಇವ ದ್ವಿಜಃ॥ 8-6-28 (55178) ಯಥಾ ಹಿ ಶಕುನಿಂ ಗೃಹ್ಯ ಛಿತ್ತ್ವಾ ಪಕ್ಷೌ ಚ ಸಂಜಯ। ವಿಸರ್ಜಯಂತಿ ಸಂಹೃಷ್ಟಾಃ ಕ್ರೀಡಮಾನಾಃ ಕುಮಾರಕಾಃ॥ 8-6-29 (55179) ಲೂನಪಕ್ಷತಯಾ ತಸ್ಯ ಗಮನಂ ನೋಪಪದ್ಯತೇ। ತಥಾಹಮಪಿ ಸಂಪ್ರಾಪ್ತೋ ಲೂನಪಕ್ಷ ಇವ ದ್ವಿಜಃ॥ 8-6-30 (55180) ಕ್ಷೀಣಃ ಸರ್ವಾರ್ಥಹೀನಶ್ಚ ನಿರ್ಜ್ಞಾತಿರ್ಬಂಧುವರ್ಜಿತಃ। ಕಾಂ ದಿಶಂ ಪ್ರತಿಪತ್ಸ್ಯಾಮಿ ದೀನಃ ಶತ್ರುವಶಂ ಗತಃ॥ 8-6-31 (55181) ವೈಶಂಪಾಯನ ಉವಾಚ। 8-6-32x (4846) ಇತ್ಯೇವಂ ಧೃತರಾಷ್ಟ್ರೋಽಥ ವಿಲಪ್ಯ ಬಹುದುಃಖಿತಃ। ಪ್ರೋವಾಚ ಸಂಜಯಂ ಭೂಯಃ ಸೋಕವ್ಯಾಕುಲಮಾನಸಃ॥ 8-6-32 (55182) ಧೃತರಾಷ್ಟ್ರ ಉವಾಚ। 8-6-33x (4847) ಯೋಽಜಯತ್ಸರ್ವಕಾಂಭೋಜಾನಂಬಷ್ಠಾನ್ಕೈಕಯೈಃ ಸಹ। ಗಾಂಧಾರಾಂಶ್ಚ ವಿದೇಹಾಂಶ್ಚ ಜಿತ್ವಾ ಕಾರ್ಯಾರ್ಥಮಾಹವೇ॥ 8-6-33 (55183) ದುರ್ಯೋಧನಸ್ಯ ವೃದ್ಧ್ಯರ್ಥಂ ಯೋಽಜಯತ್ಪೃಥಿವೀಂ ಪ್ರಭುಃ। ಸ ಜಿತಃ ಪಾಂಡವೈಃ ಶೂರೈಃ ಸಮರೇ ವಾಹುಶಾಲಿಭಿಃ॥ 8-6-34 (55184) ತಸ್ಮಿನ್ಹತೇ ಮಹೇಷ್ವಾಸೇ ಕರ್ಣೇ ಯುಧಿ ಕಿರೀಟಿನಾ। ಕೇ ವೀರಾಃ ಪರ್ಯತಿಷ್ಠಂತ ತನ್ಮಮಾಚಕ್ಷ್ವ ಸಂಜಯ॥ 8-6-35 (55185) ಕಚ್ಚಿನ್ನೈಕಃ ಪರಿತ್ಯಕ್ತಃ ಪಾಂಡವೈರ್ನಿಹತೋ ರಣೇ। ಉಕ್ತಂ ತ್ವಯಾ ಪುರಾ ತಾತ ಯಥಾ ವೀರೋ ನಿಪಾತಿತಃ॥ 8-6-36 (55186) ಭೀಷ್ಮಮಪ್ರತಿಯುಧ್ಯಂತಂ ಶಿಖಂಡೀ ಸಾಯಕೋತ್ತಮೈಃ। ಪಾತಯಾಮಾಸ ಸಮರೇ ಸರ್ವಶಸ್ತ್ರಭೃತಾಂ ವರಂ॥ 8-6-37 (55187) ತಥಾ ದ್ರೌಪದಿನಾ ದ್ರೋಣೋ ನ್ಯಸ್ತಸರ್ವಾಯುಧೋ ಯುಧಿ। `ಧರ್ಮರಾಜವಚಃ ಶ್ರುತ್ವಾ ಅಶ್ವತ್ಥಾಮಾ ಹತಸ್ತ್ವಿತಿ'॥ 8-6-38 (55188) ಯುಕ್ತಯೋಗೋ ಮಹೇಷ್ವಾಸಃ ಶರೈರ್ಬಹುಭಿರಾಚಿತಃ। ನಿಹತಃ ಖಂಗಮುದ್ಯಂಯ ಧೃಷ್ಟದ್ಯುಂನೇನ ಸಂಜಯ॥ 8-6-39 (55189) ಅಂತರೇಣ ಹತಾವೇತೌ ಛಲೇನ ಚ ವಿಶೇಷತಃ। ಅಶ್ರೌಷಮಹಮೇತದ್ವೈ ಭೀಷ್ಮದ್ರೋಣೌ ನಿಪಾತಿತೌ॥ 8-6-40 (55190) ಭೀಷ್ಮದ್ರೋಣೌ ಹಿ ಸಮರೇ ನ ಹನ್ಯಾದ್ವಜ್ರಭೃತ್ಸ್ವಯಂ। ನ್ಯಾಯೇನ ಯುಧ್ಯನ್ಸಮರೇ ತದ್ವೈ ಸತ್ಯಂ ಬ್ರವೀಮಿ ತೇ॥ 8-6-41 (55191) ಕರ್ಣಂ ತ್ವಸ್ಯಂತಮಸ್ತ್ರಾಣಿ ದಿವ್ಯಾನಿ ಚ ಬಹೂನಿ ಚ। ಕಥಮಿಂದ್ರೋಪಮಂ ವೀರಂ ಮೃತ್ಯುರ್ಯುದ್ವೇ ಸಮಸ್ಪೃಶತ್॥ 8-6-42 (55192) ಯಸ್ಯ ವಿದ್ಯುತ್ಪ್ರಭಾಂ ಶಕ್ತಿಂ ದಿವ್ಯಾಂ ಕನಕಭೂಷಣಾಂ। ಪ್ರಾಯಚ್ಛದ್ದ್ವಿಷತಾಂ ಹಂತ್ರೀಂ ಕುಂಡಲಾಭ್ಯಾಂ ಪುರಂದರಃ॥ 8-6-43 (55193) ಯಸ್ಯ ಸರ್ಪಮುಖೋ ದಿವ್ಯಃ ಶರಃ ಕಾಂಚನಭೂಷಣಃ। ಅಶೇತ ನಿಶಿತಃ ಪತ್ರೀ ಸಮರೇಷ್ವರಿಸೂದನಃ॥ 8-6-44 (55194) ಭೀಷ್ಮದ್ರೋಣಮುಖಾನ್ವೀರಾನ್ಯೋಽವಮತ್ಯ ಮಹಾರಥಾನ್। ಜಾಮದಗ್ನ್ಯಾನ್ಮಹಾಘೋರಂ ಬ್ರಾಹ್ಮಮಸ್ತ್ರಮಶಿಕ್ಷತ॥ 8-6-45 (55195) ಯಶ್ಚ ದ್ರೋಣಮುಖಾಂದೃಷ್ಟ್ವಾ ವಿಮುಖಾನರ್ದಿತಾಞ್ಶರೈಃ। ಸೌಭದ್ರಸ್ಯ ಮಹಾಬಾಹುರ್ವ್ಯಧಮತ್ಕಾರ್ಮುಕಂ ಶಿತೈಃ॥ 8-6-46 (55196) ಯಶ್ಚ ನಾಗಾಯುತಪ್ರಾಣಾಂ ವಜ್ರರಂಹಸಮಚ್ಯುತಂ। ವಿರಥಂ ಸಹಸಾ ಕೃತ್ವಾ ಭೀಮಸೇನಮಪಾಹಸತ್॥ 8-6-47 (55197) ಸಹದೇವಂ ಚ ನಿರ್ಜಿತ್ಯ ಶರೈಃ ಸನ್ನತಪರ್ವಭಿಃ। ಕೃಪಯಾ ವಿರಥಂ ಕೃತ್ವಾ ನಾಹನದ್ಧರ್ಮಚಿಂತಯಾ॥ 8-6-48 (55198) ಯಶ್ಚ ಮಾಯಾಸಹಸ್ರಾಣಿ ವಿಕುರ್ವಾಣಂ ಜಯೈಷಿಣಂ। ಘಟೋತ್ಕಚಂ ರಾಕ್ಷಸೇಂದ್ರಂ ಶಕ್ರಶಕ್ತ್ಯಾ ನಿಜಘ್ನಿವಾನ್॥ 8-6-49 (55199) ಏವಾಂಶ್ಚ ದಿವಸಾನ್ಯಸ್ಯ ಯುದ್ಧೇ ಭೀತೋ ಧನಂಜಯಃ। ನಾಗಮದ್ದ್ವೈರಥಂ ವೀರಃ ಸ ಕಥಂ ನಿಹತೋ ರಣೇ॥ 8-6-50 (55200) [ಸಂಶಪ್ತಕಾನಾಂ ಯೋಧಾ ಯೇ ಆಹ್ವಯಂತ ಸದಾಽನ್ಯತಃ। ಏತಾನ್ಹತ್ವಾ ಹನಿಷ್ಯಾಮಿ ಪಶ್ಚಾದ್ವೈಕರ್ತನಂ ರಣೇ॥ 8-6-51 (55201) ಇತಿ ವ್ಯಪದಿಶನ್ಪಾರ್ಥೋ ವರ್ಜಯನ್ಸೂತಜಂ ರಣೇ। ಸ ಕಥಂ ನಿಹತೋ ವೀರಃ ಪಾರ್ಥೇನ ಪರವೀರಹಾ॥] 8-6-52 (55202) ರಥಭಹ್ಗೋ ನ ಚೇತ್ತಸ್ಯ ಧನುರ್ವಾ ನ ವ್ಯಶೀರ್ಯತ। ನ ಚೇದಸ್ತ್ರಾಣಿ ನಷ್ಟಾನಿ ಸ ಕಥಂ ನಿಹತಃ ಪರೈಃ॥ 8-6-53 (55203) ಕೋ ಹಿ ಶಕ್ತೋ ರಣೇ ಕರ್ಣಂ ವಿಧುನ್ವಾನಂ ಮಹದ್ಧನುಃ। ವಿಮುಂಚಂತಂ ಶರಾನ್ಘೋರಾಂದಿವ್ಯಾನ್ಯಸ್ತ್ರಾಣಿ ಚಾಹವೇ। ಜೇತುಂ ಪುರುಷಶಾರ್ದೂಲಂ ಶಾರ್ದೂಲಮಿವ ವೇಗಿನಂ॥ 8-6-54 (55204) ಧ್ರವಂ ತಸ್ಯ ಧನುಶ್ಛಿನ್ನಂ ರಥೋ ವಾಽಪಿ ಮಹೀಂ ಗತಃ। ಅಸ್ತ್ರಾಣಿ ವಾ ಪ್ರನಷ್ಟಾನಿ ಯಥಾ ಶಂಸಸಿ ಮೇ ಹತಂ। ನ ಹ್ಯನ್ಯದಪಿ ಪಶ್ಯಾಮಿ ಕಾರಣಂ ತಸ್ಯ ನಾಶನೇ॥ 8-6-55 (55205) ನ ಹಿನ್ಮಿ ಫಲ್ಗುನಂ ಯಾವತ್ತಾವತ್ಪಾದೌ ನ ಧಾವಯೇ। ಇತಿ ಯಸ್ಯ ಮಹಾಘೋರಂ ವ್ರತಮಾಸೀನ್ಮಹಾತ್ಮನಃ॥ 8-6-56 (55206) ಯಸ್ಯ ಭೀತೋ ರಮೇ ನಿದ್ರಾಂ ಧರ್ಮರಾಜೋ ಯುಧಿಷ್ಠಿರಃ। ತ್ರಯೋದಶಸಮಾ ನಿತ್ಯಂ ನಾಭಜತ್ಪುರುಷರ್ಷಭಃ॥ 8-6-57 (55207) ಯಸ್ಯ ವೀರ್ಯವತೋ ವೀರ್ಯಮುಪಾಶ್ರಿತ್ಯ ಮಹಾತ್ಮನಃ। ಮಮ ಪುತ್ರಃ ಸಭಾಂ ಭಾರ್ಯಾಂ ಪಾಂಡೂನಾಂ ನೀತವಾನ್ಬಲಾತ್॥ 8-6-58 (55208) ತತ್ರಾಪಿ ಚ ಸಭಾಮಧ್ಯೇ ಪಾಂಡವಾನಾಂ ಚ ಪಶ್ಯತಾಂ। ದಾಸಭಾರ್ಯೇತಿ ಪಾಂಚಾಲೀಮಬ್ರವೀತ್ಕುರುಸನ್ನಿಧೌ॥ 8-6-59 (55209) [ನ ಸಂತಿ ತಪಯಃ ಕೃಷ್ಣೇ ಸರ್ವೇ ಷಂಡತಿಲೈಃ ಸಮಾಃ। ಉಪತಿಷ್ಠಸ್ವ ಭರ್ತಾರಮನ್ಯಂ ವಾ ವರವರ್ಣಿನಿ॥ 8-6-60 (55210) ಇತ್ಯೇವಂ ಯಃ ಪುರಾ ವಾಚೋ ರೂಕ್ಷಾಃ ಸಂಶ್ರಾವಯನ್ರುಷಾ। ಸಭಾಯಾಂ ಸೂತಜಃ ಕೃಷ್ಣಾಂ ಸ ಕಥಂ ನಿಹತಃ ಪರೈಃ॥ 8-6-61 (55211) ಯದಿ ಭೀಷ್ಮೋ ರಣಶ್ಲಾಘೀ ದ್ರೋಣೋ ವಾ ಯುಧಿ ದುರ್ಮದಃ। ನ ಹನಿಷ್ಯತಿ ಕೌಂತೇಯಾನ್ಪಕ್ಷಪಾತಾತ್ಸುಯೋಧನ। ಸರ್ವಾನೇವ ಹನಿಷ್ಯಾಮಿ ವ್ಯೇತು ತೇ ಮಾನಸೋ ಜ್ವರಃ॥ 8-6-62 (55212) ಕಿಂ ಕರಿಷ್ಯತಿ ಗಾಂಡೀವಮಕ್ಷಯ್ಯೌ ಚ ಮಹೇಷುಧೀ। ಸ್ನಿಗ್ಧಚಂದನದಿಗ್ಧಸ್ಯ ಮಚ್ಛರಸ್ಯಾಭಿಧಾವತಃ। ಸ ನೂನಮೃಷಭಸ್ಕಂಧೋ ಹ್ಯರ್ಜುನೇನ ಕಥಂ ಹತಃ॥] 8-6-63 (55213) ಯಶ್ಚ ಗಾಂಡೀವಮುಕ್ತಾನಾಂ ಸ್ಪರ್ಶಮುಗ್ರಮಚಿಂತಯನ್। ಅಪತಿರ್ಹ್ಯಸಿ ಕೃಷ್ಣೇತಿ ಬ್ರುವನ್ಪಾರ್ಥಾನವೈಕ್ಷತ॥ 8-6-64 (55214) ಯಸ್ಯ ನಾಸೀದ್ಭಯಂ ಪಾರ್ಥಾತ್ಸಪುತ್ರಾತ್ಸಜನಾರ್ದನಾತ್। ಸ್ವಬಾಹುಬಲಮಾಶ್ರಿತ್ಯ ಮುಹೂರ್ತಮಪಿ ಸಂಜಯ॥ 8-6-65 (55215) ತಸ್ಯ ನಾಽಹಂ ವಧಂ ಮನ್ಯೇ ದೇವೈರಪಿ ಸವಾಸವೈಃ। ಪ್ರತೀಪಮಭಿಘಾವದ್ಭಿಃ ಕಿಂ ಪುನಸ್ತಾತ ಪಾಂಡವೈಃ॥ 8-6-66 (55216) ನ ಹಿ ಜ್ಯಾಂ ಸಂಸಂಪೃಶಾನಸ್ಯ ತಲತ್ರೇ ವಾಽಪಿ ಗೃಹ್ಣತಃ। ಪುಮಾನಾಧಿರಥೇಃ ಸ್ಥಾತುಂ ಕಶ್ಚಿತ್ಪ್ರಮುಖತೋಽರ್ಹತಿ॥ 8-6-67 (55217) ಅಪಿ ಸ್ಯಾನ್ಮೇದಿನೀ ಹೀನಾ ಸೋಮಸೂರ್ಯಪ್ರಭಾಂಶುಭಿಃ। ನ ವಧ- ಪುರುಷೇಂದ್ರಸ್ಯ ಸಂಯುಗೇಷ್ವಪಲಾಯಿನಃ॥ 8-6-68 (55218) ಯೇನ ಮಂದಃ ಸಹಾಯೇನ ಭ್ರಾತ್ರಾ ದುಃಶಾಸನೇನ ಚ। ವಾಸುದೇವಸ್ಯ ದುರ್ಬುದ್ಧಿಃ ಪ್ರತ್ಯಾಖ್ಯಾನಮರೋಚತ॥ 8-6-69 (55219) ಸ ನೂನಂ ವೃಷಭಸ್ಕಂಧಂ ಕರ್ಣಂ ದೃಷ್ಟ್ವಾ ನಿಪಾತಿತಂ। ದುಃಶಾಸನಂ ಚ ನಿಹತಂ ಮನ್ಯೇ ಶೋಚತಿ ಪುತ್ರಕಃ॥ 8-6-70 (55220) ಹತಂ ವೈಕರ್ತನಂ ದೃಷ್ಟ್ವಾ ದ್ವೈರಥೇ ಸವ್ಯಸಾಚಿನಾ। ಜಯತಃ ಪಾಂಡವಾಂದೃಷ್ಟ್ವಾ ಕಿಂಸ್ವಿದ್ದುರ್ಯೋಧನೋಽಬ್ರವೀತ್॥ 8-6-71 (55221) [ದುರ್ಮರ್ಷಣಂ ಹತಂ ದೃಷ್ಟ್ವಾ ವೃಷಸೇನಂ ಚ ಸಂಯುಗೇ। ಪ್ರಭಗ್ರಂ ಚ ಬಲಂ ದೃಷ್ಟ್ವಾ ವಧ್ಯಮಾನಂ ಮಹಾರಥೈಃ॥ 8-6-72 (55222) ಪರಾಙ್ಮುಖಾಂಶ್ಚ ರಾಜ್ಞಸ್ತು ಪಲಾಯನಪರಾಯಣಾನ್। ವಿದ್ರುತಾನ್ರಥಿನೋ ದೃಷ್ಟ್ವಾ ಮನ್ಯೇ ಶೋಚತಿ ಪುತ್ರಕಃ॥ 8-6-73 (55223) ಅನೇಯಶ್ಚಾಭಿಮಾನೀ ಚ ದುರ್ಬುದ್ಧಿರಜಿತೇಂದ್ರಿಯಃ। ಹತೋತ್ಸಾಹಂ ಬಲಂ ದೃಷ್ಟ್ವಾ ಕಿಂಸ್ವಿದುರ್ಯೋಧನೋಽಬ್ರವೀತ್॥ 8-6-74 (55224) ಸ್ವಯಂ ವೈರಂ ಮಹತ್ಕೃತ್ವಾ ವಾರ್ಯಮಾಣಃ ಸುಹೃದ್ಗಣೈಃ। ಪ್ರಧನೇ ಹತಭೂಯಿಷ್ಠೈಃ ಕಿಂಸ್ವಿದ್ದುರ್ಯೋಧನೋಽಬ್ರವೀತ್॥ 8-6-75 (55225) ಭ್ರಾತರಂ ನಿಹತಂ ದೃಷ್ಟ್ವಾ ಭೀಮಸೇನೇನ ಸಂಯುಗೇ। ರುಧಿರೇ ಪೀಯಮಾನೇ ಚ ಕಿಂಸ್ವಿದ್ದ್ರುರ್ಯೋಧನೋಽಬ್ರವೀತ್॥] 8-6-76 (55226) ಸಹ ಗಾಂಧಾರರಾಜೇನ ಸಭಾಯಾಂ ಯದಭಾಷತ। ಕರ್ಣೋಽರ್ಜುನಂ ರಣೇ ಹಂತಾ ಹತೇ ತಸ್ಮಿನ್ಕಿಮಬ್ರವೀತ್॥ 8-6-77 (55227) ದ್ಯೂತಂ ಕೃತ್ವಾ ಪುರಾ ಹೃಷ್ಠೋ ವಂಚಯಿತ್ವಾ ಚ ಪಾಣ಼್ಡವಾನ್। ಶಕುನಿಃ ಸೌಬಲಸ್ತಾತ ಹತೇ ಕರ್ಣೇ ಕಿಮಬ್ರವೀತ್॥ 8-6-78 (55228) ಕೃತವರ್ಮಾ ಮಹೇಷ್ವಾಸಃ ಸಾತ್ವತಾನಾಂ ಮಹಾರಥಃ। ಹತಂ ವೈಕರ್ತನಂ ದೃಷ್ಟ್ವಾ ಹಾರ್ದಿಕ್ಯಃ ಕಿಮಭಾಷತ॥ 8-6-79 (55229) ಬ್ರಾಹ್ಮಣಾಃ ಕ್ಷತ್ರಿಯಾ ವೈಶ್ಯಾ ಯಸ್ಯ ಶಿಕ್ಷಾಮುಪಾಸತೇ। ಧನುರ್ವೇದಂ ಚಿಕೀರ್ಷಂತೋ ದ್ರೋಣಪುತ್ರಸ್ಯ ಧೀಮತಃ॥ 8-6-80 (55230) ಯುವಾ ರೂಪೇಣ ಸಂಪನ್ನೋ ದರ್ಶನೀಯೋ ಮಹಾಯಶಾಃ। ಅಶ್ವತ್ಥಾಮಾ ಹತೇ ಕರ್ಣೇ ಕಿಮಭಾಷತ ಸಂಜಯ॥ 8-6-81 (55231) ಆಚಾರ್ಯೋ ಯೋ ಧನುರ್ವೇದೇ ಗೌತಮೋ ರಥಸತ್ತಮಃ। ಕೃಪಃ ಶಾರದ್ವತಸ್ತಾತ ಹತೇ ಕರ್ಣೇ ಕಿಮಬ್ರವೀತ್॥ 8-6-82 (55232) ಮದ್ರರಾಜೋ ಮಹೇಷ್ವಾಸಃ ಶಲ್ಯಃ ಸಮಿತಿಶೋಭನಃ। ದೃಷ್ಟ್ವಾ ವಿನಿಹತಂ ಕರ್ಣಂ ಸಾರಥ್ಯೇ ರಥಿನಾಂ ವರಃ। ಕಿಮಭಾಷತ ಸೌವೀರೋ ಮದ್ರಾಣಾಮಧಿಪೋ ಬಲೀ॥ 8-6-83 (55233) ದೃಷ್ಟ್ವಾ ವಿನಿಹತಂ ಸರ್ವೇ ಯೋಧಾ ವಾರಣದುರ್ಜಯಾಃ। ಯೇ ಚ ಕೇನ ರಾಜಾನಃ ಪೃಥಿವ್ಯಾಂ ಯೋದ್ವುಮಾಗತಾಃ। ವೈಕರ್ತನಂ ಹತಂ ದೃಷ್ಟವಾ ಕಾನ್ಯಭಾಷಂತ ಸಂಜಯ॥ 8-6-84 (55234) ದ್ರೋಣೇ ತು ನಿಹತೇ ವೀರೇ ರಥವ್ಯಾಘ್ರೇ ನರರ್ಷಭೇ। ಕೇ ವಾ ಮುಖಮನೀಕಾನಾಮಾಸನ್ಸಂಜಯ ಭಾಗಶಃ॥ 8-6-85 (55235) ಮದ್ರರಾಜಃ ಕಥಂ ಶಲ್ಯೋ ನಿಯುಕ್ತೋ ರಥಿನಾಂ ವರಃ। ವೈಕರ್ತನಸ್ಯ ಸಾರಥ್ಯೇ ತನ್ಮಮಾಚಕ್ಷ್ವ ಸಂಜಯ॥ 8-6-86 (55236) ಕೇಽರಕ್ಷಂದಕ್ಷಿಣಂ ಚಕ್ರಂ ಸೂತಪುತ್ರಸ್ಯ ಯುಧ್ಯತಃ। ವಾಮಂ ಚಕ್ರಂ ರರಕ್ಷುರ್ವಾ ಕೇ ವಾ ವೀರಸ್ಯ ಪೃಷ್ಠತಃ॥ 8-6-87 (55237) ಕೇ ಕರ್ಣಂ ನ ಜಹುಃ ಶೂರಾಃ ಕೇ ಕ್ಷುದ್ರಾಃ ಪ್ರಾದ್ರವಂಸ್ತತಃ। ಕಥಂ ಚ ವಃ ಸಮೇತಾನಾಂ ಹತಃ ಕರ್ಣೋ ಮಹಾರಥಃ॥ 8-6-88 (55238) ಪಾಂಡವಾಶ್ಚ ಸ್ವಯಂ ಶೂರಾಃ ಪ್ರತ್ಯುದೀಯುರ್ಮಹಾರಥಾಃ। ಸೃಜಂತಃ ಶರವರ್ಷಾಣಿ ವಾರಿಧಾರಾ ಇವಾಂಬುದಾಃ॥ 8-6-89 (55239) ಸ ಚ ಸರ್ಪಮುಖೋ ದಿವ್ಯೋ ಮಹೇಷುಪ್ರವರಸ್ತದಾ। ವ್ಯರ್ಥಃ ಕಥಂ ಸಮಭವತ್ತನ್ಮಮಾಚಕ್ಷ್ವ ಸ಼ಂಜಯ॥ 8-6-90 (55240) ಮಾಮಕಸ್ಯಾಸ್ಯ ಸೈನ್ಯಸ್ಯ ಹತೋತ್ಸೇಧಸ್ಯ ಸಂಜಯ। ಅವಶೇಷಂ ನ ಪಶ್ಯಾಮಿ ಕಕುದೇ ಮೃದಿತೇ ಸತಿ॥ 8-6-91 (55241) ತೌ ಹಿ ವೀರೌ ಮಹೇಷ್ವಾಸೌ ಮದರ್ಥೇ ತ್ಯಕ್ತಜೀವೀತೌ। ಭೀಷ್ಮದ್ರೋಣೌ ಹತೌ ಶ್ರುತ್ವಾ ಕೋ ನ್ವರ್ಥೋ ಜೀವಿತೇನ ಮೇ॥ 8-6-92 (55242) ಪುನಃ ಪುನರ್ನ ಮೃಷ್ಯಾಮಿ ವಧಂ ಕರ್ಣಸ್ಯ ಪಾಂಡವೈಃ। ಯಸ್ಯ ಬಾಹ್ವೋರ್ಬಲಂ ತುಲ್ಯಂ ಕುಂಜರಾಣಾಂ ಶತಂ ಶತಂ॥ 8-6-93 (55243) ದ್ರೋಣೇ ಹತೇ ಚ ಯದ್ವೃತ್ತಂ ಕೌರವಾಣಾಂ ಪರೈಃ ಸಹ। ಸಂಘಾಮೇ ನರವೀರಾಣಾಂ ತನ್ಮಮಾಚಕ್ಷ್ವ ಸಂಜಯ॥ 8-6-94 (55244) ಯಥಾ ಕರ್ಣಶ್ಚ ಕೌಂತೇಯೈಃ ಸಹ ಯುದ್ಧಮಯೋಜಯತ್। ತಥಾ ಚ ದ್ವಿಷತಾಂ ಹಂತಾ ರಣೇ ಶಾಂತಸ್ತದುಚ್ಯತಾಂ॥ ॥ 8-6-95 (55245) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಷಷ್ಠೋಽಧ್ಯಾಯಃ॥ 6 ॥

8-7-0 (55246) ಸಂಜಯ ಉವಾಚ। 8-7-0x (4848) ಹತೇ ದ್ರೋಣೇ ಮಹೇಷ್ವಾಸೇ ತಸ್ಮಿನ್ನಹನಿ ಭಾರತ। ಕೃತೇ ಚ ಮೋಘಸಂಕಲ್ಪೇ ದ್ರೋಣಪುತ್ರೇ ಮಹಾರಥೇ॥ 8-7-1 (55247) ದ್ರವಮಾಣೇ ಮಹಾರಾಜ ಕೌರವಾಣಾಂ ಬಲಾರ್ಣವೇ। ವ್ಯೂಹ್ಯ ಪಾರ್ಥಃ ಸ್ವಕಂ ಸೈನ್ಯಮತಿಷ್ಠದ್ವಾತೃಭಿರ್ವೃತಃ॥ 8-7-2 (55248) ತಮವಸ್ಥಿತಮಾಜ್ಞಾಯ ಪುತ್ರಸ್ತೇ ಭರತರ್ಷಭ। ವಿದ್ರುತಂ ಸ್ವಬಲಂ ದೃಷ್ಟ್ವಾ ಪೌರುಷೇಣ ನ್ಯವಾರಯತ್॥ 8-7-3 (55249) ಸ್ವಮನೀಕಮವಸ್ಥಾಪ್ಯ ಬಾಹುವೀರ್ಯಮುಪಾಶ್ರಿತಃ। ಯುದ್ಧಾ ಚ ಸುಚಿರಂ ಕಾಲಂ ಪಾಂಡವೈಃ ಸಹ ಭಾರತ॥ 8-7-4 (55250) ಲಬ್ಧಲಕ್ಷೈಃ ಪರೈರ್ಹಷ್ಟೈರ್ವ್ಯಾಯಚ್ಛದ್ಭಿಶ್ಚಿರಂ ತದಾ। ಸಂಧ್ಯಾಕಾಲಂ ಸಮಾಸಾದ್ಯ ಪ್ರತ್ಯಾಹಾರಮಕಾರಯತ್॥ 8-7-5 (55251) `ನಿವೇಶ್ಯ ಬಲವದ್ವೋರಂ ಕ್ಷುತ್ಪಿಪಾಸಾಬಲೈರ್ಯುತಂ। ಶ್ರಮೇಣ ಮಹತಾ ಯುಕ್ತಂ ತಥಾ ದ್ರೋಣವಧೇನ ಚ॥ 8-7-6 (55252) ದೀನರೂಪಾ ರಣೇ ಕರ್ಮ ಕೃತ್ವಾ ಘೋರಂ ಚ ಶರ್ವರೀಂ। ವಿಶಂ ಪ್ರಾಪ್ಯ ಸಾ ಸೇನಾ ವಿಶ್ರಂಯ ಮುದಿತಾಽಭವತ್'॥ 8-7-7 (55253) ಕೃತ್ವಾಽವಹಾರಂ ಸೈನ್ಯಾನಾಂ ಪ್ರವಿಶ್ಯ ಶಿಬಿರಂ ಸ್ವಕಂ। ಕುರವಃ ಸಹಿತಾ ಮಂತ್ರಂ ಮಂತ್ರಯಾಂಚಕ್ರಿರೇ ಮಿಥಃ॥ 8-7-8 (55254) ಪರ್ಯಂಕೇಷು ಪರಾರ್ಧ್ಯೇಷು ಸ್ಪರ್ಧ್ಯಾಸ್ತರಣವತ್ಸು ಚ। ವರಾಸನೇಷೂಪವಿಷ್ಟಾಃ ಸುಖಶಯ್ಯಾಸ್ವಿವಾಮರಾಃ॥ 8-7-9 (55255) ತತೋ ದುರ್ಯೋಧನೋ ರಾಜಾ ಸಾಂನಾ ಪರಮವಲ್ಗುನಾ। ತಾನಾಭಾಷ್ಯ ಮಹೇಷ್ವಾಸಾನ್ಪ್ರಾಪ್ತಕಾಲಮಭಾಷತ॥ 8-7-10 (55256) ಮತಂ ಮತಿಮತಾಂ ಶ್ರೇಷ್ಠಾಃ ಸರ್ವೇ ಪ್ರಬ್ರೂತ ಮಾ ಚಿರಂ। ಏವಂಗತೇನ ಯತ್ಕಾರ್ಯಂ ಭವೇತ್ಕಾರ್ಯತರಂ ನೃಪಾಃ॥ 8-7-11 (55257) ಸಂಜಯ ಉವಾಚ। 8-7-12x (4849) ಏವಮುಕ್ತೇ ನರೇಂದ್ರೇಣ ನರಸಿಂಹಾ ಯುಯುತ್ಸವಃ। ಚಕ್ರುರ್ನಾನಾವಿಧಾಶ್ಚೇಷ್ಟಾಃ ಸಿಂಹಾಸನಗತಾಸ್ತದಾ॥ 8-7-12 (55258) ತೇಷಾಂ ನಿಶಾಂಯೇಂಗಿತಾನಿ ಯುದ್ಧೇ ಪ್ರಾಣಾಂಜುಹೂಷತಾಂ। ಸಮುದ್ವೀಕ್ಷ್ಯ ಮುಖಂ ರಾಜ್ಞೋ ಬಾಲಾರ್ಕಸಮವರ್ಚಸಂ। ಆಚಾರ್ಯಪುತ್ರೋ ಮೇಧಾವೀ ವಾಕ್ಯಜ್ಞೋ ವಾಕ್ಯಮಾದದೇ॥ 8-7-13 (55259) ರಾಗೋ ಯೋಗಸ್ತಥಾ ದಾಕ್ಷ್ಯಾಂ ನಯಶ್ಚೇತ್ಯರ್ಥಸಾಧಕಾಃ। ಉಪಾಯಾಃ ಪಂಡಿತೈಃ ಪ್ರೋಕ್ತಾಸ್ತೇ ತು ದೈವಮುಪಾಶ್ರಿತಾಃ॥ 8-7-14 (55260) ಲೋಕಪ್ರವೀರಾ ಯೇಽಸ್ಮಾಕಂ ದೇವಕಲ್ಪಾ ಮಹಾರಥಾಃ। ನೀತಿಮಂತಸ್ತಥಾ ಯುಕ್ತಾ ದಕ್ಷಾ ರಕ್ತಾಶ್ಚ ತೇ ಹತಾಃ॥ 8-7-15 (55261) ನ ತ್ವೇವ ಕಾರ್ಯಂ ನೈರಾಶ್ಯಮಸ್ಮಾಭಿರ್ವಿಜಯಂ ಪ್ರತಿ। ಸುನೀತೈರಿಹ ಸರ್ವಾರ್ಥೈರ್ದೈವಮಪ್ಯನುಲೋಂಯತೇ॥ 8-7-16 (55262) ತೇ ವಯಂ ಪ್ರವರಂ ನೄಣಾಂ ಸರ್ವೈರ್ಯೋಧಗುಣೈರ್ಯುತಂ। ಕರ್ಣಮೇವಾಭಿಷೇಭ್ಯಾಮಃ ಸೈನಾಪತ್ಯೇನ ಭಾರತ॥ 8-7-17 (55263) ಕರ್ಣಂ ಸೇನಾಪತಿಂ ಕೃತ್ವಾ ಪ್ರಮಥಿಷ್ಯಾಮಹೇ ರಿಪೂನ್॥ 8-7-18 (55264) ಏಷ ಹ್ಯತಿಬಲಃ ಶೂರಃ ಕೃತಾಸ್ತ್ರೋ ಯುದ್ಧದುರ್ಮದಃ। ವೈವಸ್ವತ ಇವಾಸಹ್ಯಃ ಶಕ್ತೋ ಜೇತುಂ ರಣೇ ನಿಪೂನ್॥ 8-7-19 (55265) ಏತದಾಚಾರ್ಯತನಯಾಚ್ಛ್ರುತ್ವಾ ರಾಜಂಸ್ತವಾತ್ಮಜಃ। `ದುರ್ಯೋಧನೋ ಮಹಾರಾಜ ಭೃಶಂ ಪ್ರೀತಮನಾಸ್ತದಾ'॥ 8-7-20 (55266) ಆಶಾಂ ಬಹುಮತೀಂ ಚಕ್ರೇ ವರ್ಣಂ ಪ್ರತಿ ಸ ವೈ ತದಾ। ಹತೇ ಭೀಷ್ಮೇ ಚ ದ್ರೋಣೇ ಚ ಕರ್ಣೋ ಜೇಷ್ಯತಿ ಪಾಂಡವಾನ್॥ 8-7-21 (55267) ತಾಮಾಶಾಂ ಹೃದಯೇ ಕೃತ್ವಾ ಸಮಾಶ್ವಸ್ಯ ಚ ಭಾರತ। [ತತೋ ದುರ್ಯೋಧನಃ ಪ್ರೀತಃ ಪ್ರಿಯಂ ಶ್ರುತ್ವಾಽಸ್ಯ ತದ್ವಚಃ। ಪ್ರೀತಿಸತ್ಕಾರಸಂಯುಕ್ತಂ ತಥ್ಯಮಾತ್ಮಹಿತಂ ಶೂಭಂ॥] 8-7-22 (55268) ಸ್ವಂ ಮನಃ ಸಮವಸ್ಥಾಪ್ಯ ಬಾಹುವೀರ್ಯಮುಪಾಶ್ರಿತಃ॥ 8-7-23 (55269) `ಪ್ರಿಯಸತ್ಕಾರಸಂಯುಕ್ತಂ ತಥ್ಯಮಾತ್ಮಹಿತೇ ರತಂ'। ದುರ್ಯೋಧನೋ ಮಹಾರಾಜ ರಾಧೇಯಮಿದಮಬ್ರವೀತ್॥ 8-7-24 (55270) ಕರ್ಣ ಜಾನಾಮಿ ತೇ ವೀರ್ಯಂ ಸೌಹೃದಂ ಪರಮಂ ಮಯಿ। ತಥಾಽಪಿ ತ್ವಾಂ ಮಹಾಬಾಹೋ ಪ್ರವಕ್ಷ್ಯಾಮಿ ಹಿತಂ ವಚಃ॥ 8-7-25 (55271) ಶ್ರುತ್ವಾ ಯಥೇಷ್ಟಂ ಚ ಕುರು ವೀರ ಯತ್ತವ ರೋಚತೇ। ಭವಾನ್ಪ್ರಾಜ್ಞತಮೋ ನಿತ್ಯಂ ಮಮ ಚೈವ ಪರಾ ಗತಿಃ॥ 8-7-26 (55272) ಭೀಷ್ಮದ್ರೋಣಾವತಿರಥೌ ಹತೌ ಸೇನಾಪತೀ ಮಮ। ಸೇನಾಪತಿರ್ಭವಾನಸ್ತು ತಾಭ್ಯಾಂ ದ್ರವಿಣವತ್ತರಃ॥ 8-7-27 (55273) ವೃದ್ಧೋ ಚ ತೌ ಮಹೇಷ್ವಾಸೌ ಸಾಪೇಕ್ಷೋ ಚ ಧನಂಜಯೇ। ಮಾನಿತೌ ಚ ಮಯಾ ವೀರೌ ರಾಧೇಯ ವಚನಾತ್ತವ॥ 8-7-28 (55274) ಪಿತಾಮಹತ್ವಂ ಸಂಪ್ರೇಕ್ಷ್ಯ ಪಾಂಡುಪುತ್ರಾ ಮಹಾರಣೇ। ರಕ್ಷಿತಾಸ್ತಾತ ಭೀಷ್ಮೇಣ ದಿವಸಾನಿ ದಶೈವ ತು॥ 8-7-29 (55275) ನ್ಯಸ್ತಶಸ್ತ್ರೇ ತು ಭವತಿ ಹತೋ ಭೀಷ್ಮಃ ಪಿತಾಮಹಃ। ಶಿಖಂಡಿನಂ ಪುರುಸ್ಕೃತ್ಯ ಫಲ್ಗುನೇನ ಮಹಾಹವೇ॥ 8-7-30 (55276) ಹತೇ ತಸ್ಮಿನ್ಮಹೇಷ್ವಾಸೇ ಶರತಲ್ಪಗತೇ ತಥಾ। ತ್ವಯೋಕ್ತೇ ಪುರುಷವ್ಯಾಘ್ರ ದ್ರೋಣೋ ಹ್ಯಾಸೀತ್ಪುರಃಸರಃ॥ 8-7-31 (55277) ತೇನಾಪಿ ರಕ್ಷಿತಾಃ ಪಾರ್ಥಾಃ ಶಿಷ್ಯತ್ವಾದಿತಿ ಮೇ ಮತಿಃ। ಸ ಚಾಪಿ ನಿಹತೋ ವೃದ್ಧೋ ಧೃಷ್ಟದ್ಯುಂನೇನ ಸತ್ವರಂ॥ 8-7-32 (55278) ನಿಹತಾಭ್ಯಾಂ ಪ್ರಧಾನಾಭ್ಯಾಂ ತಾಭ್ಯಾಮತುಲವಿಕ್ರಮ। ತ್ವತ್ಸಮಂ ಸಮರೇ ಯೋಧಂ ನಾನ್ಯಂ ಪಶ್ಯಾಮಿ ಚಿಂತಯನ್॥ 8-7-33 (55279) ಭವಾನೇವ ತು ನಃ ಶಕ್ತೋ ವಿಜಯಾಯ ನ ಸಂಶಯಃ। ಪೂರ್ವಂ ಮಧ್ಯೇ ಚ ಪಶ್ಚಾಶ್ಚ ತಥೈವ ವಿಹಿತಂ ಹಿತಂ॥ 8-7-34 (55280) ಸ ಭವಾಂಧುರ್ಯವತ್ಸಂಖ್ಯೇ ಧುರಮುದ್ವೋಽಢುಮರ್ಹತಿ। ಅಭಿಷೇಚಯ ಸೈನಾನ್ಯೇ ಸ್ವಯಮಾತ್ಮಾನಮಾತ್ಮನಾ॥ 8-7-35 (55281) ದೇವತಾನಾಂ ಯಥಾ ಸ್ಕಂದಃ ಸೇನಾನೀಃ ಪ್ರಭುರವ್ಯಯಃ। ತಥಾ ಭವಾನಿಮಾಂ ಸೇನಾಂ ಧಾರ್ತರಾಷ್ಟ್ರೀಂ ಬಿಭರ್ತು ವೈ॥ 8-7-36 (55282) ಜಹಿ ಶತ್ರುಗಣಾನ್ಸರ್ವಾನ್ಮಹೇಂದ್ರೋ ದಾನವಾನಿವ। ಅವಸ್ಥಿತಂ ರಮೇ ದೃಷ್ಟ್ವಾ ಪಾಂಡವಾಸ್ತ್ವಾಂ ಮಹಾರಥಾಃ। ದ್ರವಿಷ್ಯಂತಿ ಚ ಪಾಂಚಾಲಾ ವಿಷ್ಣುಂ ದೃಷ್ಟ್ವೇವ ದಾನವಾಃ॥ 8-7-37 (55283) ತಸ್ಮಾತ್ತ್ವಂ ಪುರುಷವ್ಯಾಘ್ರ ಪ್ರಕರ್ಷೈತಾಂ ಮಹಾಚಮೂಂ॥ 8-7-38 (55284) ಭವತ್ಯವಸ್ಥಿತೇ ಯತ್ತೇ ಪಾಂಡವಾ ಮಂದಚೇತಸಃ। ದ್ರವಿಷ್ಯಂತಿ ಸಹಾಮಾತ್ಯಾಃ ಪಾಂಚಾಲಾಃ ಸೃಂಜಯಾಶ್ಚ ಹ। 8-7-39 (55285) ಯಥಾ ಹ್ಯಭ್ಯುದಿತಃ ಸೂರ್ಯಃ ಪ್ರತಪನ್ಸ್ವೇನ ತೇಜಸಾ। ವ್ಯಪೋಹತಿ ತಮಸ್ತೀವ್ರಂ ತಥಾ ಶತ್ರೂನ್ಪ್ರತಾಪಯ॥ 8-7-40 (55286) ಸಂಜಯ ಉವಾಚ। 8-7-41x (4850) ಏವಮುಕ್ತಸ್ತು ರಾಧೇಯೋ ರಾಜ್ಞಾ ದುರ್ಯೋಧನೇನ ಹ। ರಾಜ್ಞಾಂ ಮಧ್ಯೇ ಮಹಾಬಾಹುಃ ಪ್ರೀತಾತ್ಮಾ ಸ ಮಹಾಬಲಃ। ಹರ್ಷಯನ್ನಬ್ರವೀತ್ಕರ್ಣೋ ದುರ್ಯೋಧನಮಿದಂ ವಚಃ॥ 8-7-41 (55287) ಕರ್ಣ ಉವಾಚ। 8-7-42x (4851) ಉಕ್ತಮೇತನ್ಮಯಾ ಪೂರ್ವಂ ಗಾಂಧಾರೇ ತವ ಸನ್ನಿಧೌ। ಜೇಷ್ಯಾಮಿ ಪಾಂಡವಾನ್ಸರ್ವಾನ್ಸಪುತ್ರಾನ್ಸಜನಾರ್ದನಾನ್॥ 8-7-42 (55288) ಸೇನಾಪತಿರ್ಭವಿಷ್ಯಾಮಿ ತವಾಹಂ ನಾತ್ರ ಸಂಶಯಃ। ಸ್ಥಿರೋ ಭವ ಮಹಾರಾಜ ಜಿತಾನ್ವಿದ್ವಿ ಚ ಪಾಂಡವಾನ್॥ 8-7-43 (55289) ಸಂಜಯ ಉವಾಚ। 8-7-44x (4852) ಏವಮುಕ್ತೋ ಮಹಾರಾಜ ತತೋ ದುರ್ಯಾಧನೋ ನೃಪಃ। ಉತ್ತಸ್ಥೌ ರಾಜಭಿಃ ಸಾರ್ಧಂ ದೇವೈರಿವ ಶತಕ್ರತುಃ॥ 8-7-44 (55290) ಸೈನಾಪತ್ಯೇನ ಸತ್ಕರ್ತುಂ ಕರ್ಣಂ ಸ್ಕಂದಮಿವಾಮರಾಃ। ತತೋಽಭಿಷಿಷಿಚುಃ ಕರ್ಣಂ ವಿಧಿದೃಷ್ಟೇನ ಕರ್ಮಣಾ॥ 8-7-45 (55291) ದುರ್ಯೋಧನಮುಕ್ತಾ ರಾಜನ್ರಾಜಾನೋ ವಿಜಯೈಷಿಣಃ। ಶಾತಕುಂಭಮಯೈಃ ಕುಂಭೇರ್ಮಾಹೇಯೈಶ್ಚಾಭಿಮಂತ್ರಿತೈಃ॥ 8-7-46 (55292) ತೋಯಪೂರ್ಣೈರ್ವಿಷಾಣೈಶ್ಚ ದ್ವಿಪಖಂಗಮಹರ್ಷಭೈಃ। ಮಣಿಮುಕ್ತಾಯುತೈಶ್ಚಾನ್ಯೈಃ ಪುಣ್ಯಗಂಧೈಸ್ತಥೌಷಧೈಃ॥ 8-7-47 (55293) ಔದುಂಬರೇ ಸುಖಾಸೀನಮಾಸನೇ ಕ್ಷೌಮಸಂವೃತೇ। ಶಾಸ್ತ್ರದೃಷ್ಟೇನ ವಿಧಿನಾ ಸಂಭಾರೈಶ್ಚ ಸುಸಂಭೃತೈಃ॥ 8-7-48 (55294) ಬ್ರಾಹ್ಮಣಃ ಕ್ಷತ್ರಿಯಾ ವೈಶ್ಯಾಸ್ತಥಾ ಶೂದ್ರಾಶ್ಚ ಸಂಮತಾಃ। ತುಷ್ಟುವುಸ್ತಂ ಮಹಾತ್ಮಾನಮಭಿಷಿಕ್ತಂ ವರಾಸನೇ॥ 8-7-49 (55295) ತತೋಽಭಿಷಿಕ್ತೇ ರಾಜೇಂದ್ರ ನಿಷ್ಕೈರ್ಗೋಭಿರ್ಧನೇನ ಚ। ವಾಚಯಾಮಾಸ ವಿಪ್ರಾಗ್ರ್ಯಾನ್ರಾಧೇಯಃ ಪರವೀರಹಾ॥ 8-7-50 (55296) `ಸ ವ್ಯರೋಚತ ರಾಧೇಯಃ ಸೂತಮಾಗಧಬಂದಿಭಿಃ। ಸ್ತೂಯಮಾನೋ ಯಥಾ ಭಾನುರುದಯೇ ಬ್ರಹ್ಮವಾದಿಭಿಃ॥ 8-7-51 (55297) ತತಃ ಪುಣ್ಯಾಹಘೋಷೇಣ ವಾದಿತ್ರನಿನದೇನ ಚ। ಜಯಶಬ್ದೇನ ಶೂರಾಣಾಂ ತುಮುಲಃ ಸರ್ವತೋಽಭವತ್॥ 8-7-52 (55298) ಜಯೇತ್ಯೂಚುರ್ನೃಪಾಃ ಸರ್ವೇ ರಾಧೇಯಂ ತತ್ರ ಸಂಗತಾಃ'॥ 8-7-53 (55299) ಜಯ ಪಾರ್ಥಾನ್ಸಗೋವಿಂದಾನ್ಸಾನುಗಾಂಸ್ತಾನ್ಮಹಾಮೃಧೇ। ಇತಿ ತಂ ಬಂದಿನಃ ಪ್ರಾಹುರ್ದ್ವಿಜಾಶ್ಚ ಪುರುಷರ್ಷಭಂ॥ 8-7-54 (55300) ಜಹಿ ಪಾರ್ಥಾನ್ಸಪಾಂಚಾಲಾನ್ರಾಧೇಯ ವಿಜಯಾಯ ನಃ। ಉದ್ಯನ್ನಿವ ಸದಾ ಭಾನುಸ್ತಮಾಂಸ್ಯುಗ್ರೈರ್ಗಭಸ್ತಿಭಿಃ॥ 8-7-55 (55301) ನ ಹ್ಯಲಂ ತ್ವದ್ವಿಸೃಷ್ಟಾನಾಂ ಶರಾಣಾಂ ವೈ ಸಕೇಶವಾಃ। ಉಲೂಕಾಃ ಸೂರ್ಯರಶ್ಮೀನಾಂ ಜ್ವಲತಾಮಿವ ದರ್ಶನೇ॥ 8-7-56 (55302) ನ ಹಿ ಪಾರ್ಥಾಃ ಸಪಾಂಚಾಲಾಃ ಸ್ಥಾತುಂ ಶಕ್ತಾಸ್ತವಾಗ್ರತಃ। ಆತ್ತವಜ್ರಸ್ಯ ಸಮರೇ ಮಹೇಂದ್ರಸ್ಯೇವ ದಾನವಾಃ॥ 8-7-57 (55303) `ಸಂಜಯ ಉವಾಚ। 8-7-58x (4853) ಸ ಸತ್ಕೃತಃ ಸ್ತೂಯಮಾನಃ ಸುಹೃದ್ಗಣವೃತೋ ರುಷಾ। ಕರ್ಣೋ ದುರ್ಯೋಧನಂ ವಾಕ್ಯಮಬ್ರವೀತ್ಪ್ರಹಸನ್ಪ್ರಿಯಂ॥ 8-7-58 (55304) ದುರ್ಯೋಧನಾದ್ಯ ಸಗಣಂ ಪಾಂಡೂನಾಂ ಪ್ರವರೈಃ ಸಹ। ಫಲ್ಗುನಂ ಸೂದಯಿಷ್ಯಾಮಿ ತ್ವತ್ಪ್ರಿಯಾರ್ಥಂ ಸಬಾಂಧವಂ॥ 8-7-59 (55305) ಸಪರ್ವತಾರ್ಣವದ್ವೀಪಾಂ ಶಾಧಿ ಗಾಂ ಗತಪಾಂಡವಾಂ। ಪುತ್ರಪೌತ್ರಪ್ರಪೌತ್ರೇಷು ಪ್ರತಿಷ್ಠಾಂ ಗಮಯಿಷ್ಯಮಿ॥ 8-7-60 (55306) ನಾಸಹ್ಯಂ ವಿದ್ಯತೇ ಮಹ್ಯಂ ತ್ವತ್ಪ್ರಿಯಾರ್ಥಮರಿಂದಮ। ಸತ್ಯಧರ್ಮಾನುರಕ್ತಸ್ಯ ಸಿದ್ಧಿರಾತ್ಮವತೋ ಯಥಾ॥ 8-7-61 (55307) ಅಭಿಷಿಕ್ತಸ್ತು ರಾಘೇಯಃ ಪ್ರಭಯಾ ಸೋಽಮಿತಪ್ರಭಃ। ಅತ್ಯರಿಚ್ಯತ ರೂಪೇಣ ದಿವಾಕರ ಇವಾಪರಃ॥ 8-7-62 (55308) ಸೈನಾಪತ್ಯೇ ತು ರಾಧೇಯಮಭಿಷಿಚ್ಯ ಸುತಸ್ತವ। ಅಮನ್ಯತ ತದಾತ್ಮಾನಂ ಕೃತಾರ್ಥಂ ಕಾಲಚೋದಿತಃ॥ 8-7-63 (55309) ಕರ್ಣೋಽಪಿ ರಾಜ್ಞಃ ಸಂಪ್ರಾಪ್ಯ ಸೈನಾಪತ್ಯಮರಿಂದಮಃ। ಯೋಗಮಾಜ್ಞಾಪಯಾಮಾಸ ಸೂರ್ಯಸ್ಯೋದಯನಂ ಪ್ರತಿ॥ 8-7-64 (55310) ತವ ಪುತ್ರೈರ್ವೃತಃ ಕರ್ಣಃ ಶುಶುಭೇ ತತ್ರ ಭಾರತ। ದೇವೈರಿವ ಯಥಾ ಸ್ಕಂದಃ ಸಂಗ್ರಾಮೇ ತಾರಕಾಮಯೇ॥ ॥ 8-7-65 (55311) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತಮೋಽಧ್ಯಾಯಃ॥ 7 ॥

8-8-0 (55312) ಧೃತರಾಷ್ಟ್ರ ಉವಾಚ। 8-8-0x (4854) ಸೈನಾಪತ್ಯಂ ತು ಸಂಪ್ರಾಪ್ಯ ಕರ್ಣೋ ವೈಕರ್ತನಸ್ತದಾ। ತಥೋಕ್ತಶ್ಚ ಸ್ವಯಂ ರಾಜ್ಞಾ ಸ್ನಿಗ್ಧಂ ಭ್ರಾತೃಸಮಂ ವಚಃ॥ 8-8-1 (55313) ಹಿತಶ್ಚ ಪ್ರಿಯಕಾಮಶ್ಚ ಮಮ ಪುತ್ರಸ್ಯ ನಿತ್ಯಶಃ। ಅಕರೋತ್ಕಿಂ ಮಹಾಪ್ರಾಜ್ಞಸ್ತನ್ಮಮಾಚಕ್ಷ್ವ ಸ಼ಂಜಯ॥ 8-8-2 (55314) ಸಂಜಯ ಉವಾಚ। 8-8-3x (4855) ಕರ್ಣಸ್ಯ ಮತಮಾಜ್ಞಾಯ ಪುತ್ರಾಸ್ತೇ ಭರತರ್ಷಭ। ಯೋಗಮಾಜ್ಞಾಪಯಾಮಾಸುರ್ನಂದಿತೂರ್ಯಪುರಃಸರಂ॥ 8-8-3 (55315) ಮಹತ್ಯಪರರಾತ್ರೇ ಚ ತವ ಸೈನ್ಯಸ್ಯ ಮಾರಿಷ। ಯೋಗೋ ಯೋಗ ಇತಿ ಹ್ಯಾಶು ಪ್ರಾದುರಾಸೀನ್ಮಹಾಸ್ವನಃ॥ 8-8-4 (55316) ಕಲ್ಪತಾಂ ನಾಗಮುಖ್ಯಾನಾಂ ರಥಾನಾಂ ಚ ವರುಥಿನಾಂ। ಸನ್ನಹ್ಯತಾಂ ನರಾಣಾಂ ಚ ವಾಜಿನಾಂ ಚ ವಿಶಾಂಪತೇ॥ 8-8-5 (55317) ಕ್ರೋಶತಾಂ ಚೈವ ಯೋಧಾನಾಂ ತ್ವರಿತಾನಾಂ ಪರಸ್ಪರಂ। ಬಭೂವ ತುಮುಲಃ ಶಬ್ದೋ ದಿವಸ್ಪೃಕ್ಸುಮಹಾಂಸ್ತತಃ॥ 8-8-6 (55318) ತತಃ ಶ್ವೇತಪತಾಕೇನ ಬಲಾಕಾವರ್ಣವಾಜಿನಾ। ಹೇಮಪೃಷ್ಠೇನ ಧನುಷಾ ನಾಗಕಕ್ಷೇಣ ಕೇತುನಾ॥ 8-8-7 (55319) ತೂಣೀರಶತಪೂರ್ಣೇನ ಸಗದೇನ ವರೂಥಿನಾ। ಶತಘ್ನೀಕಿಂಕಿಣೀಶಕ್ತಿಶೂಲತೋಮರಧಾರಿಣಾ॥ 8-8-8 (55320) ಕಾರ್ಮುಕೈರುಪಪನ್ನೇನ ವಿಮಲಾದಿತ್ಯವರ್ಚಸಾ। ರಥೇನಾಭಿಪತಾಕೇನ ಸುತಪುತ್ರೋ ಹ್ಯದೃಶ್ಯತ॥ 8-8-9 (55321) ಧ್ಮಾಪಯನ್ವಾರಿಜಂ ರಾಜನ್ಹೇಮಜಾಲವಿಭೂಷಿಂತಂ। ವಿಧ್ರುನ್ವಾನೋ ಮಹಚ್ಚಾಪಂ ಕಾರ್ತಸ್ವರವಿಭೂಷಿತಂ॥ 8-8-10 (55322) ದೃಷ್ಟ್ವಾ ಕರ್ಣಂ ಮಹೇಷ್ವಾಸಂ ರಥಸ್ಥಂ ರಥಿನಾಂ ವರಂ। ಭಾನುಮಂತಮಿವೋದ್ಯಂತಂ ತಮೋ ಘ್ನಂತಂ ದುರಾಸದಂ॥ 8-8-11 (55323) ನ ಭೀಷ್ಮವ್ಯಸನಂ ಕೇಚಿನ್ನಾಪಿ ದ್ರೋಣಸ್ಯ ಮಾರಿಷ। ನಾನ್ಯೇಷಾಂ ಪುರುಷವ್ಯಾಘ್ರ ಮೇನಿರೇ ತತ್ರ ಕೌರವಾಃ॥ 8-8-12 (55324) ತತಸ್ತು ತ್ವರಯನ್ಯೋಧಾಞ್ಶಂಖಶಬ್ದೇನ ಮಾರಿಷ। ಕರ್ಣೋ ನಿಷ್ಕರ್ಷಯಾಮಾಸ ಕೌರವಾಣಾಂ ಮಹದ್ಬಲಂ॥ 8-8-13 (55325) ವ್ಯೂಹಂ ವ್ಯೂಹ್ಯ ಮಹೇಷ್ವಾಸೋ ಮಕರಂ ಶತ್ರುತಾಪನಃ। ಪ್ರತ್ಯುದ್ಯಯೌ ತಥಾ ಕರ್ಣಃ ಪಾಂಡವಾನ್ವಿಜಿಗೀಷಯಾ॥ 8-8-14 (55326) ಮಕರಸ್ಯ ತು ತುಂಡೇ ವೈ ಕರ್ಣೋ ರಾಜನ್ವ್ಯವಸ್ಥಿತಃ। ನೇತ್ರಾಭ್ಯಾಂ ಶಕುನಿಃ ಶೂರ ಉಲೂಕಶ್ಚ ಮಹಾರಥಃ॥ 8-8-15 (55327) ದ್ರೋಣಪುತ್ರಸ್ತು ಶಿರಸಿ ಗ್ರೀವಾಯಾಂ ಸರ್ವಸೋದರಾಃ। ಮಧ್ಯೇದುರ್ಯೋಧನೋ ರಾಜಾ ಬಲೇನ ಮಹತಾ ವೃತಃ॥ 8-8-16 (55328) ವಾಮಪಾದೇ ತು ರಾಜೇಂದ್ರ ಕೃತವರ್ಮಾ ವ್ಯವಸ್ಥಿತಃ। ನಾರಾಯಣಬಲೈರ್ಯುಕ್ತೋ ಗೋಪಾಲೈರ್ಯುದ್ಧದುರ್ಮದೈಃ॥ 8-8-17 (55329) ಪಾದೇ ತು ದಕ್ಷಿಣೇ ರಾಜನ್ಗೌತಮಃ ಸತ್ಯವಿಕ್ರಮಃ। ತ್ರಿಗರ್ತೈಃ ಸುಮಹೇಷ್ವಾಸೈರ್ದಾಕ್ಷಿಣಾತ್ಯೈಶ್ಚ ಸಂವೃತಃ॥ 8-8-18 (55330) ಅನುಪಾದೇ ತು ಯೋ ವಾಮಸ್ತತ್ರ ಶಲ್ಯೋ ವ್ಯವಸ್ಥಿತಃ। ಮಹತ್ಯಾ ಸೇನಯಾ ಸಾರ್ಧಂ ಮದ್ರದೇಶಸಮುತ್ಥಯಾ॥ 8-8-19 (55331) ದಕ್ಷಿಣೇ ತು ಮಹಾರಾಜ ಸುಷೇಣಃ ಸತ್ಯಸಂಗರಃ। ವೃತೋ ರಥಮಹಸ್ರೇಣ ದಂತಿನಾಂ ಚ ತ್ರಿಭಿಃ ಶತೈಃ॥ 8-8-20 (55332) ಪುಚ್ಛೇ ಹ್ಯಾಸ್ತಾಂ ಮಹಾವೀರ್ಯೌ ಭ್ರಾತರೌ ಪಾರ್ಥಿವೌ ತದಾ। ಚಿತ್ರಶ್ಚ ಚಿತ್ರಸೇನಶ್ಚ ಮಹತ್ಯಾ ಸೇನಯಾ ವೃತೌ॥ 8-8-21 (55333) ತಥಾ ಪ್ರಯಾತೇ ರಾಜೇಂದ್ರ ಕರ್ಣೇ ನರವರೋತ್ತಮೇ। ಧನಂಜಯಮಭಿಪೇಕ್ಷ್ಯ ಧರ್ಮರಾಜೋಽಬ್ರವೀದಿದಂ॥ 8-8-22 (55334) ಪಶ್ಯ ಪಾರ್ಥ ಯಥಾ ಸೇನಾ ಧಾರ್ತರಾಷ್ಟ್ರೀಹ ಸಂಯುಗೇ। ಕರ್ಣೇನ ವಿಹಿತಾ ವೀರ ಗುಪ್ತಾ ವೀರೈರ್ಮಹಾರಥೈಃ॥ 8-8-23 (55335) ಹತವೀರತಮಾ ಹ್ಯೇಷಾ ಧಾರ್ತರಾಷ್ಟ್ರೀ ಮಹಾಚಮೂಃ। ಫಲ್ಗುಶೇಷಾ ಮಹಾಬಾಹೋ ತೃಣೈಸ್ತುಲ್ಯಾ ಮತಾ ಮಮ॥ 8-8-24 (55336) ಏಕೋ ಹ್ಯತ್ರ ಮಹೇಷ್ವಾಸಃ ಸೂತಪುತ್ರೋ ವಿರಾಜತೇ। ಸದೇವಾಸುರಗಂಧರ್ವೈಃ ಸಕಿನ್ನರಮಹೋರಗೈಃ। ಚರಾಚರೈಸ್ತ್ರಿಭಿರ್ಲೋಕೈರಜೇಯೋ ಯೋ ಮಹಾರಥಃ॥ 8-8-25 (55337) ತಂ ಹತ್ವಾಽದ್ಯ ಮಹಾಬಾಹೋ ವಿಜಯಸ್ತವ ಫಲ್ಗುನ। ಉದ್ಧೃತಶ್ಚ ಭವೇಚ್ಛಲ್ಯೋ ಮಮ ದ್ವಾದಶವಾರ್ಷಿಕಃ॥ 8-8-26 (55338) ಏವಂ ಜ್ಞಾತ್ವಾ ಮಹಾಬಾಹೋ ವ್ಯೂಹಂ ವ್ಯೂಹ ಯಥೇಚ್ಛಸಿ॥ 8-8-27 (55339) ಸಂಜಯ ಉವಾಚ। 8-8-28x (4856) ಭ್ರಾತುರೇತದ್ವಚಃ ಶ್ರುತ್ವಾ ಪಾಂಡವಃ ಶ್ವೇತವಾಹನಃ। ಅರ್ಧಚಂದ್ರೇಣ ವ್ಯೂಹೇನ ಪ್ರತ್ಯವ್ಯೂಹತ ತಾಂ ಚಮೂಂ॥ 8-8-28 (55340) ವಾಮಪಾರ್ಶ್ವೇ ತು ತಸ್ಯಾಥ ಭೀಮಸೇನೋ ವ್ಯವಸ್ಥಿತಃ। ದಕ್ಷಿಣೇ ಚ ಮಹೇಷ್ವಾಸೋ ಧೃಷ್ಟದ್ಯುಂನೋ ವ್ಯವಸ್ಥಿತಃ॥ 8-1-29 (55341) ಮಧ್ಯೇ ವ್ಯೂಹಸ್ಯ ರಾಜಾ ತು ಪಾಂಡವಶ್ಚ ಧನಂಜಯಃ। ನಕುಲಃ ಸಹದೇವಶ್ಚ ಧರ್ಮರಾಜಸ್ಯ ಪೃಷ್ಠತಃ॥ 8-8-30 (55342) ಚಕ್ರರಕ್ಷೌ ತು ಪಾಂಚಾಲ್ಯೌ ಯುಧಾಮನ್ಯೂತ್ತಮೌಜಸೌ। ಪಾರ್ಥಂ ನ ಜಹತುರ್ಯುದ್ವೇ ಪಾಲ್ಯಮಾನೌ ಕಿರೀಟಿನಾ॥ 8-8-31 (55343) ಶೇಷಾಂ ನೃಪತಯೋ ವೀರಾಃ ಸ್ಥಿತಾ ವ್ಯೂಹಸ್ಯ ದಂಶಿತಾಃ। ಯಥಾಭಾಗಂ ಯಥೋತ್ಸಾಹಂ ಯಥಾಯತ್ನಂ ಚ ಭಾರತ॥ 8-8-32 (55344) ಏವಮೇತನ್ಮಹಾವ್ಯೂಹಂ ವ್ಯೂಹ್ಯ ಭಾರತ ಪಾಂಡವಾಃ। ತಾವಕಾಶ್ಚ ಮಹೇಷ್ವಾಸಾ ಯುದ್ಧಾಯೈವ ಮನೋ ದಧುಃ॥ 8-8-33 (55345) ದೃಷ್ಟ್ವಾ ವ್ಯೂಢಾಂ ತವ ಚಮೂಂ ಸೂತಪುತ್ರೇಣ ಸಂಯುಗೇ। ನಿಹತಾನ್ಪಾಂಡವಾನ್ಮೇನೇ ಧಾರ್ತರಾಷ್ಟ್ರಃ ಸಬಾಂಧವಃ॥ 8-8-34 (55346) ತಥೈವ ಪಾಂಡವೀಂ ಸೇನಾಂ ವ್ಯೂಢಾಂ ದೃಷ್ಟ್ವಾ ಯುಧಿಷ್ಠಿರಃ। ಧಾರ್ತರಾಷ್ಟ್ರಾನ್ಹತಾನ್ಮೇನೇ ಸಕರ್ಣಾನ್ವೈ ಜನಾಧಿಪಃ॥ 8-8-35 (55347) ತತಃ ಶಂಖಾಶ್ಚ ಭೇರ್ಯಶ್ಚ ಪಣವಾನಕಗೋಮುಖಾಃ। ಡಿಂಡಿಮಾಶ್ಚಾಪ್ಯಹನ್ಯಂತ ಝರ್ಝರಾಶ್ಚ ಸಮಂತತಃ॥ 8-8-36 (55348) ಸೇನಯೋರುಭಯೋ ರಾಜನ್ಪ್ರಾವಾದ್ಯಂತ ಮಹಾಸ್ವನಾಃ। ಸಿಂಹನಾದಶ್ಚ ಸಂಜಜ್ಞೇ ಶೂರಾಣಾಂ ಜಯಗೃದ್ಧಿನಾಂ॥ 8-8-37 (55349) ಹಯಹೇಷಿತಶಬ್ದಾಶ್ಚ ವಾರಣಾನಾಂ ಚ ಬೃಂಹಿತಾಃ। ರಥನೇಮಿಸ್ವನಾಶ್ಚೋಗ್ರಾಃ ಸಂಬಭೂವುರ್ಜನಾಧಿಪ॥ 8-8-38 (55350) ನ ದ್ರೋಣವ್ಯಸನಂ ಕಶ್ಚಿಜ್ಜಾನೀತೇ ತತ್ರ ಭಾರತ। ದೃಷ್ಟ್ವಾ ಕರ್ಣಂ ಮಹೇಷ್ವಾಸಂ ಮುಖೇ ವ್ಯೂಹಸ್ಯ ದಂಶಿತಂ॥ 8-8-39 (55351) ಉಭೇ ಸೈನ್ಯೇ ಮಹಾರಾಜ ಪ್ರಹೃಷ್ಟನರಸಂಕುಲೇ। ಯೋದ್ವುಕಾಮೇ ಸ್ಥಿತೇ ರಾಜನ್ಹಂತುಮನ್ಯೋನ್ಯಮೋಜಸಾ॥ 8-8-40 (55352) ವಿಜಯೇ ಜಾತಸಂರಂಭೇ ದೃಷ್ಟ್ವಾಽನ್ಯೋನ್ಯಂ ವ್ಯವಸ್ಥಿತೇ। ಅನೀಕಮಧ್ಯೇ ರಾಜೇಂದ್ರ ಚೇರತುಃ ಕರ್ಣಪಾಂಡವೌ॥ 8-8-41 (55353) ನೃತ್ಯಂತ್ಯಾವಿವ ತೇ ಸೇನೇ ಸಮೇಯಾತಾಂ ಪರಸ್ಪರಂ। ತಯೋಃ ಪಕ್ಷಪ್ರಪಕ್ಷೇಭ್ಯೋ ನಿರ್ಯಯುರ್ಯುದ್ವಲಿಪ್ಸವಃ॥ 8-8-42 (55354) ತತಃ ಪ್ರವವೃತೇ ಯುದ್ಧಂ ನರವಾರಣವಾಜಿನಾಂ। ರಥಾನಾಂ ಚ ಮಹಾರಾಜ ಅನ್ಯೋನ್ಯಮಭಿನಿಘ್ನತಾಂ॥ ॥ 8-8-43 (55355) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಷೋಡಶದಿವಸಯುದ್ಧಾರಂಭೇ ಅಷ್ಟಮೋಽಧ್ಯಾಯಃ॥ 8 ॥

8-9-0 (55356) ಸಂಜಯ ಉವಾಚ। 8-9-0x (4857) ತೇ ಸೇನೇಽನ್ಯೋನ್ಯಮಾಸಾದ್ಯ ಪ್ರಹೃಷ್ಟಾಶ್ವನರದ್ವಿಪೇ। ಬೃಹತ್ಯೌ ಸಂಪ್ರಜಹಾತೇ ದೇವಾಸುರಚಮೂಸಮೇ॥ 8-9-1 (55357) ತತೋ ನಾನಾರಥಾಶ್ವೇಭಾಃ ಪತ್ತಯಶ್ಚೋಗ್ರವಿಕ್ರಮಾಃ। ಸಂಪ್ರಹಾರಾನ್ಭೃಶಂ ಚಕ್ರುರ್ದೇಹಪಾಪ್ಮವಿನಾಶನಾನ್॥ 8-9-2 (55358) ಪೂರ್ಣಚಂದ್ರಾರ್ಕಪದ್ಮಾನಾಂ ಕಾಂತಿತ್ವಿಂಗಂಧತಃ ಸಮೈಃ। ಉತ್ತಮಾಂಗೈರ್ನೃಸಿಂಹಾನಾಂ ನೃಸಿಂಹಾಸ್ತಸ್ತರುರ್ಮಹೀಂ॥ 8-9-3 (55359) ಅರ್ಧಚಂದ್ರೈಸ್ತಥಾ ಭಲ್ಲೈಃ ಕ್ಷುರಪ್ರೈರಸಿಪಟ್ಟಸೈಃ। ಪರಶ್ವಥೈಶ್ಚಾಪಹೃತಾನ್ಯುತ್ತಮಾಂಗಾನಿ ಯುಧ್ಯತಾಂ॥ 8-9-4 (55360) ವ್ಯಾಯತಾಯತಬಾಹೂನಾಂ ವ್ಯಾಯತಾಯತಬಾಹುಭಿಃ। ವಾಹವಃ ಪಾತಿತಾ ರೇಜುರ್ಧರಣ್ಯಾಂ ಸಾಯುಧಾಂಗದೈಃ॥ 8-9-5 (55361) ತೈಃ ಸ್ಫುರದ್ಭಿರ್ಮಹೀ ಭಾತಿ ರಕ್ತಾಂಗುಲಿತಲೈಸ್ತಥಾ। ಗರುಡಪ್ರಹಿತೈರುಗ್ರೈಃ ಪಂಚಾಸ್ಯೈರುರಗೈರಿವ॥ 8-9-6 (55362) ದ್ವಿರದಸ್ಯಂದನಾಶ್ವೇಭ್ಯಃ ಪೇತುರ್ವೀರಾ ದ್ವಿಷದ್ಧತಾಃ। ವಿಮಾನೇಭ್ಯೋ ಯಥಾ ಕ್ಷೀಣೇ ಪುಣ್ಯೇ ಸ್ವರ್ಗದಸ್ತಥಾ॥ 8-9-7 (55363) ಗದಾಭಿರನ್ಯೇ ಗುರ್ವೀಭಿಃ ಪರಿಧೈರ್ಮುಸಲೈರಪಿ। ಪೋಥಿತಾಃ ಶತಶಃ ಪೇತುರ್ವೀರಾ ವೀರತರೈ ರಣೇ॥ 8-9-8 (55364) ರಥಾ ರಥೈರ್ವಿಮಥಿತಾ ಮತ್ತಾ ಮತ್ತೈರ್ದ್ವಿಪಾ ದ್ವಿಪೈಃ। ಸಾದಿನಃ ಸಾದಿಭಿಶ್ಚೈವ ತಸ್ಮಿನ್ಪರಮಸಂಕುಲೇ॥ 8-9-9 (55365) ರಥೈರ್ನರಾ ರಥಾ ನಾಗೈರಶ್ವಾರೋಹಾಶ್ಚ ಪತ್ತಿಭಿಃ। ಅಶ್ವಾರೋಹೈಃ ಪದಾತಾಶ್ಚ ನಿಹತಾ ಯುಧಿ ಶೇರತೇ॥ 8-9-10 (55366) ರಥಾಶ್ವಪತ್ತಯೋ ನಾಗೈ ರಥಾಶ್ವೇಭಾಶ್ಚ ಪತ್ತಿಭಿಃ। ರಥಪತ್ತಿದ್ವಿಪಾಶ್ಚಾಶ್ಚೈ ರಥೈಶ್ಚಾಪಿ ನರದ್ವಿಪಾಃ॥ 8-9-11 (55367) ರಥಾಶ್ವೇಭನರಾಣಾಂ ತು ನರಾಶ್ವೇಭರಥೈಃ ಕೃತಂ। ಪಾಣಿಪಾದೈಶ್ಚ ಶಸ್ತ್ರೈಶ್ಚ ರಥೈಶ್ಚ ಕದನಂ ಮಹತ್॥ 8-9-12 (55368) ತಥಾ ತಸ್ಮಿನ್ಬಲೇ ಶೂರೈರ್ವಧ್ಯಮಾನೇ ಹತೇಽಪಿ ಚ। ಅಸ್ಮಾನಭ್ಯಾಯಯುಃ ಪಾರ್ಥಾ ವೃಕೋದರಪುರೋಗಮಾಃ॥ 8-9-13 (55369) ವೃಷ್ಟದ್ಯುಂನಃ ಶಿಖಂಡೀ ಚ ದ್ರೌಪದೇಯಾಃ ಪ್ರಭದ್ರಕಾಃ। ಸಾತ್ಯಕಿಶ್ಚೇಕಿತಾನಶ್ಚ ದ್ರಾವಿಡೈಃ ಸೈನಿಕೈಃ ಸಹ॥ 8-9-14 (55370) ವೃತಾ ವ್ಯೂಹೇನ ಮಹತಾ ಪಾಂಡ್ಯಾಶ್ಚೋಲಾಃ ಸಕೇರಲಾಃ। ವ್ಯೂಢೋರಸ್ಕಾ ದೀರ್ಘಭುಜಾಃ ಪ್ರಾಂಶವಃ ಪೃಥುಲೋಚನಾಃ॥ 8-9-15 (55371) ಆಪೀಡಿನೋ ರಕ್ತದಂತಾ ಮತ್ತಮಾತಂಗವಿಕ್ರಮಾಃ। ನಾನಾವಿರಾಗವಸಾನಾ ಗಂಧಚೂರ್ಣಾವಚೂರ್ಣಿತಾಃ॥ 8-9-16 (55372) ಬದ್ಧಾಸಯಃ ಪಾಶಹಸ್ತಾ ವಾರಣಪ್ರತಿವಾರಣಾಃ। ಸಮಾನಮೃತ್ಯವೋ ರಾಜನ್ನಾತ್ಯಜಂತ ಪರಸ್ಪರಂ॥ 8-9-17 (55373) ಕಲಾಪಿನಶ್ಚಾಪಹಸ್ತಾ ದೀರ್ಘಕೇಶಾಃ ಪ್ರಿಯಂವದಾಃ। ಪತ್ತಯಃ ಸಾಯಕೈರ್ವಿದ್ಧಾ ಘೋರರೂಪಪರಾಕ್ರಮಾಃ॥ 8-9-18 (55374) ಅಥಾಪರೇ ಪುನಃ ಶೂರಾಶ್ಚೇದಿಪಾಂಚಾಲಕೇಕಯಾಃ। ಕಾರೂಶಾಃ ಕೋಸಲಾಃ ಕಾಂಚ್ಯಾ ಮಾಗಧಾಶ್ಚಾಪಿ ದುದ್ರುವುಃ॥ 8-9-19 (55375) ತೇಷಾಂ ರಥಾಶ್ವನಾಗಾಶ್ಚ ಪ್ರವರಾಶ್ಚೋಗ್ರಪತ್ತಯಃ। ನಾನಾಬಾಣರವೈರ್ಹೃಷ್ಟಾ ನೃತ್ಯಂತಿ ಚ ಹಸಂತಿ ಚ॥ 8-9-20 (55376) ತಸ್ಯ ಸೈನ್ಯಸ್ಯ ಮಹತೋ ಮಹಾಮಾತ್ರವರೈರ್ವೃತಃ। ಮಧ್ಯೇ ವೃಕೋದರೋಽಭ್ಯಾಯಾತ್ತ್ವದೀಯಾನ್ನಾಗಧೂರ್ಗತಃ॥ 8-9-21 (55377) ಸ ನಾಗಪ್ರವರೋಽತ್ಯುಗ್ರೋ ವಿಧಿವತ್ಕಲ್ಪಿತೋ ಬಭೌ। ಉದಯಾಗ್ರಾದ್ರಿಭವನಂ ಯಥಾಽಭ್ಯುದಿತಭಾಸ್ಕರಂ॥ 8-9-22 (55378) ತಸ್ಯಾಯಸಂ ವರ್ಮವರಂ ವರರತ್ನವಿಭೂಷಿತಂ। ತಾರಾವ್ಯಾಪ್ತಸ್ಯ ನಭಸಃ ಶಾರದಸ್ಯ ಸಮಂ ತ್ವಿಷಾ॥ 8-9-23 (55379) ಸ ತೋಮರವ್ಯಗ್ರಕರಶ್ಚಾರುಮೌಲಿಃ ಸ್ವಲಂಕೃತಃ। ಶರನ್ಮಧ್ಯಂದಿನಾರ್ಕಾಭಸ್ತೇಜಯಾ ಪ್ರದಾಹದ್ರಿಪೂನ್॥ 8-9-24 (55380) ತಂ ದೃಷ್ಟ್ವಾ ದ್ವಿರದಂ ದೂರಾತ್ಕ್ಷೇಮಧೂರ್ತಿರ್ದ್ವಿಪಸ್ಥಿತ। ಆಹ್ವಯನ್ನಭಿದುದ್ರಾವ ಪ್ರಹಸನ್ಪೃತನಾಮುಖೇ॥ 8-9-25 (55381) ತಯೋಃ ಸಮಭವದ್ಯುದ್ಧಂ ದ್ವಿಪಯೋರುಗ್ರರೂಪಯೋಃ। ಯದೃಚ್ಛಯಾ ದ್ರುತವತೋರ್ಮಹಾಪರ್ವತಯೋರಿವ॥ 8-9-26 (55382) ಸಂಸಕ್ತನಾಗೌ ತೌ ವೀರೌ ತೋಮರೈರಿತರೇತರಂ। ಬಲವತ್ಸೂರ್ಯರಶ್ಂಯಾಭೈರ್ಭಿತ್ತ್ವಾಽನ್ಯೋನ್ಯಂ ವಿನೇದತುಃ॥ 8-9-27 (55383) ವ್ಯಪಸೃತ್ಯ ತು ನಾಗಾಭ್ಯಾಂ ಮಂಡಲಾನಿ ವಿಚೇರತುಃ। ಪ್ರಗೃಹ್ಯ ಚೋಭೌ ಧನುಷೀ ಜಘ್ನತುರ್ವೈ ಪರಸ್ಪರಂ॥ 8-9-28 (55384) ಕ್ಷ್ವೇಡಿತಾಸ್ಫೋಟಿತರವೈರ್ಬಾಣಶಬ್ದೈಸ್ತು ಸರ್ವತಃ। ತೌ ಜನಂ ಹರ್ಷಯಂತೌ ಚ ಸಿಂಹನಾದಂ ಪ್ರಚಕ್ರತುಃ॥ 8-9-29 (55385) ಸಮುದ್ಯತಕರಾಭ್ಯಾಂ ತೌ ದ್ವಿಪಾಭ್ಯಾಂ ಕೃತಿನಾವುಭೌ। ವಾತೋದ್ವೂತಪತಾಕಾಭ್ಯಾಂ ಯುಯುಧಾತೇ ಮಹಾಬಲೌ॥ 8-9-30 (55386) ತಾವನ್ಯೋನ್ಯಸ್ಯ ಧನುಷೀ ಛಿತ್ತ್ವಾಽನ್ಯೋನ್ಯಂ ವಿನೇದತುಃ। ಶಕ್ತಿತೋಮರವರ್ಷೇಣ ಪ್ರಾವೃಣ್ಮೇಘಾವಿವಾಂಬುಭಿಃ॥ 8-9-31 (55387) ಕ್ಷೇಮಧೂರ್ತಿಸ್ತದಾ ಭೀಮಂ ತೋಮರೇಣ ಸ್ತನಾಂತರೇ। ನಿರ್ಬಿಭೇದಾತಿವೇಗೇನ ಷಡ್ಭಿಶ್ಚಾಪ್ಯಪರೈರ್ನದನ್॥ 8-9-32 (55388) ಸ ಭೀಮಸೇನಃ ಶುಶುಭೇ ತೋಮರೈರಂಗಮಾಶ್ರಿತೈಃ। ಕ್ರೋಧದೀಪ್ತವಪುರ್ಮೇಧೈಃ ಸಪ್ತಸಪ್ತಿರಿವಾಂಶಮಾನ್॥ 8-9-33 (55389) ತತೋ ಭಾಸ್ಕರವರ್ಣಾಭಮಂಚೋಗತಿಮಯಸ್ಮಾಯಂ। ಸಸರ್ಜ ತೋಮರಂ ಭೀಮಃ ಪ್ರತ್ಯಮಿತ್ರಾಯ ಯತ್ನವಾನ್॥ 8-9-34 (55390) ತತಃ ಕರೂಶಾಧಿಪತಿಶ್ಚಾಪಮಾನಂಯ ಸಾಯಕೈಃ। ದಶಭಿಸ್ತೋಮರಂ ಭಿತ್ತ್ವಾ ಷಷ್ಟ್ಯಾ ವಿವ್ಯಾಧ ಪಾಂಡವಂ॥ 8-9-35 (55391) ಅಥ ಕಾರ್ಮುಕಮಾದಾಯ ಭೀಮೋ ಜಲದನಿಃ ಸ್ವನಂ। ರಿಪೋರಭ್ಯರ್ದಯನ್ನಾಗಮುನ್ನದನ್ಪಾಂಡವಾಃ ಶರೈಃ॥ 8-9-36 (55392) ಸ ಶರೌಘಾರ್ದಿತೋ ನಾಗೋ ಭೀಮಸೇನೇನ ಸಂಯುಗೇ। ಗೃಹ್ಯಮಾಣೋಽಪಿ ನಾತಿಷ್ಠದ್ವಾತೋದ್ಧೂತ ಇವಾಂಬುದಃ॥ 8-9-37 (55393) ತಮಭ್ಯಧಾವದ್ದ್ವಿರದಂ ಭೀಮೋ ಭೀಮಸ್ಯ ನಾಗರಾಟ್। ಮಹಾವಾತೇರಿತಂ ಮೇಘಂ ವಾತೋದ್ಧೂತ ಇವಾಂಬುದಃ॥ 8-9-38 (55394) ಸನ್ನಿವಾರ್ಯಾತ್ಮನೋ ನಾಗಂ ಕ್ಷೇಮಧೂರ್ತಿಃ ಪ್ರತಾಪವಾನ್। ವಿವ್ಯಾಧಾಭಿದ್ರುತಂ ಬಾಣೈರ್ಭೀಮಸೇನಸ್ಯ ಕುಂಜರಂ॥ 8-9-39 (55395) ತತಃ ಸಾಧುವಿಸೃಷ್ಟೇನ ಕ್ಷುರೇಣಾನತಪರ್ವಣಾ। ಛಿತ್ತ್ವಾ ಶರಾಸನಂ ಶತ್ರೋರ್ನಾಗಂ ಚಾಪಿ ಪ್ರಮಾರ್ದಯತ್॥ 8-9-40 (55396) ತತಃ ಕ್ರುದ್ಧೋ ರಣೇ ಭೀಮಂ ಕ್ಷೇಮಧೂರ್ತಿಃ ಪರಾಭಿನತ್। ಜಘಾನ ಚಾಸ್ಯ ದ್ವಿರದಂ ನಾರಾಚೈಃ ಸರ್ವಮರ್ಮಸು॥ 8-9-41 (55397) ಸ ಪಪಾತ ಮಹಾನಾಗೋ ಭೀಮಸೇನಸ್ಯ ಭಾರತ। ಪುರಾ ನಾಗಸ್ಯ ಪತನಾದವಪ್ಲುತ್ಯ ಸ್ಥಿತೋ ಮಹೀಂ॥ 8-9-42 (55398) ಭೀಮಸೇನೋಽಪಿ ತನ್ನಾಗಂ ಗದಯಾ ಸಮಪೋಥಯತ್। ತಸ್ಮಾತ್ಪ್ರಮಥಿತಾನ್ನಾಗಾತ್ಕ್ಷೇಮಧೂರ್ತಿರವಪ್ಲುತಃ॥ 8-9-43 (55399) `ಉದ್ಧೃತ್ಯ ಸ್ವಂಗಂ ನಿಶಿತಮಭ್ಯಧಾವತ್ಸ ಪಾಂಡವಂ'। ಉದ್ಯತಾಯುಧಮಾಯಾಂತಂ ಸದಯಾಽಹನ್ವೃಕೋದರಃ॥ 8-9-44 (55400) ಸ ಪಪಾತ ಹತಃ ಸಾಸಿರ್ವ್ಯಸುಸ್ತಮಭಿತೋ ದ್ವಿಪಂ। ವಜ್ರಪ್ರಭಗ್ನಮಚಲಂ ಸಿಂಹೋ ವಜ್ರಹತೋ ಯಥಾ॥ 8-9-45 (55401) ತಂ ಹತಂ ನೃಪತಿಂ ದೃಷ್ಟ್ವಾ ಕರೂಶಾನಾಂ ಯಶಸ್ಕರಂ। ಪ್ರಾದ್ರಾವದ್ವ್ಯಥಿತಾ ಸೇನಾ ತ್ವದೀಯಾ ಭರತರ್ಷಭ॥ ॥ 8-9-46 (55402) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಷೋಡಶದಿವಸಯುದ್ಧೇ ನವಮೋಽಧ್ಯಾಯಃ॥ 9 ॥

8-10-0 (55403) ಸಂಚಯ ಉವಾಚ। 8-10-0x (4858) ತತಃ ಕರ್ಣೋ ಮಹೇಷ್ವಾಸಃ ಪಾಂಡವಾನಾಮನೀಕಿನೀಂ। ಜಘಾನ ಸಮರೇ ಶೂರಃ ಸನ್ನತಪರ್ವಭಿಃ॥ 8-10-1 (55404) ತಥೈವ ಪಾಂಡವಾ ರಾಜಂಸ್ತವ ಪುತ್ರಸ್ಯ ವಾಹಿನೀಂ। ಕರ್ಣಸ್ಯ ಪ್ರಮುಖೇ ಕ್ರುದ್ಧಾ ನಿಜಘ್ನುಸ್ತೇ ಮಹಾರಥಾಃ॥ 8-10-2 (55405) ಕರ್ಣೋಽಪಿ ರಾಜನ್ಸಮರೇ ವ್ಯಹನತ್ಪಾಂಡವೀಂ ಚಮೂಂ। ನಾರಾಚೈರರ್ಕರಶ್ಂಯಾಭೈಃ ಕರ್ಮಾರಪರಿಮಾರ್ಜಿತೈಃ॥ 8-10-3 (55406) ತತ್ರ ಭಾರತ ಕರ್ಣೇನ ನಾರಾಚೈಸ್ತಾಡಿತಾ ಗಜಾಃ। ನೇದುಃ ಸೇದುಶ್ಚ ಮಂಲುಶ್ಚ ಬಭ್ರುಮುಶ್ಚ ದಿಶೋ ದಶ॥ 8-10-4 (55407) ವಧ್ಯಮಾನೇ ಬಲೇ ತಸ್ಮಿನ್ಸೂತಪುತ್ರೇಣ ಮಾರಿಷ। ನಕುಲೋಽಭ್ಯದ್ರವತ್ತೂರ್ಣಂ ಸೂತಪುತ್ರಂ ಮಹಾರಣೇ॥ 8-10-5 (55408) ಭೀಮಸೇನಸ್ತಥಾ ದ್ರೌಣಿಂ ಕುರ್ವಾಣಂ ಕರ್ಮ ದುಷ್ಕರಂ। ವಿಂದಾನುವಿಂದೌ ಕೈಕೇಯೌ ಸಾತ್ಯಕಿಃ ಸಮವಾರಯತ್॥ 8-10-6 (55409) ಶ್ರುತಕರ್ಮಾಣಮಾಯಾಂತಂ ಚಿತ್ರಸೇನೋ ಮಹೀಪತಿಃ। ಪ್ರತಿವಿಂಧ್ಯಸ್ತಥಾ ಚಿತ್ರಂ ಚಿತ್ರಕೇತನಕಾರ್ಮುಕಂ॥ 8-10-7 (55410) ದುರ್ಯೋಧನಸ್ತು ರಾಜಾನಂ ಧರ್ಮಪುತ್ರಂ ಯುಧಿಷ್ಠಿರಂ। ಸಂಶಪ್ತಕಗಣಾ ಹೃಷ್ಟಾ ಹ್ಯಭ್ಯಧಾವಂಧನಂಜಯಂ॥ 8-10-8 (55411) ಧೃಷ್ಟದ್ಯುಂನಃ ಕೃಪಂ ಚಾಪಿ ತಸ್ಮಿನ್ವೀರವರಕ್ಷಯೇ। ಶಿಖಂಡೀ ಕೃತವರ್ಮಾಣಂ ಸಮಾಸಾದಯದಚ್ಯುತಂ॥ 8-10-9 (55412) ಶ್ರುತಕೀರ್ತಿಸ್ತಥಾ ಶಲ್ಯಂ ಮಾದ್ರೀಪುತ್ರಃ ಸುತಂ ತವ। ದುಃಶಾಸನಂ ಮಹಾರಾಜ ಸಹದೇವಃ ಪ್ರತಾಪವಾನ್॥ 8-10-10 (55413) ಕೈಕೇಯೌ ಸಾತ್ಯಕಿಂ ಯುದ್ಧೇ ಶರವರ್ಷೇಣ ಭಾಸ್ವತಾ। ಸಾತ್ಯಕಿಃ ಕೇಕಯೌ ಚಾಪಿ ಚ್ಛಾದಯಾಮಾಸ ಭಾರತ॥ 8-10-11 (55414) ತಾವೇನಂ ಭ್ರಾತರೌ ವೀರೌ ಜಘ್ನತುರ್ಹೃದಯೇ ಭೃಶಂ। ವಿಷಾಣಾಭ್ಯಾಂ ಯಥಾ ನಾಗೌ ಪ್ರತಿನಾಗಂ ಮಹಾವನೇ॥ 8-10-12 (55415) ಶರಸಂಬಿನ್ನವರ್ಮಾಣೌ ತಾವುಭೌ ಭ್ರಾತರೌ ರಣೇ। ಸಾತ್ಯಕಿಂ ಸತ್ಯಕರ್ಮಾಣಂ ರಾಜನ್ವಿವ್ಯಧತುಃ ಶರೈಃ॥ 8-10-13 (55416) ತೌ ಸಾತ್ಯಕಿರ್ಮಹಾರಾಜ ಪ್ರಹಸನ್ಸರ್ವತೋದಿಶಃ। ಛಾದಯಂಛರವರ್ಷೇಣ ವಾರಯಾಮಾಸ ಭಾರತ॥ 8-10-14 (55417) ವಾರ್ಯಮಾಣೌ ತತಸ್ತೌ ಹಿ ಶೈನೇಯಶರವೃಷ್ಟಿಭಿಃ। ಶೈನೇಯಸ್ಯ ರಥಂ ತೂರ್ಣಂ ಛಾದಯಾಮಾಸತುಃ ಶರೈಃ॥ 8-10-15 (55418) ತಯೋಸ್ತು ಧನುಷೀ ಚಿತ್ರೇ ಛಿತ್ತ್ವಾ ಶೌರಿರ್ಮಹಾಯಶಾಃ। ಅಥ ತೌ ಸಾಯಕೈಸ್ತೀಕ್ಷ್ಣೈರ್ವಾರಯಾಮಾಸ ಸಾತ್ಯಕಿಃ॥ 8-10-16 (55419) ಅಥಾನ್ಯೇ ಧನುಷೀ ಚಿತ್ರೇ ಪ್ರಗೃಹ್ಯ ಚ ಮಹಾಶರಾನ್। ಸಾತ್ಯಕಿಂ ಛಾದಯಂತೌ ತೌ ಚೇರತುರ್ಲಘು ಸುಷ್ಠು ಚ॥ 8-10-17 (55420) ತಾಭ್ಯಾಂ ಮುಕ್ತಾ ಮಹಾಬಾಣಾಃ ಕಂಕಬರ್ಹಿಣವಾಸಸಃ। ದ್ಯೋತಯಂತೋ ದಿಶಃ ಸರ್ವಾಃ ಸಂಪೇತುಃ ಸ್ವರ್ಣಭೂಷಣಾಃ॥ 8-10-18 (55421) ಬಾಣಾಂಧಕಾರಮಭವತ್ತಯೋ ರಾಜನ್ಮಹಾಮೃಧೇ। ಅನ್ಯೋನ್ಯಸ್ಯ ಧನುಶ್ಚೈವ ಚಿಚ್ಛಿದುಸ್ತೇ ಮಹಾರಥಾಃ॥ 8-10-19 (55422) ತತಃ ಕ್ರುದ್ಧೋ ಮಹಾರಾಜ ಸಾತ್ವತೋ ಯುದ್ಧದುರ್ಮದಃ। ಧನುರನ್ಯತ್ಸಮಾದಾಯ ಸಜ್ಯಂ ಕೃತ್ವಾ ಚ ಸಂಯುಗೇ॥ 8-10-20 (55423) ಕ್ಷುರಪ್ರೇಣ ಸುತೀಕ್ಷ್ಣೇನ ಹ್ಯನುವಿಂದಶಿರೋಽಹರತ್। ಅಪತತ್ತಚ್ಛಿರೋ ರಾಜನ್ಕುಣ಼್ಡಲೋಪಚಿತಂ ಮಹತ್॥ 8-10-21 (55424) ಶಂಬರಸ್ಯ ಶಿರೋ ಯದ್ವನ್ನಿಹತಸ್ಯ ಮಹಾರಣೇ। ಶೋಚಯನ್ಕೇಕಯಾನ್ಸರ್ವಾಂಜಗಾಮಾಶು ವಸುಂಧರಾಂ॥ 8-10-22 (55425) ತಂ ದೃಷ್ಟ್ವಾ ನಿಹತಂ ಶೂರಂ ಭ್ರಾತಾ ತಸ್ಯ ಮಹಾರಥಃ। ಸಜ್ಯಮನ್ಯದ್ಧನುಃ ಕೃತ್ವಾ ಶೈನೇಯಂ ಪರ್ಯವಾರಯತ್॥ 8-10-23 (55426) ಸ ಷಷ್ಟ್ಯಾ ಸಾತ್ಯಕಿಂ ವಿದ್ವ್ವಾ ಸ್ವರ್ಣಪುಂಖೈಃ ಶಿಲಾಶಿತೈಃ। ನನಾದ ಬಲವನ್ನಾದಂ ತಿಷ್ಠತಿಷ್ಠೇತಿ ಚಾಬ್ರವೀತ್॥ 8-10-24 (55427) ಸಾತ್ಯಕಿಂ ಚ ತತಸ್ತೂರ್ಣಂ ಕೇಕಯಾನಾಂ ಮಹಾರಥಃ। ಶರೈರನೇಕಸಾಹಸ್ರೈರ್ಬಾಹ್ವೋರುರಸಿ ಚಾರ್ಪಯತ್॥ 8-10-25 (55428) ಸ ಶರೈಃ ಕ್ಷತಸರ್ವಾಂಗಃ ಸಾತ್ಯಕಿಃ ಸತ್ಯವಿಕ್ರಮಃ। ರರಾಜ ಸಮರೇ ರಾಜನ್ಸಪುಷ್ಪ ಇವ ಕಿಂಶುಕಃ॥ 8-10-26 (55429) ಸಾತ್ಯಕಿಃ ಸಮರೇ ವಿದ್ವಃ ಕೈಕೇಯೇನ ಮಹಾತ್ಮನಾ। ಕೈಕೇಯಂ ಪಂಚವಿಂಶತ್ಯಾ ವಿವ್ಯಾಧ ಪ್ರಹಸನ್ನಿವ॥ 8-10-27 (55430) ತಾವನ್ಯೋನ್ಯಸ್ಯ ಸಮರೇ ಸಂಛಿದ್ಯ ಧನುಷೀ ಶುಭೇ। ಹತ್ವಾ ಚ ಸಾರಥೀ ತೂರ್ಣಂ ಹಯಾಂಶ್ಚ ರಥಿನಾಂ ವರೌ॥ 8-10-28 (55431) ವಿರಥಾವಸಿಯುದ್ಧಾಯ ಸಮಾಜಗ್ಮತುರಾಹವೇ। ಶತಚಂದ್ರಚಿತೇ ಗೃಹ್ಯ ಚರ್ಮಣೀ ಸುಭುಜೌ ತಥಾ॥ 8-10-29 (55432) ವಿರೋಚೇತಾಂ ಮಹಾರಂಗೇ ನಿಸ್ತ್ರಿಂಶಬರಧಾರಿಣೌ। ಯಥಾ ದೇವಾಸುರೇ ಯುದ್ಧೇ ಜಂಭಶಕ್ರೌ ಮಹಾಬಲೌ॥ 8-10-30 (55433) ಮಂಡಲಾನಿ ತತಸ್ತೌ ತು ವಿಚಂತೌ ಮಹಾರಣೇ। ಅನ್ಯೋನ್ಯಮಭಿತಸ್ತೂರ್ಣಂ ಸಮಾಜಗ್ಮತುರಾಹವೇ॥ 8-10-31 (55434) ಅನ್ಯೋನ್ಯಸ್ಯ ವಧೇ ಚೈವ ಚಕ್ರತುರ್ಯತ್ನಮುತ್ತಮಂ। ಕೈಕೇಯಸ್ಯ ದ್ವಿಧಾ ಚರ್ಮ ತತಶ್ಚಿಚ್ಛೇದ ಸಾತ್ವತಃ॥ 8-10-32 (55435) ಸಾತ್ಯಕೇಸ್ತು ತಥೈವಾಸೌ ಚರ್ಮ ಚಿಚ್ಛೇದ ಪಾರ್ಥಿವಃ। ಚರ್ಮ ಚ್ಛಿತ್ತ್ವಾ ತು ಕೈಕೇಯಸ್ತಾರಾಗಣಶತೈರ್ವೃತಂ। ಚಚಾರ ಮಂಡಲಾನ್ಯೇವ ಗತಪ್ರತ್ಯಾಗತಾನಿ ಚ॥ 8-10-33 (55436) ತಂ ಚರಂತಂ ಮಹಾರಂಗೇ ನಿಸ್ತ್ರಿಂಶವರಧಾರಿಣಂ। ಅಪಹಸ್ತೇನ ಚಿಚ್ಛೇದ ಶೈನೇಯಸ್ತ್ವರಯಾಽನ್ವಿತಃ॥ 8-10-34 (55437) ಸವರ್ಮಾ ಕೇಕಯೋ ರಾಜಂದ್ವಿಧಾ ಚ್ಛಿನ್ನೋ ಮಹಾರಣೇ। ನಿಪಪಾತ ಮಹೇಷ್ವಾಸೋ ವಜ್ರಾಹತ ಇವಾತ್ವಲಃ॥ 8-10-35 (55438) ತಂ ನಿಹತ್ಯ ರಣೇ ಶೂರಃ ಶೈನೇಯೋ ರಥಸತ್ತಮಃ। ಯುಧಾಮನ್ಯುರಥಂ ತೂರ್ಣಮಾರುರೋಹ ಪರಂತಪಃ॥ 8-10-36 (55439) ತತೋಽನ್ಯಂ ರಥಮಾಸ್ಥಾಯ ವಿಧಿವತ್ಕಲ್ಪಿತಂ ಪುನಃ। ಕೇಕಯಾನಾಂ ಮಹತ್ಸೈನ್ಯಂ ವ್ಯಧಮತ್ಸಾತ್ಯಕಿಃ ಶರೈಃ॥ 8-10-37 (55440) ಸಾ ವಧ್ಯಮಾನಾ ಸಮರೇ ಕೇಕಯಾನಾಂ ಮಹಾಚಮೂಃ। ತಮುತ್ಸೃಜ್ಯ ರಣೇ ಶತ್ರುಂ ಪ್ರದುದ್ರಾವ ದಿಶೋ ದಶ॥ ॥ 8-10-38 (55441) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಷೋಡಶದಿವಸಯುದ್ಧೇ ದಶಮೋಽಧ್ಯಾಯಃ॥ 10 ॥

8-11-0 (55442) ಸಂಜಯ ಉವಾಚ। 8-11-0x (4859) ಶ್ರುತಕರ್ಮಾ ತತೋ ರಾಜಂಶ್ಚಿತ್ರಸೇನಂ ಮಹೀಪತಿಂ। ಆಜಘ್ನೇ ಸಮರೇ ಕ್ರುದ್ಧಃ ಪಂಚಾಶದ್ಭಿಃ ಶಿಲೀಮುಖೈಃ॥ 8-11-1 (55443) ಚಿತ್ರಸೇನಸ್ತು ತಂ ರಾಜನ್ನವಭಿರ್ನತಪರ್ವಭಿಃ। ಶ್ರುತಕರ್ಮಾಣಮಾಹತ್ಯ ಸೂತಂ ವಿವ್ಯಾಧ ಪಂಚಭಿಃ॥ 8-11-2 (55444) ಶ್ರುತಕರ್ಮಾ ತತಃ ಕ್ರುದ್ಧಶ್ಚಿತ್ರಸೇನಂ ಚಮೂಮುಖೇ। ನಾರಾಚೇನ ಸುತೀಕ್ಷ್ಣೇನ ಮರ್ಮದೇಶೇ ಸಮಾರ್ಪಯತ್॥ 8-11-3 (55445) ಸೋಽತಿವಿದ್ಧೋ ಮಹಾರಾಜ ನಾರಾಚೇನ ಮಹಾತ್ಮನಾ। ಮೂರ್ಚ್ಛಾಮಭಿಯಯೌ ವೀರಃ ಕಶ್ಮಲಂ ಚಾವಿವೇಶ ಹ॥ 8-11-4 (55446) ಏತಸ್ಮಿನ್ನಂತರೇ ಚೈನಂ ಶ್ರುತಕೀರ್ತಿರ್ಮಹಾಯಶಾಃ। ನವತ್ಯಾ ಜಗತೀಪಾಲಂ ಛಾದಯಾಮಾಸ ಪತ್ರಿಭಿಃ॥ 8-11-5 (55447) ಪ್ರತಿಲಭ್ಯ ತತಃ ಸಂಜ್ಞಾಂ ಚಿತ್ರಸೇನೋ ಮಹಾರಥಃ। ಧನುಶ್ಚಿಚ್ಛೇದ ಭಲ್ಲೇನ ತಂ ಚ ವಿವ್ಯಾಧ ಸಪ್ತಭಿಃ॥ 8-11-6 (55448) ಸೋಽನ್ಯತ್ಕಾರ್ಮುಕಮಾದಾಯ ವೇಗಘ್ನಂ ರುಕ್ಮಭೂಷಿತಂ। ಚಿತ್ರರೂಪಧರಂ ಚಕ್ರೇ ಚಿತ್ರಸೇನಂ ಶರೋರ್ಮಿಭಿಃ॥ 8-11-7 (55449) ಸ ಶರೈಶ್ಚಿತ್ರಿತೋ ರಾಜಾ ಚಿತ್ರಮಾಲ್ಯಧರೋ ಯುವಾ। ಅಶೋಭತ ಮಹಾರಂಗೇ ಶ್ವಾವಿಚ್ಛಲಲೋ ಯಥಾ॥ 8-11-8 (55450) ಶ್ರುತಕರ್ಮಾಣಮಥ ವೈ ನಾರಾಚೇನ ಸ್ತನಾಂತರೇ। ಬಿಭೇದ ತರಸಾ ಶೂರಸ್ತಿಷ್ಠತಿಷ್ಠೇತಿ ಚಾಬ್ರವೀತ್॥ 8-11-9 (55451) ಶ್ರುತಕರ್ಮಾಣಿ ಸಮರೇ ನಾರಾಚೇನ ಸಮರ್ಪಿತಃ। ಸುಸ್ರಾವ ರುಧಿರಂ ತತ್ರ ಗೈರಿಕಾಂಬು ಯಥಾಽಚಲಃ॥ 8-11-10 (55452) ತತಃ ಸ ರುಧಿರಾಕ್ತಾಂಗೋ ರುಧಿರೇಣ ಕೃತಚ್ಛವಿಃ। ರರಾಜ ಸಮರೇ ವೀರಃ ಸಪುಷ್ಪ ಇವ ಕಿಂಶುಕಃ॥ 8-11-11 (55453) ಶ್ರುತಕರ್ಮಾ ತತೋ ರಾಜಞ್ಶತ್ರುಣಾ ಸಮಭಿದ್ರುತಃ। ಶತ್ರುಸಂವಾರಣಂ ಕ್ರುದ್ಧೋ ದ್ವಿಧಾ ಚಿಚ್ಛೇದ ಕಾರ್ಮುಕಂ॥ 8-11-12 (55454) ಅಥೈನಂ ಛಿನ್ನಧನ್ವಾನಂ ನಾರಾಚಾನಾಂ ಶತೈಸ್ತ್ರಿಭಿಃ। ಛಾದಯನ್ಸಮರೇ ರಾಜನ್ವಿವ್ಯಾಧ ಚ ಸುಪತ್ರಿಭಿಃ॥ 8-11-13 (55455) ತತೋಽಪರೇಣ ಭಲ್ಲೇನ ತೀಕ್ಷ್ಣೇನ ನಿಶಿತೇನ ಚ। ಜಹಾರ ಸಶಿರಸ್ತ್ರಾಣಂ ಶಿರಸ್ತಸ್ಯ ಮಹಾತ್ಮನಃ॥ 8-11-14 (55456) ತಚ್ಛಿರೋ ನ್ಯಪತದ್ಭೂಮೌ ಚಿತ್ರಸೇನಸ್ಯ ದೀಪ್ತಿಮತ್। ಯದೃಚ್ಛಯಾ ಯಥಾ ಚಂದ್ರಶ್ಚ್ಯುತಃ ಸ್ವರ್ಗಾನ್ಮಹೀತಲಂ॥ 8-11-15 (55457) ರಾಜಾನಂ ನಿಹತಂ ದೃಷ್ಟ್ವಾ ತೇಽಭಿಸಾರಂ ತು ಮಾರಿಷ। ಅಭ್ಯದ್ರವಂತ ವೇಗೇನ ಚಿತ್ರಸೇನಸ್ಯ ಸೈನಿಕಾಃ॥ 8-11-16 (55458) ತತಃ ಕ್ರುದ್ಧೋ ಮಹೇಷ್ವಾಸಸ್ತತ್ಸೈನ್ಯಂ ಪ್ರಾದ್ರವಚ್ಛರೈಃ। ಅಂತಕಾಲೇ ಯಥಾ ಕ್ರುದ್ಧಃ ಸರ್ವಭೂತಾನಿ ಪ್ರೇತರಾಟ್॥ 8-11-17 (55459) ತೇ ವಧ್ಯಮಾನಾಃ ಸಮರೇ ತವ ಪೌತ್ರೇಣ ಧನ್ವಿನಾ। ವ್ಯದ್ರವಂತ ದಿಶಸ್ತೂರ್ಣಂ ದಾವದಗ್ಧಾ ಇವ ದ್ವಿಪಾಃ॥ 8-11-18 (55460) ತಾಂಸ್ತು ವಿದ್ರವತೋ ದೃಷ್ಟ್ವಾ ನಿರುತ್ಸಾಹಾಂದ್ವಿಷಜ್ಜಯೇ। ದ್ರಾವಯನ್ನಿಷುಭಿಸ್ತೀಕ್ಷ್ಣೈಃ ಶ್ರುತಕರ್ಮಾ ವ್ಯರೋಚತ॥ 8-11-19 (55461) ಪ್ರತಿವಿಂಧ್ಯಸ್ತತಶ್ಚಿತ್ರಂ ಭಿತ್ತ್ವಾ ಪಂಚಭಿರಾಶುಗೈಃ। ಸಾರಥಿಂ ಚ ತ್ರಿಭಿರ್ವಿದ್ವ್ವಾ ಧ್ವಜಮೇಕೇಷುಣಾಪಿ ಚ॥ 8-11-20 (55462) ತಂ ಚಿತ್ರೋ ನವಭಿರ್ಭಲ್ಲೈರ್ಬಾಹ್ವೋರುರಸಿ ಚಾರ್ಪಯತ್। ಸ್ವರ್ಣಪುಂಖೈಃ ಪ್ರಸನ್ನಾಗ್ನೈಃ ಕಂಕಬರ್ಹಿಣವಾಜಿತೈಃ॥ 8-11-21 (55463) ಪ್ರತಿವಿಂಧ್ಯೋ ಧನುಶ್ಛಿತ್ತ್ವಾ ತಸ್ಯ ಬಾರತ ಸಾಯಕೇಃ। ಪಂಚಭಿರ್ನಿಶಿತೈರ್ಬಾಣೈರಥೈನಂ ಸ ಹಿ ಜಘ್ನಿವಾನ್॥ 8-11-22 (55464) ತತಃ ಶಕ್ತಿಂ ಮಹಾರಾಜ ಸ್ವರ್ಣಘಂಟಾಂ ದುರಾಸದಾಂ। ಪ್ರಾಹಿಣೋತ್ಪ್ರತಿವಿಂಧ್ಯಾಯ ವಿಚಿನ್ವಂತೀಮಸೂನಿವ॥ 8-11-23 (55465) ತಾಮಾಪತಂತೀ ಸಹಸಾ ಶಕ್ತಿಮುಲ್ಕಾಮಿವಾಂಬರೇ। ದ್ವಿಧಾ ಚಿಚ್ಛೇದ ಸಮರೇ ಪ್ರತಿವಿಂಧ್ಯೋ ಹಸನ್ನಿವ॥ 8-11-24 (55466) ಸಾ ಪಪಾತ ದ್ವಿಧಾ ಛಿನ್ನಾ ಪ್ರತಿವಿಂಧ್ಯಶರೈಃ ಶಿತೈಃ। ಯುಗಾಂತೇ ಸರ್ವಭೂತಾನಿ ತ್ರಾಸಯಂತೀ ಯಥಾಽಶನಿಃ॥ 8-11-25 (55467) ಶಕ್ತಿಂ ತಾಂ ಪ್ರಹತಾಂ ದೃಷ್ಟ್ವಾ ಚಿತ್ರೋ ಗೃಹ್ಯ ಮಹಾಗದಾಂ। ಪ್ರತಿವಿಂಧ್ಯಾಯ ಚಿಕ್ಷೇಪ ರುಕ್ಮಜಾಲವಿಭೂಷಿತಾಂ॥ 8-11-26 (55468) ಸಾ ಜಘಾನ ಹಯಾಂಸ್ತಸ್ಯ ಸಾರಥಿಂ ಚ ಮಹಾರಣೇ। ರಥಂ ಪ್ರಮೃದ್ಯ ವೇಗೇನ ಧರಮೀಮನ್ವಪದ್ಯತ॥ 8-11-27 (55469) ಏತಸ್ಮಿನ್ನೇವ ಕಾಲೇ ತು ರಥಾದಾಪ್ಲುತ್ಯ ಭಾರತ। ಶಕ್ತಿಂ ಚಿಕ್ಷೇಪ ಚಿತ್ರಾಯ ಸ್ವರ್ಣದಂಡಾಮಲಂಕೃತಾಂ॥ 8-11-28 (55470) ತಾಮಾಪತಂತೀಂ ಜಗ್ರಾಹ ಚಿತ್ರೋ ರಾಜನ್ಮಹಾಮನಾಃ। ತತಸ್ತಾಮೇವ ಚಿಕ್ಷೇಪ ಪ್ರತಿವಿಂಧ್ಯಾಯ ಪಾರ್ಥಿವಃ॥ 8-11-29 (55471) ಸಮಾಸಾದ್ಯ ರಣೇ ಶೂರಂ ಪ್ರತಿವಿಂಧ್ಯಂ ಮಹಾಪ್ರಭಾ। ನಿರ್ಭಿದ್ಯ ದಕ್ಷಿಣಂ ಬಾಹುಂ ನಿಪಪಾತ ಮಹೀತಲೇ। ಪತಿತಾಽಭಾಸಯಶ್ಚೈವ ತಂ ದೇಶಮಶನಿರ್ಯಥಾ॥ 8-11-30 (55472) ಪ್ರತಿವಿಂಧ್ಯಸ್ತತೋ ರಾಜಂಸ್ತೋಮರಂ ಹೇಮಭೂಷಿತಂ। ಪ್ರೇಷಯಾಮಾಸ ಸಂಕ್ರುದ್ಧಶ್ಚಿತ್ರಸ್ಯ ವಧಕಾಂಕ್ಷಯಾ॥ 8-11-31 (55473) ಸ ತಸ್ಯ ಗಾತ್ರಾವರಣಂ ಭಿತ್ತ್ವಾ ಹೃದಯಮೇವ ಚ। ಜಗಾಮ ಧರಣೀಂ ತೂರ್ಣಂ ಮಹೋರಗ ಇವಾಶಯಂ॥ 8-11-32 (55474) ಸ ಪಪಾತ ತದಾ ರಾಜಾ ತೋಮರೇಣ ಸಮಾಹತಃ। ಪ್ರಸಾರ್ಯ ವಿಪುಲೌ ಬಾಹೂ ಪೀನೌ ಪಿಘಸನ್ನಿಭೌ॥ 8-11-33 (55475) ಚಿತ್ರಂ ಸಂಪ್ರೇಕ್ಷ್ಯ ನಿಹತಂ ತಾವಕಾ ರಣಶೋಭಿನಃ। ಅಭ್ಯದ್ರವಂತ ವೇಗೇನ ಪ್ರತಿವಿಂಧ್ಯಂ ಸಮಂತತಃ॥ 8-11-34 (55476) ಸೃಜಂತೋ ವಿವಿಧಾನ್ಬಾಣಾಞ್ಶತಘ್ನೀಶ್ಚ ಸಕಿಂಕಿಣೀಃ। ತಮವಚ್ಛಾದಯಾಮಾಸುಃ ಸೂರ್ಯಮಭ್ರಗಣಾ ಇವ॥ 8-11-35 (55477) ತಾನ್ವಿಧಂಯ ಮಹಾಬಾಹುಃ ಶರಜಾಲೇನ ಸಂಯುಗೇ। ವ್ಯದ್ರಾವಯತ್ತವ ಚಮೂಂ ವಜ್ರಹಸ್ತ ಇವಾಸುರೀಂ॥ 8-11-36 (55478) ತೇ ವಧ್ಯಮಾನಾಃ ಸಮರೇ ತಾವಕಾಃ ಪಾಂಡವೈರ್ನೃಪ। ವಿಪ್ರಕೀರ್ಯಂತ ಸಹಸಾ ವಾತನುನ್ನಾ ಘನಾ ಇವ॥ 8-11-37 (55479) ವಿಪ್ರದ್ರುತೇ ಬಲೇ ತಸ್ಮಿನ್ವಧ್ಯಮಾನೇ ಸಮಂತತಃ। ದ್ರೌಣಿರೇಕೋಽಭ್ಯಯಾತ್ತೂರ್ಣಂ ಭೀಮಸೇನಂ ಮಹಾಬಲಂ॥ 8-11-38 (55480) ತಃ ಸಮಾಗಮೋ ಘೋರೋ ಬಭೂವ ಸಹಸಾ ತಯೋಃ। ಯಥಾ ದೈವಾಸುರೇ ಯುದ್ಧೇ ವೃತ್ರವಾಸವಯೋರಿವ॥ ॥ 8-11-39 (55481) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಷೋಡಶದಿವಸಯುದ್ಧೇ ಏಕಾದಶೋಽಧ್ಯಾಯಃ॥ 11 ॥

8-12-0 (55482) ಸಂಜಯ ಉವಾಚ। 8-12-0x (4860) ಭೀಮಸೇನಂ ತತೋ ದ್ರೌಣೀ ರಾಜನ್ವಿವ್ಯಾಧ ಪತ್ರಿಣಾ। ಪರಯಾ ತ್ವರಯಾ ಯುಕ್ತೋ ದರ್ಶಯನ್ನಸ್ತ್ರಲಾಘವಂ॥ 8-12-1 (55483) ಅಥೈನಂ ಪುನರಾಜಘ್ನೇ ನವತ್ಯಾ ನಿಶಿತೈಃ ಶರೈಃ। ಸರ್ವಮರ್ಮಾಣಿ ಸಂಪ್ರೇಕ್ಷ್ಯ ಮರ್ಮಜ್ಞೋ ಲಘುಹಸ್ತವತ್॥ 8-12-2 (55484) ಭೀಮಸೇನಃ ಸಮಾಕೀರ್ಣೋ ದ್ರೌಣಿನಾ ನಿಶಿತೈಃ ಶರೈಃ। ರರಾಜ ಸಮರೇ ರಾಜನ್ರಶ್ಮಿವಾನಿವ ಭಾಸ್ಕರಃ॥ 8-12-3 (55485) ತತಃ ಶರಸಹಸ್ರೇಣ ಸುಪ್ರಯುಕ್ತೇನ ಪಾಂಡವಃ। ದ್ರೋಣಪುತ್ರಮವಚ್ಛಾದ್ಯ ಸಿಂಹನಾದಮಮುಂಚತ॥ 8-12-4 (55486) ಶರೈಃ ಸರಾಂಸ್ತತೋ ದ್ರೌಣಿಃ ಸಂವಾರ್ಯ ಯುಧಿ ಪಾಂಡವಂ। ಲಲಾಟೇಽಭ್ಯಾಹನದ್ರಾಜನ್ನಾರಾಚೇನ ಸ್ಮಯನ್ನಿವ॥ 8-12-5 (55487) ಲಲಾಟಸ್ಥಂ ತತೋ ಬಾಣಂ ಧಾರಯಾಮಾಸ ಪಾಂಡವಃ। ಯಥಾ ಶೃಂಗಂ ವನೇ ದೃಪ್ತಃ ಖಂಗೋ ಧಾರಯತೇ ನೃಪ॥ 8-12-6 (55488) ತತೋ ದ್ರೌಣಿಂ ರಣೇ ಭೀಮೋ ಯತಮಾನಂ ಪರಾಕ್ರಮೀ। ತ್ರಿಭಿರ್ವಿವ್ಯಾಧ ನಾರಾಚೈರ್ಲಲಾಟೇ ವಿಸ್ಮಯನ್ನಿವ॥ 8-12-7 (55489) ಲಲಾಟಸ್ಥೈಸ್ತತೋ ಬಾಣೈರ್ಬ್ರಾಹ್ಮಣೋಽಸೌ ವ್ಯಶೋಭತ। ಪ್ರಾವೃಷೀವ ಯಥಾ ಸಿಕ್ತಸ್ತ್ರಿಶೃಂಗಃ ಪರ್ವತೋತ್ತಮಃ॥ 8-12-8 (55490) ತತಃ ಶರಶತೈರ್ದ್ರೌಣಿರರ್ದಯಾಮಾಸ ಪಾಂಡವಂ। ನ ಚೈನಂ ಕಂಪಯಾಮಾಸ ಮಾತರಿಶ್ವೇವ ಪರ್ವತಂ॥ 8-12-9 (55491) ತಥೈವ ಪಾಂಂಡವೋ ಯುದ್ಧೇ ದ್ರೌಣಿಂ ಶರಶತೈಃ ಶಿತೈಃ। ನಾಕಂಪಯತ ಸಂಹೃಷ್ಟೋ ವಾರ್ಯೋಧ ಇವ ಪರ್ವತಂ॥ 8-12-10 (55492) ತಾವನ್ಯೋನ್ಯಂ ಶರೈರ್ಘೋರೈಶ್ಛಾದಯಾನೌ ಮಹಾರಥೌ। ರಥವರ್ಯಗತೌ ವೀರೌ ಶುಶುಭಾತೇ ಬಲೋತ್ಕಟೌ॥ 8-12-11 (55493) ಆದಿತ್ಯಾವಿವ ಸಂದೀಪ್ತೌ ಲೋಕಕ್ಷಯಕರಾವುಭೌ। ಸ್ವರಶ್ಮಿಭಿರಿವಾನ್ಯೋನ್ಯಂ ತಾಪಯಂತೌ ಶರೋತ್ತಮೈಃ॥ 8-12-12 (55494) ತತಃ ಪ್ರವಿಕೃತೇ ಯತ್ನಂ ಕುರ್ವಾಣೌ ತೌ ಮಹಾರಣೇ। ಕೃತಪ್ರತಿಕೃತೇ ಯತ್ತೌ ಶರಸಂಘೈರಭೀತವತ್॥ 8-12-13 (55495) ವ್ಯಾಘ್ರಾವಿವ ಚ ಸಂಗ್ರಾಮೇ ಚೇರತುಸ್ತೌ ನರೋತ್ತಮೌ। ಶರದಂಷ್ಟ್ರೌ ದುರಾಧರ್ಷೌ ಚಾಪವಕ್ರೌ ಭಯಂಕರೌ॥ 8-12-14 (55496) ಅಭೂತಾಂ ತಾವದೃಶ್ಯೌ ಚ ಶರಜಾಲೈಃ ಸಮಂತತಃ। ಮೇಘಜಾಲೈರಿವ ಚ್ಛನೌ ಗಗನೇ ಚಂದ್ರಭಾಸ್ಕರೌ॥ 8-12-15 (55497) ಚಕಾಶೇತೇ ಮುಹೂರ್ತೇನ ತತಸ್ತಾವಪ್ಯರಿಂದಮೌ। ವಿಮುಕ್ತಾವಭ್ರಜಾಲೇನ ಅಂಗಾರಕಬುಧಾವಿವ॥ 8-12-16 (55498) ಅಥ ತತ್ರೈವ ಸಂಗ್ರಮೇ ವರ್ತಮಾನೇ ಸುದಾರುಣೇ। ಅಪಸವ್ಯಂ ತತಶ್ಚಕ್ರೇ ದ್ರೌಣಿಸ್ತತ್ರ ವೃಕೋದರಂ॥ 8-12-17 (55499) ಕಿರಂಛರಶತೈರುಗ್ರೈರ್ಧಾರಾಭಿರಿವ ಪರ್ವತಂ। ನ ತು ತನ್ಮಮೃಷೇ ಭೀಮಃ ಶತ್ರೋರ್ವಿಜಲಕ್ಷಣಂ॥ 8-12-18 (55500) ಪ್ರತಿಚಕ್ರೇ ತತೋ ರಾಜನ್ಪಾಂಡವೋಽಪ್ಯಪಸವ್ಯತಃ। ಮಂಡಲಾನಾಂ ವಿಭಾಗೇನ ಗತಪ್ರತ್ಯಾಗತೇನ ಚ॥ 8-12-19 (55501) ಬಭೂವ ತುಮುಲಂ ಯುದ್ಧಂ ತಯೋಃ ಪುರುಷಸಿಂಹಯೋಃ। ಚರಿತ್ವಾ ವಿವಿಧಾನ್ಮಾರ್ಗಾನ್ಮಂಡಲಸ್ಥಾನಮೇವ ಚ॥ 8-12-20 (55502) ಶರೈಃ ಪೂರ್ಣಾಯತೋತ್ಸೃಷ್ಟೈರನ್ಯೋನ್ಯಮಭಿಜಘ್ನತುಃ। ಅನ್ಯೋನ್ಯಸ್ಯ ವಧೇ ಚೈವ ಚಕ್ರತುರ್ಯತ್ನಮುತ್ತಮಂ॥ 8-12-21 (55503) ಈಷತುರ್ವಿರಥಂ ಚೈವ ಕರ್ತುಮನ್ಯೋನ್ಯಮಾಹವೇ। ತತೋ ದ್ರೌಣಿರ್ಮಹಾಸ್ತ್ರಾಣಿ ಪ್ರಾದುಶ್ಚಕ್ರೇ ಮಹಾರಥಃ॥ 8-12-22 (55504) ತಾನ್ಯಸ್ತ್ರೈರೇವ ಸಮರೇ ಪ್ರತಿಜಘ್ನೇಽಥ ಪಾಂಡವಃ। ತತೋ ಘೋರಂ ಮಹಾರಾಜ ಅಸ್ತ್ರಯುದ್ಧಮವರ್ತತ॥ 8-12-23 (55505) ಗ್ರಹಯುದ್ವಂ ಯಥಾ ಘೋರಂ ಪ್ರಜಾಸಂಹರಣೇ ಹ್ಯಭೂತ್। ತೇ ವಾಣಾಃ ಸಮಸಜ್ಜಂತ ಮುಕ್ತಾಸ್ತಾಭ್ಯಾಂ ತು ಭಾರತ॥ 8-12-24 (55506) ದ್ಯೋತಗ್ರಂತೋ ದಿಶಃ ಸರ್ವಾಸ್ತವ ಸೈನ್ಯಂ ಸಮಂತತಃ। ಬಾಣಸಂಘೈರ್ವೃತಂ ಘೋರಮಾಕಾಶಂ ಸಮಪದ್ಯತ॥ 8-12-25 (55507) ಉಲ್ಕಾಪಾತಾವೃತಂ ಯುದ್ಧಂ ಪ್ರಜಾನಾಂ ಸಂಕ್ಷಯೇ ನೃಪ। ಬಾಣಾಭಿಘಾತಾತ್ಸಂಜಜ್ಞೇ ತತ್ರ ಭಾರತ ಪಾವಕಃ॥ 8-12-26 (55508) ಸವಿಸ್ಫುಲಿಂಗೋ ದೀಪ್ತಾರ್ಚಿರ್ಯೋಽದಹದ್ವಾಹಿನೀದ್ವಯಂ। ತತ್ರ ಸಿದ್ಧಾ ಮಹಾರಾಜ ಸಂಪತಂತೋಽಬ್ರುವನ್ವಚಃ॥ 8-12-27 (55509) ಯುದ್ಧಾನಾಮತಿ ಸರ್ವೇಷಾಂ ಯುದ್ಧಮೇತದಿತಿ ಪ್ರಭೋ। ಸರ್ವಯುದ್ಧಾನಿ ಚೈತಸ್ಯ ಕಲಾಂ ನಾರ್ಹಂತಿ ಷೋಡಶೀಂ॥ 8-12-28 (55510) ನೇದೃಶಂ ಚ ಪುನರ್ಯುದ್ಧಂ ಭವಿಷ್ಯತಿ ಕದಾಚನ। ಅಹೋ ಜ್ಞಾನೇನ ಸಂಪನ್ನಾವುಭ ಬ್ರಾಹ್ಮಣಕ್ಷತ್ರಿಯೌ॥ 8-12-29 (55511) ಅಹೋ ಶೌರ್ಯೇಣ ಸಂಪನ್ನಾವುಭೌ ಚೋಗ್ರಪರಾಕ್ರಮೌ। ಅಹೋ ಭೀಮಬಲೋ ಭೀಮ ಏತಸ್ಯ ಚ ಕೃತಾಸ್ತ್ರತಾ॥ 8-12-30 (55512) ಅಹೋ ವೀರ್ಯಸ್ಯ ಸಾರತ್ವಮಹೋ ಸೌಷ್ಠವಮೇತಯೋಃ। ಸ್ಥಿತಾವೇತೌ ಹಿ ಸಮರೇ ಕಾಲಾಂತಕಯಮೋಪಮೌ॥ 8-12-31 (55513) ರುದ್ರೌ ದ್ವಾವಿ ಸಂಭೂತೌ ಯಥಾ ದ್ವಾವಿವ ಭಾಸ್ಕರೌ। ಯಮೌ ವಾ ಪುರುಷವ್ಯಾಘ್ರೌ ಘೋರರೂಪಾವುಭೌ ರಣೇ॥ 8-12-32 (55514) ಇತಿ ವಾಚಃ ಸ್ಮ ಶ್ರೂಯಂತೇ ಸಿದ್ಧಾನಾಂ ವೈ ಮುಹುರ್ಮುಹುಃ। ಸಿಂಹನಾದಶ್ಚ ಸಂಜಜ್ಞೇ ಸಮೇತಾನಾಂ ದಿವೌಕಸಾಂ॥ 8-12-33 (55515) ಅದ್ಭುತಂ ಚಾಪ್ಯಚಿಂತ್ಯಂ ಚ ದೃಷ್ಟ್ವಾ ಕರ್ಮ ತಯೋ ರಣೇ। ಸಿದ್ವಚಾರಣಸಂಘಾನಾಂ ವಿಸ್ಮಯಃ ಸಮಪದ್ಯತ॥ 8-12-34 (55516) ಪ್ರಶಂಸಂತಿ ತದಾ ದೇವಾಃ ಸಿದ್ವಾಶ್ಚ ಪರಮರ್ಷಯಃ। ಸಾಧು ದ್ರೌಣೇ ಮಹಾಬಾಹೋ ಸಾಧು ಭೀಮೇತಿ ಚಾಬ್ರುವನ್॥ 8-12-35 (55517) ತೌ ಶೂರೌ ಸಮರೇ ರಾಜನ್ಪರಸ್ಪರಕೃತಾಗಸೌ। ಪರಸ್ಪರಮುದೀಕ್ಷೇತಾಂ ಕ್ರೋಧಾದುದ್ವೃತ್ಯ ಚಕ್ಷುಷೀ॥ 8-12-36 (55518) ಕ್ರೋಧರಕ್ತೇಕ್ಷಣೌ ತೌ ತು ಕ್ರೋಧಾತ್ಪ್ರಸ್ಫುರಿತಾಧರೌ। ಕ್ರೋಧಾತ್ಸಂದಷ್ಟದಶನೌ ತಥೈವ ದಶನಚ್ಛದೌ॥ 8-12-37 (55519) ಅನ್ಯೋನ್ಯಂ ಛಾದಯಂತೌ ಸ್ಮ ಶರವೃಷ್ಟ್ಯಾ ಮಹಾರಥೌ। ಶರಾಂಬುಧಾರೋ ಸಮರೇ ಶಸ್ತ್ರವಿದ್ಯುತ್ಪ್ರಕಾಶಿನೌ॥ 8-12-38 (55520) ತಾವನ್ಯನ್ಯಂ ಧ್ವಜಂ ವಿದ್ವ್ವಾ ಸಾರಥಿಂ ಚ ಮಹಾರಣೇ। ಅನ್ಯೋನ್ಯಸ್ಯ ಹಯಾನ್ವಿದ್ವಾ ಬಿಭಿದಾತೇ ಪರಸ್ಪರಂ॥ 8-12-39 (55521) ತತಃ ಕ್ರುದ್ಧೌ ಮಹಾರಾಜ ಬಾಣೌ ಗೃಹ್ಯ ಮಹಾಹವೇ। ಉಭೌ ಚಿಕ್ಷಿಪತುಸ್ತೂರ್ಮಮನ್ಯೋನ್ಯಸ್ಯ ವಧೈಷಿಣೌ॥ 8-12-40 (55522) ತೌ ಸಾಯಕೌ ಮಹಾರಾಜ ದ್ಯೋತಮಾನೌ ಚಮೂಮುಖೇ। ಆಜಘ್ನತುಃ ಸಮಾಸಾದ್ಯ ವಜ್ರವೇಗೌ ದುರಾಸದೌ॥ 8-12-41 (55523) ತೌ ಪರಸ್ಪರವೇಗಾಚ್ಚ ಶರಾಭ್ಯಾಂ ಚ ಭೃಶಾಹತೌ। ನಿಪೇತತುರ್ಮಹಾವೀರ್ಯೌ ರಥೋಪಸ್ಥೇ ತಯೋಸ್ತದಾ॥ 8-12-42 (55524) ತತಸ್ತು ಸಾರಥಿರ್ಜ್ಞಾತ್ವಾ ದ್ರೋಣಪುತ್ರಮಚೇತನಂ। ಅಪೋವಾಹ ರಣಾದ್ರಾಜನ್ಸರ್ವಸೈನ್ಯಸ್ಯ ಪಶ್ಯತಃ॥ 8-12-43 (55525) 8-12-44 (55526) ತಥೈವ ಪಾಂಡವಂ ರಾಜನ್ವಿಹ್ವಲಂತಂ ಮುಹುರ್ಮುಹುಃ। ಅಪೋವಾಹ ರಥೇನಾಜೌ ವಿಶೋಕಃ ಶತ್ರುತಾಪನಂ॥ ॥ *ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಷೋಡಶದಿವಸಯುದ್ಧೇ ದ್ವಾದಶೋಽಧ್ಯಾಯಃ॥ 12 ॥ *.ಝ. ಪಂತಕೇ ಏತದನಂತರಂ ಸ್ಥಿತಾಃ ಸಪ್ತಾಧ್ಯಾಯಾ ಏತತ್ಪಾಠೇ ಕ್ರಮೇಣ 52-53-54-55-56-59-60 ತಮಾಧ್ಯಾಯತಯಾ ವರ್ತಂತೇ।

8-13-0 (55527) `ಸಂಜಯ ಉವಾಚ। 8-13-0x (4861) ಶ್ರುತಕೀರ್ತಿಮಥಾಯಾಂತಂ ಕಿರಂತಂ ನಿಶಿತಾಞ್ಶರಾನ್। ಮದ್ರರಾಜೋ ಮಹಾರಾಜ ವಾರಯಾಮಾಸ ಹೃಷ್ಟವತ್॥ 8-13-1 (55528) ಮದ್ರರಾಜಂ ಸಮಾಸಾದ್ಯ ಶ್ರುತಕೀರ್ತಿರ್ಮಹಾರಥಃ। ವಿವ್ಯಾಧ ಭಲ್ಲೈರ್ವಿಶತ್ಯಾ ಕಾರ್ತಸ್ವರವಿಭೂಷಿತೈಃ॥ 8-13-2 (55529) ಪ್ರತಿವಿವ್ಯಾಧ ತಂ ಶಲ್ಯಂ ತ್ರಿಭಿಸ್ತೂರ್ಣಮಜಿಹ್ಮಗೈಃ। ಸಾರಥಿಂ ಚಾಸ್ಯ ಭಲ್ಲೇನ ಭೃಶಂ ವಿವ್ಯಾಧ ಭಾರತ॥ 8-13-3 (55530) ಸ ಶಲ್ಯಂ ಶರವರ್ಷೇಣ ಚ್ಛಾದಯಾಮಾಸ ಸಂಯುಗೇ। ಮುಮೋಚ ನಿಶಿತಾನ್ಬಾಣಾನ್ಮದ್ರರಾಜರಥಂ ಪ್ರತಿ॥ 8-13-4 (55531) ತತಃ ಶಲ್ಯೋ ಮಹಾರಾಜ ಶ್ರುತಕೀರ್ತಿಭುಜಚ್ಯುತಾನ್। ಚಿಚ್ಛೇದ ಸಮರೇ ಬಾಣಾಸನ್ಬಣೈಃ ಸನ್ನತಪರ್ವಭಿಃ॥ 8-13-5 (55532) ಶ್ರುತಕೀರ್ತಿಸ್ತತಃ ಶ್ಲ್ಯಂ ಭಿತ್ತ್ವಾ ನವಭಿರಾಯಸೈಃ। ಸಾರಥಿಂ ತ್ರಿಭಿರಾನರ್ಚ್ಛತ್ಪುನಃ ಶಲ್ಯಂ ಚ ಪ಼ಂಚಭಿಃ॥ 8-13-6 (55533) ತಸ್ಯ ಶಲ್ಯೋ ಧನುಶ್ಛಿತ್ತ್ವಾ ಹಸ್ತಾವಾಪಂ ನಿಕೃತ್ಯ ಚ। ವಿವ್ಯಾಧ ಸಮರೇ ತೂರ್ಣಂ ಸಪ್ತಭಿಸ್ತಂ ಶರೋತ್ತಮೈಃ॥ 8-13-7 (55534) ಅಥಾನ್ಯದ್ಧನುರಾದಾಯ ಶ್ರುತಕೀರ್ತಿರ್ಮಹಾರಥಃ। ಭದ್ರೇಶ್ವರಂ ಚತುಃಷಷ್ಟ್ಯಾ ಬಾಹ್ವೋರುರಸಿ ಚಾರ್ಪಯತ್॥ 8-13-8 (55535) ತತಸ್ತು ಸಮರೇ ರಾಜಂಸ್ತೇನ ವಿದ್ವಃ ಶಿಲೀಮುಖೈಃ। xxವಿವ್ಯಾಧ ತಂ ಚಾಪಿ ನವತ್ಯಾ ನಿಶಿತೈಃ ಶರೈಃ॥ 8-13-9 (55536) ತಸ್ಯ ಮದ್ರೇಶ್ವರಶ್ಚಾಪಂ ಪುನಶ್ಚಿಚ್ಛೇದ ಮಾರಿಷ। ಸ ಚ್ಛಿನ್ನಧನ್ವಾ ಸಮರೇ ಗದಾಂ ಚಿಕ್ಷೇಪ ಸತ್ವರಃ॥ 8-13-10 (55537) ಪಟ್ಟೈರ್ಜಾಂಬೂನದೈರ್ಬದ್ಧಾಂ ರುಪ್ಯಪಟ್ಟೈಶ್ಚ ಭಾರತ। ಭ್ರಾಜಮಾನಾಂ ಯಥಾ ನಾರೀಂ ದಿವ್ಯವಸ್ತ್ರವಿಭೂಷಿತಾಂ॥ 8-13-11 (55538) ತಾಮಾಪತಂತೀಂ ಸಹಸಾ ದೀಪ್ಯಮಾನಾಶನಿಪ್ರಭಾಂ। ಶರೈರನೇಕಸಾಹಸ್ರೈರ್ವ್ಯಷ್ಟಂಭಯತ ಮದ್ರರಾಟ್॥ 8-13-12 (55539) ವಿಷ್ಟಭ್ಯ ಚ ಗದಾಂ ವೀರಃ ಪಾತಯಿತ್ವಾ ಚ ಭೂತಲೇ। ಶ್ರುಕೀರ್ತಿಮಥಾಯತ್ತೋ ರಾಜನ್ವಿವ್ಯಾಧ ಪಂಚಭಿಃ॥ 8-13-13 (55540) ತಸ್ಯ ಶಕ್ತಿಂ ರಮೇ ಭೂಯಶ್ಚಿಕ್ಷೇಪ ಭುಜೋಪಮಾಂ। ತಾಂ ದ್ವಿಧಾ ಚಾಛಿನಚ್ಛಲ್ಯೋ ಮೇದಿನ್ಯಾಂ ಸಾ ತ್ವಶೀರ್ಯತ॥ 8-13-14 (55541) ತಸ್ಯ ಶಲ್ಯಃ ಕ್ಷುರಪ್ರೇಣ ಯಂತುಃ ಕಾಯಾಚ್ಛಿರೋಽಹರತ್। ಬಾಲಹಸ್ತಾದ್ಯಥಾ ಶ್ಯೇನ ಆಮಿಷಂ ವೈ ನರೋತ್ತಮ॥ 8-13-15 (55542) ಸ ಪಪಾತ ರಥೋಪಸ್ಥಾತ್ಸಾರಥಿಸ್ತಸ್ಯ ಭಾರತ। ತತಸ್ತೇ ಪ್ರಾದ್ರವನ್ಸಂಖ್ಯೇ ಹಯ್ನಾಸ್ತಸ್ಯ ಮಹಾತ್ಮನಃ॥ 8-13-16 (55543) ಪಲಾಯಮಾನೈಸ್ತೈರಶ್ವೈಃ ಸೋಪನೀತೋ ರಮಾಜಿರಾತ್। ಶ್ರುತಕೀರ್ತಿರ್ಮಹಾರಾಜ ಪಶ್ಯತಾಂ ಸರ್ವಯೋಧಿನಾಂ॥ 8-13-17 (55544) ತತೋ ಮದ್ರೇಶ್ವರೋ ರಾಜಾ ಪಾಂಡವಾನಾಮನೀಕಿನೀಂ। ವ್ಯಗಾಹತ ಮುದಾ ಯುಕ್ತೋ ನಲಿನೀಂ ದ್ವಿರದೋ ಯಥಾ॥ 8-13-18 (55545) ಲೋಲಯಾಮಾಸ ಸ ಬಲಂ ಸಿಂಹಃ ಪಶುಗಣಾನಿವ। ಶಲ್ಯಸ್ತತ್ರ ಮಹಾರಂಗೇ ಪಾಂಡವಾನಾಂ ಮಹಾತ್ಮನಾಂ॥ 8-13-19 (55546) ನಿಪಾತ್ಯ ಪಾಂಡುಪಾಂಚಾಲಾನ್ಪೃತನಾಸು ವ್ಯವಸ್ಥಿತಃ। ಅಶೋಭತ ರಣೇ ಶಲ್ಯೋ ವಿಧೂಮೋಽಗ್ನಿರಿವ ಜ್ವಲನ್॥ 8-13-20 (55547) ಸೇನಾಕಕ್ಷಂ ಮಹದ್ದಗ್ಧ್ವಾ ಕಕ್ಷಮಗ್ನಿರಿವೋತ್ಥಿತಃ। ಸ್ಥಿತೋ ರರಾಜ ಸಮರೇ ಪುರಂ ದಗ್ಧ್ವೇವ ಶಂಕರಃ॥ ॥ 8-13-21 (55548) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಷೋಡಶದಿವಸಯುದ್ಧೇ ತ್ರಯೋದಶೋಽಧ್ಯಾಯಃ॥ 13 ॥

8-14-0 (55549) ಸಂಜಯ ಉವಾಚ। 8-14-0x (4862) ಸಹದೇವಂ ತಥಾ ಕ್ರುದ್ಧಂ ನಿಘ್ನಂತಂ ತವ ವಾಹಿನೀಂ। ದುಃಶಾಸನೋ ಮಹಾರಾಜ ಭ್ರಾತಾ ಭ್ರಾತರಮಭ್ಯಯಾತ್॥ 8-14-1 (55550) ತೌ ಸಮೇತೌ ಮಹಾರಾಜ ದೃಷ್ಟ್ವಾ ತತ್ರ ಮಹಾರಥಾಃ। ಸಿಂಹನಾದರವಾಂಶ್ಚಕ್ರುರ್ವಾಸಾಂಸ್ಯಾದುಧುವುಶ್ಚ ಹ॥ 8-14-2 (55551) ತತೋ ಭಾರತ ರುಷ್ಟೇನ ತವ ಪುತ್ರೇಣ ಧನ್ವಿನಾ। ಪಾಂಡುಪುತ್ರಸ್ತ್ರಿಭಿರ್ಬಾಣೈರ್ವಕ್ಷಸ್ಯಭಿಹತೋ ಬಲೀ॥ 8-14-3 (55552) ಸಹದೇವಸ್ತತೋ ರಾಜನ್ನಾರಾಚೇನ ತವಾತ್ಮಜಂ। ವಿದ್ವ್ವಾ ವಿವ್ಯಾಧ ಸಪ್ತತ್ಯಾ ಸಾರಥಿಂ ಚ ತ್ರಿಭಿಃ ಶರೈಃ॥ 8-14-4 (55553) ದುಃಶಾಸನಸ್ತತಶ್ಚಾಪಂ ಛಿತ್ತ್ವಾ ರಾಜನ್ಮಹಾಹವೇ। ಸಹದೇವಂ ತ್ರಿಸಪ್ತತ್ಯಾ ಬಾಹೋರುರಸಿ ಚಾರ್ಪಯತ್॥ 8-14-5 (55554) ಸಹದೇವಸ್ತು ಸಂಕ್ರುದ್ಧಃ ಖಂಗಂ ಗೃಹ್ಯ ಮಹಾಹವೇ। ಆವಿಧ್ಯ ಪ್ರಾಸೃಜತ್ತೂರ್ಣಂ ತವ ಪುತ್ರಥಂ ಪ್ರತಿ॥ 8-14-6 (55555) ಸಮಾರ್ಗಣಗುಣಂ ಚಾಪಂ ಛಿತ್ತ್ವಾ ತಸ್ಯ ಮಹಾನಸಿಃ। ನಿಪಪಾತ ತತೋ ಭೂಮೌ ಚ್ಯುತಃ ಸರ್ಪ ಇವಾಂಬರಾತ್॥ 8-14-7 (55556) ಅಥಾನ್ಯದ್ಧನುರಾದಾಯ ಸಹದೇವಃ ಪ್ರತಾಪವಾನ್। ದುಃಶಾಸನಾಯ ಚಿಕ್ಷೇಪ ಬಾಣಮಂತಕರಂ ತತಃ॥ 8-14-8 (55557) ತಮಾಪತಂತಂ ವಿಶಿಖಂ ಯಮದಂಡೋಪಮತ್ವಿಷಂ। ಖಂಗೇನ ಶಿತಧಾರೇಣ ದ್ವಿಧಾ ಚಿಚ್ಛೇದ ಕೌರವಃ॥ 8-14-9 (55558) ತತಸ್ತಂ ನಿಶಿತಂ ಖಂಗಮಾವಿಧ್ಯ ಯುಧಿ ಸತ್ವರಃ। ಧನುಶ್ಚಾನ್ಯತ್ಸಮಾದಾಯ ಶರಂ ಜಗ್ರಾಹ ವೀರ್ಯವಾನ್॥ 8-14-10 (55559) ತಮಾಪತಂತಂ ಸಹಸಾ ನಿಸ್ತ್ರಿಂಶಂ ನಿಶಿತೈಃ ಶರೈಃ। ಪಾತಯಾಮಾಸ ಸಮರೇ ಸಹದೇವೋ ಹಸನ್ನಿವ॥ 8-14-11 (55560) ತತೋ ಬಾಣಾಂಶ್ಚತುಃ ಷಷ್ಟಿಂ ತವ ಪುತ್ರೋ ಮಹಾರಣೇ। ಸಹದೇವರಥಂ ತೂರ್ಣಂ ಪ್ರೇಷಯಾಮಾಸ ಭಾರತ॥ 8-14-12 (55561) ತಾಚ್ಛರಾನ್ಸಮರೇ ರಾಜನ್ವೇಗೇನಾಪಪತೋ ಬಹೂನ್। ಏಕೈಕಂ ಪಂಚಭಿರ್ಬಾಣೈಃ ಸಹದೇವೋ ನ್ಯಕೃತಂತತ॥ 8-14-13 (55562) ಸನ್ನಿವಾರ್ಯ ಮಹಾಬಾಣಾನ್ಸಹದೇವಃ ಪ್ರತಾಪವಾನ್। ಅಥಾಸ್ಮೈ ಸುಬಹೂನ್ಬಾಣಾನ್ಪ್ರೇಷಯಾಮಾಸ ಸಂಯುಗೇ॥ 8-14-14 (55563) ತಾನ್ವಾಣಾಂಸ್ತವ ಪುತ್ರೋಽಪಿ ಛಿತ್ತ್ವೈಕೈಕಂ ತ್ರಿಭಿಃ ಶರೈಃ। ನನಾದ ಸುಮಹಾನಾದಂ ನಾದಯಾನೋ ವಸುಂಧರಾಂ॥ 8-14-15 (55564) ತತೋ ದುಃಶಾಸನೋ ರಾಜಂದ್ವಾಭ್ಯಾಂ ಪಾಂಡುಸುತಂ ರಣೇ। ಸಾರಥಿಂ ನವಭಿರ್ಬಾಣೈರ್ಮಾದ್ರೋಯಸ್ಯ ಸಮಾಚಿನೋತ್॥ 8-14-16 (55565) ತತಃ ಕ್ರುದ್ಧೋ ಮಹಾರಾಜ ಸದಹೇವಃ ಪ್ರತಾಪವಾನ್। ಸಮಾಧತ್ತ ಶರಂ ಘೋರಂ ಮೃತ್ಯುಕಾಲಾಂತಕೋಪಮಂ॥ 8-14-17 (55566) ವಿಕೃಷ್ಯ ಬಲವಚ್ಚಾಪಂ ತವ ಪುತ್ರಾಯ ಸೋಽಸೃಜತ್। ಸ ತಂ ನಿರ್ಭಿದ್ಯ ವೇಗೇನ ಭಿತ್ತ್ವಾ ಚ ಕವಚಂ ಮಹತ್॥ 8-14-18 (55567) ಪ್ರಾವಿಶದ್ವರಣೀಂ ರಾಜನ್ವಲ್ಮೀಕಮಿವ ಪನ್ನಗಃ। ತತಃ ಸಂಮುಮುಹೇ ರಾಜಂಸ್ತವ ಪುತ್ರೋ ಮಹಾರಥಃ॥ 8-14-19 (55568) ಮೂಢಂ ಚೈನಂ ಸಮಾಲೋಕ್ಯ ಸಾರಥಿಸ್ತ್ವರಿತೋ ರಥಂ। ಅಪೋವಾಹ ಭೃಶಂ ತ್ರಸ್ತೋ ವಧ್ಯಮಾನಂ ಶಿತೈಃ ಶರೈಃ॥ 8-14-20 (55569) ಪರಾಜಿತ್ಯ ರಣೇ ತಂ ತು ಕೌರವ್ಯಂ ಪಾಂಡುನಂದನಃ। ದುರ್ಯೋಧನಬಲಂ ದೃಷ್ಟ್ವಾ ಪ್ರಮಮಾಥ ಸಮಂತತಃ॥ 8-14-21 (55570) ಪಿಪೀಲಿಕಪುಟಂ ರಾಜನ್ಯಥಾ ಮೃದ್ಗನ್ನರೋ ರುಷಾ। ತಥಾ ಸಾ ಕೌರವೀ ಸೇನಾ ಮೃದಿತಾ ತೇನ ಭಾರತ॥ ॥ 8-14-22 (55571) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಷೋಡಶದಿವಸಯುದ್ಧೇ ಚತುರ್ದಶೋಽಧ್ಯಾಯಃ॥ 14 ॥

8-15-0 (55572) ಸಂಜಯ ಉವಾಚ। 8-15-0x (4863) ನಕುಲಂ ರಭಸಂ ಯುದ್ಧೇ ದ್ರಾವಯಂತಂ ವರೂಥಿನೀಂ। ಕರ್ಣೋ ವೈಕರ್ತನೋ ರಾಜನ್ವಾರಯಾಮಾಸ ವೈ ರುಷಾ॥ 8-15-1 (55573) ನಕುಲಸ್ತು ತತಃ ಕರ್ಣಂ ಪ್ರಹಸನ್ನಿದಮಬ್ರವೀತ್॥ ಚಿರಸ್ಯ ಬತ ದೃಷ್ಟೋಽಹಂ ದೈವತೈಃ ಸೌಂಯಚಕ್ಷುಷಾ। 8-15-2 (55574) ಯಸ್ಯ ಮೇ ತ್ವಂ ರಣೇ ಪಾಪ ಚಕ್ಷುರ್ವಿಷಯಮಾಗತಃ॥ ತ್ವಂ ಹಿ ಮೂಲಮನರ್ಥಾನಾಂ ವೈರಸ್ಯ ಕಲಹಸ್ಯ ಚ। 8-15-3 (55575) ತ್ವದ್ದೋಷಾತ್ಕುರವಃ ಕ್ಷೀಣಾಃ ಸಮಾಸಾದ್ಯ ಪರಸ್ಪರಂ। ತ್ವಾಮದ್ಯ ಸಮರೇ ಹತ್ವಾ ಕೃತಕೃತ್ಯೋಽಸ್ಮಿ ವಿಜ್ವರಃ॥ 8-15-4 (55576) ಏವಮುಕ್ತಃ ಪ್ರತ್ಯುವಾಚ ನಕುಲಂ ಸೂತನಂದನಃ। ಸದೃಶಂ ರಾಜಪುತ್ರಸ್ಯ ಧನ್ವಿನಶ್ಚ ವಿಶೇಷತಃ॥ 8-15-5 (55577) ಪ್ರಹರಸ್ವ ಚ ಮೇ ವೀರ ಪಶ್ಯಾಮಸ್ತವ ಪೌರುಷಂ। ಕರ್ಮ ಕೃತ್ವಾ ರಮೇ ಶೂರ ತತಃ ಕತ್ಥಿತುಮರ್ಹಸಿ॥ 8-15-6 (55578) ಅನುಕ್ತ್ವಾ ಸಮರೇ ತಾತ ಶೂರಾ ಯುಧ್ಯಂತಿ ಶಕ್ತಿತಃ। ಪ್ರಯುಧ್ಯಸ್ವ ಮಯಾ ಶಕ್ತ್ಯಾ ಹನಿಷ್ಯೇ ದರ್ಪಮೇವ ತೇ॥ 8-15-7 (55579) ಇತ್ಯುಕ್ತ್ವಾ ಪ್ರಾಹರತ್ತೂರ್ಣಂ ಪಾಂಡುಪುತ್ರಾಯ ಸೂತಜಃ। ವಿವ್ಯಾಧ ಚೈನಂ ಸಮರೇ ತ್ರಿಸಪ್ತತ್ಯಾ ಶಿಲೀಮುಖೈಃ॥ 8-15-8 (55580) ನಕುಲಸ್ತು ತತೋ ವಿದ್ವಃ ಸೂತಪುತ್ರೇಣ ಭಾರತ। ಅಶೀತ್ಯಾಽಽಶೀವಿಷಪ್ರಖ್ಯೈಃ ಸೂತಪುತ್ರಮವಿಧ್ಯತ॥ 8-15-9 (55581) ತಸ್ಯ ಕರ್ಣೋ ಧನುಶ್ಛಿತ್ತ್ವಾ ಸ್ವರ್ಣಪುಂಖೈಃ ಶಿಲಾಶಿತೈಃ। ತ್ರಿಂಶತಾ ಪರಮೇಷ್ವಾಸಃ ಶರೈಃ ಪಾಂಡವಮರ್ದಯತ್॥ 8-15-10 (55582) ತೇ ತಸ್ಯ ಕವಚಂ ಭಿತ್ತ್ವಾ ಪಪುಃ ಶೋಣಿತಮಾಹವೇ। ಆಶೀವಿಷಾ ಯಥಾ ನಾಗಾ ಭಿತ್ತ್ವಾ ಗಾಂ ಸಲಿಲಂ ಪಪುಃ॥ 8-15-11 (55583) ಅಥಾನ್ಯದ್ವನುರಾದಾಯ ಹೇಮಪೃಷ್ಠಂ ದುರಾಸದಂ। ಕರ್ಣಂ ವಿವ್ಯಾಧ ಸಪ್ತತ್ಯಾ ಸಾರಥಿಂಚ ತ್ರಿಭಿಃ ಶರೈಃ॥ 8-15-12 (55584) ತತಃ ಕ್ರುದ್ಧೋ ಮಹಾರಾಜ ನಕುಲಃ ಪರವೀಹಾ। ಕ್ಷುರಪ್ರೇಣ ಸುತೀಕ್ಷ್ಣೇನ ಕರ್ಣಸ್ಯ ಧನುರಾಚ್ಛಿನತ್॥ 8-15-13 (55585) ಅಥೈನಂ ಛಿನ್ನಧನ್ವಾನಂ ಸಾಯಕಾನಾಂ ಶತೈಸ್ತ್ರಿಭಿಃ। ಆಜಘ್ನೇ ಪ್ರಹಸನ್ವೀರಃ ಸರ್ವಲೋಕಮಹಾರಥಂ॥ 8-15-14 (55586) ಕರ್ಣಮಭ್ಯರ್ದಿತಂ ದೃಷ್ಟ್ವಾ ಪಾಂಡುಪುತ್ರೇಣ ಮಾರಿಷ। ವಿಸ್ಮಯಂ ಪರಮಂ ಜಗ್ಮುರ್ಋಷಯಃ ಸಹ ದೈವತೈಃ॥ 8-15-15 (55587) ಅಥಾನ್ಯದ್ವನುರಾದಾಯ ಕರ್ಣೋ ವೈಕರ್ತನಸ್ತದಾ। ನಕುಲಂ ಪಂಛಭಿರ್ಬಾಣೈರ್ಜತ್ರುದೇಶೇ ಸಮಾರ್ಪಯತ್॥ 8-15-16 (55588) ಉರಸ್ಥೈರಥ ತೈರ್ಬಾಣೈರ್ಮಾದ್ರೀಪುತ್ರೋ ವ್ಯರೋಚತ। ಸ್ವರಶ್ಮಿಭಿರಿವಾದಿತ್ಯೋ ಭುವನೇ ವಿಸೃಜನ್ಪ್ರಭಾಂ॥ 8-15-17 (55589) ನಕುಲಸ್ತು ತತಃ ಕರ್ಣಂ ವಿದ್ವ್ವಾ ಸಪ್ತಭಿರಾಶುಗೈಃ। ಅಥಾಸ್ಯ ಧನುಷಃ ಕೋಟಿಂ ಪುನಶ್ಚಿಚ್ಛೇದ ಮಾರಿಷ॥ 8-15-18 (55590) ಸೋಽನ್ಯತ್ಕಾರ್ಮುಕಮಾದಾಯ ಸಮರೇ ವೇಗವತ್ತರಂ। ನಕುಲಸ್ಯ ತತೋ ಬೈಣೈಃ ಸಮಂತಾಚ್ಛಾದಯದ್ದಿಶಃ॥ 8-15-19 (55591) ಸಂಛಾದ್ಯಮಾನಃ ಸಹಸಾ ಕರ್ಣಚಾಪ್ಯುತೈಃ ಸರೈಃ। ಚಿಚ್ಛೇದ ಸ ಶರಾಂಸ್ತೂರ್ಣಂ ಶರೈರೇವ ಮಹಾರಥಃ॥ 8-15-20 (55592) ತತೋ ಬಾಣಮಯಂ ಜಾಲಂ ವಿತತಂ ವ್ಯೋಂನ್ಯದೃಶ್ಯತ। ಖದ್ಯೋತಾನಾಮಿವ ವ್ರಾತೈಃ ಸಂಪತದ್ಭಿರ್ಯಥಾ ನಭಃ॥ 8-15-21 (55593) ತೈರ್ವಿಮುಕ್ತೈಃ ಶರಶತೈಶ್ಛಾದಿತಂ ಗಗನಂ ತದಾ। ಶಲಭಾನಾಂ ಯಥಾ ವ್ರಾತೈಸ್ತದ್ವದಾಸೀದ್ವಿಶಾಂಪತೇ॥ 8-15-22 (55594) ತೇ ಶರಾ ಹೇಮವಿಕೃತಾಃ ಸಂಪಂತೌ ಮುಹುರ್ಮುಹುಃ। ಶ್ರೇಣೀಕೃತಾ ವ್ಯಕಾಶಾಂತ ಕ್ರೌಂಚಾಃ ಶ್ರೇಣೀಕೃತಾ ಇವ॥ 8-15-23 (55595) ಬಾಣಜಾಲವೃತೇ ವ್ಯೋಂನಿ ಚ್ಛಾದಿತೇ ಚ ದಿವಾಕರೇ। ನ ಸ್ಮ ಸಂಪತತೇ ಭೂತಂ ಕಿಂಚಿದಪ್ಯಂತರಿಕ್ಷಗಂ॥ 8-15-24 (55596) ನಿರುದ್ವೇ ತತ್ರ ಮಾರ್ಗೇ ಚ ಶರಸಂಘೈಃ ಸಮಂತತಃ। ವ್ಯರೋಚೇತಾಂ ಮಹಾತ್ಮಾನೌ ಕಾಲಸೂರ್ಯಾವಿವೋದಿತೌ॥ 8-15-25 (55597) ಕರ್ಣಚಾಪಚ್ಯುತೈರ್ಬಾಣೈರ್ವಧ್ಯಮಾನಾಸ್ತು ಸೋಮಕಾಃ। ಅವಾಲೀಯಂತ ರಾಜೇಂದ್ರ ವೇದನಾರ್ತಾ ಭೂಶಾರ್ದಿತಾಃ॥ 8-15-26 (55598) ನಕುಲಸ್ಯ ತಥಾ ಬಾಣೈರ್ಹನ್ಯಮಾನಾ ಚಮೂಸ್ತವ। ವ್ಯಶೀರ್ಯತ ದಿಶೋ ರಾಜನ್ವಾತನುನ್ನಾ ಇವಾಂಬುದಾಃ॥ 8-15-27 (55599) ತೇ ಸೇನೇ ಹನ್ಯಮಾನೇ ತು ತಾಭ್ಯಾಂ ದಿವ್ಯೈರ್ಮಹಾಶರೈಃ। ಶರಪಾತಮಪಾಕ್ರಂಯ ತಸ್ಥತುಃ ಪ್ರೇಕ್ಷಿಕೇ ತದಾ॥ 8-15-28 (55600) ಪ್ರೋತ್ಸಾರಿತಜನೇ ತಸ್ಮಿನ್ಕರ್ಣಪಾಂಡವಯೋಃ ಶರೈಃ। ಅವಿಧ್ಯೇತಾಂ ಮಹಾತ್ಮಾನಾವನ್ಯೋನ್ಯಂ ಶರವೃಷ್ಟಿಭಿಃ॥ 8-15-29 (55601) ವಿದರ್ಶಯಂತೌ ದಿವ್ಯಾನಿ ಶಸ್ತ್ರಾಣಿ ರಣಮೂರ್ಧನಿ। ಛಾದಯಂತೌ ಚ ಸಹಸಾ ಪರಸ್ಪರವಧೈಷಿಣೌ॥ 8-15-30 (55602) ನಕುಲೇನ ಶರಾ ಮುಕ್ತಾ ಕಂಕಬರ್ಹಿಣವಾಸಸಃ। ಸೂತಪುತ್ರಮವಚ್ಛಾದ್ಯ ವ್ಯತಿಷ್ಠಂತ ಯಥಾಽಂಬರೇ॥ 8-15-31 (55603) ತಥೈವ ಸೂತಪುತ್ರೇಣ ಪ್ರೇಷಿತಾಃ ಪರಮಾಹವೇ। ಪಾಂಡುಪುತ್ರಮವಚ್ಛಾದ್ಯ ವ್ಯತಿಷ್ಠಂತಾಂಬರೇ ಶರಾಃ॥ 8-15-32 (55604) ಶರವೇಶ್ಮಪ್ರವಿಷ್ಟೌ ತೌ ದದೃಶಾತೇ ನ ಕೈಶ್ಚನ। ಸೂರ್ಯಾಚಂದ್ರಮಸೌ ರಾಜಂಛಾದ್ಯಮಾನೌ ಘನೈರಿವ॥ 8-15-33 (55605) ತತಃ ಕ್ರುದ್ಧೋ ರಣೇ ಕರ್ಣಃ ಕೃತ್ವಾ ಘೋರತರಂ ವಪುಃ। ಪಾಂಡವಂ ಛಾದಯಾಮಾಸ ಸಮಂತಾಚ್ಛರವೃಷ್ಟಿಭಿಃ॥ 8-15-34 (55606) ಸೋಽತಿಚ್ಛನ್ನೋ ಮಹಾರಾಜ ಸೂತಪುತ್ರೇಣ ಪಾಂಡವಃ। ನ ಚಕಾರ ವ್ಯಥಾಂ ರಾಜನ್ಭಾಸ್ಕರೋ ಜಲದೈರ್ಯಥಾ॥ 8-15-35 (55607) ತತಃ ಪ್ರಹಸ್ಯಾಧಿರಥಿಃ ಶರಜಾಲಾನಿ ಮಾರಿಷ। ಪ್ರೇಷಯಾಮಾಸ ಸಮರೇ ಶತಶೋಽಥ ಸಹಸ್ರಶಃ॥ 8-15-36 (55608) ಏಕಚ್ಛಾಯಮಭೂತ್ಸರ್ವಂ ತಸ್ಯ ಬಾಣೈರ್ಮಹಾತ್ಮನಃ॥ ಅಭ್ರಚ್ಛಾಯೇವ ಸಂಜಜ್ಞೇ ಸಂಪತದ್ಭಿಃ ಶರೋತ್ತಮೈಃ॥ 8-15-37 (55609) ತತಃ ಕರ್ಣೋ ಮಹಾರಾಜ ಧನುಶ್ಛಿತ್ತ್ವಾ ಮಹಾತ್ಮನಃ। ಸಾರಥಿಂ ಪಾತಯಾಮಾಸ ರಥನೀಡಾದ್ವಸನ್ನಿವ॥ 8-15-38 (55610) ತತೋಽಶ್ವಾಂಶ್ಛತುರಶ್ಚಾಸ್ಯ ಚತುರ್ಭಿರ್ನಿಶಿತೈಃ ಶರೈಃ। ಯಮಸ್ಯ ಭವನಂ ತೂರ್ಣಂ ಪ್ರೇಷಯಾಮಾಸ ಭಾರತ॥ 8-15-39 (55611) ಅಥಾಸ್ಯ ತಂ ರಥಂ ದಿವ್ಯಂ ತಿಲಶೋ ವ್ಯಧಮಚ್ಛರೈಃ। ಪತಾಕಾಂ ಚಕ್ರರಕ್ಷಾಂಶ್ಚ ಗದಾಂ ಖಂಗಂ ಚ ಮಾರಿಷ॥ 8-15-40 (55612) ಶತಚಂದ್ರಂ ಚ ತಚ್ಚರ್ಮ ಸರ್ವಾಪಕರಣಾನಿ ಚ। `ಸುವರ್ಣವಿಕೃತಂ ತಚ್ಚ ಧನುಃ ಶರಮಾಹವೇ'॥ 8-15-41 (55613) ಹತಾಶ್ವೋ ವಿರಥಶ್ಚೈವ ವಿವರ್ಮಾ ಚ ವಿಶಾಂಪತೇ। ಅವತೀರ್ಯ ರಥಾತ್ತೂರ್ಣಂ ಪರಿಘಂ ಗೃಹ್ಯ ಧಿಷ್ಠಿತಃ॥ 8-15-42 (55614) ತಮುದ್ಯತಂ ಮಹಾರಘೋರಂ ಪರಿಘಂ ತಸ್ಯ ಸೂತಜಃ। ವ್ಯಹನತ್ಸಾಯಕೈ ರಾಜನ್ಸುತೀಕ್ಷ್ಣೈರ್ಭಾರಸಾಧನೈಃ॥ 8-15-43 (55615) ವ್ಯಾಯುಧಂ ಚೈನಮಾಲಕ್ಷ್ಯ ಶರೈಃ ಸನ್ನತಪರ್ವಭಿಃ। ಆರ್ಪಯದ್ಬಹುಭಿಃ ಕರ್ಣೋ ನ ಚೈನಂ ಸಮಪೀಡಯತ್॥ 8-15-44 (55616) ಸ ಹನ್ಯಮಾನಃ ಸಮರೇ ಕೃತಾಸ್ತ್ರೇಣ ಬಲೀಯಸಾ। ಪ್ರಾದ್ರವತ್ಸಹಸಾ ರಾಜನ್ನಕುಲೋ ವ್ಯಾಕುಲೇಂದ್ರಿಯಃ॥ 8-15-45 (55617) ತಮಭಿದ್ರುತ್ಯ ರಾಧೇಯಃ ಪ್ರಹಸನ್ವೈ ಪುನಃಪುನಃ। ಸಜ್ಯಮಸ್ಯ ಧನುಃ ಕಂಠೇ ವ್ಯವಾಸೃಜತ ಭಾರತ॥ 8-15-46 (55618) ತತಃ ಸ ಶುಶುಭೇ ರಾಜನ್ಕಂಠಾಸಕ್ತಮಹಾಧನುಃ। ಪರಿವೇಷಮನುಪ್ರಾಪ್ತೋ ಯಥಾ ಸ್ಯಾದ್ವ್ಯೋಂನಿ ಚಂದ್ರಮಾಃ॥ 8-15-47 (55619) ಯಥೈವ ಚಾಸಿತೋ ಮೇಘಃ ಶಕ್ರಚಾಪೇನ ಶೋಭಿತಃ। `ಅಶೋಭತ ಮಹಾರಾಜ ಪಾಂಡುಪುತ್ರಸ್ತಥಾ ರಣೇ'॥ 8-15-48 (55620) ತಮಬ್ರವೀತ್ತತಃ ಕರ್ಣೋ ವ್ಯರ್ಥಂ ವ್ಯಾಹೃತವಾನಸಿ। ವದೇದಾನೀಂ ಪುನರ್ಹೃಷ್ಟೋ ವಧ್ಯಮಾನಃ ಪುನಃಪುನಃ॥ 8-15-49 (55621) ಮಾ ಯೋತ್ಸೀಃ ಕುರುಭಿಃ ಸಾರ್ಧಂ ಬಲವದ್ಭಿಶ್ಚ ಪಾಂಡವ। ಸದೃಶೈಸ್ತಾತ ಯುಧ್ಯಸ್ವ ವ್ರೀಡಾಂ ಮಾ ಕುರು ಪಾಂಡವ॥ 8-15-50 (55622) ಗೃಹಂ ವಾ ಗಚ್ಛ ಮಾದ್ರೇಯ ಯತ್ರ ವಾ ಕೃಷ್ಣಫಲ್ಗುನೌ। ಏವಮುಕ್ತ್ವಾ ಮಹಾರಾಜ ವಿಸಸರ್ಜ ಸ ತಂ ತದಾ॥ 8-15-51 (55623) ವಧಪ್ರಾಪ್ತಂ ತು ತಂ ಶೂರೋ ನಾಹನದ್ವರ್ಮವಿತ್ತದಾ। ಸ್ಮೃತ್ವಾ ಕುಂತ್ಯಾ ವಚೋ ರಾಜಂಸ್ತತ ಏನಂ ವ್ಯಸರ್ಜಯತ್॥ 8-15-52 (55624) ವಿಸೃಷ್ಟಃ ಪಾಂಡವೋ ರಾಜನ್ಸೂತಪುತ್ರೇಣ ಧನ್ವಿನಾ। ವ್ರೀಡನ್ನಿವ ಜಗಾಮಾಥ ಯುಧಿಷ್ಠಿರರಥಂ ಪ್ರತಿ॥ 8-15-53 (55625) ಆರುರೋಹ ರಥಂ ಚಾಪಿ ಸೂತಪುತ್ರಪ್ರತಾಪಿತಃ। ನಿಃಶ್ವಸಂದುಃಖಸಂತಪ್ತಃ ಕುಂಭಕ್ಷಿಪ್ತ ಇವೋರಗಃ॥ 8-15-54 (55626) ತಂ ವಿಜಿತ್ಯಾಥ ಕರ್ಣೋಽಪಿ ಪಾಂಚಾಲಾಂಸ್ತ್ವರಿತೋ ಯಯೌ। ರಥೇನಾತಿಪತಾಕೇನ ಚಂದ್ರವರ್ಣಹಯೇನ ಚ॥ 8-15-55 (55627) ತತ್ರಾಕ್ರಂದೋ ಮಹಾನಾಸೀತ್ಪಾಂಡವಾನಾಂ ವಿಶಾಂಪತೇ। ದೃಷ್ಟ್ವಾ ಸೇನಾಪತಿಂ ಯಾಂತಂ ಪಾಂಚಾಲಾನಾಂ ರಥವ್ರಜಾನ್॥ 8-15-56 (55628) ತತ್ರಾಕರೋನ್ಮಹಾರಾಜ ಕದನಂ ಸೂತನಂದನಃ। ಮಧ್ಯಂ ಪ್ರಾಪ್ತೇ ದಿನಕರೇ ಚಕ್ರವದ್ವಿಚರನ್ಪ್ರಭುಃ॥ 8-15-57 (55629) ಭಗ್ನಚಕ್ರೈ ರಥೈಃ ಕೈಶ್ಚಿಚ್ಛಿನ್ನಧ್ಯವಜಪತಾಕಿಭಿಃ। ಹತಾಶ್ವೈರ್ಹತಸೂತೈಶ್ಚ ಭಗ್ನಾಕ್ಷೈಶ್ಚೈವ ಮಾರಿಷ। ಹಿಯಮಾಣಾನಪಶ್ಯಾಮ ಪಾಂಚಾಲಾನಾಂ ರಥವ್ರಜಾನ್॥ 8-15-58 (55630) ತತ್ರತತ್ರ ಚ ಸಂಭ್ರಾಂತಾ ವಿಚೇರುರಥ ಕುಂಜರಾಃ। ದಾವಾಗ್ನ್ಯಭಿಪರೀತಾಂಗಾ ಯಥೈವ ಸ್ಯುರ್ಮಹಾವನೇ॥ 8-15-59 (55631) ಭಿನ್ನಕುಂಭಾಃ ಸರುಧಿರಾಶ್ಛಿನ್ನಹಸ್ತಾಶ್ಚ ವಾರಣಾಃ। ಛಿನ್ನಗಾತ್ರಾವರಾಶ್ಚೈವ ಚ್ಛಿನ್ನವಾಲಧಯೋಽಪರೇ। ಛಿನ್ನಾಭ್ರಾಣೀವ ಸಂಪೇತುರ್ಹನ್ಯಮಾನಾ ಮಹಾತ್ಮನಾ॥ 8-15-60 (55632) ಅಪರೇ ತ್ರಾಸಿತಾ ನಾಗಾ ನಾರಾಚಶರತೋಮರೈಃ। ತಮೇವಾಭಿಮುಖಂ ಜಗ್ಮುಃ ಶಲಭಾ ಇವ ಪಾವಕಂ॥ 8-15-61 (55633) ಅಪರೇ ನಿಷ್ಟನಂತಶ್ಚ ವ್ಯದೃಶ್ಯಂತ ಮಹಾದ್ವಿಪಾಃ। ಕ್ಷರಂತಃ ಶೋಣಿತಂ ಗಾತ್ರೈರ್ನಗಾ ಇವ ಜಲಸ್ರವಾಃ॥ 8-15-62 (55634) ಉರಶ್ಛದೈರ್ವಿಯುಕ್ತಾಂಶ್ಚ ವಾಲಬಂಧೈಶ್ಚ ವಾಜಿನಃ। ರಾಜತೈಶ್ಚ ತಥಾ ಕಾಂಸ್ಯೈಃ ಸೌವರ್ಣೈಶ್ಚೈವ ಭೂಷಣೈಃ॥ 8-15-63 (55635) ಹೀನಾಂಶ್ಚಾಭರಣೈಶ್ಚೈವ ಖಲೀನೈಶ್ಚ ವಿವರ್ಜಿತಾನ್। ಚಾಮರೈಶ್ಚ ಕುಥಾಭಿಶ್ಚ ತೂಣೀರೈಃ ಪತಿತೈರಪಿ॥ 8-15-64 (55636) ನಿಹತೈಃ ಸಾದಿಭಿಶ್ಚೈವ ಶೂರೈರಾಹವಶೋಭಿತೈಃ। ಅಪಶ್ಯಾಮ ರಣೇ ತತ್ರ ಭ್ರಾಂಯಮಾಣಾನ್ಹಯೋತ್ತಮಾನ್॥ 8-15-65 (55637) ಪ್ರಾಸೈಃ ಖಂಗೈಶ್ಚ ರಹಿತಾನೃಷ್ಟಿಭಿಶ್ಚಾಪಿ ಭಾರತ। ಹಯಸಾದೀನಪಶ್ಯಾಮ ಕಂಚುಕೋಷ್ಣೀಷಧಾರಿಣಃ॥ 8-15-66 (55638) ನಿಹತಾನ್ವಧ್ಯಮಾನಾಂಶ್ಚ ವೇಪಮಾನಾಂಶ್ಚ ಭಾರತ। ನಾಗಾಂಗಾವಯವೈರ್ಹೀನಾಂಸ್ತತ್ರತತ್ರೈವ ಭಾರತ॥ 8-15-67 (55639) ರಥಾನ್ಹೇಮಪರಿಷ್ಕಾರಾನ್ಸಂಯುಕ್ತಾಂಜವನೈರ್ಹಯೈಃ। ಭ್ರಾಂಯಮಾಣಾನಪಶ್ಯಾಮ ಹತೇಷು ರಥಿಷು ದ್ರುತಂ॥ 8-15-68 (55640) ಭಗ್ನಾಕ್ಷಕೂಬರಾನ್ಕಾಂಶ್ಚಿದ್ಭಗ್ನಚಕ್ರಾಂಶ್ಚ ಭಾರತ। ವಿಪತಾಕಧ್ವಜಾಂಶ್ಚಾನ್ಯಾಂಛಿನ್ನೇಷಾದಂಡಬಂಧುರಾನ್॥ 8-15-69 (55641) ವಿಹೀನಾನ್ರಥಿನಸ್ತತ್ರ ಧಾವಮಾನಾಂಸ್ತತಸ್ತತಃ। ಸೂತಪುತ್ರಶರೈಸ್ತೀಕ್ಷ್ಣೈರ್ಹನ್ಯಮಾನಾನ್ವಿಶಾಂಪತೇ॥ 8-15-70 (55642) ವಿಶಸ್ತ್ರಾಂಶ್ಚ ತಥೈವಾನ್ಯಾನ್ಸಶಸ್ತ್ರಾಂಶ್ಚ ಹತಾನ್ಬಹೂನ್। ತಾರಕಾಜಾಲಸಂಛನ್ನಾನ್ವರಘಂಟಾವಿಶೋಭಿತಾನ್॥ 8-15-71 (55643) ನಾನಾವರ್ಣವಿಚಿತ್ರಾಭಿಃ ಪತಾಕಾಭಿರಲಂಕೃತಾನ್। ವಾರಮಆನನುಪಶ್ಯಾಮ ಧಾವಮಾನಾನ್ಸಮಂತತಃ॥ 8-15-72 (55644) ಶಿರಾಂಸಿ ಬಾಹೂನೂರೂಂಶ್ಚ ಚ್ಛಿನ್ನಾನನ್ಯಾಂಸ್ತಥೈವ ಚ। ಕರ್ಣಚಾಪಚ್ಯುತೈರ್ಬಾಣೈರಪಶ್ಯಾಮ ಸಮಂತತಃ॥ 8-15-73 (55645) ಮಹಾನ್ವ್ಯತಿಕರೋ ರೌದ್ರೋ ಯೋಧಾನಾಮನ್ವಪದ್ಯತ। ಕರ್ಣಸಾಯಕನುನ್ನಾನಾಂ ಯುಧ್ಯತಾಂ ಚ ಶಿತೈಃ ಶರೈಃ॥ 8-15-74 (55646) ತೇ ವಧ್ಯಮಾನಾಃ ಸಮರೇ ಸೂತಪುತ್ರೇಣ ಸೃಂಜಯಾಃ। ತಮೇವಾಭಿಮುಖಂ ಯಾಂತಿ ಪತಂಗಾ ಇವ ಪಾವಕಂ॥ 8-15-75 (55647) ತಂ ದಹಂತಮನೀಕಾನಿ ತತ್ರತತ್ರ ಮಹಾರಥಂ। ಕ್ಷತ್ರಿಯಾ ವರ್ಜಯಾಮಾಸುರ್ಯುಗಾಂತಾಗ್ನಿಮಿವೋಲ್ಬಣಂ॥ 8-15-76 (55648) ಹತಶೇಷಾಸ್ತು ಯೇ ವೀರಾಃ ಪಾಂಚಾಲಾನಾಂ ಮಹಾರಥಾಃ। ತಾನ್ಪ್ರಭಗ್ರಾಂದುತಾನ್ವೀರಃ ಪೃಷ್ಠೋ ವಿಕಿರ಼ಂಛರೈಃ। ಅಭ್ಯಧಾವತ ತೇಜಸ್ವೀ ವಿಶೀರ್ಣವಚನಧ್ವಜಾನ್॥ 8-15-77 (55649) ತಾಪಯಾಮಾಸ ತಾನ್ಬಾಣೈಃ ಸೂತಪುತ್ರೋ ಮಹಾಬಲಃ। ಮಧ್ಯಂದಿನಮನುಪ್ರಾಪ್ತೋ ಭೂತಾನೀವ ತಮೋನುದಃ॥ ॥ 8-15-78 (55650) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಷೋಡಶದಿವಸಯುದ್ಧೇ ಪಂಚದಶೋಽಧ್ಯಾಯಃ॥ 15 ॥

8-16-0 (55651) ಸಂಜಯ ಉವಾಚ। 8-16-0x (4864) ಯುಯುತ್ಸಂ ತವ ಪುತ್ರಸ್ಯ ದ್ರಾವಯಂತಂ ಬಲಂ ಮಹತ್। ಉಲೂಕೋ ನ್ಯಪತತ್ತೂರ್ಣಂ ತಿಷ್ಠತಿಷ್ಠೇತಿ ಚಾಬ್ರವೀತ್॥ 8-16-1 (55652) ಯುಯುತ್ಸುಶ್ಚ ತತೋ ರಾಜಞ್ಶಿತಧಾರೇಣ ಪತ್ರಿಣಾ। ಉಲೂಕಂ ತಾಡಯಾಮಾಸ ವಜ್ರೇಣೇವ ಮಹಾಬಲಂ॥ 8-16-2 (55653) ಉಲೂಕಸ್ತು ತತಃ ಕ್ರುದ್ಧಸ್ತವ ಪುತ್ರಸ್ಯ ಸಂಯುಗೇ। ಕ್ಷುರಪ್ರೇಣ ಧನುಶ್ಛಿತ್ತ್ವಾ ತಾಡಯಾಮಾಸ ಕರ್ಣಿನಾ॥ 8-16-3 (55654) ತದಪಾಸ್ಯ ಧನುಶ್ಛಿನ್ನಂ ಯುಯುತ್ಸರ್ವೇಗವತ್ತರಂ। ಅನ್ಯದಾದತ್ತ ಸುಮಹಚ್ಚಾಪಂ ಸಂರಕ್ತಲೋಚನಃ॥ 8-16-4 (55655) ಶಾಕುನಿಂ ತು ತತಃ ಷಷ್ಟ್ಯಾ ವಿವ್ಯಾಧ ಭರತರ್ಷಭ। ಸಾರಥಿಂ ತ್ರಿಭಿರಾನರ್ಚ್ಛತ್ತಂ ಚ ಭೂಯೋ ವ್ಯವಿಧ್ಯತ॥ 8-16-5 (55656) ಉಲೂಕಸ್ತಂ ತು ವಿಂಶತ್ಯಾ ವಿದ್ವ್ವಾ ಸ್ವರ್ಣವಿಭೂಷಿತೈಃ। ಅಥಾಸ್ಯ ಸಮರೇ ಕ್ರುದ್ಧೋ ಧ್ವಜಂ ಚಿಚ್ಛೇದ ಕಾಂಚನಂ॥ 8-16-6 (55657) ಸ ಚ್ಛಿನ್ನಯಷ್ಟಿಃ ಸುಮಹಾಞ್ಶೀರ್ಯಮಾಣೋ ಮಹಾಧ್ವಜಃ। ಪಪಾತ ಪ್ರಮುಖೇ ರಾಜನ್ಯುಯುತ್ಸೋಃ ಕಾಂಚನಧ್ವಜಃ॥ 8-16-7 (55658) ಧ್ವಜಮುನ್ಮಥಿತಂ ದೃಷ್ಟ್ವಾ ಯುಯುತ್ಸುಃ ಕ್ರೋಧಮೂರ್ಚ್ಛಿತಃ। ಉಲೂಕಂ ಪಂಚಭಿರ್ಬಾಣೈರಾಜಘಾನ ಸ್ತನಾಂತರೇ॥ 8-16-8 (55659) ಉಲೂಕಸ್ತಸ್ಯ ಸಮರೇ ತೈಲಧೌತೇನ ಮಾರಿಷ। ಶಿರಶ್ಚಿಚ್ಛೇದ ಭಲ್ಲೇನ ಯಂತುರ್ಭರತಸತ್ತಮ॥ 8-16-9 (55660) ತಚ್ಛಿನ್ನಮಪತದ್ಭೂಮೌ ಯುಯುತ್ಸೋಃ ಸಾರಥೇಸ್ತದಾ। ತಾರಾರೂಪಂ ಯಥಾ ಚಿತ್ರಂ ನಿಪಪಾತ ಮಹೀತಲೇ॥ 8-16-10 (55661) ಜಘಾನ ಚತುರೋಽಶ್ವಾಂಶ್ಚ ತಂ ಚ ವಿವ್ಯಾಧ ಪಂಚಭಿಃ। ಸೋಽತಿವಿದ್ವೋ ಬಲವತಾ ಪ್ರತ್ಯಪಾಯಾದ್ರಥಾಂತರಂ॥ 8-16-11 (55662) ತಂ ನಿರ್ಜಿತ್ಯ ರಣೇ ರಾಜನ್ನುಲೂಕಸ್ತ್ವರಿತೋ ಯಯೌ। ಪಾಂಚಾಲಾನ್ಸೃಂಜಯಾಂಶ್ಚೈವ ವಿನಿಘ್ನನ್ನಿಶಿತೈಃ ಶರೈಃ॥ 8-16-12 (55663) ಶತಾನೀಕಂ ಮಹಾರಾಜ ಶ್ರುತಕರ್ಮಾ ಸುತಸ್ತವ। ವ್ಯಶ್ವಸೂತರಥಂ ಚಕ್ರೇ ನಿಮೇಷಾರ್ಧಾದಸಂಭ್ರಮಃ॥ 8-16-13 (55664) ಹತಾಶ್ವೇ ತು ರಥೇ ತಿಷ್ಠಞ್ಶತಾನೀಕೋ ಮಹಾರಥಃ। ಗದಾಂ ಚಿಕ್ಷೇಪ ಸಂಕ್ರುದ್ಧಸ್ತವ ಪುತ್ರಸ್ಯ ಮಾರಿಷ॥ 8-16-14 (55665) ಸಾ ಕೃತ್ವಾ ಸ್ಯಂದನಂ ಭಸ್ಮ ಹಯಾಂಶ್ಚೈವ ಸಸಾರಥೀನ್। ಪಪಾತ ಧರಣೀಂ ತೂರ್ಣಂ ದಾರಯಂತೀವ ಭಾರತ॥ 8-16-15 (55666) ತಾವುಭೌ ವಿರಥೌ ವೀರೌ ಕುರೂಣಾಂ ಕೀರ್ತಿವರ್ಧನೌ। ವ್ಯಪಾಕ್ರಮೇತಾಂ ಯುದ್ವಾತ್ತು ಪ್ರೇಕ್ಷಮಾಣೌ ಪರಸ್ಪರಂ॥ 8-16-16 (55667) ಪುತ್ರಸ್ತು ತವ ಸಂಭ್ರಾಂತೋ ವಿವಿಂಶೋ ರಥಮಾರುಹತ್। ಶತಾನೀಕೋಽಪಿ ತ್ವರಿತಃ ಪ್ರತಿವಿಂಧ್ಯರಥಂ ಗತಃ॥ 8-16-17 (55668) ಸುತಮೋಮಂ ತು ಶಕುನಿರ್ವಿದ್ವ್ವಾ ತು ನಿಶಿತೈಃ ಶರೈಃ। ನಾಕಂಪಯತ ಸಂಕ್ರುದ್ವೋ ವಾರ್ಯೋಘ ಇವ ಪರ್ವತಂ॥ 8-16-18 (55669) ಸುತಸೋಮಸ್ತು ತಂ ದೃಷ್ಟ್ವಾ ಪಿತುರತ್ಯಂತವೈರಿಣಂ। ಶರೈರನೇಕಸಾಹಸ್ರೈಶ್ಛಾದಯಾಮಾಸ ಭಾರತ॥ 8-16-19 (55670) ತಾಞ್ಶರಾಞ್ಶಕುನಿಸ್ತೂರ್ಣಂ ಚಿಚ್ಛೇದಾನ್ಯೈಃ ಪತತ್ರಿಭಿಃ। ಲಘ್ವಸ್ತ್ರಶ್ಚಿತ್ರಯೋಧೀ ಚ ಜಿತಕಾಶೀ ಚ ಸಂಯುಗೇ॥ 8-16-20 (55671) ನಿವಾರ್ಯ ಸಮರೇ ಚಾಪಿ ಶರಾಂಸ್ತಾನ್ನಿಶಿತೈಃ ಶರೈಃ। ಆಜಘಾನ ಸುಸಂಕ್ರುದ್ಧಃ ಸುತಸೋಮಂ ತ್ರಿಭಿಃ ಶರೈಃ॥ 8-16-21 (55672) `ನಾಕಂಪಯತ ಸಂಕ್ರುದ್ಧೋ ವಾರ್ಯೋಘ ಇವ ಪರ್ವತಂ'। ತಸ್ಯಾಶ್ವಾನ್ಕೇತನಂ ಸೂತಂ ತಿಲಶೋ ವ್ಯಧಮಚ್ಛರೈಃ। ಶ್ಯಾಲಸ್ತವ ಮಹಾರಾಜ ತತ ಉಚ್ಚುಕ್ರುಶುರ್ಜನಾಃ॥ 8-16-22 (55673) ಹತಾಶ್ವೋ ವಿರಥಶ್ಚೈವ ಛಿನ್ನಕೇತುಶ್ಚ ಮಾರಿಷ। ಧನ್ವೀ ಧನುರ್ವರಂ ಗೃಹ್ಯ ರಥಾದ್ಭೂಮಾವತಿಷ್ಠತ॥ 8-16-23 (55674) ವ್ಯಸೃಜತ್ಸಾಯಕಾಂಶ್ಚೈವ ಸ್ವರ್ಣಪುಂಖಾಞ್ಶಿಲಾಶಿತಾನ್। ಛಾದಯಾಮಾಸುರಥ ತೇ ತವ ಶ್ಯಾಲಸ್ಯ ತಂ ರಥಂ। ಶಳಭಾನಾಮಿವ ವ್ರಾತಾಃ ಶರವ್ರಾತಾ ಮಹಾರಥಂ॥ 8-16-24 (55675) ಸಂಛಾದ್ಯಮಾನೋಽಪಿ ದೃಢಂ ವಿವ್ಯಥೇ ನೈವ ಸೌಬಲಃ। ಪ್ರಮಮಾಥ ಶರಾಂಸ್ತಸ್ಯ ಶರವ್ರಾತೈರ್ಮಹಾಯಶಾಃ॥ 8-16-25 (55676) ತತ್ರಾತುಷ್ಯಂತ ಯೋಧಾಶ್ಚ ಸಿದ್ವಾಶ್ಚಾಪಿ ದಿವಿ ಸ್ಥಿತಾಃ। ಸುತಸೋಮಸ್ಯ ತತ್ಕರ್ಮ ದೃಷ್ಟ್ವಾಽಶ್ರದ್ವೇಯಮದ್ಭುತಂ। ರಥಸ್ಥಂ ಶಕುನಿಂ ಯತ್ತು ಪದಾತಿಃ ಸಮಯೋಧಯತ್॥ 8-16-26 (55677) ತಸ್ಯ ತೀಕ್ಷ್ಣೈರ್ಮಹಾವೇಗೈರ್ಭಲ್ಲೈಃ ಸನ್ನತಪರ್ವಭಿಃ। ವ್ಯಹನತ್ಕಾರಾಮುಕಂ ರಾಜಂಸ್ತೂಣೀರಾಂಶ್ಚೈವ ಸರ್ವಶಃ॥ 8-16-27 (55678) ಸ ಚ್ಛಿನ್ನಧನ್ವಾ ವಿರಥಃ ಖಂಗಮುದ್ಯಂಯ ಚಾನದತ್। ವೈದೂರ್ಯೋತ್ಪಲವರ್ಣಾಭಂ ದಂತಿದಂತಮಯತ್ಸರುಂ॥ 8-16-28 (55679) ಭ್ರಾಂಯಮಾಣಂ ತತಸ್ತಂ ತು ವಿಮಲಾಂಬರವರ್ಚಸಂ। ಕಾಲದಂಡೋಪಮಂ ಮೇನೇ ಸುತಸೋಮಸ್ಯ ಧೀಮತಃ॥ 8-16-29 (55680) ಸೋಽಚರತ್ಸಹಸಾ ಖಂಗೀ ಮಂಡಲಾನಿ ಸಹಸ್ರಶಃ। ಚತುರ್ದಶ ಮಹಾರಾಜ ಶಿಕ್ಷಾಬಲಸಮನ್ವಿತಃ॥ 8-16-30 (55681) ಭ್ರಾಂತಮುದ್ಧಾಂತಮಾವಿದ್ಧಮಾಪ್ಲುತಂ ವಿಪ್ಲುತಂ ಸೃತಂ। ಸಂಪಾತಸಮುದೀರ್ಣೇ ಚ ದರ್ಶಯಾಮಾಸ ಸಂಯುಗೇ॥ 8-16-31 (55682) ಸೌಬಲಸ್ತು ತತಸ್ತಸ್ಯ ಶರಾಂಶ್ಚಿಕ್ಷೇಪ ವೀರ್ಯವಾನ್। ತಾನಾಪತತ ಏವಾಶು ಚಿಚ್ಛೇದ ಪರಮಾಸಿನಾ॥ 8-16-32 (55683) ತತಃ ಕ್ರುದ್ಧೋ ಮಹಾರಾಜ ಸೌಬಲಃ ಪರವೀರಹಾ। ಪ್ರಾಹಿಣೋತ್ಸುತಸೋಮಾಯ ಶರಾನಾಶೀವಿಷೋಪಮಾನ್॥ 8-16-33 (55684) ಚಿಚ್ಛೇದ ತಾಂಸ್ತು ಖಂಗೇನ ಶಿಕ್ಷಯಾ ಚ ಬಲೇನ ಚ। ದರ್ಶಯಂʼಲ್ಲಾಘವಂ ಯುದ್ಧೇ ತಾರ್ಕ್ಷ್ಯತುಲ್ಯಪರಾಕ್ರಮಃ॥ 8-16-34 (55685) ತಸ್ಯ ಸಂಚರತೋ ರಾಜನ್ಮಂಡಲಾವರ್ತನೇ ತದಾ। ಕ್ಷುರಪ್ರೇಣ ಸುತೀಕ್ಷ್ಣೇನ ಖಂಗಂ ಚಿಚ್ಛೇದ ಸುಪ್ರಭಂ॥ 8-16-35 (55686) ಸ ಚ್ಛಿನ್ನಃ ಸಹಸಾ ಭೂಮೌ ನಿಪಪಾತ ಮಹಾನಸಿಃ। ಅಧರ್ಮಸ್ಯ ಸ್ಥಿತಂ ಹಸ್ತೇ ಸುತ್ಸರೋಸ್ತತ್ರ ಭಾರತ॥ 8-16-36 (55687) ಛಿನ್ನಮಾಜ್ಞಾಯ ನಿಸ್ತ್ರಿಂಶಮವಪ್ಲುತ್ಯ ಪದಾನಿ ಷಟ್। ಪ್ರಾವಿಧ್ಯತ ತತಃ ಶೇಷಂ ಸುತಸೋಮೋ ಮಹಾರಥಃ॥ 8-16-37 (55688) ತಚ್ಛಿತ್ತ್ವಾ ಸಗುಣಂ ಚಾಪಂ ರಣೇ ತಸ್ಯ ಮಹಾತ್ಮನಃ। ಪಪಾತ ಧರಣೀಂ ತೂರ್ಣಂ ಸ್ವರ್ಣವಜ್ರವಿಭೂಷಿತಂ॥ 8-16-38 (55689) ಸುತಸೋಮಸ್ತತೋಽಗಚ್ಛಚ್ಛ್ರುತಕೀರ್ತೇರ್ಮಹಾರಥಂ। ಸೌಬಲೋಽಪಿ ಧನುರ್ಗೃಹ್ಯ ಘೋರಮನ್ಯತ್ಸುದುರ್ಜಯಂ॥ 8-16-39 (55690) ಅಭ್ಯಯಾತ್ಪಾಂಡವಾನೀಕಂ ನಿಘ್ನಞ್ಶತ್ರುಗಣಾನ್ಬಹೂನ್। ತತ್ರ ನಾದೋ ಮಹಾನಾಸೀತ್ಪಾಂಡವಾನಾಂ ವಿಶಾಂಪತೇ॥ 8-16-40 (55691) ಸೌಬಲಂ ಸಮರೇ ದೃಷ್ಟ್ವಾ ವಿಚರಂತಮಭೀತವತ್। ತಾನ್ಯನೀಕಾನಿ ದೃಪ್ತಾನಿ ಶಸ್ತ್ರವಂತಿ ಮಹಾಂತಿ ಚ। ದ್ರಾವ್ಯಮಾಣಾನ್ಯದೃಶ್ಯಂತ ಸೌಬಲೇನ ಮಹಾತ್ಮನಾ॥ 8-16-41 (55692) ಯಥಾ ದೈತ್ಯಚಮೂಂ ರಾಜಂದೇವರಾಜೋ ಮಮರ್ದ ಹ। ತಥೈವ ಪಾಣ಼್ವೀಂ ಸೇನಾಂ ಸೌಬಲೇಯೋ ವ್ಯನಾಶಯತ್॥ ॥ 8-16-42 (55693) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಷೋಡಶದಿವಸಯುದ್ಧೇ ಷೋಡಶೋಽಧ್ಯಾಯಃ॥ 16 ॥

8-17-0 (55694) ಸಂಜಯ ಉವಾಚ। 8-17-0x (4865) ಧೃಷ್ಟದ್ಯುಂನಂ ಕೃಪೋ ರಾಜನ್ವಾರಯಾಮಾಸ ಸಂಯುಗೇ। ಯಥಾ ದೃಷ್ಟ್ವಾ ವನೇ ಸಿಂಹಂ ಶರಭೋ ವಾರಯೇದ್ಯುಧಿ॥ 8-17-1 (55695) ನಿರುದ್ವಃ ಪಾರ್ಷತಸ್ತೇನ ಗೌತಮೇನ ಬಲೀಯಸಾ। ಪದಾತ್ಪದಂ ವಿಚಲಿತುಂ ನಾಶಕತ್ತತ್ರ ಭಾರತ॥ 8-17-2 (55696) ಗೌತಮಸ್ಯ ರಥಂ ದೃಷ್ಟ್ವಾ ಧೃಷ್ಟದ್ಯುಂನರಥಂ ಪ್ರತಿ। ವಿತ್ರೇಸುಃ ಸರ್ವಭೂತಾನಿ ಕ್ಷಯಂ ಪ್ರಾಪ್ತಂ ಚ ಮೇನಿರೇ॥ 8-17-3 (55697) ತದಾ ಜಲ್ಪಂತಿ ಪಾಂಡೂನಾಂ ರಥಿನಃ ಸಾದಿನಸ್ತಥಾ। ದ್ರೋಣಸ್ಯ ನಿಧನಾನ್ನೂನಂ ಸಂಕ್ರುದ್ವೋ ದ್ವಿಪದಾಂ ವರಃ॥ 8-17-4 (55698) ಶಾರದ್ವತೋ ಮಹಾತೇಜಾ ದಿವ್ಯಾಸ್ತ್ರವಿದುದಾರಧೀಃ। ಅಪಿ ಸ್ವಸ್ತಿ ಭವೇದದ್ಯ ಧೃಷ್ಟದ್ಯುಂನಸ್ಯ ಗೌತಮಾತ್॥ 8-17-5 (55699) ಅಪೀಯಂ ವಾಹಿನೀ ಕೃತ್ಸ್ನಾ ಮುಚ್ಯೇತ ಮಹತೋ ಭಯಾತ್। ಅಪ್ಯಯಂ ಬ್ರಾಹ್ಮಣಃ ಸರ್ವಾನ್ನ ನೋ ಹನ್ಯಾತ್ಸಮಾಗತಾನ್॥ 8-17-6 (55700) ಯಾದೃಶಂ ದೃಶ್ಯತೇ ರೂಪಮಂತಕಪ್ರತಿಮಂ ರಣೇ। ಗಮಿಷ್ಯತ್ಯದ್ಯ ಪದವೀಂ ಭಾರದ್ವಾಜಸ್ಯ ಗೌತಮಃ॥ 8-17-7 (55701) ಆಚಾರ್ಯಃ ಕ್ಷಿಪ್ರಹಸ್ತಶ್ಚ ವಿಜಯೀ ಚ ಸದಾ ಯುಧಿ। ಅಸ್ತ್ರವಾನ್ವೀರ್ಯಸಂಪನ್ನಃ ಕ್ರೋಧೇನ ಚ ಸಮನ್ವಿತಃ॥ 8-17-8 (55702) ಪಾರ್ಷತಶ್ಚ ಮಹಾಯುದ್ವೇ ವಿಮುಖೋಽದ್ಯಾಭಿಲಕ್ಷ್ಯತೇ। ಇತ್ಯೇವಂ ವಿವಿಧಾ ವಾಚಸ್ತಾವಕಾನಾಂ ಪರೈಃ ಸಹ। ವ್ಯಶ್ರೂಯಂತ ಮಹಾರಾಜ ತಯೋಸ್ತತ್ರ ಸಮಾಗಮೇ॥ 8-17-9 (55703) ವಿನಿಃಶ್ವಸ್ಯ ತತಃ ಕ್ರೋಧಾತ್ಕೃಪಃ ಶಾರದ್ವತೋ ನೃಪ। ಪಾರ್ಷತಂ ಚಾರ್ದಯಾಮಾಸ ನಿಶ್ಚೇಷ್ಟಂ ಸರ್ವಮರ್ಮಸು॥ 8-17-10 (55704) ಸ ಹನ್ಯಮಾನಃ ಸಮರೇ ಗೌತಮೇನ ಮಹಾತ್ಮನಾ। ಕರ್ತವ್ಯಂ ನ ಸ್ಮ ಜಾನಾತಿ ಮೋಹೇನ ಮಹತಾ ವೃತಃ॥ 8-17-11 (55705) ತಮಬ್ರವೀತ್ತತೋ ಯಂತಾ ಕಂಚಿತ್ಕ್ಷೇಮಂ ತು ಪಾರ್ಷತ। ಈದೃಶಂ ವ್ಯಸನಂ ಯುದ್ಧೇ ನ ತೇ ದೃಷ್ಟಂ ಮಯಾ ಕ್ವಚಿತ್॥ 8-17-12 (55706) ದೈವಯೋಗಾತ್ತು ತೇ ಬಾಣಾ ನಾಪತನ್ಮರ್ಮಭೇದಿನಃ। ಪ್ರೇಷಿತಾ ದ್ವಿಜಮುಖ್ಯೇನ ಮರ್ಮಾಣ್ಯುದ್ದಿಶ್ಯ ಸರ್ವತಃ॥ 8-17-13 (55707) ವ್ಯಾವರ್ತಯೇ ರಥಂ ತೂರ್ಣಂ ನದೀವೇಗಮಿವಾರ್ಣವಾತ್। ಅವಧ್ಯಂ ಬ್ರಾಹ್ಮಣಂ ಮನ್ಯೇ ಯೇನ ತೇ ವಿಕ್ರಮೋ ಹತಃ॥ 8-17-14 (55708) ಧೃಷ್ಟದ್ಯುಂನಸ್ತತೋ ರಾಜಞ್ಶನಕೈರಬ್ರವೀದ್ವಚಃ। ಮುಹ್ಯತೇ ಮೇ ಮನಸ್ತಾತ ಗಾತ್ರಸ್ವೇದಶ್ಚ ಜಾಯತೇ॥ 8-17-15 (55709) ವೇಪಥುಶ್ಚ ಶರೀರೇ ಮೇ ರೋಮಹರ್ಷಶ್ಚ ಸಾರಥೇ। ವರ್ಜಯನ್ಬ್ರಾಹ್ಮಣಂ ಯುದ್ಧೇ ಶನೈರ್ಯಾಹಿ ಯತೋಽರ್ಜುನಃ॥ 8-17-16 (55710) ಅರ್ಜುನಂ ಭೀಮಸೇನಂ ವಾ ಸಮರೇ ಪ್ರಾಪ್ಯ ಸಾರಥೇ। ಕ್ಷೇಮಮದ್ಯ ಭವೇನ್ಮಹ್ಯಮಿತಿ ಮೇ ನೈಷ್ಠಿಕೀ ಮತಿಃ॥ 8-17-17 (55711) ತತಃ ಪ್ರಾಯಾನ್ಮಹಾರಾಜ ಸಾರಥಿಸ್ತ್ವರಯನ್ಹಯಾನ್। ಯತೋ ಭೀಮೋ ಮಹೇಷ್ವಾಸೋ ಯುಯುಧೇ ತವ ಸೈನಿಕೈಃ॥ 8-17-18 (55712) ಪ್ರದ್ರುತಂ ಚ ರಥಂ ದೃಷ್ಟ್ವಾ ಧೃಷ್ಟದ್ಯುಂನಸ್ಯ ಮಾರಿಷ। ಕಿರಞ್ಶರಶತಾನ್ಯೇವ ಗೌತಮೋಽನುಯಯೌ ತದಾ॥ 8-17-19 (55713) ಶಂಖಂ ಚ ಪೂರಯಾಮಾಸ ಮುಹುರ್ಮುಹುರರಿಂದಮಃ। ಪಾರ್ಷತಂ ತ್ರಾಸಯಾಮಾಸ ಮಹೇಂದ್ರೋ ನಮುಚಿಂ ಯಥಾ॥ 8-17-20 (55714) ಶಿಖಂಡಿನಂ ತು ಸಮರೇ ಭೀಷ್ಮಮೃತ್ಯುಂ ದುರಾಸದಂ। ಹಾರ್ದಿಕ್ಯೋ ವಾರಯಾಮಾಸ ಸ್ಮಯನ್ನಿವ ಮುಹುರ್ಮುಹುಃ॥ 8-17-21 (55715) ಶಿಖಂಡೀ ತು ಸಮಾಸಾದ್ಯ ಹೃದಿಕಾನಾಂ ಮಹಾರಥಂ। ಪಂಚಭಿರ್ನಿಶಿತೈರ್ಭಲ್ಲೈರ್ಜತ್ರುದೇಶೇ ಸಮಾಹನತ್॥ 8-17-22 (55716) ಕೃತವರ್ಮಾ ತು ಸಂಕ್ರದ್ಧೋ ಭಿತ್ತ್ವಾ ಷಷ್ಟ್ಯಾ ಪತತ್ರಿಭಿಃ। ಧನುರೇಕೇನ ಚಿಚ್ಛೇದ ಹಸನ್ರಾಜನ್ಮಹಾರಥಃ॥ 8-17-23 (55717) ಅಥಾನ್ಯದ್ವನುರಾದಾಯ ದ್ರುಪದಸ್ಯಾತ್ಮಜೋ ಬಲೀ। ತಿಷ್ಠತಿಷ್ಠೇತಿ ಸಂಕ್ರುದ್ಧೋ ಹಾರ್ದಿಕ್ಯಂ ಪ್ರತ್ಯಭಾಷತ॥ 8-17-24 (55718) ತತೋಽಸ್ಯ ನವತಿಂ ಬಾಣಾನ್ರುಕ್ಮಪುಂಖಾನ್ಸುತೇಜನಾನ್। ಪ್ರೇಷಯಾಮಾಸ ರಾಜೇಂದ್ರ ತೇಽಸ್ಯಾಭ್ರಶ್ಯಂತ ವರ್ಮಣಃ॥ 8-17-25 (55719) ವಿತಥಾಂಸ್ತಾನ್ಸಮಾಲಕ್ಷ್ಯ ಪತಿತಾಂಶ್ಚ ಮಹೀತಲೇ। ಕ್ಷುರಪ್ರೇಣ ಸುತೀಕ್ಷ್ಣೇನ ಕಾರ್ಮುಕಂ ಚಿಚ್ಛಿದೇ ಭೃಶಂ॥ 8-17-26 (55720) ಅಥೈನಂ ಛಿನ್ನಧನ್ವಾನಂ ಭಗ್ನಶೃಂಗಮಿವರ್ಷಭಂ। ಅಶೀತ್ಯಾ ಮಾರ್ಗಣೈಃ ಕ್ರುದ್ಧೋ ಬಾಹ್ವೋರುರಸಿ ಚಾರ್ಪಯತ್॥ 8-17-27 (55721) ಕೃತವರ್ಮಾ ತು ಸಂಕ್ರುದ್ಧೋ ಮಾರ್ಗಣೈಃ ಕ್ಷತವಿಕ್ಷತಃ। ವವಾಮ ರುಧಿರಂ ಗಾತ್ರೈಃ ಕುಂಭವಕ್ರಾದಿವೋದಕಂ॥ 8-17-28 (55722) ರುಧಿರೇಣ ಪರಿಕ್ಲಿನ್ನಃ ಕೃತವರ್ಮಾ ತ್ವರಾಜತ। ವರ್ಷೇಣ ಕ್ಲೇದಿತೋ ರಾಜನ್ಯಥಾ ಗೈರಿಕಪರ್ವತಃ॥ 8-17-29 (55723) ಅಥಾನ್ಯದ್ವನುರಾದಾಯ ಸಮಾರ್ಗಣಗುಣಂ ಪ್ರಭುಃ। ಶಿಖಂಡಿನಂ ಬಾಣಗಣೈಃ ಸ್ಕಂಧದೇಶೇ ವ್ಯತಾಡಯತ್॥ 8-17-30 (55724) ಸ್ಕಂಧದೇಶಸ್ಥಿತೈರ್ಬಾಣೈಃ ಶಿಖಂಡೀ ತು ವ್ಯರಾಜತ। ಶಾಖಾಪ್ರಶಾಖಾವಿಪುಲಃ ಸುಮಹಾನ್ಪಾದಪೋ ಯಥಾ॥ 8-17-31 (55725) ತಾವನ್ಯೋನ್ಯಂ ಭೃಶಂ ವಿದ್ವ್ವಾ ರುಧಿರೇಣ ಸಮುಕ್ಷಿತೌ। `ಪೋಪ್ಲುಯಮಾನೌ ಹಿ ಯಥಾ ಮಹಾಂತೌ ಶೋಣಿತಹದೇ। ತದ್ವದ್ವಿರೇಜತುರ್ವೀರೌ ಶೋಣಿತೇನ ಪರಿಪ್ಲುತೌ॥ 8-17-32 (55726) ಯಥಾ ಚ ಕಿಂಶುಕೌ ಫುಲ್ಲೌ ಪುಷ್ಪಮಾಸೇ ಸಮಾಗತೇ। ರುಧಿರೋಕ್ಷಿತಸರ್ವಾಂಗೌ ರಕ್ತಚಂದನರೂಷಿತೌ। ಭುಜಗಾವಿವ ಸಂಕ್ರುದ್ಧೌ ರೇಜತುಸ್ತೌ ನರೋತ್ತಮೌ॥ 8-17-33 (55727) ತಾವುಭೌ ಶರವನುನ್ನಾಂಗೌ ಪರಸ್ಪರಶರಕ್ಷತೌ'। ಅನ್ಯೋನ್ಯಶೃಂಗಾಭಿಹತೌ ರೇಜತುರ್ವೃಷಭಾವಿವ॥ 8-17-34 (55728) ಅನ್ಯೋನ್ಯಸ್ಯ ವಧೇ ಯತ್ನಂ ಕುರ್ವಾಣೌ ತೌ ಮಹಾರಥೌ। ರಥಾಭ್ಯಾಂ ಚೇರತುಸ್ತತ್ರ ಮಂಡಲಾನಿ ಸಹಸ್ರಶಃ॥ 8-17-35 (55729) ಕೃತವರ್ಮಾ ಮಹಾರಾಜ ಪಾರ್ಷತಂ ನಿಶಿತೈಃ ಶರೈಃ। ರಣೇ ವಿವ್ಯಾಧ ಸಪ್ತತ್ಯಾ ಸ್ವರ್ಣಪುಂಗೈಃ ಶಿಲಾಶಿತೈಃ॥ 8-17-36 (55730) ತತೋಽಸ್ಯ ಸಮರೇ ಬಾಣಂ ಭೋಜಃ ಪ್ರಹರತಾಂ ವರಃ। ಜೀವಿತಾಂತಕರಂ ಘೋರಂ ವ್ಯಸೃಜತ್ತ್ವರಯಾಽನ್ವಿತಃ॥ 8-17-37 (55731) ಸ ತೇನಾಭಿಹತೋ ರಾಜನ್ಮೂರ್ಚ್ಛಾಮಾಶು ಸಮಾವಿಶತ್। ಧ್ವಜಯಷ್ಟಿಂ ಚ ಸಹಸಾ ಶಿಶ್ರಿಯೇ ಕಶ್ಮಲಾವೃತಃ॥ 8-17-38 (55732) ಅಪೋವಾಹ ರಣಾತ್ತೂರ್ಣಂ ಸಾರಥೀ ರಥಿನಾಂ ವರಂ। ಹಾರ್ದಿಕ್ಯಶರಸಂತಪ್ತಂ ನಿಃಶ್ವಸಂತಂ ಪುನಃಪುನಃ॥ 8-17-39 (55733) ಪರಾಜಿತೇ ತತಃ ಶೂರೇ ದ್ರುಪದಸ್ಯಾತ್ಮಜೇ ಪ್ರಭೋ। ವ್ಯದ್ರವತ್ಪಾಂಡವೀ ಸೇನಾ ವ್ಯಧಮಾನಾ ಸಮಂತತಃ॥ ॥ 8-17-40 (55734) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಷೋಡಶದಿವಸಯುದ್ಧೇ ಸಪ್ತದಶೋಽಧ್ಯಾಯಃ॥ 17 ॥

8-18-0 (55735) ಸಂಜಯ ಉವಾಚ। 8-18-0x (4866) ಶ್ವೇತಾಶ್ವೋಽಪಿ ಮಹಾರಾಜ ವ್ಯಧಮತ್ತಾವಕಂ ಬಲಂ। ಯಥಾ ವಾಯುಃ ಸಮಾಸಾದ್ಯ ತೂಲರಾಶಿಂ ಸಮಂತತಃ॥ 8-18-1 (55736) ಪ್ರತ್ಯುದ್ಯಯುಸ್ತ್ರಿಗರ್ತಾಸ್ತಂ ಶಿಬಯಃ ಕೌರವೈಃ ಸಹ। ವಸಾತಯೋಽಥ ಸಾಲ್ವಾಶ್ಚ ಗೋಪಾಲಾಶ್ಚ ಯಶಸ್ವಿನಃ॥ 8-18-2 (55737) ಸತ್ಯದೇವಃ ಸತ್ಯಕೀರ್ತಿರ್ಮಿತ್ರದೇವಃ ಶ್ರುತಂಜಯಃ। ಸೌಶ್ರುತಿಶ್ಚಂದ್ರದೇವಶ್ಚ ಮಿತ್ರವರ್ಮಾ ಚ ಭಾರತ॥ 8-18-3 (55738) ತ್ರಿಗರ್ತರಾಜಃ ಸಮರೇ ಭ್ರಾತೃಭಿಃ ಪರಿವಾರಿತಃ। ಪುತ್ರೈಶ್ಚೈವ ಮಹೇಷ್ವಾಸೈರ್ನಾನಾಶಸ್ತ್ರವಿಶಾರದೈಃ॥ 8-18-4 (55739) ವ್ಯಸೃಜಂತ ಶಸ್ತ್ರಾತಾನ್ಕಿರಂತೋಽರ್ಜುನಮಾಹವೇ। ಅಭ್ಯವರ್ತಂತ ಸಹಸಾ ವಾರ್ಯೋಘಾ ಇವ ಸಾಗರಂ॥ 8-18-5 (55740) ತೇ ತ್ವರ್ಜುನಂ ಸಮಾಸಾದ್ಯ ಯೋಧಾಃ ಶತಸಹಸ್ರಶಃ। ಅಗಚ್ಛನ್ವಿಲಯಂ ಸರ್ವೇ ತಾರ್ಕ್ಷ್ಯಂ ದೃಷ್ಟ್ವೇವ ಪನ್ನಗಾಃ॥ 8-18-6 (55741) ತೇ ಹನ್ಯಮಾನಾಃ ಸಮರೇ ನ ಜಹುಃ ಪಾಂಡವಂ ರಣೇ। ಹನ್ಯಮಾನಾ ಮಹಾರಾಜ ಶಲಭಾ ಇವ ಪಾವಕಂ॥ 8-18-7 (55742) ಸತ್ಯದೇವಸ್ತ್ರಿಭಿರ್ಬಾಣೈರ್ವಿವ್ಯಾಧ ಯುಧಿ ಪಾಂಡವಂ। ಮಿತ್ರದೇವಸ್ತ್ರಿಷಷ್ಟ್ಯಾ ತು ಚಂದ್ರದೇವಸ್ತು ಸಪ್ತಭಿಃ॥ 8-18-8 (55743) ಮಿತ್ರವರ್ಮಾ ತ್ರಿಸಪ್ತತ್ಯಾ ಸೌಶ್ರುತಿಶ್ಚಾಪಿ ಸಪ್ತಭಿಃ। ಶ್ರುತಂಜಯಸ್ತು ವಿಂಶತ್ಯಾ ಸುಶರ್ಮಾ ನವಭಿಃ ಶರೈಃ॥ 8-18-9 (55744) ಸ ವಿದ್ವೋ ಬಹುಭಿಃ ಸಂಖ್ಯೇ ಪ್ರತಿವಿವ್ಯಾಧ ತಾನ್ನೃಪಾನ್। ಸೌಶ್ರುತಿಂ ಸಪ್ತಭಿರ್ವಿದ್ವ್ವಾ ಚಂದ್ರದೇವಂ ತ್ರಿಭಿಃ ಶರೈಃ॥ 8-18-10 (55745) ಶ್ರುತಂಜಯಂ ಚ ವಿಂಶತ್ಯಾ ಚಂದ್ರದೇವಂ ತಥಾಽಷ್ಟಭಿಃ। ಮಿತ್ರದೇವಂ ಶತೇನೈವ ಸತ್ಯದೇವಂ ತ್ರಿಭಿಃ ಶರೈಃ॥ 8-18-11 (55746) ನವಭಿರ್ಮಿತ್ರವರ್ಮಾಣಂ ಸುಶರ್ಮಾಣಂ ತಥಾಽಷ್ಟಭಿಃ। ಶ್ರುತಂಜಯಂ ಚ ರಾಜಾನಂ ಹತ್ವಾ ತತ್ರ ಶಿಲಾಶಿತೈಃ॥ 8-18-12 (55747) ಸೌಶ್ರುತೇಃ ಸಶಿರಸ್ತ್ರಾಣಂ ಶಿರಃ ಕಾಯಾದಪಾಹರತ್। ತ್ವರಿತಶ್ಚಂದ್ರದೇವಂ ಚ ಶರೈರ್ನಿನ್ಯೇ ಯಮಕ್ಷಯಂ॥ 8-18-13 (55748) ತಥೇತರಾನ್ಮಹಾರಾಜ ಯತಮಾನಾನ್ಮಹಾರಥಾನ್। ಪಂಚಭಿಃ ಪಂಚಭಿರ್ಬಾಣೈರೇಕೈಕಂ ಪ್ರತ್ಯವಾರಯತ್॥ 8-18-14 (55749) ಸತ್ಯದೇವಸ್ತು ಸಂಕ್ರುದ್ವಸ್ತೋಮರಂ ವ್ಯಸೃಜನ್ಮಹತ್। ಸಮುದ್ದಿಶ್ಯ ರಣೇ ಕೃಷ್ಣಂ ಸಿಂಹನಾದಂ ನನಾದ ಚ॥ 8-18-15 (55750) ಸ ನಿರ್ಭಿದ್ಯ ಭುಜಂ ಸವ್ಯಂ ಮಾಧವಸ್ಯ ಮಹಾತ್ಮನಃ। ಅಯಸ್ಮಯಃ ಸ್ವರ್ಣದಂಡೋ ಜಗಾಮ ಧರಣೀಂ ತದಾ॥ 8-18-16 (55751) ಮಾಧವಸ್ಯ ತು ವಿದ್ಧಸ್ಯ ತೋಮರೇಣ ಮಹಾರಣೇ। ಪ್ರತೋದಃ ಪ್ರಾಪತದ್ವಸ್ತಾದ್ರಶ್ಮಯಶ್ಚ ವಿಶಾಂಪತೇ॥ 8-18-17 (55752) ವಾಸುದೇವಂ ವಿಭಿನ್ನಾಂಗಂ ದೃಷ್ಟ್ವಾ ಪಾರ್ಥೋ ಧನಂಜಯಃ। ಕ್ರೋಧಮಾಹಾರಯತ್ತೀವ್ರಂ ಕೃಷ್ಣಂ ಚೇದಮುವಾಚ ಹ॥ 8-18-18 (55753) ಪ್ರಾಪಯಾಶ್ವಾನ್ಮಹಾಬಾಹೋ ಸತ್ಯದೇವಂ ಪ್ರತಿ ಪ್ರಭೋ। ಯಾವದೇನಂ ಶರೈಸ್ತೀಕ್ಷ್ಣೈರ್ನಯಾಮಿ ಯಮಸಾದನಂ॥ 8-18-19 (55754) ಪ್ರತೋದಂ ಗೃಹ್ಯ ಸೋಽನ್ಯತ್ತು ರಶ್ಮೀನ್ಸಂಗೃಹ್ಯ ಚ ದ್ರುತಂ। ವಾಹಯಾಮಾಸ ತಾನಶ್ವಾನ್ಸತ್ಯದೇವರಥಂ ಪ್ರತಿ॥ 8-18-20 (55755) ವಿಷ್ವಕ್ಸೇನಂ ಸುನಿರ್ವಿದ್ವಂ ದೃಷ್ಟ್ವಾ ಪಾರ್ಥೋ ಧನಂಜಯಃ। ಸತ್ಯದೇವಂ ಶರೈಸ್ತೀಕ್ಷ್ಣೈರ್ವಾರಯಿತ್ವಾ ಮಹಾರಥಃ॥ 8-18-21 (55756) ತತಃ ಸುನಿಶಿತೈರ್ಭಲ್ಲೈ ರಾಜ್ಞಸ್ತಸ್ಯ ಮಹಚ್ಛಿರಃ। ಕುಂಡಲೋಪಚಿತಂ ಕಾಯಾಚ್ಚಕರ್ತ ಪೃತನಾಂತರೇ॥ 8-18-22 (55757) ತನ್ನಿಕೃತ್ಯ ಶಿತೈರ್ಬಾಣೈರ್ಭಿತ್ರವರ್ಮಾಣಮಾಕ್ಷಿಪತ್। ವತ್ಸದಂತೇನ ತೀಕ್ಷ್ಣೇನ ಸಾರಥಿಂ ಚಾಸ್ಯ ಮಾರಿಷ॥ 8-18-23 (55758) ತತಃ ಶರಶತೈರ್ಭೂಯಃ ಸಂಶಪ್ತಕಗಣಾನ್ಬಲೀ। ಪಾತಯಾಮಾಸ ಸಂಕ್ರುದ್ವಃ ಶತಶೋಽಥ ಸಹಸ್ರಶಃ॥ 8-18-24 (55759) ತತೋ ರಜತಪುಂಖೇನ ರಾಜಞ್ಶೀರ್ಷಂ ಮಹಾತ್ಮನಃ। ಮಿತ್ರದೇವಸ್ಯ ಚಿಚ್ಛೇದ ಕ್ಷುರಪ್ರೇಣ ಮಹಾರಥಃ। ಸುಶರ್ಮಾಣಂ ಸುಸಂಕ್ರುದ್ಧೋ ಜತ್ರುದೇಶೇ ಸಮಾಹನತ್॥ 8-18-25 (55760) ತತಃ ಸಂಶಪ್ತಕಾಃ ಸರ್ವೇ ಪರಿವಾರ್ಯ ಧನಂಜಯಂ। ಶಸ್ತ್ರೌಘೈರ್ಮಮೃದುಃ ಕ್ರುದ್ವಾ ನಾದಯಂತೋ ದಿಶೋ ದಶ॥ 8-18-26 (55761) ಅಭ್ಯರ್ದಿತಸ್ತು ತಜ್ಜಿಷ್ಣುಃ ಶಕ್ರತುಲ್ಯಪರಾಕ್ರಮಃ। ಐಂದ್ರಮಸ್ತ್ರಮಮೇಯಾತ್ಮಾ ಪ್ರಾದುಶ್ಚಕ್ರೇ ಮಹಾರಥಃ॥ 8-18-27 (55762) ತತಃ ಶರಸಹಸ್ರಾಣಿ ಪ್ರಾದುರಾಸನ್ವಿಶಾಂಪತೇ। `ಕಾರ್ಮುಕಾತ್ಪಾಂಡುಪುತ್ರಸ್ಯ ಪಾರ್ಥಸ್ಯಾಮಿತತೇಜಸಃ'॥ 8-18-28 (55763) ತತಸ್ತು ಚ್ಛಿದ್ಯಮಾನಾನಾಂ ಧ್ವಜಾನಾಂ ಧನುಷಾಂ ತಥಾ। ರಥಾನಾಂ ಸಪತಾಕಾನಾಂ ತೂಣೀರಾಣಾಂ ಯುಗೈಃ ಸಹ॥ 8-18-29 (55764) ಅಕ್ಷಾಣಾಮಥ ಚಕ್ರಾಣಾಂ ಯೋಕ್ತ್ರಾಣಾಂ ರಶ್ಮಿಭಿಃ ಸಹ। ಕೂಬರಾಣಾಂ ವರೂಥಾನಾಂ ಪೃಷತ್ಕಾನಾಂ ಚ ಸಂಯುಗೇ॥ 8-18-30 (55765) ಅಶ್ವಾನಾಂ ಪತತಾಂ ಚಾಪಿ ಪ್ರಾಸಾನಾಮೃಷ್ಟಿಭಿಃ ಸಹ। ಗದಾನಾಂ ಪರಿಘಾನಾಂ ಚ ಶಕ್ತಿತೋಮರಪಟ್ಟಸೈಃ॥ 8-18-31 (55766) ಶತಘ್ನೀನಾಂ ಸಚಕ್ರಾಣಾಂ ಭುಜಾನಾಂ ಚೋರುಭಿಃ ಸಹ। ಕಂಠಸೂತ್ರಾಂಗದಾನಾಂ ಚ ಕೇಯೂರಾಣಾಂ ಚ ಮಾರಿಷ॥ 8-18-32 (55767) ಹಾರಾಣಾಮಥ ನಿಷ್ಕಾಣಾಂ ತನುತ್ರಾಣಾಂ ಚ ಭಾರತ। ಛತ್ರಾಣಾಂ ವ್ಯಜನಾನಾಂ ಚ ಶಿರಸಾಂ ಕುಮುಟೈಃ ಸಹ। ರಾಶಯಶ್ಚಾತ್ರ ದೃಶ್ಯಂತೇ ಪತಿತಾನಾಂ ಮಹೀತಲೇ॥ 8-18-33 (55768) ಸಕುಂಡಲಾನಿ ಸ್ವಕ್ಷೀಮಿ ಪೂರ್ಣಚಂದ್ರನಿಭಾನಿ ಚ। ಶಿರಾಂಸ್ಯುರ್ವ್ಯಾಮದೃಶ್ಯಂತ ತಾರಾಜಾಲಮಿವಾಂಬರೇ॥ 8-18-34 (55769) ಸುಸ್ರಗ್ವೀಣಿ ಸುವಾಸಾಂಸಿ ಚಂದನೇನೋಕ್ಷಿತಾನಿ ಚ। ಶರೀರಾಣಿ ವ್ಯದೃಶ್ಯಂತ ನಿಹತಾನಾಂ ಮಹೀತಲೇ॥ 8-18-35 (55770) ರುದ್ರಸ್ಯಾಕ್ರೀಡಸದೃಶಂ ಘೋರಮಾಯೋಧನಂ ತದಾ॥ 8-18-36 (55771) ನಿಹತೈ ರಾಜಪುತ್ರೈಶ್ಚ ಕ್ಷತ್ರಿಯೈಶ್ಚ ಮಹಾಬಲೈಃ। `ಅರ್ಜುನೇನ ಮಹಾರಾಜ ತತ್ರತತ್ರ ಮಹಾರಣೇ'॥ 8-18-37 (55772) ಹಸ್ತಿಭಿಃ ಪತಿತೈಶ್ಚೈವ ತುರಂಗೈಶ್ಚಾಭವನ್ಮಹೀ। ಅಗಂಯರೂಪಾ ಸಮರೇ ವಿಶೀರ್ಣೈರಿವ ಪರ್ವತೈಃ॥ 8-18-38 (55773) ನಾಸೀದ್ರಥಪಥಸ್ತಸ್ಯ ಪಾಂಡವಸ್ಯ ಮಹಾತ್ಮನಃ। ನಿಘ್ನತಃ ಶಾತ್ರವಾನ್ಭಲ್ಲೈರ್ಹಸ್ತ್ಯಶ್ವಂ ಚಾಸ್ಯತೋ ಮಹತ್॥ 8-18-39 (55774) ಸ್ವಾನುಗಾ ಇವ ಸೀದಂತಿ ರಥಚಕ್ರಾಣಿ ಮಾರಿಷ। ಚರತಸ್ತಸ್ಯ ಸಂಗ್ರಾಮೇ ತಸ್ಮಿಂಲ್ಲೋಹಿತಕರ್ದಮೇ॥ 8-18-40 (55775) ಸೀದಮಾನಾನಿ ಚಕ್ರಾಣಿ ಸಮುಹೂಸ್ತುರಗಾ ಭೃಶಂ। ಶ್ರಮೇಣ ಮಹತಾ ಯುಕ್ತಾ ಮನೋಮಾರುತರಂಹಸಃ॥ 8-18-41 (55776) ವಧ್ಯಮಾನಂ ತು ತತ್ಸೈನ್ಯಂ ಪಾಂಡುಪುತ್ರೇಣ ಧನ್ವಿನಾ। ಪ್ರಾಯಶೋ ವಿಮುಖಂ ಸರ್ವಂ ನಾವತಿಷ್ಠತ ಭಾರತ॥ 8-18-42 (55777) ತಾಂಜಿತ್ವಾ ಸಮರೇ ಜಿಷ್ಣುಃ ಸಂಶಪ್ತಕಗಣಾನ್ಬಹೂನ್। ವಿರರಾಜ ತದಾ ಪಾರ್ಥೋ ವಿಧೂಮೋಽಗ್ನಿರಿವ ಜ್ವಲನ್॥ ॥ 8-18-43 (55778) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಷೋಡಶದಿವಸಯುದ್ಧೇ ಅಷ್ಟಾದಶೋಽಧ್ಯಾಯಃ॥ 18 ॥

8-19-0 (55779) ಸಂಜಯ ಉವಾಚ। 8-19-0x (4867) ಯುಧಿಷ್ಠಿರಂ ಮಹಾರಾಜ ವಿಸೃಜಂತಂ ಶರಾನ್ಬಹೂನ್। ಸ್ವಯಂ ದುರ್ಯೋಧನೋ ರಾಜಾ ಪ್ರತ್ಯಗೃಹ್ಣಾದಭೀತವತ್॥ 8-19-1 (55780) ತಮಾಪತಂತಂ ಸಹಸಾ ತವ ಪುತ್ರಂ ಮಹಾರಥಂ। ಧರ್ಮರಾಜೋ ದ್ರುತಂ ವಿದ್ಧ್ವಾ ತಿಷ್ಠತಿಷ್ಠೇತಿ ಚಾಬ್ರವೀತ್॥ 8-19-2 (55781) ಸ ತು ತಂ ಪ್ರತಿವಿವ್ಯಾಧ ನವಭಿರ್ನಿಶಿತೈಃ ಶರೈಃ। ಸಾರಥಿಂ ಚಾಸ್ಯ ಭಲ್ಲೇನ ಭೃಶಂ ಕ್ರುದ್ಧೋಽಭ್ಯತಾಡಯತ್॥ 8-19-3 (55782) ತತೋ ಯುಧಿಷ್ಠಿರೋ ರಾಜನ್ಸ್ವರ್ಣಪುಂಖಾಞ್ಶಿಲೀಮುಖಾನ್। ದುರ್ಯೋಧನಾಯ ಚಿಕ್ಷೇಪ ತ್ರಯೋದಶ ಶಿಲಾಶಿತಾನ್॥ 8-19-4 (55783) ಚತುರ್ಭಿಶ್ಚತುರೋ ವಾಹಾಂಸ್ತಸ್ಯ ಹತ್ವಾ ಮಹಾರಥಃ। ಪಂಚಮೇನ ಶಿರಃ ಕಾಯಾತ್ಸಾರಥೇಶ್ಚ ಸಮಾಕ್ಷಿಪತ್॥ 8-19-5 (55784) ಷಷ್ಠೇನ ತು ಧ್ವಜಂ ರಾಜ್ಞಃ ಸಪ್ತಮೇನ ತು ಕಾರ್ಮುಕಂ। ಅಷ್ಟಮೇನ ತಥಾ ಖಂಗಂ ಪಾತಯಾಮಾಸ ಭೂತಲೇ। ಪಂಚಭಿರ್ನೃಪತಿಂ ಚಾಪಿ ಧರ್ಮರಾಜೋಽರ್ದಯದ್ಭೃಶಂ॥ 8-19-6 (55785) ಹತಾಶ್ವಾತ್ತು ರಥಾತ್ತಸ್ಮಾದವಪ್ಲುತ್ಯ ಸುತಸ್ತವ। ಉತ್ತಮಂ ವ್ಯಸನಂ ಪ್ರಾಪ್ತೋ ಭೂಮಾವೇವಾವತಿಷ್ಠತ॥ 8-19-7 (55786) ತಂ ತು ಕೃಚ್ಛ್ರಗತಂ ದೃಷ್ಟ್ವಾ ಕರ್ಣದ್ರೌಣಿಕೃಪಾದಯಃ। ಅಭ್ಯವರ್ತಂತ ಸಹಸಾ ಪರೀಪ್ಸಂತೋ ನರಾಧಿಪಂ॥ 8-19-8 (55787) ಅಥ ಪಾಂಡುಸುತಾಃ ಸರ್ವೇ ಪರಿವಾರ್ಯ ಯುಧಿಷ್ಠಿರಂ। ಅನ್ವಯುಃ ಸಮರೇ ರಾಜಂಸ್ತತೋ ಯುದ್ಧಮವರ್ತತ॥ 8-19-9 (55788) ತತಸ್ತೂರ್ಯಸಹಸ್ರಾಣಿ ಪ್ರಾವಾದ್ಯಂತ ಮಹಾಮೃಧೇ॥ 8-19-10 (55789) ಕ್ಷ್ವೇಲಾಃ ಕಿಲಕಿಲಾಶಬ್ದಾಃ ಪ್ರಾದುರಾಸನ್ಮಹೀಪತೇ। ಯತ್ರಾಭ್ಯಗಚ್ಛನ್ಸಮರೇ ಪಾಂಚಾಲಾಃ ಕೌರವೈಃ ಸಹ॥ 8-19-11 (55790) ನರಾ ನರೈಃ ಸಮಾಜಗ್ಮುರ್ವಾರಣಾ ವರವಾರಣೈಃ। ರಥಾಶ್ಚ ರಥಿಭಿಃ ಸಾರ್ಧಂ ಹಯಾಶ್ಚ ಹಯಸಾದಿಭಿಃ॥ 8-19-12 (55791) ದ್ವಂದ್ವಾನ್ಯಾಸನ್ಮಹಾರಾಜ ಪ್ರೇಕ್ಷಣೀಯಾನಿ ಸಂಯುಗೇ। ವಿವಿಧಾನ್ಯಪ್ಯಚಿಂತ್ಯಾನಿ ಶಸ್ತ್ರವಂತ್ಯುತ್ತಮಾನಿ ಚ॥ 8-19-13 (55792) ತೇ ಶೂರಾಃ ಸಮರೇ ಸರ್ವೇ ಚಿತ್ರಂ ಲಘು ಚ ಸುಷ್ಠು ಚ। ಅಯುಧ್ಯಂತ ಮಹಾವೇಗಾಃ ಪರಸ್ಪರವಧೈಷಿಣಃ॥ 8-19-14 (55793) ಅನ್ಯೋನ್ಯಂ ಸಮರೇ ಜಘ್ನುರ್ಯೋಧವ್ರತಮನುಷ್ಠಿತಾಃ। ನ ಹಿ ತೇ ಸಮರಂ ಚಕ್ರುಃ ಪೃಷ್ಠತೋ ವೈ ಕಥಂಚನ॥ 8-19-15 (55794) ಮುಹೂರ್ತಮೇವ ತದ್ಯುದ್ವಮಾಸೀನ್ಮಧುರದರ್ಶನಂ। ತತ ಉನ್ಮತ್ತವದ್ರಾಜನ್ನಿರ್ಮರ್ಯಾದಮವರ್ತತ॥ 8-19-16 (55795) ರಥೀ ನಾಗಂ ಸಮಾಸಾದ್ಯ ದಾರಯನ್ನಿಶಿತೈಃ ಶರೈಃ। ಪ್ರೇಷಯಾಮಾಸ ಕಾಲಾಯ ಶರೈಃ ಸನ್ನತಪರ್ವಭಿಃ॥ 8-19-17 (55796) ನಾಗಾ ಹಯಾನ್ಸಮಾಸಾದ್ಯ ವಿಕ್ಷಿಪಂತೋ ಬಹೂನ್ರಣೇ। ದಾರಯಾಮಾಸುರತ್ಯುಗ್ರಂ ತತ್ರತತ್ರ ತದಾತದಾ॥ 8-19-18 (55797) ಹಯಾರೋಹಾಶ್ಚ ಬಹವಃ ಪರಿವಾರ್ಯ ಹಯೋತ್ತಮಾನ್। ತಲಶಬ್ದರವಾಂಶ್ಚಕ್ರುಃ ಸಂಪತಂತಸ್ತತಸ್ತತಃ॥ 8-19-19 (55798) ಧಾವಮಾನಾಂಸ್ತತಸ್ತಾಂಸ್ತು ದ್ರವಮಾಣಾನ್ಮಹಾಗಜಾನ್। ಪಾರ್ಶ್ವತಃ ಪೃಷ್ಠತಶ್ಚೈವ ನಿಜಘ್ನುರ್ಹಯಸಾದಿನಃ॥ 8-19-20 (55799) ವಿದ್ರಾವ್ಯ ಚ ಬಹೂನಶ್ವಾನ್ನಾಗಾ ರಾಜನ್ಮದೋತ್ಕಟಾಃ। ವಿಷಾಣೈಶ್ಚಾಪರೇ ಜಘ್ನುರ್ಮಮೃದುಶ್ಚಾಪರೇ ಭೃಶಂ॥ 8-19-21 (55800) ಸಾಶ್ವಾರೋಹಾಂಶ್ಚ ತುರಗಾನ್ವಿಷಾಮೈರ್ವಿವ್ಯಧೂ ರುಷಾ। ಅಪರೇ ಚಿಕ್ಷಿಪುರ್ವೇಗಾತ್ಪ್ರಗೃಹ್ಯಾತಿಬಲಾಸ್ತದಾ॥ 8-19-22 (55801) ಪಾದಾತೈರಾಹತಾ ನಾಗಾ ವಿವರೇಷು ಸಮಂತತಃ। ಚಕ್ರುರಾರ್ತಸ್ವರಂ ಘೋರಂ ದುದ್ರುವುಶ್ಚ ದಿಶೋ ದಶ॥ 8-19-23 (55802) ಪದಾತೀನಾಂ ತು ಸಹಸಾ ಪ್ರದ್ರುತಾನಾಂ ಮಹಾಹವೇ। ಉತ್ಸೃಜ್ಯಾಭರಣಂ ತೂರ್ಣಮವವವ್ರೂ ರಣಾಜಿರೇ॥ 8-19-24 (55803) ನಿಮಿತ್ತಂ ಮನ್ಯಮಾನಾಸ್ತು ಪರಿಣಾಂಯ ಮಹಾಗಜಾಃ। ಜಗೃಹುರ್ಬಿಭಿದುಶ್ಚೈವ ಚಿತ್ರಾಣ್ಯಾಭರಣಾನಿ ಚ॥ 8-19-25 (55804) ತಾಂಸ್ತು ತತ್ರ ಪ್ರಸಕ್ತಾನ್ವೈ ಪರಿನ್ವಾರ್ಯ ಪದಾತಯಃ। ಹಸ್ತ್ಯಾರೋಹಾನ್ನಿಜಘ್ನುಸ್ತೇ ಮಹಾವೇಗಾ ಬಲೋತ್ಕಟಾಃ॥ 8-19-26 (55805) ಅಪರೇ ಹಸ್ತಿಭಿರ್ಹಸ್ತೈಃ ಖಂ ವಿಕ್ಷಿಪ್ತಾ ಮಹಾಹವೇ। ನಿಪತಂತೋ ವಿಷಾಣಾಗ್ರೈರ್ಭೃಶಂ ವಿದ್ವಾಃ ಸುಶಿಕ್ಷಿತೈಃ॥ 8-19-27 (55806) ಅಪರೇ ಸಹಸಾ ಗೃಹ್ಯ ವಿಷಾಣೈರೇವ ಸೂದಿತಾಃ। ಸೇನಾಂತರಂ ಸಮಾಸಾದ್ಯ ಕೇಚಿತ್ತತ್ರ ಮಹಾಗಜೈಃ॥ 8-19-28 (55807) ಕ್ಷುಣ್ಣಗಾತ್ರಾ ಮಹಾರಾಜ ವಿಕ್ಷಿಪ್ಯ ಚ ಪುನಃಪುನಃ। ಅಪರೇ ವ್ಯಜನಾನೀವ ವಿಭ್ರಾಂಯ ನಿಹತಾ ಮೃಧೇ॥ 8-19-29 (55808) ಪುರಃಸರಾಶ್ಚ ನಾಗಾನಾಮಪರೇಷಾಂ ವಿಶಾಂಪತೇ। ಶರೀರಾಣ್ಯತಿವಿದ್ವಾನಿ ತತ್ರತತ್ರ ರಣಾಜಿರೇ॥ 8-19-30 (55809) ಪ್ರತಿಮಾನೇಷು ಕುಂಭೇಷು ದಂತವೇಷ್ಟೇಷು ಚಾಪರೇ। ನಿಗೃಹೀತಾ ಭೃಶಂ ನಾಗಾಃ ಪ್ರಾಸತೋಮರಶಕ್ತಿಭಿಃ॥ 8-19-31 (55810) ನಿಗೃಹ್ಯ ಚ ಗಜಾಃ ಕೇಚಿತ್ ಪಾರ್ಶ್ವಸ್ಥೈರ್ಭೃಶದಾರುಣೈಃ। ರಥಾಶ್ವಸಾದಿಭಿಸ್ತತ್ರ ಸಂಭಿನ್ನಾ ನ್ಯಪತನ್ಭುವಿ॥ 8-19-32 (55811) ಸಹಯಾಃ ಸಾದಿನಸ್ತತ್ರ ತೋಮರೇಣ ಮಹಾಮೃಧೇ। ಭೂಮಾವಮೃದ್ರನ್ವೇಗೇನ ಸಚರ್ಮಾಣಂ ಪದಾತಿನಂ॥ 8-19-33 (55812) ಚಛಾ ಸಾವರಣಾನ್ಕಾಂಶ್ಚಿತ್ತತ್ರತತ್ರ ವಿಶಾಂಪತೇ। ರಥಾನ್ನಾಗಾಃ ಸಮಾಸಾದ್ಯ ಪರಿಗೃಹ್ಯ ಚ ಮಾರಿಷ। ವ್ಯಾಕ್ಷಿಪನ್ಸಹಸಾ ತತ್ರ ಘೋರರೂಪೇ ಭಯಾನಕೇ॥ 8-19-34 (55813) ನಾರಾಚೈರ್ನಿಹತಾಶ್ಚಾಪಿ ಗಜಾಃ ಪೇತುರ್ಮಹಾಬಲಾಃ। ಪರ್ವತಸ್ಯೇವ ಶಿಖರಂ ವಜ್ರರುಗ್ಣಂ ಮಹೀತಲೇ॥ 8-19-35 (55814) ಯೋಧಾ ಯೋಧಾನ್ಸಮಾಸಾದ್ಯ ಮುಷ್ಟಿಭಿರ್ವ್ಯಹನನ್ಯುಧಿ। ಕೇಶೇಷ್ವನ್ಯೋನ್ಯಮಾಕ್ಷಿಪ್ಯ ಚಿಕ್ಷಿಪುರ್ಬಿಭಿದುಶ್ಚ ಹ॥ 8-19-36 (55815) ಉದ್ಯಂಯ ಚ ಭುಜಾನನ್ಯೇ ನಿಕ್ಷಿಪ್ಯ ಚ ಮಹೀತಲೇ। ಪದಾ ಚೋರಃ ಸಮಾಕ್ರಂಯ ಸ್ಫುರತೋಽಪಾಹರಚ್ಛಿರಃ॥ 8-19-37 (55816) ಪತತಶ್ಚಾಪರೋ ರಾಜನ್ವಿಜಹಾರಾಸಿನಾ ಶಿರಃ। `ಮೃತಮನ್ಯೋ ಮಹಾರಾಜ ಪದಾ ತಾಡಿತವಾಂಸ್ತದಾ'॥ 8-19-38 (55817) ಜೀವತಶ್ಚ ತಥೈವಾನ್ಯಃ ಶಸ್ತ್ರಂ ಕಾಯೇ ನ್ಯಮಜ್ಜಯತ್। ಮುಷ್ಟಿಯುದ್ಧಂ ಮಹಚ್ಚಾಸೀದ್ಯೋಧಾನಾಂ ತತ್ರ ಭಾರತ। ತಥಾ ಕೇಶಗ್ರಹಶ್ಚೋಗ್ರೋ ಬಾಹುಯುದ್ಧಂ ಚ ಭೈರವಂ॥ 8-19-39 (55818) ಸಮಾಸಕ್ತಸ್ಯ ಚಾನ್ಯೇನ ಅವಿಜ್ಞಾತಸ್ತಥಾಽಪರಃ। ಜಹಾರ ಸಮರೇ ಪ್ರಾಣಾನ್ನಾನಾಶಸ್ತೈರನೇಕಧಾ॥ 8-19-40 (55819) ಸಂಸಕ್ತೇಷು ಚ ಯೋಧೇಷು ವರ್ತಮಾನೇ ಚ ಸಂಕುಲೇ। ಕಬಂಧಾನ್ಯುತ್ಥಿತಾನಿ ಸ್ಯುಃ ಶತಶೋಽಥ ಸಹಸ್ರಶಃ॥ 8-19-41 (55820) ಶೋಣಿತೈಃ ಸಿಚ್ಯಮಾನಾನಿ ಶಸ್ತ್ರಾಣಿ ಕವಚಾನಿ ಚ। ಮಹಾರಾಗಾನುರಕ್ತಾನಿ ವಸ್ತ್ರಾಣೀವ ಚಕಾಶಿರೇ॥ 8-19-42 (55821) ಏವಮೇತನ್ಮಹದ್ಯುದ್ವಂ ದಾರುಣಂ ಶಸ್ತ್ರಸಂಕುಲಂ। ಉನ್ಮತ್ತಗಂಗಾಪ್ರತಿಮಂ ಶಬ್ದೇನಾಪೂರಯಜ್ಜಗತ್॥ 8-19-43 (55822) ನೈವ ಸ್ವೇ ನ ಪರೇ ರಾಜನ್ವಿಜ್ಞಾಯಂತೇ ಶರಾತುರಾಃ। ಯೋದ್ವವ್ಯಮಿತಿ ಯುಧ್ಯಂತೇ ರಾಜಾನೋ ಜಯಗೃದ್ವಿನಃ॥ 8-19-44 (55823) ಸ್ವಾನ್ಸ್ವೇ ಜಘ್ನುರ್ಮಹರಾಜ ಪರಾಂಶ್ಚೈವ ಸಮಾಗತಾನ್। ಉಭಯೋಃ ಸೇನಯೋರ್ವೀರೈರ್ವ್ಯಾಕುಲಂ ಸಮಪದ್ಯತ॥ 8-19-45 (55824) ರಥೈರ್ಭಗ್ನೈರ್ಮಹಾರಾಜ ವಾರಣೈಶ್ಚ ನಿಪಾತಿತೈಃ। ಹಯೈಶ್ಚ ಪತಿತೈಸ್ತತ್ರ ನರೈಶ್ಚ ವಿನಿಪಾತಿತೈಃ॥ 8-19-46 (55825) ಅಗಂಯರೂಪಾ ಪೃಥಿವೀ ಕ್ಷಣೇನ ಸಮಪದ್ಯತ। ಕ್ಷಣೇನಾಸೀನ್ಮಹೀಪಾಲ ಕ್ಷತಜೌಘಪ್ರವರ್ತಿನೀ॥ 8-19-47 (55826) ಪಾಂಚಾಲಾನಹತತ್ಕರ್ಣಸ್ತ್ರಿಗರ್ತಾಂಶ್ಚ ಧನಂಜಯಃ। ಭೀಮಸೇನಃ ಕುರೂನ್ರಾಜನ್ಹಸ್ತ್ಯನೀಕಂ ಚ ಸರ್ವಶಃ॥ 8-19-48 (55827) ಏವಮೇಷ ಕ್ಷಯೋ ವೃತ್ತಃ ಕುರುಪಾಂಡವಸೇನಯೋಃ। ಅಪರಾಹ್ಣೇ ಗತೇ ಸೂರ್ಯೇ ಕಾಂಕ್ಷತಾಂ ವಿಪುಲಂ ಯಶಃ॥ ॥ 8-19-49 (55828) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಷೋಡಶದಿವಸಯುದ್ಧೇ ಏಕೋನವಿಂಶೋಽಧ್ಯಾಯಃ॥ 19 ॥

