8. കർണപർവ
॥ ശ്രീഃ ॥
8.1. അധ്യായഃ 001
Mahabharata - Karna Parva - Chapter Topics
ശിബിരാദ്ധാസ്തിനപുരമുപഗതവതാ സഞ്ജയേന ധൃതരാഷ്ട്രംപ്രതി കർണാദിനിധനകഥനം॥ 1 ॥ തച്ഛ്രവണേന മൂർച്ഛാമുപഗതവതോ ധൃതരാഷ്ട്രസ്യ സഞ്ജയാദിഭിരാശ്വാസനം॥ 2 ॥
Mahabharata - Karna Parva - Chapter Text
8-1-0
(54873)
ശ്രീവേദവ്യാസായ നമഃ। 8-1-0x
(4817)
നാരായണം നമസ്കൃത്യ നരം ചൈവ നരോത്തമം।
ദേവീം സരസ്വതീം വ്യാസം തതോ ജയമുദീരയേത്॥ 8-1-1
(54874)
`വൈശംപായന ഉവാച।
ശിബിരാദ്ധാസ്തിനപുരം പ്രാപ്യ ഭാരത സഞ്ജയഃ।
പ്രവിവേശ മഹാബാഹുർധൃതരാഷ്ട്രനിവേശനം॥ 8-1-1x
(4818)
ശോകേനാപഹതഃ സൂതോ വിലപൻഭൃശദുഃഖിതഃ।
ചിന്തയന്നിധനം ഘോരം സൂതപുത്രസ്യ പാണ്ഡവൈഃ॥ 8-1-2
(54875)
അന്തഃപുരം പ്രവിശ്യൈവ സഞ്ജയോ രാജസത്തമം।
അശ്രുപൂർണോ ഭൃശം ത്രസ്തോ രാജാനമുപജഗ്മിവാൻ॥ 8-1-3
(54876)
ഉപസ്ഥായ ച രാജാനം വിനിശ്വസ്യ ച സൂതജഃ।
നാതിഹൃഷ്ടമനാ രാജന്നിദം വചനമബ്രവീത്॥ 8-1-4
(54877)
സഞ്ജയ ഉവാച। 8-1-5x (4819)
സഞ്ചയോഽഹം മഹാരാജ നമസ്തേ ഭരതർഷഭ।
ഹതോ വൈകർതനഃ കർണഃ കൃത്വാ കർമ സുദുഷ്കരം॥ 8-1-5
(54878)
ചേദികാശികരൂശാനാം മത്സ്യാനാം സോമകൈഃ സഹ।
കൃത്വാഽസൌ കദനം ശേതേ വാതനുന്ന ഇവ ദ്രുമഃ॥ 8-1-6
(54879)
ഗോഷ്ഠമധ്യേവ ഋഷഭോ ഗോവ്രജൈഃ പരിവാരിതഃ।
വ്യാലേന നിഹതോ യദ്വത്തഥാഽസൌ നിഹതഃ പരൈഃ॥ 8-1-7
(54880)
നിരാശാൻപാണ്ഡവാൻകൃത്വാ ദൃഢം രാജൻസസാത്യകാൻ।
പാഞ്ചാലാനാം രഥാംശ്ചൈവ വിനിഹത്യ സഹസ്രശഃ॥ 8-1-8
(54881)
ജിത്വാ ശൂരാൻമഹേഷ്വാസാന്വിദ്രാവ്യ ച ദിശോദശ।
ഹതോ വൈകർതനഃ കർണഃ പാണ്ഡവേന കിരീടിനാ॥ 8-1-9
(54882)
വൈരസ്യ ഗത ആനൃണ്യം ദുർഗമസ്യ ദുരാത്മഭിഃ।
ഹത്വാ കർണം മഹാരാജ വിശല്യഃ പാണ്ഡവോഽഭവത്॥ 8-1-10
(54883)
ശോഷണം സാഗരാണാം വാ പതനം വാ വിവസ്വതഃ।
വിശീർണത്വം യഥാ മേരോസ്തഥാ കർണസ്യ പാതനം॥ 8-1-11
(54884)
യോധാശ്ച ബഹവോ രാജൻഹതാസ്തത്ര ജയൈഷിണഃ।
രാജാനോ രാജപുത്രാശ്ച ശൂരാഃ പരിഘബാഹവഃ॥ 8-1-12
(54885)
രഥൌഘാശ്ച നരൌഘാശ്ച ഹതാ രാജൻസഹസ്രശഃ।
വാരണാ നിഹതാസ്തത്ര വാജിനശ്ച മഹാഹവേ॥ 8-1-13
(54886)
ക്ഷത്രിയാശ്ച മഹാരാജ സേനയോരുഭയോർഹതാഃ।
പരസ്പരം വൈ വീക്ഷ്യാത്ര പരസ്പരകൃതാഗസഃ॥ 8-1-14
(54887)
കിഞ്ചിച്ഛേഷാൻപരാൻകൃത്വാ തീർത്വാ പാണ്ഡവവാഹിനീം।
പാർഥവേലാം സമാസാദ്യ ഹതോ വൈകർതനോ വൃഷാ॥ 8-1-15
(54888)
ജയാശാ ധാർതരാഷ്ട്രാണാം വൈരസ്യ ച മുഖം നൃപ।
തീർണം തത്പാണ്ഡവൈ രാജന്യത്പുരാ നാവബുധ്യസേ॥ 8-1-16
(54889)
പ്രോച്യമാനം മഹാരാജ ബന്ധുഭിർഹിതബുദ്ധിഭിഃ।
തദിദം സമനുപ്രാപ്തം വ്യസനം ത്വാം മഹാഭയം॥ 8-1-17
(54890)
പുത്രാണാം രാജ്യകാമേന ത്വയാ രാജൻഹിതൈഷിണാ।
ചരിതാന്യഹിതാന്യേവ തേഷാം തേ ഫലമാഗതം॥ 8-1-18
(54891)
ഹതോ ദുഃശാസനോ രാജന്യഥോക്തം പാണ്ഡവേന തു।
പ്രതിജ്ഞാ ഭീമസേനേന നിസ്തീർണാ സാ ചമൂമുഖേ॥ 8-1-19
(54892)
പീതം ച ക്ഷതജം തസ്യ ധാർതരാഷ്ട്രസ്യ സംയുഗേ।
പാണ്ഡവേന മഹാരാജ കർമ കൃത്വാ സുദുഷ്കരം*'॥ 8-1-20
(54893)
വൈശംപായന ഉവാച। 8-1-21x (4820)
ഏതച്ഛ്രുത്വാ മഹാരാജ ധൃതരാഷ്ട്രോഽംബികാസുതഃ।
ശോകസ്യാന്തമപശ്യന്വൈ ഹതം മത്വാ സുയോധനം।
വിഹ്വലഃ പതിതോ ഭൂമൌ നഷ്ടചേതാ ഇവ ദ്വിപഃ॥ 8-1-21
(54894)
തസ്മിന്നിപതിതേ ഭൂമൌ വിഹ്വലേ രാജസത്തമേ।
ആർതനാദോ മഹാനാസീത്സ്ത്രീണാം ഭരതസത്തമ॥ 8-1-22
(54895)
ശ ശബ്ദഃ പൃഥിവീം കൃത്സ്നാം പൂരയാമാസ സർവശഃ॥ 8-1-23
(54896)
ശോകാർണവേ മഹാഘോരേ നിമഗ്നാ ഭരതസ്ത്രിയഃ।
രുരുദുർദുഃഖശോകാർതാ ഭൃശമുദ്വിഗ്നചേതസഃ॥ 8-1-24
(54897)
രാജാനം ച സമാസാദ്യ ഗാന്ധാരീ ഭരതർഷഭ।
നിഃസഞ്ജ്ഞാ പതിതാ ഭൂമൌ സർവാണ്യന്തഃ പുരാണി ച॥ 8-1-25
(54898)
തതസ്താഃ സ·ഞ്ജയോ രാജൻസമാശ്വാസയദാതുരാഃ।
മുഹ്യാമാനാഃ സുബഹുശോ മുഞ്ചന്തീർവാരി നേത്രജം॥ 8-1-26
(54899)
സമാശ്വസ്താഃ സ്ത്രിയസ്താസ്തു വേപമാനാ മുഹുർമുഹുഃ।
കദല്യ ഇവ വാതേന ധൂയമാനാഃ സമന്തതഃ॥ 8-1-27
(54900)
രാജാനം വിദുരശ്ചാപി പ്രജ്ഞാചക്ഷുഷമീശ്വരം।
ആശ്വാസയാമാസ തദാ സിഞ്ചംസ്തോയേന കൌരവം॥ 8-1-28
(54901)
സ ലബ്ധ്വാ സനകൈഃ സഞ്ജ്ഞാം താശ്ച ദൃഷ്ട്വാ സ്ത്രിയോ നൃപഃ।
ഉൻമത്ത ഇവ രാജേന്ദ്ര സ്ഥിതസ്തൂഷ്ണീം വിശാംപതേ॥ 8-1-29
(54902)
തതോ ധ്യാത്വാ ചിരം കാലം നിഃശ്വസ്യ ച പുനഃപുനഃ।
സ്വാൻപുത്രാൻഗർഹയാമാസ ബഹുമേനേ ച പാണ്ഡവാൻ॥ 8-1-30
(54903)
ഗർഹയംശ്ചാത്മനോ ബുദ്ധിം ശകുനേഃ സൌബലസ്യ ച।
ധ്യാത്വാ തു സുചിരം കാലം വേപമാനോ മുഹുർമുഹുഃ॥ 8-1-31
(54904)
സംസ്തഭ്യ ച മനോ ഭൂയോ രാജാ ധൈര്യസമന്വിതഃ।
പുനർഗാവൽഗണിം സൂതം പര്യപൃച്ഛത സഞ്ജയം॥ 8-1-32
(54905)
ന ത്വയാ കഥിതം വാക്യം ശ്രുതം സഞ്ജയ തൻമയാ॥ 8-1-33
(54906)
കച്ചിദ്ദുര്യോധനഃ സൂത ന ഗതോ വൈ യമക്ഷയം।
ജയേ നിരാശഃ പുത്രോ മേ സതതം ജയകാമുകഃ।
ബ്രൂഹി സഞ്ജയ തത്ത്വേന പുനരുക്താം കഥാമിമാം॥ 8-1-34
(54907)
വൈശംപായന ഉവാച। 8-1-35x (4821)
ഏവമുക്തോഽബ്രവീത്സൂതോ രാജാനം ജനമേജയ।
ഹതോ വൈകർതനോ രാജൻസഹപുത്രൈർമഹാരഥഃ।
ഭ്രാതൃഭിശ്ച മഹേഷ്വാസൈഃ സൂതപുത്രൈസ്തനുത്യജൈഃ॥ 8-1-35
(54908)
ദുഃശാസനശ്ച നിഹതഃ പാണ്ഡവേന യശസ്വിനാ।
പീതം ച രുധിരം കോപാദ്ഭീമസേനേന സംയുഗേ॥ 8-1-36
(54909)
`വൈശംപായന ഉവാച। 8-1-37x (4822)
ഏതച്ഛ്രുത്വാ മഹാരാജ ധൃതരാഷ്ട്രോഽംബികാസുതഃ।
ദഹ്യമാനോഽബ്രവീത്സൂതം മുഹൂർതം തിഷ്ഠ സഞ്ജയ।
വ്യാകുലം മേ മനസ്താത മാ താവത്കിഞ്ചിദുച്യതാം॥ 8-1-37
(54910)
രാജാപി നാബ്രവീത്കിഞ്ചിത്സഞ്ജയോ വിദുരസ്തഥാ।
തൂഷ്ണീംഭൂതസ്തദാ സോഽഥ ബഭൂവ ജഗതീപതിഃ'॥ ॥ 8-1-38
(54911)
ഇതി ശ്രീമൻമഹാഭാരതേ കർണപർവണി പ്രഥമോഽധ്യായഃ॥ 1 ॥
Mahabharata - Karna Parva - Chapter Topics
ദുര്യോധനാദിഭിഃ കർണസ്യ സൈനാപത്യേഽഭിഷേചനപൂർവകം യുദ്ധായ നിര്യാണം॥ 1 ॥ ജനമേജയേന വൈശംപായനംപ്രതി കർണമരണശ്രാവിണോ ധൃതരാഷ്ട്രസ്യ പ്രവൃത്തിപ്രശ്നഃ॥ 2 ॥
Mahabharata - Karna Parva - Chapter Text
8-1-0 (54912)
ശ്രീകൃഷ്ണായ നമഃ॥ 8-1-0x (4823)
[നാരായണം നമസ്കൃത്യ നരം ചൈവ നരോത്തമം।
ദേവീം സരസ്വതീം ചൈവ തതോ ജയമുദീരയേത്॥ 8-1-1 (54913)
വൈശംപായന ഉവാച। 8-1-2x (4824)
തതോ ദ്രോണേ ഹതേ രാജന്ദുര്യോധനമുഖാ നൃപാഃ।
ഭൃശമുദ്വിഗ്നമനസോ ദ്രോണപുത്രമുപാഗമൻ॥ 8-1-2 (54914)
തേ ദ്രോണമനുശോചന്തഃ കശ്മലാഭിഹതൌജസഃ।
പര്യുപാസന്ത ശോകാർതാസ്തതഃ ശാരദ്വതീസുതം॥ 8-1-3 (54915)
തേ മുഹൂർതം സമാശ്വസ്യ ഹേതുഭിഃ ശാസ്ത്രസംമിതൈഃ।
രാത്ര്യാഗമേ മഹീപാലാഃ സ്വാനി വേശ്മാനി ഭേജിരേ॥ 8-1-4 (54916)
തേ വേശ്മസ്വപി കൌരവ്യ പൃഥ്വീശാ നാപ്നുവൻസുഖം।
ചിന്തയന്തഃ ക്ഷയം തീവ്രം ദുഃഖശോകസമന്വിതാഃ॥ 8-1-5 (54917)
വിശേഷതഃ സൂതപുത്രോ രാജാ ചൈവ സുയോധനഃ।
ദുഃശാസനശ്ച ശകുനിഃ സൌബലശ്ച മഹാബലഃ॥ 8-1-6 (54918)
ഉഷിതാസ്തേ നിശാം താം തു ദുര്യോധനനിവേശനേ।
ചിന്തയന്തഃ പരിക്ലേശാൻപാണ്ഡവാനാം മഹാത്മനാം॥ 8-1-7 (54919)
യത്തദ്ദ്യൂതേ പരിക്ലിഷ്ടാ കൃഷ്ണാ ചാനായിതാ സഭാം।
തത്സ്മരന്തോഽനുശോചന്തോ ഭൃശമുദ്വിഗ്നചതേതസഃ॥ 8-1-8 (54920)
തഥാ തു സഞ്ചിന്തയതാം താൻക്ലേശാന്ദ്യൂതകാരിതാൻ।
ദുഃഖേന ക്ഷണദാ രാജഞ്ജഗാമാബ്ദശതോപമാ॥ 8-1-9 (54921)
തതഃ പ്രഭാതേ വിമലേ സ്ഥിതാ ദിഷ്ടസ്യ ശാസനേ।
ചക്രുരാവശ്യകം സർവേ വിധിദൃഷ്ടേന കർമണാ॥ 8-1-10 (54922)
തേ കൃത്വാഽവശ്യകാര്യാണി സമാശ്വസ്യ ച ഭാരത।
യോഗമാജ്ഞാപയാമാസുര്യുദ്വായ ച വിനിര്യയുഃ॥ 8-1-11 (54923)
കർണം സേനാപതിം കൃത്വാ കൃതകൌതുകമംഗലാഃ।
പൂജയിത്വാ ദ്വിജശ്രേഷ്ഠാന്ദധിപാത്രഘൃതാക്ഷതൈഃ॥ 8-1-12 (54924)
ഗോഭിരശ്വൈശ്ച നിഷ്കൈശ്ച വാസോഭിശ്ച മഹാധനൈഃ।
വന്ദ്യമാനാ ജയാശീർഭിഃ സൂതമാഗധബന്ദിഭിഃ॥ 8-1-13 (54925)
തഥൈവ പാണ്ഡവാ രാജൻകൃതപൂർവാഹ്ണികക്രിയാഃ।
ശിബിരാന്നിര്യയുസ്തൂർണം യുദ്വായ കൃതനിശ്ചയാഃ॥ 8-1-14 (54926)
തതഃ പ്രവവൃതേ യുദ്വം തുമുലം രോമഹർഷണം।
കുരൂണാം പാണ്ഡവാനാം ച പരസ്പരജയൈഷിണാം॥ 8-1-15 (54927)
തയോർദ്വൌ ദിവസൌ യുദ്വം കുരുപാണ്ഡവസേനയോഃ।
കർണേ സേനാപതൌ രാജൻബഭൂവാദ്ഭുതദർശനം॥ 8-1-16 (54928)
തതഃ ശത്രുക്ഷയം കൃത്വാ സുമഹാന്തം രണേ വൃഷഃ।
പശ്യതാം ധാർതരാഷ്ട്രാണാം ഫൽഗുനേന നിപാതിതഃ॥ 8-1-17 (54929)
തതസ്തു സഞ്ജയഃ സർവം ഗത്വാ നാഗപുരം ദ്രുതം।
ആചഷ്ട ധൃതരാഷ്ട്രായ യദ്വൃത്തം കുരുജാംഗലേ॥ 8-1-18 (54930)
ജനമയേജയ ഉവാച। 8-1-19x (4825)
ആപഗേയം ഹതം ശ്രുത്വാ ദ്രോണം ചാപി മഹാരഥം।
ആജഗാമ പരാമാർതിം വൃദ്വോ രാജാഽംബികാസുതഃ॥ 8-1-19 (54931)
സ ശ്രുത്വാ നിഹതം കർണം ദുര്യോധനഹിതൈഷിണം।
കഥം ദ്വിജവര പ്രാണാനധാരയത ദുഃഖിതഃ॥ 8-1-20 (54932)
യസ്മിഞ്ജയാശാം പുത്രാണാം സമമന്യത പാർഥിവഃ।
തസ്മിൻഹതേ സ കൌരവ്യഃ കഥം പ്രാണാനധാരയത്॥ 8-1-21 (54933)
ദുർമരം തദഹം മന്യേ നൃണാം കൃച്ഛ്രേഽപി വർതതാം।
യത്ര കർണം ഹതം ശ്രുത്വാ നാത്യജജ്ജീവിതം നൃപഃ॥ 8-1-22 (54934)
തഥാ ശാന്തനവം വൃദ്വം ബ്രഹ്മൻബാഹ്ലീകമേവ ച।
ദ്രോണം ച സോമദത്തം ച ഭൂരിശ്രവസമേവ ച॥ 8-1-23 (54935)
തഥൈവ ചാന്യാൻസുഹൃദഃ പുത്രാൻപൌത്രാംശ്ച പാതിതാൻ।
ശ്രുത്വാ യന്നാജഹാത്പ്രാണാംസ്തൻമന്യേ ദുഷ്കരം ദ്വിജ॥ 8-1-24 (54936)
ഏതൻമേ സർവമാചക്ഷ്വ വിസ്തരേണ മഹാമുനേ।
ന ഹി തൃപ്യാമി പൂർവേഷാം ശൃണ്വാനശ്ചരിതം മഹത്॥ ॥ 8-1-25 (54937)
ഇതി ശ്രീമൻമഹാഭാരതേ കർണപർവണി ഷോഡശദിവസയുദ്ധാരംഭേ പ്രഥമോഽധ്യായഃ॥ 1 ॥
Mahabharata - Karna Parva - Chapter Topics
ധൃതരാഷ്ട്രേണ ഭീഷ്മദ്രോണൌ പ്രത്യനുശോചനപൂർവകം സഞ്ജയംപ്രതി ദുര്യോധനാദിപ്രവൃത്തിപ്രശ്നഃ॥ 1 ॥
Mahabharata - Karna Parva - Chapter Text
8-1-0 (54938)
വൈശംപായന ഉവാച। 8-1-0x (4826)
ഹതേ കർണേ മഹാരാജ നിശി ഗാവൽഗണിസ്തദാ।
ദീനോ യയൌ നാഗപുരമശ്വൈർവാതസമൈർജവേ॥ 8-1-1 (54939)
സ ഹാസ്തിനപുരം ഗത്വാ ഭൃശമുദ്വിഗ്നചേതനഃ।
ജഗാമ ധൃതരാഷ്ട്രസ്യ ക്ഷയം പ്രക്ഷീണബാന്ധവം॥ 8-1-2 (54940)
സ തമുദ്വീക്ഷ്യ രാജാനം കശ്മലാഭിഹതൌജസം।
വവന്ദേ പ്രാഞ്ജലിർഭൂത്വാ മൂർധ്നാ പാദൌ നൃപസ്യ ഹ॥ 8-1-3 (54941)
സംപൂജ്യ ച യഥാന്യായം ധൃതരാഷ്ട്രം മഹീപതിം।
ഹാ കഷ്ടമിതി ചോക്ത്വാ സ തതോ വചനമാദദേ॥ 8-1-4 (54942)
സഞ്ജയോഽഹം ക്ഷിതിപതേ കച്ചിദാസ്തേ സുഖം ഭവാൻ।
സ്വദോഷൈരാപദം പ്രാപ്യ കച്ചിന്നാദ്യ വിമുഹ്യതി॥ 8-1-5 (54943)
ഹിതാന്യുക്താനി വിദുരദ്രോണഗാംഗേയകേശവൈഃ।
അഗൃഹീതാന്യനുസ്മൃത്യ കച്ചിന്ന കുരുഷേ വ്യഥാം॥ 8-1-6 (54944)
രാമനാരദകണ്വാദ്യൈർഹിതമുക്തം സഭാതലേ।
ന ഗൃഹീതമനുസ്മൃത്യ കച്ചിന്ന കുരുഷേ വ്യഥാം॥ 8-1-7 (54945)
സുഹൃദസ്ത്വദ്വിതേ യുക്താൻഭീഷ്മദ്രോണമുഖാൻപരൈഃ।
നിഹതാന്യുധി സംസ്മൃത്യ കച്ചിന്ന കുരുഷേ വ്യഥാം॥ 8-1-8 (54946)
തമേവംവാദിനം രാജാ സൂതപുത്രം കൃതാജലിം।
സുദീർഘമഥ നിഃശ്വസ്യ ദുഃഖാർത ഇദമബ്രവീത്॥ 8-1-9 (54947)
ധൃതരാഷ്ട്ര ഉവാച। 8-1-10x (4827)
ആപഗേയേ ഹതേ ശൂരേ ദിവ്യാസ്ത്രവതി സഞ്ജയ।
ദ്രോണേ ച പരമേഷ്വാസേ ഭൃശം മേ വ്യഥിതം മനഃ॥ 8-1-10 (54948)
യോ രഥാനാം സഹസ്രാണി ദംശിതാനാം ദശൈവ തു।
അഹന്യഹനി തേജസ്വീ നിജഘ്നേ വസുസംഭവഃ॥ 8-1-11 (54949)
തം ഹതം യജ്ഞസേനസ്യ പുത്രേണേഹ ശിഖണ്ഡിനാ।
പാണ്ഡവേയാഭിഗുപ്തേന ശ്രുത്വാ മേ വ്യഥിതം മനഃ॥ 8-1-12 (54950)
ഭാർഗവഃ പ്രദദൌ യസ്മൈ പരമാസ്ത്രം മഹാഹവേ।
സാക്ഷാദ്രാമണേ യോ ബാല്യേ ധനുർവേദ ഉപാകൃതഃ॥ 8-1-13 (54951)
യസ്യ പ്രസാദാത്കൌന്തേയാ രാജപുത്രാ മഹാരഥാഃ।
മഹാരഥത്വം സംപ്രാപ്താസ്തഥാഽന്യേ വസുധാധിപാഃ॥ 8-1-14 (54952)
തം ദ്രോണം നിഹതം ശ്രുത്വാ ധൃഷ്ടദ്യുംനേന സംയുഗേ।
സത്യസന്ധം മഹേഷ്വാസം ഭൃശം മേ വ്യഥിതം മനഃ॥ 8-1-15 (54953)
യയോർലോകേ പുമാനസ്ത്രേ ന സമോഽസ്തി ചതുർവിധേ।
തൌ ദ്രോണഭീഷ്മൌ ശ്രുത്വാ തു ഹതൌ മേ വ്യഥിതം മനഃ॥ 8-1-16 (54954)
ത്രൈലോക്യേ യസ്യ ചാസ്ത്രേഷു ന പുമാന്വിദ്യതേ സമഃ।
തം ദ്രോണം നിഹതം ശ്രുത്വാ കിമകുർവത മാമകാഃ॥ 8-1-17 (54955)
സംശപ്തകാനാം ച ബലേ പാണ്ഡവേന മഹാത്മനാ।
ധനഞ്ജയേന വിക്രംയ ഗമിതേ യമസാദനം॥ 8-1-18 (54956)
നാരായണാസ്ത്രേ ച ഹതേ ദ്രോണപുത്രസ്യ ധീമതഃ।
വിപ്രദ്രുതാനഹം മന്യേനിമഗ്നാഞ്ശോകസാഗരേ। 8-1-19 (54957)
പ്ലവമാനാൻഹതേ ദ്രോണേ സന്നനൌകാനിവാർണവേ॥
ദുര്യോധനസ്യ കർണസ്യ ഭോജസ്യ കൃതവർമണഃ। 8-1-20 (54958)
മദ്രരാജസ്യ ശല്യസ്യ ദ്രൌണേശ്ചൈവ കൃപസ്യ ച॥
മത്പുത്രസ്യ ച ശേഷസ്യ തഥാഽന്യേഷാം ച സഞ്ജയ। 8-1-21 (54959)
വിപ്രദ്രുതേഷ്വനീകേഷു മുഖവർണോഽഭവത്കഥം॥
ഏതത്സർവം യഥാവൃത്തം തഥാ ഗാവൽഗണേ മമ। 8-1-22 (54960)
ആചക്ഷ്വ പാണ്ഡവേയാനാം മാമകാനാം ച വിക്രമം॥ 8-1-23 (54961)
സഞ്ജയ ഉവാച। 8-1-23x (4828)
തവാപരാധാദ്യദ്വൃത്തം കൌരവേയേഷു മാരിഷ।
തച്ഛ്രുത്വാ മാ വ്യഥാം കാർഷീർദിഷ്ടേ ന വ്യഥതേ ബുധഃ॥ 8-1-24 (54962)
യസ്മാദഭാവീ ഭാവീ വാ ഭവേദർഥോ നരം പ്രതി।
അപ്രാപ്തൌ തസ്യ വാ പ്രാപ്തൌ ന കശ്ചിദ്യഥതേ ബുധഃ॥ 8-1-25 (54963)
ധൃതരാഷ്ട്ര ഉവാച। 8-1-26x (4829)
ന വ്യഥാഽഭ്യധികാ കാചിദ്വിദ്യതേ മമ സഞ്ജയ।
ദിഷ്ടമേതത്പുരാ മന്യേ കഥയസ്യ യഥേച്ഛകം॥ ॥ 8-1-26 (54964)
ഇതി ശ്രീമൻമഹാഭാരതേ കർണപർവണി ദ്വിതീയോഽധ്യായഃ॥ 2 ॥
Mahabharata - Karna Parva - Chapter Topics
ദുര്യോധനേന ദ്രോണമരണനിർവിണ്ണാനാം സൈനികാനാം കർണഗുണാനുവർണനേന പ്രോത്സാഹനം॥ 1 ॥ സഞ്ജയേന ധൃതരാഷ്ട്രംപ്രതി കർണപരാക മപ്രശംസനപൂർവകം തന്നിധനകഥനം॥ 2 ॥
Mahabharata - Karna Parva - Chapter Text
8-1-0 (54965)
സഞ്ജയ ഉവാച। 8-1-0x (4830)
ഹതേ ദ്രോണേ മഹേഷ്വാസേ തവ പുത്രാ മഹാരഥാഃ।
ബഭൂവുരസ്വസ്ഥമുഖാ വിഷണ്ണാ ഗതചേതസഃ॥ 8-1-1 (54966)
അവാങ്മുഖാഃ ശസ്ത്രഭൃതഃ സർവ ഏവ വിശാംപതേ।
അവേക്ഷമാണാഃ ശോകാർതാ നാഭ്യഭാഷൻപരസ്പരം॥ 8-1-2 (54967)
താന്ദൃഷ്ട്വാ വ്യഥിതാകാരാൻസൈന്യാനി തവ ഭാരത।
ഊർധ്വമേവ നിരൈക്ഷന്ത ദുഃഖത്രസ്താന്യനേകശഃ॥ 8-1-3 (54968)
ശസ്ത്രാണ്യേഷാം തു രാജേന്ദ്ര ശോണിതാക്താനി സർവശഃ।
പ്രാഭ്രശ്യന്ത കരാഗ്രേഭ്യോ ദൃഷ്ട്വാ ദ്രോണം ഹതം യുധി॥ 8-1-4 (54969)
താനി ബദ്വാന്യരിഷ്ടാനി ലംബമാനാനി ഭാരത।
അദൃശ്യന്ത മഹാരാജ നക്ഷത്രാണി യഥാ ദിവി॥ 8-1-5 (54970)
തഥാ തു സ്തിമിതം ദൃഷ്ട്വാ ഗതസത്വമവസ്ഥിതം।
ബലം തവ മഹാരാജ രാജാ ദുര്യോധനോഽബ്രവീത്॥ 8-1-6 (54971)
ഭവതാം ബാഹുവീര്യം ഹി സമാശ്രിത്യ മയാ യുധി।
പാണ്ഡവേയാഃ സമാഹൂതാ യുദ്വം ചേദം പ്രവർതിതം॥ 8-1-7 (54972)
തദിദം നിഹതേ ദ്രോണേ വിഷണ്ണമിവ ലക്ഷ്യതേ।
യുധ്യമാനാശ്ച സമരേ യോധാ വധ്യന്തി സർവശഃ॥ 8-1-8 (54973)
ജയോ വാഽപി വധോ വാഽപി യുധ്യമാനസ്യ സംയുഗേ।
ഭവേത്കിമത്ര ചിത്രം വൈ യുധ്യധ്വം സർവതോമുഖാഃ॥ 8-1-9 (54974)
പശ്യധ്വം ച മഹാത്മാനം കർണം വൈകർതനം യുധി।
പ്രചരന്തം മഹേഷ്വാസം ദിവ്യൈരസ്ത്രൈർമഹാബലം॥ 8-1-10 (54975)
യസ്യ വൈ യുധി സന്ത്രാസാത്കുന്തീപുത്രോ ധനഞ്ജയഃ।
നിവർതതേ സദാ മന്ദഃ സിംഹാത്ക്ഷുദ്രമൃഗോ യഥാ॥ 8-1-11 (54976)
യേന നാഗായുതപ്രാണോ ഭീമസേനോ മഹാബലഃ।
മാനുഷേണൈവ യുദ്ധേന താമവസ്ഥാം പ്രവേശിതഃ॥ 8-1-12 (54977)
യേന ദിവ്യാസ്ത്രവിച്ഛൂരോ മായാവീ സ ഘടോത്കചഃ।
അമോഘയാ രണേ ശക്ത്യാ നിഹതോ ഭൈരവം നദൻ॥ 8-1-13 (54978)
തസ്യ ദുർവാരവീര്യസ്യ സത്യസന്ധസ്യ ധീമതഃ।
ബാഹ്വോർദ്രവിണമക്ഷയ്യമദ്യ ദ്രക്ഷ്യഥ സംയുഗേ॥ 8-1-14 (54979)
ദ്രോണപുത്രസ്യ വിക്രാന്തം രാധേയസ്യൈവ ചോഭയോഃ।
പശ്യന്തു പാണ്ഡുപുത്രാസ്തേ വിഷ്ണുവാസവയോരിവ॥ 8-1-15 (54980)
സർവ ഏവ ഭവന്തശ്ച ശക്താഃ പ്രത്യേകശോഽപി വാ।
പാണ്ഡുപുത്രാന്രണേ ഹന്തും സസൈന്യാൻകിസു സംഹതാഃ।
വീര്യവന്തഃ കൃതാസ്ത്രാശ്ച ദ്രക്ഷ്യഥാദ്യ പരസ്പരം॥ 8-1-16 (54981)
സഞ്ജയ ഉവാച। 8-1-17x (4831)
ഏവമുക്ത്വാ തതഃ കർണം ചക്രേ സേനാപതിം തദാ।
തവ പുത്രോ മഹാവീര്യോ ഭ്രാതൃഭിഃ സഹിതോഽനഘ॥ 8-1-17 (54982)
സൈനാപത്യമഥാവാപ്യ കർണോ രാജൻമഹാരഥഃ।
സിംഹനാദം വിനദ്യോച്ചൈഃ പ്രായുധ്യത രണോത്കടഃ॥ 8-1-18 (54983)
സസൃഞ്ജയാനാം സർവേഷാം പാഞ്ചാലാനാം ച മാരിഷ।
കേകയാനാം വിദേഹാനാം ചകാര കദനം മഹത്॥ 8-1-19 (54984)
തസ്യേഷുധാരാഃ ശതശഃ പ്രാദുരാസഞ്ഛരാസനാത്।
അഗ്രേ പുംഖേഷു സംസക്താ യഥാ ഭ്രമരപങ്ക്തയഃ॥ 8-1-20 (54985)
സ പീഡയിത്വാ പാഞ്ചാലാൻപാണ്ഡവാംശ്ച തരസ്വിനഃ।
ഹത്വാ സഹസ്രശോ യോധാനർജുനേന നിപാതിതഃ॥ ॥ 8-1-21 (54986)
ഇതി ശ്രീമൻമഹാഭാരതേ കർണപർവണി തൃതീയോഽധ്യായഃ॥ 3 ॥
Mahabharata - Karna Parva - Chapter Footnotes
॥ ശ്രീഃ ॥
8.2. അധ്യായഃ 002
Mahabharata - Karna Parva - Chapter Topics
ധൃതരാഷ്ട്രേണ നിജസേനായാം നിഹതാനാം നാമനിവേദനം ചോദിതേന സഞ്ജയേന തത്കഥനം॥ 1 ॥
Mahabharata - Karna Parva - Chapter Text
8-2-0 (54987)
`ജനമേജയ ഉവാച। 8-2-0x (4832)
തച്ഛ്രുത്വാ കർണഹനനം പുത്രാംശ്ചൈവ പലായിതാൻ।
ധൃതരാഷ്ട്രോ നൃപശ്ചൈവ ദ്വിജശ്രേഷ്ഠ കിമബ്രവീത്॥ 8-2-1 (54988)
പ്രാപ്തവാന്വ്യസനം ഘോരം പുത്രവ്യസനജം മഹത്।
കാലേ യദുക്തവാംസ്തസ്മിംസ്തൻമമാചക്ഷ്വ തത്ത്വതഃ'॥ 8-2-2 (54989)
വൈശംപായന ഉവാച। 8-2-3x (4833)
ഏതച്ഛ്രുത്വാ മഹാരാജ ധൃതരാഷ്ട്രോഽംബികാസുതഃ।
അബ്രവീത്സഞ്ജയം സൂതം ശോകസംവിഗ്നമാനസഃ॥ 8-2-3 (54990)
ദുഷ്പ്രണീതേന മേ താത പുത്രസ്യാദീർഘജീവിനഃ।
ഹതം വൈകർതനം ശ്രുത്വാ ശോകോ മർമാണി കൃന്തതി॥ 8-2-4 (54991)
തസ്യ മേ സംശയം ഛിന്ധി ദുഃഖപാരം തിതീർഷതഃ।
കുരൂണാം സൃഞ്ജയാനാം ച കേ ജീവന്തി കേ മൃതാഃ॥ 8-2-5 (54992)
സഞ്ജയ ഉവാച। 8-2-6x (4834)
ഹതഃ ശാന്തനവോ രാജന്ദുരാധർഷഃ പ്രതാപവാൻ।
ഹത്വാ പാണ്ഡവയോധാനാമർബുദം ദശഭിർദിനൈഃ॥ 8-2-6 (54993)
തഥാ ദ്രോണോ മഹേഷ്വാസഃ പാഞ്ചാലാനാം രഥവ്രജാൻ।
നിഹത്യ യുധി ദുർധർഷഃ പഞ്ചാദ്രുക്മരഥോ ഹതഃ॥ 8-2-7 (54994)
ഹതശേഷസ്യ ഭീഷ്മേണ ദ്രോണേന ച മഹാത്മനാ।
അർധം നിഹത്യ സൈന്യസ്യ കർണോ വൈകർതനോ ഹതഃ॥ 8-2-8 (54995)
വിവിംശതിർമഹാരാജ രാജപുത്രോ മഹാബലഃ।
ആനർതയോധാഞ്ശതശോ നിഹത്യ നിഹതോ രണേ॥ 8-2-9 (54996)
തഥാ പുത്രോ വികർണസ്തേ ക്ഷത്രവ്രതമനുസ്മരൻ।
ക്ഷീണബാണോ ഹതഃ ശൂരഃ സ്ഥിതോ ഹ്യഭിമുഖഃ പരൈഃ॥ 8-2-10 (54997)
ധോരരൂപാൻപരിക്ലേശാന്ദുര്യോധനകൃതാൻബഹൂൻ।
പ്രതിജ്ഞാം സ്മരതാ തേന ഭീമസേനേന പാതിതഃ॥ 8-2-11 (54998)
വിന്ദാനുവിന്ദാവാവന്ത്യൌ രാജപുത്രൌ മഹാരഥൌ।
കൃത്വാ സ്വസുകരം കർമ ഗതൌ വൈവസ്വതക്ഷയം॥ 8-2-12 (54999)
സിന്ധുരാഷ്ട്രമുഖാനീഹ ദശ രാഷ്ട്രാണി യാനിഹ।
യസ്യ തിഷ്ഠന്തി വചനേ യഃ സ്ഥിതസ്തവ ശാസനേ॥ 8-2-13 (55000)
അക്ഷൌഹിണീർദശൈകാം ച വിനിർജിത്യ ശിതൈഃ ശരൈഃ।
സോഽർജുനേന ഹതോ രാജൻമഹാവീര്യോ ജയദ്രഥഃ॥ 8-2-14 (55001)
തഥാ ദുര്യോധനസുതസ്തരസ്വീ യുദ്ധദുർമദഃ।
വർതമാനഃ പിതുഃ ശാസ്ത്രേ സൌഭദ്രേണ നിപാതിതഃ॥ 8-2-15 (55002)
തഥാ ദൌഃശാസനിഃ സൂരോ ബാഹുശാലീ രണോത്കടഃ।
ദ്രൌപദേയേന സംഗംയ ഗമിതോ യമസാദനം॥ 8-2-16 (55003)
കിരാതാനാമധിപതിഃ സാഗരാനൂപവാസിനാം।
ദേവരാജസ്യ ധർമാത്മാ പ്രിയോ ബഹുമതഃ സഖാ॥ 8-2-17 (55004)
ഭഗദത്തോ മഹീപാലഃ ക്ഷത്രധർമരതഃ സദാ।
ധനഞ്ജയേന വിക്രംയ ഗമിതോ യമസാദനം॥ 8-2-18 (55005)
തഥാ കൌരവദായാദോ ന്യസ്തശസ്ത്രോ മഹായശാഃ।
ഹതോ ഭൂരിശ്രവാ രാജഞ്ശൂരഃ സാത്യകിനാ യുധി॥ 8-2-19 (55006)
ശ്രുതായുരപി ചാംബഷ്ഠഃ ക്ഷത്രിയാണാം ധുരന്ധരഃ।
ചരന്നഭീതവത്സംഖ്യേ നിഹതഃ സവ്യസാചിനാ॥ 8-2-20 (55007)
തവ പുത്രഃ സദാമർഷീ കൃതാസ്ത്രോ യുദ്ധദുർമദഃ।
ദുഃശാസനോ മഹാരാജ ഭീമസേനേന പാതിതഃ॥ 8-2-21 (55008)
യസ്യ രാജൻഗജാനീകം ബഹുസാഹസ്രമദ്ഭുതം।
സുദക്ഷിണഃ സ സംഗ്രാമേ നിഹതഃ സവ്യസാചിനാ॥ 8-2-22 (55009)
കോസലാനാമധിപതിർഹത്വാ ബഹുമതാൻപരാൻ।
സൌഭദ്രേണേഹ വിക്രംയ ഗമിതോ യമസാദനം॥ 8-2-23 (55010)
ബഹുശോ യോധയിത്വാ തു ഭീമസേനം മഹാരഥം।
ചിത്രസേനസ്തവ സുതോ ഭീമസേനേന പാതിതഃ॥ 8-2-24 (55011)
മദ്രരാജാത്മജഃ ശൂരഃ പരേഷാം ഭയവർധനഃ।
അസിചർമധരഃ ശ്രീമാൻസൌഭദ്രേണ നിപാതിതഃ॥ 8-2-25 (55012)
സമഃ കർണസ്യ സമരേ യഃ സ കർണസ്യ പശ്യതഃ।
വൃഷസേനോ മഹാതേജാഃ ശീഘ്രാസ്ത്രോ ദൃഢവിക്രമഃ॥ 8-2-26 (55013)
അഭിമന്യോർവധം സ്മൃത്വാ പ്രതിജ്ഞാമപി ചാത്മനഃ।
ധനഞ്ജയേന വിക്രംയ ഗമിതോ യമസാദനം॥ 8-2-27 (55014)
നിത്യം പ്രസക്തവൈരോ യഃ പാണ്ഡവൈഃ പൃഥിവീപതിഃ।
വിശ്രാവ്യ വൈരം പാർഥേന ശ്രുതായുഃ സ നിപാതിതഃ॥ 8-2-28 (55015)
ശല്യപുത്രസ്തു വിക്രാന്തഃ സഹദേവേന മാരിഷ।
ഹതോ രുക്മരഥോ രാജഞ്ശ്യാലോ മാതുലജോ യുധി॥ 8-2-29 (55016)
രാജാ ഭാഗീരഥോ വൃദ്ധോ ബൃഹത്ക്ഷത്രശ്ച കേകയഃ।
പരാക്രമന്തൌ വിക്രാന്തൌ നിഹതൌ വീര്യവത്തരൌ॥ 8-2-30 (55017)
ഭഗദത്തസുതോ രാജൻകൃതപ്രജ്ഞോ മംഹാബലഃ।
ശ്യേനവച്ചരതാ സംഖ്യേ നകുലേന നിപാതിതഃ॥ 8-2-31 (55018)
പിതാമഹസ്തവ തഥാ ബാഹ്ലീകഃ സഹ ബാഹ്ലികൈഃ।
നിഹതോ ഭീമസേനേന മഹാബാലപരാക്രമഃ॥ 8-2-32 (55019)
ജയത്സേനസ്തഥാ രാജഞ്ജാരാസന്ധിർമഹാബലഃ।
മാഗധോ നിഹതഃ സംഖ്യേ സൌഭദ്രേണ മഹാത്മനാ॥ 8-2-33 (55020)
പുത്രസ്തേ ദുർമുഖോ രാജന്ദുഃസഹശ്ച മഹാരഥഃ।
ഗദയാ ഭീമസേനേന നിഹതൌ ശൂരമാനിനൌ॥ 8-2-34 (55021)
ദുർമർഷണോ ദുർവിഷഹോ ദുർജയശ്ച മഹാരഥഃ।
കൃത്വാ ത്വസുകരം കർമ ഗതാ വൈവസ്വതക്ഷയം॥ 8-2-35 (55022)
ഉഭൌ കലിംഗവൃഷകൌ ഭ്രാതരൌ യുദ്ധദുർമദൌ।
കൃത്വാ ചാസുകരം കർമ ഗതൌ വൈവസ്വതക്ഷയം॥ 8-2-36 (55023)
സചിവോ വൃഷപർവാ തേ ശൂരഃ പരമവീര്യവാൻ।
ഭീമസേനേന വിക്രംയ ഗമിതോ യമസാദനം॥ 8-2-37 (55024)
തഥൈവ പൌരവോ രാജാ നാഗായുതബലോ മഹാൻ।
സമരേ പാണ്ഡുപുത്രേണ നിഹതഃ സവ്യസാചിനാ॥ 8-2-38 (55025)
വസാതയോ മഹാരാജ ദ്വിസാഹസ്രാഃ പ്രഹാരിണഃ।
ശൂരസേനാശ്ച വിക്രാന്താഃ സർവേ യുധി നിപാതിതാഃ॥ 8-2-39 (55026)
അഭീഷാഹാഃ കവചിനഃ പ്രഹരന്തോ രണോത്കടാഃ।
ശിബയശ്ച രഥോദാരാഃ കാലിംഗസഹിതാ ഹതാഃ॥ 8-2-40 (55027)
ഗോകുലേ നിത്യസംവൃദ്ധാ യുദ്ധേ പരമകോപനാഃ।
ഗോപാലാഃ കൃതവീരാസ്തേ നിഹതാഃ സവ്യസാചിനാ॥ 8-2-41 (55028)
ശ്രേണയോ ബഹുസാഹസ്രാഃ സംശപ്തകഗണാശ്ച യേ।
തേ സർവേ പാർഥമാസാദ്യ ഗദാ വൈവസ്വതക്ഷയം॥ 8-2-42 (55029)
ശ്യാലൌ തവ മഹാരാജ രാജാനൌ വൃഷകാചലൌ।
ത്വദർഥമതിവിക്രാന്തൌ നിഹതൌ സവ്യസാചിനാ॥ 8-2-43 (55030)
ഉഗ്രകർമാ മഹേഷ്വാസോ നാമതഃ കർമതസ്തഥാ।
സാൽവരാജോ മഹാബാഹുർഭീമസേനേന പാതിതഃ॥ 8-2-44 (55031)
ഓഘവാംശ്ച മഹാരാജ ബൃഹന്തഃ സഹിതൌ രണേ।
പരാക്രമന്തൌ മിത്രാർഥേ ഗതൌ വൈവസ്വതക്ഷയം॥ 8-2-45 (55032)
തഥൈവ രഥിനാം ശ്രേഷ്ഠഃ ക്ഷേമധൂർതിർവിശാംപതേ।
നിഹതോ ഗദയാ രാജൻഭീമസേനേന സംയുഗേ॥ 8-2-46 (55033)
തഥാ രാജൻമഹേഷ്വാസോ ജലസന്ധൌ മഹാബലഃ।
സുമഹത്കദനം കൃത്വാ ഹതഃ സാത്യകിനാ രണേ॥ 8-2-47 (55034)
അലംബുസോ രാക്ഷസേന്ദ്രഃ ഖരബന്ധുരയാനവാൻ।
ഘടോത്കചേന വിക്രംയ ഗമിതോ യമസാദനം॥ 8-2-48 (55035)
രാധേയഃ സൂതപുത്രശ്ച ഭ്രാതരശ്ച മഹാരഥാഃ।
കേകയാഃ സർവശശ്ചാപി നിഹതാഃ സ്വ്യസാചിനാ॥ 8-2-49 (55036)
മാലവാ മദ്രകാശ്ചൈവ ദ്രാവിഡാശ്ചോഗ്രകർമിണഃ।
യൌധേയാശ്ച ലലിത്ഥാശ്ച ക്ഷുദ്രകാശ്ചാപ്യുശീനരാഃ॥ 8-2-50 (55037)
മാവേല്ലകാസ്തുണ്ഡികേരാഃ സാവിത്രീപുത്രകാശ്ച യേ।
പ്രാച്യോദീച്യാഃ പ്രതീച്യാശ്ച ദാക്ഷിണാത്യാശ്ച മാരിഷ॥ 8-2-51 (55038)
പത്തീനാം നിഹതാഃ സംഘാ ഹയാനാം പ്രയുതാനി ച।
രഥവ്രജാശ്ച നിഹതാ ഹതാശ്ച വരവാരണാഃ॥ 8-2-52 (55039)
സധ്വജാഃ സായുധാഃ ശൂരാഃ സവർമാംബരഭൂഷണാഃ।
കാലേന മഹതാഽഽയസ്താഃ കുശലൈര്യേ ച വർധിതാഃ॥ 8-2-53 (55040)
തേ ഹതാഃ സമരേ രാജൻപാർഥേനാക്ലിഷ്ടകർമണാ।
അന്യേ തഥാഽമിതബലാഃ പരസ്പരവധൈഷിണഃ॥ 8-2-54 (55041)
ഏതേ ചാന്യേ ച ബഹവോ രാജാനഃ സഗണാ രണേ।
ഹതാഃ സഹസ്രശോ രാജന്യൻമാം ത്വം പരിപൃച്ഛസി॥ 8-2-55 (55042)
ഏവമേഷ ക്ഷയോ വൃത്തഃ കർണാർജുനസമാഗമേ।
മഹേന്ദ്രേണ യഥാ വൃത്രോ യഥാ രാമേണ രാവണഃ॥ 8-2-56 (55043)
യഥാ കൃഷ്ണേന നരകോ മുരുശ്ച നിഹതോ രണേ।
കാർതവീര്യശ്ച രാമേണ ഭാർഗവേണ യഥാ ഹതഃ॥ 8-2-57 (55044)
സജ്ഞാതിബാന്ധവഃ ശൂരഃ സമരേ യുദ്ധദുർമദഃ।
രണേ കൃത്വാ മഹദ്യുദ്ധം ഘോരം ത്രൈലോക്യമോഹനം॥ 8-2-58 (55045)
യഥാ സ്കന്ദേന മഹിഷോ യഥാ രുദ്രേണ ചാന്ധകഃ।
തഥാഽർജുനേന സ ഹതോ ദ്വൈരഥേ യുദ്ധദുർമദഃ॥ 8-2-59 (55046)
സാമാത്യബാന്ധവോ രാജൻകർണഃ പ്രഹരതാം വരഃ।
ജയാശാ ധാർതരാഷ്ട്രാണാം വൈരസ്യ ച മുഖം നൃപഃ॥ 8-2-60 (55047)
തീർണം തത്പാണ്ഡവൈ രാജന്യത്പുരാ നാവബുധ്യസേ।
ഉച്യമാനോ മഹാരാജ ബന്ധുഭിർഹിതകാങ്ക്ഷിഭിഃ॥ 8-2-61 (55048)
`ന കൃതം ച ത്വയാ പൂർവം ദൈവേന വിധിനാ ബലാത്'।
തദിദം സമനുപ്രാപ്തം വ്യസനം സുമഹാത്യയം॥ 8-2-62 (55049)
ഗാണാം രാജ്യകാമാനാം ത്വയാ രാജൻഹിതൈഷിണാ।
അഹിതാന്യേവ ചീർണാനി തേഷാം തേ ഫലമാഗതം॥ ॥ 8-2-63 (55050)
ഇതി ശ്രീമൻമഹാഭാരതേ കർണപർവണി ദ്വിതീയോഽധ്യായഃ॥ 2 ॥
Mahabharata - Karna Parva - Chapter Footnotes
॥ ശ്രീഃ ॥
8.3. അധ്യായഃ 003
Mahabharata - Karna Parva - Chapter Topics
സഞ്ജയേന ധൃതരാഷ്ട്രംപതി യുദ്ധേ നിഹതാനാം പരേഷാം നാമകഥനം॥ 1 ॥
Mahabharata - Karna Parva - Chapter Text
8-3-0 (55051)
ധൃതരാഷ്ട്ര ഉവാച। 8-3-0x (4835)
ആഖ്യാതാ മാമകാസ്താത നിഹതാ യുധി പാണ്ഡവൈഃ।
ഹതാംശ്ച പാണ്ഡവേയാനാം മാമകൈർബ്രൂഹി സഞ്ജയ॥ 8-3-1 (55052)
സഞ്ജയ ഉവാച। 8-3-2x (4836)
കൃതിനോ യുധി വിക്രാന്താ മഹാസത്വാ മഹാബലാഃ।
സാനുബന്ധാഃ സഹാമാത്യാ ഗാംഗേയേന നിപാതിതാഃ॥ 8-3-2 (55053)
നാരായണാ വല്ലവാശ്ച രാമാശ്ച ശതശോ പരേ।
അനുരക്താശ്ച വീരേണ ഭീഷ്മേണ യുധി പാതിതാഃ॥ 8-3-3 (55054)
സമഃ കിരീടിനാ സംഖ്യേ വീര്യേണ ച ബലേന ച।
സത്യജിത്സത്യസന്ധേന ദ്രോണേന നിഹതോ യുധി॥ 8-3-4 (55055)
പാഞ്ചാലാനാം മഹേഷ്വാസാഃ സർവേ യുദ്വവിശാരദാഃ।
ദ്രോണേന സഹ സംഗംയ ഗതാ വൈവസ്വതക്ഷയം॥ 8-3-5 (55056)
തഥാ വിരാടദ്രുപദൌ വൃദ്വൌ സഹസുതൌ നൃപൌ।
പരാക്രമന്തൌ മിത്രാർഥേ ദ്രോണേന നിഹതൌ രണേ॥ 8-3-6 (55057)
യോ ബാല ഏവ സമരേ സംമിതഃ സവ്യസാചിനാ।
കേശവേന ച ദുർധർഷോ ബലദേവേന ചാഭിഭൂഃ॥ 8-3-7 (55058)
പരേഷാം കദനം കൃത്വാ മഹദ്രണവിശാരദഃ।
പരിവാര്യ മദാമാത്രൈഃ ഷഡ്ഭിഃ പരമകൈ രഥൈഃ।
അശക്നുവദ്ഭിർബീഭത്സുമഭിമന്യുർനിപാതിതഃ॥ 8-3-8 (55059)
കൃതം തം വിരഥം വീരം ക്ഷത്രധർമേ വ്യവസ്ഥിതം।
ദൌഃശാസനിർമഹാരാജ സൌഭദ്രം ഹതവാന്രണേ॥ 8-3-9 (55060)
പടച്ചരനിഹന്താ ച മഹത്യാ സേനയാ വൃതഃ।
അംബഷ്ഠസ്യ സുതഃ ശ്രീമാൻമിത്രഹേതോഃ പരാക്രമൻ॥ 8-3-10 (55061)
ആസാദ്യ ലക്ഷ്മണം വീരം ദുര്യോധനസുതം രണേ।
സുമഹത്കദനം കൃത്വാ ഗതോ വൈവസ്വതക്ഷയം॥ 8-3-11 (55062)
ബൃഹന്തഃ സുമഹേഷ്വാസഃ കൃതാസ്ത്രോ യുദ്വദുർമദഃ।
ദുഃശാസനേന വിക്രംയ ഗമിതോ യമസാദനം॥ 8-3-12 (55063)
മണിമാന്ദണ്ഡധാരശ്ച രാജാനൌ യുദ്ധദുർമദൌ।
പരാക്രമന്തൌ മിത്രാർഥേ ദ്രോണേന യുധി പാതിതൌ॥ 8-3-13 (55064)
അംശുമാൻഭോജരാജസ്തു സഹസൈന്യോ മഹാരഥഃ।
ഭാരദ്വാജേന വിക്രംയ ഗമിതോ യമസാദനം॥ 8-3-14 (55065)
സാമുദ്രശ്ചിത്രസേനശ്ച സഹ പുത്രേണ ഭാരത।
സമുദ്രസേനേന ബലാദ്ഗമിതോ യമസാദനം॥ 8-3-15 (55066)
അനൂപവാസീ നീലശ്ച വ്യാധ്രദത്തശ്ച വീര്യവാൻ।
അശ്വത്ഥാംനാ വികർണേന ഗമിതൌ യമസാദനം॥ 8-3-16 (55067)
ചിത്രായുധശ്ചിത്രയോധീ കൃത്വാ ച കദനം മഹത്।
ചിത്രമാർഗേണ വിക്രംയ വികർണേന ഹതോ മൃധേ। 8-3-17 (55068)
വൃകോദരസമോ യുദ്ധേ വൃതഃ കേകയജോ യുധി।
കേകയേന ച വിക്രംയ ഭ്രാതാ ഭ്രാത്രാ നിപാതിതഃ॥ 8-3-18 (55069)
ജനമേജയോ ഗദായോധീ പാർവതീയഃ പ്രതാപവാൻ।
ദുർമുഖേന മഹാരാജ തവ പുത്രേണ പാതിതഃ॥ 8-3-19 (55070)
രോചമാനൌ നരവ്യാഘ്രൌ രോചമാനൌ ഗ്രഹാവിവ।
ദ്രൌണേന യുഗപദ്രാജന്ദിവം സംപ്രാതിതൌ ശരൈഃ॥ 8-3-20 (55071)
നൃപാശ്ച പ്രതിയുധ്യന്തഃ പരാക്രാന്താ വിശാംപതേ।
കൃത്വാ നസുകരം കർമ ഗതാ വൈവസ്വതക്ഷയം॥ 8-3-21 (55072)
പുരുജിത്കൃന്തിഭോജശ്ച മാതുലൌ സവ്യസാചിനഃ।
സംഗ്രാമനിർജിതാംʼല്ലോകാൻഗമിതൌ ദ്രോണസായകൈഃ॥ 8-3-22 (55073)
അഭിഭൂഃ കാശിരാജശ്ച കാശികൈർബഹുഭിർവൃതഃ।
വസുദാനസ്യ പുത്രേണ ത്യാജിതോ ദേഹമാഹവേ॥ 8-3-23 (55074)
അമിതൌജാ യുധാമന്യുരുത്തമൌജാശ്ച വീര്യവാൻ।
നിഹത്യ ശതശഃ സൂരാനസ്മദീയൈർനിപാതിതാഃ॥ 8-3-24 (55075)
മിത്രവർമാ ച പാഞ്ചാല്യഃ ക്ഷത്രധർമാ ച ഭാരത।
ദ്രോണേന പരമേഷ്വാസൌ ഗമിതൌ യമസാദനം॥ 8-3-25 (55076)
ശിഖണ്ഡിതനയോ യുദ്ധേ ക്ഷത്രദേവോ യുധാംപതിഃ।
ലക്ഷ്മണേന ഹതോ രാജംസ്തവ പൌത്രേണ ഭാരത॥ 8-3-26 (55077)
സുചിത്രശ്ചിത്രവർമാ ച പിതാപുത്രൌ മഹാരഥൌ।
പ്രചരന്തൌ മഹാവീരൌ ദ്രോണേന നിഹതൌ രണേ॥ 8-3-27 (55078)
വാർധക്ഷേമിർമഹാരാജ സമുദ്ര ഇവ പർവണി।
ആയുധക്ഷയമാസാദ്യ പ്രശാന്തിം പരമാം ഗതഃ॥ 8-3-28 (55079)
സേനാബിന്ദുസുതഃ ശ്രേഷ്ഠഃ ശാസ്ത്രവാൻപ്രഹരന്യുധി।
ബാഹ്ലികേന മഹാരാജ കൌരവേന്ദ്രേണ പാതിതഃ॥ 8-3-29 (55080)
ധൃഷ്ടകേതുർമഹാരാജ ചേദീനാം പ്രവരോ രഥഃ।
കൃത്വാ നസുകരം കർമ ഗതോ വൈവസ്വതക്ഷയം॥ 8-3-30 (55081)
തഥാ സത്യധൃതിർവീരഃ കൃത്വാ കദനമാഹവേ।
പാണ്ഡവാർഥേ പരാക്രാന്തോ ഗമിതോ യമസാദനം॥ 8-3-31 (55082)
പുത്രസ്തു ശിശുപാലസ്യ സുകേതുഃ പൃഥിവീപതിഃ।
നിഹത്യ ശാത്രവാൻസംഖ്യേ ദ്രോണേന നിഹതോ യുധി॥ 8-3-32 (55083)
തഥാ സത്യധൃതിർവീരോ മദിരാശ്വശ്ച വീര്യവാൻ।
സൂര്യദത്തശ്ച വിക്രാന്തോ നിഹതോ ദ്രോണസായകൈഃ॥ 8-3-33 (55084)
`മാത്സ്യാദവരജഃ ശ്രീമാഞ്ശതാനീകോ നിപാതിതഃ।
ശ്രേണിമാംശ്ച മഹാരാജ യുധ്യമാനഃ പരാക്രമീ।
കൃത്വാ നസുകരം കർമ ഗതോ വൈവസ്വതക്ഷയം॥ 8-3-34 (55085)
തഥൈവ യുധി വിക്രാന്തോ മാഗധഃ പരമാസ്ത്രവിത്।
ഭീഷ്മേണ നിഹതോ രാജഞ്ശേതേഽദ്യ പരവീരഹാ॥ 8-3-35 (55086)
വിരാടപുത്രഃ ശംഖസ്തു ഉത്തരശ്ച മഹാരഥഃ।
കുർവന്തൌ സുമഹത്കർമ ഗതൌ വൈവസ്വതക്ഷയം॥ 8-3-36 (55087)
വസുദാനശ്ച കദനം കുർവാണോഽതീവ സംയുഗേ।
ഭാരദ്വാജേന വിക്രംയ ഗമിതോ യമസാദനം॥ 8-3-37 (55088)
ഏതേ ചാന്യേ ച ബഹവഃ പാണ്ഡവാനാം മഹാരഥാഃ।
ഹതാ ദ്രോണേന വിക്രംയ യൻമാം ത്വം പരിപൃച്ഛസി॥ ॥ 8-3-38 (55089)
ഇതി ശ്രീമൻമഹാഭാരതേ കർണപർവണി തൃതീയോഽധ്യായഃ॥ 3 ॥
Mahabharata - Karna Parva - Chapter Footnotes
॥ ശ്രീഃ ॥
8.4. അധ്യായഃ 004
Mahabharata - Karna Parva - Chapter Topics
സഞ്ജയേന ധൃതരാഷ്ട്രംപ്രതി ഹതാവശിഷ്ടാനാം നാമകഥനം॥ 1 ॥
Mahabharata - Karna Parva - Chapter Text
8-4-0 (55090)
ധൃതരാഷ്ട്ര ഉവാച। 8-4-0x (4837)
മാമകസ്യാസ്യ സൈന്യസ്യ ഹൃതോത്സേകസ്യ സ·ഞ്ജയ।
അവശേഷം ന പശ്യാമി കകുദേ മൃദിതേ സതി॥ 8-4-1 (55091)
തൌ ഹി വീരൌ മഹേഷ്വാസൌ മദർഥേ കുരുസത്തമൌ।
ഭീഷ്മദ്രോണൌ ഹതൌ ശ്രുത്വാ കോന്വർഥോ ജീവിതേന മേ॥ 8-4-2 (55092)
ന ച മൃഷ്യാമി രാധേയം ഹതമാഹവശോഭിനം।
യസ്യ ബാഹ്വോർബലം തുല്യം കുഞ്ജരാണാം ശതം ശതം॥ 8-4-3 (55093)
ഹതപ്രവരസൈന്യം മേ യഥാ ശംസസി സഞ്ജയ।
അഹതാനപി മേ ശംസ യേഽത്ര ജീവന്തി കേചന॥ 8-4-4 (55094)
ഏതേഷു ഹി മൃതേഷ്വദ്യ യേ ത്വയാ പരികീർതിതാഃ।
യേഽപി ജീവന്തി തേ സർവേ മൃതാ ഇതി മതിർമമ॥ 8-4-5 (55095)
സഞ്ജയ ഉവാച। 8-4-6x (4838)
യസ്മിൻമഹാസ്ത്രാണി സമർപിതാനി
ചിത്രാണി ശുഭ്രാണി ചതുർവിധാനി।
ദിവ്യാനി രാജന്വിഹിതാനി ചൈവ
ദ്രോണേന വീരേ ദ്വിജസത്തമേന॥ 8-4-6 (55096)
മഹാരഥഃ കൃതിമാൻക്ഷിപ്രഹസ്തോ
ദൃഢായുധോ ദൃഢമുഷ്ടിർദൃഢേഷുഃ।
സ വീര്യവാന്ദ്രോണപുത്രസ്തരസ്വീ
വ്യവസ്ഥിതോ യോദ്വുകാമസ്ത്വദർഥേ॥ 8-4-7 (55097)
ആനർതവാസീ ഹൃദികാത്മജോഽസൌ
മഹാരഥഃ സാത്വതാനാം വരിഷ്ഠഃ।
സ്വയം ഭോജഃ കൃതവർമാ കൃതാസ്ത്രോ
വ്യവസ്ഥിതോ യോദ്വുകാമസ്ത്വദർഥേ॥ 8-4-8 (55098)
ആർതായനിഃ സമരേ ദുഷ്പ്രകംപ്യഃ
സേനാഗ്രണീഃ പ്രഥമസ്താവകാനാം।
യഃ സ്വസ്രീയാൻപാണ്ഡവേയാന്വിസൃജ്യ
സത്യാം വാചം സ്വാം ചികീർഷുസ്തരസ്വീ॥ 8-4-9 (55099)
തജോവധം സൂതപുത്രസ്യ സംഖ്യേ
പ്രതിശ്രുത്യാജാതശത്രോഃ പുരസ്താത്।
ദുരാധർഷഃ ശക്രസമാനവീര്യഃ
ശല്യഃ സ്ഥിതോ യോദ്വുകാമസ്ത്വദർഥേ॥ 8-4-10 (55100)
ശാരദ്വതോ ഗൌതമശ്ചാപി രാജ--
ൻമഹാബാഹുചിത്രാസ്ത്രയോധീ।
ധനുശ്ചിത്രം സുമഹദ്ഭാവരസാഹം
വ്യവസ്ഥിതോ യോദ്വുകാമഃ പ്രഗൃഹ്യ॥ 8-4-11 (55101)
ഗാന്ധാരരാജഃ സസുതശ്ച രാജ--
ന്ദുർദ്യൂതദേവീ കലഹപ്രിയശ്ച।
ഗാന്ധാരമുഖ്യൈര്യവനൈശ്ച രാജ--
ന്വ്യവസ്ഥിതോ യോദ്വുകാമസ്ത്വദർഥേ॥ 8-4-12 (55102)
മഹാരഥഃ കേകയരാജപുത്രഃ
സദശ്വയുക്തം ച പതാകിനം ച।
രഥം സമാരുഹ്യ കുരുപ്രവീര
വ്യവസ്ഥിതോ യോദ്വുകാമസ്ത്വദർഥേ॥ 8-4-13 (55103)
തഥാ സുതസ്തേ ജ്വലനാർകവർണം
രഥം സമാസ്ഥായ കുരുപ്രവീരഃ।
വ്യവസ്ഥിതഃ പുരുമിത്രോ നരേന്ദ്ര
വ്യഭ്രേ സൂര്യോ ഭ്രാജമാനോ യഥാ ഖേ॥ 8-4-14 (55104)
ദുര്യോധനോ നാഗകുലസ്യ മധ്യേ
വ്യവസ്ഥിതഃ സിംഹ ഇവാബഭാസേ।
രഥേന ജാംബൂനദഭൂഷണേന
വ്യവസ്ഥിതഃ സമരേ യോത്സ്യമാനഃ॥ 8-4-15 (55105)
സ രാജമധ്യേ പുരുഷപ്രവീരോ
രരാജ ജാംബൂനദചിത്രവർമാ।
പദ്മപ്രഭോ വഹ്നിരിവാൽപധൂമോ
മേഘാന്തരേ സൂര്യ ഇവ പ്രകാശഃ॥ 8-4-16 (55106)
തഥാ സുഷേണോഽപ്യസിചർമപാണി--
സ്തവാത്മജഃ സത്യസേനശ്ച വീരഃ।
വ്യവസ്ഥിതൌ ചിത്രസേനേന സാർധം
ഹൃഷ്ടാത്മാനൌ സമരേ യോദ്ധകാമൌ॥ 8-4-17 (55107)
ഹീനിഷേവോ ഭാരതരാജപുത്ര
ഉഗ്രായുധഃ ശ്രുതവർമാ ജയശ്ച।
ശലശ്ച സത്യവ്രതദുഃശലൌ ച
വ്യവസ്ഥിതാഃ സഹസൈന്യാ നരാഗ്ര്യാഃ॥ 8-4-18 (55108)
കൈതവ്യാനാമധിപഃ ശൂരമാനീ
രണേരണേ ശത്രുഹാ രാജപുത്രഃ।
രഥീ ഹയീ നാഗപത്തിപ്രയായീ
വ്യവസ്ഥിതോ യോദ്വുകാമസ്ത്വദർഥേ॥ 8-4-19 (55109)
വീരഃ ശ്രുതായുശ്ച ധൃതായുധശ്ച
ചിത്രാംഗദശ്ചിത്രസേനശ്ച വീരഃ।
വ്യവസ്ഥിതാ യോദ്വുകാമാ നരാഗ്ര്യാഃ
പ്രഹാരിണോ മാനിനഃ സത്യസന്ധാഃ॥ 8-4-20 (55110)
കർണാത്മജഃ സത്യസന്ധോ മഹാത്മാ
വ്യവസ്ഥിതഃ സമരേ യോദ്വുകാമഃ॥ 8-4-21 (55111)
അഥാപരൌ കർണസുതൌ വരാസ്ത്രൌ
വ്യവസ്ഥിതൌ ലഘുഹസ്തൌ നരേന്ദ്ര।
ബലേ മഹത്യുൽബണസത്വവീര്യൌ
സമാസ്ഥിതൌ യോദ്വുകാമൌ ത്വദർഥേ॥ 8-4-22 (55112)
ഏതൈശ്ച മുഖ്യൈരപരൈശ്ച രാജ--
ന്യോധപ്രവീരൈരമിതപ്രഭാവൈഃ।
വ്യവസ്ഥിതോ നാഗകുലസ്യ മധ്യേ
യഥാ മഹേന്ദ്രഃ കുരുരാജോ ജയായ॥ 8-4-23 (55113)
ധൃതരാഷ്ട്ര ഉവാച। 8-4-24x (4839)
ആഖ്യാതാ ജീവമാനാ യേ പരേ സൈന്യാ യഥായഥം।
ഇതീദമവഗച്ഛാമി വ്യക്തമർഥാഭിപത്തിതഃ॥ 8-4-24 (55114)
വൈശംപായന ഉവാച। 8-4-25x (4840)
ഏവം ബ്രുവന്നേവ തദാ ധൃതരാഷ്ട്രോഽംബികാസുതഃ।
ഹതപ്രവീരം ഭൂയിഷ്ഠം കിഞ്ചിച്ഛേഷം സ്വകം ബലം।
ശ്രുത്വാ വ്യാമോഹമാഗച്ഛച്ഛോകവ്യാകുലിതേന്ദ്രിയഃ॥ 8-4-25 (55115)
വ്യാകുലം മേ മനസ്താത ശ്രുത്വാ സുമഹദപ്രിയം॥
മനോ മുഹ്യതി ചാംഗാനി ന ച ശക്നോമി ധാവിതും।
ഇത്യേവമുക്ത്വാ വചനം ധൃതരാഷ്ട്രോഽംബികാസുതഃ।
ഭ്രാന്തചിത്തസ്തതഃ സോഽഥ ബഭൂവ ജഗതീപതിഃ॥ ॥ 8-4-26 (55116)
ഇതി ശ്രീമൻമഹാഭാരതേ കർണപർവണി ചതുർഥോഽധ്യായഃ॥ 4 ॥
Mahabharata - Karna Parva - Chapter Footnotes
॥ ശ്രീഃ ॥
8.5. അധ്യായഃ 005
Mahabharata - Karna Parva - Chapter Topics
ധൃതരാഷ്ട്രേണ കർണഗുണാനുവർണനപൂർവകം ശോചനം॥ 1 ॥
Mahabharata - Karna Parva - Chapter Text
8-5-0 (55117)
ജനമേജയ ഉവാച। 8-5-0x (4841)
ശ്രുത്വാ കർണം ഹതം യുദ്വേ പുത്രാംശ്ചൈവ പലായിനഃ।
നരേന്ദ്രഃ കിഞ്ചിദാശ്വസ്തോ ദ്വിജശ്രേഷ്ഠ കിമബ്രവീത്॥ 8-5-1 (55118)
പ്രാപ്തവാൻപരമം ദുഃഖം പുത്രവ്യസനജം മഹത്।
തസ്മിന്യദുക്തവാൻകാലേ തൻമമാചക്ഷ്വ പൃച്ഛതഃ॥ 8-5-2 (55119)
വൈശംപായന ഉവാച। 8-5-3x (4842)
ശ്രുത്വാ കർണസ്യ നിധനമശ്രദ്വേയമിവാദ്ഭുതം।
ഭൂതസംമോഹനം ഭീമം മേരോഃ സംസർപണം യഥാ॥ 8-5-3 (55120)
ചിത്തമോഹമിവായുക്തം ഭാർഗവസ്യ മഹാമതേഃ।
പരാജയമിവേന്ദ്രസ്യ ദ്വിഷദ്ധ്യോ ഭീമകർമണഃ॥ 8-5-4 (55121)
ദിവഃ പ്രപതനം ഭാനോരുരവ്യാമിവ മഹാദ്യുതേഃ।
സംശോഷണമിവാചിന്ത്യം സമുദ്രസ്യാക്ഷയാംഭസഃ॥ 8-5-5 (55122)
മഹീവിയദ്ദിഗംബൂനാം സർവനാശമിവാദ്ഭുതം।
കർമണോരിവ വൈഫല്യമുഭയോഃ പുണ്യപാപയോഃ॥ 8-5-6 (55123)
സഞ്ചിന്ത്യ നിപുണം ബുദ്ധ്യാ ധൃതരാഷ്ട്രോ ജനേശ്വരഃ।
നേദമസ്തീതി സഞ്ചിന്ത്യ കർണസ്യ സമരേ വധം॥ 8-5-7 (55124)
പ്രാണിനാമേവമാത്മത്വാത്സ്യാദപീതി വിചാര്യ ച।
ശോകാഗ്നിനാ ദഹ്യമാനോ ധംയമാന ഇവാശയേ॥ 8-5-8 (55125)
വിസ്രസ്താംഗഃ ശ്വസന്ദീനോ ഹാഹേത്യുക്ത്വാ സുദുഃഖിതഃ।
വിലലാപ മഹാരാജ ധൃതരാഷ്ട്രോഽംബികാസുതഃ॥ 8-5-9 (55126)
ധൃതരാഷ്ട്ര ഉവാച। 8-5-10x (4843)
സഞ്ജയാധിരഥിർവീരഃ സിംഹദ്വിരദവിക്രമഃ।
വൃഷഭപ്രതിമസ്കന്ധോ വൃഷഭാക്ഷഗതിസ്വരഃ॥ 8-5-10 (55127)
വൃഷഭോ വൃഷഭസ്യേവ യോ യുദ്ധേ ന നിവർതതേ।
ശത്രോരപി മഹേന്ദ്രസ്യ വജ്രസംഹനനോ യുവാ॥ 8-5-11 (55128)
യസ്യ ജ്യാതലശബ്ദേന ശരവൃഷ്ടിരവേണ ച।
രഥാശ്വനരമാതംഗാ നാവതിഷ്ഠന്തി സംയുഗേ॥ 8-5-12 (55129)
യമാശ്രിത്യ മഹാബാഹും ദ്വിഷത്സംഘഘ്നമച്യുതം।
ദുര്യോധനോഽകരോദ്വൈരം പാണ്ഡുപുത്രൈർമഹാരഥൈഃ॥ 8-5-13 (55130)
സ കഥം രഥിനാം ശ്രേഷ്ഠഃ കർണഃ പാർഥേന സംയുഗേ।
നിഹതഃ പുരുഷവ്യാഘ്രഃ പ്രസഹ്യാസഹ്യവിക്രമഃ॥ 8-5-14 (55131)
യോ നാമന്യത വൈ നിത്യമച്യുതം ച ധനഞ്ജയം।
ന വൃഷ്മീൻസഹിതാനന്യാൻസ്വബാഹുബലദർപിതഃ॥ 8-5-15 (55132)
ശാർംഗഗാണ്ഡീവധന്വാനൌ സഹിതാവപരാജിതൌ।
അഹം ദിവ്യാദ്രഥാദേകഃ പാതയിഷ്യാമി സംയുഗേ॥ 8-5-16 (55133)
ഇതി യഃ സതതം മന്ദമവോചല്ലോഭമോഹിതം।
ദുര്യോധനമവാചീനം രാജ്യകാമുകമാതുരം॥ 8-5-17 (55134)
യോഽജയത്സർവകാംഭോജാനാവന്ത്യാൻകേകയൈഃ സഹ।
ഗാന്ധാരാൻമദ്രകാൻമാത്സ്യാംസ്ത്രിഗർതാംസ്തങ്കണാഞ്ശകാൻ। 8-5-18 (55135)
പാഞ്ചാലാംശ്ച വിദേഹാംശ്ച കുലിന്ദാൻകാശികോസലാൻ
സൂഹ്മാനംഗാംശ്ച വംഗാംശ്ച നിഷാദാൻപുണ്ഡ്രകീകടാൻ॥ 8-5-19 (55136)
വത്സാൻകലിംഗാന്ദരദാനശ്മകാനൃഷികാനപി।
`ശബരാൻഹാരഹൂണാംശ്ച പ്രഘൂണാൻസരലാനപി॥ 8-5-20 (55137)
ംലേച്ഛരാഷ്ട്രാധിപാംശ്ചൈവ ദുർഗാനാടവികാംസ്തഥാ'।
ജിത്വൈതാൻസമരേ വീരഃ പ്രദീപ്തൈഃ കങ്കപത്രിഭിഃ॥ 8-5-21 (55138)
കരമാഹാരയാമാസ ജിത്വാ സർവാനരീംസ്തഥാ।
ദുര്യോധനസ്യ വൃദ്ധ്യർഥം രാധേയോ രഥിനാം വരഃ।
ദിവ്യാസ്ത്രവിമൻഹാതേജാഃ കർണോ വൈകർതനോ വൃഷഃ॥ 8-5-22 (55139)
സേനാഗോപശ്ച സ കഥം ശത്രുഭിഃ പരമാസ്ത്രവിത്।
ഘാതിതഃ പാണ്ഡവൈഃ ശൂരൈഃ സമരേ വീര്യശാലിഭിഃ॥ 8-5-23 (55140)
വൃഷോ മഹേന്ദ്രോ ദേവേഷു വൃഷഃ കർണോ നരേഷ്വപി।
തൃതീയമന്യം ലോകേഷു വൃഷം നൈവാനുശുശ്രുമ॥ 8-5-24 (55141)
ഉച്ചൈഃ ശ്രവാ വരോഽശ്വാനാം രാജ്ഞാം വൈശ്രവണോ വരഃ।
വരോ മഹേന്ദ്രോ ദേവാനാം കർണഃ പ്രഹരതാം വരഃ॥ 8-5-25 (55142)
യോഽജിതഃ പാർഥിവൈഃ ശൂരൈഃ സമർഥൈർവീര്യശാലിഭിഃ।
ദുര്യോധനസ്യ വൃദ്ധ്യർഥം കൃത്സ്നാമുർവീമഥാജയത്॥ 8-5-26 (55143)
യം ലബ്ധ്വാ മാഗധോ രാജാ സാന്ത്വമാനോഽഥ സൌഹൃദൈഃ।
അരൌത്സീത്പാർഥിവം ക്ഷത്രമൃതേ യാദവകൌരവാൻ॥ 8-5-27 (55144)
തം ശ്രുത്വാ നിഹതം കർണം ദ്വൈരഥേ സവ്യസാചിനാ।
ശോകാർണവേ നിമഗ്നോഽഹം ഭിന്നാ നൌരിവ സാഗരേ॥ 8-5-28 (55145)
തം വൃഷം നിഹതം ശ്രുത്വാ ദ്വൈരഥേ രഥിനാം വരം।
ശോകാർണവേ നിമഗ്നോഽഹമപ്ലുവഃ സാഗരേ യഥാ॥ 8-5-29 (55146)
ഈദൃശൈര്യദ്യഹം ദുഃഖൈർന വിനശ്യാമി സഞ്ജയ।
വജ്രാദ്ദൃഢതരം മന്യേ ഹൃദയം മമ ദുർഭിദം॥ 8-5-30 (55147)
ജ്ഞാതിസംബന്ധിമിത്രാണാമിമം ശ്രുത്വാ പരാഭവം।
കോ മദന്യഃ പുമാംʼല്ലോകേ ന ജഹ്യാത്സൂത ജീവിതം॥ 8-5-31 (55148)
വിഷമഗ്നിം പ്രപാതം ച പർവതാഗ്രാദഹം വൃണേ।
`മഹാപ്രസ്ഥാനഗമനം ജലം പ്രായോപവേശനം'।
ന ഹി ശക്ഷ്യാമി ദുഃഖാനി സോഢും കഷ്ടാനി സഞ്ജയ॥ ॥ 8-5-32 (55149)
ഇതി ശ്രീമൻമഹാഭാരതേ കർണപർവണി പഞ്ചമോഽധ്യായഃ॥ 5 ॥
Mahabharata - Karna Parva - Chapter Footnotes
॥ ശ്രീഃ ॥
8.6. അധ്യായഃ 006
Mahabharata - Karna Parva - Chapter Topics
കർണവധശ്രവണാനന്തരീയകധൃതരാഷ്ട്രപ്രവൃത്തിം പൃഷ്ടേന വൈശംപായനേന കർണദുര്യോധനസ്തുതിനിന്ദാപൂർവകം സഞ്ജയംപ്രതി കർണാർജുനയുദ്ധകഥനചോദനാരൂപധൃതരാഷ്ട്രപ്രവൃത്തികഥനം॥ 1 ॥
Mahabharata - Karna Parva - Chapter Text
8-6-0 (55150)
സഞ്ജയ ഉവാച। 8-6-0x (4844)
ശ്രിയാ കുലേന യശസാ തപസാ ച ശ്രുതേന ച।
ത്വാമദ്യ സന്തോ മന്യന്തേ യയാതിമിവ നാഹുഷം॥ 8-6-1 (55151)
ശ്രുതേ മഹർഷിപ്രതിമഃ കൃതകൃത്യോഽസി പാർഥിവ।
പര്യവസ്ഥാപയാത്മാനം മാ വിഷാദേ മനഃ കൃഥാഃ॥ 8-6-2 (55152)
ധൃതരാഷ്ട്ര ഉവാച। 8-6-3x (4845)
ദൈവമേവ പരം മന്യേ ധിക്പൌരുഷമനർഥകം।
യത്ര സാലപ്രതീകാശഃ കർണോഽഹന്യത സംയുഗേ॥ 8-6-3 (55153)
ഹത്വാ യുധിഷ്ഠിരാനീകം പാഞ്ചാലാനാം രഥവ്രജാൻ।
പ്രതാപ്യ ശരവർഷേണ ദിശഃ സർവാ മഹാരഥഃ॥ 8-6-4 (55154)
മോഹിയിത്വാ രണേ പാർഥാന്വജ്നഹസ്ത ഇവാസുരാൻ।
സ കഥം നിഹതഃ ശേതേ വായുരുഗ്ണ ഇവ ദ്രുമഃ॥ 8-6-5 (55155)
ശോകസ്യാന്തം ന പശ്യാമി പാരം ജലനിധേരിവ।
ചിന്താ മേ വർധതേഽതീവ മുമൂർഷാ ചാപി ജായതേ॥ 8-6-6 (55156)
കർണസ്യ നിധനം ശ്രുത്വാ വിജയം ഫൽഗുനസ്യ ച।
അശ്രദ്ധേയമഹം മന്യേ വധം കർണസ്യ സഞ്ജയ॥ 8-6-7 (55157)
വജ്രസാരമിദം നൂനം ഹൃദയം ദുർഭിദം മമ।
യച്ഛ്രുത്വാ പുരുഷവ്യാഘ്രം ഹതം കർണം ന ദീര്യതേ॥ 8-6-8 (55158)
ആര്യുർനൂനം സുദീർഘം മേ വിഹിതം ദൈവതൈഃ പുരാ।
യത്ര കർണം ഹതം ശ്രുത്വാ ജീവാമീഹ സുദുഃഖിതഃ॥ 8-6-9 (55159)
ധിഗ്ജീവിതമിദം ചൈവ സുഹൃദ്വീനസ്യ സഞ്ജയ।
അദ്യ ചാഹം ദശാമേതാം ഗതഃ സഞ്ജയ ഗർഹിതാം।
കൃപണം വർതയിഷ്യാമി ശോച്യഃ സർവസ്യ മന്ദധീഃ॥ 8-6-10 (55160)
അഹമേവ പുരാ ഭൂത്വാ സർവലോകസ്യ സത്കൃതഃ।
പരിഭൂതഃ കഥം സൂത പരൈഃ ശക്ഷ്യാമി ജീവിതും॥ 8-6-11 (55161)
ദുഃഖാദ്ദുഃഖതരം ഭന്യേ പ്രാപ്തവാനസ്മി സഞ്ജയ।
ഭീഷ്മദ്രോണവധേനൈവ കർണസ്യ ച മഹാത്മനഃ॥ 8-6-12 (55162)
നാവശേഷം പ്രപശ്യാമി സൂതപുത്രേ ഹതേ യുധി।
സഹി പാരം മഹാനാസീത്പുത്രാണാം മമ സഞ്ജയ॥ 8-6-13 (55163)
യുദ്ധേ ഹി നിഹതഃ ശൂരോ വിസൃജൻസായകാൻബഹൂൻ।
കോ ഹി മേ ജീവിതേനാർഥസ്തമൃതേ പുരുഷർഷഭം॥ 8-6-14 (55164)
രഥാദാധിരഥിർനൂനം ന്യപതത്സായകാർദിതഃ।
പർവതസ്യേവ ശിഖരം വ ജ്രപാതാദ്വിദാരിതം॥ 8-6-15 (55165)
സ ശേതേ പൃഥിവീം നൂനം ശോഭയന്രുധിരോക്ഷിതഃ।
മാതംഗ ഇവ മത്തേന മതാംഗേന നിപാതിതഃ॥ 8-6-16 (55166)
യോ ബലം ധാർതരാഷ്ട്രാണാം പാണ്ഡവാനാം യതോ ഭയം।
സോഽർജുനേന ഹതഃ കർണഃ പ്രതിമാനം ധനുഷ്മതാം॥ 8-6-17 (55167)
സ ഹി വീരോ മഹേഷ്വാസോ മിത്രാണാമഭയങ്കരഃ।
ശേതേ വിനിഹതോ വീരഃ ശക്രേണേവ പുരാ ബലഃ॥ 8-6-18 (55168)
പംഗോരിവാധ്വഗമനം ദരിദ്രസ്യേവ കാമിതം।
ദുര്യോധനസ്യ ലോഭശ്ച സമാന്യേതാനി സഞ്ജയ॥ 8-6-19 (55169)
അന്യഥാ ചിന്തിതം കാര്യമന്യഥാ തത്തു ജായതേ।
അഹോ നു ബലവദ്ദൈവം കാലശ്ച ദുരതിക്രമഃ॥ 8-6-20 (55170)
പലായമാനഃ കൃപണോ ദീനാത്മാ ദീനപൌരുഷഃ।
കച്ചിദ്വിനിഹതഃ സൂത പുത്രോ ദുഃശാസനോ മമ॥ 8-6-21 (55171)
കച്ചിന്ന ദീനാചരിതം കൃതവാംസ്താത സംയുഗേ।
കച്ചിന്ന നിഹതഃ ശൂരാ യഥാഽന്യേ ക്ഷത്രിയർഷഭാഃ॥ 8-6-22 (55172)
യുധിഷ്ഠിരസ്യ വചനം മാ യുദ്ധമിതി സർവദാ।
ദുര്യോധനോ നാഭ്യഗൃഹ്ണാൻമൂഢഃ പഥ്യമിവൌഷധം॥ 8-6-23 (55173)
ശതൽപേ ശയാനേന ഭീഷ്മേണ സുമഹാത്മനാ।
പാനീയം യാചിതഃ പാർഥഃ സോവിധ്യൻമേദിനീതലം॥ 8-6-24 (55174)
ജലസ്യ ധാരാം ജനിതാം ദൃഷ്ട്വാ പാണ്ഡുസുതേന ച।
അബ്രവീത്സ മഹാബാഹുസ്താത സംശാംയ പാണ്ഡവൈഃ॥ 8-6-25 (55175)
പ്രശമാദ്വി ഭവേച്ഛാന്തിർമദന്തം യുദ്ധമസ്തു വഃ।
ഭ്രാതൃഭാവേന പൃഥിവീം ഭുങ്ക്ഷ്വ പാണ്ഡുസുതൈഃ സഹ॥ 8-6-26 (55176)
അകുർവന്വചനം തസ്യ നൂനം ശോചതി പുത്രകഃ।
തദിദം സമനുപ്രാപ്ത വചനം ദീർഘദർശിനഃ॥ 8-6-27 (55177)
അഹം തു നിഹതാമാത്യോ ഹതപുത്രശ്ച സഞ്ജയ।
ദ്യൂതതഃ കൃച്ഛ്രമാപന്നോ ലൂനപക്ഷ ഇവ ദ്വിജഃ॥ 8-6-28 (55178)
യഥാ ഹി ശകുനിം ഗൃഹ്യ ഛിത്ത്വാ പക്ഷൌ ച സഞ്ജയ।
വിസർജയന്തി സംഹൃഷ്ടാഃ ക്രീഡമാനാഃ കുമാരകാഃ॥ 8-6-29 (55179)
ലൂനപക്ഷതയാ തസ്യ ഗമനം നോപപദ്യതേ।
തഥാഹമപി സംപ്രാപ്തോ ലൂനപക്ഷ ഇവ ദ്വിജഃ॥ 8-6-30 (55180)
ക്ഷീണഃ സർവാർഥഹീനശ്ച നിർജ്ഞാതിർബന്ധുവർജിതഃ।
കാം ദിശം പ്രതിപത്സ്യാമി ദീനഃ ശത്രുവശം ഗതഃ॥ 8-6-31 (55181)
വൈശംപായന ഉവാച। 8-6-32x (4846)
ഇത്യേവം ധൃതരാഷ്ട്രോഽഥ വിലപ്യ ബഹുദുഃഖിതഃ।
പ്രോവാച സഞ്ജയം ഭൂയഃ സോകവ്യാകുലമാനസഃ॥ 8-6-32 (55182)
ധൃതരാഷ്ട്ര ഉവാച। 8-6-33x (4847)
യോഽജയത്സർവകാംഭോജാനംബഷ്ഠാൻകൈകയൈഃ സഹ।
ഗാന്ധാരാംശ്ച വിദേഹാംശ്ച ജിത്വാ കാര്യാർഥമാഹവേ॥ 8-6-33 (55183)
ദുര്യോധനസ്യ വൃദ്ധ്യർഥം യോഽജയത്പൃഥിവീം പ്രഭുഃ।
സ ജിതഃ പാണ്ഡവൈഃ ശൂരൈഃ സമരേ വാഹുശാലിഭിഃ॥ 8-6-34 (55184)
തസ്മിൻഹതേ മഹേഷ്വാസേ കർണേ യുധി കിരീടിനാ।
കേ വീരാഃ പര്യതിഷ്ഠന്ത തൻമമാചക്ഷ്വ സഞ്ജയ॥ 8-6-35 (55185)
കച്ചിന്നൈകഃ പരിത്യക്തഃ പാണ്ഡവൈർനിഹതോ രണേ।
ഉക്തം ത്വയാ പുരാ താത യഥാ വീരോ നിപാതിതഃ॥ 8-6-36 (55186)
ഭീഷ്മമപ്രതിയുധ്യന്തം ശിഖംഡീ സായകോത്തമൈഃ।
പാതയാമാസ സമരേ സർവശസ്ത്രഭൃതാം വരം॥ 8-6-37 (55187)
തഥാ ദ്രൌപദിനാ ദ്രോണോ ന്യസ്തസർവായുധോ യുധി।
`ധർമരാജവചഃ ശ്രുത്വാ അശ്വത്ഥാമാ ഹതസ്ത്വിതി'॥ 8-6-38 (55188)
യുക്തയോഗോ മഹേഷ്വാസഃ ശരൈർബഹുഭിരാചിതഃ।
നിഹതഃ ഖംഗമുദ്യംയ ധൃഷ്ടദ്യുംനേന സഞ്ജയ॥ 8-6-39 (55189)
അന്തരേണ ഹതാവേതൌ ഛലേന ച വിശേഷതഃ।
അശ്രൌഷമഹമേതദ്വൈ ഭീഷ്മദ്രോണൌ നിപാതിതൌ॥ 8-6-40 (55190)
ഭീഷ്മദ്രോണൌ ഹി സമരേ ന ഹന്യാദ്വജ്രഭൃത്സ്വയം।
ന്യായേന യുധ്യൻസമരേ തദ്വൈ സത്യം ബ്രവീമി തേ॥ 8-6-41 (55191)
കർണം ത്വസ്യന്തമസ്ത്രാണി ദിവ്യാനി ച ബഹൂനി ച।
കഥമിന്ദ്രോപമം വീരം മൃത്യുര്യുദ്വേ സമസ്പൃശത്॥ 8-6-42 (55192)
യസ്യ വിദ്യുത്പ്രഭാം ശക്തിം ദിവ്യാം കനകഭൂഷണാം।
പ്രായച്ഛദ്ദ്വിഷതാം ഹന്ത്രീം കുണ്ഡലാഭ്യാം പുരന്ദരഃ॥ 8-6-43 (55193)
യസ്യ സർപമുഖോ ദിവ്യഃ ശരഃ കാഞ്ചനഭൂഷണഃ।
അശേത നിശിതഃ പത്രീ സമരേഷ്വരിസൂദനഃ॥ 8-6-44 (55194)
ഭീഷ്മദ്രോണമുഖാന്വീരാന്യോഽവമത്യ മഹാരഥാൻ।
ജാമദഗ്ന്യാൻമഹാഘോരം ബ്രാഹ്മമസ്ത്രമശിക്ഷത॥ 8-6-45 (55195)
യശ്ച ദ്രോണമുഖാന്ദൃഷ്ട്വാ വിമുഖാനർദിതാഞ്ശരൈഃ।
സൌഭദ്രസ്യ മഹാബാഹുർവ്യധമത്കാർമുകം ശിതൈഃ॥ 8-6-46 (55196)
യശ്ച നാഗായുതപ്രാണാം വജ്രരംഹസമച്യുതം।
വിരഥം സഹസാ കൃത്വാ ഭീമസേനമപാഹസത്॥ 8-6-47 (55197)
സഹദേവം ച നിർജിത്യ ശരൈഃ സന്നതപർവഭിഃ।
കൃപയാ വിരഥം കൃത്വാ നാഹനദ്ധർമചിന്തയാ॥ 8-6-48 (55198)
യശ്ച മായാസഹസ്രാണി വികുർവാണം ജയൈഷിണം।
ഘടോത്കചം രാക്ഷസേന്ദ്രം ശക്രശക്ത്യാ നിജഘ്നിവാൻ॥ 8-6-49 (55199)
ഏവാംശ്ച ദിവസാന്യസ്യ യുദ്ധേ ഭീതോ ധനഞ്ജയഃ।
നാഗമദ്ദ്വൈരഥം വീരഃ സ കഥം നിഹതോ രണേ॥ 8-6-50 (55200)
[സംശപ്തകാനാം യോധാ യേ ആഹ്വയന്ത സദാഽന്യതഃ।
ഏതാൻഹത്വാ ഹനിഷ്യാമി പശ്ചാദ്വൈകർതനം രണേ॥ 8-6-51 (55201)
ഇതി വ്യപദിശൻപാർഥോ വർജയൻസൂതജം രണേ।
സ കഥം നിഹതോ വീരഃ പാർഥേന പരവീരഹാ॥] 8-6-52 (55202)
രഥഭഹ്ഗോ ന ചേത്തസ്യ ധനുർവാ ന വ്യശീര്യത।
ന ചേദസ്ത്രാണി നഷ്ടാനി സ കഥം നിഹതഃ പരൈഃ॥ 8-6-53 (55203)
കോ ഹി ശക്തോ രണേ കർണം വിധുന്വാനം മഹദ്ധനുഃ।
വിമുഞ്ചന്തം ശരാൻഘോരാന്ദിവ്യാന്യസ്ത്രാണി ചാഹവേ।
ജേതും പുരുഷശാർദൂലം ശാർദൂലമിവ വേഗിനം॥ 8-6-54 (55204)
ധ്രവം തസ്യ ധനുശ്ഛിന്നം രഥോ വാഽപി മഹീം ഗതഃ।
അസ്ത്രാണി വാ പ്രനഷ്ടാനി യഥാ ശംസസി മേ ഹതം।
ന ഹ്യന്യദപി പശ്യാമി കാരണം തസ്യ നാശനേ॥ 8-6-55 (55205)
ന ഹിൻമി ഫൽഗുനം യാവത്താവത്പാദൌ ന ധാവയേ।
ഇതി യസ്യ മഹാഘോരം വ്രതമാസീൻമഹാത്മനഃ॥ 8-6-56 (55206)
യസ്യ ഭീതോ രമേ നിദ്രാം ധർമരാജോ യുധിഷ്ഠിരഃ।
ത്രയോദശസമാ നിത്യം നാഭജത്പുരുഷർഷഭഃ॥ 8-6-57 (55207)
യസ്യ വീര്യവതോ വീര്യമുപാശ്രിത്യ മഹാത്മനഃ।
മമ പുത്രഃ സഭാം ഭാര്യാം പാണ്ഡൂനാം നീതവാൻബലാത്॥ 8-6-58 (55208)
തത്രാപി ച സഭാമധ്യേ പാണ്ഡവാനാം ച പശ്യതാം।
ദാസഭാര്യേതി പാഞ്ചാലീമബ്രവീത്കുരുസന്നിധൌ॥ 8-6-59 (55209)
[ന സന്തി തപയഃ കൃഷ്ണേ സർവേ ഷണ്ഡതിലൈഃ സമാഃ।
ഉപതിഷ്ഠസ്വ ഭർതാരമന്യം വാ വരവർണിനി॥ 8-6-60 (55210)
ഇത്യേവം യഃ പുരാ വാചോ രൂക്ഷാഃ സംശ്രാവയന്രുഷാ।
സഭായാം സൂതജഃ കൃഷ്ണാം സ കഥം നിഹതഃ പരൈഃ॥ 8-6-61 (55211)
യദി ഭീഷ്മോ രണശ്ലാഘീ ദ്രോണോ വാ യുധി ദുർമദഃ।
ന ഹനിഷ്യതി കൌന്തേയാൻപക്ഷപാതാത്സുയോധന।
സർവാനേവ ഹനിഷ്യാമി വ്യേതു തേ മാനസോ ജ്വരഃ॥ 8-6-62 (55212)
കിം കരിഷ്യതി ഗാണ്ഡീവമക്ഷയ്യൌ ച മഹേഷുധീ।
സ്നിഗ്ധചന്ദനദിഗ്ധസ്യ മച്ഛരസ്യാഭിധാവതഃ।
സ നൂനമൃഷഭസ്കന്ധോ ഹ്യർജുനേന കഥം ഹതഃ॥] 8-6-63 (55213)
യശ്ച ഗാണ്ഡീവമുക്താനാം സ്പർശമുഗ്രമചിന്തയൻ।
അപതിർഹ്യസി കൃഷ്ണേതി ബ്രുവൻപാർഥാനവൈക്ഷത॥ 8-6-64 (55214)
യസ്യ നാസീദ്ഭയം പാർഥാത്സപുത്രാത്സജനാർദനാത്।
സ്വബാഹുബലമാശ്രിത്യ മുഹൂർതമപി സഞ്ജയ॥ 8-6-65 (55215)
തസ്യ നാഽഹം വധം മന്യേ ദേവൈരപി സവാസവൈഃ।
പ്രതീപമഭിഘാവദ്ഭിഃ കിം പുനസ്താത പാണ്ഡവൈഃ॥ 8-6-66 (55216)
ന ഹി ജ്യാം സംസംപൃശാനസ്യ തലത്രേ വാഽപി ഗൃഹ്ണതഃ।
പുമാനാധിരഥേഃ സ്ഥാതും കശ്ചിത്പ്രമുഖതോഽർഹതി॥ 8-6-67 (55217)
അപി സ്യാൻമേദിനീ ഹീനാ സോമസൂര്യപ്രഭാംശുഭിഃ।
ന വധ- പുരുഷേന്ദ്രസ്യ സംയുഗേഷ്വപലായിനഃ॥ 8-6-68 (55218)
യേന മന്ദഃ സഹായേന ഭ്രാത്രാ ദുഃശാസനേന ച।
വാസുദേവസ്യ ദുർബുദ്ധിഃ പ്രത്യാഖ്യാനമരോചത॥ 8-6-69 (55219)
സ നൂനം വൃഷഭസ്കന്ധം കർണം ദൃഷ്ട്വാ നിപാതിതം।
ദുഃശാസനം ച നിഹതം മന്യേ ശോചതി പുത്രകഃ॥ 8-6-70 (55220)
ഹതം വൈകർതനം ദൃഷ്ട്വാ ദ്വൈരഥേ സവ്യസാചിനാ।
ജയതഃ പാണ്ഡവാന്ദൃഷ്ട്വാ കിംസ്വിദ്ദുര്യോധനോഽബ്രവീത്॥ 8-6-71 (55221)
[ദുർമർഷണം ഹതം ദൃഷ്ട്വാ വൃഷസേനം ച സംയുഗേ।
പ്രഭഗ്രം ച ബലം ദൃഷ്ട്വാ വധ്യമാനം മഹാരഥൈഃ॥ 8-6-72 (55222)
പരാങ്മുഖാംശ്ച രാജ്ഞസ്തു പലായനപരായണാൻ।
വിദ്രുതാന്രഥിനോ ദൃഷ്ട്വാ മന്യേ ശോചതി പുത്രകഃ॥ 8-6-73 (55223)
അനേയശ്ചാഭിമാനീ ച ദുർബുദ്ധിരജിതേന്ദ്രിയഃ।
ഹതോത്സാഹം ബലം ദൃഷ്ട്വാ കിംസ്വിദുര്യോധനോഽബ്രവീത്॥ 8-6-74 (55224)
സ്വയം വൈരം മഹത്കൃത്വാ വാര്യമാണഃ സുഹൃദ്ഗണൈഃ।
പ്രധനേ ഹതഭൂയിഷ്ഠൈഃ കിംസ്വിദ്ദുര്യോധനോഽബ്രവീത്॥ 8-6-75 (55225)
ഭ്രാതരം നിഹതം ദൃഷ്ട്വാ ഭീമസേനേന സംയുഗേ।
രുധിരേ പീയമാനേ ച കിംസ്വിദ്ദ്രുര്യോധനോഽബ്രവീത്॥] 8-6-76 (55226)
സഹ ഗാന്ധാരരാജേന സഭായാം യദഭാഷത।
കർണോഽർജുനം രണേ ഹന്താ ഹതേ തസ്മിൻകിമബ്രവീത്॥ 8-6-77 (55227)
ദ്യൂതം കൃത്വാ പുരാ ഹൃഷ്ഠോ വഞ്ചയിത്വാ ച പാൺ·ഡവാൻ।
ശകുനിഃ സൌബലസ്താത ഹതേ കർണേ കിമബ്രവീത്॥ 8-6-78 (55228)
കൃതവർമാ മഹേഷ്വാസഃ സാത്വതാനാം മഹാരഥഃ।
ഹതം വൈകർതനം ദൃഷ്ട്വാ ഹാർദിക്യഃ കിമഭാഷത॥ 8-6-79 (55229)
ബ്രാഹ്മണാഃ ക്ഷത്രിയാ വൈശ്യാ യസ്യ ശിക്ഷാമുപാസതേ।
ധനുർവേദം ചികീർഷന്തോ ദ്രോണപുത്രസ്യ ധീമതഃ॥ 8-6-80 (55230)
യുവാ രൂപേണ സംപന്നോ ദർശനീയോ മഹായശാഃ।
അശ്വത്ഥാമാ ഹതേ കർണേ കിമഭാഷത സഞ്ജയ॥ 8-6-81 (55231)
ആചാര്യോ യോ ധനുർവേദേ ഗൌതമോ രഥസത്തമഃ।
കൃപഃ ശാരദ്വതസ്താത ഹതേ കർണേ കിമബ്രവീത്॥ 8-6-82 (55232)
മദ്രരാജോ മഹേഷ്വാസഃ ശല്യഃ സമിതിശോഭനഃ।
ദൃഷ്ട്വാ വിനിഹതം കർണം സാരഥ്യേ രഥിനാം വരഃ।
കിമഭാഷത സൌവീരോ മദ്രാണാമധിപോ ബലീ॥ 8-6-83 (55233)
ദൃഷ്ട്വാ വിനിഹതം സർവേ യോധാ വാരണദുർജയാഃ।
യേ ച കേന രാജാനഃ പൃഥിവ്യാം യോദ്വുമാഗതാഃ।
വൈകർതനം ഹതം ദൃഷ്ടവാ കാന്യഭാഷന്ത സഞ്ജയ॥ 8-6-84 (55234)
ദ്രോണേ തു നിഹതേ വീരേ രഥവ്യാഘ്രേ നരർഷഭേ।
കേ വാ മുഖമനീകാനാമാസൻസഞ്ജയ ഭാഗശഃ॥ 8-6-85 (55235)
മദ്രരാജഃ കഥം ശല്യോ നിയുക്തോ രഥിനാം വരഃ।
വൈകർതനസ്യ സാരഥ്യേ തൻമമാചക്ഷ്വ സഞ്ജയ॥ 8-6-86 (55236)
കേഽരക്ഷന്ദക്ഷിണം ചക്രം സൂതപുത്രസ്യ യുധ്യതഃ।
വാമം ചക്രം രരക്ഷുർവാ കേ വാ വീരസ്യ പൃഷ്ഠതഃ॥ 8-6-87 (55237)
കേ കർണം ന ജഹുഃ ശൂരാഃ കേ ക്ഷുദ്രാഃ പ്രാദ്രവംസ്തതഃ।
കഥം ച വഃ സമേതാനാം ഹതഃ കർണോ മഹാരഥഃ॥ 8-6-88 (55238)
പാണ്ഡവാശ്ച സ്വയം ശൂരാഃ പ്രത്യുദീയുർമഹാരഥാഃ।
സൃജന്തഃ ശരവർഷാണി വാരിധാരാ ഇവാംബുദാഃ॥ 8-6-89 (55239)
സ ച സർപമുഖോ ദിവ്യോ മഹേഷുപ്രവരസ്തദാ।
വ്യർഥഃ കഥം സമഭവത്തൻമമാചക്ഷ്വ സ·ഞ്ജയ॥ 8-6-90 (55240)
മാമകസ്യാസ്യ സൈന്യസ്യ ഹതോത്സേധസ്യ സഞ്ജയ।
അവശേഷം ന പശ്യാമി കകുദേ മൃദിതേ സതി॥ 8-6-91 (55241)
തൌ ഹി വീരൌ മഹേഷ്വാസൌ മദർഥേ ത്യക്തജീവീതൌ।
ഭീഷ്മദ്രോണൌ ഹതൌ ശ്രുത്വാ കോ ന്വർഥോ ജീവിതേന മേ॥ 8-6-92 (55242)
പുനഃ പുനർന മൃഷ്യാമി വധം കർണസ്യ പാണ്ഡവൈഃ।
യസ്യ ബാഹ്വോർബലം തുല്യം കുഞ്ജരാണാം ശതം ശതം॥ 8-6-93 (55243)
ദ്രോണേ ഹതേ ച യദ്വൃത്തം കൌരവാണാം പരൈഃ സഹ।
സംഘാമേ നരവീരാണാം തൻമമാചക്ഷ്വ സഞ്ജയ॥ 8-6-94 (55244)
യഥാ കർണശ്ച കൌന്തേയൈഃ സഹ യുദ്ധമയോജയത്।
തഥാ ച ദ്വിഷതാം ഹന്താ രണേ ശാന്തസ്തദുച്യതാം॥ ॥ 8-6-95 (55245)
ഇതി ശ്രീമൻമഹാഭാരതേ കർണപർവണി ഷഷ്ഠോഽധ്യായഃ॥ 6 ॥
Mahabharata - Karna Parva - Chapter Footnotes
॥ ശ്രീഃ ॥
8.7. അധ്യായഃ 007
Mahabharata - Karna Parva - Chapter Topics
അശ്വത്ഥാമവചനാദ്ദുര്യോധനേന സൈനാപത്യേഽഭിഷിക്തേന കർണേന രണായ സേനാനിയോജനം॥ 1 ॥
Mahabharata - Karna Parva - Chapter Text
8-7-0 (55246)
സഞ്ജയ ഉവാച। 8-7-0x (4848)
ഹതേ ദ്രോണേ മഹേഷ്വാസേ തസ്മിന്നഹനി ഭാരത।
കൃതേ ച മോഘസങ്കൽപേ ദ്രോണപുത്രേ മഹാരഥേ॥ 8-7-1 (55247)
ദ്രവമാണേ മഹാരാജ കൌരവാണാം ബലാർണവേ।
വ്യൂഹ്യ പാർഥഃ സ്വകം സൈന്യമതിഷ്ഠദ്വാതൃഭിർവൃതഃ॥ 8-7-2 (55248)
തമവസ്ഥിതമാജ്ഞായ പുത്രസ്തേ ഭരതർഷഭ।
വിദ്രുതം സ്വബലം ദൃഷ്ട്വാ പൌരുഷേണ ന്യവാരയത്॥ 8-7-3 (55249)
സ്വമനീകമവസ്ഥാപ്യ ബാഹുവീര്യമുപാശ്രിതഃ।
യുദ്ധാ ച സുചിരം കാലം പാണ്ഡവൈഃ സഹ ഭാരത॥ 8-7-4 (55250)
ലബ്ധലക്ഷൈഃ പരൈർഹഷ്ടൈർവ്യായച്ഛദ്ഭിശ്ചിരം തദാ।
സന്ധ്യാകാലം സമാസാദ്യ പ്രത്യാഹാരമകാരയത്॥ 8-7-5 (55251)
`നിവേശ്യ ബലവദ്വോരം ക്ഷുത്പിപാസാബലൈര്യുതം।
ശ്രമേണ മഹതാ യുക്തം തഥാ ദ്രോണവധേന ച॥ 8-7-6 (55252)
ദീനരൂപാ രണേ കർമ കൃത്വാ ഘോരം ച ശർവരീം।
വിശം പ്രാപ്യ സാ സേനാ വിശ്രംയ മുദിതാഽഭവത്'॥ 8-7-7 (55253)
കൃത്വാഽവഹാരം സൈന്യാനാം പ്രവിശ്യ ശിബിരം സ്വകം।
കുരവഃ സഹിതാ മന്ത്രം മന്ത്രയാഞ്ചക്രിരേ മിഥഃ॥ 8-7-8 (55254)
പര്യങ്കേഷു പരാർധ്യേഷു സ്പർധ്യാസ്തരണവത്സു ച।
വരാസനേഷൂപവിഷ്ടാഃ സുഖശയ്യാസ്വിവാമരാഃ॥ 8-7-9 (55255)
തതോ ദുര്യോധനോ രാജാ സാംനാ പരമവൽഗുനാ।
താനാഭാഷ്യ മഹേഷ്വാസാൻപ്രാപ്തകാലമഭാഷത॥ 8-7-10 (55256)
മതം മതിമതാം ശ്രേഷ്ഠാഃ സർവേ പ്രബ്രൂത മാ ചിരം।
ഏവംഗതേന യത്കാര്യം ഭവേത്കാര്യതരം നൃപാഃ॥ 8-7-11 (55257)
സഞ്ജയ ഉവാച। 8-7-12x (4849)
ഏവമുക്തേ നരേന്ദ്രേണ നരസിംഹാ യുയുത്സവഃ।
ചക്രുർനാനാവിധാശ്ചേഷ്ടാഃ സിംഹാസനഗതാസ്തദാ॥ 8-7-12 (55258)
തേഷാം നിശാംയേംഗിതാനി യുദ്ധേ പ്രാണാഞ്ജുഹൂഷതാം।
സമുദ്വീക്ഷ്യ മുഖം രാജ്ഞോ ബാലാർകസമവർചസം।
ആചാര്യപുത്രോ മേധാവീ വാക്യജ്ഞോ വാക്യമാദദേ॥ 8-7-13 (55259)
രാഗോ യോഗസ്തഥാ ദാക്ഷ്യാം നയശ്ചേത്യർഥസാധകാഃ।
ഉപായാഃ പണ്ഡിതൈഃ പ്രോക്താസ്തേ തു ദൈവമുപാശ്രിതാഃ॥ 8-7-14 (55260)
ലോകപ്രവീരാ യേഽസ്മാകം ദേവകൽപാ മഹാരഥാഃ।
നീതിമന്തസ്തഥാ യുക്താ ദക്ഷാ രക്താശ്ച തേ ഹതാഃ॥ 8-7-15 (55261)
ന ത്വേവ കാര്യം നൈരാശ്യമസ്മാഭിർവിജയം പ്രതി।
സുനീതൈരിഹ സർവാർഥൈർദൈവമപ്യനുലോംയതേ॥ 8-7-16 (55262)
തേ വയം പ്രവരം നൄണാം സർവൈര്യോധഗുണൈര്യുതം।
കർണമേവാഭിഷേഭ്യാമഃ സൈനാപത്യേന ഭാരത॥ 8-7-17 (55263)
കർണം സേനാപതിം കൃത്വാ പ്രമഥിഷ്യാമഹേ രിപൂൻ॥ 8-7-18 (55264)
ഏഷ ഹ്യതിബലഃ ശൂരഃ കൃതാസ്ത്രോ യുദ്ധദുർമദഃ।
വൈവസ്വത ഇവാസഹ്യഃ ശക്തോ ജേതും രണേ നിപൂൻ॥ 8-7-19 (55265)
ഏതദാചാര്യതനയാച്ഛ്രുത്വാ രാജംസ്തവാത്മജഃ।
`ദുര്യോധനോ മഹാരാജ ഭൃശം പ്രീതമനാസ്തദാ'॥ 8-7-20 (55266)
ആശാം ബഹുമതീം ചക്രേ വർണം പ്രതി സ വൈ തദാ।
ഹതേ ഭീഷ്മേ ച ദ്രോണേ ച കർണോ ജേഷ്യതി പാണ്ഡവാൻ॥ 8-7-21 (55267)
താമാശാം ഹൃദയേ കൃത്വാ സമാശ്വസ്യ ച ഭാരത।
[തതോ ദുര്യോധനഃ പ്രീതഃ പ്രിയം ശ്രുത്വാഽസ്യ തദ്വചഃ।
പ്രീതിസത്കാരസംയുക്തം തഥ്യമാത്മഹിതം ശൂഭം॥] 8-7-22 (55268)
സ്വം മനഃ സമവസ്ഥാപ്യ ബാഹുവീര്യമുപാശ്രിതഃ॥ 8-7-23 (55269)
`പ്രിയസത്കാരസംയുക്തം തഥ്യമാത്മഹിതേ രതം'।
ദുര്യോധനോ മഹാരാജ രാധേയമിദമബ്രവീത്॥ 8-7-24 (55270)
കർണ ജാനാമി തേ വീര്യം സൌഹൃദം പരമം മയി।
തഥാഽപി ത്വാം മഹാബാഹോ പ്രവക്ഷ്യാമി ഹിതം വചഃ॥ 8-7-25 (55271)
ശ്രുത്വാ യഥേഷ്ടം ച കുരു വീര യത്തവ രോചതേ।
ഭവാൻപ്രാജ്ഞതമോ നിത്യം മമ ചൈവ പരാ ഗതിഃ॥ 8-7-26 (55272)
ഭീഷ്മദ്രോണാവതിരഥൌ ഹതൌ സേനാപതീ മമ।
സേനാപതിർഭവാനസ്തു താഭ്യാം ദ്രവിണവത്തരഃ॥ 8-7-27 (55273)
വൃദ്ധോ ച തൌ മഹേഷ്വാസൌ സാപേക്ഷോ ച ധനഞ്ജയേ।
മാനിതൌ ച മയാ വീരൌ രാധേയ വചനാത്തവ॥ 8-7-28 (55274)
പിതാമഹത്വം സംപ്രേക്ഷ്യ പാണ്ഡുപുത്രാ മഹാരണേ।
രക്ഷിതാസ്താത ഭീഷ്മേണ ദിവസാനി ദശൈവ തു॥ 8-7-29 (55275)
ന്യസ്തശസ്ത്രേ തു ഭവതി ഹതോ ഭീഷ്മഃ പിതാമഹഃ।
ശിഖണ്ഡിനം പുരുസ്കൃത്യ ഫൽഗുനേന മഹാഹവേ॥ 8-7-30 (55276)
ഹതേ തസ്മിൻമഹേഷ്വാസേ ശരതൽപഗതേ തഥാ।
ത്വയോക്തേ പുരുഷവ്യാഘ്ര ദ്രോണോ ഹ്യാസീത്പുരഃസരഃ॥ 8-7-31 (55277)
തേനാപി രക്ഷിതാഃ പാർഥാഃ ശിഷ്യത്വാദിതി മേ മതിഃ।
സ ചാപി നിഹതോ വൃദ്ധോ ധൃഷ്ടദ്യുംനേന സത്വരം॥ 8-7-32 (55278)
നിഹതാഭ്യാം പ്രധാനാഭ്യാം താഭ്യാമതുലവിക്രമ।
ത്വത്സമം സമരേ യോധം നാന്യം പശ്യാമി ചിന്തയൻ॥ 8-7-33 (55279)
ഭവാനേവ തു നഃ ശക്തോ വിജയായ ന സംശയഃ।
പൂർവം മധ്യേ ച പശ്ചാശ്ച തഥൈവ വിഹിതം ഹിതം॥ 8-7-34 (55280)
സ ഭവാന്ധുര്യവത്സംഖ്യേ ധുരമുദ്വോഽഢുമർഹതി।
അഭിഷേചയ സൈനാന്യേ സ്വയമാത്മാനമാത്മനാ॥ 8-7-35 (55281)
ദേവതാനാം യഥാ സ്കന്ദഃ സേനാനീഃ പ്രഭുരവ്യയഃ।
തഥാ ഭവാനിമാം സേനാം ധാർതരാഷ്ട്രീം ബിഭർതു വൈ॥ 8-7-36 (55282)
ജഹി ശത്രുഗണാൻസർവാൻമഹേന്ദ്രോ ദാനവാനിവ।
അവസ്ഥിതം രമേ ദൃഷ്ട്വാ പാണ്ഡവാസ്ത്വാം മഹാരഥാഃ।
ദ്രവിഷ്യന്തി ച പാഞ്ചാലാ വിഷ്ണും ദൃഷ്ട്വേവ ദാനവാഃ॥ 8-7-37 (55283)
തസ്മാത്ത്വം പുരുഷവ്യാഘ്ര പ്രകർഷൈതാം മഹാചമൂം॥ 8-7-38 (55284)
ഭവത്യവസ്ഥിതേ യത്തേ പാണ്ഡവാ മന്ദചേതസഃ।
ദ്രവിഷ്യന്തി സഹാമാത്യാഃ പാഞ്ചാലാഃ സൃഞ്ജയാശ്ച ഹ। 8-7-39 (55285)
യഥാ ഹ്യഭ്യുദിതഃ സൂര്യഃ പ്രതപൻസ്വേന തേജസാ।
വ്യപോഹതി തമസ്തീവ്രം തഥാ ശത്രൂൻപ്രതാപയ॥ 8-7-40 (55286)
സഞ്ജയ ഉവാച। 8-7-41x (4850)
ഏവമുക്തസ്തു രാധേയോ രാജ്ഞാ ദുര്യോധനേന ഹ।
രാജ്ഞാം മധ്യേ മഹാബാഹുഃ പ്രീതാത്മാ സ മഹാബലഃ।
ഹർഷയന്നബ്രവീത്കർണോ ദുര്യോധനമിദം വചഃ॥ 8-7-41 (55287)
കർണ ഉവാച। 8-7-42x (4851)
ഉക്തമേതൻമയാ പൂർവം ഗാന്ധാരേ തവ സന്നിധൌ।
ജേഷ്യാമി പാണ്ഡവാൻസർവാൻസപുത്രാൻസജനാർദനാൻ॥ 8-7-42 (55288)
സേനാപതിർഭവിഷ്യാമി തവാഹം നാത്ര സംശയഃ।
സ്ഥിരോ ഭവ മഹാരാജ ജിതാന്വിദ്വി ച പാണ്ഡവാൻ॥ 8-7-43 (55289)
സഞ്ജയ ഉവാച। 8-7-44x (4852)
ഏവമുക്തോ മഹാരാജ തതോ ദുര്യാധനോ നൃപഃ।
ഉത്തസ്ഥൌ രാജഭിഃ സാർധം ദേവൈരിവ ശതക്രതുഃ॥ 8-7-44 (55290)
സൈനാപത്യേന സത്കർതും കർണം സ്കന്ദമിവാമരാഃ।
തതോഽഭിഷിഷിചുഃ കർണം വിധിദൃഷ്ടേന കർമണാ॥ 8-7-45 (55291)
ദുര്യോധനമുക്താ രാജന്രാജാനോ വിജയൈഷിണഃ।
ശാതകുംഭമയൈഃ കുംഭേർമാഹേയൈശ്ചാഭിമന്ത്രിതൈഃ॥ 8-7-46 (55292)
തോയപൂർണൈർവിഷാണൈശ്ച ദ്വിപഖംഗമഹർഷഭൈഃ।
മണിമുക്തായുതൈശ്ചാന്യൈഃ പുണ്യഗന്ധൈസ്തഥൌഷധൈഃ॥ 8-7-47 (55293)
ഔദുംബരേ സുഖാസീനമാസനേ ക്ഷൌമസംവൃതേ।
ശാസ്ത്രദൃഷ്ടേന വിധിനാ സംഭാരൈശ്ച സുസംഭൃതൈഃ॥ 8-7-48 (55294)
ബ്രാഹ്മണഃ ക്ഷത്രിയാ വൈശ്യാസ്തഥാ ശൂദ്രാശ്ച സംമതാഃ।
തുഷ്ടുവുസ്തം മഹാത്മാനമഭിഷിക്തം വരാസനേ॥ 8-7-49 (55295)
തതോഽഭിഷിക്തേ രാജേന്ദ്ര നിഷ്കൈർഗോഭിർധനേന ച।
വാചയാമാസ വിപ്രാഗ്ര്യാന്രാധേയഃ പരവീരഹാ॥ 8-7-50 (55296)
`സ വ്യരോചത രാധേയഃ സൂതമാഗധബന്ദിഭിഃ।
സ്തൂയമാനോ യഥാ ഭാനുരുദയേ ബ്രഹ്മവാദിഭിഃ॥ 8-7-51 (55297)
തതഃ പുണ്യാഹഘോഷേണ വാദിത്രനിനദേന ച।
ജയശബ്ദേന ശൂരാണാം തുമുലഃ സർവതോഽഭവത്॥ 8-7-52 (55298)
ജയേത്യൂചുർനൃപാഃ സർവേ രാധേയം തത്ര സംഗതാഃ'॥ 8-7-53 (55299)
ജയ പാർഥാൻസഗോവിന്ദാൻസാനുഗാംസ്താൻമഹാമൃധേ।
ഇതി തം ബന്ദിനഃ പ്രാഹുർദ്വിജാശ്ച പുരുഷർഷഭം॥ 8-7-54 (55300)
ജഹി പാർഥാൻസപാഞ്ചാലാന്രാധേയ വിജയായ നഃ।
ഉദ്യന്നിവ സദാ ഭാനുസ്തമാംസ്യുഗ്രൈർഗഭസ്തിഭിഃ॥ 8-7-55 (55301)
ന ഹ്യലം ത്വദ്വിസൃഷ്ടാനാം ശരാണാം വൈ സകേശവാഃ।
ഉലൂകാഃ സൂര്യരശ്മീനാം ജ്വലതാമിവ ദർശനേ॥ 8-7-56 (55302)
ന ഹി പാർഥാഃ സപാഞ്ചാലാഃ സ്ഥാതും ശക്താസ്തവാഗ്രതഃ।
ആത്തവജ്രസ്യ സമരേ മഹേന്ദ്രസ്യേവ ദാനവാഃ॥ 8-7-57 (55303)
`സഞ്ജയ ഉവാച। 8-7-58x (4853)
സ സത്കൃതഃ സ്തൂയമാനഃ സുഹൃദ്ഗണവൃതോ രുഷാ।
കർണോ ദുര്യോധനം വാക്യമബ്രവീത്പ്രഹസൻപ്രിയം॥ 8-7-58 (55304)
ദുര്യോധനാദ്യ സഗണം പാണ്ഡൂനാം പ്രവരൈഃ സഹ।
ഫൽഗുനം സൂദയിഷ്യാമി ത്വത്പ്രിയാർഥം സബാന്ധവം॥ 8-7-59 (55305)
സപർവതാർണവദ്വീപാം ശാധി ഗാം ഗതപാണ്ഡവാം।
പുത്രപൌത്രപ്രപൌത്രേഷു പ്രതിഷ്ഠാം ഗമയിഷ്യമി॥ 8-7-60 (55306)
നാസഹ്യം വിദ്യതേ മഹ്യം ത്വത്പ്രിയാർഥമരിന്ദമ।
സത്യധർമാനുരക്തസ്യ സിദ്ധിരാത്മവതോ യഥാ॥ 8-7-61 (55307)
അഭിഷിക്തസ്തു രാഘേയഃ പ്രഭയാ സോഽമിതപ്രഭഃ।
അത്യരിച്യത രൂപേണ ദിവാകര ഇവാപരഃ॥ 8-7-62 (55308)
സൈനാപത്യേ തു രാധേയമഭിഷിച്യ സുതസ്തവ।
അമന്യത തദാത്മാനം കൃതാർഥം കാലചോദിതഃ॥ 8-7-63 (55309)
കർണോഽപി രാജ്ഞഃ സംപ്രാപ്യ സൈനാപത്യമരിന്ദമഃ।
യോഗമാജ്ഞാപയാമാസ സൂര്യസ്യോദയനം പ്രതി॥ 8-7-64 (55310)
തവ പുത്രൈർവൃതഃ കർണഃ ശുശുഭേ തത്ര ഭാരത।
ദേവൈരിവ യഥാ സ്കന്ദഃ സംഗ്രാമേ താരകാമയേ॥ ॥ 8-7-65 (55311)
ഇതി ശ്രീമൻമഹാഭാരതേ കർണപർവണി സപ്തമോഽധ്യായഃ॥ 7 ॥
Mahabharata - Karna Parva - Chapter Footnotes
॥ ശ്രീഃ ॥
8.8. അധ്യായഃ 008
Mahabharata - Karna Parva - Chapter Topics
കർണാർജുനാക്ഷ്യാം വ്യൂഹരചനാപൂർവകം രണായ നിര്യാണം॥ 1 ॥
Mahabharata - Karna Parva - Chapter Text
8-8-0 (55312)
ധൃതരാഷ്ട്ര ഉവാച। 8-8-0x (4854)
സൈനാപത്യം തു സംപ്രാപ്യ കർണോ വൈകർതനസ്തദാ।
തഥോക്തശ്ച സ്വയം രാജ്ഞാ സ്നിഗ്ധം ഭ്രാതൃസമം വചഃ॥ 8-8-1 (55313)
ഹിതശ്ച പ്രിയകാമശ്ച മമ പുത്രസ്യ നിത്യശഃ।
അകരോത്കിം മഹാപ്രാജ്ഞസ്തൻമമാചക്ഷ്വ സ·ഞ്ജയ॥ 8-8-2 (55314)
സഞ്ജയ ഉവാച। 8-8-3x (4855)
കർണസ്യ മതമാജ്ഞായ പുത്രാസ്തേ ഭരതർഷഭ।
യോഗമാജ്ഞാപയാമാസുർനന്ദിതൂര്യപുരഃസരം॥ 8-8-3 (55315)
മഹത്യപരരാത്രേ ച തവ സൈന്യസ്യ മാരിഷ।
യോഗോ യോഗ ഇതി ഹ്യാശു പ്രാദുരാസീൻമഹാസ്വനഃ॥ 8-8-4 (55316)
കൽപതാം നാഗമുഖ്യാനാം രഥാനാം ച വരുഥിനാം।
സന്നഹ്യതാം നരാണാം ച വാജിനാം ച വിശാംപതേ॥ 8-8-5 (55317)
ക്രോശതാം ചൈവ യോധാനാം ത്വരിതാനാം പരസ്പരം।
ബഭൂവ തുമുലഃ ശബ്ദോ ദിവസ്പൃക്സുമഹാംസ്തതഃ॥ 8-8-6 (55318)
തതഃ ശ്വേതപതാകേന ബലാകാവർണവാജിനാ।
ഹേമപൃഷ്ഠേന ധനുഷാ നാഗകക്ഷേണ കേതുനാ॥ 8-8-7 (55319)
തൂണീരശതപൂർണേന സഗദേന വരൂഥിനാ।
ശതഘ്നീകിങ്കിണീശക്തിശൂലതോമരധാരിണാ॥ 8-8-8 (55320)
കാർമുകൈരുപപന്നേന വിമലാദിത്യവർചസാ।
രഥേനാഭിപതാകേന സുതപുത്രോ ഹ്യദൃശ്യത॥ 8-8-9 (55321)
ധ്മാപയന്വാരിജം രാജൻഹേമജാലവിഭൂഷിന്തം।
വിധ്രുന്വാനോ മഹച്ചാപം കാർതസ്വരവിഭൂഷിതം॥ 8-8-10 (55322)
ദൃഷ്ട്വാ കർണം മഹേഷ്വാസം രഥസ്ഥം രഥിനാം വരം।
ഭാനുമന്തമിവോദ്യന്തം തമോ ഘ്നന്തം ദുരാസദം॥ 8-8-11 (55323)
ന ഭീഷ്മവ്യസനം കേചിന്നാപി ദ്രോണസ്യ മാരിഷ।
നാന്യേഷാം പുരുഷവ്യാഘ്ര മേനിരേ തത്ര കൌരവാഃ॥ 8-8-12 (55324)
തതസ്തു ത്വരയന്യോധാഞ്ശംഖശബ്ദേന മാരിഷ।
കർണോ നിഷ്കർഷയാമാസ കൌരവാണാം മഹദ്ബലം॥ 8-8-13 (55325)
വ്യൂഹം വ്യൂഹ്യ മഹേഷ്വാസോ മകരം ശത്രുതാപനഃ।
പ്രത്യുദ്യയൌ തഥാ കർണഃ പാണ്ഡവാന്വിജിഗീഷയാ॥ 8-8-14 (55326)
മകരസ്യ തു തുണ്ഡേ വൈ കർണോ രാജന്വ്യവസ്ഥിതഃ।
നേത്രാഭ്യാം ശകുനിഃ ശൂര ഉലൂകശ്ച മഹാരഥഃ॥ 8-8-15 (55327)
ദ്രോണപുത്രസ്തു ശിരസി ഗ്രീവായാം സർവസോദരാഃ।
മധ്യേദുര്യോധനോ രാജാ ബലേന മഹതാ വൃതഃ॥ 8-8-16 (55328)
വാമപാദേ തു രാജേന്ദ്ര കൃതവർമാ വ്യവസ്ഥിതഃ।
നാരായണബലൈര്യുക്തോ ഗോപാലൈര്യുദ്ധദുർമദൈഃ॥ 8-8-17 (55329)
പാദേ തു ദക്ഷിണേ രാജൻഗൌതമഃ സത്യവിക്രമഃ।
ത്രിഗർതൈഃ സുമഹേഷ്വാസൈർദാക്ഷിണാത്യൈശ്ച സംവൃതഃ॥ 8-8-18 (55330)
അനുപാദേ തു യോ വാമസ്തത്ര ശല്യോ വ്യവസ്ഥിതഃ।
മഹത്യാ സേനയാ സാർധം മദ്രദേശസമുത്ഥയാ॥ 8-8-19 (55331)
ദക്ഷിണേ തു മഹാരാജ സുഷേണഃ സത്യസംഗരഃ।
വൃതോ രഥമഹസ്രേണ ദന്തിനാം ച ത്രിഭിഃ ശതൈഃ॥ 8-8-20 (55332)
പുച്ഛേ ഹ്യാസ്താം മഹാവീര്യൌ ഭ്രാതരൌ പാർഥിവൌ തദാ।
ചിത്രശ്ച ചിത്രസേനശ്ച മഹത്യാ സേനയാ വൃതൌ॥ 8-8-21 (55333)
തഥാ പ്രയാതേ രാജേന്ദ്ര കർണേ നരവരോത്തമേ।
ധനഞ്ജയമഭിപേക്ഷ്യ ധർമരാജോഽബ്രവീദിദം॥ 8-8-22 (55334)
പശ്യ പാർഥ യഥാ സേനാ ധാർതരാഷ്ട്രീഹ സംയുഗേ।
കർണേന വിഹിതാ വീര ഗുപ്താ വീരൈർമഹാരഥൈഃ॥ 8-8-23 (55335)
ഹതവീരതമാ ഹ്യേഷാ ധാർതരാഷ്ട്രീ മഹാചമൂഃ।
ഫൽഗുശേഷാ മഹാബാഹോ തൃണൈസ്തുല്യാ മതാ മമ॥ 8-8-24 (55336)
ഏകോ ഹ്യത്ര മഹേഷ്വാസഃ സൂതപുത്രോ വിരാജതേ।
സദേവാസുരഗന്ധർവൈഃ സകിന്നരമഹോരഗൈഃ।
ചരാചരൈസ്ത്രിഭിർലോകൈരജേയോ യോ മഹാരഥഃ॥ 8-8-25 (55337)
തം ഹത്വാഽദ്യ മഹാബാഹോ വിജയസ്തവ ഫൽഗുന।
ഉദ്ധൃതശ്ച ഭവേച്ഛല്യോ മമ ദ്വാദശവാർഷികഃ॥ 8-8-26 (55338)
ഏവം ജ്ഞാത്വാ മഹാബാഹോ വ്യൂഹം വ്യൂഹ യഥേച്ഛസി॥ 8-8-27 (55339)
സഞ്ജയ ഉവാച। 8-8-28x (4856)
ഭ്രാതുരേതദ്വചഃ ശ്രുത്വാ പാണ്ഡവഃ ശ്വേതവാഹനഃ।
അർധചന്ദ്രേണ വ്യൂഹേന പ്രത്യവ്യൂഹത താം ചമൂം॥ 8-8-28 (55340)
വാമപാർശ്വേ തു തസ്യാഥ ഭീമസേനോ വ്യവസ്ഥിതഃ।
ദക്ഷിണേ ച മഹേഷ്വാസോ ധൃഷ്ടദ്യുംനോ വ്യവസ്ഥിതഃ॥ 8-1-29 (55341)
മധ്യേ വ്യൂഹസ്യ രാജാ തു പാണ്ഡവശ്ച ധനഞ്ജയഃ।
നകുലഃ സഹദേവശ്ച ധർമരാജസ്യ പൃഷ്ഠതഃ॥ 8-8-30 (55342)
ചക്രരക്ഷൌ തു പാഞ്ചാല്യൌ യുധാമന്യൂത്തമൌജസൌ।
പാർഥം ന ജഹതുര്യുദ്വേ പാല്യമാനൌ കിരീടിനാ॥ 8-8-31 (55343)
ശേഷാം നൃപതയോ വീരാഃ സ്ഥിതാ വ്യൂഹസ്യ ദംശിതാഃ।
യഥാഭാഗം യഥോത്സാഹം യഥായത്നം ച ഭാരത॥ 8-8-32 (55344)
ഏവമേതൻമഹാവ്യൂഹം വ്യൂഹ്യ ഭാരത പാണ്ഡവാഃ।
താവകാശ്ച മഹേഷ്വാസാ യുദ്ധായൈവ മനോ ദധുഃ॥ 8-8-33 (55345)
ദൃഷ്ട്വാ വ്യൂഢാം തവ ചമൂം സൂതപുത്രേണ സംയുഗേ।
നിഹതാൻപാണ്ഡവാൻമേനേ ധാർതരാഷ്ട്രഃ സബാന്ധവഃ॥ 8-8-34 (55346)
തഥൈവ പാണ്ഡവീം സേനാം വ്യൂഢാം ദൃഷ്ട്വാ യുധിഷ്ഠിരഃ।
ധാർതരാഷ്ട്രാൻഹതാൻമേനേ സകർണാന്വൈ ജനാധിപഃ॥ 8-8-35 (55347)
തതഃ ശംഖാശ്ച ഭേര്യശ്ച പണവാനകഗോമുഖാഃ।
ഡിണ്ഡിമാശ്ചാപ്യഹന്യന്ത ഝർഝരാശ്ച സമന്തതഃ॥ 8-8-36 (55348)
സേനയോരുഭയോ രാജൻപ്രാവാദ്യന്ത മഹാസ്വനാഃ।
സിംഹനാദശ്ച സഞ്ജജ്ഞേ ശൂരാണാം ജയഗൃദ്ധിനാം॥ 8-8-37 (55349)
ഹയഹേഷിതശബ്ദാശ്ച വാരണാനാം ച ബൃംഹിതാഃ।
രഥനേമിസ്വനാശ്ചോഗ്രാഃ സംബഭൂവുർജനാധിപ॥ 8-8-38 (55350)
ന ദ്രോണവ്യസനം കശ്ചിജ്ജാനീതേ തത്ര ഭാരത।
ദൃഷ്ട്വാ കർണം മഹേഷ്വാസം മുഖേ വ്യൂഹസ്യ ദംശിതം॥ 8-8-39 (55351)
ഉഭേ സൈന്യേ മഹാരാജ പ്രഹൃഷ്ടനരസങ്കുലേ।
യോദ്വുകാമേ സ്ഥിതേ രാജൻഹന്തുമന്യോന്യമോജസാ॥ 8-8-40 (55352)
വിജയേ ജാതസംരംഭേ ദൃഷ്ട്വാഽന്യോന്യം വ്യവസ്ഥിതേ।
അനീകമധ്യേ രാജേന്ദ്ര ചേരതുഃ കർണപാണ്ഡവൌ॥ 8-8-41 (55353)
നൃത്യന്ത്യാവിവ തേ സേനേ സമേയാതാം പരസ്പരം।
തയോഃ പക്ഷപ്രപക്ഷേഭ്യോ നിര്യയുര്യുദ്വലിപ്സവഃ॥ 8-8-42 (55354)
തതഃ പ്രവവൃതേ യുദ്ധം നരവാരണവാജിനാം।
രഥാനാം ച മഹാരാജ അന്യോന്യമഭിനിഘ്നതാം॥ ॥ 8-8-43 (55355)
ഇതി ശ്രീമൻമഹാഭാരതേ കർണപർവണി ഷോഡശദിവസയുദ്ധാരംഭേ അഷ്ടമോഽധ്യായഃ॥ 8 ॥
Mahabharata - Karna Parva - Chapter Footnotes
॥ ശ്രീഃ ॥
8.9. അധ്യായഃ 009
Mahabharata - Karna Parva - Chapter Topics
സങ്കുലയുദ്ധം॥ 1 ॥ ഭീമേന ക്ഷേമധൂർതിവധഃ॥ 2 ॥
Mahabharata - Karna Parva - Chapter Text
8-9-0 (55356)
സഞ്ജയ ഉവാച। 8-9-0x (4857)
തേ സേനേഽന്യോന്യമാസാദ്യ പ്രഹൃഷ്ടാശ്വനരദ്വിപേ।
ബൃഹത്യൌ സംപ്രജഹാതേ ദേവാസുരചമൂസമേ॥ 8-9-1 (55357)
തതോ നാനാരഥാശ്വേഭാഃ പത്തയശ്ചോഗ്രവിക്രമാഃ।
സംപ്രഹാരാൻഭൃശം ചക്രുർദേഹപാപ്മവിനാശനാൻ॥ 8-9-2 (55358)
പൂർണചന്ദ്രാർകപദ്മാനാം കാന്തിത്വിംഗന്ധതഃ സമൈഃ।
ഉത്തമാംഗൈർനൃസിംഹാനാം നൃസിംഹാസ്തസ്തരുർമഹീം॥ 8-9-3 (55359)
അർധചന്ദ്രൈസ്തഥാ ഭല്ലൈഃ ക്ഷുരപ്രൈരസിപട്ടസൈഃ।
പരശ്വഥൈശ്ചാപഹൃതാന്യുത്തമാംഗാനി യുധ്യതാം॥ 8-9-4 (55360)
വ്യായതായതബാഹൂനാം വ്യായതായതബാഹുഭിഃ।
വാഹവഃ പാതിതാ രേജുർധരണ്യാം സായുധാംഗദൈഃ॥ 8-9-5 (55361)
തൈഃ സ്ഫുരദ്ഭിർമഹീ ഭാതി രക്താംഗുലിതലൈസ്തഥാ।
ഗരുഡപ്രഹിതൈരുഗ്രൈഃ പഞ്ചാസ്യൈരുരഗൈരിവ॥ 8-9-6 (55362)
ദ്വിരദസ്യന്ദനാശ്വേഭ്യഃ പേതുർവീരാ ദ്വിഷദ്ധതാഃ।
വിമാനേഭ്യോ യഥാ ക്ഷീണേ പുണ്യേ സ്വർഗദസ്തഥാ॥ 8-9-7 (55363)
ഗദാഭിരന്യേ ഗുർവീഭിഃ പരിധൈർമുസലൈരപി।
പോഥിതാഃ ശതശഃ പേതുർവീരാ വീരതരൈ രണേ॥ 8-9-8 (55364)
രഥാ രഥൈർവിമഥിതാ മത്താ മത്തൈർദ്വിപാ ദ്വിപൈഃ।
സാദിനഃ സാദിഭിശ്ചൈവ തസ്മിൻപരമസങ്കുലേ॥ 8-9-9 (55365)
രഥൈർനരാ രഥാ നാഗൈരശ്വാരോഹാശ്ച പത്തിഭിഃ।
അശ്വാരോഹൈഃ പദാതാശ്ച നിഹതാ യുധി ശേരതേ॥ 8-9-10 (55366)
രഥാശ്വപത്തയോ നാഗൈ രഥാശ്വേഭാശ്ച പത്തിഭിഃ।
രഥപത്തിദ്വിപാശ്ചാശ്ചൈ രഥൈശ്ചാപി നരദ്വിപാഃ॥ 8-9-11 (55367)
രഥാശ്വേഭനരാണാം തു നരാശ്വേഭരഥൈഃ കൃതം।
പാണിപാദൈശ്ച ശസ്ത്രൈശ്ച രഥൈശ്ച കദനം മഹത്॥ 8-9-12 (55368)
തഥാ തസ്മിൻബലേ ശൂരൈർവധ്യമാനേ ഹതേഽപി ച।
അസ്മാനഭ്യായയുഃ പാർഥാ വൃകോദരപുരോഗമാഃ॥ 8-9-13 (55369)
വൃഷ്ടദ്യുംനഃ ശിഖണ്ഡീ ച ദ്രൌപദേയാഃ പ്രഭദ്രകാഃ।
സാത്യകിശ്ചേകിതാനശ്ച ദ്രാവിഡൈഃ സൈനികൈഃ സഹ॥ 8-9-14 (55370)
വൃതാ വ്യൂഹേന മഹതാ പാണ്ഡ്യാശ്ചോലാഃ സകേരലാഃ।
വ്യൂഢോരസ്കാ ദീർഘഭുജാഃ പ്രാംശവഃ പൃഥുലോചനാഃ॥ 8-9-15 (55371)
ആപീഡിനോ രക്തദന്താ മത്തമാതംഗവിക്രമാഃ।
നാനാവിരാഗവസാനാ ഗന്ധചൂർണാവചൂർണിതാഃ॥ 8-9-16 (55372)
ബദ്ധാസയഃ പാശഹസ്താ വാരണപ്രതിവാരണാഃ।
സമാനമൃത്യവോ രാജന്നാത്യജന്ത പരസ്പരം॥ 8-9-17 (55373)
കലാപിനശ്ചാപഹസ്താ ദീർഘകേശാഃ പ്രിയംവദാഃ।
പത്തയഃ സായകൈർവിദ്ധാ ഘോരരൂപപരാക്രമാഃ॥ 8-9-18 (55374)
അഥാപരേ പുനഃ ശൂരാശ്ചേദിപാഞ്ചാലകേകയാഃ।
കാരൂശാഃ കോസലാഃ കാഞ്ച്യാ മാഗധാശ്ചാപി ദുദ്രുവുഃ॥ 8-9-19 (55375)
തേഷാം രഥാശ്വനാഗാശ്ച പ്രവരാശ്ചോഗ്രപത്തയഃ।
നാനാബാണരവൈർഹൃഷ്ടാ നൃത്യന്തി ച ഹസന്തി ച॥ 8-9-20 (55376)
തസ്യ സൈന്യസ്യ മഹതോ മഹാമാത്രവരൈർവൃതഃ।
മധ്യേ വൃകോദരോഽഭ്യായാത്ത്വദീയാന്നാഗധൂർഗതഃ॥ 8-9-21 (55377)
സ നാഗപ്രവരോഽത്യുഗ്രോ വിധിവത്കൽപിതോ ബഭൌ।
ഉദയാഗ്രാദ്രിഭവനം യഥാഽഭ്യുദിതഭാസ്കരം॥ 8-9-22 (55378)
തസ്യായസം വർമവരം വരരത്നവിഭൂഷിതം।
താരാവ്യാപ്തസ്യ നഭസഃ ശാരദസ്യ സമം ത്വിഷാ॥ 8-9-23 (55379)
സ തോമരവ്യഗ്രകരശ്ചാരുമൌലിഃ സ്വലങ്കൃതഃ।
ശരൻമധ്യന്ദിനാർകാഭസ്തേജയാ പ്രദാഹദ്രിപൂൻ॥ 8-9-24 (55380)
തം ദൃഷ്ട്വാ ദ്വിരദം ദൂരാത്ക്ഷേമധൂർതിർദ്വിപസ്ഥിത।
ആഹ്വയന്നഭിദുദ്രാവ പ്രഹസൻപൃതനാമുഖേ॥ 8-9-25 (55381)
തയോഃ സമഭവദ്യുദ്ധം ദ്വിപയോരുഗ്രരൂപയോഃ।
യദൃച്ഛയാ ദ്രുതവതോർമഹാപർവതയോരിവ॥ 8-9-26 (55382)
സംസക്തനാഗൌ തൌ വീരൌ തോമരൈരിതരേതരം।
ബലവത്സൂര്യരശ്ംയാഭൈർഭിത്ത്വാഽന്യോന്യം വിനേദതുഃ॥ 8-9-27 (55383)
വ്യപസൃത്യ തു നാഗാഭ്യാം മണ്ഡലാനി വിചേരതുഃ।
പ്രഗൃഹ്യ ചോഭൌ ധനുഷീ ജഘ്നതുർവൈ പരസ്പരം॥ 8-9-28 (55384)
ക്ഷ്വേഡിതാസ്ഫോടിതരവൈർബാണശബ്ദൈസ്തു സർവതഃ।
തൌ ജനം ഹർഷയന്തൌ ച സിംഹനാദം പ്രചക്രതുഃ॥ 8-9-29 (55385)
സമുദ്യതകരാഭ്യാം തൌ ദ്വിപാഭ്യാം കൃതിനാവുഭൌ।
വാതോദ്വൂതപതാകാഭ്യാം യുയുധാതേ മഹാബലൌ॥ 8-9-30 (55386)
താവന്യോന്യസ്യ ധനുഷീ ഛിത്ത്വാഽന്യോന്യം വിനേദതുഃ।
ശക്തിതോമരവർഷേണ പ്രാവൃൺമേഘാവിവാംബുഭിഃ॥ 8-9-31 (55387)
ക്ഷേമധൂർതിസ്തദാ ഭീമം തോമരേണ സ്തനാന്തരേ।
നിർബിഭേദാതിവേഗേന ഷഡ്ഭിശ്ചാപ്യപരൈർനദൻ॥ 8-9-32 (55388)
സ ഭീമസേനഃ ശുശുഭേ തോമരൈരംഗമാശ്രിതൈഃ।
ക്രോധദീപ്തവപുർമേധൈഃ സപ്തസപ്തിരിവാംശമാൻ॥ 8-9-33 (55389)
തതോ ഭാസ്കരവർണാഭമഞ്ചോഗതിമയസ്മായം।
സസർജ തോമരം ഭീമഃ പ്രത്യമിത്രായ യത്നവാൻ॥ 8-9-34 (55390)
തതഃ കരൂശാധിപതിശ്ചാപമാനംയ സായകൈഃ।
ദശഭിസ്തോമരം ഭിത്ത്വാ ഷഷ്ട്യാ വിവ്യാധ പാണ്ഡവം॥ 8-9-35 (55391)
അഥ കാർമുകമാദായ ഭീമോ ജലദനിഃ സ്വനം।
രിപോരഭ്യർദയന്നാഗമുന്നദൻപാണ്ഡവാഃ ശരൈഃ॥ 8-9-36 (55392)
സ ശരൌഘാർദിതോ നാഗോ ഭീമസേനേന സംയുഗേ।
ഗൃഹ്യമാണോഽപി നാതിഷ്ഠദ്വാതോദ്ധൂത ഇവാംബുദഃ॥ 8-9-37 (55393)
തമഭ്യധാവദ്ദ്വിരദം ഭീമോ ഭീമസ്യ നാഗരാട്।
മഹാവാതേരിതം മേഘം വാതോദ്ധൂത ഇവാംബുദഃ॥ 8-9-38 (55394)
സന്നിവാര്യാത്മനോ നാഗം ക്ഷേമധൂർതിഃ പ്രതാപവാൻ।
വിവ്യാധാഭിദ്രുതം ബാണൈർഭീമസേനസ്യ കുഞ്ജരം॥ 8-9-39 (55395)
തതഃ സാധുവിസൃഷ്ടേന ക്ഷുരേണാനതപർവണാ।
ഛിത്ത്വാ ശരാസനം ശത്രോർനാഗം ചാപി പ്രമാർദയത്॥ 8-9-40 (55396)
തതഃ ക്രുദ്ധോ രണേ ഭീമം ക്ഷേമധൂർതിഃ പരാഭിനത്।
ജഘാന ചാസ്യ ദ്വിരദം നാരാചൈഃ സർവമർമസു॥ 8-9-41 (55397)
സ പപാത മഹാനാഗോ ഭീമസേനസ്യ ഭാരത।
പുരാ നാഗസ്യ പതനാദവപ്ലുത്യ സ്ഥിതോ മഹീം॥ 8-9-42 (55398)
ഭീമസേനോഽപി തന്നാഗം ഗദയാ സമപോഥയത്।
തസ്മാത്പ്രമഥിതാന്നാഗാത്ക്ഷേമധൂർതിരവപ്ലുതഃ॥ 8-9-43 (55399)
`ഉദ്ധൃത്യ സ്വംഗം നിശിതമഭ്യധാവത്സ പാണ്ഡവം'।
ഉദ്യതായുധമായാന്തം സദയാഽഹന്വൃകോദരഃ॥ 8-9-44 (55400)
സ പപാത ഹതഃ സാസിർവ്യസുസ്തമഭിതോ ദ്വിപം।
വജ്രപ്രഭഗ്നമചലം സിംഹോ വജ്രഹതോ യഥാ॥ 8-9-45 (55401)
തം ഹതം നൃപതിം ദൃഷ്ട്വാ കരൂശാനാം യശസ്കരം।
പ്രാദ്രാവദ്വ്യഥിതാ സേനാ ത്വദീയാ ഭരതർഷഭ॥ ॥ 8-9-46 (55402)
ഇതി ശ്രീമൻമഹാഭാരതേ കർണപർവണി ഷോഡശദിവസയുദ്ധേ നവമോഽധ്യായഃ॥ 9 ॥
Mahabharata - Karna Parva - Chapter Footnotes
॥ ശ്രീഃ ॥
8.10. അധ്യായഃ 010
Mahabharata - Karna Parva - Chapter Topics
ദ്വന്ദ്വയുദ്ധം॥ 1 ॥ സാത്യകിനാ വിന്ദാനുവിന്ദവധഃ॥ 2 ॥
Mahabharata - Karna Parva - Chapter Text
8-10-0 (55403)
സഞ്ചയ ഉവാച। 8-10-0x (4858)
തതഃ കർണോ മഹേഷ്വാസഃ പാണ്ഡവാനാമനീകിനീം।
ജഘാന സമരേ ശൂരഃ സന്നതപർവഭിഃ॥ 8-10-1 (55404)
തഥൈവ പാണ്ഡവാ രാജംസ്തവ പുത്രസ്യ വാഹിനീം।
കർണസ്യ പ്രമുഖേ ക്രുദ്ധാ നിജഘ്നുസ്തേ മഹാരഥാഃ॥ 8-10-2 (55405)
കർണോഽപി രാജൻസമരേ വ്യഹനത്പാണ്ഡവീം ചമൂം।
നാരാചൈരർകരശ്ംയാഭൈഃ കർമാരപരിമാർജിതൈഃ॥ 8-10-3 (55406)
തത്ര ഭാരത കർണേന നാരാചൈസ്താഡിതാ ഗജാഃ।
നേദുഃ സേദുശ്ച മംലുശ്ച ബഭ്രുമുശ്ച ദിശോ ദശ॥ 8-10-4 (55407)
വധ്യമാനേ ബലേ തസ്മിൻസൂതപുത്രേണ മാരിഷ।
നകുലോഽഭ്യദ്രവത്തൂർണം സൂതപുത്രം മഹാരണേ॥ 8-10-5 (55408)
ഭീമസേനസ്തഥാ ദ്രൌണിം കുർവാണം കർമ ദുഷ്കരം।
വിന്ദാനുവിന്ദൌ കൈകേയൌ സാത്യകിഃ സമവാരയത്॥ 8-10-6 (55409)
ശ്രുതകർമാണമായാന്തം ചിത്രസേനോ മഹീപതിഃ।
പ്രതിവിന്ധ്യസ്തഥാ ചിത്രം ചിത്രകേതനകാർമുകം॥ 8-10-7 (55410)
ദുര്യോധനസ്തു രാജാനം ധർമപുത്രം യുധിഷ്ഠിരം।
സംശപ്തകഗണാ ഹൃഷ്ടാ ഹ്യഭ്യധാവന്ധനഞ്ജയം॥ 8-10-8 (55411)
ധൃഷ്ടദ്യുംനഃ കൃപം ചാപി തസ്മിന്വീരവരക്ഷയേ।
ശിഖണ്ഡീ കൃതവർമാണം സമാസാദയദച്യുതം॥ 8-10-9 (55412)
ശ്രുതകീർതിസ്തഥാ ശല്യം മാദ്രീപുത്രഃ സുതം തവ।
ദുഃശാസനം മഹാരാജ സഹദേവഃ പ്രതാപവാൻ॥ 8-10-10 (55413)
കൈകേയൌ സാത്യകിം യുദ്ധേ ശരവർഷേണ ഭാസ്വതാ।
സാത്യകിഃ കേകയൌ ചാപി ച്ഛാദയാമാസ ഭാരത॥ 8-10-11 (55414)
താവേനം ഭ്രാതരൌ വീരൌ ജഘ്നതുർഹൃദയേ ഭൃശം।
വിഷാണാഭ്യാം യഥാ നാഗൌ പ്രതിനാഗം മഹാവനേ॥ 8-10-12 (55415)
ശരസംബിന്നവർമാണൌ താവുഭൌ ഭ്രാതരൌ രണേ।
സാത്യകിം സത്യകർമാണം രാജന്വിവ്യധതുഃ ശരൈഃ॥ 8-10-13 (55416)
തൌ സാത്യകിർമഹാരാജ പ്രഹസൻസർവതോദിശഃ।
ഛാദയഞ്ഛരവർഷേണ വാരയാമാസ ഭാരത॥ 8-10-14 (55417)
വാര്യമാണൌ തതസ്തൌ ഹി ശൈനേയശരവൃഷ്ടിഭിഃ।
ശൈനേയസ്യ രഥം തൂർണം ഛാദയാമാസതുഃ ശരൈഃ॥ 8-10-15 (55418)
തയോസ്തു ധനുഷീ ചിത്രേ ഛിത്ത്വാ ശൌരിർമഹായശാഃ।
അഥ തൌ സായകൈസ്തീക്ഷ്ണൈർവാരയാമാസ സാത്യകിഃ॥ 8-10-16 (55419)
അഥാന്യേ ധനുഷീ ചിത്രേ പ്രഗൃഹ്യ ച മഹാശരാൻ।
സാത്യകിം ഛാദയന്തൌ തൌ ചേരതുർലഘു സുഷ്ഠു ച॥ 8-10-17 (55420)
താഭ്യാം മുക്താ മഹാബാണാഃ കങ്കബർഹിണവാസസഃ।
ദ്യോതയന്തോ ദിശഃ സർവാഃ സംപേതുഃ സ്വർണഭൂഷണാഃ॥ 8-10-18 (55421)
ബാണാന്ധകാരമഭവത്തയോ രാജൻമഹാമൃധേ।
അന്യോന്യസ്യ ധനുശ്ചൈവ ചിച്ഛിദുസ്തേ മഹാരഥാഃ॥ 8-10-19 (55422)
തതഃ ക്രുദ്ധോ മഹാരാജ സാത്വതോ യുദ്ധദുർമദഃ।
ധനുരന്യത്സമാദായ സജ്യം കൃത്വാ ച സംയുഗേ॥ 8-10-20 (55423)
ക്ഷുരപ്രേണ സുതീക്ഷ്ണേന ഹ്യനുവിന്ദശിരോഽഹരത്।
അപതത്തച്ഛിരോ രാജൻകുൺ·ഡലോപചിതം മഹത്॥ 8-10-21 (55424)
ശംബരസ്യ ശിരോ യദ്വന്നിഹതസ്യ മഹാരണേ।
ശോചയൻകേകയാൻസർവാഞ്ജഗാമാശു വസുന്ധരാം॥ 8-10-22 (55425)
തം ദൃഷ്ട്വാ നിഹതം ശൂരം ഭ്രാതാ തസ്യ മഹാരഥഃ।
സജ്യമന്യദ്ധനുഃ കൃത്വാ ശൈനേയം പര്യവാരയത്॥ 8-10-23 (55426)
സ ഷഷ്ട്യാ സാത്യകിം വിദ്വ്വാ സ്വർണപുംഖൈഃ ശിലാശിതൈഃ।
നനാദ ബലവന്നാദം തിഷ്ഠതിഷ്ഠേതി ചാബ്രവീത്॥ 8-10-24 (55427)
സാത്യകിം ച തതസ്തൂർണം കേകയാനാം മഹാരഥഃ।
ശരൈരനേകസാഹസ്രൈർബാഹ്വോരുരസി ചാർപയത്॥ 8-10-25 (55428)
സ ശരൈഃ ക്ഷതസർവാംഗഃ സാത്യകിഃ സത്യവിക്രമഃ।
രരാജ സമരേ രാജൻസപുഷ്പ ഇവ കിംശുകഃ॥ 8-10-26 (55429)
സാത്യകിഃ സമരേ വിദ്വഃ കൈകേയേന മഹാത്മനാ।
കൈകേയം പഞ്ചവിംശത്യാ വിവ്യാധ പ്രഹസന്നിവ॥ 8-10-27 (55430)
താവന്യോന്യസ്യ സമരേ സഞ്ഛിദ്യ ധനുഷീ ശുഭേ।
ഹത്വാ ച സാരഥീ തൂർണം ഹയാംശ്ച രഥിനാം വരൌ॥ 8-10-28 (55431)
വിരഥാവസിയുദ്ധായ സമാജഗ്മതുരാഹവേ।
ശതചന്ദ്രചിതേ ഗൃഹ്യ ചർമണീ സുഭുജൌ തഥാ॥ 8-10-29 (55432)
വിരോചേതാം മഹാരംഗേ നിസ്ത്രിംശബരധാരിണൌ।
യഥാ ദേവാസുരേ യുദ്ധേ ജംഭശക്രൌ മഹാബലൌ॥ 8-10-30 (55433)
മണ്ഡലാനി തതസ്തൌ തു വിചന്തൌ മഹാരണേ।
അന്യോന്യമഭിതസ്തൂർണം സമാജഗ്മതുരാഹവേ॥ 8-10-31 (55434)
അന്യോന്യസ്യ വധേ ചൈവ ചക്രതുര്യത്നമുത്തമം।
കൈകേയസ്യ ദ്വിധാ ചർമ തതശ്ചിച്ഛേദ സാത്വതഃ॥ 8-10-32 (55435)
സാത്യകേസ്തു തഥൈവാസൌ ചർമ ചിച്ഛേദ പാർഥിവഃ।
ചർമ ച്ഛിത്ത്വാ തു കൈകേയസ്താരാഗണശതൈർവൃതം।
ചചാര മണ്ഡലാന്യേവ ഗതപ്രത്യാഗതാനി ച॥ 8-10-33 (55436)
തം ചരന്തം മഹാരംഗേ നിസ്ത്രിംശവരധാരിണം।
അപഹസ്തേന ചിച്ഛേദ ശൈനേയസ്ത്വരയാഽന്വിതഃ॥ 8-10-34 (55437)
സവർമാ കേകയോ രാജന്ദ്വിധാ ച്ഛിന്നോ മഹാരണേ।
നിപപാത മഹേഷ്വാസോ വജ്രാഹത ഇവാത്വലഃ॥ 8-10-35 (55438)
തം നിഹത്യ രണേ ശൂരഃ ശൈനേയോ രഥസത്തമഃ।
യുധാമന്യുരഥം തൂർണമാരുരോഹ പരന്തപഃ॥ 8-10-36 (55439)
തതോഽന്യം രഥമാസ്ഥായ വിധിവത്കൽപിതം പുനഃ।
കേകയാനാം മഹത്സൈന്യം വ്യധമത്സാത്യകിഃ ശരൈഃ॥ 8-10-37 (55440)
സാ വധ്യമാനാ സമരേ കേകയാനാം മഹാചമൂഃ।
തമുത്സൃജ്യ രണേ ശത്രും പ്രദുദ്രാവ ദിശോ ദശ॥ ॥ 8-10-38 (55441)
ഇതി ശ്രീമൻമഹാഭാരതേ കർണപർവണി ഷോഡശദിവസയുദ്ധേ ദശമോഽധ്യായഃ॥ 10 ॥
Mahabharata - Karna Parva - Chapter Footnotes
॥ ശ്രീഃ ॥