8-20-0 (55829) ಧೃತರಾಷ್ಟ್ರ ಉವಾಚ। 8-20-0x (4868) ಅತಿತೀವ್ರಾಣಿ ದುಃಖಾನಿ ದುಃಸಹಾನಿ ಬಹೂನಿ ಚ। ತ್ವತ್ತೋಽಹಂ ಸಂಜಯಾಶ್ರೌಷಂ ಪುತ್ರಾಣಾಂ ಚೈವ ಸಂಕ್ಷಯಂ॥ 8-20-1 (55830) ಯಥಾ ತ್ವಂ ಮೇ ಕಥಯಸೇ ಯಥಾ ಯುದ್ವಮವರ್ತತ। ನ ಸಂತಿ ಸೂತ ಕೌರವ್ಯಾ ಇತಿ ಮೇ ನಿಶ್ಚಿತಾ ಮತಿಃ॥ 8-20-2 (55831) ದುರ್ಯೋಧನಶ್ಚ ವಿರಥಃ ಕೃತಸ್ತತ್ರ ಮಹಾರಥಃ। ಧರ್ಮಪುತ್ರಃ ಕಥಂ ಚಕ್ರೇ ತಸ್ಯ ವಾ ನೃಪತಿಃ ಕಥಂ॥ 8-20-3 (55832) ಅಪರಾಹ್ಣೇ ಕಥಂ ಯುದ್ವಮಭವದ್ರೋಮಹರ್ಷಣಂ। ತನ್ಮಮಾಚಕ್ಷ್ವ ತತ್ತ್ವೇನ ಕುಶಲೋ ಹ್ಯಸಿ ಸಂಜಯ॥ 8-20-4 (55833) ಸಂಜಯ ಉವಾಚ। 8-20-5x (4869) ಸಂಸಕ್ತೇಷು ತು ಸೈನ್ಯೇಷು ವಧ್ಯಮಾನೇಷು ಭಾಗಶಃ। ರಥಮನ್ಯಂ ಸಮಾಸ್ಥಾಯ ಪುತ್ರಸ್ತವ ವಿಶಾಂಪತೇ॥ 8-20-5 (55834) ಕ್ರೋಧೇನ ಮಹತಾ ಯುಕ್ತಃ ಸವಿಷೋ ಭುಜಗೋ ಯಥಾ। ದುರ್ಯೋಧನಃ ಸಮಾಲಕ್ಷ್ಯ ಧರ್ಮರಾಜಂ ಯುಧಿಷ್ಠಿರಂ। ಪ್ರೋವಾಚ ಸೂತಂ ತ್ವರಿತೋ ಯಾಹಿಯಾಹೀತಿ ಭಾರತ॥ 8-20-6 (55835) ತತ್ರ ಮಾಂ ಪ್ರಾಪಯ ಕ್ಷಿಪ್ರಂ ಸಾರಥೇ ಯತ್ರ ಪಾಂಡವಃ। ಧ್ರಿಯಮಾಣಾತಪ್ರತೇಣ ರಾಜಾ ರಾಜತಿ ದಂಶಿತಃ॥ 8-20-7 (55836) ಸ ಸೂತಶ್ಚೋದಿತೋ ರಾಜ್ಞಾ ರಾಜ್ಞಃ ಸ್ಯಂದನಮುತ್ತಮಂ। ಯುಧಿಷ್ಠಿರಸ್ಯಾಭಿಮುಖಂ ಪ್ರೇಷಯಾಮಾಸ ಸಂಯುಗೇ॥ 8-20-8 (55837) ತತೋ ಯುಧಿಷ್ಠಿರಃ ಕ್ರುದ್ವಃ ಪ್ರಭಿನ್ನ ಇವ ಕುಂಜರಃ। ಸಾರಥಿಂ ಚೋದಯಾಮಾಸ ಯಾಹಿ ಯತ್ರ ಸುಯೋಧನಃ॥ 8-20-9 (55838) ತೌ ಸಮಾಜಗ್ಮತುರ್ವೀರೌ ಭ್ರಾತರೌ ರಥಸತ್ತಮೌ॥ 8-20-10 (55839) ಸಮೇತ್ಯ ಚ ಮಹಾವೀರೌ ಸಂರಬ್ಧೌ ಯುದ್ವದುರ್ಮದೌ। ವವರ್ಷತುರ್ಮಹೇಷ್ವಾಸೌ ಶರೈರನ್ಯೋನ್ಯಮಾಹವೇ॥ 8-20-11 (55840) ತತೋ ದುರ್ಯೋಧನೋ ರಾಜಾ ಧರ್ಮಶೀಲಸ್ಯ ಮಾರಿಷ। ಶಿಲಾಶಿತೇನ ಭಲ್ಲೇನ ಧನುಶ್ಚಿಚ್ಛೇದ ಸಂಯುಗೇ॥ 8-20-12 (55841) ತಂ ನಾಮೃಷ್ಯತ ಸಂಕ್ರುದ್ಧೋ ಹ್ಯವಮಾನಂ ಯುಧಿಷ್ಠಿರಃ। ಅಪವಿಧ್ಯ ಧನುಶ್ಛಿನ್ನಂ ಕ್ರೋಧಸಂರಕ್ತಲೋಚನಃ॥ 8-20-13 (55842) ಅನ್ಯತ್ಕಾರ್ಮುಕಮಾದಾಯ ಧರ್ಮಪುತ್ರಶ್ಚಮೂಮುಖೇ। ದುರ್ಯೋಧನಸ್ಯ ಚಿಚ್ಛೇದ ಧ್ವಜಂ ಕಾರ್ಮುಕಮೇವ ಚ॥ 8-20-14 (55843) ಅಥಾನ್ಯದ್ವನುರಾದಾಯ ಪುತ್ರಸ್ತೇ ಭರತರ್ಷಭ। `ಯುಧಿಷ್ಠಿರಸ್ಯ ಚಿಕ್ಷೇಪ ಶರಾನ್ಕನಕಭೂಷಣಾನ್। ರುಕ್ಮಪುಂಖಾನ್ಪ್ರಸನ್ನಾಗ್ರಾನ್ಸವಿಷಾನಿವ ಪನ್ನಗಾನ್'॥ 8-20-15 (55844) ತಾವನ್ಯೋನ್ಯಂ ಸುಸಂಕ್ರುದ್ಧೌ ಶಸ್ತ್ರವರ್ಷಾಣ್ಯಮುಂಚತಾಂ। ಸಿಂಹಾವಿವ ಸುಸಂರಬ್ಧೌ ಪರಸ್ಪರಜಿಗೀಷಯಾ॥ 8-20-16 (55845) ಜಘ್ನತುಸ್ತೌ ರಣೇಽನ್ಯೋನ್ಯಂ ನರ್ದಮಾನೌ ವೃಷಾವಿವ। ಅಂತರಂ ಮಾರ್ಗಮಾಣೌ ಚ ಚೇರತುಸ್ತೌ ಮಹಾರಥೌ॥ 8-20-17 (55846) ತತಃ ಪೂರ್ಣಾಯತೋತ್ಸೃಷ್ಟೈಃ ಶರೈಸ್ತೌ ತು ಕೃತವ್ರಣೌ। ವಿರೇಜತುರ್ಮಹಾರಾಜ ಕಿಂಶುಕಾವಿವ ಪುಷ್ಪಿತೌ॥ 8-20-18 (55847) ತತೋ ರಾಜನ್ವಿಮುಂಚಂತೌ ಸಿಂಹನಾದಾನ್ಮುಹುರ್ಮುಹುಃ। ತಲಯೋಶ್ಚ ತಥಾ ಶಬ್ದಾಂಧನುಷಶ್ಚ ಮಹಾಹವೇ॥ 8-20-19 (55848) ಶಂಖಶಬ್ದವರಾಂಶ್ಚೈವ ಚಕ್ರತುಸ್ತೌ ನರೇಶ್ವರೌ। ಅನ್ಯೋನ್ಯಂ ತೌ ಮಹಾರಾಜ ಪೀಡಯಾಂಚಕ್ರತುರ್ಭೃಶಂ॥ 8-20-20 (55849) ತತೋ ಯುಧಿಷ್ಠಿರೋ ರಾಜಾ ಪುತ್ರಂ ತವ ಶರೈಸ್ತ್ರಿಭಿಃ। ಆಜಘಾನೋರಸಿ ಕ್ರುದ್ಧೋ ವಜ್ರವೇಗೈರ್ದುರಾಸದೈಃ॥ 8-20-21 (55850) ಪ್ರತಿವಿವ್ಯಾಧ ತಂ ತೂರ್ಣಂ ತವ ಪುತ್ರೋ ಮಹೀಪತಿಃ। ಪಂಚಭಿರ್ನಿಶಿತೈರ್ಬಾಣೈಃ ಸ್ವರ್ಣಪುಂಖೈಃ ಶಿಲಾಶಿತೈಃ॥ 8-20-22 (55851) ತತೋ ದುರ್ಯೋಧನೋ ರಾಜಾ ಶಕ್ತಿಂ ಚಿಕ್ಷೇಪ ಭಾರತ। ಸರ್ವಪಾರಶವೀಂ ತೀಕ್ಷ್ಣಾಂ ಮಹೋಲ್ಕಾಪ್ರತಿಮಾಂ ತದಾ॥ 8-20-23 (55852) ತಾಮಾಪತಂತೀಂ ಸಹಸಾ ಧರ್ಮರಾಜಃ ಶಿತೈಃ ಶರೈಃ। ತ್ರಿಭಿಶ್ಚಿಚ್ಛೇದ ಸಹಸಾ ತಂ ಚ ವಿವ್ಯಾಧ ಪಂಚಭಿಃ॥ 8-20-24 (55853) ನಿಪಪಾತ ತತಃ ಸಾಽಥ ಸ್ವರ್ಣದಂಡಾ ಮಹಾಸ್ವನಾ। ನಿಪತಂತೀ ಮಹೋಲ್ಕೇವ ವ್ಯರಾಜಚ್ಛಿಖಿಸನ್ನಿಭಾ॥ 8-20-25 (55854) ಶಕ್ತಿಂ ವಿನಿಹತಾಂ ದೃಷ್ಟ್ವಾ ಪುತ್ರಸ್ತವ ವಿಶಾಂಪತೇ। ನವಭಿರ್ನಿಶಿತೈರ್ಭಲ್ಲೈರ್ನಿಜಘಾನ ಯುಧಿಷ್ಠಿರಂ॥ 8-20-26 (55855) ಸೋಽತಿವಿದ್ವೋ ಬಲವತಾ ಶತ್ರುಣಆ ಶತ್ರುತಾಪನಃ। ದುರ್ಯೋಧನಂ ಸಮುದ್ದಿಶ್ಯ ಬಾಣಂ ಜಗ್ರಾಹ ಸತ್ವರಃ॥ 8-20-27 (55856) ಸಮಾಧತ್ತ ಚ ತಂ ಬಾಣಂ ಧನುರ್ಮಧ್ಯೇ ಮಹಾಬಲಃ। ಚಿಕ್ಷೇಪ ಚ ಮಹಾರಾಜ ತತಃ ಕ್ರುದ್ವಃ ಪರಾಕ್ರಮೀ॥ 8-20-28 (55857) ಸ ತು ಬಾಣಃ ಸಮಾಸಾದ್ಯ ತವ ಪುತ್ರಂ ಮಹಾರಥಂ। ವ್ಯಾಮೋಹಯತ ರಾಜಾನಂ ಧರಣೀಂ ಚ ದದಾರ ಹ॥ 8-20-29 (55858) ತತೋ ದುರ್ಯೋಧನಃ ಕ್ರುದ್ಧೋ ಗದಾಮುದ್ಯಂಯ ವೇಗಿತಃ। ವಿಧಿತ್ಸುಃ ಕಲಹಸ್ಯಾಂತಂ ಧರ್ಮರಾಜಮುಪಾದ್ರವತ್॥ 8-20-30 (55859) ತಮುದ್ಯತಗದಂ ದೃಷ್ಟ್ವಾ ದಂಡಹಸ್ತಮಿವಾಂತಕಂ। ಧರ್ಮರಾಜೋ ಮಹಾಶಕ್ತಿಂ ಪ್ರಾಹಿಣೋತ್ತವ ಸೂನವೇ॥ 8-20-31 (55860) ದೀಪ್ಯಮಾನಾಂ ಮಹಾವೇಗಾಂ ಮಹೋಲ್ಕಾಂ ಜ್ವಲಿತಾಮಿವ। ಯಮದಂಡನಿಭಾಂ ಘೋರಾಂ ಕಾಲರಾತ್ರಿಮಿವಾಪರಾಂ॥ 8-20-32 (55861) ರಥಸ್ಥಃ ಸ ತಯಾ ವಿದ್ವೋ ವರ್ಮ ಭಿತ್ತ್ವಾ ಸ್ತನಾಂತರೇ। ಭೃಶಂ ಸಂವಿಗ್ನಹೃದಯಃ ಪಪಾತ ಚ ಮುಮೋಹ ಚ॥ 8-20-33 (55862) ನಭಸ್ತಮಾಹ ಚ ತತಃ ಪ್ರತಿಜ್ಞಾಮನುಪಾಲಯ। ನಾಯಂ ವಧ್ಯಸ್ತವ ನೃಪ ಇತ್ಯುಕ್ತಃ ಸ ನ್ಯವರ್ತತ॥ 8-20-34 (55863) ತತಸ್ತ್ವರಿತಮಾಗಂಯ ಕೃತವರ್ಮಾ ತವಾತ್ಮಜಂ। ಪ್ರತ್ಯಪದ್ಯತ ರಾಜಾನಂ ನಿಂನಂ ವ್ಯಸನಾರ್ಣವೇ॥ 8-20-35 (55864) ಗದಾಮಾದಾಯ ಭೀಮೋಽಪಿ ಹೇಮಪಟ್ಟಪರಿಷ್ಕೃತಾಂ। ಅಭಿದುದ್ರಾವ ವೇಗೇನ ಕೃತವರ್ಮಾಣಮಾಹವೇ॥ 8-20-36 (55865) ಏವಂ ತದಭವದ್ಯುದ್ಧಂ ತ್ವದೀಯಾನಾಂ ಪರೈಃ ಸಹ। ಅಪರಾಹ್ಣೇ ಮಹಾರಾಜ ಕಾಂಕ್ಷತಾಂ ವಿಜಯಂ ಯುಧಿ॥ ॥ 8-20-37 (55866) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಷೋಡಶದಿವಸಯುದ್ಧೇ ವಿಂಶೋಽಧ್ಯಾಯಃ॥ 20 ॥

8-21-0 (55867) ಸಂಜಯ ಉವಾಚ। 8-21-0x (4870) ತತಃ ಕರ್ಣಂ ಪುರಸ್ಕೃತ್ಯ ತ್ವದೀಯಾ ಯುದ್ವದುರ್ಮದಾಃ। ಪುನರಾವೃತ್ಯ ಸಂಗ್ರಾಮಂ ಚಕ್ರುರ್ದೇವಾಸುರೋಪಮಂ॥ 8-21-1 (55868) ದ್ವಿರದನರರಥಾಶ್ವಶಂಖಶಬ್ದೈಃ ಪರಿಹೃಷಿತಾ ವಿವಿಧೈಶ್ಚ ಶಸ್ತ್ರಪಾತೈಃ। ದ್ವಿರದರಥಪದಾತಿಸಾದಿಸಂಘಾಃ ಪರಿಕುಪಿತಾಭಿಮುಖಾಃ ಪ್ರಜಘ್ನಿರೇ ತೇ॥ 8-21-2 (55869) ಶಿತಪರಶ್ವಥಸಾಸಿಪಟ್ಟಸೈ-- ರಿಷುಭಿರನೇಕವಿಧೈಶ್ಚ ಸೂದಿತಾಃ। ದ್ವಿರದರಥಹಯಾ ಮಹಾಹವೇ ವರಪುರುಷೈಃ ಪುರುಷಾಶ್ಚ ವಾಹನೈಃ॥ 8-21-3 (55870) ಕಮಲದಿನಕರೇಂದುಸನ್ನಿಭೈಃ ಸಿತದಶನೈಃ ಸುಮುಖಾಕ್ಷಿನಾಸಿಕೈಃ। ರುಚಿರಮಕುಟಕುಂಡಲೈರ್ಮಹೀ ಪುರುಷಶಿರೋಭಿರುಪಸ್ತೃತಾ ಬಭೌ॥ 8-21-4 (55871) ಪರಿಘಮುಸಲಶಕ್ತಿತೌಮರೈ-- ರ್ನಖರಭುಶುಂಡಿಗದಾಶತೈರ್ಹತಾಃ। ದ್ವಿರದನರಹಯಾಃ ಸಹಸ್ರಶೋ ರುಧಿರನದೀಪ್ರವಹಾಸ್ತದಾಽಭವನ್॥ 8-21-5 (55872) ಪ್ರಹತರಥನರಾಶ್ವಕುಂಜರಂ ಪ್ರತಿಭಯದರ್ಶನಮುಲ್ಬಣವ್ರಣಂ। ತದಹಿತಹತಮಾಬಭೌ ಬಲಂ ಪಿತೃಪತಿರಾಷ್ಟ್ರಮಿವ ಪ್ರಜಾಕ್ಷಯೇ॥ 8-21-6 (55873) ಅಥ ತವ ನರದೇವ ಸೈನಿಕಾ-- ಸ್ತವ ಚ ಸುತಾಃ ಸುರಸೂನುಸನ್ನಿಭಾಃ। ಅಮಿತಬಲಪುರಃ ಸರಾ ರಣೇ ಕುರುವೃಷಭಾಃ ಶಿನಿಪುತ್ರಮಭ್ಯಯುಃ॥ 8-21-7 (55874) ತದತಿರುಧಿರಭೀಮಮಾಬಭೌ ಪುರುಷವರಾಶ್ವರಥದ್ವಿಪಾಕುಲಂ। ಲವಣಜಲಸಮುದ್ವತಸ್ವನಂ ಬಲಮಸುರಾಮರಸೈನ್ಯಸಪ್ರಭಂ॥ 8-21-8 (55875) ಸುರಪತಿಸಮವಿಕ್ರಮಸ್ತತ-- ಸ್ತ್ರಿದಶವರಾವರಜೋಪಮಂ ಯುಧಿ। ದಿನಕರಕಿರಣಪ್ರಭೈಃ ಪೃಷತ್ಕೈ ರವಿತನಯೋಽಭ್ಯಹನಚ್ಛಿನಿಪ್ರವೀರಂ॥ 8-21-9 (55876) ತಮಪಿ ಸರಥವಾಜಿಸಾರಥಿಂ ಶಿನಿವೃಷಭೋ ವಿವಿಧೈಃ ಶರೈಸ್ತ್ವರನ್। ಭುಜಗವಿಷಸಮಪ್ರಭೈ ರಣೇ ಪುರುಷವರಂ ಸಮವಾಸ್ತೃಣೋತ್ತದಾ॥ 8-21-10 (55877) ಶಿನಿವೃಷಭಶರೈರ್ನಿಪೀಡಿತಂ ತವ ಸುಹೃದೋ ವಸುಷೇಣಮಭ್ಯಯುಃ। ತ್ವರಿತಮತಿರಥಾ ರಥರ್ಷಭಂ ದ್ವಿರದರಥಾಶ್ವಪದಾತಿಭಿಃ ಸಹ॥ 8-21-11 (55878) ತದುದಧಿನಿಭಮಾದ್ರವದ್ಬಲಂ ತ್ವರಿತತರೈಃ ಸಮಭಿದ್ರುತಂ ಪರೈಃ। ದ್ರುಪದಸುತಮುಖೈಸ್ತದಾಽಭವತ್ ಪುರುಷರಥಾಶ್ವಗಜಕ್ಷಯೋ ಮಹಾನ್॥ 8-21-12 (55879) ಅಥ ಪುರುಷವರೌ ಕೃತಾಹ್ನಿಕೌ ಭವಮಭಿಪೂಜ್ಯ ಯಥಾವಿಧಿ ಪ್ರಭುಂ। ಅರಿವಧಕೃತನಿಶ್ಚಯೌ ದ್ರುತಂ ತವ ಬಲಮರ್ಜುನಕೇಶವೌ ಸೃತೌ॥ 8-21-13 (55880) ಜಲದನಿನದನಿಃಸ್ವನಂ ರಥಂ ಪವನವಿಧೂತಪತಾಕಕೇತನಂ। ಸಿತಹಯಮುಪಯಾಂತಮಂತಿಕಂ ಕೃತಮನಸೋ ದದೃಶುಸ್ತದಾಽರಯಃ॥ 8-21-14 (55881) ಅಥ ವಿಷ್ಫಾರ್ಯ ಗಾಂಡೀವಂ ರಥೇ ನೃತ್ಯನ್ನಿವಾರ್ಜುನಃ। ಶರಸಂಬಾಧಮಕರೋತ್ಖಂ ದಿಶಃ ಪ್ರದಿಶಸ್ತಥಾ॥ 8-21-15 (55882) ರಥಾನ್ವಿಮಾನಪ್ರತಿಮಾನ್ಮಜ್ಜಯನ್ಸಾಯುಧಧ್ವಜಾನ್। ಸಸಾರಥೀಂಸ್ತದಾ ಬಾಣೈರಭ್ರಾಣೀವಾನಿಲೋಽವಧೀತ್॥ 8-21-16 (55883) ಗಜಾನ್ಗಜಪ್ರಯಂತೄಂಶ್ಚ ವೈಜಯಂತ್ಯಾಯುಧಧ್ವಜಾನ್। ಸಾದಿನೋಽಶ್ವಾಂಶ್ಚ ಪತ್ತೀಂಶ್ಚ ಶರೈರ್ನಿನ್ಯೇ ಯಮಕ್ಷಯಂ॥ 8-21-17 (55884) ತಮಂತಕಮಿವ ಕ್ರುದ್ಧಮನಿವಾರ್ಯಂ ಮಹಾರಥಂ। ದುರ್ಯೋಧನೋಽಭ್ಯಯಾದೇಕೋ ನಿಘ್ನನ್ಬಾಣೈರಜಿಹ್ಮಗೈಃ॥ 8-21-18 (55885) ತಸ್ಯಾರ್ಜುನೋ ಧನುಃ ಸೂತಮಶ್ವಾನ್ಕೇತುಂ ಚ ಸಾಯಕೈಃ। ಹತ್ವಾ ಸಪ್ತಭಿರೇಕೇನ ಚ್ಛತ್ರಂ ಚಿಚ್ಛೇದ ಪತ್ರಿಣಾ॥ 8-21-19 (55886) ನವಮಂ ಚ ಸಮಾಧಾಯ ವ್ಯಸೃಜತ್ಪ್ರಾಣಘಾತಿನಂ। ದುರ್ಯೋಧನಾಯೇಷುವರಂ ತಂ ದ್ರೌಣಿಃ ಸಪ್ತಧಾಽಚ್ಛಿನತ್॥ 8-21-20 (55887) ತತೋ ದ್ರೌಣೇರ್ಧನುಶ್ಛಿತ್ವಾ ಹತ್ವಾ ಚಾಶ್ವರಥಾಞ್ಶರೈಃ। ಕೃಪಸ್ಯಾಪಿ ತದತ್ಯುಗ್ರಂ ಧನುಶ್ಚಿಚ್ಛೇದ ಪಾಂಡವಃ॥ 8-21-21 (55888) ಹಾರ್ದಿಕ್ಯಸ್ಯ ಧನುಶ್ಛಿತ್ತ್ವಾ ಧ್ವಜಂ ಚಾಶ್ವಾಂಸ್ತದಾಽವಧೀತ್। ದುಃಶಾಸನಸ್ಯೇಷ್ವಸನಂ ಛಿತ್ತ್ವಾ ರಾಧೇಯಮಭ್ಯಯಾತ್॥ 8-21-22 (55889) ಅಥ ಸಾತ್ಯಕಿಮುತ್ಸೃಜ್ಯ ತ್ವರನ್ಕರ್ಣೋಽರ್ಜುನಂ ತ್ರಿಭಿಃ। ವಿದ್ವ್ವಾ ವಿವ್ಯಾಧ ವಿಂಶತ್ಯಾ ಕೃಷ್ಣಂ ಪಾರ್ಥಂ ಪುನಃಪುನಃ॥ 8-21-23 (55890) ನ ಗ್ಲಾನಿರಾಸೀತ್ಕರ್ಣಸ್ಯ ಕ್ಷಿಪತಃ ಸಾಯಕಾನ್ಬಹೂನ್। ರಣೇ ವಿನಿಘ್ನತಃ ಶತ್ರೂನ್ಕ್ರುದ್ಧಸ್ಯೇವ ಶತಕ್ರತೋಃ॥ 8-21-24 (55891) ಅಥ ಸಾತ್ಯಕಿರಾಗತ್ಯ ಕರ್ಣಂ ವಿದ್ದ್ವಾ ಶಿತೈಃ ಶರೈಃ। ನವತ್ಯಾ ನವಭಿಶ್ಚೋಗ್ರೈಃ ಶತೇನ ಪುನರಾರ್ಪಯತ್॥ 8-21-25 (55892) ತತಃ ಪ್ರವೀರಾಃ ಪಾರ್ಥಾನಾಂ ಸರ್ವೇ ಕರ್ಣಮಪೀಡಯನ್। ಯುಧಾಮನ್ಯುಃ ಶಿಖಂಡೀ ಚ ದ್ರೌಪದೇಯಾಃ ಪ್ರಭದ್ರಕಾಃ॥ 8-21-26 (55893) ಉತ್ತಮೌಜಾ ಯುಯುತ್ಸುಶ್ಚ ಯಮೌ ಪಾರ್ಷತ ಏವ ಚ। ಚೇದಿಕಾರೂಶಮಾತ್ಸ್ಯಾನಾಂ ಕೇಕಯಾನಾಂ ಚ ಯದ್ಬಲಂ॥ 8-21-27 (55894) ಚೇಕಿತಾನಶ್ಚ ಬಲವಾಂಧರ್ಮರಾಜಶ್ಚ ಸುವ್ರತಃ। ಏತೇ ರಥಾಶ್ವದ್ವಿರದೈಃ ಪತ್ತಿಭಿಶ್ಚೋಗ್ರವಿಕ್ರಮೈಃ॥ 8-21-28 (55895) ಪರಿವಾರ್ಯ ರಣೇ ಕರ್ಣಂ ನಾನಾಶಸ್ತ್ರೈರವಾಕಿರನ್। ಭಾಷಂತೋ ವಾಗ್ಭಿರುಗ್ರಾಭಿಃ ಸರ್ವೇ ಕರ್ಣವಧೇ ಧೃತಾಃ॥ 8-21-29 (55896) ತಾಂ ಶಸ್ತ್ರವೃಷ್ಟಿಂ ಬಹುಧಾ ಕರ್ಣಶ್ಛಿತ್ತ್ವಾ ಶಿತೈಃ ಶರೈಃ। ಅಪೋವಾಹಾಸ್ತ್ರವೀರ್ಯೇಣ ದ್ರುಮಂ ಭಂಕ್ತ್ವೇವ ಮಾರುತಃ॥ 8-21-30 (55897) ರಥಿನಃ ಸಮಹಾಮಾತ್ರಾನ್ಗಜಾನಶ್ವಾನ್ಸಸಾದಿನಃ। ಪತ್ತಿವ್ರಾತಾಂಶ್ಚ ಸಂಕ್ರುದ್ವೋ ನಿಘ್ನನ್ಕರ್ಣೋ ವ್ಯದೃಶ್ಯತ॥ 8-21-31 (55898) ತದ್ವಧ್ಯಮಾನಂ ಪಾಂಡೂನಾಂ ಬಲಂ ಕರ್ಣಾಸ್ತ್ರತೇಜಸಾ। ವಿಶಸ್ತ್ರಪತ್ರದೇಹಾಸು ಪ್ರಾಯ ಆಸೀತ್ಪರಾಙ್ಮುಖಂ॥ 8-21-32 (55899) ಅಥ ಕರ್ಣಾಸ್ತ್ರಮಸ್ತ್ರೇಣ ಪ್ರತಿಹತ್ಯಾರ್ಜುನಃ ಸ್ಮಯನ್। ದಿಶಂ ಖಂ ಚೈವ ಭೂಮಿಂ ಚ ಪ್ರಾವೃಣೋಚ್ಛರವೃಷ್ಟಿಭಿಃ॥ 8-21-33 (55900) ಮುಸಲಾನೀವ ಸಂಪೇತುಃ ಪರಿಘಾ ಇವ ಚೇಷವಃ। ಶತಘ್ನ್ಯ ಇವ ಚಾಪ್ಯನ್ಯೇ ವಜ್ರಾಣ್ಯುಗ್ರಾಣಿ ಚಾಪರೇ॥ 8-21-34 (55901) ತೈರ್ವಧ್ಯಮಾನಂ ತತ್ಸೈನ್ಯಂ ಸಪತ್ತ್ಯಶ್ವರಥದ್ವಿಪಂ। ನಿಮೀಲಿತಾಕ್ಷಮತ್ಯರ್ಥಂ ಬಭ್ರಾಮ ಚ ನನಾದ ಚ॥ 8-21-35 (55902) ನಿಷ್ಕೈವಲ್ಯಂ ತದಾ ಯುದ್ವಂ ಪ್ರಾಪುರಶ್ವನರದ್ವಿಪಾಃ। ಹನ್ಯಮಾನಾಃ ಶರೈರಾರ್ತಾಸ್ತದಾ ಭೀತಾಃ ಪ್ರದುದ್ರುವುಃ॥ 8-21-36 (55903) ತ್ವದೀಯಾನಾಂ ತದಾ ಯುದ್ವೇ ಸಂಸಕ್ತಾನಾಂ ಜಯೈಷಿಣಾಂ। ಗಿರಿಮಸ್ತಂ ಸಮಾಸಾದ್ಯ ಪ್ರತ್ಯಪದ್ಯತ ಭಾನುಮಾನ್॥ 8-21-37 (55904) ತಮಸಾ ಚ ಮಹಾರಾಜ ರಜಸಾ ಚ ವಿಶೇಷತಃ। ನ ಕಿಂಚಿತ್ಪ್ರತ್ಯಪಶ್ಯಾಮ ಶುಭಂ ವಾ ಯದಿ ವಾಽಶುಭಂ॥ 8-21-38 (55905) ತೇ ತ್ರಸ್ಯಂತೋ ಮಹೇಷ್ವಾಸಾ ರಾತ್ರಿಯುದ್ವಸ್ಯ ಭಾರತ। ಅಪಯಾನಂ ತತಶ್ಚಕ್ರುಃ ಸಹಿತಾಃ ಸರ್ವಯೋಧಿಭಿಃ॥ 8-21-39 (55906) ಕೌರವೇಷ್ವಪಯಾತೇಷು ತದಾ ರಾಜಂದಿನಕ್ಷಯೇ। ಜಯಂ ಸುಮನಸಃ ಪ್ರಾಪ್ಯ ಪಾರ್ಥಾಃ ಸ್ವಶಿಬಿರಂ ಯಯುಃ॥ 8-21-40 (55907) ವಾದಿತ್ರಶಬ್ದೈರ್ವಿವಿಧೈಃ ಸಿಂಹನಾದೈಃ ಸಗರ್ಜಿತೈಃ। ಪರಾನುವಹಂತಶ್ಚ ಸ್ತುವಂತಶ್ಚಾಚ್ಯುತಾರ್ಜುನೌ॥ 8-21-41 (55908) ಕೃತೇಽವಹಾರೇ ತೈರ್ವೀರೈಃ ಸೈನಿಕಾಃ ಸರ್ವ ಏವ ತೇ। ಆಶೀರ್ವಾಚಃ ಪಾಂಡವೇಷು ಪ್ರಾಯುಂಜಂತ ನರೇಶ್ವರಾಃ॥ 8-21-42 (55909) ತತಃ ಕೃತೇಽವಹಾರೇ ಚ ಪ್ರಹೃಷ್ಟಾಸ್ತತ್ರ ಪಾಂಡವಾಃ। ನಿಶಾಯಾಂ ಶಿಬಿರಂ ಗತ್ವಾ ನ್ಯವಸಂತ ನರೇಶ್ವರಾಃ॥ 8-21-43 (55910) ತತೋ ರಕ್ಷಃ ಪಿಶಾಚಾಶ್ಚ ಶ್ವಾಪದಾಶ್ಚೈವ ಸಂಘಶಃ। ಜಗ್ಮುರಾಯೋಧನಂ ಘೋರಂ ರುದ್ರಸ್ಯಾಕ್ರೀಡಸನ್ನಿಭಂ॥ ॥ 8-21-44 (55911) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಷೋಡಶದಿವಸಯುದ್ಧೇ ಏಕವಿಂಶೋಽಧ್ಯಾಯಃ॥ 21 ॥

8-22-0 (55912) ಧೃತರಾಷ್ಟ್ರ ಉವಾಚ। 8-22-0x (4871) ಸ್ವೇನ ಚ್ಛಂದೇನ ನಃ ಸರ್ವಾನವಧೀದ್ವ್ಯಕ್ತಮರ್ಜುನಃ। ನ ಹ್ಯಸ್ಯ ಸಮರೇ ಮುಚ್ಯೇದಂತಕೋಽಪ್ಯಾತತಾಯಿನಃ॥ 8-22-1 (55913) ಪಾರ್ಥೋ ಹ್ಯೇಕೋಽಹರದ್ಭದ್ರಾಮೇಕಶ್ಚಾಗ್ನಿಮತರ್ಪಯತ್। ಏಕಶ್ಚೇಮಾಂ ಮಹೀಂ ಜಿತ್ವಾ ಚಕ್ರೇ ಬಲಿಭೃತೋ ನೃಪಾನ್॥ 8-22-2 (55914) ಏಕೋ ನಿವಾತಕವಚನಾನಹನದ್ದಿವ್ಯಕಾರ್ಮುಕಃ। ಏಕಃ ಕಿರಾತರೂಪೇಣ ಸ್ಥಿತಂ ಶರ್ವಮಯೋಧಯತ್॥ 8-22-3 (55915) ಏಕೋ ಹ್ಯರಕ್ಷದ್ಭರತಾನೇಕೋ ಭವಮತೋಷಯತ್। ತೇನೈಕೇನ ಜಿತಾಃ ಸರ್ವೇ ಮದೀಯಾ ಹ್ಯುಗ್ರತೇಜಸಃ॥ 8-22-4 (55916) ನ ತೇ ನಿಂದ್ಯಾಃ ಪ್ರಶಸ್ಯಾಸ್ತೇ ಯತ್ತೇ ಚಕ್ರುರ್ಬ್ರವೀಹಿ ತತ್। ತತೋ ದುರ್ಯೋಧನಃ ಸೂತ ಪಶ್ಚಾತ್ಕಿಮಕರೋತ್ತದಾ॥ 8-22-5 (55917) ಸಂಜಯ ಉವಾಚ। 8-22-6x (4872) ಹತಪ್ರಹತವಿಧ್ವಸ್ತಾ ವಿವರ್ಮಾಯುಧವಾಹನಾಃ। ದೀನಸ್ವರಾ ದೂಯಮಾನಾ ಮಾನಿನಃ ಶತ್ರುನಿರ್ಜಿತಾಃ॥ 8-22-6 (55918) ಶಿಬಿರಸ್ಥಾಃ ಪುನರ್ಮಂತ್ರಂ ಮಂತ್ರಯಂತಿ ಸ್ಮ ಕೌರವಾಃ। ಭಗ್ನದಂಷ್ಟ್ರಾ ಹತವಿಷಾಃ ಪಾದಾಕ್ರಾಂತಾ ಇವೋರಗಾಃ॥ 8-22-7 (55919) ತಾನಬ್ರವೀತ್ತತಃ ಕರ್ಣಃ ಕ್ರುದ್ವಃ ಸರ್ಪ ಇವ ಶ್ವಸನ್। ಕರಂ ಕರೇಣ ನಿಷ್ಪೀಡ್ಯ ಪ್ರೇಕ್ಷಮಾಣಸ್ತವಾತ್ಮಜಂ॥ 8-22-8 (55920) ಯತ್ತೋ ದೃಢಶ್ಚ ದಕ್ಷಶ್ಚ ಧೃತಿಮಾನರ್ಜುನಃ ಸದಾ। ಸಂಬೋಧಯತಿ ಚಾಪ್ಯೇನಂ ಯಥಾಕಾಲಮಧೋಕ್ಷಜಃ॥ 8-22-9 (55921) ಸಹಸಾಽಸ್ತ್ರವಿಸರ್ಗೇಣ ವಯಂ ತೇನಾದ್ಯ ವಂಚಿತಾಃ। ಶ್ವಸ್ತ್ವಹಂ ತಸ್ಯ ಸಂಕಲ್ಪಂ ಸರ್ವಂ ಹಂತಾ ಮಹೀಪತೇ॥ 8-22-10 (55922) ಏವಮುಕ್ತಸ್ತಥೇತ್ಯುಕ್ತ್ವಾ ಸೋಽನುಜಜ್ಞೇ ನೃಪೋತ್ತಮಾನ್। ತೇಽನುಜ್ಞಾತಾ ನೃಪಾಃ ಸರ್ವೇ ಸ್ವಾನಿ ವೇಶ್ಮಾನಿ ಭೇಜಿರೇ॥ 8-22-11 (55923) ಸುಖೋಷಿತಾಸ್ತಾಂ ರಜನೀಂ ಹೃಷ್ಟಾ ಯುದ್ವಾಯ ನಿರ್ಯಯುಃ। ತೇಽಪಶ್ಯನ್ವಿಹಿತಂ ವ್ಯೂಹಂ ಧರ್ಮರಾಜೇನ ದುರ್ಜಯಂ। ಪ್ರಯತ್ನಾತ್ಕುರುಮುಖ್ಯೇನ ಬೃಹಸ್ಪತ್ಯುಶನೋಮತಾತ್॥ 8-22-12 (55924) ಅಥ ಪ್ರತೀಪಕರ್ತಾರಂ ಪ್ರವೀರಂ ಪರವೀರಹಾ। ಸಸ್ಮಾರ ವೃಷಭಸ್ಕಂಧಂ ಕರ್ಣಂ ದುರ್ಯೋಧನಸ್ತದಾ॥ 8-22-13 (55925) ಪುರಂದರಸಮಂ ಯುದ್ವೇ ಮರುದ್ಗಣಸಮಂ ಬಲೇ। ಕಾರ್ತವೀರ್ಯಸಮಂ ವೀರ್ಯೇ ಕರ್ಣಂ ರಾಜ್ಞೋಽಗಮನ್ಮನಃ॥ 8-22-14 (55926) ಸರ್ವೇಷಾಂ ಚೈವ ಸೈನ್ಯಾನಾಂ ಕರ್ಣಮೇವಾಗಮನ್ಮನಃ। ಸೂತಪುತ್ರಂ ಮಹೇಷ್ವಾಸಂ ಬಂಧುಮಾತ್ಯಯಿಕೇಷ್ವಿವ॥ 8-22-15 (55927) ಧೃತರಾಷ್ಟ್ರ ಉವಾಚ। 8-22-16x (4873) ತತೋ ದುರ್ಯೋಧನಃ ಸೂತ ಪಶ್ಚಾತ್ಕಿಮಕರೋತ್ತದಾ। ಯದ್ವೋಽಗಮನ್ಮನೋ ಮಂದಾಃ ಕರ್ಣಂ ವೈಕರ್ತನಂ ಪ್ರತಿ॥ 8-22-16 (55928) ಅಪ್ಯಪಶ್ಯತ ರಾಧೇಯಂ ಶೀತಾರ್ತಾ ಇವ ಭಾಸ್ಕರಂ। ಕೃತೇಽವಹಾರೇ ಸೈನ್ಯಾನಾಂ ಪ್ರವೃತ್ತೇ ಚ ರಣೇ ಪುನಃ॥ 8-22-17 (55929) `ದುರ್ಯೋಧನಂ ಚ ತತ್ರಾಜೌ ಪಾಂಡವೇನ ಭೃಶಾರ್ದಿತಂ। ಪರಾಕ್ರಾಂತಾನ್ಪಾಂಡುಸುತಾಂದೃಷ್ಟ್ವಾಽಪಿ ಭೃಶಾರ್ದಿತಂ'॥ 8-22-18 (55930) ಕಥಂ ವೈಕರ್ತನಃ ಕರ್ಣಸ್ತತ್ರಾಯುಧ್ಯತ ಸಂಜಯ। ಕಥಂ ಚ ಪಾಂಡವಾಃ ಸರ್ವೇ ಯುಯುಧುಸ್ತತ್ರ ಸೂತಜಂ॥ 8-22-19 (55931) ಕರ್ಣೋ ಹ್ಯೇಕೋ ಮಹಾಬಾಹುರ್ಹನ್ಯಾತ್ಪಾರ್ಥಾನ್ಸಸೃಂಜಯಾನ್। ಕರ್ಣಸ್ಯ ಭುಜಯೋರ್ವೀರ್ಯಂ ಶಕ್ರವಿಷ್ಣುಸಮಂ ಯುಧಿ॥ 8-22-20 (55932) ತಸ್ಯ ಶಸ್ತ್ರಾಣಿ ಘೋರಾಣಿ ವಿಕ್ರಮಶ್ಚ ಮಹಾತ್ಮನಃ। ಕರ್ಣಮಾಶ್ರಿತ್ಯ ಸಂಗ್ರಾಮೇ ಮತ್ತೋ ದುರ್ಯೋಧನೋ ನೃಪಃ॥ 8-22-21 (55933) ದುರ್ಯೋಧನಂ ತತೋ ದೃಷ್ಟ್ವಾ ಪಾಂಡವೇನ ಭೃಶಾರ್ದಿತಂ। ಪರಾಕ್ರಾಂತಾನ್ಪಾಂಡುಸುತಾಂದೃಷ್ಟ್ವಾ ಚಾಪಿ ಮಹಾರಥಃ॥ 8-22-22 (55934) ಕರ್ಣಮಾಶ್ರಿತ್ಯ ಸಂಗ್ರಾಮೇ ಮಂದೋ ದುರ್ಯೋಧನಃ ಪುನಃ। ಜೇತುಮುತ್ಸಹತೇ ಪಾರ್ಥಾನ್ಸಪುತ್ರಾನ್ಸಹಕೇಶವಾನ್॥ 8-22-23 (55935) `ಯಃ ಸೌಬಲಂ ತಥಾ ತಾತ ನೀತಿಮಾನಿತಿ ಮನ್ಯತೇ। ಕರ್ಣಂ ಚಾಗ್ರತಿಮಂ ಯುದ್ವೇ ದೇವೈರಪಿ ದುರುತ್ಸಹಂ॥ 8-22-24 (55936) ಮನ್ಯತೇಽಭ್ಯಧಿಕಂ ಪಾರ್ಥಾದೇವಂ ಚಾಸ್ಯ ಹೃದಿ ಸ್ಥಿತಂ। ವಿಜೇಷ್ಯತಿ ರಣೇ ಕರ್ಣ ಏಕಃ ಪರ್ಥಾನ್ಸಸೋಮಕಾನ್। ಮಮ ಚೈವ ಸದಾ ಮಂದಃ ಶಂಸತೇ ನಿತ್ಯಮಗ್ರತಃ'॥ 8-22-25 (55937) ಅಹೋ ಬತ ಮಹದ್ದುಃಖಂ ಯತ್ರ ಪಾಂಡುಸುತಾನ್ರಣೇ। ನಾತರದ್ರಭಸಃ ಕರ್ಣೋ ದೈವಂ ನೂನಂ ಪರಾಯಣಂ॥ 8-22-26 (55938) ಅಹೋ ದ್ಯೂತಸ್ಯ ನಿಷ್ಠೇಯಂ ಘೋರಾ ಸಂಪ್ರತಿ ವರ್ತತೇ॥ 8-22-27 (55939) ಅಹೋ ತೀವ್ರಾಣಿ ದುಃಖಾನಿ ದುರ್ಯೋಧನಕೃತಾನ್ಯಹಂ। ಸೋಢಾ ಘೋರಾಣಿ ಬಹುಶಃ ಶಲ್ಯಭೂತಾನಿ ಸಂಜಯ॥ 8-22-28 (55940) ಸೌಬಲಂ ಚ ತದಾ ತಾತ ನೀತಿಮಾನಿತಿ ಮನ್ಯತೇ। ಕರ್ಣಶ್ಚ ರಭಸೋ ನಿತ್ಯಂ ರಾಜಾ ತ ಚಾಪ್ಯನುವ್ರತಃ॥ 8-22-29 (55941) ಯದೇವಂ ವರ್ತಮಾನೇಷು ಮಹಾಯುದ್ವೇಷು ಸಂಜಯ। ಅಶ್ರೌಷಂ ನಿಹತಾನ್ಪುತ್ರಾನ್ನಿತ್ಯಮೇವ ವಿನಿರ್ಜಿತಾನ್॥ 8-22-30 (55942) ನ ಪಾಂಡವಾನಾಂ ಸಮರೇ ಕಶ್ಚಿದಸ್ತಿ ಹತಃ ಕಿಲ। ಸ್ತ್ರೀಮಧ್ಯಮಿವ ಗಾಹಂತೇ ದೈವಂ ತು ಬಲವತ್ತರಂ॥ 8-22-31 (55943) ಸಂಜಯ ಉವಾಚ। 8-22-32x (4874) [ರಾಜನ್ಪೂರ್ವನಿಮಿತ್ತಾನಿ ಧರ್ಮಿಷ್ಠಾನಿ ವಿಚಿಂತಯ]। 8-22-32 (55944) ಅತಿಕ್ರಾಂತಂ ಹಿ ಯತ್ಕಾರ್ಯಂ ಪಶ್ಚಾಚ್ಚಿಂತಯತೇ ನರಃ। ತಚ್ಚಾಸ್ಯ ನ ಭವೇತ್ಕಾರ್ಯಂ ಚಿಂತಯಾ ಚ ವಿನಶ್ಯತಿ॥ 8-22-33 (55945) ತದಿದಂ ತವ ಕಾರ್ಯಂ ತು ದೂರಪ್ರಾಪ್ತಂ ವಿಜಾನತಾ। ನ ಕೃತಂ ಯತ್ತ್ವಯಾ ಪೂರ್ವಂ ಪ್ರಾಪ್ತಾಪ್ರಾಪ್ತವಿಚಾರಣಂ॥ 8-22-34 (55946) ಉಕ್ತೋಽಸಿ ಬಹುಧಾ ರಾಜ್ಞನ್ಮಾ ಯುಧ್ಯಸ್ವೇತಿ ಪಾಂಡವೈಃ। ನ ಚ ತತ್ತ್ವಗ್ರಹೀರ್ದ್ವೇಷಾತ್ಪಾಂಡವೇಷು ವಿಶಾಂಪತೇ॥ 8-22-35 (55947) ತ್ವಯಾ ಪಾಪಾನಿ ಘೋರಾಣಿ ಸಮಾಚೀರ್ಣಾನಿ ಪಾಂಡುಷು। ತ್ವತ್ಕೃತೇ ವರ್ತತೇ ಘೋರಃ ಪಾರ್ಥಿವಾನಾಂ ಜನಕ್ಷಯಃ॥ 8-22-36 (55948) ತತ್ತ್ವಿದಾನೀಮತಿಕ್ರಾಂತಂ ಮಾ ಶುಚೋ ಭರತರ್ಷಭ। ಶೃಣು ಸರ್ವಂ ಯಥಾವೃತ್ತಂ ಘೋರಂ ವೈಶಸಮುಚ್ಯತೇ॥ 8-22-37 (55949) ಪ್ರಭಾತಾಯಾಂ ರಜನ್ಯಾಂ ತು ಕರ್ಣೋ ರಾಜಾನಮಭ್ಯಯಾತ್। ಸಮೇತ್ಯ ಚ ಮಹಾಬಾಹುರ್ದುರ್ಯೋಧನಮಥಾಬ್ರವೀತ್॥ 8-22-38 (55950) ಕರ್ಣ ಉವಾಚ। 8-22-39x (4875) ಅದ್ಯ ರಾಜನ್ಸಮೇಷ್ಯಾಮಿ ಪಾಂಡವೇನ ಯಶಸ್ವಿನಾ। ನಿಹನಿಷ್ಯಾಮಿ ತಂ ವೀರಂ ಸ ವಾ ಮಾಂ ನಿಹನಿಷ್ಯತಿ॥ 8-22-39 (55951) ಬಹುತ್ವಾನ್ಮಮ ಕಾರ್ಯಾಣಾಂ ತಥಾ ಪಾರ್ಥಸ್ಯ ಭಾರತ। ನಾಭೂತ್ಸಮಾಗಮೋ ರಾಜನ್ಮಮ ಚೈವಾರ್ಜುನಸ್ಯ ಚ॥ 8-22-40 (55952) ಇದಂ ತು ಮೇ ಯಥಾಪ್ರಜ್ಞಂ ಶೃಣು ವಾಕ್ಯಂ ವಿಶಾಂಪತೇ। ಅನಿಹತ್ಯ ರಣೇ ಪಾರ್ಥಂ ನಾಹಮೇಷ್ಯಾಮಿ ಭಾರತ॥ 8-22-41 (55953) ಹತಪ್ರವೀರೇ ಸೈನ್ಯೇಽಸ್ಮಿನ್ಮಯಿ ಚಾವಸ್ಥಿತೇ ಯುಧಿ। ಅಭಿಯಾಸ್ಯತಿ ಮಾಂ ಪಾರ್ಥಃ ಶಕ್ರಶಕ್ತಿವಿನಾಕೃತಂ॥ 8-22-42 (55954) ತತಃ ಶ್ರೇಯಸ್ಕರಂ ಯಚ್ಚ ತನ್ನಿಬೋಧ ಜನೇಶ್ವರ। ಆಯುಧಾನಾಂ ಚ ಮೇ ವೀರ್ಯಂ ದಿವ್ಯಾನಾಮರ್ಜುನಸ್ಯ ಚ॥ 8-22-43 (55955) ಕಾರ್ಯಸ್ಯ ಮಹತೋ ಭೇದೇ ಲಾಘವೇ ದೂರಪಾತನೇ। ಸೌಷ್ಠವೇ ಚಾಸ್ತ್ರಪಾತೇ ಚ ಸವ್ಯಸಾಚೀ ನ ಮತ್ಸಮಃ॥ 8-22-44 (55956) ಪ್ರಾಣೇ ಶೌರ್ಯೇಽಥ ವಿಜ್ಞಾನೇ ವಿಕ್ರಮೇ ಚಾಪಿ ಭಾರತ। ನಿಮಿತ್ತಜ್ಞಾನಯೋಗೇ ಚ ಸವ್ಯಸಾಚೀ ನ ಮತ್ಸಮಃ॥ 8-22-45 (55957) ಸರ್ವಾಯುಧಮಹಾಮಾತ್ರಂ ವಿಜಯಂ ನಾಮ ತದ್ವನುಃ। ಇಂದ್ರಾರ್ಥಂ ಪ್ರಿಯಕಾಮೇನ ನಿರ್ಮಿತಂ ವಿಶ್ವಕರ್ಮಣಾ॥ 8-22-46 (55958) ಯೇನ ದೈತ್ಯಗಣಾನ್ರಾಜಂಜಿತವಾನ್ವೈ ಶತಕ್ರತುಃ। ಯಸ್ಯ ಘೋಷೇಣ ದೈತ್ಯಾನಾಂ ವ್ಯಾಮುಹ್ಯಂತ ದಿಶೋ ದಶ॥ 8-22-47 (55959) ತದ್ಭಾರ್ಗವಾಯ ಪ್ರಾಯಚ್ಛಚ್ಛಕ್ರಃ ಪರಮಸಂಮತಂ। ತದ್ದಿವ್ಯಂ ಭಾರ್ಗವೋ ಮಹ್ಯಮದದದ್ವನುರತ್ತಮಂ॥ 8-22-48 (55960) ತೇನ ಯೋತ್ಸ್ಯೇ ಮಹಾಬಾಹುಮರ್ಜುನಂ ಜಯತಾಂ ವರಂ। ಯಥೇಂದ್ರಃ ಸಮರೇ ಸರ್ವಾಂದೈತೇಯಾನ್ವೈ ಸಮಾಗತಾನ್। `ನಿಜಘಾನ ತಥಾ ಸರ್ವಾಂಜೇಷ್ಯಾಮಿ ಯುಧಿ ಪಾಂಡವಾನ್'॥ 8-22-49 (55961) ಧನುರ್ಘೋರಂ ರಾಮದತ್ತಂ ಗಾಂಡೀವಾತ್ತದ್ವಿಶಿಷ್ಯತೇ। ತ್ರಿಸ್ಸಪ್ತಕೃತ್ವಃ ಪೃಥಿವೀ ಧನುಷಾ ಯೇನ ನಿರ್ಜಿತಾ॥ 8-22-50 (55962) ಧನುಷೋ ಹ್ಯಸ್ಯ ಕರ್ಮಾಣಿ ದಿವ್ಯಾನಿ ಪ್ರಾಹ ಭಾರ್ಗವಃ। ತದ್ರಾಮೋ ಹ್ಯದದನ್ಮಹ್ಯಂ ತೇನ ಯೋತ್ಸ್ಯಾಮಿ ಪಾಂಡವಂ॥ 8-22-51 (55963) ಅದ್ಯ ದುರ್ಯೋಧನಾಹಂ ತ್ವಾಂ ನಂದಯಿಷ್ಯೇ ಸಬಾಂಧವಂ। ನಿಹತ್ಯ ಸಮರೇ ವೀರಮರ್ಜುನಂ ಜಯತಾಂ ವರಂ॥ 8-22-52 (55964) ಸಪರ್ವತವನದ್ವೀಪಾ ಹತವೀರಾ ಸಸಾಗರಾ। ಪುತ್ರಪೌತ್ರಪ್ರತಿಷ್ಠಾ ತೇ ಭವಿಷ್ಯತ್ಯದ್ಯ ಪಾರ್ಥಿವ॥ 8-22-53 (55965) ನಾಶಕ್ಯಂ ವಿದ್ಯತೇ ಮೇಽದ್ಯ ತ್ವತ್ಪ್ರಿಯಾರ್ಥಂ ವಿಶೇಷತಃ। ಸಂಯಗ್ಧರ್ಮಾನುರಕ್ತಸ್ಯ ಸಿದ್ವಿರಾತ್ಮವತೋ ಯಥಾ॥ 8-22-54 (55966) ನ ಹಿ ಮೇ ವಿಕ್ರಮಂ ಸೋಢುಂ ಸ ಶಕ್ತೋಽಗ್ನಿಂ ತರುರ್ಯಥಾ। ಅವಶ್ಯಂ ತು ಮಯಾ ವಾಚ್ಯಂ ಯೇನ ಹೀನೋಽಸ್ಮಿ ಫಲ್ಗುನಾತ್॥ 8-22-55 (55967) ಜ್ಯಾ ತಸ್ಯ ಧನುಷೋ ದಿವ್ಯಾ ತಥಾಽಕ್ಷಯ್ಯೇ ಮಹೇಷುಧೀ। ಸಾರಥಿಸ್ತಸ್ಯ ಗೋವಿಂದೋ ಮಮ ತಾದೃಂಗ ವಿದ್ಯತೇ॥ 8-22-56 (55968) ತಸ್ಯ ದಿವ್ಯಂ ಧನುಃ ಶ್ರೇಷ್ಠಂ ಗಾಂಡೀವಮಜಿತಂ ಯುಧಿ। ವಿಜಯಂ ಚ ಮಹದ್ದಿವ್ಯಂ ಮಮಾಪಿ ಧನುರುತ್ತಮಂ॥ 8-22-57 (55969) ತತ್ರಾಹಮಧಿಕಃ ಪಾರ್ಥಾದ್ವನುಷಾ ತೇನ ಪಾರ್ಥಿವ। ಯೇನ ಚಾಪ್ಯಧಿಕೋ ವೀರಃ ಪಾಂಡವಸ್ತನ್ನಿಬೋಧ ಮೇ॥ 8-22-58 (55970) ರಶ್ಮಿಗ್ರಾಹಶ್ಚ ದಾಶಾರ್ಹಃ ಸರ್ವಲೋಕನಮಸ್ಕೃತಃ। ಅಗ್ನಿದತ್ತಶ್ಚ ವೈ ದಿವ್ಯೋ ರಥಃ ಕಾಂಚನಭೂಷಣಃ॥ 8-22-59 (55971) ಅಚ್ಛೇದ್ಯಾಃ ಸರ್ವತೋ ವೀರ ವಾಜಿನಶ್ಚ ಮನೋಜವಾಃ। ಧ್ವಜಶ್ಚ ದಿವ್ಯೋ ದ್ಯುತಿಮಾನ್ವಾನರೋಪಿ ಭಯಂಕರಃ॥ 8-22-60 (55972) ಕೃಷ್ಣಶ್ಚ ಜಗತಃ ಸ್ರಷ್ಟಾ ರಥಂ ತಮಭಿರಕ್ಷತಿ। ಏಭಿಸ್ತ್ರಿಭಿರಹಂ ಹೀನೋ ಯುದ್ವುಮಿಚ್ಛಾಮಿ ಪಾಂಡವಂ॥ 8-22-61 (55973) ಅಯಂ ತು ಸದೃಶಃ ಶೌರೇಃ ಶಲ್ಯಃ ಸಮಿತಿಶೋಭನಃ। ಸಾರಥ್ಯಂ ಯದಿ ಮೇ ಕುರ್ಯಾದ್ದ್ರುವಸ್ತೇ ವಿಜಯೋ ಭವೇತ್॥ 8-22-62 (55974) ತಸ್ಯ ಮೇ ಸಾರಥಿಃ ಶಲ್ಯೋ ಭವತ್ವಸುಕರಃ ಪರೈಃ। ನಾರಾಚಾನ್ಗಾರ್ಧ್ರಪತ್ರಾಂಶ್ಚ ಶಕಟಾನಿ ವಹಂತು ಮೇ॥ 8-22-63 (55975) ರಥಾಶ್ಚ ಮುಖ್ಯಾ ರಾಜೇಂದ್ರ ಯುಕ್ತಾ ವಾಜಿಭಿರುತ್ತಮೈಃ। ಆಯಾಂತು ಪಶ್ಚಾತ್ಸತತಂ ಮಾಮೇವ ಭರತರ್ಷಭ॥ 8-22-64 (55976) ಏವಮಭ್ಯಧಿಕಃ ಪಾರ್ಥಾದ್ಭವಿಷ್ಯಾಮಿ ಗುಣೈರಹಂ। ಶಲ್ಯೋಪ್ಯಭ್ಯಧಿಕಃ ಕೃಷ್ಣಾದರ್ಜುನಾದಪಿಚಾಪ್ಯಹಂ॥ 8-22-65 (55977) ಯಥಾಽಶ್ವಹೃದಯಂ ವೇದ ದಾಶಾರ್ಹಃ ಪರವೀರಹಾ। ತಥಾ ಶಲ್ಯೋ ವಿಜಾನೀತೇ ಹಯಜ್ಞಾನಂ ಮಹಾರಥಃ॥ 8-22-66 (55978) ಬಾಹುವೀರ್ಯೇ ಸಮೋ ನಾಸ್ತಿ ಮದ್ರರಾಜಸ್ಯ ಕಶ್ಚನ। ತಥಾಽಸ್ತ್ರೇ ಮತ್ಸಮೋ ನಾಸ್ತಿ ಕಶ್ಚಿದೇವ ಧನುರ್ಧರಃ॥ 8-22-67 (55979) ತಥಾ ಶಲ್ಯಸಮೋ ನಾಸ್ತಿ ಹಯಜ್ಞಾನೇ ಹಿ ಕಶ್ಚನ। ಸೋಽಯಮಭ್ಯಧಿಕಃ ಕೃಷ್ಣಾದ್ಭವಿಷ್ಯತಿ ರಥೋ ಮಮ॥ 8-22-68 (55980) ಏವಂ ಕೃತೇ ರಥಸ್ಥೋಽಹಂ ಗುಣೈರಭ್ಯಧಿಕೋಽರ್ಜುನಾತ್। ವಿಜಯೇಯಮಹಂ ಸಂಖ್ಯೇ ಫಲ್ಗುನಂ ಕುರುಸತ್ತಮ॥ 8-22-69 (55981) ಸಮುದ್ಯಾತುಂ ನ ಶಕ್ಷ್ಯಂತಿ ದೇವಾ ಅಪಿ ಸವಾಸವಾಃ। ಏತತ್ಕೃತಂ ಮಹಾರಾಜ ತ್ವಯೇಚ್ಛಾಮಿ ಪರಂತಪ॥ 8-22-70 (55982) ಕ್ರಿಯತಾಮೇಷ ಕಾಮೋ ಮೇ ಮಾ ವಃ ಕಾಲೋಽತ್ಯಗಾದಯಂ। ಏವಂ ಕೃತೇ ಕೃತಂ ಮಹ್ಯಂ ತ್ವಯಾ ಸರ್ವಂ ಭವಿಷ್ಯತಿ॥ 8-22-71 (55983) ತತೋ ದ್ರಕ್ಷ್ಯಸಿ ಸಂಗ್ರಾಮೇ ಯತ್ಕರಿಷ್ಯಾಮಿ ಭಾರತ। ಸರ್ವಥಾ ಪಾಂಡವಾನ್ಸಂಖ್ಯೇ ವಿಜೇಷ್ಯೇ ವೈ ಸಮಾಗತಾನ್॥ 8-22-72 (55984) ನ ಹಿ ಮೇ ಸಮರೇ ಶಕ್ತಾಃ ಸಮುದ್ಯಾತುಂ ಸುರಾಸುರಾಃ। ಕಿಮು ಪಾಂಡುಸುತಾ ರಾಜನ್ರಣೇ ಮಾನುಷಯೋನಯಃ॥ 8-22-73 (55985) ಸಂಜಯ ಉವಾಚ। 8-22-74x (4876) ಏವಮುಕ್ತಸ್ತವ ಸುತಃ ಕರ್ಣೇನಾಹವಶೋಭಿನಾ। ಸಂಪೂಜ್ಯ ಸಂಪ್ರಹೃಷ್ಟಾತ್ಮಾ ತತೋ ರಾಧೇಯಮಬ್ರವೀತ್॥ 8-22-74 (55986) ದುರ್ಯೋಧನ ಉವಾಚ। 8-22-75x (4877) ಏವಮೇತತ್ಕರಿಷ್ಯಾಮಿ ಯಥಾ ತ್ವಂ ಕರ್ಣ ಮನ್ಯಸೇ। ಸೋಪಾಸಂಗಾ ರಥಾಃ ಸಾಶ್ವಾಃ ಸ್ವನುಯಾಸ್ಯಂತಿ ಸಂಯುಗೇ॥ 8-22-75 (55987) ನಾರಾಚಾನ್ಗಾರ್ಧ್ರಪತ್ರಾಂಶ್ಚ ಶಕಟಾನಿ ವಹಂತು ತೇ। ಅನುಯಾಸ್ಯಾಮ ಕರ್ಣ ತ್ವಾಂ ವಯಂ ಸರ್ವೇ ಚ ಪಾರ್ಥಿವಾಃ॥ 8-22-76 (55988) ಸಂಜಯ ಉವಾಚ। 8-22-77x (4878) ಏವಮುಕ್ತ್ವಾ ಮಹಾರಾಜ ತವ ಪುತ್ರಃ ಪ್ರತಾಪವಾನ್। ಅಭಿಗಂಯಾಬ್ರವೀದ್ರಾಜಾ ಮದ್ರರಾಜಮಿದಂ ವಚಃ॥ ॥ 8-22-77 (55989) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ದ್ವಾವಿಂಶೋಽಧ್ಯಾಯಃ॥ 22 ॥

8-23-0 (55990) ಸಂಜಯ ಉವಾಚ। 8-23-0x (4879) ಏವಮುಕ್ತೋ ಮಹಾರಾಜ ತವ ಪುತ್ರಃ ಪ್ರತಾಪವಾನ್। ಮದ್ರೇಶ್ವರಂ ಪ್ರತಿ ರಣೇ ಸುರಸೈನ್ಯಭಯಂಕರಂ। ಸರ್ವಂ ತಥಾಽಕರೋತ್ತೂರ್ಣಂ ರಾಧೇಯಸ್ತದ್ಯಥಾಽಬ್ರವೀತ್॥ 8-23-1 (55991) ಮದ್ರಾಜಂ ಚ ಸಮರೇ ಪ್ರಣಂಯ ಚ ಮಹಾರಥಂ। ವಿನಯೇನೋಪಸಂಗಂಯ ಪ್ರಣಯಾದ್ವಾಕ್ಯಮಬ್ರವೀತ್॥ 8-23-2 (55992) ಸತ್ಯವ್ರತ ಮಹಾಭಾಗ ದ್ವಿಷತಾಂ ತಾಪವರ್ಧನ। ಮದ್ರೇಶ್ವರ ರಣೇಶೂರ ಪರಸೈನ್ಯಭಯಂಕರ॥ 8-23-3 (55993) `ಮತ್ಪ್ರಿಯಾರ್ಥಂ ಹಿತಾರ್ಥಂ ಚ ತಥಾ ಪಾರ್ಥವಧಾಯ ಚ'। ಶ್ರುತವಾನಸಿ ಕರ್ಣಸ್ಯ ಬ್ರುವತೋ ವದತಾಂ ವರ। ಯಥಾ ನೃಪತಿಸಿಂಹಾನಾಂ ಮಧ್ಯೇ ತ್ವಾಂ ವರಯೇ ಸ್ವಯಂ॥ 8-23-4 (55994) ತತ್ತ್ವಾಮಪ್ರತಿವೀರ್ಯಾದ್ಯ ಶತ್ರುಪಕ್ಷಕ್ಷಯಾವಹ। ಮದ್ರೇಶ್ವರ ಪ್ರಯಾಚೇಽಹಂ ಶಿರಸಾ ವಿನಯೇನ ಚ॥ 8-23-5 (55995) ತಸ್ಮಾತ್ಪಾರ್ಥವಿನಾಶಾರ್ಥಂ ಹಿತಾರ್ಥಂ ಮಮ ಚೈವ ಹಿ। ತ್ವಂ ಪಾಹಿ ಸರ್ವತಃ ಕರ್ಣಂ ಭವಂ ಬ್ರಹ್ಮೇವ ಸುವ್ರತ॥ 8-23-6 (55996) ಸಾರಥ್ಯಂ ರಥಿನಾಂ ಶ್ರೇಷ್ಠ ಪ್ರಣಯಾತ್ಕರ್ತುಮರ್ಹಸಿ। ತ್ವಯಿ ಯಂತರಿ ರಾಧೇಯೋ ವಿದ್ವಿಷೋ ಮೇ ವಿಜೇಷ್ಯತೇ॥ 8-23-7 (55997) ಅಭೀಷೂಣಾಂ ಹಿ ಕರ್ಣಸ್ಯ ಗ್ರಹೀತಾನ್ಯೋ ನ ವಿದ್ಯತೇ। ಋತೇ ಹಿ ತ್ವಾಂ ಮಹಾಭಾಗ ವಾಸುದೇವಸಮಂ ಯುಧಿ॥ 8-23-8 (55998) ಸ ಪಾಹಿ ಸರ್ವಥಾ ಕರ್ಣಂ ಯಥಾ ಬ್ರಹ್ಮಾ ಮಹೇಶ್ವರಂ। ಯಥಾ ಚ ಸರ್ವಥಾಽಽಪತ್ಸು ವಾರ್ಷ್ಣೇಯಃ ಪಾತಿ ಪಾಂಡವಂ। ತಥಾ ಮದ್ರೇಶ್ವರಾದ್ಯ ತ್ವಂ ರಾಧೇಯಂ ಪ್ರತಿಪಾಲಯ॥ 8-23-9 (55999) ಭೀಷ್ಮೋ ದ್ರೋಣಃ ಕೃಪಃ ಕರ್ಣೋ ಭವಾನ್ಭೋಜಶ್ಚ ವೀರ್ಯವಾನ್। ಶಕುನಿಃ ಸೌಬಲೋ ದ್ರೌಣಿರಹಮೇವ ಚ ನೋ ಬಲಂ॥ 8-23-10 (56000) ಏವಮೇಷ ಕೃತೋ ಭಾಗೋ ನವಧಾ ಪೃಥಿವೀಪತೇ। ನ ಚ ಭಾಗೋಽತ್ರ ಭೀಷ್ಮಸ್ಯ ದ್ರೋಣಸ್ಯ ಚ ಮಹಾತ್ಮನಃ॥ 8-23-11 (56001) ತಾಭ್ಯಾಮತೀತ್ಯ ತೌ ಭಾಗೌ ನಿಹತಾ ಮಮ ಶತ್ರವಃ। ವೃದ್ವೌ ಹಿ ತೌ ಮಹೇಷ್ವಾಸೌ ಛಲೇನ ನಿಹತೌ ಯುಧಿ॥ 8-23-12 (56002) ಕೃತ್ವಾ ಚಾಸುಕರಂ ಕರ್ಮ ಗತೌ ಸ್ವರ್ಗಮಿತೋಽನಘ। ತಥಾನ್ಯೇ ಪುರುಷವ್ಯಾಘ್ರಾಃ ಪರೈರ್ವಿನಿಹತಾ ಯುಧಿ॥ 8-23-13 (56003) ಅಸ್ಮದೀಯಾಶ್ಚ ಬಹವಃ ಸ್ವರ್ಗಾಯ ಗಮಿತಾಃ ಪರೈಃ। ತ್ಯಕ್ತ್ವಾ ಪ್ರಾಣಾನಯ್ಥಾಶಕ್ತಿ ಚೇಷ್ಟಾಂ ಕೃತ್ವಾ ಚ ಪುಷ್ಕಲಾಂ। 8-23-14 (56004) ತದಿದಂ ಹತಭೂಯಿಷ್ಠಂ ಬಲಂ ಮಮ ನರಾಧಿಪ। ಪೂರ್ವಮಪ್ಯಲ್ಪಕೈಃ ಪಾರ್ಥೈರ್ಹತಂ ಕಿಮುತ ಸಾಂಪ್ರತಂ॥ 8-23-15 (56005) ಬಲವಂತೋ ಮಹಾತ್ಮಾನಃ ಕೌಂತೇಯಾಃ ಸತ್ಯವಿಕ್ರಮಾಃ। ಬಲಂ ಶೇಷಂ ನ ಹನ್ಯುರ್ಮೇ ಯಥಾ ತತ್ಕುರು ಪಾರ್ಥಿವ॥ 8-23-16 (56006) ಹತವೀರಮಿದಂ ಸೈನ್ಯಂ ಪಾಂಡವೈಃ ಸಮರೇ ವಿಭೋ। ಕರ್ಣೋ ಹ್ಯೇಕೋ ಮಹಾಬಾಹುರಸ್ಮತ್ಪ್ರಿಯಹಿತೇ ರತಃ॥ 8-23-17 (56007) ಭವಾಂಶ್ಚ ಪುರುಷವ್ಯಾಘ್ರ ಸರ್ವಲೋಕಮಹಾರಥಃ। ಶಲ್ಯ ಕರ್ಣೋಽರ್ಜುನೇನಾದ್ಯ ಯೋದ್ವುಮಿಚ್ಛತಿ ಸಂಯುಗೇ॥ 8-23-18 (56008) ತಸ್ಮಿಂಜಯಾಶಾ ವಿಪುಲಾ ಮದ್ರರಾಜ ನರಾಧಿಪ। ತಸ್ಯಾಭೀಷುಗ್ರಹವರೋ ನಾನ್ಯೋಽಸ್ತಿ ಭುವಿ ಕಶ್ಚನ॥ 8-23-19 (56009) ಪಾರ್ಥಸ್ಯ ಸಮರೇ ಕೃಷ್ಣೋ ಯಥಾಽಭೀಷುಗ್ರಹೋ ವರಃ। ತಥಾ ತ್ವಮಪಿ ಕರ್ಣಸ್ಯ ರಥೇಽಭೀಷುಗ್ರಹೋ ಭವ॥ 8-23-20 (56010) ತೇನ ಯುಕ್ತೋ ರಣೇ ಪಾರ್ಥೋ ರಕ್ಷ್ಯಮಾಣಶ್ಚ ಪಾರ್ಥಿವ। ಯಾನಿ ಕರ್ಮಾಣಿ ಕುರುತೇ ಪ್ರತ್ಯಕ್ಷಾಣಿ ತಥೈವ ತತ್॥ 8-23-21 (56011) ಪೂರ್ವಂ ನಃ ಸಮರೇ ಹ್ಯೇವಮಧೀದರ್ಜುನೋ ರಿಪೂನ್। ಇದಾನೀಂ ವಿಕ್ರಮೋ ಹ್ಯಸ್ಯ ಕೃಷ್ಣೇನ ಸಹಿತಸ್ಯ ಚ॥ 8-23-22 (56012) ಕೃಷ್ಣೇನ ಸಹಿತಃ ಪಾರ್ಥೋ ಧಾರ್ತರಾಷ್ಟ್ರೀಂ ಮಹಾಚಮೂಂ। ಅಹನ್ಯಹನಿ ಮದ್ರೇಶ ದ್ರಾವಯಂದೃಶ್ಯತೇ ಯುಧಿ॥ 8-23-23 (56013) ಭಾಗೋಽವಶಿಷ್ಟಃ ಕರ್ಣಸ್ಯ ತವ ಚೈವ ಮಹಾದ್ಯುತೇ। ತಂ ಭಾಗಂ ಸಹ ಕರ್ಣೇನ ಯುಗಪನ್ನಾಶಯಾದ್ಯ ಹಿ॥ 8-23-24 (56014) ಅರುಣೇನ ಯಥಾ ಸಾರ್ಧಂ ತಮಃ ಸೂರ್ಯೋ ವ್ಯಪೋಹತಿ। ತಥಾ ಕರ್ಣೇನ ಸಹಿತೋ ಜಹಿ ಪಾರ್ಥಂ ಮಹಾಹವೇ॥ 8-23-25 (56015) ಉದ್ಯಂತೌ ಚ ಯಥಾ ಸೂರ್ಯೌ ಬಾಲಸೂರ್ಯಸಮಪ್ರಭೌ। ಕರ್ಣಶಲ್ಯೌ ರಣೇ ದೃಷ್ಟ್ವಾ ವಿದ್ರವಂತು ಮಹಾರಥಾಃ॥ 8-23-26 (56016) ಸೂರ್ಯಾರುಷೌ ಯಥಾ ದೃಷ್ಟ್ವಾ ತಮೋ ನಶ್ಯತಿ ಮಾರಿಷ। ತಥಾ ನಶ್ಯಂತು ಕೌಂತೇಯಾಃ ಸಪಾಂಚಾಲಾಃ ಸಸೃಂಜಯಾಃ॥ 8-23-27 (56017) ರಥಿನಾಂ ಪ್ರವರಃ ಕರ್ಣೋ ಯಂತೄಣಾಂ ಪ್ರವರೋ ಭವಾನ್। ಸಂಯೋಗೋ ಯುವಯೋರ್ಲೋಕೇ ನಾಭೂನ್ನ ಚ ಭವಿಷ್ಯತಿ॥ 8-23-28 (56018) ಯಥಾ ಸರ್ವಾಸ್ವವಸ್ಥಾಸು ವಾರ್ಷ್ಮೇಯಃ ಪಾತಿ ಪಾಂಡವಂ। ತಥಾ ಭವಾನ್ಪರಿತ್ರಾತು ಕರ್ಣಂ ವೈಕರ್ತನಂ ರಣೇ। `ಸಾರಥ್ಯಂ ಕ್ರಿಯತಾಂ ತಸ್ಯ ಯುಧ್ಯಮಾನಸ್ಯ ಸಂಯುಗೇ॥ 8-23-29 (56019) ಯಥಾ ಚ ಸಮರೇ ಕೃಷ್ಣೋ ರಕ್ಷತೇ ಸರ್ವತೋಽರ್ಜುನಂ। ತಥಾ ತ್ವಮಪಿ ರಾಧೇಯಂ ರಕ್ಷಸ್ವ ಚ ಮಹಾರಣೇ'॥ 8-23-30 (56020) ತ್ವಯಾ ಸಾರಥಿನಾ ಹ್ಯೇಷ ಅಪ್ರಧೃಷ್ಯೋ ಭವಿಷ್ಯತಿ। ದೇವತಾನಾಮಪಿ ರಣೇ ಸಶಕ್ರಾಣಾಂ ಮಹೀಪತೇ। ಕಿಂ ಪುನಃ ಪಾಂಡವೇಯಾನಾಂ ಮಾ ವಿಶಂಕೀರ್ವಚೋ ಮಮ॥ 8-23-31 (56021) ಸಂಜಯ ಉವಾಚ। 8-23-32x (4880) ದುರ್ಯೋಧನವಚಃ ಶ್ರುತ್ವಾ ಶಲ್ಯಃ ಕ್ರೋಧಸಮನ್ವಿತಃ। `ಧಾರ್ತರಾಷ್ಟ್ರಮಥೋವಾಚ ಸೃಕ್ವಿಣೀ ಪರಿಲೇಲಿಹನ್'॥ 8-23-32 (56022) ತ್ರಿಶಿಖಾಂ ಭ್ರುಕುಟಿಂ ಕೃತ್ವಾ ಧುನ್ವನ್ಹಸ್ತೌ ಪುನಃಪುನಃ। ಕ್ರೋಧರಕ್ತೇ ಮಹಾನೇತ್ರೇ ಪರಿವೃತ್ಯ ಮಹಾಭುಜಃ। ಕುಲೈಶ್ವರ್ಯಶ್ರುತಬಲೈರ್ದೃಪ್ತಃ ಶಲ್ಯೋಽಬ್ರವೀದಿದಂ॥ 8-23-33 (56023) ಶಲ್ಯ ಉವಾಚ। 8-23-34x (4881) ನ ಮಾಮರ್ಹಸಿ ರಾಜೇದ್ರ ನಿಯೋಕ್ತುಂ ಕರ್ಮಣೀದೃಶೇ। ನ ಹಿ ಪಾಪೀಯಸಃ ಶ್ರೇಯಾನ್ಪ್ರೇಷ್ಯತ್ವಂ ಕರ್ತುಮರ್ಹತಿ॥ 8-23-34 (56024) ಯೋ ಹ್ಯಭ್ಯುಪಗತಂ ಮಿತ್ರಂ ಗರೀಯಾಂಸಂ ವಿಶೇಷತಃ। ವಶೇ ಪಾಪೀಯಸೋ ಧತ್ತೇ ತತ್ಕಾರ್ಯಮಧರೋತ್ತರಂ॥ 8-23-35 (56025) ಬ್ರಹ್ಮಣಾ ಬ್ರಾಹ್ಮಣಾಃ ಸೃಷ್ಟಾ ಮುಖಾತ್ಕ್ಷತ್ರಂ ಚ ಬಾಹುತಃ। ಊರುಭ್ಯಾಮಥ ವೈಶ್ಯಾ ವೈ ಶೂದ್ರಾಃ ಪದ್ಭ್ಯಾಮಿತಿ ಶ್ರುತಿಃ॥ 8-23-36 (56026) ತೇಭ್ಯೋ ವರ್ಣವಿಶೇಷಾಶ್ಚ ಪ್ರತಿಲೋಮಾನುಲೋಮಜಾಃ। ಅಥಾನ್ಯೋನ್ಯಸ್ಯ ಸಂಯೋಗಾಚ್ಚಾತುರ್ವರ್ಣ್ಯಸ್ಯ ಭಾರತ॥ 8-23-37 (56027) ಗೋಪ್ತಾರಃ ಸಂಗೃಹೀತಾರೋ ದಾತಾರಃ ಕ್ಷತ್ರಿಯಾಃ ಸ್ಮೃತಾಃ॥ 8-23-38 (56028) ಯಾಜನಾಧ್ಯಾಪನೈರ್ವಿಪ್ರಾ ವಿಶುದ್ವೈಶ್ಚ ಪ್ರತಿಗ್ರಹೈಃ। ಲೋಕಸ್ಯಾನುಗ್ರಹಾರ್ಥಾಯ ಸ್ಥಾಪಿತಾ ಬ್ರಾಹ್ಮಣಾ ಭುವಿ॥ 8-23-39 (56029) ಕೃಷಿಶ್ಚ ಪಾಶುಪಾಲ್ಯಂ ಚ ವಿಶಾಂ ದಾನಂ ಚ ಧರ್ಮತಃ। ಬ್ರಹ್ಮಕ್ಷತ್ರವಿಶಾಂ ಶೂದ್ರಾ ವಿಹಿತಾಃ ಪರಿಚಾರಕಾಃ॥ 8-23-40 (56030) ಬ್ರಹ್ಮಕ್ಷತ್ರಸ್ಯ ವಿಹಿತಾಃ ಸೂತಾ ವೈ ಪರಿಚಾರಕಾಃ। ನ ಕ್ಷತ್ರಿಯೋ ವೈ ಸೂತಾನಾಂ ಶೃಣುಯಾಚ್ಚ ಕಥಂಚನ॥ 8-23-41 (56031) ಅಹಂ ಮೂರ್ಧಾಭಿಷಿಕ್ತೋ ಹಿ ರಾಜರ್ಷಿಕುಲಜೋ ನೃಪಃ। ಮಹಾರಥಸಮಾಖ್ಯಾತಃ ಸೇವ್ಯಃ ಸ್ತುತ್ಯಶ್ಚ ವಂದಿನಾಂ॥ 8-23-42 (56032) ಸೋಽಮಹೇತಾದೃಶೋ ಭೂತ್ವಾ ನೇಹಾರಿಬಲಸೂದನಃ। ಸೂತಪುತ್ರಸ್ಯ ಸಂಗ್ರಾಮೇ ಸಾರಥ್ಯಂ ಕರ್ತುಮುತ್ಸಹೇ॥ 8-23-43 (56033) ಅವಮನ್ಯಸೇ ಮಾಂ ಗಾಂಧಾರೇ ಧ್ರುವಂ ಚಾಪ್ಯತಿಶಂಕಸೇ। ಯಸ್ಮಾದ್ಬ್ರವೀಷಿ ವಿಸ್ರಬ್ಧಃ ಸಾರಥ್ಯಂ ಕ್ರಿಯತಾಮಿತಿ॥ 8-23-44 (56034) ಅಸ್ಮತ್ತೋಽಭ್ಯಧಿಕಂ ಕರ್ಣಂ ಮನ್ವಾನಸ್ತಂ ಪ್ರಶಂಸಸಿ। ನ ಚಾಹಂ ಯುಧಿ ರಾಧೇಯಂ ಗಣಯೇ ತುಲ್ಯಮಾತ್ಮನಃ॥ 8-23-45 (56035) ಆದಿಶ್ಯತಾಮಭ್ಯಧಿಕೋ ಮಮಾಂಶಃ ಪೃಥಿವೀಪತೇ। ತಮಹಂ ಸಮರೇ ಹತ್ವಾ ಗಮಿಷ್ಯಾಮಿ ಯಥಾಗತಂ॥ 8-23-46 (56036) ಅಥವಾಪ್ಯೇಕ ಏವಾಹಂ ಯೋತ್ಸ್ಯಾಮಿ ತವ ಶತ್ರುಭಿಃ। ಪಶ್ಯ ವೀರ್ಯಂ ಮಮಾದ್ಯ ತ್ವಂ ಸಂಗ್ರಾಮೇ ದಹತೋ ರಿಪೂನ್॥ 8-23-47 (56037) ನ ಚಾಪಿ ಕಾಮಾನ್ಕೌರವ್ಯ ನಿಧಾಯ ಹೃದಯೇ ಪುಮಾನ್। ಅಸ್ಮದ್ವಿಧಃ ಪ್ರವರ್ತೇತ ಮಾ ಮಾ ತ್ವಮತಿಶಂಕಿಥಾಃ॥ 8-23-48 (56038) ಅಪಿ ಚಾಪ್ಯವಮಾನೋ ಮೇ ನ ಕರ್ತವ್ಯಃ ಕಥಂಚನ। ಪಶ್ಯ ಭೀಮೌ ಮಮ ಭುಜೌ ವಜ್ರಸಂಹನನೌ ದೃಢೌ॥ 8-23-49 (56039) ಧನುಃ ಪಶ್ಯ ಚ ಮೇ ಚಿತ್ರಂ ಶರಾಂಶ್ಚಾಶೀವಿಷಪಮಾನ್। ರಥಂ ಚ ಪಶ್ಯ ಮೇ ಚಿತ್ರಂ ಸದಶ್ವೈರ್ವಾತವೇಗಿಭಿಃ॥ 8-23-50 (56040) ಗದಾಂ ಚ ಪಶ್ಯ ಗಾಂಧಾರೇ ಹೇಮಪಟ್ಟವಿಭೂಷಿತಾಂ। ದಾರಯೇಯಂ ಮಹೀಂ ಕ್ರುದ್ಧೋ ವಿಕಿರೇಯಂ ಚ ಪರ್ವತಾನ್। ಶೋಷಯೇಯಂ ಸಮುದ್ರಾಂಶ್ಚ ಪಾತಯೇಯಂ ಚ ಭಾಸ್ಕರಂ॥ 8-23-51 (56041) ತಂ ಮಾಮೇವಂವಿಧಂ ರಾಜನ್ಸಮರ್ಥಮರಿನಿಗ್ರಹೇ। ಕಸ್ಮಾದ್ಯುನಂಕ್ಷಿ ಸಾರಥ್ಯೇ ಸೂತಸ್ಯಾಧಿರಥೇಸ್ತು ಮಾಂ॥ 8-23-52 (56042) ನ ಚಾಪಿ ಮಮ ರಾಧೇಯಃ ಕಲಾಮರ್ಹತಿ ಷೋಡಶೀಂ॥ 8-23-53 (56043) ಸಕರ್ಣಾ ಯೇ ತ್ರಯೋ ಲೋಕಾಃ ಸಾರ್ಜುನಾಃ ಸಜನಾರ್ದನಾಃ। ನಿಬದ್ವಾಂಸ್ತಂತ್ರಣೇ ರಾಜನ್ನ ಗಣೇಯಂ ಕಥಂಚನ॥ 8-23-54 (56044) ನ ಚಾಹಂ ಪ್ರಾಕೃತಃ ಕಶ್ಚಿನ್ನ ಚಾಸ್ಂಯಧಿಗತಃ ಸ್ವಯಂ। ಅಯಂ ಚಾಪ್ಯವಮಾನೋ ಮೇ ನ ಕರ್ತವ್ಯಃ ಕಥಂಚನ॥ 8-23-55 (56045) ಆಪೃಚ್ಛೇ ತ್ವಾದ್ಯ ಗಾಂಧಾರೇ ಯಾಸ್ಯಾಮಿ ವಿಷಯಂ ಪ್ರತಿ। ನ ಚಾಹಂ ಸೂತಪುತ್ರಸ್ಯ ಸಾರಥ್ಯಮುಪಜಗ್ಮಿವಾನ್॥ 8-23-56 (56046) ಅವಮಾನಮಹಂ ಪ್ರಾಪ್ಯ ನ ಯೋತ್ಸ್ಯಾಮಿ ಕಥಂಚನ। ಆಪೃಚ್ಛೇ ತ್ವಾಽದ್ಯ ಗಾಂಧಾರೇ ಗಮಿಷ್ಯಾಮಿ ಗೃಹಾಯ ವೈ॥ 8-23-57 (56047) ಸಂಜಯ ಉವಾಚ। 8-23-58x (4882) ಏವಮುಕ್ತ್ವಾ ಮಹಾರಾಜ ಶಲ್ಯಃ ಸಮಿತಿಶೋಭನಃ। ಉತ್ಥಾಯ ಪ್ರಯಯೌ ತೂರ್ಣಂ ರಾಜಮಧ್ಯಾದಮರ್ಷಿತಃ॥ 8-23-58 (56048) ಪ್ರಣಯಾದ್ಬಹುಮಾನಾಚ್ಚ ತಂ ನಿಗೃಹ್ಯ ಸುತಸ್ತವ। ಅಬ್ರವೀನ್ಮಧುರಂ ವಾಕ್ಯಂ ಸಾಂನಾ ಸರ್ವಾರ್ಥಸಾಧಕಂ॥ 8-23-59 (56049) ಯಥಾ ಶಲ್ಯ ತ್ವಮಾತ್ಥೇದಮೇವಮೇತದಸಂಶಯಂ। ಅಭಿಪ್ರಾಯಸ್ತು ಮೇ ಕಶ್ಚಿತ್ತಂ ನಿಬೋಧ ಜನೇಶ್ವರ॥ 8-23-60 (56050) ನ ಕರ್ಣೋಽಭ್ಯಧಿಕಸ್ತ್ವತ್ತೋ ನ ಚಾನ್ಯೇ ಚೈವ ಪಾರ್ಥಿವಾಃ। ನ ಚ ಮದ್ರೇಶ್ವರ ತ್ವಾಂ ವೈ ಕೃಷ್ಣಃ ಸೋಢುಂ ಚ ಶಕ್ಷ್ಯತಿ॥ 8-23-61 (56051) ಋತಮೇವ ಹಿ ಪೂರ್ವಾಸ್ತೇ ವದಂತಿ ಪುರುಷೋತ್ತಮಾಃ। ತಸ್ಮಾದಾರ್ತಾಯನಿಃ ಪ್ರೋಕ್ತೋ ಭವಾನಿತಿ ಮತಿರ್ಮಮ॥ 8-23-62 (56052) ಶಲ್ಯಬೂತಸ್ತು ಶತ್ರೂಣಾಂ ಯಸ್ಮಾತ್ತ್ವಂ ಯುಧಿ ಮಾನದ। ತಸ್ಮಾಚ್ಛಲ್ಯೇತಿ ತೇ ನಾಮ ಕಥ್ಯತೇ ಪೃಥಿವೀತಲೇ॥ 8-23-63 (56053) ಯದೇತದ್ವ್ಯಾಹೃತಂ ಪೂರ್ವಂ ಭವತಾ ಭೂರಿದಕ್ಷಿಣ। ತದೇವ ಕುರು ಧರ್ಮಜ್ಞ ಮದರ್ಥಂ ಯದ್ಯದುಚ್ಯತೇ॥ 8-23-64 (56054) ನ ಚ ತ್ವತ್ತೋ ಹಿ ರಾಧೇಯೋ ನ ಚಾಹಮಪಿ ವೀರ್ಯವಾನ್। ವೃಣೇಽಹಂ ತ್ವಾಂ ಹಯಾಗ್ರ್ಯಾಣಾಂ ಯಂತಾರಮಿಹ ಸಂಯುಗೇ॥ 8-23-65 (56055) ಮನ್ಯೇ ಚಾಭ್ಯಧಿಕಂ ಶಲ್ಯ ಗುಣೈಃ ಕರ್ಣಂ ಧನಂಜಯಾತ್। ಭವಂತಂ ವಾಸುದೇವಾಚ್ಚ ಲೋಕೋಽಯಮತಿಮನ್ಯತೇ॥ 8-23-66 (56056) ಕರ್ಣೋ ಹ್ಯಭ್ಯಧಿಕಃ ಪಾರ್ಥಾದಸ್ತ್ರೈರೇವ ನರರ್ಷಭ। ಭವಾನಭ್ಯಧಿಕಃ ಕೃಷ್ಣಾದಶ್ವಜ್ಞಾನೇ ಬಲೇ ತಥಾ॥ 8-23-67 (56057) ಯಥಾಽಶ್ವಹೃದಯಂ ವೇದ ವಾಸುದೇವೋ ಮಹಾಮನಾಃ। ದ್ವಿಗುಣಂ ತ್ವಂ ತಥಾ ವೇತ್ಸಿ ಮದ್ರರಾಜೇಶ್ವರಾತ್ಮಜ॥ 8-23-68 (56058) ಶಲ್ಯ ಉವಾಚ। 8-23-69x (4883) ಯನ್ಮಾಂ ಬ್ರವೀಷಿ ಗಾಂಧಾರೇ ಮಧ್ಯೇ ಸೈನ್ಯಸ್ಯ ಕೌರವ। ವಿಶಿಷ್ಟಂ ದೇವಕೀಪುತ್ರಾತ್ಪ್ರೀತಿಮಾನಸ್ಂಯಹಂ ತ್ವಯಿ॥ 8-23-69 (56059) ಏಷ ಸಾರಥ್ಯಮಾತಿಷ್ಠೇ ರಾಧೇಯಸ್ಯ ಯಶಸ್ವಿನಃ। ಯುಧ್ಯತಃ ಪಾಂಡವಾಗ್ರ್ಯೇಣ ಯಥಾ ತ್ವಂ ವೀರ ಮನ್ಯಸೇ॥ 8-23-70 (56060) ಸಮಯಶ್ಚ ಹಿ ಮೇ ವೀರ ಕಶ್ಚಿದ್ವೈಕರ್ತನಂ ಪ್ರತಿ। ಉತ್ಸೃಜೇಯಂ ಯಥಾಶ್ರದ್ವಮಹಂ ವಾಚೋಽಸ್ಯ ಸನ್ನಿಧೌ॥ 8-23-71 (56061) ಸಂಜಯ ಉವಾಚ। 8-23-72x (4884) ತಥೇತಿ ರಾಜನ್ಪುತ್ರಸ್ತೇ ಸಹ ಕರ್ಣೇನ ಭಾರತ। 8-23-72 (56062) ಅಬ್ರವೀನ್ಮದ್ರರಾಜಸ್ಯ ಮತಂ ಭರತಸxxxx॥ ॥ 8-23-72 (56063) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ತ್ರಯೋವಿಂಶೋಽಧ್ಯಾಯಃ॥ 23 ॥

8-24-0 (56064) ದುರ್ಯೋಧನ ಉವಾಚ। 8-24-0x (4885) ಭೂಯ ಏವ ತು ಮದ್ರೇಶ ಯತ್ತ್ವಾ ವಕ್ಷ್ಯಾಮಿ ತಚ್ಛೃಣು। ಯಥಾ ಪುರಾವೃತ್ತಮಿದಂ ಯುದ್ಧೇ ದೇವಾಸುರೇ ಪ್ರಭೋ॥ 8-24-1 (56065) ಯದುಕ್ತವಾನ್ಪಿತುರ್ಮಹ್ಯಂ ಮಾರ್ಕಂಡೇಯೋ ಮಹಾತಪಾಃ। ಬ್ರುವತಸ್ತದಶೇಷೇಣ ಮಮ ರಾಜರ್ಷಿಸತ್ತಮ। ನಿಬೋಧ ಮನಸಾ ಚಾತ್ರ ನ ತೇ ಕಾರ್ಯಾ ವಿಚಾರಣಾ॥ 8-24-2 (56066) `ಸಮುತ್ಪನ್ನೋ ಹಿ ರಾಜಾನಃ ಪ್ರಮೋಹ ಇತಿ ನಿಶ್ಚಯಂ। ಕೃತ್ವಾ ಚೈವ ವ್ಯವಸ್ಯಂತಿ ಸರ್ವೇ ಧರ್ಮಾರ್ಥನಿಶ್ಚಯಾನ್॥ 8-24-3 (56067) ದೇವಾನಾಮಸುರಾಣಾಂ ಚ ಮಹಾನಾಸೀತ್ಸಮುಚ್ಛ್ರಯಃ। ಸೈಂಹಿಕೇಯಾಸ್ತದೋದ್ವೃತ್ತಾ ವಿಬುಧಾನವಸೂದಯನ್। ತೇ ನಿರಸ್ತಃ ಕೃತಾ ದೇವೈರ್ದಾನವಾ ಬಲಗರ್ವಿತಾಃ'॥ 8-24-4 (56068) ತತ್ರಾಸೀತ್ಪ್ರಥಮೋ ರಾಜನ್ಸಂಗ್ರಾಮಸ್ತಾರಕಾಮಯಃ। ನಿರ್ಜಿತಾಶ್ಚ ತತೋ ದೈತ್ಯಾ ದೈವತೈರಿತಿ ನಃ ಶ್ರುತಿಃ॥ 8-24-5 (56069) ಭಗ್ನದರ್ಪಾ ನಿರುತ್ಸಾಹಾಃ ಪಾತಾಲಂ ವಿವಿಶುಸ್ತದಾ॥ 8-24-6 (56070) ನಿರ್ಜಿತೇಷು ಚ ದೈತ್ಯೇಷು ತಾರಕಸ್ಯ ಸುತಾಸ್ತ್ರಯಃ। ತಾರಾಕ್ಷಃ ಕಮಲಾಕ್ಷಶ್ಚ ವಿದ್ಯುನ್ಮಾಲೀ ಚ ಪಾರ್ಥಿವ॥ 8-24-7 (56071) ತಪ ಉಗ್ರಂ ಸಮಾಸ್ಥಾಯ ನಿಯಮೇ ಪರಮೇ ಸ್ಥಿತಾಃ। ತಪಸಾ ಕರ್ಣಯಾಮಾಸುರ್ದೇಹಾಂಸ್ತಾಞ್ಶತ್ರುಕರ್ಶನಾಃ॥ 8-24-8 (56072) ದಮೇನ ತಪಸಾ ಚೈವ ನಿಯಮೇನ ಸಮಾಧಿನಾ। ತೇಷಾಂ ಪಿತಾಮಹಃ ಪ್ರೀತೋ ವರದಃ ಪ್ರದದೌ ವರಂ॥ 8-24-9 (56073) ಅವಧ್ಯತ್ವಂ ಚ ತೇ ಸರ್ವೇ ಸರ್ವಭೂತೇಷು ಸರ್ವದಾ। ಸಹಿತಾ ವರಯಾಮಾಸಃ ಸರ್ವಲೋಕಪಿತಾಮಹಂ॥ 8-24-10 (56074) ತಾನಬ್ರವೀತ್ತದಾ ದೇವಃ ಸರ್ವಲೋಕಗುರುಃ ಪ್ರಭುಃ। ನಾಸ್ತಿ ಸರ್ವಾಮರತ್ವಂ ವೈ ನಿವರ್ತಧ್ವಮಿತೋಽಸುರಾಃ। ಅನ್ಯಂ ವರಂ ವೃಣೀಧ್ವಂ ವೈ ರೋಚತೇ ಯಾದೃಶೋ ಹಿ ವಃ॥ 8-24-11 (56075) ತತಸ್ತೇ ಸಹಿತಾ ರಾಜನ್ಸಂಪ್ರಧಾರ್ಯಾಸಕೃದ್ಬಹುಃ। ಸರ್ವಲೋಕೇಶ್ವರಂ ವಾಕ್ಯಂ ಪ್ರಣಂಯೈನಮಥಾಽಬ್ರುವನ್॥ 8-24-12 (56076) ವಸ್ತುಮಿಚ್ಛಾಮ ನಗರಂ ಕರ್ತುಂ ಕಾಮಗಮಂ ಶುಭಂ। ಸರ್ವಕಾಮಸಮೃದ್ವಾರ್ಥಮವಧ್ಯಂ ದೇವದಾನವೈಃ॥ 8-24-13 (56077) ಯಕ್ಷರಕ್ಷೋರಗಗಣೈರ್ನಾನಾಜಾತಿಭಿರೇವ ಚ। ನ ಕೃತ್ಯಾಭಿರ್ನ ಶಸ್ತ್ರೈಶ್ಚ ನ ಶಾಪೈರ್ಬ್ರಹ್ಮವಾದಿನಾಂ। ವಧ್ಯೇತ ತ್ರಿಪುರಂ ದೇವ ಪ್ರಯಚ್ಛೇಃ ಪ್ರಪಿತಾಮಹ॥ 8-24-14 (56078) ವಯಂ ಪುರಾಣಿ ತ್ರೀಣ್ಯೇವ ಸಮಾಸ್ಥಾಯ ಮಹೀಮಿಮಾಂ। ವಿಚರಿಷ್ಯಾಮ ಲೋಕೇಽಸ್ಮಿಂಸ್ತ್ವತ್ಪ್ರಸಾದಪುರಸ್ಕೃತಾಃ॥ 8-24-15 (56079) ತತೋ ವರ್ಷಸಹಸ್ರೇಷು ಸಮೇಷ್ಯಾಮಃ ಪರಸ್ಪರಂ। ಏಕೀಭಾವಂ ಗಭಿಷ್ಯಂತಿ ಪುರಾಣ್ಯೇತಾನಿ ಚಾನಘ॥ 8-24-16 (56080) ಸಮಾಗತಾನಿ ಚೈತಾನಿ ಯೋ ಹನ್ಯಾದ್ಭಗವಾಂಸ್ತದಾ। ಏಕೇಷುಣಾ ದೇವವರಃ ಸ ನೋ ಮೃತ್ಯುರ್ಭವಿಷ್ಯತಿ॥ 8-24-17 (56081) ದುರ್ಯೋಧನ ಉವಾಚ। 8-24-18x (4886) ತೇಷಾಂ ತದ್ವಚನಂ ಶ್ರುತ್ವಾ ದಾನವಾನಾಂ ಪಿತಾಮಹಃ। ಏವಮಸ್ತ್ವಿತಿ ತಾಂದೇವಃ ಪ್ರತ್ಯುಕ್ತ್ವಾ ಪ್ರಾವಿಶದ್ದಿವಂ॥ 8-24-18 (56082) ತೇ ತು ಲಬ್ಧವರಾಃ ಪ್ರೀತಾಃ ಸಂಪ್ರಧಾರ್ಯ ಪರಸ್ಪರಂ। ಪುರತ್ರಯವಿಸೃಷ್ಟ್ಯರ್ಥಂ ಮಯಂ ವವ್ರುರ್ಮಹಾರಥಾಃ। ವಿಶ್ವಕಾರ್ಮಾಣಮಜರಂ ದೈತ್ಯದಾನವಪೂಜಿತಂ॥ 8-24-19 (56083) ತತೋ ಮಯಃ ಸ್ವತಪಸಾ ಚಕ್ರೇ ಧೀಮಾನ್ಪುರಾಣಿ ಚ। ತ್ರೀಣಿ ಕಾಂಚನಮೇಕಂ ವೈ ರೌಪ್ಯಂ ಕಾರ್ಷ್ಣಾಯಸಂ ತಥಾ॥ 8-24-20 (56084) ಕಾಂಚನಂ ದಿವಿ ತತ್ರಾಸೀದಂತರಿಕ್ಷೇ ಚ ರಾಜತಂ। ಆಯಸಂ ಚಾಭವದ್ಭೌಮಂ ತದಾ ತೇಷಾಂ ಪರಂತಪ॥ 8-24-21 (56085) ಏಕೈಕಂ ಯೋಜನಶತಂ ವಿಸ್ತೃತಂ ತಾವದಾಯತಂ। ದೃಢಂ ಚಾಟ್ಟಾಲಕಯುತಂ ಬೃಹತ್ಪ್ರಾಕಾರತೋರಣಂ॥ 8-24-22 (56086) ಗೃಹಪ್ರವರಸಂಬಾಧಮಸಂಬಾಧಮಹಾಪಥಂ। ಪ್ರಾಸಾದೈರ್ವಿವಿಧೈಶ್ಚಾಪಿ ದ್ವಾರೈಶ್ಚೈವೋಪಶೋಭಿತಂ॥ 8-24-23 (56087) ತ್ರಿಪುರಂ ತೇಷು ಚಾಪ್ಯಾಸನ್ರಾಜಾನೋ ವೈ ಪೃಥಕ್ಪೃಥಕ್। ದಿವ್ಯಮಾಲ್ಯಾಂಬರಧರಾ ದೈತೇಯಾ ರಾಜಸತ್ತಮ॥ 8-24-24 (56088) ಕಾಂಚನಂ ತಾರಕಾಕ್ಷಸ್ಯ ದಿವ್ಯಮಾಸೀನ್ಮಹಾತ್ಮನಃ। ರಾಜತಂ ಕಮಲಾಕ್ಷಸ್ಯ ವಿದ್ಯುನ್ಮಾಲಿನ ಆಯಸಂ॥ 8-24-25 (56089) ತ್ರಯಸ್ತೇ ದೈತ್ಯರಾಜಾನಸ್ತ್ರೀಂʼಲ್ಲೋಕಾನಾಶು ತೇಜಸಾ। ಆಕ್ರಂಯ ತಸ್ಥುರೂಚುಶ್ಚ ಕಶ್ಚ ನಾಮ ಪ್ರಜಾಪತಿಃ॥ 8-24-26 (56090) ತೇಷಾಂ ದಾನವಮುಖ್ಯಾನಾಂ ಪ್ರಯುತಾನ್ಯರ್ಬುದಾನಿ ಚ। ಕೋಟ್ಯಾಶ್ಚಾಪ್ರತಿವೀರಾಣಾಂ ಸಮಾಜಗ್ಮುಸ್ತತಸ್ತತಃ॥ 8-24-27 (56091) ಮಾಂಸಾಶಿನಃ ಸುದೃಪ್ತಾಶ್ಚ ಸುರೈರ್ವಿನಿಕೃತಾಃ ಪುರಾ। ಮಹದೈಶ್ವರ್ಯಮಿಚ್ಛಂತಸ್ತ್ರಿಪುರಂ ದುರ್ಗಮಾಶ್ರಿತಾಃ॥ 8-24-28 (56092) ಸರ್ವೇಷಾಂ ಚ ಪುನಶ್ಚೈಷಾಂ ಸರ್ವಯೋಗವಹೋ ಮಯಃ। ತಮಾಶ್ರಿತ್ಯ ಹಿ ತೇ ಸರ್ವೇಽವರ್ತಯನ್ನಕುತೋಭಯಾಃ॥ 8-24-29 (56093) ಯೋ ಹಿ ಯಂ ಮನಸಾ ಕಾಮಂ ದಧ್ಯೌ ತ್ರಿಪುರಸಂಶ್ರಯಃ। ತಸ್ಮೈ ತಸ್ಮೈ ಮಯಸ್ತಂ ತಂ ವಿದಧೇ ಮಾಯಯಾ ತದಾ॥ 8-24-30 (56094) ತಾರಕಾಕ್ಷಸುತಶ್ಚಾಸೀದ್ವರಿರ್ನಾಮ ಮಹಾಬಲಃ। ತಪಸ್ತೇಪೇ ಪರಮಕಂ ಯೇನಾತುಷ್ಯತ್ಪಿತಾಮಹಃ॥ 8-24-31 (56095) ಸಂತುಷ್ಟಮವೃಣೋದ್ದೇವಂ ವಾಪೀ ಭವತುಃ ನಃ ಪುರೇ। ಶಸ್ತ್ರೈರ್ವಿನಿಹತಾ ಯತ್ರ ಕ್ಷಿಪ್ತಾಃ ಸ್ಯುರ್ಬಲವತ್ತರಾಃ॥ 8-24-32 (56096) ಸ ತು ಲಬ್ಧ್ವಾ ವರಂ ವೀರಸ್ತಾರಕಾಕ್ಷಸುತೋ ಹರಿಃ। ಸಸೃಜೇ ತತ್ರ ವಾಪೀಂ ತಾಂ ಮೃತಸಂಜೀವಿನೀಂ ಪ್ರಭೋ॥ 8-24-33 (56097) ಯೇನ ರೂಪೇಣ ಯೋ ದೈತ್ಯೋ ಯೇನ ವೇಷೇಣ ಚಾಪ್ಯಥ। ಕ್ಷಿಪ್ಯತೇ ನಿಹತೋ ವಾಪ್ಯಾಂ ತಾದೃಶೇನೈವ ಜಾಯತೇ। ಸಂಪೂರ್ಣಬಲವೀರ್ಯಸ್ತು ರಾಜಂಛೌರ್ಯಸಮನ್ವಿತಃ॥ 8-24-34 (56098) ಏವಂ ವೀರ್ಯೇಣ ಸಂಯುಕ್ತಾಂ ಕೃತಾಂ ತೇನ ಮಹಾತ್ಮನಾ। ತಾಂ ಪ್ರಾಪ್ಯ ತ್ರೈಪುರಾ ವಾಪೀಂ ಲೋಕಾನ್ಸರ್ವಾನ್ಬಬಾಧಿರೇ॥ 8-24-35 (56099) ಮಹತಾ ತಪಸಾ ಸಿದ್ಧಾಃ ಸುರಾಣಾಂ ಭಯವರ್ಧನಾಃ। ಏಕಸ್ಮಿನ್ನಿಹತೇ ದೈತ್ಯೇ ಸೃಜಂತಿ ಸ್ಮ ದಶಾಸುರಾನ್। ನ ತೇಷಾಂ ವಿದ್ಯತೇ ಯುದ್ವೇ ಕ್ಷಯೋ ರಾಜನ್ಕಥಂಚನ॥ 8-24-36 (56100) ತತಸ್ತೇ ಲೋಭಮೋಹಾಭ್ಯಾಮಭಿಭೂತಾ ವಿಚೇತಸಃ। ನಿರ್ಭೀಕಾಃ ಸಹಿತಾಃ ಸರ್ವೇ ಸ್ಥಾಪಿತಾಃ ಸಮಲೋಲುಪಾಃ॥ 8-24-37 (56101) ವಿದ್ರಾವ್ಯ ಸಗಣಾಂದೇವಾಂಸ್ತತ್ರತತ್ರ ತದಾತದಾ। ವಿಚೇರುಃ ಸ್ವೇನ ಕಾಮೇನ ವರದಾನೇನ ದರ್ಪಿತಾಃ॥ 8-24-38 (56102) ದೇವೋದ್ಯಾನಾನಿ ಸರ್ವಾಣಿ ಸ್ಥಾನಾನಿ ಚ ದಿವೌಕಸಾಂ। ಋಷೀಣಾಮಾಶ್ರಮಾನ್ಪುಣ್ಯಾನ್ರಂಯಾಂಚನಪದಾಂಸ್ತಥಾ। ಉತ್ಸಾದಯಂತ ಮರ್ಯಾದಾಂ ದಾನವಾ ದುಷ್ಟಚಾರಿಣಃ॥ 8-24-39 (56103) ನಿಃಸ್ಥಾನಾಶ್ಚ ಕೃತಾ ದೇವಾ ಋಷಯಃ ಪಿತೃಭಿಃ ಸಹ। ದೈತ್ಯೈಸ್ತ್ರಿಭಿಸ್ತ್ರಯೋ ಲೋಕಾ ಹ್ಯಾಕ್ರಾಂತಾಸ್ತೈಃ ಸುರೇತರೈಃ॥ 8-24-40 (56104) ಪೀಡ್ಯಮಾನೇಷು ಲೋಕೇಷು ತತಃ ಶಕ್ರೋ ಮರುದ್ವೃತಃ। ಪುರಾಣ್ಯಾಯೋಧಯಾಂಚಕ್ರೇ ವಜ್ರಹಸ್ತಃ ಸಮಂತತಃ॥ 8-24-41 (56105) ನಾಶಕತ್ತಾನ್ಯಭೇದ್ಯಾನಿ ಯದಾ ಭೇತ್ತುಂ ಪುರಂದರಃ। ಪುರಾಣಿ ವರದತ್ತಾನಿ ಧಾತ್ರಾ ತೇನ ನರಾಧಿಪ॥ 8-24-42 (56106) ತದಾ ಭೀತಃ ಸುರಪತಿರ್ಮುಕ್ತ್ವಾ ತಾನಿ ಪುರಾಣ್ಯಥ। ತೈರೇವ ವಿಬುಧೈಃ ಸಾರ್ಧಂ ಪಿತಾಮಹಮರಿಂದಮ। ಜಗಾಮಾಥ ತದಾಖ್ಯಾತುಂ ವಿಪ್ರಕಾರಂ ಸುರೇತರೈಃ॥ 8-24-43 (56107) ತೇ ತತ್ತ್ವಂ ಸರ್ವಮಾಖ್ಯಾಯ ಶಿರೋಭಿಃ ಸಂಪ್ರಣಂಯ ಚ। ತದ್ವಧೋಪಾಯಮಾಚಕ್ಷ್ವ ಭಗವನ್ನಿತಿ ಚಾಬ್ರುವನ್॥ 8-24-44 (56108) ಶ್ರುತ್ವಾ ತದ್ಭಗವಾಂದೇವೋ ದೇವಾನಿದಮುವಾಚ ಹ। ಶ್ರೂಯತಾಂ ತ್ರಿದಶಾಃ ಸರ್ವೇ ಯಥೇದಂ ವಾಕ್ಯಗೌರವಂ॥ 8-24-45 (56109) ದುರಾತ್ಮಾನೋಽಸುರಾ ನಿತ್ಯಂ ತೇ ಚಾಪಿ ವಿಬುಧಾ ಮಮ। ನ ಶಕ್ನುವಂತಿ ತೇ (ಯೇ) ಸರ್ವೇ ಯುಷ್ಮಾನ್ವೈ ಪೀಡಯಂತಿ ತೇ॥ 8-24-46 (56110) ಅಹಂ ಸಮಸ್ತು ಸರ್ವೇಷಾಂ ಭೂತಾನಾಂ ನಾತ್ರ ಸಂಶಯಃ। ಅವಿನೀತಾ ನಿಹಂತವ್ಯಾ ಇತ್ಯೇವಂ ಪ್ರಬ್ರವೀಮಿ ವಃ॥ 8-24-47 (56111) ಏಕೇಷುಣಾ (ಹಿ) ವಿಭೇದ್ಯಾನಿ ತಾನಿ ದುರ್ಗಾಣಿ ನಾನ್ಯಥಾ। ಶಕ್ತಸ್ತು ತಾನಿ ಬಾಣೇನ ಭೇತ್ತುಂ ಕಾಮಂ ತ್ರಿಲೋಚನಃ॥ 8-24-48 (56112) ತೇ ಯೂಯಂ ಸ್ಥಾಣುಮೀಶಾನಂ ಜಿಷ್ಮುಮಕ್ಲಿಷ್ಟಕಾರಿಣಂ। ಯೋದ್ವಾರಂ ವೃಣುತ ಕ್ಷಿಪ್ರಂ ಸ ತಾನ್ಹಂತಾ ಸುರೇತರಾನ್॥ 8-24-49 (56113) ತೇ ದೇವಾಸ್ತೇನ ವಾಕ್ಯೇನ ಚೋದಿತಾಃ ಪ್ರಣತಾಃ ಸ್ಥಿತಾಃ। ದಿವ್ಯಂ ವರ್ಷಸಹಸ್ರಂ ವೈ ತಪಸ್ತಪ್ತ್ವಾ ಸುರರ್ಷಭಾಃ। ಶುಭಾತ್ಮಾನೋ ಮಹಾತ್ಮಾನೋ ಜಗ್ಮುರ್ವೈ ವೃಷಭಧ್ವಜಂ॥ 8-24-50 (56114) ಬ್ರಹ್ಮಾಣಮಗ್ರತಃ ಕೃತ್ವಾ ಶರಣ್ಯಂ ಶರಣಾಗತಾಃ। ತಪಃ ಪರಮಮಾಜಗ್ಮುರ್ಗೃಣಂತೋ ಬ್ರಹ್ಮ ಶಾಶ್ವತಂ॥ 8-24-51 (56115) ಅನಂಗಮಥನಂ ಸರ್ವೇ ಭವಂ ಸರ್ವಾತ್ಮನಾ ಗತಾಃ। ದೇವದೇವಂ ಪರಂ ಸ್ಥಾಣುಂ ವರದಂ ತ್ರ್ಯಂಬಕಂ ಶಿವಂ॥ 8-24-52 (56116) ಶರ್ವಮೀಡ್ಯಮಜಂ ರುದ್ರಂ ಶಶಾಂಕಾಂಕಿತಮೂರ್ಧಜಂ। ತುಷ್ಟುವುರ್ವಾಗ್ಭಿರುಗ್ರಾಭಿರ್ಭಯೇಷ್ವಭಯಮಚ್ಯುತಂ। ಸರ್ವಾತ್ಮಾನಂ ಮಹಾತ್ಮಾನಂ ಯೇನಾಪ್ತಂ ವಿಶ್ವಮಾತ್ಮನಾ॥ 8-24-53 (56117) ತಪೋವಿಶೇಷೈರ್ವಿವಿಧೈರ್ಯೋಗಂ ಯೋ ವೇದ ಚಾತ್ಮನಃ। ಯಃ ಸಾಂಖ್ಯಮಾತ್ಮನಾ ವೇತ್ತಿ ಯಸ್ಯ ಚಾತ್ಮಾ ವೇಶೇ ಸದಾ॥ 8-24-54 (56118) ತಂ ತೇ ದದೃಶುರೀಶಾನಂ ತೇಜೋರಾಶಿಮುಮಾಪತಿಂ। `ಪರೇಣ ಯತ್ನೇನ ಭವಂ ತ್ರಿದಶಾಃ ಶರ್ವಮೀಶ್ವರಂ'। ಅನನ್ಯಸದೃಶಂ ಲೋಕೇ ಪ್ರತಪಂತಮಕಲ್ಮಷಂ॥ 8-24-55 (56119) ಏಕಶ್ಚ ಭಗವಾಂಸ್ತತ್ರ ನಾನಾರೂಪಮಕಲ್ಪಯತ್। ಆತ್ಮನಃ ಪ್ರತಿರೂಪಾಣಿ ರೂಪಾಣ್ಯಥ ಮಹಾತ್ಮನಿ। ಪರಸ್ಪರಸ್ಯ ಚಾಪಶ್ಯನ್ಸರ್ವೇ ಪರಮವಿಸ್ಮಿತಾಃ॥ 8-24-56 (56120) ಸರ್ವಭೂತಮಯಂ ದೃಷ್ಟ್ವಾ ತಮಜಂ ಜಗತಃ ಪರಿಂ। ದೇವಾ ಬ್ರಹ್ಮರ್ಷಯಶ್ಚೈವ ಶಿರೋಭಿರ್ಧರಣೀಂ ಗತಾಃ॥ 8-24-57 (56121) ತಾನ್ಸ್ವಸ್ತಿವಾಚ್ಯ ಚಾಭ್ಯರ್ಚ್ಯ ಸಮುತ್ಥಾಪ್ಯ ಚ ಶಂಕರಃ। ಬ್ರೂತಬ್ರೂತೇತಿ ಭಗವಾನ್ಸ್ಮಯಮಾನೋಽಭ್ಯಭಾಷತ॥ 8-24-58 (56122) ತ್ರ್ಯಂಬಕೇಣಾಭ್ಯನುಜ್ಞಾತಾಸ್ತತಸ್ತೇ ಸ್ವಸ್ಥಚೇತಸಃ। ನಮೋ ನಮೋ ನಮಸ್ತೇಽಸ್ತು ಪ್ರಭೋ ಇತ್ಯಬ್ರುವನ್ಭವಂ॥ 8-24-59 (56123) ನಮೋ ದೇವಾಧಿದೇವಾಯ ಪ್ರಿಯಾಧಾಘ್ನೇಽತಿಮನ್ಯವೇ। ಪ್ರಜಾಪತಿಮಖಘ್ನಾಯ ಪ್ರಜಾಪತಿಭಿರೀಡ್ಯತೇ॥ 8-24-60 (56124) ನಮಃ ಸ್ತುತಾಯ ಸ್ತುತ್ಯಾಯ ಸ್ತೂಯಮಾನಾಯ ಶಂಭವೇ। ವಿಲೋಹಿತಾಯ ರುದ್ರಾಯ ನೀಲಗ್ರೀವಾಯ ಶೂಲಿನೇ॥ 8-24-61 (56125) ಅಮೋಘಾಯ ಮೃಗಾಕ್ಷಾಯ ಪ್ರವರಾಯುಧಯೋಧಿನೇ। ಅರ್ಹಾಯ ಚೈವ ಶುದ್ವಾಯ ಕ್ಷಯಾಯ ಕ್ರಥನಾಯ ಚ॥ 8-24-62 (56126) ದುರ್ವಾರಣಾಯ ಶುಕ್ರಾಯ ಬ್ರಹ್ಮಣೇ ಬ್ರಹ್ಮಚಾರಿಣೇ। ಈಶಾನಾಯಾಪ್ರಮೇಯಾಯ ನಿಹಂತ್ರೇ ಚರ್ಮವಾಸಸೇ॥ 8-24-63 (56127) ತಪೋರತಾಯ ಪಿಂಗಾಯ ವ್ರತಿನೇ ಕೃತ್ತಿವಾಸಸೇ। ಕುಮಾರಪಿತ್ರೇ ತ್ರ್ಯಕ್ಷಾಯ ಪ್ರವರಾಯುಧಧಾರಿಣೇ॥ 8-24-64 (56128) ಪ್ರಪನ್ನಾರ್ತಿವಿನಾಶಾಯ ಬ್ರಹ್ಮದ್ವಿಟ್ಸಂಘಘಾತಿನೇ। ವನಸ್ಪತೀನಾಂ ಪತಯೇ ವನಾನಾಂ ಪತಯೇ ನಮಃ॥ 8-24-65 (56129) ಗವಾಂ ಚ ಪತಯೇ ನಿತ್ಯಂ ಯಜ್ಞಾನಾಂ ಪತಯೇ ನಮಃ। ನಮೋಸ್ತು ತೇ ಸಸೈನ್ಯಾಯ ತ್ರ್ಯಂಬಕಾಯಾಮಿತೌಜಸೇ। ಮನೋವಾಕ್ಕರ್ಮಭಿರ್ದೇವ ತ್ವಾಂ ಪ್ರಪನ್ನಾನ್ಭಜಸ್ವ ನಃ॥ 8-24-66 (56130) ತತಃ ಪ್ರಸನ್ನೋ ಭಗವಾನ್ಸ್ವಾಗತೇನಾಭಿನಂದ್ಯ ಚ। ಪ್ರೋವಾಚ ವ್ಯೇತು ವಸ್ತ್ರಾಸೋ ಬ್ರೂತ ಕಿಂ ಕರವಾಣಿ ವಃ॥ 8-24-67 (56131) `ದೇವಾಃ ಶರ್ವಸ್ಯ ವಚನಂ ಶ್ರುತ್ವಾ ಹರ್ಷಮುಪಾಗತಾಃ'॥ ॥ 8-24-68 (56132) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಚತುರ್ವಿಂಶೋಽಧ್ಯಾಯಃ॥ 24 ॥

8-25-0 (56133) ದುರ್ಯೋಧನ ಉವಾಚ। 8-25-0x (4887) ಪಿತೃದೇವರ್ಷಿಸಂಘೇಭ್ಯೋಽಭಯೇ ದತ್ತೇ ಮಹಾತ್ಮನಾ। ಸತ್ಕೃತ್ಯ ಶಂಕರಂ ಪ್ರಾಹ ಬ್ರಹ್ಮಾ ಲೋಕಪಿತಾಮಹಃ॥ 8-25-1 (56134) ಇಮಾನ್ಯಸುರದುರ್ಗಾಣಿ ಲೋಕಾಂಸ್ತ್ರೀನಾಕ್ರಮಂತಿ ಹಿ। ಕಶ್ಚ ಪ್ರಜಾಪತಿರ್ಘೋರಾಂಸ್ತಾನ್ಸ್ರರ್ವಾಂಜಹಿ ಮಾ ಚಿರಂ॥ 8-25-2 (56135) ವರಾತಿಸರ್ಗಾದ್ದೇವೇಶ ಪ್ರಾಜಾಪತ್ಯಮಿದಂ ಪರಂ। ಮಯಾಽಧಿತಿಷ್ಠತಾ ದತ್ತೋ ದಾನವೇಭ್ಯೋ ಮಹಾನ್ವರಃ॥ 8-25-3 (56136) ನಾಸ್ತ್ಯನ್ಯೋ ಯುಧಿ ತೇಷಾಂ ವೈ ನಿಹಂತಾ ಇತಿ ನಃ ಶ್ರುತಂ। ತಾನತಿಕ್ರಾಂತಮರ್ಯಾದಾನ್ನಾನ್ಯಃ ಸಂಹರ್ತುಮರ್ಹತಿ। ತ್ವಾಮೃತೇ ಸರ್ವಭೂತೇಶ ತ್ವಂ ಹ್ಯೇಷಾಂ ಪ್ರತ್ಯರಿರ್ವಧೇ॥ 8-25-4 (56137) ಸ ತ್ವಂ ದೇವ ಪ್ರಪನ್ನಾನಾಂ ಯಾಚತಾಂ ಚ ದಿವೋಕಸಾಂ। ಕುರು ಪ್ರಸಾದಂ ವರದ ದಾನವಾಂಜಹಿ ಸಂಯುಗೇ॥ 8-25-5 (56138) ತ್ವತ್ಪ್ರಸಾದಾಜ್ಜಗತ್ಸರ್ವಂ ಸುಖಮೈಧತ ಮಾನದ। ಶರಣ್ಯಸ್ತ್ವಂ ಹಿ ದೇವಾನಾಂ ವಯಂ ತ್ವಾಂ ಶರಣಂ ಗತಾಃ॥ 8-25-6 (56139) ಈಶ್ವರ ಉವಾಚ। 8-25-7x (4888) ಹಂತವ್ಯಾಃ ಶತ್ರವಃ ಸರ್ವೇ ಯುಷ್ಮಾಕಮಿತಿ ಮೇ ಮತಿಃ। ನ ತ್ವೇಕಶ್ಚೋತ್ಸಹೇ ಹಂತುಂ ಬಲಿನಃ ಸುರವಿದ್ವಿಷಃ॥ 8-25-7 (56140) ತೇ ಯೂಯಂ ಸಹಿತಾಃ ಸರ್ವೇ ಮದೀಯೇನಾಪಿ ತೇಜಸಾ। ಜಯಧ್ವಂ ಯುಧಿ ತಾನ್ಸರ್ವಾನ್ಸಂಘಾತೇನ ಮಹಾಬಲಾನ್॥ 8-25-8 (56141) ದೇವಾ ಊಚುಃ। 8-25-9x (4889) ಅಸ್ಮತ್ತೇಜೋಬಲಂ ಯಾವತ್ತಾವದ್ದ್ವಿಗುಣಮೇವ ವಾ। ತತ್ತೇಷಾಮಿತಿ ಮನ್ಯಾಮೋ ದೃಷ್ಟತೇಜೋಬಲಾ ಹಿ ತೇ॥ 8-25-9 (56142) ಈಶ್ವರ ಉವಾಚ। 8-25-10x (4890) ವಧ್ಯಾಸ್ತೇ ಸರ್ವಥಾ ಪಾಪಾ ಯೇ ಯುಷ್ಮಾಸ್ವಪರಾಧಿನಃ। ಮಮ ತೇಜೋಬಲಾರ್ಧೇನ ಸರ್ವೇ ಮೃದ್ಗಥ ಶಾತ್ರವಾನ್॥ 8-25-10 (56143) ದೇವಾ ಊಚುಃ। 8-25-11x (4891) ಬಿಭರ್ತುಂ ತವ ತೇಜೋರ್ಧಂ ನ ಶಕ್ಷ್ಯಾಮ ಸುರೇಶ್ವರ। ಸರ್ವೇಷಾಂ ನೋ ಬಲಾರ್ಧೇನ ತ್ವಮೇವ ಜಹಿ ಶಾತ್ರವಾನ್॥ 8-25-11 (56144) ವಯಂ ಚ ಸರ್ವಥಾ ದೇವ ರಕ್ಷಣೀಯಾಸ್ತಥೈವ ಚ। ಸ ನೋ ರಕ್ಷ ಮಹಾದೇವ ತ್ವಮೇವ ಜಹಿ ಶಾತ್ರವಾನ್॥ 8-25-12 (56145) ಈಶ್ವರ ಉವಾಚ। 8-25-13x (4892) ಮಮ ತೇಜೋ ನ ಶಕ್ತಾ ಹಿ ಸರ್ವೇ ಧಾರಯಿತುಂ ಯದಿ। ಅಹಮೇನಾನ್ವಧಿಷ್ಯಾಮಿ ಯುಷ್ಮತ್ತೇಜೋರ್ಧಸಂಯುತಃ॥ 8-25-13 (56146) ಬಲಾರ್ಧಂ ಯದಿ ಮೇ ದೇವಾ ನ ಧಾರಯಿತುಮಾಹವೇ। ಶಕ್ತಾಃ ಸರ್ವೇ ಹಿ ಸಂಗಂಯ ಯೂಯಂ ತತ್ಪ್ರಬ್ರವೀಮಿ ವಃ॥ 8-25-14 (56147) ಸಮಾ ಭವಂತಿ ಮೇ ಸರ್ವೇ ದಾನವಾಶ್ಚಾಮರಾಶ್ಚ ಯೇ। ಶಿವೋಽಸ್ಮಿ ಸರ್ವಭೂತಾನಾಂ ಶಿವತ್ವಂ ತೇನ ಮೇ ಸುರಾಃ॥ 8-25-15 (56148) ಕಿಂತ್ವಧರ್ಮೇಣ ವರ್ತಂತೇ ಯಸ್ಮಾತ್ತೇ ಸುರಶತ್ರವಃ। ತಸ್ಮಾದ್ವಧ್ಯಾ ಮಯಾಪ್ಯೇತೇ ಯುಷ್ಮಾಕಂ ಚ ಹಿತೇಪ್ಸಯಾ॥ 8-25-16 (56149) ಶರಣಂ ವಃ ಪ್ರಪನ್ನಾನಾಂ ಧರ್ಮೇಣ ಚ ಜಿಗೀಷತಾಂ। ಸಾಹಾಯ್ಯಂ ವಃ ಕರಿಷ್ಯಾಮಿ ನಿಹನಿಷ್ಯಾಮಿ ವೋ ರಿಪೂನ್॥ 8-25-17 (56150) ದೀಯತಾಂ ಚ ಬಲಾರ್ಧಂ ಮೇ ಸರ್ವೈರಪಿ ಪೃಥಕ್ಪೃಥಕ್। ಪಶುತ್ವಂ ಚೈವ ಮೇ ಲೋಕಾಃ ಸರ್ವೇ ಕಲ್ಪಂತು ಪೀಡಿತಾಃ॥ 8-25-18 (56151) ಪಶೂನಾಂ ತು ಪತಿತ್ವಂ ಮೇ ಭವತ್ವದ್ಯ ದಿವೌಕಸಃ। ಏವಂ ನ ಪಾಪಂ ಪ್ರಾಪ್ಸ್ಯಾಮಿ ಪಶೂನ್ಹತ್ವಾ ಸುರದ್ವಿಪಃ॥ 8-25-19 (56152) ಕಲ್ಪಯಧ್ವಂ ರಥಂ ದಿವ್ಯಂ ರಥಾಶ್ವಾಂಶ್ಚೈವ ಪಾರಗಾನ್। ಧನುಃ ಶರಂ ಸಾರಥಿಂ ಚ ತತೋ ಜೇಷ್ಯಾಮಿ ವೋ ರಿಪೂನ್॥ 8-25-20 (56153) ಇತಿ ಶ್ರುತ್ವಾ ವಚೋ ದೇವಾ ದೇವದೇವಸ್ಯ ಭೂಪತೇಃ। ವಿಷಾದಮಗಮನ್ಸರ್ವೇ ಪಶುತ್ವಂ ಪ್ರತಿ ಶಂಕಿತಾಃ॥ 8-25-21 (56154) ತೇಷಾಂ ಭಾವಂ ಭವೋ ಜ್ಞಾತ್ವಾ ದೇವಸ್ತಾನಬ್ರವೀದಿದಂ। ಮಾ ವೋಸ್ತು ಪಶುಭಾವೇಽಸ್ಮಿನ್ಭಯಂ ವಿಬುಧಸತ್ತಮಾಃ॥ 8-25-22 (56155) ಶ್ರೂಯತಾಂ ಪಶುಭಾವಸ್ಯ ವಿಮೋಕ್ಷಃ ಕ್ರಿಯತಾಂ ಚ ಸಃ॥ 8-25-23 (56156) ಯೋ ವಃ ಪಶುಪತೇಶ್ಚರ್ಯಾಂ ಚರಿಷ್ಯತಿ ಸ ಮೋಕ್ಷ್ಯತೇ। ಪಶುತ್ವಾದಿತಿ ಸತ್ಯಂ ವಃ ಪ್ರತಿಜಾನೇ ಸಮಾಗಮೇ॥ 8-25-24 (56157) ಯೇ ಚಾಪ್ಯನ್ಯೇ ಚರಿಷ್ಯಂತಿ ವ್ರತಂ ಮೋಕ್ಷ್ಯಂತಿ ತೇಽಪಿ ಚ॥ 8-25-25 (56158) ನೈ(ತ್ಯ)ಷ್ಠಿಕಂ ದ್ವಾದಶಾಬ್ದಂ ವಾ ಅರ್ಧಮಬ್ದಮೃತುತ್ರಯಂ। ಮಾಸಂ ದ್ವಾದಶರಾತ್ರಂ ಗುಹ್ಯಂ ವ್ರತಂ ದಿವ್ಯಂ ಚರಿಷ್ಯಥ॥ 8-25-26 (56159) ತಂ ತಥೇತ್ಯಬ್ರುವಂದೇವಾ ದೇವದೇವನಮಸ್ಕೃತಂ। ಊಚುಶ್ಚೇದಂ ಗೃಹಾಣೇದಂ ತೇಜಸೋಽರ್ಧಮಿತಿ ಪ್ರಭುಂ॥ 8-25-27 (56160) ಪ್ರತ್ಯುವಾಚ ತಥೇತ್ಯೇವ ಶೂಲಧೃದ್ರಾಜಸತ್ತಮ। ತತಸ್ತೇ ಪ್ರದದುಃ ಸರ್ವೇ ತೇಜಸೋಽರ್ಧಂ ಮಹಾತ್ಮನೇ॥ 8-25-28 (56161) ಸರ್ವಮಾದಾಯ ಸರ್ವೇಷಾಂ ತೇಜಸೋಽರ್ಧಂ ದಿವೌಕಸಾಂ। ತೇಜಸಾಪ್ಯಧಿಕೋ ಭೂತ್ವಾ ಭೂಯೋಽಪ್ಯತಿಬಲೋಽಭವತ್॥ 8-25-29 (56162) ತತಃ ಪ್ರಭೃತಿ ದೇವಾನಾಂ ದೇವದೇವೋಽಭವದ್ಭವಃ। ಪತಿಶ್ಚ ಸರ್ವಭೂತಾನಾಂ ಪಶೂನಾಂ ಚಾಭವತ್ತದಾ॥ 8-25-30 (56163) ತಸ್ಮಾತ್ಪಶುಪತಿಶ್ಚೋಕ್ತೋ ಭವತ್ವಾಚ್ಚ ಭವೇತಿ ವೈ॥ ಅರ್ಧಮಾದಾಯ ಸರ್ವೇಷಾಂ ತೇಜಸಾ ಪ್ರಜ್ವಲನ್ನಿವ। 8-25-31 (56164) ಭಾಸಯಾಮಾಸ ತಾನ್ಸರ್ವಾಂದೇವದೇವೋ ಮಹಾದ್ಯುತಿಃ॥ ತತೋಽಭಿಷಿಷಿಚ್ಯುಃ ಸರ್ವೇ ಸುರಾ ರುದ್ರಂ ಪುರಾರಿಣಂ। 8-25-32 (56165) ಮಹಾದೇವ ಇತಿ ಹ್ಯಾಸೀದ್ದೇವದೇವೋ ಮಹೇಶ್ವರಃ॥ ॥ 8-25-33 (56166) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಪಂಚವಿಂಶೋಽಧ್ಯಾಯಃ॥ 25 ॥

8-26-0 (56167) ದುರ್ಯೋಧನ ಉವಾಚ। 8-26-0x (4893) ತೇಜಸೋಽರ್ಧಂ ಸುರಾ ದತ್ತ್ವಾ ಶಂಕರಾಯ ಮಹಾತ್ಮನೇ। ಪಶುತ್ವಮಪಿ ಚೋಪೇತ್ಯ ವಿಶ್ವಕರ್ಮಾಣಮವ್ಯಯಂ॥ 8-26-1 (56168) ಊಚುಃ ಸರ್ವೇ ಸಮಾಭಾಷ್ಯ ರಥಃ ಸಂಕಲ್ಪ್ಯತಾಮಿತಿ। ವಿಶ್ವಕರ್ಮಾಽಪಿ ಸಂಚಿಂತ್ಯ ರಥಂ ದಿವ್ಯಮಕಲ್ಪಯತ್॥ 8-26-2 (56169) ಸಮೇತಾಂ ಪೃಥಿವೀಂ ದೇವೀ ವಿಶಾಲಾಂ ಪುರಮಾಲಿನೀಂ। ಸಪರ್ವತವನದ್ವೀಪಾಂ ಚಕ್ರೇ ಭೂತಧರಾಂ ರಥಂ॥ 8-26-3 (56170) ಈಷಾಂ ನಕ್ಷತ್ರವಂಶಂ ಚ ಛತ್ರಂ ಮೇರುಮಹಾಗಿರಿಂ। ಅನೇಕದ್ರುಸಂಛನ್ನಂ ರತ್ನಾಕರಮನುತ್ತಮಂ॥ 8-26-4 (56171) ಹಿಮವಂತಂ ಚ ವಿಂಧ್ಯಂ ಚ ನಾನಾದ್ರುಮಲತಾಕುಲಂ। ಅವಸ್ಕರಂ ಪ್ರತಿಷ್ಠಾನಂ ಕಲ್ಪಯಾಮಾಸ ವೈ ತದಾ॥ 8-26-5 (56172) ಅಸ್ತಂಗಿರಿಮಧಿಷ್ಠಾನಂ ನಾನಾದ್ವಿಜಗಣಾಯುತಂ। ಚಕಾರ ಭಗವಾಂಸ್ತ್ವಷ್ಟಾ ಉದಯಂ ರಥಕೂಬರಂ॥ 8-26-6 (56173) ಮೀನನಕ್ರಝಷಾವಾಸಂ ದಾನವಾಲಯಮುತ್ತಮಂ। ಸಮುದ್ರಮಕ್ಷಂ ವಿದಧೇ ಪತ್ತನಾಕರಶೋಭಿತಂ॥ 8-26-7 (56174) ಚಕ್ರಂ ಚಕ್ರೇ ಚಂದ್ರಮಸಂ ತಾರಕಾಗಣಮಂಡಿತಂ। ದಿವಾಕರಂ ಚಾಪ್ಯಪರಂ ಚಕ್ರಂ ಚಕ್ರೇಂಽಶುಮಾಲಿನಂ॥ 8-26-8 (56175) ಗಂಗಾಂ ಸರಸ್ವತೀಂ ತೂಣೀಂ ಚಕ್ರೇ ವಿಶ್ವಕೃದವ್ಯಯಃ। ಅಲಂಕಾರಾ ರಥಸ್ಯಾಸನ್ನಾಪಗಾಃ ಸರಿತಸ್ತಥಾ॥ 8-26-9 (56176) ತ್ರೀನಗ್ನೀನ್ಮಂತ್ರವಚ್ಚಕ್ರೇ ರಥಸ್ಯಾಥ ತ್ರಿವೇಣುಕಂ। ಅನುಕರ್ಷಾನ್ರಥೇ ದೀಪ್ತಾನ್ವರೂಥಾಂಶ್ಚಾಪಿ ತಾರಕಾಃ॥ 8-26-10 (56177) ಓಷಧೀರ್ವೀರುಧಶ್ಚೈವ ಘಂಟಾಜಾಲಂ ಚ ಭಾನುಮತ್। ಅಲಂಚಕಾರ ಚ ರಥಂ ಮಾಸಪಕ್ಷರ್ತುಭಿರ್ವಿಭುಃ॥ 8-26-11 (56178) ಅಹೋರಾತ್ರೈಃ ಕಲಾಭಿಶ್ಚ ಕಾಷ್ಠಾಭಿರಯನೈಸ್ತಥಾ। ದ್ಯಾಂ ಯುಗಂ ಯುಗಪರ್ವಾಣಿ ಸಂವರ್ತಕಬಲಾಹರಕಾನ್॥ 8-26-12 (56179) ಶಂಯಾಂ ಧೃತಿಂ ಚ ಮೇಧಾಂ ಚ ಸ್ಥಿತಿಂ ಸನ್ನತಿಮೇವ ಚ। ಋಘ್ವೇದಂ ಸಾಮವೇದಂ ಚ ಧುರ್ಯಾವಶ್ವಾವಕಲ್ಪಯತ್॥ 8-26-13 (56180) ಪೃಷ್ಠಾಶ್ವೌ ತು ಯಜುರ್ವೇದಃ ಕಲ್ಪಿತೋಽಥರ್ವಣಸ್ತಥಾ। ಅಶ್ವಾನಾಂ ಚಾಪ್ಯಲಂಕಾರಂ ವಿದಧೇ ಪದಸಂಚಯಂ॥ 8-26-14 (56181) ಸಿನೀವಾಲೀಮನುಮತಿಂ ಕುಹೂಂ ರಾಕಾಂ ಚ ಸುಪ್ರಭಾಂ। ಯೋಕ್ತಾಣಿ ಚಕ್ರೇ ಚಾಶ್ವಾನಾಂ ಕೂಶ್ಮಾಂಡಾಂಶ್ಚಾಪಿ ಪನ್ನಗಾನ್। 8-26-15 (56182) ತಾಲಪೃಷ್ಠೋಽಥ ನಹುಷಃ ಕಾರ್ಕೋಟಕಧನಂಜಯೌ। ಇತರೇ ಚಾಭವನ್ನಾಗಾ ಹಯಾನಾಂ ವಾಹಬಂಧನಂ॥ 8-26-16 (56183) ಅಭೀಶವಃ ಷಡಂಗಾನಿ ಕಲ್ಪಿತಾನಿ ಮಹೀಪತೇ। ಓಂಕಾರಃ ಕಲ್ಪಿತಸ್ತಸ್ಯ ಪ್ರತೋದೋ ವಿಶ್ವಕರ್ಮಣಾ॥ 8-26-17 (56184) ಯಜ್ಞಾಃ ಸರ್ವೇ ಪೃಥಕ್ಲೃಪ್ತಾ ರಥಾಂಗಾನಿ ಚ ಭಾಗಶಃ। ಅಧಿಷ್ಠಾನಂ ಮನಶ್ಚಾಸೀತ್ಪರಿರಥ್ಯಾ ಸರಸ್ವತೀ॥ 8-26-18 (56185) ನಾನಾವರ್ಣಾನಿ ಶಸ್ತ್ರಾಣಿ ಪತಾಕಾಃ ಪವನೇರಿತಾಃ। ವಿದ್ಯುದಿಂದ್ರಧನುರ್ಯುಕ್ತಂ ರಥಂ ದೀಪ್ತ್ಯಾ ವ್ಯದೀಪಯತ್॥ 8-26-19 (56186) ವರ್ಮ ಯೋದ್ಧುಂ ಚ ವಿಹಿತಂ ನಮೋ ಗ್ರಹಗಣಾಕುಲಂ। ಅಭೇದ್ಯಂ ಭಾನುಮಚ್ಚಿತ್ರಂ ಕಾಲಚಕ್ರಪರಿಕ್ಷತಂ॥ 8-26-20 (56187) ಏವಮಸ್ಮಿನ್ಮಹಾರಾಜ ಕಲ್ಪಿತೇ ರಥಸತ್ತಮೇ। ತ್ವಷ್ಟ್ರಾ ಮನುಜಶಾರ್ದೂಲ ದ್ವಿಷತಾಂ ಭಯವರ್ಧನೇ॥ 8-26-21 (56188) ಸ್ವಾನ್ಯಾಯುಧಾನಿ ದಿವ್ಯಾನಿ ನ್ಯದಧಾಚ್ಛಂಕರೋ ರಥೇ। ಧ್ವಜಯಷ್ಟಿಂ ವಿಯತ್ಕೃತ್ವಾ ಸ್ಥಾಪಯಾಮಾಸ ಗೋವೃಷಂ॥ 8-26-22 (56189) ಬ್ರಹ್ಮದಣ಼್ಡಃ ಕಾಲದಂಡೋ ರುದ್ರದಂಡಶ್ಚ ತೇ ಜ್ವರಾಃ। ಪರಿಷ್ಕಾರಾ ರ್ಥಸ್ಯಾಸನ್ಸಮಂತಾದ್ದಿಶಮುದ್ಧತಾಃ॥ 8-26-23 (56190) ವಿಚಿತ್ರಮೃತುಭಿಃ ಷಡ್ಭಿಃ ಕೃತ್ವಾ ಸಂವತ್ಸರಂ ಧನುಃ। ಛಾಯಾಮೇವಾತ್ಮನಶ್ಚಕ್ರೇ ಧನುರ್ಜ್ಯಾಮಕ್ಷಯಾಂ ಧ್ರುವಾಂ॥ 8-26-24 (56191) ಕಾಲೋ ಹಿ ಭಗವಾನ್ರುದ್ರಸ್ತಚ್ಚ ಸಂವತ್ಸರಂ ಧನುಃ। ತಸ್ಮಾದ್ರೌದ್ರೀ ಕಾಲರಾತ್ರೀ ಜ್ಯಾ ಕೃತಾ ಧನುಷೋ ಜರಾ॥ 8-26-25 (56192) ತತೋ ರಥೇ ರಥಾಶ್ವಾಂಸ್ತಾನೃಷಯಃ ಸಮಯೋಜಯನ್। ಏಕೈಕಶಃ ಸುಸಂಹೃಷ್ಟಾನಾದಾಯ ಸುಧೃತವ್ರತಾಃ॥ 8-26-26 (56193) ದಕ್ಷಿಣಸ್ಯಾಂ ಧುರಿ ಕೃತ ಋಗ್ವೇದೋ ಮಂತ್ರಪಾರಗೈಃ। ಸವ್ಯತಃ ಸಾಮವೇದಶ್ಚ ಯುಕ್ತೋ ರಾಜನ್ಮಹರ್ಷಿಭಿಃ॥ 8-26-27 (56194) ಪಾರ್ಷ್ಠಿದಕ್ಷಿಣತೋ ಯುಕ್ತೋ ಯಜುರ್ವೇದಃ ಸುರದ್ವಿಜೈಃ। ಇತರಸ್ಯಾಂ ತಥಾ ಪಾರ್ಷ್ಠ್ಯಾಂ ಯುಕ್ತೋ ರಾಜನ್ನಥರ್ವಣಃ॥ 8-26-28 (56195) ಏವಂ ತೇ ವಾಜಿನೋ ಯುಕ್ತಾ ಯಜ್ಞವಿದ್ಭಿಸ್ತಥಾ ರಥೇ। ಅಶೋಭಂತ ತಥಾ ಯುಕ್ತಾ ಯಥೈವಾಧ್ವರಮಧ್ಯಗಾಃ॥ 8-26-29 (56196) ಕಲ್ಪಯಿತ್ವಾ ರಥಂ ದಿವ್ಯಂ ತತೋ ಬಾಣಮಕಲ್ಪಯತ್। ಚಿಂತಯಿತ್ವಾ ಹರಿಂ ವಿಷ್ಣುಮವ್ಯಯಂ ಯಜ್ಞವಾಹನಂ॥ 8-26-30 (56197) ಶರಂ ಸಂಕಲ್ಪಯಾಂಚಕ್ರೇ ವಿಶ್ವಕರ್ಮಾ ಮಹಾಮನಾಃ। ತಸ್ಯ ವಾಜಾಂಶ್ಚ ಪುಂಖಂ ಚ ಕಲ್ಪಯಾಮಾಸ ವೈ ತದಾ॥ 8-26-31 (56198) ಪುಣ್ಯಗಂಧವಹಂ ರಾಜಞ್ಶ್ವಸನಂ ರಾಜಸತ್ತಮ। ಅಗ್ನೀಷೋಮೌ ಶರಮುಖೇ ಕಲ್ಪಯಾಮಾಸ ವೈ ತದಾ॥ 8-26-32 (56199) ಅಗ್ನೀಷೋಮಾತ್ಮಕಂ ಕೃತ್ಸ್ನಮುಚ್ಯತೇ ವೈಷ್ಣವಂ ಜಗತ್। ವಿಷ್ಣುರಾತ್ಮಾ ಭಗವತೋ ಭವಸ್ಯಾಮಿತತೇಜಸಃ॥ 8-26-33 (56200) ತಸ್ಮಾದ್ಧನುರ್ಜ್ಯಾಸಂಸ್ಪರ್ಶಂ ಸ ವಿಷೇಹೇ ಶರಸ್ಯ ವೈ। ತಸ್ಮಿಞ್ಶರೇ ತೀಕ್ಷ್ಣಮನ್ಯುಮಮುಂಚದ್ದುಃಸಹಂ ಪ್ರಭುಃ॥ 8-26-34 (56201) ಭೃಗ್ವಂಗಿರೋಮನ್ಯುಭವಃ ಕ್ರೋಧಾಗ್ನಿರತಿದುಃಸಹಃ। ಸ ನೀಲಲೋಹಿತೋ ಧೂಂರಃ ಕೃತ್ತಿವಾಸಾ ಭಯಾನಕಃ॥ 8-26-35 (56202) ಆದಿತ್ಯಾಯುತಸಂಕಾಶಸ್ತೇಜೋಜ್ವಾಲಾವೃತೋ ಭವಃ। ದುಶ್ಚರ್ಯಚ್ಯಾವಕೋ ಜೇತಾ ಹಂತಾ ಬ್ರಹ್ಮದ್ವಿಷಾಂ ವರಃ॥ 8-26-36 (56203) ತಸ್ಯಾಂಗಾನಿ ಸಮಾಶ್ರಿತ್ಯ ಸ್ಥಿತಂ ವಿಶ್ವಮಿದಂ ಜಗತ್। ಜಂಗಮಾಜಂಗಮಂ ರಾಜಂಛುಶುಭೇಽದ್ಭುತದರ್ಶನಂ॥ 8-26-37 (56204) ದೃಷ್ಟಾ ತು ತಂ ರಥಂ ದಿವ್ಯಂ ಕವಚೀ ಸ ಶರಾಸನೀ। ಆದದೇ ಸ ಶರಂ ದಿವ್ಯಂ ಸೋಮವಿಷ್ಣ್ವಗ್ನಿವಾಯುಜಂ॥ 8-26-38 (56205) ತಮಾದಾಯ ಮಹಾದೇವಸ್ತ್ರಾಸಯಂದೈತ್ಯದಾನವಾನ್। ಆರುರೋಹ ತದಾ ಯತ್ತಃ ಕಂಪಯನ್ನಿವ ರೋದಸೀ॥ 8-26-39 (56206) ಮಹರ್ಷಿಭಿಃ ಸ್ತೂಯಮಾನೋ ವಂದ್ಯಮಾನಶ್ಚ ವಂದಿಭಿಃ। ಉಪನೃತ್ತಶ್ಚಾಪ್ಸರಸಾಂ ಗಣೈರ್ನೃತ್ತವಿಶಾರದೈಃ॥ 8-26-40 (56207) ಸ ಶೋಭಮಾನೋ ವರದಃ ಖಂಗೀ ಬಾಣೀ ಶರಾಸನೀ। ಹಸನ್ನಿವಾಬ್ರವೀದ್ದೇವಃ ಸಾರಥಿಃ ಕೋ ಭವೇದಿತಿ॥ ॥ 8-26-41 (56208) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಷಡ್ವಿಂಶೋಽಧ್ಯಾಯಃ॥ 26 ॥

8-27-0 (56209) ದುರ್ಯೋಧನ ಉವಾಚ। 8-27-0x (4894) ತಮಬ್ರುವಂದೇವಗಣಾ ಯಂ ಭವಾನ್ಸನ್ನಿಯೋಕ್ಷ್ಯತೇ। ಸ ಭವಿಷ್ಯತಿ ದೇವೇಶ ಸಾರಥಿಸ್ತೇ ನ ಸಂಶಯಃ॥ 8-27-1 (56210) ತಾನಬ್ರವೀನ್ಮಹಾದೇವೋ ಮತ್ತಃ ಶ್ರೇಷ್ಠತರೋ ಹಿ ಯಃ। ತಂ ಸಾರಥಿಂ ಕುರುಧ್ವಂ ವೈ ಸ್ವಯಂ ಸಂಚಿಂತ್ಯ ಮಾ ಚಿರಂ॥ 8-27-2 (56211) ಏತಚ್ಛ್ರುತ್ವಾ ವಚೋ ದೇವಾಃ ಸರ್ವೇ ಗತ್ವಾ ಪಿತಾಮಹಂ। ಪ್ರಣಿಪತ್ಯೋಚುರೇಕಾಗ್ರಾಃ ಪ್ರಸಾದ್ಯೈನಂ ಮಹರ್ಷಿಭಿಃ॥ 8-27-3 (56212) ತ್ವಯಾ ಯತ್ಕಥಿತಂ ದೇವ ತ್ರಿದಶಾರಿನಿಬರ್ಹಣೇ। ತಥಾ ತತ್ಕೃತಮಸ್ಮಾಭಿಃ ಪ್ರಸನ್ನಶ್ಚ ವೃಷಧ್ವಜಃ॥ 8-27-4 (56213) ರಥಶ್ಚ ವಿಹಿತೋಽಸ್ಮಾಭಿರ್ವಿಚಿತ್ರಾಯುಧಸಂವೃತಃ। ಸಾರಥಿಂ ಚ ನ ಜಾನೀಮಃ ಕಃ ಸ್ಯಾತ್ತಸ್ಮಿನ್ರಥೋತ್ತಮೇ॥ 8-27-5 (56214) ತಸ್ಮಾದ್ವಿಧೀಯತಾಂ ಕಶ್ಚಿತ್ಸಾರಥಿರ್ದೇವಸತ್ತಮ। ಸಫಲಾಂ ತಾಂ ಗಿರಂ ದೇವ ಕರ್ತುಮರ್ಹಸಿ ನೋ ವಿಭೋ। ಏವಮಸ್ಮಾಸು ಹಿ ಪುರಾ ಭಗವನ್ನುಕ್ತವಾನಸಿ॥ 8-27-6 (56215) ಸದೈವ ಯುಕ್ತೋ ರಥಸತ್ತಮೋ ವೈ ದುರಾಧರ್ಷೋ ದ್ರಾವಣಃ ಶಾತ್ರವಾಣಾಂ। ಪಿನಾಕಧನ್ವಾ ವಿಹಿತೋಽತ್ರ ಯೋದ್ಧಾ ವಿಭೀಷಯಂದಾನವಾನುದ್ಯತೋಽಸೌ॥ 8-27-7 (56216) ತಥೈವ ವೇದಾಶ್ಚ ಹಯಾ ರಥಾಗ್ರ್ಯ ಧರಾ ಸಶೈಲಾ ಚ ರಥೋ ಮಹಾತ್ಮನಃ। ನಕ್ಷತ್ರವಂಶಾನುಗತೋ ವರೂಥೀ ಯಸ್ಮಿನ್ಯೋದ್ಧಾ ಸಾರಥಿನಾಽಭಿರಕ್ಷ್ಯಃ॥ 8-27-8 (56217) ತತ್ರ ಸಾರಥಿರೇಷ್ಟವ್ಯಃ ಸರ್ವೈರೇತೈರ್ವಿಶೇಷವಾನ್॥ 8-27-9 (56218) ತಂ ಪ್ರವಿಷ್ಟಾ ರಥಂ ದೇವಾ ರಥಯೋದ್ವಾರಮೇವ ಚ। ಕವಚಾನಿ ಚ ಶಸ್ತ್ರಾಣಿ ಕಾರ್ಮುಕಂ ಚ ಪಿತಾಮಹ॥ 8-27-10 (56219) ತ್ವಾಮೃತೇ ಸಾರಥಿಂ ತತ್ರ ನಾನ್ಯಂ ಪಶ್ಯಾಮಹೇ ವಯಂ। ತ್ವಂ ಹಿ ಸರ್ವೈರ್ಗಣೈರ್ಯುಕ್ತೋದೇವತಾಭ್ಯೋಽಧಿಕಃ ಪ್ರಭೋ॥ 8-27-11 (56220) ತ್ವಂ ದೇವ ಶಕ್ತೋ ಲೋಕೇಶ ನಿಯಂತುಂ ಪ್ರದ್ರುತಾನಿಮಾನ್। ವೇದಾಂಶ್ಚ ಸೋಪನಿಷದಃ ಸಾರಥಿರ್ಭವ ನಃ ಸ್ವಯಂ॥ 8-27-12 (56221) ಯೋದ್ವುಂ ಬಲೇನ ವೀರ್ಯೇಣ ಸತ್ವೇನ ವಿನಯೇನ ಚ। ಅಧಿಕಃಸಾರಥಿಃಕಾರ್ಯೋ ನಾಸ್ತಿ ಚಾನ್ಯೋಽಧಿಕೋ ಭವಾತ್॥ 8-27-13 (56222) ಸ ಭವಾಂಸ್ತಾರಯತ್ವಸ್ಮಾನ್ಕುರು ಸಾರಥ್ಯಮವ್ಯಯ। ಭವಾನಭ್ಯಧಿಕಸ್ತ್ವತ್ತೋ ನಾನ್ಯೋಸ್ತಿ ಭವಿತಾ ತ್ವಿಹ॥ 8-27-14 (56223) ತ್ವಂ ಹಿ ದೇವೇಶ ಸರ್ವೈಸ್ತು ವಿಶಿಷ್ಟೋ ವದತಾಂ ವರ। ತಂ ರಥಂ ತ್ವಂ ಸಮಾರುಹ್ಯ ಸಂಯಚ್ಛ ಪರಮಾನ್ಹಯಾನ್॥ 8-27-15 (56224) ತವ ಪ್ರಸಾದಾದ್ವಧ್ಯೇಯುರ್ದೇವ ದೈವತಕಂಟಕಾಃ। ಸ ನೋ ರಕ್ಷ ಮಹಾಬಾಹೋ ದೈತ್ಯೇಭ್ಯೋ ಮಹತೋ ಭಯಾತ್॥ 8-27-16 (56225) ತ್ವಂ ಹಿ ನೋ ಗತಿರವ್ಯಗ್ರ ತವಂ ಂತ್ರೇ ಗೋಪ್ತಾ ಮಹಾವ್ರತ। ತ್ವತ್ಪ್ರಸಾದಾತ್ಸುರಾಃ ಸರ್ವೇ ಪೂಜ್ಯಂತೇ ತ್ರಿದಿವೇ ಪ್ರಭೋ॥ 8-27-17 (56226) ಇತಿ ತೇ ಶಿರಸಾಽಗಚ್ಛಂಸ್ತ್ರಿಲೋಕೇಶಂ ಪಿತಾಮಹಂ। ದೇವಾಃ ಪ್ರಸಾದಯಾಮಾಸುಃ ಸಾರಥ್ಯಾಯೇತಿ ನಃ ಶ್ರುತಂ॥ 8-27-18 (56227) ಬ್ರಹ್ಮೋವಾಚ। 8-27-19x (4895) ಏವಮೇತತ್ಸುರಾಸ್ತಥ್ಯಂ ನಾನ್ಯಸ್ತ್ವಭ್ಯಧಿಕೋ ಭವಾತ್। ಸಾರಥಿತ್ವಂ ಕರಿಷ್ಯಾಮಿ ಶಂಕರಸ್ಯ ಮಹಾತ್ಮನಃ॥ 8-27-19 (56228) ಸರ್ವಥಾ ರಥಿನಃ ಶ್ರೇಯಾನ್ಕರ್ತವ್ಯೋ ರಥಸಾರಥಿಃ। ತಸ್ಮಾದೇತದ್ಯಥಾತತ್ತ್ವಂ ಜ್ಞಾತ್ವಾ ಯುಷ್ಮಾಂಶ್ಚ ಸಂಗತಾನ್। ಸಂಯಚ್ಛಾಮಿ ಹಯಾನೇಷ ವಿಬುಧಾಯ ಕಪರ್ದಿನೇ॥ 8-27-20 (56229) ದುರ್ಯೋಧನ ಉವಾಚ। 8-27-21x (4896) ಏವಮುಕ್ತ್ವಾ ಜಟಾಭಾರಂ ಸಂಯಂಯ ಪ್ರಪಿತಾಮಹಃ। ಪರಿಧಾಯಾಜಿನಂ ಗಾಢಂ ಸನ್ನ್ಯಸ್ಯ ಚ ಕಮಂಡಲುಂ। ಪ್ರತೋದಪಾಣಿರ್ಭಗವಾನಾರುರೋಹ ರಥಂ ತದಾ॥ 8-27-21 (56230) ಸಾರಥೌ ಕಲ್ಪಿತೇ ದೇವೈರೀಶಾನಸ್ಯ ಮಹಾತ್ಮನಃ। ತಸ್ಮಿನ್ನಾರೋಹತಿ ರಥಂ ಕಲ್ಪಿತಂ ಲೋಕಸಂಭೃತಂ। ಶಿರೋಭಿಃ ಪತಿತಾ ಭೂಮೌ ತುರಗಾ ವೇದಸಂಭೃತಾಃ॥ 8-27-22 (56231) ಉಭಾಭ್ಯಾಂ ಲೋಕನಾಥಾಭ್ಯಾಮಾಸ್ಥಿತಂ ರಥಸತ್ತಮಂ। ಓಢುಂ ನ ಶಕ್ತಾ ವೇದಾಶ್ವಾ ಜಾನುಭ್ಯಾಮಪತನ್ಮಹೀಂ॥ 8-27-23 (56232) ಅಭೀಶುಭಿಸ್ತು ಭಗವಾನುದ್ಯಂಯ ಚ ಹಯಾನ್ವಿಭುಃ। ಅಸ್ತು ವೀರ್ಯಂ ಚ ಶೌರ್ಯಂ ಚ ವೇದಾಶ್ವಾನಾಮಿತಿ ಪ್ರಭುಃ। ರಥಂ ಸಂಚೋದಯಾಮಾಸ ದೇವಾನಾಂ ಪ್ರಭುರವ್ಯಯಃ॥ 8-27-24 (56233) ತತೋಽಧಿರೂಢೇ ವರದೇ ರಥಂ ಪಶುಪತಿಸ್ತದಾ। ಸಾಧುಸಾಧ್ವಿತಿ ದೇವೇಶಂ ಸ್ಮಯಮಾನೋಽಭ್ಯಭಾಷತ॥ 8-27-25 (56234) ಯಾಹಿ ದೇವ ಯತೋ ದೈತ್ಯಾಶ್ಚೋದಯಾಶ್ವಾನರಿಂದಮ। ಪಶ್ಯ ಬಾಹ್ವೋರ್ಬಲಂ ಮೇಽದ್ಯ ನಿಘ್ನತಃ ಶಾತ್ರವಾನ್ರಣೇ॥ 8-27-26 (56235) ತತೋಽಶ್ವಾಂಶ್ಚೋದಯಾಮಾಸ ಮನೋಮಾರುತರಂಹಸಃ। ಪುರಾಣ್ಯುದ್ದಿಶ್ಯ ಖಸ್ಥಾನಿ ದಾನವಾನಾಂ ತರಸ್ವಿನಾಂ॥ 8-27-27 (56236) ತತಸ್ತೇ ಸಹಸೋತ್ಪತ್ಯ ವೇದಾಖ್ಯಾ ರಥವಾಜಿನಃ। ಕ್ಷಣೇನ ತೇನ ದೈತ್ಯಾನಾಂ ಪುರಾಣಿ ಪ್ರಾಪಯನ್ಹರಂ॥ 8-27-28 (56237) ಅಥರ್ವಾಂಗಿರಸೌ ಚಾಸ್ತಾಂ ಚಕ್ರರಕ್ಷೌ ಮಹಾತ್ಮನಃ। ಅಥಾಧಿಜ್ಯಂ ಧನುಃ ಕೃತ್ವಾ ಶರ್ವಃ ಸಂಧಾಯ ತಂ ಶರಂ। ಯುಕ್ತ್ವಾ ಪಾಶುಪತಾಸ್ತ್ರೇಣ ತ್ರಿಪುರಂ ಸಮಚಿಂತಯತ್॥ 8-27-29 (56238) ತಸ್ಮಿನ್ಸ್ಥಿತೇ ತತೋ ರಾಜನ್ರುದ್ರೇ ಸಜ್ಜಿತಕಾರ್ಮುಕೇ। ಪುರಾಣಿ ತೇನ ಕಾಲೇನ ಜಗ್ಮುರೇಕತ್ವಮಾಶು ವೈ॥ 8-27-30 (56239) ಏಕೀಭಾವಂ ಗತೇ ಚೈವ ತ್ರಿಪುರತ್ವಮುಪಾಗತೇ। ಬಭೂವ ತುಮುಲೋ ಹರ್ಷೋ ದೇವತಾನಾಂ ಮಹಾತ್ಮನಾಂ॥ 8-27-31 (56240) ತತೋ ದೇವಗುಣಾಃ ಸರ್ವೇ ಸಿದ್ಧಾಶ್ಚ ಪರಮರ್ಷಯಃ। ಜಯೇತಿ ವಾಚೋ ಮುಮುಚುಃ ಸಂಸ್ತುವಂತೋ ಮಹೇಶ್ವರಂ॥ 8-27-32 (56241) ತತೋಽಗ್ರತಃ ಪ್ರಾದುರಭೂತ್ತ್ರಿಪುರಂ ಜಘ್ನುಷೋಽಸುರಾನ್। ಅನಿರ್ದೇಶ್ಯಾಗ್ರ್ಯವಪುಷೋ ದೇವಸ್ಯಾಸಹ್ಯತೇಜಸಃ॥ 8-27-33 (56242) ತ್ರೀಣಿ ದೃಷ್ಟ್ವೈವ ಸಂಸ್ಥಾನಿ ಪುರಾಣ್ಯಥ ಪಿನಾಕಧೃತ್। ಸ ತದ್ವಿಕೃಷ್ಯ ಭಗವಾಂದಿವ್ಯಂ ಲೋಕೇಶ್ವರೋ ಧನುಃ। ತ್ರೈಲೋಕ್ಯಸಾರಂ ತಮಿಷುಂ ಮುಮೋಚ ತ್ರಿಪುರಂ ಪ್ರತಿ॥ 8-27-34 (56243) ಏಕಬಾಣೇನ ತಂ ದೇವಸ್ತ್ರಿಪುರಂ ಪರಮೇಶ್ವರಃ। ನಿಜಘ್ನೇ ಸಾಸುರಗಣಂ ದೇವದೇವೋ ಮಹೇಶ್ವರಃ॥ 8-27-35 (56244) ಬಾಣತೇಜೋಗ್ನಿದಗ್ಧಂ ತದ್ವಿಪ್ರಕೀರ್ಣಂ ಸಹಸ್ರಧಾ। ಮಹದಾರ್ತಸ್ವರಂ ಕೃತ್ವಾ ನಾವಶೇಷಮುಪಾಗತಂ। ಮದ್ರೇಶ ಸಾಸುರಗಣಂ ಪ್ರಾಪತತ್ಪಶ್ಚಿಮಾರ್ಣವೇ॥ 8-27-36 (56245) ಏವಂ ಹಿ ತ್ರಿಪುರಂ ದಗ್ಧಂ ದಾನವಾಶ್ಚಾಪ್ಯಶೇಷತಃ। ಮಹೇಶ್ವರೇಣ ಕ್ರುದ್ಧೇನ ತ್ರೈಲೋಕ್ಯಸ್ಯ ಹಿತೈಷಿಣಾ॥ 8-27-37 (56246) ಸ ಚಾತ್ಮಕ್ರೋಧಜೋ ವಿಹ್ನಿರ್ದಹೇತ್ಯುಕ್ತೋ ನಿವಾರಿತಃ। ತ್ರೈಲೋಕ್ಯಮವಿಶೇಷೇಣ ಪುನರ್ದಗ್ಧುಂ ಪ್ರಚಕ್ರಮೇ॥ 8-27-38 (56247) ಕಾಲಾಗ್ನಿಮಿವ ನಿರ್ದಗ್ಧುಮುತ್ಥಿತಂ ತಂ ಪುನಃ ಪುನಃ। ಮಾಕಾರ್ಷೀರ್ಭಸ್ಮಾಸಾಲ್ಲೋಕಾನಿತಿ ತ್ರ್ಯಕ್ಷೋಽಬ್ರವೀದ್ವಚಃ॥ 8-27-39 (56248) ತತಃ ಪ್ರಕೃತಿಮಾಪನ್ನಾ ದೇಲೋಕಾಸ್ತಥರ್ಷಯಃ। ತುಷ್ಟುವುರ್ವಾಗ್ಭಿರಗ್ರ್ಯಾಭಿಃ ಸ್ಥಾಣುಂ ತ್ರಿಪುರವೈರಿಣಂ॥ 8-27-40 (56249) ತೇಽನುಜ್ಞಾತಾ ಭಗವತಾ ಸರ್ವೇ ಜಗ್ಮುರ್ಯಥಾಗತಂ। ಕೃತಕಾಮಾಃ ಪ್ರಸನ್ನೇನ ಪ್ರಜಾಪತಿಮುಖಾಃ ಸುರಾಃ॥ 8-27-41 (56250) ಏವಂ ರುದ್ರಸ್ಯ ಕೃತವಾನ್ಸಾರಥ್ಯಂ ತು ಪಿತಾಮಹಃ। ಸಂಯಚ್ಛ ತುರಗಾನಸ್ಯ ರಾಧೇಯಸ್ಯ ಮಹಾತ್ಮನಃ॥ 8-27-42 (56251) ತ್ವಂ ಹಿ ಕೃಷ್ಣಾಚ್ಚ ಕರ್ಣಾಚ್ಚ ಫಲ್ಗುನಾಚ್ಚ ಗುಣಾಧಿಕಃ। ಬಲತೋ ರೂಪತೋ ಯೋಗಾದಸ್ತ್ರಸಂಪದ ಏವ ಚ॥ 8-27-43 (56252) ಸಮಾಸಕ್ತಂ ಮಹೀಪಾಲ ಕುರು ಮೇ ಹಿತಮೀಪ್ಸಿತಂ। ಯುದ್ವೇ ಹ್ಯಯಂ ರುದ್ರಕಲ್ಪಸ್ತ್ವಂ ಚ ಬ್ರಹ್ಮಸಮೋಽನಘ। ತಸ್ಮಾಚ್ಛಕ್ತೌ ಯುವಾಂ ಜೇತುಂ ಮಚ್ಛತ್ರೂಂದಿವಿ ವಾ ಸುರಾನ್॥ 8-27-44 (56253) ಸ ಯಥಾ ಶಲ್ಯ ಕರ್ಣೋಽಯಂ ಶ್ವಂತಾಶ್ವಂ ಕೃಷ್ಣಸಾರಥಿಂ। ಪ್ರಮಥ್ಯ ಹನ್ಯಾತ್ಕೌಂತೇಯಂ ತಥಾ ನೀತಿರ್ವಿಧೀಯತಾಂ॥ 8-27-45 (56254) ತ್ವಯಿ ರಾಜ್ಯಂ ಸುಖಂ ಚೈವ ಜೀವಿತಂ ಜಯಮೇವ ಚ। ಸಮಾಸಕ್ತಂ ಮಹೀಪಾಲ ಕುರು ಮೇ ಹಿತಮೀಪ್ಸಿತಂ॥ 8-27-46 (56255) ಸಂಯಚ್ಛಾಸ್ಯ ಹಯಾಂತ್ರಾಜನ್ಮತ್ಪ್ರಿಯಾರ್ಥಂ ಪರಂತಪ॥ ॥ 8-27-47 (56256) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತವಿಂಶೋಽಧ್ಯಾಯಃ॥ 27 ॥

8-28-0 (56257) ದುರ್ಯೋಧನ ಉವಾಚ। 8-28-0x (4897) ಇಮಂ ಚಾಪ್ಯಪರಂ ಭೂಯ ಇತಿ ಹಾಸಂ ನಿಬೋಧ ಮೇ। ಪಿತುರ್ಮಮ ಸಕಾಶೇ ವೈ ಬ್ರಾಹ್ಮಣಃ ಪ್ರಾಹ ಧರ್ಮವಿತ್॥ 8-28-1 (56258) ಶ್ರುತ್ವಾ ಚೈತದ್ವಚಶ್ಚಿತ್ರಂ ಹೇತುಕಾರ್ಯಾರ್ಥತತ್ತ್ವವಿತ್। ಕುರು ಶಲ್ಯ ವಿನಿಶ್ಚಿತ್ಯ ಮಾ ಭೂದತ್ರ ವಿಚಾರಣಾ॥ 8-28-2 (56259) ಭಾರ್ಗವಾಣಾಂ ಕುಲೇ ಜಾತೋ ಜಮದಗ್ನಿರ್ಮಹಾತಪಾಃ। ತಸ್ಯ ರಾಮೇತಿ ವಿಖ್ಯಾತಃ ಪುತ್ರಸ್ತೇಜೋಗುಣಾನ್ವಿತಃ॥ 8-28-3 (56260) ಸ ತೀವ್ರಂ ತಪ ಆಸ್ಥಾಯ ಸಂಪ್ರಸಾದಿತವಾನ್ಭವಂ। ಅಸ್ತ್ರಹೇತೋಃ ಪ್ರಸನ್ನಾತ್ಮಾ ನಿಯತಃ ಸಂಯತೇಂದ್ರಿಯಃ॥ 8-28-4 (56261) ತಸ್ಮೈ ತುಷ್ಟೋ ಮಹಾದೇವೋ ಭಕ್ತ್ಯಾ ಚ ಪ್ರಶಮೇನ ಚ। ಹೃದ್ಗತಂ ಚಾಸ್ಯ ವಿಜ್ಞಾಯ ದರ್ಶಯಾಮಾಸ ಶಂಕರಃ। ಪ್ರತ್ಯಕ್ಷೇಣ ಮಹಾದೇವಃ ಸ್ವಾಂ ತನುಂ ಸರ್ವಶಂಕರಃ॥ 8-28-5 (56262) ಶಂಕರ ಉವಾಚ। 8-28-6x (4898) ರಾಮ ತುಷ್ಟೋಽಸ್ಮಿ ಭದ್ರಂ ತೇ ವಿದಿತಂ ತವ ಚೇಪ್ಸಿತಂ। ಕುರುಷ್ವ ಪೂತಮಾತ್ಮಾನಂ ಸರ್ವಮೇತದವಾಪ್ಸ್ಯಸಿ॥ 8-28-6 (56263) ದಾಸ್ಯಾಮಿ ತೇ ತದಾಽಸ್ತ್ರಾಣಿ ಯದಾ ಪೂತೋ ಭವಿಷ್ಯಸಿ। ಅಪಾತ್ರಮಸಮರ್ಥಂ ಚ ದಹಂತ್ಯಸ್ತ್ರಾಣಿ ಭಾರ್ಗವ॥ 8-28-7 (56264) ಇತ್ಯುಕ್ತೋ ಜಾಮದಗ್ನ್ಯಸ್ತು ದೇವದೇವೇನ ಶೂಲಿನಾ। ಪ್ರತ್ಯುವಾಚ ಮಹಾತ್ಮಾನಂ ಶಿರಸಾಽವನತಃ ಪ್ರಭುಂ॥ 8-28-8 (56265) ಯದಾ ಜಾನಾಸಿ ದೇವೇಶ ಪಾತ್ರಂ ಮಾಮಸ್ತ್ರಧಾರಣೇ। ತದಾ ಶುಶ್ರೂಷತೇಽಸ್ತ್ರಾಣಿ ಭವಾನ್ಮೇ ದಾತುಮರ್ಹತಿ॥ 8-28-9 (56266) ತತಃ ಸ ತಪಸಾ ಚೈವ ವ್ರತೇನ ನಿಯಮೇನ ಚ। ಪೂಜೋಪಹಾರಬಲಿಭಿರ್ಹೋಮಮಂತ್ರಪುರಸ್ಕೃತೈಃ॥ 8-28-10 (56267) ಸಮಾರಾಧಿತವಾಞ್ಶರ್ವಂ ಬಹುವರ್ಷಗಣಾಂಸ್ತದಾ। ಪ್ರಸನ್ನಶ್ಚ ಮಹಾದೇವೋ ಭಾರ್ಗವಸ್ಯ ಮಹಾತ್ಮನಃ॥ 8-28-11 (56268) ಅಸಕೃಚ್ಚಾಬ್ರವೀತ್ತಸ್ಯ ಗುಣಾಂದೇವ್ಯಾಃ ಸಕಾಶತಃ। ಭಕ್ತಿಮಾನೇಷ ಸತತಂ ಮಯಿ ರಾಮೋ ದೃಢವ್ರತಃ॥ 8-28-12 (56269) ಏವಮಸ್ಯ ಗುಣಾನ್ಪ್ರೀತೋ ಬಹುಶೋ ಕಥಯದ್ವಿಭುಃ। ದೇವತಾನಾಂ ಪಿತೄಣಾಂ ಚ ಸಮಕ್ಷಮರಿಸೂದನ॥ 8-28-13 (56270) ಏತಸ್ಮಿನ್ನೇವ ಕಾಲೇ ತು ದೈತ್ಯಾ ಹ್ಯಾಸನ್ಮಹಾಬಲಾಃ। ತೈಸ್ತದಾ ದರ್ಪಮೋಹಾದ್ವೈ ಅಬಾಧ್ಯಂತ ದಿವೌಕಸಃ॥ 8-28-14 (56271) ತತಃ ಸಂಭೂಯ ವಿಬುಧಾಸ್ತಾನ್ಹಂತುಂ ಕೃತನಿಶ್ಚಯಾಃ। ಚಕ್ರುಃ ಶತ್ರುವಧೇ ಯತ್ನಂ ದೈತ್ಯಾಂಚೇತುಮಶಕ್ನುವನ್॥ 8-28-15 (56272) ಅಭಿಗಂಯ ತತೋ ದೇವಾ ಮಹೇಶ್ವರಮುಮಾಪತಿಂ। ಪ್ರಾಸಾದಯಂಸ್ತದಾ ಭಕ್ತ್ಯಾ ಜಹಿ ಶತ್ರುಗಣಾನಿತಿ॥ 8-28-16 (56273) ಪ್ರತಿಜ್ಞಾಯ ತತೋ ದೇವೋ ದೇವತಾನಾಂ ರಿಪುಕ್ಷಯಂ। ರಾಮಂ ಭಾರ್ಗವಮಾಹೂಯ ಸೋಽಭ್ಯಭಾಷತ ಶಂಕರಃ॥ 8-28-17 (56274) ರಿಪೂನ್ಭಾರ್ಗವ ದೇವಾನಾಂ ಜಹಿ ಸರ್ವಾನ್ಸಮಾಗತಾನ್। ಲೋಕಾನಾಂ ಹಿತಕಾಮಾರ್ಥಂ ಮತ್ಪ್ರಿಯಾರ್ಥಂ ತಥೈವ ಚ॥ 8-28-18 (56275) ಪರಶುರಾಮ ಉವಾಚ। 8-28-19x (4899) ಕಾ ಶಕ್ತಿರ್ಮಮ ದೇವೇಶ ಅಕೃತಾಸ್ತ್ರಸ್ಯ ಸಂಯುಗೇ। ನಿಹಂತುಂ ದಾನವಾನ್ಸರ್ವಾನ್ಕೃತಾಸ್ತ್ರಾನ್ಯುದ್ಧದುರ್ಮದಾನ್॥ 8-28-19 (56276) ಈಶ್ವರ ಉವಾಚ। 8-28-20x (4900) ಗಚ್ಛ ತ್ವಂ ಮದನುಜ್ಞಾನಾನ್ನಿಹನಿಷ್ಯಸಿ ಶಾತ್ರವಾನ್। ವಿಜಿತ್ಯ ಚ ರಿಪೂನ್ಸರ್ವಾನ್ಗುಣಾನ್ಪ್ರಾಪ್ಸ್ಯಸಿ ಪುಷ್ಕಲಾನ್॥ 8-28-20 (56277) ದುರ್ಯೋಧನ ಉವಾಚ। 8-28-21x (4901) ಏತಚ್ಛ್ರುತ್ವಾ ತು ವಚನಂ ಪ್ರತಿಗೃಹ್ಯ ಚ ಸರ್ವಶಃ। ರಾಮಃ ಕೃತಸ್ವಸ್ತ್ಯಯನಃ ಪ್ರಯಯೌ ದಾನವಾನ್ಪ್ರತಿ॥ 8-28-21 (56278) ತತೋಽಜಯದ್ದೇವಶತ್ರೂನ್ಮಹಾದರ್ಪಬಲಾನ್ವಿತಾನ್। ವಜ್ರಾಶನಿಸಮಸ್ಪರ್ಶೈಃ ಪ್ರಹಾರೈರೇವ ಭಾರ್ಗವಃ॥ 8-28-22 (56279) ಸ ದಾನವೈಃ ಕ್ಷತತನುರ್ಜಾಮದಗ್ನ್ಯೋ ನೃಪೋತ್ತಮ। ಸಂಸ್ಪೃಷ್ಟಃ ಸ್ಥಾಣುನಾ ಸದ್ಯೋ ನಿರ್ವ್ರಣಃ ಸಮಪದ್ಯತ॥ 8-28-23 (56280) ಪ್ರೀತಶ್ಚ ಭಗವಾಂದೇವಃ ಕರ್ಮಣಾ ತೇನ ತಸ್ಯ ವೈ। ವರಾನ್ಪ್ರಾದಾದ್ಬಹುವಿಧಾನ್ಭಾರ್ಗವಾಯ ಮಹಾತ್ಮನೇ॥ 8-28-24 (56281) ಉಕ್ತಶ್ಚ ಪ್ರೀತಿಯುಕ್ತೇನ ದೇವದೇವೇನ ಶೂಲಿನಾ॥ 8-28-25 (56282) ನಿಪಾತಾತ್ತವ ಶಸ್ತ್ರಾಣಾಂ ಶರೀರೇ ಯಾಽಭವದ್ರುಜಾ। ತಯಾ ತೇ ಮಾನುಷಂ ಕರ್ಮ ವ್ಯಪೋಹಂ ಭೃಗುನಂದನ। ಗೃಹಾಣಾಸ್ತ್ರಾಣಿ ದಿವ್ಯಾನಿ ಮತ್ಸಕಾಶಾದ್ಯಥೇಪ್ಸಿತಂ॥ 8-28-26 (56283) ತತೋಽಸ್ತ್ರಾಣಿ ಸಮಗ್ರಾಣಿ ವರಾಂಶ್ಚ ಮನಸೇಪ್ಸಿತಾನ್। ಲಬ್ಧ್ವಾ ಬಹುವಿಧಾನ್ರಾಮಃ ಪ್ರಣಂಯಶಿರಸಾ ಶಿವಂ। ಅನುಜ್ಞಾಂ ಪ್ರಾಪ್ಯ ದೇವೇಶಾಜ್ಜಗಾಮ ಸ ಮಹಾತಪಾಃ॥ 8-28-27 (56284) ಏವಮೇತತ್ಪುರಾವೃತ್ತಂ ತಥಾ ಕಥಿತವಾನೃಷಿಃ॥ 8-28-28 (56285) ಭಾರ್ಗವೋಽಪಿ ದದೌ ಸರ್ವಂ ಧನುರ್ವೇದಂ ಮಹಾತ್ಮನೇ। ಕರ್ಣಾಯ ಪುರುಷವ್ಯಾಘ್ರಃ ಸುಪ್ರೀತೇನಾಂತರಾತ್ಮನಾ॥ 8-28-29 (56286) ವೃಜಿನಂ ನ ಭವೇತ್ಕಿಂಚಿದಸ್ಯ ಕರ್ಣಸ್ಯ ಪಾರ್ಥಿವ। ಸೂತೇನ ವರ್ಧಿತೋ ನಿತ್ಯಂ ನ ಸೂತೋ ನೃಪ ಏವ ಸಃ॥ 8-28-30 (56287) ವಿಶುದ್ಧಯೋನಿಂ ವಿಜ್ಞಾಯ ದಿವ್ಯಾನ್ಯಸ್ತ್ರಾಣ್ಯದಾದ್ಭೃಗುಃ। ನಾಪಿ ಸೂತಕುಲೇ ಜಾತಂ ಮನ್ಯೇ ಕರ್ಣಂ ಕಥಂಚನ। ದೇವಪುತ್ರಮದಂ ಮನ್ಯೇ ಕ್ಷತ್ರಿಯಾಣಾಂ ಕುಲೋದ್ಭವಂ॥ 8-28-31 (56288) ವಿಸೃಷ್ಟಮವಿಬೋಧಾರ್ಥಂ ಕುಲಸ್ಯೇಂತಿ ಮತಿರ್ಮಮ। ಸರ್ವಥಾ ನ ಹ್ಯಸೋ ಶಲ್ಯ ಕರ್ಣಃ ಸೂತಕುಲೋದ್ಭವಃ॥ 8-28-32 (56289) ಸಕುಂಡಲಂ ಸಕವಚಂ ದೀರ್ಘಬಾಹುಮರಿಂದಮಂ। ಕಥಮಾದಿತ್ಯಸಂಕಾಶಂ ಮೃಗೀ ಸಿಂಹಂ ಪ್ರಸೂಯತೇ॥ 8-28-33 (56290) ಪಶ್ಯ ಹ್ಯಸ್ಯ ಭುಜೌ ಪೀನೌ ನಾಗರಾಜಕರೋಪಮೌ। ವಕ್ಷಃ ಪಶ್ಯ ವಿಶಾಲಂ ಚ ಸರ್ವಶಸ್ತ್ರಸಹಂ ರಣೇ॥ 8-28-34 (56291) ನ ತ್ವೇವ ಪ್ರಾಕೃತಃ ಕಶ್ಚಿತ್ಕರ್ಣೋ ವೈಕರ್ತನೋ ವೃಷಾ। ಮಹಾತ್ಮಾಹ್ಯೇಷ ರಾಜೇಂದ್ರ ರಾಮಶಿಷ್ಯಃ ಪ್ರತಾಪವಾನ್॥ ॥ 8-28-35 (56292) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಅಷ್ಟವಿಂಶೋಽಧ್ಯಾಯಃ॥ 28 ॥

8-29-0 (56293) ದುರ್ಯೋಧನ ಉವಾಚ। 8-29-0x (4902) ಏವಂ ಸ ಭಗವಾಂದೇವಃ ಸರ್ವಲೋಕಪಿತಾಮಹಃ। ಸಾರಥ್ಯಮಕರೋತ್ತತ್ರ ಬ್ರಹ್ಮಾ ರುದ್ರೋಽಭವದ್ರಥೀ॥ 8-29-1 (56294) ರಥಿನೋಽಭ್ಯಧಿಕೋ ವೀರ ಕರ್ತವ್ಯೋ ರಥಸಾರಥಿಃ। ತಸ್ಮಾತ್ತ್ವಂ ಪುರುಷವ್ಯಾಘ್ರ ನಿಯಚ್ಛ ತುರಗಾನ್ಯುಧಿ॥ 8-29-2 (56295) ಯಥಾ ದೇವಗಣೈಸ್ತತ್ರ ವೃತೋ ಯತ್ನಾತ್ಪಿತಾಮಹಃ। ತಥಾಽಸ್ಮಾಭಿರ್ಭವಾನ್ಯತ್ನಾತ್ಕರ್ಣಾದಭ್ಯಧಿಕೋ ವೃತಃ॥ 8-29-3 (56296) ಯಥಾ ದೇವೈರ್ಮಹಾರಾಜ ಈಶ್ವರಾದಧಿಕೋ ವೃತಃ। ತಥಾ ದೇವೈರ್ಮಹಾರಾಜ ಕ್ಷಿಪ್ರಂ ರುದ್ರಸ್ಯವ ಪಿತಾಮಹಃ। ನಿಯಚ್ಛ ತುರಗಾನ್ಯುದ್ವೇ ರಾಧೇಯಸ್ಯ ಮಹಾದ್ಯುತೇ॥ 8-29-4 (56297) ಶಲ್ಯ ಉವಾಚ। 8-29-5x (4903) ಮಯಾಪ್ಯೇತನ್ನರಶ್ರೇಷ್ಠ ಬಹುಶೋ ನರಸಿಂಹಯೋಃ। ಕಥ್ಯಮಾನಂ ಶ್ರುತಂ ದಿವ್ಯಮಾಖ್ಯಾನಮತಿಮಾನುಷಂ॥ 8-29-5 (56298) ಯಥಾ ಚ ಚಕ್ರೇ ಸಾರಥ್ಯಂ ಭವಸ್ಯ ಪ್ರಪಿತಾಮಹಃ। ಯಥಾಽಸುರಾಶ್ಚ ನಿಹತಾ ಇಷುಣೈಕೇನ ಭಾರತ॥ 8-29-6 (56299) ಕೃಷ್ಣಸ್ಯ ಚಾಪಿ ವಿದಿತಂ ಸರ್ವಮೇತತ್ಪುರಾ ಹ್ಯಭೂತ್॥ 8-29-7 (56300) ಯಥಾ ಪಿತಾಮಹೋ ಜಜ್ಞೇ ಭಗವಾನ್ಸಾರಥಿಸ್ತದಾ। ಅನಾಗತಮತಿಕ್ರಾಂತಂ ವೇದ ಕೃಷ್ಣೋಽಪಿ ತತ್ತ್ವತಃ॥ 8-29-8 (56301) ಏತದರ್ಥಂ ವಿದಿತ್ವಾಽಪಿ ಸಾರಥ್ಯಮುಪಜಗ್ಮಿವಾನ್। ಸ್ವಯಂಭೂರಿವ ರುದ್ರಸ್ಯ ಕೃಷ್ಣಃ ಪಾರ್ಥಸ್ಯ ಭಾರತ॥ 8-29-9 (56302) ಯದಿ ಹನ್ಯಾಚ್ಚ ಕೌಂತೇಯಂ ಸೂತಪುತ್ರಃ ಕಥಂಚನಃ। ದೃಷ್ಟ್ವಾ ಪಾರ್ಥಂ ಹಿ ನಿಹತಂ ಸ್ವಯಂ ಯೋತ್ಸ್ಯತಿ ಕೇಶವಃ॥ 8-29-10 (56303) ಶಂಖಚಕ್ರಗದಾಪಾಣಿರ್ಧಕ್ಷ್ಯತೇ ತವ ವಾಹಿನೀಂ। ನ ಚಾಪಿ ತಸ್ಯ ಕ್ರುದ್ಧಸ್ಯ ವಾರ್ಷ್ಣೇಯಸ್ಯ ಮಹಾತ್ಮನಃ। ಸ್ಥಾಸ್ಯತೇ ಪ್ರತ್ಯನೀಕೇಷು ಕಶ್ಚಿದತ್ರ ನೃಪಸ್ತವ॥ 8-29-11 (56304) ಸಂಜಯ ಉವಾಚ। 8-29-12 (56305) ತಂ ತಥಾ ಭಾಷಮಾಣಂ ತು ಮದ್ರರಾಜಮರಿಂದಮಃ। ಪ್ರತ್ಯುವಾಚ ಮಹಾಬಾಹುರದೀನಾತ್ಮಾ ಸುತಸ್ತವ॥ 8-29-12 (56306) ಮಾವಮಂಸ್ಥಾ ಮಹಾಬಾಹೋ ಕರ್ಣಂ ವೈಕರ್ತನಂ ರಣೇ। ಸರ್ವಶಸ್ತ್ರಭೃತಾಂ ಶ್ರೇಷ್ಠಂ ಸರ್ವಶಾಸ್ತ್ರಾರ್ಥಪರಾಗಂ॥ 8-29-13 (56307) ಯಸ್ಯ ಜ್ಯಾತಲನಿರ್ಘೋಷಂ ಶ್ರುತ್ವಾ ಭಯಕರಂ ಮಹತ್। ಪಾಂಡವೇಯಾನಿ ಸೈನ್ಯಾನಿ ವಿದ್ರವಂತಿ ದಿಶೋ ದಶ॥ 8-29-14 (56308) ಪ್ರತ್ಯಕ್ಷ ತೇ ಮಹಾಬಾಹೋ ಯಥಾ ರಾತ್ರೌ ಘಟೋತ್ಕಚಃ। ಮಾಯಾಶತಾನಿ ಕುರ್ವಾಣೋ ಹತೋ ಮಾಯಾಪುರಸ್ಕೃತಃ॥ 8-29-15 (56309) ನ ಚಾತಿಷ್ಠತ ಬೀಭತ್ಸುಃ ಪ್ರತ್ಯನೀಕೇ ಕಥಂಚನ। ಏತಾಂಶ್ಚ ದಿವಸಾನ್ಸರ್ವಾನ್ಭಯೇನ ಮಹತಾ ವೃತಃ॥ 8-29-16 (56310) ಭೀಮಸೇನಶ್ಚ ಬಲವಾಂಧನುಷ್ಕೋಟ್ಯಾಭಿಚೋದಿತಃ। ಉಕ್ತಶ್ಚ ಸಂಜ್ಞಯಾ ರಾಜನ್ಮೂಢ ಔದರಿಕೋ ಯಥಾ॥ 8-29-17 (56311) ಮಾದ್ರೀಪುತ್ರೌ ತಥಾ ಶೂರೌ ಯೇನ ಜಿತ್ವಾ ಮಹಾರಣೇ। ಕಮಪ್ಯರ್ಥಂ ಪುರಸ್ಕೃತ್ಯ ನ ಹತೌ ಯುಧಿ ಮಾರಿಷ॥ 8-29-18 (56312) ಯೇನ ವೃಷ್ಣಿಪ್ರವೀರಸ್ತು ಸಾತ್ಯಕಿಃ ಸಾತ್ವತಾಂ ವರಃ। ನಿರ್ಜಿತ್ಯ ಸಮರೇ ಶೂರೋ ವಿಸ್ಥಶ್ಚ ಬಲಾತ್ಕೃತಃ॥ 8-29-19 (56313) ಸೃಂಜಯಾಶ್ಚೇತರೇ ಸರ್ವೇ ಧೃಷ್ಟದ್ಯುಂನಪುರೋಗಮಾಃ। ಅಸಕೃನ್ನಿರ್ಜಿತಾಃ ಸಂಖ್ಯೇ ಸ್ಮಯಮಾನೇನ ಸಂಯುಗೇ॥ 8-29-20 (56314) ತಂ ಕಥಂ ಪಾಂಡವಾ ಯುದ್ವೇ ವಿಜೇಷ್ಯಂತಿ ಮಹಾರಥಂ। ಯೋ ಹನ್ಯಾತ್ಸಮರೇ ಕ್ರುದ್ವೋ ವಜ್ರಹಸ್ತಂ ಪುರಂದರಂ॥ 8-29-21 (56315) ತ್ವಂ ಚ ಸರ್ವಾಸ್ತ್ರವಿದ್ವೀರಃ ಸರ್ವವಿದ್ಯಾಸ್ತ್ರಪಾರಗಃ। ಬಾಹುವೀರ್ಯೇಣ ತೇ ತುಲ್ಯಃ ಪೃಥಿವ್ಯಾಂ ನಾಸ್ತಿ ಕಶ್ಚನ॥ 8-29-22 (56316) ತ್ವಂ ಶಲ್ಯಭೂತಃ ಶತ್ರೂಣಾಮವಿಷಹ್ಯಃ ಪರಾಕ್ರಮೇ। ತತಸ್ತ್ವಮುಚ್ಯಸೇ ರಾಜಞ್ಶಲ್ಯ ಇತ್ಯರಿಸೂದನ॥ 8-29-23 (56317) ತವ ಬಾಹುಬಲಂ ಪ್ರಾಪ್ಯ ನ ಶೇಕುಃ ಸರ್ವಸಾತ್ವತಾಃ। ತವ ಬಾಹುಬಲಾದ್ರಾಜನ್ಕಿಂ ನು ಕೃಷ್ಣೋ ಬಲಾಧಿಕಃ॥ 8-29-24 (56318) ಯಥಾ ಹಿ ಕೃಷ್ಣೇನ ಬಲಂ ಧಾರ್ಯಂ ವೈ ಫಲ್ಗುನೇ ಹತೇ। ತಥಾ ಕರ್ಣಾತ್ಯಯೀಭಾವೇ ತ್ವಯಾ ಧಾರ್ಯಂ ಮಹದ್ಬಲಂ॥ 8-29-25 (56319) ಕಿಮರ್ಥಂ ಸಮರೇ ಸೈನ್ಯಂ ವಾಸುದೇವೋ ನ್ಯವಾರಯತ್। ಕಿಮರ್ಥಂ ಚ ಭವಾನ್ಸೈನ್ಯಂ ನ ಹನಿಷ್ಯತಿ ಮಾರಿಷ॥ 8-29-26 (56320) ತ್ವತ್ಕೃತೇ ಪದವೀಂ ಗಂತುಮಿಚ್ಛೇಯಂ ಯುಧಿ ಮಾರಿಷ। ಸೋದರಾಣಾಂ ಚ ವೀರಾಣಾಂ ಸರ್ವೇಷಾಂ ಚ ಮಹೀಕ್ಷಿತಾಂ॥ 8-29-27 (56321) ಶಲ್ಯ ಉವಾಚ। 8-29-28x (4904) ಯನ್ಮಾಂ ಬ್ರವೀಷಿ ಗಾಂಧಾರೇ ಅಗ್ರೇ ಸೈನ್ಯಸ್ಯ ಮಾನದ। ವಿಶಿಷ್ಟಂ ದೇವಕೀಪುತ್ರಾತ್ಪ್ರೀತಿಮಾನಸ್ಂಯಹಂ ತ್ವಯಿ॥ 8-29-28 (56322) ಏಷ ಸಾರಥ್ಯಮಾತಿಷ್ಠೇ ರಾಧೇಯಸ್ಯ ಯಶಸ್ವಿನಃ। ಯುಧ್ಯತಃ ಪಾಂಡವಾಗ್ರ್ಯೇಣ ಯಥಾ ತ್ವಂ ವೀರ ಮನ್ಯಸೇ॥ 8-29-29 (56323) ಸಮಯಶ್ಚ ಹಿ ಮೇ ವೀರ ಕಶ್ಚಿದ್ವೈಕರ್ತನಂ ಪ್ರತಿ। ಉತ್ಸೃಜೇಯಂ ಯಥಾಶ್ರದ್ವಮಹಂ ವಾಚೋಽಸ್ಯ ಸನ್ನಿಧೌ॥ 8-29-30 (56324) ಸಂಜಯ ಉವಾಚ। 8-29-31x (4905) ತಥೇತಿ ರಾಜನ್ಪುತ್ರಸ್ತೇ ಸಹ ಕರ್ಣೇನ ಮಾರಿಷ। ಅಬ್ರವೀತ್ಮದ್ರರಾಜಾನಂ ಸರ್ವಕ್ಷತ್ರಸ್ಯ ಸನ್ನಿಧೌ॥ 8-29-31 (56325) ಸಾರಥ್ಯಸ್ಯಾಭ್ಯುಪಗಮಾಚ್ಛಲ್ಯೇನಾಶ್ವಾಸಿತಸ್ತದಾ। ದುರ್ಯೋಧನಸ್ತದಾ ಹೃಷ್ಟಃ ಕರ್ಣಂ ತಮಭಿಷಸ್ವಜೇ॥ 8-29-32 (56326) ಅಬ್ರವೀಚ್ಚ ಪುನಃ ಕರ್ಣಂ ಸ್ತೂಯಮಾನಃ ಸುತಸ್ತವ। ಜಹಿ ಪಾರ್ಥಾನ್ರಣೇ ಸರ್ವಾನ್ಮಹೇಂದ್ರೋ ದಾನವಾನಿವ॥ 8-29-33 (56327) ಸ ಶಲ್ಯೇನಾಭ್ಯುಪಗತೇ ಹಯಾನಾಂ ಸನ್ನಿಯಚ್ಛನೇ। ಕರ್ಣೋ ಹೃಷ್ಟಮನಾ ಭೂಯೋ ದುರ್ಯೋಧನಭಾಷತ॥ 8-29-34 (56328) ನಾತಿಹೃಷ್ಟಮನಾ ಹ್ಯೇಷ ಮದ್ರರಾಜೋಽಭಿಭಾಷತೇ। ರಾಜನ್ಮಧುರಯಾ ವಾಚಾ ಪುನರೇನಂ ಬ್ರವೀಹಿ ವೈ॥ 8-29-35 (56329) ತತೋ ರಾಜಾ ಮಹಾಪ್ರಾಜ್ಞಃ ಸರ್ವಾಸ್ತ್ರಕುಶಲೋ ಬಲೀ। ದುರ್ಯೋಧನೋಽಬ್ರವೀಚ್ಛಲ್ಯಂ ಮದ್ರರಾಜಂ ಮಹೀಪತಿಂ॥ 8-29-36 (56330) ಪೂರಯನ್ನಿವ ಘೋಷೇಣ ಮೇಘಗಂಭೀರಯಾ ಗಿರಾ। ಶಲ್ಯ ಕರ್ಣೋಽರ್ಜುನೇನಾದ್ಯ ಯೋದ್ವವ್ಯಮಿತಿ ಮನ್ಯತೇ॥ 8-29-37 (56331) ತಸ್ಯ ತ್ವಂ ಪುರುಷವ್ಯಾಘ್ರ ನಿಯಚ್ಛ ತುರಗಾನ್ಯುಧಿ। ಕರ್ಣೋ ಹತ್ವೇತರಾನ್ಸರ್ವಾನ್ಫಲ್ಗುನಂ ಹಂತುಮಿಚ್ಛತಿ। ತಸ್ಯಾಭೀಷುಗ್ರಹೇ ರಾಜನ್ಪ್ರಯಾಚೇ ತ್ವಾಂ ಪುನಃ ಪುನಃ॥ 8-29-38 (56332) ಪಾರ್ಥಸ್ಯ ಸಚಿವಃ ಕೃಷ್ಣೋ ಯಥಾಽಭೀಷುಗ್ರಹೋ ವರಃ। ತಥಾ ತ್ವಮಪಿ ರಾಧೇಯಂ ಸರ್ವತಃ ಪರಿಪಾಲಯ॥ 8-29-39 (56333) ಸಂಜಯ ಉವಾಚ। 8-29-40x (4906) ತತಃ ಶಲ್ಯಃ ಪರಿಷ್ವಜ್ಯ ಸುತಂ ತೇ ವಾಕ್ಯಮಬ್ರವೀತ್। ದುರ್ಯೋಧನಮಮಿತ್ರಘ್ನಂ ಪ್ರೀತೋ ಮದ್ರಾಧಿಪಸ್ತದಾ॥ 8-29-40 (56334) ಶಲ್ಯ ಉವಾಚ। 8-29-41x (4907) ಏವಂ ಚೇನ್ಮನ್ಯಸೇ ರಾಜನ್ಗಾಂಧಾರೇ ಪ್ರಿಯದರ್ಶನ। ತಸ್ಮಾತ್ತೇ ಯತ್ಪ್ರಿಯಂ ಕಿಂಚಿತ್ತತ್ಸರ್ವಂ ಕರವಾಣ್ಯಹಂ॥ 8-29-41 (56335) ಯತ್ರಾಸ್ಮಿ ಭರತಶ್ರೇಷ್ಠ ಯೋಗ್ಯಃ ಕರ್ಮಣಿ ಕರ್ಹಿಚಿತ್। ತತ್ರ ಸರ್ವಾತ್ಮನಾ ಯುಕ್ತೋ ವಕ್ಷ್ಯೇ ಕಾರ್ಯಂ ಪರಂತಪ॥ 8-29-42 (56336) ಯತ್ತು ಕರ್ಣಮಹಂ ಬ್ರೂಯಾಂ ಹಿತಕಾಮಃ ಪ್ರಿಯಾಪ್ರಿಯೇ। ಮಮ ತತ್ಕ್ಷಮತಾಂ ಸರ್ವಂ ಭವಾನ್ಕರ್ಣಶ್ಚ ಸರ್ವಶಃ॥ 8-29-43 (56337) ಕರ್ಣ ಉವಾಚ। 8-29-44x (4908) ಈಶಾನಸ್ಯ ಯಥಾ ಬ್ರಹ್ಮಾ ಯಥಾ ಪಾರ್ಥಸ್ಯ ಕೇಶವಃ। ತಥಾ ನಿತ್ಯಂ ಹಿತೇ ಯುಕ್ತೋ ಮದ್ರರಾಜ ಭವಸ್ವ ನಃ॥ 8-29-44 (56338) ಶಲ್ಯ ಉವಾಚ। 8-29-45x (4909) ಆತ್ಮನಿಂದಾತ್ಮಪೂಜಾ ಚ ಪರನಿಂದಾ ಪರಸ್ತವಃ। ಅನಾಚರಿತಮಾರ್ಯಾಣಾಂ ವೃತ್ತಮೇತಚ್ಚತುರ್ವಿಧಂ॥ 8-29-45 (56339) ಯತ್ತು ವಿದ್ವನ್ಪ್ರವಕ್ಷ್ಯಾಮಿ ಪ್ರxxxxಯಾರ್ಥಮಹಂ ತವ। ಆತ್ಮನಃ ಸ್ತವಸಂಯುಕ್ತಂ ತನ್ನಿಬೋಧ ಯಥಾತಥಂ॥ 8-29-46 (56340) ಅಹಂ ಶಕ್ರಸ್ಯ ಸಾರಥ್ಯೇ ಯೋಗ್ಯೋ ಮಾತಲಿವತ್ಪ್ರಭೋ। ಅಪ್ರಮಾದಾತ್ಪ್ರಯೋಗಾಚ್ಚ ಜ್ಞಾನವಿದ್ಯಾಚಿಕಿತ್ಸನೈಃ॥ 8-29-47 (56341) ತತಃ ಪಾರ್ಥೇನ ಸಂಗ್ರಾಮೇ ಯುಧ್ಯಮಾನಸ್ಯ ತೇಽನಘ। ವಾಹಯಿಷ್ಯಾಮಿ ತುರಗಾನ್ವಿಜ್ವರೋ ಭವ ಸೂತಜ॥ ॥ 8-29-48 (56342) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಏಕೋನತ್ರಿಂಶೋಽಧ್ಯಾಯಃ॥ 29 ॥

8-30-0 (56343) ದುರ್ಯೋಧನ ಉವಾಚ। 8-30-0x (4910) ಅಯಂ ತೇ ಕರ್ಣ ಸಾರಥ್ಯಂ ಮದ್ರರಾಜಃ ಕರಿಷ್ಯತಿ। ಕೃಷ್ಣಾದಭ್ಯಧಿಕೋ ಯಂತಾ ದೇವೇಶಸ್ಯೇವ ಮಾತಲಿಃ॥ 8-30-1 (56344) ಯಥಾ ಹರಿಹಯೈರ್ಯುಕ್ತಂ ಸಂಗೃಹ್ಣಾತಿ ಸ ಮಾತಲಿಃ। ಶಲ್ಯಸ್ತಥಾ ತವಾದ್ಯಾಯಂ ಸಂಯಂತಾ ರಥವಾಜಿನಾಂ॥ 8-30-2 (56345) ಯೋಧೇ ತ್ವಯಿ ರಥಸ್ಥೇ ಚ ಮದ್ರರಾಜೇ ಚ ಸಾರಥೌ। ರಥಶ್ರೇಷ್ಠೋ ಧ್ರುವಂ ಸಂಖ್ಯೇ ಪಾರ್ಥಾನಭಿಭವಿಷ್ಯತಿ॥ 8-30-3 (56346) ಸಂಜಯ ಉವಾಚ। 8-30-4x (4911) ತತೋ ದುರ್ಯೋಧನೋ ಭೂಯೋ ಮದ್ರರಾಜಂ ತರಸ್ವಿನಂ। ಉವಾಚ ರಾಜನ್ಸಂಗ್ರಾಮೇಽಧ್ಯುಷಿತೇ ಪರ್ಯುಪಸ್ಥಿತೇ॥ 8-30-4 (56347) ಕರ್ಣಸ್ಯ ಯಚ್ಛ ಸಂಗ್ರಾಮೇ ಮದ್ರರಾಜ ಹಯೋತ್ತಮಾನ್। ತ್ವಯಾಽಭಿಗುಪ್ತೋ ರಾಧೇಯೋ ವಿಜೇಷ್ಯತಿ ಧನಂಜಯಂ॥ 8-30-5 (56348) ಇತ್ಯುಕ್ತೋ ರಥಮಾಸ್ಥಾಯ ತಥೇತಿ ಪ್ರಾಹ ಭಾರತ। ಶಲ್ಯೇಽಭ್ಯುಪಗತೇ ಕರ್ಣಃ ಸಾರಥಿಂ ಸುಮನಾಽಬ್ರವೀತ್॥ 8-30-6 (56349) ತ್ವಂ ಸೂತ ಸ್ಯಂದನಂ ಮಹ್ಯಂ ಕಲ್ಪಯೇತ್ಯಸಕೃತ್ತ್ವರನ್॥ 8-30-7 (56350) ತತೋ ಜೈತ್ರಂ ರಥವರಂ ಗಂಧರ್ವನಗರೋಪಮಂ। ವಿಧಿವತ್ಕಲ್ಪಿತಂ ಭದ್ರಂ ಜಯೇತ್ಯುಕ್ತ್ವಾ ನ್ಯವೇದಯತ್॥ 8-30-8 (56351) ತಂ ರಥಂ ರಥಿನಾಂ ಶ್ರೇಷ್ಠಃ ಕರ್ಣೋಽಭ್ಯರ್ಚ್ಯ ಯಥಾವಿಧಿ। ಸಂಪಾದಿತಂ ಬ್ರಹ್ಮವಿದಾ ಪೂರ್ವಮೇವ ಪುರೋಧಸಾ॥ 8-30-9 (56352) ಕೃತ್ವಾ ಪ್ರದಕ್ಷಿಣಂ ಯತ್ನಾದುಪಸ್ಥಾಯ ಚ ಭಾಸ್ಕರಂ। ಸಮೀಪಸ್ಥಂ ಮದ್ರರಾಜಮಾರೋಹ ತ್ವಮಥಾಬ್ರವೀತ್॥ 8-30-10 (56353) ತತಃ ಕರ್ಣಸ್ಯ ದುರ್ಧರ್ಷಂ ಸ್ಯಂದನಪ್ರವರಂ ಮಹತ್। ಆರುರೋಹ ಮಹಾತೇಜಾಃ ಶಲ್ಯಃ ಸಿಂಹ ಇವಾಚಲಂ॥ 8-30-11 (56354) ತತಃ ಶಲ್ಯಾಶ್ರಿತಂ ದೃಷ್ಟ್ವಾ ಕರ್ಣಃ ಸ್ವಂ ರಥಮುತ್ತಮಂ। ಅಧ್ಯತಿಷ್ಠದ್ಯಥಾಽಂಭೋದಂ ವಿದ್ಯುತ್ವಂತಂ ದಿವಾಕರಃ॥ 8-30-12 (56355) ತಾವೇಕರಥಮಾರೂಢಾವಾದಿತ್ಯಾಗ್ನಿಸಮತ್ವಿಷೌ। ಅಭ್ರಾಜೇತಾಂ ಯಥಾ ಮೇಘಂ ಸೂರ್ಯಾಗ್ನೀ ಸಹಿತೌ ದಿವಿ॥ 8-30-13 (56356) ಸಂಸ್ತೂಯಮಾನೌ ತೌ ವೀರೌ ತದಾಸ್ತಾಂ ದ್ಯುತಿಮತ್ತಮೌ। ಋತ್ವಿಕ್ಸದಸ್ಯೈರಿಂದ್ರಾಗ್ನೀ ಸ್ತೂಯಮಾನಾವಿವಾಧ್ಯರೇ॥ 8-30-14 (56357) ಸ ಶಲ್ಯಸಂಗೃಹೀತಾಶ್ವೇ ರಥೇ ಕರ್ಣಃ ಸ್ಥಿತೋ ಬಭೌ। ಧನುರ್ವಿಷ್ಫಾರಯನ್ಘೋರಂ ಪರಿವೇಷೀವ ಭಾಸ್ಕರಃ॥ 8-30-15 (56358) ಆಸ್ಥಿತಃ ಸ ರಥಶ್ರೇಷ್ಠಂ ಕರ್ಣಃ ಶರಗಭಸ್ತಿಮಾನ್। ಪ್ರಬಭೌ ಪುರುಷವ್ಯಾಘ್ರೋ ಮಂದರಸ್ಥ ಇವಾಂಶುಮಾನ್॥ 8-30-16 (56359) ತಂ ರಥಸ್ಥಂ ಮಹಾಬಾಹುಂ ಯುದ್ವಾಯಾಮಿತತೇಜಸಂ। ದುರ್ಯೋಧನಸ್ತು ರಾಧೇಯಮಿದಂ ವಚನಮಬ್ರವೀತ್॥ 8-30-17 (56360) ಅಕೃತಂ ದ್ರೋಣಭೀಷ್ಮಾಭ್ಯಾಂ ದುಷ್ಕರಂ ಕರ್ಮ ಸಂಯುಗೇ। ಕುರುಷ್ವಾಧಿರಥೇ ವೀರ ಮಿಷತಾಂ ಸರ್ವಧನ್ವಿನಾಂ॥ 8-30-18 (56361) ಮನೋಗತಂ ಮಮ ಹ್ಯಾಸೀದ್ಭೀಷ್ಮದ್ರೋಣೌ ಮಹಾರಥೌ। ಅರ್ಜುನಂ ಭೀಮಸೇನಂ ಚ ನಿಹಂತಾರಾವಿತಿ ಧ್ರುವಂ॥ 8-30-19 (56362) ತಾಭ್ಯಾಂ ಯದಕೃತಂ ವೀರ ವೀರಕರ್ಮ ಮಹಾಮೃಧೇ। ತತ್ಕರ್ಮ ಕುರು ರಾಧೇಯ ವಜ್ರಪಾಣಿರಿವಾಪರಃ॥ 8-30-20 (56363) ಗೃಹಾಣ ಧರ್ಮರಾಜಂ ವಾ ಜಹಿ ವಾ ತ್ವಂ ಧನಂಜಯಂ। ಭೀಮಸೇನಂ ಚ ರಾಧೇಯ ಮಾದ್ರೀಪುತ್ರೌ ಯಮಾವಪಿ॥ 8-30-21 (56364) ಜಯಶ್ಚ ತೇಽಸ್ತು ಭದ್ರಂ ತೇ ಪ್ರಯಾಹಿ ಪುರುಷರ್ಷಭ। ಪಾಂಡುಪುತ್ರಸ್ಯ ಸೈನ್ಯಾನಿ ಕುರು ಸರ್ವಾಣಿ ಭಸ್ಮಸಾತ್॥ 8-30-22 (56365) ತತಸ್ತೂರ್ಯಸಹಸ್ರಾಣಿ ಭೇರೀಣಾಮಯುತಾನಿ ಚ। ವಾದ್ಯಮಾನಾನ್ಯರೋಚಂತ ಮೇಘಶಬ್ದೋ ಯಥಾ ದಿವಿ॥ 8-30-23 (56366) ಪ್ರತಿಗೃಹ್ಯ ತು ತದ್ವಾಕ್ಯಂ ರಥಸ್ಥೋ ರಥರುತ್ತಮಃ। ಅಭ್ಯಭಾಷತ ರಾಧೇಯಃ ಶಲ್ಯಂ ಯುದ್ಧವಿಶಾರದಂ॥ 8-30-24 (56367) ಚೋದಯಾಶ್ವಾನ್ಮಹಾಬಾಹೋ ಯಾವದ್ವನ್ಮಿ ಧನಂಜಯಂ। ಭೀಮಸೇನಂ ಯಮೌ ಚೋಭೌ ರಾಜಾನಂ ಚ ಯುಧಿಷ್ಠಿರಂ॥ 8-30-25 (56368) ಅದ್ಯ ಪಶ್ಯತು ಮೇ ಶಲ್ಯ ಬಾಹುವೀರ್ಯಂ ಧನಂಜಯಃ। ಅಸ್ಯತಃ ಕಂಕಪತ್ರಾಣಾಂ ಸಹಸ್ರಾಣಿ ಶತಾನಿ ಚ॥ 8-30-26 (56369) ಅದ್ಯ ಕ್ಷೇಪ್ಸ್ಯಾಂಯಹಂ ಶಲ್ಯ ಶರಾನ್ಪರಮತೇಜನಾನ್। ಪಾಂಡವಾನಾಂ ವಿನಾಶಾಯ ದುರ್ಯೋಧನಜಯಾಯ ಚ॥ 8-30-27 (56370) ಸಂಜಯ ಉವಾಚ। 8-30-28x (4912) ಏತಚ್ಛ್ರುತ್ವಾ ವಚಸ್ತಸ್ಯ ಶಲ್ಯಃ ಕರ್ಣಂ ವಚೋಽಬ್ರವೀತ್। ಕಥಂ ನು ತಾನ್ಮಹಾವೀರ್ಯಾನ್ಪಾಂಡವಾನವಮನ್ಯಸೇ॥ 8-30-28 (56371) ಸರ್ವಾಸ್ತ್ರಜ್ಞಾನ್ಮಹೇಷ್ವಾಸಾನ್ಸರ್ವಾನೇನ ಮಹಾಬಲಾನ್। ಅನಿವರ್ತಿನೋ ಮಹಾಭಾಗಾನಜಯ್ಯಾನ್ಸತ್ಯವಿಕ್ರಮಾನ್। ಅಪಿ ಸಂಜನಯೇಯುರ್ಯೇ ಭಯಂ ಸಾಕ್ಷಾಚ್ಛತಕ್ರತೋಃ॥ 8-30-29 (56372) ಯದಾ ಶ್ರೋಷ್ಯಸಿ ನಿರ್ಘೋಷಂ ವಿಸ್ಫೂರ್ಜಿತಮಿವಾಶನೇಃ। ರಾಧೇಯ ಪಾರ್ಥಧನುಷಸ್ತದಾ ನೈವಂ ವದಿಷ್ಯಸಿ॥ 8-30-30 (56373) ಯದಾ ದ್ರಕ್ಷ್ಯಸಿ ಭೀಮೇನ ಕುಂಜರಾನೀಕಮಾಹವೇ। ವಿಶೀರ್ಣದಂತಂ ನಿಹತಂ ತದಾ ನೈವಂ ವದಿಷ್ಯಸಿ॥ 8-30-31 (56374) ಯದಾ ದ್ರಕ್ಷ್ಯಸಿ ಸಂಗ್ರಾಮೇ ಧರ್ಮಪುತ್ರಂ ಯಮೌ ತಥಾ। ಶಿತೈಃ ಪೃಷತ್ಕೈಃ ಕುರ್ವಾಣಾನಭ್ರಚ್ಛಾಯಾಮಿವಾಂಬರೇ॥ 8-30-32 (56375) ಅಸ್ಯತಃ ಕ್ಷಿಣ್ವತಶ್ಚಾರೀಂʼಲ್ಲಘುಹಸ್ತಾಂದುರಾಸದಾನ್। ಪಾರ್ಥಿವಾಗಪಿ ಚಾನ್ಯಾಂಸ್ತ್ವಂ ತದಾ ನೈವಂ ವದಿಷ್ಯಸಿ॥ 8-30-33 (56376) ಸಂಜಯ ಉವಾಚ। 8-30-34x (4913) ಅನಾದೃತ್ಯ ತು ತದ್ವಾಕ್ಯಂ ಮದ್ರರಾಜೇ ಭಾಷಿತಂ। ದ್ರಕ್ಷ್ಯಸ್ಯದ್ಯೇತ್ಯವೋಚತ್ತಂ ಶಲ್ಯಂ ಕರ್ಣೋ ಜನೇಶ್ವರ॥ ॥ 8-30-34 (56377) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ತ್ರಿಂಶೋಽಧ್ಯಾಯಃ॥ 30 ॥

8-31-0 (56378) ಸಂಜಯ ಉವಾಚ। 8-31-0x (4914) ದೃಷ್ಟ್ವಾ ಕರ್ಣಂ ಮಹಾವೀರ್ಯಂ ಯುಯುತ್ಸಂ ಸಮವಸ್ಥಿತಂ। ಚುಕ್ರುಶುಃ ಕುರವಃ ಸರ್ವೇ ಹೃಷ್ಟರೂಪಾಃ ಸಮಂತತಃ॥ 8-31-1 (56379) ತತೋ ದುಂದುಭಿನಿರ್ಘೋಷೈರ್ಭೇರೀಣಾಂ ನಿನದೇನ ಚ। ಕೋಣಶಬ್ದೈಶ್ಚ ವಿವಿಧೈರ್ಗರ್ಜಿತೈಶ್ಚ ತರಸ್ವಿನಾಂ। ನಿರ್ಯಯುಸ್ತಾವಕಾಃ ಸರ್ವೇ ಮೃತ್ಯುಂ ಕೃತ್ವಾ ನಿವರ್ತನಂ॥ 8-31-2 (56380) ಪ್ರಯಾತೇ ತು ತತಃ ಕರ್ಣೇ ರಥೇಷು ಮದಿತೇಷು ಚ। ಚಚಾಲ ಚ ಮಹೀ ಸರ್ವಾ ರರಾಸ ಚ ಸುವಿಸ್ವರಂ॥ 8-31-3 (56381) ನಿಃಸರಂತೋ ವ್ಯದೃಶ್ಯಂತ ಸೂರ್ಯಾತ್ಸಪ್ತ ಮಹಾಗ್ರಹಾಃ॥ 8-31-4 (56382) ಉಲ್ಕಾಪಾತಾಶ್ಚ ಸಂಜಜ್ಞುರ್ದಿಗ್ದಾಹಾಶ್ಚೈವ ದಾರುಣಾಃ। ತಥಾಽಶನ್ಯಶ್ಚ ಸಂಪೇತುರ್ವವುರ್ವಾತಾಶ್ಚ ಭೈರವಾಃ॥ 8-31-5 (56383) ಮೃಗಪಕ್ಷಿಗಣಾಶ್ಚೈವ ಪೃತನಾಂ ಬಹುಶಸ್ತವ। ಅಪಸವ್ಯಂ ತದಾ ಚಕ್ರುರ್ವೇದಯಂತೋ ಮಹಾಭಯಂ॥ 8-31-6 (56384) ಪ್ರಸ್ಥಿತಸ್ಯ ಚ ಕರ್ಣಸ್ಯ ನಿಪೇತುಸ್ತುರಗಾ ಭುವಿ। ಅಸ್ಥಿವರ್ಷಂ ಚ ಪತಿತಮಂತರಿಕ್ಷಾದ್ಭಯಾನಕಂ॥ 8-31-7 (56385) ಜಜ್ವಲುಶ್ಚೈವ ಶಸ್ತ್ರಾಣಿ ಧ್ವಜಾಶ್ಚೈವ ಚಕಂಪಿರೇ। ಅಶ್ರೂಣಿ ಚ ವ್ಯಮುಂಚಂತ ವಾಹನಾನಿ ವಿಶಾಂಪತೇ॥ 8-31-8 (56386) ಏತೇ ಚಾನ್ಯೇ ಚ ಬಹವ ಉತ್ಪಾತಾಸ್ತತ್ರ ಮಾರಿಷ। ಸಮುತ್ಪೇತುರ್ವಿನಾಶಾಯ ಕೌರವಾಣಾಂ ಸುದಾರುಣಾಃ॥ 8-31-9 (56387) ನ ಚ ತಾನ್ಗಣಯಾಮಾಸುಃ ಸರ್ವೇ ದೈವೇನ ಮೋಹಿತಾಃ। ಪ್ರಸ್ಥಿತಂ ಸೂತಪುತ್ರಂ ಚ ಜಯೇತ್ಸೂಚುರ್ನರಾಧಿಪಾಃ॥ 8-31-10 (56388) `ಶಲ್ಯೇನ ಸಹಿತಂ ದೃಷ್ಟ್ವಾ ಕರ್ಣಮಾಹವಶೋಭಿನಂ'। ನಿರ್ಜಿತಾನ್ಪಾಂಡವಾಂಶ್ಚೈವ ಮೇನಿರೇ ತತ್ರ ಕೌರವಾಃ॥ 8-31-11 (56389) ತತೋ ರಥಸ್ಥಃ ಪರವೀರಹಂತಾ ಭೀಷ್ಮದ್ರೋಣವತಿವೀರ್ಯೌ ಸಮೀಕ್ಷ್ಯ। ಸಮುಜ್ಜ್ವಲನ್ಭಾಸ್ಕರಪಾವಕಾಭೋ ವೈಕರ್ತನೋಽಸೌ ರಥಕುಂಜರೋ ವೃಷಾ॥ 8-31-12 (56390) ಅಲಂ ಮನುಷ್ಯಸ್ಯ ಸುಖಾಯ ವರ್ತಿತುಂ ತಥಾಹಿ ಯುದ್ವೇ ನಿಹತಃ ಪರೈರ್ಗುರುಃ॥ 8-31-20 (56398) ಹುತಾಶನಾದಿತ್ಯಸಮಾನತೇಜಸಂ ಪರಾಕ್ರಮೇ ವಿಷ್ಣುಪುರಂದರೋಪಮಂ॥ ನಯೇ ಬ-ಹಸ್ಪತ್ಯುಶನಃಸಮಂ ಸದಾ ನ ಚೈನಮಸ್ತ್ರಂ ತದುಪಾಸ್ತ ದುಃಸಹಂ॥ 8-31-21 (56399) ಸಂಪ್ರಾಕ್ರುಷ್ಟೇ ರುದಿತಸ್ತ್ರೀಕುಮಾರೇ ಪರಾಭೂತೇ ಪೌರುಷೇ ಧಾರ್ತರಾಷ್ಟ್ರೇ। ಕೃತ್ಯಂ ಮಯಾ ನಾದ್ಯ ಜಾನಾಮಿ ಶಲ್ಯ ಪ್ರಯಾಹಿ ತಸ್ಮಾದ್ದ್ವಿಷತಾಮನೀಕಂ॥ 8-31-22 (56400) ಸ ಯತ್ರ ರಾಜಾ ಪಾಂಡವಃ ಸತ್ಯಸಂಧೋ ವ್ಯವಸ್ಥಿತೋ ಭೀಮಸೇನಾರ್ಜುನೌ ಚ। ಸ ವಾಸುದೇವಃ ಸಾತ್ಯಕಿಃ ಸೃಂಜಯಾಶ್ಚ ಯಮೌ ಚ ಕಸ್ತಾನ್ವಿಷಹೇನ್ಮದನ್ಯಃ॥ 8-31-23 (56401) ತಸ್ಮಾತ್ಕ್ಷಿಪ್ರಂ ಮದ್ರಪತೇ ಪ್ರಯಾಹಿ ರಣೇ ಪಾಂಚಾಲಾನ್ಪಾಂಡವಾನ್ಸೃಂಜಯಾಂಶ್ಚ। ತಾನ್ವಾ ಹನಿಷ್ಯಾಮಿ ಸಮೇತ್ಯ ಸಂಖ್ಯೇ ಯಾಸ್ಯಾಮಿ ವಾ ದ್ರೋಣಮುಖೋ ಯಮಾಯ॥ 8-31-24 (56402) ನ ತ್ವೇವಾಹಂ ನ ಗಮಿಷ್ಯಾಮಿ ಮಧ್ಯೇ ತೇಷಾಂ ಶೂರಾಣಾಮಿತಿ ಶಲ್ಯಾದ್ಯ ವಿದ್ವಿ। ಮಿತ್ರದ್ರೋಹೋ ಮರ್ಷಣೀಯೋ ನ ಮೇಽಯಂ ತ್ಯಕ್ತ್ವಾ ಪ್ರಾಣಾನನುಯಾಸ್ಯಾಮಿ ದ್ರೋಣಂ॥ 8-31-25 (56403) ಪ್ರಾಜ್ಞಸ್ಯ ಮೂಢಸ್ಯ ಚ ಜೀವಿತಾಂತೇ ನಾಸ್ತಿ ಪ್ರಮೋಕ್ಷೋಽಂತಕಸನ್ನಿಭಸ್ಯ। ಅತೋ ವಿದ್ವನ್ನಭಿಯೋತ್ಸ್ಯಾಮಿ ಪಾರ್ಥಂ ದಿಷ್ಟಂ ನ ಶಕ್ಯಂ ವ್ಯತಿವರ್ತಿತುಂ ವೈ॥ 8-31-26 (56404) ಕಲ್ಯಾಣವೃತ್ತಃ ಸತತಂ ಹಿ ರಾಜಾ ವೈಚಿತ್ರವೀರ್ಯಸ್ಯ ಸುತೋ ಮಮಾಸೀತ್। ತಸ್ಯಾರ್ಥಸಿದ್ವ್ಯರ್ಥಮಹಂ ತ್ಯಜಾಮಿ ಪ್ರಿಯಾನ್ಭೋಗಾಂದುಸ್ತ್ಯಜಂ ಜೀವಿತಂ ಚ॥ 8-31-27 (56405) ವೈಯಾಘ್ರಚರ್ಮಾಣಮಕೂಜನಾಕ್ಷಂ ಹೈಮಂ ತ್ರಿಕೋಶಂ ರಜತತ್ರಿವೇಣುಂ। ರಥಪ್ರಬರ್ಹಂ ತುರಗಪ್ರಬಾರ್ಹೈ-- ರ್ಯುಕ್ತಂ ಪ್ರಾದಾನ್ಮಹ್ಯಮಿಮಂ ಹಿ ರಾಮಃ॥ 8-31-28 (56406) ಧನೂಂಷಿ ಚಿತ್ರಾಣಿ ನಿರೀಕ್ಷ್ಯ ಶಲ್ಯ ಧ್ವಜಾನ್ಗದಾಃ ಸಾಯಕಾಂಶ್ಚೋಗ್ರರೂಪಾನ್। ಅಸಿಂ ಚ ದೀಪ್ತಂ ಪರಮಾಯುಧಂ ಚ ಶಂಖಂ ಚ ಶುಭ್ರಂ ಸ್ವನವಂತಮುಗ್ರಂ॥ 8-31-29 (56407) ಪತಾಕಿನಂ ವಜ್ರನಿಪಾತನಿಃ ಸ್ವನಂ ಸಿತಾಶ್ವಯುಕ್ತಂ ಶುಭತೂಣಶೋಭಿತಂ। ಇಮಂ ಸಮಾಸ್ಥಾಯ ರಥರ್ಷಭಂ ರಣೇ ದೃಢಂ ಹನಿಷ್ಯಾಂಯಹಮರ್ಜುನಂ ಬಲಾತ್॥ 8-31-30 (56408) ತಂ ಚೇನ್ಮೃತ್ಯುಃ ಸರ್ವಹರೋಽಭಿರಕ್ಷೇ-- ತ್ಸದಾಽಪ್ರಮತ್ತಃ ಸಮರೇ ಪಾಂಡುಪುತ್ರಂ। ತಂ ವಾ ಹನಿಷ್ಯಾಮಿ ರಣೇ ಸಮೇತ್ಯ ಯಾಸ್ಯಾಮಿ ವಾ ದ್ರೋಣಮುಖೋ ಯಮಾಯ॥ 8-31-31 (56409) ಯಮವರುಣಕುಬೇರವಾಸವಾ ವಾ ಯದಿ ಯುಗಪತ್ಸಗಣಾ ಮಹಾಹವೇ। ಜುಗುಪುರಿಹ ಸಮೇತ್ಯ ಫಲ್ಗುನಂ ಕಿಮು ಬಹುನಾ ಸಹ ತೈರ್ಜಯಾಮಿ ತಂ॥ 8-31-32 (56410) ಸಂಜಯ ಉವಾಚ। 8-31-33x (4915) ಇತಿ ರಣರಭಸಸ್ಯ ಕತ್ಥತ-- ಸ್ತದುಪನಿಶಂಯ ವಚಃ ಸ ಮದ್ರರಾಟ್। ಅವಹಸದವಮನ್ಯ ವೀರ್ಯವಾನ್ ಪ್ರತಿಷಿಷಿಧೇ ಚ ಜಗಾದ ಚೋತ್ತರಂ॥ 8-31-33 (56411) ಶಲ್ಯ ಉವಾಚ। 8-31-34x (4916) ವಿರಮ ವಿರಮ ಕರ್ಣ ಕತ್ಥನಾ-- ದತಿರಭಸೋಽಪ್ಯತಿವಾಚಮುಕ್ತವಾನ್। ಕ್ವ ಚ ಹಿ ನರವರೋ ಧನಂಜಯಃ ಕ್ವ ಪುನರಿಹ ತ್ವಮಹೋ ನರಾಧಮಃ॥ 8-31-34 (56412) ಯದುಸದನಮುಪೇಂದ್ರಪಾಲಿತಂ ತ್ರಿದಿವಮಿವಾಮರರಾಜರಕ್ಷಿತಂ। ಪ್ರಸಭಮತಿವಿಲೋಡ್ಯ ಕೋ ಹರೇ-- ತ್ಪುರುಷವರಾವರಜಾಮೃತೇಽರ್ಜುನಾತ್॥ 8-31-35 (56413) ತ್ರಿಭುವನಸೃಜಮೀಶ್ವರೇಶ್ವರಂ ಕ ಇಹ ಪುಮಾನ್ಭವಮಾಹ್ವಯೇದ್ಯುಧಿ। ಮೃಗವಧಕಲಹೇ ಋತೇಽರ್ಜುನಾತ್ ಸುರಪತಿವೀರ್ಯಸಮಪ್ರಭಾವತಃ॥ 8-31-36 (56414) ಅಸುರಸುರಮಹೋರಗಾನ್ನರಾನ್ ಗರುಡಪಿಶಾಚಸಯಕ್ಷರಾಕ್ಷಸಾನ್। ಇಷುಭಿರಜಯದಗ್ನಿಗೌರವಾತ್ ಸ್ವಭಿಲಷಿತಂ ಚ ಹವಿರ್ದದೌ ಜಯಃ॥ 8-31-37 (56415) ಸ್ಮರಸಿ ನನು ಯದಾ ಪರೈರ್ಹೃತಃ ಸಹಧೃತರಾಷ್ಟ್ರಸುತೋ ವಿಮೋಕ್ಷಿತಃ। ಅಧಿರಥಜ ನರೋತ್ತಮೈರ್ಯುತಾನ್ ಕುರುಷು ಬಹೂನ್ವಿನಿಹತ್ಯ ತಾನರೀನ್॥ 8-31-38 (56416) ಪ್ರಥಮಮಪಿ ಪಲಾಯಿತೇ ತ್ವಯಿ ಪ್ರಿಯಕಲಹಾ ಧೃತರಾಷ್ಟ್ರಸೂನವಃ। ಸ್ಮರಸಿ ನನು ಯದಾ ಪ್ರಮೋಚಿತಾಃ ಖಚರಗಣಾನವಜಿತ್ಯ ಪಾಂಡವೈಃ॥ 8-31-39 (56417) ಸಮುದಿತಬಲವಾಹನಾಃ ಪುನಃ ಪುರುಷವರೇಣ ಜಿತಾಃ ಸ್ಥ ಗೋಗ್ರಹೇ। ಸಗುರುಗುರುಸುತಾಃ ಸಭೀಷ್ಮಕಾಃ ಕಿಮು ನ ಜಿತಃ ಸ ತದಾ ತ್ವಯಾಽರ್ಜುನಃ॥ 8-31-40 (56418) ಇದಮಪರಮುಪಸ್ಥಿತಂ ಪುನ-- ಸ್ತವ ನಿಧನಾಯ ಸುಯುದ್ವಮದ್ಯ ವೈ। ಯದಿ ನ ರಿಪುಭಯಾತ್ಪಲಾಯಸೇ ಸಮರಗತೋಽದ್ಯ ಹತೋಽಸಿ ಸೂತಜ॥ 8-31-41 (56419) ಸಂಜಯ ಉವಾಚ। 8-31-42x (4917) ಇತಿ ಬಹುಪರುಷಂ ಪ್ರಭಾಷತಿ ಪ್ರಮನಸಿ ಮದ್ರಪತೌ ರಿಪುಸ್ತವಂ। ಭೃಶಮಭಿರುಷಿತಃ ಸರಂತಪಃ ಕುರುಪೃತನಾಪತಿರಾಹ ಮದ್ರಪಂ॥ 8-31-42 (56420) ಕರ್ಣ ಉವಾಚ। 8-31-43x (4918) ಭವತು ಭವತು ಕಿಂ ವಿಕತ್ಥಸೇ ನನು ಮರ್ಮ ತಸ್ಯ ಹಿ ಯುದ್ಧಮುದ್ಯತಂ। ಯದಿ ಸ ಜಯತಿ ಮಾಮಿಹಾಹವೇ ತತ ಇದಮಸ್ತು ಸುಕತ್ಥಿತಂ ತವ॥ 8-31-43 (56421) ಸಂಜಯ ಉವಾಚ। 8-31-44x (4919) ಏವಮಸ್ತ್ವಿತಿ ಮದ್ರೇಶ ಉಕ್ತ್ವಾ ನೋತ್ತರಮುಕ್ತವಾನ್। ಯಾಹಿ ಶಲ್ಯೇತಿ ಚಾಪ್ಯೇನಂ ಕಂರ್ಣಃ ಪ್ರಾಹ ಯುಯುತ್ಸಯಾ॥ 8-31-44 (56422) ಸ ರಥಃ ಪ್ರಯಯೌ ಶತ್ರೂನ್ನಿಘ್ನತಃ ಶಲ್ಯಸಾರಥಿಃ। ನಿಘ್ನನ್ನಮಿತ್ರಾನ್ಸಮರೇ ತಮೋಘ್ನಃ ಸವಿತಾ ಯಥಾ॥ 8-31-45 (56423) ತತಃ ಪ್ರಾಯಾತ್ಪ್ರೀತಿಮಾನ್ವೈ ರಥೇನ ವೈಯಾಘ್ರೇಣ ಶ್ವೇತಯುಜಾಽಥ ಕರ್ಣಃ। ಸ ಚಾಲೋಕ್ಯ ಧ್ವಜಿನೀಂ ಪಾಂಡವಾನಾಂ ಧನಂಜಯಂ ತ್ವರಯಾ ಪರ್ಯಪೃಚ್ಛತ್॥ ॥ 8-31-46 (56424) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಏಕತ್ರಿಂಶೋಽಧ್ಯಾಯಃ॥ 31 ॥

8-32-0 (56425) ಸಂಜಯ ಉವಾಚ। 8-32-0x (4920) ಪ್ರಯತ್ನೇನ ತದಾ ಕರ್ಣೋ ಹರ್ಷಯನ್ವಾಹಿನೀಂ ತವ। ಏಕೈಕಂ ಸಮರೇ ದೃಷ್ಟ್ವಾ ಪಾಂಡವಂ ಪರ್ಯಪೃಚ್ಛತ॥ 8-32-1 (56426) ಯೋ ಮಮಾದ್ಯ ಮಹಾತ್ಮಾನಂ ದರ್ಶಯೇಚ್ಛ್ವೇತವಾಹನಂ। ತಸ್ಮೈ ದದ್ಯಾಮಭಿಪ್ರೇತಂ ಧನಂ ಯನ್ಮನಸೇಚ್ಛತಿ॥ 8-32-2 (56427) ನ ಚೇತ್ತದಭಿಮನ್ಯೇತ ತಸ್ಮೈ ದದ್ಯಾಮಹಂ ಪುನಃ। ಶಕಟಂ ರತ್ನಸಂಪೂರ್ಣಂ ಯೋ ಮೇ ಬ್ರೂಯಾದ್ವನಂಜಯಂ॥ 8-32-3 (56428) ನ ಚೇತ್ತದಭಿಮನ್ಯೇತ ಪುರುಷೋಽರ್ಜುನದರ್ಶಿವಾನ್। ಶತಂ ದದ್ಯಾಂ ಗವಾಂ ತಸ್ಮೈ ನೈತ್ಯಕಂ ಕಾಂಸ್ಯದೋಹನಂ॥ 8-32-4 (56429) ಶತಂ ಗ್ರಾಮವರಾಂಶ್ಚೈವ ದದ್ಯಾಮರ್ಜುನದರ್ಶಿನೇ। ತಥಾ ತಸ್ಮೈ ಪುನರ್ದದ್ಯಾಂ ಶ್ವೇತಮಶ್ವತರೀರಥಂ। ಯುಕ್ತಮಂಜನಕೇಶೀಭಿರ್ಯೋ ಮೇ ಬ್ರೂಯಾದ್ವನಂಜಯಂ॥ 8-32-5 (56430) ನ ಚೇತ್ತದಭಿಮನ್ಯೇತ ಪುರುಷೋಽರ್ಜುನದರ್ಶಿವಾನ್। ಅನ್ಯಂ ವಾಽಸ್ಮೈ ಪುನರ್ದದ್ಯಾಂ ಸೌವರ್ಣಂ ಹಸ್ತಿಷಂಗವಂ॥ 8-32-6 (56431) ತಥಾಪ್ಯಸ್ಮೈ ಪುನರ್ದದ್ಯಾಂ ಸ್ತ್ರೀಣಾಂ ಶತಮಲಂಕೃತಂ। ಶ್ಯಾಮಾನಾಂ ನಿಷ್ಕಕಂಠೀನಾಂ ಗೀತವಾದ್ಯವಿಪಶ್ಚಿತಾಂ॥ 8-32-7 (56432) ನ ಚೇತ್ತದಭಿಮನ್ಯೇತ ಪುರುಷೋಽರ್ಜುನದರ್ಶಿವಾನ್। ತಸ್ಮೈ ದದ್ಯಾಂ ಶತಂ ನಾಗಾಞ್ಶತಂ ಗ್ರಾಮಾಞ್ಶತಂ ರಥಾನ್॥ 8-32-8 (56433) ಸುವರ್ಣಸ್ಯ ಚ ಮುಖ್ಯಸ್ಯ ಹಯಾಗ್ರ್ಯಾಣಾಂ ಶತಂ ಶತಾನ್। ಋದ್ವ್ಯಾ ಗುಣೈಃ ಸುದಾಂತಾಂಶ್ಚ ಧುರ್ಯವಾಹಾನ್ಸುಶಿಕ್ಷಿತಾನ್॥ 8-32-9 (56434) ತಥಾ ಸುವರ್ಣಶೃಂಗೀಣಾಂ ಗೋಧೇನೂನಾಂ ಚತುಃಶತಂ। ದದ್ಯಾಂ ತಸ್ಮೈ ಸವತ್ಸಾನಾಂ ಯೋ ಮೇ ಬ್ರೂಯಾದ್ವನಂಜಯಂ॥ 8-32-10 (56435) ನ ಚೇತ್ತದಭಿಮನ್ಯೇತ ಪುರುಷೋಽರ್ಜುನದರ್ಶಿವಾನ್। ಅನ್ಯದಸ್ಮೈ ವರಂ ದದ್ಯಾಂ ಶ್ವೇತಾನ್ಪಂಚಶತಾನ್ಹಯಾನ್॥ 8-32-11 (56436) ಹೇಮಭಾಂಡಪರಿಚ್ಛನ್ನಾನ್ಸುಮೃಷ್ಟಮಣಿಭೂಷಣಾನ್। ಸುದಾಂತಾನಪಿ ಚೈವಾಹಂ ದದ್ಯಾಮಷ್ಟಾದಶಾಪರಾನ್॥ 8-32-12 (56437) ರಥಂ ಚ ಶುಭ್ರಂ ಸೌವರ್ಣಂ ದದ್ಯಾಂ ತಸ್ಮೈ ಸ್ವಲಂಕೃತಂ। ಯುಕ್ತಂ ಪರಮಕಾಂಭೋಜೈರ್ಯೋ ಮೇ ಬ್ರೂಯಾದ್ವನಂಜಯಂ॥ 8-32-13 (56438) ನ ಚೇತ್ತದಭಿಮನ್ಯೇತ ಪುರುಷೋಽರ್ಜುನದರ್ಶಿವಾನ್। ಅನ್ಯದಸ್ಮೈ ವರಂ ದದ್ಯಾಂ ಕುಂಜರಾಣಾಂ ಶತಾನಿ ಷಟ್॥ 8-32-14 (56439) ಕಾಂಚನೈರ್ವಿವಿಧೈರ್ಭಾಂಡೈರಾಚ್ಛನ್ನಾನ್ಹೇಮಮಾಲಿನಃ। ಉತ್ಪನ್ನಾನಪರಾಂತೇಷು ವಿನೀತಾನ್ಹಸ್ತಿಶಿಕ್ಷಕೈಃ॥ 8-32-15 (56440) ನ ಚೇತ್ತದಭಿಮನ್ಯೇತ ಪುರುಷೋಽರ್ಜುನದರ್ಶಿವಾನ್। ಅನ್ಯದಸ್ಮೈ ವರಂ ದದ್ಯಾಂ ವೈಶ್ಯಗ್ರಾಮಾಂಶ್ಚತುರ್ದಶ॥ 8-32-16 (56441) ಸುಸ್ಫೀತಾಂಧನಸಂಯುಕ್ತಾನ್ಪ್ರತ್ಯಾಸನ್ನವನೋದಕಾನ್। ಅಕುತೋಭಯಾನ್ಸುಸಂಪನ್ನಾನ್ರಾಜಭೋಜ್ಯಾಂಶ್ಚತುರ್ದಶ॥ 8-32-17 (56442) ದಾಸೀನಾಂ ನಿಷ್ಕಕಂಠೀನಾಂ ಮಾಗಧೀನಾಂ ಶತಂ ತಥಾ। ಪ್ರತ್ಯಗ್ರವಯಸಾಂ ದದ್ಯಾಂ ಯೋ ಮೇ ಬ್ರೂಯಾದ್ಧನಂಜಯಂ॥ 8-32-18 (56443) ನ ಚೇತ್ತದಭಿಮನ್ಯೇತ ಪುರುಷೋಽರ್ಜುನದರ್ಶಿವಾನ್। ಅನ್ಯಂ ತಸ್ಮೈ ವರಂ ದದ್ಯಾಂ ಯಮಸೌ ಕಾಮಯೇತ್ಸ್ವಯಂ॥ 8-32-19 (56444) ಪುತ್ರದಾರಾನ್ವಿಹಾಯೈವ ಯದನ್ಯದ್ವಿತ್ತಮಸ್ತಿ ಮೇ। ತಚ್ಚ ತಸ್ಮೈ ಪುನರ್ದದ್ಯಾಂ ಯದ್ಯಚ್ಚ ಮನಸೇಚ್ಛತಿ॥ 8-32-20 (56445) ಹತ್ವಾ ಚ ಸಹಿತೌ ಕೃಷ್ಣೌ ತಯೋರ್ವಿತ್ತಾನಿ ಸರ್ವಶಃ। ತಸ್ಮೈ ದದ್ಯಾಮಹಂ ಯೋ ಮೇ ಪ್ರಬ್ರೂಯಾತ್ಕೇಶವಾರ್ಜುನೌ॥ 8-32-21 (56446) ಸಂಜಯ ಉವಾಚ। 8-32-22x (4921) ಏತಾ ವಾಚಃ ಸುಬಹುಶಃ ಕರ್ಣ ಉಚ್ಚಾರಯನ್ಯುಧಿ। ದಧ್ಮೌ ಸಾಗರಸಂಭೂತಂ ಸುಸ್ವರಂ ಶಂಖಮುತ್ತಮಂ॥ 8-32-22 (56447) ತಾ ವಾಚಃ ಸೂತಪುತ್ರಸ್ಯ ತಥಾ ಯುಕ್ತಾ ನಿಶಂಯ ತು। ದುರ್ಯೋಧನೋ ಮಹಾರಾಜ ಸಂಹೃಷ್ಟಃ ಸಾನುಜೋಽಭವತ್॥ 8-32-23 (56448) ತತೋ ದುಂದುಭಿನಿರ್ಘೋಷೋ ಮೃದಂಗಾನಾಂ ಚ ಸರ್ವಶಾ। ಸಿಂಹನಾದಃ ಸವಾದಿತ್ರಃ ಕುಂಚರಾಣಾಂ ಚ ನಿಃಸ್ವನಃ॥ 8-32-24 (56449) ಪ್ರಾದುರಾಸೀತ್ತದಾ ರಾಜಂಸ್ತ್ವತ್ಸೈನ್ಯೇ ಪುರುಷರ್ಷಭ। ಯೋಧಾನಾಂ ಸಂಪ್ರಹೃಷ್ಟಾನಾಂ ತಥಾ ಸಮಭವತ್ಸ್ವನಃ॥ 8-32-25 (56450) ತಥಾ ಪ್ರಹೃಷ್ಟೇ ಸೈನ್ಯೇ ತಂ ಪ್ಲುವಮಾನಂ ಮಹಾರಥಂ। ವಿಕತ್ಥಮಾನಂ ಚ ತದಾ ರಾಧೇಯಮರಿಕರ್ಶನಂ। ಮದ್ರರಾಜಃ ಪ್ರಹಸ್ಯೇದಂ ವಚನಂ ಪ್ರತ್ಯಭಾಷತ॥ ॥ 8-32-26 (56451) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ದ್ವಾತ್ರಿಂಶೋಽಧ್ಯಾಯಃ॥ 32 ॥

8-33-0 (56452) ಶಲ್ಯ ಉವಾಚ। 8-33-0x (4922) ಮಾ ಸೂತಪುತ್ರ ಮನ್ಯೇತ(ಥಾಃ) ಸೌವರ್ಣಂ ಹಸ್ತಿಷಂಗವಂ। ಪ್ರಯಚ್ಛಸಿ ಮುಧೈವ ತ್ವಂ ದ್ರಕ್ಷ್ಯಸ್ಯದ್ಯ ಧನಂಜಯಂ॥ 8-33-1 (56453) ಮಾ ಸೂತಪುತ್ರ ದಾನೇನ ಸೌವರ್ಣಂ ಹಸ್ತಿಷಂಗವಂ। ಪ್ರಯಚ್ಛ ಪುರುಷಾಯಾದ್ಯ ದ್ರಕ್ಷ್ಯಸಿ ತ್ವಂ ಧನಂಜಯಂ॥ 8-33-2 (56454) ಬಲೇನ ಮತ್ತಸ್ತ್ಯಜಸಿ ವಸು ವೈಶ್ರವಣೋ ಯಥಾ। ಅಯತ್ನೇನೈವ ರಾಧೇಯ ದ್ರಷ್ಟಾಸ್ಯದ್ಯ ಧನಂಜಯಂ॥ 8-33-3 (56455) ಪುರಾ ಸೃಜಸಿ ಯಚ್ಚಾಪಿ ವಿತ್ತಂ ಬಹು ಚ ಮೂಢವತ್। ಅಪಾತ್ರದಾನಾದ್ಯೇ ದೋಷಾಸ್ತಾನ್ಮೋಹಾನ್ನಾವಬುಧ್ಯಸೇ॥ 8-33-4 (56456) ಯತ್ಪ್ರವೇದಯಸೇ ವಿತ್ತಂ ಬಹು ತೇನ ಖಲು ತ್ವಯಾ। ಶಕ್ಯಂ ಬಹುವಿಧೈರ್ಯಜ್ಞೈರ್ಯಷ್ಟುಂ ಸೂತ ಯಜಸ್ವ ತೈಃ॥ 8-33-5 (56457) ಯಚ್ಚ ಪ್ರಾರ್ಥಯಸೇ ಹಂತುಂ ಕೃಷ್ಣೌ ಮೋಹಾದ್ವೃಥೈವ ತತ್। ನ ಹಿ ಶುಶ್ರುಮ ಸಂಮರ್ದೇ ಕ್ರೋಷ್ಟ್ರಾ ಸಿಂಹೌ ನಿಪಾತಿತೌ॥ 8-33-6 (56458) ಅಪ್ರಾರ್ಥಿತಂ ಪ್ರಾರ್ಥಯಸೇ ಸುಹೃದೋ ನ ಹಿ ಸಂತಿ ತೇ। ಯೇ ತ್ವಾಂ ನಿವಾರಯಂತ್ಯಾಶು ಪ್ರಪತಂತಂ ಹುತಾಶನೇ॥ 8-33-7 (56459) ಕಾರ್ಯಾಕಾರ್ಯಂ ನ ಜಾನೀಷೇ ಕಾಲಪಕ್ಕೋಽಸ್ಯಸಂಶಯಂ। ಬಹ್ವಬದ್ಧಮಕರ್ಣೀಯಂ ಕೋ ಹಿ ಬ್ರೂಯಾಜ್ಜಿಜೀವಿಷುಃ॥ 8-33-8 (56460) ಸಮುದ್ರತರಣಂ ದೋರ್ಭ್ಯಾಂ ಕಂಠೇ ಬದ್ಧ್ವಾ ಯಥಾ ಶಿಲಾಂ। ಗಿರ್ಯಗ್ರಾದ್ವಾ ನಿಪತನಂ ತಾದೃಕ್ತ್ವ ಚಿಕೀರ್ಷಿತಂ॥ 8-33-9 (56461) ಸಹಿತಃ ಸರ್ವಯೋಧೈಸ್ತ್ವಂ ವ್ಯೂಢಾನೀಕೈಃ ಸುರಕ್ಷಿತಃ। ಧನಂಜಯೇನ ಯುಧ್ಯಸ್ವ ಶ್ರೇಯಶ್ಚೇತ್ಪ್ರಾಪ್ತುಮಿಚ್ಛಸಿ॥ 8-33-10 (56462) ಹಿತಾರ್ಥಂ ಧಾರ್ತರಾಷ್ಟ್ರಸ್ಯ ಬ್ರವೀಮಿ ತ್ವಾಂ ನ ಹಿಂಸಯಾ। ಶ್ರದ್ಧಸ್ವೇದಂ ಮಯಾ ಪ್ರೋಕ್ತಂ ಯದಿ ತೇಽಸ್ತಿ ಜಿಜೀವಿಷಾ॥ 8-33-11 (56463) ಕರ್ಣ ಉವಾಚ। 8-33-12x (4923) ಸ್ವಬಾಹುವೀರ್ಯಮಾಶ್ರಿತ್ಯ ಪ್ರಾರ್ಥಯಾಂಯರ್ಜುನಂ ರಣೇ। ತ್ವಂ ತು ಮಿತ್ರಮುಖಃ ಶತ್ರುರ್ಮಾಂ ಭೀಷಯಿತುಮಿಚ್ಛಸಿ॥ 8-33-12 (56464) ನ ಮಾಮಸ್ಮಾದಭಿಪ್ರಾಯಾತ್ಕಶ್ಚಿದದ್ಯ ನಿವರ್ತಯೇತ್। ಅಪೀಂದ್ರೋ ವಜ್ರಮುದ್ಯಂಯ ಕಿಮು ಮರ್ತ್ಯಃ ಕಥಂಚನ॥ 8-33-13 (56465) ಸಂಜಯ ಉವಾಚ। 8-33-14x (4924) ಇತಿ ಕರ್ಣಸ್ಯ ವಾಕ್ಯಾಂತೇ ಶಲ್ಯಃ ಪ್ರಾಹೋತ್ತರಂ ವಚಃ। ಚುಕೋಪಯಿಷುರತ್ಯರ್ಥಂ ಕರ್ಣಂ ಮದ್ರೇಶ್ವರಃ ಪುನಃ॥ 8-33-14 (56466) ಯದಾ ವೈ ತ್ವಾಂ ಫಲ್ಗುನಬಾಹುವೇಗಾ-- ಜ್ಜ್ಯಾಚೋದಿತಾ ವೇಗವಂತೋಽಗ್ನಿಕಲ್ಪಾಃ। ಅನ್ವೇತಾರಃ ಕಂಕಪತ್ರಾಃ ಶಿತಾಗ್ರಾ-- ಸ್ತ್ಯಕ್ಷ್ಯತ್ಯೇಷಾ ಸ್ವಾಂ ತದಾ ಕರ್ಣ ಬುದ್ಧಿಃ॥ 8-33-15 (56467) ಯದಾ ದಿರ್ವ್ಯ ಧನುರಾದಾಯ ಪಾರ್ಥಃ ಪ್ರತಾಪಯನ್ಪೃತನಾಂ ಸವ್ಯಸಾಚೀ। ತ್ವಾಂ ಮರ್ದಯಿಷ್ಯತ್ಯಸುಖೈಃ ಪೃಷತ್ಕೈ-- ಸ್ತದಾಪೃಚ್ಛಾಂ ತ್ಯಕ್ಷ್ಯಸೇ ಪಾಂಡವಸ್ಯ॥ 8-33-16 (56468) ಬಾಲಶ್ಚಂದ್ರಂ ಮಾತುರಂಕೇ ಶಯಾನೋ ಯಥಾ ಕಶ್ಚಿತ್ಪ್ರಾರ್ಥಯತೇಽಪಹರ್ತುಂ। ತದ್ವನ್ಮೋಹಾದ್ದಯೋತಾಮಾನಂ ರಥಸ್ಥಂ ಜೇತುಂ ಪಾರ್ಥಂ ಕಾಂಕ್ಷಸೇ ಸೂತಪುತ್ರ॥ 8-33-17 (56469) ಹರಾದಸ್ತ್ರಂ ತೀಕ್ಷ್ಣಧಾರಂ ಯಥಾಽದ್ಯ ಸರ್ವಾಣಿ ಗಾತ್ರಾಣಿ ನಿಕರ್ಷಸಿ ತ್ವಂ। ಸುತೀಕ್ಷ್ಣಶಸ್ತ್ರೋಪಮಕರ್ಮಣೇಹ ಯುಯುತ್ಸಸೇ ಫಲ್ಗುನೇನಾದ್ಯ ಕರ್ಣ॥ 8-33-18 (56470) ಹನ್ಯಾದಸಿಂ ತೀಕ್ಷ್ಣಧಾರಂ ಯಥಾಽತಃ ಸುತೇಜನಂ ನಿಹಿತಂ ವೈ ಪೃಥಿವ್ಯಾಂ। ತಥಾ ಖನಸ್ಯದ್ಯ ಶಿತಾನ್ಪೃಷತ್ಕಾ-- ನ್ಯಥಾರ್ಥಯಸ್ಯರ್ಜುನೇನೇಹ ಯುದ್ಧಂ॥ 8-33-19 (56471) ತ್ರಿಶೂಲಮಾಶ್ಲಿಷ್ಯ ಸುತೀಕ್ಷ್ಣಧಾರಂ ಸರ್ವಾಣಿ ಗಾತ್ರಾಣಿ ವಿಘರ್ಷಸಿ ತ್ವಂ। ಸುತೀಕ್ಷ್ಣಧಾರೋಪಮಕರ್ಮಣಾ ತ್ವಂ ಯುಯುತ್ಸಸೇ ಯೋಽರ್ಜುನೇನಾದ್ಯ ಕರ್ಣ॥ 8-33-20 (56472) ಕ್ರುದ್ಧಂ ಸಿಂಹಂ ಕೇಸರಿಣಂ ಬೃಹಂತಂ ಬಾಲೋ ಮೂಢಃ ಕ್ಷುದ್ರಮೃಗಸ್ತರಸ್ವೀ। ಸಮಾಹ್ವಯೇದ್ವೃಷ್ಟಮುಪೇತ್ಯ ಯೋದ್ಧುಂ ತಥಾ ತ್ವಮದ್ಯಾಹ್ವಯಸೇ ಹಿ ಪಾರ್ಥಂ॥ 8-33-21 (56473) ಮಾ ಸೂತಪುತ್ರಾಹ್ವಯ ರಾಜಪುತ್ರಂ ಮಹಾವೀರ್ಯಂ ಕೇಸರಿಣಂ ಯಥೈವ। ವನೇ ಶೃಗಾಲಃ ಪಿಶಿತೇನ ತೃಪ್ತಃ ಪಾರ್ಥಂ ಸಮಾಸಾದ್ಯ ವಿನಂಕ್ಷ್ಯಸಿ ತ್ವಂ॥ 8-33-22 (56474) ಈಷಾದಂತಂ ಮಹಾನಾಗಂ ಪ್ರಭಿನ್ನಕರಟಾಮುಖಂ। ಶಶಕೋ ಹಯಸೇ ಯುದ್ವೇ ಕರ್ಣ ಪಾರ್ಥಂ ಧನಂಜಯಂ॥ 8-33-23 (56475) ವಿಲಸ್ಥಂ ಕೃಷ್ಣಸರ್ಪಂ ತ್ವಂ ಜಾಲ್ಯಾತ್ಕಾಷ್ಠೇನ ವಿಧ್ಯಸಿ। ಮಹಾವಿಷಂ ಪೂರ್ಣಕೋಪಂ ಯತ್ಪಾರ್ಥಂ ಯೋದ್ವುಮಿಚ್ಛಸಿ॥ 8-33-24 (56476) ಸಿಂಹಂ ಕೇಸರಿಣಂ ಕ್ರುದ್ಧಮಭಿಕ್ರಂಯಾಭಿನರ್ದಸೇ। ಶೃಗಾಲ ಇವ ಮೂಢಸ್ತ್ವಂ ನೃಸಿಂಹಂ ಕರ್ಣ ಪಾಂಡವಂ॥ 8-33-25 (56477) ಸುಪರ್ಣಂ ಪತಗಶ್ರೇಷ್ಠಂ ವೈನತೇಯಂ ತರಸ್ವಿನಂ। ಸ್ವಗೇವಾಹ್ವಯಸೇ ಪಾರ್ಥಂ ತಥಾ ಕರ್ಣಂ ಧನಂಜಯಂ॥ 8-33-26 (56478) ಸರ್ವಾಂಭಸಾಂ ನಿಧಿಂ ಭೀಮಂ ಮೂರ್ತಿಮಂತಂ ಝಷಾಕುಲಂ। ಚಂದ್ರೋದಯೇ ವಿವರ್ಧಂತಮಪ್ಲುವಸ್ತ್ವಂ ತಿತೀರ್ಷಸಿ॥ 8-33-27 (56479) ಋಷಭಂ ದುಂದುಭಿಗ್ರೀವಂ ತೀಕ್ಷ್ಣಶೃಂಗಂ ಪ್ರಹಾರಿಣಂ। ವತ್ಸ ಆಹ್ವಯಸೇ ಯುದ್ವೇ ಕರ್ಣ ಪಾರ್ಥಂ ಧನಂಜಯಂ॥ 8-33-28 (56480) ಮಹಾಮೇಘಂ ಮಹಾಘೋಷಂ ದರ್ದುರಃ ಪ್ರತಿನರ್ದಸಿ। ಬಾಣತೋಯಪ್ರದಂ ಕಾಲೇ ನರಪರ್ಜನ್ಯಮರ್ಜುನಂ॥ 8-33-29 (56481) ಯಥಾ ಚ ಶ್ವಾ ಗೃಹಸ್ಥಸ್ತು ವ್ಯಾಘ್ರಂ ವನಗತಂ ಭಷೇತ್। ತಥಾ ತ್ವಂ ಭಷಸೇ ಕರ್ಣ ನರವ್ಯಾಘ್ರಂ ಧನಂಜಯಂ॥ 8-33-30 (56482) ಶೃಗಾಲೋ ಹಿ ವನೇ ಕರ್ಣ ಶಶೈಃ ಪರಿವೃತೋ ವಸನ್। ಮನ್ಯತೇ ಸಿಂಹಮಾತ್ಮಾನಂ ಯಾವತ್ಸಿಂಹಂ ನ ಪಶ್ಯತಿ॥ 8-33-31 (56483) ತಥಾ ತ್ವಮಪಿ ರಾಧೇಯ ಸಿಂಹಮಾತ್ಮಾನಮಿಚ್ಛಸಿ। ಅಪಶ್ಯಞ್ಶತ್ರುದಮನಂ ನರಸಿಂಹಂ ರಣೇಽರ್ಜುನಂ॥ 8-33-32 (56484) ವ್ಯಾಘ್ರಂ ತ್ವಂ ಮನ್ಯಸೇಽಽತ್ಮಾನಂ ಯಾವತ್ಕೃಷ್ಣೌ ನ ಪಶ್ಯಸಿ। ಸಮಾಸ್ಥಿತಾವೇಕರಥೇ ಸೂರ್ಯಾಚಂದ್ರಮಸಾವಿವ॥ 8-33-33 (56485) ಯಾವದ್ಗ್ರಾಂಡೀವಘೋಷಂ ತ್ವಂ ನ ಶೃಣೋಷಿ ಮಹಾಹವೇ। ತಾವದೇವ ತ್ವಯಾ ಕರ್ಣ ಶಕ್ಯಂ ವಕ್ತುಂ ಯಥೇಚ್ಛಸಿ॥ 8-33-34 (56486) ರಥಶಂಖಧನುಃಶಬ್ದೈರ್ನಾದಯಂತಂ ದಿಶೋ ದಶ। ನರ್ದಂತಮಿವ ಶಾರ್ದೂಲಂ ದೃಷ್ಟ್ವಾ ಕ್ರೋಷ್ಟಾ ಭವಿಷ್ಯಸಿ॥ 8-33-35 (56487) ನಿತ್ಯಮೇವ ಶೃಗಾಲಸ್ತ್ವಂ ನಿತ್ಯಂ ಸಿಂಹೋ ಧನಂಜಯಃ। ವೀರಪ್ರದ್ವೇಷಣಾನ್ಮೂಢ ತಸ್ಮಾತ್ಕ್ರೋಷ್ಟೇವ ಲಕ್ಷ್ಯಸೇ॥ 8-33-36 (56488) ಯಥಾಽಽಖುಃ ಸ್ಯಾದ್ವಿಡಾಲಶ್ಚ ಶ್ವಾ ವ್ಯಾಘ್ರಶ್ಚ ಬಲಾಬಲೇ। ಯಥಾ ಶೃಗಾಲಃ ಸಿಂಹಶ್ಚ ಯಥಾ ಚ ಶಶಕುಂಜರೌ॥ 8-33-37 (56489) ಯಥಾಽನೃತಂ ಚ ಸತ್ಯಂ ಚ ಯಥಾ ಚಾಪಿ ವಿಷಾಮೃತೇ। ತಥಾ ತ್ವಮಪಿ ಪಾರ್ಥಶ್ಚ ಪ್ರಖ್ಯಾತಾವಾತ್ಮಕರ್ಮಭಿಃ॥ ॥ 8-33-38 (56490) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ತ್ರಯಸ್ತ್ರಿಂಶೋಽಧ್ಯಾಯಃ॥ 33 ॥

8-34-0 (56491) ಸಂಜಯ ಉವಾಚ। 8-34-0x (4925) ಅಧಿಕ್ಷಿಪ್ತಸ್ತು ರಾಧೇಯಃ ಶಲ್ಯೇನಾಮಿತತೇಜಸಾ। ಶಲ್ಯಮಾಹ ಸುಸಂಕ್ರುದ್ಧೋ ವಾಕ್ಶಲ್ಯಮವಧಾರಯನ್॥ 8-34-1 (56492) ಕರ್ಣ ಉವಾಚ। 8-34-2x (4926) ಗುಣಾನ್ಗುಣವತಾಂ ಶಲ್ಯ ಗುಣವಾನ್ವೇತ್ತಿ ನಾಗುಣಃ। ತ್ವಂ ತು ನಿತ್ಯಂ ಗುಣೈರ್ಹೀನಃ ಕಿಂ ಜ್ಞಾಸ್ಯಸಿ ಗುಣಾಗುಣಾನ್॥ 8-34-2 (56493) ಅರ್ಜುನಸ್ಯ ಮಹಾಸ್ತ್ರಾಣಿ ಕ್ರೋಧಂ ವೀರ್ಯಂ ಧನುಃ ಶರಾನ್। ಅಹಂ ಶಲ್ಯಾಭಿಜಾನಾಮಿ ನ ತ್ವಂ ಜಾನಾಸಿ ತತ್ತಥಾ॥ 8-34-3 (56494) ತಥಾ ಕೃಷ್ಣಸ್ಯ ಮಾಹಾತ್ಂಯಮೃಷಭಸ್ಯ ಮಹೀಕ್ಷಿತಾಂ। ಯಥಾಹಂ ಶಲ್ಯ ಜಾನಾಮಿ ನ ತ್ವಂ ಜಾನಾಸಿ ತತ್ತಥಾ॥ 8-34-4 (56495) ಏವಮೇವಾತ್ಮನೋ ವೀರ್ಯಮಹಂ ವೀರ್ಯಂ ಚ ಪಾಂಡವೇ। ಜಾನಂಸ್ತಾವಾಹ್ವಯೇ ಯುದ್ಧೇ ಶಲ್ಯ ನಾಗ್ನಿಂ ಪತಂಗವತ್॥ 8-34-5 (56496) ಅಸ್ತಿ ಚಾಽಯಮಿಷುಃ ಶಲ್ಯ ಸುಪುಂಖೋ ರಕ್ತಭೋಜನಃ। ಏಕಸ್ತೂಣೀಶಯಃ ಪತ್ರೀ ಸುಧೌತಃ ಸಮಲಂಕೃತಃ॥ 8-34-6 (56497) ಶೇತೇ ಚಂದನಚೂರ್ಣೇನ ಪೂಜಿತೋ ಬಹುಲಾಃ ಸಮಾಃ। ಆಹೇಯೋ ವಿಷವಾನುಗ್ರೋ ನರಾಶ್ವದ್ವಿಪಸಂಘಹಾ॥ 8-34-7 (56498) ಘೋರರೂಪೋ ಮಹಾರೌದ್ರಸ್ತನುತ್ರಾಸ್ಥಿವಿದಾರಣಃ। ನಿರ್ಭಿಂದ್ಯಾಂ ಯೇನ ರುಷ್ಟೋಽಹಮಪಿ ಮೇರುಂ ಮಹಾಗಿರಿಂ॥ 8-34-8 (56499) ತಮಹಂ ಜಾತು ನಾಸ್ಯೇಯಮನ್ಯಸ್ಮಿನ್ಫಲ್ಗುನಾದೃತೇ। ಕೃಷ್ಣಾದ್ವಾ ದೇವಕೀಪುತ್ರಾತ್ಸತ್ಯಂ ಚಾಪಿ ಶೃಣುಷ್ವ ಮೇ॥ 8-34-9 (56500) ತೇನಾಹಮಿಷುಣಾ ಶಲ್ಯ ವಾಸುದೇವಧನಂಜಯೌ। ಯೋತ್ಸ್ಯೇ ಪರಮಸಂರಬ್ಧೌ ತತ್ಕರ್ಮ ಸದೃಶಂ ಮಮ॥ 8-34-10 (56501) ಸರ್ವೇಷಾಂ ವೃಷ್ಣಿವೀರಾಣಾಂ ಕೃಷ್ಣೇ ಲಕ್ಷ್ಮೀಃ ಪ್ರತಿಷ್ಠಿತಾ। ಸರ್ವೇಷಾಂ ಪಾಂಡುಪುತ್ರಾಣಾಂ ಜಯಃ ಪಾರ್ಥೇ ಪ್ರತಿಷ್ಠಿತಃ। ಉಭಯಂ ತು ಸಮಾಸಾದ್ಯ ಕೋ ನಿವರ್ತಿತುಮರ್ಹತಿ॥ 8-34-11 (56502) ತಾವೇತೌ ಪುರುಷವ್ಯಾಘ್ರೌ ಸಮೇತೌ ಸ್ಯಂದನೇ ಸ್ಥಿತೌ। ಮಾಮೇಕಮಭಿಸಂಯುದ್ಧೌ ಸುಜಾತಂ ಪಶ್ಯ ಶಲ್ಯ ಮೇ॥ 8-34-12 (56503) ಪಿತೃಷ್ವಸಾಮಾತುಲಜೌ ಭ್ರಾತರಾವಪರಾಜಿತೌ। ಮಣೀ ಸೂತ್ರ ಇವ ಪ್ರೋತೌ ದ್ರಷ್ಟಾಸಿ ನಿಹತೌ ಮಯಾ॥ 8-34-13 (56504) ಅರ್ಜುನೇ ಗಾಂಡಿವಂ ಕೃಷ್ಣೇ ಚಕ್ರಂ ತಾರ್ಕ್ಷ್ಯಕಪಿಧ್ವಜೌ। ಭೀರೂಣಾಂ ತ್ರಾಸಜನನಂ ಶಲ್ಯ ಹರ್ಷಕರಂ ಮಮ॥ 8-34-14 (56505) ತ್ವಂ ತು ದುಷ್ಪ್ರಕೃತಿರ್ಮೂಢೋ ಮಹಾಯುದ್ವೇಷ್ವಕೋವಿದಃ। ಭಯಾವದೀರ್ಣಃ ಸಂತ್ರಾಸಾದಬದ್ಧಂ ಬಹುಃ ಭಾಷಸೇ॥ 8-34-15 (56506) ಸಂಸ್ತೌಷಿ ತೌ ತು ಕೇನಾಪಿ ಹೇತುನಾ ತ್ವಂ ಕುದೇಶಜ। ತೌ ಹತ್ವಾ ಸಮರೇ ಹಂತಾ ತ್ವಾಮದ್ಯ ಸಹ ಬಾಂಧವಂ॥ 8-34-16 (56507) ಪಾಪದೇಶಜ ದುರ್ಬುದ್ಧೇ ಕ್ಷುದ್ರ ಕ್ಷತ್ರಿಯಪಾಂಸನ। ಸುಹೃದ್ರೂಪೋ ರಿಪುಃ ಕಿಂ ಮಾಂ ಕೃಷ್ಣಾಭ್ಯಾಂ ಭೀಷಯಿಷ್ಯಸಿ॥ 8-34-17 (56508) ತೌ ವಾ ಮಾಮದ್ಯ ಹಂತಾರೌ ಹನಿಷ್ಯೇ ವಾಽಪಿ ತಾವಹಂ। ನಾಹಂ ಬಿಭೇಮಿ ಕೃಷ್ಣಾಭ್ಯಾಂ ವಿಜಾನನ್ನಾತ್ಮನೋ ಬಲಂ॥ 8-34-18 (56509) ವಾಸುದೇವಸಹಸ್ರಂ ವಾ ಫಲ್ಗುನಾನಾಂ ಶತಾನಿ ವಾ। ಅಹಮೇಕೋ ಹನಿಷ್ಯಾಮಿ ಜೋಷಮಾಸ್ಸ್ವ ಕುದೇಶಜ॥ 8-34-19 (56510) ಸ್ತ್ರಿಯೋ ಬಾಲಾಶ್ಚ ವೃದ್ವಾಶ್ಚ ಪ್ರಾಯಃ ಕ್ರೀಡಾಗತಾ ಜನಾಃ॥ 8-34-20 (56511) ಯಾ ಗಾಥಾಃ ಸಂಪ್ರಗಾಯಂತಿ ಕುರ್ವತೋಽಧ್ಯಯನಂ ಯಥಾ। ತಾ ಗಾಥಾಃ ಶೃಣು ಮೇ ಶಲ್ಯ ಮದ್ರಕೇಷು ದುರಾತ್ಮಸು॥ 8-34-21 (56512) ಬ್ರಾಹ್ಮಣೈಃ ಕಥಿತಾಃ ಪೂರ್ವಂ ಯಥಾವದ್ರಾಜಸನ್ನಿಧೌ। ಶ್ರುತ್ವಾ ಚೈಕಮನಾ ಮೂಢ ಮಮ ವಾ ಬ್ರೂಹಿ ಚೋತ್ತರಂ॥ 8-34-22 (56513) ಮಿತ್ರಧ್ರುಙ್ಮದ್ರಕೋ ನಿತ್ಯಂ ಯೋ ನೋ ದ್ವೇಷ್ಟಿ ಸ ಮದ್ರಕಃ। ಮದ್ರಕೇ ಸಂಗತಂ ನಾಸ್ತಿ ಕ್ಷುದ್ರವಾಕ್ಯೇ ನರಾಧಮೇ॥ 8-34-23 (56514) ದುರಾತ್ಮಾ ಮದ್ರಕೋ ನಿತ್ಯಂ ನಿತ್ಯಮಾನೃತಿಕೋಽನೃಜುಃ। ಯಚ್ಚಾನ್ಯದಪಿ ದೌರಾತ್ಂಯಂ ಮದ್ರಕೇಷ್ವಿತಿ ನಃ ಶ್ರುತಂ॥ 8-34-24 (56515) ಪಿತಾ ಪುತ್ರಶ್ಚ ಮಾತಾ ಚ ಶ್ವಶ್ರೂಶ್ವಶುರಮಾತುಲಾಃ। ಭಗಿನೀ ದುಹಿತಾ ಭ್ರಾತಾ ನಪ್ತಾಽನ್ಯೇ ತೇ ಚ ಬಾಂಧವಾಃ॥ 8-34-25 (56516) ವಯಸ್ಯಾಭ್ಯಾಗತಾಶ್ಚಾನ್ಯೇ ದಾಸೀದಾಸಾಶ್ಚ ಸಂಗತಾಃ। ಪುಂಭಿರ್ವಿಮಿಶ್ರಾ ನಾರ್ಯಶ್ಚ ಜ್ಞಾತಾಜ್ಞಾತಾಃ ಸ್ವಯೇಚ್ಛಯಾ॥ 8-34-26 (56517) ಯೇಷಾಂ ಗೃಹೇಷ್ವಶಿಷ್ಟಾನಾಂ ಸಕ್ತುಮದ್ಯಾಶಿನಾಂ ಸದಾ। ಪೀತ್ವಾ ಶೀಧು ಸಗೋಮಾಂಸಂ ಕ್ರಂದಂತಿ ಚ ಹಸಂತಿ ಚ॥ 8-34-27 (56518) ಗಾಯಂತಿ ಚಾಪ್ಯಬದ್ಧಾನಿ ಪ್ರವರ್ತಂತೇ ಚ ಕಾಮತಃ। ಕಾಮಪ್ರಲಾಪಿನೋಽನ್ಯೋನ್ಯಂ ತೇಷು ಧರ್ಮಃಕಥಂ ಭವೇತ್॥ 8-34-28 (56519) ಮದ್ರಕೇಷ್ವವಲಿಪ್ತೇಷು ಪ್ರಖ್ಯಾತಾಶುಭಕರ್ಮಸು। ನಾಪಿ ವೈರಂ ನ ಸೌಹಾರ್ದಂ ಮದ್ರಕೇಣ ಸಮಾಚರೇತ್॥ 8-34-29 (56520) ಮದ್ರಕೇ ಸಂಗತಂ ನಾಸ್ತಿ ಮದ್ರಕೋ ಹಿ ಸದಾ ಮಲಃ। ಮದ್ರಕೇಷು ಚ ಸಂಸೃಷ್ಟಂ ಶೌಚಂ ಗಾಂಧಾರಕೇಷು ಚ॥ 8-34-30 (56521) ರಾಜಯಾಜಕಯಾಜ್ಯೇ ಹಿ ಯಥಾ ದತ್ತಂ ಹವಿರ್ನಶೇತ್। ಶೂದ್ರಸಂಸ್ಕಾರಕೋ ವಿಪ್ರೋ ಯಥಾ ಯಾತಿ ಪರಾಭವಂ॥ 8-34-31 (56522) ಯಥಾ ಬ್ರಹ್ಮದ್ವಿಷೋ ನಿತ್ಯಂ ಗಚ್ಛಂತೀಹ ಪರಾಭವಂ। ಯಥೈವ ಸಂಗತಂ ಕೃತ್ವಾ ನರಃ ಪತತಿ ಮದ್ರಕೈಃ॥ 8-34-32 (56523) ಬಾಲೇಷ್ವಪಿ ಸದಾ ನ ಸ್ಮ ಧನಂ ವೃಶ್ಚಿಕ ತೇ ವಿಷಂ। ಆಥರ್ವಣೇನ ಮಂತ್ರೇಣ ಸರ್ವಶಾಂತಿಃ ಕೃತಾ ಮಯಾ॥ 8-34-33 (56524) ಇತಿ ವೃಶ್ಚಿಕದಷ್ಟಸ್ಯ ವಿಷವೇಗಹತಸ್ಯ ಚ। ಕುರ್ವಂತಿ ಭೇಷಜಂ ಪ್ರಾಜ್ಞಾಃ ಸತ್ಯಂ ತಚ್ಚಾಪಿ ದೃಶ್ಯತೇ॥ 8-34-34 (56525) ಏವಂ ವಿದ್ವಂಜೋಷಮಾಸ್ಸ್ವ ಬ್ರೂಹಿ ಚಾತ್ರೋತ್ತರಂ ವಚಃ। ವಾಸಾಂಸ್ಯುತ್ಸೃಜ್ಯ ನೃತ್ಯಂತಿ ಸ್ತ್ರಿಯೋ ಮದ್ಯವಿಮೋಹಿತಾಃ॥ 8-34-35 (56526) ಮೈಥುನೇಽಸಂಗತಾಶ್ಚಾಪಿ ಯಥಾಕಾಮವರಾಶ್ಚ ತಾಃ। ತಾಸಾಂ ಪುತ್ರ ಕಥಂ ಧರ್ಮಂ ಮದ್ರಕೋ ವಕ್ತುಮರ್ಹತಿ॥ 8-34-36 (56527) ಯಾಸ್ತಿಷ್ಠಂತ್ಯಃ ಪ್ರಮೇಹಂತಿ ಯಥೈವೋಷ್ಟ್ರದಶೇರಕಾಃ। ತಾಸಾಂ ವಿಭ್ರಷ್ಟಧರ್ಮಾಣಾಂ ನಿರ್ಲಜ್ಜಾನಾಂ ತತಸ್ತತಃ। ತ್ವಂ ಪುತ್ರಸ್ತಾದೃಶೀನಾಂ ಹಿ ಧರ್ಮಂ ವಕ್ತುಮಿಹೇಚ್ಛಸಿ॥ 8-34-37 (56528) ಸೌವೀರಕಂ ಯಾಚ್ಯಮಾನಾ ಮದ್ರಿಕಾ ಕರ್ಷತಿ ಸ್ಫಿಚೌ। ಅದಾತುಕಾಮಾ ವಚನಮಿದಂ ವದತಿ ದಾರುಣಂ॥ 8-34-38 (56529) ಮಾ ಮಾಂ ಸೌವೀರಕಂ ಕಶ್ಚಿದ್ಯಾಚತಾಂ ದಯಿತಂ ಮಮ। ಪುತ್ರಂ ದದ್ಯಾಂ ಪತಿಂ ದದ್ಯಾಂ ನ ತು ದದ್ಯಾಂ ಸುವೀರಕಂ॥ 8-34-39 (56530) ಗೌರ್ಯೋ ಬೃಹತ್ಯೋ ನಿರ್ಹೀಕಾ ಮದ್ರಿಕಾಃ ಕಂಪಲಾವೃತಾಃ। ಘಸ್ಮರಾ ನಷ್ಟಶೌಚಾಶ್ಚ ಪ್ರಾಯ ಇತ್ಯನುಶುಶ್ರುಮ॥ 8-34-40 (56531) ಪಮೇಹಿತ್ವಾ ಸ್ಫಿಚೌ ಭೂಮೌ ಘರ್ಷಂತ್ಯೋ ಹೀನಶೋಧನಾಃ। ಶುದ್ಧಾ ನಾದ್ಭಿರ್ನ ಮೃದ್ಭಿಶ್ಚ ನಿತ್ಯೋಚ್ಛಿಷ್ಟಾ ಭವಂತಿ ಹಿ॥ 8-34-41 (56532) ಏವಮಾದಿ ಮಯಾಽನ್ಯೈರ್ವಾ ಶಕ್ಯಂ ವಕ್ತುಂ ಭವೇದ್ಬಹು। ಆಕೇಶಾಂತಾನ್ನಖಾಗ್ರಾಚ್ಚ ವಕ್ತವ್ಯೇಷು ಕುಕರ್ಮಸು॥ 8-34-42 (56533) ಮದ್ರಕಾಃ ಸಿಂಧುಸೌವೀರಾ ಧರ್ಮಂ ವಿದ್ಯುಃ ಕಥಂ ತ್ವಿಹ। ಪಾಪದೇಶೋದ್ಭವಾ ಂಲೇಚ್ಛಾ ಧರ್ಮಾಣಾಮವಿಚಕ್ಷಣಾಃ॥ 8-34-43 (56534) ಏಷ ಮುಖ್ಯತಮೋ ಧರ್ಮಃ ಕ್ಷತ್ರಿಯಸ್ಯೇತಿ ನಃ ಶ್ರುತಂ। ಯದಾಜೌ ನಿಹತಃ ಶೇತೇ ಸದ್ಭಿಃ ಸಮಭಿಪೂಜಿತಃ॥ 8-34-44 (56535) ಆಯುಧಾನಾಂ ಸಾಂಪರಾಯೇ ಯನ್ಮುಂಚೇಯಮಹಂ ತತಃ। ಮಮೈಷ ಪ್ರಥಮಃ ಕಲ್ಪೋ ನಿಧನೇ ಸ್ವರ್ಗಮಿಚ್ಛತಃ॥ 8-34-45 (56536) ಸೋಯಂ ಪ್ರಿಯಸಖಾ ಚಾಸ್ಮಿ ಧಾರ್ತರಾಷ್ಟ್ರಸ್ಯ ಧೀಮತಃ। ತದರ್ಥೇ ಹಿ ಮಮ ಪ್ರಾಣಾ ಯಚ್ಚ ಮೇ ವಿದ್ಯತೇ ವಸು॥ 8-34-46 (56537) ವ್ಯಕ್ತಂ ತ್ವಮಪ್ಯುಪಹಿತಃ ಪಾಂಡವೈಃ ಪಾಪದೇಶಜ। ಯಥಾ ಚಾಮಿತ್ರವತ್ಸರ್ವಂ ತ್ವಮಸ್ಮಾಸು ಪ್ರವರ್ತಸೇ॥ 8-34-47 (56538) ಕಾಮಂ ನ ಖಲು ಶಕ್ಯೋಽಹಂ ತ್ವದ್ವಿಧಾನಾಂ ಶತೈರಪಿ। ಸಂಗ್ರಾಮಾದ್ವಿಮುಖಃ ಕರ್ತುಂ ಧರ್ಮಜ್ಞ ಇವ ನಾಸ್ತಿಕೈಃ॥ 8-34-48 (56539) ಸಾರಂಗ ಇವ ಘರ್ಮಾರ್ತಃ ಕಾಮಂ ವಿಲಪ ಶುಷ್ಯ ಚ। ನಾಹಂ ಭೀಷಯಿತುಂ ಶಕ್ಯಃ ಕ್ಷತ್ರಧರ್ಮೇ ವ್ಯವಸ್ಥಿತಃ॥ 8-34-49 (56540) ತನುತ್ಯಜಾಂ ನೃಸಿಂಹಾನಾಮಾಹವೇಷ್ವನಿವರ್ತಿನಾಂ। ಯಾ ಗತಿರ್ಗುರುಣಾ ಪ್ರೋಕ್ತಾ ಪ್ರೇಂಣಾ ರಾಮೇಣ ತಾಂ ಸ್ಮರೇ॥ 8-34-50 (56541) ಸ್ವೇಷಾಂ ತ್ರಾಣಾರ್ಥಮುದ್ಯಂತಂ ವಧಾರ್ಥಂ ದ್ವಿಷತಾಮಪಿ। ವಿದ್ಧಿ ಮಾಮಾಸ್ಥಿತಂ ವೃತ್ತಂ ಪೌರೂರವಸಮುತ್ತಮಂ॥ 8-34-51 (56542) ನ ತದ್ಭೂತಂ ಪ್ರಪಶ್ಯಾಮಿ ತ್ರಿಷು ಲೋಕೇಷು ಮದ್ರಪ। ಯೋ ಮಾಮಸ್ಮಾದಭಿಪ್ರಾಯಾದ್ವಾರಯೇದಿತಿ ಮೇ ಮತಿಃ॥ 8-34-52 (56543) ಏವಂ ವಿದ್ವಂಜೋಷಮಾಸ್ಸ್ವ ತ್ರಾಸಾತ್ಕಿಂ ಬಹು ಭಾಷಸೇ। ನ ತ್ವಾಂ ಹತ್ವಾ ಪ್ರದಾಸ್ಯಾಮಿ ಕ್ರವ್ಯಾದ್ಭ್ಯೋ ಮದ್ರಕಾಧಂ॥ 8-34-53 (56544) ಮಿತ್ರಪ್ರತೀಕ್ಷಯಾ ಶಲ್ಯ ಧೃತರಾಷ್ಟ್ರಸ್ಯ ಚೋಭಯೋಃ। ಅಪವಾದತಿತಿಕ್ಷಾಭಿಸ್ತ್ರಿಭಿರೇತೈರ್ಹಿ ಜೀವಸಿ॥ 8-34-54 (56545) ಪುನಶ್ಚೇದೀದೃಶಂ ವಾಕ್ಯಂ ಮದ್ರರಾಜ ವದಿಷ್ಯಸಿ। ಶಿರಸ್ತೇ ಪಾತಯಿಷ್ಯಾಸಿ ಗದಯಾ ವಜ್ರಕಲ್ಪಯಾ॥ 8-34-55 (56546) ಶ್ರೋತಾರಸ್ತ್ವಿದಮದ್ಯೇಹ ದ್ರಷ್ಟಾರೋ ವ್ರಾ ಕುದೇಶಜ। ಕರ್ಣಂ ವಾ ಜಘ್ನತುಃ ಕೃಷ್ಣೌ ಕರ್ಣೋ ವಾ ನಿಜಘಾನ ತೌ॥ 8-34-56 (56547) ಏವಮುಕ್ತ್ವಾ ತು ರಾಧೇಯಃ ಪುನರೇವ ವಿಶಾಂಪತೇ। ಅಬ್ರವೀನ್ಮದ್ರರಾಜಾನಂ ಯಾಹಿಯಾಹೀತ್ಯಸಂಭ್ರಮಂ॥ ॥ 8-34-57 (56548) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಚತುಸ್ತ್ರಿಂಶೋಽಧ್ಯಾಯಃ॥ 34 ॥

8-35-0 (56549) ಸಂಜಯ ಉವಾಚ। 8-35-0x (4927) ಮಾರಿಷಾಧಿರಥೇಃ ಶ್ರುತ್ವಾ ವಾಚೋ ಯುದ್ಧಾಭಿನಂದಿನಃ। ಶಲ್ಯೋಽಬ್ರವೀತ್ಪುನಃ ಕರ್ಣಂ ನಿದರ್ಶನಮುದಾಹರನ್॥ 8-35-1 (56550) ಜಾತೋಽಹಂ ಯಜ್ವನಾಂ ವಂಶೇ ಸಂಗ್ರಾಮೇಷ್ವನಿವರ್ತಿನಾಂ। ರಾಜ್ಞಾಂ ಮೂರ್ಧಾಭಿಷಿಕ್ತಾನಾಂ ಸ್ವಯಂ ಧರ್ಮಪರಾಯಣಃ॥ 8-35-2 (56551) ಯಥೈವ ಮತ್ತೋ ಮದ್ಯೇನ ತ್ವಂ ತಥಾ ಲಕ್ಷ್ಯಸೇ ವೃಷ। ತಥಾಽದ್ಯ ತ್ವಾಂ ಪ್ರಮಾದ್ಯಂತಂ ಚಿಕಿತ್ಸೇಯಂ ಸುಹೃತ್ತಯಾ॥ 8-35-3 (56552) ಇಮಾಂ ಕಾಕೋಪಮಾಂ ಕರ್ಣ ಪ್ರೋಚ್ಯಮಾನಾಂ ನಿಬೋಧ ಮೇ। ಶ್ರುತ್ವಾ ಯಥೇಷ್ಟಂ ಕುರ್ಯಾಸ್ತ್ವಂ ನಿಹೀನ ಕುಲಪಾಂಸನ॥ 8-35-4 (56553) ನಾಹಮಾತ್ಮನಿ ಕಿಂಚಿದ್ವೈ ಕಿಲ್ಬಿಷಂ ಕರ್ಣ ಸಂಸ್ಮರೇ। ಯೇನ ಮಾಂ ತ್ವಂ ಮಹಾಬಾಹೋ ಹಂತುಮಿಚ್ಚಸ್ಯನಾಗಸಂ॥ 8-35-5 (56554) ಅವಶ್ಯಂ ತು ಮಯಾ ವಾಚ್ಯಂ ಬುದ್ಧ್ವಾ ತವ ಹಿತಾಹಿತಂ। ವಿಶೇಷತೋ ರಥಸ್ಥೇನ ರಾಜ್ಞಶ್ಚೈವ ಹಿತೈಷಿಣಾ॥ 8-35-6 (56555) ಸಮಂ ಚ ವಿಷಮಂ ಚೈವ ರಥಿನಶ್ಚ ಬಲಾಬಲಂ। ಶ್ರಮಃ ಖೇದಶ್ಚ ಸತತಂ ಹಯಾನಾಂ ರಥಿನಾ ಸಹ॥ 8-35-7 (56556) ಆಯುಧಸ್ಯ ಪರಿಜ್ಞಾನಂ ರುತಂ ಚ ಮೃಗಪಕ್ಷಿಣಾಂ। ಸಾರಂ ಚೈವಾಪ್ಯಾಸರಂ ಚ ಶಲ್ಯಾನಾಂ ಚ ಪ್ರತಿಕ್ರಿಯಾ॥ 8-35-8 (56557) ಅಸ್ತ್ರಯೋಗಂ ಚ ಯುದ್ವಂ ಚ ನಿಮಿತ್ತಾನಿ ತಥೈವ ಚ। ಸರ್ವಮೇತನ್ಮಯಾ ಜ್ಞೇಯಂ ರಥಸ್ಯಾಸ್ಯ ಕುಟುಂಬಿನಾ। ಅತಸ್ತ್ವಾಂ ಕಥಯೇ ಕರ್ಣ ನಿದರ್ಶನಮಿದಂ ಪುನಃ॥ 8-35-9 (56558) ವೈಶ್ಯಃ ಕಿಲ ಸಮುದ್ರಾಂತೇ ಪ್ರಭೂತಧನಧಾನ್ಯವಾನ್। ಯಜ್ವಾ ದಾನಪತಿಃ ಕ್ಷಾಂತಃ ಸ್ವಕರ್ಮಸ್ಥೋಽಭವಚ್ಛುಚಿಃ॥ 8-35-10 (56559) ಬಹುಪುತ್ರಃ ಪ್ರಿಯಾಪತ್ಯಃ ಸರ್ವಭೂತಾನುಕಂಪಕಃ। ರಾಜ್ಞೋ ಧರ್ಮಪ್ರಧಾನಸ್ಯ ರಾಷ್ಟ್ರೇ ವಸತಿ ನಿರ್ಭಯಃ॥ 8-35-11 (56560) ಪುತ್ರಾಣಾಂ ತಸ್ಯ ಬಾಲಾನಾಂ ಕುಮಾರಾಣಾಂ ಯಶಸ್ವಿನಾಂ। ಕಾಕೋ ಬಹೂನಾಮಭವದುಚ್ಛಿಷ್ಟಕೃತಭೋಜನಃ॥ 8-35-12 (56561) ತಸ್ಮೈಸದಾ ಪ್ರಯಚ್ಛಂತಿ ವೈಶ್ಯಪುತ್ರಾಃ ಕುಮಾರಕಾಃ। ಮಾಂಸೋದನಂ ದಧಿ ಕ್ಷೀರಂ ಪಾಯಸಂ ಮಧುಸರ್ಪಿಷೀ॥ 8-35-13 (56562) ಸ ಚೋಚ್ಛಿಷ್ಟಭೃತಃ ಕಾಕೋ ವೈಶ್ಯಪುತ್ರೈಃ ಕುಮಾರಕೈಃ। ಸದೃಶಾನ್ಪಕ್ಷಿಣೋ ದೃಪ್ತಃ ಶ್ರೇಯಸಸಶ್ಚಾವಮನ್ಯತೇ॥ 8-35-14 (56563) ಅಥ ಹಂಸಾಃ ಸಮುದ್ರಾಂತೇ ಪ್ರಜಗ್ಮುರತಿಪಾತಿನಃ। ಗರುಡಸ್ಯ ಗತೌ ತುಲ್ಯಾಶ್ಚಕ್ರಾಂಗಾ ಹೃಷ್ಟಚೇತಸಃ॥ 8-35-15 (56564) ಕುಮರಾರಕಾಸ್ತದಾ ಹಂಸಾಂದೃಷ್ಟ್ವಾ ಕಾಕಮಥಾಬ್ರುವನ್। ಭವಾನೇವ ವಿಶಿಷ್ಟೋಽಸಿ ಪತತ್ರಿಭ್ಯೋ ವಿಹಂಗಮ॥ 8-35-16 (56565) ಏತೇಽತಿಪಾತಿನಃ ಪಶ್ಯ ವಿಹಂಗಾನ್ವಿಯದಾಶ್ರಿತಾನ್। ಏಹಿ ತ್ವಮಪಿ ಶಕ್ತೋ ಹಿ ಕಸ್ಮಾನ್ನ ಪತಿತಂ ತ್ವಯಾ॥ 8-35-17 (56566) ಪ್ರತಾರ್ಯಮಾಣಸ್ತೈಃ ಸರ್ವೈರಲ್ಪಬುದ್ಧಿಭಇರಂಡಜಃ। ತದ್ವಚಃ ಸತ್ಯಮಿತ್ಯೇವ ಮೌರ್ಖ್ಯಾದ್ದರ್ಪಾಚ್ಚ ಜಜ್ಞಿವಾನ್॥ 8-35-18 (56567) ತಾನ್ಸೋನುಪತ್ಯ ಜಿಜ್ಞಾಸುಃ ಕ ಏಷಾಂ ಶ್ರೇಷ್ಠಭಾಗಿತಿ। ಉಚ್ಛಿಷ್ಟದರ್ಪಿತಃ ಕಾಕೋ ಬಹೂನಾಮೇಕಪಾತಿನಾಂ॥ 8-35-19 (56568) ತೇಷಾಂ ಯಂ ಪ್ರವರಂ ಮೇನೇ ಹಂಸಾನಾಂ ದೂರಪಾತಿನಾಂ। ಸ ತಮಾಹ್ವತ ದುರ್ಬುದ್ಧಿಃ ಪತಾವ ಇತಿ ಪಕ್ಷಿಣಂ। ತಚ್ಛ್ರುತ್ವಾ ಪ್ರಾಹಸನ್ಹಂಸಾ ಯೇ ತತ್ರಾಸನ್ಸಮಾಗತಾಃ॥ 8-35-20 (56569) ಭಾಷತೋ ಬಹು ಕಾಕಸ್ಯ ಬಾಲಿಶ್ಯಾತ್ಪತತಾಂ ವರಾಃ। ಇದಮೂಚುಃ ಸ್ಮ ಚಕ್ರಾಂಗಾವಚಃ ಕಾಕಂ ವಿಂಗಮಾಃ॥ 8-35-21 (56570) ಹಂಸಾ ಊಚುಃ। 8-35-22x (4928) ವಯಂ ಹಂಸಾಶ್ಚರಾಮೇಮಾಂ ಪೃಥಿವೀಂ ಮಾನಸೌಕಸಃ। ಪಕ್ಷಿಣಾಂ ಚ ವಯಂ ನಿತ್ಯಂ ದೂರಪಾತೇನ ಪೂಜಿತಾಃ॥ 8-35-22 (56571) ಕಥಂ ಹಂಸಂ ನು ಬಲಿನಂ ಚಕ್ರಾಂಗಂ ದೂರಪಾತಿನಂ। ಕಾಕೋ ಭೂತ್ವಾ ನಿಪತನೇ ಸಮಾಹ್ವಯಸಿ ದುರ್ಮತೇ। ಕಥಂ ತ್ವಂ ಪತಿತಾ ಕಾಕ ಸಹಾಸ್ಮಾಭಿರ್ಬ್ರವೀಹಿ ತತ್॥ 8-35-23 (56572) ಅಥ ಹಂಸವಚೋ ಮೂಢಃ ಕುತ್ಸಯಿತ್ವಾ ಪುನಃ ಪುನಃ। ಪ್ರಜಗಾದೋತ್ತರಂ ಕಾಕಃ ಕತ್ಥನೋ ಜಾತಿಲಾಘವಾತ್॥ 8-35-24 (56573) ಕಾಕ ಉವಾಚ। 8-35-25x (4929) ಶತಮೇಕಂ ಚ ಪಾತಾನಾಂ ಪತಿತಾಽಸ್ಮಿ ನ ಸಂಶಯಃ। ಶತಯೋಜನಮೇಕೈಕಂ ವಿಚಿತ್ರಂ ವಿವಿಧಂ ತಥಾ॥ 8-35-25 (56574) ಉಡ್ಡೀನಮವಡೀನಂ ಚ ಪ್ರಡೀನಂ ಡೀನಮೇವ ಚ। ನಿಡೀನಮಥ ಸಂಡೀನಂ ತಿರ್ಯಕ್ಡೀನಗತಾನಿ ಚ॥ 8-35-26 (56575) ವಿಡೀನಂ ಪರಿಡೀನಂ ಚ ಪರಾಡೀನಂ ಸುಡೀನಕಂ। ಅಭಿಡೀನಂ ಮಹಾಡೀನಂ ನಿರ್ಡೀನಮತಿಡೀನಕಂ॥ 8-35-27 (56576) ಅವಡೀನಂ ಪ್ರಡೀನಂ ಚ ಸಂಡೀನಂ ಡೀನಡೀನಕಂ। ಸಂಡೀನೋಡ್ಡೀನಡೀನಂ ಚ ಪುನರ್ಡೀನವಿಡೀನಕಂ॥ 8-35-28 (56577) ಸಂಪಾತಂ ಸಮುದೀಷಂ ಚ ತತೋಽನ್ಯದ್ವ್ಯತಿರಿಕ್ತಕಂ। ಗತಾಗತಂ ಪ್ರತಿಗತಂ ಬಹ್ವೀಶ್ಚ ನಿಕುಲೀನಕಾಃ। ಕರ್ತಾಽಸ್ಮಿ ಮಿಷತಾಂ ವೋಽದ್ಯ ತತೋ ದ್ರಕ್ಷಯಥ ಮೇ ಬಲಂ॥ 8-35-29 (56578) ತೇಷಾಮನ್ಯತಮೇನಾಹಂ ಪತಿಷ್ಯಾಮಿ ವಿಹಾಯಸಂ। ಪ್ರದಿಶಧ್ವಂ ಯಥಾನ್ಯಾಯಂ ಕೇನ ಹಂಸಾಃ ಪತಾಂಯಹಂ॥ 8-35-30 (56579) ತೇ ವೈ ಧ್ರುವಂ ವಿನಿಶ್ಚಿತ್ಯ ಸಂಪತಧ್ವಂ ಮಯಾ ಸಹ। ಪಾತೈರೇಭಿಃ ಖಲು ಖಗಾಃ ಪತಿತುಂ ಖೇ ನಿರಾಶ್ರಯೇ॥ 8-35-31 (56580) ಏವಮುಕ್ತೇ ತು ಕಾಕೇನ ಪ್ರಹಸ್ಯೈಕೋ ವಿಹಂಗಮಃ। ಉವಾಚ ಕಾಕಂ ರಾಧೇಯ ವಚನಂ ತನ್ನಿಬೋಧ ಮೇ॥ 8-35-32 (56581) ಹಂಸ ಉವಾಚ। 8-35-33x (4930) ಶತಮೇಕಂ ಚ ಪಾತಾನಾಂ ತ್ವಂ ಕಾಕ ಪತಿತಾ ಧ್ರುವಂ। ಏಕಮೇವ ತು ಯಂ ಪಾತಂ ವಿದುಃ ಸರ್ವೇ ವಿಹಂಗಮಾಃ। ತಮಹಂ ಪತಿತಾ ಕಾಕ ನಾನ್ಯಂ ಜಾನಾಮಿ ಕಂಚನ॥ 8-35-33 (56582) ಕಾಕ ಉವಾಚ। 8-35-34x (4931) ಪತ ತ್ವಮಪಿ ತತ್ರಾಶು ಯೇನ ಪಾತೇನ ಮನ್ಯಸೇ॥ 8-35-34 (56583) ಅಥ ಕಾಕಂ ಪ್ರಜಹಸುರ್ಯೇ ತತ್ರಾಸನ್ಸಮಾಗತಾಃ। ಕಥಮೇಕೇನ ಪಾತೇನ ಹಂಸಃ ಪಾತಶತಂ ಜಯೇತ್। ಏಕೇನ ವಾಯಸ ತ್ವೈನಂ ಪಾತೇನಾಭಿಭವಿಷ್ಯತಿ॥ 8-35-35 (56584) ಹಂಸಶ್ಚೋತ್ಪತಿತಃ ಕಾಕೋ ಬಲವಾನಾಶುವಿಕ್ರಮಃ। ಪ್ರಪೇತತುಃ ಸ್ಪರ್ಧಯಾ ಚ ತತಸ್ತೌ ಹಂಸವಾಯಸೌ। ಉಪರ್ಯುಪರಿ ವೇಗೇನ ಸಮುದ್ರಂ ಮಕರಾಲಯಂ॥ 8-35-36 (56585) ಹಂಸಸ್ತ್ವೇಕೇನ ಪಾತೇನ ಕಾಕಃ ಪಾತಶತೇನ ಚ। ಸ್ಪರ್ಧಿನೌ ಸಹಿತೌ ತೂರ್ಣಂ ಖಮಾಸ್ಥಾಯ ತರಸ್ವಿನೌ॥ 8-35-37 (56586) ಹಂಸಸ್ತು ಮೃದುನೈಕೇನ ವಿಕ್ರಾಂತುಮುಪಚಕ್ರಮೇ। ಪೂರ್ವಮೇವ ತು ವೈ ಕಾಕಃ ಸ ತಂ ತೂರ್ಣಂ ಪ್ರಚಕ್ರಮೇ॥ 8-35-38 (56587) ನಾತ್ಯಹೀಯತ ಕಾಕಶ್ಚ ಮುಹೂರ್ತಮಿವ ಸೂತಜ॥ 8-35-39 (56588) ಕಾಕೋಪಿ ಹಂಸಂ ಚಾಪಲ್ಯಾಚ್ಛೀಘ್ರತಾಂ ಪ್ರತಿದರ್ಶಯನ್। ವೇಗೇನಾತೀತ್ಯ ತರಸಾ ಪುನರೇತಿ ಮುಹುರ್ಮುಹುಃ॥ 8-35-40 (56589) ತುಂಡೇನಾಭ್ಯಹನಚ್ಚೈನಂ ಕುರ್ವನ್ನಾಮಾಪಸವ್ಯತಃ। ರೋರೂಯನ್ನಿವ ಚಾಪ್ಯೇನಂ ಸಮಾಹ್ವಯತಿ ವೈ ಮುಹುಃ। ವಿಸಿಸ್ಮಾಪಯಿಷುಃ ಪಾತೈರ್ದರ್ಶಯನ್ನಾತ್ಮನಃ ಕ್ರಿಯಾಂ॥ 8-35-41 (56590) ಅಥ ತಾನಿ ವಿಚಿತ್ರಾಣಿ ಪತಿತಾನೀತರಾಣಿ ಚ। ದೃಷ್ಟ್ವಾ ಪ್ರಮುದಿತಾಃ ಕಾಕಾ ವಿನೇದುರಧಿಕೈಃ ಸ್ವರೈಃ॥ 8-35-42 (56591) ಹಂಸಾಶ್ಚಾಪಹಸಂತಿ ಸ್ಮ ಪ್ರವದಂತಿ ಪ್ರಿಯಾಣಿ ಚ। ಕುರ್ವಾಣಾ ವಿವಿಧಾನ್ರಾವಾನಿಚ್ಛಂತೋ ಜಯಮಾತ್ಮನಃ॥ 8-35-43 (56592) ಉತ್ಪತ್ಯೋತ್ಪತ್ಯ ಚ ಪ್ರಾಹುರ್ಮುಹೂರ್ತಮಿತಿ ಚೇತಿ ಚ। ವೃಕ್ಷಾಗ್ರೇಭ್ಯಃ ಸ್ಥಲೇಭ್ಯಶ್ಚ ನಿಪತಂತ್ಯುತ್ಪತಂತಿ ಚ॥ 8-35-44 (56593) ಅವಮತ್ಯ ಚ ಹಂಸಂ ತಮಿದಂ ಕಾಕೋಽಬ್ರವೀದ್ವಚಃ। ಯೋಽಸಾವುತ್ಪತಿತೋ ಹಂಸಃ ಸೋಽಸಾವೇವ ಪ್ರಹೀಯತೇ॥ 8-35-45 (56594) ಅಥ ಹಂಸಸ್ತು ತಚ್ಛ್ರುತ್ವಾ ಭಾಷಿತಂ ಪತತಾಂವರಃ। ವಿಗಾಹ್ಯ ಹಂಸೋ ವಿಕ್ಷೋಭ್ಯ ಪ್ರಾಪತತ್ಪಶ್ಚಿಮಾಂ ದಿಶಂ॥ 8-35-46 (56595) ಉಪರ್ಯುಪರಿ ವೇಗೇನ ಸಾಗರಂ ಮಕರಾಲಯಂ। ಬಹುಸತ್ವಸಮಾಕೀರ್ಣಂ ವೀಚೀಭಿರ್ಭೀಮದರ್ಶನಂ॥ 8-35-47 (56596) ಅಥಾಚಿರೇಣ ರಾಧೇಯ ಕಾಕೋ ವೇಗಾದಹೀಯತ। ತತೋಽತೀವ ಪರಿಶ್ರಾಂತಃ ಕಥಂಚಿದ್ವಂಸಮನ್ವಗಾತ್॥ 8-35-48 (56597) ಭೀಶ್ಚೈನಮಾವಿಶತ್ತೀವ್ರಂ ಕಾಕಂ ಕರ್ಣ ವಿಚೇತಸಂ। ದ್ವೀಪಾಂದ್ರುಮಾನ್ವಿತಾನ್ಪಶ್ಯನ್ವಿಶ್ರಮಾರ್ಥಂ ಶ್ರಮಾತುರಃ। ನಿಪತೇಯಂ ಕ್ಕನು ಶ್ರಾಂತ ಇತಿ ತಸ್ಮಿಂಜಲಾರ್ಣವೇ॥ 8-35-49 (56598) ಅವಗಾಹ್ಯ ಸಮುದ್ರೋಽಪಿ ಬಹುಸತ್ವಗಣಾಲಯಃ। ಮಹಾನ್ಭೂತಶತೋದ್ಭೂಸೀ ನಭಸಸ್ತು ವಿಶಿಷ್ಯತೇ॥ 8-35-50 (56599) ಗಾಂಭೀರ್ಯಾರ್ದ್ವಿ ಸಮುದ್ರಸ್ಯ ನ ವಿಶೇಷಂ ಕುಲಾಧಮ। ದಿಶಶ್ಚ ನಾಂಭಸಾಂ ಕರ್ಣ ಸಮುದ್ರಸ್ಥಾ ವಿದುರ್ಜನಾಃ। ವಿಪಶ್ಚಿತೋಪ್ಯಪಾರತ್ವಾತ್ಕಿಂ ಪುನಃ ಕರ್ಣ ವಾಯಸಃ॥ 8-35-51 (56600) ಅಥ ಹಂಸೋಪ್ಯತಿಕ್ರಾಮನ್ಮುಹೂರ್ತಮಿವ ದೂರತಃ। ಅತಿಕ್ರಂಯ ಚ ಚಕ್ರಾಂಗಃ ಕಾಕಂ ತಂ ಸಮುದೈಕ್ಷತ॥ 8-35-52 (56601) ಶನಕೈಃ ಪರಿಹೀನಂ ತಂ ಪರಿಶ್ರಾಂತಮಚೇತಸಂ। ಅವೇಕ್ಷಮಾಣಸ್ತಂ ಕಾಕಂ ಪ್ರತ್ಯಾಗಂಯ ಹಸನ್ನಿವ॥ 8-35-53 (56602) ತಂ ಪ್ರಹಸ್ಯ ಚ ಚಕ್ರಾಂಗಃ ಕಾಕಂ ಮಂದಗತಿಂ ತದಾ। ಹೀಯಮಾನಮಥೋ ದೃಷ್ಟ್ವಾ ಹಂಸಃ ಪ್ರಾಹ ಯಥಾರ್ಥವತ್। ಉಜ್ಜಿಹೀರ್ಷುರ್ನಿಮಜ್ಜಂತಂ ಸ್ಮರನ್ಸತ್ಪುರುಷವ್ರತಂ॥ 8-35-54 (56603) ಬಹೂನಿ ಪತಿತಾನಿ ತ್ವಮಾಚಕ್ಷಾಣೋ ಮುಹುರ್ಮುಹುಃ। ಪತಸ್ಯವ್ಯಾಹರನ್ಖೇದಂ ತತೋ ಗರ್ಹ್ಯಂ ಪ್ರಭಾಷಸೇ॥ 8-35-55 (56604) ಜಲಂ ನಾಮ ಪತಿತಂ ಕಾಕ ಯತ್ತ್ವಂ ಪತಸಿ ಸಾಂಪ್ರತಂ। ಜಲಂ ಸ್ಪೃಶಸಿ ಪಕ್ಷಾಭ್ಯಾಂ ತುಂಡೇನ ಚ ಪುನಃ ಪುನಃ॥ 8-35-56 (56605) ಪ್ರಬ್ರೂಹಿ ಕತಮೋಽಯಂ ತೇ ಪಾತೋ ವರ್ತತಿ ವಾಯಸ। ಏಹ್ಯೇಹಿ ಕಾಕ ಶೀಘ್ರಂ ತ್ವಮೇಷ ತ್ವಾಂ ಪರಿಪಾಲಯೇ॥ 8-35-57 (56606) ಸ ಪಕ್ಷಾಭ್ಯಾಂ ಸ್ಪೃಶನ್ನಾರ್ತಸ್ತುಂಡೇನ ಚ ಜಲಂ ತದಾ। ಕಾಕೋ ದೃಢಂ ಪರಿಶ್ರಾಂತಃ ಸಹಸಾ ನಿಪಪಾತ ಹ॥ 8-35-58 (56607) ಸಾಗರಾಂಭಸಿ ತಂ ದೃಷ್ಟ್ವಾ ಪತತಂತಂ ದೀನಚೇತಸಂ। ಂರಿಯಮಾಣಮಿದಂ ವಾಕ್ಯಂ ಹಂಸಃ ಕಾಕಮುವಾಚ ಹ॥ 8-35-59 (56608) ಶತಮೇಕಂ ಚ ಪಾತಾನಾಂ ಪತಾಂಯಹಮಿತಿ ಸ್ಮ ಹ। ಶ್ಲಾಘನ್ನಾತ್ಮಾನಮದ್ಯ ತ್ವಂ ಕಾಕ ಭಾಷಿತವಾನಸಿ॥ 8-35-60 (56609) ಸ ತ್ವಮೇಕಶತಂ ಪಾತಂ ಪತನ್ನಭ್ಯಧಿಕೋ ಮಯಾ। ಕಥಮೇವಂ ಪರಿಶ್ರಾಂತಃ ಪತಿತೋಽಸಿ ಮಹಾರ್ಣವೇ॥ 8-35-61 (56610) ಪ್ರತ್ಯುವಾಚ ತತಃ ಕಾಕಃ ಸೀದಮಾನ ಇದಂ ವಚಃ। ಉಪರೀತಂ ತದಾ ಹಂಸಂ ಪ್ರಸಮೀಕ್ಷ್ಯ ಪ್ರಸಾದಯನ್॥ 8-35-62 (56611) ಉಚ್ಛಿಷ್ಟಾನ್ನೇನ ಪುಷ್ಟೋಽಹಂ ದರ್ಪೋತ್ಸಿಕ್ತಃ ಕುಸತ್ವತಃ। ಸುಪರ್ಣ ಇವ ಚಾತ್ಮಾನಂ ಜ್ಞಾತವಾನ್ಪುತ್ರಲಾಘವಾತ್॥ 8-35-63 (56612) ಶರಣಂ ತ್ವಾಂ ಪ್ರಪನ್ನೋಽಹಮುದಕಾಂತಮವಾಪ್ನುಯಾಂ। ಹಂಸೇದಾನೀಂ ಪರಿಶ್ರಾಂತಮಾಪದೋ ಮಾಂ ಸಮುದ್ವರ॥ 8-35-64 (56613) ಯದಿ ನಾಮ ಪುನರ್ಜೀವನ್ಗಚ್ಛೇಯಂ ಸ್ವಂ ನಿವೇಶನಂ। ನೈನಂ ಪುನರ್ಹೀನಮಪಿ ಕ್ಷೇಪ್ತಾಽಹಂ ಖೇ ವಿಚಾರಿಣಂ॥ 8-35-65 (56614) ತಮೇವಂ ಕರುಣಂ ದೀನಂ ವಿಲಪಂತಮಚೇತಸಂ। ಕಾಕಕಾಕೇತಿ ವಾಶಂತಂ ನಿಮಜ್ಜಂತಂ ಮಹಾರ್ಣವೇ। ಕೃಪಯಾಽಭಿಪರೀತೋ ವೈ ಕೃಪಾಂ ಚಕ್ರೇ ದುರಾತ್ಮನಿ॥ 8-35-66 (56615) ಅಥ ತಂ ಪತತಂ ದೀನಂ ಜಲಕ್ಲಿನ್ನಮಚೇತನಂ। ಪದ್ಭ್ಯಾಮುತ್ಕ್ಷಿಪ್ಯ ವೇಪಂತಂ ಪೃಷ್ಠಮಾರೋ ಪಯತ್ತದಾ॥ 8-35-67 (56616) ಸ ಹಂಸಃ ಪೃಷ್ಠಮಾರೋಪ್ಯ ಕಾಕಂ ಕರ್ಣ ವಿಚೇತಸಂ। ಅವಿಸ್ಮಯಂಸ್ತದಾ ಕರ್ಣ ಪುನರೇವ ಸಮಾನಯತ್। ತಮೇವ ದೇಶಂ ತರಸಾ ಸ್ಪರ್ಧಯಾ ಪೇತತುರ್ಯತಃ॥ 8-35-68 (56617) ಉತ್ಸೃಜ್ಯ ತ್ವಬ್ರವೀನ್ಮೈವಂ ಪುನಃ ಕಾರ್ಯಂ ತ್ವಯೇತಿ ಹ। ಸ್ಥಾಪ್ಯ ಚೈನಂ ಪುನರ್ದ್ವೀಪೇ ಸಮಾಶ್ವಸ್ಯ ಚ ವಿಕ್ಲವಂ। ಗತೋ ಯಥೇಪ್ಸಿತಂ ದೇಶಂ ಹಂಸೋ ಮನ ಇವಾಶುಗಃ॥ 8-35-69 (56618) ಏವಮುಚ್ಛಿಷ್ಟಪುಷ್ಟಃ ಸ ಕಾಕೋಽಹಂಸಪರಾಜಿತಃ। ಬಲಂ ವೀರ್ಯಂ ಮಹತ್ಕರ್ಣ ತ್ಯಕ್ತ್ವಾ ಕ್ಷಾಂತಿಮುಪಾಗತಃ॥ 8-35-70 (56619) ಉಚ್ಛಿಷ್ಟಭೋಜನಃ ಕಾಕೋ ಯಥಾ ವೈಶ್ಯಕುಲೇ ಪುರಾ। ಏವಂ ತ್ವಮುಚ್ಛಿಷ್ಟಭೃತೋ ಧಾರ್ತರಾಷ್ಟ್ರೈರ್ನ ಸಂಶಯಃ॥ 8-35-71 (56620) ಸದೃಶಾಞ್ಶ್ರೇಯಸಶ್ಚಾಪಿ ಸರ್ವಾನ್ಕರ್ಣಾವಮನ್ಯಸೇ। ದ್ರೋಣದ್ರೌಣಿಕೃಪೈರ್ಗುಪ್ತೋ ಭೀಷ್ಮೇಣಾನ್ಯೈಶ್ಚ ಕೌರವೈಃ॥ 8-35-72 (56621) ವಿರಾಟನಗರೇ ಪಾರ್ಥಮೇಕಂ ಕಿಂ ನಾವಧೀಸ್ತದಾ। ಯತ್ರ ವ್ಯಸ್ತಾಃ ಸಮಸ್ತಾಶ್ಚ ನಿರ್ಜಿತಾಃ ಸ್ಥ ಕಿರೀಟಿನಾ ಸೃಗಾಲಾ ಇವ ಸಿಂಹೇನ ಕ್ವ ತೇ ವೀರ್ಯಂ ತದಾ ಗತಂ॥ 8-35-73 (56622) ಭ್ರಾತರಂ ನಿಹತಂ ದೃಷ್ಟ್ವಾ ಸಮರೇ ಸವ್ಯಸಾಚಿನಾ। ಪಶ್ಯತಾಂ ಕುರವೀರಾಣಾಂ ಪ್ರಥಮಂ ತ್ವಂ ಪಲಾಯಿತಃ॥ 8-35-74 (56623) ತಥಾ ದ್ವೈತವನೇ ಕರ್ಣ ಗಂಧರ್ವೈಃ ಸಮಭಿದ್ರುತಾನ್। ಕುರೂನ್ಸದಾರಾನುತ್ಸೃಜ್ಯ ತ್ವಮೇವಾಗ್ರೇ ಪಲಾಯಿತಃ॥ 8-35-75 (56624) ಹತ್ವಾ ಜಿತ್ವಾ ಚ ಗಂಧರ್ವಾಂಶ್ಚಿತ್ರಸೇನಮುಖಾನ್ರಣೇ। ಕರ್ಣ ದುರ್ಯೋಧನಂ ಪಾರ್ಥಃ ಸಭ್ರಾತೃಕಮಮೋಕ್ಷಯತ್॥ 8-35-76 (56625) ಪುನಃ ಪ್ರಭಾವಃ ಪಾರ್ಥಸ್ಯ ಪುರಾಣಃ ಕೇಶವಸ್ಯ ಚ। ಕಥಿತಃ ಕರ್ಣ ರಾಮೇಣ ಸಭಾಯಾಂ ಕುರುಸಂಸದಿ॥ 8-35-77 (56626) ಸತತಂ ಚ ತ್ವಮಶ್ರೌಷೀರ್ವಚನಂ ದ್ರೋಣಭೀಷ್ಮಯೋಃ। ಅವಧ್ಯೌ ವದತೋಃ ಕೃಷ್ಣೌ ಸನ್ನಿಧೌ ಚ ಮಹೀಕ್ಷಿತಾಂ॥ 8-35-78 (56627) ಕಿಯಂತಂ ತತ್ರ ವಕ್ಷ್ಯಾಮಿ ಯೇನಯೇನ ಧನಂಜಯಃ। ತ್ವತ್ತೋಽತಿರಿಕ್ತಃ ಸರ್ವೇಭ್ಯೋ ಭೂತೇಭ್ಯೋ ಬ್ರಾಹ್ಮಣೋ ಯಥಾ॥ 8-35-79 (56628) ಇದಾನೀಮೇವ ದ್ರಷ್ಟಾಸಿ ಪ್ರಧಾನೇ ಸ್ಯಂದನೇ ಸ್ಥಿತೌ। ಪುತ್ರಂ ಚ ವಸುದೇವಸ್ಯ ಕುಂತೀಪುತ್ರಂ ಚ ಪಾಂಡವಂ॥ 8-35-80 (56629) ಯಥಾಽಶ್ರಯತ ಚಕ್ರಾಂಗಂ ವಾಯಸೋ ಬುದ್ಧಿಮಾಸ್ಥಿತಃ। ತಥಾಶ್ರಯಸ್ವ ವಾರ್ಷ್ಣೇಯಂ ಪಾಂಡವಂ ಚ ಧನಂಜಯಂ॥ 8-35-81 (56630) ಯದಾ ತ್ವಂ ಯುಧಿ ವಿಕ್ರಾಂತೌ ವಾಸುದೇವಧನಂಜಯೌ। ದ್ರಷ್ಟಾಸ್ಯೇಕರಥೇ ಕರ್ಣ ತದಾ ನೈವಂ ವದಿಷ್ಯಸಿ॥ 8-35-82 (56631) ಯದಾ ಶರಶತೈಃ ಪಾರ್ಥೋ ದರ್ಪಂ ತವ ವಧಿಷ್ಯತಿ। ತದಾ ತ್ವಮಂತರಂ ದ್ರಷ್ಟಾ ಆತ್ಮನಶ್ಚಾರ್ಜುನಸ್ಯ ಚ॥ 8-35-83 (56632) ದೇವಾಸುರಮನುಷ್ಯೇಷು ಪ್ರಖ್ಯಾತೌ ಯೌ ನರೋತ್ತಮೌ। ತೌ ಮಾವಮಂಸ್ಥಾ ಮೌರ್ಖ್ಯಾತ್ತ್ವಂ ಸ್ವದ್ಯೋತ ಇವ ರೋಚನೌ॥ 8-35-84 (56633) ಸೂರ್ಯಾಚಂದ್ರಮಸೌ ಯದ್ವತ್ತದ್ವದಜುನಕೇಶವೌ। ಪ್ರಕಾಶ್ಯೇನಾಭಿವಿಖ್ಯಾತೌ ತ್ವಂ ತು ಖದ್ಯೋತವನ್ನೃಷು॥ 8-35-85 (56634) ಏವಂ ವಿದ್ವನ್ಮಾವಮಂಸ್ಥಾಃ ಸೂತಪುತ್ರಾಚ್ಯುತಾರ್ಜುನೌ। ನರಸಿಂಹೌ ನರಶ್ವಾ ತ್ವಂ ಜೋಷಮಾಸ್ಸ್ವ ವಿಕತ್ಥಸೇ॥ ॥ 8-35-86 (56635) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಪಂಚತ್ರಿಂಶೋಽಧ್ಯಾಯಃ॥ 35 ॥

8-36-0 (56636) ಸಂಜಯ ಉವಾಚ। 8-36-0x (4932) ಮದ್ರಾಧಿಪಸ್ಯಾಧಿರಥಿರ್ಮಹಾತ್ಮಾ ವಚೋ ನಿಶಂಯಾಪ್ರಿಯಮಪ್ರತೀತಃ। ಉವಾಚ ಶಲ್ಯಂ ವಿದಿತಂ ಮಮೈತ-- ದ್ಯಥಾವಿಧಾವರ್ಜುನವಾಸುದೇವೌ॥ 8-36-1 (56637) ಶೌರೇ ರಥಂ ವಾಹಯತೋಽರ್ಜುನಸ್ಯ ಬಲಂ ಮಹಾಸ್ತ್ರಾಣಿ ಚ ಪಾಂಡವಸ್ಯ। ಅಹಂ ವಿಜಾನಾಮಿ ಯಥಾವದದ್ಯ ಪರೋಕ್ಷಭೂತಂ ತವ ತತ್ತು ಶಲ್ಯ॥ 8-36-2 (56638) ತೌ ಚಾಪ್ಯಹಂ ಶಸ್ತ್ರಭೃತಾಂ ವರಿಷ್ಠೌ ವ್ಯಪೇತಭೀರ್ಯೋಧಯಿಷ್ಯಾಮಿ ಕೃಷ್ಣೌ। ಸಂತಾಪಯತ್ಯಭ್ಯಧಿಕಂ ಹಿ ರಾಮಾ-- ಚ್ಛಾಪೋಽದ್ಯ ಮಾಂ ಬ್ರಾಹ್ಮಣಸತ್ತಮಾಚ್ಚ॥ 8-36-3 (56639) `ಪುರಾ ಮಹೇಂದ್ರಾದ್ರಿವರೇ ಸಮುದ್ರೇ ತಪಸ್ವಿನಂ ರಾಮಮುಪೇತ್ಯ ಶಲ್ಯ। ಅಸ್ತ್ರಾರ್ಥಿನಂ ಮಾಽದ್ಯ ಶಿಷ್ಯಂ ಗೃಹಾಣೇ-- ತ್ಯಥಾಽಬ್ರುವಂ ಬ್ರಾಹ್ಮಣಚ್ಛದ್ಮನಾ ಚ॥ 8-36-4 (56640) ತತ್ರಾವಸಂ ಬ್ರಾಹ್ಮಣ ಇತ್ಯವಿಪ್ರೋ ಬ್ರಹ್ಮಾಸ್ತ್ರಲೋಭಾದನೃತೇನ ಚಾಹಂ। ತಜ್ಜಾಮದಗ್ನ್ಯೇನ ಪರಂ ಮಹಾಸ್ತ್ರಂ ಸಮಂತ್ರಯುಕ್ತಂ ವಿಹಿತಂ ಮಮಾಸೀತ್॥ 8-36-5 (56641) ಅಸ್ತ್ರಂ ಯದಾ ತದ್ವಿದಿತಂ ಮಮಾಸೀ-- ತ್ತದಾಽಬ್ರವೀದ್ಬ್ರಾಹ್ಮಣೋ ಮಾಂ ಮಹರ್ಷಿಃ। ಆಪದ್ಗತೇನಾಸ್ತ್ರಮಿದಂ ಪ್ರಯೋಜ್ಯಂ ತ್ವಯಾ ರಣೇ ಗಚ್ಛತಾ ಸಾಧಯೇತಿ'॥ 8-36-6 (56642) ತತ್ರಾಪಿ ಮೇ ದೇವರಾಜೇನ ವಿಘ್ನೋ ಹಿತಾರ್ಥಿನಾ ಫಲ್ಗುನಸ್ಯೈವ ಶಲ್ಯ। ಕೃತೋ ವಿಭೇದೇನ ಮಮೋರುಮೇತ್ಯ ಪ್ರವಿಶ್ಯ ಕೀಟಸ್ಯ ತನುಂ ವಿರೂಪಾಂ॥ 8-36-7 (56643) ಮಮೋರುಮೇತ್ಯ ಪ್ರಬಿಭೇದ ಕೀಟಃ ಸುಪ್ತೇ ಗುರೌ ತತ್ರ ಶಿರೋ ನಿಧಾಯ। ಊರುಪ್ರಭೇದಾಚ್ಚ ಮಹಾನ್ಬಭೂವ ಶರೀರತೋ ಮೇ ಘನಶೋಣಿತೌಘಃ॥ 8-36-8 (56644) ಗುರೋರ್ಭಯಾಚ್ಚಾಪಿ ನ ಚೇಲಿವಾನಹಂ ತತೋ ವಿಬುದ್ಧೋ ದದೃಶೇ ಸ ವಿಪ್ರಃ। ಸ ಧೈರ್ಯಯುಕ್ತಂ ಪ್ರಸಮೀಕ್ಷ್ಯ ಮಾಂ ವೈ ನ ತ್ವಂ ವಿಪ್ರಃ ಕೋಽಸಿ ಸತ್ಯಂ ವದೇತಿ॥ 8-36-9 (56645) ತಸ್ಮೈ ತದಾಽಽತ್ಮಾನಮಹಂ ಯಥಾವ-- ದಾಖ್ಯಾತವಾನ್ಸೂತ ಇತ್ಯೇವ ಶಲ್ಯ। ಸ ಮಾಂ ನಿಶಾಂಯಾಥ ಮಹಾತಪಸ್ವೀ ಸಂಶಪ್ತವಾನ್ರೋಷಪರೀತಚೇತಾಃ॥ 8-36-10 (56646) ಸೂತ ತ್ವಯಾ ಹ್ಯಾಪ್ತಮಿದಂ ತವಾಸ್ತ್ರಂ ನ ಕರ್ಮಕಾಲೇ ಪ್ರತಿಭಾಸ್ಯತೀತಿ। ಅನ್ಯತ್ರ ತು ಸ್ಯಾತ್ತವ ಮೃತ್ಯುಕಾಲಾ-- ದಬ್ರಾಹ್ಮಣೇ ಬ್ರಹ್ಮ ನ ಹಿ ಧ್ರುವಂ ಸ್ಯಾತ್॥ 8-36-11 (56647) ತದದ್ಯ ಪರ್ಯಾಪ್ತಮತೀವ ಮೇಽಸ್ತ್ರ-- ಮುಪಸ್ಥಿತೇಽಸ್ಮಿಂಸ್ತುಮುಲೇ ವಿಮರ್ದೇ॥ 8-36-12 (56648) ಶಲ್ಯೋಗ್ರಧನ್ವಾನಮಹಂ ವರಿಷ್ಠಂ ತರಸ್ವಿನಂ ಭೀಮಮಸಹ್ಯವೀರ್ಯಂ। ಸತ್ಯಪ್ರತಿಜ್ಞಂ ಯುಧಿ ಪಾಂಡವೇಯಂ ಧನಂಜಯಂ ಮೃತ್ಯುಮುಖಂ ನಯಿಷ್ಯೇ॥ 8-36-13 (56649) ಅಸ್ತ್ರಂ ತತೋಽನ್ಯತ್ಪ್ರತಿಪನ್ನಮದ್ಯ ಯೇನ ಕ್ಷೇಪ್ಸ್ಯೇ ಸಮರೇ ಶತ್ರುಪೂಗಾನ್। ಪ್ರತಾಪಿನಂ ಬಲವಂತಂ ಕೃತಾಸ್ತ್ರಂ ತಮುಗ್ರಧನ್ವಾನಮಮಿತೌಜಸಂ ಚ। ಕ್ರೂರಂ ಶೂರಂ ರೌದ್ರಮಮಿತ್ರಸಾಹಂ ಧನಂಜಯಂ ಸಂಯುಗೇಽಹಂ ಹನಿಷ್ಯೇ॥ 8-36-14 (56650) ಅಪಾಂಪತಿರ್ವೇಗವಾನಪ್ರಮೇಯೋ ನಿಮಜ್ಜಯಿಷ್ಯನ್ಬಹುಲಾಃ ಪ್ರಜಾ ಇವ। ಮಹಾರವಂ ಯಃ ಕುರುತೇ ಸಮುದ್ರೋ ವೇಲೇವ ತಂ ವಾರಯಾಂಯಪ್ರಮೇಯಂ॥ 8-36-15 (56651) ಪ್ರಮುಂಚಂತಂ ಬಾಣಸಂಘಾನಮೇಯಾ-- ನ್ಮರ್ಮಚ್ಛಿದೋ ವೀರಹಣಃ ಸುಪತ್ರಾನ್। ಕುಂತೀಪುತ್ರಂ ಪ್ರತಿಯೋತ್ಸ್ಯಾಮಿ ಯುದ್ಧೇ ಜ್ಯಾಂ ಕರ್ಷತಾಮುತ್ತಮಂ ಮರ್ತ್ಯಲೋಕೇ॥ 8-36-16 (56652) ಏವಂ ಬಲೇನಾತಿಬಲಂ ಮಹಾಸ್ತ್ರಂ ಸಮುದ್ರಕಲ್ಪಂ ಸುದುರಾಪಮುಗ್ರಂ। ಶರೌಘಿಣಂ ಪಾರ್ಥಿವಾನ್ಮಜ್ಜಯಂತಂ ವೇಲೇವ ಪಾರ್ಥಮಿಷುಭಿರ್ವಾರಯಿಷ್ಯೇ॥ 8-36-17 (56653) ಕೃತೀ ಕೃತಾಸ್ತ್ರೋ ದೃಢಹಸ್ತಯೋಧೀ ದಿವ್ಯಾಸ್ತ್ರವಿಚ್ಛ್ವೇತಹಯಃ ಪ್ರಮಾಥೀ। ಸುರಾಸುರಾನ್ಯುಧಿ ವೈ ಯೋ ಜಯೇತ ತೇನಾದ್ಯ ಮೇ ಪಶ್ಯ ಯುದ್ವಂ ಸುಘೋರಂ॥ 8-36-18 (56654) ಅಭೀರ್ಮಾನೀ ಪಾಂಡವೋ ಯುದ್ವಕಾಮೋ ಹ್ಯಮಾನುಷೈರಸ್ಯತಿ ಮಾಂ ಮಹಾಸ್ತ್ರೈಃ। ತಸ್ಯಾಸ್ತ್ರಮಸ್ತ್ರೈರಭಿಭೂಯ ಸಂಖ್ಯೇ ಬಾಣೋತ್ತಮೈಃ ಪಾತಯಿಷ್ಯಾಮಿ ಪಾರ್ಥಂ॥ 8-36-19 (56655) ಸಹಸ್ರರಶ್ಮಿಪ್ರತಿಮಂ ಜ್ವಲಂತಂ ದಿಶಶ್ಚ ಸರ್ವಾಃ ಪ್ರತಪಂತಮುಗ್ರಂ। ತಮೋನುದಂ ಮೇಘ ಇವಾತಿಮಾತ್ರಂ ಧನಂಜಯಂ ಛಾದಯಿಷ್ಯಾಮಿ ಬಾಣೈಃ॥ 8-36-20 (56656) ವೈಶ್ವಾನರಂ ಧೂಮಕೇತುಂ ಜ್ವಲಂತಂ ತೇಜಸ್ವಿನಂ ನರವೀರಾಂದಹಂತಂ। ಪರ್ಜನ್ಯಭೂತಃ ಶರವರ್ಷೈರ್ಯಥಾಽಗ್ನಿಂ ತಥಾ ಪಾರ್ಥಂ ಶಮಯಿಷ್ಯಾಮಿ ಯುದ್ಧೇ॥ 8-36-21 (56657) ಆಶೀವಿಷಂ ದೃಷ್ಟಿಹಣಂ ಸುಘೋರಂ ಸುತೀಕ್ಷ್ಣದಂಷ್ಟ್ರಂ ಜ್ವಲನಪ್ರಭವಾಂ। ಕ್ರೋಧಾತ್ಪ್ರದೀಪ್ತಾನಲವದ್ದಹಂತಂ ಕುಂತೀಪುತ್ರಂ ಶಮಯಿಷ್ಯಾಮಿ ಭಲ್ಲೈಃ॥ 8-36-22 (56658) ಪ್ರವಾಹಿಣಂ ಬಲವಂತಂ ಮಹೌಜಸಂ ಪ್ರಭಂಜನಂ ಮಾತರಿಶ್ವಾನಮುಗ್ರಂ। ಯುದ್ಧೇ ಸಹಿಷ್ಯೇ ಹಿಮವಾನಿವಾಚಲೋ ಧನಂಜಯಂ ಕ್ರುದ್ಧಮಮೃಷ್ಯಮಾಣಂ। 8-36-23 (56659) ವಿಶಾರದಂ ರಥಮಾರ್ಗೇಷು ಶಕ್ತಂ ಧುರ್ಯಂ ನಿತ್ಯಂ ಸಮರೇಷು ಪ್ರವೀರಂ। ಲೋಕೇ ವರಂ ಸರ್ವಧನುರ್ಧರಾಣಾಂ ಧನಂಜಯಂ ಸಂಯುಗೇಽಹಂ ಹನಿಷ್ಯೇ॥ 8-36-24 (56660) ಅದ್ಯಾಹವೇ ಯಸ್ಯ ನ ತುಲ್ಯಮನ್ಯಂ ಮನ್ಯೇ ಮನುಷ್ಯಂ ಧನುರಾದದಾನಂ। ಸರ್ವಾಮಿಮಾಂ ಯಃ ಪೃಥಿವೀಂ ಸಹೇತ ತಥಾಪಿ ತೇನಾದ್ಯ ರಣೇ ಸಮೇಷ್ಯೇ॥ 8-36-25 (56661) ಯಃ ಸರ್ವಭೂತಾನಿ ಸದೈವತಾನಿ ಪ್ರಸ್ಥೇಽಜಯತ್ಖಾಂಡವೇ ಸವ್ಯಸಾಚೀ ಕೋ ಜೀವಿತಂ ರಕ್ಷಮಾಣೋ ಹಿ ತೇನ ಯುಯುತ್ಸತೇಽಸ್ತ್ರೈರ್ಮಾನುಷೋ ಮಾಮೃತೇಽನ್ಯಃ॥ 8-36-26 (56662) ಮಾನೀ ಕೃತಾಸ್ತ್ರಃ ಕೃತಹಸ್ತಯೋಧೀ ದಿವ್ಯಾಸ್ತ್ರವಿಚ್ಛ್ವೇತಹಯಃ ಪ್ರಮಾಥೀ। ತಸ್ಯಾಹಮದ್ಯಾತಿರಥಸ್ಯ ಕಾಯಾ-- ಚ್ಛಿರೋ ಹರಿಷ್ಯಾಮಿ ಶಿತೈಃ ಪೃಷತ್ಕೈಃ। 8-36-27 (56663) ಯೋತ್ಸ್ಯಾಂಯೇನಂ ಶಲ್ಯ ಧನಂಜಯಂ ವೈ ಮೃತ್ಯುಂ ಪುರಸ್ಕೃತ್ಯ ರಣೇ ಜಯಂ ವಾ। ಅನ್ಯೋ ಹಿ ನ ಹ್ಯೇಕರಥೇನ ಮರ್ತ್ಯೋ ಯುಧ್ಯೇತ ಯಃ ಪಾಂಡವಮಿಂದ್ರಕಲ್ಪಂ 8-36-28 (56664) ತಸ್ಯಾಹವೇ ಪೌರುಷಂ ಪಾಂಡವಸ್ಯ ಬ್ರೂಯಾಂ ಪೃಷ್ಟಃ ಸಮಿತೌ ಕ್ಷತ್ರಿಯಾಣಾಂ ಕಿಂ ತ್ವಂ ಮೂರ್ಖಃ ಪ್ರಹಸನ್ಮೂಢಚೇತಾ ಆಖ್ಯಾಸಿ ಮೇ ಪೌರುಷಂ ಫಲ್ಗುನಸ್ಯ॥ 8-36-29 (56665) ಅತ್ಯಪ್ರಿಯೋ ಯಃ ಪುರುಷೋ ನಿಷ್ಠುರೋ ಹಿ ಕ್ಷುದ್ರಃ ಕ್ಷೇಪ್ತಾ ಕ್ಷಮಿಣಶ್ಚಾಕ್ಷಮಾವಾನ್। ಹನ್ಯಾಮಹಂ ತ್ವಾದೃಶಾನಾಂ ಶತಾನಿ ಕ್ಷಮಾಂಯಹಂ ಕ್ಷಮಿಣಾಂ ಕಾಲ ಏಷಃ॥ 8-36-30 (56666) ಅವೋಚಸ್ತ್ವಂ ಪಾಂಡವಾರ್ಯೇ ಪ್ರಿಯಾಣಿ ಪ್ರಧರ್ಷಯನ್ಮಾಂ ಮೂಢವತ್ಪಾಪಕರ್ಮನ್। ಮಯ್ಯಾರ್ಜವೇ ಜಿಹ್ಮಮತಿರ್ಯತಸ್ತ್ವಂ ಮಿತ್ರದ್ರೋಹೀ ಸಾಪ್ತಪದಂ ಹಿ ಮಿತ್ರಂ॥ 8-36-31 (56667) ಕಾಲಸ್ತ್ವಯಂ ಪ್ರತ್ಯುಪಯಾತಿ ದಾರುಣೋ ದುರ್ಯೋಧನೋ ಯುದ್ಧಮುಪಾಗಮದ್ಯತ್। ತಸ್ಯಾರ್ಥಸಿದ್ಧಿಂ ತ್ವಭಿಕಾಂಕ್ಷಮಾಣ-- ಸ್ತಮನ್ವೇಷ್ಯೇ ಯತ್ರ ಚೈಕಾಂತಮಸ್ತಿ॥ 8-36-32 (56668) `ತಥಾಪ್ಯಹಂ ಪಾಂಡವವಾಸುದೇವೌ ಯೋತ್ಸ್ಯೇ ರಣೇ ಮದ್ವಿಧಸ್ಯೈವ ಕರ್ಮ। ನ ಪ್ರಾಕೃತಃ ಸಜ್ಜತೇ ವೈ ಕದಾಚಿ-- ದ್ಯಃ ಪ್ರತ್ಯುದೀಯಾತ್ಕೃಷ್ಣಧನಂಜಯೌ ತೌ'॥ 8-36-33 (56669) ಮಿತ್ರಂ ಮಿಂದೇರ್ನಂದತೇಃ ಪ್ರೀಯತೇರ್ವಾ ಸಂತ್ರಾಯತೇರ್ಮಿನುತೇರ್ಮೋದತೇರ್ವಾ। ದುರ್ಯೋಧನೇ ಸರ್ವಮಿದಂ ಮಮಾಸ್ತಿ ತಚ್ಚಾಪಿ ಸರ್ವಂ ಮಮ ವೇತ್ತಿ ರಾಜಾ॥ 8-36-34 (56670) ಶತ್ರುಃ ಶದೇಃ ಶಾಸತೇರ್ವಾ ಶ್ಯತೇರ್ವಾ ಶೃಣಾತೇರ್ವಾ ಶ್ವಸತೇಃ ಸೀದತೇರ್ವಾ। ಶ್ರಮೇಃ ಶುಚೋ ಬಹುಶಃ ಸೂದತೇಶ್ಚ ಪ್ರಾಯೇಣ ಸರ್ವಂ ತ್ವಯಿ ತಚ್ಚ ಮಹ್ಯಂ॥ 8-36-35 (56671) ದುರ್ಯೋಧನಾರ್ಥಂ ತವ ಚ ಪ್ರಿಯಾರ್ಥಂ ಯಶೋರ್ಥಮಾತ್ಮಾರ್ಥಮಪೀಶ್ವರಾರ್ಥಂ। ತಸ್ಮಾದಹಂ ಪಾಂಡವವಾಸುದೇವೌ ಯೋತ್ಸ್ಯೇ ಯತ್ನಾತ್ಕರ್ಮ ಚ ಪಶ್ಯ ಮೇಽದ್ಯ॥ 8-36-36 (56672) `ಶಲ್ಯಾದ್ಯಾಹಂ ಸಂಗತಃ ಪಾಂಡವೇನ ಮುಚ್ಯೇಯಂ ಚೇಜ್ಜೀವಮಾನಃ ಕಥಂಚಿತ್। ಶಶ್ವನ್ಮೃತ್ಯೋಃ ಸ್ಯಾಮನಾಧೃಷ್ಯರೂಪೋ ವ್ಯಕ್ತಂ ತಸ್ಮಾತ್ಸಂಯುಗಾದ್ವಿಪ್ರಮುಕ್ತಾಃ'॥ 8-36-37 (56673) ಅಸ್ತ್ರಂ ಬ್ರಾಹ್ಮಂ ಮನಸಾ ಸಂಜಪನ್ವೈ ಯದಾಽಸ್ಯತೇ ಕ್ರೋಧಿತಃ ಸವ್ಯಸಾಚೀ। ತದಾಪಿ ಮೇ ನೈವ ಮುಚ್ಯೇತ ಪಾರ್ಥೋ ನ ಚೇತ್ಪತೇದ್ವಿಷಮೇ ಮೇಽದ್ಯ ಚಕ್ರಂ॥ 8-36-38 (56674) ಅಸ್ತ್ರಾಣಿ ವಿದ್ಧ್ವಾ ಸಮರೇ ಗತಾನಿ ಬ್ರಾಹ್ಮಾಣಿ ದಿವ್ಯಾನ್ಯಥ ಮಾನುಷಾಣಿ। ಆಸಾದಯಿಷ್ಯಾಂಯಹಮುಗ್ರವೀರ್ಯಂ ನಾಗೋತ್ತಮಂ ನಾಗ ಇವ ಪ್ರಭಿನ್ನಃ॥ 8-36-39 (56675) ವೈವಸ್ವತಾದ್ದಂಡಹಸ್ತಾದ್ವರುಣಾದ್ವಾಪಿ ಪಾಶಿನಃ। ಸಗದಾದ್ವಾ ಧನಪತೇಃ ಸವಜ್ರಾದ್ವಾ ಸುರಾಧಿಪಾತ್॥ 8-36-40 (56676) ಅಥಾನ್ಯಸ್ಮಾದಪಿ ಸುರಾದಮಿತ್ರಾದಾತತಾಯಿನಃ। ಇತಿ ಶಲ್ಯ ವಿಜಾನೀಹಿ ಯಥಾ ನಾಹಂ ಬಿಭೇಂಯುತ॥ 8-36-41 (56677) ತಸ್ಮಾನ್ನ ಮೇ ಭಯಂ ಪಾರ್ಥಾನ್ನಾಪಿ ಚೈವ ಜನಾರ್ದನಾತ್। ಸಹ ಯುದ್ಧಂ ಹಿ ಮೇ ತಾಭ್ಯಾಂ ಸಾಂಪರಾಯೇ ಭವಿಷ್ಯತಿ॥ 8-36-42 (56678) ಶ್ವಭ್ರೇ ತೇ ಪತತಾಂ ಚಕ್ರಮಿತಿ ಮಾಂ ಬ್ರಾಹ್ಮಣೋಽಬ್ರವೀತ್। ಯುಧ್ಯಮಾನಸ್ಯ ಸಂಗ್ರಾಮೇ ಪ್ರಾಪ್ತಸ್ಯೈಕಾಯನಂ ಭಯಂ॥ 8-36-43 (56679) ತಸ್ಮಾದ್ಬಿಭೇಮಿ ಬಲವದ್ಬ್ರಾಹ್ಮಣವ್ಯಾಹೃತಾದಹಂ। ಏತೇ ಹಿ ಸೋಮರಾಜಾನ ಈಶ್ವರಾಃ ಸುಖದುಃಖಯೋಃ॥ 8-36-44 (56680) ಕದಾಚಿಬ್ರಾಹ್ಮಣಸ್ಯಾಥ ಯೋಗ್ಯಹೇತೇರಹಂ ನೃಪ। ಅಜಾನನ್ನಕ್ಷಿಪಂ ಬಾಣಂ ಘೋರರೂಪಂ ಭಯಾವಹಂ॥ 8-36-45 (56681) ಹೋಮಧೇನ್ವಾಸ್ತತೋ ವತ್ಸಃ ಪ್ರಮತ್ತ ಇಷುಣಾ ಹತಃ। ಚರನ್ವೈ ವಿಜನೇ ಶಲ್ಯ ತತೋಽನು ವ್ಯಾಜಹಾರ ಸಃ॥ 8-36-46 (56682) ಯಸ್ಮಾದ್ವತ್ಸಸ್ತ್ವಯಾ ಚಾತ್ರ ಹೋಮಧೇನ್ವಾ ಹತೋ ನೃಪ। ತಸ್ಮಾತ್ತ್ವಮಪಿ ರಾಧೇಯ ವಾಕ್ಶಲ್ಯಂ ಮಹದಾಪ್ನುಹಿ॥ 8-36-47 (56683) ಶ್ವಭ್ರೇ ತೇ ಪತಿತಾ ಚಕ್ರಂ ಯುಧ್ಯಮಾನಸ್ಯ ಶತ್ರುಣಾ। ಪ್ರಾಪ್ತ ಏಕಾಯನೇ ಕಾಲೇ ಮೃತ್ಯುಸಾಧಾರಣೇ ತ್ವಯಿ॥ 8-36-48 (56684) ಸ್ಪರ್ಧಸೇ ಯೇನ ಸಂಗ್ರಾಮೇ ಯದರ್ಥಂ ಘಟಸೇಽನಿಶಂ। ತತ ಏವ ಧ್ರುವಂ ಮೃತ್ಯುಂ ಸೂತ ಪ್ರಾಪ್ಸ್ಯಸಿ ಸಂಯುಗೇ॥ 8-36-49 (56685) ಅಹಂ ಪ್ರಸಾದಯಾಂಚಕ್ರೇ ಬ್ರಾಹ್ಮಣಂ ಸಂಶಿತವ್ರತಂ॥ 8-36-50 (56686) ಗವಾಂ ದಶಶತಂ ವಿತ್ತಂ ಬಲೀವರ್ದಾಂಶ್ಚ ಷಟ್ಶತಂ। ಪ್ರಚ್ಛನ್ನಂ ಕಾಂಚನೈಃ ಕಾಮಂ ಬ್ರಾಹ್ಮಣಾರ್ಥಮಹಂ ತದಾ॥ 8-36-51 (56687) ದಾಸೀಶತಂ ನಿಷ್ಕಕಂಠಂ ಶತಮಶ್ವತರೀರಥಾನ್। ಕನ್ಯಾನಾಂ ನಿಷ್ಕಕಂಠೀನಾಂ ಸಹಸ್ರಂ ಸಮಲಂಕೃತಂ॥ 8-36-52 (56688) ಈಷಾದಂತಾನ್ನಾಗಶತಾಂದಾಸೀದಾಸಶತಾನಿ ಚ। ದದ್ಮಿ ತೈರ್ದ್ವಿಜಮುಖ್ಯೋ ಮೇ ಪ್ರಸಾದಂ ನ ಚಕಾರ ಸಃ॥ 8-36-53 (56689) ಕೃಷ್ಣಾನಾಂ ಶ್ವೇತವತ್ಸಾನಾಂ ಗೋಶತಾನಿ ಚತುರ್ದಶ। ದದನ್ಹಿ ನ ಲಭೇ ತಸ್ಮಾತ್ಪ್ರಸಾದಂ ದ್ವಿಜಸತ್ತಮಾತ್॥ 8-36-54 (56690) ಯತ್ಕಿಂಚಿನ್ಮಾಮಕಂ ವಿತ್ತಂ ತ್ವದಧೀನಂ ಕರೋಮಿ ತತ್। ಇತಿ ಮಾಂ ಯಾಚಮಾನಂ ವೈ ಬ್ರಾಹ್ಮಣಃ ಪ್ರತ್ಯವಾರಯತ್। ಕ್ರೋಧದೀಪ್ತೇಕ್ಷಣಃ ಶಳ್ಯ ನಿರ್ದಹನ್ನಿವ ಚಕ್ಷುಷಾ॥ 8-36-55 (56691) ವ್ಯಾಹೃತಂ ಯನ್ಮಯಾ ಸೂತ ತತ್ತಥಾ ನ ತದನ್ಯಥಾ। ಅನೃತೋಕ್ತಂ ಪ್ರಜಾಂ ಹನ್ಯಾತ್ತತಃ ಪಾಪಮವಾಪ್ನುಯಾಂ॥ 8-36-56 (56692) ತಸ್ಮಾದ್ಧರ್ಮಾಭಿರಕ್ಷಾರ್ಥಂ ನಾನೃತಂ ವಕ್ತುಮುತ್ಸಹೇ। ಮಾ ತ್ವಂ ಬ್ರಹ್ಮಗತಿಂ ಹಿಂಸ್ಯಾಃ ಪ್ರಾಯಶ್ಚಿತ್ತಂ ಕೃತಂ ತ್ವಯಾ॥ 8-36-57 (56693) ಮದ್ವಾಕ್ಯಂ ನಾನೃತಂ ಲೋಕೇ ಕಶ್ಚಿತ್ಕುರ್ಯಾತ್ಸಮಾಪ್ನುಹಿ। `ಯನ್ಮಯೋಕ್ತಂ ಸರೋಷೇಣ ಗಚ್ಛ ಸೂತಜ ಮಾಚಿರಂ॥ 8-36-58 (56694) ಇತಿ ಮಾಮಸಕೃತ್ಕ್ರುದ್ಧಃ ಸ ಉವಾಚ ದ್ಬಿಜೋತ್ತಮಃ। ಏತೇ ಹಿ ಸೋಮರಾಜಾನ ಈಶ್ವರಾಃ ಸುಖದುಃಖಯೋಃ॥ 8-36-59 (56695) ನಾಹಂ ಬಿಭೇಮಿ ಬೀಭತ್ಸೋರ್ನ ಶಲ್ಯ ಮಧುಸೂದನಾಂ। ತಸ್ಮಾದ್ಬಿಭೇಂಯಹಂ ಶಾಪಾತ್ತೇನ ಸತ್ಯೇನ ತೇ ಶಪೇ॥ 8-36-60 (56696) ಸಹ ಯುದ್ಧಂ ಸಮೇತಾಭ್ಯಾಮದ್ಯೇದಂ ಸಮುಪಸ್ಥಿತಂ। ಯುದ್ವೇಽಸ್ಮಿಂಜೀವಿತಂ ಮೇಽದ್ಯ ಶಲ್ಯ ಸಂಶಯಮಾಗತಂ॥ 8-36-61 (56697) ಶಕ್ರೋಽಪ್ಯಮರರಾಟ್ ತಾಭ್ಯಾಮುಪಗಂಯಾಹವಂ ಸಹ। ಸಂಶಯಂ ಪರಮಂ ಗಚ್ಛೇತ್ಕಥಂ ವಾ ಮನ್ಯತೇ ಭವಾನ್॥ 8-36-62 (56698) ಇತ್ಯೇವಂ ತೇ ಮಯಾಽಽಖ್ಯಾತಂ ಕ್ಷಿಪ್ತೇನ ನ ಸುಹೃತ್ತಯಾ। ಜಾನಾಮಿ ತ್ವಾಽಧಿಕ್ಷಿಪಂತಂ ದೋಷಮಾತ್ಮಗತಂ ಶೃಣು'॥ ॥ 8-36-63 (56699) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಷಟ್ತತ್ರಿಂಶೋಽಧ್ಯಾಯಃ॥ 36 ॥

8-37-0 (56700) ಸಂಜಯ ಉವಾಚ। 8-37-0x (4933) ತತಃ ಪುನರ್ಮಹಾರಾಜ ಮದ್ರರಾಜಮರಿಂದಮಃ। ಅಭ್ಯಭಾಷತ ರಾಧೇಯಃ ಸನ್ನಿವಾರ್ಯೋತ್ತರಂ ವಚಃ॥ 8-37-1 (56701) ನಿರ್ಭರ್ತ್ಸನಾರ್ಥಂ ಶಲ್ಯ ತ್ವಂ ಯತ್ತು ಜಲ್ಪಿತವಾನಸಿ। ನಾಹಂ ಶಕ್ಯಸ್ತ್ವಯಾ ವಾಚಾ ವಿಭೀಷಯಿತುಮಾಹವೇ॥ 8-37-2 (56702) ಯದಿ ಮಾಂ ದೇವತಾಃ ಸರ್ವಾ ಯೋಧಯೇಯುಃ ಸವಾಸವಾಃ। ತಥಾಪಿ ಮೇ ಭಯಂ ನ ಸ್ಯಾತ್ಕಿಮು ಪಾರ್ಥಾತ್ಸಕೇಶವಾತ್॥ 8-37-3 (56703) ನಾಹಂ ಭೀಷಯಿತುಂ ಶಕ್ಯಃ ಶುದ್ಧಕರ್ಣಾ ಮಹಾಹವೇ। ಅಭಿಜಾನೀಹಿ ಶಕ್ತಸ್ತ್ವಮನ್ಯಂ ಭೀಷಯಿತುಂ ರಣೇ॥ 8-37-4 (56704) ನೀಚಸ್ಯ ಬಲಮೇತಾವತ್ಪಾರುಷ್ಯಂ ಯತತ್ತ್ವಮಾತ್ಥ ಮಾಂ। ಅಶಕ್ತೋ ಹಿ ಗುಣಾನ್ವಕ್ತುಂ ವಲ್ಗಸೇ ಬಹು ದುರ್ಮತೇ॥ 8-37-5 (56705) ನ ಹಿ ಕರ್ಣಃ ಸಮುದ್ಭೂತೋ ಭಯಾರ್ಥಮಿಹ ಮದ್ರಕ। ವಿಕ್ರಮಾರ್ಥಮಹಂ ಜಾತೋ ಯಶೋರ್ಥಂ ಚ ತಥಾಽಽತ್ಮನಃ॥ 8-37-6 (56706) ಸಖಿಭಾವೇನ ಸೌಹಾರ್ದಾನ್ಮಿತತ್ರಭಾವೇನ ಚೈವ ಹಿ। ಕಾರಣೈಸ್ತ್ರಿಭಿರೇತೈಸ್ತ್ವಂ ಶಲ್ಯ ಜೀವಸಿ ಸಾಂಪ್ರತಂ॥ 8-37-7 (56707) ರಾಜ್ಞಶ್ಚ ಧಾರ್ತರಾಷ್ಟ್ರಸ್ಯ ಕಾರ್ಯಂ ಸುಮಹದುದ್ಯತಂ। ಮಯಿ ತಚ್ಚಾಹಿತಂ ಶಲ್ಯ ತೇನ ಜೀವಸಿ ಮೇ ಕ್ಷಣಂ॥ 8-37-8 (56708) ಕೃತಶ್ಚ ಸಮಯಃ ಪೂರ್ವಂ ಕ್ಷಂತವ್ಯಂ ವಿಪ್ರಿಯಂ ತವ। `ಸಮಯಃ ಪರಿಪಾಲ್ಯೋ ಮೇ ತೇನ ಜೀವಸಿ ಸಾಂಪ್ರತಂ'॥ 8-37-9 (56709) ಋತೇ ಶಲ್ಯಸಹಸ್ರೇಣ ವಿಜಯೇಯಮಹಂ ಪರಾನ್। ಮಿತ್ರದ್ರೋಹಸ್ತು ಪಾಪೀಯಾನಿತಿ ಜೀವಸಿ ಸಾಂಪ್ರತಂ॥ 8-37-10 (56710) ಶಲ್ಯ ಉವಾಚ। 8-37-11x (4934) ಆರ್ತಪ್ರಲಾಪಾಂಸ್ತ್ವಂ ಕರ್ಣ ಯಾನ್ಬ್ರವೀಷಿ ಪರಾನ್ಪ್ರತಿ। ನ ತೇ ಕರ್ಣಸಹಸ್ರೇಣ ಶಕ್ಯಾ ಜೇತುಂ ಪರೇ ಯುಧಿ॥ 8-37-11 (56711) ಸಂಜಯ ಉವಾಚ। 8-37-12x (4935) ತಥಾ ಬ್ರುವಂತಂ ಪರುಷಂ ಕರ್ಣೋ ಮದ್ರಾಧಿಪಂ ತದಾ। ಪರುಷಂ ದ್ವಿಗುಣಂ ಭೂಯಃ ಪ್ರೋವಾಚಾಪ್ರಿಯದರ್ಶನಂ॥ 8-37-12 (56712) ಇದಂ ತ್ವಮೇಕಾಗ್ರಮನಾಃ ಶೃಣು ಮದ್ರಜನಾಧಿಪ। ಸನ್ನಿಧೌ ಧೃತರಾಷ್ಟ್ರಸ್ಯ ಪ್ರೋಚ್ಯಮಾನಂ ಮಯಾ ಶ್ರುತಂ॥ 8-37-13 (56713) ದೇಶಾಂಶ್ಚ ವಿವಿಧಾಂಶ್ಚಿತ್ರಾನ್ಪೂರ್ವವೃತ್ತಾಂಶ್ಚ ಪಾರ್ಥಿವಾನ್। ಬ್ರಾಹ್ಮಣಾಃ ಕಥಯಂತಿ ಸ್ಮ ಧೃತರಾಷ್ಟ್ರನಿವೇಶನೇ॥ 8-37-14 (56714) ತತ್ರ ವೃದ್ಧಃ ಪುರಾವೃತ್ತಾಃ ಕಥಾಃ ಕಶ್ಚಿದ್ದ್ವಿಜೋತ್ತಮಃ। ಬಾಹ್ಲೀಕದೇಶಂ ಮದ್ರಾಂಶ್ಚ ಕುತ್ಸಯನ್ವಾಕ್ಯಮಬ್ರವೀತ್॥ 8-37-15 (56715) ಬಹಿಷ್ಕೃತಾ ಹಿಮವತತಾ ಗಂಗಯಾ ಚ ತಿರಸ್ಕೃತಾಃ। ಸರಸ್ವತ್ಯಾ ಯಮುನಯಾ ಕುರುಕ್ಷೇತ್ರೇಣ ಚಾಪಿ ಯೇ॥ 8-37-16 (56716) ಪಂಚಾನಾಂ ಸಿಂಧುಷಷ್ಠಾನಾಂ ನದೀನಾಂ ಯೇಽಂತರಾಶ್ರಿತಾಃ। ತಾಂಧರ್ಮಬಾಹ್ಯಾನಶುಚೀನ್ಬಾಹ್ಲೀಕಾನಪಿ ವರ್ಜಯೇತ್॥ 8-37-17 (56717) ಗೋವರ್ಧನೋ ನಾಮ ವಟಃ ಸುಭಾಂಡಂ ನಾಮ ಪತ್ತನಂ। ಏತದ್ರಾಜನ್ಕಲಿದ್ವಾರಮಾಕುಮಾರಾತ್ಸ್ಮರಾಂಯಹಂ॥ 8-37-18 (56718) ಕಾರ್ಯೇಣಾತ್ಯರ್ಥಗೂಢೇನ ಬಾಹ್ಲೀಕೇಷೂಷಿತಂ ಮಯಾ। ತತ ಏಷಾಂ ಸಮಾಚಾರಃ ಸಂವಾಸಾದ್ವಿದಿತೋ ಮಯಾ॥ 8-37-19 (56719) ಶಾಕಲಂ ನಾಮ ನಗರಮಾಪಗಾನಾಮನಿಂನಗಾ। ಚಂಡಾಲಾ ನಾಮ ಬಾಹ್ಲೀಕಾಸ್ತೇಷಾಂ ವೃತ್ತಂ ಸುನಿಂದಿತಂ॥ 8-37-20 (56720) ಪಾನಂ ಗುಡಾಸವಂ ಪೀತ್ವಾ ಗೋಮಾಂಸಂ ಲಶುನೈಃ ಸಹ। ಅಪೂಪಸಕ್ತುಮದ್ಯಾನಾಮಾಶಿತಾಃ ಶೀಲವರ್ಜಿತಾಃ॥ 8-37-21 (56721) ಗಾಯಂತ್ಯಥ ಚ ನೃತ್ಯಂತಿ ಸ್ತ್ರಿಯೋ ಮತ್ತಾ ವಿವಾಸಸಃ। ನಗರಾಪಣವೇಶೇಷು ಬಹಿರ್ಮಾಲ್ಯಾನುಲೇಪನಾಃ॥ 8-37-22 (56722) ಮತ್ತಾಃ ಪ್ರಗೀತವಿರುತೈಃ ಖರೋಷ್ಟ್ರನಿನದೋಪಮೈಃ। ಅನಾವೃತಾ ಮೈಥುನೇ ತಾಃ ಕಾಮಚಾರಾಶ್ಚ ಸರ್ವಶಃ॥ 8-37-23 (56723) ಆಹುರನ್ಯೋನ್ಯಸೂಕ್ತಾನಿ ಪ್ರಬ್ರುವಾಣಾ ಮದೋತ್ಕxxxಃ। ಹೇಹತೇಹೇಹತೇತ್ಯೇವಂ ಸ್ವಾಮಿಭರ್ತೃಹತೇತಿ ಚ॥ 8-37-24 (56724) ಆಕ್ರೋಶಂತ್ಯಃ ಪ್ರನೃತ್ಯಂತಿ ವ್ರಾತ್ಯಾಃ ಪರ್ವಸ್ವಸಂಯತಾಃ। ತಾಸಾಂ ಕಿಲಾವಲಿಪ್ತಾನಾಂ ನಿವಸನ್ಕುರುಜಾಂಗಲೇ॥ 8-37-25 (56725) ಕಶ್ಚಿದ್ಬಾಹ್ಲೀಕದುಷ್ಟಾನಾಂ ನಾತಿಹೃಷ್ಟಮನಾ ಜಗೌ। ಸಾ ನೂನಂ ಬೃಹತೀ ಗೌರೀ ಸೂಕ್ಷ್ಮಕಂಬಲವಾಸಿನೀ॥ 8-37-26 (56726) ಮಾಮನುಸ್ಮರತೀ ಶೇತೇ ಬಾಹ್ಲೀಕಂ ಕುರುವಾಸಿನಂ। ಶತದ್ರುಂ ನು ಕದಾ ತೀರ್ತ್ವಾ ತಾಂ ಚ ರಂಯಾಮಿರಾವತೀಂ। ಗತ್ವಾ ಸ್ವದೇಶಂ ದ್ರಕ್ಷ್ಯಾಮಿ ಸ್ಥೂಲಜಂಘಾಃ ಶುಭಾಃ ಸ್ತ್ರಿಯಃ॥ 8-37-27 (56727) ಮನಃಶಿಲೋಜ್ಜ್ವಲಾಪಾಂಗ್ಯೋ ಗೌರ್ಯಸ್ತಾಃ ಕಾಕುಕೂಜಿತಾಃ। ಕಂಬಲಾಜಿನಸಂವೀತಾ ರುದಂತ್ಯಃ ಪ್ರಿಯದರ್ಶನಾಃ॥ 8-37-28 (56728) ಮೃದಂಗಾನಕಶಂಖಾನಾಂ ಮರ್ದಲಾನಾಂ ಚ ನಿಃಸ್ವನೈಃ। ಖರೋಷ್ಟ್ರಾಶ್ವತರೈಶ್ಚೈವ ಮತ್ತಾ ಯಾಸ್ಯಾಮಹೇ ಸುಖಂ॥ 8-37-29 (56729) ಶಮೀಪೀಲುಕರೀರಾಣಾಂ ವನೇಷು ಸುಖವರ್ತ್ಮಸು। ಅಪೂಪಾನ್ಸಕ್ತುಪಿಂಡಾಂಶ್ಚ ಪ್ರಾಶ್ನಂತೋ ಮಥಿತಾನ್ವಿತಾನ್॥ 8-37-30 (56730) ಪಥಿಷು ಪ್ರಬಲೋ ಭೂತ್ವಾ ತಥಾ ಸಂಪತತೋಽಧ್ವಗಾನ್। ಚೇಲಾಪಹಾರಂ ಕುರ್ವಾಣಾಸ್ತಾಡಯಿಷ್ಯಾಮ ಭೂಯಸಃ॥ 8-37-31 (56731) ಏವಂಶೀಲೇಷು ವ್ರಾತ್ಯೇಷು ಬಾಹ್ಲೀಕೇಷು ದುರಾತ್ಮಸು। ಕಶ್ಚೇತಯಾನೋ ನಿವಸೇನ್ಮುಹೂರ್ತಮಪಿ ಮಾನವಃ॥ 8-37-32 (56732) ಕರ್ಣ ಉವಾಚ। 8-37-33x (4936) ಈದೃಶಾ ಬ್ರಾಹ್ಮಣೇನೋಕ್ತಾ ಬಾಹ್ಲೀಕಾ ಮೋಘಚಾರಿಣಃ। ಯೇಷಾಂ ಷಡ್ಭಾಗಹರ್ತಾ ತ್ವಮುಭಯೋಃ ಪುಣ್ಯಪಾಪಯೋಃ॥ 8-37-33 (56733) ಇತ್ಯುಕ್ತ್ವಾ ಬ್ರಾಹ್ಮಣಃ ಸಾಧುರುತ್ತರಂ ಪುನರುಕ್ತವಾನ್। ಬಾಹ್ಲೀಕೇಷ್ವವಿನೀತೇಷು ಪ್ರೋಚ್ಯಮಾನಂ ನಿಬೋಧ ತತ್॥ 8-37-34 (56734) ತತತ್ರ ಸ್ಮ ರಾಕ್ಷಸೀ ಗಾತಿ ಕೃಷ್ಣಚತುರ್ದಶೀಂ। ನಗರೇ ಶಾಕಲೇ ಸ್ಫೀತೇ ಆಹತ್ಯ ನಿಶಿ ದುಂದುಭಿಂ॥ 8-37-35 (56735) ಕಥಂ ವಸ್ತಾದೃಶೋ ಗಾಥಾಃ ಪುನರ್ಗಾಸ್ಯಾಮಿ ಶಾಕಲೇ। ಗವ್ಯಸ್ಯ ತೃಪ್ತಾ ಮಾಂಸಸ್ಯ ಪೀತ್ವಾ ಗೌಡಂ ಸುರಾಸವಂ॥ 8-37-36 (56736) ಗೌರೀಭಿಃ ಸಹ ನಾರೀಭಿರ್ಬೃಹತೀಭಿಃ ಸ್ವಲಂಕೃತಾ। ಪಲಾಂಡುಗಂಡೂಷಯುತಾಃ ಖಾದಂತಶ್ಚೇಶಿಕಾನ್ಬಹೂನ್॥ 8-37-37 (56737) ವಾರಾಹಂ ಕೌಕ್ಕುಟಂ ಮಾಂಸಂ ಗವ್ಯಂ ಗಾರ್ದಭಮೌಷ್ಟ್ರಕಂ। ಧಾನಾಶ್ಚ ಯೇ ನ ಖಾದಂತಿ ತೇಷಾಂ ಜನ್ಮ ನಿರರ್ಥಕಂ॥ 8-37-38 (56738) ಏವಂ ಗಾಯಂತಿ ಯೇ ಮತ್ತಾಃ ಶೀಧುನಾ ಪೀಲುಕಾವನೇ। ಸಬಾಲವೃದ್ಧಾಃ ಕ್ರಂದಂತಿ ತೇಷಾಂ ಧರ್ಮಃ ಕಥಂ ಭವೇತ್॥ 8-37-39 (56739) ಯತ್ರ ಲೋಕೇಶ್ವರಃ ಕೃಷ್ಣೋ ದೇವದೇವೋ ಜನಾರ್ದನಃ। ವಿಸ್ಮೃತಃ ಪುರುಷೈರುಗ್ರೈಸ್ತೇಷಾಂ ಧರ್ಮಃ ಕಥಂ ಭವೇತ್॥ 8-37-40 (56740) ಇತಿ ಶಲ್ಯ ವಿಜಾನೀಹಿ ಹಂತ ಭೂಯೋ ಬ್ರವೀಮಿ ತೇ। ಯದನ್ಯೋಪ್ಯುಕ್ತವಾನಸ್ಮಾನ್ಬ್ರಾಹ್ಮಣಃ ಕುರುಸಂಸದಿ॥ 8-37-41 (56741) ಪಂಚನದ್ಯೋ ವಹಂತ್ಯೇತಾ ಯತ್ರ ಪೀಲುವನಾನ್ಯುತ। ಶತದ್ರುಶ್ಚ ವಿಪಾಶಾ ಚ ತೃತೀಯೈರಾವತೀ ತಥಾ॥ 8-37-42 (56742) ಚಂದ್ರಭಾಗಾ ವಿತಸ್ತಾ ಚ ಸಿಂಧುಷಷ್ಠಾ ಮಹಾನದೀ। ಆರಟ್ಟಾ ನಾಮ ಬಹ್ಲೀಕಾ ಏತೇಷ್ವಾರ್ಯೋ ಹಿ ನೋ ವಸೇತ್॥ 8-37-43 (56743) ವ್ರಾತ್ಯಾನಾಂ ದಾಸಮೀಯಾನಾಂ ವಿದೇಹಾನಾಮಯಜ್ವನಾಂ। ನ ದೇವಾಃ ಪ್ರತಿಗೃಹ್ಣಂತಿ ಪಿತರೋ ಬ್ರಾಹ್ಮಣಾಸ್ತಥಾ॥ 8-37-44 (56744) ತೇಷಾಂ ಪ್ರನಷ್ಟಧರ್ಮಾಣಾಂ ಬಾಹ್ಲೀಕಾನಾಮಿತಿ ಶ್ರುತಿಃ। ಬ್ರಾಹ್ಮಣೇನ ಯಥಾ ಪ್ರೋಕ್ತಂ ವಿದುಷಾ ಸಾಧುಸಂಸದಿ॥ 8-37-45 (56745) ಕಾಷ್ಠಕುಂಡೇಷು ಬಾಹ್ಲೀಕಾ ಮೃಣ್ಮಯೇಷು ಚ ಭುಂಜತೇ। ಸಕ್ತುಮದ್ಯಾವಲಿಪ್ತೇಷು ಶ್ವಾವಲೀಢೇಷು ನಿರ್ಘೃಣಾಃ॥ 8-37-46 (56746) ಆವಿಕಂ ಚೌಷ್ಟ್ರಿಕಂ ಚೈವ ಕ್ಷೀರಂ ಗಾರ್ದಭಮೇವ ಚ। ತದ್ವಿಕಾರಾಂಶ್ಚ ಬಾಹ್ಲೀಕಾಃ ಖಾದಂತಿ ಚ ಪಿಬಂತಿ ಚ॥ 8-37-47 (56747) ಪಾತ್ರಸಂಕರಿಣೋ ಜಾಲ್ಮಾಃ ಸರ್ವಾನ್ನಕ್ಷೀರಭೋಜನಾಃ। ಆರಟ್ಟಾ ನಾಮ ಬಾಹ್ಲೀಕಾ ವರ್ಜನೀಯಾ ವಿಪಶ್ಚಿತಾ॥ 8-37-48 (56748) ಇತಿ ಶಲ್ಯ ವಿಜಾನೀಹಿ ಹಂತ ಭೂಯೋ ಬ್ರವೀಮಿ ತೇ। ಯದನ್ಯೋಽಪ್ಯುಕ್ತವಾನ್ಮಹ್ಯಂ ಬ್ರಾಹ್ಮಣಃ ಕುರುಸಂಸದಿ॥ 8-37-49 (56749) ಯುಗಂಧರೇ ಪಯಃ ಪೀತ್ವಾ ಪ್ರೋಷ್ಯ ಚಾಪ್ಯಚ್ಯುತಸ್ಥಲೇ। ತದ್ವದ್ಭೂತಿಲಯೇ ಸ್ನಾತ್ವಾ ಕಥಂ ಸ್ವರ್ಗಂ ಗಮಿಷ್ಯತಿ॥ 8-37-50 (56750) ಪಂಚನದ್ಯೋ ವಹಂತ್ಯೇತಾ ಯತ್ರ ನಿಃಸೃತ್ಯ ಪರ್ವತಾತ್। ಆರಟ್ಟಾ ನಾಮ ಬಾಹ್ಲೀಕಾ ನ ತೇಷ್ವಾರ್ಯೋ ದ್ವ್ಯಹಂ ವಸೇತ್॥ 8-37-51 (56751) ಬಾಹ್ಲೀಕಾ ನಾಮ ಹೀಕಶ್ಚ ವಿಪಾಶಾಯಾಂ ಪಿಶಾಚಕೌ। ತಯೋರಪತ್ಯಂ ಬಾಹ್ಲೀಕಾ ನೈಷಾ ಸೃಷ್ಟಿಃ ಪ್ರಜಾಪತೇಃ॥ 8-37-52 (56752) ತೇ ಕಥಂ ವಿವಿಧಾಂಧರ್ಮಾಂಜ್ಞಾಸ್ಯಂತೇ ಹೀನಯೋನಯಃ॥ 8-37-53 (56753) ಕಾರಸ್ಕರಾನ್ಮಾಹಿಷಕಾನ್ಕರಂಭಾನ್ಕಟಕಾಲಿಕಾನ್। ಕರ್ಕರಾನ್ವೀರಕಾನ್ವೀರಾ ಉನ್ಮತ್ತಾಂಶ್ಚ ವಿವರ್ಜಯೇತ್॥ 8-37-54 (56754) ಇತಿ ತೀರ್ಥಾನುಸಂಚಾರೀ ರಾಕ್ಷಸೀ ಕಾಚಿದಬ್ರವೀತ್। ಏಕರಾತ್ರಮುಷಿತ್ವೇಹ ಮಹೋಲೂಖಲಮೇಖಲಾ॥ 8-37-55 (56755) ಆರಟ್ಟಾ ನಾಮ ತೇ ದೇಶಾ ಬಾಹ್ಲೀಕಂ ನಾಮ ತದ್ವನಂ। ವಸಾತಿಸಿಂಧುಸೌವೀರಾ ಇತಿ ಪ್ರಾಯೋಽತಿಕುತ್ಸಿತಾಃ॥ ॥ 8-37-56 (56756) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತತ್ರಿಂಶೋಽಧ್ಯಾಯಃ॥ 37 ॥

8-38-0 (56757) ಕರ್ಣ ಉವಾಚ। 8-38-0x (4937) ಇತಿ ಶಲ್ಯ ವಿಜಾನೀಹಿ ಹಂತ ಭೂಯೋ ಬ್ರವೀಮಿ ತೇ। ಉನ್ಯಮಾನಂ ಮಯಾ ಸಂಯಕ್ತ್ವಮೇಕಾಗ್ರಮನಾಃ ಶೃಣು॥ 8-38-1 (56758) ಬ್ರಾಹ್ಮಣಃ ಕಿಲ ನೋ ಗೇಹಮಧ್ಯಗಚ್ಛತ್ಪುರಾಽತಿಥಿಃ। ಆಚಾರಂ ತತ್ರ ಸಂಪ್ರೇಕ್ಷ್ಯ ಪ್ರೀತೋ ವಚನಮಬ್ರವೀತ್॥ 8-38-2 (56759) ಮಯಾ ಹಿಮವತಃ ಶೃಂಗಮೇಕೇನಾಧ್ಯುಷಿತಂ ಚಿರಂ। ದೃಷ್ಟಾಶ್ಚ ಬಹವೋ ದೇಶಾ ನಾನಾಧರ್ಮಸಮಾವೃತಾಃ॥ 8-38-3 (56760) ನ ಚ ಕೇನ ಚ ಧರ್ಮೇಣ ವಿರುಧ್ಯಂತೇ ಪ್ರಜಾ ಇಮಾಃ। ಸರ್ವಾಶ್ಚಾಪ್ಯಾಚರಂಧರ್ಮಂ ಯದುಕ್ತಂ ವೇದಪಾರಗೈಃ॥ 8-38-4 (56761) ಅಟತಾ ತು ಮಯಾ ದೇಶಾನ್ನಾನಾಧರ್ಮಸಮಾಕುಲಾನ್। ಆಗಚ್ಛತಾ ಮಹಾರಾಜ ಬಾಹ್ಲೀಕೇಷು ನಿಶಾಮಿತಂ॥ 8-38-5 (56762) ತತ್ರ ವೈ ಬ್ರಾಹ್ಮಣೋ ಭೂತ್ವಾ ಪುನರ್ಭವತಿ ಕ್ಷತ್ರಿಯಃ। ವೈಶ್ಯಃ ಶೂದ್ರಶ್ಚ ಬಾಹ್ಲೀಕಸ್ತತೋ ಭವತಿ ನಾಪಿತಃ॥ 8-38-6 (56763) ನಾಪಿತಶ್ಚ ತತೋ ಭೂತ್ವಾ ಪುನರ್ಭವತಿ ಬ್ರಾಹ್ಮಣಃ। ದ್ವಿಜೋ ಭೂತ್ವಾ ಚ ತತ್ರೈವ ಪುನರ್ದಾಸೋಽಭಿಜಾಯತೇ॥ 8-38-7 (56764) ಭವಂತ್ಯೇಕಕುಲೇ ವಿಪ್ರಾಃ ಶಿಷ್ಟಾ ಯೇ ಕಾಮಚಾರಿಣಃ। ಗಾಂಧಾರಾ ಮದ್ರಕಾಶ್ಚೈವ ಬಾಹ್ಲೀಕಾಶ್ಚಾಪ್ಯತೇಜಸಃ॥ 8-38-8 (56765) ಏತನ್ಮಯಾ ಶ್ರುತಂ ತತ್ರ ಧರ್ಮಸಂಕರಕಾರಕಂ। ಕೃತ್ಸ್ನಾಮಟಿತ್ವಾ ಪೃಥಿವೀಂ ಬಾಹ್ಲೀಕೇಷು ವಿಪರ್ಯಯಃ॥ 8-38-9 (56766) ಇತಿ ಶಲ್ಯ ವಿಜಾನೀಹಿ ಹಂತ ಭೂಯೋ ಬ್ರವೀಮಿ ತೇ। ಯದಪ್ಯನ್ಯೋಽಬ್ರವೀದ್ವಾಕ್ಯಂ ಬಾಹ್ಲೀಕಾನಾಂ ವಿಕುತ್ಸಿತಂ॥ 8-38-10 (56767) ಆನೀಯೇಹಾಕ್ಷತಾ ಕಾಚಿದಾರಟ್ಟಾತ್ಕಿಲ ದಸ್ಯುಭಿಃ। ಅಧರ್ಮತಶ್ಚೋಪಯಾತಾ ಸಾ ತಾನಭ್ಯಶಪತ್ತತಃ॥ 8-38-11 (56768) ಬಾಲಾಂ ಬಂಧುಮತೀಂ ಯನ್ಮಾಮಧರ್ಮೇಣೋಪಗಚ್ಛಥ। ತಸ್ಮಾತ್ಕುಮಾರ್ಯಃ ಸ್ವೈರಿಣ್ಯೋ ಭವಿಷ್ಯಂತಿ ಕುಲೇಷು ವಃ॥ 8-38-12 (56769) ನ ಚೈವಾಸ್ಮಾತ್ಪ್ರಮೋಕ್ಷಧ್ವಂ ಘೋರಾಚ್ಛಾಪಾನ್ನರಾಧಮಾಃ। ತಸ್ಮಾತ್ತೇಷಾಂ ಭಾಗಹರಃ ಕಥಂ ಧರ್ಮಾನ್ವದಿಷ್ಯಸಿ॥ 8-38-13 (56770) ಕುರವಃ ಸಹಪಾಂಚಾಲಾಃ ಸಾಲ್ವಾ ಮಾತ್ಸ್ಯಾಃ ಸನೈಮಿಶಾಃ। ಕೋಸಲಾಃ ಕಾಶಪೌಂಡ್ರಾಶ್ಚ ಕಾಲಿಂಗಾ ಮಾಗಧಾಸ್ತಥಾ॥ 8-38-14 (56771) ಚೇದಯಶ್ಚ ಮಹಾಭಾಗಾ ಧರ್ಮಂ ಜಾನಂತಿ ಶಾಶ್ವತಂ। ನಾನಾದೇಶೇಷ್ವಸಂತಶ್ಚ ಪ್ರಾಯೋ ಬಾಹ್ಯಾಲಯಾನೃತೇ॥ 8-38-15 (56772) ಆಮತ್ಸ್ಯೇಭ್ಯಃ ಕುರುಪಾಂಚಾಲಸಾಲ್ವಾ ಆನೈಮಿಶಾಚ್ಚೇದಯೋ ಯೇ ವಿಶಿಷ್ಟಾಃ। ಧರ್ಮಂ ಪುರಾಣಮುಪಜೀವಂತಿ ಸಂತೋ ಮದ್ರಾನೃತೇ ಪಾಂಚನದಾಂಶ್ಚ ಜಿಹ್ಮಾನ್॥ 8-38-16 (56773) ಏವಂ ವಿದ್ವಾಂಧರ್ಮಕಥಾಸು ರಾಜಂ-- ಸ್ತೂಷ್ಣೀಂಭೂತಃ ಶಲ್ಯ ಭವೇಃ ಸದಾ ತ್ವಂ। ತ್ವಂ ತಸ್ಯ ಗೋಪ್ತಾ ಚ ಜನಸ್ಯ ರಾಜಾ ಷಡ್ಭಾಗಹರ್ತಾ ಶುಭದುಷ್ಕೃತಸ್ಯ॥ 8-38-17 (56774) ಅಥವಾ ದುಷ್ಕೃತಸ್ಯ ತ್ವಂ ಹರ್ತಾ ತೇಷಾಮರಕ್ಷಿತಾ। ರಕ್ಷಿತಾ ಪುಣ್ಯಭಾಗ್ರಾಜಾ ಪ್ರಜಾನಾಂ ತ್ವಂ ಹ್ಯಪುಣ್ಯಭಾಕ್॥ 8-38-18 (56775) ಪೂಜ್ಯಮಾನೇ ಪುರಾ ಧರ್ಮೇ ಸರ್ವದೇಶೇಷು ಶಾಶ್ವತೇ। ಧರ್ಮಂ ಪಾಂಚನದಂ ದೃಷ್ಟ್ವಾ ಧಿಗಿತ್ಯಾಹ ಪಿತಾಮಹಃ॥ 8-38-19 (56776) ವ್ರಾತ್ಯಾನಾಂ ದಾಶಕೀಯಾನಾಂ ಕೃತೇಽಪ್ಯಶುಭಕರ್ಮಣಾಂ। ಬ್ರಹ್ಮಣಾ ನಿಂದಿತಾಂಧರ್ಮಾನ್ಕಶ್ಚಿತ್ಸಿದ್ಧಾತ್ಮಕೋಽಬ್ರವೀತ್॥ 8-38-20 (56777) ಇತಿ ಪಾಂಚನದಂ ಧರ್ಮವಮೇನೇ ಪಿತಾಮಹಃ। ಸ್ವಧರ್ಮಸ್ಥೇಷು ವರ್ಣೇಷು ಸೋಽಪ್ಯೇತಾನ್ನಾಭ್ಯಪೂಜಯತ್॥ 8-38-21 (56778) ಇತಿ ಶಲ್ಯ ವಿಜಾನೀಹಿ ಹಂತ ಭೂಯೋ ಬ್ರವೀಮಿ ತೇ। ಕಲ್ಮಾಷಪಾದಃ ಸರಸಿ ನಿಮ಼ಜ್ಜನ್ರಾಕ್ಷಸೋಽಬ್ರವೀತ್॥ 8-38-22 (56779) ಕ್ಷತ್ರಿಯಸ್ಯ ಮಲಂ ಭೈಕ್ಷ್ಯಂ ಬ್ರಾಹ್ಮಣಸ್ಯಾಶ್ರುತಂ ಮಲಂ। ಮಲಂ ಪೃಥಿವ್ಯಾ ಬಾಹ್ಲೀಕಾಃ ಸ್ತ್ರೀಣಾಂ ಕೌತೂಹಲಂ ಮಲಂ॥ 8-38-23 (56780) ನಿಮಜ್ಜಮಾನಮುದ್ಧೃತ್ಯ ಕಶ್ಚಿದ್ರಾಜಾ ನಿಶಾಚರಂ। ಅಪೃಚ್ಛತ್ತೇನ ಚಾಖ್ಯಾತಂ ತಚ್ಛೃಣುಷ್ವ ನರಾಧಿಪ॥ 8-38-24 (56781) ಮಾನುಷಾಣಾಂ ಮಲಂ ಂಲೇಚ್ಛಾ ಂಲೇಚ್ಛಾನಾಂ ಮುಷ್ಟಿಕಾ ಮಲಂ। ಮುಷ್ಟಿಕಾನಾಂ ಮಲಂ ಷಂಢಾಃ ಷಂಢಾನಾಂ ರಾಜಯಾಜಕಾಃ॥ 8-38-25 (56782) ರಾಜಯಾಜಕಯಾಜ್ಯಾನಾಂ ಮದ್ರಕಾಣಾಂ ಚ ಯನ್ಮಲಂ। ತದ್ಭವೇದ್ವೈ ತವ ಮಲಂ ಯದ್ಯಸ್ಮಾನ್ನ ವಿಮುಂಚಸಿ॥ 8-38-26 (56783) ಇತಿ ರಕ್ಷೋಪಸೃಷ್ಟೇಷು ವಿಷವೀರ್ಯಹತೇಷು ಚ। ವಿದ್ವದ್ಭಿರ್ಭೇಷಜಂ ದೃಷ್ಟಂ ಸಂಸಿದ್ಧವಚನೋತ್ತರಂ॥ 8-38-27 (56784) ಬ್ರಾಹಯಾಃ ಪಂಚಾಲಾಃ ಕೌರವೇಯಾಸ್ತು ಧರ್ಂಯಾಃ ಸತ್ಯಾ ಮತ್ಸ್ಯಾಃ ಶೂರಸೇನಾಶ್ಚ ಯಾಜ್ಯಾಃ। ಪ್ರಾಚ್ಯಾ ದಾಸಾ ವೃಷಲಾ ದಾಕ್ಷಿಣಾತ್ಯಾಃ ಸ್ತೇನಾ ಬಾಹ್ಲೀಕಾಃ ಸಂಕಾರ ವೈ ಸುರಾಷ್ಟ್ರಾಃ॥ 8-38-28 (56785) ಕೃತಘ್ನತಾ ಪರವಿತ್ತಾಪಹಾರೋ ಮದ್ಯಪಾನಂ ಗುರುದಾರಾವಮರ್ದಃ। ವಾಕ್ಪಾರುಷ್ಯಂ ಗೋವಧೋ ರಾತ್ರಿಚರ್ಯಾ ಬಹಿರ್ಗೇಹಂ ಪರವಸ್ತ್ರೋಪಭೋಗಃ॥ 8-38-29 (56786) ಯೇಷಾಂ ಧರ್ಮಸ್ತಾನ್ಪ್ರತಿ ನಾಸ್ತ್ಯಧರ್ಮೋ ಹ್ಯಾರಟ್ಟಜಾನ್ಪಾಂಚನದಾಂಧಿಗಸ್ತು। ಆಪಾಂಚಾಲಾಃ ಕುರವೋ ನೈಮಿಶಾಶ್ಚ ಮತ್ಸ್ಯಾಶ್ಚೈವಾಪ್ಯನುಜಾನಂತಿ ಧರ್ಮಂ। ಅಥೋದೀಚ್ಯಾಶ್ಚೋದಯೋ ಭಾಗಧಾಶ್ಚ ಶಿಷ್ಟಾಂಧರ್ಮಾನುಪಜೀವಂತಿ ವೃದ್ಧಾಃ॥ 8-38-30 (56787) ಪ್ರಾಚೀಂ ದಿಶಂ ಶ್ರಿತಾ ದೇವಾ ಜಾತವೇದಃಪುರೋಗಮಾಃ। ದಕ್ಷಿಣಾ ಪಿತೃಭಿರ್ಗುಪ್ತಾ ಯಮೇನ ಶುಭಕರ್ಮಣಾ॥ 8-38-31 (56788) ಪ್ರತೀಚೀಂ ವರುಣಃ ಪಾತಿ ಪಾಲಯನ್ನಸುರಾನ್ಬಹೂನ್। ಉದೀಚೀಂ ಭಗವಾನ್ಸೋಮ ಬ್ರಹ್ಮಾ ಚ ಬ್ರಾಹ್ಮಣೈಃ ಸಹ॥ 8-38-32 (56789) ರಕ್ಷಃಪಿಶಾಚಾನ್ಹಿಮವಾನ್ಗುಹ್ಯಕಾನ್ಗಂಧಮಾದನಃ। ಧ್ರುವಂ ಸರ್ವಾಣಿ ಭೂತಾನಿ ವಿಷ್ಣುಃ ಪಾತಿ ಸುರೋತ್ತಮಃ॥ 8-38-33 (56790) ಇಂಗಿತ5ಆಶ್ಚ ಮಗಧಾಃ ಪ್ರೇಕ್ಷಿತಜ್ಞಾಶ್ಚ ಕೋಸಲಾಃ। ಅರ್ಧೋಕ್ತಾಃ ಕುರುಪಾಂಚಾಲಾಃ ಸರ್ವೋಕ್ತಾ ದಾಕ್ಷಿಣಾಪಥಾಃ॥ 8-38-34 (56791) ಪಾರ್ವತೀಯಾಶ್ಚ ವಿಷಯಾ ಯಥೈವ ಗಿರಯಸ್ತಥಾ। ಸರ್ವಜ್ಞಾ ಯವನಾ ರಾಜಞ್ಶೂರಾಶ್ಚೈವ ವಿಶೇಷತಃ। ಂಲೇಚ್ಛಾಃ ಸ್ವಸಂಜ್ಞಾನಿಯತಾ ನಾನುಕ್ತಮಿತರೇ ಜನಾಃ॥ 8-38-35 (56792) ಪ್ರತಿರಬ್ಧಾಸ್ತು ಬಾಹ್ಲೀಕಾ ನ ಚ ಕೇಚನ ಮದ್ರಕಾಃ। ಸ ತ್ವಮೇತಾದೃಶಃ ಶಲ್ಯ ನೋತ್ತರಂ ವಕ್ತುಮರ್ಹಸಿ॥ 8-38-36 (56793) ಏವಂ ಜ್ಞಾತ್ವಾ ಜೋಷಮಾಸ್ಸ್ವ ಪ್ರತೀಪಂ ಮಾ ಸ್ಮ ಕ್ರುದ್ಧಃ ಪಾಪಭೃತಾಂ ವರಿಷ್ಠ। ಪೂರ್ವಂ ಹತ್ವಾ ತ್ವಾಂ ಸಪುತ್ರಂ ಬಲೈಶ್ಚ ಪಶ್ಚಾದ್ಧಂಸ್ಯೇ ವಾಸುದೇವಾರ್ಜುನೌ ಚ॥ 8-38-37 (56794) ಶಲ್ಯ ಉವಾಚ। 8-38-38x (4938) ಆತುರಾಣಾಂ ಪರಿತ್ಯಾಗಃ ಸ್ವದಾರಸುತವಿಕ್ರಯಃ। ಅಂಗೇ ಪ್ರವರ್ತತೇ ಕರ್ಣ ಯೇಷಾಮಧಿಪತಿರ್ಭವಾನ್॥ 8-38-38 (56795) ರಥಾತಿರಥಸಂಖ್ಯಾಯಾಂ ಯತ್ತ್ವಾಂ ಭೀಷ್ಮಸ್ತದಾಬ್ರವೀತ್। ತಾನ್ವಿದಿತ್ವಾಽತ್ಮನೋ ದೋಷಾನ್ನಿರ್ಮನ್ಯುರ್ಭವ ಮಾ ಕ್ರುಧಃ॥ 8-38-39 (56796) ಸರ್ವತ್ರ ಬ್ರಾಹ್ಮಣಾಃ ಸಂತಿ ಸಂತಿ ಸರ್ವತ್ರ ಕ್ಷತ್ರಿಯಾಃ। ವೈಶ್ಯಾಃ ಶೂದ್ರಾಸ್ತಥಾ ಕರ್ಣ ಸ್ತ್ರಿಯಃ ಸಾಧ್ವ್ಯಶ್ಚ ಸುವ್ರತಾಃ॥ 8-38-40 (56797) ರಮಂತೇ ಚೋಪಹಾಸೇನ ಪುರುಷಾಃ ಪುರುಷೈಃ ಸಹ। ಅನ್ಯೋನ್ಯೇನ ರತಾಃ ಕ್ಷೀಬಾ ದೇಶೇದೇಶೇ ಚ ಮೈಥುನಂ॥ 8-38-41 (56798) ಪರವಾಚ್ಯೇಷು ನಿಪುಣಃ ಸರ್ವೋ ಭವತಿ ಸರ್ವದಾ। ಆತ್ಮವಾಚ್ಯಂ ನ ಜಾನೀತೇ ಜಾನನ್ನಪಿ ಚ ಮುಹ್ಯತಿ॥ 8-38-42 (56799) ಸರ್ವತ್ರ ಸಂತಿ ರಾಜನಃ ಸ್ವಂಸ್ವಂ ಧರ್ಮಮನುವ್ರತಾಃ। ದುರ್ಮನುಷ್ಯಾನ್ನಿಗೃಹ್ಣಂತಿ ಸಂತಿ ಸರ್ವತ್ರ ಧಾರ್ಮಿಕಾಃ॥ 8-38-43 (56800) ನ ಕರ್ಣ ದೇಶಸಾಮಾನ್ಯಾತ್ಸರ್ವಃ ಪಾಪಂ ನಿಷೇವತೇ। ಯಾದೃಶಾಃ ಸ್ವಸ್ವಭಾವೇನ ದೇಶಾಂಸ್ತಾಂಸ್ತಾದೃಶಾನ್ವಿದುಃ॥ 8-38-44 (56801) ಸಂಜಯ ಉವಾಚ। 8-38-45x (4939) ತತತೋ ದುರ್ಯೋಧನೋ ರಾಜಾ ಕರ್ಣಶಲ್ಯಾವವಾರಯತ್। ಸಖಿಭಾವೇನ ರಾಧೇಯಂ ಶಲ್ಯಂ ಸೌಜನ್ಯಕೇನ ಚ॥ 8-38-45 (56802) ತತೋ ನಿವಾರಿತಃ ಕರ್ಣೋ ಧಾರ್ತರಾಷ್ಟ್ರೇಣ ಮಾರಿಷ। ಪ್ಹಹಸ್ಯ ತತ್ರ ರಾಜೇಂದ್ರಂ ಯಾದಿ ಶಲ್ಯೇತ್ಯಚೋದಯತ್॥ ॥ 8-38-46 (56803) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಅಷ್ಟತ್ರಿಂಶೋಽಧ್ಯಾಯಃ॥ 38 ॥

8-39-0 (56804) ಸಂಜಯ ಉವಾಚ। 8-39-0x (4940) ತತಃ ಪರಾನೀಕಭಿದಂ ವ್ಯೂಹಮಪ್ರತಿಮಂ ಕೃತಂ। ಸಮೀಕ್ಷ್ಯ ಕರ್ಣಃ ಪಾರ್ಥಾನಾಂ ಧೃಷ್ಟಧುಂನಾಭಿರಕ್ಷಿತಂ॥ 8-39-1 (56805) ಪ್ರಯಯೌ ರಥಘೋಷೇಣ ಸಿಂಹನಾದರವೇಣ ಚ। ವಾದಿತ್ರಾಣಾಂ ಚ ನಿನದೈಃ ಕಂಪಯನ್ನಿವ ಮೇದಿನೀಂ॥ 8-39-2 (56806) ಸಂಜಯ ಉವಾಚ। 8-39-3x (4941) ತತಃ ಪ್ರಯಾಂತಂ ರಾಧೇಯಂ ಮದ್ರರಾಜಃ ಸ್ಮಯನ್ನಿವ। ಅವಧೂಯ ಇದಂ ವಾಕ್ಯಮಬ್ರವೀತ್ಕುರುಸನ್ನಿಧೌ॥ 8-39-3 (56807) ಚಮೂಂ ತವೇಮಾಂ ವಿಪುಲಾಂ ಸಮೃದ್ವಾ-- ಮಸಂಖೇಯಾಮಶ್ವನರಾಕುಲಾಂ ಚ। ತಥಾ ಪ್ರವೇಷ್ಟಾ ಸಮರೇ ಧನಂಜಯಃ ಕಕ್ಷಂ ದಹಂದೀಪ್ತ ಇವಾಶ್ರಯಾಶೀ॥ 8-39-4 (56808) ರಥೇ ಸ್ತಿತೌ ವೀರವರೌ ವರೇಣ್ಯೌ ಸಿಂಹಸ್ಕಂಧೌ ಲೋಹಿತಪದ್ಮನೇತ್ರೌ। ದ್ರಷ್ಟಾ ಭವಾನದ್ಯ ವಿನಾ ಪ್ರಯತ್ನಾ-- ತ್ತಥಾಹಿ ಮೇ ಶಕುನಾ ವೇದಯಂತಿ॥ 8-39-5 (56809) ಅದ್ಯ ದ್ರಷ್ಟಾಽಸಿ ತಂ ವೀರಂ ಶ್ವೇತಾಶ್ವಂ ಕೃಷ್ಣಸಾರಥಿಂ। ನಿಘ್ನಂತಂ ಶಾತ್ರವಾನ್ಸಂಖ್ಯೇ ಯಂ ಕರ್ಣ ಪರಿಪೃಚ್ಛಸಿ॥ 8-39-6 (56810) ಅದ್ಯ ತೌ ಪುರುಷವ್ಯಾಘ್ರೌ ಲೋಹಿತಾಕ್ಷೌ ಪರಂತಪೌ। ವಾಸುದೇವಾರ್ಜುನೌ ಕರ್ಣ ದ್ರಷ್ಟಾಽಸ್ಯಮಿತವಿಕ್ರಮೌ॥ 8-39-7 (56811) ಸಾರಥಿರ್ಯಸ್ಯ ಗೋವಿಂದೋ ಗಾಂಡೀವಂ ಯಸ್ಯ ಕಾರ್ಮುಕಂ। ತಂ ಚೇದ್ವಂತಾಽಸಿ ರಾಧೇಯ ತ್ವಂ ನೋ ರಾಜಾ ಭವಿಷ್ಯಸಿ॥ 8-39-8 (56812) ಪ್ರವಾತ್ಯೇಷ ಮಹಾವಾಯುರಭಿತಸ್ತವ ವಾಹಿನೀಂ। ಕ್ರವ್ಯಾದಾ ವ್ಯಾಹರಂತ್ಯೇತೇ ಮೃಗಾಃ ಕುರ್ವಂತಿ ಭೈರವಂ॥ 8-39-9 (56813) ಪಶ್ಯ ಕರ್ಣ ಮಹಾಘೋರಂ ಭಯಂ ವೈ ರೋಮಹರ್ಷಣಂ। ಅರ್ಕಂ ಜೀಮೂತಸಂಕಾಶಃ ಕಬಂಧೋ ವಾರ್ಯ ತಿಷ್ಠತಿ॥ 8-39-10 (56814) ಪಶ್ಯ ಯೂಥಂ ಮೃಗಶತಂ ಮೃಗಾಣಾಂ ಸರ್ವತೋದಿಶಂ। ರರಾಸ ದೀಪ್ತಲಾಂಗೂಲಮಾದಿತ್ಯಾಮಭಿ ಸಂಸ್ಥಿತಂ॥ 8-39-11 (56815) ಪಶ್ಯ ಕಾಕಾಂಶ್ಚ ಗೃಧ್ರಾಂಶ್ಚ ಸಮವೇತಾನ್ಸಹಸ್ರಶಃ। ಆದಿತ್ಯಮಭಿವೀಕ್ಷಂತೇ ಹ್ಯಶಿವಾಃ ಕರ್ಣ ಸಸ್ವರಾಃ॥ 8-39-12 (56816) ಶ್ವೇತವಾಜಿಸಮಾಯುಕ್ತೇ ತವ ಕರ್ಣ ಮಹಾರಥೇ। ಪತಾಕಾಃ ಪ್ರಜ್ವಲಂತ್ಯೇತಾ ಧ್ವಜಶ್ಚಾತೀವ ಕಂಪತೇ॥ 8-39-13 (56817) ಉದೀರ್ಯತೋ ಹಯಾನ್ಪಶ್ಯ ಮಹಾಕಾಯಾನ್ಮಹಾಜವಾನ್। ಪ್ಲವಮಾನಾನ್ಮಹಾವೀರ್ಯಾನಾಕಾಶೇ ಗರುಡಾನಿವ॥ 8-39-14 (56818) ಧ್ರುವಮೇಷು ನಿಮಿತ್ತೇಷು ಭೂಮಿಮಾವೃತ್ಯ ಪಾರ್ಥಿವಾಃ। ಸ್ವಪ್ಸ್ಯಂತಿ ನಿಹತಾಃ ಕರ್ಣ ಶತಶೋಽಥ ಸಹಸ್ರಶಃ॥ 8-39-15 (56819) ಶಂಖಾನಾಂ ತುಮುಲಃ ಶಬ್ದಃ ಶ್ರೂಯತೇ ರೋಮಹರ್ಷಣಃ। ಆನಕಾನಾಂ ಚ ರಾಧೇಯ ಮೃದಂಗಾನಾಂ ಚ ಹನ್ಯತಾಂ॥ 8-39-16 (56820) ಶೃಣು ಶಬ್ದಾನ್ಬಹುವಿಧಾನ್ನರಾಶ್ವರಥವಾಜಿನಾಂ। ಜ್ಯಾತಲತ್ರೇಷುಶಬ್ದಾಂಶ್ಚ ಶೃಣು ಕರ್ಣ ಮಹಾತ್ಮನಾಂ॥ 8-39-17 (56821) ಹೇಮರೂಪ್ಯಪ್ರಮೃಷ್ಟಾನಾಂ ವಾಸಸಾಂ ಶಿಲ್ಪಿನಿರ್ಮಿತಾಃ। ಸಹೇಮಚಂದ್ರತಾರಾಭಾಃ ಪತಾಕಾಃ ಕಿಂಗಿಣೀಯುತಾಃ॥ 8-39-18 (56822) ನಾನಾವರ್ಣಾ ರಣೇ ಭಾಂತಿ ಶ್ವಸನೇನ ಪ್ರಕಂಪಿತಾಃ। ಪಶ್ಯ ಕರ್ಣಾರ್ಜುನಸ್ಯೈತಾಃ ಸೌದಾಮಿನ್ಯ ಇವಾಂಬುದೇ॥ 8-39-19 (56823) ಧ್ವಜಾಃ ಕಣಕಣಾಯಂತೇ ವಾತೇನಾತಿಸಮೀರಿತಾಃ। ಸಪತಾಕರಥಾಶ್ಚಾಪಿ ಪಾಂಚಾಲಾನಾಂ ಮಹಾತ್ಮನಾಂ॥ 8-39-20 (56824) ಏಷ ರೇಣುಃ ಸಮುದ್ಭೂತೋ ದಿವಮಾವೃತ್ಯ ತಿಷ್ಠತಿ। ಗಜವಾಜಿಪ್ರಣುನ್ನಾ ಚ ಕಂಪತೇ ಕರ್ಣ ಮೇದಿನೀ॥ 8-39-21 (56825) ಶ್ರೂಯತೇ ಮೇಘಸಂಕಾಶೋ ರಥನೇಮಿಸ್ವನಸ್ತಥಾ। ಪಶ್ಯ ಕುಂತೀಸುತಂ ವೀರಂ ಬೀಭತ್ಸುಮಪರಾಜಿತಂ। ಪ್ರಹರಿಷ್ಯಂತಮಾಯಾಂತಂ ಕಪಿಪ್ರವರಕೇತನಂ॥ 8-39-22 (56826) ಗಜಾಶ್ವರಥಪತ್ತ್ಯೋಘಾಂಸ್ತಾವಕಾನ್ಯುಧಿ ನಿಘ್ನತಃ। ಧ್ವಜಾಗ್ರಂ ದೃಶ್ಯತೇ ತಸ್ಯ ಜ್ಯಾಶಬ್ದಶ್ಚೈವ ಶ್ರೂಯತೇ॥ 8-39-23 (56827) ಏಷ ಸಂಶಪ್ತಕಾನ್ಭೂಯಸ್ತಾನೇವಾಭಿಮುಖೋ ಗತಃ। ಕರೋತಿ ಕದನಂ ಚೈಷ ಸಂಗಾಮೇ ದ್ವಿಷತಾಂ ಬಲೀ॥ 8-39-24 (56828) ಸಂಜಯ ಉವಾಚ। 8-39-25x (4942) ಇತಿ ಬ್ರುವಾಣಂ ಮದ್ರೇಶಂ ಕರ್ಣಃ ಪ್ರೋವಾಚ ಮನ್ಯುಮಾನ್॥ 8-39-25 (56829) ಪಶ್ಯ ಸಂಶಪ್ತಕೈಃ ಕ್ರುದ್ಧೈಃ ಸಮಂತಾತ್ಸಮಭಿದ್ರುತಃ। ಏಷ ಸೂರ್ಯ ಇವಾಂಭೋದೈಶ್ಛನ್ನಃ ಪಾರ್ಥೋ ನ ದೃಶ್ಯತೇ। ಏಷ ದಾಂತೋಽರ್ಜುನಃ ಶಲ್ಯ ನಿಮಗ್ನಃ ಶೋಕಸಾಗರೇ॥ 8-39-26 (56830) ಶಲ್ಯ ಉವಾಚ। 8-39-27x (4943) ವರುಣಂ ಕೋಽಂಭಸಾ ಹನ್ಯಾದಿಂಧನೇನ ಚ ಕೋಽನಲಂ। ಕೋವಾಽನಿಲಂ ನಿಗೃಹ್ಣೀಯಾತ್ಪಿಬೇದ್ವಾ ಕೋ ಮಹಾರ್ಣವಂ॥ 8-39-27 (56831) ಈದೃಗ್ರೂಪಮಹಂ ಮನ್ಯೇ ಪಾರ್ಥಸ್ಯ ಯುಧಿ ನಿರ್ಜಯಂ। ನ ಹಿ ಶಕ್ಯೋಽರ್ಜುನೋ ಜೇತುಂ ಯುಧಿ ದೇವಾಸುರೈರಪಿ॥ 8-39-28 (56832) ಅಥೈಘಂ ಪರಿತೋಷಸ್ತೇ ವಾಗ್ಭಿಸ್ತ್ವಂ ಸುಮಾನಾ ಭವ। ನ ಹಿ ಶಕ್ಯೋ ಯುಧಾ ಜೇತುಮನ್ಯಂ ಕುರು ಮನೋರಥಂ॥ 8-39-29 (56833) ಬಾಹುಭ್ಯಾಮುದ್ಧರೇದ್ಭೂಮಿಂ ದಹೇತ್ಕ್ರುದ್ಧ ಇಮಾಃ ಪ್ರಜಾಃ। ಪಾತಯೇತ್ತ್ರಿದಿವಾದ್ದೇವಾನ್ನಾರ್ಜುನಂ ಸಮರೇ ಜಯೇತ್॥ 8-39-30 (56834) ಪಶ್ಯ ಕುಂತೀಸುತಂ ಭೀಮಂ ವೀರಮಕ್ಲಿಷ್ಟಕಾರಿಣಂ। ಪ್ರಹರಂತಂ ಮಹಾಬಾಹುಂ ಸ್ಥಿತಂ ಮೇರುಮಿವಾಚಲಂ॥ 8-39-31 (56835) ಅಮರ್ಷೀ ಪುರುಷವ್ಯಾಘ್ರಃ ಸದಾ ವೈರಮನುಸ್ಮರನ್। ಏಷ ಭೀಮೋ ಜಯಪ್ರೇಪ್ಸುರ್ಯುಧಿ ತಿಷ್ಠತಿ ವೀರ್ಯವಾನ್॥ 8-39-32 (56836) ಏಷ ಧರ್ಮಭೃತಾಂ ಶ್ರೇಷ್ಠೋ ಧರ್ಮರಾಜೋ ಯುಧಿಷ್ಠಿರಃ। ತಿಷ್ಠತ್ಯಸುಕರಃ ಸಂಖ್ಯೇ ಪರೈಃ ಪರಪುರಂಜಯಃ॥ 8-39-33 (56837) ಏತೌ ಚ ಪುರುಷವ್ಯಾಘ್ರಾವಾಶ್ವಿನೇಯೌ ಮಹಾರಥೌ। ನಕುಲಃ ಸಹದೇವಶ್ಚ ತಿಷ್ಠತೋ ಯುಧಿ ದುರ್ಜಯೌ॥ 8-39-34 (56838) ಏತೇ ತಿಷ್ಠಂತಿ ಕಾರ್ಷ್ಣೇಯಾಃ ಪಂಚ ಪಂಚಾಚಲಾ ಇವ। ಯೋತ್ಸ್ಯಮಾನಾ ಮಹಾವೀರ್ಯಾ ಭೀಮಾರ್ಜುನಸಮಾ ಯುಧಿ॥ 8-39-35 (56839) ಏತೇ ದ್ರುಪದಪುತ್ರಾಶ್ಚ ಧೃಷ್ಟದ್ಯುಂನಪುರೋಗಮಾಃ। ಹೀನಾಃ ಸತ್ಯಜಿತಾ ವೀರಾಸ್ತಿಷ್ಠಂತಿ ಪರಮೌಜಸಃ॥ 8-39-36 (56840) ಯತ್ರ ಕೃಷ್ಣಾರ್ಜುನೌ ವೀರೌ ಯತ್ರ ರಾಜಾ ಯುಧಿಷ್ಠಿರಃ। ತತ್ರ ಧರ್ಮಶ್ಚ ಸತ್ಯಂ ಚ ಯತೋ ಧರ್ಮಸ್ತತೋ ಜಯಃ॥ 8-39-37 (56841) ಇತಿ ಸಂವದತೋರೇವ ತಯೋಃ ಪುರುಷಸಿಂಹಯೋಃ। ತೇ ಸೇನೇ ಸಮಸಜ್ಜೇತಾಂ ಂಗಾಯಮುನವದ್ಭೃಶಂ॥ ॥ 8-39-38 (56842) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಏಕೋನಚತ್ವಾರಿಂಶೋಽಧ್ಯಾಯಃ॥ 39 ॥

8-40-0 (56843) ಸಂಜಯ ಉವಾಚ। 8-40-0x (4944) ದುರ್ಯೋಧನಸ್ತತಃ ಕರ್ಣಮುಪೇತ್ಯ ಭರತರ್ಷಭ। ಅಬ್ರವೀನ್ಮದ್ರರಾಜಂ ಚ ತಥೈವಾನ್ಯಾನ್ಮಹಾರಥಾನ್॥ 8-40-1 (56844) ಯದೃಚ್ಛಯಾಽಯಮವ್ಯಗ್ರೋ ಧರ್ಮಃ ಪರಮಕಃ ಸಖಾ। ಸುಖಿನಃ ಕ್ಷತ್ರಿಯಾಃ ಕರ್ಣ ಲಭಂತೇ ಯುದ್ಧಮೀದೃಶಂ॥ 8-40-2 (56845) ಯಾದೃಶಂ ಕ್ಷತ್ರಿಯೈಃ ಶೂರೈಃ ಶೂರಾಣಾಂ ದೀವ್ಯತಾಂ ಯುಧಿ। ಇಷ್ಟಂ ಭವತಿ ರಾಧೇಯ ತದಿದಂ ಸಮುಪಸ್ಥಿತಂ॥ 8-40-3 (56846) ಹತ್ವಾ ತು ಪಾಂಡವಾನ್ಯುದ್ಧೇ ಸ್ಥಿರಾಮುರ್ವೀಂ ಪ್ರಶಾಸಥ। ನಿಹತಾ ವಾ ಪರೈರ್ಯುದ್ಧೇ ವೀರಲೋಕಾನವಾಪ್ಸ್ಯಥ॥ 8-40-4 (56847) ದುರ್ಯೋಧನಸ್ಯ ವಚನಂ ಶ್ರುತ್ವಾ ತತ್ಕ್ಷತ್ರಿಯರ್ಷಭಾಃ। ಸಿಂಹನಾದಾನುದಕ್ರೋಶನ್ವಾದಿತ್ರಾಣಿ ಚ ಜಘ್ನಿರೇ॥ 8-40-5 (56848) ತಸ್ಮಿನ್ಪ್ರಮುದಿತೇ ಸೈನ್ಯೇ ತ್ವದೀಯೇ ಭರತರ್ಷಭ। ಹರ್ಷಯಂಸ್ತಾವಕಾನ್ಯೋಧಾಂದ್ರೌಣಿರ್ವಿಚನಮಬ್ರವೀತ್॥ 8-40-6 (56849) ಪ್ರತ್ಯಕ್ಷಂ ಸರ್ವಸೈನ್ಯಾನಾಂ ಭವತಾಂ ಚಾಪಿ ಪಶ್ಯತಾಂ। ನ್ಯಸ್ತಶಸ್ತ್ರೋ ಮಮ ಪಿತಾ ಧೃಷ್ಟದ್ಯುಂನೇನ ಪಾತಿತಃ॥ 8-40-7 (56850) ಸ ತೇನಾಹಮಮರ್ಷೇಣ ಪಿತ್ರರ್ಥೇ ಚಾಪಿ ಭಾರತ। ಧೃಷ್ಟದ್ಯುಂನಮಹತ್ವಾಽಹಂ ನ ವಿಮೋಕ್ಷ್ಯಾಮಿ ದಂಶನಂ॥ 8-40-8 (56851) ಕೃತ್ವಾಽನೃತಾಂ ಪ್ರತಿಜ್ಞಾಂ ವೋ ನಾಸ್ಮಿ ಪ್ರಾಪ್ತಾ ಮಹತ್ಫಲಂ। ಅರ್ಜುನಂ ಭೀಮಸೇನಂ ಚ ಯಶ್ಚ ಮಾಂ ಪ್ರತಿಯೋತ್ಸ್ಯತಿ। ಸರ್ವಾಂಸ್ತಾನ್ಪ್ರಮಥಿಷ್ಯಾಮಿ ಇತಿ ಮೇ ನಿಶ್ಚಿತಾ ಮತಿಃ॥ 8-40-9 (56852) ಸಂಜಯ ಉವಾಚ। 8-40-10x (4945) ಏವಮುಕ್ತೇ ತತಃ ಸರ್ವಾ ಹರ್ಷಿತಾ ಭಾರತೀ ಚಮೂಃ। ಅಭ್ಯವರ್ತತ ಕೌಂತೇಯಾಂಸ್ತಥಾ ತಾಂ ಚಾಪಿ ಪಾಂಡವಾಃ॥ 8-40-10 (56853) ಸ ಸನ್ನಿಪಾತೋ ರಥಯೂಥಪಾನಾಂ ಮಹಾಹವೇ ಭಾರತ ಲೋಭನೀಯೇ। ಜನಕ್ಷಯಃ ಕಾಲಯುಗಾಂತಕಲ್ಪಃ ಪ್ರಾವರ್ತತಾಗ್ರೇ ಕುರುಸೃಂಜಯಾನಾಂ॥ 8-40-11 (56854) ತತಃ ಪ್ರವೃತ್ತೇ ಯುಧಿ ಸಂಪ್ರಹಾರೇ ಭೂತಾನಿ ಸರ್ವಾಣಿ ಸದೈವತಾನಿ। ಆಸನ್ಸಮೇತಾನಿ ಸಹಾಪ್ಸರೋಭಿ-- ನಿರೀಕ್ಷತೀಭಿರ್ಯುಧಿ ವೀರಸಂಘಾನ್॥ 8-40-12 (56855) ದಿವ್ಯೈಶ್ಚ ಗಂಧೈಃ ಪರಮೈಶ್ಚ ಪುಷ್ಪೈ-- ರನ್ಯೈಶ್ಚ ರತ್ನೈರ್ವಿವಿಧೈರ್ನರಾಗ್ರ್ಯಾಃ। ರಣೇಷು ಕರ್ಮೋದ್ವಹತಾಃ ಪ್ರಹೃಷ್ಟಾ- ನನಂದಯನ್ನಪ್ಸರಸಃ ಪ್ರಹೃಷ್ಟಾಃ॥ 8-40-13 (56856) ಸಮೀರಣಸ್ತಾಂಸ್ತು ನಿಷೇವ್ಯ ಗಂಧಾ-- ನ್ನಿಷೇವತೇ ತಾನಪಿ ಯೋಧಮುಖ್ಯಾನ್। ನಿಷೇವ್ಯಮಾಣಾಸ್ತ್ವನಿಲೇನ ಯೋಧಾಃ ಪರಸ್ಪರಂ ಚುಕ್ರುಶುರಾಜಿಮಧ್ಯೇ॥ 8-40-14 (56857) ತಥಾ ತು ತಸ್ಮಿಂಸ್ತುಮುಲೇ ಪ್ರವೃತ್ತೇ ದುರ್ಯೋಧನಃ ಕ್ರೋಧಮಮೃಷ್ಯಮಾಣಃ। `ಅವೇಭ್ಯ ಭೀಮಂ ಬಲಮಧ್ಯಸಂಸ್ಥಃ ಸಮಾರ್ಪಯತ್ಕ್ಷುದ್ರಕಾಣಾಂ ಶತೇನ॥ 8-40-15 (56858) ದುಃಶಾಸನಶ್ಚಿತ್ರಸೇನಶ್ಚ ವೀರ-- ಸ್ತಥೋಲೂಕಃ ಕಿತವಃ ಸೌಬಲಶ್ಚ। ಗಜಾನೀಕೈಃ ಸರ್ವತೋ ಭೀಮಸೇನಂ ತಥಾವಿಷಕ್ತಂ ಸಹಸೈವಾಭ್ಯಗಚ್ಛನ್॥ 8-40-16 (56859) ತಮಾಪತಂತಂ ಸಂಪ್ರೇಕ್ಷ್ಯ ಗಜಾನೀಕಂ ವೃಕೋದರಃ। ದುರ್ಯೋಧನಂ ಮಹಾಬಾಹುಃ ಶರವರ್ಷೈರವಾಕಿರತ್॥ 8-40-17 (56860) ದುರ್ಯೋಧನಂ ತತೋ ಭೀಮಃ ಸಾಯಕೈರ್ವಜ್ರಸನ್ನಿಭೈಃ। ಪಾಂಡವೋ ವಿಮುಖೀಕೃತ್ಯ ಗಜಾನಭ್ಯದ್ರವದ್ಬಲೀ॥ 8-40-18 (56861) ತತಃ ಪಾವಕಸಂಕಾಶೈರ್ಭೀಮಬಾಣೈರವಕ್ರಗೈಃ। ಶಲಭೈರಿವ ನಾಗಾಂಸ್ತಾನರ್ದಯಾಮಾಸ ಪಾಂಡವಃ॥ 8-40-19 (56862) ತತಃ ಕುಂಜರಯೂಥಾನಿ ಭೀಮಸೇನೋ ಮಹಾಬಲಃ। ವ್ಯಧಮನ್ನಿಶಿತೈರ್ಬಾಣೈರ್ಮಹಾವಾತೋ ಘನಾನಿವ॥ 8-40-20 (56863) ನಿತ್ಯಮತ್ತಾಶ್ಚ ಮಾತಂಗಾಃ ಶೂರೈರ್ಮತ್ತೈರಧಿಷ್ಠಿತಾಃ। ಆರೋಹಕೈರ್ಮಹಾಮಾತ್ರೈಸ್ತೋಮರಾಂಕುರಾಪಾಣಿಭಿಃ॥ 8-40-21 (56864) ಸುವರ್ಣಜಾಲೈಃ ಪ್ರಚ್ಛನ್ನಾ ಮಣಿಜಾಲೈಶ್ಚ ಕುಂಜರಾಃ। ರೂಪ್ಯಜಾಂಬೂನದಾಭಾಸಃ ಕ್ಷುರಮಾಲಾಭ್ಯಲಂಕೃತಾಃ॥ 8-40-22 (56865) ವಧ್ಯಮಾನಾಃ ಶರೈ ರಾಜನ್ಭೀಮಸೇನೇನ ತೇ ಗಜಾಃ। ವಿಭಿನ್ನಹೃದಯಾಃ ಕೇಚಿತ್ತತ್ರೈವಾಭ್ಯಪತನ್ಭುವಿ॥ 8-40-23 (56866) ನಿಪತದ್ಭಿರ್ಮಹಾವೇಗೈರ್ಹೇಮಭಾಂಡವಿಭೂಷಿತೈಃ। ಅಶೋಭತ ಮಹಾರಾಜ ಧಾತುಚಿತ್ರೈರಿವಾಚಲೈಃ॥ 8-40-24 (56867) ದೀಪ್ತಾಭರಣವದ್ಭಿಶ್ಚ ಗಜಪೃಷ್ಠನಿಪಾತಿತೈಃ। ಸಂಗರಃ ಶುಶುಭೇ ರಾಜನ್ಕ್ಷೀಣಪುಣ್ಯೈರಿವಾಮರೈಃ॥ 8-40-25 (56868) ಮಹಾಪರಿಘಸಂಕಾಶೌ ಚಂದನಾಗರುರೂಷಿತೌ। ಅಪಶ್ಯಂ ಭೀಮಸೇನಸ್ಯ ಧನುರ್ವಿಕ್ಷಿಪತೋ ಭುಜೌ॥ 8-40-26 (56869) ತಸ್ಯ ಜ್ಯಾತಲನಿರ್ಘೋಷಮಸ್ಯತಃ ಸವ್ಯದಕ್ಷಿಣಂ। ತಂ ಶ್ರುತ್ವಾಽಭ್ಯದ್ರವನ್ನಾಗಾ ಭೀಮಸೇನಭಯಾರ್ದಿತಾಃ॥ 8-40-27 (56870) ತಸ್ಯ ಭೀಮಸ್ಯ ತತ್ಕರ್ಮ ರಾಜನ್ನೇಕಸ್ಯ ಧೀಮತಃ। ಅಪಶ್ಯಾಮ ಮಹಾರಾಜ ತದ್ಭೂತಮಿವಾಭವತ್'॥ ॥ 8-40-28 (56871) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಚತ್ವಾರಿಂಶೋಽಧ್ಯಾಯಃ॥ 40 ॥

8-41-0 (56872) ಸಂಜಯ ಉವಾಚ। 8-41-0x (4946) ತತಃ ಪರಾನೀಕಭಿದಂ ವ್ಯೂಹಮಪ್ರತಿಮಂ ಮಹತ್। ಸಮೀಕ್ಷ್ಯ ಕರ್ಣಃ ಪಾರ್ಥಾನಾಂ ಧೃಷ್ಟದ್ಯುಂನಾಭಿರಕ್ಷಿತಂ॥ 8-41-1 (56873) ಪ್ರಯಯೌ ರಥಘೋಷೇಣ ಸಿಂಹನಾದರವೇಣ ಚ। ವಾದಿತ್ರಾಣಾಂ ಚ ನಿನದೈಃ ಕಂಪಯನ್ನಿವ ಮೇದಿನೀಂ॥ 8-41-2 (56874) ವೇಪಮಾನ ಇವ ಕ್ರೋಧಾದ್ಯುದ್ವಶೌಂಡಃ ಪರಂತಪಃ। ಪ್ರತಿವ್ಯೂಹ್ಯ ಮಹಾತೇಜಾ ಯಥಾವದ್ಭರತರ್ಷಭ॥ 8-41-3 (56875) ವ್ಯಧಮತ್ಪಾಂಡವೀಂ ಸೇನಾಮಾಸುರೀಂ ಮಘವಾನಿವ। ಯುಧಿಷ್ಠಿರಂ ಚಾಭ್ಯಹನದಪಸವ್ಯಂ ಚಕಾರಹ॥ 8-41-4 (56876) ಕರ್ಣಸ್ಯ ರಥಘೋಷೇಣ ಮೌರ್ವೀನಿಷ್ಪೇಷಣೇನ ಚ। ಸುಸಂಗ್ರಾಹೇಣ ರಶ್ಮೀನಾಂ ಸಮಕಂಪಂತ ಸೃಂಜಯಾಃ॥ 8-41-5 (56877) ತಾನಿ ಸರ್ವಾಣಿ ಸೈನ್ಯಾನಿ ಕರ್ಣ ದೃಷ್ಟ್ವಾ ವಿಶಾಂಪತೇ। ಬಭೂವುಃ ಸಂಪ್ರಹೃಷ್ಟಾನಿ ತಾವಕಾನಿ ಯುಯುತ್ಸಯಾ॥ 8-41-6 (56878) ಅಶ್ರೂಯಂತ ತತೋ ವಾಚಸ್ತಾವಕಾನಾಂ ವಿಶಾಂಪತೇ। ಕರ್ಣಾರ್ಜುನಮಹಾಯುದ್ಧಮೇತದದ್ಯ ಭವಿಷ್ಯತಿ॥ 8-41-7 (56879) ಅದ್ಯ ದುರ್ಯೋಧನೋ ರಾಜಾ ಹತಾಮಿತ್ರೋ ಭವಿಷ್ಯತಿ। ಅದ್ಯ ಕರ್ಣಂ ರಣೇ ದೃಷ್ಟ್ವಾ ಫಲ್ಗುನೋ ವಿದ್ರವಿಷ್ಯತಿ॥ 8-41-8 (56880) ಅದ್ಯ ತಾವದ್ವಯಂ ಯುದ್ಧೇ ಕರ್ಣಸ್ಯೈವಾನುಗಾಮಿನಃ। ಕರ್ಣಬಾಣಮಯಂ ಭೀಮಂ ಯುದ್ಧಂ ದ್ರಕ್ಷ್ಯಾಮ ಸಂಯುಗೇ॥ 8-41-9 (56881) ಚಿರಕಾಲೇಪ್ಸಿತಮಿದಮದ್ಯೇದಾನೀಂ ಭವಿಷ್ಯತಿ। ಅದ್ಯ ದ್ರಕ್ಷ್ಯಾಮ ಸಂಗ್ರಾಮಂ ಘೋರಂ ದೇವಾಸುರೋಪಮಂ॥ 8-41-10 (56882) ಅದ್ಯೇದಾನೀಂ ಮಹದ್ಯುದ್ಧಂ ಭವಿಷ್ಯತಿ ಭಯಾನಕಂ। ಅದ್ಯೇದಾನೀಂ ಜಯೋ ನಿತ್ಯಮೇಕಸ್ಯೈಕಸ್ಯ ವಾ ರಣೇ॥ 8-41-11 (56883) ಅರ್ಜುನಂ ಕಿಲ ರಾಧೇಯೋ ವಧಿಷ್ಯತಿ ಮಹಾರಣೇ। ಅಥವಾ ಕಂ ನರಂ ಲೋಕೇ ನ ಸ್ಪೃಶಂತಿ ಮನೋರಥಾಃ॥ 8-41-12 (56884) ಇತ್ಯುಕ್ತ್ವಾ ವಿವಿಧಾ ವಾಚಃ ಕುರವಃ ಕುರುನಂದನ। ಆಜಘ್ನುಃ ಪಟಹಾಂಶ್ಚೈವ ತೂರ್ಯಾಂಶ್ಚೈವ ಸಹಸ್ರಶಃ॥ 8-41-13 (56885) ಭೇರೀನಾದಾಂಶ್ಚ ವಿವಿಧಾನ್ಸಿಂಹನಾದಾಂಶ್ಚ ಪುಷ್ಕಲಾನ್। ಮುರಜಾನಾಂ ಮಹಾಶಬ್ದಾನಾನಕಾನಾಂ ಮಹಾರವಾನ್॥ 8-41-14 (56886) ನೃತ್ಯಮಾನಾಶ್ಚ ಬಹುಶಸ್ತರ್ಜಮಾನಾಶ್ಚ ಮಾರಿಷ। ಅನ್ಯೋನ್ಯಮಭ್ಯಯುರ್ಯುದ್ಧೇ ಯುದ್ಧರಂಗಗತಾ ನರಾಃ॥ 8-41-15 (56887) ತೇಷಾಂ ಪದಾತಾ ನಾಗಾನಾಂ ಪಾದರಕ್ಷಾಃ ಸಮಂತತಃ। ಪಟ್ಟಸಾಸಿಧರಾಃ ಶೂರಾಶ್ಚಾಪಬಾಣಮುಸುಂಠಿನಃ॥ 8-41-16 (56888) ಭಿಂಡಿಪಾಲಧರಾಶ್ಚೈವ ಶೂರಲಹಸ್ತಾಃ ಸುಚಕ್ರಿಣಃ। ತೇಷಾಂ ಸಮಾಗಮೋ ಘೋರೋ ದೇವಾಸುರರಣೋಪಮಃ॥ 8-41-17 (56889) ಧೃತರಾಷ್ಟ್ರಂ ಉವಾಚ। 8-41-18x (4947) ಕಥಂ ಸಂಜಯ ರಾಧೇಯಃ ಪ್ರತ್ಯವ್ಯೂಹತ ಪಾಂಡವಾನ್। ಧೃಷ್ಟದ್ಯುಂನಮುಖಾನ್ಸಂಖ್ಯೇ ಭೀಮಸೇನಾಭಿರಕ್ಷಿತಾನ್। ಸರ್ವಾನೇವ ಮಹೇಷ್ವಾಸಾನಜಯ್ಯಾನಮರೈರಪಿ॥ 8-41-18 (56890) ಕೇ ಚ ಪ್ರಪಕ್ಷೌ ಪಕ್ಷೌ ವಾ ಮಮ ಸೈನ್ಯಸ್ಯ ಸಂಜಯ। ಪ್ರವಿಭಜ್ಯ ಯಥಾನ್ಯಾಯಮವತಸ್ಥುಃ ಸುದಂಶಿತಾಃ॥ 8-41-19 (56891) ಕಥಂ ಪಾಂಡುಸುತಾಶ್ಚಾಪಿ ಪ್ರತ್ಯವ್ಯೂಹಂತ ಮಾಮಕಾನ್। ಕಥಂ ಚೈತನ್ಮಹದ್ಯುದ್ಧಂ ಪ್ರಾವರ್ತತ ಸುದಾರುಣಂ॥ 8-41-20 (56892) ಕ್ವ ಚ ಬೀಭತ್ಸುರಭವದ್ಯತ್ಕರ್ಣೋಽಯಾದ್ಯುಧಿಷ್ಠಿರಂ। ಕೋ ಹ್ಯರ್ಜುನಸ್ಯ ಸಾನ್ನಿಧ್ಯೇ ಶಕ್ತೋ ಜೇತುಂ ಯುಧಿಷ್ಠಿರಂ॥ 8-41-21 (56893) ಸರ್ವಭೂತಾನಿ ಯೋ ಹ್ಯೇಕಃ ಖಾಂಡವೇ ಜಿತಬಾನ್ಪುರಾ। ಕಸ್ತಮನ್ಯಸ್ತು ರಾಧೇಯಾತ್ಪ್ರತಿಯುಧ್ಯೇಜ್ಜಿಜೀವಿಷುಃ॥ 8-41-22 (56894) ಸಂಜಯ ಉವಾಚ। 8-41-23x (4948) ಶೃಣು ವ್ಯೂಹಸ್ಯ ರಚನಾಮರ್ಜುನಶ್ಚ ಯಥಾ ಗತಃ। ಪರಿವಾರ್ಯ ನೃಪಾನ್ಸರ್ವಾನ್ಸಂಗ್ರಾಮಶ್ಚಾಭವದ್ಯಥಾ॥ 8-41-23 (56895) ಕೃಪಃ ಶಾರದ್ವತೋ ರಾಜನ್ಮಾಗಧಾಶ್ಚ ತರಸ್ವಿನಃ। ಸಾತ್ವತಃ ಕೃತವರ್ಮಾ ಚ ದಕ್ಷಿಣಂ ಪಕ್ಷಮಾಶ್ರಿತಾಃ॥ 8-41-24 (56896) ತೇಷಾಂ ಪ್ರಪಕ್ಷೇ ಶಕುನಿರುಲೂಕಶ್ಚ ಮಹಾರಥಃ। ಸಾದಿಭಿರ್ವಿಮಲಪ್ರಾಸೈಸ್ತದಾನೀಮಭ್ಯರಕ್ಷತಾಂ॥ 8-41-25 (56897) ಗಾಂಧಾರೈಶ್ಚಾಪ್ಯಸಂಭ್ರಾಂತೈಃ ಪಾರ್ವತೀಯೈಶ್ಚ ದುರ್ಜಯೈಃ। ಶಲಭಾನಾಮಿವ ವ್ರಾತೈಃ ಪಿಶಾಚೈರಿವ ದುರ್ದೃಶೈಃ॥ 8-41-26 (56898) ಚತುರ್ವಿಂಶತ್ಸಹಸ್ರಾಣಿ ರಥಾನಾಮನಿವರ್ತಿನಾಂ। ಸಂಶಪ್ತಕಾ ಯುದ್ವಶೌಂಡಾ ವಾಮಪಾಶ್ವಮಪಾಲಯನ್॥ 8-41-27 (56899) ಸಮನ್ವಿತಾಸ್ತವ ಸುತೈಃ ಕೃಷ್ಣಾರ್ಜುನಜಿಘಾಂಸವಃ। ತೇಷಾಂ ಪ್ರಪಕ್ಷಾಃ ಕಾಂಭೋಜಾಃ ಶಕಾಶ್ಚ ಯವನೈಃ ಸಹ॥ 8-41-28 (56900) ನಿದೇಶಾತ್ಸೂತಪುತ್ರಸ್ಯ ಸರಥಾಶ್ವೇಭಪತ್ತಯಃ। ಆಹ್ವಯಂತೋಽರ್ಜುನಂ ತಸ್ಥುಃ ಕೇಶವಂ ಚ ಮಹಾಬಲಂ॥ 8-41-29 (56901) ತತಃ ಸೇನಾಮುಖೇ ಕರ್ಣೋಽಪ್ಯವಾತಿಷ್ಠತ ದಂಶಿತಃ। ಚಿತ್ರವರ್ಮಾಂಗದಃ ಸ್ರಗ್ವೀ ಪಾಲಯನ್ವಾಹಿನೀಮುಖಂ॥ 8-41-30 (56902) ರಕ್ಷಮಾಣೈಃ ಸುಸಂರಬ್ಧೈಃ ಪುತ್ರೈಃ ಶಸ್ತ್ರಭೃತಾಂ ವರಃ। ವಾಹಿನೀಂ ಪ್ರಮುಖೇ ವೀರಃ ಸಂಪ್ರಕರ್ಷನ್ನಶೋಭತ॥ 8-41-31 (56903) ಅಶೋಕಸ್ತು ಮಹಾಬಾಹುಃ ಸೂರ್ಯವೈಶ್ವಾನರಪ್ರಭಃ। ಮಹಾದ್ವಿಪಸ್ಕಂಧಗತಃ ಪಿಂಗಾಕ್ಷಃ ಪ್ರಿಯದರ್ಶನಃ। ದುಃಶಾಸನೋ ವೃತಃ ಸೈನ್ಯೈಃ ಸ್ಥಿತೋ ವ್ಯೂಹಸ್ಯ ಪೃಷ್ಠತಃ॥ 8-41-32 (56904) ತನ್ಮಧ್ಯೇ ಸ ಮಹಾಬಾಹುಃ ಸ್ವಯಂ ದುರ್ಯೋಧನೋ ನೃಪಃ। ಚಿತ್ರಾಶ್ವೈಶ್ಚಿತ್ರಸನ್ನಾಹೈಃ ಸೋದರ್ಯೈರಭಿರಕ್ಷಿತಃ॥ 8-41-33 (56905) ರಕ್ಷ್ಯಮಾಣೋ ಮಹಾವೀರ್ಯೈಃ ಸಹಿತೈರ್ಮದ್ರಕೇಕಯೈಃ। ಅಶೋಭತ ಮಹಾರಾಜ ದೇವೈರಿವ ಶತಕ್ರತುಃ॥ 8-41-34 (56906) ಅಶ್ವತ್ಥಾಮಾ ಕುರೂಣಾಂ ಚ ಯೇ ಪ್ರವೀರಾ ಮಹಾರಥಾಃ। ನಿತ್ಯಮತ್ತಾಶ್ಚ ಮಾತಂಗಾಃ ಶೂರೈರ್ಂಲೇಚ್ಛೈಃ ಸಮನ್ವಿತಾಃ। ಅನ್ವಯುಸ್ತದ್ರಥಾನೀಕಂ ಕ್ಷರಂತ ಇವ ತೋಯದಾಃ॥ 8-41-35 (56907) ತೇ ಧ್ವಜೈರ್ವೈಜಯಂತೀಭಿರ್ಜ್ವಲದ್ಭಿಃ ಪರಮಾಯುಧೈಃ। ಸಾದಿಭಿಶ್ಚಾಸ್ಥಿತಾ ರೇಜುರ್ದ್ರುಮವಂತ ಇವಾಚಲಾಃ॥ 8-41-36 (56908) ತೇಷಾಂ ಪದಾತಿನಾಗಾನಾಂ ಪಾದರಕ್ಷಾಃ ಸಹಸ್ರಶಃ। ಪಟ್ಟಸಾಸಿಧರಾಃ ಶೂರಾ ಬಭೂವುರನಿವರ್ತಿನಃ॥ 8-41-37 (56909) ಸಾದಿಭಿಃ ಸ್ಯಂದನೈರ್ನಾಗೈರಧಿಕಂ ಸಮಲಂಕೃತೈಃ। ಸ ವ್ಯೂಹರಾಜೋ ವಿಬಭೌ ದೇವಾಸುರಚಮೂಪಮಃ॥ 8-41-38 (56910) ಬಾರ್ಹಸ್ಪತ್ಯಃ ಸುವಿಹಿತೋ ನಾಯಕೇನ ವಿಪಶ್ಚಿತಾ। ನೃತ್ಯತೀವ ಮಹಾವ್ಯೂಹಃ ಪರೇಷಾಂ ಭಯಮಾದಧತ್॥ 8-41-39 (56911) ತಸ್ಯ ಪಕ್ಷಪ್ರಪಕ್ಷೇಭ್ಯೋ ನಿಷ್ಪತಂತಿ ಯುಯುತ್ಸವಃ। ಹಸ್ತ್ಯಶ್ವರಥಮಾತಂಗಾಃ ಪ್ರಾವೃಷೀವ ಬಲಾಹಕಾಃ॥ 8-41-40 (56912) ತತಃ ಸೇನಾಮುಖೇ ಕರ್ಣಂ ದೃಷ್ಟ್ವಾ ರಾಜಾ ಯುಧಿಷ್ಠಿರಃ। ಧನಂಜಯಮಮಿತ್ರಘ್ನಮೇಕವೀರಮುವಾಚ ಹ॥ 8-41-41 (56913) ಪಶ್ಯಾರ್ಜುನ ಮಹಾವ್ಯೂಹಂ ಕರ್ಣೇನ ವಿಹಿತಂ ರಣೇ। ಯುಕ್ತಂ ಪಕ್ಷೈಃ ಪ್ರಪಕ್ಷೈಶ್ಚ ಪರಾನೀಕಂ ಪ್ರಕಾಶತೇ॥ 8-41-42 (56914) ತತ್ಸಮೀಪಗತಂ ಹ್ಯೇತತ್ಪ್ರತ್ಯಮಿತ್ರಂ ಮಹದ್ಬೂಲಂ। ಯಥಾ ನಾಭಿಭವತ್ಯಸ್ಮಾಂಸ್ತಥಾ ನೀತಿರ್ವಿಧೀಯತಾಂ॥ 8-41-43 (56915) ಸಂಜಯ ಉವಾಚ। 8-41-44x (4949) ಏವಮುಕ್ತೋಽರ್ಜುನೋ ರಾಜ್ಞಾ ಪ್ರಾಂಜಲಿರ್ನೃಪಮಬ್ರವೀತ್॥ 8-41-44 (56916) ಯಥಾ ಯಥಾ ಭವಾನಾಹ ತತ್ತಥಾ ನ ತದನ್ಯಥಾ। ಯತ್ತಸ್ಯ ವಿಹಿತಂ ಕಾರ್ಯಂ ತತ್ಕರಿಷ್ಯಾಮಿ ಸುವ್ರತ। ಪ್ರಧಾನಮಥ ಚೈವಾಸ್ಯ ವಿನಾಶಂ ಚ ಕರೋಂಯಹಂ॥ 8-41-45 (56917) ತಸ್ಮಾತ್ತ್ವಂ ಜಹಿ ರಾಧೇಯಂ ಭೀಮಸೇನಃ ಸುಯೋಧನಂ। ವೃಷಸೇನಂ ಚ ನಕುಲಃ ಸಹದೇವೋಽಪಿ ಸೌಬಲಂ॥ 8-41-46 (56918) ದುಃಶಾನಂ ಶತಾನೀಕೋ ಹಾರ್ದಿಕ್ಯಂ ಶಿನಿಪುಂಗವಃ। ಧೃಷ್ಟದ್ಯುಂನೋ ದ್ರೋಣಸುತಂ ಸ್ವಯಂ ಯೋತ್ಸ್ಯಾಂಯಹಂ ಕೃಪಂ॥ 8-41-47 (56919) ದ್ರೌಪದೇಯಾ ಧಾರ್ತರಾಷ್ಟ್ರಾಞ್ಶಿಷ್ಟಾನ್ಸಹ ಶಿಖಂಡಿನಾ। ತೇ ತೇ ಚ ತಾಂಸ್ತಾನಹಿತಾನಸ್ಮಾಕಂ ಘ್ಂತು ಮಾಮಕಾಃ॥ 8-41-48 (56920) ಸಂಜಯ ಉವಾಚ। 8-41-49x (4950) ಇತ್ಯುಕ್ತೋ ಧರ್ಮರಾಜೇನ ತಥೇತ್ಯುಕ್ತ್ವಾ ಧನಂಜಯಃ। ವ್ಯಾದಿದೇಶ ಸ್ವಸೈನ್ಯಾನಿ ಸ್ವಯಂ ಚಾಗಾಚ್ಚಮೂಮುಖಂ॥ 8-41-49 (56921) ಧನಂಜಯೋ ಮಹಾರಾಜ ದಕ್ಷಿಣಂ ಪಕ್ಷಮಾಸ್ಥಿತಃ। ಭೀಮಸೇನೋ ಮಹಾಬಾಹುರ್ವಾಮಂ ಪಕ್ಷಮುಪಾಶ್ರಿತಃ॥ 8-41-50 (56922) ಸಾತ್ಯಕಿರ್ದ್ರೌಪದೇಯಾಶ್ಚ ಸ್ವಯಂ ರಾಜಾ ಚ ಪಾಂಡವಃ। ವ್ಯೂಹಸ್ಯ ಪ್ರಮುಖೇ ತಸ್ಥುಃ ಸ್ವೇನಾನೀಕೇನ ಸಂವೃತಾಃ॥ 8-41-51 (56923) ಸ್ವಬಲೇನಾರಿಸೈನ್ಯಂ ತತ್ಪ್ರತ್ಯವಸ್ಥಾಪ್ಯ ಪಾಂಡವಃ। ಪ್ರತ್ಯವ್ಯೂಹತ್ಪುರಸ್ಕೃತ್ಯ ಧೃಷ್ಟದ್ಯುಂನಶಿಖಂಡಿನೌ॥ 8-41-52 (56924) ತತ್ಸಾದಿನಾಗಕಲಿಲಂ ಪದಾತಿರಥಸಂಕುಲಂ। ಧೃಷ್ಟದ್ಯುಂನಮುಖಂ ಘೋರಮಶೋಭತ ಮಹದ್ಬಲಂ॥ ॥ 8-41-53 (56925) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಏಕಚತ್ವಾರಿಂಶೋಽಧ್ಯಾಯಃ॥ 41 ॥

8-42-0 (56926) ಧೃತರಾಷ್ಟ್ರ ಉವಾಚ। 8-42-0x (4951) ತಥಾ ವ್ಯೂಢೇಷ್ವನೀಕೇಷು ಸಂಸಕ್ತೇಷು ಚ ಸಂಜಯ। ಸಂಶಪ್ತಕಾಃ ಕಥಂ ಪಾರ್ಥಂ ಕಥಂ ಕರ್ಣಂ ಚ ಪಾಂಡವಾಃ॥ 8-42-1 (56927) ಏತದ್ವಿಸ್ತರಶೋ ಯುದ್ಧಂ ಪ್ರಬ್ರೂಹಿ ಕುಶಲೋ ಹ್ಯಸಿ। ನ ಹಿ ತೃಪ್ಯಾಮಿ ವೀರಾಣಾಂ ಶೃಣ್ವಾನೋ ಯುಧಿ ವಿಕ್ರಮಂ॥ 8-42-2 (56928) ಸಂಜಯ ಉವಾಚ। 8-42-3x (4952) ತತ್ಸಂಸ್ಥಿಮಥೋ ದೃಷ್ಟ್ವಾ ಪ್ರತ್ಯಮಿತ್ರಂ ಮಹದ್ಬಲಂ। ಪ್ರತ್ಯವ್ಯೂಹತ್ತತಃ ಕರ್ಣೋ ಹಿತಾರ್ಥಂ ತನಯಸ್ಯ ತೇ॥ 8-42-3 (56929) ತತ್ಸಾದಿನಾಗಕಲಿಲಂ ಪದಾತಿರಥಸಂಕುಲಂ। ಧೃಷ್ಟದ್ಯುಂನಮುಖಂ ಘೋರಮಶೋಭತ ಮಹದ್ಬಲಂ॥ 8-42-4 (56930) ಪಾರಾವತಸವರ್ಣಾಶ್ವಶ್ಚಂದ್ರಸೂರ್ಯಸಮದ್ಯುತಿಃ। ಸ ಪಾರ್ಷತೋ ಬಭೌ ಧನ್ವೀ ಕಾಲೋ ವಿಗ್ರಹವಾನಿವ॥ 8-42-5 (56931) ಪಾರ್ಷತಂ ತ್ವಭಿತಸ್ತಸ್ಥುರ್ದ್ರೌಪದೇಯಾ ಯುಯುತ್ಸವಃ। ಸಾನುಗಾ ದೀಪ್ತವಪುಷಶ್ಚಂದ್ರಂ ತಾರಾಗಣಾ ಇವ॥ 8-42-6 (56932) ಅಥ ವ್ಯೂಢೇಷ್ವನೀಕೇಷು ಪ್ರೇಕ್ಷ್ಯ ಸಂಶಪ್ತಕಾನ್ರಣೇ। ಕ್ರುದ್ಧೋಽರ್ಜುನೋಽಭಿದುದ್ರಾವ ವ್ಯಾಕ್ಷಿಪನ್ಗಾಂಡಿವಂ ಧನುಃ॥ 8-42-7 (56933) ಅಥ ಸಂಶಪ್ತಕಾಃ ಪಾರ್ಥಮಭ್ಯಧಾವನ್ವಧೈಷಿಣಃ। ವಿಜಯೇ ಧೃತಸಂಕಲ್ಪಾ ಮೃತ್ಯುಂ ಕೃತ್ವಾನಿವರ್ತನಂ॥ 8-42-8 (56934) ತದಶ್ವಸಂಘಬಹುಲಂ ಪತ್ತಿನಾಗರಥಾಕುಲಂ। ಉದೀರ್ಯಮಾಣಂ ಸಂರಬ್ಧಂ ಧನಂಜಯಮಭಿದ್ರವತ್॥ 8-42-9 (56935) ತದುದ್ಯತಂ ಮಹತ್ಸೈನ್ಯಂ ಸಾಗರೌಘಸಮಂ ಜವೇ। ಪಾರ್ಥವೇಲಾಂ ಸಮಾಸಾದ್ಯ ವಿಷ್ಠಿತಂ ಸಮದೃಶ್ಯತ॥ 8-42-10 (56936) ಮೃದ್ಗಂತಂ ಶವರ್ಷೌಘೈರ್ದ್ರುತಮರ್ಜುನಮಾರ್ದಯತ್॥ 8-42-11 (56937) ಸ ಸಂಪ್ರಹಾರಸ್ತುಮುಲಸ್ತೇಷಾಮಾಸೀತ್ಕಿರೀಟಿನಾ। ತಸ್ಯೈವ ತು ಯಥಾ ರಾಜನ್ನಿವಾತಕವಚೈಃ ಸಹ॥ 8-42-12 (56938) ರಥಾನಶ್ವಾಂಧ್ವಜಾನ್ನಾಗಾನ್ಪತ್ತೀನ್ಗಜಗತಾನಪಿ। ಇಷೂಂಧನೂಂಷಿ ಖಂಗಾಂಶ್ಚ ಚಕ್ರಾಣಿ ಚ ಪರಶ್ವಥಾನ್॥ 8-42-13 (56939) ಸಾಯುಧಾನುದ್ಯತಾನ್ಬಾಹೂನ್ವಿವಿಧಾನ್ಯಾಯುಧಾನಿ ಚ। ಚಿಚ್ಛೇದ ದ್ವಿಷತಾಂ ಪಾರ್ಥಃ ಶಿರಾಂಸಿ ಚ ಸಹಸ್ರಶಃ॥ 8-42-14 (56940) ತಸ್ಮಿನ್ಸೈನ್ಯಮಹಾವರ್ತೇ ಪಾತಾಲತಲಸನ್ನಿಭೇ। ನಿಮಗ್ನಂ ತಂ ರಥಂ ಮತ್ವಾ ನೇದುಃ ಸಂಶಪ್ತಕಾ ಮುದಾ॥ 8-42-15 (56941) ಸ ಪುರಸ್ತಾದರೀನ್ಹತ್ವಾ ಪುನರುತ್ತರತೋಽವಧೀತ್। ದಕ್ಷಿಣೇನ ಚ ಪಶ್ಚಾಚ್ಚ ಕ್ರುದ್ಧೋ ರುದ್ರಃ ಪಶೂನಿವ॥ 8-42-16 (56942) ಅಥ ಪಾಂಚಾಲಚೇದೀನಾಂ ಸೃಢ್ಜಯಾನಾಂ ಚ ಮಾರಿಷ। ತ್ವದೀಯೈಃ ಸಹ ಸಂಗ್ರಾಮ ಆಸೀತ್ಪರಮದಾರುಣಃ॥ 8-42-17 (56943) ಕೃಪಶ್ಚ ಕೃತವರ್ಮಾ ಚ ಶಕುನಿಶ್ಚಾಪಿ ಸೌಬಲಃ। ಹೃಷ್ಟಸೇನಾಃ ಸುಸಂರಬ್ಧಾ ರಥಾನೀಕಪ್ರಹಾರಿಣಃ॥ 8-42-18 (56944) ಕೋಸಲೈಃ ಕಾಶ್ಯಮತ್ಸ್ಯೈಶ್ಚ ಕಾರೂಶೈಃ ಕೇಕಯೈರಪಿ। ಶೂರಸೇನೈಃ ಶೂರವರೈರ್ಯುಯುಧುರ್ಯುದ್ಧದುರ್ಮದಾಃ॥ 8-42-19 (56945) ತೇಷಾಮಂತಕರಂ ಯುದ್ಧಂ ದೇಹಪಾಪ್ಮವಿನಾಶನಂ। ಕ್ಷತ್ರವಿಟ್ಶೂದ್ರವೀರಾಣಾಂ ಧರ್ಂಯಂ ಸ್ವರ್ಗ್ಯಂ ಯಶಸ್ಕರಂ॥ 8-42-20 (56946) ದುರ್ಯೋಧನೋಽಥ ಸಹಿತೋ ಭ್ರಾತೃಭಿರ್ಭರತರ್ಷಭ। ಗುಪ್ತಃ ಕುರುಪ್ರವೀರೈಶ್ಚ ಮದ್ರಾಣಾಂ ಚ ಮಹಾರಥೈಃ॥ 8-42-21 (56947) ಪಾಂಡವೈಃ ಸಹ ಪಾಂಚಾಲೈಶ್ಚೇದಿಭಿಃ ಸಾತ್ಯಕೇನ ಚ। ಯುಧ್ಯಮಾನಂ ರಣೇ ಕರ್ಣಂ ಕುರುವೀರೋಽಭ್ಯಪಾಲಯತ್॥ 8-42-22 (56948) ಕರ್ಣೋಽಪಿ ನಿಶಿತೈರ್ಬಾಣೈರ್ವಿನಿಹತ್ಯ ಮಹಾಚಮೂಂ। ಪ್ರಮೃದ್ಯ ಚ ರಥಶ್ರೇಷ್ಠಾನ್ಯುಧಿಷ್ಠಿರಮಪೀಡಯತ್॥ 8-42-23 (56949) ವಿಪತ್ರಾಯುಧದೇಹಾಸೂನ್ಕೃತ್ವಾ ಶತ್ರೂನ್ಸಹಸ್ರಶಃ। ಯುಕ್ತ್ವಾ ಸ್ವರ್ಗಯಶೋಭ್ಯಾಂ ಚ ಸ್ವೇಭ್ಯೋ ಮುದಮುದಾವಹತ್॥ 8-42-24 (56950) ತದ್ವಿಗಾಹ್ಯ ಮಹಾನೀಕಂ ಸೂತಪುತ್ರೋ ಮಹಾರಥಃ। ನದೀಂ ಪ್ರವರ್ತಯಾಮಾಸ ಶೋಣಿತೌಘತರಂಗಿಣೀಂ॥ 8-42-25 (56951) ಶೋಣಿತೋದಾಂ ಕ್ಷುಣ್ಣಮತ್ಸ್ಥಾಂ ನಾಗನಕ್ರದುರತ್ಯಯಾಂ। ಮಾಂಲಮಜ್ಜಾಕರ್ದಮಿನೀಂ ಚಕ್ರಕೂರ್ಮಮಹೋಡುಪಾಂ॥ 8-42-26 (56952) ಪಾತಿತೈರ್ಮೇಘಸಂಕಾಶೈಸ್ತತ್ರತತ್ರ ಮಹಾದ್ವಿಪೈಃ। ಅಶನೀಭಿರಿವ ಧ್ವಸ್ತಾ ನದೀ ರಾಜನ್ವಿರಾಜತೇ॥ 8-42-27 (56953) ತಾಂ ಶರೋರ್ಮಿಮಹಾವರ್ತಾಂ ಛತ್ರಹಂಸಸಮಾಕುಲಾಂ। ತನುತ್ರೋಷ್ಣೀಷಸಂಘಾಟಾಮಸ್ಥಿಪಾಷಾಣಸಂಕುಲಾಂ॥ 8-42-28 (56954) ಅಪಾರಾಮನಪಾರಾಂ ಚ ಶಂಖದುಂದುಭಿಘೋಷಿಣೀಂ। ರೌದ್ರಾಂ ನದೀಂ ಮಹಾರಾಜ ರಜಸಾ ಸರ್ವತೋವೃತಾಂ॥ 8-42-29 (56955) ಅತಿತೀಕ್ಷ್ಣಾಂ ನರಾಕೀರ್ಣಾಂ ನದೀಮಂತಕಗಾಮಿನೀಂ। ಸಮಂ ಚ ವಿಷಮಂ ಚೈವ ಸಮಾಯಾಂತೀಂ ಮಹಾಭಯಾಂ॥ 8-42-30 (56956) ಆಕುಲಾಶ್ಚಾತ್ರ ಸೀದಂತಿ ನರಾಃ ಶೋಣಿತಕರ್ದಮೇ। ನರೈರಭಿಪರಿಕ್ಷಿಪ್ತಾ ಯಥಾ ರಾಜನ್ಮಹಾದ್ರುಮಾಃ॥ 8-42-31 (56957) ತತಸ್ತೇ ತತ್ರತತ್ರೈವ ಪ್ರಚರಂತೋ ಮಹಾನದೀಂ। ವಿಚೇರುಃ ಸರ್ವತೋ ಯೋಧಾ ನೌವಾರಣಮಹಾರಥೈಃ॥ 8-42-32 (56958) ಶೋಣಿತೇನ ಸಮಂ ರಾಜನ್ಕೃತಮಾಸೀತ್ಸಮಂತತಃ। ನದೀವೇಗೈರ್ಯಥಾ ಭೂಮಿಸ್ತದ್ವದಾಸೀದ್ವಿಶಾಪತೇ॥ 8-42-33 (56959) ಏವಂ ಭಾರತ ಸಂಗ್ರಾಮೋ ನರವಾಜಿಗಜಕ್ಷಯಃ। ಕುರೂಣಾಂ ಸೃಂಜಯಾನಾಂ ಚ ದೇವಾಸುರಸಮೋಽಭವತ್॥ ॥ 8-42-34 (56960) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ದ್ವಿಚತ್ವಾರಿಂಶೋಽಧ್ಯಾಯಃ॥ 42 ॥

8-43-0 (56961) ಧೃತರಾಷ್ಟ್ರ ಉವಾಚ। 8-43-0x (4953) ಯುಕ್ತಂ ಪ್ರವಿಶ್ಯ ಪಾರ್ಥಾನಾಂ ಸೈನ್ಯಂ ಕುರ್ವಂಜನಕ್ಷಯಂ। ಕರ್ಣೋ ರಾಜಾನಮಭ್ಯೇತ್ಯ ತನ್ಮಮಾಚಕ್ಷ್ವ ಸ಼ಂಜಯ॥ 8-43-1 (56962) ಕೇ ಚ ಪ್ರವೀರಾಃ ಪಾರ್ಥಾನಾಂ ಯುಧಿ ಕರ್ಣಮವಾರಯನ್। ಕಾಂಶ್ಚ ಪ್ರಮಥ್ಯಾಧಿರಥಿರ್ಯುಧಿಷ್ಠಿರಮಪೀಡಯತ್॥ 8-43-2 (56963) ಸಂಜಯ ಉವಾಚ। 8-43-3x (4954) ಧೃಷ್ಟದ್ಯುಂನಮುಖಾನ್ಪಾರ್ಥಾಂದೃಷ್ಟ್ವಾ ಕರ್ಣೋ ವ್ಯವಸ್ಥಿತಾನ್। ಸಮಭ್ಯಧಾವತ್ತ್ವರಿತಃ ಪಾಂಚಾಲಾಂಛತ್ರುಕರ್ಶನಃ॥ 8-43-3 (56964) ತಂ ತೂರ್ಣಮಭಿಧಾವಂತಂ ಪಾಂಚಾಲಾ ಜಿತಕಾಶಿನಃ। ಪ್ರತ್ಯುದ್ಯಯುರ್ಮಹಾತ್ಮಾನಂ ಹಂಸಾಃ ಸರ ಇವೋಷ್ಣಗೇ॥ 8-43-4 (56965) ತತಃ ಶಂಖಸಹಸ್ರಾಣಾಂ ನಿಃಸ್ವನೋ ಹೃದಯಂಗಮಃ। ಪ್ರಾದುರಾಸೀದುಭಯತೋ ಭೇರೀಶಬ್ದಶ್ಚ ದಾರುಣಃ॥ 8-43-5 (56966) ನಾನಾಬಾಣನಿನಾದಶ್ಚ ದ್ವಿಪಾಶ್ವರಥನಿಃಸ್ವನಃ। ಸಿಂಹನಾದಶ್ಚ ವೀರಾಣಾಮಭವದ್ದಾರುಣಸ್ತದಾ॥ 8-43-6 (56967) ಸಾದ್ರಿದ್ರುಮಾರ್ಣವಾ ಭೂಮಿಃ ಸವಾತಾಂಬುದಮಂಬರಂ। ಸಾರ್ಕೇಂದುಗ್ರಹನಕ್ಷತ್ರಾ ದ್ಯೌಶ್ಚ ವ್ಯಕ್ತಂ ವಿಘೂರ್ಣಿತಾ॥ 8-43-7 (56968) ಇತಿ ಭೂತಾನಿ ತಂ ಶಬ್ದಂ ಮೇನಿರೇ ತೇ ಚ ವಿವ್ಯಥುಃ। ಯಾನಿ ಚಾಪ್ಯಲ್ಪಸತ್ವಾನಿ ಪ್ರಾಯಸ್ತಾನಿ ಮೃತಾನಿ ವೈ॥ 8-43-8 (56969) ಅಥ ಕರ್ಣೋ ಭೃಶಂ ಕ್ರುದ್ಧಃ ಶೀಘ್ರಮಸ್ತ್ರಮುದೀರಯನ್। ಜಘಾನ ಪಾಂಡವೀಂ ಸೇನಾಮಾಸುರೀಂ ಮಘವಾನಿವ॥ 8-43-9 (56970) ಸ ಪಾಂಡವಬಲಂ ಕರ್ಣಃ ಪ್ರವಿಶ್ಯ ವಿಸೃಜಂಛರಾನ್। ಪ್ರಭದ್ರಕಾಣಾಂ ಪ್ರವರಾನಹನತ್ಸಪ್ತಸಪ್ತತಿಂ॥ 8-43-10 (56971) ತತಃ ಸುಪುಂಖೈರ್ನಿಶಿತೈರಥ ಶ್ರಷ್ಠೋ ರಥೇಷುಭಿಃ। ಅವಧೀತ್ಪಂಚವಿಂಶತ್ಯಾ ಪಾಂಚಾಲಾನ್ಪಂಚವಿಂಶತಿಂ॥ 8-43-11 (56972) ಸುವರ್ಣಪುಂಖೈರ್ನಾರಾಚೈಃ ಪರಕಾಯವಿದಾರಣೈಃ। ಚೇದಿಕಾನವಧೀದ್ವೀರಃ ಶತಶೋಽಥ ಸಹಸ್ರಶಃ॥ 8-43-12 (56973) ತಂ ತಥಾ ಸಮರೇ ಕರ್ಮ ಕುರ್ವಾಣಮತಿಮಾನುಷಂ। ಪರಿವವ್ರುರ್ಮಹಾರಾಜ ಪಾಂಚಾಲಾನಾಂ ರಥವ್ರಜಾಃ॥ 8-43-13 (56974) ತತಃ ಸಂಧಾಯ ವಿಶಿಖಾನ್ಪಂಚ ಭಾರತ ದುಃಸಹಾನ್। ಪಾಂಚಾಲಾನವಧೀತ್ಪಂಚ ಕರ್ಣೋ ವೈಕರ್ತನೋ ವೃಷಃ॥ 8-43-14 (56975) ಭಾನುದೇವಂ ಚಿತ್ರಸೇನಂ ಸೇನಾಬಿಂದುಂ ಚ ಭಾರತ। ತಪನಂ ಶೂರಸೇನಂ ಚ ಪಾಂಚಾಲಾನಹನದ್ರಣೇ॥ 8-43-15 (56976) ಪಾಂಚಾಲೇಷು ಚ ಶೂರೇಷು ವಧ್ಯಮಾನೇಷು ಸಾಯಕೈಃ। ಹಾಹಾಕಾರೋ ಮಹಾನಾಸೀತ್ಪಾಂಚಾಲಾನಾಂ ಮಹಾಹವೇ॥ 8-43-16 (56977) ತೇಷಾಂ ಸಹ್ಕ್ರೀಡಮಾನಾನಾಂ ಹಾಹಾಕಾರಂ ಪ್ರಕುರ್ವತಾಂ। ಪುನರೇವ ಚ ತಾನ್ಕರ್ಣೋ ಜಘಾನಾಶು ಪತತ್ತ್ರಿಭಿಃ॥ 8-43-17 (56978) ಚಕ್ರರಕ್ಷೌ ತು ಕರ್ಣಸ್ಯ ಪುತ್ರೌ ಮಾರಿಷ ದುರ್ಜಯೌ। ಸುಷೇಣಃ ಸತ್ಯಸೇನಶ್ಚ ತ್ಯಕ್ತ್ವಾ ಪ್ರಾಣಾನಯುಧ್ಯತಾಂ॥ 8-43-18 (56979) ಪೃಷ್ಠಗೋಪ್ತಾ ತು ಕರ್ಣಸ್ಯ ಜ್ಯೇಷ್ಠಃ ಪುತ್ರೋ ಮಹಾರಥಃ। ವೃಷಸೇನೋಽನ್ವಯಾತ್ಕರ್ಣಂ ಪೃಷ್ಠತಃ ಪರಿಪಾಲಯನ್॥ 8-43-19 (56980) ಧೃಷ್ಟದ್ಯುಂನಃ ಸಾತ್ಯಕಿಶ್ಚ ದ್ರೌಪದೇಯಾ ವೃಕೋದರಃ। ಜನಮೇಜಯಃ ಶಿಖಂಡೀ ಚ ಪ್ರವೀರಾಶ್ಚ ಪ್ರಭದ್ರಕಾಃ॥ 8-43-20 (56981) ಚೇದಿಕೇಕಯಪಾಂಚಾಲಾ ಯಮೌ ಮಾತ್ಸ್ಯಾಶ್ಚ ದಂಶಿತಾಃ। ಸಮಭ್ಯಧಾವನ್ರಾಧೇಯಂ ಜಿಘಾಂಸಂತಃ ಪ್ರಹಾರಿಣಂ॥ 8-43-21 (56982) ತ ಏನಂ ವಿವಿಧೈಃ ಶಸ್ತ್ರೈಃ ಶರಧಾರಾಭಿರೇವ ಚ। ಅಭ್ಯವರ್ಷನ್ವಿಮರ್ದಂತಂ ಪ್ರಾವೃಷೀವಾಂಬುದಾ ಗಿರಿಂ॥ 8-43-22 (56983) ಪಿತರಂ ತು ಪರೀಪ್ಸಂತಃ ಕರ್ಣಪುತ್ರಾಃ ಪ್ರಹಾರಿಣಃ। ತ್ವದೀಯಾಶ್ಚಾಪರೇ ರಾಜನ್ವೀರಾ ವೀರಾನವಾರಯನ್॥ 8-43-23 (56984) ಸುಷೇಣೋ ಭೀಮಸೇನಸ್ಯ ಚ್ಛಿತ್ತ್ವಾ ಭಲ್ಲೇನ ಕಾರ್ಮುಕಂ। ನಾರಾಚೈಃ ಸಪ್ತಬಿರ್ವಿದ್ಧ್ವಾ ಹೃದಿ ಭೀಮಂ ನನಾದ ಹ॥ 8-43-24 (56985) ಅಥಾನ್ಯದ್ವನುರಾದಾಯ ಸುದೃಢಂ ಭೀಮವಿಕ್ರಮಃ। ಸಜ್ಯಂ ವೃಕೋದರಃ ಕೃತ್ವಾ ಸುಷೇಣಸ್ಯಾಚ್ಛಿನದ್ವನುಃ॥ 8-43-25 (56986) ವಿವ್ಯಾಧ ಚೈನಂ ದಶಭಿಃ ಕ್ರುದ್ಧೋ ನೃತ್ಯನ್ನಿವೇಷುಭಿಃ। ಕರ್ಣಂ ಚ ತೂರ್ಣಂ ವಿವ್ಯಾಧ ತ್ರಿಸಪ್ತತ್ಯಾ ಶಿತೈಃ ಶರೈಃ॥ 8-43-26 (56987) ಸತ್ಯಸೇನಂ ಚ ದಶಭಿಃ ಸಾಶ್ವಸೂತಾಯುಧಧ್ವಜಂ। ಪಶ್ಯತಾಂ ಸುಹೃದಾಂ ಮಧ್ಯೇ ಕರ್ಣಪುತ್ರಮಪಾತಯತ್॥ 8-43-27 (56988) ಕ್ಷುರಪ್ರಣುನ್ನಂ ತತ್ತಸ್ಯ ಶಿರಶ್ಚಂದ್ರನಿಭಾನನಂ। ಶುಭದರ್ಶನಮೇವಾಸೀನ್ನಾಲಭ್ರಷ್ಟಮಿವಾಂಬುಜಂ॥ 8-43-28 (56989) ಹತ್ವಾ ಕರ್ಣಸುತಂ ಭೀಮಸ್ತಾವಕಾನ್ಪುನರಾರ್ದಯತ್। ಕೃಪಹಾರ್ದಿಕ್ಯಯೋಶ್ಛಿತ್ತ್ವಾ ಚಾಪೌ ತಾವಪ್ಯಥಾರ್ದಯತ್॥ 8-43-29 (56990) ದುಃಶಾಸನಂ ತ್ರಿಭಿರ್ವಿದ್ಧ್ವಾ ಶಕುನಿಂ ಷಡ್ಭಿರಾಯಸೈಃ। ಉಲೂಕಂ ಚ ಪತತ್ರಿಂ ಚ ಚಕಾರ ವಿರಥಾವುಭೌ॥ 8-43-30 (56991) ಹೇ ಸುಷೇಣ ಹತೋಽಸೀತಿ ಬ್ರುವನ್ನಾದತ್ತ ಸಾಯಕಂ। ತಮಸ್ಯ ಕರ್ಣಶ್ಚಿಚ್ಛೇದ ತ್ರಿಭಿಶ್ಚೈನಮತಾಡಯತ್॥ 8-43-31 (56992) ಅಥಾನ್ಯಂ ಪರಿಜಗ್ರಾಹ ಸುಪರ್ವಾಣಂ ಸುತೇಜನಂ। ಸುಷೇಣಾಯಾಸೃಜದ್ಭೀಮಸ್ತಮಪ್ಯಸ್ಯಾಚ್ಛಿನದ್ವೃಷಃ॥ 8-43-32 (56993) ಪುನಃ ಕರ್ಣಸ್ತ್ರಿಸಪ್ತತ್ಯಾ ಭೀಮಸೇನಮಥೇಷುಭಿಃ। ಪುತ್ರಂ ಪರೀಪ್ಸನ್ವಿವ್ಯಾಧ ಕ್ರುದ್ಧಃ ಶತ್ರುಜಿಘಾಂಸಯಾ॥ 8-43-33 (56994) ಸುಷೇಣಸ್ತು ಧನುರ್ಗೃಹ್ಯ ಭಾರಸಾಧನಮುತ್ತಮಂ। ನಕುಲಂಪಂಚಭಿರ್ಬಾಣೈರ್ಬಾಹ್ವೋರುರಸಿ ಚಾರ್ಪಯತ್॥ 8-43-34 (56995) ನಕುಲಸ್ತಂ ತು ವಿಂಶತ್ಯಾ ವಿದ್ವ್ವಾ ಭಾರಸಹೈರ್ದೃಢೈಃ। ನನಾದ ಬಲವನ್ನಾದಂ ಕರ್ಣಸ್ಯ ಭಯಮಾದಧತ್॥ 8-43-35 (56996) ತಂ ಸುಷೇಣೋ ಮಹಾರಾಜ ವಿದ್ಧ್ವಾ ದಶಭಿರಾಶುಗೈಃ। ಚಿಚ್ಛೇದ ಚ ಧನುಃ ಶೀಘ್ರಂ ಕ್ಷುರಪ್ರೇಣ ಮಹಾರಥಃ॥ 8-43-36 (56997) ಅಥಾನ್ಯದ್ವನುರಾದಾಯ ನಕುಲಃ ಕ್ರೋಧಮೂರ್ಚ್ಛಿತಃ। ಸುಷೇಣಂ ನವಭಿರ್ಬಾಣೈರ್ವಾರಯಾಮಾಸ ಸಂಯುಗೇ॥ 8-43-37 (56998) ಸ ತು ಬಾಣೈರ್ದಿಶೋ ರಾಜನ್ನಾಚ್ಛಾದ್ಯ ಪರವೀರಹಾ॥ ಆಜಘ್ನೇ ಸಾರಥಿಂ ಚಾಸ್ಯ ಸುಷೇಣಂ ಚ ತತಸ್ತ್ರಿಭಿಃ। ಚಿಚ್ಛೇದ ಚಾಸ್ಯ ಸುದೃಢಂ ಧನುರ್ಭಲ್ಲೈಸ್ತ್ರಿಭಿಸ್ತ್ರಿಧಾ॥ 8-43-38 (56999) ಅಥಾನ್ಯದ್ವನುರಾದಾಯ ಸುಷೇಣಃ ಕ್ರೋಧಮೂರ್ಚ್ಛಿತಃ। ಆವಿಧ್ಯನ್ನಕುಲಂ ಷಷ್ಟ್ಯಾ ಸಹದೇವಂ ಚ ಸಪ್ತಭಿಃ॥ 8-43-39 (57000) ತದ್ಯುದ್ಧಂ ಸುಮಹದ್ಧೋರಮಾಸೀದ್ದೇವಾಸುರೋಪಮಂ। ನಿಘ್ನತಾಂ ಸಾಯಕೈಸ್ತೂರ್ಣಮನ್ಯೋನ್ಯಸ್ಯ ವಧಂ ಪ್ರತಿ॥ 8-43-40 (57001) ಸಾತ್ಯಕಿರ್ವೃಷಸೇನಂ ತು ವಿದ್ಧ್ವಾ ಸಪ್ತಭಿರಾಯಸೈಃ। `ಪುನರ್ವಿವ್ಯಾಧ ಸಪ್ತತ್ಯಾ ಸಾರಥಿಂ ಚ ತ್ರಿಭಿಃ ಶಿತೈಃ॥ 8-43-41 (57002) ವೃಷಸೇನಸ್ತು ಶೈನೇಯಂ ಶರೇಣಾನತಪರ್ವಣಾ। ಆಜಘಾನ ಮಹಾರಾಜ ಶಂಖದೇಶೇ ಮಹಾರಥಂ॥ 8-43-42 (57003) ಶೈನೇಯೋ ವೃಷಸೇನೇನ ಪತ್ರಿಣಾ ಪರಿಪೀಡಿತಃ। ಕೋಪಂ ಚಕ್ರೇ ಮಹಾರಾಜ ಕ್ರುದ್ಧೋ ವೇಗಂ ಚ ದಾರುಣಂ॥ 8-43-43 (57004) ಜಗ್ರಾಹೇಷುವರಾನ್ವೀರಃ ಶೀಘ್ರಂ ವೈ ದಶ ಪಂಚ ಚ। ಸಾತ್ಯಕಿರ್ವೃಷಸೇನಸ್ಯ ಸೂತಂ ಹತ್ವಾ ತ್ರಿಭಿಃ ಶರೈಃ'॥ 8-43-44 (57005) ಧನುಶ್ಚಿಚ್ಛೇದ ಭಲ್ಲೇನ ಜಘಾನಾಶ್ವಾಂಶ್ಚ ಸಪ್ತಭಿಃ। ಧ್ವಜಮೇಕೇಷುಣೋನ್ಮಥ್ಯ ತ್ರಿಭಿಶ್ತಂ ಹೃದ್ಯತಾಡಯತ್॥ 8-43-45 (57006) ಅಥಾವಸನ್ನಃ ಸ್ವರಥೇ ಮುಹೂರ್ತಾತ್ಪುನರುತ್ಥಿತಃ। ಸ ರಣೇ ಯುಯುಧಾನೇನ ವಿಸೂತಾಶ್ವರಥಧ್ವಜಃ। ಕೃತೋ ಜಿಘಾಂಸುಃ ಶೈನೇಯಂ ಖಂಗಚರ್ಮಧೃಗಭ್ಯಯಾತ್॥ 8-43-46 (57007) ತಸ್ಯ ಚಾಪತತಃ ಶೀಘ್ರಂ ವೃಷಸೇನಸ್ಯ ಸಾತ್ಯಕಿಃ। ವಾರಾಹಕರ್ಣೈರ್ದಶಭಿರವಿಧ್ಯದಸಿಚರ್ಮಣೀ॥ 8-43-47 (57008) ದುಃಶಾಸನಸ್ತು ತಂ ದೃಷ್ಟ್ವಾ ವಿರಥಂ ವ್ಯಾಯುಧಂ ಕೃತಂ। ಆರೋಪ್ಯ ಸ್ವರಥಂ ತೂರ್ಣಮಪೋವಾಹ ರಥಾಂತರಂ॥ 8-43-48 (57009) ಅಥಾನ್ಯಂ ರಥಮಾಸ್ಥಾಯ ವೃಷಸೇನೋ ಮಹಾರಥಃ। ದ್ರೌಪದೇಯಾಂಸ್ತ್ರಿಸಪ್ತತ್ಯಾ ಯುಯುಧಾನಂ ಚ ಪಂಚಭಿಃ॥ 8-43-49 (57010) ಭೀಮಸೇನಂ ಚತುಃಷಷ್ಟ್ಯಾ ಸಹದೇವಂ ಚ ಪಂಚಭಿಃ। ನಕುಲಂ ತ್ರಿಂಶತಾ ಬಾಣೈಃ ಶತಾನೀಕಂ ಚ ಸಪ್ತಭಿಃ॥ 8-43-50 (57011) ಶಿಖಂಡಿನಂ ಚ ದಶಭಿರ್ಧರ್ಮರಾಜಂ ಶತೇನ ಚ। ಏತಾಂಶ್ಚಾನ್ಯಾಂಶ್ಚ ರಾಜೇಂದ್ರ ಪ್ರವೀರಾಂಚಯಗೃದ್ಧಿನಃ॥ 8-43-51 (57012) ಅಭ್ಯರ್ದಯನ್ಮಹೇಷ್ವಾಸಃ ಕರ್ಣಪುತ್ರೋ ವಿಶಾಂಪತೇ। ಕರ್ಣಸ್ಯ ಯುಧಿ ದುರ್ಧರ್ಷಸ್ತತಃ ಪೃಷ್ಠಮಪಾಲಯತ್॥ 8-43-52 (57013) ಯುಯುಧಾನಂ ಚ ರಾಧೇಯೋ ನವೈರ್ನವಭಿರಾಯಸೈಃ। ವಿಸೂತಾಶ್ವರಥಂ ಕೃತ್ವಾ ಲಲಾಟೇ ತ್ರಿಭಿರಾರ್ಪಯತ್॥ 8-43-53 (57014) ಸ ತ್ವನ್ಯಂ ರಥಮಾಸ್ಥಾಯ ವಿಧಿವತ್ಕಲ್ಪಿತಂ ಪುನಃ। ಯುಯುಧೇ ಪಾಂಡುಭಿಃ ಸಾರ್ಧಂ ಕರ್ಣಸ್ಯ ವ್ಯಧಮದ್ಬಲಂ॥ 8-43-54 (57015) ಧೃಷ್ಟದ್ಯುಂನಸ್ತತಃ ಕರ್ಣಮವಿಧ್ಯದ್ದಶಭಿಃ ಶರೈಃ। ದ್ರೌಪದೇಯಾಸ್ತ್ರಿಸಪ್ತತ್ಯಾ ಯುಯುಧಾನಸ್ತು ಸಪ್ತಭಿಃ॥ 8-43-55 (57016) ಭೀಮಸೇನಶ್ಚತುಃಷಷ್ಟ್ಯಾ ಸಹದೇವಶ್ಚ ಸಪ್ತಿಭಿಃ। ನಕುಲಸ್ತ್ರಿಂಶತಾ ಬಾಣೈಃ ಶತಾನೀಕಸ್ತು ಸಪ್ತಭಿಃ॥ 8-43-56 (57017) ಶಿಖಂಡೀ ದಶಭಿರ್ವೀರೋ ಧರ್ಮರಾಜಃ ಶತೇನ ತು। ಏತೇ ಚಾನ್ಯೇ ಚ ರಾಜೇಂದ್ರ ಪ್ರವೀರಾ ಜಯಗೃದ್ವಿನಃ। ಅಭ್ಯರ್ದಯನ್ಮಹೇಷ್ವಾಸಂ ಸೂತಪುತ್ರಂ ಮಹಾಮೃಧೇ॥ 8-43-57 (57018) ತಾನ್ಸೂತಪುತ್ರೋ ವಿಶಿಖೈರ್ದಶಭಿರ್ದಶಭಿಃ ಶರೈಃ। ರಥೇನಾನುಚರನ್ವೀರಃ ಪ್ರತ್ಯವಿಧ್ಯದರಿಂದಮಃ। 8-43-58 (57019) `ಸಾತ್ಯಕಿಂ ಭೀಮಸೇನಂ ಚ ಧೃಷ್ಟದ್ಯುಂನಂ ಶಿಖಂಡಿನಂ। ದ್ರೌಪದೇಯಾಂಶ್ಚ ಸಂರಬ್ಧಾನ್ಯತಮಾನಾನ್ಮಹಾರಥಾನ್॥ 8-43-59 (57020) ಪಶ್ಯತಾಂ ಸರ್ವಸೈನ್ಯಾನಾಮಥೈನಾನ್ಸೂತನಂದನಃ। ವಿರಥಾನ್ರಥಿನಃ ಶ್ರೇಷ್ಠಾನ್ನಿಮೇಷಾರ್ಧಾಚ್ಚಕಾರ ಹ॥ 8-43-60 (57021) ಅಮೋಘತ್ವಾಚ್ಚ ಬಾಣಾನಾಂ ಭೂತಸಂಘಾ ವಿಸಿಪ್ಮಯುಃ'॥ 8-43-61 (57022) ತತ್ರಾಸ್ತ್ರವೀರ್ಯಂ ಕರ್ಣಸ್ಯ ಲಾಘವಂ ಚ ಮಹಾತ್ಮನಃ। ಅಪಶ್ಯಾಮ ಮಹಾಭಾಗ ತದದ್ಭುತಮಿವಾಭವತ್॥ 8-43-62 (57023) ನ ಹ್ಯಾದದಾನಂ ದದೃಶುಃ ಸಂದಧಾನಂ ಚ ಸಾಯಕಾನ್। ವಿಮುಂಚಂತಂ ಚ ಸಂರಂಭಾದ ಪಶ್ಯನ್ನೈವ ತಂ ಜನಾಃ॥ 8-43-63 (57024) ಪ್ರತೀಚ್ಯಾಂ ದಿಶಿ ತಂ ದೃಷ್ಟ್ವಾ ಪ್ರಾಚ್ಯಾಂ ಪಶ್ಯಾಮ ಲಾಘವಾತ್। ನ ಚ ಪಶ್ಯಾಮ ರಾಜೇಂದ್ರ ಕ್ವ ನು ಕರ್ಣೋ ವ್ಯತಿಷ್ಠತ॥ 8-43-64 (57025) ಇಷೂನೇವಾಸ್ಯ ಪಶ್ಯಾಮೋ ವಿನಿಕೀರ್ಣಾಽನ್ಸಮಂತತಃ। ಛಾದಯಾನಾಂದಿಶೋ ರಾಜಞ್ಶಲಭಾನಾಮಿವ ವ್ರಜಾನ್॥ 8-43-65 (57026) ತಸ್ಯ ತೈರಿಷುಭಿಸ್ತ್ರೀಕ್ಷ್ಣೈಃ ಸಂಪತದ್ಭಿಃ ಸಹಸ್ರಶಃ। ಮರೀಚಿಭಿರಿವೋಷ್ಣಾಂಶೋಃ ಶರೈಃ ಸನ್ನತಪರ್ವಭಿಃ॥ 8-43-66 (57027) ವ್ಯಾಪ್ತಾಃ ಸರ್ವಾ ದಿಶೋ ರಾಜನ್ಯೋಧಾಶ್ಚ ದದೃಶುಸ್ತದಾ। ಶರೈಃ ಸಂವೃತಮಾಕಾಶಂ ತತ್ರಾಭ್ರೈರಿವ ಚಾಭವತ್॥ 8-43-67 (57028) ದ್ಯೌರ್ವಿಯದ್ಭೂರ್ದಿಶಶ್ಚೈವ ಪ್ರಚ್ಛನ್ನಾ ನಿಶಿತೈಃ ಶರೈಃ। ಅರುಣಾಭ್ರಾವೃತಾಕಾರಂ ತಸ್ಮಿಂದೇಶೇ ಬಭೌ ವಿಯತ್॥ 8-43-68 (57029) ತತಃ ಪುನರಮೇಯಾತ್ಮಾ ಕರ್ಣೋ ರಾಜಾ ಮಹಾರಥಃ। ನ್ಯಹನತ್ಸಮರೇ ಯೋಧಾನ್ಯೋಧವೃತ್ತಮನುಷ್ಠಿತಃ॥ 8-43-69 (57030) ನೃತ್ಯನ್ನಿವ ಹಿ ರಾಧೇಯಶ್ಚಾಪಹಸ್ತೋ ರಣಾಜಿರೇ। ಯೈರ್ವಿದ್ವಃ ಪ್ರತ್ಯವಿದ್ವ್ಯತ್ತಾನೇಕೈಕಂ ತ್ರಿಗುಣೈಃ ಶರೈಃ॥ 8-43-70 (57031) ಶತೈಶ್ಚ ದಶಭಿಶ್ಚೈತಾನ್ಪುನರ್ವಿದ್ಧ್ವಾ ನನಾದ ಚ। ಸಾಶ್ವಸೂತಧ್ವಜಚ್ಛತ್ರಾಸ್ತತಸ್ತೇ ವಿವರಂ ದದುಃ॥ 8-43-71 (57032) `ತೇ ಹನ್ಯಮಾನಾಃ ಕರ್ಣೇನ ಪಲಾಯಂತ ದಿಶೋ ದಶ। ನಾದಯಂತೋ ದಿಶಃ ಸರ್ವಾಃ ಕರ್ಮತ್ರಸ್ತಾ ವಿಚೇತಸಃ'॥ 8-43-72 (57033) ತಾನ್ಪ್ರಮಥ್ಯ ಮಹೇಷ್ವಾಸಾನ್ರಾಧೇಯಃ ಶರವೃಷ್ಟಿಭಿಃ। ರಾಜಾನೀಕಮಸಂಬಾಧಂ ಪ್ರಾವಿಶಚ್ಛತ್ರುಕರ್ಶನಃ॥ 8-43-73 (57034) ಸ ರಥಾಂಸ್ತ್ರಿಶತಂ ಹತ್ವಾ ಚೇದೀನಾಮನಿವರ್ತಿನಾಂ। ರಾಧೇಯೋ ನಿಶಿತೈರ್ಬಾಣೈಸ್ತತೋಽಭ್ಯಾಗಾದ್ಯುಧಿಷ್ಠಿರಂ॥ 8-43-74 (57035) `ತತಸ್ತೇ ವಿರಥಾಃ ಶೂರಾ ರಥಾನನ್ಯಾನ್ಸಮಾಸ್ಥಿತಾಃ। ಪರಿವವ್ರುರ್ಮಹಾರಾಜ ಧರ್ಮಪುತ್ರಂ ಯುಧಿಷ್ಠಿರಂ'॥ 8-43-75 (57036) ತತಸ್ತೇ ತು ಪರೇ ರಾಜಂಛಿಖಂಡೀ ಚ ಸಸಾತ್ಯಕಿಃ। ರಾಧೇಯಾತ್ಪರಿರಕ್ಷಂತೋ ರಾಜಾನಂ ಪರ್ಯವಾರಯನ್। ಮುಂಚಂತೋ ವಿವಿಧಾನ್ಬಾಣಾನ್ಸ್ವರ್ಣಪುಂಖಾಞ್ಶಿಲಾಶಿತಾನ್॥ 8-43-76 (57037) ತಥೈವ ತಾವಕಾಃ ಸರ್ವೇ ಕರ್ಣಂ ದುರ್ವಾರಣಂ ರಣೇ। ಯತ್ತಾಃ ಶೂರಾ ಮಹೇಷ್ವಾಸಾಃ ಪರ್ಯರಕ್ಷಂತ ಸರ್ವಶಃ॥ 8-43-77 (57038) ನಾನಾವಾದಿತ್ರಘೋಷಾಶ್ಚ ಪ್ರಾದುರಾಸನ್ವಿಶಾಂಪತೇ। ಸಿಂಹನಾದಶ್ಚ ಸಂಜಜ್ಞೇ ಶೂರಾಣಾಮಭಿಗರ್ಜತಾಂ॥ 8-43-78 (57039) ತತಃ ಪುನಃ ಸಮಾಜಗ್ಮುರಭೀತಾಃ ಕುರುಪಾಂಡವಾಃ। ಯುಧಿಷ್ಠಿರಮುಖಾಃ ಪಾರ್ಥಾಃ ಸೂತಪುತ್ರಮುಖಾ ವಯಂ॥ ॥ 8-43-79 (57040) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ತ್ರಿಚತ್ವಾರಿಂಶೋಽಧ್ಯಾಯಃ॥ 43 ॥