8.11. അധ്യായഃ 011
Mahabharata - Karna Parva - Chapter Topics
പ്രതിവിന്ധ്യശ്രുതകർമക്ഷ്യാം ചിത്രചിത്രസേനയോഃ സംഹാരഃ॥ 1 ॥
Mahabharata - Karna Parva - Chapter Text
8-11-0 (55442)
സഞ്ജയ ഉവാച। 8-11-0x (4859)
ശ്രുതകർമാ തതോ രാജംശ്ചിത്രസേനം മഹീപതിം।
ആജഘ്നേ സമരേ ക്രുദ്ധഃ പഞ്ചാശദ്ഭിഃ ശിലീമുഖൈഃ॥ 8-11-1 (55443)
ചിത്രസേനസ്തു തം രാജന്നവഭിർനതപർവഭിഃ।
ശ്രുതകർമാണമാഹത്യ സൂതം വിവ്യാധ പഞ്ചഭിഃ॥ 8-11-2 (55444)
ശ്രുതകർമാ തതഃ ക്രുദ്ധശ്ചിത്രസേനം ചമൂമുഖേ।
നാരാചേന സുതീക്ഷ്ണേന മർമദേശേ സമാർപയത്॥ 8-11-3 (55445)
സോഽതിവിദ്ധോ മഹാരാജ നാരാചേന മഹാത്മനാ।
മൂർച്ഛാമഭിയയൌ വീരഃ കശ്മലം ചാവിവേശ ഹ॥ 8-11-4 (55446)
ഏതസ്മിന്നന്തരേ ചൈനം ശ്രുതകീർതിർമഹായശാഃ।
നവത്യാ ജഗതീപാലം ഛാദയാമാസ പത്രിഭിഃ॥ 8-11-5 (55447)
പ്രതിലഭ്യ തതഃ സഞ്ജ്ഞാം ചിത്രസേനോ മഹാരഥഃ।
ധനുശ്ചിച്ഛേദ ഭല്ലേന തം ച വിവ്യാധ സപ്തഭിഃ॥ 8-11-6 (55448)
സോഽന്യത്കാർമുകമാദായ വേഗഘ്നം രുക്മഭൂഷിതം।
ചിത്രരൂപധരം ചക്രേ ചിത്രസേനം ശരോർമിഭിഃ॥ 8-11-7 (55449)
സ ശരൈശ്ചിത്രിതോ രാജാ ചിത്രമാല്യധരോ യുവാ।
അശോഭത മഹാരംഗേ ശ്വാവിച്ഛലലോ യഥാ॥ 8-11-8 (55450)
ശ്രുതകർമാണമഥ വൈ നാരാചേന സ്തനാന്തരേ।
ബിഭേദ തരസാ ശൂരസ്തിഷ്ഠതിഷ്ഠേതി ചാബ്രവീത്॥ 8-11-9 (55451)
ശ്രുതകർമാണി സമരേ നാരാചേന സമർപിതഃ।
സുസ്രാവ രുധിരം തത്ര ഗൈരികാംബു യഥാഽചലഃ॥ 8-11-10 (55452)
തതഃ സ രുധിരാക്താംഗോ രുധിരേണ കൃതച്ഛവിഃ।
രരാജ സമരേ വീരഃ സപുഷ്പ ഇവ കിംശുകഃ॥ 8-11-11 (55453)
ശ്രുതകർമാ തതോ രാജഞ്ശത്രുണാ സമഭിദ്രുതഃ।
ശത്രുസംവാരണം ക്രുദ്ധോ ദ്വിധാ ചിച്ഛേദ കാർമുകം॥ 8-11-12 (55454)
അഥൈനം ഛിന്നധന്വാനം നാരാചാനാം ശതൈസ്ത്രിഭിഃ।
ഛാദയൻസമരേ രാജന്വിവ്യാധ ച സുപത്രിഭിഃ॥ 8-11-13 (55455)
തതോഽപരേണ ഭല്ലേന തീക്ഷ്ണേന നിശിതേന ച।
ജഹാര സശിരസ്ത്രാണം ശിരസ്തസ്യ മഹാത്മനഃ॥ 8-11-14 (55456)
തച്ഛിരോ ന്യപതദ്ഭൂമൌ ചിത്രസേനസ്യ ദീപ്തിമത്।
യദൃച്ഛയാ യഥാ ചന്ദ്രശ്ച്യുതഃ സ്വർഗാൻമഹീതലം॥ 8-11-15 (55457)
രാജാനം നിഹതം ദൃഷ്ട്വാ തേഽഭിസാരം തു മാരിഷ।
അഭ്യദ്രവന്ത വേഗേന ചിത്രസേനസ്യ സൈനികാഃ॥ 8-11-16 (55458)
തതഃ ക്രുദ്ധോ മഹേഷ്വാസസ്തത്സൈന്യം പ്രാദ്രവച്ഛരൈഃ।
അന്തകാലേ യഥാ ക്രുദ്ധഃ സർവഭൂതാനി പ്രേതരാട്॥ 8-11-17 (55459)
തേ വധ്യമാനാഃ സമരേ തവ പൌത്രേണ ധന്വിനാ।
വ്യദ്രവന്ത ദിശസ്തൂർണം ദാവദഗ്ധാ ഇവ ദ്വിപാഃ॥ 8-11-18 (55460)
താംസ്തു വിദ്രവതോ ദൃഷ്ട്വാ നിരുത്സാഹാന്ദ്വിഷജ്ജയേ।
ദ്രാവയന്നിഷുഭിസ്തീക്ഷ്ണൈഃ ശ്രുതകർമാ വ്യരോചത॥ 8-11-19 (55461)
പ്രതിവിന്ധ്യസ്തതശ്ചിത്രം ഭിത്ത്വാ പഞ്ചഭിരാശുഗൈഃ।
സാരഥിം ച ത്രിഭിർവിദ്വ്വാ ധ്വജമേകേഷുണാപി ച॥ 8-11-20 (55462)
തം ചിത്രോ നവഭിർഭല്ലൈർബാഹ്വോരുരസി ചാർപയത്।
സ്വർണപുംഖൈഃ പ്രസന്നാഗ്നൈഃ കങ്കബർഹിണവാജിതൈഃ॥ 8-11-21 (55463)
പ്രതിവിന്ധ്യോ ധനുശ്ഛിത്ത്വാ തസ്യ ബാരത സായകേഃ।
പഞ്ചഭിർനിശിതൈർബാണൈരഥൈനം സ ഹി ജഘ്നിവാൻ॥ 8-11-22 (55464)
തതഃ ശക്തിം മഹാരാജ സ്വർണഘണ്ടാം ദുരാസദാം।
പ്രാഹിണോത്പ്രതിവിന്ധ്യായ വിചിന്വന്തീമസൂനിവ॥ 8-11-23 (55465)
താമാപതന്തീ സഹസാ ശക്തിമുൽകാമിവാംബരേ।
ദ്വിധാ ചിച്ഛേദ സമരേ പ്രതിവിന്ധ്യോ ഹസന്നിവ॥ 8-11-24 (55466)
സാ പപാത ദ്വിധാ ഛിന്നാ പ്രതിവിന്ധ്യശരൈഃ ശിതൈഃ।
യുഗാന്തേ സർവഭൂതാനി ത്രാസയന്തീ യഥാഽശനിഃ॥ 8-11-25 (55467)
ശക്തിം താം പ്രഹതാം ദൃഷ്ട്വാ ചിത്രോ ഗൃഹ്യ മഹാഗദാം।
പ്രതിവിന്ധ്യായ ചിക്ഷേപ രുക്മജാലവിഭൂഷിതാം॥ 8-11-26 (55468)
സാ ജഘാന ഹയാംസ്തസ്യ സാരഥിം ച മഹാരണേ।
രഥം പ്രമൃദ്യ വേഗേന ധരമീമന്വപദ്യത॥ 8-11-27 (55469)
ഏതസ്മിന്നേവ കാലേ തു രഥാദാപ്ലുത്യ ഭാരത।
ശക്തിം ചിക്ഷേപ ചിത്രായ സ്വർണദണ്ഡാമലങ്കൃതാം॥ 8-11-28 (55470)
താമാപതന്തീം ജഗ്രാഹ ചിത്രോ രാജൻമഹാമനാഃ।
തതസ്താമേവ ചിക്ഷേപ പ്രതിവിന്ധ്യായ പാർഥിവഃ॥ 8-11-29 (55471)
സമാസാദ്യ രണേ ശൂരം പ്രതിവിന്ധ്യം മഹാപ്രഭാ।
നിർഭിദ്യ ദക്ഷിണം ബാഹും നിപപാത മഹീതലേ।
പതിതാഽഭാസയശ്ചൈവ തം ദേശമശനിര്യഥാ॥ 8-11-30 (55472)
പ്രതിവിന്ധ്യസ്തതോ രാജംസ്തോമരം ഹേമഭൂഷിതം।
പ്രേഷയാമാസ സങ്ക്രുദ്ധശ്ചിത്രസ്യ വധകാങ്ക്ഷയാ॥ 8-11-31 (55473)
സ തസ്യ ഗാത്രാവരണം ഭിത്ത്വാ ഹൃദയമേവ ച।
ജഗാമ ധരണീം തൂർണം മഹോരഗ ഇവാശയം॥ 8-11-32 (55474)
സ പപാത തദാ രാജാ തോമരേണ സമാഹതഃ।
പ്രസാര്യ വിപുലൌ ബാഹൂ പീനൌ പിഘസന്നിഭൌ॥ 8-11-33 (55475)
ചിത്രം സംപ്രേക്ഷ്യ നിഹതം താവകാ രണശോഭിനഃ।
അഭ്യദ്രവന്ത വേഗേന പ്രതിവിന്ധ്യം സമന്തതഃ॥ 8-11-34 (55476)
സൃജന്തോ വിവിധാൻബാണാഞ്ശതഘ്നീശ്ച സകിങ്കിണീഃ।
തമവച്ഛാദയാമാസുഃ സൂര്യമഭ്രഗണാ ഇവ॥ 8-11-35 (55477)
താന്വിധംയ മഹാബാഹുഃ ശരജാലേന സംയുഗേ।
വ്യദ്രാവയത്തവ ചമൂം വജ്രഹസ്ത ഇവാസുരീം॥ 8-11-36 (55478)
തേ വധ്യമാനാഃ സമരേ താവകാഃ പാണ്ഡവൈർനൃപ।
വിപ്രകീര്യന്ത സഹസാ വാതനുന്നാ ഘനാ ഇവ॥ 8-11-37 (55479)
വിപ്രദ്രുതേ ബലേ തസ്മിന്വധ്യമാനേ സമന്തതഃ।
ദ്രൌണിരേകോഽഭ്യയാത്തൂർണം ഭീമസേനം മഹാബലം॥ 8-11-38 (55480)
തഃ സമാഗമോ ഘോരോ ബഭൂവ സഹസാ തയോഃ।
യഥാ ദൈവാസുരേ യുദ്ധേ വൃത്രവാസവയോരിവ॥ ॥ 8-11-39 (55481)
ഇതി ശ്രീമൻമഹാഭാരതേ കർണപർവണി ഷോഡശദിവസയുദ്ധേ ഏകാദശോഽധ്യായഃ॥ 11 ॥
Mahabharata - Karna Parva - Chapter Footnotes
॥ ശ്രീഃ ॥
8.12. അധ്യായഃ 012
Mahabharata - Karna Parva - Chapter Topics
ഭീമാശ്വത്ഥാംനോര്യുദ്ധം॥ 1 ॥
Mahabharata - Karna Parva - Chapter Text
8-12-0 (55482)
സഞ്ജയ ഉവാച। 8-12-0x (4860)
ഭീമസേനം തതോ ദ്രൌണീ രാജന്വിവ്യാധ പത്രിണാ।
പരയാ ത്വരയാ യുക്തോ ദർശയന്നസ്ത്രലാഘവം॥ 8-12-1 (55483)
അഥൈനം പുനരാജഘ്നേ നവത്യാ നിശിതൈഃ ശരൈഃ।
സർവമർമാണി സംപ്രേക്ഷ്യ മർമജ്ഞോ ലഘുഹസ്തവത്॥ 8-12-2 (55484)
ഭീമസേനഃ സമാകീർണോ ദ്രൌണിനാ നിശിതൈഃ ശരൈഃ।
രരാജ സമരേ രാജന്രശ്മിവാനിവ ഭാസ്കരഃ॥ 8-12-3 (55485)
തതഃ ശരസഹസ്രേണ സുപ്രയുക്തേന പാണ്ഡവഃ।
ദ്രോണപുത്രമവച്ഛാദ്യ സിംഹനാദമമുഞ്ചത॥ 8-12-4 (55486)
ശരൈഃ സരാംസ്തതോ ദ്രൌണിഃ സംവാര്യ യുധി പാണ്ഡവം।
ലലാടേഽഭ്യാഹനദ്രാജന്നാരാചേന സ്മയന്നിവ॥ 8-12-5 (55487)
ലലാടസ്ഥം തതോ ബാണം ധാരയാമാസ പാണ്ഡവഃ।
യഥാ ശൃംഗം വനേ ദൃപ്തഃ ഖംഗോ ധാരയതേ നൃപ॥ 8-12-6 (55488)
തതോ ദ്രൌണിം രണേ ഭീമോ യതമാനം പരാക്രമീ।
ത്രിഭിർവിവ്യാധ നാരാചൈർലലാടേ വിസ്മയന്നിവ॥ 8-12-7 (55489)
ലലാടസ്ഥൈസ്തതോ ബാണൈർബ്രാഹ്മണോഽസൌ വ്യശോഭത।
പ്രാവൃഷീവ യഥാ സിക്തസ്ത്രിശൃംഗഃ പർവതോത്തമഃ॥ 8-12-8 (55490)
തതഃ ശരശതൈർദ്രൌണിരർദയാമാസ പാണ്ഡവം।
ന ചൈനം കംപയാമാസ മാതരിശ്വേവ പർവതം॥ 8-12-9 (55491)
തഥൈവ പാംണ്ഡവോ യുദ്ധേ ദ്രൌണിം ശരശതൈഃ ശിതൈഃ।
നാകംപയത സംഹൃഷ്ടോ വാര്യോധ ഇവ പർവതം॥ 8-12-10 (55492)
താവന്യോന്യം ശരൈർഘോരൈശ്ഛാദയാനൌ മഹാരഥൌ।
രഥവര്യഗതൌ വീരൌ ശുശുഭാതേ ബലോത്കടൌ॥ 8-12-11 (55493)
ആദിത്യാവിവ സന്ദീപ്തൌ ലോകക്ഷയകരാവുഭൌ।
സ്വരശ്മിഭിരിവാന്യോന്യം താപയന്തൌ ശരോത്തമൈഃ॥ 8-12-12 (55494)
തതഃ പ്രവികൃതേ യത്നം കുർവാണൌ തൌ മഹാരണേ।
കൃതപ്രതികൃതേ യത്തൌ ശരസംഘൈരഭീതവത്॥ 8-12-13 (55495)
വ്യാഘ്രാവിവ ച സംഗ്രാമേ ചേരതുസ്തൌ നരോത്തമൌ।
ശരദംഷ്ട്രൌ ദുരാധർഷൌ ചാപവക്രൌ ഭയങ്കരൌ॥ 8-12-14 (55496)
അഭൂതാം താവദൃശ്യൌ ച ശരജാലൈഃ സമന്തതഃ।
മേഘജാലൈരിവ ച്ഛനൌ ഗഗനേ ചന്ദ്രഭാസ്കരൌ॥ 8-12-15 (55497)
ചകാശേതേ മുഹൂർതേന തതസ്താവപ്യരിന്ദമൌ।
വിമുക്താവഭ്രജാലേന അംഗാരകബുധാവിവ॥ 8-12-16 (55498)
അഥ തത്രൈവ സംഗ്രമേ വർതമാനേ സുദാരുണേ।
അപസവ്യം തതശ്ചക്രേ ദ്രൌണിസ്തത്ര വൃകോദരം॥ 8-12-17 (55499)
കിരഞ്ഛരശതൈരുഗ്രൈർധാരാഭിരിവ പർവതം।
ന തു തൻമമൃഷേ ഭീമഃ ശത്രോർവിജലക്ഷണം॥ 8-12-18 (55500)
പ്രതിചക്രേ തതോ രാജൻപാണ്ഡവോഽപ്യപസവ്യതഃ।
മണ്ഡലാനാം വിഭാഗേന ഗതപ്രത്യാഗതേന ച॥ 8-12-19 (55501)
ബഭൂവ തുമുലം യുദ്ധം തയോഃ പുരുഷസിംഹയോഃ।
ചരിത്വാ വിവിധാൻമാർഗാൻമണ്ഡലസ്ഥാനമേവ ച॥ 8-12-20 (55502)
ശരൈഃ പൂർണായതോത്സൃഷ്ടൈരന്യോന്യമഭിജഘ്നതുഃ।
അന്യോന്യസ്യ വധേ ചൈവ ചക്രതുര്യത്നമുത്തമം॥ 8-12-21 (55503)
ഈഷതുർവിരഥം ചൈവ കർതുമന്യോന്യമാഹവേ।
തതോ ദ്രൌണിർമഹാസ്ത്രാണി പ്രാദുശ്ചക്രേ മഹാരഥഃ॥ 8-12-22 (55504)
താന്യസ്ത്രൈരേവ സമരേ പ്രതിജഘ്നേഽഥ പാണ്ഡവഃ।
തതോ ഘോരം മഹാരാജ അസ്ത്രയുദ്ധമവർതത॥ 8-12-23 (55505)
ഗ്രഹയുദ്വം യഥാ ഘോരം പ്രജാസംഹരണേ ഹ്യഭൂത്।
തേ വാണാഃ സമസജ്ജന്ത മുക്താസ്താഭ്യാം തു ഭാരത॥ 8-12-24 (55506)
ദ്യോതഗ്രന്തോ ദിശഃ സർവാസ്തവ സൈന്യം സമന്തതഃ।
ബാണസംഘൈർവൃതം ഘോരമാകാശം സമപദ്യത॥ 8-12-25 (55507)
ഉൽകാപാതാവൃതം യുദ്ധം പ്രജാനാം സങ്ക്ഷയേ നൃപ।
ബാണാഭിഘാതാത്സഞ്ജജ്ഞേ തത്ര ഭാരത പാവകഃ॥ 8-12-26 (55508)
സവിസ്ഫുലിംഗോ ദീപ്താർചിര്യോഽദഹദ്വാഹിനീദ്വയം।
തത്ര സിദ്ധാ മഹാരാജ സംപതന്തോഽബ്രുവന്വചഃ॥ 8-12-27 (55509)
യുദ്ധാനാമതി സർവേഷാം യുദ്ധമേതദിതി പ്രഭോ।
സർവയുദ്ധാനി ചൈതസ്യ കലാം നാർഹന്തി ഷോഡശീം॥ 8-12-28 (55510)
നേദൃശം ച പുനര്യുദ്ധം ഭവിഷ്യതി കദാചന।
അഹോ ജ്ഞാനേന സംപന്നാവുഭ ബ്രാഹ്മണക്ഷത്രിയൌ॥ 8-12-29 (55511)
അഹോ ശൌര്യേണ സംപന്നാവുഭൌ ചോഗ്രപരാക്രമൌ।
അഹോ ഭീമബലോ ഭീമ ഏതസ്യ ച കൃതാസ്ത്രതാ॥ 8-12-30 (55512)
അഹോ വീര്യസ്യ സാരത്വമഹോ സൌഷ്ഠവമേതയോഃ।
സ്ഥിതാവേതൌ ഹി സമരേ കാലാന്തകയമോപമൌ॥ 8-12-31 (55513)
രുദ്രൌ ദ്വാവി സംഭൂതൌ യഥാ ദ്വാവിവ ഭാസ്കരൌ।
യമൌ വാ പുരുഷവ്യാഘ്രൌ ഘോരരൂപാവുഭൌ രണേ॥ 8-12-32 (55514)
ഇതി വാചഃ സ്മ ശ്രൂയന്തേ സിദ്ധാനാം വൈ മുഹുർമുഹുഃ।
സിംഹനാദശ്ച സഞ്ജജ്ഞേ സമേതാനാം ദിവൌകസാം॥ 8-12-33 (55515)
അദ്ഭുതം ചാപ്യചിന്ത്യം ച ദൃഷ്ട്വാ കർമ തയോ രണേ।
സിദ്വചാരണസംഘാനാം വിസ്മയഃ സമപദ്യത॥ 8-12-34 (55516)
പ്രശംസന്തി തദാ ദേവാഃ സിദ്വാശ്ച പരമർഷയഃ।
സാധു ദ്രൌണേ മഹാബാഹോ സാധു ഭീമേതി ചാബ്രുവൻ॥ 8-12-35 (55517)
തൌ ശൂരൌ സമരേ രാജൻപരസ്പരകൃതാഗസൌ।
പരസ്പരമുദീക്ഷേതാം ക്രോധാദുദ്വൃത്യ ചക്ഷുഷീ॥ 8-12-36 (55518)
ക്രോധരക്തേക്ഷണൌ തൌ തു ക്രോധാത്പ്രസ്ഫുരിതാധരൌ।
ക്രോധാത്സന്ദഷ്ടദശനൌ തഥൈവ ദശനച്ഛദൌ॥ 8-12-37 (55519)
അന്യോന്യം ഛാദയന്തൌ സ്മ ശരവൃഷ്ട്യാ മഹാരഥൌ।
ശരാംബുധാരോ സമരേ ശസ്ത്രവിദ്യുത്പ്രകാശിനൌ॥ 8-12-38 (55520)
താവന്യന്യം ധ്വജം വിദ്വ്വാ സാരഥിം ച മഹാരണേ।
അന്യോന്യസ്യ ഹയാന്വിദ്വാ ബിഭിദാതേ പരസ്പരം॥ 8-12-39 (55521)
തതഃ ക്രുദ്ധൌ മഹാരാജ ബാണൌ ഗൃഹ്യ മഹാഹവേ।
ഉഭൌ ചിക്ഷിപതുസ്തൂർമമന്യോന്യസ്യ വധൈഷിണൌ॥ 8-12-40 (55522)
തൌ സായകൌ മഹാരാജ ദ്യോതമാനൌ ചമൂമുഖേ।
ആജഘ്നതുഃ സമാസാദ്യ വജ്രവേഗൌ ദുരാസദൌ॥ 8-12-41 (55523)
തൌ പരസ്പരവേഗാച്ച ശരാഭ്യാം ച ഭൃശാഹതൌ।
നിപേതതുർമഹാവീര്യൌ രഥോപസ്ഥേ തയോസ്തദാ॥ 8-12-42 (55524)
തതസ്തു സാരഥിർജ്ഞാത്വാ ദ്രോണപുത്രമചേതനം।
അപോവാഹ രണാദ്രാജൻസർവസൈന്യസ്യ പശ്യതഃ॥ 8-12-43 (55525)
8-12-44 (55526)
തഥൈവ പാണ്ഡവം രാജന്വിഹ്വലന്തം മുഹുർമുഹുഃ।
അപോവാഹ രഥേനാജൌ വിശോകഃ ശത്രുതാപനം॥ ॥ *ഇതി ശ്രീമൻമഹാഭാരതേ കർണപർവണി ഷോഡശദിവസയുദ്ധേ ദ്വാദശോഽധ്യായഃ॥ 12 ॥ *.ഝ. പന്തകേ ഏതദനന്തരം സ്ഥിതാഃ സപ്താധ്യായാ ഏതത്പാഠേ ക്രമേണ 52-53-54-55-56-59-60 തമാധ്യായതയാ വർതന്തേ।
Mahabharata - Karna Parva - Chapter Footnotes
॥ ശ്രീഃ ॥
8.13. അധ്യായഃ 013
Mahabharata - Karna Parva - Chapter Topics
ശല്യേന ശ്രുതകീർതിപരാജയഃ॥
Mahabharata - Karna Parva - Chapter Text
8-13-0 (55527)
`സഞ്ജയ ഉവാച। 8-13-0x (4861)
ശ്രുതകീർതിമഥായാന്തം കിരന്തം നിശിതാഞ്ശരാൻ।
മദ്രരാജോ മഹാരാജ വാരയാമാസ ഹൃഷ്ടവത്॥ 8-13-1 (55528)
മദ്രരാജം സമാസാദ്യ ശ്രുതകീർതിർമഹാരഥഃ।
വിവ്യാധ ഭല്ലൈർവിശത്യാ കാർതസ്വരവിഭൂഷിതൈഃ॥ 8-13-2 (55529)
പ്രതിവിവ്യാധ തം ശല്യം ത്രിഭിസ്തൂർണമജിഹ്മഗൈഃ।
സാരഥിം ചാസ്യ ഭല്ലേന ഭൃശം വിവ്യാധ ഭാരത॥ 8-13-3 (55530)
സ ശല്യം ശരവർഷേണ ച്ഛാദയാമാസ സംയുഗേ।
മുമോച നിശിതാൻബാണാൻമദ്രരാജരഥം പ്രതി॥ 8-13-4 (55531)
തതഃ ശല്യോ മഹാരാജ ശ്രുതകീർതിഭുജച്യുതാൻ।
ചിച്ഛേദ സമരേ ബാണാസൻബണൈഃ സന്നതപർവഭിഃ॥ 8-13-5 (55532)
ശ്രുതകീർതിസ്തതഃ ശ്ല്യം ഭിത്ത്വാ നവഭിരായസൈഃ।
സാരഥിം ത്രിഭിരാനർച്ഛത്പുനഃ ശല്യം ച പ·ഞ്ചഭിഃ॥ 8-13-6 (55533)
തസ്യ ശല്യോ ധനുശ്ഛിത്ത്വാ ഹസ്താവാപം നികൃത്യ ച।
വിവ്യാധ സമരേ തൂർണം സപ്തഭിസ്തം ശരോത്തമൈഃ॥ 8-13-7 (55534)
അഥാന്യദ്ധനുരാദായ ശ്രുതകീർതിർമഹാരഥഃ।
ഭദ്രേശ്വരം ചതുഃഷഷ്ട്യാ ബാഹ്വോരുരസി ചാർപയത്॥ 8-13-8 (55535)
തതസ്തു സമരേ രാജംസ്തേന വിദ്വഃ ശിലീമുഖൈഃ।
xxവിവ്യാധ തം ചാപി നവത്യാ നിശിതൈഃ ശരൈഃ॥ 8-13-9 (55536)
തസ്യ മദ്രേശ്വരശ്ചാപം പുനശ്ചിച്ഛേദ മാരിഷ।
സ ച്ഛിന്നധന്വാ സമരേ ഗദാം ചിക്ഷേപ സത്വരഃ॥ 8-13-10 (55537)
പട്ടൈർജാംബൂനദൈർബദ്ധാം രുപ്യപട്ടൈശ്ച ഭാരത।
ഭ്രാജമാനാം യഥാ നാരീം ദിവ്യവസ്ത്രവിഭൂഷിതാം॥ 8-13-11 (55538)
താമാപതന്തീം സഹസാ ദീപ്യമാനാശനിപ്രഭാം।
ശരൈരനേകസാഹസ്രൈർവ്യഷ്ടംഭയത മദ്രരാട്॥ 8-13-12 (55539)
വിഷ്ടഭ്യ ച ഗദാം വീരഃ പാതയിത്വാ ച ഭൂതലേ।
ശ്രുകീർതിമഥായത്തോ രാജന്വിവ്യാധ പഞ്ചഭിഃ॥ 8-13-13 (55540)
തസ്യ ശക്തിം രമേ ഭൂയശ്ചിക്ഷേപ ഭുജോപമാം।
താം ദ്വിധാ ചാഛിനച്ഛല്യോ മേദിന്യാം സാ ത്വശീര്യത॥ 8-13-14 (55541)
തസ്യ ശല്യഃ ക്ഷുരപ്രേണ യന്തുഃ കായാച്ഛിരോഽഹരത്।
ബാലഹസ്താദ്യഥാ ശ്യേന ആമിഷം വൈ നരോത്തമ॥ 8-13-15 (55542)
സ പപാത രഥോപസ്ഥാത്സാരഥിസ്തസ്യ ഭാരത।
തതസ്തേ പ്രാദ്രവൻസംഖ്യേ ഹയ്നാസ്തസ്യ മഹാത്മനഃ॥ 8-13-16 (55543)
പലായമാനൈസ്തൈരശ്വൈഃ സോപനീതോ രമാജിരാത്।
ശ്രുതകീർതിർമഹാരാജ പശ്യതാം സർവയോധിനാം॥ 8-13-17 (55544)
തതോ മദ്രേശ്വരോ രാജാ പാണ്ഡവാനാമനീകിനീം।
വ്യഗാഹത മുദാ യുക്തോ നലിനീം ദ്വിരദോ യഥാ॥ 8-13-18 (55545)
ലോലയാമാസ സ ബലം സിംഹഃ പശുഗണാനിവ।
ശല്യസ്തത്ര മഹാരംഗേ പാണ്ഡവാനാം മഹാത്മനാം॥ 8-13-19 (55546)
നിപാത്യ പാണ്ഡുപാഞ്ചാലാൻപൃതനാസു വ്യവസ്ഥിതഃ।
അശോഭത രണേ ശല്യോ വിധൂമോഽഗ്നിരിവ ജ്വലൻ॥ 8-13-20 (55547)
സേനാകക്ഷം മഹദ്ദഗ്ധ്വാ കക്ഷമഗ്നിരിവോത്ഥിതഃ।
സ്ഥിതോ രരാജ സമരേ പുരം ദഗ്ധ്വേവ ശങ്കരഃ॥ ॥ 8-13-21 (55548)
ഇതി ശ്രീമൻമഹാഭാരതേ കർണപർവണി ഷോഡശദിവസയുദ്ധേ ത്രയോദശോഽധ്യായഃ॥ 13 ॥
॥ ശ്രീഃ ॥
8.14. അധ്യായഃ 014
Mahabharata - Karna Parva - Chapter Topics
സഹദേവേന ദുഃശാസനപരാജയഃ॥ 1 ॥
Mahabharata - Karna Parva - Chapter Text
8-14-0 (55549)
സഞ്ജയ ഉവാച। 8-14-0x (4862)
സഹദേവം തഥാ ക്രുദ്ധം നിഘ്നന്തം തവ വാഹിനീം।
ദുഃശാസനോ മഹാരാജ ഭ്രാതാ ഭ്രാതരമഭ്യയാത്॥ 8-14-1 (55550)
തൌ സമേതൌ മഹാരാജ ദൃഷ്ട്വാ തത്ര മഹാരഥാഃ।
സിംഹനാദരവാംശ്ചക്രുർവാസാംസ്യാദുധുവുശ്ച ഹ॥ 8-14-2 (55551)
തതോ ഭാരത രുഷ്ടേന തവ പുത്രേണ ധന്വിനാ।
പാണ്ഡുപുത്രസ്ത്രിഭിർബാണൈർവക്ഷസ്യഭിഹതോ ബലീ॥ 8-14-3 (55552)
സഹദേവസ്തതോ രാജന്നാരാചേന തവാത്മജം।
വിദ്വ്വാ വിവ്യാധ സപ്തത്യാ സാരഥിം ച ത്രിഭിഃ ശരൈഃ॥ 8-14-4 (55553)
ദുഃശാസനസ്തതശ്ചാപം ഛിത്ത്വാ രാജൻമഹാഹവേ।
സഹദേവം ത്രിസപ്തത്യാ ബാഹോരുരസി ചാർപയത്॥ 8-14-5 (55554)
സഹദേവസ്തു സങ്ക്രുദ്ധഃ ഖംഗം ഗൃഹ്യ മഹാഹവേ।
ആവിധ്യ പ്രാസൃജത്തൂർണം തവ പുത്രഥം പ്രതി॥ 8-14-6 (55555)
സമാർഗണഗുണം ചാപം ഛിത്ത്വാ തസ്യ മഹാനസിഃ।
നിപപാത തതോ ഭൂമൌ ച്യുതഃ സർപ ഇവാംബരാത്॥ 8-14-7 (55556)
അഥാന്യദ്ധനുരാദായ സഹദേവഃ പ്രതാപവാൻ।
ദുഃശാസനായ ചിക്ഷേപ ബാണമന്തകരം തതഃ॥ 8-14-8 (55557)
തമാപതന്തം വിശിഖം യമദണ്ഡോപമത്വിഷം।
ഖംഗേന ശിതധാരേണ ദ്വിധാ ചിച്ഛേദ കൌരവഃ॥ 8-14-9 (55558)
തതസ്തം നിശിതം ഖംഗമാവിധ്യ യുധി സത്വരഃ।
ധനുശ്ചാന്യത്സമാദായ ശരം ജഗ്രാഹ വീര്യവാൻ॥ 8-14-10 (55559)
തമാപതന്തം സഹസാ നിസ്ത്രിംശം നിശിതൈഃ ശരൈഃ।
പാതയാമാസ സമരേ സഹദേവോ ഹസന്നിവ॥ 8-14-11 (55560)
തതോ ബാണാംശ്ചതുഃ ഷഷ്ടിം തവ പുത്രോ മഹാരണേ।
സഹദേവരഥം തൂർണം പ്രേഷയാമാസ ഭാരത॥ 8-14-12 (55561)
താച്ഛരാൻസമരേ രാജന്വേഗേനാപപതോ ബഹൂൻ।
ഏകൈകം പഞ്ചഭിർബാണൈഃ സഹദേവോ ന്യകൃതന്തത॥ 8-14-13 (55562)
സന്നിവാര്യ മഹാബാണാൻസഹദേവഃ പ്രതാപവാൻ।
അഥാസ്മൈ സുബഹൂൻബാണാൻപ്രേഷയാമാസ സംയുഗേ॥ 8-14-14 (55563)
താന്വാണാംസ്തവ പുത്രോഽപി ഛിത്ത്വൈകൈകം ത്രിഭിഃ ശരൈഃ।
നനാദ സുമഹാനാദം നാദയാനോ വസുന്ധരാം॥ 8-14-15 (55564)
തതോ ദുഃശാസനോ രാജന്ദ്വാഭ്യാം പാണ്ഡുസുതം രണേ।
സാരഥിം നവഭിർബാണൈർമാദ്രോയസ്യ സമാചിനോത്॥ 8-14-16 (55565)
തതഃ ക്രുദ്ധോ മഹാരാജ സദഹേവഃ പ്രതാപവാൻ।
സമാധത്ത ശരം ഘോരം മൃത്യുകാലാന്തകോപമം॥ 8-14-17 (55566)
വികൃഷ്യ ബലവച്ചാപം തവ പുത്രായ സോഽസൃജത്।
സ തം നിർഭിദ്യ വേഗേന ഭിത്ത്വാ ച കവചം മഹത്॥ 8-14-18 (55567)
പ്രാവിശദ്വരണീം രാജന്വൽമീകമിവ പന്നഗഃ।
തതഃ സംമുമുഹേ രാജംസ്തവ പുത്രോ മഹാരഥഃ॥ 8-14-19 (55568)
മൂഢം ചൈനം സമാലോക്യ സാരഥിസ്ത്വരിതോ രഥം।
അപോവാഹ ഭൃശം ത്രസ്തോ വധ്യമാനം ശിതൈഃ ശരൈഃ॥ 8-14-20 (55569)
പരാജിത്യ രണേ തം തു കൌരവ്യം പാണ്ഡുനന്ദനഃ।
ദുര്യോധനബലം ദൃഷ്ട്വാ പ്രമമാഥ സമന്തതഃ॥ 8-14-21 (55570)
പിപീലികപുടം രാജന്യഥാ മൃദ്ഗന്നരോ രുഷാ।
തഥാ സാ കൌരവീ സേനാ മൃദിതാ തേന ഭാരത॥ ॥ 8-14-22 (55571)
ഇതി ശ്രീമൻമഹാഭാരതേ കർണപർവണി ഷോഡശദിവസയുദ്ധേ ചതുർദശോഽധ്യായഃ॥ 14 ॥
Mahabharata - Karna Parva - Chapter Footnotes
॥ ശ്രീഃ ॥
8.15. അധ്യായഃ 015
Mahabharata - Karna Parva - Chapter Topics
കർണനകുലയോര്യുദ്ധം॥ 1 ॥ കർണേന നകുലസ്യ പരാഭാവനപൂർവകം സോപഹാസമധിക്ഷേപഃ॥ 2 ॥
Mahabharata - Karna Parva - Chapter Text
8-15-0 (55572)
സഞ്ജയ ഉവാച। 8-15-0x (4863)
നകുലം രഭസം യുദ്ധേ ദ്രാവയന്തം വരൂഥിനീം।
കർണോ വൈകർതനോ രാജന്വാരയാമാസ വൈ രുഷാ॥ 8-15-1 (55573)
നകുലസ്തു തതഃ കർണം പ്രഹസന്നിദമബ്രവീത്॥
ചിരസ്യ ബത ദൃഷ്ടോഽഹം ദൈവതൈഃ സൌംയചക്ഷുഷാ। 8-15-2 (55574)
യസ്യ മേ ത്വം രണേ പാപ ചക്ഷുർവിഷയമാഗതഃ॥
ത്വം ഹി മൂലമനർഥാനാം വൈരസ്യ കലഹസ്യ ച। 8-15-3 (55575)
ത്വദ്ദോഷാത്കുരവഃ ക്ഷീണാഃ സമാസാദ്യ പരസ്പരം।
ത്വാമദ്യ സമരേ ഹത്വാ കൃതകൃത്യോഽസ്മി വിജ്വരഃ॥ 8-15-4 (55576)
ഏവമുക്തഃ പ്രത്യുവാച നകുലം സൂതനന്ദനഃ।
സദൃശം രാജപുത്രസ്യ ധന്വിനശ്ച വിശേഷതഃ॥ 8-15-5 (55577)
പ്രഹരസ്വ ച മേ വീര പശ്യാമസ്തവ പൌരുഷം।
കർമ കൃത്വാ രമേ ശൂര തതഃ കത്ഥിതുമർഹസി॥ 8-15-6 (55578)
അനുക്ത്വാ സമരേ താത ശൂരാ യുധ്യന്തി ശക്തിതഃ।
പ്രയുധ്യസ്വ മയാ ശക്ത്യാ ഹനിഷ്യേ ദർപമേവ തേ॥ 8-15-7 (55579)
ഇത്യുക്ത്വാ പ്രാഹരത്തൂർണം പാണ്ഡുപുത്രായ സൂതജഃ।
വിവ്യാധ ചൈനം സമരേ ത്രിസപ്തത്യാ ശിലീമുഖൈഃ॥ 8-15-8 (55580)
നകുലസ്തു തതോ വിദ്വഃ സൂതപുത്രേണ ഭാരത।
അശീത്യാഽഽശീവിഷപ്രഖ്യൈഃ സൂതപുത്രമവിധ്യത॥ 8-15-9 (55581)
തസ്യ കർണോ ധനുശ്ഛിത്ത്വാ സ്വർണപുംഖൈഃ ശിലാശിതൈഃ।
ത്രിംശതാ പരമേഷ്വാസഃ ശരൈഃ പാണ്ഡവമർദയത്॥ 8-15-10 (55582)
തേ തസ്യ കവചം ഭിത്ത്വാ പപുഃ ശോണിതമാഹവേ।
ആശീവിഷാ യഥാ നാഗാ ഭിത്ത്വാ ഗാം സലിലം പപുഃ॥ 8-15-11 (55583)
അഥാന്യദ്വനുരാദായ ഹേമപൃഷ്ഠം ദുരാസദം।
കർണം വിവ്യാധ സപ്തത്യാ സാരഥിഞ്ച ത്രിഭിഃ ശരൈഃ॥ 8-15-12 (55584)
തതഃ ക്രുദ്ധോ മഹാരാജ നകുലഃ പരവീഹാ।
ക്ഷുരപ്രേണ സുതീക്ഷ്ണേന കർണസ്യ ധനുരാച്ഛിനത്॥ 8-15-13 (55585)
അഥൈനം ഛിന്നധന്വാനം സായകാനാം ശതൈസ്ത്രിഭിഃ।
ആജഘ്നേ പ്രഹസന്വീരഃ സർവലോകമഹാരഥം॥ 8-15-14 (55586)
കർണമഭ്യർദിതം ദൃഷ്ട്വാ പാണ്ഡുപുത്രേണ മാരിഷ।
വിസ്മയം പരമം ജഗ്മുർഋഷയഃ സഹ ദൈവതൈഃ॥ 8-15-15 (55587)
അഥാന്യദ്വനുരാദായ കർണോ വൈകർതനസ്തദാ।
നകുലം പഞ്ഛഭിർബാണൈർജത്രുദേശേ സമാർപയത്॥ 8-15-16 (55588)
ഉരസ്ഥൈരഥ തൈർബാണൈർമാദ്രീപുത്രോ വ്യരോചത।
സ്വരശ്മിഭിരിവാദിത്യോ ഭുവനേ വിസൃജൻപ്രഭാം॥ 8-15-17 (55589)
നകുലസ്തു തതഃ കർണം വിദ്വ്വാ സപ്തഭിരാശുഗൈഃ।
അഥാസ്യ ധനുഷഃ കോടിം പുനശ്ചിച്ഛേദ മാരിഷ॥ 8-15-18 (55590)
സോഽന്യത്കാർമുകമാദായ സമരേ വേഗവത്തരം।
നകുലസ്യ തതോ ബൈണൈഃ സമന്താച്ഛാദയദ്ദിശഃ॥ 8-15-19 (55591)
സഞ്ഛാദ്യമാനഃ സഹസാ കർണചാപ്യുതൈഃ സരൈഃ।
ചിച്ഛേദ സ ശരാംസ്തൂർണം ശരൈരേവ മഹാരഥഃ॥ 8-15-20 (55592)
തതോ ബാണമയം ജാലം വിതതം വ്യോംന്യദൃശ്യത।
ഖദ്യോതാനാമിവ വ്രാതൈഃ സംപതദ്ഭിര്യഥാ നഭഃ॥ 8-15-21 (55593)
തൈർവിമുക്തൈഃ ശരശതൈശ്ഛാദിതം ഗഗനം തദാ।
ശലഭാനാം യഥാ വ്രാതൈസ്തദ്വദാസീദ്വിശാംപതേ॥ 8-15-22 (55594)
തേ ശരാ ഹേമവികൃതാഃ സംപന്തൌ മുഹുർമുഹുഃ।
ശ്രേണീകൃതാ വ്യകാശാന്ത ക്രൌഞ്ചാഃ ശ്രേണീകൃതാ ഇവ॥ 8-15-23 (55595)
ബാണജാലവൃതേ വ്യോംനി ച്ഛാദിതേ ച ദിവാകരേ।
ന സ്മ സംപതതേ ഭൂതം കിഞ്ചിദപ്യന്തരിക്ഷഗം॥ 8-15-24 (55596)
നിരുദ്വേ തത്ര മാർഗേ ച ശരസംഘൈഃ സമന്തതഃ।
വ്യരോചേതാം മഹാത്മാനൌ കാലസൂര്യാവിവോദിതൌ॥ 8-15-25 (55597)
കർണചാപച്യുതൈർബാണൈർവധ്യമാനാസ്തു സോമകാഃ।
അവാലീയന്ത രാജേന്ദ്ര വേദനാർതാ ഭൂശാർദിതാഃ॥ 8-15-26 (55598)
നകുലസ്യ തഥാ ബാണൈർഹന്യമാനാ ചമൂസ്തവ।
വ്യശീര്യത ദിശോ രാജന്വാതനുന്നാ ഇവാംബുദാഃ॥ 8-15-27 (55599)
തേ സേനേ ഹന്യമാനേ തു താഭ്യാം ദിവ്യൈർമഹാശരൈഃ।
ശരപാതമപാക്രംയ തസ്ഥതുഃ പ്രേക്ഷികേ തദാ॥ 8-15-28 (55600)
പ്രോത്സാരിതജനേ തസ്മിൻകർണപാണ്ഡവയോഃ ശരൈഃ।
അവിധ്യേതാം മഹാത്മാനാവന്യോന്യം ശരവൃഷ്ടിഭിഃ॥ 8-15-29 (55601)
വിദർശയന്തൌ ദിവ്യാനി ശസ്ത്രാണി രണമൂർധനി।
ഛാദയന്തൌ ച സഹസാ പരസ്പരവധൈഷിണൌ॥ 8-15-30 (55602)
നകുലേന ശരാ മുക്താ കങ്കബർഹിണവാസസഃ।
സൂതപുത്രമവച്ഛാദ്യ വ്യതിഷ്ഠന്ത യഥാഽംബരേ॥ 8-15-31 (55603)
തഥൈവ സൂതപുത്രേണ പ്രേഷിതാഃ പരമാഹവേ।
പാണ്ഡുപുത്രമവച്ഛാദ്യ വ്യതിഷ്ഠന്താംബരേ ശരാഃ॥ 8-15-32 (55604)
ശരവേശ്മപ്രവിഷ്ടൌ തൌ ദദൃശാതേ ന കൈശ്ചന।
സൂര്യാചന്ദ്രമസൌ രാജഞ്ഛാദ്യമാനൌ ഘനൈരിവ॥ 8-15-33 (55605)
തതഃ ക്രുദ്ധോ രണേ കർണഃ കൃത്വാ ഘോരതരം വപുഃ।
പാണ്ഡവം ഛാദയാമാസ സമന്താച്ഛരവൃഷ്ടിഭിഃ॥ 8-15-34 (55606)
സോഽതിച്ഛന്നോ മഹാരാജ സൂതപുത്രേണ പാണ്ഡവഃ।
ന ചകാര വ്യഥാം രാജൻഭാസ്കരോ ജലദൈര്യഥാ॥ 8-15-35 (55607)
തതഃ പ്രഹസ്യാധിരഥിഃ ശരജാലാനി മാരിഷ।
പ്രേഷയാമാസ സമരേ ശതശോഽഥ സഹസ്രശഃ॥ 8-15-36 (55608)
ഏകച്ഛായമഭൂത്സർവം തസ്യ ബാണൈർമഹാത്മനഃ॥
അഭ്രച്ഛായേവ സഞ്ജജ്ഞേ സംപതദ്ഭിഃ ശരോത്തമൈഃ॥ 8-15-37 (55609)
തതഃ കർണോ മഹാരാജ ധനുശ്ഛിത്ത്വാ മഹാത്മനഃ।
സാരഥിം പാതയാമാസ രഥനീഡാദ്വസന്നിവ॥ 8-15-38 (55610)
തതോഽശ്വാംശ്ഛതുരശ്ചാസ്യ ചതുർഭിർനിശിതൈഃ ശരൈഃ।
യമസ്യ ഭവനം തൂർണം പ്രേഷയാമാസ ഭാരത॥ 8-15-39 (55611)
അഥാസ്യ തം രഥം ദിവ്യം തിലശോ വ്യധമച്ഛരൈഃ।
പതാകാം ചക്രരക്ഷാംശ്ച ഗദാം ഖംഗം ച മാരിഷ॥ 8-15-40 (55612)
ശതചന്ദ്രം ച തച്ചർമ സർവാപകരണാനി ച।
`സുവർണവികൃതം തച്ച ധനുഃ ശരമാഹവേ'॥ 8-15-41 (55613)
ഹതാശ്വോ വിരഥശ്ചൈവ വിവർമാ ച വിശാംപതേ।
അവതീര്യ രഥാത്തൂർണം പരിഘം ഗൃഹ്യ ധിഷ്ഠിതഃ॥ 8-15-42 (55614)
തമുദ്യതം മഹാരഘോരം പരിഘം തസ്യ സൂതജഃ।
വ്യഹനത്സായകൈ രാജൻസുതീക്ഷ്ണൈർഭാരസാധനൈഃ॥ 8-15-43 (55615)
വ്യായുധം ചൈനമാലക്ഷ്യ ശരൈഃ സന്നതപർവഭിഃ।
ആർപയദ്ബഹുഭിഃ കർണോ ന ചൈനം സമപീഡയത്॥ 8-15-44 (55616)
സ ഹന്യമാനഃ സമരേ കൃതാസ്ത്രേണ ബലീയസാ।
പ്രാദ്രവത്സഹസാ രാജന്നകുലോ വ്യാകുലേന്ദ്രിയഃ॥ 8-15-45 (55617)
തമഭിദ്രുത്യ രാധേയഃ പ്രഹസന്വൈ പുനഃപുനഃ।
സജ്യമസ്യ ധനുഃ കണ്ഠേ വ്യവാസൃജത ഭാരത॥ 8-15-46 (55618)
തതഃ സ ശുശുഭേ രാജൻകണ്ഠാസക്തമഹാധനുഃ।
പരിവേഷമനുപ്രാപ്തോ യഥാ സ്യാദ്വ്യോംനി ചന്ദ്രമാഃ॥ 8-15-47 (55619)
യഥൈവ ചാസിതോ മേഘഃ ശക്രചാപേന ശോഭിതഃ।
`അശോഭത മഹാരാജ പാണ്ഡുപുത്രസ്തഥാ രണേ'॥ 8-15-48 (55620)
തമബ്രവീത്തതഃ കർണോ വ്യർഥം വ്യാഹൃതവാനസി।
വദേദാനീം പുനർഹൃഷ്ടോ വധ്യമാനഃ പുനഃപുനഃ॥ 8-15-49 (55621)
മാ യോത്സീഃ കുരുഭിഃ സാർധം ബലവദ്ഭിശ്ച പാണ്ഡവ।
സദൃശൈസ്താത യുധ്യസ്വ വ്രീഡാം മാ കുരു പാണ്ഡവ॥ 8-15-50 (55622)
ഗൃഹം വാ ഗച്ഛ മാദ്രേയ യത്ര വാ കൃഷ്ണഫൽഗുനൌ।
ഏവമുക്ത്വാ മഹാരാജ വിസസർജ സ തം തദാ॥ 8-15-51 (55623)
വധപ്രാപ്തം തു തം ശൂരോ നാഹനദ്വർമവിത്തദാ।
സ്മൃത്വാ കുന്ത്യാ വചോ രാജംസ്തത ഏനം വ്യസർജയത്॥ 8-15-52 (55624)
വിസൃഷ്ടഃ പാണ്ഡവോ രാജൻസൂതപുത്രേണ ധന്വിനാ।
വ്രീഡന്നിവ ജഗാമാഥ യുധിഷ്ഠിരരഥം പ്രതി॥ 8-15-53 (55625)
ആരുരോഹ രഥം ചാപി സൂതപുത്രപ്രതാപിതഃ।
നിഃശ്വസന്ദുഃഖസന്തപ്തഃ കുംഭക്ഷിപ്ത ഇവോരഗഃ॥ 8-15-54 (55626)
തം വിജിത്യാഥ കർണോഽപി പാഞ്ചാലാംസ്ത്വരിതോ യയൌ।
രഥേനാതിപതാകേന ചന്ദ്രവർണഹയേന ച॥ 8-15-55 (55627)
തത്രാക്രന്ദോ മഹാനാസീത്പാണ്ഡവാനാം വിശാംപതേ।
ദൃഷ്ട്വാ സേനാപതിം യാന്തം പാഞ്ചാലാനാം രഥവ്രജാൻ॥ 8-15-56 (55628)
തത്രാകരോൻമഹാരാജ കദനം സൂതനന്ദനഃ।
മധ്യം പ്രാപ്തേ ദിനകരേ ചക്രവദ്വിചരൻപ്രഭുഃ॥ 8-15-57 (55629)
ഭഗ്നചക്രൈ രഥൈഃ കൈശ്ചിച്ഛിന്നധ്യവജപതാകിഭിഃ।
ഹതാശ്വൈർഹതസൂതൈശ്ച ഭഗ്നാക്ഷൈശ്ചൈവ മാരിഷ।
ഹിയമാണാനപശ്യാമ പാഞ്ചാലാനാം രഥവ്രജാൻ॥ 8-15-58 (55630)
തത്രതത്ര ച സംഭ്രാന്താ വിചേരുരഥ കുഞ്ജരാഃ।
ദാവാഗ്ന്യഭിപരീതാംഗാ യഥൈവ സ്യുർമഹാവനേ॥ 8-15-59 (55631)
ഭിന്നകുംഭാഃ സരുധിരാശ്ഛിന്നഹസ്താശ്ച വാരണാഃ।
ഛിന്നഗാത്രാവരാശ്ചൈവ ച്ഛിന്നവാലധയോഽപരേ।
ഛിന്നാഭ്രാണീവ സംപേതുർഹന്യമാനാ മഹാത്മനാ॥ 8-15-60 (55632)
അപരേ ത്രാസിതാ നാഗാ നാരാചശരതോമരൈഃ।
തമേവാഭിമുഖം ജഗ്മുഃ ശലഭാ ഇവ പാവകം॥ 8-15-61 (55633)
അപരേ നിഷ്ടനന്തശ്ച വ്യദൃശ്യന്ത മഹാദ്വിപാഃ।
ക്ഷരന്തഃ ശോണിതം ഗാത്രൈർനഗാ ഇവ ജലസ്രവാഃ॥ 8-15-62 (55634)
ഉരശ്ഛദൈർവിയുക്താംശ്ച വാലബന്ധൈശ്ച വാജിനഃ।
രാജതൈശ്ച തഥാ കാംസ്യൈഃ സൌവർണൈശ്ചൈവ ഭൂഷണൈഃ॥ 8-15-63 (55635)
ഹീനാംശ്ചാഭരണൈശ്ചൈവ ഖലീനൈശ്ച വിവർജിതാൻ।
ചാമരൈശ്ച കുഥാഭിശ്ച തൂണീരൈഃ പതിതൈരപി॥ 8-15-64 (55636)
നിഹതൈഃ സാദിഭിശ്ചൈവ ശൂരൈരാഹവശോഭിതൈഃ।
അപശ്യാമ രണേ തത്ര ഭ്രാംയമാണാൻഹയോത്തമാൻ॥ 8-15-65 (55637)
പ്രാസൈഃ ഖംഗൈശ്ച രഹിതാനൃഷ്ടിഭിശ്ചാപി ഭാരത।
ഹയസാദീനപശ്യാമ കഞ്ചുകോഷ്ണീഷധാരിണഃ॥ 8-15-66 (55638)
നിഹതാന്വധ്യമാനാംശ്ച വേപമാനാംശ്ച ഭാരത।
നാഗാംഗാവയവൈർഹീനാംസ്തത്രതത്രൈവ ഭാരത॥ 8-15-67 (55639)
രഥാൻഹേമപരിഷ്കാരാൻസംയുക്താഞ്ജവനൈർഹയൈഃ।
ഭ്രാംയമാണാനപശ്യാമ ഹതേഷു രഥിഷു ദ്രുതം॥ 8-15-68 (55640)
ഭഗ്നാക്ഷകൂബരാൻകാംശ്ചിദ്ഭഗ്നചക്രാംശ്ച ഭാരത।
വിപതാകധ്വജാംശ്ചാന്യാഞ്ഛിന്നേഷാദണ്ഡബന്ധുരാൻ॥ 8-15-69 (55641)
വിഹീനാന്രഥിനസ്തത്ര ധാവമാനാംസ്തതസ്തതഃ।
സൂതപുത്രശരൈസ്തീക്ഷ്ണൈർഹന്യമാനാന്വിശാംപതേ॥ 8-15-70 (55642)
വിശസ്ത്രാംശ്ച തഥൈവാന്യാൻസശസ്ത്രാംശ്ച ഹതാൻബഹൂൻ।
താരകാജാലസഞ്ഛന്നാന്വരഘണ്ടാവിശോഭിതാൻ॥ 8-15-71 (55643)
നാനാവർണവിചിത്രാഭിഃ പതാകാഭിരലങ്കൃതാൻ।
വാരമആനനുപശ്യാമ ധാവമാനാൻസമന്തതഃ॥ 8-15-72 (55644)
ശിരാംസി ബാഹൂനൂരൂംശ്ച ച്ഛിന്നാനന്യാംസ്തഥൈവ ച।
കർണചാപച്യുതൈർബാണൈരപശ്യാമ സമന്തതഃ॥ 8-15-73 (55645)
മഹാന്വ്യതികരോ രൌദ്രോ യോധാനാമന്വപദ്യത।
കർണസായകനുന്നാനാം യുധ്യതാം ച ശിതൈഃ ശരൈഃ॥ 8-15-74 (55646)
തേ വധ്യമാനാഃ സമരേ സൂതപുത്രേണ സൃഞ്ജയാഃ।
തമേവാഭിമുഖം യാന്തി പതംഗാ ഇവ പാവകം॥ 8-15-75 (55647)
തം ദഹന്തമനീകാനി തത്രതത്ര മഹാരഥം।
ക്ഷത്രിയാ വർജയാമാസുര്യുഗാന്താഗ്നിമിവോൽബണം॥ 8-15-76 (55648)
ഹതശേഷാസ്തു യേ വീരാഃ പാഞ്ചാലാനാം മഹാരഥാഃ।
താൻപ്രഭഗ്രാന്ദുതാന്വീരഃ പൃഷ്ഠോ വികിര·ഞ്ഛരൈഃ।
അഭ്യധാവത തേജസ്വീ വിശീർണവചനധ്വജാൻ॥ 8-15-77 (55649)
താപയാമാസ താൻബാണൈഃ സൂതപുത്രോ മഹാബലഃ।
മധ്യന്ദിനമനുപ്രാപ്തോ ഭൂതാനീവ തമോനുദഃ॥ ॥ 8-15-78 (55650)
ഇതി ശ്രീമൻമഹാഭാരതേ കർണപർവണി ഷോഡശദിവസയുദ്ധേ പഞ്ചദശോഽധ്യായഃ॥ 15 ॥
Mahabharata - Karna Parva - Chapter Footnotes
॥ ശ്രീഃ ॥
8.16. അധ്യായഃ 016
Mahabharata - Karna Parva - Chapter Topics
യുയുത്സൂലൂകയോര്യുദ്ധം॥ 1 ॥ ശകുനിസുതസോമയോര്യുദ്ധം॥ 2 ॥
Mahabharata - Karna Parva - Chapter Text
8-16-0 (55651)
സഞ്ജയ ഉവാച। 8-16-0x (4864)
യുയുത്സം തവ പുത്രസ്യ ദ്രാവയന്തം ബലം മഹത്।
ഉലൂകോ ന്യപതത്തൂർണം തിഷ്ഠതിഷ്ഠേതി ചാബ്രവീത്॥ 8-16-1 (55652)
യുയുത്സുശ്ച തതോ രാജഞ്ശിതധാരേണ പത്രിണാ।
ഉലൂകം താഡയാമാസ വജ്രേണേവ മഹാബലം॥ 8-16-2 (55653)
ഉലൂകസ്തു തതഃ ക്രുദ്ധസ്തവ പുത്രസ്യ സംയുഗേ।
ക്ഷുരപ്രേണ ധനുശ്ഛിത്ത്വാ താഡയാമാസ കർണിനാ॥ 8-16-3 (55654)
തദപാസ്യ ധനുശ്ഛിന്നം യുയുത്സർവേഗവത്തരം।
അന്യദാദത്ത സുമഹച്ചാപം സംരക്തലോചനഃ॥ 8-16-4 (55655)
ശാകുനിം തു തതഃ ഷഷ്ട്യാ വിവ്യാധ ഭരതർഷഭ।
സാരഥിം ത്രിഭിരാനർച്ഛത്തം ച ഭൂയോ വ്യവിധ്യത॥ 8-16-5 (55656)
ഉലൂകസ്തം തു വിംശത്യാ വിദ്വ്വാ സ്വർണവിഭൂഷിതൈഃ।
അഥാസ്യ സമരേ ക്രുദ്ധോ ധ്വജം ചിച്ഛേദ കാഞ്ചനം॥ 8-16-6 (55657)
സ ച്ഛിന്നയഷ്ടിഃ സുമഹാഞ്ശീര്യമാണോ മഹാധ്വജഃ।
പപാത പ്രമുഖേ രാജന്യുയുത്സോഃ കാഞ്ചനധ്വജഃ॥ 8-16-7 (55658)
ധ്വജമുൻമഥിതം ദൃഷ്ട്വാ യുയുത്സുഃ ക്രോധമൂർച്ഛിതഃ।
ഉലൂകം പഞ്ചഭിർബാണൈരാജഘാന സ്തനാന്തരേ॥ 8-16-8 (55659)
ഉലൂകസ്തസ്യ സമരേ തൈലധൌതേന മാരിഷ।
ശിരശ്ചിച്ഛേദ ഭല്ലേന യന്തുർഭരതസത്തമ॥ 8-16-9 (55660)
തച്ഛിന്നമപതദ്ഭൂമൌ യുയുത്സോഃ സാരഥേസ്തദാ।
താരാരൂപം യഥാ ചിത്രം നിപപാത മഹീതലേ॥ 8-16-10 (55661)
ജഘാന ചതുരോഽശ്വാംശ്ച തം ച വിവ്യാധ പഞ്ചഭിഃ।
സോഽതിവിദ്വോ ബലവതാ പ്രത്യപായാദ്രഥാന്തരം॥ 8-16-11 (55662)
തം നിർജിത്യ രണേ രാജന്നുലൂകസ്ത്വരിതോ യയൌ।
പാഞ്ചാലാൻസൃഞ്ജയാംശ്ചൈവ വിനിഘ്നന്നിശിതൈഃ ശരൈഃ॥ 8-16-12 (55663)
ശതാനീകം മഹാരാജ ശ്രുതകർമാ സുതസ്തവ।
വ്യശ്വസൂതരഥം ചക്രേ നിമേഷാർധാദസംഭ്രമഃ॥ 8-16-13 (55664)
ഹതാശ്വേ തു രഥേ തിഷ്ഠഞ്ശതാനീകോ മഹാരഥഃ।
ഗദാം ചിക്ഷേപ സങ്ക്രുദ്ധസ്തവ പുത്രസ്യ മാരിഷ॥ 8-16-14 (55665)
സാ കൃത്വാ സ്യന്ദനം ഭസ്മ ഹയാംശ്ചൈവ സസാരഥീൻ।
പപാത ധരണീം തൂർണം ദാരയന്തീവ ഭാരത॥ 8-16-15 (55666)
താവുഭൌ വിരഥൌ വീരൌ കുരൂണാം കീർതിവർധനൌ।
വ്യപാക്രമേതാം യുദ്വാത്തു പ്രേക്ഷമാണൌ പരസ്പരം॥ 8-16-16 (55667)
പുത്രസ്തു തവ സംഭ്രാന്തോ വിവിംശോ രഥമാരുഹത്।
ശതാനീകോഽപി ത്വരിതഃ പ്രതിവിന്ധ്യരഥം ഗതഃ॥ 8-16-17 (55668)
സുതമോമം തു ശകുനിർവിദ്വ്വാ തു നിശിതൈഃ ശരൈഃ।
നാകംപയത സങ്ക്രുദ്വോ വാര്യോഘ ഇവ പർവതം॥ 8-16-18 (55669)
സുതസോമസ്തു തം ദൃഷ്ട്വാ പിതുരത്യന്തവൈരിണം।
ശരൈരനേകസാഹസ്രൈശ്ഛാദയാമാസ ഭാരത॥ 8-16-19 (55670)
താഞ്ശരാഞ്ശകുനിസ്തൂർണം ചിച്ഛേദാന്യൈഃ പതത്രിഭിഃ।
ലഘ്വസ്ത്രശ്ചിത്രയോധീ ച ജിതകാശീ ച സംയുഗേ॥ 8-16-20 (55671)
നിവാര്യ സമരേ ചാപി ശരാംസ്താന്നിശിതൈഃ ശരൈഃ।
ആജഘാന സുസങ്ക്രുദ്ധഃ സുതസോമം ത്രിഭിഃ ശരൈഃ॥ 8-16-21 (55672)
`നാകംപയത സങ്ക്രുദ്ധോ വാര്യോഘ ഇവ പർവതം'।
തസ്യാശ്വാൻകേതനം സൂതം തിലശോ വ്യധമച്ഛരൈഃ।
ശ്യാലസ്തവ മഹാരാജ തത ഉച്ചുക്രുശുർജനാഃ॥ 8-16-22 (55673)
ഹതാശ്വോ വിരഥശ്ചൈവ ഛിന്നകേതുശ്ച മാരിഷ।
ധന്വീ ധനുർവരം ഗൃഹ്യ രഥാദ്ഭൂമാവതിഷ്ഠത॥ 8-16-23 (55674)
വ്യസൃജത്സായകാംശ്ചൈവ സ്വർണപുംഖാഞ്ശിലാശിതാൻ।
ഛാദയാമാസുരഥ തേ തവ ശ്യാലസ്യ തം രഥം।
ശളഭാനാമിവ വ്രാതാഃ ശരവ്രാതാ മഹാരഥം॥ 8-16-24 (55675)
സഞ്ഛാദ്യമാനോഽപി ദൃഢം വിവ്യഥേ നൈവ സൌബലഃ।
പ്രമമാഥ ശരാംസ്തസ്യ ശരവ്രാതൈർമഹായശാഃ॥ 8-16-25 (55676)
തത്രാതുഷ്യന്ത യോധാശ്ച സിദ്വാശ്ചാപി ദിവി സ്ഥിതാഃ।
സുതസോമസ്യ തത്കർമ ദൃഷ്ട്വാഽശ്രദ്വേയമദ്ഭുതം।
രഥസ്ഥം ശകുനിം യത്തു പദാതിഃ സമയോധയത്॥ 8-16-26 (55677)
തസ്യ തീക്ഷ്ണൈർമഹാവേഗൈർഭല്ലൈഃ സന്നതപർവഭിഃ।
വ്യഹനത്കാരാമുകം രാജംസ്തൂണീരാംശ്ചൈവ സർവശഃ॥ 8-16-27 (55678)
സ ച്ഛിന്നധന്വാ വിരഥഃ ഖംഗമുദ്യംയ ചാനദത്।
വൈദൂര്യോത്പലവർണാഭം ദന്തിദന്തമയത്സരും॥ 8-16-28 (55679)
ഭ്രാംയമാണം തതസ്തം തു വിമലാംബരവർചസം।
കാലദണ്ഡോപമം മേനേ സുതസോമസ്യ ധീമതഃ॥ 8-16-29 (55680)
സോഽചരത്സഹസാ ഖംഗീ മണ്ഡലാനി സഹസ്രശഃ।
ചതുർദശ മഹാരാജ ശിക്ഷാബലസമന്വിതഃ॥ 8-16-30 (55681)
ഭ്രാന്തമുദ്ധാന്തമാവിദ്ധമാപ്ലുതം വിപ്ലുതം സൃതം।
സംപാതസമുദീർണേ ച ദർശയാമാസ സംയുഗേ॥ 8-16-31 (55682)
സൌബലസ്തു തതസ്തസ്യ ശരാംശ്ചിക്ഷേപ വീര്യവാൻ।
താനാപതത ഏവാശു ചിച്ഛേദ പരമാസിനാ॥ 8-16-32 (55683)
തതഃ ക്രുദ്ധോ മഹാരാജ സൌബലഃ പരവീരഹാ।
പ്രാഹിണോത്സുതസോമായ ശരാനാശീവിഷോപമാൻ॥ 8-16-33 (55684)
ചിച്ഛേദ താംസ്തു ഖംഗേന ശിക്ഷയാ ച ബലേന ച।
ദർശയംʼല്ലാഘവം യുദ്ധേ താർക്ഷ്യതുല്യപരാക്രമഃ॥ 8-16-34 (55685)
തസ്യ സഞ്ചരതോ രാജൻമണ്ഡലാവർതനേ തദാ।
ക്ഷുരപ്രേണ സുതീക്ഷ്ണേന ഖംഗം ചിച്ഛേദ സുപ്രഭം॥ 8-16-35 (55686)
സ ച്ഛിന്നഃ സഹസാ ഭൂമൌ നിപപാത മഹാനസിഃ।
അധർമസ്യ സ്ഥിതം ഹസ്തേ സുത്സരോസ്തത്ര ഭാരത॥ 8-16-36 (55687)
ഛിന്നമാജ്ഞായ നിസ്ത്രിംശമവപ്ലുത്യ പദാനി ഷട്।
പ്രാവിധ്യത തതഃ ശേഷം സുതസോമോ മഹാരഥഃ॥ 8-16-37 (55688)
തച്ഛിത്ത്വാ സഗുണം ചാപം രണേ തസ്യ മഹാത്മനഃ।
പപാത ധരണീം തൂർണം സ്വർണവജ്രവിഭൂഷിതം॥ 8-16-38 (55689)
സുതസോമസ്തതോഽഗച്ഛച്ഛ്രുതകീർതേർമഹാരഥം।
സൌബലോഽപി ധനുർഗൃഹ്യ ഘോരമന്യത്സുദുർജയം॥ 8-16-39 (55690)
അഭ്യയാത്പാണ്ഡവാനീകം നിഘ്നഞ്ശത്രുഗണാൻബഹൂൻ।
തത്ര നാദോ മഹാനാസീത്പാണ്ഡവാനാം വിശാംപതേ॥ 8-16-40 (55691)
സൌബലം സമരേ ദൃഷ്ട്വാ വിചരന്തമഭീതവത്।
താന്യനീകാനി ദൃപ്താനി ശസ്ത്രവന്തി മഹാന്തി ച।
ദ്രാവ്യമാണാന്യദൃശ്യന്ത സൌബലേന മഹാത്മനാ॥ 8-16-41 (55692)
യഥാ ദൈത്യചമൂം രാജന്ദേവരാജോ മമർദ ഹ।
തഥൈവ പാൺ·വീം സേനാം സൌബലേയോ വ്യനാശയത്॥ ॥ 8-16-42 (55693)
ഇതി ശ്രീമൻമഹാഭാരതേ കർണപർവണി ഷോഡശദിവസയുദ്ധേ ഷോഡശോഽധ്യായഃ॥ 16 ॥
Mahabharata - Karna Parva - Chapter Footnotes
॥ ശ്രീഃ ॥
8.17. അധ്യായഃ 017
Mahabharata - Karna Parva - Chapter Topics
കൃപകൃതവർമക്ഷ്യാം ധൃഷ്ടദ്യുംനശിഖണ്ഡിനോഃ പരാജയഃ॥ 1 ॥
Mahabharata - Karna Parva - Chapter Text
8-17-0 (55694)
സഞ്ജയ ഉവാച। 8-17-0x (4865)
ധൃഷ്ടദ്യുംനം കൃപോ രാജന്വാരയാമാസ സംയുഗേ।
യഥാ ദൃഷ്ട്വാ വനേ സിംഹം ശരഭോ വാരയേദ്യുധി॥ 8-17-1 (55695)
നിരുദ്വഃ പാർഷതസ്തേന ഗൌതമേന ബലീയസാ।
പദാത്പദം വിചലിതും നാശകത്തത്ര ഭാരത॥ 8-17-2 (55696)
ഗൌതമസ്യ രഥം ദൃഷ്ട്വാ ധൃഷ്ടദ്യുംനരഥം പ്രതി।
വിത്രേസുഃ സർവഭൂതാനി ക്ഷയം പ്രാപ്തം ച മേനിരേ॥ 8-17-3 (55697)
തദാ ജൽപന്തി പാണ്ഡൂനാം രഥിനഃ സാദിനസ്തഥാ।
ദ്രോണസ്യ നിധനാന്നൂനം സങ്ക്രുദ്വോ ദ്വിപദാം വരഃ॥ 8-17-4 (55698)
ശാരദ്വതോ മഹാതേജാ ദിവ്യാസ്ത്രവിദുദാരധീഃ।
അപി സ്വസ്തി ഭവേദദ്യ ധൃഷ്ടദ്യുംനസ്യ ഗൌതമാത്॥ 8-17-5 (55699)
അപീയം വാഹിനീ കൃത്സ്നാ മുച്യേത മഹതോ ഭയാത്।
അപ്യയം ബ്രാഹ്മണഃ സർവാന്ന നോ ഹന്യാത്സമാഗതാൻ॥ 8-17-6 (55700)
യാദൃശം ദൃശ്യതേ രൂപമന്തകപ്രതിമം രണേ।
ഗമിഷ്യത്യദ്യ പദവീം ഭാരദ്വാജസ്യ ഗൌതമഃ॥ 8-17-7 (55701)
ആചാര്യഃ ക്ഷിപ്രഹസ്തശ്ച വിജയീ ച സദാ യുധി।
അസ്ത്രവാന്വീര്യസംപന്നഃ ക്രോധേന ച സമന്വിതഃ॥ 8-17-8 (55702)
പാർഷതശ്ച മഹായുദ്വേ വിമുഖോഽദ്യാഭിലക്ഷ്യതേ।
ഇത്യേവം വിവിധാ വാചസ്താവകാനാം പരൈഃ സഹ।
വ്യശ്രൂയന്ത മഹാരാജ തയോസ്തത്ര സമാഗമേ॥ 8-17-9 (55703)
വിനിഃശ്വസ്യ തതഃ ക്രോധാത്കൃപഃ ശാരദ്വതോ നൃപ।
പാർഷതം ചാർദയാമാസ നിശ്ചേഷ്ടം സർവമർമസു॥ 8-17-10 (55704)
സ ഹന്യമാനഃ സമരേ ഗൌതമേന മഹാത്മനാ।
കർതവ്യം ന സ്മ ജാനാതി മോഹേന മഹതാ വൃതഃ॥ 8-17-11 (55705)
തമബ്രവീത്തതോ യന്താ കഞ്ചിത്ക്ഷേമം തു പാർഷത।
ഈദൃശം വ്യസനം യുദ്ധേ ന തേ ദൃഷ്ടം മയാ ക്വചിത്॥ 8-17-12 (55706)
ദൈവയോഗാത്തു തേ ബാണാ നാപതൻമർമഭേദിനഃ।
പ്രേഷിതാ ദ്വിജമുഖ്യേന മർമാണ്യുദ്ദിശ്യ സർവതഃ॥ 8-17-13 (55707)
വ്യാവർതയേ രഥം തൂർണം നദീവേഗമിവാർണവാത്।
അവധ്യം ബ്രാഹ്മണം മന്യേ യേന തേ വിക്രമോ ഹതഃ॥ 8-17-14 (55708)
ധൃഷ്ടദ്യുംനസ്തതോ രാജഞ്ശനകൈരബ്രവീദ്വചഃ।
മുഹ്യതേ മേ മനസ്താത ഗാത്രസ്വേദശ്ച ജായതേ॥ 8-17-15 (55709)
വേപഥുശ്ച ശരീരേ മേ രോമഹർഷശ്ച സാരഥേ।
വർജയൻബ്രാഹ്മണം യുദ്ധേ ശനൈര്യാഹി യതോഽർജുനഃ॥ 8-17-16 (55710)
അർജുനം ഭീമസേനം വാ സമരേ പ്രാപ്യ സാരഥേ।
ക്ഷേമമദ്യ ഭവേൻമഹ്യമിതി മേ നൈഷ്ഠികീ മതിഃ॥ 8-17-17 (55711)
തതഃ പ്രായാൻമഹാരാജ സാരഥിസ്ത്വരയൻഹയാൻ।
യതോ ഭീമോ മഹേഷ്വാസോ യുയുധേ തവ സൈനികൈഃ॥ 8-17-18 (55712)
പ്രദ്രുതം ച രഥം ദൃഷ്ട്വാ ധൃഷ്ടദ്യുംനസ്യ മാരിഷ।
കിരഞ്ശരശതാന്യേവ ഗൌതമോഽനുയയൌ തദാ॥ 8-17-19 (55713)
ശംഖം ച പൂരയാമാസ മുഹുർമുഹുരരിന്ദമഃ।
പാർഷതം ത്രാസയാമാസ മഹേന്ദ്രോ നമുചിം യഥാ॥ 8-17-20 (55714)
ശിഖണ്ഡിനം തു സമരേ ഭീഷ്മമൃത്യും ദുരാസദം।
ഹാർദിക്യോ വാരയാമാസ സ്മയന്നിവ മുഹുർമുഹുഃ॥ 8-17-21 (55715)
ശിഖണ്ഡീ തു സമാസാദ്യ ഹൃദികാനാം മഹാരഥം।
പഞ്ചഭിർനിശിതൈർഭല്ലൈർജത്രുദേശേ സമാഹനത്॥ 8-17-22 (55716)
കൃതവർമാ തു സങ്ക്രദ്ധോ ഭിത്ത്വാ ഷഷ്ട്യാ പതത്രിഭിഃ।
ധനുരേകേന ചിച്ഛേദ ഹസന്രാജൻമഹാരഥഃ॥ 8-17-23 (55717)
അഥാന്യദ്വനുരാദായ ദ്രുപദസ്യാത്മജോ ബലീ।
തിഷ്ഠതിഷ്ഠേതി സങ്ക്രുദ്ധോ ഹാർദിക്യം പ്രത്യഭാഷത॥ 8-17-24 (55718)
തതോഽസ്യ നവതിം ബാണാന്രുക്മപുംഖാൻസുതേജനാൻ।
പ്രേഷയാമാസ രാജേന്ദ്ര തേഽസ്യാഭ്രശ്യന്ത വർമണഃ॥ 8-17-25 (55719)
വിതഥാംസ്താൻസമാലക്ഷ്യ പതിതാംശ്ച മഹീതലേ।
ക്ഷുരപ്രേണ സുതീക്ഷ്ണേന കാർമുകം ചിച്ഛിദേ ഭൃശം॥ 8-17-26 (55720)
അഥൈനം ഛിന്നധന്വാനം ഭഗ്നശൃംഗമിവർഷഭം।
അശീത്യാ മാർഗണൈഃ ക്രുദ്ധോ ബാഹ്വോരുരസി ചാർപയത്॥ 8-17-27 (55721)
കൃതവർമാ തു സങ്ക്രുദ്ധോ മാർഗണൈഃ ക്ഷതവിക്ഷതഃ।
വവാമ രുധിരം ഗാത്രൈഃ കുംഭവക്രാദിവോദകം॥ 8-17-28 (55722)
രുധിരേണ പരിക്ലിന്നഃ കൃതവർമാ ത്വരാജത।
വർഷേണ ക്ലേദിതോ രാജന്യഥാ ഗൈരികപർവതഃ॥ 8-17-29 (55723)
അഥാന്യദ്വനുരാദായ സമാർഗണഗുണം പ്രഭുഃ।
ശിഖണ്ഡിനം ബാണഗണൈഃ സ്കന്ധദേശേ വ്യതാഡയത്॥ 8-17-30 (55724)
സ്കന്ധദേശസ്ഥിതൈർബാണൈഃ ശിഖണ്ഡീ തു വ്യരാജത।
ശാഖാപ്രശാഖാവിപുലഃ സുമഹാൻപാദപോ യഥാ॥ 8-17-31 (55725)
താവന്യോന്യം ഭൃശം വിദ്വ്വാ രുധിരേണ സമുക്ഷിതൌ।
`പോപ്ലുയമാനൌ ഹി യഥാ മഹാന്തൌ ശോണിതഹദേ।
തദ്വദ്വിരേജതുർവീരൌ ശോണിതേന പരിപ്ലുതൌ॥ 8-17-32 (55726)
യഥാ ച കിംശുകൌ ഫുല്ലൌ പുഷ്പമാസേ സമാഗതേ।
രുധിരോക്ഷിതസർവാംഗൌ രക്തചന്ദനരൂഷിതൌ।
ഭുജഗാവിവ സങ്ക്രുദ്ധൌ രേജതുസ്തൌ നരോത്തമൌ॥ 8-17-33 (55727)
താവുഭൌ ശരവനുന്നാംഗൌ പരസ്പരശരക്ഷതൌ'।
അന്യോന്യശൃംഗാഭിഹതൌ രേജതുർവൃഷഭാവിവ॥ 8-17-34 (55728)
അന്യോന്യസ്യ വധേ യത്നം കുർവാണൌ തൌ മഹാരഥൌ।
രഥാഭ്യാം ചേരതുസ്തത്ര മണ്ഡലാനി സഹസ്രശഃ॥ 8-17-35 (55729)
കൃതവർമാ മഹാരാജ പാർഷതം നിശിതൈഃ ശരൈഃ।
രണേ വിവ്യാധ സപ്തത്യാ സ്വർണപുംഗൈഃ ശിലാശിതൈഃ॥ 8-17-36 (55730)
തതോഽസ്യ സമരേ ബാണം ഭോജഃ പ്രഹരതാം വരഃ।
ജീവിതാന്തകരം ഘോരം വ്യസൃജത്ത്വരയാഽന്വിതഃ॥ 8-17-37 (55731)
സ തേനാഭിഹതോ രാജൻമൂർച്ഛാമാശു സമാവിശത്।
ധ്വജയഷ്ടിം ച സഹസാ ശിശ്രിയേ കശ്മലാവൃതഃ॥ 8-17-38 (55732)
അപോവാഹ രണാത്തൂർണം സാരഥീ രഥിനാം വരം।
ഹാർദിക്യശരസന്തപ്തം നിഃശ്വസന്തം പുനഃപുനഃ॥ 8-17-39 (55733)
പരാജിതേ തതഃ ശൂരേ ദ്രുപദസ്യാത്മജേ പ്രഭോ।
വ്യദ്രവത്പാണ്ഡവീ സേനാ വ്യധമാനാ സമന്തതഃ॥ ॥ 8-17-40 (55734)
ഇതി ശ്രീമൻമഹാഭാരതേ കർണപർവണി ഷോഡശദിവസയുദ്ധേ സപ്തദശോഽധ്യായഃ॥ 17 ॥
Mahabharata - Karna Parva - Chapter Footnotes
॥ ശ്രീഃ ॥
8.18. അധ്യായഃ 018
Mahabharata - Karna Parva - Chapter Topics
അർജുനേന സംശപ്തകപരാജയഃ॥ 1 ॥
Mahabharata - Karna Parva - Chapter Text
8-18-0 (55735)
സഞ്ജയ ഉവാച। 8-18-0x (4866)
ശ്വേതാശ്വോഽപി മഹാരാജ വ്യധമത്താവകം ബലം।
യഥാ വായുഃ സമാസാദ്യ തൂലരാശിം സമന്തതഃ॥ 8-18-1 (55736)
പ്രത്യുദ്യയുസ്ത്രിഗർതാസ്തം ശിബയഃ കൌരവൈഃ സഹ।
വസാതയോഽഥ സാൽവാശ്ച ഗോപാലാശ്ച യശസ്വിനഃ॥ 8-18-2 (55737)
സത്യദേവഃ സത്യകീർതിർമിത്രദേവഃ ശ്രുതഞ്ജയഃ।
സൌശ്രുതിശ്ചന്ദ്രദേവശ്ച മിത്രവർമാ ച ഭാരത॥ 8-18-3 (55738)
ത്രിഗർതരാജഃ സമരേ ഭ്രാതൃഭിഃ പരിവാരിതഃ।
പുത്രൈശ്ചൈവ മഹേഷ്വാസൈർനാനാശസ്ത്രവിശാരദൈഃ॥ 8-18-4 (55739)
വ്യസൃജന്ത ശസ്ത്രാതാൻകിരന്തോഽർജുനമാഹവേ।
അഭ്യവർതന്ത സഹസാ വാര്യോഘാ ഇവ സാഗരം॥ 8-18-5 (55740)
തേ ത്വർജുനം സമാസാദ്യ യോധാഃ ശതസഹസ്രശഃ।
അഗച്ഛന്വിലയം സർവേ താർക്ഷ്യം ദൃഷ്ട്വേവ പന്നഗാഃ॥ 8-18-6 (55741)
തേ ഹന്യമാനാഃ സമരേ ന ജഹുഃ പാണ്ഡവം രണേ।
ഹന്യമാനാ മഹാരാജ ശലഭാ ഇവ പാവകം॥ 8-18-7 (55742)
സത്യദേവസ്ത്രിഭിർബാണൈർവിവ്യാധ യുധി പാണ്ഡവം।
മിത്രദേവസ്ത്രിഷഷ്ട്യാ തു ചന്ദ്രദേവസ്തു സപ്തഭിഃ॥ 8-18-8 (55743)
മിത്രവർമാ ത്രിസപ്തത്യാ സൌശ്രുതിശ്ചാപി സപ്തഭിഃ।
ശ്രുതഞ്ജയസ്തു വിംശത്യാ സുശർമാ നവഭിഃ ശരൈഃ॥ 8-18-9 (55744)
സ വിദ്വോ ബഹുഭിഃ സംഖ്യേ പ്രതിവിവ്യാധ താന്നൃപാൻ।
സൌശ്രുതിം സപ്തഭിർവിദ്വ്വാ ചന്ദ്രദേവം ത്രിഭിഃ ശരൈഃ॥ 8-18-10 (55745)
ശ്രുതഞ്ജയം ച വിംശത്യാ ചന്ദ്രദേവം തഥാഽഷ്ടഭിഃ।
മിത്രദേവം ശതേനൈവ സത്യദേവം ത്രിഭിഃ ശരൈഃ॥ 8-18-11 (55746)
നവഭിർമിത്രവർമാണം സുശർമാണം തഥാഽഷ്ടഭിഃ।
ശ്രുതഞ്ജയം ച രാജാനം ഹത്വാ തത്ര ശിലാശിതൈഃ॥ 8-18-12 (55747)
സൌശ്രുതേഃ സശിരസ്ത്രാണം ശിരഃ കായാദപാഹരത്।
ത്വരിതശ്ചന്ദ്രദേവം ച ശരൈർനിന്യേ യമക്ഷയം॥ 8-18-13 (55748)
തഥേതരാൻമഹാരാജ യതമാനാൻമഹാരഥാൻ।
പഞ്ചഭിഃ പഞ്ചഭിർബാണൈരേകൈകം പ്രത്യവാരയത്॥ 8-18-14 (55749)
സത്യദേവസ്തു സങ്ക്രുദ്വസ്തോമരം വ്യസൃജൻമഹത്।
സമുദ്ദിശ്യ രണേ കൃഷ്ണം സിംഹനാദം നനാദ ച॥ 8-18-15 (55750)
സ നിർഭിദ്യ ഭുജം സവ്യം മാധവസ്യ മഹാത്മനഃ।
അയസ്മയഃ സ്വർണദണ്ഡോ ജഗാമ ധരണീം തദാ॥ 8-18-16 (55751)
മാധവസ്യ തു വിദ്ധസ്യ തോമരേണ മഹാരണേ।
പ്രതോദഃ പ്രാപതദ്വസ്താദ്രശ്മയശ്ച വിശാംപതേ॥ 8-18-17 (55752)
വാസുദേവം വിഭിന്നാംഗം ദൃഷ്ട്വാ പാർഥോ ധനഞ്ജയഃ।
ക്രോധമാഹാരയത്തീവ്രം കൃഷ്ണം ചേദമുവാച ഹ॥ 8-18-18 (55753)
പ്രാപയാശ്വാൻമഹാബാഹോ സത്യദേവം പ്രതി പ്രഭോ।
യാവദേനം ശരൈസ്തീക്ഷ്ണൈർനയാമി യമസാദനം॥ 8-18-19 (55754)
പ്രതോദം ഗൃഹ്യ സോഽന്യത്തു രശ്മീൻസംഗൃഹ്യ ച ദ്രുതം।
വാഹയാമാസ താനശ്വാൻസത്യദേവരഥം പ്രതി॥ 8-18-20 (55755)
വിഷ്വക്സേനം സുനിർവിദ്വം ദൃഷ്ട്വാ പാർഥോ ധനഞ്ജയഃ।
സത്യദേവം ശരൈസ്തീക്ഷ്ണൈർവാരയിത്വാ മഹാരഥഃ॥ 8-18-21 (55756)
തതഃ സുനിശിതൈർഭല്ലൈ രാജ്ഞസ്തസ്യ മഹച്ഛിരഃ।
കുംഡലോപചിതം കായാച്ചകർത പൃതനാന്തരേ॥ 8-18-22 (55757)
തന്നികൃത്യ ശിതൈർബാണൈർഭിത്രവർമാണമാക്ഷിപത്।
വത്സദന്തേന തീക്ഷ്ണേന സാരഥിം ചാസ്യ മാരിഷ॥ 8-18-23 (55758)
തതഃ ശരശതൈർഭൂയഃ സംശപ്തകഗണാൻബലീ।
പാതയാമാസ സങ്ക്രുദ്വഃ ശതശോഽഥ സഹസ്രശഃ॥ 8-18-24 (55759)
തതോ രജതപുംഖേന രാജഞ്ശീർഷം മഹാത്മനഃ।
മിത്രദേവസ്യ ചിച്ഛേദ ക്ഷുരപ്രേണ മഹാരഥഃ।
സുശർമാണം സുസങ്ക്രുദ്ധോ ജത്രുദേശേ സമാഹനത്॥ 8-18-25 (55760)
തതഃ സംശപ്തകാഃ സർവേ പരിവാര്യ ധനഞ്ജയം।
ശസ്ത്രൌഘൈർമമൃദുഃ ക്രുദ്വാ നാദയന്തോ ദിശോ ദശ॥ 8-18-26 (55761)
അഭ്യർദിതസ്തു തജ്ജിഷ്ണുഃ ശക്രതുല്യപരാക്രമഃ।
ഐന്ദ്രമസ്ത്രമമേയാത്മാ പ്രാദുശ്ചക്രേ മഹാരഥഃ॥ 8-18-27 (55762)
തതഃ ശരസഹസ്രാണി പ്രാദുരാസന്വിശാംപതേ।
`കാർമുകാത്പാണ്ഡുപുത്രസ്യ പാർഥസ്യാമിതതേജസഃ'॥ 8-18-28 (55763)
തതസ്തു ച്ഛിദ്യമാനാനാം ധ്വജാനാം ധനുഷാം തഥാ।
രഥാനാം സപതാകാനാം തൂണീരാണാം യുഗൈഃ സഹ॥ 8-18-29 (55764)
അക്ഷാണാമഥ ചക്രാണാം യോക്ത്രാണാം രശ്മിഭിഃ സഹ।
കൂബരാണാം വരൂഥാനാം പൃഷത്കാനാം ച സംയുഗേ॥ 8-18-30 (55765)
അശ്വാനാം പതതാം ചാപി പ്രാസാനാമൃഷ്ടിഭിഃ സഹ।
ഗദാനാം പരിഘാനാം ച ശക്തിതോമരപട്ടസൈഃ॥ 8-18-31 (55766)
ശതഘ്നീനാം സചക്രാണാം ഭുജാനാം ചോരുഭിഃ സഹ।
കണ്ഠസൂത്രാംഗദാനാം ച കേയൂരാണാം ച മാരിഷ॥ 8-18-32 (55767)
ഹാരാണാമഥ നിഷ്കാണാം തനുത്രാണാം ച ഭാരത।
ഛത്രാണാം വ്യജനാനാം ച ശിരസാം കുമുടൈഃ സഹ।
രാശയശ്ചാത്ര ദൃശ്യന്തേ പതിതാനാം മഹീതലേ॥ 8-18-33 (55768)
സകുണ്ഡലാനി സ്വക്ഷീമി പൂർണചന്ദ്രനിഭാനി ച।
ശിരാംസ്യുർവ്യാമദൃശ്യന്ത താരാജാലമിവാംബരേ॥ 8-18-34 (55769)
സുസ്രഗ്വീണി സുവാസാംസി ചന്ദനേനോക്ഷിതാനി ച।
ശരീരാണി വ്യദൃശ്യന്ത നിഹതാനാം മഹീതലേ॥ 8-18-35 (55770)
രുദ്രസ്യാക്രീഡസദൃശം ഘോരമായോധനം തദാ॥ 8-18-36 (55771)
നിഹതൈ രാജപുത്രൈശ്ച ക്ഷത്രിയൈശ്ച മഹാബലൈഃ।
`അർജുനേന മഹാരാജ തത്രതത്ര മഹാരണേ'॥ 8-18-37 (55772)
ഹസ്തിഭിഃ പതിതൈശ്ചൈവ തുരംഗൈശ്ചാഭവൻമഹീ।
അഗംയരൂപാ സമരേ വിശീർണൈരിവ പർവതൈഃ॥ 8-18-38 (55773)
നാസീദ്രഥപഥസ്തസ്യ പാണ്ഡവസ്യ മഹാത്മനഃ।
നിഘ്നതഃ ശാത്രവാൻഭല്ലൈർഹസ്ത്യശ്വം ചാസ്യതോ മഹത്॥ 8-18-39 (55774)
സ്വാനുഗാ ഇവ സീദന്തി രഥചക്രാണി മാരിഷ।
ചരതസ്തസ്യ സംഗ്രാമേ തസ്മിംല്ലോഹിതകർദമേ॥ 8-18-40 (55775)
സീദമാനാനി ചക്രാണി സമുഹൂസ്തുരഗാ ഭൃശം।
ശ്രമേണ മഹതാ യുക്താ മനോമാരുതരംഹസഃ॥ 8-18-41 (55776)
വധ്യമാനം തു തത്സൈന്യം പാണ്ഡുപുത്രേണ ധന്വിനാ।
പ്രായശോ വിമുഖം സർവം നാവതിഷ്ഠത ഭാരത॥ 8-18-42 (55777)
താഞ്ജിത്വാ സമരേ ജിഷ്ണുഃ സംശപ്തകഗണാൻബഹൂൻ।
വിരരാജ തദാ പാർഥോ വിധൂമോഽഗ്നിരിവ ജ്വലൻ॥ ॥ 8-18-43 (55778)
ഇതി ശ്രീമൻമഹാഭാരതേ കർണപർവണി ഷോഡശദിവസയുദ്ധേ അഷ്ടാദശോഽധ്യായഃ॥ 18 ॥
Mahabharata - Karna Parva - Chapter Footnotes
॥ ശ്രീഃ ॥
8.19. അധ്യായഃ 019
Mahabharata - Karna Parva - Chapter Topics
സങ്കുലയുദ്ധം॥ 1 ॥
Mahabharata - Karna Parva - Chapter Text
8-19-0 (55779)
സഞ്ജയ ഉവാച। 8-19-0x (4867)
യുധിഷ്ഠിരം മഹാരാജ വിസൃജന്തം ശരാൻബഹൂൻ।
സ്വയം ദുര്യോധനോ രാജാ പ്രത്യഗൃഹ്ണാദഭീതവത്॥ 8-19-1 (55780)
തമാപതന്തം സഹസാ തവ പുത്രം മഹാരഥം।
ധർമരാജോ ദ്രുതം വിദ്ധ്വാ തിഷ്ഠതിഷ്ഠേതി ചാബ്രവീത്॥ 8-19-2 (55781)
സ തു തം പ്രതിവിവ്യാധ നവഭിർനിശിതൈഃ ശരൈഃ।
സാരഥിം ചാസ്യ ഭല്ലേന ഭൃശം ക്രുദ്ധോഽഭ്യതാഡയത്॥ 8-19-3 (55782)
തതോ യുധിഷ്ഠിരോ രാജൻസ്വർണപുംഖാഞ്ശിലീമുഖാൻ।
ദുര്യോധനായ ചിക്ഷേപ ത്രയോദശ ശിലാശിതാൻ॥ 8-19-4 (55783)
ചതുർഭിശ്ചതുരോ വാഹാംസ്തസ്യ ഹത്വാ മഹാരഥഃ।
പഞ്ചമേന ശിരഃ കായാത്സാരഥേശ്ച സമാക്ഷിപത്॥ 8-19-5 (55784)
ഷഷ്ഠേന തു ധ്വജം രാജ്ഞഃ സപ്തമേന തു കാർമുകം।
അഷ്ടമേന തഥാ ഖംഗം പാതയാമാസ ഭൂതലേ।
പഞ്ചഭിർനൃപതിം ചാപി ധർമരാജോഽർദയദ്ഭൃശം॥ 8-19-6 (55785)
ഹതാശ്വാത്തു രഥാത്തസ്മാദവപ്ലുത്യ സുതസ്തവ।
ഉത്തമം വ്യസനം പ്രാപ്തോ ഭൂമാവേവാവതിഷ്ഠത॥ 8-19-7 (55786)
തം തു കൃച്ഛ്രഗതം ദൃഷ്ട്വാ കർണദ്രൌണികൃപാദയഃ।
അഭ്യവർതന്ത സഹസാ പരീപ്സന്തോ നരാധിപം॥ 8-19-8 (55787)
അഥ പാണ്ഡുസുതാഃ സർവേ പരിവാര്യ യുധിഷ്ഠിരം।
അന്വയുഃ സമരേ രാജംസ്തതോ യുദ്ധമവർതത॥ 8-19-9 (55788)
തതസ്തൂര്യസഹസ്രാണി പ്രാവാദ്യന്ത മഹാമൃധേ॥ 8-19-10 (55789)
ക്ഷ്വേലാഃ കിലകിലാശബ്ദാഃ പ്രാദുരാസൻമഹീപതേ।
യത്രാഭ്യഗച്ഛൻസമരേ പാഞ്ചാലാഃ കൌരവൈഃ സഹ॥ 8-19-11 (55790)
നരാ നരൈഃ സമാജഗ്മുർവാരണാ വരവാരണൈഃ।
രഥാശ്ച രഥിഭിഃ സാർധം ഹയാശ്ച ഹയസാദിഭിഃ॥ 8-19-12 (55791)
ദ്വന്ദ്വാന്യാസൻമഹാരാജ പ്രേക്ഷണീയാനി സംയുഗേ।
വിവിധാന്യപ്യചിന്ത്യാനി ശസ്ത്രവന്ത്യുത്തമാനി ച॥ 8-19-13 (55792)
തേ ശൂരാഃ സമരേ സർവേ ചിത്രം ലഘു ച സുഷ്ഠു ച।
അയുധ്യന്ത മഹാവേഗാഃ പരസ്പരവധൈഷിണഃ॥ 8-19-14 (55793)
അന്യോന്യം സമരേ ജഘ്നുര്യോധവ്രതമനുഷ്ഠിതാഃ।
ന ഹി തേ സമരം ചക്രുഃ പൃഷ്ഠതോ വൈ കഥഞ്ചന॥ 8-19-15 (55794)
മുഹൂർതമേവ തദ്യുദ്വമാസീൻമധുരദർശനം।
തത ഉൻമത്തവദ്രാജന്നിർമര്യാദമവർതത॥ 8-19-16 (55795)
രഥീ നാഗം സമാസാദ്യ ദാരയന്നിശിതൈഃ ശരൈഃ।
പ്രേഷയാമാസ കാലായ ശരൈഃ സന്നതപർവഭിഃ॥ 8-19-17 (55796)
നാഗാ ഹയാൻസമാസാദ്യ വിക്ഷിപന്തോ ബഹൂന്രണേ।
ദാരയാമാസുരത്യുഗ്രം തത്രതത്ര തദാതദാ॥ 8-19-18 (55797)
ഹയാരോഹാശ്ച ബഹവഃ പരിവാര്യ ഹയോത്തമാൻ।
തലശബ്ദരവാംശ്ചക്രുഃ സംപതന്തസ്തതസ്തതഃ॥ 8-19-19 (55798)
ധാവമാനാംസ്തതസ്താംസ്തു ദ്രവമാണാൻമഹാഗജാൻ।
പാർശ്വതഃ പൃഷ്ഠതശ്ചൈവ നിജഘ്നുർഹയസാദിനഃ॥ 8-19-20 (55799)
വിദ്രാവ്യ ച ബഹൂനശ്വാന്നാഗാ രാജൻമദോത്കടാഃ।
വിഷാണൈശ്ചാപരേ ജഘ്നുർമമൃദുശ്ചാപരേ ഭൃശം॥ 8-19-21 (55800)
സാശ്വാരോഹാംശ്ച തുരഗാന്വിഷാമൈർവിവ്യധൂ രുഷാ।
അപരേ ചിക്ഷിപുർവേഗാത്പ്രഗൃഹ്യാതിബലാസ്തദാ॥ 8-19-22 (55801)
പാദാതൈരാഹതാ നാഗാ വിവരേഷു സമന്തതഃ।
ചക്രുരാർതസ്വരം ഘോരം ദുദ്രുവുശ്ച ദിശോ ദശ॥ 8-19-23 (55802)
പദാതീനാം തു സഹസാ പ്രദ്രുതാനാം മഹാഹവേ।
ഉത്സൃജ്യാഭരണം തൂർണമവവവ്രൂ രണാജിരേ॥ 8-19-24 (55803)
നിമിത്തം മന്യമാനാസ്തു പരിണാംയ മഹാഗജാഃ।
ജഗൃഹുർബിഭിദുശ്ചൈവ ചിത്രാണ്യാഭരണാനി ച॥ 8-19-25 (55804)
താംസ്തു തത്ര പ്രസക്താന്വൈ പരിന്വാര്യ പദാതയഃ।
ഹസ്ത്യാരോഹാന്നിജഘ്നുസ്തേ മഹാവേഗാ ബലോത്കടാഃ॥ 8-19-26 (55805)
അപരേ ഹസ്തിഭിർഹസ്തൈഃ ഖം വിക്ഷിപ്താ മഹാഹവേ।
നിപതന്തോ വിഷാണാഗ്രൈർഭൃശം വിദ്വാഃ സുശിക്ഷിതൈഃ॥ 8-19-27 (55806)
അപരേ സഹസാ ഗൃഹ്യ വിഷാണൈരേവ സൂദിതാഃ।
സേനാന്തരം സമാസാദ്യ കേചിത്തത്ര മഹാഗജൈഃ॥ 8-19-28 (55807)
ക്ഷുണ്ണഗാത്രാ മഹാരാജ വിക്ഷിപ്യ ച പുനഃപുനഃ।
അപരേ വ്യജനാനീവ വിഭ്രാംയ നിഹതാ മൃധേ॥ 8-19-29 (55808)
പുരഃസരാശ്ച നാഗാനാമപരേഷാം വിശാംപതേ।
ശരീരാണ്യതിവിദ്വാനി തത്രതത്ര രണാജിരേ॥ 8-19-30 (55809)
പ്രതിമാനേഷു കുംഭേഷു ദന്തവേഷ്ടേഷു ചാപരേ।
നിഗൃഹീതാ ഭൃശം നാഗാഃ പ്രാസതോമരശക്തിഭിഃ॥ 8-19-31 (55810)
നിഗൃഹ്യ ച ഗജാഃ കേചിത് പാർശ്വസ്ഥൈർഭൃശദാരുണൈഃ।
രഥാശ്വസാദിഭിസ്തത്ര സംഭിന്നാ ന്യപതൻഭുവി॥ 8-19-32 (55811)
സഹയാഃ സാദിനസ്തത്ര തോമരേണ മഹാമൃധേ।
ഭൂമാവമൃദ്രന്വേഗേന സചർമാണം പദാതിനം॥ 8-19-33 (55812)
ചഛാ സാവരണാൻകാംശ്ചിത്തത്രതത്ര വിശാംപതേ।
രഥാന്നാഗാഃ സമാസാദ്യ പരിഗൃഹ്യ ച മാരിഷ।
വ്യാക്ഷിപൻസഹസാ തത്ര ഘോരരൂപേ ഭയാനകേ॥ 8-19-34 (55813)
നാരാചൈർനിഹതാശ്ചാപി ഗജാഃ പേതുർമഹാബലാഃ।
പർവതസ്യേവ ശിഖരം വജ്രരുഗ്ണം മഹീതലേ॥ 8-19-35 (55814)
യോധാ യോധാൻസമാസാദ്യ മുഷ്ടിഭിർവ്യഹനന്യുധി।
കേശേഷ്വന്യോന്യമാക്ഷിപ്യ ചിക്ഷിപുർബിഭിദുശ്ച ഹ॥ 8-19-36 (55815)
ഉദ്യംയ ച ഭുജാനന്യേ നിക്ഷിപ്യ ച മഹീതലേ।
പദാ ചോരഃ സമാക്രംയ സ്ഫുരതോഽപാഹരച്ഛിരഃ॥ 8-19-37 (55816)
പതതശ്ചാപരോ രാജന്വിജഹാരാസിനാ ശിരഃ।
`മൃതമന്യോ മഹാരാജ പദാ താഡിതവാംസ്തദാ'॥ 8-19-38 (55817)
ജീവതശ്ച തഥൈവാന്യഃ ശസ്ത്രം കായേ ന്യമജ്ജയത്।
മുഷ്ടിയുദ്ധം മഹച്ചാസീദ്യോധാനാം തത്ര ഭാരത।
തഥാ കേശഗ്രഹശ്ചോഗ്രോ ബാഹുയുദ്ധം ച ഭൈരവം॥ 8-19-39 (55818)
സമാസക്തസ്യ ചാന്യേന അവിജ്ഞാതസ്തഥാഽപരഃ।
ജഹാര സമരേ പ്രാണാന്നാനാശസ്തൈരനേകധാ॥ 8-19-40 (55819)
സംസക്തേഷു ച യോധേഷു വർതമാനേ ച സങ്കുലേ।
കബന്ധാന്യുത്ഥിതാനി സ്യുഃ ശതശോഽഥ സഹസ്രശഃ॥ 8-19-41 (55820)
ശോണിതൈഃ സിച്യമാനാനി ശസ്ത്രാണി കവചാനി ച।
മഹാരാഗാനുരക്താനി വസ്ത്രാണീവ ചകാശിരേ॥ 8-19-42 (55821)
ഏവമേതൻമഹദ്യുദ്വം ദാരുണം ശസ്ത്രസങ്കുലം।
ഉൻമത്തഗംഗാപ്രതിമം ശബ്ദേനാപൂരയജ്ജഗത്॥ 8-19-43 (55822)
നൈവ സ്വേ ന പരേ രാജന്വിജ്ഞായന്തേ ശരാതുരാഃ।
യോദ്വവ്യമിതി യുധ്യന്തേ രാജാനോ ജയഗൃദ്വിനഃ॥ 8-19-44 (55823)
സ്വാൻസ്വേ ജഘ്നുർമഹരാജ പരാംശ്ചൈവ സമാഗതാൻ।
ഉഭയോഃ സേനയോർവീരൈർവ്യാകുലം സമപദ്യത॥ 8-19-45 (55824)
രഥൈർഭഗ്നൈർമഹാരാജ വാരണൈശ്ച നിപാതിതൈഃ।
ഹയൈശ്ച പതിതൈസ്തത്ര നരൈശ്ച വിനിപാതിതൈഃ॥ 8-19-46 (55825)
അഗംയരൂപാ പൃഥിവീ ക്ഷണേന സമപദ്യത।
ക്ഷണേനാസീൻമഹീപാല ക്ഷതജൌഘപ്രവർതിനീ॥ 8-19-47 (55826)
പാഞ്ചാലാനഹതത്കർണസ്ത്രിഗർതാംശ്ച ധനഞ്ജയഃ।
ഭീമസേനഃ കുരൂന്രാജൻഹസ്ത്യനീകം ച സർവശഃ॥ 8-19-48 (55827)
ഏവമേഷ ക്ഷയോ വൃത്തഃ കുരുപാണ്ഡവസേനയോഃ।
അപരാഹ്ണേ ഗതേ സൂര്യേ കാങ്ക്ഷതാം വിപുലം യശഃ॥ ॥ 8-19-49 (55828)
ഇതി ശ്രീമൻമഹാഭാരതേ കർണപർവണി ഷോഡശദിവസയുദ്ധേ ഏകോനവിംശോഽധ്യായഃ॥ 19 ॥
Mahabharata - Karna Parva - Chapter Footnotes
॥ ശ്രീഃ ॥
8.20. അധ്യായഃ 020
Mahabharata - Karna Parva - Chapter Topics
യുധിഷ്ഠിരേണ ദുര്യോധനപരാജയഃ॥ 1 ॥
Mahabharata - Karna Parva - Chapter Text
8-20-0 (55829)
ധൃതരാഷ്ട്ര ഉവാച। 8-20-0x (4868)
അതിതീവ്രാണി ദുഃഖാനി ദുഃസഹാനി ബഹൂനി ച।
ത്വത്തോഽഹം സഞ്ജയാശ്രൌഷം പുത്രാണാം ചൈവ സങ്ക്ഷയം॥ 8-20-1 (55830)
യഥാ ത്വം മേ കഥയസേ യഥാ യുദ്വമവർതത।
ന സന്തി സൂത കൌരവ്യാ ഇതി മേ നിശ്ചിതാ മതിഃ॥ 8-20-2 (55831)
ദുര്യോധനശ്ച വിരഥഃ കൃതസ്തത്ര മഹാരഥഃ।
ധർമപുത്രഃ കഥം ചക്രേ തസ്യ വാ നൃപതിഃ കഥം॥ 8-20-3 (55832)
അപരാഹ്ണേ കഥം യുദ്വമഭവദ്രോമഹർഷണം।
തൻമമാചക്ഷ്വ തത്ത്വേന കുശലോ ഹ്യസി സഞ്ജയ॥ 8-20-4 (55833)
സഞ്ജയ ഉവാച। 8-20-5x (4869)
സംസക്തേഷു തു സൈന്യേഷു വധ്യമാനേഷു ഭാഗശഃ।
രഥമന്യം സമാസ്ഥായ പുത്രസ്തവ വിശാംപതേ॥ 8-20-5 (55834)
ക്രോധേന മഹതാ യുക്തഃ സവിഷോ ഭുജഗോ യഥാ।
ദുര്യോധനഃ സമാലക്ഷ്യ ധർമരാജം യുധിഷ്ഠിരം।
പ്രോവാച സൂതം ത്വരിതോ യാഹിയാഹീതി ഭാരത॥ 8-20-6 (55835)
തത്ര മാം പ്രാപയ ക്ഷിപ്രം സാരഥേ യത്ര പാണ്ഡവഃ।
ധ്രിയമാണാതപ്രതേണ രാജാ രാജതി ദംശിതഃ॥ 8-20-7 (55836)
സ സൂതശ്ചോദിതോ രാജ്ഞാ രാജ്ഞഃ സ്യന്ദനമുത്തമം।
യുധിഷ്ഠിരസ്യാഭിമുഖം പ്രേഷയാമാസ സംയുഗേ॥ 8-20-8 (55837)
തതോ യുധിഷ്ഠിരഃ ക്രുദ്വഃ പ്രഭിന്ന ഇവ കുഞ്ജരഃ।
സാരഥിം ചോദയാമാസ യാഹി യത്ര സുയോധനഃ॥ 8-20-9 (55838)
തൌ സമാജഗ്മതുർവീരൌ ഭ്രാതരൌ രഥസത്തമൌ॥ 8-20-10 (55839)
സമേത്യ ച മഹാവീരൌ സംരബ്ധൌ യുദ്വദുർമദൌ।
വവർഷതുർമഹേഷ്വാസൌ ശരൈരന്യോന്യമാഹവേ॥ 8-20-11 (55840)
തതോ ദുര്യോധനോ രാജാ ധർമശീലസ്യ മാരിഷ।
ശിലാശിതേന ഭല്ലേന ധനുശ്ചിച്ഛേദ സംയുഗേ॥ 8-20-12 (55841)
തം നാമൃഷ്യത സങ്ക്രുദ്ധോ ഹ്യവമാനം യുധിഷ്ഠിരഃ।
അപവിധ്യ ധനുശ്ഛിന്നം ക്രോധസംരക്തലോചനഃ॥ 8-20-13 (55842)
അന്യത്കാർമുകമാദായ ധർമപുത്രശ്ചമൂമുഖേ।
ദുര്യോധനസ്യ ചിച്ഛേദ ധ്വജം കാർമുകമേവ ച॥ 8-20-14 (55843)
അഥാന്യദ്വനുരാദായ പുത്രസ്തേ ഭരതർഷഭ।
`യുധിഷ്ഠിരസ്യ ചിക്ഷേപ ശരാൻകനകഭൂഷണാൻ।
രുക്മപുംഖാൻപ്രസന്നാഗ്രാൻസവിഷാനിവ പന്നഗാൻ'॥ 8-20-15 (55844)
താവന്യോന്യം സുസങ്ക്രുദ്ധൌ ശസ്ത്രവർഷാണ്യമുഞ്ചതാം।
സിംഹാവിവ സുസംരബ്ധൌ പരസ്പരജിഗീഷയാ॥ 8-20-16 (55845)
ജഘ്നതുസ്തൌ രണേഽന്യോന്യം നർദമാനൌ വൃഷാവിവ।
അന്തരം മാർഗമാണൌ ച ചേരതുസ്തൌ മഹാരഥൌ॥ 8-20-17 (55846)
തതഃ പൂർണായതോത്സൃഷ്ടൈഃ ശരൈസ്തൌ തു കൃതവ്രണൌ।
വിരേജതുർമഹാരാജ കിംശുകാവിവ പുഷ്പിതൌ॥ 8-20-18 (55847)
തതോ രാജന്വിമുഞ്ചന്തൌ സിംഹനാദാൻമുഹുർമുഹുഃ।
തലയോശ്ച തഥാ ശബ്ദാന്ധനുഷശ്ച മഹാഹവേ॥ 8-20-19 (55848)
ശംഖശബ്ദവരാംശ്ചൈവ ചക്രതുസ്തൌ നരേശ്വരൌ।
അന്യോന്യം തൌ മഹാരാജ പീഡയാഞ്ചക്രതുർഭൃശം॥ 8-20-20 (55849)
തതോ യുധിഷ്ഠിരോ രാജാ പുത്രം തവ ശരൈസ്ത്രിഭിഃ।
ആജഘാനോരസി ക്രുദ്ധോ വജ്രവേഗൈർദുരാസദൈഃ॥ 8-20-21 (55850)
പ്രതിവിവ്യാധ തം തൂർണം തവ പുത്രോ മഹീപതിഃ।
പഞ്ചഭിർനിശിതൈർബാണൈഃ സ്വർണപുംഖൈഃ ശിലാശിതൈഃ॥ 8-20-22 (55851)
തതോ ദുര്യോധനോ രാജാ ശക്തിം ചിക്ഷേപ ഭാരത।
സർവപാരശവീം തീക്ഷ്ണാം മഹോൽകാപ്രതിമാം തദാ॥ 8-20-23 (55852)
താമാപതന്തീം സഹസാ ധർമരാജഃ ശിതൈഃ ശരൈഃ।
ത്രിഭിശ്ചിച്ഛേദ സഹസാ തം ച വിവ്യാധ പഞ്ചഭിഃ॥ 8-20-24 (55853)
നിപപാത തതഃ സാഽഥ സ്വർണദണ്ഡാ മഹാസ്വനാ।
നിപതന്തീ മഹോൽകേവ വ്യരാജച്ഛിഖിസന്നിഭാ॥ 8-20-25 (55854)
ശക്തിം വിനിഹതാം ദൃഷ്ട്വാ പുത്രസ്തവ വിശാംപതേ।
നവഭിർനിശിതൈർഭല്ലൈർനിജഘാന യുധിഷ്ഠിരം॥ 8-20-26 (55855)
സോഽതിവിദ്വോ ബലവതാ ശത്രുണആ ശത്രുതാപനഃ।
ദുര്യോധനം സമുദ്ദിശ്യ ബാണം ജഗ്രാഹ സത്വരഃ॥ 8-20-27 (55856)
സമാധത്ത ച തം ബാണം ധനുർമധ്യേ മഹാബലഃ।
ചിക്ഷേപ ച മഹാരാജ തതഃ ക്രുദ്വഃ പരാക്രമീ॥ 8-20-28 (55857)
സ തു ബാണഃ സമാസാദ്യ തവ പുത്രം മഹാരഥം।
വ്യാമോഹയത രാജാനം ധരണീം ച ദദാര ഹ॥ 8-20-29 (55858)
തതോ ദുര്യോധനഃ ക്രുദ്ധോ ഗദാമുദ്യംയ വേഗിതഃ।
വിധിത്സുഃ കലഹസ്യാന്തം ധർമരാജമുപാദ്രവത്॥ 8-20-30 (55859)
തമുദ്യതഗദം ദൃഷ്ട്വാ ദണ്ഡഹസ്തമിവാന്തകം।
ധർമരാജോ മഹാശക്തിം പ്രാഹിണോത്തവ സൂനവേ॥ 8-20-31 (55860)
ദീപ്യമാനാം മഹാവേഗാം മഹോൽകാം ജ്വലിതാമിവ।
യമദണ്ഡനിഭാം ഘോരാം കാലരാത്രിമിവാപരാം॥ 8-20-32 (55861)
രഥസ്ഥഃ സ തയാ വിദ്വോ വർമ ഭിത്ത്വാ സ്തനാന്തരേ।
ഭൃശം സംവിഗ്നഹൃദയഃ പപാത ച മുമോഹ ച॥ 8-20-33 (55862)
നഭസ്തമാഹ ച തതഃ പ്രതിജ്ഞാമനുപാലയ।
നായം വധ്യസ്തവ നൃപ ഇത്യുക്തഃ സ ന്യവർതത॥ 8-20-34 (55863)
തതസ്ത്വരിതമാഗംയ കൃതവർമാ തവാത്മജം।
പ്രത്യപദ്യത രാജാനം നിംനം വ്യസനാർണവേ॥ 8-20-35 (55864)
ഗദാമാദായ ഭീമോഽപി ഹേമപട്ടപരിഷ്കൃതാം।
അഭിദുദ്രാവ വേഗേന കൃതവർമാണമാഹവേ॥ 8-20-36 (55865)
ഏവം തദഭവദ്യുദ്ധം ത്വദീയാനാം പരൈഃ സഹ।
അപരാഹ്ണേ മഹാരാജ കാങ്ക്ഷതാം വിജയം യുധി॥ ॥ 8-20-37 (55866)
ഇതി ശ്രീമൻമഹാഭാരതേ കർണപർവണി ഷോഡശദിവസയുദ്ധേ വിംശോഽധ്യായഃ॥ 20 ॥
Mahabharata - Karna Parva - Chapter Footnotes
॥ ശ്രീഃ ॥
8.21. അധ്യായഃ 021
Mahabharata - Karna Parva - Chapter Topics
സങ്കുലയുദ്ധം॥ 1 ॥ ഷോഡശദിവസയുദ്ധോപസംഹാരഃ॥ 2 ॥
Mahabharata - Karna Parva - Chapter Text
8-21-0 (55867)
സഞ്ജയ ഉവാച। 8-21-0x (4870)
തതഃ കർണം പുരസ്കൃത്യ ത്വദീയാ യുദ്വദുർമദാഃ।
പുനരാവൃത്യ സംഗ്രാമം ചക്രുർദേവാസുരോപമം॥ 8-21-1 (55868)
ദ്വിരദനരരഥാശ്വശംഖശബ്ദൈഃ
പരിഹൃഷിതാ വിവിധൈശ്ച ശസ്ത്രപാതൈഃ।
ദ്വിരദരഥപദാതിസാദിസംഘാഃ
പരികുപിതാഭിമുഖാഃ പ്രജഘ്നിരേ തേ॥ 8-21-2 (55869)
ശിതപരശ്വഥസാസിപട്ടസൈ--
രിഷുഭിരനേകവിധൈശ്ച സൂദിതാഃ।
ദ്വിരദരഥഹയാ മഹാഹവേ
വരപുരുഷൈഃ പുരുഷാശ്ച വാഹനൈഃ॥ 8-21-3 (55870)
കമലദിനകരേന്ദുസന്നിഭൈഃ
സിതദശനൈഃ സുമുഖാക്ഷിനാസികൈഃ।
രുചിരമകുടകുണ്ഡലൈർമഹീ
പുരുഷശിരോഭിരുപസ്തൃതാ ബഭൌ॥ 8-21-4 (55871)
പരിഘമുസലശക്തിതൌമരൈ--
ർനഖരഭുശുണ്ഡിഗദാശതൈർഹതാഃ।
ദ്വിരദനരഹയാഃ സഹസ്രശോ
രുധിരനദീപ്രവഹാസ്തദാഽഭവൻ॥ 8-21-5 (55872)
പ്രഹതരഥനരാശ്വകുഞ്ജരം
പ്രതിഭയദർശനമുൽബണവ്രണം।
തദഹിതഹതമാബഭൌ ബലം
പിതൃപതിരാഷ്ട്രമിവ പ്രജാക്ഷയേ॥ 8-21-6 (55873)
അഥ തവ നരദേവ സൈനികാ--
സ്തവ ച സുതാഃ സുരസൂനുസന്നിഭാഃ।
അമിതബലപുരഃ സരാ രണേ
കുരുവൃഷഭാഃ ശിനിപുത്രമഭ്യയുഃ॥ 8-21-7 (55874)
തദതിരുധിരഭീമമാബഭൌ
പുരുഷവരാശ്വരഥദ്വിപാകുലം।
ലവണജലസമുദ്വതസ്വനം
ബലമസുരാമരസൈന്യസപ്രഭം॥ 8-21-8 (55875)
സുരപതിസമവിക്രമസ്തത--
സ്ത്രിദശവരാവരജോപമം യുധി।
ദിനകരകിരണപ്രഭൈഃ പൃഷത്കൈ
രവിതനയോഽഭ്യഹനച്ഛിനിപ്രവീരം॥ 8-21-9 (55876)
തമപി സരഥവാജിസാരഥിം
ശിനിവൃഷഭോ വിവിധൈഃ ശരൈസ്ത്വരൻ।
ഭുജഗവിഷസമപ്രഭൈ രണേ
പുരുഷവരം സമവാസ്തൃണോത്തദാ॥ 8-21-10 (55877)
ശിനിവൃഷഭശരൈർനിപീഡിതം
തവ സുഹൃദോ വസുഷേണമഭ്യയുഃ।
ത്വരിതമതിരഥാ രഥർഷഭം
ദ്വിരദരഥാശ്വപദാതിഭിഃ സഹ॥ 8-21-11 (55878)
തദുദധിനിഭമാദ്രവദ്ബലം
ത്വരിതതരൈഃ സമഭിദ്രുതം പരൈഃ।
ദ്രുപദസുതമുഖൈസ്തദാഽഭവത്
പുരുഷരഥാശ്വഗജക്ഷയോ മഹാൻ॥ 8-21-12 (55879)
അഥ പുരുഷവരൌ കൃതാഹ്നികൌ
ഭവമഭിപൂജ്യ യഥാവിധി പ്രഭും।
അരിവധകൃതനിശ്ചയൌ ദ്രുതം
തവ ബലമർജുനകേശവൌ സൃതൌ॥ 8-21-13 (55880)
ജലദനിനദനിഃസ്വനം രഥം
പവനവിധൂതപതാകകേതനം।
സിതഹയമുപയാന്തമന്തികം
കൃതമനസോ ദദൃശുസ്തദാഽരയഃ॥ 8-21-14 (55881)
അഥ വിഷ്ഫാര്യ ഗാണ്ഡീവം രഥേ നൃത്യന്നിവാർജുനഃ।
ശരസംബാധമകരോത്ഖം ദിശഃ പ്രദിശസ്തഥാ॥ 8-21-15 (55882)
രഥാന്വിമാനപ്രതിമാൻമജ്ജയൻസായുധധ്വജാൻ।
സസാരഥീംസ്തദാ ബാണൈരഭ്രാണീവാനിലോഽവധീത്॥ 8-21-16 (55883)
ഗജാൻഗജപ്രയന്തൄംശ്ച വൈജയന്ത്യായുധധ്വജാൻ।
സാദിനോഽശ്വാംശ്ച പത്തീംശ്ച ശരൈർനിന്യേ യമക്ഷയം॥ 8-21-17 (55884)
തമന്തകമിവ ക്രുദ്ധമനിവാര്യം മഹാരഥം।
ദുര്യോധനോഽഭ്യയാദേകോ നിഘ്നൻബാണൈരജിഹ്മഗൈഃ॥ 8-21-18 (55885)
തസ്യാർജുനോ ധനുഃ സൂതമശ്വാൻകേതും ച സായകൈഃ।
ഹത്വാ സപ്തഭിരേകേന ച്ഛത്രം ചിച്ഛേദ പത്രിണാ॥ 8-21-19 (55886)
നവമം ച സമാധായ വ്യസൃജത്പ്രാണഘാതിനം।
ദുര്യോധനായേഷുവരം തം ദ്രൌണിഃ സപ്തധാഽച്ഛിനത്॥ 8-21-20 (55887)
തതോ ദ്രൌണേർധനുശ്ഛിത്വാ ഹത്വാ ചാശ്വരഥാഞ്ശരൈഃ।
കൃപസ്യാപി തദത്യുഗ്രം ധനുശ്ചിച്ഛേദ പാണ്ഡവഃ॥ 8-21-21 (55888)
ഹാർദിക്യസ്യ ധനുശ്ഛിത്ത്വാ ധ്വജം ചാശ്വാംസ്തദാഽവധീത്।
ദുഃശാസനസ്യേഷ്വസനം ഛിത്ത്വാ രാധേയമഭ്യയാത്॥ 8-21-22 (55889)
അഥ സാത്യകിമുത്സൃജ്യ ത്വരൻകർണോഽർജുനം ത്രിഭിഃ।
വിദ്വ്വാ വിവ്യാധ വിംശത്യാ കൃഷ്ണം പാർഥം പുനഃപുനഃ॥ 8-21-23 (55890)
ന ഗ്ലാനിരാസീത്കർണസ്യ ക്ഷിപതഃ സായകാൻബഹൂൻ।
രണേ വിനിഘ്നതഃ ശത്രൂൻക്രുദ്ധസ്യേവ ശതക്രതോഃ॥ 8-21-24 (55891)
അഥ സാത്യകിരാഗത്യ കർണം വിദ്ദ്വാ ശിതൈഃ ശരൈഃ।
നവത്യാ നവഭിശ്ചോഗ്രൈഃ ശതേന പുനരാർപയത്॥ 8-21-25 (55892)
തതഃ പ്രവീരാഃ പാർഥാനാം സർവേ കർണമപീഡയൻ।
യുധാമന്യുഃ ശിഖണ്ഡീ ച ദ്രൌപദേയാഃ പ്രഭദ്രകാഃ॥ 8-21-26 (55893)
ഉത്തമൌജാ യുയുത്സുശ്ച യമൌ പാർഷത ഏവ ച।
ചേദികാരൂശമാത്സ്യാനാം കേകയാനാം ച യദ്ബലം॥ 8-21-27 (55894)
ചേകിതാനശ്ച ബലവാന്ധർമരാജശ്ച സുവ്രതഃ।
ഏതേ രഥാശ്വദ്വിരദൈഃ പത്തിഭിശ്ചോഗ്രവിക്രമൈഃ॥ 8-21-28 (55895)
പരിവാര്യ രണേ കർണം നാനാശസ്ത്രൈരവാകിരൻ।
ഭാഷന്തോ വാഗ്ഭിരുഗ്രാഭിഃ സർവേ കർണവധേ ധൃതാഃ॥ 8-21-29 (55896)
താം ശസ്ത്രവൃഷ്ടിം ബഹുധാ കർണശ്ഛിത്ത്വാ ശിതൈഃ ശരൈഃ।
അപോവാഹാസ്ത്രവീര്യേണ ദ്രുമം ഭങ്ക്ത്വേവ മാരുതഃ॥ 8-21-30 (55897)
രഥിനഃ സമഹാമാത്രാൻഗജാനശ്വാൻസസാദിനഃ।
പത്തിവ്രാതാംശ്ച സങ്ക്രുദ്വോ നിഘ്നൻകർണോ വ്യദൃശ്യത॥ 8-21-31 (55898)
തദ്വധ്യമാനം പാണ്ഡൂനാം ബലം കർണാസ്ത്രതേജസാ।
വിശസ്ത്രപത്രദേഹാസു പ്രായ ആസീത്പരാങ്മുഖം॥ 8-21-32 (55899)
അഥ കർണാസ്ത്രമസ്ത്രേണ പ്രതിഹത്യാർജുനഃ സ്മയൻ।
ദിശം ഖം ചൈവ ഭൂമിം ച പ്രാവൃണോച്ഛരവൃഷ്ടിഭിഃ॥ 8-21-33 (55900)
മുസലാനീവ സംപേതുഃ പരിഘാ ഇവ ചേഷവഃ।
ശതഘ്ന്യ ഇവ ചാപ്യന്യേ വജ്രാണ്യുഗ്രാണി ചാപരേ॥ 8-21-34 (55901)
തൈർവധ്യമാനം തത്സൈന്യം സപത്ത്യശ്വരഥദ്വിപം।
നിമീലിതാക്ഷമത്യർഥം ബഭ്രാമ ച നനാദ ച॥ 8-21-35 (55902)
നിഷ്കൈവല്യം തദാ യുദ്വം പ്രാപുരശ്വനരദ്വിപാഃ।
ഹന്യമാനാഃ ശരൈരാർതാസ്തദാ ഭീതാഃ പ്രദുദ്രുവുഃ॥ 8-21-36 (55903)
ത്വദീയാനാം തദാ യുദ്വേ സംസക്താനാം ജയൈഷിണാം।
ഗിരിമസ്തം സമാസാദ്യ പ്രത്യപദ്യത ഭാനുമാൻ॥ 8-21-37 (55904)
തമസാ ച മഹാരാജ രജസാ ച വിശേഷതഃ।
ന കിഞ്ചിത്പ്രത്യപശ്യാമ ശുഭം വാ യദി വാഽശുഭം॥ 8-21-38 (55905)
തേ ത്രസ്യന്തോ മഹേഷ്വാസാ രാത്രിയുദ്വസ്യ ഭാരത।
അപയാനം തതശ്ചക്രുഃ സഹിതാഃ സർവയോധിഭിഃ॥ 8-21-39 (55906)
കൌരവേഷ്വപയാതേഷു തദാ രാജന്ദിനക്ഷയേ।
ജയം സുമനസഃ പ്രാപ്യ പാർഥാഃ സ്വശിബിരം യയുഃ॥ 8-21-40 (55907)
വാദിത്രശബ്ദൈർവിവിധൈഃ സിംഹനാദൈഃ സഗർജിതൈഃ।
പരാനുവഹന്തശ്ച സ്തുവന്തശ്ചാച്യുതാർജുനൌ॥ 8-21-41 (55908)
കൃതേഽവഹാരേ തൈർവീരൈഃ സൈനികാഃ സർവ ഏവ തേ।
ആശീർവാചഃ പാണ്ഡവേഷു പ്രായുഞ്ജന്ത നരേശ്വരാഃ॥ 8-21-42 (55909)
തതഃ കൃതേഽവഹാരേ ച പ്രഹൃഷ്ടാസ്തത്ര പാണ്ഡവാഃ।
നിശായാം ശിബിരം ഗത്വാ ന്യവസന്ത നരേശ്വരാഃ॥ 8-21-43 (55910)
തതോ രക്ഷഃ പിശാചാശ്ച ശ്വാപദാശ്ചൈവ സംഘശഃ।
ജഗ്മുരായോധനം ഘോരം രുദ്രസ്യാക്രീഡസന്നിഭം॥ ॥ 8-21-44 (55911)
ഇതി ശ്രീമൻമഹാഭാരതേ കർണപർവണി ഷോഡശദിവസയുദ്ധേ ഏകവിംശോഽധ്യായഃ॥ 21 ॥
Mahabharata - Karna Parva - Chapter Footnotes
॥ ശ്രീഃ ॥
8.22. അധ്യായഃ 022
Mahabharata - Karna Parva - Chapter Topics
കൃഷ്ണതുല്യസാരഥേരഭാവാത്സ്വസ്യാർജുനാന്ന്യൂനതാം മന്യമാനേന കർണേന ദുര്യോധനം പ്രതി ശല്യസ്യ സാരഥ്യേ നിയോജനചോദനാ॥ 1 ॥
Mahabharata - Karna Parva - Chapter Text
8-22-0 (55912)
ധൃതരാഷ്ട്ര ഉവാച। 8-22-0x (4871)
സ്വേന ച്ഛന്ദേന നഃ സർവാനവധീദ്വ്യക്തമർജുനഃ।
ന ഹ്യസ്യ സമരേ മുച്യേദന്തകോഽപ്യാതതായിനഃ॥ 8-22-1 (55913)
പാർഥോ ഹ്യേകോഽഹരദ്ഭദ്രാമേകശ്ചാഗ്നിമതർപയത്।
ഏകശ്ചേമാം മഹീം ജിത്വാ ചക്രേ ബലിഭൃതോ നൃപാൻ॥ 8-22-2 (55914)
ഏകോ നിവാതകവചനാനഹനദ്ദിവ്യകാർമുകഃ।
ഏകഃ കിരാതരൂപേണ സ്ഥിതം ശർവമയോധയത്॥ 8-22-3 (55915)
ഏകോ ഹ്യരക്ഷദ്ഭരതാനേകോ ഭവമതോഷയത്।
തേനൈകേന ജിതാഃ സർവേ മദീയാ ഹ്യുഗ്രതേജസഃ॥ 8-22-4 (55916)
ന തേ നിന്ദ്യാഃ പ്രശസ്യാസ്തേ യത്തേ ചക്രുർബ്രവീഹി തത്।
തതോ ദുര്യോധനഃ സൂത പശ്ചാത്കിമകരോത്തദാ॥ 8-22-5 (55917)
സഞ്ജയ ഉവാച। 8-22-6x (4872)
ഹതപ്രഹതവിധ്വസ്താ വിവർമായുധവാഹനാഃ।
ദീനസ്വരാ ദൂയമാനാ മാനിനഃ ശത്രുനിർജിതാഃ॥ 8-22-6 (55918)
ശിബിരസ്ഥാഃ പുനർമന്ത്രം മന്ത്രയന്തി സ്മ കൌരവാഃ।
ഭഗ്നദംഷ്ട്രാ ഹതവിഷാഃ പാദാക്രാന്താ ഇവോരഗാഃ॥ 8-22-7 (55919)
താനബ്രവീത്തതഃ കർണഃ ക്രുദ്വഃ സർപ ഇവ ശ്വസൻ।
കരം കരേണ നിഷ്പീഡ്യ പ്രേക്ഷമാണസ്തവാത്മജം॥ 8-22-8 (55920)
യത്തോ ദൃഢശ്ച ദക്ഷശ്ച ധൃതിമാനർജുനഃ സദാ।
സംബോധയതി ചാപ്യേനം യഥാകാലമധോക്ഷജഃ॥ 8-22-9 (55921)
സഹസാഽസ്ത്രവിസർഗേണ വയം തേനാദ്യ വഞ്ചിതാഃ।
ശ്വസ്ത്വഹം തസ്യ സങ്കൽപം സർവം ഹന്താ മഹീപതേ॥ 8-22-10 (55922)
ഏവമുക്തസ്തഥേത്യുക്ത്വാ സോഽനുജജ്ഞേ നൃപോത്തമാൻ।
തേഽനുജ്ഞാതാ നൃപാഃ സർവേ സ്വാനി വേശ്മാനി ഭേജിരേ॥ 8-22-11 (55923)
സുഖോഷിതാസ്താം രജനീം ഹൃഷ്ടാ യുദ്വായ നിര്യയുഃ।
തേഽപശ്യന്വിഹിതം വ്യൂഹം ധർമരാജേന ദുർജയം।
പ്രയത്നാത്കുരുമുഖ്യേന ബൃഹസ്പത്യുശനോമതാത്॥ 8-22-12 (55924)
അഥ പ്രതീപകർതാരം പ്രവീരം പരവീരഹാ।
സസ്മാര വൃഷഭസ്കന്ധം കർണം ദുര്യോധനസ്തദാ॥ 8-22-13 (55925)
പുരന്ദരസമം യുദ്വേ മരുദ്ഗണസമം ബലേ।
കാർതവീര്യസമം വീര്യേ കർണം രാജ്ഞോഽഗമൻമനഃ॥ 8-22-14 (55926)
സർവേഷാം ചൈവ സൈന്യാനാം കർണമേവാഗമൻമനഃ।
സൂതപുത്രം മഹേഷ്വാസം ബന്ധുമാത്യയികേഷ്വിവ॥ 8-22-15 (55927)
ധൃതരാഷ്ട്ര ഉവാച। 8-22-16x (4873)
തതോ ദുര്യോധനഃ സൂത പശ്ചാത്കിമകരോത്തദാ।
യദ്വോഽഗമൻമനോ മന്ദാഃ കർണം വൈകർതനം പ്രതി॥ 8-22-16 (55928)
അപ്യപശ്യത രാധേയം ശീതാർതാ ഇവ ഭാസ്കരം।
കൃതേഽവഹാരേ സൈന്യാനാം പ്രവൃത്തേ ച രണേ പുനഃ॥ 8-22-17 (55929)
`ദുര്യോധനം ച തത്രാജൌ പാണ്ഡവേന ഭൃശാർദിതം।
പരാക്രാന്താൻപാണ്ഡുസുതാന്ദൃഷ്ട്വാഽപി ഭൃശാർദിതം'॥ 8-22-18 (55930)
കഥം വൈകർതനഃ കർണസ്തത്രായുധ്യത സഞ്ജയ।
കഥം ച പാണ്ഡവാഃ സർവേ യുയുധുസ്തത്ര സൂതജം॥ 8-22-19 (55931)
കർണോ ഹ്യേകോ മഹാബാഹുർഹന്യാത്പാർഥാൻസസൃഞ്ജയാൻ।
കർണസ്യ ഭുജയോർവീര്യം ശക്രവിഷ്ണുസമം യുധി॥ 8-22-20 (55932)
തസ്യ ശസ്ത്രാണി ഘോരാണി വിക്രമശ്ച മഹാത്മനഃ।
കർണമാശ്രിത്യ സംഗ്രാമേ മത്തോ ദുര്യോധനോ നൃപഃ॥ 8-22-21 (55933)
ദുര്യോധനം തതോ ദൃഷ്ട്വാ പാണ്ഡവേന ഭൃശാർദിതം।
പരാക്രാന്താൻപാണ്ഡുസുതാന്ദൃഷ്ട്വാ ചാപി മഹാരഥഃ॥ 8-22-22 (55934)
കർണമാശ്രിത്യ സംഗ്രാമേ മന്ദോ ദുര്യോധനഃ പുനഃ।
ജേതുമുത്സഹതേ പാർഥാൻസപുത്രാൻസഹകേശവാൻ॥ 8-22-23 (55935)
`യഃ സൌബലം തഥാ താത നീതിമാനിതി മന്യതേ।
കർണം ചാഗ്രതിമം യുദ്വേ ദേവൈരപി ദുരുത്സഹം॥ 8-22-24 (55936)
മന്യതേഽഭ്യധികം പാർഥാദേവം ചാസ്യ ഹൃദി സ്ഥിതം।
വിജേഷ്യതി രണേ കർണ ഏകഃ പർഥാൻസസോമകാൻ।
മമ ചൈവ സദാ മന്ദഃ ശംസതേ നിത്യമഗ്രതഃ'॥ 8-22-25 (55937)
അഹോ ബത മഹദ്ദുഃഖം യത്ര പാണ്ഡുസുതാന്രണേ।
നാതരദ്രഭസഃ കർണോ ദൈവം നൂനം പരായണം॥ 8-22-26 (55938)
അഹോ ദ്യൂതസ്യ നിഷ്ഠേയം ഘോരാ സംപ്രതി വർതതേ॥ 8-22-27 (55939)
അഹോ തീവ്രാണി ദുഃഖാനി ദുര്യോധനകൃതാന്യഹം।
സോഢാ ഘോരാണി ബഹുശഃ ശല്യഭൂതാനി സഞ്ജയ॥ 8-22-28 (55940)
സൌബലം ച തദാ താത നീതിമാനിതി മന്യതേ।
കർണശ്ച രഭസോ നിത്യം രാജാ ത ചാപ്യനുവ്രതഃ॥ 8-22-29 (55941)
യദേവം വർതമാനേഷു മഹായുദ്വേഷു സഞ്ജയ।
അശ്രൌഷം നിഹതാൻപുത്രാന്നിത്യമേവ വിനിർജിതാൻ॥ 8-22-30 (55942)
ന പാണ്ഡവാനാം സമരേ കശ്ചിദസ്തി ഹതഃ കില।
സ്ത്രീമധ്യമിവ ഗാഹന്തേ ദൈവം തു ബലവത്തരം॥ 8-22-31 (55943)
സഞ്ജയ ഉവാച। 8-22-32x (4874)
[രാജൻപൂർവനിമിത്താനി ധർമിഷ്ഠാനി വിചിന്തയ]। 8-22-32 (55944)
അതിക്രാന്തം ഹി യത്കാര്യം പശ്ചാച്ചിന്തയതേ നരഃ।
തച്ചാസ്യ ന ഭവേത്കാര്യം ചിന്തയാ ച വിനശ്യതി॥ 8-22-33 (55945)
തദിദം തവ കാര്യം തു ദൂരപ്രാപ്തം വിജാനതാ।
ന കൃതം യത്ത്വയാ പൂർവം പ്രാപ്താപ്രാപ്തവിചാരണം॥ 8-22-34 (55946)
ഉക്തോഽസി ബഹുധാ രാജ്ഞൻമാ യുധ്യസ്വേതി പാണ്ഡവൈഃ।
ന ച തത്ത്വഗ്രഹീർദ്വേഷാത്പാണ്ഡവേഷു വിശാംപതേ॥ 8-22-35 (55947)
ത്വയാ പാപാനി ഘോരാണി സമാചീർണാനി പാണ്ഡുഷു।
ത്വത്കൃതേ വർതതേ ഘോരഃ പാർഥിവാനാം ജനക്ഷയഃ॥ 8-22-36 (55948)
തത്ത്വിദാനീമതിക്രാന്തം മാ ശുചോ ഭരതർഷഭ।
ശൃണു സർവം യഥാവൃത്തം ഘോരം വൈശസമുച്യതേ॥ 8-22-37 (55949)
പ്രഭാതായാം രജന്യാം തു കർണോ രാജാനമഭ്യയാത്।
സമേത്യ ച മഹാബാഹുർദുര്യോധനമഥാബ്രവീത്॥ 8-22-38 (55950)
കർണ ഉവാച। 8-22-39x (4875)
അദ്യ രാജൻസമേഷ്യാമി പാണ്ഡവേന യശസ്വിനാ।
നിഹനിഷ്യാമി തം വീരം സ വാ മാം നിഹനിഷ്യതി॥ 8-22-39 (55951)
ബഹുത്വാൻമമ കാര്യാണാം തഥാ പാർഥസ്യ ഭാരത।
നാഭൂത്സമാഗമോ രാജൻമമ ചൈവാർജുനസ്യ ച॥ 8-22-40 (55952)
ഇദം തു മേ യഥാപ്രജ്ഞം ശൃണു വാക്യം വിശാംപതേ।
അനിഹത്യ രണേ പാർഥം നാഹമേഷ്യാമി ഭാരത॥ 8-22-41 (55953)
ഹതപ്രവീരേ സൈന്യേഽസ്മിൻമയി ചാവസ്ഥിതേ യുധി।
അഭിയാസ്യതി മാം പാർഥഃ ശക്രശക്തിവിനാകൃതം॥ 8-22-42 (55954)
തതഃ ശ്രേയസ്കരം യച്ച തന്നിബോധ ജനേശ്വര।
ആയുധാനാം ച മേ വീര്യം ദിവ്യാനാമർജുനസ്യ ച॥ 8-22-43 (55955)
കാര്യസ്യ മഹതോ ഭേദേ ലാഘവേ ദൂരപാതനേ।
സൌഷ്ഠവേ ചാസ്ത്രപാതേ ച സവ്യസാചീ ന മത്സമഃ॥ 8-22-44 (55956)
പ്രാണേ ശൌര്യേഽഥ വിജ്ഞാനേ വിക്രമേ ചാപി ഭാരത।
നിമിത്തജ്ഞാനയോഗേ ച സവ്യസാചീ ന മത്സമഃ॥ 8-22-45 (55957)
സർവായുധമഹാമാത്രം വിജയം നാമ തദ്വനുഃ।
ഇന്ദ്രാർഥം പ്രിയകാമേന നിർമിതം വിശ്വകർമണാ॥ 8-22-46 (55958)
യേന ദൈത്യഗണാന്രാജഞ്ജിതവാന്വൈ ശതക്രതുഃ।
യസ്യ ഘോഷേണ ദൈത്യാനാം വ്യാമുഹ്യന്ത ദിശോ ദശ॥ 8-22-47 (55959)
തദ്ഭാർഗവായ പ്രായച്ഛച്ഛക്രഃ പരമസംമതം।
തദ്ദിവ്യം ഭാർഗവോ മഹ്യമദദദ്വനുരത്തമം॥ 8-22-48 (55960)
തേന യോത്സ്യേ മഹാബാഹുമർജുനം ജയതാം വരം।
യഥേന്ദ്രഃ സമരേ സർവാന്ദൈതേയാന്വൈ സമാഗതാൻ।
`നിജഘാന തഥാ സർവാഞ്ജേഷ്യാമി യുധി പാണ്ഡവാൻ'॥ 8-22-49 (55961)
ധനുർഘോരം രാമദത്തം ഗാണ്ഡീവാത്തദ്വിശിഷ്യതേ।
ത്രിസ്സപ്തകൃത്വഃ പൃഥിവീ ധനുഷാ യേന നിർജിതാ॥ 8-22-50 (55962)
ധനുഷോ ഹ്യസ്യ കർമാണി ദിവ്യാനി പ്രാഹ ഭാർഗവഃ।
തദ്രാമോ ഹ്യദദൻമഹ്യം തേന യോത്സ്യാമി പാണ്ഡവം॥ 8-22-51 (55963)
അദ്യ ദുര്യോധനാഹം ത്വാം നന്ദയിഷ്യേ സബാന്ധവം।
നിഹത്യ സമരേ വീരമർജുനം ജയതാം വരം॥ 8-22-52 (55964)
സപർവതവനദ്വീപാ ഹതവീരാ സസാഗരാ।
പുത്രപൌത്രപ്രതിഷ്ഠാ തേ ഭവിഷ്യത്യദ്യ പാർഥിവ॥ 8-22-53 (55965)
നാശക്യം വിദ്യതേ മേഽദ്യ ത്വത്പ്രിയാർഥം വിശേഷതഃ।
സംയഗ്ധർമാനുരക്തസ്യ സിദ്വിരാത്മവതോ യഥാ॥ 8-22-54 (55966)
ന ഹി മേ വിക്രമം സോഢും സ ശക്തോഽഗ്നിം തരുര്യഥാ।
അവശ്യം തു മയാ വാച്യം യേന ഹീനോഽസ്മി ഫൽഗുനാത്॥ 8-22-55 (55967)
ജ്യാ തസ്യ ധനുഷോ ദിവ്യാ തഥാഽക്ഷയ്യേ മഹേഷുധീ।
സാരഥിസ്തസ്യ ഗോവിന്ദോ മമ താദൃംഗ വിദ്യതേ॥ 8-22-56 (55968)
തസ്യ ദിവ്യം ധനുഃ ശ്രേഷ്ഠം ഗാണ്ഡീവമജിതം യുധി।
വിജയം ച മഹദ്ദിവ്യം മമാപി ധനുരുത്തമം॥ 8-22-57 (55969)
തത്രാഹമധികഃ പാർഥാദ്വനുഷാ തേന പാർഥിവ।
യേന ചാപ്യധികോ വീരഃ പാണ്ഡവസ്തന്നിബോധ മേ॥ 8-22-58 (55970)
രശ്മിഗ്രാഹശ്ച ദാശാർഹഃ സർവലോകനമസ്കൃതഃ।
അഗ്നിദത്തശ്ച വൈ ദിവ്യോ രഥഃ കാഞ്ചനഭൂഷണഃ॥ 8-22-59 (55971)
അച്ഛേദ്യാഃ സർവതോ വീര വാജിനശ്ച മനോജവാഃ।
ധ്വജശ്ച ദിവ്യോ ദ്യുതിമാന്വാനരോപി ഭയങ്കരഃ॥ 8-22-60 (55972)
കൃഷ്ണശ്ച ജഗതഃ സ്രഷ്ടാ രഥം തമഭിരക്ഷതി।
ഏഭിസ്ത്രിഭിരഹം ഹീനോ യുദ്വുമിച്ഛാമി പാണ്ഡവം॥ 8-22-61 (55973)
അയം തു സദൃശഃ ശൌരേഃ ശല്യഃ സമിതിശോഭനഃ।
സാരഥ്യം യദി മേ കുര്യാദ്ദ്രുവസ്തേ വിജയോ ഭവേത്॥ 8-22-62 (55974)
തസ്യ മേ സാരഥിഃ ശല്യോ ഭവത്വസുകരഃ പരൈഃ।
നാരാചാൻഗാർധ്രപത്രാംശ്ച ശകടാനി വഹന്തു മേ॥ 8-22-63 (55975)
രഥാശ്ച മുഖ്യാ രാജേന്ദ്ര യുക്താ വാജിഭിരുത്തമൈഃ।
ആയാന്തു പശ്ചാത്സതതം മാമേവ ഭരതർഷഭ॥ 8-22-64 (55976)
ഏവമഭ്യധികഃ പാർഥാദ്ഭവിഷ്യാമി ഗുണൈരഹം।
ശല്യോപ്യഭ്യധികഃ കൃഷ്ണാദർജുനാദപിചാപ്യഹം॥ 8-22-65 (55977)
യഥാഽശ്വഹൃദയം വേദ ദാശാർഹഃ പരവീരഹാ।
തഥാ ശല്യോ വിജാനീതേ ഹയജ്ഞാനം മഹാരഥഃ॥ 8-22-66 (55978)
ബാഹുവീര്യേ സമോ നാസ്തി മദ്രരാജസ്യ കശ്ചന।
തഥാഽസ്ത്രേ മത്സമോ നാസ്തി കശ്ചിദേവ ധനുർധരഃ॥ 8-22-67 (55979)
തഥാ ശല്യസമോ നാസ്തി ഹയജ്ഞാനേ ഹി കശ്ചന।
സോഽയമഭ്യധികഃ കൃഷ്ണാദ്ഭവിഷ്യതി രഥോ മമ॥ 8-22-68 (55980)
ഏവം കൃതേ രഥസ്ഥോഽഹം ഗുണൈരഭ്യധികോഽർജുനാത്।
വിജയേയമഹം സംഖ്യേ ഫൽഗുനം കുരുസത്തമ॥ 8-22-69 (55981)
സമുദ്യാതും ന ശക്ഷ്യന്തി ദേവാ അപി സവാസവാഃ।
ഏതത്കൃതം മഹാരാജ ത്വയേച്ഛാമി പരന്തപ॥ 8-22-70 (55982)
ക്രിയതാമേഷ കാമോ മേ മാ വഃ കാലോഽത്യഗാദയം।
ഏവം കൃതേ കൃതം മഹ്യം ത്വയാ സർവം ഭവിഷ്യതി॥ 8-22-71 (55983)
തതോ ദ്രക്ഷ്യസി സംഗ്രാമേ യത്കരിഷ്യാമി ഭാരത।
സർവഥാ പാണ്ഡവാൻസംഖ്യേ വിജേഷ്യേ വൈ സമാഗതാൻ॥ 8-22-72 (55984)
ന ഹി മേ സമരേ ശക്താഃ സമുദ്യാതും സുരാസുരാഃ।
കിമു പാണ്ഡുസുതാ രാജന്രണേ മാനുഷയോനയഃ॥ 8-22-73 (55985)
സഞ്ജയ ഉവാച। 8-22-74x (4876)
ഏവമുക്തസ്തവ സുതഃ കർണേനാഹവശോഭിനാ।
സംപൂജ്യ സംപ്രഹൃഷ്ടാത്മാ തതോ രാധേയമബ്രവീത്॥ 8-22-74 (55986)
ദുര്യോധന ഉവാച। 8-22-75x (4877)
ഏവമേതത്കരിഷ്യാമി യഥാ ത്വം കർണ മന്യസേ।
സോപാസംഗാ രഥാഃ സാശ്വാഃ സ്വനുയാസ്യന്തി സംയുഗേ॥ 8-22-75 (55987)
നാരാചാൻഗാർധ്രപത്രാംശ്ച ശകടാനി വഹന്തു തേ।
അനുയാസ്യാമ കർണ ത്വാം വയം സർവേ ച പാർഥിവാഃ॥ 8-22-76 (55988)
സഞ്ജയ ഉവാച। 8-22-77x (4878)
ഏവമുക്ത്വാ മഹാരാജ തവ പുത്രഃ പ്രതാപവാൻ।
അഭിഗംയാബ്രവീദ്രാജാ മദ്രരാജമിദം വചഃ॥ ॥ 8-22-77 (55989)
ഇതി ശ്രീമൻമഹാഭാരതേ കർണപർവണി ദ്വാവിംശോഽധ്യായഃ॥ 22 ॥
Mahabharata - Karna Parva - Chapter Footnotes
॥ ശ്രീഃ ॥
8.23. അധ്യായഃ 023
Mahabharata - Karna Parva - Chapter Topics
ദുര്യോധനപ്രാർഥനയാ ശല്യേന കൃച്ഛ്രാത്കർണരഥസാരഥ്യകരണാക്ഷ്യുപഗമഃ॥ 1 ॥
Mahabharata - Karna Parva - Chapter Text
8-23-0 (55990)
സഞ്ജയ ഉവാച। 8-23-0x (4879)
ഏവമുക്തോ മഹാരാജ തവ പുത്രഃ പ്രതാപവാൻ।
മദ്രേശ്വരം പ്രതി രണേ സുരസൈന്യഭയങ്കരം।
സർവം തഥാഽകരോത്തൂർണം രാധേയസ്തദ്യഥാഽബ്രവീത്॥ 8-23-1 (55991)
മദ്രാജം ച സമരേ പ്രണംയ ച മഹാരഥം।
വിനയേനോപസംഗംയ പ്രണയാദ്വാക്യമബ്രവീത്॥ 8-23-2 (55992)
സത്യവ്രത മഹാഭാഗ ദ്വിഷതാം താപവർധന।
മദ്രേശ്വര രണേശൂര പരസൈന്യഭയങ്കര॥ 8-23-3 (55993)
`മത്പ്രിയാർഥം ഹിതാർഥം ച തഥാ പാർഥവധായ ച'।
ശ്രുതവാനസി കർണസ്യ ബ്രുവതോ വദതാം വര।
യഥാ നൃപതിസിംഹാനാം മധ്യേ ത്വാം വരയേ സ്വയം॥ 8-23-4 (55994)
തത്ത്വാമപ്രതിവീര്യാദ്യ ശത്രുപക്ഷക്ഷയാവഹ।
മദ്രേശ്വര പ്രയാചേഽഹം ശിരസാ വിനയേന ച॥ 8-23-5 (55995)
തസ്മാത്പാർഥവിനാശാർഥം ഹിതാർഥം മമ ചൈവ ഹി।
ത്വം പാഹി സർവതഃ കർണം ഭവം ബ്രഹ്മേവ സുവ്രത॥ 8-23-6 (55996)
സാരഥ്യം രഥിനാം ശ്രേഷ്ഠ പ്രണയാത്കർതുമർഹസി।
ത്വയി യന്തരി രാധേയോ വിദ്വിഷോ മേ വിജേഷ്യതേ॥ 8-23-7 (55997)
അഭീഷൂണാം ഹി കർണസ്യ ഗ്രഹീതാന്യോ ന വിദ്യതേ।
ഋതേ ഹി ത്വാം മഹാഭാഗ വാസുദേവസമം യുധി॥ 8-23-8 (55998)
സ പാഹി സർവഥാ കർണം യഥാ ബ്രഹ്മാ മഹേശ്വരം।
യഥാ ച സർവഥാഽഽപത്സു വാർഷ്ണേയഃ പാതി പാണ്ഡവം।
തഥാ മദ്രേശ്വരാദ്യ ത്വം രാധേയം പ്രതിപാലയ॥ 8-23-9 (55999)
ഭീഷ്മോ ദ്രോണഃ കൃപഃ കർണോ ഭവാൻഭോജശ്ച വീര്യവാൻ।
ശകുനിഃ സൌബലോ ദ്രൌണിരഹമേവ ച നോ ബലം॥ 8-23-10 (56000)
ഏവമേഷ കൃതോ ഭാഗോ നവധാ പൃഥിവീപതേ।
ന ച ഭാഗോഽത്ര ഭീഷ്മസ്യ ദ്രോണസ്യ ച മഹാത്മനഃ॥ 8-23-11 (56001)
താഭ്യാമതീത്യ തൌ ഭാഗൌ നിഹതാ മമ ശത്രവഃ।
വൃദ്വൌ ഹി തൌ മഹേഷ്വാസൌ ഛലേന നിഹതൌ യുധി॥ 8-23-12 (56002)
കൃത്വാ ചാസുകരം കർമ ഗതൌ സ്വർഗമിതോഽനഘ।
തഥാന്യേ പുരുഷവ്യാഘ്രാഃ പരൈർവിനിഹതാ യുധി॥ 8-23-13 (56003)
അസ്മദീയാശ്ച ബഹവഃ സ്വർഗായ ഗമിതാഃ പരൈഃ।
ത്യക്ത്വാ പ്രാണാനയ്ഥാശക്തി ചേഷ്ടാം കൃത്വാ ച പുഷ്കലാം। 8-23-14 (56004)
തദിദം ഹതഭൂയിഷ്ഠം ബലം മമ നരാധിപ।
പൂർവമപ്യൽപകൈഃ പാർഥൈർഹതം കിമുത സാംപ്രതം॥ 8-23-15 (56005)
ബലവന്തോ മഹാത്മാനഃ കൌന്തേയാഃ സത്യവിക്രമാഃ।
ബലം ശേഷം ന ഹന്യുർമേ യഥാ തത്കുരു പാർഥിവ॥ 8-23-16 (56006)
ഹതവീരമിദം സൈന്യം പാണ്ഡവൈഃ സമരേ വിഭോ।
കർണോ ഹ്യേകോ മഹാബാഹുരസ്മത്പ്രിയഹിതേ രതഃ॥ 8-23-17 (56007)
ഭവാംശ്ച പുരുഷവ്യാഘ്ര സർവലോകമഹാരഥഃ।
ശല്യ കർണോഽർജുനേനാദ്യ യോദ്വുമിച്ഛതി സംയുഗേ॥ 8-23-18 (56008)
തസ്മിഞ്ജയാശാ വിപുലാ മദ്രരാജ നരാധിപ।
തസ്യാഭീഷുഗ്രഹവരോ നാന്യോഽസ്തി ഭുവി കശ്ചന॥ 8-23-19 (56009)
പാർഥസ്യ സമരേ കൃഷ്ണോ യഥാഽഭീഷുഗ്രഹോ വരഃ।
തഥാ ത്വമപി കർണസ്യ രഥേഽഭീഷുഗ്രഹോ ഭവ॥ 8-23-20 (56010)
തേന യുക്തോ രണേ പാർഥോ രക്ഷ്യമാണശ്ച പാർഥിവ।
യാനി കർമാണി കുരുതേ പ്രത്യക്ഷാണി തഥൈവ തത്॥ 8-23-21 (56011)
പൂർവം നഃ സമരേ ഹ്യേവമധീദർജുനോ രിപൂൻ।
ഇദാനീം വിക്രമോ ഹ്യസ്യ കൃഷ്ണേന സഹിതസ്യ ച॥ 8-23-22 (56012)
കൃഷ്ണേന സഹിതഃ പാർഥോ ധാർതരാഷ്ട്രീം മഹാചമൂം।
അഹന്യഹനി മദ്രേശ ദ്രാവയന്ദൃശ്യതേ യുധി॥ 8-23-23 (56013)
ഭാഗോഽവശിഷ്ടഃ കർണസ്യ തവ ചൈവ മഹാദ്യുതേ।
തം ഭാഗം സഹ കർണേന യുഗപന്നാശയാദ്യ ഹി॥ 8-23-24 (56014)
അരുണേന യഥാ സാർധം തമഃ സൂര്യോ വ്യപോഹതി।
തഥാ കർണേന സഹിതോ ജഹി പാർഥം മഹാഹവേ॥ 8-23-25 (56015)
ഉദ്യന്തൌ ച യഥാ സൂര്യൌ ബാലസൂര്യസമപ്രഭൌ।
കർണശല്യൌ രണേ ദൃഷ്ട്വാ വിദ്രവന്തു മഹാരഥാഃ॥ 8-23-26 (56016)
സൂര്യാരുഷൌ യഥാ ദൃഷ്ട്വാ തമോ നശ്യതി മാരിഷ।
തഥാ നശ്യന്തു കൌന്തേയാഃ സപാഞ്ചാലാഃ സസൃഞ്ജയാഃ॥ 8-23-27 (56017)
രഥിനാം പ്രവരഃ കർണോ യന്തൄണാം പ്രവരോ ഭവാൻ।