8-44-0 (57041) ಸಂಜಯ ಉವಾಚ। 8-44-0x (4955) ವಿದಾರ್ಯ ಕರ್ಣಸ್ತಾಂ ಸೇನಾಂ ಯುಧಿಷ್ಠಿರಮಥಾದ್ರವತ್। ರಥಹಸ್ತ್ಯಶ್ವಪತ್ತೀನಾಂ ಸಹಸ್ರೈಃ ಪರಿವಾರಿತಃ॥ 8-44-1 (57042) ನಾನಾಯುಧಸಹಸ್ರಾಣಿ ಪ್ರೇರಿತಾನ್ಯರಿಭಿರ್ವೃಷಃ। ಛಿತ್ತ್ವಾ ಬಾಣಶತೈರುಗ್ರೈಸ್ತಾನವಿಧ್ಯದಸಂಭ್ರಮಾತ್॥ 8-44-2 (57043) ನಿಚಕರ್ತ ಶಿರಾಂಸ್ಯೇಷಾಂ ಬಾಹೂನೂರೂಂಶ್ಚ ಸೂತಜಃ॥ ತೇ ಹತಾ ಭೂತಲೇ ಪೇತುರ್ಭಗ್ನಾಶ್ಚಾನ್ಯೇ ವಿದುದ್ರುವುಃ॥ 8-44-3 (57044) ದ್ರವಿಡಾಂಧ್ರನಿಷಾದಾಸ್ತು ಪುನಃ ಸಾತ್ಯಕಿಚೋದಿತಾಃ। ಪ್ರಭ್ಯದ್ರವಂಜಿಘಾಂಸಂತಃ ಪತ್ತಯಃ ಕರ್ಣಮಾಹವೇ॥ 8-44-4 (57045) ತೇ ವಿಬಾಹುಶಿರಸ್ತ್ರಾಣಾಃ ಪ್ರಹತಾಃ ಕರ್ಣಸಾಯಕೈಃ। ಪೇತುಃ ಪೃಥಿವ್ಯಾಂ ಯುಗಪಚ್ಛಿನ್ನಂ ಸಾಲವನಂ ಯಥಾ॥ 8-44-5 (57046) ಏವಂ ಯೋಧಶತಾನ್ಯಾಜೌ ಸಹಸ್ರಾಣ್ಯಯುತಾನಿ ಚ। ಹತಾನೀಯುರ್ಮಹೀಂ ದೇಹೈರ್ಯಶಸಾಽಪೂರಯಂದಿಶಃ॥ 8-44-6 (57047) ಅಥ ವೈಕರ್ತನಂ ಕರ್ಣಂ ರಣೇ ಕ್ರುದ್ಧಮಿವಾಂತಕಂ। ರುರುಧುಃ ಪಾಂಡುಪಾಂಚಾಲಾ ವ್ಯಾಧಿಂ ಮಂತ್ರೌಷಧಾ ಇವ॥ 8-44-7 (57048) ಸ ತಾನ್ಪ್ರಮೃದ್ಯಾಬ್ಯಪತತ್ಪುನರೇವ ಯುಧಿಷ್ಠಿರಂ। ಮಂತ್ರೌಷಧಿಕ್ರಿಯಾತೀತೋ ವ್ಯಾಧಿರತ್ಯುಲ್ಬಣೋ ಯಥಾ॥ 8-44-8 (57049) ಸ ರಾಜಗೃದ್ಧಿಭೀ ರುದ್ಧಃ ಪಾಂಡುಪಾಂಚಾಲಕೇಕಯೈಃ। ನಾಶಕತ್ತಾನತಿಕ್ರಾಂತುಂ ಮೃತ್ಯುರ್ಬ್ರಾಹ್ಮವಿದೋ ಯಥಾ॥ 8-44-9 (57050) ತತೋ ಯುಧಿಷ್ಠಿರಃ ಕರ್ಣಮದೂರಸ್ಥಂ ನಿವಾರಿತಂ। `ತೈರ್ಯೋಧಪ್ರಮುಖೈರ್ವೀರಂ ದೃಷ್ಟ್ವಾ ವಿವ್ಯಾಧ ಸಾಯಕೈಃ॥ 8-44-10 (57051) ಕರ್ಣಃ ಪಾರ್ಥಶರಾವಿದ್ಧಸ್ತೋತ್ರಾರ್ದಿತ ಇವ ದ್ವಿಪಃ। ಪ್ರಮಥ್ಯ ಸಹಿತಾನ್ವೀರಾನ್ಯುಧಿಷ್ಠಿರಮಪೀಡಯತ್॥ 8-44-11 (57052) ತತೋ ಯುಧಿಷ್ಠಿರಃ ಕರ್ಣಮಾಸಾದ್ಯ ಜಯತಾಂ ವರಂ'। ಅಬ್ರವೀತ್ಪರವೀರಘ್ನಂ ಕ್ರೋಧಸಂರಕ್ತಲೋಚನಃ॥ 8-44-12 (57053) ಕರ್ಣಕರ್ಣ ವೃಥಾದೃಷ್ಟೇ ಸೂತಪುತ್ರ ವಚಃ ಶೃಣು। ಸದಾ ಸ್ಪರ್ಧಸಿ ಸಂಗ್ರಾಮೇ ಫಲ್ಗುನೇನ ತರಸ್ವಿನಾ॥ 8-44-13 (57054) ಯಥಾಽಸ್ಮಾನ್ಬಾಧಸೇ ನಿತ್ಯಂ ಧಾರ್ತರಾಷ್ಟ್ರಮತೇ ಸ್ಥಿತಃ। ಯದ್ಬಲಂ ಯಚ್ಚ ತೇ ವೀರ್ಯಂ ಪ್ರದ್ವೇಷೋ ಯಸ್ತು ಪಾಂಡುಷು॥ 8-44-14 (57055) ತತ್ಸರ್ವಂ ದರ್ಶಯಸ್ವಾದ್ಯ ಪೌರುಷಂ ಮಹದಾಸ್ಥಿತಃ। ಯುದ್ಧಶ್ರದ್ವಾಂ ಚ ತೇಽದ್ಯಾಹಂ ವಿನೇಷ್ಯಾಮಿ ಮಹಾಹವೇ॥ 8-44-15 (57056) ಏವಮುಕ್ತ್ವಾ ಮಹಾರಾಜ ಕರ್ಣಂ ಪಾಂಡುಸುತಸ್ತದಾ। ಸುವರ್ಣಪುಂಖೈರ್ದಶಭಿರ್ವಿವ್ಯಾದಾಯಸ್ಮಯೈಃ ಶರೈಃ॥ 8-44-16 (57057) ತಂ ಸೂತಪುತ್ರೋ ದಶಭಿಃ ಪ್ರತ್ಯವಿದ್ಧ್ಯದರಿಂದಮಃ। ವತ್ಸದಂತೈರ್ಮಹೇಷ್ವಾಸಃ ಪ್ರಹಸನ್ನಿವ ಭಾರತ॥ 8-44-17 (57058) ಸೋಽವಜ್ಞಾಯ ತು ನಿರ್ವಿದ್ಧಃ ಸೂತಪುತ್ರೇಣ ಪಾಂಡವಃ। ಪ್ರಜಜ್ವಾಲ ತತಃ ಕ್ರೋಧಾದ್ಧವಿಷೇವ ಹುತಾಶನಃ॥ 8-44-18 (57059) ಜ್ವಾಲಾಮಾಲಾಪರಿಕ್ಷಿಪ್ತೋ ರಾಜ್ಞೋ ದೇಹೋ ವ್ಯದೃಶ್ಯತ। ಯುಗಾಂತೇ ದಗ್ಧುಕಾಮಸ್ಯ ಸಂವರ್ತಾಗ್ನೇರಿವಾಪರಃ॥ 8-44-19 (57060) ತತೋ ವಿಸ್ಫಾರ್ಯ ಸುಮಹಚ್ಚಾಪಂ ಹೇಮಪರಿಷ್ಕೃತಂ। ಸಮಾಧತ್ತ ಶಿತಂ ಬಾಣಂ ಗಿರೀಣಾಮಪಿ ದಾರಣಂ॥ 8-44-20 (57061) ತತಃ ಪೂರ್ಣಾಯತೋತ್ಕೃಷ್ಟಂ ಯಮದಂಡನಿಭಂ ಶರಂ। ಮುಮೋಚ ತ್ವರಿತೋ ರಾಜಾ ಸೂತಪುತ್ರಜಿಘಾಂಸಯಾ॥ 8-44-21 (57062) ಸ ತು ವೇಗವತಾ ಮುಕ್ತೋ ಬಾಣೋ ವಜ್ರಾಶನಿಸ್ವನಃ। ವಿವೇಶ ಸಹಸಾ ಕರ್ಣಂ ಸವ್ಯೇ ಪಾರ್ಶ್ವೇ ಮಹಾರಥಂ॥ 8-44-22 (57063) ಸ ತು ತೇನ ಪ್ರಹಾರೇಣ ಪೀಡಿತಃ ಪ್ರಮುಮೋಹ ವೈ। ಸ್ರಸ್ತಗಾತ್ರೋ ಮಹಾಬಾಹುರ್ಧನುರುತ್ಸೃಜ್ಯ ಕಂಪಿತಃ॥ 8-44-23 (57064) ಗತಾಸುರಿವ ನಿಶ್ಚೇತಾಃ ಶಲ್ಯಸ್ಯಾಭಿಮುಖೋಽಪತತ್। ರಾಜಾಽಪಿ ಭೂಯೋ ನಾಜಘ್ನೇ ಕರ್ಣಂ ಪಾರ್ಥಹಿತೇಪ್ಸಯಾ॥ 8-44-24 (57065) ತತೋ ಹಾಹಾಕೃತಂ ಸರ್ವಂ ಧಾರ್ತರಾಷ್ಟ್ರಬಲಂ ಮಹತ್। ವಿವರ್ಣಮುಖಮಾರ್ತಂ ಚ ಕರ್ಣಂ ದೃಷ್ಟ್ವಾ ತಥಾಗತಂ॥ 8-44-25 (57066) ಸಿಂಹನಾದಾಶ್ಚ ಸಂಜಜ್ಞುಃ ಕ್ಷ್ವೇಲಾಃ ಕಿಲಕಿಲಾಸ್ತಥಾ। ಪಾಂಡವಾನಾಂ ಮಹಾರಾಜ ದೃಷ್ಟ್ವಾ ರಾಜ್ಞಃ ಪರಾಕ್ರಮಂ॥ 8-44-26 (57067) ಪ್ರತಿಲಭ್ಯ ತು ರಾಧೇಯಃ ಸಂಜ್ಞಾಂ ನಾತಿಚಿರಾದಿವ। ದಧ್ರೇ ರಾಜವಿನಾಶಾಯ ಮನಃ ಕ್ರೂರಪರಾಕ್ರಮಃ॥ 8-44-27 (57068) ಸ ಹೇಮವಿಕೃತಂ ಚಾಪಂ ವಿಸ್ಫಾರ್ಯ ವಿಜಯಂ ಮಹತ್। ಅವಾಕಿರದಮೇಯಾತ್ಮಾ ಪಾಂಡವಂ ನಿಶಿತೈಃ ಶರೈಃ॥ 8-44-28 (57069) ತತಃ ಕ್ಷುರಾಭ್ಯಾಂ ಪಾಂಚಾಲ್ಯೌ ಚಕ್ರರಕ್ಷೌ ಮಹಾತ್ಮನಃ। ಜಘಾನ ಚಂದ್ರದೇವಂ ಚ ದಂಡಧಾರಂ ಚ ಸಂಯುಗೇ॥ 8-44-29 (57070) ತಾವುಭೌ ಧರ್ಮರಾಜಸ್ಯ ಪ್ರವೀರೌ ಯುಧಿ ಭಾರತ। ರಥಾಭ್ಯಾಶೇ ಚಕಾಶೇತೇ ಚಂದ್ರಸ್ಯೇವ ಪುನರ್ವಸೂ॥ 8-44-30 (57071) ಯುಧಿಷ್ಠಿರಃ ಪುನಃ ಕರ್ಣಮವಿದ್ವ್ಯತ್ತ್ರಿಂಶತಾ ಶರೈಃ। ಸುಷೇಣಂ ಸತ್ಯಸೇನಂ ಚ ತ್ರಿಭಿಸ್ತ್ರಿಭಿರತಾಡಯತ್॥ 8-44-31 (57072) ಶಲ್ಯಂ ನವತ್ಯಾ ವಿವ್ಯಾಧ ತ್ರಿಸಪ್ತತ್ಯಾ ಚ ಸೂತಜಂ। ತಾಂಸ್ತಸ್ಯ ಗೋಪ್ತೄನ್ವಿವ್ಯಾಧ ತ್ರಿಭಿಸ್ತ್ರಿಭಿರಜಿಹ್ಮಗೈಃ॥ 8-44-32 (57073) ತತಃ ಪ್ರಹಸ್ಯಾಧಿರಥಿಃ ಷಷ್ಠ್ಯಾ ರಾಜಞ್ಶಿತೈಃ ಶರೈಃ। ವಿದ್ಧ್ವಾ ಯುಧಿಷ್ಠಿರಂ ಸಂಖ್ಯೇ ನನಾದಾತಿರಥಸ್ತದಾ॥ 8-44-33 (57074) ತತಃ ಪ್ರವೀರಾಃ ಪಾಂಡೂನಾಮಭ್ಯಧಾವನ್ನಮರ್ಷಿತಾಃ। ಯುಧಿಷ್ಠಿರಂ ಪರೀಪ್ಸಂತಃ ಕರ್ಣಮಭ್ಯರ್ದಯಂಛರೈಃ॥ 8-44-34 (57075) ಸಾತ್ಯಕಿಶ್ಚೇಕಿತಾನಶ್ಚ ಯುಯುತ್ಸುಃ ಪಾಂಡ್ಯ ಏವ ಚ। ಧೃಷ್ಟದ್ಯುಂನಃ ಶಿಖಂಡೀ ಚ ದ್ರೌಪದೇಯಾಃ ಪ್ರಭದ್ರಕಾಃ॥ 8-44-35 (57076) ಯಮೌ ಚ ಭೀಮಸೇನಶ್ಚ ಶಿಶುಪಾಲಸ್ಯ ಚಾತ್ಮಜಃ। ಕಾರೂಶಾ ಮಾತ್ಸ್ಯಶೇಷಾಶ್ಚ ಕೇಕಯಾಃ ಕಾಶಿಕೋಸಲಾಃ॥ 8-44-36 (57077) ಏತೇ ಚ ತ್ವರಿತಾ ವೀರಾ ವಸುಷೇಣಮತಾಡಯನ್। ಜನಮೇಜಯಶ್ಚ ಪಾಂಚಾಲ್ಯಃ ಕರ್ಣಂ ವಿವ್ಯಾಧ ಸಾಯಕೈಃ॥ 8-44-37 (57078) ವಾರಾಹಕರ್ಣನಾರಾಚೈರ್ನಾಲೀಕೈರ್ನಿಶಿತೈಃ ಶರೈಃ। ವತ್ಸದಂತೈರ್ವಿಪಾಠೈಶ್ಚ ಕ್ಷುರಪ್ರೈಶ್ಚಟಕಾಮುಖೈಃ॥ 8-44-38 (57079) ನಾನಾಪ್ರಹರಣೈಶ್ಚೋಗ್ರೈ ರಥಹಸ್ತ್ಯಶ್ವಸಾದಿಭಿಃ। ಸರ್ವತೋಽಭ್ಯದ್ರವತ್ಕರ್ಣಂ ಪರಿವಾರ್ಯ ಜಿಘಾಂಸಯಾ॥ 8-44-39 (57080) ಸ ಪಾಂಡವಾನಾಂ ಪ್ರವರೈಃ ಸರ್ವತಃ ಸಮಭಿದ್ರುತಃ। ಛಾದ್ಯಮಾನಃ ಶಿತತೈರ್ಘೋರೈಃ ಸ್ವಸ್ವನಾಮಾಂಕಿತೈಃ ಶರೈಃ॥ 8-44-40 (57081) ನ ಚಚಾಲ ರಣೇ ಕರ್ಣೋ ಮಹೇಂದ್ರೋ ದಾನವೈರಿವ। `ನಿಜಘಾನ ಮಹೇಷ್ವಾಸಾನ್ಪಾಂಚಾಲಾನೇಕವಿಂಶತಿಂ॥ 8-44-41 (57082) ತತಃ ಪುನರಮೇಯಾತ್ಮಾ ಚೇದೀನಾಂ ಪ್ರವರಾಂದಶ। ನ್ಯಹನದ್ಭರತಶ್ರೇಷ್ಠ ಕರ್ಣೋ ವೈಕರ್ತನಸ್ತದಾ॥ 8-44-42 (57083) ತಸ್ಯ ಬಾಣಸಹಸ್ರಾಣಿ ಸಂಪ್ರಪನ್ನಾನಿ ಮಾರಿಷ। ದೃಶ್ಯಂತೇ ದಿಕ್ಷು ಸರ್ವಾಸು ಶಲಭಾನಾಮಿವ ವ್ರಜಾಃ॥ 8-44-43 (57084) ಕರ್ಣನಾಮಾಂಕಿತಾ ಬಾಣಾಃ ಸ್ವರ್ಣಪುಂಖಾಃ ಸುತೇಜನಾಃ। ನರಾಶ್ವಕಾಯಾನ್ನಿರ್ಭಿದ್ಯ ಪೇತುರುರ್ವ್ಯಾಂ ಸಮಂತತಃ॥ 8-44-44 (57085) ಕರ್ಣೇನೈಕೇನ ಸಮರೇ ಚೇದೀನಾಂ ಪ್ರವರಾಸ್ತದಾ। ಸೃಜ್ಜಯಾನಾಂ ಚ ಸರ್ವೇಷಾಂ ಶತಶೋ ನಿಹತಾ ರಣೇ॥ 8-44-45 (57086) ಕರ್ಣಸ್ಯ ಶರಸಂಛನ್ನಂ ಬಭೂವ ತುಮುಲಂ ತಮಃ। ನಾಜ್ಞಾಯತ ತತಃ ಕಿಂಚಿತ್ಪರೇಷಾಮಾತ್ಮನೋಽಪಿ ವಾ॥ 8-44-46 (57087) ತಸ್ಮಿಂಸ್ತಮಸಿ ಭೂತೇ ಚ ಕ್ಷತ್ರಿಯಾಣಾಂ ಭಯಂಕರೇ। ವಿಚಚಾರ ಮಹಬಿಹುರ್ನಿರ್ದಹನ್ಕ್ಷತ್ರಿಯಾನ್ಬಹೂನ್'॥ 8-44-47 (57088) ತತಃ ಶರಮಹಾಜ್ವಾಲೋ ವೀರ್ಯೋಷ್ಮಾ ಕರ್ಣಪಾವಕಃ। ನಿರ್ದಹನ್ಪಾಂಡವವನಂ ಚಾರು ಪರ್ಯಚರದ್ರಣೇ॥ 8-44-48 (57089) `ತತಸ್ತೇಷಾಂ ಮಹಾರಾಜ ಪಾಂಡವಾನಾಂ ಮಹಾರಥಾಃ। ಸೃಂಜಯಾನಾಂ ಚ ಸರ್ವೇಷಾಂ ಶತಶೋಽಥ ಸಹಸ್ರಶಃ। ಅಸ್ತ್ರೈಃ ಕರ್ಣಂ ಮಹೇಷ್ವಾಸಂ ಸಮಂತಾತ್ಪರ್ಯವಾರಯನ್॥ 8-44-49 (57090) ಸ ಸಂವಾರ್ಯ ಮಹಾಸ್ತ್ರಾಣಿ ಮಹೇಷ್ವಾಸೋ ಮಹಾತ್ಮನಾಂ। ಪ್ರಹಸ್ಯ ಪುರುಷೇಂದ್ರಸ್ಯ ಕರ್ಣಶ್ಚಿಚ್ಛೇದ ಕಾರ್ಮುಕಂ'॥ 8-44-50 (57091) ತತಃ ಸಂಧಾಯ ನವತಿಂ ನಿಮೇಷಾನ್ನತಪರ್ವಣಾಂ। ಬಿಭೇದ ಕವಚಂ ರಾಜ್ಞೋ ರಣೇ ಕರ್ಣಃ ಶಿತೈಃ ಶರೈಃ॥ 8-44-51 (57092) ತದ್ವರ್ಮ ಹೇಮವಿಕೃತಂ ರತ್ನಚಿತ್ರಂ ಬಭೌ ಪತತ್। ಸವಿದ್ಯುದಭ್ರಂ ಸವಿತುಃ ಶ್ಲಿಷ್ಟಂ ವಾತಹತಂ ಯಥಾ॥ 8-44-52 (57093) ತದಂಗಾತ್ಪುರುಷೇಂದ್ರಸ್ಯ ಭ್ರಷ್ಟಂ ವರ್ಮ ವ್ಯರೋಚತ। ರತ್ನೈರಲಂವೃತಂ ಚಿತ್ರೇರ್ವ್ಯಭ್ನಂ ನಿಶಿ ಯಥಾ ನಭಃ॥ 8-44-53 (57094) ಭಿನ್ನವರ್ಮಾ ಶರೈಃ ಪಾರ್ಥೋ ರುಧಿರೇಣ ಸಮುಕ್ಷಿತಃ। ಬಭಾಸೇ ಪುರುಷಶ್ರೇಷ್ಠ ಉದ್ಯನ್ನಿವ ದಿವಾಕರಃ॥ 8-44-54 (57095) ಸ ಶರಾಚಿತಸರ್ವಾಂಗಶ್ಛಿನ್ನವರ್ಮಾಽಥ ಸಂಯುಗೇ। ಕ್ಷಾತ್ರಂ ಧರ್ಮಂ ಸಮಾಸ್ಥಾಯ ಸಿಂಹನಾದಮಕುರ್ವತ॥ 8-44-55 (57096) ನರ್ದಿತ್ವಾ ಚ ಚಿರಂ ಕಾಲಂ ಪಾಂಡವೋ ರಭಸೋ ರಣೇ। ಶಕ್ತಿಂ ಚಿಕ್ಷೇಪ ವೇಗೇನ ಪ್ರದೀಪ್ತಾಮಶನೀಮಿವ॥ 8-44-56 (57097) ತಾಂ ಜ್ವಲಂತೀಮಿವಾಕಾಶೇ ಶಕ್ತಿಂ ಶಪ್ತಭಿರಾಶುಗೈಃ। ಭಲ್ಲೈಶ್ಚಿಚ್ಛೇದ ರಾಧೇಯಃ ಸಾ ತ್ವಶೀರ್ಯತ ವೈ ರಣೇ॥ 8-44-57 (57098) ಹೃದಿ ಬಾಹ್ವೋರ್ಲಲಾಟೇ ಚ ಕ್ಷಿಪ್ರಕಾರೀ ಯುಧಿಷ್ಠಿರಃ। ಚತುರ್ಭಿಸ್ತೋಮರೈಃ ಕರ್ಣಂ ತಾಡಯಿತ್ವಾಽನದನ್ಮುದಾ॥ 8-44-58 (57099) ಉದ್ಭಿನ್ನರುಧಿರಃ ಕರ್ಣಃ ಕ್ರುದ್ವಃ ಸರ್ಪ ಇವ ಶ್ವಸನ್। ಜಘಾನ ಸೂತಂ ಪಾರ್ಥಸ್ಯ ಪಾರ್ಷ್ಠಿಂ ಚ ನವಭಿಃ ಶರೈಃ॥ 8-44-59 (57100) ಧ್ವಜಂ ಚಿಚ್ಛೇದ ನೃಪತೇಸ್ತ್ರಿಭಿರ್ವಿವ್ಯಾಧ ಚೈವ ತಂ। ಇಷುಧೀ ಚಾಸ್ಯ ಚಿಚ್ಛೇದ ರಥಂ ಚ ತಿಲಶೋಽಚ್ಛಿನತ್॥ 8-44-60 (57101) ಏತಸ್ಮಿನ್ನಂತರೇ ಶೂರಾಃ ಪಾಂಡವಾನಾಂ ಮಹಾರಥಾಃ। ವವೃಷುಃ ಶರವರ್ಷಾಣಿ ರಾಧೇಯಂ ಪ್ರತಿ ಭಾರತ॥ 8-44-61 (57102) ಸಾತ್ಯಕಿಃ ಪಂಚವಿಂಶತ್ಯಾ ಶಿಖಂಡೀ ನವಭಿಃ ಶರೈಃ। ಅವರ್ಷತಾಂ ಮಹಾರಾಜ ರಾಧೇಯಂ ಶತ್ರುಕರ್ಶನಂ॥ 8-44-62 (57103) ಶೈನೇಯಂ ತು ತತುಃ ಕ್ರುದ್ಧಃ ಕರ್ಣಃ ಪಂಚಭಿರಾಯಸೈಃ। ವಿವ್ಯಾಧ ಸಮರೇ ರಾಜಂಸ್ತ್ರಿಭಿಶ್ಚಾನ್ಯೈಃ ಶಿಲೀಮುಖೈಃ॥ 8-44-63 (57104) ದಕ್ಷಿಣಂ ತು ಭುಜಂ ತಸ್ಯ ತ್ರಿಭಿಃ ಕರ್ಣೋಽಭ್ಯವಿಧ್ಯತ। ಸವ್ಯಂ ಷೋಡಶಭಿರ್ಬಾಣೈರ್ಯಂತಾರಂ ಚಾಸ್ಯ ಸಪ್ತಭಿಃ॥ 8-44-64 (57105) ಅಥಾಸ್ಯ ಚತುರೋ ವಾಹಾಂಶ್ಚತುರ್ಭಿರ್ನಿಶಿತೈಃ ಶರೈಃ। ಸೂತಪುತ್ರೋಽನಯತ್ಕ್ಷಿಪ್ರಂ ಯಮಸ್ಯ ಸದನಂ ಪ್ರತಿ॥ 8-44-65 (57106) ಅಥಾಪರೇಣ ಭಲ್ಲೇನ ಧನುಶ್ಛಿತ್ತ್ವಾ ಮಹಾರಥಃ। ಸಾರಥೇಃ ಸಶಿರಸ್ತ್ರಾಣಂ ಶಿರಃ ಕಾಯಾದಪಾಹರತ್॥ 8-44-66 (57107) ಹತಾಶ್ವಸೂತೇ ತು ರಥೇ ಸ್ಥಿತಃ ಸ ಶಿನಿಪುಂಗವಃ। ಶಕ್ತಿಂ ಚಿಕ್ಷೇಪ ಕರ್ಣಾಯ ವೈದೂರ್ಯಮಣಿಭೂಷಿತಾಂ॥ 8-44-67 (57108) ತಾಮಾಪತಂತೀಂ ಸಹಸಾ ದ್ವಿಧಾ ಚಿಚ್ಛೇದ ಭಾರತ। ಕರ್ಣೋ ವೈ ಧನ್ವಿನಾಂ ಶ್ರೇಷ್ಠಸ್ತಾಂಶ್ಚ ಸರ್ವಾನವಾರಯತ್॥ 8-44-68 (57109) ತತಸ್ತಾನ್ನಿಶಿತೈರ್ಬಾಣೈಃ ಪಾಂಡವಾನಾಂ ಮಹಾರಥಾನ್। ನ್ಯವಾರಯದಮೇಯಾತ್ಮಾ ಶಿಕ್ಷಯಾ ಚ ಬಲೇನ ಚ॥ 8-44-69 (57110) ಅರ್ದಯಿತ್ವಾ ಶರೈಸ್ತಾಂಸ್ತು ಸಿಂಹಃ ಕ್ಷುದ್ರಮೃಗಾನಿವ। ಪೀಡಯಂಧರ್ಮರಾಜಾನಂ ಶರೈಃ ಸನ್ನತಪರ್ವಮಿಃ। ಅಭ್ಯದ್ರವತ ರಾಧೇಯೋ ಧರ್ಮಪುತ್ರಂ ಶಿತೈಃ ಶರೈಃ॥ 8-44-70 (57111) ತತಃ ಪಾರ್ಷೋ ಹ್ಯಪಾಸಾಸೀದ್ವತಾಶ್ವೋ ಹತಸಾರಥಿಃ। ಅಶಕ್ನುವನ್ಮುಖೇ ಸ್ಥಾತುಂ ತತಃ ಕರ್ಣಸ್ಯ ದುರ್ಮನಾಃ॥ 8-44-71 (57112) ತಮಭಿದ್ರುತ್ಯ ರಾಧೇಯಃ ಪಾಂಡುಪುತ್ರಂ ಯುಧಿಷ್ಠಿರಂ। ಅಬ್ರವೀತ್ಪ್ರಹಸನ್ರಾಜನ್ಕುತ್ಸಯನ್ನಿವ ಪಾಂಡವಂ॥ 8-44-72 (57113) ಕಥಂ ನಾಮ ಕುಲೇ ಜಾತಃ ಕ್ಷತ್ರಧರ್ಮೇ ವ್ಯವಸ್ಥಿತಃ। ಪ್ರಜಹ್ಯಾತ್ಸಮರೇ ಶತ್ರೂನ್ಪ್ರಾಣಾನ್ರಕ್ಷ ಮಹಾಹವೇ॥ 8-44-73 (57114) ನ ಭವಾನ್ಕ್ಷತ್ರಧರ್ಮೇಷು ಕುಶಲೋಽಸೀತಿ ಮೇ ಮತಿಃ। ಬ್ರಾಹ್ಮೇ ಬಲೇ ಭವಾನ್ಯುಕ್ತಃ ಸ್ವಾಧ್ಯಾಯೇ ಯಜ್ಞಕರ್ಮಣಿ॥ 8-44-74 (57115) ಮಾ ಸ್ಮ ಯುಧ್ಯಸ್ವ ಕೌಂತೇಯ ಮಾ ಸ್ಮ ವೀರಾನ್ಸಮಾಸದಃ। ಮಾ ಚೈವಂ ವಿಪ್ರಿಯಂ ಬ್ರೂಹಿ ಮಾ ಚ ತ್ವಂ ಭಜ ಸಂಯುಗಂ॥ 8-44-75 (57116) ವಕ್ತವ್ಯಾ ಮಾರಿಷಾಽನ್ಯೇ ತು ನ ವಕ್ತವ್ಯಾಸ್ತು ಮಾದೃಶಾಃ। ಮಾದೃಶಾನ್ಹಿ ಬ್ರುವನ್ಯುದ್ಧೇ ಏತದನ್ಯಚ್ಚ ಲಪ್ಸ್ಯಸೇ॥ 8-44-76 (57117) ಸ್ವಗೃಹಂ ಗಚ್ಛ ಕೌಂತೇಯ ಯತ್ರ ವಾ ಕೇಶವಾರ್ಜುನೌ। ನ ಹಿ ತ್ವಾಂ ಸಮರೇ ರಾಜನ್ಹನ್ಯಾತ್ಕರ್ಣಃ ಕಥಂಚನ॥ 8-44-77 (57118) ಸಂಜಯ ಉವಾಚ। 8-44-78x (4956) ವರಪ್ರದಾನಂ ಕುಂತ್ಯಾಸ್ತು ಕರ್ಣಃ ಸ್ಮೃತ್ವಾ ಮಹಾರಥಃ। ವಧಪ್ರಾಪ್ತಂ ತು ಕೌಂತೇಯಂ ನಾವಧೀತ್ಪುರುಷೋತ್ತಮಃ॥ 8-44-78 (57119) ಏವಮುಕ್ತ್ವಾ ತತಃ ಪಾರ್ಥಂ ವಿಸೃಜ್ಯ ಚ ಮಹಾಬಲಃ। ನ್ಯಹನತ್ಪಾಂಡವೀಂ ಸೇನಾಂ ವಜ್ರಹಸ್ತ ಇವಾಸುರೀಂ॥ 8-44-79 (57120) ತತೋಽಪಾಯಾದ್ದ್ರುತಂ ರಾಜನ್ವ್ರೀಡನ್ನಿವ ನರೇಶ್ವರಃ॥ 8-44-80 (57121) ಅಥಾಪಯಾತಂ ರಾಜಾನಂ ಮತ್ವಾಽನ್ವೀಯುಸ್ತಮಚ್ಯುತಂ। ಚೇದಿಪಾಂಡವಪಾಂಚಾಲಾಃ ಸಾತ್ಯಕಿಶ್ಚ ಮಹಾರಥಃ। ದ್ರೌಪದೇಯಾಸ್ತಥಾ ಶೂರಾ ಮಾದ್ರೀಪುತ್ರೌ ಚ ಪಾಂಡವೌ॥ 8-44-81 (57122) ತತೋ ಯುಧಿಷ್ಠಿರಾನೀಕಂ ದೃಷ್ಟ್ವಾ ಕರ್ಣಃ ಪರಾಙ್ಮುಖಂ। ಕುರುಭಿಃ ಸಹಿತೋ ವೀರಃ ಪ್ರಹೃಷ್ಟಃ ಪೃಷ್ಠತೋಽನ್ವಗಾತ್॥ 8-44-82 (57123) ಭೇರೀಶಂಖಮೃದಂಗಾನಾಂ ಕಾರ್ಮುಕಾಣಾಂ ಚ ನಿಃಸ್ವನಃ। ಬಭೂವ ಧಾರ್ತರಾಷ್ಟ್ರಾಣಾಂ ಸಿಂಹನಾದರವಸ್ತಥಾ॥ 8-44-83 (57124) ಯುಧಿಷ್ಠಿರಸ್ತು ಕೌರವ್ಯ ರಥಮಾರುಹ್ಯ ಸತ್ವರಂ। ಶ್ರುತಕೀರ್ತೇರ್ಮಹಾರಾಜ ದೃಷ್ಟ್ವಾ ತತ್ಕರ್ಣವಿಕ್ರಮಂ॥ 8-44-84 (57125) ಕಾಲ್ಯಮಾನಂ ಬಲಂ ದೃಷ್ಟ್ವಾ ಸೂತಪುತ್ರೇಣ ಮಾರಿಷ। ಸ್ವಾನ್ಯೋಧಾನಬ್ರವೀತ್ಕ್ರುದ್ವೋ ನಿಘ್ನತೈತಾನ್ಕಿಮಾಸತ॥ 8-44-85 (57126) ತತೋ ರಾಜ್ಞಾಽಭ್ಯನುಜ್ಞಾತಾಃ ಪಾಂಡವಾನಾಂ ಮಹಾರಥಾಃ। ಭೀಮಸೇನಮುಖಾಃ ಸರ್ವೇ ಪುತ್ರಾಂಸ್ತೇ ಪ್ರತ್ಯುಪಾದ್ರವನ್॥ 8-44-86 (57127) ಅಭವತ್ತುಮುಲಃ ಶಬ್ದೋ ಯೋಧಾನಾಂ ತತ್ರ ಭಾರತ। ರಥಹಸ್ತ್ಯಶ್ವಪತ್ತೀನಾಂ ದ್ರವತಾಂ ನಿನದೋ ಮಹಾನ್। ಉದ್ಯತಪ್ರತಿವಿಷ್ಟಾನಾಂ ಶಸ್ತ್ರಾಣಾಂ ಚ ತತಸ್ತತಃ॥ 8-44-87 (57128) ಆಗಚ್ಛತ ಪ್ರಹರತ ಕ್ಷಿಪ್ರಂ ವಿಪರಿಧಾವತ। ಇತಿ ಬ್ರುವಾಣಾ ಹ್ಯನ್ಯೋನ್ಯಂ ಜಘ್ನುರ್ಯೋಧಾ ಮಹಾರಣೇ॥ 8-44-88 (57129) ಅಭ್ರಚ್ಛಾಯೇವ ತತ್ರಾಸೀಚ್ಛರವೃಷ್ಟಿಭಿರಂಬರೇ। ಸಮಾವೃತೈರ್ನರವರೈರ್ನಿಘ್ನದ್ಭಿರಿತರೇತರಂ॥ 8-44-89 (57130) ವಿಪತಾಕಧ್ವಜಚ್ಛತ್ರಾ ವ್ಯಶ್ವಸೂತರಥಾಯುಧಾಃ। ವ್ಯಂಗಾಂಗಾವಯವಾಃ ಪೇತುಃ ಕ್ಷಿತೌ ಕ್ಷೀಣಾಃ ಕ್ಷಿತೀಶ್ವರಾಃ। ಶಿಖರಾಣೀವ ಶೇಲಾನಾಂ ವಜ್ರಭಿನ್ನಾನಿ ಮಾನಿಷ॥ 8-44-90 (57131) ಸಾರೋಹಾ ನಿಹತಾಃ ಪೇತುರ್ದ್ವಿಪಾ ಭಿನ್ನಾ ಮಹೀತಲೇ। ಛಿನ್ನಭಿನ್ನವಿಪರ್ಯಸ್ತವರ್ಮಾಲಂಕಾರವಿಗ್ರಹಾಃ॥ 8-44-91 (57132) ಸಾರೋಹಾಸ್ತುರಗಾಃ ಪೇತುರ್ಹತವೀರಾಃ ಸಹಸ್ರಶಃ। ವಿಪ್ರವಿದ್ವಾಯುಧಾಂಗಾಶ್ಚ ದ್ವಿರದಾ ರಥಿಭಿರ್ಹತಾಃ। ಪ್ರತಿವೀರೈಶ್ಚ ಸಂಮರ್ದೇ ಪತ್ತಿಸಂಘಾಃ ಸಹಸ್ರಶಃ॥ 8-44-92 (57133) ವಿಶಾಲಾಯತತಾಂರಾಕ್ಷೈಃ ಪದ್ಮೇಂದುಸದೃಶಾನನೈಃ। ಶಿರೋಭಿರ್ಯುದ್ಧಶೌಂಡಾನಾಂ ಸರ್ವತಃ ಸಂವೃತಾ ಮಹೀ॥ 8-44-93 (57134) ಯಥಾ ಭುವಿ ತಥಾ ವ್ಯೋಂನಿ ನಿಃಸ್ವನಂ ಶುಶ್ರುವುರ್ಜನಾಃ। ವಿಮಾನೇಽಪ್ಸರಸಾಂ ಸಂಘೈರ್ಗೀತವಾದಿತ್ರನಿಃಸ್ವನೈಃ॥ 8-44-94 (57135) ಹತಾನಭಿಮುಖಾನ್ವೀರಾನ್ವೀರೈಃ ಶತಸಹಸ್ರಶಃ। ಆರೋಪ್ಯಾರೋಪ್ಯ ಗಚ್ಛಂತಿ ವಿಮಾನೇಷ್ವಪ್ಸರೋಗಣಾಃ॥ 8-44-95 (57136) ತದ್ದೃಷ್ಟ್ವಾ ಮಹದಾಶ್ಚರ್ಯಂ ಪ್ರತ್ಯಕ್ಷಂ ಸ್ವರ್ಗಲಿಪ್ಸಯಾ। ಪ್ರಹೃಷ್ಟಮನಸಃ ಶೂರಾಃ ಕ್ಷಿಪ್ರಂ ಜಘ್ನುಃ ಪರಸ್ಪರಂ॥ 8-44-96 (57137) ರಥಿನೋ ರಥಿಭಿಃ ಸಾರ್ಧಂ ಚಿತ್ರಂ ಯುಯುಧುರಾಹವೇ। ಪತ್ತಯಃ ಪತ್ತಿಭಿರ್ನಾಗಾಃ ಸಹ ನಾಗೈರ್ಹಯೈರ್ಹಯೋಃ॥ 8-44-97 (57138) ಏವಂ ಪ್ರವೃತ್ತೇ ಸಂಗ್ರಾಮೇ ಗಜವಾಜಿನರಕ್ಷಯೇ। ಸೈನ್ಯೇನ ರಜಸಾ ವೃತ್ತತೇ ಸ್ವೇ ಸ್ವಾಂಜಘ್ನುಃ ಪರೇ ಪರಾನ್॥ 8-44-98 (57139) ಕಚಾಕಚಂ ಯುದ್ಧಮಾಸೀದ್ದಂತಾದಂತಿ ನಖಾನಖಿ। ಮುಷ್ಟಿಯುದ್ಧಂ ನಿಯುದ್ಧಂ ಚ ದೇಹಪಾಪ್ಮವಿನಾಶನಂ॥ 8-44-99 (57140) ತಥಾ ವರ್ತತತಿ ಸಂಗ್ರಮೇ ಗಜವಾಜಿನರಕ್ಷಯೇ। ನರಾಶ್ವನಾಗದೇಹೇಭ್ಯಃ ಪ್ರಸೃತಾ ಲೋಹಿತಾಪಗಾ॥ 8-44-100 (57141) ಗಜಾಶ್ವನರದೇಹಾನ್ಸಾ ವ್ಯುವಾಹ ಪತಿತಾನ್ಬಹೂನ್। ನರಾಶ್ವಗಜಸಂಬಾಧೇ ನರಾಶ್ವಗಜಸಾದಿನಾಂ॥ 8-44-10 (57142) ಲೋಹಿತೋದಾ ಮಹಾಘೋರಾ ಮಾಂಸಶೋಣಿತಕರ್ದಮಾ। ನರಾಶ್ವಗಜದೇಹಾನ್ವೈ ವಹಂತೀ ಭೀರುಭೀಷಣಾ॥ 8-44-10 (57143) ತಸ್ಯಾ ನದ್ಯಾಃ ಪರಂ ಪಾರಂ ವ್ರಜಂತಿ ವಿಜಯೈಷಿಣಃ। ನಾಗೇನ ಚ ಪ್ಲವಂತೋ ವೈ ನಿಮಜ್ಜ್ಯೋನ್ಮಜ್ಜ್ಯ ಚಾಪರೇ॥ 8-44-10 (57144) ತೇ ತು ಲೋಹಿತದಿಗ್ಧಾಂಗಾ ರಕ್ತವರ್ಮಾಯುಧಾಂಬರಾಃ। ಸಸ್ನುಸ್ತತಸ್ಯಾಂ ಪಪುಶ್ಚಾಸ್ರಂ ಮಂಲುಶ್ಚ ಭರತರ್ಷಭ॥ 8-44-10 (57145) ರಥಾನಶ್ವಾನ್ನಾರಾನ್ನಾಗಾನಾಯುಧಾಭರಣಾನಿ ಚ। ವರ್ಮಾಣಿ ಚಾಪ್ಯಪಶ್ಯಾಮ ಪತಿತಾನಿ ಸಹಸ್ರಶಃ। ಖಂ ದ್ಯಾಂ ಭೂಮಿಂ ದಿಶಶ್ಚೈವ ಪ್ರಾಯಃ ಪಶ್ಯಾಮ ಲೋಹಿತಾಃ॥ 8-44-10 (57146) ಲೋಹಿತಸ್ಯ ತು ಗಂಧೇನ ಸ್ಪರ್ದೇನ ಚ ರಸೇನ ಚ। ರೂಪೇಣ ಚಾತಿರಕ್ತತೇನ ಶಬ್ದೇನ ಚ ವಿಸರ್ಪತಾ। ವಿಷಾದಃ ಸುಮಹಾನಾಸೀತ್ಪ್ರಾಯಃ ಸೈನ್ಯಸ್ಯ ಭಾರತ॥ 8-44-10 (57147) ತತ್ತು ವಿಪ್ರಹತಂ ಸೈನ್ಯಂ ಭೀಮಸೇನಮುಖೈಸ್ತವ। ಭೂಯಃ ಸಮಾದ್ರವನ್ವೀರಾಃ ಸಾತತ್ಯಕಿಪ್ರಮುಖಾಸ್ತದಾ॥ 8-44-10 (57148) ತೇಷಾಮಾಪತತತಾಂ ವೇಗಮವಿಷಹ್ಯಂ ನಿರೀಕ್ಷ್ಯ ಚ। ಪುತ್ರಾಣಾಂ ತೇ ಮಹಾಸೈನ್ಯಮಾಸೀದ್ರಾಜನ್ಪರಾಙ್ಮುಖಂ॥ 8-44-10 (57149) ತತ್ಪ್ರಕೀರ್ಣರಥಾಶ್ವೇಭಂ ನರವಾಜಿಸಮಾಕುಲಂ। ವಿಧ್ವಸ್ತವರ್ಮಕವಚಂ ಪ್ರವಿದ್ವಾಯುಧಕಾರ್ಮುಕಂ॥ 8-44-10 (57150) ವ್ಯದ್ರವತ್ತಾವಕಂ ಸೈನ್ಯಂ ಲೋಡ್ಯಮಾನಂ ಸಮಂತತಃ। ಸಿಂಹಾರ್ದಿತಮಿವಾರಣ್ಯೇ ಯಥಾ ಗಜಕುಲಂ ತಥಾ॥ ॥ 8-44-10 (57151) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಚತುಶ್ಚತ್ವಾರಿಂಶೋಽಧ್ಯಾಯಃ॥ 44 ॥

8-45-0 (57152) ಸಂಜಯ ಉವಾಚ। 8-45-0x (4957) ತಾನಭಿದ್ರವತೋ ದೃಷ್ಟ್ವಾ ಪಾಂಡವಾಂಸ್ತಾವಕಂ ಬಲಂ। 8-45-1 (57153) ಅಂತಮದ್ಯ ಗಮಿಷ್ಯಾಮಿ ತಸ್ಯ ದುಃಖಸ್ಯ ಪಾರ್ಷತ॥ 8-45-10 (57162) ಹಂತಾಸ್ಂಯದ್ಯ ರಣೇ ಕರ್ಣಂ ಸ ವಾ ಮಾಂ ನಿಹನಿಷ್ಯತಿ। ಸಂಗ್ರಾಮೇಽದ್ಯ ಸುಘೋರೇಽಸ್ಮಿನ್ಸತ್ಯಮೇತದ್ಬ್ರವೀಮಿ ವಃ॥ 8-45-11 (57163) ರಾಜಾನಮದ್ಯ ಭವತಾಂ ನ್ಯಾಸಭೂತಂ ದದಾನಿ ವೈ। ತಸ್ಯ ಸಂರಕ್ಷಣೇ ಸರ್ವೇ ಯತಧ್ವಂ ವಿಗತಜ್ವರಾಃ॥ 8-45-12 (57164) ಏವಮುಕ್ತ್ವಾ ಮಹಾಬಾಹುಃ ಪ್ರಾಯಾದಾಧಿರಥಿಂ ಪ್ರತಿ। ಸಿಂಹನಾದೇನ ಮಹತಾ ಸರ್ವಾಃ ಸನ್ನಾದಯಂದಿಶಃ॥ 8-45-13 (57165) ದೃಷ್ಟ್ವಾ ತ್ವರಿತಮಾಯಾಂತಂ ಭೀಮಂ ಯುದ್ಧಾಭಿನಂದಿನಂ। ಸೂತಪುತ್ರಮಥೋವಾಚ ಮದ್ರಾಣಾಮೀಶ್ವರೋ ವಿಭುಃ॥ 8-45-14 (57166) ಶಲ್ಯ ಉವಾಚ। 8-45-15x (4958) ಪಶ್ಯ ಕರ್ಣ ಮಹಾಬಾಹುಂ ಸಂಕ್ರುದ್ಧಂ ಪಾಂಡುನಂದನಂ। ದೀರ್ಘಕಾಲಾರ್ಜಿತಂ ಕ್ರೋಧಂ ಮೋಕ್ತುಕಾಮಂ ತ್ವಯಿ ಧ್ರುವಂ॥ 8-45-15 (57167) ಈದೃಶಂ ನಾಸ್ಯ ರೂಪಂ ಮೇ ದೃಷ್ಟಪೂರ್ವಂ ಕದಾಚನ। ಅಭಿಮನ್ಯೌ ಹತೇ ಕರ್ಣ ರಾಕ್ಷಸೇ ಚ ಘಟೋತ್ಕಚೇ॥ 8-45-16 (57168) ತ್ರೈಲೋಕ್ಯಸ್ಯ ಸಮಸ್ತಸ್ಯ ಶಕ್ತಃ ಕ್ರುದ್ಧೋ ನಿವಾರಣೇ। ಬಿಭರ್ತಿ ಸದೃಶಂ ರೂಪಂ ಯುಗಾಂತಾಗ್ನಿಸಮಪ್ರಭಂ॥ 8-45-17 (57169) ಸಂಜಯ ಉವಾಚ। 8-45-18x (4959) ಇತಿ ಬ್ರುವತಿ ರಾಧೇಯಂ ಮದ್ರಾಣಾಮೀಶ್ವರೇ ನೃಪ। ಅಭ್ಯವರ್ತತ ವೈ ಕರ್ಣಂ ಕ್ರೋಧದೀಪ್ತತೋ ವೃಕೋದರಃ॥ 8-45-18 (57170) ಅಥಾಗತಂ ತು ಸಂಪ್ರೇಕ್ಷ್ಯ ಭೀಮಂ ಯುದ್ಧಾಭಿನಂದಿನಂ। ಅಬ್ರವೀದ್ವಚನಂ ಶಲ್ಯಂ ರಾಧೇಯಃ ಪ್ರಹಸನ್ನಿವ॥ 8-45-19 (57171) ಯದುಕ್ತಂ ವಚನಂ ಮೇಽದ್ಯ ತ್ವಯಾ ಮದ್ರಜನೇಶ್ವರ। ಭೀಮಸೇನಂ ಪ್ರತಿ ವಿಭೋ ತತ್ಸತ್ಯಂ ನಾತ್ರ ಸಂಶಯಃ॥ 8-45-20 (57172) ಏಷ ಶೂರಶ್ಚ ವೀರಶ್ಚ ಕ್ರೋಧನಶ್ಚ ವೃಕೋದರಃ। ನಿರಪೇಕ್ಷಃ ಶರೀರೇ ಚ ಪ್ರಾಣತಶ್ಚ ಬಲಾಧಿಕಃ॥ 8-45-21 (57173) ಅಜ್ಞಾತವಾಸಂ ವಸತಾ ವಿರಾಟನಗರೇ ತದಾ। ದ್ರೌಪದ್ಯಾಃ ಪ್ರಿಯಕಾಮೇನ ಕೇವಲಂ ಬಾಹುಸಂಶ್ರಯಾತ್। ಗೂಢಭಾವಂ ಸಮಾಶ್ರಿತ್ಯ ಕೀಚಕಃ ಸಗಣೋ ಹತಃ॥ 8-45-22 (57174) ಸೋಽದ್ಯ ಸಂಗ್ರಾಮಶಿರಸಿ ಸನ್ನದ್ವಃ ಕ್ರೋಧಮೂರ್ಚ್ಛಿತಃ। ಕಿಂ ಕರೋದ್ಯತದಂಡೇನ ಮೃತ್ಯುನಾಪಿ ವ್ರಜೇದ್ರಣಂ॥ 8-45-23 (57175) ಚಿರಕಾಲಾಭಿಲಷಿತೋ ಮಮಾಯಂ ತು ಮನೋರಥಃ। ಅರ್ಜುನಂ ಸಮರೇ ಹನ್ಯಾಂ ಮಾಂ ವಾ ಹನ್ಯಾದ್ವನಂಜಯಃ॥ 8-45-24 (57176) ಸ ಮೇ ಕದಾಚಿದದ್ಯೈವ ಭವೇದ್ಭೀಮಸಮಾಗಮಾತ್॥ 8-45-25 (57177) ನಿಹತೇ ಭೀಮಸೇನೇ ವಾ ಯದಿ ವಾ ವಿರಥೀಕೃತೇ। ಅಭಿಯಾಸ್ಯತಿ ಮಾಂ ಪಾರ್ಥಸ್ತನ್ಮೇ ಸಾಧು ಭವಿಷ್ಯತಿ। ಅತ್ರ ಯನ್ಮನ್ಯಸೇ ಪ್ರಾಪ್ತಂ ತಚ್ಛೀಘ್ರಂ ಸಂಪ್ರಧಾರಯ॥ 8-45-26 (57178) ಸಂಜಯ ಉವಾಚ। 8-45-27x (4960) ಏತಚ್ಛ್ರುತ್ವಾ ತು ವಚನಂ ರಾಧೇಯಸ್ಯಾಮಿತೌಜಸಃ। ಉವಾಚ ವಚನಂ ಶಲ್ಯಃ ಸೂತಪುತ್ರಂ ತಥಾಗತಂ॥ 8-45-27 (57179) ಅಭಿಯಾಹಿ ಮಹಾಬಾಹೋ ಭೀಮಸೇನಂ ಮಹಾಬಲಂ। ನಿರಪೇಕ್ಷಶ್ಚ ಯುಧ್ಯಸ್ವ ಶಕ್ತಿಂ ಸ್ವಾಂ ಸಂಪ್ರದರ್ಶಯನ್॥ 8-45-28 (57180) ಯಸ್ತೇ ಕಾಮೋಽಭಿಲಷಿತಶ್ಚಿರಾತ್ಪ್ರಭೃತಿ ಹೃದ್ಗತತಃ। ಸ ವೈ ಸಂಪತ್ಸ್ಯತೇ ಕರ್ಣ ಸತ್ಯಮೇತದ್ಬ್ರವೀಮಿ ತೇ॥ 8-45-29 (57181) ಏವಮುಕ್ತೇ ತತಃ ಕರ್ಣಃ ಶಲ್ಯಂ ಪುನರಭಾಷತ। ಹಂತಾಽಹಮೇನಂ ಸಂರಬ್ಧಂ ಮಾಂ ವಾ ಹಂತಾ ವೃಕೋದರಃ॥ 8-45-30 (57182) ಏವಮುಕ್ತ್ವಾ ಮಹಾರಾಜ ರಾಧೇಯೋ ರಥಿನಾಂ ವರಃ। ಯುದ್ಧೇ ಮನಃ ಸಮಾಧಾಯ ಯಾಹಿ ಯಾಹೀತ್ಯಚೋದಯತ್॥ 8-45-31 (57183) ತತಃ ಪ್ರಾಯಾದ್ರಥೇನಾಶು ಶಲ್ಯಸ್ತತ್ರ ವಿಶಾಂಪತೇ। ಯತ್ರ ಭೀಮೋ ಮಹೇಷ್ವಾಸೋ ವ್ಯದ್ರಾವಯತ ವಾಹಿನೀಂ॥ 8-45-32 (57184) ತತಸ್ತೂರ್ಯನಿನಾದಶ್ಚ ಭೇರೀಣಾಂ ಚ ಮಹಾಸ್ವನಃ। ಉದತಿಷ್ಠಚ್ಚ ರಾಜೇಂದ್ರ ಕರ್ಣಭೀಮಸಮಾಗಮೇ॥ 8-45-33 (57185) ಭೀಮಸೇನೋಽಥಥ ಸಂಕ್ರುದ್ಧಸ್ತಸ್ಯ ಸೈನ್ಯಂ ದುರಾಸದಂ। ನಾರಾಚೈರ್ವಿಮಲೈಸ್ತೀಕ್ಷ್ಣೈರ್ದಿಶಃ ಪ್ರಾದ್ರಾವಯದ್ಬಲೀ॥ 8-45-34 (57186) ಸ ಸನ್ನಿಪಾತಸ್ತತುಮುಲೋ ಘೋರರೂಪೋ ವಿಶಾಂಪತೇ। ಆಸೀದ್ರೌದ್ರೋ ಮಹಾರಾಜ ಕರ್ಣಪಾಂಡವಯೋರ್ಮೃಧೇ॥ 8-45-35 (57187) ತತೋ ಮುಹೂರ್ತಾದ್ರಾಜೇಂದ್ರ ನಾತಿಕೃಚ್ಛ್ರಾದ್ಧಸನ್ನಿವ। ಭೀಮಸೇನೋ ಮಹಾಬಾಹುಃ ಕರ್ಣಂ ಪ್ರೇಪ್ಸುರಭಿದ್ರವತ್॥ 8-45-36 (57188) ಸಮಾಪತಂತಂ ಸಂಪ್ರೇಕ್ಷ್ಯ ಕರ್ಣೋ ವೈಕರ್ತನೋ ವೃಷಾ। ಆಜಘಾನ ಸುಸಂಕ್ರುದ್ಧೋ ನಾರಾಚೇನ ಸ್ತನಾಂತರೇ। ಪುನಶ್ಚೈನಮಮೇಯಾತ್ಮಾ ಶರವರ್ಷೈರವಾಕಿರತ್॥ 8-45-37 (57189) ಸ ವಿದ್ವಃ ಸೂತಪುತ್ರೇಣ ಚ್ಛಾದಯಾಮಾಸ ಪತ್ರಿಭಿಃ। ವಿವ್ಯಾಧ ನಿಶಿತೈಃ ಕರ್ಣಂ ನವಭಿರ್ನತಪರ್ವಭಿಃ॥ 8-45-38 (57190) ತಸ್ಯ ಕರ್ಣೋ ಧನುರ್ಮಧ್ಯೇ ದ್ವಿಧಾ ಚಿಚ್ಛೇದ ಪತ್ರಿಭಿಃ॥ 8-45-39 (57191) ಅಥೈನಂ ಛಿನ್ನಧನ್ವಾನಂ ಪ್ರತತ್ಯವಿಧ್ಯತ್ಸ್ತನಾಂತರೇ। ನಾರಾಚೇನ ಸುತೀಕ್ಷ್ಣೇನ ಸರ್ವಾವರಣಭೇದಿನಾ॥ 8-45-40 (57192) ಸೋಽನ್ಯತ್ಕಾರ್ಮುಕಮಾದಾಯ ಸೂತತಪುತ್ರಂ ವೃಕೋದರಃ। ರಾಜನ್ಮರ್ಮಸು ಮರ್ಮಜ್ಞೋ ವಿವ್ಯಾಧ ನಿಶಿತೈಃ ಶರೈಃ। ನನಾದ ಬಲವನ್ನಾದಂ ಕಂಪಯನ್ನಿವ ರೋದಸೀ॥ 8-45-41 (57193) ತತಂ ಕರ್ಣಃ ಪಂಚವಿಂಶತ್ಯಾ ನಾರಾಚಾನಾಂ ಸಮಾರ್ಪಯತ್। ಮದೋತ್ಕಟಂ ವನೇ ದೃಪ್ತತಮುಲ್ಕಾಭಿರಿವ ಕುಂಜರಂ॥ 8-45-42 (57194) ತತಃ ಸಾಯಕಭಿನ್ನಾಂಗಃ ಪಾಂಡವಃ ಕ್ರೋಧಮೂರ್ಚ್ಛಿತಃ। ಸಂರಂಭಾಮರ್ಷತಾಂರಾಕ್ಷಃ ಸೂತಪುತ್ರವಧೇಪ್ಸಯಾ॥ 8-45-43 (57195) ಸ ಕಾರ್ಮುಕೇ ಮಹಾವೇಗಂ ಭಾರಸಾಧನಮುತ್ತಮಂ। ಗಿರೀಣಾಮಪಿ ಭೇತ್ತಾರಂ ಸಾಯಕಂ ಸಮಯೋಜಯತ್॥ 8-45-44 (57196) ವಿಕೃಷ್ಯ ಬಲವಚ್ಚಾಪಮಾಕರ್ಣಾದತಿಮಾರುತಿಃ। ತಂ ಮುಮೋಚ ಮಹೇಷ್ವಾಸಃ ಕ್ರುದ್ಧಃ ಕರ್ಣಜಿಘಾಂಸಯಾ॥ 8-45-45 (57197) ಸ ವಿಸೃಷ್ಟೋ ಬಲವತಾ ಬಾಣೋ ವಜ್ರಾಶನಿಸ್ವನಃ। ಅದಾರಯದ್ರಣೇ ಕರ್ಣಂ ವಜ್ರವೇಗೋ ಯಥಾಽಚಲಂ॥ 8-45-46 (57198) ಸ ಭೀಮಸೇನಾಭಿಹತಃ ಸೂತಪುತ್ರಃ ಕುರೂದ್ವಹ। ನಿಷಸಾದ ರಥೋಪಸ್ಥೇ ವಿಸಂಜ್ಞಃ ಪೃತನಾಪತಿಃ। `ರುಧಿರೇಣಾವಸಿಕ್ತಾಂಗೋ ಗತಾಸುವದರಿಂದಮಃ॥ 8-45-47 (57199) ಏತಸ್ಮಿನ್ನಂತರೇ ದೃಷ್ಟ್ವಾ ಮದ್ರರಾಜೋ ವೃಕೋದರಂ। ಜಿಘಾಂಸುಂ ಛೇತ್ತುಮಾಯಾಂತಂ ಸಾಧಯನ್ನಿದಮಬ್ರವೀತ್॥ 8-45-48 (57200) ಭೀಮಸೇನ ಮಹಾಬಾಹೋ ಯತತ್ತತ್ವಾಂ ವಕ್ಷ್ಯಾಮಿ ತಚ್ಛೃಣು। ವಚನಂ ಹೇತುಸಂಪನ್ನಂ ಶ್ರುತ್ವಾ ಚೈತತ್ತಥಾ ಕುರು॥ 8-45-49 (57201) ಅರ್ಜುನೇನ ಪ್ರತಿಜ್ಞಾತೋ ವಧಃ ಕರ್ಣಸ್ಯ ಶುಷ್ಮಿಣಃ। ತಾಂ ತಥಾ ಕುರು ಭದ್ರಂ ತೇ ಪ್ರತಿಜ್ಞಾಂ ಸವ್ಯಸಾಚಿನಃ॥ 8-45-50 (57202) ಭೀಮಸೇನ ಉವಾಚ। 8-45-51x (4961) ದೃಢವ್ರತತ್ವಂ ಪಾರ್ಥಸ್ಯ ಜಾನಾಮಿ ನೃಪಸತ್ತಮ। ರಾಜ್ಞಸ್ತು ಧರ್ಷಣಂ ಪಾಪಃ ಕೃತವಾನ್ಮಮ ಸನ್ನಿಧೌ॥ 8-45-51 (57203) ತತಃ ಕೋಪಾಭಿಭೂತೇನ ಶೇಷಂ ನ ಗಣಿತಂ ಮಯಾ। ಪತಿತೇ ಚಾಪಿ ರಾಧೇಯೇ ನ ಮೇ ಮನ್ಯುಃ ಶಮಂ ಗತಃ)। ಜಿಹ್ವೋದ್ವರಣಮೇವಾಸ್ಯ ಪ್ರಾಪ್ತಕಾಲಂ ಮತಂ ಮಮ॥ 8-45-52 (57204) ಅನೇನ ಸುನೃಶಂಸೇನ ಸಮವೇತೇಷು ರಾಜಸು। ಅಸ್ಮಾಕಂ ಶೃಣ್ವತಾಂ ಶಲ್ಯ ಯಾನಿ ವಾಕ್ಯಾನಿ ಮಾತುಲ। ಅಸಹೇಯಾನಿ ನೀಚಾನಿ ಬಹೂನಿ ಶ್ರಾವಿತಾನಿ ಭೋ॥ 8-45-53 (57205) ನೂನಂ ಚೈತತ್ಪ್ರತಿಜ್ಞಾತಂ ದೂರಸ್ಥಸ್ಯಾಪಿ ಪಾರ್ಥಿವ। ಛೇದನಂ ಚಾಸ್ಯ ಜಿಹ್ವಾಯಾಸ್ತದೈವಾಕಾಂಕ್ಷಿತಂ ಮಯಾ। ರಾಜ್ಞಸ್ತು ಪ್ರಿಯಕಾಮೇನ ಕಾಲೋಽಯಂ ಪರಿಪಾಲಿತಃ॥ 8-45-54 (57206) ಭವತಾ ತು ಯದುಕ್ತೋಽಸ್ಮಿ ವಾಕ್ಯಂ ಹೇತ್ವರ್ಥಸಂಹಿತಂ। ತದ್ಗೃಹೀತಂ ಮಹಾರಾತ ಕಟುಕಸ್ಥಮಿವೌಷಧಂ॥ 8-45-55 (57207) ಹೀನಪ್ರತಿಜ್ಞೋ ಬೀಭತ್ಸುರ್ನ ಹಿ ಜೀವೇತ ಕರ್ಹಿಚಿತ್। ಅಸ್ಮಿನ್ವಿನಷ್ಟೇ ನಷ್ಟಾಃ ಸ್ಮಃ ಸರ್ವ ಏವ ಸಕೇಶವಾಃ॥ 8-45-56 (57208) ಅದ್ಯ ಚೈವ ನೃಶಂಸಾತ್ಮಾ ಪಾಪಃ ಪಾಪಕೃತಾಂ ವರಃ। ಗಮಿಷ್ಯತತಿ ಪರೀಭಾವಂ ದೃಷ್ಟಮಾತ್ರಃ ಕಿರೀಟಿನಾ॥ 8-45-57 (57209) ಯುಧಿಷ್ಠಿರಸ್ಯ ಕೋಪೇನ ಪೂರ್ವಂ ದಗ್ಧೋ ನೃಶಂಸಕೃತ್। ತ್ವಯಾ ಸಂರಕ್ಷಿತತಸ್ತತ್ವದ್ಯ ಮತ್ಸಮೀಪಾದುಪಾಗತಃ॥ 8-45-58 (57210) ಸಂಜಯ ಉವಾಚ।' 8-45-59x (4962) ಏವಂ ಮದ್ರಾಧಿಪಃ ಶ್ರುತ್ವಾ ವಿಸಂಜ್ಞಂ ಸೂತನಂದನಂ। ಅಪೋವಾಹ ರಥೇನಾಜೌ ಕರ್ಣಮಾಹವಶೋಭಿನಂ॥ 8-45-59 (57211) ಪರಾಜಿತೇ ತತಃ ಕರ್ಣೇ ಧಾರ್ತರಾಷ್ಟ್ರೀ ಮಹಾಚಮೂಃ। ವ್ಯಪಾಯಾತ್ಸರ್ವತೋ ಭಗ್ನಾ ಹಾಹಾಭೂತಾ ಸಮಂತತಃ॥ ॥ 8-45-60 (57212) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತತದಶದಿವಸಯುದ್ಧೇ ಪಂಚಚತ್ವಾರಿಂಶೋಽಧ್ಯಾಯಃ॥ 45 ॥

8-46-0 (57213) ಧೃತರಾಷ್ಟ್ರ ಉವಾಚ। 8-46-0x (4963) ಸುದುಷ್ಕರಮಿದಂ ಕರ್ಮ ಕೃತಂ ಭೀಮೇನ ಸಂಜಯ। ಯೇನ ಕರ್ಣೋ ಮಹಾಬಾಹೂ ರಥೋಪಸ್ಥೇ ನಿಪಾತಿತಃ॥ 8-46-1 (57214) ಕರ್ಣೋ ಹ್ಯೇಕೋ ರಣೇ ಹಂತಾ ಪಾಂಡವಾನ್ಸೃಂಜಯೈಃ ಸಹ। ಇತಿ ದುರ್ಯೋಧನಃ ಸೂತ ಪ್ರಾಬ್ರವೀನ್ಮಾಂ ಮುಹುರ್ಮುಹುಃ॥ 8-46-2 (57215) ಪರಾಜಿತಂ ತು ರಾಧೇಯಂ ದೃಷ್ಟ್ವಾ ಭೀಮೇನ ಸಂಯುಗೇ। ತತಃ ಪರಂ ಕಿಮಕರೋತ್ಪುತ್ರೋ ದುರ್ಯೋಧನೋ ಮಮ॥ 8-46-3 (57216) ಸಂಜಯ ಉವಾಚ। 8-46-4x (4964) ವಿಮುಖಂ ಪ್ರೇಕ್ಷ್ಯ ರಾಧೇಯಂ ಸೂತಪುತ್ರಂ ಮಹಾಹವೇ। ಪುತ್ರಸ್ತವ ಮಹಾರಾಜ ಸೋದರ್ಯಾನಿದಮಬ್ರವೀತ್॥ 8-46-4 (57217) ಶೀಘ್ರಂ ಗಚ್ಛತ ಭದ್ರಂ ವೋ ರಾಧೇಯಂ ಪರಿರಕ್ಷತ। ಭೀಮಸೇನಭಯೇಽಗಾಧೇ ಮ಼ಜ್ಜಂತಂ ವ್ಯಸನಾರ್ಣವೇ॥ 8-46-5 (57218) ತೇ ತು ರಾಜ್ಞಾ ಸಮಾದಿಷ್ಟಾ ಭೀಮಸೇನಂ ಜಿಘಾಂಸವಃ। ಅಭ್ಯವರ್ತಂತ ಸಂಕ್ರುದ್ಧಾಃ ಪತಂಗಾಃ ಪಾವಕಂ ಯಥಾ॥ 8-46-6 (57219) ಶ್ರುತಾಯುರ್ದುರ್ಧರಃ ಕ್ರಾಥೋ ವಿವಿತ್ಸುರ್ವಿಕಟಃ ಸಮಃ। ನಿಷಂಗೀ ಕವಚೀ ಪಾಶೀ ತಥಾ ನಂದೋಪನಂದಕೌ॥ 8-46-7 (57220) ದುಷ್ಪ್ರಧರ್ಷಃ ಸುಬಾಹುಶ್ಚ ವಾತವೇಗಸುವರ್ಚಸೌ। ಧನುರ್ಗ್ರಾಹೋ ದುರ್ಮದಶ್ಚ ಜಲಸಂಧಃ ಶಲಃ ಸಹಃ॥ 8-46-8 (57221) ಏತೇ ರಥೈಃ ಪರಿವೃತಾ ವೀರ್ಯವಂತೋ ಮಹಾಬಲಾಃ। ಭೀಮಸೇನಂ ಸಮಾಸಾದ್ಯ ಸಮಂತಾತ್ಪರ್ಯವಾರಯನ್॥ 8-46-9 (57222) ತೇ ವ್ಯಮುಂಚಂಛರವ್ರಾತಾನ್ನಾನಾಲಿಂಗಾನ್ಸಮಂತತಃ। ಸ ತೈರಭ್ಯರ್ದ್ಯಮಾನಸ್ತು ಭೀಮಸೇನೋ ಮಹಾಬಲಃ॥ 8-46-10 (57223) ತೇಷಾಮಾಪತತಾಂ ಕ್ಷಿಪ್ರಂ ಸುತಾನಾಂ ತೇ ಜನಾಧಿಪ। ರಥೈಃ ಪಂಚಶತೈಃ ಸಾರ್ಧಂ ಪಂಚಾಶದಹನದ್ರಥಾನ್॥ 8-46-11 (57224) ವಿವಿತ್ಸೋಸ್ತು ತತಃ ಕ್ರುದ್ಧೋ ಭಲ್ಲೇನಾಪಾಹರಚ್ಛಿರಃ। ಭೀಮಸೇನೋ ಮಹಾರಾಜ ತತ್ಪಪಾತ ಹತಂ ಭುವಿ॥ 8-46-12 (57225) ಸಕುಂಡಲಶಿರಸ್ತ್ರಾಣಂ ಪೂರ್ಣಚಂದ್ರೋಪಮಂ ತಥಾ। `ಅಶೋಭತ ಮಹಾರಾಜ ಪೂರ್ಣಚಂದ್ರ ಇವಾಂಬರೇ'॥ 8-46-13 (57226) ತಂ ದೃಷ್ಟ್ವಾ ನಿಹತಂ ಶೂರಂ ಭ್ರಾತರಃ ಸರ್ವತಸ್ತದಾ। ಅಭ್ಯದ್ರವಂತ ಸಮರೇ ಭೀಮಂ ಭೀಮಪರಾಕ್ರಮಂ॥ 8-46-14 (57227) ತತೋಽಪರಾಭ್ಯಾಂ ಭಲ್ಲಾಭ್ಯಾಂ ಪುತ್ರಯೋಸ್ತೇ ಮಹಾಹವೇ। ಜಹಾರ ಸಮರೇ ಪ್ರಾಣಾನ್ಭೀಮೋ ಭೀಮಪರಾಕ್ರಮಃ॥ 8-46-15 (57228) ತೌ ಧರಾಮನ್ವಪದ್ಯೇತಾಂ ವಾತರುಗ್ಣಾವಿವ ದ್ರುಮೌ। ವಿಕಟಶ್ಚ ಸಹಶ್ಚೋಮೌ ದೇವಪುತ್ರೋಪಮೌ ನೃಪ॥ 8-46-16 (57229) ತತಸ್ತು ತ್ವರಿತೋ ಭೀಮಃ ಕ್ರಾಥಂ ನಿನ್ಯೇ ಯಮಕ್ಷಯಂ। ನಾರಾಚೇನ ಸುತೀಕ್ಷ್ಣೇನ ಸ ಹತೋ ನ್ಯಪತದ್ಭುವಿ॥ 8-46-17 (57230) ಹಾಹಾಕಾರಸ್ತತಸ್ತೀವ್ರಃ ಸಂಬಭೂವ ಜನೇಶ್ವರ। ವಧ್ಯಮಾನೇಷು ವೀರೇಷು ತವ ಪುತ್ರೇಷು ಧನ್ವಿಷು॥ 8-46-18 (57231) ತೇಷಾಂ ಸುಲುಲಿತೇ ಸೈನ್ಯೇ ಪುನರ್ಭೀಮೋ ಮಹಾಬಲಃ। ನಂದೋಪನಂದೌ ಸಮರೇ ಪ್ರೈಷಯದ್ಯಮಸಾದನಂ॥ 8-46-19 (57232) ತತಸ್ತೇ ಪ್ರಾದ್ರವನ್ಭೀತಾಃ ಪುತ್ರಾಸ್ತೇ ವಿಹ್ವಲೀಕೃತಾಃ। ಭೀಮಸೇನಂ ರಣೇ ದೃಷ್ಟ್ವಾ ಕಾಲಾಂತಕಯಮೋಪಮಂ॥ 8-46-20 (57233) ಪುತ್ರಾಂಸ್ತೇ ನಿಹತಾಂದೃಷ್ಟ್ವಾ ಸೂತಪುತ್ರಃ ಸುದುರ್ಮನಾಃ। ಹಂಸವರ್ಣಾನ್ಹಯಾನ್ಭೂಯಃ ಪ್ರೈಷಯದ್ಯತ್ರ ಪಾಂಡವಃ॥ 8-46-21 (57234) ತೇ ಪ್ರೇಷಿತಾ ಮಹಾರಾಜ ಮದ್ರರಾಜೇನ ವಾಜಿನಃ। ಭೀಮಸೇನರಥಂ ಪ್ರಾಪ್ಯ ಸಮಸಜ್ಜಂತ ವೇಗಿತಾಃ॥ 8-46-22 (57235) ಸ ಸನ್ನಿಪಾತಸ್ತುಮುಲೋ ಘೋರರೂಪೋ ವಿಶಾಂಪತೇ। ಆಸೀದ್ರೌದ್ರೋ ಮಹಾರಾಜ ಕರ್ಣಪಾಂಡವಯೋರ್ಮೃಧೇ॥ 8-46-23 (57236) ದೃಷ್ಟ್ವಾ ಮಮ ಮಹಾರಾಜ ತೌ ಸಮೇತೌ ಮಹಾರಥೌ। ಆಸೀದ್ಬುದ್ವಿಃ ಕಥಂ ಯುದ್ವಮೇತದದ್ಯ ಭವಿಷ್ಯತಿ॥ 8-46-24 (57237) ತತೋ ಭೀಮೋ ರಣಶ್ಲಾಘೀ ಛಾದಯಾಮಾಸ ಪತ್ರಿಭಿಃ। ಕರ್ಣಂ ರಣೇ ಮಹಾರಾಜ ಪುತ್ರಾಣಾಂ ತವ ಪಶ್ಯತಾಂ॥ 8-46-25 (57238) ತತಃ ಕರ್ಣೋ ಭೃಶಂ ಕ್ರುದ್ಧೋ ಭೀಮಂ ನವಭಿರಾಯಸೈಃ। ವಿವ್ಯಾಧ ಪರಮಾಸ್ತ್ರಜ್ಞೋ ಭಲ್ಲೈಃ ಸನ್ನತಪರ್ವಭಿಃ॥ 8-46-26 (57239) ತಾನ್ನಿಹತ್ಯ ಮಹಾಬಾಹುರ್ಭೀಮೋ ಭೀಮಪರಾಕ್ರಮಃ। ಆಕರ್ಣಪೂರ್ಣೈರ್ವಿಶಿಖೈಃ ಕರ್ಣಂ ವಿವ್ಯಾಧ ಸಪ್ತಭಿಃ॥ 8-46-27 (57240) ತತಃ ಕರ್ಣೋ ಮಹಾರಾಜ ಆಶೀವಿಷ ಇವ ಶ್ವಸನ್। ಶರವರ್ಷೇಣ ಮಹತಾ ಛಾದಯಾಮಾಸ ಪಾಂಡವಂ॥ 8-46-28 (57241) ಭೀಮೋಽಪಿ ತತಂ ಶರವ್ರಾತೈಶ್ಛಾದಯಿತ್ವಾ ಮಹಾರಥಂ। ಪಶ್ಯತಾಂ ಕೌರವೇಯಾಣಾಂ ವಿನನರ್ದ ಮಹಾಬಲಃ॥ 8-46-29 (57242) ತತಃ ಕರ್ಣೋ ಭೃಶಂ ಕ್ರುದ್ಧೋ ದೃಢಮಾದಾಯ ಕಾರ್ಮುಕಂ। ಭೀಮಂ ವಿವ್ಯಾಧ ದಶಭಿಃ ಕಂಕಪತ್ರೈಃ ಶಿಲಾಶಿತೈಃ। ಕಾರ್ಮುಕಂ ಚಾಸ್ಯ ಚಿಚ್ಛೇದ ಭಲ್ಲೇನ ನಿಶಿತೇನ ಚ॥ 8-46-30 (57243) ತತೋ ಭೀಮೋ ಮಹಾಬಾಹುರ್ಹೇಮಪಟ್ಟವಿಭೂಷಿತಂ। ಪರಿಘಂ ಘೋರಮಾದಾಯ ಮೃತತ್ಯುದಂಡಮಿವಾಪರಂ। ಕರ್ಣಸ್ಯ ನಿಧನಾಕಾಂಕ್ಷೀ ಚಿಕ್ಷೇಪಾತಿಬಲೋ ನದನ್॥ 8-46-31 (57244) ತಮಾಪತಂತಂ ಪರಿಘಂ ವಜ್ರಾಶನಿಸಮಸ್ವನಂ। ಚಿಚ್ಛೇದ ಬಹುಧಾ ಕರ್ಣಃ ಶರೈರಾಶೀವಿಷೋಪಮೈಃ॥ 8-46-32 (57245) ತತಃ ಕಾರ್ಮುಕಮಾದಾಯ ಭೀಮೋ ದೃಢತರಂ ತದಾ। ಛಾದಯಾಮಾಸ ವಿಶಿಖೈಃ ಕರ್ಣಂ ಪರಬಲಾರ್ದನಂ॥ 8-46-33 (57246) ತತೋ ಯುದ್ಧಮಭೂದ್ಧೋರಂ ಕರ್ಣಪಾಂಡವಯೋರ್ಮೃಧೇ। ಬಲೀಂದ್ರಯೋರಿವ ಮುಹುಃ ಪರಸ್ಪರವಧೈಷಿಣೋಃ॥ 8-46-34 (57247) ತತಃ ಕರ್ಣೋ ಮಹಾರಾಜ ಭೀಮಸೇನಂ ತ್ರಿಭಿಃ ಶರೈಃ। ಆಕರ್ಣಪೂರ್ಣೈರ್ವಿವ್ಯಾಧ ದೃಢಮಾನಂಯ ಕಾರ್ಮುಕಂ॥ 8-46-35 (57248) ಸೋಽತಿವಿದ್ಧೋ ಮಹೇಷ್ವಾಸಃ ಕರ್ಣೇನ ಬಲಿನಾಂ ವರಃ। ಘೋರಮಾದತ್ತ ವಿಶಿಖಂ ಕರ್ಣಕಾಯಾವದಾರಣಂ॥ 8-46-36 (57249) ತಸ್ಯ ಭಿತ್ತ್ವಾ ತನುತ್ರಾಣಂ ಭಿತ್ತ್ವಾ ಕಾಯಂ ಚ ಸಾಯಕಃ। ಪ್ರಾವಿಶದ್ವರಣೀಂ ರಾಜನ್ವಲ್ಮೀಕಮಿವ ಪನ್ನಗಃ॥ 8-46-37 (57250) ಸ ತೇನಾತಿಪ್ರಹಾರೇಣ ವ್ಯಥಿತೋ ವಿಹ್ವಲನ್ನಿವ॥ ಸಂಚಚಾಲ ರಥೇ ಕರ್ಣಃ ಕ್ಷಿತಿಕಂಪೇ ಯಥಾಽಚಲಃ॥ 8-46-38 (57251) ತತಃ ಕರ್ಣೋ ಮಹಾರಾಜ ರೋಷಾಮರ್ಷಸಮನ್ವಿತಃ। ಭೀಮಂ ತಂ ಪಂಚವಿಂಶತ್ಯಾ ನಾರಾಚಾನಾಂ ಸಮಾರ್ಪಯತ್॥ 8-46-39 (57252) ಚಿಚ್ಛೇದ ಕಾರ್ಮುಕಂ ತೂರ್ಣಂ ಪಾಂಡವಸ್ಯಾಶು ಪತ್ರಿಣಾ॥ 8-46-40 (57253) ತತತೋ ಮುಹೂರ್ತಾದ್ರಾಜೇಂದ್ರ ನಾತಿಕೃಚ್ಛ್ರಾದ್ವಸನ್ನಿವ। ವಿರಥಂ ಭೀಮಕರ್ಮಾಣಂ ಭೀಮಂ ಕರ್ಣಶ್ಚಕಾರ ಹ॥ 8-46-41 (57254) ವಿರಥೋ ಭರತಶ್ರೇಷ್ಠ ಪ್ರಹಸನ್ನನಿಲೋಪಮಃ। ಗದಾಂ ಗೃಹ್ಯ ಮಹಾಬಾಹುರಪತತ್ಸ್ಯಂದನೋತ್ತಮಾತ್॥ 8-46-42 (57255) ಗದಯಾ ಚ ಮಹಾರಾಜ ಕರ್ಣಸ್ಯ ರಥಕೂಬರಂ। ಪೋಥಯಾಮಾಸ ಸಂಕ್ರುದ್ಧಃ ಸಮರೇ ಶತ್ರುತಾಪನಃ॥ 8-46-43 (57256) ಸ ಕ್ರೋಧವಶಮಾಪನ್ನಃ ಪಾಂಡುಪುತ್ರಃ ಪ್ರತಾಪವಾನ್। ವಿದ್ರಾವ್ಯ ಗದಯಾ ವೀರಸ್ತವ ಪುತ್ರಾನ್ಮಹಾಹವೇ॥ 8-46-44 (57257) ನಾಗಾನ್ಸಪ್ತಶತಾನ್ರಾಜನ್ನೀಷಾದಂತಾನ್ಪ್ರಹಾರಿಣಃ। ವ್ಯಧಮತ್ಸಹಸಾ ಭೀಮಃ ಕ್ರುದ್ಧರೂಪಃ ಪರಂತಪಃ॥ 8-46-45 (57258) ದಂತವೇಷ್ಟೇಷು ನೇತ್ರೇಷು ಕುಂಭೇಷು ಚ ಕಟೇಷು ಚ। ಮರ್ಮಸ್ವಪಿ ಚ ಮರ್ಮಜ್ಞಸ್ತಾನ್ನಾಗಾನವಧೀದ್ಬಲೀ॥ 8-46-46 (57259) `ಅರ್ದಿತಾ ಭೀಮಸೇನೇನ ವಿನದಂತೋ ಭೃಶಾತುರಾಃ'। ತತಸ್ತೇ ಪ್ರಾದ್ರವನ್ಭೀತಾಃ ಪ್ರಹತಾಶ್ಚ ಪುನಃಪುನಃ। ಮಹಾಮಾತ್ರಾಸ್ತಮಾವವ್ರುರ್ಮೇಘಾ ಇವ ದಿವಾಕರಂ॥ 8-46-47 (57260) ತಾನ್ಸ ಸಪ್ತಶತಾನ್ನಾಗಾನ್ಸಾರೋಹಾಯುಧಕೇತನಾನ್। ಭೂಮಿಷ್ಠೋ ಗದಯಾ ಜಘ್ನೇ ವಜ್ರೇಣೇಂದ್ರ ಇವಾಚಲಾನ್॥ 8-46-48 (57261) ತತಃ ಸುಬಲಪುತ್ರಸ್ಯ ನಾಗಾನತಿಬಲಾನ್ಪುನಃ। ಪೋಥಯಾಮಾಸ ಕೌಂತೇಯೋ ದ್ವಿಪಂಚಾಶದರಿಂದಮಃ॥ 8-46-49 (57262) ತಥಾ ರಥಶತತಂ ಸಾಗ್ರಂ ಪತ್ತೀಂಶ್ಚ ಶತಶೋಽಪರಾನ್। ನ್ಯಹನತ್ಪಾಂಡವೋ ಯುದ್ಧೇ ತಾಪಯಂಸ್ತವ ವಾಹಿನೀಂ॥ 8-46-50 (57263) ಪ್ರತಾಪ್ಯಮಾನಂ ಸೂರ್ಯೇಣ ಭೀಮೇನ ಚ ಮಹಾತ್ಮನಾ। ತವ ಸೈನ್ಯಂ ಸಂಚುಕೋಚ ಚರ್ಮಾಗ್ನಾವಾಹಿತಂ ಯಥಾ॥ 8-46-51 (57264) ತೇ ಭೀಮಭಯಸಂತ್ರಸ್ತಾಸ್ತಾವಕಾ ಭರತರ್ಷಭ। ವಿಹಾಯ ಸಮರೇ ಕರ್ಣಂ ದುದ್ರುವುರ್ವೈ ದಿಶೋ ದಶ॥ 8-46-52 (57265) ರಥಾಃ ಪಂಚಶತಾಶ್ಚಾನ್ಯೇ ಹಾದಿನಃ ಶರವರ್ಷಿಣಃ। ಭೀಮಮಭ್ಯದ್ರವನ್ಘ್ನಂತಃ ಶರಪೂಗೈಃ ಸಮಂತತಃ॥ 8-46-53 (57266) ತಾನ್ಸ ಪಂಚಶತಾನ್ವೀರಾನ್ಸಪತಾಕಧ್ವಜಾಯುಧಾನ್। ಪೋಥಯಾಮಾಸ ಗದಯಾ ಭೀಮೋ ವಿಷ್ಣುರಿವಾಸುರಾನ್॥ 8-46-54 (57267) ತತಃ ಶಕುನಿನಿರ್ದಿಷ್ಟಾಃ ಸಾದಿನಃ ಶೂರಸಂಮತಾಃ। ತ್ರಿಸಾಹಸ್ರಾಣ್ಯಭಿಯಯುಃ ಶರಶಕ್ತ್ಯೃಷ್ಟಿಪಾಣಯಃ॥ 8-46-55 (57268) ತಾನ್ಪ್ರತ್ಯುದ್ಗಂಯ ಯವನಾನ್ಸಾಶ್ವಾರೋಹಾಂಸ್ತದಾಽರಿಹಾ। ವಿವಿಧಾನ್ವಿಚರನ್ಮಾರ್ಗಾನ್ಗದಯಾ ಸಮಪೋಥಯತ್॥ 8-46-56 (57269) ತೇಷಾಮಾಸೀನ್ಮಹಾಂಛಬ್ದಸ್ತಾಡಿತಾನಾಂ ಚ ಸರ್ವಶಃ। ಅಗ್ನಿಭಿರ್ದಹ್ಯಮಾನಾನಾಂ ನಲಾನಾಮಿವ ಭಾರತ॥ 8-46-57 (57270) ಏವಂ ಸುಬಲಪುತ್ರಸ್ಯ ತ್ರಿಸಾಹಸ್ರಾನ್ಹಯೋತ್ತಮಾನ್। ಹತ್ವಾಽನ್ಯಂ ರಥಮಾಸ್ಥಾಯ ಕ್ರುದ್ಧೋ ರಾಧೇಯಮಭ್ಯಯಾತ್॥ 8-46-58 (57271) ಕರ್ಣೋಽಪಿ ಸಮರೇ ರಾಜಂಧರ್ಮಪುತ್ರಮರಿಂದಮಂ। ಸ ಶರೈಶ್ಛಾದಯಾಮಾಸ ಸಾರಥಿಂ ಚಾಪ್ಯಪಾತಯತ್॥ 8-46-59 (57272) ತತಃ ಸ ಪ್ರದ್ರುತಂ ಸೈನ್ಯಂ ದೃಷ್ಟ್ವಾ ಕರ್ಣೋ ಮಹಾರಥಃ। ಅನ್ವಧಾವತ್ಕಿರನ್ಬಾಣೈಃ ಕಂಕಪತ್ರೈರಜಿಹ್ಮಗೈಃ॥ 8-46-60 (57273) ರಾಜಾನಮಭಿಧಾವಂತಂ ಶರೈರಾವೃತ್ಯ ರೋದಸೀ। ಕ್ರುದ್ಧಃ ಪ್ರಚ್ಛಾದಯಾಮಾಸ ಶರಜಾಲೇನ ಮಾರುತಿಃ॥ 8-46-61 (57274) ಸನ್ನಿವೃತ್ತಸ್ತತಸ್ತೂರ್ಣಂ ರಾಧೇಯಃ ಶತ್ರುಕರ್ಶನಃ। ಭೀಮಂ ಪ್ರಚ್ಛಾದಯಾಮಾಸ ಸಮಂತಾನ್ನಿಶಿತೈಃ ಶರೈಃ॥ 8-46-62 (57275) ಭೀಮಸೇನರಥಪ್ರೇಪ್ಸುಂ ಕರ್ಣಂ ಭಾರತ ಸಾತ್ಯಕಿಃ। ಅಭ್ಯರ್ದಯದಮೇಯಾತ್ಮಾ ಪಾರ್ಷ್ಣಿಗ್ರಹಣಕಾರಣಾತ್॥ 8-46-63 (57276) ಭೀಮಸೇನರಥಪ್ರೇಪ್ಸುಂ ಕರ್ಣೋ ಭಾರತ ಸಾತ್ಯಕಿಂ। ಅಭ್ಯವರ್ತತ ಶೈನೇಯಮರ್ದಯಂಛರವೃಷ್ಟಿಭಿಃ॥ 8-46-64 (57277) ತಾವನ್ಯೋನ್ಯಂ ಸಮಾಸಾದ್ಯ ವೃಷಭೌ ಸರ್ವಧನ್ವಿನಾಂ। ವಿಸೃಜಂತೌ ಶರಾಂದೀಪ್ತಾನ್ವಿಭ್ರಾಜೇತಾಂ ಮನಸ್ವಿನೌ॥ 8-46-65 (57278) ತಾಭ್ಯಾಂ ವಿಯತಿ ರಾಜೇಂದ್ರ ವಿತತತತಂ ಭೀಮದರ್ಶನಂ। ಕೌಂಚಪೃಷ್ಠಾರುಣಂ ರೌದ್ರಂ ಬಾಣಜಾಲಂ ವ್ಯದೃಶ್ಯತ॥ 8-46-66 (57279) ನೈವ ಸೂರ್ಯಪ್ರಭಾ ರಾಜನ್ನ ದಿಶಃ ಪ್ರದಿಶಸ್ತಥಾ। ಪ್ರಾಜ್ಞಾಸಿಷ್ಮ ವಯಂ ತೇ ವಾ ಶರೈರ್ಮುಕ್ತೈಃ ಸಹಸ್ರಶಃ॥ 8-46-67 (57280) ಮಧ್ಯಾಹ್ನೇ ತಪತೋ ರಾಜನ್ಭಾಸ್ಕರಸ್ಯ ಮಹಾಪ್ರಭಾಃ। ಹೃತಾಃ ಸರ್ವಾಃ ಶರೌಘೈಸ್ತೈಃ ಕರ್ಣಮಾಧವಯೋಸ್ತದಾ॥ 8-46-68 (57281) ಸೌಬಲಂ ಕೃತವರ್ಮಾಣಂ ದ್ರೌಣಿಮಾಧಿರಥಿಂ ಕೃಪಂ। ಸಂಸಕ್ತಾನ್ಪಾಂಡವೈರ್ದೃಷ್ಟ್ವಾ ನಿವೃತ್ತಾಃ ಕುರವಃ ಪುನಃ॥ 8-46-69 (57282) ತೇಷಾಮಾಪತತಾಂ ಶಬ್ದಸ್ತೀತ್ರ ಆಸೀದ್ವಿಶಾಂಪತೇ। ಉದ್ವೃತ್ತಾನಾಂ ಯಥಾ ವೃಷ್ಟ್ಯಾ ಸಾಗರಾಣಾಂ ಭಯಾವಹಃ॥ 8-46-70 (57283) ತೇ ಸೇನೇ ಭೃಶಸಂಸಕ್ತೇ ದೃಷ್ಟ್ವಾಽನ್ಯೋನ್ಯಂ ಮಹಾಹವೇ। ಹರ್ಷೇಣ ಮಹತಾ ಯುಕ್ತೇ ಪರಿಗೃಹ್ಯ ಪರಸ್ಪರಂ॥ 8-46-71 (57284) ತತಃ ಪ್ರವವೃತೇ ಯುದ್ಧಂ ಮಧ್ಯಂ ಪ್ರಾಪ್ತೇ ದಿವಾಕರೇ। ಯಾದೃಶಂ ನೈವಮಸ್ಮಾಭಿರ್ದೃಷ್ಟಪೂರ್ವಂ ನ ಚ ಶ್ರುತಂ॥ 8-46-72 (57285) ಬಲೌಘಸ್ತು ಸಮಾಸಾದ್ಯ ಬಲೌಘಂ ಸಹಸಾ ರಣೇ। ಉಪಸರ್ಪತ ವೇಗೇನ ವಾರ್ಯೋಘ ಇವ ಸಾಗರಂ॥ 8-46-73 (57286) ಆಸೀನ್ನಿನಾದಃ ಸುಮಹಾನ್ಬಾಣೌಘಾನಾಂ ಪರಸ್ಪರಂ। ಗರ್ಜತಾಂ ಸಾಗರೌಘಾಣಾಂ ಯಥಾ ಸ್ಯಾನ್ನಿಃಸ್ವನೋ ಮಹಾನ್॥ 8-46-74 (57287) ತೇ ತು ಸೇನೇ ಸಮಾಸಾದ್ಯ ವೇಗವತ್ಯೌ ಪರಸ್ಪರಂ। ಏಕೀಭಾವಮನುಪ್ರಾಪ್ತೇ ನದ್ಯಾವಿವ ಸಮಾಗಮೇ॥ 8-46-75 (57288) ತತಃ ಪ್ರವವೃತೇ ಯುದ್ಧಂ ಘೋರರೂಪಂ ವಿಶಾಂಪತೇ। ಕುರೂಣಾಂ ಪಾಂಡವಾನಾಂ ಚ ಲಿಪ್ಸತಾಂ ಸುಮಹದ್ಯಶಃ॥ 8-46-76 (57289) ಶೂರಾಣಾಂ ಗರ್ಜತಾಂ ತತ್ರ ಹ್ಯವಿಚ್ಛೇದಕೃತಾ ಗಿರಃ। ಶ್ರುಯಂತೇ ವಿವಿಧಾ ರಾಜನ್ನಾಮಾನ್ಯುದ್ದಿಶ್ಯ ಭಾರತ॥ 8-46-77 (57290) ಯಸ್ಯ ಯದ್ಧಿ ರಣೇ ವ್ಯಂಗಂ ಪಿತೃತೋ ಮಾತೃತೋಽಪಿ ವಾ। ಕರ್ಮತಃ ಶೀಲತೋ ವಾಽಪಿ ಸ ತಚ್ಛ್ರಾವಯತೇ ಯುಧಿ॥ 8-46-78 (57291) ತಾಂದೃಷ್ಟ್ವಾ ಸಮರೇ ಶೂಶಾಂಸ್ತರ್ಜಮಾನಾನ್ಪರಸ್ಪರಂ। ಅಭವನ್ಮೇ ಮತೀ ರಾಜನ್ನೈಷಾಮಸ್ತೀತಿ ಜೀವಿತಂ॥ 8-46-79 (57292) ತೇಷಾಂ ದೃಷ್ಟ್ವಾ ತು ಕ್ರುದ್ಧಾನಾಂ ವಪೂಂಷ್ಯಮಿತತೇಜಸಾಂ। ಅಭವನ್ಮೇ ಭಯಂ ತೀವ್ರಂ ಕಥಮೇತದ್ಭವಿಷ್ಯತಿ॥ 8-46-80 (57293) ತತಸ್ತೇ ಪಾಂಡವಾ ರಾಜನ್ಕೌರವಾಶ್ಚ ಮಹಾರಥಾಃ। ತತಕ್ಷುಃ ಸಾಯಕೈಸ್ತೂರ್ಣಮನ್ಯೋನ್ಯಂ ವಿಜಯೈಷಿಣಃ॥ ॥ 8-46-81 (57294) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಷಟ್ಚತ್ವಾರಿಂಶೋಽಧ್ಯಾಯಃ॥ 46 ॥

8-47-0 (57295) ಸಂಜಯ ಉವಾಚ। 8-47-0x (4965) ಕ್ಷತ್ರಿಯಾಸ್ತೇ ಮಹಾರಾಜ ಪರಸ್ಪರವಧೈಷಿಣಃ। ಅನ್ಯೋನ್ಯಂ ಸಮರೇ ಜಘ್ನುಃ ಕೃತವೈರಾ ಮಹೌಜಸಃ॥ 8-47-1 (57296) ರಥೌಘಾಶ್ಚ ಹಯೌಘಾಶ್ಚ ನರೌಘಾಶ್ಚ ಸಮಂತತಃ। ಗಜೌಘಾಶ್ಚ ಮಹಾರಾಜ ಸಂಸಕ್ತಾಶ್ಚ ಪರಸ್ಪರಂ॥ 8-47-2 (57297) ಗದಾನಾಂ ಪರಿಘಾಣಾಂ ಚ ಶಕ್ತೀನಾಂ ಚ ಪರಸ್ಪರಂ। ಪ್ರಾಸಾನಾಂ ಭಿಂಡಿಪಾಲಾನಾಂ ಮುಸುಂಠೀನಾಂ ಚ ಸರ್ವಶಃ॥ 8-47-3 (57298) ಸಂಪಾತಂ ಚಾನುಪಶ್ಯಾಮ ಸಂಗ್ರಾಮೇ ಭೃಶದಾರುಣೇ। ಶಲಭಾ ಇವ ಸಂಪೇತುಃ ಶರವೃಷ್ಟ್ಯಃ ಸಮಂತತಃ॥ 8-47-4 (57299) ನಾಗಾನ್ನಾಗಾಃ ಸಮಾಸಾದ್ಯ ವ್ಯಧಮಂತ ಪರಸ್ಪರಂ। ಹಯಾ ಹಯಾಂಶ್ಚ ಸಮರೇ ರಥಿನೋ ರಥಿನಸ್ತಥಾ॥ 8-47-5 (57300) ಪತ್ತಯಃ ಪತ್ತಿಸಂಘಾಂಶ್ಚ ಹಯಸಂಘಾಂಶ್ಚ ಪತ್ತಯಃ। ಪತ್ತಯೋ ರಥಮಾತಂಗಾನ್ರಥಾ ಹಸ್ತ್ಯಶ್ವಮೇವ ಚ। ನಾಗಾಶ್ಚ ಸಮರೇ ತ್ರ್ಯಂಗಂ ಮಮೃದುಃ ಶೀಘ್ರಗಾ ನೃಪ॥ 8-47-6 (57301) ವಧ್ಯತಾಂ ತತ್ರ ಶೂರಾಣಾಂ ಕ್ರೋಶತಾಂ ಚ ಪರಸ್ಪರಂ। ಘೋರಮಾಯೋಧನಂ ಜಜ್ಞೇ ಪಶೂನಾಂ ಘಾತನೇ ಯಥಾ॥ 8-47-7 (57302) ರುಧಿರೇಣ ಸಮಾಸ್ತೀರ್ಣಾ ಬಭೌ ಭಾರತ ಮೇದಿನೀ। ಶಕ್ರಗೋಪಗಣಾಕೀರ್ಣಾ ಪ್ರಾವೃಷೀವ ವಸುಂಧರಾ॥ 8-47-8 (57303) ಯಥಾ ವಾ ವಾಸಸೀ ಶುಕ್ಲೇ ಮಹಾರಜನರಂಜಿತೇ। ಬಿಭ್ರತೀ ಯುವತೀ ಶ್ಯಾಮಾ ತದ್ವದಾಸೀದ್ವಸುಂಧರಾ॥ 8-47-9 (57304) `ಬದ್ವಚೂಡಾಮಣಿಧರೈಃ ಶಿರೋಭಿಶ್ಚಾರುಕುಂಡಲೈಃ। ಉಜ್ಝಿತೈರ್ವೃಷಭಾಕ್ಷಾಣಾಂ ಭ್ರಾಜತೇ ಸ್ಮ ವಸುಂಧರಾ'॥ 8-47-10 (57305) ಶಶಶೋಣಿತದಿಗ್ಧೇವ ಶಾತಕುಂಭಮಯೀವ ಚ। `ಭೂರ್ಬಭೌ ಭರತಶ್ರೇಷ್ಠ ಶಾಂತಾರ್ಚಿರ್ಭಿರಿವಾನಲೈಃ॥' 8-47-11 (57306) ಛಿನ್ನಾನಾಂ ಚೋತ್ತಮಾಂಗಾನಾಂ ಬಾಹೂನಾಂ ಚೋರುಭಿಃ ಸಹ। ಕುಂಡಲಾನಾಂ ಪಿನದ್ಧಾನಾಂ ಭೂಷಣಾನಾಂ ಚ ಭಾರತ॥ 8-47-12 (57307) ನಿಷ್ಕಾಣಾಂ ಹೇಮಸೂತ್ರಾಣಾಂ ಶರೀರಾಣಾಂ ಚ ಧನ್ವಿನಾಂ। ಚರ್ಮಣಾಂ ಸಪತಾಕಾನಾಂ ಸಂಘಾಸ್ತತ್ರಾಪತನ್ಭುವಿ। 8-47-13 (57308) `ಅಗಂಯಕಲ್ಪಾ ಪೃಥಿವೀ ಸರ್ವತೋ ಭೃಶಕರ್ದಮಾ'॥ ಗಜಾ ಗಜಾನ್ಸಮಾಸಾದ್ಯ ವಿಷಾಣೈರಾರ್ದಯನ್ನೃಪ। ವಿಷಾಣಾಗ್ರಹತಾಸ್ತತ್ರ ಭ್ರಾಜಂತೇ ದ್ವಿರದೋತ್ತಮಾಃ। ರುಧಿರೇಣಾವಸಿಕ್ತಾಂಗಾ ಗೈರಿಕಪ್ರಸ್ರವಾ ಇವ। `ಪ್ರಾವೃಟ್ಕಾಲೇ ಮಹಾರಾಜ ಮೇಘಾ ಇವ ಸವಿದ್ಯುತಃ'॥ 8-47-14 (57309) ಸ್ಯಂದಮಾನಾ ಯಥಾ ಭಾಂತಿ ಪರ್ವತಾ ಧಾತುಮಂಡಿತಾಃ। `ತಥಾ ರೇಜೂ ರಣೇ ನಾಗಾ ರುಧಿರೇಣ ಸಮಾಪ್ಲುತಾಃ'॥ 8-47-15 (57310) ತೋಮರಾನ್ಸಾದಿಭಿರ್ಮುಕ್ತಾನ್ಪ್ರತಿಮಾನಸ್ಥಿತಾನ್ಬಹೂನ್। ಹಸ್ತೈರುದ್ಧೃತ್ಯ ತಾನ್ನಾಗಾ ಬಭಂಜುಶ್ಚಾಪರೇ ರಣೇ॥ 8-47-16 (57311) ನಾರಾಚೈಶ್ಛಿನ್ನವರ್ಮಾಣೋ ಭ್ರಾಜಂತೇ ಸ್ಮ ಗಜೋತ್ತಮಾಃ। ಹಿಮಾಗಮೇ ಯಥಾ ರಾಜನ್ವ್ಯಭ್ರಾ ಇವ ಮಹೀಧರಾಃ॥ 8-47-17 (57312) ಶರೈಃ ಕನಕಪುಂಖೈಶ್ಚ ಚಿತಾ ರೇರ್ಜುರ್ಗಜೋತ್ತಮಾಃ। ಉಲ್ಕಾಭಿಃ ಸಂಪ್ರದೀಪ್ತಾಗ್ರಾಃ ಪರ್ವತಾ ಇವ ಭಾರತ॥ 8-47-18 (57313) ಕೇಚಿದಭ್ಯಾಹತಾ ನಾಗೈರ್ನಾಗಾ ನಗವರೋಪಮಾಃ। ನ ಚೇಲುಃ ಸಮರಾತ್ತಸ್ಮಾಚ್ಛಿನ್ನಪಕ್ಷಾ ಇವಾದ್ರಯಃ॥ 8-47-19 (57314) ಅಪರೇ ಪ್ರಾದ್ರವನ್ನಾಗಾಃ ಶರಾರ್ತಾ ವ್ರಣಪೀಡಿತಾಃ। ಪ್ರತಿಮಾನೈಶ್ಚ ಕುಂಭೈಶ್ಚ ಪೇತುರುರ್ವ್ಯಾಂ ಮಹಾಹವೇ॥ 8-47-20 (57315) ನಿಷೇದುಃ ಸಿಂಹವಚ್ಚಾನ್ಯೇ ನದಂತೋ ಭೈರವಾನ್ರವಾನ್। ವೇಮುಶ್ಚ ಬಹವೋ ರಾಜಂಶ್ಚುಕ್ರುಶುಶ್ಚಾಪರೇ ಗಜಾಃ॥ 8-47-21 (57316) ಹಯಾಶ್ಚ ನಿಹತಾ ಬಾಣೈರ್ಹೇಮಭಾಂಡವಿಭೂಷಿತಾಃ। ನಿಷೇದುಶ್ಚೈವ ಮಂಲುಶ್ಚ ಬಭ್ರಮುಶ್ಚ ದಿಶೋ ದಶ॥ 8-47-22 (57317) ಅಪರೇ ಕ್ಲಿಶ್ಯಮಾನಾಶ್ಚ ವ್ಯವೇಷ್ಟಂತ ಮಹೀತಲೇ। ಭಾವಾನ್ಬಹುವಿಧಾಂಶ್ಚಕ್ರುಸ್ತಾಡಿತಾಃ ಶರತೋಮರೈಃ॥ 8-47-23 (57318) ನರಾಸ್ತು ನಿಹತಾ ಭೂಮೌ ಕೂಜಂತಸ್ತತ್ರ ಮಾರಿಪ। ದೃಷ್ಟ್ವಾ ಚ ಬಾಂಧವಾನನ್ಯೇ ಪಿತೄನನ್ಯೇ ಪಿತಾಮಹಾನ್॥ 8-47-24 (57319) ಧಾವಮಾನಾನ್ಪರಾಂಶ್ಚಾನ್ಯೇ ದೃಷ್ಟ್ವಾನ್ಯೇ ತತ್ರ ಭಾರತ। ಖ್ಯಾತಾನಿ ಗೋತ್ರನಾಮಾನಿ ಶಶಂಸುರಿತರೇತರಂ॥ 8-47-25 (57320) ತೇಷಾಂ ಛಿನ್ನಾ ಮಹಾರಾಜ ಭುಜಾಃ ಕನಕಭೂಷಣಾಃ। ಉದ್ವೇಷ್ಟಂತೇ ವಿವೇಷ್ಟಂತೇ ಭ್ರಮಂತಿ ಹ್ಯುತ್ಪತಂತಿ ಚ॥ 8-47-26 (57321) ನಿಪತಂತಿ ತಥೈವಾನ್ಯೇ ಸ್ಫುರಂತಿ ಚ ಸಹಸ್ರಶಃ। ವೇಗಾಂಶ್ಚಾನ್ಯೇ ರಮೇ ಚಕ್ರುಃ ಪಂಚಾಸ್ಯಾ ಇವ ಪನ್ನಗಾಃ॥ 8-47-27 (57322) ತೇ ಭುಜಾ ಭೋಗಿಭೋಗಾಭಾಶ್ಚಂದನಾಕ್ತಾ ವಿಶಾಂಪತೇ। ಲೋಹಿತಾರ್ದ್ರಾ ಭೃಶಂ ರೇಜುಸ್ತಪನೀಯಧ್ವಜಾ ಇವ॥ 8-47-28 (57323) ವರ್ತಮಾನೇ ತಥಾ ಘೋರೇ ಸಂಕುಲೇ ಸರ್ವತೋ ದಿಶಂ। ಅವಿಜ್ಞಾತಾಃ ಸ್ಮ ಯುಧ್ಯಂತೇ ವಿನಿಘ್ನಂತಃ ಪರಸ್ಪರಂ॥ 8-47-29 (57324) ಭೌಮೇನ ರಜಸಾಕೀರ್ಣೇ ಶಸ್ತ್ರಸಂಪಾತಸಂಕುಲೇ। ನೈವ ಸ್ವೇ ನ ಪರೇ ರಾಜನ್ವ್ಯಜ್ಞಾಯಂತ ತಮೋವೃತಾಃ॥ 8-47-30 (57325) ತಥಾ ತದಭವದ್ಯುದ್ಧಂ ಘೋರರೂಪಂ ಭಯಾನಕಂ। ಲೋಹಿತೋದಾ ಮಹಾನದ್ಯಃ ಪ್ರಸಸ್ರುಸ್ತತ್ರ ಚಾಸಕೃತ್॥ 8-47-31 (57326) ಶೀರ್ಷಪಾಷಾಣಸಂಛನ್ನಾಃ ಕೇಶಶೈವಲಶಾದ್ವಲಾಃ। ಅಸ್ಥಿಮೀನಸಮಾಕೀರ್ಣಾ ಧನುಃಶರಗದೋಡುಪಾಃ॥ 8-47-32 (57327) ಮಾಂಸಶೋಣಿತಪಂಕಿನ್ಯೋ ಘೋರರೂಪಾಃ ಸುದಾರುಣಾಃ। ನದೀಃ ಪ್ರವರ್ತಯಾಮಾಸುಃ ಸೋಣಿತೌಘವಿವರ್ಧಿನೀಃ॥ 8-47-33 (57328) ಭೀರುವಿತ್ರಾಸಕಾರಿಣ್ಯಃ ಶೂರಾಣಾಂ ಹರ್ಷವರ್ಧನಾಃ। ತಾ ನದ್ಯೋ ಘೋರರೂಪಾಸ್ತು ನಯಂತ್ಯೋ ಯಮಸಾದನಂ॥ 8-47-34 (57329) ಅವಗಾಢಾನ್ಮಜ್ಜಯಂತ್ಯಃ ಕ್ಷತ್ರಸ್ಯಾಜನಯನ್ಭಯಂ। ಕ್ರವ್ಯಾದಾನಾಂ ನರವ್ಯಾಘ್ರ ನರ್ದತಾಂ ತತ್ರತತ್ರ ಹ॥ 8-47-35 (57330) ಘೋರಮಾಯೋಧನಂ ಜಜ್ಞೇ ಪ್ರೇತರಾಜಪುರೋಪಮಂ। ಉತ್ಥಿತಾನ್ಯಗಣೇಯಾನಿ ಕಬಂಧಾನಿ ಸಮಂತತಃ॥ 8-47-36 (57331) ನೃತ್ಯಂತಿ ವೈ ಭೂತಗಣಾಃ ಸುತೃಪ್ತಾ ಮಾಂಸಶೋಣಿತೈಃ। ಪೀತ್ವಾ ಚ ಶೋಣಿತಂ ತತ್ರ ವಸಾಂ ಭುಕ್ತ್ವಾ ಚ ಭಾರತ॥ 8-47-37 (57332) ಮೇದೋಮಜ್ಜಾವಸಾಮತ್ತಾಸ್ತೃಪ್ತಾ ಮಾಂಸಸ್ಯ ಚೈವ ಹ। ಧಾವಮಾನಾಃ ಸ್ಮ ದೃಶ್ಯಂತೇ ಕಾಕಗೃಘ್ರಬಕಾಸ್ತಥಾ॥ 8-47-38 (57333) ಶೂರಾಸ್ತು ಸಮರೇ ರಾಜನ್ಭಯಂ ತ್ಯಕ್ತ್ವಾ ಸುದುಸ್ತ್ಯಜಂ। ಯೋಧವ್ರತಸಮಾಖ್ಯಾತಾಶ್ಚಕ್ರುಃ ಕರ್ಮಾಣ್ಯಭೀತವತ್॥ 8-47-39 (57334) ಶರಶಕ್ತಿಸಮಾಕೀರ್ಣೇ ಕ್ರವ್ಯಾದಗಣಸಂಕುಲೇ। ವ್ಯಚರಂತ ರಣೇ ಶೂರಾಃ ಖ್ಯಾಪಯಂತಃ ಸ್ವಪೌರುಷಂ॥ 8-47-40 (57335) ಅನ್ಯೋನ್ಯಂ ಶ್ರಾವಯಂತಿ ಸ್ಮ ನಾಮಗೋತ್ರಾಣಿ ಭಾರತ। ಪಿತೃನಾಮಾನಿ ಚ ರಣೇ ಗೋತ್ರನಾಮಾನಿ ವಾ ವಿಭೋ॥ 8-47-41 (57336) ಶ್ರಾವಯಾಣಾಶ್ಚ ಬಹವಸ್ತತ್ರ ಯೋಧಾ ವಿಶಾಂಪತೇ। ಅನ್ಯೋನ್ಯಮವಮೃದ್ರಂತಃ ಶಕ್ತಿತೋಮರಪಟ್ಟಸೈಃ॥ 8-47-42 (57337) ವರ್ತಮಾನೇ ತಥಾ ಯುದ್ಧೇ ಘೋರರೂಪೇ ಸುದಾರುಣೇ। ವ್ಯಷೀದತ್ಕೌರವೀ ಸೇನಾ ಭಿನ್ನಾ ನೌರಿವ ಸಾಗರೇ॥ ॥ 8-47-43 (57338) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಸಪ್ತಚತ್ವಾರಿಂಶೋಽಧ್ಯಾಯಃ॥ 47 ॥

8-48-0 (57339) ಸಂಜಯ ಉವಾಚ। 8-48-0x (4966) ವರ್ತಮಾನೇ ತಥಾ ಯುದ್ಧೇ ಕ್ಷತ್ರಿಯಾಣಾಂ ನಿಮಜ್ಜನೇ। ಗಾಂಡೀವಸ್ಯ ಮಹಾಘೋಷಃ ಶ್ರೂಯತೇ ಯುಧಿ ಮಾರಿಷ॥ 8-48-1 (57340) ಸಂಶಪ್ತಕಾನಾಮಕರೋತ್ಕದನಂ ಯತ್ರ ಪಾಂಡವಃ। ಕೋಸಲಾನಾಂ ತಥಾ ರಾಜನ್ನಾರಾಯಣಬಲಸ್ಯ ಚ॥ 8-48-2 (57341) ಸಂಶಪ್ತಕಾಸ್ತು ಸಮರೇ ಶರವೃಷ್ಟಿಃ ಸಮಂತತಃ। ಅಪಾತಯನ್ಪಾರ್ಥಮೂರ್ಧ್ನಿ ಜಯಗೃದ್ಧಾಃ ಪ್ರಮನ್ಯವಃ॥ 8-48-3 (57342) ತಾಂ ಶಸ್ತ್ರವೃಷ್ಟಿಮಾಯಾಂತೀಮುರಸಾ ಧಾರಯನ್ಪ್ರಭುಃ। ವ್ಯಗಾಹತ ಪರಾನ್ಪಾರ್ಥೋ ವಿನಿಘ್ನನ್ರಥಿನಾಂ ವರಾನ್॥ 8-48-4 (57343) ವಿಕ್ಷೋಭ್ಯ ತು ರಥಾನೀಕಂ ಕಂಕಪತ್ರೈಃ ಶಿಲಾಶಿತೈಃ। ಆಸಸಾದ ತತಃ ಪಾರ್ಥಃ ಸುಶರ್ಮಾಣಂ ಮಹಾರಥಂ॥ 8-48-5 (57344) ಸ ತಸ್ಯ ಶರವರ್ಷಾಣಿ ವವರ್ಷ ರಥಿನಾಂ ವರಃ। ತಥಾ ಸಂಶಪ್ತಕಾಶ್ಚೈವ ಪಾರ್ಥಸ್ಯ ಸಮರೇ ಸ್ಥಿತಾಃ॥ 8-48-6 (57345) ಸುಶರ್ಮಾ ತು ತತಃ ಪಾರ್ಥಂ ವಿದ್ಧ್ವಾ ದಶಭಿರಾಶುಗೈಃ। ಜನಾರ್ದನಂ ತ್ರಿಭಿರ್ಬಾಣೈರಹನದ್ದಕ್ಷಿಣೇ ಭುಜೇ॥ 8-48-7 (57346) ತತೋಽಪರೇಣ ಭಲ್ಲೇನ ಕೇತುಂ ಪಾರ್ಥಸ್ಯ ಮಾರಿಷ। ವಿವ್ಯಾಧ ಸಮರೇ ರಾಜನ್ಸುಶರ್ಮಾ ಕ್ರೋಧಮೂರ್ಚ್ಛಿತಃ॥ 8-48-8 (57347) ಸ ವಾನರವರೋ ರಾಜನ್ವಿಶ್ವಕರ್ಮಕೃತೋ ಮಹಾನ್। ನನಾದ ಸುಮಹಾನಾದಂ ನೃತ್ಯನ್ನಿವ ವಿಭೀಷಯನ್॥ 8-48-9 (57348) ಕಪೇಸ್ತು ನಿನದಂ ಶ್ರುತ್ವಾ ಸಂತ್ರಸ್ತಾ ತವ ವಾಹಿನೀ। ಭಯಂ ವಿಪುಲಮಾಸಾದ್ಯ ನಿಶ್ಚೇಷ್ಟಾ ಸಮಪದ್ಯತ॥ 8-48-10 (57349) ತತಃ ಸಾ ಶುಶುಭೇ ಸೇನಾ ನಿಶ್ಚೇಷ್ಟಾಽವಸ್ಥಿತಾ ನೃಪ। ನಾನಾಪುಷ್ಪಸಮಾಕೀರ್ಣಂ ಯಥಾ ಚಿತ್ರೀಕೃತಂ ವನಂ॥ 8-48-11 (57350) ಪ್ರತಿಲಭ್ಯ ತತಃ ಸಂಜ್ಞಾಂ ಯೋಧಾಸ್ತೇ ಕುರುಸತ್ತಮ। ಅರ್ಜುನಂ ಸಿಷಿಚುರ್ಬಾಣೈಃ ಪರ್ವತಂ ಜಲದಾ ಇವ॥ 8-48-12 (57351) ಸಂಛಾದ್ಯ ಸಮರೇ ಪಾರ್ಥಂ ಪರಿವವ್ರುಃ ಸಮಂತತಃ। ತೇ ಹಯಾನ್ರಥಚಕ್ರೇ ತು ರಥೇಷಾಂ ಚಾಪಿ ಮಾರಿಷ। ಗ್ರಹೀತುಂ ಪ್ರಚಕ್ರಮುಶ್ಚೈವ ಕ್ರೋಧಾವಿಷ್ಟಾಃ ಸಮಂತತಃ॥ 8-48-13 (57352) ನಿಗೃಹ್ಯ ತು ರಥಂ ತಸ್ಯ ಯೋಧಾಸ್ತೇ ತು ಸಹಸ್ರಶಃ। ರಥಬಂಧಂ ಪ್ರಚಕ್ರುರ್ಹಿ ಪಾಂಡವಸ್ಯಾಮಿತೌಜಸಃ॥ 8-48-14 (57353) ರಥಮಾರುರುಹುಃ ಕೇಚಿತ್ಕೃಷ್ಣಪಾರ್ಥೌ ಜಿಘೃಕ್ಷವಃ। ಸಂಶಪ್ತಕಾನಾಂ ಯೋಧಾಸ್ತೇ ಸಿಂಹನಾದಾಂಶ್ಚ ನೇದಿರೇ॥ 8-48-15 (57354) ಅಪರೇ ಜಗೃಹುಶ್ಚೈವ ಕೇಶವಸ್ಯ ಮಹಾಭುಜೌ। ಪಾರ್ಥಂ ಚೈಕೇ ಮಹಾರಾಜ ರಥಸ್ಥಂ ಜಗೃಹುರ್ಮುದಾ॥ 8-48-16 (57355) ಅಚ್ಯುತಃ ಸ ಮಹಾಬಾಹುರ್ವಿಧುನ್ವನ್ರಣಮೂರ್ಧನಿ। ಪಾತಯಾಮಾಸ ತಾನ್ಸರ್ವಾಂದುಷ್ಟಹಸ್ತೀವ ಹಸ್ತಿಪಾನ್॥ 8-48-17 (57356) ಸ ರಥಸ್ತೈರ್ಗೃಹೀತಸ್ತು ಪಾಂಡವಸ್ಯ ಮಹಾತ್ಮನಃ। ಸ್ಪಂದಿತುಂ ನಾಶಕದ್ರಾಜಂಸ್ತದದ್ಭುತಮಿವಾಭವತ್॥ 8-48-18 (57357) ತತಃ ಪಾರ್ಥೋ ಮಹಾಬಾಹುಃ ಸಂವೃತಃ ಸ್ತೈರ್ಮಹಾರಥೈಃ। ನಿಗೃಹೀತಂ ರಥಂ ದೃಷ್ಟ್ವಾ ತಾಂಶ್ಚಾಪ್ಯಾದ್ರವತೋ ಬಹೂನ್॥ 8-48-19 (57358) ರಥಾರೂಢಾಂಶ್ಚ ಸುಬಹೂನ್ಪದಾಽಽಕ್ಷಿಪ್ಯ ನ್ಯಪಾತಯತ್। ಅಪಾತಯದಸಂಭ್ರಾಂತಃ ಶರೈರಾಸನ್ನಯೋಧಿಭಿಃ॥ 8-48-20 (57359) ತಾಂಸ್ತಾಪಯಿತ್ವಾ ಸಮರೇ ಪಾರ್ಥಃ ಪರಪುರಂಜಯಃ। ಸ್ಮಯನ್ನಿವ ಮಹಾಬಾಹುಃ ಕೇಶವಂ ವಾಕ್ಯಮಬ್ರವೀತ್॥ 8-48-21 (57360) ಪಶ್ಯ ಕೃಷ್ಣ ಮಹಾಬಾಹೋ ಸಂಶಪ್ತಕಗಣಾನ್ಬಹೂನ್। ಕುರ್ವತೋಽಸುಕರಂ ಕರ್ಮ ಮುಮೂರ್ಷೂನ್ಕಾಲಚೋದಿತಾನ್॥ 8-48-22 (57361) ರಥಬಂಧಮಿಮಂ ಪ್ರಾಪ್ಯ ಪೃಥಿವ್ಯಾಂ ನಾಸ್ತಿ ಕಶ್ಚನ। ಯಃ ಸಹೇತ ಪುಮಾಂʼಲ್ಲೋಕೇ ಮದನ್ಯಃ ಕ್ಷತ್ರಿಯರ್ಷಭಃ॥ 8-48-23 (57362) ಪಶ್ಯೈತತಾನದ್ಯ ಸಮರೇ ಮತ್ಪ್ರಯುಕ್ತೈಃ ಸುತೇಜನೈಃ। ಪಾತ್ಯಮಾನಾನ್ರಣೇ ಕೃಷ್ಣ ಶರೈರಾಶೀವಿಷೋಪಮೈಃ॥ 8-48-24 (57363) ಇತ್ಯೇವಮುಕ್ತ್ವಾ ಬೀಭತ್ಸುಃ ಶಂಖಪ್ರವರಮುತ್ತಮಂ। ವ್ಯನಾದಯದಮೇಯಾತ್ಮಾ ದೇವದತ್ತಂ ಮಹಾಮೃಧೇ॥ 8-48-25 (57364) ದೇವದತ್ತಸ್ವನಂ ಶ್ರುತ್ವಾ ಕೇಶವೋಽಪಿ ಮಹಾಯಶಾಃ। ಪಾಂಚಜನ್ಯಸ್ವನಂ ಚಕ್ರೇ ಪೂರಯನ್ನಿವ ರೋದಸೀ॥ 8-48-26 (57365) ತಯೋಃ ಶಂಖಸ್ವನಂ ಶ್ರುತ್ವಾ ಸಂಶಪ್ತಕವರೂಥಿನೀ। ಸಂಚಚಾಲ ಮಹಾರಾಜ ವಿತ್ರಸ್ತಾ ಚಾದ್ರವದ್ಭೃಶಂ॥ 8-48-27 (57366) ನಾಗಮಸ್ತ್ರಂ ತತಃ ಪಾರ್ಥಃ ಪ್ರಾದುಶ್ಚಕ್ರೇ ಹಸನ್ನಿವ। ಪಾದಬಂಧಂ ಸ ತೇಷಾಂ ವೈ ಚಕ್ರೇ ತೇನ ಮಹಾಸ್ತ್ರವಿತ್॥ 8-48-28 (57367) ಯಾನುದ್ದಿಶ್ಯ ರಣೇ ಪಾರ್ಥಃ ಪಾದಬಂಧಂ ಚಕಾರ ಹ। ತೇ ಬದ್ಧಾಃ ಪಾದಬಂಧೇನ ಯೋಧಾಃ ಸಂಶಪ್ತಕಾಸ್ತದಾ॥ 8-48-29 (57368) ನಿರ್ವಿಚೇಷ್ಟಾಸ್ತದಾಽಭೂವನ್ಪಾಂಡವಸ್ಯಾಸ್ತ್ರತೇಜಸಾ। ನಿರ್ವಿಚೇಷ್ಟಾಂಸ್ತತೋ ಯೋಧಾನವಧೀತ್ಪಾಂಡುನಂದನಃ। ಯಥೇಂದ್ರಃ ಸಮರೇ ದೈತ್ಯಾಂಸ್ತಾರಕಸ್ಯ ವಧೇ ಪುರಾ॥ 8-48-30 (57369) ತೇ ವಧ್ಯಮಾನಾಃ ಸಮರೇ ಮುಮುಚುಸ್ತಂ ರಥೋತ್ತಮಂ। ಆಯುಧಾನಿ ಚ ಸರ್ವಾಣಿ ವಿಸ್ರಷ್ಟುಮುಪಚಕ್ರಮುಃ॥ 8-48-31 (57370) ತತಃ ಸುಶರ್ಮಾ ರಾಜೇಂದ್ರ ಗೃಹೀತಾಂ ವೀಕ್ಷ್ಯ ವಾಹಿನೀಂ। ಸೌಪರ್ಣಮಸ್ತ್ರಂ ತ್ವರಿತಃ ಪ್ರಾದುಶ್ಚಕ್ರೇ ಮಹಾರಥಃ॥ 8-48-32 (57371) ತತಃ ಸುಪರ್ಣಾಃ ಸಂಪೇತುರ್ಭಕ್ಷಯಂತೋ ಭುಜಂಗಮಾನ್। ತತೋ ವಿದುದ್ರುವುರ್ನಾಗಾಸ್ತಾಂದೃಷ್ಟ್ವಾ ಖೇಚರಾನ್ನೃಪ॥ 8-48-33 (57372) ತದ್ವಿಮುಕ್ತಂ ಬಲಂ ರೇಜೇ ಪಾದಬಂಧಾದ್ವಿಶಾಂಪತೇ। ಮೇಘಬಂಧಾದ್ಯಥಾ ಮುಕ್ತೋ ಭಾಸ್ಕರಸ್ತಾಪಯನ್ಪ್ರಜಾಃ॥ 8-48-34 (57373) ವಿಪ್ರಮುಕ್ತಾಃ ಸ್ವಕಾ ಯೋಧಾಃ ಫಲ್ಗುನಸ್ಯ ರಥಂ ಪ್ರತಿ। ಸಸೃಜುಃ ಶರಸಂಘಾಂಶ್ಚ ಶಸ್ತ್ರಸಂಘಾಂಶ್ಚ ಮಾರಿಷ॥ 8-48-35 (57374) ತಾಂ ಮಹಾಸ್ತ್ರಮಯೀಂ ವೃಷ್ಟಿಂ ಶರೈಃ ಸಂಛಿದ್ಯ ಭಾರತ। ಅವಧೀತ್ಸತತೋ ಯೋಧಾನ್ವಾಸವಿಃ ಪರವೀರಹಾ॥ 8-48-36 (57375) ಸುಶರ್ಮಾ ತು ತತೋ ರಾಜನ್ಬಾಣೇನ ನತಪರ್ವಣಾ। ಅರ್ಜುನಂ ಹೃದಯೇ ವಿದ್ಧ್ವಾ ವಿವ್ಯಾಧಾನ್ಯೈಸ್ತ್ರಿಸಪ್ತಭಿಃ॥ 8-48-37 (57376) ಸ ಗಾಢವಿದ್ಧೋ ವ್ಯಥಿತೋ ರಥೋಪಸ್ಥ ಉಪಾವಿಶತತ್। ತತ ಉಚ್ಚುಕ್ರುಶುಃ ಸರ್ವೇ ಹತಃ ಪಾರ್ಥ ಇತಿ ಬ್ರುವನ್॥ 8-48-38 (57377) ತತಃ ಶಂಖನಿನಾದಾಶ್ಚ ಭೇರೀಶಬ್ದಾಶ್ಚ ಪುಷ್ಕಲಾಃ। ನಾನಾವಾದಿತ್ರನಿನದಾಃ ಸಿಂಹನಾದಾಶ್ಚ ಜಜ್ಞಿರೇ॥ 8-48-39 (57378) ಪ್ರತಿಲಭ್ಯ ತತಃ ಸಂಜ್ಞಾಂ ಶ್ವೇತಾಶ್ವಃ ಕೃಷ್ಣಸಾರಥಿಃ। ಸೋಽತಿವಿದ್ಧೋ ಮಹೇಷ್ವಾಸಃ ಶರೈರಾಶೀವಿಪೋಪಮೈಃ। ಸುಶರ್ಮಾಣಂ ಮಹಾರಾಜ ಕ್ರೋಧಾವಿಷ್ಟೋ ಮಹಾರಥಃ॥ 8-48-40 (57379) ತತಃ ಶರಶತೈಃ ಪಾರ್ಥಃ ಸಂಛಾದ್ಯೈನಂ ಕ್ಷಣಾದ್ರಣೇ। ದಿಶಸ್ತು ವಾರಯಾಮಾಸ ಬಾಣೈಸ್ತತ್ರ ಮಹಾಸ್ತ್ರವಿತ್॥ 8-48-41 (57380) ವಿಮುಖೀಕೃತ್ಯ ಸಮರೇ ಸುಶರ್ಮಾಣಂ ಧನಂಜಯಃ। ಐಂದ್ರಮಸ್ತ್ರಮಮೇಯಾತ್ಮಾ ಪ್ರಾದುಶ್ಚಕ್ರೇ ಹಸನ್ನಿವ॥ 8-48-42 (57381) ತತೋ ಬಾಣಸಹಸ್ರಾಣಿ ತದುತ್ಸೃಷ್ಟಾನಿ ಮಾರಿಷ। ಸರ್ವದಿಕ್ಷು ವ್ಯದೃಶ್ಯಂತ ಸೂದಯಂತಿ ರಥದ್ವಿಪಾನ್॥ 8-48-43 (57382) ಹಯಾನ್ಪತ್ತೀಂಶ್ಚ ಸಮರೇ ಶಸ್ತ್ರೈಃ ಶತಸಹಸ್ರಶಃ। ರರಾಜ ಸಮರೇ ರಾಜಞ್ಶಕ್ರೋ ನಿಘ್ನನ್ನಿವಾಸುರಾನ್॥ 8-48-44 (57383) ವಧ್ಯಮಾನೇ ತತಃ ಸೈನ್ಯೇ ಭಯಂ ಸುಮಹದಾವಿಶತ್। ಸಂಶಪ್ತಕಗಣಾನಾಂ ಚ ಗೋಪಾಲಾನಾಂ ಚ ಭಾರತ॥ 8-48-45 (57384) ನ ಹಿ ತತ್ರ ಪುಮಾನ್ಕಶ್ಚಿದ್ಯೋಽರ್ಜುನಂ ಪ್ರತಿಬುಧ್ಯತೇ। ಪಶ್ಯತಾಂ ತತ್ರ ವೀರಾಣಾಮಹನ್ಯತ ಬಲಂ ತವ॥ 8-48-46 (57385) ಹನ್ಯಮಾನಂ ಚ ತದಭೂನ್ನಿಶ್ಚೇಷ್ಟಂ ಚ ಪರಾಕ್ರಮೇ॥ 8-48-47 (57386) ಅಯುತಂ ತತ್ರ ಯೋಧಾನಾಂ ಹತ್ವಾ ಪಾಂಡುಸುತೋ ರಣೇ। ವ್ಯಭ್ರಾಜತ ಮಹಾರಾಜ ವಿಧೂಮೋಽಗ್ನಿರಿವ ಜ್ವಲನ್॥ 8-48-48 (57387) ಚತುರ್ದಶಸಹಸ್ರಾಣಿ ಯಾನಿ ದೃಷ್ಟನಿ ಭಾರತ। ರಥಾನಾಮಯುತಂ ಚೈವ ತ್ರಿಸಹಸ್ರಾಶ್ಚ ದಂತಿನಃ॥ 8-48-49 (57388) ತತಃ ಸಂಶಪ್ತಕಾ ಭೂಯಃ ಪರಿವವ್ರುರ್ಧನಂಜಯಂ। ಮರ್ತವ್ಯಮಿತಿ ನಿಶ್ಚಿತ್ಯ ಜಯಂ ವಾಪ್ಯನಿವರ್ತನಂ॥ 8-48-50 (57389) ತತ್ರ ಯುದ್ಧಂ ಮಹಚ್ಚಾಸೀತ್ತಾವಕಾನಾಂ ವಿಶಾಂಪತೇ। ಶೂರೇಣ ಬಲಿನಾ ಸಾರ್ಧಂ ಪಾಂಡವೇನ ಕಿರೀಟಿನಾ। ಜಿತ್ವಾ ತಾನ್ನ್ಯಹನತ್ಪಾರ್ಥಃ ಶತ್ರೂಞ್ಶಕ್ರ ಇವಾಸುರಾನ್॥ ॥ 8-48-51 (57390) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಅಷ್ಟಚತ್ವಾರಿಂಶೋಽಧ್ಯಾಯಃ॥ 48 ॥

8-49-0 (57391) ಸಂಜಯ ಉವಾಚ। 8-49-0x (4967) ಕೃತವರ್ಮಾ ಕೃಪೋ ದ್ರೌಣಿಃ ಸೂತಪುತ್ರಶ್ಚ ಮಾರಿಷ। ಉಲೂಕಃ ಸೌಬಲಶ್ಚೈವ ರಾಜಾ ಚ ಸಹ ಸೋದರೈಃ॥ 8-49-1 (57392) ಸೀದಮಾನಾಂ ಚಮೂಂ ದೃಷ್ಟ್ವಾ ಪಾಂಡುಪುತ್ರಭಯಾರ್ದಿತಾಂ। ಸಮುಜ್ಜಹ್ರುಃ ಸ್ಮ ವೇಗೇನ ಭಿನ್ನಾಂ ನಾವಮಿವಾರ್ಣವೇ॥ 8-49-2 (57393) ತತೋ ಯುದ್ಧಮತೀವಾಸೀನ್ಮುಹೂರ್ತಮಿವ ಭಾರತ। ಭೀರೂಣಾಂ ತ್ರಾಸಜನನಂ ಶೂರಾಣಾಂ ಹರ್ಷವರ್ಧನಂ॥ 8-49-3 (57394) ಕೃಪೇಣ ಶರವರ್ಷಾಣಿ ಪ್ರತಿಮುಕ್ತಾನಿ ಸಂಯುಗೇ। ಸೃಂಜಯಾಂಶ್ಛಾದಯಾಮಾಸುಃ ಶಲಭಾನಾಂ ವ್ರಜಾ ಇವ॥ 8-49-4 (57395) ಶಿಖಂಡೀ ಚ ತತಃ ಕ್ರುದ್ಧೋ ಗೌತಮಂ ತ್ವರಿತೋ ಯಯೌ। ವವರ್ಷ ಶರವರ್ಷಾಣಿ ಸಮಂತಾದ್ದ್ವಿಜಪುಂಗವಂ॥ 8-49-5 (57396) ಕೃಪಸ್ತು ಶರವರ್ಷಂ ತದ್ವಿನಿಹತ್ಯ ಮಹಾಸ್ತ್ರವಿತ್। ಶಿಖಂಡಿನಂ ರಣೇ ಕ್ರುದ್ಧೋ ವಿವ್ಯಾಧ ದಶಭಿಃ ಶರೈಃ॥ 8-49-6 (57397) ತತಃ ಶಿಖಂಡೀ ಕುಪಿತಃ ಶರೈಃ ಸಪ್ತಭಿರಾಹವೇ। ಕೃಪಂ ವಿವ್ಯಾಧ ಕುಪಿತಂ ಕಂಕಪತ್ರೈರಜಿಹ್ಮಗೈಃ॥ 8-49-7 (57398) ತತಃ ಕೃಪಃ ಶರೈಸ್ತೀಕ್ಷ್ಣೈಃ ಸೋಽತಿವಿದ್ಧೋ ಮಹಾರಥಃ। `ತತಃ ಸುನಿಶಿತೈಸ್ತೀಕ್ಷ್ಣೈಃ ಕ್ಷುರಪ್ರೈರ್ಹೇಮಭೂಷಿತೈಃ'। ವ್ಯಶ್ವಸೂತರಥಂ ಚಕ್ರೇ ಶಿಖಂಡಿನಮಥೋ ದ್ವಿಜಃ॥ 8-49-8 (57399) ಹತಾಶ್ವಾತ್ತು ತತೋ ಯಾನಾದವಪ್ಲುತ್ಯ ಮಹಾರಥಃ। ಖಂಗಂ ಚರ್ಮ ತಥಾ ಗೃಹ್ಯ ಸತ್ವರಂ ಬ್ರಾಹ್ಮಣಂ ಯಯೌ॥ 8-49-9 (57400) ತಮಾಪತಂತಂ ಸಹಸಾ ಶರೈಃ ಸನ್ನತಪರ್ವಭಿಃ। ವಾರಯಾಮಾಸ ಸಮರೇ ತದದ್ಭುತಮಿವಾಭವತ್॥ 8-49-10 (57401) ತತ್ರಾದ್ಭುತಮಪಶ್ಯಾಮ ಶಿಲಾನಾಂ ಪ್ಲವನಂ ಯಥಾ। ನಿಶ್ಚೇಷ್ಟೋ ಯದ್ರಣೇ ರಾಜಂಛಿಖಂಡೀ ಸಮತಿಷ್ಠತ॥ 8-49-11 (57402) ಕೃಪೇಣ ವಾರಿತಂ ದೃಷ್ಟ್ವಾ ಶಿಖಂಡಿನಮಥೋ ನೃಪ। ಪ್ರತ್ಯುದ್ಯಯೌ ಕೃಪಂ ತೂರ್ಣಂ ಧೃಷ್ಟದ್ಯುಂನೋ ಮಹಾರಥಃ॥ 8-49-12 (57403) ಧೃಷ್ಟದ್ಯುಂನಂ ತತೋ ಯಾಂತಂ ಶಾರದ್ವತರಥಂ ಪ್ರತಿ। ಪ್ರತಿಜಗ್ರಾಹ ವೇಗೇನ ಕೃತವರ್ಮಾ ಮಹಾರಥಃ॥ 8-49-13 (57404) ಯುಧಿಷ್ಠಿರಮಥಾಯಾಂತಂ ಶಾರದ್ವತರಥಂ ಪ್ರತಿ। ಸಪುತ್ರಂ ಸಹಸೈನ್ಯಂ ಚ ದ್ರೋಣಪುತ್ರೋ ನ್ಯವಾರಯತ್॥ 8-49-14 (57405) ನಕುಲಂ ಸಹದೇವಂ ಚ ತ್ವರಮಾಣೌ ಮಹಾರಥೌ। ಪ್ರತಿಜಗ್ರಾಹ ತೇ ಪುತ್ರಃ ಶರವರ್ಷೇಣ ವಾರಯನ್॥ 8-49-15 (57406) ಭೀಮಸೇನಂ ಕರೂಶಾಂಶ್ಚ ಕೇಕಯಾನ್ಸಹ ಸೃಂಜಯೈಃ। ಕರ್ಣೋ ವೈಕರ್ತನೋ ಯುದ್ಧೇ ವಾರಯಾಮಾಸ ಭಾರತ॥ 8-49-16 (57407) ಶಿಖಂಡಿನೇ ತತೋ ಬಾಣಾನ್ಕೃಪಃ ಶಾರದ್ವತೋ ಯುಧಿ। ಪ್ರಾಹಿಣೋತ್ತವರಯಾ ಯುಕ್ತೋ ಬೀಭತ್ಸೋರಥ ಸನ್ನಿಧೌ॥ 8-49-17 (57408) ತಾಂಛರಾನ್ಪ್ರೇಷಿತಾಂಸ್ತೇನ ಸಮಂತಾತ್ಸ್ವರ್ಣಭೂಷಿತಾನ್। ಚಿಚ್ಛೇದ ಖಂಗಮಾವಿಧ್ಯ ಭ್ರಾಮಯಂಶ್ಚ ಪುನಃ ಪುನಃ॥ 8-49-18 (57409) ಶತಚಂದ್ರಂ ಚ ತಚ್ಚರ್ಮ ಗೌತಮಸ್ತಸ್ಯ ಭಾರತ। ವ್ಯಧಮತ್ಸಾಯಕೈಸ್ತೂರ್ಣಂ ತತ ಉಚ್ಚುಕ್ರುಶುರ್ಜನಾಃ॥ 8-49-19 (57410) ಸ ವಿಚರ್ಮಾ ಮಹಾರಾಜ ಖಂಗಪಾಣಿರುಪಾದ್ರವತ್। ಕೃಪಸ್ತಂ ಶರಸಂಘಾತೈರಾದ್ರವಂತಮಪೀಡಯತ್॥ 8-49-20 (57411) ಶಾರದ್ವತಶರೈರ್ಗ್ರಸ್ತಂ ಕ್ಲಿಶ್ಯಮಾನಂ ಮಹಾಬಲಃ। ಚಿತ್ರಕೇತುಸುತೋ ರಾಜನ್ಸುಕೇತುಸ್ತ್ವರಿತೋ ಯಯೌ॥ 8-49-21 (57412) ವಿಕಿರನ್ಬ್ರಾಹ್ಮಣಂ ಯುದ್ಧೇ ಬಹುಭಿರ್ನಿಶಿತೈಃ ಶರೈಃ। ಅಭ್ಯಾಪತದಮೇಯಾತ್ಮಾ ಗೌತಮಸ್ಯ ರಥಂ ಪ್ರತಿ॥ 8-49-22 (57413) ದೃಷ್ಟ್ವಾ ವಿಷಕ್ತಂ ತಂ ಚೈವ ಬ್ರಾಹ್ಮಣಂ ಚ ನಿವಾರಿತಂ। ಅಪಯಾತಸ್ತತಸ್ತೂರ್ಣಂ ಶಿಖಂಡೀ ರಾಜಸತ್ತಮ॥ 8-49-23 (57414) ಸುಕೇತುಸ್ತು ತತೋ ರಾಜನ್ಗೌತಮಂ ನವಭಿಃ ಶರೈಃ। ವಿದ್ಧ್ವಾ ವಿವ್ಯಾಧ ಸಪ್ತತ್ಯಾ ಪುನಶ್ಚೈನಂ ತ್ರಿಭಿಃ ಶರೈಃ॥ 8-49-24 (57415) ಅಥಾಸ್ಯ ಸಶರಂ ಚಾಪಂ ಪುನಶ್ಚಿಚ್ಛೇದ ಮಾರಿಷ। ಸಾರಥಿಂ ಚ ಶರೇಣಾಸ್ಯ ಮೃಶಂ ಮರ್ಮಸ್ವತಾಡಯತ್॥ 8-49-25 (57416) ಗೌತಮಸ್ತು ತತಃ ಕ್ರುದ್ಧೋ ಧನುರ್ಗೃಹ್ಯ ನವಂ ದೃಢಂ। ಸುಕೇತುಂ ತ್ರಿಂಶತಾ ಬಾಣೈಃ ಸರ್ವಮರ್ಮಸ್ವತಾಡಯತ್॥ 8-49-26 (57417) ಸ ವಿಹ್ವಲಿತಸರ್ವಾಂಗಃ ಪ್ರಚಚಾಲ ರಥೋತ್ತಮೇ। ಭೂಮಿಕಂಪೇ ಯಥಾ ವೃಕ್ಷಶ್ಚಚಾಲಾಕಂಪಿತೋ ಭೃಶಂ॥ 8-49-27 (57418) ಚಲತಸ್ತಸ್ಯ ಕಾಯಾತ್ತುಂ ಶಿರೋ ಜ್ವಲಿತಕುಂಡಲಂ। ಸೋಷ್ಣೀಷಂ ಸಶಿರಸ್ತ್ರಾಣಂ ಕ್ಷುರಪ್ರೇಣ ತ್ವಪಾತಯತ್॥ 8-49-28 (57419) ತಚ್ಛಿರಃ ಪ್ರಾಪತದ್ಭೂಮೌ ಶ್ಯೇನಾಹೃತಮಿವಾಮಿಷಂ। ತತೋಽಸ್ಯ ಕಾಯೋ ವಸುಧಾಂ ಪಶ್ಚಾತ್ಪ್ರಾಪತದಚ್ಯುತ॥ 8-49-29 (57420) ತಸ್ಮಿನ್ಹತೇ ಮಹಾರಾಜ ಪುತ್ರಾಸ್ತಸ್ಯ ಪದಾನುಗಾಃ। ಗೌತಮಂ ಸಮರೇ ತ್ಯಕ್ತ್ವಾ ದುದ್ರುವುಸ್ತೇ ದಿಶೋ ದಶ॥ 8-49-30 (57421) ಧೃಷ್ಟದ್ಯುಂನಂ ತು ಸಮರೇ ಸನ್ನಿವಾರ್ಯ ಮಹಾರಥಃ। ಕೃತವರ್ಮಾಽಬ್ರವೀದ್ವೃಷ್ಟಸ್ತಿಷ್ಠತಿಷ್ಠೇತಿ ಭಾರತ॥ 8-49-31 (57422) ತದಭೂತ್ತುಮುಲಂ ಯುದ್ವಂ ವೃಷ್ಣಿಪಾರ್ಷತಯೋ ರಣೇ। ಆಮಿಷಾರ್ಥೇ ಯಥಾ ಯುದ್ಧಂ ಶ್ಯೇನಯೋಃ ಕ್ರುದ್ಧಯೋರ್ನೃಪ॥ 8-49-32 (57423) ಧೃಷ್ಟದ್ಯುಂನಸ್ತು ಸಮರೇ ಹಾರ್ದಿಕ್ಯಂ ನವಭಿಃ ಶರೈಃ। ಆಜಘಾನೋರಸಿ ಕ್ರುದ್ವಃ ಪೀಡಯನ್ಹೃದಿಕಾತ್ಮಜಂ॥ 8-49-33 (57424) ಕೃತವರ್ಮಾ ತು ಸಮರೇ ಪಾರ್ಷತೇನ ದೃಢಾಹತಃ। ಪಾರ್ಷತಂ ಸರಥಂ ಸಾಶ್ವಂ ಛಾದಯಾಮಾಸ ಸಾಯಕೈಃ॥ 8-49-34 (57425) ಸರಥಶ್ಛಾದಿತೋ ರಾಜಂಧೃಷ್ಟದ್ಯುಂನೋ ನ ದೃಶ್ಯತೇ। ಮೇಘೈರಿವ ಪರಿಚ್ಛನ್ನೋ ಭಾಸ್ಕರೋ ಜಲಧಾರಿಭಿಃ॥ 8-49-35 (57426) ವಿಧೂಯ ತಂ ಬಾಣಗಣಂ ಶರೈಃ ಕನಕಭೂಷಣೈಃ। ವ್ಯರೋಚತ ರಣೇ ರಾಜಂಧೃಷ್ಟದ್ಯುಂನಃ ಕೃತವ್ರಣಃ॥ 8-49-36 (57427) ತತಸ್ತು ಪಾರ್ಷತಃ ಕ್ರುದ್ಧಃ ಶಸ್ತ್ರವೃಷ್ಟಿಂ ಸುದಾರುಣಾಂ। ಕೃತವರ್ಮಾಣಮಾಸಾದ್ಯ ವ್ಯಸೃಜತ್ಪೃತನಾಪತಿಃ॥ 8-49-37 (57428) ತಾಮಾಪತಂತೀಂ ಸಹಸಾ ಶಸ್ತ್ರವೃಷ್ಟಿಂ ಸುದಾರುಣಾಂ। ಶರೈರನೇಕಸಾಹಸ್ರೈರ್ಹಾರ್ದಿಕ್ಯೋಽವಾರಯದ್ಯುಧಿ॥ 8-49-38 (57429) ದೃಷ್ಟ್ವಾ ತು ವಾರಿತಾಂ ಯುದ್ಧೇ ಶಸ್ತ್ರವೃಷ್ಟಿಂ ದುರಾಸದಾಂ। ಕೃತವರ್ಮಾಣಮಾಸಾದ್ಯ ವಾರಯಾಮಾಸ ಪಾರ್ಷತಃ॥ 8-49-39 (57430) `ಯಥಾ ಯುಗ್ಮರಥೇನಾಜೌ ವಾಹಾನ್ವಾಹೇರಮಿಶ್ರಯತ್। ಗೃಹೀತ್ವಾ ಚರ್ಮ ಖಂಗಂ ಚ ರಥಂ ತಸ್ಯಾವಪುಪ್ಲುವೇ॥ 8-49-40 (57431) ಮಿಲಿತೇಷ್ವಥ ವಾಹೇಷು ಪ್ರತ್ಯಾಸನ್ನೇ ಚ ಪಾರ್ಷತೇ। ದೃಷ್ಟ್ವಾಽಪದಾನಂ ತಸ್ಯಾಶು ಗದಾಂ ಜಗ್ರಾಹ ಸಾತ್ವತಃ॥ 8-49-41 (57432) ಗದಾಪಾಣಿಸ್ತತೋ ರಾಜನ್ರಥಾತ್ತೂರ್ಣಮವಪ್ಲುತಃ। ತಮದೃಷ್ಟ್ವಾ ರಥೋಪಸ್ಥೇ ಸಾರಥಿಂ ಸಮತಾಡಯತ್॥ 8-49-42 (57433) ಖಂಗೇನ ಶಿತಧಾರೇಣ ಸ ಹತಃ ಪ್ರಾಪತದ್ರಥಾತ್। ಕೃತವರ್ಮಾ ತತೋ ಹೃಷ್ಟಸ್ತಲಶಬ್ದಂ ಚಕಾರ ಹ॥ 8-49-43 (57434) ಪಾರ್ಷತಂ ಚಾಬ್ರವೀದ್ರಾಜನ್ನೇಹ್ಯೇಹೀತಿ ಪುನಃಪುನಃ। ಸ ತಂ ನ ಮಮೃಷೇ ಯುದ್ವೇ ತಲಶಬ್ದಂ ಸಮೀರಿತಂ॥ 8-49-44 (57435) ಅವಪ್ಲುತ್ಯ ರಥಾತ್ತಸ್ಮಾತ್ಸ್ವರಥಂ ಪುನರಾಸ್ಥಿತಃ। ಅಭ್ಯಯಾತ್ಸ ತು ತತ್ತೂರ್ಣಂ ತಿಷ್ಠತಿಷ್ಠೇತಿ ಚಾಬ್ರವೀತ್॥ 8-49-45 (57436) ತತೋ ರಾಜನ್ಮಹೇಷ್ವಾಸಂ ಕೃತವರ್ಮಾಣಮಾಶು ವೈ। ಗದಾಂ ಗೃಹ್ಯ ಪುನರ್ವೇಗಾತ್ಕೃತವರ್ಮಾಣಮಾಹನತ್॥ 8-49-46 (57437) ಸೋಽತಿವಿದ್ವೋ ಬಲವತಾ ನ್ಯಪತನ್ಮೂರ್ಚ್ಛಯಾ ಹತಃ। ಶ್ರುತರ್ವಾ ರಥಮಾರೋಪ್ಯ ಅಪೋವಾಹ ರಣಾಜಿರಾತ್'॥ 8-49-47 (57438) ಧೃಷ್ಟದ್ಯುಂನಸ್ತು ಸಮರೇ ದೃಷ್ಟ್ವಾ ಶತ್ರುಂ ಮಹಾರಥಃ। ಕೌರವಾನ್ಸಮರೇ ತೂರ್ಣಂ ವಾರಯಾಮಾಸ ಸಾಯಕೈಃ॥ 8-49-48 (57439) ತತಸ್ತೇ ತಾವಕಾ ಯೋಧಾ ಧೃಷ್ಟದ್ಯುಂನಮುಪಾದ್ರವನ್। ಸಿಂಹನಾದರವಾಂಶ್ಚಕ್ರುಸ್ತತೋ ಯುದ್ಧಮವರ್ತತ॥ ॥ 8-49-49 (57440) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಏಕೋನಪಂಚಾಶೋಽಧ್ಯಾಯಃ॥ 49 ॥

8-50-0 (57441) ಸಂಜಯ ಉವಾಚ। 8-50-0x (4968) ದ್ರೌಣಿರ್ಯುಧಿಷ್ಠಿರಂ ದೃಷ್ಟ್ವಾ ಶೈನೇಯೇನಾಭಿರಕ್ಷಿತಂ। ದ್ರೌಪದೇಯೈಸ್ತಥಾ ಶೂರೈರಭ್ಯವರ್ತತ ಹೃಷ್ಟವತ್॥ 8-50-1 (57442) ಕಿರನ್ನಿಷುಗಣಾನ್ಘೋರಾನ್ಹೇಮಪುಂಖಾಞ್ಶಿಲಾಶಿತಾನ್। ದರ್ಶಯನ್ವಿವಿಧಾನ್ಮಾರ್ಗಾಞ್ಶಿಕ್ಷಯಾ ಲಘುಹಸ್ತವಾನ್॥ 8-50-2 (57443) ಖಂ ಪುರಯಞ್ಶರೈಸ್ತೀಕ್ಷ್ಣೈರ್ವೇಗವದ್ಭಿಃ ಸಮಂತತಃ। ಯುಧಿಷ್ಠಿರಸ್ಯ ಸಮರೇ ದಿಶಃ ಸರ್ವಾಃ ಸಮಾವೃಣೋತ್॥ 8-50-3 (57444) ಭಾರದ್ವಾಜಶರೈಶ್ಛನ್ನಂ ನ ಪ್ರಾಜ್ಞಾಯತ ಕಿಂಚನ। ಬಾಣಭೂತಮಭೂತ್ಸರ್ವಮಾಯೋಧನಶಿರೋ ಮಹತ್॥ 8-50-4 (57445) ಬಾಣಜಾಲಂ ದಿವಿಷ್ಠಂ ತತ್ಸ್ವರ್ಣಪುಂಖವಿಭೂಷಿತಂ। ಶುಶುಭೇ ಭರತಶ್ರೇಷ್ಠ ವಿಮಾನಮಿವ ವಿಷ್ಠಿತಂ॥ 8-50-5 (57446) ತೇನ ಚ್ಛನ್ನೇ ರಣೇ ರಾಜನ್ಬಾಣಜಾಲೇನ ಭಾಸ್ವತಾ। ಅಭ್ರಚ್ಛಾಯೇವ ಸಜಜ್ಞೇ ಹೃತರಶ್ಮಿಸ್ತಮೋನುದಃ॥ 8-50-6 (57447) ತದದ್ಭುತಮಪಶ್ಯಾಮ ಬಾಣಭೂತೇ ನಭಸ್ಥಲೇ। ನ ಸ್ಮ ಸಂಪತತೇ ಭೂತಂ ದ್ರೌಣೇರ್ದೃಷ್ಟ್ವಾ ಪರಾಕ್ರಮಂ॥ 8-50-7 (57448) ಸಾತ್ಯಕಿರ್ಯತಮಾನಸ್ತು ಧರ್ಮರಾಜಸ್ತು ಪಾಣ಼್ಡವಃ। ತಥೇತರಾಣಿ ಸೈನ್ಯಾನಿ ನ ಸ್ಮ ಚಕ್ರುಃ ಪರಾಕ್ರಮಂ॥ 8-50-8 (57449) ಲಾಘವಂ ದ್ರೋಣಪುತ್ರಸ್ಯ ದೃಷ್ಟ್ವಾ ತತ್ರ ಮಹಾರಥಾಃ। ವ್ಯಸ್ಮಯಂತ ಮಹಾರಾಜ ನ ಚೈನಂ ಪ್ರತ್ಯುದೀಕ್ಷಿತುಂ॥ 8-50-9 (57450) ಶೇಕುಸ್ತೇ ಸರ್ವರಾಜಾನಸ್ತಪಂತಮಿವ ಭಾಸ್ಕರಂ। ವಧ್ಯಮಾನೇ ತತಃ ಸೈನ್ಯೇ ದ್ರೌಪದೇಯಾ ಮಹಾರಥಾಃ॥ 8-50-10 (57451) ಸಾತ್ಯಕಿರ್ಧರ್ಮರಾಜಶ್ಚ ಪಾಂಚಾಲಾಶ್ಚಾಪಿ ಸಂಗತಾಃ। ತ್ಯಕ್ತ್ವಾ ಮೃತ್ಯುಭಯಂ ಘೋರಂ ದ್ರೌಣಾಯನಿಭುಪಾದ್ರವನ್॥ 8-50-11 (57452) ಸಾತ್ಯಕಿಃ ಸಪ್ತವಿಂಶತ್ಯಾ ದ್ರೌಣಿಂ ವಿದ್ಧ್ವಾ ಶಿಲೀಮುಖೈಃ। ಪುನರ್ವಿವ್ಯಾಧ ನಾರಾಚೈಃ ಸಪ್ತಭಿಃ ಸ್ವರ್ಣಭೂಷಿತೈಃ॥ 8-50-12 (57453) ಯುಧಿಷ್ಠಿರಸ್ತ್ರಿಸಪ್ತತ್ಯಾ ಪ್ರತಿವಿಂಧ್ಯಶ್ಚ ಸಪ್ತಭಿಃ। ಶ್ರುತಕರ್ಮಾ ತ್ರಿಭಿರ್ವಾಣೈಃ ಶ್ರುತಕೀರ್ತಿಶ್ಚ ಸಪ್ತಭಿಃ। 8-50-13 (57454) ಸುತಸೋಮಸ್ತು ನವಭಿಃ ಶತಾನೀಕಶ್ಚ ಸಪ್ತಭಿಃ। ಅನ್ಯೇ ಚ ವಹವಃ ಶೂರಾ ವಿವ್ಯಧುಸ್ತಂ ಸಮಂತತಃ॥ 8-50-14 (57455) ಸ ತು ಕ್ರುದ್ಧಸ್ತತೋ ರಾಜನ್ನಾಶೀವಿಪ ಇವ ಶ್ವಸನ್। ಸಾತ್ಯಕಿಂ ಪಂಚವಿಂಶತ್ಯಾ ಪ್ರಾವಿಧ್ಯತ ಶಿಲೀಮುಖೈಃ॥ 8-50-15 (57456) ಶ್ರುತಕೀರ್ತಿಂ ಚ ನವಭಿಃ ಸುತಸೋಮಂ ಚ ಪಂಚಭಿಃ। ಅಷ್ಟಭಿಃ ಶ್ರುತಕರ್ಮಾಣಂ ಪ್ರತಿಬಿಂಧ್ಯಂ ತ್ರಿಭಿಃ ಶರೈಃ॥ 8-50-16 (57457) ಶತಾನೀಕಂ ಚ ನವಭಿರ್ಧರ್ಮಪುತ್ರಂ ಚ ಪಂಚಭಿಃ। ತಥೇತರಾಂಸ್ತತಃ ಶೂರಾಂದ್ವಾಭ್ಯಾಂ ದ್ವಾಭ್ಯಾಮತಾಡಯತ್। ಶ್ರುತಕೀರ್ತೇಸ್ತಥಾ ಚಾಪಂ ಚಿಚ್ಛೇದ ನಿಶಿತೈಃ ಶರೈಃ॥ 8-50-17 (57458) ಅಥಾನ್ಯದ್ವನುರಾದಾಯ ಶ್ರುತಕೀರ್ತಿರ್ಮಹಾರಥಃ। ದ್ರೌಣಾಯನಿಂ ತ್ರಿಭಿರ್ವಿದ್ವ್ವಾ ವಿವ್ಯಾಧಾನ್ಯೈಃ ಶಿತೈಃ ಶರೈಃ॥ 8-50-18 (57459) ತತೋ ದ್ರೌಣಿರ್ಮಹಾರಾಜ ಶರವರ್ಷೇಣ ಭಾರಿಷ। ಛಾದಯಾಮಾಸ ತತ್ಸೈನ್ಯಂ ಸಮಂತಾದ್ಭರತರ್ಷಭ॥ 8-50-19 (57460) ತತಃ ಪುನರಮೇಯಾತ್ಮಾ ಧರ್ಮರಾಜಸ್ಯ ಕಾರ್ಮುಕಂ। ದ್ರೌಣಿಶ್ಚಿಚ್ಛೇದ ವಿಹಸನ್ವಿವ್ಯಾಧ ಚ ಶರೈಸ್ತ್ರಿಭಿಃ॥ 8-50-20 (57461) ತತೋ ಧರ್ಮಸುತೋ ರಾಜನ್ಪ್ರಗೃಹ್ಯಾನ್ಯನ್ಮಹದ್ಧನುಃ। ದ್ರೋಣಪುತ್ರಂ ತ್ರಿಪಷ್ಟxx ತತು ಬಾಹ್ವೋರುರಸಿ ಚಾರ್ಪಯಯತ್॥ 8-50-21 (57462) ಸಾತ್ಯಕಿಸ್ತು ತತಃ ಕ್ರುದ್ಧೋ ದ್ರೌಣೇಃ ಪ್ರಹರತೋ ರಣೇ। ಅರ್ಧಚಂದ್ರೇಣತೀಕ್ಷ್ಣೇನ ಧನುಶ್ಛಿತ್ತ್ವಾಽನದದ್ಭೃಶಂ॥ 8-50-22 (57463) ಛಿನ್ನಧನ್ವಾ ತತೋ ದ್ರೌಣಿಃ ಶಕ್ತ್ಯಾ ಶಕ್ತಿಮತಾಂ ವರಃ। ಸಾರಥಿಂ ಪಾತಯಾಮಾಸ ಶೈನೇಯಸ್ಯ ರಥಾದ್ರುತಂ॥ 8-50-23 (57464) ಅಥಾನ್ಯದ್ವನುರಾದಾಯ ದ್ರೋಣಪುತ್ರಃ ಪ್ರತಾಪವಾನ್। ಶೈನೇಯಂ ಶರವರ್ಷೇಣ ಚ್ಛಾದಯಾಮಾಸ ಭಾರತ॥ 8-50-24 (57465) ತಸ್ಯಾಶ್ವಾಃ ಪ್ರದ್ರುತಾಃ ಸಂಖ್ಯೇ ಪತಿತೇ ರಥಸಾರಥೌ। ತತ್ರತತ್ರೈವ ಧಾವಂತಃ ಸಮದೃಶ್ಯಂತ ಭಾರತ॥ 8-50-25 (57466) ಯುಧಿಷ್ಠಿರಪುರೋಗಾಸ್ತು ದ್ರೌಣಿಂ ಶಸ್ತ್ರಭೃತಾಂ ವರಂ। ಅಭ್ಯವರ್ಷಂತ ವೇಗೇನ ವಿಸೃಜಂತಃ ಶಿತಾಂಛರಾನ್॥ 8-50-26 (57467) ಸಹಸಾ ಪತತಸ್ತಾನ್ವೈ ಕ್ರುದ್ವರೂಪಾನ್ಪರಂತಪಃ। ಪ್ರಹಸನ್ಪ್ರತಿಜಗ್ರಾಹ ದ್ರೋಣಪುತ್ರೋ ಮಹಾರಣೇ॥ 8-50-27 (57468) ತತಃ ಶರಶತಜ್ವಾಲಃ ಸೇನಾಕಕ್ಷಂ ಮಹಾರಣೇ। ದ್ರೌಣಿರ್ದದಾಹ ಸಮರೇ ಕಕ್ಷಮಗ್ನಿರಿವೋತ್ಥಿತಃ॥ 8-50-28 (57469) ತದ್ಬಲಂ ಪಾಂಡುಪುತ್ರಸ್ಯ ದ್ರೋಣಪುತ್ರಪ್ರತಾಪಿತಂ। ಚುಕ್ಷುಭೇ ಭರತಶ್ರೇಷ್ಠ ತಸ್ಮಿನ್ನೇವ ಚಮೂಮುಖೇ॥ 8-50-29 (57470) ತದ್ಬಲಂ ಪಾಂಡವೇಯಸ್ಯ ದ್ರೋಣಪುತ್ರಃ ಶರಾರ್ಚಿಷಾ। ತಾಪಯನ್ಭರತಶ್ರೇಷ್ಠ ಗಭಸ್ತಿಭಿರಿವಾಂಶುಮಾನ್॥ 8-50-30 (57471) ತತ್ಪಚ್ಯಮಾನಂ ಮರ್ಷೇಣ ಬ್ರಾಹ್ಮಣಸ್ಯ ಚ ಸಾಯಕೈಃ। ಕ್ಷುಭ್ಯತೇ ಪಾಂಡವಂ ಸೈನ್ಯಂ ತಿಮಿನೇವ ನದೀಮುಖಂ॥ 8-50-31 (57472) ದೃಷ್ಟ್ವಾ ಚೈವ ಮಹಾರಾಜ ದ್ರೋಣಪುತ್ರಪರಾಕ್ರಮಂ। ಸರ್ವಾಂದುರ್ಯೋಧನಃ ಪಾರ್ಥಾನ್ಹತಾನ್ಯುದ್ವೇಽಭ್ಯಮನ್ಯತ॥ 8-50-32 (57473) ಯುಧಿಷ್ಠಿರಸ್ತು ತ್ವರಿತೋ ದ್ರೌಣಿಂ ಪೀಡ್ಯ ಮಹಾರಥಂ। ಅಬ್ರವೀದ್ದ್ರೋಣಪುತ್ರಂ ಸ ರೋಷಾಮರ್ಷಸಮನ್ವಿತಃ॥ 8-50-33 (57474) `ಜಾನಾಮಿ ತ್ವಾಂ ಯುಧಿ ಶ್ರೇಷ್ಠ ವೀರ್ಯವಂತಂ ಬಲಾನ್ವಿತಂ। ಕೃತಾಸ್ತ್ರಂ ಕೃತಿನಂ ಚೈವ ತಥಾ ಲಘುಪರಾಕ್ರಮಂ॥ 8-50-34 (57475) ಬಲಮೇತದ್ಭವಾನ್ಸರ್ವಂ ಪಾರ್ಷತೇ ಯದಿ ದರ್ಸಯೇತ್। ತತಸ್ತ್ವಾಂ ಬಲವಂತಂ ಚ ಕೃತವಿದ್ಯಂ ಚ ವಿದ್ಮಹೇ॥ 8-50-35 (57476) ನ ಹಿ ವೈ ಪಾರ್ಪತಂ ದೃಷ್ಟ್ವಾ ಸಮರೇ ಶತ್ರುಸೂದನಂ। ಭವೇತ್ತವ ಬಲಂ ಕಿಂಚಿದ್ಬ್ರವೀಮಿ ತ್ವಾಂ ನ ತು ದ್ವಿಜಂ'॥ 8-50-36 (57477) ನೈವ ನಾಮ ತವ ಪ್ರೀತಿರ್ನೈವ ನಾಮ ಕೃತಜ್ಞತಾ। ಯತಸ್ತ್ವಂ ಪುರುಷವ್ಯಾಘ್ರ ಮಾಮೇವಾದ್ಯ ಜಿಘಾಂಸಸಿ॥ 8-50-37 (57478) ಬ್ರಾಹ್ಮಣೇನ ತಪಃ ಕಾರ್ಯಂ ಶಮಶ್ಚ ದಮಏವ ಚ। ಕ್ಷತ್ರಿಯೇಣ ಧನುರ್ನಾಭ್ಯಂ ಸ ಭವಾನ್ಬ್ರಾಹ್ಮಣಬ್ರುವಃ॥ 8-50-38 (57479) ಮಿಷತಸ್ತೇ ಮಹಾವಾಹೋ ಯುಧಿ ಜೇಷ್ಯಾಮಿ ಕೌರವಾನ್। ಕುರುಷ್ವ ಸಮರೇ ಕರ್ಮ ಬ್ರಹ್ಮಬಂಧೇ ಯಥೇಷ್ಟತಃ॥ 8-50-39 (57480) ಏವಮುಕ್ತೋ ಮಹಾರಾಜ ದ್ರೋಣಪುತ್ರಃ ಸಯನ್ನಿವ। ಯುಕ್ತ ತತ್ತ್ವಂ ಚ ಸಂಚಿಂತ್ಯ ನೋತ್ತರಂ ಕಿಂಚಿದಬ್ರವೀತ್॥ 8-50-40 (57481) ಅನುಕ್ತ್ವಾ ಚ ತತಃ ಕಿಂಚಿಚ್ಛರವರ್ಷೇಣ ಪಾಂಡವಂ। ಛಾದಯಾಮಾಸ ಸಮರೇ ಕ್ರುದ್ಧೋಽಂತಕ ಇವ ಪ್ರಜಾಃ॥ 8-50-41 (57482) ಸ ಚ್ಛಾದ್ಯಮಾನಸ್ತು ತದಾ ದ್ರೋಣಪುತ್ರೇಣ ಮಾರಿಷ। ಪಾರ್ಥೋಽಪಯಾತಃ ಶೀಘ್ರಂ ವೈ ಪ್ರಗೃಹ್ಯ ಮಹತೀಂ ಚಮೂಂ॥ 8-50-42 (57483) ಅಪಯಾತೇ ತತಸ್ತಸ್ಮಿಂಧರ್ಮಪುತ್ರೇ ಯುಧಿಷ್ಠಿರೇ। ದ್ರೋಣಪುತ್ರಃ ಸ್ಥಿತೋ ರಾಜನ್ಪ್ರತ್ಯಾದೇಶಾನ್ಮಹಾತ್ಮನಃ॥ 8-50-43 (57484) ತತೋ ಯುಧಿಷ್ಠಿರೋ ರಾಜಂಸ್ತ್ಯಕ್ತ್ವಾ ದ್ರೌಣಿಂ ಮಹಾಹವೇ। ಪ್ರಯಯೌ ತಾವಕಂ ಸೈನ್ಯಂ ಯುಕ್ತಃ ಕ್ರುರಾಯ ಕರ್ಮಣೇ॥ ॥ 8-50-44 (57485) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಪಂಚಾಶೋಽಧ್ಯಾಯಃ॥ 50 ॥

8-51-0 (57486) ಸಂಜಯ ಉವಾಚ। 8-51-0x (4969) ಭೀಮಸೇನಂ ಸಪಾಂಚಾಲಂ ಚೇದಿಕೇಕಯಸಂವೃತಂ। ಸೇನಾಪತಿಃ ಸ್ವಯಂ ಕ್ರುದ್ಧೋ ವಾರಯಾಮಾಸ ಸಾಯಕೈಃ॥ 8-51-1 (57487) ತತಸ್ತು ಚೇದಿಕಾರೂಶಾನ್ಸೃಢ್ಜಯಾಂಶ್ಚ ಮಹಾರಥಾನ್। ಕರ್ಣೋ ಜಘಾನ ಸಮರೇ ಭೀಮಸೇನಸ್ಯ ಪಶ್ಯತಃ॥ 8-51-2 (57488) ಭೀಮಸೇನಸ್ತತಃ ಕರ್ಣೇ ವಿಹಾಯ ರಥಸತ್ತಮಂ। ಪ್ರಯಯೌ ಕೌರವಂ ಸೈನ್ಯಂ ಕಕ್ಷಮಗ್ನಿರಿವ ಜ್ವಲನ್॥ 8-51-3 (57489) ಸೂತಪುತ್ರೋಽಪಿ ಸಮರೇ ಪಾಂಚಾಲಾನ್ಕೇಕಯಾಂಸ್ತಥಾ। ಸೃಂಜಯಾಂಶ್ಚ ಮಹೇಷ್ವಾಸಾನ್ನಿಜಘಾನಂ ಸಹಸ್ರಶಃ॥ 8-51-4 (57490) ಸಂಶಪ್ತಕೇಷು ಪಾರ್ಥಶ್ಚ ಕೌರವೇಷು ವೃಕೋದರಃ। ಪಾಂಚಾಲೇಷು ತಥಾ ಕರ್ಣಃ ಕ್ಷಯಂ ಚಕ್ರುರ್ಮಹಾರಥಾಃ॥ 8-51-5 (57491) ತೇ ಕ್ಷತ್ರಿಯಾ ದಹ್ಯಾಮಾನಾಸ್ತ್ರಿಭಿಸ್ತೈಃ ಪಾವಕೋಪಮೈಃ। ಜಗ್ಮುರ್ವಿನಾಶಂ ಸಮರೇ ರಾಜಂದುರ್ಮಂತ್ರಿತೇ ತವ॥ 8-51-6 (57492) ತತೋ ದುರ್ಯೋಧನಃ ಕ್ರುದ್ದೋ ನಕುಲಂ ನವಭಿಃ ಶರೈಃ। ವಿವ್ಯಾಧ ಭರತಶ್ರೇಷ್ಠ ಚತುರಶ್ಚಾಸ್ಯ ವಾಜಿನಃ॥ 8-51-7 (57493) ತತಃ ಪರಮಮೇಯಾತ್ಮಾ ತವ ಪುತ್ರೋ ಜನಾಧಿಪ। ಕ್ಷುರೇಣ ಸಹದೇವಸ್ಯ ಧ್ವಜಂ ಚಿಚ್ಛೇದ ಕಾಂಚನಂ॥ 8-51-8 (57494) ನಕುಲಸ್ತು ತತಃ ಕ್ರುದ್ಧಸ್ತವ ಪುತ್ರಂ ಚ ಸಪ್ತಭಿಃ। ಜಘಾನ ಸಮರೇ ರಾಜನ್ಸಹದೇವಶ್ಚ ಪಂಚಭಿಃ॥ 8-51-9 (57495) ತಾವುಭೌ ಭರತಶ್ರೇಷ್ಠೌ ಜ್ಯೇಷ್ಠೌ ಸರ್ವಧನುಷ್ಮತಾಂ। ವಿವ್ಯಾಧೋರಸಿ ಸಂಕ್ರುದ್ಧಃ ಪಂಚಭಿಃ ಪಂಚಭಿಃ ಶರೈಃ॥ 8-51-10 (57496) ತತೋಽಪರಾಭ್ಯಾಂ ಭಲ್ಲಾಬ್ಯಾಂ ಧನುಷೀ ಸಮಕೃಂತತ। ಯಮಯೋಃ ಪ್ರಸಭಂ ವೀರೋ ವಿವ್ಯಾಧಾಶು ತ್ರಿಭಿಸ್ತ್ರಿಭಿಃ॥ 8-51-11 (57497) ತಾವನ್ಯೇ ಧನುಷೀ ಶ್ರೇಷ್ಠೇ ಶಕ್ರಚಾಪನಿಭೇ ಶುಭೇ। ಪ್ರಗೃಹ್ಯ ರೇಜತುಃ ಶೂರೌ ದೇವಪುತ್ರಸಮೌ ಯುಧಿ॥ 8-51-12 (57498) ತತಸ್ತೌ ರಭಸೌ ಯುದ್ಧೇ ಭ್ರಾತರೌ ಭ್ರಾತರಂ ಯುಧಿ। ಶರೈರ್ವವರ್ಷತುರ್ಘೋರೈರ್ಮಹಾಮೇಘೌ ಯಥಾಽಚಲಂ॥ 8-51-13 (57499) ತತಃ ಕ್ರುದ್ಧೋ ಮಹಾರಾಜ ತವ ಪುತ್ರೋ ಮಹಾರಥಃ। ಪಾಣ಼್ಡುಪುತ್ರೌ ಮಹೇಷ್ವಾಸೌ ವಾರಯಾಮಾಸ ಪತ್ರಿಭಿಃ॥ 8-51-14 (57500) ಧನುರ್ಮಂಡಲಮೇವಾಸ್ಯ ದದೃಶೇ ಯುಧಿ ಭಾರತ। ಸಾಯಕಾಶ್ಚಾಪ್ಯದೃಶ್ಯಂತ ನಿಶ್ಚರಂತಃ ಸಮಂತತಃ॥ 8-51-15 (57501) `ತಸ್ಯ ಸಾಯಕಸಂಛನ್ನೌ ಮಾದ್ರೇಯೌ ನ ವಿರೇಜತುಃ। ಮೇಘಚ್ಛನ್ನೌ ಯಥಾ ವ್ಯೋಂನಿ ಚಂದ್ರಸೂರ್ಯೌ ಗತಪ್ರಭೌ॥ 8-51-16 (57502) ತೇ ತು ಬಾಣಾ ಮಹಾರಾಜ ಸ್ವರ್ಣಪುಂಖಾಃ ಶಿಲಾಶಿತಾಃ'। ಆಚ್ಛಾದಯಂದಿಶಃ ಸರ್ವಾಃ ಸೂರ್ಯಸ್ಯೇವ ಮರೀಚಯಃ॥ 8-51-17 (57503) ವಾಣಭೂತೇ ತತಸ್ತಸ್ಮಿನ್ಸಂಛನ್ನೇ ಚ ನಭಸ್ತಲೇ। ರಾಜ್ಞಸ್ತು ದದೃಶೇ ರೂಪಂ ಕಾಲಾಂತಕಯಮೋಪಮಂ॥ 8-51-18 (57504) ಪರಾಕ್ರಮಂ ತು ತಂ ದೃಷ್ಟ್ವಾ ತವ ಸೂನೋರ್ಮಹಾರಥಾಃ। ಮೃತ್ಯೋರುಪಾಂತಿಕಂ ಪ್ರಾಪ್ತೌ ಮಾದ್ರೀಪುತ್ರೌ ಸ್ಮ ಮೇನಿರೇ॥ 8-51-19 (57505) ತತಃ ಸೇನಾಪತೀ ರಾಜನ್ಪಾಂಡವಾನಾಂ ಮಹಾರಥಃ। ಪಾರ್ಷತಃ ಪ್ರಯಯೌ ತತ್ರ ಯತ್ರ ರಾಜಾ ಸುಯೋಧನಃ॥ 8-51-20 (57506) ಮಾದ್ರೀಪುತ್ರೌ ತತಃ ಶೂರೌ ವ್ಯತಿಕ್ರಂಯ ಮಹಾರಥೌ। ಧೃಷ್ಟದ್ಯುಂನಸ್ತವ ಸುತಂ ಪೀಡಯಾಮಾಸ ಸಾಯಕೈಃ॥ 8-51-21 (57507) ತಮವಿಧ್ಯದಮೇಯಾತ್ಮಾ ತವ ಪುತ್ರೋ ಹ್ಯಮರ್ಪಣಃ। ಪಾಂಚಾಲ್ಯಂ ಪಂಚವಿಂಶತ್ಯಾ ಪ್ರಹಸ್ಯ ಪುರುಷರ್ಷಭಃ॥ 8-51-22 (57508) ತತಃ ಪುನರಮೇಯಾತ್ಮಾ ತವ ಪುತ್ರೋ ಹ್ಯಮರ್ಷಣಃ। ವಿದ್ಧ್ವಾ ನನಾದ ಪಾಂಚಾಲ್ಯಂ ಷಷ್ಟ್ಯಾ ಪಂಚಭಿರೇವ ಚ॥ 8-51-23 (57509) ತಥಾಸ್ಯ ಸಶರಂ ಚಾಪಂ ಮುಷ್ಟಿದೇಶೇ ವಿಶಾಂಪತೇ। ಕ್ಷುರಪ್ರೇಣ ಸುತೀಕ್ಷ್ಣೇನ ರಾಜಾ ಚಿಚ್ಛೇದ ಸಂಯುಗೇ॥ 8-51-24 (57510) ತದಪಾಸ್ಯ ಧನುಶ್ಛಿನ್ನಂ ಪಾಂಚಾಲ್ಯಃ ಶತ್ರುಕರ್ಶನಃ। ಅನ್ಯದಾದತ್ತ ವೇಗೇನ ಧನುರ್ಭಾರಸಹಂ ನವಂ॥ 8-51-25 (57511) ಕ್ರೋಧಾದ್ರುಧಿರರಕ್ತಾಕ್ಷಃ ಸಂರಂಭಾತ್ಪ್ರಜ್ವಲನ್ನಿವ। ಅಶೋಭತ ಮಹೇಷ್ವಾಸೋ ಧೃಷ್ಟದ್ಯುಂನಃ ಕೃತವ್ರಣಃ॥ 8-51-26 (57512) ಸ ಪಂಚದಶ ನಾರಾಚಾಞ್ಶ್ವಸತಃ ಪನ್ನಗಾನಿವ। ಜಿಘಾಂಸುರ್ಭರತಶ್ರೇಷ್ಠಂ ಧೃಷ್ಟದ್ಯುಂನೋ ವ್ಯಪಾಸೃಜತ್॥ 8-51-27 (57513) ತೇ ವರ್ಮ ಹೇಮವಿಕೃತಂ ಭಿತ್ತ್ವಾ ರಾಜ್ಞಃ ಶಿಲೀಮುಖಾಃ। ವಿವಿಶುರ್ವಸುಧಾಂ ವೇಗಾತ್ಕಂಕಬರ್ಹಿಣವಾಸಸಃ॥ 8-51-28 (57514) ಸೋಽತಿವಿದ್ಧೋ ಮಹಾರಾಜ ಪುತ್ರಸ್ತೇಽತಿವ್ಯರಾಜತ। ವಸಂತಕಾಲೇ ಸುಮಹಾನ್ಪ್ರಫುಲ್ಲ ಇವ ಕಿಂಶುಕಃ॥ 8-51-29 (57515) ಸ ಚ್ಛಿನ್ನವರ್ಮಾ ನಾರಾಚಪ್ರಹಾರೈರ್ಝರ್ಝರೀಕೃತಃ। ಧೃಷ್ಟದ್ಯುಂನಸ್ಯ ಭಲ್ಲೇನ ಕ್ರುದ್ಧಶ್ಚಿಚ್ಛೇದ ಕಾರ್ಮುಕಂ॥ 8-51-30 (57516) ಅಥೈನಂ ಛಿನ್ನಧನ್ವಾನಂ ತ್ವರಮಾಣೋ ಮಹೀಪತಿಃ। ಸಾಯಕೈರ್ದಶಭೀ ರಾಜನ್ಭ್ರುವೋರ್ಮಧ್ಯೇ ಸಮಾರ್ಪಯತ್॥ 8-51-31 (57517) ತಸ್ಯ ತೇಽಶೋಭಯನ್ವಕ್ತ್ರಂ ಕರ್ಮಾರಪರಿಮಾರ್ಜಿತಾಃ। ಪ್ರಫುಲ್ಲಂ ಪಂಕಜಂ ಯದ್ವದ್ಧಮರಾ ಮಧುಲಿಪ್ಸವಃ॥ 8-51-32 (57518) ತದಪಾಸ್ಯ ಧನುಶ್ಛಿನ್ನಂ ದೃಷ್ಟದ್ಯುಂನೋ ಮಹಾಮನಾಃ। ಅನ್ಯದಾದತ್ತ ವೇಗೇನ ಧನುರ್ಭಲ್ಲಾಂಶ್ಚ ಷೋಡಶ॥ 8-51-33 (57519) ತತೋ ದುರ್ಯೋಧನಸ್ಯಾಶ್ವಾನ್ಹತ್ವಾ ಸೂತಂ ಚ ಪಂಚಭಿಃ। ಧನುಶ್ಚಿಚ್ಛೇದ ಭಲ್ಲೇನ ಜಾತರೂಪಪರಿಷ್ಕೃತಂ॥ 8-51-34 (57520) ರಥಂ ಸೋಪಸ್ಕರಂ ಛತ್ರಂ ಶಕ್ತಿಂ ಖಂಗಂ ಗದಾಂ ಧ್ವಜಂ। ಭಲ್ಲೈಶ್ಚಿಚ್ಛೇದ ದಶಭಿಃ ಪುತ್ರಸ್ಯ ತವ ಪಾರ್ಷತಃ॥ 8-51-35 (57521) ತಪನೀಯಾಂಗದಂ ಛತ್ರಂ ನಾಗಂ ಮಣಿಮಯಂ ಶುಭಂ। ಧ್ವಜಂ ಕುರುಪತೇಶ್ಛಿನ್ನಂ ದದೃಶುಃ ಸರ್ವಪಾರ್ಥಿವಾಃ॥ 8-51-36 (57522) ದುರ್ಯೋಧನಂ ತು ವಿರಥಂ ಛಿನ್ನವರ್ಮಾಯುಧಧ್ವಜಂ। ಭ್ರಾತರಂ ಸಮುದೈಕ್ಷಂತ ಸೋದರಾ ಭರತರ್ಷಭ॥ 8-51-37 (57523) ತಮಾರೋಪ್ಯ ರಥೇ ರಾಜನ್ಕುಂಡಧಾರೋ ಮಹಾರಥಂ। ಅಪಾಹರದಸಂಭ್ರಾಂತೋ ಧೃಷ್ಟದ್ಯುಂನಸ್ಯ ಪಶ್ಯತಃ॥ 8-51-38 (57524) ಕರ್ಣಸ್ತು ಸಾತ್ಯಕಿಂ ಹಿತ್ವಾ ರಾಜಗೃಘ್ನುರಮರ್ಷಣಃ। ದ್ರೋಮಹಂತಾರಮುಗ್ರೇಷುಂ ಸಸಾರಾಭಿಮುಖೋ ರಣೇ॥ 8-51-39 (57525) ತಂ ಪೃಷ್ಠತೋಽನ್ವಯಾತ್ತೂರ್ಣಂ ಶೈನೇಯೋಽಭಿಹತಃ ಶರೈಃ। ವಾರಣಂ ಜಘನೋಪಾಂತೇ ವಿಷಾಣಾಭ್ಯಾಮಿವ ದ್ವಿಪಃ॥ 8-51-40 (57526) ಸ ಭಾರತಪುರೋಗಾನಾಂ ರಾಜ್ಞಾಂ ಚ ಸುಮಹಾತ್ಮನಾಂ। ಕರ್ಣಪಾರ್ಷತಯೋರ್ಯುದ್ವೇ ಸಂಕ್ರದ್ಧಾನಾಂ ಮಹಾರಣೇ॥ 8-51-41 (57527) ನ ಪಾಂಡವಾನಾಂ ನಾಸ್ಮಾಕಂ ಕಶ್ಚಿದಾಸೀತ್ಪರಾಙ್ಮುಖಃ। ಪ್ರತ್ಯದೃಶ್ಯತ ಯತ್ಕರ್ಣಃ ಪಾಂಚಾಲಾಂಸ್ತ್ವರಿತೋ ಯಯೌ॥ 8-51-42 (57528) ತಸ್ಮಿನ್ಕ್ಷಣೇ ನರಶ್ರೇಷ್ಠ ಗಜವಾಜಿರಥಕ್ಷಯಃ। ಪ್ರಾದುರಾಸೀದುಭಯತೋ ರಾಜನ್ಮಧ್ಯಗತೇಽಹನಿ॥ 8-51-43 (57529) ಪಾಂಚಾಲಾಸ್ತು ಮಹಾರಾಜ ತ್ವರಿತಾ ವಿಜಿಗೀಷವಃ। ಸರ್ವತೋಽಭ್ಯದ್ರವನ್ಕರ್ಣಂ ಪತತ್ತ್ರಿಣ ಇವ ದ್ರುಮಂ॥ 8-51-44 (57530) ತೇಷಾಮಾಧಿರಥಿಃ ಕ್ರುದ್ಧಃ ಪ್ರಧಾನಾನ್ವೈ ತರಸ್ವಿನಃ। ವಿಚಿನ್ವನ್ನಿವ ಬಾಣೌಘೈಃ ಸಮಾಸಾದಯದಗ್ರತಃ॥ 8-51-45 (57531) ವ್ಯಾಘ್ರಕೇತುಃ ಸುಶರ್ಮಾ ಚ ಶುಕ್ರಶ್ಚಿತ್ರಾಯುಧಃ ಕ್ರತುಃ। ದುರ್ಜಯೋ ರೋಚಮಾನಶ್ಚ ಸಿಂಹಸೇನಸ್ತಥಾಽಷ್ಟಮಃ। ಮಹತಾ ರಥವಂಶೇನ ಪರಿವವ್ರುರ್ನರೋತ್ತಮಂ॥ 8-51-46 (57532) ಸೃಜಂತಃ ಸಾಯಕಾಂಸ್ತೂರ್ಣಂ ಕರ್ಣಮಾಹವಶೋಭಿನಂ। ಯತಮಾನಾಂಸ್ತು ತಾಞ್ಶೂರಾನ್ಮನುಜೇಂದ್ರಃ ಶಿತೈಃ ಶರೈಃ। ಅಷ್ಟಾಭಿರಷ್ಟೌ ರಾಧೇಯಃ ಪಾಂಚಾಲಾನ್ನ್ಯಹನದ್ರಣೇ॥ 8-51-47 (57533) ಅಥಾಪರಾನ್ಮಹಾರಾಜ ಸೂತಪುತ್ರಃ ಪ್ರತಾಪವಾನ್। ಜಘಾನ ಬಹುಸಾಹಸ್ರಾನ್ಯೋಧಾನ್ಯುದ್ವವಿಶಾರದಾನ್॥ 8-51-48 (57534) ವಿಷ್ಣುಂ ಚ ವಿಷ್ಣುವರ್ಮಾಣಂ ದೇವಾಪಿಂ ಭದ್ರಮೇವ ಚ। ದಂಡಧಾರಂ ಚ ಸಮರೇ ಚಿತ್ರಂ ಚಿಂತ್ರಾಯುಧಂ ಹರಿಂ॥ 8-51-49 (57535) ಸಿಂಹಕೇತುಂ ರೋಚಮಾನಂ ಶಲಭಂ ಚ ಮಹಾರಥಂ। ನಿಜಘಾನ ಸುಸಂಕ್ರುದ್ವಶ್ಚೇದೀನಾಂ ಚ ಮಹಾರಥಾನ್॥ 8-51-50 (57536) ತೇಷಾಮಾದದತಃ ಪ್ರಾಣಾನಾಸೀದಾಧಿರಥೇರ್ವಪುಃ। ಶೋಣಿತಾಭ್ಯುಕ್ಷಿತಾಂಗಸ್ಯ ರುದ್ರಸ್ಯೈವಾತಿಭೈರವಂ॥ 8-51-51 (57537) ತತ್ರ ಭಾರತ ಕರ್ಣೇನ ಮಾತಂಗಾಸ್ತಾಡಿತಾಃ ಶರೈಃ। ಸರ್ವತೋಽಭ್ಯದ್ರವನ್ಭೀತಾಃ ಕುರ್ವಂತೋ ಮಹದಾಕುಲಂ॥ 8-51-52 (57538) ನಿಪೇತುರುರ್ವ್ಯಾಂ ಸಮರೇ ಕರ್ಣಸಾಯಕತಾಡಿತಾಃ। ಕುರ್ವಂತೋ ವಿವಿಧಾನ್ನಾದಾನ್ವಜ್ರನುನ್ನಾ ಇವಾಚಲಾಃ॥ 8-51-53 (57539) ಗಜವಾಜಿಮನುಷ್ಯೈಶ್ಚ ನಿಪತದ್ಭಿಃ ಸಮಂತತಃ। ರಥೈರ್ಭಗ್ನೈರ್ಧ್ವಜೈಶ್ಚೈವ ಸಮಾಸ್ತೀರ್ಯತ ಮೇದಿನೀ॥ 8-51-54 (57540) ನೈವಂ ಭಾಷ್ಮೋ ನ ಚ ದ್ರೋಣೋ ನಾನ್ಯೇ ಯುಧಿ ಚ ತಾವಕಾಃ। ಚಕ್ರುಃ ಸ್ಮ ತಾದೃಶಂ ಕರ್ಮ ಯಾದೃಶಂ ಕೃತವಾನ್ರಣೇ॥ 8-51-55 (57541) ಮೃಗಮಧ್ಯೇ ಯಥಾ ಸಿಂಹೋ ದೃಶ್ಯತೇ ನಿರ್ಭಯಶ್ಚರನ್। ಪಾಂಚಾಲಾನಾಂ ತಥಾ ಮಧ್ಯೇ ಕರ್ಣೋಽಚರದಭೀತವತ್॥ 8-51-56 (57542) ಸೂತಪುತ್ರೋಽಥ ನಾಗೇಷು ಹಯೇಷು ಚ ರಥೇಷು ಚ। ನರೇಷು ಚ ನರವ್ಯಾಘ್ರಶ್ಚಕಾರ ಕದನಂ ಮಹತ್॥ 8-51-57 (57543) ಯಥಾ ಮೃಗಗಣಾಂಸ್ತ್ರಸ್ತಾನ್ಸಿಂಹೋ ದ್ರಾವಯತೇ ದಿಶಃ। ಪಾಂಚಾಲಾನಾಂ ರಥವ್ರಾತಾನ್ಕರ್ಣೋ ವ್ಯದ್ರಾವಯತ್ತಥಾ॥ 8-51-58 (57544) ಸಿಂಹಂ ಸ್ಮ ಹಿ ಯಥಾ ಪ್ರಾಪ್ಯ ನ ಜೀವಂತಿ ಮೃಗಾಃ ಕ್ವಚಿತ್। ತಥಾ ಕರ್ಣಮನುಪ್ರಾಪ್ತಾ ನ ಜೀವಂತಿ ಸ್ಮ ಸೃಂಜಯಾಃ॥ 8-51-59 (57545) ವೈಶ್ವಾನರಮುಖಂ ಪ್ರಾಪ್ಯ ದಹ್ಯಂತೇ ಶಲಭಾ ಯಥಾ। ಕರ್ಣಾಗ್ರಿಂ ಸಮರೇ ಪ್ರಾಪ್ಯ ದಗ್ಧಾ ಭಾರತ ಸೃಂಜಯಃ॥ 8-51-60 (57546) ಚೇದಿಷ್ವೇಕೇನ ಕರ್ಣೇನ ಪಾಂಚಾಲೇಷು ಚ ಭಾರತ। ವೇಶ್ರಾವ್ಯ ನಾಮ ನಿಹತಾ ಬಹವಃ ಶೂರಸಂಪತಾಃ॥ 8-51-61 (57547) ಮಮ ಚಾಸೀನ್ಮತೀ ರಾಜಂದೃಷ್ಟ್ವಾ ಕರ್ಣಸ್ಯ ವಿಕ್ರಮಂ। ನೈಕೋಽಪ್ಯಾಧಿರಥೇರ್ಜೀವನ್ಪಾಂಚಾಲ್ಯೋ ಮೋಕ್ಷ್ಯತೇ ಯುಧಿ॥ 8-51-62 (57548) ಸಂಖ್ಯೇ ವಿಮರ್ದ್ಯ ಪಾಂಚಾಲಾನ್ಸೂತಪುತ್ರಃ ಪುನಃ ಪುನಃ। ಅಭ್ಯಧಾವತ್ಸುಸಂಕ್ರುದ್ಧಃ ಕುಂತೀಪುತ್ರಂ ಯುಧಿಷ್ಠಿರಂ॥ 8-51-63 (57549) ಧೃಷ್ಟದ್ಯುಂನಶ್ಚ ರಾಜಾನಂ ದ್ರೌಪದೇಯಾಶ್ಚ ಮಾರಿಷ। ಪರಿವವ್ರುರಮಿತ್ರಘ್ನಂ ಶತಶಶ್ಚಾಪರೇ ಜನಾಃ॥ 8-51-64 (57550) ಶಿಖಂಡೀ ಸಹದೇವಶ್ಚ ನಕುಲೋ ನಾಕುಲಿಸ್ತಥಾ। ಜನಮೇಜಯಃ ಶಿನೇರ್ನಪ್ತಾ ಬಹವಶ್ಚ ಪ್ರಭದ್ರಕಾಃ॥ 8-51-65 (57551) ಏತೇ ಪುರೋಗಮಾ ಭೂತ್ವಾ ಧೃಷ್ಟದ್ಯುಂನಶ್ಚ ಸಂಯುಗೇ। ಕರ್ಣಮಸ್ಯಂತಮಿಷ್ವಸ್ತ್ರೈಸ್ತತಕ್ಷುರಮಿತೌಜಸಂ॥ 8-51-66 (57552) ತಾಂಸ್ತತ್ರಾಧಿರಥಿಃ ಸಂಖ್ಯೇ ಚೇದಿಪಾಂಚಾಲಪಾಂಡವಾನ್। ಏಕೋ ಬಹೂನಭ್ಯಪತದ್ಗರುತ್ಮಾನಿವ ಪನ್ನಗಾನ್॥ 8-51-67 (57553) ತೈಃ ಕರ್ಣಸ್ಯಾಭವದ್ಯುದ್ಧಂ ಘೋರರೂಪಂ ವಿಶಾಂಪತೇ। ತಾದೃಗ್ಯಾದೃಕ್ಪುರಾವೃತ್ತಂ ದೇವಾನಾಂ ದಾನವೈಃ ಸಹ॥ 8-51-68 (57554) ತಾನ್ಸಮೇತಾನ್ಮಹೇಷ್ವಾಸಾಞ್ಶರವರ್ಷೌಧವರ್ಷಿಣಃ। ಏಕೋ ವ್ಯಧಮದವ್ಯಗ್ರಸ್ತಮಾಂಸೀವ ದಿವಾಕರಃ॥ 8-51-69 (57555) ಭೀಮಸೇನಸ್ತು ಸಂಸಕ್ತೇ ರಾಧೇಯೇ ಪಾಂಡವೈಃ ಸಹ। ಸರ್ವತೋಽಭ್ಯಹನತ್ಕ್ರುದ್ಧೋ ಯಮದಂಡನಿಭೈಃ ಶರೈಃ॥ 8-51-70 (57556) ಬಾಹ್ಲೀಕಾನ್ಕೇಕಯಾನ್ಮಾತ್ಸ್ಯಾನ್ವಾಸಾತ್ಯಾನ್ಮದ್ರಸೈಂಧವಾನ್। ಏಕಃ ಸಂಖ್ಯೇ ಮಹೇಷ್ವಾಸೋ ಯೋಧಯನ್ಬಹ್ವಶೋಭತ॥ 8-51-71 (57557) ತತ್ರ ಮರ್ಮಸು ಭೀಮೇನ ನಾರಾಚೈಸ್ತಾಡಿತಾ ಗಜಾಃ। ಪ್ರಪತಂತೋ ಹತಾರೋಹಾಃ ಕಂಪಯಂತಿ ಸ್ಮ ಮೇದಿನೀಂ॥ 8-51-72 (57558) ವಾಜಿನಶ್ಚ ಹತಾರೋಹಾಃ ಪತ್ತಯಶ್ಚ ಗತಾಸವಃ। ಅಶೇರತ ಮಹಾರಾಜ ವಮಂತೋ ರುಧಿರಂ ಬಹು॥ 8-51-73 (57559) ತಾಡಿತಾಃ ಸಹಸಾ ನಾಗಾ ಭೀಮಸೇನೇನ ಮಾರಿಷ। ನಿಪತಂತಿ ಮಹಾವೇಗಾ ವಜ್ರರುಗ್ಣಾ ಇವಾಚಲಾಃ॥ 8-51-74 (57560) ಪತಿತೈಸ್ತೈರ್ಮಹಾರಾಜ ವೇಗವದ್ಭಿರ್ಮಹಾರಥೈಃ। ಶುಶುಭೇ ವಸುಧಾ ರಾಜನ್ವಿಕೀರ್ಣೈರಿವ ಪರ್ವತೈಃ॥ 8-51-75 (57561) ಸಹಸ್ರಶಶ್ಚ ರಥಿನಃ ಪತ್ತಯಃ ಪತಿತಾಯುಧಾಃ। ಅಕ್ಷತಾಃ ಸಮದೃಶ್ಯಂತ ಭೀಮಾದ್ಭೀತಾ ಗತಾಸವಃ॥ 8-51-76 (57562) ರಥಿಭಿಃ ಸಾದಿಭಿಃ ಸೂತೈಃ ಪಾದಾತೈರ್ವಾಜಿಭಿರ್ಗಜೈಃ। ಭೀಮಸೇನಶರೈಶ್ಛಿನ್ನೈರಾಚ್ಛನ್ನಾ ಸುಧಾಭವತ್॥ ತತ್ಸ್ತಂಭಿತಮಿವಾತಿಷ್ಠದ್ಭೀಮಸೇನಭಯಾರ್ದಿತಂ। 8-51-77 (57563) ದುರ್ಯೋಧನಬಲಂ ಸರ್ವಂ ನಿರುತ್ಸಾಹಂ ಕೃತಂ ರಣೇ। ನಿಶ್ಚೇಷ್ಟಂ ತುಮುಲಂ ದೀನಂ ಬಭೌ ತಸ್ಮಿನ್ಮಹಾರಣೇ॥ 8-51-78 (57564) ಪ್ರಸನ್ನಸಲಿಲೇ ಕಾಲೇ ಯಥಾ ಸ್ಯಾತ್ಸಾಗರೋ ನೃಪ। ತದ್ವತ್ತವ ಬಲಂ ತದ್ವೈ ನಿಶ್ಚಲಂ ಸಮವಸ್ಥಿತಂ॥ 8-51-79 (57565) ಮನ್ಯುವೀರ್ಯಬಲೋಪೇತಂ ದರ್ಪಾತ್ಪ್ರತ್ಯವರೋಪಿತಂ। ಅಭವತ್ತವ ಪುತ್ರಸ್ಯ ತತ್ಸೈನ್ಯಂ ನಿಷ್ಪ್ರಭಂ ತದಾ॥ 8-51-80 (57566) ತೇ ಬಲೇ ಭರತಶ್ರೇಷ್ಠ ವಧ್ಯಮಾನೇ ಪರಸ್ಪರಂ। ರುಧಿರೌಘಪರಿಕ್ಲಿನ್ನೇ ರುಧಿರಾರ್ದ್ರೇ ಬಭೂವತುಃ॥ 8-51-81 (57567) ಸೂತಪುತ್ರೋಽವಧೀತ್ಕ್ರುದ್ವಃ ಪಾಂಡವಾನಾಮನೀಕಿನೀಂ। ಭೀಮಸೇನಃ ಕುರೂಣಾಂ ಚ ತ್ರಿಗರ್ತಾನಾಂ ಧನಂಜಯಃ॥ 8-51-82 (57568) ವರ್ತಮಾನೇ ತಥಾ ರೋದ್ರೇ ಸಂಗ್ರಾಮೇಽದ್ಭುತದರ್ಶನೇ। ನಿಹತ್ಯ ಪೃತನಾಮಧ್ಯಂ ಸಂಶಪ್ತಕಗಣಾನ್ಬಹೂನ್। ಅರ್ಜುನೋ ಜಯತಾಂ ಶ್ರೇಷ್ಠೋ ವಾಸುದೇವಮಥಾಬ್ರವೀತ್॥ 8-51-83 (57569) ಪ್ರಭಗ್ನಂ ಬಲಮೇತದ್ಧಿ ಯೋತ್ಸ್ಯಮಾನಂ ಮಯಾ ಸಹ। ಏತೇ ಧಾವಂತಿ ಸಗಣಾಃ ಸಂಶಪ್ತಕಮಹಾರಥಾಃ॥ 8-51-84 (57570) `ದುರ್ಜಯಾ ಹ್ಯೇವ ಸಮರೇ ದೇವೈರಪಿ ಸವಾಸವೈಃ'। ಅಪಾರಯಂತೋ ಮದ್ಬಾಣಾನ್ಸಿಂಹಶಬ್ದಂ ಮೃಗಾ ಇವ॥ 8-51-85 (57571) ದೀರ್ಯತೇ ಚ ಮಹತ್ಸೈನ್ಯಂ ಸೃಂಜಯಾನಾಂ ಮಹಾರಣೇ। `ಕುರವಶ್ಚಾಭಿಧಾವಂತಿ ಭೀಮಸೇನಭಯಾರ್ದಿತಾಃ'॥ 8-51-86 (57572) ಹಸ್ತಿಕಕ್ಷ್ಯೋ ಹ್ಯಸೌ ಕೃಷ್ಣ ಕೇತುಃ ಕರ್ಣಸ್ಯ ಧೀಮತಃ। ದೃಶ್ಯತೇ ರಾಜಸೈನ್ಯಸ್ಯ ಮಧ್ಯೇ ವಿಚರತೋ ಮುಹುಃ॥ 8-51-87 (57573) ನ ಚ ಕರ್ಣಂ ರಣೇ ಶಕ್ತಾ ಜೇತುಮೇತೇ ಮಹಾರಥಾಃ। ಜಾನೀತೇ ಹಿ ಭವಾನ್ಕರ್ಣಂ ವೀರ್ಯವಂತಂ ಪರಾಕ್ರಮೇ॥ 8-51-88 (57574) ತತ್ರ ಯಾಹಿ ಯತಃ ಕರ್ಣೋ ದ್ರಾವಯತ್ಯೇಷ ನೋ ಬಲಂ। ತ್ರಿಗರ್ತಾನ್ವರ್ಜಯನ್ಯಾಹಿ ಸೂತಪುತ್ರಂ ಮಹಾರಥಂ। ಏತನ್ಮೇ ರೋಚತೇ ಕೃಷ್ಣ ಯಥಾ ವಾ ತವ ರೋಚತೇ॥ 8-51-89 (57575) ಏತಚ್ಛ್ರುತ್ವಾ ವಚಸ್ತಸ್ಯ ಗೋವಿಂದಃ ಪ್ರಹಸನ್ನಿವ। ಅಬ್ರವೀದರ್ಜುನಂ ತೂರ್ಣಂ ಕೌರವಾನ್ಯಾಹಿ ಪಾಂಡವ॥ 8-51-90 (57576) ತತಸ್ತವ ಮಹಾಸೈನ್ಯಂ ಗೋವಿಂದಪ್ರೇರಿತಾ ಹಯಾಃ। ಹಂಸವರ್ಣಾ ವಿಶಂಸ್ತೂರ್ಣಂ ವಹಂತೋಽರ್ಜುನಮಾಹವೇ॥ 8-51-91 (57577) ಕೇಶವಪ್ರೇರಿತೈರಶ್ವೈಃ ಶ್ವೇತೈಃ ಕಾಂಚನಭೂಷಣೈಃ। ಪ್ರವಿಶದ್ಭಿಸ್ತವ ಬಲಂ ಚತುರ್ದಿಶಮದೀರ್ಯತ॥ 8-51-92 (57578) ಮೇಘಸ್ತನಿತನಿರ್ಹಾದಃ ಸ ರಥೋ ವಾನರಧ್ವಜಃ। ಚಲತ್ಪತಾಕಸ್ತಾಂ ಸೇನಾಂ ವಿಮಾನಂ ದ್ಯಾಮಿವಾವಿಶತ್॥ 8-51-93 (57579) ತೌ ವಿದಾರ್ಯ ಮಹಾಸೇನಾಂ ಪ್ರವಿಷ್ಟೌ ಕೇಶವಾರ್ಜುನೋ। ಕ್ರುದ್ಧೌ ಸಂರಂಭರಕ್ತಾಕ್ಷೌ ವಿಭ್ರಾಜೇತಾಂ ಮಹಾದ್ಯುತೀ॥ 8-51-94 (57580) ಯುದ್ಧಶೌಂಡೌ ಸಮಾಹೂತಾವಾಗತೌ ತೌ ರಣಾಧ್ವರಂ। ಯಜ್ವಭಿರ್ವಿಧಿನಾ ಹೂತೌ ಮಖಂ ದೇವಾವಿವಾಶ್ವಿನೌ॥ 8-51-95 (57581) `ಕ್ರೋಧತಾಂರೇಕ್ಷಣೌ ಶೂರೌ ಶುಶುಭಾತೇ ಮಹಾಬಲೌ। ಮದೋತ್ಕಟೌ ಯಥಾ ನಾಗೌ ದೃಷ್ಟಿಸಂಚಾರಚಾರಿಣೌ'॥ 8-51-96 (57582) ಕ್ರುದ್ಧೌ ತೌ ತು ನರವ್ಯಾಘ್ರೋ ಯೋಗವಂತೌ ಬಭೂವತುಃ। ತಲಶಬ್ದೇನ ರುಷಿತೌ ಮಹಾನಾಗಾವಿವೋತ್ಕಟೌ॥ 8-51-97 (57583) ವಿಗಾಹ್ಯ ತು ರಥಾನೀಕಮಶ್ವಸಂಘಾಂಶ್ಚ ಫಲ್ಗುನಃ। ವ್ಯಚರತ್ಪೃತನಾಮಧ್ಯೇ ಪಾಶಹಸ್ತ ಇವಾನತ್ಕಃ॥ 8-51-98 (57584) ತಂ ದೃಷ್ಟ್ವಾ ಯುಧಿ ವಿಕ್ರಾಂತಂ ಸೇನಾಯಾಂ ತವ ಭಾರತ। ಸಂಶಪ್ತಕಗಣಾನ್ಭೂಯಃ ಪುತ್ರಸ್ತೇ ಸಮಚೂಚುದತ್॥ 8-51-99 (57585) ತತೋ ರಥಸಹಸ್ರೇಣ ದ್ವಿರದಾನಾಂ ತ್ರಿಭಿಃ ಶತೈಃ। ಚತುರ್ದಶಸಹಸ್ರೈಸ್ತು ತುರಗಾಣಾಂ ಮಹಾಹವೇ। ದ್ವಾಭ್ಯಾಂ ಶತಸಹಸ್ರಾಭ್ಯಾಂ ಪದಾತೀನಾಂ ಚ ಧನ್ವಿನಾಂ॥ 8-51-100 (57586) ಶೂರಾಣಾಂ ಲಬ್ಧಲಕ್ಷಾಣಾಂ ವಿದಿತಾನಾಂ ಸಮಂತತಃ। ಅಭ್ಯವರ್ತಂತ ಕೌಂತೇಯಂ ಛಾದಯಂತೋ ಮಹಾರಥಾಃ॥ 8-51-100 (57587) ಶರವರ್ಷೈರ್ಮಹಾರಾಜ ಸರ್ವತಃ ಪಾಂಡುನಂದನಂ। ಸ ಚ್ಛಾದ್ಯಮಾನಃ ಸಮರೇ ಶರೈಃ ಪರಬಲಾರ್ದನಃ॥ 8-51-101 (57588) ದರ್ಶಯನ್ರೌದ್ರಮಾತ್ಮಾನಂ ಪಾಶಹಸ್ತ ಇವಾಂತಕಃ। ನಿಘ್ನನ್ಸಂಶಪ್ತಕಾನ್ಪಾರ್ಥಃ ಪ್ರೇಕ್ಷಣೀಯತರೋಽಭವತ್॥ 8-51-102 (57589) ತತೋ ವಿದ್ಯುತ್ಪ್ರಭೈರ್ಬಾಣೈಃ ಕಾರ್ತಸ್ವರವಿಭೂಷಿತೈಃ। ನಿರಂತರಮಿವಾಕಾಶಮಾಸೀಚ್ಛನ್ನಂ ಕಿರೀಟಿನಾ॥ 8-51-103 (57590) ಕಿರೀಟಿಚಾಪನಿರ್ಮುಕ್ತೈಃ ಸಂಪತದ್ಭಿರ್ಮಹಾಶರೈಃ। ಸಮಾಚ್ಛನ್ನಂ ಬಭೌ ಸರ್ವಂ ಕಾದ್ರವೇಯೈರಿವ ಪ್ರಭೋ॥ 8-51-104 (57591) ರುಕ್ಮಪುಂಖಾಞ್ಶರಾನ್ಘೋರಾನ್ಪ್ರಸನ್ನಾನ್ನತಪರ್ವಣಃ। ಅವಾಸೃಜದಮೇಯಾತ್ಮಾ ದಿಕ್ಷು ಸರ್ವಾಸು ಪಾಂಡವಃ॥ 8-51-105 (57592) ಮಹೀ ವಿಯದ್ದಿಶಃ ಸರ್ವಾಃ ಸಮುದ್ರಾ ಗಿರಯೋಽಪಿ ವಾ। ಸ್ಫುಟಂತೀತಿ ಜನಾ ಜಜ್ಞುಃ ಪಾರ್ಥಸ್ಯ ತಲನಿಃಸ್ವನಾತ್॥ 8-51-106 (57593) ಹತ್ವಾ ದಶಸಹಸ್ರಾಣಿ ಪಾರ್ಥಿವಾನಾಂ ಮಹಾರಥಃ। ಸಂಶಪ್ತಕಾನಾಂ ಕೌಂತೇಯಃ ಪ್ರಪಕ್ಷಂ ತ್ವರಿತೋಭ್ಯಯಾತ್॥ 8-51-107 (57594) ಪ್ರಪಕ್ಷಂ ಚ ಸಮಾಸಾದ್ಯ ಪಾರ್ಥಃ ಕಾಂಭೋಜರಕ್ಷಿತಂ। ಪ್ರಮಮಾಥ ಬಲಂ ಭಲ್ಲೈರ್ದಾನವಾನಿವ ವಾಸವಃ॥ 8-51-108 (57595) ಪ್ರಚಿಚ್ಛೇದಾಶು ಭಲ್ಲೇನ ದ್ವಿಷತಾಮಾತತಾಯಿನಾಂ। ಶಸ್ತ್ರಪಾಣೀಂಸ್ತಥಾ ಬಾಹೂಂಸ್ತಥಾಪಿ ಚ ಶಿರಾಂಸ್ಯುತ॥ 8-51-109 (57596) ಅಂಗಾಂಂಗಾವಯವೈಶ್ಛಿನ್ನೈರ್ವ್ಯಾಯುಧಾಸ್ತೇಽಪತನ್ಭುವಿ। ವಿಷ್ವಗ್ವಾತಾಭಿಸಂಭಗ್ನಾ ಬಹುಶಾಖಾ ಇವ ದ್ರುಮಾಃ॥ 8-51-110 (57597) ಹಸ್ತ್ಯಶ್ವರಥಪತ್ತೀನಾಂ ವ್ರಾತಾನ್ನಿಘ್ನಂತಮರ್ಜುನಂ। ಸುದಕ್ಷಿಣಾದವರಜಃ ಶರವೃಷ್ಟ್ಯಾಭ್ಯವೀವೃಷತ್॥ 8-51-112 (57598) ತಸ್ಯಾಸ್ಯತೋಽರ್ಧಚಂದ್ರಾಭ್ಯಾಂ ಸ ಬಾಹೂ ಪರಿಘೋಪಮೌ। ಪೂರ್ಣಚಂದ್ರಾಭವಕ್ತ್ರಂ ಚ ಕ್ಷುರೇಣಾಪಾಹರಚ್ಛಿರಃ॥ 8-51-113 (57599) ತತ್ಪಪಾತ ತತೋ ವೇಗಾತ್ಸ್ವಲೋಹಿತಪರಿಷ್ಕೃತಂ। ಮನಃ ಶಿಲಾಗಿರೇಃ ಶೃಂಗಂ ವ್ಜ್ರೇಣೇವಾವದಾರಿತಂ॥ 8-51-114 (57600) ಸುದಕ್ಷಿಣಾದವರಜಂ ಕಾಂಭೋಜಾ ದದೃಶುರ್ಹತಂ। ಪ್ರಾಂಶುಂ ಕಮಲಪತ್ರಾಕ್ಷಮತ್ಯರ್ಥಂ ಪ್ರಿಯದರ್ಶನಂ। ಕಾಂಚನಸ್ತಂಭಸದೃಶಂ ಭಿನ್ನಂ ಹೇಮಗಿರಿಂ ಯಥಾ॥ 8-51-115 (57601) ತತೋಽಭವತ್ಪುನರ್ಯುದ್ಧಂ ಘೋರಮತ್ಯರ್ಥಮದ್ಭುತಂ। ನಾನಾವಸ್ಥಾಶ್ಚ ಯೋಧಾನಾಂ ಬಭೂವುಸ್ತತ್ರ ಯುಧ್ಯತಾಂ॥ 8-51-116 (57602) ಪಾರ್ಥೇಷುನಿಹತೈರಶ್ವೈಃ ಕಾಂಭೋಜೈರ್ಯವನೈಃ ಶಕೈಃ। ಶೋಣಿತಾಕ್ತೈಸ್ತದಾ ರಕ್ತಂ ಸರ್ವಾಮಾಸೀದ್ವಿಶಾಂ ಪತೇ॥ 8-51-117 (57603) ರಥೈರ್ಹತಾಶ್ವಸೂತೈಶ್ಚ ಹತಾರೋಹೈಶ್ಚ ವಾಜಿಭಿಃ। ದ್ವಿರದೈಶ್ಚ ಹತಾರೋಹೈರ್ಮಹಾಮಾತ್ರೈರ್ಹತದ್ವಿಪೈಃ॥ 8-51-118 (57604) ಅನ್ಯೋನ್ಯೇನ ಮಹಾರಾಜ ವಿನಾಶಃ ಪೃಥಿವೀಕ್ಷಿತಾಂ। ಆಸೀತ್ಕ್ರುದ್ವೇಽರ್ಜುನೇ ಕರ್ಣೇ ಭೀಮಸೇನೇ ಚ ದಾರುಣಂ॥ 8-51-119 (57605) ತಸ್ಪಿನ್ಪ್ರಪಕ್ಷೇ ಪಕ್ಷೇ ಚ ವಧ್ಯಮಾನೇ ಮದೋತ್ಕಟಃ। ಅರ್ಜುನಂ ಜಯತಾಂ ಶ್ರೇಷ್ಠಂ ತ್ವರಿತೋ ದ್ರೌಣಿರಭ್ಯಯಾತ್॥ 8-51-120 (57606) ವಿಧುನ್ವಾನೋ ಮಹಚ್ಚಾಪಂ ಕಾರ್ತಸ್ವರವಿಭೂಷಿತಂ। ಆದದಾನಃ ಶರಾನ್ಘೋರಾನ್ಸ್ವರಶ್ಮೀನಿವ ಭಾಸ್ಕರಃ॥ 8-51-121 (57607) ತಯೋರಾಸೀನ್ಮಹದ್ಯುದ್ಧಂ ಧರ್ಮಭ್ರಾತ್ರೋರನೈಷ್ಠಿಕಂ। ವಿಸ್ಮಾಪಯಿಷತೋರ್ಲೋಕಂ ಯಶಶ್ಚೋತ್ತಮಮಿಚ್ಛತೋಃ॥ 8-51-122 (57608) ಸಂಶಪ್ತಕಾಂಸ್ತು ಕೌಂತೇಯಃ ಕುರೂಂಶ್ಚಾಪಿ ವೃಕೋದರಃ। ಸೂತಪುತ್ರಸ್ತು ಪಾಂಚಾಲಾಂಸ್ತ್ರಯೋಽಘ್ನಂಸ್ತ್ವರಿತಾಃ ಶರೈಃ॥ 8-51-123 (57609) ಏವಮೇಷ ಮಹಾರಾಜ ವಿನಾಶಃ ಪೃಥಿವೀಕ್ಷಿತಾಂ। ಯುದ್ವಂ ಘೋರಂ ತಥಾ ತ್ವಾಸೀತ್ತ್ರಿಧಾಭೂತೇ ಚಮೂಮುಖೇ॥ ॥ 8-51-124 (57610) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಏಕಪಂಚಾಶೋಽಧ್ಯಾಯಃ॥ 51 ॥ *.ಏತದನಂತರಂ ಝ.ಪುಸ್ತಕೇ ವಿದ್ಯಮಾನಾ ಕಥಾ ಅಸ್ಮಿನ್ಪಾಠೇ---57--58 ತಮಾಧ್ಯಾಯಯೋರ್ವರ್ತತೇ।

8-52-0 (57611) ಧೃತರಾಷ್ಟ್ರ ಉವಾಚ। 8-52-0x (4970) ಕಥಂ ಸಂಶಪ್ತಕೈಃ ಸಾರ್ಧಮರ್ಜುನಸ್ಯಾಭವದ್ರಣಃ। ಸೂತಪುತ್ರಸ್ಯ ಪಾಂಚಾಲೈಃ ಕಥಂ ಯುದ್ಧಂ ಪ್ರವರ್ತಿತಂ॥ 8-52-1 (57612) ಅಶ್ವತ್ಥಾಂನಸ್ತು ಯದ್ಯುದ್ಧಮರ್ಜುನಸ್ಯ ಚ ಸಂಜಯ। ಅನ್ಯೇಷಾಂ ಚ ಮದೀಯಾನಾಂ ಪಾಂಡವೈಸ್ತದ್ಬ್ರವೀಹಿ ಮೇ॥ 8-52-2 (57613) ಸಂಜಯ ಉವಾಚ। 8-52-3x (4971) ಶೃಣು ರಾಜನ್ಯಥಾವೃತ್ತಂ ಸಂಗ್ರಾಮಂ ಬ್ರುವತೋ ಮಮ। ವೀರಾಣಾಂ ಶತ್ರುಭಿಃ ಸಾರ್ಧಂ ದೇಹಪಾಪ್ಮವಿನಾಶನಂ॥ 8-52-3 (57614) ಪಾರ್ಥಃ ಸಂಶಪ್ತಕಬಲಂ ಪ್ರವಿಶ್ಯಾರ್ಣವಸನ್ನಿಭಂ। ವ್ಯಕ್ಷೋಭಯದಮಿತ್ರಘ್ನೋ ಮಹಾವಾತ ಇವಾರ್ಣವಂ॥ 8-52-4 (57615) ಪೂರ್ಣಚಂದ್ರಾಭವಕ್ರಾಣಿ ಸ್ವಕ್ಷಿಭ್ರೂದಶನಾನಿ ಚ। ಶಿರಾಂಸ್ಯುನ್ಮಥ್ಯ ವೀರಾಣಾಂ ಶಿತೈರ್ಭಲ್ಲೈರ್ಧನಂಜಯಃ। ಸಂತಸ್ತಾರ ಕ್ಷಿತಿಂ ಕ್ಷಿಪ್ರಂ ವಿನಾಲೈರ್ನಲಿನೈರಿವ॥ 8-52-5 (57616) ಸುವೃತ್ತಾನಾಯತಾನ್ಪುಷ್ಟಾಂಶ್ಚಂದನಾಗುರುಭೂಷಿತಾನ್। ಸಾಯುಧಾನ್ಸತಲತ್ರಾಂಶ್ಚ ಪಂಚಾಸ್ಯೋರಗಸನ್ನಿಭಾನ್। ಬಾಹೂನ್ಕ್ಷುರೈರಮಿತ್ರಾಣಾಂ ಚಿಚ್ಛೇದ ಸಮರೇಽರ್ಜುನಃ॥ 8-52-6 (57617) ಧುರ್ಯಾಂಧುರ್ಯೋತರಾನ್ಸೂತಾಂಧ್ವಜಾಂಶ್ಚಾಪಾನಿ ಸಾಯಕಾನ್। ಪಾಣೀನ್ನಿತಾಂತನಿಶಿತೈರ್ಭಲ್ಲೈಶ್ಚಿಚ್ಛೇದ ಪಾಂಡವಃ॥ 8-52-7 (57618) ರಥಾಂದ್ವಿಪಾನ್ಹಯಾಂಶ್ಚೈವ ಸಾರೋಹಾನರ್ಜುನೋ ಯುಧಿ। ಶರೈರನೇಕಸಾಹಸ್ರೈರ್ನಿನ್ಯೇ ರಾಜನ್ಯಮಕ್ಷಯಂ॥ 8-52-8 (57619) ತಂ ಪ್ರವೀರಾಃ ಸುಸಂರಬ್ಧಾ ನರ್ದಮಾನಾ ಇವರ್ಷಭಾಃ। ವಾಸಿತಾರ್ಥಮಿವ ಕ್ರುದ್ಧಮಭಿದ್ರುತ್ಯ ಮಹೋತ್ಕಟಾಃ। ನಿಘ್ಂತಮಭಿಜಘ್ನುಸ್ತೇ ಶರೈಃ ಶೃಂಗೈರಿವರ್ಷಭಾಃ॥ 8-52-9 (57620) ತಸ್ಯ ತೇಷಾಂ ಚ ತದ್ಯುದ್ವಮಭವದ್ರೋಮಹರ್ಷಣಂ। ತ್ರೈಲೋಕ್ಯವಿಜಯೇ ಯದ್ವದ್ದೈತ್ಯಾನಾಂ ಸಹ ವಜ್ರಿಣಾ॥ 8-52-10 (57621) ಅಸ್ತ್ರೈಸ್ತ್ರಾಣಿ ಸಂವಾರ್ಯ ದ್ವಿಷತಾಂ ಸರ್ವತೋಽರ್ಜುನಃ। ಇಷುಭಿರ್ಬಹುಭಿಸ್ತೂರ್ಣಂ ವಿದ್ವ್ವಾ ಪ್ರಾಣಾಂಜಹಾರ ಸಃ॥ 8-52-11 (57622) ಛಿನ್ನತ್ರಿವೇಣುಚಕ್ರಾಕ್ಷಾನ್ಹತಯೋಧಾನ್ಸಸಾರಥೀನ್। ವಿಧ್ವಸ್ತಾಯುಧತೂಣೀರಾನ್ಸಮುನ್ಮಥಿತಕೇತನಾನ್॥ 8-52-12 (57623) ಸಂಛಿನ್ನಯೋಕ್ರರಶ್ಮೀಷಾನ್ವಿತ್ರಿವೇಣೂನ್ವಿಕೂಬರಾನ್। ವಿಸ್ರಸ್ತಬಂಧುರಯುಗಾನ್ವಿಸ್ರಸ್ತಾಕ್ಷಪ್ರಮಂಡಲಾನ್॥ 8-52-13 (57624) ರಥಾನ್ವಿಶಕಲೀಕುರ್ವನ್ಮಹಾಭ್ರಾಣೀವ ಮಾರುತಃ॥ 8-52-14 (57625) ವಿಸ್ಮಾಪಕಂ ಪ್ರೇಕ್ಷಕಾಣಾಂ ದ್ವಿಷತಾಂ ಭಯವರ್ಧನಂ। ಮಹಾರಥಸಹಸ್ರಸ್ಯ ಸಮಂ ಕರ್ಮಾಕರೋಜ್ಜಯಃ॥ 8-52-15 (57626) ಸಿದ್ಧದೇವರ್ಷಿಸಂಘಾಶ್ಚ ಚಾರಣಾಶ್ಚಾಪಿ ತುಷ್ಟುವುಃ॥ 8-52-16 (57627) ದೇವದುಂದುಭಯೋ ನೇದುಃ ಪುಷ್ಪವರ್ಷಾಣಿ ಚಾಪತನ್। ಕೇಶವಾರ್ಜುನಯೋರ್ಮೂರ್ಧ್ನಿ ಪ್ರಾಹ ವಾಕ್ವಾಶರೀರಿಣೀ॥ 8-52-17 (57628) ಚಂದ್ರಾಗ್ನ್ಯನಿಲಸೂರ್ಯಾಣಾಂ ಕಾಂತಿದೀಪ್ತಿಬಲದ್ಯುತೀಃ। ಯೌ ಸದಾ ಬಿಭ್ರತುರ್ವೀರಾವಿಮೌ ತೌ ಕೇಶವಾರ್ಜುನೌ॥ 8-52-18 (57629) ಬ್ರಹ್ಮೇಶಾನಾವಿವ ಪುರಾ ವೀರಾವೇಕರಥೇ ಸ್ಥಿತೌ। ಸರ್ವಭೂತವರೌ ವೀರೌ ನರನಾರಾಯಣಾವಿಮೌ॥ 8-52-19 (57630) ಇತ್ಯೇತನ್ಮಹದಾಶ್ಚರ್ಯಂ ದೃಷ್ಟ್ವಾ ಶ್ರುತ್ವಾ ಚ ಭಾರತ। ಅಶ್ವತ್ಥಾಮಾ ಸುಸಂಕ್ರುದ್ಧಃ ಕೃಷ್ಣಾವಭ್ಯದ್ರವದ್ರಣೇ॥ 8-52-20 (57631) ಅಥ ಪಾಂಡವಮಸ್ಯಂತಮಮಿತ್ರಾಂತಕರಾಂಛರಾನ್। ಸೇಷುಣಾ ಪಾಣಿನಾಽಽಹೂಯ ಪ್ರಹಸಂದ್ರೌಣಿರಬ್ರವೀತ್॥ 8-52-21 (57632) ಯದಿ ಮಾಂ ಮನ್ಯಸೇ ವೀರ ಪ್ರಾಪ್ತಮರ್ಹಮಿಹಾತಿಥಿಂ। ತತಃ ಸರ್ವಾತ್ಮನಾ ತ್ವದ್ಯ ಯುದ್ವಾತಿಥ್ಯಂ ಪ್ರಯಚ್ಛ ಮೇ॥ 8-52-22 (57633) ಏವಮಾಚಾರ್ಯಪುತ್ರೇಣ ಸಮಾಹೂತೋ ಯುಯುತ್ಸಯಾ। ಬಹುಮೇನೇಽರ್ಜುನೋಽಽತ್ಮಾನಮಿತಿ ಚಾಹ ಜನಾರ್ದನಂ॥ 8-52-23 (57634) ಸಂಶಪ್ತಕಾಶ್ಚ ಮೇ ವಧ್ಯಾ ದ್ರೌಣಿರಾಹ್ವಯತೇ ಚ ಮಾಂ। ಯದತ್ರಾನಂತರಂ ಪ್ರಾಪ್ತಂ ಶಂಸ ಮೇ ತದ್ವಿ ಮಾಧವ॥ 8-52-24 (57635) ಆತಿಥ್ಯಕರ್ಮಾಭ್ಯುತ್ಥಾಯ ದೀಯತಾಂ ಯದಿ ಮನ್ಯಸೇ। ಏವಮುಕ್ತೋಽವಹತ್ಪಾರ್ಥಂ ಕೃಷ್ಣೋದ್ರೋಣಾತ್ಮಜಾಂತಿಕೇ॥ 8-52-25 (57636) ಶೈಕ್ಷ್ಯೇಣ ವಿಧಿನಾಽಽಹೂತಂ ವಾಯುರಿಂದ್ರಮಿವಾಧ್ವರೇ। ತಮಾಮಂತ್ರ್ಯೈಕಮನಸಂ ಕೇಶವೋ ದ್ರೌಣಿಮಬ್ರವೀತ್॥ 8-52-26 (57637) ಅಶ್ವತ್ಥಾಮನ್ಸ್ಥಿರೋ ಭೂತ್ವಾ ಪ್ರಹರಾಶು ಸಹಸ್ವ ಚ। ನಿರ್ವೇಷ್ಟುಂ ಭರ್ತೃಪಿಂಡಂ ಹಿ ಕಾಲೋಽಯಮುಪಜೀವಿನಾಂ॥ 8-52-27 (57638) ಸೂಕ್ಷ್ಮೋ ವಿವಾದೋ ವಿಪ್ರಾಣಾಂ ಸೂಕ್ಷ್ಮೌ ಕ್ಷಾಸ್ತ್ರೌ ಜಯಾಜಯೌ॥ 8-52-28 (57639) ನಹಿ ಸಂಕ್ಷಮಸೇ ಮೋಹಾದ್ದಿವ್ಯಾಂ ಪಾರ್ಥಸ್ಯ ಸತ್ಕ್ರಿಯಾಂ। ಸಮಾಪ್ತಿಮಿಚ್ಛನ್ಯುಧ್ಯಸ್ವ ಸ್ಯಿರೋ ಭೂತ್ವಾಽದ್ಯ ಪಾಂಡವಂ॥ 8-52-29 (57640) ಇತ್ಯುಕ್ತೋ ವಾಸುದೇವೇನ ತಥೇತ್ಯುಕ್ತ್ವಾ ದ್ವಿಜೋತ್ತಮಃ। ವಿವ್ಯಾಧ ಕೇಶವಂ ಷಷ್ಟ್ಯಾ ನಾರಾಚೈರರ್ಜುನಂ ತ್ರಿಭಿಃ॥ 8-52-30 (57641) ತಸ್ಯಾರ್ಜುನಃ ಸುಸಂಕ್ರುದ್ಧಸ್ತ್ರಿಭಿರ್ಬಾಣೈಃ ಶರಾಸನಂ। ಚಿಚ್ಛೇದಾಥಾನ್ಯದಾದತ್ತ ದ್ರೌಣಿರ್ಘೋರತರಂ ಧನುಃ॥ 8-52-31 (57642) ಸಜ್ಯಂ ಕೃತ್ವಾ ನಿಮೇಷಾಚ್ಚ ವಿವ್ಯಾಧಾರ್ಜುನಕೇಶವೌ। ತ್ರಿಭಿಃ ಶತೈರ್ವಾಸುದೇವಂ ಸಹಸ್ರೇಣ ಚ ಪಾಂಡವಂ॥ 8-52-32 (57643) ತತಃ ಶರಸಹಸ್ರಾಣಿ ಪ್ರಯುತಾನ್ಯರ್ಬುದಾನಿ ಚ। ಸಸೃಜೇ ದ್ರೌಣಿರಾಯಸ್ತಃ ಸ್ತಂಭಯಾಮಾಸ ಚಾರ್ಜುನಂ॥ 8-52-33 (57644) ಇಷುಧೇರ್ಧನುಷೋ ಜ್ಯಾಯಾಸ್ತ್ವಂಗುಲಿಭ್ಯಶ್ಚ ಮಾರಿಷ। ಬಾಹ್ವೋಃ ಕರಾಭ್ಯಾಮುರಸೋ ವದನಾದ್ವ್ರಾಣನೇತ್ರತಃ॥ 8-52-34 (57645) ಕರ್ಣಾಭ್ಯಾಂ ಶಿರಸೋಽಂಗೇಭ್ಯೋ ಲೋಮವರ್ಮಭ್ಯ ಏವ ಚ। ರಥಧ್ವಜಾಭ್ಯಾಂ ಚ ಶರಾ ನಿಷ್ಪೇತುರ್ಬ್ರಹ್ಮವಾದಿನಃ॥ 8-52-35 (57646) ಶರಜಾಲೇನ ಮಹತಾ ಬದ್ಧ್ವಾ ಮಾಧವಪಾಂಡವೌ। ನನಾದ ಸುದಿತೋ ದ್ರೌಣಿರ್ಮಹಾಮೇಘೌಘನಿಃಸ್ವನಂ॥ 8-52-36 (57647) `ತೈಃ ಪತದ್ಭಿರ್ಮಹಾರಾಜ ದ್ರೌಣಿಮುಕ್ತೈಃ ಸಮಂತತಃ। ಸಂಛಾದಿತೌ ರಥಸ್ಥೌ ತಾವುಭೌ ಕೃಷ್ಣಧನಂಜಯೌ॥ 8-52-37 (57648) ದತಃ ಶರxxxxxxಕ್ಷ್ಣೈರ್ಭಾರದ್ವಾಜಃ ಪ್ರತಾಪವಾನ್। ನಿxxxxxಚಕ್ರೇ ರಥೇ ಮಾಧವಪಾಂಡವೌ॥ 8-52-38 (57649) xxxxಜಂಗಮಂ ಸ್ಥಾವರಂ ತಥಾ। ಚರಾಚರಸಾ ಮೋಪ್ತಾರೌ ದೃಷ್ಟ್ವಾ ಸಂಛಾದಿತೌ ಶರೈಃ॥ 8-52-39 (57650) ಸಿದ್ಧಚಾರxxxxxಶ್ಚ ಸಂಪೇತುರ್ಶೈ ಸಮಂತತಃ। ಅಪಿ xxxxxxxx ಲೋಕಾನಾಮಿತಿ ಚಾಬ್ರುವನ್॥ 8-52-40 (57651) ನ ಮಯಾ xxxxxxxxxx ರಾಜಂದೃಷ್ಟಪೃರ್ವಃ ಪರಾಕಮಃ। xxxxxxxxxxxx ಕೃಷ್ಣೋ ಛಾದಯತೋ ರಣೇ॥ 8-52-41 (57652) xxxxxxxxxxxಶಬ್ದಂ ರಥಾನಾಂ ತ್ರಾಸನಂ ರಣೇ। xxxxxxxxxx ರಾಜನ್ಸಿಂಹಸ್ಯ ನದತೋ ಯಥಾ॥ 8-52-42 (57653) ಚರತೋ ಯುದ್ಧೇ ಸವ್ಯಂ ದಕ್ಷಿಣಮಸ್ಯತಃ। ವಿದ್ಯುದಂಭೋಧರಸ್ಯೇವ ಭ್ರಾಜಮಾನಾ ವ್ಯದೃಶ್ಯತ॥ 8-52-43 (57654) ಸ ತದಾ ಕ್ಷಿಪ್ರಕಾರೀ ಚ ದೃಢಹಸ್ತಶ್ಚ ಪಾಂಡವಃ। ಪ್ರಮೋಹಂ ಪರಮಂ ಗತ್ವಾ ಪ್ರೇಕ್ಷನ್ನಾಸ್ತೇ ಧನಂಜಯಃ॥ 8-52-44 (57655) ವಿಕ್ರಮಂ ಚರತೋ ಯುದ್ಧೇ ಸವ್ಯಂ ದಕ್ಷಿಣಮಸ್ಯತಃ। ವಿಕ್ರಮಂ ಚ ಹೃತಂ ಮೇನೇ ಆತ್ಮನಸ್ತೇನ ಸಂಯುಗೇ॥ 8-52-45 (57656) ಅಥಾಸ್ಯ ಸಮರೇ ರಾಜನ್ವಪುರಾಸೀತ್ಸುದುರ್ದೃಶಂ। ದ್ರೌಣೇಸ್ತತ್ಕುರ್ವತಃ ಕರ್ಮ ಯಾದೃಗ್ರೂಪಂ ಪಿನಾಕಿನಃ॥ 8-52-46 (57657) ವರ್ಧಮಾನೇ ತತಸ್ತತ್ರ ದ್ರೋಣಪುತ್ರೇ ವಿಶಾಂಪತೇ। ಹೀಯಮಾನೇ ಚ ಕೌಂತೇಯೇ ಕೃಷ್ಣಂ ರೋಷಃ ಸಮಾವಿಶತ್॥ 8-52-47 (57658) ಸ ರೋಷಾನ್ನಿಶ್ವಸನ್ರಾಜನ್ನಿರ್ದಹನ್ನಿವ ಚಕ್ಷುಷಾ। ದ್ರೌಣಿಂ ದದರ್ಶ ಸಂಗ್ರಾಮೇ ಫಲ್ಗುನಂ ಚ ಮುಹುರ್ಮುಹುಃ॥ 8-52-48 (57659) ತತಃ ಕೃಷ್ಣೋಽಬ್ರವೀತ್ಕ್ರುದ್ಧಃ ಪಾರ್ಥಂ ಸಪ್ರಣಯಂ ವಚಃ॥ 8-52-49 (57660) ಅತ್ಯದ್ಭುತತಮಿದಂ ಪಾರ್ಥ ತ್ವಯಿ ಪಶ್ಯಾಮಿ ಸಂಯುಗೇ। ಯತ್ತ್ವಾಂ ವಿಶೇಷಯತ್ಯಾಜೌ ದ್ರೋಣಪುತ್ರೋಽದ್ಯ ಭಾರತ॥ 8-52-50 (57661) ಕಚ್ಚಿತ್ತೇ ಗಾಂಡಿವಂ ಹಸ್ತೇ ಮುಷ್ಟಿರ್ವಾ ನ ವ್ಯಶೀರ್ಯತ। ಕಚ್ಚಿದ್ವೀರ್ಯಂ ಯಥಾಪೂರ್ವಂ ಭುಜಯೋರ್ವಾ ಬಲಂ ತವ॥ 8-52-51 (57662) ಉದೀರ್ಯಮಾಣಂ ಹಿ ರಣೇ ಪಶ್ಯಾಮಿ ದ್ರೌಣಿಮಾಹವೇ। ಗುರುಪುತ್ರ ಇತಿ ಹ್ಯೇನಂ ಮಾನಯನ್ಪಾಂಡವರ್ಷಭ। ಉಪೇಕ್ಷಾಂ ಮಾ ಕೃಥಾಃ ಪಾರ್ಥ ನಾಯಂ ಕಾಲ ಉಪೇಕ್ಷಿತುಂ'॥ 8-52-52 (57663) ಅರ್ಜುನ ಉವಾಚ। 8-52-53x (4972) ಪಶ್ಯ ಮಾಧವ ದೌರಾತ್ಂಯಂ ಗುರುಪುತ್ರಸ್ಯ ಮಾಂ ಪ್ರತಿ। ವಧಂ ಪ್ರಾಪ್ತೌ ಮನ್ಯತೇ ನೌ ಪ್ರಾವೇಶ್ಯ ಶವರೇಶ್ಮನಿ। ಏಷೋಸ್ಮಿ ಹನ್ಮಿ ಸಂಕಲ್ಪಂ ಶಿಕ್ಷಯಾ ಚ ಬಲೇನ ಚ॥ 8-52-53 (57664) `ಏವಮುಕ್ತ್ವಾಽಸ್ಯ ಚಿಚ್ಛೇದ ಭಲ್ಲೈಃ ಕರ್ಮಾರಮಾರ್ಜಿತೈಃ। ಧನುಶ್ಛತ್ರಂ ಪತಾಕಾಂ ಚ ರಥಶಕ್ತಿಂ ಗದಾಂ ವರಾಂ'॥ 8-52-54 (57665) ಅಶ್ವತ್ಥಾಂನಃ ಶರಾನಸ್ತಾಂಛಿತ್ತ್ವೈಕೈಕಂ ತ್ರಿಧಾ ತ್ರಿಧಾ। ವ್ಯಧಮದ್ಭರತಶ್ರೇಷ್ಠೋ ನೀಹಾರಮಿವ ಮಾರುತಃ॥ 8-52-55 (57666) ತತಃ ಸಂಶಪ್ತಕಾನ್ಭೂಯಃ ಸಾಶ್ವಸೂತರಥದ್ವಿಪಾನ್। ಧ್ವಜಪತ್ತಿಗಣಾನುರ್ಗ್ರೈರ್ಬಾಣೈರ್ವಿವ್ಯಾಧ ಪಾಂಡವಃ॥ 8-52-56 (57667) ಯೇ ಯೇ ದದೃಶಿರೇ ತತ್ರ ಯದ್ಯದ್ರೂಪಾಸ್ತದಾ ಜನಾಃ। ತೇ ತೇ ತತ್ರ ಶರೈರ್ವ್ಯಾಪ್ತಂ ಮೇನಿರೇಽಽತ್ಮಾನಮಾತ್ಮನಾ॥ 8-52-57 (57668) ತೇ ಗಾಂಡೀವಪ್ರಮುಕ್ತಾಸ್ತು ನಾನಾರೂಪಾಃ ಪತತ್ರಿಣಃ। ಕ್ರೋಶೇ ಸಾಗ್ರೇ ಸ್ಥಿತಾಂಜಘ್ನುರ್ದ್ವಿಪಾಂಶ್ಚ ಪುರುಷಾನ್ರಣೇ॥ 8-52-58 (57669) ಭಲ್ಲೈಶ್ಛಿನ್ನಾಃ ಕರಾಃ ಪೇತುಃ ಕರಿಣಾಂ ಮದವರ್ಷಿಣಾಂ। ಯಥಾ ವನೇ ಪರಶುಭಿರ್ನಿಕೃತ್ತಾಃ ಶಾಲ್ಮಲಿದ್ರುಮಾಃ॥ 8-52-59 (57670) ಪಶ್ಚಾತ್ತು ಶೈಲವತ್ಪತುಸ್ತೇ ಗಜಾಃ ಸಹ ಸಾದಿಭಿಃ। ವಜ್ರಿವಜ್ರಾವಮಥಿತಾ ಯಥೈವಾದ್ರಿಚಯಾಸ್ತಥಾ॥ 8-52-60 (57671) ಗಂಧರ್ವನಗರಾಕಾರಾನ್ರಥಾಂಶ್ಚೈವ ಸುಕಲ್ಪಿತಾನ್। ವಿನೀತೈರ್ಜವನೈರ್ಯುಕ್ತಾನಾಸ್ಥಿತಾನ್ಯುದ್ವದುರ್ಮದೈಃ॥ 8-52-61 (57672) ಶರೈರ್ವಿಶಕಲೀಕುರ್ವನ್ನಮಿತ್ರಾನಭ್ಯವೀವೃಷತ್। ಸ್ವಲಂಕೃತಾನಶ್ವಸಾದೀನ್ಪತ್ತೀಂಶ್ಚಾಹಂಧನಂಜಯಃ॥ 8-52-62 (57673) ಧನಂಜಯಯುಗಾಂತಾರ್ಕಃ ಸಂಶಪ್ತಕಮಹಾರ್ಣವಂ। ವ್ಯಶೋಷಯತ ದುಃಶೋಷಂ ತೀಕ್ಷ್ಣೈಃ ಶರಗಭಸ್ತಿಭಿಃ॥ 8-52-63 (57674) ಪುನರ್ದ್ರೌಣಿಮಹಾಶೈಲಂ ನಾರಾಚೈರ್ವಜ್ರಸನ್ನಿಭೈಃ। ನಿರ್ಬಿಭೇದ ಮಹಾವೇಗೈಸ್ತ್ವರನ್ವಜ್ರೀವ ಪರ್ವತಂ॥ 8-52-64 (57675) ತಮಾಚಾರ್ಯಸುತಃ ಕ್ರುದ್ಧಃ ಸಾಶ್ವಯಂತಾರಮಾಶುಗೈಃ। ಯುಯುತ್ಸುರಾಗಮದ್ಯೋದ್ಧುಂ ಪಾರ್ಥಸ್ತಾನಚ್ಛಿನಚ್ಛರಾನ್॥ 8-52-65 (57676) ತತಃ ಪರಮಸಂಕ್ರುದ್ಧಃ ಕಾಂಡಕೋಶಮವಾಸೃಜತ್। ಅಶ್ವತ್ಥಾಮಾಭಿರೂಪಾಯ ಗೃಹಾನತಿಥಯೇ ಯಥಾ॥ 8-52-66 (57677) ಅಥ ಸಂಶಪ್ತಕಾಂಸ್ತ್ಯಕ್ತ್ವಾ ಪಾಂಡವೋ ದ್ರೌಣಿಮಭ್ಯಯಾತ್। ಅಪಾಂಕ್ತೇಯಾನಿವ ತ್ಯಕ್ತ್ವಾ ದಾತಾ ಪಾಂಕ್ತೇಯಮರ್ಥಿನಂ॥ 8-52-67 (57678) `ಸ್ಥಿತಾಃ ಸಂಶಪ್ತಕಾ ರಾಜಂದೃಷ್ಟ್ವಾ ಯುದ್ವಂ ಮಹಾತ್ಮನೋಃ'॥ ॥ 8-52-68 (57679) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ದ್ವಿಪಂಚಾಶೋಽಧ್ಯಾಯಃ॥ 52 ॥

8-53-0 (57680) ಸಂಜಯ ಉವಾಚ। 8-53-0x (4973) ತತಃ ಸಮಭವದ್ಯುದ್ಧಂ ಶುಕ್ರಾಂಗಿರಸವರ್ಚಸೋಃ। ನಕ್ಷತ್ರಮಭಿತೋ ವ್ಯೋಂನಿ ಶುಕ್ರಾಂಗಿರಸಯೋರಿವ॥ 8-53-1 (57681) ಸಂತಾಪಯಂತಾವನ್ಯೋನ್ಯಂ ದೀಪ್ತೈಃ ಶರಗಭಸ್ತಿಭಿಃ। ಲೋಕತ್ರಾಸಕರಾವಾಸ್ತಾಂ ವಿಮಾರ್ಗಸ್ಥೌ ಗ್ರಹಾವಿವ॥ 8-53-2 (57682) ತತೋಽವಿಧ್ಯದ್ಧುವೋರ್ಮಧ್ಯೇ ನಾರಾಚೈರರ್ಜುನೋ ಭೃಶಂ। ಸ ತೇನ ವಿಬಭೌ ದ್ರೌಣಿರೂರ್ಧ್ವರಶ್ಮಿರ್ಯಥಾ ರವಿಃ॥ 8-53-3 (57683) ಅಥ ಕೃಷ್ಣೌ ಶರಶತೈರಶ್ವತ್ಥಾಂನಾಽರ್ದಿತೌ ಭೃಶಂ। ಸ್ವರಶ್ಮಿಜಾಲವಿಕಚೌ ಯುಗಾಂತಾರ್ಕಾವಿವಾಸುತಃ॥ 8-53-4 (57684) ತತೋಽರ್ಜುನಃ ಸರ್ವತೋಧಾರಮಸ್ತ್ರ-- ಮವಾಸೃಜದ್ವಾಸುದೇವೇಽಭಿಭೂತೇ। ದ್ರೌಣಾಯನಿಶ್ಚಾಭ್ಯಹನತ್ಪೃಷತ್ಕೈ-- ರ್ವಜ್ರಾಗ್ನಿವೈವಸ್ವತದಂಡಕಲ್ಪೈಃ॥ 8-53-5 (57685) ಸ ಕೇಶವಂ ಚಾರ್ಜುನಂ ಚಾತಿತೇಜಾ ವಿವ್ಯಾಧ ಮರ್ಮಸ್ವತಿರೌದ್ರಕರ್ಮಾ। ಬಾಣೈಃ ಸುಮುಕ್ತೈರತಿತೀವ್ರವೇಗೈ-- ರ್ಯೈರಾಹತೋ ಮೃತ್ಯುರಪಿ ವ್ಯಥೇತ॥ 8-53-6 (57686) ದ್ರೌಣೇರಿಷೂನಿಷುಭಿಃ ಸನ್ನಿವಾರ್ಯ ವ್ಯಾಯಚ್ಛತಸ್ತದ್ದ್ವಿಗುಣೈಃ ಸುಪುಂಖೈಃ। ತಂ ಸಾಶ್ವಸೂತಧ್ವಜಮೇಕವೀರ-- ಮಾವೃತ್ಯ ಸಂಶಪ್ತಕಸೈನ್ಯಮಾರ್ಚ್ಛತ್॥ 8-53-7 (57687) ಧನೂಂಷಿ ಬಾಣಾನಿಷುಧೀರ್ಧನುರ್ಜ್ಯಾಃ ಪಾಣೀನ್ಭುಜಾನ್ಪಾಣಿಗತಂ ಚ ಶಸ್ತ್ರಂ। ಛತ್ರಾಣಿ ಕೇತೂಂಸ್ತುರಗಾನ್ರಥೇಷಾಂ ವಸ್ತ್ರಾಣಿ ಮಾಲ್ಯಾನ್ಯಥಾ ಭೂಷಣಾನಿ॥ 8-53-8 (57688) ಚರ್ಮಾಣಿ ವರ್ಮಾಣಿ ಮನೋರಮಾಣಿ ಪ್ರಸಹ್ಯ ಚೈಷಾಂ ಸ ಶಿರಾಂಸಿ ಚೈವ। ಸ್ರಿಚ್ಛೇದ ಪಾರ್ಥೋ ದ್ವಿಷತಾಂ ಸುಮುಕ್ತೈ-- ರ್ಬಾಣೈಃ ಸ್ಥಿತಾನಾಮಪರಾಙ್ಮುಖಾನಾಂ॥ 8-53-9 (57689) ಸುಕಲ್ಪಿತಾಃ ಸ್ಮಂದನವಾಜಿನಾಗಾಃ ಸಮಾಸ್ಥಿತಾಃ ಕೃತಯತ್ನೈರ್ನೃವೀರೈಃ। ಪಾರ್ಥೇರಿತೈರ್ಬಾಣಶತೈರ್ನಿರಸ್ತಾ-- ಸ್ತೈರೇವ ಸಾರ್ಧಂ ನೃವರೈರ್ವಿನೇಶುಃ॥ 8-53-10 (57690) ಪದ್ಮಾರ್ಕಪೂರ್ಣೇಂದುನಿಭಾನನಾನಿ ಕಿರೀಟಮಾಲ್ಯಾಭರಣೋಜ್ಜ್ವಲಾನಿ। ಭಲ್ಲಾರ್ಧಚಂದ್ರಕ್ಷುರಸನ್ನಿಕೃತ್ತಾ-- ನ್ಯಪಾತಯಚ್ಛತ್ರುಶಿರಾಂಸ್ಯಜಸ್ರಂ॥ 8-53-11 (57691) ಅಥ ದ್ವಿಪೈರ್ದೈತ್ಯರಿಪುದ್ವಿಪಾಭೈ-- ರ್ದೇವಾರಿಕಲ್ಪಾ ಬಲಮನ್ಯುಕಲ್ಪೈಃ। ಕಲಿಂಗವಂಗಾಂಗನಿಷಾದವೀರಾ ಜಿಘಾಂಸವಃ ಪಾಂಡವಮಭ್ಯಧಾವನ್॥ 8-53-12 (57692) ತೇಷಾಂ ದ್ವಿಪಾನಾಂ ನಿಚಕರ್ತ ಪಾರ್ಥೋ ವರ್ಮಾಣಿ ಚರ್ಮಾಣಿ ಕರಾನ್ನಿಯಂತೄನ್। ಧ್ವಜಾಃ ಪತಾಕಾಶ್ಚ ತತಃ ಪ್ರಪೇತು-- ರ್ವಜ್ರಾಹತಾನೀವ ಗಿರೇಃ ಶಿರಾಂಸಿ॥ 8-53-13 (57693) ತೇಷು ಪ್ರಭಗ್ನೇಷು ಗುರೋಸ್ತನೂಜಂ ಬಾಣೈಃ ಕಿರೀಟಿ ನವಸೂರ್ಯವರ್ಣೈಃ। ಪ್ರಚ್ಛಾದಯಾಮಾಸ ಮಹಾಭ್ರಜಾಲೈ-- ರ್ವಾಯುಃ ಸಮುದ್ಯಂತಮಿವಾಂಶುಮಂತಂ॥ 8-53-14 (57694) ತತೋಽರ್ಜುನೇಷೂನಿಷುಭಿರ್ನಿರಸ್ಯ ದ್ರೌಣಿಃ ಶಿತೈರರ್ಜುನವಾಸುದೇವೌ। ಪ್ರಚ್ಛಾದಯಿತ್ವಾ ದಿವಿ ಚಂದ್ರಸೂರ್ಯೌ ನನಾದ ಸೋಽಂಭೋದ ಇವಾತಪಾಂತೇ॥ 8-53-15 (57695) ತಮರ್ಜುನಸ್ತಾಂಶ್ಚ ಪುನಸ್ತ್ವದೀಯಾ-- ನಭ್ಯರ್ದಿತಸ್ತೈರಭಿಸೃತ್ಯ ಶಸ್ತ್ರೈಃ। ವಾಣಾಂಧಕಾರಂ ಸಹಸೈವ ಕೃತ್ತ್ವಾ ವಿವ್ಯಾಧ ಪಾರ್ಥೋ ವರಹೇಮಪುಂಖೈಃ॥ 8-53-16 (57696) ನಾಪ್ಯಾದದತ್ಸಂದಧನ್ನೈವ ಮುಂಚ-- ನ್ಬಾಣಾನ್ರಥೇಽದೃಶ್ಯತ ಸವ್ಯಸಾಚೀ। ರಥಾಂಶ್ಚ ನಾಗಾಂಸ್ತುರಗಾನ್ಪದಾತೀನ್ ಸಂಸ್ಯೂತದೇಹಾಂದದೃಶುರ್ಹತಾಂಶ್ಚ॥ 8-53-17 (57697) ಸಂಧಾಯ ನಾರಾಚವರಾಂದಶಾಶು ದ್ರೌಣಿಸ್ತ್ವರನ್ನೇಕಮಿವೋತ್ಸಸರ್ಜ। ತೇಷಾಂ ಚ ಪಂಚಾರ್ಜುನಮಭ್ಯವಿಧ್ಯ-- ನ್ಪಂಚಾಚ್ಯುತಂ ನಿರ್ಬಿಭುದುಃ ಸುಪುಂಖಾಃ॥ 8-53-18 (57698) ತೈರಾಹತೌ ಸರ್ವಮನುಷ್ಯಮುಖ್ಯಾ-- ವಸೃಕ್ಸ್ರವಂತೌ ಧನದೇಂದ್ರಕಲ್ಪೌ। ಸಮಾಪ್ತವಿದ್ಯೇನ ತಥಾಽಭಿಭೂತೌ ಹತೌ ರಣೇ ತಾವಿತಿ ಮೇನಿರೇಽನ್ಯೇ॥ 8-53-19 (57699) ಅಥಾರ್ಜುನಂ ಪ್ರಾಹ ದಶಾರ್ಹನಾಥಃ ಪ್ರಮಾದ್ಯಸೇ ಕಿಂ ಜಹಿ ಯೋಧಮೇತಂ। ಕುರ್ಯಾದ್ಧಿ ದೋಷಂ ಸಮುಪೇಕ್ಷಿತೋಽಯಂ ಕಷ್ಟೋ ಭವೇದ್ವ್ಯಾಧಿರಿವಾಕ್ರಿಯಾವಾನ್॥ 8-53-20 (57700) ತಥೇತಿ ಚೋಕ್ತ್ವಾಽಚ್ಯುತಮಪ್ರಮಾದೀ ದ್ರೌಣೇಃ ಪ್ರಹಸ್ಯಾಶು ಕಿರೀಟಮಾಲೀ। ಭುಜೌ ವರೌ ಚಂದನಸಾರದಿಗ್ಧೌ ವಕ್ಷಃ ಶಿರೋಽಥಾಪ್ರತಿಮೌ ತಥೋರೂ॥ 8-53-21 (57701) ಗಾಂಡೀವಮುಕ್ತೈಃ ಕುಪಿತಾಹಿಕಲ್ಪೈ-- ದ್ರೌಣಿಂ ಶರೈಃ ಸಂಯತಿ ನಿರ್ಬಿಭೇದ। ಛಿತ್ತ್ವಾ ತು ರಶ್ಮೀಂಸ್ತುರಗಾನವಿಧ್ಯ-- ತ್ತೇ ತಂ ರಣಾದೂಹುರತೀವ ದೂರಂ॥ 8-53-22 (57702) ಸ ತೈರ್ಹೃತೋ ವಾತಜವೈಸ್ತುರಂಗೈ- ರ್ದ್ರೌಣಿರ್ದೃಢಂ ಪಾರ್ಥಶರಾಭಿಭೂತಃ। ಆವೃತ್ಯ ನೈವ ವ್ಯಷಹತ್ಸ ಯೋದ್ಧುಂ ಪಾರ್ಥೇನ ಸಾರ್ಧಂ ಮತಿಮಾನ್ವಿಮೃಶ್ಯ। 8-53-23 (57703) ಜಾನಂಜಯಂ ನಿಯತಂ ವೃಷ್ಣಿವೀರೇ ಧನಂಜಯೇ ಚಾಂಗಿರಸಾಂ ವರಿಷ್ಠಃ॥ ವಿವೇಶ ಕರ್ಣಸ್ಯ ಬಲಂ ತರಸ್ವೀ ಭಗ್ನೋತ್ಸಾಹಃ ಕ್ಷೀಣವಾಣಾಸ್ತ್ರಯೋಗಃ॥ 8-53-24 (57704) ಪ್ರತೀಪಕಾಮೇ ತು ರಣಾದಶ್ವತ್ಥಾಂನಿ ಹೃತೇ ಹಯೈಃ। ಮಂತ್ರೌಷಧಿಕ್ರಿಯಾಯೋಗೈರ್ವ್ಯಾಧೌ ದೇಹಾದಿವಾಹೃತೇ॥ 8-53-25 (57705) ಸಂಶಪ್ತಕಾನಭಿಮುಖೌ ಪ್ರಯಾತೌ ಕೇಶವಾರ್ಜುನೌ। ವಾತೋದ್ವೂತಪತಾಕೇನ ಸ್ಯಂದನೇನೌಘನಾದಿನಾ॥ ॥ 8-53-26 (57706) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ತ್ರಿಪಂಚಾಶೋಽಧ್ಯಾಯಃ॥ 53 ॥

8-54-0 (57707) ಸಂಜಯ ಉವಾಚ। 8-54-0x (4974) ಅಥೋತ್ತರೇಣ ಪಾಂಡೂನಾಂ ಸೇನಾಯಾಂ ಧ್ವನಿರುತ್ಥಿತಃ। ರಥನಾಗಾಶ್ವಪತ್ತೀನಾಂ ದಂಡಧಾರೇಣ ವಧ್ಯತಾಂ॥ 8-54-1 (57708) ನಿವರ್ತಯಿತ್ವಾ ತು ರಥಂ ಕೇಶವೋಽರ್ಜುನಮಬ್ರವೀತ್। ವಾಹಯನ್ನೇವ ತುರಗಾನ್ಗರುಡಾನಿಲರಂಹಸಃ॥ 8-54-2 (57709) ಮಾಗಧೋಽಸಾವತಿಕ್ರಾಂತೋ ದ್ವಿರದೇನ ಪ್ರಮಾಥಿನಾ। ಭಗದತ್ತಾದನವಮಃ ಶಿಕ್ಷಯಾ ಚ ಬಲೇನ ಚ॥ 8-54-3 (57710) ಏನಂ ಹತ್ವಾ ನಿಹಂತಾಽಸಿ ಪುನಃ ಸಂಶಪ್ತಕಾನಿತಿ। ವಾಕ್ಯಾಂತೇ ಪ್ರಾಪಯತ್ಪಾರ್ಥಂ ದಂಡಧಾರಗಜಂ ಪ್ರತಿ॥ 8-54-4 (57711) ಸ ಮಾಗಧಾನಾಂ ಪ್ರವರೋ ಮಹಾಬಲೋಽ-- ಶುಭಗ್ರಹೋ ಯೋಧಗಣೈಃ ಸಮನ್ವಿತಃ। ಸಪತ್ನಸೇನಾಂ ಪ್ರಮಮಾಥ ದಾರುಣೋ ಭೀಮಂ ಸಮಗ್ರಾಂ ಬಲವಾನಿವ ಗ್ರಹಂ॥ 8-54-5 (57712) ಸುಕಲ್ಪಿತಂ ದಾನವನಾಗಸನ್ನಿಭಂ ಮಹಾಭ್ರನಿರ್ಹಾದಸಮಸ್ವನಂ ರಣೇ। ಸಮಾಸ್ಥಿತೋ ನಾಗವರಂ ನರೇಶ್ವರೋ ರಥಾಶ್ವಮಾತಂಗನರಪ್ರಮಾಥಿನಂ॥ 8-54-6 (57713) ಸ ನಾಗಯಂತೄನ್ಸಮರೇ ಮಹಾರಥಾ-- ನ್ಸಪತ್ತಿಸಂಘಾಂಸ್ತುರಗಾನ್ಸಸಾದಿನಃ। ದ್ವಿಪಾಂಶ್ಚ ಬಾಣೈರ್ನಿಜಘಾನ ವೀರ್ಯವಾ-- ನ್ಸಮಂತತೋ ಘ್ನನ್ನಿವ ಕಾಲಚಕ್ರವತ್॥ 8-54-7 (57714) ನರಾಂಸ್ತು ಕಾಂಸ್ಯಾಯಸವರ್ಮಭೂಷಣಾ-- ನ್ನಿಪಾತ್ಯ ಸಾಶ್ವಾನಪಿ ಪತ್ತಿಭಿಃ ಸಹ। ವ್ಯಪೋಥಯದ್ದಂತಿವರೇಣ ಶುಷ್ಮಿಣಾ ಸಶಬ್ದವತ್ಸ್ಥೂಲನಲಂ ಯಥಾ ತಥಾ॥ 8-54-8 (57715) ಅಥಾರ್ಜುನೋ ಜ್ಯಾತಲನೇಮಿನಿಃಸ್ವನೇ ಮೃದಂಗಭೇರೀಬಹುಶಂಖನಾದಿತೇ। ರಥಾಶ್ವಮಾತಂಗಸಹಸ್ರನಾದಿತೇ ರಥೋತ್ತಮೇನಾಭ್ಯಪತದ್ದ್ವಿಪೋತ್ತಮಂ॥ 8-54-9 (57716) ತತೋಽರ್ಜುನಂ ದ್ವಾದಶಭಿಃ ಶರೋತ್ತಮೈ-- ರ್ಜನಾರ್ದನಂ ಷೋಡಶಭಿಃ ಸಮಾರ್ಪಯತ್। ಸ ದಣ಼್ಡಧಾರಸ್ತುರಗಾಂಸ್ತ್ರಿಭಿಸ್ತ್ರಿಭಿ--- ಸ್ತತೋ ನನಾದ ಪ್ರಜಹಾಸ ಚಾಸಕೃತ್॥ 8-54-10 (57717) ತತೋಽಸ್ಯ ಪಾರ್ಥಃ ಸಗುಣೇಷುಕಾರ್ಮುಕಂ ಚಕರ್ತ ಭಲ್ಲೈರ್ಧ್ವಜಮಪ್ಯಲಂಕೃತಂ। ಪುನರ್ನಿಯಂತೄನ್ಸಹಪಾದಗೋಪ್ತೃಭಿ-- ಸ್ತತಃ ಸ ಚುಕ್ರೋಧ ಗಿರಿವ್ರಜೇಶ್ವರಃ॥ 8-54-11 (57718) ತತೋಽರ್ಜುನಂ ಭಿನ್ನಕಟೇನ ದಂತಿನಾ ಘನಾಘನೇನಾನಿಲತುಲ್ಯರಂಹಸಾ। ಅತೀವ ಚುಕ್ರೋಧಯಿಷುರ್ಜನಾರ್ದನಂ ಘನಂಜಯಂ ಚಾಭಿಜಘಾನ ತೋಮರೈಃ॥ 8-54-12 (57719) ಅಥಾಸ್ಯ ಬಾಹೂ ದ್ವಿಪಹಸ್ತಸನ್ನಿಭೌ ಶಿರಶ್ಚ ಪೂರ್ಣೇಂದುನಿಭಾನನಂ ತ್ರಿಭಿಃ। ಕ್ಷುರೈಃ ಪ್ರಚಿಚ್ಛೇದ ಸಹೈವ ಪಾಂಡವ-- ಸ್ತತೋ ದ್ವಿಪಂ ಬಾಣಶತೈಃ ಸಮರ್ಪಯತ್॥ 8-54-13 (57720) ಸ ಪಾರ್ಥಬಾಣೈಸ್ತಪನೀಯಭೂಷಣೈಃ ಸಮಾವೃತಃ ಕಾಂಚನವರ್ಮಭೃದ್ದ್ವಿಪಃ। ಭೃಶಂ ಚಕಾಶೇ ನಿಶಿ ಪರ್ವತೋ ಯಥಾ ದಾವಾಗ್ನಿನಾ ಪ್ರಜ್ವಲಿತೌಷಧಿದ್ರುಮಃ॥ 8-54-14 (57721) ಸ ವೇದನಾರ್ತೋಽಂಬುದನಿಸ್ವನೋ ನದಂ-- ಶ್ಚರನ್ಭ್ರಮನ್ಪ್ರಸ್ಸ್ವಲಿತಾಂತರೋಽದ್ರವತ್। ಪಪಾತ ರುಗ್ಣಃ ಸನಿಯಂತೃಕಸ್ತಥಾ॥ ಯಥಾ ಗಿರಿರ್ವಜ್ರವಿದಾರಿತಸ್ತಥಾ॥ 8-54-15 (57722) ಹಿಮಾವದಾನೇನ ಸುವರ್ಣಮಾಲಿನಾ ಹಿಮಾದ್ರಿಕೂಟಪ್ರತಿಮೇನ ದಂತಿನಾ। ಹತೇ ರಣೇ ಭ್ರಾತರಿ ದಂಡ ಆವ್ರಜ-- ಜ್ಜಿಘಾಂಸುರಿಂದ್ರಾವರಜಂ ಧನಂಜಯಂ॥ 8-54-16 (57723) ಸತೋಮರೈರರ್ಕರಪ್ರಭೈಸ್ತ್ರಿಭಿ-- ರ್ಜನಾರ್ದನಂ ಪಂಚಭಿರರ್ಜುನಂ ಶಿತೈಃ। ಸಮರ್ಪಯಿತ್ವಾ ವಿನನಾದ ಚಾರ್ದಯಂ-- ಸ್ತತೋಽಸ್ಯ ಬಾಹೂ ನಿಚಕರ್ತ ಪಾಂಡವಃ॥ 8-54-17 (57724) ಕ್ಷುರಪ್ರಕೃತ್ತೌ ವಿಪುಲೌ ಸತೋಮರೌ ಶುಭಾಂಗದೌ ಚಂದನರೂಷಿತೌ ಭುಜೌ। ಗಜಾತ್ಪತಂತೌ ಯುಗಪದ್ವಿರೇಜತು-- ರ್ಯಥೋರಗೌ ಪರ್ವತಶೃಂಗವನ್ಮಹೀಂ॥ 8-54-18 (57725) ಅಥಾಽರ್ಧಚಂದ್ರೇಣ ಹತಂ ಕಿರೀಟಿನಾ ಪಪಾತ ದಂಡಸ್ಯ ಶಿರಃ ಕ್ಷಿತಿಂ ದ್ವಿಪಾತ್। ಸ ಶೋಣಿತಾರ್ದ್ರೋ ನಿಪತನ್ವಿರೇಜೇ ದಿವಾಕರೋಽಸ್ತಾದಿವ ಪಶ್ಚಿಮಾಂ ದಿಶಂ॥ 8-54-19 (57726) ಅಥ ದ್ವಿಪಂ ಶ್ವೇತನಗಾಗ್ರಸನ್ನಿಭಂ ದಿವಾಕರಾಂಶುಪ್ರತಿಮೈಃ ಶರೋತ್ತಮೈಃ। ಬಿಭೇದ ಪಾರ್ಥಃ ಸ ಪಪಾತ ನಾದಯನ್ ಹಿಮಾದ್ರಿಕೂಟಂ ಕುಲಿಶಾಹತಂ ಯಥಾ॥ 8-54-20 (57727) ತತೋಽಪರಂ ತತ್ಪ್ರತಿಮಾ ಗಜೋತ್ತಮಾ ಜಿಗೀಷವಃ ಸಂಯತಿ ಸವ್ಯಸಾಚಿನಾ। ತಥಾ ಕೃತಾಸ್ತೇಽಪಿ ಯಥೈವ ತೌ ದ್ವಿಪೌ ತತಃ ಪ್ರಭಗ್ನಂ ಸುಮಹದ್ರಿಪೋರ್ಬಲಂ॥ 8-54-21 (57728) ಗಜಾ ರಥಾಶ್ವಾಃ ಪುರುಷಾಶ್ಚ ಸಂಘಶಃ ಪರಸ್ಪರಘ್ನಾಃ ಪರಿಪೇತುರಾಹವೇ। ಪರಸ್ಪರಂ ಪ್ರಸ್ಖಲಿತಾಃ ಸಮಾಹತಾ ಭೃಶಂ ಚ ತತ್ತದ್ಬಹುಭಾಷಿಣೋ ಹತಾಃ॥ 8-54-22 (57729) ಅಥಾರ್ಜುನಂ ಸ್ವೇ ಪರಿವಾರ್ಯ ಸೈನಿಕಾಃ ಪುರಂದರಂ ದೇವಗಣಾ ಇವಾಬ್ರುವನ್। ಅಭೈಷ್ಮ ಯಸ್ಮಾನ್ಮರಣಾದಿವ ಪ್ರಜಾಃ ಸ ವೀರ ದಿಷ್ಟ್ಯಾ ನಿಹತಸ್ತ್ವಯಾ ರಿಪುಃ॥ 8-54-23 (57730) ನ ಚೇತ್ಪರಿತ್ರಾಸ್ಯದಿಮಾಂಜನಾನ್ಭಯಾ-- ದ್ದ್ವಿಷದ್ಭಿರೇವಂ ಬಲಿಭಿಃ ಪ್ರಪೀಡಿತಾನ್। ತಥಾಽಭವಿಷ್ಯದ್ದ್ವಿಷತಾಂ ಪ್ರಮೋದನಂ ಯಥಾ ಹತೇಷ್ವೇಷ್ವಿಹ ನೋಽರಿಸೂದನ॥ 8-54-24 (57731) ಇತೀವ ಭೂಯಶ್ಚ ಸುಹೃದ್ಭಿರೀಡಿತಾ ನಿಶಂಯ ವಾಚಃ ಸುಮನಾಸ್ತದಾಽರ್ಜುನಃ। ಯಥಾಽನುರೂಪಂ ಪ್ರತಿಪೂಜ್ಯ ತಂ ಜನಂ ಜಗಾಮ ಸಂಶಪ್ತಕಸಂಘಹಾ ಪುನಃ॥ ॥ 8-54-25 (57732) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಚತುಃಪಂಚಾಶೋಽಧ್ಯಾಯಃ॥ 54 ॥

8-55-0 (57733) ಸಂಜಯ ಉವಾಚ। 8-55-0x (4975) ಪ್ರತ್ಯೇತ್ಯಾಥ ಪುನರ್ಜಿಷ್ಣುರ್ಜಿತ್ವಾ ಸಂಶಪ್ತಕಾನ್ಬಭೌ। ವಕ್ರಾನುವಕ್ರಗಮನಾದಂಗಾರಕ ಇವ ಗ್ರಹಃ॥ 8-55-1 (57734) ಪಾರ್ಥಬಾಣಹತಾ ರಾಜನ್ನರಾಶ್ವರಥಕುಂಜರಾಃ। ವಿಚೇಲುರ್ಬಭ್ರಮುರ್ನೇಶುಃ ಪೇತುರ್ಮಂಲುಶ್ಚ ಭಾರತ॥ 8-55-2 (57735) ಧುರ್ಯಾಂಧುರ್ಯೇತರಾನ್ಸೂತಾಂಧ್ವಜಾಂಶ್ಚಪಾಸಿಸಾಯಕಾನ್। ಪಾಣೀನ್ಪಾಣಿಗತಾಞ್ಶಸ್ತ್ರಾನ್ಬಾಹೂನಪಿ ಶಿರಾಂಸಿ ಚ॥ 8-55-3 (57736) ಭಲ್ಲೈಃ ಕ್ಷುರೈರರ್ಧಚಂದ್ರೈರ್ವತ್ಸದಂತೈಶ್ಚ ಪಾಂಡವಃ। ಚಿಚ್ಛೇದಾಮಿತ್ರವೀರಾಣಾಂ ಸಮರೇ ಪ್ರತಿಯುಧ್ಯತಾಂ॥ 8-55-4 (57737) ತಂ ಪ್ರವೀರಾಸ್ತ್ವದೀಯಾನಾಂ ನರ್ದಮಾನಾಽಭಿದುದ್ರುವುಃ। ವಾಸಿತಾರ್ಥೇ ಯುಯುತ್ಸಂತೋ ವೃಷಭಾ ವೃಷಭಂ ಯಥಾ। ನಿಪತಂತ್ಯರ್ಜುನಂ ಶೂರಾಃ ಶತಶೋಽಥ ಸಹಸ್ರಶಃ॥ 8-55-5 (57738) ತೇಷಾಂ ತಸ್ಯ ಚ ತದ್ಯುದ್ಧಮಭವದ್ರೋಮಹರ್ಷಣಂ। ತ್ರೈಲೋಕ್ಯವಿಜಯೇ ಯಾದೃಗ್ದೈತ್ಯಾನಾಂ ಸಹ ವಜ್ರಿಣಾ॥ 8-55-6 (57739) ತಮವಿಧ್ಯತ್ತ್ರಿಭಿರ್ಬಾಣೈರ್ದಂದಶೂಕೈರಿವಾಹಿಭಿಃ। ಉಗ್ರಾಯುಧಸ್ಯ ತಸ್ಯಾಶು ಶಿರಃ ಕಾಯಾದಪಾಹರತ್॥ 8-55-7 (57740) ತೇಽರ್ಜುನಂ ಸರ್ವತಃ ಕ್ರುದ್ಧಾ ನಾನಾಶಸ್ತ್ರೈರವೀವೃಷನ್। ಮರುದ್ಭಿಃ ಪ್ರೇರಿತಾ ಮೇಘಾ ಹಿಮವಂತಮಿವೋಷ್ಣಗೇ॥ 8-55-8 (57741) ಅಸ್ತ್ರೈರಸ್ತ್ರಾಣಿಂ ಸಂವಾರ್ಯ ದ್ವಿಷತಾಂ ಸರ್ವತೋಽರ್ಜುನಃ। ಸಂಯಗಸ್ತೈಃ ಶರೈಃ ಸರ್ವಾನಹಿತಾನಹನದ್ಬಹೂನ್॥ 8-55-9 (57742) ಛಿನ್ನತ್ರಿವೇಣುಜಂಘೇಷಾನ್ಹತಾಶ್ವಾನ್ಹತಸಾರಥೀನ್। ವಿಸ್ರಸ್ತಹಸ್ತತೂಣೀರಾನ್ವಿಚಕ್ರಥಕೇತನಾನ್॥ 8-55-10 (57743) ಸಂಛಿನ್ನರಶ್ಮಿಯೋಕ್ತ್ರಾಕ್ಷಾನ್ವ್ಯನುಕರ್ಷಯುಗಾನ್ರಥಾನ್। ವಿಧ್ವಸ್ತಸರ್ವಸನ್ನಾಹಾನ್ಬಾಣೈಶ್ಚಕ್ರೇಽರ್ಜುನಸ್ತ್ವರನ್॥ 8-55-11 (57744) ತೇ ರಥಾಸ್ತತ್ರ ವಿಧ್ವಸ್ತಾಃ ಪರಾರ್ದ್ವ್ಯಾ ಭಾಂತ್ಯನೇಕಶಃ। ಧನಿನಾಮಿವ ವೇಶ್ಮಾನಿ ಹತಾನ್ಯಗ್ನ್ಯನಿಲಾಂಬುಭಿಃ॥ 8-55-12 (57745) ದ್ವಿಪಾಃ ಸಂಭಿನ್ನಮರ್ಮಾಣೋ ವಜ್ರಾಶನಿಸಮೈಃ ಶರೈಃ। ಪೇತುರ್ಗಿರ್ಯಗ್ರವೇಶ್ಮಾನಿ ವಜ್ರವಾತಾಗ್ನಿಭಿರ್ಯಥಾ॥ 8-55-13 (57746) ಅನೇಕೈಶ್ಚ ಶಿಲಾಧೌತೈರ್ವಜ್ರಾನಲವಿಷೋಪಮೈಃ। ಶರೈರ್ನಿಜಘ್ನಿವಾನ್ಪಾರ್ಥೋ ಮಹೇಂದ್ರ ಇವ ದಾನವಾನ್॥ 8-55-14 (57747) ಸಾರೋಹಾಸ್ತುರಗಾಃ ಪೇತುರ್ಬಹವೋಽರ್ಜುನತಾಡಿತಾಃ। ನಿರ್ಜಿಹ್ವಾಂತ್ರಾಃ ಕ್ಷಿತೌ ಕ್ಷೀಣಾ ರುಧಿರಾರ್ದ್ರಾಃ ಸುದುರ್ದೃಶಃ॥ 8-55-15 (57748) ನರಾಶ್ವನಾಗಾ ನಾರಾಚೈಃ ಸಂಸ್ಯೂತಾಃ ಸವ್ಯಸಾಚಿನಾ। ಬಭ್ರಮುಶ್ಚಸ್ಖಲುಃ ಪೇತುರ್ನೇದುರ್ಮಂಲುಶ್ಚ ಮಾರಿಷ॥ 8-55-16 (57749) ಮಹಾರ್ಹವರ್ಮಾಭರಣಾ ನಾನಾರೂಪಾಂಬರಾಯುಧಾಃ। ಸರಥಾಶ್ವದ್ವಿಪಾ ವೀರಾ ಹತಾಃ ಪಾರ್ಥೇನ ಶೇರತೇ॥ 8-55-17 (57750) ನಿರ್ಭಯಾಃ ಪುಣ್ಯಕರ್ಮಾಣೋ ವಿಶಿಷ್ಟಾಭಿಜನಶ್ರುತಾಃ। ಗತಾಃ ಶರೀರೈರ್ವಸುಧಾಮೂರ್ಜಿತೈಃ ಕರ್ಮಭಿರ್ದಿವಂ॥ 8-55-18 (57751) ಅಥಾರ್ಜುನರಥಂ ವೀರಾಸ್ತ್ವದೀಯಾಃ ಸಮಭಿದ್ರವನ್। ನಾನಾಜನಪದಾಧ್ಯಕ್ಷಾಃ ಸಗಣಾ ಜಾತಮನ್ಯವಃ॥ 8-55-19 (57752) ಉಹ್ಯಮನಾ ರಥಾಶ್ವೇಭೈಃ ಪತ್ತಯಶ್ಚ ಜಿಘಾಂಸವಃ। ಸಮಭ್ಯಧಾವನ್ನಸ್ಯಂತೋ ವಿವಿಧಂ ಕ್ಷಿಪ್ರಮಾಯುಧಂ॥ 8-55-20 (57753) ತದಾಯುಧಮಹಾವರ್ಷಂ ಕ್ಷಿಪ್ತಂ ಯೋಧಮಹಾಂಬುದೈಃ। ವ್ಯಧಮನ್ನಿಶಿತೈರ್ಬಾಣೈಃ ಕ್ಷಿಪ್ರಮರ್ಜುನಮಾರುತಃ॥ 8-55-21 (57754) ಸಾಶ್ವಪತ್ತಿದ್ವಿಪರಥಂ ಮಹಾಶಸ್ತ್ರೌಘಸಂಪ್ಲವಂ॥ ಸಹಸಾ ಸಂತಿತೀರ್ಷಂತಂ ಪಾರ್ಥಂ ಶಸ್ತ್ರಾಸ್ತ್ರಸೇತುನಾ॥ 8-55-22 (57755) ಅಥಾಬ್ರವೀದ್ವಾಸುದೇವಃ ಪಾರ್ಥ ಕಿಂ ಕ್ರೀಡಸೇಽನಘ। ಸಂಶಪ್ತಕಾನ್ಪ್ರಮಥ್ಯೈನಾಂಸ್ತತಃ ಕರ್ಣವಧೇ ತ್ವರ॥ 8-55-23 (57756) ತಥೇತ್ಯುಕ್ತ್ವಾಽರ್ಜುನಃ ಕೃಷ್ಣಂ ಶಿಷ್ಟಾನ್ಸಂಶಪ್ತಕಾಂಸ್ತದಾ। ಕ್ಷಪಯಿಷ್ಯಂಸ್ತದಾ ಬಾಣೈರ್ದೈತ್ಯಾನಿಂದ್ರ ಇವಾವಧೀತ್॥ 8-55-24 (57757) ಆದದತ್ಸಂದಧನ್ನೇಷೃಂದೃಷ್ಟಃ ಕೈಶ್ಚಿದ್ರಣೇಽರ್ಜುನಃ। ವಿಮುಂಚನ್ವಾ ಶರಾಞ್ಶೀಘ್ರಂ ದೃಶ್ಯಂತೇ ವೈ ನರಾ ಹತಾಃ॥ 8-55-25 (57758) ಆಶ್ಚರ್ಯಮಿತಿ ಗೋವಿಂದೋ ಬ್ರುವನ್ನಶ್ವಾನಚೋದಯತ್। ಹಂಸಾಂಶುಗೌರಾಸ್ತೇ ಸೇನಾಂ ಹಂಸಾಃ ಸರ ಇವಾವಿಶನ್॥ 8-55-26 (57759) ತತಃ ಸಂಗ್ರಾಮಭೂಮಿಂ ತಾಂ ವರ್ತಮಾನೇ ಜನಕ್ಷಯೇ। ಅವೇಕ್ಷಮಾಣೋ ಗೋವಿಂದಃ ಸವ್ಯಸಾಚಿನಮಬ್ರವೀತ್॥ 8-55-27 (57760) ಏಷ ಪಾರ್ಥ ಮಹಾರೌದ್ರೋ ವರ್ತತೇ ಭರತಕ್ಷಯಃ। ಪೃಥಿವ್ಯಾಂ ಪಾರ್ಥಿವಾನಾಂ ವೈ ದುರ್ಯೋಧನಕೃತೇ ಮಹಾನ್॥ 8-55-28 (57761) ಪಶ್ಯ ಭಾರತ ಚಾಪಾನಿ ರುಕ್ಮಪೃಷ್ಠಾನಿ ಧನ್ವಿನಾಂ। ಹತಾನಾಮಪವಿದ್ಧಾನಿ ಕಲಾಪಾನಿಷುಧೀಂಸ್ತಥಾ॥ 8-55-29 (57762) ಜಾತರೂಪಮಯೈಃ ಪುಂಖೈಃ ಶರಾಂಶ್ಚ ನತಪರ್ವಣಃ। ತೈಲಧೌತಾಂಶ್ಚ ನಾರಾಚಾನ್ನಿರ್ಮುಕ್ತಾನಿವ ಪನ್ನಗಾನ್॥ 8-55-30 (57763) ಆಕೀರ್ಣಾಂಸ್ತೋಮರಾನ್ವಾಹಾಂಶ್ಛತ್ರಾನ್ಹೇಮವಿಭೂಷಿತಾನ್। ಚರ್ಮಾಣಿ ಚಾಪವಿದ್ಧಾನಿ ರುಕ್ಮಪೃಷ್ಠಾನಿ ಭಾರತ॥ 8-55-31 (57764) ಸುವರ್ಣವಿಕೃತಾನ್ಪ್ರಾಸಾಞ್ಶಕ್ತೀಃ ಕನಕಭೂಷಿತಾಃ। ಜಾಂಬೂನದಮಯೈಃ ಪಟ್ಟೈರ್ಬದ್ಧಾಶ್ಚ ವಿಪುಲಾ ಗದಾಃ॥ 8-55-32 (57765) ಜಾತರೂಪಮಯೀಶ್ಚರ್ಷ್ಟೀಃ ಪಟ್ಟಸಾನ್ಹೇಮಭೂಷಿತಾನ್। ದಂಡೈಃ ಕನಕಚಿತ್ರೈಶ್ಚ ವಿಪ್ರವಿದ್ಧಾನ್ಪರಶ್ವಥಾನ್॥ 8-55-33 (57766) ಪರಿಘಾನ್ಭಿಂಡಿಪಾಲಾಂಶ್ಚ ಭುಶುಂಡೀಃ ಕಣಪಾನಪಿ। ಅಯಸ್ಕುಂತಾಂಶ್ಚ ಪತಿತಾನ್ಮುಸಲಾನಿ ಗುರೂಣಿ ಚ॥ 8-55-34 (57767) ನಾನಾವಿಧಾನಿ ಶಸ್ತ್ರಾಣಿ ಪ್ರಗೃಹ್ಯ ಜಯಗೃದ್ಧಿನಃ। ಜೀವಂತ ಇವ ದೃಶ್ಯಂತೇ ಗತಸತ್ವಾಸ್ತರಸ್ವಿನಃ॥ 8-55-35 (57768) ಗದಾವಿಮಥಿತೈರ್ಗಾತ್ರೈರ್ಮುಸಲೈರ್ಭಿನ್ನಮಸ್ತಕಾನ್। ಗಜವಾಜಿರಥೈಃ ಕ್ಷುಣ್ಣಾನ್ಪಶ್ಯ ಯೋಧಾನ್ಸಹಸ್ರಶಃ॥ 8-55-36 (57769) ಮನುಷ್ಯಗಜವಾಜೀನಾಂ ಶರಶಕ್ತ್ಯೃಷ್ಟಿತೋಮರೈಃ। ನಿಸ್ತ್ರಿಂಶೈಃ ಪಟ್ಟಸೈಃ ಪ್ರಾಸೈರ್ನಖರೈರ್ಲಗುಡೈರಪಿ॥ 8-55-37 (57770) ಶರೀರೈರ್ಬಹುಘಾ ಛಿನ್ನೈಃ ಶೋಣಿತೌಘಪರಿಪ್ಲುತೈಃ। ಗತಾಸುಭಿರಮಿತ್ರಘ್ನ ಸಂವೃತಾ ರಣಭೂಮಯಃ॥ 8-55-38 (57771) ಬಾಹುಭಿಶ್ಚಂದನಾದಿಗ್ಧೈಃ ಸಾಂಗದೈಃ ಶುಭಭೂಷಣೈಃ। ಸತಲತ್ರೈಃ ಸಕೇಯೂರೈರ್ಭಾತಿ ಭಾರತ ಮೇದಿನೀ॥ 8-55-39 (57772) ಸಾಂಗುಲಿತ್ರೈರ್ಭುಜಾಗ್ರೈಶ್ಚ ವಿಪ್ರವಿದ್ವೈರಲಂಕೃತೈಃ। ಹಸ್ತಿಹಸ್ತೋಪಮೈಶ್ಛಿನ್ನೈರೂರುಭಿಶ್ಚ ತರಸ್ವಿನಾಂ॥ 8-55-40 (57773) ಬದ್ಧಚೂಡಾಮಣಿವರೈಃ ಶಿರೋಭಿಶ್ಚ ಸಕುಂಡಲೈಃ। `ನಿಕೃತ್ತೈರ್ವೃಷಭಾಕ್ಷಾಣಾಂ ಶರೀರೈಶ್ಚಾಪಿ ಸಂಘಶಃ॥ 8-55-41 (57774) ಗಜವಾಜಿಮನುಷ್ಯಾಣಾಂ ಶರಶಕ್ತ್ಯೃಷ್ಟಿತೋಮರೈಃ। ಕಬಂಧೈಃ ಶೋಣಿತಾದಿಗ್ಧೈಶ್ಛಿನ್ನಗಾತ್ರಶಿರೋಧರೈಃ। ಭೂರ್ಭಾತಿ ಭರತಶ್ರೇಷ್ಠ ಶಾಂತಾಗ್ನಿಭಿರಿವಾಧ್ವರೇ'॥ 8-55-42 (57775) ರಥಾಂಶ್ಚ ಬಹುಧಾ ಭಗ್ನಾನ್ಹೇಮಕಿಂಕಿಣಿನಃ ಶುಭಾನ್। ಅಶ್ವಾಂಶ್ಚ ಬುಹಧಾ ಪಶ್ಯ ಶೋಣಿತೇನ ಪರಿಪ್ಲುತಾನ್॥ 8-55-43 (57776) ಅನುಕರ್ಷಾನುಪಾಸಂಗಾನ್ಪತಾಕಾ ವಿವಿಧಾಂಧ್ವಜಾನ್। ಯೋಧಾನಾಂ ಚ ಮಹಾಶಂಖಾನ್ಪಾಂಡುರಾಂಶ್ಚ ಪ್ರಕೀರ್ಣಕಾನ್। ನಿರಸ್ತಜಿಹ್ವಾನ್ಮಾತಂಗಾಞ್ಶಯಾನಾನ್ಪರ್ವತೋಪಮಾನ್॥ 8-55-44 (57777) ವೈಜಯಂತೀರ್ವಿಚಿತ್ರಾಶ್ಚ ಹತಾಂಶ್ಚ ಗಜಯೋಧಿನಃ। ವಾರಣಾನಾಂ ಪರಿಸ್ತೋಮಾನ್ಸಂಯುಕ್ತಾನೇಕಕಂಬಲಾನ್॥ 8-55-45 (57778) ವಿಪಾಟಿತವಿಚಿತ್ರಾಶ್ಚ ರೂಪಚಿತ್ರಾಃ ಕುಥಾಸ್ತಥಾ। ಭಿನ್ನಾಶ್ಚ ಬಹುಧಾ ಘಂಟಾಃ ಪತದ್ಭಿಶ್ಚೂರ್ಣಿತಾ ಗಜೈಃ॥ 8-55-46 (57779) ವೈದೂರ್ಯಮಣಿದಂಡಾಂಶ್ಚ ಪತಿತಾಂಶ್ಚಾಂಕುಶಾನ್ಭುವಿ। ಅಶ್ವಾನಾಂ ಚ ಯುಗಾಪೀಡಾನ್ರತ್ನಚಿತ್ರಾನುರಶ್ಛದಾನ್॥ 8-55-47 (57780) ವಿದ್ಧಾಃ ಸಾದಿಧ್ವಜಾಗ್ರೇಷು ಸುವರ್ಣವಿಕೃತಾಃ ಕುಥಾಃ। ವಿಚಿತ್ರಾನ್ಮಣಿಚಿತ್ರಾಂಶ್ಚ ಜಾತರೂಪಪರಿಷ್ಕೃತಾನ್॥ 8-55-48 (57781) ಅಶ್ವಾಸ್ತರಪರಿಸ್ತೋಮಾನ್ರಾಂಕವಾನ್ಪತಿತಾನ್ಭುವಿ। ಚೂಡಾಮಣೀನ್ನರೇಂದ್ರಾಣಾಂ ವಿಚಿತ್ರಾಃ ಕಾಂಚನಸ್ರಜಃ। ಛತ್ರಾಣಿ ಚಾಪವಿದ್ಧಾನಿ ಚಾಮರವ್ಯಜನಾನಿ ಚ॥ 8-55-49 (57782) ಚಂದ್ರನಕ್ಷತ್ರಭಾಸೈಶ್ಚ ವದನೈಶ್ಚಾರುಕುಂಡಲೈಃ। ಕ್ಲೃಪ್ತಶ್ಮಶ್ರುಭಿರತ್ಯರ್ಥಂ ವೀರಾಣಾಂ ಸಮಲಂಕೃತೈಃ। ವದನೈಃ ಪಶ್ಯ ಸಂಛನ್ನಾಂ ಮಹೀಂ ಶೋಣಿತಕರ್ದಮಾಂ॥ 8-55-50 (57783) ಸಜೀವಾಂಶ್ಚ ನರಾನ್ಪಶ್ಯ ಕೂಜಮಾನಾನ್ಸಮಂತತಃ। ಉಪಾಸ್ಯಮಾನಾಂಶ್ಚ ಬಹೂನ್ನ್ಯಸ್ತಶಸ್ತ್ರೈಶ್ಚ ಭೂಪತೇ। ಜ್ಞಾತಿಭಿಶ್ಚ ಜಲಕ್ಲಿನ್ನಾನ್ರೋದಮಾನೈರ್ಮುಹುರ್ಮುಹುಃ॥ 8-55-51 (57784) ಉತ್ಕ್ರಾಂತಾನಪರಾನ್ಯೋಧಾಂಛಾದಯಿತ್ವಾ ತರಸ್ವಿನಃ। ಪುನರ್ಯುದ್ಧಾಯ ಗಚ್ಛಂತಿ ಜಯೇ ಲುಬ್ಧಾಃ ಪ್ರಮನ್ಯವಃ॥ 8-55-52 (57785) ಅಪರೇ ತತ್ರತತ್ರೈವ ಪರಿಧಾವಂತಿ ಮಾನವಾಃ। ಸನ್ನಿವೃತ್ತಾಶ್ಚ ತೇ ಶೂರಾ ದೃಷ್ಟಾ ಚೈತಾನ್ವಿಚೇತಸಃ॥ 8-55-53 (57786) ಜಲಂ ತ್ಯಕ್ತ್ವಾ ಪ್ರಧಾವಂತಿ ಕ್ರೋಶಮಾನಾಃ ಪರಸ್ಪರಂ। ಜಲಂ ಪೀತ್ವಾ ಮೃತಾನ್ಪಶ್ಯ ಪಿಬತೋಽನ್ಯಾಂಶ್ಚ ಭಾರತ॥ 8-55-54 (57787) ಪರಿಷ್ವಜ್ಯ ಪ್ರಿಯಾನನ್ಯೇ ಬಾಂಧವಾನ್ಬಂಧುವತ್ಸಲಾಃ। ವಿಸಂಜ್ಞಾನ್ಸಮರೇ ಯೋಧಾಂಸ್ತತ್ರತತ್ರ ಮಹಾರಣೇ॥ 8-55-55 (57788) ಪಶ್ಯಾಪರಾನ್ನರಶ್ರೇಷ್ಠ ಸಂದಷ್ಟೋಷ್ಠಪುಟಾನ್ಪುನಃ। ಭೃಕುಟೀಕುಟಿಲೈರ್ವಕ್ತ್ರೈಃ ಪ್ರೇಕ್ಷಮಾಣಾನ್ಮಹಾರಣಂ॥ 8-55-56 (57789) ಏತತ್ತವೈವಾನುರೂಪಂ ಕರ್ಮಾರ್ಜುನ ಮಹಾಹವೇ। ದಿವಿ ವಾ ದೇವರಾಜಸ್ಯ ತ್ವಯಾ ಯತ್ಕೃತಮಾಹವೇ॥ 8-55-57 (57790) ಸಂಜಯ ಉವಾಚ। 8-55-58x (4976) ಏವಂ ತಾಂ ದರ್ಶಯನ್ಕೃಷ್ಣೋ ಯುದ್ಧಭೂಮಿಂ ಕಿರೀಟಿನೇ। ಗಚ್ಛನ್ನೇವಾಶೃಣೋಚ್ಛಬ್ದಂ ದುರ್ಯೋಧನಬಲೇ ಮಹತ್॥ 8-55-58 (57791) ಶಂಖದುಂದುಭಿನಿರ್ಘೋಷಂ ಭೇರೀಪಣವನಿಃಸ್ವನಂ। ರಥಾಶ್ವನರನಾಗಾನಾಂ ಪಾದಶಬ್ದಾಂಶ್ಚ ದಾರುಣಾನ್॥ 8-55-59 (57792) ಪ್ರವಿಶ್ಯ ತದ್ಬಲಂ ಕೃಷ್ಣಸ್ತುರಗೈರ್ವಾತವೇಗಿತೈಃ। ಪಾಂಡ್ಯೇನಾಭ್ಯರ್ದಿತಂ ಸೈನ್ಯಂ ತ್ವದೀಯಂ ವೀಕ್ಷ್ಯ ವಿಸ್ಮಿತಃ॥ 8-55-60 (57793) ಸ ಹಿ ನಾನಾವಿಧೈರ್ಬಾಣೈರಿಷ್ವಸ್ತ್ರಪ್ರವರೋ ಯುಧಿ। ನ್ಯಹನದ್ದ್ವಿಷತಾಂ ಪೂಗಾನ್ಗತಾಸೂನಂತಕೋ ಯಥಾ॥ 8-55-61 (57794) ಗಜವಾಜಿಮನುಷ್ಯಾಣಾಂ ಶರೀರಾಣಿ ಶಿತೈಃ ಶರೈಃ। ಭಿತ್ತ್ವಾ ಪ್ರಹರತಾಂ ಶ್ರೇಷ್ಠೋ ವಿದೇಹಾಸೂನಪಾತಯತ್॥ 8-55-62 (57795) ಶತ್ರುಪ್ರವೀರೈರಸ್ತ್ರಾಣಿ ನಾನಾಶಸ್ತ್ರಾಣಿ ಸಾಯಕೈಃ। ಛಿತ್ತ್ವಾ ತಾನವಧೀಚ್ಛತ್ರೂನ್ಪಾಂಡ್ಯಃ ಶಕ್ರ ಇವಾಸುರಾನ್॥ ॥ 8-55-63 (57796) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಪಂಚಪಂಚಾಶೋಽಧ್ಯಾಯಃ॥ 55 ॥

8-56-0 (57797) ಧೃತರಾಷ್ಟ್ರ ಉವಾಚ। 8-56-0x (4977) ಪ್ರೋಕ್ತಸ್ತ್ವಯಾ ಪೂರ್ವಮೇವ ಪ್ರವೀರೋ ಲೋಕವಿಶ್ರುತಃ। ನ ತ್ವಸ್ಯ ಕರ್ಮ ಸಂಗ್ರಾಮೇ ತ್ವಯಾ ಸಂಜಯ ಕೀರ್ತಿತಂ॥ 8-56-1 (57798) ತಸ್ಯ ವಿಸ್ತರಶೋ ಬ್ರೂಹಿ ಪ್ರವೀರಸ್ಯಾದ್ಯ ವಿಕ್ರಮಂ। ಶಿಕ್ಷಾಂ ಪ್ರಭಾವಂ ವೀರ್ಯಂ ಚ ಪ್ರಮಾಣಂ ದರ್ಪಮೇವ ಚ॥ 8-56-2 (57799) ಸಂಜಯ ಉವಾಚ। 8-56-3x (4978) ಭೀಷ್ಮದ್ರೋಣಕೃಪದ್ರೌಣಿಕರ್ಣಾರ್ಜುನಜನಾರ್ದನಾನ್। ಸಮಾಪ್ತವಿದ್ಯಾಂಧನುಷಿ ಶ್ರೇಷ್ಠಾನ್ಯಾನ್ಸಪ್ತ ಮನ್ಯಸೇ॥ 8-56-3 (57800) ಯೋ ಹ್ಯಾಕ್ಷಿಪತಿ ವೀರ್ಯೇಣ ಸರ್ವಾನೇತಾನ್ಮಹಾರಥಾನ್। ನ ಮೇನೇ ಚಾತ್ಮನಾ ತುಲ್ಯಂ ಕಂಚಿದೇವ ನರೇಶ್ವರಂ॥ 8-56-4 (57801) ತುಲ್ಯತಾಂದ್ರೋಣಭೀಷ್ಮಾಭ್ಯಾಮಾತ್ಮನೋ ಯೋ ನ ಮೃಷ್ಯತೇ। ವಾಸುದೇವಾರ್ಜುನಾಭ್ಯಾಂ ಚ ನ್ಯೂನತಾಂ ನೈಚ್ಛತಾತ್ಮನಿ॥ 8-56-5 (57802) ಸ ಪಾಂಡ್ಯೋಽರ್ಥಪತಿಶ್ರೇಷ್ಠಃ ಸರ್ವಶಸ್ತ್ರಭೃತಾಂ ವರಃ। ಕರ್ಣಸ್ಯಾನೀಕಮಹನತ್ಪಾಶಹಸ್ತ ಇವಾಂತಕಃ॥ 8-56-6 (57803) ತದುದೀರ್ಣರಥಾಶ್ವೇಭಂ ಪತ್ತಿಪ್ರವರಸಂಕುಲಂ। ಕುಲಾಲಚಕ್ರವದ್ಧಾಂತಂ ಪಾಂಡ್ಯೇನಾಭ್ಯಾಹತಂ ಬಲಾತ್॥ 8-56-7 (57804) ವ್ಯಶ್ವಸೂತಧ್ವಜರಥಾನ್ವಿಪ್ರಯುಕ್ತಯುಗಾನ್ರಥಾನ್। ಸಂಯಗಸ್ತೈಃ ಶರೈಃ ಪಾಂಡ್ಯೋ ವಾಯುರ್ಮೇಘಾನಿವಾಕ್ಷಿಪತ್॥ 8-56-8 (57805) ದ್ವಿರದಾನ್ಪ್ರವರಾರೋಹಾನ್ವಿಪತಾಕಾಯುಧಧ್ವಜಾನ್। ಸ ಪಾದರಕ್ಷಾನಹನದ್ವಜ್ರೇಣಾದ್ರೀನಿವಾದ್ರಿಹಾ॥ 8-56-9 (57806) ಸ ಶಕ್ತಿಪ್ರಾಸತೂಣೀರಾನಶ್ವಾರೋಹಾನ್ಹಯಾನಪಿ। ಪುಲಿಂದಖಸಬಾಹ್ಲೀಕನಿಷಾದಾಂಧ್ರಕಕುಂತಲಾನ್॥ 8-56-10 (57807) ದಾಕ್ಷಿಣಾತ್ಯಾಂಶ್ಚ ಭೋಜಾಂಶ್ಚ ಶೂರಾನ್ಸಂಗ್ರಾಮಕರ್ಕಶಾನ್। ವಿಶಸ್ತ್ರಕವಚಾನ್ಬಾಣೈಃ ಕೃತ್ವಾ ಪಾಂಡ್ಯೋಽಕರೋದ್ವ್ಯಸೂನ್॥ 8-56-11 (57808) ಚತುರಂಗಂ ಬಲಂ ಬಾಣೈರ್ನಿಘ್ನಂತಂ ಪಾಂಡಯಮಾಹವೇ। ದೃಷ್ಟ್ವಾ ದ್ರೌಣಿರಸಂಭ್ರಾಂತಮಸಂಭ್ರಾಂತಸ್ತತೋಽಭ್ಯಯಾತ್॥ 8-56-12 (57809) ಆಭಾಷ್ಯ ಚೈನಂ ಮಧುರಮಭೀತಂ ತಮಭೀತವತ್। ಪ್ರಾಹ ಪ್ರಹರತಾಂ ಶ್ರೇಷ್ಠಃ ಸ್ಮಿತಪೂರ್ವಂ ಸಮಾಹ್ವಯತ್॥ 8-56-13 (57810) ರಾಜನ್ಕಮಲಪತ್ರಾಕ್ಷ ಪ್ರಧಾನಾಯುಧವಾಹನ। ವಜ್ರಸಂಹನನಪ್ರಖ್ಯ ಪ್ರಖ್ಯಾತಬಲಪೌರುಷ॥ 8-56-14 (57811) ಮುಷ್ಟಿಕ್ಲಿಷ್ಟಾಂಗುಲಿಭ್ಯಾಂ ಚ ವ್ಯಾಯತಾಭ್ಯಾಂ ಮಹದ್ಧನುಃ। ದೋರ್ಭ್ಯಾಂ ವಿಸ್ಫಾರಯನ್ಭಾಸಿ ಮಹಾಜಲದವದ್ಭೃಶಂ॥ 8-56-15 (57812) ಶರವರ್ಷೈರ್ಮಹಾವೇಗೈರಮಿತ್ರಾನಭಿವರ್ಷತಃ। ಮದನ್ಯಂ ನಾನುಪಶ್ಯಾಮಿ ಪ್ರತಿವೀರಂ ತವಾಹವೇ॥ 8-56-16 (57813) ರಥದ್ವಿರದಪತ್ತ್ಯಶ್ವಾನೇಕಃ ಪ್ರಮಥಸೇ ಬಹೂನ್। ಮೃಗಸಂಘಾನಿವಾರಣ್ಯೇ ವಿಭೀರ್ಭೀಮಬಲೋ ಹರಿಃ॥ 8-56-17 (57814) ಮಹತಾ ರಥಘೋಷೇಣ ದಿವಂ ಭೂಮಿಂ ಚ ನಾದಯನ್। ವರ್ಷಾಂತೇ ಸಸ್ಯಾಂ ಸೂರ್ಯೋ ಭಾಭಿರಾದೀಪಯನ್ನಿವ॥ 8-56-18 (57815) ಸಂಸ್ಪೃಶಾನಃ ಶರೈಃ ಪೂರ್ಣೌ ತೂಣೀ ಚಾಶೀವಿಷೋಪಮೈಃ। ಮಯೈವೈಕೇನ ಯುಧ್ಯಸ್ವ ತ್ರ್ಯಂಬಕೇನಾಂಧಕೋ ಯಥಾ॥ 8-56-19 (57816) ಏವಮುಕ್ತಸ್ತಥೇತ್ಯುಕ್ತ್ವಾ ಪ್ರಮಥ್ಯೈನಂ ಸ ಪಾರ್ಥಿವಃ। ಕರ್ಣಿನಾ ದ್ರೋಣತನಯಂ ವಿವ್ಯಾಧ ಮಲಯಧ್ವಜಃ॥ 8-56-20 (57817) ಮರ್ಮಭೇದಿಭಿರತ್ಯುಗ್ರೈರ್ಬಾಣೈರಗ್ನಿಶಿಖೋಪಮೈಃ। ಮರ್ಮಸ್ವಭ್ಯಹನದ್ದ್ರೌಣಿಃ ಪಾಂಡ್ಯಮಾಚಾರ್ಯನಂದನಃ॥ 8-56-21 (57818) ತತೋಽಪರಾನ್ನವಾಂಸ್ತೂರ್ಣಂ ನಾರಾಚಾನ್ಕಂಕವಾಸಸಃ। ಗತ್ಯಾ ದಶಂಯಾ ಸಂಯುಕ್ತಾನಶ್ವತ್ಥಾಮಾಽಪ್ಯವಾಸೃಜತ್॥ 8-56-22 (57819) ತಾನಚ್ಛಿನತ್ತದಾ ಪಾಂಡ್ಯಶ್ಚತುರ್ಭಿರಪರೈಃ ಶರೈಃ। ಚತುರೋಽಭ್ಯಾಹನಚ್ಚಾಶ್ವಾನಾಶು ತೇ ವ್ಯಸವೋಽಭವನ್॥ 8-56-23 (57820) ಅಥ ದ್ರೋಣಸುತಸ್ಯೇಷೂಂಸ್ತಾಂಛಿತ್ತ್ವಾ ನಿಶಿತೈಃ ಶರೈಃ। ಧನುರ್ಜ್ಯಾಂ ವಿತತಾಂ ಪಾಂಡ್ಯಶ್ಚಿಚ್ಛೇದಾದಿತ್ಯತೇಜಸಃ॥ 8-56-24 (57821) ದಿವ್ಯಂ ಧನುರಥಾಧಿಜ್ಯಂ ಕೃತ್ವಾ ದ್ರೌಣಿರಮಿತ್ರಹಾ। ಪ್ರೇಕ್ಷ್ಯ ಚಾಶು ರಥೇ ಯುಕ್ತಾನ್ನರೈರನ್ಯಾನ್ಹಯೋತ್ತಮಾನ್॥ 8-56-25 (57822) ತತಃ ಶರಸಹಸ್ರಾಣಿ ಪ್ರೇಷಯಾಮಾಸ ವೈ ದ್ವಿಜಃ। ಇಷುಸಂಬಾಧಮಾಕಾಶಮಕರೋದ್ದಿಶ ಏವ ಚ॥ 8-56-26 (57823) ತತಸ್ತಾನಸ್ಯತಃ ಸರ್ವಾಂದ್ರೌಣೇರ್ಬಾಣಾನ್ಮಹಾತ್ಮನಃ। ಜಾನಾನೋಪ್ಯಕ್ಷಯಾನ್ಪಾಂಡ್ಯೋ ಶಾತಯತ್ಪುರುಷರ್ಷಭಃ॥ 8-56-27 (57824) ಪ್ರಯುಕ್ತಾಂಸ್ತಾನ್ಪ್ರಯತ್ನೇನ ಛಿತ್ತ್ವಾ ದ್ರೌಣೇರಿಷೂನರಿಃ। ಚಕ್ರರಕ್ಷೌ ರಣೇ ತಸ್ಯ ಪ್ರಾಣುದನ್ನಿಶಿತೈಃ ಶರೈಃ॥ 8-56-28 (57825) ಅಥ ತಲ್ಲಾಘವಂ ದೃಷ್ಟ್ವಾ ಮಂಡಲೀಕೃತಕಾರ್ಮುಕಃ। ಪ್ರಾಸ್ಯದ್ದ್ರೋಣಸುತೋ ಬಾಣಾನ್ವೃಷ್ಟಿಂ ಪೂಷಾನುಜೋ ಯಥಾ॥ 8-56-29 (57826) ಅಷ್ಟಾವಷ್ಟಗವಾನ್ಯೂಹುಃ ಶಕಟಾನಿ ಯದಾಯುಧಂ। ಅಹ್ನಸ್ತದಷ್ಟಭಾಗೇನ ದ್ರೌಣಿಶ್ಚಿಕ್ಷೇಪ ಮಾರಿಷ॥ 8-56-30 (57827) ತಮಂತಕಮಿವ ಕ್ರುದ್ಧಮಂತಕಾಲಾಂತಕೋಪಮಂ। ಯೇ ಯೇ ದದೃಶಿರೇ ರೂಪಂ ವಿಸಂಜ್ಞಾಃ ಪ್ರಾಯಶೋಽಭವನ್॥ 8-56-31 (57828) ಆಚಾರ್ಯಪುತ್ರಸ್ತಾಂ ಸೇನಾಂ ಬಾಣವೃಷ್ಟ್ಯಾ ವ್ಯವೀವೃಷತ್। ಪರ್ಜನ್ಯ ಇವ ಘರ್ಮಾಂತೇ ವೃಷ್ಟ್ಯಾ ಸಾದ್ರಿದ್ರುಮಾಂ ಮಹಿಂ॥ 8-56-32 (57829) ದ್ರೌಣಿಪರ್ಜನ್ಯಮುಕ್ತಾಂ ತಾಂ ಬಾಣವೃಷ್ಟಿಂ ಸುದುಃಸಹಾಂ। ವಾಯವ್ಯಾಸ್ತ್ರೇಣ ಸ ಕ್ಷಿಪ್ರಂ ವಿದ್ಧ್ವಾ ಪಾಂಡ್ಯಾತಿಲೋಽನದತ್॥ 8-56-33 (57830) ತಸ್ಯ ನಾನದತಃ ಕೇತುಂ ಚಂದನಾಗುರುರೂಷಿತಂ। ಮಲಯಪ್ರತಿಮಂ ದ್ರೌಣಿಶ್ಛಿತ್ತ್ವಾಶ್ವಾಂಶ್ಚತುರೋಽಹನತ್॥ 8-56-34 (57831) ಸೂತಮೇಕೇಷುಣಾ ಹತ್ವಾ ಮಹಾಜಲದನಿಃಸ್ವನಂ। ಧನುಶ್ಛಿತ್ತ್ವಾಽರ್ಧಚಂದ್ರೇಣ ತಿಲಶೋ ವ್ಯಧಮದ್ರಥಂ॥ 8-56-35 (57832) ಅಸ್ತ್ರೈರಸ್ತ್ರಾಣಿ ಸಂವಾರ್ಯ ಛಿತ್ತ್ವಾ ಸರ್ವಾಯುಧಾನಿ ಚ। ಪ್ರಾಪ್ತಮಪ್ಯಹಿತಂ ದ್ರೌಣಿರ್ನಾಹನದ್ಯುದ್ಧತೃಷ್ಣಯಾ॥ 8-56-36 (57833) ಹತೇಶ್ವರೋ ದಂತಿವರಃ ಸುಕಲ್ಪಿತ-- ಸತ್ವರಾಭಿಸೃಷ್ಟಃ ಪ್ರತಿಶಬ್ದಗೋ ಬಲೀ। ತಮಾದ್ರವದ್ದ್ರೌಣಿಶರಾಹತಸ್ತ್ವರನ್ ಜವೇನ ಕೃತ್ವಾ ಪ್ರತಿಹಸ್ತಿಗರ್ಜಿತಂ॥ 8-56-37 (57834) ತಂ ವಾರಣಂ ವಾರಣಯುದ್ಧಕೋವಿದೋ ದ್ವಿಪೋತ್ತಮಂ ಪರ್ವತಸಾನುಸನ್ನಿಭಂ। ಸಂಭ್ಯತಿಷ್ಠನ್ಮಲಯಧ್ವಜಸ್ತ್ವರ-- ನ್ಯಥಾಽದ್ರಿಶೃಂಗಂ ಹರಿರುನ್ನದಂಸ್ತಥಾ॥ 8-56-38 (57835) ಸ ತೋಮರಂ ಭಾಸ್ಕರರಶ್ಮಿವರ್ಚಸಂ ಬಲಾಸ್ತ್ರಸರ್ಗೋತ್ತಮಯತ್ನಮನ್ಯುಭಿಃ। ಸಸರ್ಜ ಶೀಘ್ರಂ ಪರಿಪೀಡಯನ್ಗಜಂ ಗುರೋಃ ಸುತಾಯ ದ್ರವಿಡೇಶ್ವರೋ ನದನ್॥ 8-56-39 (57836) ಮಣಿಪ್ರವೇಕೋತ್ತಮವಜ್ರಹಾಟಕೈ-- ರಲಂಕೃತಂ ಚಾಂಶುಕಮಾಲ್ಯಮೌಕ್ತಿಕೈಃ। ಹತೋ ಮಯಾಸೀತ್ಯಸಕೃನ್ಮುದಾ ನದ-- ನ್ಪರಾಭಿನದ್ದ್ರೌಣಿವರಾಂಗಭೂಷಣಂ॥ 8-56-40 (57837) ತದರ್ಕಚಂದ್ರಗ್ರಹಪಾವಕತ್ವಿಷಂ ಭೃಶಾಭಿಘಾತಾತ್ಪತಿತಂ ವಿಘೂರ್ಣಿತಂ। ಮಹೇಂದ್ರವಜ್ರಾಭಿಹತಂ ಮಹಾಸ್ವನಂ ಯಥಾಽದ್ರಿಶೃಂಗಂ ಭರಣೀತಲೇ ತಥಾ॥ 8-56-41 (57838) ತತಃ ಪ್ರಜಜ್ವಾಲ ಪರೇಣ ಮನ್ಯುನಾ' ಪಾದಾಹತೋ ನಾಗಪತಿರ್ಯಥಾ ತಥಾ। ಸಮಾದದೇ ಚಾಂತಕದಂಡಸನ್ನಿಭಾ-- ನಿಷೂನಮಿತ್ರಾಂತಕರಾಂಶ್ಚತುರ್ದಶ॥ 8-56-42 (57839) ದ್ವಿಪಸ್ಯ ಪಾದಾಗ್ರಕರಾನ್ಸ ಪಂಚಭಿ-- ರ್ನೃಪಸ್ಯ ಬಾಹೂ ಚ ಶಿರೋಽಥ ಚ ತ್ರಿಭಿಃ। ಜಘಾನ ಪಡ್ಭಿಃ ಪಡೃತೂಪಮತ್ವಿಷಃ ಸ ಪಾಂಡ್ಯರಾಜಾನುಚರಾನ್ಮಹಾರಥಾನ್॥ 8-56-43 (57840) ಸುದೀರ್ಘವೃತ್ತೌ ವರಚಂದನೋಕ್ಷಿತೌ ಸುವರ್ಣಮುಕ್ತಾಮಣಿವಜ್ರಭೂಷಣೌ। ಭುಜೌ ಧರಾಯಾಂ ಪತಿತೌ ನೃಪಸ್ಯ ತೌ ವಿಚೇಷ್ಟತುಸ್ತಾರ್ಕ್ಷ್ಯಹತಾವಿವೋರಗೌ॥ 8-56-44 (57841) ಶಿರಶ್ಚ ತತ್ಪೂರ್ಣಶಶಿಪ್ರಭಾನನಂ ಸರೋಷತಾಂರಾಯತನೇತ್ರಮುನ್ನಸಂ। ಕ್ಷಿತಾವಪಿ ಭ್ರಾಜತಿ ತತ್ಸಕುಂಡಲಂ ವಿಶಾಖಯೋರ್ಮಧ್ಯಗತಃ ಶಶೀ ಯಥಾ॥ 8-56-45 (57842) [ಸ ತು ದ್ವಿಪಃ ಪಂಚಭಿರುತ್ತಮೇಷುಭಿಃ ಕೃತಃ ಷಡಂಶಶ್ಚತುರೋ ನೃಪಸ್ತ್ರಿಭಿಃ। ಕೃತೋ ದಶಾಂಶಃ ಕುಶಲೇನ ಯುಧ್ಯತಾ ಯಥಾ ಹವಿಸ್ತದ್ದಶ ದೈವತಂ ತಥಾ॥ 8-56-46 (57843) ಸ ಪಾದಶೋ ರಾಕ್ಷಸಭೋಜನಾನ್ಬಹೂನ್ ಪ್ರದಾಯ ಪಾಂಡ್ಯೋಽಶ್ವಮನುಷ್ಯಕುಂಜರಾನ್। ಸ್ವಧಾಮಿವಾಪ್ಯ ಜ್ವಲನಃ ಪಿತೃಪ್ರಿಯ-- ಸ್ತತಃ ಪ್ರಶಾಂತಃ ಸಲಿಲಪ್ರವಾಹತಃ]॥ 8-56-47 (57844) ಸಮಾಪ್ತವಿದ್ಯಂ ತು ಗುರೋಃ ಸುತಂ ನೃಪಃ ಸಮಾಪ್ತಕರ್ಮಾಣಮುಪೇತ್ಯ ತೇ ಸುತಃ। ಸುಹೃದ್ವೃತೋಽತ್ಯರ್ಥಮಪೂಜಯನ್ಮುದಾ ಜಿತೇ ಬಲೌ ವಿಷ್ಣುಮಿವಾಮರೇಶ್ವರಃ॥ ॥ 8-56-48 (57845) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಷಟ್ಪಂಚಾಶೋಽಧ್ಯಾಯಃ॥ 56 ॥

8-57-0 (57846) ದೃತರಾಷ್ಟ್ರ ಉವಾಚ। 8-57-0x (4979) ಪಾಂಡ್ಯೇ ಹತೇ ಕಿಮಕರೋದರ್ಜುನೋ ಜಯತಾಂವರಃ। ಏಕವೀರೇಣ ಕರ್ಣೇನ ದ್ರಾವಿತೇ ಚ ಯುಧಿಷ್ಠಿರೇ॥ 8-57-1 (57847) ಸಮಾಪ್ತವಿದ್ಯೋ ಬಲವಾನ್ಯುಕ್ತೋ ವೀರಶ್ಚ ಪಾಂಡವಃ। ಸರ್ವಭೂತೇಷ್ವನುಜ್ಞಾತಃ ಶಂಕರೇಣ ಮಹಾತ್ಮನಾ॥ 8-57-2 (57848) ತಸ್ಮಾನ್ಮಹದ್ಭಯಂ ತೀವ್ರಮಮಿತ್ರಘ್ನಾದ್ಧನಂಜಯಾತ್। ಸ ಯತ್ತತ್ರಾಕರೋತ್ಪಾರ್ಥಸ್ತನ್ಮಮಾಚಕ್ಷ್ವ ಸಂಜಯ॥ 8-57-3 (57849) ಸಂಜಯ ಉವಾಚ। 8-57-4x (4980) ಹತೇ ಪಾಂಡ್ಯೇಽರ್ಜುನಂ ಕೃಷ್ಣಸ್ತ್ವರನ್ನಾಹ ವಚೋ ಹಿತಂ। ಹತಂ ಪಶ್ಯ ಸ್ವರಾಜಾನಮಪಯಾತಾಂಶ್ಚ ಪಾಂಡವಾನ್॥ 8-57-4 (57850) ಕರ್ಣಂ ಪಶ್ಯ ಮಹಾರಂಗೇ ಜ್ವಲಂತಮಿವ ಪಾವಕಂ। ಅಸೌ ಭೀಮೋ ಮಹೇಷ್ವಾಸಃ ಪ್ರತಿವೃತ್ತೋ ರಣಂ ಪ್ರತಿ॥ 8-57-5 (57851) ತ ಇಮೇ ನಾನುವರ್ತಂತೇ ಧೃಷ್ಟದ್ಯುಂನಪುರೋಗಮಾಃ। ಪಾಂಚಾಲಾಃ ಸೃಂಜಯಾಶ್ಚೈವ ಪಾಂಡವಾನಾಂ ಚಮೂಮುಖಂ॥ 8-57-6 (57852) `ನಿವೃತ್ತೈಶ್ಚ ಪುನಃ ಪಾರ್ಥೈರ್ಭಗ್ನಂ ಶತ್ರುಬಲಂ ಮಹತ್'। ಕೌರವಾಂದ್ರವತೋ ಹ್ಯೇಷ ಕರ್ಣೋ ವಾರಯತೇ ಭೃಶಂ॥ 8-57-7 (57853) ಅಂತಕಪ್ರತಿಮೋ ವೇಗೇ ಶಕ್ರತುಲ್ಯಪರಾಕ್ರಮಃ। ಅಸೌ ಗಚ್ಛತಿ ಕೌಂತೇಯ ದ್ರೌಣಿಃ ಶಸ್ತ್ರಭೃತಾಂ ವರಃ॥ 8-57-8 (57854) ತಮೇಷ ಪ್ರದ್ರುತಃ ಸಂಖ್ಯೇ ಧೃಷ್ಟದ್ಯುಂನೋ ಮಹಾರಥಃ। ಅಶ್ವತ್ಥಾಂನಾ ಹತಾಃ ಸಂಖ್ಯೇ ಸರ್ವೇ ಕೌಂತೇಯ ಸೃಂಜಯಾಃ॥ 8-57-9 (57855) ರಥಾಶ್ವನರನಾಗಾನಾಂ ಕೃತಂ ಚ ಕದನಂ ಮಹತ್। ಇತ್ಯೇತತ್ಸರ್ವಮಾಚಷ್ಟ ವಾಸುದೇವಃ ಕಿರೀಟಿನೇ॥ 8-57-10 (57856) ಏತಚ್ಛ್ರುತ್ವಾ ಚ ದೃಷ್ಟ್ವಾ ಚ ಭ್ರಾತೃಣಾಂ ವ್ಯಸನಂ ಮಹತ್। ವಾಹಯಾಶ್ವಾನ್ಹೃಷೀಕೇಶ ಕ್ಷಿಪ್ರಮಿತ್ಯಾಹ ಪಾಂಡವಃ॥ 8-57-11 (57857) ತತಃ ಪ್ರಾಯಾದ್ಧೃಷೀಕೇಶೋ ರಥೇನಾಪ್ರತಿಮೋ ಯುಧಿ। `ತತೋ ರೇಣುಃ ಸಮಭವತ್ಪುನಸ್ತತ್ರ ಮಹಾರಣೇ॥ 8-57-12 (57858) ತತೋ ರಾಜನ್ಮಹಾನಾಸೀತ್ಸಂಗಾಮೋ ರೋಮಹರ್ಷಣಃ। ಸಿಂಹನಾದರವಾಶ್ಚಾತ್ರ ಪ್ರಾದುರಾಸನ್ಸಮಾಗಮೇ। ಉಭಯೋಃ ಸೇನಯೋ ರಾಜನ್ಮೃತ್ಯುಂ ಕೃತ್ವಾ ನಿವರ್ತನಂ॥ 8-57-13 (57859) ತತಃ ಹುನಃ ಸಮಾಜಗ್ಮುರಭೀತಾಃ ಕುರುಸೃಂಜಯಾಃ। ಯುಧಿಷರಮುಖಾಃ ಪಾರ್ಥಾ ವೈಕರ್ತನಮುಖಾ ವಯಂ॥ 8-57-14 (57860) ತತಃ ಪ್ರವವೃತೇ ಯೂದ್ಧಂ ಘೋರರೂಪಂ ವಿಶಾಂಪತೇ। ಕರ್ಣಸ್ಯ ಪಾಂಡವಾನಾಂ ಚ ಯಮರಾಷ್ಟ್ರವಿವರ್ಧನಂ॥ 8-57-15 (57861) ತಸ್ಮಿನ್ಪ್ರವೃತ್ತೇ ಸಂಗ್ರಾಮೇ ತುಮುಲೇ ರೋಮಹರ್ಷಣೇ। ಸಂಶಪ್ತಕೇಷು ವೀರೇಷು ಕಿಂಚಿಚ್ಛೇಷೇಷು ಭಾರತ॥ 8-57-16 (57862) ಧೃಷ್ಟದ್ಯುಂನೋ ಮಹಾರಾಜ ಸಹಿತಃ ಸರ್ವರಾಜಭಿಃ। ಕರ್ಣಮೇವಾಭಿದುದ್ರಾವ ಪಾಂಡವಾಶ್ಚ ಮಹಾರಥಾಃ॥ 8-57-17 (57863) ಆಗಚ್ಛಮಾನಾಂಸ್ತಾಂದೃಷ್ಟ್ವಾ ಸಂಗ್ರಮೇ ವಿಜಯೈಷಿಣಃ। ದಧಾರೈಕೋ ರಣೇ ಕಾರ್ಣೋ ಜಲೌಘಾನಿವ ಪರ್ವತಃ॥ 8-57-18 (57864) ಸಮಾಸಾದ್ಯ ತು ತೇ ಕರ್ಣಂ ವ್ಯಶೀರ್ಯಂತ ಮಹಾರಥಾಃ। ಯಥಾಽಚಲಂ ಸಮಾಸಾದ್ಯ ವಾರ್ಯೋಧಾಃ ಸರ್ವತೋದಿಶಂ॥ 8-57-19 (57865) ತಯೋರಾಸೀನ್ಮಹಾರಾಜ ಸಂಗ್ರಾಮೋ ಘೋರದರ್ಶನಃ। ಪ್ರವೃದ್ಧಯೋರ್ಮಹಾರಂಗೇ ಬಲಿನೋರ್ವಿಜಿಗೀಷತೋಃ॥ 8-57-20 (57866) ಧೃಷ್ಟದ್ಯುಂನಸ್ತು ರಾಧೇಯಂ ಶರೇಣಾನತಪರ್ವಣಾ। ಛಾದಯಾಮಾಸ ಸಂಕ್ರುದ್ಧಸ್ತಿಷ್ಠತಿಷ್ಠೇತಿ ಚಾಬ್ರವೀತ್॥ 8-57-21 (57867) ವಿಜಯಂ ತು ಧನುಃ ಶ್ರೇಷ್ಠಂ ವಿಧೃನ್ವಾನೋ ಮಹಾರಥಃ। ಪಾರ್ಷತಸ್ಯ ಧನುಶ್ಛಿತ್ತ್ವಾ ಶರಾಂಶ್ಚಾಶೀವಿಷೋಪಮಾನ್॥ 8-57-22 (57868) ವವರ್ಷ ಶರವರ್ಷಾಣಿ ತೋಯವರ್ಷಾನಿವಾಂಬುದಃ। ಛಾದಯಾಮಾಸ ಸಂಕ್ರುದ್ಧಃ ಪಾರ್ಷತಂ ನವಭಿಃ ಶರೈಃ॥ 8-57-23 (57869) ತೇ ಹೇಮವಿಕೃತಂ ವರ್ಮ ಭಿತ್ತ್ವಾ ತಸ್ಯ ಮಹಾತ್ಮನಃ। ಶೋಣಿತಾಕ್ತಾ ವ್ಯರಾಜಂತ ಶಕ್ರಗೋಪಾ ಇವಾನಘ॥ 8-57-24 (57870) ತದಪಾಸ್ಯ ಧನುಶ್ಛಿನ್ನಂ ಧೃಷ್ಟದ್ಯುಂನಃ ಪ್ರತಾಪವಾನ್। ತತೋಽನ್ಯದ್ಧನುರಾದಾಯ ಸಾರವದ್ಭಾರಸಾಧನಂ। ಕರ್ಣಂ ವಿವ್ಯಾಧ ಸಪ್ತತ್ಯಾ ಶರೈಃ ಸನ್ನತಪರ್ವಭಿಃ॥ 8-57-25 (57871) ತಥೈವ ರಾಜನ್ಕರ್ಣೋಽಪಿ ಪಾರ್ಷತಂ ಶತ್ರುತಾಪನಂ। ದ್ರೋಣಶತ್ರುಂ ಮಹೇಷ್ವಾಸೋ ವಿವ್ಯಾಧ ನಿಶಿತೈಃ ಶರೈಃ॥ 8-57-26 (57872) ಪುನರನ್ಯಂ ಮಹಾರಾಜ ಶರಂ ಕನಕಭೂಷಣಂ। ಪ್ರೇಷಯಾಮಾಸ ಸಮರೇ ಮೃತ್ಯುದಂಡಮಿವಾಪರಂ॥ 8-57-27 (57873) ತಮಾಪತಂತಂ ಸಹಸಾ ಘೋರರೂಪಂ ವಿಶಾಂಪತೇ। ಚಿಚ್ಛೇದ ಶತಧಾ ರಾಜನ್ಪಾರ್ಷತಃ ಕೃತಹಸ್ತವತ್॥ 8-57-28 (57874) ದೃಷ್ಟವಾನ್ಪತಿತಂ ಭೂಮೌ ಶರಂ ಕರ್ಣೋ ವಿಶಾಂಪತೇ॥ 8-57-29 (57875) ಪಾರ್ಷತಃ ಶರವರ್ಷೇಣ ಸಮಂತಾತ್ಪರ್ಯವಾರಯತ್। ವಿವ್ಯಾಧ ಚೈನಂ ತ್ವರಿತೋ ನಾರಾಚೈಃ ಸಪ್ತಭಿಸ್ತದಾ॥ 8-57-30 (57876) ತಂ ಪ್ರತ್ಯವಿಧ್ಯದ್ದಶಭಿಃ ಶರೈರ್ಹೇಮವಿಭೂಷಿತೈಃ। ತಯೋರ್ಯುದ್ಧಂ ಸಮಭವದ್ದೃಷ್ಟಿಶ್ರೋತ್ರಮನೋಹರಂ॥ 8-57-31 (57877) ಆಸೀದ್ಧೋರಂ ಚ ಚಿತ್ರಂ ಚ ಪ್ರೇಕ್ಷಣೀಯಂ ಚ ಸರ್ವಶಃ॥ 8-57-32 (57878) ಸರ್ವೇಷಾಂ ತತ್ರ ಭೂತಾನಾಂ ರೋಮಹರ್ಷೋ ವ್ಯಜಾಯತ। ದೃಷ್ಟ್ವಾ ತತ್ಸಮರೇ ಕರ್ಮ ಕರ್ಣಪಾರ್ಷತಯೋರ್ನೃಪ॥ 8-57-33 (57879) ಏತಸ್ಮಿನ್ನಂತರೇ ದ್ರೌಣಿರಭ್ಯಯಾತ್ತಂ ಮಹಾರಥಂ। ಪಾರ್ಷತಂ ಶತ್ರುದಮನಂ ಶತ್ರುವೀರ್ಯಾಸುನಾಶನಂ॥ 8-57-34 (57880) ಸ ದೃಷ್ಟ್ವಾ ಸಮರೇ ಯಾಂತಮಭೀತಂ ಚ ಮಹಾರಥಂ। ಅಭ್ಯಭಾಷತ ಸಂಕ್ರುದ್ಧಃ ಪಾರ್ಷತಂ ಶತ್ರುತಾಪನಂ॥ 8-57-35 (57881) ರಥಂ ರಥೇನ ಸಂಪೀಡ್ಯ ಪಾರ್ಷತಸ್ಯ ತು ಬ್ರಾಹ್ಮಣಃ॥ 8-57-36 (57882) ತಿಷ್ಠತಿಷ್ಠೇತಿ ಬ್ರಹ್ಮಘ್ನ ನ ಮೇ ಜೀವನ್ವಿಮೋಕ್ಷ್ಯಸೇ। ಇತ್ಯುಕ್ತ್ವಾ ಸುಭೃಶಂ ವೀರಃ ಶೀಘ್ರಕೃನ್ನಿಶಿತೈಃ ಶರೈಃ। ಛಾದಯಾಮಾಸ ಸಮರೇ ಯತಮಾನೋ ಮಹಾರಥಃ॥ 8-57-37 (57883) ಯತ್ನತಃ ಪರಯಾ ಶಕ್ತ್ಯಾ ಧೃಷ್ಟದ್ಯುಂನಂ ಮಹಾರಥಂ। ಯೋಧಯಾಮಾಸ ಸಮರೇ ಕ್ರುದ್ಧರೂಪೋ ವಿಶಾಂಪತೇ॥ 8-57-38 (57884) ತಯೋಸ್ತು ಸನ್ನಿಪಾತೇ ಹಿ ಘೋರರೂಪೋ ವಿಶಾಂಪತೇ॥ 8-57-39 (57885) ಯಥಾ ಹಿ ಸಮರೇ ದ್ರೌಣಿಃ ಪಾರ್ಷತಂ ದೃಶ್ಯತ ಮಾರಿಷ। ನಾತಿಹೃಷ್ಟಮನಾ ಹ್ಯಾಸೀನ್ಮನ್ವಾನೋ ಮೃತ್ಯುಮಾತ್ಮನಃ॥ 8-57-40 (57886) ಸ ಜ್ಞಾತ್ವಾ ಪಿತುರತ್ಯಂತರೈರಿಣಂ ತು ಮಹಾಹವೇ। ಆತ್ಮಾನಂ ಸಮರೇ ಜ್ಞಾತ್ವಾಽಶಸ್ತ್ರವಧ್ಯಂ ಮಹಾಬಲಃ। ಜವೇನಾಭಿಯಯೌ ದ್ರೌಣಿಂ ಕಾಲಃ ಕಾಲಕ್ಷಯೇ ಯಥಾ॥ 8-57-41 (57887) ದ್ರೌಣಿಸ್ತು ದೃಷ್ಟ್ವಾ ರಾಜೇಂದ್ರ ಧೃಷ್ಟದ್ಯುಂನಮವಸ್ಥಿತಂ। ಕ್ರೋಧೇನ ನಿಃಶ್ವಸನ್ವೀರಃ ಪಾರ್ಷದಂ ಸಮಭಿದ್ರವತ್॥ 8-57-42 (57888) ತಾವನ್ಯೋನ್ಯಂ ತು ದೃಷ್ಟ್ವೈವ ಸಂರಂಭಂ ಜಗ್ಮತುಃ ಪರಂ। ಪ್ರಗೃಹ್ಯ ಮಹತೀ ಚಾಪೇ ಶರಾಸನಸಮನ್ವಿತೇ॥ 8-57-43 (57889) ಅಥಾಬ್ರವೀನ್ಮಹಾರಾಜ ದ್ರೋಣಪುತ್ರಃ ಪ್ರತಾಪವಾನ್। ಧೃಷ್ಟದ್ಯುಂನಂ ಸಮೀಪಸ್ಥಂ ತ್ವರಮಾಣೋ ವಿಶಾಂಪತೇ॥ 8-57-44 (57890) ಪಾಂಚಾಲಾಪಶದಾದ್ಯ ತ್ವಾಂ ಪ್ರೇಷಯಾಮಿ ಯಮಕ್ಷಯಂ। ಪಾಪಂ ಹಿ ಯತ್ತ್ವಯಾ ಕರ್ಮ ಕೃತಂ ತಾತಂ ಘ್ನತಾ ರಣೇ॥ 8-57-45 (57891) ಅದ್ಯ ತ್ವಂ ಪ್ರಾಪ್ಸ್ಯಸೇ ತದ್ವೈ ಯಥಾ ಹ್ಯಕುಶಲಸ್ತಥಾ। ಅರಕ್ಷ್ಯಮಾಣಃ ಪಾರ್ಥೇನ ಯದಿ ತಿಷ್ಠಸಿ ಸಂಯುಗೇ। ನಾಪಕ್ರಾಮಸಿ ವಾ ಮೋಹಾತ್ಸತ್ಯಮೇತದ್ಬ್ರವೀಮಿ ತೇ॥ ॥ 8-57-46 (57892) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಸಪ್ತಪಂಚಾಶೋಽಧ್ಯಾಯಃ॥ 57 ॥

8-58-0 (57893) ಸಂಜಯ ಉವಾಚ। 8-58-0x (4981) ಏವಮುಕ್ತಃ ಪ್ರತ್ಯುವಾಚ ಧೃಷ್ಟದ್ಯುಂನಃ ಪ್ರತಾಪವಾನ್। ಆಶಿಷಂ ತಾಂ ಪ್ರವಕ್ತವ್ಯಾಂ ಮಾಮಕೋ ದಾಸ್ಯತೇ ತವ॥ 8-58-1 (57894) ಯೇನೈವ ತೇ ಪಿತುರ್ದತ್ತಾ ಯತಮಾನಸ್ಯ ಸಂಯುಗೇ। ಏಷ ತೇ ಪ್ರತಿವಾಕ್ಯಂ ವೈ ಅಸಿರ್ದಾಸ್ಯತಿ ಮಾಮಕಃ। ಯೇನ ಕೃತ್ತಂ ತವ ಪಿತುರ್ಯತಮಾನಸ್ಯ ತಚ್ಛಿರಃ॥ 8-58-2 (57895) ಯದಿ ತಾವನ್ಮಯಾ ದ್ರೋಣೋ ನಿಹತೋ ಬ್ರಾಹ್ಮಣಬ್ರುವಃ। ತ್ವಾಮಿದಾನೀಂ ಕಥಂ ಯುದ್ಧೇ ನ ಹನಿಷ್ಯಾಮಿ ಕಿಲ್ಬಿಷಂ॥ 8-58-3 (57896) ಏವಮುಕ್ತ್ವಾ ಮಹಾತೇಜಾಃ ಸೇನಾಪತಿರರಿಂದಮಃ। ಸುತೀಕ್ಷ್ಣೇನಾಥ ಭಲ್ಲೇನ ದ್ರೌಣಿಂ ವಿವ್ಯಾಧ ಪಾರ್ಷತಃ॥ 8-58-4 (57897) ತತೋ ದ್ರೌಣಿಃ ಸುಸಂಕ್ರುದ್ಧಃ ಶರೈಃ ಸನ್ನತಪರ್ವಭಿಃ। ಆಚ್ಛಾದಯದ್ದಿಶೋ ರಾಜಂಧೃಷ್ಟದ್ಯುಂನಸ್ಯ ಸಂಯುಗೇ॥ 8-58-5 (57898) ನೈವಾಂತರಿಕ್ಷಂ ನ ದಿಶೋ ನಾಪಿ ಯೋಧಾಃ ಸಹಸ್ರಶಃ। ದೃಶ್ಯಂತೇ ವೈ ಮಹಾರಾಜ ಶರೈಶ್ಛನ್ನಾಃ ಸಮಂತತಃ। ಏಕಃ ಸನ್ವಾರಯಾಮಾಸ ಪ್ರೇಕ್ಷಣೀಯಃ ಸಮಂತತಃ॥ 8-58-6 (57899) ತಥೈವ ಪಾರ್ಷತೋ ರಾಜಂದ್ರೌಣಿಮಾಹವಶೋಭಿನಂ। ಶರೈಃ ಸಂಛಾದಯಾಮಾಸ ಸೂತಪುತ್ರಸ್ಯ ಪಶ್ಯತಃ॥ 8-58-7 (57900) ರಾಧೇಯೋಽಪಿ ಮಹಾರಾಜ ಪಾಂಚಾಲಾನ್ಸಹ ಪಾಂಡವೈಃ। ದ್ರೌಪದೇಯಾ ಯುಧಾಮನ್ಯುಮುತ್ತಮೌಜಸಮೇವ ಚ॥ 8-58-8 (57901) ಸಾತ್ಯಕಿಶ್ಚ ಮಹಾರಾಜ ಯೋಧಾಂಶ್ಚಾನ್ಯಾನ್ಸಹಸ್ರಶಃ। ಏಕಸ್ತಾನ್ವಾರಯಾಮಾಸ ಪ್ರೇಕ್ಷಣೀಯಃ ಸಮಂತತಃ॥ 8-58-9 (57902) ಧೃಷ್ಟದ್ಯುಂನಸ್ತು ಸಮರೇ ದ್ರೌಣೇಶ್ಚಿಚ್ಛೇದ ಕಾರ್ಮುಕಂ। ಕ್ಷುರಪ್ರೇಣ ಸುತೀಕ್ಷ್ಣೇನ ಪಶ್ಯತಾಂ ಸರ್ವಯೋಧಿನಾಂ॥ 8-58-10 (57903) ತದಪಾಸ್ಯ ಧನುಶ್ಛಿನ್ನಮನ್ಯದಾದತ್ತ ಕಾರ್ಮುಕಂ। ವೇಗವತ್ಸಮರೇ ಘೋರಂ ಶರಾಂಶ್ಚಾಶೀವಿಷೋಪಮಾನ್॥ 8-58-11 (57904) ಸ ಪಾರ್ಷತಸ್ಯ ರಾಜೇಂದ್ರ ಧನುಃ ಶಕ್ತಿಂ ಗದಾಂ ಧ್ವಜಂ। ಹಯಾನ್ಸೂತಂ ರಥಂ ಚೈವ ನಿಮೇಷಾದ್ವ್ಯಧಮಚ್ಛರೈಃ॥ 8-58-12 (57905) ಸ ಚ್ಛಿನ್ನಧನ್ವಾ ವಿರಥೋ ಹತಾಶ್ವೋ ಹತಸಾರಥಿಃ। ಖಂಗಮಾದತ್ತ ವಿಪುಲಂ ಶತಚಂದ್ರಂ ಚ ಭಾನುಮತ್॥ 8-58-13 (57906) ದ್ರೌಣಿಸ್ತದಪಿ ರಾಜೇಂದ್ರ ಭಲ್ಲೈಃ ಕ್ಷಿಪ್ರಂ ಮಹಾರಥಃ। ಚಿಚ್ಛೇದ ಸಮರೇ ವೀರಃ ಕ್ಷಿಪ್ರಹಸ್ತೋ ದೃಢಾಯುಧಃ॥ 8-58-14 (57907) ರಥಾದನವರೂಢಸ್ಯ ಧನ್ವಿನೋ ಬಾಹುಶಾಲಿನಃ। ಪಶ್ಯತಾಂ ಸರ್ವಸೈನ್ಯಾನಾಂ ತದದ್ಭುತಮಿವಾಭವತ್॥ 8-58-15 (57908) ಧೃಷ್ಟದ್ಯುಂನಂ ತು ವಿರಥಂ ಹತಾಶ್ವರಥಸಾರಥಿಂ। ಶಸ್ತ್ರೈಶ್ಚ ಬಹುಧಾ ವಿದ್ಧಮಸ್ತ್ರೈಶ್ಚ ಶಕಲೀಕೃತಂ। ನಾತರದ್ಭರತಶ್ರೇಷ್ಠ ಯದಮಾನೋ ಮಹಾರಥಃ॥ 8-58-16 (57909) ತಸ್ಯಾಂತಮಿಷುಭೀ ರಾಜನ್ಯದಾ ದ್ರೌಣಿರ್ನ ಗಚ್ಛತಿ। ಅಥ ತ್ಯಕ್ತ್ವಾ ರಥಂ ವೀರಃ ಪಾರ್ಷತಂ ತ್ವರಿತೋಽನ್ವಗಾತ್। ಪ್ರಗೃಹ್ಯ ವಿಪುಲಂ ಖಹ್ಗಂ ಜಾತರೂಪಪರಿಷ್ಕೃತಂ॥ 8-58-17 (57910) ತಸ್ಯ ಸಂಪತತೋ ರಾಜನ್ವಪುರಾಸೀನ್ಮಹಾತ್ಮನಃ। ಗರುಡಸ್ಯೇವ ತತೋ ಜಿಘೃಕ್ಷೋಃ ಪನ್ನಗೋತ್ತಮಂ॥ 8-58-18 (57911) ಏತಸ್ಮಿನ್ನೇವ ಕಾಲೇ ತು ಕೇಶವಃ ಪರವೀರಹಾ। ಅಬ್ರವೀದ್ಭರತಶ್ರೇಷ್ಠಮರ್ಜುನಂ ಜಯತಾಂ ವರಂ॥ 8-58-19 (57912) ಪಶ್ಯ ದ್ರೌಣಿಂ ಪಾರ್ಷತಸ್ಯ ಯತಮಾನಂ ವಧಂ ಪ್ರತಿ। ಯತ್ನಂ ಕರೋತಿ ವಿಪುಲಂ ಹನ್ಯಾಚ್ಚೈನಂ ನ ಸಂಶಯಃ॥ 8-58-20 (57913) ತ್ರಾಯಸ್ವೈನಂ ಮಹಾಬಾಹೋ ಪಾರ್ಷತಂ ಯುದ್ಧದುರ್ಮದಂ। ದ್ರೌಣೇರಾಸ್ಯಗತಂ ವೀರ ಮೃತ್ಯೋರಾಸ್ಯಗತಂ ಯಥಾ॥ 8-58-21 (57914) ಏವಮುಕ್ತ್ವಾ ಮಹಾರಾಜ ವಾಸುದೇವಃ ಪ್ರತಾಪವಾನ್। ಪ್ರೈಷಯತ್ತುರಗಾನ್ಯತ್ರ ದ್ರೌಣಿರ್ವೀರೋ ವ್ಯವಸ್ಥಿತಃ॥ 8-58-22 (57915) ತೇ ಹಯಾಶ್ಚಂದ್ರಸಂಕಾಶಾಃ ಕೇಶವೇನ ಪ್ರಚೋದಿತಾಃ। ಪಿಬಂತ ಇವ ಚಾಕಾಶಂ ಜಗ್ಮುದ್ರೌಣೇರ್ಮಹಾರಥಂ॥ 8-58-23 (57916) ದೃಷ್ಟ್ವಾ ದ್ರೌಣಿರ್ಮಹಾರಾಜ ವಾಸುದೇವಧನಂಜಯೌ। ಧೃಷ್ಟದ್ಯುಂನವಧೇ ರಾಜಂಶ್ಚಕ್ರೇ ಯತ್ನಂ ಮಹಾಬಲಃ॥ 8-58-24 (57917) ವಿಕೃಷ್ಯಮಾಣಂ ದೃಷ್ಟ್ವೈ ಧೃಷ್ಟದ್ಯುಂನಂ ಜನೇಶ್ವರ। ಶರಾಂಶ್ಚಿಕ್ಷೇಪ ವೈ ಪಾರ್ಥೋ ದ್ರೌಣಿಂ ಪ್ರತಿ ಮಹಾರಥಃ॥ 8-58-25 (57918) ತೇ ಶರಾ ಹೇಮವಿಕೃತಾ ಗಾಂಡೀವಪ್ರೇಷಿತಾ ಭೃಶಂ। ದ್ರೌಣಿಮಾಸಾದ್ಯ ವಿವಿಶುರ್ವಲ್ಮೀಕಮಿವ ಪನ್ನಗಾಃ॥ 8-58-26 (57919) ವಿದ್ಧಸ್ತು ತೈಃ ಶರೈರ್ಘೋರೈದ್ರೋಣಪುತ್ರಃ ಪ್ರತಾಪವಾನ್। ಉತ್ಸೃಜ್ಯ ಸಮರೇ ರಾಜನ್ಪಾಂಚಾಲಮಮಿತೌಜಸಂ॥ 8-58-27 (57920) ಆರುರೋಹ ರಥಂ ವೀರೋ ಧನಂಜಯಶರಾರ್ದಿತಃ। ಪ್ರಗೃಹ್ಯ ಚ ಧನುಃ ಶ್ರೇಷ್ಠಂ ಪಾರ್ಥಂ ವಿವ್ಯಾಧ ಸಾಯಕೈಃ॥ 8-58-28 (57921) ಏತಸ್ಮಿನ್ನಂತರೇ ಶೂರಃ ಸಹದೇವೋ ಜನಾಧಿಪ। ಅಪೋವಾಹ ರಥೇನಾಜೌ ಪಾರ್ಷತಂ ಶತ್ರುತಾಪನಂ॥ 8-58-29 (57922) ಅರ್ಜುನೋಽಪಿ ಮಹಾರಾಜ ದ್ರೌಣಿಂ ವಿವ್ಯಾಧ ಪತ್ರಿಭಿಃ। ತಂ ದ್ರೋಣಪುತ್ರಃ ಸಂರಬ್ಧೋ ಬಾಹ್ವೋರುರಸಿ ಚಾರ್ಪಯತ್॥ 8-58-30 (57923) ಕ್ರೋಧಿತಸ್ತು ರಣೇ ಪಾರ್ಥೋ ನಾರಾಚಂ ಕಾಲಸನ್ನಿಭಂ। ದ್ರೋಣಪುತ್ರಾಯ ಚಿಕ್ಷೇಪ ಯಮದಂಡಮಿವಾಪರಂ॥ 8-58-31 (57924) ಸ ಬ್ರಾಹ್ಮಣಸ್ಯಾಂಸದೇಶೇ ನಿಪಪಾತ ಮಹಾದ್ಯುತೇಃ। ಸ ವಿಹ್ವಲೋ ಮಹಾರಾಜ ಶರವೇಗೇನ ಸಂಯುಗೇ। ನಿಷಸಾದ ರಥೋಪಸ್ಥೇ ವೈಕ್ಲವ್ಯಂ ಪರಮಂ ಯಯೌ॥ 8-58-32 (57925) ತಂ ತು ಮತ್ವಾ ಹತಂ ವೀರಂ ಸಾರಥಿಃ ಶತ್ರುಕರ್ಶನಂ। ಅಪೋವಾಹ ರಣೇನಾಜೌ ತ್ವರಮಾಣೋ ರಣಾಜಿರಾತ್॥ 8-58-33 (57926) ಅಥೋದ್ಧೃಷ್ಟಂ ಮಹಾರಾಜ ಪಾಂಚಾಲೈರ್ಜಿತಕಾಶಿಭಿಃ। ಮೋಕ್ಷಿತಂ ಪಾರ್ಷತಂ ದೃಷ್ಟ್ವಾ ದ್ರೋಣಪುತ್ರಂ ಚ ಪೀಡಿತಂ॥ 8-58-34 (57927) ವಾದಿತ್ರಾಣಿ ಚ ದಿವ್ಯಾನಿ ಪ್ರಾವಾದ್ಯಂತ ಸಹಸ್ರಶಃ। ಸಿಂಹನಾದಶ್ಚ ಸಂಜಜ್ಞೇ ದೃಷ್ಟ್ವಾ ಯುದ್ಧಂ ತದದ್ಭುತಂ॥ 8-58-35 (57928) ತತಃ ಕರ್ಣೋ ಮಹಾರಾಜ ವ್ಯಾಕ್ಷಿಪದ್ವಿಜಯಂ ಧನುಃ। ದೃಷ್ಟ್ವಾರ್ಜುನಂ ರಣೇ ಕ್ರುದ್ಧಃ ಪ್ರೇಕ್ಷತೇ ಚ ಮುಹುರ್ಮುಹುಃ। ದ್ವೈರಥಂ ಚಾಪಿ ಪಾರ್ಥೇನ ಗಂತುಕಾಮೋ ಮಹಾದ್ಯುತಿಃ॥ 8-58-36 (57929) ಏವಂ ಕೃತ್ವಾಽಬ್ರವೀತ್ಪಾರ್ಥೋ ವಾಸುದೇವಂ ಧನಂಜಯಃ। ಯಾಹಿ ಸಂಶಪ್ತಕಾನ್ಕೃಷ್ಣ ಕಾರ್ಯಮೇತತ್ಪರಂ ಮಮ॥ 8-58-37 (57930) ತತಃ ಪ್ರಯಾತೋ ಗೋವಿಂದಃ ಶ್ರುತ್ವಾ ಪಾಂಡವಭಾಷಿತಂ। ರಥೇನಾತಿಪತಾಕೇನ ಮನೋಮಾರುತರಂಹಸಾ॥ 8-58-38 (57931) ಏವಮೇಷ ಕ್ಷಯೋ ವೃತ್ತಃ ಪೃಥಿವ್ಯಾಂ ಪೃಥಿವೀಪತೇ। ತಾವಕಾನಾಂ ಪರೇಷಾಂ ಚ ರಾಜಂದುರ್ಮಂತ್ರಿತೇ ತವ॥ ॥ 8-58-39 (57932) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಅಷ್ಟಪಂಚಾಶೋಽಧ್ಯಾಯಃ॥ 58 ॥

8-59-0 (57933) ಸಂಜಯ ಉವಾಚ। 8-59-0x (4982) ತತಃ ಪ್ರವವೃತೇ ಭೂಯಃ ಸಂಗ್ರಾಮೋ ರಾಜಸತ್ತಮ। ಕರ್ಣಸ್ಯ ಪಾಂಡವಾನಾಂ ಚ ಯಮರಾಷ್ಟ್ರವಿವರ್ಧನಃ॥ 8-59-1 (57934) ಧನೂಂಷಿ ಬಾಣಾನ್ಪರಿಘಾನಸಿಪಟ್ಟಸತೋಮರಾನ್। ಮುಸಲಾನಿ ಭುಶುಂಡೀಶ್ಚ ಶಕ್ತಿರಿಷ್ಟಿಪರಶ್ವಥಾನ್॥ 8-59-2 (57935) ಗದಾಃ ಪ್ರಾಸಾಞ್ಶಿತಾನ್ಕುಂತಾನ್ಭಿಂಡಿಪಾಲಾನ್ಮಹಾಂಕುಶಾನ್। ಪ್ರಗೃಹ್ಯ ಕ್ಷಿಪ್ರಮಾಪೇತುಃ ಪರಸ್ಪರಜಿಘಾಂಸಯಾ॥ 8-59-3 (57936) ಬಾಣಜ್ಯಾತಲಶಬ್ದೇನ ದ್ಯಾಂ ದಿಶಃ ಪ್ರದಿಶೋ ವಿಯತ್। ಪೃಥಿವೀಂ ನೇಮಿಘೋಷೇಣ ನಾದಯಂತೋಽಭ್ಯಯುಃ ಪರಾನ್॥ 8-59-4 (57937) ತೇನ ಶಬ್ದೇನ ಮಹತಾ ಸಂಹೃಷ್ಟಾಶ್ಚಕ್ರುರಾಹವಂ। ವೀರಾ ವೀರೈರ್ಮಹಾಪ್ತೋರಕಲಹಾಂತಂ ತಿತೀರ್ಷವಃ॥ 8-59-5 (57938) ಜ್ಯಾತಲತ್ರಧನುಃಶಬ್ದಾಞ್ಶಸ್ತ್ರಾಣಾಂ ಚ ನಿಪಾತ್ಯತಾಂ। ತಾಡಿತಾನಾಂ ಚ ಪತತಾ ನಿನಾದಾಂಶ್ಚ ಪದಾತಿನಾಂ॥ 8-59-6 (57939) ಬಾಣಶಬ್ದಾಂಶ್ಚ ವಿವಿಧಾಞ್ಶೂರಾಣಾಂ ಚಾಭಿಗರ್ಜತಾಂ। ಶ್ರುತ್ವಾ ಗಜಾ ಭೃಶಂ ತ್ರೇಸುಃ ಪೇತುರ್ಮಂಲುಶ್ಚ ಸೈನಿಕಾಃ॥ 8-59-7 (57940) ತೇಷಾಂ ನಿನದತಾಂ ಚೈವ ಶಸ್ತ್ರವರ್ಷಂ ಚ ಮುಂಚತಾಂ। ಬಹೂನಾಧಿರಥಿರ್ವೀರಃ ಪ್ರಮಮಾಥೇಷುಭಿಃ ಪರಾನ್॥ 8-59-8 (57941) ಪಂಚ ಪಾಂಚಾಲವೀರಾಣಾಂ ರಥಾಂದಶ ಚ ಪಂಚ ಚ। ಸಾಶ್ವಸೂತಧ್ವಜಾನ್ಕರ್ಣಃ ಶರೈರ್ನಿನ್ಯೇ ಯಮಕ್ಷಯಂ॥ 8-59-9 (57942) ಯೋಧಮುಖ್ಯಾ ಮಹಾವೀರ್ಯಾಃ ಪಾಂಡೂನಾಂ ಕರ್ಣಮಾಹವೇ। ಶಿಕ್ಷಿತಾಸ್ತಮಭಿದ್ರುತ್ಯ ಪರಿವವ್ರುಃ ಸಮಂತತಃ॥ 8-59-10 (57943) ತತಃ ಕರ್ಣೋ ದ್ವಿಷತ್ಸೇನಾಂ ಶರವರ್ಷೈರ್ವಿಲೋಡಯನ್। ವಿಜಗಾಹಾಂಡಜಾಕೀರ್ಣಾಂ ಪದ್ಮಿನೀಮಿವ ಯೂಥಪಃ॥ 8-59-11 (57944) ದ್ವಿಷತ್ಸೈನ್ಯಮವಸ್ಕಂದ್ಯ ರಾಧೇಯೋ ಧನುರುತ್ತಮಂ। ವಿಧುನ್ವಾನಃ ಶಿತೈರ್ಬಾಣೈಃ ಶಿರಾಂಸ್ಯುನ್ಮಥ್ಯ ಪಾತಯತ್॥ 8-59-12 (57945) `ಹಸ್ತಿನಃ ಸಮಹಾಮಾತ್ರಾನ್ಸಾಶ್ವಾರೋಹಾನ್ಹಯಾನಪಿ। ರಥಿನೋಽಪ್ಯೇಕಬಾಣೇನ ಭ್ರಮತಶ್ಚಾವಪಾತಯತ್'॥ 8-59-13 (57946) ವರ್ಮ ವಾ ಚರ್ಮ ವಾಽಶ್ರಿತ್ಯ ನಿಪಾತಮಪಿ ದೇಹಿನಃ। ವಿಷೇಹುರ್ನಾಸ್ಯ ಸಂಸ್ಪರ್ಶಂ ದ್ವಿತೀಯಸ್ಯ ಪತತ್ತ್ರಿಣಃ॥ 8-59-14 (57947) ವರ್ಮಯುಕ್ತೇಷು ದೇಹೇಷು ಧನುಷೋಽಸ್ಯಞ್ಶಿತಾಞ್ಶರಾನ್। ಮೌರ್ವ್ಯಾ ತಲತ್ರೇ ನ್ಯಹನತ್ಕಶಯಾ ವಾಜಿನೋ ಯಥಾ॥ 8-59-15 (57948) ಪಾಂಡುಸೃಂಜಯಪಾಂಚಾಲಾಞ್ಶರಗೋಚರಮಾಗತಾನ್। ಮಮರ್ದ ತರಸಾ ಕರ್ಣಃ ಸಿಂಹೋ ಮೃಗಗಣಾನಿವ॥ 8-59-16 (57949) ತತಃ ಪಾಂಚಾಲಪುತ್ರಶ್ಚ ದ್ರೌಪದೇಯಾಶ್ಚ ಮಾರಿಷ। ಯಮೌ ಚ ಯುಯುಧಾನಶ್ಚ ತ್ವರಿತಾಃ ಕರ್ಣಮಭ್ಯಯುಃ॥ 8-59-17 (57950) ತೇಷು ವ್ಯಾಯಚ್ಛಮಾನೇಷು ಕುರುಪಾಂಚಾಲಪಾಂಡುಷು। ಪ್ರಿಯಾನಸೂನ್ರಣೇ ತ್ಯಕ್ತ್ವಾ ಯೋಧಾ ಜಘ್ನುಃ ಪರಸ್ಪರಂ॥ 8-59-18 (57951) ಸುಸನ್ನದ್ಧಾಃ ಕವಚಿನಃ ಸಶಿರಸ್ತ್ರಾಣಭೂಷಣಾಃ। ಗದಾಭಿರ್ಮುಸಲೈಶ್ಚಾನ್ಯೇ ಪರಿಘೈಶ್ಚ ಮಹಾಬಾಲಾಃ॥ 8-59-19 (57952) ಸಮಭ್ಯಧಾವಂತ ಭೃಶಂ ಕಾಲದಂಡೈರಿವೋದ್ಯತೈಃ। ನರ್ದಂತಶ್ಚಾಹ್ವಯಂತಶ್ಚ ಪ್ರವಲ್ಗಂತಶ್ಚ ಮಾರಿಷ॥ 8-59-20 (57953) ತತೋ ನಿಜಘ್ನುರನ್ಯೋನ್ಯಂ ಪೇತುಶ್ಚಾನ್ಯೋನ್ಯತಾಡಿತಾಃ। ವಮಂತೋ ರುಧಿರಂ ಗಾತ್ರೈರ್ವಿಮಸ್ತಿಷ್ಕೇಕ್ಷಮಾಯುಧಾಃ॥ 8-59-21 (57954) ದಂತಪೂರ್ಣೈಃ ಸರುಧಿರೈರ್ವಕ್ರೈರ್ದಾಡಿಮಸನ್ನಿಭೈಃ। ಜೀವಂತ ಇವ ಚಾಪ್ಯೇಕೇ ತಸ್ಥುಃ ಶಸ್ತ್ರೌಘಬೃಂಹಿತಾಃ॥ 8-59-22 (57955) ಪರಶ್ವಥೈಶ್ಚಾಪ್ಯಪರೇ ಪಟ್ಟಸೈರಸಿಭಿಸ್ತಥಾ। ಶಕ್ತಿಭಿರ್ಭಿಂಡಿಪಾಲೈಶ್ಚ ನಖರಪ್ರಾಸತೋಮರೈಃ॥ 8-59-23 (57956) ತತಕ್ಷುಶ್ಚಿಚ್ಛಿದುಶ್ಚಾನ್ಯೇ ಬಿಭಿದುಶ್ಚಿಕ್ಷಿಪುಸ್ತಥಾ। ಸಂಚಕರ್ತುಶ್ಚ ಜಘ್ನುಶ್ಚ ರಾಜನ್ಯೋಧಾ ಮಹಾರಣೇ॥ 8-59-24 (57957) ಪೇತುರನ್ಯೋನ್ಯನಿಹತಾ ವ್ಯಸವೋ ರುಧಿರೋಕ್ಷಿತಾಃ। ಕ್ಷರಂತಃ ಸ್ವರಸಂ ರಕ್ತಂ ಪ್ರಕೃತ್ತಾಶ್ಚಂದನಾ ಇವ॥ 8-59-25 (57958) ರಥೈ ರಥಾ ವಿನಿಹತಾ ಹಸ್ತಿಭಿಶ್ಚಾಪಿ ಹಸ್ತಿನಃ। ನರೈರ್ನರಾ ಹತಾಃ ಪೇತುರಶ್ವಾಶ್ಚಾಶ್ವೈಃ ಸಹಸ್ರಶಃ॥ 8-59-26 (57959) ಧ್ವಜಾಃ ಶಿರಾಂಸಿ ಚ್ಛಿನ್ನಾಃ ಪೇತುರ್ಮಹೀತಲೇ॥ `ವಧ್ಯತಾಂ ದಾರುಣಾಃ ಶಬ್ದಾಃ ಪತತಾಂ ಸ್ತನತಾಮಪಿ। 8-59-27 (57960) ಕ್ಷುರೈರ್ಭಲ್ಲಾರ್ಧಚಂದ್ರೈಶ್ಚ ಚ್ಛಿನ್ನಾಃ ಪೇತುರ್ಮಹೀತಲೇ॥ ನರಾಶ್ವೇಭರಥಾನಾಂ ಹಿನರಾಶ್ವೇಭರಥೈಸ್ತಥಾ'॥ 8-59-28 (57961) ನರಾಂಶ್ಚ ನಾಗಾಂಶ್ಚ ರಥಾನ್ಹಯಾನ್ಮಮೃದುರಾಹವೇ॥ 8-59-29 (57962) ಅಶ್ವಾರೋಹೈರ್ಹತಾಃ ಶೂರಾಶ್ಛಿನ್ನಹಸ್ತಾಶ್ಚ ದಂತಿನಃ। ಸಪತಾಕಾಧ್ವಜಾಃ ಪೇತುರ್ವಿಶೀರ್ಣಾ ಇವ ಪರ್ವತಾಃ॥ 8-59-30 (57963) ಪತ್ತಿಭಿಶ್ಚ ಸಮಾಪ್ಲುತ್ಯ ದ್ವಿರದಾಃ ಸ್ಯಂದನಾಸ್ತಥಾ। ಹತಾಶ್ಚ ಹನ್ಯಮಾನಾಶ್ಚ ಪತಿತಾಶ್ಚೈವ ಸರ್ವಶಃ॥ 8-59-31 (57964) ಅಶ್ವಾರೋಹಾಃ ಸಮಾಸಾದ್ಯ ತ್ವರಿತಾಃ ಪತ್ತಿಭಿರ್ಹತಾಃ। ಸಾದಿಭಿಃ ಪತ್ತಿಸಂಘಾಶ್ಚ ನಿಹತಾ ಯುಧಿ ಶೇರತೇ॥ 8-59-32 (57965) ಮೃದಿತಾನೀವ ಪದ್ಮಾನಿ ಪ್ರಂಲಾನಾ ಇವ ಚ ಸ್ರಜಃ। ಹತಾನಾಂ ವದನಾನ್ಯಾಸನ್ಗಾತ್ರಾಣಿ ಚ ಮಹಾಹವೇ॥ 8-59-33 (57966) ರೂಪಾಣ್ಯತ್ಯರ್ಥಕಾಂತಾನಿ ದ್ವಿರದಾಶ್ವನೃಣಾಂ ನೃಪ। ಸಮುನ್ನಾನೀವ ವಸ್ತ್ರಾಣಿ ಯಯುರ್ದುರ್ದುರ್ಶತಾಂ ಪರಾಂ॥ ॥ 8-59-34 (57967) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಏಕೋನಷಷ್ಟಿತಮೋಽಧ್ಯಾಯಃ॥ 59 ॥

8-60-0 (57968) ಸಂಜಯ ಉವಾಚ। 8-60-0x (4983) ಹಸ್ತಿಭಿಸ್ತು ಮಹಾಮಾತ್ರಾಸ್ತವ ಪುತ್ರೇಣ ಚೋದಿತಾಃ। ಧೃಷ್ಟದ್ಯುಂನಂ ಘ್ನತೇತ್ಯಾಶು ಕ್ರುದ್ಧಾಃ ಪಾರ್ಷತಮಭ್ಯಯುಃ॥ 8-60-1 (57969) ಪ್ರಾಚ್ಯಾಶ್ಚ ದಾಕ್ಷಿಣಾತ್ಯಾಶ್ಚ ಪ್ರವರಾ ಗಜಯೋಧಿನಃ। ಅಂಗಾ ವಂಗಾಶ್ಚ ಪುಂಡ್ರಾಶ್ಚ ಮಾಗಧಾಸ್ತಾಂರಲಿಪ್ತಕಾಃ॥ 8-60-2 (57970) ಮೇಕಲಾಃ ಕೋಶಲಾ ಮದ್ರಾ ದಶಾರ್ಣಾ ನಿಷಧಾಸ್ತಥಾ। ಗಜಯುದ್ಧೇಷು ಕುಶಲಾಃ ಕಲಿಂಗೈಃ ಸಹ ಭಾರತ॥ 8-60-3 (57971) ಶರತೋಮರನಾರಾಚೈರ್ವೃಷ್ಟಿಮಂತ ಇವಾಂಬುದಾಃ। ಸಿಷಿಚುಸ್ತೇ ತತಃ ಸರ್ವೇ ಪಾಂಚಾಲಬಲಮಾಹವೇ॥ 8-60-4 (57972) ತಾನಭಿದ್ರವತೋ ನಾಗಾನ್ಮದವೇಗಸಮುದ್ಧತಾನ್। ವಿಪಾಠಕ್ಷುರನಾರಾಚೈರ್ಧೃಷ್ಟದ್ಯುಂನೋ ಹ್ಯವೀವೃಷತ್॥ 8-60-5 (57973) ಏಕೈಕಂ ದಶಭಿಃ ಷ಼ಡ್ಭಿರಷ್ಟಾಭಿರಪಿ ಪಾರ್ಷತಃ। ದ್ವಿರದಾನಭಿವಿವ್ಯಾಧ ಕ್ಷಿಪ್ರಂ ಗಿರಿನಿಭಾಞ್ಶರೈಃ॥ 8-60-6 (57974) ಪ್ರಚ್ಛಾದ್ಯಮಾನಂ ದ್ವಿರದೈರ್ಮೇಘೈರಿವ ದಿವಾಕರಂ। ಪರ್ಯಯುಃ ಪಾಂಡುಪಾಂಚಾಲಾ ನದಂತೋ ಹ್ಯಾತ್ತಕಾರ್ಮುಕಾಃ॥ 8-60-7 (57975) ತಾನ್ನಾಗಾನಭಿವರ್ಷಂತೋ ಜ್ಯಾತಲತ್ರವಿನಾದಿನಃ। ವೀರನೃತ್ಯಂ ಪ್ರನೃತ್ಯಂತಃ ಶೂರತಾಲಪ್ರಚೋದಿತೈಃ। ನಕುಲಃ ಸಹದೇವಶ್ಚ ದ್ರೌಪದೇಯಾಃ ಪ್ರಭದ್ರಕಾಃ॥ 8-60-8 (57976) ಸಾತ್ಯಕಿಶ್ಚ ಶಿಖಂಡೀ ಚ ಚೇಕಿತಾನಶ್ಚ ವೀರ್ಯವಾನ್। ಸಮಂತಾತ್ಸಿಷಿಚುರ್ವೀರಾ ಮೇಘಾಸ್ತೋಯೈರಿವಾಚಲಾನ್॥ 8-60-9 (57977) ತೇ ಂಲೇಚ್ಛೈಃ ಪ್ರೇಷಿತಾ ನಾಗಾ ನರಾನಶ್ವಾನ್ರಥಾನಪಿ। ಹಸ್ತೈರಾಕ್ಷಿಪ್ಯ ಮಮೃದುಃ ಪದ್ಭಿಶ್ಚಾಪ್ಯತಿಮನ್ಯವಃ॥ 8-60-10 (57978) ಬಿಭಿದುಶ್ಚ ವಿಷಾಣಾಗ್ರೈಃ ಸಮಾಕ್ಷಿಪ್ಯ ಚ ಚಿಕ್ಷಿಪುಃ। ವಿಷಾಣಲಗ್ನಾಶ್ಚಾಪ್ಯನ್ಯೇ ಪರಿಪೇತುರ್ವಿಭೀಷಣಾಃ॥ 8-60-11 (57979) ಪ್ರಮುಖೇ ವರ್ತಮಾನಂ ತು ದ್ವಿಪಮಂಗಸ್ಯ ಸಾತ್ಯಕಿಃ। ನಾರಾಚೇನೋಗ್ರವೇಗೇನ ಭಿತ್ತ್ವಾ ಮರ್ಮಾಣ್ಯತಾಡಯತ್॥ 8-60-12 (57980) ತಸ್ಯಾವರ್ಜಿತಕಾಯಸ್ಯ ದ್ವಿರದಾದುತ್ಪತಿಷ್ಯತಃ। ನಾರಾಚೇನಾಹನದ್ವಕ್ಷಃ ಸಾತ್ಯಕಿಃ ಸೋಽಪತದ್ಭುವಿ॥ 8-60-13 (57981) ಪುಂಡ್ರಸ್ಯಾಪತತೋ ನಾಗಂ ಚಲಂತಮಿವ ಪರ್ವತಂ। ಸಹದೇವಃ ಪ್ರಸನ್ನಾಗ್ರೈರ್ನಾರಾಚೈರಹನತ್ತ್ರಿಭಿಃ॥ 8-60-14 (57982) ವಿಪತಾಕಂ ವಿಯಂತಾರಂ ವಿವರ್ಮಧ್ವಜಜೀವಿತಂ। ತಂ ಕೃತ್ವಾ ದ್ವಿರದಂ ಭೂಯಃ ಸಹದೇವೋಽಂಗಮಭ್ಯಯಾತ್॥ 8-60-15 (57983) ಸಹದೇವಂ ತು ನಕುಲೋ ವಾರಯಿತ್ವಾಂಗಮಾರ್ದಯತ್। ನಾರಾಚೈರ್ಯಮದಂಡಾಭೈಸ್ತ್ರಿಭಿರ್ನಾಗಂ ಶತೇನ ತಂ॥ 8-60-16 (57984) ದಿವಾಕರಕಪ್ರಖ್ಯಾನಂಗಶ್ಚಿಕ್ಷೇಪ ತೋಮರಾನ್। ನಕುಲಾಯ ಶತಾನ್ಯಷ್ಟೌ ತ್ರಿಧೈಕೈಕಂ ತು ಸೋಽಚ್ಛಿನತ್॥ 8-60-17 (57985) ತಥಾಽರ್ಧಚಂದ್ರೇಣ ಶಿರಸ್ತಸ್ಯ ಚಿಚ್ಛೇದ ಪಾಂಡವಃ। ಸ ಪಪಾತ ಹತೋ ಂಲೇಚ್ಛಸ್ತೇನೈವ ಸಹ ದಂತಿನಾ॥ 8-60-18 (57986) ಅಥಾಂಗಪುತ್ರೇ ನಿಹತೇ ಹಸ್ತಿಶಿಕ್ಷಾವಿಶಾರದೇ। ಅಂಗಾಃ ಕ್ರುದ್ಧಾ ಮಹಾಮಾತ್ರಾ ನಾಗೈರ್ನಕುಲಮಭ್ಯಯುಃ॥ 8-60-19 (57987) ಚಲತ್ಪತಾಕೈಃ ಸುಮುಖೈರ್ಹೇಮಕಕ್ಷ್ಯಾತನುಚ್ಛದೈಃ। ಮಿಮರ್ದಿಷಂತಸ್ತ್ವರಿತಾಃ ಪ್ರದೀಪ್ತೈರಿವ ಪರ್ವತೈಃ॥ 8-60-20 (57988) ಮೇಕಲೋತ್ಕಲಕಾಲಿಂಗಾ ನಿಷಧಾಸ್ತಾಂರಲಿಪ್ತಕಾಃ। ಶರತೋಮರವರ್ಷಾಣಿ ವಿಮುಂಚಂತೋ ಜಿಘಾಂಸವಃ॥ 8-60-21 (57989) ತೈಶ್ಛಾದ್ಯಮಾನಂ ನಕುಲಂ ನಿಶಾಕರಮಿವಾಂಬುದೈಃ। ಪರಿಪೇತುಃ ಸುಸಂರಬ್ಧಾಃ ಪಾಂಡುಪಾಂಚಾಲಸಾತ್ಯಕಾಃ॥ 8-60-22 (57990) ತತಸ್ತದಭವದ್ಯುದ್ಧಂ ರಥಿನಾಂ ಹಸ್ತಿಭಿಃ ಸಹ। ಸೃಜತಾಂ ಶರವರ್ಷಾಣಿ ತೋಮರಾಂಶ್ಚ ಸಹಸ್ರಶಃ॥ 8-60-23 (57991) ನಾಗಾನಾಂ ಪ್ರಾಸ್ಫುಟನ್ಕುಂಭಾ ಮರ್ಮಾಣಿ ಚ ನಖಾನಿ ಚ। ದಂತಾಶ್ಚೈವಾತಿವಿದ್ಧಾನಾಂ ನಾರಾಚೈರ್ಹೇಮಭೂಷಣೈಃ॥ 8-60-24 (57992) ತೇಷಾಮಷ್ಟೌ ಮಹಾನಾಗಾಂಶ್ಚತುಃಷಷ್ಟ್ಯಾ ಸುತೇಜನೈಃ। ನಾರಾಚೈಃ ಸಹದೇವಸ್ತಾನ್ಪಾತಯಾಮಾಸ ಸಾದಿಭಿಃ॥ 8-60-25 (57993) ಅಂಜೋಗತಿಭಿರಾಯಂಯ ಪ್ರಯತ್ನಾದ್ಧನುರುತ್ತಮಂ। ನಾರಾಚೈರಹನನ್ನಾಗಾನ್ನಕುಲಃ ಕುಲನಂದನಃ॥ 8-60-26 (57994) ತತಃ ಪಾಂಚಾಲಶೈನೇಯೌ ದ್ರೌಪದೇಯಾಃ ಪ್ರಭದ್ರಕಾಃ। ಶಿಖಂಡೀ ಚ ಮಹಾನಾಗಾನ್ಸಿಷಿಚುಃ ಶರವೃಷ್ಟಿಭಿಃ॥ 8-60-27 (57995) ತೇ ಪಾಂಡುಯೋಧಾಂಬುಧರೈಃ ಶತ್ರುದ್ವಿರದಪರ್ವತಾಃ। ಬಾಣವರ್ಷೈರ್ಹತಾಃ ಪೇತುರ್ವಜ್ರವರ್ಷೈರಿವಾಚಲಾಃ॥ 8-60-28 (57996) ಏವಂ ಹತ್ವಾ ತವ ಗಜಾಂಸ್ತೇ ಪಾಂಡುರಥಕುಂಜರಾಃ। ದ್ರುತಂ ಸೇನಾಂ ಚ ವರ್ಷಂತೋ ಭಿನ್ನಕೂಲಾಮಿವಾಪಗಾಂ॥ 8-60-29 (57997) ತಾಂ ತೇ ಸೇನಾಂ ಸಮಾಲೋಡ್ಯ ಪಾಂಡುಪುತ್ರಸ್ಯ ಸೈನಿಕಾಃ। ವಿಕ್ಷೋಭಯಿತ್ವಾ ಚ ಪುನಃ ಕರ್ಣಂ ಸಮಭಿದುದ್ರುವುಃ॥ ॥ 8-60-30 (57998) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಷಷ್ಟಿತಮೋಽಧ್ಯಾಯಃ॥ 60 ॥

8-61-0 (57999) ಸಂಜಯ ಉವಾಚ। 8-61-0x (4984) ತೇಷಾಂ ಪ್ರವೃತ್ತೇ ಸಂಗ್ರಾಮೇ ವಿಪುಲೇ ಶೋಣಿತೋದಕೇ। ರರಾಜ ಲೋಹಿತೇನೋರ್ವೀ ಸಂಸಿಕ್ತಾ ಬಹುಧಾ ಭೃಶಂ॥ 8-61-1 (58000) ತತೋ ರಜಸಿ ಸಂಶಾಂತೇ ಪ್ರಕಾಶಃ ಸರ್ವತೋಽಭವತ್। ಏತಸ್ಮಿನ್ನಂತರೇ ಪಾರ್ಥಂ ಕೃಷ್ಣೋ ವಚನಮಬ್ರವೀತ್। ದರ್ಶಯನ್ನಿವ ಕೌಂತೇಯಂ ಧರ್ಮರಾಜಂ ಯುಧಿಷ್ಠಿರಂ॥ 8-61-2 (58001) ಏಷ ಪಾಂಡವ ತೇ ಭ್ರಾತಾ ಧಾರ್ತರಾಷ್ಟ್ರೈರ್ಮಹಾಬಲೈಃ। ಜಿಘಾಂಸುಭಿರ್ಮಹೇಷ್ವಾಸೈಃ ಶೀಘ್ರಂ ಪಾರ್ಥೋಽನುಸಾರ್ಯತೇ॥ 8-61-3 (58002) ತಮನ್ವಗೇವ ಪಾಂಚಾಲಾಶ್ಚೇದಿಮಾತ್ಸ್ಯಾಶ್ಚ ಭಾರತ। ಅನುಯಾಂತಿ ಮಹಾತ್ಮಾನಂ ಪರೀಪ್ಸಂತೋ ಮಹಾಜವಾಃ॥ 8-61-4 (58003) ಏಷ ದುರ್ಯೋಧನಃ ಪಾರ್ಥ ಗಜಾನೀಕೇನ ದಂಶಿತಃ। ರಾಜಾ ಸರ್ವಸ್ಯ ಲೋಕಸ್ಯ ರಾಜಾನಮನುಧಾವತಿ॥ 8-61-5 (58004) ಜಿಘಾಂಸುಃ ಪುರುಷವ್ಯಾಘ್ರಂ ಭ್ರಾತೃಭಿಃ ಸಹಿತೋ ಬಲೀ। ಆಶೀವಿಷಸಮಸ್ಪರ್ಶೈಃ ಸರ್ವಾಯುಧವಿಶಾರದೈಃ॥ 8-61-6 (58005) ನದದ್ಭಿಃ ಸಿಂಹನಾದಾಂಶ್ಚ ಧಮದ್ಭಿಶ್ಚಾಪಿ ವಾರಿಜಾನ್। ಬಲವದ್ಭಿರ್ಮಹೇಷ್ವಾಸೈರ್ವಿಧೂನ್ವಾನೈರ್ಧನೂಂಷಿ ಚ॥ 8-61-7 (58006) ಏತೇ ಜಿಘೃಕ್ಷವೋ ಯಾಂತಿ ದ್ವಿಪಾಶ್ವರಥಪತ್ತಯಃ। ಯುಧಿಷ್ಠಿರಂ ಧಾರ್ತರಾಷ್ಟ್ರೋ ರತ್ನೋತ್ತಮಮಿವಾರ್ಥಿನಃ॥ 8-61-8 (58007) ಪಶ್ಯ ಸಾತ್ವತಭೀಮಾಭ್ಯಾಂ ನಿರುದ್ಧಾ ವಿಷ್ಠಿತಾಃ ಪುನಃ। ಜಿಹೀರ್ಷವೋಽಮೃತಂ ದೈತ್ಯಾಃ ಶಕ್ರಾಗ್ನಿಭ್ಯಾಮಿವಾಹವೇ॥ 8-61-9 (58008) ಏತೇ ಬಹುತ್ವಾತ್ತ್ವರಿತಾಃ ಪುನರ್ಗಚ್ಛಂತಿ ಪಾಂಡವಂ। ಸಮುದ್ರಮಿವ ವಾರ್ಯೋಘಾಃ ಪ್ರಾವೃಟ್ಕಾಲೇ ಮಹಾರಥಾಃ॥ 8-61-10 (58009) ಮೃತ್ಯೋರ್ಮುಖಗತಂ ಮನ್ಯೇ ಕುಂತೀಪುತ್ರಂ ಯುಧಿಷ್ಠಿರಂ। ಹುತಮಗ್ನೌ ಚ ಕೌಂತೇಯಂ ದುರ್ಯೋಧನವಶಂ ಗತಂ॥ 8-61-11 (58010) ಯಥಾಯುಕ್ತಮನೀಕಂ ಹಿ ಧಾರ್ತರಾಷ್ಟ್ರಸ್ಯ ಪಾಂಡವ। ನಾಸ್ಯ ಶಕ್ರೋಽಪಿ ಮುಚ್ಯೇತ ಸಂಪ್ರಾಪ್ತೋ ಬಾಣಗೋಚರಂ॥ 8-61-12 (58011) ದುರ್ಯೋಧನಸ್ಯ ವೀರಸ್ಯ ಶರೌಘಾಞ್ಶೀಘ್ರಮಸ್ಯತಃ। ಸಂಕ್ರುದ್ಧಸ್ಯಾಂತಕಸ್ಯೇವ ಕೋ ವೇಗಂ ಸಂಸಹೇದ್ರಣೇ॥ 8-61-13 (58012) ರಸತಸ್ತಸ್ಯ ವೀರಸ್ಯ ದ್ರೌಣೇಃ ಶಾರದ್ವತಸ್ಯ ಚ। ಕರ್ಣಸ್ಯ ಚೇಷುವೇಗೋ ವೈ ಪರ್ವತಾನಪಿ ಶಾತಯೇತ್॥ 8-61-14 (58013) ಕರ್ಣೇನ ಚ ಕೃತೋ ರಾಜಾ ವಿಮುಖೋಽದ್ಯ ತು ದೃಶ್ಯತೇ॥ 8-61-15 (58014) ಬಲವಾಂʼಲ್ಲುಘುಹಸ್ತಶ್ಚ ಕೃತೀ ಯುದ್ಧವಿಶಾರದಃ। ರಾಧೇಯಃ ಪಾಂಡವಶ್ರೇಷ್ಠಂ ಶಕ್ತಃ ಪೀಡಯಿತುಂ ರಣೇ। ಸಹಿತೋ ಧೃತರಾಷ್ಟ್ರಸ್ಯ ಪುತ್ರೈಃ ಶೂರೈರ್ಮಹಾಬಲೈಃ॥ 8-61-16 (58015) ತಸ್ಯೈಭಿರ್ಯುಧ್ಯಮಾನಸ್ಯ ಸಂಗ್ರಾಮೇ ಶಂಸಿತಾತ್ಮನಃ। ಅನ್ಯೈರಪಿ ಚ ಪಾರ್ಥಸ್ಯ ಕೃತಂ ಕರ್ಮ ಮಹಾರಥೈಃ॥ 8-61-17 (58016) ಉಪವಾಸಕೃಶೋ ರಾಜಾ ಭೃಶಂ ಭರತಸತ್ತಮಃ। ಬ್ರಾಹ್ಮೋ ಬಲೇ ಸ್ಥಿತೋ ಹ್ಯೇಷ ನ ಕ್ಷಾತ್ರೇ ಹಿ ಬಲೇ ವಿಭುಃ॥ 8-61-18 (58017) ಕರ್ಣೇನ ಚಾಭಿಯುಕ್ತೋಽಯಂ ಭೂಪತಿಃ ಶತ್ರುತಾಪನಃ। ಸಂಶಯಂ ಸಮನುಪ್ರಾಪ್ತಃ ಪಾಂಡವೋ ವೈ ಯುಧಿಷ್ಠಿರಃ॥ 8-61-19 (58018) ನ ಜೀವತಿ ಮಹಾರಾಜೋ ಮನ್ಯೇ ಪಾರ್ಥ ಯುಧಿಷ್ಠಿರಃ। ಯದ್ಭೀಮಸೇನಃ ಸಹತೇ ಸಿಂಹನಾದಮಮರ್ಷಣಃ॥ 8-61-20 (58019) ನರ್ದತಾಂ ಧಾರ್ತರಾಷ್ಟ್ರಾಣಾಂ ಪುನಃಪುನರರಿಂದಮಃ। ಧಮತಾಂ ಚ ಮಹಾಶಂಖಾನ್ಸಂಗ್ರಾಮೇ ಜಿತಕಾಶಿನಾಂ॥ 8-61-21 (58020) ಯುಧಿಷ್ಠಿರಂ ಪಾಂಡವೇಯಂ ಹತೇತಿ ಭರತರ್ಷಭ। ಸಂಚೋದಯತ್ಯಸೌ ಕರ್ಣೋ ಧಾರ್ತರಾಷ್ಟ್ರಾನ್ಮಹಾಬಲಾನ್॥ 8-61-22 (58021) ಸ್ಥೂಣಾಕರ್ಣಾಸ್ತ್ರಜಾಲೇನ ಪಾರ್ಥ ಪಾಶುಪತೇನ ಚ। ಪ್ರಚ್ಛಾದಯಂತಿ ರಾಜಾನಮನುಯಾಂತಿ ಮಹಾರಥಾಃ॥ ॥ 8-61-23 (58022) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಏಕಷಷ್ಟಿತಮೋಽಧ್ಯಾಯಃ॥ 61 ॥

8-62-0 (58023) ಶ್ರೀಭಗವಾನುವಾಚ। 8-62-0x (4985) ಆತುರೋ ಮೇ ಮತೋ ರಾಜಾ ಅವಿಪಹ್ಯಶ್ಚ ಭಾರತ। ಯಥೈನಮನುವರ್ತಂತೇ ಪಂಚಾಲಾಃ ಸಹ ಪಾಂಡವೈಃ॥ 8-62-1 (58024) ತ್ವರಮಾಣಾಸ್ತ್ವರಾಕಾಲೇ ಸರ್ವಶಸ್ತ್ರಭೃತಾಂ ವರಾಃ। ಮಜ್ಜಂತಮಿವ ಪಾತಾಲೇ ಬಲಿನೋ ಹ್ಯುಜ್ಜಿಹೀರ್ಷವಃ॥ 8-62-2 (58025) ನ ಕೇತುರ್ದೃಶ್ಯತೇ ರಾಜ್ಞಃ ಕರ್ಣಸ್ಯ ಪಿಹಿತಃ ಶರೈಃ। ಪಶ್ಯತೋರ್ಯಮಯೋಃ ಪಾರ್ಥ ಸಾತ್ಯಕೇಶ್ಚ ಶಿಖಂಡಿನಃ॥ 8-62-3 (58026) ಧೃಷ್ಟದ್ಯುಂನಸ್ಯ ಭೀಮಸ್ಯ ಶತಾನೀಕಸ್ಯ ವಾ ವಿಭೋ। ಪಾಂಚಾಲಾನಾಂ ಚ ಸರ್ವೇಷಾಂ ಚೇದೀನಾಂ ಚೈವ ಭಾರತ॥ 8-62-4 (58027) ಏಷ ಕರ್ಣೋ ರಣೇ ಪಾರ್ಥ ಪಾಂಡವಾನಾಮನೀಕಿನೀಂ। ಶರೈರ್ವಿಧ್ವಂಸಯಾಮಾಸ ನಲಿನೀಮಿವ ಕುಂಜರಃ॥ 8-62-5 (58028) ಏತೇ ದ್ರವಂತಿ ರಥಿನಸ್ತ್ವದೀಯಾಃ ಪಾಂಡುನಂದನ। ಪಶ್ಯ ಪಶ್ಯ ಯಥಾ ಪಾರ್ಥ ಗಚ್ಛಂತ್ಯೇತೇ ಮಹಾರಥಾಃ॥ 8-62-6 (58029) ಏತೇ ಭಾರತ ಮಾತಂಗಾಃ ಕರ್ಣೇನಾಭಿಹತಾಃ ಶರೈಃ। ಆರ್ತನಾದಾನ್ವಿಕುರ್ವಾಣಾ ವಿದ್ರವಂತಿ ದಿಶೋ ದಶ॥ 8-62-7 (58030) ರಥಾನಾಂ ದ್ರವತೇ ವೃಂದಮೇತಚ್ಚೈವ ಸಮಂತತಃ। ದ್ರಾವ್ಯಮಾಣಂ ರಣೇ ಪಾರ್ಥ ಕರ್ಣೇನಾಮಿತತೇಜಸಾ॥ 8-62-8 (58031) ಹಸ್ತಿಕಕ್ಷ್ಯಾಂ ರಣೇ ಪಶ್ಯ ಚರಂತೀಂ ತತ್ರತತ್ರ ಹ। ರಥಸ್ಥಂ ಸೂತಪುತ್ರಸ್ಯ ಕೇತುಂ ಕೇತುಮತಾಂ ವರ॥ 8-62-9 (58032) ಅಸೌ ಧಾವತಿ ರಾಧೇಯೋ ಭೀಮಸೇನರಥಂ ಪ್ರತಿ। ಕಿರಞ್ಶರಶತಾನ್ಯೇವ ವಿನಿಘ್ನಂಸ್ತವ ವಾಹಿನೀಂ॥ 8-62-10 (58033) ಏತೇ ನಶ್ಯಂತಿ ಪಾಂಚಾಲಾ ದ್ರಾವ್ಯಮಾಣಾ ಮಹಾತ್ಮನಾ। ಶಕ್ರೇಣೇವ ಯಥಾ ದೈತ್ಯಾ ದ್ರಾವ್ಯಮಾಣಾ ಮಹಾತ್ಮನಾ॥ 8-62-11 (58034) ಏಷ ಕರ್ಣೋ ರಣೇ ಜಿತ್ವಾ ಪಾಂಚಾಲಾನ್ಪಾಂಡುಸೃಂಜಯಾನ್। ದಿಶೋ ವಿಪ್ರೇಕ್ಷತೇ ಸರ್ವಾಸ್ತ್ವದರ್ಥಮಿತಿ ಮೇ ಮತಿಃ॥ 8-62-12 (58035) ಏಷ ಕರ್ಣೋ ಧನುಃಶ್ರೇಷ್ಠಂ ವಿಧೂನ್ವನ್ಬಹುಶೋಭತೇ। ಶತ್ರುಂ ಜಿತ್ವಾ ಯಥಾ ಶಕ್ರೋ ದೇವಸಂಖೈಃ ಸಮಾವೃತಃ॥ 8-62-13 (58036) ಏತೇ ನರ್ದಂತಿ ಕೌರವ್ಯಾ ದೃಷ್ಟ್ವಾ ಕರ್ಣಸ್ಯ ವಿಕ್ರಮಂ। ತ್ರಾಸಯಂತೋ ರಣೇ ಪಾಂಡೂನ್ಸೃಂಜಯಾಂಶ್ಚ ಸಮಂತತಃ॥ 8-62-14 (58037) ಏಷ ಸರ್ವಾತ್ಮನಾ ಪಾಂಡೂಂಸ್ತ್ರಾಸಯಿತ್ವಾ ಮಹಾರಣೇ। ಅಭಿಭಾಷತಿ ರಾಧೇಯಃ ಸರ್ವಸೈನ್ಯಾನಿ ಮಾನದ॥ 8-62-15 (58038) ಅಭಿದ್ರವತ ಭದ್ರಂ ವೋ ದ್ರುತಂ ದ್ರವತ ಕೌರವಾಃ। ಯಥಾ ನ ಜೀವವಾನ್ಕಶ್ಚಿನ್ಮುಚ್ಯೇತ ಯುಧಿ ಸೃಂಜಯಃ॥ 8-62-16 (58039) ತಥಾ ಕುರುತ ಸಂಯತ್ತಾ ವಯಂ ಯಾಸ್ಯಾಮ ಪೃಷ್ಠತಃ। ಏವಮುಕ್ತ್ವಾ ಗತೋ ಹ್ಯೇಷ ಪೃಷ್ಠತೋ ವಿಕಿರಂಛರಾನ್॥ 8-62-17 (58040) ಪಶ್ಯ ಕರ್ಣಂ ರಣೇ ಪಾರ್ಥ ಶ್ವೇತಚ್ಛತ್ರವಿರಾಜಿತಂ। ಉದಯಂ ಪರ್ವತಂ ಯದ್ವಚ್ಛಶಾಂಕೇನಾಭಿಶೋಭಿತಂ॥ 8-62-18 (58041) ಪೂರ್ಣಚಂದ್ರನಿಕಾಶೇನ ಮೂರ್ಧ್ನಿ ಚ್ಛತ್ರೇಣ ಭಾರತ। ಧ್ರಿಯಮಾಣೇನ ಸಮರೇ ಶ್ರೀಮಚ್ಛತಶಲಾಕಿನಾ॥ 8-62-19 (58042) ಏಷ ತ್ವಾಂ ಪ್ರೇಕ್ಷತೇ ಕರ್ಣಃ ಸಕಟಾಕ್ಷಂ ಧನಂಜಯ। ಉತ್ತಮಂ ಯತ್ನಮಾಸ್ಥಾಯ ಧ್ರುವಮೇಷ್ಯತಿ ಸಂಯುಗೇ॥ 8-62-20 (58043) ಪಶ್ಯ ಹ್ಯೇನಂ ಮಹಾಬಾಹೋ ವಿಧುನ್ವಾನಂ ಮಹದ್ಧನುಃ। ಶರಾಂಶ್ಚಾಶೀವಿಷಾಕಾರಾನ್ವಿಸೃಜಂತಂ ಮಹಾರಣೇ॥ 8-62-21 (58044) ಅಸೌ ನಿವೃತ್ತೋ ರಾಧೇಯೋ ದೃಷ್ಟ್ವಾ ತೇ ವಾನರಧ್ವಜಂ। ಪ್ರಾರ್ಥಯನ್ಸಮರಂ ಪಾರ್ಥ ತ್ವಯಾ ಸಹ ಪರಂತಪ। ವಧಾಯ ಹ್ಯಾತ್ಮನೋಽಭ್ಯೇತಿ ಪಾವಕಂ ಶಲಭೋ ಯಥಾ॥ 8-62-22 (58045) ಕರ್ಣಮೇಕಾಕಿನಂ ದೃಷ್ಟ್ವಾ ಧಾರ್ತರಾಷ್ಟ್ರೋ ರಣಾಜಿರೇ। ತ್ವಾಂ ಚ ಪಾರ್ಥಾಭಿಸಂರಬ್ಧಂ ಕರ್ಣಂ ಪ್ರತಿ ಮಹಾರಥಂ॥ 8-62-23 (58046) ಕೃತಾಗಸಂ ಚ ರಾಧೇಯಂ ಧರ್ಮಾತ್ಮನಿ ಯುಧಿಷ್ಠಿರೇ। ಅತ್ಮಾನಂ ಚ ಕೃತಾರ್ಥಂ ಚ ಸಮೀಕ್ಷ್ಯ ಭರತರ್ಷಭ॥ 8-62-24 (58047) ಅಸೌ ದುರ್ಯೋಧನಃ ಕ್ರುದ್ಧೋ ರಥಾನೀಕೇನ ಭಾರತ। ರಿರಕ್ಷಿಷುಃ ಸುಸಂವೃತ್ತೋ ಧಾರ್ತರಾಷ್ಟ್ರೋ ನಿವರ್ತತೇ॥ 8-62-25 (58048) ಸರ್ವೈಃ ಸಹೈಭಿರ್ದುಷ್ಟಾತ್ಮಾ ಬಧ್ಯತಾಂ ಚ ಪ್ರಯತ್ನತಃ। ತ್ವಯಾ ಯಶಶ್ಚ ರಾಜ್ಯಂ ಚ ಸುಖಂ ಚೋತ್ತಮಮಿಚ್ಛತಾ॥ 8-62-26 (58049) ಅದೀನಯೋರ್ವಿಶ್ರುತಯೋರ್ಯುವಯೋರ್ಯೋತ್ಸ್ಯಮಾನಯೋಃ। ದೇವಾಸುರೇ ಪಾರ್ಥ ಮೃಧೇ ದೇವದಾನವಯೋರಿವ। ಪಶ್ಯಂತು ಕೌರವಾಃ ಸರ್ವೇ ತವ ಪಾರ್ಥ ಪರಾಕ್ರಮಂ॥ 8-62-27 (58050) ತ್ವಾಂ ಚ ದೃಷ್ಟ್ವಾತಿಸಂರಬ್ಧಂ ಕರ್ಣಂ ಚ ಭರತರ್ಷಂ। ಅಸೌ ದುರ್ಯೋಧನಃ ಕ್ರುದ್ಧೋ ನೋತ್ತರಂ ಪ್ರತಿಪದ್ಯತೇ॥ 8-62-28 (58051) ಆತ್ಮಾನಂ ಚ ಕೃತಾತ್ಮಾನಂ ಸಮೀಕ್ಷ್ಯ ಭರತರ್ಷಭ। ಕೃತಾಗಸಂ ಚ ರಾಧೇಯಂ ಧರ್ಮಾತ್ಮನಿ ಯುಧಿಷ್ಠಿರೇ॥ 8-62-29 (58052) ಪ್ರತಿಪದ್ಯಸ್ವ ಕೌಂತೇಯ ಪ್ರಾಪ್ತಕಾಲಮನಂತರಂ। ಆರ್ಯಾಂ ಯುದ್ಧೇ ಮತಿಂ ಕೃತ್ವಾ ಪ್ರತ್ಯೇಹಿ ರಥಯೂಥಪಂ॥ 8-62-30 (58053) ಪಂಚ ಹ್ಯೇತಾನಿ ಮುಖ್ಯಾನಿ ರಥಾನಾಂ ರಥಸತ್ತಮ। ಶತಾನ್ಯxxxxxxಜಲಿನಾಂ ತಿನ್ಮತೇಜಸಾಂ॥ 8-62-31 (58054) ಪಂಚ ನಾಘxxxxx ದ್ವಿಗುಣಾ ವಾಜಿನಸ್ತಥಾ। ಅಭಿಸಂಹತ್ಯ ಕೌಂತೇಯ ಪದಾತಾಃ ಪ್ರಯುತಾನಿ ಚ॥ 8-62-32 (58055) xxxxxxxx ವೀರ ಬಲಂ ತಾಮಭಿವರ್ತತೇ। ದ್ರೋಮಪುತ್ರಂ ಪುರಸ್ಕೃತ್ಯ ತಚ್ಛೀಘ್ರಂ ಸನ್ನಿಷೂದಯ॥ 8-62-33 (58056) ನಿಕೃತ್ತ್ಯೈತದ್ರಥಾನೀಕಂ ಬಲಿನಂ ಲೋಕವಿಶ್ರುತಂ। ಸೂತಪುತ್ರೇ ಮಹೇಷ್ವಾಸೇ ದರ್ಶಯಾತ್ಮಾನಮಾತ್ಮನಾ॥ 8-62-34 (58057) xxxxxxxxxxxxxxxಭರತರ್ಷಭ। xxxxxxxxxxxxx ಪಾಂಚಾಲಾನಭಿಘಾವತಿ। 8-62-35 (58058) xxxxxx ಹಿ ಪಶ್ಯಾಮಿ ಧೃಷ್ಟದ್ಯುಂನರರ್ಥ ಪ್ರತಿ। xxxxxx ಪಾಂಚಾಲಾನಿತಿ ಮನ್ಯೇ ಪರಂತಪ॥ 8-62-36 (58059) ಆಚಚಕ್ಷೇ ಪ್ರಿಯಂ ಪಾರ್ಥ ತವೇದಂ ಭರತರ್ಷಭ। ರಾಜಾಸೌ ಕುಶಲೀ ಶ್ರೀಮಾಂಧರ್ಮಪುತ್ರೋ ಯುಧಿಷ್ಠಿರಃ॥ 8-62-37 (58060) ಅಸೌ ಭೀಮೋ ಮಹಾಬಾಹುಃ ಸನ್ನಿವೃತ್ತಶ್ಚಮೂಯುಖೇ। ವೃತಃ ಸೃಂಜಯ ಸೈನ್ಯೇನ ಶೈನೇಯೇನ ಚ ಭಪ್ತತ॥ 8-62-38 (58061) ವಧ್ಯಂತ ಏತೇ ಸಮರೇ ಕೌರವಾ ನಿಶಿತೈಃ ಶರೈಃ। ಭೀಮಸೇನೇನ ಕೌಂತೇಯ ಪಾಂಚಾಲೈಶ್ಚ ಮಹಾತ್ಮಭಿಃ॥ 8-62-39 (58062) ಸೇನಾ ಹಿ ಧಾರ್ತರಾಷ್ಟ್ರಸ್ಯ ವಿಮುಖಾ ವ್ಯದ್ರವದ್ರಣಾತ್। ವೇಗೇನ ಭೀಮಸೇನಸ್ಯ ವಿಹತಾ ವಿವಿಧೈಃ ಶರೈಃ॥ 8-62-40 (58063) ವಿಪನ್ನಸಸ್ಯೇವ ಮಹೀ ರುಧಿರೇಣ ಸಮುಕ್ಷಿತಾ। ಭಾರತೀ ಭರತಶ್ರೇಷ್ಠ ಸೇನಾ ಕೃಪಣದರ್ಶನಾ॥ 8-62-41 (58064) ನಿವೃತ್ತಂ ಪಶ್ಯ ಕೌಂತೇಯ ಭೀಮಸೇನಂ ಯುಧಾಂಪತಿಂ। ಆಶೀವಿಷಮಿವ ಕ್ರುದ್ಧಂ ತಸ್ಮಾದ್ದ್ರವತಿ ಭಾರತಿ॥ 8-62-42 (58065) ಪೀತರಕ್ತಾಸಿತಸಿತಾಸ್ತಾರಾಚಂದ್ರಾರ್ಕಮಂಡಿತಾಃ। ಪತಾಕಾ ವಿಪ್ರಕೀರ್ಯಂತೇ ಛತ್ರಾಣ್ಯೇತಾನಿ ಚಾರ್ಜುನ॥ 8-62-43 (58066) ಸೌವರ್ಣಾ ರಾಜತಾಶ್ಚೈವ ತೈಜಸಾಶ್ಚ ಪೃಥಗ್ವಿಧಾಃ। ಕೇತವೋಽಭಿನಿಪಾತ್ಯಂತೇ ಹಸ್ತ್ಯಶ್ವಂ ಚ ಪ್ರಕೀರ್ಯತೇ॥ 8-62-44 (58067) ರಥೇಭ್ಯಃ ಪ್ರಪತಂತ್ಯೇತೇ ರಥಿನೋ ವಿಗತಾಸವಃ। ನಾನಾವರ್ಣೈರ್ಹತಾ ಬಾಣೈಃ ಪಾಂಚಾಲೈರಪಲಾಯಿಭಿಃ॥ 8-62-45 (58068) ನಿರ್ಮನುಷ್ಯಾನ್ಗಜಾನಶ್ವಾನ್ರಥಾಂಶ್ಚೈವ ಧನಂಜಯ। ಸಮಾದ್ರವಂತಿ ಪಾಂಚಾಲಾ ಧಾರ್ತರಾಷ್ಟ್ರಾಂಸ್ತರಸ್ವಿನಃ॥ 8-62-46 (58069) ವಿಮೃದ್ರಂತಿ ನರವ್ಯಾಘ್ರಾ ಭೀಮಸೇನಬಲಾಶ್ರಯಾತ್। ಬಲಂ ಪರೇಷಾಂ ದುರ್ಧರ್ಷಂ ತ್ಯಕ್ತ್ವಾ ಪ್ರಾಣಾನರಿಂದಂ॥ 8-62-47 (58070) ಏತೇ ನರ್ದಿಂತಿ ಪಾಂಚಾಲಾ ಧ್ಮಾಪಯಂತಿ ಚ ವಾರಿಜಾನ್। ಅಭಿದ್ರವಂತಿ ಚ ರಣೇ ಮೃದ್ರಂತಃ ಸಾಯಕೈಃ ಪರಾನ್॥ 8-62-48 (58071) ಪಶ್ಯ ಸ್ವರ್ಗಸ್ಯ ಮಾಹಾತ್ಂಯಂ ಪಾಂಚಾಲಾ ಹಿ ಪರಾಕ್ರಮಾತ್। ಧಾರ್ತರಾಷ್ಟ್ರಾನ್ವಿನಿಘ್ನಂತೋ ವಿಶಂತ್ಯೇತೇ ರಥೋತ್ತಮಾನ್॥ 8-62-49 (58072) [ಶಸ್ತ್ರಮಾಚ್ಛಿದ್ಯ ಶತ್ರೂಣಾಂ ಸಾಯುಧಾನಾಂ ನಿರಾಯುಧಾಃ। ತೇನೈವೈತಾನಮೋಘಾಸ್ತ್ರಾ ನಿಘ್ನಂತಿ ಚ ನದಂತಿ ಚ॥ 8-62-50 (58073) ಶಿರಾಂಸ್ಯೇತಾನಿ ಪಾತ್ಯಂತೇ ಶತ್ರೂಣಾಂ ಬಾಹವೋಽಪಿ ಚ। ರಥನಾಗಹಯಾ ವೀರಾ ಯಶಸ್ಯಾಃ ಸರ್ವ ಏವ ಚ]॥ 8-62-51 (58074) ಸರ್ವತಶ್ಚಾಭಿಪನ್ನೈಷಾ ಧಾರ್ತರಾಷ್ಟ್ರೀ ಮಹಾಚಮೂಃ। ತ್ಯಕ್ತ್ವಾ ಪ್ರಾಣಾನ್ಮಹೇಷ್ವಾಸೈಃ ಪಾಂಚಾಲೈಃ ಪರಿಪಾತ್ಯತೇ॥ 8-62-52 (58075) ಸುಹೃದಶ್ಚ ಪರಾಕ್ರಾಂತಾಃ ಕೃಪಕರ್ಣಾದಯೋ ವಿಭೋ। ನಿವಾರಣೇ ಮಹೇಷ್ವಾಸಾಃ ಪಾಂಚಾಲಾನಾಂ ಪರಂತಪ॥ 8-62-53 (58076) ಅನಿವೃತ್ತಾಂಶ್ಚ ಭೀತಾಂಸ್ತಾಂಧಾರ್ತರಾಷ್ಟ್ರಾನ್ಪರಂತಪ। ಧೃಷ್ಟದ್ಯುಂನಮುಖಾ ವೀರಾ ಘ್ನಂತಿ ಶತ್ರೂನ್ಸಹಸ್ರಶಃ॥ 8-62-54 (58077) ರಥಾಶ್ಚ ವಿವಿಧಾಃ ಸರ್ವೇ ನಿವೃತ್ತೇ ಭರತರ್ಷಭೇ। ವಿವರ್ಣಮುಖಭೂಯಿಷ್ಠಾ ಧಾರ್ತರಾಷ್ಟ್ರೀ ಮಹಾಚಮೂಃ॥ 8-62-55 (58078) ಪಶ್ಯ ಭೀಮೇನ ನಾರಾಚೈರ್ಭಿನ್ನಾ ನಾಗಾಃ ಪತಂತ್ಯಮೀ। ವಜ್ರಿವಜ್ರಹತಾನೀವ ಶಿಖರಾಣಿ ಧರಾಭೃತಾಂ॥ 8-62-56 (58079) ಭೀಮಸೇನಸ್ಯ ನಿರ್ವಿದ್ಧಾ ಬಾಣೈಃ ಸನ್ನತಪರ್ವಭಿಃ। ಸ್ವಾನ್ಯನೀಕಾನಿ ಮೃದ್ಗಂತೋ ದ್ರವಂತ್ಯೇತೇ ಮಹಾಗಜಾಃ॥ 8-62-57 (58080) `ಏತೇ ದ್ರವಂತಿ ಕುರವೋ ಭೀಮಸೇನಭಯಾರ್ದಿತಾಃ। ತ್ಯಕ್ತ್ವಾ ರಥಾನ್ಗಜಾಂಶ್ಚೈವ ಹಯಾಂಶ್ಚೈವ ಸಹಸ್ರಶಃ॥ 8-62-58 (58081) ಹಸ್ತ್ಯಶ್ವರಥಪತ್ತೀನಾಂ ದ್ರವತಾಂ ನಿಃಸ್ವನಂ ಶೃಣು। ಭೀಮಸೇನಸ್ಯ ನಿನದಂ ದ್ರಾವಯಾನಸ್ಯ ಕೌರವಾನ್॥ 8-62-59 (58082) ಅಭಿಜಾನಾಮಿ ಭೀಮಸ್ಯ ಸಿಂಹನಾದಂ ಪುನಃಪುನಃ'। ನದತಃ ಪಾಂಡವೇಯಸ್ಯ ಸಂಗ್ರಾಮೇ ಜಿತಕಾಶಿನಃ॥ 8-62-60 (58083) ಏಷ ನೈಷಾದಿರಭ್ಯೇತಿ ದ್ವಿಪಮುಖ್ಯೇನ ಪಾಂಡವಂ। ವಿಸೃಜಂಸ್ತೋಮರಾನ್ಕ್ರುದ್ಧೋ ದಂಡಪಾಣಿರಿವಾಂತಕಃ॥ 8-62-61 (58084) ತಸ್ಯ ಚೈವ ಭುಜೌ ಛಿನ್ನೌ ಭೀಮಸೇನೇನ ಗರ್ಜತಃ। ನಾಗಶ್ಚ ಕ್ರಕರಪ್ರಖ್ಯೈರ್ನಾರಾಚೈರ್ದಶಭಿರ್ಹತಃ॥ 8-62-62 (58085) ಹಂತೈತೇ ಪುನರಾಯಾಂತಿ ನಾಗಾ ಹ್ಯನ್ಯೇ ಪ್ರಹಾರಿಣಃ। ನೀಲಾಂಜನಚಯಪ್ರಖ್ಯಾ ಮಹಾಮಾತ್ರೈರಧಿಷ್ಠಿತಾಃ॥ 8-62-63 (58086) ಶಕ್ತಿತೋಮರಸಂಘತೈರ್ವಿನಿಘ್ನಂತೋ ವೃಕೋದರಂ। ಸಪ್ತಸಪ್ತ ಚ ನಾಗಸ್ಥಾ ವೈಜಯಂತ್ಯಶ್ಚ ಸಧ್ವಜಾಃ। ನವತ್ಯಾ ನಿಶಿತೈರ್ಬಾಣೈಶ್ಛಿನ್ನಾಃ ಪಾರ್ಥಾಗ್ರಜೇನ ತೇ॥ 8-62-64 (58087) ದಶಭಿರ್ದಶಭಿಶ್ಚೈಕೋ ನಾರಾಚೈರ್ನಿಹತೋ ಗಜಃ॥ 8-62-65 (58088) ನ ಚಾಸೌ ಧಾರ್ತರಾಷ್ಟ್ರಾಣಾಂ ಶ್ರೂಯತೇ ನಿನದಸ್ತಥಾ। ಪುರಂದರಸಮೇ ಕ್ರುದ್ಧೇ ನಿವೃತ್ತೇ ಭರತರ್ಷಭೇ॥ 8-62-66 (58089) ಅಕ್ಷೌಹಿಣ್ಯಸ್ತಥಾ ತಿಸ್ರೋ ಧಾರ್ತರಾಷ್ಟ್ರಸ್ಯ ಸಂಗತಾಃ। ಕ್ರುದ್ಧೇನ ಭೀಮಸೇನೇನ ನರಸಿಂಹೇನ ವಾರಿತಾಃ॥ 8-62-67 (58090) ನ ಶಕ್ನುವಂತಿ ವೈ ಪಾರ್ಥಂ ಪಾರ್ಥಿವಾಃ ಸಮುದೀಕ್ಷಿತುಂ। ಮಧ್ಯಂದಿನಗತಂ ಸೂರ್ಯಂ ಯಥಾ ದುರ್ಬಲಚಕ್ಷುಷಃ॥ 8-62-68 (58091) ಏತೇ ಭೀಮಸ್ಯ ಸಂತ್ರಸ್ತಾಃ ಸಿಂಹಸ್ಯೇವೇತರೇ ಮೃಗಾಃ। ಶರೈಃ ಸಂತ್ರಾಸಿತಾಃ ಸಹ್ಖ್ಯೇ ನ ಲಭಂತೇ ಸುಖಂ ಕ್ವಚಿತ್॥ 8-62-69 (58092) ರಾಧೇಯೋ ಬಹುಭಿಃ ಸಾರ್ಧಮಸೌ ಗಚ್ಛತಿ ವೇಗಿತಃ। ವರ್ಧಯಿತ್ವಾ ತು ಭೀರುಂ ತಂ ಪಾರ್ಶ್ವತೋ ಹ್ಯಾನಯದ್ಧನುಃ। ತಂ ಪಾಲಯನ್ಮಹಾರಾಜಂ ಧಾರ್ತರಾಷ್ಟ್ರಂ ಬಲಾನ್ವಿತಃ॥ 8-62-70 (58093) ಸಂಜಯ ಉವಾಚ। 8-62-71x (4986) ಏತಚ್ಛ್ರುತ್ವಾ ಮಹಾಬಾಹುರ್ವಾಸುದೇವಾದ್ಧನಂಜಯಃ। ಭೀಮಸೇನೇನ ತತ್ಕರ್ಮ ಕೃತಂ ದೃಷ್ಟ್ವಾ ಸುದುಷ್ಕರಂ। ಅರ್ಜುನೋ ವ್ಯಧಮಚ್ಛಿಷ್ಟಾನ್ಸಂಶಪ್ತಕಗಣಾನ್ಬಹೂನ್॥ 8-62-71 (58094) ತೇ ವಧ್ಯಮಾನಾಃ ಪಾರ್ಥೇನ ಸಂಶಪ್ತಕಗಣಾಃ ಪ್ರಭೋ। ಶಕ್ರಸ್ಯಾತಿಥಿತಾಂ ಗತ್ವಾ ವಿಶೋಕಾ ಹ್ಯಭವಂಸ್ತದಾ॥ 8-62-72 (58095) ನಾರಾಯಣಾಂಸ್ತು ಗೋಪಾಲಾನ್ವ್ಯಧಮತ್ಪಾಂಡುನಂದನಃ। ಉತ್ತಮಂ ವೇxxxxxಪ್ತಾಸ್ಥಾಯ ಚಂಡವಾಯುರ್ಧನಾನಿವ॥ 8-62-73 (58096) ಅನ್ವಕೀರ್ಯಂತ ಭೀತಾಸ್ತೇ ತತ್ರತತ್ರೈವ ಭಾರತ। ಲುಲಿತಾಂಶ್ಚ ತತಃ ಶೂರಾನಹನತ್ಪುರುಷೋತ್ತಮಃ॥ 8-62-74 (58097) ಪುನಶ್ಚ ಪುರುಷವ್ಯಾಘ್ರಃ ಶರೈಃ ಸನ್ನತಪರ್ವಭಿಃ। ಜಘಾನ ಧಾರ್ತರಾಷ್ಟ್ರಸ್ಯ ಚತುರ್ವಿಧಬಲಾಂ ಚಮೂಂ॥ ॥ 8-62-75 (58098) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ದ್ವಿಷಷ್ಟಿತಮೋಽಧ್ಯಾಯಃ॥ 62 ॥

8-63-0 (58099) ಧೃತರಾಷ್ಟ್ರ ಉವಾಚ। 8-63-0x (4987) ನಿವೃತ್ತೇ ಭೀಮಸೇನೇ ಚ ಪಾಂಡವೇ ಚ ಯುಧಿಷ್ಠಿರೇ। ವಧ್ಯಮಾನೇ ಬಲೇ ಚಾಪಿ ಮಾಮಕೇ ಪಾಂಡುಸೃಂಜಯೈಃ॥ 8-63-1 (58100) ದ್ರವಮಾಣೇ ಬಲೌಘೇ ಚ ನಿರಾಕ್ರಂದೇ ಮುಹುರ್ಮುಹುಃ। `ಅವಶೇಷಂ ನ ಪಶ್ಯಾಮಿ ಮಮ ಸೈನ್ಯೇಷು ಸಂಜಯ॥ 8-63-2 (58101) ಅಹೋ ಬತ ದಶಾಂ ಪ್ರಾಪ್ತೋ ನ ಹಿ ಶಕ್ಷ್ಯಾಮಿ ಜೀವಿತುಂ। ಜಯಕಾಂಕ್ಷೀ ಕಥಂ ಸೂತ ಪುತ್ರಾಣಾಮನಿವರ್ತಿನಾಂ॥ 8-63-3 (58102) ಕಥಂ ಜೀವಾಮಿ ನಿಹತಾಞ್ಶ್ರುತ್ವಾ ಚ ಮಮ ಸೈನಿಕಾನ್। ಬಹುನಾಽದ್ಯ ಕಿಮುಕ್ತೇನ ದೈವಂ ತೇಷಾಂ ಪರಾಯಣಂ'॥ 8-63-4 (58103) ಮಾಮಕಾಃ ಕಿಮಕುರ್ವಂತ ತನ್ಮಮಾಚಕ್ಷ್ವ ಸಂಜಯ॥ 8-63-5 (58104) ಸಂಜಯ ಉವಾಚ। 8-63-6x (4988) ದೃಷ್ಟ್ವಾ ಭೀಮಂ ಮಹಾಬಾಹುಂ ತವ ಪುತ್ರಃ ಪ್ರತಾಪವಾನ್। ಕ್ರೋಧರಕ್ತೇಕ್ಷಣೋ ರಾಜನ್ಭೀಮಸೇನಮಭಿದ್ರವತ್॥ 8-63-6 (58105) `ತಿಷ್ಠತಿಷ್ಠ ಪೃಥಾಪುತ್ರ ಪಶ್ಯ ಮೇಽದ್ಯ ಪರಾಕ್ರಮಂ। ಅದ್ಯ ತ್ವಾಂ ಪ್ರೇಷಾಯಷ್ಯಾಮಿ ಯಮಸ್ಯ ಸದನಂ ಪ್ರಾತೇ। ಇತ್ಯುಕ್ತ್ವಾ ಪ್ರಯಯೌ ಕರ್ಣೋ ಯತ್ರ ಭೀಮೋ ವ್ಯವಸ್ಥಿತಃ'॥ 8-63-7 (58106) ತಾವಕಂ ತು ಬಲಂ ದೃಷ್ಟ್ವಾ ಭೀಮಸೇನಾತ್ಪರಾಙ್ಮುಖಂ। ಯತ್ನೇನ ಮಹತಾ ಕರ್ಣಃ ಪರ್ಯವಸ್ಥಾಪಯದ್ಬಲೀ॥ 8-63-8 (58107) ವ್ಯವಸ್ಥಾಪ್ಯ ಮಹಾಬಾಹುಸ್ತವ ಪುತ್ರಸ್ಯ ವಾಹಿನೀಂ। ಪ್ರತ್ಯುದ್ಯಯೌ ತದಾ ಕರ್ಣಃ ಪಾಂಡವಾನ್ಯುದ್ಧದುರ್ಮದಾನ್॥ 8-63-9 (58108) ಪ್ರತ್ಯುದ್ಯಯುಶ್ಚ ರಾಧೇಯಂ ಪಾಂಡವಾನಾಂ ಮಹಾರಥಾಃ। ಧುನ್ವಾನಾಃ ಕಾರ್ಮುಕಾಣ್ಯಾಜೌ ವಿಕ್ಷಿಪಂತಶ್ಚ ಸಾಯಕಾನ್॥ 8-63-10 (58109) ಭೀಮಸೇನಃ ಶಿನೇರ್ನಪ್ತಾ ಶಿಖಂಡೀ ಜನಮೇಜಯಃ। ಧೃಷ್ಟದ್ಯುಂನಶ್ಚ ಬಲವಾನ್ಸರ್ವೇ ಚಾಪಿ ಪ್ರಭದ್ರಕಾಃ॥ 8-63-11 (58110) ಪಾಂಚಾಲಾನಾಂ ನರವ್ಯಾಘ್ರಾಃ ಸಮಂತಾತ್ತ್ವ ವಾಹಿನೀಂ। ಅಭ್ಯದ್ರವಂತ ಸಂಕ್ರುದ್ಧಾಃ ಸಮರೇ ಜಿತಕಾಶಿನಃ॥ 8-63-12 (58111) ತಥೈವ ತಾವಕಾ ರಾಜನ್ಪಾಂಡವಾನಾಮನೀಕಿನೀಂ। ಅಭ್ಯದ್ರವಂತ ತ್ವರಿತಾ ಜಿಘಾಂಸಂತೋ ಮಹಾರಥಾನ್॥ 8-63-13 (58112) ರಥನಾಗಾಶ್ವಕಲಿಲಂ ಪತ್ತಿಧ್ವಜಸಮಾಕುಲಂ। ಬಭೂವ ಪುರುಷವ್ಯಾಘ್ರ ಸೈನ್ಯಮದ್ಭುತದರ್ಶನಂ॥ 8-63-14 (58113) ಶಿಖಂಡೀ ತು ಯಯೌ ಕರ್ಣಂ ಧೃಷ್ಟದ್ಯುಂನಃ ಸುತಂ ತವ। ದುಃಶಾಸನಂ ಮಹಾರಾಜ ಮಹಾಸೇನಃ ಸಮಭ್ಯಯಾತ್॥ 8-63-15 (58114) ನಕುಲೋ ವೃಷಸೇನಂ ತು ಚಿತ್ರಸೇನಂ ಯುಧಿಷ್ಠಿರಃ। ಉಲೂಕಂ ಸಮರೇ ರಾಜನ್ಸಹದೇವಃ ಸಮಭ್ಯಯಾತ್॥ 8-63-16 (58115) ಸಾತ್ಯಕಿಃ ಶಕುನಿಂ ಚಾಪಿ ದ್ರೌಪದೇಯಾಶ್ಚ ಕೌರವಾನ್। ಅರ್ಜುನಂ ಚ ರಣೇ ಯತ್ತೋ ದ್ರೋಣಪುತ್ರೋ ಮಹಾರಥಃ॥ 8-63-17 (58116) ಯುಧಾಮನ್ಯುಂ ಮಹೇಷ್ವಾಸಂ ಗೌತಮೋಽಭ್ಯಪತದ್ರಣೇ। ಕೃತವರ್ಮಾ ಚ ಬಲವಾನುತ್ತಮೌಜಸಮಾದ್ರವತ್॥ 8-63-18 (58117) ಭೀಮಸೇನಃ ಕುರೂನ್ಸರ್ವಾನ್ಪುತ್ರಾಂಶ್ಚ ತವ ಮಾರಿಷ। ಸಹಾನೀಕಾನ್ಮಹಾಬಾಹುರೇಕ ಏವ ನ್ಯವಾರಯತ್॥ 8-63-19 (58118) ಶಿಖಂಡೀ ತು ತತಃ ಕರ್ಣಂ ವಿಚರಂತಮಭೀತವತ್। ಭೀಷ್ಮಹಂತಾ ಮಹಾರಾಜ ವಾರಯಾಮಾಸ ಪತ್ರಿಭಿಃ॥ 8-63-20 (58119) ಪ್ರತಿರುದ್ಧಸ್ತತಃ ಕರ್ಣೋ ರೋಪಾತ್ಪ್ರಸ್ಫುರಿತಾಧರಃ। ಶಿಖಂಡಿನಂ ತ್ರಿಭಿರ್ಬಾಣೈರ್ಭ್ರುವೋರ್ಮಧ್ಯೇಽಭ್ಯತಾಡಯತ್॥ 8-63-21 (58120) ಧಾರಯಂಸ್ತು ಸ ತಾನ್ವಾಣಾಞ್ಶಿಖಂಡೀ ಬಹ್ವಶೋಭತ। ರಾಜತಃ ಪರ್ವತೋ ಯದ್ವತ್ತ್ರಿಭಿಃ ಶೃಂಗೈಃ ಸಮನ್ವಿತಃ॥ 8-63-22 (58121) ಸೋಽತಿವಿದ್ಧೋ ಮಹೇಷ್ವಾಸಃ ಸೂತಪುತ್ರೇಣ ಸಂಯುಗೇ। ಕರ್ಣಂ ವಿವ್ಯಾಧ ಸಮರೇ ನವತ್ಯಾ ನಿಶಿತೈಃ ಶರೈಃ॥ 8-63-23 (58122) ತಸ್ಯ ಕರ್ಣೋ ಹಯಾನ್ಹತ್ವಾ ಸಾರಥಿಂ ಚ ಶರೈಃ। ಉನ್ಮಮಾಥ ಧ್ವಜಂ ಚಾಸ್ಯ ಕ್ಷುರಪ್ರೇಣ ಮಹಾರಥಃ॥ 8-63-24 (58123) ಹತಾಶ್ವಾತ್ತು ತತೋ ಯಾನಾದವಪ್ಲುತ್ಯ ಮಹಾರಥಃ। ಶಕ್ತಿಂ ಚಿಕ್ಷೇಪ ಕರ್ಣಾಯ ಸಂಕ್ರುದ್ಧಃ ಶತ್ರುತಾಪನಃ॥ 8-63-25 (58124) ತಾಂ ಛಿತ್ತ್ವಾ ಸಮರೇ ಕರ್ಣಸ್ತ್ರಿಭಿರ್ಭಾರತ ಸಾಯಕೈಃ। ಶಿಖಂಡಿನಮಥಾವಿಧ್ಯನ್ನವಭಿರ್ನಿಶಿತೈಃ ಶರೈಃ॥ 8-63-26 (58125) ಕರ್ಣಚಾಪಚ್ಯುತಾನ್ಬಾಣಾನ್ವರ್ಜಯಂಸ್ತು ನರೋತ್ತಮಃ। ಅಪಯಾತಸ್ತತಸ್ತೂರ್ಣಂ ಶಿಖಂಡೀ ಭೃಶವಿಕ್ಷತಃ॥ 8-63-27 (58126) ತತಃ ಕರ್ಣೋ ಮಹಾರಾಜ ಪಾಂಡುಸೈನ್ಯಾನ್ಯಶಾತಯತ್। ತೂಲರಾಶಿಂ ಸಮಾಸಾದ್ಯ ಯಥಾ ವಾಯುರ್ಮಹಾಬಲಃ॥ 8-63-28 (58127) ಧೃಷ್ಟದ್ಯುಂನೋ ಮಹಾರಾಜ ತವ ಪುತ್ರೇಣ ಪೀಡಿತಃ। ದುಃಶಾಸನಂ ತ್ರಿಭಿರ್ಬಾಣೈಃ ಪ್ರತ್ಯವಿಧ್ಯತ್ಸ್ತನಾಂತರೇ॥ 8-63-29 (58128) ತಸ್ಯ ದುಃಶಾಸನೋ ಬಾಹುಂ ಸವ್ಯಂ ವಿವ್ಯಾಧ ಮಾರಿಷ। ಸ ತೇನ ರುಕ್ಮಪುಂಖೇನ ಭಲ್ಲೇನ ನತಪರ್ವಣಾ॥ 8-63-30 (58129) ಧೃಷ್ಟದ್ಯುಂನಸ್ತು ನಿರ್ವಿದ್ಧಃ ಶರಂ ಘೋರಮಮರ್ಷಣಃ। ದುಃಶಾಸನಾಯ ಸಂಕ್ರುದ್ಧಃ ಪ್ರೇಷಯಾಮಾಸ ಭಾರತ॥ 8-63-31 (58130) ಆಪತಂತಂ ಮಹಾವೇಗಂ ಧೃಷ್ಟದ್ಯುಂನಸಮೀರಿತಂ। ಶರೈಶ್ಚಿಚ್ಛೇದ ಪುತ್ರಸ್ತೇ ತ್ರಿಭಿರೇವ ವಿಶಾಂಪತೇ॥ 8-63-32 (58131) ಅಥಾಪರೈಃ ಷೋಡಶಭಿರ್ಭಲ್ಲೈಃ ಕನಕಭೂಷಣೈಃ। ಧೃಷ್ಟದ್ಯುಂನಂ ಸಮಾಸಾದ್ಯ ಬಾಹ್ವೋರುರಸಿ ಚಾರ್ಪಯತ್॥ 8-63-33 (58132) ತತಃ ಸ ಪಾರ್ಷತಃ ಕ್ರುದ್ಧೋ ಧನುಶ್ಚಿಚ್ಛೇದ ಮಾರಿಷ। ಕ್ಷುರಪ್ರೇಣ ಸುತೀಕ್ಷ್ಣೇನ ತತ ಉಚ್ಚುಕ್ರುಶುರ್ಜನಾಃ॥ 8-63-34 (58133) ಅಥಾನ್ಯದ್ಧನುರಾದಾಯ ಪುತ್ರಸ್ತೇ ಪ್ರಹಸನ್ನಿವ। ಧೃಷ್ಟದ್ಯುಂನಂ ಶರವ್ರಾತೈಃ ಸಮಂತಾತ್ಪರ್ಯವಾರಯತ್॥ 8-63-35 (58134) ತವ ಪುತ್ರಸ್ಯ ತೇ ದೃಷ್ಟ್ವಾ ವಿಕ್ರಮಂ ಸುಮಹಾತ್ಮನಃ। ವ್ಯಸ್ಮಯಂತ ರಣೇ ಯೋಧಾಃ ಸಿದ್ಧಾಶ್ಚಾಪ್ಸರಸಸ್ತಥಾ॥ 8-63-36 (58135) ಧೃಷ್ಟದ್ಯುಂನಂ ತು ಪಶ್ಯಾಮ ಘಟಮಾನಂ ಮಹಾಬಲಂ। ದುಃಶಾಸನೇನ ಸಂರುದ್ಧಂ ಸಿಂಹೇನೇವ ಮಹಾಗಜಂ॥ ॥ 8-63-37 (58136) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ತ್ರಿಷಷ್ಟಿತಮೋಽಧ್ಯಾಯಃ॥ 63 ॥

8-64-0 (58137) ಸಂಜಯ ಉವಾಚ। 8-64-0x (4989) ತತಃ ಸರಥನಾಗಾಶ್ವಾಃ ಪಾಂಚಾಲಾಃ ಪಾಂಡುಸೃಂಜಯಾಃ। ಸೇನಾಪತಿಂ ಪರೀಪ್ಸಂತೋ ರುರುಧುಸ್ತನಯಂ ತವ॥ 8-64-1 (58138) ತತಃ ಪ್ರವವೃತೇ ಯುದ್ವಂ ತಾವಕಾನಾಂ ಪರೈಃ ಸಹ। ಘೋರಂ ಪ್ರಾಣಭೃತಾಂ ಕಾಲೇ ಭೀಮರೂಪಂ ಪರಂತಪ॥ 8-64-2 (58139) ನಕುಲೋ ವೃಷಸೇನಂ ತು ವಿದ್ಧ್ವಾ ಪಂಚಭಿರಾಯಸೈಃ। ಪಿತುಃ ಸಮೀಪೇ ತಿಷ್ಠಂತಂ ತ್ರಿಭಿರಂತ್ಯೈರವಿಧ್ಯತ॥ 8-64-3 (58140) ನಕುಲಂ ತು ತತಃ ಶೂರೋ ವೃಷಸೇನೋ ಹಸನ್ನಿವ। ನಾರಾಚೇನ ಸುತೀಕ್ಷ್ಣೇನ ವಿವ್ಯಾಧ ಹೃದಯೇ ಭೃಶಂ'॥ 8-64-4 (58141) ಸೋಽತಿವಿದ್ಧೋ ಬಲವತಾ ಶತ್ರುಣಾ ಶತ್ರುಕರ್ಶನ। ಶತ್ರುಂ ವಿವ್ಯಾಧ ವಿಂಶತ್ಯಾ ಸೂತಂ ಚೈವಾಸ್ಯ ಸಪ್ತಭಿಃ॥ 8-64-5 (58142) ತತಃ ಶರಸಹಸ್ರೇಣ ತಾವುಭೌ ಪುರುಷರ್ಷಭೌ। ಅನ್ಯೋನ್ಯಮಾಚ್ಛಾದಯತಾಂ ತವಾಭಜ್ಯತ ವಾಹಿನೀ॥ 8-64-6 (58143) ಸ ದೃಷ್ಟ್ವಾ ಪ್ರದ್ರುತಾಂ ಸೇನಾಂ ಧಾರ್ತರಾಷ್ಟ್ರಸ್ಯ ಸೂತಜಃ। ನಿವಾರಯಾಮಾಸ ಬಲಾದನುಪತ್ಯ ವಿಶಾಂಪತೇ॥ 8-64-7 (58144) `ಏತಸ್ಮಿನ್ನಂತರೇ ಯುದ್ಧಂ ಕಷ್ಟಮಾಸೀದ್ವಿಶಾಂಪತೇ'। ನಿವೃತ್ತೇ ತು ತತಃ ಸೈನ್ಯೇ ನಕುಲಃ ಕೌರವಾನ್ಯಯೌ॥ 8-64-8 (58145) ಕರ್ಣಪುತ್ರಸ್ತು ಸಮರೇ ಹಿತ್ವಾ ನಕುಲಮೇವ ತು। ಜುಗೋಪ ಚಕ್ರಂ ತ್ವರಿತೋ ರಾಧೇಯಸ್ಯೈವ ಮಾರಿಷ॥ 8-64-9 (58146) ಉಲೂಕಸ್ತು ರಣೇ ಕ್ರುದ್ಧಃ ಸಹದೇವೇನ ಮಾರಿಷ। `ನಿವಾರಿತಃ ಶರಶತೈಃ ಕ್ರುದ್ಧೇನ ರಣಮೂರ್ಧನಿ॥ 8-64-10 (58147) ತಸ್ಯಾಶ್ವಾಂಶ್ಚತುರೋ ಹತ್ವಾ ಸಹದೇವಃ ಪ್ರತಾಪವಾನ್। ಸಾರಥಿಂ ಪ್ರೇಷಯಾಮಾಸ ಯಮಸ್ಯ ಸದನಂ ಪ್ರತಿ॥ 8-64-11 (58148) ಉಲೂಕಸ್ತು ತತೋ ಯಾನಾದವಪ್ಲುತ್ಯ ವಿಶಾಂಪತೇ। ತ್ರಿಗರ್ತಾನಾಂ ಬಲಂ ತೂರ್ಣಂ ಜಗಾಮ ಪಿತೃನಂದನಃ॥ 8-64-12 (58149) ಸಾತ್ಯಕಿಃ ಶಕುನಿಂ ವಿದ್ಧ್ವಾ ವಿಂಶತ್ಯಾ ನಿಶಿತೈಃ ಶರೈಃ। ಧ್ವಜಂ ಚಿಚ್ಛೇದ ಭಲ್ಲೇನ ಸೌಬಲಸ್ಯ ಹಸನ್ನಿವ॥ 8-64-13 (58150) ಸೌಬಲಸ್ತಸ್ಯ ಸಮರೇ ಕ್ರುದ್ಧೋ ರಾಜನ್ಪ್ರತಾಪವಾನ್। ವಿದಾರ್ಯ ಕವಚಂ ಭೂಯೋ ಧ್ವಜಂ ಚಿಚ್ಛೇದ ಕಾಂಚನಂ॥ 8-64-14 (58151) ತಥೈನಂ ನಿಶಿತೈರ್ಬಾಣೈಃ ಸಾತ್ಯಕಿಃ ಪ್ರತ್ಯವಿಧ್ಯತ। ಸಾರಥಿಂ ಚ ಮಹಾರಾಜ ತ್ರಿಭಿರೇವ ಸಮಾರ್ಪಯತ್॥ 8-64-15 (58152) ಅಥಾಸ್ಯ ವಾಹಾಂಸ್ತ್ವರಿತಃ ಶರೈರ್ನಿತ್ಯೇ ಯಮಕ್ಷಯಂ। ತತೋಽವಪ್ಲುತ್ಯ ಸಹಸಾ ಶಕುನಿರ್ಭರತರ್ಷಭ॥ 8-64-16 (58153) ಆರುರೋಹ ರಥಂ ತೂರ್ಣಮುಲೂಕಸ್ಯ ಮಹಾತ್ಮನಃ। ಅಪೋವಾಹಾಥ ಶೀಘ್ರಂ ಸ ಶೈನೇಯಾದ್ಯುದ್ಧಶಾಲಿನಃ॥ 8-64-17 (58154) ಸಾತ್ಯಕಿಸ್ತು ರಣ ರಾಜಂಸ್ತಾವಕಾನಾಮನೀಕಿನೀಂ। ಅಭಿದುದ್ರಾವ ವೇಗೇನ ತತೋಽನೀಕಮಭಜ್ವತ॥ 8-64-18 (58155) ಶೈನೇಯಶರಸಂಛನ್ನಂ ತವ ಸೈನ್ಯಂ ವಿಶಾಂಪತೇ। ಭೇಜೇ ದಶಾ ದಿಶಸ್ತೂರ್ಣಂ ನ್ಯಪತಚ್ಚ ಗತಾಸುವತ್॥ 8-64-19 (58156) ಭೀಮಸೇನಂ ತವ ಸುತೋ ವಾರಯಾಮಾಸ ಸಂಯುಗೇ॥ 8-64-20 (58157) ತಂ ತು ಭೀಮೋ ಮುಹೂರ್ತೇನ ವ್ಯಶ್ವಸೂತರಥಧ್ವಜಂ। ಚಕ್ರೇ ಲೋಕೇಶ್ವರಂ ತತ್ರ ತೇನಾತುಷ್ಯಂತ ವೈ ಜನಾಃ॥ 8-64-21 (58158) ತತೋಽಪಾಯಾನ್ನೃಪಸ್ತಸ್ಮಾದ್ಭೀಮಸೇನಭಯಾರ್ದಿತಃ। ಕುರುಸೈನ್ಯಂ ತತಃ ಸರ್ವಂ ಭೀಮಸೇನಮುಪಾದ್ರವತ್। ತತ್ರ ನಾದೋ ಮಹಾನಾಸೀದ್ಧೀಮಸೇನಂ ಜಿಘಾಂಸತಾಂ॥ 8-64-22 (58159) ಯುಧಾಮನ್ಯುಃ ಕೃಪಂ ವಿದ್ಧ್ವಾ ಧನುರಸ್ಯಾಶು ಚಿಚ್ಛದೇ। ಅಥಾನ್ಯದ್ಧನುರಾದಾಯ ಕೃಪಃ ಶಸ್ತ್ರಭೃತಾಂ ವರಃ। ಯುಧಾಮನ್ಯೋರ್ಧ್ವಜಂ ಸೂತಂ ಛತ್ರಂ ಚಾಪಾತಯತ್ಕ್ಷಿತೌ॥ 8-64-23 (58160) ತತೋಽಪಾಯಾದ್ರಥೇನೈವ ಯುಧಾಮನ್ಯುರ್ಮಹಾರಥಃ॥ 8-64-24 (58161) ಉತ್ತಮೌಜಾಶ್ಚ ಹಾರ್ದಿಕ್ಯಂ ಭೀಮಂ ಭೀಮಪರಾಕ್ರಮಂ। ಛಾದಯಾಮಾಸ ಸಹಸಾ ಮೇಘೋ ವೃಷ್ಟ್ಯೇವ ಪರ್ವತಂ॥ 8-64-25 (58162) ತದ್ಯುದ್ಧಮಾಸೀತ್ಸುಮಹದ್ಧೋರರೂಪಂ ಪರಂತಪ। ತಾದೃಶಂ ನ ಮಯಾ ಯುದ್ಧಂ ದೃಷ್ಟಪೂರ್ವಂ ವಿಶಾಂಪತೇ॥ 8-64-26 (58163) ಕೃತವರ್ಮಾ ತತೋ ರಾಜನ್ನುತ್ತಮೌಜಸಮಾಹವೇ। ಹೃದಿ ವಿವ್ಯಾಧ ಸಹಸಾ ರಥೋಪಸ್ಥ ಉಪಾವಿಶತ್॥ 8-64-27 (58164) ಸಾರಥಿಸ್ತಮಪೋವಾಹ ರಥೇನ ರಥಿನಾಂ ವರಂ। ತತಸ್ತು ಸಾತ್ವತೋ ರಾಜನ್ಪಾಂಡುಸೈನ್ಯಮಭಿದ್ರವತ್॥ 8-64-28 (58165) [ದುಃಶಾಸನಃ ಸೌಬಲಶ್ಚ ಗಜಾನೀಕೇನ ಪಾಂಡವಂ। ಮಹತಾ ಪರಿವಾರ್ಯೈವ ಕ್ಷುದ್ರಕೈರಭ್ಯತಾಡಯತ್॥ 8-64-29 (58166) ತತೋ ಭೀಮಃ ಶರಶತೈರ್ದುರ್ಯೋಧನಮಮರ್ಷಣಂ। ವಿಮುಖೀಕೃತ್ಯ ತರಸಾ ಗಜಾನೀಕಮುಪಾದ್ರವತ್॥ 8-64-30 (58167) ತಮಾಪತಂತಂ ಸಹಸಾ ಗಜಾನೀಕಂ ವೃಕೋದರಃ। ದೃಷ್ಟ್ವೈವ ಸುಭೃಶಂ ಕ್ರುದ್ಧೋ ದಿವ್ಯಮಸ್ತ್ರಮುದೈರಯತ್॥ 8-64-31 (58168) ಗಜೈರ್ಗಜಾನಭ್ಯಹನದ್ವಜ್ರೇಣೇಂದ್ರ ಇವಾಸುರಾನ್॥ 8-64-32 (58169) ತತೋಽಂತರಿಕ್ಷಂ ಬಾಣೌಘೈಃ ಶಲಭೈರಿವ ಪಾದಪಂ। ಛಾದಯಾಮಾಸ ಸಮರೇ ಗಜಾನ್ನಿಘ್ನನ್ವೃಕೋದರಃ॥ 8-64-33 (58170) ತತಃ ಕುಂಜರಯೂಥಾನಿ ಸಮೇತಾನಿ ಸಹಸ್ರಶಃ। ವ್ಯಧಮತ್ತರಸಾ ಭೀಮೋ ಮೇಘಸಂಘಾನಿವಾನಿಲಃ॥ 8-64-34 (58171) ಸುವರ್ಣಜಾಲಾಪಿಹಿತಾ ಮಣಿಜಾಲೈಶ್ಚ ಕುಂಜರಾಃ। ರೇಜುರಭ್ಯಧಿಕಂ ಸಂಖ್ಯೇ ವಿದ್ಯುತ್ವಂತ ಇವಾಂಬುದಾಃ॥ 8-64-35 (58172) ತೇ ವಧ್ಯಮಾನಾ ಭೀಮೇನ ಗಜಾ ರಾಜನ್ವಿದುದ್ರುವುಃ। ಕೇಚಿದ್ವಿಭಿನ್ನಹೃದಯಾಃ ಕುಂಜರಾ ನ್ಯಪತನ್ಭುವಿ॥ 8-64-36 (58173) ಪತಿತೈರ್ನಿಪತದ್ಭಿಶ್ಚ ಗಜೈರ್ಹೇಮವಿಭೂಷಿತೈಃ। ಅಶೋಭತ ಮಹೀ ತತ್ರ ವಿಶೀರ್ಣೈರಿವ ಪರ್ವತೈಃ॥ 8-64-37 (58174) ದೀಪ್ತಾಭೈ ರತ್ನವದ್ಭಿಶ್ಚ ಪತಿತೈರ್ಗಜಯೋಧಿಭಿಃ। ರರಾಜ ಭೂಮಿಃ ಪತಿತೈಃ ಕ್ಷೀಣಪುಣ್ಯೈರಿವ ಗ್ರಹೈಃ॥ 8-64-38 (58175) ತತೋ ಭಿನ್ನಕಟಾ ನಾಗಾ ಭಿನ್ನಕುಂಭಕರಾಸ್ತಥಾ। ದುದ್ರುವುಃ ಶತಶಃ ಸಂಖ್ಯೇ ಭೀಮಸೇನಶರಾಹತಾಃ॥ 8-64-39 (58176) ಕೇಚಿದ್ವಮಂತೋ ರುಧಿರಂ ಭಯಾರ್ತಾಃ ಪರ್ವತೋಪಮಾಃ। ವ್ಯದ್ರವಂಛರವಿದ್ಧಾಂಗಾ ಧಾತುಚಿತ್ರಾ ಇವಾಚಲಾಃ॥ 8-64-40 (58177) ಮಹಾಭುಜಗಸಂಕಾಶೌ ಚಂದನಾಗುರುರೂಷಿತೌ। ಅಪಶ್ಯಂ ಭೀಮಸೇನಸ್ಯ ಧನುರ್ವಿಕ್ಷಿಪತೋ ಭುಜೌ॥ 8-64-41 (58178) ತಸ್ಯ ಜ್ಯಾತಲನಿರ್ಘೋಷಂ ಶ್ರುತ್ವಾಶನಿಸಮಸ್ವನಂ। ವಿಮುಂಚಂತಃ ಶಕೃನ್ಮೂತ್ರಂ ಗಜಾಃ ಪ್ರಾದುದ್ರುವುರ್ಭೃಶಂ॥ 8-64-42 (58179) ಭೀಮಸೇನಸ್ಯ ತತ್ಕರ್ಮ ರಾಜನ್ನೇಕಸ್ಯ ಧೀಮತಃ। ನಿಘ್ನತಃ ಸರ್ವಭೂತಾನಿ ರುದ್ರಸ್ಯೇವ ಚ ನಿರ್ಬಭೌ॥] ॥ 8-64-43 (58180) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಚತುಃಷಷ್ಟಿತಮೋಽಧ್ಯಾಯಃ॥ 64 ॥

8-65-0 (58181) ಸಂಜಯ ಉವಾಚ। 8-65-0x (4990) ತತಃ ಶ್ವೇತಾಶ್ವಸಂಯುಕ್ತೇ ನಾರಾಯಣಸಮಾಹಿತೇ। ತಿಷ್ಠನ್ರಥವರೇ ಶ್ರೀಮಾನರ್ಜುನಃ ಸಮಪದ್ಯತ॥ 8-65-1 (58182) ತದ್ಬಲಂ ನೃಪತಿಶ್ರೇಷ್ಠ ತಾವಕಂ ವಿಜಯೋ ರಣೇ। ವ್ಯಕ್ಷೋಭಯದುದೀರ್ಣಾಶ್ವಂ ಮಹೋದಧಿಮಿವಾನಿಲಃ॥ 8-65-2 (58183) ದುರ್ಯೋಧನಸ್ತವ ಸುತಃ ಪ್ರಮತ್ತೇ ಶ್ವೇತವಾಹನೇ। ಅಭ್ಯೇತ್ಯ ಸಹಸಾ ಕ್ರುದ್ಧಃ ಸೈನ್ಯಾರ್ಧೇನಾಭಿಸಂವೃತಃ॥ 8-65-3 (58184) ಪರ್ಯವಾರಯದಾಯಾಂತಂ ಯುಧಿಷ್ಠಿರಮಮರ್ಷಣಂ। ಕ್ಷುರಪ್ರಾಣಾಂ ತ್ರಿಸಪ್ತತ್ಯಾ ತತೋಽವಿಧ್ಯತ ಪಾಂಡವಂ॥ 8-65-4 (58185) ಅಕ್ರುಧ್ಯತ ಭೃಶಂ ತತ್ರ ಕುಂತೀಪುತ್ರೋ ಯುಧಿಷ್ಠಿರಃ। ಸ ಭಲ್ಲಾಂಸ್ತ್ರಿಂಶತಸ್ತೂರ್ಣಂ ತವ ಪುತ್ರೇ ನ್ಯವೇಶಯತ್॥ 8-65-5 (58186) ತತೋ ಧಾವಂತ ಕೌರವ್ಯಾ ಜಿಘೃಕ್ಷಂತೋ ಯುಧಿಷ್ಠಿರಂ॥ 8-65-6 (58187) ದುಷ್ಟಭಾವಾನ್ಪರಾಂಜ್ಞಾತ್ವಾ ಸಮವೇತಾ ಮಹಾರಥಾಃ। ಆಜಗ್ಮುಸ್ತಂ ಪರೀಪ್ಸಂತಃ ಕುಂತೀಪುತ್ರಂ ಯುಧಿಷ್ಠಿರಂ॥ 8-65-7 (58188) `ಸಂಜಯ ಉವಾಚ। 8-65-8x (4991) ಯುಧಿಷ್ಠಿರಶ್ಚಿತ್ರಸೇನಂ ಶರವರ್ಷೈರವಾಕಿರತ್। ಚಿತ್ರಸೇನಸ್ತು ಕೌಂತೇಯಂ ಸಂಕ್ರುದ್ಧಃ ಸಮವಾರಯತ್॥ 8-65-8 (58189) ಮುಹೂರ್ತಾದ್ವಿಮುಖೀಕೃತ್ಯ ಚಿತ್ರಸೇನಂ ಸ ಧರ್ಮರಾಟ್। ತಾವಕಂ ಸೈನ್ಯಮಭ್ಯಘ್ನತ್ಸಮಂತಾನ್ನಿಶಿತೈಃ ಶರೈಃ॥ 8-65-9 (58190) ತಾವಕಾ ಹಿ ಮಾಬಾಹೋ ದುರ್ಯೋಧನಪುರೋಗಮಾಃ। ಯುಧಿಷ್ಠಿರಂ ಜಿಘೃಕ್ಷಂತಃ ಸರ್ವಸೈನ್ಯಂ ಸಮಾಕ್ಷಿಪನ್॥ 8-65-10 (58191) ದೃಷ್ಟಪ್ರಭಾವಾಂಸ್ತಾನ್ಮತ್ವಾ ಸಮವೇತಾನ್ಮಹಾರಥಾನ್। ಆಜಗ್ಮುಃ ಸಂಪರೀಪ್ಸಂತಃ ಪಾಂಡವೇಯಂ ಯುಧಿಷ್ಠಿರಂ'॥ 8-65-11 (58192) ನಕುಲಃ ಸಹದೇವಶ್ಚ ಧೃಷ್ಟದ್ಯುಂನಶ್ಚ ಪಾರ್ಷತಃ। ಅಕ್ಷೌಹಿಣ್ಯಾ ಪರಿವೃತಾಸ್ತೇಽಭ್ಯಧಾವನ್ಯುಧಿಷ್ಠಿರಂ॥ 8-65-12 (58193) ಭೀಮಸೇನಶ್ಚ ನಾರಾಚೈರ್ಮೃದ್ರಂಸ್ತವ ಮಹಾರಥಾನ್। ಅಭ್ಯಧಾವದಭಿಪ್ರೇಪ್ಸೂ ರಾಜಾನಂ ಶತ್ರುಭಿರ್ವೃತಂ॥ 8-65-13 (58194) ತಾಂಸ್ತು ಸರ್ವಾನ್ಮಹೇಷ್ವಾಸಾನ್ಕರ್ಣೋ ವೈಕರ್ತನೋ ವೃಷಾ। ಶರವರ್ಷೇಣ ಮಹತಾ ಪ್ರತ್ಯವಾರಯದಾಗತಾನ್॥ 8-65-14 (58195) ಶರೌಘಾನ್ವಿಸೃಜಂತಸ್ತೇ ಪ್ರೇಯಂತಶ್ಚ ಕುಂಜರಾನ್। ನ ಶೇಕುರ್ಯತ್ನವಂತೋಽಪಿ ರಾಧೇಯಂ ಪ್ರತಿವೀಕ್ಷಿತುಂ॥ 8-65-15 (58196) ತಾಂಶ್ಚ ಸರ್ವಾನ್ಮಹೇಷ್ವಾಸಾನ್ಸರ್ವಶಸ್ತ್ರವಿಶಾರದಾನ್। ಮಹತಾ ಶರವರ್ಷೇಣ ರಾಧೇಯಃ ಪ್ರತ್ಯವಾರಯತ್॥ 8-65-16 (58197) ದುರ್ಯೋಧನಂ ಚ ವಿಂಶತ್ಯಾ ನಾರಾಚಾನಾಂ ಕೃತೀ ಬಲೀ। ಅವಿಧ್ಯತ್ತೂರ್ಣಮಭ್ಯೇತ್ಯ ಸಹದೇವೋ ಮಹೀಪತಿಂ॥ 8-65-17 (58198) ಸ ವಿದ್ಧಃ ಸಹದೇವೇನ ರರಾಜ ಬಲಸನ್ನಿಧೌ। ಪ್ರಭಿನ್ನ ಇವ ಮಾತಂಗೋ ರುಧಿರೇಣ ಪರಿಪ್ಲುತಃ॥ 8-65-18 (58199) ದೃಷ್ಟ್ವಾ ತವ ಸುತಂ ತತ್ರ ಗಾಢವಿದ್ಧಂ ಸುತೇಜನೈಃ। ಅಭ್ಯಧಾವದ್ದೃಢಂ ಕ್ರುದ್ಧೋ ರಾಧೇಯೋ ರಥಿನಾಂ ವರಃ॥ 8-65-19 (58200) ದುರ್ಯೋಧನಂ ತಥಾ ದೃಷ್ಟ್ವಾ ಶೀಘ್ರಮಸ್ತ್ರಮುದೀರ್ಯ ಸಃ। ಅವಧೀತ್ಪಾಂಡವಾನೀಕಂ ಪಾಂಚಾಲಾಂಶ್ಚೈವ ಮಾರಿಷ॥ 8-65-20 (58201) ತತೋ ಯೌಧಿಷ್ಠಿರಂ ಸೈನ್ಯಂ ವಧ್ಯಮಾನಂ ಮಹಾತ್ಮನಾ। ಸಹಸಾ ಪ್ರಾದ್ರಾವದ್ರಾಜನ್ಮೂತಪುತ್ರಶರಾರ್ದಿತಂ॥ 8-65-21 (58202) ವಿವಿಧಾ ವಿಶಿಖಾಸ್ತತ್ರ ಸಂಪತಂತಿ ಪರಸ್ಪರಂ। ಭಲ್ಲಾಃ ಪುಂಖಸಮಾಶ್ಲಿಷ್ಟಾಃ ಸೂತಪುತ್ರಧನುಶ್ಚ್ಯುತಾಃ॥ 8-65-22 (58203) ಅಂತರಿಕ್ಷೇ ಶರೌಘಾಣಾಂ ಪತತಾಂ ಚ ಪರಸ್ಪರಂ। ಸಂಘರ್ಪೇಣ ಮಹಾರಾಜ ಪಾವಕಃ ಸಮಜಾಯತ॥ 8-65-23 (58204) ತಕತೋ ದಶದಿಶಃ ಕರ್ಣಃ ಶಲಭೈರಿವ ಯಾಯಿಭಿಃ। ಅಭ್ಯಘ್ನಂಸ್ತರಸಾ ರಾಜಞ್ಶರೈಃ ಪರಶರೀರಗೈಃ॥ 8-65-24 (58205) ರಕ್ತಚಂದನಸಂದಿಗ್ಧೌ ಮಣಿಹೇಮವಿಭೂಷಿತೌ। ಬಾಹೂ ವ್ಯತ್ಯಕ್ಷಿಪತ್ಕರ್ಣಃ ಪರಮಾಸ್ತ್ರಂ ವಿದರ್ಶಯನ್॥ 8-65-25 (58206) ತತಃ ಸರ್ವಾ ದಿಶೋ ರಾಜನ್ಸಾಯಕೈರ್ವಿಪ್ರಮೋಹಯನ್। ಅಪೀಡಯದ್ಭೃಶಂ ಕರ್ಣೋ ಧರ್ಮರಾಜಂ ಯುಧಿಷ್ಠಿರಂ॥ 8-65-26 (58207) ತತಃ ಕ್ರುದ್ಧೋ ಮಹಾರಾಜ ಧರ್ಮಪುತ್ರೋ ಯುಧಿಷ್ಠಿರಃ। ನಿಶಿತೈರಿಷುಭಿಃ ಕರ್ಣಂ ಪಂಚಾಶದ್ಭಿಃ ಸಮಾರ್ಪಯತ್॥ 8-65-27 (58208) [ಬಾಣಾಂಧಕಾರಮಭವತ್ತದ್ಯುದ್ಧಂ ಘೋರದರ್ಶನಂ। ಹಾಹಾಕಾರೋ ಮಹಾನಾಸೀತ್ತಾವಕಾನಾಂ ವಿಶಾಂಪತೇ॥ 8-65-28 (58209) ವಧ್ಯಮಾನೇ ತದಾ ಸೈನ್ಯೇ ಧರ್ಮಪುತ್ರೇಣ ಮಾರಿಷ। ಸಾಯಕೈರ್ವಿವಿಧೈಸ್ತೀಕ್ಷ್ಣೈಃ ಕಂಕಪತ್ರೈಃ ಶಿಲಾಶಿತೈಃ। ಭಲ್ಲೈರನೇಕೈರ್ವಿವಿಧೈಃ ಶಕ್ತ್ಯೃಷ್ಟಿಮುಸಲೈರಪಿ॥ 8-65-29 (58210) ಯತ್ರ ಯತ್ರ ಸ ಧರ್ಮಾತ್ಮಾ ದುಷ್ಟಾಂ ದೃಷ್ಟಿಂ ವ್ಯಸರ್ಜಯತ್। ತತ್ರ ತತ್ರ ವ್ಯಶೀರ್ಯಂತ ತಾವಕಾ ಭರತರ್ಷಭ॥ 8-65-30 (58211) ಕರ್ಣೋಽಪಿ ಭೃಶಸಂಕುದ್ರೋ ಧರ್ಮರಾಜಂ ಯುಧಿಷ್ಠಿರಂ। ನಾರಾಚೈರರ್ಧಚಂದ್ರೈಶ್ಚ ವತ್ಸದಂತೈಶ್ಚ ಸಂಯುಗೇ॥ 8-65-31 (58212) ಅಮರ್ಷೀ ಕ್ರೋಧನಶ್ಚೈವ ರೋಷಪ್ರಸ್ಫುರಿತಾನನಃ। ಸಾಯಕೈರಪ್ರಮೇಯಾತ್ಮಾ ಯುಧಿಷ್ಠಿರಮಭಿದ್ರವತ್॥ 8-65-32 (58213) ಯುಧಿಷ್ಠಿರಶ್ಚಾಪಿ ಸ ತಂ ಸ್ವರ್ಣಪುಂಖೈಃ ಶಿತೈಃ ಶರೈಃ॥] 8-65-33 (58214) ಪ್ರಹಸನ್ನಿವ ತಂ ಕರ್ಣಃ ಕಂಕಪತ್ರೈಃ ಶಿಲಾಶಿತೈಃ। ಉರಸ್ಯವಿಧ್ಯದ್ರಾಜಾನಂ ಕುಂತೀಪುತ್ರಂ ಯುಧಿಷ್ಠಿರಂ॥ 8-65-34 (58215) ಸ ಪೀಡಿತೋ ಭೃಶಂ ತೇನ ಧರ್ಮರಾಜೋ ಯುಧಿಷ್ಠಿರಃ। ಉಪವಿಶ್ಯ ರಥೋಪಸ್ಥೇ ಸೂತಂ ಯಾಹೀತ್ಯನೋದಯತ್॥ 8-65-35 (58216) ಅಕ್ರೋಶಂತ ತತಃ ಸರ್ವೇ ಧಾರ್ತರಾಷ್ಟ್ರಾಃ ಸರಾಜಕಾಃ। ಗೃಹ್ಣೀಧ್ವಮಿತಿ ರಾಜಾನಮಭ್ಯಧಾವಂತ ಸರ್ವಶಃ॥ 8-65-36 (58217) ತತಃ ಶತಾಃ ಸಪ್ತದಶ ಕೇಕಯಾನಾಂ ಪ್ರಹಾರಿಣಾಂ। ಪಂಚಾಲೈಃ ಸಹಿತಾ ರಾಜಂಧಾರ್ತರಾಷ್ಟ್ರಾನ್ನ್ಯವಾರಯನ್॥ 8-65-37 (58218) ತಸ್ಮಿನ್ಸುತುಮುಲೇ ಯುದ್ಧೇ ವರ್ತಮಾನೇ ಜನಕ್ಷಯೇ। ದುರ್ಯೋಧನಶ್ಚ ಭೀಮಶ್ಚ ಸಮೇಯಾತಾಂ ಮಹಾಬಲೌ॥ ॥ 8-65-38 (58219) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಪಂಚಷಷ್ಟಿತಮೋಽಧ್ಯಾಯಃ॥ 65 ॥

8-66-0 (58220) ಸಂಜಯ ಉವಾಚ। 8-66-0x (4992) ಕರ್ಣೋಽಪಿ ಶರಜಾಲೇನ ಕೇಕಯಾನಾಂ ಮಹಾರಥಾನ್। ವ್ಯಧಮತ್ಪರಮೇಷ್ವಾಸಾನಗ್ರಾನೀಕೇ ವ್ಯವಸ್ಥಿತಾನ್॥ 8-66-1 (58221) ತೇಷಾಂ ಪ್ರಯತಮಾನಾನಾಂ ರಾಧೇಯಸ್ಯ ನಿವಾರಣೇ। ರಥಾನ್ಪಂಚಶತಾನ್ಕರ್ಣಃ ಪ್ರಾಹಿಣೋದ್ಯಮಸಾದನಂ॥ 8-66-2 (58222) ಅವಿಷಹ್ಯತಮಂ ದೃಷ್ಟ್ವಾ ರಾಧೇಯಂ ಯುಧಿ ಯೋಧಿನಃ। ಭೀಮಸೇನಮುಪಾಗಚ್ಛನ್ಕರ್ಣಬಾಣಪ್ರಪೀಡಿತಾಃ॥ 8-66-3 (58223) ರಥಾನೀಕಂ ವಿದಾರ್ಯೈವ ಶರೈ ರಾಜನ್ನನೇಕಧಾ। ಕರ್ಣ ಏಕರಥೇನೈವ ಯುಧಿಷ್ಠಿರಮುಪಾದ್ರವತ್॥ 8-66-4 (58224) ಸೇನಾನಿವೇಶಂ ಗಚ್ಛಂತಂ ಮಾರ್ಗಣೈರ್ಭೃಶಪೀಡಿತಂ। ಯಮಯೋರ್ಮಧ್ಯಗಂ ವೀರಂ ಶನೈರ್ಯಾಂತಂ ವಿಚೇತಸಂ॥ 8-66-5 (58225) ಸ ಸಮಾಸಾದ್ಯ ರಾಜಾನಂ ದುರ್ಯೋಧನಹಿತೇಪ್ಸಯಾ। ಸೂತಪುತ್ರಸ್ತ್ರಿಭಿಸ್ತೀಕ್ಷ್ಣೈರ್ವಿವ್ಯಾಧ ಪರಮೇಷುಭಿಃ॥ 8-66-6 (58226) ತಥೈವ ರಾಜಾ ರಾಧೇಯಂ ಪ್ರತ್ಯವಿಧ್ಯತ್ಸ್ತನಾಂತರೇ। ಶರೈಸ್ತ್ರಿಭಿಶ್ಚ ಯಂತಾರಂ ಚತುರ್ಭಿಶ್ಚತುರೋ ಹಯಾನ್॥ 8-66-7 (58227) ಚಕ್ರರಕ್ಷೌ ನೃಪಸುತೌ ಮಾದ್ರೀಪುತ್ರೌ ಪರಂತಪೌ। ತಾವಪ್ಯಧಾವತಾಂ ಕರ್ಣಂ ರಾಜಾನಂ ಮಾ ವಧೀದಿತಿ॥ 8-66-8 (58228) ತೌ ಪೃಥಕ್ಶರವರ್ಷಾಭ್ಯಾಂ ರಾಧೇಯಂ ಸಮವರ್ಷತಾಂ। ನಕುಲಃ ಸಹದೇವಶ್ಚ ಪರಮಂ ಯತ್ನಮಾಸ್ಥಿತೌ॥ 8-66-9 (58229) ತಥೈವ ತೌ ಪ್ರತ್ಯವಿಧ್ಯತ್ಸೂತಪುತ್ರಃ ಪ್ರತಾಪವಾನ್। ಭಲ್ಲಾಭ್ಯಾಂ ಶಿತಧಾರಾಭ್ಯಾಂ ಮಹಾತ್ಮಾನಾವರಿಂದಮೌ॥ 8-66-10 (58230) ದಂತವರ್ಣಾಂಸ್ತು ರಾಧೇಯೋ ನಿಜಘಾನ ಮನೋಜವಾನ್। ಯುಧಿಷ್ಠಿರಸ್ಯ ಸಂಗ್ರಾಮೇ ಕಾಲವಾಲಾನ್ಹಯೋತ್ತಮಾನ್॥ 8-66-11 (58231) ತತೋಽಪರೇಣ ಭಲ್ಲೇನ ಶಿರಸ್ತ್ರಾಣಮಪಾತಯತ್। ಕೌಂತೇಯಸ್ಯ ಮಹೇಷ್ವಾಸಃ ಪ್ರಹಸನ್ನಿವ ಸೂತಜಃ॥ 8-66-12 (58232) ತಥೈವ ನಕುಲಸ್ಯಾಪಿ ಹಯಾನ್ಹತ್ವಾ ಮಹಾರಥಃ। ತತೋಽಪರೇಣ ಭಲ್ಲೇನ ಭೃಶಂ ತೀಕ್ಷ್ಣೇನ ಭಾರತ। ಧನುಶ್ಚಿಚ್ಛೇದ ವೀರಸ್ಯ ಮಾದ್ರೀಪುತ್ರಸ್ಯ ಧೀಮತಃ॥ 8-66-13 (58233) ತೌ ಹತಾಶ್ವೌ ಹತರಥೌ ಪಾಂಡವೌ ಭೃಶವಿಕ್ಷತೌ। ಭ್ರಾತರಾವಾರುರುಹತುಃ ಸಹದೇವರಥಂ ತದಾ॥ 8-66-14 (58234) ತೌ ದೃಷ್ಟ್ವಾ ಮಾತುಲಸ್ತತ್ರ ವಿರಥೌ ಪರವೀರಹಾ। ಅಭ್ಯಭಾಷತ ರಾಧೇಯಂ ಮದ್ರರಾಜೋಽನುಕಂಪಯಾ॥ 8-66-15 (58235) ಮಾರ್ಗಿತವ್ಯಸ್ತ್ವಯಾ ಕರ್ಣ ಕುಂತೀಪುತ್ರೋ ಧನಂಜಯಃ। ಅತಸ್ತ್ವಂ ಧರ್ಮರಾಜೇನ ಕಿಮರ್ಥಮಿಹ ಯುಧ್ಯಸೇ॥ 8-66-16 (58236) [ಕ್ಷೀಣಶಸ್ತ್ರಾಸ್ತ್ರಾಕವಚಃ ಕ್ಷೀಣಬಾಣೋ ವಿಬಾಣಧಿಃ। ಶ್ರಾಂತಸಾರಥಿವಾಹಶ್ಚ ಚ್ಛನ್ನೋಽಸ್ತ್ರೈರರಿಭಿಸ್ತಥಾ। ಪಾರ್ಥಮಾಸಾದ್ಯ ರಾಧೇಯ ಉಪಹಾಸ್ಯೋ ಭವಿಷ್ಯಸಿ॥] 8-66-17 (58237) ತಥಾಪಿ ಕರ್ಣಃ ಸಂರಬ್ಧೋ ಯುಧಿಷ್ಠಿರಮಪೀಡಯತ್। ಶರೈಸ್ತೀಕ್ಷ್ಣೈರ್ಮಹಾವೀರ್ಯೈರ್ಮಾದ್ರೀಪುತ್ರೌ ಚ ಪಾಂಡವೌ॥ 8-66-18 (58238) ತತಃ ಶಲ್ಯಃ ಪ್ರಹಸ್ಯೇದಂ ಕರ್ಣಂ ಪುನರುವಾಚ ಹ। ರಥಸ್ಥಮತಿಸಂರಬ್ಧಂ ಯುಧಿಷ್ಠಿರವಧೇ ಸ್ಥಿತಂ॥ 8-66-19 (58239) ಯದರ್ಥಂ ಧಾರ್ತರಾಷ್ಟ್ರೇಣ ಸತತಂ ಮಾನಿತೋ ಭವಾನ್। ತಂ ಪಾರ್ಥ ಜಹಿ ರಾಧೇಯ ಕಿಂ ತೇ ಹತ್ವಾ ಯುಧಿಷ್ಠಿರಂ। `ಹತೇ ಯಸ್ಮಿಂಧ್ರುವಂ ಪಾರ್ಥಃ ಸರ್ವಾಂಜೇಷ್ಯತಿ ನೋ ರಥಾನ್॥ 8-66-20 (58240) ತಸ್ಮಿನ್ಹಿ ಧಾರ್ತರಾಷ್ಟ್ರಸ್ಯ ನಿಹತೇ ತು ಧ್ರುವೋ ಜಯಃ। ಧ್ವಜೋಽಸೌ ದೃಶ್ಯತೇ ತಸ್ಯ ರೋಚಮಾನೋಂಽಶುಮಾನಿವ। ಸಾರೋ ಹ್ಯೇಷ ಮಹಾಬಾಹೋ ಕಿಂ ತೇ ಹತ್ವಾ ಯುಧಿಷ್ಠಿರಂ॥' 8-66-21 (58241) ಶಂಖಯೋರ್ಧ್ಮಾತಯೋಃ ಶಬ್ದಃ ಸುಮಹಾನೇಷ ಕೃಷ್ಣಯೋಃ। ಶ್ರೂಯತೇ ಚಾಪಘೋಷಶ್ಚ ಪ್ರಾವೃಷೀವಾಂಬುದಸ್ಯ ಹ॥ 8-66-22 (58242) ಅಸೌ ನಿಘ್ನನ್ರಥೋದಾರಾನರ್ಜುನಃ ಶರವೃಷ್ಟಿಭಿಃ। ಸರ್ವಾಂ ಗ್ರಸತಿ ನಃ ಸೇನಾಂ ಕರ್ಣ ಪಶ್ಯೈನಮಾಹವೇ॥ 8-66-23 (58243) ಪೃಷ್ಠರಕ್ಷೌ ಚ ಶೂರಸ್ಯ ಯುಧಾಮನ್ಯೂತ್ತಮೌಜಸೌ॥ 8-66-24 (58244) ಉತ್ತರಂ ಚಾಸ್ಯ ವೈ ಶೂರಶ್ಚಕ್ರಂ ರಕ್ಷತಿ ಸಾಂತ್ಯಕಿಃ। ಧೃಷ್ಟದ್ಯುಂನಸ್ತಥಾ ಚಾಸ್ಯ ಚಕ್ರಂ ರಕ್ಷತಿ ದಕ್ಷಿಣಂ॥ 8-66-25 (58245) ಭೀಮಸೇನಶ್ಚ ವೈ ರಾಜ್ಞಾ ಧಾರ್ತರಾಷ್ಟ್ರೇಣ ಯುಧ್ಯತೇ। ಯಥಾ ನ ಹನ್ಯಾತ್ತಂ ಭೀಮಃ ಸರ್ವೇಷಾಂ ನೋಽದ್ಯ ಪಶ್ಯತಾಂ। ಕುರು ರಾಧೇಯ ವೈ ರಾಜಾ ಯಥಾ ಮುಚ್ಯೇತ ತತ್ತಥಾ॥ 8-66-26 (58246) xxxx ಭೀಮಸೇನೇನ ಗ್ರಸ್ತಮಾಹವಶೋಭಿನಾ। ಯದಿ ನಾಮಾದ್ಯ ಮುಚ್ಯೇತ ವಿಸ್ಮಯಃ ಸುಮಹಾನ್ಭವೇತ್॥ 8-66-27 (58247) ಪರಿತ್ರಾಹ್ಯೇನಮಭ್ಯೇತ್ಯ ಸಂಶಯಂ ಪರಮಂ ಗತಂ। ಕಿಂ ನು ಮಾದ್ರೀಸುತೌ ಹತ್ವಾ ರಾಜಾನಂ ವಾ ಯುಧಿಷ್ಠಿರಂ॥ 8-66-28 (58248) ಇತಿ ಶಲ್ಯವಚಃ ಶ್ರುತ್ವಾ ರಾಧೇಯಃ ಪೃಥಿವೀಪತೇ। ದೃಷ್ಟ್ವಾ ದುರ್ಯೋಧನಂ ಚೈವ ಭೀಮಗ್ರಸ್ತಂ ಮಹಾಹವೇ॥ 8-66-29 (58249) ರಾಜಗೃಧ್ನುರ್ಭೃಶಂ ಚೈವ ಶಲ್ಯವಾಕ್ಯಪ್ರಚೋದಿತಃ। ಅಜಾತಶತ್ರುಮುತ್ಸೃಜ್ಯ ಮಾದ್ರೀಪುತ್ರೌ ಚ ಪಾಂಡವೌ॥ 8-66-30 (58250) ತವ ಪುತ್ರಂ ಪರಿತ್ರಾತುಮಭ್ಯಧಾವತ ವೀರ್ಯವಾನ್। ಮದ್ರರಾಜಪ್ರಣುದಿತೈರಶ್ವೈರಾಕಾಶಗೈರಿವ॥ 8-66-31 (58251) ಗತೇ ಕರ್ಣೇ ತು ಕೌಂತೇಯಃ ಪಾಂಡುಪುತ್ರೋ ಯುಧಿಷ್ಠಿರಃ। ಅಪಾಯಾಜ್ಜವನೈರಶ್ವೈಃ ಸಹದೇವಸ್ಯ ಮಾರಿಷ॥ 8-66-32 (58252) [ತಾಭ್ಯಾಂ ಸ ಸಹಿತಸ್ತೂರ್ಣಂ ವ್ರೀಡನ್ನಿವ ನರೇಶ್ವರಃ]। ಪ್ರಾಪ್ಯ ಸೇನಾನಿವೇಶಂ ಸ್ವಂ ಮಾರ್ಗಣೈರ್ಭೃಶವಿಕ್ಷತಃ॥ 8-66-33 (58253) ಅವತೀರ್ಯ ರಥಾತ್ತೂರ್ಣಮಾವಿಶಚ್ಛಯನಂ ಶುಭಂ। ಅಪೇತಶಲ್ಯೋ ರಾಜಾ ತು ಹೃಚ್ಛಲ್ಯೇನಾಭಿಪೀಡಿತಃ॥ 8-66-34 (58254) ಸೋಽಬ್ರವೀದ್ಧಾತರೌ ರಾಜಾ ಮಾದ್ರೀಪುತ್ರೌ ಮಹಾರಥೌ। ಗಚ್ಛಂತ ತ್ವರಿತೌ ವೀರೌ ಯತ್ರ ಭೀಮೋ ವ್ಯವಸ್ಥಿತಃ॥ 8-66-35 (58255) `ತತಸ್ತೇ ಪಾಂಡವಾಃ ಸರ್ವೇ ಸಮಾಭಾಷ್ಯ ಪರಸ್ಪರಂ। ಅನೀಕಂ ಭೀಮಸೇನಸ್ಯ ಪಾಂಡವಾವಭ್ಯಗಚ್ಛತಾಂ'। ಜೀಮೂತ ಇವ ನರ್ದಂಸ್ತು ಯುಧ್ಯತೇ ಸ ವೃಕೋದರಃ॥ 8-66-36 (58256) ತತೋಽನ್ಯಂ ರಥಮಾಸ್ಥಾಯ ನಕುಲೋ ರಥಪುಂಗವಃ। ಸಹದೇವಶ್ಚ ತೇಜಸ್ವೀ ಭ್ರಾತರೌ ಶತ್ರುಕರ್ಶನೌ॥ 8-66-37 (58257) ತುರಗೈರಗ್ರ್ಯರಂಹೋಭಿರ್ಯತ್ರ ಭೀಮಸ್ತರಸ್ವಿನೌ। ಅನೀಕೈಃ ಸಹಿತೌ ತತ್ರ ಭ್ರಾತರೌ ಸಮವಸ್ಥಿತೌ॥ ॥ 8-66-38 (58258) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಷಟ್ಷಷ್ಟಿತಮೋಽಧ್ಯಾಯಃ॥ 66 ॥

8-67-0 (58259) ಸಂಜಯ ಉವಾಚ। 8-67-0x (4993) ದ್ರೌಣಿಸ್ತು ರಥವಂಶೇನ ಮಹತಾ ಪರಿವಾರಿತಃ। ಅಪತತ್ಸಹಸಾ ರಾಜನ್ಯತ್ರ ಪಾರ್ಥೋ ವ್ಯವಸ್ಥಿತಃ॥ 8-67-1 (58260) ತಮಾಪತಂತಂ ಸಹಸಾ ಶೂರಃ ಶೌರಿಸಹಾಯವಾನ್। ದಧಾರ ಸಮರೇ ಪಾರ್ಥೋ ವೇಲೇವ ಮಕರಾಲಯಂ॥ 8-67-2 (58261) ತತಃ ಕ್ರುದ್ಧೋ ಮಹಾರಾಜ ದ್ರೋಣಪುತ್ರಃ ಪ್ರತಾಪವಾನ್। ಅರ್ಜುನಂ ವಾಸುದೇವಂ ಚ ಚ್ಛಾದಯಾಮಾಸ ಸಾಯಕೈಃ॥ 8-67-3 (58262) ಅವಚ್ಛನ್ನೌ ತತಃ ಕೃಷ್ಣೌ ದೃಷ್ಟ್ವಾ ತತ್ರ ಮಹಾರಥಾಃ। ವಿಸ್ಮಯಂ ಪರಮಂ ಗತ್ವಾ ಪ್ರೈಕ್ಷಂತ ಕುರವಸ್ತದಾ॥ 8-67-4 (58263) ಅರ್ಜುನಸ್ತು ತತೋ ದಿವ್ಯಮಸ್ತ್ರಂ ಚಕ್ರೇ ಹಸನ್ನಿವ। ತದಸ್ತ್ರಂ ವಾರಯಾಮಾಸ ಬ್ರಾಹ್ಮಣೋ ಯುಧಿ ಭಾರತ॥ 8-67-5 (58264) ಯದ್ಯದ್ಧಿ ವ್ಯಾಕ್ಷಿಪದ್ಯುದ್ಧೇ ಫಲ್ಗುನೋಽಸ್ತ್ರಂ ಜಿಘಾಂಸಯಾ। ತತ್ತದಸ್ತ್ರೈರ್ಮಹೇಷ್ವಾಸೋ ದ್ರೋಣಪುತ್ರೋ ಜಘಾನ ಹ॥ 8-67-6 (58265) ಅಸ್ತ್ರಯುದ್ಧೇ ಮಹಾರಾಜ ವರ್ತಮಾನೇ ಮಹಾಭಯೇ। ಅಪಶ್ಯಾಮ ರಣೇ ದ್ರೌಣಿಂ ವ್ಯಾತ್ತಾನನಮಿವಾಂತಕಂ॥ 8-67-7 (58266) ಸ ದಿಶಃ ಪ್ರದಿಶಶ್ಚೈವ ಚ್ಛಾದಯಿತ್ವಾ ಹ್ಯಜಿಹ್ಮಗೈಃ। ವಾಸುದೇವಂ ತ್ರಿಭಿರ್ಬಾಣೈರವಿಧ್ಯದ್ದಕ್ಷಿಣೇ ಭುಜೇ॥ 8-67-8 (58267) ತತೋಽರ್ಜುನೋ ರಥಾನ್ಸರ್ವಾನ್ಹತ್ವಾ ತಸ್ಯ ಪದಾನುಗಾನ್। ಚಕಾರ ಸಮರೇ ಭೂಮಿಂ ಶೋಣಿತೌಘಪರಿಪ್ಲುತಾಂ। [ಸರ್ಬಲೋಕವಹಾಂ ರೌದ್ರಾಂ ಪರಲೋಕವಹಾಂ ನದೀಂ]॥ 8-67-9 (58268) ಸರಥಾ ರಥಿನಃ ಪೇತುಃ ಪಾರ್ಥಚಾಪಚ್ಯುತೈಃ ಶರೈಃ॥ 8-67-10 (58269) [ದ್ರೌಣೇರಪಹತಾನ್ಸಂಖೇ ದದೃಶು ಸ ಚ ತಾಂ ತಥಾ। ಪ್ರಾವರ್ತಯನ್ಮಹಾಘೋರಾಂ ನದೀಂ ಪರವಹಾಂ ತದಾ॥ 8-67-11 (58270) ತಯೋಸ್ತು ವ್ಯಾಕುಲೇ ಯುದ್ಧೇ ದ್ರೌಣೇಃ ಪಾರ್ಥಸ್ಯ ದಾರುಣೇ। ಅಮರ್ಯಾದಂ ಯೋಧಯಂತಃ ಪರ್ಯಧಾವಂತ ಪೃಷ್ಠತಃ॥ 8-67-12 (58271) ರಥೈರ್ಹತಾಶ್ವಸೂತೈಶ್ಚ ಹತಾರೋಹೈಶ್ಚ ವಾಜಿಭಿಃ। ದ್ವಿರದೈಶ್ಚ ಹತಾರೋಹೈರ್ಮಹಾಮಾತ್ರೈರ್ಹತದ್ವಿಪೈಃ॥ 8-67-13 (58272) ಪಾರ್ಥೇನ ಸಮರೇ ರಾಜನ್ಕೃತೋ ಘೋರೋ ಜನಕ್ಷಯಃ। ನಿಹತಾ ರಥಿನಃ ಪೇತುಃ ಪಾರ್ಥಚಾಪಚ್ಯುತೈಃ ಶರೈಃ॥] 8-67-14 (58273) ಹಯಾಶ್ಚ ಪರ್ಯಧಾವಂತ ಮುಕ್ತಯೋಕ್ತ್ರಾಸ್ತತಸ್ತತಃ। ತದ್ದೃಷ್ಟ್ವಾ ಕರ್ಮ ಪಾರ್ಥಸ್ಯ ದ್ರೌಣಿರಾಹವಶೋಭಿನಃ॥ 8-67-15 (58274) ಅರ್ಜುನಂ ಜಯತಾಂ ಶ್ರೇಷ್ಠಂ ತ್ವರಿತೋಽಭ್ಯೇತ್ಯ ವೀರ್ಯವಾನ್। ವಿಧುನ್ವಾನೋ ಮಹಚ್ಚಾಪಂ ಕಾರ್ತಸ್ವರವಿಭೂಷಿತಂ॥ 8-67-16 (58275) ಅವಾಕಿರತ್ತತೋ ದ್ರೌಮಿಃ ಸಮಂತಾನ್ನಿಶಿತೈಃ ಶರೈಃ। ಭೂಯೋಽರ್ಜುನಂ ಮಹಾರಾಜ ದ್ರೌಣಿರಾಯಂಯ ಪತ್ರಿಣಾ॥ 8-67-17 (58276) ವಕ್ಷೋದೇಶೇ ಭೃಶಂ ಪಾರ್ಥಂ ತಾಡಯಾಮಾಸ ನಿರ್ದಯಂ। ಸೋಽತಿವಿದ್ಧೋ ರಣೇ ತೇನ ದ್ರೋಣಪುತ್ರೇಣ ಭಾರತ॥ 8-67-18 (58277) ಗಾಂಡೀವಧನ್ವಾ ಪ್ರಸಭಂ ಶರವರ್ಷೈರುದಾರಧೀಃ। ಸಂಛಾದ್ಯ ಸಮರೇ ದ್ರೌಣಿಂ ಚಿಚ್ಛೇದಾಸ್ಯ ಚ ಕಾರ್ಮುಕಂ॥ 8-67-19 (58278) ಸ ಚ್ಛಿನ್ನಧನ್ವಾ ಪರಿಧಂ ವಜ್ರಸ್ಪರ್ಶಸಮಂ ಯುಧಿ। ಆದಾಯ ಚಿಕ್ಷೇಪ ತದಾ ದ್ರೋಣಪುತ್ರಃ ಕಿರೀಟಿನೇ॥ 8-67-20 (58279) ತಮಾಪಂತತಂ ಪರಿಘಂ ಜಾಂಬೂನದಪರಿಷ್ಕೃತಂ। ಚಿಚ್ಛೇದ ಸಹಸಾ ರಾಜನ್ಪ್ರಹಸನ್ನಿವ ಪಾಂಡವಃ॥ 8-67-21 (58280) ಸ ಪಪಾತ ತದಾ ಭೂಮೌ ನಿಕೃತ್ತಃ ಪಾರ್ಥಸಾಯಕೈಃ। ವಿಕೀರ್ಣಃ ಪರ್ವತೋ ರಾಜನ್ಯಥಾ ವಜ್ರೇಣ ತಾಡಿತಃ॥ 8-67-22 (58281) ತತಃ ಕ್ರುದ್ಧೋ ಮಹಾರಾಜ ದ್ರೋಣಪುತ್ರೋ ಮಹಾರಥಃ। ಐಂದ್ರೇಣ ಚಾಸ್ತ್ರವೇಗೇನ ಬೀಭತ್ಸುಂ ಸಮವಾಕಿರತ್॥ 8-67-23 (58282) ತಸ್ಯೇಂದ್ರಜಾಲಾವತತಂ ಸಮೀಕ್ಷ್ಯ ಪಾರ್ಥೋ ರಾಜನ್ಗಾಂಡಿವಮಾದದೇ ಸಃ। ಐಂದ್ರಂ ಜಾಲಂ ಪ್ರತ್ಯಹರತ್ತರಸ್ವೀ ವರಾಸ್ತ್ರಮಾದಾಯ ಮಹೇಂದ್ರಸೃಷ್ಟಂ॥ 8-67-24 (58283) ವಿದಾರ್ಯ ತಜ್ಜಾಲಮಥೇಂದ್ರಮುಕ್ತಂ ಪಾರ್ಥಸ್ತತೋ ದ್ರೌಣಿರಥಂ ಕ್ಷಣೇನ। ಪ್ರಚ್ಛಾದಯಾಮಾಸ ತತೋಽಭ್ಯುಪೇತ್ಯ ದ್ರೌಣಿಸ್ತದಾ ಪಾರ್ಥಶರಾಭಿಭೂತಃ॥ 8-67-25 (58284) ವಿಗಾಹ್ಯ ತಾಂ ಪಾಂಡವಬಾಣವೃಷ್ಟಿಂ ಶರೈಃ ಪರಂ ನಾಮ ತತಃ ಪ್ರಕಾಶ್ಯ। ಶತೇನ ಕೃಷ್ಣಂ ಸಹಸಾಭ್ಯವಿದ್ಧ್ಯಾ-- ತ್ತ್ರಿಭಿಃ ಶತೈರರ್ಜುನಂ ಕ್ಷುದ್ರಕಾಣಾಂ॥ 8-67-26 (58285) ತತೋಽರ್ಜುನಃ ಸಾಯಕಾನಾಂ ಶತೇನ ಗುರೋಃ ಸುತಂ ಮರ್ಮಸು ನಿರ್ಬಿಭೇದ। ಅಶ್ವಾಂಶ್ಚ ಸೂತಂ ಚ ತಥಾ ಧನುರ್ಜ್ಯಾ-- ಮವಾಕಿರತ್ಪಶ್ಯತಾಂ ತಾವಕಾನಾಂ॥ 8-67-27 (58286) ಸ ವಿದ್ಧ್ವಾ ಮರ್ಮಸು ದ್ರೌಣಿಂ ಪಾಂಡವಃ ಪರವೀರಹಾ। ಸಾರಥಿಂ ಚಾಸ್ಯ ಭಲ್ಲೇನ ರಥನೀಡಾದಪಾತಯತ್॥ 8-67-28 (58287) ಸ ಸಂಗೃಹ್ಯ ಸ್ವಯಂ ವಾಹಾನ್ಕೃಷ್ಣೌ ಪ್ರಾಚ್ಛದಯಚ್ಛರೈಃ। ತತ್ರಾದ್ಭುತಮಪರಶ್ಯಾಮ ದ್ರೌಣೇರಾಶು ಪರಾಕ್ರಮಂ॥ 8-67-29 (58288) ಸಂಯಚ್ಛಂಸ್ತುರಗಾನ್ಯಚ್ಚ ಫಲ್ಗುನಂ ಚಾಪ್ಯಯೋಧಯತ್। ತದಸ್ಯ ಸಮರೇ ರಾಜನ್ಸರ್ವಭೂತಾನ್ಯಪೂಜಯನ್॥ 8-67-30 (58289) `ತೇನಾಸ್ಯ ಸಮರೇ ಯೋಧಾಸ್ತುಷ್ಟುವುಃ ಸರ್ವ ಏವ ತೇ। ಯದಾ ನಿಜಗೃಹೇ ಪಾರ್ಥೋ ದ್ರೋಣಪುತ್ರೇಣ ಧನ್ವಿನಾ॥ 8-67-31 (58290) ತದಾ ಪ್ರಹಸ್ಯ ಬೀಭಸ್ತುರ್ದ್ರೋಣಪುತ್ರಸ್ಯ ಸಂಯುಗೇ। ಕ್ಷಿಪ್ರಂ ರಶ್ಮೀನಥಾಶ್ವಾನಾಂ ಕ್ಷುರಪ್ರೈಶ್ಚಿಚ್ಛಿದೇ ಜಯಃ॥ 8-67-32 (58291) ಪ್ರಾದ್ರವಂಸ್ತುರಗಾಸ್ತಸ್ಯ ಶರವೇಗಪ್ರಪೀಡಿತಾಃ। ತತೋಽಭೂನ್ನಿನದೋ ಘೋರಸ್ತವ ಸೈನ್ಯಸ್ಯ ಭಾರತ॥ 8-67-33 (58292) ಪಾಂಡವಾಸ್ತು ಜಯಂ ಲಬ್ಧ್ವಾ ತವ ಸೈನ್ಯಂ ಸಮಾದ್ರವನ್। ಸಮಂತಾನ್ನಿಶಿತಾನ್ಬಾಣಾನ್ವಿಮುಂಚಂತೋ ಜಯೈಷಿಣಃ॥ 8-67-34 (58293) ತಾವಕೀ ಚತುರಂಗೈಷಾ ಪಾಂಡವೈಸ್ತು ಮಹಾಚಮೂಃ। ಪುನಃಪುನರಥೋ ವೀರೈಃ ಪ್ರಭಗ್ನಾ ಜಿತಕಾಶಿಭಿಃ॥ 8-67-35 (58294) ಪಶ್ಯತಾಂ ತೇ ಮಹಾರಾಜ ಪುತ್ರಾಣಾಂ ಚಿತ್ರಯೋಧಿನಾಂ। ಶಕುನೇಃ ಸೌಬಲೇಯಸ್ಯ ಕರ್ಣಸ್ಯ ಚ ವಿಶಾಂಪತೇ॥ 8-67-36 (58295) ವಾರ್ಯಮಾಣಾ ಮಹಾಸೇನಾ ಪುತ್ರೈಸ್ತವ ಜನೇಶ್ವರ। ನ ಚಾತಿಷ್ಠತ ಸಂಗ್ರಾಮೇ ಪೀಡ್ಯಮಾನಾ ಸಮಂತತಃ॥ 8-67-37 (58296) ತತೋ ಯೋಧೈರ್ಮಹಾರಾಜ ಪಲಾಯದ್ಭಿಃ ಸಮಂತತಃ। ಅಭವದ್ಯ್ವಾಕುಲಂ ಭೀತಂ ಪುತ್ರಾಣಾಂ ತೇ ಮಹದ್ಬಲಂ॥ 8-67-38 (58297) ತಿಷ್ಠತಿಷ್ಠೇತಿ ಸತತಂ ಸೂತಪುತ್ರಸ್ಯ ಜಲ್ಪತಃ। ನಾವತಿಷ್ಠತಿ ಸಾ ಸೇನಾ ವಧ್ಯಮಾನಾ ಮಹಾತ್ಮಭಿಃ॥ 8-67-39 (58298) ಅಥೋತ್ಕ್ರುಷ್ಟಂ ಮಹಾರಾಜ ಪಾಂಡವೈರ್ಜಿತಕಾಶಿಭಿಃ। ಧಾರ್ತರಾಷ್ಟ್ರಬಲಂ ದೃಷ್ಟ್ವಾ ವಿದ್ರುತಂ ವೈ ಸಮಂತತಃ॥ 8-67-40 (58299) ತತೋ ದುರ್ಯೋಧನಃ ಕರ್ಣಮಬ್ರವೀತ್ಪ್ರಣಯಾದಿವ। ಪಶ್ಯ ಕರ್ಣ ಮಹಾಸೇನಾಂ ಪಾಂಡವೈರರ್ದಿತಾಂ ಭೃಶಂ॥ 8-67-41 (58300) ತ್ವಯಿ ತಿಷ್ಠತಿ ಸಂತ್ರಾಸಾತ್ಸಮಂತಾತ್ಪ್ರಪಲಾಯತೇ। ಏತಜ್ಜ್ಞತ್ವಾ ಮಹಾಬಾಹೋ ಕುರು ಪ್ರಾಪ್ತಮರಿಂದಮ॥ 8-67-42 (58301) ಸಹಸ್ರಾಣಿ ಚ ಯೋಧಾನಾಂ ತ್ವಾಮೇವ ಪುರುಷೋತ್ತಮ। ಕ್ರೋಶಂತೇ ಸಮರೇ ವೀರ ದ್ರಾವ್ಯಮಾಣಾನಿ ಪಾಂಡವೈಃ॥ 8-67-43 (58302) ಸಂಜಯ ಉವಾಚ। 8-67-44x (4994) ಏತಚ್ಛ್ರುತ್ವಾ ತು ರಾಧೇಯೋ ದುರ್ಯೋಧನವಚೋ ಮಹತ್। ಮದ್ರರಾಜಮಿದಂ ವಾಕ್ಯಮಬ್ರವೀತ್ಪ್ರಹಸನ್ನಿವ॥ 8-67-44 (58303) ಪಶ್ಯ ಮೇ ಭುಜಯೋರ್ವೀರ್ಯಮಸ್ತ್ರಾಣಾಂ ಚ ಜನೇಶ್ವರ। ಅದ್ಯ ಹನ್ಮಿ ರಣೇ ಸರ್ವಾನ್ಪಾಂಚಾಲಾನ್ಪಾಂಡುಭಿಃ ಸಹ॥ 8-67-45 (58304) ವಾಹಯಾಶ್ವಾನ್ನರವ್ಯಾಘ್ರ ಮದ್ರಾಧಿಪ ನ ಸಂಶಯಃ। ಏವಮುಕ್ತ್ವಾ ಮಹಾರಾಜ ಸೂತಪುತ್ರಃ ಪ್ರತಾಪವಾನ್॥ 8-67-46 (58305) ಪ್ರಗೃಹ್ಯ ವಿಜಯಂ ವೀರೋ ಧನುಃಶ್ರೇಷ್ಠಂ ಪುರಾತನಂ। ಸಜ್ಯಂ ಕೃತ್ವಾ ಮಹಾರಾಜ ಸಂಮೃಜ್ಯ ಚ ಪುನಃ ಪುನಃ॥ 8-67-47 (58306) ಸನ್ನಿವಾರ್ಯ ಚ ತಾನ್ಯೋಧಾನ್ಸತ್ಯೇನ ಶಪಥೇನ ಚ। ಪ್ರಾಯೋಜಯದಮೇಯಾತ್ಮಾ ಭಾರ್ಗವಾಸ್ತ್ರಂ ಮಹಾಬಲಃ॥ 8-67-48 (58307) ತಸ್ಮಾದ್ರಾಜನ್ಸಹಸ್ರಾಣಿ ಪ್ರಯುತಾನ್ಯರ್ಬುದಾನಿ ಚ। ಕೋಟಿಶಶ್ಚ ಶರಾಸ್ತೀಕ್ಷ್ಣಾ ನಿರಗಚ್ಛನ್ಮಹಾಮೃಧೇ॥ 8-67-49 (58308) ಜ್ವಲಿತೈಸ್ತೈಃ ಶರೈರ್ಘೋರೈಃ ಕಂಕಬರ್ಹಿಣವಾಜಿತೈಃ। ಸಂಚನ್ನಾ ಪಾಂಡವೀ ಸೇನಾ ನ ಪ್ರಾಜ್ಞಾಯತ ಕಿಂಚನ॥ 8-67-50 (58309) ಹಾಹಾಕಾರೋ ಮಹಾನಾಸೀತ್ಪಾಂಡವಾನಾಂ ವಿಶಾಂಪತೇ। ಪೀಡಿತಾನಾಂ ಬಲವತಾ ಭಾರ್ಗವಾಸ್ತ್ರೇಣ ಸಂಯುಗೇ॥ 8-67-51 (58310) ನಿಪತದ್ಭಿರ್ಗಜೈ ರಾಜನ್ನಶ್ವೈಶ್ಚಾಪಿ ಸಹಸ್ರಶಃ। ರಥೈಶ್ಚಾಪಿ ನರವ್ಯಾಘ್ರ ನರೈಶ್ಚೈವ ಸಮಂತತಃ॥ 8-67-52 (58311) ಪ್ರಾಕಂಪತ ಮಹೀ ರಾಜನ್ನಿಹತೈಸ್ತೈಃ ಸಮಂತತಃ। ವ್ಯಾಕುಲಂ ಸರ್ವಮಭವತ್ಪಾಂಡವಾನಾಂ ಮಹದ್ಬಲಂ॥ 8-67-53 (58312) ಕರ್ಣಸ್ತ್ವೇಕೋ ಯುಧಾಂ ಶ್ರೇಷ್ಠೋ ವಿಧೂಮ ಇವ ಪಾವಕಃ। ದಹಞ್ಶತ್ರೂನ್ನರವ್ಯಾಘ್ರಃ ಶುಶುಭೇ ಸ ಪರಂತಪಃ॥ 8-67-54 (58313) ತೇ ವಧ್ಯಮಾನಾಃ ಕರ್ಣೇನ ಪಾಂಚಾಲಾಶ್ಚೇದಿಭಿಃ ಸಹ। ತತ್ರ ತತ್ರ ವ್ಯಮುಹ್ಯಂತ ವನದಾಹೇ ಯಥಾ ದ್ವಿಪಾಃ॥ 8-67-55 (58314) ಚುಕ್ರುಶುಶ್ಚ ನರವ್ಯಾಘ್ರ ಯಥಾಪ್ರಾಣಂ ನರೋತ್ತಮಾಃ। ತೇಷಾಂ ತು ಕ್ರೋಶತಾಂ ದೀನಂ ಭೀತಾನಾಂ ರಣಮೂರ್ಧನಿ॥ 8-67-56 (58315) ಧಾವತಾಂ ಚ ತತೋ ರಾಜಂಸ್ತ್ರಸ್ತಾನಾಂ ಚ ಸಮಂತತಃ। ಆರ್ತನಾದೋ ಬಭೂವಾತ್ರ ಭೂತಾನಾಮಿವ ಸಂಪ್ಲುವೇ॥ 8-67-57 (58316) ವಧ್ಯಮಾನಾಂಸ್ತು ತಾಂದೃಷ್ಟ್ವಾ ಸೂತಪುತ್ರೇಣ ಮಾರಿಷ॥ ವಿತ್ರೇಸುಃ ಸರ್ವಭೂತಾನಿ ತಿರ್ಯಗ್ಯೋನಿಗತಾನ್ಯಪಿ॥ 8-67-58 (58317) ತೇ ವಧ್ಯಮಾತಾಃ ಸಮರೇ ಸೂತಪುತ್ರೇಣ ಸೃಂಜಯಾಃ। ಅರ್ಜುನಂ ವಾಸುದೇವಂ ಚ ಕ್ರೋಶಂತಿ ಚ ಮುಹುರ್ಮುಹುಃ। ಪ್ರೇತರಾಜಪುರೇ ಯದ್ವತ್ಪ್ರೇತರಾಜಂ ವಿಚೇತಸಃ॥ 8-67-59 (58318) ಶ್ರುತ್ವಾ ತು ನಿನದಂ ತೇಷಾಂ ವಧ್ಯತಾಂ ಕರ್ಣಸಾಯಕೈಃ। ಅಥಾಬ್ರವೀದ್ವಾಸುದೇವಂ ಕುಂತೀಪುತ್ರೋ ಧನ಼ಂಜಯಃ। ಭಾರ್ಗವಾಸ್ತ್ರಂ ಮಹಾಘೋರಂ ದೃಷ್ಟ್ವಾ ತತ್ರ ಸಮೀರಿತಂ॥ 8-67-60 (58319) ಪಶ್ಯ ಕೃಷ್ಣ ಮಹಾಬಾಹೋ ಭಾರ್ಗವಾಸ್ತ್ರಸ್ಯ ವಿಕ್ರಮಂ। ನೈತದಸ್ತ್ರಂ ಹಿ ಸಮರೇ ಶಕ್ಯಂ ಹಂತುಂ ಕಥಂಚನ॥ 8-67-61 (58320) ಸೂತಪುತ್ರಂ ಚ ಸಂರಬ್ಧಂ ಪಶ್ಯ ಕೃಷ್ಣ ಮಹಾರಣೇ। ಅಂತಕಪ್ರತಿಮಂ ವೀರ್ಯೇ ಕುರ್ವಾಣಂ ಕರ್ಮ ದಾರುಣಂ॥ 8-67-62 (58321) ಅಭೀಕ್ಷ್ಣಂ ಚೋದಯನ್ನಶ್ವಾನ್ಪ್ರೇಕ್ಷತೇ ಮಾಂ ಮುಹುರ್ಮುಹುಃ। ನಚ ಶಕ್ಷ್ಯಾಮಿ ಕರ್ಣಸ್ಯ ಸಂಯುಗೇಽಹಂ ಪಲಾಯಿತುಂ॥ 8-67-63 (58322) ಜೀವನ್ಪ್ರಾಪ್ನೋತಿ ಪುರುಷಃ ಸಂಖ್ಯೇ ಜಯಪರಾಜಯೌ। ಮೃತಸ್ಯ ತು ಹೃಪೀಕೇಶ ಭಂಗ ಏವ ಕುತೋ ಜಯಃ॥ 8-67-64 (58323) ಏಷ ಕರ್ಣೋ ರಣೇ ಭಾತಿ ಮಧ್ಯಾಹ್ನ ಇವ ಭಾಸ್ಕರಃ। ನಿವರ್ತಯ ರಥಂ ಕೃಷ್ಣ ಜೀವನ್ಭದ್ರಾಣಿ ಪಶ್ಯತಿ॥ ॥ 8-67-65 (58324) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದ್ವಶದಿವಸಯುದ್ಧೇ ಸಪ್ತಷಷ್ಟಿತಮೋಽಧ್ಯಾಯಃ॥ 67 ॥

8-68-0 (58325) ಸಂಜಯ ಉವಾಚ। 8-68-0x (4995) ತತೋ ಜನಾರ್ದನಃ ಶ್ರುತ್ವಾ ತಸ್ಯ ವಾಕ್ಯಂ ವಿಶಾಂಪತೇ। ರಥೇನಾಪಯಯೌ ಕ್ಷಿಪ್ರಂ ಸಂಗ್ರಾಮಾದಿತಿ ಭಾರತ॥ 8-68-1 (58326) ಪ್ರತ್ಯನೀಕಮವಸ್ಥಾಪ್ಯ ಭೀಮಂ ಭೀಮಪರಾಕ್ರಮಂ। ಅಲಂ ವಿಷಹಿತುಂ ಹ್ಯೇಷ ಕುರೂಣಾಂ ಸಂಪ್ರಪಶ್ಯತಾಂ॥ 8-68-2 (58327) ಕರ್ಣಂ ಚ ಸಮರೇ ರಾಜನ್ಗ್ರಾಹಯಿಷ್ಯಞ್ಶ್ರಮಂ ಪ್ರತಿ। ವಿಶ್ವಮಾರ್ಥಂ ಚ ಕೌರವ್ಯ ಪಾರ್ಥಸ್ಯ ಚ ಮಹಾತ್ಮನಃ। ಅಪಯಾತೋ ರಣಾದ್ವೀರೋ ರಾಜಾನಂ ದ್ರಷ್ಟುಮೇವ ಚ॥ 8-68-3 (58328) ಅರ್ಜುನಂ ಚಾಬ್ರವೀತ್ಕೃಷ್ಣೋ ಭೃಶಂ ರಾಜಾ ಪರಿಕ್ಷತಃ। ತಮಾಶ್ವಾಸ್ಯ ಕುರುಶ್ರೇಷ್ಠ ತತಃ ಕರ್ಣಂ ಹನಿಷ್ಯಸಿ॥ 8-68-4 (58329) ತತೋ ಧನಂಜಯಃ ಶ್ರುತ್ವಾ ರಾಜಾನಂ ಶಲ್ಯಪೀಡಿತಂ। ಯಾಹಿಯಾಹಿತಿ ಬಹುಶೋ ವಾಸುದೇವಮಚೋದಯತ್। ರಾಜಾನಂ ಪ್ರತಿ ವಾರ್ಷ್ಣೇಯ ದೂಯತೇ ಮೇ ದೃಢಂ ಮನಃ॥ 8-68-5 (58330) ಸ ಚೋದ್ಯಮಾನಃ ಪಾರ್ಥೇನ ಕೇಶಿಘ್ನೋ ವೃಷ್ಣಿನಂದನಃ। ರಥೇನಾಪಯಯೌ ಕ್ಷಿಪ್ರಂ ಸಂಗ್ರಾಮಾದ್ಧೋರದರ್ಶನಾತ್॥ 8-68-6 (58331) ಗಚ್ಛನ್ನೇವ ತು ಕೌಂತೇಯೋ ಧರ್ಮರಾಜದಿದೃಕ್ಷಯಾ। ಸೈನ್ಯಮಾಲೋಕಯಾಮಾಸ ನಾಪಶ್ಯತ್ತತ್ರ ಚಾಗ್ರಜಂ॥ 8-68-7 (58332) ಯುದ್ಧಂ ಕೃತ್ವಾ ತು ಕೌಂತೇಯೋ ದ್ರೋಣಪುತ್ರೇಣ ಭಾರತ। ದುಃಸಹಂ ವಜ್ರಿಣಾ ಸಂಖ್ಯೇ ಪರಾಜಿತ್ಯ ಗುರೋಃ ಸುತಂ॥ 8-68-8 (58333) ದ್ರೌಣಿಂ ಪರಾಜಿತ್ಯ ತತೋಗ್ರಧನ್ವಾ ಕೃತ್ವಾ ಮಹದ್ದುಷ್ಕರಂ ಶೂರಕರ್ಮ। ಆಲೋಕಯಾಮಾಸ ತತಃ ಸ್ವಸೈನ್ಯಂ ಧನಂಜಯಃ ಶತ್ರುಭಿರಪ್ರಧೃಷ್ಯಃ॥ 8-68-9 (58334) ಸಂಯುಧ್ಯಮಾನಾನ್ಪೃತನಾಮುಖಸ್ಥಾ-- ಞ್ಶೂರಃ ಶೂರಾನ್ಹರ್ಷಯನ್ಸವ್ಯಸಾಚೀ। ಪೂರ್ವಾಪದಾನೈಃ ಪ್ರಥಿತೈಃ ಪ್ರಶಂಸ-- ನ್ಸ್ಥಿತಾಂಶ್ಚಕಾರಾತ್ಮರಥಾನನೀಕೇ॥ 8-68-10 (58335) ಅಪಶ್ಯಮಾನಸ್ತು ಕಿರೀಟಮಾಲೀ ಯುಧಿಷ್ಠಿರಂ ಭ್ರಾತರಮಾಜಮೀಢಂ। ಉವಾಚ ಭೀಮಂ ತರಸಾಭ್ಯುಪೇತ್ಯ ರಾಜ್ಞಃ ಪ್ರವೃತ್ತಿಸ್ತ್ವಿಹ ಕುತ್ರ ಚೇತಿ॥ 8-68-11 (58336) ಭೀಮಸೇನ ಉವಾಚ। 8-68-12x (4996) ಅಪಯಾತ ಇತೋ ರಾಜಾ ಧರ್ಮಪುತ್ರೋ ಯುಧಿಷ್ಠಿರಃ। ಕರ್ಣಬಾಣಾಭಿತಪ್ತಾಂಗೋ ಯದಿ ಜೀವೇತ್ಕಥಂಚನ॥ 8-68-12 (58337) ಅರ್ಜುನ ಉವಾಚ। 8-68-13x (4997) ತಸ್ಮಾದ್ಭವಾಞ್ಶೀಘ್ರಮಿತಃ ಪ್ರಯಾತು ಜ್ಞಾತುಂ ಪ್ರವೃತ್ತಿಂ ಪುರುಷರ್ಷಭಸ್ಯ। ನೂನಂ ಸ ವಿದ್ಧೋಽತಿಭೃಶಂ ಪೃಷತ್ಕೈಃ ಕರ್ಣೇನ ರಾಜಾ ಶಿಬಿರಂ ಗತೋಽಸೌ॥ 8-68-13 (58338) ಯಃ ಸಂಪ್ರಹಾರೈರ್ಯುಧಿ ಸಂಪ್ರವೃತ್ತೇ ದ್ರೋಣೇನ ವಿದ್ಧೋಽತಿಭೃಶಂ ತರಸ್ವೀ। ತಸ್ಥೌ ಸ ತತ್ರಾಪಿ ಜಯಪ್ರತೀಕ್ಷೋ ದ್ರೋಣೇನ ಯಾವನ್ನ ಹತಃ ಕಿಲಾಸೀತ್॥ 8-68-14 (58339) ಸ ಸಂಶಯಂ ಗಮಿತಃ ಪಾಂಡವಾಗ್ರ್ಯಃ ಸಂಖ್ಯೇಽದ್ಯ ಕರ್ಣೇನ ಮಹಾನುಭಾವಃ। ಜ್ಞಾತುಂ ಪ್ರಯಾಹ್ಯಾಶು ತಮದ್ಯ ಭೀಮ ಸ್ಥಾಸ್ಯಾಂಯಹಂ ಶತ್ರುಗಣಾನ್ನಿರುಧ್ಯ॥ 8-68-15 (58340) ಭೀಮಸೇನ ಉವಾಚ। 8-68-16x (4998) ತ್ವಮೇವ ಜಾನೀಹಿ ಮಹಾನುಭಾವ ರಾಜ್ಞಃ ಪ್ರವೃತ್ತಿಂ ಭರತರ್ಷಭಸ್ಯ। ಅಹಂ ಹಿ ಯದ್ಯರ್ಜುನ ಯಾಂಯಮಿತ್ರಾ ವದಂತಿ ಮಾಂ ಭೀತ ಇತಿ ಪ್ರವೀರಾಃ॥ 8-68-16 (58341) ತತೋಽಬ್ರವೀದರ್ಜುನೋ ಭೀಮಸೇನಂ ಸಂಶಪ್ತಕಾಃ ಪ್ರತ್ಯನೀಕಸ್ಥಿತಾ ಮೇ। ಏತಾನಹತ್ವಾದ್ಯ ಮಯಾ ನ ಶಕ್ಯ-- ಮಿತೋಪಯಾತುಂ ರಿಪುಸಂಖಮಧ್ಯಾತ್॥ 8-68-17 (58342) ಅಥಾಬ್ರವೀದರ್ಜುನಂ ಭೀಮಸೇನಃ ಸ್ವವೀರ್ಯಮಾಸಾದ್ಯ ಕುರುಪ್ರವೀರ। ಸಂಶಪ್ತಕಾನ್ಪ್ರತಿಯೋತ್ಸ್ಯಾಮಿ ಸಂಖ್ಯೇ ಸರ್ವಾನಹಂ ಯಾಹಿ ಧನಂಜಯ ತ್ವಂ॥ 8-68-18 (58343) ತದ್ಭೀಮಸೇನಸ್ಯ ವಚೋ ನಿಶಂಯ ಧನಂಜಯೋ ಭ್ರಾತುರಮಿತ್ರಮಧ್ಯೇ। ದ್ರಷ್ಟುಂ ಕುರುಶ್ರೇಷ್ಠಮಭಿಪ್ರಯಾಸ್ಯ-- ನ್ಪ್ರೋವಾಚ ವೃಷ್ಣಿಪ್ರವರಂ ತದಾನೀಂ॥ 8-68-19 (58344) ಅರ್ಜುನ ಉವಾಚ। 8-68-20x (4999) `ರಾಜಾನಂ ಪ್ರತಿ ವಾರ್ಷ್ಣೇಯ ದೂಯತೇ ಮೇ ದೃಢಂ ಮನಃ'। ಚೋದಯಾಶ್ವಾನ್ಹೃಷೀಕೇಶ ವಿಹಾಯೈತದ್ಬಲಾರ್ಣವಂ। ಅಜಾತಶತ್ರುಂ ರಾಜಾನಂ ದ್ರಷ್ಟುಮಿಚ್ಛಾಮಿ ಕೇಶವ॥ 8-68-20 (58345) ಸಂಜಯ ಉವಾಚ। 8-68-21x (5000) `ತಂ ರಥ ಚೋದಯಾಮಾಸ ಬೀಭತ್ಸೋರ್ವಚನಾದ್ಧರಿಃ'॥ 8-68-21 (58346) ತತೋ ಹಯಾನ್ಸರ್ವದಾಶಾರ್ಹಮುಖ್ಯಃ ಪ್ರಚೋದಯನ್ಭೀಮಮುವಾಚ ಚೇದಂ। ನೈತಚ್ಚಿತ್ರಂ ತವ ಕರ್ಮಾದ್ಯ ಭೀಮ ಯಾಸ್ಯಾವಹೇ ಜಹಿ ಪಾರ್ಥಾರಿಸಂಘಾನ್॥ 8-68-22 (58347) ತತೋ ಯಯೌ ಹೃಷೀಕೇಶೋ ಯತ್ರ ರಾಜಾ ಯುಧಿಷ್ಠಿರಃ। ಶೀಘ್ರಾಚ್ಛೀಘ್ರತರೋ ರಾಜನ್ವಾಜಿಭಿರ್ಗರುಡೋಪಮೈಃ॥ 8-68-23 (58348) ಪ್ರತ್ಯನೀಕೇ ತ್ವವಸ್ಥಾಪ್ಯ ಭೀಮಸೇನಮರಿಂದಮಂ। ಸಂದಿಶ್ಯ ಚೈನಂ ರಾಜೇಂದ್ರ ಯುದ್ಧಂ ಪ್ರತಿ ವೃಕೋದರಂ॥ 8-68-24 (58349) ತತಸ್ತು ಗತ್ವಾ ಪುರುಷಪ್ರವೀರೌ ರಾಜಾನಮಾಸಾದ್ಯ ಶಯಾನಮೇಕಂ। ರಥಾದುಭೌ ಪ್ರತ್ಯವರುಹ್ಯ ತಸ್ಮಾ-- ದ್ವವಂದತುರ್ಧರ್ಮರಾಜಸ್ಯ ಪಾದೌ॥ 8-68-25 (58350) `ಇತ್ಯೇವಮುಪಸಂಗೃಹ್ಯ ಉಭೌ ತು ಪಾಂಜಲೀ ಸ್ಥಿತೌ। ಶಸ್ತ್ರಕ್ಷತೌ ಮಹಾರಾಜ ರುಧಿರೇಣ ಸಮುಕ್ಷಿತೌ। ನಿಹತ್ಯ ವಾಹಿನೀಂ ತುಭ್ಯಮಪಯಾತೌ ರಣಾಜಿರಾತ್'॥ 8-68-26 (58351) ತಂ ದೃಷ್ಟ್ವಾ ಪುರುಷವ್ಯಾಘ್ರಂ ಕ್ಷೇಮಿಣಂ ಪುರುಷರ್ಷಭಂ। ಮುದಾಭ್ಯನಂದತಾಂ ಕೃಷ್ಣಾವಶ್ವಿನಾವಿವ ವಾಸವಂ॥ 8-68-27 (58352) ತಾವಭ್ಯನಂದದ್ರಾಜಾಪಿ ವಿವಸ್ವಾನಶ್ವಿನಾವಿವ। ಹತೇ ಮಹಾಸುರೇ ಜಂಭೇ ಶಕ್ರವಿಷ್ಣೂ ಯಥಾ ಗುರುಃ॥ 8-68-28 (58353) ಮನ್ಯಮಾನೋ ಹತಂ ಕರ್ಣಂ ಪ್ರೀತಃ ಪರಪುರಂಜಯಃ। `ಸ ಭೂತ್ವಾ ಪುರುಷವ್ಯಾಘ್ರೋ ರಾಜಾ ತತ್ರ ಯುಧಿಷ್ಠಿರಃ'। ಹರ್ಷಗದ್ಗದಯಾ ವಾಚಾ ಪ್ರೀತಃ ಪ್ರಾಹ ಪರಂತಪಃ॥ ॥ 8-68-29 (58354) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಅಷ್ಟಷಷ್ಟಿತಮೋಽಧ್ಯಾಯಃ॥ 68 ॥

8-69-0 (58355) ಸಂಜಯ ಉವಾಚ। 8-69-0x (5001) [ಅಥೋಪಯಾತೌ ಪೃಥುಲೋಹಿತಾಕ್ಷೌ ಶರಾಚಿತಾಂಗೌ ರುಧಿರಪ್ರದಿಗ್ಧೌ। ಸಮೀಕ್ಷ್ಯ ಸೇನಾಗ್ರನರಪ್ರವೀರೌ ಯುಧಿಷ್ಠಿರೋ ವಾಕ್ಯಮಿದಂ ಬಭಾಷೇ॥] 8-69-1 (58356) ತತೋ ಯುಧಿಷ್ಠಿರೋ ದೃಷ್ಟ್ವಾ ಸಹಿತೌ ಕೇಶವಾರ್ಜುನೌ। ಹತಮಾಧಿರಥಿಂ ಮೇನೇ ಸಂಖ್ಯೇ ಗಾಂಡೀವಧನ್ವನಾ॥ 8-69-2 (58357) ತಾವಭ್ಯನಂದತ್ಕೌಂತೇಯಃ ಸಾಂನಾ ಪರಮವಲ್ಗುನಾ। ಸ್ಮಿತಪೂರ್ವಮಮಿತ್ರಘ್ನ ಪೂಜಯನ್ಭರತರ್ಪಭ॥ 8-69-3 (58358) ಯುಧಿಷ್ಠಿರ ಉವಾಚ। 8-69-4x (5002) ಸ್ವಾಗತಂ ದೇವಕೀಪುತ್ರ ಸ್ವಾಗತಂ ತೇ ಧನಂಜಯ। ಪ್ರಿಯಂ ಮೇ ದರ್ಶನಂ ವಾಢಂ ಯುವಯೋರ್ನರಸಿಂಹಯೋಃ॥ 8-69-4 (58359) ಅರಿಷ್ಟಯೋರಕ್ಷತಯೋಃ ಕರ್ಣಂ ಹತ್ವಾ ಮಹಾರಥಂ। ಆಶೀವಿಪಸಮಂ ಯುದ್ಧೇ ಸರ್ವಶಸ್ತ್ರವಿಶಾರದಂ॥ 8-69-5 (58360) ಅಗ್ರಗಂ ಧಾರ್ತರಾಷ್ಟ್ರಾಣಾಂ ಸರ್ವೇಷಾಂ ಶರ್ಮ ವರ್ಮ ಚ। ರಕ್ಷಿತಂ ವೃಷಸೇನೇನ ಸುಪೇಣೇನ ಚ ಧನ್ವಿನಾ॥ 8-69-6 (58361) ಅನುಜ್ಞಾತಂ ಮಹಾವೀರ್ಯಂ ರಾಮೇಣಾಸ್ತ್ರೇ ಸುದುರ್ಜಯಂ। ಅಗ್ರ್ಯಂ ಸರ್ವಸ್ಯ ಲೋಕಸ್ಯ ರಥಿನಂ ಲೋಕವಿಶ್ರುತಂ॥ 8-69-7 (58362) ತ್ರಾತಾರಂ ಧಾರ್ತರಾಷ್ಟ್ರಾಣಾಂ ಗಂತಾರಂ ವಾಹಿನೀಮುಖೇ। ಹಂತಾರಂ ಪರಸೈನ್ಯಾನಾಮಮಿತ್ರಗಣಮರ್ದನಂ॥ 8-69-8 (58363) ದುರ್ಯೋಧನಹಿತೇ ಯುಕ್ತಮಸ್ಮದ್ದುಃಖಾಯ ಚೋದ್ಯತಂ। ಅಪ್ರಧೃಷ್ಯಂ ಮಹಾಯುದ್ಧೇ ದೇವೈರಪಿ ಸವಾಸವೈಃ॥ 8-69-9 (58364) ಅನಲಾನಿಲಯೋಸ್ತುಲ್ಯಂ ತೇಜಸಾ ಚ ಬಲೇನ ಚ। ಪಾತಾಲಮಿವ ಗಂಭೀರಂ ಸುಹೃದಾಂ ನಂದಿವರ್ಧನಂ॥ 8-69-10 (58365) ಅಂತಕಂ ಮಮ ಮಿತ್ರಾಣಾಂ ಹತ್ವಾ ಕರ್ಣಂ ಮಹಾಮೃಧೇ। ದಿಷ್ಟ್ಯಾ ಯುವಾಮನುಪ್ರಾಪ್ತೌ ಹತ್ವಾಽಸುರಮಿವಾಮರೌ॥ 8-69-11 (58366) ತೇನ ಯುದ್ಧಮಭೀತೇನ ಮಯಾಽದ್ಯಾಪ್ಯಚ್ಯುತಾರ್ಜುನೌ। ಕೃತಂ ಘೋರಂ ಮಹಾಬಾಹೂ ಧೃಷ್ಟದ್ಯುಂನಸ್ಯ ಪಶ್ಯತಃ। ಅಂತಕೇನೇವ ಕ್ರುದ್ಧೇನ ಪ್ರಜಾಃ ಸರ್ವಾ ಜಿಘಾಂಸತಾ॥ 8-69-12 (58367) ತೇನ ಕೇತುಶ್ಚ ಮೇ ಚ್ಛಿನ್ನೋ ಹತೌ ಚ ಪಾರ್ಷ್ಣಿಸಾರಥೀ। ಹತವಾಹಃ ಕೃತಶ್ಚಾಸ್ಮಿ ಯುಯುಧಾನಸ್ಯ ಪಶ್ಯತಃ॥ 8-69-13 (58368) ಧೃಷ್ಟದ್ಯುಂನಸ್ಯ ಯಮಯೋರ್ವೀರಸ್ಯ ಚ ಶಿಖಂಡಿನಃ। ಪಶ್ಯತಾಂ ದ್ರೌಪದೇಯಾನಾಂ ಶತದ್ರೋಶ್ಚ ಮಹಾತ್ಮನಃ॥ 8-69-14 (58369) ಏತಾಂಜಿತ್ವಾ ಮಹಾವೀರ್ಯಃ ಕರ್ಣಃ ಶತ್ರುಗಣಾನ್ಬಹೂನ್। ಜಿತವಾನ್ಮಾಂ ಮಹಾಬಾಹೋ ಯತಮಾನೋ ಮಹಾರಣೇ॥ 8-69-15 (58370) ಅನುಸೃತ್ಯ ಚ ಮಾಂ ಯುದ್ಧೇ ಪರುಷಾಣ್ಯುಕ್ತವಾನ್ಬಹು। ತತ್ರ ತತ್ರ ಯುಧಾಂ ಶ್ರೇಷ್ಠ ಪರಿಭೂಯ ನ ಸಂಶಯಃ॥ 8-69-16 (58371) ಭೀಮಸೇನಪ್ರಭಾವಾತ್ತು ಯಜ್ಜೀವಾಮಿ ಧನಂಜಯ। ಬಹುನಾತ್ರ ಕಿಮುಕ್ತೇನ ಹತೇ ಸೋಢುಂ ಸಮುತ್ಸಹೇ॥ 8-69-17 (58372) ತ್ರಯೋದಶಾಹಂ ವರ್ಷಾಣಿ ಯಸ್ಮಾದ್ಭೀತೋ ಧನಂಜಯ। ನ ಸ್ಮ ನಿದ್ರಾಂ ಲಭೇ ರಾತ್ರೌ ನ ಚಾಹನಿ ಸುಖಂ ಕ್ವಚಿತ್॥ 8-69-18 (58373) ತಸ್ಯ ದ್ವೇಷೇಣ ಸಂಯುಕ್ತಃ ಪರಿದಹ್ಯೇ ಧನಂಜಯ। ಆತ್ಮನೋ ಮರಣಂ ಜಾನನ್ವಾಧ್ರೀಣಸ ಇವ ದ್ವಿಜಃ॥ 8-69-19 (58374) ತಸ್ಯಾಯಮಗಮತ್ಕಾಲಶ್ಚಿಂತಯಾನಸ್ಯ ಮೇ ಚಿರಂ। ಕಥಂ ಕರ್ಣೋ ಮಯಾ ಶಕ್ಯೋ ಯುದ್ಧೇ ಕ್ಷಪಯಿತುಂ ಭವೇತ್॥ 8-69-20 (58375) ಜಾಗ್ರತ್ಸ್ವಪಂಶ್ಚ ಕೌಂತೇಯ ಕರ್ಣಮೇವ ಸ್ಮರಾಹ್ಯಹಂ। ಪಶ್ಯಾಮಿ ತತ್ರತತ್ರೈವ ಕರ್ಣಭೂತಮಿದಂ ಜಗತ್॥ 8-69-21 (58376) ಯತ್ರ ಯತ್ರ ಹಿ ಗಚ್ಛಾಮಿ ಕರ್ಣಾದ್ಭೀತೋ ಧನಂಜಯ। ತತ್ರ ತತ್ರ ಹಿ ಪಶ್ಯಾಮಿ ಕರ್ಣಮೇವಾಗ್ರತಃ ಸ್ಥಿತಂ॥ 8-69-22 (58377) ಸೋಽಹಂ ತೇನೈವ ವೀರೇಣ ಸಮರೇಷ್ವಪಲಾಯಿನಾ। ಸಹಯಃ ಸರಥಃ ಪಾರ್ಥ ಜಿತ್ವಾ ಜೀವನ್ವಿಸರ್ಜಿತಃ॥ 8-69-23 (58378) ಕೋ ನು ಮೇ ಜೀವಿತೇನಾರ್ಥೋ ರಾಜ್ಯೇನಾರ್ಥೋ ಭವೇತ್ಪುನಃ। ಮಮೈವಂ ವಿಕ್ಷತಸ್ಯಾದ್ಯ ಕರ್ಣೇನಾಹವಶೋಭಿನಾ॥ 8-69-24 (58379) ನ ಪ್ರಾಪ್ತಪೂರ್ವಂ ಯದ್ಭೀಷ್ಮಾತ್ಕೃಪಾದ್ದ್ರೋಣಾಚ್ಚ ಸಂಯುಗೇ। ತತ್ಪ್ರಾಪ್ತಮದ್ಯ ಮೇ ಯುದ್ಧೇ ಸೂತಪುತ್ರಾನ್ಮಹಾರಥಾತ್॥ 8-69-25 (58380) ಸ ತ್ವಾಂ ಪೃಚ್ಛಾಮಿ ಕೌಂತೇಯ ಯಥಾ ನ ಕುಶಲಸ್ತಥಾ। ತನ್ಮಮಾಚಕ್ಷ್ವ ಕಾರ್ತ್ಸ್ನ್ಯೇನ ಯಥಾ ಕರ್ಣೋ ಹತಸ್ತ್ವಯಾ॥ 8-69-26 (58381) ಶಕ್ರತುಲ್ಯಬಲೋ ಯುದ್ಧೇ ಯಮತುಲ್ಯಃ ಪರಾಕ್ರಮೇ। ರಾಮತುಲ್ಯಸ್ತಥಾಸ್ತ್ರೇಷು ಸ ಕಥಂ ತೇ ನಿಷೂದಿತಃ॥ 8-69-27 (58382) ಮಹಾರಥಸಮಾಖ್ಯಾತಃ ಸರ್ವಯುದ್ಧವಿಶಾರದಃ। ಧನುರ್ಧರಾಣಾಂ ಪ್ರವರಃ ಸರ್ವೇಷಾಂ ವೈ ಸದಾರ್ಜುನ॥ 8-69-28 (58383) ಪೂಜಿತೋ ಧೃತರಾಷ್ಟ್ರೇಣ ಸಪುತ್ರೇಣ ವಿಶಾಂಪತೇ। ತ್ವದರ್ಥಮೇವ ರಾಧೇಯಃ ಸ ಕಥಂ ನಿಹತಸ್ತ್ವಯಾ॥ 8-69-29 (58384) ಧಾರ್ತರಾಷ್ಟ್ರಸ್ಯ ಯೋದ್ಧಾರಃ ಸರ್ವ ಏವ ಸದಾರ್ಜುನ। ತವ ಮೃತ್ಯುಂ ರಣೇ ಕರ್ಣಂ ಮನ್ಯಂತೇ ಪುರುಷರ್ಷಭ॥ 8-69-30 (58385) ಸ ತ್ವಯಾ ಪುರುಷವ್ಯಾಘ್ರ ಕಥಂ ಯುದ್ಧೇ ನಿಷೂದಿತಃ। ತನ್ಮಮಾಚಕ್ಷ್ವ ಕೌಂತೇಯ ಯಥಾ ಕರ್ಣೋ ಹತಸ್ತ್ವಯಾ॥ 8-69-31 (58386) ಸೋತ್ಸೇಧಮಸ್ಯ ಚ ಶಿರಃ ಪಶ್ಯತಾಂ ಸುಹೃದಾಂ ಹೃತಂ। ತ್ವಯಾ ಪುರುಷಶಾರ್ದೂಲ ಸಿಂಹೇನೇವ ಯಥಾ ರುರೋಃ॥ 8-69-32 (58387) ಸರ್ವಾ ದಿಶಃ ಪರ್ಯಪತತ್ತ್ವದರ್ಥಂ ತ್ವಾಂ ಸೂತಪುತ್ರಃ ಸಮರೇ ಪರೀಪ್ಸನ್। ದಿತ್ಸನ್ನೃಣಾಂ ಶಕಟಂ ರತ್ನಪೂರ್ಣಂ ಕಥಂ ತ್ವಯಾಸೌ ನಿಹತೋಽದ್ಯ ಕರ್ಣಃ॥ 8-69-33 (58388) ತ್ವಯಾ ರಣೇ ನಿಹತಃ ಸೂತಪುತ್ರಃ ಕಚ್ಚಿತ್ಕೃತಂ ಮೇ ಪರಮಂ ತ್ವಯಾದ್ಯ ಪ್ರಿಯಂ ರಣೇ ಸೂತಪುತ್ರಂ ನಿಹತ್ಯ॥ 8-69-34 (58389) ಸರ್ವಾ ದಿಶಃ ಪರ್ಯಪತತ್ತ್ವದರ್ಥಂ ಮುದಾನ್ವಿತೋ ಗರ್ವಿತಃ ಸೂತಪುತ್ರಃ। ಸ ಶೂರಮಾನೀ ಸಮರೇ ಸಮೇತ್ಯ ಕಚ್ಚಿತ್ತ್ವಯಾ ನಿಹತಃ ಸೂತಪುತ್ರಃ॥ 8-69-35 (58390) ರಾಜ್ಯಂ ಪರಂ ಹಸ್ತಿಗವಾಶ್ವಯುಕ್ತಂ ರಥಂ ದಿತ್ಸುರ್ಯಃ ಪರೇಭ್ಯಸ್ತ್ವರ್ದರ್ಥೇ। ತ್ವಯಾ ರಣೇ ಸ್ಪರ್ಧತೇ ಯಃ ಸ ಪಾಪಃ ಕಚ್ಚಿತ್ತ್ವಯಾ ನಿಹತಃ ಪಾಪಬುದ್ಧಿಃ॥ 8-69-36 (58391) ಯೋಽಸೌ ನಿತ್ಯಂ ಶೌರ್ಯಮದೇನ ಮತ್ತೋ ವಿಕತ್ಥತೇ ಸಂಸದಿ ಕೌರವಾಣಾಂ। ಪ್ರೀತ್ಯರ್ಥಂ ವೈ ತಾತ ಸುಯೋಧನಸ್ಯ ಕಚ್ಚಿತ್ಸ ಪಾಪೋ ನಿಹತಸ್ತ್ವಯಾದ್ಯ॥ 8-69-37 (58392) ಕಚ್ಚಿತ್ಸಮಾಗಂಯ ಧನುಃಪ್ರಮುಕ್ತೈ-- ಸ್ತ್ವತ್ಪ್ರೇಷಿತೈರ್ಲೋಹಮಯೈರ್ವಿಹಂಗೈಃ। ಶೇತೇ ಭಿನ್ನಃ ಪಾಂಸುಷು ಸೂತಪುತ್ರಃ ಕಚ್ಚಿದ್ಭಗ್ರೌ ಧಾರ್ತರಾಷ್ಟ್ರಸ್ಯ ಬಾಹೂ॥ 8-69-38 (58393) ಯೋಽಸೌ ಸದಾ ಶ್ಲಾಘತೇ ರಾಜಮಧ್ಯೇ ದುರ್ಯೋಧನಂ ಹರ್ಷಯಂದರ್ಪಯುಕ್ತಃ। ಹಂತಾಽಸ್ಮಿ ಸರ್ವಾನಿತಿ ಪಾಂಡುಪುತ್ರಾ-- ನಹಂ ಹಂತಾ ಫಲ್ಗುನಸ್ಯೇತಿ ಮೋಹಾತ್॥ 8-69-39 (58394) ಕಚ್ಚಿದ್ವಚೋಽಸ್ಯ ವಿತಥಂ ತ್ವಯಾ ಕೃತಂ ಯತ್ತತ್ಪ್ರಿಯಾಮವದತ್ತಾತ ಕರ್ಣಃ। ಸಭಾಮಥ್ಯೇ ರೂಕ್ಷಮನೇಕರೂಪಂ ಧಿಕ್ಪಾಂಡವಾನಪತಿಸ್ತ್ವಂ ಹಿ ಕೃಷ್ಣೇ॥ 8-69-40 (58395) ಕಚ್ಚಿದ್ಭುವಂ ಶತ್ರುರಯಂ ಮಹಾತ್ಮಾ ಹ್ಯಧಾರಯದ್ದ್ವಾದಶ ಯಃ ಸಮಾಸ್ತು। ಕರ್ಣೋ ವ್ರತಂ ಘೋರಮಮಿತ್ರಸಾಹೋ ದುರ್ಯೋಧನಸ್ಯಾರ್ಥನಿವಿಷ್ಟಬುದ್ಧಿಃ॥ 8-69-41 (58396) ಪಾದೌ ನ ಧಾವೇ ಯಾವದಹಂ ನ ಹನ್ಮಿ ಧನಂಜಯಂ ಸಮರೇಷೂಗ್ರವೇಗಂ। ಕಚ್ಚಿದ್ರಣೇ ಫಲ್ಗುನ ತಂ ನಿಹತ್ಯ ಕಚ್ಚಿದ್ವ್ರತಂ ತಸ್ಯ ಭಗ್ನಂ ತ್ವಯಾಽದ್ಯ॥ 8-69-42 (58397) ಯೋಽಸೌ ಕೃಷ್ಣಾಮಬ್ರವೀದ್ದುಷ್ಟಬುದ್ಧಿಃ ಕರ್ಣಃ ಸಭಾಯಾಂ ಕುರುವೀರಮಧ್ಯೇ। ಕಿಂ ಪಾಂಡವಾಂಸ್ತ್ವಂ ನ ಜಹಾಸಿ ಕೃಷ್ಣೇ ಸುದುರ್ಬಲಾನ್ಪತಿತಾನ್ಹೀನಸತ್ವಾನ್॥ 8-69-43 (58398) ಯೋಽಸೌ ಕರ್ಣಃ ಪ್ರತ್ಯಜಾನಾತ್ತ್ವದರ್ಥೇ ನಾಹಂ ಹತ್ವಾ ಸಹ ಕೃಷ್ಣೇನ ಪಾರ್ಥಂ। ಇಹೋಪಯಾತೇತಿ ಸ ಪಾಪಬುದ್ಧಿಃ ಕಚ್ಚಿಚ್ಛೇತೇ ಶರಸಂಭಿನ್ನಗಾತ್ರಃ॥ 8-69-44 (58399) ಕಚ್ಚಿತ್ಸಂಗ್ರಾಮೋ ವಿದಿತೋ ವೈ ತವಾಯಂ ಸಮಾಗಮೇ ಸೃಂಜಯ ಕೌರವಾಣಾಂ। ಯೇನಾವಸ್ಥಾಮೀದೃಶೀಂ ಪ್ರಾಪಿತೋಽಹಂ ಕಚ್ಚಿತ್ತ್ವಯಾ ಸೋಽದ್ಯ ಹತೋ ದುರಾತ್ಮಾ॥ 8-69-45 (58400) ಕಚ್ಚಿತ್ತ್ವಯಾ ತಸ್ಯ ಸುಮಂದಬುದ್ಧೇ-- ರ್ಗಾಂಡೀವಮುಕ್ತೈರ್ವಿಶಿಖೈರ್ಜ್ವಲದ್ಭಿಃ। ಸಕುಂಡಲಂ ಭಾನುಮದುತ್ತಮಾಂಗಂ ಕಾಯಾತ್ಪ್ರಕೃತ್ತಂ ಯುಧಿ ಸವ್ಯಸಾಚಿನ್॥ 8-69-46 (58401) ಯತ್ತನ್ಮಯಾ ಬಾಣಸಮರ್ಪಿತೇನ ಧ್ಯಾತೋಽಸಿ ಕರ್ಣಸ್ಯ ವಧಾಯ ವೀರ। ತನ್ಮೇ ತ್ವಯಾ ಕಚ್ಚಿದಮೋಘಮದ್ಯ ಧ್ಯಾನಂ ಕೃತಂ ಕರ್ಣನಿಪಾತನೇನ॥ 8-69-47 (58402) ಯದ್ದರ್ಪಪೂರ್ಣಃ ಸ ಸುಯೋಧನೋಽಸ್ಮಾ-- ಂದಿಧಕ್ಷತೇ ಕರ್ಣಸಮಾಶ್ರಯೇಣ। ಕಚ್ಚಿತ್ತ್ವಯಾ ಸೋಽದ್ಯ ಸಮಾಶ್ರಯೋಽಸ್ಯ ಭಗ್ನಃ ಪರಾಕ್ರಂಯ ಸುಯೋಧನಸ್ಯ॥ 8-69-48 (58403) ಯೋ ನಃ ಪುರಾ ಷಂಢತಿಲಾನವೋಚ-- ತ್ಸಭಾಮಧ್ಯೇ ಕೌರವಾಣಾಂ ಸಮಕ್ಷಂ। ಸ ದುರ್ಮತಿಃ ಕಚ್ಚಿದುಪೇತ್ಯ ಸಂಖ್ಯೇ ತ್ವಯಾ ಹತಃ ಸೂತಪುತ್ರೋಽತ್ಯಮರ್ಷೀ॥ 8-69-49 (58404) ಯಃ ಪ್ರಾಹಿಣೋತ್ಸೂತಪುತ್ರೋ ದುರಾತ್ಮಾ ಕೃಷ್ಣಾಂ ಜಿತಾಂ ಸೌಬಲೇಹಾನಯೇತಿ। ಸ ಮಂದಬುದ್ಧಿರ್ನಿಹತಃ ಪ್ರಸಹ್ಯ ವೈಕರ್ತನಸ್ತ್ವದ್ಯ ಕಚ್ಚಿನ್ಮಹಾತ್ಮನ್॥ 8-69-50 (58405) ಯಃ ಶಸ್ತ್ರಭೃಚ್ಛ್ರೇಷ್ಠತಮಂ ಪೃಥಿವ್ಯಾಂ ಪಿತಾಮಹಂ ವ್ಯಾಕ್ಷಿಪದಲ್ಪಚೇತಾಃ। ಸಂಖ್ಯಾಯಮಾನೋಽರ್ಧರಥಃ ಸ ಕಚ್ಚಿ-- ತ್ತ್ವಯಾಂ ಹತೋಽದ್ಯಾಧಿರಥಿರ್ಮಹಾತ್ಮನ್॥ 8-69-51 (58406) ಅಮರ್ಷಜಂ ನಿಕೃತಿಸಮೀರಣೇರಿತಂ ಹೃದಿ ಸ್ಥಿತಂ ಜ್ವಲನಮಿಮಂ ಸದಾ ಮಮ। ಹತೋ ಮಯಾ ಸೋಽದ್ಯ ಸಮೇತ್ಯ ಕರ್ಣ ಇತಿ ಬ್ರುವನ್ಪ್ರಶಮಯಸೇಽದ್ಯ ಫಲ್ಗುನ॥ ॥ 8-69-52 (58407) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಏಕೋನಸಪ್ತತಿತಮೋಽಧ್ಯಾಯಃ॥ 69 ॥