സംയോഗോ യുവയോർലോകേ നാഭൂന്ന ച ഭവിഷ്യതി॥ 8-23-28 (56018)
യഥാ സർവാസ്വവസ്ഥാസു വാർഷ്മേയഃ പാതി പാണ്ഡവം।
തഥാ ഭവാൻപരിത്രാതു കർണം വൈകർതനം രണേ।
`സാരഥ്യം ക്രിയതാം തസ്യ യുധ്യമാനസ്യ സംയുഗേ॥ 8-23-29 (56019)
യഥാ ച സമരേ കൃഷ്ണോ രക്ഷതേ സർവതോഽർജുനം।
തഥാ ത്വമപി രാധേയം രക്ഷസ്വ ച മഹാരണേ'॥ 8-23-30 (56020)
ത്വയാ സാരഥിനാ ഹ്യേഷ അപ്രധൃഷ്യോ ഭവിഷ്യതി।
ദേവതാനാമപി രണേ സശക്രാണാം മഹീപതേ।
കിം പുനഃ പാണ്ഡവേയാനാം മാ വിശങ്കീർവചോ മമ॥ 8-23-31 (56021)
സഞ്ജയ ഉവാച। 8-23-32x (4880)
ദുര്യോധനവചഃ ശ്രുത്വാ ശല്യഃ ക്രോധസമന്വിതഃ।
`ധാർതരാഷ്ട്രമഥോവാച സൃക്വിണീ പരിലേലിഹൻ'॥ 8-23-32 (56022)
ത്രിശിഖാം ഭ്രുകുടിം കൃത്വാ ധുന്വൻഹസ്തൌ പുനഃപുനഃ।
ക്രോധരക്തേ മഹാനേത്രേ പരിവൃത്യ മഹാഭുജഃ।
കുലൈശ്വര്യശ്രുതബലൈർദൃപ്തഃ ശല്യോഽബ്രവീദിദം॥ 8-23-33 (56023)
ശല്യ ഉവാച। 8-23-34x (4881)
ന മാമർഹസി രാജേദ്ര നിയോക്തും കർമണീദൃശേ।
ന ഹി പാപീയസഃ ശ്രേയാൻപ്രേഷ്യത്വം കർതുമർഹതി॥ 8-23-34 (56024)
യോ ഹ്യഭ്യുപഗതം മിത്രം ഗരീയാംസം വിശേഷതഃ।
വശേ പാപീയസോ ധത്തേ തത്കാര്യമധരോത്തരം॥ 8-23-35 (56025)
ബ്രഹ്മണാ ബ്രാഹ്മണാഃ സൃഷ്ടാ മുഖാത്ക്ഷത്രം ച ബാഹുതഃ।
ഊരുഭ്യാമഥ വൈശ്യാ വൈ ശൂദ്രാഃ പദ്ഭ്യാമിതി ശ്രുതിഃ॥ 8-23-36 (56026)
തേഭ്യോ വർണവിശേഷാശ്ച പ്രതിലോമാനുലോമജാഃ।
അഥാന്യോന്യസ്യ സംയോഗാച്ചാതുർവർണ്യസ്യ ഭാരത॥ 8-23-37 (56027)
ഗോപ്താരഃ സംഗൃഹീതാരോ ദാതാരഃ ക്ഷത്രിയാഃ സ്മൃതാഃ॥ 8-23-38 (56028)
യാജനാധ്യാപനൈർവിപ്രാ വിശുദ്വൈശ്ച പ്രതിഗ്രഹൈഃ।
ലോകസ്യാനുഗ്രഹാർഥായ സ്ഥാപിതാ ബ്രാഹ്മണാ ഭുവി॥ 8-23-39 (56029)
കൃഷിശ്ച പാശുപാല്യം ച വിശാം ദാനം ച ധർമതഃ।
ബ്രഹ്മക്ഷത്രവിശാം ശൂദ്രാ വിഹിതാഃ പരിചാരകാഃ॥ 8-23-40 (56030)
ബ്രഹ്മക്ഷത്രസ്യ വിഹിതാഃ സൂതാ വൈ പരിചാരകാഃ।
ന ക്ഷത്രിയോ വൈ സൂതാനാം ശൃണുയാച്ച കഥഞ്ചന॥ 8-23-41 (56031)
അഹം മൂർധാഭിഷിക്തോ ഹി രാജർഷികുലജോ നൃപഃ।
മഹാരഥസമാഖ്യാതഃ സേവ്യഃ സ്തുത്യശ്ച വന്ദിനാം॥ 8-23-42 (56032)
സോഽമഹേതാദൃശോ ഭൂത്വാ നേഹാരിബലസൂദനഃ।
സൂതപുത്രസ്യ സംഗ്രാമേ സാരഥ്യം കർതുമുത്സഹേ॥ 8-23-43 (56033)
അവമന്യസേ മാം ഗാന്ധാരേ ധ്രുവം ചാപ്യതിശങ്കസേ।
യസ്മാദ്ബ്രവീഷി വിസ്രബ്ധഃ സാരഥ്യം ക്രിയതാമിതി॥ 8-23-44 (56034)
അസ്മത്തോഽഭ്യധികം കർണം മന്വാനസ്തം പ്രശംസസി।
ന ചാഹം യുധി രാധേയം ഗണയേ തുല്യമാത്മനഃ॥ 8-23-45 (56035)
ആദിശ്യതാമഭ്യധികോ മമാംശഃ പൃഥിവീപതേ।
തമഹം സമരേ ഹത്വാ ഗമിഷ്യാമി യഥാഗതം॥ 8-23-46 (56036)
അഥവാപ്യേക ഏവാഹം യോത്സ്യാമി തവ ശത്രുഭിഃ।
പശ്യ വീര്യം മമാദ്യ ത്വം സംഗ്രാമേ ദഹതോ രിപൂൻ॥ 8-23-47 (56037)
ന ചാപി കാമാൻകൌരവ്യ നിധായ ഹൃദയേ പുമാൻ।
അസ്മദ്വിധഃ പ്രവർതേത മാ മാ ത്വമതിശങ്കിഥാഃ॥ 8-23-48 (56038)
അപി ചാപ്യവമാനോ മേ ന കർതവ്യഃ കഥഞ്ചന।
പശ്യ ഭീമൌ മമ ഭുജൌ വജ്രസംഹനനൌ ദൃഢൌ॥ 8-23-49 (56039)
ധനുഃ പശ്യ ച മേ ചിത്രം ശരാംശ്ചാശീവിഷപമാൻ।
രഥം ച പശ്യ മേ ചിത്രം സദശ്വൈർവാതവേഗിഭിഃ॥ 8-23-50 (56040)
ഗദാം ച പശ്യ ഗാന്ധാരേ ഹേമപട്ടവിഭൂഷിതാം।
ദാരയേയം മഹീം ക്രുദ്ധോ വികിരേയം ച പർവതാൻ।
ശോഷയേയം സമുദ്രാംശ്ച പാതയേയം ച ഭാസ്കരം॥ 8-23-51 (56041)
തം മാമേവംവിധം രാജൻസമർഥമരിനിഗ്രഹേ।
കസ്മാദ്യുനങ്ക്ഷി സാരഥ്യേ സൂതസ്യാധിരഥേസ്തു മാം॥ 8-23-52 (56042)
ന ചാപി മമ രാധേയഃ കലാമർഹതി ഷോഡശീം॥ 8-23-53 (56043)
സകർണാ യേ ത്രയോ ലോകാഃ സാർജുനാഃ സജനാർദനാഃ।
നിബദ്വാംസ്തന്ത്രണേ രാജന്ന ഗണേയം കഥഞ്ചന॥ 8-23-54 (56044)
ന ചാഹം പ്രാകൃതഃ കശ്ചിന്ന ചാസ്ംയധിഗതഃ സ്വയം।
അയം ചാപ്യവമാനോ മേ ന കർതവ്യഃ കഥഞ്ചന॥ 8-23-55 (56045)
ആപൃച്ഛേ ത്വാദ്യ ഗാന്ധാരേ യാസ്യാമി വിഷയം പ്രതി।
ന ചാഹം സൂതപുത്രസ്യ സാരഥ്യമുപജഗ്മിവാൻ॥ 8-23-56 (56046)
അവമാനമഹം പ്രാപ്യ ന യോത്സ്യാമി കഥഞ്ചന।
ആപൃച്ഛേ ത്വാഽദ്യ ഗാന്ധാരേ ഗമിഷ്യാമി ഗൃഹായ വൈ॥ 8-23-57 (56047)
സഞ്ജയ ഉവാച। 8-23-58x (4882)
ഏവമുക്ത്വാ മഹാരാജ ശല്യഃ സമിതിശോഭനഃ।
ഉത്ഥായ പ്രയയൌ തൂർണം രാജമധ്യാദമർഷിതഃ॥ 8-23-58 (56048)
പ്രണയാദ്ബഹുമാനാച്ച തം നിഗൃഹ്യ സുതസ്തവ।
അബ്രവീൻമധുരം വാക്യം സാംനാ സർവാർഥസാധകം॥ 8-23-59 (56049)
യഥാ ശല്യ ത്വമാത്ഥേദമേവമേതദസംശയം।
അഭിപ്രായസ്തു മേ കശ്ചിത്തം നിബോധ ജനേശ്വര॥ 8-23-60 (56050)
ന കർണോഽഭ്യധികസ്ത്വത്തോ ന ചാന്യേ ചൈവ പാർഥിവാഃ।
ന ച മദ്രേശ്വര ത്വാം വൈ കൃഷ്ണഃ സോഢും ച ശക്ഷ്യതി॥ 8-23-61 (56051)
ഋതമേവ ഹി പൂർവാസ്തേ വദന്തി പുരുഷോത്തമാഃ।
തസ്മാദാർതായനിഃ പ്രോക്തോ ഭവാനിതി മതിർമമ॥ 8-23-62 (56052)
ശല്യബൂതസ്തു ശത്രൂണാം യസ്മാത്ത്വം യുധി മാനദ।
തസ്മാച്ഛല്യേതി തേ നാമ കഥ്യതേ പൃഥിവീതലേ॥ 8-23-63 (56053)
യദേതദ്വ്യാഹൃതം പൂർവം ഭവതാ ഭൂരിദക്ഷിണ।
തദേവ കുരു ധർമജ്ഞ മദർഥം യദ്യദുച്യതേ॥ 8-23-64 (56054)
ന ച ത്വത്തോ ഹി രാധേയോ ന ചാഹമപി വീര്യവാൻ।
വൃണേഽഹം ത്വാം ഹയാഗ്ര്യാണാം യന്താരമിഹ സംയുഗേ॥ 8-23-65 (56055)
മന്യേ ചാഭ്യധികം ശല്യ ഗുണൈഃ കർണം ധനഞ്ജയാത്।
ഭവന്തം വാസുദേവാച്ച ലോകോഽയമതിമന്യതേ॥ 8-23-66 (56056)
കർണോ ഹ്യഭ്യധികഃ പാർഥാദസ്ത്രൈരേവ നരർഷഭ।
ഭവാനഭ്യധികഃ കൃഷ്ണാദശ്വജ്ഞാനേ ബലേ തഥാ॥ 8-23-67 (56057)
യഥാഽശ്വഹൃദയം വേദ വാസുദേവോ മഹാമനാഃ।
ദ്വിഗുണം ത്വം തഥാ വേത്സി മദ്രരാജേശ്വരാത്മജ॥ 8-23-68 (56058)
ശല്യ ഉവാച। 8-23-69x (4883)
യൻമാം ബ്രവീഷി ഗാന്ധാരേ മധ്യേ സൈന്യസ്യ കൌരവ।
വിശിഷ്ടം ദേവകീപുത്രാത്പ്രീതിമാനസ്ംയഹം ത്വയി॥ 8-23-69 (56059)
ഏഷ സാരഥ്യമാതിഷ്ഠേ രാധേയസ്യ യശസ്വിനഃ।
യുധ്യതഃ പാണ്ഡവാഗ്ര്യേണ യഥാ ത്വം വീര മന്യസേ॥ 8-23-70 (56060)
സമയശ്ച ഹി മേ വീര കശ്ചിദ്വൈകർതനം പ്രതി।
ഉത്സൃജേയം യഥാശ്രദ്വമഹം വാചോഽസ്യ സന്നിധൌ॥ 8-23-71 (56061)
സഞ്ജയ ഉവാച। 8-23-72x (4884)
തഥേതി രാജൻപുത്രസ്തേ സഹ കർണേന ഭാരത। 8-23-72 (56062)
അബ്രവീൻമദ്രരാജസ്യ മതം ഭരതസxxxx॥ ॥ 8-23-72 (56063)
ഇതി ശ്രീമൻമഹാഭാരതേ കർണപർവണി ത്രയോവിംശോഽധ്യായഃ॥ 23 ॥
Mahabharata - Karna Parva - Chapter Footnotes
॥ ശ്രീഃ ॥
8.24. അധ്യായഃ 024
Mahabharata - Karna Parva - Chapter Topics
ദുര്യോധനേന ശല്യംപ്രതി ത്രിപുരാസുരകഥാകഥനാരംഭഃ॥ 1 ॥ ത്രിപുരാസുരോപദ്രുതൈർദേവൈഃ സ്തുല്യാ രുദ്രപ്രസാദനം॥ 2 ॥
Mahabharata - Karna Parva - Chapter Text
8-24-0 (56064)
ദുര്യോധന ഉവാച। 8-24-0x (4885)
ഭൂയ ഏവ തു മദ്രേശ യത്ത്വാ വക്ഷ്യാമി തച്ഛൃണു।
യഥാ പുരാവൃത്തമിദം യുദ്ധേ ദേവാസുരേ പ്രഭോ॥ 8-24-1 (56065)
യദുക്തവാൻപിതുർമഹ്യം മാർകണ്ഡേയോ മഹാതപാഃ।
ബ്രുവതസ്തദശേഷേണ മമ രാജർഷിസത്തമ।
നിബോധ മനസാ ചാത്ര ന തേ കാര്യാ വിചാരണാ॥ 8-24-2 (56066)
`സമുത്പന്നോ ഹി രാജാനഃ പ്രമോഹ ഇതി നിശ്ചയം।
കൃത്വാ ചൈവ വ്യവസ്യന്തി സർവേ ധർമാർഥനിശ്ചയാൻ॥ 8-24-3 (56067)
ദേവാനാമസുരാണാം ച മഹാനാസീത്സമുച്ഛ്രയഃ।
സൈംഹികേയാസ്തദോദ്വൃത്താ വിബുധാനവസൂദയൻ।
തേ നിരസ്തഃ കൃതാ ദേവൈർദാനവാ ബലഗർവിതാഃ'॥ 8-24-4 (56068)
തത്രാസീത്പ്രഥമോ രാജൻസംഗ്രാമസ്താരകാമയഃ।
നിർജിതാശ്ച തതോ ദൈത്യാ ദൈവതൈരിതി നഃ ശ്രുതിഃ॥ 8-24-5 (56069)
ഭഗ്നദർപാ നിരുത്സാഹാഃ പാതാലം വിവിശുസ്തദാ॥ 8-24-6 (56070)
നിർജിതേഷു ച ദൈത്യേഷു താരകസ്യ സുതാസ്ത്രയഃ।
താരാക്ഷഃ കമലാക്ഷശ്ച വിദ്യുൻമാലീ ച പാർഥിവ॥ 8-24-7 (56071)
തപ ഉഗ്രം സമാസ്ഥായ നിയമേ പരമേ സ്ഥിതാഃ।
തപസാ കർണയാമാസുർദേഹാംസ്താഞ്ശത്രുകർശനാഃ॥ 8-24-8 (56072)
ദമേന തപസാ ചൈവ നിയമേന സമാധിനാ।
തേഷാം പിതാമഹഃ പ്രീതോ വരദഃ പ്രദദൌ വരം॥ 8-24-9 (56073)
അവധ്യത്വം ച തേ സർവേ സർവഭൂതേഷു സർവദാ।
സഹിതാ വരയാമാസഃ സർവലോകപിതാമഹം॥ 8-24-10 (56074)
താനബ്രവീത്തദാ ദേവഃ സർവലോകഗുരുഃ പ്രഭുഃ।
നാസ്തി സർവാമരത്വം വൈ നിവർതധ്വമിതോഽസുരാഃ।
അന്യം വരം വൃണീധ്വം വൈ രോചതേ യാദൃശോ ഹി വഃ॥ 8-24-11 (56075)
തതസ്തേ സഹിതാ രാജൻസംപ്രധാര്യാസകൃദ്ബഹുഃ।
സർവലോകേശ്വരം വാക്യം പ്രണംയൈനമഥാഽബ്രുവൻ॥ 8-24-12 (56076)
വസ്തുമിച്ഛാമ നഗരം കർതും കാമഗമം ശുഭം।
സർവകാമസമൃദ്വാർഥമവധ്യം ദേവദാനവൈഃ॥ 8-24-13 (56077)
യക്ഷരക്ഷോരഗഗണൈർനാനാജാതിഭിരേവ ച।
ന കൃത്യാഭിർന ശസ്ത്രൈശ്ച ന ശാപൈർബ്രഹ്മവാദിനാം।
വധ്യേത ത്രിപുരം ദേവ പ്രയച്ഛേഃ പ്രപിതാമഹ॥ 8-24-14 (56078)
വയം പുരാണി ത്രീണ്യേവ സമാസ്ഥായ മഹീമിമാം।
വിചരിഷ്യാമ ലോകേഽസ്മിംസ്ത്വത്പ്രസാദപുരസ്കൃതാഃ॥ 8-24-15 (56079)
തതോ വർഷസഹസ്രേഷു സമേഷ്യാമഃ പരസ്പരം।
ഏകീഭാവം ഗഭിഷ്യന്തി പുരാണ്യേതാനി ചാനഘ॥ 8-24-16 (56080)
സമാഗതാനി ചൈതാനി യോ ഹന്യാദ്ഭഗവാംസ്തദാ।
ഏകേഷുണാ ദേവവരഃ സ നോ മൃത്യുർഭവിഷ്യതി॥ 8-24-17 (56081)
ദുര്യോധന ഉവാച। 8-24-18x (4886)
തേഷാം തദ്വചനം ശ്രുത്വാ ദാനവാനാം പിതാമഹഃ।
ഏവമസ്ത്വിതി താന്ദേവഃ പ്രത്യുക്ത്വാ പ്രാവിശദ്ദിവം॥ 8-24-18 (56082)
തേ തു ലബ്ധവരാഃ പ്രീതാഃ സംപ്രധാര്യ പരസ്പരം।
പുരത്രയവിസൃഷ്ട്യർഥം മയം വവ്രുർമഹാരഥാഃ।
വിശ്വകാർമാണമജരം ദൈത്യദാനവപൂജിതം॥ 8-24-19 (56083)
തതോ മയഃ സ്വതപസാ ചക്രേ ധീമാൻപുരാണി ച।
ത്രീണി കാഞ്ചനമേകം വൈ രൌപ്യം കാർഷ്ണായസം തഥാ॥ 8-24-20 (56084)
കാഞ്ചനം ദിവി തത്രാസീദന്തരിക്ഷേ ച രാജതം।
ആയസം ചാഭവദ്ഭൌമം തദാ തേഷാം പരന്തപ॥ 8-24-21 (56085)
ഏകൈകം യോജനശതം വിസ്തൃതം താവദായതം।
ദൃഢം ചാട്ടാലകയുതം ബൃഹത്പ്രാകാരതോരണം॥ 8-24-22 (56086)
ഗൃഹപ്രവരസംബാധമസംബാധമഹാപഥം।
പ്രാസാദൈർവിവിധൈശ്ചാപി ദ്വാരൈശ്ചൈവോപശോഭിതം॥ 8-24-23 (56087)
ത്രിപുരം തേഷു ചാപ്യാസന്രാജാനോ വൈ പൃഥക്പൃഥക്।
ദിവ്യമാല്യാംബരധരാ ദൈതേയാ രാജസത്തമ॥ 8-24-24 (56088)
കാഞ്ചനം താരകാക്ഷസ്യ ദിവ്യമാസീൻമഹാത്മനഃ।
രാജതം കമലാക്ഷസ്യ വിദ്യുൻമാലിന ആയസം॥ 8-24-25 (56089)
ത്രയസ്തേ ദൈത്യരാജാനസ്ത്രീംʼല്ലോകാനാശു തേജസാ।
ആക്രംയ തസ്ഥുരൂചുശ്ച കശ്ച നാമ പ്രജാപതിഃ॥ 8-24-26 (56090)
തേഷാം ദാനവമുഖ്യാനാം പ്രയുതാന്യർബുദാനി ച।
കോട്യാശ്ചാപ്രതിവീരാണാം സമാജഗ്മുസ്തതസ്തതഃ॥ 8-24-27 (56091)
മാംസാശിനഃ സുദൃപ്താശ്ച സുരൈർവിനികൃതാഃ പുരാ।
മഹദൈശ്വര്യമിച്ഛന്തസ്ത്രിപുരം ദുർഗമാശ്രിതാഃ॥ 8-24-28 (56092)
സർവേഷാം ച പുനശ്ചൈഷാം സർവയോഗവഹോ മയഃ।
തമാശ്രിത്യ ഹി തേ സർവേഽവർതയന്നകുതോഭയാഃ॥ 8-24-29 (56093)
യോ ഹി യം മനസാ കാമം ദധ്യൌ ത്രിപുരസംശ്രയഃ।
തസ്മൈ തസ്മൈ മയസ്തം തം വിദധേ മായയാ തദാ॥ 8-24-30 (56094)
താരകാക്ഷസുതശ്ചാസീദ്വരിർനാമ മഹാബലഃ।
തപസ്തേപേ പരമകം യേനാതുഷ്യത്പിതാമഹഃ॥ 8-24-31 (56095)
സന്തുഷ്ടമവൃണോദ്ദേവം വാപീ ഭവതുഃ നഃ പുരേ।
ശസ്ത്രൈർവിനിഹതാ യത്ര ക്ഷിപ്താഃ സ്യുർബലവത്തരാഃ॥ 8-24-32 (56096)
സ തു ലബ്ധ്വാ വരം വീരസ്താരകാക്ഷസുതോ ഹരിഃ।
സസൃജേ തത്ര വാപീം താം മൃതസഞ്ജീവിനീം പ്രഭോ॥ 8-24-33 (56097)
യേന രൂപേണ യോ ദൈത്യോ യേന വേഷേണ ചാപ്യഥ।
ക്ഷിപ്യതേ നിഹതോ വാപ്യാം താദൃശേനൈവ ജായതേ।
സംപൂർണബലവീര്യസ്തു രാജഞ്ഛൌര്യസമന്വിതഃ॥ 8-24-34 (56098)
ഏവം വീര്യേണ സംയുക്താം കൃതാം തേന മഹാത്മനാ।
താം പ്രാപ്യ ത്രൈപുരാ വാപീം ലോകാൻസർവാൻബബാധിരേ॥ 8-24-35 (56099)
മഹതാ തപസാ സിദ്ധാഃ സുരാണാം ഭയവർധനാഃ।
ഏകസ്മിന്നിഹതേ ദൈത്യേ സൃജന്തി സ്മ ദശാസുരാൻ।
ന തേഷാം വിദ്യതേ യുദ്വേ ക്ഷയോ രാജൻകഥഞ്ചന॥ 8-24-36 (56100)
തതസ്തേ ലോഭമോഹാഭ്യാമഭിഭൂതാ വിചേതസഃ।
നിർഭീകാഃ സഹിതാഃ സർവേ സ്ഥാപിതാഃ സമലോലുപാഃ॥ 8-24-37 (56101)
വിദ്രാവ്യ സഗണാന്ദേവാംസ്തത്രതത്ര തദാതദാ।
വിചേരുഃ സ്വേന കാമേന വരദാനേന ദർപിതാഃ॥ 8-24-38 (56102)
ദേവോദ്യാനാനി സർവാണി സ്ഥാനാനി ച ദിവൌകസാം।
ഋഷീണാമാശ്രമാൻപുണ്യാന്രംയാഞ്ചനപദാംസ്തഥാ।
ഉത്സാദയന്ത മര്യാദാം ദാനവാ ദുഷ്ടചാരിണഃ॥ 8-24-39 (56103)
നിഃസ്ഥാനാശ്ച കൃതാ ദേവാ ഋഷയഃ പിതൃഭിഃ സഹ।
ദൈത്യൈസ്ത്രിഭിസ്ത്രയോ ലോകാ ഹ്യാക്രാന്താസ്തൈഃ സുരേതരൈഃ॥ 8-24-40 (56104)
പീഡ്യമാനേഷു ലോകേഷു തതഃ ശക്രോ മരുദ്വൃതഃ।
പുരാണ്യായോധയാഞ്ചക്രേ വജ്രഹസ്തഃ സമന്തതഃ॥ 8-24-41 (56105)
നാശകത്താന്യഭേദ്യാനി യദാ ഭേത്തും പുരന്ദരഃ।
പുരാണി വരദത്താനി ധാത്രാ തേന നരാധിപ॥ 8-24-42 (56106)
തദാ ഭീതഃ സുരപതിർമുക്ത്വാ താനി പുരാണ്യഥ।
തൈരേവ വിബുധൈഃ സാർധം പിതാമഹമരിന്ദമ।
ജഗാമാഥ തദാഖ്യാതും വിപ്രകാരം സുരേതരൈഃ॥ 8-24-43 (56107)
തേ തത്ത്വം സർവമാഖ്യായ ശിരോഭിഃ സംപ്രണംയ ച।
തദ്വധോപായമാചക്ഷ്വ ഭഗവന്നിതി ചാബ്രുവൻ॥ 8-24-44 (56108)
ശ്രുത്വാ തദ്ഭഗവാന്ദേവോ ദേവാനിദമുവാച ഹ।
ശ്രൂയതാം ത്രിദശാഃ സർവേ യഥേദം വാക്യഗൌരവം॥ 8-24-45 (56109)
ദുരാത്മാനോഽസുരാ നിത്യം തേ ചാപി വിബുധാ മമ।
ന ശക്നുവന്തി തേ (യേ) സർവേ യുഷ്മാന്വൈ പീഡയന്തി തേ॥ 8-24-46 (56110)
അഹം സമസ്തു സർവേഷാം ഭൂതാനാം നാത്ര സംശയഃ।
അവിനീതാ നിഹന്തവ്യാ ഇത്യേവം പ്രബ്രവീമി വഃ॥ 8-24-47 (56111)
ഏകേഷുണാ (ഹി) വിഭേദ്യാനി താനി ദുർഗാണി നാന്യഥാ।
ശക്തസ്തു താനി ബാണേന ഭേത്തും കാമം ത്രിലോചനഃ॥ 8-24-48 (56112)
തേ യൂയം സ്ഥാണുമീശാനം ജിഷ്മുമക്ലിഷ്ടകാരിണം।
യോദ്വാരം വൃണുത ക്ഷിപ്രം സ താൻഹന്താ സുരേതരാൻ॥ 8-24-49 (56113)
തേ ദേവാസ്തേന വാക്യേന ചോദിതാഃ പ്രണതാഃ സ്ഥിതാഃ।
ദിവ്യം വർഷസഹസ്രം വൈ തപസ്തപ്ത്വാ സുരർഷഭാഃ।
ശുഭാത്മാനോ മഹാത്മാനോ ജഗ്മുർവൈ വൃഷഭധ്വജം॥ 8-24-50 (56114)
ബ്രഹ്മാണമഗ്രതഃ കൃത്വാ ശരണ്യം ശരണാഗതാഃ।
തപഃ പരമമാജഗ്മുർഗൃണന്തോ ബ്രഹ്മ ശാശ്വതം॥ 8-24-51 (56115)
അനംഗമഥനം സർവേ ഭവം സർവാത്മനാ ഗതാഃ।
ദേവദേവം പരം സ്ഥാണും വരദം ത്ര്യംബകം ശിവം॥ 8-24-52 (56116)
ശർവമീഡ്യമജം രുദ്രം ശശാങ്കാങ്കിതമൂർധജം।
തുഷ്ടുവുർവാഗ്ഭിരുഗ്രാഭിർഭയേഷ്വഭയമച്യുതം।
സർവാത്മാനം മഹാത്മാനം യേനാപ്തം വിശ്വമാത്മനാ॥ 8-24-53 (56117)
തപോവിശേഷൈർവിവിധൈര്യോഗം യോ വേദ ചാത്മനഃ।
യഃ സാംഖ്യമാത്മനാ വേത്തി യസ്യ ചാത്മാ വേശേ സദാ॥ 8-24-54 (56118)
തം തേ ദദൃശുരീശാനം തേജോരാശിമുമാപതിം।
`പരേണ യത്നേന ഭവം ത്രിദശാഃ ശർവമീശ്വരം'।
അനന്യസദൃശം ലോകേ പ്രതപന്തമകൽമഷം॥ 8-24-55 (56119)
ഏകശ്ച ഭഗവാംസ്തത്ര നാനാരൂപമകൽപയത്।
ആത്മനഃ പ്രതിരൂപാണി രൂപാണ്യഥ മഹാത്മനി।
പരസ്പരസ്യ ചാപശ്യൻസർവേ പരമവിസ്മിതാഃ॥ 8-24-56 (56120)
സർവഭൂതമയം ദൃഷ്ട്വാ തമജം ജഗതഃ പരിം।
ദേവാ ബ്രഹ്മർഷയശ്ചൈവ ശിരോഭിർധരണീം ഗതാഃ॥ 8-24-57 (56121)
താൻസ്വസ്തിവാച്യ ചാഭ്യർച്യ സമുത്ഥാപ്യ ച ശങ്കരഃ।
ബ്രൂതബ്രൂതേതി ഭഗവാൻസ്മയമാനോഽഭ്യഭാഷത॥ 8-24-58 (56122)
ത്ര്യംബകേണാഭ്യനുജ്ഞാതാസ്തതസ്തേ സ്വസ്ഥചേതസഃ।
നമോ നമോ നമസ്തേഽസ്തു പ്രഭോ ഇത്യബ്രുവൻഭവം॥ 8-24-59 (56123)
നമോ ദേവാധിദേവായ പ്രിയാധാഘ്നേഽതിമന്യവേ।
പ്രജാപതിമഖഘ്നായ പ്രജാപതിഭിരീഡ്യതേ॥ 8-24-60 (56124)
നമഃ സ്തുതായ സ്തുത്യായ സ്തൂയമാനായ ശംഭവേ।
വിലോഹിതായ രുദ്രായ നീലഗ്രീവായ ശൂലിനേ॥ 8-24-61 (56125)
അമോഘായ മൃഗാക്ഷായ പ്രവരായുധയോധിനേ।
അർഹായ ചൈവ ശുദ്വായ ക്ഷയായ ക്രഥനായ ച॥ 8-24-62 (56126)
ദുർവാരണായ ശുക്രായ ബ്രഹ്മണേ ബ്രഹ്മചാരിണേ।
ഈശാനായാപ്രമേയായ നിഹന്ത്രേ ചർമവാസസേ॥ 8-24-63 (56127)
തപോരതായ പിംഗായ വ്രതിനേ കൃത്തിവാസസേ।
കുമാരപിത്രേ ത്ര്യക്ഷായ പ്രവരായുധധാരിണേ॥ 8-24-64 (56128)
പ്രപന്നാർതിവിനാശായ ബ്രഹ്മദ്വിട്സംഘഘാതിനേ।
വനസ്പതീനാം പതയേ വനാനാം പതയേ നമഃ॥ 8-24-65 (56129)
ഗവാം ച പതയേ നിത്യം യജ്ഞാനാം പതയേ നമഃ।
നമോസ്തു തേ സസൈന്യായ ത്ര്യംബകായാമിതൌജസേ।
മനോവാക്കർമഭിർദേവ ത്വാം പ്രപന്നാൻഭജസ്വ നഃ॥ 8-24-66 (56130)
തതഃ പ്രസന്നോ ഭഗവാൻസ്വാഗതേനാഭിനന്ദ്യ ച।
പ്രോവാച വ്യേതു വസ്ത്രാസോ ബ്രൂത കിം കരവാണി വഃ॥ 8-24-67 (56131)
`ദേവാഃ ശർവസ്യ വചനം ശ്രുത്വാ ഹർഷമുപാഗതാഃ'॥ ॥ 8-24-68 (56132)
ഇതി ശ്രീമൻമഹാഭാരതേ കർണപർവണി ചതുർവിംശോഽധ്യായഃ॥ 24 ॥
Mahabharata - Karna Parva - Chapter Footnotes
॥ ശ്രീഃ ॥
8.25. അധ്യായഃ 025
Mahabharata - Karna Parva - Chapter Topics
ദേവൈ രുദ്രവചനാത്തസ്യ സ്വസ്വാർധബലദാനപൂർവകം ത്രിപുരസംഹാരായാഭിഷേചനം॥ 1 ॥
Mahabharata - Karna Parva - Chapter Text
8-25-0 (56133)
ദുര്യോധന ഉവാച। 8-25-0x (4887)
പിതൃദേവർഷിസംഘേഭ്യോഽഭയേ ദത്തേ മഹാത്മനാ।
സത്കൃത്യ ശങ്കരം പ്രാഹ ബ്രഹ്മാ ലോകപിതാമഹഃ॥ 8-25-1 (56134)
ഇമാന്യസുരദുർഗാണി ലോകാംസ്ത്രീനാക്രമന്തി ഹി।
കശ്ച പ്രജാപതിർഘോരാംസ്താൻസ്രർവാഞ്ജഹി മാ ചിരം॥ 8-25-2 (56135)
വരാതിസർഗാദ്ദേവേശ പ്രാജാപത്യമിദം പരം।
മയാഽധിതിഷ്ഠതാ ദത്തോ ദാനവേഭ്യോ മഹാന്വരഃ॥ 8-25-3 (56136)
നാസ്ത്യന്യോ യുധി തേഷാം വൈ നിഹന്താ ഇതി നഃ ശ്രുതം।
താനതിക്രാന്തമര്യാദാന്നാന്യഃ സംഹർതുമർഹതി।
ത്വാമൃതേ സർവഭൂതേശ ത്വം ഹ്യേഷാം പ്രത്യരിർവധേ॥ 8-25-4 (56137)
സ ത്വം ദേവ പ്രപന്നാനാം യാചതാം ച ദിവോകസാം।
കുരു പ്രസാദം വരദ ദാനവാഞ്ജഹി സംയുഗേ॥ 8-25-5 (56138)
ത്വത്പ്രസാദാജ്ജഗത്സർവം സുഖമൈധത മാനദ।
ശരണ്യസ്ത്വം ഹി ദേവാനാം വയം ത്വാം ശരണം ഗതാഃ॥ 8-25-6 (56139)
ഈശ്വര ഉവാച। 8-25-7x (4888)
ഹന്തവ്യാഃ ശത്രവഃ സർവേ യുഷ്മാകമിതി മേ മതിഃ।
ന ത്വേകശ്ചോത്സഹേ ഹന്തും ബലിനഃ സുരവിദ്വിഷഃ॥ 8-25-7 (56140)
തേ യൂയം സഹിതാഃ സർവേ മദീയേനാപി തേജസാ।
ജയധ്വം യുധി താൻസർവാൻസംഘാതേന മഹാബലാൻ॥ 8-25-8 (56141)
ദേവാ ഊചുഃ। 8-25-9x (4889)
അസ്മത്തേജോബലം യാവത്താവദ്ദ്വിഗുണമേവ വാ।
തത്തേഷാമിതി മന്യാമോ ദൃഷ്ടതേജോബലാ ഹി തേ॥ 8-25-9 (56142)
ഈശ്വര ഉവാച। 8-25-10x (4890)
വധ്യാസ്തേ സർവഥാ പാപാ യേ യുഷ്മാസ്വപരാധിനഃ।
മമ തേജോബലാർധേന സർവേ മൃദ്ഗഥ ശാത്രവാൻ॥ 8-25-10 (56143)
ദേവാ ഊചുഃ। 8-25-11x (4891)
ബിഭർതും തവ തേജോർധം ന ശക്ഷ്യാമ സുരേശ്വര।
സർവേഷാം നോ ബലാർധേന ത്വമേവ ജഹി ശാത്രവാൻ॥ 8-25-11 (56144)
വയം ച സർവഥാ ദേവ രക്ഷണീയാസ്തഥൈവ ച।
സ നോ രക്ഷ മഹാദേവ ത്വമേവ ജഹി ശാത്രവാൻ॥ 8-25-12 (56145)
ഈശ്വര ഉവാച। 8-25-13x (4892)
മമ തേജോ ന ശക്താ ഹി സർവേ ധാരയിതും യദി।
അഹമേനാന്വധിഷ്യാമി യുഷ്മത്തേജോർധസംയുതഃ॥ 8-25-13 (56146)
ബലാർധം യദി മേ ദേവാ ന ധാരയിതുമാഹവേ।
ശക്താഃ സർവേ ഹി സംഗംയ യൂയം തത്പ്രബ്രവീമി വഃ॥ 8-25-14 (56147)
സമാ ഭവന്തി മേ സർവേ ദാനവാശ്ചാമരാശ്ച യേ।
ശിവോഽസ്മി സർവഭൂതാനാം ശിവത്വം തേന മേ സുരാഃ॥ 8-25-15 (56148)
കിന്ത്വധർമേണ വർതന്തേ യസ്മാത്തേ സുരശത്രവഃ।
തസ്മാദ്വധ്യാ മയാപ്യേതേ യുഷ്മാകം ച ഹിതേപ്സയാ॥ 8-25-16 (56149)
ശരണം വഃ പ്രപന്നാനാം ധർമേണ ച ജിഗീഷതാം।
സാഹായ്യം വഃ കരിഷ്യാമി നിഹനിഷ്യാമി വോ രിപൂൻ॥ 8-25-17 (56150)
ദീയതാം ച ബലാർധം മേ സർവൈരപി പൃഥക്പൃഥക്।
പശുത്വം ചൈവ മേ ലോകാഃ സർവേ കൽപന്തു പീഡിതാഃ॥ 8-25-18 (56151)
പശൂനാം തു പതിത്വം മേ ഭവത്വദ്യ ദിവൌകസഃ।
ഏവം ന പാപം പ്രാപ്സ്യാമി പശൂൻഹത്വാ സുരദ്വിപഃ॥ 8-25-19 (56152)
കൽപയധ്വം രഥം ദിവ്യം രഥാശ്വാംശ്ചൈവ പാരഗാൻ।
ധനുഃ ശരം സാരഥിം ച തതോ ജേഷ്യാമി വോ രിപൂൻ॥ 8-25-20 (56153)
ഇതി ശ്രുത്വാ വചോ ദേവാ ദേവദേവസ്യ ഭൂപതേഃ।
വിഷാദമഗമൻസർവേ പശുത്വം പ്രതി ശങ്കിതാഃ॥ 8-25-21 (56154)
തേഷാം ഭാവം ഭവോ ജ്ഞാത്വാ ദേവസ്താനബ്രവീദിദം।
മാ വോസ്തു പശുഭാവേഽസ്മിൻഭയം വിബുധസത്തമാഃ॥ 8-25-22 (56155)
ശ്രൂയതാം പശുഭാവസ്യ വിമോക്ഷഃ ക്രിയതാം ച സഃ॥ 8-25-23 (56156)
യോ വഃ പശുപതേശ്ചര്യാം ചരിഷ്യതി സ മോക്ഷ്യതേ।
പശുത്വാദിതി സത്യം വഃ പ്രതിജാനേ സമാഗമേ॥ 8-25-24 (56157)
യേ ചാപ്യന്യേ ചരിഷ്യന്തി വ്രതം മോക്ഷ്യന്തി തേഽപി ച॥ 8-25-25 (56158)
നൈ(ത്യ)ഷ്ഠികം ദ്വാദശാബ്ദം വാ അർധമബ്ദമൃതുത്രയം।
മാസം ദ്വാദശരാത്രം ഗുഹ്യം വ്രതം ദിവ്യം ചരിഷ്യഥ॥ 8-25-26 (56159)
തം തഥേത്യബ്രുവന്ദേവാ ദേവദേവനമസ്കൃതം।
ഊചുശ്ചേദം ഗൃഹാണേദം തേജസോഽർധമിതി പ്രഭും॥ 8-25-27 (56160)
പ്രത്യുവാച തഥേത്യേവ ശൂലധൃദ്രാജസത്തമ।
തതസ്തേ പ്രദദുഃ സർവേ തേജസോഽർധം മഹാത്മനേ॥ 8-25-28 (56161)
സർവമാദായ സർവേഷാം തേജസോഽർധം ദിവൌകസാം।
തേജസാപ്യധികോ ഭൂത്വാ ഭൂയോഽപ്യതിബലോഽഭവത്॥ 8-25-29 (56162)
തതഃ പ്രഭൃതി ദേവാനാം ദേവദേവോഽഭവദ്ഭവഃ।
പതിശ്ച സർവഭൂതാനാം പശൂനാം ചാഭവത്തദാ॥ 8-25-30 (56163)
തസ്മാത്പശുപതിശ്ചോക്തോ ഭവത്വാച്ച ഭവേതി വൈ॥
അർധമാദായ സർവേഷാം തേജസാ പ്രജ്വലന്നിവ। 8-25-31 (56164)
ഭാസയാമാസ താൻസർവാന്ദേവദേവോ മഹാദ്യുതിഃ॥
തതോഽഭിഷിഷിച്യുഃ സർവേ സുരാ രുദ്രം പുരാരിണം। 8-25-32 (56165)
മഹാദേവ ഇതി ഹ്യാസീദ്ദേവദേവോ മഹേശ്വരഃ॥ ॥ 8-25-33 (56166)
ഇതി ശ്രീമൻമഹാഭാരതേ കർണപർവണി പഞ്ചവിംശോഽധ്യായഃ॥ 25 ॥
॥ ശ്രീഃ ॥
8.26. അധ്യായഃ 026
Mahabharata - Karna Parva - Chapter Topics
ദേബാനാമാജ്ഞയാ വിശ്വകർമണാ ഭൂംയാദിസാധനൈ രുദ്രായ രഥനിർമാണം॥ 1 ॥
Mahabharata - Karna Parva - Chapter Text
8-26-0 (56167)
ദുര്യോധന ഉവാച। 8-26-0x (4893)
തേജസോഽർധം സുരാ ദത്ത്വാ ശങ്കരായ മഹാത്മനേ।
പശുത്വമപി ചോപേത്യ വിശ്വകർമാണമവ്യയം॥ 8-26-1 (56168)
ഊചുഃ സർവേ സമാഭാഷ്യ രഥഃ സങ്കൽപ്യതാമിതി।
വിശ്വകർമാഽപി സഞ്ചിന്ത്യ രഥം ദിവ്യമകൽപയത്॥ 8-26-2 (56169)
സമേതാം പൃഥിവീം ദേവീ വിശാലാം പുരമാലിനീം।
സപർവതവനദ്വീപാം ചക്രേ ഭൂതധരാം രഥം॥ 8-26-3 (56170)
ഈഷാം നക്ഷത്രവംശം ച ഛത്രം മേരുമഹാഗിരിം।
അനേകദ്രുസഞ്ഛന്നം രത്നാകരമനുത്തമം॥ 8-26-4 (56171)
ഹിമവന്തം ച വിന്ധ്യം ച നാനാദ്രുമലതാകുലം।
അവസ്കരം പ്രതിഷ്ഠാനം കൽപയാമാസ വൈ തദാ॥ 8-26-5 (56172)
അസ്തംഗിരിമധിഷ്ഠാനം നാനാദ്വിജഗണായുതം।
ചകാര ഭഗവാംസ്ത്വഷ്ടാ ഉദയം രഥകൂബരം॥ 8-26-6 (56173)
മീനനക്രഝഷാവാസം ദാനവാലയമുത്തമം।
സമുദ്രമക്ഷം വിദധേ പത്തനാകരശോഭിതം॥ 8-26-7 (56174)
ചക്രം ചക്രേ ചന്ദ്രമസം താരകാഗണമണ്ഡിതം।
ദിവാകരം ചാപ്യപരം ചക്രം ചക്രേംഽശുമാലിനം॥ 8-26-8 (56175)
ഗംഗാം സരസ്വതീം തൂണീം ചക്രേ വിശ്വകൃദവ്യയഃ।
അലങ്കാരാ രഥസ്യാസന്നാപഗാഃ സരിതസ്തഥാ॥ 8-26-9 (56176)
ത്രീനഗ്നീൻമന്ത്രവച്ചക്രേ രഥസ്യാഥ ത്രിവേണുകം।
അനുകർഷാന്രഥേ ദീപ്താന്വരൂഥാംശ്ചാപി താരകാഃ॥ 8-26-10 (56177)
ഓഷധീർവീരുധശ്ചൈവ ഘണ്ടാജാലം ച ഭാനുമത്।
അലഞ്ചകാര ച രഥം മാസപക്ഷർതുഭിർവിഭുഃ॥ 8-26-11 (56178)
അഹോരാത്രൈഃ കലാഭിശ്ച കാഷ്ഠാഭിരയനൈസ്തഥാ।
ദ്യാം യുഗം യുഗപർവാണി സംവർതകബലാഹരകാൻ॥ 8-26-12 (56179)
ശംയാം ധൃതിം ച മേധാം ച സ്ഥിതിം സന്നതിമേവ ച।
ഋഘ്വേദം സാമവേദം ച ധുര്യാവശ്വാവകൽപയത്॥ 8-26-13 (56180)
പൃഷ്ഠാശ്വൌ തു യജുർവേദഃ കൽപിതോഽഥർവണസ്തഥാ।
അശ്വാനാം ചാപ്യലങ്കാരം വിദധേ പദസഞ്ചയം॥ 8-26-14 (56181)
സിനീവാലീമനുമതിം കുഹൂം രാകാം ച സുപ്രഭാം।
യോക്താണി ചക്രേ ചാശ്വാനാം കൂശ്മാണ്ഡാംശ്ചാപി പന്നഗാൻ। 8-26-15 (56182)
താലപൃഷ്ഠോഽഥ നഹുഷഃ കാർകോടകധനഞ്ജയൌ।
ഇതരേ ചാഭവന്നാഗാ ഹയാനാം വാഹബന്ധനം॥ 8-26-16 (56183)
അഭീശവഃ ഷഡംഗാനി കൽപിതാനി മഹീപതേ।
ഓങ്കാരഃ കൽപിതസ്തസ്യ പ്രതോദോ വിശ്വകർമണാ॥ 8-26-17 (56184)
യജ്ഞാഃ സർവേ പൃഥക്ലൃപ്താ രഥാംഗാനി ച ഭാഗശഃ।
അധിഷ്ഠാനം മനശ്ചാസീത്പരിരഥ്യാ സരസ്വതീ॥ 8-26-18 (56185)
നാനാവർണാനി ശസ്ത്രാണി പതാകാഃ പവനേരിതാഃ।
വിദ്യുദിന്ദ്രധനുര്യുക്തം രഥം ദീപ്ത്യാ വ്യദീപയത്॥ 8-26-19 (56186)
വർമ യോദ്ധും ച വിഹിതം നമോ ഗ്രഹഗണാകുലം।
അഭേദ്യം ഭാനുമച്ചിത്രം കാലചക്രപരിക്ഷതം॥ 8-26-20 (56187)
ഏവമസ്മിൻമഹാരാജ കൽപിതേ രഥസത്തമേ।
ത്വഷ്ട്രാ മനുജശാർദൂല ദ്വിഷതാം ഭയവർധനേ॥ 8-26-21 (56188)
സ്വാന്യായുധാനി ദിവ്യാനി ന്യദധാച്ഛങ്കരോ രഥേ।
ധ്വജയഷ്ടിം വിയത്കൃത്വാ സ്ഥാപയാമാസ ഗോവൃഷം॥ 8-26-22 (56189)
ബ്രഹ്മദൺ·ഡഃ കാലദംഡോ രുദ്രദണ്ഡശ്ച തേ ജ്വരാഃ।
പരിഷ്കാരാ ർഥസ്യാസൻസമന്താദ്ദിശമുദ്ധതാഃ॥ 8-26-23 (56190)
വിചിത്രമൃതുഭിഃ ഷഡ്ഭിഃ കൃത്വാ സംവത്സരം ധനുഃ।
ഛായാമേവാത്മനശ്ചക്രേ ധനുർജ്യാമക്ഷയാം ധ്രുവാം॥ 8-26-24 (56191)
കാലോ ഹി ഭഗവാന്രുദ്രസ്തച്ച സംവത്സരം ധനുഃ।
തസ്മാദ്രൌദ്രീ കാലരാത്രീ ജ്യാ കൃതാ ധനുഷോ ജരാ॥ 8-26-25 (56192)
തതോ രഥേ രഥാശ്വാംസ്താനൃഷയഃ സമയോജയൻ।
ഏകൈകശഃ സുസംഹൃഷ്ടാനാദായ സുധൃതവ്രതാഃ॥ 8-26-26 (56193)
ദക്ഷിണസ്യാം ധുരി കൃത ഋഗ്വേദോ മന്ത്രപാരഗൈഃ।
സവ്യതഃ സാമവേദശ്ച യുക്തോ രാജൻമഹർഷിഭിഃ॥ 8-26-27 (56194)
പാർഷ്ഠിദക്ഷിണതോ യുക്തോ യജുർവേദഃ സുരദ്വിജൈഃ।
ഇതരസ്യാം തഥാ പാർഷ്ഠ്യാം യുക്തോ രാജന്നഥർവണഃ॥ 8-26-28 (56195)
ഏവം തേ വാജിനോ യുക്താ യജ്ഞവിദ്ഭിസ്തഥാ രഥേ।
അശോഭന്ത തഥാ യുക്താ യഥൈവാധ്വരമധ്യഗാഃ॥ 8-26-29 (56196)
കൽപയിത്വാ രഥം ദിവ്യം തതോ ബാണമകൽപയത്।
ചിന്തയിത്വാ ഹരിം വിഷ്ണുമവ്യയം യജ്ഞവാഹനം॥ 8-26-30 (56197)
ശരം സങ്കൽപയാഞ്ചക്രേ വിശ്വകർമാ മഹാമനാഃ।
തസ്യ വാജാംശ്ച പുംഖം ച കൽപയാമാസ വൈ തദാ॥ 8-26-31 (56198)
പുണ്യഗന്ധവഹം രാജഞ്ശ്വസനം രാജസത്തമ।
അഗ്നീഷോമൌ ശരമുഖേ കൽപയാമാസ വൈ തദാ॥ 8-26-32 (56199)
അഗ്നീഷോമാത്മകം കൃത്സ്നമുച്യതേ വൈഷ്ണവം ജഗത്।
വിഷ്ണുരാത്മാ ഭഗവതോ ഭവസ്യാമിതതേജസഃ॥ 8-26-33 (56200)
തസ്മാദ്ധനുർജ്യാസംസ്പർശം സ വിഷേഹേ ശരസ്യ വൈ।
തസ്മിഞ്ശരേ തീക്ഷ്ണമന്യുമമുഞ്ചദ്ദുഃസഹം പ്രഭുഃ॥ 8-26-34 (56201)
ഭൃഗ്വംഗിരോമന്യുഭവഃ ക്രോധാഗ്നിരതിദുഃസഹഃ।
സ നീലലോഹിതോ ധൂംരഃ കൃത്തിവാസാ ഭയാനകഃ॥ 8-26-35 (56202)
ആദിത്യായുതസങ്കാശസ്തേജോജ്വാലാവൃതോ ഭവഃ।
ദുശ്ചര്യച്യാവകോ ജേതാ ഹന്താ ബ്രഹ്മദ്വിഷാം വരഃ॥ 8-26-36 (56203)
തസ്യാംഗാനി സമാശ്രിത്യ സ്ഥിതം വിശ്വമിദം ജഗത്।
ജംഗമാജംഗമം രാജഞ്ഛുശുഭേഽദ്ഭുതദർശനം॥ 8-26-37 (56204)
ദൃഷ്ടാ തു തം രഥം ദിവ്യം കവചീ സ ശരാസനീ।
ആദദേ സ ശരം ദിവ്യം സോമവിഷ്ണ്വഗ്നിവായുജം॥ 8-26-38 (56205)
തമാദായ മഹാദേവസ്ത്രാസയന്ദൈത്യദാനവാൻ।
ആരുരോഹ തദാ യത്തഃ കംപയന്നിവ രോദസീ॥ 8-26-39 (56206)
മഹർഷിഭിഃ സ്തൂയമാനോ വന്ദ്യമാനശ്ച വന്ദിഭിഃ।
ഉപനൃത്തശ്ചാപ്സരസാം ഗണൈർനൃത്തവിശാരദൈഃ॥ 8-26-40 (56207)
സ ശോഭമാനോ വരദഃ ഖംഗീ ബാണീ ശരാസനീ।
ഹസന്നിവാബ്രവീദ്ദേവഃ സാരഥിഃ കോ ഭവേദിതി॥ ॥ 8-26-41 (56208)
ഇതി ശ്രീമൻമഹാഭാരതേ കർണപർവണി ഷഡ്വിംശോഽധ്യായഃ॥ 26 ॥
॥ ശ്രീഃ ॥
8.27. അധ്യായഃ 027
Mahabharata - Karna Parva - Chapter Topics
ദേവാനാം പ്രാർഥനയാ ബ്രഹ്മണാ രുദ്രരഥസാരഥ്യകരണം॥ 1 ॥ രുദ്രേണ ത്രിപുരദഹനം॥ 2 ॥ ദുര്യോധനേന ദൃഷ്ടാന്തപ്രദർശനപൂർവകം ശല്യംപ്രതി കർണരഥസാരഥ്യകരണപ്രാർഥനാ॥ 3 ॥
Mahabharata - Karna Parva - Chapter Text
8-27-0 (56209)
ദുര്യോധന ഉവാച। 8-27-0x (4894)
തമബ്രുവന്ദേവഗണാ യം ഭവാൻസന്നിയോക്ഷ്യതേ।
സ ഭവിഷ്യതി ദേവേശ സാരഥിസ്തേ ന സംശയഃ॥ 8-27-1 (56210)
താനബ്രവീൻമഹാദേവോ മത്തഃ ശ്രേഷ്ഠതരോ ഹി യഃ।
തം സാരഥിം കുരുധ്വം വൈ സ്വയം സഞ്ചിന്ത്യ മാ ചിരം॥ 8-27-2 (56211)
ഏതച്ഛ്രുത്വാ വചോ ദേവാഃ സർവേ ഗത്വാ പിതാമഹം।
പ്രണിപത്യോചുരേകാഗ്രാഃ പ്രസാദ്യൈനം മഹർഷിഭിഃ॥ 8-27-3 (56212)
ത്വയാ യത്കഥിതം ദേവ ത്രിദശാരിനിബർഹണേ।
തഥാ തത്കൃതമസ്മാഭിഃ പ്രസന്നശ്ച വൃഷധ്വജഃ॥ 8-27-4 (56213)
രഥശ്ച വിഹിതോഽസ്മാഭിർവിചിത്രായുധസംവൃതഃ।
സാരഥിം ച ന ജാനീമഃ കഃ സ്യാത്തസ്മിന്രഥോത്തമേ॥ 8-27-5 (56214)
തസ്മാദ്വിധീയതാം കശ്ചിത്സാരഥിർദേവസത്തമ।
സഫലാം താം ഗിരം ദേവ കർതുമർഹസി നോ വിഭോ।
ഏവമസ്മാസു ഹി പുരാ ഭഗവന്നുക്തവാനസി॥ 8-27-6 (56215)
സദൈവ യുക്തോ രഥസത്തമോ വൈ
ദുരാധർഷോ ദ്രാവണഃ ശാത്രവാണാം।
പിനാകധന്വാ വിഹിതോഽത്ര യോദ്ധാ
വിഭീഷയന്ദാനവാനുദ്യതോഽസൌ॥ 8-27-7 (56216)
തഥൈവ വേദാശ്ച ഹയാ രഥാഗ്ര്യ
ധരാ സശൈലാ ച രഥോ മഹാത്മനഃ।
നക്ഷത്രവംശാനുഗതോ വരൂഥീ
യസ്മിന്യോദ്ധാ സാരഥിനാഽഭിരക്ഷ്യഃ॥ 8-27-8 (56217)
തത്ര സാരഥിരേഷ്ടവ്യഃ സർവൈരേതൈർവിശേഷവാൻ॥ 8-27-9 (56218)
തം പ്രവിഷ്ടാ രഥം ദേവാ രഥയോദ്വാരമേവ ച।
കവചാനി ച ശസ്ത്രാണി കാർമുകം ച പിതാമഹ॥ 8-27-10 (56219)
ത്വാമൃതേ സാരഥിം തത്ര നാന്യം പശ്യാമഹേ വയം।
ത്വം ഹി സർവൈർഗണൈര്യുക്തോദേവതാഭ്യോഽധികഃ പ്രഭോ॥ 8-27-11 (56220)
ത്വം ദേവ ശക്തോ ലോകേശ നിയന്തും പ്രദ്രുതാനിമാൻ।
വേദാംശ്ച സോപനിഷദഃ സാരഥിർഭവ നഃ സ്വയം॥ 8-27-12 (56221)
യോദ്വും ബലേന വീര്യേണ സത്വേന വിനയേന ച।
അധികഃസാരഥിഃകാര്യോ നാസ്തി ചാന്യോഽധികോ ഭവാത്॥ 8-27-13 (56222)
സ ഭവാംസ്താരയത്വസ്മാൻകുരു സാരഥ്യമവ്യയ।
ഭവാനഭ്യധികസ്ത്വത്തോ നാന്യോസ്തി ഭവിതാ ത്വിഹ॥ 8-27-14 (56223)
ത്വം ഹി ദേവേശ സർവൈസ്തു വിശിഷ്ടോ വദതാം വര।
തം രഥം ത്വം സമാരുഹ്യ സംയച്ഛ പരമാൻഹയാൻ॥ 8-27-15 (56224)
തവ പ്രസാദാദ്വധ്യേയുർദേവ ദൈവതകണ്ടകാഃ।
സ നോ രക്ഷ മഹാബാഹോ ദൈത്യേഭ്യോ മഹതോ ഭയാത്॥ 8-27-16 (56225)
ത്വം ഹി നോ ഗതിരവ്യഗ്ര തവം ന്ത്രേ ഗോപ്താ മഹാവ്രത।
ത്വത്പ്രസാദാത്സുരാഃ സർവേ പൂജ്യന്തേ ത്രിദിവേ പ്രഭോ॥ 8-27-17 (56226)
ഇതി തേ ശിരസാഽഗച്ഛംസ്ത്രിലോകേശം പിതാമഹം।
ദേവാഃ പ്രസാദയാമാസുഃ സാരഥ്യായേതി നഃ ശ്രുതം॥ 8-27-18 (56227)
ബ്രഹ്മോവാച। 8-27-19x (4895)
ഏവമേതത്സുരാസ്തഥ്യം നാന്യസ്ത്വഭ്യധികോ ഭവാത്।
സാരഥിത്വം കരിഷ്യാമി ശങ്കരസ്യ മഹാത്മനഃ॥ 8-27-19 (56228)
സർവഥാ രഥിനഃ ശ്രേയാൻകർതവ്യോ രഥസാരഥിഃ।
തസ്മാദേതദ്യഥാതത്ത്വം ജ്ഞാത്വാ യുഷ്മാംശ്ച സംഗതാൻ।
സംയച്ഛാമി ഹയാനേഷ വിബുധായ കപർദിനേ॥ 8-27-20 (56229)
ദുര്യോധന ഉവാച। 8-27-21x (4896)
ഏവമുക്ത്വാ ജടാഭാരം സംയംയ പ്രപിതാമഹഃ।
പരിധായാജിനം ഗാഢം സന്ന്യസ്യ ച കമണ്ഡലും।
പ്രതോദപാണിർഭഗവാനാരുരോഹ രഥം തദാ॥ 8-27-21 (56230)
സാരഥൌ കൽപിതേ ദേവൈരീശാനസ്യ മഹാത്മനഃ।
തസ്മിന്നാരോഹതി രഥം കൽപിതം ലോകസംഭൃതം।
ശിരോഭിഃ പതിതാ ഭൂമൌ തുരഗാ വേദസംഭൃതാഃ॥ 8-27-22 (56231)
ഉഭാഭ്യാം ലോകനാഥാഭ്യാമാസ്ഥിതം രഥസത്തമം।
ഓഢും ന ശക്താ വേദാശ്വാ ജാനുഭ്യാമപതൻമഹീം॥ 8-27-23 (56232)
അഭീശുഭിസ്തു ഭഗവാനുദ്യംയ ച ഹയാന്വിഭുഃ।
അസ്തു വീര്യം ച ശൌര്യം ച വേദാശ്വാനാമിതി പ്രഭുഃ।
രഥം സഞ്ചോദയാമാസ ദേവാനാം പ്രഭുരവ്യയഃ॥ 8-27-24 (56233)
തതോഽധിരൂഢേ വരദേ രഥം പശുപതിസ്തദാ।
സാധുസാധ്വിതി ദേവേശം സ്മയമാനോഽഭ്യഭാഷത॥ 8-27-25 (56234)
യാഹി ദേവ യതോ ദൈത്യാശ്ചോദയാശ്വാനരിന്ദമ।
പശ്യ ബാഹ്വോർബലം മേഽദ്യ നിഘ്നതഃ ശാത്രവാന്രണേ॥ 8-27-26 (56235)
തതോഽശ്വാംശ്ചോദയാമാസ മനോമാരുതരംഹസഃ।
പുരാണ്യുദ്ദിശ്യ ഖസ്ഥാനി ദാനവാനാം തരസ്വിനാം॥ 8-27-27 (56236)
തതസ്തേ സഹസോത്പത്യ വേദാഖ്യാ രഥവാജിനഃ।
ക്ഷണേന തേന ദൈത്യാനാം പുരാണി പ്രാപയൻഹരം॥ 8-27-28 (56237)
അഥർവാംഗിരസൌ ചാസ്താം ചക്രരക്ഷൌ മഹാത്മനഃ।
അഥാധിജ്യം ധനുഃ കൃത്വാ ശർവഃ സന്ധായ തം ശരം।
യുക്ത്വാ പാശുപതാസ്ത്രേണ ത്രിപുരം സമചിന്തയത്॥ 8-27-29 (56238)
തസ്മിൻസ്ഥിതേ തതോ രാജന്രുദ്രേ സജ്ജിതകാർമുകേ।
പുരാണി തേന കാലേന ജഗ്മുരേകത്വമാശു വൈ॥ 8-27-30 (56239)
ഏകീഭാവം ഗതേ ചൈവ ത്രിപുരത്വമുപാഗതേ।
ബഭൂവ തുമുലോ ഹർഷോ ദേവതാനാം മഹാത്മനാം॥ 8-27-31 (56240)
തതോ ദേവഗുണാഃ സർവേ സിദ്ധാശ്ച പരമർഷയഃ।
ജയേതി വാചോ മുമുചുഃ സംസ്തുവന്തോ മഹേശ്വരം॥ 8-27-32 (56241)
തതോഽഗ്രതഃ പ്രാദുരഭൂത്ത്രിപുരം ജഘ്നുഷോഽസുരാൻ।
അനിർദേശ്യാഗ്ര്യവപുഷോ ദേവസ്യാസഹ്യതേജസഃ॥ 8-27-33 (56242)
ത്രീണി ദൃഷ്ട്വൈവ സംസ്ഥാനി പുരാണ്യഥ പിനാകധൃത്।
സ തദ്വികൃഷ്യ ഭഗവാന്ദിവ്യം ലോകേശ്വരോ ധനുഃ।
ത്രൈലോക്യസാരം തമിഷും മുമോച ത്രിപുരം പ്രതി॥ 8-27-34 (56243)
ഏകബാണേന തം ദേവസ്ത്രിപുരം പരമേശ്വരഃ।
നിജഘ്നേ സാസുരഗണം ദേവദേവോ മഹേശ്വരഃ॥ 8-27-35 (56244)
ബാണതേജോഗ്നിദഗ്ധം തദ്വിപ്രകീർണം സഹസ്രധാ।
മഹദാർതസ്വരം കൃത്വാ നാവശേഷമുപാഗതം।
മദ്രേശ സാസുരഗണം പ്രാപതത്പശ്ചിമാർണവേ॥ 8-27-36 (56245)
ഏവം ഹി ത്രിപുരം ദഗ്ധം ദാനവാശ്ചാപ്യശേഷതഃ।
മഹേശ്വരേണ ക്രുദ്ധേന ത്രൈലോക്യസ്യ ഹിതൈഷിണാ॥ 8-27-37 (56246)
സ ചാത്മക്രോധജോ വിഹ്നിർദഹേത്യുക്തോ നിവാരിതഃ।
ത്രൈലോക്യമവിശേഷേണ പുനർദഗ്ധും പ്രചക്രമേ॥ 8-27-38 (56247)
കാലാഗ്നിമിവ നിർദഗ്ധുമുത്ഥിതം തം പുനഃ പുനഃ।
മാകാർഷീർഭസ്മാസാല്ലോകാനിതി ത്ര്യക്ഷോഽബ്രവീദ്വചഃ॥ 8-27-39 (56248)
തതഃ പ്രകൃതിമാപന്നാ ദേലോകാസ്തഥർഷയഃ।
തുഷ്ടുവുർവാഗ്ഭിരഗ്ര്യാഭിഃ സ്ഥാണും ത്രിപുരവൈരിണം॥ 8-27-40 (56249)
തേഽനുജ്ഞാതാ ഭഗവതാ സർവേ ജഗ്മുര്യഥാഗതം।
കൃതകാമാഃ പ്രസന്നേന പ്രജാപതിമുഖാഃ സുരാഃ॥ 8-27-41 (56250)
ഏവം രുദ്രസ്യ കൃതവാൻസാരഥ്യം തു പിതാമഹഃ।
സംയച്ഛ തുരഗാനസ്യ രാധേയസ്യ മഹാത്മനഃ॥ 8-27-42 (56251)
ത്വം ഹി കൃഷ്ണാച്ച കർണാച്ച ഫൽഗുനാച്ച ഗുണാധികഃ।
ബലതോ രൂപതോ യോഗാദസ്ത്രസംപദ ഏവ ച॥ 8-27-43 (56252)
സമാസക്തം മഹീപാല കുരു മേ ഹിതമീപ്സിതം।
യുദ്വേ ഹ്യയം രുദ്രകൽപസ്ത്വം ച ബ്രഹ്മസമോഽനഘ।
തസ്മാച്ഛക്തൌ യുവാം ജേതും മച്ഛത്രൂന്ദിവി വാ സുരാൻ॥ 8-27-44 (56253)
സ യഥാ ശല്യ കർണോഽയം ശ്വന്താശ്വം കൃഷ്ണസാരഥിം।
പ്രമഥ്യ ഹന്യാത്കൌന്തേയം തഥാ നീതിർവിധീയതാം॥ 8-27-45 (56254)
ത്വയി രാജ്യം സുഖം ചൈവ ജീവിതം ജയമേവ ച।
സമാസക്തം മഹീപാല കുരു മേ ഹിതമീപ്സിതം॥ 8-27-46 (56255)
സംയച്ഛാസ്യ ഹയാന്ത്രാജൻമത്പ്രിയാർഥം പരന്തപ॥ ॥ 8-27-47 (56256)
ഇതി ശ്രീമൻമഹാഭാരതേ കർണപർവണി സപ്തവിംശോഽധ്യായഃ॥ 27 ॥
॥ ശ്രീഃ ॥
8.28. അധ്യായഃ 028
Mahabharata - Karna Parva - Chapter Topics
ദുര്യോധനേന കർണസാരഥ്യേ ശങ്കമാനം ശല്യംപ്രതി പരശുരാമചരിത്രകീർതനപൂർവകം കർണസ്യ തദന്തേവാസിത്വാദിഗുണവത്തയാ തത്സാരഥ്യ കരണേ ദോഷാഭാവപ്രതിപാദനം॥ 1 ॥
Mahabharata - Karna Parva - Chapter Text
8-28-0 (56257)
ദുര്യോധന ഉവാച। 8-28-0x (4897)
ഇമം ചാപ്യപരം ഭൂയ ഇതി ഹാസം നിബോധ മേ।
പിതുർമമ സകാശേ വൈ ബ്രാഹ്മണഃ പ്രാഹ ധർമവിത്॥ 8-28-1 (56258)
ശ്രുത്വാ ചൈതദ്വചശ്ചിത്രം ഹേതുകാര്യാർഥതത്ത്വവിത്।
കുരു ശല്യ വിനിശ്ചിത്യ മാ ഭൂദത്ര വിചാരണാ॥ 8-28-2 (56259)
ഭാർഗവാണാം കുലേ ജാതോ ജമദഗ്നിർമഹാതപാഃ।
തസ്യ രാമേതി വിഖ്യാതഃ പുത്രസ്തേജോഗുണാന്വിതഃ॥ 8-28-3 (56260)
സ തീവ്രം തപ ആസ്ഥായ സംപ്രസാദിതവാൻഭവം।
അസ്ത്രഹേതോഃ പ്രസന്നാത്മാ നിയതഃ സംയതേന്ദ്രിയഃ॥ 8-28-4 (56261)
തസ്മൈ തുഷ്ടോ മഹാദേവോ ഭക്ത്യാ ച പ്രശമേന ച।
ഹൃദ്ഗതം ചാസ്യ വിജ്ഞായ ദർശയാമാസ ശങ്കരഃ।
പ്രത്യക്ഷേണ മഹാദേവഃ സ്വാം തനും സർവശങ്കരഃ॥ 8-28-5 (56262)
ശങ്കര ഉവാച। 8-28-6x (4898)
രാമ തുഷ്ടോഽസ്മി ഭദ്രം തേ വിദിതം തവ ചേപ്സിതം।
കുരുഷ്വ പൂതമാത്മാനം സർവമേതദവാപ്സ്യസി॥ 8-28-6 (56263)
ദാസ്യാമി തേ തദാഽസ്ത്രാണി യദാ പൂതോ ഭവിഷ്യസി।
അപാത്രമസമർഥം ച ദഹന്ത്യസ്ത്രാണി ഭാർഗവ॥ 8-28-7 (56264)
ഇത്യുക്തോ ജാമദഗ്ന്യസ്തു ദേവദേവേന ശൂലിനാ।
പ്രത്യുവാച മഹാത്മാനം ശിരസാഽവനതഃ പ്രഭും॥ 8-28-8 (56265)
യദാ ജാനാസി ദേവേശ പാത്രം മാമസ്ത്രധാരണേ।
തദാ ശുശ്രൂഷതേഽസ്ത്രാണി ഭവാൻമേ ദാതുമർഹതി॥ 8-28-9 (56266)
തതഃ സ തപസാ ചൈവ വ്രതേന നിയമേന ച।
പൂജോപഹാരബലിഭിർഹോമമന്ത്രപുരസ്കൃതൈഃ॥ 8-28-10 (56267)
സമാരാധിതവാഞ്ശർവം ബഹുവർഷഗണാംസ്തദാ।
പ്രസന്നശ്ച മഹാദേവോ ഭാർഗവസ്യ മഹാത്മനഃ॥ 8-28-11 (56268)
അസകൃച്ചാബ്രവീത്തസ്യ ഗുണാന്ദേവ്യാഃ സകാശതഃ।
ഭക്തിമാനേഷ സതതം മയി രാമോ ദൃഢവ്രതഃ॥ 8-28-12 (56269)
ഏവമസ്യ ഗുണാൻപ്രീതോ ബഹുശോ കഥയദ്വിഭുഃ।
ദേവതാനാം പിതൄണാം ച സമക്ഷമരിസൂദന॥ 8-28-13 (56270)
ഏതസ്മിന്നേവ കാലേ തു ദൈത്യാ ഹ്യാസൻമഹാബലാഃ।
തൈസ്തദാ ദർപമോഹാദ്വൈ അബാധ്യന്ത ദിവൌകസഃ॥ 8-28-14 (56271)
തതഃ സംഭൂയ വിബുധാസ്താൻഹന്തും കൃതനിശ്ചയാഃ।
ചക്രുഃ ശത്രുവധേ യത്നം ദൈത്യാഞ്ചേതുമശക്നുവൻ॥ 8-28-15 (56272)
അഭിഗംയ തതോ ദേവാ മഹേശ്വരമുമാപതിം।
പ്രാസാദയംസ്തദാ ഭക്ത്യാ ജഹി ശത്രുഗണാനിതി॥ 8-28-16 (56273)
പ്രതിജ്ഞായ തതോ ദേവോ ദേവതാനാം രിപുക്ഷയം।
രാമം ഭാർഗവമാഹൂയ സോഽഭ്യഭാഷത ശങ്കരഃ॥ 8-28-17 (56274)
രിപൂൻഭാർഗവ ദേവാനാം ജഹി സർവാൻസമാഗതാൻ।
ലോകാനാം ഹിതകാമാർഥം മത്പ്രിയാർഥം തഥൈവ ച॥ 8-28-18 (56275)
പരശുരാമ ഉവാച। 8-28-19x (4899)
കാ ശക്തിർമമ ദേവേശ അകൃതാസ്ത്രസ്യ സംയുഗേ।
നിഹന്തും ദാനവാൻസർവാൻകൃതാസ്ത്രാന്യുദ്ധദുർമദാൻ॥ 8-28-19 (56276)
ഈശ്വര ഉവാച। 8-28-20x (4900)
ഗച്ഛ ത്വം മദനുജ്ഞാനാന്നിഹനിഷ്യസി ശാത്രവാൻ।
വിജിത്യ ച രിപൂൻസർവാൻഗുണാൻപ്രാപ്സ്യസി പുഷ്കലാൻ॥ 8-28-20 (56277)
ദുര്യോധന ഉവാച। 8-28-21x (4901)
ഏതച്ഛ്രുത്വാ തു വചനം പ്രതിഗൃഹ്യ ച സർവശഃ।
രാമഃ കൃതസ്വസ്ത്യയനഃ പ്രയയൌ ദാനവാൻപ്രതി॥ 8-28-21 (56278)
തതോഽജയദ്ദേവശത്രൂൻമഹാദർപബലാന്വിതാൻ।
വജ്രാശനിസമസ്പർശൈഃ പ്രഹാരൈരേവ ഭാർഗവഃ॥ 8-28-22 (56279)
സ ദാനവൈഃ ക്ഷതതനുർജാമദഗ്ന്യോ നൃപോത്തമ।
സംസ്പൃഷ്ടഃ സ്ഥാണുനാ സദ്യോ നിർവ്രണഃ സമപദ്യത॥ 8-28-23 (56280)
പ്രീതശ്ച ഭഗവാന്ദേവഃ കർമണാ തേന തസ്യ വൈ।
വരാൻപ്രാദാദ്ബഹുവിധാൻഭാർഗവായ മഹാത്മനേ॥ 8-28-24 (56281)
ഉക്തശ്ച പ്രീതിയുക്തേന ദേവദേവേന ശൂലിനാ॥ 8-28-25 (56282)
നിപാതാത്തവ ശസ്ത്രാണാം ശരീരേ യാഽഭവദ്രുജാ।
തയാ തേ മാനുഷം കർമ വ്യപോഹം ഭൃഗുനന്ദന।
ഗൃഹാണാസ്ത്രാണി ദിവ്യാനി മത്സകാശാദ്യഥേപ്സിതം॥ 8-28-26 (56283)
തതോഽസ്ത്രാണി സമഗ്രാണി വരാംശ്ച മനസേപ്സിതാൻ।
ലബ്ധ്വാ ബഹുവിധാന്രാമഃ പ്രണംയശിരസാ ശിവം।
അനുജ്ഞാം പ്രാപ്യ ദേവേശാജ്ജഗാമ സ മഹാതപാഃ॥ 8-28-27 (56284)
ഏവമേതത്പുരാവൃത്തം തഥാ കഥിതവാനൃഷിഃ॥ 8-28-28 (56285)
ഭാർഗവോഽപി ദദൌ സർവം ധനുർവേദം മഹാത്മനേ।
കർണായ പുരുഷവ്യാഘ്രഃ സുപ്രീതേനാന്തരാത്മനാ॥ 8-28-29 (56286)
വൃജിനം ന ഭവേത്കിഞ്ചിദസ്യ കർണസ്യ പാർഥിവ।
സൂതേന വർധിതോ നിത്യം ന സൂതോ നൃപ ഏവ സഃ॥ 8-28-30 (56287)
വിശുദ്ധയോനിം വിജ്ഞായ ദിവ്യാന്യസ്ത്രാണ്യദാദ്ഭൃഗുഃ।
നാപി സൂതകുലേ ജാതം മന്യേ കർണം കഥഞ്ചന।
ദേവപുത്രമദം മന്യേ ക്ഷത്രിയാണാം കുലോദ്ഭവം॥ 8-28-31 (56288)
വിസൃഷ്ടമവിബോധാർഥം കുലസ്യേന്തി മതിർമമ।
സർവഥാ ന ഹ്യസോ ശല്യ കർണഃ സൂതകുലോദ്ഭവഃ॥ 8-28-32 (56289)
സകുണ്ഡലം സകവചം ദീർഘബാഹുമരിന്ദമം।
കഥമാദിത്യസങ്കാശം മൃഗീ സിംഹം പ്രസൂയതേ॥ 8-28-33 (56290)
പശ്യ ഹ്യസ്യ ഭുജൌ പീനൌ നാഗരാജകരോപമൌ।
വക്ഷഃ പശ്യ വിശാലം ച സർവശസ്ത്രസഹം രണേ॥ 8-28-34 (56291)
ന ത്വേവ പ്രാകൃതഃ കശ്ചിത്കർണോ വൈകർതനോ വൃഷാ।
മഹാത്മാഹ്യേഷ രാജേന്ദ്ര രാമശിഷ്യഃ പ്രതാപവാൻ॥ ॥ 8-28-35 (56292)
ഇതി ശ്രീമൻമഹാഭാരതേ കർണപർവണി അഷ്ടവിംശോഽധ്യായഃ॥ 28 ॥
Mahabharata - Karna Parva - Chapter Footnotes
॥ ശ്രീഃ ॥
8.29. അധ്യായഃ 029
Mahabharata - Karna Parva - Chapter Topics
ദുര്യോധനപ്രാർഥിതേന ശല്യേന സമയകരണപൂർവകം കർണരഥസാരഥ്യസ്വീകരണം॥ 1 ॥
Mahabharata - Karna Parva - Chapter Text
8-29-0 (56293)
ദുര്യോധന ഉവാച। 8-29-0x (4902)
ഏവം സ ഭഗവാന്ദേവഃ സർവലോകപിതാമഹഃ।
സാരഥ്യമകരോത്തത്ര ബ്രഹ്മാ രുദ്രോഽഭവദ്രഥീ॥ 8-29-1 (56294)
രഥിനോഽഭ്യധികോ വീര കർതവ്യോ രഥസാരഥിഃ।
തസ്മാത്ത്വം പുരുഷവ്യാഘ്ര നിയച്ഛ തുരഗാന്യുധി॥ 8-29-2 (56295)
യഥാ ദേവഗണൈസ്തത്ര വൃതോ യത്നാത്പിതാമഹഃ।
തഥാഽസ്മാഭിർഭവാന്യത്നാത്കർണാദഭ്യധികോ വൃതഃ॥ 8-29-3 (56296)
യഥാ ദേവൈർമഹാരാജ ഈശ്വരാദധികോ വൃതഃ।
തഥാ ദേവൈർമഹാരാജ ക്ഷിപ്രം രുദ്രസ്യവ പിതാമഹഃ।
നിയച്ഛ തുരഗാന്യുദ്വേ രാധേയസ്യ മഹാദ്യുതേ॥ 8-29-4 (56297)
ശല്യ ഉവാച। 8-29-5x (4903)
മയാപ്യേതന്നരശ്രേഷ്ഠ ബഹുശോ നരസിംഹയോഃ।
കഥ്യമാനം ശ്രുതം ദിവ്യമാഖ്യാനമതിമാനുഷം॥ 8-29-5 (56298)
യഥാ ച ചക്രേ സാരഥ്യം ഭവസ്യ പ്രപിതാമഹഃ।
യഥാഽസുരാശ്ച നിഹതാ ഇഷുണൈകേന ഭാരത॥ 8-29-6 (56299)
കൃഷ്ണസ്യ ചാപി വിദിതം സർവമേതത്പുരാ ഹ്യഭൂത്॥ 8-29-7 (56300)
യഥാ പിതാമഹോ ജജ്ഞേ ഭഗവാൻസാരഥിസ്തദാ।
അനാഗതമതിക്രാന്തം വേദ കൃഷ്ണോഽപി തത്ത്വതഃ॥ 8-29-8 (56301)
ഏതദർഥം വിദിത്വാഽപി സാരഥ്യമുപജഗ്മിവാൻ।
സ്വയംഭൂരിവ രുദ്രസ്യ കൃഷ്ണഃ പാർഥസ്യ ഭാരത॥ 8-29-9 (56302)
യദി ഹന്യാച്ച കൌന്തേയം സൂതപുത്രഃ കഥഞ്ചനഃ।
ദൃഷ്ട്വാ പാർഥം ഹി നിഹതം സ്വയം യോത്സ്യതി കേശവഃ॥ 8-29-10 (56303)
ശംഖചക്രഗദാപാണിർധക്ഷ്യതേ തവ വാഹിനീം।
ന ചാപി തസ്യ ക്രുദ്ധസ്യ വാർഷ്ണേയസ്യ മഹാത്മനഃ।
സ്ഥാസ്യതേ പ്രത്യനീകേഷു കശ്ചിദത്ര നൃപസ്തവ॥ 8-29-11 (56304)
സഞ്ജയ ഉവാച। 8-29-12 (56305)
തം തഥാ ഭാഷമാണം തു മദ്രരാജമരിന്ദമഃ।
പ്രത്യുവാച മഹാബാഹുരദീനാത്മാ സുതസ്തവ॥ 8-29-12 (56306)
മാവമംസ്ഥാ മഹാബാഹോ കർണം വൈകർതനം രണേ।
സർവശസ്ത്രഭൃതാം ശ്രേഷ്ഠം സർവശാസ്ത്രാർഥപരാഗം॥ 8-29-13 (56307)
യസ്യ ജ്യാതലനിർഘോഷം ശ്രുത്വാ ഭയകരം മഹത്।
പാണ്ഡവേയാനി സൈന്യാനി വിദ്രവന്തി ദിശോ ദശ॥ 8-29-14 (56308)
പ്രത്യക്ഷ തേ മഹാബാഹോ യഥാ രാത്രൌ ഘടോത്കചഃ।
മായാശതാനി കുർവാണോ ഹതോ മായാപുരസ്കൃതഃ॥ 8-29-15 (56309)
ന ചാതിഷ്ഠത ബീഭത്സുഃ പ്രത്യനീകേ കഥഞ്ചന।
ഏതാംശ്ച ദിവസാൻസർവാൻഭയേന മഹതാ വൃതഃ॥ 8-29-16 (56310)
ഭീമസേനശ്ച ബലവാന്ധനുഷ്കോട്യാഭിചോദിതഃ।
ഉക്തശ്ച സഞ്ജ്ഞയാ രാജൻമൂഢ ഔദരികോ യഥാ॥ 8-29-17 (56311)
മാദ്രീപുത്രൌ തഥാ ശൂരൌ യേന ജിത്വാ മഹാരണേ।
കമപ്യർഥം പുരസ്കൃത്യ ന ഹതൌ യുധി മാരിഷ॥ 8-29-18 (56312)
യേന വൃഷ്ണിപ്രവീരസ്തു സാത്യകിഃ സാത്വതാം വരഃ।
നിർജിത്യ സമരേ ശൂരോ വിസ്ഥശ്ച ബലാത്കൃതഃ॥ 8-29-19 (56313)
സൃഞ്ജയാശ്ചേതരേ സർവേ ധൃഷ്ടദ്യുംനപുരോഗമാഃ।
അസകൃന്നിർജിതാഃ സംഖ്യേ സ്മയമാനേന സംയുഗേ॥ 8-29-20 (56314)
തം കഥം പാണ്ഡവാ യുദ്വേ വിജേഷ്യന്തി മഹാരഥം।
യോ ഹന്യാത്സമരേ ക്രുദ്വോ വജ്രഹസ്തം പുരന്ദരം॥ 8-29-21 (56315)
ത്വം ച സർവാസ്ത്രവിദ്വീരഃ സർവവിദ്യാസ്ത്രപാരഗഃ।
ബാഹുവീര്യേണ തേ തുല്യഃ പൃഥിവ്യാം നാസ്തി കശ്ചന॥ 8-29-22 (56316)
ത്വം ശല്യഭൂതഃ ശത്രൂണാമവിഷഹ്യഃ പരാക്രമേ।
തതസ്ത്വമുച്യസേ രാജഞ്ശല്യ ഇത്യരിസൂദന॥ 8-29-23 (56317)
തവ ബാഹുബലം പ്രാപ്യ ന ശേകുഃ സർവസാത്വതാഃ।
തവ ബാഹുബലാദ്രാജൻകിം നു കൃഷ്ണോ ബലാധികഃ॥ 8-29-24 (56318)
യഥാ ഹി കൃഷ്ണേന ബലം ധാര്യം വൈ ഫൽഗുനേ ഹതേ।
തഥാ കർണാത്യയീഭാവേ ത്വയാ ധാര്യം മഹദ്ബലം॥ 8-29-25 (56319)
കിമർഥം സമരേ സൈന്യം വാസുദേവോ ന്യവാരയത്।
കിമർഥം ച ഭവാൻസൈന്യം ന ഹനിഷ്യതി മാരിഷ॥ 8-29-26 (56320)
ത്വത്കൃതേ പദവീം ഗന്തുമിച്ഛേയം യുധി മാരിഷ।
സോദരാണാം ച വീരാണാം സർവേഷാം ച മഹീക്ഷിതാം॥ 8-29-27 (56321)
ശല്യ ഉവാച। 8-29-28x (4904)
യൻമാം ബ്രവീഷി ഗാന്ധാരേ അഗ്രേ സൈന്യസ്യ മാനദ।
വിശിഷ്ടം ദേവകീപുത്രാത്പ്രീതിമാനസ്ംയഹം ത്വയി॥ 8-29-28 (56322)
ഏഷ സാരഥ്യമാതിഷ്ഠേ രാധേയസ്യ യശസ്വിനഃ।
യുധ്യതഃ പാണ്ഡവാഗ്ര്യേണ യഥാ ത്വം വീര മന്യസേ॥ 8-29-29 (56323)
സമയശ്ച ഹി മേ വീര കശ്ചിദ്വൈകർതനം പ്രതി।
ഉത്സൃജേയം യഥാശ്രദ്വമഹം വാചോഽസ്യ സന്നിധൌ॥ 8-29-30 (56324)
സഞ്ജയ ഉവാച। 8-29-31x (4905)
തഥേതി രാജൻപുത്രസ്തേ സഹ കർണേന മാരിഷ।
അബ്രവീത്മദ്രരാജാനം സർവക്ഷത്രസ്യ സന്നിധൌ॥ 8-29-31 (56325)
സാരഥ്യസ്യാഭ്യുപഗമാച്ഛല്യേനാശ്വാസിതസ്തദാ।
ദുര്യോധനസ്തദാ ഹൃഷ്ടഃ കർണം തമഭിഷസ്വജേ॥ 8-29-32 (56326)
അബ്രവീച്ച പുനഃ കർണം സ്തൂയമാനഃ സുതസ്തവ।
ജഹി പാർഥാന്രണേ സർവാൻമഹേന്ദ്രോ ദാനവാനിവ॥ 8-29-33 (56327)
സ ശല്യേനാഭ്യുപഗതേ ഹയാനാം സന്നിയച്ഛനേ।
കർണോ ഹൃഷ്ടമനാ ഭൂയോ ദുര്യോധനഭാഷത॥ 8-29-34 (56328)
നാതിഹൃഷ്ടമനാ ഹ്യേഷ മദ്രരാജോഽഭിഭാഷതേ।
രാജൻമധുരയാ വാചാ പുനരേനം ബ്രവീഹി വൈ॥ 8-29-35 (56329)
തതോ രാജാ മഹാപ്രാജ്ഞഃ സർവാസ്ത്രകുശലോ ബലീ।
ദുര്യോധനോഽബ്രവീച്ഛല്യം മദ്രരാജം മഹീപതിം॥ 8-29-36 (56330)
പൂരയന്നിവ ഘോഷേണ മേഘഗംഭീരയാ ഗിരാ।
ശല്യ കർണോഽർജുനേനാദ്യ യോദ്വവ്യമിതി മന്യതേ॥ 8-29-37 (56331)
തസ്യ ത്വം പുരുഷവ്യാഘ്ര നിയച്ഛ തുരഗാന്യുധി।
കർണോ ഹത്വേതരാൻസർവാൻഫൽഗുനം ഹന്തുമിച്ഛതി।
തസ്യാഭീഷുഗ്രഹേ രാജൻപ്രയാചേ ത്വാം പുനഃ പുനഃ॥ 8-29-38 (56332)
പാർഥസ്യ സചിവഃ കൃഷ്ണോ യഥാഽഭീഷുഗ്രഹോ വരഃ।
തഥാ ത്വമപി രാധേയം സർവതഃ പരിപാലയ॥ 8-29-39 (56333)
സഞ്ജയ ഉവാച। 8-29-40x (4906)
തതഃ ശല്യഃ പരിഷ്വജ്യ സുതം തേ വാക്യമബ്രവീത്।
ദുര്യോധനമമിത്രഘ്നം പ്രീതോ മദ്രാധിപസ്തദാ॥ 8-29-40 (56334)
ശല്യ ഉവാച। 8-29-41x (4907)
ഏവം ചേൻമന്യസേ രാജൻഗാന്ധാരേ പ്രിയദർശന।
തസ്മാത്തേ യത്പ്രിയം കിഞ്ചിത്തത്സർവം കരവാണ്യഹം॥ 8-29-41 (56335)
യത്രാസ്മി ഭരതശ്രേഷ്ഠ യോഗ്യഃ കർമണി കർഹിചിത്।
തത്ര സർവാത്മനാ യുക്തോ വക്ഷ്യേ കാര്യം പരന്തപ॥ 8-29-42 (56336)
യത്തു കർണമഹം ബ്രൂയാം ഹിതകാമഃ പ്രിയാപ്രിയേ।
മമ തത്ക്ഷമതാം സർവം ഭവാൻകർണശ്ച സർവശഃ॥ 8-29-43 (56337)
കർണ ഉവാച। 8-29-44x (4908)
ഈശാനസ്യ യഥാ ബ്രഹ്മാ യഥാ പാർഥസ്യ കേശവഃ।
തഥാ നിത്യം ഹിതേ യുക്തോ മദ്രരാജ ഭവസ്വ നഃ॥ 8-29-44 (56338)
ശല്യ ഉവാച। 8-29-45x (4909)
ആത്മനിന്ദാത്മപൂജാ ച പരനിന്ദാ പരസ്തവഃ।
അനാചരിതമാര്യാണാം വൃത്തമേതച്ചതുർവിധം॥ 8-29-45 (56339)
യത്തു വിദ്വൻപ്രവക്ഷ്യാമി പ്രxxxxയാർഥമഹം തവ।
ആത്മനഃ സ്തവസംയുക്തം തന്നിബോധ യഥാതഥം॥ 8-29-46 (56340)
അഹം ശക്രസ്യ സാരഥ്യേ യോഗ്യോ മാതലിവത്പ്രഭോ।
അപ്രമാദാത്പ്രയോഗാച്ച ജ്ഞാനവിദ്യാചികിത്സനൈഃ॥ 8-29-47 (56341)
തതഃ പാർഥേന സംഗ്രാമേ യുധ്യമാനസ്യ തേഽനഘ।
വാഹയിഷ്യാമി തുരഗാന്വിജ്വരോ ഭവ സൂതജ॥ ॥ 8-29-48 (56342)
ഇതി ശ്രീമൻമഹാഭാരതേ കർണപർവണി ഏകോനത്രിംശോഽധ്യായഃ॥ 29 ॥
Mahabharata - Karna Parva - Chapter Footnotes
॥ ശ്രീഃ ॥
8.30. അധ്യായഃ 030
Mahabharata - Karna Parva - Chapter Topics
ശല്യേന സാരഥീഭൂയാധിഷ്ഠിതം രഥമധിഷ്ഠായ കർണസ്യ രണായ നിര്യാണം॥ 1 ॥
Mahabharata - Karna Parva - Chapter Text
8-30-0 (56343)
ദുര്യോധന ഉവാച। 8-30-0x (4910)
അയം തേ കർണ സാരഥ്യം മദ്രരാജഃ കരിഷ്യതി।
കൃഷ്ണാദഭ്യധികോ യന്താ ദേവേശസ്യേവ മാതലിഃ॥ 8-30-1 (56344)
യഥാ ഹരിഹയൈര്യുക്തം സംഗൃഹ്ണാതി സ മാതലിഃ।
ശല്യസ്തഥാ തവാദ്യായം സംയന്താ രഥവാജിനാം॥ 8-30-2 (56345)
യോധേ ത്വയി രഥസ്ഥേ ച മദ്രരാജേ ച സാരഥൌ।
രഥശ്രേഷ്ഠോ ധ്രുവം സംഖ്യേ പാർഥാനഭിഭവിഷ്യതി॥ 8-30-3 (56346)
സഞ്ജയ ഉവാച। 8-30-4x (4911)
തതോ ദുര്യോധനോ ഭൂയോ മദ്രരാജം തരസ്വിനം।
ഉവാച രാജൻസംഗ്രാമേഽധ്യുഷിതേ പര്യുപസ്ഥിതേ॥ 8-30-4 (56347)
കർണസ്യ യച്ഛ സംഗ്രാമേ മദ്രരാജ ഹയോത്തമാൻ।
ത്വയാഽഭിഗുപ്തോ രാധേയോ വിജേഷ്യതി ധനഞ്ജയം॥ 8-30-5 (56348)
ഇത്യുക്തോ രഥമാസ്ഥായ തഥേതി പ്രാഹ ഭാരത।
ശല്യേഽഭ്യുപഗതേ കർണഃ സാരഥിം സുമനാഽബ്രവീത്॥ 8-30-6 (56349)
ത്വം സൂത സ്യന്ദനം മഹ്യം കൽപയേത്യസകൃത്ത്വരൻ॥ 8-30-7 (56350)
തതോ ജൈത്രം രഥവരം ഗന്ധർവനഗരോപമം।
വിധിവത്കൽപിതം ഭദ്രം ജയേത്യുക്ത്വാ ന്യവേദയത്॥ 8-30-8 (56351)
തം രഥം രഥിനാം ശ്രേഷ്ഠഃ കർണോഽഭ്യർച്യ യഥാവിധി।
സംപാദിതം ബ്രഹ്മവിദാ പൂർവമേവ പുരോധസാ॥ 8-30-9 (56352)
കൃത്വാ പ്രദക്ഷിണം യത്നാദുപസ്ഥായ ച ഭാസ്കരം।
സമീപസ്ഥം മദ്രരാജമാരോഹ ത്വമഥാബ്രവീത്॥ 8-30-10 (56353)
തതഃ കർണസ്യ ദുർധർഷം സ്യന്ദനപ്രവരം മഹത്।
ആരുരോഹ മഹാതേജാഃ ശല്യഃ സിംഹ ഇവാചലം॥ 8-30-11 (56354)
തതഃ ശല്യാശ്രിതം ദൃഷ്ട്വാ കർണഃ സ്വം രഥമുത്തമം।
അധ്യതിഷ്ഠദ്യഥാഽംഭോദം വിദ്യുത്വന്തം ദിവാകരഃ॥ 8-30-12 (56355)
താവേകരഥമാരൂഢാവാദിത്യാഗ്നിസമത്വിഷൌ।
അഭ്രാജേതാം യഥാ മേഘം സൂര്യാഗ്നീ സഹിതൌ ദിവി॥ 8-30-13 (56356)
സംസ്തൂയമാനൌ തൌ വീരൌ തദാസ്താം ദ്യുതിമത്തമൌ।
ഋത്വിക്സദസ്യൈരിന്ദ്രാഗ്നീ സ്തൂയമാനാവിവാധ്യരേ॥ 8-30-14 (56357)
സ ശല്യസംഗൃഹീതാശ്വേ രഥേ കർണഃ സ്ഥിതോ ബഭൌ।
ധനുർവിഷ്ഫാരയൻഘോരം പരിവേഷീവ ഭാസ്കരഃ॥ 8-30-15 (56358)
ആസ്ഥിതഃ സ രഥശ്രേഷ്ഠം കർണഃ ശരഗഭസ്തിമാൻ।
പ്രബഭൌ പുരുഷവ്യാഘ്രോ മന്ദരസ്ഥ ഇവാംശുമാൻ॥ 8-30-16 (56359)
തം രഥസ്ഥം മഹാബാഹും യുദ്വായാമിതതേജസം।
ദുര്യോധനസ്തു രാധേയമിദം വചനമബ്രവീത്॥ 8-30-17 (56360)
അകൃതം ദ്രോണഭീഷ്മാഭ്യാം ദുഷ്കരം കർമ സംയുഗേ।
കുരുഷ്വാധിരഥേ വീര മിഷതാം സർവധന്വിനാം॥ 8-30-18 (56361)
മനോഗതം മമ ഹ്യാസീദ്ഭീഷ്മദ്രോണൌ മഹാരഥൌ।
അർജുനം ഭീമസേനം ച നിഹന്താരാവിതി ധ്രുവം॥ 8-30-19 (56362)
താഭ്യാം യദകൃതം വീര വീരകർമ മഹാമൃധേ।
തത്കർമ കുരു രാധേയ വജ്രപാണിരിവാപരഃ॥ 8-30-20 (56363)
ഗൃഹാണ ധർമരാജം വാ ജഹി വാ ത്വം ധനഞ്ജയം।
ഭീമസേനം ച രാധേയ മാദ്രീപുത്രൌ യമാവപി॥ 8-30-21 (56364)
ജയശ്ച തേഽസ്തു ഭദ്രം തേ പ്രയാഹി പുരുഷർഷഭ।
പാണ്ഡുപുത്രസ്യ സൈന്യാനി കുരു സർവാണി ഭസ്മസാത്॥ 8-30-22 (56365)
തതസ്തൂര്യസഹസ്രാണി ഭേരീണാമയുതാനി ച।
വാദ്യമാനാന്യരോചന്ത മേഘശബ്ദോ യഥാ ദിവി॥ 8-30-23 (56366)
പ്രതിഗൃഹ്യ തു തദ്വാക്യം രഥസ്ഥോ രഥരുത്തമഃ।
അഭ്യഭാഷത രാധേയഃ ശല്യം യുദ്ധവിശാരദം॥ 8-30-24 (56367)
ചോദയാശ്വാൻമഹാബാഹോ യാവദ്വൻമി ധനഞ്ജയം।
ഭീമസേനം യമൌ ചോഭൌ രാജാനം ച യുധിഷ്ഠിരം॥ 8-30-25 (56368)
അദ്യ പശ്യതു മേ ശല്യ ബാഹുവീര്യം ധനഞ്ജയഃ।
അസ്യതഃ കങ്കപത്രാണാം സഹസ്രാണി ശതാനി ച॥ 8-30-26 (56369)
അദ്യ ക്ഷേപ്സ്യാംയഹം ശല്യ ശരാൻപരമതേജനാൻ।
പാണ്ഡവാനാം വിനാശായ ദുര്യോധനജയായ ച॥ 8-30-27 (56370)
സഞ്ജയ ഉവാച। 8-30-28x (4912)
ഏതച്ഛ്രുത്വാ വചസ്തസ്യ ശല്യഃ കർണം വചോഽബ്രവീത്।
കഥം നു താൻമഹാവീര്യാൻപാണ്ഡവാനവമന്യസേ॥ 8-30-28 (56371)
സർവാസ്ത്രജ്ഞാൻമഹേഷ്വാസാൻസർവാനേന മഹാബലാൻ।
അനിവർതിനോ മഹാഭാഗാനജയ്യാൻസത്യവിക്രമാൻ।
അപി സഞ്ജനയേയുര്യേ ഭയം സാക്ഷാച്ഛതക്രതോഃ॥ 8-30-29 (56372)
യദാ ശ്രോഷ്യസി നിർഘോഷം വിസ്ഫൂർജിതമിവാശനേഃ।
രാധേയ പാർഥധനുഷസ്തദാ നൈവം വദിഷ്യസി॥ 8-30-30 (56373)
യദാ ദ്രക്ഷ്യസി ഭീമേന കുഞ്ജരാനീകമാഹവേ।
വിശീർണദന്തം നിഹതം തദാ നൈവം വദിഷ്യസി॥ 8-30-31 (56374)
യദാ ദ്രക്ഷ്യസി സംഗ്രാമേ ധർമപുത്രം യമൌ തഥാ।
ശിതൈഃ പൃഷത്കൈഃ കുർവാണാനഭ്രച്ഛായാമിവാംബരേ॥ 8-30-32 (56375)
അസ്യതഃ ക്ഷിണ്വതശ്ചാരീംʼല്ലഘുഹസ്താന്ദുരാസദാൻ।
പാർഥിവാഗപി ചാന്യാംസ്ത്വം തദാ നൈവം വദിഷ്യസി॥ 8-30-33 (56376)
സഞ്ജയ ഉവാച। 8-30-34x (4913)
അനാദൃത്യ തു തദ്വാക്യം മദ്രരാജേ ഭാഷിതം।
ദ്രക്ഷ്യസ്യദ്യേത്യവോചത്തം ശല്യം കർണോ ജനേശ്വര॥ ॥ 8-30-34 (56377)
ഇതി ശ്രീമൻമഹാഭാരതേ കർണപർവണി ത്രിംശോഽധ്യായഃ॥ 30 ॥
Mahabharata - Karna Parva - Chapter Footnotes
॥ ശ്രീഃ ॥
8.31. അധ്യായഃ 031
Mahabharata - Karna Parva - Chapter Topics
കർണസ്യ രണപ്രയാണകാലേ ദുർനിമിത്തപ്രാദുർഭാവഃ॥ 1 ॥ കർണേനാത്മശ്ലാഘനപൂർവകം പാർഥവധേ പ്രതിജ്ഞാതേ തദസഹമാനേന ശല്യേനാർജുനപ്രശംസനപൂർവകം കർണോപാലംഭഃ॥ 2 ॥
Mahabharata - Karna Parva - Chapter Text
8-31-0 (56378)
സഞ്ജയ ഉവാച। 8-31-0x (4914)
ദൃഷ്ട്വാ കർണം മഹാവീര്യം യുയുത്സം സമവസ്ഥിതം।
ചുക്രുശുഃ കുരവഃ സർവേ ഹൃഷ്ടരൂപാഃ സമന്തതഃ॥ 8-31-1 (56379)
തതോ ദുന്ദുഭിനിർഘോഷൈർഭേരീണാം നിനദേന ച।
കോണശബ്ദൈശ്ച വിവിധൈർഗർജിതൈശ്ച തരസ്വിനാം।
നിര്യയുസ്താവകാഃ സർവേ മൃത്യും കൃത്വാ നിവർതനം॥ 8-31-2 (56380)
പ്രയാതേ തു തതഃ കർണേ രഥേഷു മദിതേഷു ച।
ചചാല ച മഹീ സർവാ രരാസ ച സുവിസ്വരം॥ 8-31-3 (56381)
നിഃസരന്തോ വ്യദൃശ്യന്ത സൂര്യാത്സപ്ത മഹാഗ്രഹാഃ॥ 8-31-4 (56382)
ഉൽകാപാതാശ്ച സഞ്ജജ്ഞുർദിഗ്ദാഹാശ്ചൈവ ദാരുണാഃ।
തഥാഽശന്യശ്ച സംപേതുർവവുർവാതാശ്ച ഭൈരവാഃ॥ 8-31-5 (56383)
മൃഗപക്ഷിഗണാശ്ചൈവ പൃതനാം ബഹുശസ്തവ।
അപസവ്യം തദാ ചക്രുർവേദയന്തോ മഹാഭയം॥ 8-31-6 (56384)
പ്രസ്ഥിതസ്യ ച കർണസ്യ നിപേതുസ്തുരഗാ ഭുവി।
അസ്ഥിവർഷം ച പതിതമന്തരിക്ഷാദ്ഭയാനകം॥ 8-31-7 (56385)
ജജ്വലുശ്ചൈവ ശസ്ത്രാണി ധ്വജാശ്ചൈവ ചകംപിരേ।
അശ്രൂണി ച വ്യമുഞ്ചന്ത വാഹനാനി വിശാംപതേ॥ 8-31-8 (56386)
ഏതേ ചാന്യേ ച ബഹവ ഉത്പാതാസ്തത്ര മാരിഷ।
സമുത്പേതുർവിനാശായ കൌരവാണാം സുദാരുണാഃ॥ 8-31-9 (56387)
ന ച താൻഗണയാമാസുഃ സർവേ ദൈവേന മോഹിതാഃ।
പ്രസ്ഥിതം സൂതപുത്രം ച ജയേത്സൂചുർനരാധിപാഃ॥ 8-31-10 (56388)
`ശല്യേന സഹിതം ദൃഷ്ട്വാ കർണമാഹവശോഭിനം'।
നിർജിതാൻപാണ്ഡവാംശ്ചൈവ മേനിരേ തത്ര കൌരവാഃ॥ 8-31-11 (56389)
തതോ രഥസ്ഥഃ പരവീരഹന്താ
ഭീഷ്മദ്രോണവതിവീര്യൌ സമീക്ഷ്യ।
സമുജ്ജ്വലൻഭാസ്കരപാവകാഭോ
വൈകർതനോഽസൌ രഥകുഞ്ജരോ വൃഷാ॥ 8-31-12 (56390)
അലം മനുഷ്യസ്യ സുഖായ വർതിതും
തഥാഹി യുദ്വേ നിഹതഃ പരൈർഗുരുഃ॥ 8-31-20 (56398)
ഹുതാശനാദിത്യസമാനതേജസം
പരാക്രമേ വിഷ്ണുപുരന്ദരോപമം॥
നയേ ബ-ഹസ്പത്യുശനഃസമം സദാ
ന ചൈനമസ്ത്രം തദുപാസ്ത ദുഃസഹം॥ 8-31-21 (56399)
സംപ്രാക്രുഷ്ടേ രുദിതസ്ത്രീകുമാരേ
പരാഭൂതേ പൌരുഷേ ധാർതരാഷ്ട്രേ।
കൃത്യം മയാ നാദ്യ ജാനാമി ശല്യ
പ്രയാഹി തസ്മാദ്ദ്വിഷതാമനീകം॥ 8-31-22 (56400)
സ യത്ര രാജാ പാണ്ഡവഃ സത്യസന്ധോ
വ്യവസ്ഥിതോ ഭീമസേനാർജുനൌ ച।
സ വാസുദേവഃ സാത്യകിഃ സൃഞ്ജയാശ്ച
യമൌ ച കസ്താന്വിഷഹേൻമദന്യഃ॥ 8-31-23 (56401)
തസ്മാത്ക്ഷിപ്രം മദ്രപതേ പ്രയാഹി
രണേ പാഞ്ചാലാൻപാണ്ഡവാൻസൃഞ്ജയാംശ്ച।
താന്വാ ഹനിഷ്യാമി സമേത്യ സംഖ്യേ
യാസ്യാമി വാ ദ്രോണമുഖോ യമായ॥ 8-31-24 (56402)
ന ത്വേവാഹം ന ഗമിഷ്യാമി മധ്യേ
തേഷാം ശൂരാണാമിതി ശല്യാദ്യ വിദ്വി।
മിത്രദ്രോഹോ മർഷണീയോ ന മേഽയം
ത്യക്ത്വാ പ്രാണാനനുയാസ്യാമി ദ്രോണം॥ 8-31-25 (56403)
പ്രാജ്ഞസ്യ മൂഢസ്യ ച ജീവിതാന്തേ
നാസ്തി പ്രമോക്ഷോഽന്തകസന്നിഭസ്യ।
അതോ വിദ്വന്നഭിയോത്സ്യാമി പാർഥം
ദിഷ്ടം ന ശക്യം വ്യതിവർതിതും വൈ॥ 8-31-26 (56404)
കല്യാണവൃത്തഃ സതതം ഹി രാജാ
വൈചിത്രവീര്യസ്യ സുതോ മമാസീത്।
തസ്യാർഥസിദ്വ്യർഥമഹം ത്യജാമി
പ്രിയാൻഭോഗാന്ദുസ്ത്യജം ജീവിതം ച॥ 8-31-27 (56405)
വൈയാഘ്രചർമാണമകൂജനാക്ഷം
ഹൈമം ത്രികോശം രജതത്രിവേണും।
രഥപ്രബർഹം തുരഗപ്രബാർഹൈ--
ര്യുക്തം പ്രാദാൻമഹ്യമിമം ഹി രാമഃ॥ 8-31-28 (56406)
ധനൂംഷി ചിത്രാണി നിരീക്ഷ്യ ശല്യ
ധ്വജാൻഗദാഃ സായകാംശ്ചോഗ്രരൂപാൻ।
അസിം ച ദീപ്തം പരമായുധം ച
ശംഖം ച ശുഭ്രം സ്വനവന്തമുഗ്രം॥ 8-31-29 (56407)
പതാകിനം വജ്രനിപാതനിഃ സ്വനം
സിതാശ്വയുക്തം ശുഭതൂണശോഭിതം।
ഇമം സമാസ്ഥായ രഥർഷഭം രണേ
ദൃഢം ഹനിഷ്യാംയഹമർജുനം ബലാത്॥ 8-31-30 (56408)
തം ചേൻമൃത്യുഃ സർവഹരോഽഭിരക്ഷേ--
ത്സദാഽപ്രമത്തഃ സമരേ പാണ്ഡുപുത്രം।
തം വാ ഹനിഷ്യാമി രണേ സമേത്യ
യാസ്യാമി വാ ദ്രോണമുഖോ യമായ॥ 8-31-31 (56409)
യമവരുണകുബേരവാസവാ വാ
യദി യുഗപത്സഗണാ മഹാഹവേ।
ജുഗുപുരിഹ സമേത്യ ഫൽഗുനം
കിമു ബഹുനാ സഹ തൈർജയാമി തം॥ 8-31-32 (56410)
സഞ്ജയ ഉവാച। 8-31-33x (4915)
ഇതി രണരഭസസ്യ കത്ഥത--
സ്തദുപനിശംയ വചഃ സ മദ്രരാട്।
അവഹസദവമന്യ വീര്യവാൻ
പ്രതിഷിഷിധേ ച ജഗാദ ചോത്തരം॥ 8-31-33 (56411)
ശല്യ ഉവാച। 8-31-34x (4916)
വിരമ വിരമ കർണ കത്ഥനാ--
ദതിരഭസോഽപ്യതിവാചമുക്തവാൻ।
ക്വ ച ഹി നരവരോ ധനഞ്ജയഃ
ക്വ പുനരിഹ ത്വമഹോ നരാധമഃ॥ 8-31-34 (56412)
യദുസദനമുപേന്ദ്രപാലിതം
ത്രിദിവമിവാമരരാജരക്ഷിതം।
പ്രസഭമതിവിലോഡ്യ കോ ഹരേ--
ത്പുരുഷവരാവരജാമൃതേഽർജുനാത്॥ 8-31-35 (56413)
ത്രിഭുവനസൃജമീശ്വരേശ്വരം
ക ഇഹ പുമാൻഭവമാഹ്വയേദ്യുധി।
മൃഗവധകലഹേ ഋതേഽർജുനാത്
സുരപതിവീര്യസമപ്രഭാവതഃ॥ 8-31-36 (56414)
അസുരസുരമഹോരഗാന്നരാൻ
ഗരുഡപിശാചസയക്ഷരാക്ഷസാൻ।
ഇഷുഭിരജയദഗ്നിഗൌരവാത്
സ്വഭിലഷിതം ച ഹവിർദദൌ ജയഃ॥ 8-31-37 (56415)
സ്മരസി നനു യദാ പരൈർഹൃതഃ
സഹധൃതരാഷ്ട്രസുതോ വിമോക്ഷിതഃ।
അധിരഥജ നരോത്തമൈര്യുതാൻ
കുരുഷു ബഹൂന്വിനിഹത്യ താനരീൻ॥ 8-31-38 (56416)
പ്രഥമമപി പലായിതേ ത്വയി
പ്രിയകലഹാ ധൃതരാഷ്ട്രസൂനവഃ।
സ്മരസി നനു യദാ പ്രമോചിതാഃ
ഖചരഗണാനവജിത്യ പാണ്ഡവൈഃ॥ 8-31-39 (56417)
സമുദിതബലവാഹനാഃ പുനഃ
പുരുഷവരേണ ജിതാഃ സ്ഥ ഗോഗ്രഹേ।
സഗുരുഗുരുസുതാഃ സഭീഷ്മകാഃ
കിമു ന ജിതഃ സ തദാ ത്വയാഽർജുനഃ॥ 8-31-40 (56418)
ഇദമപരമുപസ്ഥിതം പുന--
സ്തവ നിധനായ സുയുദ്വമദ്യ വൈ।
യദി ന രിപുഭയാത്പലായസേ
സമരഗതോഽദ്യ ഹതോഽസി സൂതജ॥ 8-31-41 (56419)
സഞ്ജയ ഉവാച। 8-31-42x (4917)
ഇതി ബഹുപരുഷം പ്രഭാഷതി
പ്രമനസി മദ്രപതൌ രിപുസ്തവം।
ഭൃശമഭിരുഷിതഃ സരന്തപഃ
കുരുപൃതനാപതിരാഹ മദ്രപം॥ 8-31-42 (56420)
കർണ ഉവാച। 8-31-43x (4918)
ഭവതു ഭവതു കിം വികത്ഥസേ
നനു മർമ തസ്യ ഹി യുദ്ധമുദ്യതം।
യദി സ ജയതി മാമിഹാഹവേ
തത ഇദമസ്തു സുകത്ഥിതം തവ॥ 8-31-43 (56421)
സഞ്ജയ ഉവാച। 8-31-44x (4919)
ഏവമസ്ത്വിതി മദ്രേശ ഉക്ത്വാ നോത്തരമുക്തവാൻ।
യാഹി ശല്യേതി ചാപ്യേനം കംർണഃ പ്രാഹ യുയുത്സയാ॥ 8-31-44 (56422)
സ രഥഃ പ്രയയൌ ശത്രൂന്നിഘ്നതഃ ശല്യസാരഥിഃ।
നിഘ്നന്നമിത്രാൻസമരേ തമോഘ്നഃ സവിതാ യഥാ॥ 8-31-45 (56423)
തതഃ പ്രായാത്പ്രീതിമാന്വൈ രഥേന
വൈയാഘ്രേണ ശ്വേതയുജാഽഥ കർണഃ।
സ ചാലോക്യ ധ്വജിനീം പാണ്ഡവാനാം
ധനഞ്ജയം ത്വരയാ പര്യപൃച്ഛത്॥ ॥ 8-31-46 (56424)
ഇതി ശ്രീമൻമഹാഭാരതേ കർണപർവണി ഏകത്രിംശോഽധ്യായഃ॥ 31 ॥
Mahabharata - Karna Parva - Chapter Footnotes
॥ ശ്രീഃ ॥
8.32. അധ്യായഃ 032
Mahabharata - Karna Parva - Chapter Topics
കർണേന സ്വസ്യാർജുനപ്രദർശകായ തദഭിമതപാരിതോഷികപ്രദാനപ്രതിജ്ഞാനം॥ 1 ॥
Mahabharata - Karna Parva - Chapter Text
8-32-0 (56425)
സഞ്ജയ ഉവാച। 8-32-0x (4920)
പ്രയത്നേന തദാ കർണോ ഹർഷയന്വാഹിനീം തവ।
ഏകൈകം സമരേ ദൃഷ്ട്വാ പാണ്ഡവം പര്യപൃച്ഛത॥ 8-32-1 (56426)
യോ മമാദ്യ മഹാത്മാനം ദർശയേച്ഛ്വേതവാഹനം।
തസ്മൈ ദദ്യാമഭിപ്രേതം ധനം യൻമനസേച്ഛതി॥ 8-32-2 (56427)
ന ചേത്തദഭിമന്യേത തസ്മൈ ദദ്യാമഹം പുനഃ।
ശകടം രത്നസംപൂർണം യോ മേ ബ്രൂയാദ്വനഞ്ജയം॥ 8-32-3 (56428)
ന ചേത്തദഭിമന്യേത പുരുഷോഽർജുനദർശിവാൻ।
ശതം ദദ്യാം ഗവാം തസ്മൈ നൈത്യകം കാംസ്യദോഹനം॥ 8-32-4 (56429)
ശതം ഗ്രാമവരാംശ്ചൈവ ദദ്യാമർജുനദർശിനേ।
തഥാ തസ്മൈ പുനർദദ്യാം ശ്വേതമശ്വതരീരഥം।
യുക്തമഞ്ജനകേശീഭിര്യോ മേ ബ്രൂയാദ്വനഞ്ജയം॥ 8-32-5 (56430)
ന ചേത്തദഭിമന്യേത പുരുഷോഽർജുനദർശിവാൻ।
അന്യം വാഽസ്മൈ പുനർദദ്യാം സൌവർണം ഹസ്തിഷംഗവം॥ 8-32-6 (56431)
തഥാപ്യസ്മൈ പുനർദദ്യാം സ്ത്രീണാം ശതമലങ്കൃതം।
ശ്യാമാനാം നിഷ്കകണ്ഠീനാം ഗീതവാദ്യവിപശ്ചിതാം॥ 8-32-7 (56432)
ന ചേത്തദഭിമന്യേത പുരുഷോഽർജുനദർശിവാൻ।
തസ്മൈ ദദ്യാം ശതം നാഗാഞ്ശതം ഗ്രാമാഞ്ശതം രഥാൻ॥ 8-32-8 (56433)
സുവർണസ്യ ച മുഖ്യസ്യ ഹയാഗ്ര്യാണാം ശതം ശതാൻ।
ഋദ്വ്യാ ഗുണൈഃ സുദാന്താംശ്ച ധുര്യവാഹാൻസുശിക്ഷിതാൻ॥ 8-32-9 (56434)
തഥാ സുവർണശൃംഗീണാം ഗോധേനൂനാം ചതുഃശതം।
ദദ്യാം തസ്മൈ സവത്സാനാം യോ മേ ബ്രൂയാദ്വനഞ്ജയം॥ 8-32-10 (56435)
ന ചേത്തദഭിമന്യേത പുരുഷോഽർജുനദർശിവാൻ।
അന്യദസ്മൈ വരം ദദ്യാം ശ്വേതാൻപഞ്ചശതാൻഹയാൻ॥ 8-32-11 (56436)
ഹേമഭാണ്ഡപരിച്ഛന്നാൻസുമൃഷ്ടമണിഭൂഷണാൻ।
സുദാന്താനപി ചൈവാഹം ദദ്യാമഷ്ടാദശാപരാൻ॥ 8-32-12 (56437)
രഥം ച ശുഭ്രം സൌവർണം ദദ്യാം തസ്മൈ സ്വലങ്കൃതം।
യുക്തം പരമകാംഭോജൈര്യോ മേ ബ്രൂയാദ്വനഞ്ജയം॥ 8-32-13 (56438)
ന ചേത്തദഭിമന്യേത പുരുഷോഽർജുനദർശിവാൻ।
അന്യദസ്മൈ വരം ദദ്യാം കുഞ്ജരാണാം ശതാനി ഷട്॥ 8-32-14 (56439)
കാഞ്ചനൈർവിവിധൈർഭാണ്ഡൈരാച്ഛന്നാൻഹേമമാലിനഃ।
ഉത്പന്നാനപരാന്തേഷു വിനീതാൻഹസ്തിശിക്ഷകൈഃ॥ 8-32-15 (56440)
ന ചേത്തദഭിമന്യേത പുരുഷോഽർജുനദർശിവാൻ।
അന്യദസ്മൈ വരം ദദ്യാം വൈശ്യഗ്രാമാംശ്ചതുർദശ॥ 8-32-16 (56441)
സുസ്ഫീതാന്ധനസംയുക്താൻപ്രത്യാസന്നവനോദകാൻ।
അകുതോഭയാൻസുസംപന്നാന്രാജഭോജ്യാംശ്ചതുർദശ॥ 8-32-17 (56442)
ദാസീനാം നിഷ്കകണ്ഠീനാം മാഗധീനാം ശതം തഥാ।
പ്രത്യഗ്രവയസാം ദദ്യാം യോ മേ ബ്രൂയാദ്ധനഞ്ജയം॥ 8-32-18 (56443)
ന ചേത്തദഭിമന്യേത പുരുഷോഽർജുനദർശിവാൻ।
അന്യം തസ്മൈ വരം ദദ്യാം യമസൌ കാമയേത്സ്വയം॥ 8-32-19 (56444)
പുത്രദാരാന്വിഹായൈവ യദന്യദ്വിത്തമസ്തി മേ।
തച്ച തസ്മൈ പുനർദദ്യാം യദ്യച്ച മനസേച്ഛതി॥ 8-32-20 (56445)
ഹത്വാ ച സഹിതൌ കൃഷ്ണൌ തയോർവിത്താനി സർവശഃ।
തസ്മൈ ദദ്യാമഹം യോ മേ പ്രബ്രൂയാത്കേശവാർജുനൌ॥ 8-32-21 (56446)
സഞ്ജയ ഉവാച। 8-32-22x (4921)
ഏതാ വാചഃ സുബഹുശഃ കർണ ഉച്ചാരയന്യുധി।
ദധ്മൌ സാഗരസംഭൂതം സുസ്വരം ശംഖമുത്തമം॥ 8-32-22 (56447)
താ വാചഃ സൂതപുത്രസ്യ തഥാ യുക്താ നിശംയ തു।
ദുര്യോധനോ മഹാരാജ സംഹൃഷ്ടഃ സാനുജോഽഭവത്॥ 8-32-23 (56448)
തതോ ദുന്ദുഭിനിർഘോഷോ മൃദംഗാനാം ച സർവശാ।
സിംഹനാദഃ സവാദിത്രഃ കുഞ്ചരാണാം ച നിഃസ്വനഃ॥ 8-32-24 (56449)
പ്രാദുരാസീത്തദാ രാജംസ്ത്വത്സൈന്യേ പുരുഷർഷഭ।
യോധാനാം സംപ്രഹൃഷ്ടാനാം തഥാ സമഭവത്സ്വനഃ॥ 8-32-25 (56450)
തഥാ പ്രഹൃഷ്ടേ സൈന്യേ തം പ്ലുവമാനം മഹാരഥം।
വികത്ഥമാനം ച തദാ രാധേയമരികർശനം।
മദ്രരാജഃ പ്രഹസ്യേദം വചനം പ്രത്യഭാഷത॥ ॥ 8-32-26 (56451)
ഇതി ശ്രീമൻമഹാഭാരതേ കർണപർവണി ദ്വാത്രിംശോഽധ്യായഃ॥ 32 ॥
Mahabharata - Karna Parva - Chapter Footnotes
॥ ശ്രീഃ ॥
8.33. അധ്യായഃ 033
Mahabharata - Karna Parva - Chapter Topics
കർണഗർവോക്തിമസഹമാനേന ശല്യേന തദ്ഗ്രർഹണം॥ 1 ॥
Mahabharata - Karna Parva - Chapter Text
8-33-0 (56452)
ശല്യ ഉവാച। 8-33-0x (4922)
മാ സൂതപുത്ര മന്യേത(ഥാഃ) സൌവർണം ഹസ്തിഷംഗവം।
പ്രയച്ഛസി മുധൈവ ത്വം ദ്രക്ഷ്യസ്യദ്യ ധനഞ്ജയം॥ 8-33-1 (56453)
മാ സൂതപുത്ര ദാനേന സൌവർണം ഹസ്തിഷംഗവം।
പ്രയച്ഛ പുരുഷായാദ്യ ദ്രക്ഷ്യസി ത്വം ധനഞ്ജയം॥ 8-33-2 (56454)
ബലേന മത്തസ്ത്യജസി വസു വൈശ്രവണോ യഥാ।
അയത്നേനൈവ രാധേയ ദ്രഷ്ടാസ്യദ്യ ധനഞ്ജയം॥ 8-33-3 (56455)
പുരാ സൃജസി യച്ചാപി വിത്തം ബഹു ച മൂഢവത്।
അപാത്രദാനാദ്യേ ദോഷാസ്താൻമോഹാന്നാവബുധ്യസേ॥ 8-33-4 (56456)
യത്പ്രവേദയസേ വിത്തം ബഹു തേന ഖലു ത്വയാ।
ശക്യം ബഹുവിധൈര്യജ്ഞൈര്യഷ്ടും സൂത യജസ്വ തൈഃ॥ 8-33-5 (56457)
യച്ച പ്രാർഥയസേ ഹന്തും കൃഷ്ണൌ മോഹാദ്വൃഥൈവ തത്।
ന ഹി ശുശ്രുമ സംമർദേ ക്രോഷ്ട്രാ സിംഹൌ നിപാതിതൌ॥ 8-33-6 (56458)
അപ്രാർഥിതം പ്രാർഥയസേ സുഹൃദോ ന ഹി സന്തി തേ।
യേ ത്വാം നിവാരയന്ത്യാശു പ്രപതന്തം ഹുതാശനേ॥ 8-33-7 (56459)
കാര്യാകാര്യം ന ജാനീഷേ കാലപക്കോഽസ്യസംശയം।
ബഹ്വബദ്ധമകർണീയം കോ ഹി ബ്രൂയാജ്ജിജീവിഷുഃ॥ 8-33-8 (56460)
സമുദ്രതരണം ദോർഭ്യാം കണ്ഠേ ബദ്ധ്വാ യഥാ ശിലാം।
ഗിര്യഗ്രാദ്വാ നിപതനം താദൃക്ത്വ ചികീർഷിതം॥ 8-33-9 (56461)
സഹിതഃ സർവയോധൈസ്ത്വം വ്യൂഢാനീകൈഃ സുരക്ഷിതഃ।
ധനഞ്ജയേന യുധ്യസ്വ ശ്രേയശ്ചേത്പ്രാപ്തുമിച്ഛസി॥ 8-33-10 (56462)
ഹിതാർഥം ധാർതരാഷ്ട്രസ്യ ബ്രവീമി ത്വാം ന ഹിംസയാ।
ശ്രദ്ധസ്വേദം മയാ പ്രോക്തം യദി തേഽസ്തി ജിജീവിഷാ॥ 8-33-11 (56463)
കർണ ഉവാച। 8-33-12x (4923)
സ്വബാഹുവീര്യമാശ്രിത്യ പ്രാർഥയാംയർജുനം രണേ।
ത്വം തു മിത്രമുഖഃ ശത്രുർമാം ഭീഷയിതുമിച്ഛസി॥ 8-33-12 (56464)
ന മാമസ്മാദഭിപ്രായാത്കശ്ചിദദ്യ നിവർതയേത്।
അപീന്ദ്രോ വജ്രമുദ്യംയ കിമു മർത്യഃ കഥഞ്ചന॥ 8-33-13 (56465)
സഞ്ജയ ഉവാച। 8-33-14x (4924)
ഇതി കർണസ്യ വാക്യാന്തേ ശല്യഃ പ്രാഹോത്തരം വചഃ।
ചുകോപയിഷുരത്യർഥം കർണം മദ്രേശ്വരഃ പുനഃ॥ 8-33-14 (56466)
യദാ വൈ ത്വാം ഫൽഗുനബാഹുവേഗാ--
ജ്ജ്യാചോദിതാ വേഗവന്തോഽഗ്നികൽപാഃ।
അന്വേതാരഃ കങ്കപത്രാഃ ശിതാഗ്രാ--
സ്ത്യക്ഷ്യത്യേഷാ സ്വാം തദാ കർണ ബുദ്ധിഃ॥ 8-33-15 (56467)
യദാ ദിർവ്യ ധനുരാദായ പാർഥഃ
പ്രതാപയൻപൃതനാം സവ്യസാചീ।
ത്വാം മർദയിഷ്യത്യസുഖൈഃ പൃഷത്കൈ--
സ്തദാപൃച്ഛാം ത്യക്ഷ്യസേ പാണ്ഡവസ്യ॥ 8-33-16 (56468)
ബാലശ്ചന്ദ്രം മാതുരങ്കേ ശയാനോ
യഥാ കശ്ചിത്പ്രാർഥയതേഽപഹർതും।
തദ്വൻമോഹാദ്ദയോതാമാനം രഥസ്ഥം
ജേതും പാർഥം കാങ്ക്ഷസേ സൂതപുത്ര॥ 8-33-17 (56469)
ഹരാദസ്ത്രം തീക്ഷ്ണധാരം യഥാഽദ്യ
സർവാണി ഗാത്രാണി നികർഷസി ത്വം।
സുതീക്ഷ്ണശസ്ത്രോപമകർമണേഹ
യുയുത്സസേ ഫൽഗുനേനാദ്യ കർണ॥ 8-33-18 (56470)
ഹന്യാദസിം തീക്ഷ്ണധാരം യഥാഽതഃ
സുതേജനം നിഹിതം വൈ പൃഥിവ്യാം।
തഥാ ഖനസ്യദ്യ ശിതാൻപൃഷത്കാ--
ന്യഥാർഥയസ്യർജുനേനേഹ യുദ്ധം॥ 8-33-19 (56471)
ത്രിശൂലമാശ്ലിഷ്യ സുതീക്ഷ്ണധാരം
സർവാണി ഗാത്രാണി വിഘർഷസി ത്വം।
സുതീക്ഷ്ണധാരോപമകർമണാ ത്വം
യുയുത്സസേ യോഽർജുനേനാദ്യ കർണ॥ 8-33-20 (56472)
ക്രുദ്ധം സിംഹം കേസരിണം ബൃഹന്തം
ബാലോ മൂഢഃ ക്ഷുദ്രമൃഗസ്തരസ്വീ।
സമാഹ്വയേദ്വൃഷ്ടമുപേത്യ യോദ്ധും
തഥാ ത്വമദ്യാഹ്വയസേ ഹി പാർഥം॥ 8-33-21 (56473)
മാ സൂതപുത്രാഹ്വയ രാജപുത്രം
മഹാവീര്യം കേസരിണം യഥൈവ।
വനേ ശൃഗാലഃ പിശിതേന തൃപ്തഃ
പാർഥം സമാസാദ്യ വിനങ്ക്ഷ്യസി ത്വം॥ 8-33-22 (56474)
ഈഷാദന്തം മഹാനാഗം പ്രഭിന്നകരടാമുഖം।
ശശകോ ഹയസേ യുദ്വേ കർണ പാർഥം ധനഞ്ജയം॥ 8-33-23 (56475)
വിലസ്ഥം കൃഷ്ണസർപം ത്വം ജാല്യാത്കാഷ്ഠേന വിധ്യസി।
മഹാവിഷം പൂർണകോപം യത്പാർഥം യോദ്വുമിച്ഛസി॥ 8-33-24 (56476)
സിംഹം കേസരിണം ക്രുദ്ധമഭിക്രംയാഭിനർദസേ।
ശൃഗാല ഇവ മൂഢസ്ത്വം നൃസിംഹം കർണ പാണ്ഡവം॥ 8-33-25 (56477)
സുപർണം പതഗശ്രേഷ്ഠം വൈനതേയം തരസ്വിനം।
സ്വഗേവാഹ്വയസേ പാർഥം തഥാ കർണം ധനഞ്ജയം॥ 8-33-26 (56478)
സർവാംഭസാം നിധിം ഭീമം മൂർതിമന്തം ഝഷാകുലം।
ചന്ദ്രോദയേ വിവർധന്തമപ്ലുവസ്ത്വം തിതീർഷസി॥ 8-33-27 (56479)
ഋഷഭം ദുന്ദുഭിഗ്രീവം തീക്ഷ്ണശൃംഗം പ്രഹാരിണം।
വത്സ ആഹ്വയസേ യുദ്വേ കർണ പാർഥം ധനഞ്ജയം॥ 8-33-28 (56480)
മഹാമേഘം മഹാഘോഷം ദർദുരഃ പ്രതിനർദസി।
ബാണതോയപ്രദം കാലേ നരപർജന്യമർജുനം॥ 8-33-29 (56481)
യഥാ ച ശ്വാ ഗൃഹസ്ഥസ്തു വ്യാഘ്രം വനഗതം ഭഷേത്।
തഥാ ത്വം ഭഷസേ കർണ നരവ്യാഘ്രം ധനഞ്ജയം॥ 8-33-30 (56482)
ശൃഗാലോ ഹി വനേ കർണ ശശൈഃ പരിവൃതോ വസൻ।
മന്യതേ സിംഹമാത്മാനം യാവത്സിംഹം ന പശ്യതി॥ 8-33-31 (56483)
തഥാ ത്വമപി രാധേയ സിംഹമാത്മാനമിച്ഛസി।
അപശ്യഞ്ശത്രുദമനം നരസിംഹം രണേഽർജുനം॥ 8-33-32 (56484)
വ്യാഘ്രം ത്വം മന്യസേഽഽത്മാനം യാവത്കൃഷ്ണൌ ന പശ്യസി।
സമാസ്ഥിതാവേകരഥേ സൂര്യാചന്ദ്രമസാവിവ॥ 8-33-33 (56485)
യാവദ്ഗ്രാണ്ഡീവഘോഷം ത്വം ന ശൃണോഷി മഹാഹവേ।
താവദേവ ത്വയാ കർണ ശക്യം വക്തും യഥേച്ഛസി॥ 8-33-34 (56486)
രഥശംഖധനുഃശബ്ദൈർനാദയന്തം ദിശോ ദശ।
നർദന്തമിവ ശാർദൂലം ദൃഷ്ട്വാ ക്രോഷ്ടാ ഭവിഷ്യസി॥ 8-33-35 (56487)
നിത്യമേവ ശൃഗാലസ്ത്വം നിത്യം സിംഹോ ധനഞ്ജയഃ।
വീരപ്രദ്വേഷണാൻമൂഢ തസ്മാത്ക്രോഷ്ടേവ ലക്ഷ്യസേ॥ 8-33-36 (56488)
യഥാഽഽഖുഃ സ്യാദ്വിഡാലശ്ച ശ്വാ വ്യാഘ്രശ്ച ബലാബലേ।
യഥാ ശൃഗാലഃ സിംഹശ്ച യഥാ ച ശശകുഞ്ജരൌ॥ 8-33-37 (56489)
യഥാഽനൃതം ച സത്യം ച യഥാ ചാപി വിഷാമൃതേ।
തഥാ ത്വമപി പാർഥശ്ച പ്രഖ്യാതാവാത്മകർമഭിഃ॥ ॥ 8-33-38 (56490)
ഇതി ശ്രീമൻമഹാഭാരതേ കർണപർവണി ത്രയസ്ത്രിംശോഽധ്യായഃ॥ 33 ॥
Mahabharata - Karna Parva - Chapter Footnotes
॥ ശ്രീഃ ॥
8.34. അധ്യായഃ 034
Mahabharata - Karna Parva - Chapter Topics
കർണേന മർമോദ്ധാടനപൂർവകം ശല്യഗർഹണം॥ 1 ॥
Mahabharata - Karna Parva - Chapter Text
8-34-0 (56491)
സഞ്ജയ ഉവാച। 8-34-0x (4925)
അധിക്ഷിപ്തസ്തു രാധേയഃ ശല്യേനാമിതതേജസാ।
ശല്യമാഹ സുസങ്ക്രുദ്ധോ വാക്ശല്യമവധാരയൻ॥ 8-34-1 (56492)
കർണ ഉവാച। 8-34-2x (4926)
ഗുണാൻഗുണവതാം ശല്യ ഗുണവാന്വേത്തി നാഗുണഃ।
ത്വം തു നിത്യം ഗുണൈർഹീനഃ കിം ജ്ഞാസ്യസി ഗുണാഗുണാൻ॥ 8-34-2 (56493)
അർജുനസ്യ മഹാസ്ത്രാണി ക്രോധം വീര്യം ധനുഃ ശരാൻ।
അഹം ശല്യാഭിജാനാമി ന ത്വം ജാനാസി തത്തഥാ॥ 8-34-3 (56494)
തഥാ കൃഷ്ണസ്യ മാഹാത്ംയമൃഷഭസ്യ മഹീക്ഷിതാം।
യഥാഹം ശല്യ ജാനാമി ന ത്വം ജാനാസി തത്തഥാ॥ 8-34-4 (56495)
ഏവമേവാത്മനോ വീര്യമഹം വീര്യം ച പാണ്ഡവേ।
ജാനംസ്താവാഹ്വയേ യുദ്ധേ ശല്യ നാഗ്നിം പതംഗവത്॥ 8-34-5 (56496)
അസ്തി ചാഽയമിഷുഃ ശല്യ സുപുംഖോ രക്തഭോജനഃ।
ഏകസ്തൂണീശയഃ പത്രീ സുധൌതഃ സമലങ്കൃതഃ॥ 8-34-6 (56497)
ശേതേ ചന്ദനചൂർണേന പൂജിതോ ബഹുലാഃ സമാഃ।
ആഹേയോ വിഷവാനുഗ്രോ നരാശ്വദ്വിപസംഘഹാ॥ 8-34-7 (56498)
ഘോരരൂപോ മഹാരൌദ്രസ്തനുത്രാസ്ഥിവിദാരണഃ।
നിർഭിന്ദ്യാം യേന രുഷ്ടോഽഹമപി മേരും മഹാഗിരിം॥ 8-34-8 (56499)
തമഹം ജാതു നാസ്യേയമന്യസ്മിൻഫൽഗുനാദൃതേ।
കൃഷ്ണാദ്വാ ദേവകീപുത്രാത്സത്യം ചാപി ശൃണുഷ്വ മേ॥ 8-34-9 (56500)
തേനാഹമിഷുണാ ശല്യ വാസുദേവധനഞ്ജയൌ।
യോത്സ്യേ പരമസംരബ്ധൌ തത്കർമ സദൃശം മമ॥ 8-34-10 (56501)
സർവേഷാം വൃഷ്ണിവീരാണാം കൃഷ്ണേ ലക്ഷ്മീഃ പ്രതിഷ്ഠിതാ।
സർവേഷാം പാണ്ഡുപുത്രാണാം ജയഃ പാർഥേ പ്രതിഷ്ഠിതഃ।
ഉഭയം തു സമാസാദ്യ കോ നിവർതിതുമർഹതി॥ 8-34-11 (56502)
താവേതൌ പുരുഷവ്യാഘ്രൌ സമേതൌ സ്യന്ദനേ സ്ഥിതൌ।
മാമേകമഭിസംയുദ്ധൌ സുജാതം പശ്യ ശല്യ മേ॥ 8-34-12 (56503)
പിതൃഷ്വസാമാതുലജൌ ഭ്രാതരാവപരാജിതൌ।
മണീ സൂത്ര ഇവ പ്രോതൌ ദ്രഷ്ടാസി നിഹതൌ മയാ॥ 8-34-13 (56504)
അർജുനേ ഗാണ്ഡിവം കൃഷ്ണേ ചക്രം താർക്ഷ്യകപിധ്വജൌ।
ഭീരൂണാം ത്രാസജനനം ശല്യ ഹർഷകരം മമ॥ 8-34-14 (56505)
ത്വം തു ദുഷ്പ്രകൃതിർമൂഢോ മഹായുദ്വേഷ്വകോവിദഃ।
ഭയാവദീർണഃ സന്ത്രാസാദബദ്ധം ബഹുഃ ഭാഷസേ॥ 8-34-15 (56506)
സംസ്തൌഷി തൌ തു കേനാപി ഹേതുനാ ത്വം കുദേശജ।
തൌ ഹത്വാ സമരേ ഹന്താ ത്വാമദ്യ സഹ ബാന്ധവം॥ 8-34-16 (56507)
പാപദേശജ ദുർബുദ്ധേ ക്ഷുദ്ര ക്ഷത്രിയപാംസന।
സുഹൃദ്രൂപോ രിപുഃ കിം മാം കൃഷ്ണാഭ്യാം ഭീഷയിഷ്യസി॥ 8-34-17 (56508)
തൌ വാ മാമദ്യ ഹന്താരൌ ഹനിഷ്യേ വാഽപി താവഹം।
നാഹം ബിഭേമി കൃഷ്ണാഭ്യാം വിജാനന്നാത്മനോ ബലം॥ 8-34-18 (56509)
വാസുദേവസഹസ്രം വാ ഫൽഗുനാനാം ശതാനി വാ।
അഹമേകോ ഹനിഷ്യാമി ജോഷമാസ്സ്വ കുദേശജ॥ 8-34-19 (56510)
സ്ത്രിയോ ബാലാശ്ച വൃദ്വാശ്ച പ്രായഃ ക്രീഡാഗതാ ജനാഃ॥ 8-34-20 (56511)
യാ ഗാഥാഃ സംപ്രഗായന്തി കുർവതോഽധ്യയനം യഥാ।
താ ഗാഥാഃ ശൃണു മേ ശല്യ മദ്രകേഷു ദുരാത്മസു॥ 8-34-21 (56512)
ബ്രാഹ്മണൈഃ കഥിതാഃ പൂർവം യഥാവദ്രാജസന്നിധൌ।
ശ്രുത്വാ ചൈകമനാ മൂഢ മമ വാ ബ്രൂഹി ചോത്തരം॥ 8-34-22 (56513)
മിത്രധ്രുങ്മദ്രകോ നിത്യം യോ നോ ദ്വേഷ്ടി സ മദ്രകഃ।
മദ്രകേ സംഗതം നാസ്തി ക്ഷുദ്രവാക്യേ നരാധമേ॥ 8-34-23 (56514)
ദുരാത്മാ മദ്രകോ നിത്യം നിത്യമാനൃതികോഽനൃജുഃ।
യച്ചാന്യദപി ദൌരാത്ംയം മദ്രകേഷ്വിതി നഃ ശ്രുതം॥ 8-34-24 (56515)
പിതാ പുത്രശ്ച മാതാ ച ശ്വശ്രൂശ്വശുരമാതുലാഃ।
ഭഗിനീ ദുഹിതാ ഭ്രാതാ നപ്താഽന്യേ തേ ച ബാന്ധവാഃ॥ 8-34-25 (56516)
വയസ്യാഭ്യാഗതാശ്ചാന്യേ ദാസീദാസാശ്ച സംഗതാഃ।
പുംഭിർവിമിശ്രാ നാര്യശ്ച ജ്ഞാതാജ്ഞാതാഃ സ്വയേച്ഛയാ॥ 8-34-26 (56517)
യേഷാം ഗൃഹേഷ്വശിഷ്ടാനാം സക്തുമദ്യാശിനാം സദാ।
പീത്വാ ശീധു സഗോമാംസം ക്രന്ദന്തി ച ഹസന്തി ച॥ 8-34-27 (56518)
ഗായന്തി ചാപ്യബദ്ധാനി പ്രവർതന്തേ ച കാമതഃ।
കാമപ്രലാപിനോഽന്യോന്യം തേഷു ധർമഃകഥം ഭവേത്॥ 8-34-28 (56519)
മദ്രകേഷ്വവലിപ്തേഷു പ്രഖ്യാതാശുഭകർമസു।
നാപി വൈരം ന സൌഹാർദം മദ്രകേണ സമാചരേത്॥ 8-34-29 (56520)
മദ്രകേ സംഗതം നാസ്തി മദ്രകോ ഹി സദാ മലഃ।
മദ്രകേഷു ച സംസൃഷ്ടം ശൌചം ഗാന്ധാരകേഷു ച॥ 8-34-30 (56521)
രാജയാജകയാജ്യേ ഹി യഥാ ദത്തം ഹവിർനശേത്।
ശൂദ്രസംസ്കാരകോ വിപ്രോ യഥാ യാതി പരാഭവം॥ 8-34-31 (56522)
യഥാ ബ്രഹ്മദ്വിഷോ നിത്യം ഗച്ഛന്തീഹ പരാഭവം।
യഥൈവ സംഗതം കൃത്വാ നരഃ പതതി മദ്രകൈഃ॥ 8-34-32 (56523)
ബാലേഷ്വപി സദാ ന സ്മ ധനം വൃശ്ചിക തേ വിഷം।
ആഥർവണേന മന്ത്രേണ സർവശാന്തിഃ കൃതാ മയാ॥ 8-34-33 (56524)
ഇതി വൃശ്ചികദഷ്ടസ്യ വിഷവേഗഹതസ്യ ച।
കുർവന്തി ഭേഷജം പ്രാജ്ഞാഃ സത്യം തച്ചാപി ദൃശ്യതേ॥ 8-34-34 (56525)
ഏവം വിദ്വഞ്ജോഷമാസ്സ്വ ബ്രൂഹി ചാത്രോത്തരം വചഃ।
വാസാംസ്യുത്സൃജ്യ നൃത്യന്തി സ്ത്രിയോ മദ്യവിമോഹിതാഃ॥ 8-34-35 (56526)
മൈഥുനേഽസംഗതാശ്ചാപി യഥാകാമവരാശ്ച താഃ।
താസാം പുത്ര കഥം ധർമം മദ്രകോ വക്തുമർഹതി॥ 8-34-36 (56527)
യാസ്തിഷ്ഠന്ത്യഃ പ്രമേഹന്തി യഥൈവോഷ്ട്രദശേരകാഃ।
താസാം വിഭ്രഷ്ടധർമാണാം നിർലജ്ജാനാം തതസ്തതഃ।
ത്വം പുത്രസ്താദൃശീനാം ഹി ധർമം വക്തുമിഹേച്ഛസി॥ 8-34-37 (56528)
സൌവീരകം യാച്യമാനാ മദ്രികാ കർഷതി സ്ഫിചൌ।
അദാതുകാമാ വചനമിദം വദതി ദാരുണം॥ 8-34-38 (56529)
മാ മാം സൌവീരകം കശ്ചിദ്യാചതാം ദയിതം മമ।
പുത്രം ദദ്യാം പതിം ദദ്യാം ന തു ദദ്യാം സുവീരകം॥ 8-34-39 (56530)
ഗൌര്യോ ബൃഹത്യോ നിർഹീകാ മദ്രികാഃ കംപലാവൃതാഃ।
ഘസ്മരാ നഷ്ടശൌചാശ്ച പ്രായ ഇത്യനുശുശ്രുമ॥ 8-34-40 (56531)
പമേഹിത്വാ സ്ഫിചൌ ഭൂമൌ ഘർഷന്ത്യോ ഹീനശോധനാഃ।
ശുദ്ധാ നാദ്ഭിർന മൃദ്ഭിശ്ച നിത്യോച്ഛിഷ്ടാ ഭവന്തി ഹി॥ 8-34-41 (56532)
ഏവമാദി മയാഽന്യൈർവാ ശക്യം വക്തും ഭവേദ്ബഹു।
ആകേശാന്താന്നഖാഗ്രാച്ച വക്തവ്യേഷു കുകർമസു॥ 8-34-42 (56533)
മദ്രകാഃ സിന്ധുസൌവീരാ ധർമം വിദ്യുഃ കഥം ത്വിഹ।
പാപദേശോദ്ഭവാ ംലേച്ഛാ ധർമാണാമവിചക്ഷണാഃ॥ 8-34-43 (56534)
ഏഷ മുഖ്യതമോ ധർമഃ ക്ഷത്രിയസ്യേതി നഃ ശ്രുതം।
യദാജൌ നിഹതഃ ശേതേ സദ്ഭിഃ സമഭിപൂജിതഃ॥ 8-34-44 (56535)
ആയുധാനാം സാംപരായേ യൻമുഞ്ചേയമഹം തതഃ।
മമൈഷ പ്രഥമഃ കൽപോ നിധനേ സ്വർഗമിച്ഛതഃ॥ 8-34-45 (56536)
സോയം പ്രിയസഖാ ചാസ്മി ധാർതരാഷ്ട്രസ്യ ധീമതഃ।
തദർഥേ ഹി മമ പ്രാണാ യച്ച മേ വിദ്യതേ വസു॥ 8-34-46 (56537)
വ്യക്തം ത്വമപ്യുപഹിതഃ പാണ്ഡവൈഃ പാപദേശജ।
യഥാ ചാമിത്രവത്സർവം ത്വമസ്മാസു പ്രവർതസേ॥ 8-34-47 (56538)
കാമം ന ഖലു ശക്യോഽഹം ത്വദ്വിധാനാം ശതൈരപി।
സംഗ്രാമാദ്വിമുഖഃ കർതും ധർമജ്ഞ ഇവ നാസ്തികൈഃ॥ 8-34-48 (56539)
സാരംഗ ഇവ ഘർമാർതഃ കാമം വിലപ ശുഷ്യ ച।
നാഹം ഭീഷയിതും ശക്യഃ ക്ഷത്രധർമേ വ്യവസ്ഥിതഃ॥ 8-34-49 (56540)
തനുത്യജാം നൃസിംഹാനാമാഹവേഷ്വനിവർതിനാം।
യാ ഗതിർഗുരുണാ പ്രോക്താ പ്രേംണാ രാമേണ താം സ്മരേ॥ 8-34-50 (56541)
സ്വേഷാം ത്രാണാർഥമുദ്യന്തം വധാർഥം ദ്വിഷതാമപി।
വിദ്ധി മാമാസ്ഥിതം വൃത്തം പൌരൂരവസമുത്തമം॥ 8-34-51 (56542)
ന തദ്ഭൂതം പ്രപശ്യാമി ത്രിഷു ലോകേഷു മദ്രപ।
യോ മാമസ്മാദഭിപ്രായാദ്വാരയേദിതി മേ മതിഃ॥ 8-34-52 (56543)
ഏവം വിദ്വഞ്ജോഷമാസ്സ്വ ത്രാസാത്കിം ബഹു ഭാഷസേ।
ന ത്വാം ഹത്വാ പ്രദാസ്യാമി ക്രവ്യാദ്ഭ്യോ മദ്രകാധം॥ 8-34-53 (56544)
മിത്രപ്രതീക്ഷയാ ശല്യ ധൃതരാഷ്ട്രസ്യ ചോഭയോഃ।
അപവാദതിതിക്ഷാഭിസ്ത്രിഭിരേതൈർഹി ജീവസി॥ 8-34-54 (56545)
പുനശ്ചേദീദൃശം വാക്യം മദ്രരാജ വദിഷ്യസി।
ശിരസ്തേ പാതയിഷ്യാസി ഗദയാ വജ്രകൽപയാ॥ 8-34-55 (56546)
ശ്രോതാരസ്ത്വിദമദ്യേഹ ദ്രഷ്ടാരോ വ്രാ കുദേശജ।
കർണം വാ ജഘ്നതുഃ കൃഷ്ണൌ കർണോ വാ നിജഘാന തൌ॥ 8-34-56 (56547)
ഏവമുക്ത്വാ തു രാധേയഃ പുനരേവ വിശാംപതേ।
അബ്രവീൻമദ്രരാജാനം യാഹിയാഹീത്യസംഭ്രമം॥ ॥ 8-34-57 (56548)
ഇതി ശ്രീമൻമഹാഭാരതേ കർണപർവണി ചതുസ്ത്രിംശോഽധ്യായഃ॥ 34 ॥
Mahabharata - Karna Parva - Chapter Footnotes
॥ ശ്രീഃ ॥
8.35. അധ്യായഃ 035
Mahabharata - Karna Parva - Chapter Topics
ശല്യേന കർണംപ്രതി ഹംസകാകീയാഖ്യാനകഥനം॥ 1 ॥
Mahabharata - Karna Parva - Chapter Text
8-35-0 (56549)
സഞ്ജയ ഉവാച। 8-35-0x (4927)
മാരിഷാധിരഥേഃ ശ്രുത്വാ വാചോ യുദ്ധാഭിനന്ദിനഃ।
ശല്യോഽബ്രവീത്പുനഃ കർണം നിദർശനമുദാഹരൻ॥ 8-35-1 (56550)
ജാതോഽഹം യജ്വനാം വംശേ സംഗ്രാമേഷ്വനിവർതിനാം।
രാജ്ഞാം മൂർധാഭിഷിക്താനാം സ്വയം ധർമപരായണഃ॥ 8-35-2 (56551)
യഥൈവ മത്തോ മദ്യേന ത്വം തഥാ ലക്ഷ്യസേ വൃഷ।
തഥാഽദ്യ ത്വാം പ്രമാദ്യന്തം ചികിത്സേയം സുഹൃത്തയാ॥ 8-35-3 (56552)
ഇമാം കാകോപമാം കർണ പ്രോച്യമാനാം നിബോധ മേ।
ശ്രുത്വാ യഥേഷ്ടം കുര്യാസ്ത്വം നിഹീന കുലപാംസന॥ 8-35-4 (56553)
നാഹമാത്മനി കിഞ്ചിദ്വൈ കിൽബിഷം കർണ സംസ്മരേ।
യേന മാം ത്വം മഹാബാഹോ ഹന്തുമിച്ചസ്യനാഗസം॥ 8-35-5 (56554)
അവശ്യം തു മയാ വാച്യം ബുദ്ധ്വാ തവ ഹിതാഹിതം।
വിശേഷതോ രഥസ്ഥേന രാജ്ഞശ്ചൈവ ഹിതൈഷിണാ॥ 8-35-6 (56555)
സമം ച വിഷമം ചൈവ രഥിനശ്ച ബലാബലം।
ശ്രമഃ ഖേദശ്ച സതതം ഹയാനാം രഥിനാ സഹ॥ 8-35-7 (56556)
ആയുധസ്യ പരിജ്ഞാനം രുതം ച മൃഗപക്ഷിണാം।
സാരം ചൈവാപ്യാസരം ച ശല്യാനാം ച പ്രതിക്രിയാ॥ 8-35-8 (56557)
അസ്ത്രയോഗം ച യുദ്വം ച നിമിത്താനി തഥൈവ ച।
സർവമേതൻമയാ ജ്ഞേയം രഥസ്യാസ്യ കുടുംബിനാ।
അതസ്ത്വാം കഥയേ കർണ നിദർശനമിദം പുനഃ॥ 8-35-9 (56558)
വൈശ്യഃ കില സമുദ്രാന്തേ പ്രഭൂതധനധാന്യവാൻ।
യജ്വാ ദാനപതിഃ ക്ഷാന്തഃ സ്വകർമസ്ഥോഽഭവച്ഛുചിഃ॥ 8-35-10 (56559)
ബഹുപുത്രഃ പ്രിയാപത്യഃ സർവഭൂതാനുകംപകഃ।
രാജ്ഞോ ധർമപ്രധാനസ്യ രാഷ്ട്രേ വസതി നിർഭയഃ॥ 8-35-11 (56560)
പുത്രാണാം തസ്യ ബാലാനാം കുമാരാണാം യശസ്വിനാം।
കാകോ ബഹൂനാമഭവദുച്ഛിഷ്ടകൃതഭോജനഃ॥ 8-35-12 (56561)
തസ്മൈസദാ പ്രയച്ഛന്തി വൈശ്യപുത്രാഃ കുമാരകാഃ।
മാംസോദനം ദധി ക്ഷീരം പായസം മധുസർപിഷീ॥ 8-35-13 (56562)
സ ചോച്ഛിഷ്ടഭൃതഃ കാകോ വൈശ്യപുത്രൈഃ കുമാരകൈഃ।
സദൃശാൻപക്ഷിണോ ദൃപ്തഃ ശ്രേയസസശ്ചാവമന്യതേ॥ 8-35-14 (56563)
അഥ ഹംസാഃ സമുദ്രാന്തേ പ്രജഗ്മുരതിപാതിനഃ।
ഗരുഡസ്യ ഗതൌ തുല്യാശ്ചക്രാംഗാ ഹൃഷ്ടചേതസഃ॥ 8-35-15 (56564)
കുമരാരകാസ്തദാ ഹംസാന്ദൃഷ്ട്വാ കാകമഥാബ്രുവൻ।
ഭവാനേവ വിശിഷ്ടോഽസി പതത്രിഭ്യോ വിഹംഗമ॥ 8-35-16 (56565)
ഏതേഽതിപാതിനഃ പശ്യ വിഹംഗാന്വിയദാശ്രിതാൻ।
ഏഹി ത്വമപി ശക്തോ ഹി കസ്മാന്ന പതിതം ത്വയാ॥ 8-35-17 (56566)
പ്രതാര്യമാണസ്തൈഃ സർവൈരൽപബുദ്ധിഭഇരണ്ഡജഃ।
തദ്വചഃ സത്യമിത്യേവ മൌർഖ്യാദ്ദർപാച്ച ജജ്ഞിവാൻ॥ 8-35-18 (56567)
താൻസോനുപത്യ ജിജ്ഞാസുഃ ക ഏഷാം ശ്രേഷ്ഠഭാഗിതി।
ഉച്ഛിഷ്ടദർപിതഃ കാകോ ബഹൂനാമേകപാതിനാം॥ 8-35-19 (56568)
തേഷാം യം പ്രവരം മേനേ ഹംസാനാം ദൂരപാതിനാം।
സ തമാഹ്വത ദുർബുദ്ധിഃ പതാവ ഇതി പക്ഷിണം।
തച്ഛ്രുത്വാ പ്രാഹസൻഹംസാ യേ തത്രാസൻസമാഗതാഃ॥ 8-35-20 (56569)
ഭാഷതോ ബഹു കാകസ്യ ബാലിശ്യാത്പതതാം വരാഃ।
ഇദമൂചുഃ സ്മ ചക്രാംഗാവചഃ കാകം വിംഗമാഃ॥ 8-35-21 (56570)
ഹംസാ ഊചുഃ। 8-35-22x (4928)
വയം ഹംസാശ്ചരാമേമാം പൃഥിവീം മാനസൌകസഃ।
പക്ഷിണാം ച വയം നിത്യം ദൂരപാതേന പൂജിതാഃ॥ 8-35-22 (56571)
കഥം ഹംസം നു ബലിനം ചക്രാംഗം ദൂരപാതിനം।
കാകോ ഭൂത്വാ നിപതനേ സമാഹ്വയസി ദുർമതേ।
കഥം ത്വം പതിതാ കാക സഹാസ്മാഭിർബ്രവീഹി തത്॥ 8-35-23 (56572)
അഥ ഹംസവചോ മൂഢഃ കുത്സയിത്വാ പുനഃ പുനഃ।
പ്രജഗാദോത്തരം കാകഃ കത്ഥനോ ജാതിലാഘവാത്॥ 8-35-24 (56573)
കാക ഉവാച। 8-35-25x (4929)
ശതമേകം ച പാതാനാം പതിതാഽസ്മി ന സംശയഃ।
ശതയോജനമേകൈകം വിചിത്രം വിവിധം തഥാ॥ 8-35-25 (56574)
ഉഡ്ഡീനമവഡീനം ച പ്രഡീനം ഡീനമേവ ച।
നിഡീനമഥ സണ്ഡീനം തിര്യക്ഡീനഗതാനി ച॥ 8-35-26 (56575)
വിഡീനം പരിഡീനം ച പരാഡീനം സുഡീനകം।
അഭിഡീനം മഹാഡീനം നിർഡീനമതിഡീനകം॥ 8-35-27 (56576)
അവഡീനം പ്രഡീനം ച സണ്ഡീനം ഡീനഡീനകം।
സണ്ഡീനോഡ്ഡീനഡീനം ച പുനർഡീനവിഡീനകം॥ 8-35-28 (56577)
സംപാതം സമുദീഷം ച തതോഽന്യദ്വ്യതിരിക്തകം।
ഗതാഗതം പ്രതിഗതം ബഹ്വീശ്ച നികുലീനകാഃ।
കർതാഽസ്മി മിഷതാം വോഽദ്യ തതോ ദ്രക്ഷയഥ മേ ബലം॥ 8-35-29 (56578)
തേഷാമന്യതമേനാഹം പതിഷ്യാമി വിഹായസം।
പ്രദിശധ്വം യഥാന്യായം കേന ഹംസാഃ പതാംയഹം॥ 8-35-30 (56579)
തേ വൈ ധ്രുവം വിനിശ്ചിത്യ സംപതധ്വം മയാ സഹ।
പാതൈരേഭിഃ ഖലു ഖഗാഃ പതിതും ഖേ നിരാശ്രയേ॥ 8-35-31 (56580)
ഏവമുക്തേ തു കാകേന പ്രഹസ്യൈകോ വിഹംഗമഃ।
ഉവാച കാകം രാധേയ വചനം തന്നിബോധ മേ॥ 8-35-32 (56581)
ഹംസ ഉവാച। 8-35-33x (4930)
ശതമേകം ച പാതാനാം ത്വം കാക പതിതാ ധ്രുവം।
ഏകമേവ തു യം പാതം വിദുഃ സർവേ വിഹംഗമാഃ।
തമഹം പതിതാ കാക നാന്യം ജാനാമി കഞ്ചന॥ 8-35-33 (56582)
കാക ഉവാച। 8-35-34x (4931)
പത ത്വമപി തത്രാശു യേന പാതേന മന്യസേ॥ 8-35-34 (56583)
അഥ കാകം പ്രജഹസുര്യേ തത്രാസൻസമാഗതാഃ।
കഥമേകേന പാതേന ഹംസഃ പാതശതം ജയേത്।
ഏകേന വായസ ത്വൈനം പാതേനാഭിഭവിഷ്യതി॥ 8-35-35 (56584)
ഹംസശ്ചോത്പതിതഃ കാകോ ബലവാനാശുവിക്രമഃ।
പ്രപേതതുഃ സ്പർധയാ ച തതസ്തൌ ഹംസവായസൌ।
ഉപര്യുപരി വേഗേന സമുദ്രം മകരാലയം॥ 8-35-36 (56585)
ഹംസസ്ത്വേകേന പാതേന കാകഃ പാതശതേന ച।
സ്പർധിനൌ സഹിതൌ തൂർണം ഖമാസ്ഥായ തരസ്വിനൌ॥ 8-35-37 (56586)
ഹംസസ്തു മൃദുനൈകേന വിക്രാന്തുമുപചക്രമേ।
പൂർവമേവ തു വൈ കാകഃ സ തം തൂർണം പ്രചക്രമേ॥ 8-35-38 (56587)
നാത്യഹീയത കാകശ്ച മുഹൂർതമിവ സൂതജ॥ 8-35-39 (56588)
കാകോപി ഹംസം ചാപല്യാച്ഛീഘ്രതാം പ്രതിദർശയൻ।
വേഗേനാതീത്യ തരസാ പുനരേതി മുഹുർമുഹുഃ॥ 8-35-40 (56589)
തുണ്ഡേനാഭ്യഹനച്ചൈനം കുർവന്നാമാപസവ്യതഃ।
രോരൂയന്നിവ ചാപ്യേനം സമാഹ്വയതി വൈ മുഹുഃ।
വിസിസ്മാപയിഷുഃ പാതൈർദർശയന്നാത്മനഃ ക്രിയാം॥ 8-35-41 (56590)
അഥ താനി വിചിത്രാണി പതിതാനീതരാണി ച।
ദൃഷ്ട്വാ പ്രമുദിതാഃ കാകാ വിനേദുരധികൈഃ സ്വരൈഃ॥ 8-35-42 (56591)
ഹംസാശ്ചാപഹസന്തി സ്മ പ്രവദന്തി പ്രിയാണി ച।
കുർവാണാ വിവിധാന്രാവാനിച്ഛന്തോ ജയമാത്മനഃ॥ 8-35-43 (56592)
ഉത്പത്യോത്പത്യ ച പ്രാഹുർമുഹൂർതമിതി ചേതി ച।
വൃക്ഷാഗ്രേഭ്യഃ സ്ഥലേഭ്യശ്ച നിപതന്ത്യുത്പതന്തി ച॥ 8-35-44 (56593)
അവമത്യ ച ഹംസം തമിദം കാകോഽബ്രവീദ്വചഃ।
യോഽസാവുത്പതിതോ ഹംസഃ സോഽസാവേവ പ്രഹീയതേ॥ 8-35-45 (56594)
അഥ ഹംസസ്തു തച്ഛ്രുത്വാ ഭാഷിതം പതതാംവരഃ।
വിഗാഹ്യ ഹംസോ വിക്ഷോഭ്യ പ്രാപതത്പശ്ചിമാം ദിശം॥ 8-35-46 (56595)
ഉപര്യുപരി വേഗേന സാഗരം മകരാലയം।
ബഹുസത്വസമാകീർണം വീചീഭിർഭീമദർശനം॥ 8-35-47 (56596)
അഥാചിരേണ രാധേയ കാകോ വേഗാദഹീയത।
തതോഽതീവ പരിശ്രാന്തഃ കഥഞ്ചിദ്വംസമന്വഗാത്॥ 8-35-48 (56597)
ഭീശ്ചൈനമാവിശത്തീവ്രം കാകം കർണ വിചേതസം।
ദ്വീപാന്ദ്രുമാന്വിതാൻപശ്യന്വിശ്രമാർഥം ശ്രമാതുരഃ।
നിപതേയം ക്കനു ശ്രാന്ത ഇതി തസ്മിഞ്ജലാർണവേ॥ 8-35-49 (56598)
അവഗാഹ്യ സമുദ്രോഽപി ബഹുസത്വഗണാലയഃ।
മഹാൻഭൂതശതോദ്ഭൂസീ നഭസസ്തു വിശിഷ്യതേ॥ 8-35-50 (56599)
ഗാംഭീര്യാർദ്വി സമുദ്രസ്യ ന വിശേഷം കുലാധമ।
ദിശശ്ച നാംഭസാം കർണ സമുദ്രസ്ഥാ വിദുർജനാഃ।
വിപശ്ചിതോപ്യപാരത്വാത്കിം പുനഃ കർണ വായസഃ॥ 8-35-51 (56600)
അഥ ഹംസോപ്യതിക്രാമൻമുഹൂർതമിവ ദൂരതഃ।
അതിക്രംയ ച ചക്രാംഗഃ കാകം തം സമുദൈക്ഷത॥ 8-35-52 (56601)
ശനകൈഃ പരിഹീനം തം പരിശ്രാന്തമചേതസം।
അവേക്ഷമാണസ്തം കാകം പ്രത്യാഗംയ ഹസന്നിവ॥ 8-35-53 (56602)
തം പ്രഹസ്യ ച ചക്രാംഗഃ കാകം മന്ദഗതിം തദാ।
ഹീയമാനമഥോ ദൃഷ്ട്വാ ഹംസഃ പ്രാഹ യഥാർഥവത്।
ഉജ്ജിഹീർഷുർനിമജ്ജന്തം സ്മരൻസത്പുരുഷവ്രതം॥ 8-35-54 (56603)
ബഹൂനി പതിതാനി ത്വമാചക്ഷാണോ മുഹുർമുഹുഃ।
പതസ്യവ്യാഹരൻഖേദം തതോ ഗർഹ്യം പ്രഭാഷസേ॥ 8-35-55 (56604)
ജലം നാമ പതിതം കാക യത്ത്വം പതസി സാംപ്രതം।
ജലം സ്പൃശസി പക്ഷാഭ്യാം തുണ്ഡേന ച പുനഃ പുനഃ॥ 8-35-56 (56605)
പ്രബ്രൂഹി കതമോഽയം തേ പാതോ വർതതി വായസ।
ഏഹ്യേഹി കാക ശീഘ്രം ത്വമേഷ ത്വാം പരിപാലയേ॥ 8-35-57 (56606)
സ പക്ഷാഭ്യാം സ്പൃശന്നാർതസ്തുണ്ഡേന ച ജലം തദാ।
കാകോ ദൃഢം പരിശ്രാന്തഃ സഹസാ നിപപാത ഹ॥ 8-35-58 (56607)
സാഗരാംഭസി തം ദൃഷ്ട്വാ പതതന്തം ദീനചേതസം।
ംരിയമാണമിദം വാക്യം ഹംസഃ കാകമുവാച ഹ॥ 8-35-59 (56608)
ശതമേകം ച പാതാനാം പതാംയഹമിതി സ്മ ഹ।
ശ്ലാഘന്നാത്മാനമദ്യ ത്വം കാക ഭാഷിതവാനസി॥ 8-35-60 (56609)
സ ത്വമേകശതം പാതം പതന്നഭ്യധികോ മയാ।
കഥമേവം പരിശ്രാന്തഃ പതിതോഽസി മഹാർണവേ॥ 8-35-61 (56610)
പ്രത്യുവാച തതഃ കാകഃ സീദമാന ഇദം വചഃ।
ഉപരീതം തദാ ഹംസം പ്രസമീക്ഷ്യ പ്രസാദയൻ॥ 8-35-62 (56611)
ഉച്ഛിഷ്ടാന്നേന പുഷ്ടോഽഹം ദർപോത്സിക്തഃ കുസത്വതഃ।
സുപർണ ഇവ ചാത്മാനം ജ്ഞാതവാൻപുത്രലാഘവാത്॥ 8-35-63 (56612)
ശരണം ത്വാം പ്രപന്നോഽഹമുദകാന്തമവാപ്നുയാം।
ഹംസേദാനീം പരിശ്രാന്തമാപദോ മാം സമുദ്വര॥ 8-35-64 (56613)
യദി നാമ പുനർജീവൻഗച്ഛേയം സ്വം നിവേശനം।
നൈനം പുനർഹീനമപി ക്ഷേപ്താഽഹം ഖേ വിചാരിണം॥ 8-35-65 (56614)
തമേവം കരുണം ദീനം വിലപന്തമചേതസം।
കാകകാകേതി വാശന്തം നിമജ്ജന്തം മഹാർണവേ।
കൃപയാഽഭിപരീതോ വൈ കൃപാം ചക്രേ ദുരാത്മനി॥ 8-35-66 (56615)
അഥ തം പതതം ദീനം ജലക്ലിന്നമചേതനം।
പദ്ഭ്യാമുത്ക്ഷിപ്യ വേപന്തം പൃഷ്ഠമാരോ പയത്തദാ॥ 8-35-67 (56616)
സ ഹംസഃ പൃഷ്ഠമാരോപ്യ കാകം കർണ വിചേതസം।
അവിസ്മയംസ്തദാ കർണ പുനരേവ സമാനയത്।
തമേവ ദേശം തരസാ സ്പർധയാ പേതതുര്യതഃ॥ 8-35-68 (56617)
ഉത്സൃജ്യ ത്വബ്രവീൻമൈവം പുനഃ കാര്യം ത്വയേതി ഹ।
സ്ഥാപ്യ ചൈനം പുനർദ്വീപേ സമാശ്വസ്യ ച വിക്ലവം।
ഗതോ യഥേപ്സിതം ദേശം ഹംസോ മന ഇവാശുഗഃ॥ 8-35-69 (56618)
ഏവമുച്ഛിഷ്ടപുഷ്ടഃ സ കാകോഽഹംസപരാജിതഃ।
ബലം വീര്യം മഹത്കർണ ത്യക്ത്വാ ക്ഷാന്തിമുപാഗതഃ॥ 8-35-70 (56619)
ഉച്ഛിഷ്ടഭോജനഃ കാകോ യഥാ വൈശ്യകുലേ പുരാ।
ഏവം ത്വമുച്ഛിഷ്ടഭൃതോ ധാർതരാഷ്ട്രൈർന സംശയഃ॥ 8-35-71 (56620)
സദൃശാഞ്ശ്രേയസശ്ചാപി സർവാൻകർണാവമന്യസേ।
ദ്രോണദ്രൌണികൃപൈർഗുപ്തോ ഭീഷ്മേണാന്യൈശ്ച കൌരവൈഃ॥ 8-35-72 (56621)
വിരാടനഗരേ പാർഥമേകം കിം നാവധീസ്തദാ।
യത്ര വ്യസ്താഃ സമസ്താശ്ച നിർജിതാഃ സ്ഥ കിരീടിനാ
സൃഗാലാ ഇവ സിംഹേന ക്വ തേ വീര്യം തദാ ഗതം॥ 8-35-73 (56622)
ഭ്രാതരം നിഹതം ദൃഷ്ട്വാ സമരേ സവ്യസാചിനാ।
പശ്യതാം കുരവീരാണാം പ്രഥമം ത്വം പലായിതഃ॥ 8-35-74 (56623)
തഥാ ദ്വൈതവനേ കർണ ഗന്ധർവൈഃ സമഭിദ്രുതാൻ।
കുരൂൻസദാരാനുത്സൃജ്യ ത്വമേവാഗ്രേ പലായിതഃ॥ 8-35-75 (56624)
ഹത്വാ ജിത്വാ ച ഗന്ധർവാംശ്ചിത്രസേനമുഖാന്രണേ।
കർണ ദുര്യോധനം പാർഥഃ സഭ്രാതൃകമമോക്ഷയത്॥ 8-35-76 (56625)
പുനഃ പ്രഭാവഃ പാർഥസ്യ പുരാണഃ കേശവസ്യ ച।
കഥിതഃ കർണ രാമേണ സഭായാം കുരുസംസദി॥ 8-35-77 (56626)
സതതം ച ത്വമശ്രൌഷീർവചനം ദ്രോണഭീഷ്മയോഃ।
അവധ്യൌ വദതോഃ കൃഷ്ണൌ സന്നിധൌ ച മഹീക്ഷിതാം॥ 8-35-78 (56627)
കിയന്തം തത്ര വക്ഷ്യാമി യേനയേന ധനഞ്ജയഃ।
ത്വത്തോഽതിരിക്തഃ സർവേഭ്യോ ഭൂതേഭ്യോ ബ്രാഹ്മണോ യഥാ॥ 8-35-79 (56628)
ഇദാനീമേവ ദ്രഷ്ടാസി പ്രധാനേ സ്യന്ദനേ സ്ഥിതൌ।
പുത്രം ച വസുദേവസ്യ കുന്തീപുത്രം ച പാണ്ഡവം॥ 8-35-80 (56629)
യഥാഽശ്രയത ചക്രാംഗം വായസോ ബുദ്ധിമാസ്ഥിതഃ।
തഥാശ്രയസ്വ വാർഷ്ണേയം പാണ്ഡവം ച ധനഞ്ജയം॥ 8-35-81 (56630)
യദാ ത്വം യുധി വിക്രാന്തൌ വാസുദേവധനഞ്ജയൌ।
ദ്രഷ്ടാസ്യേകരഥേ കർണ തദാ നൈവം വദിഷ്യസി॥ 8-35-82 (56631)
യദാ ശരശതൈഃ പാർഥോ ദർപം തവ വധിഷ്യതി।
തദാ ത്വമന്തരം ദ്രഷ്ടാ ആത്മനശ്ചാർജുനസ്യ ച॥ 8-35-83 (56632)
ദേവാസുരമനുഷ്യേഷു പ്രഖ്യാതൌ യൌ നരോത്തമൌ।
തൌ മാവമംസ്ഥാ മൌർഖ്യാത്ത്വം സ്വദ്യോത ഇവ രോചനൌ॥ 8-35-84 (56633)
സൂര്യാചന്ദ്രമസൌ യദ്വത്തദ്വദജുനകേശവൌ।
പ്രകാശ്യേനാഭിവിഖ്യാതൌ ത്വം തു ഖദ്യോതവന്നൃഷു॥ 8-35-85 (56634)
ഏവം വിദ്വൻമാവമംസ്ഥാഃ സൂതപുത്രാച്യുതാർജുനൌ।
നരസിംഹൌ നരശ്വാ ത്വം ജോഷമാസ്സ്വ വികത്ഥസേ॥ ॥ 8-35-86 (56635)
ഇതി ശ്രീമൻമഹാഭാരതേ കർണപർവണി പഞ്ചത്രിംശോഽധ്യായഃ॥ 35 ॥
Mahabharata - Karna Parva - Chapter Footnotes
॥ ശ്രീഃ ॥
8.36. അധ്യായഃ 036
Mahabharata - Karna Parva - Chapter Topics
കർണേന ശല്യംപ്രതി സ്വസ്യ പരശുരാമാത് തഥാ കുതശ്ചിദ്ബ്രാഹ്മണാച്ച ശാപപ്രാപ്തികഥനം॥ 1 ॥
Mahabharata - Karna Parva - Chapter Text
8-36-0 (56636)
സഞ്ജയ ഉവാച। 8-36-0x (4932)
മദ്രാധിപസ്യാധിരഥിർമഹാത്മാ
വചോ നിശംയാപ്രിയമപ്രതീതഃ।
ഉവാച ശല്യം വിദിതം മമൈത--
ദ്യഥാവിധാവർജുനവാസുദേവൌ॥ 8-36-1 (56637)
ശൌരേ രഥം വാഹയതോഽർജുനസ്യ
ബലം മഹാസ്ത്രാണി ച പാണ്ഡവസ്യ।
അഹം വിജാനാമി യഥാവദദ്യ
പരോക്ഷഭൂതം തവ തത്തു ശല്യ॥ 8-36-2 (56638)
തൌ ചാപ്യഹം ശസ്ത്രഭൃതാം വരിഷ്ഠൌ
വ്യപേതഭീര്യോധയിഷ്യാമി കൃഷ്ണൌ।
സന്താപയത്യഭ്യധികം ഹി രാമാ--
ച്ഛാപോഽദ്യ മാം ബ്രാഹ്മണസത്തമാച്ച॥ 8-36-3 (56639)
`പുരാ മഹേന്ദ്രാദ്രിവരേ സമുദ്രേ
തപസ്വിനം രാമമുപേത്യ ശല്യ।
അസ്ത്രാർഥിനം മാഽദ്യ ശിഷ്യം ഗൃഹാണേ--
ത്യഥാഽബ്രുവം ബ്രാഹ്മണച്ഛദ്മനാ ച॥ 8-36-4 (56640)
തത്രാവസം ബ്രാഹ്മണ ഇത്യവിപ്രോ
ബ്രഹ്മാസ്ത്രലോഭാദനൃതേന ചാഹം।
തജ്ജാമദഗ്ന്യേന പരം മഹാസ്ത്രം
സമന്ത്രയുക്തം വിഹിതം മമാസീത്॥ 8-36-5 (56641)
അസ്ത്രം യദാ തദ്വിദിതം മമാസീ--
ത്തദാഽബ്രവീദ്ബ്രാഹ്മണോ മാം മഹർഷിഃ।
ആപദ്ഗതേനാസ്ത്രമിദം പ്രയോജ്യം
ത്വയാ രണേ ഗച്ഛതാ സാധയേതി'॥ 8-36-6 (56642)
തത്രാപി മേ ദേവരാജേന വിഘ്നോ
ഹിതാർഥിനാ ഫൽഗുനസ്യൈവ ശല്യ।
കൃതോ വിഭേദേന മമോരുമേത്യ
പ്രവിശ്യ കീടസ്യ തനും വിരൂപാം॥ 8-36-7 (56643)
മമോരുമേത്യ പ്രബിഭേദ കീടഃ
സുപ്തേ ഗുരൌ തത്ര ശിരോ നിധായ।
ഊരുപ്രഭേദാച്ച മഹാൻബഭൂവ
ശരീരതോ മേ ഘനശോണിതൌഘഃ॥ 8-36-8 (56644)
ഗുരോർഭയാച്ചാപി ന ചേലിവാനഹം
തതോ വിബുദ്ധോ ദദൃശേ സ വിപ്രഃ।
സ ധൈര്യയുക്തം പ്രസമീക്ഷ്യ മാം വൈ
ന ത്വം വിപ്രഃ കോഽസി സത്യം വദേതി॥ 8-36-9 (56645)
തസ്മൈ തദാഽഽത്മാനമഹം യഥാവ--
ദാഖ്യാതവാൻസൂത ഇത്യേവ ശല്യ।
സ മാം നിശാംയാഥ മഹാതപസ്വീ
സംശപ്തവാന്രോഷപരീതചേതാഃ॥ 8-36-10 (56646)
സൂത ത്വയാ ഹ്യാപ്തമിദം തവാസ്ത്രം
ന കർമകാലേ പ്രതിഭാസ്യതീതി।
അന്യത്ര തു സ്യാത്തവ മൃത്യുകാലാ--
ദബ്രാഹ്മണേ ബ്രഹ്മ ന ഹി ധ്രുവം സ്യാത്॥ 8-36-11 (56647)
തദദ്യ പര്യാപ്തമതീവ മേഽസ്ത്ര--
മുപസ്ഥിതേഽസ്മിംസ്തുമുലേ വിമർദേ॥ 8-36-12 (56648)
ശല്യോഗ്രധന്വാനമഹം വരിഷ്ഠം
തരസ്വിനം ഭീമമസഹ്യവീര്യം।
സത്യപ്രതിജ്ഞം യുധി പാണ്ഡവേയം
ധനഞ്ജയം മൃത്യുമുഖം നയിഷ്യേ॥ 8-36-13 (56649)
അസ്ത്രം തതോഽന്യത്പ്രതിപന്നമദ്യ
യേന ക്ഷേപ്സ്യേ സമരേ ശത്രുപൂഗാൻ।
പ്രതാപിനം ബലവന്തം കൃതാസ്ത്രം
തമുഗ്രധന്വാനമമിതൌജസം ച।
ക്രൂരം ശൂരം രൌദ്രമമിത്രസാഹം
ധനഞ്ജയം സംയുഗേഽഹം ഹനിഷ്യേ॥ 8-36-14 (56650)
അപാംപതിർവേഗവാനപ്രമേയോ
നിമജ്ജയിഷ്യൻബഹുലാഃ പ്രജാ ഇവ।
മഹാരവം യഃ കുരുതേ സമുദ്രോ
വേലേവ തം വാരയാംയപ്രമേയം॥ 8-36-15 (56651)
പ്രമുഞ്ചന്തം ബാണസംഘാനമേയാ--
ൻമർമച്ഛിദോ വീരഹണഃ സുപത്രാൻ।
കുന്തീപുത്രം പ്രതിയോത്സ്യാമി യുദ്ധേ
ജ്യാം കർഷതാമുത്തമം മർത്യലോകേ॥ 8-36-16 (56652)
ഏവം ബലേനാതിബലം മഹാസ്ത്രം
സമുദ്രകൽപം സുദുരാപമുഗ്രം।
ശരൌഘിണം പാർഥിവാൻമജ്ജയന്തം
വേലേവ പാർഥമിഷുഭിർവാരയിഷ്യേ॥ 8-36-17 (56653)
കൃതീ കൃതാസ്ത്രോ ദൃഢഹസ്തയോധീ
ദിവ്യാസ്ത്രവിച്ഛ്വേതഹയഃ പ്രമാഥീ।
സുരാസുരാന്യുധി വൈ യോ ജയേത
തേനാദ്യ മേ പശ്യ യുദ്വം സുഘോരം॥ 8-36-18 (56654)
അഭീർമാനീ പാണ്ഡവോ യുദ്വകാമോ
ഹ്യമാനുഷൈരസ്യതി മാം മഹാസ്ത്രൈഃ।
തസ്യാസ്ത്രമസ്ത്രൈരഭിഭൂയ സംഖ്യേ
ബാണോത്തമൈഃ പാതയിഷ്യാമി പാർഥം॥ 8-36-19 (56655)
സഹസ്രരശ്മിപ്രതിമം ജ്വലന്തം
ദിശശ്ച സർവാഃ പ്രതപന്തമുഗ്രം।
തമോനുദം മേഘ ഇവാതിമാത്രം
ധനഞ്ജയം ഛാദയിഷ്യാമി ബാണൈഃ॥ 8-36-20 (56656)
വൈശ്വാനരം ധൂമകേതും ജ്വലന്തം
തേജസ്വിനം നരവീരാന്ദഹന്തം।
പർജന്യഭൂതഃ ശരവർഷൈര്യഥാഽഗ്നിം
തഥാ പാർഥം ശമയിഷ്യാമി യുദ്ധേ॥ 8-36-21 (56657)
ആശീവിഷം ദൃഷ്ടിഹണം സുഘോരം
സുതീക്ഷ്ണദംഷ്ട്രം ജ്വലനപ്രഭവാം।
ക്രോധാത്പ്രദീപ്താനലവദ്ദഹന്തം
കുന്തീപുത്രം ശമയിഷ്യാമി ഭല്ലൈഃ॥ 8-36-22 (56658)
പ്രവാഹിണം ബലവന്തം മഹൌജസം
പ്രഭഞ്ജനം മാതരിശ്വാനമുഗ്രം।
യുദ്ധേ സഹിഷ്യേ ഹിമവാനിവാചലോ
ധനഞ്ജയം ക്രുദ്ധമമൃഷ്യമാണം। 8-36-23 (56659)
വിശാരദം രഥമാർഗേഷു ശക്തം
ധുര്യം നിത്യം സമരേഷു പ്രവീരം।
ലോകേ വരം സർവധനുർധരാണാം
ധനഞ്ജയം സംയുഗേഽഹം ഹനിഷ്യേ॥ 8-36-24 (56660)
അദ്യാഹവേ യസ്യ ന തുല്യമന്യം
മന്യേ മനുഷ്യം ധനുരാദദാനം।
സർവാമിമാം യഃ പൃഥിവീം സഹേത
തഥാപി തേനാദ്യ രണേ സമേഷ്യേ॥ 8-36-25 (56661)
യഃ സർവഭൂതാനി സദൈവതാനി
പ്രസ്ഥേഽജയത്ഖാണ്ഡവേ സവ്യസാചീ
കോ ജീവിതം രക്ഷമാണോ ഹി തേന
യുയുത്സതേഽസ്ത്രൈർമാനുഷോ മാമൃതേഽന്യഃ॥ 8-36-26 (56662)
മാനീ കൃതാസ്ത്രഃ കൃതഹസ്തയോധീ
ദിവ്യാസ്ത്രവിച്ഛ്വേതഹയഃ പ്രമാഥീ।
തസ്യാഹമദ്യാതിരഥസ്യ കായാ--
ച്ഛിരോ ഹരിഷ്യാമി ശിതൈഃ പൃഷത്കൈഃ। 8-36-27 (56663)
യോത്സ്യാംയേനം ശല്യ ധനഞ്ജയം വൈ
മൃത്യും പുരസ്കൃത്യ രണേ ജയം വാ।
അന്യോ ഹി ന ഹ്യേകരഥേന മർത്യോ
യുധ്യേത യഃ പാണ്ഡവമിന്ദ്രകൽപം 8-36-28 (56664)
തസ്യാഹവേ പൌരുഷം പാണ്ഡവസ്യ
ബ്രൂയാം പൃഷ്ടഃ സമിതൌ ക്ഷത്രിയാണാം
കിം ത്വം മൂർഖഃ പ്രഹസൻമൂഢചേതാ
ആഖ്യാസി മേ പൌരുഷം ഫൽഗുനസ്യ॥ 8-36-29 (56665)
അത്യപ്രിയോ യഃ പുരുഷോ നിഷ്ഠുരോ ഹി
ക്ഷുദ്രഃ ക്ഷേപ്താ ക്ഷമിണശ്ചാക്ഷമാവാൻ।
ഹന്യാമഹം ത്വാദൃശാനാം ശതാനി
ക്ഷമാംയഹം ക്ഷമിണാം കാല ഏഷഃ॥ 8-36-30 (56666)
അവോചസ്ത്വം പാണ്ഡവാര്യേ പ്രിയാണി
പ്രധർഷയൻമാം മൂഢവത്പാപകർമൻ।
മയ്യാർജവേ ജിഹ്മമതിര്യതസ്ത്വം
മിത്രദ്രോഹീ സാപ്തപദം ഹി മിത്രം॥ 8-36-31 (56667)
കാലസ്ത്വയം പ്രത്യുപയാതി ദാരുണോ
ദുര്യോധനോ യുദ്ധമുപാഗമദ്യത്।
തസ്യാർഥസിദ്ധിം ത്വഭികാങ്ക്ഷമാണ--
സ്തമന്വേഷ്യേ യത്ര ചൈകാന്തമസ്തി॥ 8-36-32 (56668)
`തഥാപ്യഹം പാണ്ഡവവാസുദേവൌ
യോത്സ്യേ രണേ മദ്വിധസ്യൈവ കർമ।
ന പ്രാകൃതഃ സജ്ജതേ വൈ കദാചി--
ദ്യഃ പ്രത്യുദീയാത്കൃഷ്ണധനഞ്ജയൌ തൌ'॥ 8-36-33 (56669)
മിത്രം മിന്ദേർനന്ദതേഃ പ്രീയതേർവാ
സന്ത്രായതേർമിനുതേർമോദതേർവാ।
ദുര്യോധനേ സർവമിദം മമാസ്തി
തച്ചാപി സർവം മമ വേത്തി രാജാ॥ 8-36-34 (56670)
ശത്രുഃ ശദേഃ ശാസതേർവാ ശ്യതേർവാ
ശൃണാതേർവാ ശ്വസതേഃ സീദതേർവാ।
ശ്രമേഃ ശുചോ ബഹുശഃ സൂദതേശ്ച
പ്രായേണ സർവം ത്വയി തച്ച മഹ്യം॥ 8-36-35 (56671)
ദുര്യോധനാർഥം തവ ച പ്രിയാർഥം
യശോർഥമാത്മാർഥമപീശ്വരാർഥം।
തസ്മാദഹം പാണ്ഡവവാസുദേവൌ
യോത്സ്യേ യത്നാത്കർമ ച പശ്യ മേഽദ്യ॥ 8-36-36 (56672)
`ശല്യാദ്യാഹം സംഗതഃ പാണ്ഡവേന
മുച്യേയം ചേജ്ജീവമാനഃ കഥഞ്ചിത്।
ശശ്വൻമൃത്യോഃ സ്യാമനാധൃഷ്യരൂപോ
വ്യക്തം തസ്മാത്സംയുഗാദ്വിപ്രമുക്താഃ'॥ 8-36-37 (56673)
അസ്ത്രം ബ്രാഹ്മം മനസാ സഞ്ജപന്വൈ
യദാഽസ്യതേ ക്രോധിതഃ സവ്യസാചീ।
തദാപി മേ നൈവ മുച്യേത പാർഥോ
ന ചേത്പതേദ്വിഷമേ മേഽദ്യ ചക്രം॥ 8-36-38 (56674)
അസ്ത്രാണി വിദ്ധ്വാ സമരേ ഗതാനി
ബ്രാഹ്മാണി ദിവ്യാന്യഥ മാനുഷാണി।
ആസാദയിഷ്യാംയഹമുഗ്രവീര്യം
നാഗോത്തമം നാഗ ഇവ പ്രഭിന്നഃ॥ 8-36-39 (56675)
വൈവസ്വതാദ്ദണ്ഡഹസ്താദ്വരുണാദ്വാപി പാശിനഃ।
സഗദാദ്വാ ധനപതേഃ സവജ്രാദ്വാ സുരാധിപാത്॥ 8-36-40 (56676)
അഥാന്യസ്മാദപി സുരാദമിത്രാദാതതായിനഃ।
ഇതി ശല്യ വിജാനീഹി യഥാ നാഹം ബിഭേംയുത॥ 8-36-41 (56677)
തസ്മാന്ന മേ ഭയം പാർഥാന്നാപി ചൈവ ജനാർദനാത്।
സഹ യുദ്ധം ഹി മേ താഭ്യാം സാംപരായേ ഭവിഷ്യതി॥ 8-36-42 (56678)
ശ്വഭ്രേ തേ പതതാം ചക്രമിതി മാം ബ്രാഹ്മണോഽബ്രവീത്।
യുധ്യമാനസ്യ സംഗ്രാമേ പ്രാപ്തസ്യൈകായനം ഭയം॥ 8-36-43 (56679)
തസ്മാദ്ബിഭേമി ബലവദ്ബ്രാഹ്മണവ്യാഹൃതാദഹം।
ഏതേ ഹി സോമരാജാന ഈശ്വരാഃ സുഖദുഃഖയോഃ॥ 8-36-44 (56680)
കദാചിബ്രാഹ്മണസ്യാഥ യോഗ്യഹേതേരഹം നൃപ।
അജാനന്നക്ഷിപം ബാണം ഘോരരൂപം ഭയാവഹം॥ 8-36-45 (56681)
ഹോമധേന്വാസ്തതോ വത്സഃ പ്രമത്ത ഇഷുണാ ഹതഃ।
ചരന്വൈ വിജനേ ശല്യ തതോഽനു വ്യാജഹാര സഃ॥ 8-36-46 (56682)
യസ്മാദ്വത്സസ്ത്വയാ ചാത്ര ഹോമധേന്വാ ഹതോ നൃപ।
തസ്മാത്ത്വമപി രാധേയ വാക്ശല്യം മഹദാപ്നുഹി॥ 8-36-47 (56683)
ശ്വഭ്രേ തേ പതിതാ ചക്രം യുധ്യമാനസ്യ ശത്രുണാ।
പ്രാപ്ത ഏകായനേ കാലേ മൃത്യുസാധാരണേ ത്വയി॥ 8-36-48 (56684)
സ്പർധസേ യേന സംഗ്രാമേ യദർഥം ഘടസേഽനിശം।
തത ഏവ ധ്രുവം മൃത്യും സൂത പ്രാപ്സ്യസി സംയുഗേ॥ 8-36-49 (56685)
അഹം പ്രസാദയാഞ്ചക്രേ ബ്രാഹ്മണം സംശിതവ്രതം॥ 8-36-50 (56686)
ഗവാം ദശശതം വിത്തം ബലീവർദാംശ്ച ഷട്ശതം।
പ്രച്ഛന്നം കാഞ്ചനൈഃ കാമം ബ്രാഹ്മണാർഥമഹം തദാ॥ 8-36-51 (56687)
ദാസീശതം നിഷ്കകണ്ഠം ശതമശ്വതരീരഥാൻ।
കന്യാനാം നിഷ്കകണ്ഠീനാം സഹസ്രം സമലങ്കൃതം॥ 8-36-52 (56688)
ഈഷാദന്താന്നാഗശതാന്ദാസീദാസശതാനി ച।
ദദ്മി തൈർദ്വിജമുഖ്യോ മേ പ്രസാദം ന ചകാര സഃ॥ 8-36-53 (56689)
കൃഷ്ണാനാം ശ്വേതവത്സാനാം ഗോശതാനി ചതുർദശ।
ദദൻഹി ന ലഭേ തസ്മാത്പ്രസാദം ദ്വിജസത്തമാത്॥ 8-36-54 (56690)
യത്കിഞ്ചിൻമാമകം വിത്തം ത്വദധീനം കരോമി തത്।
ഇതി മാം യാചമാനം വൈ ബ്രാഹ്മണഃ പ്രത്യവാരയത്।
ക്രോധദീപ്തേക്ഷണഃ ശള്യ നിർദഹന്നിവ ചക്ഷുഷാ॥ 8-36-55 (56691)
വ്യാഹൃതം യൻമയാ സൂത തത്തഥാ ന തദന്യഥാ।
അനൃതോക്തം പ്രജാം ഹന്യാത്തതഃ പാപമവാപ്നുയാം॥ 8-36-56 (56692)
തസ്മാദ്ധർമാഭിരക്ഷാർഥം നാനൃതം വക്തുമുത്സഹേ।
മാ ത്വം ബ്രഹ്മഗതിം ഹിംസ്യാഃ പ്രായശ്ചിത്തം കൃതം ത്വയാ॥ 8-36-57 (56693)
മദ്വാക്യം നാനൃതം ലോകേ കശ്ചിത്കുര്യാത്സമാപ്നുഹി।
`യൻമയോക്തം സരോഷേണ ഗച്ഛ സൂതജ മാചിരം॥ 8-36-58 (56694)
ഇതി മാമസകൃത്ക്രുദ്ധഃ സ ഉവാച ദ്ബിജോത്തമഃ।
ഏതേ ഹി സോമരാജാന ഈശ്വരാഃ സുഖദുഃഖയോഃ॥ 8-36-59 (56695)
നാഹം ബിഭേമി ബീഭത്സോർന ശല്യ മധുസൂദനാം।
തസ്മാദ്ബിഭേംയഹം ശാപാത്തേന സത്യേന തേ ശപേ॥ 8-36-60 (56696)
സഹ യുദ്ധം സമേതാഭ്യാമദ്യേദം സമുപസ്ഥിതം।
യുദ്വേഽസ്മിഞ്ജീവിതം മേഽദ്യ ശല്യ സംശയമാഗതം॥ 8-36-61 (56697)
ശക്രോഽപ്യമരരാട് താഭ്യാമുപഗംയാഹവം സഹ।
സംശയം പരമം ഗച്ഛേത്കഥം വാ മന്യതേ ഭവാൻ॥ 8-36-62 (56698)
ഇത്യേവം തേ മയാഽഽഖ്യാതം ക്ഷിപ്തേന ന സുഹൃത്തയാ।
ജാനാമി ത്വാഽധിക്ഷിപന്തം ദോഷമാത്മഗതം ശൃണു'॥ ॥ 8-36-63 (56699)
ഇതി ശ്രീമൻമഹാഭാരതേ കർണപർവണി ഷട്തത്രിംശോഽധ്യായഃ॥ 36 ॥
Mahabharata - Karna Parva - Chapter Footnotes
॥ ശ്രീഃ ॥
8.37. അധ്യായഃ 037
Mahabharata - Karna Parva - Chapter Topics
കർണേന സോപഹാസം ശല്യഗർഹണം॥ 1 ॥
Mahabharata - Karna Parva - Chapter Text
8-37-0 (56700)
സഞ്ജയ ഉവാച। 8-37-0x (4933)
തതഃ പുനർമഹാരാജ മദ്രരാജമരിന്ദമഃ।
അഭ്യഭാഷത രാധേയഃ സന്നിവാര്യോത്തരം വചഃ॥ 8-37-1 (56701)
നിർഭർത്സനാർഥം ശല്യ ത്വം യത്തു ജൽപിതവാനസി।
നാഹം ശക്യസ്ത്വയാ വാചാ വിഭീഷയിതുമാഹവേ॥ 8-37-2 (56702)
യദി മാം ദേവതാഃ സർവാ യോധയേയുഃ സവാസവാഃ।
തഥാപി മേ ഭയം ന സ്യാത്കിമു പാർഥാത്സകേശവാത്॥ 8-37-3 (56703)
നാഹം ഭീഷയിതും ശക്യഃ ശുദ്ധകർണാ മഹാഹവേ।
അഭിജാനീഹി ശക്തസ്ത്വമന്യം ഭീഷയിതും രണേ॥ 8-37-4 (56704)
നീചസ്യ ബലമേതാവത്പാരുഷ്യം യതത്ത്വമാത്ഥ മാം।
അശക്തോ ഹി ഗുണാന്വക്തും വൽഗസേ ബഹു ദുർമതേ॥ 8-37-5 (56705)
ന ഹി കർണഃ സമുദ്ഭൂതോ ഭയാർഥമിഹ മദ്രക।
വിക്രമാർഥമഹം ജാതോ യശോർഥം ച തഥാഽഽത്മനഃ॥ 8-37-6 (56706)
സഖിഭാവേന സൌഹാർദാൻമിതത്രഭാവേന ചൈവ ഹി।
കാരണൈസ്ത്രിഭിരേതൈസ്ത്വം ശല്യ ജീവസി സാംപ്രതം॥ 8-37-7 (56707)
രാജ്ഞശ്ച ധാർതരാഷ്ട്രസ്യ കാര്യം സുമഹദുദ്യതം।
മയി തച്ചാഹിതം ശല്യ തേന ജീവസി മേ ക്ഷണം॥ 8-37-8 (56708)
കൃതശ്ച സമയഃ പൂർവം ക്ഷന്തവ്യം വിപ്രിയം തവ।
`സമയഃ പരിപാല്യോ മേ തേന ജീവസി സാംപ്രതം'॥ 8-37-9 (56709)
ഋതേ ശല്യസഹസ്രേണ വിജയേയമഹം പരാൻ।
മിത്രദ്രോഹസ്തു പാപീയാനിതി ജീവസി സാംപ്രതം॥ 8-37-10 (56710)
ശല്യ ഉവാച। 8-37-11x (4934)
ആർതപ്രലാപാംസ്ത്വം കർണ യാൻബ്രവീഷി പരാൻപ്രതി।
ന തേ കർണസഹസ്രേണ ശക്യാ ജേതും പരേ യുധി॥ 8-37-11 (56711)
സഞ്ജയ ഉവാച। 8-37-12x (4935)
തഥാ ബ്രുവന്തം പരുഷം കർണോ മദ്രാധിപം തദാ।
പരുഷം ദ്വിഗുണം ഭൂയഃ പ്രോവാചാപ്രിയദർശനം॥ 8-37-12 (56712)
ഇദം ത്വമേകാഗ്രമനാഃ ശൃണു മദ്രജനാധിപ।
സന്നിധൌ ധൃതരാഷ്ട്രസ്യ പ്രോച്യമാനം മയാ ശ്രുതം॥ 8-37-13 (56713)
ദേശാംശ്ച വിവിധാംശ്ചിത്രാൻപൂർവവൃത്താംശ്ച പാർഥിവാൻ।
ബ്രാഹ്മണാഃ കഥയന്തി സ്മ ധൃതരാഷ്ട്രനിവേശനേ॥ 8-37-14 (56714)
തത്ര വൃദ്ധഃ പുരാവൃത്താഃ കഥാഃ കശ്ചിദ്ദ്വിജോത്തമഃ।
ബാഹ്ലീകദേശം മദ്രാംശ്ച കുത്സയന്വാക്യമബ്രവീത്॥ 8-37-15 (56715)
ബഹിഷ്കൃതാ ഹിമവതതാ ഗംഗയാ ച തിരസ്കൃതാഃ।
സരസ്വത്യാ യമുനയാ കുരുക്ഷേത്രേണ ചാപി യേ॥ 8-37-16 (56716)
പഞ്ചാനാം സിന്ധുഷഷ്ഠാനാം നദീനാം യേഽന്തരാശ്രിതാഃ।
താന്ധർമബാഹ്യാനശുചീൻബാഹ്ലീകാനപി വർജയേത്॥ 8-37-17 (56717)
ഗോവർധനോ നാമ വടഃ സുഭാണ്ഡം നാമ പത്തനം।
ഏതദ്രാജൻകലിദ്വാരമാകുമാരാത്സ്മരാംയഹം॥ 8-37-18 (56718)
കാര്യേണാത്യർഥഗൂഢേന ബാഹ്ലീകേഷൂഷിതം മയാ।
തത ഏഷാം സമാചാരഃ സംവാസാദ്വിദിതോ മയാ॥ 8-37-19 (56719)
ശാകലം നാമ നഗരമാപഗാനാമനിംനഗാ।
ചണ്ഡാലാ നാമ ബാഹ്ലീകാസ്തേഷാം വൃത്തം സുനിന്ദിതം॥ 8-37-20 (56720)
പാനം ഗുഡാസവം പീത്വാ ഗോമാംസം ലശുനൈഃ സഹ।
അപൂപസക്തുമദ്യാനാമാശിതാഃ ശീലവർജിതാഃ॥ 8-37-21 (56721)
ഗായന്ത്യഥ ച നൃത്യന്തി സ്ത്രിയോ മത്താ വിവാസസഃ।
നഗരാപണവേശേഷു ബഹിർമാല്യാനുലേപനാഃ॥ 8-37-22 (56722)
മത്താഃ പ്രഗീതവിരുതൈഃ ഖരോഷ്ട്രനിനദോപമൈഃ।
അനാവൃതാ മൈഥുനേ താഃ കാമചാരാശ്ച സർവശഃ॥ 8-37-23 (56723)
ആഹുരന്യോന്യസൂക്താനി പ്രബ്രുവാണാ മദോത്കxxxഃ।
ഹേഹതേഹേഹതേത്യേവം സ്വാമിഭർതൃഹതേതി ച॥ 8-37-24 (56724)
ആക്രോശന്ത്യഃ പ്രനൃത്യന്തി വ്രാത്യാഃ പർവസ്വസംയതാഃ।
താസാം കിലാവലിപ്താനാം നിവസൻകുരുജാംഗലേ॥ 8-37-25 (56725)
കശ്ചിദ്ബാഹ്ലീകദുഷ്ടാനാം നാതിഹൃഷ്ടമനാ ജഗൌ।
സാ നൂനം ബൃഹതീ ഗൌരീ സൂക്ഷ്മകംബലവാസിനീ॥ 8-37-26 (56726)
മാമനുസ്മരതീ ശേതേ ബാഹ്ലീകം കുരുവാസിനം।
ശതദ്രും നു കദാ തീർത്വാ താം ച രംയാമിരാവതീം।
ഗത്വാ സ്വദേശം ദ്രക്ഷ്യാമി സ്ഥൂലജംഘാഃ ശുഭാഃ സ്ത്രിയഃ॥ 8-37-27 (56727)
മനഃശിലോജ്ജ്വലാപാംഗ്യോ ഗൌര്യസ്താഃ കാകുകൂജിതാഃ।
കംബലാജിനസംവീതാ രുദന്ത്യഃ പ്രിയദർശനാഃ॥ 8-37-28 (56728)
മൃദംഗാനകശംഖാനാം മർദലാനാം ച നിഃസ്വനൈഃ।
ഖരോഷ്ട്രാശ്വതരൈശ്ചൈവ മത്താ യാസ്യാമഹേ സുഖം॥ 8-37-29 (56729)
ശമീപീലുകരീരാണാം വനേഷു സുഖവർത്മസു।
അപൂപാൻസക്തുപിണ്ഡാംശ്ച പ്രാശ്നന്തോ മഥിതാന്വിതാൻ॥ 8-37-30 (56730)
പഥിഷു പ്രബലോ ഭൂത്വാ തഥാ സംപതതോഽധ്വഗാൻ।
ചേലാപഹാരം കുർവാണാസ്താഡയിഷ്യാമ ഭൂയസഃ॥ 8-37-31 (56731)
ഏവംശീലേഷു വ്രാത്യേഷു ബാഹ്ലീകേഷു ദുരാത്മസു।
കശ്ചേതയാനോ നിവസേൻമുഹൂർതമപി മാനവഃ॥ 8-37-32 (56732)
കർണ ഉവാച। 8-37-33x (4936)
ഈദൃശാ ബ്രാഹ്മണേനോക്താ ബാഹ്ലീകാ മോഘചാരിണഃ।
യേഷാം ഷഡ്ഭാഗഹർതാ ത്വമുഭയോഃ പുണ്യപാപയോഃ॥ 8-37-33 (56733)
ഇത്യുക്ത്വാ ബ്രാഹ്മണഃ സാധുരുത്തരം പുനരുക്തവാൻ।
ബാഹ്ലീകേഷ്വവിനീതേഷു പ്രോച്യമാനം നിബോധ തത്॥ 8-37-34 (56734)
തതത്ര സ്മ രാക്ഷസീ ഗാതി കൃഷ്ണചതുർദശീം।
നഗരേ ശാകലേ സ്ഫീതേ ആഹത്യ നിശി ദുന്ദുഭിം॥ 8-37-35 (56735)
കഥം വസ്താദൃശോ ഗാഥാഃ പുനർഗാസ്യാമി ശാകലേ।
ഗവ്യസ്യ തൃപ്താ മാംസസ്യ പീത്വാ ഗൌഡം സുരാസവം॥ 8-37-36 (56736)
ഗൌരീഭിഃ സഹ നാരീഭിർബൃഹതീഭിഃ സ്വലങ്കൃതാ।
പലാണ്ഡുഗണ്ഡൂഷയുതാഃ ഖാദന്തശ്ചേശികാൻബഹൂൻ॥ 8-37-37 (56737)
വാരാഹം കൌക്കുടം മാംസം ഗവ്യം ഗാർദഭമൌഷ്ട്രകം।
ധാനാശ്ച യേ ന ഖാദന്തി തേഷാം ജൻമ നിരർഥകം॥ 8-37-38 (56738)
ഏവം ഗായന്തി യേ മത്താഃ ശീധുനാ പീലുകാവനേ।
സബാലവൃദ്ധാഃ ക്രന്ദന്തി തേഷാം ധർമഃ കഥം ഭവേത്॥ 8-37-39 (56739)
യത്ര ലോകേശ്വരഃ കൃഷ്ണോ ദേവദേവോ ജനാർദനഃ।
വിസ്മൃതഃ പുരുഷൈരുഗ്രൈസ്തേഷാം ധർമഃ കഥം ഭവേത്॥ 8-37-40 (56740)
ഇതി ശല്യ വിജാനീഹി ഹന്ത ഭൂയോ ബ്രവീമി തേ।
യദന്യോപ്യുക്തവാനസ്മാൻബ്രാഹ്മണഃ കുരുസംസദി॥ 8-37-41 (56741)
പഞ്ചനദ്യോ വഹന്ത്യേതാ യത്ര പീലുവനാന്യുത।
ശതദ്രുശ്ച വിപാശാ ച തൃതീയൈരാവതീ തഥാ॥ 8-37-42 (56742)
ചന്ദ്രഭാഗാ വിതസ്താ ച സിന്ധുഷഷ്ഠാ മഹാനദീ।
ആരട്ടാ നാമ ബഹ്ലീകാ ഏതേഷ്വാര്യോ ഹി നോ വസേത്॥ 8-37-43 (56743)
വ്രാത്യാനാം ദാസമീയാനാം വിദേഹാനാമയജ്വനാം।
ന ദേവാഃ പ്രതിഗൃഹ്ണന്തി പിതരോ ബ്രാഹ്മണാസ്തഥാ॥ 8-37-44 (56744)
തേഷാം പ്രനഷ്ടധർമാണാം ബാഹ്ലീകാനാമിതി ശ്രുതിഃ।
ബ്രാഹ്മണേന യഥാ പ്രോക്തം വിദുഷാ സാധുസംസദി॥ 8-37-45 (56745)
കാഷ്ഠകുണ്ഡേഷു ബാഹ്ലീകാ മൃൺമയേഷു ച ഭുഞ്ജതേ।
സക്തുമദ്യാവലിപ്തേഷു ശ്വാവലീഢേഷു നിർഘൃണാഃ॥ 8-37-46 (56746)
ആവികം ചൌഷ്ട്രികം ചൈവ ക്ഷീരം ഗാർദഭമേവ ച।
തദ്വികാരാംശ്ച ബാഹ്ലീകാഃ ഖാദന്തി ച പിബന്തി ച॥ 8-37-47 (56747)
പാത്രസങ്കരിണോ ജാൽമാഃ സർവാന്നക്ഷീരഭോജനാഃ।
ആരട്ടാ നാമ ബാഹ്ലീകാ വർജനീയാ വിപശ്ചിതാ॥ 8-37-48 (56748)
ഇതി ശല്യ വിജാനീഹി ഹന്ത ഭൂയോ ബ്രവീമി തേ।
യദന്യോഽപ്യുക്തവാൻമഹ്യം ബ്രാഹ്മണഃ കുരുസംസദി॥ 8-37-49 (56749)
യുഗന്ധരേ പയഃ പീത്വാ പ്രോഷ്യ ചാപ്യച്യുതസ്ഥലേ।
തദ്വദ്ഭൂതിലയേ സ്നാത്വാ കഥം സ്വർഗം ഗമിഷ്യതി॥ 8-37-50 (56750)
പഞ്ചനദ്യോ വഹന്ത്യേതാ യത്ര നിഃസൃത്യ പർവതാത്।
ആരട്ടാ നാമ ബാഹ്ലീകാ ന തേഷ്വാര്യോ ദ്വ്യഹം വസേത്॥ 8-37-51 (56751)
ബാഹ്ലീകാ നാമ ഹീകശ്ച വിപാശായാം പിശാചകൌ।
തയോരപത്യം ബാഹ്ലീകാ നൈഷാ സൃഷ്ടിഃ പ്രജാപതേഃ॥ 8-37-52 (56752)
തേ കഥം വിവിധാന്ധർമാഞ്ജ്ഞാസ്യന്തേ ഹീനയോനയഃ॥ 8-37-53 (56753)
കാരസ്കരാൻമാഹിഷകാൻകരംഭാൻകടകാലികാൻ।
കർകരാന്വീരകാന്വീരാ ഉൻമത്താംശ്ച വിവർജയേത്॥ 8-37-54 (56754)
ഇതി തീർഥാനുസഞ്ചാരീ രാക്ഷസീ കാചിദബ്രവീത്।
ഏകരാത്രമുഷിത്വേഹ മഹോലൂഖലമേഖലാ॥ 8-37-55 (56755)
ആരട്ടാ നാമ തേ ദേശാ ബാഹ്ലീകം നാമ തദ്വനം।
വസാതിസിന്ധുസൌവീരാ ഇതി പ്രായോഽതികുത്സിതാഃ॥ ॥ 8-37-56 (56756)
ഇതി ശ്രീമൻമഹാഭാരതേ കർണപർവണി സപ്തത്രിംശോഽധ്യായഃ॥ 37 ॥
Mahabharata - Karna Parva - Chapter Footnotes
॥ ശ്രീഃ ॥
8.38. അധ്യായഃ 038
Mahabharata - Karna Parva - Chapter Topics
ശല്യകർണയോർവാക്കലഹഃ॥ 1 ॥ ദുര്യോധനേന തയോഃ സാന്ത്വനം॥ 2 ॥
Mahabharata - Karna Parva - Chapter Text
8-38-0 (56757)
കർണ ഉവാച। 8-38-0x (4937)
ഇതി ശല്യ വിജാനീഹി ഹന്ത ഭൂയോ ബ്രവീമി തേ।
ഉന്യമാനം മയാ സംയക്ത്വമേകാഗ്രമനാഃ ശൃണു॥ 8-38-1 (56758)
ബ്രാഹ്മണഃ കില നോ ഗേഹമധ്യഗച്ഛത്പുരാഽതിഥിഃ।
ആചാരം തത്ര സംപ്രേക്ഷ്യ പ്രീതോ വചനമബ്രവീത്॥ 8-38-2 (56759)
മയാ ഹിമവതഃ ശൃംഗമേകേനാധ്യുഷിതം ചിരം।
ദൃഷ്ടാശ്ച ബഹവോ ദേശാ നാനാധർമസമാവൃതാഃ॥ 8-38-3 (56760)
ന ച കേന ച ധർമേണ വിരുധ്യന്തേ പ്രജാ ഇമാഃ।
സർവാശ്ചാപ്യാചരന്ധർമം യദുക്തം വേദപാരഗൈഃ॥ 8-38-4 (56761)
അടതാ തു മയാ ദേശാന്നാനാധർമസമാകുലാൻ।
ആഗച്ഛതാ മഹാരാജ ബാഹ്ലീകേഷു നിശാമിതം॥ 8-38-5 (56762)
തത്ര വൈ ബ്രാഹ്മണോ ഭൂത്വാ പുനർഭവതി ക്ഷത്രിയഃ।
വൈശ്യഃ ശൂദ്രശ്ച ബാഹ്ലീകസ്തതോ ഭവതി നാപിതഃ॥ 8-38-6 (56763)
നാപിതശ്ച തതോ ഭൂത്വാ പുനർഭവതി ബ്രാഹ്മണഃ।
ദ്വിജോ ഭൂത്വാ ച തത്രൈവ പുനർദാസോഽഭിജായതേ॥ 8-38-7 (56764)
ഭവന്ത്യേകകുലേ വിപ്രാഃ ശിഷ്ടാ യേ കാമചാരിണഃ।
ഗാന്ധാരാ മദ്രകാശ്ചൈവ ബാഹ്ലീകാശ്ചാപ്യതേജസഃ॥ 8-38-8 (56765)
ഏതൻമയാ ശ്രുതം തത്ര ധർമസങ്കരകാരകം।
കൃത്സ്നാമടിത്വാ പൃഥിവീം ബാഹ്ലീകേഷു വിപര്യയഃ॥ 8-38-9 (56766)
ഇതി ശല്യ വിജാനീഹി ഹന്ത ഭൂയോ ബ്രവീമി തേ।
യദപ്യന്യോഽബ്രവീദ്വാക്യം ബാഹ്ലീകാനാം വികുത്സിതം॥ 8-38-10 (56767)
ആനീയേഹാക്ഷതാ കാചിദാരട്ടാത്കില ദസ്യുഭിഃ।
അധർമതശ്ചോപയാതാ സാ താനഭ്യശപത്തതഃ॥ 8-38-11 (56768)
ബാലാം ബന്ധുമതീം യൻമാമധർമേണോപഗച്ഛഥ।
തസ്മാത്കുമാര്യഃ സ്വൈരിണ്യോ ഭവിഷ്യന്തി കുലേഷു വഃ॥ 8-38-12 (56769)
ന ചൈവാസ്മാത്പ്രമോക്ഷധ്വം ഘോരാച്ഛാപാന്നരാധമാഃ।
തസ്മാത്തേഷാം ഭാഗഹരഃ കഥം ധർമാന്വദിഷ്യസി॥ 8-38-13 (56770)
കുരവഃ സഹപാഞ്ചാലാഃ സാൽവാ മാത്സ്യാഃ സനൈമിശാഃ।
കോസലാഃ കാശപൌണ്ഡ്രാശ്ച കാലിംഗാ മാഗധാസ്തഥാ॥ 8-38-14 (56771)
ചേദയശ്ച മഹാഭാഗാ ധർമം ജാനന്തി ശാശ്വതം।
നാനാദേശേഷ്വസന്തശ്ച പ്രായോ ബാഹ്യാലയാനൃതേ॥ 8-38-15 (56772)
ആമത്സ്യേഭ്യഃ കുരുപാഞ്ചാലസാൽവാ
ആനൈമിശാച്ചേദയോ യേ വിശിഷ്ടാഃ।
ധർമം പുരാണമുപജീവന്തി സന്തോ
മദ്രാനൃതേ പാഞ്ചനദാംശ്ച ജിഹ്മാൻ॥ 8-38-16 (56773)
ഏവം വിദ്വാന്ധർമകഥാസു രാജം--
സ്തൂഷ്ണീംഭൂതഃ ശല്യ ഭവേഃ സദാ ത്വം।
ത്വം തസ്യ ഗോപ്താ ച ജനസ്യ രാജാ
ഷഡ്ഭാഗഹർതാ ശുഭദുഷ്കൃതസ്യ॥ 8-38-17 (56774)
അഥവാ ദുഷ്കൃതസ്യ ത്വം ഹർതാ തേഷാമരക്ഷിതാ।
രക്ഷിതാ പുണ്യഭാഗ്രാജാ പ്രജാനാം ത്വം ഹ്യപുണ്യഭാക്॥ 8-38-18 (56775)
പൂജ്യമാനേ പുരാ ധർമേ സർവദേശേഷു ശാശ്വതേ।
ധർമം പാഞ്ചനദം ദൃഷ്ട്വാ ധിഗിത്യാഹ പിതാമഹഃ॥ 8-38-19 (56776)
വ്രാത്യാനാം ദാശകീയാനാം കൃതേഽപ്യശുഭകർമണാം।
ബ്രഹ്മണാ നിന്ദിതാന്ധർമാൻകശ്ചിത്സിദ്ധാത്മകോഽബ്രവീത്॥ 8-38-20 (56777)
ഇതി പാഞ്ചനദം ധർമവമേനേ പിതാമഹഃ।
സ്വധർമസ്ഥേഷു വർണേഷു സോഽപ്യേതാന്നാഭ്യപൂജയത്॥ 8-38-21 (56778)
ഇതി ശല്യ വിജാനീഹി ഹന്ത ഭൂയോ ബ്രവീമി തേ।
കൽമാഷപാദഃ സരസി നിമ·ജ്ജന്രാക്ഷസോഽബ്രവീത്॥ 8-38-22 (56779)
ക്ഷത്രിയസ്യ മലം ഭൈക്ഷ്യം ബ്രാഹ്മണസ്യാശ്രുതം മലം।
മലം പൃഥിവ്യാ ബാഹ്ലീകാഃ സ്ത്രീണാം കൌതൂഹലം മലം॥ 8-38-23 (56780)
നിമജ്ജമാനമുദ്ധൃത്യ കശ്ചിദ്രാജാ നിശാചരം।
അപൃച്ഛത്തേന ചാഖ്യാതം തച്ഛൃണുഷ്വ നരാധിപ॥ 8-38-24 (56781)
മാനുഷാണാം മലം ംലേച്ഛാ ംലേച്ഛാനാം മുഷ്ടികാ മലം।
മുഷ്ടികാനാം മലം ഷണ്ഢാഃ ഷണ്ഢാനാം രാജയാജകാഃ॥ 8-38-25 (56782)
രാജയാജകയാജ്യാനാം മദ്രകാണാം ച യൻമലം।
തദ്ഭവേദ്വൈ തവ മലം യദ്യസ്മാന്ന വിമുഞ്ചസി॥ 8-38-26 (56783)
ഇതി രക്ഷോപസൃഷ്ടേഷു വിഷവീര്യഹതേഷു ച।
വിദ്വദ്ഭിർഭേഷജം ദൃഷ്ടം സംസിദ്ധവചനോത്തരം॥ 8-38-27 (56784)
ബ്രാഹയാഃ പഞ്ചാലാഃ കൌരവേയാസ്തു ധർംയാഃ
സത്യാ മത്സ്യാഃ ശൂരസേനാശ്ച യാജ്യാഃ।
പ്രാച്യാ ദാസാ വൃഷലാ ദാക്ഷിണാത്യാഃ
സ്തേനാ ബാഹ്ലീകാഃ സങ്കാര വൈ സുരാഷ്ട്രാഃ॥ 8-38-28 (56785)
കൃതഘ്നതാ പരവിത്താപഹാരോ
മദ്യപാനം ഗുരുദാരാവമർദഃ।
വാക്പാരുഷ്യം ഗോവധോ രാത്രിചര്യാ
ബഹിർഗേഹം പരവസ്ത്രോപഭോഗഃ॥ 8-38-29 (56786)
യേഷാം ധർമസ്താൻപ്രതി നാസ്ത്യധർമോ
ഹ്യാരട്ടജാൻപാഞ്ചനദാന്ധിഗസ്തു।
ആപാഞ്ചാലാഃ കുരവോ നൈമിശാശ്ച
മത്സ്യാശ്ചൈവാപ്യനുജാനന്തി ധർമം।
അഥോദീച്യാശ്ചോദയോ ഭാഗധാശ്ച
ശിഷ്ടാന്ധർമാനുപജീവന്തി വൃദ്ധാഃ॥ 8-38-30 (56787)
പ്രാചീം ദിശം ശ്രിതാ ദേവാ ജാതവേദഃപുരോഗമാഃ।
ദക്ഷിണാ പിതൃഭിർഗുപ്താ യമേന ശുഭകർമണാ॥ 8-38-31 (56788)
പ്രതീചീം വരുണഃ പാതി പാലയന്നസുരാൻബഹൂൻ।
ഉദീചീം ഭഗവാൻസോമ ബ്രഹ്മാ ച ബ്രാഹ്മണൈഃ സഹ॥ 8-38-32 (56789)
രക്ഷഃപിശാചാൻഹിമവാൻഗുഹ്യകാൻഗന്ധമാദനഃ।
ധ്രുവം സർവാണി ഭൂതാനി വിഷ്ണുഃ പാതി സുരോത്തമഃ॥ 8-38-33 (56790)
ഇംഗിത5ആശ്ച മഗധാഃ പ്രേക്ഷിതജ്ഞാശ്ച കോസലാഃ।
അർധോക്താഃ കുരുപാഞ്ചാലാഃ സർവോക്താ ദാക്ഷിണാപഥാഃ॥ 8-38-34 (56791)
പാർവതീയാശ്ച വിഷയാ യഥൈവ ഗിരയസ്തഥാ।
സർവജ്ഞാ യവനാ രാജഞ്ശൂരാശ്ചൈവ വിശേഷതഃ।
ംലേച്ഛാഃ സ്വസഞ്ജ്ഞാനിയതാ നാനുക്തമിതരേ ജനാഃ॥ 8-38-35 (56792)
പ്രതിരബ്ധാസ്തു ബാഹ്ലീകാ ന ച കേചന മദ്രകാഃ।
സ ത്വമേതാദൃശഃ ശല്യ നോത്തരം വക്തുമർഹസി॥ 8-38-36 (56793)
ഏവം ജ്ഞാത്വാ ജോഷമാസ്സ്വ പ്രതീപം
മാ സ്മ ക്രുദ്ധഃ പാപഭൃതാം വരിഷ്ഠ।
പൂർവം ഹത്വാ ത്വാം സപുത്രം ബലൈശ്ച
പശ്ചാദ്ധംസ്യേ വാസുദേവാർജുനൌ ച॥ 8-38-37 (56794)
ശല്യ ഉവാച। 8-38-38x (4938)
ആതുരാണാം പരിത്യാഗഃ സ്വദാരസുതവിക്രയഃ।
അംഗേ പ്രവർതതേ കർണ യേഷാമധിപതിർഭവാൻ॥ 8-38-38 (56795)
രഥാതിരഥസംഖ്യായാം യത്ത്വാം ഭീഷ്മസ്തദാബ്രവീത്।
താന്വിദിത്വാഽത്മനോ ദോഷാന്നിർമന്യുർഭവ മാ ക്രുധഃ॥ 8-38-39 (56796)
സർവത്ര ബ്രാഹ്മണാഃ സന്തി സന്തി സർവത്ര ക്ഷത്രിയാഃ।
വൈശ്യാഃ ശൂദ്രാസ്തഥാ കർണ സ്ത്രിയഃ സാധ്വ്യശ്ച സുവ്രതാഃ॥ 8-38-40 (56797)
രമന്തേ ചോപഹാസേന പുരുഷാഃ പുരുഷൈഃ സഹ।
അന്യോന്യേന രതാഃ ക്ഷീബാ ദേശേദേശേ ച മൈഥുനം॥ 8-38-41 (56798)
പരവാച്യേഷു നിപുണഃ സർവോ ഭവതി സർവദാ।
ആത്മവാച്യം ന ജാനീതേ ജാനന്നപി ച മുഹ്യതി॥ 8-38-42 (56799)
സർവത്ര സന്തി രാജനഃ സ്വംസ്വം ധർമമനുവ്രതാഃ।
ദുർമനുഷ്യാന്നിഗൃഹ്ണന്തി സന്തി സർവത്ര ധാർമികാഃ॥ 8-38-43 (56800)
ന കർണ ദേശസാമാന്യാത്സർവഃ പാപം നിഷേവതേ।
യാദൃശാഃ സ്വസ്വഭാവേന ദേശാംസ്താംസ്താദൃശാന്വിദുഃ॥ 8-38-44 (56801)
സഞ്ജയ ഉവാച। 8-38-45x (4939)
തതതോ ദുര്യോധനോ രാജാ കർണശല്യാവവാരയത്।
സഖിഭാവേന രാധേയം ശല്യം സൌജന്യകേന ച॥ 8-38-45 (56802)
തതോ നിവാരിതഃ കർണോ ധാർതരാഷ്ട്രേണ മാരിഷ।
പ്ഹഹസ്യ തത്ര രാജേന്ദ്രം യാദി ശല്യേത്യചോദയത്॥ ॥ 8-38-46 (56803)
ഇതി ശ്രീമൻമഹാഭാരതേ കർണപർവണി അഷ്ടത്രിംശോഽധ്യായഃ॥ 38 ॥
Mahabharata - Karna Parva - Chapter Footnotes
॥ ശ്രീഃ ॥
8.39. അധ്യായഃ 039
Mahabharata - Karna Parva - Chapter Topics
ശല്യകർണയോഃ സംവാദഃ॥ 1 ॥ സേനാദ്വയസ്യ പരസ്പരമേലനം॥ 2 ॥
Mahabharata - Karna Parva - Chapter Text
8-39-0 (56804)
സഞ്ജയ ഉവാച। 8-39-0x (4940)
തതഃ പരാനീകഭിദം വ്യൂഹമപ്രതിമം കൃതം।
സമീക്ഷ്യ കർണഃ പാർഥാനാം ധൃഷ്ടധുംനാഭിരക്ഷിതം॥ 8-39-1 (56805)
പ്രയയൌ രഥഘോഷേണ സിംഹനാദരവേണ ച।
വാദിത്രാണാം ച നിനദൈഃ കംപയന്നിവ മേദിനീം॥ 8-39-2 (56806)
സഞ്ജയ ഉവാച। 8-39-3x (4941)
തതഃ പ്രയാന്തം രാധേയം മദ്രരാജഃ സ്മയന്നിവ।
അവധൂയ ഇദം വാക്യമബ്രവീത്കുരുസന്നിധൌ॥ 8-39-3 (56807)
ചമൂം തവേമാം വിപുലാം സമൃദ്വാ--
മസംഖേയാമശ്വനരാകുലാം ച।
തഥാ പ്രവേഷ്ടാ സമരേ ധനഞ്ജയഃ
കക്ഷം ദഹന്ദീപ്ത ഇവാശ്രയാശീ॥ 8-39-4 (56808)
രഥേ സ്തിതൌ വീരവരൌ വരേണ്യൌ
സിംഹസ്കന്ധൌ ലോഹിതപദ്മനേത്രൌ।
ദ്രഷ്ടാ ഭവാനദ്യ വിനാ പ്രയത്നാ--
ത്തഥാഹി മേ ശകുനാ വേദയന്തി॥ 8-39-5 (56809)
അദ്യ ദ്രഷ്ടാഽസി തം വീരം ശ്വേതാശ്വം കൃഷ്ണസാരഥിം।
നിഘ്നന്തം ശാത്രവാൻസംഖ്യേ യം കർണ പരിപൃച്ഛസി॥ 8-39-6 (56810)
അദ്യ തൌ പുരുഷവ്യാഘ്രൌ ലോഹിതാക്ഷൌ പരന്തപൌ।
വാസുദേവാർജുനൌ കർണ ദ്രഷ്ടാഽസ്യമിതവിക്രമൌ॥ 8-39-7 (56811)
സാരഥിര്യസ്യ ഗോവിന്ദോ ഗാണ്ഡീവം യസ്യ കാർമുകം।
തം ചേദ്വന്താഽസി രാധേയ ത്വം നോ രാജാ ഭവിഷ്യസി॥ 8-39-8 (56812)
പ്രവാത്യേഷ മഹാവായുരഭിതസ്തവ വാഹിനീം।
ക്രവ്യാദാ വ്യാഹരന്ത്യേതേ മൃഗാഃ കുർവന്തി ഭൈരവം॥ 8-39-9 (56813)
പശ്യ കർണ മഹാഘോരം ഭയം വൈ രോമഹർഷണം।
അർകം ജീമൂതസങ്കാശഃ കബന്ധോ വാര്യ തിഷ്ഠതി॥ 8-39-10 (56814)
പശ്യ യൂഥം മൃഗശതം മൃഗാണാം സർവതോദിശം।
രരാസ ദീപ്തലാംഗൂലമാദിത്യാമഭി സംസ്ഥിതം॥ 8-39-11 (56815)
പശ്യ കാകാംശ്ച ഗൃധ്രാംശ്ച സമവേതാൻസഹസ്രശഃ।
ആദിത്യമഭിവീക്ഷന്തേ ഹ്യശിവാഃ കർണ സസ്വരാഃ॥ 8-39-12 (56816)
ശ്വേതവാജിസമായുക്തേ തവ കർണ മഹാരഥേ।
പതാകാഃ പ്രജ്വലന്ത്യേതാ ധ്വജശ്ചാതീവ കംപതേ॥ 8-39-13 (56817)
ഉദീര്യതോ ഹയാൻപശ്യ മഹാകായാൻമഹാജവാൻ।
പ്ലവമാനാൻമഹാവീര്യാനാകാശേ ഗരുഡാനിവ॥ 8-39-14 (56818)
ധ്രുവമേഷു നിമിത്തേഷു ഭൂമിമാവൃത്യ പാർഥിവാഃ।
സ്വപ്സ്യന്തി നിഹതാഃ കർണ ശതശോഽഥ സഹസ്രശഃ॥ 8-39-15 (56819)
ശംഖാനാം തുമുലഃ ശബ്ദഃ ശ്രൂയതേ രോമഹർഷണഃ।
ആനകാനാം ച രാധേയ മൃദംഗാനാം ച ഹന്യതാം॥ 8-39-16 (56820)
ശൃണു ശബ്ദാൻബഹുവിധാന്നരാശ്വരഥവാജിനാം।
ജ്യാതലത്രേഷുശബ്ദാംശ്ച ശൃണു കർണ മഹാത്മനാം॥ 8-39-17 (56821)
ഹേമരൂപ്യപ്രമൃഷ്ടാനാം വാസസാം ശിൽപിനിർമിതാഃ।
സഹേമചന്ദ്രതാരാഭാഃ പതാകാഃ കിംഗിണീയുതാഃ॥ 8-39-18 (56822)
നാനാവർണാ രണേ ഭാന്തി ശ്വസനേന പ്രകംപിതാഃ।
പശ്യ കർണാർജുനസ്യൈതാഃ സൌദാമിന്യ ഇവാംബുദേ॥ 8-39-19 (56823)
ധ്വജാഃ കണകണായന്തേ വാതേനാതിസമീരിതാഃ।
സപതാകരഥാശ്ചാപി പാഞ്ചാലാനാം മഹാത്മനാം॥ 8-39-20 (56824)
ഏഷ രേണുഃ സമുദ്ഭൂതോ ദിവമാവൃത്യ തിഷ്ഠതി।
ഗജവാജിപ്രണുന്നാ ച കംപതേ കർണ മേദിനീ॥ 8-39-21 (56825)
ശ്രൂയതേ മേഘസങ്കാശോ രഥനേമിസ്വനസ്തഥാ।
പശ്യ കുന്തീസുതം വീരം ബീഭത്സുമപരാജിതം।
പ്രഹരിഷ്യന്തമായാന്തം കപിപ്രവരകേതനം॥ 8-39-22 (56826)
ഗജാശ്വരഥപത്ത്യോഘാംസ്താവകാന്യുധി നിഘ്നതഃ।
ധ്വജാഗ്രം ദൃശ്യതേ തസ്യ ജ്യാശബ്ദശ്ചൈവ ശ്രൂയതേ॥ 8-39-23 (56827)
ഏഷ സംശപ്തകാൻഭൂയസ്താനേവാഭിമുഖോ ഗതഃ।
കരോതി കദനം ചൈഷ സംഗാമേ ദ്വിഷതാം ബലീ॥ 8-39-24 (56828)
സഞ്ജയ ഉവാച। 8-39-25x (4942)
ഇതി ബ്രുവാണം മദ്രേശം കർണഃ പ്രോവാച മന്യുമാൻ॥ 8-39-25 (56829)
പശ്യ സംശപ്തകൈഃ ക്രുദ്ധൈഃ സമന്താത്സമഭിദ്രുതഃ।
ഏഷ സൂര്യ ഇവാംഭോദൈശ്ഛന്നഃ പാർഥോ ന ദൃശ്യതേ।
ഏഷ ദാന്തോഽർജുനഃ ശല്യ നിമഗ്നഃ ശോകസാഗരേ॥ 8-39-26 (56830)
ശല്യ ഉവാച। 8-39-27x (4943)
വരുണം കോഽംഭസാ ഹന്യാദിന്ധനേന ച കോഽനലം।
കോവാഽനിലം നിഗൃഹ്ണീയാത്പിബേദ്വാ കോ മഹാർണവം॥ 8-39-27 (56831)
ഈദൃഗ്രൂപമഹം മന്യേ പാർഥസ്യ യുധി നിർജയം।
ന ഹി ശക്യോഽർജുനോ ജേതും യുധി ദേവാസുരൈരപി॥ 8-39-28 (56832)
അഥൈഘം പരിതോഷസ്തേ വാഗ്ഭിസ്ത്വം സുമാനാ ഭവ।
ന ഹി ശക്യോ യുധാ ജേതുമന്യം കുരു മനോരഥം॥ 8-39-29 (56833)
ബാഹുഭ്യാമുദ്ധരേദ്ഭൂമിം ദഹേത്ക്രുദ്ധ ഇമാഃ പ്രജാഃ।
പാതയേത്ത്രിദിവാദ്ദേവാന്നാർജുനം സമരേ ജയേത്॥ 8-39-30 (56834)
പശ്യ കുന്തീസുതം ഭീമം വീരമക്ലിഷ്ടകാരിണം।
പ്രഹരന്തം മഹാബാഹും സ്ഥിതം മേരുമിവാചലം॥ 8-39-31 (56835)
അമർഷീ പുരുഷവ്യാഘ്രഃ സദാ വൈരമനുസ്മരൻ।
ഏഷ ഭീമോ ജയപ്രേപ്സുര്യുധി തിഷ്ഠതി വീര്യവാൻ॥ 8-39-32 (56836)
ഏഷ ധർമഭൃതാം ശ്രേഷ്ഠോ ധർമരാജോ യുധിഷ്ഠിരഃ।
തിഷ്ഠത്യസുകരഃ സംഖ്യേ പരൈഃ പരപുരഞ്ജയഃ॥ 8-39-33 (56837)
ഏതൌ ച പുരുഷവ്യാഘ്രാവാശ്വിനേയൌ മഹാരഥൌ।
നകുലഃ സഹദേവശ്ച തിഷ്ഠതോ യുധി ദുർജയൌ॥ 8-39-34 (56838)
ഏതേ തിഷ്ഠന്തി കാർഷ്ണേയാഃ പഞ്ച പഞ്ചാചലാ ഇവ।
യോത്സ്യമാനാ മഹാവീര്യാ ഭീമാർജുനസമാ യുധി॥ 8-39-35 (56839)
ഏതേ ദ്രുപദപുത്രാശ്ച ധൃഷ്ടദ്യുംനപുരോഗമാഃ।
ഹീനാഃ സത്യജിതാ വീരാസ്തിഷ്ഠന്തി പരമൌജസഃ॥ 8-39-36 (56840)
യത്ര കൃഷ്ണാർജുനൌ വീരൌ യത്ര രാജാ യുധിഷ്ഠിരഃ।
തത്ര ധർമശ്ച സത്യം ച യതോ ധർമസ്തതോ ജയഃ॥ 8-39-37 (56841)
ഇതി സംവദതോരേവ തയോഃ പുരുഷസിംഹയോഃ।
തേ സേനേ സമസജ്ജേതാം ംഗായമുനവദ്ഭൃശം॥ ॥ 8-39-38 (56842)
ഇതി ശ്രീമൻമഹാഭാരതേ കർണപർവണി ഏകോനചത്വാരിംശോഽധ്യായഃ॥ 39 ॥
॥ ശ്രീഃ ॥
8.40. അധ്യായഃ 040
Mahabharata - Karna Parva - Chapter Topics
ദുര്യോധനേന സേനാപ്രോത്സാഹനം॥ 1 ॥ ഭീമേന ദുര്യോധനപരാജയപൂർവകം ഗജാനീകവധഃ॥ 2 ॥
Mahabharata - Karna Parva - Chapter Text
8-40-0 (56843)
സഞ്ജയ ഉവാച। 8-40-0x (4944)
ദുര്യോധനസ്തതഃ കർണമുപേത്യ ഭരതർഷഭ।
അബ്രവീൻമദ്രരാജം ച തഥൈവാന്യാൻമഹാരഥാൻ॥ 8-40-1 (56844)
യദൃച്ഛയാഽയമവ്യഗ്രോ ധർമഃ പരമകഃ സഖാ।
സുഖിനഃ ക്ഷത്രിയാഃ കർണ ലഭന്തേ യുദ്ധമീദൃശം॥ 8-40-2 (56845)
യാദൃശം ക്ഷത്രിയൈഃ ശൂരൈഃ ശൂരാണാം ദീവ്യതാം യുധി।
ഇഷ്ടം ഭവതി രാധേയ തദിദം സമുപസ്ഥിതം॥ 8-40-3 (56846)
ഹത്വാ തു പാണ്ഡവാന്യുദ്ധേ സ്ഥിരാമുർവീം പ്രശാസഥ।
നിഹതാ വാ പരൈര്യുദ്ധേ വീരലോകാനവാപ്സ്യഥ॥ 8-40-4 (56847)
ദുര്യോധനസ്യ വചനം ശ്രുത്വാ തത്ക്ഷത്രിയർഷഭാഃ।
സിംഹനാദാനുദക്രോശന്വാദിത്രാണി ച ജഘ്നിരേ॥ 8-40-5 (56848)
തസ്മിൻപ്രമുദിതേ സൈന്യേ ത്വദീയേ ഭരതർഷഭ।
ഹർഷയംസ്താവകാന്യോധാന്ദ്രൌണിർവിചനമബ്രവീത്॥ 8-40-6 (56849)
പ്രത്യക്ഷം സർവസൈന്യാനാം ഭവതാം ചാപി പശ്യതാം।
ന്യസ്തശസ്ത്രോ മമ പിതാ ധൃഷ്ടദ്യുംനേന പാതിതഃ॥ 8-40-7 (56850)
സ തേനാഹമമർഷേണ പിത്രർഥേ ചാപി ഭാരത।
ധൃഷ്ടദ്യുംനമഹത്വാഽഹം ന വിമോക്ഷ്യാമി ദംശനം॥ 8-40-8 (56851)
കൃത്വാഽനൃതാം പ്രതിജ്ഞാം വോ നാസ്മി പ്രാപ്താ മഹത്ഫലം।
അർജുനം ഭീമസേനം ച യശ്ച മാം പ്രതിയോത്സ്യതി।
സർവാംസ്താൻപ്രമഥിഷ്യാമി ഇതി മേ നിശ്ചിതാ മതിഃ॥ 8-40-9 (56852)
സഞ്ജയ ഉവാച। 8-40-10x (4945)
ഏവമുക്തേ തതഃ സർവാ ഹർഷിതാ ഭാരതീ ചമൂഃ।
അഭ്യവർതത കൌന്തേയാംസ്തഥാ താം ചാപി പാണ്ഡവാഃ॥ 8-40-10 (56853)
സ സന്നിപാതോ രഥയൂഥപാനാം
മഹാഹവേ ഭാരത ലോഭനീയേ।
ജനക്ഷയഃ കാലയുഗാന്തകൽപഃ
പ്രാവർതതാഗ്രേ കുരുസൃഞ്ജയാനാം॥ 8-40-11 (56854)
തതഃ പ്രവൃത്തേ യുധി സംപ്രഹാരേ
ഭൂതാനി സർവാണി സദൈവതാനി।
ആസൻസമേതാനി സഹാപ്സരോഭി--
നിരീക്ഷതീഭിര്യുധി വീരസംഘാൻ॥ 8-40-12 (56855)
ദിവ്യൈശ്ച ഗന്ധൈഃ പരമൈശ്ച പുഷ്പൈ--
രന്യൈശ്ച രത്നൈർവിവിധൈർനരാഗ്ര്യാഃ।
രണേഷു കർമോദ്വഹതാഃ പ്രഹൃഷ്ടാ-
നനന്ദയന്നപ്സരസഃ പ്രഹൃഷ്ടാഃ॥ 8-40-13 (56856)
സമീരണസ്താംസ്തു നിഷേവ്യ ഗന്ധാ--
ന്നിഷേവതേ താനപി യോധമുഖ്യാൻ।
നിഷേവ്യമാണാസ്ത്വനിലേന യോധാഃ
പരസ്പരം ചുക്രുശുരാജിമധ്യേ॥ 8-40-14 (56857)
തഥാ തു തസ്മിംസ്തുമുലേ പ്രവൃത്തേ
ദുര്യോധനഃ ക്രോധമമൃഷ്യമാണഃ।
`അവേഭ്യ ഭീമം ബലമധ്യസംസ്ഥഃ
സമാർപയത്ക്ഷുദ്രകാണാം ശതേന॥ 8-40-15 (56858)
ദുഃശാസനശ്ചിത്രസേനശ്ച വീര--
സ്തഥോലൂകഃ കിതവഃ സൌബലശ്ച।
ഗജാനീകൈഃ സർവതോ ഭീമസേനം
തഥാവിഷക്തം സഹസൈവാഭ്യഗച്ഛൻ॥ 8-40-16 (56859)
തമാപതന്തം സംപ്രേക്ഷ്യ ഗജാനീകം വൃകോദരഃ।
ദുര്യോധനം മഹാബാഹുഃ ശരവർഷൈരവാകിരത്॥ 8-40-17 (56860)
ദുര്യോധനം തതോ ഭീമഃ സായകൈർവജ്രസന്നിഭൈഃ।
പാണ്ഡവോ വിമുഖീകൃത്യ ഗജാനഭ്യദ്രവദ്ബലീ॥ 8-40-18 (56861)
തതഃ പാവകസങ്കാശൈർഭീമബാണൈരവക്രഗൈഃ।
ശലഭൈരിവ നാഗാംസ്താനർദയാമാസ പാണ്ഡവഃ॥ 8-40-19 (56862)
തതഃ കുഞ്ജരയൂഥാനി ഭീമസേനോ മഹാബലഃ।
വ്യധമന്നിശിതൈർബാണൈർമഹാവാതോ ഘനാനിവ॥ 8-40-20 (56863)
നിത്യമത്താശ്ച മാതംഗാഃ ശൂരൈർമത്തൈരധിഷ്ഠിതാഃ।
ആരോഹകൈർമഹാമാത്രൈസ്തോമരാങ്കുരാപാണിഭിഃ॥ 8-40-21 (56864)
സുവർണജാലൈഃ പ്രച്ഛന്നാ മണിജാലൈശ്ച കുഞ്ജരാഃ।
രൂപ്യജാംബൂനദാഭാസഃ ക്ഷുരമാലാഭ്യലങ്കൃതാഃ॥ 8-40-22 (56865)
വധ്യമാനാഃ ശരൈ രാജൻഭീമസേനേന തേ ഗജാഃ।
വിഭിന്നഹൃദയാഃ കേചിത്തത്രൈവാഭ്യപതൻഭുവി॥ 8-40-23 (56866)
നിപതദ്ഭിർമഹാവേഗൈർഹേമഭാണ്ഡവിഭൂഷിതൈഃ।
അശോഭത മഹാരാജ ധാതുചിത്രൈരിവാചലൈഃ॥ 8-40-24 (56867)
ദീപ്താഭരണവദ്ഭിശ്ച ഗജപൃഷ്ഠനിപാതിതൈഃ।
സംഗരഃ ശുശുഭേ രാജൻക്ഷീണപുണ്യൈരിവാമരൈഃ॥ 8-40-25 (56868)
മഹാപരിഘസങ്കാശൌ ചന്ദനാഗരുരൂഷിതൌ।
അപശ്യം ഭീമസേനസ്യ ധനുർവിക്ഷിപതോ ഭുജൌ॥ 8-40-26 (56869)
തസ്യ ജ്യാതലനിർഘോഷമസ്യതഃ സവ്യദക്ഷിണം।
തം ശ്രുത്വാഽഭ്യദ്രവന്നാഗാ ഭീമസേനഭയാർദിതാഃ॥ 8-40-27 (56870)
തസ്യ ഭീമസ്യ തത്കർമ രാജന്നേകസ്യ ധീമതഃ।
അപശ്യാമ മഹാരാജ തദ്ഭൂതമിവാഭവത്'॥ ॥ 8-40-28 (56871)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ചത്വാരിംശോഽധ്യായഃ॥ 40 ॥
॥ ശ്രീഃ ॥
8.41. അധ്യായഃ 041
Mahabharata - Karna Parva - Chapter Topics
സേനാദ്വയേ വ്യൂഹരചനാവർണനം॥ 1 ॥
Mahabharata - Karna Parva - Chapter Text
8-41-0 (56872)
സഞ്ജയ ഉവാച। 8-41-0x (4946)
തതഃ പരാനീകഭിദം വ്യൂഹമപ്രതിമം മഹത്।
സമീക്ഷ്യ കർണഃ പാർഥാനാം ധൃഷ്ടദ്യുംനാഭിരക്ഷിതം॥ 8-41-1 (56873)
പ്രയയൌ രഥഘോഷേണ സിംഹനാദരവേണ ച।
വാദിത്രാണാം ച നിനദൈഃ കംപയന്നിവ മേദിനീം॥ 8-41-2 (56874)
വേപമാന ഇവ ക്രോധാദ്യുദ്വശൌണ്ഡഃ പരന്തപഃ।
പ്രതിവ്യൂഹ്യ മഹാതേജാ യഥാവദ്ഭരതർഷഭ॥ 8-41-3 (56875)
വ്യധമത്പാണ്ഡവീം സേനാമാസുരീം മഘവാനിവ।
യുധിഷ്ഠിരം ചാഭ്യഹനദപസവ്യം ചകാരഹ॥ 8-41-4 (56876)
കർണസ്യ രഥഘോഷേണ മൌർവീനിഷ്പേഷണേന ച।
സുസംഗ്രാഹേണ രശ്മീനാം സമകംപന്ത സൃഞ്ജയാഃ॥ 8-41-5 (56877)
താനി സർവാണി സൈന്യാനി കർണ ദൃഷ്ട്വാ വിശാംപതേ।
ബഭൂവുഃ സംപ്രഹൃഷ്ടാനി താവകാനി യുയുത്സയാ॥ 8-41-6 (56878)
അശ്രൂയന്ത തതോ വാചസ്താവകാനാം വിശാംപതേ।
കർണാർജുനമഹായുദ്ധമേതദദ്യ ഭവിഷ്യതി॥ 8-41-7 (56879)
അദ്യ ദുര്യോധനോ രാജാ ഹതാമിത്രോ ഭവിഷ്യതി।
അദ്യ കർണം രണേ ദൃഷ്ട്വാ ഫൽഗുനോ വിദ്രവിഷ്യതി॥ 8-41-8 (56880)
അദ്യ താവദ്വയം യുദ്ധേ കർണസ്യൈവാനുഗാമിനഃ।
കർണബാണമയം ഭീമം യുദ്ധം ദ്രക്ഷ്യാമ സംയുഗേ॥ 8-41-9 (56881)
ചിരകാലേപ്സിതമിദമദ്യേദാനീം ഭവിഷ്യതി।
അദ്യ ദ്രക്ഷ്യാമ സംഗ്രാമം ഘോരം ദേവാസുരോപമം॥ 8-41-10 (56882)
അദ്യേദാനീം മഹദ്യുദ്ധം ഭവിഷ്യതി ഭയാനകം।
അദ്യേദാനീം ജയോ നിത്യമേകസ്യൈകസ്യ വാ രണേ॥ 8-41-11 (56883)
അർജുനം കില രാധേയോ വധിഷ്യതി മഹാരണേ।
അഥവാ കം നരം ലോകേ ന സ്പൃശന്തി മനോരഥാഃ॥ 8-41-12 (56884)
ഇത്യുക്ത്വാ വിവിധാ വാചഃ കുരവഃ കുരുനന്ദന।
ആജഘ്നുഃ പടഹാംശ്ചൈവ തൂര്യാംശ്ചൈവ സഹസ്രശഃ॥ 8-41-13 (56885)
ഭേരീനാദാംശ്ച വിവിധാൻസിംഹനാദാംശ്ച പുഷ്കലാൻ।
മുരജാനാം മഹാശബ്ദാനാനകാനാം മഹാരവാൻ॥ 8-41-14 (56886)
നൃത്യമാനാശ്ച ബഹുശസ്തർജമാനാശ്ച മാരിഷ।
അന്യോന്യമഭ്യയുര്യുദ്ധേ യുദ്ധരംഗഗതാ നരാഃ॥ 8-41-15 (56887)
തേഷാം പദാതാ നാഗാനാം പാദരക്ഷാഃ സമന്തതഃ।
പട്ടസാസിധരാഃ ശൂരാശ്ചാപബാണമുസുണ്ഠിനഃ॥ 8-41-16 (56888)
ഭിണ്ഡിപാലധരാശ്ചൈവ ശൂരലഹസ്താഃ സുചക്രിണഃ।
തേഷാം സമാഗമോ ഘോരോ ദേവാസുരരണോപമഃ॥ 8-41-17 (56889)
ധൃതരാഷ്ട്രം ഉവാച। 8-41-18x (4947)
കഥം സഞ്ജയ രാധേയഃ പ്രത്യവ്യൂഹത പാണ്ഡവാൻ।
ധൃഷ്ടദ്യുംനമുഖാൻസംഖ്യേ ഭീമസേനാഭിരക്ഷിതാൻ।
സർവാനേവ മഹേഷ്വാസാനജയ്യാനമരൈരപി॥ 8-41-18 (56890)
കേ ച പ്രപക്ഷൌ പക്ഷൌ വാ മമ സൈന്യസ്യ സഞ്ജയ।
പ്രവിഭജ്യ യഥാന്യായമവതസ്ഥുഃ സുദംശിതാഃ॥ 8-41-19 (56891)
കഥം പാണ്ഡുസുതാശ്ചാപി പ്രത്യവ്യൂഹന്ത മാമകാൻ।
കഥം ചൈതൻമഹദ്യുദ്ധം പ്രാവർതത സുദാരുണം॥ 8-41-20 (56892)
ക്വ ച ബീഭത്സുരഭവദ്യത്കർണോഽയാദ്യുധിഷ്ഠിരം।
കോ ഹ്യർജുനസ്യ സാന്നിധ്യേ ശക്തോ ജേതും യുധിഷ്ഠിരം॥ 8-41-21 (56893)
സർവഭൂതാനി യോ ഹ്യേകഃ ഖാണ്ഡവേ ജിതബാൻപുരാ।
കസ്തമന്യസ്തു രാധേയാത്പ്രതിയുധ്യേജ്ജിജീവിഷുഃ॥ 8-41-22 (56894)
സഞ്ജയ ഉവാച। 8-41-23x (4948)
ശൃണു വ്യൂഹസ്യ രചനാമർജുനശ്ച യഥാ ഗതഃ।
പരിവാര്യ നൃപാൻസർവാൻസംഗ്രാമശ്ചാഭവദ്യഥാ॥ 8-41-23 (56895)
കൃപഃ ശാരദ്വതോ രാജൻമാഗധാശ്ച തരസ്വിനഃ।
സാത്വതഃ കൃതവർമാ ച ദക്ഷിണം പക്ഷമാശ്രിതാഃ॥ 8-41-24 (56896)
തേഷാം പ്രപക്ഷേ ശകുനിരുലൂകശ്ച മഹാരഥഃ।
സാദിഭിർവിമലപ്രാസൈസ്തദാനീമഭ്യരക്ഷതാം॥ 8-41-25 (56897)
ഗാന്ധാരൈശ്ചാപ്യസംഭ്രാന്തൈഃ പാർവതീയൈശ്ച ദുർജയൈഃ।
ശലഭാനാമിവ വ്രാതൈഃ പിശാചൈരിവ ദുർദൃശൈഃ॥ 8-41-26 (56898)
ചതുർവിംശത്സഹസ്രാണി രഥാനാമനിവർതിനാം।
സംശപ്തകാ യുദ്വശൌണ്ഡാ വാമപാശ്വമപാലയൻ॥ 8-41-27 (56899)
സമന്വിതാസ്തവ സുതൈഃ കൃഷ്ണാർജുനജിഘാംസവഃ।
തേഷാം പ്രപക്ഷാഃ കാംഭോജാഃ ശകാശ്ച യവനൈഃ സഹ॥ 8-41-28 (56900)
നിദേശാത്സൂതപുത്രസ്യ സരഥാശ്വേഭപത്തയഃ।
ആഹ്വയന്തോഽർജുനം തസ്ഥുഃ കേശവം ച മഹാബലം॥ 8-41-29 (56901)
തതഃ സേനാമുഖേ കർണോഽപ്യവാതിഷ്ഠത ദംശിതഃ।
ചിത്രവർമാംഗദഃ സ്രഗ്വീ പാലയന്വാഹിനീമുഖം॥ 8-41-30 (56902)
രക്ഷമാണൈഃ സുസംരബ്ധൈഃ പുത്രൈഃ ശസ്ത്രഭൃതാം വരഃ।
വാഹിനീം പ്രമുഖേ വീരഃ സംപ്രകർഷന്നശോഭത॥ 8-41-31 (56903)
അശോകസ്തു മഹാബാഹുഃ സൂര്യവൈശ്വാനരപ്രഭഃ।
മഹാദ്വിപസ്കന്ധഗതഃ പിംഗാക്ഷഃ പ്രിയദർശനഃ।
ദുഃശാസനോ വൃതഃ സൈന്യൈഃ സ്ഥിതോ വ്യൂഹസ്യ പൃഷ്ഠതഃ॥ 8-41-32 (56904)
തൻമധ്യേ സ മഹാബാഹുഃ സ്വയം ദുര്യോധനോ നൃപഃ।
ചിത്രാശ്വൈശ്ചിത്രസന്നാഹൈഃ സോദര്യൈരഭിരക്ഷിതഃ॥ 8-41-33 (56905)
രക്ഷ്യമാണോ മഹാവീര്യൈഃ സഹിതൈർമദ്രകേകയൈഃ।
അശോഭത മഹാരാജ ദേവൈരിവ ശതക്രതുഃ॥ 8-41-34 (56906)
അശ്വത്ഥാമാ കുരൂണാം ച യേ പ്രവീരാ മഹാരഥാഃ।
നിത്യമത്താശ്ച മാതംഗാഃ ശൂരൈർംലേച്ഛൈഃ സമന്വിതാഃ।
അന്വയുസ്തദ്രഥാനീകം ക്ഷരന്ത ഇവ തോയദാഃ॥ 8-41-35 (56907)
തേ ധ്വജൈർവൈജയന്തീഭിർജ്വലദ്ഭിഃ പരമായുധൈഃ।
സാദിഭിശ്ചാസ്ഥിതാ രേജുർദ്രുമവന്ത ഇവാചലാഃ॥ 8-41-36 (56908)
തേഷാം പദാതിനാഗാനാം പാദരക്ഷാഃ സഹസ്രശഃ।
പട്ടസാസിധരാഃ ശൂരാ ബഭൂവുരനിവർതിനഃ॥ 8-41-37 (56909)
സാദിഭിഃ സ്യന്ദനൈർനാഗൈരധികം സമലങ്കൃതൈഃ।
സ വ്യൂഹരാജോ വിബഭൌ ദേവാസുരചമൂപമഃ॥ 8-41-38 (56910)
ബാർഹസ്പത്യഃ സുവിഹിതോ നായകേന വിപശ്ചിതാ।
നൃത്യതീവ മഹാവ്യൂഹഃ പരേഷാം ഭയമാദധത്॥ 8-41-39 (56911)
തസ്യ പക്ഷപ്രപക്ഷേഭ്യോ നിഷ്പതന്തി യുയുത്സവഃ।
ഹസ്ത്യശ്വരഥമാതംഗാഃ പ്രാവൃഷീവ ബലാഹകാഃ॥ 8-41-40 (56912)
തതഃ സേനാമുഖേ കർണം ദൃഷ്ട്വാ രാജാ യുധിഷ്ഠിരഃ।
ധനഞ്ജയമമിത്രഘ്നമേകവീരമുവാച ഹ॥ 8-41-41 (56913)
പശ്യാർജുന മഹാവ്യൂഹം കർണേന വിഹിതം രണേ।
യുക്തം പക്ഷൈഃ പ്രപക്ഷൈശ്ച പരാനീകം പ്രകാശതേ॥ 8-41-42 (56914)
തത്സമീപഗതം ഹ്യേതത്പ്രത്യമിത്രം മഹദ്ബൂലം।
യഥാ നാഭിഭവത്യസ്മാംസ്തഥാ നീതിർവിധീയതാം॥ 8-41-43 (56915)
സഞ്ജയ ഉവാച। 8-41-44x (4949)
ഏവമുക്തോഽർജുനോ രാജ്ഞാ പ്രാഞ്ജലിർനൃപമബ്രവീത്॥ 8-41-44 (56916)
യഥാ യഥാ ഭവാനാഹ തത്തഥാ ന തദന്യഥാ।
യത്തസ്യ വിഹിതം കാര്യം തത്കരിഷ്യാമി സുവ്രത।
പ്രധാനമഥ ചൈവാസ്യ വിനാശം ച കരോംയഹം॥ 8-41-45 (56917)
തസ്മാത്ത്വം ജഹി രാധേയം ഭീമസേനഃ സുയോധനം।
വൃഷസേനം ച നകുലഃ സഹദേവോഽപി സൌബലം॥ 8-41-46 (56918)
ദുഃശാനം ശതാനീകോ ഹാർദിക്യം ശിനിപുംഗവഃ।
ധൃഷ്ടദ്യുംനോ ദ്രോണസുതം സ്വയം യോത്സ്യാംയഹം കൃപം॥ 8-41-47 (56919)
ദ്രൌപദേയാ ധാർതരാഷ്ട്രാഞ്ശിഷ്ടാൻസഹ ശിഖണ്ഡിനാ।
തേ തേ ച താംസ്താനഹിതാനസ്മാകം ഘ്ന്തു മാമകാഃ॥ 8-41-48 (56920)
സഞ്ജയ ഉവാച। 8-41-49x (4950)
ഇത്യുക്തോ ധർമരാജേന തഥേത്യുക്ത്വാ ധനഞ്ജയഃ।
വ്യാദിദേശ സ്വസൈന്യാനി സ്വയം ചാഗാച്ചമൂമുഖം॥ 8-41-49 (56921)
ധനഞ്ജയോ മഹാരാജ ദക്ഷിണം പക്ഷമാസ്ഥിതഃ।
ഭീമസേനോ മഹാബാഹുർവാമം പക്ഷമുപാശ്രിതഃ॥ 8-41-50 (56922)
സാത്യകിർദ്രൌപദേയാശ്ച സ്വയം രാജാ ച പാണ്ഡവഃ।
വ്യൂഹസ്യ പ്രമുഖേ തസ്ഥുഃ സ്വേനാനീകേന സംവൃതാഃ॥ 8-41-51 (56923)
സ്വബലേനാരിസൈന്യം തത്പ്രത്യവസ്ഥാപ്യ പാണ്ഡവഃ।
പ്രത്യവ്യൂഹത്പുരസ്കൃത്യ ധൃഷ്ടദ്യുംനശിഖണ്ഡിനൌ॥ 8-41-52 (56924)
തത്സാദിനാഗകലിലം പദാതിരഥസങ്കുലം।
ധൃഷ്ടദ്യുംനമുഖം ഘോരമശോഭത മഹദ്ബലം॥ ॥ 8-41-53 (56925)
ഇതി ശ്രീമൻമഹാഭാരതേ കർണപർവണി ഏകചത്വാരിംശോഽധ്യായഃ॥ 41 ॥
॥ ശ്രീഃ ॥
8.42. അധ്യായഃ 042
Mahabharata - Karna Parva - Chapter Topics
സങ്കുലയുദ്ധം॥ 1 ॥
Mahabharata - Karna Parva - Chapter Text
8-42-0 (56926)
ധൃതരാഷ്ട്ര ഉവാച। 8-42-0x (4951)
തഥാ വ്യൂഢേഷ്വനീകേഷു സംസക്തേഷു ച സഞ്ജയ।
സംശപ്തകാഃ കഥം പാർഥം കഥം കർണം ച പാണ്ഡവാഃ॥ 8-42-1 (56927)
ഏതദ്വിസ്തരശോ യുദ്ധം പ്രബ്രൂഹി കുശലോ ഹ്യസി।
ന ഹി തൃപ്യാമി വീരാണാം ശൃണ്വാനോ യുധി വിക്രമം॥ 8-42-2 (56928)
സഞ്ജയ ഉവാച। 8-42-3x (4952)
തത്സംസ്ഥിമഥോ ദൃഷ്ട്വാ പ്രത്യമിത്രം മഹദ്ബലം।
പ്രത്യവ്യൂഹത്തതഃ കർണോ ഹിതാർഥം തനയസ്യ തേ॥ 8-42-3 (56929)
തത്സാദിനാഗകലിലം പദാതിരഥസങ്കുലം।
ധൃഷ്ടദ്യുംനമുഖം ഘോരമശോഭത മഹദ്ബലം॥ 8-42-4 (56930)
പാരാവതസവർണാശ്വശ്ചന്ദ്രസൂര്യസമദ്യുതിഃ।
സ പാർഷതോ ബഭൌ ധന്വീ കാലോ വിഗ്രഹവാനിവ॥ 8-42-5 (56931)
പാർഷതം ത്വഭിതസ്തസ്ഥുർദ്രൌപദേയാ യുയുത്സവഃ।
സാനുഗാ ദീപ്തവപുഷശ്ചന്ദ്രം താരാഗണാ ഇവ॥ 8-42-6 (56932)
അഥ വ്യൂഢേഷ്വനീകേഷു പ്രേക്ഷ്യ സംശപ്തകാന്രണേ।
ക്രുദ്ധോഽർജുനോഽഭിദുദ്രാവ വ്യാക്ഷിപൻഗാണ്ഡിവം ധനുഃ॥ 8-42-7 (56933)
അഥ സംശപ്തകാഃ പാർഥമഭ്യധാവന്വധൈഷിണഃ।
വിജയേ ധൃതസങ്കൽപാ മൃത്യും കൃത്വാനിവർതനം॥ 8-42-8 (56934)
തദശ്വസംഘബഹുലം പത്തിനാഗരഥാകുലം।
ഉദീര്യമാണം സംരബ്ധം ധനഞ്ജയമഭിദ്രവത്॥ 8-42-9 (56935)
തദുദ്യതം മഹത്സൈന്യം സാഗരൌഘസമം ജവേ।
പാർഥവേലാം സമാസാദ്യ വിഷ്ഠിതം സമദൃശ്യത॥ 8-42-10 (56936)
മൃദ്ഗന്തം ശവർഷൌഘൈർദ്രുതമർജുനമാർദയത്॥ 8-42-11 (56937)
സ സംപ്രഹാരസ്തുമുലസ്തേഷാമാസീത്കിരീടിനാ।
തസ്യൈവ തു യഥാ രാജന്നിവാതകവചൈഃ സഹ॥ 8-42-12 (56938)
രഥാനശ്വാന്ധ്വജാന്നാഗാൻപത്തീൻഗജഗതാനപി।
ഇഷൂന്ധനൂംഷി ഖംഗാംശ്ച ചക്രാണി ച പരശ്വഥാൻ॥ 8-42-13 (56939)
സായുധാനുദ്യതാൻബാഹൂന്വിവിധാന്യായുധാനി ച।
ചിച്ഛേദ ദ്വിഷതാം പാർഥഃ ശിരാംസി ച സഹസ്രശഃ॥ 8-42-14 (56940)
തസ്മിൻസൈന്യമഹാവർതേ പാതാലതലസന്നിഭേ।
നിമഗ്നം തം രഥം മത്വാ നേദുഃ സംശപ്തകാ മുദാ॥ 8-42-15 (56941)
സ പുരസ്താദരീൻഹത്വാ പുനരുത്തരതോഽവധീത്।
ദക്ഷിണേന ച പശ്ചാച്ച ക്രുദ്ധോ രുദ്രഃ പശൂനിവ॥ 8-42-16 (56942)
അഥ പാഞ്ചാലചേദീനാം സൃഢ്ജയാനാം ച മാരിഷ।
ത്വദീയൈഃ സഹ സംഗ്രാമ ആസീത്പരമദാരുണഃ॥ 8-42-17 (56943)
കൃപശ്ച കൃതവർമാ ച ശകുനിശ്ചാപി സൌബലഃ।
ഹൃഷ്ടസേനാഃ സുസംരബ്ധാ രഥാനീകപ്രഹാരിണഃ॥ 8-42-18 (56944)
കോസലൈഃ കാശ്യമത്സ്യൈശ്ച കാരൂശൈഃ കേകയൈരപി।
ശൂരസേനൈഃ ശൂരവരൈര്യുയുധുര്യുദ്ധദുർമദാഃ॥ 8-42-19 (56945)
തേഷാമന്തകരം യുദ്ധം ദേഹപാപ്മവിനാശനം।
ക്ഷത്രവിട്ശൂദ്രവീരാണാം ധർംയം സ്വർഗ്യം യശസ്കരം॥ 8-42-20 (56946)
ദുര്യോധനോഽഥ സഹിതോ ഭ്രാതൃഭിർഭരതർഷഭ।
ഗുപ്തഃ കുരുപ്രവീരൈശ്ച മദ്രാണാം ച മഹാരഥൈഃ॥ 8-42-21 (56947)
പാണ്ഡവൈഃ സഹ പാഞ്ചാലൈശ്ചേദിഭിഃ സാത്യകേന ച।
യുധ്യമാനം രണേ കർണം കുരുവീരോഽഭ്യപാലയത്॥ 8-42-22 (56948)
കർണോഽപി നിശിതൈർബാണൈർവിനിഹത്യ മഹാചമൂം।
പ്രമൃദ്യ ച രഥശ്രേഷ്ഠാന്യുധിഷ്ഠിരമപീഡയത്॥ 8-42-23 (56949)
വിപത്രായുധദേഹാസൂൻകൃത്വാ ശത്രൂൻസഹസ്രശഃ।
യുക്ത്വാ സ്വർഗയശോഭ്യാം ച സ്വേഭ്യോ മുദമുദാവഹത്॥ 8-42-24 (56950)
തദ്വിഗാഹ്യ മഹാനീകം സൂതപുത്രോ മഹാരഥഃ।
നദീം പ്രവർതയാമാസ ശോണിതൌഘതരംഗിണീം॥ 8-42-25 (56951)
ശോണിതോദാം ക്ഷുണ്ണമത്സ്ഥാം നാഗനക്രദുരത്യയാം।
മാംലമജ്ജാകർദമിനീം ചക്രകൂർമമഹോഡുപാം॥ 8-42-26 (56952)
പാതിതൈർമേഘസങ്കാശൈസ്തത്രതത്ര മഹാദ്വിപൈഃ।
അശനീഭിരിവ ധ്വസ്താ നദീ രാജന്വിരാജതേ॥ 8-42-27 (56953)
താം ശരോർമിമഹാവർതാം ഛത്രഹംസസമാകുലാം।
തനുത്രോഷ്ണീഷസംഘാടാമസ്ഥിപാഷാണസങ്കുലാം॥ 8-42-28 (56954)
അപാരാമനപാരാം ച ശംഖദുന്ദുഭിഘോഷിണീം।
രൌദ്രാം നദീം മഹാരാജ രജസാ സർവതോവൃതാം॥ 8-42-29 (56955)
അതിതീക്ഷ്ണാം നരാകീർണാം നദീമന്തകഗാമിനീം।
സമം ച വിഷമം ചൈവ സമായാന്തീം മഹാഭയാം॥ 8-42-30 (56956)
ആകുലാശ്ചാത്ര സീദന്തി നരാഃ ശോണിതകർദമേ।
നരൈരഭിപരിക്ഷിപ്താ യഥാ രാജൻമഹാദ്രുമാഃ॥ 8-42-31 (56957)
തതസ്തേ തത്രതത്രൈവ പ്രചരന്തോ മഹാനദീം।
വിചേരുഃ സർവതോ യോധാ നൌവാരണമഹാരഥൈഃ॥ 8-42-32 (56958)
ശോണിതേന സമം രാജൻകൃതമാസീത്സമന്തതഃ।
നദീവേഗൈര്യഥാ ഭൂമിസ്തദ്വദാസീദ്വിശാപതേ॥ 8-42-33 (56959)
ഏവം ഭാരത സംഗ്രാമോ നരവാജിഗജക്ഷയഃ।
കുരൂണാം സൃഞ്ജയാനാം ച ദേവാസുരസമോഽഭവത്॥ ॥ 8-42-34 (56960)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ദ്വിചത്വാരിംശോഽധ്യായഃ॥ 42 ॥
Mahabharata - Karna Parva - Chapter Footnotes
॥ ശ്രീഃ ॥
8.43. അധ്യായഃ 043
Mahabharata - Karna Parva - Chapter Topics
സങ്കുലയുദ്ധം॥ 1 ॥
Mahabharata - Karna Parva - Chapter Text
8-43-0 (56961)
ധൃതരാഷ്ട്ര ഉവാച। 8-43-0x (4953)
യുക്തം പ്രവിശ്യ പാർഥാനാം സൈന്യം കുർവഞ്ജനക്ഷയം।
കർണോ രാജാനമഭ്യേത്യ തൻമമാചക്ഷ്വ സ·ഞ്ജയ॥ 8-43-1 (56962)
കേ ച പ്രവീരാഃ പാർഥാനാം യുധി കർണമവാരയൻ।
കാംശ്ച പ്രമഥ്യാധിരഥിര്യുധിഷ്ഠിരമപീഡയത്॥ 8-43-2 (56963)
സഞ്ജയ ഉവാച। 8-43-3x (4954)
ധൃഷ്ടദ്യുംനമുഖാൻപാർഥാന്ദൃഷ്ട്വാ കർണോ വ്യവസ്ഥിതാൻ।
സമഭ്യധാവത്ത്വരിതഃ പാഞ്ചാലാഞ്ഛത്രുകർശനഃ॥ 8-43-3 (56964)
തം തൂർണമഭിധാവന്തം പാഞ്ചാലാ ജിതകാശിനഃ।
പ്രത്യുദ്യയുർമഹാത്മാനം ഹംസാഃ സര ഇവോഷ്ണഗേ॥ 8-43-4 (56965)
തതഃ ശംഖസഹസ്രാണാം നിഃസ്വനോ ഹൃദയംഗമഃ।
പ്രാദുരാസീദുഭയതോ ഭേരീശബ്ദശ്ച ദാരുണഃ॥ 8-43-5 (56966)
നാനാബാണനിനാദശ്ച ദ്വിപാശ്വരഥനിഃസ്വനഃ।
സിംഹനാദശ്ച വീരാണാമഭവദ്ദാരുണസ്തദാ॥ 8-43-6 (56967)
സാദ്രിദ്രുമാർണവാ ഭൂമിഃ സവാതാംബുദമംബരം।
സാർകേന്ദുഗ്രഹനക്ഷത്രാ ദ്യൌശ്ച വ്യക്തം വിഘൂർണിതാ॥ 8-43-7 (56968)
ഇതി ഭൂതാനി തം ശബ്ദം മേനിരേ തേ ച വിവ്യഥുഃ।
യാനി ചാപ്യൽപസത്വാനി പ്രായസ്താനി മൃതാനി വൈ॥ 8-43-8 (56969)
അഥ കർണോ ഭൃശം ക്രുദ്ധഃ ശീഘ്രമസ്ത്രമുദീരയൻ।
ജഘാന പാണ്ഡവീം സേനാമാസുരീം മഘവാനിവ॥ 8-43-9 (56970)
സ പാണ്ഡവബലം കർണഃ പ്രവിശ്യ വിസൃജഞ്ഛരാൻ।
പ്രഭദ്രകാണാം പ്രവരാനഹനത്സപ്തസപ്തതിം॥ 8-43-10 (56971)
തതഃ സുപുംഖൈർനിശിതൈരഥ ശ്രഷ്ഠോ രഥേഷുഭിഃ।
അവധീത്പഞ്ചവിംശത്യാ പാഞ്ചാലാൻപഞ്ചവിംശതിം॥ 8-43-11 (56972)
സുവർണപുംഖൈർനാരാചൈഃ പരകായവിദാരണൈഃ।
ചേദികാനവധീദ്വീരഃ ശതശോഽഥ സഹസ്രശഃ॥ 8-43-12 (56973)
തം തഥാ സമരേ കർമ കുർവാണമതിമാനുഷം।
പരിവവ്രുർമഹാരാജ പാഞ്ചാലാനാം രഥവ്രജാഃ॥ 8-43-13 (56974)
തതഃ സന്ധായ വിശിഖാൻപഞ്ച ഭാരത ദുഃസഹാൻ।
പാഞ്ചാലാനവധീത്പഞ്ച കർണോ വൈകർതനോ വൃഷഃ॥ 8-43-14 (56975)
ഭാനുദേവം ചിത്രസേനം സേനാബിന്ദും ച ഭാരത।
തപനം ശൂരസേനം ച പാഞ്ചാലാനഹനദ്രണേ॥ 8-43-15 (56976)
പാഞ്ചാലേഷു ച ശൂരേഷു വധ്യമാനേഷു സായകൈഃ।
ഹാഹാകാരോ മഹാനാസീത്പാഞ്ചാലാനാം മഹാഹവേ॥ 8-43-16 (56977)
തേഷാം സഹ്ക്രീഡമാനാനാം ഹാഹാകാരം പ്രകുർവതാം।
പുനരേവ ച താൻകർണോ ജഘാനാശു പതത്ത്രിഭിഃ॥ 8-43-17 (56978)
ചക്രരക്ഷൌ തു കർണസ്യ പുത്രൌ മാരിഷ ദുർജയൌ।
സുഷേണഃ സത്യസേനശ്ച ത്യക്ത്വാ പ്രാണാനയുധ്യതാം॥ 8-43-18 (56979)
പൃഷ്ഠഗോപ്താ തു കർണസ്യ ജ്യേഷ്ഠഃ പുത്രോ മഹാരഥഃ।
വൃഷസേനോഽന്വയാത്കർണം പൃഷ്ഠതഃ പരിപാലയൻ॥ 8-43-19 (56980)
ധൃഷ്ടദ്യുംനഃ സാത്യകിശ്ച ദ്രൌപദേയാ വൃകോദരഃ।
ജനമേജയഃ ശിഖണ്ഡീ ച പ്രവീരാശ്ച പ്രഭദ്രകാഃ॥ 8-43-20 (56981)
ചേദികേകയപാഞ്ചാലാ യമൌ മാത്സ്യാശ്ച ദംശിതാഃ।
സമഭ്യധാവന്രാധേയം ജിഘാംസന്തഃ പ്രഹാരിണം॥ 8-43-21 (56982)
ത ഏനം വിവിധൈഃ ശസ്ത്രൈഃ ശരധാരാഭിരേവ ച।
അഭ്യവർഷന്വിമർദന്തം പ്രാവൃഷീവാംബുദാ ഗിരിം॥ 8-43-22 (56983)
പിതരം തു പരീപ്സന്തഃ കർണപുത്രാഃ പ്രഹാരിണഃ।
ത്വദീയാശ്ചാപരേ രാജന്വീരാ വീരാനവാരയൻ॥ 8-43-23 (56984)
സുഷേണോ ഭീമസേനസ്യ ച്ഛിത്ത്വാ ഭല്ലേന കാർമുകം।
നാരാചൈഃ സപ്തബിർവിദ്ധ്വാ ഹൃദി ഭീമം നനാദ ഹ॥ 8-43-24 (56985)
അഥാന്യദ്വനുരാദായ സുദൃഢം ഭീമവിക്രമഃ।
സജ്യം വൃകോദരഃ കൃത്വാ സുഷേണസ്യാച്ഛിനദ്വനുഃ॥ 8-43-25 (56986)
വിവ്യാധ ചൈനം ദശഭിഃ ക്രുദ്ധോ നൃത്യന്നിവേഷുഭിഃ।
കർണം ച തൂർണം വിവ്യാധ ത്രിസപ്തത്യാ ശിതൈഃ ശരൈഃ॥ 8-43-26 (56987)
സത്യസേനം ച ദശഭിഃ സാശ്വസൂതായുധധ്വജം।
പശ്യതാം സുഹൃദാം മധ്യേ കർണപുത്രമപാതയത്॥ 8-43-27 (56988)
ക്ഷുരപ്രണുന്നം തത്തസ്യ ശിരശ്ചന്ദ്രനിഭാനനം।
ശുഭദർശനമേവാസീന്നാലഭ്രഷ്ടമിവാംബുജം॥ 8-43-28 (56989)
ഹത്വാ കർണസുതം ഭീമസ്താവകാൻപുനരാർദയത്।
കൃപഹാർദിക്യയോശ്ഛിത്ത്വാ ചാപൌ താവപ്യഥാർദയത്॥ 8-43-29 (56990)
ദുഃശാസനം ത്രിഭിർവിദ്ധ്വാ ശകുനിം ഷഡ്ഭിരായസൈഃ।
ഉലൂകം ച പതത്രിം ച ചകാര വിരഥാവുഭൌ॥ 8-43-30 (56991)
ഹേ സുഷേണ ഹതോഽസീതി ബ്രുവന്നാദത്ത സായകം।
തമസ്യ കർണശ്ചിച്ഛേദ ത്രിഭിശ്ചൈനമതാഡയത്॥ 8-43-31 (56992)
അഥാന്യം പരിജഗ്രാഹ സുപർവാണം സുതേജനം।
സുഷേണായാസൃജദ്ഭീമസ്തമപ്യസ്യാച്ഛിനദ്വൃഷഃ॥ 8-43-32 (56993)
പുനഃ കർണസ്ത്രിസപ്തത്യാ ഭീമസേനമഥേഷുഭിഃ।
പുത്രം പരീപ്സന്വിവ്യാധ ക്രുദ്ധഃ ശത്രുജിഘാംസയാ॥ 8-43-33 (56994)
സുഷേണസ്തു ധനുർഗൃഹ്യ ഭാരസാധനമുത്തമം।
നകുലംപഞ്ചഭിർബാണൈർബാഹ്വോരുരസി ചാർപയത്॥ 8-43-34 (56995)
നകുലസ്തം തു വിംശത്യാ വിദ്വ്വാ ഭാരസഹൈർദൃഢൈഃ।
നനാദ ബലവന്നാദം കർണസ്യ ഭയമാദധത്॥ 8-43-35 (56996)
തം സുഷേണോ മഹാരാജ വിദ്ധ്വാ ദശഭിരാശുഗൈഃ।
ചിച്ഛേദ ച ധനുഃ ശീഘ്രം ക്ഷുരപ്രേണ മഹാരഥഃ॥ 8-43-36 (56997)
അഥാന്യദ്വനുരാദായ നകുലഃ ക്രോധമൂർച്ഛിതഃ।
സുഷേണം നവഭിർബാണൈർവാരയാമാസ സംയുഗേ॥ 8-43-37 (56998)
സ തു ബാണൈർദിശോ രാജന്നാച്ഛാദ്യ പരവീരഹാ॥
ആജഘ്നേ സാരഥിം ചാസ്യ സുഷേണം ച തതസ്ത്രിഭിഃ।
ചിച്ഛേദ ചാസ്യ സുദൃഢം ധനുർഭല്ലൈസ്ത്രിഭിസ്ത്രിധാ॥ 8-43-38 (56999)
അഥാന്യദ്വനുരാദായ സുഷേണഃ ക്രോധമൂർച്ഛിതഃ।
ആവിധ്യന്നകുലം ഷഷ്ട്യാ സഹദേവം ച സപ്തഭിഃ॥ 8-43-39 (57000)
തദ്യുദ്ധം സുമഹദ്ധോരമാസീദ്ദേവാസുരോപമം।
നിഘ്നതാം സായകൈസ്തൂർണമന്യോന്യസ്യ വധം പ്രതി॥ 8-43-40 (57001)
സാത്യകിർവൃഷസേനം തു വിദ്ധ്വാ സപ്തഭിരായസൈഃ।
`പുനർവിവ്യാധ സപ്തത്യാ സാരഥിം ച ത്രിഭിഃ ശിതൈഃ॥ 8-43-41 (57002)
വൃഷസേനസ്തു ശൈനേയം ശരേണാനതപർവണാ।
ആജഘാന മഹാരാജ ശംഖദേശേ മഹാരഥം॥ 8-43-42 (57003)
ശൈനേയോ വൃഷസേനേന പത്രിണാ പരിപീഡിതഃ।
കോപം ചക്രേ മഹാരാജ ക്രുദ്ധോ വേഗം ച ദാരുണം॥ 8-43-43 (57004)
ജഗ്രാഹേഷുവരാന്വീരഃ ശീഘ്രം വൈ ദശ പഞ്ച ച।
സാത്യകിർവൃഷസേനസ്യ സൂതം ഹത്വാ ത്രിഭിഃ ശരൈഃ'॥ 8-43-44 (57005)
ധനുശ്ചിച്ഛേദ ഭല്ലേന ജഘാനാശ്വാംശ്ച സപ്തഭിഃ।
ധ്വജമേകേഷുണോൻമഥ്യ ത്രിഭിശ്തം ഹൃദ്യതാഡയത്॥ 8-43-45 (57006)
അഥാവസന്നഃ സ്വരഥേ മുഹൂർതാത്പുനരുത്ഥിതഃ।
സ രണേ യുയുധാനേന വിസൂതാശ്വരഥധ്വജഃ।
കൃതോ ജിഘാംസുഃ ശൈനേയം ഖംഗചർമധൃഗഭ്യയാത്॥ 8-43-46 (57007)
തസ്യ ചാപതതഃ ശീഘ്രം വൃഷസേനസ്യ സാത്യകിഃ।
വാരാഹകർണൈർദശഭിരവിധ്യദസിചർമണീ॥ 8-43-47 (57008)
ദുഃശാസനസ്തു തം ദൃഷ്ട്വാ വിരഥം വ്യായുധം കൃതം।
ആരോപ്യ സ്വരഥം തൂർണമപോവാഹ രഥാന്തരം॥ 8-43-48 (57009)
അഥാന്യം രഥമാസ്ഥായ വൃഷസേനോ മഹാരഥഃ।
ദ്രൌപദേയാംസ്ത്രിസപ്തത്യാ യുയുധാനം ച പഞ്ചഭിഃ॥ 8-43-49 (57010)
ഭീമസേനം ചതുഃഷഷ്ട്യാ സഹദേവം ച പഞ്ചഭിഃ।
നകുലം ത്രിംശതാ ബാണൈഃ ശതാനീകം ച സപ്തഭിഃ॥ 8-43-50 (57011)
ശിഖണ്ഡിനം ച ദശഭിർധർമരാജം ശതേന ച।
ഏതാംശ്ചാന്യാംശ്ച രാജേന്ദ്ര പ്രവീരാഞ്ചയഗൃദ്ധിനഃ॥ 8-43-51 (57012)
അഭ്യർദയൻമഹേഷ്വാസഃ കർണപുത്രോ വിശാംപതേ।
കർണസ്യ യുധി ദുർധർഷസ്തതഃ പൃഷ്ഠമപാലയത്॥ 8-43-52 (57013)
യുയുധാനം ച രാധേയോ നവൈർനവഭിരായസൈഃ।
വിസൂതാശ്വരഥം കൃത്വാ ലലാടേ ത്രിഭിരാർപയത്॥ 8-43-53 (57014)
സ ത്വന്യം രഥമാസ്ഥായ വിധിവത്കൽപിതം പുനഃ।
യുയുധേ പാണ്ഡുഭിഃ സാർധം കർണസ്യ വ്യധമദ്ബലം॥ 8-43-54 (57015)
ധൃഷ്ടദ്യുംനസ്തതഃ കർണമവിധ്യദ്ദശഭിഃ ശരൈഃ।
ദ്രൌപദേയാസ്ത്രിസപ്തത്യാ യുയുധാനസ്തു സപ്തഭിഃ॥ 8-43-55 (57016)
ഭീമസേനശ്ചതുഃഷഷ്ട്യാ സഹദേവശ്ച സപ്തിഭിഃ।
നകുലസ്ത്രിംശതാ ബാണൈഃ ശതാനീകസ്തു സപ്തഭിഃ॥ 8-43-56 (57017)
ശിഖണ്ഡീ ദശഭിർവീരോ ധർമരാജഃ ശതേന തു।
ഏതേ ചാന്യേ ച രാജേന്ദ്ര പ്രവീരാ ജയഗൃദ്വിനഃ।
അഭ്യർദയൻമഹേഷ്വാസം സൂതപുത്രം മഹാമൃധേ॥ 8-43-57 (57018)
താൻസൂതപുത്രോ വിശിഖൈർദശഭിർദശഭിഃ ശരൈഃ।
രഥേനാനുചരന്വീരഃ പ്രത്യവിധ്യദരിന്ദമഃ। 8-43-58 (57019)
`സാത്യകിം ഭീമസേനം ച ധൃഷ്ടദ്യുംനം ശിഖണ്ഡിനം।
ദ്രൌപദേയാംശ്ച സംരബ്ധാന്യതമാനാൻമഹാരഥാൻ॥ 8-43-59 (57020)
പശ്യതാം സർവസൈന്യാനാമഥൈനാൻസൂതനന്ദനഃ।
വിരഥാന്രഥിനഃ ശ്രേഷ്ഠാന്നിമേഷാർധാച്ചകാര ഹ॥ 8-43-60 (57021)
അമോഘത്വാച്ച ബാണാനാം ഭൂതസംഘാ വിസിപ്മയുഃ'॥ 8-43-61 (57022)
തത്രാസ്ത്രവീര്യം കർണസ്യ ലാഘവം ച മഹാത്മനഃ।
അപശ്യാമ മഹാഭാഗ തദദ്ഭുതമിവാഭവത്॥ 8-43-62 (57023)
ന ഹ്യാദദാനം ദദൃശുഃ സന്ദധാനം ച സായകാൻ।
വിമുഞ്ചന്തം ച സംരംഭാദ പശ്യന്നൈവ തം ജനാഃ॥ 8-43-63 (57024)
പ്രതീച്യാം ദിശി തം ദൃഷ്ട്വാ പ്രാച്യാം പശ്യാമ ലാഘവാത്।
ന ച പശ്യാമ രാജേന്ദ്ര ക്വ നു കർണോ വ്യതിഷ്ഠത॥ 8-43-64 (57025)
ഇഷൂനേവാസ്യ പശ്യാമോ വിനികീർണാഽൻസമന്തതഃ।
ഛാദയാനാന്ദിശോ രാജഞ്ശലഭാനാമിവ വ്രജാൻ॥ 8-43-65 (57026)
തസ്യ തൈരിഷുഭിസ്ത്രീക്ഷ്ണൈഃ സംപതദ്ഭിഃ സഹസ്രശഃ।
മരീചിഭിരിവോഷ്ണാംശോഃ ശരൈഃ സന്നതപർവഭിഃ॥ 8-43-66 (57027)
വ്യാപ്താഃ സർവാ ദിശോ രാജന്യോധാശ്ച ദദൃശുസ്തദാ।
ശരൈഃ സംവൃതമാകാശം തത്രാഭ്രൈരിവ ചാഭവത്॥ 8-43-67 (57028)
ദ്യൌർവിയദ്ഭൂർദിശശ്ചൈവ പ്രച്ഛന്നാ നിശിതൈഃ ശരൈഃ।
അരുണാഭ്രാവൃതാകാരം തസ്മിന്ദേശേ ബഭൌ വിയത്॥ 8-43-68 (57029)
തതഃ പുനരമേയാത്മാ കർണോ രാജാ മഹാരഥഃ।
ന്യഹനത്സമരേ യോധാന്യോധവൃത്തമനുഷ്ഠിതഃ॥ 8-43-69 (57030)
നൃത്യന്നിവ ഹി രാധേയശ്ചാപഹസ്തോ രണാജിരേ।
യൈർവിദ്വഃ പ്രത്യവിദ്വ്യത്താനേകൈകം ത്രിഗുണൈഃ ശരൈഃ॥ 8-43-70 (57031)
ശതൈശ്ച ദശഭിശ്ചൈതാൻപുനർവിദ്ധ്വാ നനാദ ച।
സാശ്വസൂതധ്വജച്ഛത്രാസ്തതസ്തേ വിവരം ദദുഃ॥ 8-43-71 (57032)
`തേ ഹന്യമാനാഃ കർണേന പലായന്ത ദിശോ ദശ।
നാദയന്തോ ദിശഃ സർവാഃ കർമത്രസ്താ വിചേതസഃ'॥ 8-43-72 (57033)
താൻപ്രമഥ്യ മഹേഷ്വാസാന്രാധേയഃ ശരവൃഷ്ടിഭിഃ।
രാജാനീകമസംബാധം പ്രാവിശച്ഛത്രുകർശനഃ॥ 8-43-73 (57034)
സ രഥാംസ്ത്രിശതം ഹത്വാ ചേദീനാമനിവർതിനാം।
രാധേയോ നിശിതൈർബാണൈസ്തതോഽഭ്യാഗാദ്യുധിഷ്ഠിരം॥ 8-43-74 (57035)
`തതസ്തേ വിരഥാഃ ശൂരാ രഥാനന്യാൻസമാസ്ഥിതാഃ।
പരിവവ്രുർമഹാരാജ ധർമപുത്രം യുധിഷ്ഠിരം'॥ 8-43-75 (57036)
തതസ്തേ തു പരേ രാജഞ്ഛിഖണ്ഡീ ച സസാത്യകിഃ।
രാധേയാത്പരിരക്ഷന്തോ രാജാനം പര്യവാരയൻ।
മുഞ്ചന്തോ വിവിധാൻബാണാൻസ്വർണപുംഖാഞ്ശിലാശിതാൻ॥ 8-43-76 (57037)
തഥൈവ താവകാഃ സർവേ കർണം ദുർവാരണം രണേ।
യത്താഃ ശൂരാ മഹേഷ്വാസാഃ പര്യരക്ഷന്ത സർവശഃ॥ 8-43-77 (57038)
നാനാവാദിത്രഘോഷാശ്ച പ്രാദുരാസന്വിശാംപതേ।
സിംഹനാദശ്ച സഞ്ജജ്ഞേ ശൂരാണാമഭിഗർജതാം॥ 8-43-78 (57039)
തതഃ പുനഃ സമാജഗ്മുരഭീതാഃ കുരുപാണ്ഡവാഃ।
യുധിഷ്ഠിരമുഖാഃ പാർഥാഃ സൂതപുത്രമുഖാ വയം॥ ॥ 8-43-79 (57040)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ത്രിചത്വാരിംശോഽധ്യായഃ॥ 43 ॥
Mahabharata - Karna Parva - Chapter Footnotes
॥ ശ്രീഃ ॥
8.44. അധ്യായഃ 044
Mahabharata - Karna Parva - Chapter Topics
കർണേന യുധിഷ്ഠിരസ്യ പരാജയപൂർവകമപഹാസഃ॥ 1 ॥ സങ്കുലയുദ്ധം॥ 2 ॥
Mahabharata - Karna Parva - Chapter Text
8-44-0 (57041)
സഞ്ജയ ഉവാച। 8-44-0x (4955)
വിദാര്യ കർണസ്താം സേനാം യുധിഷ്ഠിരമഥാദ്രവത്।
രഥഹസ്ത്യശ്വപത്തീനാം സഹസ്രൈഃ പരിവാരിതഃ॥ 8-44-1 (57042)
നാനായുധസഹസ്രാണി പ്രേരിതാന്യരിഭിർവൃഷഃ।
ഛിത്ത്വാ ബാണശതൈരുഗ്രൈസ്താനവിധ്യദസംഭ്രമാത്॥ 8-44-2 (57043)
നിചകർത ശിരാംസ്യേഷാം ബാഹൂനൂരൂംശ്ച സൂതജഃ॥
തേ ഹതാ ഭൂതലേ പേതുർഭഗ്നാശ്ചാന്യേ വിദുദ്രുവുഃ॥ 8-44-3 (57044)
ദ്രവിഡാന്ധ്രനിഷാദാസ്തു പുനഃ സാത്യകിചോദിതാഃ।
പ്രഭ്യദ്രവഞ്ജിഘാംസന്തഃ പത്തയഃ കർണമാഹവേ॥ 8-44-4 (57045)
തേ വിബാഹുശിരസ്ത്രാണാഃ പ്രഹതാഃ കർണസായകൈഃ।
പേതുഃ പൃഥിവ്യാം യുഗപച്ഛിന്നം സാലവനം യഥാ॥ 8-44-5 (57046)
ഏവം യോധശതാന്യാജൌ സഹസ്രാണ്യയുതാനി ച।
ഹതാനീയുർമഹീം ദേഹൈര്യശസാഽപൂരയന്ദിശഃ॥ 8-44-6 (57047)
അഥ വൈകർതനം കർണം രണേ ക്രുദ്ധമിവാന്തകം।
രുരുധുഃ പാണ്ഡുപാഞ്ചാലാ വ്യാധിം മന്ത്രൌഷധാ ഇവ॥ 8-44-7 (57048)
സ താൻപ്രമൃദ്യാബ്യപതത്പുനരേവ യുധിഷ്ഠിരം।
മന്ത്രൌഷധിക്രിയാതീതോ വ്യാധിരത്യുൽബണോ യഥാ॥ 8-44-8 (57049)
സ രാജഗൃദ്ധിഭീ രുദ്ധഃ പാണ്ഡുപാഞ്ചാലകേകയൈഃ।
നാശകത്താനതിക്രാന്തും മൃത്യുർബ്രാഹ്മവിദോ യഥാ॥ 8-44-9 (57050)
തതോ യുധിഷ്ഠിരഃ കർണമദൂരസ്ഥം നിവാരിതം।
`തൈര്യോധപ്രമുഖൈർവീരം ദൃഷ്ട്വാ വിവ്യാധ സായകൈഃ॥ 8-44-10 (57051)
കർണഃ പാർഥശരാവിദ്ധസ്തോത്രാർദിത ഇവ ദ്വിപഃ।
പ്രമഥ്യ സഹിതാന്വീരാന്യുധിഷ്ഠിരമപീഡയത്॥ 8-44-11 (57052)
തതോ യുധിഷ്ഠിരഃ കർണമാസാദ്യ ജയതാം വരം'।
അബ്രവീത്പരവീരഘ്നം ക്രോധസംരക്തലോചനഃ॥ 8-44-12 (57053)
കർണകർണ വൃഥാദൃഷ്ടേ സൂതപുത്ര വചഃ ശൃണു।
സദാ സ്പർധസി സംഗ്രാമേ ഫൽഗുനേന തരസ്വിനാ॥ 8-44-13 (57054)
യഥാഽസ്മാൻബാധസേ നിത്യം ധാർതരാഷ്ട്രമതേ സ്ഥിതഃ।
യദ്ബലം യച്ച തേ വീര്യം പ്രദ്വേഷോ യസ്തു പാണ്ഡുഷു॥ 8-44-14 (57055)
തത്സർവം ദർശയസ്വാദ്യ പൌരുഷം മഹദാസ്ഥിതഃ।
യുദ്ധശ്രദ്വാം ച തേഽദ്യാഹം വിനേഷ്യാമി മഹാഹവേ॥ 8-44-15 (57056)
ഏവമുക്ത്വാ മഹാരാജ കർണം പാണ്ഡുസുതസ്തദാ।
സുവർണപുംഖൈർദശഭിർവിവ്യാദായസ്മയൈഃ ശരൈഃ॥ 8-44-16 (57057)
തം സൂതപുത്രോ ദശഭിഃ പ്രത്യവിദ്ധ്യദരിന്ദമഃ।
വത്സദന്തൈർമഹേഷ്വാസഃ പ്രഹസന്നിവ ഭാരത॥ 8-44-17 (57058)
സോഽവജ്ഞായ തു നിർവിദ്ധഃ സൂതപുത്രേണ പാണ്ഡവഃ।
പ്രജജ്വാല തതഃ ക്രോധാദ്ധവിഷേവ ഹുതാശനഃ॥ 8-44-18 (57059)
ജ്വാലാമാലാപരിക്ഷിപ്തോ രാജ്ഞോ ദേഹോ വ്യദൃശ്യത।
യുഗാന്തേ ദഗ്ധുകാമസ്യ സംവർതാഗ്നേരിവാപരഃ॥ 8-44-19 (57060)
തതോ വിസ്ഫാര്യ സുമഹച്ചാപം ഹേമപരിഷ്കൃതം।
സമാധത്ത ശിതം ബാണം ഗിരീണാമപി ദാരണം॥ 8-44-20 (57061)
തതഃ പൂർണായതോത്കൃഷ്ടം യമദണ്ഡനിഭം ശരം।
മുമോച ത്വരിതോ രാജാ സൂതപുത്രജിഘാംസയാ॥ 8-44-21 (57062)
സ തു വേഗവതാ മുക്തോ ബാണോ വജ്രാശനിസ്വനഃ।
വിവേശ സഹസാ കർണം സവ്യേ പാർശ്വേ മഹാരഥം॥ 8-44-22 (57063)
സ തു തേന പ്രഹാരേണ പീഡിതഃ പ്രമുമോഹ വൈ।
സ്രസ്തഗാത്രോ മഹാബാഹുർധനുരുത്സൃജ്യ കംപിതഃ॥ 8-44-23 (57064)
ഗതാസുരിവ നിശ്ചേതാഃ ശല്യസ്യാഭിമുഖോഽപതത്।
രാജാഽപി ഭൂയോ നാജഘ്നേ കർണം പാർഥഹിതേപ്സയാ॥ 8-44-24 (57065)
തതോ ഹാഹാകൃതം സർവം ധാർതരാഷ്ട്രബലം മഹത്।
വിവർണമുഖമാർതം ച കർണം ദൃഷ്ട്വാ തഥാഗതം॥ 8-44-25 (57066)
സിംഹനാദാശ്ച സഞ്ജജ്ഞുഃ ക്ഷ്വേലാഃ കിലകിലാസ്തഥാ।
പാണ്ഡവാനാം മഹാരാജ ദൃഷ്ട്വാ രാജ്ഞഃ പരാക്രമം॥ 8-44-26 (57067)
പ്രതിലഭ്യ തു രാധേയഃ സഞ്ജ്ഞാം നാതിചിരാദിവ।
ദധ്രേ രാജവിനാശായ മനഃ ക്രൂരപരാക്രമഃ॥ 8-44-27 (57068)
സ ഹേമവികൃതം ചാപം വിസ്ഫാര്യ വിജയം മഹത്।
അവാകിരദമേയാത്മാ പാണ്ഡവം നിശിതൈഃ ശരൈഃ॥ 8-44-28 (57069)
തതഃ ക്ഷുരാഭ്യാം പാഞ്ചാല്യൌ ചക്രരക്ഷൌ മഹാത്മനഃ।
ജഘാന ചന്ദ്രദേവം ച ദണ്ഡധാരം ച സംയുഗേ॥ 8-44-29 (57070)
താവുഭൌ ധർമരാജസ്യ പ്രവീരൌ യുധി ഭാരത।
രഥാഭ്യാശേ ചകാശേതേ ചന്ദ്രസ്യേവ പുനർവസൂ॥ 8-44-30 (57071)
യുധിഷ്ഠിരഃ പുനഃ കർണമവിദ്വ്യത്ത്രിംശതാ ശരൈഃ।
സുഷേണം സത്യസേനം ച ത്രിഭിസ്ത്രിഭിരതാഡയത്॥ 8-44-31 (57072)
ശല്യം നവത്യാ വിവ്യാധ ത്രിസപ്തത്യാ ച സൂതജം।
താംസ്തസ്യ ഗോപ്തൄന്വിവ്യാധ ത്രിഭിസ്ത്രിഭിരജിഹ്മഗൈഃ॥ 8-44-32 (57073)
തതഃ പ്രഹസ്യാധിരഥിഃ ഷഷ്ഠ്യാ രാജഞ്ശിതൈഃ ശരൈഃ।
വിദ്ധ്വാ യുധിഷ്ഠിരം സംഖ്യേ നനാദാതിരഥസ്തദാ॥ 8-44-33 (57074)
തതഃ പ്രവീരാഃ പാണ്ഡൂനാമഭ്യധാവന്നമർഷിതാഃ।
യുധിഷ്ഠിരം പരീപ്സന്തഃ കർണമഭ്യർദയഞ്ഛരൈഃ॥ 8-44-34 (57075)
സാത്യകിശ്ചേകിതാനശ്ച യുയുത്സുഃ പാണ്ഡ്യ ഏവ ച।
ധൃഷ്ടദ്യുംനഃ ശിഖണ്ഡീ ച ദ്രൌപദേയാഃ പ്രഭദ്രകാഃ॥ 8-44-35 (57076)
യമൌ ച ഭീമസേനശ്ച ശിശുപാലസ്യ ചാത്മജഃ।
കാരൂശാ മാത്സ്യശേഷാശ്ച കേകയാഃ കാശികോസലാഃ॥ 8-44-36 (57077)
ഏതേ ച ത്വരിതാ വീരാ വസുഷേണമതാഡയൻ।
ജനമേജയശ്ച പാഞ്ചാല്യഃ കർണം വിവ്യാധ സായകൈഃ॥ 8-44-37 (57078)
വാരാഹകർണനാരാചൈർനാലീകൈർനിശിതൈഃ ശരൈഃ।
വത്സദന്തൈർവിപാഠൈശ്ച ക്ഷുരപ്രൈശ്ചടകാമുഖൈഃ॥ 8-44-38 (57079)
നാനാപ്രഹരണൈശ്ചോഗ്രൈ രഥഹസ്ത്യശ്വസാദിഭിഃ।
സർവതോഽഭ്യദ്രവത്കർണം പരിവാര്യ ജിഘാംസയാ॥ 8-44-39 (57080)
സ പാണ്ഡവാനാം പ്രവരൈഃ സർവതഃ സമഭിദ്രുതഃ।
ഛാദ്യമാനഃ ശിതതൈർഘോരൈഃ സ്വസ്വനാമാങ്കിതൈഃ ശരൈഃ॥ 8-44-40 (57081)
ന ചചാല രണേ കർണോ മഹേന്ദ്രോ ദാനവൈരിവ।
`നിജഘാന മഹേഷ്വാസാൻപാഞ്ചാലാനേകവിംശതിം॥ 8-44-41 (57082)
തതഃ പുനരമേയാത്മാ ചേദീനാം പ്രവരാന്ദശ।
ന്യഹനദ്ഭരതശ്രേഷ്ഠ കർണോ വൈകർതനസ്തദാ॥ 8-44-42 (57083)
തസ്യ ബാണസഹസ്രാണി സംപ്രപന്നാനി മാരിഷ।
ദൃശ്യന്തേ ദിക്ഷു സർവാസു ശലഭാനാമിവ വ്രജാഃ॥ 8-44-43 (57084)
കർണനാമാങ്കിതാ ബാണാഃ സ്വർണപുംഖാഃ സുതേജനാഃ।
നരാശ്വകായാന്നിർഭിദ്യ പേതുരുർവ്യാം സമന്തതഃ॥ 8-44-44 (57085)
കർണേനൈകേന സമരേ ചേദീനാം പ്രവരാസ്തദാ।
സൃജ്ജയാനാം ച സർവേഷാം ശതശോ നിഹതാ രണേ॥ 8-44-45 (57086)
കർണസ്യ ശരസഞ്ഛന്നം ബഭൂവ തുമുലം തമഃ।
നാജ്ഞായത തതഃ കിഞ്ചിത്പരേഷാമാത്മനോഽപി വാ॥ 8-44-46 (57087)
തസ്മിംസ്തമസി ഭൂതേ ച ക്ഷത്രിയാണാം ഭയങ്കരേ।
വിചചാര മഹബിഹുർനിർദഹൻക്ഷത്രിയാൻബഹൂൻ'॥ 8-44-47 (57088)
തതഃ ശരമഹാജ്വാലോ വീര്യോഷ്മാ കർണപാവകഃ।
നിർദഹൻപാണ്ഡവവനം ചാരു പര്യചരദ്രണേ॥ 8-44-48 (57089)
`തതസ്തേഷാം മഹാരാജ പാണ്ഡവാനാം മഹാരഥാഃ।
സൃഞ്ജയാനാം ച സർവേഷാം ശതശോഽഥ സഹസ്രശഃ।
അസ്ത്രൈഃ കർണം മഹേഷ്വാസം സമന്താത്പര്യവാരയൻ॥ 8-44-49 (57090)
സ സംവാര്യ മഹാസ്ത്രാണി മഹേഷ്വാസോ മഹാത്മനാം।
പ്രഹസ്യ പുരുഷേന്ദ്രസ്യ കർണശ്ചിച്ഛേദ കാർമുകം'॥ 8-44-50 (57091)
തതഃ സന്ധായ നവതിം നിമേഷാന്നതപർവണാം।
ബിഭേദ കവചം രാജ്ഞോ രണേ കർണഃ ശിതൈഃ ശരൈഃ॥ 8-44-51 (57092)
തദ്വർമ ഹേമവികൃതം രത്നചിത്രം ബഭൌ പതത്।
സവിദ്യുദഭ്രം സവിതുഃ ശ്ലിഷ്ടം വാതഹതം യഥാ॥ 8-44-52 (57093)
തദംഗാത്പുരുഷേന്ദ്രസ്യ ഭ്രഷ്ടം വർമ വ്യരോചത।
രത്നൈരലംവൃതം ചിത്രേർവ്യഭ്നം നിശി യഥാ നഭഃ॥ 8-44-53 (57094)
ഭിന്നവർമാ ശരൈഃ പാർഥോ രുധിരേണ സമുക്ഷിതഃ।
ബഭാസേ പുരുഷശ്രേഷ്ഠ ഉദ്യന്നിവ ദിവാകരഃ॥ 8-44-54 (57095)
സ ശരാചിതസർവാംഗശ്ഛിന്നവർമാഽഥ സംയുഗേ।
ക്ഷാത്രം ധർമം സമാസ്ഥായ സിംഹനാദമകുർവത॥ 8-44-55 (57096)
നർദിത്വാ ച ചിരം കാലം പാണ്ഡവോ രഭസോ രണേ।
ശക്തിം ചിക്ഷേപ വേഗേന പ്രദീപ്താമശനീമിവ॥ 8-44-56 (57097)
താം ജ്വലന്തീമിവാകാശേ ശക്തിം ശപ്തഭിരാശുഗൈഃ।
ഭല്ലൈശ്ചിച്ഛേദ രാധേയഃ സാ ത്വശീര്യത വൈ രണേ॥ 8-44-57 (57098)
ഹൃദി ബാഹ്വോർലലാടേ ച ക്ഷിപ്രകാരീ യുധിഷ്ഠിരഃ।
ചതുർഭിസ്തോമരൈഃ കർണം താഡയിത്വാഽനദൻമുദാ॥ 8-44-58 (57099)
ഉദ്ഭിന്നരുധിരഃ കർണഃ ക്രുദ്വഃ സർപ ഇവ ശ്വസൻ।
ജഘാന സൂതം പാർഥസ്യ പാർഷ്ഠിം ച നവഭിഃ ശരൈഃ॥ 8-44-59 (57100)
ധ്വജം ചിച്ഛേദ നൃപതേസ്ത്രിഭിർവിവ്യാധ ചൈവ തം।
ഇഷുധീ ചാസ്യ ചിച്ഛേദ രഥം ച തിലശോഽച്ഛിനത്॥ 8-44-60 (57101)
ഏതസ്മിന്നന്തരേ ശൂരാഃ പാണ്ഡവാനാം മഹാരഥാഃ।
വവൃഷുഃ ശരവർഷാണി രാധേയം പ്രതി ഭാരത॥ 8-44-61 (57102)
സാത്യകിഃ പഞ്ചവിംശത്യാ ശിഖണ്ഡീ നവഭിഃ ശരൈഃ।
അവർഷതാം മഹാരാജ രാധേയം ശത്രുകർശനം॥ 8-44-62 (57103)
ശൈനേയം തു തതുഃ ക്രുദ്ധഃ കർണഃ പഞ്ചഭിരായസൈഃ।
വിവ്യാധ സമരേ രാജംസ്ത്രിഭിശ്ചാന്യൈഃ ശിലീമുഖൈഃ॥ 8-44-63 (57104)
ദക്ഷിണം തു ഭുജം തസ്യ ത്രിഭിഃ കർണോഽഭ്യവിധ്യത।
സവ്യം ഷോഡശഭിർബാണൈര്യന്താരം ചാസ്യ സപ്തഭിഃ॥ 8-44-64 (57105)
അഥാസ്യ ചതുരോ വാഹാംശ്ചതുർഭിർനിശിതൈഃ ശരൈഃ।
സൂതപുത്രോഽനയത്ക്ഷിപ്രം യമസ്യ സദനം പ്രതി॥ 8-44-65 (57106)
അഥാപരേണ ഭല്ലേന ധനുശ്ഛിത്ത്വാ മഹാരഥഃ।
സാരഥേഃ സശിരസ്ത്രാണം ശിരഃ കായാദപാഹരത്॥ 8-44-66 (57107)
ഹതാശ്വസൂതേ തു രഥേ സ്ഥിതഃ സ ശിനിപുംഗവഃ।
ശക്തിം ചിക്ഷേപ കർണായ വൈദൂര്യമണിഭൂഷിതാം॥ 8-44-67 (57108)
താമാപതന്തീം സഹസാ ദ്വിധാ ചിച്ഛേദ ഭാരത।
കർണോ വൈ ധന്വിനാം ശ്രേഷ്ഠസ്താംശ്ച സർവാനവാരയത്॥ 8-44-68 (57109)
തതസ്താന്നിശിതൈർബാണൈഃ പാണ്ഡവാനാം മഹാരഥാൻ।
ന്യവാരയദമേയാത്മാ ശിക്ഷയാ ച ബലേന ച॥ 8-44-69 (57110)
അർദയിത്വാ ശരൈസ്താംസ്തു സിംഹഃ ക്ഷുദ്രമൃഗാനിവ।
പീഡയന്ധർമരാജാനം ശരൈഃ സന്നതപർവമിഃ।
അഭ്യദ്രവത രാധേയോ ധർമപുത്രം ശിതൈഃ ശരൈഃ॥ 8-44-70 (57111)
തതഃ പാർഷോ ഹ്യപാസാസീദ്വതാശ്വോ ഹതസാരഥിഃ।
അശക്നുവൻമുഖേ സ്ഥാതും തതഃ കർണസ്യ ദുർമനാഃ॥ 8-44-71 (57112)
തമഭിദ്രുത്യ രാധേയഃ പാണ്ഡുപുത്രം യുധിഷ്ഠിരം।
അബ്രവീത്പ്രഹസന്രാജൻകുത്സയന്നിവ പാണ്ഡവം॥ 8-44-72 (57113)
കഥം നാമ കുലേ ജാതഃ ക്ഷത്രധർമേ വ്യവസ്ഥിതഃ।
പ്രജഹ്യാത്സമരേ ശത്രൂൻപ്രാണാന്രക്ഷ മഹാഹവേ॥ 8-44-73 (57114)
ന ഭവാൻക്ഷത്രധർമേഷു കുശലോഽസീതി മേ മതിഃ।
ബ്രാഹ്മേ ബലേ ഭവാന്യുക്തഃ സ്വാധ്യായേ യജ്ഞകർമണി॥ 8-44-74 (57115)
മാ സ്മ യുധ്യസ്വ കൌന്തേയ മാ സ്മ വീരാൻസമാസദഃ।
മാ ചൈവം വിപ്രിയം ബ്രൂഹി മാ ച ത്വം ഭജ സംയുഗം॥ 8-44-75 (57116)
വക്തവ്യാ മാരിഷാഽന്യേ തു ന വക്തവ്യാസ്തു മാദൃശാഃ।
മാദൃശാൻഹി ബ്രുവന്യുദ്ധേ ഏതദന്യച്ച ലപ്സ്യസേ॥ 8-44-76 (57117)
സ്വഗൃഹം ഗച്ഛ കൌന്തേയ യത്ര വാ കേശവാർജുനൌ।
ന ഹി ത്വാം സമരേ രാജൻഹന്യാത്കർണഃ കഥഞ്ചന॥ 8-44-77 (57118)
സഞ്ജയ ഉവാച। 8-44-78x (4956)
വരപ്രദാനം കുന്ത്യാസ്തു കർണഃ സ്മൃത്വാ മഹാരഥഃ।
വധപ്രാപ്തം തു കൌന്തേയം നാവധീത്പുരുഷോത്തമഃ॥ 8-44-78 (57119)
ഏവമുക്ത്വാ തതഃ പാർഥം വിസൃജ്യ ച മഹാബലഃ।
ന്യഹനത്പാണ്ഡവീം സേനാം വജ്രഹസ്ത ഇവാസുരീം॥ 8-44-79 (57120)
തതോഽപായാദ്ദ്രുതം രാജന്വ്രീഡന്നിവ നരേശ്വരഃ॥ 8-44-80 (57121)
അഥാപയാതം രാജാനം മത്വാഽന്വീയുസ്തമച്യുതം।
ചേദിപാണ്ഡവപാഞ്ചാലാഃ സാത്യകിശ്ച മഹാരഥഃ।
ദ്രൌപദേയാസ്തഥാ ശൂരാ മാദ്രീപുത്രൌ ച പാണ്ഡവൌ॥ 8-44-81 (57122)
തതോ യുധിഷ്ഠിരാനീകം ദൃഷ്ട്വാ കർണഃ പരാങ്മുഖം।
കുരുഭിഃ സഹിതോ വീരഃ പ്രഹൃഷ്ടഃ പൃഷ്ഠതോഽന്വഗാത്॥ 8-44-82 (57123)
ഭേരീശംഖമൃദംഗാനാം കാർമുകാണാം ച നിഃസ്വനഃ।
ബഭൂവ ധാർതരാഷ്ട്രാണാം സിംഹനാദരവസ്തഥാ॥ 8-44-83 (57124)
യുധിഷ്ഠിരസ്തു കൌരവ്യ രഥമാരുഹ്യ സത്വരം।
ശ്രുതകീർതേർമഹാരാജ ദൃഷ്ട്വാ തത്കർണവിക്രമം॥ 8-44-84 (57125)
കാല്യമാനം ബലം ദൃഷ്ട്വാ സൂതപുത്രേണ മാരിഷ।
സ്വാന്യോധാനബ്രവീത്ക്രുദ്വോ നിഘ്നതൈതാൻകിമാസത॥ 8-44-85 (57126)
തതോ രാജ്ഞാഽഭ്യനുജ്ഞാതാഃ പാണ്ഡവാനാം മഹാരഥാഃ।
ഭീമസേനമുഖാഃ സർവേ പുത്രാംസ്തേ പ്രത്യുപാദ്രവൻ॥ 8-44-86 (57127)
അഭവത്തുമുലഃ ശബ്ദോ യോധാനാം തത്ര ഭാരത।
രഥഹസ്ത്യശ്വപത്തീനാം ദ്രവതാം നിനദോ മഹാൻ।
ഉദ്യതപ്രതിവിഷ്ടാനാം ശസ്ത്രാണാം ച തതസ്തതഃ॥ 8-44-87 (57128)
ആഗച്ഛത പ്രഹരത ക്ഷിപ്രം വിപരിധാവത।
ഇതി ബ്രുവാണാ ഹ്യന്യോന്യം ജഘ്നുര്യോധാ മഹാരണേ॥ 8-44-88 (57129)
അഭ്രച്ഛായേവ തത്രാസീച്ഛരവൃഷ്ടിഭിരംബരേ।
സമാവൃതൈർനരവരൈർനിഘ്നദ്ഭിരിതരേതരം॥ 8-44-89 (57130)
വിപതാകധ്വജച്ഛത്രാ വ്യശ്വസൂതരഥായുധാഃ।
വ്യംഗാംഗാവയവാഃ പേതുഃ ക്ഷിതൌ ക്ഷീണാഃ ക്ഷിതീശ്വരാഃ।
ശിഖരാണീവ ശേലാനാം വജ്രഭിന്നാനി മാനിഷ॥ 8-44-90 (57131)
സാരോഹാ നിഹതാഃ പേതുർദ്വിപാ ഭിന്നാ മഹീതലേ।
ഛിന്നഭിന്നവിപര്യസ്തവർമാലങ്കാരവിഗ്രഹാഃ॥ 8-44-91 (57132)
സാരോഹാസ്തുരഗാഃ പേതുർഹതവീരാഃ സഹസ്രശഃ।