8-70-0 (58408) ಸಂಜಯ ಉವಾಚ। 8-70-0x (5003) ತದ್ಧರ್ಮಶೀಲಸ್ಯ ವಚೋ ನಿಶಂಯ ರಾಜ್ಞಃ ಕ್ರುದ್ಧಸ್ಯಾತಿರಥೋ ಮಹಾತ್ಮಾ। ಉವಾಚ ದುರ್ಮರ್ಷಮದೀನಸತ್ವೋ ಯುಧಿಷ್ಠಿರಂ ಜಿಷ್ಣುರನಂತವೀರ್ಯಃ॥ 8-70-1 (58409) ದ್ರೋಣಂ ಹತಂ ಪಾರ್ಥ ಕರ್ಣೋ ವಿದಿತ್ವಾ ಭಿನ್ನಾಂ ನಾವವಿಮಾವತ್ಯಗಾಧೇ ಕುರೂಣಾಂ। ಸಂಮುಹ್ಯಮಾನಾಂಧಾರ್ತರಾಷ್ಟ್ರಾನ್ವಿದಿತ್ವಾ ನಿರುತ್ಸಾಹಾಂಶ್ಚ ವಿಜಯೇ ಪರೇಷಾಂ॥ 8-70-2 (58410) ಸೋದರ್ಯವತ್ತ್ವರಿತೋಽಮಿತೌಜಾ ಉತ್ತಾರಯಿಷ್ಯಂಧೃತರಾಷ್ಟ್ರಸ್ಯ ಪುತ್ರಾನ್। ರಣೇ ರಥೇನಾಧಿರಥಿರ್ಮಹಾತ್ಮಾ ತತೋ ಹಿ ಮಾಂ ತ್ವರಿತಃ ಸೋಽಭ್ಯಧಾವತ್॥ 8-70-3 (58411) ಸಂಶಪ್ತಕೈರ್ಯುಧ್ಯಮಾನಸ್ಯ ಮೇಽದ್ಯ ಸೇನಾಗ್ರಯಾಯೀ ಕುರುಸೈನ್ಯಸ್ಯ ರಾಜನ್। ಆಶೀವಿಷಾಭಾನ್ವಿಕಿರಞ್ಶರೌಘಾ-- ಂದ್ರೌಣಿಃ ಪುರಸ್ತಾತ್ಸಹಸಾಧ್ಯತಿಷ್ಠತ್॥ 8-70-4 (58412) ಸ ಮೇ ದೃಷ್ಟ್ವಾ ಶೂರತಮೋ ಧ್ವಜಾಗ್ರಂ ಸಮಾದಿಶದ್ರಥಸಂಘಾನನೇಕಾನ್। ತೇಷಾಮಹಂ ಪಂಚಶತಂ ನಿಹತ್ಯ ಆಸಾದಯಂ ದ್ರೋಣಪುತ್ರಂ ನದಂತಂ॥ 8-70-5 (58413) ಸ ದ್ರೋಣಪುತ್ರಃ ಸದೃಶಂ ಮಹಾತ್ಮಾ ಮಾಮಪ್ಯರೌತ್ಸೀತ್ತದನೀಕಮಧ್ಯೇ। ಕಿರಞ್ಶರೌಘಾನ್ಬಹುರೂಪಾನ್ವಿಚಿತ್ರಾ-- ನ್ಸ್ವಾತೀಗತಃ ಶುಕ್ರ ಇವಾತಿವರ್ಷನ್॥ 8-70-6 (58414) ಸ ಮೇ ರಾನ್ಸರ್ವತಃ ಕಂಕಪತ್ರಾ-- ನವಾಸೃಜದ್ವೈ ಪೃಥಿವೀಪ್ರಕಾಶಾನ್। ನಿವಾರ್ಯ ತೂರ್ಣಂ ಪರಮಾಜಿಮಧ್ಯೇ ತತೋಽಪಿ ಮಾಂ ಬಾಣಗಣೈಃ ಸಮಾರ್ಪಯತ್॥ 8-70-7 (58415) ಆಕರ್ಷಣಂ ವಾಪಿ ವಿಕೃಷ್ಯ ಮುಕ್ತಂ ನ ದೃಶ್ಯತೇ ತಸ್ಯ ಮಹಾರಥಸ್ಯ। ನ ಸಂದಧಾನಃ ಕುತ ಆದದಾನೋ ನ ವ್ಯಾಕ್ಷಿಪನ್ನ ವಿಕರ್ಷನ್ವಿಮುಂಚನ್॥ 8-70-8 (58416) ಸವ್ಯೇನ ವಾ ಯದಿ ವಾ ದಕ್ಷಿಣೇನ ನ ಜ್ಞಾಯತೇ ಕತರೇಣಾಸ್ಯತೀತಿ। ಆಚಾರ್ಯವತ್ಸಮರೇ ಪರ್ಯವರ್ತ-- ನ್ಮಹಚ್ಚಿತ್ರಂ ದರ್ಶಯನ್ಸರ್ವತಃ ಸ್ಮ॥ 8-70-9 (58417) ದೃಷ್ಟ್ವೀವಿಷಂ ಚಾಸುಹರಂ ಪರೇಷಾಂ ಸರ್ವಾ ದಿಶಃ ಪೂರಯಾನಂ ಶರೌಧೈಃ। ಅಲಾತಚಕ್ರಪ್ರತಿಮಂ ಮಹಾತ್ಮನಃ ಸದಾ ನತಂ ಕಾರ್ಮುಕಂ ಬ್ರಹ್ಮಬಂಧೋಃ॥ 8-70-10 (58418) ತತೋಽಪರಾನ್ಬಾಣಗಣಾನನೇಕಾ-- ನಾಕರ್ಣಪೂರ್ಣಾಯತವಿಪ್ರಮುಕ್ತಾನ್। ಸಸರ್ಜ ಶೀಘ್ರಾಸ್ತ್ರಬಲೇನ ವೀರ-- ಸ್ತೋಯಂ ಯಥಾ ಪ್ರಾವೃಷಿ ಕಾಲಮೇಘಃ॥ 8-70-11 (58419) ಆವಿಧ್ಯನ್ಮಾಂ ಪಂಚಭಿದ್ರೋಣಪುತ್ರಃ ಶಿತೈಃ ಶರೈಃ ಪಂಚಭಿರ್ವಾಸುದೇವಂ। ಅಭ್ಯಘ್ನಂ ಬಾಣೈಸ್ತಮಹಂ ಸುಧಾರೈ-- ರ್ನಿಮೇಷಮಾತ್ರೇಣ ಸುವರ್ಣಪುಂಖೈಃ॥ 8-70-12 (58420) ಸ ನಿರ್ವಿದ್ಧೋ ವಿರಥೋ ದ್ರೋಣಪುತ್ರೋ ರಥಾನೀಕಂ ಚಾಧಿರಥೇರ್ವಿವೇಶ। ಮಯಾಭಿಭೂತಾನ್ಸ್ವರಥಪ್ರಬರ್ಹಾ-- ನಸ್ತ್ರಂ ಚ ಪಶ್ಯನ್ರುಧಿರಪ್ರದಿಗ್ಧಂ॥ 8-70-13 (58421) ತತೋಽಭಿಭೂತಂ ಯುಧಿ ವೀಕ್ಷ್ಯ ಸೈನ್ಯಂ ವಿಧ್ವಸ್ತಯೋಧಂ ದ್ರುತನಾಗಯೂಥಂ। ಪಂಚಾಶತಾ ರಥಮುಖ್ಯೈಃ ಸಮೇತಃ ಕರ್ಣಸ್ತ್ವರನ್ನಭ್ಯಪತತ್ಪ್ರಮಾಥೀ॥ 8-70-14 (58422) ತಾನ್ಸೂದಯಿತ್ವಾಽಹಮಪಾಸ್ಯ ಕರ್ಣಂ ದ್ರಷ್ಟುಂ ಭವಂತಂ ತ್ವರಯೋಪಯಾತಃ। ಸರ್ವೇ ಪಾಂಚಾಲಾ ಹ್ಯುದ್ವಿಜಂತೇ ಸ್ಮ ಕರ್ಣಂ ದೃಷ್ಟ್ವಾ ಗಾವಃ ಕೇಸರಿಣಂ ಯಥೈವ॥ 8-70-15 (58423) ಮೃತ್ಯೋರಾಸ್ಯಂ ವ್ಯಾತ್ತಮಿವಾಭಿಪದ್ಯ ಪ್ರಭದ್ರಕಾಃ ಕರ್ಣಮಾಸಾದ್ಯ ಸರ್ವೇ। ಯಾಸ್ಯಾಮಿ ತಾಂಸ್ತಾರಯಿಷ್ಯನ್ಬಲೌಘಾ-- ದ್ದಿಷ್ಟ್ಯಾ ಭವಾನ್ಸ್ವಸ್ತಿಮಾನ್ಪಾರ್ಥ ದೃಷ್ಟಃ॥ 8-70-16 (58424) ಹನಿಷ್ಯೇಽಹಂ ಭಾರತ ಸೂತಪುತ್ರ-- ಮಸ್ಮಿನ್ಸಂಗ್ರಾಮೇ ಯದಿ ದೃಶ್ಯತೇಽದ್ಯ। ಆಯಾಹಿ ಪಶ್ಯಾದ್ಯ ಯುಯುತ್ಸಮಾನೌ ಮಾಂ ಸೂತಪುತ್ರಂ ಚ ಧೃತೌ ರಣಾಯ॥ 8-70-17 (58425) ಮಹಾಝಷಸ್ಯೇವ ಮುಖಂ ಪ್ರಪನ್ನಾಃ ಪ್ರಭದ್ರಕಾಃ ಕರ್ಣಮುಖಂ ಪ್ರಪನ್ನಾಃ। ಷಟ್ಸಾಹಸ್ರಾ ಭಾರತ ರಾಜಪುತ್ರಾಃ ಸ್ವರ್ಗಾಯ ಲೋಕಾಯ ರಣೇ ನಿಮಗ್ನಾಃ॥ 8-70-18 (58426) ತಾನದ್ಯ ಯಾಸ್ಯಾಮಿ ರಣಾದ್ವಿಮೋಕ್ತುಂ ಸರ್ವಾತ್ಮನಾ ಸೂತಪುತ್ರಂ ಚ ಹಂತುಂ॥ 8-70-19 (58427) ಅಥ ಪ್ರವೀರೇಣ ಮಹಾನುಭಾವ ದ್ವಿಷತ್ಸೈನ್ಯಂ ನಿರ್ದಹನ್ವಿಸ್ತರೇಣ। ಸಮೇತ್ಯಾಹಂ ಸೂತಪುತ್ರೇಣ ಸಂಖ್ಯೇ ವಜ್ರೀವ ವೃತ್ರೇಣ ನರೇಂದ್ರಮುಖ್ಯ॥ 8-70-20 (58428) ಏವಂ ಗತೇ ಕಿಂಚ ಮಯಾಽದ್ಯ ಶಕ್ಯಂ ಕಾರ್ಯಂ ಕರ್ತುಂ ನಿಗ್ರಹೇ ಸೂತಜಸ್ಯ। ತಥೈವ ರಾಜ್ಞಶ್ಚ ಸುಯೋಧನಸ್ಯ ಯೇ ಚಾಪಿ ಮಾಂ ಯೋದ್ಧುಕಾಮಾಃ ಸಮೇತಾಃ॥ 8-70-21 (58429) ಕರ್ಣಂ ನ ಚೇದದ್ಯ ನಿಹನ್ಮಿ ರಾಜ-- ನ್ಸಬಾಂಧವಂ ಯುಧ್ಯಮಾನಂ ಪ್ರಸಹ್ಯ। ಪ್ರತಿಶ್ರುತ್ಯಾಽಕುರ್ವತಾಂ ಯಾ ಗತಿರ್ವೈ ಕಷ್ಟಾಂ ಯಾಯಾಂ ತಾಮಹಂ ರಾಜಸಿಂಹ॥ 8-70-22 (58430) ಆಮಂತ್ರಯೇ ತ್ವಾಂ ಬ್ರೂಹಿ ರಣೇ ಜಯಂ ಮೇ ಪುರಾ ಭೀಮಂ ಧಾರ್ತರಾಷ್ಟ್ರಾ ಗ್ರಸಂತಿ। ಸೌತಿಂ ಹನಿಷ್ಯಾಮಿ ನರೇಂದ್ರಸಿಂಹ ಸೈನ್ಯಂ ತಥಾ ಶತ್ರುಗಣಾಂಶ್ಚ ಸರ್ವಾನ್॥ ॥ 8-70-23 (58431) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಸಪ್ತತಿತಮೋಽಧ್ಯಾಯಃ॥ 70 ॥

8-73-0 (58432) ಸಂಜಯ ಉವಾಚ। 8-73-0x (5004) ವೈಕರ್ತನಂ ಕುಶಲಿನಂ ನಿಶಂಯ ಕ್ರುದ್ಧಃ ಪಾರ್ಥಃ ಫಲ್ಗೂನಸ್ಯಾಮಿತೌಜಾಃ। ಧನಂಜಯಂ ವಾಕ್ಯಮುವಾಚ ರಾಜಾ ಯುಧಿಷ್ಠಿರಃ ಕರ್ಣಶರಾಭಿತಪ್ತಃ॥ 8-73-1 (58433) ಇಮಾಂ ಚ ವಸತಿಂ ಹಿತ್ವಾ ಭಯಾತ್ಕರ್ಣೇನ ಫಲ್ಗುನ। ಅಹಂ ಚ ಭೀಮಸೇನಶ್ಚ ಮಾದ್ರೀಪುತ್ರೌ ಚ ಪಾಂಡವೌ॥ 8-73-2 (58434) ವಾಸುದೇವೇನ ಸಹಿತಾ ವಯಂ ಕರ್ಣೇನ ನಿರ್ಜಿತಾಃ। ಪುನರೇವ ವನಂ ಗತ್ವಾ ತಪಶ್ಚರ್ಯಾಂ ಚ ಕುರ್ಮಹೇ। ಅಥವಾ ಧಾರ್ತರಾಷ್ಟ್ರಾಣಾಂ ಪರಿಚರ್ಯಾಂ ಚರಾಮಹೇ॥ 8-73-3 (58435) ಇತ್ಯೇವಮುಕ್ತ್ವಾ ಬೀಭತ್ಸುಂ ರೋಷಾತ್ಸಂರಕ್ತಲೋಚನಃ। ಅಬ್ರವೀತ್ಪುನರೇವಾತ್ರ ಧರ್ಮರಾಜೋ ಯುಧಿಷ್ಠಿರಃ॥ 8-73-4 (58436) ಇದಂ ಯದಿ ದ್ವೈತವನೇ ತು ಸೂಕ್ತಂ ಕರ್ಣಂ ನಿಯೋದ್ಧುಂ ನ ಸಹೇ ನೃಪೇತಿ। ವಯಂ ತತಃ ಪ್ರಾಪ್ತಕಾಲಂ ಯಥಾವ-- ತ್ಕೃತ್ವಾಽಭ್ಯುಪೇಕ್ಷಾಮ ತಥೈವ ರಾಜ್ಯಂ॥ 8-73-5 (58437) ಮಯಿ ಪ್ರತಿಶ್ರುತ್ಯ ವಧಂ ಹಿ ತಸ್ಯ ಬಲಸ್ಯ ಚಾರ್ಧಸ್ಯ ತಥೈವ ಯುದ್ಧೇ। ಆನೀಯ ಮಾಂ ಶತ್ರುಮಧ್ಯೇ ಸ ಕಸ್ಮಾ-- ತ್ಸಮುನ್ನಾಂಯ ಸ್ಥಂಡಿಲೇ ಪ್ರತ್ಯಪಿಂಷ್ಠಾಃ॥ 8-73-6 (58438) ಅನ್ವಾಸ್ಯ ಸತ್ಯೇನ ಯದಾತ್ಥ ಪಾರ್ಥ ಸತ್ಯಂ ಶಪನ್ವಾಸುದೇವೇನ ಸಾರ್ಧಂ। ತನ್ನಃ ಸತ್ಯಮಫಲಂ ಹ್ಯಕಾರ್ಷೀಃ ಫಲಸ್ಯ ಕಾಲೇ ಚಾಚ್ಛಿನ್ನಃ ಪುಷ್ಪವೃಕ್ಷಂ॥ 8-73-7 (58439) ಪ್ರಚ್ಛಾದಿತಸ್ತ್ವಂ ಬಾಲಿಶ ದುರ್ಯಶೋಭಿ-- ರನರ್ಥವಾಕ್ಯೋಽಸ್ಯರ್ಜುನ ನೈವ ಸಾಧುಃ। ತ್ಯಕ್ತ್ವಾ ಭೀಮಂ ಸರ್ವಭೀಮೇಷು ಭೀಮಂ ಸಂಯೋಜಿತಸ್ತ್ವಂ ಸೂತಪುತ್ರಂ ನಿಹಂತುಂ॥ 8-73-8 (58440) ಯತ್ತದ್ವೃಥಾ ವಾಗುವಾಚಾಂತರಿಕ್ಷೇ ಸಪ್ತಾಹ್ನಿ ಜಾತೇ ತ್ವಯಿ ಮಂದಬುದ್ಧೌ। ಅಪಾಪೀಯಾನ್ವಾಸವಾತ್ಕುಂತಿಜಾತೋ ಬಹೂನ್ಸಂಗ್ರಾಮಾನಯಮೇವ ಜೇತಾ॥ 8-73-9 (58441) ಅಯಂ ಜೇತಾ ಪಾಂಡವೋ ದೇವಸಂಘಾನ್ ಸರ್ವಾಣಿ ಭೂತಾನ್ಯಪಿ ಚೋತ್ತಮೌಜಾಃ। ಅಯಂ ಜೇತಾ ಮದ್ರಕಲಿಂಗಜಾತಾ-- ಂದೈತ್ಯಾಂಶ್ಚ ರಕ್ಷಾಂಸಿ ಸಮಾಗತಾನಿ॥ 8-73-10 (58442) ಭೂಮಿಂ ಚ ಸರ್ವಾಂ ನಿಖಿಲೇನ ಜೇತಾ ಕುರೂಂಶ್ಚ ಜೇತಾ ಸ್ವಗಣಾಂಶ್ಚ ಜೇತಾ। ಅಸ್ಮಾತ್ಪರೋ ನೋ ಭವಿತಾ ಧನುರ್ಧರೋ ನೈಷ್ಯನ್ನ ಭೂತಃ ಕಶ್ಚಿದೇನಂ ವಿಜೇತಾ॥ 8-73-11 (58443) ಇಚ್ಛನ್ನಯಂ ಸರ್ವಭೂತಾನಿ ಕುರ್ಯಾ-- ದ್ವಶೀ ವಶೇ ಸರ್ವಸಮಾಪ್ತವಿದ್ಯಃ। ಕಾಂತ್ಯಾ ಶಶಾಂಕಸ್ಯ ಜವೇನ ವಾಯೋಃ ಸ್ಯೈರ್ಯೇಣ ಮೇರೋಃ ಕ್ಷಮಯಾ ಪೃಥಿವ್ಯಾಃ॥ 8-73-12 (58444) ಅಗ್ನೇಶ್ಚ ತಾಪೇ ಧನದಸ್ಯ ಲಕ್ಷ್ಂಯಾ ಶೌರ್ಯೇಣ ಶಕ್ರಸ್ಯ ಜಯೇನ ವಿಷ್ಣೋಃ। ತುಲ್ಯೋ ಮಹಾತ್ಮಾ ತವ ಕುಂತಿ ಪುತ್ರೋ ಜಾತೋಽದಿತೇರ್ವಿಷ್ಣುರಿವಾಮಿತೌಜಾಃ॥ 8-73-13 (58445) ಸ್ವೇಷಾಂ ಜಯಾಯ ದ್ವಿಷತಾಂ ವಧಾಯ ಜಾತೋ ಮಹಾತ್ಮಾ ತವ ನಂದಿಕರ್ತಾ। ಇತ್ಯಂತರಿಕ್ಷೇ ಶತಶೃಂಗಮೂರ್ಧ್ನಿ ತಪಸ್ವಿನಾಂ ಶೃಣ್ವತಾಂ ವಾಗುವಾಚ॥ 8-73-14 (58446) ಏವಂವಿಧಸ್ತ್ವಂ ನ ಚ ಭೂತಸ್ತಥಾದ್ಯ ದೇವಾಶ್ಚ ನೂನಮನೃತಂ ವದಂತಿ॥ 8-73-15 (58447) ತಥಾ ಪರೇಷಾಮೃಷಿಸತ್ತಮಾನಾಂ ಶ್ರುತ್ವಾ ಗಿರಃ ಪೂಜಯತಾಂ ಸದಾ ತ್ವಾಂ। ನ ಸನ್ನತಿಂ ಯಾಮಿ ಸುಯೋಧನಸ್ಯ ನ ತ್ವಾಂ ಜಾನಾಂಯಾಧಿರಥೇರ್ಭಯಾರ್ತಂ॥ 8-73-16 (58448) ತ್ವಷ್ಟ್ರಾ ಕೃತಂ ವಾಹಮಕೂಜನಾಕ್ಷಂ ಶುಭಂ ಸಮಾಸ್ಥಾಯ ಕಪಿಧ್ವಜಂ ತಂ। ಖಂಗಂ ಗೃಹೀತ್ವಾ ಹೇಮಚಿತ್ರಾವನದ್ವಂ ಧನುರ್ವರಂ ಗಾಂಡಿವಂ ತಾಲಮಾತ್ರಂ। ತ್ವಂ ವಾಸುದೇವೇನೋಹ್ಯಮಾನಃ ಕಥಂ ನು ಕರ್ಣಾದ್ಭೀತೋ ವ್ಯಪಯಾತೋಽಸಿ ಪಾರ್ಥ॥ 8-73-17 (58449) ಪೂರ್ವಂ ಯದುಕ್ತಂ ಹಿ ಸುಯೋಧನೇನ ನ ಫಲ್ಗುನಃ ಪ್ರಮುಖೇ ಸ್ಥಾಸ್ಯತೀತಿ। ಕರ್ಣಸ್ಯ ಯುದ್ಧೇ ಹಿ ಮಹಾಬಲಸ್ಯ ಮೌರ್ಖ್ಯಾತ್ತು ತನ್ನಾವಬುದ್ಧಂ ಮಯಾಽಸೀತ್॥ 8-73-18 (58450) ತೇನಾದ್ಯ ತಪ್ಸ್ಯೇ ಭೃಶಮಪ್ರಮೇಯಂ ಯನ್ಮಿತ್ರವರ್ಗೋ ನರಕಂ ಪ್ರವಿಷ್ಟಃ। ತದೈವ ವಾಚ್ಯೋಽಸ್ಮಿ ನನು ತ್ವಯಾಽಹಂ ನ ಯೋತ್ಸ್ಯೇಽಹಂ ಸೂತಪುತ್ರಂ ಕಥಂಚಿತ್॥ 8-73-19 (58451) ತತೋ ನಾಹಂ ಸೃಂಜಯಾನ್ಕೇಕಯಾಂಶ್ಚ ಸಮಾನಯೇಯಂ ಸುಹೃದೋ ರಣಾಯ॥ 8-73-20 (58452) ಏವಂ ಗತೇ ಕಿಂ ಚ ಮಯಾಽದ್ಯ ಶಕ್ಯಂ ಕಾರ್ಯಂ ಕರ್ತುಂ ನಿಗ್ರಹೇ ಸೂತಜಸ್ಯ। ತಥೈವ ರಾಜ್ಞಶ್ಚ ಸುಯೋಧನಸ್ಯ ಯೇ ವಾಪಿ ಮಾಂ ಯೋದ್ಧುಕಾಮಾಃ ಸಮೇತಾಃ॥ 8-73-21 (58453) ಧಿಗಸ್ತು ಮಜ್ಜೀವಿತಮದ್ಯ ಕೃಷ್ಣ ಯೋಽಹಂ ವಶಂ ಸೂತಪುತ್ರಸ್ಯ ಯಾತಃ। ಮಧ್ಯೇ ಕುರೂಣಾಂ ಸಮುಯೋಧನಾನಾಂ ಯೇ ಚಾಪ್ಯನ್ಯೇ ಯೋದ್ಧುಕಾಮಾಃ ಸಮೇತಾಃ॥ 8-73-22 (58454) ಏಕಃ ಸ ಮೇ ಭೀಮಸೇನೋಽದ್ಯಂ ನಾಥೋ ಯೇನಾಭಿಪನ್ನೋಽಸ್ಮಿ ರಣೇ ಮಹಾಭಯೇ। ವಿಮೋಚ್ಯ ಮಾಂ ಚಾಪಿ ರುಪಾನ್ವಿತಸ್ತತಃ ಶರೇಣ ತೀಕ್ಷ್ಣೇನ ಬಿಭೇದ ಕರ್ಣಂ॥ 8-73-23 (58455) ತ್ಯಕ್ತ್ವಾ ಪ್ರಾಣಾನ್ಸಮರೇ ಭೀಮಸೇನ-- ಶ್ಚಕ್ರೇ ಯುದ್ಧಂ ಕುರುಮುಖ್ಯೈಃ ಸಮೇತೈಃ। ಗದಾಗ್ರಹಸ್ತೋ ರುಧಿರೋಕ್ಷಿತಾಂಗ-- ಶ್ಚರನ್ರಣೇ ಕಾಲ ಇವಾಂತಕಾಲೇ॥ 8-73-24 (58456) ಅಸೌ ಹಿ ಭೀಮಸ್ಯ ಮಹಾನಿನಾದೋ ಮುಹುರ್ಮಹುಃ ಶ್ರೂಯತೇ ಧಾರ್ತರಾಷ್ಟ್ರೈಃ। ಯದಿ ಸ್ಮ ಜೀವೇತ್ಸಮರೇ ನಿಹಂತಾ ಮಹಾರಥಾನಾಂ ಪ್ರವರೋ ನರೋತ್ತಮಃ॥ 8-73-25 (58457) ತವಾಭಿಮನ್ಯುಸ್ತನಯೋಽದ್ಯ ಪಾರ್ಥ ನ ಚಾಸ್ಮಿ ಗಂತಾ ಸಮರೇ ಪರಾಭವಂ। ಅಥಾಪಿ ಜೀವೇತ್ಸಮರೇ ಘಟೋತ್ಕಚ-- ಸ್ತಥಾಽಪಿ ನಾಹಂ ಸಮರೇ ಪರಾಙ್ಯುಖಃ॥ 8-73-26 (58458) ಭೀಮಸ್ಯ ಪುತ್ರಃ ಸಮರಾಗ್ರಯಾಯೀ ಮಹಾಸ್ತ್ರವಿನ್ನಾಪಿ ತವಾನುರೂಪಃ। ಯಂ ತಂ xxxಸಾದ್ಯ ರಿಪೋರ್ವಲಂ ನೋ ನಿಮೀಲಿತಾಕ್ಷಂ ಭಯವಿಪ್ಲುತಂ ಭವೇತ್॥ 8-73-27 (58459) xxxxxನಿಶಿ ಯುದ್ಧಮೇಕ-- ಸ್ತ್ಯಕ್ಸಾ ರಣಂ ಯತ್ವ ಭಯಾದ್ರವಂತೇ॥ 8-73-28 (58460) ಸ ಚೇತ್ಸಮಾಸಾದ್ಯ ಮಹಾನುಭಾವಃ ಕರ್ಣಂ ರಣೇ ಬಾಣಗಣೈಃ ಪ್ರಮೋಹ್ಯಃ। ಧೈರ್ಯೇ ಸ್ಥಿತೇನಾಪಿ ಚ ಸೂತಜೇನ ಶಕ್ಯಾ ಹತೋ ವಾಸವದತ್ತಯಾ ತಯಾ॥ 8-73-29 (58461) ಮಮೈವ ಭಾಗ್ಯಾನಿ ಪುರಾ ಕೃತಾನಿ ಪಾಪಾನಿ ನೂನಂ ಫಲವಂತಿ ಯುದ್ಧೇ। ತೃಣಂ ಚ ಕೃತ್ವಾ ಸಮರೇ ಭವಂತಂ ತತೋಽಹಮೇವಂ ನಿಕೃತೋ ದುರಾತ್ಮನಾ। ವೈಕರ್ತನೇನೈವ ತಥಾ ಕೃತೋಽಹಂ ಯಥಾ ಹ್ಯಶಕ್ತಃ ಕ್ರಿಯತೇ ತ್ವಬಾಂಧವಃ॥ 8-73-30 (58462) ಆಪದ್ಗ್ರತಂ ಯಶ್ಚ ನರೋ ವಿಮೋಕ್ಷಯೇ-- ತ್ಸ ಬಾಂಧವಃ ಸ್ನೇಹಯುತಃ ಸುಹೃಚ್ಚ। ಏವಂ ಪುರಾಣಾ ಋಷಯೋ ವದಂತಿ ಧರ್ಮಃ ಸದಾ ಸದ್ಭಿರನುಷ್ಠಿತಶ್ಚ॥ 8-73-31 (58463) ಖಂಗಂ ವಿಭ್ರಜ್ಜಾತರೂಪತ್ಸರುಂ ಚ ಧನುರ್ವೇದಂ ಗಾಂಡಿವಂ ತಾಲಮಾತ್ರಂ। ಸ ಕೇಶವೇನೋಹ್ಯಮಾನಃ ಕಥಂ ನು ಕರ್ಣಾತ್ಪಾರ್ಥಸ್ತ್ವಮಪೈತುಂ ಸಮೈಷೀಃ॥ 8-73-32 (58464) ಸ ಗಾಂಡೀವಂ ಕೇಶವಾಯ ಪ್ರದಾಯ ಯಂತಾ ಭವೇಸ್ತ್ವಂ ಯದಿ ಕೇಶವಸ್ಯ। ತತಸ್ತರೇತ್ಕೇಶವಃ ಕರ್ಣಮುಗ್ರಂ ಮರುತ್ಸಸ್ವೋ ವೃತ್ರಮಿವಾತ್ತವಜ್ರಃ॥ 8-73-33 (58465) ಮಾಸೇಽಪತಿಷ್ಯೋ ಯದಿ ಪಂಚಮೇ ತ್ವಂ ನ ವಾ ಗರ್ಭೋ ಯದ್ಯಭವಃ ಪೃಥಾಯಾಃ। ಮತ್ತಃ ಶ್ರೇಯಾನ್ರಾಜಪುತ್ರೋಽಭವಿಷ್ಯ-- ನ್ನ ತೇ ಯಶಃ ಫಲ್ಗುನ ಇತ್ಯಪೇಯಾತ್॥ ॥ 8-73-34 (58466) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಏಕಸಪ್ತತಿತಮೋಽಧ್ಯಾಯಃ॥ 71 ॥

8-72-0 (58467) ಸಂಜಯ ಉವಾಚ। 8-72-0x (5005) ಯುಧಿಷ್ಠಿರೇಣೈxxxxಕ್ತಃ ಕೌಂತೇಯಃ ಶ್ವೇತವಾಹನಃ। ಅಸಿಂ ಜಗ್ರಾಹ ಸಂಕ್ರುದ್ಧೋ ಜಿಘಾಂಸುರ್ಭರತರ್ಷಭಂ॥ 8-72-1 (58468) ತಸ್ಯ ಕೋಪಂ ಸಮಾಜ್ಞಾಯ ಚಿತ್ತಜ್ಞಃ ಕೇಶವಸ್ತದಾ। ಉವಾಚ ಕಿಮಿದಂ ಖಂಗಂ ಗೃಹ್ಣಾಸ್ಯರ್ಜುನ ಶಂಮ ಮೇ॥ 8-72-2 (58469) ನೇಹ ಪಶ್ಯಾಮಿ ಯೋದ್ಧವ್ಯಂ ತ್ವಯಾ ಕಿಂಚಿದ್ವನಂಜಯ। ನೇಹಾಗತಾ ಧಾರ್ತರಾಷ್ಟ್ರಾಃ ಸರ್ವೇ ಭೀಮೇನ ವಾರಿತಾಃ॥ 8-72-3 (58470) ಉಪಾಗತೋಽಸಿ ಕೌಂತೇಯ ರಾಜಾ ದ್ರಷ್ಟವ್ಯ ಇತ್ಯಸೌ। ಸ ರಾಜಾ ಭವತಾ ದೃಷ್ಟಃ ಕುಶಲೀ ಚ ಯುಧಿಷ್ಠಿರಃ॥ 8-72-4 (58471) ತಂ ದೃಷ್ಟ್ವಾ ನೃಪಶಾರ್ದೂಲಂ ಶಾರ್ದೂಲಸಮವಿಕ್ರಮಂ। ಹರ್ಷಕಾಲೇ ಚ ಸಂಪ್ರಾಪ್ತೇ ಕಸ್ಮಾತ್ತ್ವಾಂ ಮನ್ಯುರಾವಿಶತ್॥ 8-72-5 (58472) ನ ತಂ ಪಶ್ಯಾಮಿ ಕೌಂತೇಯ ಯಸ್ತೇ ವಧ್ಯೋ ಭವೇದಿಹ। ಪ್ರಹರ್ತುಮಿಚ್ಛಸೇ ಕಸ್ಮಾತ್ಕಿಂ ವಾ ತೇ ಚಿತ್ತವಿಭ್ರಮಃ॥ 8-72-6 (58473) ಕಸ್ಮಾದ್ಭವಾನ್ಮಹಾಖಂಗಂ ಪರಿಗೃಹ್ಣಾತ್ಯಕಾರಣಾತ್। 8-72-7 (58474) ತತ್ತ್ವಾಂ ಪೃಚ್ಛಾಮಿ ಕೌಂತೇಯ ಕಿಮಿದಂ ತೇ ಚಿಕೀರ್ಷಿತಂ। ಪರಾಮೃಶಸಿ ಯತ್ಕ್ರುದ್ಧಃ ಖಂಗಮದ್ಭುತವಿಕ್ರಮ॥ 8-72-8 (58475) ಏವಮುಕ್ತಃ ಕಟಾಕ್ಷೇಣ ಪ್ರೇಕ್ಷಮಾಣೋ ಯುಧಿಷ್ಠಿರಂ। ಅರ್ಜುನಃ ಪ್ರಾಹ ಗೋವಿಂದಂ ಕ್ರುದ್ಧಃ ಸರ್ಪ ಇವ ಶ್ವಸನ್॥ 8-72-9 (58476) ಅನ್ಯಸ್ಮೈ ದೇಹಿ ಗಾಂಡೀವಮಿತಿ ಮಾಂ ಯಃ ಪ್ರಚೋದಯೇತ್। ಭಿಂದ್ಯಾಮಹಂ ತಸ್ಯ ಶಿರ ಇತ್ಯುಪಾಂಶು ವ್ರತಂ ಮಮ। ಯುಧಿಷ್ಠಿರೇಣ ತೇನಾಹಮುಕ್ತಶ್ಚಾಸ್ಮಿ ಜನಾರ್ದನ॥ 8-72-10 (58477) ಯದುಕ್ತೋಽಹಮದೀನಾರ್ಥಂ ರಾಜ್ಞಾಽನೇನ ಯಶಸ್ವಿನಾ। ಸಮಕ್ಷಂ ತವ ಗೋವಿಂದ ನ ತತ್ಕ್ಷಂತುಮಿಹೋತ್ಸಹೇ॥ 8-72-11 (58478) ತಸ್ಮಾದೇನಂ ವಿಧಿಷ್ಯಾಮಿ ರಾಜಾನಂ ಧರ್ಮಚಾರಿಣಾಂ। ಪ್ರತಿಜ್ಞಾಂ ಪಾಲಯಿಷ್ಯಾಮಿ ಹತ್ವೈನಂ ನರಸತ್ತಮಂ॥ 8-72-12 (58479) ಏತದರ್ಥಂ ಮಯಾ ಖಹ್ಗೋ ಗೃಹೀತೋ ಯದುನಂದನ। ಸೋಽಹಂ ಯುಧಿಷ್ಠಿರಂ ಹತ್ವಾ ಸತ್ಯಸ್ಯಾನೃಣ್ಯತಾಂ ಗತಃ। ವಿಶೋಕೋ ವಿಜ್ವರಶ್ಚಾಪಿ ಭವಿಷ್ಯಾಮಿ ಜನಾರ್ದನ॥ 8-72-13 (58480) ಕಿಂ ವಾ ತ್ವಂ ಮನ್ಯಸೇ ಪ್ರಾಪ್ತಮಸ್ಮಿನ್ಕಾರ್ಯ ಉಪಸ್ಥಿತೇ। ತ್ವಮಸ್ಯ ಜಗತಸ್ತಾತ ವೇತ್ಥ ಸರ್ವಂ ಗತಾಗತಂ॥ 8-72-14 (58481) `ಜಾತಸ್ತ್ವತ್ತೋ ಹಿ ಧರ್ಮಶ್ಚಾಧರ್ಮಶ್ಚೇತಿ ಪರಾ ಶ್ರುತಿಃ'। ತತ್ತಥಾ ಪ್ರಕರಿಷ್ಯಾಮಿ ಯಥಾ ಮಾಂ ವಕ್ಷ್ಯತೇ ಭವಾನ್॥ 8-72-15 (58482) ಸಂಜಯ ಉವಾಚ। 8-72-16x (5006) ಧಿಗ್ಧಿಗಿತ್ಯೇವ ಗೋವಿಂದಃ ಪಾರ್ಥಮುಕ್ತ್ವಾಬ್ರವೀತ್ಪುನಃ॥ 8-72-16 (58483) ಕೃಷ್ಣ ಉವಾಚ। 8-72-17x (5007) ಇದಾನೀಂ ಪಾರ್ಥ ಜಾನಾಮಿ ನ ವೃದ್ಧಾಃ ಸೇವಿತಾಸ್ತ್ವಯಾ। ಅಕಾಲೇ ಪುರುಷವ್ಯಾಘ್ರ ಸಂರಂಭಂ ಯದ್ಭವಾನಗಾತ್॥ 8-72-17 (58484) ನ ಹಿ ಧರ್ಮವಿಗಜ್ಞೈರೇವಂ ಕಾರ್ಯಂ ಧನಂಜಯ। ಯಥಾ ತ್ವಂ ಪಾಂಡವಾದ್ಯೇಹ ಧರ್ಮಭೀರುರಂಡಿತಃ॥ 8-72-18 (58485) ಯೋಽಕಾರ್ಯಾಣಾಂ ಕ್ರಿಯಾಯಾಶ್ಚ ಸಂಯೋಗಂ ನಾವಬುಧ್ಯತೇ। ಕಾರ್ಯಾಣಾಮಕ್ರಿಯಾಯಾಶ್ಚ ಸ ಪಾರ್ಥ ಪುರುಷಾಧಮಃ॥ 8-72-19 (58486) ಅನುಸೃತ್ಯ ತು ಯೇ ಧರ್ಮಂ ಕವಯಃ ಸಮುಪಸ್ಥಿತಾಃ। ಸಮಾಸವಿಸ್ತರವಿದಾಂ ನ ತೇಷಾಂ ವೇತ್ಸಿ ನಿಶ್ಚಯಂ॥ 8-72-20 (58487) ಅನಿಶ್ಚಯಜ್ಞೋ ಹಿ ನರಃ ಕಾರ್ಯಾಕಾರ್ಯವಿನಿಶ್ಚಯೇ। ಏವಂ ಸ ಮುಹ್ಯತ್ಯವಶೋ ಯಥಾ ತ್ವಂ ಪಾರ್ಥ ಮುಹ್ಯಸಿ॥ 8-72-21 (58488) ನ ಹಿ ಕಾರ್ಯಮಕಾರ್ಯಂ ವಾ ಸುಖಂ ಜ್ಞಾತುಂ ಕಥಂಚನ। ಶ್ರುತೇನ ಜ್ಞಾಯತೇ ಸರ್ವಂ ತಚ್ಚ ತ್ವಂ ನಾವಹುಧ್ಯಸೇ॥ 8-72-22 (58489) ಅವಿಜ್ಞಾನಾದಿಹ ಭವಾನ್ಸತ್ಯಂ ರಕ್ಷತಿ ಧರ್ಮವಿತ್। ಪ್ರಾಣಿನಾಂ ತ್ವಂ ವಧಂ ಪಾರ್ಥ ಧಾರ್ಮಿಕೋ ನಾವಬುಧ್ಯಸೇ॥ 8-72-23 (58490) ಪ್ರಾಣಿನಾಂ ಹಿ ವಧಾತ್ತಾತ ವೃಥಾ ಧರ್ಮೋ ಮತೋ ಮಮ। ಅನೃತಂ ತು ಭವೇದ್ವಾಚ್ಯಂ ನ ತು ಹಿಂಸಾ ಕದಾಚನ॥ 8-72-24 (58491) ಸ ಕಥಂ ಭ್ರಾತರಂ ಜ್ಯೇಷ್ಠಂ ರಾಜಾನಂ ಧರ್ಮಕೋವಿದಂ। ಹನ್ಯಾದ್ಭವಾನ್ನರಶ್ರೇಷ್ಠ ಪ್ರಾಕೃತೋಽನ್ಯಃ ಪುಮಾನಿವ॥ 8-72-25 (58492) ಅಯುಧ್ಯಮಾನಸ್ಯ ಗುರೋಸ್ತಥಾಽಶತ್ರೋಶ್ಚ ಮಾನದ। ಪರಾಙ್ಮುಖಸ್ಯ ದ್ರವತಃ ಶರಣಂ ಚಾಪಿ ಗಚ್ಛತಃ॥ 8-72-26 (58493) ಕೃತಾಂಜಲೇಃ ಪ್ರಪನ್ನಸ್ಯ ಪ್ರಮತ್ತಸ್ಯ ತಥೈವ ಚ। ನ ವಧಃ ಪೂಜ್ಯತೇ ಸದ್ಭಿಸ್ತಚ್ಚ ಸರ್ವಂ ಗುರೌ ತವ॥ 8-72-27 (58494) ತ್ವಯಾ ಚೈತದ್ವ್ರತಂ ಪಾರ್ಥ ಬಾಲೇನೇವ ಕೃತಂ ಪುರಾ। ತಸ್ಮಾದಧರ್ಮಸಂಯುಕ್ತಂ ಮೌರ್ಖ್ಯಾದೇವ ವ್ಯವಸ್ಯಸಿ॥ 8-72-28 (58495) ಸ್ವಗುರುಂ ಪಾರ್ಥ ಕಸ್ಮಾತ್ತ್ವಂ ಹಂತುಕಾಮೋಽಭಿಧಾವಸಿ। ಅಸಂಪ್ರಧಾರ್ಯ ಧರ್ಮಾಣಾಂ ಗತಿಂ ಸೂಕ್ಷ್ಮಾಂ ದುರತ್ಯಯಾಂ॥ 8-72-29 (58496) ಇದಂ ಧರ್ಮರಹಸ್ಯಂ ಚ ತವ ವಕ್ಷ್ಯಾಮಿ ಪಾಂಡವ। ಯದ್ಬ್ರೂಯಾತ್ತವ ಭೀಷ್ಮೋ ವಾ ರಾಜಾ ವಾಪಿ ಯುಧಿಷ್ಠಿರಃ॥ 8-72-30 (58497) ವಿದುರೋ ವಾ ಪುನಃ ಕ್ಷತ್ತಾ ಗಾಂಧಾರೀ ವಾ ಯಶಸ್ವಿನೀ। ಕುಂತೀ ವಾ ಭರತಶ್ರೇಷ್ಠ ದ್ರೌಪದೀ ವಾ ಯಶಸ್ವಿನೀ। ತತ್ತೇ ವಕ್ಷ್ಯಾಮಿ ತತ್ತ್ವೇನ ನಿಬೋಧೈತದ್ಧನಂಜಯ॥ 8-72-31 (58498) ಸತ್ಯಸ್ಯಂ ವಚನಂ ಸಾಧು ನ ಸತ್ಯಾದ್ವಿದ್ಯತೇ ಪರಂ। ಸುದುರ್ವಿದಂ ಹಿ ತತ್ತ್ವೇನ ತತ್ಸತ್ಯಮಿತಿ ಮೇ ಸತಿಃ॥ 8-72-32 (58499) ಭವೇತ್ಸತ್ಯಮವಕ್ತವ್ಯಂ ವಕ್ತವ್ಯಮನೃತಂ ಭವೇತ್। ಯತ್ರಾನೃತಂ ಭವೇತ್ಸತ್ಯಂ ಸತ್ಯಂ ಚಾಪ್ಯನೃತಂ ಭವೇತ್॥ 8-72-33 (58500) ವಿವಾಹಕಾಲೇ ರತಿಸಂಪ್ರಯೋಗೇ ಪ್ರಾಣಾತ್ಯಯೇ ಸರ್ವತ್ರನಾಪಹಾರೇ। ವಿಪ್ರಸ್ಯ ಚಾರ್ಥೇ ಹ್ಯನೃತಂ ವದೇತ ಪಂಚಾನೃತಾನ್ಯಾಹುರಪಾತಕಾನಿ॥ 8-72-34 (58501) ಸರ್ವಸ್ವಸ್ಯಾಪಹಾರೇ ತು ವಕ್ತವ್ಯಮನೃತಂ ಭವೇತ್॥ ತತ್ರಾನೃತಂ ಭವೇತ್ಸತ್ಯಂ ಸತ್ಯಂ ಚಾಪ್ಯನೃತಂ ಭವೇತ್॥ 8-72-35 (58502) ತಾದೃಶೋ ಹನ್ಯತೇ ಬಾಲೋ ಯಸ್ಯ ಸತ್ಯಮನಿಶ್ಚಿತಂ। ಸತ್ಯಾನೃತೇ ವಿನಿಶ್ಚಿತ್ಯ ತತೋ ಭವತಿ ಧರ್ಮವಿತ್॥ 8-72-36 (58503) ಕಿಮಾಶ್ಚರ್ಯಂ ಕೃತಪ್ರಜ್ಞಃ ಪುರುಷೋಽಪಿ ಸುದಾರುಣಃ। ಸುಮಹತ್ಪ್ರಾಪ್ನುಯಾತ್ಪುಣ್ಯಂ ಬಲಾಕೋಽಂಧವಧಾದಿವ॥ 8-72-37 (58504) ಕಿಮಾಶ್ಚರ್ಯಂ ಪುನರ್ಮೂಢೋ ಧರ್ಮಕಾಮೋ ಹ್ಯಪಂಡಿತಃ। ಸುಮಹತ್ಪ್ರಾಪ್ನುಯಾತ್ಪಾಪಮಾಪಗಾಸ್ವಿವ ಕೌಶಿಕಃ॥ 8-72-38 (58505) ಅರ್ಜುನ ಉವಾಚ। 8-72-39x (5008) ಆಚಕ್ಷ್ವ ಭಗವನ್ನೇತದ್ಯಥಾ ವಿಂದಾಂಯಹಂ ತಥಾ। ವಲಾಕಸ್ಯಾನುಸಂಬದ್ಧಂ ನದೀನಾಂ ಕೌಶಿಕಸ್ಯ ಚ॥ 8-72-39 (58506) ವಾಸುದೇವ ಉವಾಚ। 8-72-40x (5009) ಮೃಗವ್ಯಾಧೋಽಭವತ್ಕಶ್ಚಿದ್ಬಲಾಕೋ ನಾಮ ಭಾರತ। ಯಾತ್ರಾರ್ಥಂ ಪುತ್ರದಾರಾಣಾಂ ಮೃಗಾನ್ಹಂತಿ ನ ಕಾಮತಃ॥ 8-72-40 (58507) ವೃದ್ಧೌ ಚ ಮಾತಾಪಿತರೌ ಬಿಭರ್ತ್ಯನ್ಯಾಂಶ್ಚ ಸಂಶ್ರಿತಾನ್। ಸ್ವಧರ್ಮನಿರತೋ ನಿತ್ಯಂ ಸಂವಿಭಜ್ಯಾನಸೂಯಕಃ॥ 8-72-41 (58508) ಸ ಕದಾಚಿನ್ಮೃಗಪ್ರೇಪ್ಸುರ್ನಾನ್ವವಿಂದನ್ಮೃಗಂ ಕ್ವಚಿತ್। ಅಥಾಪಶ್ಯತ್ಸ ಪೀವಾನಂ ಶ್ವಾಪದಂ ಘ್ರಾಣಚಕ್ಷುಷಂ॥ 8-72-42 (58509) ಅದೃಷ್ಟಪೂರ್ವಮಪಿ ತತ್ಸತ್ವಂ ತೇನ ಹತಂ ತದಾ। ಅಂಧೇ ಹತೇ ತತೋ ವ್ಯೋಂನಃ ಪುಷ್ಪವರ್ಷಂ ಪಪಾತ ಚ॥ 8-72-43 (58510) ಅಪ್ಸರೋಗೀತವಾದಿತ್ರೈರ್ನಾದಿತಂ ಚ ಮನೋರಮಂ। ವಿಮಾನಮಗಮತ್ಸ್ವರ್ಗಾನ್ಮೃಗವ್ಯಾಧನಿನೀಷಯಾ॥ 8-72-44 (58511) ತದ್ಭೂತಂ ಸರ್ವಭೂತಾನಾಮಭಾವಾಯ ಕಿಲಾರ್ಜುನ। ತಪಸ್ತಪ್ತ್ವಾ ವರಂ ಪ್ರಾಪ್ತಂ ಕೃತಮಂಧಂ ಸ್ವಯಂಭುವಾ॥ 8-72-45 (58512) ತದ್ಧತ್ವಾ ಸರ್ವಭೂತಾನಾಮಭಾವಕೃತನಿಶ್ಚಯಂ। ಬಲಾಕೋಽಗಾತ್ಸ್ವರ್ಗಲೋಕಮೇವಂ ಧರ್ಮಃ ಸುದುರ್ವಿದಃ॥ 8-72-46 (58513) ಕೌಶಿಕೋಽಪ್ಯಭವದ್ವಿಪ್ರಸ್ತಪಸ್ವೀನೋ ಬಹುಶ್ರುತಃ। ನದೀನಾಂ ಸಂಗಮೇ ಗ್ರಾಮಾದದೂರೇ ಸ ಕಿಲಾವಸತ್॥ 8-72-47 (58514) ಸತ್ಯಂ ಮಯಾ ಸದಾ ವಾಚ್ಯಮಿತಿ ತಸ್ಯಾಭವದ್ದ್ವತಂ। ಸತ್ಯವಾದೀತಿ ವಿಖ್ಯಾತಃ ಸ ತದಾಸೀದ್ಧನಂಜಯ॥ 8-72-48 (58515) ಅಥ ದಸ್ಯುಭಯಾತ್ಕೇಚಿತ್ತದಾ ತದ್ವನಮಾವಿಶನ್। ತತ್ರಾಪಿ ದಸ್ಯವಃ ಕ್ರುದ್ಧಾಸ್ತಾನಮಾರ್ಗಂತ ಯತ್ನತಃ॥ 8-72-49 (58516) ಅಥ ಕೌಶಿಕಮಭ್ಯೇತ್ಯ ಪ್ರೋಚುಸ್ತೇ ಸತ್ಯವಾದಿನಂ। ಕತರೇಣ ಪಥಾ ಯಾತಾ ಭಗವನ್ನಿತಿ ವೈ ಜನಾಃ। ಸತ್ಯೇನ ಪೃಷ್ಟಃ ಪ್ರಬ್ರೂಹಿ ಯದಿ ತದ್ವೇತ್ಥ ಶಂಸ ನಃ॥ 8-72-50 (58517) ಶ್ರೀಕೃಷ್ಣ ಉವಾಚ। 8-72-51x (5010) ಸತ್ಯಸ್ಯ ತ್ವವಿಭಾಗಜ್ಞಃ ಸತ್ಯಂ ತೇಭ್ಯಃ ಶಶಂಸ ಹ। ಬಹುವೃಕ್ಷಲತಾಗುಲ್ಮಮೇತದ್ಗಹನಮಾಶ್ರಿತಾಃ। ಇತಿ ತಾನ್ಖ್ಯಾಪಯಾಮಾಸ ತೇಭ್ಯಸ್ತತ್ತ್ವಂ ಸ ಕೌಶಿಕಃ॥ 8-72-51 (58518) ತತಸ್ತೇ ತಾನ್ಸಮಾಸಾದ್ಯ ಕ್ರೂರಾ ಜಘ್ನುರಿತಿ ಶ್ರುತಿಃ। ತತೋಽಧರ್ಮೇಣ ಮಹತಾ ವಾಗ್ದುರುಕ್ತೇನ ಕೌಶಿಕಃ॥ 8-72-52 (58519) ಗತಃ ಸುಕಷ್ಟಂ ನಿರಯಂ ಧರ್ಮಸೂಕ್ಷ್ಮೇಷ್ವತತ್ತ್ವವಿತ್। ದೃಷ್ಟಪೂರ್ವಶ್ರುತೋ ಮೂಢೋ ಧರ್ಮಾಣಾಮವಿಶಾರದಃ॥ 8-72-53 (58520) ವೃದ್ಧಾನಪೃಚ್ಛನ್ಸಂದೇಹಾನಂಧಃ ಶ್ವಭ್ರಮಿವರ್ಚ್ಛತಿ॥ 8-72-54 (58521) ತತ್ರ ತೇ ಲಕ್ಷಣೋದ್ದೇಶಃ ಕಶ್ಚಿದೇವ ಭವಿಷ್ಯತಿ। ದುಷ್ಕರಂ ಪ್ರತಿಸಂಖ್ಯಾನಂ ಕಾರ್ತ್ಸ್ನ್ಯೇನಾತ್ರ ವ್ಯವಸ್ಥಿತಿಃ॥ 8-72-55 (58522) ಸತ್ಯಂ ಧರ್ಮ ಇತಿ ಹ್ಯೇಕೇ ವದಂತಿ ಬಹವೋ ಜನಾಃ। ನ ಚ ಪಾರ್ಥಾಭ್ಯಸೂಯಾಮಿ ನೈತತ್ಸರ್ವತ್ರ ಶಿಷ್ಯತೇ॥ 8-72-56 (58523) ಶ್ರುತಿಸ್ತು ಧಾರ್ಯಾ ಇತ್ಯೇಕೇ ವದಂತಿ ಬಹವೋ ಜನಾಃ। ನ ತ್ವೇತತ್ಪ್ರತ್ಯಸೂಯಾಮಿ ತತ್ರ ಸರ್ವಂ ವಿಧೀಯತೇ॥ 8-72-57 (58524) ಯತ್ಸ್ಯಾದಹಿಂಸಾಸಂಯುಕ್ತಂ ಸ ಧರ್ಮ ಇತಿ ನಿಶ್ಚಯಃ। ಅಹಿಂಸಾರ್ಥಾಯ ಹಿಂಸ್ರಾಣಾಂ ಧರ್ಮಪ್ರವಚನಂ ಕೃತಂ। ಧಾರಣಾದ್ಧರ್ಮಮಿತ್ಯಾಹುರ್ಧರ್ಮೋ ಧಾರಯತೇ ಪ್ರಜಾಃ॥ 8-72-58 (58525) ಪ್ರಭವಾರ್ಥಾಯ ಭೂತಾನಾಂ ಧರ್ಮಪ್ರವಚನಂ ಕೃತಂ। ಯಸ್ಮಾತ್ಪ್ರಭವಸಂಯುಕ್ತಃ ಸ ಧರ್ಮ ಇತಿ ನಿಶ್ಚಯಃ॥ 8-72-59 (58526) ಯೇಽನ್ಯಾಯೇನ ಜಿಗೀಷಂತೋ ಧರ್ಮಂ ಪೃಚ್ಛಂತಿ ಮಾನವಾಃ। ಅಕೂಜನೇನ ಚೇನ್ಮೋಕ್ಷೋ ನಾತ್ರ ಕೂಜೇತ್ಕಥಂಚನ॥ 8-72-60 (58527) ಅವಶ್ಯಂ ಕೂಜಿತವ್ಯೇ ಹ ಶಂಕೇರನ್ವಾಪ್ಯಕೂಜನಾತ್। ಯೇಽನ್ಯಾಯೇನ ಜಿಹೀರ್ಷಂತೋ ಧರ್ಮಂ ಪೃಚ್ಛಂತಿ ಕಸ್ಯಚಿತ್। ಶ್ರೇಯಸ್ತತ್ರಾನೃತಂ ವಕ್ತುಂ ಸತ್ಯಾದಿತಿ ವಿನಿಶ್ಚಿತ್ಂ॥ 8-72-61 (58528) ಪ್ರಾಣಾತ್ಯಯೇ ವಿವಾಹೇ ವಾ ಸರ್ವಜಾತ್ಯಾ ಮಹಾಭಯೇ। ಸರ್ವಸ್ವಸ್ಯ ಚ ಲೋಪೇ ವಾ ವಕ್ತವ್ಯಮನೃತಂ ಭವೇತ್॥ 8-72-62 (58529) ಅಧರ್ಮಂ ಹಿ ನ ಪಶ್ಯಂತಿ ಮೃಷೋದ್ಯಂ ತತ್ರ ಪಂಡಿತಾಃ। ಸರ್ವಥಾಽಭಿವದೇತ್ತತ್ತು ನಾನೃತಂ ಸ್ಯಾದ್ವಿಚಕ್ಷಣಃ॥ 8-72-63 (58530) ಯಃ ಸ್ತೇನೈಃ ಸಹ ಸಂಬಂಧೋ ಮುಚ್ಯತೇ ಶಪಥಾದಪಿ। ಭವೇತ್ತತ್ರಾನೃತಂ ಶ್ರೇಯಃ ಸತ್ಯಾದಿತಿ ವಿಚಾರಿತಂ॥ 8-72-64 (58531) ನ ಚ ತೇಭ್ಯೋ ಧನಂ ದೇಯಂ ಸತ್ಯಾದಿತಿ ಕಥಂಚನ। ಪಾಪೇಭ್ಯೋಽಪಿ ಧನಂ ದತ್ತಂ ದಾತಾರಮಪಿ ಪೀಡಯೇತ್। ತಸ್ಮಾದ್ಧರ್ಮಾರ್ಥಮನೃತಮುಕ್ತ್ವಾ ನಾನೃತವಾಗ್ಭವೇತ್॥ 8-72-65 (58532) ಏಷ ತೇ ಲಕ್ಷಣೋದ್ದೇಶೋ ಮಯೋದ್ದಿಷ್ಟೋ ಯಥಾವಿಧಿ। ಏತಜ್ಜ್ಞಾತ್ವಾ ಬ್ರೂಹಿ ಪಾರ್ಥ ಯದಿ ವಧ್ಯೋ ಯುಧಿಷ್ಠಿರಃ॥ 8-72-66 (58533) ಅರ್ಜುನ ಉವಾಚ। 8-72-67x (5011) ಯಥಾ ಬ್ರೂಯಾನ್ಮಹಾಪ್ರಾಜ್ಞೋ ಯಥಾ ಬ್ರೂಯಾನ್ಮಹಾಯಶಾಃ॥ 8-72-67 (58534) ಸುಹೃದ್ಬ್ರೂಯಾದ್ಯಥಾಽಸ್ಮಾಕಂ ತಥೋಕ್ತಂ ವಚನಂ ತ್ವಯಾ। ಭವಾನ್ಮಾತೃಸಮೋಽಸ್ಮಾಕಂ ಭವಾನ್ಪಿತೃಸಮೋಽಪಿ ಚ। ಗತಿಶ್ಚ ಪರಮಾ ಕೃಷ್ಣ ತ್ವಮೇವ ಚ ಪರಾಯಣಂ॥ 8-72-68 (58535) ನ ಹಿ ತೇ ತ್ರಿಷು ಲೋಕೇಷು ವಿದ್ಯತೇಽವಿದಿತಂ ಕ್ವಚಿತ್। ತಸ್ಮಾದ್ಭವಾನ್ಪರಂ ಧರ್ಮಂ ವೇದ ಸರ್ವಂ ಯಥಾತಥಂ॥ 8-72-69 (58536) ಅವಧ್ಯಂ ಪಾಂಡವಂ ಮನ್ಯೇ ಧರ್ಮರಾಜಂ ಯುಧಿಷ್ಠಿರಂ। ಅಧರ್ಮಯುಕ್ತೇ ಸಂಯೋಗೇ ಬ್ರೂಹಿ ಕಿಂಚಿದನುಗ್ರಹಂ॥ 8-72-70 (58537) ಇದಂ ಚಾಪರಮತ್ರೈವ ಬ್ರೂಹಿ ತತ್ತ್ವಂ ವಿವಕ್ಷಿತಂ॥ 8-72-71 (58538) ಜಾನಾಸಿ ದಾಶಾರ್ಹ ಮಮ ವ್ರತಂ ತು ಯೋ ಮಾಂ ಬ್ರೂಯಾತ್ಕಶ್ಚನ ಮಾನುಷೇಷು। ಅನ್ಯಸ್ಮೈ ತ್ವಂ ಗಾಂಡಿವಂ ದೇಹಿ ಪಾರ್ಥ ಯೋ ಮತ್ತೋಽಸ್ತ್ರೇ ವೀರ್ಯತೋ ವಾ ವಿಶಿಷ್ಟಃ॥ 8-72-72 (58539) ಹನ್ಯಾಮಹಂ ಕೇಶವ ತಂ ಪ್ರಸಹ್ಯ ಭೀಮೋ ಹನ್ಯಾತ್ತೂವರಕೇತಿ ಚೋಕ್ತಃ। ವನ್ಮಾಂ ರಾಜಾ ಹ್ಯುಕ್ತವಾಂಸ್ತೇ ಸಮಕ್ಷಂ ಧನುರ್ದೇಹೀತ್ಯಸಕೃದ್ವೃಷ್ಣಿವೀರೇ॥ 8-72-73 (58540) ತಂ ಹನ್ಯಾಂ ಚೇತ್ಕೇಶವ ಜೀವಲೋಕೇ ಸ್ಥಾತಾ ನಾಹಂ ಕಾಲಮಪ್ಯಲ್ಪಮಾತ್ರಂ। ಧ್ಯಾತ್ವಾ ನೂನಂ ಹ್ಯೇನಸಾ ಚಾಪಿ ಮುಕ್ತೋ ವಧಂ ರಾಜ್ಞೋ ಭ್ರಷ್ಟವೀರ್ಯೋ ವಿಚೇತಾಃ॥ 8-72-74 (58541) ಯಥಾ ಪ್ರತಿಜ್ಞಾ ಮಮ ಲೋಕಬುದ್ಧೌ ಭವೇತ್ಸತ್ಯಾ ಧರ್ಮಭೃತಾಂ ವರಿಷ್ಠ। ಯಥಾ ಜೀವತ್ಪಾಂಡವೋಽಹಂ ಚ ಕೃಷ್ಣ ತಥಾ ಬುದ್ಧಿಂ ದಾತುಮಪ್ಯರ್ಹಸಿ ತ್ವಂ॥ 8-72-75 (58542) ವಾಸುದೇವ ಉವಾಚ। 8-72-76x (5012) ರಾಜಾ ಶ್ರಾಂತೋ ವಿಕ್ಷತೋ ದುಃಖಿತಶ್ಚ ಕರ್ಣೇನ ಸಹ್ಖ್ಯೇ ನಿಶಿತೈರ್ಬಾಣಸಂಘೈಃ। ಯಶ್ಚಾನಿಶಂ ಸೂತಪುತ್ರೇಣ ವೀರ ಶರೈರ್ಭೃಶಂ ತಾಡಿತೋ ಯುಧ್ಯಮಾನಃ॥ 8-72-76 (58543) ಅತಸ್ತ್ವಮೇತೇನ ಸರೋಷಮುಕ್ತೋ ದುಃಖಾನ್ವಿತೇನೇದಮಯುಕ್ತರೂಪಂ। ಅಕೋಪಿತೋ ಹ್ಯೇಷ ಯದಿ ಸ್ಮ ಸಂಖ್ಯೇ ಕರ್ಣಂ ನ ಹನ್ಯಾದಿತಿ ಚಾಬ್ರವೀತ್ಸಃ॥ 8-72-77 (58544) ಜಾನಾತಿ ತಂ ಪಾಂಡವ ಏಷ ಚಾಪಿ ಪಾಪಂ ಲೋಕೇ ಕರ್ಣಮಸಹ್ಯಮನ್ಯೈಃ। ತತಸ್ತ್ವಮುಕ್ತೋ ಭೃಶರೋಷಿತೇನ ರಾಜ್ಞಾ ಸಮಕ್ಷಂ ಪರುಷಾಣಿ ಪಾರ್ಥ॥ 8-72-78 (58545) ನಿತ್ಯೋದ್ಯುಕ್ತೇ ಸತತಂ ಚಾಪ್ರಸಹ್ಯೇ ಕರ್ಣೇ ದ್ಯೂತಂ ಹ್ಯದ್ಯ ರಣೇ ನಿಬದ್ಧಂ। ತಸ್ಮಿನ್ಹತೇ ಕುರವೋ ನಿರ್ಜಿತಾಃ ಸ್ಯು-- ರೇವಂ ಬುದ್ಧಿಃ ಪಾರ್ಥಿವೇ ಧರ್ಮಪುತ್ರೇ॥ 8-72-79 (58546) ತತೋ ಬಧಂ ನಾರ್ಹತಿ ಧರ್ಮಪುತ್ರ-- ಸ್ತ್ವಯಾ ಪ್ರತಿಜ್ಞಾಽರ್ಜುನ ಪಾಲನೀಯಾ। ಜೀವನ್ನಯಂ ಯೇನ ಮೃತೋ ಭವೇದ್ಧಿ ತನ್ಮೇ ನಿಬೋಧೇಹ ತವಾನುರೂಪಂ॥ 8-72-80 (58547) ಯದಾ ಮಾನಂ ಲಭತೇ ಮಾನನಾರ್ಹ-- ಸ್ತದಾ ಸ ವೈ ಜೀವತಿ ಜೀವಲೋಕೇ। ಯದಾಽವಮಾನಂ ಲಭತೇ ಮಹಾಂತಂ ತದಾ ಜೀವನ್ಮೃತ ಇತ್ಯುಚ್ಯತೇ ಸಃ॥ 8-72-81 (58548) ಸಂಮಾನಿತಃ ಪಾರ್ಥಿವೋಽಯಂ ಸದೈವ ತ್ವಯಾ ಚ ಭೀಮೇನ ತಥಾ ಯಮಾಭ್ಯಾಂ। ವೃದ್ಧೈಶ್ಚ ಲೋಕೇ ಪುರುಷೈಶ್ಚ ಶೂರೈ-- ಸ್ತಸ್ಯಾಪಮಾನಂ ಕಲಯಾ ಪ್ರಯುಂಕ್ಷ್ವ॥ 8-72-82 (58549) ತ್ವಮಿತ್ಯತ್ರಭವಂತಂ ಹಿ ಬ್ರೂಹಿ ಪಾರ್ಥ ಯುಧಿಷ್ಠಿರಂ। ತ್ವಮಿತ್ಯುಕ್ತೋ ಹಿ ನಿಹತೋ ಗುರುರ್ಭವತಿ ಭಾರತ॥ 8-72-83 (58550) ಏವಮಾಚರ ಕೌಂತೇಯ ಧರ್ಮರಾಜೇ ಯುಧಿಷ್ಠಿರೇ। ಅಧರ್ಮಯುಕ್ತಂ ಸಂಯೋಗಂ ಕುರುಷ್ವೈನಂ ಕುರೂದ್ವಹ॥ 8-72-84 (58551) ಅಥರ್ವಾಂಗಿರಸೀ ಹ್ಯೇಷಾ ಶ್ರುತೀನಾಮುತ್ತಮಾ ಶ್ರುತಿಃ। ಅವಿಚಾರ್ಯೈವ ಕಾರ್ಯೈಷಾ ಶ್ರೇಯಸ್ಕಾಮೈರ್ನರೈಃ ಸದಾ॥ 8-72-85 (58552) ಅವಧೇನ ವಧಃ ಪ್ರೋಕ್ತೋ ಯದ್ಗುರುಸ್ತ್ವಮಿತಿ ಪ್ರಭುಃ। ತದ್ಬ್ರೂಹಿ ತ್ವಂ ಯನ್ಮಯೋಕ್ತಂ ಧರ್ಮರಾಜಸ್ಯ ಧರ್ಮವಿತ್॥ 8-72-86 (58553) ಯದಾ ಹ್ಯಂ ಪಾಂಡವ ಧರ್ಮರಾಜ-- ಸತ್ವತ್ತೋಽಯುಕ್ತಂ ಲಪ್ಸ್ಯತೇ ಚೈವ ಸಾಧು। ತತೋಽಸ್ಯ ಪಾದಾವಭಿವಾದ್ಯ ಪಶ್ಚಾ-- ಚ್ಛ್ರೇಯೋ ಬ್ರೂಯಾತ್ಸಾಂತ್ವಯುಕ್ತಂ ಹಿತಂ ಚ॥ 8-72-87 (58554) ಭ್ರಾತಾ ಪ್ರಾಜ್ಞಸ್ತವ ಕೋಪಂ ನ ಜಾತು ಕುರ್ಯಾದ್ರಾಜಾ ಧರ್ಮಮಾರ್ಗಾನುಸಾರೀ। ಮುಕ್ತೋಽನೃತಾದ್ವಾತೃವಧಾಚ್ಚ ಪಾಪಾ-- ದ್ಧೃಷ್ಟಃ ಕರ್ಣಂ ತ್ವಂ ಜಹಿ ಪಾರ್ಥ ಪಶ್ಚಾತ್॥ ॥ 8-72-88 (58555) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ದ್ವಿಸಪ್ತತಿತಮೋಽಧ್ಯಾಯಃ॥ 72 ॥

8-73-0 (58556) ಸಂಜಯ ಉವಾಚ। 8-73-0x (5013) ಇತ್ಯೇವಮುಕ್ತಸ್ತು ಜನಾರ್ದನೇನ ಪಾರ್ಥಃ ಪ್ರಶಸ್ಯಾಥ ಸುಹೃದ್ವಚಸ್ತತ್। ತತೋಽಬ್ರವೀದರ್ಜುನೋ ಧರ್ಮರಾಜ-- ಮನುಕ್ತಪೂರ್ವಂ ಪರುಷಂ ಪ್ರಸಹ್ಯ॥ 8-73-1 (58557) ಮಾ ತ್ವಂ ರಾಜನ್ವ್ಯಾಹರಸ್ವಾದ್ಯ ಪಾಪಂ ತ್ವಂ ತಿಷ್ಠಸಿ ಕ್ರೋಶಮಾತ್ರೇ ವ್ಯಪೇತ್ಯ। ಭೀಮಸ್ತು ಮಾಮರ್ಹತಿ ಗರ್ಹಣಾಯ ಯೋ ಯುಧ್ಯತೇ ಸರ್ವಲೋಕಪ್ರವೀರೈಃ॥ 8-73-2 (58558) ಕಾಲೇ ಹಿ ಶತ್ರೂನ್ಪರಿಪೀಡ್ಯ ವೀರೋ ಹತ್ವಾ ಪ್ರವೀರಾನ್ವಸುಧಾಧಿಪಾನಾಂ। ರಥಪ್ರಧಾನೋತ್ತಮನಾಗಮುಖ್ಯಾ ಯುಧಿಪ್ರವೀರಾ ನಿಹತಾಶ್ಚ ಶೂರಾಃ॥ 8-73-3 (58559) ಸುದುಷ್ಕರಂ ಕರ್ಮ ಕರೋತಿ ಭೀಮಃ ಕರ್ತುಂ ಯಥಾ ನಾರ್ಹತಿ ಕಶ್ಚಿದನ್ಯಃ। ರಥಾದವಸ್ಕಂದ್ಯ ಗದಾಂ ಪರಾಮೃಶಂ-- ಸ್ತಥಾ ರಣೇ ಹಂತಿ ತಥೈವ ವಾರಣಾನ್॥ 8-73-4 (58560) ಸ ಕುಂಜರಾಣಾಮಧಿಕಂ ಸಹಸ್ರಂ ಹತ್ವಾ ನದಂಸ್ತುಮುಲಂ ಸಿಂಹನಾದಂ। ಕಾಂಭೋಜವಾನಾಯುಜಪಾರ್ವತೀಯಾ-- ನೀಹಾಮೃಗಾಭಾನ್ವಿನಿಹತ್ಯ ವಾಜಿನಃ॥ 8-73-5 (58561) ಮಹಾರಥಾಂದವಿರದಾಞ್ಶೈಲಕಲ್ಪಾ-- ನ್ಸಹೇತ ಯಃ ಕುಂಜರಾನ್ವಧ್ಯಮಾನಾನ್। ಅಸೌ ಭೀಮೋ ಧಾರ್ತರಾಷ್ಟ್ರೇಷು ಮಗ್ನಃ ಸ ಮಾಮುಪಾಲಬ್ಧುಮರಿಂದಮೋಽರ್ಹತಿ॥ 8-73-6 (58562) ವರಾಸಿನಾ ಚಾಥ ನರಾಶ್ವಕುಂಜರಾಂ-- ಸ್ತಥಾ ರಥಾಂಗೈರ್ಧನುಷಾ ಚ ಹಂತ್ಯರೀನ್। ಪ್ರಮೃದ್ಯ ಪದ್ಧ್ಯಾಮಹಿತಾಂಸ್ತು ಹಂತಿ ಪುನಶ್ಚ ದೋರ್ಭ್ಯಾಂ ಶತಮನ್ಯುವಿಕ್ರಮಃ॥ 8-73-7 (58563) ಮಹಾಬಲೋ ವೈಶ್ರವಣಾಂತಕೋಪಮಃ ಪ್ರಸಹ್ಯ ಹರ್ತಾ ದ್ವಿಷತಾಂ ಯಶಾಂಸಿ। ಸ ಭೀಮಸೇನೋಽರ್ಹತಿ ಗರ್ಹಣಾಯ ನ ತ್ವಂ ನಿತ್ಯಂ ರಕ್ಷ್ಯಮಾಣಃ ಸುಹೃದ್ಭಿಃ॥ 8-73-8 (58564) ಕಲಿಂಗವಂಗಾಂಗನಿಪಾದಮಾಗಧಾ-- ನ್ಸದಾ ಮಹಾಶೈಲವಲಾಹಕೋಪಮಾನ್। ನಿಹಂತಿ ಯಃ ಶತ್ರುಗಣಾನನೇಕಶಃ ಸ ಮಾಂ ಹಿ ವಕ್ತುಂ ಪ್ರಭವತ್ಯಮಾನಗಸಂ॥ 8-73-9 (58565) ಸಂಯುಕ್ತಮಾಸ್ಥಾಯ ರಥಂ ಹಿ ಕಾಲೇ ಧನುರ್ವಿಧೂನ್ವಂಛರಪೂರ್ಣಮುಷ್ಟಿಃ। ಸೃಜೇಚ್ಚ ಯೋ ಬಾಣಸಂಘಾನ್ಪರೇಷು ಮಹಾಬಲೋ ಮೇಘ ಇವಾಂಬುಧಾರಾಃ॥ 8-73-10 (58566) ಶತಾನ್ಯಷ್ಟೌ ವಾರಣಾನಾಮದರ್ಶಯ-- ದ್ವಿಶಾತಿತೈಃ ಕುಂಭಘಟಾಗ್ರಹಸ್ತೈಃ। ಯೋ ಭೀಮಸೇನೋ ನಿಹತಾರಿಸಂಘಃ ಸ ಮಾಮುಪಾಲಬ್ಧುಮರಿಂದಮೋಽರ್ಹತಿ॥ 8-73-11 (58567) ರಥಾಶ್ಚ ನಾಗಾಶ್ಚ ಹಯಾಶ್ಚ ರಾಜ-- ನ್ಭೀಮೇನಾಜೌ ನಿಹತಾಃ ಸಂಘಶೋಽದ್ಯ। ರಾಜಾನಶ್ಚ ಬಹವೋ ಮಹಾಬಲಾಃ ಸ ಮಾಮುಪಾಲಬ್ಧುಮರಿಂದಮೋಽರ್ಹತಿ॥ 8-73-12 (58568) ಧೃತರಾಷ್ಟ್ರಪುತ್ರಾ ಬಲಿನಶ್ಚ ಯೇನ ಮಹಾಬಲಾ ನಿಹತಾಃ ಪ್ರಾಯಶೋ ವೈ। ಶೂರೋ ಯುದ್ಧೇ ಹ್ಯಪ್ರತಿವಾರ್ಯವೀರ್ಯಃ ಸ ಮಾಮುಪಾಲಬ್ಧುಮರಿಂದಮೋಽರ್ಹತಿ॥ 8-73-13 (58569) ಪ್ರತಾಪಯಂಸ್ತದ್ಬಲಮುಗ್ರರೂಪಂ ಯೋಽಸೌ ರಮೇ ಧಾರ್ತರಾಷ್ಟ್ರಸ್ಯ ವೀರಃ। ಏಕಃ ಸಹೇತಾಪ್ರತಿಸಹ್ಯಪೌರುಷ-- ಸ್ತೇನಾಸ್ಮಿ ವಾಚ್ಯೋ ನ ತ್ವಯಾ ವೈ ಕದಾಚಿತ್॥ 8-73-14 (58570) ಮಹಾರಥಾ ಯತ್ರ ಯತ್ರೈವ ಯುದ್ಧೇ ಭಿಂದಂತಿ ಸೈನ್ಯಂ ತವ ಕಾಮತೋಽದ್ಯ। ತತ್ರೈವ ತತ್ರೈವ ರಣೇ ಮಹಾತ್ಮಾ ದೃಢಂ ಭೀಮಃ ಪರಸಂಘಾನಮೃದ್ರಾತ್॥ 8-73-15 (58571) ತೇನಾಸ್ಮಿ ವಾಚ್ಯೋ ನ ತ್ವಯಾ ಹಂ ಕದಾಚಿ-- ನ್ಮಾ ಮಾ ವೋಚಃ ಕ್ರೂರಮಿಹಾದ್ಯ ಪಾರ್ಥ। ನಾಸ್ಮದ್ವಿಧೋ ವೈ ಭವತಾ ತು ವಾಚ್ಯೋ ಯಥಾ ಭವಾನ್ಸರ್ವಲೋಕಸ್ಯ ವಾಚ್ಯಃ॥ 8-73-16 (58572) ಏವಂ ಹಿ ಮಾ ತೇ ಬ್ರುವತೋ ನರೇಂದ್ರ ಕಥಂ ನ ದೀರ್ಯೇಚ್ಛತಧಾಽದ್ಯ ಜಿಹ್ವಾ। ಅಹೋ ಬತೇದಂ ಸುನೃಶಂಸರೂಪಂ ಕಾಮಾದವೋಚಸ್ತ್ವಮಿಹಾದ್ಯ ಯದ್ವೈ॥ 8-73-17 (58573) ಬಲಂ ನ ವಾಧಿಷ್ಠಿತಂ ಸತ್ತಮಾನಾಂ ಯತ್ಕ್ಷತ್ರಿಯಾಣಾಂ ಬಹುಲಂ ವದಂತಿ। ತ್ವಂ ಚಾಬಲೋ ಭಾರತ ನಿಷ್ಠುರೋಽಸಿ ತ್ವಮೇವ ಮಾಂ ವೇತ್ಸಿ ಯಥಾವಿಧೋಽಹಂ॥ 8-73-18 (58574) ನಕುಲೇನ ರಾಜನ್ಗಜವಾಜಿಯೋಧಾ ಹತಾಶ್ಚ ವೀರಾಃ ಸಹಸಾ ಸಮೇತ್ಯ। ತ್ಯಕ್ತ್ವಾ ಪ್ರಾಣಾನ್ಸಮರೇ ಯುದ್ಧಕಾಂಕ್ಷೀ ಸ ಮಾಮುಪಾಲಬ್ಧುಮರಿಂದಮೋಽರ್ಹತಿ॥ 8-73-19 (58575) ಕೃತಂ ಕರ್ಮ ಸಹದೇವೇನ ದುಷ್ಕರಂ ಯೋ ಯುಧ್ಯತೇ ಪರಸೈನ್ಯಾವಮರ್ದೀ। ನ ಚಾಬ್ರವೀತ್ಕಿಂಚಿದಿಹಾಗತೋ ಬಲೀ ಪಶ್ಯಾಂತರಂ ತಸ್ಯ ಚೇವಾತ್ಮನಶ್ಚ॥ 8-73-20 (58576) ಧೃಷ್ಟದ್ಯುಂನಃ ಸಾತ್ಯಕಿರ್ದ್ರೌಪದೇಯಾ ಯುಧಾಮನ್ಯುಶ್ಚೋತ್ತಮೌಜಾಃ ಶಿಖಂಡೀ। ಏತೇಽದ್ಯ ಯುಧಿ ಸಂಪ್ರಪೀಡಿತಾ-- ಸ್ತೇ ಮಾಮುಲಪಾಲಬ್ಧುಮರ್ಹಂತಿ ನ ತ್ವಂ॥ 8-73-21 (58577) ತ್ವನ್ಮೂಲಮಸ್ಮಾಭಿರಿದಂ ಹಿ ವೈರಂ ಪ್ರಾಪ್ತಂ ತಥಾ ವ್ಯಸನಂ ಚಾತಿಘೋರಂ। ದ್ಯೂಪ್ರಮತ್ತೇನ ಕೃತಂ ತ್ವಯಾಽಸಕೃ-- ತ್ಕಸ್ಮಾದುಪಾಲಬ್ಧುಮಿಹಾರ್ಹಸಿ ತ್ವಂ॥ 8-73-22 (58578) ತ್ವಮೇವ ರಾಜನ್ಸತತಂ ಪ್ರಮತ್ತ-- ಸ್ತ್ವಮೇವ ಮೂಢೋ ಭಾರತಾನಾಮಸಾಧುಃ। ತ್ವಾಂ ಪ್ರಾಪ್ಯ ರಾಜ್ಯಂ ಚ ವಿನಷ್ಟಮೇತ-- ತ್ಪ್ರಾಪ್ತಾ ಮಹತ್ಪಾಂಡವಾಶ್ಚಾಪಿ ದಾಸ್ಯಂ॥ 8-73-23 (58579) ತ್ವತ್ತಃ ಕೃತೋಽಸ್ಮಕದ್ವನವಾಸದುಃಖಂ ರಾಜ್ಯಸ್ಯ ನಾಶೋ ಹ್ಯಭಿಮನ್ಯೋಶ್ಚ ಘೋರಃ। ಆತ್ಮಾನಮೇವಂ ಸುನೃಶಂಸರೂಪಂ ಜ್ಞಾತ್ವಾ ಕಿಮರ್ಥಂ ಗರ್ಹಸೇ ಮಾದ್ಯ ವೀರ॥ 8-73-24 (58580) ಲಜ್ಜಸ್ವ ರಾಜನ್ಯದಿ ತೇಽಸ್ತಿ ಲಜ್ಜಾ ತೂಷ್ಣೀಂಭೂತಃ ಪಶ್ಯ ಸರ್ವಂ ಕೃತಘ್ನಃ। ಭೀಮೋ ನಿತ್ಯಂ ಸಮರಸ್ಯ ಕರ್ತಾ ದರ್ಪಸ್ಯ ಭೇತ್ತಾ ಪುನರೇವ ನಿತ್ಯಂ॥ 8-73-25 (58581) ಸ್ವಯಂ ಹ್ಯಶಕ್ತೇನ ನರೇಂದ್ರ ಯುದ್ಧೇ ನರೇಣ ಕಾರ್ಯಾ ಸತತಂ ಕ್ಷಮೈವ। ಬಲಂ ಹಿ ವಾಚಿ ದ್ವಿಜಸತ್ತಮಾನಾಂ ಕ್ಷಾತ್ರಂ ದ್ವಿಜಾ ಬಾಹುಬಲಂ ವದಂತಿ॥ 8-73-26 (58582) ತ್ವಂ ವಾಗ್ಬಲೋ ಭಾರತ ನಿಷ್ಠುರೋಽಸಿ ತ್ವಮೇವ ಮಾಂ ವೇತ್ಸಿ ಯಥಾವಿಧೋಽಹಂ। ಘಟಾಮಿ ನಿತ್ಯಂ ತವ ಕರ್ತುಮಿಷ್ಟಂ ದಾರೈಃ ಸುತೈರ್ಜೀವಿತೇನಾತ್ಮನಾ ಚ॥ 8-73-27 (58583) ಏವಂಚ ಮಾಂ ವಾಕ್ಛಲಾಕೈರ್ಹಿನತ್ಸಿ ತ್ವತ್ತಃ ಸುಖಂ ನ ವಯಂ ವಿದ್ಮ ಕಿಂಚಿತ್। ಮಾ ಮಾಮವಂಸ್ಥಾ ದ್ರೌಪದೀತಲ್ಪಕಸಂಸ್ಥೋ ಮಹಾರಥಾನ್ಪ್ರತಿಹನ್ಮಿ ತ್ವದರ್ಥೇ॥ 8-73-28 (58584) ಸರ್ವಾತಿಶಂಕೀ ಭವಸಿ ಪ್ರಮತ್ತ-- ಸ್ತ್ವತ್ತಃ ಸುಖಂ ನಾಭಿಜಾನಾಮಿ ಕಿಂಚಿತ್। ಪ್ರೋಕ್ತಃ ಸ್ವಯಂ ಸತ್ಯಸಂಧೇನ ಮೃತ್ಯು-- ಸ್ತವ ಪ್ರಿಯಾರ್ಥಂ ನರದೇವ ಯುದ್ಧೇ॥ 8-73-29 (58585) ಶಿಖಂಡಿನಾಂನಾ ಪ್ರಧನೇ ತವಾರ್ಥೇ ಮಯಾಭಿಗುಪ್ತೇನ ಹತಶ್ಚ ಭೀಷ್ಮಃ। ದ್ರೋಣೋ ಹತೋ ಯಃ ಸತತೋಪಕಾರೀ ಧೃಷ್ಟದ್ಯುಂನೇನ ಸ್ಯಂದನಾದ್ವಿಪ್ರಕೃಷ್ಟಃ॥ 8-73-30 (58586) ದ್ರೌಣಿಶ್ಚ ರುದ್ಧಃ ಸಗಣೋ ಮಹಾತ್ಮಾ ತಥಾಪಿ ತೇ ವೈ ವಚನಂ ನೃಶಂಸವತ್। ದುಃಖಂ ಪ್ರಿಯಂ ತೇ ನರದೇವ ಕರ್ತುಂ ಯಸ್ಯ ಪ್ರಿಯಂ ತೇ ನ ಕರೋಂಯಹಂ ವೈ॥ 8-73-31 (58587) ನ ಯುಚ್ಯತೇ ವೈ ದಿವಿ ಚೇಹ ಯಃ ಪುಮಾ-- ನ್ಯಸ್ತೇ ಮದನ್ಯೋಽಪ್ರಿಯಮಾರಭೇತ। ನ ಚಾಭಿನಂದಾಮಿ ತಥಾಹಿ ರಾಜ್ಯಂ ಯತಸ್ತ್ವಮಕ್ಷೇಷು ದೃಢಂ ಪ್ರಸಕ್ತಃ॥ 8-73-32 (58588) ಸ್ವಯಂ ಕೃತಂ ಪಾಪಮನಾರ್ಯಜುಷ್ಟ-- ಮಸ್ಮಾಭಿರಾಜೌ ವ್ಯಸನಂ ತಿತೀರ್ಷಸಿ॥ ಅಕ್ಷೇಷು ದೋಷಾ ಬಹವೋ ವಿಧರ್ಂಯಾಃ ಶ್ರುತಾಸ್ತ್ವಯಾ ಸಹದೇವೋಽಬ್ರವೀದ್ಯಾನ್॥ 8-73-33 (58589) ತಾನ್ನೇಚ್ಛಸಿ ತ್ಯಕ್ತುಮನಾರ್ಯಜುಷ್ಟಾ-- ನ್ಘೋರೇ ಸ್ಮ ಸರ್ವೇ ನಿರಯೇ ತ್ವಯಾಽಸ್ತಾಃ। ತ್ವಂ ದೇವಿತಾ ತ್ವತ್ಕೃತೇ ರಾಜ್ಯನಾಶಂ-- ಸ್ತ್ವತ್ಸಂಭವಂ ವ್ಯಸನಂ ನೋ ನರೇಂದ್ರ॥ 8-73-34 (58590) ಮಾಸ್ಮಾನ್ಕ್ರೂರೈರ್ಷಾಕ್ಪ್ರತೋದೈಸ್ತುದಸ್ತ್ವಂ ಭೂಯೋ ರಾಜನ್ಕೋಪಯಸ್ಯಲ್ಪಬುದ್ಧ್ಯಾ॥ 8-73-35 (58591) ಸಂಜಯ ಉವಾಚ। 8-73-36x (5014) ಏತಾ ವಾಚಃ ಪರುಷಾಃ ಸವ್ಯಸಾಚೀ ಸ್ಥಿರಪ್ರತಿಜ್ಞಃ ಶ್ರಾವಯಿತ್ವಾ ನರೇಂದ್ರಂ। ವಿನಿಃ ಶ್ವಸಂಜ್ಯೇಷ್ಠಮನಿಷ್ಟಮುಕ್ತ್ವಾ ತತಸ್ತು ಕೋಶಾದಸಿಮುದ್ವಬರ್ಹ॥ 8-73-36 (58592) ತಮಾಹ ಕೃಷ್ಣಃ ಕಿಮಿದಂ ಪುನರ್ಭವಾ-- ನ್ವಿಕೋಶಮಾಕಾಶನಿಭಂ ಕರೋತ್ಯಸಿಂ। ಪ್ರಬ್ರೂಹಿ ಸತ್ಯಂ ಪುನರುತ್ತರಂ ಸಖೇ ವಚಃ ಪ್ರವಕ್ಷ್ಯಾಭಿ ತವಾರ್ಥಸಿದ್ಧಯೇ॥ 8-73-37 (58593) ಇತೀವ ಪೃಷ್ಟಃ ಪುರುಷೋತ್ತಮೇನ ಸುದುಃಖಿತಃ ಕೇಶವಮಾಹ ಪಾರ್ಥಃ। ಅಹಂ ಹನಿಷ್ಯೇ ಸ್ವಶರೀರಮೇತ-- ತ್ಪ್ರಸಹ್ಯ ಯೇನಾಹಿತಮುಕ್ತವಾನ್ಗುರುಂ॥ 8-73-38 (58594) ನಿಶಂಯ ತತ್ಪಾರ್ಥವಚೋಽಬ್ರವೀದಿದಂ ಜನಾರ್ದನೋ ಧರ್ಮಭೃತಾಂ ವರಿಷ್ಠಃ। ಪ್ರಬ್ರೂಹಿ ಪಾರ್ಥ ಸ್ವಗುಣಾನಿಹಾತ್ಮನ-- ಸ್ತತೋ ಹತಾತ್ಮಾ ಭವಸೀತಿ ನಿಶ್ಚಯಃ॥ 8-73-39 (58595) ತಥಾ ತು ಕೃಷ್ಣಸ್ಯ ವಚೋ ನಿಶಂಯ ತತೋಽರ್ಜುನಃ ಪ್ರಾಹ ಧನುಃ ಪ್ರಗೃಹ್ಯ। ಯುಧಿಷ್ಠಿರಂ ಧರ್ಮಭೃತಾಂ ವರಿಷ್ಠಂ ಶೃಣುಷ್ವ ರಾಜನ್ನಿತಿ ದುರ್ವಚಃ ಸ್ವಯಂ॥ 8-73-40 (58596) ಅರ್ಜುನ ಉವಾಚ। 8-73-41x (5015) ನ ಮಾದೃಶೋಽನ್ಯೋ ನರದೇವ ವಿದ್ಯತೇ ಧನುರ್ಧರೋ ದೇವಮೃತೇ ಪಿನಾಕಿನಂ। ಅಹಂ ಹಿ ತೇನಾನುಮತೋ ಮಹಾತ್ಮನಾ ಕ್ಷಣೇನ ಹನ್ಯಾಂ ಸಚರಾಚರಂ ಜಗತ್॥ 8-73-41 (58597) ಮಯಾ ಹಿ ರಾಜನ್ಸದಿಗೀಶ್ವರಾ ದಿಶೋ ವಿಜಿತ್ಯ ಸರ್ವಾ ಭವತಃ ಕೃತಾ ವಶೇ। ಸ ರಾಜಸೂಯಶ್ಚ ಸಮಾಪ್ತದಕ್ಷಿಣಃ ಸಭಾ ಚ ದಿವ್ಯಾ ಭವತೋ ಮಮೌಜಸಾ॥ 8-73-42 (58598) ಪಾಣೀ ಪೃಷತ್ಕಾಲಿಖಿತಾವಿಮೌ ಪುನ-- ರ್ಧನುಶ್ಚ ಸವ್ಯೇ ವಿತತಂ ಸಬಾಣಂ। ಪಾದೌ ಚ ಮೇ ಲಕ್ಷಣತಃ ಪ್ರಶಸ್ತೌ ನ ಮಾದೃಶಂ ಯುದ್ಧಗತಂ ಜಯಂತಿ॥ 8-73-43 (58599) ಹತಾ ಉದೀಚ್ಯಾ ನಿಹತಾಃ ಪ್ರತೀಚ್ಯಾಃ ಪ್ರಾಚ್ಯಾ ನಿರಸ್ತಾ ದಾಕ್ಷಿಣಾತ್ಯಾ ವಿಶಸ್ತಾಃ। ಸಂಶಪ್ತಕಾನಾಂ ಕಿಂಚಿದೇವಾವಶಿಷ್ಟಂ ಸರ್ವಸ್ಯ ಲೋಕಸ್ಯ ಹತಂ ಮಯಾಽರ್ಧಂ॥ 8-73-44 (58600) ಶೇತೇ ಮಯಾ ನಿಹತಾ ಶತ್ರುಸೇನಾ ಛಿನ್ನೈರ್ಗಾತ್ರೈರ್ಭೂಮಿತಲೇ ಸ್ಖಲಂತೀ। ಅನಸ್ತ್ರಜ್ಞಾನ್ನೈವ ನಿಹನ್ಮಿ ಚಾಸ್ತ್ರೈ-- ಸ್ತಸ್ಮಾನ್ನ ಭಸ್ಮೈವ ಕರೋಮಿ ಲೋಕಾನ್॥ 8-73-45 (58601) ಜೈತ್ರಂ ರಥಂ ಭೀಮಮಾಸ್ಥಾಯ ಕೃಷ್ಣ ಯಾವಚ್ಛೀಘ್ರಂ ಸೂತಪುತ್ರಂ ನಿಹಂತುಂ। ರಾಜಾ ಭವತ್ವದ್ಯ ಸುನಿರ್ವೃತೋಽಯಂ ಕರ್ಣಂ ರಣೇ ನಾಶಯಿತಾಸ್ಮಿ ಬಾಣೈಃ॥ 8-73-46 (58602) ಇತ್ಯೇವಮುಕ್ತ್ವಾ ಪುನರಾಹ ಪಾರ್ಥೋ ಯುಧಿಷ್ಠಿರಂ ಧರ್ಮಭೃತಾಂ ವರಿಷ್ಠಂ। ಅದ್ಯಾಪುತ್ರಾ ಸೂತಮಾತಾ ಭವಿತ್ರೀ ಕುಂತೀ ವಾಥೋ ವಾ ಮಯಾ ತೇನ ವಾಪಿ। ಸತ್ಯಂ ವದಾಂಯದ್ಯ ನ ಕರ್ಣಮಾಜೌ ಶರೈರಹತ್ವಾ ಕವಚಂ ವಿಮೋಕ್ಷ್ಯೇ॥ 8-73-47 (58603) ಸಂಜಯ ಉವಾಚ। 8-73-48x (5016) ಇತ್ಯೇವಮುಕ್ತ್ವಾ ಪುನರೇವ ಪಾರ್ಥೋ ಯುಧಿಷ್ಠಿರಂ ಧರ್ಮಭೃತಾಂ ವರಿಷ್ಠಂ। ವಿಮುಚ್ಯ ಶಸ್ತ್ರಾಣಿ ಧನುರ್ವಿಸೃಜ್ಯ ಕೋಶೇ ಚ ಖಂಗಂ ವಿನಿಧಾಯ ತೂರ್ಣಂ॥ 8-73-48 (58604) ಸ ವ್ರೀಡಯಾ ನಂರಶಿರಾಃ ಕಿರೀಟೀ ಯುಧಿಷ್ಠಿರಂ ಪ್ರಾಂಜಲಿರಭ್ಯುವಾಚ। ಪ್ರಸೀದ ರಾಜನ್ಕ್ಷಮ ಯನ್ಮಯೋಕ್ತಂ ಕಾಲೇ ಭವಾನ್ವೇತ್ಸ್ಯತಿ ತನ್ನಮಸ್ತೇ॥ 8-73-49 (58605) ತತಸ್ತು ಪಾದಾವುಪಗೃಹ್ಯ ಪಾರ್ಥಃ ಸಮುತ್ಥಿತೋ ದೀಪ್ತತೇಜಾಃ ಕಿರೀಟಿ। ಪ್ರಸಾದ್ಯ ರಾಜಾನಮಮಿತ್ರಸಾಹಂ ಸ್ಥಿತೋಽಬ್ರವೀಚ್ಚೈನಮಭಿಪ್ರತಪ್ತಂ॥ 8-73-50 (58606) ಯಾಂಯೇಷ ಭೀಮಂ ಸಮರಾದ್ವಿಮೋಕ್ತುಂ ಸರ್ವಾತ್ಮನಾ ಸೂತಪುತ್ರಂ ಚ ಹಂತುಂ। ಭವತ್ಪ್ರಿಯಾರ್ಥಂ ಮಮ ಜೀವಿತಂ ಹಿ ಬ್ರವೀಮಿ ಸತ್ಯಂ ತದವೇಹಿ ರಾಜನ್॥ 8-73-51 (58607) ನೇದಂ ಚಿರಾತ್ಕ್ಷಿಪ್ರಮಿದಂ ಭವಿಷ್ಯ-- ದಾವರ್ತತೇಽಸಾವಭಿಯಾಮಿ ಚೈನಂ। ಅದ್ಯಾಪ್ಯಪುತ್ರಾ ತೇನ ಹತೇನ ರಾಧಾ ಕುಂತೀ ಮಯಾ ವಾ ತದಿದಂ ವಿದ್ಧಿ ರಾಜನ್॥ ॥ 8-73-52 (58608) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ತ್ರಿಸಪ್ತತಿತಮೋಽಧ್ಯಾಯಃ॥ 73 ॥

8-74-0 (58609) ಸಂಜಯ ಉವಾಚ। 8-74-0x (5017) ಏತಚ್ಛ್ರುತ್ವಾ ಪಾಂಡವೋ ಧರ್ಮರಾಜೋ ಭ್ರಾತುರ್ವಾಕ್ಯಂ ಪರುಷಂ ಫಲ್ಗುನಸ್ಯ। ಉತ್ಥಾಯ ತಸ್ಮಾಚ್ಛಯನಾದುವಾಚ ಪಾರ್ಥಂ ತತೋ ದುಃಖಪರೀತಚೇತಾಃ॥ 8-74-1 (58610) ಕೃತಂ ಮಯಾ ಪಾರ್ಥಂ ನ ಸಾಧುಕರ್ಮ ಯೇನ ಪ್ರಾಪ್ತಂ ವ್ಯಸನಂ ವಃ ಸುಘೋರಂ। ತಸ್ಮಾಚ್ಛಿರಶ್ಛಿಂಧಿ ಮಮೈತದದ್ಯ ಕುಲಾಂತಕಸ್ಯಾಧಮಪೂರುಷಸ್ಯ॥ 8-74-2 (58611) ಪಾಪಸ್ಯ ಪಾಪ್ಮೋಹತಸ್ಯ ವೀರ ವಿಮೂಢಬುದ್ಧೇರಲಸಸ್ಯ ಭೀರೋಃ। ವೃದ್ಧಾವಮನ್ಸುಃ ಪರುಷತ್ಯ ಚೈವ ಕಿಂ ತೇ ಚಿರಂ ಮಾಮನುಸೃಜ್ಯ ರೂಕ್ಷಂ॥ 8-74-3 (58612) ಗಚ್ಛಾಂಯಹಂ ವನಮದ್ಯೈವ ಪಾಪಃ ಸುಖಂ ಭವಾನ್ವರ್ತತಾಂ ಮದ್ವಿಹೀನಃ। ಯೋಗ್ಯೋ ರಾಜಾ ಭೀಮಸೇನೋ ಮಹಾತ್ಮಾ ಕ್ಲೀಬಸ್ಯ ಕಿಂ ವಾ ಮಮ ರಾಜ್ಯಕೃತ್ಯಂ॥ 8-74-4 (58613) ನ ಚಾಪಿ ಶಕ್ತಃ ಪರುಷಾಣಿ ಸೋಢುಂ ಪುನಸ್ತವೇಮಾನಿ ರುಷಾನ್ವಿತಸ್ಯ। ಭೀಮೋಽಸ್ತು ರಾಜಾ ಮಮ ಜೀವಿತೇನ ನ ಕಾರ್ಯಮದ್ಯಾವಮತಸ್ಯ ವೀರ॥ 8-74-5 (58614) ಇತ್ಯೇವಮುಕ್ತ್ವಾ ಸಹಸೋತ್ಪಪಾತ ರುಷಾನ್ವಿತಸ್ತಚ್ಛಯನಂ ವಿಹಾಯ। ಇಯೇಷ ನಿರ್ಗಂತುಮಥೋ ವನಾಯ ತಂ ವಾಸುದೇವಃ ಪ್ರಣತೋಽಭ್ಯುವಾಚ॥ 8-74-6 (58615) ನ ರಾಜನ್ವಿದಿತಂ ತತ್ತೇ ಯಥಾ ಗಾಂಡೀವಧನ್ವನಃ। ಪ್ರತಿಜ್ಞಾ ಸತ್ಯಸಂಧಸ್ಯ ಗಾಂಡೀವಂ ಪ್ರತಿ ವಿಶ್ರುತಾ॥ 8-74-7 (58616) ಬ್ರೂಯಾದ್ಯ ಏನಂ ಗಾಂಡೀವಂ ದೇಹ್ಯನ್ಯಸ್ಮೈ ತ್ವಮಿತ್ಯುತ। ವಧ್ಯೋಽಸ್ಯ ಸ ಪುಮಾಂʼಲ್ಲೋಕೇ ತ್ವಯಾ ಚೋಕ್ತೋಯಮೀದೃಶಂ॥ 8-74-8 (58617) ತತಃ ಸತ್ಯಾಂ ಪ್ರತಿಜ್ಞಾಂ ತಾಂ ಪಾರ್ಥೇನ ಪ್ರತಿರಕ್ಷತಾ। ಮಚ್ಛಂದಾದವಮಾನೋಽಯಂ ಕೃತಸ್ತವ ಮಹೀಪತೇ॥ 8-74-9 (58618) ಗುರೂಣಾಮವಮಾನೋ ಹಿ ವಧ ಇತ್ಯಭಿಧೀಯತೇ। ತಸ್ಮಾತ್ಕ್ಷಮ ಮಹಾಬಾಹೋ ಮಮ ಪಾರ್ಥಸ್ಯ ಚೋಭಯೋಃ॥ 8-74-10 (58619) ವ್ಯತಿಕ್ರಮಮಿಮಂ ರಾಜನ್ಸತ್ಯಸಂರಕ್ಷಣಂ ಪ್ರತಿ। ಶರಣಂ ತ್ವಾಂ ಮಹಾರಾಜ ಪ್ರತಿಪನ್ನಾವುಭಾವಪಿ॥ 8-74-11 (58620) ಕ್ಷಂತುಮರ್ಹಸಿ ಮೇ ರಾಜನ್ಪ್ರಣತಸ್ಯಾಭಿಯಾಚತಃ। ರಾಧೇಯಸ್ಯಾದ್ಯ ಪಾಪಸ್ಯ ಭೂಮಿಃ ಪಾಸ್ಯತಿ ಶೋಣಿತಂ॥ 8-74-12 (58621) ಸತ್ಯಂ ತೇ ಪ್ರತಿಜಾನಾಮಿ ಹತಂ ವಿದ್ವ್ಯದ್ಯ ಸೂತಜಂ। ಯಸ್ಯೇಚ್ಛಸಿ ವಧಂ ತಸ್ಯ ಗತಮೇವಾದ್ಯ ಜಿವೀತಂ॥ 8-74-13 (58622) ಇತಿ ಕೃಷ್ಣವಚಃ ಶ್ರುತ್ವಾ ಧರ್ಮರಾಜೋ ಯುಧಿಷ್ಠಿರಃ। ಸಸಂಭ್ರಮಂ ಹೃಷೀಕೇಶಮುತ್ಥಾಪ್ಯ ಪ್ರಣತಂ ತದಾ। ಕೃತಾಂಜಲಿಮುವಾಚೇದಂ ವಾಕ್ಯಂ ಯತ್ಸಮನಂತರಂ॥ 8-74-14 (58623) ಏವಮೇವ ಯಥಾತ್ಥ ತ್ವಮಸ್ತ್ಯೇಷೋಽತಿಕ್ರಮೋ ಮಮ। ಅನುನೀತೋಽಸ್ಮಿ ಗೋವಿಂದ ತಾರಿತಶ್ಚಾಸ್ಮಿ ಮಾಧವ॥ 8-74-15 (58624) ಮೋಚಿತಾ ವ್ಯಸನಾದ್ಧೋರಾದ್ವಯಮದ್ಯ ತ್ವಯಾಚ್ಯುತ। ಭವಂತಂ ನಾವಮಾಸಾದ್ಯ ಹ್ಯಾವಾಂ ವ್ಯಸನಸಾಗರಾತ್। ಘೋರಾದದ್ಯ ಸಮುತ್ತೀರ್ಣಾವುಭಾವಜ್ಞಾನಮೋಹಿತೌ॥ 8-74-16 (58625) ತ್ವದ್ಬುದ್ಧಿಪ್ಲವಮಾಸಾದ್ಯ ದುಃಖಶೋಕಾರ್ಣವಾದ್ವಯಂ। ಸಮುತ್ತೀರ್ಣಾಃ ಸಹಾಮಾತ್ಯಾಃ ಸನಾಥಾಃ ಸ್ಮ ತ್ವಯಾಚ್ಯುತ॥ ॥ 8-74-17 (58626) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಚತುಃಸಪ್ತತಿತಮೋಽಧ್ಯಾಯಃ॥ 74 ॥

8-75-0 (58627) ಸಂಜಯ ಉವಾಚ। 8-75-0x (5018) ಇತಿ ಸ್ಮ ಕೃಷ್ಣವಚನಾತ್ಪ್ರತ್ಯುಚ್ಚಾರ್ಯ ಯುಧಿಷ್ಠಿರಂ। ಬಭೂವ ವಿಮನಾಃ ಪಾರ್ಥಃ ಕಿಂಚಿತ್ಕೃತ್ವೇವ ಪಾತಕಂ॥ 8-75-1 (58628) ತತೋಽಬ್ರವೀದ್ವಾಸುದೇವಃ ಪ್ರಹಸನ್ನಿವ ಪಾಂಡವಂ। ಕಥಂ ನಾಮ ಭವೇದೇತದ್ಯದಿ ತ್ವಂ ಪಾರ್ಥ ಧರ್ಮಜಂ॥ 8-75-2 (58629) ಅಸಿನಾ ತೀಕ್ಷ್ಣಧಾರಣೇ ಹನ್ಯಾ ಧರ್ಮೇ ವ್ಯಸ್ಥಿತಂ। ತ್ವಮಿತ್ಯುಕ್ತ್ವಾಥ ರಾಜಾನಮೇವಂ ಕಶ್ಮಲಮಾವಿಶಃ॥ 8-75-3 (58630) ಹತ್ವಾ ತು ನೃಪತಿಂ ಪಾರ್ಥ ಕರಿಷ್ಯಸಿ ಕಿಮುತ್ತರಂ। ಏವಂ ಹಿ ದುರ್ವಿದೋ ಧರ್ಮೋ ಮಂದಪ್ರಜ್ಞೈರ್ವಿಶೇಷತಃ॥ 8-75-4 (58631) ಸ ಭವಾಂಧರ್ಮಭೀರುತ್ವಾದ್ಧವಂ ಯಾಯಾನ್ಮಹತ್ತಮಃ। ನರಕಂ ಘೋರರೂಪಂ ಚ ಭ್ರಾತುರ್ಜ್ಯೇತುಸ್ಯ ವೈ ವಥಾತ್॥ 8-75-5 (58632) ಸ ತ್ವಂ ಧರ್ಮಭೃತಾಂ ಶ್ರೇಷ್ಠಂ ರಾಜಾನಂ ಧರ್ಮಸಂಹಿತಂ। ಪ್ರಸಾದಯ ಕುರುಶ್ರೇಷ್ಠಮೇತದತ್ರ ಮತಂ ಮಮ॥ 8-75-6 (58633) ಪ್ರಸಾದ್ಯ ಭಕ್ತ್ಯಾ ರಾಜಾನಂ ಪ್ರೀತೇ ಚೈವ ಯುಧಿಷ್ಠಿರೇ। ಪ್ರಯಾವಸ್ತ್ವರಿತೌ ಯೋದ್ಧುಂ ಸೂತಪುತ್ರರಥಂ ಪ್ರತಿ॥ 8-75-7 (58634) ಹತ್ವಾ ತು ಸಮರೇ ಕರ್ಣಂ ತ್ವಮದ್ಯ ನಿಶಿತೈಃ ಶರೈಃ। ವಿಪುಲಾಂ ಪ್ರೀತಿಮಾಧತ್ಸ್ವ ಧರ್ಮಪುತ್ರಸ್ಯ ಮಾನದ॥ 8-75-8 (58635) ಏತದತ್ರ ಮಹಾಬಾಹೋ ಪ್ರಾಪ್ತಕಾಲಂ ಮತಂ ಮಮ। ಏವಂ ಕೃತೇ ಕೃತಂ ಚೈವ ತವ ಕಾರ್ಯಂ ಭವಿಷ್ಯತಿ॥ 8-75-9 (58636) ಸಂಜಯ ಉವಾಚ। 8-75-10x (5019) ತತೋಽರ್ಜುನೋ ಮಹಾರಾಜ ಲಜ್ಜಪಾ ವೈ ಸಮನ್ವಿತಃ। ಧರ್ತರಾಜಸ್ಯ ಚರಣೌ ಪ್ರಪದ್ಯ ಶಿರಸಾ ನತಃ॥ 8-75-10 (58637) ಉವಾಚ ಭರತಶ್ರೇಷ್ಠಂ ಪ್ರಸೀದೇತಿ ಪುನಃ ಪುನಃ। ಕ್ಷಮಸ್ವ ರಾಜನ್ಯತ್ಪ್ರೋಕ್ತಸ್ತ್ವಂ ಮಯಾ ಧರ್ಮಭೀರುಣಾ॥ 8-75-11 (58638) ಪಾದಯೋಃ ಪತಿತಂ ದೃಷ್ಟ್ವಾ ಧರ್ಮರಾಜೋ ಯುಧಿಷ್ಠಿರಃ। ಧನಂಜಯಮಮಿತ್ರಘ್ನಂ ರುದಂತಂ ಭರತರ್ಷಭಂ॥ 8-75-12 (58639) ಉತ್ಥಾಪ್ಯ ಭ್ರಾತರಂ ರಾಜಾ ಧರ್ಮರಾಜೋ ಧನಂಜಯಂ। ಸಮಾಶ್ಲಿಷ್ಯ ಚ ಸಸ್ನೇಹಂ ಪ್ರರುರೋದ ಮಹೀಪತಿಃ॥ 8-75-13 (58640) ರುದಿತ್ವಾ ಸುಚಿರಂ ಕಾಲಂ ಭ್ರಾತರೌ ಸುಮಹಾದ್ಯುತೀ। ಕೃತಶೌಚೌ ಮಹಾರಾಜ ಪ್ರೀತಿಮಂತೌ ಬಭೂವತುಃ॥ 8-75-14 (58641) ತತ ಆಶ್ಲಿಷ್ಯ ತಂ ಪ್ರೇಂಣಾ ಮೂರ್ಧ್ನಿ ಚಾಘ್ರಾಯ ಪಾಂಡವಃ। ಪ್ರೀತ್ಯಾ ಪರಮಯಾ ಯುಕ್ತೋ ವಿಸ್ಮಯಂಶ್ಚ ಪುನಃಪುನಃ। ಅಬ್ರವೀತ್ತಂ ಮಹೇಷ್ವಾಸಂ ಧರ್ಮರಾಜೋ ಧನಂಜಯಂ॥ 8-75-15 (58642) ಕರ್ಣೇನ ಮೇ ಮಹಾಬಾಹೋ ಸರ್ವಸೈನ್ಯಸ್ಯ ಪಶ್ಯತಃ। ಕವಚಂ ಚ ಧ್ವಜಂ ಚೈವ ಧನುಃ ಶಕ್ತಿರ್ಹಯಾಃ ಶರಾಃ। ಶರೈಃ ಕೃತ್ತಾ ಮಹೇಷ್ವಾಸ ಯತಮಾನಸ್ಯ ಸಂಯುಗೇ॥ 8-75-16 (58643) ಸೋಽಹಂ ದೃಷ್ಟ್ವಾ ರಣೇ ತಸ್ಯ ಕರ್ಣ ಕರ್ಣಸ್ಯ ಫಲ್ಗುನ। ವ್ಯವಸೀದಾಮಿ ದುಃಖೇನ ನ ತು ಮೇ ಜೀವಿತಂ ಪ್ರಿಯಂ॥ 8-75-17 (58644) ನ ಚೇದದ್ಯ ಹಿ ತಂ ವೀರಂ ನಿಹನಿಷ್ಯಸಿ ಸಂಯುಗೇ। ಪ್ರಾಣಾನೇವ ಪರಿತ್ಯಕ್ಷ್ಯೇ ಜೀವಿತಾರ್ಥೋ ಹಿ ಕೋ ಮಮ॥ 8-75-18 (58645) ಏವಮುಕ್ತಃ ಪ್ರತ್ಯುವಾಚ ವಿಜಯೋ ಭರತರ್ಷಭ॥ 8-75-19 (58646) ಸತ್ಯೇನ ತೇ ಶಪೇ ರಾಜಂಸ್ತ್ವತ್ಪಾದೇನ ತಥೈವ ಚ। ಭೀಮೇನ ಚ ನರಶ್ರೇಷ್ಠ ಯಮಾಭ್ಯಾಂ ಚ ಮಹೀಪತೇ॥ 8-75-20 (58647) `ಅಹಮೇನಂ ನರಶ್ರೇಷ್ಠ ಸಾಮಾತ್ಯಂ ಚ ಮಹೀಪತೇ'। ಯಥಾದ್ಯ ಸಮರೇ ಕರ್ಣಂ ಹನಿಷ್ಯಾಮಿ ಹತೋಪಿ ವಾ। ಮಹೀತಲೇ ಪತಿಷ್ಯಾಮಿ ಸತ್ಯೇನಾಯುಧಮಾಲಭೇ॥ 8-75-21 (58648) ಏವಮಾಭಾಷ್ಯ ರಾಜಾನಮಬ್ರವೀನ್ಮಾಧವಂ ವಚಃ। ಅದ್ಯ ಕರ್ಣಂ ರಣೇ ಕೃಷ್ಣ ಸೂದಯಿಷ್ಯೇ ನ ಸಂಶಯಃ। ತ್ವಮನುಧ್ಯಾಹಿ ಭದ್ರಂ ತೇ ವಧಂ ತಸ್ಯ ದುರಾತ್ಮನಃ॥ 8-75-22 (58649) ಏವಮುಕ್ತೋಽಬ್ರವೀತ್ಪಾರ್ಥಂ ಕೇಶವೋ ರಾಜಸತ್ತಮ। ಶಕ್ತೋಽಸಿ ಭರತಶ್ರೇಷ್ಠ ಯತ್ನಂ ಕರ್ತುಂ ಯದಾತ್ಥ ಮಾಂ॥ 8-75-23 (58650) ಏಷ ಚಾಪಿ ಹಿ ಮೇ ಕಾಮೋ ನಿತ್ಯಮೇವ ಮಹಾರಥ। ಕಥಂ ಭವಾನ್ರಣೇ ಕರ್ಣಂ ನಿಹನ್ಯಾದಿತಿ ಸತ್ತಮ॥ 8-75-24 (58651) ಏವಮುಕ್ತಸ್ತತೋ ರಾಜನ್ಪಾರ್ಥೋ ವಚನಮಬ್ರವೀತ್। ಹನ್ಯತೇ ದ್ವೈರಥೇ ಭೂಯೋ ಯುಜ್ಯಂತಾಂ ವೈ ರಥೋತ್ತಮೇ॥ 8-75-25 (58652) ಉಪಾವೃತ್ತಾಶ್ಚ ತುರಗಾಃ ಶಿಕ್ಷಿತಾಶ್ಚಾಶ್ವಸಾದಿಭಿಃ। ರಥೋಪಕರಣೈಃ ಸರ್ವೈಃ ಸತ್ವರಂ ಯಾತು ಮೇ ರಥಃ॥ 8-75-26 (58653) ಏವಮುಕ್ತೋ ಮಹಾರಾಜ ಫಲ್ಗುನೇನ ಮಹಾತ್ಮನಾ। ಉವಾಚ ದಾರುಕಂ ಕೃಷ್ಣಃ ಕುರು ಸರ್ವಂ ಯದಬ್ರವೀತ್। ಅರ್ಜುನೋ ಭಾರತಶ್ರೇಷ್ಠಃ ಶ್ರೇಷ್ಠಃ ಸರ್ವಧನುಷ್ಮತಾಂ॥ 8-75-27 (58654) ಆಜ್ಞಪ್ತಸ್ತ್ವಥ ಕೃಷ್ಣೇನ ದಾರುಕೋ ರಾಜಸತ್ತಮ। ಯೋಜಯಾಮಾಸ ಚ ರಥಂ ವೈಯಾಘ್ನಂ ಶತ್ರುತಾಪನಂ। ಸಜ್ಜಂ ನಿವೇದಯಾಮಾಸ ಪಾಂಡವಸ್ಯ ಮಹಾತ್ಮನಃ॥ 8-75-28 (58655) ಯುಕ್ತಂ ತು ರಥಮಾಸ್ಥಾಯ ದಾರುಕೇಣ ಮಹಾತ್ಮನಾ। ಉಪಸ್ಥಿತಂ ರಥಂ ದೃಷ್ಟ್ವಾ ಪದ್ಮನಾಭೋ ರಣಾಂತಕೃತ್। ಭೂಯಶ್ಚೋವಾಚ ಮತಿಮಾನ್ಮಾಧವೋ ಧರ್ಮನಂದನಂ॥ 8-75-29 (58656) ಯುಧಿಷ್ಠಿರೇಮಂ ಬೀಭತ್ಸುಂ ತ್ವಂ ಸಾಂತ್ವಯಿತುಮರ್ಹಸಿ। ಅನುಜ್ಞಾತುಂ ಚ ಕರ್ಣಸ್ಯ ವಧಾಯಾದ್ಯ ದುರಾತ್ಮನಃ॥ 8-75-30 (58657) ಶ್ರುತ್ವಾ ಹ್ಯಾವಾಂ ಮಹಾಸಂಖ್ಯೇ ತ್ವಾಂ ಕರ್ಣಶರಪೀಡಿತಂ। ಪ್ರವೃತ್ತಿಂ ಜ್ಞಾತುಮಾಯಾತಾವಿಹಾವಾಂ ಪಾಂಡುನಂದನ॥ 8-75-31 (58658) ದಿಷ್ಟ್ಯಾಸಿ ರಾಜನ್ವಿರುಜೋ ದಿಷ್ಟ್ಯಾ ನ ಗ್ರಹಣಂ ಗತಃ। ಪರಿಸಾಂತ್ವಯ ಬೀಭತ್ಸುಂ ಜಯಮಾಶಾಧಿ ಚಾನಘ॥ 8-75-32 (58659) ಯುಧಿಷ್ಠಿರ ಉವಾಚ। 8-75-33x (5020) ಏಹ್ಯೇಹಿ ಪಾರ್ಥ ಬೀಭತ್ಸೋ ಮಾಂ ಪರಿಷ್ವಜ ಪಾಂಡವ। ವಕ್ತವ್ಯಮುಕ್ತೋಸ್ಂಯಹಿತಂ ತ್ವಯಾ ಕ್ಷಾಂತಂ ಚ ತನ್ಮಯಾ॥ 8-75-33 (58660) ಅಹಂ ತ್ವಾಮನುಜಾನಾಮಿ ಜಹಿ ಕರ್ಣಂ ಧನಂಜಯ। ಮನ್ಯುಂ ಚ ಮಾ ಕೃಥಾಃ ಪಾರ್ಥ ಯನ್ಮಯೋಕ್ತೋಽಸಿ ದಾರುಣಂ॥ 8-75-34 (58661) ಸಂಜಯ ಉವಾಚ। 8-75-35x (5021) ತತೋ ಧನಂಜಯೋ ರಾಜಞ್ಶಿರಸಾ ಪ್ರಣತಸ್ತದಾ। ಪಾದೌ ಜಗ್ರಾಹ ಪಾಣಿಭ್ಯಾಂ ಭ್ರಾತುರ್ಜ್ಯೇಷ್ಠಸ್ಯ ಮಾರಿಷ॥ 8-75-35 (58662) ತಮುತ್ಥಾಪ್ಯ ತತೋ ರಾಜಾ ಪರಿಷ್ವಜ್ಯ ಚ ಪೀಡಿತಂ। ಮೂರ್ಧ್ನುಪಾಘ್ರಾಯ ಚೈವೈನಮಿದಂ ಪುನರುವಾಚ ಹ॥ 8-75-36 (58663) ಧನಂಜಯ ಮಹಾಬಾಹೋ ಮಾನಿತೋಽಸ್ಮಿ ದೃಢಂ ತ್ವಯಾ। ಮಾಹಾತ್ಂಯಂ ವಿಜಯಂ ಚೈವಂ ಭೂಯಃ ಪ್ರಾಪ್ನುಹಿ ಶಾಶ್ವತಂ॥ 8-75-37 (58664) ಅರ್ಜುನ ಉವಾಚ। 8-75-38x (5022) ಅದ್ಯ ತಂ ಪಾಪಕರ್ಮಾಣಂ ಸಾನುಬಂಧಂ ರಣೇ ಶರೈಃ। ನಯಾಂಯಂತಂ ಸಮಾಸಾದ್ಯ ರಾಧೇಯಂ ಬಲಗರ್ವಿತಂ॥ 8-75-38 (58665) ಯೇನ ತ್ವಂ ಪೀಡಿತೋ ಬಾಣೈರ್ದೃಢಮಾಯಂಯ ಕಾರ್ಮುಕಂ। ತಸ್ಯಾದ್ಯ ಕರ್ಮಣಃ ಕರ್ಣಃ ಫಲಮಾಪ್ಸ್ಯತಿ ದಾರುಣಂ॥ 8-75-39 (58666) ಅದ್ಯ ತ್ವಾಮುಪಯಾಸ್ಯಾಮಿ ಕರ್ಣಂ ಹತ್ವಾ ಮಹೀಪತೇ। ಸಭಾಜಯೇ ತ್ವಾಮಾಕ್ರಂದಾದಿತಿ ಸತ್ಯಂ ಬ್ರವೀಮಿ ತೇ॥ 8-75-40 (58667) ನಾಹತ್ವಾ ವಿನಿಷರ್ತಿಷ್ಯೇ ಕರ್ಣಮದ್ಯ ರಣಾಜಿರಾತ್। ಇತಿ ಸತ್ಯೇನ ತೇ ಪಾದೌ ಸ್ಪೃಶಾಮಿ ಜಗತೀಪತೇ॥ 8-75-41 (58668) ಸಂಜಯ ಉವಾಚ। 8-75-42x (5023) ಇತಿ ಬ್ರುವಾಣಂ ಸುಮನಾಃ ಕಿರೀಟಿನಂ ಯುಧಿಷ್ಠಿರಃ ಪ್ರಾಹ ವಚೋ ಬೃಹತ್ತರಂ। ಯಶೋಽಕ್ಷಯಂ ಜೀವಿತಮೀಪ್ಸಿತಂ ತೇ ಜಯಂ ಸದಾ ವೀರ್ಯಮರಿಕ್ಷಯಂ ತದಾ॥ 8-75-42 (58669) ಪ್ರಯಾಹಿ ವೃದ್ಧಿಂ ಚ ದಿಶಂತು ದೇವತಾ ಯಥಾಹಮಿಚ್ಛಾಮಿ ತವಾಸ್ತು ತತ್ತಥಾ। ಪ್ರಯಾಹಿ ಶೀಘ್ರಂ ಜಹಿ ಕರ್ಣಮಾಹವೇ ಪುರಂದರೋ ವೃತ್ರಮಿವಾತ್ಮವೃದ್ವಯೇ॥ ॥ 8-75-43 (58670) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಪಂಚಸಪ್ತತಿತಮೋಽಧ್ಯಾಯಃ॥ 75 ॥

8-76-0 (58671) ಸಂಜಯ ಉವಾಚ। 8-76-0x (5024) ಪ್ರಸಾದ್ಯ ಧರ್ಮರಾಜಾನಂ ಪ್ರಹೃಷ್ಟೇನಾಂತರಾತ್ಮನಾ। ಸಂಪೂಜ್ಯ ದೇವತಾಃ ಸರ್ವ ಬ್ರಾಹ್ಮಣಾನ್ಸ್ವಸ್ತಿ ವಾಚ್ಯ ಚ। ಸುಮಂಗಲಂ ಸ್ವಸ್ತ್ಯಯನಮಾರುರೋಹ ರಥೋತ್ತಮಂ॥ 8-76-1 (58672) ತಸ್ಯ ರಾಜಾ ಮಹಾಪ್ರಾಜ್ಞೋ ಧರ್ಮರಾಜೋ ಯುಧಿಷ್ಠಿರಃ। ಆಶಿಷೋಽಯುಂಕ್ತ ಪರಮಾಃ ಯುಕ್ತಂ ಕರ್ಣರಥಂ ಪ್ರತಿ॥ 8-76-2 (58673) ತಮಾಯಾಂತಂ ಮಹೇಷ್ವಾಸಂ ದೃಷ್ಟ್ವಾ ಭೂತಾನಿ ಭಾರತ। ನಿಹತಂ ಮೇನಿರೇ ಕರ್ಣಂ ಪಾಂಡವೇನ ಮಹಾತ್ಮನಾ॥ 8-76-3 (58674) ಬಭೂವುರ್ವಿಮಲಾಃ ಸರ್ವಾ ದಿಶೋ ರಾಜನ್ಸಮಂತತಃ। ಚಾಷಾಶ್ಚ ಶತಪತ್ರಾಶ್ಚ ಕ್ರೌಂಚಾಶ್ಚೈವ ಜನೇಶ್ವರ। ಪ್ರದಕ್ಷಿಣಮಕುರ್ವಂತ ತದಾ ವೈ ಪಾಂಡುನಂದನಂ॥ 8-76-4 (58675) ಬಹವಃ ಪಕ್ಷಿಣೋ ರಾಜನ್ಪುನ್ನಾಮಾನಃ ಶುಭಾಃ ಶಿವಾಃ। ತ್ವರಯಂತೋಽರ್ಜುನಂ ಯುದ್ಧೇ ಹೃಷ್ಟರೂಪಾ ವವಾಶಿರೇ॥ 8-76-5 (58676) ಕಂಕಾ ಗೃಧ್ರಾ ಬಕಾಃ ಶ್ಯೇನಾ ವಾಯಸಾಶ್ಚ ವಿಶಾಂಪತೇ। ಅಗ್ರತಸ್ತಸ್ಯ ಗಚ್ಛಂತಿ ಭಕ್ಷ್ಯಹೇತೋರ್ಭಯಾನಕಾಃ॥ 8-76-6 (58677) ನಿಮಿತ್ತಾನಿ ಚ ಧನ್ಯಾನಿ ಪಾಂಡವಸ್ಯ ಶಶಂಸಿರೇ। ವಿನಾಶಮರಿಸೈನ್ಯಾನಾಂ ಕರ್ಣಸ್ಯ ಚ ವಧಂ ತಥಾ॥ 8-76-7 (58678) ಪ್ರಯಾತಸ್ಯಾಥ ಪಾರ್ಥಸ್ಯ ಮಹಾನ್ಸ್ವೇದೋ ವ್ಯಜಾಯತ। ಚಿಂತಾ ಚ ವಿಪುಲಾ ಜಜ್ಞೇ ಕಥಂ ಚೇದಂ ಭವಿಷ್ಯತಿ॥ 8-76-8 (58679) ವಿಷಣ್ಣಂ ತು ತತೋ ಜ್ಞಾತ್ವಾ ಸವ್ಯಸಾಚಿನಮಚ್ಯುತಃ। ಸಂಚೋದಯತಿ ತೇಜಸ್ವೀ ಮಧುಹಾ ವಾನರಧ್ವಜಂ॥ 8-76-9 (58680) ತತೋ ಗಾಂಡೀವಧನ್ವಾನಮಬ್ರವೀನ್ಮಧುಸೂದನಃ। ದೃಷ್ಟ್ವಾ ಪಾರ್ಥಂ ತಥಾಯಾಂತಂ ಚಿಂತಾಪರಿಗತಂ ತದಾ॥ 8-76-10 (58681) ಗಾಂಡೀವಧನ್ವನ್ಸಂಗ್ರಾಮೇ ಯೇ ತ್ವಯಾ ಧನುಷಾ ಜಿತಾಃ। ನ ತೇಷಾಂ ಮಾನುಷೋ ಜೇತಾ ತ್ವದನ್ಯ ಇಹ ವಿದ್ಯತೇ॥ 8-76-11 (58682) ಏತೇ ಹಿ ಬಹವಃ ಶೂರಾಃ ಶಕ್ರತುಲ್ಯಪರಾಕ್ರಮಾಃ। ತ್ವಾಂ ಪ್ರಾಪ್ಯ ಸಮರೇ ಶೂರಂ ಪ್ರಯಾತಾಃ ಪರಮಾಂ ಗತಿಂ॥ 8-76-12 (58683) ಕೋ ಹಿ ದ್ರೋಣಂ ಚ ಭೀಷ್ಮಂ ಚ ಭಗದತ್ತಂ ಚ ಮಾರಿಷ। ವಿಂದಾನುವಿಂದಾವಾವಂತ್ಯೌ ಕಾಂಭೋಜಂ ಚ ಸುದಕ್ಷಿಣಂ॥ 8-76-13 (58684) ಶ್ರುತಾಯುಂ ಚಾಶ್ರುತಾಯುಂ ಚ ಶತಾಯುಂ ಚ ಮಹಾರಥಂ। ಪ್ರತ್ಯುದ್ಗಂಯ ಭವೇತ್ಕ್ಷೇಮೀ ಯೋ ನ ಸ್ಯಾತ್ತ್ವದ್ವಿಧಃ ಪ್ರಭುಃ॥ 8-76-14 (58685) ತವ ಹ್ಯಸ್ತ್ರಾಣಿ ದಿವ್ಯಾನಿ ಲಾಘವಂ ಬಲಮೇವ ಚ। ಅಸಂಮೋಹಶ್ಚ ಯುದ್ಧೇಷು ವಿಜ್ಞಾನಸ್ಯ ಚ ಸನ್ನತಿಃ। ವೇಧಃ ಪಾತಶ್ಚ ಲಕ್ಷೇಷು ಯೋಗಶ್ಚೈವ ತಥಾರ್ಜುನ॥ 8-76-15 (58686) ಭವಾಂದೇವಾನ್ಸಗಂಧರ್ವಾನ್ಹನ್ಯಾತ್ಸರ್ವಾಂಶ್ಚ ರಾಕ್ಷಸಾನ್। ಪೃಥಿವ್ಯಾಂ ತು ರಣೇ ಪಾರ್ಥ ನ ಯೋದ್ಧಾ ತ್ವತ್ಸಮಃ ಪುಮಾನ್॥ 8-76-16 (58687) ಧನುರ್ಗೃಹ್ಮಂತಿ ಯೇ ಕೇಚಿತ್ಕ್ಷತ್ರಿಯಾ ಯುದ್ಧದುರ್ಮದಾಃ। ಆತ್ಮನಸ್ತು ಸಮಂ ತೇಷಾಂ ನ ಪಶ್ಯಾಮಿ ಶೃಣೋಮಿ ಚ॥ 8-76-17 (58688) ಬ್ರಹ್ಮಣಾ ಹಿ ಪ್ರಜಾಃ ಸೃಷ್ಟಾ ಗಾಂಡೀವಂ ಚ ಮಹದ್ಧನುಃ। ಯೇನ ತ್ವಂ ಯುಧ್ಯಸೇ ಪಾರ್ಥ ತಸ್ಮಾನ್ನಾಸ್ತಿ ತ್ವಯಾ ಸಮಃ॥ 8-76-18 (58689) ಅವಶ್ಯಂ ತು ಮಯಾ ವಾಚ್ಯಂ ಯತ್ಪಥ್ಯಂ ತವ ಪಾಂಡವ। ಮಾವಮಂಸ್ಥಾ ಮಹಾಬಾಹೋ ಕರ್ಣಮಾಹವಶೋಭಿನಂ॥ 8-76-19 (58690) ಕರ್ಣೋ ಹಿ ಬಲವಾಂದೃಪ್ತಃ ಕೃತಾಸ್ತ್ರಶ್ಚ ಮಹಾರಥಃ। ಕೃತೀ ಚ ಚಿತ್ರಯೋಧೀ ಚ ದೇಶಕಾಲಸ್ಯ ಕೋವಿದಃ॥ 8-76-20 (58691) ಬಹುನಾತ್ರ ಕಿಮುಕ್ತೇನ ಸಂಕ್ಷೇಪಾಚ್ಛೃಣು ಪಾಂಡವ। ತ್ವತ್ಸಮಂ ತ್ವದ್ವಿಶಿಷ್ಟಂ ವಾ ಕರ್ಣಂ ಮನ್ಯೇ ಮಹಾರಥಂ। ಪರಮಂ ಯತ್ನಮಾಸ್ಥಾಯ ತ್ವಯಾ ವಧ್ಯೋ ಮಹಾಹವೇ॥ 8-76-21 (58692) ತೇಜಸಾ ವಹ್ನಿಸದೃಶೋ ವಾಯುವೇಗಸಮೋ ಜವೇ। ಅಂತಕಪ್ರತಿಮಃ ಕ್ರೋಧೇ ಸಿಂಹಸಂಹನನೋ ಬಲೀ॥ 8-76-22 (58693) ಅಷ್ಟರತ್ನಿರ್ಮಹಾಬಾಹುರ್ವ್ಯೂಢೋರಸ್ಕಃ ಸುದುರ್ಜಯಃ। ಅಭಿಮಾನೀ ಚ ಶೂರಶ್ಚ ಪ್ರವೀರಃ ಪ್ರಿಯದರ್ಶನಃ॥ 8-76-23 (58694) ಸರ್ವಯೋಧಗುಣೈರ್ಯುಕ್ತೋ ಮಿತ್ರಾಣಾಮಭಯಂಕರಃ। ಸತತಂ ಪಾಂಡವದ್ವೇಷೀ ಧಾರ್ತರಾಷ್ಟ್ರಹಿತೇ ರತಃ॥ 8-76-24 (58695) ಸರ್ವೈರವಧ್ಯೋ ರಾಧೇಯೋ ದೇವೈರಪಿ ಸವಾಸವೈಃ। ಋತೇ ತ್ವಾಮಿತಿ ಮೇ ಬುದ್ಧಿಸ್ತದದ್ಯ ಜಹಿ ಸೂತಜಂ॥ ದೇವೈರಪಿ ಹಿ ಸಂಯತ್ತೈರ್ಬಿಭ್ರದ್ಭಿರ್ಮಾಂಸಶೋಣಿತಂ। ಅಶಕ್ಯಃ ಸ ರಥೋ ಜೇತುಂ ಸರ್ವೈರಪಿ ಯುಯುತ್ಸುಭಿಃ॥ 8-76-25 (58696) ದುರಾತ್ಮಾನಂ ಪಾಪವೃತ್ತಂ ನೃಶಂಸಂ ದುಷ್ಟಪ್ರಜ್ಞಂ ಪಾಂಡವೇಯೇಷು ನಿತ್ಯಂ। ಹೀನಸ್ವಾರ್ಥಂ ಪಾಂಡವೇಯೈರ್ವಿರೋಧೇ ಹತ್ವಾ ಕರ್ಣಂ ನಿಶ್ಚಿತಾರ್ಥೋ ಭವಾದ್ಯ॥ 8-76-27 (58697) ತಂ ಸೂತಪುತ್ರಂ ರಥಿನಾಂ ವರಿಷ್ಠಂ ನಿಷ್ಕಾಲಿಕಂ ಕಾಲವಶಂ ನಯಾದ್ಯ। ತಂ ಸೂತಪುತ್ರಂ ರಥಿನಾಂ ವರಿಷ್ಠಂ ಹತ್ವಾ ಪ್ರೀತಿಂ ಧರ್ಮರಾಜೇ ಕುರುಷ್ವ॥ 8-76-28 (58698) ಜಾನಾಮಿ ತೇ ಪಾರ್ಥಂ ವೀರ್ಯಂ ಯಥಾವ-- ದ್ದುರ್ವಾರಣೀಯಂ ಚ ಸುರಾಸುರೈಶ್ಚ। ಸದಾವಜಾನಾತಿ ಹಿ ಪಾಂಡುಪುತ್ರಾ-- ನಸೌ ದರ್ಪಾತ್ಸೂತಪುತ್ರೋ ದುರಾತ್ಮಾ॥ 8-76-29 (58699) ಆತ್ಮಾನಂ ಮನ್ಯತೇ ವೀರಂ ಯೇನ ಪಾಪಃ ಸುಯೋಧನಃ। ತಮದ್ಯ ಮೂಲಂ ಪಾಪಾನಾಂ ಜಹಿ ಸೌತಿಂ ಧನಂಜಯ॥ 8-76-30 (58700) ಖಂಗಜಿಹ್ವಂ ಧನುರಾಸ್ಯಂ ಶರದಂಷ್ಟ್ರಂ ತರಸ್ವಿನಂ। ದೃಪ್ತಂ ಪುರುಷಶಾರ್ದೂಲಂ ಜಹಿ ಕರ್ಣಂ ಧನಂಜಯ॥ 8-76-31 (58701) ಅಹಂ ತ್ವಾಮನುಜಾನಾಮಿ ವೀರ್ಯೇಣ ಚ ಬಲೇನ ಚ। ಜಹಿ ಕರ್ಣಂ ರಣೇ ಶೂರಂ ಮಾತಂಗಮಿವ ಕೇಸರೀ॥ 8-76-32 (58702) ಯಸ್ಯ ವೀರ್ಯೇಣ ವೀರ್ಯಂ ತೇ ಧಾರ್ತರಾಷ್ಟ್ರೋಽವಮನ್ಯತೇ। ತಮದ್ಯ ಪಾರ್ಥ ಸಂಗ್ರಾಮೇ ಕರ್ಣಂ ವೈಕರ್ತನಂ ಜಹಿ॥ ॥ 8-76-33 (58703) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಷಟ್ಸಪ್ತತಿತಮೋಽಧ್ಯಾಯಃ॥ 76 ॥

8-77-0 (58704) ಸಂಜಯ ಉವಾಚ। 8-77-0x (5025) ತತಃ ಪುನರಮೇಯಾತ್ಮಾ ಕೇಶವೋಽರ್ಜುನಮಬ್ರವೀತ್। ಕೃತಸಂಕಲ್ಪಮಾಯಾಂತಂ ವಧೇ ಕರ್ಣಸ್ಯ ಭಾರತ॥ 8-77-1 (58705) ಅದ್ಯ ಸಪ್ತದಶಾಹಾನಿ ವರ್ತಮಾನಸ್ಯ ನಿತ್ಯಶಃ। ವಿನಾಶಸ್ಯಾತಿಘೋರಸ್ಯ ನರವಾರಣವಾಜಿನಾಂ॥ 8-77-2 (58706) ಭೂತ್ವಾ ಹಿ ವಿಪುಲಾ ಸೇನಾ ತಾವಕಾನಾಂ ಪರೈಃ ಸಹ। ಅನ್ಯೋನ್ಯಂ ಸಮರಂ ಪ್ರಾಪ್ಯ ಕಿಂಚಿಚ್ಛೇಷಾ ವಿಶಾಂಪತೇ॥ 8-77-3 (58707) ಭೂತ್ವಾ ವೈ ಕೌರವಾಃ ಪಾರ್ಥ ಪ್ರಭೂತಗಜವಾಜಿನಃ। ತ್ವಾಂ ವೈ ಶತ್ರುಂ ಸಮಾಸಾದ್ಯ ವಿನಷ್ಟಾ ರಣಮೂರ್ಧನಿ॥ 8-77-4 (58708) ಏತೇ ತೇ ಪೃಥಿವೀಪಾಲಾಃ ಸೃಂಜಯಾಶ್ಚ ಸಮಾಗತಾಃ। ತ್ವಾಂ ಸಮಾಸಾದ್ಯ ದುರ್ಧರ್ಷಂ ಪಾಂಡವಾಶ್ಚ ವ್ಯವಸ್ಥಿತಾಃ॥ 8-77-5 (58709) ಪಾಂಚಾಲೈಃ ಪಾಂಡವೈರ್ಮಾತ್ಸ್ಯೈಃ ಕಾರೂಶೈಶ್ಚೇದಿಭಿಃ ಸಹ। `ಮಗಧೈಃ ಪಾರಿಜಾತೈಶ್ಚ ದಾಕ್ಷಿಣಾತ್ಯೈಃ ಸಕೇರಲೈಃ'। ತ್ವಯಾ ಗುಪ್ತೈರಮಿತ್ರಘ್ನೈಃ ಕೃತಃ ಶತ್ರುಗಣಕ್ಷಯಃ॥ 8-77-6 (58710) ಕೋ ಹಿ ಶಕ್ತೋ ರಣೇ ಜೇತುಂ ಕೌರವಾಂಸ್ತಾತ ಸಂಯುಗೇ। ಅನ್ಯತ್ರ ಪಾಂಡವಾದ್ಯುದ್ಧೇ ಶ್ವೇತಾಶ್ವಾದ್ವಾನರಧ್ವಜಾತ್॥ 8-77-7 (58711) ಶಕ್ತಸ್ತ್ವಂ ಹಿ ರಣೇ ಜೇತುಂ ಸಸುರಾಸುರಮಾನುಷಾನ್। ತ್ರೀಂಲ್ಲೋಕಾನ್ಸಮರೇ ಯುಕ್ತಾನ್ಕಿಂ ಪುನಃ ಕೌರವಂ ಬಲಂ॥ 8-77-8 (58712) ಭಗದತ್ತಂ ಚ ರಾಜಾನಂ ಕೋಽನ್ಯಃ ಶಕ್ತಸ್ತ್ವಯಾ ವಿನಾ। ಜೇತುಂ ಪುರುಷಶಾರ್ದೂಲ ಯೋಽಪಿ ಸ್ಯಾದ್ವಾಸವೋಪಮಃ॥ 8-77-9 (58713) ತಥೇಮಾಂ ವಿಪುಲಾಂ ಸೇನಾಂ ಗುಪ್ತಾಂ ಪಾರ್ಥ ತ್ವಯಾಽನಘ। ನ ಶೇಕುಃ ಪಾರ್ಥಿವಾಃ ಸರ್ವೇ ಚಕ್ಷುರ್ಭಿರಪಿ ವೀಕ್ಷಿತುಂ॥ 8-77-10 (58714) ತಥೈವ ಸತತಂ ಪಾರ್ಥ ರಕ್ಷಿತಾಭ್ಯಾಂ ತ್ವಯಾ ರಣೇ। ಧೃಷ್ಟದ್ಯುಂನಶಿಖಣ಼್ಡಿಭ್ಯಾಂ ದ್ರೋಣಭೀಷ್ಮೌ ನಿಪಾತಿತೌ॥ 8-77-11 (58715) ಕೋ ಹಿ ಶಕ್ತೋ ರಣೇ ಪಾರ್ಥ ಭಾರತಾನಾಂ ಮಹಾರಥೌ। ಭೀಷ್ಮದ್ರೋಣೌ ಯುಧಾ ಜೇತುಂ ಶಕ್ರತುಲ್ಯಪರಾಕ್ರಮೌ॥ 8-77-12 (58716) ಕೋ ಹಿ ಶಾಂತನವಂ ಭೀಷ್ಮಂ ದ್ರೋಣಂ ವೈಕರ್ತನಂ ಕೃಪಂ। ದ್ರೌಣಿಂ ಚ ಸೌಮದತ್ತಿಂ ಚ ಕೃತವರ್ಮಾಣಮೇವ ಚ॥ 8-77-13 (58717) ಸೈಂಧವಂ ಮದ್ರರಾಜಂ ಚ ರಾಜಾನಂ ಚ ಸುಯೋಧನಂ। ವೀರಾನ್ಕೃತಾಸ್ತ್ರಾನ್ಸಮರೇ ಸರ್ವಾನೇವಾನಿವರ್ತಿನಃ॥ 8-77-14 (58718) ಅಕ್ಷೌಹಿಣೀಪತೀನುಗ್ರಾನ್ಸಂಹತಾನ್ಯುದ್ಧದುರ್ಮದಾನ್। ತ್ವಾಮೃತೇ ಪುರುಷವ್ಯಾಘ್ರ ಜೇತುಂ ಶಕ್ತಃ ಪುಮಾನಿಹ॥ 8-77-15 (58719) ಶ್ರೇಣ್ಯಶ್ಚ ಬಹುಲಾಃ ಕ್ಷೀಣಾಃ ಪ್ರದೀರ್ಣಾಶ್ವರಥದ್ವಿಪಾಃ। ನಾನಾಜನಪದಾಶ್ಚೋಗ್ರಾಃ ಕ್ಷತ್ರಿಯಾಣಾಮಮರ್ಷಿಣಾಂ॥ 8-77-16 (58720) ಗಣಾಶ್ಚ ದಾಸಮೀಯಾನಾಂ ವಸಾತೀನಾಂ ಚ ಭಾರತ। ಪ್ರಾಚ್ಯಾನಾಂ ವಾಟಧಾನಾನಾಂ ಭೋಜಾನಾಂ ಚಾಭಿಮಾನಿನಾಂ। 8-77-17 (58721) ಉದೀರ್ಣಾಶ್ವಗಜಾ ಸೇನಾ ಸರ್ವಕ್ಷತ್ರಸ್ಯ ಭಾರತ। ತ್ವಾಂ ಸಮಾಸಾದ್ಯ ನಿಧನಂ ಗತಾ ಭೀಮಂ ಚ ಭಾರತ॥ 8-77-18 (58722) ಉಗ್ರಾಶ್ಚ ಭೀಮಕರ್ಮಾಣಸ್ತುಷಾರಾ ಯವನಾಃ ಖಶಾಃ। ದಾರ್ವಾಭಿಸಾರಾ ದರದಾಃ ಶಕಾ ಮಾಠರತಂಕಣಾಃ॥ 8-77-19 (58723) ಆಂಧ್ರಕಾಶ್ಚ ಪುಲಿಂದಾಶ್ಚ ಕಿರಾತಾಶ್ಚೋಗ್ರವಿಕ್ರಮಾಃ। ಂಲೇಚ್ಛಾಶ್ಚ ಪರ್ವತೀಯಾಶ್ಚ ಸಾಗರಾನೂಪವಾಸಿನಃ॥ 8-77-20 (58724) ಸಂರಂಭಿಣೋ ಯುದ್ಧಶೌಂಡಾ ಬಲಿನೋ ದಂಡಪಾಣಯಃ॥ 8-77-21 (58725) ಏತೇ ಸುಯೋಧನಸ್ಯಾರ್ಥೇ ಸಂರಬ್ಧಾಃ ಕುರುಭಿಃ ಸಹ। ನ ಶಕ್ಯಾ ಯುಧಿ ನಿರ್ಜೇತುಂ ತ್ವದನ್ಯೇನ ಪರಂತಪ॥ 8-77-21 (58726) ಏತೇ ಸುಯೋಧನಸ್ಯಾರ್ಥೇ ಸಂರಬ್ಧಾಃ ಕುರುಭಿಃ ಸಹ। ನ ಶಕ್ಯಾ ಯುಧಿ ನಿರ್ಜೇತುಂ ತ್ವದನ್ಯೇನ ಪರಂತಪ॥ 8-77-22 (58727) ಧಾರ್ತರಾಷ್ಟ್ರಮುದಗ್ರಂ ಹಿ ವ್ಯೂಢಂ ದೃಷ್ಟ್ವಾ ಮಹದ್ಬಲಂ। ಯದಿ ತ್ವಂ ನ ಭವೇಸ್ತ್ರಾತಾ ಪ್ರತೀಯಾತ್ಕೋ ನು ಮಾನವಃ॥ 8-77-23 (58728) ತತ್ಸಾಗರಮಿವೋದ್ವೂತಂ ರಜಸಾ ಸಂವೃತಂ ಬಲಂ। ವಿದಾರ್ಯ ಪಾಂಡವೈಃ ಕ್ರುದ್ಧೈಸ್ತ್ವಯಾ ಗುಪ್ತೈರ್ಹತಂ ವಿಭೋ॥ 8-77-24 (58729) ಮಾಗಧಾನಾಮಧಿಪತಿರ್ಜಯತ್ಸೇನೋ ಮಹಾಬಲಃ। ಅದ್ಯ ಸಪ್ತೈವ ಚಾಹಾನಿ ಹತಃ ಸಂಖ್ಯೇಽಭಿಮನ್ಯುನಾ॥ 8-77-25 (58730) ತತೋ ದಶಸಹಸ್ರಾಣಿ ಗಜಾನಾಂ ಭೀಮಕರ್ಮಣಾಂ। ಜಘಾನ ಗದಯಾ ಭೀಮಸ್ತಸ್ಯ ರಾಜ್ಞಃ ಪರಿಚ್ಛದಂ॥ 8-77-26 (58731) ತಥಾನ್ಯೇಽಭಿಹತಾ ನಾಗಾ ರಥಾಶ್ಚ ಶತಶೋ ಬಲಾತ್। ತದೇವಂ ಸಮರೇ ಪಾರ್ಥ ವರ್ತಮಾನೇ ಮಹಾಭಯೇ॥ 8-77-27 (58732) ಭೀಮಸೇನಂ ಸಮಾಸಾದ್ಯ ತ್ವಾಂ ಚ ಪಾಂಡವ ಕೌರವಾಃ। ಸವಾಜಿರಥಮಾತಂಗಾ ಮೃತ್ಯುಲೋಕಮಿತೋ ಗತಾಃ॥ 8-77-28 (58733) ತಥಾ ಸೇನಾಮುಖೇ ತತ್ರ ನಿಹತೇ ಪಾರ್ಥ ಪಾಂಡವೈಃ। ಭೀಷ್ಮಃ ಪ್ರಾಸೃಜದುಗ್ರಾಣಿ ಶರತಾಲಾನಿ ಮಾರಿಷ॥ 8-77-29 (58734) ಸಚೇದಿಕಾಶಿಪಾಂಚಾಲಾನ್ಕರೂಶಾನ್ಮಾತ್ಸ್ಯಕೇಕಯಾನ್। ಶರೈಃ ಪ್ರಚ್ಛಾದ್ಯ ನಿಧನಮನಯತ್ಪರಮಾಸ್ತ್ರವಿತ್॥ 8-77-30 (58735) ತಸ್ಯ ಚಾಪಚ್ಯುತೈರ್ಬಾಣೈಃ ಪರದೇಹವಿದಾರಣೈಃ। ಪೂರ್ಣಮಾಕಾಶಮಭವದ್ರುಕ್ಮಪುಹ್ಖೈರಜಿಹ್ಮಗೈಃ॥ 8-77-31 (58736) ಹನ್ಯಾದ್ರಥಸಹಸ್ರಾಣಿ ಏಕೈಕೇನೈವ ಮುಷ್ಟಿನಾ। ಲಕ್ಷಂ ನರದ್ವಿಪಾನ್ಹತ್ವಾ ಸಮೇತಾನ್ಸಮಹಾಬಲಾನ್॥ 8-77-32 (58737) ಗತ್ಯಾ ದಶಂಯಾ ತೇ ಗತ್ವಾ ಜಘ್ನುರ್ವಾಜಿರಥದ್ವಿಪಾನ್। ಹಿತ್ವಾ ನವಗತೀರ್ದುಷ್ಟಾಃ ಸ ಬಾಣಾನಾಹವೇಽತ್ಯಜತ್॥ 8-77-33 (58738) ದಿನಾನಿ ದಶ ಭೀಷ್ಮೇಣ ನಿಘ್ನತಾ ತಾವಕಂ ಬಲಂ। ಶೂನ್ಯಾಃ ಕೃತಾ ರಥೋಪಸ್ಥಾ ಹತಾಶ್ಚ ಗಜವಾಜಿನಃ॥ 8-77-34 (58739) `ದಶಮೇಽಹನಿ ಸಂಪ್ರಾಪ್ತೇ ಕೃತ್ವಾ ಘೋರಂ ಪರಾಕ್ರಮಂ'। ದರ್ಶಯಿತ್ವಾಽಽತ್ಮನೋ ರೂಪಂ ರುದ್ರೋಪೇಂದ್ರಸಮಂ ಯುಧಿ॥ 8-77-35 (58740) ಪಾಂಡವಾನಾಮನೀಕಾನಿ ಪ್ರವಿಗಾಹ್ಯ ವಿಶಾಂಪತೇ। ವಿನಿಘ್ನನ್ಪೃಥಿವೀಪಾಲಾಂಶ್ಚೇದಿಪಾಂಚಾಲಕೇಕಯಾನ್॥ 8-77-36 (58741) ಅಹನತ್ಪಾಂಡವೀಂ ಸೇನಾಂ ರಥಾಶ್ವಗಜಸಂಕುಲಾಂ। ಮಜ್ಜಂತಮಪ್ಲುವೇ ಮಂದಮುಜ್ಜಿಹೀರ್ಷುಃ ಸುಯೋಧನಂ॥ 8-77-37 (58742) ತಥಾ ಚರಂತಂ ಸಮರೇ ತಪಂತಮಿವ ಭಾಸ್ಕರಂ। ಪದಾತಿಕೋಟಿಸಾಹಸ್ರಾಃ ಪ್ರವರಾಯುಧಪಾಣಯಃ॥ 8-77-38 (58743) ನ ಶೇಕುಃ ಸೃಂಜಯಾ ದ್ರಷ್ಟುಂ ತಥೈವಾನ್ಯೇ ಮಹೀಕ್ಷಿತಃ। ವಿಚರಂತಂ ತಥಾ ತಂ ತು ಸಂಗ್ರಮೇ ಜಿತಕಾಶಿನಂ॥ 8-77-39 (58744) ಸರ್ವೋದ್ಯಮೇನ ಮಹತಾ ಪಾಂಡವಾನ್ಸಮಭಿದ್ರವತ್। ಸ ತು ವಿದ್ರಾವ್ಯ ಸಮರೇ ಪಾಂಡವಾನ್ಸೃಂಜಯಾನಪಿ। ಏಕ ಏವ ರಣೇ ಭೀಷ್ಮ ಏಕವೀರತ್ವಮಾಗತಃ॥ 8-77-40 (58745) ತಂ ಶಿಖಂಡೀ ಸಮಾಸಾದ್ಯ ತ್ವಯಾ ಗುಪ್ತೋ ಮಹಾವ್ರತಂ। ಜಘಾನ ಪುರುಷವ್ಯಾಘ್ರಂ ಶರೈಃ ಸನ್ನತಪರ್ವಭಿಃ॥ 8-77-41 (58746) ಸ ಏಷ ಪತಿತಃ ಶೇತೇ ಶರತಲ್ಪೇ ಪಿತಾಮಹಃ। ತ್ವಾಂ ಪ್ರಾಪ್ಯ ಪುರುಷವ್ಯಾಘ್ರಂ ವೃತ್ರಃ ಪ್ರಾಪ್ಯೇವ ವಾಸವಂ॥ 8-77-42 (58747) ದ್ರೋಣಃ ಪಂಚದಿನಾನ್ಯುಗ್ರೋ ವಿಧಂಯ ರಿಪುವಾಹಿನೀಂ। ಕೃತ್ವಾ ವ್ಯೂಹಮಭೇದ್ಯಂ ಚ ಪಾತಯಿತ್ವಾ ಮಹಾರಥಾನ್॥ 8-77-43 (58748) ಜಯದ್ರಥಸ್ಯ ಸಮರೇ ಕೃತ್ವಾ ರಕ್ಷಾಂ ಮಹಾರಥಃ। ಅಂತಕಪ್ರತಿಮಶ್ಚೋಗ್ರೋ ರಾತ್ರಿಯುದ್ಧೇಽದಹತ್ಪ್ರಜಾಃ॥ 8-77-44 (58749) ದಗ್ಧ್ವಾ ಯೋಧಾಂಛರೈರ್ವೀರೋ ಭಾರದ್ವಾಜಃ ಪ್ರತಾಪವಾನ್। ಧೃಷ್ಟದ್ಯುಂನಂ ಸಮಾಸಾದ್ಯ ಸ ಗತಃ ಪರಮಾಂ ಗತಿಂ॥ 8-77-45 (58750) ಯದಿ ವಾಽದ್ಯ ಭವಾನ್ಯುದ್ಧೇ ಸೂತಪುತ್ರಮುಖಾನ್ರಥಾನ್। ನಾವಾರಯಿಷ್ಯಃ ಸಂಗ್ರಾಮೇ ನ ಸ್ಮ ದ್ರೋಣೋ ವ್ಯನಂಕ್ಷ್ಯತ॥ 8-77-46 (58751) ಭವತಾ ತು ಬಲಂ ಸರ್ವಂ ಧಾರ್ತರಾಷ್ಟ್ರಸ್ಯ ವಾರಿತಂ। ತತೋ ದ್ರೋಣೋ ಹತೋ ಯುದ್ಧೇ ಪಾರ್ಷತೇನ ಧನಂಜಯ॥ 8-77-47 (58752) ಕಶ್ಚ ಶಕ್ತೋ ರಣೇ ಕರ್ತುಂ ತ್ವದನ್ಯಃ ಪುರುಷಬ್ರುವಃ। ಯಾದೃಶಂ ತೇ ಕೃತಂ ಪಾರ್ಥ ಜಯದ್ರಥವಧಂ ಪ್ರತಿ॥ 8-77-48 (58753) ನಿವಾರ್ಯ ಸೇನಾಂ ಮಹತೀಂ ಹತ್ವಾ ಶೂರಾಂಶ್ಚ ಪಾರ್ಥಿವಾನ್। ನಿಹತಃ ಸೈಂಧವೋ ರಾಜಾ ತ್ವಯಾಽಸ್ತ್ರಬಲತೇಜಸಾ॥ 8-77-49 (58754) ಆಶ್ಚರ್ಯಂ ಸಿಂಧುರಾಜಸ್ಯ ವಧಂ ಜಾನಂತಿ ಪಾರ್ಥಿವಾಃ। ಅನಾಶ್ಚಾರ್ಯಂ ಹಿ ತತ್ತ್ವತ್ತಸ್ತ್ವಂ ಹಿ ಪಾರ್ಥ ಮಹಾರಥಃ॥ 8-77-50 (58755) ತ್ವಾಂ ಹಿ ಪ್ರಾಪ್ಯ ರಣೇ ಕ್ಷತ್ರಮೇಕಾಹಾದಿತಿ ಭಾರತ। ನಶ್ಯಮಾನಮಹಂ ಯುಕ್ತಂ ಮನ್ಯೇಯಮಿತಿ ಮೇ ಮತಿಃ॥ 8-77-51 (58756) ಸೇಯಂ ಪಾರ್ಥ ಚಮೂರ್ಘೋರಾ ಧಾರ್ತರಾಷ್ಟ್ರಸ್ಯ ಸಂಯುಗೇ। ಹತಸರ್ವಸ್ವಭೂಯಿಷ್ಠಾ ಭೀಷ್ಮದ್ರೋಣೌ ಹತೌ ಯಥಾ॥ 8-77-52 (58757) ಶೀರ್ಣಪ್ರವರಯೋಧಾಢ್ಯಾ ಹತವಾಜಿರಥದ್ವಿಪಾ। ಹೀನಾ ಸೂರ್ಯೇಂದುನಕ್ಷತ್ರೈರ್ದ್ಯೌರಿವಾಭಾತಿ ಭಾರತೀ॥ 8-77-53 (58758) ವಿಧ್ವಸ್ತಾ ಹಿ ರಣೇ ಪಾರ್ಥ ಸೇನೇಯಂ ಭೀಮವಿಕ್ರಮ। ಆಸುರೀವ ಮಹಾಸೇನಾ ದೇವರಾಜಪರಾಕ್ರಮೈಃ॥ 8-77-54 (58759) ತೇಷಾಂ ಹತಾವಶಿಷ್ಟಾಸ್ತು ಸಂತಿ ಪಂಚ ಮಹಾರಥಾಃ। ದ್ರೌಣಿಶ್ಚ ಕೃತವರ್ಮಾ ಚ ಕರ್ಣೋ ಮದ್ರಾಧಿಪಃ ಕೃಪಃ॥ 8-77-55 (58760) ತಾಂಸ್ತ್ವಮದ್ಯ ನರವ್ಯಾಘ್ರ ಹತ್ವಾ ಪಂಚ ಮಹಾರಥಾನ್। ಹತಾಮಿತ್ರಃ ಪ್ರಯಚ್ಛೋರ್ವೀ ರಾಜ್ಞೇ ಸದ್ವೀಪಪತ್ತನಾಂ॥ 8-77-56 (58761) ಸಾಕಾಶಜಲಪಾತಾಲಾಂ ಸಪರ್ವತಮಹಾವನಾಂ। ಪ್ರಯಚ್ಛಾಮಿತವೀರ್ಯಾಯ ಪಾರ್ಥಾಯಾದ್ಯ ವಸುಂಧರಾಂ॥ 8-77-57 (58762) ಏತಾಂ ಪುರಾ ವಿಷ್ಣುರಿವ ಹತ್ವಾ ದೈತೇಯದಾನವಾನ್। ಪ್ರಯಚ್ಛ ಮೇದಿನೀಂ ರಾಜ್ಞೇ ಶಕ್ರಾಯೈವ ಹರಿರ್ಯಥಾ॥ 8-77-58 (58763) ಅದ್ಯ ಮೋದಂತು ಪಾಂಚಾಲಾ ನಿಹತೇಷ್ವರಿಷು ತ್ವಯಾ। ವಿಷ್ಣುನಾ ನಿಹತೇಷ್ವೇವ ದಾನವೇಯೇಷು ದೇವತಾಃ॥ 8-77-59 (58764) ಯದಿ ವಾ ದ್ವಿಪದಾಂ ಶ್ರೇಷ್ಠಂ ದ್ರೋಣಂ ಮಾನಯತೋ ಗುರುಂ। ಅಶ್ವತ್ಥಾಂನಿ ಕೃಪಾ ತೇಽಸ್ತಿ ಕೃಪೇ ವಾಚಾರ್ಯಗೌರವಾತ್॥ 8-77-60 (58765) ಅತ್ಯಂತಾಪಚಿತಾನ್ಬಂಧೂನ್ಮಾನಯನ್ಮಾತೃಬಾಂಧವಾನ್। ಕೃತವರ್ಮಾಣಮಾಸಾದ್ಯ ನ ನೇಷ್ಯಾಸಿ ಯಮಕ್ಷಯಂ॥ 8-77-61 (58766) ಭ್ರಾತರಂ ಮಾತುರಾಸಾದ್ಯ ಶಲ್ಯಂ ಮದ್ರಜನಾಧಿಪಂ। ಯದಿ ತ್ವಮರವಿಂದಾಕ್ಷ ದಯಾವಾನ್ನ ಜಿಘಾಸಸಿ॥ 8-77-62 (58767) ಏತತ್ತೇ ಸುಕೃತಂ ಕರ್ಮ ನಾತ್ರ ಕಿಂಚನ ವಿದ್ಯತೇ। ವಯಮಪ್ಯನುಜಾನೀಮೋ ನಾತ್ರ ದೋಷೋಽಸ್ತಿ ಕಶ್ಚನ॥ 8-77-63 (58768) ಇಮಂ ಪಾಪಮತಿಂ ಕ್ಷುದ್ರಮತ್ಯಂತಂ ಪಾಂಡವಾನ್ಪ್ರತಿ। ಕರ್ಣಮದ್ಯ ನರಶ್ರೇಷ್ಠ ಜಹಿ ಪಾರ್ಥ ಶಿತೈಃ ಶರೈಃ॥ 8-77-64 (58769) ದಹನೇ ಯತ್ಸಪುತ್ರಾಯಾ ನಿಶಿ ಮಾತುಸ್ತವಾನಘ। ದ್ಯೂತಾರ್ಥೇ ಯಚ್ಚ ಯುಷ್ಮಾಸು ಪ್ರಾವರ್ತತ ಸುಯೋಧನಃ। ತಸ್ಯ ಸರ್ವಸ್ಯ ದುಷ್ಟಾತ್ಮಾ ಕರ್ಣೋ ವೈ ಮೂಲಮಿತ್ಯುತ॥ 8-77-65 (58770) ಪ್ರೋತ್ಸಾಹಯತಿ ದುಷ್ಟಾತ್ಮಾ ಧಾರ್ತರಾಷ್ಟ್ರಂ ಸುದುರ್ಮತಿಂ। ಸಮಿತೌ ಗದತೇ ಕರ್ಣಸ್ತಮದ್ಯ ಜಹಿ ಭಾರತ॥ 8-77-66 (58771) ಯಶ್ಚ ಯುಷ್ಮಾಸು ಪಾಪಂ ವೈ ಧಾರ್ತರಾಷ್ಟ್ರಃ ಪ್ರಯುಕ್ತವಾನ್। ತಸ್ಯ ಸರ್ವಸ್ಯ ದುರ್ಬುದ್ಧಿಃ ಕರ್ಣೋ ಮೂಲಮಿಹಾರ್ಜುನ॥ 8-77-67 (58772) ಕರ್ಣಂ ಹಿ ಮನ್ಯತೇ ತ್ರಾಣಂ ನಿತ್ಯಮೇವ ಸುಯೋಧನಃ। ತತೋ ಮಾಮಪಿ ಸಂರಬ್ಧೋ ನಿಗ್ರಹೀತುಂ ಪರಾಕ್ರಮಾತ್॥ 8-77-68 (58773) ಸ್ಥಿತಾ ಬುದ್ಧಿರ್ನರೇಂದ್ರಾಣಾಂ ಧಾರ್ತರಾಷ್ಟ್ರಸ್ಯ ಚೋಭಯೋಃ। ಕರ್ಣಃ ಪಾರ್ಥಾನ್ರಣೇ ಸರ್ವಾನ್ನಾಶಯಿಷ್ಯತಿ ಸಾಯಕೈಃ॥ 8-77-69 (58774) ಕರ್ಣಮಾಶ್ರಿತ್ಯ ಕೌಂತೇಯ ಧಾರ್ತರಾಷ್ಟ್ರಸ್ಯ ವಿಗ್ರಹಃ। ರುಚಿತೋ ಭವತಾ ಸಾರ್ಧಂ ಜಾನತೋಽಪಿ ಬಲಂ ತವ॥ 8-77-70 (58775) ಕರ್ಣೋ ಜಲ್ಪತಿ ವೈ ನಿತ್ಯಮಹಂ ಪಾರ್ಥಾನ್ಸಮಾಗತಾನ್। ವಾಸುದೇವಂ ಚ ದಾಶಾರ್ಹಂ ವಿಜೇಷ್ಯಾಮಿ ಮಹಾರಣೇ। ಸಮಿತೌ ವಲ್ಗತೇ ಕರ್ಣಸ್ತಮದ್ಯ ಜಹಿ ಫಲ್ಗುನ॥ 8-77-71 (58776) ಯಚ್ಚ ಯುಷ್ಮಾಸು ಪಾಪಂ ವೈ ಧಾರ್ತರಾಷ್ಟ್ರಃ ಪ್ರತಾಪವಾನ್। ಸಭಾಯಾಂ ಕೃತವಾನ್ನಿತ್ಯಂ ಕರ್ಣಮಾಶ್ರಿತ್ಯ ವೈ ಪುರಾ॥ 8-77-72 (58777) ಯಚ್ಚ ತಂ ಧಾರ್ತರಾಷ್ಟ್ರಾಣಾಂ ಷಡ್ಭಿಃ ಶೂರೈರ್ಮಹಾರಥೈಃ। ಪಶ್ಯತಾಂ ಸಂವೃತಂ ಶೂರಂ ಸೌಭದ್ರಮಪರಾಜಿತಂ॥ 8-77-73 (58778) ದ್ರೋಣದ್ರೌಣಿಕೃಪಾನ್ವೀರಾನ್ಕಂಪಯಾನಂ ಮಹೇಷುಭಿಃ। ವಿಧಮಂತಮನೀಕಾನಿ ಪ್ರಮಥಂತಂ ಮಹಾರಥಾನ್॥ 8-77-74 (58779) ಮನುಷ್ಯವಾಜಿಮಾತಂಗಾನ್ಪ್ರೇಷಯಂತಂ ಯಮಕ್ಷಯಂ। ಶರೈಃ ಸೌಭದ್ರಮಾಯಾಂತಂ ದಹಂತಮರಿವಾಹಿನೀಂ॥ 8-77-75 (58780) ನಿರ್ಮನುಷ್ಯಾಶ್ಚ ಮಾತಂಗಾ ವಿರಥಾಶ್ಚ ಮಹಾರಥಾಃ। ಪ್ರದ್ರವಂತಿ ಸ್ಮ ಸಮರೇ ದಿಶೋ ಭೀತಾಽಭಿಮನ್ಯವೇ॥ 8-77-76 (58781) ವಿಗತಾಸೂಂಶ್ಚ ತುರಗಾನ್ಪತ್ತೀನ್ವ್ಯಾಯುಧಜೀವಿತಾನ್। ಕುರ್ವಂತಮೃಷಭಸ್ಕಂಧಂ ಕುರುವೃಷ್ಣಿಯಶಸ್ಕರಂ। ತನ್ಮೇ ದಹತಿ ಗಾತ್ರಾಣಿ ಸಖೇ ಸತ್ಯೇನ ತೇ ಶಪೇ॥ 8-77-77 (58782) ಯತ್ತದಾಸೀತ್ಸುದುಷ್ಟಾತ್ಮಾ ಕರ್ಣೋ ವಿನಿಹತಃ ಪ್ರಭುಃ। ನ ಶಕ್ತೋ ಹ್ಯಭಿಮನ್ಯೋಸ್ತು ಕರ್ಣಃ ಸ್ಥಾತುಂ ರಣಾಗ್ರತಃ॥ 8-77-78 (58783) ಸೌಭದ್ರಶರನಿರ್ಭಿನ್ನೋ ವಿಸಂಜ್ಞಃ ಶೋಣಿತೋಕ್ಷಿತಃ। ನಿಶ್ವಸನ್ಕ್ರೋಧಸಂದೀಪ್ತೋ ವಿಮುಖಃ ಸಾಯಕಾರ್ದಿತಃ॥ 8-77-79 (58784) ತಸ್ಥೌ ಸ ವಿಹ್ವಲಃ ಸಂಖ್ಯೇ ಪ್ರಹಾರಜನಿತಚ್ಛವಿಃ। ಅಪಯಾನಕೃತೋತ್ಸಾಹೋ ನಿರುತ್ಸಾಹಶ್ಚ ಭಾರತ॥ 8-77-80 (58785) ದುರ್ಯೋಧನಂ ರಣೇ ದೃಷ್ಟ್ವಾ ಲಜ್ಜಮಾನೋ ಮುಹುರ್ಮುಹುಃ। ನಾಪಯಾಸೀತ್ತತತಃ ಪಾರ್ಥ ಸೋಽಭಿಮನ್ಯೋರ್ಮಹಾರಣೇ॥ 8-77-81 (58786) ದೃಷ್ಟ್ವಾ ದ್ರೋಣಂ ವಧೋಪಾಯಮಭಿಮನ್ಯೋಶ್ಚ ಪೃಷ್ಟವಾನ್। ಶ್ರುತ್ವಾ ದ್ರೋಣವಚಃ ಕ್ರೂರಂ ತತಶ್ಚಿಚ್ಛೇದ ಕಾರ್ಮುಕಂ॥ 8-77-82 (58787) ತತಶ್ಛಿನ್ನಾಯುಧಂ ತೇನ ದೃಷ್ಟ್ವಾ ಪಂಚ ಮಹಾರಥಾಃ। ಸ ಚೈವ ನಿಕೃತಿಪ್ರಾಜ್ಞಃ ಪ್ರಾಹಿಣೋಚ್ಛರವೃಷ್ಟಿಭಿಃ॥ 8-77-83 (58788) ಪ್ರಹಸನ್ಸ ತು ದುಷ್ಟಾತ್ಮಾ ಕರ್ಣೋ ರಾಜಾ ಚ ಕೌರವಃ। ಯಚ್ಚ ಕರ್ಣೋಽಬ್ರವೀತ್ಕೃಷ್ಣಾಂ ಸಭಾಯಾಂ ಪರುಷಂ ವಚಃ। ಪ್ರಮುಖೇ ಪಾಂಡವೇಯಾನಾಂ ಕುರೂಣಾಂ ಚೈವ ಪಶ್ಯತಾಂ॥ 8-77-84 (58789) ವಿನಷ್ಟಾಃ ಪಾಂಡವಾಃ ಕೃಷ್ಣೇ ಶಾಶ್ವತಂ ನರಕಂ ಗತಾಃ। ಪತಿಮನ್ಯಂ ಪೃಥುಶ್ರೋಣಿ ವೃಣೀಷ್ವ ಮೃದುಭಾಷಿಣಿ॥ 8-77-85 (58790) ಏಷಾ ತ್ವಂ ಧೃತರಾಷ್ಟ್ರಸ್ಯ ದಾಸೀಭೂತಾ ನಿವೇಶನಂ। ಪ್ರವಿಶಾರಾಲಪಕ್ಷ್ಮಾಕ್ಷಿ ನ ಸಂತಿ ಪತಯಸ್ತವ॥ 8-77-86 (58791) ನ ಪಾಂಡವಾಃ ಪ್ರಭವಂತಿ ತವ ಕೃಷ್ಣೇ ಕಥಂಚನ। ದಾಸಭಾರ್ಯಾ ಚ ಪಾಂಚಾಲಿ ಸ್ವಯಂ ದಾಸೀ ಚ ಶೋಭನೇ॥ 8-77-87 (58792) ಅದ್ಯ ದುರ್ಯೋಧನೋ ರಾಜಾ ಪೃಥಿವ್ಯಾಂ ನೃಪತಿಃ ಸ್ಮೃತಃ। ಸರ್ವೇ ಚಾಸ್ಯ ಮಹಿಪಾಲಾ ಯೋಗಕ್ಷೇಮಮುಪಾಸತೇ॥ 8-77-88 (58793) ಪಶ್ಯೇದಾನೀಂ ಯದಾ ಭದ್ರೇ ನಿವಿಷ್ಟಾಃ ಪಾಂಡವಾಃ ಸಮಂ। ಅನ್ಯೋನ್ಯಂ ಸಮುದೀಕ್ಷಂತೇ ಧಾರ್ತರಾಷ್ಟ್ರಸ್ಯ ತೇಜಸಾ॥ 8-77-89 (58794) ವ್ಯಕ್ತಂ ಷಂಡತಿಲಾ ಹ್ಯೇತೇ ನರಕೇ ಚ ನಿಮಜ್ಜಿತಾಃ। ಪ್ರೇಷ್ಯವಚ್ಚಾಪಿ ರಾಜಾನಮುಪಸ್ಥಾಸ್ಯಂತಿ ಕೌರವಂ॥ 8-77-90 (58795) ಉಕ್ತವಾನ್ಸ ಚ ಪಾತಾತ್ಮಾ ತಥಾ ಪರಮದುರ್ಮತಿಃ। ಪಾಪಃ ಪಾಪವಚಃ ಕರ್ಣಃ ಪಶ್ಯತಸ್ತೇ ಧನಂಜಯ॥ 8-77-91 (58796) ಅಸ್ಯ ಪಾಪಸ್ಯ ತದ್ವಾಕ್ಯಂ ಸುವರ್ಣವಿಕೃತಾಃ ಶರಾಃ। ಶಮಯಂತಿ ಶಿಲಾಧೌತಾ ನಾಶಯಂತೋಽಸ್ಯ ಜೀವಿತಂ॥ 8-77-92 (58797) ಅದ್ಯ ಕರ್ಣಂ ರಣೇ ಗ್ರಸ್ತಂ ಪಶ್ಯಂತು ಕುರವಸ್ತ್ವಯಾ। ಸ್ವರ್ಗಾವತರಣೇ ಯತ್ನಂ ಸ್ವರ್ಗದ್ವಾರಗತಂ ಯಥಾ॥ 8-77-93 (58798) ಅದ್ಯ ತೇ ಸಮರೇ ವೀರ್ಯಂ ಪಶ್ಯಂತು ಕುರುಯೋಧಿನಃ। ಸೂತಪುತ್ರೇ ಹತೇ ಪಾರ್ಥ ಜಾನಂತು ತ್ವಾಂ ಮಹಾರಥಂ॥ 8-77-94 (58799) ಅದ್ಯ ಕಾಕವಲಾ ಗೃಧ್ರಾ ವಾಯಸಾ ಜಂಬುಕಾಸ್ತಥಾ। ವಿಪ್ರಕರ್ಷಂತು ಗಾತ್ರಾಣಿ ಸೂತಪುತ್ರಸ್ಯ ಮಾರಿಷ॥ 8-77-95 (58800) ಅದ್ಯಾಧಿರಥಿರಾಕ್ಷಿಪ್ತೋ ನಿಹತಶ್ಚ ತ್ವಯಾ ರಣೇ। ಕುರೂಣಾಂ ಶೋಕಮಾಧತ್ತಾಂ ಪಾಣ್ವಾನಾಂ ಮುದಂ ತದಾ॥ 8-77-96 (58801) ಅದ್ಯ ತ್ವಾಂ ಪ್ರತಿಮರ್ದಂತು ಪಾಂಚಾಲಾಃ ಪಾಂಡವೈಃ ಸಹ। ಯಥಾ ವೃತ್ರವಧೇ ವೃತ್ತೇ ದೇವಾಃ ಸರ್ವೇ ಶತಕ್ರತುಂ॥ 8-77-97 (58802) ಅದ್ಯ ಕರ್ಣಂ ರಣೇ ಹತ್ವಾ ಪ್ರಾಪ್ಯ ಚೈವೋತ್ತಮಂ ಯಶಃ। ವಿಶೋಕೋ ವಿಜ್ವರಃ ಪಾರ್ಥ ಭವ ಬಂಧುಪುರಸ್ಕೃತಃ॥ 8-77-98 (58803) ನರಸಿಂಹವಪುಃ ಕೃತ್ವಾ ಯಥಾ ಶಸ್ತೋ ಮಹಾಸುರಃ। ಹಿರಣ್ಯಕಶಿಪುರ್ದೈತ್ಯೋ ವಿಷ್ಣುನಾ ಪ್ರಭವಿಷ್ಣುನಾ॥ 8-77-99 (58804) ತಥಾ ತ್ವಮಪಿ ರಾಧೇಯಂ ಘೋರಾಂ ಕೃತ್ವಾ ಮಹಾತನುಂ। ಜಹಿ ಯುದ್ಧೇ ಮಹಾಬಾಹೋ ತ್ರಾಯಸ್ವ ಚ ಭಯಾತ್ಸ್ವಕಾನ್॥ 8-77-10 (58805) ಕರ್ಣಂ ಹಾಹಾಕೃತಂ ದೀನಂ ವಿಷಣ್ಣಂ ತ್ವಚ್ಛರಾರ್ದಿತಂ। ಪ್ರಪತಂತಂ ಮಹೀಂ ಕರ್ಣಂ ಪಶ್ಯಂತು ವಸುಧಾಧಿಪಾಃ॥ 8-77-10 (58806) ತಂ ಚ ಸ್ವಶೋಣಿತೇ ಮಗ್ನಂ ಶಯಾನಂ ಪತಿತಂ ಭುವಿ। ಅಪವಿದ್ಧಾಯುಕಧಂ ಕರ್ಣಮದ್ಯ ಪಶ್ಯಂತು ಬಾಂಧವಾಃ॥ 8-77-10 (58807) ತಚ್ಚೈವಾದ್ಯ ಮಹತ್ಕರ್ಮ ಗಾಂಡೀವಪ್ರೇಷಿತೈಃ ಶರೈಃ। ರಥೋಪಸ್ಥೇ ವಿಶೀರ್ಯೇತ ತಾರಾರಾಜ ಇವಾಂಬರಾತ್॥ 8-77-10 (58808) ಆಶು ಚಾದ್ಯ ಶರಾಸ್ತಸ್ಯ ಸಂಪತಂತೋ ಮಹಾಜವೈಃ। ತ್ವಚ್ಛರೈಃ ಸನ್ನಿಕೃತ್ತಾಗ್ರಾ ವಿಶೀರ್ಯಂತೇ ಮಹೀತಲೇ॥ 8-77-10 (58809) ತ್ವಯಾ ಚಾದ್ಯ ಹತೇ ತಸ್ಯ ವಿಕ್ರಮೇ ಭರತರ್ಷಭ। ವಿಮುಖಾಃ ಸರ್ವರಾಜಾನೋ ಭವಂತು ಗತಜೀವಿತಾಃ॥ 8-77-10 (58810) ತಥಾ ಚಾಧಿರಥೌ ಯಾತೇ ಪ್ರಯಾಂತು ಕುರವೋ ದಿಶಃ। ಮನ್ವಾನಾಸ್ತಂ ರಥಶ್ರೇಷ್ಠಂ ಸರ್ವಲೋಕೇಷು ಧನ್ವಿನಾಂ॥ 8-77-10 (58811) ಸ ವೈ ಚಾದ್ಯ ಭಯಾತ್ತ್ಯಕ್ತ್ವಾ ಧಾರ್ತರಾಷ್ಟ್ರೋ ಮಹಾಚಮೂಂ। ದುರ್ಯೋಧನೋ ಭಯೋದ್ವಿಗ್ನೋ ದ್ರವತು ಸ್ವಂ ನಿವೇಶನಂ॥ 8-77-10 (58812) ತಥಾ ಚಾದ್ಯ ಹತಂ ಶ್ರುತ್ವಾ ಧೃತರಾಷ್ಟ್ರೋ ಜನೇಶ್ವರಃ। ಕ್ಷಣೇನ ನಿಪತೇದ್ಭೂಮೌ ವಿಸಂಜ್ಞೋ ವೈ ಮಹೀಪತಿಃ॥ 8-77-10 (58813) ಅದ್ಯ ಜಾನಂತು ತೇ ಪಾರ್ಥ ವಿಕ್ರಮಂ ಸರ್ವಯೋಧಿನಃ। ಯದುವಾಚ ಸಭಾಮಧ್ಯೇ ಪರುಷಂ ಭಾರತ ತ್ವಯಿ॥ 8-77-10 (58814) ಯಾನಿ ಚಾನ್ಯಾನಿ ದುಷ್ಟಾತ್ಮಾ ಪಾಪಾನಿ ಕೃತವಾಂಸ್ತ್ವಯಿ। ತಾನ್ಯದ್ಯ ಭರತಶ್ರೇಷ್ಠ ನಾಶಯಂತು ಶರಾಸ್ತವ॥ 8-77-10 (58815) ಶಾಂತಿಂ ಕುರು ಪರಿಕ್ಲೇಶಾ ಕೃಷ್ಣಾಯಾಃ ಶತ್ರುಪಾತನ। ಹತ್ವಾ ಶತ್ರುಂ ರಣೇ ಶ್ಲಾಘ್ಯಂ ಗರ್ಜಂತಮತಿಪೌರುಷಂ॥ 8-77-10 (58816) ಅದ್ಯ ಚಾಧಿರಥಿರ್ವೇದ್ಧಸ್ತವ ಬಾಣೈಃ ಸಮಂತತಃ। ಮನ್ಯತಾಂ ತ್ವಾಂ ನರವ್ಯಾಘ್ರ ಪ್ರವರಂ ಸರ್ವಧನ್ವಿನಾಂ॥ 8-77-10 (58817) ಗಾಂಡೀವಪ್ರಸೃತಾನ್ವಾಣಾನದ್ಯ ಗಾತ್ರಸ್ಪೃಶಃ ಶರಾನ್। ಯಾತು ಕರ್ಣೋ ರಣೇ ಪಾರ್ಥ ಶ್ವಾವಿಚ್ಛಲಲತೋ ಯಥಾ॥ 8-77-10 (58818) ತಂ ಕಥಂ ಕರ್ಣಮಾಸಾದ್ಯ ವಿದ್ರವೇಯುರ್ಮಹಾರಥಾಃ। ಯಸ್ತ್ವೇಕಃ ಸರ್ವಪಾಂಚಾಲಾನಹನ್ಯಹನಿ ನಾಶಯನ್। ಕಾಲವಚ್ಚರತೇ ವೀರ ಪಾಂಚಾಲಾನಾಂ ರಥವ್ರಜೇ॥ 8-77-10 (58819) ತಮಪ್ಯಾಸಾದ್ಯ ಸಮರೇ ಮಿತ್ರಾರ್ಥೇ ಮಿತ್ರವತ್ಸಲ। ತಥಾ ಜ್ವಲಂತಮಸ್ತ್ರೈಶ್ಚ ಶೂರಂ ಸರ್ವಧನುಷ್ಮತಾಂ। ನಿರ್ದಹಂತಂ ಸಮಾರೂಢಂ ದುರ್ಧರ್ಷಂ ದ್ರೋಣಮಂಜಸಾ॥ 8-77-10 (58820) ತೇ ನಿತ್ಯಮುದಿತಾ ಜೇತುಂ ಯುಧಿ ಶತ್ರುಮರಿಂದಮಾಃ। ನ ಚೇದಾಧಿರಥೇರ್ಭೀತಾಃ ಪಾಂಚಾಲಾಃ ಸ್ಯುಃ ಪರಾಙ್ಮುಖಾಃ॥ 8-77-10 (58821) ತೇಷಾಮಾಪತತಾಂ ಶೂರಃ ಪಾಂಚಾಲಾನಾಂ ತರಸ್ವಿನಾಂ। ಆದತ್ತಾಸೂಞ್ಶರೈಃ ಕರ್ಣಃ ಪತಂಗಾನಾಮಿವಾನಲಃ॥ 8-77-10 (58822) ಏತೇ ದ್ರವಂತಿ ಪಾಂಚಾಲಾ ದ್ರಾವ್ಯಂತೇ ಯೋಧಿಭಿರ್ಧ್ರುವಂ। ಕರ್ಣೇನ ಭರತಶ್ರೇಷ್ಠ ಪಶ್ಯಪಶ್ಯ ತಥಾಕೃತಾನ್॥ 8-77-10 (58823) ತಾನ್ಸಮಾರೋಹತಃ ಶೂರಾನ್ಮಿತ್ರಾರ್ಥೇ ತ್ಯಕ್ತಜೀವಿತಾನ್। ನಿಸ್ತಾರಯ ಮಹಾಬಾಹೋ ಕರ್ಣಾಸ್ತ್ರಾತ್ಪಾವಕೋಪಮಾತ್॥ 8-77-10 (58824) ಅಸ್ತ್ರಂ ಹಿರಾಮಾತ್ಕರ್ಣೇನ ಭಾರ್ಗವಾದೃಷಿಸತ್ತಮಾತ್। ಯದವಾಪ್ತಂ ತದಾ ಘೋರಂ ತಸ್ಯ ರೂಪಮುದೀರ್ಯತೇ॥ 8-77-10 (58825) ತಾಪನಂ ಸರ್ವಸೈನ್ಯಸ್ಯ ಘೋರರೂಪಂ ಭಯಾನಕಂ। ಯಮಾಶ್ರಿತ್ಯ ಮಹಾಸೇನಾ ಜ್ವಲತೇ ಸ್ವೇನ ತೇಜಸಾ॥ 8-77-10 (58826) ಏತೇ ಚರಂತಿ ಸಂಗ್ರಾಮೇ ಕರ್ಣಚಾಪಚ್ಯುತಾಃ ಶರಾಃ। ಪ್ರಭಯಾ ಇಹ ಶತ್ರೂಣಾಂ ಘಾತಯಂತೋ ಜನಾನ್ಪ್ರಭೋ॥ 8-77-10 (58827) ಏತೇ ಭ್ರಮಂತಿ ಪಾಂಚಾಲಾ ಉತ್ಕ್ರಯಂತಿ ಚ ಮಾರಿಷ। ಕರ್ಣಾಸ್ತ್ರಂ ಸಮರೇ ಪ್ರಾಪ್ಯ ದುರ್ನಿವಾರ್ಯಂ ಮಹಾತ್ಮಭಿಃ॥ 8-77-10 (58828) ಏಷ ಭೀಮೋ ದೃಢಕ್ರೋಧೋ ವೃತಃ ಪಾರ್ಥ ಸಮಂತತಃ। ಸೃಂಜಯೈರ್ಯೋಽಜಯತ್ಕರ್ಣಂ ಪೀಡ್ಯತೇ ನಿಶಿತೈಃ ಶರೈಃ॥ 8-77-10 (58829) ಪಾಂಚಾಲಾನ್ಸೃಂಜಯಾಂಶ್ಚೈವ ಪಾಂಡವಾಂಶ್ಚೈವ ಭಾರತ। ಉಪೇಕ್ಷಿತೋ ದಹೇತ್ಕರ್ಣೋ ರೋಗೋ ದೇಹಮಿವಾಂತಕಃ॥ 8-77-10 (58830) ನಾನ್ಯಂ ತ್ವತ್ತೋ ಹಿ ಪಶ್ಯಾಮಿ ಯೋಧಂ ಯೌಧಿಷ್ಠಿರೇ ಬಲೇ। ಯಃ ಸಮಾಸಾದ್ಯ ರಾಧೇಯಂ ಸ್ವಸ್ತಿಮಾನಾವ್ರಜೇದ್ಗೃಹಾನ್॥ 8-77-10 (58831) ತಮದ್ಯ ನಿಶಿತೈರ್ಬಾಣೈರ್ನಿಹತ್ಯ ಭರತರ್ಷಭ। ಯಥಾ ಪ್ರತಿಜ್ಞಾಂ ತ್ವ ಪಾರ್ಥ ತೀರ್ತ್ವಾ ಕೀರ್ತಿಮವಾಪ್ಸ್ಯಸಿ॥ 8-77-10 (58832) ತ್ವಂ ಹಿ ಶಕ್ತೋ ರಣೇ ಕರ್ಣಂ ವಿಜೇತುಂ ಸಹ ಪಾರ್ಥಿವೈಃ। ನಾನ್ಯೋ ಯುಧಿ ಯುಧಾಂ ಶ್ರೇಷ್ಠ ಸತ್ಯಮೇತದ್ಬ್ರವೀಮಿ ತೇ॥ 8-77-10 (58833) ಏತತ್ಕೃತ್ವಾ ಮಹತ್ಕಾರ್ಮ ಹತ್ವಾ ಕರ್ಣಂ ಮಹಾರಥಂ। ಕೃತಾರ್ಥಃ ಸಫಲಃ ಪಾರ್ಥ ಸುಖೀ ಭವ ನರೋತ್ತಮ॥ ॥ 8-77-10 (58834) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಸಪ್ತಸಪ್ತತಿತಮೋಽಧ್ಯಾಯಃ॥ 77 ॥

8-78-0 (58835) ಸಂಜಯ ಉವಾಚ। 8-78-0x (5026) ಸ ಕೇಶವಸ್ಯ ಬೀಭತ್ಸುಃ ಶ್ರುತ್ವಾ ಭಾರತ ಭಾಷಿತಂ। ವಿಶೋಕಃ ಸಂಪ್ರಹೃಷ್ಟಶ್ಚ ಕ್ಷಣೇನ ಸಮಪದ್ಯತ॥ 8-78-1 (58836) ತತೋ ಜ್ಯಾಮಭಿಮೃಜ್ಯಾಶು ವ್ಯಾಕ್ಷಿಪದ್ಗಾಂಡಿವಂ ಧನುಃ। ದಧ್ರೇ ಕರ್ಣವಿನಾಶಾಯ ಕೇಶವಂ ಚಾಭ್ಯಭಾಷತ॥ 8-78-2 (58837) ತ್ವಯಾ ನಾಥೇನ ಗೋವಿಂದ ಧ್ರುವ ಏವ ಜಯೋ ಮಮ। ಪ್ರಸನ್ನೋ ಯಸ್ಯ ಭಗವಾನ್ಭೂತಭವ್ಯಭವಿಷ್ಯಕೃತ್॥ 8-78-3 (58838) ತ್ವತ್ಸಹಾಯೋ ಹ್ಯಹಂ ಕೃಷ್ಣ ತ್ರೀಂಲ್ಲೋಕಾನ್ವೈ ಸಮಾಗತಾನ್। ಪ್ರಾಪಯೇಯಂ ಪರಂ ಲೋಕಂ ಕಿಮು ಕರ್ಣಂ ಮಹಾಹವೇ॥ 8-78-4 (58839) ಪಶ್ಯಾಮಿ ದ್ರವತೀಂ ಸೇನಾಂ ಪಾಂಚಾಲಾನಾಂ ಜನಾರ್ದನ। ಪಶ್ಯಾಮಿ ಕರ್ಣಂ ಸಮರೇ ವಿಚರಂತಮಭೀತವತ್॥ 8-78-5 (58840) ಭಾರ್ಗವಾಸ್ತ್ರಂ ಚ ಪಶ್ಯಾಮಿ ಜ್ವಲಂತಂ ಕೃಷ್ಣ ಸರ್ವಶಃ। ಸೃಷ್ಟಂ ಕರ್ಣೇನ ವಾರ್ಷ್ಣೇಯ ಶಕ್ರೇಣೇವ ಮಹಾಶನಿಂ॥ 8-78-6 (58841) ಅನೇನ ಖಲು ಸಂಗ್ರಾಮೇ ಯತ್ತು ಕೃಷ್ಣ ಮಯಾ ಕೃತಂ। ಕಥಯಿಷ್ಯಂತಿ ಭೂತಾನಿ ಯಾವದ್ಭೂಮಿರ್ಧರಿಷ್ಯತಿ॥ 8-78-7 (58842) ಅದ್ಯ ಕೃಷ್ಣ ವಿಕರ್ಣಾ ಮೇ ಕರ್ಣಂ ನೇಷ್ಯಂತಿ ಮೃತ್ಯವೇ। ಗಾಂಡೀವಮುಕ್ತಾಃ ಕ್ಷಿಣ್ವಂತೋ ಮಮ ಹಸ್ತಪ್ರಚೋದಿತಾಃ॥ 8-78-8 (58843) ಅದ್ಯ ರಾಜಾ ಧೃತರಾಷ್ಟ್ರಃ ಸ್ವಾಂ ಬುದ್ಧಿಮವಮಂಸ್ಯತೇ। ದುರ್ಯೋಧನಮರಾಜ್ಯಾರ್ಹಂ ಯಯಾ ರಾಜ್ಯೇಽಭ್ಯಷೇಚಯತ್॥ 8-78-9 (58844) ಅದ್ಯ ರಾಜ್ಯಾತ್ಸುಖಾಚ್ಚೈವ ಶ್ರಿಯೋ ರಾಷ್ಟ್ರಾತ್ತಥಾ ಪುರಾತ್। ಪುತ್ರೇಭ್ಯಶ್ಚ ಮಹಾಬಾಹೋ ಧೃತರಾಷ್ಟ್ರೋ ವಿಮೋಕ್ಷ್ಯತಿ॥ 8-78-10 (58845) ಗುಣವಂತಂ ಹಿ ಯೋ ಹಿತ್ವಾ ನಿರ್ಗುಣಂ ಕುರುತೇ ಪ್ರಭುಂ। ಸ ಶೋಚತಿ ಚಿರಂ ಕೃಷ್ಣ ಕ್ಷಿಪ್ರಮೇವಾಗತೇ ಕ್ಷಯೇ॥ 8-78-11 (58846) ಯಥಾ ಚ ಪುರುಷಃ ಕಶ್ಚಿಚ್ಛಿತ್ತ್ವಾ ಚಾಂರವಣಂ ಮಹತ್। ಪಲಾಶಸೇಚನೇ ಬುದ್ಧಿಂ ಕೃತ್ವಾ ಶೋಚತಿ ಮಂದಧೀಃ॥ 8-78-12 (58847) ದೃಷ್ಟ್ವಾ ಪುಷ್ಪಂ ಪಲೇ ಗೃಧ್ನುಃ ಫಲಂ ದೃಷ್ಟ್ವಾಽನುಶೋಚತಿ। ತಥೇದಂ ಧೃತರಾಷ್ಟ್ರಸ್ಯ ಪುಷ್ಪಲುಪ್ಧಸ್ಯ ಮಾನದ। ಫಲಂ ದೃಷ್ಟ್ವಾ ಭೃಶಂ ದುಃಖಂ ಭವಿಷ್ಯತಿ ಜನಾರ್ದನ॥ 8-78-13 (58848) ಸೂತಪುತ್ರೇ ಹತೇ ತ್ವದ್ಯ ನಿರಾಶೋ ಭವಿತಾ ಪ್ರಭುಃ॥ 8-78-14 (58849) ಅದ್ಯ ದುರ್ಯೋಧನೋ ರಾಜ್ಯಾಜ್ಜೀವಿತಾಚ್ಚ ನಿರಾಶಕಃ। ಭವಿಷ್ಯತಿ ಹತೇ ಕರ್ಣೇ ಕೃಷ್ಣ ಸತ್ಯಂ ಬ್ರವೀಮಿ ತೇ॥ 8-78-15 (58850) ಅದ್ಯ ದೃಷ್ಟ್ವಾ ಮಯಾ ಕರ್ಣಂ ಶರೈರ್ವಿಶಕಲೀಕೃತಂ। ಸ್ಮರತಾಂ ತವ ವಾಕ್ಯಾನಿ ಶಮಂ ಪ್ರತಿ ಜನೇಶ್ವರಃ॥ 8-78-16 (58851) ಅದ್ಯಾಸೌ ಸೌಬಲಃ ಕೃಷ್ಣ ಗ್ಲಹಾಂಜಾನಾತು ವೈ ಶರಾನ್। ದುರೋದರಂ ಚ ಗಾಂಡೀವಂ ಗಣ಼್ಡವಂ ಚ ರಥಂ ಮಮ॥ 8-78-17 (58852) ಅದ್ಯ ಕುಂತೀಸುತಸ್ಯಾಹಂ ದೃಢಂ ರಾಜ್ಞಃ ಪ್ರಜಾಗರಂ। ವ್ಯಪನೇಷ್ಯಾಮಿ ಗೋವಿಂದ ಹತ್ವಾ ಕರ್ಣಂ ಶಿತೈಃ ಶರೈಃ॥ 8-78-18 (58853) ಅದ್ಯ ಕುಂತೀಸುತೋ ರಾಜಾ ಹತೇ ಸೂತಸುತೇ ಮಯಾ। ಸುಪ್ರಹೃಷ್ಟಮನಾಃ ಪ್ರೀತಶ್ಚಿರಂ ಸುಖಮವಾಪ್ಸ್ಯತಿ॥ 8-78-19 (58854) ಅದ್ಯ ವಾಹಮನಾಧೃಷ್ಯಂ ಕೇಶವಾಪ್ರತಿಮಂ ಶರಂ। ಉತ್ಸ್ರಕ್ಷ್ಯಾಮೀಹಯಃ ಕರ್ಣಂ ಜೀವಿತಾದ್ಧಂಶಯಿಷ್ಯತಿ॥ 8-78-20 (58855) ಯಸ್ಯ ಚೈತದ್ವ್ರತಂ ಮಹ್ಯಂ ವಧೇ ಕಿಲ ದುರಾತ್ಮನಃ। ಪಾದೌನ ಮxxxxxxನ್ಯಾಂ ನ ಫಲ್ಗುನಂ॥ 8-78-21 (58856) xxxxxxxz ಪಾಪಸ್ಯ ಮಧುಸೂದನ। xxxxxxxxxxxxxx ಸನ್ನತಪರ್ವಭಿಃ॥ 8-78-22 (58857) xxxxxxxxxxxxxx ನಾನ್ಯಂ ಪೃಥಿವ್ಯಾಮನುಮನ್ಯತೇ। xxxxxxxxx ಸೂತಪುತ್ರಸ್ಯ ಭೂಮಿಃ ಪಾಸ್ಯತಿ ಶೋಣಿತಂ॥ 8-78-23 (58858) xxxxxxx ಸೂತಪುತ್ರೋ ಯದವ್ರವೀತ್। xxxxxxxxxxx ಶ್ಲಾಘಮಾನಃ ಸ್ವಕಾನ್ಗುಣಾನ್॥ 8-78-24 (58859) ಅನೃತಂ ತತ್ಕರಿಷ್ಯಂತಿ ಮಾಮಕಾ ನಿಶಿತಾಃ ಶರಾಃ। ಆಶೀವಿಷಾ ಇವ ಕ್ರುದ್ಧಾಸ್ತಸ್ಯಪಾಸ್ಯಂತಿ ಶೋಣಿತಂ॥ 8-78-25 (58860) ಮಯಾ ಹಸ್ತವತಾ ಮುಕ್ತಾ ನಾರಾಚಾ ವೈದ್ಯುತತ್ವಿಷಃ। ಗಾಂಡೀವಸೃಷ್ಟಾ ದಾಸ್ಯಂತಿ ಕರ್ಣಸ್ಯ ಪರಮಾಂ ಗತಿಂ॥ 8-78-26 (58861) ಅದ್ಯ ತಪ್ಸ್ಯತಿ ರಾಧೇಯಃ ಪಾಂಚಾಲೀಂ ಯತ್ತದಬ್ರವೀತ್। ಸಭಾಮಧ್ಯೇ ವಚಃ ಕ್ರೂರಂ ಕುತ್ಸಯನ್ಪಾಂಡವಾನ್ಪ್ರತಿ॥ 8-78-27 (58862) ಏತೇ ಷಂಡತಿಲಾಃ ಕೃಷ್ಣೇ ನಿರ್ವೀರ್ಯಾ ಹತವಿಕ್ರಮಾಃ। ಅಹಂ ವಃ ಪಾಂಡವೇಯೇಭ್ಯೋ ಭಯಾತ್ತ್ರಾಸ್ಯೇತಿ ಚಾಬ್ರವೀತ್। ಹಂತಾಽಹಂ ಪಾಂಡವಾನ್ಸರ್ವಾನ್ಸಪುತ್ರಾನಿಹ ಭಾರತ॥ 8-78-28 (58863) ಅನೃತಂ ತತ್ಕರಿಷ್ಯಂತಿ ಮಾಮಕಾ ನಿಶಿತಾಃ ಶರಾಃ। ಹತೇ ವೈಕರ್ತನೇ ಕರ್ಣೇ ಸೂತಪುತ್ರೇ ದುರಾತ್ಮನಿ॥ 8-78-29 (58864) ಯಸ್ಯ ವೀರ್ಯಂ ಸಮಾಶ್ರಿತ್ಯ ಧಾರ್ತರಾಷ್ಟ್ರೋ ಬೃಹನ್ಮನಾಃ। ತಮದ್ಯ ಕರ್ಣಂ ಹಂತಾಸ್ಮಿ ಸಮರೇ ಮಧುಸೂದನ॥ 8-78-30 (58865) ಅದ್ಯ ಕರ್ಣೇ ಹತೇ ಕೃಷ್ಣ ಧಾರ್ತರಾಷ್ಟ್ರಾಃ ಸರಾಜಕಾಃ। ವಿದ್ರವಂತಿ ದಿಶೋ ಭೀತಾಃ ಸಿಂಹಂ ದೃಷ್ಟ್ವಾ ಮೃಗಾ ಇವ॥ 8-78-31 (58866) ಅದ್ಯ ದುರ್ಯೋಧನೋ ರಾಜಾ ಪೃಥಿವೀಂ ನಾನ್ವವೇಕ್ಷತೇ। ಹತೇ ಕರ್ಣೇ ಮಯಾ ಸಂಖ್ಯೇ ಸಪುತ್ರೇ ಸಸುಹೃಜ್ಜನೇ॥ 8-78-32 (58867) ಅದ್ಯ ಕರ್ಣೇ ಹತಂ ದೃಷ್ಟ್ವಾ ಧಾರ್ತರಾಷ್ಟ್ರೋಽತ್ಯಮರ್ಷಣಃ। ಜಾನಾತು ಮಾಂ ರಣೇ ಕೃಷ್ಣ ಪ್ರವರಂ ಸರ್ವಧನ್ವಿನಾಂ॥ 8-78-33 (58868) ಸಪುತ್ರಪೌತ್ರಃ ಸಾಮಾತ್ಯಃ ಸಸುಹೃಚ್ಚ ನಿರಾಶಿಷಃ। ಪಿತ್ರ್ಯೇ ರಾಜ್ಯೇ ನಿರಾಶಶ್ಚ ಧಾರ್ತರಾಷ್ಟ್ರೋ ನಿರಾಶ್ರಯಃ॥ 8-78-34 (58869) ಅದ್ಯ ರಾಜಾ ಧರ್ಮಪುತ್ರೋ ಹತಾಮಿತ್ರೋ ಭವಿಷ್ಯತಿ। ಅದ್ಯ ದುರ್ಯೋಧನೋ ದೀಪ್ತಾಂ ಶ್ರಿಯಂ ರಾಜ್ಯಂ ಚ ಹಾಸ್ಯತಿ॥ 8-78-35 (58870) ಹತೇ ವೈಕರ್ತನೇ ಕರ್ಣೇ ಭೀಷ್ಮೇ ದ್ರೋಣೇ ಚ ಸಂಯುಗೇ। ಕಾತರಂ ತದ್ಬಲಂ ಕೃಷ್ಣ ಪ್ರವಿಷ್ಟಂ ಭೋಕ್ಷ್ಯತೇ ತು ಯತ್॥ 8-78-36 (58871) ಅದ್ಯಪ್ರಭೃತಿ ರಾಜಾನಂ ಧರ್ಮಪುತ್ರಂ ಯುಧಿಷ್ಠಿರಂ। ಅನುಮೋದಂತು ಸುಹೃದೋ ಜ್ಞಾತಪೂರ್ವಾಶ್ಚ ಬ್ರಾಹ್ಮಣಾಃ॥ 8-78-37 (58872) ಅದ್ಯ ತಂ ನಿಹತಂ ಶ್ರುತ್ವಾ ಕರ್ಣಂ ವೈಕರ್ತನಂ ಮಯಾ। ಕರೋತು ಪಟಹೋನ್ಮಿಶ್ರಂ ದೇವತಾಸ್ಥಾನಪೂಜನಂ॥ 8-78-38 (58873) ಅದ್ಯ ಕೃಷ್ಣ ಹತೇ ಕರ್ಣೇ ಕುರುತಾಂ ಚಿರಸಂಭೃತಂ। ಯಾಜನಂ ವೈ ಮಹಾಬಾಹೋ ದೇವತಾನಾಂ ಯಥಾವಿಧಿ॥ 8-78-39 (58874) ಅದ್ಯ ತ್ವಂಬಾ ಚ ಕೃಷ್ಣಾ ಚ ತ್ವರಮಾಣೇ ಪರಸ್ಪರಂ। ಸಸ್ವಜೇತಾಂ ಹೃಷೀಕೇಶ ಸಂಪೂರ್ಣೇಽಸ್ಮಿನ್ಮನೋರಥೇ॥ 8-78-40 (58875) ಅದ್ಯ ತ್ವಂ ಪಾಂಡವೋ ಜ್ಯೇಷ್ಠಸ್ತಥಾಽಽರ್ಯಶ್ಚ ವೃಕೋದರಃ। ಉದೀಕ್ಷೇತಾಂ ಹತೇ ಕರ್ಣೇ ಕೃಷ್ಣ ಸೌಂಯೇನ ಚಕ್ಷುಷಾ॥ 8-78-41 (58876) ಅಭಿವಾದ್ಯ ಗುರೂನದ್ಯ ಕನಿಷ್ಠೈಶ್ಚಾಭಿವಾದಿತಃ। ಸಸ್ವಜಾನೋ ಹ್ಯಹಂ ದೋರ್ಭ್ಯಾಂ ಪ್ರಾಪ್ಸ್ಯಾಮಿ ವಿಪೂಲಂ ಯಶಃ॥ 8-78-42 (58877) ಅದ್ಯ ಕರ್ಣೇ ಹತೇ ಕೃಷ್ಣ ಪ್ರಶಂಸಂತೋಽರ್ಜುನಂ ಸುರಾಃ। ತ್ರಿದಿವಂ ಯಾಂತು ಸಂಹೃಷ್ಟಾಃ ಸಂಗತಾಶ್ಚ ತಪೋಧನಾಃ॥ 8-78-43 (58878) ಅದ್ಯ ಲೋಕಾಸ್ತ್ರಯಃ ಕೃಷ್ಣ ಜಾನಂತು ಮಮ ಪೌರುಷಂ। ದೃಷ್ಟ್ವಾ ಕರ್ಣಂ ಹತಂ ಯುದ್ಧೇ ದ್ವೈರಥೇ ಸವ್ಯಸಾಚಿನಾ॥ 8-78-44 (58879) ಅದ್ಯಾಹಮನೃಣಃ ಕೃಷ್ಣ ಭವಿಷ್ಯಾಮಿ ಧನುಷ್ಮತಾಂ। ರಥಸ್ಯ ಚ ಶರಾಣಾಂ ಚ ಧನುಷೋ ಗಾಂಡಿವಸ್ಯ ಚ॥ 8-78-45 (58880) ಮೋಕ್ಷ್ಯಾಂಯದ್ಯ ಮಹದ್ದುಃಖಂ ತ್ರಯೋದಶಸಮಾರ್ಜಿತಂ। ಹತ್ವಾ ಕರ್ಣಂ ರಣೇ ಕೃಷ್ಣ ಶಂಬರಂ ಮಘವಾನಿವ॥ 8-78-46 (58881) ಅದ್ಯ ಕರ್ಣೇ ಹತೇ ಯುದ್ಧೇ ಸೋಮಕಾನಾಂ ಮಹಾರಥಾಃ। ಕೃತಕಾರ್ಯಾಃ ಪ್ರಮೋದಂತಾಂ ಮಿತ್ರಕಾರ್ಯೇಪ್ಸವೋ ಯುಧಿ॥ 8-78-47 (58882) ನ ಜಾನೇ ಚ ಕಥಂ ಪ್ರೀತಿಃ ಶೈನೇಯಸ್ಯಾದ್ಯ ಮಾಧವ। ಅಹಂ ಹತ್ವಾ ರಣೇ ಕರ್ಣಂ ಪುತ್ರಾಂಶ್ಚಾಸ್ಯ ಜಯಾಧಿಕಾನ್। ಪ್ರೀತಿಂ ದಾಸ್ಯಾಮಿ ಭೀಮಸ್ಯ ಸಾತ್ಯಕೇರ್ಯಮಯೋಸ್ತಥಾ॥ 8-78-48 (58883) ಧೃಷ್ಟದ್ಯುಂನಸ್ಯ ವೀರಸ್ಯ ತಥೈವ ಚ ಶಿಖಂಡಿನಃ। ಅದ್ಯಾನೃಣ್ಯಂ ಗಮಿಷ್ಯಾಮಿ ಹತ್ವಾ ಕರ್ಣಂ ಮಹಾಹವೇ। ಧರ್ಮರಾಜಸ್ಯ ಸಂಶ್ರುತ್ಯ ವಾರ್ಷ್ಣೇಯಶಪಥಂ ಮಿಥಃ॥ 8-78-49 (58884) ಅದ್ಯ ಪಶ್ಯಂತು ಸಂಗ್ರಾಮೇ ಧನಂಜಯಮಮರ್ಷಣಂ। ಯುಧ್ಯಂತಂ ಕೌರವೈಃ ಸಾರ್ಧಂ ಘಾತಯಂತಂ ಚ ಸೂತಜಂ॥ 8-78-50 (58885) ಭವತ್ಸಮಕ್ಷಮಂ ವಕ್ಷ್ಯಾಮಿ ಪುನರೇವಾತ್ಮಸಂಸ್ತವಂ। ಇತ್ಯಪ್ಯಮಿತ್ರಪ್ರವರಮದ್ಯಾಹಂ ಹನ್ಮಿ ಸೂತಜಂ॥ 8-78-51 (58886) ಧನುರ್ವೇದೇ ಮತ್ಸಮಃ ಕೋ ನು ಲೋಕೇ ಪರಾಕ್ರಮೇ ವಾ ಮಮ ಕೋಽಸ್ತಿ ತುಲ್ಯಃ। ಕೋ ವಾಽಪ್ಯನ್ಯೋ ಮತ್ಸಮೋಽಸ್ತಿ ಕ್ಷಮಾಯಾಂ ಮಮಾನೃಶಂಸ್ಯೇ ಸದೃಶೋಽಸ್ತಿ ಕೋಽನ್ಯಃ॥ 8-78-52 (58887) ಅಹಂ ಧನುಷ್ಮಾನ್ಸಸುರಾಸುರಾಂಶ್ಚ ಸರ್ವಾಣಿ ಭೂತಾನಿ ಚ ಸಂಗತಾನಿ। ಸ್ವಬಾಹುವೀರ್ಯಾದ್ಗಮಯೇ ಪರಾಭವಂ ಮತ್ಪೌರುಷಂ ವಿದ್ವಿ ಪರಂ ಪರೇಭ್ಯಃ॥ 8-78-53 (58888) ಶರಾರ್ಚಿಷಾ ಗಾಂಡಿವೇನಾಹಮೇಕಃ ಸರ್ವಾನ್ಕುರೂನ್ಬಾಹ್ಲಿಕಾಂಶ್ಚಾಭಿಪನ್ನಃ। ಹಿಮಾತ್ಯಯೇ ಕಕ್ಷಗತೋ ಯಥಾಽಗ್ನಿಃ ಸ ನಿರ್ದಹೇಯಂ ಸಹಸಾ ಪ್ರಗೃಹ್ಯ॥ 8-78-54 (58889) ಪಾಣೀ ಪೃಷತ್ಕಾಲಿಖಿತೌ ಮಮೈತೌ ಧನುಶ್ಚ ಸಂಖ್ಯೇ ವಿತತಂ ಸಬಾಣಂ। ಪಾದೌ ಚೇಮೌ ಸುರಥೌ ಸಧ್ವಜೌ ಚ ನ ಮಾದೃಶಂ ಯುದ್ಧಗತಂ ಭಜಂತಿ॥ ॥ 8-78-55 (58890) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಅಷ್ಟಸಪ್ತತಿತಮೋಽಧ್ಯಾಯಃ॥ 78 ॥

8-79-0 (58891) [ಧೃತರಾಷ್ಟ್ರ ಉವಾಚ। 8-79-0x (5027) ಸಮಾಗಮೇ ಪಾಂಡವಸೃಂಜಯಾನಾಂ ಮಹಾಭಯೇ ಮಾಮಕಾನಾಮಗಾಧೇ। ಧನಂಜಯೇ ತಾತ ರಣಾಯ ಯಾತೇ ಕರ್ಣೇನ ತದ್ಯುದ್ವಮಥೋಽತ್ರ ಕೀದೃಕ್॥] 8-79-1 (58892) ಸಂಜಯ ಉವಾಚ। 8-79-2x (5028) ತೇಷಾಮನೀಕಾನಿ ಮಹಾಧ್ವಜಾನಿ ರಣೇ ಸಮೃದ್ಧಾನಿ ಸುಸಂಗತಾನಿ। ಭೇರೀನಿರಾದೋನ್ಮುಖರಾಣ್ಯಂಗರ್ಜ-- ನ್ಮೇಘಾ ಇವ ಪ್ರಾವೃಷಿ ಮಾರುತಾಸ್ತಾಃ॥ 8-79-2 (58893) ಮಹಾಗಜಾಭ್ರಾಕುಲಮಸ್ತ್ರತೋಯಂ ವಾದಿತ್ರನೇಮೀತಲಶಬ್ದವಚ್ಚ। ಹಿರಣ್ಯಚಿತ್ರಾಯುಧವಿದ್ಯುತಂ ಚ ಶರಾಸಿನಾರಾಚಮಹಾಸ್ತ್ರಧಾರಂ॥ 8-79-3 (58894) ತದ್ಭೀಮವೇಗಂ ರುಧಿರೌಘವಾಹಿ ಖಂಗಾಕುಲಂ ಕ್ಷತ್ರಿಯಜೀವಘಾತಿ। ಅನಾರ್ತವಂ ಕ್ರೂರಮನಿಷ್ಟವರ್ಷಂ ಬಭೂವ ಸಂರಂಭಕರಂ ಪ್ರಜಾನಾಂ॥ 8-79-4 (58895) ಏಕಂ ರಥಂ ಸಂಪರಿವಾರ್ಯ ಮೃತ್ಯುಂ ನಯಂತ್ಯನೇಕೇ ಚ ರಥಾಃ ಸಮೇತಾಃ। ಏಕಸ್ತಥೈಕಂ ರಥಿನಂ ರಥಾಗ್ರ್ಯಾಂ-- ಸ್ತಥಾ ರಥಶ್ಚಾಪಿ ರಥಾನನೇಕಾನ್॥ 8-79-5 (58896) ರಥಂ ಸಸೂತಂ ಸಹಯಂ ಚ ಕಂಚಿ-- ತ್ಕಶ್ಚಿದ್ರತೀ ಮೃತ್ಯುವಶಂ ನಿನಾಯ। ನಿನಾಯ ಚಾಪ್ಯೇಕಗಜೇನ ಕಶ್ಚಿ-- ದ್ರಥಾನ್ಬಹೂನ್ಮೃತ್ಯುವಶೇ ತಥಾಶ್ವಾನ್॥ 8-79-6 (58897) ರಥಾನ್ಸಸೂತಾನ್ಸಹಯಾನ್ಗಜಾಂಶ್ಚ ಸರ್ವಾನರೀನ್ಮೃತ್ಯುವಶಂ ಶರೌಘೈಃ। ನಿನ್ಯೇ ಹಯಾಂಶ್ಚೈವ ತಥಾ ಸಸಾದೀ-- ನ್ಪದಾತಿಸಂಘಾಂಶ್ಚ ತಥೈವ ಪಾರ್ಥಃ॥ 8-79-7 (58898) ಕೃಪಃ ಶಿಖಂಡೀ ಚ ರಣೇ ಸಮೇತೌ ದುರ್ಯೋಧನಂ ಸಾತ್ಯಕಿರಧ್ಯಗಚ್ಛತ್। ಶ್ರುತಶ್ರವಾ ದ್ರೋಣಪುತ್ರೇಣ ಸಾರ್ಧಂ ಯುಧಾಮನ್ಯುಶ್ಚಿತ್ರಸೇನೇನ ಸಾರ್ಧಂ॥ 8-79-8 (58899) ಕರ್ಣಸ್ಯ ಪುತ್ರಂ ತು ರಥೀ ಸುಷೇಣಂ ಸಮಾಗತಂ ಸೃಂಜಯಶ್ಚೋತ್ತಮೌಜಾಃ। ಗಾಂಧಾರರಾಜಂ ಸಹದೇವೋಽಕ್ಷಧೂರ್ತಂ ಮಹರ್ಷಭಂ ಸಿಂಹ ಇವಾಭ್ಯಧಾವತ್॥ 8-79-9 (58900) ಶತಾನೀಕೋ ನಾಕುಲಿಃ ಕರ್ಣಪುತ್ರಂ ಯುವಾ ಯುವಾನಂ ವೃಷಸೇನಂ ಶರೌಘೈಃ। ಸಮಾರ್ಪಯತ್ಕರ್ಣಪುತ್ರಶ್ಚ ಶೂರಃ ಪಾಂಚಾಲೇಯಂ ಶರವರ್ಷೈರನೇಕೈಃ॥ 8-79-10 (58901) ರಥರ್ಷಭಃ ಕೃತವರ್ಮಾಣಭಾರ್ಚ್ಛ-- ನ್ಮಾದ್ರೀಪುತ್ರೋ ನಕುಲಶ್ಚಿತ್ರಯೋಧೀ। ಪಾಂಚಾಲಾನಾಮಧಿಪೋ ಯಾಜ್ಞಸೇನಿಃ ಸೇನಾಪತಿಃ ಕರ್ಣಮಾರ್ಚ್ಛತ್ಸಸೈನ್ಯಂ॥ 8-79-11 (58902) ದುಃಶಾಸನೋ ಭಾರತ ಭಾರತಂ ತು ವ್ಯಾತ್ತಾನನಂ ಕ್ರೂರಮಿವಾಂತಕಾಭಂ। ಭೀಮಂ ರಣೇ ಶಸ್ತ್ರಭೃತಾಂ ವರಿಷ್ಠಂ ಭೀಮಂ ಸಮಾರ್ಚ್ಛತ್ತಮಸಹ್ಯವೇಗಂ॥ 8-79-12 (58903) ಕರ್ಣಾತ್ಮಜಂ ತತ್ರ ಜಘಾನ ವೀರ-- ಸ್ತಥಾಚ್ಛಿನಚ್ಚೋತ್ತಮೌಜಾಃ ಪ್ರಸಹ್ಯ। ತಸ್ಯೋತ್ತಮಾಂಗಂ ನಿಪಪಾತ ಭೂಮೌ ನಿನಾದಯದ್ಗಾಂ ನಿನದೇನ ಖಂ ಚ॥ 8-79-13 (58904) ಸುಷೇಣಶೀರ್ಷಂ ಪತಿತಂ ಪೃಥಿವ್ಯಾಂ ವಿಲೋಕ್ಯ ಕರ್ಣೋಽಥ ತದಾರ್ತರೂಪಃ। ಕ್ರೋಧಾದ್ಧಯಾಂಸ್ತಸ್ಯ ರಥಂ ಧ್ವಜಂ ಚ ಬಾಣೈಃ ಸುಧಾರೈರ್ನಿಶಿತೈರಕೃಂತತ್॥ 8-79-14 (58905) ಸ ತೂತ್ತಮೌಜಾ ನಿಶಿತೈಃ ಪೃಷತ್ಕೈ-- ರ್ವಿವ್ಯಾಧ ಖಂಗೇನ ಚ ಭಾಸ್ವರೇಣ। ಪಾರ್ಷ್ಣಿಗ್ರಹಾಂಶ್ಚೈವ ಕೃಪಸ್ಯ ಹತ್ವಾ ಶಿಖಂಡಿವಾಹಂ ಸ ತತೋಽಧ್ಯರೋಹತ್॥ 8-79-15 (58906) ಕೃಪಂ ತು ದೃಷ್ಟ್ವಾ ವಿರಥಂ ರಥಸ್ಥೋ ನೈಚ್ಛಚ್ಛರೈಸ್ತಾಡಯಿತುಂ ಶಿಖಂಡೀ। ತಂ ದ್ರೌಣಿರಾವಾರ್ಯ ರಥಂ ಕೃಪಸ್ಯ ಸಮುಜ್ಜಹೇ ಪಂಕಗತಾಂ ಯಥಾ ಗಾಂ॥ 8-79-16 (58907) ಹಿರಣ್ಯವರ್ಮಾ ನಿಶಿತೈಃ ಪೃಷತ್ಕೈ-- ಸ್ತವಾತ್ಮಜಾನಾಮನಿಲಾತ್ಮಜೋ ವೈ। ಅತಾಪಯತ್ಸೈನ್ಯಮತೀವ ಭೀಮಃ ಕಾಲೇ ಶುಚೌ ಮಧ್ಯಗತೋ ಯಥಾಽರ್ಕಃ॥ ॥ 8-79-17 (58908) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಏಕೋನಾಶೀತಿತಮೋಽಧ್ಯಾಯಃ॥ 79 ॥

8-80-0 (58909) ಸಂಜಯ ಉವಾಚ। 8-80-0x (5029) ಅಥ ತ್ವಿದಾನೀಂ ತುಮುಲೇ ವಿಮರ್ದೇ ದ್ವಿಷದ್ಭಿರೇಕೋ ಬಹುಭಿಃ ಸಮಾವೃತಃ। ಮಹಾರಣೇ ಸಾರಥಿಮಿತ್ಯುವಾಚ ಭೀಮಶ್ಚಮೂಂ ವಾಹಯ ಧಾರ್ತರಾಷ್ಟ್ರೀಂ। ತ್ವಂ ಸಾರಥೇ ಯಾಹಿ ಜವೇನ ವಾಹೈ-- ರ್ನಯಾಂಯೇತಾಂಧಾರ್ತರಾಷ್ಟ್ರಾನ್ಯಮಾಯ॥ 8-80-1 (58910) ಸಂಚೋದಿತೋ ಭೀಮಸೇನೇನ ಚೈವಂ ಸ ಸಾರಥಿಃ ಪುತ್ರಬಲಂ ತ್ವದೀಯಂ। ಪ್ರಾಯಾತ್ತತಃ ಸತ್ವರಮುಗ್ರವೇಗೋ ಯತೋ ಭೀಮಸ್ತದ್ಬಲಂ ಗಂತುಮೈಚ್ಛತ್॥ 8-80-2 (58911) ತತೋಽಪರೇ ನಾಗರಥಾಶ್ವಪತ್ತಿಭಿಃ ಪ್ರತ್ಯುದ್ಯಯುಸ್ತಂ ಕುರವಃ ಸಮಂತಾತ್। ಭೀಮಸ್ಯ ವಾಹಾಗ್ರ್ಯಮುದಾರವೇಗಂ ಸಮಂತತೋ ಬಾಣಗಣೈರ್ನಿಜಘ್ನುಃ॥ 8-80-3 (58912) ತತಃ ಶರಾನಾಪತತೋ ಮಹಾತ್ಮಾ ಚಿಚ್ಛೇದ ಬಾಣೈಸ್ತಪೀನಯಪುಂಖೈಃ। ತೇ ವೈ ನಿಪೇತುಸ್ತಪನೀಯಪುಂಖಾ ದ್ವಿಧಾ ತ್ರಿಧಾ ಭೀಮಶರೈರ್ನಿಕೃತ್ತಾಃ॥ 8-80-4 (58913) ತತೋ ರಾಜನ್ನಾಗರಥಾಶ್ವಯೂನಾಂ ಭೀಮಾಹತಾನಾಂ ವರರಾಜಮಧ್ಯೇ। ಘೋರೋ ನಿನಾದಃ ಸುಮಹಾನಭೂತ್ತದಾ ವಜ್ರಾಹತಾನಾಮಿವ ಪರ್ವತಾನಾಂ॥ 8-80-5 (58914) ತೇ ವಧ್ಯಮಾನಾಶ್ಚ ನರೇಂದ್ರಮುಖ್ಯಾ ನಿರ್ಭಿದ್ಯಂತೋ ಭೀಮಶರಪ್ರವೇಕೈಃ। ಭೀಮಂ ಸಮಂತಾತ್ಸಮರೇಽಭ್ಯರೋಹನ್ ವೃಕ್ಷಂ ಶಕುಂತಾ ಇವ ಪುಷ್ಪಹೇತೋಃ॥ 8-80-6 (58915) ತತೋಽಭಿಯಾತೇ ತವ ಸೈನ್ಯೇ ಸ ಭೀಮಃ ಪ್ರಾದುಶ್ಚಕ್ರೇ ವೇಗಮನಂತವೇಗಃ। ಯಥಾಽಂತಕಾಲೇ ಕ್ಷಪಯಂದಿಧಕ್ಷು-- ರ್ಭೂತಾಂತಕೃತ್ಕಾಲ ಇವಾತ್ತದಂಡಃ॥ 8-80-7 (58916) ತಸ್ಯಾತಿವೇಗಸ್ಯ ರಣೇಽತಿವೇಗಂ ನಾಶಕ್ನುವಂಧಾರಯಿತುಂ ತ್ವದೀಯಾಃ। ವ್ಯಾತ್ತಾನನಸ್ಯಾಪತತೋ ಯಥೈವ ಕಾಲಸ್ಯ ಕಾಲೇ ಹರತಃ ಪ್ರಜಾ ವೈ॥ 8-80-8 (58917) ತತೋ ಬಲಂ ಭಾರತ ಭಾರತಾನಾಂ ಪ್ರದಹ್ಯಮಾನಂ ಸಮರೇ ಮಹಾತ್ಮನಾ। ಭೀತಂ ದಿಶೋಽಕೀರ್ಯತ ಭೀಮನುನ್ನಂ ಮಹಾನಿಲೇನಾಭ್ರಗಣಾ ಯಥೈವ॥ 8-80-9 (58918) ತತೋ ಧೀಮಾನ್ಸಾರಥಿಮಬ್ರವೀದ್ಬಲೀ ಸ ಭೀಮಸೇನಃ ಪುನರೇವ ಹೃಷ್ಟಃ॥ 8-80-10 (58919) ಸೂತಾಭಿಜಾನೀಹಿ ಪರಾನ್ಸ್ವಕಾನ್ವಾ ರಥಾಂಧ್ವಜಾಂಶ್ಚಾಪತತಃ ಸಮೇತಾನ್। ಯುಧ್ಯನ್ಹ್ಯಹಂ ನಾಭಿಜಾನಾಮಿ ಕಿಂಚಿ-- ನ್ಮಾ ಸೈನ್ಯಂ ಸ್ವಂ ಛಾದಯಿಷ್ಯೇ ಪ್ರಮತ್ತಃ॥ 8-80-11 (58920) ಅರೀನ್ವಿಶೋಕಾನ್ಹಿ ನಿರೀಕ್ಷ್ಯ ಸರ್ವತೋ ಮಹಾಂಶ್ಚ ಮನ್ಯುಃ ಪುನರೇತಿ ಮಾಂ ಭೃಶಂ। ರಾಜಾತುರೋ ನಾಗಮದ್ಯತ್ಕಿರೀಟೀ ಬಹೂನಿ ದುಃಖಾನ್ಯಭಿಚಿಂತಯಾಮಿ॥ 8-80-12 (58921) ಏತದ್ದುಃಖಂ ಧಾರಯೇ ಧರ್ಮರಾಜೋ ಯನ್ಮಾಂ ಹಿತ್ವಾ ಯಾತವಾಞ್ಶತ್ರುಮಧ್ಯೇ। ನೈನಂ ಜೀವಂ ನಾಭಿಜಾನಾಂಯಜೀವಂ ಬೀಭತ್ಸುಂ ವಾ ತನ್ಮಮಾದ್ಯಾತಿದುಃಖಂ॥ 8-80-13 (58922) ಸೋಽಹಂ ದ್ವಿಷತ್ಸೈನ್ಯಮುದಗ್ರಕಲ್ಪಂ ವಿನಾಶಯಿಷ್ಯೇ ಪರಮಪ್ರತೀತಃ। ಏತನ್ನಿಹತ್ಯಾಜಿಮಧ್ಯೇ ಸಮೇತಂ ಪ್ರೀತೋ ಭವಿಷ್ಯಾಮಿ ಸಹ ತ್ವಯಾದ್ಯ॥ 8-80-14 (58923) ಸರ್ವಾಂಸ್ತೂಣಾನ್ಸಾಯಕಾನಾಮವೇಕ್ಷ್ಯ ಕಿಂ ಶಿಷ್ಟಂ ಸ್ಯಾತ್ಸಾಯಕಾನಾಂ ರಥೇ ಮೇ। ಕಾ ವಾ ಜಾತಿಃ ಕಿಂ ಪ್ರಮಾಣಂ ಚ ತೇಷಾಂ ಜ್ಞಾತ್ವಾ ವ್ಯಕ್ತಂ ತತ್ಸಮಾಚಕ್ಷ್ವ ಸೂತ। `ಕತಿ ವಾ ಸಹಸ್ರಾಣಿ ಕತಿ ವಾ ಶತಾನಿ ಹ್ಯಾಚಕ್ಷ್ವ ಮೇ ಸಾರಥೇ ಕ್ಷಿಪ್ರಮೇವ॥ 8-80-15 (58924) ವಿಶೋಕ ಉವಾಚ। 8-80-16x (5030) ಸರ್ವಂ ವಿದಿತ್ವೈವಮಹಂ ವದಾಮಿ ತವಾರ್ಥಸಿದ್ಧಿಪ್ರದಮದ್ಯ ವೀರ। ಕೈಕೇಯಕಾಂಭೋಜಸುರಾಷ್ಟ್ರಬಾಹ್ಲಿಕಾ ಂಲೇಚ್ಛಾಶ್ಚ ಸುಹ್ಮಾಃ ಪರತಂಕಣಾಶ್ಚ। 8-80-16 (58925) ಮದ್ರಾಶ್ಚ ವಂಗಾ ಮಗಧಾಃ ಕುಣಿಂದಾ ಆನರ್ತಕಾವರ್ತಕಾಃ ಪಾರ್ವತೀಯಾಃ। ಸರ್ವೇ ಗೃಹೀತಪ್ರವರಾಯುಧಾಸ್ತ್ವಾಂ ಸಂವೇಷ್ಟ್ಯ ಸಂವೇಷ್ಟ್ಯ ತತೋ ವಿವೇದುಃ॥ 8-80-17 (58926) ರಥೇ ತವಾಸ್ಮಿನ್ನಿಶಿತಾಃ ಸುಪೀತಾ-- ಸ್ತತೋ ಭಲ್ಲಾ ದ್ವಾದಶ ವೈ ಸಹಸ್ರಾಃ'। ಷಣ್ಮಾರ್ಗಣಾನಾಮಯುತಾನಿ ವೀರ ಕ್ಷುರಾಶ್ಚ ಭಲ್ಲಾಶ್ಚ ತಥಾಯುತಾಖ್ಯಾಃ॥ 8-80-18 (58927) ನಾರಾಚಾನಾಂ ದ್ವೇ ಸಹಸ್ರೇ ಚ ವೀರ ತ್ರೀಣ್ಯೇಪ ಚ ಪ್ರದರಾಣಾಂ ಸ್ಮ ಪಾರ್ಥ। ಅಸ್ತ್ಯಾಯುಧಂ ಪಾಂಡವೇಯಾವಶಿಷ್ಟಂ ನ ಯದ್ವಹೇಚ್ಛಕಟಂ ಷಂಗವೀಯಂ॥ 8-80-19 (58928) ಏತದ್ವಿದ್ವನ್ಮುಂಚ ಸಹಸ್ರಶೋಽಪಿ ಗದಾಸಿಬಾಹುದ್ರವಿಣಂ ಚ ತೇಽಸ್ತಿ। ಪ್ರಾಸಾಶ್ಚ ಮುದ್ರರಾಃ ಶಕ್ತಯಸ್ತೋಮರಾಶ್ಚ ಮಾಭೈಷೀಸ್ತ್ವಂ ಸಂಕ್ಷಯಾದಾಯುಧಾನಾಂ॥ 8-80-20 (58929) ಭೀಮಸೇನ ಉವಾಚ। 8-80-21x (5031) `ಅದ್ಯೈವ ನೂನಂ ಕಥಯಂತು ಸಿದ್ಧಾಂ ಮಮ ಪ್ರತಿಜ್ಞಾಂ ಸರ್ವಲೋಕೇ ವಿಶೋಕ। ನ ಮೋಕ್ಷ್ಯತೇ ಸಮರೇ ಭೀಮಸೇನ ಏಕಃ ಶತ್ರೂನ್ಸಮರೇ ವಾಪ್ಯಜೈಷೀತ್। ಆಶಂಸಿತಾನಾಮಿದಮೇಕಮಸ್ತು ತನ್ಮೇ ದೇವಾಃ ಸಕಲಂ ಸಾಧಯಂತು॥' 8-80-21 (58930) ಸೂತಾದ್ಯ ಮದ್ಬಾಹುಯುತೈಃ ಸಮಸ್ತಾ-- ನ್ಸಮಾಹನದ್ಭಿಃ ಪಾರ್ಥಿವಾನಾಶುವೇಗೈಃ। ಚ್ಛನ್ನಂ ಬಾಣೈರಾಹವಂ ಘೋರರೂಪಂ ನಷ್ಟಾದಿತ್ಯಂ ಮೃತ್ಯುಲೋಕೇನ ತುಲ್ಯಂ॥ 8-80-22 (58931) ಅದ್ಯೈತದ್ಯೈ ವಿದಿತಂ ಪಾರ್ಥಿವಾನಾಂ ಭವಿಷ್ಯತಿ ಹ್ಯಾಕುಮಾರಂ ಚ ಸೂತ। ನಿಮಗ್ನೋ ವಾ ಸಮರೇ ಭೀಮಸೇನ ಏಕಃ ಕುರೂನ್ವಾ ಸಮರೇ ವ್ಯಜೈಷೀತ್॥ 8-80-23 (58932) ಸರ್ವೇ ಸಂಖ್ಯೇ ಕುರವೋ ನಿಷ್ಪತಂತು ಮಾಂ ವಾ ಲೋಕಾಃ ಕೀರ್ತಯಂತ್ವಾಕುಮಾರಂ। ಸರ್ವಾನೇಕಸ್ತಾನಹಂ ಪಾತಯಿಷ್ಯೇ ತೇ ವಾ ಸರ್ವೇ ಭೀಮಸೇನಂ ತುದಂತು॥ 8-80-24 (58933) ಆಶಾಸ್ತಾರಃ ಕರ್ಮ ಚಾಪ್ಯುತ್ತಮಂ ಯೇ ತನ್ಮೇ ದೇವಾಃ ಸಫಲಂ ಸಾಧಯಂತು। ಆಯಾತೀಹ ಕೇಶವಸಾರಥೀ ರಥೀ ಶಕ್ರಸ್ತೂರ್ಣಂ ಯಜ್ಞ ಇವೋಪಹೂತಃ॥ 8-80-25 (58934) ಈಕ್ಷಸ್ವೈತಾಂ ಭಾರತೀಂ ದೀರ್ಯಮಾಣಾ-- ಮೇತೇ ಕಸ್ಮಾದ್ವಿದ್ರವಂತೇ ನರೇಂದ್ರಾಃ। ವ್ಯಕ್ತಂ ಧೀಮಾನ್ಸವ್ಯಸಾಚೀ ನರಾಗ್ರ್ಯಃ ಸೈನ್ಯಂ ಹ್ಯೇತಚ್ಛಾದಯತ್ಯಾಶು ಬಾಣೈಃ॥ 8-80-26 (58935) ಪಶ್ಯ ಧ್ವಜಾಂಶ್ಚ ದ್ರವತೋ ವಿಶೋಕ ನಾಗಾನ್ಹಯಾನ್ಪತ್ತಿಸಂಘಾಂಶ್ಚ ಸಂಖ್ಯೇ। ರಥಾನ್ವಿಕೀರ್ಣಾಞ್ಶರಶಕ್ತಿತಾಡಿತಾ-- ನ್ಪಶ್ಯಸ್ವೈತಾನ್ರಥಿನಶ್ಚೈವ ಸೂತ॥ 8-80-27 (58936) ಆಪೂರ್ಯತೇ ಕೌರವೀ ಚಾಪ್ಯಭೀಕ್ಷ್ಣಂ ಸೇನಾ ಹ್ಯಸೌ ಸುಭೃಶಂ ಹನ್ಯಮಾನಾ। ಧನಂಜಯಸ್ಯಾಶನಿತುಲ್ಯವೇಗೈ-- ರ್ಗ್ರಸ್ತಾ ಶರೈಃ ಕಾಂಚನಬರ್ಹಜಾಲೈಃ॥ 8-80-28 (58937) ಏತೇ ದ್ರವಂತಿ ಸ್ಮ ರಥಾಶ್ವನಾಗಾಃ ಪದಾತಿಸಂಘಾನತಿಮರ್ದಯಂತಃ। ಸಂಮುಹ್ಯಮಾನಾಃ ಕೌರವಾಃ ಸರ್ವ ಏವ ದ್ರವಂತಿ ನಾಗಾ ಇವ ದಾಹಭೀತಾಃ॥ 8-80-29 (58938) ಹಾಹಾಕೃತಾಶ್ಚೈವ ರಣೇ ವಿಶೋಕ ಮುಂಚಂತಿ ನಾದಾನ್ವಿಪುಲಾನ್ಗಜೇಂದ್ರಾಃ॥ 8-80-30 (58939) ವಿಶೋಕ ಉವಾಚ। 8-80-31x (5032) ಕಿಂ ಭೀಮ ನೈನಂ ತ್ವಮಿಹಾಶೃಣೋಷಿ ವಿಸ್ಫಾರಿತಂ ಗಾಂಡಿವಸ್ಯಾತಿಘೋರಂ। ಕ್ರುದ್ಧೇನ ಪಾರ್ಥೇನ ವಿಕೃಷ್ಯತೋಽದ್ಯ ಕಚ್ಚಿನ್ನೇಮೌ ತವ ಕರ್ಣೌ ವಿನಷ್ಟೌ॥ 8-80-31 (58940) ಸರ್ವೇ ಕಾಮಾಃ ಪಾಂಡವ ತೇ ಸಮೃದ್ಧಾಃ ಕಪಿರ್ಹ್ಯಸೌ ದೃಶ್ಯತೇ ಹಸ್ತಿಸೈನ್ಯೇ। ನೀಲಾದ್ಧನಾದ್ವಿದ್ಯುತಮುಚ್ಚರಂತೀಂ ತಥಾ ಪಶ್ಯ ವಿಸ್ಫುರಂತೀಂ ಧನುರ್ಜ್ಯಾಂ॥ 8-80-32 (58941) ಕಪಿರ್ಹ್ಯಸೌ ವೀಕ್ಷತೇ ಸರ್ವತೋ ವೈ ಧ್ವಜಾಗ್ರಮಾರುಹ್ಯ ಧನಂಜಯಸ್ಯ। ವಿತ್ರಾಸಯನ್ರಿ ಪುಸಂಘಾನ್ವಿಮರ್ದೇ ಬಿಭೇಂಯಸ್ಮಾದಾತ್ಮನೈವಾಭಿವೀಕ್ಷ್ಯ॥ 8-80-33 (58942) ವಿಭ್ರಾಜತೇ ಚಾತಿಮಾತ್ರಂ ಕಿರೀಟಂ ವಿಚಿತ್ರಮೇತಚ್ಚ ಧನಂಜಯಸ್ಯ। ದಿವಾಕರಾಭೋ ಮಣಿರೇಷ ದಿವ್ಯೋ ವಿಭ್ರಾಜತೇ ಚೈವ ಕಿರೀಟಸಂಸ್ಥಃ॥ 8-80-34 (58943) ಪಾರ್ಶ್ವೇ ಭೀಮಂ ಪಾಂಡುರಾಭ್ರಪ್ರಕಾಶಂ ಪಶ್ಯಸ್ವ ಸಂಖಂ ದೇವದತ್ತಂ ಸುಘೋಷಂ। ಅಭೀಷುಹಸ್ತಸ್ಯ ಜನಾರ್ದನಸ್ಯ ವಿಗಾಹಮಾನಸ್ಯ ಚಮೂಂ ಪರೇಷಾಂ॥ 8-80-35 (58944) ರವಿಪ್ರಭಂ ವಜ್ರನಾಭಂ ಕ್ಷುರಾಂತಂ ಪಾರ್ಶ್ವೇ ಸ್ಥಿತಂ ಪಶ್ಯ ಜನಾರ್ದನಸ್ಯ। ಚಕ್ರಂ ಯಶೋವರ್ಧನಂ ಕೇಶವಸ್ಯ ಸದಾರ್ಚಿತಂ ಯದಿಭಿಃ ಪಶ್ಯ ವೀರ॥ 8-80-36 (58945) ಮಹಾದ್ವಿಪಾನಾಂ ಸರಲದ್ರುಮೋಪಮಾಃ ಕರಾ ನಿಕೃತ್ತಾಃ ಪ್ರಪತಂತ್ಯಮೀ ಕ್ಷುರೈಃ। ಕಿರೀಟಿನಾ ತೇನ ಪುನಃ ಸಸಾದಿನಃ ಶರೈರ್ನಿಕೃತ್ತಾಃ ಕುಲಿಶೈರಿವಾದ್ರಯಃ॥ 8-80-37 (58946) ತಥೈವ ಕೃಷ್ಣಸ್ಯ ಚ ಪಾಂಚಜನ್ಯಂ ಮಹಾರ್ಹಮೇತಂ ದ್ವಿಜರಾಜವರ್ಣಂ। ಕೌಂತೇಯ ಪಶ್ಯೋರಸಿ ಕೌಸ್ತುಭಂ ಚ ಜಾಜ್ವಲ್ಯಮಾನಂ ವಿಜಯಾಂ ಸ್ರಜಂ ಚ॥ 8-80-38 (58947) ಧ್ರವಂ ರಥಾಗ್ರ್ಯಃ ಸಮುಪೈತಿ ಪಾರ್ಥೋ ವಿದ್ರಾವಯನ್ಸೈನ್ಯಮಿದಂ ಪರೇಷಾಂ। ಸಿತಾಭ್ರವರ್ಣೈರಸಿತಪ್ರಯುಕ್ತೈ-- ರ್ಹಯೈರ್ಮಹಾರ್ಹೈ ರಥಿನಾಂ ವರಿಷ್ಠಃ॥ 8-80-39 (58948) ರಥಾನ್ಹಯಾನ್ಪತ್ತಿಗಣಾಂಶ್ಚ ಸಾಯಕೈ-- ರ್ವಿದಾರಿತಾನ್ಪಶ್ಯ ಪತಂತ್ಯಮೀ ಯಥಾ। ತವಾನುಜೇನಾಮರರಾಜತೇಜಸಾ ಮಹಾವನಾನೀವ ಸುಪರ್ಣವಾಯುನಾ॥ 8-80-40 (58949) ಚತುಃ ಶತಾನ್ಪಶ್ಯ ರಥಾನಿಮಾನ್ಹತಾನ್ ಸವಾಜಿಸೂತಾನ್ಸಮರೇ ಕಿರೀಟಿನಾ। ಮಹೇಷುಭಿಃ ಸಪ್ತಶತಾನಿ ದಂತಿನಾಂ ಪದಾತಿಸಾದೀಂಶ್ಚ ರಥಾನನೇಕಶಃ॥ 8-80-41 (58950) ಅಯಂ ಸಮಭ್ಯೇತಿ ತವಾಂತಿಕಂ ಬಲೀ ನಿಘ್ನನ್ಕುರೂಂಶ್ಚಿತ್ರ ಇವ ಗ್ರಹೋಽರ್ಜುನಃ। ಸಮೃದ್ಧಕಾಮೋಽಸಿ ಹತಾಸ್ತವಾಹಿತಾ ಬಲಂ ತವಾಯುಶ್ಚ ಚಿರಾಯ ವರ್ಧತಾಂ॥ 8-80-42 (58951) ಭೀಮಸೇನ ಉವಾಚ। 8-80-43x (5033) ದದಾನಿ ತೇ ಗ್ರಾಮವರಾಂಶ್ಚತುರ್ದಶ ಪ್ರಿಯಾಖ್ಯಾನೇ ಸಾರಥೇ ಸುಪ್ರಸನ್ನಃ। ದಾಸೀಶತಂ ಚಾಪಿ ರಥಾಂಶ್ಚ ವಿಂಶತಿಂ ಯದರ್ಜುನಂ ವೇದಯಸೇ ವಿಶೋಕ॥ ॥ 8-80-43 (58952) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಅಶೀತಿತಮೋಽಧ್ಯಾಯಃ॥ 80 ॥