വിപ്രവിദ്വായുധാംഗാശ്ച ദ്വിരദാ രഥിഭിർഹതാഃ।
പ്രതിവീരൈശ്ച സംമർദേ പത്തിസംഘാഃ സഹസ്രശഃ॥ 8-44-92 (57133)
വിശാലായതതാംരാക്ഷൈഃ പദ്മേന്ദുസദൃശാനനൈഃ।
ശിരോഭിര്യുദ്ധശൌണ്ഡാനാം സർവതഃ സംവൃതാ മഹീ॥ 8-44-93 (57134)
യഥാ ഭുവി തഥാ വ്യോംനി നിഃസ്വനം ശുശ്രുവുർജനാഃ।
വിമാനേഽപ്സരസാം സംഘൈർഗീതവാദിത്രനിഃസ്വനൈഃ॥ 8-44-94 (57135)
ഹതാനഭിമുഖാന്വീരാന്വീരൈഃ ശതസഹസ്രശഃ।
ആരോപ്യാരോപ്യ ഗച്ഛന്തി വിമാനേഷ്വപ്സരോഗണാഃ॥ 8-44-95 (57136)
തദ്ദൃഷ്ട്വാ മഹദാശ്ചര്യം പ്രത്യക്ഷം സ്വർഗലിപ്സയാ।
പ്രഹൃഷ്ടമനസഃ ശൂരാഃ ക്ഷിപ്രം ജഘ്നുഃ പരസ്പരം॥ 8-44-96 (57137)
രഥിനോ രഥിഭിഃ സാർധം ചിത്രം യുയുധുരാഹവേ।
പത്തയഃ പത്തിഭിർനാഗാഃ സഹ നാഗൈർഹയൈർഹയോഃ॥ 8-44-97 (57138)
ഏവം പ്രവൃത്തേ സംഗ്രാമേ ഗജവാജിനരക്ഷയേ।
സൈന്യേന രജസാ വൃത്തതേ സ്വേ സ്വാഞ്ജഘ്നുഃ പരേ പരാൻ॥ 8-44-98 (57139)
കചാകചം യുദ്ധമാസീദ്ദന്താദന്തി നഖാനഖി।
മുഷ്ടിയുദ്ധം നിയുദ്ധം ച ദേഹപാപ്മവിനാശനം॥ 8-44-99 (57140)
തഥാ വർതതതി സംഗ്രമേ ഗജവാജിനരക്ഷയേ।
നരാശ്വനാഗദേഹേഭ്യഃ പ്രസൃതാ ലോഹിതാപഗാ॥ 8-44-100 (57141)
ഗജാശ്വനരദേഹാൻസാ വ്യുവാഹ പതിതാൻബഹൂൻ।
നരാശ്വഗജസംബാധേ നരാശ്വഗജസാദിനാം॥ 8-44-10 (57142)
ലോഹിതോദാ മഹാഘോരാ മാംസശോണിതകർദമാ।
നരാശ്വഗജദേഹാന്വൈ വഹന്തീ ഭീരുഭീഷണാ॥ 8-44-10 (57143)
തസ്യാ നദ്യാഃ പരം പാരം വ്രജന്തി വിജയൈഷിണഃ।
നാഗേന ച പ്ലവന്തോ വൈ നിമജ്ജ്യോൻമജ്ജ്യ ചാപരേ॥ 8-44-10 (57144)
തേ തു ലോഹിതദിഗ്ധാംഗാ രക്തവർമായുധാംബരാഃ।
സസ്നുസ്തതസ്യാം പപുശ്ചാസ്രം മംലുശ്ച ഭരതർഷഭ॥ 8-44-10 (57145)
രഥാനശ്വാന്നാരാന്നാഗാനായുധാഭരണാനി ച।
വർമാണി ചാപ്യപശ്യാമ പതിതാനി സഹസ്രശഃ।
ഖം ദ്യാം ഭൂമിം ദിശശ്ചൈവ പ്രായഃ പശ്യാമ ലോഹിതാഃ॥ 8-44-10 (57146)
ലോഹിതസ്യ തു ഗന്ധേന സ്പർദേന ച രസേന ച।
രൂപേണ ചാതിരക്തതേന ശബ്ദേന ച വിസർപതാ।
വിഷാദഃ സുമഹാനാസീത്പ്രായഃ സൈന്യസ്യ ഭാരത॥ 8-44-10 (57147)
തത്തു വിപ്രഹതം സൈന്യം ഭീമസേനമുഖൈസ്തവ।
ഭൂയഃ സമാദ്രവന്വീരാഃ സാതത്യകിപ്രമുഖാസ്തദാ॥ 8-44-10 (57148)
തേഷാമാപതതതാം വേഗമവിഷഹ്യം നിരീക്ഷ്യ ച।
പുത്രാണാം തേ മഹാസൈന്യമാസീദ്രാജൻപരാങ്മുഖം॥ 8-44-10 (57149)
തത്പ്രകീർണരഥാശ്വേഭം നരവാജിസമാകുലം।
വിധ്വസ്തവർമകവചം പ്രവിദ്വായുധകാർമുകം॥ 8-44-10 (57150)
വ്യദ്രവത്താവകം സൈന്യം ലോഡ്യമാനം സമന്തതഃ।
സിംഹാർദിതമിവാരണ്യേ യഥാ ഗജകുലം തഥാ॥ ॥ 8-44-10 (57151)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ചതുശ്ചത്വാരിംശോഽധ്യായഃ॥ 44 ॥
Mahabharata - Karna Parva - Chapter Footnotes
॥ ശ്രീഃ ॥
8.45. അധ്യായഃ 045
Mahabharata - Karna Parva - Chapter Topics
കർണം പരാജിത്യ ജിഘാംസോർഭീമസ്യ ശല്യേന ഹേതുകയഹപൂർവകം നിഷേധനം॥ 1 ॥
Mahabharata - Karna Parva - Chapter Text
8-45-0 (57152)
സഞ്ജയ ഉവാച। 8-45-0x (4957)
താനഭിദ്രവതോ ദൃഷ്ട്വാ പാണ്ഡവാംസ്താവകം ബലം। 8-45-1 (57153)
അന്തമദ്യ ഗമിഷ്യാമി തസ്യ ദുഃഖസ്യ പാർഷത॥ 8-45-10 (57162)
ഹന്താസ്ംയദ്യ രണേ കർണം സ വാ മാം നിഹനിഷ്യതി।
സംഗ്രാമേഽദ്യ സുഘോരേഽസ്മിൻസത്യമേതദ്ബ്രവീമി വഃ॥ 8-45-11 (57163)
രാജാനമദ്യ ഭവതാം ന്യാസഭൂതം ദദാനി വൈ।
തസ്യ സംരക്ഷണേ സർവേ യതധ്വം വിഗതജ്വരാഃ॥ 8-45-12 (57164)
ഏവമുക്ത്വാ മഹാബാഹുഃ പ്രായാദാധിരഥിം പ്രതി।
സിംഹനാദേന മഹതാ സർവാഃ സന്നാദയന്ദിശഃ॥ 8-45-13 (57165)
ദൃഷ്ട്വാ ത്വരിതമായാന്തം ഭീമം യുദ്ധാഭിനന്ദിനം।
സൂതപുത്രമഥോവാച മദ്രാണാമീശ്വരോ വിഭുഃ॥ 8-45-14 (57166)
ശല്യ ഉവാച। 8-45-15x (4958)
പശ്യ കർണ മഹാബാഹും സങ്ക്രുദ്ധം പാണ്ഡുനന്ദനം।
ദീർഘകാലാർജിതം ക്രോധം മോക്തുകാമം ത്വയി ധ്രുവം॥ 8-45-15 (57167)
ഈദൃശം നാസ്യ രൂപം മേ ദൃഷ്ടപൂർവം കദാചന।
അഭിമന്യൌ ഹതേ കർണ രാക്ഷസേ ച ഘടോത്കചേ॥ 8-45-16 (57168)
ത്രൈലോക്യസ്യ സമസ്തസ്യ ശക്തഃ ക്രുദ്ധോ നിവാരണേ।
ബിഭർതി സദൃശം രൂപം യുഗാന്താഗ്നിസമപ്രഭം॥ 8-45-17 (57169)
സഞ്ജയ ഉവാച। 8-45-18x (4959)
ഇതി ബ്രുവതി രാധേയം മദ്രാണാമീശ്വരേ നൃപ।
അഭ്യവർതത വൈ കർണം ക്രോധദീപ്തതോ വൃകോദരഃ॥ 8-45-18 (57170)
അഥാഗതം തു സംപ്രേക്ഷ്യ ഭീമം യുദ്ധാഭിനന്ദിനം।
അബ്രവീദ്വചനം ശല്യം രാധേയഃ പ്രഹസന്നിവ॥ 8-45-19 (57171)
യദുക്തം വചനം മേഽദ്യ ത്വയാ മദ്രജനേശ്വര।
ഭീമസേനം പ്രതി വിഭോ തത്സത്യം നാത്ര സംശയഃ॥ 8-45-20 (57172)
ഏഷ ശൂരശ്ച വീരശ്ച ക്രോധനശ്ച വൃകോദരഃ।
നിരപേക്ഷഃ ശരീരേ ച പ്രാണതശ്ച ബലാധികഃ॥ 8-45-21 (57173)
അജ്ഞാതവാസം വസതാ വിരാടനഗരേ തദാ।
ദ്രൌപദ്യാഃ പ്രിയകാമേന കേവലം ബാഹുസംശ്രയാത്।
ഗൂഢഭാവം സമാശ്രിത്യ കീചകഃ സഗണോ ഹതഃ॥ 8-45-22 (57174)
സോഽദ്യ സംഗ്രാമശിരസി സന്നദ്വഃ ക്രോധമൂർച്ഛിതഃ।
കിം കരോദ്യതദണ്ഡേന മൃത്യുനാപി വ്രജേദ്രണം॥ 8-45-23 (57175)
ചിരകാലാഭിലഷിതോ മമായം തു മനോരഥഃ।
അർജുനം സമരേ ഹന്യാം മാം വാ ഹന്യാദ്വനഞ്ജയഃ॥ 8-45-24 (57176)
സ മേ കദാചിദദ്യൈവ ഭവേദ്ഭീമസമാഗമാത്॥ 8-45-25 (57177)
നിഹതേ ഭീമസേനേ വാ യദി വാ വിരഥീകൃതേ।
അഭിയാസ്യതി മാം പാർഥസ്തൻമേ സാധു ഭവിഷ്യതി।
അത്ര യൻമന്യസേ പ്രാപ്തം തച്ഛീഘ്രം സംപ്രധാരയ॥ 8-45-26 (57178)
സഞ്ജയ ഉവാച। 8-45-27x (4960)
ഏതച്ഛ്രുത്വാ തു വചനം രാധേയസ്യാമിതൌജസഃ।
ഉവാച വചനം ശല്യഃ സൂതപുത്രം തഥാഗതം॥ 8-45-27 (57179)
അഭിയാഹി മഹാബാഹോ ഭീമസേനം മഹാബലം।
നിരപേക്ഷശ്ച യുധ്യസ്വ ശക്തിം സ്വാം സംപ്രദർശയൻ॥ 8-45-28 (57180)
യസ്തേ കാമോഽഭിലഷിതശ്ചിരാത്പ്രഭൃതി ഹൃദ്ഗതതഃ।
സ വൈ സംപത്സ്യതേ കർണ സത്യമേതദ്ബ്രവീമി തേ॥ 8-45-29 (57181)
ഏവമുക്തേ തതഃ കർണഃ ശല്യം പുനരഭാഷത।
ഹന്താഽഹമേനം സംരബ്ധം മാം വാ ഹന്താ വൃകോദരഃ॥ 8-45-30 (57182)
ഏവമുക്ത്വാ മഹാരാജ രാധേയോ രഥിനാം വരഃ।
യുദ്ധേ മനഃ സമാധായ യാഹി യാഹീത്യചോദയത്॥ 8-45-31 (57183)
തതഃ പ്രായാദ്രഥേനാശു ശല്യസ്തത്ര വിശാംപതേ।
യത്ര ഭീമോ മഹേഷ്വാസോ വ്യദ്രാവയത വാഹിനീം॥ 8-45-32 (57184)
തതസ്തൂര്യനിനാദശ്ച ഭേരീണാം ച മഹാസ്വനഃ।
ഉദതിഷ്ഠച്ച രാജേന്ദ്ര കർണഭീമസമാഗമേ॥ 8-45-33 (57185)
ഭീമസേനോഽഥഥ സങ്ക്രുദ്ധസ്തസ്യ സൈന്യം ദുരാസദം।
നാരാചൈർവിമലൈസ്തീക്ഷ്ണൈർദിശഃ പ്രാദ്രാവയദ്ബലീ॥ 8-45-34 (57186)
സ സന്നിപാതസ്തതുമുലോ ഘോരരൂപോ വിശാംപതേ।
ആസീദ്രൌദ്രോ മഹാരാജ കർണപാണ്ഡവയോർമൃധേ॥ 8-45-35 (57187)
തതോ മുഹൂർതാദ്രാജേന്ദ്ര നാതികൃച്ഛ്രാദ്ധസന്നിവ।
ഭീമസേനോ മഹാബാഹുഃ കർണം പ്രേപ്സുരഭിദ്രവത്॥ 8-45-36 (57188)
സമാപതന്തം സംപ്രേക്ഷ്യ കർണോ വൈകർതനോ വൃഷാ।
ആജഘാന സുസങ്ക്രുദ്ധോ നാരാചേന സ്തനാന്തരേ।
പുനശ്ചൈനമമേയാത്മാ ശരവർഷൈരവാകിരത്॥ 8-45-37 (57189)
സ വിദ്വഃ സൂതപുത്രേണ ച്ഛാദയാമാസ പത്രിഭിഃ।
വിവ്യാധ നിശിതൈഃ കർണം നവഭിർനതപർവഭിഃ॥ 8-45-38 (57190)
തസ്യ കർണോ ധനുർമധ്യേ ദ്വിധാ ചിച്ഛേദ പത്രിഭിഃ॥ 8-45-39 (57191)
അഥൈനം ഛിന്നധന്വാനം പ്രതത്യവിധ്യത്സ്തനാന്തരേ।
നാരാചേന സുതീക്ഷ്ണേന സർവാവരണഭേദിനാ॥ 8-45-40 (57192)
സോഽന്യത്കാർമുകമാദായ സൂതതപുത്രം വൃകോദരഃ।
രാജൻമർമസു മർമജ്ഞോ വിവ്യാധ നിശിതൈഃ ശരൈഃ।
നനാദ ബലവന്നാദം കംപയന്നിവ രോദസീ॥ 8-45-41 (57193)
തതം കർണഃ പഞ്ചവിംശത്യാ നാരാചാനാം സമാർപയത്।
മദോത്കടം വനേ ദൃപ്തതമുൽകാഭിരിവ കുഞ്ജരം॥ 8-45-42 (57194)
തതഃ സായകഭിന്നാംഗഃ പാണ്ഡവഃ ക്രോധമൂർച്ഛിതഃ।
സംരംഭാമർഷതാംരാക്ഷഃ സൂതപുത്രവധേപ്സയാ॥ 8-45-43 (57195)
സ കാർമുകേ മഹാവേഗം ഭാരസാധനമുത്തമം।
ഗിരീണാമപി ഭേത്താരം സായകം സമയോജയത്॥ 8-45-44 (57196)
വികൃഷ്യ ബലവച്ചാപമാകർണാദതിമാരുതിഃ।
തം മുമോച മഹേഷ്വാസഃ ക്രുദ്ധഃ കർണജിഘാംസയാ॥ 8-45-45 (57197)
സ വിസൃഷ്ടോ ബലവതാ ബാണോ വജ്രാശനിസ്വനഃ।
അദാരയദ്രണേ കർണം വജ്രവേഗോ യഥാഽചലം॥ 8-45-46 (57198)
സ ഭീമസേനാഭിഹതഃ സൂതപുത്രഃ കുരൂദ്വഹ।
നിഷസാദ രഥോപസ്ഥേ വിസഞ്ജ്ഞഃ പൃതനാപതിഃ।
`രുധിരേണാവസിക്താംഗോ ഗതാസുവദരിന്ദമഃ॥ 8-45-47 (57199)
ഏതസ്മിന്നന്തരേ ദൃഷ്ട്വാ മദ്രരാജോ വൃകോദരം।
ജിഘാംസും ഛേത്തുമായാന്തം സാധയന്നിദമബ്രവീത്॥ 8-45-48 (57200)
ഭീമസേന മഹാബാഹോ യതത്തത്വാം വക്ഷ്യാമി തച്ഛൃണു।
വചനം ഹേതുസംപന്നം ശ്രുത്വാ ചൈതത്തഥാ കുരു॥ 8-45-49 (57201)
അർജുനേന പ്രതിജ്ഞാതോ വധഃ കർണസ്യ ശുഷ്മിണഃ।
താം തഥാ കുരു ഭദ്രം തേ പ്രതിജ്ഞാം സവ്യസാചിനഃ॥ 8-45-50 (57202)
ഭീമസേന ഉവാച। 8-45-51x (4961)
ദൃഢവ്രതത്വം പാർഥസ്യ ജാനാമി നൃപസത്തമ।
രാജ്ഞസ്തു ധർഷണം പാപഃ കൃതവാൻമമ സന്നിധൌ॥ 8-45-51 (57203)
തതഃ കോപാഭിഭൂതേന ശേഷം ന ഗണിതം മയാ।
പതിതേ ചാപി രാധേയേ ന മേ മന്യുഃ ശമം ഗതഃ)।
ജിഹ്വോദ്വരണമേവാസ്യ പ്രാപ്തകാലം മതം മമ॥ 8-45-52 (57204)
അനേന സുനൃശംസേന സമവേതേഷു രാജസു।
അസ്മാകം ശൃണ്വതാം ശല്യ യാനി വാക്യാനി മാതുല।
അസഹേയാനി നീചാനി ബഹൂനി ശ്രാവിതാനി ഭോ॥ 8-45-53 (57205)
നൂനം ചൈതത്പ്രതിജ്ഞാതം ദൂരസ്ഥസ്യാപി പാർഥിവ।
ഛേദനം ചാസ്യ ജിഹ്വായാസ്തദൈവാകാങ്ക്ഷിതം മയാ।
രാജ്ഞസ്തു പ്രിയകാമേന കാലോഽയം പരിപാലിതഃ॥ 8-45-54 (57206)
ഭവതാ തു യദുക്തോഽസ്മി വാക്യം ഹേത്വർഥസംഹിതം।
തദ്ഗൃഹീതം മഹാരാത കടുകസ്ഥമിവൌഷധം॥ 8-45-55 (57207)
ഹീനപ്രതിജ്ഞോ ബീഭത്സുർന ഹി ജീവേത കർഹിചിത്।
അസ്മിന്വിനഷ്ടേ നഷ്ടാഃ സ്മഃ സർവ ഏവ സകേശവാഃ॥ 8-45-56 (57208)
അദ്യ ചൈവ നൃശംസാത്മാ പാപഃ പാപകൃതാം വരഃ।
ഗമിഷ്യതതി പരീഭാവം ദൃഷ്ടമാത്രഃ കിരീടിനാ॥ 8-45-57 (57209)
യുധിഷ്ഠിരസ്യ കോപേന പൂർവം ദഗ്ധോ നൃശംസകൃത്।
ത്വയാ സംരക്ഷിതതസ്തത്വദ്യ മത്സമീപാദുപാഗതഃ॥ 8-45-58 (57210)
സഞ്ജയ ഉവാച।' 8-45-59x (4962)
ഏവം മദ്രാധിപഃ ശ്രുത്വാ വിസഞ്ജ്ഞം സൂതനന്ദനം।
അപോവാഹ രഥേനാജൌ കർണമാഹവശോഭിനം॥ 8-45-59 (57211)
പരാജിതേ തതഃ കർണേ ധാർതരാഷ്ട്രീ മഹാചമൂഃ।
വ്യപായാത്സർവതോ ഭഗ്നാ ഹാഹാഭൂതാ സമന്തതഃ॥ ॥ 8-45-60 (57212)
ഇതി ശ്രീമൻമഹാഭാരതേ കർണപർവണി സപ്തതദശദിവസയുദ്ധേ പഞ്ചചത്വാരിംശോഽധ്യായഃ॥ 45 ॥
Mahabharata - Karna Parva - Chapter Footnotes
॥ ശ്രീഃ ॥
8.46. അധ്യായഃ 046
Mahabharata - Karna Parva - Chapter Topics
ഭീമകർണയോര്യുദ്ധം॥ 1 ॥ ഭീമേന ദുര്യോധനാനുജാനാം കതിപയാനാം ഹനനം॥ 2 ॥ സങ്കുലയുദ്ധം ച॥ 3 ॥
Mahabharata - Karna Parva - Chapter Text
8-46-0 (57213)
ധൃതരാഷ്ട്ര ഉവാച। 8-46-0x (4963)
സുദുഷ്കരമിദം കർമ കൃതം ഭീമേന സഞ്ജയ।
യേന കർണോ മഹാബാഹൂ രഥോപസ്ഥേ നിപാതിതഃ॥ 8-46-1 (57214)
കർണോ ഹ്യേകോ രണേ ഹന്താ പാണ്ഡവാൻസൃഞ്ജയൈഃ സഹ।
ഇതി ദുര്യോധനഃ സൂത പ്രാബ്രവീൻമാം മുഹുർമുഹുഃ॥ 8-46-2 (57215)
പരാജിതം തു രാധേയം ദൃഷ്ട്വാ ഭീമേന സംയുഗേ।
തതഃ പരം കിമകരോത്പുത്രോ ദുര്യോധനോ മമ॥ 8-46-3 (57216)
സഞ്ജയ ഉവാച। 8-46-4x (4964)
വിമുഖം പ്രേക്ഷ്യ രാധേയം സൂതപുത്രം മഹാഹവേ।
പുത്രസ്തവ മഹാരാജ സോദര്യാനിദമബ്രവീത്॥ 8-46-4 (57217)
ശീഘ്രം ഗച്ഛത ഭദ്രം വോ രാധേയം പരിരക്ഷത।
ഭീമസേനഭയേഽഗാധേ മ·ജ്ജന്തം വ്യസനാർണവേ॥ 8-46-5 (57218)
തേ തു രാജ്ഞാ സമാദിഷ്ടാ ഭീമസേനം ജിഘാംസവഃ।
അഭ്യവർതന്ത സങ്ക്രുദ്ധാഃ പതംഗാഃ പാവകം യഥാ॥ 8-46-6 (57219)
ശ്രുതായുർദുർധരഃ ക്രാഥോ വിവിത്സുർവികടഃ സമഃ।
നിഷംഗീ കവചീ പാശീ തഥാ നന്ദോപനന്ദകൌ॥ 8-46-7 (57220)
ദുഷ്പ്രധർഷഃ സുബാഹുശ്ച വാതവേഗസുവർചസൌ।
ധനുർഗ്രാഹോ ദുർമദശ്ച ജലസന്ധഃ ശലഃ സഹഃ॥ 8-46-8 (57221)
ഏതേ രഥൈഃ പരിവൃതാ വീര്യവന്തോ മഹാബലാഃ।
ഭീമസേനം സമാസാദ്യ സമന്താത്പര്യവാരയൻ॥ 8-46-9 (57222)
തേ വ്യമുഞ്ചഞ്ഛരവ്രാതാന്നാനാലിംഗാൻസമന്തതഃ।
സ തൈരഭ്യർദ്യമാനസ്തു ഭീമസേനോ മഹാബലഃ॥ 8-46-10 (57223)
തേഷാമാപതതാം ക്ഷിപ്രം സുതാനാം തേ ജനാധിപ।
രഥൈഃ പഞ്ചശതൈഃ സാർധം പഞ്ചാശദഹനദ്രഥാൻ॥ 8-46-11 (57224)
വിവിത്സോസ്തു തതഃ ക്രുദ്ധോ ഭല്ലേനാപാഹരച്ഛിരഃ।
ഭീമസേനോ മഹാരാജ തത്പപാത ഹതം ഭുവി॥ 8-46-12 (57225)
സകുണ്ഡലശിരസ്ത്രാണം പൂർണചന്ദ്രോപമം തഥാ।
`അശോഭത മഹാരാജ പൂർണചന്ദ്ര ഇവാംബരേ'॥ 8-46-13 (57226)
തം ദൃഷ്ട്വാ നിഹതം ശൂരം ഭ്രാതരഃ സർവതസ്തദാ।
അഭ്യദ്രവന്ത സമരേ ഭീമം ഭീമപരാക്രമം॥ 8-46-14 (57227)
തതോഽപരാഭ്യാം ഭല്ലാഭ്യാം പുത്രയോസ്തേ മഹാഹവേ।
ജഹാര സമരേ പ്രാണാൻഭീമോ ഭീമപരാക്രമഃ॥ 8-46-15 (57228)
തൌ ധരാമന്വപദ്യേതാം വാതരുഗ്ണാവിവ ദ്രുമൌ।
വികടശ്ച സഹശ്ചോമൌ ദേവപുത്രോപമൌ നൃപ॥ 8-46-16 (57229)
തതസ്തു ത്വരിതോ ഭീമഃ ക്രാഥം നിന്യേ യമക്ഷയം।
നാരാചേന സുതീക്ഷ്ണേന സ ഹതോ ന്യപതദ്ഭുവി॥ 8-46-17 (57230)
ഹാഹാകാരസ്തതസ്തീവ്രഃ സംബഭൂവ ജനേശ്വര।
വധ്യമാനേഷു വീരേഷു തവ പുത്രേഷു ധന്വിഷു॥ 8-46-18 (57231)
തേഷാം സുലുലിതേ സൈന്യേ പുനർഭീമോ മഹാബലഃ।
നന്ദോപനന്ദൌ സമരേ പ്രൈഷയദ്യമസാദനം॥ 8-46-19 (57232)
തതസ്തേ പ്രാദ്രവൻഭീതാഃ പുത്രാസ്തേ വിഹ്വലീകൃതാഃ।
ഭീമസേനം രണേ ദൃഷ്ട്വാ കാലാന്തകയമോപമം॥ 8-46-20 (57233)
പുത്രാംസ്തേ നിഹതാന്ദൃഷ്ട്വാ സൂതപുത്രഃ സുദുർമനാഃ।
ഹംസവർണാൻഹയാൻഭൂയഃ പ്രൈഷയദ്യത്ര പാണ്ഡവഃ॥ 8-46-21 (57234)
തേ പ്രേഷിതാ മഹാരാജ മദ്രരാജേന വാജിനഃ।
ഭീമസേനരഥം പ്രാപ്യ സമസജ്ജന്ത വേഗിതാഃ॥ 8-46-22 (57235)
സ സന്നിപാതസ്തുമുലോ ഘോരരൂപോ വിശാംപതേ।
ആസീദ്രൌദ്രോ മഹാരാജ കർണപാണ്ഡവയോർമൃധേ॥ 8-46-23 (57236)
ദൃഷ്ട്വാ മമ മഹാരാജ തൌ സമേതൌ മഹാരഥൌ।
ആസീദ്ബുദ്വിഃ കഥം യുദ്വമേതദദ്യ ഭവിഷ്യതി॥ 8-46-24 (57237)
തതോ ഭീമോ രണശ്ലാഘീ ഛാദയാമാസ പത്രിഭിഃ।
കർണം രണേ മഹാരാജ പുത്രാണാം തവ പശ്യതാം॥ 8-46-25 (57238)
തതഃ കർണോ ഭൃശം ക്രുദ്ധോ ഭീമം നവഭിരായസൈഃ।
വിവ്യാധ പരമാസ്ത്രജ്ഞോ ഭല്ലൈഃ സന്നതപർവഭിഃ॥ 8-46-26 (57239)
താന്നിഹത്യ മഹാബാഹുർഭീമോ ഭീമപരാക്രമഃ।
ആകർണപൂർണൈർവിശിഖൈഃ കർണം വിവ്യാധ സപ്തഭിഃ॥ 8-46-27 (57240)
തതഃ കർണോ മഹാരാജ ആശീവിഷ ഇവ ശ്വസൻ।
ശരവർഷേണ മഹതാ ഛാദയാമാസ പാണ്ഡവം॥ 8-46-28 (57241)
ഭീമോഽപി തതം ശരവ്രാതൈശ്ഛാദയിത്വാ മഹാരഥം।
പശ്യതാം കൌരവേയാണാം വിനനർദ മഹാബലഃ॥ 8-46-29 (57242)
തതഃ കർണോ ഭൃശം ക്രുദ്ധോ ദൃഢമാദായ കാർമുകം।
ഭീമം വിവ്യാധ ദശഭിഃ കങ്കപത്രൈഃ ശിലാശിതൈഃ।
കാർമുകം ചാസ്യ ചിച്ഛേദ ഭല്ലേന നിശിതേന ച॥ 8-46-30 (57243)
തതോ ഭീമോ മഹാബാഹുർഹേമപട്ടവിഭൂഷിതം।
പരിഘം ഘോരമാദായ മൃതത്യുദണ്ഡമിവാപരം।
കർണസ്യ നിധനാകാങ്ക്ഷീ ചിക്ഷേപാതിബലോ നദൻ॥ 8-46-31 (57244)
തമാപതന്തം പരിഘം വജ്രാശനിസമസ്വനം।
ചിച്ഛേദ ബഹുധാ കർണഃ ശരൈരാശീവിഷോപമൈഃ॥ 8-46-32 (57245)
തതഃ കാർമുകമാദായ ഭീമോ ദൃഢതരം തദാ।
ഛാദയാമാസ വിശിഖൈഃ കർണം പരബലാർദനം॥ 8-46-33 (57246)
തതോ യുദ്ധമഭൂദ്ധോരം കർണപാണ്ഡവയോർമൃധേ।
ബലീന്ദ്രയോരിവ മുഹുഃ പരസ്പരവധൈഷിണോഃ॥ 8-46-34 (57247)
തതഃ കർണോ മഹാരാജ ഭീമസേനം ത്രിഭിഃ ശരൈഃ।
ആകർണപൂർണൈർവിവ്യാധ ദൃഢമാനംയ കാർമുകം॥ 8-46-35 (57248)
സോഽതിവിദ്ധോ മഹേഷ്വാസഃ കർണേന ബലിനാം വരഃ।
ഘോരമാദത്ത വിശിഖം കർണകായാവദാരണം॥ 8-46-36 (57249)
തസ്യ ഭിത്ത്വാ തനുത്രാണം ഭിത്ത്വാ കായം ച സായകഃ।
പ്രാവിശദ്വരണീം രാജന്വൽമീകമിവ പന്നഗഃ॥ 8-46-37 (57250)
സ തേനാതിപ്രഹാരേണ വ്യഥിതോ വിഹ്വലന്നിവ॥
സഞ്ചചാല രഥേ കർണഃ ക്ഷിതികംപേ യഥാഽചലഃ॥ 8-46-38 (57251)
തതഃ കർണോ മഹാരാജ രോഷാമർഷസമന്വിതഃ।
ഭീമം തം പഞ്ചവിംശത്യാ നാരാചാനാം സമാർപയത്॥ 8-46-39 (57252)
ചിച്ഛേദ കാർമുകം തൂർണം പാണ്ഡവസ്യാശു പത്രിണാ॥ 8-46-40 (57253)
തതതോ മുഹൂർതാദ്രാജേന്ദ്ര നാതികൃച്ഛ്രാദ്വസന്നിവ।
വിരഥം ഭീമകർമാണം ഭീമം കർണശ്ചകാര ഹ॥ 8-46-41 (57254)
വിരഥോ ഭരതശ്രേഷ്ഠ പ്രഹസന്നനിലോപമഃ।
ഗദാം ഗൃഹ്യ മഹാബാഹുരപതത്സ്യന്ദനോത്തമാത്॥ 8-46-42 (57255)
ഗദയാ ച മഹാരാജ കർണസ്യ രഥകൂബരം।
പോഥയാമാസ സങ്ക്രുദ്ധഃ സമരേ ശത്രുതാപനഃ॥ 8-46-43 (57256)
സ ക്രോധവശമാപന്നഃ പാണ്ഡുപുത്രഃ പ്രതാപവാൻ।
വിദ്രാവ്യ ഗദയാ വീരസ്തവ പുത്രാൻമഹാഹവേ॥ 8-46-44 (57257)
നാഗാൻസപ്തശതാന്രാജന്നീഷാദന്താൻപ്രഹാരിണഃ।
വ്യധമത്സഹസാ ഭീമഃ ക്രുദ്ധരൂപഃ പരന്തപഃ॥ 8-46-45 (57258)
ദന്തവേഷ്ടേഷു നേത്രേഷു കുംഭേഷു ച കടേഷു ച।
മർമസ്വപി ച മർമജ്ഞസ്താന്നാഗാനവധീദ്ബലീ॥ 8-46-46 (57259)
`അർദിതാ ഭീമസേനേന വിനദന്തോ ഭൃശാതുരാഃ'।
തതസ്തേ പ്രാദ്രവൻഭീതാഃ പ്രഹതാശ്ച പുനഃപുനഃ।
മഹാമാത്രാസ്തമാവവ്രുർമേഘാ ഇവ ദിവാകരം॥ 8-46-47 (57260)
താൻസ സപ്തശതാന്നാഗാൻസാരോഹായുധകേതനാൻ।
ഭൂമിഷ്ഠോ ഗദയാ ജഘ്നേ വജ്രേണേന്ദ്ര ഇവാചലാൻ॥ 8-46-48 (57261)
തതഃ സുബലപുത്രസ്യ നാഗാനതിബലാൻപുനഃ।
പോഥയാമാസ കൌന്തേയോ ദ്വിപഞ്ചാശദരിന്ദമഃ॥ 8-46-49 (57262)
തഥാ രഥശതതം സാഗ്രം പത്തീംശ്ച ശതശോഽപരാൻ।
ന്യഹനത്പാണ്ഡവോ യുദ്ധേ താപയംസ്തവ വാഹിനീം॥ 8-46-50 (57263)
പ്രതാപ്യമാനം സൂര്യേണ ഭീമേന ച മഹാത്മനാ।
തവ സൈന്യം സഞ്ചുകോച ചർമാഗ്നാവാഹിതം യഥാ॥ 8-46-51 (57264)
തേ ഭീമഭയസന്ത്രസ്താസ്താവകാ ഭരതർഷഭ।
വിഹായ സമരേ കർണം ദുദ്രുവുർവൈ ദിശോ ദശ॥ 8-46-52 (57265)
രഥാഃ പഞ്ചശതാശ്ചാന്യേ ഹാദിനഃ ശരവർഷിണഃ।
ഭീമമഭ്യദ്രവൻഘ്നന്തഃ ശരപൂഗൈഃ സമന്തതഃ॥ 8-46-53 (57266)
താൻസ പഞ്ചശതാന്വീരാൻസപതാകധ്വജായുധാൻ।
പോഥയാമാസ ഗദയാ ഭീമോ വിഷ്ണുരിവാസുരാൻ॥ 8-46-54 (57267)
തതഃ ശകുനിനിർദിഷ്ടാഃ സാദിനഃ ശൂരസംമതാഃ।
ത്രിസാഹസ്രാണ്യഭിയയുഃ ശരശക്ത്യൃഷ്ടിപാണയഃ॥ 8-46-55 (57268)
താൻപ്രത്യുദ്ഗംയ യവനാൻസാശ്വാരോഹാംസ്തദാഽരിഹാ।
വിവിധാന്വിചരൻമാർഗാൻഗദയാ സമപോഥയത്॥ 8-46-56 (57269)
തേഷാമാസീൻമഹാഞ്ഛബ്ദസ്താഡിതാനാം ച സർവശഃ।
അഗ്നിഭിർദഹ്യമാനാനാം നലാനാമിവ ഭാരത॥ 8-46-57 (57270)
ഏവം സുബലപുത്രസ്യ ത്രിസാഹസ്രാൻഹയോത്തമാൻ।
ഹത്വാഽന്യം രഥമാസ്ഥായ ക്രുദ്ധോ രാധേയമഭ്യയാത്॥ 8-46-58 (57271)
കർണോഽപി സമരേ രാജന്ധർമപുത്രമരിന്ദമം।
സ ശരൈശ്ഛാദയാമാസ സാരഥിം ചാപ്യപാതയത്॥ 8-46-59 (57272)
തതഃ സ പ്രദ്രുതം സൈന്യം ദൃഷ്ട്വാ കർണോ മഹാരഥഃ।
അന്വധാവത്കിരൻബാണൈഃ കങ്കപത്രൈരജിഹ്മഗൈഃ॥ 8-46-60 (57273)
രാജാനമഭിധാവന്തം ശരൈരാവൃത്യ രോദസീ।
ക്രുദ്ധഃ പ്രച്ഛാദയാമാസ ശരജാലേന മാരുതിഃ॥ 8-46-61 (57274)
സന്നിവൃത്തസ്തതസ്തൂർണം രാധേയഃ ശത്രുകർശനഃ।
ഭീമം പ്രച്ഛാദയാമാസ സമന്താന്നിശിതൈഃ ശരൈഃ॥ 8-46-62 (57275)
ഭീമസേനരഥപ്രേപ്സും കർണം ഭാരത സാത്യകിഃ।
അഭ്യർദയദമേയാത്മാ പാർഷ്ണിഗ്രഹണകാരണാത്॥ 8-46-63 (57276)
ഭീമസേനരഥപ്രേപ്സും കർണോ ഭാരത സാത്യകിം।
അഭ്യവർതത ശൈനേയമർദയഞ്ഛരവൃഷ്ടിഭിഃ॥ 8-46-64 (57277)
താവന്യോന്യം സമാസാദ്യ വൃഷഭൌ സർവധന്വിനാം।
വിസൃജന്തൌ ശരാന്ദീപ്താന്വിഭ്രാജേതാം മനസ്വിനൌ॥ 8-46-65 (57278)
താഭ്യാം വിയതി രാജേന്ദ്ര വിതതതതം ഭീമദർശനം।
കൌഞ്ചപൃഷ്ഠാരുണം രൌദ്രം ബാണജാലം വ്യദൃശ്യത॥ 8-46-66 (57279)
നൈവ സൂര്യപ്രഭാ രാജന്ന ദിശഃ പ്രദിശസ്തഥാ।
പ്രാജ്ഞാസിഷ്മ വയം തേ വാ ശരൈർമുക്തൈഃ സഹസ്രശഃ॥ 8-46-67 (57280)
മധ്യാഹ്നേ തപതോ രാജൻഭാസ്കരസ്യ മഹാപ്രഭാഃ।
ഹൃതാഃ സർവാഃ ശരൌഘൈസ്തൈഃ കർണമാധവയോസ്തദാ॥ 8-46-68 (57281)
സൌബലം കൃതവർമാണം ദ്രൌണിമാധിരഥിം കൃപം।
സംസക്താൻപാണ്ഡവൈർദൃഷ്ട്വാ നിവൃത്താഃ കുരവഃ പുനഃ॥ 8-46-69 (57282)
തേഷാമാപതതാം ശബ്ദസ്തീത്ര ആസീദ്വിശാംപതേ।
ഉദ്വൃത്താനാം യഥാ വൃഷ്ട്യാ സാഗരാണാം ഭയാവഹഃ॥ 8-46-70 (57283)
തേ സേനേ ഭൃശസംസക്തേ ദൃഷ്ട്വാഽന്യോന്യം മഹാഹവേ।
ഹർഷേണ മഹതാ യുക്തേ പരിഗൃഹ്യ പരസ്പരം॥ 8-46-71 (57284)
തതഃ പ്രവവൃതേ യുദ്ധം മധ്യം പ്രാപ്തേ ദിവാകരേ।
യാദൃശം നൈവമസ്മാഭിർദൃഷ്ടപൂർവം ന ച ശ്രുതം॥ 8-46-72 (57285)
ബലൌഘസ്തു സമാസാദ്യ ബലൌഘം സഹസാ രണേ।
ഉപസർപത വേഗേന വാര്യോഘ ഇവ സാഗരം॥ 8-46-73 (57286)
ആസീന്നിനാദഃ സുമഹാൻബാണൌഘാനാം പരസ്പരം।
ഗർജതാം സാഗരൌഘാണാം യഥാ സ്യാന്നിഃസ്വനോ മഹാൻ॥ 8-46-74 (57287)
തേ തു സേനേ സമാസാദ്യ വേഗവത്യൌ പരസ്പരം।
ഏകീഭാവമനുപ്രാപ്തേ നദ്യാവിവ സമാഗമേ॥ 8-46-75 (57288)
തതഃ പ്രവവൃതേ യുദ്ധം ഘോരരൂപം വിശാംപതേ।
കുരൂണാം പാണ്ഡവാനാം ച ലിപ്സതാം സുമഹദ്യശഃ॥ 8-46-76 (57289)
ശൂരാണാം ഗർജതാം തത്ര ഹ്യവിച്ഛേദകൃതാ ഗിരഃ।
ശ്രുയന്തേ വിവിധാ രാജന്നാമാന്യുദ്ദിശ്യ ഭാരത॥ 8-46-77 (57290)
യസ്യ യദ്ധി രണേ വ്യംഗം പിതൃതോ മാതൃതോഽപി വാ।
കർമതഃ ശീലതോ വാഽപി സ തച്ഛ്രാവയതേ യുധി॥ 8-46-78 (57291)
താന്ദൃഷ്ട്വാ സമരേ ശൂശാംസ്തർജമാനാൻപരസ്പരം।
അഭവൻമേ മതീ രാജന്നൈഷാമസ്തീതി ജീവിതം॥ 8-46-79 (57292)
തേഷാം ദൃഷ്ട്വാ തു ക്രുദ്ധാനാം വപൂംഷ്യമിതതേജസാം।
അഭവൻമേ ഭയം തീവ്രം കഥമേതദ്ഭവിഷ്യതി॥ 8-46-80 (57293)
തതസ്തേ പാണ്ഡവാ രാജൻകൌരവാശ്ച മഹാരഥാഃ।
തതക്ഷുഃ സായകൈസ്തൂർണമന്യോന്യം വിജയൈഷിണഃ॥ ॥ 8-46-81 (57294)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ഷട്ചത്വാരിംശോഽധ്യായഃ॥ 46 ॥
॥ ശ്രീഃ ॥
8.47. അധ്യായഃ 047
Mahabharata - Karna Parva - Chapter Topics
സങ്കുലയുദ്ധം॥ 1 ॥
Mahabharata - Karna Parva - Chapter Text
8-47-0 (57295)
സഞ്ജയ ഉവാച। 8-47-0x (4965)
ക്ഷത്രിയാസ്തേ മഹാരാജ പരസ്പരവധൈഷിണഃ।
അന്യോന്യം സമരേ ജഘ്നുഃ കൃതവൈരാ മഹൌജസഃ॥ 8-47-1 (57296)
രഥൌഘാശ്ച ഹയൌഘാശ്ച നരൌഘാശ്ച സമന്തതഃ।
ഗജൌഘാശ്ച മഹാരാജ സംസക്താശ്ച പരസ്പരം॥ 8-47-2 (57297)
ഗദാനാം പരിഘാണാം ച ശക്തീനാം ച പരസ്പരം।
പ്രാസാനാം ഭിണ്ഡിപാലാനാം മുസുണ്ഠീനാം ച സർവശഃ॥ 8-47-3 (57298)
സംപാതം ചാനുപശ്യാമ സംഗ്രാമേ ഭൃശദാരുണേ।
ശലഭാ ഇവ സംപേതുഃ ശരവൃഷ്ട്യഃ സമന്തതഃ॥ 8-47-4 (57299)
നാഗാന്നാഗാഃ സമാസാദ്യ വ്യധമന്ത പരസ്പരം।
ഹയാ ഹയാംശ്ച സമരേ രഥിനോ രഥിനസ്തഥാ॥ 8-47-5 (57300)
പത്തയഃ പത്തിസംഘാംശ്ച ഹയസംഘാംശ്ച പത്തയഃ।
പത്തയോ രഥമാതംഗാന്രഥാ ഹസ്ത്യശ്വമേവ ച।
നാഗാശ്ച സമരേ ത്ര്യംഗം മമൃദുഃ ശീഘ്രഗാ നൃപ॥ 8-47-6 (57301)
വധ്യതാം തത്ര ശൂരാണാം ക്രോശതാം ച പരസ്പരം।
ഘോരമായോധനം ജജ്ഞേ പശൂനാം ഘാതനേ യഥാ॥ 8-47-7 (57302)
രുധിരേണ സമാസ്തീർണാ ബഭൌ ഭാരത മേദിനീ।
ശക്രഗോപഗണാകീർണാ പ്രാവൃഷീവ വസുന്ധരാ॥ 8-47-8 (57303)
യഥാ വാ വാസസീ ശുക്ലേ മഹാരജനരഞ്ജിതേ।
ബിഭ്രതീ യുവതീ ശ്യാമാ തദ്വദാസീദ്വസുന്ധരാ॥ 8-47-9 (57304)
`ബദ്വചൂഡാമണിധരൈഃ ശിരോഭിശ്ചാരുകുണ്ഡലൈഃ।
ഉജ്ഝിതൈർവൃഷഭാക്ഷാണാം ഭ്രാജതേ സ്മ വസുന്ധരാ'॥ 8-47-10 (57305)
ശശശോണിതദിഗ്ധേവ ശാതകുംഭമയീവ ച।
`ഭൂർബഭൌ ഭരതശ്രേഷ്ഠ ശാന്താർചിർഭിരിവാനലൈഃ॥' 8-47-11 (57306)
ഛിന്നാനാം ചോത്തമാംഗാനാം ബാഹൂനാം ചോരുഭിഃ സഹ।
കുണ്ഡലാനാം പിനദ്ധാനാം ഭൂഷണാനാം ച ഭാരത॥ 8-47-12 (57307)
നിഷ്കാണാം ഹേമസൂത്രാണാം ശരീരാണാം ച ധന്വിനാം।
ചർമണാം സപതാകാനാം സംഘാസ്തത്രാപതൻഭുവി। 8-47-13 (57308)
`അഗംയകൽപാ പൃഥിവീ സർവതോ ഭൃശകർദമാ'॥
ഗജാ ഗജാൻസമാസാദ്യ വിഷാണൈരാർദയന്നൃപ।
വിഷാണാഗ്രഹതാസ്തത്ര ഭ്രാജന്തേ ദ്വിരദോത്തമാഃ।
രുധിരേണാവസിക്താംഗാ ഗൈരികപ്രസ്രവാ ഇവ।
`പ്രാവൃട്കാലേ മഹാരാജ മേഘാ ഇവ സവിദ്യുതഃ'॥ 8-47-14 (57309)
സ്യന്ദമാനാ യഥാ ഭാന്തി പർവതാ ധാതുമണ്ഡിതാഃ।
`തഥാ രേജൂ രണേ നാഗാ രുധിരേണ സമാപ്ലുതാഃ'॥ 8-47-15 (57310)
തോമരാൻസാദിഭിർമുക്താൻപ്രതിമാനസ്ഥിതാൻബഹൂൻ।
ഹസ്തൈരുദ്ധൃത്യ താന്നാഗാ ബഭഞ്ജുശ്ചാപരേ രണേ॥ 8-47-16 (57311)
നാരാചൈശ്ഛിന്നവർമാണോ ഭ്രാജന്തേ സ്മ ഗജോത്തമാഃ।
ഹിമാഗമേ യഥാ രാജന്വ്യഭ്രാ ഇവ മഹീധരാഃ॥ 8-47-17 (57312)
ശരൈഃ കനകപുംഖൈശ്ച ചിതാ രേർജുർഗജോത്തമാഃ।
ഉൽകാഭിഃ സംപ്രദീപ്താഗ്രാഃ പർവതാ ഇവ ഭാരത॥ 8-47-18 (57313)
കേചിദഭ്യാഹതാ നാഗൈർനാഗാ നഗവരോപമാഃ।
ന ചേലുഃ സമരാത്തസ്മാച്ഛിന്നപക്ഷാ ഇവാദ്രയഃ॥ 8-47-19 (57314)
അപരേ പ്രാദ്രവന്നാഗാഃ ശരാർതാ വ്രണപീഡിതാഃ।
പ്രതിമാനൈശ്ച കുംഭൈശ്ച പേതുരുർവ്യാം മഹാഹവേ॥ 8-47-20 (57315)
നിഷേദുഃ സിംഹവച്ചാന്യേ നദന്തോ ഭൈരവാന്രവാൻ।
വേമുശ്ച ബഹവോ രാജംശ്ചുക്രുശുശ്ചാപരേ ഗജാഃ॥ 8-47-21 (57316)
ഹയാശ്ച നിഹതാ ബാണൈർഹേമഭാണ്ഡവിഭൂഷിതാഃ।
നിഷേദുശ്ചൈവ മംലുശ്ച ബഭ്രമുശ്ച ദിശോ ദശ॥ 8-47-22 (57317)
അപരേ ക്ലിശ്യമാനാശ്ച വ്യവേഷ്ടന്ത മഹീതലേ।
ഭാവാൻബഹുവിധാംശ്ചക്രുസ്താഡിതാഃ ശരതോമരൈഃ॥ 8-47-23 (57318)
നരാസ്തു നിഹതാ ഭൂമൌ കൂജന്തസ്തത്ര മാരിപ।
ദൃഷ്ട്വാ ച ബാന്ധവാനന്യേ പിതൄനന്യേ പിതാമഹാൻ॥ 8-47-24 (57319)
ധാവമാനാൻപരാംശ്ചാന്യേ ദൃഷ്ട്വാന്യേ തത്ര ഭാരത।
ഖ്യാതാനി ഗോത്രനാമാനി ശശംസുരിതരേതരം॥ 8-47-25 (57320)
തേഷാം ഛിന്നാ മഹാരാജ ഭുജാഃ കനകഭൂഷണാഃ।
ഉദ്വേഷ്ടന്തേ വിവേഷ്ടന്തേ ഭ്രമന്തി ഹ്യുത്പതന്തി ച॥ 8-47-26 (57321)
നിപതന്തി തഥൈവാന്യേ സ്ഫുരന്തി ച സഹസ്രശഃ।
വേഗാംശ്ചാന്യേ രമേ ചക്രുഃ പഞ്ചാസ്യാ ഇവ പന്നഗാഃ॥ 8-47-27 (57322)
തേ ഭുജാ ഭോഗിഭോഗാഭാശ്ചന്ദനാക്താ വിശാംപതേ।
ലോഹിതാർദ്രാ ഭൃശം രേജുസ്തപനീയധ്വജാ ഇവ॥ 8-47-28 (57323)
വർതമാനേ തഥാ ഘോരേ സങ്കുലേ സർവതോ ദിശം।
അവിജ്ഞാതാഃ സ്മ യുധ്യന്തേ വിനിഘ്നന്തഃ പരസ്പരം॥ 8-47-29 (57324)
ഭൌമേന രജസാകീർണേ ശസ്ത്രസംപാതസങ്കുലേ।
നൈവ സ്വേ ന പരേ രാജന്വ്യജ്ഞായന്ത തമോവൃതാഃ॥ 8-47-30 (57325)
തഥാ തദഭവദ്യുദ്ധം ഘോരരൂപം ഭയാനകം।
ലോഹിതോദാ മഹാനദ്യഃ പ്രസസ്രുസ്തത്ര ചാസകൃത്॥ 8-47-31 (57326)
ശീർഷപാഷാണസഞ്ഛന്നാഃ കേശശൈവലശാദ്വലാഃ।
അസ്ഥിമീനസമാകീർണാ ധനുഃശരഗദോഡുപാഃ॥ 8-47-32 (57327)
മാംസശോണിതപങ്കിന്യോ ഘോരരൂപാഃ സുദാരുണാഃ।
നദീഃ പ്രവർതയാമാസുഃ സോണിതൌഘവിവർധിനീഃ॥ 8-47-33 (57328)
ഭീരുവിത്രാസകാരിണ്യഃ ശൂരാണാം ഹർഷവർധനാഃ।
താ നദ്യോ ഘോരരൂപാസ്തു നയന്ത്യോ യമസാദനം॥ 8-47-34 (57329)
അവഗാഢാൻമജ്ജയന്ത്യഃ ക്ഷത്രസ്യാജനയൻഭയം।
ക്രവ്യാദാനാം നരവ്യാഘ്ര നർദതാം തത്രതത്ര ഹ॥ 8-47-35 (57330)
ഘോരമായോധനം ജജ്ഞേ പ്രേതരാജപുരോപമം।
ഉത്ഥിതാന്യഗണേയാനി കബന്ധാനി സമന്തതഃ॥ 8-47-36 (57331)
നൃത്യന്തി വൈ ഭൂതഗണാഃ സുതൃപ്താ മാംസശോണിതൈഃ।
പീത്വാ ച ശോണിതം തത്ര വസാം ഭുക്ത്വാ ച ഭാരത॥ 8-47-37 (57332)
മേദോമജ്ജാവസാമത്താസ്തൃപ്താ മാംസസ്യ ചൈവ ഹ।
ധാവമാനാഃ സ്മ ദൃശ്യന്തേ കാകഗൃഘ്രബകാസ്തഥാ॥ 8-47-38 (57333)
ശൂരാസ്തു സമരേ രാജൻഭയം ത്യക്ത്വാ സുദുസ്ത്യജം।
യോധവ്രതസമാഖ്യാതാശ്ചക്രുഃ കർമാണ്യഭീതവത്॥ 8-47-39 (57334)
ശരശക്തിസമാകീർണേ ക്രവ്യാദഗണസങ്കുലേ।
വ്യചരന്ത രണേ ശൂരാഃ ഖ്യാപയന്തഃ സ്വപൌരുഷം॥ 8-47-40 (57335)
അന്യോന്യം ശ്രാവയന്തി സ്മ നാമഗോത്രാണി ഭാരത।
പിതൃനാമാനി ച രണേ ഗോത്രനാമാനി വാ വിഭോ॥ 8-47-41 (57336)
ശ്രാവയാണാശ്ച ബഹവസ്തത്ര യോധാ വിശാംപതേ।
അന്യോന്യമവമൃദ്രന്തഃ ശക്തിതോമരപട്ടസൈഃ॥ 8-47-42 (57337)
വർതമാനേ തഥാ യുദ്ധേ ഘോരരൂപേ സുദാരുണേ।
വ്യഷീദത്കൌരവീ സേനാ ഭിന്നാ നൌരിവ സാഗരേ॥ ॥ 8-47-43 (57338)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ സപ്തചത്വാരിംശോഽധ്യായഃ॥ 47 ॥
Mahabharata - Karna Parva - Chapter Footnotes
॥ ശ്രീഃ ॥
8.48. അധ്യായഃ 048
Mahabharata - Karna Parva - Chapter Topics
അർജുനസ്യ സംശപ്തകൈര്യുദ്ധം॥ 1 ॥
Mahabharata - Karna Parva - Chapter Text
8-48-0 (57339)
സഞ്ജയ ഉവാച। 8-48-0x (4966)
വർതമാനേ തഥാ യുദ്ധേ ക്ഷത്രിയാണാം നിമജ്ജനേ।
ഗാണ്ഡീവസ്യ മഹാഘോഷഃ ശ്രൂയതേ യുധി മാരിഷ॥ 8-48-1 (57340)
സംശപ്തകാനാമകരോത്കദനം യത്ര പാണ്ഡവഃ।
കോസലാനാം തഥാ രാജന്നാരായണബലസ്യ ച॥ 8-48-2 (57341)
സംശപ്തകാസ്തു സമരേ ശരവൃഷ്ടിഃ സമന്തതഃ।
അപാതയൻപാർഥമൂർധ്നി ജയഗൃദ്ധാഃ പ്രമന്യവഃ॥ 8-48-3 (57342)
താം ശസ്ത്രവൃഷ്ടിമായാന്തീമുരസാ ധാരയൻപ്രഭുഃ।
വ്യഗാഹത പരാൻപാർഥോ വിനിഘ്നന്രഥിനാം വരാൻ॥ 8-48-4 (57343)
വിക്ഷോഭ്യ തു രഥാനീകം കങ്കപത്രൈഃ ശിലാശിതൈഃ।
ആസസാദ തതഃ പാർഥഃ സുശർമാണം മഹാരഥം॥ 8-48-5 (57344)
സ തസ്യ ശരവർഷാണി വവർഷ രഥിനാം വരഃ।
തഥാ സംശപ്തകാശ്ചൈവ പാർഥസ്യ സമരേ സ്ഥിതാഃ॥ 8-48-6 (57345)
സുശർമാ തു തതഃ പാർഥം വിദ്ധ്വാ ദശഭിരാശുഗൈഃ।
ജനാർദനം ത്രിഭിർബാണൈരഹനദ്ദക്ഷിണേ ഭുജേ॥ 8-48-7 (57346)
തതോഽപരേണ ഭല്ലേന കേതും പാർഥസ്യ മാരിഷ।
വിവ്യാധ സമരേ രാജൻസുശർമാ ക്രോധമൂർച്ഛിതഃ॥ 8-48-8 (57347)
സ വാനരവരോ രാജന്വിശ്വകർമകൃതോ മഹാൻ।
നനാദ സുമഹാനാദം നൃത്യന്നിവ വിഭീഷയൻ॥ 8-48-9 (57348)
കപേസ്തു നിനദം ശ്രുത്വാ സന്ത്രസ്താ തവ വാഹിനീ।
ഭയം വിപുലമാസാദ്യ നിശ്ചേഷ്ടാ സമപദ്യത॥ 8-48-10 (57349)
തതഃ സാ ശുശുഭേ സേനാ നിശ്ചേഷ്ടാഽവസ്ഥിതാ നൃപ।
നാനാപുഷ്പസമാകീർണം യഥാ ചിത്രീകൃതം വനം॥ 8-48-11 (57350)
പ്രതിലഭ്യ തതഃ സഞ്ജ്ഞാം യോധാസ്തേ കുരുസത്തമ।
അർജുനം സിഷിചുർബാണൈഃ പർവതം ജലദാ ഇവ॥ 8-48-12 (57351)
സഞ്ഛാദ്യ സമരേ പാർഥം പരിവവ്രുഃ സമന്തതഃ।
തേ ഹയാന്രഥചക്രേ തു രഥേഷാം ചാപി മാരിഷ।
ഗ്രഹീതും പ്രചക്രമുശ്ചൈവ ക്രോധാവിഷ്ടാഃ സമന്തതഃ॥ 8-48-13 (57352)
നിഗൃഹ്യ തു രഥം തസ്യ യോധാസ്തേ തു സഹസ്രശഃ।
രഥബന്ധം പ്രചക്രുർഹി പാണ്ഡവസ്യാമിതൌജസഃ॥ 8-48-14 (57353)
രഥമാരുരുഹുഃ കേചിത്കൃഷ്ണപാർഥൌ ജിഘൃക്ഷവഃ।
സംശപ്തകാനാം യോധാസ്തേ സിംഹനാദാംശ്ച നേദിരേ॥ 8-48-15 (57354)
അപരേ ജഗൃഹുശ്ചൈവ കേശവസ്യ മഹാഭുജൌ।
പാർഥം ചൈകേ മഹാരാജ രഥസ്ഥം ജഗൃഹുർമുദാ॥ 8-48-16 (57355)
അച്യുതഃ സ മഹാബാഹുർവിധുന്വന്രണമൂർധനി।
പാതയാമാസ താൻസർവാന്ദുഷ്ടഹസ്തീവ ഹസ്തിപാൻ॥ 8-48-17 (57356)
സ രഥസ്തൈർഗൃഹീതസ്തു പാണ്ഡവസ്യ മഹാത്മനഃ।
സ്പന്ദിതും നാശകദ്രാജംസ്തദദ്ഭുതമിവാഭവത്॥ 8-48-18 (57357)
തതഃ പാർഥോ മഹാബാഹുഃ സംവൃതഃ സ്തൈർമഹാരഥൈഃ।
നിഗൃഹീതം രഥം ദൃഷ്ട്വാ താംശ്ചാപ്യാദ്രവതോ ബഹൂൻ॥ 8-48-19 (57358)
രഥാരൂഢാംശ്ച സുബഹൂൻപദാഽഽക്ഷിപ്യ ന്യപാതയത്।
അപാതയദസംഭ്രാന്തഃ ശരൈരാസന്നയോധിഭിഃ॥ 8-48-20 (57359)
താംസ്താപയിത്വാ സമരേ പാർഥഃ പരപുരഞ്ജയഃ।
സ്മയന്നിവ മഹാബാഹുഃ കേശവം വാക്യമബ്രവീത്॥ 8-48-21 (57360)
പശ്യ കൃഷ്ണ മഹാബാഹോ സംശപ്തകഗണാൻബഹൂൻ।
കുർവതോഽസുകരം കർമ മുമൂർഷൂൻകാലചോദിതാൻ॥ 8-48-22 (57361)
രഥബന്ധമിമം പ്രാപ്യ പൃഥിവ്യാം നാസ്തി കശ്ചന।
യഃ സഹേത പുമാംʼല്ലോകേ മദന്യഃ ക്ഷത്രിയർഷഭഃ॥ 8-48-23 (57362)
പശ്യൈതതാനദ്യ സമരേ മത്പ്രയുക്തൈഃ സുതേജനൈഃ।
പാത്യമാനാന്രണേ കൃഷ്ണ ശരൈരാശീവിഷോപമൈഃ॥ 8-48-24 (57363)
ഇത്യേവമുക്ത്വാ ബീഭത്സുഃ ശംഖപ്രവരമുത്തമം।
വ്യനാദയദമേയാത്മാ ദേവദത്തം മഹാമൃധേ॥ 8-48-25 (57364)
ദേവദത്തസ്വനം ശ്രുത്വാ കേശവോഽപി മഹായശാഃ।
പാഞ്ചജന്യസ്വനം ചക്രേ പൂരയന്നിവ രോദസീ॥ 8-48-26 (57365)
തയോഃ ശംഖസ്വനം ശ്രുത്വാ സംശപ്തകവരൂഥിനീ।
സഞ്ചചാല മഹാരാജ വിത്രസ്താ ചാദ്രവദ്ഭൃശം॥ 8-48-27 (57366)
നാഗമസ്ത്രം തതഃ പാർഥഃ പ്രാദുശ്ചക്രേ ഹസന്നിവ।
പാദബന്ധം സ തേഷാം വൈ ചക്രേ തേന മഹാസ്ത്രവിത്॥ 8-48-28 (57367)
യാനുദ്ദിശ്യ രണേ പാർഥഃ പാദബന്ധം ചകാര ഹ।
തേ ബദ്ധാഃ പാദബന്ധേന യോധാഃ സംശപ്തകാസ്തദാ॥ 8-48-29 (57368)
നിർവിചേഷ്ടാസ്തദാഽഭൂവൻപാണ്ഡവസ്യാസ്ത്രതേജസാ।
നിർവിചേഷ്ടാംസ്തതോ യോധാനവധീത്പാണ്ഡുനന്ദനഃ।
യഥേന്ദ്രഃ സമരേ ദൈത്യാംസ്താരകസ്യ വധേ പുരാ॥ 8-48-30 (57369)
തേ വധ്യമാനാഃ സമരേ മുമുചുസ്തം രഥോത്തമം।
ആയുധാനി ച സർവാണി വിസ്രഷ്ടുമുപചക്രമുഃ॥ 8-48-31 (57370)
തതഃ സുശർമാ രാജേന്ദ്ര ഗൃഹീതാം വീക്ഷ്യ വാഹിനീം।
സൌപർണമസ്ത്രം ത്വരിതഃ പ്രാദുശ്ചക്രേ മഹാരഥഃ॥ 8-48-32 (57371)
തതഃ സുപർണാഃ സംപേതുർഭക്ഷയന്തോ ഭുജംഗമാൻ।
തതോ വിദുദ്രുവുർനാഗാസ്താന്ദൃഷ്ട്വാ ഖേചരാന്നൃപ॥ 8-48-33 (57372)
തദ്വിമുക്തം ബലം രേജേ പാദബന്ധാദ്വിശാംപതേ।
മേഘബന്ധാദ്യഥാ മുക്തോ ഭാസ്കരസ്താപയൻപ്രജാഃ॥ 8-48-34 (57373)
വിപ്രമുക്താഃ സ്വകാ യോധാഃ ഫൽഗുനസ്യ രഥം പ്രതി।
സസൃജുഃ ശരസംഘാംശ്ച ശസ്ത്രസംഘാംശ്ച മാരിഷ॥ 8-48-35 (57374)
താം മഹാസ്ത്രമയീം വൃഷ്ടിം ശരൈഃ സഞ്ഛിദ്യ ഭാരത।
അവധീത്സതതോ യോധാന്വാസവിഃ പരവീരഹാ॥ 8-48-36 (57375)
സുശർമാ തു തതോ രാജൻബാണേന നതപർവണാ।
അർജുനം ഹൃദയേ വിദ്ധ്വാ വിവ്യാധാന്യൈസ്ത്രിസപ്തഭിഃ॥ 8-48-37 (57376)
സ ഗാഢവിദ്ധോ വ്യഥിതോ രഥോപസ്ഥ ഉപാവിശതത്।
തത ഉച്ചുക്രുശുഃ സർവേ ഹതഃ പാർഥ ഇതി ബ്രുവൻ॥ 8-48-38 (57377)
തതഃ ശംഖനിനാദാശ്ച ഭേരീശബ്ദാശ്ച പുഷ്കലാഃ।
നാനാവാദിത്രനിനദാഃ സിംഹനാദാശ്ച ജജ്ഞിരേ॥ 8-48-39 (57378)
പ്രതിലഭ്യ തതഃ സഞ്ജ്ഞാം ശ്വേതാശ്വഃ കൃഷ്ണസാരഥിഃ।
സോഽതിവിദ്ധോ മഹേഷ്വാസഃ ശരൈരാശീവിപോപമൈഃ।
സുശർമാണം മഹാരാജ ക്രോധാവിഷ്ടോ മഹാരഥഃ॥ 8-48-40 (57379)
തതഃ ശരശതൈഃ പാർഥഃ സഞ്ഛാദ്യൈനം ക്ഷണാദ്രണേ।
ദിശസ്തു വാരയാമാസ ബാണൈസ്തത്ര മഹാസ്ത്രവിത്॥ 8-48-41 (57380)
വിമുഖീകൃത്യ സമരേ സുശർമാണം ധനഞ്ജയഃ।
ഐന്ദ്രമസ്ത്രമമേയാത്മാ പ്രാദുശ്ചക്രേ ഹസന്നിവ॥ 8-48-42 (57381)
തതോ ബാണസഹസ്രാണി തദുത്സൃഷ്ടാനി മാരിഷ।
സർവദിക്ഷു വ്യദൃശ്യന്ത സൂദയന്തി രഥദ്വിപാൻ॥ 8-48-43 (57382)
ഹയാൻപത്തീംശ്ച സമരേ ശസ്ത്രൈഃ ശതസഹസ്രശഃ।
രരാജ സമരേ രാജഞ്ശക്രോ നിഘ്നന്നിവാസുരാൻ॥ 8-48-44 (57383)
വധ്യമാനേ തതഃ സൈന്യേ ഭയം സുമഹദാവിശത്।
സംശപ്തകഗണാനാം ച ഗോപാലാനാം ച ഭാരത॥ 8-48-45 (57384)
ന ഹി തത്ര പുമാൻകശ്ചിദ്യോഽർജുനം പ്രതിബുധ്യതേ।
പശ്യതാം തത്ര വീരാണാമഹന്യത ബലം തവ॥ 8-48-46 (57385)
ഹന്യമാനം ച തദഭൂന്നിശ്ചേഷ്ടം ച പരാക്രമേ॥ 8-48-47 (57386)
അയുതം തത്ര യോധാനാം ഹത്വാ പാണ്ഡുസുതോ രണേ।
വ്യഭ്രാജത മഹാരാജ വിധൂമോഽഗ്നിരിവ ജ്വലൻ॥ 8-48-48 (57387)
ചതുർദശസഹസ്രാണി യാനി ദൃഷ്ടനി ഭാരത।
രഥാനാമയുതം ചൈവ ത്രിസഹസ്രാശ്ച ദന്തിനഃ॥ 8-48-49 (57388)
തതഃ സംശപ്തകാ ഭൂയഃ പരിവവ്രുർധനഞ്ജയം।
മർതവ്യമിതി നിശ്ചിത്യ ജയം വാപ്യനിവർതനം॥ 8-48-50 (57389)
തത്ര യുദ്ധം മഹച്ചാസീത്താവകാനാം വിശാംപതേ।
ശൂരേണ ബലിനാ സാർധം പാണ്ഡവേന കിരീടിനാ।
ജിത്വാ താന്ന്യഹനത്പാർഥഃ ശത്രൂഞ്ശക്ര ഇവാസുരാൻ॥ ॥ 8-48-51 (57390)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ അഷ്ടചത്വാരിംശോഽധ്യായഃ॥ 48 ॥
॥ ശ്രീഃ ॥
8.49. അധ്യായഃ 049
Mahabharata - Karna Parva - Chapter Topics
സങ്കുലയുദ്ധം॥ 1 ॥
Mahabharata - Karna Parva - Chapter Text
8-49-0 (57391)
സഞ്ജയ ഉവാച। 8-49-0x (4967)
കൃതവർമാ കൃപോ ദ്രൌണിഃ സൂതപുത്രശ്ച മാരിഷ।
ഉലൂകഃ സൌബലശ്ചൈവ രാജാ ച സഹ സോദരൈഃ॥ 8-49-1 (57392)
സീദമാനാം ചമൂം ദൃഷ്ട്വാ പാണ്ഡുപുത്രഭയാർദിതാം।
സമുജ്ജഹ്രുഃ സ്മ വേഗേന ഭിന്നാം നാവമിവാർണവേ॥ 8-49-2 (57393)
തതോ യുദ്ധമതീവാസീൻമുഹൂർതമിവ ഭാരത।
ഭീരൂണാം ത്രാസജനനം ശൂരാണാം ഹർഷവർധനം॥ 8-49-3 (57394)
കൃപേണ ശരവർഷാണി പ്രതിമുക്താനി സംയുഗേ।
സൃഞ്ജയാംശ്ഛാദയാമാസുഃ ശലഭാനാം വ്രജാ ഇവ॥ 8-49-4 (57395)
ശിഖണ്ഡീ ച തതഃ ക്രുദ്ധോ ഗൌതമം ത്വരിതോ യയൌ।
വവർഷ ശരവർഷാണി സമന്താദ്ദ്വിജപുംഗവം॥ 8-49-5 (57396)
കൃപസ്തു ശരവർഷം തദ്വിനിഹത്യ മഹാസ്ത്രവിത്।
ശിഖണ്ഡിനം രണേ ക്രുദ്ധോ വിവ്യാധ ദശഭിഃ ശരൈഃ॥ 8-49-6 (57397)
തതഃ ശിഖണ്ഡീ കുപിതഃ ശരൈഃ സപ്തഭിരാഹവേ।
കൃപം വിവ്യാധ കുപിതം കങ്കപത്രൈരജിഹ്മഗൈഃ॥ 8-49-7 (57398)
തതഃ കൃപഃ ശരൈസ്തീക്ഷ്ണൈഃ സോഽതിവിദ്ധോ മഹാരഥഃ।
`തതഃ സുനിശിതൈസ്തീക്ഷ്ണൈഃ ക്ഷുരപ്രൈർഹേമഭൂഷിതൈഃ'।
വ്യശ്വസൂതരഥം ചക്രേ ശിഖണ്ഡിനമഥോ ദ്വിജഃ॥ 8-49-8 (57399)
ഹതാശ്വാത്തു തതോ യാനാദവപ്ലുത്യ മഹാരഥഃ।
ഖംഗം ചർമ തഥാ ഗൃഹ്യ സത്വരം ബ്രാഹ്മണം യയൌ॥ 8-49-9 (57400)
തമാപതന്തം സഹസാ ശരൈഃ സന്നതപർവഭിഃ।
വാരയാമാസ സമരേ തദദ്ഭുതമിവാഭവത്॥ 8-49-10 (57401)
തത്രാദ്ഭുതമപശ്യാമ ശിലാനാം പ്ലവനം യഥാ।
നിശ്ചേഷ്ടോ യദ്രണേ രാജഞ്ഛിഖണ്ഡീ സമതിഷ്ഠത॥ 8-49-11 (57402)
കൃപേണ വാരിതം ദൃഷ്ട്വാ ശിഖണ്ഡിനമഥോ നൃപ।
പ്രത്യുദ്യയൌ കൃപം തൂർണം ധൃഷ്ടദ്യുംനോ മഹാരഥഃ॥ 8-49-12 (57403)
ധൃഷ്ടദ്യുംനം തതോ യാന്തം ശാരദ്വതരഥം പ്രതി।
പ്രതിജഗ്രാഹ വേഗേന കൃതവർമാ മഹാരഥഃ॥ 8-49-13 (57404)
യുധിഷ്ഠിരമഥായാന്തം ശാരദ്വതരഥം പ്രതി।
സപുത്രം സഹസൈന്യം ച ദ്രോണപുത്രോ ന്യവാരയത്॥ 8-49-14 (57405)
നകുലം സഹദേവം ച ത്വരമാണൌ മഹാരഥൌ।
പ്രതിജഗ്രാഹ തേ പുത്രഃ ശരവർഷേണ വാരയൻ॥ 8-49-15 (57406)
ഭീമസേനം കരൂശാംശ്ച കേകയാൻസഹ സൃഞ്ജയൈഃ।
കർണോ വൈകർതനോ യുദ്ധേ വാരയാമാസ ഭാരത॥ 8-49-16 (57407)
ശിഖണ്ഡിനേ തതോ ബാണാൻകൃപഃ ശാരദ്വതോ യുധി।
പ്രാഹിണോത്തവരയാ യുക്തോ ബീഭത്സോരഥ സന്നിധൌ॥ 8-49-17 (57408)
താഞ്ഛരാൻപ്രേഷിതാംസ്തേന സമന്താത്സ്വർണഭൂഷിതാൻ।
ചിച്ഛേദ ഖംഗമാവിധ്യ ഭ്രാമയംശ്ച പുനഃ പുനഃ॥ 8-49-18 (57409)
ശതചന്ദ്രം ച തച്ചർമ ഗൌതമസ്തസ്യ ഭാരത।
വ്യധമത്സായകൈസ്തൂർണം തത ഉച്ചുക്രുശുർജനാഃ॥ 8-49-19 (57410)
സ വിചർമാ മഹാരാജ ഖംഗപാണിരുപാദ്രവത്।
കൃപസ്തം ശരസംഘാതൈരാദ്രവന്തമപീഡയത്॥ 8-49-20 (57411)
ശാരദ്വതശരൈർഗ്രസ്തം ക്ലിശ്യമാനം മഹാബലഃ।
ചിത്രകേതുസുതോ രാജൻസുകേതുസ്ത്വരിതോ യയൌ॥ 8-49-21 (57412)
വികിരൻബ്രാഹ്മണം യുദ്ധേ ബഹുഭിർനിശിതൈഃ ശരൈഃ।
അഭ്യാപതദമേയാത്മാ ഗൌതമസ്യ രഥം പ്രതി॥ 8-49-22 (57413)
ദൃഷ്ട്വാ വിഷക്തം തം ചൈവ ബ്രാഹ്മണം ച നിവാരിതം।
അപയാതസ്തതസ്തൂർണം ശിഖണ്ഡീ രാജസത്തമ॥ 8-49-23 (57414)
സുകേതുസ്തു തതോ രാജൻഗൌതമം നവഭിഃ ശരൈഃ।
വിദ്ധ്വാ വിവ്യാധ സപ്തത്യാ പുനശ്ചൈനം ത്രിഭിഃ ശരൈഃ॥ 8-49-24 (57415)
അഥാസ്യ സശരം ചാപം പുനശ്ചിച്ഛേദ മാരിഷ।
സാരഥിം ച ശരേണാസ്യ മൃശം മർമസ്വതാഡയത്॥ 8-49-25 (57416)
ഗൌതമസ്തു തതഃ ക്രുദ്ധോ ധനുർഗൃഹ്യ നവം ദൃഢം।
സുകേതും ത്രിംശതാ ബാണൈഃ സർവമർമസ്വതാഡയത്॥ 8-49-26 (57417)
സ വിഹ്വലിതസർവാംഗഃ പ്രചചാല രഥോത്തമേ।
ഭൂമികംപേ യഥാ വൃക്ഷശ്ചചാലാകംപിതോ ഭൃശം॥ 8-49-27 (57418)
ചലതസ്തസ്യ കായാത്തും ശിരോ ജ്വലിതകുണ്ഡലം।
സോഷ്ണീഷം സശിരസ്ത്രാണം ക്ഷുരപ്രേണ ത്വപാതയത്॥ 8-49-28 (57419)
തച്ഛിരഃ പ്രാപതദ്ഭൂമൌ ശ്യേനാഹൃതമിവാമിഷം।
തതോഽസ്യ കായോ വസുധാം പശ്ചാത്പ്രാപതദച്യുത॥ 8-49-29 (57420)
തസ്മിൻഹതേ മഹാരാജ പുത്രാസ്തസ്യ പദാനുഗാഃ।
ഗൌതമം സമരേ ത്യക്ത്വാ ദുദ്രുവുസ്തേ ദിശോ ദശ॥ 8-49-30 (57421)
ധൃഷ്ടദ്യുംനം തു സമരേ സന്നിവാര്യ മഹാരഥഃ।
കൃതവർമാഽബ്രവീദ്വൃഷ്ടസ്തിഷ്ഠതിഷ്ഠേതി ഭാരത॥ 8-49-31 (57422)
തദഭൂത്തുമുലം യുദ്വം വൃഷ്ണിപാർഷതയോ രണേ।
ആമിഷാർഥേ യഥാ യുദ്ധം ശ്യേനയോഃ ക്രുദ്ധയോർനൃപ॥ 8-49-32 (57423)
ധൃഷ്ടദ്യുംനസ്തു സമരേ ഹാർദിക്യം നവഭിഃ ശരൈഃ।
ആജഘാനോരസി ക്രുദ്വഃ പീഡയൻഹൃദികാത്മജം॥ 8-49-33 (57424)
കൃതവർമാ തു സമരേ പാർഷതേന ദൃഢാഹതഃ।
പാർഷതം സരഥം സാശ്വം ഛാദയാമാസ സായകൈഃ॥ 8-49-34 (57425)
സരഥശ്ഛാദിതോ രാജന്ധൃഷ്ടദ്യുംനോ ന ദൃശ്യതേ।
മേഘൈരിവ പരിച്ഛന്നോ ഭാസ്കരോ ജലധാരിഭിഃ॥ 8-49-35 (57426)
വിധൂയ തം ബാണഗണം ശരൈഃ കനകഭൂഷണൈഃ।
വ്യരോചത രണേ രാജന്ധൃഷ്ടദ്യുംനഃ കൃതവ്രണഃ॥ 8-49-36 (57427)
തതസ്തു പാർഷതഃ ക്രുദ്ധഃ ശസ്ത്രവൃഷ്ടിം സുദാരുണാം।
കൃതവർമാണമാസാദ്യ വ്യസൃജത്പൃതനാപതിഃ॥ 8-49-37 (57428)
താമാപതന്തീം സഹസാ ശസ്ത്രവൃഷ്ടിം സുദാരുണാം।
ശരൈരനേകസാഹസ്രൈർഹാർദിക്യോഽവാരയദ്യുധി॥ 8-49-38 (57429)
ദൃഷ്ട്വാ തു വാരിതാം യുദ്ധേ ശസ്ത്രവൃഷ്ടിം ദുരാസദാം।
കൃതവർമാണമാസാദ്യ വാരയാമാസ പാർഷതഃ॥ 8-49-39 (57430)
`യഥാ യുഗ്മരഥേനാജൌ വാഹാന്വാഹേരമിശ്രയത്।
ഗൃഹീത്വാ ചർമ ഖംഗം ച രഥം തസ്യാവപുപ്ലുവേ॥ 8-49-40 (57431)
മിലിതേഷ്വഥ വാഹേഷു പ്രത്യാസന്നേ ച പാർഷതേ।
ദൃഷ്ട്വാഽപദാനം തസ്യാശു ഗദാം ജഗ്രാഹ സാത്വതഃ॥ 8-49-41 (57432)
ഗദാപാണിസ്തതോ രാജന്രഥാത്തൂർണമവപ്ലുതഃ।
തമദൃഷ്ട്വാ രഥോപസ്ഥേ സാരഥിം സമതാഡയത്॥ 8-49-42 (57433)
ഖംഗേന ശിതധാരേണ സ ഹതഃ പ്രാപതദ്രഥാത്।
കൃതവർമാ തതോ ഹൃഷ്ടസ്തലശബ്ദം ചകാര ഹ॥ 8-49-43 (57434)
പാർഷതം ചാബ്രവീദ്രാജന്നേഹ്യേഹീതി പുനഃപുനഃ।
സ തം ന മമൃഷേ യുദ്വേ തലശബ്ദം സമീരിതം॥ 8-49-44 (57435)
അവപ്ലുത്യ രഥാത്തസ്മാത്സ്വരഥം പുനരാസ്ഥിതഃ।
അഭ്യയാത്സ തു തത്തൂർണം തിഷ്ഠതിഷ്ഠേതി ചാബ്രവീത്॥ 8-49-45 (57436)
തതോ രാജൻമഹേഷ്വാസം കൃതവർമാണമാശു വൈ।
ഗദാം ഗൃഹ്യ പുനർവേഗാത്കൃതവർമാണമാഹനത്॥ 8-49-46 (57437)
സോഽതിവിദ്വോ ബലവതാ ന്യപതൻമൂർച്ഛയാ ഹതഃ।
ശ്രുതർവാ രഥമാരോപ്യ അപോവാഹ രണാജിരാത്'॥ 8-49-47 (57438)
ധൃഷ്ടദ്യുംനസ്തു സമരേ ദൃഷ്ട്വാ ശത്രും മഹാരഥഃ।
കൌരവാൻസമരേ തൂർണം വാരയാമാസ സായകൈഃ॥ 8-49-48 (57439)
തതസ്തേ താവകാ യോധാ ധൃഷ്ടദ്യുംനമുപാദ്രവൻ।
സിംഹനാദരവാംശ്ചക്രുസ്തതോ യുദ്ധമവർതത॥ ॥ 8-49-49 (57440)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ഏകോനപഞ്ചാശോഽധ്യായഃ॥ 49 ॥
॥ ശ്രീഃ ॥
8.50. അധ്യായഃ 050
Mahabharata - Karna Parva - Chapter Topics
സങ്കുലയുദ്ധം॥ 1 ॥ അശ്വത്ഥാംനാ യുധിഷ്ഠിരപരാജയഃ॥ 2 ॥
Mahabharata - Karna Parva - Chapter Text
8-50-0 (57441)
സഞ്ജയ ഉവാച। 8-50-0x (4968)
ദ്രൌണിര്യുധിഷ്ഠിരം ദൃഷ്ട്വാ ശൈനേയേനാഭിരക്ഷിതം।
ദ്രൌപദേയൈസ്തഥാ ശൂരൈരഭ്യവർതത ഹൃഷ്ടവത്॥ 8-50-1 (57442)
കിരന്നിഷുഗണാൻഘോരാൻഹേമപുംഖാഞ്ശിലാശിതാൻ।
ദർശയന്വിവിധാൻമാർഗാഞ്ശിക്ഷയാ ലഘുഹസ്തവാൻ॥ 8-50-2 (57443)
ഖം പുരയഞ്ശരൈസ്തീക്ഷ്ണൈർവേഗവദ്ഭിഃ സമന്തതഃ।
യുധിഷ്ഠിരസ്യ സമരേ ദിശഃ സർവാഃ സമാവൃണോത്॥ 8-50-3 (57444)
ഭാരദ്വാജശരൈശ്ഛന്നം ന പ്രാജ്ഞായത കിഞ്ചന।
ബാണഭൂതമഭൂത്സർവമായോധനശിരോ മഹത്॥ 8-50-4 (57445)
ബാണജാലം ദിവിഷ്ഠം തത്സ്വർണപുംഖവിഭൂഷിതം।
ശുശുഭേ ഭരതശ്രേഷ്ഠ വിമാനമിവ വിഷ്ഠിതം॥ 8-50-5 (57446)
തേന ച്ഛന്നേ രണേ രാജൻബാണജാലേന ഭാസ്വതാ।
അഭ്രച്ഛായേവ സജജ്ഞേ ഹൃതരശ്മിസ്തമോനുദഃ॥ 8-50-6 (57447)
തദദ്ഭുതമപശ്യാമ ബാണഭൂതേ നഭസ്ഥലേ।
ന സ്മ സംപതതേ ഭൂതം ദ്രൌണേർദൃഷ്ട്വാ പരാക്രമം॥ 8-50-7 (57448)
സാത്യകിര്യതമാനസ്തു ധർമരാജസ്തു പാൺ·ഡവഃ।
തഥേതരാണി സൈന്യാനി ന സ്മ ചക്രുഃ പരാക്രമം॥ 8-50-8 (57449)
ലാഘവം ദ്രോണപുത്രസ്യ ദൃഷ്ട്വാ തത്ര മഹാരഥാഃ।
വ്യസ്മയന്ത മഹാരാജ ന ചൈനം പ്രത്യുദീക്ഷിതും॥ 8-50-9 (57450)
ശേകുസ്തേ സർവരാജാനസ്തപന്തമിവ ഭാസ്കരം।
വധ്യമാനേ തതഃ സൈന്യേ ദ്രൌപദേയാ മഹാരഥാഃ॥ 8-50-10 (57451)
സാത്യകിർധർമരാജശ്ച പാഞ്ചാലാശ്ചാപി സംഗതാഃ।
ത്യക്ത്വാ മൃത്യുഭയം ഘോരം ദ്രൌണായനിഭുപാദ്രവൻ॥ 8-50-11 (57452)
സാത്യകിഃ സപ്തവിംശത്യാ ദ്രൌണിം വിദ്ധ്വാ ശിലീമുഖൈഃ।
പുനർവിവ്യാധ നാരാചൈഃ സപ്തഭിഃ സ്വർണഭൂഷിതൈഃ॥ 8-50-12 (57453)
യുധിഷ്ഠിരസ്ത്രിസപ്തത്യാ പ്രതിവിന്ധ്യശ്ച സപ്തഭിഃ।
ശ്രുതകർമാ ത്രിഭിർവാണൈഃ ശ്രുതകീർതിശ്ച സപ്തഭിഃ। 8-50-13 (57454)
സുതസോമസ്തു നവഭിഃ ശതാനീകശ്ച സപ്തഭിഃ।
അന്യേ ച വഹവഃ ശൂരാ വിവ്യധുസ്തം സമന്തതഃ॥ 8-50-14 (57455)
സ തു ക്രുദ്ധസ്തതോ രാജന്നാശീവിപ ഇവ ശ്വസൻ।
സാത്യകിം പഞ്ചവിംശത്യാ പ്രാവിധ്യത ശിലീമുഖൈഃ॥ 8-50-15 (57456)
ശ്രുതകീർതിം ച നവഭിഃ സുതസോമം ച പഞ്ചഭിഃ।
അഷ്ടഭിഃ ശ്രുതകർമാണം പ്രതിബിന്ധ്യം ത്രിഭിഃ ശരൈഃ॥ 8-50-16 (57457)
ശതാനീകം ച നവഭിർധർമപുത്രം ച പഞ്ചഭിഃ।
തഥേതരാംസ്തതഃ ശൂരാന്ദ്വാഭ്യാം ദ്വാഭ്യാമതാഡയത്।
ശ്രുതകീർതേസ്തഥാ ചാപം ചിച്ഛേദ നിശിതൈഃ ശരൈഃ॥ 8-50-17 (57458)
അഥാന്യദ്വനുരാദായ ശ്രുതകീർതിർമഹാരഥഃ।
ദ്രൌണായനിം ത്രിഭിർവിദ്വ്വാ വിവ്യാധാന്യൈഃ ശിതൈഃ ശരൈഃ॥ 8-50-18 (57459)
തതോ ദ്രൌണിർമഹാരാജ ശരവർഷേണ ഭാരിഷ।
ഛാദയാമാസ തത്സൈന്യം സമന്താദ്ഭരതർഷഭ॥ 8-50-19 (57460)
തതഃ പുനരമേയാത്മാ ധർമരാജസ്യ കാർമുകം।
ദ്രൌണിശ്ചിച്ഛേദ വിഹസന്വിവ്യാധ ച ശരൈസ്ത്രിഭിഃ॥ 8-50-20 (57461)
തതോ ധർമസുതോ രാജൻപ്രഗൃഹ്യാന്യൻമഹദ്ധനുഃ।
ദ്രോണപുത്രം ത്രിപഷ്ടxx തതു ബാഹ്വോരുരസി ചാർപയയത്॥ 8-50-21 (57462)
സാത്യകിസ്തു തതഃ ക്രുദ്ധോ ദ്രൌണേഃ പ്രഹരതോ രണേ।
അർധചന്ദ്രേണതീക്ഷ്ണേന ധനുശ്ഛിത്ത്വാഽനദദ്ഭൃശം॥ 8-50-22 (57463)
ഛിന്നധന്വാ തതോ ദ്രൌണിഃ ശക്ത്യാ ശക്തിമതാം വരഃ।
സാരഥിം പാതയാമാസ ശൈനേയസ്യ രഥാദ്രുതം॥ 8-50-23 (57464)
അഥാന്യദ്വനുരാദായ ദ്രോണപുത്രഃ പ്രതാപവാൻ।
ശൈനേയം ശരവർഷേണ ച്ഛാദയാമാസ ഭാരത॥ 8-50-24 (57465)
തസ്യാശ്വാഃ പ്രദ്രുതാഃ സംഖ്യേ പതിതേ രഥസാരഥൌ।
തത്രതത്രൈവ ധാവന്തഃ സമദൃശ്യന്ത ഭാരത॥ 8-50-25 (57466)
യുധിഷ്ഠിരപുരോഗാസ്തു ദ്രൌണിം ശസ്ത്രഭൃതാം വരം।
അഭ്യവർഷന്ത വേഗേന വിസൃജന്തഃ ശിതാഞ്ഛരാൻ॥ 8-50-26 (57467)
സഹസാ പതതസ്താന്വൈ ക്രുദ്വരൂപാൻപരന്തപഃ।
പ്രഹസൻപ്രതിജഗ്രാഹ ദ്രോണപുത്രോ മഹാരണേ॥ 8-50-27 (57468)
തതഃ ശരശതജ്വാലഃ സേനാകക്ഷം മഹാരണേ।
ദ്രൌണിർദദാഹ സമരേ കക്ഷമഗ്നിരിവോത്ഥിതഃ॥ 8-50-28 (57469)
തദ്ബലം പാണ്ഡുപുത്രസ്യ ദ്രോണപുത്രപ്രതാപിതം।
ചുക്ഷുഭേ ഭരതശ്രേഷ്ഠ തസ്മിന്നേവ ചമൂമുഖേ॥ 8-50-29 (57470)
തദ്ബലം പാണ്ഡവേയസ്യ ദ്രോണപുത്രഃ ശരാർചിഷാ।
താപയൻഭരതശ്രേഷ്ഠ ഗഭസ്തിഭിരിവാംശുമാൻ॥ 8-50-30 (57471)
തത്പച്യമാനം മർഷേണ ബ്രാഹ്മണസ്യ ച സായകൈഃ।
ക്ഷുഭ്യതേ പാണ്ഡവം സൈന്യം തിമിനേവ നദീമുഖം॥ 8-50-31 (57472)
ദൃഷ്ട്വാ ചൈവ മഹാരാജ ദ്രോണപുത്രപരാക്രമം।
സർവാന്ദുര്യോധനഃ പാർഥാൻഹതാന്യുദ്വേഽഭ്യമന്യത॥ 8-50-32 (57473)
യുധിഷ്ഠിരസ്തു ത്വരിതോ ദ്രൌണിം പീഡ്യ മഹാരഥം।
അബ്രവീദ്ദ്രോണപുത്രം സ രോഷാമർഷസമന്വിതഃ॥ 8-50-33 (57474)
`ജാനാമി ത്വാം യുധി ശ്രേഷ്ഠ വീര്യവന്തം ബലാന്വിതം।
കൃതാസ്ത്രം കൃതിനം ചൈവ തഥാ ലഘുപരാക്രമം॥ 8-50-34 (57475)
ബലമേതദ്ഭവാൻസർവം പാർഷതേ യദി ദർസയേത്।
തതസ്ത്വാം ബലവന്തം ച കൃതവിദ്യം ച വിദ്മഹേ॥ 8-50-35 (57476)
ന ഹി വൈ പാർപതം ദൃഷ്ട്വാ സമരേ ശത്രുസൂദനം।
ഭവേത്തവ ബലം കിഞ്ചിദ്ബ്രവീമി ത്വാം ന തു ദ്വിജം'॥ 8-50-36 (57477)
നൈവ നാമ തവ പ്രീതിർനൈവ നാമ കൃതജ്ഞതാ।
യതസ്ത്വം പുരുഷവ്യാഘ്ര മാമേവാദ്യ ജിഘാംസസി॥ 8-50-37 (57478)
ബ്രാഹ്മണേന തപഃ കാര്യം ശമശ്ച ദമഏവ ച।
ക്ഷത്രിയേണ ധനുർനാഭ്യം സ ഭവാൻബ്രാഹ്മണബ്രുവഃ॥ 8-50-38 (57479)
മിഷതസ്തേ മഹാവാഹോ യുധി ജേഷ്യാമി കൌരവാൻ।
കുരുഷ്വ സമരേ കർമ ബ്രഹ്മബന്ധേ യഥേഷ്ടതഃ॥ 8-50-39 (57480)
ഏവമുക്തോ മഹാരാജ ദ്രോണപുത്രഃ സയന്നിവ।
യുക്ത തത്ത്വം ച സഞ്ചിന്ത്യ നോത്തരം കിഞ്ചിദബ്രവീത്॥ 8-50-40 (57481)
അനുക്ത്വാ ച തതഃ കിഞ്ചിച്ഛരവർഷേണ പാണ്ഡവം।
ഛാദയാമാസ സമരേ ക്രുദ്ധോഽന്തക ഇവ പ്രജാഃ॥ 8-50-41 (57482)
സ ച്ഛാദ്യമാനസ്തു തദാ ദ്രോണപുത്രേണ മാരിഷ।
പാർഥോഽപയാതഃ ശീഘ്രം വൈ പ്രഗൃഹ്യ മഹതീം ചമൂം॥ 8-50-42 (57483)
അപയാതേ തതസ്തസ്മിന്ധർമപുത്രേ യുധിഷ്ഠിരേ।
ദ്രോണപുത്രഃ സ്ഥിതോ രാജൻപ്രത്യാദേശാൻമഹാത്മനഃ॥ 8-50-43 (57484)
തതോ യുധിഷ്ഠിരോ രാജംസ്ത്യക്ത്വാ ദ്രൌണിം മഹാഹവേ।
പ്രയയൌ താവകം സൈന്യം യുക്തഃ ക്രുരായ കർമണേ॥ ॥ 8-50-44 (57485)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ പഞ്ചാശോഽധ്യായഃ॥ 50 ॥
॥ ശ്രീഃ ॥
8.51. അധ്യായഃ 051
Mahabharata - Karna Parva - Chapter Topics
സങ്കുലയുദ്ധം॥ 1 ॥
Mahabharata - Karna Parva - Chapter Text
8-51-0 (57486)
സഞ്ജയ ഉവാച। 8-51-0x (4969)
ഭീമസേനം സപാഞ്ചാലം ചേദികേകയസംവൃതം।
സേനാപതിഃ സ്വയം ക്രുദ്ധോ വാരയാമാസ സായകൈഃ॥ 8-51-1 (57487)
തതസ്തു ചേദികാരൂശാൻസൃഢ്ജയാംശ്ച മഹാരഥാൻ।
കർണോ ജഘാന സമരേ ഭീമസേനസ്യ പശ്യതഃ॥ 8-51-2 (57488)
ഭീമസേനസ്തതഃ കർണേ വിഹായ രഥസത്തമം।
പ്രയയൌ കൌരവം സൈന്യം കക്ഷമഗ്നിരിവ ജ്വലൻ॥ 8-51-3 (57489)
സൂതപുത്രോഽപി സമരേ പാഞ്ചാലാൻകേകയാംസ്തഥാ।
സൃഞ്ജയാംശ്ച മഹേഷ്വാസാന്നിജഘാനം സഹസ്രശഃ॥ 8-51-4 (57490)
സംശപ്തകേഷു പാർഥശ്ച കൌരവേഷു വൃകോദരഃ।
പാഞ്ചാലേഷു തഥാ കർണഃ ക്ഷയം ചക്രുർമഹാരഥാഃ॥ 8-51-5 (57491)
തേ ക്ഷത്രിയാ ദഹ്യാമാനാസ്ത്രിഭിസ്തൈഃ പാവകോപമൈഃ।
ജഗ്മുർവിനാശം സമരേ രാജന്ദുർമന്ത്രിതേ തവ॥ 8-51-6 (57492)
തതോ ദുര്യോധനഃ ക്രുദ്ദോ നകുലം നവഭിഃ ശരൈഃ।
വിവ്യാധ ഭരതശ്രേഷ്ഠ ചതുരശ്ചാസ്യ വാജിനഃ॥ 8-51-7 (57493)
തതഃ പരമമേയാത്മാ തവ പുത്രോ ജനാധിപ।
ക്ഷുരേണ സഹദേവസ്യ ധ്വജം ചിച്ഛേദ കാഞ്ചനം॥ 8-51-8 (57494)
നകുലസ്തു തതഃ ക്രുദ്ധസ്തവ പുത്രം ച സപ്തഭിഃ।
ജഘാന സമരേ രാജൻസഹദേവശ്ച പഞ്ചഭിഃ॥ 8-51-9 (57495)
താവുഭൌ ഭരതശ്രേഷ്ഠൌ ജ്യേഷ്ഠൌ സർവധനുഷ്മതാം।
വിവ്യാധോരസി സങ്ക്രുദ്ധഃ പഞ്ചഭിഃ പഞ്ചഭിഃ ശരൈഃ॥ 8-51-10 (57496)
തതോഽപരാഭ്യാം ഭല്ലാബ്യാം ധനുഷീ സമകൃന്തത।
യമയോഃ പ്രസഭം വീരോ വിവ്യാധാശു ത്രിഭിസ്ത്രിഭിഃ॥ 8-51-11 (57497)
താവന്യേ ധനുഷീ ശ്രേഷ്ഠേ ശക്രചാപനിഭേ ശുഭേ।
പ്രഗൃഹ്യ രേജതുഃ ശൂരൌ ദേവപുത്രസമൌ യുധി॥ 8-51-12 (57498)
തതസ്തൌ രഭസൌ യുദ്ധേ ഭ്രാതരൌ ഭ്രാതരം യുധി।
ശരൈർവവർഷതുർഘോരൈർമഹാമേഘൌ യഥാഽചലം॥ 8-51-13 (57499)
തതഃ ക്രുദ്ധോ മഹാരാജ തവ പുത്രോ മഹാരഥഃ।
പാൺ·ഡുപുത്രൌ മഹേഷ്വാസൌ വാരയാമാസ പത്രിഭിഃ॥ 8-51-14 (57500)
ധനുർമണ്ഡലമേവാസ്യ ദദൃശേ യുധി ഭാരത।
സായകാശ്ചാപ്യദൃശ്യന്ത നിശ്ചരന്തഃ സമന്തതഃ॥ 8-51-15 (57501)
`തസ്യ സായകസഞ്ഛന്നൌ മാദ്രേയൌ ന വിരേജതുഃ।
മേഘച്ഛന്നൌ യഥാ വ്യോംനി ചന്ദ്രസൂര്യൌ ഗതപ്രഭൌ॥ 8-51-16 (57502)
തേ തു ബാണാ മഹാരാജ സ്വർണപുംഖാഃ ശിലാശിതാഃ'।
ആച്ഛാദയന്ദിശഃ സർവാഃ സൂര്യസ്യേവ മരീചയഃ॥ 8-51-17 (57503)
വാണഭൂതേ തതസ്തസ്മിൻസഞ്ഛന്നേ ച നഭസ്തലേ।
രാജ്ഞസ്തു ദദൃശേ രൂപം കാലാന്തകയമോപമം॥ 8-51-18 (57504)
പരാക്രമം തു തം ദൃഷ്ട്വാ തവ സൂനോർമഹാരഥാഃ।
മൃത്യോരുപാന്തികം പ്രാപ്തൌ മാദ്രീപുത്രൌ സ്മ മേനിരേ॥ 8-51-19 (57505)
തതഃ സേനാപതീ രാജൻപാണ്ഡവാനാം മഹാരഥഃ।
പാർഷതഃ പ്രയയൌ തത്ര യത്ര രാജാ സുയോധനഃ॥ 8-51-20 (57506)
മാദ്രീപുത്രൌ തതഃ ശൂരൌ വ്യതിക്രംയ മഹാരഥൌ।
ധൃഷ്ടദ്യുംനസ്തവ സുതം പീഡയാമാസ സായകൈഃ॥ 8-51-21 (57507)
തമവിധ്യദമേയാത്മാ തവ പുത്രോ ഹ്യമർപണഃ।
പാഞ്ചാല്യം പഞ്ചവിംശത്യാ പ്രഹസ്യ പുരുഷർഷഭഃ॥ 8-51-22 (57508)
തതഃ പുനരമേയാത്മാ തവ പുത്രോ ഹ്യമർഷണഃ।
വിദ്ധ്വാ നനാദ പാഞ്ചാല്യം ഷഷ്ട്യാ പഞ്ചഭിരേവ ച॥ 8-51-23 (57509)
തഥാസ്യ സശരം ചാപം മുഷ്ടിദേശേ വിശാംപതേ।
ക്ഷുരപ്രേണ സുതീക്ഷ്ണേന രാജാ ചിച്ഛേദ സംയുഗേ॥ 8-51-24 (57510)
തദപാസ്യ ധനുശ്ഛിന്നം പാഞ്ചാല്യഃ ശത്രുകർശനഃ।
അന്യദാദത്ത വേഗേന ധനുർഭാരസഹം നവം॥ 8-51-25 (57511)
ക്രോധാദ്രുധിരരക്താക്ഷഃ സംരംഭാത്പ്രജ്വലന്നിവ।
അശോഭത മഹേഷ്വാസോ ധൃഷ്ടദ്യുംനഃ കൃതവ്രണഃ॥ 8-51-26 (57512)
സ പഞ്ചദശ നാരാചാഞ്ശ്വസതഃ പന്നഗാനിവ।
ജിഘാംസുർഭരതശ്രേഷ്ഠം ധൃഷ്ടദ്യുംനോ വ്യപാസൃജത്॥ 8-51-27 (57513)
തേ വർമ ഹേമവികൃതം ഭിത്ത്വാ രാജ്ഞഃ ശിലീമുഖാഃ।
വിവിശുർവസുധാം വേഗാത്കങ്കബർഹിണവാസസഃ॥ 8-51-28 (57514)
സോഽതിവിദ്ധോ മഹാരാജ പുത്രസ്തേഽതിവ്യരാജത।
വസന്തകാലേ സുമഹാൻപ്രഫുല്ല ഇവ കിംശുകഃ॥ 8-51-29 (57515)
സ ച്ഛിന്നവർമാ നാരാചപ്രഹാരൈർഝർഝരീകൃതഃ।
ധൃഷ്ടദ്യുംനസ്യ ഭല്ലേന ക്രുദ്ധശ്ചിച്ഛേദ കാർമുകം॥ 8-51-30 (57516)
അഥൈനം ഛിന്നധന്വാനം ത്വരമാണോ മഹീപതിഃ।
സായകൈർദശഭീ രാജൻഭ്രുവോർമധ്യേ സമാർപയത്॥ 8-51-31 (57517)
തസ്യ തേഽശോഭയന്വക്ത്രം കർമാരപരിമാർജിതാഃ।
പ്രഫുല്ലം പങ്കജം യദ്വദ്ധമരാ മധുലിപ്സവഃ॥ 8-51-32 (57518)
തദപാസ്യ ധനുശ്ഛിന്നം ദൃഷ്ടദ്യുംനോ മഹാമനാഃ।
അന്യദാദത്ത വേഗേന ധനുർഭല്ലാംശ്ച ഷോഡശ॥ 8-51-33 (57519)
തതോ ദുര്യോധനസ്യാശ്വാൻഹത്വാ സൂതം ച പഞ്ചഭിഃ।
ധനുശ്ചിച്ഛേദ ഭല്ലേന ജാതരൂപപരിഷ്കൃതം॥ 8-51-34 (57520)
രഥം സോപസ്കരം ഛത്രം ശക്തിം ഖംഗം ഗദാം ധ്വജം।
ഭല്ലൈശ്ചിച്ഛേദ ദശഭിഃ പുത്രസ്യ തവ പാർഷതഃ॥ 8-51-35 (57521)
തപനീയാംഗദം ഛത്രം നാഗം മണിമയം ശുഭം।
ധ്വജം കുരുപതേശ്ഛിന്നം ദദൃശുഃ സർവപാർഥിവാഃ॥ 8-51-36 (57522)
ദുര്യോധനം തു വിരഥം ഛിന്നവർമായുധധ്വജം।
ഭ്രാതരം സമുദൈക്ഷന്ത സോദരാ ഭരതർഷഭ॥ 8-51-37 (57523)
തമാരോപ്യ രഥേ രാജൻകുണ്ഡധാരോ മഹാരഥം।
അപാഹരദസംഭ്രാന്തോ ധൃഷ്ടദ്യുംനസ്യ പശ്യതഃ॥ 8-51-38 (57524)
കർണസ്തു സാത്യകിം ഹിത്വാ രാജഗൃഘ്നുരമർഷണഃ।
ദ്രോമഹന്താരമുഗ്രേഷും സസാരാഭിമുഖോ രണേ॥ 8-51-39 (57525)
തം പൃഷ്ഠതോഽന്വയാത്തൂർണം ശൈനേയോഽഭിഹതഃ ശരൈഃ।
വാരണം ജഘനോപാന്തേ വിഷാണാഭ്യാമിവ ദ്വിപഃ॥ 8-51-40 (57526)
സ ഭാരതപുരോഗാനാം രാജ്ഞാം ച സുമഹാത്മനാം।
കർണപാർഷതയോര്യുദ്വേ സങ്ക്രദ്ധാനാം മഹാരണേ॥ 8-51-41 (57527)
ന പാണ്ഡവാനാം നാസ്മാകം കശ്ചിദാസീത്പരാങ്മുഖഃ।
പ്രത്യദൃശ്യത യത്കർണഃ പാഞ്ചാലാംസ്ത്വരിതോ യയൌ॥ 8-51-42 (57528)
തസ്മിൻക്ഷണേ നരശ്രേഷ്ഠ ഗജവാജിരഥക്ഷയഃ।
പ്രാദുരാസീദുഭയതോ രാജൻമധ്യഗതേഽഹനി॥ 8-51-43 (57529)
പാഞ്ചാലാസ്തു മഹാരാജ ത്വരിതാ വിജിഗീഷവഃ।
സർവതോഽഭ്യദ്രവൻകർണം പതത്ത്രിണ ഇവ ദ്രുമം॥ 8-51-44 (57530)
തേഷാമാധിരഥിഃ ക്രുദ്ധഃ പ്രധാനാന്വൈ തരസ്വിനഃ।
വിചിന്വന്നിവ ബാണൌഘൈഃ സമാസാദയദഗ്രതഃ॥ 8-51-45 (57531)
വ്യാഘ്രകേതുഃ സുശർമാ ച ശുക്രശ്ചിത്രായുധഃ ക്രതുഃ।
ദുർജയോ രോചമാനശ്ച സിംഹസേനസ്തഥാഽഷ്ടമഃ।
മഹതാ രഥവംശേന പരിവവ്രുർനരോത്തമം॥ 8-51-46 (57532)
സൃജന്തഃ സായകാംസ്തൂർണം കർണമാഹവശോഭിനം।
യതമാനാംസ്തു താഞ്ശൂരാൻമനുജേന്ദ്രഃ ശിതൈഃ ശരൈഃ।
അഷ്ടാഭിരഷ്ടൌ രാധേയഃ പാഞ്ചാലാന്ന്യഹനദ്രണേ॥ 8-51-47 (57533)
അഥാപരാൻമഹാരാജ സൂതപുത്രഃ പ്രതാപവാൻ।
ജഘാന ബഹുസാഹസ്രാന്യോധാന്യുദ്വവിശാരദാൻ॥ 8-51-48 (57534)
വിഷ്ണും ച വിഷ്ണുവർമാണം ദേവാപിം ഭദ്രമേവ ച।
ദണ്ഡധാരം ച സമരേ ചിത്രം ചിന്ത്രായുധം ഹരിം॥ 8-51-49 (57535)
സിംഹകേതും രോചമാനം ശലഭം ച മഹാരഥം।
നിജഘാന സുസങ്ക്രുദ്വശ്ചേദീനാം ച മഹാരഥാൻ॥ 8-51-50 (57536)
തേഷാമാദദതഃ പ്രാണാനാസീദാധിരഥേർവപുഃ।
ശോണിതാഭ്യുക്ഷിതാംഗസ്യ രുദ്രസ്യൈവാതിഭൈരവം॥ 8-51-51 (57537)
തത്ര ഭാരത കർണേന മാതംഗാസ്താഡിതാഃ ശരൈഃ।
സർവതോഽഭ്യദ്രവൻഭീതാഃ കുർവന്തോ മഹദാകുലം॥ 8-51-52 (57538)
നിപേതുരുർവ്യാം സമരേ കർണസായകതാഡിതാഃ।
കുർവന്തോ വിവിധാന്നാദാന്വജ്രനുന്നാ ഇവാചലാഃ॥ 8-51-53 (57539)
ഗജവാജിമനുഷ്യൈശ്ച നിപതദ്ഭിഃ സമന്തതഃ।
രഥൈർഭഗ്നൈർധ്വജൈശ്ചൈവ സമാസ്തീര്യത മേദിനീ॥ 8-51-54 (57540)
നൈവം ഭാഷ്മോ ന ച ദ്രോണോ നാന്യേ യുധി ച താവകാഃ।
ചക്രുഃ സ്മ താദൃശം കർമ യാദൃശം കൃതവാന്രണേ॥ 8-51-55 (57541)
മൃഗമധ്യേ യഥാ സിംഹോ ദൃശ്യതേ നിർഭയശ്ചരൻ।
പാഞ്ചാലാനാം തഥാ മധ്യേ കർണോഽചരദഭീതവത്॥ 8-51-56 (57542)
സൂതപുത്രോഽഥ നാഗേഷു ഹയേഷു ച രഥേഷു ച।
നരേഷു ച നരവ്യാഘ്രശ്ചകാര കദനം മഹത്॥ 8-51-57 (57543)
യഥാ മൃഗഗണാംസ്ത്രസ്താൻസിംഹോ ദ്രാവയതേ ദിശഃ।
പാഞ്ചാലാനാം രഥവ്രാതാൻകർണോ വ്യദ്രാവയത്തഥാ॥ 8-51-58 (57544)
സിംഹം സ്മ ഹി യഥാ പ്രാപ്യ ന ജീവന്തി മൃഗാഃ ക്വചിത്।
തഥാ കർണമനുപ്രാപ്താ ന ജീവന്തി സ്മ സൃഞ്ജയാഃ॥ 8-51-59 (57545)
വൈശ്വാനരമുഖം പ്രാപ്യ ദഹ്യന്തേ ശലഭാ യഥാ।
കർണാഗ്രിം സമരേ പ്രാപ്യ ദഗ്ധാ ഭാരത സൃഞ്ജയഃ॥ 8-51-60 (57546)
ചേദിഷ്വേകേന കർണേന പാഞ്ചാലേഷു ച ഭാരത।
വേശ്രാവ്യ നാമ നിഹതാ ബഹവഃ ശൂരസംപതാഃ॥ 8-51-61 (57547)
മമ ചാസീൻമതീ രാജന്ദൃഷ്ട്വാ കർണസ്യ വിക്രമം।
നൈകോഽപ്യാധിരഥേർജീവൻപാഞ്ചാല്യോ മോക്ഷ്യതേ യുധി॥ 8-51-62 (57548)
സംഖ്യേ വിമർദ്യ പാഞ്ചാലാൻസൂതപുത്രഃ പുനഃ പുനഃ।
അഭ്യധാവത്സുസങ്ക്രുദ്ധഃ കുന്തീപുത്രം യുധിഷ്ഠിരം॥ 8-51-63 (57549)
ധൃഷ്ടദ്യുംനശ്ച രാജാനം ദ്രൌപദേയാശ്ച മാരിഷ।
പരിവവ്രുരമിത്രഘ്നം ശതശശ്ചാപരേ ജനാഃ॥ 8-51-64 (57550)
ശിഖണ്ഡീ സഹദേവശ്ച നകുലോ നാകുലിസ്തഥാ।
ജനമേജയഃ ശിനേർനപ്താ ബഹവശ്ച പ്രഭദ്രകാഃ॥ 8-51-65 (57551)
ഏതേ പുരോഗമാ ഭൂത്വാ ധൃഷ്ടദ്യുംനശ്ച സംയുഗേ।
കർണമസ്യന്തമിഷ്വസ്ത്രൈസ്തതക്ഷുരമിതൌജസം॥ 8-51-66 (57552)
താംസ്തത്രാധിരഥിഃ സംഖ്യേ ചേദിപാഞ്ചാലപാണ്ഡവാൻ।
ഏകോ ബഹൂനഭ്യപതദ്ഗരുത്മാനിവ പന്നഗാൻ॥ 8-51-67 (57553)
തൈഃ കർണസ്യാഭവദ്യുദ്ധം ഘോരരൂപം വിശാംപതേ।
താദൃഗ്യാദൃക്പുരാവൃത്തം ദേവാനാം ദാനവൈഃ സഹ॥ 8-51-68 (57554)
താൻസമേതാൻമഹേഷ്വാസാഞ്ശരവർഷൌധവർഷിണഃ।
ഏകോ വ്യധമദവ്യഗ്രസ്തമാംസീവ ദിവാകരഃ॥ 8-51-69 (57555)
ഭീമസേനസ്തു സംസക്തേ രാധേയേ പാണ്ഡവൈഃ സഹ।
സർവതോഽഭ്യഹനത്ക്രുദ്ധോ യമദണ്ഡനിഭൈഃ ശരൈഃ॥ 8-51-70 (57556)
ബാഹ്ലീകാൻകേകയാൻമാത്സ്യാന്വാസാത്യാൻമദ്രസൈന്ധവാൻ।
ഏകഃ സംഖ്യേ മഹേഷ്വാസോ യോധയൻബഹ്വശോഭത॥ 8-51-71 (57557)
തത്ര മർമസു ഭീമേന നാരാചൈസ്താഡിതാ ഗജാഃ।
പ്രപതന്തോ ഹതാരോഹാഃ കംപയന്തി സ്മ മേദിനീം॥ 8-51-72 (57558)
വാജിനശ്ച ഹതാരോഹാഃ പത്തയശ്ച ഗതാസവഃ।
അശേരത മഹാരാജ വമന്തോ രുധിരം ബഹു॥ 8-51-73 (57559)
താഡിതാഃ സഹസാ നാഗാ ഭീമസേനേന മാരിഷ।
നിപതന്തി മഹാവേഗാ വജ്രരുഗ്ണാ ഇവാചലാഃ॥ 8-51-74 (57560)
പതിതൈസ്തൈർമഹാരാജ വേഗവദ്ഭിർമഹാരഥൈഃ।
ശുശുഭേ വസുധാ രാജന്വികീർണൈരിവ പർവതൈഃ॥ 8-51-75 (57561)
സഹസ്രശശ്ച രഥിനഃ പത്തയഃ പതിതായുധാഃ।
അക്ഷതാഃ സമദൃശ്യന്ത ഭീമാദ്ഭീതാ ഗതാസവഃ॥ 8-51-76 (57562)
രഥിഭിഃ സാദിഭിഃ സൂതൈഃ പാദാതൈർവാജിഭിർഗജൈഃ।
ഭീമസേനശരൈശ്ഛിന്നൈരാച്ഛന്നാ സുധാഭവത്॥
തത്സ്തംഭിതമിവാതിഷ്ഠദ്ഭീമസേനഭയാർദിതം। 8-51-77 (57563)
ദുര്യോധനബലം സർവം നിരുത്സാഹം കൃതം രണേ।
നിശ്ചേഷ്ടം തുമുലം ദീനം ബഭൌ തസ്മിൻമഹാരണേ॥ 8-51-78 (57564)
പ്രസന്നസലിലേ കാലേ യഥാ സ്യാത്സാഗരോ നൃപ।
തദ്വത്തവ ബലം തദ്വൈ നിശ്ചലം സമവസ്ഥിതം॥ 8-51-79 (57565)
മന്യുവീര്യബലോപേതം ദർപാത്പ്രത്യവരോപിതം।
അഭവത്തവ പുത്രസ്യ തത്സൈന്യം നിഷ്പ്രഭം തദാ॥ 8-51-80 (57566)
തേ ബലേ ഭരതശ്രേഷ്ഠ വധ്യമാനേ പരസ്പരം।
രുധിരൌഘപരിക്ലിന്നേ രുധിരാർദ്രേ ബഭൂവതുഃ॥ 8-51-81 (57567)
സൂതപുത്രോഽവധീത്ക്രുദ്വഃ പാണ്ഡവാനാമനീകിനീം।
ഭീമസേനഃ കുരൂണാം ച ത്രിഗർതാനാം ധനഞ്ജയഃ॥ 8-51-82 (57568)
വർതമാനേ തഥാ രോദ്രേ സംഗ്രാമേഽദ്ഭുതദർശനേ।
നിഹത്യ പൃതനാമധ്യം സംശപ്തകഗണാൻബഹൂൻ।
അർജുനോ ജയതാം ശ്രേഷ്ഠോ വാസുദേവമഥാബ്രവീത്॥ 8-51-83 (57569)
പ്രഭഗ്നം ബലമേതദ്ധി യോത്സ്യമാനം മയാ സഹ।
ഏതേ ധാവന്തി സഗണാഃ സംശപ്തകമഹാരഥാഃ॥ 8-51-84 (57570)
`ദുർജയാ ഹ്യേവ സമരേ ദേവൈരപി സവാസവൈഃ'।
അപാരയന്തോ മദ്ബാണാൻസിംഹശബ്ദം മൃഗാ ഇവ॥ 8-51-85 (57571)
ദീര്യതേ ച മഹത്സൈന്യം സൃഞ്ജയാനാം മഹാരണേ।
`കുരവശ്ചാഭിധാവന്തി ഭീമസേനഭയാർദിതാഃ'॥ 8-51-86 (57572)
ഹസ്തികക്ഷ്യോ ഹ്യസൌ കൃഷ്ണ കേതുഃ കർണസ്യ ധീമതഃ।
ദൃശ്യതേ രാജസൈന്യസ്യ മധ്യേ വിചരതോ മുഹുഃ॥ 8-51-87 (57573)
ന ച കർണം രണേ ശക്താ ജേതുമേതേ മഹാരഥാഃ।
ജാനീതേ ഹി ഭവാൻകർണം വീര്യവന്തം പരാക്രമേ॥ 8-51-88 (57574)
തത്ര യാഹി യതഃ കർണോ ദ്രാവയത്യേഷ നോ ബലം।
ത്രിഗർതാന്വർജയന്യാഹി സൂതപുത്രം മഹാരഥം।
ഏതൻമേ രോചതേ കൃഷ്ണ യഥാ വാ തവ രോചതേ॥ 8-51-89 (57575)
ഏതച്ഛ്രുത്വാ വചസ്തസ്യ ഗോവിന്ദഃ പ്രഹസന്നിവ।
അബ്രവീദർജുനം തൂർണം കൌരവാന്യാഹി പാണ്ഡവ॥ 8-51-90 (57576)
തതസ്തവ മഹാസൈന്യം ഗോവിന്ദപ്രേരിതാ ഹയാഃ।
ഹംസവർണാ വിശംസ്തൂർണം വഹന്തോഽർജുനമാഹവേ॥ 8-51-91 (57577)
കേശവപ്രേരിതൈരശ്വൈഃ ശ്വേതൈഃ കാഞ്ചനഭൂഷണൈഃ।
പ്രവിശദ്ഭിസ്തവ ബലം ചതുർദിശമദീര്യത॥ 8-51-92 (57578)
മേഘസ്തനിതനിർഹാദഃ സ രഥോ വാനരധ്വജഃ।
ചലത്പതാകസ്താം സേനാം വിമാനം ദ്യാമിവാവിശത്॥ 8-51-93 (57579)
തൌ വിദാര്യ മഹാസേനാം പ്രവിഷ്ടൌ കേശവാർജുനോ।
ക്രുദ്ധൌ സംരംഭരക്താക്ഷൌ വിഭ്രാജേതാം മഹാദ്യുതീ॥ 8-51-94 (57580)
യുദ്ധശൌണ്ഡൌ സമാഹൂതാവാഗതൌ തൌ രണാധ്വരം।
യജ്വഭിർവിധിനാ ഹൂതൌ മഖം ദേവാവിവാശ്വിനൌ॥ 8-51-95 (57581)
`ക്രോധതാംരേക്ഷണൌ ശൂരൌ ശുശുഭാതേ മഹാബലൌ।
മദോത്കടൌ യഥാ നാഗൌ ദൃഷ്ടിസഞ്ചാരചാരിണൌ'॥ 8-51-96 (57582)
ക്രുദ്ധൌ തൌ തു നരവ്യാഘ്രോ യോഗവന്തൌ ബഭൂവതുഃ।
തലശബ്ദേന രുഷിതൌ മഹാനാഗാവിവോത്കടൌ॥ 8-51-97 (57583)
വിഗാഹ്യ തു രഥാനീകമശ്വസംഘാംശ്ച ഫൽഗുനഃ।
വ്യചരത്പൃതനാമധ്യേ പാശഹസ്ത ഇവാനത്കഃ॥ 8-51-98 (57584)
തം ദൃഷ്ട്വാ യുധി വിക്രാന്തം സേനായാം തവ ഭാരത।
സംശപ്തകഗണാൻഭൂയഃ പുത്രസ്തേ സമചൂചുദത്॥ 8-51-99 (57585)
തതോ രഥസഹസ്രേണ ദ്വിരദാനാം ത്രിഭിഃ ശതൈഃ।
ചതുർദശസഹസ്രൈസ്തു തുരഗാണാം മഹാഹവേ।
ദ്വാഭ്യാം ശതസഹസ്രാഭ്യാം പദാതീനാം ച ധന്വിനാം॥ 8-51-100 (57586)
ശൂരാണാം ലബ്ധലക്ഷാണാം വിദിതാനാം സമന്തതഃ।
അഭ്യവർതന്ത കൌന്തേയം ഛാദയന്തോ മഹാരഥാഃ॥ 8-51-100 (57587)
ശരവർഷൈർമഹാരാജ സർവതഃ പാണ്ഡുനന്ദനം।
സ ച്ഛാദ്യമാനഃ സമരേ ശരൈഃ പരബലാർദനഃ॥ 8-51-101 (57588)
ദർശയന്രൌദ്രമാത്മാനം പാശഹസ്ത ഇവാന്തകഃ।
നിഘ്നൻസംശപ്തകാൻപാർഥഃ പ്രേക്ഷണീയതരോഽഭവത്॥ 8-51-102 (57589)
തതോ വിദ്യുത്പ്രഭൈർബാണൈഃ കാർതസ്വരവിഭൂഷിതൈഃ।
നിരന്തരമിവാകാശമാസീച്ഛന്നം കിരീടിനാ॥ 8-51-103 (57590)
കിരീടിചാപനിർമുക്തൈഃ സംപതദ്ഭിർമഹാശരൈഃ।
സമാച്ഛന്നം ബഭൌ സർവം കാദ്രവേയൈരിവ പ്രഭോ॥ 8-51-104 (57591)
രുക്മപുംഖാഞ്ശരാൻഘോരാൻപ്രസന്നാന്നതപർവണഃ।
അവാസൃജദമേയാത്മാ ദിക്ഷു സർവാസു പാണ്ഡവഃ॥ 8-51-105 (57592)
മഹീ വിയദ്ദിശഃ സർവാഃ സമുദ്രാ ഗിരയോഽപി വാ।
സ്ഫുടന്തീതി ജനാ ജജ്ഞുഃ പാർഥസ്യ തലനിഃസ്വനാത്॥ 8-51-106 (57593)
ഹത്വാ ദശസഹസ്രാണി പാർഥിവാനാം മഹാരഥഃ।
സംശപ്തകാനാം കൌന്തേയഃ പ്രപക്ഷം ത്വരിതോഭ്യയാത്॥ 8-51-107 (57594)
പ്രപക്ഷം ച സമാസാദ്യ പാർഥഃ കാംഭോജരക്ഷിതം।
പ്രമമാഥ ബലം ഭല്ലൈർദാനവാനിവ വാസവഃ॥ 8-51-108 (57595)
പ്രചിച്ഛേദാശു ഭല്ലേന ദ്വിഷതാമാതതായിനാം।
ശസ്ത്രപാണീംസ്തഥാ ബാഹൂംസ്തഥാപി ച ശിരാംസ്യുത॥ 8-51-109 (57596)
അംഗാംംഗാവയവൈശ്ഛിന്നൈർവ്യായുധാസ്തേഽപതൻഭുവി।
വിഷ്വഗ്വാതാഭിസംഭഗ്നാ ബഹുശാഖാ ഇവ ദ്രുമാഃ॥ 8-51-110 (57597)
ഹസ്ത്യശ്വരഥപത്തീനാം വ്രാതാന്നിഘ്നന്തമർജുനം।
സുദക്ഷിണാദവരജഃ ശരവൃഷ്ട്യാഭ്യവീവൃഷത്॥ 8-51-112 (57598)
തസ്യാസ്യതോഽർധചന്ദ്രാഭ്യാം സ ബാഹൂ പരിഘോപമൌ।
പൂർണചന്ദ്രാഭവക്ത്രം ച ക്ഷുരേണാപാഹരച്ഛിരഃ॥ 8-51-113 (57599)
തത്പപാത തതോ വേഗാത്സ്വലോഹിതപരിഷ്കൃതം।
മനഃ ശിലാഗിരേഃ ശൃംഗം വ്ജ്രേണേവാവദാരിതം॥ 8-51-114 (57600)
സുദക്ഷിണാദവരജം കാംഭോജാ ദദൃശുർഹതം।
പ്രാംശും കമലപത്രാക്ഷമത്യർഥം പ്രിയദർശനം।
കാഞ്ചനസ്തംഭസദൃശം ഭിന്നം ഹേമഗിരിം യഥാ॥ 8-51-115 (57601)
തതോഽഭവത്പുനര്യുദ്ധം ഘോരമത്യർഥമദ്ഭുതം।
നാനാവസ്ഥാശ്ച യോധാനാം ബഭൂവുസ്തത്ര യുധ്യതാം॥ 8-51-116 (57602)
പാർഥേഷുനിഹതൈരശ്വൈഃ കാംഭോജൈര്യവനൈഃ ശകൈഃ।
ശോണിതാക്തൈസ്തദാ രക്തം സർവാമാസീദ്വിശാം പതേ॥ 8-51-117 (57603)
രഥൈർഹതാശ്വസൂതൈശ്ച ഹതാരോഹൈശ്ച വാജിഭിഃ।
ദ്വിരദൈശ്ച ഹതാരോഹൈർമഹാമാത്രൈർഹതദ്വിപൈഃ॥ 8-51-118 (57604)
അന്യോന്യേന മഹാരാജ വിനാശഃ പൃഥിവീക്ഷിതാം।
ആസീത്ക്രുദ്വേഽർജുനേ കർണേ ഭീമസേനേ ച ദാരുണം॥ 8-51-119 (57605)
തസ്പിൻപ്രപക്ഷേ പക്ഷേ ച വധ്യമാനേ മദോത്കടഃ।
അർജുനം ജയതാം ശ്രേഷ്ഠം ത്വരിതോ ദ്രൌണിരഭ്യയാത്॥ 8-51-120 (57606)
വിധുന്വാനോ മഹച്ചാപം കാർതസ്വരവിഭൂഷിതം।
ആദദാനഃ ശരാൻഘോരാൻസ്വരശ്മീനിവ ഭാസ്കരഃ॥ 8-51-121 (57607)
തയോരാസീൻമഹദ്യുദ്ധം ധർമഭ്രാത്രോരനൈഷ്ഠികം।
വിസ്മാപയിഷതോർലോകം യശശ്ചോത്തമമിച്ഛതോഃ॥ 8-51-122 (57608)
സംശപ്തകാംസ്തു കൌന്തേയഃ കുരൂംശ്ചാപി വൃകോദരഃ।
സൂതപുത്രസ്തു പാഞ്ചാലാംസ്ത്രയോഽഘ്നംസ്ത്വരിതാഃ ശരൈഃ॥ 8-51-123 (57609)
ഏവമേഷ മഹാരാജ വിനാശഃ പൃഥിവീക്ഷിതാം।
യുദ്വം ഘോരം തഥാ ത്വാസീത്ത്രിധാഭൂതേ ചമൂമുഖേ॥ ॥ 8-51-124 (57610)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ഏകപഞ്ചാശോഽധ്യായഃ॥ 51 ॥ *.ഏതദനന്തരം ഝ.പുസ്തകേ വിദ്യമാനാ കഥാ അസ്മിൻപാഠേ---57--58 തമാധ്യായയോർവർതതേ।
॥ ശ്രീഃ ॥
8.52. അധ്യായഃ 052
Mahabharata - Karna Parva - Chapter Topics
സംശപ്തകൈര്യുധ്യമാനസ്യ പാർഥസ്യാശ്വത്ഥാംനാഽഽഹ്നാനം॥ 1 ॥ തയോര്യുദ്ധം॥ 2 ॥
Mahabharata - Karna Parva - Chapter Text
8-52-0 (57611)
ധൃതരാഷ്ട്ര ഉവാച। 8-52-0x (4970)
കഥം സംശപ്തകൈഃ സാർധമർജുനസ്യാഭവദ്രണഃ।
സൂതപുത്രസ്യ പാഞ്ചാലൈഃ കഥം യുദ്ധം പ്രവർതിതം॥ 8-52-1 (57612)
അശ്വത്ഥാംനസ്തു യദ്യുദ്ധമർജുനസ്യ ച സഞ്ജയ।
അന്യേഷാം ച മദീയാനാം പാണ്ഡവൈസ്തദ്ബ്രവീഹി മേ॥ 8-52-2 (57613)
സഞ്ജയ ഉവാച। 8-52-3x (4971)
ശൃണു രാജന്യഥാവൃത്തം സംഗ്രാമം ബ്രുവതോ മമ।
വീരാണാം ശത്രുഭിഃ സാർധം ദേഹപാപ്മവിനാശനം॥ 8-52-3 (57614)
പാർഥഃ സംശപ്തകബലം പ്രവിശ്യാർണവസന്നിഭം।
വ്യക്ഷോഭയദമിത്രഘ്നോ മഹാവാത ഇവാർണവം॥ 8-52-4 (57615)
പൂർണചന്ദ്രാഭവക്രാണി സ്വക്ഷിഭ്രൂദശനാനി ച।
ശിരാംസ്യുൻമഥ്യ വീരാണാം ശിതൈർഭല്ലൈർധനഞ്ജയഃ।
സന്തസ്താര ക്ഷിതിം ക്ഷിപ്രം വിനാലൈർനലിനൈരിവ॥ 8-52-5 (57616)
സുവൃത്താനായതാൻപുഷ്ടാംശ്ചന്ദനാഗുരുഭൂഷിതാൻ।
സായുധാൻസതലത്രാംശ്ച പഞ്ചാസ്യോരഗസന്നിഭാൻ।
ബാഹൂൻക്ഷുരൈരമിത്രാണാം ചിച്ഛേദ സമരേഽർജുനഃ॥ 8-52-6 (57617)
ധുര്യാന്ധുര്യോതരാൻസൂതാന്ധ്വജാംശ്ചാപാനി സായകാൻ।
പാണീന്നിതാന്തനിശിതൈർഭല്ലൈശ്ചിച്ഛേദ പാണ്ഡവഃ॥ 8-52-7 (57618)
രഥാന്ദ്വിപാൻഹയാംശ്ചൈവ സാരോഹാനർജുനോ യുധി।
ശരൈരനേകസാഹസ്രൈർനിന്യേ രാജന്യമക്ഷയം॥ 8-52-8 (57619)
തം പ്രവീരാഃ സുസംരബ്ധാ നർദമാനാ ഇവർഷഭാഃ।
വാസിതാർഥമിവ ക്രുദ്ധമഭിദ്രുത്യ മഹോത്കടാഃ।
നിഘ്ന്തമഭിജഘ്നുസ്തേ ശരൈഃ ശൃംഗൈരിവർഷഭാഃ॥ 8-52-9 (57620)
തസ്യ തേഷാം ച തദ്യുദ്വമഭവദ്രോമഹർഷണം।
ത്രൈലോക്യവിജയേ യദ്വദ്ദൈത്യാനാം സഹ വജ്രിണാ॥ 8-52-10 (57621)
അസ്ത്രൈസ്ത്രാണി സംവാര്യ ദ്വിഷതാം സർവതോഽർജുനഃ।
ഇഷുഭിർബഹുഭിസ്തൂർണം വിദ്വ്വാ പ്രാണാഞ്ജഹാര സഃ॥ 8-52-11 (57622)
ഛിന്നത്രിവേണുചക്രാക്ഷാൻഹതയോധാൻസസാരഥീൻ।
വിധ്വസ്തായുധതൂണീരാൻസമുൻമഥിതകേതനാൻ॥ 8-52-12 (57623)
സഞ്ഛിന്നയോക്രരശ്മീഷാന്വിത്രിവേണൂന്വികൂബരാൻ।
വിസ്രസ്തബന്ധുരയുഗാന്വിസ്രസ്താക്ഷപ്രമണ്ഡലാൻ॥ 8-52-13 (57624)
രഥാന്വിശകലീകുർവൻമഹാഭ്രാണീവ മാരുതഃ॥ 8-52-14 (57625)
വിസ്മാപകം പ്രേക്ഷകാണാം ദ്വിഷതാം ഭയവർധനം।
മഹാരഥസഹസ്രസ്യ സമം കർമാകരോജ്ജയഃ॥ 8-52-15 (57626)
സിദ്ധദേവർഷിസംഘാശ്ച ചാരണാശ്ചാപി തുഷ്ടുവുഃ॥ 8-52-16 (57627)
ദേവദുന്ദുഭയോ നേദുഃ പുഷ്പവർഷാണി ചാപതൻ।
കേശവാർജുനയോർമൂർധ്നി പ്രാഹ വാക്വാശരീരിണീ॥ 8-52-17 (57628)
ചന്ദ്രാഗ്ന്യനിലസൂര്യാണാം കാന്തിദീപ്തിബലദ്യുതീഃ।
യൌ സദാ ബിഭ്രതുർവീരാവിമൌ തൌ കേശവാർജുനൌ॥ 8-52-18 (57629)
ബ്രഹ്മേശാനാവിവ പുരാ വീരാവേകരഥേ സ്ഥിതൌ।
സർവഭൂതവരൌ വീരൌ നരനാരായണാവിമൌ॥ 8-52-19 (57630)
ഇത്യേതൻമഹദാശ്ചര്യം ദൃഷ്ട്വാ ശ്രുത്വാ ച ഭാരത।
അശ്വത്ഥാമാ സുസങ്ക്രുദ്ധഃ കൃഷ്ണാവഭ്യദ്രവദ്രണേ॥ 8-52-20 (57631)
അഥ പാണ്ഡവമസ്യന്തമമിത്രാന്തകരാഞ്ഛരാൻ।
സേഷുണാ പാണിനാഽഽഹൂയ പ്രഹസന്ദ്രൌണിരബ്രവീത്॥ 8-52-21 (57632)
യദി മാം മന്യസേ വീര പ്രാപ്തമർഹമിഹാതിഥിം।
തതഃ സർവാത്മനാ ത്വദ്യ യുദ്വാതിഥ്യം പ്രയച്ഛ മേ॥ 8-52-22 (57633)
ഏവമാചാര്യപുത്രേണ സമാഹൂതോ യുയുത്സയാ।
ബഹുമേനേഽർജുനോഽഽത്മാനമിതി ചാഹ ജനാർദനം॥ 8-52-23 (57634)
സംശപ്തകാശ്ച മേ വധ്യാ ദ്രൌണിരാഹ്വയതേ ച മാം।
യദത്രാനന്തരം പ്രാപ്തം ശംസ മേ തദ്വി മാധവ॥ 8-52-24 (57635)
ആതിഥ്യകർമാഭ്യുത്ഥായ ദീയതാം യദി മന്യസേ।
ഏവമുക്തോഽവഹത്പാർഥം കൃഷ്ണോദ്രോണാത്മജാന്തികേ॥ 8-52-25 (57636)
ശൈക്ഷ്യേണ വിധിനാഽഽഹൂതം വായുരിന്ദ്രമിവാധ്വരേ।
തമാമന്ത്ര്യൈകമനസം കേശവോ ദ്രൌണിമബ്രവീത്॥ 8-52-26 (57637)
അശ്വത്ഥാമൻസ്ഥിരോ ഭൂത്വാ പ്രഹരാശു സഹസ്വ ച।
നിർവേഷ്ടും ഭർതൃപിണ്ഡം ഹി കാലോഽയമുപജീവിനാം॥ 8-52-27 (57638)
സൂക്ഷ്മോ വിവാദോ വിപ്രാണാം സൂക്ഷ്മൌ ക്ഷാസ്ത്രൌ ജയാജയൌ॥ 8-52-28 (57639)
നഹി സങ്ക്ഷമസേ മോഹാദ്ദിവ്യാം പാർഥസ്യ സത്ക്രിയാം।
സമാപ്തിമിച്ഛന്യുധ്യസ്വ സ്യിരോ ഭൂത്വാഽദ്യ പാണ്ഡവം॥ 8-52-29 (57640)
ഇത്യുക്തോ വാസുദേവേന തഥേത്യുക്ത്വാ ദ്വിജോത്തമഃ।
വിവ്യാധ കേശവം ഷഷ്ട്യാ നാരാചൈരർജുനം ത്രിഭിഃ॥ 8-52-30 (57641)
തസ്യാർജുനഃ സുസങ്ക്രുദ്ധസ്ത്രിഭിർബാണൈഃ ശരാസനം।
ചിച്ഛേദാഥാന്യദാദത്ത ദ്രൌണിർഘോരതരം ധനുഃ॥ 8-52-31 (57642)
സജ്യം കൃത്വാ നിമേഷാച്ച വിവ്യാധാർജുനകേശവൌ।
ത്രിഭിഃ ശതൈർവാസുദേവം സഹസ്രേണ ച പാണ്ഡവം॥ 8-52-32 (57643)
തതഃ ശരസഹസ്രാണി പ്രയുതാന്യർബുദാനി ച।
സസൃജേ ദ്രൌണിരായസ്തഃ സ്തംഭയാമാസ ചാർജുനം॥ 8-52-33 (57644)
ഇഷുധേർധനുഷോ ജ്യായാസ്ത്വംഗുലിഭ്യശ്ച മാരിഷ।
ബാഹ്വോഃ കരാഭ്യാമുരസോ വദനാദ്വ്രാണനേത്രതഃ॥ 8-52-34 (57645)
കർണാഭ്യാം ശിരസോഽംഗേഭ്യോ ലോമവർമഭ്യ ഏവ ച।
രഥധ്വജാഭ്യാം ച ശരാ നിഷ്പേതുർബ്രഹ്മവാദിനഃ॥ 8-52-35 (57646)
ശരജാലേന മഹതാ ബദ്ധ്വാ മാധവപാണ്ഡവൌ।
നനാദ സുദിതോ ദ്രൌണിർമഹാമേഘൌഘനിഃസ്വനം॥ 8-52-36 (57647)
`തൈഃ പതദ്ഭിർമഹാരാജ ദ്രൌണിമുക്തൈഃ സമന്തതഃ।
സഞ്ഛാദിതൌ രഥസ്ഥൌ താവുഭൌ കൃഷ്ണധനഞ്ജയൌ॥ 8-52-37 (57648)
ദതഃ ശരxxxxxxക്ഷ്ണൈർഭാരദ്വാജഃ പ്രതാപവാൻ।
നിxxxxxചക്രേ രഥേ മാധവപാണ്ഡവൌ॥ 8-52-38 (57649)
xxxxജംഗമം സ്ഥാവരം തഥാ।
ചരാചരസാ മോപ്താരൌ ദൃഷ്ട്വാ സഞ്ഛാദിതൌ ശരൈഃ॥ 8-52-39 (57650)
സിദ്ധചാരxxxxxശ്ച സംപേതുർശൈ സമന്തതഃ।
അപി xxxxxxxx ലോകാനാമിതി ചാബ്രുവൻ॥ 8-52-40 (57651)
ന മയാ xxxxxxxxxx രാജന്ദൃഷ്ടപൃർവഃ പരാകമഃ।
xxxxxxxxxxxx കൃഷ്ണോ ഛാദയതോ രണേ॥ 8-52-41 (57652)
xxxxxxxxxxxശബ്ദം രഥാനാം ത്രാസനം രണേ।
xxxxxxxxxx രാജൻസിംഹസ്യ നദതോ യഥാ॥ 8-52-42 (57653)
ചരതോ യുദ്ധേ സവ്യം ദക്ഷിണമസ്യതഃ।
വിദ്യുദംഭോധരസ്യേവ ഭ്രാജമാനാ വ്യദൃശ്യത॥ 8-52-43 (57654)
സ തദാ ക്ഷിപ്രകാരീ ച ദൃഢഹസ്തശ്ച പാണ്ഡവഃ।
പ്രമോഹം പരമം ഗത്വാ പ്രേക്ഷന്നാസ്തേ ധനഞ്ജയഃ॥ 8-52-44 (57655)
വിക്രമം ചരതോ യുദ്ധേ സവ്യം ദക്ഷിണമസ്യതഃ।
വിക്രമം ച ഹൃതം മേനേ ആത്മനസ്തേന സംയുഗേ॥ 8-52-45 (57656)
അഥാസ്യ സമരേ രാജന്വപുരാസീത്സുദുർദൃശം।
ദ്രൌണേസ്തത്കുർവതഃ കർമ യാദൃഗ്രൂപം പിനാകിനഃ॥ 8-52-46 (57657)
വർധമാനേ തതസ്തത്ര ദ്രോണപുത്രേ വിശാംപതേ।
ഹീയമാനേ ച കൌന്തേയേ കൃഷ്ണം രോഷഃ സമാവിശത്॥ 8-52-47 (57658)
സ രോഷാന്നിശ്വസന്രാജന്നിർദഹന്നിവ ചക്ഷുഷാ।
ദ്രൌണിം ദദർശ സംഗ്രാമേ ഫൽഗുനം ച മുഹുർമുഹുഃ॥ 8-52-48 (57659)
തതഃ കൃഷ്ണോഽബ്രവീത്ക്രുദ്ധഃ പാർഥം സപ്രണയം വചഃ॥ 8-52-49 (57660)
അത്യദ്ഭുതതമിദം പാർഥ ത്വയി പശ്യാമി സംയുഗേ।
യത്ത്വാം വിശേഷയത്യാജൌ ദ്രോണപുത്രോഽദ്യ ഭാരത॥ 8-52-50 (57661)
കച്ചിത്തേ ഗാണ്ഡിവം ഹസ്തേ മുഷ്ടിർവാ ന വ്യശീര്യത।
കച്ചിദ്വീര്യം യഥാപൂർവം ഭുജയോർവാ ബലം തവ॥ 8-52-51 (57662)
ഉദീര്യമാണം ഹി രണേ പശ്യാമി ദ്രൌണിമാഹവേ।
ഗുരുപുത്ര ഇതി ഹ്യേനം മാനയൻപാണ്ഡവർഷഭ।
ഉപേക്ഷാം മാ കൃഥാഃ പാർഥ നായം കാല ഉപേക്ഷിതും'॥ 8-52-52 (57663)
അർജുന ഉവാച। 8-52-53x (4972)
പശ്യ മാധവ ദൌരാത്ംയം ഗുരുപുത്രസ്യ മാം പ്രതി।
വധം പ്രാപ്തൌ മന്യതേ നൌ പ്രാവേശ്യ ശവരേശ്മനി।
ഏഷോസ്മി ഹൻമി സങ്കൽപം ശിക്ഷയാ ച ബലേന ച॥ 8-52-53 (57664)
`ഏവമുക്ത്വാഽസ്യ ചിച്ഛേദ ഭല്ലൈഃ കർമാരമാർജിതൈഃ।
ധനുശ്ഛത്രം പതാകാം ച രഥശക്തിം ഗദാം വരാം'॥ 8-52-54 (57665)
അശ്വത്ഥാംനഃ ശരാനസ്താഞ്ഛിത്ത്വൈകൈകം ത്രിധാ ത്രിധാ।
വ്യധമദ്ഭരതശ്രേഷ്ഠോ നീഹാരമിവ മാരുതഃ॥ 8-52-55 (57666)
തതഃ സംശപ്തകാൻഭൂയഃ സാശ്വസൂതരഥദ്വിപാൻ।
ധ്വജപത്തിഗണാനുർഗ്രൈർബാണൈർവിവ്യാധ പാണ്ഡവഃ॥ 8-52-56 (57667)
യേ യേ ദദൃശിരേ തത്ര യദ്യദ്രൂപാസ്തദാ ജനാഃ।
തേ തേ തത്ര ശരൈർവ്യാപ്തം മേനിരേഽഽത്മാനമാത്മനാ॥ 8-52-57 (57668)
തേ ഗാണ്ഡീവപ്രമുക്താസ്തു നാനാരൂപാഃ പതത്രിണഃ।
ക്രോശേ സാഗ്രേ സ്ഥിതാഞ്ജഘ്നുർദ്വിപാംശ്ച പുരുഷാന്രണേ॥ 8-52-58 (57669)
ഭല്ലൈശ്ഛിന്നാഃ കരാഃ പേതുഃ കരിണാം മദവർഷിണാം।
യഥാ വനേ പരശുഭിർനികൃത്താഃ ശാൽമലിദ്രുമാഃ॥ 8-52-59 (57670)
പശ്ചാത്തു ശൈലവത്പതുസ്തേ ഗജാഃ സഹ സാദിഭിഃ।
വജ്രിവജ്രാവമഥിതാ യഥൈവാദ്രിചയാസ്തഥാ॥ 8-52-60 (57671)
ഗന്ധർവനഗരാകാരാന്രഥാംശ്ചൈവ സുകൽപിതാൻ।
വിനീതൈർജവനൈര്യുക്താനാസ്ഥിതാന്യുദ്വദുർമദൈഃ॥ 8-52-61 (57672)
ശരൈർവിശകലീകുർവന്നമിത്രാനഭ്യവീവൃഷത്।
സ്വലങ്കൃതാനശ്വസാദീൻപത്തീംശ്ചാഹന്ധനഞ്ജയഃ॥ 8-52-62 (57673)
ധനഞ്ജയയുഗാന്താർകഃ സംശപ്തകമഹാർണവം।
വ്യശോഷയത ദുഃശോഷം തീക്ഷ്ണൈഃ ശരഗഭസ്തിഭിഃ॥ 8-52-63 (57674)
പുനർദ്രൌണിമഹാശൈലം നാരാചൈർവജ്രസന്നിഭൈഃ।
നിർബിഭേദ മഹാവേഗൈസ്ത്വരന്വജ്രീവ പർവതം॥ 8-52-64 (57675)
തമാചാര്യസുതഃ ക്രുദ്ധഃ സാശ്വയന്താരമാശുഗൈഃ।
യുയുത്സുരാഗമദ്യോദ്ധും പാർഥസ്താനച്ഛിനച്ഛരാൻ॥ 8-52-65 (57676)
തതഃ പരമസങ്ക്രുദ്ധഃ കാണ്ഡകോശമവാസൃജത്।
അശ്വത്ഥാമാഭിരൂപായ ഗൃഹാനതിഥയേ യഥാ॥ 8-52-66 (57677)
അഥ സംശപ്തകാംസ്ത്യക്ത്വാ പാണ്ഡവോ ദ്രൌണിമഭ്യയാത്।
അപാങ്ക്തേയാനിവ ത്യക്ത്വാ ദാതാ പാങ്ക്തേയമർഥിനം॥ 8-52-67 (57678)
`സ്ഥിതാഃ സംശപ്തകാ രാജന്ദൃഷ്ട്വാ യുദ്വം മഹാത്മനോഃ'॥ ॥ 8-52-68 (57679)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ദ്വിപഞ്ചാശോഽധ്യായഃ॥ 52 ॥
Mahabharata - Karna Parva - Chapter Footnotes
॥ ശ്രീഃ ॥
8.53. അധ്യായഃ 053
Mahabharata - Karna Parva - Chapter Topics
അർജുനേനാശ്വത്ഥാമപരാജയഃ॥ 1 ॥
Mahabharata - Karna Parva - Chapter Text
8-53-0 (57680)
സഞ്ജയ ഉവാച। 8-53-0x (4973)
തതഃ സമഭവദ്യുദ്ധം ശുക്രാംഗിരസവർചസോഃ।
നക്ഷത്രമഭിതോ വ്യോംനി ശുക്രാംഗിരസയോരിവ॥ 8-53-1 (57681)
സന്താപയന്താവന്യോന്യം ദീപ്തൈഃ ശരഗഭസ്തിഭിഃ।
ലോകത്രാസകരാവാസ്താം വിമാർഗസ്ഥൌ ഗ്രഹാവിവ॥ 8-53-2 (57682)
തതോഽവിധ്യദ്ധുവോർമധ്യേ നാരാചൈരർജുനോ ഭൃശം।
സ തേന വിബഭൌ ദ്രൌണിരൂർധ്വരശ്മിര്യഥാ രവിഃ॥ 8-53-3 (57683)
അഥ കൃഷ്ണൌ ശരശതൈരശ്വത്ഥാംനാഽർദിതൌ ഭൃശം।
സ്വരശ്മിജാലവികചൌ യുഗാന്താർകാവിവാസുതഃ॥ 8-53-4 (57684)
തതോഽർജുനഃ സർവതോധാരമസ്ത്ര--
മവാസൃജദ്വാസുദേവേഽഭിഭൂതേ।
ദ്രൌണായനിശ്ചാഭ്യഹനത്പൃഷത്കൈ--
ർവജ്രാഗ്നിവൈവസ്വതദണ്ഡകൽപൈഃ॥ 8-53-5 (57685)
സ കേശവം ചാർജുനം ചാതിതേജാ
വിവ്യാധ മർമസ്വതിരൌദ്രകർമാ।
ബാണൈഃ സുമുക്തൈരതിതീവ്രവേഗൈ--
ര്യൈരാഹതോ മൃത്യുരപി വ്യഥേത॥ 8-53-6 (57686)
ദ്രൌണേരിഷൂനിഷുഭിഃ സന്നിവാര്യ
വ്യായച്ഛതസ്തദ്ദ്വിഗുണൈഃ സുപുംഖൈഃ।
തം സാശ്വസൂതധ്വജമേകവീര--
മാവൃത്യ സംശപ്തകസൈന്യമാർച്ഛത്॥ 8-53-7 (57687)
ധനൂംഷി ബാണാനിഷുധീർധനുർജ്യാഃ
പാണീൻഭുജാൻപാണിഗതം ച ശസ്ത്രം।
ഛത്രാണി കേതൂംസ്തുരഗാന്രഥേഷാം
വസ്ത്രാണി മാല്യാന്യഥാ ഭൂഷണാനി॥ 8-53-8 (57688)
ചർമാണി വർമാണി മനോരമാണി
പ്രസഹ്യ ചൈഷാം സ ശിരാംസി ചൈവ।
സ്രിച്ഛേദ പാർഥോ ദ്വിഷതാം സുമുക്തൈ--
ർബാണൈഃ സ്ഥിതാനാമപരാങ്മുഖാനാം॥ 8-53-9 (57689)
സുകൽപിതാഃ സ്മന്ദനവാജിനാഗാഃ
സമാസ്ഥിതാഃ കൃതയത്നൈർനൃവീരൈഃ।
പാർഥേരിതൈർബാണശതൈർനിരസ്താ--
സ്തൈരേവ സാർധം നൃവരൈർവിനേശുഃ॥ 8-53-10 (57690)
പദ്മാർകപൂർണേന്ദുനിഭാനനാനി
കിരീടമാല്യാഭരണോജ്ജ്വലാനി।
ഭല്ലാർധചന്ദ്രക്ഷുരസന്നികൃത്താ--
ന്യപാതയച്ഛത്രുശിരാംസ്യജസ്രം॥ 8-53-11 (57691)
അഥ ദ്വിപൈർദൈത്യരിപുദ്വിപാഭൈ--
ർദേവാരികൽപാ ബലമന്യുകൽപൈഃ।
കലിംഗവംഗാംഗനിഷാദവീരാ
ജിഘാംസവഃ പാണ്ഡവമഭ്യധാവൻ॥ 8-53-12 (57692)
തേഷാം ദ്വിപാനാം നിചകർത പാർഥോ
വർമാണി ചർമാണി കരാന്നിയന്തൄൻ।
ധ്വജാഃ പതാകാശ്ച തതഃ പ്രപേതു--
ർവജ്രാഹതാനീവ ഗിരേഃ ശിരാംസി॥ 8-53-13 (57693)
തേഷു പ്രഭഗ്നേഷു ഗുരോസ്തനൂജം
ബാണൈഃ കിരീടി നവസൂര്യവർണൈഃ।
പ്രച്ഛാദയാമാസ മഹാഭ്രജാലൈ--
ർവായുഃ സമുദ്യന്തമിവാംശുമന്തം॥ 8-53-14 (57694)
തതോഽർജുനേഷൂനിഷുഭിർനിരസ്യ
ദ്രൌണിഃ ശിതൈരർജുനവാസുദേവൌ।
പ്രച്ഛാദയിത്വാ ദിവി ചന്ദ്രസൂര്യൌ
നനാദ സോഽംഭോദ ഇവാതപാന്തേ॥ 8-53-15 (57695)
തമർജുനസ്താംശ്ച പുനസ്ത്വദീയാ--
നഭ്യർദിതസ്തൈരഭിസൃത്യ ശസ്ത്രൈഃ।
വാണാന്ധകാരം സഹസൈവ കൃത്ത്വാ
വിവ്യാധ പാർഥോ വരഹേമപുംഖൈഃ॥ 8-53-16 (57696)
നാപ്യാദദത്സന്ദധന്നൈവ മുഞ്ച--
ൻബാണാന്രഥേഽദൃശ്യത സവ്യസാചീ।
രഥാംശ്ച നാഗാംസ്തുരഗാൻപദാതീൻ
സംസ്യൂതദേഹാന്ദദൃശുർഹതാംശ്ച॥ 8-53-17 (57697)
സന്ധായ നാരാചവരാന്ദശാശു
ദ്രൌണിസ്ത്വരന്നേകമിവോത്സസർജ।
തേഷാം ച പഞ്ചാർജുനമഭ്യവിധ്യ--
ൻപഞ്ചാച്യുതം നിർബിഭുദുഃ സുപുംഖാഃ॥ 8-53-18 (57698)
തൈരാഹതൌ സർവമനുഷ്യമുഖ്യാ--
വസൃക്സ്രവന്തൌ ധനദേന്ദ്രകൽപൌ।
സമാപ്തവിദ്യേന തഥാഽഭിഭൂതൌ
ഹതൌ രണേ താവിതി മേനിരേഽന്യേ॥ 8-53-19 (57699)
അഥാർജുനം പ്രാഹ ദശാർഹനാഥഃ
പ്രമാദ്യസേ കിം ജഹി യോധമേതം।
കുര്യാദ്ധി ദോഷം സമുപേക്ഷിതോഽയം
കഷ്ടോ ഭവേദ്വ്യാധിരിവാക്രിയാവാൻ॥ 8-53-20 (57700)
തഥേതി ചോക്ത്വാഽച്യുതമപ്രമാദീ
ദ്രൌണേഃ പ്രഹസ്യാശു കിരീടമാലീ।
ഭുജൌ വരൌ ചന്ദനസാരദിഗ്ധൌ
വക്ഷഃ ശിരോഽഥാപ്രതിമൌ തഥോരൂ॥ 8-53-21 (57701)
ഗാണ്ഡീവമുക്തൈഃ കുപിതാഹികൽപൈ--
ദ്രൌണിം ശരൈഃ സംയതി നിർബിഭേദ।
ഛിത്ത്വാ തു രശ്മീംസ്തുരഗാനവിധ്യ--
ത്തേ തം രണാദൂഹുരതീവ ദൂരം॥ 8-53-22 (57702)
സ തൈർഹൃതോ വാതജവൈസ്തുരംഗൈ-
ർദ്രൌണിർദൃഢം പാർഥശരാഭിഭൂതഃ।
ആവൃത്യ നൈവ വ്യഷഹത്സ യോദ്ധും
പാർഥേന സാർധം മതിമാന്വിമൃശ്യ। 8-53-23 (57703)
ജാനഞ്ജയം നിയതം വൃഷ്ണിവീരേ
ധനഞ്ജയേ ചാംഗിരസാം വരിഷ്ഠഃ॥
വിവേശ കർണസ്യ ബലം തരസ്വീ
ഭഗ്നോത്സാഹഃ ക്ഷീണവാണാസ്ത്രയോഗഃ॥ 8-53-24 (57704)
പ്രതീപകാമേ തു രണാദശ്വത്ഥാംനി ഹൃതേ ഹയൈഃ।
മന്ത്രൌഷധിക്രിയായോഗൈർവ്യാധൌ ദേഹാദിവാഹൃതേ॥ 8-53-25 (57705)
സംശപ്തകാനഭിമുഖൌ പ്രയാതൌ കേശവാർജുനൌ।
വാതോദ്വൂതപതാകേന സ്യന്ദനേനൌഘനാദിനാ॥ ॥ 8-53-26 (57706)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ത്രിപഞ്ചാശോഽധ്യായഃ॥ 53 ॥
Mahabharata - Karna Parva - Chapter Footnotes
॥ ശ്രീഃ ॥
8.54. അധ്യായഃ 054
Mahabharata - Karna Parva - Chapter Topics
അർജുനേന ദണ്ഡദണ്ഡധാരയോർവധഃ॥ 1 ॥
Mahabharata - Karna Parva - Chapter Text
8-54-0 (57707)
സഞ്ജയ ഉവാച। 8-54-0x (4974)
അഥോത്തരേണ പാണ്ഡൂനാം സേനായാം ധ്വനിരുത്ഥിതഃ।
രഥനാഗാശ്വപത്തീനാം ദണ്ഡധാരേണ വധ്യതാം॥ 8-54-1 (57708)
നിവർതയിത്വാ തു രഥം കേശവോഽർജുനമബ്രവീത്।
വാഹയന്നേവ തുരഗാൻഗരുഡാനിലരംഹസഃ॥ 8-54-2 (57709)
മാഗധോഽസാവതിക്രാന്തോ ദ്വിരദേന പ്രമാഥിനാ।
ഭഗദത്താദനവമഃ ശിക്ഷയാ ച ബലേന ച॥ 8-54-3 (57710)
ഏനം ഹത്വാ നിഹന്താഽസി പുനഃ സംശപ്തകാനിതി।
വാക്യാന്തേ പ്രാപയത്പാർഥം ദണ്ഡധാരഗജം പ്രതി॥ 8-54-4 (57711)
സ മാഗധാനാം പ്രവരോ മഹാബലോഽ--
ശുഭഗ്രഹോ യോധഗണൈഃ സമന്വിതഃ।
സപത്നസേനാം പ്രമമാഥ ദാരുണോ
ഭീമം സമഗ്രാം ബലവാനിവ ഗ്രഹം॥ 8-54-5 (57712)
സുകൽപിതം ദാനവനാഗസന്നിഭം
മഹാഭ്രനിർഹാദസമസ്വനം രണേ।
സമാസ്ഥിതോ നാഗവരം നരേശ്വരോ
രഥാശ്വമാതംഗനരപ്രമാഥിനം॥ 8-54-6 (57713)
സ നാഗയന്തൄൻസമരേ മഹാരഥാ--
ൻസപത്തിസംഘാംസ്തുരഗാൻസസാദിനഃ।
ദ്വിപാംശ്ച ബാണൈർനിജഘാന വീര്യവാ--
ൻസമന്തതോ ഘ്നന്നിവ കാലചക്രവത്॥ 8-54-7 (57714)