8-81-0 (58953) ಸಂಜಯ ಉವಾಚ। 8-81-0x (5034) ಶ್ರುತ್ವಾ ತು ರಥನಿರ್ಘೋಷಂ ಸಿಂಹನಾದಂ ಚ ಸಂಯುಗೇ। ಅರ್ಜುನಃ ಪ್ರಾಹ ಗೋವಿಂದಂ ಶೀಘ್ರಂ ವಾಹಯ ವಾಜಿನಃ॥ 8-81-1 (58954) ಅರ್ಜುನಸ್ಯ ವಚಃ ಶ್ರುತ್ವಾ ಗೋವಿಂದೋಽರ್ಜುನಮಬ್ರವೀತ್। ಏಷ ಗಚ್ಛಾಮಿ ಸುಕ್ಷಿಪ್ರಂ ಯತ್ರ ಭೀಮೋ ವ್ಯವಸ್ಥಿತಃ॥ 8-81-2 (58955) ತಂ ಯಾಂತಮಶ್ವಾ ಹಿಮಶಂಖವರ್ಣಾಃ ಸುವರ್ಣಮುಕ್ತಾಮಣಿಜಾಲನದ್ಧಾಃ। ಜಂಭಂ ಜಿಘಾಂಸುಂ ಪ್ರಗೃಹೀತವಜ್ರಂ ಹಯಾ ಯಥಾ ತತ್ರ ಯಥಾ ವಹಂಸ್ತದಾ॥ 8-81-3 (58956) ರಥಾಶ್ವಮಾತಂಗಪದಾತಿಸಂಘಾ ಬಾಣಸ್ವನೈರ್ನೇಮಿಖುರಸ್ವನೈಶ್ಚ। ಸನ್ನಾದಯಂತೋ ವಸುಧಾಂ ದಿಶಶ್ಚ ಕ್ರುದ್ಧಾ ನೃಸಿಂಹಾ ಜಯಮಭ್ಯುದೀಯಃ॥ 8-81-4 (58957) ತೇಷಾಂ ಚ ಪಾರ್ಥಸ್ಯ ಚ ಮಾರಿಷಾಸೀ-- ದ್ದೇಹಾಸುಪಾಪಕ್ಷಪಣಂ ಸುಯುದ್ಧಂ। ತ್ರೈಲೋಕ್ಯಹೇತೋರಸುರೈರ್ಯಥಾಸೀ-- ದ್ದೇವಸ್ಯ ವಿಷ್ಣೋರ್ಜಯತಾಂ ವರಸ್ಯ॥ 8-81-5 (58958) ತೈರಸ್ತಮುಚ್ಚಾವಚಮಾಯುಧಂ ತ-- ದೇಕಃ ಪ್ರಚಿಚ್ಛೇದ ಕಿರೀಟಮಾಲೀ। ಕ್ಷುರಾರ್ಧಚಂದ್ರೈರ್ನಿಶಿತೈಶ್ಚ ಭಲ್ಲೈಃ ಶಿರಾಂಸಿ ತೇಷಾಂ ಬಹುಧಾ ಚ ಬಾಹೂನ್॥ 8-81-6 (58959) ಛತ್ರಾಣಿ ವಾಲವ್ಯಜನಾನಿ ಕೇತೂ-- ನಶ್ವಾನ್ರಥಾನ್ಪತ್ತಿಗಣಾಂದ್ವಿಪಾಂಶ್ಚ। ತೇ ಪೇತುರುರ್ವ್ಯಾಂ ಬಹುಧಾ ವಿಕೃತ್ತಾ ವಾತಪ್ರಣುನ್ನಾನಿ ಯಥಾ ವನಾನಿ॥ 8-81-7 (58960) ಸುವರ್ಣಜಾಲಾವನತಾ ಮಹಾಗಜಾಃ ಸವೈಜಯಂತೀಧ್ವಜಯೋಧಕಲ್ಪಿತಾಃ। ಸುವರ್ಣಪುಂಘೈರಿಷುಭಿಃ ಸಮಾಚಿತಾ-- ಶಕಾಶಿರೇ ಪ್ರಜ್ವಲಿತಾ ಯಥಾಚಲಾಃ॥ 8-81-8 (58961) ವಿದಾರ್ಯ ನಾಗಾಶ್ವರಥಾಂಧಂಜಯಃ ಶರೋತ್ತಮೈರ್ವಾಸವವಜ್ರಸನ್ನಿಭೈಃ। ದ್ರುತಂ ಯಯೌ ಕರ್ಣಜಿಘಾಂಸಯಾ ತಥಾ ಯಥಾ ಮರುತ್ವಾನ್ಬಲಭೇದನೇ ಪುರಾ॥ 8-81-9 (58962) ತತಃ ಸ ಪುರುಷವ್ಯಾಘ್ರಸ್ತವ ಸೈನ್ಯಮರಿಂದಮಃ। ಪ್ರವಿವೇಶ ಮಹಾಬಾಹುರ್ಮಕರಃ ಸಾಗರಂ ಯಥಾ॥ 8-81-10 (58963) ತಂ ಹೃಷ್ಟಾಸ್ತಾವಕಾ ರಾಜನ್ರಥಪತ್ತಿಸಮನ್ವಿತಾಃ। ಗಜಾಶ್ವಸಾದಿಬಹುಲಾಃ ಪಾಂಡವಂ ಸಮುಪಾದ್ರವನ್॥ 8-81-11 (58964) ತೇಷಾಮಾಪತತಾಂ ಪಾರ್ಥಮಾರಾವಃ ಸುಮಹಾನಭೂತ್। ಸಾಗರಸ್ಯೇವ ಕ್ಷುಬ್ಧಸ್ಯ ಯಥಾ ಸ್ಯಾತ್ಸಲಿಲಸ್ವನಃ॥ 8-81-12 (58965) ತೇ ತು ತಂ ಪುರುಷವ್ಯಾಘ್ರಂ ವ್ಯಾಘ್ರಾ ಇವ ಮಹಾರಥಾಃ। ಅಭ್ಯದ್ರವಂತ ಸಂಗ್ರಾಮೇ ತ್ಯಕ್ತ್ವಾ ಪ್ರಾಣಕೃತಂ ಭಯಂ॥ 8-81-13 (58966) ತೇಷಾಮಾಪತತಾಂ ತತ್ರ ಶರವರ್ಷಾಣಿ ಮುಂಚತಾಂ। ಅರ್ಜುನೋ ವ್ಯಧಮತ್ಸೈನ್ಯಂ ಮಹಾವಾತೋ ಘನಾನಿವ॥ 8-81-14 (58967) ತೇಽರ್ಜುನಂ ಸಹಿತಾ ಭೂತ್ವಾ ರಥವಂಶೈಃ ಗ್ರಹಾರಿಣಃ। ಅಭಿಯಾಯ ಮಹೇಷ್ವಾಸಾ ವಿವ್ಯಧುರ್ನಿಶಿತೈಃ ಶರೈಃ॥ 8-81-15 (58968) ತತೋಽರ್ಜುನಃ ಸಹಸ್ರಾಣಿ ರಥವಾರಣವಾಜಿನಾಂ। ಪ್ರೇಷಯಾಮಾಸ ವಿಶಿಖೈರ್ಯಮಸ್ಯ ಸದನಂ ಪ್ರತಿ॥ 8-81-16 (58969) ತೇ ವಧ್ಯಮಾನಾಃ ಸಮರೇ ಪಾರ್ಥಚಾಪಚ್ಯುತೈಃ ಶರೈಃ। ತತ್ರತತ್ರ ಸ್ಮ ಲೀಯಂತೇ ಭಯೇ ಜಾತೇ ಮಹಾರಥಾಃ॥ 8-81-17 (58970) ತೇಷಾಂ ಚತುಃಶತಾನ್ವೀರಾನ್ಯತಮಾನಾನ್ಮಹಾರಥಾನ್। ಅರ್ಜುನೋ ನಿಶಿತೈರ್ಬಾಣೈರನಯದ್ಯಮಸಾದನಂ॥ 8-81-18 (58971) ತೇ ವಧ್ಯಮಾನಾಃ ಸಮರೇ ನಾನಾಲಿಂಗೈಃ ಶಿತೈಃ ಶರೈಃ। ಅರ್ಜುನಂ ಸಮಭಿತ್ಯಜ್ಯ ದುದ್ರುವುರ್ವೈ ದಿಶೋ ದಶ॥ 8-81-19 (58972) ತೇಷಾಂ ಶಬ್ದೋ ಮಹಾನಾಸೀದ್ದ್ರವತಾಂ ವಾಹಿನೀಮುಖೇ। ಮೇಘೌಘಸ್ಯೇವ ಭದ್ರಂ ತೇ ಗಿರಿಮಾಸಾದ್ಯ ದೀರ್ಯತಃ॥ 8-81-20 (58973) ತಾಂ ತು ಸೇನಾಂ ಭೃಶಂ ವಿದ್ಧ್ವಾ ದ್ರಾವಯಿತ್ವಾಽರ್ಜುನಃ ಶರೈಃ। ಪ್ರಾಯಾದಭಿಮುಖಃ ಪಾರ್ಥಃ ಸೂತಾನೀಕಂ ಹಿ ಮಾರಿಷ॥ 8-81-21 (58974) ತಸ್ಯ ಶಬ್ದೋ ಮಹಾನಾಸೀತ್ಪರಾನಭಿಮುಖಸ್ಯ ವೈ। ಗರುಡಸ್ಯೇವ ಪತತಃ ಪನ್ನಗಾರ್ಥೇ ಯಥಾ ಪುರಾ॥ 8-81-22 (58975) ತಂ ತು ಶಬ್ದಮಭಿಶ್ರುತ್ಯ ಭೀಮಸೇನೋ ಮಹಾಬಲಃ। ಬಭೂವ ಪರಮಪ್ರೀತಃ ಪಾರ್ಥದರ್ಶನಲಾಲಸಃ॥ 8-81-23 (58976) ಶ್ರುತ್ವೈವ ಪಾರ್ಥಮಾಯಾಂತಂ ಭೀಮಸೇನಃ ಪ್ರತಾಪವಾನ್। ತ್ಯಕ್ತ್ವಾ ಪ್ರಾಣಾನ್ಮಹಾರಾಜ ಸೇನಾಂ ತವ ಮಮರ್ದ ಹ॥ 8-81-24 (58977) ಸ ವಾಯುವೀರ್ಯಪ್ರತಿಮೋ ವಾಯುವೇಗಸಮೋ ಜವೇ। ವಾಯುವದ್ವ್ಯಚರದ್ಭೀಮೋ ವಾಯುಪುತ್ರಃ ಪ್ರತಾಪವಾನ್॥ 8-81-25 (58978) ತೇನಾದ್ಯಮಾನಾ ರಾಜೇಂದ್ರ ಸೇನಾ ತವ ವಿಶಾಂಪತೇ। ವ್ಯಭ್ರಶ್ಯತ ಮಹಾರಾಜ ಭಿನ್ನಾ ನೌರಿವ ಸಾಗರೇ॥ 8-81-26 (58979) ತಾಂ ತು ಸೇನಾಂ ತದಾ ಭೀಮೋ ದರ್ಶಯನ್ಪಾಣಿಲಾಘವಂ। ಶರೈರವಚಕರ್ತೋಗ್ರೈಃ ಪ್ರೇಪಯಿಷ್ಯನ್ಯಮಕ್ಷಯಂ॥ 8-81-27 (58980) ತತ್ರ ಭಾರತ ಭೀಮಸ್ಯ ಬಲಂ ದೃಷ್ಟ್ವಾತಿಮಾನುಷಂ। ವ್ಯತ್ರಸ್ಯಂತ ರಣೇ ಯೋಧಾಃ ಕಾಲಸ್ಯೇವ ಯುಗಕ್ಷಯೇ॥ 8-81-28 (58981) ತಥಾಽರ್ದಿತಾನ್ಭೀಮಬಲಾನ್ಭೀಮಸೇನೇನ ಭಾರತ। ದೃಷ್ಟ್ವಾ ದುರ್ಯೋಧನೋ ರಾಜಾ ಇದಂ ವಚನಮಬ್ರವೀತ್॥ 8-81-29 (58982) ಸೈನಿಕಾಂಶ್ಚ ಮಹೇಷ್ವಾಸಾನ್ಯೋಧಾಂಶ್ಚ ಭರತರ್ಷಭ। ಸಮಾದಿಶನ್ರಣೇ ಸರ್ವಾನ್ಹತ ಭೀಮಮಿತಿ ಸ್ಮ ಹ॥ 8-81-30 (58983) ತಸ್ಮಿನ್ಹತೇ ಹತಂ ಮನ್ಯೇ ಪಾಂಡುಸೈನ್ಯಮಶೇಷತಃ॥ 8-81-31 (58984) ಪ್ರತಿಗೃಹ್ಯ ಚ ತಾಮಾಜ್ಞಾಂ ತವ ಪುತ್ರಸ್ಯ ಪಾರ್ಥಿವಾಃ। ಭೀಮಂ ಪ್ರಚ್ಛಾದಯಾಮಾಸುಃ ಶರವರ್ಷೈಃ ಸಮಂತತಃ॥ 8-81-32 (58985) ಗಜಾಶ್ಚ ಬಹುಲಾ ರಾಜನ್ನರಾಶ್ಚ ಜಯಗೃದ್ಧಿನಃ। ರಥೇ ಸ್ಥಿತಾಶ್ಚ ರಾಜೇಂದ್ರ ಪರಿವವ್ರುರ್ವೃಕೋದರಂ॥ 8-81-33 (58986) ಸ ತೈಃ ಪರಿವೃತಃ ಶೂರೈಃ ಶೂರೋ ರಾಜನ್ಸಮಂತತಃ। ಶುಶುಭೇ ಭರತಶ್ರೇಷ್ಠೋ ನಕ್ಷತ್ರೈರಿವ ಚಂದ್ರಮಾಃ॥ 8-81-34 (58987) ಪರಿವೇಷೀ ಯಥಾ ಸೋಮಃ ಪರಿಪೂರ್ಣೋ ವಿರಾಜತೇ। ಸ ರರಾಜ ತಥಾ ಸಂಖ್ಯೇ ದರ್ಶನೀಯೋ ನರೋತ್ತಮಃ। ನಿರ್ವಿಶೇಷೋ ಮಹಾರಾಜ ವಿಜಯೇನೈವ ಸಂಯುಗೇ॥ 8-81-35 (58988) ತಸ್ಯ ತೇ ಪಾರ್ಥಿವಾಃ ಸರ್ವೇ ಶರವೃಷ್ಟಿಂ ಸಮಾಸೃಜನ್। ಕ್ರೋಧರಕ್ತೇಕ್ಷಣಾಃ ಶೂರಾ ಹಂತುಕಾಮಾ ವೃಕೋದರಂ॥ 8-81-36 (58989) ತಾಂ ವಿದಾರ್ಯ ಮಹಾಸೇನಾಂ ಶರೈಃ ಸನ್ನತಪರ್ವಭಿಃ। ನಿಶ್ಚಕ್ರಾಮ ರಣಾದ್ಭೀಮೋ ಮತ್ಸ್ಯೋ ಜಾಲಾದಿವಾಂಭಸಿ॥ 8-81-37 (58990) ಹತ್ವಾ ದಶಸಹಸ್ರಾಣಿ ಗಜಾನಾಮನಿವರ್ತಿನಾಂ। ನೃಣಾಂ ಶತಸಹಸ್ರೇ ದ್ವೇ ದ್ವೇ ಶತೇ ಚೈವ ಭಾರತ॥ 8-81-38 (58991) ಪಂಚ ಚಾಶ್ವಸಹಸ್ರಾಣಿ ರಥಾನಾಂ ಶತಮೇವ ಚ। ಹತ್ವಾ ಪ್ರಾಸ್ಯಂದಯದ್ಭೀಮೋ ನದೀಂ ಶೋಣಿತವಾಹಿನೀಂ॥ 8-81-39 (58992) ಶೋಣಿತೋದಾಂ ರಥಾವರ್ತಾಂ ಹಸ್ತಿಗ್ರಾಹಸಮಾಕುಲಾಂ। ನರಮೀನಾಶ್ವನಕ್ರಾಂತಾಂ ಕೇಶಶೈವಲಶಾದ್ವಲಾಂ॥ 8-81-40 (58993) ಸಂಛಿನ್ನಭುಜನಾಗೇಂದ್ರಾಂ ಬಹುರತ್ನಾಪಹಾರಿಣೀಂ। ಊರುಗ್ರಾಹಾಂ ಮಜ್ಜಪಂಕಾಂ ಶೀರ್ಷೋಪಲಸಮಾವೃತಾಂ॥ 8-81-41 (58994) ಧನುಃಕಾಶಾಂ ಶರಾವಾಪಾಂ ಗದಾಪರಿಘಕೇತನಾಂ। ಹಂಸಛತ್ರಧ್ವಜೋಪೇತಾಮುಷ್ಣೀಷವರಫೇನಿಲಾಂ॥ 8-81-42 (58995) ಹಾರಪದ್ಮಾಕರಾಂ ಚೈವ ಭೂಮಿರೇಣೂರ್ಮಿಮಾಲಿನೀಂ। ಆರ್ಯವೃತ್ತವತೀಂ ಸಂಖ್ಯೇ ಸುತರಾಂ ಭೀರುದುಸ್ತರಾಂ॥ 8-81-43 (58996) ಯೋಧಗ್ರಾಹವತೀಂ ಸಂಖ್ಯೇ ವಹಂತೀಂ ಪಿತೃಸಾದನಂ। ಕ್ಷಣೇನ ಪುರುಷವ್ಯಾಘ್ರಃ ಪ್ರಾವರ್ತಯತ ನಿಂನಗಾಂ॥ 8-81-44 (58997) ಯಥಾ ವೈತರಣೀಮುಗ್ರಾಂ ದುಸ್ತರಾಮಕೃತಾತ್ಮಭಿಃ। ತಥಾ ದುಸ್ತರಣೀಂ ಘೋರಾಂ ಭೀರೂಣಾಂ ಭಯವರ್ಧನೀಂ॥ 8-81-45 (58998) ಯತೋಯತಃ ಪಾಂಡವೇಯಃ ಪ್ರವಿಷ್ಟೋ ರಥಸತ್ತಮಃ। ತತಸ್ತತಃ ಪ್ರಾಪತನ್ವೈ ಯೋಧಾಃ ಶತಸಹಸ್ರಶಃ॥ 8-81-46 (58999) ಏವಂ ದೃಷ್ಟ್ವಾ ಕೃತಂ ಕರ್ಮ ಭೀಮಸೇನೇನ ಸಂಯುಗೇ। ದುರ್ಯೋಧನೋ ಮಹಾರಾಜ ಶಕುನಿಂ ವಾಕ್ಯಮಬ್ರವೀತ್॥ 8-81-47 (59000) ಜಹಿ ಮಾತುಲ ಸಂಗ್ರಾಮೇ ಭೀಮಸೇನಂ ಮಹಾಬಲಂ। ಅಸ್ಮಿಂಜಿತೇ ಜಿತಂ ಮನ್ಯೇ ಪಾಂಡವೇಯಂ ಮಹಾಬಲಂ॥ 8-81-48 (59001) ತತಃ ಪ್ರಾಯಾನ್ಮಹಾರಾಜ ಸೌಬಲೇಯಃ ಪ್ರತಾಪವಾನ್। ರಣಾಯ ಮಹತೇ ಯುಕ್ತೋ ಭ್ರಾತೃಭಿಃ ಪರಿವಾರಿತಃ॥ 8-81-49 (59002) ಸ ಸಮಾಸಾದ್ಯ ಸಂಗ್ರಾಮೇ ಭೀಮಂ ಭೀಮಪರಾಕ್ರಮಂ। ವಾರಯಾಮಾಸ ತಂ ವೀರೋ ವೇಲೇವ ಮಕರಾಲಯಂ॥ 8-81-50 (59003) ಸನ್ನ್ಯವರ್ತತ ತಂ ಭೀಮೋ ವಾರ್ಯಮಾಣಃ ಶಿತೈಃ ಶರೈಃ। ಶಕುನಿಸ್ತಸ್ಯ ರಾಜೇಂದ್ರ ವಾಮಪಾರ್ಶ್ವೇ ಸ್ತನಾಂತರೇ। ಪ್ರೇಷಯಾಮಾಸ ನಾರಾಚಾನ್ರುಕ್ಮಪುಂಖಾಞ್ಶಿಲಾಶಿತಾನ್॥ 8-81-51 (59004) ವರ್ಮ ಭಿತ್ತ್ವಾ ತು ತೇ ಘೋರಾಃ ಪಾಂಡವಸ್ಯ ಮಹಾತ್ಮನಃ। ನ್ಯಮ಼ಂಜಂತ ಮಹಾರಾಜ ಕಂಕಬರ್ಹಿಣವಾಸಸಃ॥ 8-81-52 (59005) ಸೋಽತಿವಿದ್ಧೋ ರಣೇ ಭೀಮಃ ಶರಂ ರುಕ್ಮವಿಭೂಷಿತಂ। ಪ್ರೇಷಯಾಮಾಸ ಸ ರುಷಾ ಸೌಬಲಂ ಪ್ರತಿ ಭಾರತ॥ 8-81-53 (59006) ತಮಾಯಾಂತಂ ಶರಂ ಘೋರಂ ಶಕುನಿಃ ಶತ್ರುತಾಪನಃ। ಚಿಚ್ಛೇದ ಸಪ್ತಧಾ ರಾಜನ್ಕೃತಹಸ್ತೋ ಮಹಾಬಲಃ॥ 8-81-54 (59007) ತಸ್ಮಿನ್ನಿಪತಿತೇ ಭೂಮೌ ಭೀಮಃ ಕ್ರುದ್ಧೋ ವಿಶಾಂಪತೇ। ಧನುಶ್ಛಿಚ್ಛೇದ ಭಲ್ಲೇನ ಸೌಬಲಸ್ಯ ಹಸನ್ನಿವ॥ 8-81-55 (59008) ತದಪಾಸ್ಯ ಧನುಶ್ಛಿನ್ನಂ ಸೌಬಲೇಯಃ ಪ್ರತಾಪವಾನ್। ಅನ್ಯದಾದಾಯ ವೇಗೇನ ಧನುರ್ಭಲ್ಲಾಂಶ್ಚ ಷೋಡಶ। ತೈಸ್ತಸ್ಯ ತು ಮಹಾರಾಜ ಭಲ್ಲೈಃ ಸನ್ನತಪರ್ವಭಿಃ॥ 8-81-56 (59009) ದ್ವಾಭ್ಯಾಂ ಸ ಸಾರಥಿಂ ಹ್ಯಾರ್ಚ್ಛದ್ಭೀಮಂ ಸಪ್ತಭಿರೇವ ಚ। ಧ್ವಜಮೇಕೇನ ಚಿಚ್ಛೇದ ದ್ವಾಭ್ಯಾಂ ಛತ್ರಂ ವಿಶಾಂಪತೇ। ಚತುರ್ಭಿಶ್ಚತುರೋ ವಾಹಾನ್ವಿವ್ಯಾಧ ಸುಬಲಾತ್ಮಜಃ॥ 8-81-57 (59010) ತತಃ ಕ್ರುದ್ಧೋ ಮಹಾರಾಜ ಭೀಮಸೇನಃ ಪ್ರತಾಪವಾನ್। ಶಕ್ತಿಂ ಚಿಕ್ಷೇಪ ಸಮರೇ ರುಕ್ಮದಂಡಾಮಯಸ್ಮಯೀಂ॥ 8-81-58 (59011) ಸಾ ಭೀಮಭುಜನಿರ್ಮುಕ್ತಾ ನಾಗಜಿಹ್ವೇನ ಚಂಚಲಾ। ನಿಪಪಾತ ರಣೇ ತೂರ್ಣಂ ಸೌಬಲಸ್ಯ ಮಹಾತ್ಮನಃ॥ 8-81-59 (59012) ತತಸ್ತಾಮೇವ ಸಂಗೃಹ್ಯ ಶಕ್ತಿಂ ಕನಕಭೂಷಣಾಂ। ಭೀಮಸೇನಾಯ ಚಿಕ್ಷೇಪ ಕ್ರುದ್ಧರೂಪೋ ವಿಶಾಂಪತೇ॥ 8-81-60 (59013) ಸಾ ನಿರ್ಭಿದ್ಯ ಭುಜಂ ಸವ್ಯಂ ಪಾಂಡವಸ್ಯ ಮಹಾತ್ಮನಃ। ನಿಪಪಾತ ತದಾ ಭೂಮೌ ಯಥಾ ವಿದ್ಯುನ್ನಭಶ್ಚ್ಯುತಾ॥ 8-81-61 (59014) ಅಥೋತ್ಕ್ರುಷ್ಟಂ ಮಹಾರಾಜ ಧಾರ್ತರಾಷ್ಟ್ರೈಃ ಸಮಂತತಃ। ನ ತು ತಂ ಮಮೃಷೇ ಭೀಮಃ ಸಿಂಹನಾದಂ ತರಸ್ವಿನಾಂ॥ 8-81-62 (59015) ಅನ್ಯದ್ಗೃಹ್ಯ ಧನುಃ ಸಜ್ಯಂ ತ್ವರಮಾಣೋ ಮಹಾಬಲಃ। ಮುಹೂರ್ತಾದಿವ ರಾಜೇಂದ್ರ ಚ್ಛಾದಯಾಮಾಸ ಸಾಯಕೈಃ। ಸೌಬಲಸ್ಯ ಬಲಂ ಸಂಖ್ಯೇ ತ್ಯಕ್ತ್ವಾ ನಾದಂ ಮಹಾಬಲಃ॥ 8-81-63 (59016) ತಸ್ಯಾಶ್ವಾಂಶ್ಚತುರೋ ಹತ್ವಾ ಸೂತಂ ಚೈವ ವಿಶಾಂಪತೇ। ಧ್ವಜಂ ಚಿಚ್ಛೇದ ಭಲ್ಲೇನ ತ್ವರಮಾಣಃ ಪರಾಕ್ರಮೀ॥ 8-81-64 (59017) ಹತಾಶ್ವಂ ರಥಮುತ್ಸೃಜ್ಯ ತ್ವರಮಾಣೋ ನರೋತ್ತಮಃ। ತಸ್ಥೌ ವಿಸ್ಫಾರಯಂಶ್ಚಾಪಂ ಕ್ರೋಧರಕ್ತೇಕ್ಷಣಃ ಶ್ವಸನ್॥ 8-81-65 (59018) ಶರೈಶ್ಚ ಬಹುಧಾ ರಾಜನ್ಭೀಮಮಾರ್ಚ್ಛತ್ಸಮಂತತಃ॥ 8-81-66 (59019) ಪ್ರತಿಹತ್ಯ ತು ವೇಗೇನ ಭೀಮಸೇನಃ ಪ್ರತಾಪವಾನ್। ಧನುಶ್ಚಿಚ್ಛೇದ ಸಂಕ್ರುದ್ಧೋ ವಿವ್ಯಾಧ ಚ ಶಿತೈಃ ಶರೈಃ॥ 8-81-67 (59020) ಸೋಽತಿವಿದ್ಧೋ ಬಲವತಾ ಶತ್ರುಣಾ ಶತ್ರುಕರ್ಶನಃ। ನಿಪಪಾತ ತದಾ ಭೂಮೌ ಕಿಂಚಿತ್ಪ್ರಾಣೋ ನರಾಧಿಪಃ॥ 8-81-68 (59021) ತತಸ್ತಂ ವಿಹ್ವಲಂ ಜ್ಞಾತ್ವಾ ಪುತ್ರಸ್ತವ ವಿಶಾಂಪತೇ। ಅಪೋವಾಹ ರಥೇನಾಜೌ ಭೀಮಸೇನಸ್ಯ ಪಶ್ಯತಃ॥ 8-81-69 (59022) ಶಕುನಿಂ ವಿಹ್ವಲಂ ದೃಷ್ಟ್ವಾ ಧಾರ್ತರಾಷ್ಟ್ರಾಃ ಪರಾಙ್ಮುಖಾಃ। ಪ್ರದುದ್ರುವುರ್ದಿಶೋ ಭೀತಾ ಭೀಮಸೇನಭಯಾತ್ಪ್ರಭೋ॥ 8-81-70 (59023) ಸೌಬಲೇ ನಿರ್ಜಿತೇ ರಾಜನ್ಭೀಮಸೇನೇನ ಧನ್ವಿನಾ। ಭಯೇನ ಮಹತಾಽಽವಿಷ್ಟಃ ಪುತ್ರೋ ದುರ್ಯೋಧನಸ್ತವ। ಅಪಾಯಾಜ್ಜವನೈರಶ್ವೈಃ ಸಾಪೇಕ್ಷೋ ಮಾತುಲಂ ಪ್ರತಿ॥ 8-81-71 (59024) ಪರಾಙ್ಮುಖಂ ತು ರಾಜಾನಂ ದೃಷ್ಟ್ವಾ ಸೈನ್ಯಾನಿ ಭಾರತ। ವಿಪ್ರಜಗ್ಮುಃ ಸಮುತ್ಸೃಜ್ಯ ದ್ವೈರಥಾನಿ ಸಮಂತತಃ॥ 8-81-72 (59025) ತಾಂದೃಷ್ಟ್ವಾ ವಿದ್ರುತಾನ್ಸರ್ವಾಂಧಾರ್ತರಾಷ್ಟ್ರಾನ್ಪರಾಙ್ಮುಖಾನ್। ಜವೇನಾಭ್ಯಾಪತದ್ಭೀಮಃ ಕಿರಞ್ಶರಶತಾನ್ಬಹೂನ್॥ 8-81-73 (59026) ತೇ ವಧ್ಯಮಾನಾ ಭೀಮೇನ ಧಾರ್ತರಾಷ್ಟ್ರಾಃ ಪರಾಙ್ಮುಖಾಃ। ಕರ್ಣಮಾಸಾದ್ಯ ಸಮರೇ ಸ್ಥಿತಾ ರಾಜನ್ಸಮಂತತಃ॥ 8-81-74 (59027) ಸ ಹಿ ತೇಷಾಂ ಮಹಾವೀರ್ಯೋ ದ್ವೀಪೋಽಭೂತ್ಸುಮಹಾಬಲಃ। ಭಿನ್ನನೌಕಾ ಯಥಾ ರಾಜಂದ್ವೀಪಮಾಸಾದ್ಯ ನಿರ್ವೃತಾಃ॥ 8-81-75 (59028) ಭವಂತಿ ಪುರುಷವ್ಯಾಘ್ರ ನಾವಿಕಾಃ ಕಾಲಪರ್ಯಯೇ। ತಥಾ ಕರ್ಣಂ ಸಮಾಸಾದ್ಯ ತಾವಕಾಃ ಪುರುಷರ್ಷಭ॥ 8-81-76 (59029) ಸಮಾಶ್ವಸ್ತಾಃ ಸ್ಥಿತಾ ರಾಜನ್ಸಂಪ್ರಹೃಷ್ಟಾಃ ಪರಸ್ಪರಂ। ಸಮಾಜಗ್ಮುಶ್ಚ ಯುದ್ಧಾಯ ಮೃತ್ಯುಂ ಕೃತ್ವಾ ನಿವರ್ತನಂ॥ ॥ 8-81-77 (59030) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಏಕಾಶೀತಿತಮೋಽಧ್ಯಾಯಃ॥ 81 ॥

8-82-0 (59031) ಧೃತರಾಷ್ಟ್ರ ಉವಾಚ। 8-82-0x (5035) ತತೋ ಭಗ್ನೇಷು ಸೈನ್ಯೇಷು ಭೀಮಸೇನೇನ ಸಂಯುಗೇ। ದುರ್ಯೋಧನೋಽಬ್ರವೀತ್ಕಿಂ ನು ಸೌಬಲೋ ವಾಽಪಿ ಸಂಜಯ॥ 8-82-1 (59032) ಕರ್ಣೋ ವಾ ಜಯತಾಂ ಶ್ರೇಷ್ಠೋ ಯೋಧಾ ವಾ ಮಾಮಕಾ ಯುಧಿ। ಕೃಪೋ ವಾ ಕೃತವರ್ಮಾ ವಾ ದ್ರೌಣಿರ್ದುಃಶಾಸನೋಽಪಿ ವಾ॥ 8-82-2 (59033) ಅತ್ಯದ್ಭುತಮಹಂ ಮನ್ಯೇ ಪಾಂಡವೇಯಸ್ಯ ವಿಕ್ರಮಂ। ಯದೇಕಃ ಸಮರೇ ಸರ್ವಾನ್ಯೋಧಯಾಮಾಸ ಮಾಮಕಾನ್॥ 8-82-3 (59034) ಯಥಾಪ್ರತಿಜ್ಞಂ ಯೋಧಾನಾಂ ರಾಧೇಯಃ ಕೃತವಾನಪಿ। ಕುರೂಣಾಮಥ ಸರ್ವೇಷಾಂ ಕರ್ಣಃ ಶತ್ರುನಿಷೂದನಃ। ಶರ್ಮ ವರ್ಮ ಪ್ರತಿಷ್ಠಾ ಚ ಜೀವಿತಾಶಾ ಚ ಸಂಜಯ॥ 8-82-4 (59035) ತದ್ಭಗ್ರಂ ಸ್ವಬಲಂ ದೃಷ್ಟ್ವಾ ಕೌಂತೇಯೇನಾಮಿತೌಜಸಾ। ಧನುರ್ದರಾಣಾಂ ಪ್ರವರಃ ಕರ್ಣಃ ಕಿಮಕರೋದ್ಯುಧಿ॥ 8-82-5 (59036) ಪುತ್ರಾ ವಾ ಮಮ ದುರ್ಧರ್ಷಾ ರಾಜಾನೋ ವಾ ಮಹಾರಥಾಃ। ಏತನ್ಮೇ ಸರ್ವಮಾಚಕ್ಷ್ವ ಕುಶಲೋ ಹ್ಯಸಿ ಸಂಜಯ॥ 8-82-6 (59037) ಸಂಜಯ ಉವಾಚ। 8-82-7x (5036) ಅಪರಾಹ್ಣೇ ಮಹಾರಾಜ ಸೂತಪುತ್ರಃ ಪ್ರತಾಪವಾನ್। ಜಘಾನ ಸೋಮಕಾನ್ಸರ್ವಾನ್ಭೀಮಸೇನಸ್ಯ ಪಶ್ಯತಃ॥ 8-82-7 (59038) ಭೀಮೋಽಪ್ಯತಿಬಲಂ ಸೈನ್ಯಂ ಧಾರ್ತರಾಷ್ಟ್ರಂ ವ್ಯಪೋಥಯತ್॥ 8-82-8 (59039) ದ್ರಾವ್ಯಮಾಣಂ ಬಲಂ ದೃಷ್ಟ್ವಾ ಭೀಮಸೇನೇನ ಧೀಮತಾ। ಯಂತಾರಮಬ್ರವೀತ್ಕರ್ಣಃ ಪಾಂಚಾಲಾನೇವ ಮಾಂ ವಹ॥ 8-82-9 (59040) ಮದ್ರರಾಜಸ್ತತಃ ಶಲ್ಯಃ ಶ್ವೇತಾನಶ್ವಾನ್ಮಹಾಜವಾನ್। ಪ್ರಾಹಿಣೋಚ್ಚೇದಿಪಾಂಚಾಲಾನ್ಕರೂಶಾಂಶ್ಚ ಮಹಾಬಲಃ॥ 8-82-10 (59041) ಪ್ರವಿಶ್ಯ ಚ ಮಹತ್ಸೈನ್ಯಂ ಶಲ್ಯಃ ಪರಬಲಾರ್ದನಃ। ನ್ಯಯಚ್ಛತ್ತುರಗಾನ್ಹೃಷ್ಟೋ ಯತ್ರಯತ್ರ ಚ ತೇ ರಥಾಃ॥ 8-82-11 (59042) ತಂ ರಥಂ ಮೇಘಸಂಕಾಶಂ ವೈಯಾಘ್ರಪರಿವಾರಣಂ। ಸಂದೃಶ್ಯ ಪಾಂಡುಪಂಚಾಲಾಸ್ತ್ರಸ್ತಾ ಹ್ಯಾಸನ್ವಿಶಾಂಪತೇ॥ 8-82-12 (59043) ತತೋ ರಥಸ್ಯ ನಿನದಃ ಪ್ರಾದುರಾಸೀನ್ಮಹಾರಣೇ। ಪರ್ಜನ್ಯಸಮನಿರ್ಘೋಷಃ ಪರ್ವತಸ್ಯೇವ ದೀರ್ಯತಃ॥ 8-82-13 (59044) ತತಃ ಶರಶತೈಸ್ತೀಕ್ಷಣೈಃ ಕರ್ಣ ಆಕರ್ಣನಿಃಸೃತೈಃ। ಜಘಾನ ಪಾಂಡವಬಲಂ ಶತಶೋಽಥ ಸಹಸ್ರಶಃ॥ 8-82-14 (59045) ತಂ ತಥಾ ಸಮರೇ ಕರ್ಮ ಕುರ್ವಾಣಮಪರಾಜಿತಂ। ಪರಿವವ್ರುರ್ಮಹೇಷ್ವಾಸಾಃ ಪಾಂಡವಾನಾಂ ಮಹಾರಥಾಃ॥ 8-82-15 (59046) ತಂ ಶಿಖಂಡೀ ಚ ಭೀಮಶ್ಚ ಧೃಷ್ಟದ್ಯುಂನಶ್ಚ ಪಾರ್ಷತಃ। ನಕುಲಃ ಸಹದೇವಶ್ಚ ದ್ರೌಪದೇಯಾಶ್ಚ ಸಾತ್ಯಕಿಃ॥ 8-82-16 (59047) ಪರಿವವ್ರುರ್ಜಿಘಾಂಸಂತೋ ರಾಧೇಯಂ ಶರವೃಷ್ಟಿಭಿಃ। ಸಾತ್ಯಕಿಸ್ತು ತದಾ ಕರ್ಣಂ ವಿಂಶತ್ಯಾ ನಿಶಿತೈಃ ಶರೈಃ॥ 8-82-17 (59048) ಅತಾಡಯದ್ರಣೇ ಶೂರೋ ಜತ್ರುದೇಶೇ ನರೋತ್ತಮಃ। ಶಿಖಂಡೀ ಪಂಚವಿಂಶತ್ಯಾ ಧೃಷ್ಟದ್ಯುಂನಶ್ಚ ಸಪ್ತಭಿಃ॥ 8-82-18 (59049) ದ್ರೌಪದೇಯಾಶ್ಚತುಃಷಷ್ಟ್ಯಾ ಸಹದೇವಶ್ಚ ಸಪ್ತಭಿಃ। ನಕುಲಶ್ಚ ಶತೇನಾಜೌ ಕರ್ಣಂ ವಿವ್ಯಾಧ ಸಾಯಕೈಃ॥ 8-82-19 (59050) ಭೀಮಸೇನಸ್ತು ರಾಧೇಯಂ ನವತ್ಯಾ ನತಪರ್ವಣಾಂ। ವಿವ್ಯಾಧ ಸಮರೇ ಕ್ರುದ್ಧೋ ಜತ್ರುದೇಶೇ ಮಹಾಬಲಃ॥ 8-82-20 (59051) ಅಥ ಪ್ರಹಸ್ಯಾಧಿರಥಿರ್ವ್ಯಾಕ್ಷಿಪದ್ಧನುರುತ್ತಮಂ। ಮುಮೋಚ ನಿಶಿತಾನ್ಬಾಣಾನ್ಪೀಡಯನ್ಸುಮಹಾಬಲಃ॥ 8-82-21 (59052) ತಾನ್ಪ್ರತ್ಯವಿಧ್ಯದ್ರಾಧೇಯಃ ಪಂಚಭಿಃ ಪಂಚಭಿಃ ಶರೈಃ। ಸಾತ್ಯಕೇಸ್ತು ಧನುಶ್ಛಿತ್ತ್ವಾ ಧ್ವಜಂ ಚ ಭರತರ್ಷಭ॥ 8-82-22 (59053) ತಂ ತಥಾ ನವಭಿರ್ಬಾಣೈರಾಜಘಾನ ಸ್ತನಾಂತರೇ। ಭೀಮಸೇನಂ ತತಃ ಕ್ರುದ್ಧೋ ವಿವ್ಯಾಧ ತ್ರಿಂಶತಾ ಶರೈಃ॥ 8-82-23 (59054) ಸಹದೇವಸ್ಯ ಭಲ್ಲೇನ ಧ್ವಜಂ ಚಿಚ್ಛೇದ ಮಾರಿಷ। ಸಾರಥಿಂ ಚ ತ್ರಿಭಿರ್ಬಾಣೈರಾಜಘಾನ ಪರಂತಪಃ॥ 8-82-24 (59055) ವಿರಥಾಂದ್ರೌಪದೇಯಾಂಶ್ಚ ಚಕಾರ ಭರತರ್ಷಭ। ಅಕ್ಷ್ಣೋರ್ನಿಮೇಷಮಾತ್ರೇಣ ತದದ್ಭುತಮಿವಾಭವತ್॥ 8-82-25 (59056) ವಿಮುಖೀಕೃತ್ಯ ತಾನ್ಸರ್ವಾಞ್ಶರೈಃ ಸನ್ನತಪರ್ವಭಿಃ। ಪಾಂಚಾಲಾನಹನಂಛೂರಾಂಶ್ಚೇದೀನಾಂ ಚ ಮಹಾರಥಾನ್॥ 8-82-26 (59057) ತೇ ವಧ್ಯಮಾನಾಃ ಸಮರೇ ಚೇದಿಮತ್ಸ್ಯಾ ವಿಶಾಂಪತೇ। ಕರ್ಣಮೇಕಮಭಿದ್ರುತ್ಯ ಶರಸಂಖೈಃ ಸಮಾರ್ಪಯನ್॥ 8-82-27 (59058) ತಾಂಜಘಾನ ಶಿತೈರ್ಬಾಣೈಃ ಸೂತಪುತ್ರೋ ಮಹಾರಥಃ। ತೇ ವಧ್ಯಮಾನಾಃ ಸಮರೇ ಚೇದಿಮಾತ್ಸ್ಯಾ ವಿಶಾಂಪತೇ। ಪ್ರಾದ್ರವಂತ ರಣೇ ಭೀತಾಃ ಸಿಂಹತ್ರಸ್ತಾ ಮೃಗಾ ಇವ॥ 8-82-28 (59059) ಏತದತ್ಯುದ್ಭತಂ ಕರ್ಮ ದೃಷ್ಟ್ವಾನಸ್ಮಿ ಭಾರತ। ಯದೇಕಃ ಸಮರೇ ಶೂರಾನ್ಸೂತಪುತ್ರಃ ಪ್ರತಾಪವಾನ್॥ 8-82-29 (59060) ಯತಮಾನಾನ್ಪರಂ ಶಕ್ತ್ಯಾ ಯೋಧಯಾನಾಂಶ್ಚ ಧನ್ವಿನಃ। ಪಾಂಡವೇಯಾನ್ಮಹಾರಾಜ ಶರೈರ್ವಾರಿತವಾನ್ರಣೇ॥ 8-82-30 (59061) ತತ್ರ ಭಾರತ ಕರ್ಣಸ್ಯ ಲಾಘವೇನ ಮಹಾತ್ಮನಃ। ತುತುಷುರ್ದೇವತಾಃ ಸರ್ವಾಃ ಸಿದ್ಧಾಶ್ಚ ಸಹ ಚಾರಣೈಃ॥ 8-82-31 (59062) ಅಪೂಜಯನ್ಮಹೇಷ್ವಾಸಾ ಧಾರ್ತರಾಷ್ಟ್ರಾ ನರೋತ್ತಮಂ। ಕರ್ಣಂ ರಥವರಶ್ರೇಷ್ಠಂ ಶ್ರೇಷ್ಠಂ ಸರ್ವಧನುಷ್ಮತಾಂ॥ 8-82-32 (59063) ತತಃ ಕರ್ಣೋ ಮಹಾರಾಜ ದದಾಹ ರಿಪುವಾಹಿನೀಂ। ಕಕ್ಷಮಿದ್ಧೋ ಯಥಾ ವಹ್ನಿರ್ನಿದಾಧೇ ಜ್ವಲಿತೋ ಮಹಾನ್॥ 8-82-33 (59064) ತೇ ವಧ್ಯಮಾನಾಃ ಕರ್ಣೇನ ಪಾಂಡವೇಯಾಸ್ತತಸ್ತತಃ। ಪ್ರಾದ್ರವಂತ ರಣೇ ಭೀತಾಃ ಕರ್ಣಂ ದೃಷ್ಟ್ವಾ ಮಹಾರಥಂ॥ 8-82-34 (59065) ತತ್ರಾಕ್ರಂದೋ ಮಹಾನಾಸೀತ್ಪಾಂಚಾಲಾನಾಂ ಮಹಾರಣೇ। ವಧ್ಯತಾಂ ಸಾಯಕೈಸ್ತೀಕ್ಷ್ಣೈಃ ಕರ್ಣಚಾಪವರಚ್ಯುತೈಃ॥ 8-82-35 (59066) ತೇನ ಶಬ್ದೇನ ವಿತ್ರಸ್ತಾ ಪಾಂಡವಾನಾಂ ಮಹಾಚಮೂಃ। ಕರ್ಣಮೇಕಂ ರಣೇ ಯೋಧಂ ಮೇನಿರೇ ತತ್ರ ಶಾತ್ರವಾಃ॥ 8-82-36 (59067) ತತ್ರಾದ್ಭುತಂ ಪುನಶ್ಚಕ್ರೇ ರಾಧೇಯಃ ಶತ್ರುಕರ್ಶನಃ। ಯದೇನಂ ಪಾಂಡವಾಃ ಸರ್ವೇ ನ ಶೇಕುರಭಿವೀಕ್ಷಿತುಂ॥ 8-82-37 (59068) ಜಲೌಘಃ ಪರ್ವತಶ್ರೇಷ್ಠಂ ಯಥಾಸಾದ್ಯ ಪ್ರಭಿದ್ಯತೇ। ತಥಾ ತತ್ಪಾಂಡವಂ ಸೈನ್ಯಂ ಕರ್ಣಮಾಸಾದ್ಯ ದೀರ್ಯತೇ॥ 8-82-38 (59069) ಕರ್ಣೋಽಪಿ ಸಮರೇ ರಾಜನ್ವಿಧೂಮೋಽಗ್ನಿರಿವ ಜ್ವಲತ್। ದಹಂಸ್ತಸ್ಥೌ ಮಹಾಬಾಹುಃ ಪಾಂಡವಾನಾಂ ಮಹಾಚಮೂಂ॥ 8-82-39 (59070) ಶಿರಾಂಸಿ ಚ ಮಹಾರಾಜ ಕರ್ಣಾಂ ಶ್ಚೈವ ಸಕುಂಡಲಾನ್। ಬಾಹೂಂಶ್ಚ ವೀರೋ ವೀರಾಣಾಂ ಚಿಚ್ಛೇದ ಲಘು ಚೇಷುಭಿಃ॥ 8-82-40 (59071) ಹಸ್ತಿದಂತತ್ಸರೂನ್ಖಂಗಾಂಧ್ವಜಾಞ್ಶಕ್ತೀರ್ಹಯಾನ್ಗಜಾನ್। ರಥಾಂಶ್ಚ ವಿವಿಧಾನ್ರಾಜನ್ಪತಾಕಾ ವ್ಯಜನಾನಿ ಚ॥ 8-82-41 (59072) ಅಕ್ಷಂ ಚ ಯುಗಯೋಕ್ತ್ರಾಣಿ ಚಕ್ರಾಣಿ ವಿವಿಧಾನಿ ಚ। ಚಿಚ್ಛೇದ ಬಹುಧಾ ಕರ್ಣೋ ಯೋಧವ್ರತಮನುಷ್ಠಿತಃ॥ 8-82-42 (59073) ತತ್ರ ಭಾರತ ಕರ್ಣೇನ ನಿಹತೈರ್ಗಜವಾಜಿಭಿಃ। ಅಗಂಯರೂಪಾ ಪೃಥಿವೀ ಮಾಂಸಶೋಣಿತಕರ್ದಮಾ॥ 8-82-43 (59074) ವಿಷಮಂ ಚ ಸಮಂ ಚೈವ ಹತೈರಶ್ವಪದಾತಿಭಿಃ। ರಥೈಶ್ಚ ಕುಂಜರೈಶ್ಚೈವ ನ ಪ್ರಾಜ್ಞಾಯತ ಕಿಂಚನ॥ 8-82-44 (59075) ನಾಪಿ ಸ್ವೇ ನ ಪರೇ ಯೋಧಾಃ ಪ್ರಾಜ್ಞಾಯಂತ ಪರಸ್ಪರಂ। ಘೋರೇ ಶರಾಂಧಕಾರೇ ತು ಕರ್ಣಾಸ್ತ್ರೇ ಚ ವಿಜೃಂಭಿತೇ॥ 8-82-45 (59076) ರಾಧೇಯಚಾಪನಿರ್ಮುಕ್ತೈಃ ಶರೈಃ ಕಾಂಚನಭೂಷಣೈಃ। ಸಂಛಾದಿತಾ ಮಹಾರಾಜ ಪಾಂಡವಾನಾಂ ಮಹಾರಥಾಃ॥ 8-82-46 (59077) ತೇ ಪಾಂಡವೇಯಾಃ ಸಮರೇ ರಾಧೇಯೇನ ಪುನಃ ಪುನಃ। ಅಭಜ್ಯಂತ ಮಹಾರಾಜ ಯತಮಾನಾ ಮಹಾರಥಾಃ॥ 8-82-47 (59078) ಮೃಗಸಂಘಾನ್ಯಥಾ ಕ್ರುದ್ಧಃ ಸಿಂಹೋ ದ್ರಾವಯತೇ ವನೇ। ಪಂಚಾಲಾನಾಂ ರಥಶ್ರೇಷ್ಠಾಂದ್ರಾವಯಞ್ಶಾತ್ರವಾಂಸ್ತಥಾ॥ 8-82-48 (59079) ಕರ್ಣಸ್ತು ಸಮರೇ ಯೋಧಾಂಸ್ತ್ರಾಸಯುನ್ಸುಮಹಾಯಶಾಃ। ಕಾಲಯಾಮಾಸ ತತ್ಸೈನ್ಯಂ ಯಥಾ ಪಶುಗಣಾನ್ವೃಕಃ॥ 8-82-49 (59080) ದೃಷ್ಟ್ವಾ ತು ಪಾಂಡವೀಂ ಮೇನಾಂ ಧಾರ್ತರಾಷ್ಟ್ರಾಃ ಪರಾಙ್ಯುಖೀಂ। ತತ್ರಾಜಗ್ಮುರ್ಮಹೇಷ್ವಾಸಾ ರುದಂತೋ ಭೈರವಾತ್ರವಾನ್ ॥ 8-82-50 (59081) ದುರ್ಯೋಧನೋ ಹಿ ರಾಜೇಂದ್ರ ಮುದಾ ಪರಮಯಾ ಯುತಃ। ವಾದಯಾಮಾಸ ಸಂಹೃಷ್ಟೋ ನಾನಾವಾದ್ಯಾನಿ ಸರ್ವಶಃ॥ 8-82-51 (59082) ಪಾಂಚಾಲಾಶ್ಚ ಮಹೇಷ್ವಾಸಾ ಭಗ್ನಾಸ್ತತ್ರ ನರೋತ್ತಮಾಃ। ನ್ಯವರ್ತಂತ ತದಾ ಶೂರಾ ಮೃತ್ಯುಂ ಕೃತ್ವಾ ನಿವರ್ತನಂ॥ 8-82-52 (59083) ತಾನ್ನಿವೃತ್ತಾನ್ರಣೇ ಶೂರಾನ್ರಾಧೇಯಃ ಶತ್ರುತಾಪನಃ। ಅನೇಕಶೋ ಮಹಾರಾಜ ಬಭಂಜ ಪುರುಷರ್ಷಭಃ॥ 8-82-53 (59084) ತತ್ರ ಭಾರತ ಕರ್ಣೇನ ಪಾಂಚಾಲಾ ವಿಂಶತೀ ರಥಾಃ। ನಿಹತಾಃ ಸಾಯಕೈಃ ಕ್ರೋಧಾಚ್ಚೇದಯಶ್ಚ ಪರಂಶತಾಃ॥ 8-82-54 (59085) ಕೃತ್ವಾ ಶೂನ್ಯಾನ್ರಥೋಪಸ್ಥಾನ್ವಾಜಿಪೃಷ್ಠಾಂಶ್ಚ ಭಾರತ। ನಿರ್ಮನುಷ್ಯಾನ್ಗಜಸ್ಕಂಧಾನ್ಪಾದಾತಾಂಶ್ಚೈವ ವಿದ್ರುತಾನ್॥ 8-82-55 (59086) ಆದಿತ್ಯ ಇವ ಮಧ್ಯಾಹ್ನೇ ದುರ್ನಿರೀಕ್ಷ್ಯಃ ಪರಂತಪಃ। ಕಾಲಾಂತಕವಪುಃ ಶೂರಃ ಸೂತಪುತ್ರೋಽಭ್ಯರಾಜತ॥ 8-82-56 (59087) ಏವಮೇತನ್ಮಹಾರಾಜ ನರವಾಜಿರಥದ್ವಿಪಾನ್। ಹತ್ವಾ ತಸ್ಥೌ ಮಹೇಷ್ವಾಸಃ ಕರ್ಣೋಽರಿಗಣಸೂದನಃ॥ 8-82-57 (59088) ಯಥಾ ಭೂತಗಣಾನ್ಹತ್ವಾ ಕಾಲಸ್ತಿಷ್ಠೇನ್ಮಹಾಬಲಃ। ತಥಾ ಸ ಸೋಮಕಾನ್ಹತ್ವಾ ತಸ್ಥಾವೇಕೋ ಮಹಾರಥಃ॥ 8-82-58 (59089) ತತ್ರಾದ್ಭುತಮಪಶ್ಯಾಮ ಪಾಂಚಾಲಾನಾಂ ಪರಾಕ್ರಮಂ। ವಧ್ಯಮಾನಾಽಪಿ ಯತ್ಕರ್ಣಂ ನಾಜಹೂ ರಣಮೂರ್ಧನಿ॥ 8-82-59 (59090) ರಾಜಾ ದುಃಶಾಸನಶ್ಚೈವ ಕೃಪಃ ಶಾರದ್ವತಸ್ತಥಾ। ಅಶ್ವತ್ಥಾಮಾ ಕೃತವರ್ಮಾ ಶಕುನಿಶ್ಚ ಮಹಾಬಲಃ। ವ್ಯಹನನ್ಪಾಂಡವೀಂ ಸೇನಾಂ ಶತಶೋಽಥ ಸಹಸ್ರಶಃ॥ 8-82-60 (59091) ಕರ್ಮಪುತ್ರೌ ತು ರಾಜೇಂದ್ರ ಭ್ರಾತರೌ ಸತ್ಯವಿಕ್ರಮೌ। ನಿಜಘ್ನಾತೇ ಬಲಂ ಕ್ರುದ್ಧೌ ಪಾಂಡವಾನಾಮಿತಸ್ತತಃ॥ 8-82-61 (59092) ತತ್ರ ಯುದ್ಧಂ ಮಹಚ್ಚಾಸೀತ್ಕ್ರೂರಂ ವಿಶಸನಂ ಮಹತ್॥ 8-82-62 (59093) ತಥೈವ ಪಾಂಡವಾಃ ಶೂರಾ ಧೃಷ್ಟದ್ಯುಂನಶಿಖಂಡಿನೌ। ದ್ರೌಪದೇಯಾಶ್ಚ ಸಂಕ್ರುದ್ಧಾ ಅಭ್ಯಘ್ನಂಸ್ತಾವಕಂ ಬಲಂ॥ 8-82-63 (59094) ಏವಮೇಷ ಕ್ಷಯೋ ವೃತ್ತಃ ಪಾಂಡವಾನಾಂ ತತಸ್ತತಃ। ತಾವಕಾನಾಮಪಿ ರಣೇ ಭೀಮಂ ಪ್ರಾಪ್ಯ ಮಹಾಬಲಂ॥ ॥ 8-82-64 (59095) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ದ್ವ್ಯಶೀತಿತಮೋಽಧ್ಯಾಯಃ॥ 82 ॥

8-83-0 (59096) ಸಂಜಯ ಉವಾಚ। 8-83-0x (5037) ಹತ್ವಾ ತು ಫಲ್ಗುನಃ ಸೇನಾಂ ಕೌರವಾಣಾಂ ಪೃಥಕ್ಪೃಥಕ್। ಸೂತಪುತ್ರಸ್ಯ ಸಂರಂಭಂ ದೃಷ್ಟ್ವಾ ಚೈವ ಮಹಾರಣೇ॥ 8-83-1 (59097) ಶೋಣಿತೋದಾಂ ನದೀಂ ಕೃತ್ವಾ ಮಾಂಸಮಜ್ಜಾಸ್ಥಿಪಂಕಿಲಾಂ। ಮನುಷ್ಯಶೀರ್ಷಪಾಷಾಣಾಂ ಹಸ್ತ್ಯಶ್ವಕೃತರೋಧಸಂ॥ 8-83-2 (59098) ಶೂರಾಸ್ಥಿತ್ತಯಸಂಕೀರ್ಣಾಂ ಕಾಕಗೃಧ್ರಾನುನಾದಿತಾಂ। ಛತ್ರಹಂಸಪ್ಲುವೋಪೇತಾಂ ವೀರವೃಕ್ಷಾಪಹಾರಿಣೀಂ॥ 8-83-3 (59099) ಹಾರಪದ್ಮಾಕರವತೀಮುಷ್ಣೀಷವರಫೇನಿಲಾಂ। ಧನುಃಶರಧ್ವಜೋಪೇತಾಂ ನರಕ್ಷುದ್ರಕಪಾಲಿನೀಂ॥ 8-83-4 (59100) ಚರ್ಮವರ್ಮಭ್ರಮೋಪೇತಾಂ ರಥೋಡುಪಸಮಾಕುಲಾಂ। ಜಯೈಷಿಣಾಂ ಚ ಸುತರಾಂ ಭೀರೂಣಾಂ ಚ ಸುದುಸ್ತರಾಂ॥ 8-83-5 (59101) ನದೀಂ ಪ್ರಾವರ್ತಯಿತ್ವಾ ಚ ಬೀಭತ್ಸುಃ ಪರವೀರಹಾ। ವಾಸುದೇವಮಿದಂ ವಾಕ್ಯಮಬ್ರವೀತ್ಪುರುಷರ್ಷಭಃ॥ 8-83-6 (59102) ಅರ್ಜುನ ಉವಾಚ। 8-83-7x (5038) ಏಷ ಕೇತೂ ರಣೇ ಕೃಷ್ಣ ಸೂತಪುತ್ರಸ್ಯ ದೃಶ್ಯತೇ। ಭೀಮಸೇನಾದಯಶ್ಚೈತೇ ಯೋಧಯಂತಿ ಮಹಾರಥಂ॥ 8-83-7 (59103) ಏತೇ ದ್ರವಂತಿ ಪಾಂಚಾಲಾಃ ಕರ್ಮತ್ರಸ್ತಾ ಜನಾರ್ದನ। ಏಷ ದುರ್ಯೋಧನೋ ರಾಜಾ ಶ್ವೇತಚ್ಛತ್ರೇಣ ಧಾರ್ಯತೇ॥ 8-83-8 (59104) ಕರ್ಣೇನ ಭಗ್ನಾನ್ಪಾಂಚಾಲಾಂದ್ರಾವಯನ್ಬಹು ಶೋಭತೇ। ಕೃಪಶ್ಚ ಕೃತವರ್ಮಾ ಚ ದ್ರೌಣಿಶ್ಚೈವ ಮಹಾರಥಃ॥ 8-83-9 (59105) ಏತೇ ರಕ್ಷಂತಿ ರಾಜಾನಂ ಸೂತಪುತ್ರೇಣ ರಕ್ಷಿತಾಃ। ಅವಧ್ಯಮಾನಾಸ್ತೇಽಸ್ಮಾಭಿರ್ಯೋಧಯಿಷ್ಯಂತಿ ಸೋಮಕಾನ್॥ 8-83-10 (59106) ಏಷ ಶಲ್ಯೋ ರಥೋಪಸ್ಥೇ ರಶ್ಮಿಸಂಗ್ರಾಹಕೋವಿದಃ। ಸೂತಪುತ್ರರಥಂ ಕೃಷ್ಣ ವಾಹಯನ್ಬಹು ಶೋಭತೇ॥ 8-83-11 (59107) ತತ್ರ ಮೇ ಬುದ್ಧಿರುತ್ಪನ್ನಾ ವಾಹಯಾತ್ರ ರಥಂ ಮಮ। ನಾಹತ್ವಾ ಸಮರೇ ಕರ್ಣಂ ನಿವರ್ತಿಷ್ಯೇ ಕಥಂಚನ॥ 8-83-12 (59108) ಮಾ ಸ್ಮ ಕರ್ಣೋ ರಣೇ ಪಾರ್ಥಾನ್ಸೃಂಜಯಾಂಶ್ಚ ಮಹಾರಥಾನ್। ನಿಃಶೇಷಾನ್ಸಮರೇ ಕುರ್ಯಾತ್ಪಶ್ಯತಾಂ ನೋ ಜನಾರ್ದನ॥ 8-83-13 (59109) ಸಂಜಯ ಉವಾಚ। 8-83-14x (5039) ತತಃ ಪ್ರಾಯಾಜ್ಜವೇನಾಶು ಕೇಶವಸ್ತವ ವಾಹಿನೀಂ। ಕರ್ಣಂ ಪ್ರತಿ ಮಹೇಷ್ವಾಸಂ ದ್ವೈರಥೇ ಸವ್ಯಸಾಚಿನಃ॥ 8-83-14 (59110) ಸ ಪ್ರಯಾತೋ ರಥೇನಾಶು ಕೃಷ್ಣೋ ರಾಜನ್ಮಹಾಹವೇ। ಆಶ್ವಾಸಯನ್ರಣೇ ಚಾಶು ಪಾಂಡುಸೈನ್ಯಾನಿ ಸರ್ವಶಃ॥ 8-83-15 (59111) ರಥಘೋಷಸ್ತತಸ್ತಸ್ಯ ಪಾಂಡವಸ್ಯ ಬಭೂವ ಹ। ವಾಸವಾಸ್ತ್ರನಿಪಾತೇನ ಪರ್ವತೇಷ್ವಿವ ಮಾರಿಷ॥ 8-83-16 (59112) ಮಹತಾ ರಥಘೋಷೇಣ ಪಾಂಡವಃ ಸತ್ಯವಿಕ್ರಮಃ। ಅಭ್ಯಯಾದಪ್ರಮೇಯಾತ್ಮಾ ನಿರ್ಜಯಂಸ್ತವ ವಾಹಿನೀಂ॥ 8-83-17 (59113) ತಮಾಯಾಂತಂ ಸಮೀಕ್ಷ್ಯೈವ ಶ್ವೇತಾಶ್ವಂ ಕೃಷ್ಣಸಾರಥಿಂ। ಮದ್ರರಾಜೋಽಬ್ರವೀತ್ಕರ್ಣಂ ಕೇತುಂ ದೃಷ್ಟ್ವಾ ಮಹಾತ್ಮನಃ॥ 8-83-18 (59114) ಅಯಂ ಸ ರಥ ಆಯಾತಿ ಶ್ವೇತಾಶ್ವಃ ಕೃಷ್ಣಸಾರಥಿಃ। ನಿಘ್ನನ್ನಮಿತ್ರಾನ್ಸಮರೇ ಯಂ ಕರ್ಣ ಪರಿಪೃಚ್ಛಸಿ॥ 8-83-19 (59115) ಏಷ ತಿಷ್ಠತಿ ಕೌಂತೇಯಃ ಸಂಸ್ಪೃಶನ್ಗಾಂಡಿವಂ ಧನುಃ। ತಂ ಹನಿಷ್ಯಸಿ ಚೇದದ್ಯ ತನ್ನಃ ಶ್ರೇಯೋ ಭವಿಷ್ಯತಿ॥ 8-83-20 (59116) ಧನುರ್ಜ್ಯಾ ಚಂದ್ರತಾರಾಂಕಾ ಪತಾಕಾಕಿಂಕಿಣೀಯುತಾ। ಪಶ್ಯ ಕರ್ಣಾರ್ಜುನಸ್ಯೈಷಾ ಸೌದಾಮನ್ಯಂಬರೇ ಯಥಾ॥ 8-83-21 (59117) ಏಷ ಧ್ವಜಾಗ್ರೇ ಪಾರ್ಥಸ್ಯ ಪ್ರೇಕ್ಷಮಾಣಃ ಸಮಂತತಃ। ದೃಶ್ಯತೇ ವಾನರೋ ಭೀಮೋ ವೀಕ್ಷತಾಂ ಭಯವರ್ಧನಃ॥ 8-83-22 (59118) ಏತಚ್ಚಕ್ರಂ ಗದಾ ಶಂಖಃ ಶಾರ್ಂಗಂ ಕೃಷ್ಣಸ್ಯ ಚ ಪ್ರಭೋ। ದೃಶ್ಯತೇ ಪಾಂಡವರಥೇ ವಾಹಯಾನಸ್ಯ ವಾಜಿನಃ॥ 8-83-23 (59119) ಏತತ್ಕೂಜತಿ ಗಾಂಡೀವಂ ವಿಸೃಷ್ಟಂ ಸವ್ಯಸಾಚಿನಾ। ಏತೇ ಹಸ್ತವತಾ ಮುಕ್ತಾ ಘ್ನಂತ್ಯಮಿತ್ರಾಞ್ಶಿತಾಃ ಶರಾಃ॥ 8-83-24 (59120) ವಿಶಾಲಾಯತತಾಂರಾಕ್ಷೈಃ ಪೂರ್ಣಚಂದ್ರನಿಭಾನನೈಃ। ಏಷಾ ಭೂಃ ಕೀರ್ಯತೇ ರಾಜ್ಞಾಂ ಶಿರೋಭಿರಪಲಾಯಿನಾಂ॥ 8-83-25 (59121) ಏತೇ ಪರಿಘಸಂಕಾಶಾಃ ಪುಣ್ಯಗಂಧಾನುಲೇಪನಾಃ। ಉದ್ಧತಾ ರಣಶೂರಾಣಾಂ ಪಾತ್ಯಂತೇ ಸಾಯುಧಾ ಭುಜಾಃ॥ 8-83-26 (59122) ನಿರಸ್ತಜಿಹ್ವಾ ನೇತ್ರಾಂತಾ ವಾಜಿನಃ ಸಹ ಸಾದಿಭಿಃ। ಪತಿತಾಃ ಪಾತ್ಯಮಾನಾಶ್ಚ ಕ್ಷಿತೌ ಕ್ಷೀಣಾ ವಿಶೇರತೇ॥ 8-83-27 (59123) ಏತೇ ಪರ್ವತಶೃಂಗಾಣಾಂ ತುಲ್ಯಾ ಹೈಮವತಾ ಗಜಾಃ। ಸಂಛಿನ್ನಕುಂಭಾಃ ಪಾರ್ಥೇನ ಪ್ರಪತಂತ್ಯದ್ರಯೋ ಯಥಾ॥ 8-83-28 (59124) ಗಂಧರ್ವನಗರಾಕಾರಾ ರಥಾ ಹತನರೇಶ್ವರಾಃ। ವಿಮಾನಾದಿವ ಪುಣ್ಯಾಂತೇ ಸ್ವರ್ಗಿಣೋ ನಿಪತಂತ್ಯಮೀ॥ 8-83-29 (59125) ವ್ಯಾಕುಲೀಕೃತಮತ್ಯರ್ಥಂ ಪಶ್ಯ ಸೈನ್ಯಂ ಕಿರೀಟಿನಾ। ನಾನಾಮೃಗಸಹಸ್ರಾಣಾಂ ಯೂಥಂ ಕೇಸರಿಣಾ ಯಥಾ॥ 8-83-30 (59126) ತ್ವಾಮಭಿಪ್ರೇಪ್ಸುರಾಯಾತಿ ಕರ್ಣ ನಿಘ್ನನ್ವರಾನ್ರಥಾನ್। ಅಸಜ್ಜಮಾನೋ ರಾಧೇಯ ತಂ ಯಾಹಿ ಪ್ರತಿ ಭಾರತ॥ 8-83-31 (59127) ಏಷಾ ವಿದೀರ್ಯತೇ ಸೇನಾ ಧಾರ್ತರಾಷ್ಟ್ರೀ ಸಮಂತತಃ। ಅರ್ಜುನಸ್ಯ ಭಯಾತ್ತೂರ್ಣಂ ನಿಘ್ನತಃ ಶಾತ್ರವಾನ್ಬಹೂನ್॥ 8-83-32 (59128) ವರ್ಜಯನ್ಸರ್ವಸೈನ್ಯಾನಿ ತ್ವರತೇ ಹಿ ಧನಂಜಯಃ। ತ್ವದರ್ಥಮಿತಿ ಮನ್ಯೇಽಹಂ ಯಥಾಸ್ಯೋದೀರ್ಯತೇ ವಪುಃ॥ 8-83-33 (59129) ನ ಹ್ಯವಸ್ಥಾಸ್ಯತೇ ಪಾರ್ಥೋ ಯುಯುತ್ಸುಃ ಕೇನಚಿತ್ಸಹ। ತ್ವಾಮೃತೇ ಕ್ರೋಧದೀಪ್ತೋ ಹಿ ಪೀಡ್ಯಮಾನೇ ವೃಕೋದರೇ॥ 8-83-34 (59130) ವಿರಥಂ ಧರ್ಮರಾಜಂ ತು ದೃಷ್ಟ್ವಾ ಸುದೃಢವಿಕ್ಷತಂ। ಶಿಖಂಡಿನಂ ಸಾತ್ಯಕಿಂ ಚ ಧೃಷ್ಟದ್ಯುಂನಂ ಚ ಪಾರ್ಷತಂ॥ 8-83-35 (59131) ದ್ರೌಪದೇಯಾನ್ಯುಧಾಮನ್ಯುಮುತ್ತಮೌಜಸಮೇವ ಚ। ನಕುಲಂ ಸಹದೇವಂ ಚ ವಶಗಾಂಸ್ತೇ ಸಮೀಕ್ಷ್ಯ ತು॥ 8-83-36 (59132) ಸಹಸೈಕರಥಃ ಪಾರ್ಥಸ್ತ್ವಾಮಭ್ಯೇತಿ ಪರಂತಪಃ। ಕ್ರೋಧರಕ್ತೇಕ್ಷಣಃ ಕ್ರುದ್ಧೋ ಜಿಘಾಂಸುಃ ಸರ್ವಪಾರ್ಥಿವಾನ್॥ 8-83-37 (59133) ತ್ವರಿತೋಽಭಿಪತತ್ಯಸ್ಮಾಂಸ್ತ್ಯಕ್ತ್ವಾ ಸೈನ್ಯಾನ್ಯಸಂಶಯಂ। ತ್ವಂ ಕರ್ಣ ಪ್ರತಿಯಾಹ್ಯೇನಂ ನಾಸ್ತ್ಯನ್ಯೋ ಹಿ ಧನುರ್ಧರಃ॥ 8-83-38 (59134) ನ ತಂ ಪಶ್ಯಾಮಿ ಲೋಕೇಽಸ್ಮಿಂಸ್ತ್ವತ್ತೋ ಹ್ಯನ್ಯಂ ಧನುರ್ಧರಂ। ಅರ್ಜುನಂ ಸಮರೇ ಕ್ರುದ್ಧಂ ಯೋ ವೇಲಾಮಿವ ವಾರಯೇತ್॥ 8-83-39 (59135) ನ ಚಾಸ್ಯ ರಕ್ಷಾಂ ಪಶ್ಯಾಮಿ ಪಾರ್ಶ್ವತೋ ನ ಚ ಪೃಷ್ಠತಃ। ಏಕ ಏವಾಭಿಯಾತಿ ತ್ವಾಂ ಪಶ್ಯ ಸಾಫಲ್ಯಮಾತ್ಮನಃ॥ 8-83-40 (59136) ತ್ವಂ ಹಿ ಕೃಷ್ಣೌ ರಣೇ ಶಕ್ತೋ ಯೋದ್ಧುಮೇತೌ ಪರಂತಪೌ। ತವೈವ ಭಾರೋ ರಾಧೇಯ ಪ್ರತ್ಯುದ್ಯಾಹಿ ಧನಂಜಯಂ॥ 8-83-41 (59137) ಸಮಾನೋ ಹ್ಯಸಿ ಭೀಷ್ಮೇಣ ದ್ರೋಮದ್ರೌಣಿಕೃಪೇಣ ಚ। ಸವ್ಯಸಾಚಿನಮಾಯಾಂತಂ ನಿವಾರಯ ಮಹಾರಣೇ॥ 8-83-42 (59138) ಲೇಲಿಹಾನಂ ಯಥಾ ಸರ್ಪಂ ಗರ್ಜಂತಮೃಷಭಂ ಯಥಾ। ವನಸ್ಥಿತಂ ಯಥಾ ವ್ಯಾಘ್ರಂ ಜಹಿ ಕರ್ಣ ಧನಂಜಯಂ॥ 8-83-43 (59139) ಏತೇ ದ್ರವಂತಿ ಸಮರಾನ್ನಿರಪೇಕ್ಷಾ ನರಾಧಿಪಾಃ। ಅರ್ಜುನಸ್ಯ ಭಯತ್ರಸ್ತಾ ಧಾರ್ತರಾಷ್ಟ್ರಾ ಮಹಾಬಲಾಃ॥ 8-83-44 (59140) ದ್ರವತಾಮಥ ತೇಷಾಂ ತು ನಾನ್ಯೋಽಸ್ತಿ ಯುಧಿ ಮಾನವಃ। ಭಯಹಾ ಯೋ ಭವೇದ್ವೀರಸ್ತ್ವಾಮೃತೇ ಸೂತನಂದನ॥ 8-83-45 (59141) ಏತೇ ತ್ವಾಂ ಕುರವಃ ಸರ್ವೇ ದ್ವೀಪಮಾಸಾದ್ಯ ಸಂಯುಗೇ। ಧಿಷ್ಠಿತಾಃ ಪುರುಷವ್ಯಾಘ್ರ ತ್ವತ್ತಃ ಶರಣಕಾಂಕ್ಷಿಣಃ॥ 8-83-46 (59142) ವೈದೇಹಾಂಬಷ್ಠಕಾಂಭೋಜಾಸ್ತಥಾ ನಗ್ನಜಿತಸ್ತ್ವಯಾ। ಗಾಂಧಾರಾಶ್ಚ ಯಯಾ ಧೃತ್ಯಾ ಜಿತಾಃ ಸಂಖ್ಯೇ ಸುದುರ್ಜಯಾಃ। ತಾಂ ಧೃತಿಂ ಕುರುರಾಧೇಯ ತತಃ ಪ್ರತ್ಯೇಹಿ ಪಾಂಡವಂ॥ 8-83-47 (59143) ವಾಸುದೇವಂ ಚ ವಾರ್ಷ್ಣೇಯಂ ಪ್ರೀಯಮಾಣಂ ಕಿರೀಟಿನಾ। ಪ್ರತ್ಯುದ್ಯಾಹಿ ಮಹಾಬಾಹೋ ಪೌರುಷೇ ಮಹತಿ ಸ್ಥಿತಃ॥ 8-83-48 (59144) ಕರ್ಣ ಉವಾಚ। 8-83-49x (5040) ಪ್ರಕೃತಿಸ್ಥೋಽಸಿ ಮೇ ಶಲ್ಯ ಇದಾನೀಂ ಸಂಮತಸ್ತಥಾ। ಪ್ರತಿಭಾಸಿ ಮಹಾಬಾಹೋ ಅಭೀತಶ್ಚ ಧನಂಜಯಾತ್॥ 8-83-49 (59145) ಪಶ್ಯ ಬಾಹ್ವೋರ್ಬಲಂ ಮೇಽದ್ಯ ಶಿಕ್ಷಿತಸ್ಯ ಚ ಪಶ್ಯ ಮೇ। ಏಕೋಽದ್ಯ ನಿಹನಿಷ್ಯಾಮಿ ಪಾಂಡವಾನಾಂ ಮಹಾಚಮೂಂ॥ 8-83-50 (59146) ಕೃಷ್ಣೌ ಚ ಪುರುಷವ್ಯಾಘ್ರ ತತಃ ಸತ್ಯಂ ಬ್ರವೀಮಿ ತೇ। ನಾಹತ್ವಾ ಯುಧಿ ತೌ ವೀರೌ ವ್ಯಪಯಾಸ್ಯೇ ಕಥಂಚನ॥ 8-83-51 (59147) ಶಿಶ್ಯೇ ವಾ ನಿಹತಸ್ತಾಭ್ಯಾಮನಿತ್ಯೋ ಹಿ ರಣೇ ಜಯಃ। ಕೃತಾರ್ಥೋಽದ್ಯ ಭವಿಷ್ಯಾಮಿ ಹತ್ವಾ ವಾಪ್ಯಥ ವಾ ಹತಃ॥ 8-83-52 (59148) ಶಲ್ಯ ಉವಾಚ। 8-83-53x (5041) ಅಜಯ್ಯಮೇನಂ ಪ್ರವದಂತಿ ಯುದ್ಧೇ ಮಹಾರಥಾಃ ಕರ್ಣ ರಥಪ್ರವೀರಂ। ಏಕಾಕಿನ ಕಿಮು ಕೃಷ್ಣಾಭಿಗುಪ್ತಂ ವಿಜೇತುಮೇನಂ ಕ ಇಹೋತ್ಸಹೇತ॥ 8-83-53 (59149) ಕರ್ಣ ಉವಾಚ। 8-83-54x (5042) ನೈತಾದೃಶೋ ಜಾತು ಬಭೂವ ಲೋಕೇ ರಥೋತ್ತಮೋ ಯಾವದುಪಶ್ರುತಂ ನಃ। ತಮೀದೃಶಂ ಪ್ರತಿಯೋತ್ಸ್ಯಾಮಿ ಪಾರ್ಥಂ ಮಹಾಹವೇ ಪಶ್ಯ ಚ ಪೌರುಷಂ ಮೇ ॥ 8-83-54 (59150) ರಣೇ ಚರತ್ಯೇಷ ರಥಪ್ರವೀರಃ ಸಿತೈರ್ಹಯೈಃ ಕೌರವರಾಜಪುತ್ರಃ। ಸ ವಾಽದ್ಯ ಮಾಂ ನೇಷ್ಯತಿ ಕೃಚ್ಛ್ರಮೇತ-- ತ್ಕರ್ಣೋಽಸ್ಯಾಂತೇಽಪ್ಯತ್ರ ಭವೇತ್ಸಮರ್ಥಃ॥ 8-83-55 (59151) ಅಸ್ವೇದಿನೌ ರಾಜಪುತ್ರಸ್ಯ ಹಸ್ತಾ-- ವವೇಪಮಾನೌ ಜಾತಕಿಣೌ ಬೃಹಂತೌ। ದೃಢಾಯುಧಃ ಕೃತಿಮಾನ್ಕ್ಷಿಪ್ರಹಸ್ತೋ ನ ಪಾಂಡವೇಯೇನ ಸಮೋಽಸ್ತಿ ಯೋಧಃ॥ 8-83-56 (59152) ಗೃಹ್ಣಾತ್ಯನೇಕಾನಪಿ ಕಂಕಪತ್ರಾ-- ನೇಕಂ ಯಥಾ ತಾನ್ಪ್ರತಿಯೋಜ್ಯ ಚಾಶು। ತೇ ಕ್ರೋಶಮಾತ್ರೇ ನಿಪತಂತ್ಯಮೋಧಾಃ ಕಸ್ತೇನ ಯೋಧೋಽಸ್ತಿ ಸಮಃ ಪೃಥಿವ್ಯಾಂ॥ 8-83-57 (59153) ಅತೋಷಯತ್ಸ್ವಾಂಡವೇ ಯೋ ಹುತಾಶಂ ಕೃಷ್ಣದ್ವಿತೀಯೋಽತಿರಥಸ್ತರಸ್ವೀ। ಲೇಭೇ ಚಕ್ರಂ ಯತ್ರ ಕೃಷ್ಣೋ ಮಹಾತ್ಮಾ ಧನುರ್ಗಾಂಡೀವಂ ಪಾಂಡವಃ ಸವ್ಯಸಾಚೀ॥ 8-83-58 (59154) ಶ್ವೇತಾಶ್ವಯುಕ್ತಂ ಚ ಸುಘೋಷಮುಗ್ರಂ ರಥಂ ಮಹಾಬಾಹುರದೀನಸತ್ವಃ। ಮಹೇಷುಧೀ ಚಾಕ್ಷಯೇ ದಿವ್ಯರೂಪೇ ಶಸ್ತ್ರಾಣಿ ದಿವ್ಯಾನಿ ಚ ಹವ್ಯವಾಹಾತ್॥ 8-83-59 (59155) ಯಸ್ತ್ವಿಂದ್ರಲೋಕೇ ನಿಜಘಾನ ದೈತ್ಯಾ-- ನಸಂಖ್ಯೇಯಾನ್ಕಾಲಕೇಯಾಂಶ್ಚ ಸರ್ವಾನ್। ಲೇಭೇ ಶಂಖಂ ದೇವದತ್ತಂ ಸ್ಮ ತತ್ರ ಕೋ ನಾಮ ತೇನಾಭ್ಯಧಿಕಃ ಪೃಥಿವ್ಯಾಂ॥ 8-83-60 (59156) ಮಹಾದೇವಂ ತೋಷಯಾಮಾಸ ಯೋಽಸ್ತ್ರೈಃ ಸಾಕ್ಷಾತ್ಸುಯುದ್ಧೇನ ಮಹಾನುಭಾವಃ। ಲೇಭೇ ತತಃ ಪಾಶುಪತಂ ಸುಘೋರಂ ತ್ರೈಲೋಕ್ಯಸಂಹಾರಕರಂ ಮಹಾಸ್ತ್ರಂ॥ 8-83-61 (59157) ಪೃಥಕ್ಪೃಥಗ್ಲೋಕಪಾಲಾಃ ಸಮೇತಾ ದದುರ್ಮಹಾಸ್ತ್ರಾಣ್ಯಪ್ರಮೇಯಾಣಿ ಸಂಖ್ಯೇ। ಯೈಸ್ತಾಂಜಘಾನಾಶು ರಣೇ ನೃಸಿಂಹಃ ಸಕಾಲಕೇಯಾನಸುರಾನ್ಸಮೇತಾನ್॥ 8-83-62 (59158) ತಥಾ ವಿರಾಟಸ್ಯ ಪುರೇ ಸಮೇತಾ-- ನ್ಸರ್ವಾನಸ್ಮಾನೇಕರಥೇನ ಜಿತ್ವಾ। ಜಹಾರ ತದ್ರೋಧನಮಾಜಿಮಧ್ಯೇ ವಸ್ತ್ರಾಣಿ ಚಾದತ್ತ ಮಹಾರಥೇಭ್ಯಃ॥ 8-83-63 (59159) ತಮೀದೃಶಂ ವೀರ್ಯಗುಣೋಪಪನ್ನಂ ಕೃಷ್ಣದ್ವಿತೀಯಂ ಪರಮಂ ನೃಪಾಣಾಂ। ತಮಾಹ್ವಯನ್ಸಾಹಸಮುತ್ತಮಂ ವೈ ಜಾನೇ ಸ್ವಯಂ ಸರ್ವಲೋಕಸ್ಯ ಶಲ್ಯ॥ 8-83-64 (59160) ಅನಂತವೀರ್ಯೇಣ ಚ ಕೇಶವೇನ ನಾರಾಯಣೇನಾಪ್ರತಿಮೇನ ಗುಪ್ತಃ। ವರ್ಷಾಯುತೈರ್ಯಸ್ಯ ಗುಣಾ ನ ಶಕ್ಯಾ ವಕ್ತುಂ ಸಮೇತೈರಪಿ ಸರ್ವಲೋಕೈಃ॥ 8-83-65 (59161) ಮಹಾತ್ಮನಃ ಶಂಖಚಕ್ರಾಸಿಪಾಣೇ-- ರ್ವಿಷ್ಣೋರ್ಜಿಷ್ಣೋರ್ವಸುದೇವಾತ್ಮಜಸ್ಯ। ಭಯಂ ನ ಮೇ ಜಾಯತೇ ಸಾಧ್ವಸಂ ಚ ದೃಷ್ಟ್ವಾ ಕೃಷ್ಣಾವೇಕರಥೇ ಸಮೇತೌ॥ 8-83-66 (59162) ಅತೀವಾಯಂ ಧನುಷಿ ರಾಜಪುತ್ರೇ-- ಷ್ವತೀವಾನ್ಯಾನ್ಕೇಶವಶ್ಚಕ್ರಯುದ್ಧೇ। ಏವಂವಿಧೌ ಪಾಂಡವವಾಸುದೇವೌ ಚಲೇತ್ಸ್ವದೇಶಾದ್ವಿಮವಾನ್ನ ಕೃಷ್ಣೌ॥ 8-83-67 (59163) ಉಭೌ ಹಿ ಶೂರೌ ಬಲಿನೌ ದೃಢಾಯುಧೌ ಮಹಾರಥೌ ಸಂಹನನೋಪಪನ್ನೌ। ಏತೌ ವೀರೌ ನರವೀರೌ ಸಮೇತೌ ಸ್ಥಾನಾಚ್ಚ್ಯುತೌ ದೇವಕುಮಾರರೂಪೌ॥ 8-83-68 (59164) ಅಗ್ರ್ಯಾದಿತ್ಯಾವಿಂದ್ರವೃಹಸ್ಪತೀ ವಾ ಯಮಾಂತಕೌ ವಾ ಶತ್ರಿಪೂಷಣೌ ವಾ। ಭಗಾಂಶಮಿತ್ರಾವರುಣಾವಶ್ವಿನೌ ವಾ ಮರುದ್ಗಣೌ ವಾ ವಸವಃ ಸಮೇತಾಃ। ವ್ಯಸ್ತಾಃ ಸಮಸ್ತಾಶ್ಚ ಯುಧಾ ನ ಶಕ್ತಾ ಜೇತುಂ ಪ್ರಸಹ್ಯಾರ್ಜುನಂ ಚಾಚ್ಯುತಂ ಚ॥ 8-83-69 (59165) ಏತೌ ಹಿ ತಾವರ್ಜುನವಾಸುದೇವೌ ಕೋಽನ್ಯಃ ಪ್ರತೀಯಾನ್ಮದೃತೇ ತು ಶಲ್ಯ॥ 8-83-70 (59166) ಸರ್ವೇಷಾಂ ವೃಷ್ಣಿವೀರಾಣಾಂ ಕೃಷ್ಣೇ ಲಕ್ಷ್ಮೀಃ ಪ್ರತಿಷ್ಠಿತಾ। ಸರ್ವೇಷಾಂ ಪಾಂಡುಪುತ್ರಾಣಾಂ ಜಯಃ ಪಾರ್ಥೇ ಪ್ರತಿಷ್ಠಿತಃ॥ 8-83-71 (59167) ತಾವುಭೌ ಪುರುಷವ್ಯಾಘ್ರೌ ಸಮಾನೇ ಸ್ಯಂದನೇ ಸ್ಥಿತೌ। ಮಾಮೇಕಮಭಿಯೋದ್ಧಾರೌ ಸುಜಾತಂ ಬತ ಶಲ್ಯ ಮೇ॥ 8-83-72 (59168) ನೈತಚ್ಚಿರಂ ಕ್ಷಿಪ್ರಮಿಮಂ ರಥಂ ಮೇ ಪ್ರವರ್ತಯೈತಾವಭಿಯಾಮಿ ಚೈವಂ। ಅಸ್ಮಿನ್ಮುಹೂರ್ತೇ ನಿಹತೌ ಪಶ್ಯ ಕೃಷ್ಣೌ ತಾಭ್ಯಾಂ ಹತಂ ವಾ ಯುಧಿ ಮಾಂ ರಿಪುಭ್ಯಾಂ॥ 8-83-73 (59169) ಏವಂ ಬ್ರುವಾಣಃ ಸಹಸಾ ಮಹಾರಥ-- ಸ್ತ್ವಭ್ಯದ್ರವತ್ಪಾಂಡವಂ ಸೂತಪುತ್ರಃ॥ 8-83-74 (59170) ಅಭ್ಯೇತ್ಯ ಪುತ್ರೇಣ ತವಾಭಿನಂದಿತಾಃ ಸಮೇತ್ಯ ಚೋಕ್ತಾಃ ಕುರುವೀರಸತ್ತಮಾಃ। ಕೃಪಶ್ಚ ಭೋಜಶ್ಚ ಮಹಾರಥಾವುಭೌ ತಥೈವ ಗಾಂಧಾರಪತಿಃ ಸಹಾನುಜಃ। ಗುರೋಃ ಸುತಸ್ತಸ್ಯ ತವಾತ್ಮಜಾಸ್ತಥಾ ಪದಾತಿಸಂಘಾ ದ್ವಿರದಾಸ್ತಥಾ ತದಾ॥ 8-83-75 (59171) ನಿರುಧ್ಯತಾಭಿದ್ರವತಾಚ್ಯುತಾರ್ಜುನೌ ಶ್ರಮೇಣ ಸಂಯೋಜಯತಾಶು ಸರ್ವಶಃ। ಯಥಾ ಭವದ್ಭಿರ್ಭೃಶವಿಕ್ಷತಾವುಭೌ ಸುಖೇನ ಹನ್ಯಾನ್ಮಮ ವಾಹಿನೀಪತಿಃ॥ 8-83-76 (59172) ತಥೇತಿ ಚೋಕ್ತ್ವಾ ತ್ವರಿತಾಃ ಸ್ಮ ತೇಽರ್ಜುನಂ ಜಿಘಾಂಸವೋ ವೀರತರಾಃ ಸಮಾಯಯುಃ। ಶರೈಶ್ಚ ಜಘ್ನುರ್ಯುಧಿ ತಂ ಮಹಾರಥಾ ಧನಂಜಯಂ ಕರ್ಣನಿದೇಶಕಾರಿಣಃ। ನದೀನದಂ ಭೂರಿಜಲೋ ಮಹಾರ್ಣವೋ ಯಥಾ ತಥಾ ತಾನ್ಸಮರೇಽರ್ಜುನೋಽಗ್ರಸತ್॥ 8-83-77 (59173) ನ ಸಂದಧಾನೋ ನ ತಥಾ ಶರೋತ್ತಮಾನ್ ಪ್ರಮುಂಚಮಾನೋ ರಿಪುಭಿಃ ಪ್ರದೃಶ್ಯತೇ। ಧನಂಜಯಾಸ್ತೈಃ ಸ್ಮ ಶರೈರ್ವಿದಾರಿತಾ ಹತಾ ನಿಪೇತುರ್ನರವಾಜಿಕುಂಜರಾಃ॥ 8-83-78 (59174) ಶರಾರ್ಚಿಷಂ ಗಾಂಡಿವಚಾರುಮಂಡಲಂ ಯುಗಾಂತಸೂರ್ಯಪ್ರತಿಮಾನತೇಜಸಂ। ನ ಕೌರವಾಃ ಶೇಕುರುದೀಕ್ಷಿತುಂ ಜಯಂ ಯಥಾ ರವಿಂ ವ್ಯಾಧಿತಚಕ್ಷುಷೋ ಜನಾಃ॥ 8-83-79 (59175) ಶರೋತ್ತಮಾನ್ಸಂಪ್ರಹಿತಾನ್ಮಹಾರಥೈ ಶ್ಚಿಚ್ಛೇದ ಪಾರ್ಥಃ ಪ್ರಹಸಂಛರೌಧೈಃ। ಭೂಯಶ್ಚ ತಾನಹನದ್ಬಾಣಸಂಘಾನ್ ಗಾಂಡೀವಧನ್ವಾಯತಪೂರ್ಣಮಂಡಲಂ॥ 8-83-80 (59176) ಯಥೋಗ್ರರಶ್ಮಿಃ ಶುಚಿಶುಕ್ರಮಧ್ಯಗಃ ಸುಖಂ ವಿವಸ್ವಾನ್ಹರತೇ ಜಲೌಘಾನ್। ತಥಾರ್ಜುನೋ ಬಾಣಗಣಾನ್ನಿರಸ್ಯ ದದಾಹ ಸೇನಾಂ ತವ ಪಾರ್ಥಿವೇಂದ್ರ॥ 8-83-81 (59177) ತಮಭ್ಯಧಾವದ್ವಿಸೃಜನ್ಕೃಪಃ ಶರಾಂ-- ಸ್ತಥೈವ ಭೋಜಸ್ತವ ಚಾತ್ಮಜಃ ಸ್ವಯಂ। ಮಹಾರಥೋ ದ್ರೋಣಸುತಶ್ಚ ಸಾಯಕೈ-- ರವಾಕಿರಂಸ್ತೋಯಧರಾ ಯಥಾಽಚಲಂ॥ 8-83-82 (59178) ಜಿಘಾಂಸುಭಿಸ್ತಾನ್ಕುಶಲೈಃ ಶರೋತ್ತಮಾನ್ ಮಹಾತ್ಮಭಿಃ ಸಂಪ್ರಹಿತಾನ್ಪ್ರಯತ್ನತಃ। ಶರೈಃ ಪ್ರತಿಚ್ಛೇದ ಸ ಪಾಂಡವಸ್ತ್ವರನ್ ಪರಾನ್ವಿನಿರ್ಭಿದ್ಯ ಚ ತಾಂಸ್ತ್ರಿಭಿಸ್ತ್ರಿಭಿಃ॥ 8-83-83 (59179) ಸ ಗಾಂಡಿವವ್ಯಾಯತಪೂರ್ಣಮಂಡಲ-- ಸ್ತಪನ್ರಿಪೂನರ್ಜುನಭಾಸ್ಕರೋ ವಭೌ। ಶರೋಗ್ರಶ್ಮಿಃ ಶುಚಿಶುಕ್ರಮಧ್ಯಗೋ ಯಥೈವ ಸೂರ್ಯಃ ಪರಿವೇಯವಾಂಸ್ತಥಾ॥ 8-83-84 (59180) ಅಥಾಗ್ರ್ಯಬಾಣೈರ್ದಶಭಿರ್ಧನಂಜಯಂ ಪರಾಭಿನದ್ದೋಣಸುತೋಽಚ್ಯುತಂ ತ್ರಿಭಿಃ। ಚತುರ್ಭಿರಶ್ವಾಂಶ್ಚತುರಃ ಕಪಿಂ ತತಃ ಶರೈಶ್ಚ ನಾರಾಚವರೈರವಾಕಿರತ್॥ 8-83-85 (59181) ತಥಾ ತತಃ ಪ್ರಸ್ಫುರದಸ್ಯ ಕಾರ್ಮುಕಂ ತ್ರಿಭಿಃ ಶರೈರ್ಯಂತೃಶಿರಶ್ಚಕರ್ತ ಹ। ಹಯಾಂಶ್ಚತುರ್ಭಿಶ್ಚತುರಸ್ತ್ರಿಭಿರ್ಧ್ವಜಂ ಧನಂಜಯೋ ದ್ರೌಣಿರಥಾದಪಾತಯತ್॥ 8-83-86 (59182) ಸ ರೋಷಪೂರ್ಣೋ ಹ್ಮತಿವಜ್ರಹಾಟಕೈ--- ರಲಂಕೃತಂ ತಕ್ಷಕಭೋಗವರ್ಚಸಂ। ಸ ತದ್ವಧೇ ಕಾರ್ಮುಕಮನ್ಯದಾದದೇ ಯಥಾ ಮಹಾಹಿಪ್ರವರಂ ತಥೈವ ಚ॥ 8-83-87 (59183) ಸ್ವಮಾಯುಧಂ ಚಾಪಿ ವಿಕೀರ್ಯ ಭೂತಲೇ ಧನುಶ್ಚ ಕೃತ್ವಾ ಸಗುಣಂ ಗುಣಾಧಿಕಃ। ಸಮಾನಯಂಸಲ್ತಾವಜಿತೌ ನರೋತ್ತಮೌ ಶರೋತ್ತಮೈರ್ದ್ರೌಣಿರವಿಧ್ಯದಂತಿಕಾತ್॥ 8-83-88 (59184) ಕೃಪಶ್ಚ ಭೋಜಶ್ಚ ತವಾತ್ಮಜಶ್ಚ ತೇ ಶರೈರನೇಕೈರ್ಯುಧಿ ಪಾಂಡವರ್ಷಭಂ। ಮಹಾರಥಾಃ ಸಂಯುಗಮೂರ್ಧನಿ ಸ್ಥಿತಾ-- ಸ್ತಮೋನುದಂ ವಾರಿಧರಾ ಇವಾಪತನ್॥ 8-83-89 (59185) ಕೃಪಸ್ಯ ಪಾರ್ಥಃ ಶರಂ ಶರಾಸನಂ ಹಯಾಂಧ್ವಜಾನ್ಸಾರಧಿಮೇವ ಪತ್ರಿಭಿಃ। [ಸಮಾರ್ಪಯದ್ವಾಹುಸಹಸ್ರವಿಕ್ರಮ-- ಸ್ತಥಾ ಯಥಾ ವಜ್ರಧರಃ ಪುರಾ ಬಲೇಃ॥ 8-83-90 (59186) ಸ ಪಾರ್ಥಬಾಣೈರ್ವಿನಿಪಾತಿತಾಯುಧೋ ಧ್ವಜಾವಮರ್ದೇ ಚ ಕೃತೇ ಮಹಾಹವೇ। ಕೃತಃ ಕೃಪೋ ಬಾಣಸಹಸ್ರಯನಿತೋ ಯಥಾಪಗೇಯಃ ಪ್ರಥಮಂ ಕಿರೀಟಿನಾ॥] 8-83-91 (59187) ಶರೈಃ ಪ್ರಚಿಚ್ಛೇದ ತವಾತ್ಮಜಸ್ಯ ಧ್ವಜಂ ಧನುಶ್ಚ ಪ್ರಚಕರ್ತ ನರ್ದತಃ। ಜಘಾನ ಚಾಶ್ವಾನ್ಕೃತವರ್ಮಣಃ ಶುಭಾನ್ ಧ್ವಜಂ ಚ ಚಿಚ್ಛೇದ ತವಾತ್ಮಜಸ್ಯ ಹ॥ 8-83-92 (59188) ಸವಾಜಿಸೂತೇಷ್ವಸನಾನ್ಸಕೇತನಾ-- ಂಜಯಾನ ನಾಗಾಶ್ವರಥಾಂಶ್ಚ ಸ ತ್ವರನ್। ತತಃ ಪ್ರಕೀರ್ಣಂ ಸುಮಹದ್ವಲಂ ತವ ಪ್ರಪೀಡಿತಂ ಸವಿತುರಿವೌಜಸಾ ಭೃಶಂ॥ 8-83-93 (59189) ತತೋಽರ್ಜುನಸ್ವಾಶು ರಥೇನ ಕೇಶವ-- ಶ್ಚಕಾರ ಶತ್ರೂನಪಸವ್ಯಮಾತುರಾನ್। ತತಃ ಪ್ರಯಾತಂ ತ್ವರಿತಂ ಧನಂಜಯಂ ಶತಕ್ರತುಂ ವೃತ್ರನಿಜಘ್ರುಷಂ ಯಥಾ। ಸಮನ್ವಧಾವನ್ಪುನರುತ್ಥಿತೈರ್ಧ್ವಜೈ ರಥೈಃ ಸುಯುಕ್ತೈರಪರೇ ಯುಯುತ್ಸವಃ॥ 8-83-94 (59190) ಅಥಾಭಿಸೃತ್ಯ ಪ್ರತಿವಾರ್ಯ ಚಾಹಿತಾನ್ ಧನಂಜಯಸ್ಯಾನುಚರಾನ್ಮಹಾರಥಾಃ। ಶಿಖಂಡಿಶೈನೇಯಯಮಾಃ ಶಿತೈಃ ಶರೈ--- ರ್ವಿದಾರಯಂತೋ ವ್ಯನದನ್ಸುಭೈರವಂ॥ 8-83-95 (59191) ತತೋಽಭಿಜಘ್ನುಃ ಕುಪಿತಾಃ ಪರಸ್ಪರಂ ಶರೈಸ್ತದಾಂಚೋಗತಿಭಿಃ ಸುತೇಜನೈಃ। ಕುರುಪ್ರವೀರಾಃ ಸಹ ಪೃಂಜಯೈರ್ಯಥಾ ಸುರಾರಯೋ ದೇವಪತಿಂ ಯಥಾ ತಥಾ॥ 8-83-96 (59192) ಜಯೇಪ್ಸವಃ ಸ್ವರ್ಗಮನಾಯ ಚೋತ್ಸುಕಾಃ ಪತಂತಿ ನಾಗಾಶ್ವರಥಾಃ ಪರಂತಪ। ತಥೈವ ಸರ್ವೇ ಬಹವಶ್ಚ ವಿವ್ಯಧುಃ ಶರೈಃ ಸುಮುಕ್ತೈರಿತರೇತರಂ ಪೃಥಕ್॥ 8-83-97 (59193) ಶರಾಂಧಕಾರೇ ತು ಮಹಾತ್ಮಭಿಃ ಕೃತೇ ಮಹಾಮೃಧೇ ಯೋಧವರೈಃ ಪರಸ್ಪರಂ। ಚತುರ್ದಿಶೋ ವೈ ವಿದಿಶಶ್ಚ ಪಾರ್ಥಿವ ಪ್ರಭಾ ಚ ಸೂರ್ಯಸ್ಯ ತಮೋವೃತಾಽಭವತ್॥ ॥ 8-83-98 (59194) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ತ್ರ್ಯಶೀತಿತಮೋಽಧ್ಯಾಯಃ॥ 83 ॥

8-84-0 (59195) ಸಂಜಯ ಉವಾಚ। 8-84-0x (5043) xxxxxxxxxxxಪ್ರಬರೈರ್ವಲೈರ್ಭೀಮಮಭಿದ್ರುತಂ। xxxxxxxxxx ಕೌಂತೇಯಮುಸ್ಥಿಹೀರ್ಷುರ್ಧನಂಜಯಃ॥ 8-84-1 (59196) xxxxxxxxx ಸೇನಾಂ ಮಾರತ ಸಾಯಕೈಃ। xxxxxxxxxx ಪರವೀರಾಂಧನಂಜಯಃ॥ 8-84-2 (59197) xxxxxxxxxxx ಶರಜಾಲಾನಿ ಭಾಗಶಃ। ಅದೃಶ್ಯಂತ ತಥಾನ್ಯೇ ಚ ನಿಜಘ್ನುಸ್ತವ ವಾಹಿನೀಂ॥ 8-84-3 (59198) ಸ ಪಕ್ಷಿಸಂಘಾಚರಿತಮಾಕಾಶಂ ಪೂರಯಞ್ಶರೈಃ। ಧನಂಜಯೋ ಮಹಾಬಾಹುಃ ಕುರೂಣಾಮಂತಕೋಽಮಯತ್ 8-84-4 (59199) ತತೋ ಭಲ್ಲೈಃ ಕ್ಷುರಪ್ರೈಶ್ಚ ನಾರಾಚೈರ್ವಿಮಲೈರಪಿ। ಗಾತ್ರಾಣಿ ಪ್ರಾಚ್ಛಿನತ್ಪಾರ್ಥಃ ಶಿರಾಂಸಿ ಚ ಚಕರ್ತ ಹ॥ 8-84-5 (59200) ಛಿನ್ನಗಾತ್ರೈರ್ವಿಕವಚೈರ್ವಿಶಿರಸ್ಕೈಃ ಸಮಂತತಃ। ಪಾತಿತೈಶ್ಚ ಪತದ್ಭಿಶ್ಚ ಯೋಧೈರಾಸೀತ್ಸಮಾವೃತಾ॥ 8-84-6 (59201) ಧನಂಜಯಶರಾಭ್ಯಸ್ತೈಃ ಸ್ಯಂದನಾಶ್ವರಥದ್ವಿಪೈಃ। ಸಂಛಿನ್ನಭಿನ್ನವಿಧ್ವಸ್ತೈರ್ವ್ಯಂಗಾಂಗಾವಯವೈಃ ಸ್ತೃತಾ। ಗತಸತ್ವೈಃ ಸಸತ್ವೈಶ್ಚ ಸಂವೃತಾಽಽಸೀದ್ವಸುಂಧರಾ॥ 8-84-7 (59202) ಸುದುರ್ಗಮಾ ಸುವಿಷಮಾ ಘೋರಾಽತ್ಯರ್ಥಂ ಸುದುರ್ದೃಶಾ। ರಣಭೂಮಿರಭೂದ್ರಾಜನ್ಮಹಾವೈತರಣೀ ಯಥಾ॥ 8-84-8 (59203) ಈಷಾಚಕ್ರಾಕ್ಷಭಲ್ಲೈಶ್ಚ ವ್ಯಶ್ವೈಃ ಸಾಶ್ವೈಶ್ಚ ಯುಧ್ಯತಾಂ। ಸಸೂತೈರ್ಹತಸೂತೈಶ್ಚ ರಥೈಃ ಸ್ತೀರ್ಣಾಽಭವನ್ಮಹೀ॥ 8-84-9 (59204) ಸುವರ್ಣವರ್ಮಸನ್ನಾಹೈರ್ಯೋಧೈಃ ಕನಕಮಾಲಿಭಿಃ। ಆಸ್ಥಿತಾಃ ಕ್ಲೃಪ್ತವರ್ಮಾಣೋ ಭದ್ರಾ ನಿತ್ಯಮದಾ ದ್ವಿಪಾಃ॥ 8-84-10 (59205) ಕ್ರುದ್ಧಾಃ ಕ್ರುರೈರ್ಮಹಾಮಾತ್ರೈಃ ಪ್ರೇಷಿತಾರ್ಜುನಮಭ್ಯಯುಃ। ಚತುಃ ಶತಾ ರಥವರಾ ಹತಾಃ ಪೇತುಃ ಕಿರೀಟಿನಾ॥ 8-84-11 (59206) ಪರ್ಯಸ್ತಾನೀವ ಶೃಂಗಾಣಿ ಸಸತ್ವಾನಿ ಮಹಾಗಿರೇಃ। ಧನಂಜಯಶರಾಭ್ಯಸ್ತೈಃ ಸ್ತೀರ್ಣಾ ಭೂರ್ವರವಾರಣೈಃ॥ 8-84-12 (59207) ಸಮಂತಾಜ್ಜಲದಪ್ರಖ್ಯಾನ್ವಾರಣಾನ್ಮದವರ್ಷಿಣಃ। ಅಭಿಪೇದೇಽರ್ಜುನರಥೋ ಘನಾನ್ಭಿಂದನ್ನಿವಾಂಶುಮಾನ್॥ 8-84-13 (59208) ಹತೈರ್ಗಜಮನುಷ್ಯಾಶ್ವೈರ್ಭಿನ್ನೈಶ್ಚ ಬಹುಧಾ ರಥೈಃ। ವಿಶಸ್ತ್ರಯಂತ್ರಕವಚೈರ್ಯುದ್ಧಶೌಂಡೈರ್ಗತಾಸುಭಿಃ। ಉಪವಿದ್ಧಾಯುಧೈರ್ಮಾರ್ಗಃ ಸ್ತೀರ್ಣೋಽಭೂತ್ಫಲ್ಗುನೇನ ವೈ॥ 8-84-14 (59209) ವಿಸ್ಫಾರಿತಂ ಚ ಗಾಂಡೀವಮತ್ಯಾಸೀದ್ಭೈರವಸ್ವನಂ ಸುಘೋಷಂ ವಜ್ರನಿಷ್ಪೇಷಂ ಸ್ತನಯನ್ನಿವ ತೋಯದಃ॥ 8-84-15 (59210) ತತಃ ಪ್ರಾದೀರ್ಯತ ಚಮೂರ್ಧನಂಜಯಶರಾಹತಾ। ಮಹಾವಾತಸಮಾವಿದ್ಧಾ ಮಹಾನೌರಿವ ಸಾಗರೇ॥ 8-84-16 (59211) ನಾನಾರೂಪಾಃ ಪ್ರಾಣಹರಾಃ ಶರಾ ಗಾಂಡೀವಚೋದಿತಾಃ। ಅಲಾತೋಲ್ಕಾಶನಿಪ್ರಖ್ಯಾಸ್ತವ ಸೈನ್ಯಂ ವಿನಿರ್ದಹನ್॥ 8-84-17 (59212) ಮಹಾಗಿರೌ ವೇಣುವನಂ ನಿಶಿ ಪ್ರಜ್ವಲಿತಂ ಯಥಾ। ತಥಾ ತವ ಮಹಾಸೈನ್ಯಂ ಪ್ರಾಸ್ಫುರಚ್ಛರಪೀಡಿತಂ॥ 8-84-18 (59213) ತದ್ವಿನಷ್ಟಂ ಸುವಿಧ್ವಸ್ತಂ ತವ ಸೈನ್ಯಂ ಕಿರೀಟಿನಾ। ಹತಪ್ರವಿಹತಂ ಬಾಣೈಃ ಸರ್ವತಃ ಪ್ರದ್ರುತಂ ದಿಶಃ॥ 8-84-19 (59214) ಸಶ್ವಾಪದಾ ಮೃಗಗಣಾ ದಾವಾಗ್ನಿತ್ರಾಸಿತಾ ಯಥಾ। ಕುರವಃ ಪರ್ಯವರ್ತಂತ ನಿರ್ದಗ್ಧಾಃ ಸವ್ಯಸಾಚಿನಾ॥ 8-84-20 (59215) ಉತ್ಸೃಜ್ಯ ಚ ಮಹಾಬಾಹುಂ ಭೀಮಸೇನಂ ತಥಾ ರಣೇ। ಬಲಂ ಕುರೂಣಾಮುದ್ವಿಗ್ನಂ ಸರ್ವಮಾಸೀತ್ಪರಾಙ್ಮುಖಂ॥ 8-84-21 (59216) ತತಃ ಕುರುಷು ಭಗ್ನೇಷು ಬೀಭತ್ಸುರಪರಾಜಿತಃ। ಭೀಮಸೇನಂ ಸಮಾಸಾದ್ಯ ಮುಹೂರ್ತಂ ಸೋಽಭ್ಯವರ್ತತ॥ 8-84-22 (59217) ಸಮಾಗಂಯ ಚ ಭೀಮೇನ ಮಂತ್ರಯಿತ್ವಾ ಚ ಫಲ್ಗುನಃ। ವಿಶಲ್ಯಮರುಜಂ ಚಾಸ್ಮೈ ಕಥಯಿತ್ವಾ ಯುಧಿಷ್ಠಿರಂ॥ 8-84-23 (59218) ಭೀಮಸೇನಾಭ್ಯನುಜ್ಞಾತಸ್ತತಃ ಪ್ರಾಯಾದ್ಧನಂಜಯಃ। ನಾದನ್ರಥಘೋಷೇಣ ಪೃಥಿವೀಂ ದ್ಯಾಂ ಚ ಭಾರತ॥ 8-84-24 (59219) ತತಃ ಪರಿವೃತೋ ವೀರೈರ್ದಶಭಿಃ ಶತ್ರುತಾಪನಃ। ದುಃಶಾಸನಾದವರಜೈಸ್ತವ ಪುತ್ರೈರ್ಧನಂಜಯಃ॥ 8-84-25 (59220) ತೇ ತಮಭ್ಯರ್ದಯನ್ಬಾಣೈರುಲ್ಕಾಭಿರಿವ ಕುಂಜರಂ। ಆತತೇಷ್ವಸನಾ ವೀರಾ ನೃತ್ಯಂತ ಇವ ಭಾರತ॥ 8-84-26 (59221) ಅಪಸವ್ಯಾಂಸ್ತು ತಾಂಶ್ಚಕ್ರೇ ರಥೇನ ಮಧುಸೂದನಃ। ನಿಯುಕ್ತಾನ್ಹಿ ಸ ತಾನ್ಮೇನೇ ಯಮಾಯಾಶು ಕಿರೀಟಿನಾ॥ 8-84-27 (59222) ತಥಾನ್ಯೇ ಪ್ರಾಣದನ್ಮೂಢಾಃ ಪರಾಙ್ಮುಖಮಿವಾರ್ಜುನಂ॥ 8-84-28 (59223) ತೇಷಾಂ ನಾನದತಾಂ ಕೇತೂನಶ್ವಾಂಶ್ಚಾಪಾನಿ ಸಾರಥೀನ್। ನಾರಾಚೈರರ್ಧಚಂದ್ರೈಶ್ಚ ಕ್ಷಿಪ್ರಂ ಪಾರ್ಥೋ ನ್ಯಕೃಂತತ॥ 8-84-29 (59224) *ಅಥಾನ್ಯೈರ್ದಶಭಿರ್ಭಲ್ಲೈಃ ಶಿರಾಂಸ್ಯೇಷಾಮಪಾತಯತ್। ರೋಷಸಂರಕ್ತನೇತ್ರಾಣಿ ಸಂದಷ್ಟೌಷ್ಠಾನಿ ಭೂತಲೇ॥ 8-84-30 (59225) ತೇಷಾಂ ವಕ್ರಾಣಿ ವಿಬಭುರ್ವ್ಯೋಂನಿ ತಾರಾಗಣಾ ಇವ॥ 8-84-31 (59226) ತಾಂಸ್ತು ಭಲ್ಲೈರ್ಮಹಾವೇಗೈರ್ದಶಭಿರ್ದಶ ಕೌರವಾನ್। ರುಕ್ಮಾಂಗದಾವ್ರುಕ್ಮಪುಂಖೈರ್ಹತ್ವಾ ಪ್ರಾಯಾದಮಿತ್ರಹಾ॥ ॥ 8-84-32 (59227) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಚತುರಶೀತಿತಮೋಽಧ್ಯಾಯಃ॥ 84 ॥

8-85-0 (59228) ಸಂಜಯ ಉವಾಚ। 8-85-0x (5044) ತಮಾಯಾಂತಂ ಮಹಾವೇಗೈರಶ್ವೈಃ ಕಪಿವರಧ್ವಜಂ। ಯುದ್ಧಾಯಾಭ್ಯದ್ರವಂದೀರಾಃ ಕುರೂಣಾಂ ನವತೀಂ ರಥಾಃ॥ 8-85-1 (59229) ಕೃತ್ವಾ ಸಂಶಪ್ತಕಾ ಘೋರಂ ಶಪಥಂ ಪಾರಲೌಕಿಕಂ। ಪರಿವವ್ರುರ್ನರವ್ಯಾಘ್ರಾ ನರವ್ಯಾಘ್ರಂ ರಣೇಽರ್ಜುನಂ॥ 8-85-2 (59230) ಕೃಷ್ಣಃ ಶ್ವೇತಾನ್ಮಹಾವೇಗಾನಶ್ವಾನ್ಕಾಂಚನಭೂಷಣಾನ್। ಮುಕ್ತಾಜಾಲಪ್ರತಿಚ್ಛನ್ನಾನ್ಪ್ರೈಷೀತ್ಕರ್ಣರಥಂ ಪ್ರತಿ॥ 8-85-3 (59231) ಪ್ರೇಕ್ಷ್ಯ ಕರ್ಣರಥಂ ಯಾಂತಮರಿಘ್ನಂ ತಂ ಧನಂಜಯಂ। ಬಾಣವರ್ಷೈರಭಿಘ್ನಂತಃ ಸಂಶಪ್ತಕಗಣಾ ಯಯುಃ॥ 8-85-4 (59232) ತ್ವರಮಾಣಾಂಸ್ತು ತಾನ್ಸರ್ವಾನ್ಸಸೂತೇಷ್ವಸನಧ್ವಜಾನ್। ಜಘಾನ ನವತಿಂ ವೀರಾನರ್ಜುನೋ ನಿಶಿತೈಃ ಶರೈಃ॥ 8-85-5 (59233) ತೇಽಪತಂತ ಹತಾ ಬಾಣೈರ್ನಾನಾರೂಪೈಃ ಕಿರೀಟಿನಾ। ವಿಮಾನೇಭ್ಯಃ ಸುಕೃತಿನಃ ಸ್ವರ್ಗಾತ್ಪುಣ್ಯಕ್ಷಯೇ ಯಥಾ॥ 8-85-6 (59234) ತತಃ ಸರಥನಾಗಾಶ್ವಾಃ ಕುರವಃ ಕುರುಸತ್ತಮಂ। ನಿರ್ಭಯಾ ಭರತಶ್ರೇಷ್ಠಮಭ್ಯವರ್ತಂತ ಫಲ್ಗುನಂ॥ 8-85-7 (59235) ತದಾಯಸ್ತಮನುಷ್ಯಾಶ್ವಮುದೀರ್ಣವರವಾರಣಂ। ಪುತ್ರಾಣಾಂ ತೇ ಮಹಾಸೈನ್ಯಂ ಸಮರೌತ್ಸೀದ್ಧನಂಜಯಂ॥ 8-85-8 (59236) ಶಕ್ತ್ಯೃಷ್ಟಿತೋಮರಪ್ರಾಸೈರ್ಗದಾನಿಸ್ತ್ರಿಂಶಸಾಯಕೈಃ। ಪ್ರಾಚ್ಛಾದಯನ್ಮಹೇಷ್ವಾಸಾಃ ಕುರವಃ ಕುರುನಂದನಂ॥ 8-85-9 (59237) ತಾಮಂತರಿಕ್ಷೇ ವಿತತಾಂ ಶಸ್ತ್ರವೃಷ್ಟಿಂ ಸಮಂತತಃ। ವ್ಯಧಮತ್ಪಾಂಡವೋ ಬಾಣೈಸ್ತಮಃ ಸೂರ್ಯ ಇವಾಂಶುಭಿಃ॥ 8-85-10 (59238) ತತೋ ಂಲೇಚ್ಛಾಃ ಸ್ಥಿತಾ ಮತ್ತೈಸ್ತ್ರಯೋದಶಶತೈರ್ಗಜೈಃ। ಪಾರ್ಶ್ವತೋ ವ್ಯಹನನ್ಪಾರ್ಥಂ ತವ ಪುತ್ರಸ್ಯ ಶಾಸನಾತ್॥ 8-85-11 (59239) ಕರ್ಣಿನಾಲೀಕನಾರಾಚೈಸ್ತೋಮರಪ್ರಾಸಶಕ್ತಿಭಿಃ। ಕರ್ಪಣೈರ್ಭಿಂಡಿಪಾಲೈಶ್ಚ ರಥಸ್ಥಂ ಪಾರ್ಥಮಾರ್ದಯನ್॥ 8-85-12 (59240) ತಾಂ ಶಸ್ತ್ರವೃಷ್ಟಿಮತುಲಾಂ ದ್ವಿಪಸ್ಥೈಃ ಪ್ರೇಷಿತಾಂ ಪ್ರಭುಃ। ಚಿಚ್ಛೇದ ನಿಶಿತೈರ್ಭಲ್ಲೈರರ್ಧಚಂದ್ರೈಶ್ಚ ಫಲ್ಗುನಃ॥ 8-85-13 (59241) ಅಥ ತಾಂದ್ವಿರದಾನ್ಸರ್ವಾನ್ನಾನಾಲಿಂಗೈಃ ಶರೋತ್ತಮೈಃ। ಸಪತಾಕಧ್ವಜಾರೋಹಾನ್ಗಿರೀನ್ವಜ್ರೈರಿವಾಭಿನತ್॥ 8-85-14 (59242) ತೇ ಹೇಮಪುಂಖೈರಿಷುಭಿರರ್ದಿತಾ ಹೇಮಮಾಲಿನಃ। ಹತಾಃ ಪೇತುರ್ಮಹಾನಾಗಾಃ ಸಾಗ್ರಿಜ್ವಾಲಾ ಇವಾದ್ರಯಃ॥ 8-85-15 (59243) ತತೋ ಗಾಂಡೀವನಿರ್ಘೋಷೋ ಮಹಾನಾಸೀದ್ವಿಶಾಂಪತೇ। ಸ್ತನತಾಂ ಕೂಜತಾಂ ಚೈವ ಮನುಷ್ಯಗಜವಾಜಿನಾಂ॥ 8-85-16 (59244) ಕುಂಚರಾಶ್ಚ ಹತಾ ರಾಜಂದದ್ರುವುಸ್ತೇ ಸಮಂತತಃ। ಅಶ್ವಾಶ್ಚ ಪರ್ಯಧಾವಂತ ಹತಾರೋಹಾ ದಿಶೋ ದಶ॥ 8-85-17 (59245) ರಥಾ ಹೀನಾ ನಹಾರಾಜ ರಥಿಭಿರ್ವಾಜಿಭಿಸ್ತಥಾ। ಗಂಧರ್ವನಗರಾಕಾರಾ ದೃಶ್ಯಂತೇ ಸ್ಮ ಸಹಸ್ರಶಃ॥ 8-85-18 (59246) ಅಶ್ವಾರೋಹಾ ಮಹಾರಾಜ ಧಾವಮಾನಾ ಇತಸ್ತತಃ। ತತ್ರತತ್ರೈವ ದೃಶ್ಯಂತೇ ನಿಹತಾಃ ಪಾರ್ಥಸಾಯಕೈಃ॥ 8-85-19 (59247) ತಸ್ಮಿನ್ಕ್ಷಣೇ ಪಾಂಡವಸ್ಯ ಬಾಹ್ವೋರ್ಬಲಮದೃಶ್ಯತ। ಯತ್ಸಾದಿನೋ ವಾರಣಾಂಶ್ಚ ರಥಾಂಶ್ಚೈಕೋಽಜಯದ್ಯುಧಿ॥ 8-85-20 (59248) ಅಸಂಯುಕ್ತಾಶ್ಚ ತೇ ರಾಜನ್ಪರಿವೃತ್ತಾ ರಣಂ ಪ್ರತಿ। ನರಾ ನಾಗಾ ರಥಾಶ್ಚೈವ ನದಂತೋಽರ್ಜುನಮಭ್ಯಯುಃ॥ 8-85-21 (59249) ತತಸ್ತ್ರ್ಯೇಂಗೇಣ ಮಹತಾ ಬಲೇನ ಭರತರ್ಷಭ। ದೃಷ್ಟ್ವಾ ಪರಿವೃತಂ ರಾಜನ್ಭೀಮಸೇನಃ ಕಿರೀಟಿನಂ॥ 8-85-22 (59250) ಹತಾವಶೇಷಾನುತ್ಸೃಜ್ಯ ತ್ವದೀಯಾನ್ಕತಿಚಿದ್ರಥಾನ್। ಜವೇನಾಭ್ಯದ್ರವದ್ಭೀಮೋ ಧನಂಜಯರಥಂ ಪ್ರತಿ॥ 8-85-23 (59251) ತತಸ್ತತ್ಪ್ರಾದ್ರವತ್ಸೈನ್ಯಂ ಹತಭೂಯಿಷ್ಠಮಾತುರಂ। ದೃಷ್ಟ್ವಾಽರ್ಜುನಂ ತದಾ ಭೀಮಮಾಗತಂ ಭ್ರಾತರಂ ಪ್ರತಿ॥ 8-85-24 (59252) ಹತಾವಶಿಷ್ಟಾಂಸ್ತುರಗಾನರ್ಜುನೇನ ಮಹಾಬಲಃ। ಭೀಮೋ ವ್ಯಧಮದಶ್ರಾಂತೋ ಗದಾಪಾಣಿರ್ಮಹಾಹವೇ॥ 8-85-25 (59253) `ಗದಾಪಾಣಿಂ ತದಾ ದೃಷ್ಟ್ವಾ ಭೀಮಂ ಭಾರತ ಭಾರತಾಃ। ಮೇನಿರೇ ತಮನುಪ್ರಾಪ್ತಂ ದಂಡಪಾಣಿಮಿವಾಂತಕಂ'॥ 8-85-26 (59254) ಕಾಲರಾತ್ರಿಮಿವಾತ್ಯುಗ್ರಾಂ ನರನಾಗಾಶ್ವಭೋಜನಾಂ। ಪ್ರಾಕಾರಾಟ್ಟಪುರದ್ವಾರದಾರಣೀಮತಿದಾರುಣಾಂ॥ 8-85-27 (59255) ಗದಾಂ ತುರಗನಾಶಾಯ ತ್ವರನ್ಭೀಮೋ ವ್ಯವಾಸೃಜತ್। ಸಾ ಜಘಾನ ಬಹೂನಶ್ವಾನಶ್ವಾರೋಹಾಂಶ್ಚ ಮಾರಿಷ॥ 8-85-28 (59256) ಕಾಂಸ್ಯಾಯಸತನುತ್ರಾಂಶ್ಚ ನರಾನಶ್ವಾಂಶ್ಚ ಪಾಂಡವಃ। ಪೋಥಯಾಮಾಸ ಗದಯಾ ಸಶಬ್ದಂ ತೇಽಪತನ್ಹತಾಃ॥ 8-85-29 (59257) ದಂತೈರ್ದಶಂತೋ ವಸುಧಾಂ ಶೇರತೇ ಕ್ಷತಜೋಕ್ಷಿತಾಃ। ಭಗ್ನಮೂರ್ಧಾಸ್ಥಿಚರಣಾಃ ಕ್ರವ್ಯಾದಗಣಭೋಜನಾಃ॥ 8-85-30 (59258) ಅಸೃಙ್ಮಾಂಸವಸಾಭಿಶ್ಚ ತೃಪ್ತಿಮಭ್ಯಾಗತಾ ಗದಾ। ಅಸ್ಥೀನ್ಯಪ್ಯಶ್ನತೀ ತಸ್ಥೌ ಕಾಲರಾತ್ರೀವ ದುರ್ದೃಶಾ॥ 8-85-31 (59259) ಸಹಸ್ರಾಣಿ ದಶಾಶ್ವಾನಾಂ ಹತ್ವಾ ಪತ್ತೀಂಶ್ಚ ಭೂಯಸಃ। ಭೀಮೋಽಭ್ಯಧಾವತ್ಸಂಕ್ರುದ್ಧೋ ಗದಾಪಾಣಿರಿತಸ್ತತಃ॥ 8-85-32 (59260) ಗದಾಪಾಣಿಂ ತತೋ ಭೀಮಂ ದೃಷ್ಟ್ವಾ ಭಾರತ ತಾವಕಾಃ। ಮೇನಿರೇ ಸಮನುಪ್ರಾಪ್ತಂ ಕಾಲದಣ಼್ಡೋದ್ಯತಂ ಯಮಂ॥ 8-85-33 (59261) ಸ ಮತ್ತ ಇವ ಮಾತಂಗಃ ಸಂಕ್ರುದ್ಧಃ ಪಾಂಡುನಂದನಃ। ಪ್ರವಿವೇಶ ಗಜಾನೀಕಂ ಮಕರಃ ಸಾಗರಂ ಯಥಾ॥ 8-85-34 (59262) ವಿಗಾಹ್ಯ ಚ ಗಜಾನೀಕಂ ಪ್ರಗೃಹ್ಯ ಮಹತೀಂ ಗದಾಂ। ಕ್ಷಣೇನ ಭೀಮಃ ಸಂಕ್ರುದ್ಧಸ್ತನ್ನಿನ್ಯೇ ಯಮಸಾದನಂ॥ 8-85-35 (59263) ಗಜಾನ್ಸಕಂಕಟಾನ್ಮತ್ತಾನ್ಸಾರೋಹಾನ್ಸಪತಾಕಿನಃ। ಪತತಃ ಸಮಪಶ್ಯಾಮ ಸಪಕ್ಷಾನ್ಪರ್ವತಾನಿವ॥ 8-85-36 (59264) ಹತ್ವಾ ತು ತದ್ಗಜಾನೀಕಂ ಭೀಮಸೇನೋ ಮಹಾಬಲಃ। ಪುನಃ ಸ್ವರಥಮಾಸ್ಥಾಯ ಪೃಷ್ಠತೋಽರ್ಜುನಮಭ್ಯಯಾತ್॥ 8-85-37 (59265) ತತಃ ಪರಾಙ್ಮುಖೀಭೂತಂ ನಿರುತ್ಸಾಹಂ ಬಲಂ ತವ। ತದಾನೀಂ ತು ಮಹಾರಾಜ ಪ್ರಾಯಶಃ ಶಸ್ತ್ರವೇಷ್ಟಿತಂ॥ 8-85-38 (59266) ವಿಲಂಬಮಾನಂ ತತ್ಸೈನ್ಯಭಪ್ರಗಲ್ಭಮವಸ್ಥಿತಂ। ದೃಷ್ಟ್ವಾ ಪ್ರಾಚ್ಛಾದಯದ್ಬಾಣೈರರ್ಜುನಃ ಶಸ್ತ್ರವೃಷ್ಟಿಭಿಃ॥ 8-85-39 (59267) ನರಾಶ್ವರಥಮಾತಂಗಾ ಯುಧಿ ಗಾಂಡೀವಧನ್ವನಾ। ಶರವ್ರಾತೈಶ್ಚಿತಾ ರೇಜುಃ ಕದಂಬಾ ಇವ ಕೇಸರೈಃ॥ 8-85-40 (59268) ತತಃ ಕುರುಣಾಮಭವದಾರ್ತನಾದೋ ಮಹಾನ್ನೃಪ। ನರಾಶ್ವನಾಗಾಸುಹನಾಂದೃಷ್ಟ್ವಾ ಬಾಣಾನ್ಕಿರೀಟಿನಃ॥ 8-85-41 (59269) ಹಾಹಾಕೃತಂ ಭೃಶಂ ತ್ರಸ್ತಂ ಲೀಯಮಾನಂ ಪರಸ್ಪರಂ। ಅಲಾತಚಕ್ರವತ್ಸೈನ್ಯಂ ತದಾ ಬಭ್ರಾಮ ತಾವಕಂ॥ 8-85-42 (59270) ತತೋಽರ್ಜುನಶರಧ್ವಸ್ತಂ ಕುರೂಣಾಂ ಸುಮಹದ್ಬಲಂ। ನ ಹ್ಯತ್ರಾಸೀದನಿರ್ಭಿನ್ನೋ ರಥಃ ಸಾದೀ ಹಯೋ ಗಜಃ॥ 8-85-43 (59271) ಆದೀಪ್ತಮಿವ ತತ್ಸೈನ್ಯಂ ಶರೈಶ್ಛಿನ್ನತನುಚ್ಛದಂ। ಆಸೀತ್ಸ್ವಶೋಣಿತಕ್ಲಿನ್ನಂ ರೌದ್ರಂ ನಷ್ಟಂ ವಿಶಾಂಪತೇ॥ 8-85-44 (59272) ತತ್ಸೈನ್ಯಂ ಹತಭೂಯಿಷ್ಠಮಾಹತಂ ನಿಶಿತೈಃ ಶರೈಃ। ನ ಜಹೌ ಸಮರಂ ಪ್ರಾಪ್ಯ ಫಲ್ಗುನಂ ಶತ್ರುತಾಪನಂ॥ 8-85-45 (59273) ತತ್ರಾದ್ಭುತಮಪಶ್ಯಾಮ ಕೌರವಾಣಾಂ ಪರಾಕ್ರಮಂ। ವಧ್ಯಮಾನೋಽಪಿ ಯತ್ಪಾರ್ಥಂ ನ ಜಹೌ ಭರತರ್ಷಭ॥ 8-85-46 (59274) ತಂ ದೃಷ್ಟ್ವಾ ವಿಕ್ರಮಂ ತಸ್ಯ ಕುರವಃ ಸವ್ಯಸಾಚಿನಃ। ನಿರಾಶಾಃ ಸಮಪದ್ಯಂತ ಸರ್ವೇ ಕರ್ಣಸ್ಯ ಜೀವಿತೇ॥ 8-85-47 (59275) ಅವಿಷಹ್ಯಂ ತು ಪಾರ್ಥಸ್ಯ ಶರಸಂಸ್ಪರ್ಶಮಾಹವೇ। ಮತ್ವಾ ನ್ಯವರ್ತನ್ಕುರವೋ ಜಿತಾ ಗಾಂಡೀವಧನ್ವನಾ॥ 8-85-48 (59276) ತೇ ಹಿತ್ವಾ ಸಮರೇ ಪಾರ್ಥಂ ವಧ್ಯಮಾನಾಶ್ಚ ಸಾಯಕೈಃ। ಪ್ರದುದ್ರುವುರ್ದಿಶೋ ಭೀತಾಶ್ಚುಕ್ರುಶುಶ್ಚಾಪಿ ಸೂತಜಂ॥ 8-85-49 (59277) ತಾನ್ವಿದ್ರಾವಯತೇ ಪಾರ್ಥಃ ಕಿರಞ್ಶರಶತಾನ್ಬಹೂನ್। ಹರ್ಷಯನ್ಪಾಂಡವೀಂ ಸೇನಾಂ ರಾಜಾನಂ ಚ ಯುಧಿಷ್ಠಿರಂ॥ 8-85-50 (59278) ಪುತ್ರಾಸ್ತವ ಮಹಾರಾಜ ಜಗ್ಮುಃ ಕರ್ಣರಥಂ ಪ್ರತಿ। ಅಗಾಧೇ ಮಜ್ಜತಾಂ ತೇಷಾಂ ದ್ವೀಪಃ ಕರ್ಣೋಽಭವತ್ತದಾ॥ 8-85-51 (59279) ಕುರವೋ ಹಿ ಮಹಾರಾಜ ನಿರ್ವಿಷಾಃ ಪನ್ನಗಾ ಇವ। ಕರ್ಣಮೇವೋಪಲೀಯಂತ ಭಯಾದ್ಗಾಂಡೀವಘನ್ವನಃ॥ 8-85-52 (59280) ಯಥಾ ಸರ್ವಾಣಿ ಭೂತಾನಿ ಮೃತ್ಯೋರ್ಭೀತಾನಿ ಮಾರಿಷ। ಉಪಲೀಯಂತಿ ಸಂತ್ರಾಸಾದ್ಧರ್ಮಂ ಲೋಕಪರಾಯಣಂ॥ 8-85-53 (59281) ತಥಾ ಕರ್ಣಂ ಮಹೇಷ್ವಾಸಂ ಪುತ್ರಾಸ್ತವ ನರಾಧಿಪ। ಉಪಾಲೀಯಂತ ಸಂತ್ರಾಸಾತ್ಪಾಂಡವಸ್ಯ ಮಹಾತ್ಮನಃ॥ 8-85-54 (59282) ತಾಞ್ಶೋಣಿತಪರಿಕ್ಲಿನ್ನಾನ್ವಿಷಮಸ್ಥಾಞ್ಶರಾತುರಾನ್। ಮಾ ಭೈಷ್ಟೇತ್ಯಬ್ರವೀತ್ಕರ್ಣೋ ಭೀತಾನಾವಿಷ್ಟಚೇತಸಃ॥ 8-85-55 (59283) ಸಂಭಗ್ನಂ ಹಿ ಬಲಂ ದೃಷ್ಟ್ವಾ ಬಲಾತ್ಪಾರ್ಥೇನ ತಾವಕಂ। ಧನುರ್ವಿಸ್ಫಾರಯನ್ಕರ್ಣಸ್ತಸ್ಥೌ ಶತ್ರುಜಿಘಾಂಸಯಾ॥ 8-85-56 (59284) ತಾನ್ಪ್ರದ್ರುತಾನ್ಕುರೂಂದೃಷ್ಟ್ವಾ ಕರ್ಣಃ ಶಸ್ತ್ರಭೃತಾಂ ವರಃ। ಸಂಚಿಂತಯಿತ್ವಾ ಪಾರ್ಥಸ್ಯ ವಧೇ ದಧ್ರೇ ಮನಃ ಶ್ವಸನ್॥ 8-85-57 (59285) ವಿಸ್ಫಾರ್ಯ ಸುಮಹಚ್ಚಾಪಂ ತತಶ್ಚಾಧಿರಥಿರ್ವೃಷಃ। ಪಾಂಚಾಲಾನ್ಪುನರಾಧಾವತ್ಪಶ್ಯತಃ ಸವ್ಯಸಾಚಿನಃ॥ 8-85-58 (59286) ತತಃ ಕ್ಷಣೇನ ಕ್ಷಿತಿಪಾಃ ಕ್ಷತಜಪ್ರತಿಮೇಕ್ಷಣಾಃ। ಶರೌಘೈಶ್ಛಾದಯಾಮಾಸುರ್ಮಹಾಮೇಘಾ ಇವಾಚಲಂ॥ 8-85-59 (59287) ತತಃ ಶರಸಹಸ್ರಾಣಿ ಕರ್ಣಮುಕ್ತಾನಿ ಮಾರಿಷ। ಪಾಂಚಾಲಾನಾಂ ಹರತ್ಪ್ರಾಣಾಂಸ್ತಮಾಂಸೀವ ತಮೋನುದಃ॥ 8-85-60 (59288) ಮಹದಾಸೀತ್ತದಾ ಯುದ್ಧಂ ಪಾಂಚಾಲಾನಾಂ ಮಹಾಮತೇ। ವಧ್ಯತಾಂ ಸೂತಪುತ್ರೇಣ ಮಿತ್ರಾರ್ಥೇ ಮಿತ್ರಗೃದ್ಧಿನಾ॥ ॥ 8-85-61 (59289) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಪಂಚಾಶೀತಿತಮೋಽಧ್ಯಾಯಃ॥ 85 ॥

8-86-0 (59290) ಸಂಜಯ ಉವಾಚ। 8-86-0x (5045) ತತಃ ಕರ್ಣಃ ಕುರುಷು ಪ್ರದ್ರುತೇಷು ವರೂಥಿನಾ ಶ್ವೇತಹಯೇನ ರಾಜನ್। ಪಾಂಚಾಲಪುತ್ರಾನ್ವ್ಯಧಮತ್ಸೂತಪುತ್ರೋ ಮಹೇಷುಮಿರ್ವಾತ ಇವಾಭ್ರಸಂಘಾನ್॥ 8-86-1 (59291) ಸೂತಂ ರಥಾದಂಜಲಿಕೈರ್ನಿಪಾತ್ಯ ಜಘಾನ ಚಾಶ್ವಾಂಜನಮೇಜಯಸ್ಯ। ಶತಾನೀಕಂ ಸುತಸೋಮಂ ಚ ಭಲ್ಲೈ-- ರವಾಕಿರದ್ಧನುಷೀ ಚಾಪ್ಯಕೃಂತತ್॥ 8-86-2 (59292) ಧೃಷ್ಟದ್ಯುಂನಂ ನಿರ್ಬಿಭೇದಾಥ ಷಡ್ಭಿ-- ರ್ಜಘಾನಾಶ್ವಾಂದಕ್ಷಿಣಾಂಸ್ತಸ್ಯ ಸಂಖ್ಯೇ। ಹತ್ವಾ ಚಾಶ್ವಾನ್ಸಾತ್ಯಕೇಃ ಸೂತಪುತ್ರಃ ಕೈಕೇಯಪುತ್ರಂ ನ್ಯವಧೀದ್ವಿಶೋಕಂ॥ 8-86-3 (59293) ತಮಭ್ಯಧಾವನ್ನಿಹತೇ ಕುಮಾರೇ ಸೇನಾಪತಿಃ ಕೈಕಯೋ ಮಿತ್ರವರ್ಮಾ। ಶರೈರ್ವಿಧುನ್ವನ್ಭೃಶಮುಗ್ರವೇಗೈಃ ಕರ್ಣಾತ್ಮಜಂ ಚಾಪ್ಯಹನತ್ಸುದೇವಂ॥ 8-86-4 (59294) ತಸ್ಯಾರ್ಧಚಂದ್ರೈಸ್ತ್ರಿಭಿರುಚ್ಚಕರ್ತ ಪ್ರಹಸ್ಯ ಬಾಹೂ ಚ ಶಿರಶ್ಚ ಕರ್ಣಃ। ಸ ಸ್ಯಂದನಾದ್ಗಾಮಗಮದ್ಗತಾಸುಃ ಪರಶ್ವಥೈಃ ಸಾಲ ಇವಾವರುಗ್ಣಃ॥ 8-86-5 (59295) ಹತಾಶ್ವಮಂಜೋಗಮಿಭಿಃ ಸುಷೇಣಃ ಶಿನಿಪ್ರವೀರಂ ನಿಶಿತೈಃ ಪೃಷತ್ಕೈಃ। ಪ್ರಚ್ಛಾದ್ಯ ನೃತ್ಯನ್ನಿವ ಕರ್ಣಪುತ್ರಃ ಶೈನೇಯಬಾಣಾಭಿಹತಃ ಪಪಾತ॥ 8-86-6 (59296) ಪುತ್ರೇ ಹತೇ ಕ್ರೋಧಪರೀತಯೇತಾಃ ಕರ್ಣಃ ಶಿನೀನಾಂ ಪ್ರವರಂ ಜಿಘಾಂಸುಃ। ಹತೋಽಸಿ ಹೇ ಸಾತ್ಯಕ ಇತ್ಯುದೀರ್ಯ ವ್ಯವಾಸೃಜದ್ಬಾಣಮಮಿತ್ರಸಾಹಂ॥ 8-86-7 (59297) ತಮಸ್ಯ ಚಿಚ್ಛೇದ ಶರಂ ಶಿಖಂಡೀ ತ್ರಿಭಿಸ್ತ್ರಿಭಿಶ್ಚ ಪ್ರತುತೋದ ಕರ್ಣಂ। ಶಿಖಂಡಿನಃ ಕಾರ್ಮುಕಂ ಚ ಧ್ವಜಂ ಚ ಚ್ಛಿತ್ತ್ವಾ ಕ್ಷುರಾಭ್ಯಾಂ ನ್ಯಹನತ್ಸುಜಾತಃ॥ 8-86-8 (59298) ಶಿಖಂಡಿನಂ ಷಡ್ಭಿರವಿಧ್ಯದುಗ್ರೋ ಧಾರ್ಷ್ಟದ್ಯುಂನೇಃ ಸ ಶಿರಶ್ಚೋಚ್ಚಕರ್ತ। ತತೋಽಭಿನತ್ಸುತಸೋಮಂ ಕ್ಷುರೇಣ ಸುಸಂಝಿತೇನಾಧಿರಥಿರ್ಮಹಾತ್ಮಾ॥ 8-86-9 (59299) ಅಥಾಕ್ರಂದೇ ತುಮುಲೇ ವರ್ತಮಾನೇ ಧಾರ್ಷ್ಟದ್ಯುಂನೇ ನಿಹತೇ ತತ್ರ ಕೃಷ್ಣಃ। ಅಪಾಂಚಾಲ್ಯಂ ಕ್ರಿಯತೇ ಯಾಹಿ ಪಾರ್ಥ ಕರ್ಣಂ ಜಹೀಲಾಬ್ರವೀದ್ರಾಜಸಿಂಹ॥ 8-86-10 (59300) ತತಃ ಪ್ರಹಸ್ಯಾಶು ನರಪ್ರವೀರೋ ರಥಂ ರಥೇನಾಧಿರಥೇರ್ಜಗಾಮ। ಭಯೇ ತೇಷಾಂ ತ್ರಾಣಮಿಚ್ಛನ್ಸುಬಾಹು-- ರಭ್ಯಾಹತಾನಾಂ ರಥಯೂಥಪೇನ॥ 8-86-11 (59301) ತತೋಽಪರೇ ಭಾರತ ದುಷ್ಪ್ರಕಂಪ್ಯಾಃ ಪಾಂಚಾಲಾನಾಂ ರಥಸಂಘಾಃ ಸಮೇತಾಃ। ಪ್ರತಿಶ್ರಿತಾ ಹ್ಯಂತರಿಕ್ಷೇ ಗ್ರಹಾಭಾ ಧನುಃಪ್ರವೀರಾಸ್ತು ರಥಪ್ರವೀರಾಃ॥ 8-86-12 (59302) ವಿಸ್ಫಾರ್ಯ ಗಾಂಡೀವಮಥೋಗ್ರಘೋಷಂ ಜ್ಯಯಾ ಸಮಾಹತ್ಯ ತಲೇ ಭೃಶಂ ಚ। ಬಾಣಾಂಧಕಾರಂ ಸಹಸೈವ ಕೃತ್ವಾ ಜಘಾನ ನಾಗಾಶ್ವರಥಧ್ವಜಾಂಶ್ಚ॥ 8-86-13 (59303) [ಪ್ರತಿಶ್ರುತಃ ಪ್ರಾಚರದಂತರಿಕ್ಷೇ ಗುಹಾ ಗಿರೀಣಾಮಪತನ್ವಯಾಂಸಿ। ಯನ್ಮಂಡಲಜ್ಯೇನ ವಿಜೃಂಭಮಾಣೋ ರೌದ್ರೇ ಮುಹೂರ್ತೇಽಭ್ಯಪತತ್ಕಿರೀಟೀ॥] 8-86-14 (59304) ತಂ ಭೀಮಸೇನೋಽನುಯಯೌ ರಥೇನ ಪೃಷ್ಠೇ ರಕ್ಷನ್ಪಾಂಡವಮೇಕವೀರಃ। ತೌ ರಾಜಪುತ್ರೌ ತ್ವರಿತೌ ರಥಾಭ್ಯಾಂ ಕರ್ಣಾಯ ಯಾತಾವರಿಭಿರ್ವಿಷಕ್ತೌ॥ 8-86-15 (59305) ತತ್ರಾಂತರೇ ಸುಮಹಾನ್ಸೂತಪುತ್ರ-- ಶ್ಚಕ್ರೇ ಯುದ್ಧಂ ಸೋಮಕಾನ್ಸಂಪ್ರಮಥ್ಯ। ರಥಾಶ್ವಮಾತಂಗಣಾಂಜಘಾನ ಪ್ರಚ್ಛಾದಯಾಮಾಸ ಶರೈರ್ದಿಶಶ್ಚ॥ 8-86-16 (59306) ತಮುತ್ತಮೌಜಾ ಜನಮೇಜಯಶ್ಚ ಕ್ರುದ್ಧೌ ಯುಧಾಮನ್ಯುಶಿಖಂಡಿನೌ ಚ। ಕರ್ಣಂ ಬಿಭೇದುಃ ಸಹಿತಾಃ ಪೃಷತ್ಕೈಃ ಸನ್ನರ್ದಮಾನಾಃ ಸಹ ಪಾರ್ಷತೇನ॥ 8-86-17 (59307) ತೇ ಪಂಚ ಪಾಂಚಾಲರಥಾಃ ಸಮೇತಾ ವೈಕರ್ತನಂ ಕರ್ಣಮಭಿದ್ರವಂತಃ। ತಸ್ಮಾದ್ರಥಾಚ್ಚ್ಯಾವಯಿತುಂ ನ ಶೇಕು-- ರ್ಧೈರ್ಯಾತ್ಕೃತಾತ್ಮಾನಮಿವೇಂದ್ರಿಯಾರ್ಥಾಃ॥ 8-86-18 (59308) ತೇಷಾಂ ಧನೂಂಷಿ ಧ್ವಜವಾಜಿಸೂತಾಂ-- ಸ್ತೂರ್ಣಂ ಪತಾಕಾಶ್ಚ ನಿಕೃತ್ಯ ಬಾಣೈಃ। ತಾನ್ಪಾಂಚಾಲಾನಭ್ಯಹನತ್ಪೃವತ್ಕೈಃ ಕರ್ಣಸ್ತತಃ ಸಿಂಹ ಇವೋನ್ನನಾದ॥ 8-86-19 (59309) ತಸ್ಯಾಸ್ಯತಸ್ತಾನಭಿನಿಘ್ನತಶ್ಚ ಜ್ಯಾಬಾಣಹಸ್ತಸ್ಯ ಧನುಃಸ್ವೇನನ। ಸಾದ್ರಿದ್ರುಮಾ ಸ್ಯಾತ್ಪೃಥಿವೀ ವಿಶೀರ್ಣೇ-- ತ್ಯತೀವ ಮತ್ವಾ ಜನತಾ ವ್ಯಪೀದತ್॥ 8-86-20 (59310) ಸ ಶಕ್ರಚಾಪಪ್ರತಿಮೇನ ಧನ್ವನಾ ಭೃಶಾಯತೇನಾಧಿರಥಿಃ ಶರಾನ್ಸೃಜನ್। ಬಭೌ ರಣೇ ದೀಪ್ತಮರೀಚಿಮಂಡಲೋ ಯಥಾಂಶುಮಾಲೀ ಪರಿವೇಷವಾಂಸ್ತಥಾ॥ 8-86-21 (59311) ಶಿಖಂಡಿನಂ ದ್ವಾದಶಭಿಃ ಪರಾಭಿನ-- ಚ್ಛಿತೈಃ ಶರೈಃ ಷಡ್ಭಿರಥೋತ್ತಮೌಜಸಂ। ತ್ರಿಭಿರ್ಯುಧಾಮನ್ಯುಮವಿಧ್ಯದಾಶುಗೈ-- ಸ್ತ್ರಿಭಿಸ್ತ್ರಿಭಿಃ ಸೋಮಕಪಾರ್ಷತಾತ್ಮಜೌ॥ 8-86-22 (59312) ಪರಾಜಿತಾಃ ಪಂಚ ಮಹಾರಥಾಸ್ತು ತೇ ಮಹಾಹವೇ ಸೂತಸುತೇನ ಮಾರಿಷ। ನಿರುದ್ಯಮಾಸ್ತಸ್ಥುರಮಿತ್ರನಂದನಾ ಯಥೇಂದ್ರಿಯಾರ್ಥಾತ್ಮವತಾ ಪರಾಜಿತಾಃ॥ 8-86-23 (59313) ನಿಮಜ್ಜತಸ್ತಾನಥ ಕರ್ಣಸಾಗರೇ ವಿಪನ್ನನಾವೋ ವಣಿಜೋ ಯಥಾರ್ಣವೇ। ಉದ್ದಧ್ರಿರೇ ನೌಭಿರಿವಾರ್ಣವಾದ್ರಥೈಃ ಸುಕಲ್ಪಿತೈರ್ದ್ರೌಪದಿಜಾಃ ಸ್ವಮಾತುಲಾನ್॥ 8-86-24 (59314) ತತಃ ಶಿನೀನಾಮೃಷಭಃ ಶಿತೈಃ ಶರೈ-- ರ್ನಿಕೃತ್ಯ ಕರ್ಣಪ್ರಹಿತಾನಿಷೂನ್ವಹೂನ್। ವಿದಾರ್ಯ ಕರ್ಣಂ ನಿಶಿತೈರಯಸ್ಮಯೈ-- ಸ್ತವಾತ್ಮಜಂ ಜ್ಯೇಷ್ಠಮವಿಧ್ಯದಷ್ಟಮಿಃ॥ 8-86-25 (59315) ಕೃಪೋಽಥ ಭೋಜಶ್ಚ ತವಾತ್ಮಜಸ್ತಥಾ ಸ್ವಯಂ ಚ ಕರ್ಣೋ ನಿಶಿತೈರತಾಡಯತ್। ಸ ತೈಶ್ಚತುರ್ಭಿರ್ಯುಯುಧೇ ಯದೂತ್ತಮೋ ದಿಗೀಶ್ವರೈರ್ದೈತ್ಯಪತಿರ್ಯಥಾ ತಥಾ॥ 8-86-26 (59316) ಸಮಾತತೇನೇಷ್ವಸನೇನ ಕೂಜತಾ ಮಹಾಸ್ವನೇನಾಶನಿಪಾತದೀಧಿತಿಃ। ಬಭೂವ ದುರ್ಧರ್ಷತರಃ ಸ ಸಾತ್ಯಕಿಃ ಶರನ್ನಭೋಮಧ್ಯಗತೋ ಯಥಾ ರವಿಃ॥ 8-86-27 (59317) ಪುನಃ ಸಮಾಸ್ಥಾಯ ರಥಾನ್ಸುದಂಶಿತಾಃ ಶಿನಿಪ್ರವೀರಂ ಜುಗುಪುಃ ಪರಂತಪಾಃ। ಸಮೇತ್ಯ ಪಾಂಚಾಲಮಹಾರಥಾ ರಣೇ ಮರುದ್ರಣಾಃ ಶಕ್ರಮಿವಾರಿನಿಗ್ರಹೇ॥ 8-86-28 (59318) ತತೋಽಭವದ್ಯುದ್ಧಮತೀವ ದಾರುಣಂ ತವಾಹಿತಾನಾಂ ತವ ಸೈನಿಕೈಃ ಸಹ। ರಥಾಶ್ವಮಾತಂಗವಿನಾಶನಂ ತಥಾ ಯಥಾ ಸುರಾಣಾಮಸುರೈಃ ಪುರಾಽಭವತ್॥ 8-86-29 (59319) ರಥಾ ದ್ವಿಪಾ ವಾಜಿಪದಾತಯಸ್ತಥಾ ಭ್ರಮಂತಿ ನಾನಾವಿಧಶಸ್ತ್ರವೇಷ್ಟಿತಾಃ। ಪರಸ್ಪರೇಣಾಭಿಹತಾಶ್ಚ ಚಸ್ಖಲು-- ರ್ವಿನೇದುರಾರ್ತಾ ವ್ಯಸವೋಽಪತಂಸ್ತಥಾ॥ 8-86-30 (59320) ತಥಾಗತಂ ಭೀಮಮಭೀಸ್ತವಾತ್ಮಜಃ ಸಸಾರ ರಾಜಾವರಜಃ ಕಿರಞ್ಶರೈಃ। ತಮಭ್ಯಧಾವತ್ತ್ವರಿತೋ ವೃಕೋದರೋ ಮಹಾರುರುಂ ಸಿಂಹ ಇವಾಭಿಪೇದಿವಾನ್॥ 8-86-31 (59321) ತತಸ್ತಯೋರ್ಯುದ್ಧಮತೀವ ದಾರುಣಂ ಪ್ರದೀವ್ಯತೋಃ ಪ್ರಾಣದುರೋದರಂ ದ್ವಯೋಃ। ಪರಸ್ಪರೇಣಾಭಿನಿವಿಷ್ಟರೋಷಯೋ-- ರುದಗ್ರಯೋಃ ಶಂಬರಶಕ್ರಯೋರ್ಯಥಾ॥ 8-86-32 (59322) ಶರೈಃ ಶರೀರಾರ್ತಿಕರೈಃ ಸುತೇಜನೈ-- ರ್ನಿಜಘ್ನತುಸ್ತಾವಿತರೇತರಂ ಭೃಶಂ। ಸಕೃತ್ಪ್ರಭಿನ್ನಾವಿವ ವಾಸಿತಾಂತರೇ ಮಹಾಗಜೌ ದೋರ್ಭಿರದೀನಘಾತಿನೌ॥ 8-86-33 (59323) ಆಲೋಕ್ಯ ತೌ ಚೈವ ಪರಸ್ಪರಂ ತತಃ ಸಮಂ ಚ ಶೂರೌ ಚ ಸಸಾರಥೀ ತದಾ। ಭೀಮೋಽಬ್ರವೀದ್ಯಾಹಿ ದುಃಶಾಸನಾಯ ದುಃಶಾಸನೋ ಯಾಹಿ ವೃಕೋದರಾಯ॥ 8-86-34 (59324) ತಯೋ ರಥೌ ಸಾರಥಿಸಂಪ್ರಚೋದಿತೌ ಸಮಂ ರಥೌ ತೌ ಮಹಸಾ ಸಮೀಯತುಃ। ನಾನಾಯುಧಚ್ಛತ್ರಪತಾಕಿಕಾಧ್ವಜೌ ದಿವೀವ ಪೂರ್ವಂ ಬಲಶಕ್ರಯೋ ರಣೇ॥ 8-86-35 (59325) ಭೀಮ ಉವಾಚ। 8-86-36x (5046) ದಿಷ್ಟ್ಯಾಽಸಿ ದುಃಶಾಸನ ಅದ್ಯ ದೃಷ್ಟಃ ಕ್ಷಣಂ ಪ್ರತೀಚ್ಛೇ ಸಹವೃದ್ಧಿ ಮೂಲಂ। ಚಿರೋದಿತಂ ಯನ್ಮಯಾ ತೇ ಸಭಾಯಾಂ ಕೃಷ್ಣಾಭಿಮರ್ಶೇನ ಗೃಹಾಣ ಮತ್ತಃ॥ 8-86-36 (59326) ಸ ಏವಮುಕ್ತಸ್ತು ತತೋ ಮಹಾತ್ಮಾ ದುಃಶಾಸನೋ ವಾಕ್ಯಮುವಾಚ ವೀರಃ। ಸರ್ವಂ ಸ್ಮರನ್ನೇವ ವಿಸಂಸ್ಮರಾಮಿ ಉದೀರ್ಯಮಾಣಂ ಶೃಣು ಭೀಮಸೇನ॥ 8-86-37 (59327) ಸ್ಮರಾಮಿ ಚಾತ್ಮಪ್ರಭವಂ ಚಿರಾಯ ಯಜ್ಜಾತುಷೇ ವೇಶ್ಮನಿ ರಾತ್ರ್ಯಹಾನಿ। ವಿಶ್ವಾಸಹೀನಾ ಮೃಗಯಾಂ ಚರಂತೋ ವಸಂತಿ ಸರ್ವತ್ರ ನಿರಾಕೃತಾಸ್ತು॥ 8-86-38 (59328) ಮಹಾಭಯಂ ರಾತ್ರ್ಯಹಾನಿ ಸ್ಮರಂತ-- ಸ್ತಥೋಪಭೋಗಾಚ್ಚ ಸುಖಾಚ್ಚ ಹೀನಾಃ। ವನೇಷ್ವಟಂತೋ ಗಿರಿಗಹ್ವರಾಣಿ ಪಾಂಚಾಲರಾಜಸ್ಯ ಪುರಂ ಪ್ರವಿಷ್ಟಾಃ॥ 8-86-39 (59329) ಮಾಯಾಂ ಯೂಯಂ ಕಾಮಪಿ ಸಂಪ್ರವಿಷ್ಟಾ ಯತೋ ವೃತಃ ಕೃಷ್ಣಯಾ ಫಲ್ಗುನೋ ವಃ। ಸಂಭೂಯ ಪಾಪೈಸ್ತದನಾರ್ಯವೃತ್ತಂ ಕೃತಂ ತದಾ ಮಾತೃಕೃತಾನುರೂಪಂ॥ 8-86-40 (59330) ಏಕಾ ವೃತಾ ಪಂಚಭಿಃ ಸಾಭಿಪನ್ನಾ। ಹ್ಯಲಜ್ಜಮಾನೇಶ್ಚ ಪರಸ್ಪರಸ್ಯ। ಸ್ಮರೇ ಸಭಾಯಾಂ ಸುಬಲಾತ್ಮಜೇನ ದಾಸೀಕೃತಾ ಯತ್ಸಹ ಕೃಷ್ಣಯಾ ಚ॥ 8-86-41 (59331) ಸಂಜಯ ಉವಾಚ। 8-86-42x (5047) ಇತ್ಯೇವಮುಕ್ತಸ್ತು ತವಾತ್ಮಜೇನ ಪಾಂಡೋಃ ಸುತಃ ಕೋಪವಶಂ ಭೃಶಂ ಧನುಃ ಕ್ಷುರಾಭ್ಯಾಂ ಧ್ವಜಮೇವ ಚಾಚ್ಛಿನತ್। ಲಲಾಟಮಪ್ಯಸ್ಯ ಬಿಭೇದ ಪತ್ರಿಣಾ 8-86-42 (59332) ಶಿರಶ್ಚ ಕಾಯಾತ್ಪ್ರಜಹಾರ ಸಾರಥೇಃ॥ ಸ ರಾಜಪುತ್ರೋಽನ್ಯದವಾಪ್ಯ ಕಾರ್ಮುಕಂ ವೃಕೋದರಂ ದ್ವಾದಶಭಿಃ ಪರಾಭಿನತ್। ಸ್ವಯಂ ನಿಯಚ್ಛಂಸ್ತುರಗಾನಜಿಹ್ಮಗೈಃ 8-86-43 (59333) ಶರೈಶ್ಚ ಭೀಮಂ ಪುನರಪ್ಯವೀವೃಷತ್॥ ॥ 8-86-44 (59334) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಷಡಶೀತಿತಮೋಽಧ್ಯಾಯಃ॥ 86 ॥

8-87-0 (59335) ಸಂಜಯ ಉವಾಚ। 8-87-0x (5048) ಸರ ರಾಜಪುತ್ರೇಣ ಸಮಾರ್ಚ್ಛದುಗ್ರ-- ದುಃಶಾಸನೇನ ನಿಕೃತೋ ನಿಕೃತ್ಯಾ॥ 8-87-1 (59336) ತತ್ರಾಕರೋದ್ದುಷ್ಕರಂ ರಾಜಪುತ್ರೋ ದುಃಶಾಸನಃ ಕುರುವೀರೋ ಮಹಾತ್ಮಾ। ಯದ್ಭೀಮಸೇನಂ ಪ್ರತಿಯೋಧಯದ್ರಣೇ ಜಂಭೋ ಯಥಾ ಶಕ್ರಮುದಾರವೀರ್ಯಂ॥ 8-87-2 (59337) ಧನುಚ್ಛಿತ್ತ್ವಾ ಭೀಮಸೇನಸ್ಯ ಸಂಖ್ಯೇ ಷಡ್ಭಿಃ ಶರೈಃ ಸಾರಥಿಮಭ್ಯವಿಧ್ಯತ್। ತತೋಽವಿಧ್ಯತ್ತ್ರಿಂಶತಾ ಭೀಮಸೇನಂ ವರೇಷುಭಿರ್ವನ್ಯಮಿವ ದ್ವಿಪೇಂದ್ರಂ॥ 8-87-3 (59338) ಸ ಕಾರ್ಮುಕಂ ಗೃಹ್ಯ ತು ಭಾರಸಾಧನಂ ಭೀಮಸ್ತದಾ ರಾಜಪುತ್ರಂ ಹ್ಯವಿಧ್ಯತ್। ಪಂಚಾಶತೈರ್ಬಾಣಗಣೈಃ ಸ್ತನಾನಂತರೇ ತೋತ್ರೈರ್ಯಥಾ ತೀವ್ರವೇಗಂ ದ್ವಿಪೇಂದ್ರಂ॥ 8-87-4 (59339) ತತಸ್ತು ರಾಜನ್ವಿರಥಂ ಮಹಾತ್ಮಾ ದುಃಶಾಸನೋ ಭೀಮಸೇನಂ ಚಕಾರ। ನಿಹತ್ಯ ಸಂಖ್ಯೇ ಚತುರೋಽಸ್ಯ ಬಾಹಾ-- ಂಛಿತ್ತ್ವಾ ರಥೇಷಾಂ ಪುನರೇವ ಚಾಕ್ಷಿಪತ್॥ 8-87-5 (59340) ತತಃ ಕ್ಷಿತಿಸ್ವೋ ಹ್ಯಬರುಹ್ಯ ಯಾನಾ-- ದ್ವೃಕೋದರೋ ಮದಯಾ ತಸ್ಯ ವಾಹಾನ್। ಯಮಕ್ಷಯಂ ಪ್ರೇಷಯಿತ್ವಾ ಮಹಾತ್ಮಾ ರಥಂ ಸಮಾಕರ್ಪತ ರಾಜಸೂನೋಃ॥ 8-87-6 (59341) ತಸ್ಮಾದವಪ್ಲುತ್ಯ ರಥಾತ್ಸಸರ್ಜ ದುಃಶಾಸನಸ್ತೋಮರಮುಗ್ರವೇಗಂ। ಸ ತೇನ ವಿದ್ಧೋ ಹ್ಯುರಸಿ ಹ್ಯಪ್ರಮೇಯೋ ಗದಾಂ ತಸ್ಮೈ ವಿಸಸರ್ಜಾಪ್ರಮೇಯಾಂ॥ 8-87-7 (59342) ತತಃ ಕ್ರೋಧಾದ್ಭೀಮಸೇನಃ ಕೃತಾನಿ ಸರ್ವಾಣಿ ದುಃಖಾನ್ಯನುಸಂಸ್ಮರನ್ವೈ। ಸಂಸ್ಮೃತ್ಯ ಸಂಸ್ಮೃತ್ಯ ತಥಾ ಪ್ರತಿಜ್ಞಾ-- ಮುಗ್ರಾಮಸೌ ರಾಜಪುತ್ರೌ ವ್ಯಷೀದತ್॥ 8-87-8 (59343) ಸಂಚಿಂತಿತಂ ರೋಷಮತೀವ ವೇಗಾ- ತ್ತ್ರಯೋದಶಾಬ್ದಂ ಪುರುಷಪ್ರವೀರಃ। ಪ್ರಗೃಹ್ಯ ವಜ್ರಾಶನಿತುಲ್ಯವೇಗಾಂ ಗದಾಂ ಕರೇಣಾಥ ವೃಕೋದರೋ ರುಷಾ॥ 8-87-9 (59344) ನಿಪಾತಯಿತ್ವಾ ಪೃಥಿವೀತಲೇ ಭೃಶಂ ಸ ತಾಜಯಾಮಾ ವೃಕೋದರೋ ಬಲೀ। ಅತೀವ ಸಂತಾಡಿತಭಿನ್ನಗಾತ್ರೋ ದುಃಶಾಸನೋ ವೈ ನಿಪಪಾತ ಭೂಮೌ॥ 8-87-10 (59345) ಆಕ್ರಂಯ ಕಂಠೇ ಯುಧಿ ರಾಜಪುತ್ರಂ ಸಂರಕ್ತನೇತ್ರೋ ಹ್ಯಬ್ರವೀದ್ಧಾರ್ತರಾಷ್ಟ್ರಂ। ತದ್ಬ್ರೂಹಿ ಕಿಂ ತ್ವಂ ಪರಿಮಾರ್ಗಮಾಣೋ ಹ್ಯಸ್ಮಾನ್ಪರಾಭೂಯ ಇಹಾಗತಃ ಪುನಃ॥ 8-87-11 (59346) ದಿದೀಪಯಂಸ್ತದ್ಭೃಶದೀಪಿತಂ ಮೇ ಚಿರಾರ್ಜಿತಂ ರೋಷಮತಿಪ್ರದೀಪ್ತಂ। ಮಧು ಪ್ರಪಾಸ್ಯೇ ತವ ಕೋಷ್ಟಭಾಜನಾ-- ದಿತ್ಯಬ್ರವೀದ್ಭೀಮಸೇನಸ್ತರಸ್ವೀ॥ 8-87-12 (59347) ದುಃಶಾಸನಂ ಕಂಠದೇಶೇ ಪ್ರಮೃದ್ರಂ-- ಸ್ತತಃ ಕ್ರೂರಂ ಭೀಮಸೇನಶ್ಚಕಾರ। ಕತಂ ವ್ಯಂಸಯಿತ್ವಾ ಸಹಸಾ ಸಸಾರ ಬಲಾದಸೌ ಧಾರ್ತರಾಷ್ಟ್ರಸ್ತರಸ್ವೀ॥ 8-87-13 (59348) ಭೀಮೋಽಭಿದುದ್ರಾವ ಸುತಂ ತ್ವದೀಯಂ ಸಪತ್ರತಾಂ ದರ್ಶಯಂಧಾರ್ತರಾಷ್ಟ್ರೇ। ಮೃಗಂ ಮುಹುಃ ಸಿಂಹಶಿಶುರ್ಯಥಾ ವನೇ ತಥಾಶ್ವಭಿದ್ರುತ್ಯ ಮಹಾಬಲಂ ಬಲೀ॥ 8-87-14 (59349) ನಿಗೃಹ್ಯ ಚೈನಂ ಪರಮೇಣ ಕರ್ಮಣಾ ಉತ್ಕ್ಷಿಪ್ಯ ಚೋತ್ಕ್ಷಿಪ್ಯ ಚ ತೂರ್ಣಮೇನಂ। ಭೂಮೌ ತದಾ ನಿಷ್ಪಿಪೇಷಾಥ ವೀರ ಅಸಿಂ ವಿಕೋಶಂ ವಿಮಲಂ ಚಕಾರ॥ 8-87-15 (59350) ತಂ ಪಾತಯಿತ್ವಾ ತು ವೃಕೋದರೋಽಥ ಜಗರ್ಜ ಹರ್ಷೇಣ ವಿನಾದಯಂದಿಶಃ। ನಾದೇನ ತೇನಾಖಿಲಪಾರ್ಶ್ವವರ್ತಿನೋ ಮೂರ್ಚ್ಛಾಕುಲಾಃ ಪತಿತಾಸ್ತ್ವಾಜಮೀಢ॥ 8-87-16 (59351) ದುಃಶಾಸನಂ ತತ್ರ ಸಮೀಕ್ಷ್ಯ ರಾಜ-- ನ್ಭೀಮೋ ಮಹಾಬಾಹುರಚಿಂತ್ಯಕರ್ಮಾ। ಸ್ಮೃತ್ವಾ ಚ ಕೇಶಗ್ರಹಣಂ ಚ ದೇವ್ಯಾ ವಸ್ತ್ರಾಪಹಾರಂ ಚ ರಜಸ್ವಲಾಯಾಃ॥ 8-87-17 (59352) ಅನಾಗಸೋ ಭರ್ತೃಪರಾಙ್ಮುಖಾಯಾ ದುಃಖಾನಿ ದತ್ತಾನ್ಯಪಿ ವಿಪ್ರಚಿಂತ್ಯಾ। ಜಜ್ವಾಲ ಕೋಪಾದಥ ಭೀಮಸೇನ ಆಜ್ಯಪ್ರಸಿಕ್ತೋ ಹಿ ಯಥಾ ಹುತಾಶಃ॥ 8-87-18 (59353) ತತ್ರಾಹ ಕರ್ಣಂ ಚ ಸುಯೋಧನಂ ಚ ಕೃಪಂ ದ್ರೌಣಿಂ ಕೃತವರ್ಮಾಣಮೇವ। ನಿಹನ್ಮಿ ದುಃಶಾಸನಮದ್ಯ ಪಾಪಂ ಸಂರಕ್ಷ್ಯತಾಮದ್ಯ ಸಮಸ್ತಯೋಧಾಃ॥ 8-87-19 (59354) ಇತ್ಯೇವಮುಕ್ತ್ವಾ ಸಹಸಾಭ್ಯಧಾವ-- ನ್ನಿಹಂತುಕಾಮೋಽತಿಬಲಸ್ತರಸ್ವೀ। ತಥಾ ತು ವಿಕ್ರಂಯ ರಮೇ ವೃಕೋದರೋ ಮಹಾಗಜಂ ಕೇಸರಿಕೋ ಯಥೈವ। ನಿಗೃಹ್ಯ ದುಃಶಾಸನಮೇಕವೀರಃ ಸುಯೋಧನಸ್ಯಾಧಿರಥೇಃ ಸಮಕ್ಷಂ॥ 8-87-20 (59355) ಅಸಿಂ ಸಮುದ್ಯಂಯ ಸಿತಂ ಸುಧಾರಂ ಕಂಠೇ ಪದಾಕ್ರಂಯ ಚ ವೇಪಮಾನಂ। ಉವಾಚ ತದ್ಗೌರಿತಿ ಯದ್ಬ್ರುವಾಣೋ ಹೃಷ್ಟೋಽವದಃ ಕರ್ಣಸುಯೋಧನಾಭ್ಯಾಂ॥ 8-87-21 (59356) ಯೇ ರಾಜಸೂಯಾವಭೃಥೇ ಪವಿತ್ರಾ ಜಾತಾಃ ಕಛಾ ಯಾಜ್ಞಸೇನ್ಯಾ ದುರಾತ್ಮನ್। ತೇ ಪಾಣಿನಾ ಕತರೇಣಾವಕೃಷ್ಟಾ-- ಸ್ತದ್ಬ್ರೂಹಿ ತ್ವಾಂ ಪೃಚ್ಛತಿ ಭೀಮಸೇನಃ॥ 8-87-22 (59357) ಶ್ರುತ್ವಾ ತು ತದ್ಭೀಮವಚಃ ಸುಘೋರಂ ದುಃಶಾಸನೋ ಭೀಮಸೇನಂ ನಿರೀಕ್ಷ್ಯ। ಜಜ್ವಾಲ ಬೀಮಂ ಸ ತದಾ ಸ್ಮಯೇನ ಸಂಶೃಣ್ವತಾಂ ಕೌರವಸೋಮಕಾನಾಂ। ಉಕ್ತಸ್ತದಾಜೌ ಸ ತಥಾ ಸರೋಷಂ ಜಗಾದ ಭೀಮಂ ಪರಿವೃತ್ತನೇತ್ರಃ॥ 8-87-23 (59358) ಅಯಂ ಕರಿಕರಾಕಾರಃ ಪೀನಸ್ತನವಿಮರ್ದನಃ। ಗೋಸಹಸ್ರಪ್ರದಾತಾ ಚ ಕ್ಷತ್ರಿಯಾಂತಕರಃ ಕರಃ॥ 8-87-24 (59359) ಅನೇನ ಯಾಜ್ಞಸೇನ್ಯಾ ಮೇ ಭೀಮ ಕೇಶಾ ವಿಕರ್ಷಿತಾಃ। ಪಶ್ಯತಾಂ ಕುರುಮುಖ್ಯಾನಾಂ ಯುಷ್ಮಾಕಂ ಚ ಸಭಾಸದಾಂ॥ 8-87-25 (59360) ಏವಂ ತ್ವಸೌ ರಾಜಸುತಂ ನಿಶಂಯ ಬ್ರುವಂತಮಾಜೌ ವಿನಿಪೀಡ್ಯ ವಕ್ಷಃ। ಭೀಮೋ ಬಲಾತ್ತಂ ಪ್ರತಿಗೃಹ್ಯ ದೋರ್ಭ್ಯಾ-- ಮುಚ್ಚೈರ್ನನಾದಾಥ ಸಮಸ್ತಯೋಧಾನ್॥ 8-87-26 (59361) ಉವಾಚ ಯಸ್ಯಾಸ್ತಿ ಬಲಂ ಸ ರಕ್ಷ-- ತ್ವಸೌ ಭವೇದದ್ಯ ನಿರಸ್ತಬಾಹುಃ। ದುಃಶಾನಂ ಜೀವಿತಂ ಪ್ರೋತ್ಸೃಜಂತ-- ಮಾಕ್ಷಿಪ್ಯ ಯೋಧಾಂಸ್ತರಸಾ ಮಹಾಬಲಃ॥ 8-87-27 (59362) ಏವಂ ಕ್ರುದ್ಧೋ ಭೀಮಸೇನಃ ಕರೇಣ ಉತ್ಪಾಟಯಾಮಾಸ ಭುಜಂ ಮಹಾತ್ಮಾ। ದುಃಶಾಸನಂ ತೇನ ಸ ವೀರಮಧ್ಯೇ ಜಘಾನ ವಜ್ರಾಶನಿಸನ್ನಿಭೇನ॥ 8-87-28 (59363) ಕಂಠೇ ಸಮಾಕ್ರಂಯ ಚ ವೇಪಮಾನಂ ಕೃತ್ವಾಽನು ರೂಪಂ ಪರಮಂ ಸುಘೋರಂ। ಕಾಲಾಂತಕಾಭ್ಯಾಂ ಸದೃಶಂ ತದಾನೀಂ ವಿದಾರ್ಯ ವಕ್ಷಶ್ಚ ಮಹಾರಥಸ್ಯ॥ 8-87-29 (59364) ದುಃಶಾಸನಸ್ಯ ನಿಪುಶಾಸನಸ್ಯ ಉದ್ಧೃತ್ಯ ವಕ್ಷಃ ಪತಿತಸ್ಯ ಭೂಮೌ। ತತೋಽಪಿಬಚ್ಛೋಣಿತಮಸ್ಯ ಕೋಷ್ಣ-- ಮಾಸ್ವಾದ್ಯ ಚಾಸ್ವಾದ್ಯ ಚ ವೀಕ್ಷಮಾಣಃ॥ 8-87-30 (59365) ಕ್ರುದ್ಧಃ ಪ್ರಹೃಷ್ಟೋ ನಿಜಗಾದ ವಾಕ್ಯಂ ಸ್ತನ್ಯಸ್ಯ ಮಾತುಃ ಪಯಸೋಽಮೃತಸ್ಯ। ಮಾಧ್ವೀಕಜಸ್ಯೇವ ರಸಸ್ಯ ತಸ್ಯ ಮಧೋಶ್ಚ ಪಾನಾದ್ಯವಕಸ್ಯ ಪಾನಾತ್॥ 8-87-31 (59366) ಪಯೋದಧಿಭ್ಯಾಂ ಮಥಿತಾಚ್ಚ ಮುಖ್ಯಾ-- ತ್ತಥೇಕ್ಷುಸಾರಸ್ಯ ಮನೋಹರಸ್ಯ। ಸರ್ವೇಭ್ಯ ಏವಾಭ್ಯಧಿಕೋ ರಸೋಽಸ್ಯ ಮತೋ ಮಮಾದ್ಯಾಹಿತಲೋಹಿತಸ್ಯ॥ 8-87-32 (59367) ಏವಂ ಬ್ರುವಾಣಂ ಪುನರುತ್ಥಿತಂ ತ-- ಮಾಸ್ಫೋಟ್ಯ ವಲ್ಗಂತಮತಿಪ್ರಹೃಷ್ಟಂ। ಯೇ ಭೀಮಸೇನಂ ದದೃಶುಸ್ತದಾನೀಂ ಪ್ರಾಯೇಣ ತೇಽಪಿ ವ್ಯಥಿತಾ ನಿಪೇತುಃ॥ 8-87-33 (59368) ಯೇ ಚಾಪಿ ನಾಸನ್ಪತಿತಾ ಮನುಷ್ಯಾ-- ಸ್ತೇಷಾಂ ಕರೇಭ್ಯಃ ಪತಿತಂ ತು ಶಸ್ತ್ರಂ। ಭಯಾಚ್ಚ ಸಂಚುಕ್ರುಶುರಸ್ವರೈಸ್ತದಾ ನಿಮೀಲಿತಾಕ್ಷಾ ಮುಮುಹುಶ್ಚ ತತ್ರ॥ 8-87-34 (59369) ಯೇ ತತ್ರ ಭೀಮಂ ರುಧಿರಂ ಪಿಬಂತಂ ದುಃಶಾಸನಸ್ಯ ದದೃಶುಃ ಪ್ರಪನ್ನಾಃ। ನಾಯಂ ಮನುಷ್ಯಸ್ತ್ವಿತಿ ಭಾಷಮಾಣಾಃ ಸರ್ವೇಽಪಲಾಯಂತ ಭಯಾಭಿಪನ್ನಾಃ॥ ॥ 8-87-35 (59370) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಸಪ್ತಶೀತಿತಮೋಽಧ್ಯಾಯಃ॥ 87 ॥

8-88-0 (59371) ಸಂಜಯ ಉವಾಚ। 8-88-0x (5049) ಸ ಪೀತ್ವಾ ರುಧಿರಂ ತಸ್ಯ ಚರಣೌ ಗೃಹ್ಯ ಭಾರತ। ಇತ್ಯುಚ್ಚೈರ್ವಚನಂ ಪ್ರಾಹ ಪ್ರತಿನೃತ್ಯನ್ವೃಕೋದರಃ॥ 8-88-1 (59372) ಏಷ ತೇ ರುಧಿರಂ ತೀವ್ರಂ ಪಿಬಾಮಿ ಪುರುಷಾದವತ್। ವದೇದಾನೀಂ ಸುಸಂರಬ್ಧಃ ಪುನರ್ಗೌರಿತಿ ಗೌರಿತಿ॥ 8-88-2 (59373) ಯೇ ಚಾಸ್ಮಾನ್ಪ್ರತಿನೃತ್ಯಂತಿ ತದಾ ಗೌರಿತಿ ಗೌರಿತಿ। ತಾನ್ವಯಂ ಪ್ರತಿನೃತ್ಯಾಮಃ ಪುನರ್ಗೌರಿತಿ ಗೌರಿತಿ॥ 8-88-3 (59374) ಪ್ರಮಾಣಕೋಟ್ಯಾಂ ಶಯನೇ ಕಾಲಕೂಟಕಭೋಜನಂ। ದಂಶನಂ ಚಾಹಿಭಿಸ್ತೀಕ್ಷ್ಣೈರ್ದಾಹಂ ಜತುಗೃಹೇ ಚ ಯತ್॥ 8-88-4 (59375) ದ್ಯೂತೇ ಚ ದೋಷಭೂಯಸ್ತ್ವಮರಣ್ಯೇ ವಸತಿಶ್ಚ ಯಾ। ಇಷ್ವಸ್ತ್ರಾಣಿ ಚ ಸಂಗ್ರಾಮೇ ಅನಿಲಾನಿಲವೇಶ್ಮಸು॥ 8-88-5 (59376) ದುಃಖಾನ್ಯೇವಾಭಿಜಾನೀಮೋ ನ ಸುಖಾನಿ ಕದಾಚನ। ಧೃತರಾಷ್ಟ್ರಸ್ಯ ದೌರಾತ್ಂಯಾತ್ಸಪುತ್ರಸ್ಯ ವಯಂ ಸದಾ॥ 8-88-6 (59377) ಇತ್ಯುಚ್ಚೈರ್ವಚನಂ ಪ್ರೋಚ್ಯ ಜಯಂ ಪ್ರಾಪ್ಯ ವೃಕೋದರಃ। ಪುನರೇವ ಮಹಾರಾಜ ತವ ಸೈನ್ಯಮಭಿದ್ರವತ್॥ 8-88-7 (59378) ರಕ್ತಾರ್ದ್ರಪಾಣಿಸ್ತು ತತೋ ಮಹಾತ್ಮಾ ಗದಾಪಾಣಿಃ ಕಾಲ ಇವಾಂತಕಾಲೇ। ವಿಭೀಷಯಂಸ್ತವ ಪುತ್ರಸ್ಯ ಸೈನ್ಯ-- ಮಿತಸ್ತತೋ ಧಾವತಿ ವಾಹಿನೀಂ ತೇ॥ 8-88-8 (59379) ತತಃ ಕ್ಷಣಾದ್ಭಾರತ ಶೂನ್ಯಮಾಸೀ-- ದಾಯೋಧನಂ ಘೋರತರಂ ಕುರೂಣಾಂ। ಯತ್ರಾಜಿಮಧ್ಯೇ ಪ್ರಾಪಿಬದ್ಭೀಮಸೇನೋ ದುಃಶಾಸನಸ್ಯ ರುಧಿರಂ ಕ್ರೋಧದೀಪ್ತಃ॥ 8-88-9 (59380) ಸ ಹತ್ವಾ ಸಮರೇ ರಾಜನ್ರಾಜಪುತ್ರಂ ಮಹಾಬಲಂ। ಪೂರ್ಣಕಾಮೋ ಮದೋದಗ್ರಃ ಸಿಂಹೋ ರುರುಮಿವೋತ್ಕಟಃ॥ 8-88-10 (59381) ರುಧಿರಾರ್ದ್ರೋ ಮಹಾರಾಜ ವ್ಯಶೋಭತ ಪರಂತಪಃ। ಸಪುಷ್ಪಃ ಕಿಂಶುಕ ಇವ ರಕ್ತರಕ್ತತರೋ ಬಭೌ॥ 8-88-11 (59382) ರುಧಿರಾಕ್ತೋ ಘೋರವೇಷಃ ಕ್ರುದ್ಧೋ ರಾಜನ್ವಚೋಽಬ್ರವೀತ್। ಬ್ರೂಹೀದಾನೀಂ ಪಾಪಮತೇ ನೃಶಂಸ ಪತಿತೋ ಹ್ಯಸಿ॥ 8-88-12 (59383) ದುಃಶಾಸನೇ ಯಾದೃಶಂ ಸಂಶ್ರುತಂ ನ-- ಸ್ತದವಾಪ್ತಂ ಪಾಂಡವೈಃ ಸರ್ವಮೇವ। ಅತ್ರೈವಮಾಪ್ಸ್ಯಾಂಯಪರಂ ದ್ವಿತೀಯಂ ದುರ್ಯೋಧನಂ ಯಜ್ಞಪಶುಂ ವಿಶಸ್ಯ॥ 8-88-13 (59384) ಶಿರೋ ಮೃದಿತ್ವಾಽಸ್ಯ ಪುನಶ್ಚ ಶಾಂತಿಂ ಯಾಸ್ಯಾಂಯಹಂ ಕೌರವಾಣಾಂ ಸಮಕ್ಷಂ। ಯಾ ಸಾಽಪತಿಃ ಸಾ ಸಪತಿರ್ಹಿ ಜಾತಾ ಯಾಸ್ತಾಃ ಸಪತ್ಯೋಽಪತಯಸ್ತು ಜಾತಾಃ॥ 8-88-14 (59385) ಪಶ್ಯಂತು ಚಿತ್ರಂ ವಿವಿಧಂ ಹಿ ಲೋಕೇ ಯೇ ವೈ ತಿಲಾಃ ಷಂಡತಿಲಾ ಬಭೂವುಃ। ತೇ ಚೇತ್ಸಂಸಿದ್ಧಾ ನಿಧನಂ ಗತಾಃ ಪರೇ ಕಿಂ ಚಿತ್ರರೂಪಂ ಬತ ಜೀವಲೋಕೇ॥ 8-88-15 (59386) ಏತಾವದುಕ್ತ್ವಾ ವಚನಂ ಪ್ರಹೃಷ್ಟಃ ಪ್ರಾಕ್ರೋಶದುಚ್ಚೈ ರುಧಿರಾರ್ದ್ರವಕ್ರಃ। ನನರ್ತ ಚೈವಾತಿಬಲೋ ಮಹಾತ್ಮಾ ವೃತ್ರಂ ನಿಹತ್ಯೇವ ಸಹಸ್ರನೇತ್ರಃ॥ 8-88-16 (59387) ದೃಷ್ಟ್ವಾ ತು ನೃತ್ಯಂತಮುದಗ್ರವೀರ್ಯಂ ಕಾಲಂ ಯಥಾ ತ್ವಂತಕಾಲೇ ಪ್ರಜಾನಾಂ। ಮಹದ್ಭಯಂ ಚಾಧಿರಥಿಂ ವಿವೇಶ ಜಯೇ ನಿರಾಶಾಶ್ಚ ಸುತಾಸ್ತ್ವದೀಯಾಃ॥ 8-88-17 (59388) ದುಃಶಾಸನೇ ತು ನಿಹತೇ ಪುತ್ರಾಸ್ತವ ಮಹಾರಥಾಃ। ಮಹತ್ಕ್ರೋಧವಿಷಂ ವೀರಾ ಧಾರಯಂತೋ ಮಹಾಬಲಾಃ। ತೇ ತು ರಾಜನ್ಮಹಾವೀರ್ಯಾ ಭೀಮಂ ಪ್ರಾಚ್ಛಾದಯಂಛರೈಃ॥ 8-88-18 (59389) ನಿಷಂಗೀ ಕವಚೀ ಖಂಗೀ ದಂಡಧಾರೋ ಧನುರ್ಧರಃ। ಅಲಂಬುರ್ಜಲಸಂಧಶ್ಚ ವಾತವೇಗಸುವರ್ಚಸೌ॥ 8-88-19 (59390) ಏತೇ ಸಮೇತ್ಯ ಸಹಿತಾ ಭ್ರಾತೃವ್ಯಸನಕರ್ಶಿತಾಃ। ಭೀಮಸೇನಂ ಮಹಾಬಾಹುಂ ಪೀಡಯಾಮಾಸುರಂಜಸಾ॥ 8-88-20 (59391) ಸ ವಧ್ಯಮಾನೋ ವಿಶಿಖೈಃ ಸಮಂತಾತ್ತೈರ್ಮಹಾರಥೈಃ। ಭೀಮಃ ಕ್ರೋಧಾಭಿರಕ್ತಾಕ್ಷಃ ಕ್ರುದ್ಧಃ ಕಾಲ ಇವಾಬಭೌ॥ 8-88-21 (59392) ತತಃ ಪರಿವೃತೋ ರಾಜನ್ನವಭಿಃ ಶತ್ರುತಾಪನೈಃ। ದುಃಶಾಸನಾದವರಜೈಃ ಪುತ್ರೈಸ್ತವ ವೃಕೋದರಃ॥ 8-88-22 (59393) ತಾಂಸ್ತು ಭಲ್ಲೈರ್ಮಹಾವೇಗೈರ್ನವಭಿರ್ನವ ಭಾರತ। ರುಕ್ಮಾಂಗದಾನ್ರುಕ್ಮಪುಂಖೈಃ ಪಾರ್ಥೋ ನಿನ್ಯೇ ಯಮಕ್ಷಯಂ॥ 8-88-23 (59394) ಹತೇಷು ತವ ಪುತ್ರೇಷು ಬಲಂ ತದ್ವಿಪ್ರದುದ್ರುವೇ। ಪಶ್ಯತಃ ಸೂತಪುತ್ರಸ್ಯ ಪಾಂಡವಸ್ಯ ಭಯಾರ್ದಿತಂ॥ 8-88-24 (59395) ತತಃ ಕರ್ಣಂ ಮಹಾರಾಜ ಪ್ರವಿವೇಶ ಮಹದ್ಭಯಂ। ದೃಷ್ಟ್ವಾ ಭೀಮಸ್ಯ ವಿಕ್ರಾಂತಮಂತಕಸ್ಯ ಪ್ರಜಾಸ್ವಿವ॥ 8-88-25 (59396) ತಸ್ಯ ತ್ವಾಕಾರಭಾವಜ್ಞಃ ಶಲ್ಯಃ ಸಮಿತಿಶೋಭನಃ। 8-88-26 (59397) ಉವಾಚ ವಚನಂ ಕರ್ಣಂ ಪ್ರಾಪ್ತಕಾಲಂ ಹಿತಂ ತದಾ॥ 8-88-27 (59398) ಏತೇ ದ್ರವಂತಿ ರಾಜಾನೋ ಭೀಮಸೇನಭಯಾರ್ದಿತಾಃ। ದುರ್ಯೋಧನಶ್ಚ ಸಂಮೂಢೋ ಭ್ರಾತೃವ್ಯಸನಕರ್ಶಿತಃ॥ 8-88-28 (59399) ದುಃಶಾಸನಸ್ಯ ರುಧಿರೇ ಪೀಯಮಾನೇ ಮಹಾತ್ಮನಾ। ವ್ಯಾಪನ್ನಚೇತಾಃ ಸಹಸಾ ಶೋಕೋಪಹತಚೇತನಃ॥ 8-88-29 (59400) ಉಪಾಸತೇ ತ್ವಾಮೇತೇ ಹಿ ಪರಿವಾರ್ಯ ಮಹಾರಥಾಃ। ಕೃಪಪ್ರಭೃತಯಃ ಕರ್ಣ ಹತಶೇಷಾಃ ಸಹೋದರಾಃ॥ 8-88-30 (59401) ಪಾಂಡವಾ ಲಬ್ಧಲಕ್ಷಾಶ್ಚ ಧನಂಜಯಪುರೋಗಮಾಃ। ತ್ವಾಮೇವಾಭಿಮುಖಾಃ ಶೂರಾ ಯುದ್ಧಾಯ ಸಮುಪಸ್ಥಿತಾಃ॥ 8-88-31 (59402) ಸ ತ್ವಂ ಪುರುಷಶಾರ್ದೂಲ ಪೌರುಷೇ ಮಹತಿ ಸ್ಥಿತಃ। ಕ್ಷತ್ರಧರ್ಮಂ ಪುರಸ್ಕೃತ್ಯ ಪ್ರತ್ಯುದ್ಯಾಹಿ ಧನಂಜಯಂ॥ 8-88-32 (59403) ಭಾರೋ ಹಿ ಧಾರ್ತರಾಷ್ಟ್ರೇಣ ತ್ವಯಿ ಸರ್ವಃ ಸಮಾಹಿತಃ। ತಮುದ್ವಹ ಮಹಾಬಾಹೋ ಯಥಾಶಕ್ತಿ ಯಥಾಬಲಂ॥ 8-88-33 (59404) ಜಯೇ ಸ್ಯಾದ್ವಿಪುಲಾ ಕೀರ್ತಿರ್ಧ್ರುವಃ ಸ್ವರ್ಗಃ ಪರಾಜಯೇ। ವೃಷಸೇನಶ್ಚ ರಾಧೇಯ ಸಂಕ್ರುದ್ಧಸ್ತನಯಸ್ತವ। ತ್ವಯಿ ಮೋಹಂ ಸಮಾಪನ್ನೇ ಪಾಣ಼್ಡವಾನಭಿಧಾವತಿ॥ 8-88-34 (59405) ಸಂಜಯ ಉವಾಚ। 8-88-35x (5050) ಏತಚ್ಛ್ರುತ್ವಾ ತು ವಚನಂ ಶಲ್ಯಸ್ಯಾಮಿತತೋಜಸಃ। ಹೃದಿ ಮಾನುಷ್ಯಕಂ ಭಾವಂ ಕೃತ್ವಾ ಯುದ್ವಾಯ ಸುಸ್ಥಿರಂ॥ 8-88-35 (59406) ತತಃ ಕ್ರುದ್ಧೋ ವೃಷಸೇನೋಽಭ್ಯಧಾವ-- ದ್ಭೀಮಂ ಸಮಾಯಾಂತಮಮಿತ್ರಸಾಹಂ। ಬಾಣೈಃ ಕಿರಂತಂ ಪ್ರತಿಯಾತಿ ಚೋಗ್ರಂ ವ್ಯಾತ್ತಾನನಂ ಕಾಲಮಿವಾಪತಂತಂ॥ 8-88-36 (59407) ತಮಭ್ಯಧಾವನ್ನಕುಲಃ ಪ್ರವೀರ-- ಮಾರಾದಮಿತ್ರಂ ಪ್ರತುದನ್ಪೃಷತ್ಕೈಃ। ಕರ್ಣಸ್ಯ ಪುತ್ರಂ ಸಮರೇ ಪ್ರಹೃಷ್ಟಂ ಜಿಷ್ಣುರ್ಜಿಘಾಂಸುರ್ಮಘವೇವ ಜಂಭಂ॥ 8-88-37 (59408) ತತೋ ಧ್ವಜಂ ಸ್ಫಾಟಿಕಹೇಮಚಿತ್ರಂ ಚಿಚ್ಛೇದ ಧೈರ್ಯಾನ್ನಕುಲಃ ಕ್ಷುರೇಣ। ಕರ್ಣಾತ್ಮಜಸ್ಯೇಷ್ವಸನಂ ಚ ಚಿತ್ರಂ ಭಲ್ಲೇನ ಜಾಂಬೂನದಚಿತ್ರನದ್ಧಂ॥ 8-88-38 (59409) ಅಥಾನ್ಯದಾದಾಯ ಧನುಃ ಸ ಶೀಘ್ರಂ ಕರ್ಣಾತ್ಮಜಃ ಪಾಂಡವಮಭ್ಯವಿಧ್ಯತ್। ದಿವ್ಯೈರಸ್ತ್ರೈರಭ್ಯವರ್ಷತ್ತದೈನಂ ಕರ್ಣಸ್ಯ ಪುತ್ರೋ ನಕುಲಂ ಕೃತಾಸ್ತ್ರಂ॥ 8-88-39 (59410) ತತಃ ಕ್ರುದ್ಧೋ ನಕುಲಃ ಕರ್ಣಪುತ್ರಂ ಶರೈರ್ಮಹೋಲ್ಕಾಭಿರಿವಾಭ್ಯಪೀಡಯತ್। ಸ ಕರ್ಣಪುತ್ರೋ ನಕುಲಸ್ಯ ರಾಜ-- ನ್ಸರ್ವಾನಸ್ತ್ರಾನ್ವಾರಯದುತ್ತಮಾಸ್ತ್ರೈಃ॥ 8-88-40 (59411) ಆಸೀತ್ಸುಘೋರಂ ಭರತಪ್ರವೀರ ಯುದ್ಧಂ ತದಾ ಕರ್ಣಜಪಾಂಡವಾಭ್ಯಾಂ॥ 8-88-41 (59412) ವನಾಯುಜಾನ್ಸುಕುಮಾರಾನ್ಸುಶುಭ್ರಾ-- ನಲಂಕೃತಾಂಜಾತರೂಪೇಣ ಚಿತ್ರಾನ್। ಜಘಾನ ಚಾಶ್ವಾನ್ನಕುಲಸ್ಯ ವೀರೋ ರಣಾಜಿರೇ ಸೂತಪುತ್ರಸ್ಯ ಪುತ್ರಃ॥ 8-88-42 (59413) ತತೋ ಹತಾಶ್ವಾದವರುಹ್ಯ ಯಾನಾ-- ಚ್ಚರ್ಮಾಽಽದದೇ ರುಚಿರಂ ಬರ್ಹಿಚಿತ್ರಂ। ಆಕಾಶಸಂಕಾಶಮಸಿಂ ಪ್ರಗೃಹ್ಯ ಪ್ರಕಾಶಮಾನಃ ಖಗವಚ್ಚಚಾರ॥ 8-88-43 (59414) ತತೋಽಸ್ಯ ಪಕ್ಷಾನನಯದ್ಯಮಾಯ ದ್ವಿಸಾಹಸ್ರಾನ್ನಕುಲಃ ಕ್ಷಿಪ್ರಕಾರೀ। ತೇ ಪ್ರಾಪತನ್ನಸಿನಾ ವೈ ವಿಶಸ್ತಾ ಯಥಾಽಶ್ವಮೇಧೇ ಪಶವಃ ಶಮಿತ್ರಾ॥ 8-88-44 (59415) ತತಸ್ತತೋ ವಿಜಿತಾ ಯುದ್ಧಶೌಂಡಾ ನಾನಾದೇಶ್ಯಾಃ ಸುಹೃದಃ ಸತ್ಯಸಂಧಾಃ। ಏಕೇನ ಶೀಘ್ರಂ ನಕುಲೇನ ನುನ್ನಾಃ ಸಾರೇಪ್ಸುನೇವೋತ್ತಮಚಂದನಸ್ಯ॥ 8-88-45 (59416) ಭೂಮೌ ಚರಂತಂ ನಕುಲಂ ರಥೌಘಾಃ ಸಮಂತತಃ ಸಾಯಕೈಃ ಪ್ರತ್ಯಗೃಹ್ಣನ್। ಸ ತುದ್ಯಮಾನೋ ನಕುಲೋ ವಿಹಂಗೈ-- ಶ್ಚಚಾರ ಸಂಖ್ಯೇ ದ್ವಿಷತೋ ವಿನಿಘ್ನನ್॥ 8-88-46 (59417) ತಂ ಕರ್ಣಪುತ್ರೋಽಪಿ ಚರಂತಮಾಜೌ ನರಾಶ್ವಮಾತಂಗರಥಪ್ರವೀರಾನ್। ನಿಘ್ನಂತಮಷ್ಟಾದಶಭಿಃ ಪೃಷತ್ಕೈ-- ರ್ವಿವ್ಯಾಧ ವೀರಃ ಸ ಚುಕೋಪ ವಿದ್ಧಃ॥ 8-88-47 (59418) ತತೋಽಭ್ಯಧಾವತ್ಸಮರೇ ಜಿಘಾಂಸುಃ ಕರ್ಣಾತ್ಮಜಂ ಪಾಂಡುಸುತೋ ನೃವೀರಂ। ತಸ್ಯೇಷುಭಿರ್ವಧಮತ್ಸೂತಪುತ್ರೋ ಮಹಾರಣೇ ವರ್ಮ ಸಹಸ್ರಭಾರಂ॥ 8-88-48 (59419) ತಸ್ಯಾಥ ಕಾಂಸ್ಯಂ ಸುಶಿತಂ ಸುಪೀತ-- ಮಸಿಪ್ರವೀರಂ ಗುರುಭಾರಾಸಾಹಂ। ದ್ವಿಷಚ್ಛರೀರಾಪಹರಂ ಸುಘೋರ-- ಮಾಧೂನ್ವತಃ ಸರ್ಪಮಿವಾತ್ತಕೋಶಂ॥ 8-88-49 (59420) ಕ್ಷಿಪ್ರಂ ಶರೈಃ ಷಙ್ಭಿರಮಿತ್ರಸಾಹ-- ಶ್ಚಕರ್ತ ಖಂಗಂ ನಿಶಿತೈಃ ಸುಧಾರೈಃ। ಪುನಶ್ಚ ಪಾರ್ಥಂ ನಿಶಿತೈಃ ಪೃಷತ್ಕೈಃ ಸ್ತನಾಂತರೇ ಕ್ಷಿಪ್ರಮಿವಾತ್ಯವಿಧ್ಯತ್॥ 8-88-50 (59421) ಸ ಭೀಮಸೇನಸ್ಯ ರಥಂ ಚ ಗತ್ವಾ ವವರ್ಷ ವೈ ಶರವರ್ಷಂ ಸುಘೋರಂ॥ 8-88-51 (59422) ನಕುಲಮಥ ವಿದಿತ್ವಾ ಛಿನ್ನಬಾಣಾಸನಾಸಿಂ ವಿರಥಮರಿಭಿರಾರ್ತಂ ಕರ್ಣಪುತ್ರಾಸ್ತ್ರಮಗ್ನಂ। ಪವನಚಲಪತಾಕಾ ಹ್ಲಾದಿನೋ ವಲ್ಗಿತಾಶ್ವಾಃ ಪರಪುರುಷನಿಯುಕ್ತಾಃ ಸ್ವೈ ರಥೈಃ ಶೀಘ್ರಮೀಯುಃ॥ 8-88-52 (59423) ದ್ರುಪದಸುತವರಿಷ್ಠಾಃ ಪಂಚ ಶೈನೇಯಷಷ್ಠಾ ದ್ರುಪದದುಹಿತೃಪುತ್ರಾಃ ಪಂಚ ಚಾಮಿತ್ರಸಾಹಾಃ। ದ್ವಿರದರಥನರಾಶ್ವಾನ್ಸೂದಯಂತಸ್ತ್ವದೀಯಾನ್ ಭಗವತ ಇವ ರುದ್ರಾಃ ಸಂಖ್ಯಯಾ ಹೇತಿಮಂತಃ॥ 8-88-53 (59424) ಅಥ ತವ ರಥಮುಖ್ಯಾಸ್ತಾನ್ಪ್ರತೀಯುಸ್ತ್ವರಂತಃ ಕೃಪಹೃದಿಕಸುತೌ ಚ ದ್ರೌಣಿದುರ್ಯೋಧನೌ ಚ। ಶಕುನಿಶುಕವೃಕಾಶ್ಚ ಕ್ರಾಥದೇವಾವೃಧೌ ಚ ದ್ವಿರದಜಲದಘೌಷೈಃ ಸ್ಯಂದನೈಃ ಕಾರ್ಮುಕೈಶ್ಚ॥ 8-88-54 (59425) ಅಥ ತವ ರಥವರ್ಯಾಸ್ತಾಂದಶೈಕಪ್ರವೀರಾ-- ನಿಷುಭಿರಶನಿಕಲ್ಪೈಸ್ತಾಡಯಂತೋ ನ್ಯರುಂಧನ್। ನವಜಲದಸವರ್ಣೈರ್ಹಸ್ತಿಭಿಸ್ತಾನ್ಸ್ಮ ವವ್ರು-- ರ್ಗಿರಿಶಿಖರನಿಕಾಶೈರ್ಭೀಮವೇಗೈಃ ಕುಣಿಂದಾಃ॥ ॥ 8-88-55 (59426) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಅಷ್ಟಾಶೀತಿತಮೋಽಧ್ಯಾಯಃ॥ 88 ॥

8-89-0 (59427) ಸಂಜಯ ಉವಾಚ। 8-89-0x (5051) ಸುಕಲ್ಪಿತಾ ಹೈಮವತಾ ಮಹೋತ್ಕಟಾ ರಣಾಭಿಕಾಮೈಃ ಕೃತಿಭಿಃ ಸಮಾಸ್ಥಿತಾಃ। ಸುವರ್ಣಜಾಲೈರ್ವಿತತಾ ಬಭುರ್ಗಜಾ-- ಸ್ತಥಾ ಯಥಾ ಖೇ ಜಲದಾಃ ಸವಿದ್ಯುತಃ॥ 8-89-1 (59428) ಕುಣಿಂದಪುತ್ರೋ ದಶಭಿರ್ಮಹಾಯಸೈಃ ಕೃಪಂ ಸಸೂತಾಶ್ವಮಪೀಡಯದ್ಭೃಶಂ। ತತಃ ಶರದ್ವತ್ಸುತಸಾಯಕೈರ್ಹತಃ ಸಹೈವ ನಾಗೇನ ಪಪಾತ ಭೂತಲೇ॥ 8-89-2 (59429) ಕುಣಿಂದಪುತ್ರಾವರಜಸ್ತು ತೋಮರೈ-- ರ್ದಿವಾಕರಾಂಶುಪ್ರತಿಮೈರಯಸ್ಮಯೈಃ। ಜಘಾನ ಭೋಜಸ್ಯ ಹಯಾನಥಾಪತನ್ ಕ್ಷಣಾದ್ವಿಶಸ್ತಾಃ ಕೃತವರ್ಮಣೇ ಹಯಾಃ॥ 8-89-3 (59430) ಅಥಾಪರೇ ದ್ರೌಣಿಹತಾ ಮಹಾದ್ವಿಪಾ-- ಸ್ತ್ರಯಃ ಸಸರ್ವಾಯುಧಯೋಧಕೇತನಾಃ। ನಿಪೇತುರುರ್ವ್ಯಾಂ ವ್ಯಸವೋ ವಿಚೇತನಾ-- ಸ್ತಥಾ ಯಥಾ ವಜ್ರಹತಾ ಮಹಾಚಲಾಃ॥ 8-89-4 (59431) ಕುಣಿಂದರಾಜಾವರಜಾದನಂತರಃ ಸ್ತನಾಂತರೇ ಪತ್ರಿವರೈರತಾಡಯತ್। ತವಾತ್ಮಜಂ ತಸ್ಯ ತವಾತ್ಮಜಃ ಶರೈಃ ಶಿತೈಃ ಶರೀರಂ ವ್ಯಹನದ್ದ್ವಿಪಂ ಚ ತಂ॥ 8-89-5 (59432) ಸ ನಾಗರಾಜಃ ಸಹ ರಾಜಸೂನುನಾ ಪಪಾತ ರಕ್ತಂ ಬಹು ಸರ್ವತಃ ಕ್ಷರನ್। ಮಹೇಂದ್ರವಜ್ರಪ್ರಹತೋಽಂಬುದಾಗಮೇ ಯಥಾ ಜಲಂ ಗೇರಿಕಪರ್ವತಸ್ತಥಾ॥ 8-89-6 (59433) ಕುಣಿಂದಪುತ್ರಪ್ರಹಿತೋಽಪರೋ ದ್ವಿಪಃ ಕ್ರಾಥಂ ಸಸೂತಾಶ್ವರಥಂ ವ್ಯಪೋಥಯತ್। ತತೋಽಪತತ್ಕ್ರಾಥಸರಾಭಿಘಾತಿತಃ ಸಹೇಶ್ವರೋ ವಜ್ರಹತೋ ಯಥಾ ಗಿರಿಃ॥ 8-89-7 (59434) ರಥೀ ದ್ವಿಪಸ್ಥೇನ ಹತೋಽಪತಚ್ಛರೈಃ ಕ್ರಾಥಾಧಿಪಃ ಪರ್ವತಜೇನ ದುರ್ಜಯಃ। ಸವಾಜಿಸೂತೇಷ್ವಸನಧ್ವಜಸ್ತಥಾ ಯಥಾ ಮಹಾವಾತಹತೋ ಮಹಾದ್ರುಮಃ॥ 8-89-8 (59435) ವೃಕೋ ದ್ವಿಪಸ್ಥಂ ಗಿರಿರಾಜವಾಸಿನಂ ಭೃಶಂ ಶರೈರ್ದ್ವಾದಶಭಿಃ ಪರಾಭಿನತ್। ತತೋ ವೃಕಂ ಸಾಶ್ವರಥಂ ಮಹಾದ್ವಿಪೋ ದ್ರುತಂ ಚತುರ್ಭಿರಣೈರ್ವ್ಯಪೋಥಯತ್॥ 8-89-9 (59436) ಸ ಪೋಥಿತೋ ನಾಗರವೇಣ ವೀರ್ಯವಾ-- ನ್ಪರಾಭಿನದ್ದ್ವಾದಶಭಿಃ ಶಿಲೀಮುಖೈಃ। ವೃಕೇಣ ಬಾಣಾಭಿಹತೋಽಪತತ್ಕ್ಷಿತೌ ಸವಾರಣೋ ಬಭ್ರುಸುತೇನ ಸಾರ್ಧಂ॥ 8-89-10 (59437) ಕುಣಿಂದರಾಜಸ್ಯ ಸುತೋಽಪರಸ್ತದಾ ಸ ಚಾಪಿ ಶೂರಃ ಸಹಸಾ ಸಮರ್ಪಿತಃ। ಪಪಾತ ಬಾಣೈಃ ಸುಬಲಸ್ಯ ಸೂನುನಾ ವಿಷಾಣಪುಚ್ಛಾಪರಗಾತ್ರಪಾತಿನಾ॥ 8-89-11 (59438) ಗಜೇನ ವಾಹಾಞ್ಶಕುನೇಃ ಕುಣಿಂದಜೋ ನಿನಾಯ ವೈವಸ್ವತಮಂದಿರಂ ರಣೇ। ರಥಂ ಚ ಸಂಕ್ಷುಭ್ಯ ನನಾದ ನರ್ದತ-- ಸ್ತತೋಽಸ್ಯ ಗಾಂಧಾರಪತಿಃ ಶಿರೋಽಹರತ್॥ 8-89-12 (59439) ತತಃ ಕುಣಿಂದೇಷು ಗತೇಷು ತೇಷು ಪ್ರಹೃಷ್ಟರೂಪಾಸ್ತವ ತೇ ಮಹಾರಥಾಃ। ಭೃಶಂ ಪ್ರದರಧ್ಮುರ್ಲವಣಾಂಬುಸಂಭವಾ-- ನ್ವರಾಂಶ್ಚ ಬಾಣಾಸನಪಾಣಯೋಽಭ್ಯಯುಃ॥ 8-89-13 (59440) ತಥಾಽಭವದ್ಯುದ್ಧಮತೀವ ದಾರುಣಂ ಪುನಃ ಕುರೂಣಾಂ ಸಹ ಪಾಂಡುಸೃಂಜಯೈಃ। ಶರಾಸಿಶಕ್ತ್ಯೃಷ್ಟಿಗದಾಪರಶ್ವಥೈ-- ರ್ನರಾಶ್ವನಾಗಾಸುಹರಂ ಭೃಶಾಕುಲಂ॥ 8-89-14 (59441) ರಥಾಶ್ವಮಾತಂಗಪದಾತಯಸ್ತತಃ ಪರಸ್ಪರಂ ವಿಪ್ರಹತಾಃ ಕ್ಷಿತೌ ಪತನ್। ಯಥಾ ಸವಿದ್ಯುತ್ತಟಿತೋ ಜಲಪ್ರದಾಃ ಸಮುತ್ಥಿತೈರ್ದಿಗ್ಭ್ಯ ಇವೋಗ್ರಮಾರುತೇಃ॥ 8-89-15 (59442) ತತಃ ಶತಾನೀಕಹತಾ ಮಹಾಗಜಾ ಹಯಾ ರಥಾಃ ಪತ್ತಿಗಣಾಶ್ಚ ತಾವಕಾಃ। ಸುಪರ್ಣವಾತಪ್ರಹತಾ ಯಥೋರಗಾ-- ಸ್ತಥಾ ಗತಾ ಗಾಂ ವಿವಶಾ ವಿಚೂರ್ಣಿತಾಃ॥ 8-89-16 (59443) ತತೋಽಭ್ಯವಿದ್ಧ್ಯದ್ಬಹುಭಿಃ ಶಿತೈಃ ಶರೈಃ ಸ ವಿಂದಪುತ್ರೋ ನಕುಲಾತ್ಮಜಂ ಸ್ಮಯನ್। ತತೋಽಸ್ಯ ಕೋಪಾದ್ವಿಚಕರ್ತ ನಾಕುಲಿಃ ಶಿರಃ ಕ್ಷುರೇಣಾಂಬುಜಸನ್ನಿಭಾನನಂ॥ 8-89-17 (59444) ತತಃ ಶತಾನೀಕಮವಿಧ್ಯದಾಯಸೈ-- ಸ್ತ್ರಿಭಿಃ ಶರೈಃ ಕರ್ಣಸುತೋಽರ್ಜುನಂ ತ್ರಿಭಿಃ। ತ್ರಿಭಿಶ್ಚ ಭೀಮಂ ನಕುಲಂ ಚ ಸಪ್ತಭಿ-- ರ್ಜನಾರ್ದನಂ ದ್ವಾದಶಭಿಶ್ಚ ಸಾಯಕೈಃ॥ 8-89-18 (59445) ತದಸ್ಯ ಕರ್ಮಾತಿಮನುಷ್ಯಕರ್ಮಣಃ ಸಮೀಕ್ಷ್ಯ ಹೃಷ್ಟಾಃ ಕುರವೋಽಭ್ಯಪೂಜಯನ್। ಪರಾಕ್ರಮಜ್ಞಾಸ್ತು ಧನಂಜಯಸ್ಯ ಯೇ ಹುತೋಽಯಮಗ್ನಾವಿತಿ ತೇ ತು ಮೇನಿರೇ॥ ॥ 8-89-19 (59446) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಏಕೋನನವತಿತಮೋಽಧ್ಯಾಯಃ॥ 89 ॥

8-90-0 (59447) ಸಂಜಯ ಉವಾಚ। 8-90-0x (5052) ತತಃ ಕಿರೀಟಿ ಪರವೀರಘಾತೀ ಹತಾಶ್ವಮಾಲೋಕ್ಯ ನರಪ್ರವೀರಃ। ಮಾದ್ರೀಸುತಂ ನಕುಲಂ ಲೋಕಮಧ್ಯೇ ಸಮೀಕ್ಷ್ಯ ಕೃಷ್ಣಂ ಭೃಶವಿಕ್ಷತಂ ಚ। ಸಮಭ್ಯಧಾವದ್ವೃಷಸೇನಮಾಹವೇ ಸ ಸೂತಜಸ್ಯ ಪ್ರಮುಖೇ ಸ್ಥಿತಸ್ತದಾ॥ 8-90-1 (59448) ತಮಾಪತಂತಂ ನರವೀರಮುಗ್ರಂ ಮಹಾಹವೇ ಬಾಣಸಹಸ್ರಧಾರಿಣಂ। ಅಭ್ಯಾಪತತ್ಕರ್ಣಸುತೋ ಮಹಾರಥಂ ಯಥಾ ಮಹೇಂದ್ರಂ ನಮುಚಿಃ ಪುರಾ ತಥಾ॥ 8-90-2 (59449) ತೌ ತತ್ರ ಶೂರೌ ರಥಕುಂಜರೌ ರಣೇ ಪರಸ್ಪರಸ್ಯಾಭಿಮುಖೌ ಮಹಾರಥೌ। ಸಸರ್ಜತುಃ ಶರಸಂಘಾನನೇಕಾ-- ನ್ಸಂಭ್ರಾಂತರೂಪೌ ಸುಭೃಶಂ ತದಾನೀಂ॥ 8-90-3 (59450) ತತೋ ದ್ರುತಂ ಚೈಕಶರೇಣ ಪಾರ್ಥಂ ಶಿತೇನ ವಿದ್ಧ್ವಾ ಯುಧಿ ಕರ್ಣಪುತ್ರಃ। ನನಾದ ನಾದಂ ಸುಮಹಾನುಭಾವೋ ವಿದ್ಧ್ವೇವ ಶಕ್ರಂ ನಮುಚಿಃ ಸ ವೀರಃ॥ 8-90-4 (59451) ಪುನಃ ಸ ಪಾರ್ಥಂ ವೃಷಸೇನ ಉಗ್ರೈ-- ರ್ಬಾಣೈರವಿದ್ಧ್ಯದ್ಭುಜಮೂಲೇ ತು ಸವ್ಯೇ। ತಥೈವ ಕೃಷ್ಣಂ ನವಭಿಃ ಸಮಾರ್ದಯ-- ತ್ಪುನಶ್ಚ ಪಾರ್ಥಂ ದಶಭಿರ್ಜಘಾನ॥ 8-90-5 (59452) ಪೂರ್ವಂ ಯಥಾ ವೃಷಸೇನಪ್ರಯುಕ್ತೈ-- ರಭ್ಯಾಹತಃ ಶ್ವೇತಹಯಃ ಶರೈಸ್ತೈಃ। ಸಂರಂಭಮೀಷದ್ಗಮಿತೋ ವಧಾಯ ಕರ್ಣಾತ್ಮಜಸ್ಯಾಥ ಮನಃ ಪ್ರದಧ್ರೇ॥ 8-90-6 (59453) ತತಃ ಕಿರೀಟಿ ರಣಮೂರ್ಧ್ನಿ ಕೋಪಾತ್ ಕೃತ್ವಾ ತ್ರಿಶಾಖಾಂ ಭ್ರುಕುಟಿಂ ಲಲಾಟೇ। ಮುಮೋಚ ತೂರ್ಣಂ ವಿಶಿಖಾನ್ಮಹಾತ್ಮಾ ವಧೇ ಧೃತಃ ಕರ್ಣಸುತಸ್ಯ ಸಂಖ್ಯೇ। ಆರಕ್ತನೇತ್ರೋಽಂತಕಶತ್ರುಹಂತಾ ಉವಾಚ ಕರ್ಣಂ ಭೃಶಮುತ್ಸ್ಮಯಂಸ್ತದಾ॥ 8-90-7 (59454) ದುರ್ಯೋಧನಂ ದ್ರೌಣಿಮುಖಾಂಶ್ಚ ಸರ್ವಾ-- ನಹಂ ರಣೇ ವೃಷಸೇನಂ ತಮುಗ್ರಂ। ಸಂಪಶ್ಯತಃ ಕರ್ಣ ತವಾದ್ಯ ಸಂಖ್ಯೇ ನಯಾಮಿ ಲೋಕಂ ನಿಶಿತೈಃ ಪೃಷತ್ಕೈಃ॥ 8-90-8 (59455) ಊನಂ ಚ ತಾವದ್ಧಿ ಜನಾ ವದಂತಿ ಸರ್ವೈರ್ಭವದ್ಭಿರ್ಮಮ ಸೂನುರ್ಹತೋಽಸೌ। ಏಕೋ ರಥೋ ಮದ್ವಿಹೀನಸ್ತರಸ್ವೀ ಅಹಂ ಹನಿಷ್ಯೇ ಭವತಾಂ ಸಮಕ್ಷಂ॥ 8-90-9 (59456) ಸಂರಕ್ಷ್ಯತಾಂ ರಥಸಂಸ್ಥಾಃ ಸುತೋಽಯ-- ಮಹಂ ಹನಿಷ್ಯೇ ಭವತಾಂ ಸಮಕ್ಷಂ॥ ಪಶ್ಚಾದ್ವಧಿಷ್ಯೇ ತ್ವಾಮಪಿ ಸಂಪ್ರಮೂಢ-- ಮಹಂ ಹನಿಷ್ಯೇಽರ್ಜುನ ಆಜಿಮಧ್ಯೇ॥ 8-90-10 (59457) ತಮದ್ಯ ಮೂಲಂ ಕಲಹಸ್ಯ ಸಂಖ್ಯೇ ದುರ್ಯೋಧನಾಪಾಶ್ರಯ ಜಾತದರ್ಪಂ। ತ್ವಾಮದ್ಯ ಹಂತಾಽಸ್ಮಿ ರಣೇ ಪ್ರಸಹ್ಯ ಅಸ್ಯೈವ ಹಂತಾ ಯುಧಿ ಭೀಮಸೇನಃ। ದುರ್ಯೋಧನಸ್ಯಾಧಮಪೂರುಷಸ್ಯ ಯಸ್ಯಾನಯಾದೇಷ ಮಹಾನ್ಕ್ಷಯೋಽಭವತ್॥ 8-90-11 (59458) ಸ ಏವಮುಕ್ತ್ವಾ ವಿನಿಮೃಜ್ಯ ಚಾಪಂ ಲಕ್ಷ್ಯಂ ಹಿ ಕೃತ್ವಾ ವೃಷಸೇನಮಾಜೌ। ಸಸರ್ಜ ಬಾಣಾನ್ವಿಶಿಖಾನ್ಮಹಾತ್ಮಾ ವಧಾಯ ರಾಜನ್ಕರ್ಣಸುತಸ್ಯ ಸಂಖ್ಯೇ॥ 8-90-12 (59459) ವಿವ್ಯಾಧ ಚೈನಂ ದಶಭಿಃ ಪೃಷತ್ಕೈ-- ರ್ಮರ್ಮಸ್ವಶಂಕಂ ಪ್ರಹಸನ್ಕಿರೀಟೀ। ಚಿಚ್ಛೇದ ಚಾಸ್ಯೇಷ್ವಸನಂ ಭುಜೌ ಚ ಕ್ಷುರೈಶ್ಚತುರ್ಭಿರ್ನಿಶಿತೈಃ ಶಿರಶ್ಚ॥ 8-90-13 (59460) ಸ ಪಾರ್ಥಬಾಣಾಭಿಹತಃ ಪಪಾತ ರಥಾದ್ವಿಬಾಹುರ್ವಿಶಿರಾ ಧರಾಯಾಂ। ಸುಪುಷ್ಪಿತೋ ವಜ್ರಹತೋಽತಿಮಾತ್ರೋ ಭಗ್ನೋ ಯಥಾ ಸಾಲ ಇವಾವಕೃತ್ತಃ॥ 8-90-14 (59461) ತಂ ಪಾರ್ಥಬಾಣಾಭಿಹತಂ ಪತಂತಂ ಸಂಪ್ರೇಕ್ಷ್ಯ ಕರ್ಣಃ ಸುತಮಾಶುಕಾರೀ। ರಥಂ ರಥೇನಾಶು ಜಗಾಮ ರೋಷಾ-- ತ್ಕಿರೀಟಿನಃ ಪುತ್ರವಧಾಭಿತಪ್ತಃ॥ 8-90-1x1 ಸಂಜಯ ಉವಾಚ। 8-90-1a1 ತಮಾಯಾಂತಮಭಿಪ್ರೇಕ್ಷ್ಯ ವೇಲೋದ್ವೃತ್ತಮಿವಾರ್ಣವಂ। 8-90-1b1 ಗರ್ಜಂತಂ ಸುಮಹಾಕಾಯಂ ದುರ್ನಿವಾರಂ ಸುರೈರಪಿ। 8-90-1c1 ಅರ್ಜುನಂ ಪ್ರಾಹ ದಾಶಾರ್ಹಃ ಪ್ರಹಸ್ಯ ಪುರುಷರ್ಷಭಃ॥ 8-90-2a2 ಅರ್ಯ ಸರಥ ಆಯಾಸಿ ಶ್ವೇತಾಶ್ವಃ ಶಲ್ಯಸಾರಥಿಃ। 8-90-2b2 ಯೇನ ತೇ ಸಹ ಯೋದ್ಧವ್ಯಂ ಸ್ಥಿರೋ ಭವ ಧನಂಜಯ॥ 8-90-3a3 ಪಶ್ಯ ಚೈನಂ ಸಮಾಯುಕ್ತಂ ರಥಂ ಕರ್ಣಸ್ಯ ಪಾಂಡವ। 8-90-3b3 ಶ್ವೇತವಾಜಿಸಮಾಯುಕ್ತಂ ಯುಕ್ತಂ ರಾಧಾಸುತೇನ ಚ॥ 8-90-4a4 ನಾನಾಪತಾಕಾಕಲಿಲಂ ಕಿಂಕಿಣೀಜಾಲಮಾಲಿನಂ। 8-90-4b4 ಉಹ್ಯಮಾನಮಿವಾಕಾಶೋ ವಿಮಾನಂ ಪಾಂಡುರೈರ್ಹಯೈಃ॥ 8-90-5a5 ಧ್ವಜಂ ಚ ಪಶ್ಯ ಕರ್ಣಸ್ಯ ನಾಗಕಕ್ಷಂ ಮಹಾತ್ಮನಃ। 8-90-5b5 ಆಖಂಡಲಧನುಃಪ್ರಖ್ಯಮುಲ್ಲಿಖಂತಮಿವಾಂಬರಂ॥ 8-90-6a6 ಪಶ್ಯ ಕರ್ಣಂ ಸಮಾಯಾಂತಂ ಧಾರ್ತರಾಷ್ಟ್ರಪ್ರಿಯೈಷಿಣಂ। 8-90-6b6 ಶರಧಾರಾ ವಿಮುಂಚಂತಂ ಧಾರಾಸಾರಮಿವಾಂಬುದಂ॥ 8-90-7a7 ಏಷ ಮದ್ರೇಶ್ವರೋ ರಾಜಾ ರಥಾಗ್ರೇ ಪರ್ಯವಸ್ಥಿತಃ। 8-90-7b7 ನಿಯಚ್ಛತಿ ಹಯಾನಸ್ಯ ರಾಧೇಯಸ್ಯಾಮಿತೌಜಸಃ॥ 8-90-8a8 ಶೃಣು ದುಂದುಭಿನಿರ್ಘೋಷಂ ಶಂಖಶಬ್ದಂ ಚ ದಾರುಣಂ। 8-90-8b8 ಸಿಂಹನಾದಾಂಶ್ಚ ವಿವಿಧಾಞ್ಶೃಣು ಪಾಣ಼್ಡವ ಸರ್ವತಃ॥ 8-90-9a9 ಅಂತರ್ಧಾಯ ಮಹಾಶಬ್ದಾನ್ಕರ್ಣೇನಾಮಿತತೇಜಸಾ। 8-90-9b9 ದೋಧೂಯಮಾನಸ್ಯ ಭೃಶಂ ಧನುಷಃ ಶೃಣು ನಿಃಸ್ವನಂ॥ 8-90-10a10 ಏತೇ ದೀರ್ಯಂತಿ ಸಗಣಾಃ ಪಾಂಚಾಲಾನಾಂ ಮಹಾರಥಾಃ। 8-90-10b10 ದೃಷ್ಟ್ವಾ ಕೇಸರಿಣಂ ಕ್ರುದ್ಧಂ ಮೃಗಾ ಇವ ಮಹಾವನೇ॥ 8-90-11a11 ಸರ್ವಯತ್ನೇನ ಕೌಂತೇಯ ಹಂತುಮರ್ಹಸಿ ಸೂತಜಂ। 8-90-11b11 ನ ಹಿ ಕರ್ಣಶರಾನನ್ಯಃ ಸೋಢುಮುತ್ಸಹತೇ ನರಃ॥ 8-90-12a12 ಸದೇವಾಸುರಗಂಧರ್ವಾಂಸ್ತ್ರೀಂʼಲ್ಲೋಕಾನ್ಸಚರಾಚರಾನ್। 8-90-12b12 ತ್ವಂ ಹಿ ಜೇತುಂ ರಣೇ ಶಕ್ತಸ್ತಥೈವ ವಿದಿತಂ ಮಮ॥ 8-90-13a13 ಭೀಮಮುಗ್ರಂ ಮಹಾತ್ಮಾನಂ ತ್ರ್ಯಕ್ಷಂ ಶರ್ವಂ ಕಪರ್ದಿನಂ। 8-90-13b13 ನ ಶಕ್ತಾ ದ್ರಷ್ಟುಮೀಶಾನಂ ಕಿಂ ಪುನರ್ಯೋಧಿತುಂ ಪ್ರಭುಂ॥ 8-90-14a14 ತ್ವಯಾ ಸಾಕ್ಷಾನ್ಮಹಾದೇವಃ ಸರ್ವಭೂತಶಿವಃ ಶಿವಃ। 8-90-14b14 ಯುದ್ಧೇನಾರಾಧಿತಃ ಸ್ಥಾಣುರ್ದೇವಾಶ್ಚ ವರದಾಸ್ತವ॥ 8-90-15a15 ತಸ್ಯ ಪಾರ್ಥ ಪ್ರಸಾದೇನ ದೇವದೇವಸ್ಯ ಶೂಲಿನಃ। 8-90-15b15 ಜಹಿ ಕರ್ಣಂ ಮಹಾಬಾಹೋ ನಮುಚಿಂ ವೃತ್ರಹಾ ಯಥಾ॥ 8-90-16a16 ಶ್ರೇಯಸ್ತೇಽಸ್ತು ಸದಾ ಪಾರ್ಥ ಯುದ್ಧೇ ಜಯಮವಾಪ್ನುಹಿ॥ 8-90-16b17x ಅರ್ಜುನ ಉವಾಚ। 8-90-17a17 ಧ್ರುವ ಏವ ಜಯಃ ಕೃಷ್ಣ ಮಮ ನಾಸ್ತ್ಯತ್ರ ಸಂಶಯಃ। 8-90-17b17 ಸರ್ವಲೋಕಗುರುರ್ಯಸ್ತ್ವಂ ತುಷ್ಟೋಽಸಿ ಮಧುಸೂದನ॥ 8-90-18a18 ಚೋದಯಾಶ್ವಾನ್ಹೃಷೀಕೇಶ ರಥಂ ಮಮ ಮಹಾರಥ। 8-90-18b18 ನಾಹತ್ವಾ ಸಮರೇ ಕರ್ಣಂ ನಿವರ್ತಿಷ್ಯತಿ ಫಲ್ಗುನಃ॥ 8-90-19a19 ಅದ್ಯ ಕರ್ಣಂ ಹತಂ ಪಶ್ಯ ಮಚ್ಛರೈಃ ಶಕಲೀಕೃತಂ। 8-90-19b19 ಮಾಂ ವಾ ದ್ರಕ್ಷ್ಯಸಿ ಗೋವಿಂದ ಕರ್ಣೇನ ನಿಹತಂ ಶರೈಃ॥ 8-90-20a20 ಉಪಸ್ಥಿತಮಿದಂ ಘೋರಂ ಯುದ್ಧಂ ತ್ರೈಲೋಕ್ಯಮೋಹನಂ। 8-90-20b20 ಯಜ್ಜನಾಃ ಕಥಯಿಷ್ಯಂತಿ ಯಾವದ್ಭೂಮಿರ್ಧರಿಷ್ಯತಿ॥ 8-90-21a21 ಏವಂ ಬ್ರುವಂಸ್ತದಾ ಪಾರ್ಥಃ ಕೃಷ್ಣಮಕ್ಲಿಷ್ಟಕಾರಿಣಂ। 8-90-21b21 ಪ್ರತ್ಯುದ್ಯಯೌ ರಥೇನಾಶು ಗಜಂ ಪ್ರತಿಗಜೋ ಯಥಾ॥ 8-90-22a22 ಪುನರಪ್ಯಾಹ ತೇಜಸ್ವೀ ಪಾರ್ಥಃ ಕೃಷ್ಣಮರಿಂದಮ। 8-90-22b22 ಚೋದಯಾಶ್ವಾನ್ಹೃಷೀಕೇಶ ಕಾಲೋಽಯಮತಿವರ್ತತೇ॥ 8-90-23a23 ಏವಮುಕ್ತಸ್ತದಾ ತೇನ ಪಾಣ಼್ಡವೇನ ಮಹಾತ್ಮನಾ। 8-90-23b23 ಜಯೇನ ಸಂಪೂಜ್ಯ ಸ ಪಾಂಡವಂ ತದಾ 8-90-23c23 ಪ್ರಚೋದಯಾಮಾಸ ಹಯಾನ್ಮನೋಜವಾನ್॥ 8-90-24a24 ಸ ಪಾಂಡುಪುತ್ರಸ್ಯ ರಥೋ ಮನೋಜವಃ 8-90-24b24 ಕ್ಷಣೇನ ಕರ್ಣಸ್ಯ ರಥಾಗ್ರಗೋಽಭವತ್॥ ॥ 8-90-15 (59462) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ನವತಿತಮೋಽಧ್ಯಾಯಃ*॥ 90 ॥

8-91-0 (59463) ಸಂಜಯ ಉವಾಚ। 8-91-0x (5053) ವೃಷಸೇನಂ ಹತಂ ದೃಷ್ಟ್ವಾ ಕ್ರೋಧಾಮರ್ಷಸಮನ್ವಿತಃ। ಪುತ್ರಶೋಕೋದ್ಭವಂ ವಾರಿ ನೇತ್ರಾಭ್ಯಾಂ ಸಮವಾಸೃಜತ್॥ 8-91-1 (59464) ರಥೇನ ಕರ್ಣಸ್ತೇಜಸ್ವೀ ಜಗಾಮಾಭಿಮುಖೋ ರಿಪುಂ। ಯುದ್ಧಾಯಾಮರ್ಪತಾಂರಾಕ್ಷಃ ಸಮಾಹೂಯ ಧನಂಜಯಂ॥ 8-91-2 (59465) ತೌ ರಥೌ ಸೂರ್ಯಸಂಕಾಶೌ ವೈಯಾಘ್ರಪರಿವಾರಿತೌ। ಸಮೇತೌ ದದೃಶುಸ್ತತ್ರ ದ್ವಾವಿವಾರ್ಕೌ ಸಮುದ್ಗತೌ॥ 8-91-3 (59466) ಶ್ವೇತಾಶ್ವೌ ಪುರುಷಾದಿತ್ಯಾವಾಸ್ಥಿತಾವರಿಮರ್ದನೌ। ಶುಶುಭಾತೇ ಮಹಾತ್ಮಾನೌ ಚಂದ್ರಾದಿತ್ಯೌ ಯಥಾ ದಿವಿ। `ರಥೌ ಚತುರ್ಭಿರ್ಜಲದೈರ್ಭಗಮಿತ್ರಾವಿವಾಂಬರೇ'॥ 8-91-4 (59467) ತೌ ದೃಷ್ಟ್ವಾ ವಿಸ್ಮಯಂ ಜಗ್ಮುಃ ಸರ್ವಸೈನ್ಯಾನಿ ಮಾರಿಷ। ತ್ರೈಲೋಕ್ಯವಿಜಯೇ ಯತ್ತಾವಿಂದ್ರವೈರೋಚನಾವಿವ॥ 8-91-5 (59468) ರಥಜ್ಯಾತಲನಿರ್ಹಾದೈರ್ಬಾಣಶಂಖರವೈಸ್ತಥಾ। ತೌ ರಥಾವಭ್ಯಧಾವಂತ ಕ್ಷತ್ರಿಯಾಃ ಸರ್ವ ಏವ ಹಿ॥ 8-91-6 (59469) ಧ್ವಜಾವಾಲೋಕ್ಯ ವೀರಾಣಾಂ ವಿಸ್ಮಯಃ ಸಮಪದ್ಯತ। ಹಸ್ತಿಕಕ್ಷ್ಯಾಂ ಚ ಕರ್ಣಸ್ಯ ವಾನರಂ ಚ ಕಿರೀಟಿನಃ॥ 8-91-7 (59470) ತೌ ರಥೌ ಸಂಪ್ರಸಕ್ತೌ ತು ದೃಷ್ಟ್ವಾ ಭಾರತ ಪಾರ್ಥಿವಾಃ। ಸಿಂಹನಾದರವಾಂಶ್ಚಕ್ರುಃ ಸಾಧುವಾದಾಂಶ್ಚ ಪುಷ್ಕಲಾನ್॥ 8-91-8 (59471) ಶ್ರುತ್ವಾ ತಯೋರ್ದ್ವೈರಥಂ ಚ ತತ್ರ ಯೋಧಾಃ ಸಹಸ್ರಶಃ। ಚಕ್ರುರ್ಬಾಹುಸ್ವನಾಂಶ್ಚೈವ ತಥಾ ಬಾಣರವಂ ಮಹತ್॥ 8-91-9 (59472) ಆಜಘ್ನುಃ ಕುರವಸ್ತತ್ರ ವಾದಿತ್ರಾಣಿ ಸಮಂತತಃ। ರಾಧೇಯಮಭಿತೋ ದಧ್ಮುಃ ಶಂಖಾಞ್ಶತಸಹಸ್ರಶಃ॥ 8-91-10 (59473) ತಥೈವ ಪಾಂಡವಾಃ ಸರ್ವೇ ಹರ್ಷಯಂತೋ ಧನಂಜಯಂ। ತೂರ್ಯಶಂಖನಿನಾದೇನ ದಿಶಃ ಸರ್ವಾ ವ್ಯನಾದಯನ್॥ 8-91-11 (59474) ಕ್ಷ್ವೇಲಿತಾಸ್ಫೋಟಿತೋತ್ಕ್ರುಷ್ಟೈಸ್ತುಮುಲಂ ಸರ್ವತೋಽಭವತ್। ಬಾಹುಶಬ್ದೈಶ್ಚ ಶೂರಾಣಾಂ ಕರ್ಣಾರ್ಜುನಸಮಾಗಮೇ॥ 8-91-12 (59475) ತೌ ದೃಷ್ಟ್ವಾ ಪುರುಷವ್ಯಾಘ್ರೌ ರಥಸ್ಥೌ ರಥಿನಾಂ ವರೌ। ಪ್ರಗೃಹೀತಮಹಾಚಾಪೌ ಶರಶಕ್ತಿಧ್ವಜಾಯುತೌ॥ 8-91-13 (59476) ವರ್ಮಿಣೌ ಬದ್ಧನಿಸ್ತ್ರಿಂಶೌ ಶ್ವೇತಾಶ್ವೌ ಶಂಖಶೋಭಿತೌ। ತೂಣೀರವಸಂಪನ್ನೌ ದ್ವಾವಪ್ಯೇತೌ ಸುದರ್ಶನೌ॥ 8-91-14 (59477) ರಕ್ತಚಂದನದಿಗ್ಧಾಂಗೌ ಸಮದೌ ಗೋವೃಷಾವಿವ। ಚಾಪವಿದ್ಯುದ್ಧ್ವಜೋಪೇತೌ ಶಸ್ತ್ರಸಂಪತ್ತಿಯೋಧಿನೌ॥ 8-91-15 (59478) ಚಾಮರವ್ಯಜನೋಪೈತೌ ಶ್ವೇತಚ್ಛತ್ರೋಪಶೋಭಿತೌ। ಕೃಷ್ಣಶಲ್ಯರಥೋಪೇತೌ ತುಲ್ಯರೂಪೌ ಮಹಾರಥೌ॥ 8-91-16 (59479) ಸಿಂಹಸ್ಕಂಧೌ ದೀರ್ಘಭುಜೌ ರಕ್ತಾಕ್ಷೌ ಹೇಮಮಾಲಿನೌ। ಸಿಂಹಸ್ಕಂಧಪ್ರತೀಕಾಶೌ ವ್ಯೂಢೋರಸ್ಕೌ ಮಹಾಬಲೌ। ಅನ್ಯೋನ್ಯವಧಮಿಚ್ಛಂತಾವನ್ಯೋನ್ಯಜಯಕಾಂಕ್ಷಿಣೌ॥ 8-91-17 (59480) ಅನ್ಯೋನ್ಯಮಭಿಧಾವಂತೌ ಗೋಷ್ಠೇ ಗೋವೃಷಭಾವಿವ। ಪ್ರಭಿನ್ನಾವಿವ ಮಾತಂಗೌ ಸುಸಂರಬ್ಧಾವಿವಾಚಲೌ॥ 8-91-18 (59481) ಆಶೀವಿಷಶಿಶುಪ್ರಖ್ಯೌ ಯಮಕಾಲಾಂತಕೋಪಮೌ। ಇಂದ್ರವೃತ್ರಾವಿವ ಕ್ರುದ್ಧೌ ಸೂರ್ಯಚಂದ್ರಸಮಪ್ರಭೌ॥ 8-91-19 (59482) ಮಹಾಗ್ರಹಾವಿವ ಕ್ರುದ್ಧೌ ಯುಗಾಂತಾಯ ಸಮುತ್ಥಿತೌ। ದೇವಗರ್ಭೌ ದೇವಸಮೌ ದೇವತುಲ್ಯೌ ಚ ರೂಪತಃ॥ 8-91-20 (59483) ಯದೃಚ್ಛಯಾ ಸಮಾಯಾತೌ ಸೂರ್ಯಾಚಂದ್ರಮಸೌ ಯಥಾ। ಬಲಿನೌ ಸಮರೇ ದೃಪ್ತೌ ನಾನಾಶಸ್ತ್ರಧರೌ ಯುಧಿ॥ 8-91-21 (59484) ತೌ ದೃಷ್ಟ್ವಾ ಪುರುಷವ್ಯಾಘ್ರೌ ಶಾರ್ದೂಲಾವಿವ ಧಿಷ್ಠಿತೌ। ಬಭೂವ ಪರಮೋ ಹರ್ಷಸ್ತಾವಕಾನಾಂ ವಿಶಾಂಪತೇ॥ 8-91-22 (59485) ಸಂಶಯಃ ಸರ್ವಭೂತಾನಾಂ ವಿಜಯೇ ಸಮಪದ್ಯತ। ಸಮೇತೌ ಪುರುಷವ್ಯಾಘ್ರೌ ಪ್ರೇಕ್ಷ್ಯ ಕರ್ಣಧನಂಜಯೌ॥ 8-91-23 (59486) ಉಭೌ ವರಾಯುಧಧರಾವುಭೌ ರಣಕೃತಶ್ರಮೌ। ಉಭೌ ಚ ಬಾಹುಶಬ್ದೇನ ನಾದಯಂತೌ ನಭಸ್ತಲಂ॥ 8-91-24 (59487) ಉಭೌ ವಿಶ್ರುತಕರ್ಮಾಣೌ ಪೌರುಷೇಣ ಬಲೇನ ಚ। ಉಭೌ ಚ ಸದೃಶೌ ಯುದ್ಧೇ ಶಂಬರಾಮರರಾಜಯೋಃ॥ 8-91-25 (59488) ಕಾರ್ತವೀರ್ಯಸಮೌ ಚೋಭಾವುಭೌ ದಾಶರಥೇಃ ಸಮೌ। ವಿಷ್ಣುವೀರ್ಯಸಮೌ ಚೋಭಾವುಭೌ ಭವಸಮೌ ಯುಧಿ॥ 8-91-26 (59489) ಉಭೌ ಶ್ವೇತಹಯೌ ರಾಜನ್ರಥಪ್ರವರವಾಹಿನೌ। ಸಾರಥಿಪ್ರವರೌ ಚಾಪಿ ಉಭೌ ಮದ್ರಜನಾರ್ದನೌ॥ 8-91-27 (59490) ತತೋ ದೃಷ್ಟ್ವಾ ಮಹಾರಾಜ ರಾಜಮಾನೌ ಮಹಾರಥೌ। ಸಿದ್ಧಚಾರಣಸಂಘಾನಾಂ ವಿಸ್ಮಯಃ ಸಮಪದ್ಯತ॥ 8-91-28 (59491) ಧಾರ್ತರಾಷ್ಟ್ರಾಸ್ತತಸ್ತೂರ್ಣಂ ಸಬಲಾ ಭರತರ್ಷಭ। ಪರಿವವ್ರುರ್ಮಹಾತ್ಮಾನಂ ಕರ್ಣಮಾಹವಶೋಭಿನಂ॥ 8-91-29 (59492) ತಥೈವ ಪಾಂಡವಾ ದೃಷ್ಟ್ವಾ ಧೃಷ್ಟದ್ಯುಂನಪುರೋಗಮಾಃ। ಯಮೌ ಚ ಚೇಕಿತಾನಶ್ಚ ಪ್ರಹೃಷ್ಟಾಶ್ಚ ಪ್ರಭದ್ರಕಾಃ॥ 8-91-30 (59493) ನಾನಾದೇಶ್ಯಾಶ್ಚ ಯೇ ಶೂರಾಃ ಶಿಷ್ಟಾ ಯುದ್ಧಾಭಿನಂದಿನಃ। ತೇ ಸರ್ವೇ ಸಹಿತಾ ಹೃಷ್ಟಾಃ ಪರಿವವ್ರುರ್ಧನಂಜಯಂ॥ 8-91-31 (59494) ರಿರಕ್ಷಿಷಂತಃ ಶಥ್ರುಘ್ನಾಃ ಪತ್ತ್ಯಶ್ವರಥಕುಂಜರಾಃ। ಧನಂಜಯಸ್ಯ ವಿಜಯೇ ಧೃತಾಃ ಕರ್ಣವಧೇಽಪಿ ಚ॥ 8-91-32 (59495) ತಥೈವ ತಾವಕಾಃ ಸರ್ವೇ ಯತ್ತಾಃ ಸೇನಾಪ್ರಹಾರಿಣಃ। ದುರ್ಯೋಧನಮುಖಾ ರಾಜನ್ಕರ್ಣಂ ಜುಗುಪುರಾಹವೇ॥ 8-91-33 (59496) ತಾವಕಾನಾಂ ರಣೇ ಕರ್ಣೋ ಗ್ಲಹೋ ಹ್ಯಾಸೀದ್ವಿಶಾಂಪತೇ। ತಥೈವ ಪಾಂಡವೇಯಾನಾಂ ಗ್ಲಹಃ ಪಾರ್ಥೋಽಭವತ್ತದಾ॥ 8-91-34 (59497) ತಯೋಸ್ತು ಸಭ್ಯಾಸ್ತತ್ರಾಸನ್ಪ್ರೇಕ್ಷಕಾಶ್ಚಾಭವನ್ಯುಧಿ। ತತ್ರೈಷಾಂ ಗ್ಲಹಮಾನಾನಾಂ ಧ್ರುವೌ ಜಯಪರಾಜಯೌ॥ 8-91-35 (59498) ತಾಭ್ಯಾಂ ದ್ಯತಂ ಸಮಾಸಕ್ತಂ ವಿಜಯಾಯೇತರಾಯ ವಾ। ಅಸ್ಮಾಕಂ ಪಾಂಡವಾನಾಂ ಚ ಸ್ಥಿತಾನಾಂ ರಣಮೂರ್ಧನಿ॥ 8-91-36 (59499) ತೌ ತು ಸ್ಥಿತೌ ಮಹಾರಾಜ ಸಮರೇ ಯುದ್ಧಶಾಲಿನೌ। ಅನ್ಯೋನ್ಯಂ ಪ್ರತಿಸಂರಬ್ಧಾವನ್ಯೋನ್ಯವಧಕಾಂಕ್ಷಿಣೌ॥ 8-91-37 (59500) ತಾವುಮೌ ಪ್ರಜಿಹೀರ್ಷಂತಾವಿಂದ್ರವೃತ್ರಾವಿವ ಪ್ರಭೋ। ಭೀಮರೂಪಧರಾವಾಸ್ತಾಂ ಮಹಾಧೂಮಾವಿವ ಗ್ರಹೌ॥ 8-91-38 (59501) ತತೋಽಂತರಿಕ್ಷೇ ಸಂಜಜ್ಞೇ ವಿವಾದೋ ಭರತರ್ಷಭ। ಮಿಥೋ ಭೇದಾಶ್ಚ ಭೂತಾನಾಮಾಸನ್ಕರ್ಣಾರ್ಜುನಾಂತರೇ॥ 8-91-39 (59502) ವ್ಯಾಶ್ರಯಂತ ದ್ವಿಧಾ ಭಿನ್ನಾಃ ಸರ್ವೇ ಲೋಕಾಸ್ತು ಮಾರಿಷ। ದೇವದಾನವಗಂಧರ್ವಾಃ ಪಿಶಾಚೋರಗರಾಕ್ಷಸಾಃ। ಪ್ರತಿಪಕ್ಷಗ್ರಹಂ ಚಕ್ರುಃ ಕರ್ಣಾರ್ಜುನಸಮಾಗಮೇ॥ 8-91-40 (59503) ದ್ಯೌರಾಸೀತ್ಕರ್ಣಪಕ್ಷೇಽತ್ರ ಸನಕ್ಷತ್ರಾ ವಿಶಾಂಪತೇ। ಭೂರ್ವಿಶಾಲಾ ಪಾರ್ಥಮಾತಾ ಪುತ್ರಸ್ಯ ಜಯಕಾಂಕ್ಷಿಣೀ॥ 8-91-41 (59504) ಸಾಗರಾಶ್ಚೈವ ಗಿರಯಃ ಸರಿತಶ್ಚ ನರೋತ್ತಮ। ಮಹೀಜಾ ಜಲಜಾಶ್ಚೈವ ವ್ಯಾಶ್ರಯಂತ ಕಿರೀಟಿನಂ॥ 8-91-42 (59505) ಅಸುರಾ ಯಾತುಧಾನಾಶ್ಚ ಗುಹ್ಯಕಾಶ್ಚ ಪರಂತಪ। ಕರ್ಣಃ ಸಮಭವದ್ಯತ್ರ ಖೇಚರಾಣಿ ವಯಾಂಸಿ ಚ॥ 8-91-43 (59506) ರತ್ನಾನಿ ನಿಧಯಃ ಸರ್ವೇ ವೇದಾಶ್ಚಾಖ್ಯಾನಪಂಚಮಾಃ। ಸೋಪವೇದೋಪನಿಷದೋ ವ್ಯಾಶ್ರಯಂತ ಕಿರೀಟಿನಂ॥ 8-91-44 (59507) ವಾಸುಕಿಶ್ಚಿತ್ರಸೇನಶ್ಚ ತಕ್ಷಕಶ್ಚೋಪತಕ್ಷಕಃ। ಮಹೀವಿಯಜ್ಜಲಚರಾಃ ಕಾದ್ರವೇಯಾಶ್ಚ ಸಾನ್ವಯಾಃ। ವಿಷವಂತೋ ಮಹಾನಾಗಾ ವೇಗಿನಶ್ಚಾರ್ಜುನೇಽಭವನ್॥ 8-91-45 (59508) ಐರಾವತಾಃ ಸೌರಭೇಯಾ ವೈಶಾಲೇಯಾಶ್ಚ ಭೋಗಿನಃ। ಏತೇಽಭವನ್ನರ್ಜುನಸ್ಯ ಪಾಪಾಃ ಸರ್ಪಾಶ್ಚ ಕರ್ಣತಃ॥ 8-91-46 (59509) ಈಹಾಮೃಗಾ ವ್ಯಾಲಮೃಗಾ ಮಂಗಲಾ ಮೃಗಪಕ್ಷಿಣಃ। ಮಂಗಲಾಃ ಪಶವಶ್ಚೈವ ಸಿಂಹವ್ಯಾಘ್ರಾಸ್ತಥೈವ ಚ। ಪಾರ್ಥಸ್ಯ ವಿಜಯೇ ರಾಜನ್ಸರ್ವ ಏವ ಸಮಾಶ್ರಿತಾಃ॥ 8-91-47 (59510) ವಸವೋ ಮರುತಃ ಸಾಧ್ಯಾ ರುದ್ರಾ ದೇವಾಶ್ವಿನಾವಪಿ। ಅಗ್ನೀ ರುದ್ರಶ್ಚ ಸೋಮಶ್ಚ ಪನ್ನಗಾಶ್ಚ ದಿಶೋ ದಶ। ಕರ್ಣತಃ ಸಮಪದ್ಯಂತ ಶ್ವಸೃಗಾಲವಯಾಂಸಿ ಚ॥ 8-91-48 (59511) ವಸವಶ್ಚ ಮಹೇಂದ್ರೇಣ ಮರುತಶ್ಚ ಸಹಾಗ್ನಿನಾ। ಧನಂಜಯಸ್ಯ ತೇ ವರ್ಗಾ ಆದಿತ್ಯಾಃ ಕರ್ಣತೋಽಭವನ್॥ 8-91-49 (59512) ದೇವತಾಃ ಪಿತೃಭಿಃ ಸಾರ್ಧಮೃಷಿಭಿಶ್ಚ ಪರಂತಪ। ತುಂಬುರುಪ್ರಮುಖಾಃ ಸರ್ವೇ ಗಂಧರ್ವಾ ಭರತರ್ಷಭ। ಯಮೌ ವೈಶ್ರವಣಶ್ಚೈವ ವರುಣಶ್ಚ ಯತೋಽರ್ಜುನಃ॥ 8-91-50 (59513) ದೇವರ್ಷಿಬ್ರಹ್ಮರ್ಷಿಗಣಾಃ ಸರ್ವೇ ಚ ಖಚರಾಶ್ಚ ಯೇ ಪ್ರಾಲೇಯಾಃ ಸಹಮೌನೇಯಾಃ ಶುಭಾಶ್ಚಾಪ್ಸರಸಾಂ ಗಣಾಃ॥ 8-91-51 (59514) ಸಹಾಪ್ಸರೋಭಿಃ ಶುಭ್ರಾಭಿರ್ದೇವದೂತಾಶ್ಚ ಗುಹ್ಯಕಾಃ। ಕಿರೀಟಿನಂ ಸಂಶ್ರಿತಾಃ ಸ್ಮ ಪುಣ್ಯಗಂಧಾ ಮನೋರಮಾಃ॥ 8-91-52 (59515) ಅಮನೋಜ್ಞಾಶ್ಚ ಯೇ ಗಂಧಾಸ್ತೇ ಸರ್ವೇ ಕರ್ಣಮಾಶ್ರಿತಾಃ। ವಿಪರೀತಾನ್ಯನಿಷ್ಟಾನಿ ಭವಂತಿ ವಿನಶಿಷ್ಯತಾಂ॥ 8-91-53 (59516) ಯೇ ತ್ವಂತಕಾಲೇ ಪುರುಷಂ ವಿಪರೀತಮುಪಾಶ್ರಿತಂ। ಪ್ರವಿಶಂತಿ ನರಂ ಕ್ಷಿಪ್ರಂ ಮೃತ್ಯುಕಾಲೇಽಭ್ಯುಪಾಗತೇ। ತೇ ಭಾವಾಃ ಸಹಿತಾಃ ಕರ್ಣಂ ಪ್ರವಿಷ್ಟಾಃ ಸೂತನಂದನಂ॥ 8-91-54 (59517) ಓಜಸ್ತೇಜಶ್ಚ ಸಿದ್ಧಿಶ್ಚ ಪ್ರಹರ್ಷಃ ಸತ್ಯವಿಕ್ರಮೌ। ಮನಸ್ತುಷ್ಟಿರ್ಜಯಶ್ಚಾಪಿ ತಥಾಽಽನಂದೋ ನೃಪೋತ್ತಮ॥ 8-91-55 (59518) ಈದೃಶಾರ್ನಿ ನರವ್ಯಾಘ್ ತಸ್ಮಿನ್ಸಂಗ್ರಾಮಸಾಗರೇ। ನಿಮಿತ್ತಾನಿ ಚ ಶುಭ್ರಾಣಿ ವಿವಿಶುರ್ಜಿಷ್ಣುಮಾಹವೇ॥ 8-91-56 (59519) ಋಷಯೋ ಬ್ರಾಹ್ಮಣೈಃ ಸಾರ್ಧಮಭಜಂತ ಕಿರೀಟಿನಂ॥ 8-91-57 (59520) ತತೋ ದೇವಗಣೈಃ ಸಾರ್ಧಂ ಸಿದ್ಧಾಶ್ಚ ಸಹ ಚಾರಣೈಃ। ದ್ವಿಧಾ ಭೂತಾ ಮಹಾರಾಜ ವ್ಯಾಶ್ರಯಂತ ನರೋತ್ತಮೌ॥ 8-91-58 (59521) ವಿಮಾನಾನಿ ವಿಚಿತ್ರಾಣಿ ಗುಣವಂತಿ ಚ ಸರ್ವಶಃ। ಸಮಾರುಹ್ಯ ಸಮಾಜಗ್ಮುರ್ದ್ವೈರಥಂ ಕರ್ಣಪಾರ್ಥಯೋಃ। ಅಂತರಿಕ್ಷೇ ಮಹಾರಾಜ ದೇವಗಂಧರ್ವರಾಕ್ಷಸಾಃ॥ 8-91-59 (59522) ಏವಂ ಸರ್ವೇಷು ಭೂತೇಷು ದ್ವಿಧಾ ಭೂತೇಷು ಭಾರತ। ಆಶಂಸಮಾನೇಷು ಜಯಂ ರಾಧೇಯಸ್ಯಾರ್ಜುನಸ್ಯ ಚ। ವಿಮಾನಾಯುತಸಂಬಾಧಮಾಕಾಶಮಭವತ್ತದಾ॥ 8-91-60 (59523) ಈಹಾಮೃಗವ್ಯಾಲಮೃಗೈರ್ದಿಪಾಶ್ವರಥಪಂಕ್ತಿಭಿಃ। ಊಹ್ಯಮಾನಾಃ ಪರೇ ಮೇಘೈರ್ವಾಯುನಾ ಚ ಮನೀಷಿಣಃ। ದಿದೃಕ್ಷವಃ ಸಮಾಜಗ್ಮುಃ ಕರ್ಣಾರ್ಜುನಸಮಾಗಮಂ॥ 8-91-61 (59524) ದೇವದಾನವಗಂಧರ್ವಾ ನಾಗಯಕ್ಷಪತತ್ರಿಣಃ। ಮಹರ್ಷಯೋ ದೇವಗಣಾಃ ಪಿತರಶ್ಚ ಸ್ವಧಾಭುಜಃ॥ 8-91-62 (59525) ತಪೋವಿದ್ಯೌಷಧೀಸಿದಧಾ ನಾನಾರೂಪಾಂಬರತ್ವಿಷಃ। ಅಂತರಿಕ್ಷೇ ಮಹಾರಾಜ ವಿವದಂತೋಽವತಸ್ಥಿರೇ॥ 8-91-63 (59526) ಬ್ರಹ್ಮಾ ಬ್ರಹ್ಮರ್ಷಿಭಿಃ ಸಾರ್ಧಂ ಪ್ರಜಾಪತಿಭಿರೇವ ಚ। ಆಸ್ಥಿತೋ ಯಾನಮಾಕಾಶೇ ದಿವ್ಯಂ ತೇಜಃ ಸಮಾಗತಾಃ॥ 8-91-64 (59527) ತತಃ ಪ್ರಜಾಪತಿಸ್ತೂರ್ಣಮಾಜಗಾಮ ಮಹಾಮತೇ। ದ್ವೈರಥಂ ಯುಧಿ ತಂ ದ್ರುಷ್ಟಂ ಕರ್ಣಪಾಂಡವಯೋಸ್ತದಾ॥ 8-91-65 (59528) ವಿಜಿತ್ಯ ಕರ್ಣಃ ಸ್ವಿದಿಮಾಂ ವಸುಂಧರಾ-- ಮಥಾರ್ಜುನಃ ಸ್ವಿತ್ಪ್ರತಿಪದ್ಯತೇಽಖಿಲಾಂ। ಇತೀಶ್ವರಸ್ಯಾಪಿ ಬಭೂವ ಸಂಶಯಃ ಪ್ರಜಾಪತೇಃ ಪ್ರೇಕ್ಷ್ಯ ತಯೋರ್ಮಹದ್ಬಲಂ॥ ॥ 8-91-66 (59529) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಏಕನವತಿತಮೋಽಧ್ಯಾಯಃ॥ 91 ॥