നരാംസ്തു കാംസ്യായസവർമഭൂഷണാ--
ന്നിപാത്യ സാശ്വാനപി പത്തിഭിഃ സഹ।
വ്യപോഥയദ്ദന്തിവരേണ ശുഷ്മിണാ
സശബ്ദവത്സ്ഥൂലനലം യഥാ തഥാ॥ 8-54-8 (57715)
അഥാർജുനോ ജ്യാതലനേമിനിഃസ്വനേ
മൃദംഗഭേരീബഹുശംഖനാദിതേ।
രഥാശ്വമാതംഗസഹസ്രനാദിതേ
രഥോത്തമേനാഭ്യപതദ്ദ്വിപോത്തമം॥ 8-54-9 (57716)
തതോഽർജുനം ദ്വാദശഭിഃ ശരോത്തമൈ--
ർജനാർദനം ഷോഡശഭിഃ സമാർപയത്।
സ ദൺ·ഡധാരസ്തുരഗാംസ്ത്രിഭിസ്ത്രിഭി---
സ്തതോ നനാദ പ്രജഹാസ ചാസകൃത്॥ 8-54-10 (57717)
തതോഽസ്യ പാർഥഃ സഗുണേഷുകാർമുകം
ചകർത ഭല്ലൈർധ്വജമപ്യലങ്കൃതം।
പുനർനിയന്തൄൻസഹപാദഗോപ്തൃഭി--
സ്തതഃ സ ചുക്രോധ ഗിരിവ്രജേശ്വരഃ॥ 8-54-11 (57718)
തതോഽർജുനം ഭിന്നകടേന ദന്തിനാ
ഘനാഘനേനാനിലതുല്യരംഹസാ।
അതീവ ചുക്രോധയിഷുർജനാർദനം
ഘനഞ്ജയം ചാഭിജഘാന തോമരൈഃ॥ 8-54-12 (57719)
അഥാസ്യ ബാഹൂ ദ്വിപഹസ്തസന്നിഭൌ
ശിരശ്ച പൂർണേന്ദുനിഭാനനം ത്രിഭിഃ।
ക്ഷുരൈഃ പ്രചിച്ഛേദ സഹൈവ പാണ്ഡവ--
സ്തതോ ദ്വിപം ബാണശതൈഃ സമർപയത്॥ 8-54-13 (57720)
സ പാർഥബാണൈസ്തപനീയഭൂഷണൈഃ
സമാവൃതഃ കാഞ്ചനവർമഭൃദ്ദ്വിപഃ।
ഭൃശം ചകാശേ നിശി പർവതോ യഥാ
ദാവാഗ്നിനാ പ്രജ്വലിതൌഷധിദ്രുമഃ॥ 8-54-14 (57721)
സ വേദനാർതോഽംബുദനിസ്വനോ നദം--
ശ്ചരൻഭ്രമൻപ്രസ്സ്വലിതാന്തരോഽദ്രവത്।
പപാത രുഗ്ണഃ സനിയന്തൃകസ്തഥാ॥
യഥാ ഗിരിർവജ്രവിദാരിതസ്തഥാ॥ 8-54-15 (57722)
ഹിമാവദാനേന സുവർണമാലിനാ
ഹിമാദ്രികൂടപ്രതിമേന ദന്തിനാ।
ഹതേ രണേ ഭ്രാതരി ദണ്ഡ ആവ്രജ--
ജ്ജിഘാംസുരിന്ദ്രാവരജം ധനഞ്ജയം॥ 8-54-16 (57723)
സതോമരൈരർകരപ്രഭൈസ്ത്രിഭി--
ർജനാർദനം പഞ്ചഭിരർജുനം ശിതൈഃ।
സമർപയിത്വാ വിനനാദ ചാർദയം--
സ്തതോഽസ്യ ബാഹൂ നിചകർത പാണ്ഡവഃ॥ 8-54-17 (57724)
ക്ഷുരപ്രകൃത്തൌ വിപുലൌ സതോമരൌ
ശുഭാംഗദൌ ചന്ദനരൂഷിതൌ ഭുജൌ।
ഗജാത്പതന്തൌ യുഗപദ്വിരേജതു--
ര്യഥോരഗൌ പർവതശൃംഗവൻമഹീം॥ 8-54-18 (57725)
അഥാഽർധചന്ദ്രേണ ഹതം കിരീടിനാ
പപാത ദണ്ഡസ്യ ശിരഃ ക്ഷിതിം ദ്വിപാത്।
സ ശോണിതാർദ്രോ നിപതന്വിരേജേ
ദിവാകരോഽസ്താദിവ പശ്ചിമാം ദിശം॥ 8-54-19 (57726)
അഥ ദ്വിപം ശ്വേതനഗാഗ്രസന്നിഭം
ദിവാകരാംശുപ്രതിമൈഃ ശരോത്തമൈഃ।
ബിഭേദ പാർഥഃ സ പപാത നാദയൻ
ഹിമാദ്രികൂടം കുലിശാഹതം യഥാ॥ 8-54-20 (57727)
തതോഽപരം തത്പ്രതിമാ ഗജോത്തമാ
ജിഗീഷവഃ സംയതി സവ്യസാചിനാ।
തഥാ കൃതാസ്തേഽപി യഥൈവ തൌ ദ്വിപൌ
തതഃ പ്രഭഗ്നം സുമഹദ്രിപോർബലം॥ 8-54-21 (57728)
ഗജാ രഥാശ്വാഃ പുരുഷാശ്ച സംഘശഃ
പരസ്പരഘ്നാഃ പരിപേതുരാഹവേ।
പരസ്പരം പ്രസ്ഖലിതാഃ സമാഹതാ
ഭൃശം ച തത്തദ്ബഹുഭാഷിണോ ഹതാഃ॥ 8-54-22 (57729)
അഥാർജുനം സ്വേ പരിവാര്യ സൈനികാഃ
പുരന്ദരം ദേവഗണാ ഇവാബ്രുവൻ।
അഭൈഷ്മ യസ്മാൻമരണാദിവ പ്രജാഃ
സ വീര ദിഷ്ട്യാ നിഹതസ്ത്വയാ രിപുഃ॥ 8-54-23 (57730)
ന ചേത്പരിത്രാസ്യദിമാഞ്ജനാൻഭയാ--
ദ്ദ്വിഷദ്ഭിരേവം ബലിഭിഃ പ്രപീഡിതാൻ।
തഥാഽഭവിഷ്യദ്ദ്വിഷതാം പ്രമോദനം
യഥാ ഹതേഷ്വേഷ്വിഹ നോഽരിസൂദന॥ 8-54-24 (57731)
ഇതീവ ഭൂയശ്ച സുഹൃദ്ഭിരീഡിതാ
നിശംയ വാചഃ സുമനാസ്തദാഽർജുനഃ।
യഥാഽനുരൂപം പ്രതിപൂജ്യ തം ജനം
ജഗാമ സംശപ്തകസംഘഹാ പുനഃ॥ ॥ 8-54-25 (57732)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ചതുഃപഞ്ചാശോഽധ്യായഃ॥ 54 ॥
Mahabharata - Karna Parva - Chapter Footnotes
॥ ശ്രീഃ ॥
8.55. അധ്യായഃ 055
Mahabharata - Karna Parva - Chapter Topics
അർജുനേന സംശപ്തകാനാം വധഃ॥ 1 ॥
Mahabharata - Karna Parva - Chapter Text
8-55-0 (57733)
സഞ്ജയ ഉവാച। 8-55-0x (4975)
പ്രത്യേത്യാഥ പുനർജിഷ്ണുർജിത്വാ സംശപ്തകാൻബഭൌ।
വക്രാനുവക്രഗമനാദംഗാരക ഇവ ഗ്രഹഃ॥ 8-55-1 (57734)
പാർഥബാണഹതാ രാജന്നരാശ്വരഥകുഞ്ജരാഃ।
വിചേലുർബഭ്രമുർനേശുഃ പേതുർമംലുശ്ച ഭാരത॥ 8-55-2 (57735)
ധുര്യാന്ധുര്യേതരാൻസൂതാന്ധ്വജാംശ്ചപാസിസായകാൻ।
പാണീൻപാണിഗതാഞ്ശസ്ത്രാൻബാഹൂനപി ശിരാംസി ച॥ 8-55-3 (57736)
ഭല്ലൈഃ ക്ഷുരൈരർധചന്ദ്രൈർവത്സദന്തൈശ്ച പാണ്ഡവഃ।
ചിച്ഛേദാമിത്രവീരാണാം സമരേ പ്രതിയുധ്യതാം॥ 8-55-4 (57737)
തം പ്രവീരാസ്ത്വദീയാനാം നർദമാനാഽഭിദുദ്രുവുഃ।
വാസിതാർഥേ യുയുത്സന്തോ വൃഷഭാ വൃഷഭം യഥാ।
നിപതന്ത്യർജുനം ശൂരാഃ ശതശോഽഥ സഹസ്രശഃ॥ 8-55-5 (57738)
തേഷാം തസ്യ ച തദ്യുദ്ധമഭവദ്രോമഹർഷണം।
ത്രൈലോക്യവിജയേ യാദൃഗ്ദൈത്യാനാം സഹ വജ്രിണാ॥ 8-55-6 (57739)
തമവിധ്യത്ത്രിഭിർബാണൈർദന്ദശൂകൈരിവാഹിഭിഃ।
ഉഗ്രായുധസ്യ തസ്യാശു ശിരഃ കായാദപാഹരത്॥ 8-55-7 (57740)
തേഽർജുനം സർവതഃ ക്രുദ്ധാ നാനാശസ്ത്രൈരവീവൃഷൻ।
മരുദ്ഭിഃ പ്രേരിതാ മേഘാ ഹിമവന്തമിവോഷ്ണഗേ॥ 8-55-8 (57741)
അസ്ത്രൈരസ്ത്രാണിം സംവാര്യ ദ്വിഷതാം സർവതോഽർജുനഃ।
സംയഗസ്തൈഃ ശരൈഃ സർവാനഹിതാനഹനദ്ബഹൂൻ॥ 8-55-9 (57742)
ഛിന്നത്രിവേണുജംഘേഷാൻഹതാശ്വാൻഹതസാരഥീൻ।
വിസ്രസ്തഹസ്തതൂണീരാന്വിചക്രഥകേതനാൻ॥ 8-55-10 (57743)
സഞ്ഛിന്നരശ്മിയോക്ത്രാക്ഷാന്വ്യനുകർഷയുഗാന്രഥാൻ।
വിധ്വസ്തസർവസന്നാഹാൻബാണൈശ്ചക്രേഽർജുനസ്ത്വരൻ॥ 8-55-11 (57744)
തേ രഥാസ്തത്ര വിധ്വസ്താഃ പരാർദ്വ്യാ ഭാന്ത്യനേകശഃ।
ധനിനാമിവ വേശ്മാനി ഹതാന്യഗ്ന്യനിലാംബുഭിഃ॥ 8-55-12 (57745)
ദ്വിപാഃ സംഭിന്നമർമാണോ വജ്രാശനിസമൈഃ ശരൈഃ।
പേതുർഗിര്യഗ്രവേശ്മാനി വജ്രവാതാഗ്നിഭിര്യഥാ॥ 8-55-13 (57746)
അനേകൈശ്ച ശിലാധൌതൈർവജ്രാനലവിഷോപമൈഃ।
ശരൈർനിജഘ്നിവാൻപാർഥോ മഹേന്ദ്ര ഇവ ദാനവാൻ॥ 8-55-14 (57747)
സാരോഹാസ്തുരഗാഃ പേതുർബഹവോഽർജുനതാഡിതാഃ।
നിർജിഹ്വാന്ത്രാഃ ക്ഷിതൌ ക്ഷീണാ രുധിരാർദ്രാഃ സുദുർദൃശഃ॥ 8-55-15 (57748)
നരാശ്വനാഗാ നാരാചൈഃ സംസ്യൂതാഃ സവ്യസാചിനാ।
ബഭ്രമുശ്ചസ്ഖലുഃ പേതുർനേദുർമംലുശ്ച മാരിഷ॥ 8-55-16 (57749)
മഹാർഹവർമാഭരണാ നാനാരൂപാംബരായുധാഃ।
സരഥാശ്വദ്വിപാ വീരാ ഹതാഃ പാർഥേന ശേരതേ॥ 8-55-17 (57750)
നിർഭയാഃ പുണ്യകർമാണോ വിശിഷ്ടാഭിജനശ്രുതാഃ।
ഗതാഃ ശരീരൈർവസുധാമൂർജിതൈഃ കർമഭിർദിവം॥ 8-55-18 (57751)
അഥാർജുനരഥം വീരാസ്ത്വദീയാഃ സമഭിദ്രവൻ।
നാനാജനപദാധ്യക്ഷാഃ സഗണാ ജാതമന്യവഃ॥ 8-55-19 (57752)
ഉഹ്യമനാ രഥാശ്വേഭൈഃ പത്തയശ്ച ജിഘാംസവഃ।
സമഭ്യധാവന്നസ്യന്തോ വിവിധം ക്ഷിപ്രമായുധം॥ 8-55-20 (57753)
തദായുധമഹാവർഷം ക്ഷിപ്തം യോധമഹാംബുദൈഃ।
വ്യധമന്നിശിതൈർബാണൈഃ ക്ഷിപ്രമർജുനമാരുതഃ॥ 8-55-21 (57754)
സാശ്വപത്തിദ്വിപരഥം മഹാശസ്ത്രൌഘസംപ്ലവം॥
സഹസാ സന്തിതീർഷന്തം പാർഥം ശസ്ത്രാസ്ത്രസേതുനാ॥ 8-55-22 (57755)
അഥാബ്രവീദ്വാസുദേവഃ പാർഥ കിം ക്രീഡസേഽനഘ।
സംശപ്തകാൻപ്രമഥ്യൈനാംസ്തതഃ കർണവധേ ത്വര॥ 8-55-23 (57756)
തഥേത്യുക്ത്വാഽർജുനഃ കൃഷ്ണം ശിഷ്ടാൻസംശപ്തകാംസ്തദാ।
ക്ഷപയിഷ്യംസ്തദാ ബാണൈർദൈത്യാനിന്ദ്ര ഇവാവധീത്॥ 8-55-24 (57757)
ആദദത്സന്ദധന്നേഷൃന്ദൃഷ്ടഃ കൈശ്ചിദ്രണേഽർജുനഃ।
വിമുഞ്ചന്വാ ശരാഞ്ശീഘ്രം ദൃശ്യന്തേ വൈ നരാ ഹതാഃ॥ 8-55-25 (57758)
ആശ്ചര്യമിതി ഗോവിന്ദോ ബ്രുവന്നശ്വാനചോദയത്।
ഹംസാംശുഗൌരാസ്തേ സേനാം ഹംസാഃ സര ഇവാവിശൻ॥ 8-55-26 (57759)
തതഃ സംഗ്രാമഭൂമിം താം വർതമാനേ ജനക്ഷയേ।
അവേക്ഷമാണോ ഗോവിന്ദഃ സവ്യസാചിനമബ്രവീത്॥ 8-55-27 (57760)
ഏഷ പാർഥ മഹാരൌദ്രോ വർതതേ ഭരതക്ഷയഃ।
പൃഥിവ്യാം പാർഥിവാനാം വൈ ദുര്യോധനകൃതേ മഹാൻ॥ 8-55-28 (57761)
പശ്യ ഭാരത ചാപാനി രുക്മപൃഷ്ഠാനി ധന്വിനാം।
ഹതാനാമപവിദ്ധാനി കലാപാനിഷുധീംസ്തഥാ॥ 8-55-29 (57762)
ജാതരൂപമയൈഃ പുംഖൈഃ ശരാംശ്ച നതപർവണഃ।
തൈലധൌതാംശ്ച നാരാചാന്നിർമുക്താനിവ പന്നഗാൻ॥ 8-55-30 (57763)
ആകീർണാംസ്തോമരാന്വാഹാംശ്ഛത്രാൻഹേമവിഭൂഷിതാൻ।
ചർമാണി ചാപവിദ്ധാനി രുക്മപൃഷ്ഠാനി ഭാരത॥ 8-55-31 (57764)
സുവർണവികൃതാൻപ്രാസാഞ്ശക്തീഃ കനകഭൂഷിതാഃ।
ജാംബൂനദമയൈഃ പട്ടൈർബദ്ധാശ്ച വിപുലാ ഗദാഃ॥ 8-55-32 (57765)
ജാതരൂപമയീശ്ചർഷ്ടീഃ പട്ടസാൻഹേമഭൂഷിതാൻ।
ദണ്ഡൈഃ കനകചിത്രൈശ്ച വിപ്രവിദ്ധാൻപരശ്വഥാൻ॥ 8-55-33 (57766)
പരിഘാൻഭിണ്ഡിപാലാംശ്ച ഭുശുണ്ഡീഃ കണപാനപി।
അയസ്കുന്താംശ്ച പതിതാൻമുസലാനി ഗുരൂണി ച॥ 8-55-34 (57767)
നാനാവിധാനി ശസ്ത്രാണി പ്രഗൃഹ്യ ജയഗൃദ്ധിനഃ।
ജീവന്ത ഇവ ദൃശ്യന്തേ ഗതസത്വാസ്തരസ്വിനഃ॥ 8-55-35 (57768)
ഗദാവിമഥിതൈർഗാത്രൈർമുസലൈർഭിന്നമസ്തകാൻ।
ഗജവാജിരഥൈഃ ക്ഷുണ്ണാൻപശ്യ യോധാൻസഹസ്രശഃ॥ 8-55-36 (57769)
മനുഷ്യഗജവാജീനാം ശരശക്ത്യൃഷ്ടിതോമരൈഃ।
നിസ്ത്രിംശൈഃ പട്ടസൈഃ പ്രാസൈർനഖരൈർലഗുഡൈരപി॥ 8-55-37 (57770)
ശരീരൈർബഹുഘാ ഛിന്നൈഃ ശോണിതൌഘപരിപ്ലുതൈഃ।
ഗതാസുഭിരമിത്രഘ്ന സംവൃതാ രണഭൂമയഃ॥ 8-55-38 (57771)
ബാഹുഭിശ്ചന്ദനാദിഗ്ധൈഃ സാംഗദൈഃ ശുഭഭൂഷണൈഃ।
സതലത്രൈഃ സകേയൂരൈർഭാതി ഭാരത മേദിനീ॥ 8-55-39 (57772)
സാംഗുലിത്രൈർഭുജാഗ്രൈശ്ച വിപ്രവിദ്വൈരലങ്കൃതൈഃ।
ഹസ്തിഹസ്തോപമൈശ്ഛിന്നൈരൂരുഭിശ്ച തരസ്വിനാം॥ 8-55-40 (57773)
ബദ്ധചൂഡാമണിവരൈഃ ശിരോഭിശ്ച സകുണ്ഡലൈഃ।
`നികൃത്തൈർവൃഷഭാക്ഷാണാം ശരീരൈശ്ചാപി സംഘശഃ॥ 8-55-41 (57774)
ഗജവാജിമനുഷ്യാണാം ശരശക്ത്യൃഷ്ടിതോമരൈഃ।
കബന്ധൈഃ ശോണിതാദിഗ്ധൈശ്ഛിന്നഗാത്രശിരോധരൈഃ।
ഭൂർഭാതി ഭരതശ്രേഷ്ഠ ശാന്താഗ്നിഭിരിവാധ്വരേ'॥ 8-55-42 (57775)
രഥാംശ്ച ബഹുധാ ഭഗ്നാൻഹേമകിങ്കിണിനഃ ശുഭാൻ।
അശ്വാംശ്ച ബുഹധാ പശ്യ ശോണിതേന പരിപ്ലുതാൻ॥ 8-55-43 (57776)
അനുകർഷാനുപാസംഗാൻപതാകാ വിവിധാന്ധ്വജാൻ।
യോധാനാം ച മഹാശംഖാൻപാണ്ഡുരാംശ്ച പ്രകീർണകാൻ।
നിരസ്തജിഹ്വാൻമാതംഗാഞ്ശയാനാൻപർവതോപമാൻ॥ 8-55-44 (57777)
വൈജയന്തീർവിചിത്രാശ്ച ഹതാംശ്ച ഗജയോധിനഃ।
വാരണാനാം പരിസ്തോമാൻസംയുക്താനേകകംബലാൻ॥ 8-55-45 (57778)
വിപാടിതവിചിത്രാശ്ച രൂപചിത്രാഃ കുഥാസ്തഥാ।
ഭിന്നാശ്ച ബഹുധാ ഘണ്ടാഃ പതദ്ഭിശ്ചൂർണിതാ ഗജൈഃ॥ 8-55-46 (57779)
വൈദൂര്യമണിദണ്ഡാംശ്ച പതിതാംശ്ചാങ്കുശാൻഭുവി।
അശ്വാനാം ച യുഗാപീഡാന്രത്നചിത്രാനുരശ്ഛദാൻ॥ 8-55-47 (57780)
വിദ്ധാഃ സാദിധ്വജാഗ്രേഷു സുവർണവികൃതാഃ കുഥാഃ।
വിചിത്രാൻമണിചിത്രാംശ്ച ജാതരൂപപരിഷ്കൃതാൻ॥ 8-55-48 (57781)
അശ്വാസ്തരപരിസ്തോമാന്രാങ്കവാൻപതിതാൻഭുവി।
ചൂഡാമണീന്നരേന്ദ്രാണാം വിചിത്രാഃ കാഞ്ചനസ്രജഃ।
ഛത്രാണി ചാപവിദ്ധാനി ചാമരവ്യജനാനി ച॥ 8-55-49 (57782)
ചന്ദ്രനക്ഷത്രഭാസൈശ്ച വദനൈശ്ചാരുകുണ്ഡലൈഃ।
ക്ലൃപ്തശ്മശ്രുഭിരത്യർഥം വീരാണാം സമലങ്കൃതൈഃ।
വദനൈഃ പശ്യ സഞ്ഛന്നാം മഹീം ശോണിതകർദമാം॥ 8-55-50 (57783)
സജീവാംശ്ച നരാൻപശ്യ കൂജമാനാൻസമന്തതഃ।
ഉപാസ്യമാനാംശ്ച ബഹൂന്ന്യസ്തശസ്ത്രൈശ്ച ഭൂപതേ।
ജ്ഞാതിഭിശ്ച ജലക്ലിന്നാന്രോദമാനൈർമുഹുർമുഹുഃ॥ 8-55-51 (57784)
ഉത്ക്രാന്താനപരാന്യോധാഞ്ഛാദയിത്വാ തരസ്വിനഃ।
പുനര്യുദ്ധായ ഗച്ഛന്തി ജയേ ലുബ്ധാഃ പ്രമന്യവഃ॥ 8-55-52 (57785)
അപരേ തത്രതത്രൈവ പരിധാവന്തി മാനവാഃ।
സന്നിവൃത്താശ്ച തേ ശൂരാ ദൃഷ്ടാ ചൈതാന്വിചേതസഃ॥ 8-55-53 (57786)
ജലം ത്യക്ത്വാ പ്രധാവന്തി ക്രോശമാനാഃ പരസ്പരം।
ജലം പീത്വാ മൃതാൻപശ്യ പിബതോഽന്യാംശ്ച ഭാരത॥ 8-55-54 (57787)
പരിഷ്വജ്യ പ്രിയാനന്യേ ബാന്ധവാൻബന്ധുവത്സലാഃ।
വിസഞ്ജ്ഞാൻസമരേ യോധാംസ്തത്രതത്ര മഹാരണേ॥ 8-55-55 (57788)
പശ്യാപരാന്നരശ്രേഷ്ഠ സന്ദഷ്ടോഷ്ഠപുടാൻപുനഃ।
ഭൃകുടീകുടിലൈർവക്ത്രൈഃ പ്രേക്ഷമാണാൻമഹാരണം॥ 8-55-56 (57789)
ഏതത്തവൈവാനുരൂപം കർമാർജുന മഹാഹവേ।
ദിവി വാ ദേവരാജസ്യ ത്വയാ യത്കൃതമാഹവേ॥ 8-55-57 (57790)
സഞ്ജയ ഉവാച। 8-55-58x (4976)
ഏവം താം ദർശയൻകൃഷ്ണോ യുദ്ധഭൂമിം കിരീടിനേ।
ഗച്ഛന്നേവാശൃണോച്ഛബ്ദം ദുര്യോധനബലേ മഹത്॥ 8-55-58 (57791)
ശംഖദുന്ദുഭിനിർഘോഷം ഭേരീപണവനിഃസ്വനം।
രഥാശ്വനരനാഗാനാം പാദശബ്ദാംശ്ച ദാരുണാൻ॥ 8-55-59 (57792)
പ്രവിശ്യ തദ്ബലം കൃഷ്ണസ്തുരഗൈർവാതവേഗിതൈഃ।
പാണ്ഡ്യേനാഭ്യർദിതം സൈന്യം ത്വദീയം വീക്ഷ്യ വിസ്മിതഃ॥ 8-55-60 (57793)
സ ഹി നാനാവിധൈർബാണൈരിഷ്വസ്ത്രപ്രവരോ യുധി।
ന്യഹനദ്ദ്വിഷതാം പൂഗാൻഗതാസൂനന്തകോ യഥാ॥ 8-55-61 (57794)
ഗജവാജിമനുഷ്യാണാം ശരീരാണി ശിതൈഃ ശരൈഃ।
ഭിത്ത്വാ പ്രഹരതാം ശ്രേഷ്ഠോ വിദേഹാസൂനപാതയത്॥ 8-55-62 (57795)
ശത്രുപ്രവീരൈരസ്ത്രാണി നാനാശസ്ത്രാണി സായകൈഃ।
ഛിത്ത്വാ താനവധീച്ഛത്രൂൻപാണ്ഡ്യഃ ശക്ര ഇവാസുരാൻ॥ ॥ 8-55-63 (57796)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ പഞ്ചപഞ്ചാശോഽധ്യായഃ॥ 55 ॥
Mahabharata - Karna Parva - Chapter Footnotes
॥ ശ്രീഃ ॥
8.56. അധ്യായഃ 056
Mahabharata - Karna Parva - Chapter Topics
അശ്വത്ഥാംനാ പാണ്ഡ്യവധഃ॥ 1 ॥
Mahabharata - Karna Parva - Chapter Text
8-56-0 (57797)
ധൃതരാഷ്ട്ര ഉവാച। 8-56-0x (4977)
പ്രോക്തസ്ത്വയാ പൂർവമേവ പ്രവീരോ ലോകവിശ്രുതഃ।
ന ത്വസ്യ കർമ സംഗ്രാമേ ത്വയാ സഞ്ജയ കീർതിതം॥ 8-56-1 (57798)
തസ്യ വിസ്തരശോ ബ്രൂഹി പ്രവീരസ്യാദ്യ വിക്രമം।
ശിക്ഷാം പ്രഭാവം വീര്യം ച പ്രമാണം ദർപമേവ ച॥ 8-56-2 (57799)
സഞ്ജയ ഉവാച। 8-56-3x (4978)
ഭീഷ്മദ്രോണകൃപദ്രൌണികർണാർജുനജനാർദനാൻ।
സമാപ്തവിദ്യാന്ധനുഷി ശ്രേഷ്ഠാന്യാൻസപ്ത മന്യസേ॥ 8-56-3 (57800)
യോ ഹ്യാക്ഷിപതി വീര്യേണ സർവാനേതാൻമഹാരഥാൻ।
ന മേനേ ചാത്മനാ തുല്യം കഞ്ചിദേവ നരേശ്വരം॥ 8-56-4 (57801)
തുല്യതാന്ദ്രോണഭീഷ്മാഭ്യാമാത്മനോ യോ ന മൃഷ്യതേ।
വാസുദേവാർജുനാഭ്യാം ച ന്യൂനതാം നൈച്ഛതാത്മനി॥ 8-56-5 (57802)
സ പാണ്ഡ്യോഽർഥപതിശ്രേഷ്ഠഃ സർവശസ്ത്രഭൃതാം വരഃ।
കർണസ്യാനീകമഹനത്പാശഹസ്ത ഇവാന്തകഃ॥ 8-56-6 (57803)
തദുദീർണരഥാശ്വേഭം പത്തിപ്രവരസങ്കുലം।
കുലാലചക്രവദ്ധാന്തം പാണ്ഡ്യേനാഭ്യാഹതം ബലാത്॥ 8-56-7 (57804)
വ്യശ്വസൂതധ്വജരഥാന്വിപ്രയുക്തയുഗാന്രഥാൻ।
സംയഗസ്തൈഃ ശരൈഃ പാണ്ഡ്യോ വായുർമേഘാനിവാക്ഷിപത്॥ 8-56-8 (57805)
ദ്വിരദാൻപ്രവരാരോഹാന്വിപതാകായുധധ്വജാൻ।
സ പാദരക്ഷാനഹനദ്വജ്രേണാദ്രീനിവാദ്രിഹാ॥ 8-56-9 (57806)
സ ശക്തിപ്രാസതൂണീരാനശ്വാരോഹാൻഹയാനപി।
പുലിന്ദഖസബാഹ്ലീകനിഷാദാന്ധ്രകകുന്തലാൻ॥ 8-56-10 (57807)
ദാക്ഷിണാത്യാംശ്ച ഭോജാംശ്ച ശൂരാൻസംഗ്രാമകർകശാൻ।
വിശസ്ത്രകവചാൻബാണൈഃ കൃത്വാ പാണ്ഡ്യോഽകരോദ്വ്യസൂൻ॥ 8-56-11 (57808)
ചതുരംഗം ബലം ബാണൈർനിഘ്നന്തം പാണ്ഡയമാഹവേ।
ദൃഷ്ട്വാ ദ്രൌണിരസംഭ്രാന്തമസംഭ്രാന്തസ്തതോഽഭ്യയാത്॥ 8-56-12 (57809)
ആഭാഷ്യ ചൈനം മധുരമഭീതം തമഭീതവത്।
പ്രാഹ പ്രഹരതാം ശ്രേഷ്ഠഃ സ്മിതപൂർവം സമാഹ്വയത്॥ 8-56-13 (57810)
രാജൻകമലപത്രാക്ഷ പ്രധാനായുധവാഹന।
വജ്രസംഹനനപ്രഖ്യ പ്രഖ്യാതബലപൌരുഷ॥ 8-56-14 (57811)
മുഷ്ടിക്ലിഷ്ടാംഗുലിഭ്യാം ച വ്യായതാഭ്യാം മഹദ്ധനുഃ।
ദോർഭ്യാം വിസ്ഫാരയൻഭാസി മഹാജലദവദ്ഭൃശം॥ 8-56-15 (57812)
ശരവർഷൈർമഹാവേഗൈരമിത്രാനഭിവർഷതഃ।
മദന്യം നാനുപശ്യാമി പ്രതിവീരം തവാഹവേ॥ 8-56-16 (57813)
രഥദ്വിരദപത്ത്യശ്വാനേകഃ പ്രമഥസേ ബഹൂൻ।
മൃഗസംഘാനിവാരണ്യേ വിഭീർഭീമബലോ ഹരിഃ॥ 8-56-17 (57814)
മഹതാ രഥഘോഷേണ ദിവം ഭൂമിം ച നാദയൻ।
വർഷാന്തേ സസ്യാം സൂര്യോ ഭാഭിരാദീപയന്നിവ॥ 8-56-18 (57815)
സംസ്പൃശാനഃ ശരൈഃ പൂർണൌ തൂണീ ചാശീവിഷോപമൈഃ।
മയൈവൈകേന യുധ്യസ്വ ത്ര്യംബകേനാന്ധകോ യഥാ॥ 8-56-19 (57816)
ഏവമുക്തസ്തഥേത്യുക്ത്വാ പ്രമഥ്യൈനം സ പാർഥിവഃ।
കർണിനാ ദ്രോണതനയം വിവ്യാധ മലയധ്വജഃ॥ 8-56-20 (57817)
മർമഭേദിഭിരത്യുഗ്രൈർബാണൈരഗ്നിശിഖോപമൈഃ।
മർമസ്വഭ്യഹനദ്ദ്രൌണിഃ പാണ്ഡ്യമാചാര്യനന്ദനഃ॥ 8-56-21 (57818)
തതോഽപരാന്നവാംസ്തൂർണം നാരാചാൻകങ്കവാസസഃ।
ഗത്യാ ദശംയാ സംയുക്താനശ്വത്ഥാമാഽപ്യവാസൃജത്॥ 8-56-22 (57819)
താനച്ഛിനത്തദാ പാണ്ഡ്യശ്ചതുർഭിരപരൈഃ ശരൈഃ।
ചതുരോഽഭ്യാഹനച്ചാശ്വാനാശു തേ വ്യസവോഽഭവൻ॥ 8-56-23 (57820)
അഥ ദ്രോണസുതസ്യേഷൂംസ്താഞ്ഛിത്ത്വാ നിശിതൈഃ ശരൈഃ।
ധനുർജ്യാം വിതതാം പാണ്ഡ്യശ്ചിച്ഛേദാദിത്യതേജസഃ॥ 8-56-24 (57821)
ദിവ്യം ധനുരഥാധിജ്യം കൃത്വാ ദ്രൌണിരമിത്രഹാ।
പ്രേക്ഷ്യ ചാശു രഥേ യുക്താന്നരൈരന്യാൻഹയോത്തമാൻ॥ 8-56-25 (57822)
തതഃ ശരസഹസ്രാണി പ്രേഷയാമാസ വൈ ദ്വിജഃ।
ഇഷുസംബാധമാകാശമകരോദ്ദിശ ഏവ ച॥ 8-56-26 (57823)
തതസ്താനസ്യതഃ സർവാന്ദ്രൌണേർബാണാൻമഹാത്മനഃ।
ജാനാനോപ്യക്ഷയാൻപാണ്ഡ്യോ ശാതയത്പുരുഷർഷഭഃ॥ 8-56-27 (57824)
പ്രയുക്താംസ്താൻപ്രയത്നേന ഛിത്ത്വാ ദ്രൌണേരിഷൂനരിഃ।
ചക്രരക്ഷൌ രണേ തസ്യ പ്രാണുദന്നിശിതൈഃ ശരൈഃ॥ 8-56-28 (57825)
അഥ തല്ലാഘവം ദൃഷ്ട്വാ മണ്ഡലീകൃതകാർമുകഃ।
പ്രാസ്യദ്ദ്രോണസുതോ ബാണാന്വൃഷ്ടിം പൂഷാനുജോ യഥാ॥ 8-56-29 (57826)
അഷ്ടാവഷ്ടഗവാന്യൂഹുഃ ശകടാനി യദായുധം।
അഹ്നസ്തദഷ്ടഭാഗേന ദ്രൌണിശ്ചിക്ഷേപ മാരിഷ॥ 8-56-30 (57827)
തമന്തകമിവ ക്രുദ്ധമന്തകാലാന്തകോപമം।
യേ യേ ദദൃശിരേ രൂപം വിസഞ്ജ്ഞാഃ പ്രായശോഽഭവൻ॥ 8-56-31 (57828)
ആചാര്യപുത്രസ്താം സേനാം ബാണവൃഷ്ട്യാ വ്യവീവൃഷത്।
പർജന്യ ഇവ ഘർമാന്തേ വൃഷ്ട്യാ സാദ്രിദ്രുമാം മഹിം॥ 8-56-32 (57829)
ദ്രൌണിപർജന്യമുക്താം താം ബാണവൃഷ്ടിം സുദുഃസഹാം।
വായവ്യാസ്ത്രേണ സ ക്ഷിപ്രം വിദ്ധ്വാ പാണ്ഡ്യാതിലോഽനദത്॥ 8-56-33 (57830)
തസ്യ നാനദതഃ കേതും ചന്ദനാഗുരുരൂഷിതം।
മലയപ്രതിമം ദ്രൌണിശ്ഛിത്ത്വാശ്വാംശ്ചതുരോഽഹനത്॥ 8-56-34 (57831)
സൂതമേകേഷുണാ ഹത്വാ മഹാജലദനിഃസ്വനം।
ധനുശ്ഛിത്ത്വാഽർധചന്ദ്രേണ തിലശോ വ്യധമദ്രഥം॥ 8-56-35 (57832)
അസ്ത്രൈരസ്ത്രാണി സംവാര്യ ഛിത്ത്വാ സർവായുധാനി ച।
പ്രാപ്തമപ്യഹിതം ദ്രൌണിർനാഹനദ്യുദ്ധതൃഷ്ണയാ॥ 8-56-36 (57833)
ഹതേശ്വരോ ദന്തിവരഃ സുകൽപിത--
സത്വരാഭിസൃഷ്ടഃ പ്രതിശബ്ദഗോ ബലീ।
തമാദ്രവദ്ദ്രൌണിശരാഹതസ്ത്വരൻ
ജവേന കൃത്വാ പ്രതിഹസ്തിഗർജിതം॥ 8-56-37 (57834)
തം വാരണം വാരണയുദ്ധകോവിദോ
ദ്വിപോത്തമം പർവതസാനുസന്നിഭം।
സംഭ്യതിഷ്ഠൻമലയധ്വജസ്ത്വര--
ന്യഥാഽദ്രിശൃംഗം ഹരിരുന്നദംസ്തഥാ॥ 8-56-38 (57835)
സ തോമരം ഭാസ്കരരശ്മിവർചസം
ബലാസ്ത്രസർഗോത്തമയത്നമന്യുഭിഃ।
സസർജ ശീഘ്രം പരിപീഡയൻഗജം
ഗുരോഃ സുതായ ദ്രവിഡേശ്വരോ നദൻ॥ 8-56-39 (57836)
മണിപ്രവേകോത്തമവജ്രഹാടകൈ--
രലങ്കൃതം ചാംശുകമാല്യമൌക്തികൈഃ।
ഹതോ മയാസീത്യസകൃൻമുദാ നദ--
ൻപരാഭിനദ്ദ്രൌണിവരാംഗഭൂഷണം॥ 8-56-40 (57837)
തദർകചന്ദ്രഗ്രഹപാവകത്വിഷം
ഭൃശാഭിഘാതാത്പതിതം വിഘൂർണിതം।
മഹേന്ദ്രവജ്രാഭിഹതം മഹാസ്വനം
യഥാഽദ്രിശൃംഗം ഭരണീതലേ തഥാ॥ 8-56-41 (57838)
തതഃ പ്രജജ്വാല പരേണ മന്യുനാ'
പാദാഹതോ നാഗപതിര്യഥാ തഥാ।
സമാദദേ ചാന്തകദണ്ഡസന്നിഭാ--
നിഷൂനമിത്രാന്തകരാംശ്ചതുർദശ॥ 8-56-42 (57839)
ദ്വിപസ്യ പാദാഗ്രകരാൻസ പഞ്ചഭി--
ർനൃപസ്യ ബാഹൂ ച ശിരോഽഥ ച ത്രിഭിഃ।
ജഘാന പഡ്ഭിഃ പഡൃതൂപമത്വിഷഃ
സ പാണ്ഡ്യരാജാനുചരാൻമഹാരഥാൻ॥ 8-56-43 (57840)
സുദീർഘവൃത്തൌ വരചന്ദനോക്ഷിതൌ
സുവർണമുക്താമണിവജ്രഭൂഷണൌ।
ഭുജൌ ധരായാം പതിതൌ നൃപസ്യ തൌ
വിചേഷ്ടതുസ്താർക്ഷ്യഹതാവിവോരഗൌ॥ 8-56-44 (57841)
ശിരശ്ച തത്പൂർണശശിപ്രഭാനനം
സരോഷതാംരായതനേത്രമുന്നസം।
ക്ഷിതാവപി ഭ്രാജതി തത്സകുണ്ഡലം
വിശാഖയോർമധ്യഗതഃ ശശീ യഥാ॥ 8-56-45 (57842)
[സ തു ദ്വിപഃ പഞ്ചഭിരുത്തമേഷുഭിഃ
കൃതഃ ഷഡംശശ്ചതുരോ നൃപസ്ത്രിഭിഃ।
കൃതോ ദശാംശഃ കുശലേന യുധ്യതാ
യഥാ ഹവിസ്തദ്ദശ ദൈവതം തഥാ॥ 8-56-46 (57843)
സ പാദശോ രാക്ഷസഭോജനാൻബഹൂൻ
പ്രദായ പാണ്ഡ്യോഽശ്വമനുഷ്യകുഞ്ജരാൻ।
സ്വധാമിവാപ്യ ജ്വലനഃ പിതൃപ്രിയ--
സ്തതഃ പ്രശാന്തഃ സലിലപ്രവാഹതഃ]॥ 8-56-47 (57844)
സമാപ്തവിദ്യം തു ഗുരോഃ സുതം നൃപഃ
സമാപ്തകർമാണമുപേത്യ തേ സുതഃ।
സുഹൃദ്വൃതോഽത്യർഥമപൂജയൻമുദാ
ജിതേ ബലൌ വിഷ്ണുമിവാമരേശ്വരഃ॥ ॥ 8-56-48 (57845)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ഷട്പഞ്ചാശോഽധ്യായഃ॥ 56 ॥
Mahabharata - Karna Parva - Chapter Footnotes
॥ ശ്രീഃ ॥
8.57. അധ്യായഃ 057
Mahabharata - Karna Parva - Chapter Topics
സങ്കുലയുദ്ധം॥ 1 ॥
Mahabharata - Karna Parva - Chapter Text
8-57-0 (57846)
ദൃതരാഷ്ട്ര ഉവാച। 8-57-0x (4979)
പാണ്ഡ്യേ ഹതേ കിമകരോദർജുനോ ജയതാംവരഃ।
ഏകവീരേണ കർണേന ദ്രാവിതേ ച യുധിഷ്ഠിരേ॥ 8-57-1 (57847)
സമാപ്തവിദ്യോ ബലവാന്യുക്തോ വീരശ്ച പാണ്ഡവഃ।
സർവഭൂതേഷ്വനുജ്ഞാതഃ ശങ്കരേണ മഹാത്മനാ॥ 8-57-2 (57848)
തസ്മാൻമഹദ്ഭയം തീവ്രമമിത്രഘ്നാദ്ധനഞ്ജയാത്।
സ യത്തത്രാകരോത്പാർഥസ്തൻമമാചക്ഷ്വ സഞ്ജയ॥ 8-57-3 (57849)
സഞ്ജയ ഉവാച। 8-57-4x (4980)
ഹതേ പാണ്ഡ്യേഽർജുനം കൃഷ്ണസ്ത്വരന്നാഹ വചോ ഹിതം।
ഹതം പശ്യ സ്വരാജാനമപയാതാംശ്ച പാണ്ഡവാൻ॥ 8-57-4 (57850)
കർണം പശ്യ മഹാരംഗേ ജ്വലന്തമിവ പാവകം।
അസൌ ഭീമോ മഹേഷ്വാസഃ പ്രതിവൃത്തോ രണം പ്രതി॥ 8-57-5 (57851)
ത ഇമേ നാനുവർതന്തേ ധൃഷ്ടദ്യുംനപുരോഗമാഃ।
പാഞ്ചാലാഃ സൃഞ്ജയാശ്ചൈവ പാണ്ഡവാനാം ചമൂമുഖം॥ 8-57-6 (57852)
`നിവൃത്തൈശ്ച പുനഃ പാർഥൈർഭഗ്നം ശത്രുബലം മഹത്'।
കൌരവാന്ദ്രവതോ ഹ്യേഷ കർണോ വാരയതേ ഭൃശം॥ 8-57-7 (57853)
അന്തകപ്രതിമോ വേഗേ ശക്രതുല്യപരാക്രമഃ।
അസൌ ഗച്ഛതി കൌന്തേയ ദ്രൌണിഃ ശസ്ത്രഭൃതാം വരഃ॥ 8-57-8 (57854)
തമേഷ പ്രദ്രുതഃ സംഖ്യേ ധൃഷ്ടദ്യുംനോ മഹാരഥഃ।
അശ്വത്ഥാംനാ ഹതാഃ സംഖ്യേ സർവേ കൌന്തേയ സൃഞ്ജയാഃ॥ 8-57-9 (57855)
രഥാശ്വനരനാഗാനാം കൃതം ച കദനം മഹത്।
ഇത്യേതത്സർവമാചഷ്ട വാസുദേവഃ കിരീടിനേ॥ 8-57-10 (57856)
ഏതച്ഛ്രുത്വാ ച ദൃഷ്ട്വാ ച ഭ്രാതൃണാം വ്യസനം മഹത്।
വാഹയാശ്വാൻഹൃഷീകേശ ക്ഷിപ്രമിത്യാഹ പാണ്ഡവഃ॥ 8-57-11 (57857)
തതഃ പ്രായാദ്ധൃഷീകേശോ രഥേനാപ്രതിമോ യുധി।
`തതോ രേണുഃ സമഭവത്പുനസ്തത്ര മഹാരണേ॥ 8-57-12 (57858)
തതോ രാജൻമഹാനാസീത്സംഗാമോ രോമഹർഷണഃ।
സിംഹനാദരവാശ്ചാത്ര പ്രാദുരാസൻസമാഗമേ।
ഉഭയോഃ സേനയോ രാജൻമൃത്യും കൃത്വാ നിവർതനം॥ 8-57-13 (57859)
തതഃ ഹുനഃ സമാജഗ്മുരഭീതാഃ കുരുസൃഞ്ജയാഃ।
യുധിഷരമുഖാഃ പാർഥാ വൈകർതനമുഖാ വയം॥ 8-57-14 (57860)
തതഃ പ്രവവൃതേ യൂദ്ധം ഘോരരൂപം വിശാംപതേ।
കർണസ്യ പാണ്ഡവാനാം ച യമരാഷ്ട്രവിവർധനം॥ 8-57-15 (57861)
തസ്മിൻപ്രവൃത്തേ സംഗ്രാമേ തുമുലേ രോമഹർഷണേ।
സംശപ്തകേഷു വീരേഷു കിഞ്ചിച്ഛേഷേഷു ഭാരത॥ 8-57-16 (57862)
ധൃഷ്ടദ്യുംനോ മഹാരാജ സഹിതഃ സർവരാജഭിഃ।
കർണമേവാഭിദുദ്രാവ പാണ്ഡവാശ്ച മഹാരഥാഃ॥ 8-57-17 (57863)
ആഗച്ഛമാനാംസ്താന്ദൃഷ്ട്വാ സംഗ്രമേ വിജയൈഷിണഃ।
ദധാരൈകോ രണേ കാർണോ ജലൌഘാനിവ പർവതഃ॥ 8-57-18 (57864)
സമാസാദ്യ തു തേ കർണം വ്യശീര്യന്ത മഹാരഥാഃ।
യഥാഽചലം സമാസാദ്യ വാര്യോധാഃ സർവതോദിശം॥ 8-57-19 (57865)
തയോരാസീൻമഹാരാജ സംഗ്രാമോ ഘോരദർശനഃ।
പ്രവൃദ്ധയോർമഹാരംഗേ ബലിനോർവിജിഗീഷതോഃ॥ 8-57-20 (57866)
ധൃഷ്ടദ്യുംനസ്തു രാധേയം ശരേണാനതപർവണാ।
ഛാദയാമാസ സങ്ക്രുദ്ധസ്തിഷ്ഠതിഷ്ഠേതി ചാബ്രവീത്॥ 8-57-21 (57867)
വിജയം തു ധനുഃ ശ്രേഷ്ഠം വിധൃന്വാനോ മഹാരഥഃ।
പാർഷതസ്യ ധനുശ്ഛിത്ത്വാ ശരാംശ്ചാശീവിഷോപമാൻ॥ 8-57-22 (57868)
വവർഷ ശരവർഷാണി തോയവർഷാനിവാംബുദഃ।
ഛാദയാമാസ സങ്ക്രുദ്ധഃ പാർഷതം നവഭിഃ ശരൈഃ॥ 8-57-23 (57869)
തേ ഹേമവികൃതം വർമ ഭിത്ത്വാ തസ്യ മഹാത്മനഃ।
ശോണിതാക്താ വ്യരാജന്ത ശക്രഗോപാ ഇവാനഘ॥ 8-57-24 (57870)
തദപാസ്യ ധനുശ്ഛിന്നം ധൃഷ്ടദ്യുംനഃ പ്രതാപവാൻ।
തതോഽന്യദ്ധനുരാദായ സാരവദ്ഭാരസാധനം।
കർണം വിവ്യാധ സപ്തത്യാ ശരൈഃ സന്നതപർവഭിഃ॥ 8-57-25 (57871)
തഥൈവ രാജൻകർണോഽപി പാർഷതം ശത്രുതാപനം।
ദ്രോണശത്രും മഹേഷ്വാസോ വിവ്യാധ നിശിതൈഃ ശരൈഃ॥ 8-57-26 (57872)
പുനരന്യം മഹാരാജ ശരം കനകഭൂഷണം।
പ്രേഷയാമാസ സമരേ മൃത്യുദണ്ഡമിവാപരം॥ 8-57-27 (57873)
തമാപതന്തം സഹസാ ഘോരരൂപം വിശാംപതേ।
ചിച്ഛേദ ശതധാ രാജൻപാർഷതഃ കൃതഹസ്തവത്॥ 8-57-28 (57874)
ദൃഷ്ടവാൻപതിതം ഭൂമൌ ശരം കർണോ വിശാംപതേ॥ 8-57-29 (57875)
പാർഷതഃ ശരവർഷേണ സമന്താത്പര്യവാരയത്।
വിവ്യാധ ചൈനം ത്വരിതോ നാരാചൈഃ സപ്തഭിസ്തദാ॥ 8-57-30 (57876)
തം പ്രത്യവിധ്യദ്ദശഭിഃ ശരൈർഹേമവിഭൂഷിതൈഃ।
തയോര്യുദ്ധം സമഭവദ്ദൃഷ്ടിശ്രോത്രമനോഹരം॥ 8-57-31 (57877)
ആസീദ്ധോരം ച ചിത്രം ച പ്രേക്ഷണീയം ച സർവശഃ॥ 8-57-32 (57878)
സർവേഷാം തത്ര ഭൂതാനാം രോമഹർഷോ വ്യജായത।
ദൃഷ്ട്വാ തത്സമരേ കർമ കർണപാർഷതയോർനൃപ॥ 8-57-33 (57879)
ഏതസ്മിന്നന്തരേ ദ്രൌണിരഭ്യയാത്തം മഹാരഥം।
പാർഷതം ശത്രുദമനം ശത്രുവീര്യാസുനാശനം॥ 8-57-34 (57880)
സ ദൃഷ്ട്വാ സമരേ യാന്തമഭീതം ച മഹാരഥം।
അഭ്യഭാഷത സങ്ക്രുദ്ധഃ പാർഷതം ശത്രുതാപനം॥ 8-57-35 (57881)
രഥം രഥേന സംപീഡ്യ പാർഷതസ്യ തു ബ്രാഹ്മണഃ॥ 8-57-36 (57882)
തിഷ്ഠതിഷ്ഠേതി ബ്രഹ്മഘ്ന ന മേ ജീവന്വിമോക്ഷ്യസേ।
ഇത്യുക്ത്വാ സുഭൃശം വീരഃ ശീഘ്രകൃന്നിശിതൈഃ ശരൈഃ।
ഛാദയാമാസ സമരേ യതമാനോ മഹാരഥഃ॥ 8-57-37 (57883)
യത്നതഃ പരയാ ശക്ത്യാ ധൃഷ്ടദ്യുംനം മഹാരഥം।
യോധയാമാസ സമരേ ക്രുദ്ധരൂപോ വിശാംപതേ॥ 8-57-38 (57884)
തയോസ്തു സന്നിപാതേ ഹി ഘോരരൂപോ വിശാംപതേ॥ 8-57-39 (57885)
യഥാ ഹി സമരേ ദ്രൌണിഃ പാർഷതം ദൃശ്യത മാരിഷ।
നാതിഹൃഷ്ടമനാ ഹ്യാസീൻമന്വാനോ മൃത്യുമാത്മനഃ॥ 8-57-40 (57886)
സ ജ്ഞാത്വാ പിതുരത്യന്തരൈരിണം തു മഹാഹവേ।
ആത്മാനം സമരേ ജ്ഞാത്വാഽശസ്ത്രവധ്യം മഹാബലഃ।
ജവേനാഭിയയൌ ദ്രൌണിം കാലഃ കാലക്ഷയേ യഥാ॥ 8-57-41 (57887)
ദ്രൌണിസ്തു ദൃഷ്ട്വാ രാജേന്ദ്ര ധൃഷ്ടദ്യുംനമവസ്ഥിതം।
ക്രോധേന നിഃശ്വസന്വീരഃ പാർഷദം സമഭിദ്രവത്॥ 8-57-42 (57888)
താവന്യോന്യം തു ദൃഷ്ട്വൈവ സംരംഭം ജഗ്മതുഃ പരം।
പ്രഗൃഹ്യ മഹതീ ചാപേ ശരാസനസമന്വിതേ॥ 8-57-43 (57889)
അഥാബ്രവീൻമഹാരാജ ദ്രോണപുത്രഃ പ്രതാപവാൻ।
ധൃഷ്ടദ്യുംനം സമീപസ്ഥം ത്വരമാണോ വിശാംപതേ॥ 8-57-44 (57890)
പാഞ്ചാലാപശദാദ്യ ത്വാം പ്രേഷയാമി യമക്ഷയം।
പാപം ഹി യത്ത്വയാ കർമ കൃതം താതം ഘ്നതാ രണേ॥ 8-57-45 (57891)
അദ്യ ത്വം പ്രാപ്സ്യസേ തദ്വൈ യഥാ ഹ്യകുശലസ്തഥാ।
അരക്ഷ്യമാണഃ പാർഥേന യദി തിഷ്ഠസി സംയുഗേ।
നാപക്രാമസി വാ മോഹാത്സത്യമേതദ്ബ്രവീമി തേ॥ ॥ 8-57-46 (57892)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ സപ്തപഞ്ചാശോഽധ്യായഃ॥ 57 ॥
Mahabharata - Karna Parva - Chapter Footnotes
॥ ശ്രീഃ ॥
8.58. അധ്യായഃ 058
Mahabharata - Karna Parva - Chapter Topics
അർജുനസ്യ ദ്രൌണിഗ്രസ്തധൃഷ്ടദ്യുംനരക്ഷണപൂർവകം ദ്രൌണിം നിർജിത്യ സംശപ്തകാൻപ്രതി ഗമനം॥ 1 ॥
Mahabharata - Karna Parva - Chapter Text
8-58-0 (57893)
സഞ്ജയ ഉവാച। 8-58-0x (4981)
ഏവമുക്തഃ പ്രത്യുവാച ധൃഷ്ടദ്യുംനഃ പ്രതാപവാൻ।
ആശിഷം താം പ്രവക്തവ്യാം മാമകോ ദാസ്യതേ തവ॥ 8-58-1 (57894)
യേനൈവ തേ പിതുർദത്താ യതമാനസ്യ സംയുഗേ।
ഏഷ തേ പ്രതിവാക്യം വൈ അസിർദാസ്യതി മാമകഃ।
യേന കൃത്തം തവ പിതുര്യതമാനസ്യ തച്ഛിരഃ॥ 8-58-2 (57895)
യദി താവൻമയാ ദ്രോണോ നിഹതോ ബ്രാഹ്മണബ്രുവഃ।
ത്വാമിദാനീം കഥം യുദ്ധേ ന ഹനിഷ്യാമി കിൽബിഷം॥ 8-58-3 (57896)
ഏവമുക്ത്വാ മഹാതേജാഃ സേനാപതിരരിന്ദമഃ।
സുതീക്ഷ്ണേനാഥ ഭല്ലേന ദ്രൌണിം വിവ്യാധ പാർഷതഃ॥ 8-58-4 (57897)
തതോ ദ്രൌണിഃ സുസങ്ക്രുദ്ധഃ ശരൈഃ സന്നതപർവഭിഃ।
ആച്ഛാദയദ്ദിശോ രാജന്ധൃഷ്ടദ്യുംനസ്യ സംയുഗേ॥ 8-58-5 (57898)
നൈവാന്തരിക്ഷം ന ദിശോ നാപി യോധാഃ സഹസ്രശഃ।
ദൃശ്യന്തേ വൈ മഹാരാജ ശരൈശ്ഛന്നാഃ സമന്തതഃ।
ഏകഃ സന്വാരയാമാസ പ്രേക്ഷണീയഃ സമന്തതഃ॥ 8-58-6 (57899)
തഥൈവ പാർഷതോ രാജന്ദ്രൌണിമാഹവശോഭിനം।
ശരൈഃ സഞ്ഛാദയാമാസ സൂതപുത്രസ്യ പശ്യതഃ॥ 8-58-7 (57900)
രാധേയോഽപി മഹാരാജ പാഞ്ചാലാൻസഹ പാണ്ഡവൈഃ।
ദ്രൌപദേയാ യുധാമന്യുമുത്തമൌജസമേവ ച॥ 8-58-8 (57901)
സാത്യകിശ്ച മഹാരാജ യോധാംശ്ചാന്യാൻസഹസ്രശഃ।
ഏകസ്താന്വാരയാമാസ പ്രേക്ഷണീയഃ സമന്തതഃ॥ 8-58-9 (57902)
ധൃഷ്ടദ്യുംനസ്തു സമരേ ദ്രൌണേശ്ചിച്ഛേദ കാർമുകം।
ക്ഷുരപ്രേണ സുതീക്ഷ്ണേന പശ്യതാം സർവയോധിനാം॥ 8-58-10 (57903)
തദപാസ്യ ധനുശ്ഛിന്നമന്യദാദത്ത കാർമുകം।
വേഗവത്സമരേ ഘോരം ശരാംശ്ചാശീവിഷോപമാൻ॥ 8-58-11 (57904)
സ പാർഷതസ്യ രാജേന്ദ്ര ധനുഃ ശക്തിം ഗദാം ധ്വജം।
ഹയാൻസൂതം രഥം ചൈവ നിമേഷാദ്വ്യധമച്ഛരൈഃ॥ 8-58-12 (57905)
സ ച്ഛിന്നധന്വാ വിരഥോ ഹതാശ്വോ ഹതസാരഥിഃ।
ഖംഗമാദത്ത വിപുലം ശതചന്ദ്രം ച ഭാനുമത്॥ 8-58-13 (57906)
ദ്രൌണിസ്തദപി രാജേന്ദ്ര ഭല്ലൈഃ ക്ഷിപ്രം മഹാരഥഃ।
ചിച്ഛേദ സമരേ വീരഃ ക്ഷിപ്രഹസ്തോ ദൃഢായുധഃ॥ 8-58-14 (57907)
രഥാദനവരൂഢസ്യ ധന്വിനോ ബാഹുശാലിനഃ।
പശ്യതാം സർവസൈന്യാനാം തദദ്ഭുതമിവാഭവത്॥ 8-58-15 (57908)
ധൃഷ്ടദ്യുംനം തു വിരഥം ഹതാശ്വരഥസാരഥിം।
ശസ്ത്രൈശ്ച ബഹുധാ വിദ്ധമസ്ത്രൈശ്ച ശകലീകൃതം।
നാതരദ്ഭരതശ്രേഷ്ഠ യദമാനോ മഹാരഥഃ॥ 8-58-16 (57909)
തസ്യാന്തമിഷുഭീ രാജന്യദാ ദ്രൌണിർന ഗച്ഛതി।
അഥ ത്യക്ത്വാ രഥം വീരഃ പാർഷതം ത്വരിതോഽന്വഗാത്।
പ്രഗൃഹ്യ വിപുലം ഖഹ്ഗം ജാതരൂപപരിഷ്കൃതം॥ 8-58-17 (57910)
തസ്യ സംപതതോ രാജന്വപുരാസീൻമഹാത്മനഃ।
ഗരുഡസ്യേവ തതോ ജിഘൃക്ഷോഃ പന്നഗോത്തമം॥ 8-58-18 (57911)
ഏതസ്മിന്നേവ കാലേ തു കേശവഃ പരവീരഹാ।
അബ്രവീദ്ഭരതശ്രേഷ്ഠമർജുനം ജയതാം വരം॥ 8-58-19 (57912)
പശ്യ ദ്രൌണിം പാർഷതസ്യ യതമാനം വധം പ്രതി।
യത്നം കരോതി വിപുലം ഹന്യാച്ചൈനം ന സംശയഃ॥ 8-58-20 (57913)
ത്രായസ്വൈനം മഹാബാഹോ പാർഷതം യുദ്ധദുർമദം।
ദ്രൌണേരാസ്യഗതം വീര മൃത്യോരാസ്യഗതം യഥാ॥ 8-58-21 (57914)
ഏവമുക്ത്വാ മഹാരാജ വാസുദേവഃ പ്രതാപവാൻ।
പ്രൈഷയത്തുരഗാന്യത്ര ദ്രൌണിർവീരോ വ്യവസ്ഥിതഃ॥ 8-58-22 (57915)
തേ ഹയാശ്ചന്ദ്രസങ്കാശാഃ കേശവേന പ്രചോദിതാഃ।
പിബന്ത ഇവ ചാകാശം ജഗ്മുദ്രൌണേർമഹാരഥം॥ 8-58-23 (57916)
ദൃഷ്ട്വാ ദ്രൌണിർമഹാരാജ വാസുദേവധനഞ്ജയൌ।
ധൃഷ്ടദ്യുംനവധേ രാജംശ്ചക്രേ യത്നം മഹാബലഃ॥ 8-58-24 (57917)
വികൃഷ്യമാണം ദൃഷ്ട്വൈ ധൃഷ്ടദ്യുംനം ജനേശ്വര।
ശരാംശ്ചിക്ഷേപ വൈ പാർഥോ ദ്രൌണിം പ്രതി മഹാരഥഃ॥ 8-58-25 (57918)
തേ ശരാ ഹേമവികൃതാ ഗാണ്ഡീവപ്രേഷിതാ ഭൃശം।
ദ്രൌണിമാസാദ്യ വിവിശുർവൽമീകമിവ പന്നഗാഃ॥ 8-58-26 (57919)
വിദ്ധസ്തു തൈഃ ശരൈർഘോരൈദ്രോണപുത്രഃ പ്രതാപവാൻ।
ഉത്സൃജ്യ സമരേ രാജൻപാഞ്ചാലമമിതൌജസം॥ 8-58-27 (57920)
ആരുരോഹ രഥം വീരോ ധനഞ്ജയശരാർദിതഃ।
പ്രഗൃഹ്യ ച ധനുഃ ശ്രേഷ്ഠം പാർഥം വിവ്യാധ സായകൈഃ॥ 8-58-28 (57921)
ഏതസ്മിന്നന്തരേ ശൂരഃ സഹദേവോ ജനാധിപ।
അപോവാഹ രഥേനാജൌ പാർഷതം ശത്രുതാപനം॥ 8-58-29 (57922)
അർജുനോഽപി മഹാരാജ ദ്രൌണിം വിവ്യാധ പത്രിഭിഃ।
തം ദ്രോണപുത്രഃ സംരബ്ധോ ബാഹ്വോരുരസി ചാർപയത്॥ 8-58-30 (57923)
ക്രോധിതസ്തു രണേ പാർഥോ നാരാചം കാലസന്നിഭം।
ദ്രോണപുത്രായ ചിക്ഷേപ യമദണ്ഡമിവാപരം॥ 8-58-31 (57924)
സ ബ്രാഹ്മണസ്യാംസദേശേ നിപപാത മഹാദ്യുതേഃ।
സ വിഹ്വലോ മഹാരാജ ശരവേഗേന സംയുഗേ।
നിഷസാദ രഥോപസ്ഥേ വൈക്ലവ്യം പരമം യയൌ॥ 8-58-32 (57925)
തം തു മത്വാ ഹതം വീരം സാരഥിഃ ശത്രുകർശനം।
അപോവാഹ രണേനാജൌ ത്വരമാണോ രണാജിരാത്॥ 8-58-33 (57926)
അഥോദ്ധൃഷ്ടം മഹാരാജ പാഞ്ചാലൈർജിതകാശിഭിഃ।
മോക്ഷിതം പാർഷതം ദൃഷ്ട്വാ ദ്രോണപുത്രം ച പീഡിതം॥ 8-58-34 (57927)
വാദിത്രാണി ച ദിവ്യാനി പ്രാവാദ്യന്ത സഹസ്രശഃ।
സിംഹനാദശ്ച സഞ്ജജ്ഞേ ദൃഷ്ട്വാ യുദ്ധം തദദ്ഭുതം॥ 8-58-35 (57928)
തതഃ കർണോ മഹാരാജ വ്യാക്ഷിപദ്വിജയം ധനുഃ।
ദൃഷ്ട്വാർജുനം രണേ ക്രുദ്ധഃ പ്രേക്ഷതേ ച മുഹുർമുഹുഃ।
ദ്വൈരഥം ചാപി പാർഥേന ഗന്തുകാമോ മഹാദ്യുതിഃ॥ 8-58-36 (57929)
ഏവം കൃത്വാഽബ്രവീത്പാർഥോ വാസുദേവം ധനഞ്ജയഃ।
യാഹി സംശപ്തകാൻകൃഷ്ണ കാര്യമേതത്പരം മമ॥ 8-58-37 (57930)
തതഃ പ്രയാതോ ഗോവിന്ദഃ ശ്രുത്വാ പാണ്ഡവഭാഷിതം।
രഥേനാതിപതാകേന മനോമാരുതരംഹസാ॥ 8-58-38 (57931)
ഏവമേഷ ക്ഷയോ വൃത്തഃ പൃഥിവ്യാം പൃഥിവീപതേ।
താവകാനാം പരേഷാം ച രാജന്ദുർമന്ത്രിതേ തവ॥ ॥ 8-58-39 (57932)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ അഷ്ടപഞ്ചാശോഽധ്യായഃ॥ 58 ॥
॥ ശ്രീഃ ॥
8.59. അധ്യായഃ 059
Mahabharata - Karna Parva - Chapter Topics
സങ്കുലയുദ്ധം॥ 1 ॥
Mahabharata - Karna Parva - Chapter Text
8-59-0 (57933)
സഞ്ജയ ഉവാച। 8-59-0x (4982)
തതഃ പ്രവവൃതേ ഭൂയഃ സംഗ്രാമോ രാജസത്തമ।
കർണസ്യ പാണ്ഡവാനാം ച യമരാഷ്ട്രവിവർധനഃ॥ 8-59-1 (57934)
ധനൂംഷി ബാണാൻപരിഘാനസിപട്ടസതോമരാൻ।
മുസലാനി ഭുശുണ്ഡീശ്ച ശക്തിരിഷ്ടിപരശ്വഥാൻ॥ 8-59-2 (57935)
ഗദാഃ പ്രാസാഞ്ശിതാൻകുന്താൻഭിണ്ഡിപാലാൻമഹാങ്കുശാൻ।
പ്രഗൃഹ്യ ക്ഷിപ്രമാപേതുഃ പരസ്പരജിഘാംസയാ॥ 8-59-3 (57936)
ബാണജ്യാതലശബ്ദേന ദ്യാം ദിശഃ പ്രദിശോ വിയത്।
പൃഥിവീം നേമിഘോഷേണ നാദയന്തോഽഭ്യയുഃ പരാൻ॥ 8-59-4 (57937)
തേന ശബ്ദേന മഹതാ സംഹൃഷ്ടാശ്ചക്രുരാഹവം।
വീരാ വീരൈർമഹാപ്തോരകലഹാന്തം തിതീർഷവഃ॥ 8-59-5 (57938)
ജ്യാതലത്രധനുഃശബ്ദാഞ്ശസ്ത്രാണാം ച നിപാത്യതാം।
താഡിതാനാം ച പതതാ നിനാദാംശ്ച പദാതിനാം॥ 8-59-6 (57939)
ബാണശബ്ദാംശ്ച വിവിധാഞ്ശൂരാണാം ചാഭിഗർജതാം।
ശ്രുത്വാ ഗജാ ഭൃശം ത്രേസുഃ പേതുർമംലുശ്ച സൈനികാഃ॥ 8-59-7 (57940)
തേഷാം നിനദതാം ചൈവ ശസ്ത്രവർഷം ച മുഞ്ചതാം।
ബഹൂനാധിരഥിർവീരഃ പ്രമമാഥേഷുഭിഃ പരാൻ॥ 8-59-8 (57941)
പഞ്ച പാഞ്ചാലവീരാണാം രഥാന്ദശ ച പഞ്ച ച।
സാശ്വസൂതധ്വജാൻകർണഃ ശരൈർനിന്യേ യമക്ഷയം॥ 8-59-9 (57942)
യോധമുഖ്യാ മഹാവീര്യാഃ പാണ്ഡൂനാം കർണമാഹവേ।
ശിക്ഷിതാസ്തമഭിദ്രുത്യ പരിവവ്രുഃ സമന്തതഃ॥ 8-59-10 (57943)
തതഃ കർണോ ദ്വിഷത്സേനാം ശരവർഷൈർവിലോഡയൻ।
വിജഗാഹാണ്ഡജാകീർണാം പദ്മിനീമിവ യൂഥപഃ॥ 8-59-11 (57944)
ദ്വിഷത്സൈന്യമവസ്കന്ദ്യ രാധേയോ ധനുരുത്തമം।
വിധുന്വാനഃ ശിതൈർബാണൈഃ ശിരാംസ്യുൻമഥ്യ പാതയത്॥ 8-59-12 (57945)
`ഹസ്തിനഃ സമഹാമാത്രാൻസാശ്വാരോഹാൻഹയാനപി।
രഥിനോഽപ്യേകബാണേന ഭ്രമതശ്ചാവപാതയത്'॥ 8-59-13 (57946)
വർമ വാ ചർമ വാഽശ്രിത്യ നിപാതമപി ദേഹിനഃ।
വിഷേഹുർനാസ്യ സംസ്പർശം ദ്വിതീയസ്യ പതത്ത്രിണഃ॥ 8-59-14 (57947)
വർമയുക്തേഷു ദേഹേഷു ധനുഷോഽസ്യഞ്ശിതാഞ്ശരാൻ।
മൌർവ്യാ തലത്രേ ന്യഹനത്കശയാ വാജിനോ യഥാ॥ 8-59-15 (57948)
പാണ്ഡുസൃഞ്ജയപാഞ്ചാലാഞ്ശരഗോചരമാഗതാൻ।
മമർദ തരസാ കർണഃ സിംഹോ മൃഗഗണാനിവ॥ 8-59-16 (57949)
തതഃ പാഞ്ചാലപുത്രശ്ച ദ്രൌപദേയാശ്ച മാരിഷ।
യമൌ ച യുയുധാനശ്ച ത്വരിതാഃ കർണമഭ്യയുഃ॥ 8-59-17 (57950)
തേഷു വ്യായച്ഛമാനേഷു കുരുപാഞ്ചാലപാണ്ഡുഷു।
പ്രിയാനസൂന്രണേ ത്യക്ത്വാ യോധാ ജഘ്നുഃ പരസ്പരം॥ 8-59-18 (57951)
സുസന്നദ്ധാഃ കവചിനഃ സശിരസ്ത്രാണഭൂഷണാഃ।
ഗദാഭിർമുസലൈശ്ചാന്യേ പരിഘൈശ്ച മഹാബാലാഃ॥ 8-59-19 (57952)
സമഭ്യധാവന്ത ഭൃശം കാലദണ്ഡൈരിവോദ്യതൈഃ।
നർദന്തശ്ചാഹ്വയന്തശ്ച പ്രവൽഗന്തശ്ച മാരിഷ॥ 8-59-20 (57953)
തതോ നിജഘ്നുരന്യോന്യം പേതുശ്ചാന്യോന്യതാഡിതാഃ।
വമന്തോ രുധിരം ഗാത്രൈർവിമസ്തിഷ്കേക്ഷമായുധാഃ॥ 8-59-21 (57954)
ദന്തപൂർണൈഃ സരുധിരൈർവക്രൈർദാഡിമസന്നിഭൈഃ।
ജീവന്ത ഇവ ചാപ്യേകേ തസ്ഥുഃ ശസ്ത്രൌഘബൃംഹിതാഃ॥ 8-59-22 (57955)
പരശ്വഥൈശ്ചാപ്യപരേ പട്ടസൈരസിഭിസ്തഥാ।
ശക്തിഭിർഭിണ്ഡിപാലൈശ്ച നഖരപ്രാസതോമരൈഃ॥ 8-59-23 (57956)
തതക്ഷുശ്ചിച്ഛിദുശ്ചാന്യേ ബിഭിദുശ്ചിക്ഷിപുസ്തഥാ।
സഞ്ചകർതുശ്ച ജഘ്നുശ്ച രാജന്യോധാ മഹാരണേ॥ 8-59-24 (57957)
പേതുരന്യോന്യനിഹതാ വ്യസവോ രുധിരോക്ഷിതാഃ।
ക്ഷരന്തഃ സ്വരസം രക്തം പ്രകൃത്താശ്ചന്ദനാ ഇവ॥ 8-59-25 (57958)
രഥൈ രഥാ വിനിഹതാ ഹസ്തിഭിശ്ചാപി ഹസ്തിനഃ।
നരൈർനരാ ഹതാഃ പേതുരശ്വാശ്ചാശ്വൈഃ സഹസ്രശഃ॥ 8-59-26 (57959)
ധ്വജാഃ ശിരാംസി ച്ഛിന്നാഃ പേതുർമഹീതലേ॥
`വധ്യതാം ദാരുണാഃ ശബ്ദാഃ പതതാം സ്തനതാമപി। 8-59-27 (57960)
ക്ഷുരൈർഭല്ലാർധചന്ദ്രൈശ്ച ച്ഛിന്നാഃ പേതുർമഹീതലേ॥
നരാശ്വേഭരഥാനാം ഹിനരാശ്വേഭരഥൈസ്തഥാ'॥ 8-59-28 (57961)
നരാംശ്ച നാഗാംശ്ച രഥാൻഹയാൻമമൃദുരാഹവേ॥ 8-59-29 (57962)
അശ്വാരോഹൈർഹതാഃ ശൂരാശ്ഛിന്നഹസ്താശ്ച ദന്തിനഃ।
സപതാകാധ്വജാഃ പേതുർവിശീർണാ ഇവ പർവതാഃ॥ 8-59-30 (57963)
പത്തിഭിശ്ച സമാപ്ലുത്യ ദ്വിരദാഃ സ്യന്ദനാസ്തഥാ।
ഹതാശ്ച ഹന്യമാനാശ്ച പതിതാശ്ചൈവ സർവശഃ॥ 8-59-31 (57964)
അശ്വാരോഹാഃ സമാസാദ്യ ത്വരിതാഃ പത്തിഭിർഹതാഃ।
സാദിഭിഃ പത്തിസംഘാശ്ച നിഹതാ യുധി ശേരതേ॥ 8-59-32 (57965)
മൃദിതാനീവ പദ്മാനി പ്രംലാനാ ഇവ ച സ്രജഃ।
ഹതാനാം വദനാന്യാസൻഗാത്രാണി ച മഹാഹവേ॥ 8-59-33 (57966)
രൂപാണ്യത്യർഥകാന്താനി ദ്വിരദാശ്വനൃണാം നൃപ।
സമുന്നാനീവ വസ്ത്രാണി യയുർദുർദുർശതാം പരാം॥ ॥ 8-59-34 (57967)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ഏകോനഷഷ്ടിതമോഽധ്യായഃ॥ 59 ॥
Mahabharata - Karna Parva - Chapter Footnotes
॥ ശ്രീഃ ॥
8.60. അധ്യായഃ 060
Mahabharata - Karna Parva - Chapter Topics
ഗജയുദ്ധം॥ 1 ॥ സങ്കുലയുദ്ധം॥ 2 ॥
Mahabharata - Karna Parva - Chapter Text
8-60-0 (57968)
സഞ്ജയ ഉവാച। 8-60-0x (4983)
ഹസ്തിഭിസ്തു മഹാമാത്രാസ്തവ പുത്രേണ ചോദിതാഃ।
ധൃഷ്ടദ്യുംനം ഘ്നതേത്യാശു ക്രുദ്ധാഃ പാർഷതമഭ്യയുഃ॥ 8-60-1 (57969)
പ്രാച്യാശ്ച ദാക്ഷിണാത്യാശ്ച പ്രവരാ ഗജയോധിനഃ।
അംഗാ വംഗാശ്ച പുണ്ഡ്രാശ്ച മാഗധാസ്താംരലിപ്തകാഃ॥ 8-60-2 (57970)
മേകലാഃ കോശലാ മദ്രാ ദശാർണാ നിഷധാസ്തഥാ।
ഗജയുദ്ധേഷു കുശലാഃ കലിംഗൈഃ സഹ ഭാരത॥ 8-60-3 (57971)
ശരതോമരനാരാചൈർവൃഷ്ടിമന്ത ഇവാംബുദാഃ।
സിഷിചുസ്തേ തതഃ സർവേ പാഞ്ചാലബലമാഹവേ॥ 8-60-4 (57972)
താനഭിദ്രവതോ നാഗാൻമദവേഗസമുദ്ധതാൻ।
വിപാഠക്ഷുരനാരാചൈർധൃഷ്ടദ്യുംനോ ഹ്യവീവൃഷത്॥ 8-60-5 (57973)
ഏകൈകം ദശഭിഃ ഷ·ഡ്ഭിരഷ്ടാഭിരപി പാർഷതഃ।
ദ്വിരദാനഭിവിവ്യാധ ക്ഷിപ്രം ഗിരിനിഭാഞ്ശരൈഃ॥ 8-60-6 (57974)
പ്രച്ഛാദ്യമാനം ദ്വിരദൈർമേഘൈരിവ ദിവാകരം।
പര്യയുഃ പാണ്ഡുപാഞ്ചാലാ നദന്തോ ഹ്യാത്തകാർമുകാഃ॥ 8-60-7 (57975)
താന്നാഗാനഭിവർഷന്തോ ജ്യാതലത്രവിനാദിനഃ।
വീരനൃത്യം പ്രനൃത്യന്തഃ ശൂരതാലപ്രചോദിതൈഃ।
നകുലഃ സഹദേവശ്ച ദ്രൌപദേയാഃ പ്രഭദ്രകാഃ॥ 8-60-8 (57976)
സാത്യകിശ്ച ശിഖണ്ഡീ ച ചേകിതാനശ്ച വീര്യവാൻ।
സമന്താത്സിഷിചുർവീരാ മേഘാസ്തോയൈരിവാചലാൻ॥ 8-60-9 (57977)
തേ ംലേച്ഛൈഃ പ്രേഷിതാ നാഗാ നരാനശ്വാന്രഥാനപി।
ഹസ്തൈരാക്ഷിപ്യ മമൃദുഃ പദ്ഭിശ്ചാപ്യതിമന്യവഃ॥ 8-60-10 (57978)
ബിഭിദുശ്ച വിഷാണാഗ്രൈഃ സമാക്ഷിപ്യ ച ചിക്ഷിപുഃ।
വിഷാണലഗ്നാശ്ചാപ്യന്യേ പരിപേതുർവിഭീഷണാഃ॥ 8-60-11 (57979)
പ്രമുഖേ വർതമാനം തു ദ്വിപമംഗസ്യ സാത്യകിഃ।
നാരാചേനോഗ്രവേഗേന ഭിത്ത്വാ മർമാണ്യതാഡയത്॥ 8-60-12 (57980)
തസ്യാവർജിതകായസ്യ ദ്വിരദാദുത്പതിഷ്യതഃ।
നാരാചേനാഹനദ്വക്ഷഃ സാത്യകിഃ സോഽപതദ്ഭുവി॥ 8-60-13 (57981)
പുണ്ഡ്രസ്യാപതതോ നാഗം ചലന്തമിവ പർവതം।
സഹദേവഃ പ്രസന്നാഗ്രൈർനാരാചൈരഹനത്ത്രിഭിഃ॥ 8-60-14 (57982)
വിപതാകം വിയന്താരം വിവർമധ്വജജീവിതം।
തം കൃത്വാ ദ്വിരദം ഭൂയഃ സഹദേവോഽംഗമഭ്യയാത്॥ 8-60-15 (57983)
സഹദേവം തു നകുലോ വാരയിത്വാംഗമാർദയത്।
നാരാചൈര്യമദണ്ഡാഭൈസ്ത്രിഭിർനാഗം ശതേന തം॥ 8-60-16 (57984)
ദിവാകരകപ്രഖ്യാനംഗശ്ചിക്ഷേപ തോമരാൻ।
നകുലായ ശതാന്യഷ്ടൌ ത്രിധൈകൈകം തു സോഽച്ഛിനത്॥ 8-60-17 (57985)
തഥാഽർധചന്ദ്രേണ ശിരസ്തസ്യ ചിച്ഛേദ പാണ്ഡവഃ।
സ പപാത ഹതോ ംലേച്ഛസ്തേനൈവ സഹ ദന്തിനാ॥ 8-60-18 (57986)
അഥാംഗപുത്രേ നിഹതേ ഹസ്തിശിക്ഷാവിശാരദേ।
അംഗാഃ ക്രുദ്ധാ മഹാമാത്രാ നാഗൈർനകുലമഭ്യയുഃ॥ 8-60-19 (57987)
ചലത്പതാകൈഃ സുമുഖൈർഹേമകക്ഷ്യാതനുച്ഛദൈഃ।
മിമർദിഷന്തസ്ത്വരിതാഃ പ്രദീപ്തൈരിവ പർവതൈഃ॥ 8-60-20 (57988)
മേകലോത്കലകാലിംഗാ നിഷധാസ്താംരലിപ്തകാഃ।
ശരതോമരവർഷാണി വിമുഞ്ചന്തോ ജിഘാംസവഃ॥ 8-60-21 (57989)
തൈശ്ഛാദ്യമാനം നകുലം നിശാകരമിവാംബുദൈഃ।
പരിപേതുഃ സുസംരബ്ധാഃ പാണ്ഡുപാഞ്ചാലസാത്യകാഃ॥ 8-60-22 (57990)
തതസ്തദഭവദ്യുദ്ധം രഥിനാം ഹസ്തിഭിഃ സഹ।
സൃജതാം ശരവർഷാണി തോമരാംശ്ച സഹസ്രശഃ॥ 8-60-23 (57991)
നാഗാനാം പ്രാസ്ഫുടൻകുംഭാ മർമാണി ച നഖാനി ച।
ദന്താശ്ചൈവാതിവിദ്ധാനാം നാരാചൈർഹേമഭൂഷണൈഃ॥ 8-60-24 (57992)
തേഷാമഷ്ടൌ മഹാനാഗാംശ്ചതുഃഷഷ്ട്യാ സുതേജനൈഃ।
നാരാചൈഃ സഹദേവസ്താൻപാതയാമാസ സാദിഭിഃ॥ 8-60-25 (57993)
അഞ്ജോഗതിഭിരായംയ പ്രയത്നാദ്ധനുരുത്തമം।
നാരാചൈരഹനന്നാഗാന്നകുലഃ കുലനന്ദനഃ॥ 8-60-26 (57994)
തതഃ പാഞ്ചാലശൈനേയൌ ദ്രൌപദേയാഃ പ്രഭദ്രകാഃ।
ശിഖണ്ഡീ ച മഹാനാഗാൻസിഷിചുഃ ശരവൃഷ്ടിഭിഃ॥ 8-60-27 (57995)
തേ പാണ്ഡുയോധാംബുധരൈഃ ശത്രുദ്വിരദപർവതാഃ।
ബാണവർഷൈർഹതാഃ പേതുർവജ്രവർഷൈരിവാചലാഃ॥ 8-60-28 (57996)
ഏവം ഹത്വാ തവ ഗജാംസ്തേ പാണ്ഡുരഥകുഞ്ജരാഃ।
ദ്രുതം സേനാം ച വർഷന്തോ ഭിന്നകൂലാമിവാപഗാം॥ 8-60-29 (57997)
താം തേ സേനാം സമാലോഡ്യ പാണ്ഡുപുത്രസ്യ സൈനികാഃ।
വിക്ഷോഭയിത്വാ ച പുനഃ കർണം സമഭിദുദ്രുവുഃ॥ ॥ 8-60-30 (57998)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ഷഷ്ടിതമോഽധ്യായഃ॥ 60 ॥
Mahabharata - Karna Parva - Chapter Footnotes
॥ ശ്രീഃ ॥
8.61. അധ്യായഃ 061
Mahabharata - Karna Parva - Chapter Topics
കൃഷ്ണേനാർജുനംപ്രതി കുരൂണാം യുധിഷ്ഠിരഗ്രഹണോദ്യമകഥനം॥ 1 ॥
Mahabharata - Karna Parva - Chapter Text
8-61-0 (57999)
സഞ്ജയ ഉവാച। 8-61-0x (4984)
തേഷാം പ്രവൃത്തേ സംഗ്രാമേ വിപുലേ ശോണിതോദകേ।
രരാജ ലോഹിതേനോർവീ സംസിക്താ ബഹുധാ ഭൃശം॥ 8-61-1 (58000)
തതോ രജസി സംശാന്തേ പ്രകാശഃ സർവതോഽഭവത്।
ഏതസ്മിന്നന്തരേ പാർഥം കൃഷ്ണോ വചനമബ്രവീത്।
ദർശയന്നിവ കൌന്തേയം ധർമരാജം യുധിഷ്ഠിരം॥ 8-61-2 (58001)
ഏഷ പാണ്ഡവ തേ ഭ്രാതാ ധാർതരാഷ്ട്രൈർമഹാബലൈഃ।
ജിഘാംസുഭിർമഹേഷ്വാസൈഃ ശീഘ്രം പാർഥോഽനുസാര്യതേ॥ 8-61-3 (58002)
തമന്വഗേവ പാഞ്ചാലാശ്ചേദിമാത്സ്യാശ്ച ഭാരത।
അനുയാന്തി മഹാത്മാനം പരീപ്സന്തോ മഹാജവാഃ॥ 8-61-4 (58003)
ഏഷ ദുര്യോധനഃ പാർഥ ഗജാനീകേന ദംശിതഃ।
രാജാ സർവസ്യ ലോകസ്യ രാജാനമനുധാവതി॥ 8-61-5 (58004)
ജിഘാംസുഃ പുരുഷവ്യാഘ്രം ഭ്രാതൃഭിഃ സഹിതോ ബലീ।
ആശീവിഷസമസ്പർശൈഃ സർവായുധവിശാരദൈഃ॥ 8-61-6 (58005)
നദദ്ഭിഃ സിംഹനാദാംശ്ച ധമദ്ഭിശ്ചാപി വാരിജാൻ।
ബലവദ്ഭിർമഹേഷ്വാസൈർവിധൂന്വാനൈർധനൂംഷി ച॥ 8-61-7 (58006)
ഏതേ ജിഘൃക്ഷവോ യാന്തി ദ്വിപാശ്വരഥപത്തയഃ।
യുധിഷ്ഠിരം ധാർതരാഷ്ട്രോ രത്നോത്തമമിവാർഥിനഃ॥ 8-61-8 (58007)
പശ്യ സാത്വതഭീമാഭ്യാം നിരുദ്ധാ വിഷ്ഠിതാഃ പുനഃ।
ജിഹീർഷവോഽമൃതം ദൈത്യാഃ ശക്രാഗ്നിഭ്യാമിവാഹവേ॥ 8-61-9 (58008)
ഏതേ ബഹുത്വാത്ത്വരിതാഃ പുനർഗച്ഛന്തി പാണ്ഡവം।
സമുദ്രമിവ വാര്യോഘാഃ പ്രാവൃട്കാലേ മഹാരഥാഃ॥ 8-61-10 (58009)
മൃത്യോർമുഖഗതം മന്യേ കുന്തീപുത്രം യുധിഷ്ഠിരം।
ഹുതമഗ്നൌ ച കൌന്തേയം ദുര്യോധനവശം ഗതം॥ 8-61-11 (58010)
യഥായുക്തമനീകം ഹി ധാർതരാഷ്ട്രസ്യ പാണ്ഡവ।
നാസ്യ ശക്രോഽപി മുച്യേത സംപ്രാപ്തോ ബാണഗോചരം॥ 8-61-12 (58011)
ദുര്യോധനസ്യ വീരസ്യ ശരൌഘാഞ്ശീഘ്രമസ്യതഃ।
സങ്ക്രുദ്ധസ്യാന്തകസ്യേവ കോ വേഗം സംസഹേദ്രണേ॥ 8-61-13 (58012)
രസതസ്തസ്യ വീരസ്യ ദ്രൌണേഃ ശാരദ്വതസ്യ ച।
കർണസ്യ ചേഷുവേഗോ വൈ പർവതാനപി ശാതയേത്॥ 8-61-14 (58013)
കർണേന ച കൃതോ രാജാ വിമുഖോഽദ്യ തു ദൃശ്യതേ॥ 8-61-15 (58014)
ബലവാംʼല്ലുഘുഹസ്തശ്ച കൃതീ യുദ്ധവിശാരദഃ।
രാധേയഃ പാണ്ഡവശ്രേഷ്ഠം ശക്തഃ പീഡയിതും രണേ।
സഹിതോ ധൃതരാഷ്ട്രസ്യ പുത്രൈഃ ശൂരൈർമഹാബലൈഃ॥ 8-61-16 (58015)
തസ്യൈഭിര്യുധ്യമാനസ്യ സംഗ്രാമേ ശംസിതാത്മനഃ।
അന്യൈരപി ച പാർഥസ്യ കൃതം കർമ മഹാരഥൈഃ॥ 8-61-17 (58016)
ഉപവാസകൃശോ രാജാ ഭൃശം ഭരതസത്തമഃ।
ബ്രാഹ്മോ ബലേ സ്ഥിതോ ഹ്യേഷ ന ക്ഷാത്രേ ഹി ബലേ വിഭുഃ॥ 8-61-18 (58017)
കർണേന ചാഭിയുക്തോഽയം ഭൂപതിഃ ശത്രുതാപനഃ।
സംശയം സമനുപ്രാപ്തഃ പാണ്ഡവോ വൈ യുധിഷ്ഠിരഃ॥ 8-61-19 (58018)
ന ജീവതി മഹാരാജോ മന്യേ പാർഥ യുധിഷ്ഠിരഃ।
യദ്ഭീമസേനഃ സഹതേ സിംഹനാദമമർഷണഃ॥ 8-61-20 (58019)
നർദതാം ധാർതരാഷ്ട്രാണാം പുനഃപുനരരിന്ദമഃ।
ധമതാം ച മഹാശംഖാൻസംഗ്രാമേ ജിതകാശിനാം॥ 8-61-21 (58020)
യുധിഷ്ഠിരം പാണ്ഡവേയം ഹതേതി ഭരതർഷഭ।
സഞ്ചോദയത്യസൌ കർണോ ധാർതരാഷ്ട്രാൻമഹാബലാൻ॥ 8-61-22 (58021)
സ്ഥൂണാകർണാസ്ത്രജാലേന പാർഥ പാശുപതേന ച।
പ്രച്ഛാദയന്തി രാജാനമനുയാന്തി മഹാരഥാഃ॥ ॥ 8-61-23 (58022)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ഏകഷഷ്ടിതമോഽധ്യായഃ॥ 61 ॥
Mahabharata - Karna Parva - Chapter Footnotes
॥ ശ്രീഃ ॥
8.62. അധ്യായഃ 062
Mahabharata - Karna Parva - Chapter Topics
കൃഷ്ണേനാർജുനംപ്രതി യുധിഷ്ഠിരസ്യ കർണേന പരാഭവകഥനപൂർവകം കർണയുദ്ധപ്രദർശനം॥ 1 ॥ തഥാ ഭീമസേനയുദ്ധപ്രദർശനം॥ 2 ॥
Mahabharata - Karna Parva - Chapter Text
8-62-0 (58023)
ശ്രീഭഗവാനുവാച। 8-62-0x (4985)
ആതുരോ മേ മതോ രാജാ അവിപഹ്യശ്ച ഭാരത।
യഥൈനമനുവർതന്തേ പഞ്ചാലാഃ സഹ പാണ്ഡവൈഃ॥ 8-62-1 (58024)
ത്വരമാണാസ്ത്വരാകാലേ സർവശസ്ത്രഭൃതാം വരാഃ।
മജ്ജന്തമിവ പാതാലേ ബലിനോ ഹ്യുജ്ജിഹീർഷവഃ॥ 8-62-2 (58025)
ന കേതുർദൃശ്യതേ രാജ്ഞഃ കർണസ്യ പിഹിതഃ ശരൈഃ।
പശ്യതോര്യമയോഃ പാർഥ സാത്യകേശ്ച ശിഖണ്ഡിനഃ॥ 8-62-3 (58026)
ധൃഷ്ടദ്യുംനസ്യ ഭീമസ്യ ശതാനീകസ്യ വാ വിഭോ।
പാഞ്ചാലാനാം ച സർവേഷാം ചേദീനാം ചൈവ ഭാരത॥ 8-62-4 (58027)
ഏഷ കർണോ രണേ പാർഥ പാണ്ഡവാനാമനീകിനീം।
ശരൈർവിധ്വംസയാമാസ നലിനീമിവ കുഞ്ജരഃ॥ 8-62-5 (58028)
ഏതേ ദ്രവന്തി രഥിനസ്ത്വദീയാഃ പാണ്ഡുനന്ദന।
പശ്യ പശ്യ യഥാ പാർഥ ഗച്ഛന്ത്യേതേ മഹാരഥാഃ॥ 8-62-6 (58029)
ഏതേ ഭാരത മാതംഗാഃ കർണേനാഭിഹതാഃ ശരൈഃ।
ആർതനാദാന്വികുർവാണാ വിദ്രവന്തി ദിശോ ദശ॥ 8-62-7 (58030)
രഥാനാം ദ്രവതേ വൃന്ദമേതച്ചൈവ സമന്തതഃ।
ദ്രാവ്യമാണം രണേ പാർഥ കർണേനാമിതതേജസാ॥ 8-62-8 (58031)
ഹസ്തികക്ഷ്യാം രണേ പശ്യ ചരന്തീം തത്രതത്ര ഹ।
രഥസ്ഥം സൂതപുത്രസ്യ കേതും കേതുമതാം വര॥ 8-62-9 (58032)
അസൌ ധാവതി രാധേയോ ഭീമസേനരഥം പ്രതി।
കിരഞ്ശരശതാന്യേവ വിനിഘ്നംസ്തവ വാഹിനീം॥ 8-62-10 (58033)
ഏതേ നശ്യന്തി പാഞ്ചാലാ ദ്രാവ്യമാണാ മഹാത്മനാ।
ശക്രേണേവ യഥാ ദൈത്യാ ദ്രാവ്യമാണാ മഹാത്മനാ॥ 8-62-11 (58034)
ഏഷ കർണോ രണേ ജിത്വാ പാഞ്ചാലാൻപാണ്ഡുസൃഞ്ജയാൻ।
ദിശോ വിപ്രേക്ഷതേ സർവാസ്ത്വദർഥമിതി മേ മതിഃ॥ 8-62-12 (58035)
ഏഷ കർണോ ധനുഃശ്രേഷ്ഠം വിധൂന്വൻബഹുശോഭതേ।
ശത്രും ജിത്വാ യഥാ ശക്രോ ദേവസംഖൈഃ സമാവൃതഃ॥ 8-62-13 (58036)
ഏതേ നർദന്തി കൌരവ്യാ ദൃഷ്ട്വാ കർണസ്യ വിക്രമം।
ത്രാസയന്തോ രണേ പാണ്ഡൂൻസൃഞ്ജയാംശ്ച സമന്തതഃ॥ 8-62-14 (58037)
ഏഷ സർവാത്മനാ പാണ്ഡൂംസ്ത്രാസയിത്വാ മഹാരണേ।
അഭിഭാഷതി രാധേയഃ സർവസൈന്യാനി മാനദ॥ 8-62-15 (58038)
അഭിദ്രവത ഭദ്രം വോ ദ്രുതം ദ്രവത കൌരവാഃ।
യഥാ ന ജീവവാൻകശ്ചിൻമുച്യേത യുധി സൃഞ്ജയഃ॥ 8-62-16 (58039)
തഥാ കുരുത സംയത്താ വയം യാസ്യാമ പൃഷ്ഠതഃ।
ഏവമുക്ത്വാ ഗതോ ഹ്യേഷ പൃഷ്ഠതോ വികിരഞ്ഛരാൻ॥ 8-62-17 (58040)
പശ്യ കർണം രണേ പാർഥ ശ്വേതച്ഛത്രവിരാജിതം।
ഉദയം പർവതം യദ്വച്ഛശാങ്കേനാഭിശോഭിതം॥ 8-62-18 (58041)
പൂർണചന്ദ്രനികാശേന മൂർധ്നി ച്ഛത്രേണ ഭാരത।
ധ്രിയമാണേന സമരേ ശ്രീമച്ഛതശലാകിനാ॥ 8-62-19 (58042)
ഏഷ ത്വാം പ്രേക്ഷതേ കർണഃ സകടാക്ഷം ധനഞ്ജയ।
ഉത്തമം യത്നമാസ്ഥായ ധ്രുവമേഷ്യതി സംയുഗേ॥ 8-62-20 (58043)
പശ്യ ഹ്യേനം മഹാബാഹോ വിധുന്വാനം മഹദ്ധനുഃ।
ശരാംശ്ചാശീവിഷാകാരാന്വിസൃജന്തം മഹാരണേ॥ 8-62-21 (58044)
അസൌ നിവൃത്തോ രാധേയോ ദൃഷ്ട്വാ തേ വാനരധ്വജം।
പ്രാർഥയൻസമരം പാർഥ ത്വയാ സഹ പരന്തപ।
വധായ ഹ്യാത്മനോഽഭ്യേതി പാവകം ശലഭോ യഥാ॥ 8-62-22 (58045)
കർണമേകാകിനം ദൃഷ്ട്വാ ധാർതരാഷ്ട്രോ രണാജിരേ।
ത്വാം ച പാർഥാഭിസംരബ്ധം കർണം പ്രതി മഹാരഥം॥ 8-62-23 (58046)
കൃതാഗസം ച രാധേയം ധർമാത്മനി യുധിഷ്ഠിരേ।
അത്മാനം ച കൃതാർഥം ച സമീക്ഷ്യ ഭരതർഷഭ॥ 8-62-24 (58047)
അസൌ ദുര്യോധനഃ ക്രുദ്ധോ രഥാനീകേന ഭാരത।
രിരക്ഷിഷുഃ സുസംവൃത്തോ ധാർതരാഷ്ട്രോ നിവർതതേ॥ 8-62-25 (58048)
സർവൈഃ സഹൈഭിർദുഷ്ടാത്മാ ബധ്യതാം ച പ്രയത്നതഃ।
ത്വയാ യശശ്ച രാജ്യം ച സുഖം ചോത്തമമിച്ഛതാ॥ 8-62-26 (58049)
അദീനയോർവിശ്രുതയോര്യുവയോര്യോത്സ്യമാനയോഃ।
ദേവാസുരേ പാർഥ മൃധേ ദേവദാനവയോരിവ।
പശ്യന്തു കൌരവാഃ സർവേ തവ പാർഥ പരാക്രമം॥ 8-62-27 (58050)
ത്വാം ച ദൃഷ്ട്വാതിസംരബ്ധം കർണം ച ഭരതർഷം।
അസൌ ദുര്യോധനഃ ക്രുദ്ധോ നോത്തരം പ്രതിപദ്യതേ॥ 8-62-28 (58051)
ആത്മാനം ച കൃതാത്മാനം സമീക്ഷ്യ ഭരതർഷഭ।
കൃതാഗസം ച രാധേയം ധർമാത്മനി യുധിഷ്ഠിരേ॥ 8-62-29 (58052)
പ്രതിപദ്യസ്വ കൌന്തേയ പ്രാപ്തകാലമനന്തരം।
ആര്യാം യുദ്ധേ മതിം കൃത്വാ പ്രത്യേഹി രഥയൂഥപം॥ 8-62-30 (58053)
പഞ്ച ഹ്യേതാനി മുഖ്യാനി രഥാനാം രഥസത്തമ।
ശതാന്യxxxxxxജലിനാം തിൻമതേജസാം॥ 8-62-31 (58054)
പഞ്ച നാഘxxxxx ദ്വിഗുണാ വാജിനസ്തഥാ।
അഭിസംഹത്യ കൌന്തേയ പദാതാഃ പ്രയുതാനി ച॥ 8-62-32 (58055)
xxxxxxxx വീര ബലം താമഭിവർതതേ।
ദ്രോമപുത്രം പുരസ്കൃത്യ തച്ഛീഘ്രം സന്നിഷൂദയ॥ 8-62-33 (58056)
നികൃത്ത്യൈതദ്രഥാനീകം ബലിനം ലോകവിശ്രുതം।
സൂതപുത്രേ മഹേഷ്വാസേ ദർശയാത്മാനമാത്മനാ॥ 8-62-34 (58057)
xxxxxxxxxxxxxxxഭരതർഷഭ।
xxxxxxxxxxxxx പാഞ്ചാലാനഭിഘാവതി। 8-62-35 (58058)
xxxxxx ഹി പശ്യാമി ധൃഷ്ടദ്യുംനരർഥ പ്രതി।
xxxxxx പാഞ്ചാലാനിതി മന്യേ പരന്തപ॥ 8-62-36 (58059)
ആചചക്ഷേ പ്രിയം പാർഥ തവേദം ഭരതർഷഭ।
രാജാസൌ കുശലീ ശ്രീമാന്ധർമപുത്രോ യുധിഷ്ഠിരഃ॥ 8-62-37 (58060)
അസൌ ഭീമോ മഹാബാഹുഃ സന്നിവൃത്തശ്ചമൂയുഖേ।
വൃതഃ സൃഞ്ജയ സൈന്യേന ശൈനേയേന ച ഭപ്തത॥ 8-62-38 (58061)
വധ്യന്ത ഏതേ സമരേ കൌരവാ നിശിതൈഃ ശരൈഃ।
ഭീമസേനേന കൌന്തേയ പാഞ്ചാലൈശ്ച മഹാത്മഭിഃ॥ 8-62-39 (58062)
സേനാ ഹി ധാർതരാഷ്ട്രസ്യ വിമുഖാ വ്യദ്രവദ്രണാത്।
വേഗേന ഭീമസേനസ്യ വിഹതാ വിവിധൈഃ ശരൈഃ॥ 8-62-40 (58063)
വിപന്നസസ്യേവ മഹീ രുധിരേണ സമുക്ഷിതാ।
ഭാരതീ ഭരതശ്രേഷ്ഠ സേനാ കൃപണദർശനാ॥ 8-62-41 (58064)
നിവൃത്തം പശ്യ കൌന്തേയ ഭീമസേനം യുധാംപതിം।
ആശീവിഷമിവ ക്രുദ്ധം തസ്മാദ്ദ്രവതി ഭാരതി॥ 8-62-42 (58065)
പീതരക്താസിതസിതാസ്താരാചന്ദ്രാർകമണ്ഡിതാഃ।
പതാകാ വിപ്രകീര്യന്തേ ഛത്രാണ്യേതാനി ചാർജുന॥ 8-62-43 (58066)
സൌവർണാ രാജതാശ്ചൈവ തൈജസാശ്ച പൃഥഗ്വിധാഃ।
കേതവോഽഭിനിപാത്യന്തേ ഹസ്ത്യശ്വം ച പ്രകീര്യതേ॥ 8-62-44 (58067)
രഥേഭ്യഃ പ്രപതന്ത്യേതേ രഥിനോ വിഗതാസവഃ।
നാനാവർണൈർഹതാ ബാണൈഃ പാഞ്ചാലൈരപലായിഭിഃ॥ 8-62-45 (58068)
നിർമനുഷ്യാൻഗജാനശ്വാന്രഥാംശ്ചൈവ ധനഞ്ജയ।
സമാദ്രവന്തി പാഞ്ചാലാ ധാർതരാഷ്ട്രാംസ്തരസ്വിനഃ॥ 8-62-46 (58069)
വിമൃദ്രന്തി നരവ്യാഘ്രാ ഭീമസേനബലാശ്രയാത്।
ബലം പരേഷാം ദുർധർഷം ത്യക്ത്വാ പ്രാണാനരിന്ദം॥ 8-62-47 (58070)
ഏതേ നർദിന്തി പാഞ്ചാലാ ധ്മാപയന്തി ച വാരിജാൻ।
അഭിദ്രവന്തി ച രണേ മൃദ്രന്തഃ സായകൈഃ പരാൻ॥ 8-62-48 (58071)
പശ്യ സ്വർഗസ്യ മാഹാത്ംയം പാഞ്ചാലാ ഹി പരാക്രമാത്।
ധാർതരാഷ്ട്രാന്വിനിഘ്നന്തോ വിശന്ത്യേതേ രഥോത്തമാൻ॥ 8-62-49 (58072)
[ശസ്ത്രമാച്ഛിദ്യ ശത്രൂണാം സായുധാനാം നിരായുധാഃ।
തേനൈവൈതാനമോഘാസ്ത്രാ നിഘ്നന്തി ച നദന്തി ച॥ 8-62-50 (58073)
ശിരാംസ്യേതാനി പാത്യന്തേ ശത്രൂണാം ബാഹവോഽപി ച।
രഥനാഗഹയാ വീരാ യശസ്യാഃ സർവ ഏവ ച]॥ 8-62-51 (58074)
സർവതശ്ചാഭിപന്നൈഷാ ധാർതരാഷ്ട്രീ മഹാചമൂഃ।
ത്യക്ത്വാ പ്രാണാൻമഹേഷ്വാസൈഃ പാഞ്ചാലൈഃ പരിപാത്യതേ॥ 8-62-52 (58075)
സുഹൃദശ്ച പരാക്രാന്താഃ കൃപകർണാദയോ വിഭോ।
നിവാരണേ മഹേഷ്വാസാഃ പാഞ്ചാലാനാം പരന്തപ॥ 8-62-53 (58076)
അനിവൃത്താംശ്ച ഭീതാംസ്താന്ധാർതരാഷ്ട്രാൻപരന്തപ।
ധൃഷ്ടദ്യുംനമുഖാ വീരാ ഘ്നന്തി ശത്രൂൻസഹസ്രശഃ॥ 8-62-54 (58077)
രഥാശ്ച വിവിധാഃ സർവേ നിവൃത്തേ ഭരതർഷഭേ।
വിവർണമുഖഭൂയിഷ്ഠാ ധാർതരാഷ്ട്രീ മഹാചമൂഃ॥ 8-62-55 (58078)
പശ്യ ഭീമേന നാരാചൈർഭിന്നാ നാഗാഃ പതന്ത്യമീ।
വജ്രിവജ്രഹതാനീവ ശിഖരാണി ധരാഭൃതാം॥ 8-62-56 (58079)
ഭീമസേനസ്യ നിർവിദ്ധാ ബാണൈഃ സന്നതപർവഭിഃ।
സ്വാന്യനീകാനി മൃദ്ഗന്തോ ദ്രവന്ത്യേതേ മഹാഗജാഃ॥ 8-62-57 (58080)
`ഏതേ ദ്രവന്തി കുരവോ ഭീമസേനഭയാർദിതാഃ।
ത്യക്ത്വാ രഥാൻഗജാംശ്ചൈവ ഹയാംശ്ചൈവ സഹസ്രശഃ॥ 8-62-58 (58081)
ഹസ്ത്യശ്വരഥപത്തീനാം ദ്രവതാം നിഃസ്വനം ശൃണു।
ഭീമസേനസ്യ നിനദം ദ്രാവയാനസ്യ കൌരവാൻ॥ 8-62-59 (58082)
അഭിജാനാമി ഭീമസ്യ സിംഹനാദം പുനഃപുനഃ'।
നദതഃ പാണ്ഡവേയസ്യ സംഗ്രാമേ ജിതകാശിനഃ॥ 8-62-60 (58083)
ഏഷ നൈഷാദിരഭ്യേതി ദ്വിപമുഖ്യേന പാണ്ഡവം।
വിസൃജംസ്തോമരാൻക്രുദ്ധോ ദണ്ഡപാണിരിവാന്തകഃ॥ 8-62-61 (58084)
തസ്യ ചൈവ ഭുജൌ ഛിന്നൌ ഭീമസേനേന ഗർജതഃ।
നാഗശ്ച ക്രകരപ്രഖ്യൈർനാരാചൈർദശഭിർഹതഃ॥ 8-62-62 (58085)
ഹന്തൈതേ പുനരായാന്തി നാഗാ ഹ്യന്യേ പ്രഹാരിണഃ।
നീലാഞ്ജനചയപ്രഖ്യാ മഹാമാത്രൈരധിഷ്ഠിതാഃ॥ 8-62-63 (58086)
ശക്തിതോമരസംഘതൈർവിനിഘ്നന്തോ വൃകോദരം।
സപ്തസപ്ത ച നാഗസ്ഥാ വൈജയന്ത്യശ്ച സധ്വജാഃ।
നവത്യാ നിശിതൈർബാണൈശ്ഛിന്നാഃ പാർഥാഗ്രജേന തേ॥ 8-62-64 (58087)
ദശഭിർദശഭിശ്ചൈകോ നാരാചൈർനിഹതോ ഗജഃ॥ 8-62-65 (58088)
ന ചാസൌ ധാർതരാഷ്ട്രാണാം ശ്രൂയതേ നിനദസ്തഥാ।
പുരന്ദരസമേ ക്രുദ്ധേ നിവൃത്തേ ഭരതർഷഭേ॥ 8-62-66 (58089)
അക്ഷൌഹിണ്യസ്തഥാ തിസ്രോ ധാർതരാഷ്ട്രസ്യ സംഗതാഃ।
ക്രുദ്ധേന ഭീമസേനേന നരസിംഹേന വാരിതാഃ॥ 8-62-67 (58090)
ന ശക്നുവന്തി വൈ പാർഥം പാർഥിവാഃ സമുദീക്ഷിതും।
മധ്യന്ദിനഗതം സൂര്യം യഥാ ദുർബലചക്ഷുഷഃ॥ 8-62-68 (58091)
ഏതേ ഭീമസ്യ സന്ത്രസ്താഃ സിംഹസ്യേവേതരേ മൃഗാഃ।
ശരൈഃ സന്ത്രാസിതാഃ സഹ്ഖ്യേ ന ലഭന്തേ സുഖം ക്വചിത്॥ 8-62-69 (58092)
രാധേയോ ബഹുഭിഃ സാർധമസൌ ഗച്ഛതി വേഗിതഃ।
വർധയിത്വാ തു ഭീരും തം പാർശ്വതോ ഹ്യാനയദ്ധനുഃ।
തം പാലയൻമഹാരാജം ധാർതരാഷ്ട്രം ബലാന്വിതഃ॥ 8-62-70 (58093)
സഞ്ജയ ഉവാച। 8-62-71x (4986)
ഏതച്ഛ്രുത്വാ മഹാബാഹുർവാസുദേവാദ്ധനഞ്ജയഃ।
ഭീമസേനേന തത്കർമ കൃതം ദൃഷ്ട്വാ സുദുഷ്കരം।
അർജുനോ വ്യധമച്ഛിഷ്ടാൻസംശപ്തകഗണാൻബഹൂൻ॥ 8-62-71 (58094)
തേ വധ്യമാനാഃ പാർഥേന സംശപ്തകഗണാഃ പ്രഭോ।
ശക്രസ്യാതിഥിതാം ഗത്വാ വിശോകാ ഹ്യഭവംസ്തദാ॥ 8-62-72 (58095)
നാരായണാംസ്തു ഗോപാലാന്വ്യധമത്പാണ്ഡുനന്ദനഃ।
ഉത്തമം വേxxxxxപ്താസ്ഥായ ചണ്ഡവായുർധനാനിവ॥ 8-62-73 (58096)
അന്വകീര്യന്ത ഭീതാസ്തേ തത്രതത്രൈവ ഭാരത।
ലുലിതാംശ്ച തതഃ ശൂരാനഹനത്പുരുഷോത്തമഃ॥ 8-62-74 (58097)
പുനശ്ച പുരുഷവ്യാഘ്രഃ ശരൈഃ സന്നതപർവഭിഃ।
ജഘാന ധാർതരാഷ്ട്രസ്യ ചതുർവിധബലാം ചമൂം॥ ॥ 8-62-75 (58098)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ദ്വിഷഷ്ടിതമോഽധ്യായഃ॥ 62 ॥
Mahabharata - Karna Parva - Chapter Footnotes
॥ ശ്രീഃ ॥
8.63. അധ്യായഃ 063
Mahabharata - Karna Parva - Chapter Topics
രണായ രാജ്ഞാം ദ്വന്ദ്വീഭാവഃ॥ 1 ॥ കർണേന ശിഖണ്ഡിപരാജയഃ॥ 2 ॥ ധൃഷ്ടദ്യുംനദുഃശാസനയോര്യുദ്ധം॥ 3 ॥
Mahabharata - Karna Parva - Chapter Text
8-63-0 (58099)
ധൃതരാഷ്ട്ര ഉവാച। 8-63-0x (4987)
നിവൃത്തേ ഭീമസേനേ ച പാണ്ഡവേ ച യുധിഷ്ഠിരേ।
വധ്യമാനേ ബലേ ചാപി മാമകേ പാണ്ഡുസൃഞ്ജയൈഃ॥ 8-63-1 (58100)
ദ്രവമാണേ ബലൌഘേ ച നിരാക്രന്ദേ മുഹുർമുഹുഃ।
`അവശേഷം ന പശ്യാമി മമ സൈന്യേഷു സഞ്ജയ॥ 8-63-2 (58101)
അഹോ ബത ദശാം പ്രാപ്തോ ന ഹി ശക്ഷ്യാമി ജീവിതും।
ജയകാങ്ക്ഷീ കഥം സൂത പുത്രാണാമനിവർതിനാം॥ 8-63-3 (58102)
കഥം ജീവാമി നിഹതാഞ്ശ്രുത്വാ ച മമ സൈനികാൻ।
ബഹുനാഽദ്യ കിമുക്തേന ദൈവം തേഷാം പരായണം'॥ 8-63-4 (58103)
മാമകാഃ കിമകുർവന്ത തൻമമാചക്ഷ്വ സഞ്ജയ॥ 8-63-5 (58104)
സഞ്ജയ ഉവാച। 8-63-6x (4988)
ദൃഷ്ട്വാ ഭീമം മഹാബാഹും തവ പുത്രഃ പ്രതാപവാൻ।
ക്രോധരക്തേക്ഷണോ രാജൻഭീമസേനമഭിദ്രവത്॥ 8-63-6 (58105)
`തിഷ്ഠതിഷ്ഠ പൃഥാപുത്ര പശ്യ മേഽദ്യ പരാക്രമം।
അദ്യ ത്വാം പ്രേഷായഷ്യാമി യമസ്യ സദനം പ്രാതേ।
ഇത്യുക്ത്വാ പ്രയയൌ കർണോ യത്ര ഭീമോ വ്യവസ്ഥിതഃ'॥ 8-63-7 (58106)
താവകം തു ബലം ദൃഷ്ട്വാ ഭീമസേനാത്പരാങ്മുഖം।
യത്നേന മഹതാ കർണഃ പര്യവസ്ഥാപയദ്ബലീ॥ 8-63-8 (58107)
വ്യവസ്ഥാപ്യ മഹാബാഹുസ്തവ പുത്രസ്യ വാഹിനീം।
പ്രത്യുദ്യയൌ തദാ കർണഃ പാണ്ഡവാന്യുദ്ധദുർമദാൻ॥ 8-63-9 (58108)
പ്രത്യുദ്യയുശ്ച രാധേയം പാണ്ഡവാനാം മഹാരഥാഃ।
ധുന്വാനാഃ കാർമുകാണ്യാജൌ വിക്ഷിപന്തശ്ച സായകാൻ॥ 8-63-10 (58109)
ഭീമസേനഃ ശിനേർനപ്താ ശിഖണ്ഡീ ജനമേജയഃ।
ധൃഷ്ടദ്യുംനശ്ച ബലവാൻസർവേ ചാപി പ്രഭദ്രകാഃ॥ 8-63-11 (58110)
പാഞ്ചാലാനാം നരവ്യാഘ്രാഃ സമന്താത്ത്വ വാഹിനീം।
അഭ്യദ്രവന്ത സങ്ക്രുദ്ധാഃ സമരേ ജിതകാശിനഃ॥ 8-63-12 (58111)
തഥൈവ താവകാ രാജൻപാണ്ഡവാനാമനീകിനീം।
അഭ്യദ്രവന്ത ത്വരിതാ ജിഘാംസന്തോ മഹാരഥാൻ॥ 8-63-13 (58112)
രഥനാഗാശ്വകലിലം പത്തിധ്വജസമാകുലം।
ബഭൂവ പുരുഷവ്യാഘ്ര സൈന്യമദ്ഭുതദർശനം॥ 8-63-14 (58113)
ശിഖണ്ഡീ തു യയൌ കർണം ധൃഷ്ടദ്യുംനഃ സുതം തവ।
ദുഃശാസനം മഹാരാജ മഹാസേനഃ സമഭ്യയാത്॥ 8-63-15 (58114)
നകുലോ വൃഷസേനം തു ചിത്രസേനം യുധിഷ്ഠിരഃ।
ഉലൂകം സമരേ രാജൻസഹദേവഃ സമഭ്യയാത്॥ 8-63-16 (58115)
സാത്യകിഃ ശകുനിം ചാപി ദ്രൌപദേയാശ്ച കൌരവാൻ।
അർജുനം ച രണേ യത്തോ ദ്രോണപുത്രോ മഹാരഥഃ॥ 8-63-17 (58116)
യുധാമന്യും മഹേഷ്വാസം ഗൌതമോഽഭ്യപതദ്രണേ।
കൃതവർമാ ച ബലവാനുത്തമൌജസമാദ്രവത്॥ 8-63-18 (58117)
ഭീമസേനഃ കുരൂൻസർവാൻപുത്രാംശ്ച തവ മാരിഷ।
സഹാനീകാൻമഹാബാഹുരേക ഏവ ന്യവാരയത്॥ 8-63-19 (58118)
ശിഖണ്ഡീ തു തതഃ കർണം വിചരന്തമഭീതവത്।
ഭീഷ്മഹന്താ മഹാരാജ വാരയാമാസ പത്രിഭിഃ॥ 8-63-20 (58119)
പ്രതിരുദ്ധസ്തതഃ കർണോ രോപാത്പ്രസ്ഫുരിതാധരഃ।
ശിഖണ്ഡിനം ത്രിഭിർബാണൈർഭ്രുവോർമധ്യേഽഭ്യതാഡയത്॥ 8-63-21 (58120)
ധാരയംസ്തു സ താന്വാണാഞ്ശിഖണ്ഡീ ബഹ്വശോഭത।
രാജതഃ പർവതോ യദ്വത്ത്രിഭിഃ ശൃംഗൈഃ സമന്വിതഃ॥ 8-63-22 (58121)
സോഽതിവിദ്ധോ മഹേഷ്വാസഃ സൂതപുത്രേണ സംയുഗേ।
കർണം വിവ്യാധ സമരേ നവത്യാ നിശിതൈഃ ശരൈഃ॥ 8-63-23 (58122)
തസ്യ കർണോ ഹയാൻഹത്വാ സാരഥിം ച ശരൈഃ।
ഉൻമമാഥ ധ്വജം ചാസ്യ ക്ഷുരപ്രേണ മഹാരഥഃ॥ 8-63-24 (58123)
ഹതാശ്വാത്തു തതോ യാനാദവപ്ലുത്യ മഹാരഥഃ।
ശക്തിം ചിക്ഷേപ കർണായ സങ്ക്രുദ്ധഃ ശത്രുതാപനഃ॥ 8-63-25 (58124)
താം ഛിത്ത്വാ സമരേ കർണസ്ത്രിഭിർഭാരത സായകൈഃ।
ശിഖണ്ഡിനമഥാവിധ്യന്നവഭിർനിശിതൈഃ ശരൈഃ॥ 8-63-26 (58125)
കർണചാപച്യുതാൻബാണാന്വർജയംസ്തു നരോത്തമഃ।
അപയാതസ്തതസ്തൂർണം ശിഖണ്ഡീ ഭൃശവിക്ഷതഃ॥ 8-63-27 (58126)
തതഃ കർണോ മഹാരാജ പാണ്ഡുസൈന്യാന്യശാതയത്।
തൂലരാശിം സമാസാദ്യ യഥാ വായുർമഹാബലഃ॥ 8-63-28 (58127)
ധൃഷ്ടദ്യുംനോ മഹാരാജ തവ പുത്രേണ പീഡിതഃ।
ദുഃശാസനം ത്രിഭിർബാണൈഃ പ്രത്യവിധ്യത്സ്തനാന്തരേ॥ 8-63-29 (58128)
തസ്യ ദുഃശാസനോ ബാഹും സവ്യം വിവ്യാധ മാരിഷ।
സ തേന രുക്മപുംഖേന ഭല്ലേന നതപർവണാ॥ 8-63-30 (58129)
ധൃഷ്ടദ്യുംനസ്തു നിർവിദ്ധഃ ശരം ഘോരമമർഷണഃ।
ദുഃശാസനായ സങ്ക്രുദ്ധഃ പ്രേഷയാമാസ ഭാരത॥ 8-63-31 (58130)
ആപതന്തം മഹാവേഗം ധൃഷ്ടദ്യുംനസമീരിതം।
ശരൈശ്ചിച്ഛേദ പുത്രസ്തേ ത്രിഭിരേവ വിശാംപതേ॥ 8-63-32 (58131)
അഥാപരൈഃ ഷോഡശഭിർഭല്ലൈഃ കനകഭൂഷണൈഃ।
ധൃഷ്ടദ്യുംനം സമാസാദ്യ ബാഹ്വോരുരസി ചാർപയത്॥ 8-63-33 (58132)
തതഃ സ പാർഷതഃ ക്രുദ്ധോ ധനുശ്ചിച്ഛേദ മാരിഷ।
ക്ഷുരപ്രേണ സുതീക്ഷ്ണേന തത ഉച്ചുക്രുശുർജനാഃ॥ 8-63-34 (58133)
അഥാന്യദ്ധനുരാദായ പുത്രസ്തേ പ്രഹസന്നിവ।
ധൃഷ്ടദ്യുംനം ശരവ്രാതൈഃ സമന്താത്പര്യവാരയത്॥ 8-63-35 (58134)
തവ പുത്രസ്യ തേ ദൃഷ്ട്വാ വിക്രമം സുമഹാത്മനഃ।
വ്യസ്മയന്ത രണേ യോധാഃ സിദ്ധാശ്ചാപ്സരസസ്തഥാ॥ 8-63-36 (58135)
ധൃഷ്ടദ്യുംനം തു പശ്യാമ ഘടമാനം മഹാബലം।
ദുഃശാസനേന സംരുദ്ധം സിംഹേനേവ മഹാഗജം॥ ॥ 8-63-37 (58136)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ത്രിഷഷ്ടിതമോഽധ്യായഃ॥ 63 ॥
॥ ശ്രീഃ ॥
8.64. അധ്യായഃ 064
Mahabharata - Karna Parva - Chapter Topics
സങ്കുലയുദ്ധം॥ 1 ॥
Mahabharata - Karna Parva - Chapter Text
8-64-0 (58137)
സഞ്ജയ ഉവാച। 8-64-0x (4989)
തതഃ സരഥനാഗാശ്വാഃ പാഞ്ചാലാഃ പാണ്ഡുസൃഞ്ജയാഃ।
സേനാപതിം പരീപ്സന്തോ രുരുധുസ്തനയം തവ॥ 8-64-1 (58138)
തതഃ പ്രവവൃതേ യുദ്വം താവകാനാം പരൈഃ സഹ।
ഘോരം പ്രാണഭൃതാം കാലേ ഭീമരൂപം പരന്തപ॥ 8-64-2 (58139)
നകുലോ വൃഷസേനം തു വിദ്ധ്വാ പഞ്ചഭിരായസൈഃ।
പിതുഃ സമീപേ തിഷ്ഠന്തം ത്രിഭിരന്ത്യൈരവിധ്യത॥ 8-64-3 (58140)
നകുലം തു തതഃ ശൂരോ വൃഷസേനോ ഹസന്നിവ।
നാരാചേന സുതീക്ഷ്ണേന വിവ്യാധ ഹൃദയേ ഭൃശം'॥ 8-64-4 (58141)
സോഽതിവിദ്ധോ ബലവതാ ശത്രുണാ ശത്രുകർശന।
ശത്രും വിവ്യാധ വിംശത്യാ സൂതം ചൈവാസ്യ സപ്തഭിഃ॥ 8-64-5 (58142)
തതഃ ശരസഹസ്രേണ താവുഭൌ പുരുഷർഷഭൌ।
അന്യോന്യമാച്ഛാദയതാം തവാഭജ്യത വാഹിനീ॥ 8-64-6 (58143)
സ ദൃഷ്ട്വാ പ്രദ്രുതാം സേനാം ധാർതരാഷ്ട്രസ്യ സൂതജഃ।
നിവാരയാമാസ ബലാദനുപത്യ വിശാംപതേ॥ 8-64-7 (58144)
`ഏതസ്മിന്നന്തരേ യുദ്ധം കഷ്ടമാസീദ്വിശാംപതേ'।
നിവൃത്തേ തു തതഃ സൈന്യേ നകുലഃ കൌരവാന്യയൌ॥ 8-64-8 (58145)
കർണപുത്രസ്തു സമരേ ഹിത്വാ നകുലമേവ തു।
ജുഗോപ ചക്രം ത്വരിതോ രാധേയസ്യൈവ മാരിഷ॥ 8-64-9 (58146)
ഉലൂകസ്തു രണേ ക്രുദ്ധഃ സഹദേവേന മാരിഷ।
`നിവാരിതഃ ശരശതൈഃ ക്രുദ്ധേന രണമൂർധനി॥ 8-64-10 (58147)
തസ്യാശ്വാംശ്ചതുരോ ഹത്വാ സഹദേവഃ പ്രതാപവാൻ।
സാരഥിം പ്രേഷയാമാസ യമസ്യ സദനം പ്രതി॥ 8-64-11 (58148)
ഉലൂകസ്തു തതോ യാനാദവപ്ലുത്യ വിശാംപതേ।
ത്രിഗർതാനാം ബലം തൂർണം ജഗാമ പിതൃനന്ദനഃ॥ 8-64-12 (58149)
സാത്യകിഃ ശകുനിം വിദ്ധ്വാ വിംശത്യാ നിശിതൈഃ ശരൈഃ।
ധ്വജം ചിച്ഛേദ ഭല്ലേന സൌബലസ്യ ഹസന്നിവ॥ 8-64-13 (58150)
സൌബലസ്തസ്യ സമരേ ക്രുദ്ധോ രാജൻപ്രതാപവാൻ।
വിദാര്യ കവചം ഭൂയോ ധ്വജം ചിച്ഛേദ കാഞ്ചനം॥ 8-64-14 (58151)
തഥൈനം നിശിതൈർബാണൈഃ സാത്യകിഃ പ്രത്യവിധ്യത।
സാരഥിം ച മഹാരാജ ത്രിഭിരേവ സമാർപയത്॥ 8-64-15 (58152)
അഥാസ്യ വാഹാംസ്ത്വരിതഃ ശരൈർനിത്യേ യമക്ഷയം।
തതോഽവപ്ലുത്യ സഹസാ ശകുനിർഭരതർഷഭ॥ 8-64-16 (58153)
ആരുരോഹ രഥം തൂർണമുലൂകസ്യ മഹാത്മനഃ।
അപോവാഹാഥ ശീഘ്രം സ ശൈനേയാദ്യുദ്ധശാലിനഃ॥ 8-64-17 (58154)
സാത്യകിസ്തു രണ രാജംസ്താവകാനാമനീകിനീം।
അഭിദുദ്രാവ വേഗേന തതോഽനീകമഭജ്വത॥ 8-64-18 (58155)
ശൈനേയശരസഞ്ഛന്നം തവ സൈന്യം വിശാംപതേ।
ഭേജേ ദശാ ദിശസ്തൂർണം ന്യപതച്ച ഗതാസുവത്॥ 8-64-19 (58156)
ഭീമസേനം തവ സുതോ വാരയാമാസ സംയുഗേ॥ 8-64-20 (58157)
തം തു ഭീമോ മുഹൂർതേന വ്യശ്വസൂതരഥധ്വജം।
ചക്രേ ലോകേശ്വരം തത്ര തേനാതുഷ്യന്ത വൈ ജനാഃ॥ 8-64-21 (58158)
തതോഽപായാന്നൃപസ്തസ്മാദ്ഭീമസേനഭയാർദിതഃ।
കുരുസൈന്യം തതഃ സർവം ഭീമസേനമുപാദ്രവത്।
തത്ര നാദോ മഹാനാസീദ്ധീമസേനം ജിഘാംസതാം॥ 8-64-22 (58159)
യുധാമന്യുഃ കൃപം വിദ്ധ്വാ ധനുരസ്യാശു ചിച്ഛദേ।
അഥാന്യദ്ധനുരാദായ കൃപഃ ശസ്ത്രഭൃതാം വരഃ।
യുധാമന്യോർധ്വജം സൂതം ഛത്രം ചാപാതയത്ക്ഷിതൌ॥ 8-64-23 (58160)
തതോഽപായാദ്രഥേനൈവ യുധാമന്യുർമഹാരഥഃ॥ 8-64-24 (58161)
ഉത്തമൌജാശ്ച ഹാർദിക്യം ഭീമം ഭീമപരാക്രമം।
ഛാദയാമാസ സഹസാ മേഘോ വൃഷ്ട്യേവ പർവതം॥ 8-64-25 (58162)
തദ്യുദ്ധമാസീത്സുമഹദ്ധോരരൂപം പരന്തപ।
താദൃശം ന മയാ യുദ്ധം ദൃഷ്ടപൂർവം വിശാംപതേ॥ 8-64-26 (58163)
കൃതവർമാ തതോ രാജന്നുത്തമൌജസമാഹവേ।
ഹൃദി വിവ്യാധ സഹസാ രഥോപസ്ഥ ഉപാവിശത്॥ 8-64-27 (58164)
സാരഥിസ്തമപോവാഹ രഥേന രഥിനാം വരം।
തതസ്തു സാത്വതോ രാജൻപാണ്ഡുസൈന്യമഭിദ്രവത്॥ 8-64-28 (58165)
[ദുഃശാസനഃ സൌബലശ്ച ഗജാനീകേന പാണ്ഡവം।
മഹതാ പരിവാര്യൈവ ക്ഷുദ്രകൈരഭ്യതാഡയത്॥ 8-64-29 (58166)
തതോ ഭീമഃ ശരശതൈർദുര്യോധനമമർഷണം।
വിമുഖീകൃത്യ തരസാ ഗജാനീകമുപാദ്രവത്॥ 8-64-30 (58167)
തമാപതന്തം സഹസാ ഗജാനീകം വൃകോദരഃ।
ദൃഷ്ട്വൈവ സുഭൃശം ക്രുദ്ധോ ദിവ്യമസ്ത്രമുദൈരയത്॥ 8-64-31 (58168)
ഗജൈർഗജാനഭ്യഹനദ്വജ്രേണേന്ദ്ര ഇവാസുരാൻ॥ 8-64-32 (58169)
തതോഽന്തരിക്ഷം ബാണൌഘൈഃ ശലഭൈരിവ പാദപം।
ഛാദയാമാസ സമരേ ഗജാന്നിഘ്നന്വൃകോദരഃ॥ 8-64-33 (58170)
തതഃ കുഞ്ജരയൂഥാനി സമേതാനി സഹസ്രശഃ।
വ്യധമത്തരസാ ഭീമോ മേഘസംഘാനിവാനിലഃ॥ 8-64-34 (58171)
സുവർണജാലാപിഹിതാ മണിജാലൈശ്ച കുഞ്ജരാഃ।
രേജുരഭ്യധികം സംഖ്യേ വിദ്യുത്വന്ത ഇവാംബുദാഃ॥ 8-64-35 (58172)
തേ വധ്യമാനാ ഭീമേന ഗജാ രാജന്വിദുദ്രുവുഃ।
കേചിദ്വിഭിന്നഹൃദയാഃ കുഞ്ജരാ ന്യപതൻഭുവി॥ 8-64-36 (58173)
പതിതൈർനിപതദ്ഭിശ്ച ഗജൈർഹേമവിഭൂഷിതൈഃ।
അശോഭത മഹീ തത്ര വിശീർണൈരിവ പർവതൈഃ॥ 8-64-37 (58174)
ദീപ്താഭൈ രത്നവദ്ഭിശ്ച പതിതൈർഗജയോധിഭിഃ।
രരാജ ഭൂമിഃ പതിതൈഃ ക്ഷീണപുണ്യൈരിവ ഗ്രഹൈഃ॥ 8-64-38 (58175)
തതോ ഭിന്നകടാ നാഗാ ഭിന്നകുംഭകരാസ്തഥാ।
ദുദ്രുവുഃ ശതശഃ സംഖ്യേ ഭീമസേനശരാഹതാഃ॥ 8-64-39 (58176)
കേചിദ്വമന്തോ രുധിരം ഭയാർതാഃ പർവതോപമാഃ।
വ്യദ്രവഞ്ഛരവിദ്ധാംഗാ ധാതുചിത്രാ ഇവാചലാഃ॥ 8-64-40 (58177)
മഹാഭുജഗസങ്കാശൌ ചന്ദനാഗുരുരൂഷിതൌ।
അപശ്യം ഭീമസേനസ്യ ധനുർവിക്ഷിപതോ ഭുജൌ॥ 8-64-41 (58178)
തസ്യ ജ്യാതലനിർഘോഷം ശ്രുത്വാശനിസമസ്വനം।
വിമുഞ്ചന്തഃ ശകൃൻമൂത്രം ഗജാഃ പ്രാദുദ്രുവുർഭൃശം॥ 8-64-42 (58179)
ഭീമസേനസ്യ തത്കർമ രാജന്നേകസ്യ ധീമതഃ।
നിഘ്നതഃ സർവഭൂതാനി രുദ്രസ്യേവ ച നിർബഭൌ॥] ॥ 8-64-43 (58180)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ചതുഃഷഷ്ടിതമോഽധ്യായഃ॥ 64 ॥
॥ ശ്രീഃ ॥
8.65. അധ്യായഃ 065
Mahabharata - Karna Parva - Chapter Topics
സങ്കുലയുദ്ധം॥ 1 ॥
Mahabharata - Karna Parva - Chapter Text
8-65-0 (58181)
സഞ്ജയ ഉവാച। 8-65-0x (4990)
തതഃ ശ്വേതാശ്വസംയുക്തേ നാരായണസമാഹിതേ।
തിഷ്ഠന്രഥവരേ ശ്രീമാനർജുനഃ സമപദ്യത॥ 8-65-1 (58182)
തദ്ബലം നൃപതിശ്രേഷ്ഠ താവകം വിജയോ രണേ।
വ്യക്ഷോഭയദുദീർണാശ്വം മഹോദധിമിവാനിലഃ॥ 8-65-2 (58183)
ദുര്യോധനസ്തവ സുതഃ പ്രമത്തേ ശ്വേതവാഹനേ।
അഭ്യേത്യ സഹസാ ക്രുദ്ധഃ സൈന്യാർധേനാഭിസംവൃതഃ॥ 8-65-3 (58184)
പര്യവാരയദായാന്തം യുധിഷ്ഠിരമമർഷണം।
ക്ഷുരപ്രാണാം ത്രിസപ്തത്യാ തതോഽവിധ്യത പാണ്ഡവം॥ 8-65-4 (58185)
അക്രുധ്യത ഭൃശം തത്ര കുന്തീപുത്രോ യുധിഷ്ഠിരഃ।
സ ഭല്ലാംസ്ത്രിംശതസ്തൂർണം തവ പുത്രേ ന്യവേശയത്॥ 8-65-5 (58186)
തതോ ധാവന്ത കൌരവ്യാ ജിഘൃക്ഷന്തോ യുധിഷ്ഠിരം॥ 8-65-6 (58187)
ദുഷ്ടഭാവാൻപരാഞ്ജ്ഞാത്വാ സമവേതാ മഹാരഥാഃ।
ആജഗ്മുസ്തം പരീപ്സന്തഃ കുന്തീപുത്രം യുധിഷ്ഠിരം॥ 8-65-7 (58188)
`സഞ്ജയ ഉവാച। 8-65-8x (4991)
യുധിഷ്ഠിരശ്ചിത്രസേനം ശരവർഷൈരവാകിരത്।
ചിത്രസേനസ്തു കൌന്തേയം സങ്ക്രുദ്ധഃ സമവാരയത്॥ 8-65-8 (58189)
മുഹൂർതാദ്വിമുഖീകൃത്യ ചിത്രസേനം സ ധർമരാട്।
താവകം സൈന്യമഭ്യഘ്നത്സമന്താന്നിശിതൈഃ ശരൈഃ॥ 8-65-9 (58190)
താവകാ ഹി മാബാഹോ ദുര്യോധനപുരോഗമാഃ।
യുധിഷ്ഠിരം ജിഘൃക്ഷന്തഃ സർവസൈന്യം സമാക്ഷിപൻ॥ 8-65-10 (58191)
ദൃഷ്ടപ്രഭാവാംസ്താൻമത്വാ സമവേതാൻമഹാരഥാൻ।
ആജഗ്മുഃ സംപരീപ്സന്തഃ പാണ്ഡവേയം യുധിഷ്ഠിരം'॥ 8-65-11 (58192)
നകുലഃ സഹദേവശ്ച ധൃഷ്ടദ്യുംനശ്ച പാർഷതഃ।
അക്ഷൌഹിണ്യാ പരിവൃതാസ്തേഽഭ്യധാവന്യുധിഷ്ഠിരം॥ 8-65-12 (58193)
ഭീമസേനശ്ച നാരാചൈർമൃദ്രംസ്തവ മഹാരഥാൻ।
അഭ്യധാവദഭിപ്രേപ്സൂ രാജാനം ശത്രുഭിർവൃതം॥ 8-65-13 (58194)
താംസ്തു സർവാൻമഹേഷ്വാസാൻകർണോ വൈകർതനോ വൃഷാ।
ശരവർഷേണ മഹതാ പ്രത്യവാരയദാഗതാൻ॥ 8-65-14 (58195)
ശരൌഘാന്വിസൃജന്തസ്തേ പ്രേയന്തശ്ച കുഞ്ജരാൻ।
ന ശേകുര്യത്നവന്തോഽപി രാധേയം പ്രതിവീക്ഷിതും॥ 8-65-15 (58196)
താംശ്ച സർവാൻമഹേഷ്വാസാൻസർവശസ്ത്രവിശാരദാൻ।
മഹതാ ശരവർഷേണ രാധേയഃ പ്രത്യവാരയത്॥ 8-65-16 (58197)
ദുര്യോധനം ച വിംശത്യാ നാരാചാനാം കൃതീ ബലീ।
അവിധ്യത്തൂർണമഭ്യേത്യ സഹദേവോ മഹീപതിം॥ 8-65-17 (58198)
സ വിദ്ധഃ സഹദേവേന രരാജ ബലസന്നിധൌ।
പ്രഭിന്ന ഇവ മാതംഗോ രുധിരേണ പരിപ്ലുതഃ॥ 8-65-18 (58199)
ദൃഷ്ട്വാ തവ സുതം തത്ര ഗാഢവിദ്ധം സുതേജനൈഃ।
അഭ്യധാവദ്ദൃഢം ക്രുദ്ധോ രാധേയോ രഥിനാം വരഃ॥ 8-65-19 (58200)
ദുര്യോധനം തഥാ ദൃഷ്ട്വാ ശീഘ്രമസ്ത്രമുദീര്യ സഃ।
അവധീത്പാണ്ഡവാനീകം പാഞ്ചാലാംശ്ചൈവ മാരിഷ॥ 8-65-20 (58201)
തതോ യൌധിഷ്ഠിരം സൈന്യം വധ്യമാനം മഹാത്മനാ।
സഹസാ പ്രാദ്രാവദ്രാജൻമൂതപുത്രശരാർദിതം॥ 8-65-21 (58202)
വിവിധാ വിശിഖാസ്തത്ര സംപതന്തി പരസ്പരം।
ഭല്ലാഃ പുംഖസമാശ്ലിഷ്ടാഃ സൂതപുത്രധനുശ്ച്യുതാഃ॥ 8-65-22 (58203)
അന്തരിക്ഷേ ശരൌഘാണാം പതതാം ച പരസ്പരം।
സംഘർപേണ മഹാരാജ പാവകഃ സമജായത॥ 8-65-23 (58204)
തകതോ ദശദിശഃ കർണഃ ശലഭൈരിവ യായിഭിഃ।
അഭ്യഘ്നംസ്തരസാ രാജഞ്ശരൈഃ പരശരീരഗൈഃ॥ 8-65-24 (58205)
രക്തചന്ദനസന്ദിഗ്ധൌ മണിഹേമവിഭൂഷിതൌ।
ബാഹൂ വ്യത്യക്ഷിപത്കർണഃ പരമാസ്ത്രം വിദർശയൻ॥ 8-65-25 (58206)
തതഃ സർവാ ദിശോ രാജൻസായകൈർവിപ്രമോഹയൻ।
അപീഡയദ്ഭൃശം കർണോ ധർമരാജം യുധിഷ്ഠിരം॥ 8-65-26 (58207)
തതഃ ക്രുദ്ധോ മഹാരാജ ധർമപുത്രോ യുധിഷ്ഠിരഃ।
നിശിതൈരിഷുഭിഃ കർണം പഞ്ചാശദ്ഭിഃ സമാർപയത്॥ 8-65-27 (58208)
[ബാണാന്ധകാരമഭവത്തദ്യുദ്ധം ഘോരദർശനം।
ഹാഹാകാരോ മഹാനാസീത്താവകാനാം വിശാംപതേ॥ 8-65-28 (58209)
വധ്യമാനേ തദാ സൈന്യേ ധർമപുത്രേണ മാരിഷ।
സായകൈർവിവിധൈസ്തീക്ഷ്ണൈഃ കങ്കപത്രൈഃ ശിലാശിതൈഃ।
ഭല്ലൈരനേകൈർവിവിധൈഃ ശക്ത്യൃഷ്ടിമുസലൈരപി॥ 8-65-29 (58210)
യത്ര യത്ര സ ധർമാത്മാ ദുഷ്ടാം ദൃഷ്ടിം വ്യസർജയത്।
തത്ര തത്ര വ്യശീര്യന്ത താവകാ ഭരതർഷഭ॥ 8-65-30 (58211)
കർണോഽപി ഭൃശസങ്കുദ്രോ ധർമരാജം യുധിഷ്ഠിരം।
നാരാചൈരർധചന്ദ്രൈശ്ച വത്സദന്തൈശ്ച സംയുഗേ॥ 8-65-31 (58212)
അമർഷീ ക്രോധനശ്ചൈവ രോഷപ്രസ്ഫുരിതാനനഃ।
സായകൈരപ്രമേയാത്മാ യുധിഷ്ഠിരമഭിദ്രവത്॥ 8-65-32 (58213)
യുധിഷ്ഠിരശ്ചാപി സ തം സ്വർണപുംഖൈഃ ശിതൈഃ ശരൈഃ॥] 8-65-33 (58214)
പ്രഹസന്നിവ തം കർണഃ കങ്കപത്രൈഃ ശിലാശിതൈഃ।
ഉരസ്യവിധ്യദ്രാജാനം കുന്തീപുത്രം യുധിഷ്ഠിരം॥ 8-65-34 (58215)
സ പീഡിതോ ഭൃശം തേന ധർമരാജോ യുധിഷ്ഠിരഃ।
ഉപവിശ്യ രഥോപസ്ഥേ സൂതം യാഹീത്യനോദയത്॥ 8-65-35 (58216)
അക്രോശന്ത തതഃ സർവേ ധാർതരാഷ്ട്രാഃ സരാജകാഃ।
ഗൃഹ്ണീധ്വമിതി രാജാനമഭ്യധാവന്ത സർവശഃ॥ 8-65-36 (58217)
തതഃ ശതാഃ സപ്തദശ കേകയാനാം പ്രഹാരിണാം।
പഞ്ചാലൈഃ സഹിതാ രാജന്ധാർതരാഷ്ട്രാന്ന്യവാരയൻ॥ 8-65-37 (58218)
തസ്മിൻസുതുമുലേ യുദ്ധേ വർതമാനേ ജനക്ഷയേ।
ദുര്യോധനശ്ച ഭീമശ്ച സമേയാതാം മഹാബലൌ॥ ॥ 8-65-38 (58219)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ പഞ്ചഷഷ്ടിതമോഽധ്യായഃ॥ 65 ॥
॥ ശ്രീഃ ॥
8.66. അധ്യായഃ 066
Mahabharata - Karna Parva - Chapter Topics
കർണബാണപീഡിതസ്യ യുധിഷ്ഠിരസ്യ വിശ്രമായ സ്വശിബിരപ്രവേശഃ॥ 1 ॥
Mahabharata - Karna Parva - Chapter Text
8-66-0 (58220)
സഞ്ജയ ഉവാച। 8-66-0x (4992)
കർണോഽപി ശരജാലേന കേകയാനാം മഹാരഥാൻ।
വ്യധമത്പരമേഷ്വാസാനഗ്രാനീകേ വ്യവസ്ഥിതാൻ॥ 8-66-1 (58221)
തേഷാം പ്രയതമാനാനാം രാധേയസ്യ നിവാരണേ।
രഥാൻപഞ്ചശതാൻകർണഃ പ്രാഹിണോദ്യമസാദനം॥ 8-66-2 (58222)
അവിഷഹ്യതമം ദൃഷ്ട്വാ രാധേയം യുധി യോധിനഃ।
ഭീമസേനമുപാഗച്ഛൻകർണബാണപ്രപീഡിതാഃ॥ 8-66-3 (58223)
രഥാനീകം വിദാര്യൈവ ശരൈ രാജന്നനേകധാ।
കർണ ഏകരഥേനൈവ യുധിഷ്ഠിരമുപാദ്രവത്॥ 8-66-4 (58224)
സേനാനിവേശം ഗച്ഛന്തം മാർഗണൈർഭൃശപീഡിതം।
യമയോർമധ്യഗം വീരം ശനൈര്യാന്തം വിചേതസം॥ 8-66-5 (58225)
സ സമാസാദ്യ രാജാനം ദുര്യോധനഹിതേപ്സയാ।
സൂതപുത്രസ്ത്രിഭിസ്തീക്ഷ്ണൈർവിവ്യാധ പരമേഷുഭിഃ॥ 8-66-6 (58226)
തഥൈവ രാജാ രാധേയം പ്രത്യവിധ്യത്സ്തനാന്തരേ।
ശരൈസ്ത്രിഭിശ്ച യന്താരം ചതുർഭിശ്ചതുരോ ഹയാൻ॥ 8-66-7 (58227)
ചക്രരക്ഷൌ നൃപസുതൌ മാദ്രീപുത്രൌ പരന്തപൌ।
താവപ്യധാവതാം കർണം രാജാനം മാ വധീദിതി॥ 8-66-8 (58228)
തൌ പൃഥക്ശരവർഷാഭ്യാം രാധേയം സമവർഷതാം।
നകുലഃ സഹദേവശ്ച പരമം യത്നമാസ്ഥിതൌ॥ 8-66-9 (58229)
തഥൈവ തൌ പ്രത്യവിധ്യത്സൂതപുത്രഃ പ്രതാപവാൻ।
ഭല്ലാഭ്യാം ശിതധാരാഭ്യാം മഹാത്മാനാവരിന്ദമൌ॥ 8-66-10 (58230)
ദന്തവർണാംസ്തു രാധേയോ നിജഘാന മനോജവാൻ।
യുധിഷ്ഠിരസ്യ സംഗ്രാമേ കാലവാലാൻഹയോത്തമാൻ॥ 8-66-11 (58231)
തതോഽപരേണ ഭല്ലേന ശിരസ്ത്രാണമപാതയത്।
കൌന്തേയസ്യ മഹേഷ്വാസഃ പ്രഹസന്നിവ സൂതജഃ॥ 8-66-12 (58232)
തഥൈവ നകുലസ്യാപി ഹയാൻഹത്വാ മഹാരഥഃ।
തതോഽപരേണ ഭല്ലേന ഭൃശം തീക്ഷ്ണേന ഭാരത।
ധനുശ്ചിച്ഛേദ വീരസ്യ മാദ്രീപുത്രസ്യ ധീമതഃ॥ 8-66-13 (58233)
തൌ ഹതാശ്വൌ ഹതരഥൌ പാണ്ഡവൌ ഭൃശവിക്ഷതൌ।
ഭ്രാതരാവാരുരുഹതുഃ സഹദേവരഥം തദാ॥ 8-66-14 (58234)
തൌ ദൃഷ്ട്വാ മാതുലസ്തത്ര വിരഥൌ പരവീരഹാ।
അഭ്യഭാഷത രാധേയം മദ്രരാജോഽനുകംപയാ॥ 8-66-15 (58235)
മാർഗിതവ്യസ്ത്വയാ കർണ കുന്തീപുത്രോ ധനഞ്ജയഃ।
അതസ്ത്വം ധർമരാജേന കിമർഥമിഹ യുധ്യസേ॥ 8-66-16 (58236)
[ക്ഷീണശസ്ത്രാസ്ത്രാകവചഃ ക്ഷീണബാണോ വിബാണധിഃ।
ശ്രാന്തസാരഥിവാഹശ്ച ച്ഛന്നോഽസ്ത്രൈരരിഭിസ്തഥാ।
പാർഥമാസാദ്യ രാധേയ ഉപഹാസ്യോ ഭവിഷ്യസി॥] 8-66-17 (58237)
തഥാപി കർണഃ സംരബ്ധോ യുധിഷ്ഠിരമപീഡയത്।
ശരൈസ്തീക്ഷ്ണൈർമഹാവീര്യൈർമാദ്രീപുത്രൌ ച പാണ്ഡവൌ॥ 8-66-18 (58238)
തതഃ ശല്യഃ പ്രഹസ്യേദം കർണം പുനരുവാച ഹ।
രഥസ്ഥമതിസംരബ്ധം യുധിഷ്ഠിരവധേ സ്ഥിതം॥ 8-66-19 (58239)
യദർഥം ധാർതരാഷ്ട്രേണ സതതം മാനിതോ ഭവാൻ।
തം പാർഥ ജഹി രാധേയ കിം തേ ഹത്വാ യുധിഷ്ഠിരം।
`ഹതേ യസ്മിന്ധ്രുവം പാർഥഃ സർവാഞ്ജേഷ്യതി നോ രഥാൻ॥ 8-66-20 (58240)
തസ്മിൻഹി ധാർതരാഷ്ട്രസ്യ നിഹതേ തു ധ്രുവോ ജയഃ।
ധ്വജോഽസൌ ദൃശ്യതേ തസ്യ രോചമാനോംഽശുമാനിവ।
സാരോ ഹ്യേഷ മഹാബാഹോ കിം തേ ഹത്വാ യുധിഷ്ഠിരം॥' 8-66-21 (58241)
ശംഖയോർധ്മാതയോഃ ശബ്ദഃ സുമഹാനേഷ കൃഷ്ണയോഃ।
ശ്രൂയതേ ചാപഘോഷശ്ച പ്രാവൃഷീവാംബുദസ്യ ഹ॥ 8-66-22 (58242)
അസൌ നിഘ്നന്രഥോദാരാനർജുനഃ ശരവൃഷ്ടിഭിഃ।
സർവാം ഗ്രസതി നഃ സേനാം കർണ പശ്യൈനമാഹവേ॥ 8-66-23 (58243)
പൃഷ്ഠരക്ഷൌ ച ശൂരസ്യ യുധാമന്യൂത്തമൌജസൌ॥ 8-66-24 (58244)
ഉത്തരം ചാസ്യ വൈ ശൂരശ്ചക്രം രക്ഷതി സാന്ത്യകിഃ।
ധൃഷ്ടദ്യുംനസ്തഥാ ചാസ്യ ചക്രം രക്ഷതി ദക്ഷിണം॥ 8-66-25 (58245)
ഭീമസേനശ്ച വൈ രാജ്ഞാ ധാർതരാഷ്ട്രേണ യുധ്യതേ।
യഥാ ന ഹന്യാത്തം ഭീമഃ സർവേഷാം നോഽദ്യ പശ്യതാം।
കുരു രാധേയ വൈ രാജാ യഥാ മുച്യേത തത്തഥാ॥ 8-66-26 (58246)
xxxx ഭീമസേനേന ഗ്രസ്തമാഹവശോഭിനാ।
യദി നാമാദ്യ മുച്യേത വിസ്മയഃ സുമഹാൻഭവേത്॥ 8-66-27 (58247)
പരിത്രാഹ്യേനമഭ്യേത്യ സംശയം പരമം ഗതം।
കിം നു മാദ്രീസുതൌ ഹത്വാ രാജാനം വാ യുധിഷ്ഠിരം॥ 8-66-28 (58248)
ഇതി ശല്യവചഃ ശ്രുത്വാ രാധേയഃ പൃഥിവീപതേ।
ദൃഷ്ട്വാ ദുര്യോധനം ചൈവ ഭീമഗ്രസ്തം മഹാഹവേ॥ 8-66-29 (58249)
രാജഗൃധ്നുർഭൃശം ചൈവ ശല്യവാക്യപ്രചോദിതഃ।
അജാതശത്രുമുത്സൃജ്യ മാദ്രീപുത്രൌ ച പാണ്ഡവൌ॥ 8-66-30 (58250)
തവ പുത്രം പരിത്രാതുമഭ്യധാവത വീര്യവാൻ।
മദ്രരാജപ്രണുദിതൈരശ്വൈരാകാശഗൈരിവ॥ 8-66-31 (58251)
ഗതേ കർണേ തു കൌന്തേയഃ പാണ്ഡുപുത്രോ യുധിഷ്ഠിരഃ।
അപായാജ്ജവനൈരശ്വൈഃ സഹദേവസ്യ മാരിഷ॥ 8-66-32 (58252)
[താഭ്യാം സ സഹിതസ്തൂർണം വ്രീഡന്നിവ നരേശ്വരഃ]।
പ്രാപ്യ സേനാനിവേശം സ്വം മാർഗണൈർഭൃശവിക്ഷതഃ॥ 8-66-33 (58253)
അവതീര്യ രഥാത്തൂർണമാവിശച്ഛയനം ശുഭം।
അപേതശല്യോ രാജാ തു ഹൃച്ഛല്യേനാഭിപീഡിതഃ॥ 8-66-34 (58254)
സോഽബ്രവീദ്ധാതരൌ രാജാ മാദ്രീപുത്രൌ മഹാരഥൌ।
ഗച്ഛന്ത ത്വരിതൌ വീരൌ യത്ര ഭീമോ വ്യവസ്ഥിതഃ॥ 8-66-35 (58255)
`തതസ്തേ പാണ്ഡവാഃ സർവേ സമാഭാഷ്യ പരസ്പരം।
അനീകം ഭീമസേനസ്യ പാണ്ഡവാവഭ്യഗച്ഛതാം'।
ജീമൂത ഇവ നർദംസ്തു യുധ്യതേ സ വൃകോദരഃ॥ 8-66-36 (58256)
തതോഽന്യം രഥമാസ്ഥായ നകുലോ രഥപുംഗവഃ।
സഹദേവശ്ച തേജസ്വീ ഭ്രാതരൌ ശത്രുകർശനൌ॥ 8-66-37 (58257)
തുരഗൈരഗ്ര്യരംഹോഭിര്യത്ര ഭീമസ്തരസ്വിനൌ।
അനീകൈഃ സഹിതൌ തത്ര ഭ്രാതരൌ സമവസ്ഥിതൌ॥ ॥ 8-66-38 (58258)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ഷട്ഷഷ്ടിതമോഽധ്യായഃ॥ 66 ॥
॥ ശ്രീഃ ॥
8.67. അധ്യായഃ 067
Mahabharata - Karna Parva - Chapter Topics
പാർഥേനാശ്വത്ഥാംനി പരാജിതേ കർണേന ഭാർഗവാസ്ത്രപ്രയോഗാത്പാണ്ഡവസേനാപീഡനം॥ 1 ॥
Mahabharata - Karna Parva - Chapter Text
8-67-0 (58259)
സഞ്ജയ ഉവാച। 8-67-0x (4993)
ദ്രൌണിസ്തു രഥവംശേന മഹതാ പരിവാരിതഃ।
അപതത്സഹസാ രാജന്യത്ര പാർഥോ വ്യവസ്ഥിതഃ॥ 8-67-1 (58260)
തമാപതന്തം സഹസാ ശൂരഃ ശൌരിസഹായവാൻ।
ദധാര സമരേ പാർഥോ വേലേവ മകരാലയം॥ 8-67-2 (58261)
തതഃ ക്രുദ്ധോ മഹാരാജ ദ്രോണപുത്രഃ പ്രതാപവാൻ।
അർജുനം വാസുദേവം ച ച്ഛാദയാമാസ സായകൈഃ॥ 8-67-3 (58262)
അവച്ഛന്നൌ തതഃ കൃഷ്ണൌ ദൃഷ്ട്വാ തത്ര മഹാരഥാഃ।
വിസ്മയം പരമം ഗത്വാ പ്രൈക്ഷന്ത കുരവസ്തദാ॥ 8-67-4 (58263)
അർജുനസ്തു തതോ ദിവ്യമസ്ത്രം ചക്രേ ഹസന്നിവ।
തദസ്ത്രം വാരയാമാസ ബ്രാഹ്മണോ യുധി ഭാരത॥ 8-67-5 (58264)
യദ്യദ്ധി വ്യാക്ഷിപദ്യുദ്ധേ ഫൽഗുനോഽസ്ത്രം ജിഘാംസയാ।
തത്തദസ്ത്രൈർമഹേഷ്വാസോ ദ്രോണപുത്രോ ജഘാന ഹ॥ 8-67-6 (58265)
അസ്ത്രയുദ്ധേ മഹാരാജ വർതമാനേ മഹാഭയേ।
അപശ്യാമ രണേ ദ്രൌണിം വ്യാത്താനനമിവാന്തകം॥ 8-67-7 (58266)
സ ദിശഃ പ്രദിശശ്ചൈവ ച്ഛാദയിത്വാ ഹ്യജിഹ്മഗൈഃ।
വാസുദേവം ത്രിഭിർബാണൈരവിധ്യദ്ദക്ഷിണേ ഭുജേ॥ 8-67-8 (58267)
തതോഽർജുനോ രഥാൻസർവാൻഹത്വാ തസ്യ പദാനുഗാൻ।
ചകാര സമരേ ഭൂമിം ശോണിതൌഘപരിപ്ലുതാം।
[സർബലോകവഹാം രൌദ്രാം പരലോകവഹാം നദീം]॥ 8-67-9 (58268)
സരഥാ രഥിനഃ പേതുഃ പാർഥചാപച്യുതൈഃ ശരൈഃ॥ 8-67-10 (58269)
[ദ്രൌണേരപഹതാൻസംഖേ ദദൃശു സ ച താം തഥാ।
പ്രാവർതയൻമഹാഘോരാം നദീം പരവഹാം തദാ॥ 8-67-11 (58270)
തയോസ്തു വ്യാകുലേ യുദ്ധേ ദ്രൌണേഃ പാർഥസ്യ ദാരുണേ।
അമര്യാദം യോധയന്തഃ പര്യധാവന്ത പൃഷ്ഠതഃ॥ 8-67-12 (58271)
രഥൈർഹതാശ്വസൂതൈശ്ച ഹതാരോഹൈശ്ച വാജിഭിഃ।
ദ്വിരദൈശ്ച ഹതാരോഹൈർമഹാമാത്രൈർഹതദ്വിപൈഃ॥ 8-67-13 (58272)
പാർഥേന സമരേ രാജൻകൃതോ ഘോരോ ജനക്ഷയഃ।
നിഹതാ രഥിനഃ പേതുഃ പാർഥചാപച്യുതൈഃ ശരൈഃ॥] 8-67-14 (58273)
ഹയാശ്ച പര്യധാവന്ത മുക്തയോക്ത്രാസ്തതസ്തതഃ।
തദ്ദൃഷ്ട്വാ കർമ പാർഥസ്യ ദ്രൌണിരാഹവശോഭിനഃ॥ 8-67-15 (58274)
അർജുനം ജയതാം ശ്രേഷ്ഠം ത്വരിതോഽഭ്യേത്യ വീര്യവാൻ।
വിധുന്വാനോ മഹച്ചാപം കാർതസ്വരവിഭൂഷിതം॥ 8-67-16 (58275)
അവാകിരത്തതോ ദ്രൌമിഃ സമന്താന്നിശിതൈഃ ശരൈഃ।
ഭൂയോഽർജുനം മഹാരാജ ദ്രൌണിരായംയ പത്രിണാ॥ 8-67-17 (58276)
വക്ഷോദേശേ ഭൃശം പാർഥം താഡയാമാസ നിർദയം।
സോഽതിവിദ്ധോ രണേ തേന ദ്രോണപുത്രേണ ഭാരത॥ 8-67-18 (58277)
ഗാണ്ഡീവധന്വാ പ്രസഭം ശരവർഷൈരുദാരധീഃ।