8-92-0 (59530) ಸಂಜಯ ಉವಾಚ। 8-92-0x (5054) ಪ್ರಜಾಪತಿಸ್ತು ತಂ ದೃಷ್ಟ್ವಾ ದೇವಭಾಗಂ ಸಮಾಗತಂ। ಅಬ್ರವೀತ್ತು ತತೋ ರಾಜನ್ಪಶ್ಯತೋ ವೈ ಸ್ವಯಂಭುವಃ॥ 8-92-1 (59531) ಉಭಾವತಿರಥೌ ಶೂರಾವುಭೌ ದೃಢಪರಾಕ್ರಮೌ। ಉಭೌ ಸದೃಶಕರ್ಮಾಣೌ ವಜ್ರಿಚಕ್ರಾಯುಧೌಪಮೌ॥ 8-92-2 (59532) ಅಹೋ ಬತ ಮಹದ್ಯುದ್ಧಂ ಕರ್ಣಾರ್ಜುನಸಮಾಗಮೇ। ಭವಿಷ್ಯತಿ ಮಹಾಘೋರಂ ವೃತ್ರವಾಸವಯೋರಿವ॥ 8-92-3 (59533) ಪ್ರಜಾಪತಿರಥೋಕ್ತ್ವೈವಂ ಸ್ವಯಂಭುವಮಚೋದಯತ್। ಸಮೋಽಸ್ತು ವಿಜಯಃ ಕಾಮಮುಭಯೋರ್ನರಸಿಂಹಯೋಃ॥ 8-92-4 (59534) ಕರ್ಣಾರ್ಜುನವಿವಾದೇನ ಮಾ ನಶ್ಯೇದಖಿಲಂ ಜಗತ್। ಸ್ವಯಂಭೋ ಬ್ರೂಹಿ ತದ್ವಾಕ್ಯಂ ಸಮೋಽಸ್ತು ವಿಜಯೋಽನಯೋಃ॥ 8-92-5 (59535) ಏವಮುಕ್ತಸ್ತು ಭಗವಾಂಜಯೇ ತಾಭ್ಯಾಮನಿಶ್ಚಿತೇ। ಇತ್ಯಬ್ರವೀನ್ಮಹಾರಾಜ ಮಹಾಬ್ರಹ್ಮಾ ಪ್ರಜಾಪತಿಂ॥ 8-92-6 (59536) ದ್ವಾವಪ್ಯೇತೌ ಹಿ ಕೃತಿನೌ ದ್ವಾವಪ್ಯತಿಬಲೋತ್ಕಟೌ। ಭವಿಷ್ಯತ್ಯನಯೋರ್ಯುದ್ಧಂ ತ್ರೈಲೋಕ್ಯಸ್ಯ ಭಯಾವಹಂ॥ 8-92-7 (59537) ತತಃ ಪ್ರಜಾಪತಿಂ ತತ್ರ ಸಹಸ್ರಾಕ್ಷೋಽಭ್ಯಚೋದಯತ್। ವಿಜಯೋ ಧ್ರುವ ಏವಾಸ್ತು ಪಾಂಡವಸ್ಯ ಮಹಾತ್ಮನಃ॥ 8-92-8 (59538) ಮನಸ್ವೀ ಬಲವಾಞ್ಶೂರಃ ಕೃತವಿದ್ಯಸ್ತಪೋಧನಃ। ವಿಭರ್ತಿ ಚ ಮಹಾತೇಜಾ ಧನುರ್ವೇದಮಶೇಷತಃ॥ 8-92-9 (59539) ಪಾರ್ಥಃ ಸರ್ವಗುಣೋಪೇತೋ ದೇವಕಾರ್ಯಮಿದಂ ಯತಃ। ಕ್ಲಿಶ್ಯಂತೇ ಪಾಂಡವಾ ನಿತ್ಯಂ ವನವಾಸಾದಿಭಿರ್ಭೃಶಂ॥ 8-92-10 (59540) ಸಂಪನ್ನಸ್ತಪಸಾ ಚೈವ ಪರ್ಯಾಪ್ತಃ ಪುರುಷರ್ಷಭಃ। ಅತಿಕ್ರಾಮೇಚ್ಚ ಮಾಹಾತ್ಂಯಾದ್ದಿಷ್ಟಮಪ್ಯವಿಚಾರಯನ್॥ 8-92-11 (59541) ಅತಿಕ್ರಮೇ ಚ ಲೋಕಾನಾಮಭಾವೋ ನಿಯತೋ ಭವೇತ್। ನಾವಸ್ಥಾನಂ ಚ ಪಶ್ಯಾಮಿ ಕ್ರುದ್ಧಯೋಃ ಕೃಷ್ಣಯೋಃ ಕ್ವಚಿತ್॥ 8-92-12 (59542) ಸ್ರಷ್ಟಾರೌ ಜಗತಶ್ಚೈತೌ ತತಶ್ಚ ಪುರುಷರ್ಷಭೌ। ನರನಾರಾಯಣಾವೇತೌ ಪುರಾಣಾವೃಷಿಸತ್ತಮೌ॥ 8-92-13 (59543) ಅನಿಯಂಯೌ ನಿಯಂತಾರೌ ಜಗತಃ ಪುರುಷರ್ಷಭೌ। [ನೈತಯೋಸ್ತು ಸಮಃ ಕಶ್ಚಿದ್ದಿವಿ ವಾ ಮಾನುಷೇಷು ವಾ॥ 8-92-14 (59544) ಅನುಗಂಯಾಸ್ತ್ರಯೋ ಲೋಕಾಃ ಸಹ ದೇವರ್ಷಿಚಾರಣೈಃ। ಸರ್ವದೇವಗಣಾಶ್ಚಾಪಿ ಸರ್ವಭೂತಾನಿ ಯಾನಿ ಚ। ಅನಯೋಸ್ತು ಪ್ರಭಾವೇನ ವರ್ತತೇ ನಿಖಿಲಂ ಜಗತ್॥] 8-92-15 (59545) ಕಾಮಂ ತು ಸುಕೃತಾಂʼಲ್ಲೋಕಾನಾಪ್ನೋತು ಪುರುಷರ್ಷಭಃ। ಕರ್ಣೋ ವೈಕರ್ತನಃ ಶೂರೋ ವಿಜಯಸ್ತ್ವಸ್ತು ಕೃಷ್ಣಯೋಃ॥ 8-92-16 (59546) ವಸೂನಾಂ ಸಮಲೋಕತ್ವಂ ಮರುತಾಂ ವಾಸಮಾಪ್ನುಯಾತ್। ಸಹಿತೋ ದ್ರೋಣಭೀಷ್ಮಾಭ್ಯಾಂ ನಾಕಪೃಷ್ಠೇ ಮಹೀಯತಾಂ॥ 8-92-17 (59547) `ಕ್ಲೇಶಿತೋ ಹಿ ವನೇ ಪಾರ್ಥೋ ದಿರ್ಘಕಾಲಂ ಪಿತಾಮಹ। ತಸ್ಮಾದೇಷ ಜಯೇದ್ಯುದ್ಧೇ ತಪಸಾಽಭ್ಯಧಿಕೋಽರ್ಜುನಃ॥ 8-92-18 (59548) ಪೂರ್ವಂ ಭಗವತಾ ಪ್ರೋಕ್ತಃ ಕೃಷ್ಣಯೋರ್ವಿಜಯೋ ಧ್ರುವಃ। ತತ್ತಥಾಸ್ತು ನಮಸ್ತೇಽಸ್ತು ಪ್ರಮೋ ಬ್ರೂಹಿ ಪಿತಾಮಹ॥ 8-92-19 (59549) ತತ್ಸಹಸ್ರಾಕ್ಷವಚನಂ ನಿಶಂಯ ಭಗವಾನ್ಪ್ರಭುಃ। ನೋವಾಚ ತಜ್ಜಯಂ ತುಲ್ಯಂ ತಯೋಃ ಕರ್ಣಕಿರೀಟಿನೋಃ॥ 8-92-20 (59550) ತಸ್ಮಾದಾಶಾಂ ಗತಃ ಶಕ್ರಸ್ತೂಷ್ಣೀಂಭೂತೇ ಪಿತಾಮಹೇ। ವಿಜಯಃ ಪಾಂಡವೇಯಸ್ಯ ಕರ್ಣಸ್ಯ ಚ ವಧೋ ಭವೇತ್॥ 8-92-21 (59551) ಬ್ರಹ್ಮೇಶಾನೌ ತತೋ ವಾಕ್ಯಮೂಚತುರ್ಭುವನೇಶ್ವರಂ। ವಿಜಯೋ ಧ್ರುವ ಏವಾಸ್ತು ಪಾಂಡವಸ್ಯ ಮಹಾತ್ಮನಃ॥ 8-92-22 (59552) ಮನಸ್ವೀ ಜಯತಾಂ ಶೂರಃ ಕೃತವಿದ್ಯಸ್ತಪೋಧನಃ। ಬಿಭರ್ತಿ ಚ ಮಹಾತೇಜಾ ಧನುರ್ವೇದಮಶೇಷತಃ॥ 8-92-23 (59553) ಅತಿಕ್ರಾಮೇಚ್ಚ ಮಾಹಾತ್ಂಯಾದ್ದಿಷ್ಟಮಪ್ಯವಿಚಾರಯನ್। ಅತಿಕ್ರಮೇ ಚ ಲೋಕಾನಾಮಭಾವೋ ನಿಯತೋ ಭವೇತ್॥ 8-92-24 (59554) ನ ಚ ವಿದ್ಮ ಹ್ಯವಸ್ಥಾನಂ ಕ್ರುದ್ಧಯೋಃ ಕೃಷ್ಣಯೋಃ ಕ್ವಚಿತ್। ಸ್ರಷ್ಟಾರೌ ಜಗತಶ್ಚೈವ ಸತಶ್ಚ ಪುರುಷರ್ಷಭೌ॥ 8-92-25 (59555) ಕಾಮಂ ತು ಸುಕೃತಾಂʼಲ್ಲೋಕಾನ್ಪ್ರಾಪ್ನೋತ್ವೇಷ ಪರಂತಪಃ। ಕರ್ಣೋ ವೈಕರ್ತನಃ ಶೂರೋ ವಿಜಯಸ್ತು ನರೇ ಧ್ರುವಃ॥ 8-92-26 (59556) ತಥೋಕ್ತೇ ದೇವದೇವಾಭ್ಯಾಂ ಸಹಸ್ರಾಕ್ಷೋಽಬ್ರವೀದ್ವಚಃ। ಆಮಂತ್ರ್ಯ ಸರ್ವಭೂತಾನಿ ಬ್ರಹ್ಮೇಶಾನಾನುಶಾಸನಾತ್॥ 8-92-27 (59557) ಶ್ರುತಂ ಭವದ್ಭಿರ್ಯತ್ಪ್ರೋಕ್ತಂ ಭಗವದ್ಭ್ಯಾಂ ಜಗದ್ಧಿತಂ। ತತ್ತಥಾ ವ್ಯೇತು ತೇ ರೋಗಃ ಶಮಾಪ್ನುತ ವಿಮನ್ಯವಃ॥ 8-92-28 (59558) ಇತಿ ಶ್ರುತ್ವೇಂದ್ರವಚನಂ ಸರ್ವಭೂತಾನಿ ಮಾನಿಷ। ವಿಸ್ಮಿತಾನ್ಯಭವನ್ರಾಜನ್ಪೂಜಯಾಂಚಕ್ರಿರೇ ತದಾ। ನೋಚುಸ್ತದಾ ಜಯಂ ತುಲ್ಯಂ ತಯೋಃ ಪುರುಷಸಿಂಹಯೋಃ॥ 8-92-29 (59559) ವ್ಯಸೃಜಂಶ್ಚ ಸುಗಂಧೀನಿ ಪುಷ್ಪವರ್ಷಾಣಿ ಹರ್ಷಿತಾಃ। ನಾನಾರೂಪಾಣಿ ವಿಬುಧಾ ದೇವತೂರ್ಯಾಣ್ಯವಾದಯನ್॥ 8-92-30 (59560) ದಿದೃಕ್ಷವಶ್ಚಾಪ್ರತಿಮಂ ದ್ವೈರಥಂ ನರಸಿಂಹಯೋಃ। ವಿಸ್ಮಯೋತ್ಫುಲ್ಲನಯನಾ ನಾನ್ಯಾ ಬುಬುಧಿರೇ ಕ್ರಿಯಾಃ॥ ॥ 8-92-31 (59561) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ದ್ವಿನವತಿತಮೋಽಧ್ಯಾಯಃ॥ 92 ॥

8-93-0 (59562) ಸಂಜಯ ಉವಾಚ। 8-93-0x (5055) ರಥೌ ತಯೋಃ ಶ್ವೇತಹಯೌ ದಿವ್ಯೌ ಯುಕ್ತೌ ಮಹಾಸ್ವನೌ। ಸಮಾಸ್ಥಿತೌ ಲೋಕವೀರೌ ಶಂಖಾಂದಧ್ಮುಃ ಪೃಥಕ್ಪೃಥಕಂ। ವಾಸುದೇವಾರ್ಜುನೌ ವೀರೌ ಕರ್ಣಶಲ್ಯೌ ಚ ಭಾರತ॥ 8-93-1 (59563) ತದ್ಭೀರುಸಂತ್ರಾಸಕರಂ ಯುದ್ಧಂ ಸಮಭವತ್ತದಾ। ಅನ್ಯೋನ್ಯಸ್ಪಾಂಧೇನೋರುಗ್ರಂ ಶಕ್ರಶಂಬರಯೋರಿವ॥ 8-93-2 (59564) ತಯೋರ್ಧ್ವಜೌ ಹಿ ವಿಮಲೌ ಶುಶುಭಾತೇ ರಥೇ ಸ್ಥಿತೌ। ರಾಹುಕೇತೂ ಯಥಾಽಽಕಾಶೇ ಉದಿತೌ ಜಗತಃ ಕ್ಷಯೇ॥ 8-93-3 (59565) ಕರ್ಣಸ್ಯಾಶೀವಿಷನಿಭಾ ರತ್ನಸಾರಮಯೀ ದೃಢ಼ಾ। ಪುರಂದರಧನುಃ ಪ್ರಖ್ಯಾ ಹಸ್ತಿಕಕ್ಷ್ಯಾ ವಿರಾಜತೇ॥ 8-93-4 (59566) ಕಪಿಶ್ರೇಷ್ಠಸ್ತು ಪಾರ್ಥಸ್ಯ ವ್ಯಾದಿತಾಸ್ಯ ಇವಾಂತಕಃ। ದಂಷ್ಟ್ರಾಭಿರ್ಭೀಷಯನ್ಭಾಭಿರ್ದುರ್ನಿರೀಕ್ಷ್ಯೋ ರವಿರ್ಯಥಾ॥ 8-93-5 (59567) ಯುದ್ಧಾಭಿಲಾಷುಕೋ ಭೂತ್ವಾ ಧ್ವಜೋ ಗಾಂಡೀವಧನ್ವನಃ। ಕರ್ಣಧ್ವಜಮುಪಾತಿಷ್ಠತ್ಸ್ವಸ್ಥಾನಾದ್ವೇಗವಾನ್ಕಪಿಃ॥ 8-93-6 (59568) ಉತ್ಪತ್ಯ ಚ ಮಹಾವೇಗಃ ಕಕ್ಷ್ಯಾಮಭ್ಯಾಹನತ್ತದಾ। ನಖೈಶ್ಚ ದಶನೈಶ್ಚೈವ ಗರುಡಃ ಪನ್ನಗಂ ಯಥಾ॥ 8-93-7 (59569) ಸಾ ಕಿಂಕಿಣೀಕಾಭರಣಾ ಕಾಲಪಾಶೋಪಮಾ ತದಾ। ಅಭ್ಯದ್ರವತ್ಸುಸಂರಬ್ಧಾ ಹಸ್ತಿಕಕ್ಷ್ಯಾಽಥ ತಂ ಕಪಿಂ॥ 8-93-8 (59570) ತಯೋರ್ಘೋರತರೇ ಯುದ್ಧೇ ದ್ವೈರಥೇ ದ್ಯೂತ ಆಹಿತೇ। ಪ್ರಾಕುರ್ವತಾಂ ಧ್ವಜೌ ಯುದ್ಧಂ ಪೂರ್ವಂ ಪೂರ್ವತರಂ ತದಾ॥ 8-93-9 (59571) ಹಯಾ ಹಯಾನಭ್ಯಹೇಷನ್ಸ್ಪರ್ಧಮಾನಾಃ ಪರಸ್ಪರಂ। ಅವಿಧ್ಯತ್ಪುಂಡರೀಕಾಕ್ಷಃ ಶಲ್ಯಂ ನಯನಸಾಯಕೈಃ। ಶಲ್ಯಶ್ಚ ಪುಂಡರೀಕಾಕ್ಷಂ ತಥೈವಾಭಿಸಮೈಕ್ಷತ॥ 8-93-10 (59572) ತತ್ರಾಜಯದ್ವಾಸುದೇವಃ ಶಲ್ಯಂ ನಯನಸಾಯಕೈಃ। ಕರ್ಣಂ ಚಾಪ್ಯಜಯದೃಷ್ಟ್ಯಾ ಕುಂತೀಪುತ್ರೋ ಧನಂಜಯಃ॥ 8-93-11 (59573) ಅಯಾಬ್ರವೀತ್ಸೂತಪುತ್ರಃ ಶಲ್ಯಮಾಭಾಷ್ಯ ಸಸ್ಮಿತಂ॥ 8-93-12 (59574) ಯದಿ ಪಾರ್ಥೋ ರಣೇ ಹನ್ಯಾದದ್ಯ ಮಾಮಿಹ ಕರ್ಹಿಚಿತ್। ಕಿಂ ಕರಿಷ್ಯಸಿ ಸಂಘಾಮೇ ಶಲ್ಯ ಸತ್ಯಮಥೋಚ್ಯತಾಂ॥ 8-93-13 (59575) ಶಲ್ಯ ಉವಾಚ। 8-93-14x (5056) ಯದಿ ಕರ್ಣ ರಣೇ ಹನ್ಯಾದದ್ಯ ತ್ವಾಂ ಶ್ವೇತವಾಹನಃ। ಉಭಾವೇಕರಯೇನಾಹಂ ಹನ್ಯಾಂ ಮಾಧವಪಾಂಡವೌ॥ 8-93-14 (59576) ಸಂಜಯ ಉವಾಚ। 8-93-15x (5057) ಏವಮೇವ ತು ಗೋವಿಂದಮರ್ಜುನಃ ಪ್ರತ್ಯಭಾಷತ। ತಂ ಪ್ರಹಸ್ಯಾಬ್ರವೀತ್ಕೃಷ್ಣಃ ಪಾರ್ಥಂ ಪರಮಿದಂ ವಚಃ॥ 8-93-15 (59577) ಪತೇದ್ದಿವಾಕರಃ ಸ್ಥಾನಾಚ್ಛೀರ್ಯೇದ್ಭೂಮಿರನೇಕಧಾ। ಶೈಲ್ಯಮಗ್ನಿರಿಯಾನ್ನ ತ್ವಾಂ ಹನ್ಯಾತ್ಕಾರ್ಣೋ ಧನಂಜಯ॥ 8-93-16 (59578) ಯದಿ ಚೈತತ್ಕಥಂಚಿತ್ಸ್ಯಾಲ್ಲೋಕಪರ್ಯಸನಂ ಭವೇತ್। ಹನ್ಯಾಂ ಕರ್ಣಂ ತಥಾ ಶಲ್ಯಂ ಬಾಹುಭ್ಯಾಮೇವ ಸಂಯುಗೇ॥ 8-93-17 (59579) ಇತಿ ಕೃಷ್ಣವಚಃ ಶ್ರುತ್ವಾ ಪ್ರಹಸನ್ಕಪಿಕೇತನಃ। ಅರ್ಜುನಃ ಪ್ರತ್ಯುವಾಚೇದಂ ಕೃಷ್ಣಮಕ್ಲಿಷ್ಟಕಾರಿಣಂ॥ 8-93-18 (59580) ಮಮ ತಾವದಪರ್ಯಾಪ್ತೌ ಕರ್ಣಶಲ್ಯೌ ಜನಾರ್ದನ। ಸಪತಾಕಧ್ವಜಂ ಕರ್ಣಂ ಸಶಲ್ಯರಥವಾಜಿನಂ॥ 8-93-19 (59581) ಸಚ್ಛತ್ರಕವಚಂ ಚೈವ ಸಶಕ್ತಿಶರಕಾರ್ಮುಕಂ। ದ್ರಷ್ಟಾಽಸ್ಯದ್ಯ ರಣೇ ಕೃಷ್ಣ ಶರೈಶ್ಛಿನ್ನಮನೇಕಧಾ॥ 8-93-20 (59582) ಅದ್ಯೈವ ಸರಥಂ ಸಾಶ್ವಂ ಸಶಕ್ತಿಕವಚಾಯುಧಂ। ಸಂಚೂರ್ಣಿತಮಿವಾರಣ್ಯೇ ವೃಕ್ಷಂ ಪಶ್ಯಾದ್ಯ ದಂತಿನಾ॥ 8-93-21 (59583) ಅದ್ಯ ರಾಧೇಯಭಾರ್ಯಾಣಾಂ ವೈಧವ್ಯಂ ಸಮುಪಸ್ಥಿತಂ। ಧ್ರುವಂ ಸ್ವಪ್ನೇಷ್ವನಿಷ್ಟಾನಿ ತಾಭಿರ್ದೃಷ್ಟಾನಿ ಮಾಧವ॥ 8-93-22 (59584) ದ್ರಷ್ಟಾಸಿ ಧ್ರುವಮದ್ಯೈವ ವಿಧವಾಃ ಕರ್ಣಯೋಷಿತಃ। ನ ಹಿ ಮೇ ಶಾಂಯತೇ ಮನ್ಯುರ್ಯದನೇನ ಪುರಾ ಕೃತಂ॥ 8-93-23 (59585) ಕೃಷ್ಣಾಂ ಸಭಾಗತಾಂ ದೃಷ್ಟ್ವಾ ಮೂಢೇನಾದೀರ್ಘದರ್ಶಿನಾ। ಅಸ್ಮಾಂಸ್ತಥಾಽವಹಸತಾ ಕ್ಷಿಪತಾ ಚ ಪುನಃಪುನಃ॥ 8-93-24 (59586) ಅದ್ಯ ದ್ರಷ್ಟಾಸಿ ಗೋವಿಂದ ಕರ್ಣಮುನ್ಮಥಿತಂ ಮಯಾ। ವಾರಣೇನೇವ ಮತ್ತೇನ ಪುಷ್ಪಿತಂ ಗಜತೀರುಹಂ॥ 8-93-25 (59587) ಅದ್ಯ ತಾ ಮಧುರಾ ವಾಚಃ ಶ್ರೋತಾಸಿ ಮಧುಸೂದನ। ದಿಷ್ಟ್ಯಾ ಜಯಸಿ ವಾರ್ಷ್ಣೇಯ ಇತಿ ಕರ್ಣೇ ನಿಪಾತಿತೇ॥ 8-93-26 (59588) ಅದ್ಯಾಭಿಮನ್ಯುಜನನೀಂ ಪ್ರಹೃಷ್ಟಃ ಸಾಂತ್ವಯಿಷ್ಯಸಿ। ಕುಂತೀಂ ಪಿತೃಷ್ವಸಾರಂ ಚ ಪ್ರಹೃಷ್ಟಃ ಸನ್ ಜನಾರ್ದನ॥ 8-93-27 (59589) ಅದ್ಯ ಬಾಷ್ಪಮುಖೀಂ ಕೃಷ್ಣಾಂ ಸಾಂತ್ವಯಿಷ್ಯಸಿ ಮಾಧವ। ವಾಗ್ಭಿಶ್ಚಾಮೃತಕಲ್ಪಾಭಿರ್ಧರ್ಮರಾಜಂ ಚ ಪಾಂಡವಂ॥ ॥ 8-93-28 (59590) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ತ್ರಿನವತಿತಮೋಽಧ್ಯಾಯಃ॥ 93 ॥

8-94-0 (59591) ಸಂಜಯ ಉವಾಚ। 8-94-0x (5058) ತದ್ದೇತನಾಗಾಸುರಸಿದ್ಧಯಕ್ಷೈ-- ರ್ಗಂಧರ್ವರಕ್ಷೋಪ್ಸರಸಾಂ ಚ ಸಂಘೈಃ। ಬ್ರಹ್ಮರ್ಷಿರಾಜರ್ಷಿಸುಪರ್ಣಜುಷ್ಟಂ ಬಭೌ ವಿಯದ್ವಿಸ್ಮಯನೀಯರೂಪಂ॥ 8-94-1 (59592) ನಾನದ್ಯಮಾನಂ ನಿನದೈರ್ಮನೋಜ್ಞೈ-- ರ್ವಾದಿತ್ರಗೀತಸ್ತುತಿನೃತ್ಯಹಾಸೈಃ। ಸರ್ವೇಽಂತರಿಕ್ಷಂ ದದೃಶುರ್ಮನುಷ್ಯಾಃ ಖಸ್ಥಾಶ್ಚ ತದ್ವಿಸ್ಮಯನೀಯರೂಪಂ॥ 8-94-2 (59593) ತತಃ ಪ್ರಹೃಷ್ಟಾಃ ಕುರುಪಾಂಡುಯೋಧಾ ವಾದಿತ್ರಶಂಖಸ್ವನಸಿಂಹನಾದೈಃ। ವಿನಾದಯಂತೋ ವಸುಧಾಂ ದಿಶಶ್ಚ ಸ್ವನೇನ ಸರ್ವಾಂದ್ವಿಷತೋ ನಿಜಘ್ನುಃ॥ 8-94-3 (59594) ನರಾಶ್ವಮಾತಂಗರಥೈಃ ಸಮಾಕುಲಂ ಶರಾಸಿಶಕ್ತ್ಯೃಷ್ಟಿನಿಪಾತದುಃಸಹಂ। ಅಭೀರುಜುಷ್ಟಂ ಹತದೇಹಸಂಕುಲಂ ರಣಾಜಿರಂ ಲೋಹಿತಮಾಬಭೌ ತದಾ॥ 8-94-4 (59595) [ಬಭೂವ ಯುದ್ಧಂ ಕುರುಪಾಂಡವಾನಾಂ ಯಥಾ ಸುರಾಣಾಮಸುರೈಃ ಸಹಾಭವತ್।] ತಥಾ ಪ್ರವೃತೇ ತುಮುಲೇ ಸುದಾರುಣೇ ಧನಂಜಯಶ್ಚಾಧಿರಥಿಶ್ಚ ಸಾಯಕೈಃ। ದಿಶಶ್ಚ ಸೈನ್ಯಂ ಚ ಶಿತೈರಜಿಹ್ಮಗೈಃ ಪರಸ್ಪರಂ ಪ್ರಾವೃಣುತಾಂ ಸುದಂಶಿತೌ॥ 8-94-5 (59596) ತತಸ್ತ್ವದೀಯಾಶ್ಚ ಪರೇ ಚ ಸಾಯಕೈಃ ಕೃತೇಽಂಧಕಾರೇ ದದೃಶುರ್ನ ಕಿಂಚನ। ಭಯಾತುರಾ ಏಕರಥೌ ಸಮಾಶ್ರಯಂ-- ಸ್ತತೋಽಭವತ್ತ್ವದ್ಭುತಮೇವ ಸರ್ವತಃ॥ 8-94-6 (59597) ತತೋಽಸ್ತ್ರಮಸ್ತ್ರೇಣ ಪರಸ್ಪರಂ ತೌ ವಿಧೂಯ ವಾತಾವಿವ ಪೂರ್ವಪಶ್ಚಿಮೌ। ಘನಾಂಧಕಾರೇ ವಿತತೇ ತಮೋನುದೌ ಯಥೋದಿತೌ ತದ್ವದತೀವ ರೇಜತುಃ॥ 8-94-7 (59598) ನ ಚಾಭಿಸರ್ತವ್ಯಮಿತಿ ಪ್ರಚೋದಿತಾಃ ಪರೇ ತ್ವದೀಯಾಶ್ಚ ತಥಾಽವತಸ್ಥಿರೇ। ಮಹಾರಥೌ ತೌ ಪರಿವಾರ್ಯ ಸರ್ವತಃ ಸುರಾಸುರಾಃ ಶಂಬರವಾಸವಾವಿವ॥ 8-94-8 (59599) ಮೃದಂಗಭೇರೀಪಣವಾನಕಸ್ವನೈ-- ರ್ನಿನಾದಿತೇ ವಾಹನಶಂಖನಿಸ್ವನೈಃ। ತೌ ಸಿಂಹನಾದೈರ್ಬಭತುರ್ನರೋತ್ತಮೌ ಪತಂಗಚಂದ್ರಾವಿವ ದುಃಸಹಾವುಭೌ॥ 8-94-9 (59600) ಮಹಾಧನುರ್ಮಂಡುಲಮಧ್ಯಗಾವುಭೌ ಸುವರ್ಚಸೌ ಬಾಣಸಹಸ್ರದೀಧಿತೀ। ದಿಧಕ್ಷಮಾಣೌ ಸಚರಾಚರಂ ಜಗ-- ದ್ಯುಗಾಂತಸೂರ್ಯಾವಿವ ದುಃಸಹೌ ರಣೇ॥ 8-94-10 (59601) ಉಭಾವಜೇಯಾವಹಿತಾಂತಕಾವುಭಾ-- ವುಭೌ ಜಿಘಾಂಸೂ ಕೃತಿನೌ ಪರಸ್ಪರಂ। ಮಹಾಹವೇ ವೀತಭಯೌ ಸಮೀಯತು-- ರ್ಮಹೇಂದ್ರಜಂಭಾವಿವ ಕರ್ಣಪಾಂಡವೌ॥ 8-94-11 (59602) ತತೋ ಮಹಾಸ್ತ್ರಾಣಿ ಮಹಾಧನುರ್ಧರೌ ವಿಮುಂಚಮಾನಾವಿಷುಭಿರ್ಭಯಾನಕೈಃ। ನರಾಶ್ವನಾಗಾನಮಿತಾನ್ನಿಜಘ್ನತುಃ ಪರಸ್ಪರಂ ಚಾಪಿ ಮಹಾರಥೌ ನೃಪ॥ 8-94-12 (59603) ತತೋ ವಿಸಸ್ರುಃ ಪುನರರ್ದಿತಾ ನರಾ ನರೋತ್ತಮಾಭ್ಯಾಂ ಕುರುಪಾಂಡವಾಶ್ರಯಾಃ। ಸನಾಗಪತ್ತ್ಯಶ್ವರಥಾ ದಿಶೋ ದ್ರುತಾ-- ಸ್ತಥಾ ಯಥಾ ಸಿಂಹಹತಾ ವನೌಕಸಃ॥ 8-94-13 (59604) ತತಸ್ತು ದುರ್ಯೋಧನಭೋಜಸೌಬಲಾಃ ಕೃಪೋ ಗುರೋಶ್ಚಾಪಿ ಸುತೋ ಮಹಾಹವೇ। ಮಹಾರಥಾಃ ಪಂಚ ಧನಂಜಯಾಚ್ಯುತೌ ಶರೈಃ ಶರೀರಾರ್ತಿಕರೈರತಾಡಯನ್॥ 8-94-14 (59605) ಧನೂಂಷಿ ತೇಷಾಮಿಷುಧೀಂಧ್ವಜಾನ್ಹಯಾ-- ನ್ರಥಾಂಶ್ಚ ಸೂತಾಂಶ್ಚ ಧನಂಜಯಃ ಶರೈಃ। ಸಮಂ ಪ್ರಮಧ್ಯಾಶು ಪರಾನ್ಸಮಂತತಃ ಶರೋತ್ತಮೈರ್ದ್ವಾದಶಭಿನ್ನ ಸೂತಜಂ॥ 8-94-15 (59606) ಅಥಾಭ್ಯಧಾವಂಸ್ತ್ವರಿತಾಃ ಶತಂ ರಥಾಃ ಶತಂ ಗಜಾಶ್ಚಾರ್ಜುನಮಾತತಾಯಿನಃ। ಶಕಾಸ್ತುಷಾರಾ ಯವನಾಶ್ಚ ಸಾದಿನಃ ಸಹೈವ ಕಾಂಭೋಜವರೈರ್ಜಿಘಾಂಸವಃ॥ 8-94-16 (59607) ವರಾಯುಧಾನ್ಪಾಣಿಗತೈಃ ಶರೈಃ ಸಹ ಕ್ಷುರೈರ್ನ್ಯಕೃಂತತ್ಪ್ರಪತಞ್ಶಿರಾಂಸಿ ಚ। ಹಯಾಂಶ್ಚ ನಾಗಾಂಶ್ಚ ರಥಾಂಶ್ಚ ಯುಧ್ಯತೋ ಧನಂಜಯಋ ಶತ್ರುಗಣಾನ್ಕ್ಷಿತೌ ಕ್ಷಿಣೌತ್॥ 8-94-17 (59608) ತತೋಽಂತರಿಕ್ಷೇ ಸುರತೂರ್ಯನಿಃಸ್ವನಾಃ ಸಸಾಧುವಾದಾ ಹೃಷಿತೈಃ ಸಮೀರಿತಾಃ। ನಿಪೇತುರಪ್ಯುತ್ತಮಪುಷ್ಪವೃಷ್ಟಯಃ ಸುರೂಪಗಂಧಾಃ ಪವನೇರಿತಾಃ ಶುಭಾಃ॥ 8-94-18 (59609) ತದದ್ಭುತಂ ದೇವಮನುಷ್ಯಸಾಕ್ಷಿಕಂ ಸಮೀಕ್ಷ್ಯ ಭೂತಾನಿ ವಿಸಿಸ್ಮಿಯುಸ್ತದಾ। ತವಾತ್ಮಜಃ ಸೂತಸುತಶ್ಚ ನ ವ್ಯಥಾಂ ನ ವಿಸ್ಮಯಂ ಜಗ್ಮತುರೇಕನಿಶ್ಚಯೌ॥ 8-94-19 (59610) ಅಥಾಬ್ರವೀದ್ದ್ರೋಣಸುತಸ್ತವಾತ್ಮಜಂ ಕರಂ ಕರೇಣ ಪ್ರತಿಪೀಡ್ಯ ಸಾಂತ್ವಯನ್। ಪ್ರಸೀದ ದುರ್ಯೋಧನ ಶಾಂಯ ಪಾಂಡವೈ-- ರಲಂ ವಿರೋಧೇನ ಧಿಗಸ್ತು ವಿಗ್ರಹಂ॥ 8-94-20 (59611) ಹತೋ ಗುರುರ್ಬ್ರಹ್ಮಸಮೋ ಮಹಾಸ್ತ್ರವಿ-- ತ್ತಥೈವ ಭೀಷ್ಮಪ್ರಮುಖಾ ಮಹಾರಥಾಃ। ಅಹಂ ತ್ವವಧ್ಯೋ ಮಮ ಚಾಪಿ ಮಾತುಲಃ ಪ್ರಶಾಧಿ ರಾಜ್ಯಂ ಸಹ ಪಾಂಡವೈಶ್ಚಿರಂ॥ 8-94-21 (59612) ಧನಂಜಯಃ ಸ್ಯಾಸ್ಯತಿ ವಾರಿತೋ ಮಯಾ ಜನಾರ್ದನೋ ನೈವ ವಿರೋಧಮಿಚ್ಛತಿ। ಯುಧಿಷ್ಠಿರೋ ಭೂತಹಿತೇ ರತಃ ಸದಾ ವೃಕೋದರಸ್ತದ್ವಶಗಸ್ತಥಾ ಯಮೌ॥ 8-94-22 (59613) ತ್ವಯಾ ತು ಪಾರ್ಥೈಶ್ಚ ಕೃತೇ ಚ ಸಂವಿದೇ ಪ್ರಜಾಃ ಶಿವಂ ಪ್ರಾಪ್ನುಯುರಿಚ್ಛಯಾ ತವ। ವ್ರಜಂತು ಶೇಷಾಃ ಸ್ವಪುರಾಣಿ ಪಾರ್ಥಿವಾ ನಿವೃತ್ತವೈರಾಶ್ಚ ಭವಂತು ಸೈನಿಕಾಃ। ನ ಚೇದ್ವಚಃ ಶ್ರೋಷ್ಯಸಿ ಮೇ ನರಾಧಿಪ ಧ್ರುವಂ ಹಿ ತಪ್ತೋಽಸಿ ಹತೋಽರಿಭಿರ್ಯುಧಿ॥ 8-94-23 (59614) ವೃದ್ಧಂ ಪಿತರಮಾಲೋಕ್ಯ ಗಾಂಧಾರೀಂ ಚ ಯಶಸ್ವಿನೀಂ। ಕೃಪಾಲುರ್ಧರ್ಮರಾಜೋ ಹಿ ಯಾಚಿತಃ ಶಮಮೇಷ್ಯತಿ॥ 8-94-24 (59615) ಯಥೋಚಿತಂ ಚ ವೈ ರಾಜ್ಯಮನುಜ್ಞಾಸ್ಯತಿ ತೇ ಪ್ರಭುಃ। ವಿಪಶ್ಚಿತ್ಸುಮತಿರ್ವೀರಃ ಸರ್ವಶಾಸ್ತ್ರಾರ್ಥತತ್ತ್ವವಿತ್॥ 8-94-25 (59616) ವೈರಂ ನೇಷ್ಯತಿ ಧರ್ಮಾತ್ಮಾ ಸ್ವಜನೇ ನಾಸ್ತ್ಯತಿಕ್ರಮಃ। ನ ವಿಗ್ರಹಮತಿಃ ಕೃಷ್ಣಾ ಸ್ವಜನೇ ಪ್ರತಿನಂದತಿ॥ 8-94-26 (59617) ಭೀಮಸೇನಾರ್ಜುನೌ ಚೋಭೌ ಮಾದ್ರೀಪುತ್ರೌ ಚ ಪಾಂಡವೌ। ವಾಸುದೇವಮತೇ ಚೈವ ಪಾಂಡವಸ್ಯ ಚ ಧೀಮತಃ। ಸ್ಥಾಸ್ಯಂತಿ ಪುರುಷವ್ಯಾಘ್ರಾಸ್ತಯೋರ್ವಚನಗೌರವಾತ್॥ 8-94-27 (59618) ರಕ್ಷ ದುರ್ಯೋಧನಾತ್ಮಾನಮಾತ್ಮಾ ಸರ್ವಸ್ಯ ಭಾಜನಂ। ಜೀವನೇ ಯತ್ನಮಾತಿಷ್ಠ ಜೀವನ್ಭದ್ರಾಣಿ ಪಶ್ಯತಿ॥ 8-94-28 (59619) ರಾಜ್ಯಂ ಶ್ರೀಶ್ಚೈವ ಭದ್ರಂ ತೇ ಜೀವಮಾನೇ ಚ ಕಲ್ಪತೇ। ಮೃತಸ್ಯ ತು ಖಲು ಕೌರವ್ಯ ನೈವ ರಾಜ್ಯಂ ಕುತಃ ಸುಖಂ॥ 8-94-29 (59620) ಲೋಕವೃತ್ತಮಿದಂ ವೃತ್ತಂ ಪ್ರವೃತ್ತಂ ಪಶ್ಯ ಭಾರತ। ಶಾಂಯ ತ್ವಂ ಪಾಂಡವೈಃ ಸಾರ್ಧಂ ಶೇಷಂ ರಕ್ಷ ಕುಲಸ್ಯ ಚ॥ 8-94-30 (59621) ಮಾ ಭೂತ್ಸ ಕಾಲಃ ಕೌರವ್ಯ ಯದಾಽಹಮಹಿತಂ ವಚಃ। ಬ್ರೂಯಾಂ ಕಾಮಂ ಮಹಾಬಾಹೋ ಮಾಽವಮಂಸ್ಥಾ ವಚೋ ಮಮ॥ 8-94-31 (59622) ಧರ್ಮಿಷ್ಠಮಿದಮತ್ಯರ್ಥಂ ರಾಜ್ಞಶ್ಚೈವ ಕುಲಸ್ಯ ಚ। ಏತದ್ಧಿ ಪರಮಂ ಶ್ರೇಯಃ ಕುರುವಂಶಸ್ಯ ವೃದ್ಧಯೇ। ಪ್ರಯಾಹಿ ತಂ ಚ ಗಾಂಧಾರೇ ಕುಲಸ್ಯ ಚ ಸುಖಾವಹಂ॥ 8-94-32 (59623) ಪಥ್ಯಮಾಯತಿಸಂಯುಕ್ತಂ ಕರ್ಣೋಽಪ್ಯರ್ಜುನಮಾಹವೇ। ನ ಜೇಷ್ಯತಿ ನರವ್ಯಾಘ್ರ ಇತಿ ಮೇ ನಿಶ್ಚಿತಾ ಮತಿಃ॥ 8-94-33 (59624) ರೋಚತಾಂ ತೇ ನರಶ್ರೇಷ್ಠ ಮಮೈತದ್ವಚನಂ ಶುಭಂ। ಅತೋಽನ್ಯಥಾ ಹಿ ರಾಜೇಂದ್ರ ವಿನಾಶಃ ಸುಮಹಾನ್ಭವೇತ್॥ 8-94-34 (59625) ಇದಂ ಚ ದೃಷ್ಟಂ ಜಗತಾ ಸಹ ತ್ವಯಾ ಕೃತಂ ಯದೇಕೇನ ಕಿರೀಟಮಾಲಿನಾ। ಯಥಾ ನ ಕುರ್ಯಾದ್ಬಲಭಿನ್ನ ಚಾಂತಕೋ ನ ಚ ಪ್ರಚೇತಾ ಭಗವಾನ್ನ ಯಕ್ಷರಾಟ್॥ 8-94-35 (59626) ಅತೋಽಪಿ ಭೂಯಾನ್ಸ್ವಗುಣೈರ್ಧನಂಜಯೋ ನ ಚಾತಿವರ್ತಿಷ್ಯತಿ ಮೇ ವಚೋಽಖಿಲಂ। ತವಾನುಯಾತ್ರಾಂ ಚ ಸದಾ ಕರಿಷ್ಯತಿ ಪ್ರಸೀದ ರಾಜೇಂದ್ರ ಶಮಂ ತ್ವಮಾಪ್ನುಹಿ॥ 8-94-36 (59627) ಮಮಾಭಿಮಾನಃ ಪರಮಃ ಸದಾ ತ್ವಯಿ ಬ್ರವೀಂಯತಸ್ತ್ವಾಂ ಪರಮಾಚ್ಚ ಸೌಹೃದಾತ್। ನಿವಾರಯಿಷ್ಯಾಮಿ ಚ ಕರ್ಣಮಾಹವೇ ಮಹಾನ್ಹಿ ಮೇಽಸ್ತಿ ಪ್ರಣಯೋಽಥ ಸೂತಜೇ॥ 8-94-37 (59628) ವದಂತಿ ಮೈತ್ರೀಂ ಸಹಜಾಂ ವಿಚಕ್ಷಣಾ-- ಸ್ತಥೈವ ಸಾಂನಾ ಚ ಧನೇನ ಚಾರ್ಜಿತಾಂ। ಪ್ರತಾಪತಶ್ಚೋಪನತಾಂ ಚತುರ್ವಿಧಾಂ ತದಸ್ತಿ ಸರ್ವಂ ತವ ಪಾಂಡವೇಷು॥ 8-94-38 (59629) ನಿಸರ್ಗತಸ್ತೇ ತವ ವೀರ ಬಾಂಧವಾಃ ಪುನಶ್ಚ ಸಾಂನಾ ಹಿತಮಾಪ್ನುಯುಃ ಪ್ರಭೋ। ತ್ವಯಿ ಪ್ರಸನ್ನೇ ಯದಿ ಮಿತ್ರತಾಂ ಗತೇ ಹಿತಂ ಕೃತಂ ಸ್ಯಾಜ್ಜಗತಸ್ತ್ವಯಾಽತುಲಂ॥ 8-94-39 (59630) ಇತೀದಮುಕ್ತಃ ಸುಹೃದಾ ವಚೋ ಹಿತಂ ವಿಚಿಂತ್ಯ ನಿಃಶ್ವಸ್ಯ ಚ ದುರ್ಮನಾಽಬ್ರವೀತ್। ಯಥಾ ಭವಾನಾಹ ಸಖೇ ತಥೈವ ತ-- ನ್ಮಮಾಪಿ ವಿಜ್ಞಾಪಯತೋ ವಚಃ ಶೃಣು॥ 8-94-40 (59631) ನಿಹತ್ಯ ದುಃಶಾಸನಮುಕ್ತವಾನ್ಬಹು ಪ್ರಹಸ್ಯ ಶಾರ್ದೂಲವದೇಷ ದುರ್ಮತಿಃ। ವೃಕೋದರಸ್ತದ್ವೃದಯೇ ಮಮ ಸ್ಥಿತಂ ನ ತತ್ಪರೋಕ್ಷಂ ಭವತಃ ಕುತಃ ಶಮಃ॥ 8-94-41 (59632) ನ ಚಾಪಿ ಕರ್ಣಂ ಪ್ರಸಹೇದ್ರಣೇಽರ್ಜುನೋ ಮಹಾಗಿರಿಂ ಮೇರುಮಿವೋಗ್ರಮಾರುತಃ। ನ ಚಾಶ್ವಸಿಷ್ಯಂತಿ ಪೃಥಾತ್ಮಜಾ ಮಯಿ ಪ್ರಸಹ್ಯ ವೈರಂ ಬಹುಶೋ ವಿಚಿಂತ್ಯ॥ 8-94-42 (59633) ನ ಚಾಪಿ ಕರ್ಣಂ ಗುರುಪುತ್ರ ಸಂಯುಗಾ-- ದುಪಾರಮೇತ್ಯರ್ಹಸಿ ವೀರ ಭಾಷಿತುಂ। ಶ್ರಮೇಣ ಯುಕ್ತೋ ಮಹತಾದ್ಯ ಫಲ್ಗುನ-- ಸ್ತಮೇಷ ಕರ್ಣಃ ಪ್ರಸಭಂ ಹನಿಷ್ಯತಿ॥ 8-94-43 (59634) `ವಸುಂಧರಾಯಾಃ ಪರಿವರ್ತನಂ ಭವೇ-- ದ್ವ್ರಜೇಚ್ಚ ಶೋಷಂ ಮಕರಾಲಯೋಽರ್ಣವಃ। ಪ್ಲವೇಯುರಪ್ಯದ್ರಿವರಾ ಮಹಾಂಬುಧೌ ನ ಚಾರ್ಜುನೋ ಜೇಷ್ಯತಿ ಕರ್ಣಮಾಹವೇ॥ 8-94-44 (59635) ಅಪಾಂ ಪೃಥಿವ್ಯಾ ನಭಸೋ ನಭಸ್ವತಃ ಸುತಿಗ್ಮದೀಪ್ತೇಶ್ಚ ಹಿರಣ್ಯರೇತಸಃ। ಅಭಾವ ಏಷಾಮಪಿ ಸರ್ವತೋ ಭವೇ-- ನ್ನ ಚಾರ್ಜುನೋ ಜೇಷ್ಯತಿ ಕರ್ಣಮಾಹವೇ'॥ 8-94-45 (59636) ತಮೇವಮುಕ್ತ್ವಾಽಪ್ಯನುನೀಯ ಚಾಸಕೃ-- ತ್ತವಾತ್ಮಜಃ ಸ್ವಾನನುಶಾಸ್ತಿ ಸೈನಿಕಾನ್। ದ್ರುತಂ ಘ್ನತಾಭಿದ್ರವತಾಹಿತಾನಿಮಾ-- ನಹೀನಸತ್ವಾಃ ಕಿಮು ಜೋಷಮಾಸತೇ॥ ॥ 8-94-46 (59637) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಚತುರ್ನವತಿತಮೋಽಧ್ಯಾಯಃ॥ 94 ॥

8-95-0 (59638) ಸಂಜಯ ಉವಾಚ। 8-95-0x (5059) ತೌ ಶಂಖಭೇರೀನಿನದೇ ಸಮೃದ್ಧೇ ಸಮೀಯತುಃ ಶ್ವೇತಹಯೌ ನರಾಗ್ರ್ಯೌ। ವೈಕರ್ತನಃ ಸೂತಪುತ್ರೋಽರ್ಜುನಶ್ಚ ದುರ್ಮಂತ್ರಿತೇ ತೇ ಸಸುತಸ್ಯ ರಾಜನ್॥ 8-95-1 (59639) `ಆಶೀವಿಷಾವಗ್ನಿಮಿವೋತ್ಸೃಜಂತೌ ತಥಾ ಮುಖಾಭ್ಯಾಮಭಿನಿಃ ಶ್ವಸಂತೌ। ಯಶಸ್ವಿನೌ ಜಜ್ವಲತುರ್ಮೃಧೇ ತದಾ ಘೃತಾವಸಿಕ್ತಾವಿವ ಹವ್ಯವಾಹೌ'॥ 8-95-2 (59640) ಯಥಾ ಗಜೌ ಹೈಮವತೌ ಪ್ರಭಿನ್ನೌ ಪ್ರವೃದ್ಧದಂತಾವಿವ ವಾಸಿತಾರ್ಥೇ। ತಥಾ ಸಮಾಜಗ್ಮತುರುಗ್ರವೀರ್ಯೌ ಧನಂಜಯಶ್ಚಾಧಿರಥಿಶ್ಚ ವೀರೌ॥ 8-95-3 (59641) ಬಲಾಹಕೇನೇವ ಮಹಾಬಲಾಹಕೋ ಯದೃಚ್ಛಯಾ ವಾ ಗಿರಿಣಾ ಯಥಾ ಗಿರಿಃ। ತಥಾ ಧನುರ್ಜ್ಯಾತಲನೇಮಿನಿಃಸ್ವನೌ ಸಮೀಯತುಸ್ತಾವಿಷುವರ್ಷವರ್ಷಿಣೌ॥ 8-95-4 (59642) ಶರಾಸ್ತ್ರಶಕ್ತ್ಯೃಷ್ಟಿಗದಾಸಿಸರ್ಪೌ ರೋಷಾನಿಲೋದ್ವೂತಮಹೋರ್ಮಿಮಾಲೌ। ಯಥಾಽಚಲೌ ದ್ವೌ ಚಲತಸ್ತಥಾ ತೌ ಯಥಾಽರ್ಣವೌ ಚಾಶು ಚತುರ್ಯುಗಾಂತೇ'॥ 8-95-5 (59643) ಪ್ರವೃದ್ಧಶೃಂಗದ್ರುಮವೀರುದೋಷಧೀ ಪ್ರವೃದ್ವನಾನಾವಿಧನಿರ್ಝರೌಘೌ। ಯಥಾಽಚಲೌ ವಾ ಚಲಿತೌ ಮಹಾಜಲೈ-- ಸ್ತಥಾ ಮಹಾಸ್ತ್ರೈರಿತರೇತರಂ ಹತಃ॥ 8-95-6 (59644) ಸ ಸನ್ನಿಪಾತೋ ರಥಯೋರ್ಮಹಾನಭೂ-- ತ್ಸುರೇಶವೈರೋಚನಯೋರ್ಯಥಾ ಪುರಾ। ಶರೈರ್ವಿನುನ್ನಾಶ್ವನಿಯಂತೃದೇಹಯೋಃ ಸುದುಃಸಹಾಸ್ತ್ರೈಃ ಪರಿಭಿನ್ನದೇಹಯೋಃ॥ 8-95-7 (59645) ಪ್ರಭೂತಪದ್ಮೋತ್ಪಲಮತ್ಸ್ಯಕಚ್ಛಪೌ ಮಹಾಹದೌ ಪಕ್ಷಿಗಣಾನುನಾದಿತೌ। ಸುಸನ್ನಿಕೃಷ್ಟಾವನಿಲೋದ್ಧತೌ ಯಥಾ ತಥಾ ರಥೌ ತೌ ಧ್ವಜಿನೌ ಸಮೀಯತುಃ॥ 8-95-8 (59646) ಉಭೌ ಮಹೇಂದ್ರಸ್ಯ ಸಮಾನವಿಕ್ರಮಾ-- ವುಭೌ ಮಹೇಂದ್ರಪ್ರತಿಮೌ ಮಹಾರಥೌ। ಮಹೇಂದ್ರವಜ್ರಪ್ರತಿಮೈಶ್ಚ ಸಾಯಕೈ-- ರ್ಮಹೇಂದ್ರವೃತ್ರಾವಿವ ಸಂಪ್ರಜಘ್ನತುಃ॥ 8-95-9 (59647) ಸನಾಗಪತ್ತ್ಯಶ್ವರಥೇ ಉಭೇ ಬಲೇ ವಿಚಿತ್ರವರ್ಮಾಭರಣಾಂಬರಾಯುಧೇ। ಚಕಂಪತುಶ್ಚೋನ್ನದತುಶ್ಚ ವಿಸ್ಮಯಾ-- ದ್ಧರಾ ವಿಯಚ್ಚಾರ್ಜುನಕರ್ಣಸಂಗಮೇ॥ 8-95-10 (59648) ಭುಜಾಃ ಸವಸ್ತ್ರಾಂಗುಲಯಃ ಸಮುಚ್ಛ್ರಿತಾಃ ಸಸಿಂಹನಾದೈರ್ಹೃಷಿತೈರ್ದಿದೃಕ್ಷುಭಿಃ। ಯದಾಽರ್ಜುನಂ ಮತ್ತ ಇವ ದ್ವಿಪೋ ದ್ವಿಪಂ ಸಮಭ್ಯಯಾದಾಧಿರಥಿರ್ಜಿಘಾಂಸಯಾ॥ 8-95-11 (59649) ಉದಕ್ರೋಶನ್ಸೋಮಕಾಸ್ತತ್ರ ಪಾರ್ಥಂ ತ್ವರಸ್ವ ಯಾಹ್ಯರ್ಜುನ ಭಿಂಧಿ ಕರ್ಣಂ। ಛಿಂಧ್ಯಸ್ಯ ಮೂರ್ಧಾನಮಲಂ ಚಿರೇಣ ಶ್ರದ್ಧಾಂ ಚ ರಾಜ್ಯಾದ್ವೃತರಾಷ್ಟ್ರಸೂನೋಃ॥ 8-95-12 (59650) ತಥಾಽಸ್ಮಾಕಂ ಬಹವಸ್ತತ್ರ ಯೋಧಾಃ ಕರ್ಣಂ ತಥಾ ಯಾಹಿ ಯಾಹೀತ್ಯವೋಚನ್। ಜಹ್ಯರ್ಜುನಂ ಕರ್ಣ ತತಃ ಸುದೀನಾಃ ಪುನರ್ವನಂ ಯಾಂತ್ವಚಿರಾಯ ಪಾರ್ಥಾಃ॥ 8-95-13 (59651) ಕರ್ಣೋಽಥ ಪೂರ್ವಂ ದಶಭಿಃ ಪೃಷತ್ಕೈ-- ರ್ಗಾಂಡೀವಧನ್ವಾನಮವಿಧ್ಯದಾಶು। ಜಘಾನ ತಂ ಚಾಪಿ ತತಃ ಕಿರೀಟೀ ಶರೈಸ್ತದಾಷ್ಟಾದಶಭಿಃ ಸುಮುಕ್ತೈಃ॥ 8-95-14 (59652) ಪುನಶ್ಚ ಕರ್ಣಸ್ತ್ವರಿತೋಽಪಿ ಪಾರ್ಥಂ ರಥೇಷುಭಿಸ್ತಂ ದಶಭಿರ್ಜಘಾನ। ತಂ ಚಾಪಿ ಪಾರ್ಥೋ ದಶಭಿಃ ಶಿತಾಗ್ರೈಃ ಕಕ್ಷ್ಯಾಂತರೇ ತೀಕ್ಷ್ಣಮುಖೈರವಿಧ್ಯತ್॥ 8-95-15 (59653) ಕರ್ಣಸ್ತತೋ ಭಾರತ ಸಾಂಪರಾಯೇ ಘೋರೇಽತಿವೇಲಂ ರಣಸಂವಿಮರ್ದೀ। ಜಘಾನ ಪಾರ್ಥಂ ನವಭಿಃ ಶಿತಾಗ್ರೈಃ ಕಕ್ಷ್ಯಾಂತೇ ನಾಗಮಿವ ಪ್ರಭಿನ್ನಂ॥ 8-95-16 (59654) ತತೋಽಪರಾಭ್ಯಾಂ ಯುಧಿ ಸೂತಪುತ್ರೋ ದ್ವಾಭ್ಯಾಂ ಕ್ಷುರಾಭ್ಯಾಂ ಹರಿಮಾಶುಕಾರೀ। ಸಮಾಜಘಾನ ತ್ವರಯಾ ಮಹಾತ್ಮಾ ಯಥಾ ಸುರೇಂದ್ರಂ ನಮುಚಿಃ ಪ್ರಸಹ್ಯ॥ 8-95-17 (59655) ತಂ ಪಾಣ಼್ಡವಃ ಪಂಚಭಿರಾಯಸಾಗ್ರೈ-- ರಾಕರ್ಣಪೂರ್ಣೈರ್ನಿಜಘಾನ ಕರ್ಣಂ। ತೇ ಶೋಣಿತಂ ತಸ್ಯ ಪಪುಸ್ತದಾನೀಂ ಕಾಲಸ್ಯ ದೂತಾ ಇವ ಪಾರ್ಥಬಾಣಾಃ॥ 8-95-18 (59656) ಕರ್ಣೋಽಪಿ ಪಾರ್ಥಂ ಸಹ ವಾಸುದೇವಂ ಸಮಾಚಿನೋದ್ಭಾರತ ವತ್ಸದಂತೈಃ। ಪರಸ್ಪರಂ ತೌ ವಿಶಿಖೈಃ ಪ್ರಮುಕ್ತೈ-- ಸ್ತತಕ್ಷತುಃ ಸೂತಪುತ್ರೋಽರ್ಜುನಶ್ಚ॥ 8-95-19 (59657) ಪರಸ್ಪರಂ ಛಿದ್ರದಿದೃಕ್ಷಯಾ ಚ ಸುಭೀಮಮಭ್ಯಾಯಯತುಃ ಪ್ರರುಷ್ಟೌ॥ 8-95-20 (59658) ತತೋಽಸ್ತ್ರಮಾಗ್ನೇಯಮಮಿತ್ರತಾಪನಂ ಮುಮೋಚ ಕರ್ಣಾಯ ಸುರೇಶ್ವರಾತ್ಮಜಃ। ಧನಂಜಯಾತ್ಸಂಯುಗಮೂರ್ಧ್ನಿ ನಿಃಸೃತಂ ತದಾ ಪ್ರಜಜ್ವಾಲ ತದಸ್ತ್ರಮುತ್ತಮಂ॥ 8-95-21 (59659) ಸಮೀಕ್ಷ್ಯ ಕರ್ಣೋ ಜ್ವಲನಾಸ್ತ್ರಮುದ್ಯತಂ ಸ ವಾರುಣಂ ತತ್ಪ್ರಶಮಾರ್ಥಮಾಹವೇ। ಸಮುತ್ಸೃಜತ್ಸೂತಪುತ್ರಃ ಪ್ರತಾಪವಾನ್ ಸ ತೇನ ವಹ್ನಿಂ ಶಮಯಾಂಚಕಾರ॥ 8-95-22 (59660) ವಲಾಹಕಾಸ್ತ್ರೇಣ ದಿಶಸ್ತರಸ್ವೀ ಚಕಾರ ಸರ್ವಾಸ್ತಿಮಿರೇಣ ಸಂವೃತಾಃ। ಅಪಾವಹನ್ಮೇಘಗಣಾಂಸ್ತತಸ್ತಾನ್ ಸಮೀರಣಾಸ್ತ್ರೇಣ ಸಮೀರಿತೇನ॥ 8-95-23 (59661) ತತಃ ಸೋಽಸ್ತ್ರಂ ದಯಿತಂ ದೇವರಾಜ್ಞಃ ಪ್ರಾದುಶ್ಚಕ್ರೇ ವಜ್ರಮಮಿತ್ರತಾಪನಃ। ಗಾಂಡೀವಜ್ಯಾ ವಿಮೃಶಂಶ್ಚಾತಿಮನ್ಯು-- ರ್ಧನಂಜಯಃ ಶತ್ರುಸಂಘಪ್ರಮಾಥೀ॥ 8-95-24 (59662) ನಾರಾಚನಾಲೀಕವರಾಹಕರ್ಣಾ ಗಾಂಡೀವತಃ ಪ್ರಾದುರಾಸನ್ಸುತೀಕ್ಷ್ಣಾಃ। ಸಹಸ್ರಶೋ ವಜ್ರಸಮಾನವೇಗಾ-- ಸ್ತೇ ಸರ್ವತಃ ಪರ್ಯಧಾವಂತ ಘೋರಾಃ॥ 8-95-25 (59663) ಪಾರ್ಥೇಷವಃ ಕರ್ಣರಥಂ ವಿಲಗ್ನಾ ಅಧೋಮುಖಾಃ ಪಕ್ಷಿಗಣಾ ದಿನಾಂತೇ। ನಿಶಾನಿಕೇತಾರ್ಥಮಿವಾಶು ವೃಕ್ಷಂ ಜಗ್ರಾಹ ತಾನ್ಸೂತಪುತ್ರಃ ಪೃಷತ್ಕೈಃ॥ 8-95-26 (59664) ಕ್ಷಿಪ್ತಾಂಸ್ತಥಾ ಪಾಂಡವಬಾಣಸಂಘಾ-- ನಮೃಷ್ಯಮಾಣಸ್ಯ ಧನಂಜಯಸ್ಯ। ರಣಾಜಿರೇ ತ್ವಂತಕತುಲ್ಯಕರ್ಮಾ ವೈಕರ್ತನೋ ರೋಷಪರೀತಚೇತಾಃ॥ 8-95-27 (59665) ಜ್ಯೋತಿಷ್ಪ್ರಭಾಂ ಯದ್ವದುಪಾಗತಃ ಸ-- ಂದಿವಾಕರೋ ನಾಶಯತೇ ಕ್ಷಣೇನ। ಪಾರ್ಥಸ್ಯ ತಾನ್ಬಾಣಗಣಾನ್ಸಮಗ್ರಾ-- ನ್ವ್ಯನಾಶಯದ್ಯುಧ್ಯತ ಏವ ಕರ್ಣಃ॥ 8-95-28 (59666) ರೋಷಾತ್ಪ್ರದೀಪ್ತಃ ಸುಮಹಾವಿಮರ್ದೇ ಭೀಮಸ್ತತೋಽಕ್ರುಧ್ಯದದೀನಸತ್ವಃ। ಪಾಣಿಂ ಸ್ವಪಾಣೌ ಸ ವಿನಿಷ್ಪಿಷ್ಯ ರೋಷಾ-- ದಮರ್ಷಿತೋ ವಾಕ್ಯಮುವಾಚ ಪಾರ್ಥಂ॥ 8-95-29 (59667) ತ್ವಾಂ ಸೂತಪುತ್ರೋ ನು ಕಥಂ ಕಿರೀಟಿ-- ನ್ರಥೇಷುಭಿರ್ಹಂತಿ ಶಿತಾಗ್ರಧಾರೈಃ। ಧೃತ್ಯಾ ಹಿ ಭೂತಾನಿ ಯಯಾಽಜಯಸ್ತ್ವಂ ಗ್ರಾಸಂ ದದತ್ಖಾಂಡವೇ ಪಾವಕಾಯ॥ 8-95-30 (59668) ಧೃತ್ಯಾ ತಯಾ ಸೂತಪುತ್ರಂ ಜಹಿ ತ್ವ-- ಮಹಂ ವೈನಂ ಗದಯಾ ಪೋಥಯಿಷ್ಯೇ। ಸಮೇತ್ಯ ಪಾರ್ಥಂ ಸುನೃಶಂಸವಾದೀ ಜೀವನ್ನಾಯಂ ಯಾಸ್ಯತಿ ಕಾಲಪಕ್ವಃ॥ ॥ 8-95-31 (59669) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಮ಼ಂಜನವತಿತಮೋಽಧ್ಯಾಯಃ॥ 95 ॥

8-96-0 (59670) ಸಂಜಯ ಉವಾಚ। 8-96-0x (5060) ಅಥಾಬ್ರವೀಚ್ಚಕ್ರಧರೋಽಪಿ ಪಾರ್ಥಂ ದೃಷ್ಟ್ವಾ ರಥೇಷೂನ್ಪ್ರತಿಹನ್ಯಮಾನಾನ್। ಅಮೂಮುಷತ್ಪಶ್ಯತ ಏವ ತೇಽದ್ಯ ಹ್ಯಸ್ತ್ರಾಣಿ ಕರ್ಣೋಽಸ್ತ್ರಗಣೈಃ ಕಿರೀಟಿನ್॥ 8-96-1 (59671) ಸ ಪಾರ್ಥ ಕಿಂ ಮುಹ್ಯಸಿ ವೇತ್ಸಿ ಚೈವ ತಾ-- ಂದೃಷ್ಟ್ವಾ ಸಮೇತಾನ್ನದತಃ ಕುರೂಸ್ತ್ವಂ। ಕರ್ಣಂ ಪುರಸ್ಕೃತ್ಯ ವಿದುರ್ಹಿ ಸರ್ವೇ ತವಾಸ್ತ್ರಮಸ್ತ್ರೈರ್ವಿನಿಹನ್ಯಮಾನಂ॥ 8-96-2 (59672) ಯಯಾ ಧೃತ್ಯಾ ತಾಮಸಂ ಜಘ್ನಿವಾಂಸ್ತ್ವಂ ತತ್ಸಂಯುಗೇ ತಾಮಸಾಂಶ್ಚಾತಿಘೋರಾನ್। ದಂಭೋದ್ಭವಂ ಚಾಸುರಮಾಹವೇ ತ್ವಂ ದರ್ಪೋತ್ಸಿಕ್ತಂ ವೀರ್ಯವಂತಂ ಕಿರೀಟಿನ್। ತಯಾ ಧೃತ್ಯಾ ತ್ವಂ ಜಹಿ ಕರ್ಣಮದ್ಯ ಪಾರ್ಥಾಹವೇ ತ್ಯಕ್ತುಮಸ್ತ್ರಂ ಸಮರ್ಥಃ॥ 8-96-3 (59673) ಅನೇನ ಚಾಶು ಕ್ಷುರನೇಮಿನಾದ್ಯ ಮಯಾ ವಿಸೃಷ್ಟೇನ ಸುದರ್ಶನೇನ। ಛಿಂಧ್ಯಸ್ಯ ಮೂರ್ಧಾನಮರೇಃ ಪ್ರಸಹ್ಯ ವಜ್ರೇಣ ಶಕ್ರೋ ನಮುಚೇರಿವಾರೇಃ॥ 8-96-4 (59674) ಕಿರಾತರೂಪೀ ಭಗವಾನ್ಯಯಾ ಚ ತ್ವಯಾ ಮಹಾತ್ಮಾ ಪರಿತೋಷಿತೋಽಭೂತ್। ಸ ತಾಂ ಪುನರ್ವೀರ ಧೃತಿಂ ಗೃಹೀತ್ವಾ ಸಹಾನುಬಂಧಂ ಜಹಿ ಸೂತಪುತ್ರಂ॥ 8-96-5 (59675) ತತೋ ಮಹೀಂ ಸಾಗರಮೇಖಲಾಂ ತ್ವಂ ಸಪತ್ತಗಾ ಗ್ರಾಮವತೀಂ ಸಮೃದ್ಧಾಂ। ಪ್ರಯಚ್ಛ ರಾಜ್ಞೇ ನಿಹತಾರಿಸಂಘಾಂ ಯಶಶ್ಚ ಪಾರ್ಥಾತುಲಮಾಪ್ನುಹಿ ತ್ವಂ॥ 8-96-6 (59676) ಕರ್ಣಂ ಪುರಸ್ಕೃತ್ಯ ನದಂತಿಂ ಸರ್ವೇ ತವಾಸ್ತ್ರಮಗ್ರ್ಯಂ ಪ್ರತಿಹತ್ಯ ವೀರಾಃ। ಕುರು ಪ್ರಯತ್ನಂ ಭರತಪ್ರವೀರ ದ್ರವಂತ್ಯಮೀ ಸೃಂಜಯಾಃ ಸೋಮಕಾಶ್ಚ। ದೃಷ್ಟ್ವಾಥ ಕರ್ಣಂ ಸಮರೇ ಪ್ರಹೃಷ್ಟಂ ತ್ವಾಂ ಚಾಪಿ ದೃಷ್ಟ್ವಾ ಪರಿಹೀಯಮಾನಂ॥ 8-96-7 (59677) ಸಂಜಯ ಉವಾಚ। 8-96-8x (5061) ಸಂಚೋದಿತೋ ಭೀಮಜನಾರ್ದನಾಭ್ಯಾಂ ಸ್ಮೃತ್ವಾ ತದಾತ್ಮಾನಮವೇತ್ಯ ಸರ್ವಂ। ಇಹಾತ್ಮನಶ್ಚಾಗಮನೇ ವಿದಿತ್ವಾ ಪ್ರಯೋಜನಂ ಕೇಶವಮಿತ್ಯುವಾಚ॥ 8-96-8 (59678) ಪ್ರಾದುಷ್ಕರೋಭ್ಯೇಷ ಮಹಾಸ್ತ್ರಮುಗ್ರಂ ಶಿವಾಯ ಲೋಕಸ್ಯ ವಧಾಯ ಸೌತೇಃ। ತನ್ಮೇಽನುಜಾನಾತು ಭವಾನ್ಸುರಾಶ್ಚ ಬ್ರಹ್ಮಾ ಶಿವೋ ಬ್ರಹ್ಮವಿದಶ್ಚ ಸರ್ವೇ॥ 8-96-9 (59679) ಇತಿ ಸ್ಮೋಕ್ತ್ವಾ ಪಾಂಡವಃ ಸವ್ಯಸಾಚೀ ನಮಸ್ಕೃತ್ವಾ ಬ್ರಹ್ಮಣೇ ಸೋಽಮಿತಾತ್ಮಾ। ಅನುತ್ತಮಂ ಬ್ರಾಹ್ಮಮಸಹ್ಯಮಸ್ತ್ರಂ ಪ್ರಾದುಶ್ಚಕ್ರೇ ಮನಸಾ ಯದ್ವಿಧೇಯಂ॥ 8-96-10 (59680) ತತೋ ದಿಶಶ್ಚ ಪ್ರದಿಶಶ್ಚ ಸರ್ವಾಃ ಸಮಾವೃಣೋತ್ಸಾಯಕೈರ್ಭೂರಿತೇಜಾಃ। ಗಾಂಡೀವಮುಕ್ತೈರ್ಭುಜಗೈರಿವೋಗ್ರೈ-- ರ್ದಿವಾಕರಾಂಶುಪ್ರತಿಮೈರ್ಜ್ವಲದ್ಭಿಃ॥ 8-96-11 (59681) ಸೃಷ್ಟಾಸ್ತು ಬಾಣಾ ಭರತರ್ಷಭೇಣ ಶತಂ ಶತಂ ಭೀಮಮುಖಾಃ ಸುತೀಕ್ಷ್ಣಾಃ। ಪ್ರಾಚ್ಛಾದಯನ್ಕರ್ಣರಥಂ ಕ್ಷಣೇನ ಯುಗಾಂತಕಾಲಾರ್ಕಕರಪ್ರಕಾಶಾಃ॥ 8-96-12 (59682) ವೈಕರ್ತನೇನಾಶು ತದಾಜಿಮಧ್ಯೇ ಸಹಸ್ರಶೋ ಬಾಣಗಣಾ ವಿಸೃಷ್ಟಾಃ। ತೇ ಚಾಕ್ಷಯಾಃ ಪಾಂಡವಮಭ್ಯುಪೇಯುಃ ಪರ್ಜನ್ಯಸೃಷ್ಟಾ ಇವ ವಾರಿಧಾರಾಃ॥ 8-96-13 (59683) ತತಃ ಸ ಕೃಷ್ಣಂ ಚ ಕಿರೀಟಿನಂ ಚ ವೃಕೋದರಂ ಚಾಪ್ರತಿಮಪ್ರಭಾವಃ। ತ್ರಿಭಿಸ್ತ್ರಿಭಿರ್ಭೀಮಬಲೋ ನಿಹತ್ಯ ನನಾದ ಘೋರಂ ಮಹತಾ ಸ್ವನೇನ॥ 8-96-14 (59684) ತತಃ ಸ ಬಾಣಾಭಿಹತಃ ಕಿರೀಟೀ ಭೀಮಂ ತಥಾ ಪ್ರೇಕ್ಷ್ಯ ಜನಾರ್ದನಂ ಚ। ಅಮೃಷ್ಯಮಾಣಃ ಪುನರೇವ ಪಾರ್ಥಃ ಶರಾಂದಶಾಷ್ಟೌ ಸಮಮುದ್ವವರ್ಷ॥ 8-96-15 (59685) ಸ ಕೇತುಮೇಕೇನ ಶರೇಣ ವಿದ್ಧ್ವಾ ಶಲ್ಯಂ ಚತುರ್ಭಿಸ್ತ್ರಿಭಿರೇವ ಕರ್ಣಂ। ತತಃ ಸುಮುಕ್ತೈರ್ದಶಭಿರ್ಜಘಾನ ಸೇನಾಪತಿಂ ಕಾಂಚನವರ್ಮನದ್ವಂ॥ 8-96-16 (59686) ಸ ರಾಜಪುತ್ರೋ ವಿಶಿರಾ ವಿಬಾಹು-- ರ್ವಿವಾಜಿಸೂತೋ ವಿಧನುರ್ವಿಕೇತುಃ। ಅಥೋ ರಥಾಗ್ರಾದಪತತ್ಪ್ರರುಗ್ಣಃ ಪರಶ್ವಥೈಃ ಸಾಲ ಇವಾವಕೃತ್ತಃ॥ 8-96-17 (59687) ಪುನಶ್ಚ ಕರ್ಣಂ ತ್ರಿಭಿರಷ್ಟಭಿಶ್ಚ ದ್ವಾಭ್ಯಾಂ ಚತುರ್ಭಿರ್ದಶಭಿಶ್ಚ ವಿದ್ಧಾ। ಚತುಶ್ಶತಂ ದ್ವಿರದಾನಾಂ ನಿಪಾತ್ಯ ರಥಾಂಜಘಾನಾಷ್ಟರಥಾನ್ಕಿರೀಟಿ। ಸಹಸ್ರಮಶ್ವಾಂಶ್ಚ ಪುನಶ್ಚ ಸಾದೀ-- ನಷ್ಟೌ ಸಹಸ್ರಾಣಿ ಚ ಪತ್ತಿವೀರಾನ್॥ 8-96-18 (59688) ದೃಷ್ಟ್ವಾ ತು ಮುಖ್ಯಾವತಿವಿಧ್ಯಮಾನೌ ವರೇಷುಭಿಃ ಶೂರವರಾವರಿಘ್ನೌ। ಕರ್ಣಂ ಚ ಪಾರ್ಥಂ ಚ ನಿಯಂಯ ವಾಹಾ- ನ್ಸರ್ವೇ ವರಿಷ್ಠಾಶ್ಚ ತತೋಽವತಸ್ಥುಃ॥ 8-96-19 (59689) ಪ್ರಚ್ಛಾದಯಾಮಾಸ ತತಃ ಪೃಷತ್ಕೈಃ ಸಘೋಷಮಾಚ್ಛಿದ್ಯ ಚ ಗಾಂಡಿವಜ್ಯಾಂ। ಅಸ್ಮಿನ್ಕ್ಷಣೇ ಫಲ್ಗುನಂ ಸೂತಪುತ್ರಃ ಸಮಾಚಿನೋತ್ಕ್ಷುದ್ರಕಾಣಾಂ ಶತೇನ॥ 8-96-20 (59690) ನಿರ್ಮುಕ್ತಸರ್ಪಪ್ರತಿಮೈಶ್ಚ ತೀಕ್ಷ್ಣೈ-- ಸ್ತೈಲಪ್ರಘೌತೈಃ ಖಗಪತ್ರವಾಜೈಃ। ಷಷ್ಟ್ಯಾ ಬಿಭೇದಾಶು ಚ ವಾಸುದೇವಂ ತದಂತರೇ ಪ್ರಾತ್ವರನ್ಸೋಮಕಾಶ್ಚ॥ 8-96-21 (59691) ತತೋ ನವಜ್ಯಾಂ ಸುದೃಢಾಂ ಕಿರೀಟಿ ಸ್ವಬಾಹುವಿಕ್ಷೇಪಸಹಾಂ ಪ್ರಗೃಹ್ಯ। ಸಮಾದಧೇ ಗಾಂಡಿವೇ ಕ್ಷಿಪ್ರಕಾರೀ ನಿಮೇಷಮಾತ್ರೇಣ ಮಹಾಧನುಷ್ಮಾನ್॥ 8-96-22 (59692) ಜ್ಯಾಛೇದನಂ ಜ್ಯಾವಿಧಾನಂ ಚ ತಸ್ಯ ನೈವಾವಬುಧ್ಯತ್ಸೂತಪುತ್ರೋ ಲಘುತ್ವಾತ್। ಪಾರ್ಥಸ್ಯ ಸಂಖ್ಯೇ ದ್ವಿಷತಾಂ ನಿಹಂತು-- ಸ್ತದದ್ಭುತಂ ತತ್ರ ಬಭೂವ ರಾಜನ್॥ 8-96-23 (59693) ಪಾರ್ಥೋಽಪಿ ತಾಂ ಜ್ಯಾಮವಧಾಯ ತೂರ್ಣಂ ಶರಾಸನಜ್ಯಾಮಾಧಿರಥೇರ್ವಿಹತ್ಯ। ಸುಸಂರಬ್ಧಃ ಕರ್ಣಶರೈಃ ಕ್ಷತಾಂಗೋ ರಣೇ ಯೋಧಾಂಸ್ತಾವಕಾನ್ಪ್ರತ್ಯಗೃಹ್ಣಾತ್॥ 8-96-24 (59694) ನೈವಾಪತ್ಪಕ್ಷಿಗಣೋಽಂತರಿಕ್ಷೇ ಪಾರ್ಥೇನ ಚಾಸ್ತ್ರೇಣ ಕೃತೇಽಂಧಕಾರೇ॥ 8-96-25 (59695) ಶಲ್ಯಂ ತು ಪಾರ್ಥೋ ದಶಭಿರ್ನಿಮೇಷಾ-- ದ್ಭೃಶಂ ತನುತ್ರೇ ಪ್ರಹಸನ್ನವಿಧ್ಯತ್। ತತಃ ಕರ್ಣಂ ದ್ವಾದಶಭಿಃ ಪೃಷತ್ಕೈ-- ರ್ವಿದ್ಧ್ವಾ ಪುನಃ ಸಪ್ತಭಿರಪ್ಯವಿಧ್ಯತ್॥ 8-96-26 (59696) ಸ ಪಾರ್ಥಬಾಣಾಸನವೇಗನುನ್ನೈ-- ರ್ದೃಢಾಹತಃ ಪತ್ರಿಭಿರುಗ್ರವೇಗೈಃ। ವಿಭಿನ್ನಗಾತ್ರಃ ಕ್ಷತಜೋಕ್ಷಿತಾಂಗಃ ಕರ್ಣೋ ಬಭೌ ರುದ್ರ ಇವಾಂತಕಾಲೇ॥ 8-96-27 (59697) ತತಸ್ತ್ರಿಭಿಸ್ತಂ ತ್ರಿದಶಾಧಿಪೋಪಮಂ ಶರೈರ್ಬಿಭೇದಾಧಿರಥಿರ್ಧನಂಜಯಂ। ಶರಾಂಶ್ಚ ಪಂಚ ಜ್ವಲನಾನಿವೋರಗಾ-- ನ್ಪ್ರವೇಶಯಾಮಾಸ ಜಿಘಾಂಸುರಚ್ಯುತೇ॥ 8-96-28 (59698) ಸುವರ್ಣಚಿತ್ರಂ ಪುರುಷೋತ್ತಮಸ್ಯ ವರ್ಮಾಥ ಭಿತ್ತ್ವಾಭ್ಯಪತನ್ಸುಪುಂಖಾಃ। ವೇಗೇನ ಗಾಂ ತೇ ವಿವಿಶುಶ್ಚ ರಾಜ-- ನ್ಸ್ನಾತ್ವಾ ಕರ್ಣಾಽಭಿಮುಖಾಃ ಪ್ರತೀಯುಃ॥ 8-96-29 (59699) ತಾನ್ಪಂಚಭಲ್ಲೈರ್ದಶಭಿಃ ಸುಮುಕ್ತೈ-- ಸ್ತ್ರಿಧಾತ್ರಿಧೈಕೈಕಮಥೋಚ್ಚಕರ್ತ। ಧನಂಜಯಸ್ತೇ ನ್ಯಪತನ್ಪೃಥಿವ್ಯಾಂ ಯಥಾಽಹಯಸ್ತಾರ್ಕ್ಷ್ಯಮುಖೇನ ಕೃತ್ತಾಃ॥ 8-96-30 (59700) ತತಃ ಪ್ರಜಜ್ವಾಲ ಕಿರೀಟಮಾಲೀ ಕ್ರೋಧೇನ ಕಕ್ಷಂ ಪ್ರದಹನ್ನಿವಾಗ್ನಿಃ। ಸ ಕರ್ಣಮಾಕರ್ಣವಿಕೃಷ್ಟಸೃಷ್ಟೈಃ ಶರೈಃ ಶರೀರಾಂತಕರೈರ್ಜ್ವಲದ್ಭಿಃ। ಮರ್ಮಸ್ವವಿಧ್ಯತ್ಸ ಚಚಾಲ ದುಃಖಾ-- ದ್ಧೈರ್ಯಾತ್ತುಂ ತಸ್ಥಾವತಿಮಾತ್ರಧೈರ್ಯಃ॥ 8-96-31 (59701) ಪ್ರಾದುಶ್ಚಕಾರಾಥ ಶರಾನ್ಮಹಾತ್ಮಾ ದೇಹಂ ವಿಚಿನ್ವನ್ನಿವ ಸೂತಜಸ್ಯ। ಶರಾಸ್ತು ತೇ ಕಾಂಚನಚಿತ್ರಪುಂಖಾಃ ಸಂಪೇತುರುರ್ವ್ಯಾಂ ಶತಶೋ ಮಹಾಂತಃ॥ 8-96-32 (59702) ತತಃ ಶರೌಘೈಃ ಪ್ರದಿಶೋ ದಿಶಶ್ಚ ರವಿಪ್ರಭಾಃ ಕರ್ಣರಥಶ್ಚ ರಾಜನ್। ಅದೃಶ್ಯ ಆಸೀತ್ಕುಪಿತೇ ಧನಂಜಯೇ ತುಷಾರನೀಹಾರವೃತೋ ಗಿರಿರ್ಯಥಾ॥ 8-96-33 (59703) ಸಚಕ್ರರಕ್ಷಾ ಅಪಿ ಪೃಷ್ಠಗೋಪಾಃ ಕರ್ಣಸ್ಯ ಯೇ ಚಾಪಿ ಪುರಃಸರಾಶ್ಚ। ಭೀತಾ ದ್ರವಂತಿ ಸ್ಮ ನಿಹನ್ಯಮಾನಾ ಮಹೇಷುಭಿಃ ಪಾರ್ಥಕರಪ್ರಣುನ್ನೈಃ॥ 8-96-34 (59704) ತತೋಽರ್ಜುನೋ ವೈ ಭರತಪ್ರವೀರೋ ಮಹಾನುಭಾವಃ ಸಮರೇ ನಿಹಂತಾ। ಸುಯೋಧನೇನಾನುಮತಾನ್ವಿನಿಘ್ನ-- ನ್ಸಮುಚ್ಛ್ರಿತಾನ್ಸರಥಾನ್ಸಾರಭೂತಾನ್॥ 8-96-35 (59705) ಗಾಂಡೀವಧನ್ವಾ ದ್ವಿಗುಣಂ ಸಹಸ್ರಂ ಕುರುಪ್ರವೀರಾನೃಷಭಃ ಕುರೂಣಾಂ। ಕ್ಷಣೇನ ಸರ್ವಾನ್ಸರಥಾನ್ಸಸೂತಾ-- ನ್ನಿನಾಯ ರಾಜನ್ಕ್ಷಯಮೇಕವೀರಃ॥ 8-96-36 (59706) ಅಥೋ ಪಲಾಯಂತ ವಿಹಾಯ ಕರ್ಣಂ ತವಾತ್ಮಜಾ ಯೇ ಕುರವಶ್ಚ ಶಿಷ್ಟಾಃ। ಏತಾನವಾಕೀರ್ಯ ಶರಕ್ಷತಾಂಶ್ಚ ವಿಲಪ್ಯಮಾನಾಂಸ್ತನಯಾನ್ವಿಮೃದ್ಗನ್॥ 8-96-37 (59707) ಸರ್ವೇ ಪ್ರಣೇಶುಃ ಕುರವೋ ವಿಭಗ್ನಾಃ ಪಾರ್ಥೇಷುಭಿಃ ಸಂಪರಿತಪ್ಯಮಾನಾಃ। ಸುಯೋಧನೇನಾಥ ಪುನರ್ವರಿಷ್ಠಾಃ ಪ್ರಚೋದಿತಾಃ ಕರ್ಣರಥಾನುಯಾನೇ॥ 8-96-38 (59708) ಭೋಃ ಕ್ಷತ್ರಿಯಾಃ ಶೂರತಮಾಸ್ತು ಸರ್ವೇ ಕ್ಷತ್ರೇ ಚ ಧರ್ಮೇ ನಿರತಾಃ ಸ್ಥ ಯೂಯಂ। ನ ಯುಕ್ತರೂಪಂ ಭವತಾಂ ಸಮೀಪಾ-- ತ್ಪಲಾಯನಂ ಕರ್ಣಮತಿಪ್ರಹಾಯ॥ 8-96-39 (59709) ತವಾತ್ಮಜೇನಾಪಿ ತಥೋಚ್ಯಮಾನಾ ನೈವಾವತಿಷ್ಠಂತ ಭಯಾದ್ವಿವರ್ಣಾಃ। ಕ್ಷಣೇನ ನಷ್ಟಾಃ ಪ್ರದಿಶೋ ದಿಶಶ್ಚ ಸರ್ವೇ ತತಃ ಪ್ರೇಕ್ಷ್ಯ ದಿಶೋ ವಿಶೂನ್ಯಾಃ॥ 8-96-40 (59710) ಭಯಾವದೀರ್ಣಃ ಕುರುಭಿರ್ವಿಹೀನಃ ಪಾರ್ಥೇಷುಭಿಃ ಸಂಪರಿತಪ್ಯಮಾನಃ। ನ ವಿವ್ಯಧೇ ಭಾರತ ತತ್ರ ಕರ್ಣಃ ಪ್ರತೀಪಮೇವಾರ್ಜುನಮಭ್ಯಧಾವತ್॥ ॥ 8-96-41 (59711) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಷಣ್ಣವತಿತಮೋಽಧ್ಯಾಯಃ॥ 96 ॥

8-97-0 (59712) ಸಂಜಯ ಉವಾಚ। 8-97-0x (5062) ತತೋಽಪಯಾತಾಃ ಶರಪಾತಮಾತ್ರ-- ಮವಸ್ಥಿತಾ ವೈ ಕುರವೋ ನರೇಂದ್ರ। ವಿದ್ಯುತ್ಪ್ರಕಾಶಂ ದದೃಶುಃ ಸಮಂತಾ-- ದ್ವನಂಜಯಾಸ್ತ್ರಂ ಸಮುದೀರ್ಯಮಾಣಂ॥ 8-97-1 (59713) ತತೋಽಗ್ರಸತ್ಸೂತಪುತ್ರೋಽರ್ಜುನಸ್ಯ ವಿಯದ್ಗತಂ ಘೋರತರಂ ಶರೈಸ್ತತ್। ಕ್ರುದ್ಧೇನ ಪಾರ್ಥೇನ ಶರಂ ವಿಸೃಷ್ಟಂ ವಧಾಯ ಕರ್ಣಸ್ಯ ಮಹಾವಿಮರ್ದೇ॥ 8-97-2 (59714) [ಉದೀರ್ಯಮಾಣಂ ಸ್ಮ ಕುರೂಂದಹಂತಂ ಸುವರ್ಣಪುಂಖೈರ್ವಿಶಿಖೈರ್ಮಮರ್ದ। ಕರ್ಣಸ್ತ್ವಮೋಘೇಷ್ವಸನಂ ದೃಢಜ್ಯಂ ವಿಸ್ಫಾರಯಿತ್ವಾ ವಿಸೃಜಂಛರೋಘಾನ್॥] 8-97-3 (59715) ರಾಮಾದುಪಾತ್ತೇನ ಮಹಾಮಹಿಂನಾ ಹ್ಯಾಥರ್ವಣೇನಾರಿವಿನಾಶನೇನ। ತದರ್ಜುನಾಸ್ತ್ರಂ ವ್ಯಧಮದ್ದಹಂತಂ ಪಾರ್ಥಂ ಚ ಬಾಣೈರ್ನಿಶಿತೈರವಿಧ್ಯತ್॥ 8-97-4 (59716) ತತೋ ವಿಮರ್ದಃ ಸುಮಹಾನ್ಬಭೂವ ತತ್ರಾರ್ಜುನಸ್ಯಾಧಿರಥೇಶ್ಚ ರಾಜನ್। ಅನ್ಯೋನ್ಯಮಾಸಾದಯತೋಃ ಪೃಷತ್ಕೈ-- ರ್ವಿಷಾಣಘಾತೈರ್ದ್ವಿಪಯೋರಿವಾಜೌ॥ 8-97-5 (59717) ತತೋಽಸ್ತ್ರಸಂಘಾತಸಮಾವೃತಂ ತದಾ ಬಭೂವ ರಾಜಂಸ್ತುಮುಲಂ ರಣಾಜಿರಂ। ಯತ್ಕರ್ಣಪಾರ್ಥೌ ಶರವೃಷ್ಟಿಸಂಘೈ-- ರ್ನಿರಂತರಂ ಚಕ್ರತುರಂಬರಂ ತದಾ॥ 8-97-6 (59718) [ತತೋ ಜಾಲಂ ಬಾಣಮಯಂ ಮಹಾಂತಂ ಸರ್ವೇಽದ್ರಾಕ್ಷುಃ ಕುರವಃ ಸೋಮಕಾಶ್ಚ। ನಾನ್ಯಂ ಚ ಭೂತಂ ದದೃಶುಸ್ತದಾ ತೇ ಬಾಣಾಂಧಕಾರೇ ತುಮುಲೇಽಥ ಕಿಂಚಿತ್॥ 8-97-7 (59719) ತೌ ಸಂದಧಾನಾವನಿಶಂ ಚ ರಾಜನ್। ಸಮಸ್ಯಂತೌ ಚಾಪಿ ಶರಾನನೇಕಾನ್। ಸಂದರ್ಶಯೇತಾಂ ಯುಧಿ ಮಾರ್ಗಾನ್ವಿಚಿತ್ರಾ-- ಂಧನುರ್ಧರೌ ತೌ ವಿವಿಧೈಃ ಕೃತಾಸ್ತ್ರೈಃ॥ 8-97-8 (59720) ತಯೋರೇವಂ ಯುಧ್ಯತೋರಾಜಿಮಧ್ಯೇ ಸೂತಾತ್ಮಜೋಽಭೂದಧಿಕಃ ಕದಾಚಿತ್। ಪಾರ್ಥಃ ಕದಾಚಿತ್ತ್ವಧಿಕಃ ಕಿರೀಟಿ ವೀರ್ಯಾಸ್ತ್ರಮಾಯಾಬಲಪೌರುಷೇಣ॥ 8-97-9 (59721) ದೃಷ್ಟ್ವಾ ತಯೋಸ್ತಂ ಯುಧಿ ಸಂಪ್ರಹಾರಂ ಪರಸ್ಪರಸ್ಯಾಂತರಮೀಕ್ಷಮಾಣಯೋಃ। ಘೋರಂ ತಯೋರ್ದುರ್ವಿಷಹಂ ರಣೇಽನ್ಯೈ-- ರ್ಯೋಧಾಃ ಸರ್ವೇ ವಿಸ್ಮಯಮಭ್ಯಗಚ್ಛನ್॥ 8-97-10 (59722) ತತೋ ಭೂತಾನ್ಯಂತರಿಕ್ಷಸ್ಥಿತಾನಿ ತೌ ಕರ್ಣಪಾರ್ಥೌ ಪ್ರಶಶಂಸುರ್ನರೇಂದ್ರ। ಭೋಃ ಕರ್ಣ ಸಾಧ್ವರ್ಜುನ ಸಾಧು ಚೇತಿ ವಿಯತ್ಸು ವಾಣೀ ಶ್ರೂಯತೇ ಸರ್ವತೋಪಿ॥ 8-97-11 (59723) ತಸ್ಮಿನ್ವಿಮರ್ದೇ ರಥವಾಜಿನಾಗೈ-- ಸ್ತದಾಽಭಿಘಾತೈರ್ದಲಿತೇ ಹಿ ಭೂತಲೇ। ತತಸ್ತು ಪಾತಾಲತಲೇ ಶಯಾನೋ ನಾಗೋಽಶ್ವಸೇನಃ ಕೃತವೈರೋಽರ್ಜುನೇನ॥ 8-97-12 (59724) ರಾಜಂಸ್ತದಾ ಖಾಂಡವದಾಹಮುಕ್ತೋ ವಿವೇಶ ಕೋಪಾದ್ವಸುಧಾತಲೇ ಯಃ। ಅಥೋತ್ಪಪಾತೋರ್ಧ್ವಗತಿರ್ಜವೇನ ಸಂದೃಶ್ಯ ಕರ್ಣಾರ್ಜುನಯೋರ್ವಿಮರ್ದಂ॥ 8-97-13 (59725) ಅಯಂ ಹಿ ಕಾಲೋಸ್ಯ ದುರಾತ್ಮನೋ ವೈ ಪಾರ್ಥಸ್ಯ ವೈರಪ್ರತಿಯಾತನಾಯ। ಸಂಚಿಂತ್ಯ ತೂರ್ಣಂ ಪ್ರವಿವೇಶ ಚೈವ ಕರ್ಣಸ್ಯ ರಾಜನ್ಶರರೂಪಧಾರೀ॥ 8-97-14 (59726) ತತೋಸ್ತ್ರಸಂಘಾತಸಮಾಕುಲಂ ತದಾ ಬಭೂವ ಜನ್ಯಂ ವಿತತಾಂಶುಜಾಲಂ। ತತ್ಕರ್ಣಪಾರ್ಥೋ ಶರಸಂಘವೃಷ್ಟಿಭಿ-- ರ್ನಿರಂತರಂ ಚಕ್ರತುರಂಬರಂ ತದಾ॥ 8-97-15 (59727) ತದ್ಬಾಣಜಾಲೈಕಮಯಂ ಮಹಾಂತಂ ಸರ್ವೇಽತ್ರಸನ್ಕುರವಃ ಸೋಮಕಾಶ್ಚ। ನಾನ್ಯತ್ಕಿಂಚಿದ್ದದೃಶುಃ ಸಂಪತದ್ವೈ ಬಾಣಾಂಧಕಾರೇ ತುಮುಲೇಽತಿಮಾತ್ರಂ॥ 8-97-16 (59728) ತತಸ್ತೌ ಪುರುಷವ್ಯಾಘ್ರೌ ಸರ್ವಲೋಕಧನುರ್ಧರೌ। ತ್ಯಕ್ತಪ್ರಾಣೌ ರಣೇ ವೀರೋ ಯುದ್ಧಶ್ರಮಮುಪಾಗತೌ॥ 8-97-17 (59729) ಸಮುತ್ಕ್ಷೇಪೈರ್ವೀಕ್ಷಮಾಣೌ ಸಿಕ್ತೌ ಚಂದನವಾರಿಣಾ। ಸವಾಲವ್ಯಜನೈರ್ದಿವ್ಯೈರ್ದಿವಿಸ್ಥೈರಪ್ಸರೋಗಣೈಃ। ಶಕ್ರಸೂರ್ಯಕರಾಬ್ಜಾಭ್ಯಾಂ ಪ್ರಮಾರ್ಜಿತಮುಖಾವುಭೌ॥ 8-97-18 (59730) ಕರ್ಣೋಽಥ ಪಾರ್ಥಂ ನ ವಿಶೇಷಯದ್ಯದಾ ಭೃಶಂ ಚ ಪಾರ್ಥೇನ ಶರಾಭಿತಪ್ತಃ। ತತಸ್ತು ವೀರಃ ಶರವಿಕ್ಷತಾಂಗೋ ದಧ್ರೇ ಮನೋ ಹ್ಯೇಕಶಯಸ್ಯ ತಸ್ಯ॥] 8-97-19 (59731) ತತೋ ರಿಪುಘ್ನಂ ಸಮಧತ್ತ ಕರ್ಣಃ ಸುಸಂಚಿತಂ ಸರ್ಪಮುಖಂ ಜ್ವಲಂತಂ। ರೌದ್ರಂ ಶರಂ ಸನ್ನತಮುಗ್ರಧೌತಂ ಪಾರ್ಥಾರ್ಥಮಿತ್ಯೇವ ಚಿರಾಭಿಗುಪ್ತಂ॥ 8-97-20 (59732) ಸದಾರ್ಚಿತಂ ಚಂದನಚೂರ್ಣಶಾಯಿತಂ ಸುವರ್ಣತೂಣೀರಶಯಂ ಮಹಾರ್ಚಿಷಂ। ಆಕರ್ಣಪೂರ್ಣಂ ವಿಚಕರ್ಷ ಕರ್ಣೋ ವಿಮೋಕ್ತುಕಾಮಃ ಶರಮುಗ್ರವೇಗಂ॥ 8-97-21 (59733) ಪ್ರದೀಪ್ತಮೈರಾವತವಂಶಸಂಭವಂ ಶಿರೋ ಜಿಹೀರ್ಷುರ್ಯುಧಿ ಸವ್ಯಸಾಚಿನಃ। ತತಃ ಪ್ರಜಜ್ವಾಲ ದಿಶೋ ನಭಶ್ಚ ಉಲ್ಕಾಶ್ಚ ಘೋರಾಃ ಶತಶಃ ಪ್ರಪೇತುಃ॥ 8-97-22 (59734) ತಸ್ಮಿಂಸ್ತು ನಾಗೇ ಧನುಷಿ ಪ್ರಯುಕ್ತೇ ಹಾಹಾಕೃತಾ ಲೋಕಪಾಲಾಃ ಸಶಕ್ರಾಃ॥ 8-97-23 (59735) ಸ ಸೂತಪುತ್ರಸ್ತಮಪಾಂಗದೇಶೇ ಅವಾಙ್ಮುಖಂ ಸಂಧಯತಿ ಸ್ಮ ರೋಷಾತ್। ನ ತಂ ಸ್ಮ ಜಾನಾತಿ ಮಹಾನುಭಾವ-- ಮಪಾಂಗದೇಶೇಽಭಿನಿವಿಷ್ಟಮಾಜೌ॥ 8-97-24 (59736) [ನ ಚಾಪಿ ತಂ ಬುಬುಧೇ ಸೂತಪುತ್ರೋ ಬಾಣೇ ಪ್ರವಿಷ್ಟಂ ಯೋಗಬಲೇನ ನಾಗಂ। ದಶಶತನಯನೋಽಹಿಂ ದೃಶ್ಯ ಬಾಣೇ ಪ್ರವಿಷ್ಟಂ ನಿಹತ ಇತಿ ಸುತೋ ಮೇ ಸ್ರಸ್ತಗಾತ್ರೋ ಬಭೂವ। ಜಲಜಕುಸುಮಯೋನಿಃ ಶ್ರೇಷ್ಠಭಾವೋ ಜಿತಾತ್ಮಾ ತ್ರಿದಶಪತಿಮವೋಚನ್ಮಾ ವ್ಯಥಿಷ್ಠಾ ಜಯೇ ಶ್ರೀಃ॥ 8-97-25 (59737) ತತೋಽಬ್ರವೀನ್ಮದ್ರರಾಜೋ ಮಹಾತ್ಮಾ ದೃಷ್ಟ್ವಾ ಕರ್ಣಂ ಪ್ರಹಿತೇಷು ತಮುಗ್ರಂ। ಗ್ರೀವಾಯತಃ ಕರ್ಣ ನ ಸಂಹಿತೋಽಯಂ ಸಮೀಕ್ಷ್ಯ ಸಂಧತ್ಸ್ವ ಶರಂ ಪರಘ್ನಂ॥ 8-97-26 (59738) ಅಥಾಬ್ರವೀತ್ಕ್ರೋಧಸಂರಕ್ತನೇತ್ರೋ ಮದ್ರಾಧಿಪಂ ಸೂತಪುತ್ರೋ ಮನಸ್ವೀ। ನ ಸಂಧತ್ತೇ ದ್ವಿಃ ಶರಂ ಶಲ್ಯ ಕರ್ಣೋ ನ ಮಾದೃಶಾ ಜಿಹ್ಮಯುದ್ವಾ ಭವಂತಿ॥ 8-97-27 (59739) ಇತೀದಮುಕ್ತ್ವಾ ವಿಸಸರ್ಜ ತಂ ಶರಂ ಪ್ರಯತ್ನತೋ ವರ್ಷಗಣಾಭಿಪೂಜಿತಂ। ಹತೋಸಿ ರೇ ಫಲ್ಗುನ ಇತ್ಯಧಿಕ್ಷಿಪ-- ನ್ನುವಾಚ ಚೋಚ್ಚೈರ್ನಿರಮೂರ್ಜಿತಾಂ ವೃಷಃ॥ 8-97-28 (59740) ಸ ಸಾಯಕಃ ಕರ್ಣಭುಜಪ್ರಸೃಷ್ಟೋ ಹುತಾಶನಾರ್ಕಪ್ರತಿಮಃ ಸುಘೋರಃ। ಗುಣಚ್ಯುತಃ ಕರ್ಣಧನುಃಪ್ರಮುಕ್ತೋ ವಿಯದ್ಗತಃ ಪ್ರಾಜ್ವಲದಂತರಿಕ್ಷೇ॥ 8-97-29 (59741) ತಮಾಪತಂತಂ ಜ್ವಲಿತಂ ನಿರೀಕ್ಷ್ಯ ವಿಯದ್ಗತಂ ವೃಷ್ಣಿಕುಲಪ್ರವೀರಃ। ರಥಸ್ಯ ಚಕ್ರಂ ಸಹಸಾ ನಿಪೀಡ್ಯ ಪಂಚಾಂಗುಲಂ ಮಜ್ಜಯತಿ ಸ್ಮ ವೀರಃ॥ 8-97-30 (59742) ತತೋಽಂತರಿಕ್ಷೇ ಸುಮಹಾನ್ನಿನಾದಃ ಸಂಪೂಜನಾರ್ಥಂ ಮಧುಸೂದನಸ್ಯ। [ದಿವ್ಯಾಶ್ಚ ವಾಚಃ ಸಹಸಾ ಬಭೂವು-- ರ್ದಿವ್ಯಾನಿ ಪುಷ್ಪಾಣ್ಯಥ ಸಿಂಹನಾದಾಃ। ತಸ್ಮಿಂಸ್ತಥಾ ವೈ ಧರಣೀಂ ನಿಮಗ್ನೇ ರಥೇ ಪ್ರಯತ್ನಾನ್ಮಧುಸೂದನಸ್ಯ॥] 8-97-31 (59743) ತತಃ ಕಿರೀಟಂ ಬಹುರತ್ನಚಿತ್ರಂ ಜಘಾನ ನಾಗೋಽರ್ಜುನಮೂರ್ಧತೋ ಬಲಾತ್। ಗಿರೇಃ ಸುಜಾತಾಂಕುರಪುಷ್ಪಿತದ್ರುಮಂ ಮಹೇಂದ್ರವಜ್ರಂ ಶಿಖರಂ ಯಥೋತ್ತಮಂ॥ 8-97-32 (59744) ತತಃ ಕಿರೀಟಂ ತಪನೀಯಚಿತ್ರಂ ಪಾರ್ಥೋತ್ತಮಾಂಗಾದಹರತ್ತರಸ್ವೀ। ತದ್ಧೇಮಜಾಲಾವನತಂ ಸುಘೋರಂ ಸಂಪ್ರಜ್ವಲತ್ತನ್ನಿಪಪಾತ ಭೂಮೌ॥ 8-97-33 (59745) ತತೋಽರ್ಜುನಸ್ಯೋತ್ತಮಗಾತ್ರಭೂಷಣಂ ಸುವರ್ಣಮುಕ್ತಾಮಣಿವಜ್ರಚಿತ್ರಿತಂ। ಧರಾವಿಯದ್ದ್ಯೋಸಲಿಲೇಷು ವಿಶ್ರುತಂ ಬಲಂ ನಿಸರ್ಗೋತ್ತಮಮನ್ಯುಧಿಃ ಸದಾ॥ 8-97-34 (59746) ಶರೇಣ ಮೂರ್ಧ್ನಿ ಪ್ರಜಹಾರ ಸೂತಜೋ ದಿವಾಕರೇಂದುಜ್ವಲನಗ್ರಹತ್ವಿಷಂ। ಸುವರ್ಣಮುಕ್ತಾಮಣಿವಜ್ರಭೂಷಣಂ ಪುರಂದರಾರ್ಥಂ ತಪಸಾ ಪ್ರಯತ್ನತಃ॥ 8-97-35 (59747) ಸ್ವಯಂ ಕೃತಂ ಯದ್ವಿಧಿನಾ ಸ್ವಯಂಭುವಾ ಮಹಾರ್ಹರೂಪಂ ದ್ವಿಷತಾಂ ಭಯಂಕರಂ। ನಿಜಘ್ನತೇ ದೇವರಿಪೂನ್ಸುರೇಶ್ವರಃ ಸ್ವಯಂ ದದೌ ಯದ್ಧಿ ಮುದಾಽರ್ಜುನಾಯ॥ 8-97-36 (59748) ಹರಿಪ್ರಚೇತೋಹರಿವಿತ್ತಗೋಪ್ತೃಭಿಃ ಪಿನಾಕಪಾಶಾಶನಿದಂಡಧಾರಿಭಿಃ। ಸುರೋತ್ತಮೈರಪ್ಯವಿಷಹ್ಯಮರ್ದಿತುಂ ಪ್ರಸಹ್ಯ ನಾಗೇನ ಜಹಾರ ತದ್ವೃಷಾ॥ 8-97-37 (59749) ತದುತ್ತಮೇಷೂನ್ಮಥಿತಂ ವಿಷಾಹಿನಾ ಪ್ರದೀಪ್ತಮರ್ಚಿಷ್ಮದತೀವ ಸುಂದರಂ। ಪಪಾತ ಪಾರ್ಥಸ್ಯ ಕಿರೀಟಮುತ್ತಮಂ ದಿವಾಕರೋಸ್ತಾದಿವ ಪರ್ವತಾಜ್ಜ್ವಲನ್॥ 8-97-38 (59750) ಮಹೀವಿಯದ್ದ್ಯೋಸಲಿಲಾನಿ ವಾಯುನಾ ಪ್ರಸಹ್ಯ ರುಗ್ಣಾನಿ ವಿಘೂರ್ಣಿತಾನಿ ವಾ। ಇತೀವ ಶಬ್ದಂ ಭುವನೇಷು ತತ್ತಥಾ ಜನಾ ವ್ಯವಸ್ಯಂತಿ ದಿಶಶ್ಚ ವಿಹ್ವಲಾಃ॥ 8-97-39 (59751) ವಿನಾ ಕಿರೀಟಂ* ಶುಶುಭೇ ಸ ಪಾರ್ಥಃ ಶ್ಯಾಮೋ ಯುವಾ ಶೈಲ ತ್ರಿಶೃಂಗೈಃ॥ 8-97-40 (59752) ತತಃ ಸಮುದ್ಗ್ರಥ್ಯ ಸಿತೇನ ವಾಸಸಾ ಸ್ವಮೂರ್ಧಜನಾವ್ಯಥಿತಸ್ತದಾಽರ್ಜುನಃ। ಬಭೌ ಸುಸಂಪೂರ್ಣಮರೀಚಿನೇಂದುನಾ ಶಿರೋಗತೇನೋದಯಪರ್ವತೋ ಯಥಾ॥ 8-97-41 (59753) ಸ ಚಾಪಿ ರಾಧೇಯಭುಜಪ್ರಮುಕ್ತೋ ಹುತಾಶನಾರ್ಕಪ್ರತಿಮದ್ಯುತಿರ್ಮಹಾನ್। ಮಹೋರಗಃ ಕೃತವೈರೋಽರ್ಜುನೇನ ಕಿರೀಟಮಾಹೃತ್ಯ ಸಮುತ್ಪಪಾತ॥ 8-97-42 (59754) ತಮುತ್ಪತಂತಂ ದ್ವಿಪದಾಂ ವರಿಷ್ಠೋ ದೃಷ್ಟ್ವಾ ವಚಃ ಪಾರ್ಥಮುವಾಚ ಕೃಷ್ಣಃ। ಮಹೋರಗಂ ಪಾಂಡವ ಪಶ್ಯಪಶ್ಯ ಪ್ರಯೋಜಿತಂ ತ್ವನ್ನಿಧನಾರ್ಥಮುಗ್ರಂ॥ 8-97-43 (59755) ಸ ಏವಮುಕ್ತೋ ಮಧುಸೂದನೇನ ಗಾಂಡೀವಧನ್ವಾ ಹರಿಮುಗ್ರವಾಚಾ। ಉವಾಚ ಕೋ ನ್ವೇಷ ಮಮಾದ್ಯ ನಾಗಃ ಕ್ಷಯಾಯ ನಾಗಾದ್ಗರುಡಸ್ಯ ವಕ್ರಂ॥ 8-97-44 (59756) ಕೃಷ್ಣ ಉವಾಚ। 8-97-45x (5063) ಯೋಽಸೌ ತ್ವಯಾ ಖಾಂಡವೇ ಚಿತ್ರಭಾನುಂ ಸಂತರ್ಪಯಾಣೇನ ಧನುರ್ಧರೇಣ। ವಿಯದ್ಗತೋ ಜನನೀಗುಪ್ತದೇಹೋ ಮತ್ವೈಕರೂಪಂ ನಿಹತಾಽಸ್ಯ ಮಾತಾ॥ 8-97-45 (59757) ಸ ಏಷ ತದ್ವೈರಮನುಸ್ಮರನ್ವೈ ತ್ವಾಂ ಪ್ರಾರ್ಥಯತ್ಯಾತ್ಮವಧಾಯ ನೂನಂ। ನಭಶ್ಚುತಾಂ ಪ್ರಜ್ವಲಿತಾಮಿವೋಲ್ಕಾಂ ಪಶ್ಯೈನಮಾಯಾಂತಮಮಿತ್ರಸಾಹ॥ 8-97-46 (59758) ಸಂಜಯ ಉವಾಚ। 8-97-47x (5064) ತತಃ ಸ ಜಿಷ್ಣುಃ ಪರಿವೃತ್ಯ ರೋಷಾ-- ಚ್ಚಿಚ್ಛೇದ ಷಡ್ಭಿರ್ನಿಶಿತೈಃ ಸುಧಾರೈಃ। ನಾಗಂ ವಿಯತ್ತಿರ್ಯಗಿವೋತ್ಪತತಂ ಸ ಚ್ಛಿನ್ನಗಾತ್ರೋ ನಿಪಪಾತ ಭೂಮೌ॥ 8-97-47 (59759) [ಗತೇ ಚ ತಸ್ಮಿನ್ಭುಜಗೇ ಕಿರೀಟಿನಾ ಸ್ವಯಂ ವಿಭುಃ ಪಾರ್ಥಿವ ಭೂತಲಾದಥ। ಸಮುಜ್ಜಹಾರಾಶು ಪುನಃ ಪತಂತಂ ರಥಂ ಭುಜಾಭ್ಯಾಂ ಪುರುಷೋತ್ತಮಸ್ತತಃ॥] 8-97-48 (59760) ತಸ್ಮಿನ್ಮುಹೂರ್ತೇ ದಶಭಿಃ ಪೃಷತ್ಕೈಃ ಸಿಲಾಶಿತೈರ್ಬರ್ಹಿಣಬರ್ಹವಾಜಿತೈಃ। ವಿವ್ಯಾಧ ಕರ್ಣಃ ಪುರುಷಪ್ರವೀರೋ ಧನಂಜಯಂ ತಿರ್ಯಗವೇಕ್ಷಮಾಣಃ॥ 8-97-49 (59761) ತತೋಽರ್ಜುನೋ ದ್ವಾದಶಭಿಃ ಸುಮುಕ್ತೈ-- ರ್ವರಾಹಕರ್ಣೈರ್ಜಿಶಿತೈಃ ಸಮರ್ಪ್ಯ। ನಾರಾಚಮಾಶೀವಿಷತುಲ್ಯವೇಗ-- ಮಾಕರ್ಣಪೂರ್ಣಾಯತಮುತ್ಸಸರ್ಜ॥ 8-97-50 (59762) ಸ ಚಿತ್ರವರ್ಮೇಷುವರೋ ವಿದಾರ್ಯ ಪ್ರಾಣಾನ್ನಿರಸ್ಯನ್ನಿವ ಸಾಧುಮುಕ್ತಃ। ಕರ್ಣಸ್ಯ ಪೀತ್ವಾ ರುಧಿರಂ ವಿವೇಶ ವಸುಂಧರಾಂ ಶೋಣಿತದಿಗ್ಧವಾಜಃ॥ 8-97-51 (59763) ತತೋ ವೃಷೋ ಬಾಣನಿಪಾತಕೋಪಿತೋ ಮಹೋರಗೋ ದಂಡವಿಘಟ್ಟಿತೋ ಯಥಾ। ತದಾಽಽಶುಕಾರೀ ವ್ಯಸೃಜಚ್ಛರೋತ್ತಮಾನ್ ಮಹಾವಿಷಃ ಸರ್ಪ ಇವೋತ್ತಮಂ ವಿಷಂ॥ 8-97-52 (59764) ಜನಾರ್ದನಂ ದ್ವಾದಶಭಿಃ ಪರಾಭಿನ-- ನ್ನವೈರ್ನವತ್ಯಾ ಚ ಶರೈಸ್ತಥಾಽರ್ಜುನಂ। ಶರೇಣ ಘೋರೇಣ ಪುನಶ್ಚ ಪಾಂಡವಂ ವಿದಾರ್ಯ ಕರ್ಣೋ ವ್ಯನದಜ್ಜಹಾಸ ಚ॥ 8-97-53 (59765) ತಮಸ್ಯ ಹರ್ಷಂ ಮಮೃಷೇ ನ ಪಾಂಡವೋ ಬಿಭೇದ ಮರ್ಮಾಣಿ ತತೋಽಸ್ಯ ಮರ್ಮವಿತ್। ಪರಃಶತೈಃ ಪತ್ರಿಭಿರಿಂದ್ರವಿಕ್ರಮ-- ಸ್ತಥಾ ಯಥೇಂದ್ರೋ ಬಲಮೋಜಸಾ ರಣೇ॥ 8-97-54 (59766) ತತಃ ಶರಾಣಾಂ ನವತಿಂ ತದಾಽರ್ಜುನಃ ಸಸರ್ಜ ಕರ್ಣೇಽಂತಕದಂಡಸನ್ನಿಭಾಂ। ತೈಃ ಪತ್ರಿಭಿರ್ವಿದ್ಧತನುಃ ಸ ವಿವ್ಯಥೇ ತಥಾ ಯಥಾ ವಜ್ರವಿದಾರಿತೋಽಚಲಃ॥ 8-97-55 (59767) ಮಣಿಪ್ರವೇಕೋತ್ತಮವಜ್ರಹಾಟಕೈ-- ರಲಂಕೃತಂ ಚಾಸ್ಯ ವರಾಂಗಭೂಷಣಂ। ಪ್ರವಿದ್ಧಮುರ್ವ್ಯಾಂ ನಿಪಪಾತ ಪತ್ರಿಭಿ-- ರ್ಧನಂಜಯೇನೋತ್ತಮಕುಂಡಲೇಪಿ ಚ॥ 8-97-56 (59768) ಮಹಾಧನಂ ಶಿಲ್ಪಿವರೈಃ ಪ್ರಯತ್ನತಃ ಕೃತಂ ಯದಸ್ಯೋತ್ತಮವರ್ಮ ಭಾಸ್ವರಂ। ಸುದೀರ್ಘಕಾಲೇನ ತತೋಽಸ್ಯ ಪಾಂಡವಃ ಕ್ಷಣೇನ ಬಾಣೈರ್ಬಹುಧಾ ವ್ಯಶಾತಯತ್॥ 8-97-57 (59769) `ತಸ್ಯೇಷುಭಿಃ ಖಂಡಿತಕುಂಡಲೋಽಂತಃ ಪರಿಕ್ಷತಶ್ಚಾಭ್ಯಧಿಕಂ ತದಾನೀಂ। ಸ ಲೋಹಿತಾಂಗಶ್ರವಣಶ್ಚಕಾಶೇ ಸಲೋಹಿತಾಂಗಶ್ರವಣೋ ಯಥಾ ದಿವಿ'॥ 8-97-58 (59770) ಸ ತಂ ವಿವರ್ಮಾಣಮಥೋತ್ತಮೇಷುಭಿಃ ಶಿತೈಶ್ಚತುರ್ಭಿಃ ಕುಪಿತಃ ಪರಾಭಿನತ್। ಸ ವಿವ್ಯಥೇಽತ್ಯರ್ಥಮರಿಪ್ರತಾಡಿತೋ ಯಥಾಽಽತುರಃ ಪಿತ್ತಕಫಾನಿಲಜ್ವರೈಃ॥ 8-97-59 (59771) ಮಹಾಧನುರ್ಮಂಡಲನಿಃಸೃತೈಃ ಶಿತೈಃ ಕ್ರಿಯಾಪ್ರಯತ್ನಪ್ರಹಿತೈರ್ಬಲೇನ ಚ। ತತಕ್ಷ ಕರ್ಣಂ ಬಹುಭಿಃ ಶರೋತ್ತಮೈ-- ರ್ಬಿಭೇದ ಮರ್ಮಸ್ವಪಿ ಚಾರ್ಜುನಸ್ತ್ವರನ್॥ 8-97-60 (59772) ದೃಢಾಹತಃ ಪತ್ರಿಭಿರುಗ್ರವೇಗೈಃ ಪಾರ್ಥೇನ ಕರ್ಣೋ ವಿವಿಧೈಃ ಶಿತಾಗ್ರೈಃ। ಬಭೌ ಗಿರಿರ್ಗೈರಿಕಧಾತುರಕ್ತಃ ಕ್ಷರನ್ಪ್ರಪಾತೈರಿವ ರಕ್ತಮಂಭಃ॥ 8-97-61 (59773) [ತತೋಽರ್ಜುನಃ ಕರ್ಣಮವಕ್ರಗೈರ್ನವೈಃ ಸುವರ್ಣಪುಂಖೈಃ ಸುದೃಢೈರಯಸ್ಮಯೈಃ। ಯಮಾಗ್ನಿದಂಡಪ್ರತಿಮೈಃ ಸ್ತನಾಂತರೇ ಪರಾಭಿನತ್ಕ್ರೌಂಚಮಿವಾದ್ರಿಮಗ್ನಿಜಃ॥ 8-97-62 (59774) ತತಃ ಶರಾವಾಪಮಪಾಸ್ಯ ಸೂತಜೋ ಧನುಶ್ಚ ತಚ್ಛಕ್ರಶರಾಸನೋಪಮಂ। ತತೋ ರಥಸ್ಥಃ ಸ ಮುಮೋಹ ಚ ಸ್ಖಲನ್। ಪ್ರಶೀರ್ಣಮುಷ್ಟಿಃ ಸುಭೃಶಾಹತಃ ಪ್ರಭೋ॥ 8-97-63 (59775) ನ ಚಾರ್ಜುನಸ್ತಂ ವ್ಯಸನೇ ತದೇಷಿವಾ-- ನ್ನಿಹಂತುಮಾರ್ಯಃ ಪುರುಷವ್ರತೇ ಸ್ಥಿತಃ। ತತಸ್ತಮಿಂದ್ರಾವರಜಃ ಸುಸಂಭ್ರಮಾ-- ದುವಾಚ ಕಿಂ ಪಾಣ಼್ಡವ ಹೇ ಪ್ರಮಾದ್ಯಸೇ॥ 8-97-64 (59776) ನೈವಾಹಿತಾನಾಂ ಸತತಂ ವಿಪಶ್ಚಿತಃ ಕ್ಷಣಂ ಪ್ರತೀಕ್ಷಂತ್ಯಪಿ ದುರ್ಬಲೀಯಸಾಂ। ವಿಶೇಷತೋಽರೀನ್ವ್ಯಸನೇಷು ಪಂಡಿತೋ ನಿಹತ್ಯ ಧರ್ಮಂ ಚ ಯಶಶ್ಚ ವಿಂದತೇ॥ 8-97-65 (59777) ತದೇಕವೀರಂ ತವ ಚಾಹಿತಂ ಸದಾ ತ್ವರಸ್ವ ಕರ್ಣಂ ಸಹಸಾಽಭಿಮರ್ದಿತುಂ। ಪುರಾ ಸಮರ್ಥಃ ಸಮುಪೈತಿ ಸೂತಜೋ ಭಿಂಧಿ ತ್ವಮೇನಂ ನಮುಚಿಂ ಯಥಾ ಹರಿಃ॥ 8-97-66 (59778) ತತಸ್ತದೇವೇತ್ಯಭಿಪೂಜ್ಯ ಸತ್ವರಂ ಜನಾರ್ದನಂ ಕರ್ಣಮವಿಧ್ಯದರ್ಜುನಃ। ಶರೋತ್ತಮೈಃ ಸರ್ವಕುರೂತ್ತಮಸ್ತ್ವರಂ-- ಸ್ತಥಾ ಯಥಾ ಶಂಬರಹಾ ಪುರಾ ಬಲಿಂ॥] 8-97-67 (59779) ಸಾಶ್ವಂ ತು ಕರ್ಣಂ ಸರಥಂ ಕಿರೀಟಿ ಸಮಾಚಿನೋದ್ಭಾರತ ವತ್ಸದಂತೈಃ। ಪ್ರಚ್ಛಾದಯಾಮಾಸ ದಿಶಶ್ಚ ಬಾಣೈಃ ಸರ್ವಪ್ರಯತ್ನಾತ್ತಪನೀಯಪುಂಖೈಃ॥ 8-97-68 (59780) ಸವತ್ಸದಂತೈಃ ಪೃಥುಪೀನವಕ್ಷಾಃ ಸಮಾಚಿತಃ ಸೋಽಧಿರಥಿರ್ವಿಭಾತಿ। ಸುಪುಷ್ಪಿತಾಶೋಕಪಲಾಶಶಾಲ್ಮಲಿ-- ರ್ಯಥಾಽಚಲಶ್ಚಂದನಕಾನನಾಯುತಃ॥ 8-97-69 (59781) ಶರೈಃ ಶರೀರೇ ಬಹುಭಿಃ ಸಮರ್ಪಿತೈ-- ರ್ವಿಭಾತಿ ಕರ್ಣಃ ಸಮರೇ ವಿಶಾಂಪತೇ। ಮಹೀರುಹೈರಾಚಿತಸಾನುಕಂದರೋ ಯಥಾ ಗಿರೀಂದ್ರಃ ಸ್ಫುಟಕರ್ಣಿಕಾರವಾನ್॥ 8-97-70 (59782) ಸ ವಾಣಸಂಘಾನ್ಬಹುಧಾ ವ್ಯವಾಸೃಜನ್ ವಿಭಾತಿ ಕರ್ಣಃ ಶರಜಾಲರಶ್ಮಿವಾನ್। ಸ ಲೋಹಿತೋ ರಕ್ತಗಭಸ್ತಿಮಂಡಲೋ ದಿವಾಕರೋಽಸ್ತಾಭಿಮುಖೋ ಯಥಾ ತಥಾ॥ 8-97-71 (59783) ಬಾಹ್ವಂತರಾದಾಧಿರಥೇರ್ವಿಮುಕ್ತಾನ್ ಬಾಣಾನ್ಮಹಾಹೀನಿವ ದೀಪ್ಯಮಾನಾನ್। ವ್ಯಧ್ವಂಸಯನ್ನರ್ಜುನಬಾಹುಮುಕ್ತಾಃ ಶರಾಃ ಸಮಾಸಾದ್ಯ ದಿಶಃ ಶಿತಾಗ್ರಾಃ॥ 8-97-72 (59784) [ತತಃ ಸ ಕರ್ಣಃ ಸಮವಾಪ್ಯ ಧೈರ್ಯಂ ಬಾಣಾನ್ವಿಮುಂಚನ್ಕುಪಿತಾಹಿಕಲ್ಪಾನ್। ವಿವ್ಯಾಧ ಪಾರ್ಥಂ ದಶಭಿಃ ಪೃಷತ್ಕೈಃ ಕೃಷ್ಣಂ ಚ ಷ಼ಡ್ಭಿಃ ಕುಪಿತಾಹಿಕಲ್ಪೈಃ॥ 8-97-73 (59785) ತತಃ ಕಿರೀಟಿ ಭೃಶಮುಗ್ರನಿಃಸ್ವನಂ ಮಹಾಶರಂ ಸರ್ಪವಿಷಾನಲೋಪಮಂ। ಅಯಸ್ಮಾಯಂ ರೌದ್ರಮಹಾಸ್ತ್ರಸಂಭೃತಂ ಮಹಾಹವೇ ಕ್ಷೇಪ್ತುಮನಾ ಮಹಾಮತಿಃ॥] 8-97-74 (59786) ಕಾಲೋ ಹ್ಯದೃಶ್ಯೋ ನೃಪ ವಿಪ್ರಶಾಪಾ-- ನ್ನಿದರ್ಶಯನ್ಕರ್ಣವಧಂ ಬ್ರುವಾಣಃ। ಭೂಮಿಸ್ತು ಚಕ್ರಂ ಗ್ರಸತೀತ್ಯವೋಚ-- ತ್ಕರ್ಣಸ್ಯ ತಸ್ಮಿನ್ವಧಕಾಲ ಆಗತೇ॥ 8-97-75 (59787) ನ ಚಾಸ್ಯ ಘೋರಂ ಪ್ರತಿಭಾತಿ ಚಾಸ್ತ್ರಂ ಯದ್ಭಾರ್ಗವೋಽಸ್ಮೈ ಪ್ರದದೌ ಮಹಾತ್ಮಾ। ಚಕ್ರಂ ಚ ವಾಮಂ ಗ್ರಸತೇ ಭೂಮಿರಸ್ಯ ಪ್ರಾಪ್ತೇ ತಸ್ಮಿನ್ವಧಕಾಲೇ ನೃವೀರ॥ 8-97-76 (59788) ತತೋ ರಥೋ ಘೂರ್ಣಿತವಾನ್ನರೇಂದ್ರ ಶಾಪಾತ್ತದಾ ಬ್ರಾಹ್ಮಣಸತ್ತಮಸ್ಯ। ಪ್ರಾಪ್ತಂ ವಧಂ ಶಂಸತಿ ಚಾಪ್ಯಥಾಸ್ತ್ರಂ ಪ್ರಣಶ್ಯಮಾನಂ ದ್ವಿಜಮುಖ್ಯಶಾಪಾತ್॥ 8-97-77 (59789) [ತತಶ್ಚಕ್ರಮಪತತ್ತಸ್ಯ ಭೂಮೌ ಸ ವಿಹ್ವಲಃ ಸಮರೇ ಸೂತಪುತ್ರಃ। ಸವೇದಿಕಶ್ಚೈತ್ಯ ಇವಾತಿಮಾತ್ರಃ ಸುಪುಷ್ಪಿತೋ ಭೂಮಿತಲೇ ನಿಮಗ್ನಃ]॥ 8-97-78 (59790) ಮಗ್ನೇ ರಥೇ ಬ್ರಾಹ್ಮಣಶಾಪಮೂಢೋ ಹ್ಯಸ್ತ್ರಂ ಚ ತಂ ಮೋಘಮಿಷು ಚ ಸರ್ಪಂ। ಅಮೃಷ್ಯಮಾಣೋ ವ್ಯಸನಾನಿ ತಾನಿ ಹಸ್ತೌ ವಿಧುನ್ವನ್ವಿಜಗರ್ಹ ಧರ್ಮಂ॥ 8-97-79 (59791) ಧರ್ಮಪ್ರಧಾನಂ ಕಿಲ ಪಾತಿ ಧರ್ಮ ಇತ್ಯಬ್ರುವಂಧರ್ಮವಿದಃ ಸದೈವ। ವಯಂ ಚ ಧರ್ಮೇ ಪ್ರಯತಾಮ ನಿತ್ಯಂ ಚರ್ತುಂ ಯಥಾಶಕ್ತಿ ಯಥಾಶ್ರುತಂ ಚ। ಸ ಚಾಪಿ ನಿಘ್ನಾತಿ ನ ಪಾತಿ ಭಕ್ತಾನ್ ಮನ್ಯೇ ನ ನಿತ್ಯಂ ಪರಿಪಾತಿ ಧರ್ಮಃ॥ 8-97-80 (59792) ಏವಂ ಬ್ರುವನ್ಪ್ರಸ್ಖಲಿತಾಶ್ವಸೂತೋ ವಿಚಾಲ್ಯಮಾನೋಽರ್ಜುನಬಾಣಪಾತೈಃ। ಮರ್ಮಾಭಿಘಾತಾಚ್ಛಿಥಿಲಃ ಕ್ರಿಯಾಸು ಪುನಃ ಪುನರ್ಧರ್ಮಮಸೌ ಜಗರ್ಹ॥ 8-97-81 (59793) ತತಃ ಶರೈರ್ಭೀಮತರೈರವಿಧ್ಯತ್ತ್ರಿಭಿರಾಹವೇ। ಹಸ್ತೇ ಕೃಷ್ಣಂ ತಥಾ ಪಾರ್ಥಮಭ್ಯವಿಧ್ಯಚ್ಚ ಸಪ್ತಭಿಃ॥ 8-97-82 (59794) ತತೋಽರ್ಜುನಃ ಸಪ್ತದಶ ತಿಗ್ಮವೇಗಾನಜಿಹ್ಮಗಾನ್। ಇಂದ್ರಾಶನಿಸಮಾನ್ಘೋರಾನಸೃಜತ್ಪಾವಕೋಪಮಾನ್॥ 8-97-83 (59795) ನಿರ್ಭಿದ್ಯ ತೇ ಭೀಮವೇಗಾ ಹ್ಯಪತನ್ಪೃಥಿವೀತಲೇ। ಕಂಪಿತಾತ್ಮಾ ತತಃ ಕರ್ಣಃ ಶಕ್ತ್ಯಾ ಚೇಷ್ಟಾಮದರ್ಶಯತ್॥ 8-97-84 (59796) ಬಲೇನಾಥ ಸ ಸಂಸ್ತಭ್ಯ ಬ್ರಹ್ಮಾಸ್ತ್ರಂ ಸಮುದೈರಯತ್। ಐಂದ್ರಂ ತತೋಽರ್ಜುನಶ್ಚಾಪಿ ತಂ ದೃಷ್ಟ್ವಾಽಭ್ಯುಪಮಂತ್ರಯತ್॥ 8-97-85 (59797) ಗಾಂಡೀವಂ ಜ್ಯಾಂ ಚ ಬಾಣಾಂಶ್ಚ ಸೋಽನುಮಂತ್ರ್ಯ ಪರಂತಪಃ। ವ್ಯಸೃಜಚ್ಛರವರ್ಷಾಣಿ ವರ್ಷಾಣೀವ ಪುರಂದರಃ॥ 8-97-86 (59798) ತತಸ್ತೇಜೋಮಯಾ ಬಾಣಾ ರಥಾತ್ಪಾರ್ಥಸ್ಯ ನಿಃಸೃತಾಃ। ಪ್ರಾದುರಾಸನ್ಮಹಾವೀರ್ಯಾಃ ಕರ್ಣಸ್ಯ ರಥಮಂತಿಕಾತ್। 8-97-87 (59799) ಸ ಕರ್ಣೋಽಗ್ರಸದಸ್ಯಾಸ್ತ್ರಂ ಕುರ್ವನ್ಮೋಕ್ಷಂ ಮಹಾರಥಃ॥ ತತೋಽಬ್ರವೀದ್ವೃಷ್ಣಿವೀರಸ್ತಸ್ಮಿನ್ನಸ್ತ್ರೇ ವಿನಾಶಿತೇ। ವಿಸೃಜಾಸ್ತ್ರಂ ಪರಂ ಪಾರ್ಥ ರಾಧೇಯೋ ಗ್ರಸತೇ ಶರಾನ್॥ 8-97-88 (59800) ತತೋ ಬ್ರಹ್ಮಾಸ್ತ್ರಮತ್ಯುಗ್ರಂ ಸಂಮಂತ್ರ್ಯ ಸಮಯೋಜಯತ್। ಛಾದಯಿತ್ವಾ ತತೋ ಬಾಣೈಃ ಕರ್ಣಂ ಪ್ರತ್ಯಸ್ಯದರ್ಜುನಃ॥ 8-97-89 (59801) ತತಃ ಕರ್ಣಃ ಶಿತೈರ್ಬಾಣೈರ್ಜ್ಯಾಂ ಚಿಚ್ಛೇದ ಸುತೇಜನೈಃ। [ದ್ವಿತೀಯಾಂ ಚ ತೃತೀಯಾಂ ಚ ಚತುರ್ಥೀ ಪಂಚಮೀಂ ತಥಾ॥ 8-97-90 (59802) ಷಷ್ಠೀಮಥಾಸ್ಯ ಚಿಚ್ಛೇದ ಸಪ್ತಮೀಂ ಚ ತಥಾಽಷ್ಟಮೀಂ। ನವಮೀಂ ದಶಮೀಂ ಚಾಸ್ಯ ತಥಾ ಚೈಕಾದಶೀಂ ವೃಷಃ। ಜ್ಯಾಶತಂ ಶತಸಂಧಾನಃ ಸ ಕರ್ಣೋ ನಾವಬುಧ್ಯತೇ॥] 8-97-91 (59803) ತತೋ ಜ್ಯಾಂ ವಿನಿಧಾಯಾನ್ಯಾಮಭಿಮಂತ್ರ್ಯ ಚ ಪಾಂಡವಃ। ಶರೈರವಾಕಿರತ್ಕರ್ಣಂ ದೀಪ್ಯಮಾನೈರಿವಾಹಿಭಿಃ॥ 8-97-92 (59804) ತಸ್ಯ ಜ್ಯಾಚ್ಛೇದನಂ ಕರ್ಣೋ ಜ್ಯಾವಧಾನಂ ಚ ಸಂಯುಗೇ। ನಾನ್ವಬುಧ್ಯತ ಶೀಘ್ರತ್ವಾತ್ತದದ್ಭುತಮಿವಾಭವತ್॥ 8-97-93 (59805) ಅಸ್ತ್ರೈರಸ್ತ್ರಾಣಿ ಸಂವಾರ್ಯ ಪ್ರನಿಘ್ನನ್ಸವ್ಯಸಾಚಿನಃ। ಚಕ್ರೇ ಚಾಪ್ಯಧಿಕಂ ಪಾರ್ಥಾತ್ಸ್ವವೀರ್ಯಮತಿದರ್ಶಯನ್॥ 8-97-94 (59806) ತತಃ ಕರ್ಣೋಽರ್ಜುನಂ ದೃಷ್ಟ್ವಾ ಸ್ವಸ್ಯಾಸ್ತ್ರೇಣ ಚ ಪೀಡಿತಂ। ಅಭ್ಯಸೇತ್ಯಬ್ರವೀತ್ಪಾರ್ಥಮಾತಿಷ್ಠಾಸ್ತ್ರಂ ವ್ರಜೇತಿ ಚ॥ 8-97-95 (59807) ತತೋಽಗ್ನಿಸದೃಶಂ ಘೋರಂ ಶರಂ ಸರ್ಪವಿಷೋಪಮಂ। ಅಶ್ಮಸಾರಮಂ ದಿವ್ಯಮಭಿಮಂತ್ರ್ಯಂ ಪರಂತಪಃ। ರೌದ್ರಮಸ್ತ್ರಂ ಸಮಾಧಾಯ ಕ್ಷೇಪ್ತುಕಾಮಃ ಕಿರೀಟಿನೇ॥ 8-97-96 (59808) ತತೋಽಗ್ರಸನ್ಮಹೀ ಚಕ್ರಂ ರಾಧೇಯಸ್ಯ ತದಾ ನೃಪ॥ 8-97-97 (59809) [ತತೋಽವತೀರ್ಯ ರಾಧೇಯೋ ರಥಾದಾಶು ಸಮುದ್ಯತಃ। ಚಕ್ರಂ ಭುಜಾಭ್ಯಾಮಾಲಂಬ್ಯ ಸಮುತ್ಕ್ಷೇಪ್ತುಮಿಯೇಷ ಸಃ॥ 8-97-98 (59810) ಸಪ್ತದ್ವೀಪಾ ವಸುಮತೀ ಸಶೈಲವನಕಾನನಾ। ಗೀರ್ಣಚಕ್ರಾ ಸಮುತ್ಕ್ಷಿಪ್ತಾ ಕರ್ಣೇನ ಚತುರಂಗುಲಂ॥ 8-97-99 (59811) ಗ್ರಸ್ತಚಕ್ರಸ್ತು ರಾಧೇಯಃ ಕ್ರೋಧಾದಶ್ರೂಣ್ಯವರ್ತಯತ್। ಅರ್ಜುನಂ ವೀಕ್ಷ್ಯ ಸಂರಬ್ಧಮಿದಂ ವಚನಮಬ್ರವೀತ್॥ 8-97-100 (59812) ಭೋಭೋ ಪಾರ್ಥ ಮಹೇಷ್ವಾಸ ಮುಹುರ್ತಂ ಪರಿಪಾಲಯ। ಯಾವಚ್ಚಕ್ರಮಿದಂ ಗ್ರಸ್ತಮುದ್ಧರಾಮಿ ಮಹೀತಲಾತ್॥ 8-97-101 (59813) ಸವ್ಯಂ ಚಕ್ರಂ ಮಹೀಗ್ರಸ್ತಂ ದೃಷ್ಟ್ವಾ ದೈವಾದಿದಂ ಮಮ। ಪಾರ್ಥ ಕಾಪುರುಷಾಚೀರ್ಣಮಭಿಸಂಧಿಂ ವಿಸರ್ಜಯ॥ 8-97-102 (59814) ನ ತ್ವಂ ಕಾಪುರುಷಾಚೀರ್ಣಂ ಮಾರ್ಗಮಾಸ್ಥಾತುಮರ್ಹಸಿ। ಖ್ಯಾತಸ್ತ್ವಮಸಿ ಕೌಂತೇಯ ವಿಶಿಷ್ಟೋ ರಣಕರ್ಮಸು। ವಿಶಿಷ್ಟತರಮೇವ ತ್ವಂ ಕರ್ತುಮರ್ಹಸಿ ಪಾಂಡವ॥ 8-97-103 (59815) ಪ್ರಕೀರ್ಣಕೇಶೇ ವಿಮುಖೇ ಬ್ರಾಹ್ಮಣೇಽಥ ಕೃತಾಂಜಲೌ। ಶರಣಾಗತೇ ನ್ಯಸ್ತಶಸ್ತ್ರೇಯಾಚಮಾನೇ ತಥಾಽರ್ಜುನ॥ 8-97-104 (59816) ಅಬಾಣೇ ಭ್ರಷ್ಟಕವಚೇ ಭ್ರಷ್ಟಭಗ್ನಾಯುಧೇ ತಥಾ। ನ ವಿಮುಂಚಂತಿ ಶಸ್ತ್ರಾಣಿ ಶೂರಾಃ ಸಾಧುವ್ರತೇ ಸ್ಥಿತಾಃ॥ 8-97-105 (59817) ತ್ವಂ ಚ ಶೂರತಮೋ ಲೋಕೇ ಸಾಧುವೃತ್ತಶ್ಚ ಪಾಂಡವ। ಅಭಿಜ್ಞೋ ಯುದ್ಧಧರ್ಮಾಣಾಂ ತಸ್ಮಾತ್ಕ್ಷಮ ಮುಹೂರ್ತಕಂ॥ 8-97-106 (59818) ದಿವ್ಯಾಸ್ತ್ರವಿದಮೇಯಾತ್ಮಾ ಕಾರ್ತವೀರ್ಯಸಮೋ ಯುಧಿ। ಯಾವಚ್ಚಕ್ರಮಿದಂ ಗ್ರಸ್ತಮುದ್ವರಾಮಿ ಮಹಾಭುಜ॥ 8-97-107 (59819) ನ ಮಾಂ ರಥಸ್ಥೋ ಭೂಮಿಷ್ಠಂ ವಿಕಲಂ ಹಂತುಮರ್ಹಸಿ। ನ ವಾಸುದೇವಾತ್ತ್ವತ್ತೋ ವಾ ಪಾಂಡವೇಯ ಬಿಭೇಂಯಹಂ॥ 8-97-108 (59820) ತ್ವಂ ಹಿ ಕ್ಷತ್ರಿಯದಾಯಾದೋ ಮಹಾಲಕುಲವಿವರ್ಧನಃ। ಅತಸ್ತ್ವಾಂ ಪ್ರಬವೀಂಯೇಷ ಮುಹೂರ್ತಂ ಕ್ಷಮ ಪಾಣ಼್ಡವ॥ ॥ 8-97-109 (59821) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಸಪ್ತನವತಿತಮೋಽಧ್ಯಾಯಃ॥ 97 ॥ [ವಿನಾ ಕಿರೀಟಂ ಶಂಶುಭೇ ಸ ಪಾರ್ಥಃ। ಶ್ಯಾಮೋ ಯುವಾ ನೀಲ ಇವೋಚ್ಚಶೃಂಗಃ। ತತಃ ಸಮುದ್ಗ್ರಥ್ಯ ಸಿತೇನ ವಾಸಸಾ ಸ್ವಮೂರ್ಧಜಾನವ್ಯಥಿತಸ್ತದಾಽರ್ಜುನಃ। ವಿಭಾಸಿತಃ ಸೂರ್ಯಮರೀಚಿನಾ ದೃಢಂ ಶಿರೋಗತೇನೋದಯಪರ್ವತೋ ಯಥಾ॥ 8-97-1 (59822) ಗೋಕರ್ಣಾ ಸುಮುಖೀ ಕೃತೇನ ಇಷುಣಾ ಗೋಪುತ್ರಸಂಪ್ರೇಷಿತಾ ಗೋಶಬ್ದಾತ್ಮಜಭೂಷಣಂ ಸುವಿಹಿತಂ ಸುವ್ಯಕ್ತಗೋಽಸುಪ್ರಭಂ ದೃಷ್ಟ್ವಾ ಗೋಗತಕಂ ಜಹಾರ ಮುಕುಟಂ ಗೋಶಬ್ದಗೋಪೂರಿ ವೈ ಗೋಕರ್ಣಾಸನಮರ್ದನಶ್ಚ ನ ಯಯಾವಪ್ರಾಪ್ಯ ಮೃತ್ಯೋರ್ವಶಂ 8-97-2 (59823) ಸ ಸಾಯಕಃ ಕರ್ಣಭುಜಪ್ರಸೃಷ್ಟೋ ಹುತಾಶನಾರ್ಕಪ್ರತಿಮೋ ಮಹಾರ್ಹಃ। ಮಹೋರಗಃ ಕೃತವೈರೋಽರ್ಜುನೇನ ಕಿರೀಟಮಾಹತ್ಯ ತತೋ ವ್ಯತೀಯಾತ್॥ 8-97-3 (59824) ತಂ ಚಾಪಿ ದಗ್ಧ್ವಾ ತಪನೀಯಚಿತ್ರಂ ಕಿರೀಟಮಾಕೃಷ್ಯ ತದರ್ಜುನಸ್ಯ। ಇಯೇಷ ಗಂತುಂ ಪುನರೇವ ತೂಣಂ ದೃಷ್ಟಶ್ಚ ಕರ್ಣೇನ ತತೋಽಬ್ರವೀತ್ತಂ॥ 8-97-4 (59825) ಮುಕ್ತಸ್ತ್ವಯಾಽಹಂ ತ್ವಸಮೀಕ್ಷ್ಯ ಕರ್ಣ ಶಿರೋ ಹೃತಂ ಯನ್ನ ಮಯಾಽರ್ಜುನಸ್ಯ। ಸಮೀಕ್ಷ್ಯ ಮಾಂ ಮುಂಚ ರಣೇ ತ್ವಮಾಶು ಹಂತಾಽಸ್ಮಿ ಶತ್ರುಂ ತವ ಚಾತ್ಮನಶ್ಚ॥ 8-97-5 (59826) ಸ ಏವಮುಕ್ತೋ ಯುಧಿ ಸೂತಪುತ್ರ-- ಸ್ತಂಬ್ರವೀತ್ಕೋ ಭವಾನುಗ್ರರೂಪಃ। ನಾಗೋಽಬ್ರವೀದ್ವಿದ್ವಿ ಕೃತಾಗಸಂ ಮಾಂ ಪಾರ್ಥೇನ ಮಾತುರ್ವಧಜಾತವೈರಂ॥ 8-97-6 (59827) ಯದಿ ಸ್ವಯಂ ವಜ್ರಧರೋಽಸ್ಯ ಗೋಪ್ತಾ ತಥಾಪಿ ಯಾತಾ ಪಿತೃರಾಜವೇಶ್ಮನಿ। 8-97-7 (59828) ಕರ್ಣ ಉವಾಚ। ನ ನಾಗ ಕರ್ಣೋಽದ್ಯ ರಣೇ ಪರಸ್ಯ ಬಲಂ ಸಮಾಸ್ಥಾಯ ಜಯಂ ಬುಭೂಷೇತ್॥ 8-97-7x (5065) ನ ಸಂದಧ್ಯಾಂ ದ್ವಿಃ ಶರಂ ಚೈವ ನಾಗ ಯದ್ಯರ್ಜುನಾನಾಂ ಶತಮೇವ ಹನ್ಯಾಂ। ತಮಾಹ ಕರ್ಣಃ ಪುನರೇವ ನಾಗಂ ತದಾಽಜಿಮಧ್ಯೇ ರವಿಸೂನುಸತ್ತಮಃ॥ 8-97-8 (59829) ವ್ಯಾಲಾಸ್ತ್ರಸರ್ಗೋತ್ತಮಯತ್ನಮನ್ಯುಭಿ-- ರ್ಹಂತಾಽಸ್ಮಿ ಪಾರ್ಥಂ ಸುಸುಖೀ ವ್ರಜ ತ್ವಂ। ಇತ್ಯೇವಮುಕ್ತೋ ಯುಧಿ ನಾಗರಾಜಃ ಕರ್ಣೇನ ರೋಷಾದಸಹಂಸ್ತಸ್ಯ ವಾಕ್ಯಂ॥ 8-97-9 (59830) ಸ್ವಯಂ ಪ್ರಾಯಾತ್ಪಾರ್ಥವಧಾಯ ರಾಜನ್ ಕೃತ್ವಾ ಸ್ವರೂಪಂ ವಿಜಿಘಾಂಸುರುಗ್ರಃ। ತತಃ ಕೃಷ್ಣಃ ಪಾರ್ಥಮುವಾಚ ಸಂಖ್ಯೇ ಮಹೋರಗಂ ಕೃತವೈರಂ ಜಹಿ ತ್ವಂ॥ 8-97-10 (59831) 8-97-11 (59832) ಸ ಏವಮುಕ್ತೋ ಮಧುಸೂದನೇನ ಗಾಂಡೀವಧನ್ವಾ ರಿಪುವೀರ್ಯಸಾಹಃ। ಉವಾಚ ಕೋ ಹ್ಯೇಷ ಮಮಾದ್ಯ ನಾಗಃ ಸ್ವಯಂ ಯ ಆಯಾದ್ಗರುಡಸ್ಯ ವಕ್ತ್ರಂ॥]

8-98-0 (59833) ಸಂಜಯ ಉವಾಚ। 8-98-0x (5066) ಅಥಾಬ್ರವೀದ್ವಾಸುದೇವೋ ಮಹಾತ್ಮಾ ರಾಧೇಯ ದಿಷ್ಟ್ಯಾ ಸ್ಮರಸೀಹ ಧರ್ಮಂ। `ಧರ್ಮೇ ಹಿ ಬದ್ಧಾ ಸತತಂ ಹಿ ಪಾರ್ಥಾ-- ಸ್ತೇಭ್ಯಸ್ತತೋ ವೃದ್ಧಿಸೌ ದದಾತಿ॥ 8-98-1 (59834) ಧರ್ಮಾದಪೇತಾಃ ಪರಿಪಂಥಿನಸ್ತೇ ತಸ್ಮಾದ್ಗತಾ ವೈ ಕುರವೋ ವಿನಾಶಂ'। ಪ್ರಾಯೇಣ ನೀಚಾ ವ್ಯಸನೇಷು ಮಗ್ನಾ ನಿಂದಂತಿ ದೈವಂ ನ ತು ದುಷ್ಕೃತಂ ಸ್ವಂ॥ 8-98-2 (59835) ಕೃಷ್ಣಾಂ ಸಭಾಂ ಕರ್ಣ ಯದೇಕವಸ್ತ್ರಾ-- ಮಾನೀತವಾಂಸ್ತ್ವಂ ಚ ಸುಯೋಧನಶ್ಚ। ದುಃಶಾಸನಃ ಶಕುನಿಃ ಸೌಬಲಶ್ಚ। ಧರ್ಮಸ್ತದಾ ತೇ ರುಚಿತೋ ನ ಕಸ್ಮಾತ್॥ 8-98-3 (59836) ಯದಾ ಸಭಾಯಾಂ ರಾಜಾನಮನಕ್ಷಜ್ಞಂ ಯುಧಿಷ್ಠಿರಂ। ಆನೀಯ ಜಿತವಂತೋ ವೈ ಕ್ವ ತೇ ಧರ್ಮಸ್ತದಾ ಗತಃ॥ 8-98-4 (59837) ವನವಾಸೇ ವ್ಯತೀತೇ ಚ ಕರ್ಣ ವರ್ಷೇ ತ್ರಯೋದಶೇ। ನ ಪ್ರಯಚ್ಛಸಿ ಯದ್ರಾಜ್ಯಂ ಕ್ವ ತೇ ಧರ್ಮಸ್ತದಾ ಗತಃ॥ 8-98-5 (59838) ಯದ್ಭೀಮಸೇನಂ ಸರ್ಪೈಶ್ಚ ವಿಷಯುಕ್ತೈಶ್ಚ ಭೋಜನೈಃ। ಆಚರತ್ತ್ವನ್ಮತೇ ರಾಜಾ ಕ್ವ ತೇ ಧರ್ಮಸ್ತದಾ ಗತಃ॥ 8-98-6 (59839) ಯದ್ವಾರಣಾವತೇ ಪಾರ್ಥಾನ್ಸುಪ್ತಾಂಜತುಗೃಹೇ ತದಾ। ಹಂತುಕಾಮಾಸ್ತದಾ ಯೂಯಂ ಕ್ವ ತೇ ಧರ್ಮಸ್ತದಾ ಗತಃ॥ 8-98-7 (59840) ಯದಾ ರಜಸ್ವಲಾಂ ಕೃಷ್ಣಾಂ ದುಃಶಾಸನವಶೇ ಸ್ಥಿತಾಂ। ಸಭಾಯಾಂ ಪ್ರಾಹಸಃ ಕರ್ಣ ಕ್ವ ತೇ ಧರ್ಮಸ್ತದಾ ಗತಃ॥ 8-98-8 (59841) ಯದನಾರ್ಯೈಃ ಪುರಾ ಕೃಷ್ಣಾಂ ಕ್ಲಿಶ್ಯಮಾನಾಮನಾಗಸಂ। ಉಪಪ್ರೇಕ್ಷಸಿ ರಾಧೇಯ ಕ್ವ ತೇ ಧರ್ಮಸ್ತದಾ ಗತಃ॥ 8-98-9 (59842) ವಿನಷ್ಟಾಃ ಪಾಂಡವಾಃ ಕೃಷ್ಣೇ ಶಾಶ್ವತಂ ನರಕಂ ಗತಾಃ। ಪತಿಮನ್ಯಂ ವೃಣೀಷ್ವೇತಿ ವದಂಸ್ತ್ವಂ ಗಜಗಾಮಿನೀಂ। ಉಪಪ್ರೇಕ್ಷಸಿ ರಾಧೇಯ ಕ್ವ ತೇ ಧರ್ಮಸ್ತದಾ ಗತಃ॥ 8-98-10 (59843) ರಾಜ್ಯಲುಬ್ಧಃ ಪುನಃ ಕರ್ಣ ಸಮಾಹ್ವಯಸಿ ಪಾಂಡವಾನ್। ಯದಾ ಶಕುನಿಮಾಶ್ರಿತ್ಯ ಕ್ವ ತೇ ಧರ್ಮಸ್ತದಾ ಗತಃ॥ 8-98-11 (59844) ಯದಾಽಭಿಮನ್ಯುಂ ಬಹವೋ ಯುದ್ಧೇ ಜಘ್ನುರ್ಮಹಾರಥಾಃ। ಪರಿವಾರ್ಯ ರಣೇ ಬಾಲಂ ಕ್ವ ತೇ ಧರ್ಮಸ್ತದಾ ಗತಃ॥ 8-98-12 (59845) [ಯದ್ಯೇಷ ಧರ್ಮಸ್ತತ್ರ ನ ವಿದ್ಯತೇ ಹಿ ಕಿಂ ಸರ್ವಥಾ ತಾಲುವಿಶೋಷಣೇನ। ಅದ್ಯೇಹ ಧರ್ಂಯಾಣಿ ವಿಧತ್ಸ್ವ ಸೂತ ತಥಾಪಿ ಜೀವನ್ನ ವಿಮೋಕ್ಷ್ಯಸೇ ಹಿ॥ 8-98-13 (59846) ನಲೋ ಹ್ಯಕ್ಷೈರ್ನಿರ್ಜಿತಃ ಪುಷ್ಕರೇಣ ಪುನರ್ಯಶೋ ರಾಜ್ಯಮವಾಪ ವೀರ್ಯಾತ್। ಪ್ರಾಪ್ತಾಸ್ತಥಾ ಪಾಂಡವಾ ಬಾಹುವೀರ್ಯಾ-- ತ್ಸರ್ವೈಃ ಸಮೇತಾಃ ಪರಿವೃತ್ತಲೋಭಾಃ॥ 8-98-14 (59847) ನಿಹತ್ಯ ಶತ್ರೂನ್ಸಮರೇ ಪ್ರವೃದ್ಧಾ-- ನ್ಸಸೋಮಕಾ ರಾಜ್ಯಮವಾಪ್ನುಯುಸ್ತೇ। ತಥಾ ಗತಾ ಧಾರ್ತರಾಷ್ಟ್ರಾ ವಿನಾಶಂ ಧರ್ಮಾಭಿಗುಪ್ತೈಃ ಸತತಂ ನೃಸಿಂಹೈಃ]॥ 8-98-15 (59848) ಸಂಜಯ ಉವಾಚ। 8-98-16x (5067) ಏವಮುಕ್ತಸ್ತದಾ ಕರ್ಣೋ ವಾಸುದೇವೇನ ಭಾರತ। ಲಜ್ಜಯಾವನತೋ ಭೂತ್ವಾ ನೋತ್ತರಂ ಕಿಂಚಿದುಕ್ತವಾನ್॥ 8-98-16 (59849) ಕ್ರೋಧಾತ್ಪ್ರಸ್ಫುರಮಾಣೌಷ್ಠೋ ಧನುರುದ್ಯಂಯ ಭಾರತ। ಯೋಧಯಾಮಾಸ ವೈ ಪಾರ್ಥಂ ಮಹಾವೇಗಪರಾಕ್ರಮಃ॥ 8-98-17 (59850) ತತೋಽಬ್ರವೀದ್ವಾಸುದೇವಃ ಫಲ್ಗುನಂ ಪುರುಷರ್ಷಭಂ। ದಿವ್ಯಾಸ್ತ್ರೇಣೈವ ನಿರ್ಭಿದ್ಯ ಪಾತಯಸ್ವ ಮಹಾಬಲ॥ 8-98-18 (59851) ಏವಮುಕ್ತಸ್ತು ದೇವೇನ ಕ್ರೋಧಮಾಗಾತ್ತದಾಽರ್ಜುನಃ। ಮನ್ಯುಮಭ್ಯಾವಿಶದ್ಧೋರಂ ಸ್ಮೃತ್ವಾ ತತ್ತು ಧನಂಜಯಃ॥ 8-98-19 (59852) ತಸ್ಯ ಕ್ರುದ್ಧಸ್ಯ ಸರ್ವೇಭ್ಯಃ ಸ್ರೋತೋಭ್ಯಸ್ತೇಜಸೋಽರ್ಚಿಷಃ। ಪ್ರಾದುರಾಸಂಸ್ತದಾ ರಾಜಂಸ್ತದದ್ಭುತಮಿವಾಭವತ್॥ 8-98-20 (59853) ತತ್ಸಮೀಕ್ಷ್ಯ ತತಃ ಕರ್ಣೋ ಬ್ರಹ್ಮಾಸ್ತ್ರೇಣ ಧನಂಜಯಂ। ಅಭ್ಯವರ್ಷತ್ಪುನರ್ಯತ್ನಮಕರೋದ್ರಥಸರ್ಜನೇ॥ 8-98-21 (59854) ಬ್ರಹ್ಮಾಸ್ತ್ರೇಣವ ತಂ ಪಾರ್ಥೋ ಕವರ್ಷ ಶರವೃಷ್ಟಿಭಿಃ। ತದಸ್ತ್ರಮಸ್ತ್ರೇಣಾವಾರ್ಯ ಪ್ರಜಹಾರ ಚ ಪಾಂಡವಃ॥ 8-98-22 (59855) ತತೋಽನ್ಯದಸ್ತ್ರಂ ಕೌಂತೇಯೋ ದಯಿತಂ ಜಾತವೇದಸಃ। ಮುಮೋಚ ಕರ್ಣಮುದ್ದಿಶ್ಯ ತತ್ಪ್ರಜಜ್ವಾಲ ತೇಜಸಾ॥ 8-98-23 (59856) ವಾರುಣೇನ ತತಃ ಕರ್ಣಃ ಶಮಯಾಮಾಸ ಪಾವಕ್ರಂ। ಜೀಮೂತೈಶ್ಚ ದಿಶಃ ಸರ್ವಾಶ್ಚಕ್ರೇ ತಿಮಿರದುರ್ದಿನಾಃ॥ 8-98-24 (59857) ಪಾಂಡವೇಯಸ್ತ್ವಸಂಭ್ರಾಂತೋ ವಾಯವ್ಯಾಸ್ತ್ರೇಣ ವೀರ್ಯವಾನ್। ಅಪೋವಾಹ ತದಾಽಭ್ರಾಣಿ ರಾಧೇಯಸ್ಯ ಪ್ರಪಶ್ಯತಃ॥ 8-98-25 (59858) [ತತಃ ಶರಂ ಮಹಾಘೋರಂ ಜ್ವಲಂತಿಮಿವ ಪಾವಕಂ। ಆದದೇ ಪಾಂಡುಪುತ್ರಸ್ಯ ಸೂತಪುತ್ರೋ ಜಿಘಾಂಸಯಾ॥ 8-98-26 (59859) ಯೋಜ್ಯಮಾನೇ ತತಸ್ತಸ್ಮಿನ್ಬಾಣೇ ಧನುಷಿ ಪೂಜಿತೇ। ಚಚಾಲ ಪೃಥಿವೀ ರಾಜನ್ಸಶೈಲವನಕಾನನಾ॥ 8-98-27 (59860) ವವೌ ಸಶರ್ಕರೋ ವಾಯುರ್ದಿಶಶ್ಚ ರಜಸಾ ವೃತಾಃ। ಹಾಹಾಕಾರಶ್ಚ ಸಂವಜ್ಞೇ ಸುರಾಣಾಂ ದಿವಿ ಭಾರತ॥ 8-98-28 (59861) ತಮಿಗುಂ ಸಂಧಿತಂ ದೃಷ್ಟ್ವಾ ಸೂತಪುತ್ರೇಣ ಮಾರಿಷ। ವಿಷಾದಂ ಪರಮಂ ಜಗ್ಮುಃ ಪಾಂಡವಾ ದೀನಚೇತಸಃ॥ 8-98-29 (59862) ಸ ಸಾಯಕಃ ಕರ್ಣಭುಜಪ್ರಮುಕ್ತಃ ಶಕ್ರಾಶನಿಗ್ರಖ್ಯರುಚಿಃ ಶಿತಾಗ್ರಃ। ಮುಲಾಂತರಂ ಪ್ರಾಪ್ಯ ಧನಂಜಯಸ್ಯ ವಿವೇಶ ವಲ್ಮೀಕಮಿವೋರಮೋತ್ತಮಃ॥ 8-98-30 (59863) ಸ ರಾಢವಿದ್ಧಃ ಸಮರೇ ಮಹಾತ್ಮಾ ವಿಧೂರ್ಣಮಾನಃ ಶ್ಲಥಹಸ್ತಗಾಂಡಿವಃ। ಚಚಾಲ ವೀಭತ್ಸುರಮಿತ್ರಮರ್ದನಃ ಕ್ಷಿತೇಃ ಪ್ರಕಂಪೇ ಚ ಯಥಾಽಚಲೋತ್ತಮಃ॥ 8-98-31 (59864) ತದಂತರಂ ಪ್ರಾಪ್ಯ ವೃಷೋ ಮಹಾರಥೋ ರಥಾಂಗಸುರ್ವೀಗತಮುಜ್ಜಿಹೀರ್ಷುಃ। ರಥಾದವಪ್ಲುತ್ಯ ನಿಗೃಹ್ಯ ದೋರ್ಭ್ಯಾಂ ಶಶಾಕ ದೈವಾನ್ನ ಮಹಾಬಲೋಽಪಿ॥ 8-98-32 (59865) ತತಃ ಕಿರೀಟಿ ಪ್ರತಿಲಭ್ಯ ಸಂಜ್ಞಾಂ ಜಗ್ರಾಹ ಬಾಣಂ ಯಮದಂಡಕಲ್ಪಂ। ತತೋಽರ್ಜುನಃ ಪ್ರಾಂಜಲಿಕಂ ಮಹಾತ್ಮಾ ತತೋಽಬ್ರವೀದ್ವಾಸುದೇವೋಽಪಿ ಪಾರ್ಥಂ॥ 8-98-33 (59866) ಛಿಂಧ್ಯಸ್ಯ ಮೂರ್ಧಾನಮರೇಃ ಶರೇಣ ನ ಯಾವದಾರೋಹತಿ ವೈ ರಥಂ ವೃಷಃ। ತಥೈವ ಸಂಪೂಜ್ಯ ಸ ತದ್ವಚಃ ಪ್ರಭೋ-- ಸ್ತತಃ ಶರಂ ಪ್ರಜ್ವಲಿತಂ ಪ್ರಗೃಹ್ಯ। ಜಘಾನ ಕಕ್ಷಾಮಮಲಾರ್ಕವರ್ಣಾಂ ಮಹಾರಥೇ ರಥಚಕ್ರೇ ವಿಮಗ್ನೇ॥ 8-98-34 (59867) ತಂ ಹಸ್ತಿಕಕ್ಷಾಪ್ರವರಂ ಸುಕೇತುಂ ಸುವರ್ಣಮುಕ್ತಾಮಣಿವಜ್ರಜುಷ್ಟಂ। ಕಲಾಪ್ರಕೃಷ್ಟೋತ್ತಮಶಿಲ್ಪಿಯತ್ನೈಃ ಕೃತಂ ಸುರೂಪಂ ತಪನೀಯಚಿತ್ರಂ॥ 8-98-35 (59868) ಜಯಾಸ್ಪದಂ ತವ ಸೈನ್ಯಸ್ಯ ನಿತ್ಯ--- ಮಮಿತ್ರವಿತ್ರಾಸನಮೀಡ್ಯರೂಪಂ। ವಿಖ್ಯಾತಮಾದಿತ್ಯಸುತಸ್ಯ ಲೋಕೇ ತ್ವಿಷಾ ಸಮಂ ಪಾವಕಭಾನುಚಂದ್ರೈಃ॥ 8-98-36 (59869) ತತಃ ಕ್ಷುರಪ್ರೇಣ ಸುಸಂಶಿತೇನ ಸುವರ್ಣಪುಂಖೇನ ಹುತಾಗ್ನಿವರ್ಚಸಾ। ಶ್ರಿಯಾ ಜ್ವಲಂತಂ ಧ್ವಜಮುನ್ಮಮಾಥ ಮಹಾರಥಸ್ಯಾಧಿರಥೇಃ ಕಿರೀಟೀ॥ 8-98-37 (59870) ಯಶಶ್ಚ ದರ್ಪಶ್ಚ ತಥಾ ಪ್ರಿಯಾಣಿ ಸರ್ವಾಣಿ ಕಾರ್ಯಾಣಿ ಚ ತೇನ ಕೇತುನಾ। ಸಾಕಂ ಕುರೂಣಾಂ ಹೃದಯಾನಿ ಚಾಪತನ್ ಬಭೂವ ಹಾಹೇತಿ ಚ ನಿಃಸ್ವನೋ ಮಹಾನ್॥ 8-98-38 (59871) ದ್ವಷ್ಟ್ವಾ ಧ್ವಜಂ ಪಾತಿತಮಾಶುಕಾರಿಣಾ ಕುರುಪ್ರವೀರೇಣ ನಿಕೃತ್ತಮಾಹವೇ। ನಾಶಂಸಿರೇ ಸೂತಪುತ್ರಸ್ಯ ಸರ್ವೇ ಜಯಂ ತದಾ ಭಾರತ ಯೇ ತ್ವದೀಯಾಃ॥ 8-98-39 (59872) ಅಥ ತ್ವರನ್ಕರ್ಣವಧಾಯ ಪಾರ್ಥೋ ಮಹೇದ್ರವಜ್ರಾನಲದಂಡಸನ್ನಿಭಂ। ಆದತ್ತ ಚಾಥಾಂಜಲಿಕಂ ನಿಷಂಗಾ-- ತ್ಸಹಸ್ರರಶ್ಮೇರಿವ ರಶ್ಮಿಮುತ್ತಮಂ॥ 8-98-40 (59873) ಮರ್ಮಚ್ಛಿದಂ ಶೋಣಿತಮಾಂಸದಿಗ್ಧಂ ವೈಶ್ವಾನರಾರ್ಕಪ್ರತಿಮಂ ಮಹಾರ್ಹಂ। ನರಾಶ್ವನಾಗಾಸುಹರಂ ತ್ರ್ಯರತ್ನಿಂ ಷಡ್ವಾಜಮಂಜೋಗತಿಮುಗ್ರವೇಗಂ॥ 8-98-41 (59874) ಸಹಸ್ರನೇತ್ರಾಶನಿತುಲ್ಯವೀರ್ಯಂ ಕಾಲಾನಲಂ ವ್ಯಾತ್ತಮಿವಾತಿಘೋರಂ। ಪಿನಾಕನಾರಾಯಣಚಕ್ರಸನ್ನಿಭಂ ಭಯಂಕರಂ ಪ್ರಾಣಭೃತಾಂ ವಿನಾಶನಂ॥ 8-98-42 (59875) ಜಗ್ರಾಹ ಪಾರ್ಥಃ ಸ ಶರಂ ಪ್ರಹೃಷ್ಟೋ ಯೋ ದೇವಸಂಘೈರಪಿ ದುರ್ನಿವಾರ್ಯಃ। ಸಂಪೂಜಿತೋ ಯಃ ಸತತಂ ಮಹಾತ್ಮಾ ದೇವಾಸುರಾನ್ಯೋ ವಿಜಯೇನ್ಮಹೇಷುಃ॥ 8-98-43 (59876) ತಂ ವೈ ಪ್ರಮೃಷ್ಟಂ ಪ್ರಸಮೀಕ್ಷ್ಯ ಯುದ್ಧೇ ಚಚಾಲ ಸರ್ವಂ ಸಚರಾಚರಂ ಜಗತ್। ಕೃತ್ಸ್ನಂ ಜಗತ್ಸ್ವಸ್ತ್ಯೃಷಯೋಽಭಿಚಕ್ರು-- ಸ್ತಮುದ್ಯತಂ ಪ್ರೇಕ್ಷ್ಯ ಮಹಾಹವೇಷುಂ॥ 8-98-44 (59877) ತತಸ್ತು ತಂ ವೈ ಶರಮಪ್ರಮೇಯಂ ಗಾಂಡೀವಧನ್ವಾ ಧನುಷಿ ವ್ಯಯೋಜಯತ್। ಯುಕ್ತ್ವಾ ಮಹಾಸ್ತ್ರೇಣ ಪರೇಣ ಚಾಪಂ ವಿಕೃಷ್ಯ ಗಾಂಡೀವಮುವಾಚ ಸತ್ವರಂ॥ 8-98-45 (59878) ಅಯಂ ಹಾಸ್ತ್ರಪ್ರಹಿತೋ ಮಹಾಶರಃ ಶರೀರಹೃಚ್ಚಾಸುಹರಶ್ಚ ದುರ್ಹೃದಃ। ತಪೋಽಸ್ತಿ ತಪ್ತಂ ಗುರವಶ್ಚ ತೋಷಿತಾ ಮಯಾ ಯದೀಷ್ಟಂ ಸುಹುತಂ ಯದಿ ಶ್ರುತಂ॥ 8-98-46 (59879) ಅನೇನ ಸತ್ಯೇನ ನಿಹಂತ್ವಯಂ ಶರಃ ಸುಸಂಹಿತಃ ಕರ್ಣಮರಿಂ ಮಮೋರ್ಜಿತಂ। ಇತ್ಯೂಚಿವಾಂಸ್ತಂ ಪ್ರಮುಮೋಚ ಬಾಣಂ ಧನಂಜಯಃ ಕರ್ಣವಧಾಯ ಘೋರಂ॥ 8-98-47 (59880) ಕೃತ್ಯಾ ಹ್ಯಥರ್ವಾಂಗಿರಸೀ ಪ್ರಚೋದಿತಾ ಯಥಾ ತಥಾ ತ್ವಂ ಜಹಿ ಶಾತ್ರವಂ ಮಮ। ಬ್ರುವನ್ಕಿರೀಟೀ ತಮತಿಪ್ರಹೃಷ್ಟೋ-- ಽಸೃಜದ್ದೇವಾನಾಂ ಜಯಹೇತುಂ ಮಹೇಷುಂ॥ 8-98-48 (59881) ಜಿಘಾಂಸುರರ್ಕೇಂದುಸಮಪ್ರಭಾವಃ ಕರ್ಣಂ ವಶೀ ಪಾಂಡವಃ ಕ್ಷಿಪ್ರಕಾರೀ। ತತೋ ವಿಮುಕ್ತೋ ಬಲಿನಾ ಮಹೇಷುಃ ಪ್ರಜ್ವಾಲಯಾಮಾಸ ನಭೋ ದಿಶಶ್ಚ॥ 8-98-49 (59882) ಸೈನ್ಯಾನ್ಯನೇಕಾನಿ ಚ ವಿಪ್ರಮೋಹ್ಯ ಗಾಂಡೀವಮುಕ್ತೇನ ತತೋ ಮಹಾತ್ಮಾ। ತೇನಾರ್ಜುನಸ್ತನ್ಮಹನೀಯಮಸ್ಯ ಶಿರೋಽಹರತ್ಸೂತಪುತ್ರಸ್ಯ ರಾಜನ್॥ 8-98-50 (59883) ಶರೋತ್ತಮೇನಾಂಜಲಿಕೇನ ರಾಜಂ-- ಸ್ತದಾ ಮಹಾಸ್ತ್ರಪ್ರತಿಮಂತ್ರಿತೇನ। ಪಾರ್ಥೋಽಪರಾಹ್ಣೇ ಶಿರ ಉಚ್ಚಕರ್ತ ವೈಕರ್ತನಸ್ಯಾಥ ಮಹೇಂದ್ರಸೂನುಃ। ಛಿನ್ನಂ ಪಪಾತಾಂಜಲಿಕೇನ ತೂರ್ಣಂ ಕಾಯಶ್ಚ ಪಶ್ಚಾದ್ಧರಣೀಂ ಜಗಾಮ॥ 8-98-51 (59884) ತದುದ್ಯತಾದಿತ್ಯಸಮಾನತೇಜಸಂ ಶರನ್ನಭೋಮಧ್ಯಗಭಾಸ್ಕರೋಪಮಂ। ವರಾಂಗಮುರ್ವ್ಯಾಮಪತಚ್ಚಮುಮೂಖೇ ದಿವಾಕರೋಽಸ್ತಾದಿವ ರಕ್ತಮಂಡಲಃ॥ 8-98-52 (59885) ತತೋಽಸ್ಯ ದೇಹಂ ಸತತಂ ಸುಖೈಧಿತಂ ಸುರೂಪಮತ್ಯರ್ಥಸುಖಂ ಸುಗಂಧಿ ಚ। ಪರೇಣ ಕೃಚ್ಛ್ರೇಣ ಶಿರಃ ಸಮತ್ಯಜ-- ದ್ಗೃಹಂ ಮಹರ್ಧೀನ್ನಿವಸನ್ನಿವೇಶ್ವರಃ॥ 8-98-53 (59886) ಶರೈರ್ವಿಭಿನ್ನಂ ವ್ಯಸು ತತ್ಸುವರ್ಚಸಃ ಪಪಾತ ಕರ್ಣಸ್ಯ ಶರೀಮುಚ್ಛ್ರಿತಂ। ಸ್ರವದ್ವ್ರಣಂ ಗೈರಿಕತೋಯವಿಸ್ರವಂ ಗಿರೇರ್ಯಥಾ ವಜ್ರಹತಂ ಮಹಾಶಿರಃ॥ 8-98-54 (59887) ದೇಹಾಚ್ಚ ಕರ್ಣಸ್ಯ ನಿಪಾತಿತಸ್ಯ ತೇಜಃ ಸೂರ್ಯಂ ಖಂ ವಿತತ್ಯಾವಿವೇಶ। ತದದ್ಭುತಂ ಸರ್ವಮನುಷ್ಯಯೋಧಾಃ ಸಂದೃಷ್ಟವಂತೋ ನಿಹತೇ ಸ್ಮ ಕರ್ಣೇ॥ 8-98-55 (59888) ತತಃ ಶಂಖಾನ್ಪಾಂಡವಾ ದಧ್ಮುರುಚ್ಚೈ-- ರ್ದೃಷ್ಟ್ವಾ ಕರ್ಣಂ ಪಾತಿತಂ ಫಲ್ಗುನೇನ। ತಥೈವ ಕೃಷ್ಣಶ್ಚ ಧನಂಜಯಶ್ಚ ಹಷ್ಟೌ ಯಮೌ ದಧ್ಮತುರ್ವಾರಿಜಾತೌ॥ 8-98-56 (59889) ತಂ ಸೋಮಕಾಃ ಪ್ರೇಕ್ಷ್ಯ ಹತಂ ಶಯಾನಂ ಸೈನ್ಯೈಃ ಸಾರ್ಧಂ ಸಿಂಹನಾದಾನ್ಪ್ರಚಕ್ರುಃ। ತೂರ್ಯಾಣಿ ಸಂಜಘ್ನುರತೀವ ಹೃಷ್ಟಾ ವಾಸಾಂಸಿ ಚೈವಾದುಧುವುರ್ಭುಜಾಂಶ್ಚ॥ 8-98-57 (59890) ಸಂವರ್ಧಯಂತಶ್ಚ ನರೇಂದ್ರ ಯೋಧಾಃ ಪಾರ್ಥಂ ಸಮಾಜಗ್ಮುರತೀವ ಹೃಷ್ಟಾಃ। ಬಲಾನ್ವಿತಾಶ್ಚಾಪರೇ ಹ್ಯಪ್ಯನೃತ್ಯ-- ನ್ನನ್ಯೋನ್ಯಮಾಶ್ಲಿಷ್ಯ ನದಂತ ಊಚುಃ॥ 8-98-58 (59891) ದೃಷ್ಟ್ವಾ ತು ಕರ್ಣಂ ಭುವಿ ವಾ ವಿಪನ್ನಂ ಕೃತ್ತಂ ರಥಾತ್ಸಾಯಕೈರರ್ಜುನಸ್ಯ। ಮಹಾನಿಲೇನಾದ್ರಿಮಿವಾಪವಿದ್ವಂ ಯಜ್ಞಾವಸಾನೇಽಗ್ನಿಮಿವ ಪ್ರಶಾಂತಂ॥ 8-98-59 (59892) ತದಾನನಂ ಸೂರ್ಯಸುತಸ್ಯ ರಾಜ-- ನ್ವಿಭ್ರಾಜತೇ ಪದ್ಮಿವಾವನಾಲಂ। ರರಾಜ ಕರ್ಣಸ್ಯ ಶಿರೋ ನಿಕೃತ್ತ-- ಮಸ್ತಂಗತಂ ಭಾಸ್ಕರಸ್ಯೇವ ಬಿಂಬಂ॥ 8-98-60 (59893) ಶರೈರಾಚಿತಸರ್ವಾಂಗಃ ಶೋಣಿತೌಘಪರಿಪ್ಲುತಃ। ರರಾಜ ದೇಹಃ ಕರ್ಣಸ್ಯ ಸ್ವರಶ್ಮಿಭಿರಿವಾಂಶುಮಾನ್॥ 8-98-61 (59894) ಪ್ರತಾಪ್ಯ ಸೇನಾಮಾಮಿತ್ರೀಂ ದೀಪ್ತೈಃ ಶರಗಭಸ್ತಿಭಿಃ। ಬಲಿನಾರ್ಜುನಕಾಲೇನ ನೀತೋಽಸ್ತಂ ಕರ್ಣಭಾಸ್ಕರಃ॥ 8-98-62 (59895) ಅಸ್ತಂ ಗಚ್ಛನ್ಯಥಾಽದಿತ್ಯಃ ಪ್ರಭಾಮಾದಾಯ ಗಚ್ಛತಿ। ತಥಾ ಜೀವಿತಮಾಹಾಯ ಕರ್ಣಸ್ಯೇಷುರ್ಜಗಾಮ ಸಃ॥ 8-98-63 (59896) ಅಪರಾಹ್ಣೇಽಪರಾಹ್ಣಸ್ಯ ಸೂತಪುತ್ರಸ್ಯ ಮಾರಿಷ। ಛಿನ್ನಮಂಜಲಿಕೇನಾಜೌ ಸೋತ್ಸೇಧಮಪತಚ್ಛಿರಃ॥ 8-98-64 (59897) ಉಪರ್ಯುಪರಿ ಸೈನ್ಯಾನಾಂ ವಿನಿಘ್ನನ್ನಿತರಾಂಜನಾನ್। ಶಿರಃ ಕರ್ಣಸ್ಯ ಸೋಽತ್ಸೇಧಮಿಷುಃ ಸೋಪ್ಯಹರದ್ದ್ರುತಂ॥ 8-98-65 (59898) ಕರ್ಣಂ ತು ಶೂರಂ ಪತಿತಂ ಪೃಥಿವ್ಯಾಂ ಶರಾಚಿತಂ ಶೋಣಿತದಿಗ್ಧಗಾತ್ರಂ। ದೃಷ್ಟ್ವಾ ಶಯಾನಂ ಭುವಿ ಮದ್ರರಾಜ-- ಶ್ಛಿನ್ನಧ್ವಜೇನಾಥ ಯಯೌ ರಥೇನ॥ 8-98-66 (59899) ಹತೇ ಕರ್ಣೇ ಕುರವಃ ಪ್ರಾದ್ರವಂತ ಭಯಾರ್ದಿತಾ ಗಾಢವಿದ್ಧಾಶ್ಚ ಸಂಖ್ಯೇ। ಅವೇಕ್ಷಮಾಣಾ ಮುಹುರರ್ಜುನಸ್ಯ ಧ್ವಜಂ ಮಹಾಂತಂ ವಪುಷಾ ಜ್ವಲಂತಂ॥ 8-98-67 (59900) ತಚ್ಛಿರೋ ಭರತಶ್ರೇಷ್ಠ ಶೋಭಯಾಮಾಸ ಮೇದಿನೀಂ। ಯದೃಚ್ಛಯೇವ ಪತಿತಂ ಮಂಡಲಂ ಚಾಂಡದೀಧಿತೇಃ॥ 8-98-68 (59901) ತಂ ದೃಷ್ಟ್ವಾ ಸಮರವಿಮರ್ದ (ಬದ್ಧ) ಲಬ್ಧನಿದ್ರಂ ದಷ್ಟೋಷ್ಠಂ ರುಧಿರಪೀರತಕಾತರಾಕ್ಷಂ। ರಾಧೇಯಂ ರಥವರಪೃಷ್ಠಸನ್ನಿಷಣ್ಣಂ ಹೀನಾಂಶುರ್ದಿವಸಕರೋ ಮುಹೂರ್ತಮಾಸೀತ್॥ 8-98-69 (59902) ನಿಃಶಬ್ದತೂರ್ಯಂ ಹತಯೋಧಮುಖ್ಯಂ ಪ್ರಶಾಂತದರ್ಪಂ ಧೃತರಾಷ್ಟ್ರಸೈನ್ಯಂ। ನ ಶೋಭತೇ ಸೂರ್ಯಸುತೇನ ಹೀನಂ ವೃಂದಂ ಗ್ರಹಾಣಾಮಿವ ಚಂದ್ರಹೀನಂ॥ 8-98-70 (59903) ಸಹಸ್ರನೇತ್ರಪ್ರತಿಮಾನಕರ್ಮಣಃ ಸಹಸ್ರಪತ್ರಪ್ರತಿಮಾನನಂ ಶುಭಂ। ಸಹಸ್ರರಶ್ಮಿರ್ದಿವಸಕ್ಷಯೇ ಯಥಾ ತಥಾಽಪತತ್ಕರ್ಣಶಿರೋ ವಸುಂಧರಾಂ॥ 8-98-71 (59904) ವ್ಯೂಢೋರಸ್ಕಂ ಕಮಲವದನಂ ತಪ್ತಹೇಮಾವಭಾಸಂ ಕರ್ಣಂ ದೃಷ್ಟ್ವಾ ಭುವಿ ನಿಪತಿತಂ ಪಾರ್ಥಬಾಣಾಭಿತಪ್ತಂ। ಪಾಂಸುಗ್ರಸ್ತಂ ಮಲಿನಮಸಕೃತ್ಪುತ್ರಮನ್ವೀಕ್ಷಮಾಣೋ ಮಂದಂಮಂದಂ ವ್ರಜತಿ ಸವಿತಾ ಮಂದಿರಂ ಮಂದರಶ್ಮಿಃ॥ ॥ 8-98-72 (59905) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಸಪ್ತದಶದಿವಸಯುದ್ಧೇ ಅಷ್ಟನವತಿತಮೋಽಧ್ಯಾಯಃ॥ 98 ॥

8-99-0 (59906) ಸಂಜಯ ಉವಾಚ। 8-99-0x (5068) ಕರ್ಣಂ ತು ಶೂರಂ ಪತಿತಂ ಪೃಥಿವ್ಯಾಂ ಶರಾಚಿತಂ ಶೋಣಿತದಿಗ್ಧಗಾತ್ರಂ। ಯದೃಚ್ಛಯಾ ಸೂರ್ಯಮಿವಾವನಿಂ ಗತಂ ದಿದೃಕ್ಷವಃ ಸಂಪರಿವಾರ್ಯ ತಸ್ಥುಃ॥ 8-99-1 (59907) ಪ್ರಹೃಷ್ಟವಿತ್ರಸ್ತವಿಷಣ್ಣವಿಸ್ಮಿತಾ-- ಸ್ತಥಾಽಪರೇ ಶೋಕಸಮನ್ವಿತಾಽಭವನ್। ಪರೇ ತ್ವದೀಯಾಶ್ಚ ರಣೇ ವಿಶಾಂಪತೇ ಯಥಾಯಥೇಷ್ಟಂ ಪೃತನಾ ತಥಾ ಗತಾ॥ 8-99-2 (59908) ಪ್ರವಿದ್ಧವರ್ಮಾಭರಣಾಯುಧಾಂಬರಂ ಧನಂಜಯೇನ ಪ್ರಹತಂ ಮಹಾರಥಂ। ನಿಶಾಂಯ ಕರ್ಣಂ ಕುರವಃ ಪ್ರದುದ್ರುವು-- ರ್ಹತರ್ಷಭಂ ಕೇಸರಿಣೇವ ಗೋಕುಲಂ॥ 8-99-3 (59909) ಕೃತ್ವಾ ದಿಮರ್ದಂ ಭೃಶಮರ್ಜುನೇನ ಕರ್ಣಂ ಹತಂ ಕೇಸರಿಣೇವ ನಾಗಂ। ದೃಷ್ಟ್ವಾ ಶಯಾನಂ ಯುಧಿ ಮದ್ರರಾಜ-- ಶ್ಛಿನ್ನಧ್ವಜೇನಾಪಯಯೌ ರಥೇನ॥ 8-99-4 (59910) ಕರ್ಣೇ ಹತೇ ಪಾರ್ಥಭಯಾತ್ಪ್ರದುದ್ರುವು-- ರ್ವೈಕರ್ತನೇ ಧಾರ್ತರಾಷ್ಟ್ರಾಃ ಸಶಲ್ಯಾಃ। ಅವೇಕ್ಷಮಾಣಾ ಮುಹುರರ್ಜುನಸ್ಯ ಕೇತುಂ ಮಹಾಂತಂ ಯಶಸಾ ಜ್ವಲಂತಂ॥ 8-99-5 (59911) ಶಲ್ಯಸ್ತು ಕರ್ಣಾರ್ಜುನಯೋರ್ವಿಮರ್ದೇ ಬಲಾನಿ ದೃಷ್ಟ್ವಾ ಮೃದಿತಧ್ವಜಾನಿ। ಯಯೌ ಸ ತೇನೈವ ರಥೇನ ತೂರ್ಣಂ ಹೇಲೀಕೃತಃ ಸೃಂಜಯಸೋಮಕೈಶ್ಚ॥ 8-99-6 (59912) ನಿಪಾತಿತಸ್ಯಂದನವಾಜಿನಾಗಂ ಬಲಂ ಚ ದೃಷ್ಟ್ವಾ ಹತಸೂತಪುತ್ರಂ। ಭೀಮಸ್ತು ಭೀಮೇನ ತದಾ ಸ್ವರೇಣ ಸಮುನ್ನದದ್ರೋದಸೀ ಕಂಪಯಂಶ್ಚ। 8-99-7 (59913) ಆಸ್ಫೋಟಯನ್ನೃತ್ಯತಿ ವಲ್ಗತೇ ಚ ಹತೇ ಕರ್ಣೇ ತ್ರಾಸಯಂಧಾರ್ತರಾಷ್ಟ್ರಾನ್। ತದಾ ರಾಜನ್ಸೃಂಜಯಾಃ ಸೋಮಕಾಶ್ಚ ಶಂಖಾಂದಧ್ಮುಃ ಸಸ್ವಜುಶ್ಚಾಪಿ ಸರ್ವೇ॥ 8-99-8 (59914) ಪರಸ್ಪರಂ ಕ್ಷತ್ರಿಯಾ ಹೃಷ್ಟರೂಪಾಃ ಸೂತಾತ್ಮಜೇ ವೈ ನಿಹತೇ ತದಾನೀಂ। ದುರ್ಯೋಧನೋಽಶ್ರುಪ್ರತಿಪೂರ್ಣನೇತ್ರೋ ದೀನೋ ಮುಹುರ್ನಿಶ್ವಸನ್ನಾರ್ತರೂಪಃ॥ 8-99-9 (59915) ಮದ್ರಾಧಿಪಶ್ಚಾಪಿ ವಿಮೂಢಚೇತಾ-- ಸ್ತೂರ್ಣಂ ಧ್ವಜೇನಾಪಹೃತೇನ ತೇನ। ರಥೇನ ದುರ್ಯೋಧನಮೇತ್ಯ ತೂರ್ಣಂ ಪಶ್ಯನ್ಸುದುಃಖಾತ್ತಮುವಾಚ ರಾಜನ್॥ 8-99-10 (59916) ವಿಶೀರ್ಣನಾಗಾಶ್ವರಥಪ್ರವೀರಂ ಬಲಂ ತ್ವದೀಯಂ ಯಮರಾಷ್ಟ್ರಕಲ್ಪಂ। ಅನ್ಯೋನ್ಯಮಾಸಾದ್ಯ ಹತೈಃ ಶಯಾನೈ-- ರ್ನರಾಶ್ವನಾಗೈರ್ಗಿರಿಕೂಟಕಲ್ಪೈಃ॥ 8-99-11 (59917) ನೈತಾದೃಶಂ ಭಾರತ ಯುದ್ಧಮಾಸೀ-- ದ್ಯಥಾ ಹಿ ಕರ್ಣಾರ್ಜುನಯೋರ್ಬಭೂವ। ಗ್ರಸ್ತೌ ಹಿ ಕರ್ಣೇನ ಸಮೇತ್ಯ ಕೃಷ್ಣಾ-- ವನ್ಯೇ ಹಿ ಸರ್ವೇ ತವ ಶಾತ್ರವೇಯಾಃ॥ 8-99-12 (59918) ದೈವಂ ತು ಯತ್ತತ್ಸ್ವವಶೇ ಪ್ರವೃತ್ತಂ ತತ್ಪಾಂಡವಾನ್ಪಾತಿ ನಿಹಂತಿ ಚಾಸ್ಮಾನ್। ತವಾರ್ಥಸಿದ್ಧ್ಯರ್ಥಕರಾ ಹಿ ಸರ್ವೇ ಪ್ರಸಹ್ಯ ವೀರಾ ನಿಹತಾ ದ್ವಿಷದ್ಭಿಃ॥ 8-99-13 (59919) ಕುಬೇರವೈವಸ್ವತವಾಸವಾನಾಂ ತುಲ್ಯಪ್ರಭಾವಾ ವರುಣಸ್ಯ ಚಾಪಿ। ವೀರ್ಯೇಣ ಶೌರ್ಯೇಣ ಪರಾಕ್ರಮೇಣ ತೈಶ್ಚಾಪಿ ಯುಕ್ತಾ ವಿಮಲೈರ್ಗುಣೌಘೈಃ॥ 8-99-14 (59920) ಅವಧ್ಯಕಲ್ಪಾ ನಿಹತಾ ನರೇಂದ್ರಾ-- ಸ್ತವಾರ್ಥಕಾಮಾ ಯುಧಿ ಪಾಂಡವೇಯೈಃ। ತನ್ಮಾ ಶುಚೋ ಭಾರತ ದಿಷ್ಟಮೇತ-- ತ್ಪರ್ಯಾಯಸಿದ್ಧಿರ್ನ ತು ನಿತ್ಯಸಿದ್ಧಿಃ॥ 8-99-15 (59921) ಏತದ್ವಚೋ ಮದ್ರಪತೇರ್ನಿಶಂಯ ಸ್ವಂ ಚಾವಿನೀತಂ ಮನಸಾ ವಿಚಿಂತ್ಯ। ದುರ್ಯೋಧನೋಽಶ್ರುಪ್ರತಿಪೂರ್ಣನೇತ್ರೋ ಮುಹುರ್ಮುಹುರ್ನಿಶ್ವಸನ್ನಾರ್ತರೂಪಃ॥ 8-99-16 (59922) *ತದ್ವ್ಯಾನಮೂಕಂ ಕೃಪಣಂ ಭೃಶಾರ್ತ-- ಮಾರ್ತಾಯನಿರ್ದೀನಮುವಾಚ ರಾಜನ್। ಪಶ್ಯೇದಮುಗ್ರೈರ್ನರವಾಜಿನಾಗೈ-- ರಾಯೋಧನಂ ವೀರ ಹತೈಃ ಸುಪೂರ್ಣಂ॥ 8-99-17 (59923) ಮಹೀಧರಾಭೈಃ ಪತಿತೈಶ್ಚ ನಾಗೈಃ ಸಕೃತ್ಪ್ರಯತ್ನೈಃ ಶರಭಿನ್ನಗಾತ್ರೈಃ। ಪ್ರವಿಹ್ವಲದ್ಭಿಶ್ಚ ಗತಾಸುಭಿಶ್ಚ ಪ್ರಧ್ವಸ್ತವರ್ಮಾಯುಧಸರ್ವಯೋಧೈಃ॥ 8-99-18 (59924) ವಜ್ರಾಪವಿದ್ವೈರಿವ ಚಾಚಲೌಘೈ-- ರ್ವಿಭಿನ್ನಪಾಷಾಣಮೃಗದ್ರುಮೌಘೈಃ। ಪ್ರವಿದ್ಧಘಂಟಾಂಕುಶತೋಮರಧ್ವಜೈಃ ಸಹೇಮಜಾಲೈ ರುಧಿರೌಘಸಂಪ್ಲವೈಃ॥ 8-99-19 (59925) ಶರಾವನುನ್ನೈಃ ಪತಿತೈಸ್ತುರಂಗೈ-- ಸ್ತನದ್ಭಿರಾರ್ತೈಃ ಕ್ಷತಜಂ ವಮದ್ಭಿಃ। ದೀನೈಸ್ತ್ರಸದ್ಭಿಃ ಪರಿವೃತ್ತನೇತ್ರೈ-- ರ್ಮಹೀ ಪತದ್ಭಿಃ ಕೃಪಣಾ ವಭೂವ॥ 8-99-20 (59926) ತಥಾಽಪವಿದ್ವೈರ್ಗಜವಾಜಿಯೂಥೈ-- ರ್ಮಂದಾಸುಭಿಶ್ಚಾಪಿ ಗತಾಸುಭಿಶ್ಚ। ರಥೈಶ್ಚ ನಾಗೈಸ್ತುರಗೈಶ್ಚ ನುನ್ನೈ-- ರ್ಮಹೀ ಮಹಾವೈತರಣೀವ ಭಾತಿ॥ 8-99-21 (59927) ಗಜೈರ್ನಿಕೃತ್ತಾಪರಹಸ್ತಗಾತ್ರೈ-- ರುದ್ವೇಪಮಾನೈಃ ಪತಿತೈಃ ಪೃಥಿವ್ಯಾಂ। ರಥರ್ಷಭೈರ್ನಾಗವರಾಶ್ವಯೋಧೈಃ ಪದಾತಿಭಿಶ್ಚಾಭಿಮುಖೈಃ ಪರೈರ್ಹತೈಃ॥ 8-99-22 (59928) ವಿಶೀರ್ಣವರ್ಮಾಭರಣಾಂಬರಾಯುಧೈ-- ರ್ಯುತಾ ಪ್ರಶಾಂತೈರಿವ ಪಾವಕೈರ್ಮಹೀ। ಶರಪ್ರಹಾರಾಭಿಹತೈರ್ಮಹಾಬಲೈ-- ರವೇಕ್ಷಮಾಣೈಃ ಪತಿತೈಃ ಸಮಂತತಃ॥ 8-99-23 (59929) ಪ್ರನಷ್ಟಸಂಜ್ಞೈಃ ಪುನರಾಶ್ವಸದ್ಭಿ-- ರ್ಮಹೀ ಬಭೌ ಕುಂಭಗತೈರಿವಾಗ್ನಿಭಿಃ। ರತ್ನೈಶ್ಚ್ಯುತೈರ್ಭೂರತಿದೀಪ್ತಿಮದ್ಭಿ-- ರ್ನಕ್ತಂ ಗ್ರಹೈರ್ದ್ಯೌರ್ವಿಮಲೈರ್ವಿಭಾತಿ॥ 8-99-24 (59930) ಶರಾಸ್ತು ಕರ್ಣಾರ್ಜುನಬಾಹುಮುಕ್ತಾ ವಿದಾರ್ಯ ನಾಗಾಂಶ್ಚ ಮನುಷ್ಯದೇಹಾನ್। ಪ್ರಾಣಾನ್ನಿರಸ್ಯಾಶು ಮಹೀಂ ಪ್ರತೀಯು-- ರ್ಮಹೋರಗಾ ವಾಸಮಿವಾಭಿನಂರಾಃ॥ 8-99-25 (59931) ಹತೈರ್ಮನುಷ್ಯೈಶ್ಚ ಗಜೈಶ್ಚ ಸಂಖ್ಯೇ ಶರಾವಭಿನ್ನೈ ರುಧಿರಪ್ರದಿಗ್ಧೈಃ। ಧನ಼ಂಜಯಸ್ಯಾಧಿರಥೇಶ್ಚ ಮಾರ್ಗೇ ಹತೈರಗಂಯಾ ವಸುಧಾಽತಿದುರ್ಗಾ॥ 8-99-26 (59932) ರಥೈರ್ಮಹೇಷೂನ್ಮಥಿತೈಃ ಸುಕಲ್ಪಿತೈಃ ಸನಾಗಯೋಧಾಶ್ವವರಾಯುಧಧ್ವಜೈಃ ವಿಶೀರ್ಣಯೋಕ್ತ್ರೈರ್ವಿನಿಕೀರ್ಣಬಂಧನೈ-- ರ್ನಿಕೃತ್ತಚಕ್ರಾಕ್ಷಯುಗತ್ರಿವೇಣುಭಿಃ॥ 8-99-27 (59933) ವಿಮುಕ್ತಯೋಕ್ತ್ರೈಶ್ಚ ರಥೈರುಪಸ್ಕರೈಃ ಕೃತಾಭಿಷಂಗೈರ್ವಿನಿಬದ್ವಕೂಬರೈಃ। ಪ್ರಭಗ್ನನೀಡೈರ್ಮಣಿಹೇಮಭೂಷಿತೈ-- ರ್ವೃತಾ ಮಹೀ ದ್ಯೌರಿವ ಶಾರದೈರ್ಘನೈಃ॥ 8-99-28 (59934) ನಿಕೃಷ್ಯಮಾಣಾ ಜವನೈಸ್ತುರಂಗಮೈ-- ರ್ಹತೇಶ್ವರಾ ರಾಜರಥಾಃ ಸುಕಲ್ಪಿತಾಃ। ಮನುಷ್ಯಮಾತಂಕರಥಾಶ್ವಸಾದಿಷು ದ್ರುತಂ ವ್ರಜಂತೋ ಬಹುಧಾ ವಿಘೂರ್ಣಿತಾಃ॥ 8-99-29 (59935) ಸಹೇಮಪೃಷ್ಠಾಃ ಸಪರಶ್ವಥಾಯುಧಾಃ ಶಿತಾಶ್ಚ ಶೂಲಾ ಮುಸಲಾಃ ಸಮುದ್ಗರಾಃ। ಚಿತ್ರಾಶ್ಚ ಖಂಗಾ ವಿಮಲಾಶ್ಚ ಕೋಶಾ ಗಜಾಶ್ಚ ಜಾಂಬೂನದಪಟ್ಟನದ್ಧಾಃ॥ 8-99-30 (59936) ಚಾಪಾನಿ ಜಾಂಬೂನದಭೂಷಿತಾನಿ ಶರಾಶ್ಚ ಕಾರ್ತಸ್ವರಚಿತ್ರಪುಂಖಾಃ। ಋಷ್ಟ್ಯಶ್ಚ ಪೀತಾ ವಿಮಲಾಶ್ಚ ಕೋಶಾಃ ಪ್ರಾಸಾಶ್ಚ ದಂಡಾಃ ಕನಕಪ್ರಭಾಸಾಃ॥ 8-99-31 (59937) ಶುಭ್ರಾಣಿ ವಾಲವ್ಯಜನಾನಿ ಶಂಖಾ-- ಶ್ಛಿನ್ನಾವರುದ್ಧಾ ವಿರುಚಃ ಸ್ರಜಶ್ಚ। ಕುಥಾಃ ಪತಾಕಾಂಬರವೇಷ್ಟನಾನಿ ಕಿರೀಟಮಾಲಾ ಮಕುಟಾಶ್ಚ ಶುಭ್ರಾಃ॥ 8-99-32 (59938) ಪ್ರಕೀರ್ಣಕಾ ವಿಪ್ರತಿಕೀರ್ಣಕಾಶ್ಚ ಪ್ರಧಾನಮುಖ್ಯಾಸ್ತರಲಾಶ್ಚ ಹಾರಾಃ। ಆಪೀಡಕೇಯೂರವರಾಂಗದಾನಿ ಗ್ರೈವೇಯನಿಷ್ಕಾಃ ಸಸುವರ್ಣಸೂತ್ರಾಃ॥ 8-99-33 (59939) ಮಣ್ಯುತ್ತಮಾ ವಜ್ರಸುವರ್ಣಯುಕ್ತಾ ರತ್ನಾನಿ ಚೋಚ್ಚಾವಚಮಂಗಲಾನಿ। ಗಾತ್ರಾಣಿ ಚಾಭಾಂತಿ ಸುಖೋಚಿತಾನಿ ಶಿರಾಂಸಿ ಚೇಂದುಪ್ರತಿಮಾನನಾನಿ॥ 8-99-34 (59940) ದೇಹಾಂಶ್ಚ ಭೋಗಾಂಶ್ಚ ಪರಿಚ್ಛದಾಂಶ್ಚ ತ್ಯಕ್ತ್ವಾ ಮನೋಜ್ಞಾ ನಿಹತಾಃ ಸುಖಾನಿ। ಸ್ವಧರ್ಮನಿಷ್ಠಾಂ ಮಹತೀಮವಾಪ್ಯ ಪ್ರಾಪ್ತಾಶ್ಚ ಲೋಕಾನ್ಯಶಸಾ ಗತಾಸ್ತೇ॥ 8-99-35 (59941) ನಿವರ್ತ ದುರ್ಯೋಧನ ಯಾಂತು ಸೈನಿಕಾ ವ್ರಜಸ್ವ ರಾಜಞ್ಶಿಬಿರಾಣಿ ಮಾನದ। ದಿವಾಕರೋಽಪ್ಯೇಷ ವಿಲಂಬತೇ ಪ್ರಭೋ ಪುನಸ್ತ್ವಮೇವಾತ್ರ ನರೇಂದ್ರ ಕಾರಣಂ॥ 8-99-36 (59942) ಸಂಜಯ ಉವಾಚ। 8-99-37x (5069) ಏತಾವದುಕ್ತ್ವಾ ವಿರರಾಮ ಶಲ್ಯೋ ದುರ್ಯೋಧನಂ ಚೈವ ನಿವರ್ತಯಿತ್ವಾ। ಯುದ್ಧಾಯ ರಾಜನ್ವಿನಿವಿಷ್ಟಬುದ್ಧಿ-- ರ್ಹಾ ಕರ್ಣ ಹಾ ಕರ್ಣ ಇತಿ ಬ್ರುವಾಣಂ॥ 8-99-37 (59943) ತಂ ದ್ರೋಣಪುತ್ರಪ್ರಮುಖಾ ನರೇಂದ್ರಾಃ ಸರ್ವೇ ಸಮಾಶ್ವಾಸ್ಯ ತತಃ ಪ್ರಜಗ್ಮುಃ। ನಿರೀಕ್ಷಮಾಣಾ ಧ್ವಜಮರ್ಜುನಸ್ಯ ರಥಂ ಚ ದಿವ್ಯಂ ಯಶಸಾ ಜ್ವಲಂತಂ॥ 8-99-38 (59944) ನರಾಶ್ವಮಾತಂಗಶರೀರಜೇನ ರಕ್ತೇನ ಸಿಕ್ತಾಂ ರುಧಿರೇಣ ಭೂಮಿಂ। ರಕ್ತಾಂಬರಸ್ರಕ್ತಪನೀಯಯೋಗಾ-- ನ್ನಾರೀಂ ಪ್ರಕಾಶಾಮಿವ ಸರ್ವರಂಯಾಂ॥ 8-99-39 (59945) ಪ್ರಚ್ಛನ್ನರೂಪಾಂ ರುಧಿರೇಣ ರಾಜ ನ್ರೌದ್ರೇ ಮುಹೂರ್ತೇಽತಿವಿರಾಜಮಾನೇ। ನೈವಾವತಸ್ಥುಃ ಕುರವಃ ಸಮೀಕ್ಷ್ಯ ಪ್ರವ್ರಾಜಿತಾ ನರದೇವಾ ಯಥಾಽಕ್ಷೈಃ॥ 8-99-40 (59946) ವಧೇನ ಕರ್ಣಸ್ಯ ಸುದುಃಖಿತಾಸ್ತೇ ಹಾ ಕರ್ಣ ಹಾ ಕರ್ಣ ಇತಿ ಬ್ರುವಾಣಾಃ। ದ್ರುತಂ ಪ್ರಜಗ್ಮುಃ ಶಿಬಿರಾಣಿ ರಾಜ-- ಂದಿವಾಕರಂ ರಕ್ತಮವೇಕ್ಷಮಾಣಾಃ॥ 8-99-41 (59947) ಗಾಂಡೀವಮುಕ್ತೈಸ್ತು ಸುವರ್ಣಪುಂಖೈಃ ಶಿಲಾಶಿತೈಃ ಶೋಣಿತದಿಗ್ಧವಾಜೈಃ। ಶರೈಶ್ಚಿತಾಂಗೋಽಪಿ ರರಾಜ ಕರ್ಣೋ ಹತೋಽಪಿ ದೀಪ್ತಾಂಶುರಿವಾಂಶುಜಾಲೈಃ॥ 8-99-42 (59948) ಕರ್ಣಸ್ಯ ದೇಹಂ ರುಧಿರಾಂಬುಸಿಕ್ತಂ ಪುತ್ರಾನಕುಂಪೀ ಭಗವಾನ್ವಿವಸ್ವಾನ್। ಸ್ಪೃಷ್ಟ್ವಾ ಕರಾಗ್ರೈಃ ಕ್ಷತಜಾನುರೂಪೈಃ ಸ್ನಾತುಂ ತದಾಽಗಾದಪರಂ ಸಮುದ್ರಂ॥ 8-99-43 (59949) ಇತೀವ ಸಂಚಿಂತ್ಯ ಸುರರ್ಷಭಾಶ್ಚ ಸಂಪ್ರಸ್ಥಿತಾಸ್ತೇ ತು ಯಥಾನಿಕೇತಂ। ಸಂಚಿಂತ್ಯ ಸರ್ವಾ ಜನತಾ ವಿಸಸ್ರು-- ರ್ಯಥಾಸುಖಂ ಖೇ ಚ ಮಹೀತಲೇ ಚ॥ 8-99-44 (59950) ತದದ್ಭುತಂ ಪ್ರಾಣಭೃತಾಂ ಭಯಂಕರಂ ನಿಶಾಂಯ ಯುದ್ಧಂ ಕುರುವೀರಮುಖ್ಯಯೋಃ। ಸಮಾಚಿತೌ ಕರ್ಣಶರೈಋ ಪರಂತಪೌ ತಥೈವ ಸಂರೇಜತುರಚ್ಯುತಾರ್ಜುನೌ॥ 8-99-45 (59951) ತಮೋ ನಿಹತ್ಯಾಭ್ಯುದಿತೌ ಯಥಾಽಮಲೌ ಶಶಾಂಕಸೂರ್ಯಾವಿವ ರಶ್ಮಿಮಾಲಿನೌ। ವಿಹಾಯ ತಾನ್ಬಾಣಗಣಾನ್ಮಹಾಬಲೌ ಸುಹೃದ್ವೃತಾವಪ್ರತಿಮಾನವಿಕ್ರಮೌ॥ 8-99-46 (59952) ಸುಖಪ್ರವಿಷ್ಟೌ ಸುಖದೌ ವಿರೇಜತುಃ ಸದಸ್ಯಚಿಂತ್ಯಾವಿವ ವಿಷ್ಣುವಾಸವೌ। ಸದೇವಗಂಧರ್ವಮನುಷ್ಯಚಾರಣೈ-- ರ್ಮಹರ್ಷಿಭಿರ್ಯಕ್ಷಮಹೋರಗೈರಪಿ। ಜಯಾಭಿವೃದ್ಧ್ಯಾ ಪರಯಾಽಭಿಪೂಜಿತೌ ನಿಹತ್ಯ ಕರ್ಣಂ ಪರಮಾಹವೇ ತದಾ॥ 8-99-47 (59953) ಯಥಾನುರೂಪಂ ಪ್ರತಿಪೂಜ್ಯ ತಾನಥ ಪ್ರಶಸ್ಯಮಾನಾವತುಲೈಶ್ಚ ಕರ್ಮಭಿಃ। ನನಂದತುಶ್ಚೈವ ಸುಹೃದ್ಭಿರಾವೃತೌ ಬಲಂ ನಿಹತ್ಯೇವ ಸುರೇಶಕೇಶವೌ॥ ॥ 8-99-48 (59954) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಏಕೋನಶತತಮೋಽಧ್ಯಾಯಃ॥ 99 ॥

Mahabharata - Karna Parva - Chapter Text

Mahabharata - Karna Parva - Chapter Footnotes

8-99-2 ಪ್ರಹೃಷ್ಟಾಃ ಅರ್ಜುನಾದಯಃ। ವಿತ್ರಸ್ತಾಃ ಭೀರವಃ। ವಿಷಣ್ಣಾಃ ಶತ್ರವಃ। ವಿಸ್ಮಿತಾಃ ಪ್ರೇಕ್ಷಕಾಃ॥ 8-99-* ಅತ್ರ ಝ.ಪಾಠೇ 61 ಶ್ಲೋಕಾ ಅಧಿಕಾ ದೃಶ್ಯಂತೇ 8-99-99 ಏಕೋನಶತತಮೋಽಧ್ಯಾಯಃ॥

8-100-0 (60017) ಸಂಜಯ ಉವಾಚ। 8-100-0x (5074) ಶರಸಂಕೃತ್ತವರ್ಮಾಣಂ ರುಧಿರೋಕ್ಷಿತವಕ್ಷಸಂ। ಗತಾಸುಮಪಿ ರಾಧೇಯಂ ನೈವ ಲಕ್ಷ್ಮೀರ್ವಿಮುಂಚತಿ॥ 8-100-1 (60018) ತಪ್ತಜಾಂಬೂನದನಿಭಂ ಬಾಲಾರ್ಕಸದೃಶದ್ಯುತಿಂ। ಜೀವಂತಮಿವ ತಂ ಶೂರಂ ಸರ್ವಭೂತಾನಿ ಮೇನಿರೇ॥ 8-100-2 (60019) ಹತಸ್ಯಾಪಿ ಮಹಾರಾಜ ಸೂತಪುತ್ರಸ್ಯ ಸಂಯುಗೇ। ವಿತ್ರೇಸುಃ ಸರ್ವತೋ ಯೋಧಾಃ ಸಿಂಹಸ್ಯೇವೇತರೇ ಮೃಗಾಃ॥ 8-100-3 (60020) ಹತೋಽಪಿ ಪುರುಷವ್ಯಾಘ್ರೋ ವ್ಯಾಹರನ್ನಿವ ಲಕ್ಷ್ಯತೇ। ನಾಭವದ್ವಿಕೃತಿಃ ಕಾಚಿನ್ಮೃತಸ್ಯಾಪಿ ಮಹಾತ್ಮನಃ॥ 8-100-4 (60021) ಚಾರುವೇಷಧರಂ ರಾಜಂಶ್ಚಾರುಮೌಲಿಶಿರೋಧರಂ। ತನ್ಮುಖಂ ಸೂತಪುತ್ರಸ್ಯ ಪೂರ್ಣಚಂದ್ರಸಮದ್ಯುತಿ॥ 8-100-5 (60022) ಕನಕೋತ್ತಮಸಹ್ಕಾಶೋ ಜ್ವಲನ್ನಿವ ವಿಭಾವಸುಃ। ಸ ಶಾಂತಃ ಪುರುಷವ್ಯಾಘ್ರಃ ಪಾರ್ಥಸಾಯಕವಾರಿಣಾ॥ 8-100-6 (60023) ಯಥಾಽಗ್ನಿರ್ಜ್ವಲನೋ ದೀಪ್ತೋ ಜಲಮಾಸಾದ್ಯ ಶಾಂಯತಿ। ಕರ್ಣಾಗ್ನಿಃ ಸಮರೇ ತದ್ವತ್ಪಾರ್ಥಮೇಘೇನ ಶಾಮಿತಃ॥ 8-100-7 (60024) ಆಹೃತ್ಯ ಸ ಯಶೋ ದೀಪ್ತಂ ಸುಯುದ್ಧೇನಾತ್ಮನೋ ಭುವಿ। ಸಪುತ್ರಃ ಸಮರೇ ಕರ್ಣಃ ಪ್ರಶಾಂತಃ ಪಾರ್ಥತೇಜಸಾ॥ 8-100-8 (60025) ಪ್ರತಾಪ್ಯ ಪಾಂಡವಾನ್ಸರ್ವಾನ್ಪಾಂಚಾಲಾನಸ್ತ್ರತೇಜಸಾ। ನಾನಾಭರಣವಾನ್ರಜಂಸ್ತಪ್ತಜಾಂಬೂನದಪ್ರಭಃ॥ 8-100-9 (60026) ವರ್ಷಿತ್ವಾ ಶರವರ್ಷಾಣಿ ಪ್ರತಾಪ್ಯ ರಿಪುವಾಹಿನೀಂ। ಶ್ರೀಮಾನಿವ ಸಹಸ್ರಾಂಶುರ್ಜ್ವಲನ್ಸರ್ವಾನ್ಪ್ರತಾಪ್ಯ ಚ। ಹತೋ ವೈಕರ್ತನಃ ಕರ್ಣಃ ಪಾದಪೋಽಂಕುರವಾನಿವ॥ 8-100-10 (60027) ದದಾನೀತ್ಯೇವ ಯಃ ಪ್ರಾದಾನ್ನ ನಾಸ್ತೀತ್ಯರ್ಥಿತೋಽವದತ್। ಸದ್ಧ್ಯಃ ಸದಾ ಸತ್ಪುರುಷಃ ಸ ಹತೋ ದ್ವೈರಥೇ ವೃಷಾ॥ 8-100-11 (60028) ಯಸ್ಯ ಬ್ರಾಹ್ಮಣಸಾತ್ಸರ್ವಂ ವಿತ್ತಮಾಸೀನ್ಮಹಾತ್ಮನಃ। ನಾದೇಯಂ ಬ್ರಾಹ್ಮಣೇಷ್ವಾಸೀದ್ಯಸ್ಯ ಸ್ವಮಪಿ ಜೀವಿತಂ॥ 8-100-12 (60029) ಸ ದಾತೄಣಾಂ ಪ್ರಿಯೋ ರಾಜಂದಾತಾ ಚೈವ ಮನೋರಥಾನ್। ಸ ಪಾರ್ಥಾಸ್ತ್ರವಿನಿರ್ದಗ್ಧೋ ಗತಃ ಪರಮಿಕಾಂ ಗತಿಂ॥ 8-100-13 (60030) ಯಮಾಶ್ರಿತ್ಯಾಕರೋದ್ವೈರಂ ಸುತಸ್ತೇ ಸ ಗತೋ ದಿವಂ। ಆದಾಯ ತವ ಪುತ್ರಾಣಾಂ ಜಯಾಶಾಂ ಸರ್ಮ ವರ್ಮ ಚ॥ 8-100-14 (60031) ಹತೇ ಚ ಕರ್ಣೇ ಸರಿತೋ ನ ಸಸ್ರು-- ರ್ಜಗಾಮ ಚಾಸ್ತಂ ಕಲುಷೋ ದಿವಾಕರಃ। ಶ್ವೇತೋ ಗ್ರಹಶ್ಚ ಜ್ವಲಿತಾರ್ಕವರ್ಣೋ ಯಮಸ್ಯ ಪುತ್ರೋಽಭ್ಯುದಿತಃ ಸ ತಿರ್ಯಕ್॥ 8-100-15 (60032) ನಭಶ್ಚಚಾಲಾಥ ನನಾದ ಚೋರ್ವೀ ವವುಶ್ಚ ವಾತಾಃ ಪರುಷಾಶ್ಚ ಘೋರಾಃ। ದಿಶೋ ಬಭೂವುರ್ಜ್ವಲಿತಾಃ ಸಧೂಮಾ ಮಹಾರ್ಣವಾಃ ಸಸ್ವನುಶ್ಚುಕ್ಷುಭುಶ್ಚ॥ 8-100-16 (60033) ಸಕಾನನಾಶ್ಚಾದ್ರಿವರಾಶ್ಚಕಂಪಿರೇ ಪ್ರವಿವ್ಯಥುರ್ಭೂತಗಣಾಶ್ಚ ಮಾರಿಷ। ಬೃಹಸ್ಪತಿಃ ಸಂಪರಿವಾರ್ಯ ರೋಹಿಣೀಂ ಬಭೂವ ಚಂದ್ರಾರ್ಕಸಮೋ ವಿಶಾಂಪತೇ॥ 8-100-17 (60034) ಹತೇ ಕರ್ಣೇ ನ ದಿಶೋ ವಿಪ್ರಚಾರಾಃ ಸಚಂದ್ರಾರ್ಕಾ ದ್ಯೌರ್ವಿಚಚಾಲ ಭೂಮಿಃ। ಪಪಾತ ಚೋಲ್ಕಾ ಜ್ವಲನಪ್ರಭಾ ಚ ನಿಶಾಚರಾ ಹೃಷ್ಟತರಾ ಬಭೂವುಃ॥ 8-100-18 (60035) ಶಶಿಪ್ರಕಾಶಾನನಮರ್ಜುನೋ ಯದಾ ಜಹಾರ ಕರ್ಣಸ್ಯ ಶಿರಃ ಶರೇಣ। ತತೋಽಂತರಿಕ್ಷೇ ಸಹಸೈವ ಶಬ್ದೋ ಬಭೂವ ಹಾಹೇತಿ ಸುರೈರ್ವಿಮುಕ್ತಃ॥ 8-100-19 (60036) ಸದೇವಗಂಧರ್ವಮನುಷ್ಯಪೂಜಿತಂ ನಿಹತ್ಯ ಕರ್ಣಂ ರಿಪುಮಾಹವೇಽರ್ಜುನಃ। ರರಾಜ ರಾಜನ್ಪರಮೇಣ ತೇಜಸಾ ಯಥಾ ಪುರಾ ವೃತ್ರವಧೇ ಶತಕ್ರತುಃ॥ 8-100-20 (60037) ಪತಾಕಿನಾ ಭೀಮನಿನಾದಕೇತುನಾ ರಥೇನ ಶಂಖಸ್ಫಟಿಕಾವಭಾಸಿನಾ। ಮಹೇಂದ್ರವಾಹಪ್ರತಿಮೇನ ತಾವುಭೌ ಮಹೇಂದ್ರವೀರ್ಯಪ್ರತಿಮಾನಪೌರುಷೌ॥ 8-100-21 (60038) ಸುವರ್ಣಮುಕ್ತಾಮಣಿವಜ್ರವಿದ್ರುಮೈ-- ರಲಂಕೃತೇನಾಪ್ರತಿಮೇನ ರಂಹಸಾ। ನರೋತ್ತಮೌ ಯಾದವಪಾಂಡುನಂದನೌ ದಿವಾಕರೌ ದೀಪ್ತಹುತಾಶನಾವಿವ। ರಣಾಜಿರೇ ವೀತಭಯೌ ವಿರೇಜತುಃ ಸಮಾನಯೋಗಾವಿವ ವಿಷ್ಣುವಾಸವೈಃ॥ 8-100-22 (60039) ತತೋ ಧನುರ್ಜ್ಯಾತಲನೇಮಿನಿಸ್ವನೈಃ ಪ್ರಸಹ್ಯ ಕೃತ್ವಾ ಚ ರಿಪೂನ್ಗತಪ್ರಭಾನ್। ಸ ಸಾಧಯಿತ್ವಾ ಚ ರಿಪೂಞ್ಶರೌಘೈಃ ಕಪಿಧ್ವಜಃ ಪಕ್ಷಿವರಧ್ವಜಶ್ಚ। ಪ್ರದಧ್ಮತುಃ ಶಂಖವರೌ ಸುಘೋಷೌ ಮನಾಂಸ್ಯರೀಣಾಮುಪತಾಪಯಂತೌ॥ 8-100-23 (60040) ಸುವರ್ಣಜಾಲಾವತತೌ ಮಹಾಸ್ವನೌ ಹಿಮಾವದಾತೌ ಪರಿಗೃಹ್ಯ ಪಾಣಿಮಿಃ। ಚುಚುಂಬತುಃ ಶಂಖವರೌ ನೃಣಾಂ ವರೌ ವಿಘೋಷಯಂತೌ ವಿಜಯಂ ಜಗತ್ತ್ರಯೇ॥ 8-100-24 (60041) ಪಾಂಚಜನ್ಯಸ್ಯ ನಿರ್ಘೋಷೋ ದೇವದತ್ತಸ್ಯ ಚೋಭಯೋಃ। ಪೃಥಿವೀಮಂತರಿಕ್ಷಂ ಚ ದಿಶಶ್ಚ ಸಮಪೂರಯತ್॥ 8-100-25 (60042) ವಿತ್ರಸ್ತಾಶ್ಚಾಭವನ್ಸರ್ವೇ ಕುರವೋ ರಾಜಸತ್ತಮ। ಶೂರಯೋಃ ಶಂಖಶಬ್ದೇನ ಮಾಧವಸ್ಯಾರ್ಜುನಸ್ಯ ಚ॥ 8-100-26 (60043) ತೌ ಶಂಖಶಬ್ದೇನ ನಿನಾದಯಂತೌ ವನಾನಿ ಶೈಲಾನ್ಸರಿತೋ ಗುಹಾಶ್ಚ। ವಿತ್ರಾಸಯಂತೌ ತವ ಪುತ್ರಸೇನಾಂ ಯುಧಿಷ್ಠಿರಂ ನಂದಯಿತುಂ ಪ್ರಯಾತೌ॥ 8-100-27 (60044) ತತಃ ಪ್ರಜಗ್ಮುಃ ಕುರವೋ ಜವೇನ ಶ್ರುತ್ವೈವ ಶಂಖಸ್ವನಮೀರ್ಯಮಾಣಂ। ವಿಹಾಯ ಮದ್ರಾಧಿಪತಿಂ ಪತಿಂ ಚ ದುರ್ಯೋಧನಂ ಭಾರತ ಭಾರತಾನಾಂ॥ 8-100-28 (60045) ತತೋ ರಥೇನಾಂಬುದಬೃಂದನಾದಿನಾ ಶರದ್ವಹರ್ಮಧ್ಯದಿವಾಕರತ್ವಿಷಾ। ಧನಂಜಯಸ್ಯಾಧಿರಥೇಶ್ಚ ವಿಸ್ಮಿತಾಃ ಪ್ರಶಂಸಮಾನಾಃ ಪ್ರಯಯುಸ್ತದಾಽರ್ಜುನಂ॥ 8-100-29 (60046) ಮಹಾಹವೇ ತಂ ಬಹುಶೋಭಮಾನಂ ಧನಂಜಯಂ ಯೋಧಗಣೈಃ ಸಮೇತಾಃ। ತಾವನ್ವಮೋದಂಶ್ಚ ಜನಾಃ ಪ್ರಕಾಮಂ ಪ್ರಭಾಕರಾವಭ್ಯುದಿತೌ ಯಥೈವ॥ ॥ 8-100-30 (60047) ಇತಿ ಶ್ರೀಮನ್ಮಹಾಭಾರತೇ ಕರ್ಣಪರ್ವಣಿ ಶತತಮೋಽಧ್ಯಾಯಃ॥ 100 ॥

8-101-0 (60048) ಸಂಜಯ ಉವಾಚ। 8-101-0x (5075) ಹತೇ ವೈಕರ್ತನೇ ಕರ್ಣೇ ಕುರವೋ ಭಯಪೀಡಿತಾಃ। ವೀಕ್ಷಮಾಣಾ ದಿಶಃ ಸರ್ವಾಃ ಪಲಾಯಂತ ಸಹಸ್ರಶಃ॥ 8-101-1 (60049) ರಾವಣಂ ನಿಹತಂ ದೃಷ್ಟ್ವಾ ರಾಕ್ಷಸಾ ರಾಘವೇಣ ವಾ। ದಿಶೋ ಭೀತಾ ದ್ರವನ್ನೇವ ತಾವಕಾ ಭಯಪೀಡಿತಾಃ॥ 8-101-2 (60050) ತತೋ ಮಹಾರವಂ ಚಕ್ರುರ್ಯೋಧಾ ರಾಜನ್ಸಮಂತತಃ। ವಾರ್ಯಮಾಣಾ ಭೃಶೋದ್ವಿಗ್ನಾಸ್ತವ ಪುತ್ರೇಣ ಭಾರತ॥ 8-101-3 (60051) ತೇಷಾಂ ತು ಮತಮಾಜ್ಞಾಯ ಪುತ್ರಸ್ತೇ ಭರತರ್ಷಭ। ಅವಹಾರಂ ತತಶ್ಚಕ್ರೇ ಶಲ್ಯಸ್ಯಾನುಮತೇನ ಚ॥ 8-101-4 (60052) ಕೃತವರ್ಮಾ ರಣೇ ತೂರ್ಣಂ ವೃತೋ ಭಾರತ ತಾವಕೈಃ। ನಾರಾಯಣಾವಶಿಷ್ಟೈಶ್ಚ ಶಿಬಿರಾಯೈವ ದುದ್ರುವೇ॥ 8-101-5 (60053) ಅಶ್ವತ್ಥಾಮಾ ತತಃ ಶೂರೋ ವಿನಿಶ್ವಸ್ಯ ಮುಹುರ್ಮುಹುಃ। ಪಾಂಡವಾನಾಂ ಜಯಂ ದೃಷ್ಟ್ವಾ ಶಿಬಿರಾಯೈವ ದುದ್ರುವೇ॥ 8-101-6 (60054) ಕೃಪಃ ಶಾರದ್ವತೋ ರಾಜನ್ನಾಗಾನೀಕೇನ ಭಾರತ। ಮಹತಾ ಮೇಘಕಲ್ಪೇನ ಶಿಬಿರಾಯೈವ ದುದ್ರುವೇ॥ 8-101-7 (60055) ಗಾಂಧಾರಾಣಾಂ ಸಹಸ್ರೇಣ ಶಕುನಿಃ ಪರಿವಾರಿತಃ। ಸುಶರ್ಮಾ ಚ ಯಯೌ ರಾಜನ್ವೀಕ್ಷಮಾಣೋ ಭಯಾರ್ದಿತಃ॥ 8-101-8 (60056) ದುರ್ಯೋಧನೋಽಪಿ ಸ ಯಯೌ ಹ್ವತಸರ್ವಸ್ವ ಆತುರಃ। ಜ್ಞಾತಿಶೋಕಸಮಾಪನ್ನಶ್ಚಿಂತಯಿತ್ವಾ ಮುಹುರ್ಮುಹುಃ॥ 8-101-9 (60057) ಛಿನ್ನಧ್ವಜೇನ ಶಲ್ಯಸ್ತು ರಥೇನ ರಥಿನಾಂ ವರಃ। ಪ್ರಯಯೌ ಶಿಬಿರಾಯೈವ ವೀಕ್ಷಮಾಣೋ ದಿಶೋ ದಶ॥ 8-101-10 (60058) ತತೋಽಪರೇ ಸುಬಹುಶೋ ಭಾರತಾನಾಂ ಮಹಾರಥಾಃ। ವ್ಯದ್ರವಂತ ದಿಶೋ ಭೀತಾ ಭಯವಿಹ್ವಲಚೇತಸಃ॥ 8-101-11 (60059) ಅಶ್ರೂಪೂರ್ಣಾ ಭಯೋದ್ವಿಗ್ನಾ ವೇಪಮಾನಾ ಭಯಾತುರಾಃ। ಕುರವಃ ಪ್ರಾದ್ರವನ್ಸರ್ವೇ ದೃಷ್ಟ್ವಾ ಕರ್ಣಂ ನಿಪಾತಿತಂ॥ 8-101-12 (60060) ಪ್ರಶಂಸಂತೋಽರ್ಜುನಂ ಕೇಚಿತ್ಕೇಚಿತ್ಕರ್ಣಂ ಮಹಾರಥಾಃ। ಪ್ರಾದ್ರವಂತ ರಣೇ ಭೀತಾಃ ಕುರವಃ ಕುರುಸತ್ತಮ॥ 8-101-13 (60061) ತೇಷಾಂ ಯೋಧಸಹಸ್ರಾಣಾಂ ತಾವಕಾನಾಂ ಮಹಾಮೃಧೇ। ನಾಸೀತ್ತತ್ರ ಪುಮಾನ್ಕಶ್ಚಿದ್ಯಸ್ತು ಯುದ್ಧೇ ಮನೋ ದಧೇ॥ 8-101-14 (60062) ಕರ್ಣೇ ಹತೇ ಮಹಾರಾಜ ನಿರಾಶಾಃ ಕುರವೋಽಭವನ್। ಜೀವನೇಷು ಚ ರಾಜ್ಯೇಷು ದಾರೇಷು ಚ ಧನೇಷು ಚ॥ 8-101-15 (60063) ತಾನ್ಸಮಾನೀಯ ಪುತ್ರಸ್ತೇ ಯತ್ನೇನ ಮಹತಾ ವಿಭೋ। ನಿವೇಶಾಯ ಮನೋ ದಧ್ರೇ ದುಃಖಶೋಕಸಮನ್ವಿತಃ॥ 8-101-16 (60064) ತಸ್ಯಾಜ್ಞಾಂ ಶಿರಸಾ ದೀನಾಃ ಪ್ರತಿಗೃಹ್ಯ ವಿಶಾಂಪತೇ। ವಿಷಣ್ಣಮನಸೋ ಭೀತ್ಯಾ ನ್ಯವಿಶಂತ ಮಹಾರಥಾಃ॥ 8-101-17 (60065) ಚಿಂತಯಂತೋ ವಧಂ ಘೋರಂ ಸೂತಪುತ್ರಸ್ಯ ಸಂಯುಗೇ। ಅರ್ಜುನಸ್ಯ ಜಯಂ ಯುದ್ಧೇ ಚಿಂತಯಾನಾಃ ಪುನಃಪುನಃ॥ 8-101-18 (60066) ಪಾಂಡವಾಶ್ಚ ಮಹೇಷ್ವಾಸಾ ನ್ಯವಿಶಂತ ಪರಂತಪಾಃ। ಪ್ರಹೃಷ್ಟಮನಸಃ ಸರ್ವೇ ಜಿತ್ವಾ ಶತ್ರುಂ ಮಹಾರಥಾಃ॥ 8-101-19 (60067) ತತೋ ಯುಧಿಷ್ಠಿರಂ ತತ್ರ ನಿವಿಷ್ಟಂ ವೈ ಮುದಾನ್ವಿತಂ। ಸಮೇತ್ಯ ಸರ್ವೇ ಪಾಂಚಾಲಾ ವರ್ಧಯಂತೋ ಯಥಾವಿಧಿ॥ 8-101-20 (60068) ಅರ್ಜುನಸ್ತು ರಥಾತ್ತೂರ್ಣಮವರುಹ್ಯ ಮಹಾಯಶಾಃ। ಧರ್ಮರಾಜಸ್ಯ ಚರಣೌ ಪೀಡಯಾಮಾಸ ಹೃಷ್ಟವತ್॥ 8-101-21 (60069) ತಮುತ್ಥಾಪ್ಯ ಮಹಾರಾಜ ಧರ್ಮಪುತ್ರಃ ಪ್ರತಾಪವಾನ್। ಸಸ್ವಜೇ ಭರತಶ್ರೇಷ್ಠಮುಪಜಿಘ್ರನ್ನುಪಸ್ಪೃಶನ್॥ 8-101-22 (60070) ನಕುಲಃ ಸಹದೇವಶ್ಚ ಪಾಂಡವಶ್ಚ ವೃಕೋದರಃ। ಅಭಿವಾದ್ಯ ಮಹಾರಾಜಮಸ್ವಜಂತ ಸ್ಮ ಫಲ್ಗುನಂ॥ 8-101-23 (60071) ಧೃಷ್ಟದ್ಯುಂನಃ ಶಿಖಂಡೀ ಚ ಪಾಂಡವಾನಾಂ ಚ ಯೇ ರಥಾಃ। ವರ್ಧಯಂತೇ ಸ್ಮ ರಾಜಾನಂ ನಿಹತೇ ಸೂತನಂದನೇ॥ 8-101-24 (60072) ತತಃ ಕೃಷ್ಣೋ ಮಹಾರಾಜ ಸಾತ್ಯಕಿಶ್ಚಾಪಿ ಸಾತ್ವತಃ। ವರ್ಧಯಂತೇ ಸ್ಮ ರಾಜಾನಂ ನಿಹತೇ ಸೂತನಂದನೇ॥ 8-101-25 (60073) ವಾಸುದೇವಶ್ಚ ಕೌಂತೇಯಂ ಪ್ರಣಯಾದಿದಮಬ್ರವೀತ್। ಅದ್ಯ ರಾಜನ್ಹತಾಃ ಸರ್ವೇ ಧಾರ್ತರಾಷ್ಟ್ರಾಃ ಸರಾಜಕಾಃ। ಹತೇ ವೈಕರ್ತನೇ ಕರ್ಣೇ ರಥಾನಾಂ ಪ್ರವರೇ ರಥೇ॥ 8-101-26 (60074) ಯದಿ ಲೋಕಾಸ್ತ್ರಯಃ ಸರ್ವೇ ಯೋಧಯೇಯುಃ ಸವಾಸವಾಃ। ತಥಾಪಿ ದುರ್ಜಯಃ ಸೂತಸ್ತವ ಕೋಪಾತ್ತು ಸೂದಿತಃ॥ 8-101-27 (60075) ಏವಮುಕ್ತಃ ಪ್ರತ್ಯುವಾಚ ಧರ್ಮರಾಜೋ ಜನಾರ್ದನಂ॥ 8-101-28 (60076) ತವ ಪ್ರಸಾದಾದ್ಗ್ರೋವಿಂದ ಹತಃ ಕರ್ಣೋ ಮಹಾಯಶಾಃ। ಪಾಂಡವಾಶ್ಚ ಜಯಂ ಪ್ರಾಪ್ಯಾ ನಾಶಿತಾಶ್ಚಾಪಿ ಶತ್ರವಃ॥ 8-101-29 (60077) ತ್ವಂ ಹಿ ಶಕ್ತೋ ಭಯಾತ್ತ್ರಾತುಂ ಯಸ್ಯ ಕಸ್ಯಚಿದಾಹವೇ। ತ್ವಮಸ್ಯ ಜಗತೋ ಗೋಪ್ತಾ ಪಾಂಡವಾನಾಂ ಚ ಸರ್ವದಾ॥ 8-101-30 (60078) ತ್ವಾಂ ಸಮಾಸಾದ್ಯ ಶಕ್ರೋಽಪಿ ಮೋದತೇ ದಿವಿ ನಿತ್ಯಶಃ। ತ್ವಂ ಪಾತಾ ಪಾಂಡುಪುತ್ರಾಣಾಂ ಯಥೈವ ಜಗತಸ್ತಥಾ॥ 8-101-31 (60079) ಅನಾಶ್ಚರ್ಯೋ ಜಯಸ್ತೇಷಾಂ ಭಕ್ತಿರ್ಯೇಷಾಂ ತ್ವಯಿ ಪ್ರಭೋ॥ 8-101-32 (60080) ತ್ವಯಾ ನಾಥೇನ ಗೋವಿಂದ ನಾಥವಂತೋ ವಯಂ ಯುಧಿ। ಯಥೇಂದ್ರೇಣ ಪುರಾ ದೇವಾಸ್ತ್ವಯಾ ಚಾಪಿ ಜನಾರ್ದನ॥ 8-101-33 (60081) ಸ್ವಪ್ಸ್ಯಾಂಯದ್ಯ ಸುಖಂ ಕೃಷ್ಣನಿದ್ರಾಂ ಲಪ್ಸ್ಯೇ ತ್ವಹಂ ಕ್ಷಪಾಂ। ವಿಗತಂ ಹಿ ಭಯಂ ಮೇಽದ್ಯ ತ್ವತ್ಪ್ರಸಾದಾನ್ನ ಸಂಶಯಃ॥ 8-101-34 (60082) ಏವಮುಕ್ತಸ್ತು ಪಾರ್ಥೇನ ಕೇಶವಃ ಪ್ರಾಹ ಪಾಂಡವಂ। ನಿಮಿತ್ತಮಾತ್ರಂ ಹಿ ವಯಂ ತವಾಪ್ಯಸ್ಮಿನ್ಮುದಾಗಮೇ॥ 8-101-35 (60083) ಯಸ್ಯ ತೇ ಭ್ರಾತರಃ ಶೂರಾ ಭೀಮಸೇನಾದಯೋ ನೃಪ। ಸಂಬಂಧಿನಶ್ಚೇಂದ್ರವೀರ್ಯಾಃ ಪಾರ್ಷತಪ್ರಮುಖಾಸ್ತಥಾ॥ 8-101-36 (60084) ಅರ್ಹತೇ ಚ ಭವಾನ್ನಿತ್ಯಂ ಪ್ರಿಯಂ ನಿತ್ಯಂ ಚ ಮದ್ವಿತಂ। ಪ್ರಿಯೋ ಹಿ ಮೇ ತ್ವಮೇತೇನ ವಚನೇನ ನರೋತ್ತಮ॥ 8-101-37 (60085) ಇತ್ಯುಕ್ತೋ ಧರ್ಮರಾಜಸ್ತು ಸ್ವರಥಂ ಹೇಮಭೂಪಿತಂ। ದಂತವರ್ಣೈರ್ಹಯೈರ್ಯುಕ್ತಂ ಕಾಲವಾಲೈರ್ಮಹೀಪತಿಃ॥ 8-101-38 (60086) ಆಸ್ಥಾಯ ಪುರುಷವ್ಯಾಘ್ರಃ ಸ್ವಬಲೇನಾಪಿ ಸಂವೃತಃ। ಪ್ರಯಯೌ ಬಹುವೃತ್ತಾಂತಂ ದ್ರಷ್ಟುಮಾಯೋಧನಂ ಪ್ರತಿ॥ 8-101-39 (60087) ಸಂಭಾಷಮಾಣೌ ತೌ ವೀರ ಉಭೌ ಮಾಧವಪಾಂಡವೌ॥ 8-101-40 (60088) ಸ ದದರ್ಶ ರಣೇ ಕರ್ಣಂ ಶಯಾನಂ ಪುರುಷರ್ಷಭಂ। ಗಾಂಡೀವಮುಕ್ತೈರ್ವಿಶಿಖೈಃ ಸರ್ವತಃ ಸನ್ನಿಪೀಡಿತಂ॥ 8-101-41 (60089) ಸಪುತ್ರಂ ನಿಹತಂ ದೃಷ್ಟ್ವಾ ಕರ್ಣಂ ರಾಜಾ ಯುಧಿಷ್ಠಿರಃ। ಪ್ರಶಶಂಸ ನರವ್ಯಾಘ್ರಾವುಭೌ ಮಾಧವಪಾಂಡವೌ॥ 8-101-42 (60090) ಅದ್ಯ ರಾಜಾಽಸ್ಮಿ ಸರ್ವಸ್ಯಾಂ ಪೃಥಿವ್ಯಾಂ ಮಧುಸೂದನ। ದಿಷ್ಟ್ಯಾ ಜಯಸಿ ಗೋವಿಂದ ದಿಷ್ಟ್ಯಾಶತ್ರುರ್ನಿಪಾತಿತಃ॥ 8-101-43 (60091) ಏವಂ ಸುಬಹುಶೋ ರಾಜನ್ಪ್ರಶಶಂಸ ಜನಾರ್ದನಂ। ಅರ್ಜುನಂ ಚ ಕುರುಶ್ರೇಷ್ಠೋ ಧರ್ಮರಾಜೋ ಯುಧಿಷ್ಠಿರಃ॥ 8-101-44 (60092) ದೃಷ್ಟ್ವಾ ಚ ನಿಹತಂ ಕರ್ಣಂ ಸ ಪುತ್ರಂ ಪಾರ್ಥಸಾಯಕೈಃ। ಪುನರ್ಜಾತಮಿವಾತ್ಮಾನಂ ಮೇನೇ ಕುರುಕುಲೋದ್ವಹಃ॥ 8-101-45 (60093) ಸಮೇತ್ಯ ಚ ಕುರುಶ್ರೇಷ್ಠಂ ಕುಂತೀಪುತ್ರಂ ಯುಧಿಷ್ಠಿರಂ। ವರ್ಧಯಂತಿ ಸ್ಮ ರಾಜಾನೋ ಹರ್ಷಯುಕ್ತಾ ಮಹಾರಥಾಃ॥ 8-101-46 (60094) ಸಂಜಯ ಉವಾಚ। 8-101-47x (5076) ಏವಮೇಷ ಕ್ಷಯೋ ವೃತ್ತಃ ಸುಮಹಾನ್ರೋಮಹರ್ಷಣಃ। ತವ ದುರ್ಮಂತ್ರಿತೇ ರಾಜಂದಿಷ್ಟ್ಯಾ ತ್ವಮನುಶೋಚಸಿ॥ 8-101-47 (60095) ವೈಶಂಪಾಯನ ಉವಾಚ। 8-101-48x (5077) ಶ್ರುತ್ವೈತದಪ್ರಿಯಂ ರಾಜಾ ಧೃತರಾಷ್ಟ್ರೋ ಮಹೀಪತಿಃ। ಪಪಾತ ಭೂಮೌ ನಿಶ್ಚೇಷ್ಟಃ ಕೌರವ್ಯಃ ಪರಮಾಸನಾತ್। ತಥಾ ಸತ್ಯವ್ರತಾ ದೇವೀ ಗಾಂಧಾರೀ ದಿವ್ಯದರ್ಶನಾ॥ 8-101-48 (60096) ತತಸ್ತೂರ್ಣಂ ತು ವಿದುರಸ್ತಂ ನೃಪಂ ಸಂಜಯಸ್ತಥಾ। ಪರ್ಯಾಶ್ವಾಸಯತಾಂ ಚೈತಾವುಭಾವೇವ ತು ಭೂಮಿಪಂ॥ 8-101-49 (60097) ತಥೈವಾಶ್ವಾಸಯಾಮಾಸುರ್ಗಾಂಧಾರೀಂ ಕುರುಯೋಷಿತಃ॥ 8-101-50 (60098) ಸ ದೈವಂ ಪರಮಂ ಮೇನೇ ಭವಿತವ್ಯಂ ಚ ಭಾರತ। ತಾಭ್ಯಾಮಾಶ್ವಾಸಿತೋ ರಾಜಾ ತೂಷ್ಣೀಮಾಸ್ತೇ ವಿಶಾಂಪತೇ॥ 8-101-51 (60099) ಏವಮಾಖ್ಯಾಯ ರಾಜ್ಞೇ ಚ ಸಂಜಯೋ ರಾಜಸತ್ತಮ। ಜಗಾಮ ಶಿಬಿರಂ ಭೂಯೋ ಹತೇ ಕರ್ಣೇ ಮಹಾತ್ಮನಿ॥ 8-101-52 (60100) ಸ ದೃಷ್ಟ್ವಾ ನಿಹತಂ ಶಲ್ಯಂ ರಾಜಾನಂ ಚ ಸುಯೋಧನಂ। ಶಕುನಿಂ ಸುಬಹೂನ್ರಾಜನ್ಸೈನಿಕಾಂಶ್ಚ ಸಹಸ್ರಶಃ॥ 8-101-53 (60101) ತಥೈವ ಪಾಂಡವೀಂ ಸೇನಾಂ ನಿಹತಾಂ ಪ್ರೇಕ್ಷ್ಯ ಸಂಜಯಃ। ಸೌಪ್ತಿಕೇ ದ್ರೌಣಿನಾ ರಾಜನ್ಹತವಾಜಿನರದ್ವಿಪಾಂ॥ 8-101-54 (60102) ಸ ಹಿ ದೃಷ್ಟ್ವಾ ಹತಾನ್ಸರ್ವಾನ್ಸಮಂತಾದ್ಯುಧಿ ಸಂಜಯಃ। ಪ್ರಯಾತೋ ಹಾಸ್ತಿನಪುರಂ ಶೋಕಾರ್ತೋ ಭಯವಿಹ್ವಲಃ॥ 8-101-55 (60103) ಹತೇಷು ಪುನರೇತೇಷು ಪ್ರಭೂತಗಜವಾಜಿಷು। ಯೋಧೈಶ್ಚ ತೈರ್ಮಹಾರಾಜ ನಾನಾದೇಶಸಮುದ್ಭವೈಃ॥ 8-101-56 (60104) ಕುರುಕ್ಷೇತ್ರಂ ತು ತತ್ಸರ್ವಂ ಶೂನ್ಯಮಾಸೀದ್ವಿಶಾಂಪತೇ। ನಿಹತೈಃ ಪಾಂಡವೇಯೈಶ್ಚ ಧಾರ್ತರಾಷ್ಟ್ರೈಶ್ಚ ಸಂಯುಗೇ॥ 8-101-57 (60105) ಯಥಾಹಿ ವಿಷಯಂ ವೃತ್ತಂ ಧಾರ್ತರಾಷ್ಟ್ರಸ್ಯ ಸಂಂಜಯಃ। ನಿವೇದಯತಿ ತತ್ಸರ್ವಂ ಯಥಾವೃತ್ತಂ ಯಥಾವಿಧಿ॥ 8-101-58 (60106) ಏವಂ ಮಹಾಯುದ್ಧಮಿದಂ ಮಹಾತ್ಮನೋ ಧನಂಜಯಸ್ಯಾಧಿರಥೇಶ್ಚ ಯಃ ಪಠೇತ್। ಸ ಸಂಯಗಿಷ್ಟಸ್ಯ ಮಖಸ್ಯ ಯತ್ಫಲಂ ತದಾಪ್ನುಯಾದ್ಯಃ ಶೃಣುಯಾಚ್ಚ ನಿತ್ಯಶಃ॥ 8-101-59 (60107) ಮಖೋ ಹಿ ವಿಷ್ಣುರ್ಭಗವಾನ್ಸನಾತನೋ ವಹಂತಿ ಯಂ ಚಾಪ್ಯನಿಲೇಂದುಭಾನವಃ। ಅತೋಽನಸೂಯುಃ ಶೃಣುಯಾತ್ಪಠೇಚ್ಚ ಯಃ ಸ ಸರ್ವಲೋಕಾಂಶ್ಚ ಜಯೇತ್ಸುಖೀ ಭವೇತ್॥ ॥ 8-101-60 (60108) ಇತಿ ಶ್ರೀಮನ್ಮಹಾಭಾರತೇ ಶತಸಾಹಸ್ರಿಕಾಯಾಂ ಸಂಹಿತಾಯಾಂ ವೈಯಾಸಿಕ್ಯಾಂ ಕರ್ಣಪರ್ವಣಿ ಏಕಾಧಿಕಶತತಮೋಽಧ್ಯಾಯಃ॥ 101 ॥ ॥ ಕರ್ಣಪರ್ವ ಸಮಾಪ್ತಂ॥ 8 ॥ ಅತಃ ಪರಂ ಶಲ್ಯಪರ್ವ ಭವಿಷ್ಯತಿ। ತಸ್ಯಾಯಮಾದ್ಯಃ ಶ್ಲೋಕಃ॥ 8-101-1 (60109) ಜನಮೇಜಯ ಉವಾಚ। 8-101-2x (5078) ಏವಂ ನಿಪಾತಿತೇ ಕರ್ಣೇ ಸಮರೇ ಸವ್ಯಸಾಚಿನಾ। ಅಲ್ಪಾವಶಿಷ್ಟಾಃ ಕುರವಃ ಕಿಮಕುರ್ವತ ವೈ ದ್ವಿಜ॥ 8-101-2 (60110) ಇದಂ ಕರ್ಣಪರ್ವ ಕುಂಭಘೋಣಸ್ಥೇನ ಟೀ.ಆರ್.ಕೃಷ್ಣಾಚಾರ್ಯೇಣ ಟೀ. ಆರ್. ವ್ಯಾಸಾಚಾರ್ಯೇಣ ಚ ಮುಂಬಯ್ಯಾಂ ನಿರ್ಣಯಸಾಗರಮುದ್ರಾಯಂತ್ರೇ ಮುದ್ರಾಪಿತಂ। ಶಕಾಬ್ದಾಃ 1829 ಸನ 1907.