സഞ്ഛാദ്യ സമരേ ദ്രൌണിം ചിച്ഛേദാസ്യ ച കാർമുകം॥ 8-67-19 (58278)
സ ച്ഛിന്നധന്വാ പരിധം വജ്രസ്പർശസമം യുധി।
ആദായ ചിക്ഷേപ തദാ ദ്രോണപുത്രഃ കിരീടിനേ॥ 8-67-20 (58279)
തമാപന്തതം പരിഘം ജാംബൂനദപരിഷ്കൃതം।
ചിച്ഛേദ സഹസാ രാജൻപ്രഹസന്നിവ പാണ്ഡവഃ॥ 8-67-21 (58280)
സ പപാത തദാ ഭൂമൌ നികൃത്തഃ പാർഥസായകൈഃ।
വികീർണഃ പർവതോ രാജന്യഥാ വജ്രേണ താഡിതഃ॥ 8-67-22 (58281)
തതഃ ക്രുദ്ധോ മഹാരാജ ദ്രോണപുത്രോ മഹാരഥഃ।
ഐന്ദ്രേണ ചാസ്ത്രവേഗേന ബീഭത്സും സമവാകിരത്॥ 8-67-23 (58282)
തസ്യേന്ദ്രജാലാവതതം സമീക്ഷ്യ
പാർഥോ രാജൻഗാണ്ഡിവമാദദേ സഃ।
ഐന്ദ്രം ജാലം പ്രത്യഹരത്തരസ്വീ
വരാസ്ത്രമാദായ മഹേന്ദ്രസൃഷ്ടം॥ 8-67-24 (58283)
വിദാര്യ തജ്ജാലമഥേന്ദ്രമുക്തം
പാർഥസ്തതോ ദ്രൌണിരഥം ക്ഷണേന।
പ്രച്ഛാദയാമാസ തതോഽഭ്യുപേത്യ
ദ്രൌണിസ്തദാ പാർഥശരാഭിഭൂതഃ॥ 8-67-25 (58284)
വിഗാഹ്യ താം പാണ്ഡവബാണവൃഷ്ടിം
ശരൈഃ പരം നാമ തതഃ പ്രകാശ്യ।
ശതേന കൃഷ്ണം സഹസാഭ്യവിദ്ധ്യാ--
ത്ത്രിഭിഃ ശതൈരർജുനം ക്ഷുദ്രകാണാം॥ 8-67-26 (58285)
തതോഽർജുനഃ സായകാനാം ശതേന
ഗുരോഃ സുതം മർമസു നിർബിഭേദ।
അശ്വാംശ്ച സൂതം ച തഥാ ധനുർജ്യാ--
മവാകിരത്പശ്യതാം താവകാനാം॥ 8-67-27 (58286)
സ വിദ്ധ്വാ മർമസു ദ്രൌണിം പാണ്ഡവഃ പരവീരഹാ।
സാരഥിം ചാസ്യ ഭല്ലേന രഥനീഡാദപാതയത്॥ 8-67-28 (58287)
സ സംഗൃഹ്യ സ്വയം വാഹാൻകൃഷ്ണൌ പ്രാച്ഛദയച്ഛരൈഃ।
തത്രാദ്ഭുതമപരശ്യാമ ദ്രൌണേരാശു പരാക്രമം॥ 8-67-29 (58288)
സംയച്ഛംസ്തുരഗാന്യച്ച ഫൽഗുനം ചാപ്യയോധയത്।
തദസ്യ സമരേ രാജൻസർവഭൂതാന്യപൂജയൻ॥ 8-67-30 (58289)
`തേനാസ്യ സമരേ യോധാസ്തുഷ്ടുവുഃ സർവ ഏവ തേ।
യദാ നിജഗൃഹേ പാർഥോ ദ്രോണപുത്രേണ ധന്വിനാ॥ 8-67-31 (58290)
തദാ പ്രഹസ്യ ബീഭസ്തുർദ്രോണപുത്രസ്യ സംയുഗേ।
ക്ഷിപ്രം രശ്മീനഥാശ്വാനാം ക്ഷുരപ്രൈശ്ചിച്ഛിദേ ജയഃ॥ 8-67-32 (58291)
പ്രാദ്രവംസ്തുരഗാസ്തസ്യ ശരവേഗപ്രപീഡിതാഃ।
തതോഽഭൂന്നിനദോ ഘോരസ്തവ സൈന്യസ്യ ഭാരത॥ 8-67-33 (58292)
പാണ്ഡവാസ്തു ജയം ലബ്ധ്വാ തവ സൈന്യം സമാദ്രവൻ।
സമന്താന്നിശിതാൻബാണാന്വിമുഞ്ചന്തോ ജയൈഷിണഃ॥ 8-67-34 (58293)
താവകീ ചതുരംഗൈഷാ പാണ്ഡവൈസ്തു മഹാചമൂഃ।
പുനഃപുനരഥോ വീരൈഃ പ്രഭഗ്നാ ജിതകാശിഭിഃ॥ 8-67-35 (58294)
പശ്യതാം തേ മഹാരാജ പുത്രാണാം ചിത്രയോധിനാം।
ശകുനേഃ സൌബലേയസ്യ കർണസ്യ ച വിശാംപതേ॥ 8-67-36 (58295)
വാര്യമാണാ മഹാസേനാ പുത്രൈസ്തവ ജനേശ്വര।
ന ചാതിഷ്ഠത സംഗ്രാമേ പീഡ്യമാനാ സമന്തതഃ॥ 8-67-37 (58296)
തതോ യോധൈർമഹാരാജ പലായദ്ഭിഃ സമന്തതഃ।
അഭവദ്യ്വാകുലം ഭീതം പുത്രാണാം തേ മഹദ്ബലം॥ 8-67-38 (58297)
തിഷ്ഠതിഷ്ഠേതി സതതം സൂതപുത്രസ്യ ജൽപതഃ।
നാവതിഷ്ഠതി സാ സേനാ വധ്യമാനാ മഹാത്മഭിഃ॥ 8-67-39 (58298)
അഥോത്ക്രുഷ്ടം മഹാരാജ പാണ്ഡവൈർജിതകാശിഭിഃ।
ധാർതരാഷ്ട്രബലം ദൃഷ്ട്വാ വിദ്രുതം വൈ സമന്തതഃ॥ 8-67-40 (58299)
തതോ ദുര്യോധനഃ കർണമബ്രവീത്പ്രണയാദിവ।
പശ്യ കർണ മഹാസേനാം പാണ്ഡവൈരർദിതാം ഭൃശം॥ 8-67-41 (58300)
ത്വയി തിഷ്ഠതി സന്ത്രാസാത്സമന്താത്പ്രപലായതേ।
ഏതജ്ജ്ഞത്വാ മഹാബാഹോ കുരു പ്രാപ്തമരിന്ദമ॥ 8-67-42 (58301)
സഹസ്രാണി ച യോധാനാം ത്വാമേവ പുരുഷോത്തമ।
ക്രോശന്തേ സമരേ വീര ദ്രാവ്യമാണാനി പാണ്ഡവൈഃ॥ 8-67-43 (58302)
സഞ്ജയ ഉവാച। 8-67-44x (4994)
ഏതച്ഛ്രുത്വാ തു രാധേയോ ദുര്യോധനവചോ മഹത്।
മദ്രരാജമിദം വാക്യമബ്രവീത്പ്രഹസന്നിവ॥ 8-67-44 (58303)
പശ്യ മേ ഭുജയോർവീര്യമസ്ത്രാണാം ച ജനേശ്വര।
അദ്യ ഹൻമി രണേ സർവാൻപാഞ്ചാലാൻപാണ്ഡുഭിഃ സഹ॥ 8-67-45 (58304)
വാഹയാശ്വാന്നരവ്യാഘ്ര മദ്രാധിപ ന സംശയഃ।
ഏവമുക്ത്വാ മഹാരാജ സൂതപുത്രഃ പ്രതാപവാൻ॥ 8-67-46 (58305)
പ്രഗൃഹ്യ വിജയം വീരോ ധനുഃശ്രേഷ്ഠം പുരാതനം।
സജ്യം കൃത്വാ മഹാരാജ സംമൃജ്യ ച പുനഃ പുനഃ॥ 8-67-47 (58306)
സന്നിവാര്യ ച താന്യോധാൻസത്യേന ശപഥേന ച।
പ്രായോജയദമേയാത്മാ ഭാർഗവാസ്ത്രം മഹാബലഃ॥ 8-67-48 (58307)
തസ്മാദ്രാജൻസഹസ്രാണി പ്രയുതാന്യർബുദാനി ച।
കോടിശശ്ച ശരാസ്തീക്ഷ്ണാ നിരഗച്ഛൻമഹാമൃധേ॥ 8-67-49 (58308)
ജ്വലിതൈസ്തൈഃ ശരൈർഘോരൈഃ കങ്കബർഹിണവാജിതൈഃ।
സഞ്ചന്നാ പാണ്ഡവീ സേനാ ന പ്രാജ്ഞായത കിഞ്ചന॥ 8-67-50 (58309)
ഹാഹാകാരോ മഹാനാസീത്പാണ്ഡവാനാം വിശാംപതേ।
പീഡിതാനാം ബലവതാ ഭാർഗവാസ്ത്രേണ സംയുഗേ॥ 8-67-51 (58310)
നിപതദ്ഭിർഗജൈ രാജന്നശ്വൈശ്ചാപി സഹസ്രശഃ।
രഥൈശ്ചാപി നരവ്യാഘ്ര നരൈശ്ചൈവ സമന്തതഃ॥ 8-67-52 (58311)
പ്രാകംപത മഹീ രാജന്നിഹതൈസ്തൈഃ സമന്തതഃ।
വ്യാകുലം സർവമഭവത്പാണ്ഡവാനാം മഹദ്ബലം॥ 8-67-53 (58312)
കർണസ്ത്വേകോ യുധാം ശ്രേഷ്ഠോ വിധൂമ ഇവ പാവകഃ।
ദഹഞ്ശത്രൂന്നരവ്യാഘ്രഃ ശുശുഭേ സ പരന്തപഃ॥ 8-67-54 (58313)
തേ വധ്യമാനാഃ കർണേന പാഞ്ചാലാശ്ചേദിഭിഃ സഹ।
തത്ര തത്ര വ്യമുഹ്യന്ത വനദാഹേ യഥാ ദ്വിപാഃ॥ 8-67-55 (58314)
ചുക്രുശുശ്ച നരവ്യാഘ്ര യഥാപ്രാണം നരോത്തമാഃ।
തേഷാം തു ക്രോശതാം ദീനം ഭീതാനാം രണമൂർധനി॥ 8-67-56 (58315)
ധാവതാം ച തതോ രാജംസ്ത്രസ്താനാം ച സമന്തതഃ।
ആർതനാദോ ബഭൂവാത്ര ഭൂതാനാമിവ സംപ്ലുവേ॥ 8-67-57 (58316)
വധ്യമാനാംസ്തു താന്ദൃഷ്ട്വാ സൂതപുത്രേണ മാരിഷ॥
വിത്രേസുഃ സർവഭൂതാനി തിര്യഗ്യോനിഗതാന്യപി॥ 8-67-58 (58317)
തേ വധ്യമാതാഃ സമരേ സൂതപുത്രേണ സൃഞ്ജയാഃ।
അർജുനം വാസുദേവം ച ക്രോശന്തി ച മുഹുർമുഹുഃ।
പ്രേതരാജപുരേ യദ്വത്പ്രേതരാജം വിചേതസഃ॥ 8-67-59 (58318)
ശ്രുത്വാ തു നിനദം തേഷാം വധ്യതാം കർണസായകൈഃ।
അഥാബ്രവീദ്വാസുദേവം കുന്തീപുത്രോ ധന·ഞ്ജയഃ।
ഭാർഗവാസ്ത്രം മഹാഘോരം ദൃഷ്ട്വാ തത്ര സമീരിതം॥ 8-67-60 (58319)
പശ്യ കൃഷ്ണ മഹാബാഹോ ഭാർഗവാസ്ത്രസ്യ വിക്രമം।
നൈതദസ്ത്രം ഹി സമരേ ശക്യം ഹന്തും കഥഞ്ചന॥ 8-67-61 (58320)
സൂതപുത്രം ച സംരബ്ധം പശ്യ കൃഷ്ണ മഹാരണേ।
അന്തകപ്രതിമം വീര്യേ കുർവാണം കർമ ദാരുണം॥ 8-67-62 (58321)
അഭീക്ഷ്ണം ചോദയന്നശ്വാൻപ്രേക്ഷതേ മാം മുഹുർമുഹുഃ।
നച ശക്ഷ്യാമി കർണസ്യ സംയുഗേഽഹം പലായിതും॥ 8-67-63 (58322)
ജീവൻപ്രാപ്നോതി പുരുഷഃ സംഖ്യേ ജയപരാജയൌ।
മൃതസ്യ തു ഹൃപീകേശ ഭംഗ ഏവ കുതോ ജയഃ॥ 8-67-64 (58323)
ഏഷ കർണോ രണേ ഭാതി മധ്യാഹ്ന ഇവ ഭാസ്കരഃ।
നിവർതയ രഥം കൃഷ്ണ ജീവൻഭദ്രാണി പശ്യതി॥ ॥ 8-67-65 (58324)
ഇതി ശ്രീമൻമഹാഭാരതേ കർണപർവണി സപ്തദ്വശദിവസയുദ്ധേ സപ്തഷഷ്ടിതമോഽധ്യായഃ॥ 67 ॥
॥ ശ്രീഃ ॥
8.68. അധ്യായഃ 068
Mahabharata - Karna Parva - Chapter Topics
കർണബാണവ്യഥാപനോദനായ യുധിഷ്ഠിരം ശിബിരഗതം വിജ്ഞായ ശത്രുനിഗ്രഹേ ഭീമനിയോജനപൂർവകമർജുനേന സഹ ശ്രീകൃഷ്ണസ്യ തത്സമീപം പ്രതി ഗമനം॥ 1 ॥
Mahabharata - Karna Parva - Chapter Text
8-68-0 (58325)
സഞ്ജയ ഉവാച। 8-68-0x (4995)
തതോ ജനാർദനഃ ശ്രുത്വാ തസ്യ വാക്യം വിശാംപതേ।
രഥേനാപയയൌ ക്ഷിപ്രം സംഗ്രാമാദിതി ഭാരത॥ 8-68-1 (58326)
പ്രത്യനീകമവസ്ഥാപ്യ ഭീമം ഭീമപരാക്രമം।
അലം വിഷഹിതും ഹ്യേഷ കുരൂണാം സംപ്രപശ്യതാം॥ 8-68-2 (58327)
കർണം ച സമരേ രാജൻഗ്രാഹയിഷ്യഞ്ശ്രമം പ്രതി।
വിശ്വമാർഥം ച കൌരവ്യ പാർഥസ്യ ച മഹാത്മനഃ।
അപയാതോ രണാദ്വീരോ രാജാനം ദ്രഷ്ടുമേവ ച॥ 8-68-3 (58328)
അർജുനം ചാബ്രവീത്കൃഷ്ണോ ഭൃശം രാജാ പരിക്ഷതഃ।
തമാശ്വാസ്യ കുരുശ്രേഷ്ഠ തതഃ കർണം ഹനിഷ്യസി॥ 8-68-4 (58329)
തതോ ധനഞ്ജയഃ ശ്രുത്വാ രാജാനം ശല്യപീഡിതം।
യാഹിയാഹിതി ബഹുശോ വാസുദേവമചോദയത്।
രാജാനം പ്രതി വാർഷ്ണേയ ദൂയതേ മേ ദൃഢം മനഃ॥ 8-68-5 (58330)
സ ചോദ്യമാനഃ പാർഥേന കേശിഘ്നോ വൃഷ്ണിനന്ദനഃ।
രഥേനാപയയൌ ക്ഷിപ്രം സംഗ്രാമാദ്ധോരദർശനാത്॥ 8-68-6 (58331)
ഗച്ഛന്നേവ തു കൌന്തേയോ ധർമരാജദിദൃക്ഷയാ।
സൈന്യമാലോകയാമാസ നാപശ്യത്തത്ര ചാഗ്രജം॥ 8-68-7 (58332)
യുദ്ധം കൃത്വാ തു കൌന്തേയോ ദ്രോണപുത്രേണ ഭാരത।
ദുഃസഹം വജ്രിണാ സംഖ്യേ പരാജിത്യ ഗുരോഃ സുതം॥ 8-68-8 (58333)
ദ്രൌണിം പരാജിത്യ തതോഗ്രധന്വാ
കൃത്വാ മഹദ്ദുഷ്കരം ശൂരകർമ।
ആലോകയാമാസ തതഃ സ്വസൈന്യം
ധനഞ്ജയഃ ശത്രുഭിരപ്രധൃഷ്യഃ॥ 8-68-9 (58334)
സംയുധ്യമാനാൻപൃതനാമുഖസ്ഥാ--
ഞ്ശൂരഃ ശൂരാൻഹർഷയൻസവ്യസാചീ।
പൂർവാപദാനൈഃ പ്രഥിതൈഃ പ്രശംസ--
ൻസ്ഥിതാംശ്ചകാരാത്മരഥാനനീകേ॥ 8-68-10 (58335)
അപശ്യമാനസ്തു കിരീടമാലീ
യുധിഷ്ഠിരം ഭ്രാതരമാജമീഢം।
ഉവാച ഭീമം തരസാഭ്യുപേത്യ
രാജ്ഞഃ പ്രവൃത്തിസ്ത്വിഹ കുത്ര ചേതി॥ 8-68-11 (58336)
ഭീമസേന ഉവാച। 8-68-12x (4996)
അപയാത ഇതോ രാജാ ധർമപുത്രോ യുധിഷ്ഠിരഃ।
കർണബാണാഭിതപ്താംഗോ യദി ജീവേത്കഥഞ്ചന॥ 8-68-12 (58337)
അർജുന ഉവാച। 8-68-13x (4997)
തസ്മാദ്ഭവാഞ്ശീഘ്രമിതഃ പ്രയാതു
ജ്ഞാതും പ്രവൃത്തിം പുരുഷർഷഭസ്യ।
നൂനം സ വിദ്ധോഽതിഭൃശം പൃഷത്കൈഃ
കർണേന രാജാ ശിബിരം ഗതോഽസൌ॥ 8-68-13 (58338)
യഃ സംപ്രഹാരൈര്യുധി സംപ്രവൃത്തേ
ദ്രോണേന വിദ്ധോഽതിഭൃശം തരസ്വീ।
തസ്ഥൌ സ തത്രാപി ജയപ്രതീക്ഷോ
ദ്രോണേന യാവന്ന ഹതഃ കിലാസീത്॥ 8-68-14 (58339)
സ സംശയം ഗമിതഃ പാണ്ഡവാഗ്ര്യഃ
സംഖ്യേഽദ്യ കർണേന മഹാനുഭാവഃ।
ജ്ഞാതും പ്രയാഹ്യാശു തമദ്യ ഭീമ
സ്ഥാസ്യാംയഹം ശത്രുഗണാന്നിരുധ്യ॥ 8-68-15 (58340)
ഭീമസേന ഉവാച। 8-68-16x (4998)
ത്വമേവ ജാനീഹി മഹാനുഭാവ
രാജ്ഞഃ പ്രവൃത്തിം ഭരതർഷഭസ്യ।
അഹം ഹി യദ്യർജുന യാംയമിത്രാ
വദന്തി മാം ഭീത ഇതി പ്രവീരാഃ॥ 8-68-16 (58341)
തതോഽബ്രവീദർജുനോ ഭീമസേനം
സംശപ്തകാഃ പ്രത്യനീകസ്ഥിതാ മേ।
ഏതാനഹത്വാദ്യ മയാ ന ശക്യ--
മിതോപയാതും രിപുസംഖമധ്യാത്॥ 8-68-17 (58342)
അഥാബ്രവീദർജുനം ഭീമസേനഃ
സ്വവീര്യമാസാദ്യ കുരുപ്രവീര।
സംശപ്തകാൻപ്രതിയോത്സ്യാമി സംഖ്യേ
സർവാനഹം യാഹി ധനഞ്ജയ ത്വം॥ 8-68-18 (58343)
തദ്ഭീമസേനസ്യ വചോ നിശംയ
ധനഞ്ജയോ ഭ്രാതുരമിത്രമധ്യേ।
ദ്രഷ്ടും കുരുശ്രേഷ്ഠമഭിപ്രയാസ്യ--
ൻപ്രോവാച വൃഷ്ണിപ്രവരം തദാനീം॥ 8-68-19 (58344)
അർജുന ഉവാച। 8-68-20x (4999)
`രാജാനം പ്രതി വാർഷ്ണേയ ദൂയതേ മേ ദൃഢം മനഃ'।
ചോദയാശ്വാൻഹൃഷീകേശ വിഹായൈതദ്ബലാർണവം।
അജാതശത്രും രാജാനം ദ്രഷ്ടുമിച്ഛാമി കേശവ॥ 8-68-20 (58345)
സഞ്ജയ ഉവാച। 8-68-21x (5000)
`തം രഥ ചോദയാമാസ ബീഭത്സോർവചനാദ്ധരിഃ'॥ 8-68-21 (58346)
തതോ ഹയാൻസർവദാശാർഹമുഖ്യഃ
പ്രചോദയൻഭീമമുവാച ചേദം।
നൈതച്ചിത്രം തവ കർമാദ്യ ഭീമ
യാസ്യാവഹേ ജഹി പാർഥാരിസംഘാൻ॥ 8-68-22 (58347)
തതോ യയൌ ഹൃഷീകേശോ യത്ര രാജാ യുധിഷ്ഠിരഃ।
ശീഘ്രാച്ഛീഘ്രതരോ രാജന്വാജിഭിർഗരുഡോപമൈഃ॥ 8-68-23 (58348)
പ്രത്യനീകേ ത്വവസ്ഥാപ്യ ഭീമസേനമരിന്ദമം।
സന്ദിശ്യ ചൈനം രാജേന്ദ്ര യുദ്ധം പ്രതി വൃകോദരം॥ 8-68-24 (58349)
തതസ്തു ഗത്വാ പുരുഷപ്രവീരൌ
രാജാനമാസാദ്യ ശയാനമേകം।
രഥാദുഭൌ പ്രത്യവരുഹ്യ തസ്മാ--
ദ്വവന്ദതുർധർമരാജസ്യ പാദൌ॥ 8-68-25 (58350)
`ഇത്യേവമുപസംഗൃഹ്യ ഉഭൌ തു പാഞ്ജലീ സ്ഥിതൌ।
ശസ്ത്രക്ഷതൌ മഹാരാജ രുധിരേണ സമുക്ഷിതൌ।
നിഹത്യ വാഹിനീം തുഭ്യമപയാതൌ രണാജിരാത്'॥ 8-68-26 (58351)
തം ദൃഷ്ട്വാ പുരുഷവ്യാഘ്രം ക്ഷേമിണം പുരുഷർഷഭം।
മുദാഭ്യനന്ദതാം കൃഷ്ണാവശ്വിനാവിവ വാസവം॥ 8-68-27 (58352)
താവഭ്യനന്ദദ്രാജാപി വിവസ്വാനശ്വിനാവിവ।
ഹതേ മഹാസുരേ ജംഭേ ശക്രവിഷ്ണൂ യഥാ ഗുരുഃ॥ 8-68-28 (58353)
മന്യമാനോ ഹതം കർണം പ്രീതഃ പരപുരഞ്ജയഃ।
`സ ഭൂത്വാ പുരുഷവ്യാഘ്രോ രാജാ തത്ര യുധിഷ്ഠിരഃ'।
ഹർഷഗദ്ഗദയാ വാചാ പ്രീതഃ പ്രാഹ പരന്തപഃ॥ ॥ 8-68-29 (58354)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ അഷ്ടഷഷ്ടിതമോഽധ്യായഃ॥ 68 ॥
Mahabharata - Karna Parva - Chapter Footnotes
॥ ശ്രീഃ ॥
8.69. അധ്യായഃ 069
Mahabharata - Karna Parva - Chapter Topics
യുധിഷ്ഠിരേണ കർണശരവിക്ഷതസ്യാത്മനോ ദിദൃക്ഷയാ സ്വശിബിരമുപാഗതൌ കൃഷ്ണാർജുനൌ ദൃഷ്ട്വാ പാർഥേന രാധേയസ്യ വധഭ്രമേണ പാർഥസ്യ പ്രശംസനം॥ 1 ॥
Mahabharata - Karna Parva - Chapter Text
8-69-0 (58355)
സഞ്ജയ ഉവാച। 8-69-0x (5001)
[അഥോപയാതൌ പൃഥുലോഹിതാക്ഷൌ
ശരാചിതാംഗൌ രുധിരപ്രദിഗ്ധൌ।
സമീക്ഷ്യ സേനാഗ്രനരപ്രവീരൌ
യുധിഷ്ഠിരോ വാക്യമിദം ബഭാഷേ॥] 8-69-1 (58356)
തതോ യുധിഷ്ഠിരോ ദൃഷ്ട്വാ സഹിതൌ കേശവാർജുനൌ।
ഹതമാധിരഥിം മേനേ സംഖ്യേ ഗാണ്ഡീവധന്വനാ॥ 8-69-2 (58357)
താവഭ്യനന്ദത്കൌന്തേയഃ സാംനാ പരമവൽഗുനാ।
സ്മിതപൂർവമമിത്രഘ്ന പൂജയൻഭരതർപഭ॥ 8-69-3 (58358)
യുധിഷ്ഠിര ഉവാച। 8-69-4x (5002)
സ്വാഗതം ദേവകീപുത്ര സ്വാഗതം തേ ധനഞ്ജയ।
പ്രിയം മേ ദർശനം വാഢം യുവയോർനരസിംഹയോഃ॥ 8-69-4 (58359)
അരിഷ്ടയോരക്ഷതയോഃ കർണം ഹത്വാ മഹാരഥം।
ആശീവിപസമം യുദ്ധേ സർവശസ്ത്രവിശാരദം॥ 8-69-5 (58360)
അഗ്രഗം ധാർതരാഷ്ട്രാണാം സർവേഷാം ശർമ വർമ ച।
രക്ഷിതം വൃഷസേനേന സുപേണേന ച ധന്വിനാ॥ 8-69-6 (58361)
അനുജ്ഞാതം മഹാവീര്യം രാമേണാസ്ത്രേ സുദുർജയം।
അഗ്ര്യം സർവസ്യ ലോകസ്യ രഥിനം ലോകവിശ്രുതം॥ 8-69-7 (58362)
ത്രാതാരം ധാർതരാഷ്ട്രാണാം ഗന്താരം വാഹിനീമുഖേ।
ഹന്താരം പരസൈന്യാനാമമിത്രഗണമർദനം॥ 8-69-8 (58363)
ദുര്യോധനഹിതേ യുക്തമസ്മദ്ദുഃഖായ ചോദ്യതം।
അപ്രധൃഷ്യം മഹായുദ്ധേ ദേവൈരപി സവാസവൈഃ॥ 8-69-9 (58364)
അനലാനിലയോസ്തുല്യം തേജസാ ച ബലേന ച।
പാതാലമിവ ഗംഭീരം സുഹൃദാം നന്ദിവർധനം॥ 8-69-10 (58365)
അന്തകം മമ മിത്രാണാം ഹത്വാ കർണം മഹാമൃധേ।
ദിഷ്ട്യാ യുവാമനുപ്രാപ്തൌ ഹത്വാഽസുരമിവാമരൌ॥ 8-69-11 (58366)
തേന യുദ്ധമഭീതേന മയാഽദ്യാപ്യച്യുതാർജുനൌ।
കൃതം ഘോരം മഹാബാഹൂ ധൃഷ്ടദ്യുംനസ്യ പശ്യതഃ।
അന്തകേനേവ ക്രുദ്ധേന പ്രജാഃ സർവാ ജിഘാംസതാ॥ 8-69-12 (58367)
തേന കേതുശ്ച മേ ച്ഛിന്നോ ഹതൌ ച പാർഷ്ണിസാരഥീ।
ഹതവാഹഃ കൃതശ്ചാസ്മി യുയുധാനസ്യ പശ്യതഃ॥ 8-69-13 (58368)
ധൃഷ്ടദ്യുംനസ്യ യമയോർവീരസ്യ ച ശിഖണ്ഡിനഃ।
പശ്യതാം ദ്രൌപദേയാനാം ശതദ്രോശ്ച മഹാത്മനഃ॥ 8-69-14 (58369)
ഏതാഞ്ജിത്വാ മഹാവീര്യഃ കർണഃ ശത്രുഗണാൻബഹൂൻ।
ജിതവാൻമാം മഹാബാഹോ യതമാനോ മഹാരണേ॥ 8-69-15 (58370)
അനുസൃത്യ ച മാം യുദ്ധേ പരുഷാണ്യുക്തവാൻബഹു।
തത്ര തത്ര യുധാം ശ്രേഷ്ഠ പരിഭൂയ ന സംശയഃ॥ 8-69-16 (58371)
ഭീമസേനപ്രഭാവാത്തു യജ്ജീവാമി ധനഞ്ജയ।
ബഹുനാത്ര കിമുക്തേന ഹതേ സോഢും സമുത്സഹേ॥ 8-69-17 (58372)
ത്രയോദശാഹം വർഷാണി യസ്മാദ്ഭീതോ ധനഞ്ജയ।
ന സ്മ നിദ്രാം ലഭേ രാത്രൌ ന ചാഹനി സുഖം ക്വചിത്॥ 8-69-18 (58373)
തസ്യ ദ്വേഷേണ സംയുക്തഃ പരിദഹ്യേ ധനഞ്ജയ।
ആത്മനോ മരണം ജാനന്വാധ്രീണസ ഇവ ദ്വിജഃ॥ 8-69-19 (58374)
തസ്യായമഗമത്കാലശ്ചിന്തയാനസ്യ മേ ചിരം।
കഥം കർണോ മയാ ശക്യോ യുദ്ധേ ക്ഷപയിതും ഭവേത്॥ 8-69-20 (58375)
ജാഗ്രത്സ്വപംശ്ച കൌന്തേയ കർണമേവ സ്മരാഹ്യഹം।
പശ്യാമി തത്രതത്രൈവ കർണഭൂതമിദം ജഗത്॥ 8-69-21 (58376)
യത്ര യത്ര ഹി ഗച്ഛാമി കർണാദ്ഭീതോ ധനഞ്ജയ।
തത്ര തത്ര ഹി പശ്യാമി കർണമേവാഗ്രതഃ സ്ഥിതം॥ 8-69-22 (58377)
സോഽഹം തേനൈവ വീരേണ സമരേഷ്വപലായിനാ।
സഹയഃ സരഥഃ പാർഥ ജിത്വാ ജീവന്വിസർജിതഃ॥ 8-69-23 (58378)
കോ നു മേ ജീവിതേനാർഥോ രാജ്യേനാർഥോ ഭവേത്പുനഃ।
മമൈവം വിക്ഷതസ്യാദ്യ കർണേനാഹവശോഭിനാ॥ 8-69-24 (58379)
ന പ്രാപ്തപൂർവം യദ്ഭീഷ്മാത്കൃപാദ്ദ്രോണാച്ച സംയുഗേ।
തത്പ്രാപ്തമദ്യ മേ യുദ്ധേ സൂതപുത്രാൻമഹാരഥാത്॥ 8-69-25 (58380)
സ ത്വാം പൃച്ഛാമി കൌന്തേയ യഥാ ന കുശലസ്തഥാ।
തൻമമാചക്ഷ്വ കാർത്സ്ന്യേന യഥാ കർണോ ഹതസ്ത്വയാ॥ 8-69-26 (58381)
ശക്രതുല്യബലോ യുദ്ധേ യമതുല്യഃ പരാക്രമേ।
രാമതുല്യസ്തഥാസ്ത്രേഷു സ കഥം തേ നിഷൂദിതഃ॥ 8-69-27 (58382)
മഹാരഥസമാഖ്യാതഃ സർവയുദ്ധവിശാരദഃ।
ധനുർധരാണാം പ്രവരഃ സർവേഷാം വൈ സദാർജുന॥ 8-69-28 (58383)
പൂജിതോ ധൃതരാഷ്ട്രേണ സപുത്രേണ വിശാംപതേ।
ത്വദർഥമേവ രാധേയഃ സ കഥം നിഹതസ്ത്വയാ॥ 8-69-29 (58384)
ധാർതരാഷ്ട്രസ്യ യോദ്ധാരഃ സർവ ഏവ സദാർജുന।
തവ മൃത്യും രണേ കർണം മന്യന്തേ പുരുഷർഷഭ॥ 8-69-30 (58385)
സ ത്വയാ പുരുഷവ്യാഘ്ര കഥം യുദ്ധേ നിഷൂദിതഃ।
തൻമമാചക്ഷ്വ കൌന്തേയ യഥാ കർണോ ഹതസ്ത്വയാ॥ 8-69-31 (58386)
സോത്സേധമസ്യ ച ശിരഃ പശ്യതാം സുഹൃദാം ഹൃതം।
ത്വയാ പുരുഷശാർദൂല സിംഹേനേവ യഥാ രുരോഃ॥ 8-69-32 (58387)
സർവാ ദിശഃ പര്യപതത്ത്വദർഥം
ത്വാം സൂതപുത്രഃ സമരേ പരീപ്സൻ।
ദിത്സന്നൃണാം ശകടം രത്നപൂർണം
കഥം ത്വയാസൌ നിഹതോഽദ്യ കർണഃ॥ 8-69-33 (58388)
ത്വയാ രണേ നിഹതഃ സൂതപുത്രഃ
കച്ചിത്കൃതം മേ പരമം ത്വയാദ്യ
പ്രിയം രണേ സൂതപുത്രം നിഹത്യ॥ 8-69-34 (58389)
സർവാ ദിശഃ പര്യപതത്ത്വദർഥം
മുദാന്വിതോ ഗർവിതഃ സൂതപുത്രഃ।
സ ശൂരമാനീ സമരേ സമേത്യ
കച്ചിത്ത്വയാ നിഹതഃ സൂതപുത്രഃ॥ 8-69-35 (58390)
രാജ്യം പരം ഹസ്തിഗവാശ്വയുക്തം
രഥം ദിത്സുര്യഃ പരേഭ്യസ്ത്വർദർഥേ।
ത്വയാ രണേ സ്പർധതേ യഃ സ പാപഃ
കച്ചിത്ത്വയാ നിഹതഃ പാപബുദ്ധിഃ॥ 8-69-36 (58391)
യോഽസൌ നിത്യം ശൌര്യമദേന മത്തോ
വികത്ഥതേ സംസദി കൌരവാണാം।
പ്രീത്യർഥം വൈ താത സുയോധനസ്യ
കച്ചിത്സ പാപോ നിഹതസ്ത്വയാദ്യ॥ 8-69-37 (58392)
കച്ചിത്സമാഗംയ ധനുഃപ്രമുക്തൈ--
സ്ത്വത്പ്രേഷിതൈർലോഹമയൈർവിഹംഗൈഃ।
ശേതേ ഭിന്നഃ പാംസുഷു സൂതപുത്രഃ
കച്ചിദ്ഭഗ്രൌ ധാർതരാഷ്ട്രസ്യ ബാഹൂ॥ 8-69-38 (58393)
യോഽസൌ സദാ ശ്ലാഘതേ രാജമധ്യേ
ദുര്യോധനം ഹർഷയന്ദർപയുക്തഃ।
ഹന്താഽസ്മി സർവാനിതി പാണ്ഡുപുത്രാ--
നഹം ഹന്താ ഫൽഗുനസ്യേതി മോഹാത്॥ 8-69-39 (58394)
കച്ചിദ്വചോഽസ്യ വിതഥം ത്വയാ കൃതം
യത്തത്പ്രിയാമവദത്താത കർണഃ।
സഭാമഥ്യേ രൂക്ഷമനേകരൂപം
ധിക്പാണ്ഡവാനപതിസ്ത്വം ഹി കൃഷ്ണേ॥ 8-69-40 (58395)
കച്ചിദ്ഭുവം ശത്രുരയം മഹാത്മാ
ഹ്യധാരയദ്ദ്വാദശ യഃ സമാസ്തു।
കർണോ വ്രതം ഘോരമമിത്രസാഹോ
ദുര്യോധനസ്യാർഥനിവിഷ്ടബുദ്ധിഃ॥ 8-69-41 (58396)
പാദൌ ന ധാവേ യാവദഹം ന ഹൻമി
ധനഞ്ജയം സമരേഷൂഗ്രവേഗം।
കച്ചിദ്രണേ ഫൽഗുന തം നിഹത്യ
കച്ചിദ്വ്രതം തസ്യ ഭഗ്നം ത്വയാഽദ്യ॥ 8-69-42 (58397)
യോഽസൌ കൃഷ്ണാമബ്രവീദ്ദുഷ്ടബുദ്ധിഃ
കർണഃ സഭായാം കുരുവീരമധ്യേ।
കിം പാണ്ഡവാംസ്ത്വം ന ജഹാസി കൃഷ്ണേ
സുദുർബലാൻപതിതാൻഹീനസത്വാൻ॥ 8-69-43 (58398)
യോഽസൌ കർണഃ പ്രത്യജാനാത്ത്വദർഥേ
നാഹം ഹത്വാ സഹ കൃഷ്ണേന പാർഥം।
ഇഹോപയാതേതി സ പാപബുദ്ധിഃ
കച്ചിച്ഛേതേ ശരസംഭിന്നഗാത്രഃ॥ 8-69-44 (58399)
കച്ചിത്സംഗ്രാമോ വിദിതോ വൈ തവായം
സമാഗമേ സൃഞ്ജയ കൌരവാണാം।
യേനാവസ്ഥാമീദൃശീം പ്രാപിതോഽഹം
കച്ചിത്ത്വയാ സോഽദ്യ ഹതോ ദുരാത്മാ॥ 8-69-45 (58400)
കച്ചിത്ത്വയാ തസ്യ സുമന്ദബുദ്ധേ--
ർഗാണ്ഡീവമുക്തൈർവിശിഖൈർജ്വലദ്ഭിഃ।
സകുണ്ഡലം ഭാനുമദുത്തമാംഗം
കായാത്പ്രകൃത്തം യുധി സവ്യസാചിൻ॥ 8-69-46 (58401)
യത്തൻമയാ ബാണസമർപിതേന
ധ്യാതോഽസി കർണസ്യ വധായ വീര।
തൻമേ ത്വയാ കച്ചിദമോഘമദ്യ
ധ്യാനം കൃതം കർണനിപാതനേന॥ 8-69-47 (58402)
യദ്ദർപപൂർണഃ സ സുയോധനോഽസ്മാ--
ന്ദിധക്ഷതേ കർണസമാശ്രയേണ।
കച്ചിത്ത്വയാ സോഽദ്യ സമാശ്രയോഽസ്യ
ഭഗ്നഃ പരാക്രംയ സുയോധനസ്യ॥ 8-69-48 (58403)
യോ നഃ പുരാ ഷണ്ഢതിലാനവോച--
ത്സഭാമധ്യേ കൌരവാണാം സമക്ഷം।
സ ദുർമതിഃ കച്ചിദുപേത്യ സംഖ്യേ
ത്വയാ ഹതഃ സൂതപുത്രോഽത്യമർഷീ॥ 8-69-49 (58404)
യഃ പ്രാഹിണോത്സൂതപുത്രോ ദുരാത്മാ
കൃഷ്ണാം ജിതാം സൌബലേഹാനയേതി।
സ മന്ദബുദ്ധിർനിഹതഃ പ്രസഹ്യ
വൈകർതനസ്ത്വദ്യ കച്ചിൻമഹാത്മൻ॥ 8-69-50 (58405)
യഃ ശസ്ത്രഭൃച്ഛ്രേഷ്ഠതമം പൃഥിവ്യാം
പിതാമഹം വ്യാക്ഷിപദൽപചേതാഃ।
സംഖ്യായമാനോഽർധരഥഃ സ കച്ചി--
ത്ത്വയാം ഹതോഽദ്യാധിരഥിർമഹാത്മൻ॥ 8-69-51 (58406)
അമർഷജം നികൃതിസമീരണേരിതം
ഹൃദി സ്ഥിതം ജ്വലനമിമം സദാ മമ।
ഹതോ മയാ സോഽദ്യ സമേത്യ കർണ
ഇതി ബ്രുവൻപ്രശമയസേഽദ്യ ഫൽഗുന॥ ॥ 8-69-52 (58407)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ഏകോനസപ്തതിതമോഽധ്യായഃ॥ 69 ॥
Mahabharata - Karna Parva - Chapter Footnotes
॥ ശ്രീഃ ॥
8.70. അധ്യായഃ 070
Mahabharata - Karna Parva - Chapter Topics
അർജുനേന സ്യയുദ്ധാനുവാദപൂർവകം യുധിഷ്ഠിരംപ്രതി കർണവധപ്രതിജ്ഞാനം॥ 1 ॥
Mahabharata - Karna Parva - Chapter Text
8-70-0 (58408)
സഞ്ജയ ഉവാച। 8-70-0x (5003)
തദ്ധർമശീലസ്യ വചോ നിശംയ
രാജ്ഞഃ ക്രുദ്ധസ്യാതിരഥോ മഹാത്മാ।
ഉവാച ദുർമർഷമദീനസത്വോ
യുധിഷ്ഠിരം ജിഷ്ണുരനന്തവീര്യഃ॥ 8-70-1 (58409)
ദ്രോണം ഹതം പാർഥ കർണോ വിദിത്വാ
ഭിന്നാം നാവവിമാവത്യഗാധേ കുരൂണാം।
സംമുഹ്യമാനാന്ധാർതരാഷ്ട്രാന്വിദിത്വാ
നിരുത്സാഹാംശ്ച വിജയേ പരേഷാം॥ 8-70-2 (58410)
സോദര്യവത്ത്വരിതോഽമിതൌജാ
ഉത്താരയിഷ്യന്ധൃതരാഷ്ട്രസ്യ പുത്രാൻ।
രണേ രഥേനാധിരഥിർമഹാത്മാ
തതോ ഹി മാം ത്വരിതഃ സോഽഭ്യധാവത്॥ 8-70-3 (58411)
സംശപ്തകൈര്യുധ്യമാനസ്യ മേഽദ്യ
സേനാഗ്രയായീ കുരുസൈന്യസ്യ രാജൻ।
ആശീവിഷാഭാന്വികിരഞ്ശരൌഘാ--
ന്ദ്രൌണിഃ പുരസ്താത്സഹസാധ്യതിഷ്ഠത്॥ 8-70-4 (58412)
സ മേ ദൃഷ്ട്വാ ശൂരതമോ ധ്വജാഗ്രം
സമാദിശദ്രഥസംഘാനനേകാൻ।
തേഷാമഹം പഞ്ചശതം നിഹത്യ
ആസാദയം ദ്രോണപുത്രം നദന്തം॥ 8-70-5 (58413)
സ ദ്രോണപുത്രഃ സദൃശം മഹാത്മാ
മാമപ്യരൌത്സീത്തദനീകമധ്യേ।
കിരഞ്ശരൌഘാൻബഹുരൂപാന്വിചിത്രാ--
ൻസ്വാതീഗതഃ ശുക്ര ഇവാതിവർഷൻ॥ 8-70-6 (58414)
സ മേ രാൻസർവതഃ കങ്കപത്രാ--
നവാസൃജദ്വൈ പൃഥിവീപ്രകാശാൻ।
നിവാര്യ തൂർണം പരമാജിമധ്യേ
തതോഽപി മാം ബാണഗണൈഃ സമാർപയത്॥ 8-70-7 (58415)
ആകർഷണം വാപി വികൃഷ്യ മുക്തം
ന ദൃശ്യതേ തസ്യ മഹാരഥസ്യ।
ന സന്ദധാനഃ കുത ആദദാനോ
ന വ്യാക്ഷിപന്ന വികർഷന്വിമുഞ്ചൻ॥ 8-70-8 (58416)
സവ്യേന വാ യദി വാ ദക്ഷിണേന
ന ജ്ഞായതേ കതരേണാസ്യതീതി।
ആചാര്യവത്സമരേ പര്യവർത--
ൻമഹച്ചിത്രം ദർശയൻസർവതഃ സ്മ॥ 8-70-9 (58417)
ദൃഷ്ട്വീവിഷം ചാസുഹരം പരേഷാം
സർവാ ദിശഃ പൂരയാനം ശരൌധൈഃ।
അലാതചക്രപ്രതിമം മഹാത്മനഃ
സദാ നതം കാർമുകം ബ്രഹ്മബന്ധോഃ॥ 8-70-10 (58418)
തതോഽപരാൻബാണഗണാനനേകാ--
നാകർണപൂർണായതവിപ്രമുക്താൻ।
സസർജ ശീഘ്രാസ്ത്രബലേന വീര--
സ്തോയം യഥാ പ്രാവൃഷി കാലമേഘഃ॥ 8-70-11 (58419)
ആവിധ്യൻമാം പഞ്ചഭിദ്രോണപുത്രഃ
ശിതൈഃ ശരൈഃ പഞ്ചഭിർവാസുദേവം।
അഭ്യഘ്നം ബാണൈസ്തമഹം സുധാരൈ--
ർനിമേഷമാത്രേണ സുവർണപുംഖൈഃ॥ 8-70-12 (58420)
സ നിർവിദ്ധോ വിരഥോ ദ്രോണപുത്രോ
രഥാനീകം ചാധിരഥേർവിവേശ।
മയാഭിഭൂതാൻസ്വരഥപ്രബർഹാ--
നസ്ത്രം ച പശ്യന്രുധിരപ്രദിഗ്ധം॥ 8-70-13 (58421)
തതോഽഭിഭൂതം യുധി വീക്ഷ്യ സൈന്യം
വിധ്വസ്തയോധം ദ്രുതനാഗയൂഥം।
പഞ്ചാശതാ രഥമുഖ്യൈഃ സമേതഃ
കർണസ്ത്വരന്നഭ്യപതത്പ്രമാഥീ॥ 8-70-14 (58422)
താൻസൂദയിത്വാഽഹമപാസ്യ കർണം
ദ്രഷ്ടും ഭവന്തം ത്വരയോപയാതഃ।
സർവേ പാഞ്ചാലാ ഹ്യുദ്വിജന്തേ സ്മ കർണം
ദൃഷ്ട്വാ ഗാവഃ കേസരിണം യഥൈവ॥ 8-70-15 (58423)
മൃത്യോരാസ്യം വ്യാത്തമിവാഭിപദ്യ
പ്രഭദ്രകാഃ കർണമാസാദ്യ സർവേ।
യാസ്യാമി താംസ്താരയിഷ്യൻബലൌഘാ--
ദ്ദിഷ്ട്യാ ഭവാൻസ്വസ്തിമാൻപാർഥ ദൃഷ്ടഃ॥ 8-70-16 (58424)
ഹനിഷ്യേഽഹം ഭാരത സൂതപുത്ര--
മസ്മിൻസംഗ്രാമേ യദി ദൃശ്യതേഽദ്യ।
ആയാഹി പശ്യാദ്യ യുയുത്സമാനൌ
മാം സൂതപുത്രം ച ധൃതൌ രണായ॥ 8-70-17 (58425)
മഹാഝഷസ്യേവ മുഖം പ്രപന്നാഃ
പ്രഭദ്രകാഃ കർണമുഖം പ്രപന്നാഃ।
ഷട്സാഹസ്രാ ഭാരത രാജപുത്രാഃ
സ്വർഗായ ലോകായ രണേ നിമഗ്നാഃ॥ 8-70-18 (58426)
താനദ്യ യാസ്യാമി രണാദ്വിമോക്തും
സർവാത്മനാ സൂതപുത്രം ച ഹന്തും॥ 8-70-19 (58427)
അഥ പ്രവീരേണ മഹാനുഭാവ
ദ്വിഷത്സൈന്യം നിർദഹന്വിസ്തരേണ।
സമേത്യാഹം സൂതപുത്രേണ സംഖ്യേ
വജ്രീവ വൃത്രേണ നരേന്ദ്രമുഖ്യ॥ 8-70-20 (58428)
ഏവം ഗതേ കിഞ്ച മയാഽദ്യ ശക്യം
കാര്യം കർതും നിഗ്രഹേ സൂതജസ്യ।
തഥൈവ രാജ്ഞശ്ച സുയോധനസ്യ
യേ ചാപി മാം യോദ്ധുകാമാഃ സമേതാഃ॥ 8-70-21 (58429)
കർണം ന ചേദദ്യ നിഹൻമി രാജ--
ൻസബാന്ധവം യുധ്യമാനം പ്രസഹ്യ।
പ്രതിശ്രുത്യാഽകുർവതാം യാ ഗതിർവൈ
കഷ്ടാം യായാം താമഹം രാജസിംഹ॥ 8-70-22 (58430)
ആമന്ത്രയേ ത്വാം ബ്രൂഹി രണേ ജയം മേ
പുരാ ഭീമം ധാർതരാഷ്ട്രാ ഗ്രസന്തി।
സൌതിം ഹനിഷ്യാമി നരേന്ദ്രസിംഹ
സൈന്യം തഥാ ശത്രുഗണാംശ്ച സർവാൻ॥ ॥ 8-70-23 (58431)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ സപ്തതിതമോഽധ്യായഃ॥ 70 ॥
॥ ശ്രീഃ ॥
8.71. അധ്യായഃ 071
Mahabharata - Karna Parva - Chapter Topics
കർണസ്യാമാരണജ്ഞാനാദ്രുഷ്ടേന യുധിഷ്ഠിരേണ അർജുനംപ്രതി ഗർഹണപൂർവകം കൃഷ്ണകരേ ഗാണ്ഡീവദാനചോദനാ॥ 1 ॥
Mahabharata - Karna Parva - Chapter Text
8-73-0 (58432)
സഞ്ജയ ഉവാച। 8-73-0x (5004)
വൈകർതനം കുശലിനം നിശംയ
ക്രുദ്ധഃ പാർഥഃ ഫൽഗൂനസ്യാമിതൌജാഃ।
ധനഞ്ജയം വാക്യമുവാച രാജാ
യുധിഷ്ഠിരഃ കർണശരാഭിതപ്തഃ॥ 8-73-1 (58433)
ഇമാം ച വസതിം ഹിത്വാ ഭയാത്കർണേന ഫൽഗുന।
അഹം ച ഭീമസേനശ്ച മാദ്രീപുത്രൌ ച പാണ്ഡവൌ॥ 8-73-2 (58434)
വാസുദേവേന സഹിതാ വയം കർണേന നിർജിതാഃ।
പുനരേവ വനം ഗത്വാ തപശ്ചര്യാം ച കുർമഹേ।
അഥവാ ധാർതരാഷ്ട്രാണാം പരിചര്യാം ചരാമഹേ॥ 8-73-3 (58435)
ഇത്യേവമുക്ത്വാ ബീഭത്സും രോഷാത്സംരക്തലോചനഃ।
അബ്രവീത്പുനരേവാത്ര ധർമരാജോ യുധിഷ്ഠിരഃ॥ 8-73-4 (58436)
ഇദം യദി ദ്വൈതവനേ തു സൂക്തം
കർണം നിയോദ്ധും ന സഹേ നൃപേതി।
വയം തതഃ പ്രാപ്തകാലം യഥാവ--
ത്കൃത്വാഽഭ്യുപേക്ഷാമ തഥൈവ രാജ്യം॥ 8-73-5 (58437)
മയി പ്രതിശ്രുത്യ വധം ഹി തസ്യ
ബലസ്യ ചാർധസ്യ തഥൈവ യുദ്ധേ।
ആനീയ മാം ശത്രുമധ്യേ സ കസ്മാ--
ത്സമുന്നാംയ സ്ഥണ്ഡിലേ പ്രത്യപിംഷ്ഠാഃ॥ 8-73-6 (58438)
അന്വാസ്യ സത്യേന യദാത്ഥ പാർഥ
സത്യം ശപന്വാസുദേവേന സാർധം।
തന്നഃ സത്യമഫലം ഹ്യകാർഷീഃ
ഫലസ്യ കാലേ ചാച്ഛിന്നഃ പുഷ്പവൃക്ഷം॥ 8-73-7 (58439)
പ്രച്ഛാദിതസ്ത്വം ബാലിശ ദുര്യശോഭി--
രനർഥവാക്യോഽസ്യർജുന നൈവ സാധുഃ।
ത്യക്ത്വാ ഭീമം സർവഭീമേഷു ഭീമം
സംയോജിതസ്ത്വം സൂതപുത്രം നിഹന്തും॥ 8-73-8 (58440)
യത്തദ്വൃഥാ വാഗുവാചാന്തരിക്ഷേ
സപ്താഹ്നി ജാതേ ത്വയി മന്ദബുദ്ധൌ।
അപാപീയാന്വാസവാത്കുന്തിജാതോ
ബഹൂൻസംഗ്രാമാനയമേവ ജേതാ॥ 8-73-9 (58441)
അയം ജേതാ പാണ്ഡവോ ദേവസംഘാൻ
സർവാണി ഭൂതാന്യപി ചോത്തമൌജാഃ।
അയം ജേതാ മദ്രകലിംഗജാതാ--
ന്ദൈത്യാംശ്ച രക്ഷാംസി സമാഗതാനി॥ 8-73-10 (58442)
ഭൂമിം ച സർവാം നിഖിലേന ജേതാ
കുരൂംശ്ച ജേതാ സ്വഗണാംശ്ച ജേതാ।
അസ്മാത്പരോ നോ ഭവിതാ ധനുർധരോ
നൈഷ്യന്ന ഭൂതഃ കശ്ചിദേനം വിജേതാ॥ 8-73-11 (58443)
ഇച്ഛന്നയം സർവഭൂതാനി കുര്യാ--
ദ്വശീ വശേ സർവസമാപ്തവിദ്യഃ।
കാന്ത്യാ ശശാങ്കസ്യ ജവേന വായോഃ
സ്യൈര്യേണ മേരോഃ ക്ഷമയാ പൃഥിവ്യാഃ॥ 8-73-12 (58444)
അഗ്നേശ്ച താപേ ധനദസ്യ ലക്ഷ്ംയാ
ശൌര്യേണ ശക്രസ്യ ജയേന വിഷ്ണോഃ।
തുല്യോ മഹാത്മാ തവ കുന്തി പുത്രോ
ജാതോഽദിതേർവിഷ്ണുരിവാമിതൌജാഃ॥ 8-73-13 (58445)
സ്വേഷാം ജയായ ദ്വിഷതാം വധായ
ജാതോ മഹാത്മാ തവ നന്ദികർതാ।
ഇത്യന്തരിക്ഷേ ശതശൃംഗമൂർധ്നി
തപസ്വിനാം ശൃണ്വതാം വാഗുവാച॥ 8-73-14 (58446)
ഏവംവിധസ്ത്വം ന ച ഭൂതസ്തഥാദ്യ
ദേവാശ്ച നൂനമനൃതം വദന്തി॥ 8-73-15 (58447)
തഥാ പരേഷാമൃഷിസത്തമാനാം
ശ്രുത്വാ ഗിരഃ പൂജയതാം സദാ ത്വാം।
ന സന്നതിം യാമി സുയോധനസ്യ
ന ത്വാം ജാനാംയാധിരഥേർഭയാർതം॥ 8-73-16 (58448)
ത്വഷ്ട്രാ കൃതം വാഹമകൂജനാക്ഷം
ശുഭം സമാസ്ഥായ കപിധ്വജം തം।
ഖംഗം ഗൃഹീത്വാ ഹേമചിത്രാവനദ്വം
ധനുർവരം ഗാണ്ഡിവം താലമാത്രം।
ത്വം വാസുദേവേനോഹ്യമാനഃ കഥം നു
കർണാദ്ഭീതോ വ്യപയാതോഽസി പാർഥ॥ 8-73-17 (58449)
പൂർവം യദുക്തം ഹി സുയോധനേന
ന ഫൽഗുനഃ പ്രമുഖേ സ്ഥാസ്യതീതി।
കർണസ്യ യുദ്ധേ ഹി മഹാബലസ്യ
മൌർഖ്യാത്തു തന്നാവബുദ്ധം മയാഽസീത്॥ 8-73-18 (58450)
തേനാദ്യ തപ്സ്യേ ഭൃശമപ്രമേയം
യൻമിത്രവർഗോ നരകം പ്രവിഷ്ടഃ।
തദൈവ വാച്യോഽസ്മി നനു ത്വയാഽഹം
ന യോത്സ്യേഽഹം സൂതപുത്രം കഥഞ്ചിത്॥ 8-73-19 (58451)
തതോ നാഹം സൃഞ്ജയാൻകേകയാംശ്ച
സമാനയേയം സുഹൃദോ രണായ॥ 8-73-20 (58452)
ഏവം ഗതേ കിം ച മയാഽദ്യ ശക്യം
കാര്യം കർതും നിഗ്രഹേ സൂതജസ്യ।
തഥൈവ രാജ്ഞശ്ച സുയോധനസ്യ
യേ വാപി മാം യോദ്ധുകാമാഃ സമേതാഃ॥ 8-73-21 (58453)
ധിഗസ്തു മജ്ജീവിതമദ്യ കൃഷ്ണ
യോഽഹം വശം സൂതപുത്രസ്യ യാതഃ।
മധ്യേ കുരൂണാം സമുയോധനാനാം
യേ ചാപ്യന്യേ യോദ്ധുകാമാഃ സമേതാഃ॥ 8-73-22 (58454)
ഏകഃ സ മേ ഭീമസേനോഽദ്യം നാഥോ
യേനാഭിപന്നോഽസ്മി രണേ മഹാഭയേ।
വിമോച്യ മാം ചാപി രുപാന്വിതസ്തതഃ
ശരേണ തീക്ഷ്ണേന ബിഭേദ കർണം॥ 8-73-23 (58455)
ത്യക്ത്വാ പ്രാണാൻസമരേ ഭീമസേന--
ശ്ചക്രേ യുദ്ധം കുരുമുഖ്യൈഃ സമേതൈഃ।
ഗദാഗ്രഹസ്തോ രുധിരോക്ഷിതാംഗ--
ശ്ചരന്രണേ കാല ഇവാന്തകാലേ॥ 8-73-24 (58456)
അസൌ ഹി ഭീമസ്യ മഹാനിനാദോ
മുഹുർമഹുഃ ശ്രൂയതേ ധാർതരാഷ്ട്രൈഃ।
യദി സ്മ ജീവേത്സമരേ നിഹന്താ
മഹാരഥാനാം പ്രവരോ നരോത്തമഃ॥ 8-73-25 (58457)
തവാഭിമന്യുസ്തനയോഽദ്യ പാർഥ
ന ചാസ്മി ഗന്താ സമരേ പരാഭവം।
അഥാപി ജീവേത്സമരേ ഘടോത്കച--
സ്തഥാഽപി നാഹം സമരേ പരാങ്യുഖഃ॥ 8-73-26 (58458)
ഭീമസ്യ പുത്രഃ സമരാഗ്രയായീ
മഹാസ്ത്രവിന്നാപി തവാനുരൂപഃ।
യം തം xxxസാദ്യ രിപോർവലം നോ
നിമീലിതാക്ഷം ഭയവിപ്ലുതം ഭവേത്॥ 8-73-27 (58459)
xxxxxനിശി യുദ്ധമേക--
സ്ത്യക്സാ രണം യത്വ ഭയാദ്രവന്തേ॥ 8-73-28 (58460)
സ ചേത്സമാസാദ്യ മഹാനുഭാവഃ
കർണം രണേ ബാണഗണൈഃ പ്രമോഹ്യഃ।
ധൈര്യേ സ്ഥിതേനാപി ച സൂതജേന
ശക്യാ ഹതോ വാസവദത്തയാ തയാ॥ 8-73-29 (58461)
മമൈവ ഭാഗ്യാനി പുരാ കൃതാനി
പാപാനി നൂനം ഫലവന്തി യുദ്ധേ।
തൃണം ച കൃത്വാ സമരേ ഭവന്തം
തതോഽഹമേവം നികൃതോ ദുരാത്മനാ।
വൈകർതനേനൈവ തഥാ കൃതോഽഹം
യഥാ ഹ്യശക്തഃ ക്രിയതേ ത്വബാന്ധവഃ॥ 8-73-30 (58462)
ആപദ്ഗ്രതം യശ്ച നരോ വിമോക്ഷയേ--
ത്സ ബാന്ധവഃ സ്നേഹയുതഃ സുഹൃച്ച।
ഏവം പുരാണാ ഋഷയോ വദന്തി
ധർമഃ സദാ സദ്ഭിരനുഷ്ഠിതശ്ച॥ 8-73-31 (58463)
ഖംഗം വിഭ്രജ്ജാതരൂപത്സരും ച
ധനുർവേദം ഗാണ്ഡിവം താലമാത്രം।
സ കേശവേനോഹ്യമാനഃ കഥം നു
കർണാത്പാർഥസ്ത്വമപൈതും സമൈഷീഃ॥ 8-73-32 (58464)
സ ഗാണ്ഡീവം കേശവായ പ്രദായ
യന്താ ഭവേസ്ത്വം യദി കേശവസ്യ।
തതസ്തരേത്കേശവഃ കർണമുഗ്രം
മരുത്സസ്വോ വൃത്രമിവാത്തവജ്രഃ॥ 8-73-33 (58465)
മാസേഽപതിഷ്യോ യദി പഞ്ചമേ ത്വം
ന വാ ഗർഭോ യദ്യഭവഃ പൃഥായാഃ।
മത്തഃ ശ്രേയാന്രാജപുത്രോഽഭവിഷ്യ--
ന്ന തേ യശഃ ഫൽഗുന ഇത്യപേയാത്॥ ॥ 8-73-34 (58466)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ഏകസപ്തതിതമോഽധ്യായഃ॥ 71 ॥
॥ ശ്രീഃ ॥
8.72. അധ്യായഃ 072
Mahabharata - Karna Parva - Chapter Topics
xxxxxxxxxxxxx തേന തന്നിവേദനം॥ 1 ॥ കൃഷ്ണേന വധപ്രതിനിധിത്വേന യുധിഷ്ഠിരാധിക്ഷേപxxxxxxx॥ 2 ॥
Mahabharata - Karna Parva - Chapter Text
8-72-0 (58467)
സഞ്ജയ ഉവാച। 8-72-0x (5005)
യുധിഷ്ഠിരേണൈxxxxക്തഃ കൌന്തേയഃ ശ്വേതവാഹനഃ।
അസിം ജഗ്രാഹ സങ്ക്രുദ്ധോ ജിഘാംസുർഭരതർഷഭം॥ 8-72-1 (58468)
തസ്യ കോപം സമാജ്ഞായ ചിത്തജ്ഞഃ കേശവസ്തദാ।
ഉവാച കിമിദം ഖംഗം ഗൃഹ്ണാസ്യർജുന ശംമ മേ॥ 8-72-2 (58469)
നേഹ പശ്യാമി യോദ്ധവ്യം ത്വയാ കിഞ്ചിദ്വനഞ്ജയ।
നേഹാഗതാ ധാർതരാഷ്ട്രാഃ സർവേ ഭീമേന വാരിതാഃ॥ 8-72-3 (58470)
ഉപാഗതോഽസി കൌന്തേയ രാജാ ദ്രഷ്ടവ്യ ഇത്യസൌ।
സ രാജാ ഭവതാ ദൃഷ്ടഃ കുശലീ ച യുധിഷ്ഠിരഃ॥ 8-72-4 (58471)
തം ദൃഷ്ട്വാ നൃപശാർദൂലം ശാർദൂലസമവിക്രമം।
ഹർഷകാലേ ച സംപ്രാപ്തേ കസ്മാത്ത്വാം മന്യുരാവിശത്॥ 8-72-5 (58472)
ന തം പശ്യാമി കൌന്തേയ യസ്തേ വധ്യോ ഭവേദിഹ।
പ്രഹർതുമിച്ഛസേ കസ്മാത്കിം വാ തേ ചിത്തവിഭ്രമഃ॥ 8-72-6 (58473)
കസ്മാദ്ഭവാൻമഹാഖംഗം പരിഗൃഹ്ണാത്യകാരണാത്। 8-72-7 (58474)
തത്ത്വാം പൃച്ഛാമി കൌന്തേയ കിമിദം തേ ചികീർഷിതം।
പരാമൃശസി യത്ക്രുദ്ധഃ ഖംഗമദ്ഭുതവിക്രമ॥ 8-72-8 (58475)
ഏവമുക്തഃ കടാക്ഷേണ പ്രേക്ഷമാണോ യുധിഷ്ഠിരം।
അർജുനഃ പ്രാഹ ഗോവിന്ദം ക്രുദ്ധഃ സർപ ഇവ ശ്വസൻ॥ 8-72-9 (58476)
അന്യസ്മൈ ദേഹി ഗാണ്ഡീവമിതി മാം യഃ പ്രചോദയേത്।
ഭിന്ദ്യാമഹം തസ്യ ശിര ഇത്യുപാംശു വ്രതം മമ।
യുധിഷ്ഠിരേണ തേനാഹമുക്തശ്ചാസ്മി ജനാർദന॥ 8-72-10 (58477)
യദുക്തോഽഹമദീനാർഥം രാജ്ഞാഽനേന യശസ്വിനാ।
സമക്ഷം തവ ഗോവിന്ദ ന തത്ക്ഷന്തുമിഹോത്സഹേ॥ 8-72-11 (58478)
തസ്മാദേനം വിധിഷ്യാമി രാജാനം ധർമചാരിണാം।
പ്രതിജ്ഞാം പാലയിഷ്യാമി ഹത്വൈനം നരസത്തമം॥ 8-72-12 (58479)
ഏതദർഥം മയാ ഖഹ്ഗോ ഗൃഹീതോ യദുനന്ദന।
സോഽഹം യുധിഷ്ഠിരം ഹത്വാ സത്യസ്യാനൃണ്യതാം ഗതഃ।
വിശോകോ വിജ്വരശ്ചാപി ഭവിഷ്യാമി ജനാർദന॥ 8-72-13 (58480)
കിം വാ ത്വം മന്യസേ പ്രാപ്തമസ്മിൻകാര്യ ഉപസ്ഥിതേ।
ത്വമസ്യ ജഗതസ്താത വേത്ഥ സർവം ഗതാഗതം॥ 8-72-14 (58481)
`ജാതസ്ത്വത്തോ ഹി ധർമശ്ചാധർമശ്ചേതി പരാ ശ്രുതിഃ'।
തത്തഥാ പ്രകരിഷ്യാമി യഥാ മാം വക്ഷ്യതേ ഭവാൻ॥ 8-72-15 (58482)
സഞ്ജയ ഉവാച। 8-72-16x (5006)
ധിഗ്ധിഗിത്യേവ ഗോവിന്ദഃ പാർഥമുക്ത്വാബ്രവീത്പുനഃ॥ 8-72-16 (58483)
കൃഷ്ണ ഉവാച। 8-72-17x (5007)
ഇദാനീം പാർഥ ജാനാമി ന വൃദ്ധാഃ സേവിതാസ്ത്വയാ।
അകാലേ പുരുഷവ്യാഘ്ര സംരംഭം യദ്ഭവാനഗാത്॥ 8-72-17 (58484)
ന ഹി ധർമവിഗജ്ഞൈരേവം കാര്യം ധനഞ്ജയ।
യഥാ ത്വം പാണ്ഡവാദ്യേഹ ധർമഭീരുരണ്ഡിതഃ॥ 8-72-18 (58485)
യോഽകാര്യാണാം ക്രിയായാശ്ച സംയോഗം നാവബുധ്യതേ।
കാര്യാണാമക്രിയായാശ്ച സ പാർഥ പുരുഷാധമഃ॥ 8-72-19 (58486)
അനുസൃത്യ തു യേ ധർമം കവയഃ സമുപസ്ഥിതാഃ।
സമാസവിസ്തരവിദാം ന തേഷാം വേത്സി നിശ്ചയം॥ 8-72-20 (58487)
അനിശ്ചയജ്ഞോ ഹി നരഃ കാര്യാകാര്യവിനിശ്ചയേ।
ഏവം സ മുഹ്യത്യവശോ യഥാ ത്വം പാർഥ മുഹ്യസി॥ 8-72-21 (58488)
ന ഹി കാര്യമകാര്യം വാ സുഖം ജ്ഞാതും കഥഞ്ചന।
ശ്രുതേന ജ്ഞായതേ സർവം തച്ച ത്വം നാവഹുധ്യസേ॥ 8-72-22 (58489)
അവിജ്ഞാനാദിഹ ഭവാൻസത്യം രക്ഷതി ധർമവിത്।
പ്രാണിനാം ത്വം വധം പാർഥ ധാർമികോ നാവബുധ്യസേ॥ 8-72-23 (58490)
പ്രാണിനാം ഹി വധാത്താത വൃഥാ ധർമോ മതോ മമ।
അനൃതം തു ഭവേദ്വാച്യം ന തു ഹിംസാ കദാചന॥ 8-72-24 (58491)
സ കഥം ഭ്രാതരം ജ്യേഷ്ഠം രാജാനം ധർമകോവിദം।
ഹന്യാദ്ഭവാന്നരശ്രേഷ്ഠ പ്രാകൃതോഽന്യഃ പുമാനിവ॥ 8-72-25 (58492)
അയുധ്യമാനസ്യ ഗുരോസ്തഥാഽശത്രോശ്ച മാനദ।
പരാങ്മുഖസ്യ ദ്രവതഃ ശരണം ചാപി ഗച്ഛതഃ॥ 8-72-26 (58493)
കൃതാഞ്ജലേഃ പ്രപന്നസ്യ പ്രമത്തസ്യ തഥൈവ ച।
ന വധഃ പൂജ്യതേ സദ്ഭിസ്തച്ച സർവം ഗുരൌ തവ॥ 8-72-27 (58494)
ത്വയാ ചൈതദ്വ്രതം പാർഥ ബാലേനേവ കൃതം പുരാ।
തസ്മാദധർമസംയുക്തം മൌർഖ്യാദേവ വ്യവസ്യസി॥ 8-72-28 (58495)
സ്വഗുരും പാർഥ കസ്മാത്ത്വം ഹന്തുകാമോഽഭിധാവസി।
അസംപ്രധാര്യ ധർമാണാം ഗതിം സൂക്ഷ്മാം ദുരത്യയാം॥ 8-72-29 (58496)
ഇദം ധർമരഹസ്യം ച തവ വക്ഷ്യാമി പാണ്ഡവ।
യദ്ബ്രൂയാത്തവ ഭീഷ്മോ വാ രാജാ വാപി യുധിഷ്ഠിരഃ॥ 8-72-30 (58497)
വിദുരോ വാ പുനഃ ക്ഷത്താ ഗാന്ധാരീ വാ യശസ്വിനീ।
കുന്തീ വാ ഭരതശ്രേഷ്ഠ ദ്രൌപദീ വാ യശസ്വിനീ।
തത്തേ വക്ഷ്യാമി തത്ത്വേന നിബോധൈതദ്ധനഞ്ജയ॥ 8-72-31 (58498)
സത്യസ്യം വചനം സാധു ന സത്യാദ്വിദ്യതേ പരം।
സുദുർവിദം ഹി തത്ത്വേന തത്സത്യമിതി മേ സതിഃ॥ 8-72-32 (58499)
ഭവേത്സത്യമവക്തവ്യം വക്തവ്യമനൃതം ഭവേത്।
യത്രാനൃതം ഭവേത്സത്യം സത്യം ചാപ്യനൃതം ഭവേത്॥ 8-72-33 (58500)
വിവാഹകാലേ രതിസംപ്രയോഗേ
പ്രാണാത്യയേ സർവത്രനാപഹാരേ।
വിപ്രസ്യ ചാർഥേ ഹ്യനൃതം വദേത
പഞ്ചാനൃതാന്യാഹുരപാതകാനി॥ 8-72-34 (58501)
സർവസ്വസ്യാപഹാരേ തു വക്തവ്യമനൃതം ഭവേത്॥
തത്രാനൃതം ഭവേത്സത്യം സത്യം ചാപ്യനൃതം ഭവേത്॥ 8-72-35 (58502)
താദൃശോ ഹന്യതേ ബാലോ യസ്യ സത്യമനിശ്ചിതം।
സത്യാനൃതേ വിനിശ്ചിത്യ തതോ ഭവതി ധർമവിത്॥ 8-72-36 (58503)
കിമാശ്ചര്യം കൃതപ്രജ്ഞഃ പുരുഷോഽപി സുദാരുണഃ।
സുമഹത്പ്രാപ്നുയാത്പുണ്യം ബലാകോഽന്ധവധാദിവ॥ 8-72-37 (58504)
കിമാശ്ചര്യം പുനർമൂഢോ ധർമകാമോ ഹ്യപണ്ഡിതഃ।
സുമഹത്പ്രാപ്നുയാത്പാപമാപഗാസ്വിവ കൌശികഃ॥ 8-72-38 (58505)
അർജുന ഉവാച। 8-72-39x (5008)
ആചക്ഷ്വ ഭഗവന്നേതദ്യഥാ വിന്ദാംയഹം തഥാ।
വലാകസ്യാനുസംബദ്ധം നദീനാം കൌശികസ്യ ച॥ 8-72-39 (58506)
വാസുദേവ ഉവാച। 8-72-40x (5009)
മൃഗവ്യാധോഽഭവത്കശ്ചിദ്ബലാകോ നാമ ഭാരത।
യാത്രാർഥം പുത്രദാരാണാം മൃഗാൻഹന്തി ന കാമതഃ॥ 8-72-40 (58507)
വൃദ്ധൌ ച മാതാപിതരൌ ബിഭർത്യന്യാംശ്ച സംശ്രിതാൻ।
സ്വധർമനിരതോ നിത്യം സംവിഭജ്യാനസൂയകഃ॥ 8-72-41 (58508)
സ കദാചിൻമൃഗപ്രേപ്സുർനാന്വവിന്ദൻമൃഗം ക്വചിത്।
അഥാപശ്യത്സ പീവാനം ശ്വാപദം ഘ്രാണചക്ഷുഷം॥ 8-72-42 (58509)
അദൃഷ്ടപൂർവമപി തത്സത്വം തേന ഹതം തദാ।
അന്ധേ ഹതേ തതോ വ്യോംനഃ പുഷ്പവർഷം പപാത ച॥ 8-72-43 (58510)
അപ്സരോഗീതവാദിത്രൈർനാദിതം ച മനോരമം।
വിമാനമഗമത്സ്വർഗാൻമൃഗവ്യാധനിനീഷയാ॥ 8-72-44 (58511)
തദ്ഭൂതം സർവഭൂതാനാമഭാവായ കിലാർജുന।
തപസ്തപ്ത്വാ വരം പ്രാപ്തം കൃതമന്ധം സ്വയംഭുവാ॥ 8-72-45 (58512)
തദ്ധത്വാ സർവഭൂതാനാമഭാവകൃതനിശ്ചയം।
ബലാകോഽഗാത്സ്വർഗലോകമേവം ധർമഃ സുദുർവിദഃ॥ 8-72-46 (58513)
കൌശികോഽപ്യഭവദ്വിപ്രസ്തപസ്വീനോ ബഹുശ്രുതഃ।
നദീനാം സംഗമേ ഗ്രാമാദദൂരേ സ കിലാവസത്॥ 8-72-47 (58514)
സത്യം മയാ സദാ വാച്യമിതി തസ്യാഭവദ്ദ്വതം।
സത്യവാദീതി വിഖ്യാതഃ സ തദാസീദ്ധനഞ്ജയ॥ 8-72-48 (58515)
അഥ ദസ്യുഭയാത്കേചിത്തദാ തദ്വനമാവിശൻ।
തത്രാപി ദസ്യവഃ ക്രുദ്ധാസ്താനമാർഗന്ത യത്നതഃ॥ 8-72-49 (58516)
അഥ കൌശികമഭ്യേത്യ പ്രോചുസ്തേ സത്യവാദിനം।
കതരേണ പഥാ യാതാ ഭഗവന്നിതി വൈ ജനാഃ।
സത്യേന പൃഷ്ടഃ പ്രബ്രൂഹി യദി തദ്വേത്ഥ ശംസ നഃ॥ 8-72-50 (58517)
ശ്രീകൃഷ്ണ ഉവാച। 8-72-51x (5010)
സത്യസ്യ ത്വവിഭാഗജ്ഞഃ സത്യം തേഭ്യഃ ശശംസ ഹ।
ബഹുവൃക്ഷലതാഗുൽമമേതദ്ഗഹനമാശ്രിതാഃ।
ഇതി താൻഖ്യാപയാമാസ തേഭ്യസ്തത്ത്വം സ കൌശികഃ॥ 8-72-51 (58518)
തതസ്തേ താൻസമാസാദ്യ ക്രൂരാ ജഘ്നുരിതി ശ്രുതിഃ।
തതോഽധർമേണ മഹതാ വാഗ്ദുരുക്തേന കൌശികഃ॥ 8-72-52 (58519)
ഗതഃ സുകഷ്ടം നിരയം ധർമസൂക്ഷ്മേഷ്വതത്ത്വവിത്।
ദൃഷ്ടപൂർവശ്രുതോ മൂഢോ ധർമാണാമവിശാരദഃ॥ 8-72-53 (58520)
വൃദ്ധാനപൃച്ഛൻസന്ദേഹാനന്ധഃ ശ്വഭ്രമിവർച്ഛതി॥ 8-72-54 (58521)
തത്ര തേ ലക്ഷണോദ്ദേശഃ കശ്ചിദേവ ഭവിഷ്യതി।
ദുഷ്കരം പ്രതിസംഖ്യാനം കാർത്സ്ന്യേനാത്ര വ്യവസ്ഥിതിഃ॥ 8-72-55 (58522)
സത്യം ധർമ ഇതി ഹ്യേകേ വദന്തി ബഹവോ ജനാഃ।
ന ച പാർഥാഭ്യസൂയാമി നൈതത്സർവത്ര ശിഷ്യതേ॥ 8-72-56 (58523)
ശ്രുതിസ്തു ധാര്യാ ഇത്യേകേ വദന്തി ബഹവോ ജനാഃ।
ന ത്വേതത്പ്രത്യസൂയാമി തത്ര സർവം വിധീയതേ॥ 8-72-57 (58524)
യത്സ്യാദഹിംസാസംയുക്തം സ ധർമ ഇതി നിശ്ചയഃ।
അഹിംസാർഥായ ഹിംസ്രാണാം ധർമപ്രവചനം കൃതം।
ധാരണാദ്ധർമമിത്യാഹുർധർമോ ധാരയതേ പ്രജാഃ॥ 8-72-58 (58525)
പ്രഭവാർഥായ ഭൂതാനാം ധർമപ്രവചനം കൃതം।
യസ്മാത്പ്രഭവസംയുക്തഃ സ ധർമ ഇതി നിശ്ചയഃ॥ 8-72-59 (58526)
യേഽന്യായേന ജിഗീഷന്തോ ധർമം പൃച്ഛന്തി മാനവാഃ।
അകൂജനേന ചേൻമോക്ഷോ നാത്ര കൂജേത്കഥഞ്ചന॥ 8-72-60 (58527)
അവശ്യം കൂജിതവ്യേ ഹ ശങ്കേരന്വാപ്യകൂജനാത്।
യേഽന്യായേന ജിഹീർഷന്തോ ധർമം പൃച്ഛന്തി കസ്യചിത്।
ശ്രേയസ്തത്രാനൃതം വക്തും സത്യാദിതി വിനിശ്ചിത്ം॥ 8-72-61 (58528)
പ്രാണാത്യയേ വിവാഹേ വാ സർവജാത്യാ മഹാഭയേ।
സർവസ്വസ്യ ച ലോപേ വാ വക്തവ്യമനൃതം ഭവേത്॥ 8-72-62 (58529)
അധർമം ഹി ന പശ്യന്തി മൃഷോദ്യം തത്ര പണ്ഡിതാഃ।
സർവഥാഽഭിവദേത്തത്തു നാനൃതം സ്യാദ്വിചക്ഷണഃ॥ 8-72-63 (58530)
യഃ സ്തേനൈഃ സഹ സംബന്ധോ മുച്യതേ ശപഥാദപി।
ഭവേത്തത്രാനൃതം ശ്രേയഃ സത്യാദിതി വിചാരിതം॥ 8-72-64 (58531)
ന ച തേഭ്യോ ധനം ദേയം സത്യാദിതി കഥഞ്ചന।
പാപേഭ്യോഽപി ധനം ദത്തം ദാതാരമപി പീഡയേത്।
തസ്മാദ്ധർമാർഥമനൃതമുക്ത്വാ നാനൃതവാഗ്ഭവേത്॥ 8-72-65 (58532)
ഏഷ തേ ലക്ഷണോദ്ദേശോ മയോദ്ദിഷ്ടോ യഥാവിധി।
ഏതജ്ജ്ഞാത്വാ ബ്രൂഹി പാർഥ യദി വധ്യോ യുധിഷ്ഠിരഃ॥ 8-72-66 (58533)
അർജുന ഉവാച। 8-72-67x (5011)
യഥാ ബ്രൂയാൻമഹാപ്രാജ്ഞോ യഥാ ബ്രൂയാൻമഹായശാഃ॥ 8-72-67 (58534)
സുഹൃദ്ബ്രൂയാദ്യഥാഽസ്മാകം തഥോക്തം വചനം ത്വയാ।
ഭവാൻമാതൃസമോഽസ്മാകം ഭവാൻപിതൃസമോഽപി ച।
ഗതിശ്ച പരമാ കൃഷ്ണ ത്വമേവ ച പരായണം॥ 8-72-68 (58535)
ന ഹി തേ ത്രിഷു ലോകേഷു വിദ്യതേഽവിദിതം ക്വചിത്।
തസ്മാദ്ഭവാൻപരം ധർമം വേദ സർവം യഥാതഥം॥ 8-72-69 (58536)
അവധ്യം പാണ്ഡവം മന്യേ ധർമരാജം യുധിഷ്ഠിരം।
അധർമയുക്തേ സംയോഗേ ബ്രൂഹി കിഞ്ചിദനുഗ്രഹം॥ 8-72-70 (58537)
ഇദം ചാപരമത്രൈവ ബ്രൂഹി തത്ത്വം വിവക്ഷിതം॥ 8-72-71 (58538)
ജാനാസി ദാശാർഹ മമ വ്രതം തു
യോ മാം ബ്രൂയാത്കശ്ചന മാനുഷേഷു।
അന്യസ്മൈ ത്വം ഗാണ്ഡിവം ദേഹി പാർഥ
യോ മത്തോഽസ്ത്രേ വീര്യതോ വാ വിശിഷ്ടഃ॥ 8-72-72 (58539)
ഹന്യാമഹം കേശവ തം പ്രസഹ്യ
ഭീമോ ഹന്യാത്തൂവരകേതി ചോക്തഃ।
വൻമാം രാജാ ഹ്യുക്തവാംസ്തേ സമക്ഷം
ധനുർദേഹീത്യസകൃദ്വൃഷ്ണിവീരേ॥ 8-72-73 (58540)
തം ഹന്യാം ചേത്കേശവ ജീവലോകേ
സ്ഥാതാ നാഹം കാലമപ്യൽപമാത്രം।
ധ്യാത്വാ നൂനം ഹ്യേനസാ ചാപി മുക്തോ
വധം രാജ്ഞോ ഭ്രഷ്ടവീര്യോ വിചേതാഃ॥ 8-72-74 (58541)
യഥാ പ്രതിജ്ഞാ മമ ലോകബുദ്ധൌ
ഭവേത്സത്യാ ധർമഭൃതാം വരിഷ്ഠ।
യഥാ ജീവത്പാണ്ഡവോഽഹം ച കൃഷ്ണ
തഥാ ബുദ്ധിം ദാതുമപ്യർഹസി ത്വം॥ 8-72-75 (58542)
വാസുദേവ ഉവാച। 8-72-76x (5012)
രാജാ ശ്രാന്തോ വിക്ഷതോ ദുഃഖിതശ്ച
കർണേന സഹ്ഖ്യേ നിശിതൈർബാണസംഘൈഃ।
യശ്ചാനിശം സൂതപുത്രേണ വീര
ശരൈർഭൃശം താഡിതോ യുധ്യമാനഃ॥ 8-72-76 (58543)
അതസ്ത്വമേതേന സരോഷമുക്തോ
ദുഃഖാന്വിതേനേദമയുക്തരൂപം।
അകോപിതോ ഹ്യേഷ യദി സ്മ സംഖ്യേ
കർണം ന ഹന്യാദിതി ചാബ്രവീത്സഃ॥ 8-72-77 (58544)
ജാനാതി തം പാണ്ഡവ ഏഷ ചാപി
പാപം ലോകേ കർണമസഹ്യമന്യൈഃ।
തതസ്ത്വമുക്തോ ഭൃശരോഷിതേന
രാജ്ഞാ സമക്ഷം പരുഷാണി പാർഥ॥ 8-72-78 (58545)
നിത്യോദ്യുക്തേ സതതം ചാപ്രസഹ്യേ
കർണേ ദ്യൂതം ഹ്യദ്യ രണേ നിബദ്ധം।
തസ്മിൻഹതേ കുരവോ നിർജിതാഃ സ്യു--
രേവം ബുദ്ധിഃ പാർഥിവേ ധർമപുത്രേ॥ 8-72-79 (58546)
തതോ ബധം നാർഹതി ധർമപുത്ര--
സ്ത്വയാ പ്രതിജ്ഞാഽർജുന പാലനീയാ।
ജീവന്നയം യേന മൃതോ ഭവേദ്ധി
തൻമേ നിബോധേഹ തവാനുരൂപം॥ 8-72-80 (58547)
യദാ മാനം ലഭതേ മാനനാർഹ--
സ്തദാ സ വൈ ജീവതി ജീവലോകേ।
യദാഽവമാനം ലഭതേ മഹാന്തം
തദാ ജീവൻമൃത ഇത്യുച്യതേ സഃ॥ 8-72-81 (58548)
സംമാനിതഃ പാർഥിവോഽയം സദൈവ
ത്വയാ ച ഭീമേന തഥാ യമാഭ്യാം।
വൃദ്ധൈശ്ച ലോകേ പുരുഷൈശ്ച ശൂരൈ--
സ്തസ്യാപമാനം കലയാ പ്രയുങ്ക്ഷ്വ॥ 8-72-82 (58549)
ത്വമിത്യത്രഭവന്തം ഹി ബ്രൂഹി പാർഥ യുധിഷ്ഠിരം।
ത്വമിത്യുക്തോ ഹി നിഹതോ ഗുരുർഭവതി ഭാരത॥ 8-72-83 (58550)
ഏവമാചര കൌന്തേയ ധർമരാജേ യുധിഷ്ഠിരേ।
അധർമയുക്തം സംയോഗം കുരുഷ്വൈനം കുരൂദ്വഹ॥ 8-72-84 (58551)
അഥർവാംഗിരസീ ഹ്യേഷാ ശ്രുതീനാമുത്തമാ ശ്രുതിഃ।
അവിചാര്യൈവ കാര്യൈഷാ ശ്രേയസ്കാമൈർനരൈഃ സദാ॥ 8-72-85 (58552)
അവധേന വധഃ പ്രോക്തോ യദ്ഗുരുസ്ത്വമിതി പ്രഭുഃ।
തദ്ബ്രൂഹി ത്വം യൻമയോക്തം ധർമരാജസ്യ ധർമവിത്॥ 8-72-86 (58553)
യദാ ഹ്യം പാണ്ഡവ ധർമരാജ--
സത്വത്തോഽയുക്തം ലപ്സ്യതേ ചൈവ സാധു।
തതോഽസ്യ പാദാവഭിവാദ്യ പശ്ചാ--
ച്ഛ്രേയോ ബ്രൂയാത്സാന്ത്വയുക്തം ഹിതം ച॥ 8-72-87 (58554)
ഭ്രാതാ പ്രാജ്ഞസ്തവ കോപം ന ജാതു
കുര്യാദ്രാജാ ധർമമാർഗാനുസാരീ।
മുക്തോഽനൃതാദ്വാതൃവധാച്ച പാപാ--
ദ്ധൃഷ്ടഃ കർണം ത്വം ജഹി പാർഥ പശ്ചാത്॥ ॥ 8-72-88 (58555)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ദ്വിസപ്തതിതമോഽധ്യായഃ॥ 72 ॥
Mahabharata - Karna Parva - Chapter Footnotes
॥ ശ്രീഃ ॥
8.73. അധ്യായഃ 073
Mahabharata - Karna Parva - Chapter Topics
യുധിഷ്ഠിരാധിക്ഷേപാദാത്മവധോദ്യതം പാർഥം പ്രതി കൃഷ്ണേന തത്പ്രതിനിധിതയാ ആത്മപ്രശംസനചോദനാ॥ 1 ॥ അർജുനേനാത്മപ്രശംസനാനന്തരം യുധിഷ്ഠിരക്ഷമാപനം॥ 2 ॥
Mahabharata - Karna Parva - Chapter Text
8-73-0 (58556)
സഞ്ജയ ഉവാച। 8-73-0x (5013)
ഇത്യേവമുക്തസ്തു ജനാർദനേന
പാർഥഃ പ്രശസ്യാഥ സുഹൃദ്വചസ്തത്।
തതോഽബ്രവീദർജുനോ ധർമരാജ--
മനുക്തപൂർവം പരുഷം പ്രസഹ്യ॥ 8-73-1 (58557)
മാ ത്വം രാജന്വ്യാഹരസ്വാദ്യ പാപം
ത്വം തിഷ്ഠസി ക്രോശമാത്രേ വ്യപേത്യ।
ഭീമസ്തു മാമർഹതി ഗർഹണായ
യോ യുധ്യതേ സർവലോകപ്രവീരൈഃ॥ 8-73-2 (58558)
കാലേ ഹി ശത്രൂൻപരിപീഡ്യ വീരോ
ഹത്വാ പ്രവീരാന്വസുധാധിപാനാം।
രഥപ്രധാനോത്തമനാഗമുഖ്യാ
യുധിപ്രവീരാ നിഹതാശ്ച ശൂരാഃ॥ 8-73-3 (58559)
സുദുഷ്കരം കർമ കരോതി ഭീമഃ
കർതും യഥാ നാർഹതി കശ്ചിദന്യഃ।
രഥാദവസ്കന്ദ്യ ഗദാം പരാമൃശം--
സ്തഥാ രണേ ഹന്തി തഥൈവ വാരണാൻ॥ 8-73-4 (58560)
സ കുഞ്ജരാണാമധികം സഹസ്രം
ഹത്വാ നദംസ്തുമുലം സിംഹനാദം।
കാംഭോജവാനായുജപാർവതീയാ--
നീഹാമൃഗാഭാന്വിനിഹത്യ വാജിനഃ॥ 8-73-5 (58561)
മഹാരഥാന്ദവിരദാഞ്ശൈലകൽപാ--
ൻസഹേത യഃ കുഞ്ജരാന്വധ്യമാനാൻ।
അസൌ ഭീമോ ധാർതരാഷ്ട്രേഷു മഗ്നഃ
സ മാമുപാലബ്ധുമരിന്ദമോഽർഹതി॥ 8-73-6 (58562)
വരാസിനാ ചാഥ നരാശ്വകുഞ്ജരാം--
സ്തഥാ രഥാംഗൈർധനുഷാ ച ഹന്ത്യരീൻ।
പ്രമൃദ്യ പദ്ധ്യാമഹിതാംസ്തു ഹന്തി
പുനശ്ച ദോർഭ്യാം ശതമന്യുവിക്രമഃ॥ 8-73-7 (58563)
മഹാബലോ വൈശ്രവണാന്തകോപമഃ
പ്രസഹ്യ ഹർതാ ദ്വിഷതാം യശാംസി।
സ ഭീമസേനോഽർഹതി ഗർഹണായ
ന ത്വം നിത്യം രക്ഷ്യമാണഃ സുഹൃദ്ഭിഃ॥ 8-73-8 (58564)
കലിംഗവംഗാംഗനിപാദമാഗധാ--
ൻസദാ മഹാശൈലവലാഹകോപമാൻ।
നിഹന്തി യഃ ശത്രുഗണാനനേകശഃ
സ മാം ഹി വക്തും പ്രഭവത്യമാനഗസം॥ 8-73-9 (58565)
സംയുക്തമാസ്ഥായ രഥം ഹി കാലേ
ധനുർവിധൂന്വഞ്ഛരപൂർണമുഷ്ടിഃ।
സൃജേച്ച യോ ബാണസംഘാൻപരേഷു
മഹാബലോ മേഘ ഇവാംബുധാരാഃ॥ 8-73-10 (58566)
ശതാന്യഷ്ടൌ വാരണാനാമദർശയ--
ദ്വിശാതിതൈഃ കുംഭഘടാഗ്രഹസ്തൈഃ।
യോ ഭീമസേനോ നിഹതാരിസംഘഃ
സ മാമുപാലബ്ധുമരിന്ദമോഽർഹതി॥ 8-73-11 (58567)
രഥാശ്ച നാഗാശ്ച ഹയാശ്ച രാജ--
ൻഭീമേനാജൌ നിഹതാഃ സംഘശോഽദ്യ।
രാജാനശ്ച ബഹവോ മഹാബലാഃ
സ മാമുപാലബ്ധുമരിന്ദമോഽർഹതി॥ 8-73-12 (58568)
ധൃതരാഷ്ട്രപുത്രാ ബലിനശ്ച യേന
മഹാബലാ നിഹതാഃ പ്രായശോ വൈ।
ശൂരോ യുദ്ധേ ഹ്യപ്രതിവാര്യവീര്യഃ
സ മാമുപാലബ്ധുമരിന്ദമോഽർഹതി॥ 8-73-13 (58569)
പ്രതാപയംസ്തദ്ബലമുഗ്രരൂപം
യോഽസൌ രമേ ധാർതരാഷ്ട്രസ്യ വീരഃ।
ഏകഃ സഹേതാപ്രതിസഹ്യപൌരുഷ--
സ്തേനാസ്മി വാച്യോ ന ത്വയാ വൈ കദാചിത്॥ 8-73-14 (58570)
മഹാരഥാ യത്ര യത്രൈവ യുദ്ധേ
ഭിന്ദന്തി സൈന്യം തവ കാമതോഽദ്യ।
തത്രൈവ തത്രൈവ രണേ മഹാത്മാ
ദൃഢം ഭീമഃ പരസംഘാനമൃദ്രാത്॥ 8-73-15 (58571)
തേനാസ്മി വാച്യോ ന ത്വയാ ഹം കദാചി--
ൻമാ മാ വോചഃ ക്രൂരമിഹാദ്യ പാർഥ।
നാസ്മദ്വിധോ വൈ ഭവതാ തു വാച്യോ
യഥാ ഭവാൻസർവലോകസ്യ വാച്യഃ॥ 8-73-16 (58572)
ഏവം ഹി മാ തേ ബ്രുവതോ നരേന്ദ്ര
കഥം ന ദീര്യേച്ഛതധാഽദ്യ ജിഹ്വാ।
അഹോ ബതേദം സുനൃശംസരൂപം
കാമാദവോചസ്ത്വമിഹാദ്യ യദ്വൈ॥ 8-73-17 (58573)
ബലം ന വാധിഷ്ഠിതം സത്തമാനാം
യത്ക്ഷത്രിയാണാം ബഹുലം വദന്തി।
ത്വം ചാബലോ ഭാരത നിഷ്ഠുരോഽസി
ത്വമേവ മാം വേത്സി യഥാവിധോഽഹം॥ 8-73-18 (58574)
നകുലേന രാജൻഗജവാജിയോധാ
ഹതാശ്ച വീരാഃ സഹസാ സമേത്യ।
ത്യക്ത്വാ പ്രാണാൻസമരേ യുദ്ധകാങ്ക്ഷീ
സ മാമുപാലബ്ധുമരിന്ദമോഽർഹതി॥ 8-73-19 (58575)
കൃതം കർമ സഹദേവേന ദുഷ്കരം
യോ യുധ്യതേ പരസൈന്യാവമർദീ।
ന ചാബ്രവീത്കിഞ്ചിദിഹാഗതോ ബലീ
പശ്യാന്തരം തസ്യ ചേവാത്മനശ്ച॥ 8-73-20 (58576)
ധൃഷ്ടദ്യുംനഃ സാത്യകിർദ്രൌപദേയാ
യുധാമന്യുശ്ചോത്തമൌജാഃ ശിഖണ്ഡീ।
ഏതേഽദ്യ യുധി സംപ്രപീഡിതാ--
സ്തേ മാമുലപാലബ്ധുമർഹന്തി ന ത്വം॥ 8-73-21 (58577)
ത്വൻമൂലമസ്മാഭിരിദം ഹി വൈരം
പ്രാപ്തം തഥാ വ്യസനം ചാതിഘോരം।
ദ്യൂപ്രമത്തേന കൃതം ത്വയാഽസകൃ--
ത്കസ്മാദുപാലബ്ധുമിഹാർഹസി ത്വം॥ 8-73-22 (58578)
ത്വമേവ രാജൻസതതം പ്രമത്ത--
സ്ത്വമേവ മൂഢോ ഭാരതാനാമസാധുഃ।
ത്വാം പ്രാപ്യ രാജ്യം ച വിനഷ്ടമേത--
ത്പ്രാപ്താ മഹത്പാണ്ഡവാശ്ചാപി ദാസ്യം॥ 8-73-23 (58579)
ത്വത്തഃ കൃതോഽസ്മകദ്വനവാസദുഃഖം
രാജ്യസ്യ നാശോ ഹ്യഭിമന്യോശ്ച ഘോരഃ।
ആത്മാനമേവം സുനൃശംസരൂപം
ജ്ഞാത്വാ കിമർഥം ഗർഹസേ മാദ്യ വീര॥ 8-73-24 (58580)
ലജ്ജസ്വ രാജന്യദി തേഽസ്തി ലജ്ജാ
തൂഷ്ണീംഭൂതഃ പശ്യ സർവം കൃതഘ്നഃ।
ഭീമോ നിത്യം സമരസ്യ കർതാ
ദർപസ്യ ഭേത്താ പുനരേവ നിത്യം॥ 8-73-25 (58581)
സ്വയം ഹ്യശക്തേന നരേന്ദ്ര യുദ്ധേ
നരേണ കാര്യാ സതതം ക്ഷമൈവ।
ബലം ഹി വാചി ദ്വിജസത്തമാനാം
ക്ഷാത്രം ദ്വിജാ ബാഹുബലം വദന്തി॥ 8-73-26 (58582)
ത്വം വാഗ്ബലോ ഭാരത നിഷ്ഠുരോഽസി
ത്വമേവ മാം വേത്സി യഥാവിധോഽഹം।
ഘടാമി നിത്യം തവ കർതുമിഷ്ടം
ദാരൈഃ സുതൈർജീവിതേനാത്മനാ ച॥ 8-73-27 (58583)
ഏവഞ്ച മാം വാക്ഛലാകൈർഹിനത്സി
ത്വത്തഃ സുഖം ന വയം വിദ്മ കിഞ്ചിത്।
മാ മാമവംസ്ഥാ ദ്രൌപദീതൽപകസംസ്ഥോ
മഹാരഥാൻപ്രതിഹൻമി ത്വദർഥേ॥ 8-73-28 (58584)
സർവാതിശങ്കീ ഭവസി പ്രമത്ത--
സ്ത്വത്തഃ സുഖം നാഭിജാനാമി കിഞ്ചിത്।
പ്രോക്തഃ സ്വയം സത്യസന്ധേന മൃത്യു--
സ്തവ പ്രിയാർഥം നരദേവ യുദ്ധേ॥ 8-73-29 (58585)
ശിഖണ്ഡിനാംനാ പ്രധനേ തവാർഥേ
മയാഭിഗുപ്തേന ഹതശ്ച ഭീഷ്മഃ।
ദ്രോണോ ഹതോ യഃ സതതോപകാരീ
ധൃഷ്ടദ്യുംനേന സ്യന്ദനാദ്വിപ്രകൃഷ്ടഃ॥ 8-73-30 (58586)
ദ്രൌണിശ്ച രുദ്ധഃ സഗണോ മഹാത്മാ
തഥാപി തേ വൈ വചനം നൃശംസവത്।
ദുഃഖം പ്രിയം തേ നരദേവ കർതും
യസ്യ പ്രിയം തേ ന കരോംയഹം വൈ॥ 8-73-31 (58587)
ന യുച്യതേ വൈ ദിവി ചേഹ യഃ പുമാ--
ന്യസ്തേ മദന്യോഽപ്രിയമാരഭേത।
ന ചാഭിനന്ദാമി തഥാഹി രാജ്യം
യതസ്ത്വമക്ഷേഷു ദൃഢം പ്രസക്തഃ॥ 8-73-32 (58588)
സ്വയം കൃതം പാപമനാര്യജുഷ്ട--
മസ്മാഭിരാജൌ വ്യസനം തിതീർഷസി॥
അക്ഷേഷു ദോഷാ ബഹവോ വിധർംയാഃ
ശ്രുതാസ്ത്വയാ സഹദേവോഽബ്രവീദ്യാൻ॥ 8-73-33 (58589)
താന്നേച്ഛസി ത്യക്തുമനാര്യജുഷ്ടാ--
ൻഘോരേ സ്മ സർവേ നിരയേ ത്വയാഽസ്താഃ।
ത്വം ദേവിതാ ത്വത്കൃതേ രാജ്യനാശം--
സ്ത്വത്സംഭവം വ്യസനം നോ നരേന്ദ്ര॥ 8-73-34 (58590)
മാസ്മാൻക്രൂരൈർഷാക്പ്രതോദൈസ്തുദസ്ത്വം
ഭൂയോ രാജൻകോപയസ്യൽപബുദ്ധ്യാ॥ 8-73-35 (58591)
സഞ്ജയ ഉവാച। 8-73-36x (5014)
ഏതാ വാചഃ പരുഷാഃ സവ്യസാചീ
സ്ഥിരപ്രതിജ്ഞഃ ശ്രാവയിത്വാ നരേന്ദ്രം।
വിനിഃ ശ്വസഞ്ജ്യേഷ്ഠമനിഷ്ടമുക്ത്വാ
തതസ്തു കോശാദസിമുദ്വബർഹ॥ 8-73-36 (58592)
തമാഹ കൃഷ്ണഃ കിമിദം പുനർഭവാ--
ന്വികോശമാകാശനിഭം കരോത്യസിം।
പ്രബ്രൂഹി സത്യം പുനരുത്തരം സഖേ
വചഃ പ്രവക്ഷ്യാഭി തവാർഥസിദ്ധയേ॥ 8-73-37 (58593)
ഇതീവ പൃഷ്ടഃ പുരുഷോത്തമേന
സുദുഃഖിതഃ കേശവമാഹ പാർഥഃ।
അഹം ഹനിഷ്യേ സ്വശരീരമേത--
ത്പ്രസഹ്യ യേനാഹിതമുക്തവാൻഗുരും॥ 8-73-38 (58594)
നിശംയ തത്പാർഥവചോഽബ്രവീദിദം
ജനാർദനോ ധർമഭൃതാം വരിഷ്ഠഃ।
പ്രബ്രൂഹി പാർഥ സ്വഗുണാനിഹാത്മന--
സ്തതോ ഹതാത്മാ ഭവസീതി നിശ്ചയഃ॥ 8-73-39 (58595)
തഥാ തു കൃഷ്ണസ്യ വചോ നിശംയ
തതോഽർജുനഃ പ്രാഹ ധനുഃ പ്രഗൃഹ്യ।
യുധിഷ്ഠിരം ധർമഭൃതാം വരിഷ്ഠം
ശൃണുഷ്വ രാജന്നിതി ദുർവചഃ സ്വയം॥ 8-73-40 (58596)
അർജുന ഉവാച। 8-73-41x (5015)
ന മാദൃശോഽന്യോ നരദേവ വിദ്യതേ
ധനുർധരോ ദേവമൃതേ പിനാകിനം।
അഹം ഹി തേനാനുമതോ മഹാത്മനാ
ക്ഷണേന ഹന്യാം സചരാചരം ജഗത്॥ 8-73-41 (58597)
മയാ ഹി രാജൻസദിഗീശ്വരാ ദിശോ
വിജിത്യ സർവാ ഭവതഃ കൃതാ വശേ।
സ രാജസൂയശ്ച സമാപ്തദക്ഷിണഃ
സഭാ ച ദിവ്യാ ഭവതോ മമൌജസാ॥ 8-73-42 (58598)
പാണീ പൃഷത്കാലിഖിതാവിമൌ പുന--
ർധനുശ്ച സവ്യേ വിതതം സബാണം।
പാദൌ ച മേ ലക്ഷണതഃ പ്രശസ്തൌ
ന മാദൃശം യുദ്ധഗതം ജയന്തി॥ 8-73-43 (58599)
ഹതാ ഉദീച്യാ നിഹതാഃ പ്രതീച്യാഃ
പ്രാച്യാ നിരസ്താ ദാക്ഷിണാത്യാ വിശസ്താഃ।
സംശപ്തകാനാം കിഞ്ചിദേവാവശിഷ്ടം
സർവസ്യ ലോകസ്യ ഹതം മയാഽർധം॥ 8-73-44 (58600)
ശേതേ മയാ നിഹതാ ശത്രുസേനാ
ഛിന്നൈർഗാത്രൈർഭൂമിതലേ സ്ഖലന്തീ।
അനസ്ത്രജ്ഞാന്നൈവ നിഹൻമി ചാസ്ത്രൈ--
സ്തസ്മാന്ന ഭസ്മൈവ കരോമി ലോകാൻ॥ 8-73-45 (58601)
ജൈത്രം രഥം ഭീമമാസ്ഥായ കൃഷ്ണ
യാവച്ഛീഘ്രം സൂതപുത്രം നിഹന്തും।
രാജാ ഭവത്വദ്യ സുനിർവൃതോഽയം
കർണം രണേ നാശയിതാസ്മി ബാണൈഃ॥ 8-73-46 (58602)
ഇത്യേവമുക്ത്വാ പുനരാഹ പാർഥോ
യുധിഷ്ഠിരം ധർമഭൃതാം വരിഷ്ഠം।
അദ്യാപുത്രാ സൂതമാതാ ഭവിത്രീ
കുന്തീ വാഥോ വാ മയാ തേന വാപി।
സത്യം വദാംയദ്യ ന കർണമാജൌ
ശരൈരഹത്വാ കവചം വിമോക്ഷ്യേ॥ 8-73-47 (58603)
സഞ്ജയ ഉവാച। 8-73-48x (5016)
ഇത്യേവമുക്ത്വാ പുനരേവ പാർഥോ
യുധിഷ്ഠിരം ധർമഭൃതാം വരിഷ്ഠം।
വിമുച്യ ശസ്ത്രാണി ധനുർവിസൃജ്യ
കോശേ ച ഖംഗം വിനിധായ തൂർണം॥ 8-73-48 (58604)
സ വ്രീഡയാ നംരശിരാഃ കിരീടീ
യുധിഷ്ഠിരം പ്രാഞ്ജലിരഭ്യുവാച।
പ്രസീദ രാജൻക്ഷമ യൻമയോക്തം
കാലേ ഭവാന്വേത്സ്യതി തന്നമസ്തേ॥ 8-73-49 (58605)
തതസ്തു പാദാവുപഗൃഹ്യ പാർഥഃ
സമുത്ഥിതോ ദീപ്തതേജാഃ കിരീടി।
പ്രസാദ്യ രാജാനമമിത്രസാഹം
സ്ഥിതോഽബ്രവീച്ചൈനമഭിപ്രതപ്തം॥ 8-73-50 (58606)
യാംയേഷ ഭീമം സമരാദ്വിമോക്തും
സർവാത്മനാ സൂതപുത്രം ച ഹന്തും।
ഭവത്പ്രിയാർഥം മമ ജീവിതം ഹി
ബ്രവീമി സത്യം തദവേഹി രാജൻ॥ 8-73-51 (58607)
നേദം ചിരാത്ക്ഷിപ്രമിദം ഭവിഷ്യ--
ദാവർതതേഽസാവഭിയാമി ചൈനം।
അദ്യാപ്യപുത്രാ തേന ഹതേന രാധാ
കുന്തീ മയാ വാ തദിദം വിദ്ധി രാജൻ॥ ॥ 8-73-52 (58608)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ത്രിസപ്തതിതമോഽധ്യായഃ॥ 73 ॥
Mahabharata - Karna Parva - Chapter Footnotes
॥ ശ്രീഃ ॥
8.74. അധ്യായഃ 074
Mahabharata - Karna Parva - Chapter Topics
അർജുനകൃതാവമാനാദ്വനം യിയാസോര്യുധിഷ്ഠിരസ്യ കൃഷ്ണേന പരിസാന്ത്വനം॥ 1 ॥
Mahabharata - Karna Parva - Chapter Text
8-74-0 (58609)
സഞ്ജയ ഉവാച। 8-74-0x (5017)
ഏതച്ഛ്രുത്വാ പാണ്ഡവോ ധർമരാജോ
ഭ്രാതുർവാക്യം പരുഷം ഫൽഗുനസ്യ।
ഉത്ഥായ തസ്മാച്ഛയനാദുവാച
പാർഥം തതോ ദുഃഖപരീതചേതാഃ॥ 8-74-1 (58610)
കൃതം മയാ പാർഥം ന സാധുകർമ
യേന പ്രാപ്തം വ്യസനം വഃ സുഘോരം।
തസ്മാച്ഛിരശ്ഛിന്ധി മമൈതദദ്യ
കുലാന്തകസ്യാധമപൂരുഷസ്യ॥ 8-74-2 (58611)
പാപസ്യ പാപ്മോഹതസ്യ വീര
വിമൂഢബുദ്ധേരലസസ്യ ഭീരോഃ।
വൃദ്ധാവമൻസുഃ പരുഷത്യ ചൈവ
കിം തേ ചിരം മാമനുസൃജ്യ രൂക്ഷം॥ 8-74-3 (58612)
ഗച്ഛാംയഹം വനമദ്യൈവ പാപഃ
സുഖം ഭവാന്വർതതാം മദ്വിഹീനഃ।
യോഗ്യോ രാജാ ഭീമസേനോ മഹാത്മാ
ക്ലീബസ്യ കിം വാ മമ രാജ്യകൃത്യം॥ 8-74-4 (58613)
ന ചാപി ശക്തഃ പരുഷാണി സോഢും
പുനസ്തവേമാനി രുഷാന്വിതസ്യ।
ഭീമോഽസ്തു രാജാ മമ ജീവിതേന
ന കാര്യമദ്യാവമതസ്യ വീര॥ 8-74-5 (58614)
ഇത്യേവമുക്ത്വാ സഹസോത്പപാത
രുഷാന്വിതസ്തച്ഛയനം വിഹായ।
ഇയേഷ നിർഗന്തുമഥോ വനായ
തം വാസുദേവഃ പ്രണതോഽഭ്യുവാച॥ 8-74-6 (58615)
ന രാജന്വിദിതം തത്തേ യഥാ ഗാണ്ഡീവധന്വനഃ।
പ്രതിജ്ഞാ സത്യസന്ധസ്യ ഗാണ്ഡീവം പ്രതി വിശ്രുതാ॥ 8-74-7 (58616)
ബ്രൂയാദ്യ ഏനം ഗാണ്ഡീവം ദേഹ്യന്യസ്മൈ ത്വമിത്യുത।
വധ്യോഽസ്യ സ പുമാംʼല്ലോകേ ത്വയാ ചോക്തോയമീദൃശം॥ 8-74-8 (58617)
തതഃ സത്യാം പ്രതിജ്ഞാം താം പാർഥേന പ്രതിരക്ഷതാ।
മച്ഛന്ദാദവമാനോഽയം കൃതസ്തവ മഹീപതേ॥ 8-74-9 (58618)
ഗുരൂണാമവമാനോ ഹി വധ ഇത്യഭിധീയതേ।
തസ്മാത്ക്ഷമ മഹാബാഹോ മമ പാർഥസ്യ ചോഭയോഃ॥ 8-74-10 (58619)
വ്യതിക്രമമിമം രാജൻസത്യസംരക്ഷണം പ്രതി।
ശരണം ത്വാം മഹാരാജ പ്രതിപന്നാവുഭാവപി॥ 8-74-11 (58620)
ക്ഷന്തുമർഹസി മേ രാജൻപ്രണതസ്യാഭിയാചതഃ।
രാധേയസ്യാദ്യ പാപസ്യ ഭൂമിഃ പാസ്യതി ശോണിതം॥ 8-74-12 (58621)
സത്യം തേ പ്രതിജാനാമി ഹതം വിദ്വ്യദ്യ സൂതജം।
യസ്യേച്ഛസി വധം തസ്യ ഗതമേവാദ്യ ജിവീതം॥ 8-74-13 (58622)
ഇതി കൃഷ്ണവചഃ ശ്രുത്വാ ധർമരാജോ യുധിഷ്ഠിരഃ।
സസംഭ്രമം ഹൃഷീകേശമുത്ഥാപ്യ പ്രണതം തദാ।
കൃതാഞ്ജലിമുവാചേദം വാക്യം യത്സമനന്തരം॥ 8-74-14 (58623)
ഏവമേവ യഥാത്ഥ ത്വമസ്ത്യേഷോഽതിക്രമോ മമ।
അനുനീതോഽസ്മി ഗോവിന്ദ താരിതശ്ചാസ്മി മാധവ॥ 8-74-15 (58624)
മോചിതാ വ്യസനാദ്ധോരാദ്വയമദ്യ ത്വയാച്യുത।
ഭവന്തം നാവമാസാദ്യ ഹ്യാവാം വ്യസനസാഗരാത്।
ഘോരാദദ്യ സമുത്തീർണാവുഭാവജ്ഞാനമോഹിതൌ॥ 8-74-16 (58625)
ത്വദ്ബുദ്ധിപ്ലവമാസാദ്യ ദുഃഖശോകാർണവാദ്വയം।
സമുത്തീർണാഃ സഹാമാത്യാഃ സനാഥാഃ സ്മ ത്വയാച്യുത॥ ॥ 8-74-17 (58626)
ഇതി ശ്രീമൻമഹാഭാരതേ കർണപർവണി ചതുഃസപ്തതിതമോഽധ്യായഃ॥ 74 ॥
॥ ശ്രീഃ ॥
8.75. അധ്യായഃ 075
Mahabharata - Karna Parva - Chapter Topics
അർജുനേന സ്വാവമാനിതസ്യ യുധിഷ്ഠിരസ്യ പ്രസാദനം॥ 1 ॥ അർജുനേന യുധിഷ്ഠിരാഗ്രേ കർണവധപ്രതിജ്ഞാനം॥ 2 ॥
Mahabharata - Karna Parva - Chapter Text
8-75-0 (58627)
സഞ്ജയ ഉവാച। 8-75-0x (5018)
ഇതി സ്മ കൃഷ്ണവചനാത്പ്രത്യുച്ചാര്യ യുധിഷ്ഠിരം।
ബഭൂവ വിമനാഃ പാർഥഃ കിഞ്ചിത്കൃത്വേവ പാതകം॥ 8-75-1 (58628)
തതോഽബ്രവീദ്വാസുദേവഃ പ്രഹസന്നിവ പാണ്ഡവം।
കഥം നാമ ഭവേദേതദ്യദി ത്വം പാർഥ ധർമജം॥ 8-75-2 (58629)
അസിനാ തീക്ഷ്ണധാരണേ ഹന്യാ ധർമേ വ്യസ്ഥിതം।
ത്വമിത്യുക്ത്വാഥ രാജാനമേവം കശ്മലമാവിശഃ॥ 8-75-3 (58630)
ഹത്വാ തു നൃപതിം പാർഥ കരിഷ്യസി കിമുത്തരം।
ഏവം ഹി ദുർവിദോ ധർമോ മന്ദപ്രജ്ഞൈർവിശേഷതഃ॥ 8-75-4 (58631)
സ ഭവാന്ധർമഭീരുത്വാദ്ധവം യായാൻമഹത്തമഃ।
നരകം ഘോരരൂപം ച ഭ്രാതുർജ്യേതുസ്യ വൈ വഥാത്॥ 8-75-5 (58632)
സ ത്വം ധർമഭൃതാം ശ്രേഷ്ഠം രാജാനം ധർമസംഹിതം।
പ്രസാദയ കുരുശ്രേഷ്ഠമേതദത്ര മതം മമ॥ 8-75-6 (58633)
പ്രസാദ്യ ഭക്ത്യാ രാജാനം പ്രീതേ ചൈവ യുധിഷ്ഠിരേ।
പ്രയാവസ്ത്വരിതൌ യോദ്ധും സൂതപുത്രരഥം പ്രതി॥ 8-75-7 (58634)
ഹത്വാ തു സമരേ കർണം ത്വമദ്യ നിശിതൈഃ ശരൈഃ।
വിപുലാം പ്രീതിമാധത്സ്വ ധർമപുത്രസ്യ മാനദ॥ 8-75-8 (58635)
ഏതദത്ര മഹാബാഹോ പ്രാപ്തകാലം മതം മമ।
ഏവം കൃതേ കൃതം ചൈവ തവ കാര്യം ഭവിഷ്യതി॥ 8-75-9 (58636)
സഞ്ജയ ഉവാച। 8-75-10x (5019)
തതോഽർജുനോ മഹാരാജ ലജ്ജപാ വൈ സമന്വിതഃ।
ധർതരാജസ്യ ചരണൌ പ്രപദ്യ ശിരസാ നതഃ॥ 8-75-10 (58637)
ഉവാച ഭരതശ്രേഷ്ഠം പ്രസീദേതി പുനഃ പുനഃ।
ക്ഷമസ്വ രാജന്യത്പ്രോക്തസ്ത്വം മയാ ധർമഭീരുണാ॥ 8-75-11 (58638)
പാദയോഃ പതിതം ദൃഷ്ട്വാ ധർമരാജോ യുധിഷ്ഠിരഃ।
ധനഞ്ജയമമിത്രഘ്നം രുദന്തം ഭരതർഷഭം॥ 8-75-12 (58639)
ഉത്ഥാപ്യ ഭ്രാതരം രാജാ ധർമരാജോ ധനഞ്ജയം।
സമാശ്ലിഷ്യ ച സസ്നേഹം പ്രരുരോദ മഹീപതിഃ॥ 8-75-13 (58640)
രുദിത്വാ സുചിരം കാലം ഭ്രാതരൌ സുമഹാദ്യുതീ।
കൃതശൌചൌ മഹാരാജ പ്രീതിമന്തൌ ബഭൂവതുഃ॥ 8-75-14 (58641)
തത ആശ്ലിഷ്യ തം പ്രേംണാ മൂർധ്നി ചാഘ്രായ പാണ്ഡവഃ।
പ്രീത്യാ പരമയാ യുക്തോ വിസ്മയംശ്ച പുനഃപുനഃ।
അബ്രവീത്തം മഹേഷ്വാസം ധർമരാജോ ധനഞ്ജയം॥ 8-75-15 (58642)
കർണേന മേ മഹാബാഹോ സർവസൈന്യസ്യ പശ്യതഃ।
കവചം ച ധ്വജം ചൈവ ധനുഃ ശക്തിർഹയാഃ ശരാഃ।
ശരൈഃ കൃത്താ മഹേഷ്വാസ യതമാനസ്യ സംയുഗേ॥ 8-75-16 (58643)
സോഽഹം ദൃഷ്ട്വാ രണേ തസ്യ കർണ കർണസ്യ ഫൽഗുന।
വ്യവസീദാമി ദുഃഖേന ന തു മേ ജീവിതം പ്രിയം॥ 8-75-17 (58644)
ന ചേദദ്യ ഹി തം വീരം നിഹനിഷ്യസി സംയുഗേ।
പ്രാണാനേവ പരിത്യക്ഷ്യേ ജീവിതാർഥോ ഹി കോ മമ॥ 8-75-18 (58645)
ഏവമുക്തഃ പ്രത്യുവാച വിജയോ ഭരതർഷഭ॥ 8-75-19 (58646)
സത്യേന തേ ശപേ രാജംസ്ത്വത്പാദേന തഥൈവ ച।
ഭീമേന ച നരശ്രേഷ്ഠ യമാഭ്യാം ച മഹീപതേ॥ 8-75-20 (58647)
`അഹമേനം നരശ്രേഷ്ഠ സാമാത്യം ച മഹീപതേ'।
യഥാദ്യ സമരേ കർണം ഹനിഷ്യാമി ഹതോപി വാ।
മഹീതലേ പതിഷ്യാമി സത്യേനായുധമാലഭേ॥ 8-75-21 (58648)
ഏവമാഭാഷ്യ രാജാനമബ്രവീൻമാധവം വചഃ।
അദ്യ കർണം രണേ കൃഷ്ണ സൂദയിഷ്യേ ന സംശയഃ।
ത്വമനുധ്യാഹി ഭദ്രം തേ വധം തസ്യ ദുരാത്മനഃ॥ 8-75-22 (58649)
ഏവമുക്തോഽബ്രവീത്പാർഥം കേശവോ രാജസത്തമ।
ശക്തോഽസി ഭരതശ്രേഷ്ഠ യത്നം കർതും യദാത്ഥ മാം॥ 8-75-23 (58650)
ഏഷ ചാപി ഹി മേ കാമോ നിത്യമേവ മഹാരഥ।
കഥം ഭവാന്രണേ കർണം നിഹന്യാദിതി സത്തമ॥ 8-75-24 (58651)
ഏവമുക്തസ്തതോ രാജൻപാർഥോ വചനമബ്രവീത്।
ഹന്യതേ ദ്വൈരഥേ ഭൂയോ യുജ്യന്താം വൈ രഥോത്തമേ॥ 8-75-25 (58652)
ഉപാവൃത്താശ്ച തുരഗാഃ ശിക്ഷിതാശ്ചാശ്വസാദിഭിഃ।
രഥോപകരണൈഃ സർവൈഃ സത്വരം യാതു മേ രഥഃ॥ 8-75-26 (58653)
ഏവമുക്തോ മഹാരാജ ഫൽഗുനേന മഹാത്മനാ।
ഉവാച ദാരുകം കൃഷ്ണഃ കുരു സർവം യദബ്രവീത്।
അർജുനോ ഭാരതശ്രേഷ്ഠഃ ശ്രേഷ്ഠഃ സർവധനുഷ്മതാം॥ 8-75-27 (58654)
ആജ്ഞപ്തസ്ത്വഥ കൃഷ്ണേന ദാരുകോ രാജസത്തമ।
യോജയാമാസ ച രഥം വൈയാഘ്നം ശത്രുതാപനം।
സജ്ജം നിവേദയാമാസ പാണ്ഡവസ്യ മഹാത്മനഃ॥ 8-75-28 (58655)
യുക്തം തു രഥമാസ്ഥായ ദാരുകേണ മഹാത്മനാ।
ഉപസ്ഥിതം രഥം ദൃഷ്ട്വാ പദ്മനാഭോ രണാന്തകൃത്।
ഭൂയശ്ചോവാച മതിമാൻമാധവോ ധർമനന്ദനം॥ 8-75-29 (58656)
യുധിഷ്ഠിരേമം ബീഭത്സും ത്വം സാന്ത്വയിതുമർഹസി।
അനുജ്ഞാതും ച കർണസ്യ വധായാദ്യ ദുരാത്മനഃ॥ 8-75-30 (58657)
ശ്രുത്വാ ഹ്യാവാം മഹാസംഖ്യേ ത്വാം കർണശരപീഡിതം।
പ്രവൃത്തിം ജ്ഞാതുമായാതാവിഹാവാം പാണ്ഡുനന്ദന॥ 8-75-31 (58658)
ദിഷ്ട്യാസി രാജന്വിരുജോ ദിഷ്ട്യാ ന ഗ്രഹണം ഗതഃ।
പരിസാന്ത്വയ ബീഭത്സും ജയമാശാധി ചാനഘ॥ 8-75-32 (58659)
യുധിഷ്ഠിര ഉവാച। 8-75-33x (5020)
ഏഹ്യേഹി പാർഥ ബീഭത്സോ മാം പരിഷ്വജ പാണ്ഡവ।
വക്തവ്യമുക്തോസ്ംയഹിതം ത്വയാ ക്ഷാന്തം ച തൻമയാ॥ 8-75-33 (58660)
അഹം ത്വാമനുജാനാമി ജഹി കർണം ധനഞ്ജയ।
മന്യും ച മാ കൃഥാഃ പാർഥ യൻമയോക്തോഽസി ദാരുണം॥ 8-75-34 (58661)
സഞ്ജയ ഉവാച। 8-75-35x (5021)
തതോ ധനഞ്ജയോ രാജഞ്ശിരസാ പ്രണതസ്തദാ।
പാദൌ ജഗ്രാഹ പാണിഭ്യാം ഭ്രാതുർജ്യേഷ്ഠസ്യ മാരിഷ॥ 8-75-35 (58662)
തമുത്ഥാപ്യ തതോ രാജാ പരിഷ്വജ്യ ച പീഡിതം।
മൂർധ്നുപാഘ്രായ ചൈവൈനമിദം പുനരുവാച ഹ॥ 8-75-36 (58663)
ധനഞ്ജയ മഹാബാഹോ മാനിതോഽസ്മി ദൃഢം ത്വയാ।
മാഹാത്ംയം വിജയം ചൈവം ഭൂയഃ പ്രാപ്നുഹി ശാശ്വതം॥ 8-75-37 (58664)
അർജുന ഉവാച। 8-75-38x (5022)
അദ്യ തം പാപകർമാണം സാനുബന്ധം രണേ ശരൈഃ।
നയാംയന്തം സമാസാദ്യ രാധേയം ബലഗർവിതം॥ 8-75-38 (58665)
യേന ത്വം പീഡിതോ ബാണൈർദൃഢമായംയ കാർമുകം।
തസ്യാദ്യ കർമണഃ കർണഃ ഫലമാപ്സ്യതി ദാരുണം॥ 8-75-39 (58666)
അദ്യ ത്വാമുപയാസ്യാമി കർണം ഹത്വാ മഹീപതേ।
സഭാജയേ ത്വാമാക്രന്ദാദിതി സത്യം ബ്രവീമി തേ॥ 8-75-40 (58667)
നാഹത്വാ വിനിഷർതിഷ്യേ കർണമദ്യ രണാജിരാത്।
ഇതി സത്യേന തേ പാദൌ സ്പൃശാമി ജഗതീപതേ॥ 8-75-41 (58668)
സഞ്ജയ ഉവാച। 8-75-42x (5023)
ഇതി ബ്രുവാണം സുമനാഃ കിരീടിനം
യുധിഷ്ഠിരഃ പ്രാഹ വചോ ബൃഹത്തരം।
യശോഽക്ഷയം ജീവിതമീപ്സിതം തേ
ജയം സദാ വീര്യമരിക്ഷയം തദാ॥ 8-75-42 (58669)
പ്രയാഹി വൃദ്ധിം ച ദിശന്തു ദേവതാ
യഥാഹമിച്ഛാമി തവാസ്തു തത്തഥാ।
പ്രയാഹി ശീഘ്രം ജഹി കർണമാഹവേ
പുരന്ദരോ വൃത്രമിവാത്മവൃദ്വയേ॥ ॥ 8-75-43 (58670)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ പഞ്ചസപ്തതിതമോഽധ്യായഃ॥ 75 ॥
॥ ശ്രീഃ ॥
8.76. അധ്യായഃ 076
Mahabharata - Karna Parva - Chapter Topics
കർണേന യോദ്ധുംനിർഗച്ഛതോഽർജുനസ്യ ശുഭനിമിത്തപ്രാദുർഭാവഃ॥ 1 ॥ ശ്രീകൃഷ്ണേനാർജുനസ്യ പ്രോത്സാഹനം॥ 2 ॥
Mahabharata - Karna Parva - Chapter Text
8-76-0 (58671)
സഞ്ജയ ഉവാച। 8-76-0x (5024)
പ്രസാദ്യ ധർമരാജാനം പ്രഹൃഷ്ടേനാന്തരാത്മനാ।
സംപൂജ്യ ദേവതാഃ സർവ ബ്രാഹ്മണാൻസ്വസ്തി വാച്യ ച।
സുമംഗലം സ്വസ്ത്യയനമാരുരോഹ രഥോത്തമം॥ 8-76-1 (58672)
തസ്യ രാജാ മഹാപ്രാജ്ഞോ ധർമരാജോ യുധിഷ്ഠിരഃ।
ആശിഷോഽയുങ്ക്ത പരമാഃ യുക്തം കർണരഥം പ്രതി॥ 8-76-2 (58673)
തമായാന്തം മഹേഷ്വാസം ദൃഷ്ട്വാ ഭൂതാനി ഭാരത।
നിഹതം മേനിരേ കർണം പാണ്ഡവേന മഹാത്മനാ॥ 8-76-3 (58674)
ബഭൂവുർവിമലാഃ സർവാ ദിശോ രാജൻസമന്തതഃ।
ചാഷാശ്ച ശതപത്രാശ്ച ക്രൌഞ്ചാശ്ചൈവ ജനേശ്വര।
പ്രദക്ഷിണമകുർവന്ത തദാ വൈ പാണ്ഡുനന്ദനം॥ 8-76-4 (58675)
ബഹവഃ പക്ഷിണോ രാജൻപുന്നാമാനഃ ശുഭാഃ ശിവാഃ।
ത്വരയന്തോഽർജുനം യുദ്ധേ ഹൃഷ്ടരൂപാ വവാശിരേ॥ 8-76-5 (58676)
കങ്കാ ഗൃധ്രാ ബകാഃ ശ്യേനാ വായസാശ്ച വിശാംപതേ।
അഗ്രതസ്തസ്യ ഗച്ഛന്തി ഭക്ഷ്യഹേതോർഭയാനകാഃ॥ 8-76-6 (58677)
നിമിത്താനി ച ധന്യാനി പാണ്ഡവസ്യ ശശംസിരേ।
വിനാശമരിസൈന്യാനാം കർണസ്യ ച വധം തഥാ॥ 8-76-7 (58678)
പ്രയാതസ്യാഥ പാർഥസ്യ മഹാൻസ്വേദോ വ്യജായത।
ചിന്താ ച വിപുലാ ജജ്ഞേ കഥം ചേദം ഭവിഷ്യതി॥ 8-76-8 (58679)
വിഷണ്ണം തു തതോ ജ്ഞാത്വാ സവ്യസാചിനമച്യുതഃ।
സഞ്ചോദയതി തേജസ്വീ മധുഹാ വാനരധ്വജം॥ 8-76-9 (58680)
തതോ ഗാണ്ഡീവധന്വാനമബ്രവീൻമധുസൂദനഃ।
ദൃഷ്ട്വാ പാർഥം തഥായാന്തം ചിന്താപരിഗതം തദാ॥ 8-76-10 (58681)
ഗാണ്ഡീവധന്വൻസംഗ്രാമേ യേ ത്വയാ ധനുഷാ ജിതാഃ।
ന തേഷാം മാനുഷോ ജേതാ ത്വദന്യ ഇഹ വിദ്യതേ॥ 8-76-11 (58682)
ഏതേ ഹി ബഹവഃ ശൂരാഃ ശക്രതുല്യപരാക്രമാഃ।
ത്വാം പ്രാപ്യ സമരേ ശൂരം പ്രയാതാഃ പരമാം ഗതിം॥ 8-76-12 (58683)
കോ ഹി ദ്രോണം ച ഭീഷ്മം ച ഭഗദത്തം ച മാരിഷ।
വിന്ദാനുവിന്ദാവാവന്ത്യൌ കാംഭോജം ച സുദക്ഷിണം॥ 8-76-13 (58684)
ശ്രുതായും ചാശ്രുതായും ച ശതായും ച മഹാരഥം।
പ്രത്യുദ്ഗംയ ഭവേത്ക്ഷേമീ യോ ന സ്യാത്ത്വദ്വിധഃ പ്രഭുഃ॥ 8-76-14 (58685)
തവ ഹ്യസ്ത്രാണി ദിവ്യാനി ലാഘവം ബലമേവ ച।
അസംമോഹശ്ച യുദ്ധേഷു വിജ്ഞാനസ്യ ച സന്നതിഃ।
വേധഃ പാതശ്ച ലക്ഷേഷു യോഗശ്ചൈവ തഥാർജുന॥ 8-76-15 (58686)
ഭവാന്ദേവാൻസഗന്ധർവാൻഹന്യാത്സർവാംശ്ച രാക്ഷസാൻ।
പൃഥിവ്യാം തു രണേ പാർഥ ന യോദ്ധാ ത്വത്സമഃ പുമാൻ॥ 8-76-16 (58687)
ധനുർഗൃഹ്മന്തി യേ കേചിത്ക്ഷത്രിയാ യുദ്ധദുർമദാഃ।
ആത്മനസ്തു സമം തേഷാം ന പശ്യാമി ശൃണോമി ച॥ 8-76-17 (58688)
ബ്രഹ്മണാ ഹി പ്രജാഃ സൃഷ്ടാ ഗാണ്ഡീവം ച മഹദ്ധനുഃ।
യേന ത്വം യുധ്യസേ പാർഥ തസ്മാന്നാസ്തി ത്വയാ സമഃ॥ 8-76-18 (58689)
അവശ്യം തു മയാ വാച്യം യത്പഥ്യം തവ പാണ്ഡവ।
മാവമംസ്ഥാ മഹാബാഹോ കർണമാഹവശോഭിനം॥ 8-76-19 (58690)
കർണോ ഹി ബലവാന്ദൃപ്തഃ കൃതാസ്ത്രശ്ച മഹാരഥഃ।
കൃതീ ച ചിത്രയോധീ ച ദേശകാലസ്യ കോവിദഃ॥ 8-76-20 (58691)
ബഹുനാത്ര കിമുക്തേന സങ്ക്ഷേപാച്ഛൃണു പാണ്ഡവ।
ത്വത്സമം ത്വദ്വിശിഷ്ടം വാ കർണം മന്യേ മഹാരഥം।
പരമം യത്നമാസ്ഥായ ത്വയാ വധ്യോ മഹാഹവേ॥ 8-76-21 (58692)
തേജസാ വഹ്നിസദൃശോ വായുവേഗസമോ ജവേ।
അന്തകപ്രതിമഃ ക്രോധേ സിംഹസംഹനനോ ബലീ॥ 8-76-22 (58693)
അഷ്ടരത്നിർമഹാബാഹുർവ്യൂഢോരസ്കഃ സുദുർജയഃ।
അഭിമാനീ ച ശൂരശ്ച പ്രവീരഃ പ്രിയദർശനഃ॥ 8-76-23 (58694)
സർവയോധഗുണൈര്യുക്തോ മിത്രാണാമഭയങ്കരഃ।
സതതം പാണ്ഡവദ്വേഷീ ധാർതരാഷ്ട്രഹിതേ രതഃ॥ 8-76-24 (58695)
സർവൈരവധ്യോ രാധേയോ ദേവൈരപി സവാസവൈഃ।
ഋതേ ത്വാമിതി മേ ബുദ്ധിസ്തദദ്യ ജഹി സൂതജം॥
ദേവൈരപി ഹി സംയത്തൈർബിഭ്രദ്ഭിർമാംസശോണിതം।
അശക്യഃ സ രഥോ ജേതും സർവൈരപി യുയുത്സുഭിഃ॥ 8-76-25 (58696)
ദുരാത്മാനം പാപവൃത്തം നൃശംസം
ദുഷ്ടപ്രജ്ഞം പാണ്ഡവേയേഷു നിത്യം।
ഹീനസ്വാർഥം പാണ്ഡവേയൈർവിരോധേ
ഹത്വാ കർണം നിശ്ചിതാർഥോ ഭവാദ്യ॥ 8-76-27 (58697)
തം സൂതപുത്രം രഥിനാം വരിഷ്ഠം
നിഷ്കാലികം കാലവശം നയാദ്യ।
തം സൂതപുത്രം രഥിനാം വരിഷ്ഠം
ഹത്വാ പ്രീതിം ധർമരാജേ കുരുഷ്വ॥ 8-76-28 (58698)
ജാനാമി തേ പാർഥം വീര്യം യഥാവ--
ദ്ദുർവാരണീയം ച സുരാസുരൈശ്ച।
സദാവജാനാതി ഹി പാണ്ഡുപുത്രാ--
നസൌ ദർപാത്സൂതപുത്രോ ദുരാത്മാ॥ 8-76-29 (58699)
ആത്മാനം മന്യതേ വീരം യേന പാപഃ സുയോധനഃ।
തമദ്യ മൂലം പാപാനാം ജഹി സൌതിം ധനഞ്ജയ॥ 8-76-30 (58700)
ഖംഗജിഹ്വം ധനുരാസ്യം ശരദംഷ്ട്രം തരസ്വിനം।
ദൃപ്തം പുരുഷശാർദൂലം ജഹി കർണം ധനഞ്ജയ॥ 8-76-31 (58701)
അഹം ത്വാമനുജാനാമി വീര്യേണ ച ബലേന ച।
ജഹി കർണം രണേ ശൂരം മാതംഗമിവ കേസരീ॥ 8-76-32 (58702)
യസ്യ വീര്യേണ വീര്യം തേ ധാർതരാഷ്ട്രോഽവമന്യതേ।
തമദ്യ പാർഥ സംഗ്രാമേ കർണം വൈകർതനം ജഹി॥ ॥ 8-76-33 (58703)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ഷട്സപ്തതിതമോഽധ്യായഃ॥ 76 ॥
Mahabharata - Karna Parva - Chapter Footnotes
॥ ശ്രീഃ ॥
8.77. അധ്യായഃ 077
Mahabharata - Karna Parva - Chapter Topics
കൃഷ്ണേനാർജുനംപ്രതി ഭീഷ്മാദിയുദ്ധനിധനപ്രകാരാനുവാദപൂർവകം തേഷാം വധേ തസ്യൈവ മുഖ്യകാരണത്വകഥനം॥ 1 ॥ വാല്യാത്പ്രഭൂതി ദുര്യോധനാപനയാനുസ്മരാണപൂർവകം സർവത്ര കർണസ്യൈവ മൂലതയാ മഹാപരാധിത്വദ്യോതനേന തസ്യാവശ്യം ഹനനവിധാനം॥ 2 ॥
Mahabharata - Karna Parva - Chapter Text
8-77-0 (58704)
സഞ്ജയ ഉവാച। 8-77-0x (5025)
തതഃ പുനരമേയാത്മാ കേശവോഽർജുനമബ്രവീത്।
കൃതസങ്കൽപമായാന്തം വധേ കർണസ്യ ഭാരത॥ 8-77-1 (58705)
അദ്യ സപ്തദശാഹാനി വർതമാനസ്യ നിത്യശഃ।
വിനാശസ്യാതിഘോരസ്യ നരവാരണവാജിനാം॥ 8-77-2 (58706)
ഭൂത്വാ ഹി വിപുലാ സേനാ താവകാനാം പരൈഃ സഹ।
അന്യോന്യം സമരം പ്രാപ്യ കിഞ്ചിച്ഛേഷാ വിശാംപതേ॥ 8-77-3 (58707)
ഭൂത്വാ വൈ കൌരവാഃ പാർഥ പ്രഭൂതഗജവാജിനഃ।
ത്വാം വൈ ശത്രും സമാസാദ്യ വിനഷ്ടാ രണമൂർധനി॥ 8-77-4 (58708)
ഏതേ തേ പൃഥിവീപാലാഃ സൃഞ്ജയാശ്ച സമാഗതാഃ।
ത്വാം സമാസാദ്യ ദുർധർഷം പാണ്ഡവാശ്ച വ്യവസ്ഥിതാഃ॥ 8-77-5 (58709)
പാഞ്ചാലൈഃ പാണ്ഡവൈർമാത്സ്യൈഃ കാരൂശൈശ്ചേദിഭിഃ സഹ।
`മഗധൈഃ പാരിജാതൈശ്ച ദാക്ഷിണാത്യൈഃ സകേരലൈഃ'।
ത്വയാ ഗുപ്തൈരമിത്രഘ്നൈഃ കൃതഃ ശത്രുഗണക്ഷയഃ॥ 8-77-6 (58710)
കോ ഹി ശക്തോ രണേ ജേതും കൌരവാംസ്താത സംയുഗേ।
അന്യത്ര പാണ്ഡവാദ്യുദ്ധേ ശ്വേതാശ്വാദ്വാനരധ്വജാത്॥ 8-77-7 (58711)
ശക്തസ്ത്വം ഹി രണേ ജേതും സസുരാസുരമാനുഷാൻ।
ത്രീംല്ലോകാൻസമരേ യുക്താൻകിം പുനഃ കൌരവം ബലം॥ 8-77-8 (58712)
ഭഗദത്തം ച രാജാനം കോഽന്യഃ ശക്തസ്ത്വയാ വിനാ।
ജേതും പുരുഷശാർദൂല യോഽപി സ്യാദ്വാസവോപമഃ॥ 8-77-9 (58713)
തഥേമാം വിപുലാം സേനാം ഗുപ്താം പാർഥ ത്വയാഽനഘ।
ന ശേകുഃ പാർഥിവാഃ സർവേ ചക്ഷുർഭിരപി വീക്ഷിതും॥ 8-77-10 (58714)
തഥൈവ സതതം പാർഥ രക്ഷിതാഭ്യാം ത്വയാ രണേ।
ധൃഷ്ടദ്യുംനശിഖൺ·ഡിഭ്യാം ദ്രോണഭീഷ്മൌ നിപാതിതൌ॥ 8-77-11 (58715)
കോ ഹി ശക്തോ രണേ പാർഥ ഭാരതാനാം മഹാരഥൌ।
ഭീഷ്മദ്രോണൌ യുധാ ജേതും ശക്രതുല്യപരാക്രമൌ॥ 8-77-12 (58716)
കോ ഹി ശാന്തനവം ഭീഷ്മം ദ്രോണം വൈകർതനം കൃപം।
ദ്രൌണിം ച സൌമദത്തിം ച കൃതവർമാണമേവ ച॥ 8-77-13 (58717)
സൈന്ധവം മദ്രരാജം ച രാജാനം ച സുയോധനം।
വീരാൻകൃതാസ്ത്രാൻസമരേ സർവാനേവാനിവർതിനഃ॥ 8-77-14 (58718)
അക്ഷൌഹിണീപതീനുഗ്രാൻസംഹതാന്യുദ്ധദുർമദാൻ।
ത്വാമൃതേ പുരുഷവ്യാഘ്ര ജേതും ശക്തഃ പുമാനിഹ॥ 8-77-15 (58719)
ശ്രേണ്യശ്ച ബഹുലാഃ ക്ഷീണാഃ പ്രദീർണാശ്വരഥദ്വിപാഃ।
നാനാജനപദാശ്ചോഗ്രാഃ ക്ഷത്രിയാണാമമർഷിണാം॥ 8-77-16 (58720)
ഗണാശ്ച ദാസമീയാനാം വസാതീനാം ച ഭാരത।
പ്രാച്യാനാം വാടധാനാനാം ഭോജാനാം ചാഭിമാനിനാം। 8-77-17 (58721)
ഉദീർണാശ്വഗജാ സേനാ സർവക്ഷത്രസ്യ ഭാരത।
ത്വാം സമാസാദ്യ നിധനം ഗതാ ഭീമം ച ഭാരത॥ 8-77-18 (58722)
ഉഗ്രാശ്ച ഭീമകർമാണസ്തുഷാരാ യവനാഃ ഖശാഃ।
ദാർവാഭിസാരാ ദരദാഃ ശകാ മാഠരതങ്കണാഃ॥ 8-77-19 (58723)
ആന്ധ്രകാശ്ച പുലിന്ദാശ്ച കിരാതാശ്ചോഗ്രവിക്രമാഃ।
ംലേച്ഛാശ്ച പർവതീയാശ്ച സാഗരാനൂപവാസിനഃ॥ 8-77-20 (58724)
സംരംഭിണോ യുദ്ധശൌണ്ഡാ ബലിനോ ദണ്ഡപാണയഃ॥ 8-77-21 (58725)
ഏതേ സുയോധനസ്യാർഥേ സംരബ്ധാഃ കുരുഭിഃ സഹ।
ന ശക്യാ യുധി നിർജേതും ത്വദന്യേന പരന്തപ॥ 8-77-21 (58726)
ഏതേ സുയോധനസ്യാർഥേ സംരബ്ധാഃ കുരുഭിഃ സഹ।
ന ശക്യാ യുധി നിർജേതും ത്വദന്യേന പരന്തപ॥ 8-77-22 (58727)
ധാർതരാഷ്ട്രമുദഗ്രം ഹി വ്യൂഢം ദൃഷ്ട്വാ മഹദ്ബലം।
യദി ത്വം ന ഭവേസ്ത്രാതാ പ്രതീയാത്കോ നു മാനവഃ॥ 8-77-23 (58728)
തത്സാഗരമിവോദ്വൂതം രജസാ സംവൃതം ബലം।
വിദാര്യ പാണ്ഡവൈഃ ക്രുദ്ധൈസ്ത്വയാ ഗുപ്തൈർഹതം വിഭോ॥ 8-77-24 (58729)
മാഗധാനാമധിപതിർജയത്സേനോ മഹാബലഃ।
അദ്യ സപ്തൈവ ചാഹാനി ഹതഃ സംഖ്യേഽഭിമന്യുനാ॥ 8-77-25 (58730)
തതോ ദശസഹസ്രാണി ഗജാനാം ഭീമകർമണാം।
ജഘാന ഗദയാ ഭീമസ്തസ്യ രാജ്ഞഃ പരിച്ഛദം॥ 8-77-26 (58731)
തഥാന്യേഽഭിഹതാ നാഗാ രഥാശ്ച ശതശോ ബലാത്।
തദേവം സമരേ പാർഥ വർതമാനേ മഹാഭയേ॥ 8-77-27 (58732)
ഭീമസേനം സമാസാദ്യ ത്വാം ച പാണ്ഡവ കൌരവാഃ।
സവാജിരഥമാതംഗാ മൃത്യുലോകമിതോ ഗതാഃ॥ 8-77-28 (58733)
തഥാ സേനാമുഖേ തത്ര നിഹതേ പാർഥ പാണ്ഡവൈഃ।
ഭീഷ്മഃ പ്രാസൃജദുഗ്രാണി ശരതാലാനി മാരിഷ॥ 8-77-29 (58734)
സചേദികാശിപാഞ്ചാലാൻകരൂശാൻമാത്സ്യകേകയാൻ।
ശരൈഃ പ്രച്ഛാദ്യ നിധനമനയത്പരമാസ്ത്രവിത്॥ 8-77-30 (58735)
തസ്യ ചാപച്യുതൈർബാണൈഃ പരദേഹവിദാരണൈഃ।
പൂർണമാകാശമഭവദ്രുക്മപുഹ്ഖൈരജിഹ്മഗൈഃ॥ 8-77-31 (58736)
ഹന്യാദ്രഥസഹസ്രാണി ഏകൈകേനൈവ മുഷ്ടിനാ।
ലക്ഷം നരദ്വിപാൻഹത്വാ സമേതാൻസമഹാബലാൻ॥ 8-77-32 (58737)
ഗത്യാ ദശംയാ തേ ഗത്വാ ജഘ്നുർവാജിരഥദ്വിപാൻ।
ഹിത്വാ നവഗതീർദുഷ്ടാഃ സ ബാണാനാഹവേഽത്യജത്॥ 8-77-33 (58738)
ദിനാനി ദശ ഭീഷ്മേണ നിഘ്നതാ താവകം ബലം।
ശൂന്യാഃ കൃതാ രഥോപസ്ഥാ ഹതാശ്ച ഗജവാജിനഃ॥ 8-77-34 (58739)
`ദശമേഽഹനി സംപ്രാപ്തേ കൃത്വാ ഘോരം പരാക്രമം'।
ദർശയിത്വാഽഽത്മനോ രൂപം രുദ്രോപേന്ദ്രസമം യുധി॥ 8-77-35 (58740)
പാണ്ഡവാനാമനീകാനി പ്രവിഗാഹ്യ വിശാംപതേ।
വിനിഘ്നൻപൃഥിവീപാലാംശ്ചേദിപാഞ്ചാലകേകയാൻ॥ 8-77-36 (58741)
അഹനത്പാണ്ഡവീം സേനാം രഥാശ്വഗജസങ്കുലാം।
മജ്ജന്തമപ്ലുവേ മന്ദമുജ്ജിഹീർഷുഃ സുയോധനം॥ 8-77-37 (58742)
തഥാ ചരന്തം സമരേ തപന്തമിവ ഭാസ്കരം।
പദാതികോടിസാഹസ്രാഃ പ്രവരായുധപാണയഃ॥ 8-77-38 (58743)
ന ശേകുഃ സൃഞ്ജയാ ദ്രഷ്ടും തഥൈവാന്യേ മഹീക്ഷിതഃ।
വിചരന്തം തഥാ തം തു സംഗ്രമേ ജിതകാശിനം॥ 8-77-39 (58744)
സർവോദ്യമേന മഹതാ പാണ്ഡവാൻസമഭിദ്രവത്।
സ തു വിദ്രാവ്യ സമരേ പാണ്ഡവാൻസൃഞ്ജയാനപി।
ഏക ഏവ രണേ ഭീഷ്മ ഏകവീരത്വമാഗതഃ॥ 8-77-40 (58745)
തം ശിഖണ്ഡീ സമാസാദ്യ ത്വയാ ഗുപ്തോ മഹാവ്രതം।
ജഘാന പുരുഷവ്യാഘ്രം ശരൈഃ സന്നതപർവഭിഃ॥ 8-77-41 (58746)
സ ഏഷ പതിതഃ ശേതേ ശരതൽപേ പിതാമഹഃ।
ത്വാം പ്രാപ്യ പുരുഷവ്യാഘ്രം വൃത്രഃ പ്രാപ്യേവ വാസവം॥ 8-77-42 (58747)
ദ്രോണഃ പഞ്ചദിനാന്യുഗ്രോ വിധംയ രിപുവാഹിനീം।
കൃത്വാ വ്യൂഹമഭേദ്യം ച പാതയിത്വാ മഹാരഥാൻ॥ 8-77-43 (58748)
ജയദ്രഥസ്യ സമരേ കൃത്വാ രക്ഷാം മഹാരഥഃ।
അന്തകപ്രതിമശ്ചോഗ്രോ രാത്രിയുദ്ധേഽദഹത്പ്രജാഃ॥ 8-77-44 (58749)
ദഗ്ധ്വാ യോധാഞ്ഛരൈർവീരോ ഭാരദ്വാജഃ പ്രതാപവാൻ।
ധൃഷ്ടദ്യുംനം സമാസാദ്യ സ ഗതഃ പരമാം ഗതിം॥ 8-77-45 (58750)
യദി വാഽദ്യ ഭവാന്യുദ്ധേ സൂതപുത്രമുഖാന്രഥാൻ।
നാവാരയിഷ്യഃ സംഗ്രാമേ ന സ്മ ദ്രോണോ വ്യനങ്ക്ഷ്യത॥ 8-77-46 (58751)
ഭവതാ തു ബലം സർവം ധാർതരാഷ്ട്രസ്യ വാരിതം।
തതോ ദ്രോണോ ഹതോ യുദ്ധേ പാർഷതേന ധനഞ്ജയ॥ 8-77-47 (58752)
കശ്ച ശക്തോ രണേ കർതും ത്വദന്യഃ പുരുഷബ്രുവഃ।
യാദൃശം തേ കൃതം പാർഥ ജയദ്രഥവധം പ്രതി॥ 8-77-48 (58753)
നിവാര്യ സേനാം മഹതീം ഹത്വാ ശൂരാംശ്ച പാർഥിവാൻ।
നിഹതഃ സൈന്ധവോ രാജാ ത്വയാഽസ്ത്രബലതേജസാ॥ 8-77-49 (58754)
ആശ്ചര്യം സിന്ധുരാജസ്യ വധം ജാനന്തി പാർഥിവാഃ।
അനാശ്ചാര്യം ഹി തത്ത്വത്തസ്ത്വം ഹി പാർഥ മഹാരഥഃ॥ 8-77-50 (58755)
ത്വാം ഹി പ്രാപ്യ രണേ ക്ഷത്രമേകാഹാദിതി ഭാരത।
നശ്യമാനമഹം യുക്തം മന്യേയമിതി മേ മതിഃ॥ 8-77-51 (58756)
സേയം പാർഥ ചമൂർഘോരാ ധാർതരാഷ്ട്രസ്യ സംയുഗേ।
ഹതസർവസ്വഭൂയിഷ്ഠാ ഭീഷ്മദ്രോണൌ ഹതൌ യഥാ॥ 8-77-52 (58757)
ശീർണപ്രവരയോധാഢ്യാ ഹതവാജിരഥദ്വിപാ।
ഹീനാ സൂര്യേന്ദുനക്ഷത്രൈർദ്യൌരിവാഭാതി ഭാരതീ॥ 8-77-53 (58758)
വിധ്വസ്താ ഹി രണേ പാർഥ സേനേയം ഭീമവിക്രമ।
ആസുരീവ മഹാസേനാ ദേവരാജപരാക്രമൈഃ॥ 8-77-54 (58759)
തേഷാം ഹതാവശിഷ്ടാസ്തു സന്തി പഞ്ച മഹാരഥാഃ।
ദ്രൌണിശ്ച കൃതവർമാ ച കർണോ മദ്രാധിപഃ കൃപഃ॥ 8-77-55 (58760)
താംസ്ത്വമദ്യ നരവ്യാഘ്ര ഹത്വാ പഞ്ച മഹാരഥാൻ।
ഹതാമിത്രഃ പ്രയച്ഛോർവീ രാജ്ഞേ സദ്വീപപത്തനാം॥ 8-77-56 (58761)
സാകാശജലപാതാലാം സപർവതമഹാവനാം।
പ്രയച്ഛാമിതവീര്യായ പാർഥായാദ്യ വസുന്ധരാം॥ 8-77-57 (58762)
ഏതാം പുരാ വിഷ്ണുരിവ ഹത്വാ ദൈതേയദാനവാൻ।
പ്രയച്ഛ മേദിനീം രാജ്ഞേ ശക്രായൈവ ഹരിര്യഥാ॥ 8-77-58 (58763)
അദ്യ മോദന്തു പാഞ്ചാലാ നിഹതേഷ്വരിഷു ത്വയാ।
വിഷ്ണുനാ നിഹതേഷ്വേവ ദാനവേയേഷു ദേവതാഃ॥ 8-77-59 (58764)
യദി വാ ദ്വിപദാം ശ്രേഷ്ഠം ദ്രോണം മാനയതോ ഗുരും।
അശ്വത്ഥാംനി കൃപാ തേഽസ്തി കൃപേ വാചാര്യഗൌരവാത്॥ 8-77-60 (58765)
അത്യന്താപചിതാൻബന്ധൂൻമാനയൻമാതൃബാന്ധവാൻ।
കൃതവർമാണമാസാദ്യ ന നേഷ്യാസി യമക്ഷയം॥ 8-77-61 (58766)
ഭ്രാതരം മാതുരാസാദ്യ ശല്യം മദ്രജനാധിപം।
യദി ത്വമരവിന്ദാക്ഷ ദയാവാന്ന ജിഘാസസി॥ 8-77-62 (58767)
ഏതത്തേ സുകൃതം കർമ നാത്ര കിഞ്ചന വിദ്യതേ।
വയമപ്യനുജാനീമോ നാത്ര ദോഷോഽസ്തി കശ്ചന॥ 8-77-63 (58768)
ഇമം പാപമതിം ക്ഷുദ്രമത്യന്തം പാണ്ഡവാൻപ്രതി।
കർണമദ്യ നരശ്രേഷ്ഠ ജഹി പാർഥ ശിതൈഃ ശരൈഃ॥ 8-77-64 (58769)
ദഹനേ യത്സപുത്രായാ നിശി മാതുസ്തവാനഘ।
ദ്യൂതാർഥേ യച്ച യുഷ്മാസു പ്രാവർതത സുയോധനഃ।
തസ്യ സർവസ്യ ദുഷ്ടാത്മാ കർണോ വൈ മൂലമിത്യുത॥ 8-77-65 (58770)
പ്രോത്സാഹയതി ദുഷ്ടാത്മാ ധാർതരാഷ്ട്രം സുദുർമതിം।
സമിതൌ ഗദതേ കർണസ്തമദ്യ ജഹി ഭാരത॥ 8-77-66 (58771)
യശ്ച യുഷ്മാസു പാപം വൈ ധാർതരാഷ്ട്രഃ പ്രയുക്തവാൻ।
തസ്യ സർവസ്യ ദുർബുദ്ധിഃ കർണോ മൂലമിഹാർജുന॥ 8-77-67 (58772)
കർണം ഹി മന്യതേ ത്രാണം നിത്യമേവ സുയോധനഃ।
തതോ മാമപി സംരബ്ധോ നിഗ്രഹീതും പരാക്രമാത്॥ 8-77-68 (58773)
സ്ഥിതാ ബുദ്ധിർനരേന്ദ്രാണാം ധാർതരാഷ്ട്രസ്യ ചോഭയോഃ।
കർണഃ പാർഥാന്രണേ സർവാന്നാശയിഷ്യതി സായകൈഃ॥ 8-77-69 (58774)
കർണമാശ്രിത്യ കൌന്തേയ ധാർതരാഷ്ട്രസ്യ വിഗ്രഹഃ।
രുചിതോ ഭവതാ സാർധം ജാനതോഽപി ബലം തവ॥ 8-77-70 (58775)
കർണോ ജൽപതി വൈ നിത്യമഹം പാർഥാൻസമാഗതാൻ।
വാസുദേവം ച ദാശാർഹം വിജേഷ്യാമി മഹാരണേ।
സമിതൌ വൽഗതേ കർണസ്തമദ്യ ജഹി ഫൽഗുന॥ 8-77-71 (58776)
യച്ച യുഷ്മാസു പാപം വൈ ധാർതരാഷ്ട്രഃ പ്രതാപവാൻ।
സഭായാം കൃതവാന്നിത്യം കർണമാശ്രിത്യ വൈ പുരാ॥ 8-77-72 (58777)
യച്ച തം ധാർതരാഷ്ട്രാണാം ഷഡ്ഭിഃ ശൂരൈർമഹാരഥൈഃ।
പശ്യതാം സംവൃതം ശൂരം സൌഭദ്രമപരാജിതം॥ 8-77-73 (58778)
ദ്രോണദ്രൌണികൃപാന്വീരാൻകംപയാനം മഹേഷുഭിഃ।
വിധമന്തമനീകാനി പ്രമഥന്തം മഹാരഥാൻ॥ 8-77-74 (58779)
മനുഷ്യവാജിമാതംഗാൻപ്രേഷയന്തം യമക്ഷയം।
ശരൈഃ സൌഭദ്രമായാന്തം ദഹന്തമരിവാഹിനീം॥ 8-77-75 (58780)
നിർമനുഷ്യാശ്ച മാതംഗാ വിരഥാശ്ച മഹാരഥാഃ।
പ്രദ്രവന്തി സ്മ സമരേ ദിശോ ഭീതാഽഭിമന്യവേ॥ 8-77-76 (58781)
വിഗതാസൂംശ്ച തുരഗാൻപത്തീന്വ്യായുധജീവിതാൻ।
കുർവന്തമൃഷഭസ്കന്ധം കുരുവൃഷ്ണിയശസ്കരം।
തൻമേ ദഹതി ഗാത്രാണി സഖേ സത്യേന തേ ശപേ॥ 8-77-77 (58782)
യത്തദാസീത്സുദുഷ്ടാത്മാ കർണോ വിനിഹതഃ പ്രഭുഃ।
ന ശക്തോ ഹ്യഭിമന്യോസ്തു കർണഃ സ്ഥാതും രണാഗ്രതഃ॥ 8-77-78 (58783)
സൌഭദ്രശരനിർഭിന്നോ വിസഞ്ജ്ഞഃ ശോണിതോക്ഷിതഃ।
നിശ്വസൻക്രോധസന്ദീപ്തോ വിമുഖഃ സായകാർദിതഃ॥ 8-77-79 (58784)
തസ്ഥൌ സ വിഹ്വലഃ സംഖ്യേ പ്രഹാരജനിതച്ഛവിഃ।
അപയാനകൃതോത്സാഹോ നിരുത്സാഹശ്ച ഭാരത॥ 8-77-80 (58785)
ദുര്യോധനം രണേ ദൃഷ്ട്വാ ലജ്ജമാനോ മുഹുർമുഹുഃ।
നാപയാസീത്തതതഃ പാർഥ സോഽഭിമന്യോർമഹാരണേ॥ 8-77-81 (58786)
ദൃഷ്ട്വാ ദ്രോണം വധോപായമഭിമന്യോശ്ച പൃഷ്ടവാൻ।
ശ്രുത്വാ ദ്രോണവചഃ ക്രൂരം തതശ്ചിച്ഛേദ കാർമുകം॥ 8-77-82 (58787)
തതശ്ഛിന്നായുധം തേന ദൃഷ്ട്വാ പഞ്ച മഹാരഥാഃ।
സ ചൈവ നികൃതിപ്രാജ്ഞഃ പ്രാഹിണോച്ഛരവൃഷ്ടിഭിഃ॥ 8-77-83 (58788)
പ്രഹസൻസ തു ദുഷ്ടാത്മാ കർണോ രാജാ ച കൌരവഃ।
യച്ച കർണോഽബ്രവീത്കൃഷ്ണാം സഭായാം പരുഷം വചഃ।
പ്രമുഖേ പാണ്ഡവേയാനാം കുരൂണാം ചൈവ പശ്യതാം॥ 8-77-84 (58789)
വിനഷ്ടാഃ പാണ്ഡവാഃ കൃഷ്ണേ ശാശ്വതം നരകം ഗതാഃ।
പതിമന്യം പൃഥുശ്രോണി വൃണീഷ്വ മൃദുഭാഷിണി॥ 8-77-85 (58790)
ഏഷാ ത്വം ധൃതരാഷ്ട്രസ്യ ദാസീഭൂതാ നിവേശനം।
പ്രവിശാരാലപക്ഷ്മാക്ഷി ന സന്തി പതയസ്തവ॥ 8-77-86 (58791)
ന പാണ്ഡവാഃ പ്രഭവന്തി തവ കൃഷ്ണേ കഥഞ്ചന।
ദാസഭാര്യാ ച പാഞ്ചാലി സ്വയം ദാസീ ച ശോഭനേ॥ 8-77-87 (58792)
അദ്യ ദുര്യോധനോ രാജാ പൃഥിവ്യാം നൃപതിഃ സ്മൃതഃ।
സർവേ ചാസ്യ മഹിപാലാ യോഗക്ഷേമമുപാസതേ॥ 8-77-88 (58793)
പശ്യേദാനീം യദാ ഭദ്രേ നിവിഷ്ടാഃ പാണ്ഡവാഃ സമം।
അന്യോന്യം സമുദീക്ഷന്തേ ധാർതരാഷ്ട്രസ്യ തേജസാ॥ 8-77-89 (58794)
വ്യക്തം ഷണ്ഡതിലാ ഹ്യേതേ നരകേ ച നിമജ്ജിതാഃ।
പ്രേഷ്യവച്ചാപി രാജാനമുപസ്ഥാസ്യന്തി കൌരവം॥ 8-77-90 (58795)
ഉക്തവാൻസ ച പാതാത്മാ തഥാ പരമദുർമതിഃ।
പാപഃ പാപവചഃ കർണഃ പശ്യതസ്തേ ധനഞ്ജയ॥ 8-77-91 (58796)
അസ്യ പാപസ്യ തദ്വാക്യം സുവർണവികൃതാഃ ശരാഃ।
ശമയന്തി ശിലാധൌതാ നാശയന്തോഽസ്യ ജീവിതം॥ 8-77-92 (58797)
അദ്യ കർണം രണേ ഗ്രസ്തം പശ്യന്തു കുരവസ്ത്വയാ।
സ്വർഗാവതരണേ യത്നം സ്വർഗദ്വാരഗതം യഥാ॥ 8-77-93 (58798)
അദ്യ തേ സമരേ വീര്യം പശ്യന്തു കുരുയോധിനഃ।
സൂതപുത്രേ ഹതേ പാർഥ ജാനന്തു ത്വാം മഹാരഥം॥ 8-77-94 (58799)
അദ്യ കാകവലാ ഗൃധ്രാ വായസാ ജംബുകാസ്തഥാ।
വിപ്രകർഷന്തു ഗാത്രാണി സൂതപുത്രസ്യ മാരിഷ॥ 8-77-95 (58800)
അദ്യാധിരഥിരാക്ഷിപ്തോ നിഹതശ്ച ത്വയാ രണേ।
കുരൂണാം ശോകമാധത്താം പാണ്വാനാം മുദം തദാ॥ 8-77-96 (58801)
അദ്യ ത്വാം പ്രതിമർദന്തു പാഞ്ചാലാഃ പാണ്ഡവൈഃ സഹ।
യഥാ വൃത്രവധേ വൃത്തേ ദേവാഃ സർവേ ശതക്രതും॥ 8-77-97 (58802)
അദ്യ കർണം രണേ ഹത്വാ പ്രാപ്യ ചൈവോത്തമം യശഃ।
വിശോകോ വിജ്വരഃ പാർഥ ഭവ ബന്ധുപുരസ്കൃതഃ॥ 8-77-98 (58803)
നരസിംഹവപുഃ കൃത്വാ യഥാ ശസ്തോ മഹാസുരഃ।
ഹിരണ്യകശിപുർദൈത്യോ വിഷ്ണുനാ പ്രഭവിഷ്ണുനാ॥ 8-77-99 (58804)
തഥാ ത്വമപി രാധേയം ഘോരാം കൃത്വാ മഹാതനും।
ജഹി യുദ്ധേ മഹാബാഹോ ത്രായസ്വ ച ഭയാത്സ്വകാൻ॥ 8-77-10 (58805)
കർണം ഹാഹാകൃതം ദീനം വിഷണ്ണം ത്വച്ഛരാർദിതം।
പ്രപതന്തം മഹീം കർണം പശ്യന്തു വസുധാധിപാഃ॥ 8-77-10 (58806)
തം ച സ്വശോണിതേ മഗ്നം ശയാനം പതിതം ഭുവി।
അപവിദ്ധായുകധം കർണമദ്യ പശ്യന്തു ബാന്ധവാഃ॥ 8-77-10 (58807)
തച്ചൈവാദ്യ മഹത്കർമ ഗാണ്ഡീവപ്രേഷിതൈഃ ശരൈഃ।
രഥോപസ്ഥേ വിശീര്യേത താരാരാജ ഇവാംബരാത്॥ 8-77-10 (58808)
ആശു ചാദ്യ ശരാസ്തസ്യ സംപതന്തോ മഹാജവൈഃ।
ത്വച്ഛരൈഃ സന്നികൃത്താഗ്രാ വിശീര്യന്തേ മഹീതലേ॥ 8-77-10 (58809)
ത്വയാ ചാദ്യ ഹതേ തസ്യ വിക്രമേ ഭരതർഷഭ।
വിമുഖാഃ സർവരാജാനോ ഭവന്തു ഗതജീവിതാഃ॥ 8-77-10 (58810)
തഥാ ചാധിരഥൌ യാതേ പ്രയാന്തു കുരവോ ദിശഃ।
മന്വാനാസ്തം രഥശ്രേഷ്ഠം സർവലോകേഷു ധന്വിനാം॥ 8-77-10 (58811)
സ വൈ ചാദ്യ ഭയാത്ത്യക്ത്വാ ധാർതരാഷ്ട്രോ മഹാചമൂം।
ദുര്യോധനോ ഭയോദ്വിഗ്നോ ദ്രവതു സ്വം നിവേശനം॥ 8-77-10 (58812)
തഥാ ചാദ്യ ഹതം ശ്രുത്വാ ധൃതരാഷ്ട്രോ ജനേശ്വരഃ।
ക്ഷണേന നിപതേദ്ഭൂമൌ വിസഞ്ജ്ഞോ വൈ മഹീപതിഃ॥ 8-77-10 (58813)
അദ്യ ജാനന്തു തേ പാർഥ വിക്രമം സർവയോധിനഃ।
യദുവാച സഭാമധ്യേ പരുഷം ഭാരത ത്വയി॥ 8-77-10 (58814)
യാനി ചാന്യാനി ദുഷ്ടാത്മാ പാപാനി കൃതവാംസ്ത്വയി।
താന്യദ്യ ഭരതശ്രേഷ്ഠ നാശയന്തു ശരാസ്തവ॥ 8-77-10 (58815)
ശാന്തിം കുരു പരിക്ലേശാ കൃഷ്ണായാഃ ശത്രുപാതന।
ഹത്വാ ശത്രും രണേ ശ്ലാഘ്യം ഗർജന്തമതിപൌരുഷം॥ 8-77-10 (58816)
അദ്യ ചാധിരഥിർവേദ്ധസ്തവ ബാണൈഃ സമന്തതഃ।
മന്യതാം ത്വാം നരവ്യാഘ്ര പ്രവരം സർവധന്വിനാം॥ 8-77-10 (58817)
ഗാണ്ഡീവപ്രസൃതാന്വാണാനദ്യ ഗാത്രസ്പൃശഃ ശരാൻ।
യാതു കർണോ രണേ പാർഥ ശ്വാവിച്ഛലലതോ യഥാ॥ 8-77-10 (58818)
തം കഥം കർണമാസാദ്യ വിദ്രവേയുർമഹാരഥാഃ।
യസ്ത്വേകഃ സർവപാഞ്ചാലാനഹന്യഹനി നാശയൻ।
കാലവച്ചരതേ വീര പാഞ്ചാലാനാം രഥവ്രജേ॥ 8-77-10 (58819)
തമപ്യാസാദ്യ സമരേ മിത്രാർഥേ മിത്രവത്സല।
തഥാ ജ്വലന്തമസ്ത്രൈശ്ച ശൂരം സർവധനുഷ്മതാം।
നിർദഹന്തം സമാരൂഢം ദുർധർഷം ദ്രോണമഞ്ജസാ॥ 8-77-10 (58820)
തേ നിത്യമുദിതാ ജേതും യുധി ശത്രുമരിന്ദമാഃ।
ന ചേദാധിരഥേർഭീതാഃ പാഞ്ചാലാഃ സ്യുഃ പരാങ്മുഖാഃ॥ 8-77-10 (58821)
തേഷാമാപതതാം ശൂരഃ പാഞ്ചാലാനാം തരസ്വിനാം।
ആദത്താസൂഞ്ശരൈഃ കർണഃ പതംഗാനാമിവാനലഃ॥ 8-77-10 (58822)
ഏതേ ദ്രവന്തി പാഞ്ചാലാ ദ്രാവ്യന്തേ യോധിഭിർധ്രുവം।
കർണേന ഭരതശ്രേഷ്ഠ പശ്യപശ്യ തഥാകൃതാൻ॥ 8-77-10 (58823)
താൻസമാരോഹതഃ ശൂരാൻമിത്രാർഥേ ത്യക്തജീവിതാൻ।
നിസ്താരയ മഹാബാഹോ കർണാസ്ത്രാത്പാവകോപമാത്॥ 8-77-10 (58824)
അസ്ത്രം ഹിരാമാത്കർണേന ഭാർഗവാദൃഷിസത്തമാത്।
യദവാപ്തം തദാ ഘോരം തസ്യ രൂപമുദീര്യതേ॥ 8-77-10 (58825)
താപനം സർവസൈന്യസ്യ ഘോരരൂപം ഭയാനകം।
യമാശ്രിത്യ മഹാസേനാ ജ്വലതേ സ്വേന തേജസാ॥ 8-77-10 (58826)
ഏതേ ചരന്തി സംഗ്രാമേ കർണചാപച്യുതാഃ ശരാഃ।
പ്രഭയാ ഇഹ ശത്രൂണാം ഘാതയന്തോ ജനാൻപ്രഭോ॥ 8-77-10 (58827)
ഏതേ ഭ്രമന്തി പാഞ്ചാലാ ഉത്ക്രയന്തി ച മാരിഷ।
കർണാസ്ത്രം സമരേ പ്രാപ്യ ദുർനിവാര്യം മഹാത്മഭിഃ॥ 8-77-10 (58828)
ഏഷ ഭീമോ ദൃഢക്രോധോ വൃതഃ പാർഥ സമന്തതഃ।
സൃഞ്ജയൈര്യോഽജയത്കർണം പീഡ്യതേ നിശിതൈഃ ശരൈഃ॥ 8-77-10 (58829)
പാഞ്ചാലാൻസൃഞ്ജയാംശ്ചൈവ പാണ്ഡവാംശ്ചൈവ ഭാരത।
ഉപേക്ഷിതോ ദഹേത്കർണോ രോഗോ ദേഹമിവാന്തകഃ॥ 8-77-10 (58830)
നാന്യം ത്വത്തോ ഹി പശ്യാമി യോധം യൌധിഷ്ഠിരേ ബലേ।
യഃ സമാസാദ്യ രാധേയം സ്വസ്തിമാനാവ്രജേദ്ഗൃഹാൻ॥ 8-77-10 (58831)
തമദ്യ നിശിതൈർബാണൈർനിഹത്യ ഭരതർഷഭ।
യഥാ പ്രതിജ്ഞാം ത്വ പാർഥ തീർത്വാ കീർതിമവാപ്സ്യസി॥ 8-77-10 (58832)
ത്വം ഹി ശക്തോ രണേ കർണം വിജേതും സഹ പാർഥിവൈഃ।
നാന്യോ യുധി യുധാം ശ്രേഷ്ഠ സത്യമേതദ്ബ്രവീമി തേ॥ 8-77-10 (58833)
ഏതത്കൃത്വാ മഹത്കാർമ ഹത്വാ കർണം മഹാരഥം।
കൃതാർഥഃ സഫലഃ പാർഥ സുഖീ ഭവ നരോത്തമ॥ ॥ 8-77-10 (58834)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ സപ്തസപ്തതിതമോഽധ്യായഃ॥ 77 ॥
Mahabharata - Karna Parva - Chapter Footnotes
॥ ശ്രീഃ ॥
8.78. അധ്യായഃ 078
Mahabharata - Karna Parva - Chapter Topics
അർജുനേന കൃഷ്ണാഗ്രേ കർണവധാനന്തരഭാവ്യർഥാനുവർണനപൂർവകം തദ്വധപ്രതിജ്ഞാ॥ 1 ॥
Mahabharata - Karna Parva - Chapter Text
8-78-0 (58835)
സഞ്ജയ ഉവാച। 8-78-0x (5026)
സ കേശവസ്യ ബീഭത്സുഃ ശ്രുത്വാ ഭാരത ഭാഷിതം।
വിശോകഃ സംപ്രഹൃഷ്ടശ്ച ക്ഷണേന സമപദ്യത॥ 8-78-1 (58836)
തതോ ജ്യാമഭിമൃജ്യാശു വ്യാക്ഷിപദ്ഗാണ്ഡിവം ധനുഃ।
ദധ്രേ കർണവിനാശായ കേശവം ചാഭ്യഭാഷത॥ 8-78-2 (58837)
ത്വയാ നാഥേന ഗോവിന്ദ ധ്രുവ ഏവ ജയോ മമ।
പ്രസന്നോ യസ്യ ഭഗവാൻഭൂതഭവ്യഭവിഷ്യകൃത്॥ 8-78-3 (58838)
ത്വത്സഹായോ ഹ്യഹം കൃഷ്ണ ത്രീംല്ലോകാന്വൈ സമാഗതാൻ।
പ്രാപയേയം പരം ലോകം കിമു കർണം മഹാഹവേ॥ 8-78-4 (58839)
പശ്യാമി ദ്രവതീം സേനാം പാഞ്ചാലാനാം ജനാർദന।
പശ്യാമി കർണം സമരേ വിചരന്തമഭീതവത്॥ 8-78-5 (58840)
ഭാർഗവാസ്ത്രം ച പശ്യാമി ജ്വലന്തം കൃഷ്ണ സർവശഃ।
സൃഷ്ടം കർണേന വാർഷ്ണേയ ശക്രേണേവ മഹാശനിം॥ 8-78-6 (58841)
അനേന ഖലു സംഗ്രാമേ യത്തു കൃഷ്ണ മയാ കൃതം।
കഥയിഷ്യന്തി ഭൂതാനി യാവദ്ഭൂമിർധരിഷ്യതി॥ 8-78-7 (58842)
അദ്യ കൃഷ്ണ വികർണാ മേ കർണം നേഷ്യന്തി മൃത്യവേ।
ഗാണ്ഡീവമുക്താഃ ക്ഷിണ്വന്തോ മമ ഹസ്തപ്രചോദിതാഃ॥ 8-78-8 (58843)
അദ്യ രാജാ ധൃതരാഷ്ട്രഃ സ്വാം ബുദ്ധിമവമംസ്യതേ।
ദുര്യോധനമരാജ്യാർഹം യയാ രാജ്യേഽഭ്യഷേചയത്॥ 8-78-9 (58844)
അദ്യ രാജ്യാത്സുഖാച്ചൈവ ശ്രിയോ രാഷ്ട്രാത്തഥാ പുരാത്।
പുത്രേഭ്യശ്ച മഹാബാഹോ ധൃതരാഷ്ട്രോ വിമോക്ഷ്യതി॥ 8-78-10 (58845)
ഗുണവന്തം ഹി യോ ഹിത്വാ നിർഗുണം കുരുതേ പ്രഭും।
സ ശോചതി ചിരം കൃഷ്ണ ക്ഷിപ്രമേവാഗതേ ക്ഷയേ॥ 8-78-11 (58846)
യഥാ ച പുരുഷഃ കശ്ചിച്ഛിത്ത്വാ ചാംരവണം മഹത്।
പലാശസേചനേ ബുദ്ധിം കൃത്വാ ശോചതി മന്ദധീഃ॥ 8-78-12 (58847)
ദൃഷ്ട്വാ പുഷ്പം പലേ ഗൃധ്നുഃ ഫലം ദൃഷ്ട്വാഽനുശോചതി।
തഥേദം ധൃതരാഷ്ട്രസ്യ പുഷ്പലുപ്ധസ്യ മാനദ।
ഫലം ദൃഷ്ട്വാ ഭൃശം ദുഃഖം ഭവിഷ്യതി ജനാർദന॥ 8-78-13 (58848)
സൂതപുത്രേ ഹതേ ത്വദ്യ നിരാശോ ഭവിതാ പ്രഭുഃ॥ 8-78-14 (58849)
അദ്യ ദുര്യോധനോ രാജ്യാജ്ജീവിതാച്ച നിരാശകഃ।
ഭവിഷ്യതി ഹതേ കർണേ കൃഷ്ണ സത്യം ബ്രവീമി തേ॥ 8-78-15 (58850)
അദ്യ ദൃഷ്ട്വാ മയാ കർണം ശരൈർവിശകലീകൃതം।
സ്മരതാം തവ വാക്യാനി ശമം പ്രതി ജനേശ്വരഃ॥ 8-78-16 (58851)
അദ്യാസൌ സൌബലഃ കൃഷ്ണ ഗ്ലഹാഞ്ജാനാതു വൈ ശരാൻ।
ദുരോദരം ച ഗാണ്ഡീവം ഗൺ·ഡവം ച രഥം മമ॥ 8-78-17 (58852)
അദ്യ കുന്തീസുതസ്യാഹം ദൃഢം രാജ്ഞഃ പ്രജാഗരം।
വ്യപനേഷ്യാമി ഗോവിന്ദ ഹത്വാ കർണം ശിതൈഃ ശരൈഃ॥ 8-78-18 (58853)
അദ്യ കുന്തീസുതോ രാജാ ഹതേ സൂതസുതേ മയാ।
സുപ്രഹൃഷ്ടമനാഃ പ്രീതശ്ചിരം സുഖമവാപ്സ്യതി॥ 8-78-19 (58854)
അദ്യ വാഹമനാധൃഷ്യം കേശവാപ്രതിമം ശരം।
ഉത്സ്രക്ഷ്യാമീഹയഃ കർണം ജീവിതാദ്ധംശയിഷ്യതി॥ 8-78-20 (58855)
യസ്യ ചൈതദ്വ്രതം മഹ്യം വധേ കില ദുരാത്മനഃ।
പാദൌന മxxxxxxന്യാം ന ഫൽഗുനം॥ 8-78-21 (58856)
xxxxxxxz പാപസ്യ മധുസൂദന।
xxxxxxxxxxxxxx സന്നതപർവഭിഃ॥ 8-78-22 (58857)
xxxxxxxxxxxxxx നാന്യം പൃഥിവ്യാമനുമന്യതേ।
xxxxxxxxx സൂതപുത്രസ്യ ഭൂമിഃ പാസ്യതി ശോണിതം॥ 8-78-23 (58858)
xxxxxxx സൂതപുത്രോ യദവ്രവീത്।
xxxxxxxxxxx ശ്ലാഘമാനഃ സ്വകാൻഗുണാൻ॥ 8-78-24 (58859)
അനൃതം തത്കരിഷ്യന്തി മാമകാ നിശിതാഃ ശരാഃ।
ആശീവിഷാ ഇവ ക്രുദ്ധാസ്തസ്യപാസ്യന്തി ശോണിതം॥ 8-78-25 (58860)
മയാ ഹസ്തവതാ മുക്താ നാരാചാ വൈദ്യുതത്വിഷഃ।
ഗാണ്ഡീവസൃഷ്ടാ ദാസ്യന്തി കർണസ്യ പരമാം ഗതിം॥ 8-78-26 (58861)
അദ്യ തപ്സ്യതി രാധേയഃ പാഞ്ചാലീം യത്തദബ്രവീത്।
സഭാമധ്യേ വചഃ ക്രൂരം കുത്സയൻപാണ്ഡവാൻപ്രതി॥ 8-78-27 (58862)
ഏതേ ഷണ്ഡതിലാഃ കൃഷ്ണേ നിർവീര്യാ ഹതവിക്രമാഃ।
അഹം വഃ പാണ്ഡവേയേഭ്യോ ഭയാത്ത്രാസ്യേതി ചാബ്രവീത്।
ഹന്താഽഹം പാണ്ഡവാൻസർവാൻസപുത്രാനിഹ ഭാരത॥ 8-78-28 (58863)
അനൃതം തത്കരിഷ്യന്തി മാമകാ നിശിതാഃ ശരാഃ।
ഹതേ വൈകർതനേ കർണേ സൂതപുത്രേ ദുരാത്മനി॥ 8-78-29 (58864)
യസ്യ വീര്യം സമാശ്രിത്യ ധാർതരാഷ്ട്രോ ബൃഹൻമനാഃ।
തമദ്യ കർണം ഹന്താസ്മി സമരേ മധുസൂദന॥ 8-78-30 (58865)
അദ്യ കർണേ ഹതേ കൃഷ്ണ ധാർതരാഷ്ട്രാഃ സരാജകാഃ।
വിദ്രവന്തി ദിശോ ഭീതാഃ സിംഹം ദൃഷ്ട്വാ മൃഗാ ഇവ॥ 8-78-31 (58866)
അദ്യ ദുര്യോധനോ രാജാ പൃഥിവീം നാന്വവേക്ഷതേ।
ഹതേ കർണേ മയാ സംഖ്യേ സപുത്രേ സസുഹൃജ്ജനേ॥ 8-78-32 (58867)
അദ്യ കർണേ ഹതം ദൃഷ്ട്വാ ധാർതരാഷ്ട്രോഽത്യമർഷണഃ।
ജാനാതു മാം രണേ കൃഷ്ണ പ്രവരം സർവധന്വിനാം॥ 8-78-33 (58868)
സപുത്രപൌത്രഃ സാമാത്യഃ സസുഹൃച്ച നിരാശിഷഃ।
പിത്ര്യേ രാജ്യേ നിരാശശ്ച ധാർതരാഷ്ട്രോ നിരാശ്രയഃ॥ 8-78-34 (58869)
അദ്യ രാജാ ധർമപുത്രോ ഹതാമിത്രോ ഭവിഷ്യതി।
അദ്യ ദുര്യോധനോ ദീപ്താം ശ്രിയം രാജ്യം ച ഹാസ്യതി॥ 8-78-35 (58870)
ഹതേ വൈകർതനേ കർണേ ഭീഷ്മേ ദ്രോണേ ച സംയുഗേ।
കാതരം തദ്ബലം കൃഷ്ണ പ്രവിഷ്ടം ഭോക്ഷ്യതേ തു യത്॥ 8-78-36 (58871)
അദ്യപ്രഭൃതി രാജാനം ധർമപുത്രം യുധിഷ്ഠിരം।
അനുമോദന്തു സുഹൃദോ ജ്ഞാതപൂർവാശ്ച ബ്രാഹ്മണാഃ॥ 8-78-37 (58872)
അദ്യ തം നിഹതം ശ്രുത്വാ കർണം വൈകർതനം മയാ।
കരോതു പടഹോൻമിശ്രം ദേവതാസ്ഥാനപൂജനം॥ 8-78-38 (58873)
അദ്യ കൃഷ്ണ ഹതേ കർണേ കുരുതാം ചിരസംഭൃതം।
യാജനം വൈ മഹാബാഹോ ദേവതാനാം യഥാവിധി॥ 8-78-39 (58874)
അദ്യ ത്വംബാ ച കൃഷ്ണാ ച ത്വരമാണേ പരസ്പരം।
സസ്വജേതാം ഹൃഷീകേശ സംപൂർണേഽസ്മിൻമനോരഥേ॥ 8-78-40 (58875)
അദ്യ ത്വം പാണ്ഡവോ ജ്യേഷ്ഠസ്തഥാഽഽര്യശ്ച വൃകോദരഃ।
ഉദീക്ഷേതാം ഹതേ കർണേ കൃഷ്ണ സൌംയേന ചക്ഷുഷാ॥ 8-78-41 (58876)
അഭിവാദ്യ ഗുരൂനദ്യ കനിഷ്ഠൈശ്ചാഭിവാദിതഃ।
സസ്വജാനോ ഹ്യഹം ദോർഭ്യാം പ്രാപ്സ്യാമി വിപൂലം യശഃ॥ 8-78-42 (58877)
അദ്യ കർണേ ഹതേ കൃഷ്ണ പ്രശംസന്തോഽർജുനം സുരാഃ।
ത്രിദിവം യാന്തു സംഹൃഷ്ടാഃ സംഗതാശ്ച തപോധനാഃ॥ 8-78-43 (58878)
അദ്യ ലോകാസ്ത്രയഃ കൃഷ്ണ ജാനന്തു മമ പൌരുഷം।
ദൃഷ്ട്വാ കർണം ഹതം യുദ്ധേ ദ്വൈരഥേ സവ്യസാചിനാ॥ 8-78-44 (58879)
അദ്യാഹമനൃണഃ കൃഷ്ണ ഭവിഷ്യാമി ധനുഷ്മതാം।
രഥസ്യ ച ശരാണാം ച ധനുഷോ ഗാണ്ഡിവസ്യ ച॥ 8-78-45 (58880)
മോക്ഷ്യാംയദ്യ മഹദ്ദുഃഖം ത്രയോദശസമാർജിതം।
ഹത്വാ കർണം രണേ കൃഷ്ണ ശംബരം മഘവാനിവ॥ 8-78-46 (58881)
അദ്യ കർണേ ഹതേ യുദ്ധേ സോമകാനാം മഹാരഥാഃ।
കൃതകാര്യാഃ പ്രമോദന്താം മിത്രകാര്യേപ്സവോ യുധി॥ 8-78-47 (58882)
ന ജാനേ ച കഥം പ്രീതിഃ ശൈനേയസ്യാദ്യ മാധവ।
അഹം ഹത്വാ രണേ കർണം പുത്രാംശ്ചാസ്യ ജയാധികാൻ।
പ്രീതിം ദാസ്യാമി ഭീമസ്യ സാത്യകേര്യമയോസ്തഥാ॥ 8-78-48 (58883)
ധൃഷ്ടദ്യുംനസ്യ വീരസ്യ തഥൈവ ച ശിഖണ്ഡിനഃ।
അദ്യാനൃണ്യം ഗമിഷ്യാമി ഹത്വാ കർണം മഹാഹവേ।
ധർമരാജസ്യ സംശ്രുത്യ വാർഷ്ണേയശപഥം മിഥഃ॥ 8-78-49 (58884)
അദ്യ പശ്യന്തു സംഗ്രാമേ ധനഞ്ജയമമർഷണം।
യുധ്യന്തം കൌരവൈഃ സാർധം ഘാതയന്തം ച സൂതജം॥ 8-78-50 (58885)
ഭവത്സമക്ഷമം വക്ഷ്യാമി പുനരേവാത്മസംസ്തവം।
ഇത്യപ്യമിത്രപ്രവരമദ്യാഹം ഹൻമി സൂതജം॥ 8-78-51 (58886)
ധനുർവേദേ മത്സമഃ കോ നു ലോകേ
പരാക്രമേ വാ മമ കോഽസ്തി തുല്യഃ।
കോ വാഽപ്യന്യോ മത്സമോഽസ്തി ക്ഷമായാം
മമാനൃശംസ്യേ സദൃശോഽസ്തി കോഽന്യഃ॥ 8-78-52 (58887)
അഹം ധനുഷ്മാൻസസുരാസുരാംശ്ച
സർവാണി ഭൂതാനി ച സംഗതാനി।
സ്വബാഹുവീര്യാദ്ഗമയേ പരാഭവം
മത്പൌരുഷം വിദ്വി പരം പരേഭ്യഃ॥ 8-78-53 (58888)
ശരാർചിഷാ ഗാണ്ഡിവേനാഹമേകഃ
സർവാൻകുരൂൻബാഹ്ലികാംശ്ചാഭിപന്നഃ।
ഹിമാത്യയേ കക്ഷഗതോ യഥാഽഗ്നിഃ
സ നിർദഹേയം സഹസാ പ്രഗൃഹ്യ॥ 8-78-54 (58889)
പാണീ പൃഷത്കാലിഖിതൌ മമൈതൌ
ധനുശ്ച സംഖ്യേ വിതതം സബാണം।
പാദൌ ചേമൌ സുരഥൌ സധ്വജൌ ച
ന മാദൃശം യുദ്ധഗതം ഭജന്തി॥ ॥ 8-78-55 (58890)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ അഷ്ടസപ്തതിതമോഽധ്യായഃ॥ 78 ॥
Mahabharata - Karna Parva - Chapter Footnotes
॥ ശ്രീഃ ॥
8.79. അധ്യായഃ 079
Mahabharata - Karna Parva - Chapter Topics
ദ്വന്ദ്വയുദ്ധം॥ 1 ॥
Mahabharata - Karna Parva - Chapter Text
8-79-0 (58891)
[ധൃതരാഷ്ട്ര ഉവാച। 8-79-0x (5027)
സമാഗമേ പാണ്ഡവസൃഞ്ജയാനാം
മഹാഭയേ മാമകാനാമഗാധേ।
ധനഞ്ജയേ താത രണായ യാതേ
കർണേന തദ്യുദ്വമഥോഽത്ര കീദൃക്॥] 8-79-1 (58892)
സഞ്ജയ ഉവാച। 8-79-2x (5028)
തേഷാമനീകാനി മഹാധ്വജാനി
രണേ സമൃദ്ധാനി സുസംഗതാനി।
ഭേരീനിരാദോൻമുഖരാണ്യംഗർജ--
ൻമേഘാ ഇവ പ്രാവൃഷി മാരുതാസ്താഃ॥ 8-79-2 (58893)
മഹാഗജാഭ്രാകുലമസ്ത്രതോയം
വാദിത്രനേമീതലശബ്ദവച്ച।
ഹിരണ്യചിത്രായുധവിദ്യുതം ച
ശരാസിനാരാചമഹാസ്ത്രധാരം॥ 8-79-3 (58894)
തദ്ഭീമവേഗം രുധിരൌഘവാഹി
ഖംഗാകുലം ക്ഷത്രിയജീവഘാതി।
അനാർതവം ക്രൂരമനിഷ്ടവർഷം
ബഭൂവ സംരംഭകരം പ്രജാനാം॥ 8-79-4 (58895)
ഏകം രഥം സംപരിവാര്യ മൃത്യും
നയന്ത്യനേകേ ച രഥാഃ സമേതാഃ।
ഏകസ്തഥൈകം രഥിനം രഥാഗ്ര്യാം--
സ്തഥാ രഥശ്ചാപി രഥാനനേകാൻ॥ 8-79-5 (58896)
രഥം സസൂതം സഹയം ച കഞ്ചി--
ത്കശ്ചിദ്രതീ മൃത്യുവശം നിനായ।
നിനായ ചാപ്യേകഗജേന കശ്ചി--
ദ്രഥാൻബഹൂൻമൃത്യുവശേ തഥാശ്വാൻ॥ 8-79-6 (58897)
രഥാൻസസൂതാൻസഹയാൻഗജാംശ്ച
സർവാനരീൻമൃത്യുവശം ശരൌഘൈഃ।
നിന്യേ ഹയാംശ്ചൈവ തഥാ സസാദീ--
ൻപദാതിസംഘാംശ്ച തഥൈവ പാർഥഃ॥ 8-79-7 (58898)
കൃപഃ ശിഖണ്ഡീ ച രണേ സമേതൌ
ദുര്യോധനം സാത്യകിരധ്യഗച്ഛത്।
ശ്രുതശ്രവാ ദ്രോണപുത്രേണ സാർധം
യുധാമന്യുശ്ചിത്രസേനേന സാർധം॥ 8-79-8 (58899)
കർണസ്യ പുത്രം തു രഥീ സുഷേണം
സമാഗതം സൃഞ്ജയശ്ചോത്തമൌജാഃ।
ഗാന്ധാരരാജം സഹദേവോഽക്ഷധൂർതം
മഹർഷഭം സിംഹ ഇവാഭ്യധാവത്॥ 8-79-9 (58900)
ശതാനീകോ നാകുലിഃ കർണപുത്രം
യുവാ യുവാനം വൃഷസേനം ശരൌഘൈഃ।
സമാർപയത്കർണപുത്രശ്ച ശൂരഃ
പാഞ്ചാലേയം ശരവർഷൈരനേകൈഃ॥ 8-79-10 (58901)
രഥർഷഭഃ കൃതവർമാണഭാർച്ഛ--
ൻമാദ്രീപുത്രോ നകുലശ്ചിത്രയോധീ।
പാഞ്ചാലാനാമധിപോ യാജ്ഞസേനിഃ
സേനാപതിഃ കർണമാർച്ഛത്സസൈന്യം॥ 8-79-11 (58902)
ദുഃശാസനോ ഭാരത ഭാരതം തു
വ്യാത്താനനം ക്രൂരമിവാന്തകാഭം।
ഭീമം രണേ ശസ്ത്രഭൃതാം വരിഷ്ഠം
ഭീമം സമാർച്ഛത്തമസഹ്യവേഗം॥ 8-79-12 (58903)
കർണാത്മജം തത്ര ജഘാന വീര--
സ്തഥാച്ഛിനച്ചോത്തമൌജാഃ പ്രസഹ്യ।
തസ്യോത്തമാംഗം നിപപാത ഭൂമൌ
നിനാദയദ്ഗാം നിനദേന ഖം ച॥ 8-79-13 (58904)
സുഷേണശീർഷം പതിതം പൃഥിവ്യാം
വിലോക്യ കർണോഽഥ തദാർതരൂപഃ।
ക്രോധാദ്ധയാംസ്തസ്യ രഥം ധ്വജം ച
ബാണൈഃ സുധാരൈർനിശിതൈരകൃന്തത്॥ 8-79-14 (58905)
സ തൂത്തമൌജാ നിശിതൈഃ പൃഷത്കൈ--
ർവിവ്യാധ ഖംഗേന ച ഭാസ്വരേണ।
പാർഷ്ണിഗ്രഹാംശ്ചൈവ കൃപസ്യ ഹത്വാ
ശിഖണ്ഡിവാഹം സ തതോഽധ്യരോഹത്॥ 8-79-15 (58906)
കൃപം തു ദൃഷ്ട്വാ വിരഥം രഥസ്ഥോ
നൈച്ഛച്ഛരൈസ്താഡയിതും ശിഖണ്ഡീ।
തം ദ്രൌണിരാവാര്യ രഥം കൃപസ്യ
സമുജ്ജഹേ പങ്കഗതാം യഥാ ഗാം॥ 8-79-16 (58907)
ഹിരണ്യവർമാ നിശിതൈഃ പൃഷത്കൈ--
സ്തവാത്മജാനാമനിലാത്മജോ വൈ।
അതാപയത്സൈന്യമതീവ ഭീമഃ
കാലേ ശുചൌ മധ്യഗതോ യഥാഽർകഃ॥ ॥ 8-79-17 (58908)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ഏകോനാശീതിതമോഽധ്യായഃ॥ 79 ॥
Mahabharata - Karna Parva - Chapter Footnotes
॥ ശ്രീഃ ॥
8.80. അധ്യായഃ 080
Mahabharata - Karna Parva - Chapter Topics
ഭീമസേനവിശോകയോഃ സംവാദഃ॥ 1 ॥
Mahabharata - Karna Parva - Chapter Text
8-80-0 (58909)
സഞ്ജയ ഉവാച। 8-80-0x (5029)
അഥ ത്വിദാനീം തുമുലേ വിമർദേ
ദ്വിഷദ്ഭിരേകോ ബഹുഭിഃ സമാവൃതഃ।
മഹാരണേ സാരഥിമിത്യുവാച
ഭീമശ്ചമൂം വാഹയ ധാർതരാഷ്ട്രീം।
ത്വം സാരഥേ യാഹി ജവേന വാഹൈ--
ർനയാംയേതാന്ധാർതരാഷ്ട്രാന്യമായ॥ 8-80-1 (58910)
സഞ്ചോദിതോ ഭീമസേനേന ചൈവം
സ സാരഥിഃ പുത്രബലം ത്വദീയം।
പ്രായാത്തതഃ സത്വരമുഗ്രവേഗോ
യതോ ഭീമസ്തദ്ബലം ഗന്തുമൈച്ഛത്॥ 8-80-2 (58911)
തതോഽപരേ നാഗരഥാശ്വപത്തിഭിഃ
പ്രത്യുദ്യയുസ്തം കുരവഃ സമന്താത്।
ഭീമസ്യ വാഹാഗ്ര്യമുദാരവേഗം
സമന്തതോ ബാണഗണൈർനിജഘ്നുഃ॥ 8-80-3 (58912)
തതഃ ശരാനാപതതോ മഹാത്മാ
ചിച്ഛേദ ബാണൈസ്തപീനയപുംഖൈഃ।
തേ വൈ നിപേതുസ്തപനീയപുംഖാ
ദ്വിധാ ത്രിധാ ഭീമശരൈർനികൃത്താഃ॥ 8-80-4 (58913)
തതോ രാജന്നാഗരഥാശ്വയൂനാം
ഭീമാഹതാനാം വരരാജമധ്യേ।
ഘോരോ നിനാദഃ സുമഹാനഭൂത്തദാ
വജ്രാഹതാനാമിവ പർവതാനാം॥ 8-80-5 (58914)
തേ വധ്യമാനാശ്ച നരേന്ദ്രമുഖ്യാ
നിർഭിദ്യന്തോ ഭീമശരപ്രവേകൈഃ।
ഭീമം സമന്താത്സമരേഽഭ്യരോഹൻ
വൃക്ഷം ശകുന്താ ഇവ പുഷ്പഹേതോഃ॥ 8-80-6 (58915)
തതോഽഭിയാതേ തവ സൈന്യേ സ ഭീമഃ
പ്രാദുശ്ചക്രേ വേഗമനന്തവേഗഃ।
യഥാഽന്തകാലേ ക്ഷപയന്ദിധക്ഷു--
ർഭൂതാന്തകൃത്കാല ഇവാത്തദണ്ഡഃ॥ 8-80-7 (58916)
തസ്യാതിവേഗസ്യ രണേഽതിവേഗം
നാശക്നുവന്ധാരയിതും ത്വദീയാഃ।
വ്യാത്താനനസ്യാപതതോ യഥൈവ
കാലസ്യ കാലേ ഹരതഃ പ്രജാ വൈ॥ 8-80-8 (58917)
തതോ ബലം ഭാരത ഭാരതാനാം
പ്രദഹ്യമാനം സമരേ മഹാത്മനാ।
ഭീതം ദിശോഽകീര്യത ഭീമനുന്നം
മഹാനിലേനാഭ്രഗണാ യഥൈവ॥ 8-80-9 (58918)
തതോ ധീമാൻസാരഥിമബ്രവീദ്ബലീ
സ ഭീമസേനഃ പുനരേവ ഹൃഷ്ടഃ॥ 8-80-10 (58919)
സൂതാഭിജാനീഹി പരാൻസ്വകാന്വാ
രഥാന്ധ്വജാംശ്ചാപതതഃ സമേതാൻ।
യുധ്യൻഹ്യഹം നാഭിജാനാമി കിഞ്ചി--
ൻമാ സൈന്യം സ്വം ഛാദയിഷ്യേ പ്രമത്തഃ॥ 8-80-11 (58920)
അരീന്വിശോകാൻഹി നിരീക്ഷ്യ സർവതോ
മഹാംശ്ച മന്യുഃ പുനരേതി മാം ഭൃശം।
രാജാതുരോ നാഗമദ്യത്കിരീടീ
ബഹൂനി ദുഃഖാന്യഭിചിന്തയാമി॥ 8-80-12 (58921)
ഏതദ്ദുഃഖം ധാരയേ ധർമരാജോ
യൻമാം ഹിത്വാ യാതവാഞ്ശത്രുമധ്യേ।
നൈനം ജീവം നാഭിജാനാംയജീവം
ബീഭത്സും വാ തൻമമാദ്യാതിദുഃഖം॥ 8-80-13 (58922)
സോഽഹം ദ്വിഷത്സൈന്യമുദഗ്രകൽപം
വിനാശയിഷ്യേ പരമപ്രതീതഃ।
ഏതന്നിഹത്യാജിമധ്യേ സമേതം
പ്രീതോ ഭവിഷ്യാമി സഹ ത്വയാദ്യ॥ 8-80-14 (58923)
സർവാംസ്തൂണാൻസായകാനാമവേക്ഷ്യ
കിം ശിഷ്ടം സ്യാത്സായകാനാം രഥേ മേ।
കാ വാ ജാതിഃ കിം പ്രമാണം ച തേഷാം
ജ്ഞാത്വാ വ്യക്തം തത്സമാചക്ഷ്വ സൂത।
`കതി വാ സഹസ്രാണി കതി വാ ശതാനി
ഹ്യാചക്ഷ്വ മേ സാരഥേ ക്ഷിപ്രമേവ॥ 8-80-15 (58924)
വിശോക ഉവാച। 8-80-16x (5030)
സർവം വിദിത്വൈവമഹം വദാമി
തവാർഥസിദ്ധിപ്രദമദ്യ വീര।
കൈകേയകാംഭോജസുരാഷ്ട്രബാഹ്ലികാ
ംലേച്ഛാശ്ച സുഹ്മാഃ പരതങ്കണാശ്ച। 8-80-16 (58925)
മദ്രാശ്ച വംഗാ മഗധാഃ കുണിന്ദാ
ആനർതകാവർതകാഃ പാർവതീയാഃ।
സർവേ ഗൃഹീതപ്രവരായുധാസ്ത്വാം
സംവേഷ്ട്യ സംവേഷ്ട്യ തതോ വിവേദുഃ॥ 8-80-17 (58926)
രഥേ തവാസ്മിന്നിശിതാഃ സുപീതാ--
സ്തതോ ഭല്ലാ ദ്വാദശ വൈ സഹസ്രാഃ'।
ഷൺമാർഗണാനാമയുതാനി വീര
ക്ഷുരാശ്ച ഭല്ലാശ്ച തഥായുതാഖ്യാഃ॥ 8-80-18 (58927)
നാരാചാനാം ദ്വേ സഹസ്രേ ച വീര
ത്രീണ്യേപ ച പ്രദരാണാം സ്മ പാർഥ।
അസ്ത്യായുധം പാണ്ഡവേയാവശിഷ്ടം
ന യദ്വഹേച്ഛകടം ഷംഗവീയം॥ 8-80-19 (58928)
ഏതദ്വിദ്വൻമുഞ്ച സഹസ്രശോഽപി
ഗദാസിബാഹുദ്രവിണം ച തേഽസ്തി।
പ്രാസാശ്ച മുദ്രരാഃ ശക്തയസ്തോമരാശ്ച
മാഭൈഷീസ്ത്വം സങ്ക്ഷയാദായുധാനാം॥ 8-80-20 (58929)
ഭീമസേന ഉവാച। 8-80-21x (5031)
`അദ്യൈവ നൂനം കഥയന്തു സിദ്ധാം
മമ പ്രതിജ്ഞാം സർവലോകേ വിശോക।
ന മോക്ഷ്യതേ സമരേ ഭീമസേന
ഏകഃ ശത്രൂൻസമരേ വാപ്യജൈഷീത്।
ആശംസിതാനാമിദമേകമസ്തു
തൻമേ ദേവാഃ സകലം സാധയന്തു॥' 8-80-21 (58930)
സൂതാദ്യ മദ്ബാഹുയുതൈഃ സമസ്താ--
ൻസമാഹനദ്ഭിഃ പാർഥിവാനാശുവേഗൈഃ।
ച്ഛന്നം ബാണൈരാഹവം ഘോരരൂപം
നഷ്ടാദിത്യം മൃത്യുലോകേന തുല്യം॥ 8-80-22 (58931)
അദ്യൈതദ്യൈ വിദിതം പാർഥിവാനാം
ഭവിഷ്യതി ഹ്യാകുമാരം ച സൂത।
നിമഗ്നോ വാ സമരേ ഭീമസേന
ഏകഃ കുരൂന്വാ സമരേ വ്യജൈഷീത്॥ 8-80-23 (58932)
സർവേ സംഖ്യേ കുരവോ നിഷ്പതന്തു
മാം വാ ലോകാഃ കീർതയന്ത്വാകുമാരം।
സർവാനേകസ്താനഹം പാതയിഷ്യേ
തേ വാ സർവേ ഭീമസേനം തുദന്തു॥ 8-80-24 (58933)
ആശാസ്താരഃ കർമ ചാപ്യുത്തമം യേ
തൻമേ ദേവാഃ സഫലം സാധയന്തു।
ആയാതീഹ കേശവസാരഥീ രഥീ
ശക്രസ്തൂർണം യജ്ഞ ഇവോപഹൂതഃ॥ 8-80-25 (58934)
ഈക്ഷസ്വൈതാം ഭാരതീം ദീര്യമാണാ--
മേതേ കസ്മാദ്വിദ്രവന്തേ നരേന്ദ്രാഃ।
വ്യക്തം ധീമാൻസവ്യസാചീ നരാഗ്ര്യഃ
സൈന്യം ഹ്യേതച്ഛാദയത്യാശു ബാണൈഃ॥ 8-80-26 (58935)
പശ്യ ധ്വജാംശ്ച ദ്രവതോ വിശോക
നാഗാൻഹയാൻപത്തിസംഘാംശ്ച സംഖ്യേ।
രഥാന്വികീർണാഞ്ശരശക്തിതാഡിതാ--
ൻപശ്യസ്വൈതാന്രഥിനശ്ചൈവ സൂത॥ 8-80-27 (58936)
ആപൂര്യതേ കൌരവീ ചാപ്യഭീക്ഷ്ണം
സേനാ ഹ്യസൌ സുഭൃശം ഹന്യമാനാ।
ധനഞ്ജയസ്യാശനിതുല്യവേഗൈ--
ർഗ്രസ്താ ശരൈഃ കാഞ്ചനബർഹജാലൈഃ॥ 8-80-28 (58937)
ഏതേ ദ്രവന്തി സ്മ രഥാശ്വനാഗാഃ
പദാതിസംഘാനതിമർദയന്തഃ।
സംമുഹ്യമാനാഃ കൌരവാഃ സർവ ഏവ
ദ്രവന്തി നാഗാ ഇവ ദാഹഭീതാഃ॥ 8-80-29 (58938)
ഹാഹാകൃതാശ്ചൈവ രണേ വിശോക
മുഞ്ചന്തി നാദാന്വിപുലാൻഗജേന്ദ്രാഃ॥ 8-80-30 (58939)
വിശോക ഉവാച। 8-80-31x (5032)
കിം ഭീമ നൈനം ത്വമിഹാശൃണോഷി
വിസ്ഫാരിതം ഗാണ്ഡിവസ്യാതിഘോരം।
ക്രുദ്ധേന പാർഥേന വികൃഷ്യതോഽദ്യ
കച്ചിന്നേമൌ തവ കർണൌ വിനഷ്ടൌ॥ 8-80-31 (58940)
സർവേ കാമാഃ പാണ്ഡവ തേ സമൃദ്ധാഃ
കപിർഹ്യസൌ ദൃശ്യതേ ഹസ്തിസൈന്യേ।
നീലാദ്ധനാദ്വിദ്യുതമുച്ചരന്തീം
തഥാ പശ്യ വിസ്ഫുരന്തീം ധനുർജ്യാം॥ 8-80-32 (58941)
കപിർഹ്യസൌ വീക്ഷതേ സർവതോ വൈ
ധ്വജാഗ്രമാരുഹ്യ ധനഞ്ജയസ്യ।
വിത്രാസയന്രി പുസംഘാന്വിമർദേ
ബിഭേംയസ്മാദാത്മനൈവാഭിവീക്ഷ്യ॥ 8-80-33 (58942)
വിഭ്രാജതേ ചാതിമാത്രം കിരീടം
വിചിത്രമേതച്ച ധനഞ്ജയസ്യ।
ദിവാകരാഭോ മണിരേഷ ദിവ്യോ
വിഭ്രാജതേ ചൈവ കിരീടസംസ്ഥഃ॥ 8-80-34 (58943)
പാർശ്വേ ഭീമം പാണ്ഡുരാഭ്രപ്രകാശം
പശ്യസ്വ സംഖം ദേവദത്തം സുഘോഷം।
അഭീഷുഹസ്തസ്യ ജനാർദനസ്യ
വിഗാഹമാനസ്യ ചമൂം പരേഷാം॥ 8-80-35 (58944)
രവിപ്രഭം വജ്രനാഭം ക്ഷുരാന്തം
പാർശ്വേ സ്ഥിതം പശ്യ ജനാർദനസ്യ।
ചക്രം യശോവർധനം കേശവസ്യ
സദാർചിതം യദിഭിഃ പശ്യ വീര॥ 8-80-36 (58945)
മഹാദ്വിപാനാം സരലദ്രുമോപമാഃ
കരാ നികൃത്താഃ പ്രപതന്ത്യമീ ക്ഷുരൈഃ।
കിരീടിനാ തേന പുനഃ സസാദിനഃ
ശരൈർനികൃത്താഃ കുലിശൈരിവാദ്രയഃ॥ 8-80-37 (58946)
തഥൈവ കൃഷ്ണസ്യ ച പാഞ്ചജന്യം
മഹാർഹമേതം ദ്വിജരാജവർണം।
കൌന്തേയ പശ്യോരസി കൌസ്തുഭം ച
ജാജ്വല്യമാനം വിജയാം സ്രജം ച॥ 8-80-38 (58947)
ധ്രവം രഥാഗ്ര്യഃ സമുപൈതി പാർഥോ
വിദ്രാവയൻസൈന്യമിദം പരേഷാം।
സിതാഭ്രവർണൈരസിതപ്രയുക്തൈ--
ർഹയൈർമഹാർഹൈ രഥിനാം വരിഷ്ഠഃ॥ 8-80-39 (58948)
രഥാൻഹയാൻപത്തിഗണാംശ്ച സായകൈ--
ർവിദാരിതാൻപശ്യ പതന്ത്യമീ യഥാ।
തവാനുജേനാമരരാജതേജസാ
മഹാവനാനീവ സുപർണവായുനാ॥ 8-80-40 (58949)
ചതുഃ ശതാൻപശ്യ രഥാനിമാൻഹതാൻ
സവാജിസൂതാൻസമരേ കിരീടിനാ।
മഹേഷുഭിഃ സപ്തശതാനി ദന്തിനാം
പദാതിസാദീംശ്ച രഥാനനേകശഃ॥ 8-80-41 (58950)
അയം സമഭ്യേതി തവാന്തികം ബലീ
നിഘ്നൻകുരൂംശ്ചിത്ര ഇവ ഗ്രഹോഽർജുനഃ।
സമൃദ്ധകാമോഽസി ഹതാസ്തവാഹിതാ
ബലം തവായുശ്ച ചിരായ വർധതാം॥ 8-80-42 (58951)
ഭീമസേന ഉവാച। 8-80-43x (5033)
ദദാനി തേ ഗ്രാമവരാംശ്ചതുർദശ
പ്രിയാഖ്യാനേ സാരഥേ സുപ്രസന്നഃ।
ദാസീശതം ചാപി രഥാംശ്ച വിംശതിം
യദർജുനം വേദയസേ വിശോക॥ ॥ 8-80-43 (58952)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ അശീതിതമോഽധ്യായഃ॥ 80 ॥
Mahabharata - Karna Parva - Chapter Footnotes
॥ ശ്രീഃ ॥
8.81. അധ്യായഃ 081
Mahabharata - Karna Parva - Chapter Topics
പാർഥപരാക്രമഃ॥ 1 ॥ ഭീമേന ദുര്യോധനചോദിതസ്യ ശകുനേഃ പരാജയഃ॥ 2 ॥
Mahabharata - Karna Parva - Chapter Text
8-81-0 (58953)
സഞ്ജയ ഉവാച। 8-81-0x (5034)
ശ്രുത്വാ തു രഥനിർഘോഷം സിംഹനാദം ച സംയുഗേ।
അർജുനഃ പ്രാഹ ഗോവിന്ദം ശീഘ്രം വാഹയ വാജിനഃ॥ 8-81-1 (58954)
അർജുനസ്യ വചഃ ശ്രുത്വാ ഗോവിന്ദോഽർജുനമബ്രവീത്।
ഏഷ ഗച്ഛാമി സുക്ഷിപ്രം യത്ര ഭീമോ വ്യവസ്ഥിതഃ॥ 8-81-2 (58955)
തം യാന്തമശ്വാ ഹിമശംഖവർണാഃ
സുവർണമുക്താമണിജാലനദ്ധാഃ।
ജംഭം ജിഘാംസും പ്രഗൃഹീതവജ്രം
ഹയാ യഥാ തത്ര യഥാ വഹംസ്തദാ॥ 8-81-3 (58956)
രഥാശ്വമാതംഗപദാതിസംഘാ
ബാണസ്വനൈർനേമിഖുരസ്വനൈശ്ച।
സന്നാദയന്തോ വസുധാം ദിശശ്ച
ക്രുദ്ധാ നൃസിംഹാ ജയമഭ്യുദീയഃ॥ 8-81-4 (58957)
തേഷാം ച പാർഥസ്യ ച മാരിഷാസീ--
ദ്ദേഹാസുപാപക്ഷപണം സുയുദ്ധം।
ത്രൈലോക്യഹേതോരസുരൈര്യഥാസീ--
ദ്ദേവസ്യ വിഷ്ണോർജയതാം വരസ്യ॥ 8-81-5 (58958)
തൈരസ്തമുച്ചാവചമായുധം ത--
ദേകഃ പ്രചിച്ഛേദ കിരീടമാലീ।
ക്ഷുരാർധചന്ദ്രൈർനിശിതൈശ്ച ഭല്ലൈഃ
ശിരാംസി തേഷാം ബഹുധാ ച ബാഹൂൻ॥ 8-81-6 (58959)
ഛത്രാണി വാലവ്യജനാനി കേതൂ--
നശ്വാന്രഥാൻപത്തിഗണാന്ദ്വിപാംശ്ച।
തേ പേതുരുർവ്യാം ബഹുധാ വികൃത്താ
വാതപ്രണുന്നാനി യഥാ വനാനി॥ 8-81-7 (58960)
സുവർണജാലാവനതാ മഹാഗജാഃ
സവൈജയന്തീധ്വജയോധകൽപിതാഃ।
സുവർണപുംഘൈരിഷുഭിഃ സമാചിതാ--
ശകാശിരേ പ്രജ്വലിതാ യഥാചലാഃ॥ 8-81-8 (58961)
വിദാര്യ നാഗാശ്വരഥാന്ധഞ്ജയഃ
ശരോത്തമൈർവാസവവജ്രസന്നിഭൈഃ।
ദ്രുതം യയൌ കർണജിഘാംസയാ തഥാ
യഥാ മരുത്വാൻബലഭേദനേ പുരാ॥ 8-81-9 (58962)
തതഃ സ പുരുഷവ്യാഘ്രസ്തവ സൈന്യമരിന്ദമഃ।
പ്രവിവേശ മഹാബാഹുർമകരഃ സാഗരം യഥാ॥ 8-81-10 (58963)
തം ഹൃഷ്ടാസ്താവകാ രാജന്രഥപത്തിസമന്വിതാഃ।
ഗജാശ്വസാദിബഹുലാഃ പാണ്ഡവം സമുപാദ്രവൻ॥ 8-81-11 (58964)
തേഷാമാപതതാം പാർഥമാരാവഃ സുമഹാനഭൂത്।
സാഗരസ്യേവ ക്ഷുബ്ധസ്യ യഥാ സ്യാത്സലിലസ്വനഃ॥ 8-81-12 (58965)
തേ തു തം പുരുഷവ്യാഘ്രം വ്യാഘ്രാ ഇവ മഹാരഥാഃ।
അഭ്യദ്രവന്ത സംഗ്രാമേ ത്യക്ത്വാ പ്രാണകൃതം ഭയം॥ 8-81-13 (58966)
തേഷാമാപതതാം തത്ര ശരവർഷാണി മുഞ്ചതാം।
അർജുനോ വ്യധമത്സൈന്യം മഹാവാതോ ഘനാനിവ॥ 8-81-14 (58967)
തേഽർജുനം സഹിതാ ഭൂത്വാ രഥവംശൈഃ ഗ്രഹാരിണഃ।
അഭിയായ മഹേഷ്വാസാ വിവ്യധുർനിശിതൈഃ ശരൈഃ॥ 8-81-15 (58968)
തതോഽർജുനഃ സഹസ്രാണി രഥവാരണവാജിനാം।
പ്രേഷയാമാസ വിശിഖൈര്യമസ്യ സദനം പ്രതി॥ 8-81-16 (58969)
തേ വധ്യമാനാഃ സമരേ പാർഥചാപച്യുതൈഃ ശരൈഃ।
തത്രതത്ര സ്മ ലീയന്തേ ഭയേ ജാതേ മഹാരഥാഃ॥ 8-81-17 (58970)
തേഷാം ചതുഃശതാന്വീരാന്യതമാനാൻമഹാരഥാൻ।
അർജുനോ നിശിതൈർബാണൈരനയദ്യമസാദനം॥ 8-81-18 (58971)
തേ വധ്യമാനാഃ സമരേ നാനാലിംഗൈഃ ശിതൈഃ ശരൈഃ।
അർജുനം സമഭിത്യജ്യ ദുദ്രുവുർവൈ ദിശോ ദശ॥ 8-81-19 (58972)
തേഷാം ശബ്ദോ മഹാനാസീദ്ദ്രവതാം വാഹിനീമുഖേ।
മേഘൌഘസ്യേവ ഭദ്രം തേ ഗിരിമാസാദ്യ ദീര്യതഃ॥ 8-81-20 (58973)
താം തു സേനാം ഭൃശം വിദ്ധ്വാ ദ്രാവയിത്വാഽർജുനഃ ശരൈഃ।
പ്രായാദഭിമുഖഃ പാർഥഃ സൂതാനീകം ഹി മാരിഷ॥ 8-81-21 (58974)
തസ്യ ശബ്ദോ മഹാനാസീത്പരാനഭിമുഖസ്യ വൈ।
ഗരുഡസ്യേവ പതതഃ പന്നഗാർഥേ യഥാ പുരാ॥ 8-81-22 (58975)
തം തു ശബ്ദമഭിശ്രുത്യ ഭീമസേനോ മഹാബലഃ।
ബഭൂവ പരമപ്രീതഃ പാർഥദർശനലാലസഃ॥ 8-81-23 (58976)
ശ്രുത്വൈവ പാർഥമായാന്തം ഭീമസേനഃ പ്രതാപവാൻ।
ത്യക്ത്വാ പ്രാണാൻമഹാരാജ സേനാം തവ മമർദ ഹ॥ 8-81-24 (58977)
സ വായുവീര്യപ്രതിമോ വായുവേഗസമോ ജവേ।
വായുവദ്വ്യചരദ്ഭീമോ വായുപുത്രഃ പ്രതാപവാൻ॥ 8-81-25 (58978)
തേനാദ്യമാനാ രാജേന്ദ്ര സേനാ തവ വിശാംപതേ।
വ്യഭ്രശ്യത മഹാരാജ ഭിന്നാ നൌരിവ സാഗരേ॥ 8-81-26 (58979)
താം തു സേനാം തദാ ഭീമോ ദർശയൻപാണിലാഘവം।
ശരൈരവചകർതോഗ്രൈഃ പ്രേപയിഷ്യന്യമക്ഷയം॥ 8-81-27 (58980)
തത്ര ഭാരത ഭീമസ്യ ബലം ദൃഷ്ട്വാതിമാനുഷം।
വ്യത്രസ്യന്ത രണേ യോധാഃ കാലസ്യേവ യുഗക്ഷയേ॥ 8-81-28 (58981)
തഥാഽർദിതാൻഭീമബലാൻഭീമസേനേന ഭാരത।
ദൃഷ്ട്വാ ദുര്യോധനോ രാജാ ഇദം വചനമബ്രവീത്॥ 8-81-29 (58982)
സൈനികാംശ്ച മഹേഷ്വാസാന്യോധാംശ്ച ഭരതർഷഭ।
സമാദിശന്രണേ സർവാൻഹത ഭീമമിതി സ്മ ഹ॥ 8-81-30 (58983)
തസ്മിൻഹതേ ഹതം മന്യേ പാണ്ഡുസൈന്യമശേഷതഃ॥ 8-81-31 (58984)
പ്രതിഗൃഹ്യ ച താമാജ്ഞാം തവ പുത്രസ്യ പാർഥിവാഃ।
ഭീമം പ്രച്ഛാദയാമാസുഃ ശരവർഷൈഃ സമന്തതഃ॥ 8-81-32 (58985)
ഗജാശ്ച ബഹുലാ രാജന്നരാശ്ച ജയഗൃദ്ധിനഃ।
രഥേ സ്ഥിതാശ്ച രാജേന്ദ്ര പരിവവ്രുർവൃകോദരം॥ 8-81-33 (58986)
സ തൈഃ പരിവൃതഃ ശൂരൈഃ ശൂരോ രാജൻസമന്തതഃ।
ശുശുഭേ ഭരതശ്രേഷ്ഠോ നക്ഷത്രൈരിവ ചന്ദ്രമാഃ॥ 8-81-34 (58987)
പരിവേഷീ യഥാ സോമഃ പരിപൂർണോ വിരാജതേ।
സ രരാജ തഥാ സംഖ്യേ ദർശനീയോ നരോത്തമഃ।
നിർവിശേഷോ മഹാരാജ വിജയേനൈവ സംയുഗേ॥ 8-81-35 (58988)
തസ്യ തേ പാർഥിവാഃ സർവേ ശരവൃഷ്ടിം സമാസൃജൻ।
ക്രോധരക്തേക്ഷണാഃ ശൂരാ ഹന്തുകാമാ വൃകോദരം॥ 8-81-36 (58989)
താം വിദാര്യ മഹാസേനാം ശരൈഃ സന്നതപർവഭിഃ।
നിശ്ചക്രാമ രണാദ്ഭീമോ മത്സ്യോ ജാലാദിവാംഭസി॥ 8-81-37 (58990)
ഹത്വാ ദശസഹസ്രാണി ഗജാനാമനിവർതിനാം।
നൃണാം ശതസഹസ്രേ ദ്വേ ദ്വേ ശതേ ചൈവ ഭാരത॥ 8-81-38 (58991)
പഞ്ച ചാശ്വസഹസ്രാണി രഥാനാം ശതമേവ ച।
ഹത്വാ പ്രാസ്യന്ദയദ്ഭീമോ നദീം ശോണിതവാഹിനീം॥ 8-81-39 (58992)
ശോണിതോദാം രഥാവർതാം ഹസ്തിഗ്രാഹസമാകുലാം।
നരമീനാശ്വനക്രാന്താം കേശശൈവലശാദ്വലാം॥ 8-81-40 (58993)
സഞ്ഛിന്നഭുജനാഗേന്ദ്രാം ബഹുരത്നാപഹാരിണീം।
ഊരുഗ്രാഹാം മജ്ജപങ്കാം ശീർഷോപലസമാവൃതാം॥ 8-81-41 (58994)
ധനുഃകാശാം ശരാവാപാം ഗദാപരിഘകേതനാം।
ഹംസഛത്രധ്വജോപേതാമുഷ്ണീഷവരഫേനിലാം॥ 8-81-42 (58995)
ഹാരപദ്മാകരാം ചൈവ ഭൂമിരേണൂർമിമാലിനീം।
ആര്യവൃത്തവതീം സംഖ്യേ സുതരാം ഭീരുദുസ്തരാം॥ 8-81-43 (58996)
യോധഗ്രാഹവതീം സംഖ്യേ വഹന്തീം പിതൃസാദനം।
ക്ഷണേന പുരുഷവ്യാഘ്രഃ പ്രാവർതയത നിംനഗാം॥ 8-81-44 (58997)
യഥാ വൈതരണീമുഗ്രാം ദുസ്തരാമകൃതാത്മഭിഃ।
തഥാ ദുസ്തരണീം ഘോരാം ഭീരൂണാം ഭയവർധനീം॥ 8-81-45 (58998)
യതോയതഃ പാണ്ഡവേയഃ പ്രവിഷ്ടോ രഥസത്തമഃ।
തതസ്തതഃ പ്രാപതന്വൈ യോധാഃ ശതസഹസ്രശഃ॥ 8-81-46 (58999)
ഏവം ദൃഷ്ട്വാ കൃതം കർമ ഭീമസേനേന സംയുഗേ।
ദുര്യോധനോ മഹാരാജ ശകുനിം വാക്യമബ്രവീത്॥ 8-81-47 (59000)
ജഹി മാതുല സംഗ്രാമേ ഭീമസേനം മഹാബലം।
അസ്മിഞ്ജിതേ ജിതം മന്യേ പാണ്ഡവേയം മഹാബലം॥ 8-81-48 (59001)
തതഃ പ്രായാൻമഹാരാജ സൌബലേയഃ പ്രതാപവാൻ।
രണായ മഹതേ യുക്തോ ഭ്രാതൃഭിഃ പരിവാരിതഃ॥ 8-81-49 (59002)
സ സമാസാദ്യ സംഗ്രാമേ ഭീമം ഭീമപരാക്രമം।
വാരയാമാസ തം വീരോ വേലേവ മകരാലയം॥ 8-81-50 (59003)
സന്ന്യവർതത തം ഭീമോ വാര്യമാണഃ ശിതൈഃ ശരൈഃ।
ശകുനിസ്തസ്യ രാജേന്ദ്ര വാമപാർശ്വേ സ്തനാന്തരേ।
പ്രേഷയാമാസ നാരാചാന്രുക്മപുംഖാഞ്ശിലാശിതാൻ॥ 8-81-51 (59004)
വർമ ഭിത്ത്വാ തു തേ ഘോരാഃ പാണ്ഡവസ്യ മഹാത്മനഃ।
ന്യമ·ഞ്ജന്ത മഹാരാജ കങ്കബർഹിണവാസസഃ॥ 8-81-52 (59005)
സോഽതിവിദ്ധോ രണേ ഭീമഃ ശരം രുക്മവിഭൂഷിതം।
പ്രേഷയാമാസ സ രുഷാ സൌബലം പ്രതി ഭാരത॥ 8-81-53 (59006)
തമായാന്തം ശരം ഘോരം ശകുനിഃ ശത്രുതാപനഃ।
ചിച്ഛേദ സപ്തധാ രാജൻകൃതഹസ്തോ മഹാബലഃ॥ 8-81-54 (59007)
തസ്മിന്നിപതിതേ ഭൂമൌ ഭീമഃ ക്രുദ്ധോ വിശാംപതേ।
ധനുശ്ഛിച്ഛേദ ഭല്ലേന സൌബലസ്യ ഹസന്നിവ॥ 8-81-55 (59008)
തദപാസ്യ ധനുശ്ഛിന്നം സൌബലേയഃ പ്രതാപവാൻ।
അന്യദാദായ വേഗേന ധനുർഭല്ലാംശ്ച ഷോഡശ।
തൈസ്തസ്യ തു മഹാരാജ ഭല്ലൈഃ സന്നതപർവഭിഃ॥ 8-81-56 (59009)
ദ്വാഭ്യാം സ സാരഥിം ഹ്യാർച്ഛദ്ഭീമം സപ്തഭിരേവ ച।
ധ്വജമേകേന ചിച്ഛേദ ദ്വാഭ്യാം ഛത്രം വിശാംപതേ।
ചതുർഭിശ്ചതുരോ വാഹാന്വിവ്യാധ സുബലാത്മജഃ॥ 8-81-57 (59010)
തതഃ ക്രുദ്ധോ മഹാരാജ ഭീമസേനഃ പ്രതാപവാൻ।
ശക്തിം ചിക്ഷേപ സമരേ രുക്മദണ്ഡാമയസ്മയീം॥ 8-81-58 (59011)
സാ ഭീമഭുജനിർമുക്താ നാഗജിഹ്വേന ചഞ്ചലാ।
നിപപാത രണേ തൂർണം സൌബലസ്യ മഹാത്മനഃ॥ 8-81-59 (59012)
തതസ്താമേവ സംഗൃഹ്യ ശക്തിം കനകഭൂഷണാം।
ഭീമസേനായ ചിക്ഷേപ ക്രുദ്ധരൂപോ വിശാംപതേ॥ 8-81-60 (59013)
സാ നിർഭിദ്യ ഭുജം സവ്യം പാണ്ഡവസ്യ മഹാത്മനഃ।
നിപപാത തദാ ഭൂമൌ യഥാ വിദ്യുന്നഭശ്ച്യുതാ॥ 8-81-61 (59014)
അഥോത്ക്രുഷ്ടം മഹാരാജ ധാർതരാഷ്ട്രൈഃ സമന്തതഃ।
ന തു തം മമൃഷേ ഭീമഃ സിംഹനാദം തരസ്വിനാം॥ 8-81-62 (59015)
അന്യദ്ഗൃഹ്യ ധനുഃ സജ്യം ത്വരമാണോ മഹാബലഃ।
മുഹൂർതാദിവ രാജേന്ദ്ര ച്ഛാദയാമാസ സായകൈഃ।
സൌബലസ്യ ബലം സംഖ്യേ ത്യക്ത്വാ നാദം മഹാബലഃ॥ 8-81-63 (59016)
തസ്യാശ്വാംശ്ചതുരോ ഹത്വാ സൂതം ചൈവ വിശാംപതേ।
ധ്വജം ചിച്ഛേദ ഭല്ലേന ത്വരമാണഃ പരാക്രമീ॥ 8-81-64 (59017)
ഹതാശ്വം രഥമുത്സൃജ്യ ത്വരമാണോ നരോത്തമഃ।
തസ്ഥൌ വിസ്ഫാരയംശ്ചാപം ക്രോധരക്തേക്ഷണഃ ശ്വസൻ॥ 8-81-65 (59018)
ശരൈശ്ച ബഹുധാ രാജൻഭീമമാർച്ഛത്സമന്തതഃ॥ 8-81-66 (59019)
പ്രതിഹത്യ തു വേഗേന ഭീമസേനഃ പ്രതാപവാൻ।
ധനുശ്ചിച്ഛേദ സങ്ക്രുദ്ധോ വിവ്യാധ ച ശിതൈഃ ശരൈഃ॥ 8-81-67 (59020)
സോഽതിവിദ്ധോ ബലവതാ ശത്രുണാ ശത്രുകർശനഃ।
നിപപാത തദാ ഭൂമൌ കിഞ്ചിത്പ്രാണോ നരാധിപഃ॥ 8-81-68 (59021)
തതസ്തം വിഹ്വലം ജ്ഞാത്വാ പുത്രസ്തവ വിശാംപതേ।
അപോവാഹ രഥേനാജൌ ഭീമസേനസ്യ പശ്യതഃ॥ 8-81-69 (59022)
ശകുനിം വിഹ്വലം ദൃഷ്ട്വാ ധാർതരാഷ്ട്രാഃ പരാങ്മുഖാഃ।
പ്രദുദ്രുവുർദിശോ ഭീതാ ഭീമസേനഭയാത്പ്രഭോ॥ 8-81-70 (59023)
സൌബലേ നിർജിതേ രാജൻഭീമസേനേന ധന്വിനാ।
ഭയേന മഹതാഽഽവിഷ്ടഃ പുത്രോ ദുര്യോധനസ്തവ।
അപായാജ്ജവനൈരശ്വൈഃ സാപേക്ഷോ മാതുലം പ്രതി॥ 8-81-71 (59024)
പരാങ്മുഖം തു രാജാനം ദൃഷ്ട്വാ സൈന്യാനി ഭാരത।
വിപ്രജഗ്മുഃ സമുത്സൃജ്യ ദ്വൈരഥാനി സമന്തതഃ॥ 8-81-72 (59025)
താന്ദൃഷ്ട്വാ വിദ്രുതാൻസർവാന്ധാർതരാഷ്ട്രാൻപരാങ്മുഖാൻ।
ജവേനാഭ്യാപതദ്ഭീമഃ കിരഞ്ശരശതാൻബഹൂൻ॥ 8-81-73 (59026)
തേ വധ്യമാനാ ഭീമേന ധാർതരാഷ്ട്രാഃ പരാങ്മുഖാഃ।
കർണമാസാദ്യ സമരേ സ്ഥിതാ രാജൻസമന്തതഃ॥ 8-81-74 (59027)
സ ഹി തേഷാം മഹാവീര്യോ ദ്വീപോഽഭൂത്സുമഹാബലഃ।
ഭിന്നനൌകാ യഥാ രാജന്ദ്വീപമാസാദ്യ നിർവൃതാഃ॥ 8-81-75 (59028)
ഭവന്തി പുരുഷവ്യാഘ്ര നാവികാഃ കാലപര്യയേ।
തഥാ കർണം സമാസാദ്യ താവകാഃ പുരുഷർഷഭ॥ 8-81-76 (59029)
സമാശ്വസ്താഃ സ്ഥിതാ രാജൻസംപ്രഹൃഷ്ടാഃ പരസ്പരം।
സമാജഗ്മുശ്ച യുദ്ധായ മൃത്യും കൃത്വാ നിവർതനം॥ ॥ 8-81-77 (59030)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ഏകാശീതിതമോഽധ്യായഃ॥ 81 ॥
॥ ശ്രീഃ ॥
8.82. അധ്യായഃ 082
Mahabharata - Karna Parva - Chapter Topics
കർണപരാക്രമവർണനം॥ 1 ॥
Mahabharata - Karna Parva - Chapter Text
8-82-0 (59031)
ധൃതരാഷ്ട്ര ഉവാച। 8-82-0x (5035)
തതോ ഭഗ്നേഷു സൈന്യേഷു ഭീമസേനേന സംയുഗേ।
ദുര്യോധനോഽബ്രവീത്കിം നു സൌബലോ വാഽപി സഞ്ജയ॥ 8-82-1 (59032)
കർണോ വാ ജയതാം ശ്രേഷ്ഠോ യോധാ വാ മാമകാ യുധി।
കൃപോ വാ കൃതവർമാ വാ ദ്രൌണിർദുഃശാസനോഽപി വാ॥ 8-82-2 (59033)
അത്യദ്ഭുതമഹം മന്യേ പാണ്ഡവേയസ്യ വിക്രമം।
യദേകഃ സമരേ സർവാന്യോധയാമാസ മാമകാൻ॥ 8-82-3 (59034)
യഥാപ്രതിജ്ഞം യോധാനാം രാധേയഃ കൃതവാനപി।
കുരൂണാമഥ സർവേഷാം കർണഃ ശത്രുനിഷൂദനഃ।
ശർമ വർമ പ്രതിഷ്ഠാ ച ജീവിതാശാ ച സഞ്ജയ॥ 8-82-4 (59035)
തദ്ഭഗ്രം സ്വബലം ദൃഷ്ട്വാ കൌന്തേയേനാമിതൌജസാ।
ധനുർദരാണാം പ്രവരഃ കർണഃ കിമകരോദ്യുധി॥ 8-82-5 (59036)
പുത്രാ വാ മമ ദുർധർഷാ രാജാനോ വാ മഹാരഥാഃ।
ഏതൻമേ സർവമാചക്ഷ്വ കുശലോ ഹ്യസി സഞ്ജയ॥ 8-82-6 (59037)
സഞ്ജയ ഉവാച। 8-82-7x (5036)
അപരാഹ്ണേ മഹാരാജ സൂതപുത്രഃ പ്രതാപവാൻ।
ജഘാന സോമകാൻസർവാൻഭീമസേനസ്യ പശ്യതഃ॥ 8-82-7 (59038)
ഭീമോഽപ്യതിബലം സൈന്യം ധാർതരാഷ്ട്രം വ്യപോഥയത്॥ 8-82-8 (59039)
ദ്രാവ്യമാണം ബലം ദൃഷ്ട്വാ ഭീമസേനേന ധീമതാ।
യന്താരമബ്രവീത്കർണഃ പാഞ്ചാലാനേവ മാം വഹ॥ 8-82-9 (59040)
മദ്രരാജസ്തതഃ ശല്യഃ ശ്വേതാനശ്വാൻമഹാജവാൻ।
പ്രാഹിണോച്ചേദിപാഞ്ചാലാൻകരൂശാംശ്ച മഹാബലഃ॥ 8-82-10 (59041)
പ്രവിശ്യ ച മഹത്സൈന്യം ശല്യഃ പരബലാർദനഃ।
ന്യയച്ഛത്തുരഗാൻഹൃഷ്ടോ യത്രയത്ര ച തേ രഥാഃ॥ 8-82-11 (59042)
തം രഥം മേഘസങ്കാശം വൈയാഘ്രപരിവാരണം।
സന്ദൃശ്യ പാണ്ഡുപഞ്ചാലാസ്ത്രസ്താ ഹ്യാസന്വിശാംപതേ॥ 8-82-12 (59043)
തതോ രഥസ്യ നിനദഃ പ്രാദുരാസീൻമഹാരണേ।
പർജന്യസമനിർഘോഷഃ പർവതസ്യേവ ദീര്യതഃ॥ 8-82-13 (59044)
തതഃ ശരശതൈസ്തീക്ഷണൈഃ കർണ ആകർണനിഃസൃതൈഃ।
ജഘാന പാണ്ഡവബലം ശതശോഽഥ സഹസ്രശഃ॥ 8-82-14 (59045)
തം തഥാ സമരേ കർമ കുർവാണമപരാജിതം।
പരിവവ്രുർമഹേഷ്വാസാഃ പാണ്ഡവാനാം മഹാരഥാഃ॥ 8-82-15 (59046)
തം ശിഖണ്ഡീ ച ഭീമശ്ച ധൃഷ്ടദ്യുംനശ്ച പാർഷതഃ।
നകുലഃ സഹദേവശ്ച ദ്രൌപദേയാശ്ച സാത്യകിഃ॥ 8-82-16 (59047)
പരിവവ്രുർജിഘാംസന്തോ രാധേയം ശരവൃഷ്ടിഭിഃ।
സാത്യകിസ്തു തദാ കർണം വിംശത്യാ നിശിതൈഃ ശരൈഃ॥ 8-82-17 (59048)
അതാഡയദ്രണേ ശൂരോ ജത്രുദേശേ നരോത്തമഃ।
ശിഖണ്ഡീ പഞ്ചവിംശത്യാ ധൃഷ്ടദ്യുംനശ്ച സപ്തഭിഃ॥ 8-82-18 (59049)
ദ്രൌപദേയാശ്ചതുഃഷഷ്ട്യാ സഹദേവശ്ച സപ്തഭിഃ।
നകുലശ്ച ശതേനാജൌ കർണം വിവ്യാധ സായകൈഃ॥ 8-82-19 (59050)
ഭീമസേനസ്തു രാധേയം നവത്യാ നതപർവണാം।
വിവ്യാധ സമരേ ക്രുദ്ധോ ജത്രുദേശേ മഹാബലഃ॥ 8-82-20 (59051)
അഥ പ്രഹസ്യാധിരഥിർവ്യാക്ഷിപദ്ധനുരുത്തമം।
മുമോച നിശിതാൻബാണാൻപീഡയൻസുമഹാബലഃ॥ 8-82-21 (59052)
താൻപ്രത്യവിധ്യദ്രാധേയഃ പഞ്ചഭിഃ പഞ്ചഭിഃ ശരൈഃ।
സാത്യകേസ്തു ധനുശ്ഛിത്ത്വാ ധ്വജം ച ഭരതർഷഭ॥ 8-82-22 (59053)
തം തഥാ നവഭിർബാണൈരാജഘാന സ്തനാന്തരേ।
ഭീമസേനം തതഃ ക്രുദ്ധോ വിവ്യാധ ത്രിംശതാ ശരൈഃ॥ 8-82-23 (59054)
സഹദേവസ്യ ഭല്ലേന ധ്വജം ചിച്ഛേദ മാരിഷ।
സാരഥിം ച ത്രിഭിർബാണൈരാജഘാന പരന്തപഃ॥ 8-82-24 (59055)
വിരഥാന്ദ്രൌപദേയാംശ്ച ചകാര ഭരതർഷഭ।
അക്ഷ്ണോർനിമേഷമാത്രേണ തദദ്ഭുതമിവാഭവത്॥ 8-82-25 (59056)
വിമുഖീകൃത്യ താൻസർവാഞ്ശരൈഃ സന്നതപർവഭിഃ।
പാഞ്ചാലാനഹനഞ്ഛൂരാംശ്ചേദീനാം ച മഹാരഥാൻ॥ 8-82-26 (59057)
തേ വധ്യമാനാഃ സമരേ ചേദിമത്സ്യാ വിശാംപതേ।
കർണമേകമഭിദ്രുത്യ ശരസംഖൈഃ സമാർപയൻ॥ 8-82-27 (59058)
താഞ്ജഘാന ശിതൈർബാണൈഃ സൂതപുത്രോ മഹാരഥഃ।
തേ വധ്യമാനാഃ സമരേ ചേദിമാത്സ്യാ വിശാംപതേ।
പ്രാദ്രവന്ത രണേ ഭീതാഃ സിംഹത്രസ്താ മൃഗാ ഇവ॥ 8-82-28 (59059)
ഏതദത്യുദ്ഭതം കർമ ദൃഷ്ട്വാനസ്മി ഭാരത।
യദേകഃ സമരേ ശൂരാൻസൂതപുത്രഃ പ്രതാപവാൻ॥ 8-82-29 (59060)
യതമാനാൻപരം ശക്ത്യാ യോധയാനാംശ്ച ധന്വിനഃ।
പാണ്ഡവേയാൻമഹാരാജ ശരൈർവാരിതവാന്രണേ॥ 8-82-30 (59061)
തത്ര ഭാരത കർണസ്യ ലാഘവേന മഹാത്മനഃ।
തുതുഷുർദേവതാഃ സർവാഃ സിദ്ധാശ്ച സഹ ചാരണൈഃ॥ 8-82-31 (59062)
അപൂജയൻമഹേഷ്വാസാ ധാർതരാഷ്ട്രാ നരോത്തമം।
കർണം രഥവരശ്രേഷ്ഠം ശ്രേഷ്ഠം സർവധനുഷ്മതാം॥ 8-82-32 (59063)
തതഃ കർണോ മഹാരാജ ദദാഹ രിപുവാഹിനീം।
കക്ഷമിദ്ധോ യഥാ വഹ്നിർനിദാധേ ജ്വലിതോ മഹാൻ॥ 8-82-33 (59064)
തേ വധ്യമാനാഃ കർണേന പാണ്ഡവേയാസ്തതസ്തതഃ।
പ്രാദ്രവന്ത രണേ ഭീതാഃ കർണം ദൃഷ്ട്വാ മഹാരഥം॥ 8-82-34 (59065)
തത്രാക്രന്ദോ മഹാനാസീത്പാഞ്ചാലാനാം മഹാരണേ।
വധ്യതാം സായകൈസ്തീക്ഷ്ണൈഃ കർണചാപവരച്യുതൈഃ॥ 8-82-35 (59066)
തേന ശബ്ദേന വിത്രസ്താ പാണ്ഡവാനാം മഹാചമൂഃ।
കർണമേകം രണേ യോധം മേനിരേ തത്ര ശാത്രവാഃ॥ 8-82-36 (59067)
തത്രാദ്ഭുതം പുനശ്ചക്രേ രാധേയഃ ശത്രുകർശനഃ।
യദേനം പാണ്ഡവാഃ സർവേ ന ശേകുരഭിവീക്ഷിതും॥ 8-82-37 (59068)
ജലൌഘഃ പർവതശ്രേഷ്ഠം യഥാസാദ്യ പ്രഭിദ്യതേ।
തഥാ തത്പാണ്ഡവം സൈന്യം കർണമാസാദ്യ ദീര്യതേ॥ 8-82-38 (59069)
കർണോഽപി സമരേ രാജന്വിധൂമോഽഗ്നിരിവ ജ്വലത്।
ദഹംസ്തസ്ഥൌ മഹാബാഹുഃ പാണ്ഡവാനാം മഹാചമൂം॥ 8-82-39 (59070)
ശിരാംസി ച മഹാരാജ കർണാം ശ്ചൈവ സകുണ്ഡലാൻ।
ബാഹൂംശ്ച വീരോ വീരാണാം ചിച്ഛേദ ലഘു ചേഷുഭിഃ॥ 8-82-40 (59071)
ഹസ്തിദന്തത്സരൂൻഖംഗാന്ധ്വജാഞ്ശക്തീർഹയാൻഗജാൻ।
രഥാംശ്ച വിവിധാന്രാജൻപതാകാ വ്യജനാനി ച॥ 8-82-41 (59072)
അക്ഷം ച യുഗയോക്ത്രാണി ചക്രാണി വിവിധാനി ച।
ചിച്ഛേദ ബഹുധാ കർണോ യോധവ്രതമനുഷ്ഠിതഃ॥ 8-82-42 (59073)
തത്ര ഭാരത കർണേന നിഹതൈർഗജവാജിഭിഃ।
അഗംയരൂപാ പൃഥിവീ മാംസശോണിതകർദമാ॥ 8-82-43 (59074)
വിഷമം ച സമം ചൈവ ഹതൈരശ്വപദാതിഭിഃ।
രഥൈശ്ച കുഞ്ജരൈശ്ചൈവ ന പ്രാജ്ഞായത കിഞ്ചന॥ 8-82-44 (59075)
നാപി സ്വേ ന പരേ യോധാഃ പ്രാജ്ഞായന്ത പരസ്പരം।
ഘോരേ ശരാന്ധകാരേ തു കർണാസ്ത്രേ ച വിജൃംഭിതേ॥ 8-82-45 (59076)
രാധേയചാപനിർമുക്തൈഃ ശരൈഃ കാഞ്ചനഭൂഷണൈഃ।
സഞ്ഛാദിതാ മഹാരാജ പാണ്ഡവാനാം മഹാരഥാഃ॥ 8-82-46 (59077)
തേ പാണ്ഡവേയാഃ സമരേ രാധേയേന പുനഃ പുനഃ।
അഭജ്യന്ത മഹാരാജ യതമാനാ മഹാരഥാഃ॥ 8-82-47 (59078)
മൃഗസംഘാന്യഥാ ക്രുദ്ധഃ സിംഹോ ദ്രാവയതേ വനേ।
പഞ്ചാലാനാം രഥശ്രേഷ്ഠാന്ദ്രാവയഞ്ശാത്രവാംസ്തഥാ॥ 8-82-48 (59079)
കർണസ്തു സമരേ യോധാംസ്ത്രാസയുൻസുമഹായശാഃ।
കാലയാമാസ തത്സൈന്യം യഥാ പശുഗണാന്വൃകഃ॥ 8-82-49 (59080)
ദൃഷ്ട്വാ തു പാണ്ഡവീം മേനാം ധാർതരാഷ്ട്രാഃ പരാങ്യുഖീം।
തത്രാജഗ്മുർമഹേഷ്വാസാ രുദന്തോ ഭൈരവാത്രവാൻ ॥ 8-82-50 (59081)
ദുര്യോധനോ ഹി രാജേന്ദ്ര മുദാ പരമയാ യുതഃ।
വാദയാമാസ സംഹൃഷ്ടോ നാനാവാദ്യാനി സർവശഃ॥ 8-82-51 (59082)
പാഞ്ചാലാശ്ച മഹേഷ്വാസാ ഭഗ്നാസ്തത്ര നരോത്തമാഃ।
ന്യവർതന്ത തദാ ശൂരാ മൃത്യും കൃത്വാ നിവർതനം॥ 8-82-52 (59083)
താന്നിവൃത്താന്രണേ ശൂരാന്രാധേയഃ ശത്രുതാപനഃ।
അനേകശോ മഹാരാജ ബഭഞ്ജ പുരുഷർഷഭഃ॥ 8-82-53 (59084)
തത്ര ഭാരത കർണേന പാഞ്ചാലാ വിംശതീ രഥാഃ।
നിഹതാഃ സായകൈഃ ക്രോധാച്ചേദയശ്ച പരംശതാഃ॥ 8-82-54 (59085)
കൃത്വാ ശൂന്യാന്രഥോപസ്ഥാന്വാജിപൃഷ്ഠാംശ്ച ഭാരത।
നിർമനുഷ്യാൻഗജസ്കന്ധാൻപാദാതാംശ്ചൈവ വിദ്രുതാൻ॥ 8-82-55 (59086)
ആദിത്യ ഇവ മധ്യാഹ്നേ ദുർനിരീക്ഷ്യഃ പരന്തപഃ।
കാലാന്തകവപുഃ ശൂരഃ സൂതപുത്രോഽഭ്യരാജത॥ 8-82-56 (59087)
ഏവമേതൻമഹാരാജ നരവാജിരഥദ്വിപാൻ।
ഹത്വാ തസ്ഥൌ മഹേഷ്വാസഃ കർണോഽരിഗണസൂദനഃ॥ 8-82-57 (59088)
യഥാ ഭൂതഗണാൻഹത്വാ കാലസ്തിഷ്ഠേൻമഹാബലഃ।
തഥാ സ സോമകാൻഹത്വാ തസ്ഥാവേകോ മഹാരഥഃ॥ 8-82-58 (59089)
തത്രാദ്ഭുതമപശ്യാമ പാഞ്ചാലാനാം പരാക്രമം।
വധ്യമാനാഽപി യത്കർണം നാജഹൂ രണമൂർധനി॥ 8-82-59 (59090)
രാജാ ദുഃശാസനശ്ചൈവ കൃപഃ ശാരദ്വതസ്തഥാ।
അശ്വത്ഥാമാ കൃതവർമാ ശകുനിശ്ച മഹാബലഃ।
വ്യഹനൻപാണ്ഡവീം സേനാം ശതശോഽഥ സഹസ്രശഃ॥ 8-82-60 (59091)
കർമപുത്രൌ തു രാജേന്ദ്ര ഭ്രാതരൌ സത്യവിക്രമൌ।
നിജഘ്നാതേ ബലം ക്രുദ്ധൌ പാണ്ഡവാനാമിതസ്തതഃ॥ 8-82-61 (59092)
തത്ര യുദ്ധം മഹച്ചാസീത്ക്രൂരം വിശസനം മഹത്॥ 8-82-62 (59093)
തഥൈവ പാണ്ഡവാഃ ശൂരാ ധൃഷ്ടദ്യുംനശിഖണ്ഡിനൌ।
ദ്രൌപദേയാശ്ച സങ്ക്രുദ്ധാ അഭ്യഘ്നംസ്താവകം ബലം॥ 8-82-63 (59094)
ഏവമേഷ ക്ഷയോ വൃത്തഃ പാണ്ഡവാനാം തതസ്തതഃ।
താവകാനാമപി രണേ ഭീമം പ്രാപ്യ മഹാബലം॥ ॥ 8-82-64 (59095)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ദ്വ്യശീതിതമോഽധ്യായഃ॥ 82 ॥
॥ ശ്രീഃ ॥
8.83. അധ്യായഃ 083
Mahabharata - Karna Parva - Chapter Topics
പാർഥചോദനയാ കൃഷ്ണേന കർണസമീപംപ്രതി രഥപ്രാപണം॥ 1 ॥ ശല്യേന കർണപ്രോത്സാഹനം॥ 2 ॥ കർണേന പാർഥപ്രശംസനപൂർവകം തദ്വധപ്രതിജ്ഞാ॥ 3 ॥ സങ്കുലയുദ്ധം॥ 4 ॥
Mahabharata - Karna Parva - Chapter Text
8-83-0 (59096)
സഞ്ജയ ഉവാച। 8-83-0x (5037)
ഹത്വാ തു ഫൽഗുനഃ സേനാം കൌരവാണാം പൃഥക്പൃഥക്।
സൂതപുത്രസ്യ സംരംഭം ദൃഷ്ട്വാ ചൈവ മഹാരണേ॥ 8-83-1 (59097)
ശോണിതോദാം നദീം കൃത്വാ മാംസമജ്ജാസ്ഥിപങ്കിലാം।
മനുഷ്യശീർഷപാഷാണാം ഹസ്ത്യശ്വകൃതരോധസം॥ 8-83-2 (59098)
ശൂരാസ്ഥിത്തയസങ്കീർണാം കാകഗൃധ്രാനുനാദിതാം।
ഛത്രഹംസപ്ലുവോപേതാം വീരവൃക്ഷാപഹാരിണീം॥ 8-83-3 (59099)
ഹാരപദ്മാകരവതീമുഷ്ണീഷവരഫേനിലാം।
ധനുഃശരധ്വജോപേതാം നരക്ഷുദ്രകപാലിനീം॥ 8-83-4 (59100)
ചർമവർമഭ്രമോപേതാം രഥോഡുപസമാകുലാം।
ജയൈഷിണാം ച സുതരാം ഭീരൂണാം ച സുദുസ്തരാം॥ 8-83-5 (59101)
നദീം പ്രാവർതയിത്വാ ച ബീഭത്സുഃ പരവീരഹാ।
വാസുദേവമിദം വാക്യമബ്രവീത്പുരുഷർഷഭഃ॥ 8-83-6 (59102)
അർജുന ഉവാച। 8-83-7x (5038)
ഏഷ കേതൂ രണേ കൃഷ്ണ സൂതപുത്രസ്യ ദൃശ്യതേ।
ഭീമസേനാദയശ്ചൈതേ യോധയന്തി മഹാരഥം॥ 8-83-7 (59103)
ഏതേ ദ്രവന്തി പാഞ്ചാലാഃ കർമത്രസ്താ ജനാർദന।
ഏഷ ദുര്യോധനോ രാജാ ശ്വേതച്ഛത്രേണ ധാര്യതേ॥ 8-83-8 (59104)
കർണേന ഭഗ്നാൻപാഞ്ചാലാന്ദ്രാവയൻബഹു ശോഭതേ।
കൃപശ്ച കൃതവർമാ ച ദ്രൌണിശ്ചൈവ മഹാരഥഃ॥ 8-83-9 (59105)
ഏതേ രക്ഷന്തി രാജാനം സൂതപുത്രേണ രക്ഷിതാഃ।
അവധ്യമാനാസ്തേഽസ്മാഭിര്യോധയിഷ്യന്തി സോമകാൻ॥ 8-83-10 (59106)
ഏഷ ശല്യോ രഥോപസ്ഥേ രശ്മിസംഗ്രാഹകോവിദഃ।
സൂതപുത്രരഥം കൃഷ്ണ വാഹയൻബഹു ശോഭതേ॥ 8-83-11 (59107)
തത്ര മേ ബുദ്ധിരുത്പന്നാ വാഹയാത്ര രഥം മമ।
നാഹത്വാ സമരേ കർണം നിവർതിഷ്യേ കഥഞ്ചന॥ 8-83-12 (59108)
മാ സ്മ കർണോ രണേ പാർഥാൻസൃഞ്ജയാംശ്ച മഹാരഥാൻ।
നിഃശേഷാൻസമരേ കുര്യാത്പശ്യതാം നോ ജനാർദന॥ 8-83-13 (59109)
സഞ്ജയ ഉവാച। 8-83-14x (5039)
തതഃ പ്രായാജ്ജവേനാശു കേശവസ്തവ വാഹിനീം।
കർണം പ്രതി മഹേഷ്വാസം ദ്വൈരഥേ സവ്യസാചിനഃ॥ 8-83-14 (59110)
സ പ്രയാതോ രഥേനാശു കൃഷ്ണോ രാജൻമഹാഹവേ।
ആശ്വാസയന്രണേ ചാശു പാണ്ഡുസൈന്യാനി സർവശഃ॥ 8-83-15 (59111)
രഥഘോഷസ്തതസ്തസ്യ പാണ്ഡവസ്യ ബഭൂവ ഹ।
വാസവാസ്ത്രനിപാതേന പർവതേഷ്വിവ മാരിഷ॥ 8-83-16 (59112)
മഹതാ രഥഘോഷേണ പാണ്ഡവഃ സത്യവിക്രമഃ।
അഭ്യയാദപ്രമേയാത്മാ നിർജയംസ്തവ വാഹിനീം॥ 8-83-17 (59113)
തമായാന്തം സമീക്ഷ്യൈവ ശ്വേതാശ്വം കൃഷ്ണസാരഥിം।
മദ്രരാജോഽബ്രവീത്കർണം കേതും ദൃഷ്ട്വാ മഹാത്മനഃ॥ 8-83-18 (59114)
അയം സ രഥ ആയാതി ശ്വേതാശ്വഃ കൃഷ്ണസാരഥിഃ।
നിഘ്നന്നമിത്രാൻസമരേ യം കർണ പരിപൃച്ഛസി॥ 8-83-19 (59115)
ഏഷ തിഷ്ഠതി കൌന്തേയഃ സംസ്പൃശൻഗാണ്ഡിവം ധനുഃ।
തം ഹനിഷ്യസി ചേദദ്യ തന്നഃ ശ്രേയോ ഭവിഷ്യതി॥ 8-83-20 (59116)
ധനുർജ്യാ ചന്ദ്രതാരാങ്കാ പതാകാകിങ്കിണീയുതാ।
പശ്യ കർണാർജുനസ്യൈഷാ സൌദാമന്യംബരേ യഥാ॥ 8-83-21 (59117)
ഏഷ ധ്വജാഗ്രേ പാർഥസ്യ പ്രേക്ഷമാണഃ സമന്തതഃ।
ദൃശ്യതേ വാനരോ ഭീമോ വീക്ഷതാം ഭയവർധനഃ॥ 8-83-22 (59118)
ഏതച്ചക്രം ഗദാ ശംഖഃ ശാർംഗം കൃഷ്ണസ്യ ച പ്രഭോ।
ദൃശ്യതേ പാണ്ഡവരഥേ വാഹയാനസ്യ വാജിനഃ॥ 8-83-23 (59119)
ഏതത്കൂജതി ഗാണ്ഡീവം വിസൃഷ്ടം സവ്യസാചിനാ।
ഏതേ ഹസ്തവതാ മുക്താ ഘ്നന്ത്യമിത്രാഞ്ശിതാഃ ശരാഃ॥ 8-83-24 (59120)
വിശാലായതതാംരാക്ഷൈഃ പൂർണചന്ദ്രനിഭാനനൈഃ।
ഏഷാ ഭൂഃ കീര്യതേ രാജ്ഞാം ശിരോഭിരപലായിനാം॥ 8-83-25 (59121)
ഏതേ പരിഘസങ്കാശാഃ പുണ്യഗന്ധാനുലേപനാഃ।
ഉദ്ധതാ രണശൂരാണാം പാത്യന്തേ സായുധാ ഭുജാഃ॥ 8-83-26 (59122)
നിരസ്തജിഹ്വാ നേത്രാന്താ വാജിനഃ സഹ സാദിഭിഃ।
പതിതാഃ പാത്യമാനാശ്ച ക്ഷിതൌ ക്ഷീണാ വിശേരതേ॥ 8-83-27 (59123)
ഏതേ പർവതശൃംഗാണാം തുല്യാ ഹൈമവതാ ഗജാഃ।
സഞ്ഛിന്നകുംഭാഃ പാർഥേന പ്രപതന്ത്യദ്രയോ യഥാ॥ 8-83-28 (59124)
ഗന്ധർവനഗരാകാരാ രഥാ ഹതനരേശ്വരാഃ।
വിമാനാദിവ പുണ്യാന്തേ സ്വർഗിണോ നിപതന്ത്യമീ॥ 8-83-29 (59125)
വ്യാകുലീകൃതമത്യർഥം പശ്യ സൈന്യം കിരീടിനാ।
നാനാമൃഗസഹസ്രാണാം യൂഥം കേസരിണാ യഥാ॥ 8-83-30 (59126)
ത്വാമഭിപ്രേപ്സുരായാതി കർണ നിഘ്നന്വരാന്രഥാൻ।
അസജ്ജമാനോ രാധേയ തം യാഹി പ്രതി ഭാരത॥ 8-83-31 (59127)
ഏഷാ വിദീര്യതേ സേനാ ധാർതരാഷ്ട്രീ സമന്തതഃ।
അർജുനസ്യ ഭയാത്തൂർണം നിഘ്നതഃ ശാത്രവാൻബഹൂൻ॥ 8-83-32 (59128)
വർജയൻസർവസൈന്യാനി ത്വരതേ ഹി ധനഞ്ജയഃ।
ത്വദർഥമിതി മന്യേഽഹം യഥാസ്യോദീര്യതേ വപുഃ॥ 8-83-33 (59129)
ന ഹ്യവസ്ഥാസ്യതേ പാർഥോ യുയുത്സുഃ കേനചിത്സഹ।
ത്വാമൃതേ ക്രോധദീപ്തോ ഹി പീഡ്യമാനേ വൃകോദരേ॥ 8-83-34 (59130)
വിരഥം ധർമരാജം തു ദൃഷ്ട്വാ സുദൃഢവിക്ഷതം।
ശിഖണ്ഡിനം സാത്യകിം ച ധൃഷ്ടദ്യുംനം ച പാർഷതം॥ 8-83-35 (59131)
ദ്രൌപദേയാന്യുധാമന്യുമുത്തമൌജസമേവ ച।
നകുലം സഹദേവം ച വശഗാംസ്തേ സമീക്ഷ്യ തു॥ 8-83-36 (59132)
സഹസൈകരഥഃ പാർഥസ്ത്വാമഭ്യേതി പരന്തപഃ।
ക്രോധരക്തേക്ഷണഃ ക്രുദ്ധോ ജിഘാംസുഃ സർവപാർഥിവാൻ॥ 8-83-37 (59133)
ത്വരിതോഽഭിപതത്യസ്മാംസ്ത്യക്ത്വാ സൈന്യാന്യസംശയം।
ത്വം കർണ പ്രതിയാഹ്യേനം നാസ്ത്യന്യോ ഹി ധനുർധരഃ॥ 8-83-38 (59134)
ന തം പശ്യാമി ലോകേഽസ്മിംസ്ത്വത്തോ ഹ്യന്യം ധനുർധരം।
അർജുനം സമരേ ക്രുദ്ധം യോ വേലാമിവ വാരയേത്॥ 8-83-39 (59135)
ന ചാസ്യ രക്ഷാം പശ്യാമി പാർശ്വതോ ന ച പൃഷ്ഠതഃ।
ഏക ഏവാഭിയാതി ത്വാം പശ്യ സാഫല്യമാത്മനഃ॥ 8-83-40 (59136)
ത്വം ഹി കൃഷ്ണൌ രണേ ശക്തോ യോദ്ധുമേതൌ പരന്തപൌ।
തവൈവ ഭാരോ രാധേയ പ്രത്യുദ്യാഹി ധനഞ്ജയം॥ 8-83-41 (59137)
സമാനോ ഹ്യസി ഭീഷ്മേണ ദ്രോമദ്രൌണികൃപേണ ച।
സവ്യസാചിനമായാന്തം നിവാരയ മഹാരണേ॥ 8-83-42 (59138)
ലേലിഹാനം യഥാ സർപം ഗർജന്തമൃഷഭം യഥാ।
വനസ്ഥിതം യഥാ വ്യാഘ്രം ജഹി കർണ ധനഞ്ജയം॥ 8-83-43 (59139)
ഏതേ ദ്രവന്തി സമരാന്നിരപേക്ഷാ നരാധിപാഃ।
അർജുനസ്യ ഭയത്രസ്താ ധാർതരാഷ്ട്രാ മഹാബലാഃ॥ 8-83-44 (59140)
ദ്രവതാമഥ തേഷാം തു നാന്യോഽസ്തി യുധി മാനവഃ।
ഭയഹാ യോ ഭവേദ്വീരസ്ത്വാമൃതേ സൂതനന്ദന॥ 8-83-45 (59141)
ഏതേ ത്വാം കുരവഃ സർവേ ദ്വീപമാസാദ്യ സംയുഗേ।
ധിഷ്ഠിതാഃ പുരുഷവ്യാഘ്ര ത്വത്തഃ ശരണകാങ്ക്ഷിണഃ॥ 8-83-46 (59142)
വൈദേഹാംബഷ്ഠകാംഭോജാസ്തഥാ നഗ്നജിതസ്ത്വയാ।
ഗാന്ധാരാശ്ച യയാ ധൃത്യാ ജിതാഃ സംഖ്യേ സുദുർജയാഃ।
താം ധൃതിം കുരുരാധേയ തതഃ പ്രത്യേഹി പാണ്ഡവം॥ 8-83-47 (59143)
വാസുദേവം ച വാർഷ്ണേയം പ്രീയമാണം കിരീടിനാ।
പ്രത്യുദ്യാഹി മഹാബാഹോ പൌരുഷേ മഹതി സ്ഥിതഃ॥ 8-83-48 (59144)
കർണ ഉവാച। 8-83-49x (5040)
പ്രകൃതിസ്ഥോഽസി മേ ശല്യ ഇദാനീം സംമതസ്തഥാ।
പ്രതിഭാസി മഹാബാഹോ അഭീതശ്ച ധനഞ്ജയാത്॥ 8-83-49 (59145)
പശ്യ ബാഹ്വോർബലം മേഽദ്യ ശിക്ഷിതസ്യ ച പശ്യ മേ।
ഏകോഽദ്യ നിഹനിഷ്യാമി പാണ്ഡവാനാം മഹാചമൂം॥ 8-83-50 (59146)
കൃഷ്ണൌ ച പുരുഷവ്യാഘ്ര തതഃ സത്യം ബ്രവീമി തേ।
നാഹത്വാ യുധി തൌ വീരൌ വ്യപയാസ്യേ കഥഞ്ചന॥ 8-83-51 (59147)
ശിശ്യേ വാ നിഹതസ്താഭ്യാമനിത്യോ ഹി രണേ ജയഃ।
കൃതാർഥോഽദ്യ ഭവിഷ്യാമി ഹത്വാ വാപ്യഥ വാ ഹതഃ॥ 8-83-52 (59148)
ശല്യ ഉവാച। 8-83-53x (5041)
അജയ്യമേനം പ്രവദന്തി യുദ്ധേ
മഹാരഥാഃ കർണ രഥപ്രവീരം।
ഏകാകിന കിമു കൃഷ്ണാഭിഗുപ്തം
വിജേതുമേനം ക ഇഹോത്സഹേത॥ 8-83-53 (59149)
കർണ ഉവാച। 8-83-54x (5042)
നൈതാദൃശോ ജാതു ബഭൂവ ലോകേ
രഥോത്തമോ യാവദുപശ്രുതം നഃ।
തമീദൃശം പ്രതിയോത്സ്യാമി പാർഥം
മഹാഹവേ പശ്യ ച പൌരുഷം മേ ॥ 8-83-54 (59150)
രണേ ചരത്യേഷ രഥപ്രവീരഃ
സിതൈർഹയൈഃ കൌരവരാജപുത്രഃ।
സ വാഽദ്യ മാം നേഷ്യതി കൃച്ഛ്രമേത--
ത്കർണോഽസ്യാന്തേഽപ്യത്ര ഭവേത്സമർഥഃ॥ 8-83-55 (59151)
അസ്വേദിനൌ രാജപുത്രസ്യ ഹസ്താ--
വവേപമാനൌ ജാതകിണൌ ബൃഹന്തൌ।
ദൃഢായുധഃ കൃതിമാൻക്ഷിപ്രഹസ്തോ
ന പാണ്ഡവേയേന സമോഽസ്തി യോധഃ॥ 8-83-56 (59152)
ഗൃഹ്ണാത്യനേകാനപി കങ്കപത്രാ--
നേകം യഥാ താൻപ്രതിയോജ്യ ചാശു।
തേ ക്രോശമാത്രേ നിപതന്ത്യമോധാഃ
കസ്തേന യോധോഽസ്തി സമഃ പൃഥിവ്യാം॥ 8-83-57 (59153)
അതോഷയത്സ്വാണ്ഡവേ യോ ഹുതാശം
കൃഷ്ണദ്വിതീയോഽതിരഥസ്തരസ്വീ।
ലേഭേ ചക്രം യത്ര കൃഷ്ണോ മഹാത്മാ
ധനുർഗാണ്ഡീവം പാണ്ഡവഃ സവ്യസാചീ॥ 8-83-58 (59154)
ശ്വേതാശ്വയുക്തം ച സുഘോഷമുഗ്രം
രഥം മഹാബാഹുരദീനസത്വഃ।
മഹേഷുധീ ചാക്ഷയേ ദിവ്യരൂപേ
ശസ്ത്രാണി ദിവ്യാനി ച ഹവ്യവാഹാത്॥ 8-83-59 (59155)
യസ്ത്വിന്ദ്രലോകേ നിജഘാന ദൈത്യാ--
നസംഖ്യേയാൻകാലകേയാംശ്ച സർവാൻ।
ലേഭേ ശംഖം ദേവദത്തം സ്മ തത്ര
കോ നാമ തേനാഭ്യധികഃ പൃഥിവ്യാം॥ 8-83-60 (59156)
മഹാദേവം തോഷയാമാസ യോഽസ്ത്രൈഃ
സാക്ഷാത്സുയുദ്ധേന മഹാനുഭാവഃ।
ലേഭേ തതഃ പാശുപതം സുഘോരം
ത്രൈലോക്യസംഹാരകരം മഹാസ്ത്രം॥ 8-83-61 (59157)
പൃഥക്പൃഥഗ്ലോകപാലാഃ സമേതാ
ദദുർമഹാസ്ത്രാണ്യപ്രമേയാണി സംഖ്യേ।
യൈസ്താഞ്ജഘാനാശു രണേ നൃസിംഹഃ
സകാലകേയാനസുരാൻസമേതാൻ॥ 8-83-62 (59158)
തഥാ വിരാടസ്യ പുരേ സമേതാ--
ൻസർവാനസ്മാനേകരഥേന ജിത്വാ।
ജഹാര തദ്രോധനമാജിമധ്യേ
വസ്ത്രാണി ചാദത്ത മഹാരഥേഭ്യഃ॥ 8-83-63 (59159)
തമീദൃശം വീര്യഗുണോപപന്നം
കൃഷ്ണദ്വിതീയം പരമം നൃപാണാം।
തമാഹ്വയൻസാഹസമുത്തമം വൈ
ജാനേ സ്വയം സർവലോകസ്യ ശല്യ॥ 8-83-64 (59160)
അനന്തവീര്യേണ ച കേശവേന
നാരായണേനാപ്രതിമേന ഗുപ്തഃ।
വർഷായുതൈര്യസ്യ ഗുണാ ന ശക്യാ
വക്തും സമേതൈരപി സർവലോകൈഃ॥ 8-83-65 (59161)
മഹാത്മനഃ ശംഖചക്രാസിപാണേ--
ർവിഷ്ണോർജിഷ്ണോർവസുദേവാത്മജസ്യ।
ഭയം ന മേ ജായതേ സാധ്വസം ച
ദൃഷ്ട്വാ കൃഷ്ണാവേകരഥേ സമേതൌ॥ 8-83-66 (59162)
അതീവായം ധനുഷി രാജപുത്രേ--
ഷ്വതീവാന്യാൻകേശവശ്ചക്രയുദ്ധേ।
ഏവംവിധൌ പാണ്ഡവവാസുദേവൌ
ചലേത്സ്വദേശാദ്വിമവാന്ന കൃഷ്ണൌ॥ 8-83-67 (59163)
ഉഭൌ ഹി ശൂരൌ ബലിനൌ ദൃഢായുധൌ
മഹാരഥൌ സംഹനനോപപന്നൌ।
ഏതൌ വീരൌ നരവീരൌ സമേതൌ
സ്ഥാനാച്ച്യുതൌ ദേവകുമാരരൂപൌ॥ 8-83-68 (59164)
അഗ്ര്യാദിത്യാവിന്ദ്രവൃഹസ്പതീ വാ
യമാന്തകൌ വാ ശത്രിപൂഷണൌ വാ।
ഭഗാംശമിത്രാവരുണാവശ്വിനൌ വാ
മരുദ്ഗണൌ വാ വസവഃ സമേതാഃ।
വ്യസ്താഃ സമസ്താശ്ച യുധാ ന ശക്താ
ജേതും പ്രസഹ്യാർജുനം ചാച്യുതം ച॥ 8-83-69 (59165)
ഏതൌ ഹി താവർജുനവാസുദേവൌ
കോഽന്യഃ പ്രതീയാൻമദൃതേ തു ശല്യ॥ 8-83-70 (59166)
സർവേഷാം വൃഷ്ണിവീരാണാം കൃഷ്ണേ ലക്ഷ്മീഃ പ്രതിഷ്ഠിതാ।
സർവേഷാം പാണ്ഡുപുത്രാണാം ജയഃ പാർഥേ പ്രതിഷ്ഠിതഃ॥ 8-83-71 (59167)
താവുഭൌ പുരുഷവ്യാഘ്രൌ സമാനേ സ്യന്ദനേ സ്ഥിതൌ।
മാമേകമഭിയോദ്ധാരൌ സുജാതം ബത ശല്യ മേ॥ 8-83-72 (59168)
നൈതച്ചിരം ക്ഷിപ്രമിമം രഥം മേ
പ്രവർതയൈതാവഭിയാമി ചൈവം।
അസ്മിൻമുഹൂർതേ നിഹതൌ പശ്യ കൃഷ്ണൌ
താഭ്യാം ഹതം വാ യുധി മാം രിപുഭ്യാം॥ 8-83-73 (59169)
ഏവം ബ്രുവാണഃ സഹസാ മഹാരഥ--
സ്ത്വഭ്യദ്രവത്പാണ്ഡവം സൂതപുത്രഃ॥ 8-83-74 (59170)
അഭ്യേത്യ പുത്രേണ തവാഭിനന്ദിതാഃ
സമേത്യ ചോക്താഃ കുരുവീരസത്തമാഃ।
കൃപശ്ച ഭോജശ്ച മഹാരഥാവുഭൌ
തഥൈവ ഗാന്ധാരപതിഃ സഹാനുജഃ।
ഗുരോഃ സുതസ്തസ്യ തവാത്മജാസ്തഥാ
പദാതിസംഘാ ദ്വിരദാസ്തഥാ തദാ॥ 8-83-75 (59171)
നിരുധ്യതാഭിദ്രവതാച്യുതാർജുനൌ
ശ്രമേണ സംയോജയതാശു സർവശഃ।
യഥാ ഭവദ്ഭിർഭൃശവിക്ഷതാവുഭൌ
സുഖേന ഹന്യാൻമമ വാഹിനീപതിഃ॥ 8-83-76 (59172)
തഥേതി ചോക്ത്വാ ത്വരിതാഃ സ്മ തേഽർജുനം
ജിഘാംസവോ വീരതരാഃ സമായയുഃ।
ശരൈശ്ച ജഘ്നുര്യുധി തം മഹാരഥാ
ധനഞ്ജയം കർണനിദേശകാരിണഃ।
നദീനദം ഭൂരിജലോ മഹാർണവോ
യഥാ തഥാ താൻസമരേഽർജുനോഽഗ്രസത്॥ 8-83-77 (59173)
ന സന്ദധാനോ ന തഥാ ശരോത്തമാൻ
പ്രമുഞ്ചമാനോ രിപുഭിഃ പ്രദൃശ്യതേ।
ധനഞ്ജയാസ്തൈഃ സ്മ ശരൈർവിദാരിതാ
ഹതാ നിപേതുർനരവാജികുഞ്ജരാഃ॥ 8-83-78 (59174)
ശരാർചിഷം ഗാണ്ഡിവചാരുമണ്ഡലം
യുഗാന്തസൂര്യപ്രതിമാനതേജസം।
ന കൌരവാഃ ശേകുരുദീക്ഷിതും ജയം
യഥാ രവിം വ്യാധിതചക്ഷുഷോ ജനാഃ॥ 8-83-79 (59175)
ശരോത്തമാൻസംപ്രഹിതാൻമഹാരഥൈ
ശ്ചിച്ഛേദ പാർഥഃ പ്രഹസഞ്ഛരൌധൈഃ।
ഭൂയശ്ച താനഹനദ്ബാണസംഘാൻ
ഗാണ്ഡീവധന്വായതപൂർണമണ്ഡലം॥ 8-83-80 (59176)
യഥോഗ്രരശ്മിഃ ശുചിശുക്രമധ്യഗഃ
സുഖം വിവസ്വാൻഹരതേ ജലൌഘാൻ।
തഥാർജുനോ ബാണഗണാന്നിരസ്യ
ദദാഹ സേനാം തവ പാർഥിവേന്ദ്ര॥ 8-83-81 (59177)
തമഭ്യധാവദ്വിസൃജൻകൃപഃ ശരാം--
സ്തഥൈവ ഭോജസ്തവ ചാത്മജഃ സ്വയം।
മഹാരഥോ ദ്രോണസുതശ്ച സായകൈ--
രവാകിരംസ്തോയധരാ യഥാഽചലം॥ 8-83-82 (59178)
ജിഘാംസുഭിസ്താൻകുശലൈഃ ശരോത്തമാൻ
മഹാത്മഭിഃ സംപ്രഹിതാൻപ്രയത്നതഃ।
ശരൈഃ പ്രതിച്ഛേദ സ പാണ്ഡവസ്ത്വരൻ
പരാന്വിനിർഭിദ്യ ച താംസ്ത്രിഭിസ്ത്രിഭിഃ॥ 8-83-83 (59179)
സ ഗാണ്ഡിവവ്യായതപൂർണമണ്ഡല--
സ്തപന്രിപൂനർജുനഭാസ്കരോ വഭൌ।
ശരോഗ്രശ്മിഃ ശുചിശുക്രമധ്യഗോ
യഥൈവ സൂര്യഃ പരിവേയവാംസ്തഥാ॥ 8-83-84 (59180)
അഥാഗ്ര്യബാണൈർദശഭിർധനഞ്ജയം
പരാഭിനദ്ദോണസുതോഽച്യുതം ത്രിഭിഃ।
ചതുർഭിരശ്വാംശ്ചതുരഃ കപിം തതഃ
ശരൈശ്ച നാരാചവരൈരവാകിരത്॥ 8-83-85 (59181)
തഥാ തതഃ പ്രസ്ഫുരദസ്യ കാർമുകം
ത്രിഭിഃ ശരൈര്യന്തൃശിരശ്ചകർത ഹ।
ഹയാംശ്ചതുർഭിശ്ചതുരസ്ത്രിഭിർധ്വജം
ധനഞ്ജയോ ദ്രൌണിരഥാദപാതയത്॥ 8-83-86 (59182)
സ രോഷപൂർണോ ഹ്മതിവജ്രഹാടകൈ---
രലങ്കൃതം തക്ഷകഭോഗവർചസം।
സ തദ്വധേ കാർമുകമന്യദാദദേ
യഥാ മഹാഹിപ്രവരം തഥൈവ ച॥ 8-83-87 (59183)
സ്വമായുധം ചാപി വികീര്യ ഭൂതലേ
ധനുശ്ച കൃത്വാ സഗുണം ഗുണാധികഃ।
സമാനയംസൽതാവജിതൌ നരോത്തമൌ
ശരോത്തമൈർദ്രൌണിരവിധ്യദന്തികാത്॥ 8-83-88 (59184)
കൃപശ്ച ഭോജശ്ച തവാത്മജശ്ച തേ
ശരൈരനേകൈര്യുധി പാണ്ഡവർഷഭം।
മഹാരഥാഃ സംയുഗമൂർധനി സ്ഥിതാ--
സ്തമോനുദം വാരിധരാ ഇവാപതൻ॥ 8-83-89 (59185)
കൃപസ്യ പാർഥഃ ശരം ശരാസനം
ഹയാന്ധ്വജാൻസാരധിമേവ പത്രിഭിഃ।
[സമാർപയദ്വാഹുസഹസ്രവിക്രമ--
സ്തഥാ യഥാ വജ്രധരഃ പുരാ ബലേഃ॥ 8-83-90 (59186)
സ പാർഥബാണൈർവിനിപാതിതായുധോ
ധ്വജാവമർദേ ച കൃതേ മഹാഹവേ।
കൃതഃ കൃപോ ബാണസഹസ്രയനിതോ
യഥാപഗേയഃ പ്രഥമം കിരീടിനാ॥] 8-83-91 (59187)
ശരൈഃ പ്രചിച്ഛേദ തവാത്മജസ്യ
ധ്വജം ധനുശ്ച പ്രചകർത നർദതഃ।
ജഘാന ചാശ്വാൻകൃതവർമണഃ ശുഭാൻ
ധ്വജം ച ചിച്ഛേദ തവാത്മജസ്യ ഹ॥ 8-83-92 (59188)
സവാജിസൂതേഷ്വസനാൻസകേതനാ--
ഞ്ജയാന നാഗാശ്വരഥാംശ്ച സ ത്വരൻ।
തതഃ പ്രകീർണം സുമഹദ്വലം തവ
പ്രപീഡിതം സവിതുരിവൌജസാ ഭൃശം॥ 8-83-93 (59189)
തതോഽർജുനസ്വാശു രഥേന കേശവ--
ശ്ചകാര ശത്രൂനപസവ്യമാതുരാൻ।
തതഃ പ്രയാതം ത്വരിതം ധനഞ്ജയം
ശതക്രതും വൃത്രനിജഘ്രുഷം യഥാ।
സമന്വധാവൻപുനരുത്ഥിതൈർധ്വജൈ
രഥൈഃ സുയുക്തൈരപരേ യുയുത്സവഃ॥ 8-83-94 (59190)
അഥാഭിസൃത്യ പ്രതിവാര്യ ചാഹിതാൻ
ധനഞ്ജയസ്യാനുചരാൻമഹാരഥാഃ।
ശിഖണ്ഡിശൈനേയയമാഃ ശിതൈഃ ശരൈ---
ർവിദാരയന്തോ വ്യനദൻസുഭൈരവം॥ 8-83-95 (59191)
തതോഽഭിജഘ്നുഃ കുപിതാഃ പരസ്പരം
ശരൈസ്തദാഞ്ചോഗതിഭിഃ സുതേജനൈഃ।
കുരുപ്രവീരാഃ സഹ പൃഞ്ജയൈര്യഥാ
സുരാരയോ ദേവപതിം യഥാ തഥാ॥ 8-83-96 (59192)
ജയേപ്സവഃ സ്വർഗമനായ ചോത്സുകാഃ
പതന്തി നാഗാശ്വരഥാഃ പരന്തപ।
തഥൈവ സർവേ ബഹവശ്ച വിവ്യധുഃ
ശരൈഃ സുമുക്തൈരിതരേതരം പൃഥക്॥ 8-83-97 (59193)
ശരാന്ധകാരേ തു മഹാത്മഭിഃ കൃതേ
മഹാമൃധേ യോധവരൈഃ പരസ്പരം।
ചതുർദിശോ വൈ വിദിശശ്ച പാർഥിവ
പ്രഭാ ച സൂര്യസ്യ തമോവൃതാഽഭവത്॥ ॥ 8-83-98 (59194)
ഇതി ശ്രീമൻമഹാഭാരതേ കർണപർവണി ത്ര്യശീതിതമോഽധ്യായഃ॥ 83 ॥
Mahabharata - Karna Parva - Chapter Footnotes
॥ ശ്രീഃ ॥
8.84. അധ്യായഃ 084
Mahabharata - Karna Parva - Chapter Topics
സങ്കുതxxxxx ॥ 1 ॥
Mahabharata - Karna Parva - Chapter Text
8-84-0 (59195)
സഞ്ജയ ഉവാച। 8-84-0x (5043)
xxxxxxxxxxxപ്രബരൈർവലൈർഭീമമഭിദ്രുതം।
xxxxxxxxxx കൌന്തേയമുസ്ഥിഹീർഷുർധനഞ്ജയഃ॥ 8-84-1 (59196)
xxxxxxxxx സേനാം മാരത സായകൈഃ।
xxxxxxxxxx പരവീരാന്ധനഞ്ജയഃ॥ 8-84-2 (59197)
xxxxxxxxxxx ശരജാലാനി ഭാഗശഃ।
അദൃശ്യന്ത തഥാന്യേ ച നിജഘ്നുസ്തവ വാഹിനീം॥ 8-84-3 (59198)
സ പക്ഷിസംഘാചരിതമാകാശം പൂരയഞ്ശരൈഃ।
ധനഞ്ജയോ മഹാബാഹുഃ കുരൂണാമന്തകോഽമയത് 8-84-4 (59199)
തതോ ഭല്ലൈഃ ക്ഷുരപ്രൈശ്ച നാരാചൈർവിമലൈരപി।
ഗാത്രാണി പ്രാച്ഛിനത്പാർഥഃ ശിരാംസി ച ചകർത ഹ॥ 8-84-5 (59200)
ഛിന്നഗാത്രൈർവികവചൈർവിശിരസ്കൈഃ സമന്തതഃ।
പാതിതൈശ്ച പതദ്ഭിശ്ച യോധൈരാസീത്സമാവൃതാ॥ 8-84-6 (59201)
ധനഞ്ജയശരാഭ്യസ്തൈഃ സ്യന്ദനാശ്വരഥദ്വിപൈഃ।
സഞ്ഛിന്നഭിന്നവിധ്വസ്തൈർവ്യംഗാംഗാവയവൈഃ സ്തൃതാ।
ഗതസത്വൈഃ സസത്വൈശ്ച സംവൃതാഽഽസീദ്വസുന്ധരാ॥ 8-84-7 (59202)
സുദുർഗമാ സുവിഷമാ ഘോരാഽത്യർഥം സുദുർദൃശാ।
രണഭൂമിരഭൂദ്രാജൻമഹാവൈതരണീ യഥാ॥ 8-84-8 (59203)
ഈഷാചക്രാക്ഷഭല്ലൈശ്ച വ്യശ്വൈഃ സാശ്വൈശ്ച യുധ്യതാം।
സസൂതൈർഹതസൂതൈശ്ച രഥൈഃ സ്തീർണാഽഭവൻമഹീ॥ 8-84-9 (59204)
സുവർണവർമസന്നാഹൈര്യോധൈഃ കനകമാലിഭിഃ।
ആസ്ഥിതാഃ ക്ലൃപ്തവർമാണോ ഭദ്രാ നിത്യമദാ ദ്വിപാഃ॥ 8-84-10 (59205)
ക്രുദ്ധാഃ ക്രുരൈർമഹാമാത്രൈഃ പ്രേഷിതാർജുനമഭ്യയുഃ।
ചതുഃ ശതാ രഥവരാ ഹതാഃ പേതുഃ കിരീടിനാ॥ 8-84-11 (59206)
പര്യസ്താനീവ ശൃംഗാണി സസത്വാനി മഹാഗിരേഃ।
ധനഞ്ജയശരാഭ്യസ്തൈഃ സ്തീർണാ ഭൂർവരവാരണൈഃ॥ 8-84-12 (59207)
സമന്താജ്ജലദപ്രഖ്യാന്വാരണാൻമദവർഷിണഃ।
അഭിപേദേഽർജുനരഥോ ഘനാൻഭിന്ദന്നിവാംശുമാൻ॥ 8-84-13 (59208)
ഹതൈർഗജമനുഷ്യാശ്വൈർഭിന്നൈശ്ച ബഹുധാ രഥൈഃ।
വിശസ്ത്രയന്ത്രകവചൈര്യുദ്ധശൌണ്ഡൈർഗതാസുഭിഃ।
ഉപവിദ്ധായുധൈർമാർഗഃ സ്തീർണോഽഭൂത്ഫൽഗുനേന വൈ॥ 8-84-14 (59209)
വിസ്ഫാരിതം ച ഗാണ്ഡീവമത്യാസീദ്ഭൈരവസ്വനം
സുഘോഷം വജ്രനിഷ്പേഷം സ്തനയന്നിവ തോയദഃ॥ 8-84-15 (59210)
തതഃ പ്രാദീര്യത ചമൂർധനഞ്ജയശരാഹതാ।
മഹാവാതസമാവിദ്ധാ മഹാനൌരിവ സാഗരേ॥ 8-84-16 (59211)
നാനാരൂപാഃ പ്രാണഹരാഃ ശരാ ഗാണ്ഡീവചോദിതാഃ।
അലാതോൽകാശനിപ്രഖ്യാസ്തവ സൈന്യം വിനിർദഹൻ॥ 8-84-17 (59212)
മഹാഗിരൌ വേണുവനം നിശി പ്രജ്വലിതം യഥാ।
തഥാ തവ മഹാസൈന്യം പ്രാസ്ഫുരച്ഛരപീഡിതം॥ 8-84-18 (59213)
തദ്വിനഷ്ടം സുവിധ്വസ്തം തവ സൈന്യം കിരീടിനാ।
ഹതപ്രവിഹതം ബാണൈഃ സർവതഃ പ്രദ്രുതം ദിശഃ॥ 8-84-19 (59214)
സശ്വാപദാ മൃഗഗണാ ദാവാഗ്നിത്രാസിതാ യഥാ।
കുരവഃ പര്യവർതന്ത നിർദഗ്ധാഃ സവ്യസാചിനാ॥ 8-84-20 (59215)
ഉത്സൃജ്യ ച മഹാബാഹും ഭീമസേനം തഥാ രണേ।
ബലം കുരൂണാമുദ്വിഗ്നം സർവമാസീത്പരാങ്മുഖം॥ 8-84-21 (59216)
തതഃ കുരുഷു ഭഗ്നേഷു ബീഭത്സുരപരാജിതഃ।
ഭീമസേനം സമാസാദ്യ മുഹൂർതം സോഽഭ്യവർതത॥ 8-84-22 (59217)
സമാഗംയ ച ഭീമേന മന്ത്രയിത്വാ ച ഫൽഗുനഃ।
വിശല്യമരുജം ചാസ്മൈ കഥയിത്വാ യുധിഷ്ഠിരം॥ 8-84-23 (59218)
ഭീമസേനാഭ്യനുജ്ഞാതസ്തതഃ പ്രായാദ്ധനഞ്ജയഃ।
നാദന്രഥഘോഷേണ പൃഥിവീം ദ്യാം ച ഭാരത॥ 8-84-24 (59219)
തതഃ പരിവൃതോ വീരൈർദശഭിഃ ശത്രുതാപനഃ।
ദുഃശാസനാദവരജൈസ്തവ പുത്രൈർധനഞ്ജയഃ॥ 8-84-25 (59220)
തേ തമഭ്യർദയൻബാണൈരുൽകാഭിരിവ കുഞ്ജരം।
ആതതേഷ്വസനാ വീരാ നൃത്യന്ത ഇവ ഭാരത॥ 8-84-26 (59221)
അപസവ്യാംസ്തു താംശ്ചക്രേ രഥേന മധുസൂദനഃ।
നിയുക്താൻഹി സ താൻമേനേ യമായാശു കിരീടിനാ॥ 8-84-27 (59222)
തഥാന്യേ പ്രാണദൻമൂഢാഃ പരാങ്മുഖമിവാർജുനം॥ 8-84-28 (59223)
തേഷാം നാനദതാം കേതൂനശ്വാംശ്ചാപാനി സാരഥീൻ।
നാരാചൈരർധചന്ദ്രൈശ്ച ക്ഷിപ്രം പാർഥോ ന്യകൃന്തത॥ 8-84-29 (59224)
*അഥാന്യൈർദശഭിർഭല്ലൈഃ ശിരാംസ്യേഷാമപാതയത്।
രോഷസംരക്തനേത്രാണി സന്ദഷ്ടൌഷ്ഠാനി ഭൂതലേ॥ 8-84-30 (59225)
തേഷാം വക്രാണി വിബഭുർവ്യോംനി താരാഗണാ ഇവ॥ 8-84-31 (59226)
താംസ്തു ഭല്ലൈർമഹാവേഗൈർദശഭിർദശ കൌരവാൻ।
രുക്മാംഗദാവ്രുക്മപുംഖൈർഹത്വാ പ്രായാദമിത്രഹാ॥ ॥ 8-84-32 (59227)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ചതുരശീതിതമോഽധ്യായഃ॥ 84 ॥
Mahabharata - Karna Parva - Chapter Footnotes
॥ ശ്രീഃ ॥
8.85. അധ്യായഃ 085
Mahabharata - Karna Parva - Chapter Topics
സങ്കുലയുദ്ധം॥ 1 ॥
Mahabharata - Karna Parva - Chapter Text
8-85-0 (59228)
സഞ്ജയ ഉവാച। 8-85-0x (5044)
തമായാന്തം മഹാവേഗൈരശ്വൈഃ കപിവരധ്വജം।
യുദ്ധായാഭ്യദ്രവന്ദീരാഃ കുരൂണാം നവതീം രഥാഃ॥ 8-85-1 (59229)
കൃത്വാ സംശപ്തകാ ഘോരം ശപഥം പാരലൌകികം।
പരിവവ്രുർനരവ്യാഘ്രാ നരവ്യാഘ്രം രണേഽർജുനം॥ 8-85-2 (59230)
കൃഷ്ണഃ ശ്വേതാൻമഹാവേഗാനശ്വാൻകാഞ്ചനഭൂഷണാൻ।
മുക്താജാലപ്രതിച്ഛന്നാൻപ്രൈഷീത്കർണരഥം പ്രതി॥ 8-85-3 (59231)
പ്രേക്ഷ്യ കർണരഥം യാന്തമരിഘ്നം തം ധനഞ്ജയം।
ബാണവർഷൈരഭിഘ്നന്തഃ സംശപ്തകഗണാ യയുഃ॥ 8-85-4 (59232)
ത്വരമാണാംസ്തു താൻസർവാൻസസൂതേഷ്വസനധ്വജാൻ।
ജഘാന നവതിം വീരാനർജുനോ നിശിതൈഃ ശരൈഃ॥ 8-85-5 (59233)
തേഽപതന്ത ഹതാ ബാണൈർനാനാരൂപൈഃ കിരീടിനാ।
വിമാനേഭ്യഃ സുകൃതിനഃ സ്വർഗാത്പുണ്യക്ഷയേ യഥാ॥ 8-85-6 (59234)
തതഃ സരഥനാഗാശ്വാഃ കുരവഃ കുരുസത്തമം।
നിർഭയാ ഭരതശ്രേഷ്ഠമഭ്യവർതന്ത ഫൽഗുനം॥ 8-85-7 (59235)
തദായസ്തമനുഷ്യാശ്വമുദീർണവരവാരണം।
പുത്രാണാം തേ മഹാസൈന്യം സമരൌത്സീദ്ധനഞ്ജയം॥ 8-85-8 (59236)
ശക്ത്യൃഷ്ടിതോമരപ്രാസൈർഗദാനിസ്ത്രിംശസായകൈഃ।
പ്രാച്ഛാദയൻമഹേഷ്വാസാഃ കുരവഃ കുരുനന്ദനം॥ 8-85-9 (59237)
താമന്തരിക്ഷേ വിതതാം ശസ്ത്രവൃഷ്ടിം സമന്തതഃ।
വ്യധമത്പാണ്ഡവോ ബാണൈസ്തമഃ സൂര്യ ഇവാംശുഭിഃ॥ 8-85-10 (59238)
തതോ ംലേച്ഛാഃ സ്ഥിതാ മത്തൈസ്ത്രയോദശശതൈർഗജൈഃ।
പാർശ്വതോ വ്യഹനൻപാർഥം തവ പുത്രസ്യ ശാസനാത്॥ 8-85-11 (59239)
കർണിനാലീകനാരാചൈസ്തോമരപ്രാസശക്തിഭിഃ।
കർപണൈർഭിണ്ഡിപാലൈശ്ച രഥസ്ഥം പാർഥമാർദയൻ॥ 8-85-12 (59240)
താം ശസ്ത്രവൃഷ്ടിമതുലാം ദ്വിപസ്ഥൈഃ പ്രേഷിതാം പ്രഭുഃ।
ചിച്ഛേദ നിശിതൈർഭല്ലൈരർധചന്ദ്രൈശ്ച ഫൽഗുനഃ॥ 8-85-13 (59241)
അഥ താന്ദ്വിരദാൻസർവാന്നാനാലിംഗൈഃ ശരോത്തമൈഃ।
സപതാകധ്വജാരോഹാൻഗിരീന്വജ്രൈരിവാഭിനത്॥ 8-85-14 (59242)
തേ ഹേമപുംഖൈരിഷുഭിരർദിതാ ഹേമമാലിനഃ।
ഹതാഃ പേതുർമഹാനാഗാഃ സാഗ്രിജ്വാലാ ഇവാദ്രയഃ॥ 8-85-15 (59243)
തതോ ഗാണ്ഡീവനിർഘോഷോ മഹാനാസീദ്വിശാംപതേ।
സ്തനതാം കൂജതാം ചൈവ മനുഷ്യഗജവാജിനാം॥ 8-85-16 (59244)
കുഞ്ചരാശ്ച ഹതാ രാജന്ദദ്രുവുസ്തേ സമന്തതഃ।
അശ്വാശ്ച പര്യധാവന്ത ഹതാരോഹാ ദിശോ ദശ॥ 8-85-17 (59245)
രഥാ ഹീനാ നഹാരാജ രഥിഭിർവാജിഭിസ്തഥാ।
ഗന്ധർവനഗരാകാരാ ദൃശ്യന്തേ സ്മ സഹസ്രശഃ॥ 8-85-18 (59246)
അശ്വാരോഹാ മഹാരാജ ധാവമാനാ ഇതസ്തതഃ।
തത്രതത്രൈവ ദൃശ്യന്തേ നിഹതാഃ പാർഥസായകൈഃ॥ 8-85-19 (59247)
തസ്മിൻക്ഷണേ പാണ്ഡവസ്യ ബാഹ്വോർബലമദൃശ്യത।
യത്സാദിനോ വാരണാംശ്ച രഥാംശ്ചൈകോഽജയദ്യുധി॥ 8-85-20 (59248)
അസംയുക്താശ്ച തേ രാജൻപരിവൃത്താ രണം പ്രതി।
നരാ നാഗാ രഥാശ്ചൈവ നദന്തോഽർജുനമഭ്യയുഃ॥ 8-85-21 (59249)
തതസ്ത്ര്യേംഗേണ മഹതാ ബലേന ഭരതർഷഭ।
ദൃഷ്ട്വാ പരിവൃതം രാജൻഭീമസേനഃ കിരീടിനം॥ 8-85-22 (59250)
ഹതാവശേഷാനുത്സൃജ്യ ത്വദീയാൻകതിചിദ്രഥാൻ।
ജവേനാഭ്യദ്രവദ്ഭീമോ ധനഞ്ജയരഥം പ്രതി॥ 8-85-23 (59251)
തതസ്തത്പ്രാദ്രവത്സൈന്യം ഹതഭൂയിഷ്ഠമാതുരം।
ദൃഷ്ട്വാഽർജുനം തദാ ഭീമമാഗതം ഭ്രാതരം പ്രതി॥ 8-85-24 (59252)
ഹതാവശിഷ്ടാംസ്തുരഗാനർജുനേന മഹാബലഃ।
ഭീമോ വ്യധമദശ്രാന്തോ ഗദാപാണിർമഹാഹവേ॥ 8-85-25 (59253)
`ഗദാപാണിം തദാ ദൃഷ്ട്വാ ഭീമം ഭാരത ഭാരതാഃ।
മേനിരേ തമനുപ്രാപ്തം ദണ്ഡപാണിമിവാന്തകം'॥ 8-85-26 (59254)
കാലരാത്രിമിവാത്യുഗ്രാം നരനാഗാശ്വഭോജനാം।
പ്രാകാരാട്ടപുരദ്വാരദാരണീമതിദാരുണാം॥ 8-85-27 (59255)
ഗദാം തുരഗനാശായ ത്വരൻഭീമോ വ്യവാസൃജത്।
സാ ജഘാന ബഹൂനശ്വാനശ്വാരോഹാംശ്ച മാരിഷ॥ 8-85-28 (59256)
കാംസ്യായസതനുത്രാംശ്ച നരാനശ്വാംശ്ച പാണ്ഡവഃ।
പോഥയാമാസ ഗദയാ സശബ്ദം തേഽപതൻഹതാഃ॥ 8-85-29 (59257)
ദന്തൈർദശന്തോ വസുധാം ശേരതേ ക്ഷതജോക്ഷിതാഃ।
ഭഗ്നമൂർധാസ്ഥിചരണാഃ ക്രവ്യാദഗണഭോജനാഃ॥ 8-85-30 (59258)
അസൃങ്മാംസവസാഭിശ്ച തൃപ്തിമഭ്യാഗതാ ഗദാ।
അസ്ഥീന്യപ്യശ്നതീ തസ്ഥൌ കാലരാത്രീവ ദുർദൃശാ॥ 8-85-31 (59259)
സഹസ്രാണി ദശാശ്വാനാം ഹത്വാ പത്തീംശ്ച ഭൂയസഃ।
ഭീമോഽഭ്യധാവത്സങ്ക്രുദ്ധോ ഗദാപാണിരിതസ്തതഃ॥ 8-85-32 (59260)
ഗദാപാണിം തതോ ഭീമം ദൃഷ്ട്വാ ഭാരത താവകാഃ।
മേനിരേ സമനുപ്രാപ്തം കാലദൺ·ഡോദ്യതം യമം॥ 8-85-33 (59261)
സ മത്ത ഇവ മാതംഗഃ സങ്ക്രുദ്ധഃ പാണ്ഡുനന്ദനഃ।
പ്രവിവേശ ഗജാനീകം മകരഃ സാഗരം യഥാ॥ 8-85-34 (59262)
വിഗാഹ്യ ച ഗജാനീകം പ്രഗൃഹ്യ മഹതീം ഗദാം।
ക്ഷണേന ഭീമഃ സങ്ക്രുദ്ധസ്തന്നിന്യേ യമസാദനം॥ 8-85-35 (59263)
ഗജാൻസകങ്കടാൻമത്താൻസാരോഹാൻസപതാകിനഃ।
പതതഃ സമപശ്യാമ സപക്ഷാൻപർവതാനിവ॥ 8-85-36 (59264)
ഹത്വാ തു തദ്ഗജാനീകം ഭീമസേനോ മഹാബലഃ।
പുനഃ സ്വരഥമാസ്ഥായ പൃഷ്ഠതോഽർജുനമഭ്യയാത്॥ 8-85-37 (59265)
തതഃ പരാങ്മുഖീഭൂതം നിരുത്സാഹം ബലം തവ।
തദാനീം തു മഹാരാജ പ്രായശഃ ശസ്ത്രവേഷ്ടിതം॥ 8-85-38 (59266)
വിലംബമാനം തത്സൈന്യഭപ്രഗൽഭമവസ്ഥിതം।
ദൃഷ്ട്വാ പ്രാച്ഛാദയദ്ബാണൈരർജുനഃ ശസ്ത്രവൃഷ്ടിഭിഃ॥ 8-85-39 (59267)
നരാശ്വരഥമാതംഗാ യുധി ഗാണ്ഡീവധന്വനാ।
ശരവ്രാതൈശ്ചിതാ രേജുഃ കദംബാ ഇവ കേസരൈഃ॥ 8-85-40 (59268)
തതഃ കുരുണാമഭവദാർതനാദോ മഹാന്നൃപ।
നരാശ്വനാഗാസുഹനാന്ദൃഷ്ട്വാ ബാണാൻകിരീടിനഃ॥ 8-85-41 (59269)
ഹാഹാകൃതം ഭൃശം ത്രസ്തം ലീയമാനം പരസ്പരം।
അലാതചക്രവത്സൈന്യം തദാ ബഭ്രാമ താവകം॥ 8-85-42 (59270)
തതോഽർജുനശരധ്വസ്തം കുരൂണാം സുമഹദ്ബലം।
ന ഹ്യത്രാസീദനിർഭിന്നോ രഥഃ സാദീ ഹയോ ഗജഃ॥ 8-85-43 (59271)
ആദീപ്തമിവ തത്സൈന്യം ശരൈശ്ഛിന്നതനുച്ഛദം।
ആസീത്സ്വശോണിതക്ലിന്നം രൌദ്രം നഷ്ടം വിശാംപതേ॥ 8-85-44 (59272)
തത്സൈന്യം ഹതഭൂയിഷ്ഠമാഹതം നിശിതൈഃ ശരൈഃ।
ന ജഹൌ സമരം പ്രാപ്യ ഫൽഗുനം ശത്രുതാപനം॥ 8-85-45 (59273)
തത്രാദ്ഭുതമപശ്യാമ കൌരവാണാം പരാക്രമം।
വധ്യമാനോഽപി യത്പാർഥം ന ജഹൌ ഭരതർഷഭ॥ 8-85-46 (59274)
തം ദൃഷ്ട്വാ വിക്രമം തസ്യ കുരവഃ സവ്യസാചിനഃ।
നിരാശാഃ സമപദ്യന്ത സർവേ കർണസ്യ ജീവിതേ॥ 8-85-47 (59275)
അവിഷഹ്യം തു പാർഥസ്യ ശരസംസ്പർശമാഹവേ।
മത്വാ ന്യവർതൻകുരവോ ജിതാ ഗാണ്ഡീവധന്വനാ॥ 8-85-48 (59276)
തേ ഹിത്വാ സമരേ പാർഥം വധ്യമാനാശ്ച സായകൈഃ।
പ്രദുദ്രുവുർദിശോ ഭീതാശ്ചുക്രുശുശ്ചാപി സൂതജം॥ 8-85-49 (59277)
താന്വിദ്രാവയതേ പാർഥഃ കിരഞ്ശരശതാൻബഹൂൻ।
ഹർഷയൻപാണ്ഡവീം സേനാം രാജാനം ച യുധിഷ്ഠിരം॥ 8-85-50 (59278)
പുത്രാസ്തവ മഹാരാജ ജഗ്മുഃ കർണരഥം പ്രതി।
അഗാധേ മജ്ജതാം തേഷാം ദ്വീപഃ കർണോഽഭവത്തദാ॥ 8-85-51 (59279)
കുരവോ ഹി മഹാരാജ നിർവിഷാഃ പന്നഗാ ഇവ।
കർണമേവോപലീയന്ത ഭയാദ്ഗാണ്ഡീവഘന്വനഃ॥ 8-85-52 (59280)
യഥാ സർവാണി ഭൂതാനി മൃത്യോർഭീതാനി മാരിഷ।
ഉപലീയന്തി സന്ത്രാസാദ്ധർമം ലോകപരായണം॥ 8-85-53 (59281)
തഥാ കർണം മഹേഷ്വാസം പുത്രാസ്തവ നരാധിപ।
ഉപാലീയന്ത സന്ത്രാസാത്പാണ്ഡവസ്യ മഹാത്മനഃ॥ 8-85-54 (59282)
താഞ്ശോണിതപരിക്ലിന്നാന്വിഷമസ്ഥാഞ്ശരാതുരാൻ।
മാ ഭൈഷ്ടേത്യബ്രവീത്കർണോ ഭീതാനാവിഷ്ടചേതസഃ॥ 8-85-55 (59283)
സംഭഗ്നം ഹി ബലം ദൃഷ്ട്വാ ബലാത്പാർഥേന താവകം।
ധനുർവിസ്ഫാരയൻകർണസ്തസ്ഥൌ ശത്രുജിഘാംസയാ॥ 8-85-56 (59284)
താൻപ്രദ്രുതാൻകുരൂന്ദൃഷ്ട്വാ കർണഃ ശസ്ത്രഭൃതാം വരഃ।
സഞ്ചിന്തയിത്വാ പാർഥസ്യ വധേ ദധ്രേ മനഃ ശ്വസൻ॥ 8-85-57 (59285)
വിസ്ഫാര്യ സുമഹച്ചാപം തതശ്ചാധിരഥിർവൃഷഃ।
പാഞ്ചാലാൻപുനരാധാവത്പശ്യതഃ സവ്യസാചിനഃ॥ 8-85-58 (59286)
തതഃ ക്ഷണേന ക്ഷിതിപാഃ ക്ഷതജപ്രതിമേക്ഷണാഃ।
ശരൌഘൈശ്ഛാദയാമാസുർമഹാമേഘാ ഇവാചലം॥ 8-85-59 (59287)
തതഃ ശരസഹസ്രാണി കർണമുക്താനി മാരിഷ।
പാഞ്ചാലാനാം ഹരത്പ്രാണാംസ്തമാംസീവ തമോനുദഃ॥ 8-85-60 (59288)
മഹദാസീത്തദാ യുദ്ധം പാഞ്ചാലാനാം മഹാമതേ।
വധ്യതാം സൂതപുത്രേണ മിത്രാർഥേ മിത്രഗൃദ്ധിനാ॥ ॥ 8-85-61 (59289)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ പഞ്ചാശീതിതമോഽധ്യായഃ॥ 85 ॥
Mahabharata - Karna Parva - Chapter Footnotes
॥ ശ്രീഃ ॥
8.86. അധ്യായഃ 086
Mahabharata - Karna Parva - Chapter Topics
സങ്കലയുദ്ധം॥ 1 ॥ ഭീമദുഃശാസനയോഃ സമാഗമഃ സംവാദശ്ച॥ 2 ॥
Mahabharata - Karna Parva - Chapter Text
8-86-0 (59290)
സഞ്ജയ ഉവാച। 8-86-0x (5045)
തതഃ കർണഃ കുരുഷു പ്രദ്രുതേഷു
വരൂഥിനാ ശ്വേതഹയേന രാജൻ।
പാഞ്ചാലപുത്രാന്വ്യധമത്സൂതപുത്രോ
മഹേഷുമിർവാത ഇവാഭ്രസംഘാൻ॥ 8-86-1 (59291)
സൂതം രഥാദഞ്ജലികൈർനിപാത്യ
ജഘാന ചാശ്വാഞ്ജനമേജയസ്യ।
ശതാനീകം സുതസോമം ച ഭല്ലൈ--
രവാകിരദ്ധനുഷീ ചാപ്യകൃന്തത്॥ 8-86-2 (59292)
ധൃഷ്ടദ്യുംനം നിർബിഭേദാഥ ഷഡ്ഭി--
ർജഘാനാശ്വാന്ദക്ഷിണാംസ്തസ്യ സംഖ്യേ।
ഹത്വാ ചാശ്വാൻസാത്യകേഃ സൂതപുത്രഃ
കൈകേയപുത്രം ന്യവധീദ്വിശോകം॥ 8-86-3 (59293)
തമഭ്യധാവന്നിഹതേ കുമാരേ
സേനാപതിഃ കൈകയോ മിത്രവർമാ।
ശരൈർവിധുന്വൻഭൃശമുഗ്രവേഗൈഃ
കർണാത്മജം ചാപ്യഹനത്സുദേവം॥ 8-86-4 (59294)
തസ്യാർധചന്ദ്രൈസ്ത്രിഭിരുച്ചകർത
പ്രഹസ്യ ബാഹൂ ച ശിരശ്ച കർണഃ।
സ സ്യന്ദനാദ്ഗാമഗമദ്ഗതാസുഃ
പരശ്വഥൈഃ സാല ഇവാവരുഗ്ണഃ॥ 8-86-5 (59295)
ഹതാശ്വമഞ്ജോഗമിഭിഃ സുഷേണഃ
ശിനിപ്രവീരം നിശിതൈഃ പൃഷത്കൈഃ।
പ്രച്ഛാദ്യ നൃത്യന്നിവ കർണപുത്രഃ
ശൈനേയബാണാഭിഹതഃ പപാത॥ 8-86-6 (59296)
പുത്രേ ഹതേ ക്രോധപരീതയേതാഃ
കർണഃ ശിനീനാം പ്രവരം ജിഘാംസുഃ।
ഹതോഽസി ഹേ സാത്യക ഇത്യുദീര്യ
വ്യവാസൃജദ്ബാണമമിത്രസാഹം॥ 8-86-7 (59297)
തമസ്യ ചിച്ഛേദ ശരം ശിഖണ്ഡീ
ത്രിഭിസ്ത്രിഭിശ്ച പ്രതുതോദ കർണം।
ശിഖണ്ഡിനഃ കാർമുകം ച ധ്വജം ച
ച്ഛിത്ത്വാ ക്ഷുരാഭ്യാം ന്യഹനത്സുജാതഃ॥ 8-86-8 (59298)
ശിഖണ്ഡിനം ഷഡ്ഭിരവിധ്യദുഗ്രോ
ധാർഷ്ടദ്യുംനേഃ സ ശിരശ്ചോച്ചകർത।
തതോഽഭിനത്സുതസോമം ക്ഷുരേണ
സുസംഝിതേനാധിരഥിർമഹാത്മാ॥ 8-86-9 (59299)
അഥാക്രന്ദേ തുമുലേ വർതമാനേ
ധാർഷ്ടദ്യുംനേ നിഹതേ തത്ര കൃഷ്ണഃ।
അപാഞ്ചാല്യം ക്രിയതേ യാഹി പാർഥ
കർണം ജഹീലാബ്രവീദ്രാജസിംഹ॥ 8-86-10 (59300)
തതഃ പ്രഹസ്യാശു നരപ്രവീരോ
രഥം രഥേനാധിരഥേർജഗാമ।
ഭയേ തേഷാം ത്രാണമിച്ഛൻസുബാഹു--
രഭ്യാഹതാനാം രഥയൂഥപേന॥ 8-86-11 (59301)
തതോഽപരേ ഭാരത ദുഷ്പ്രകംപ്യാഃ
പാഞ്ചാലാനാം രഥസംഘാഃ സമേതാഃ।
പ്രതിശ്രിതാ ഹ്യന്തരിക്ഷേ ഗ്രഹാഭാ
ധനുഃപ്രവീരാസ്തു രഥപ്രവീരാഃ॥ 8-86-12 (59302)
വിസ്ഫാര്യ ഗാണ്ഡീവമഥോഗ്രഘോഷം
ജ്യയാ സമാഹത്യ തലേ ഭൃശം ച।
ബാണാന്ധകാരം സഹസൈവ കൃത്വാ
ജഘാന നാഗാശ്വരഥധ്വജാംശ്ച॥ 8-86-13 (59303)
[പ്രതിശ്രുതഃ പ്രാചരദന്തരിക്ഷേ
ഗുഹാ ഗിരീണാമപതന്വയാംസി।
യൻമണ്ഡലജ്യേന വിജൃംഭമാണോ
രൌദ്രേ മുഹൂർതേഽഭ്യപതത്കിരീടീ॥] 8-86-14 (59304)
തം ഭീമസേനോഽനുയയൌ രഥേന
പൃഷ്ഠേ രക്ഷൻപാണ്ഡവമേകവീരഃ।
തൌ രാജപുത്രൌ ത്വരിതൌ രഥാഭ്യാം
കർണായ യാതാവരിഭിർവിഷക്തൌ॥ 8-86-15 (59305)
തത്രാന്തരേ സുമഹാൻസൂതപുത്ര--
ശ്ചക്രേ യുദ്ധം സോമകാൻസംപ്രമഥ്യ।
രഥാശ്വമാതംഗണാഞ്ജഘാന
പ്രച്ഛാദയാമാസ ശരൈർദിശശ്ച॥ 8-86-16 (59306)
തമുത്തമൌജാ ജനമേജയശ്ച
ക്രുദ്ധൌ യുധാമന്യുശിഖണ്ഡിനൌ ച।
കർണം ബിഭേദുഃ സഹിതാഃ പൃഷത്കൈഃ
സന്നർദമാനാഃ സഹ പാർഷതേന॥ 8-86-17 (59307)
തേ പഞ്ച പാഞ്ചാലരഥാഃ സമേതാ
വൈകർതനം കർണമഭിദ്രവന്തഃ।
തസ്മാദ്രഥാച്ച്യാവയിതും ന ശേകു--
ർധൈര്യാത്കൃതാത്മാനമിവേന്ദ്രിയാർഥാഃ॥ 8-86-18 (59308)
തേഷാം ധനൂംഷി ധ്വജവാജിസൂതാം--
സ്തൂർണം പതാകാശ്ച നികൃത്യ ബാണൈഃ।
താൻപാഞ്ചാലാനഭ്യഹനത്പൃവത്കൈഃ
കർണസ്തതഃ സിംഹ ഇവോന്നനാദ॥ 8-86-19 (59309)
തസ്യാസ്യതസ്താനഭിനിഘ്നതശ്ച
ജ്യാബാണഹസ്തസ്യ ധനുഃസ്വേനന।
സാദ്രിദ്രുമാ സ്യാത്പൃഥിവീ വിശീർണേ--
ത്യതീവ മത്വാ ജനതാ വ്യപീദത്॥ 8-86-20 (59310)
സ ശക്രചാപപ്രതിമേന ധന്വനാ
ഭൃശായതേനാധിരഥിഃ ശരാൻസൃജൻ।
ബഭൌ രണേ ദീപ്തമരീചിമണ്ഡലോ
യഥാംശുമാലീ പരിവേഷവാംസ്തഥാ॥ 8-86-21 (59311)
ശിഖണ്ഡിനം ദ്വാദശഭിഃ പരാഭിന--
ച്ഛിതൈഃ ശരൈഃ ഷഡ്ഭിരഥോത്തമൌജസം।
ത്രിഭിര്യുധാമന്യുമവിധ്യദാശുഗൈ--
സ്ത്രിഭിസ്ത്രിഭിഃ സോമകപാർഷതാത്മജൌ॥ 8-86-22 (59312)
പരാജിതാഃ പഞ്ച മഹാരഥാസ്തു തേ
മഹാഹവേ സൂതസുതേന മാരിഷ।
നിരുദ്യമാസ്തസ്ഥുരമിത്രനന്ദനാ
യഥേന്ദ്രിയാർഥാത്മവതാ പരാജിതാഃ॥ 8-86-23 (59313)
നിമജ്ജതസ്താനഥ കർണസാഗരേ
വിപന്നനാവോ വണിജോ യഥാർണവേ।
ഉദ്ദധ്രിരേ നൌഭിരിവാർണവാദ്രഥൈഃ
സുകൽപിതൈർദ്രൌപദിജാഃ സ്വമാതുലാൻ॥ 8-86-24 (59314)
തതഃ ശിനീനാമൃഷഭഃ ശിതൈഃ ശരൈ--
ർനികൃത്യ കർണപ്രഹിതാനിഷൂന്വഹൂൻ।
വിദാര്യ കർണം നിശിതൈരയസ്മയൈ--
സ്തവാത്മജം ജ്യേഷ്ഠമവിധ്യദഷ്ടമിഃ॥ 8-86-25 (59315)
കൃപോഽഥ ഭോജശ്ച തവാത്മജസ്തഥാ
സ്വയം ച കർണോ നിശിതൈരതാഡയത്।
സ തൈശ്ചതുർഭിര്യുയുധേ യദൂത്തമോ
ദിഗീശ്വരൈർദൈത്യപതിര്യഥാ തഥാ॥ 8-86-26 (59316)
സമാതതേനേഷ്വസനേന കൂജതാ
മഹാസ്വനേനാശനിപാതദീധിതിഃ।
ബഭൂവ ദുർധർഷതരഃ സ സാത്യകിഃ
ശരന്നഭോമധ്യഗതോ യഥാ രവിഃ॥ 8-86-27 (59317)
പുനഃ സമാസ്ഥായ രഥാൻസുദംശിതാഃ
ശിനിപ്രവീരം ജുഗുപുഃ പരന്തപാഃ।
സമേത്യ പാഞ്ചാലമഹാരഥാ രണേ
മരുദ്രണാഃ ശക്രമിവാരിനിഗ്രഹേ॥ 8-86-28 (59318)
തതോഽഭവദ്യുദ്ധമതീവ ദാരുണം
തവാഹിതാനാം തവ സൈനികൈഃ സഹ।
രഥാശ്വമാതംഗവിനാശനം തഥാ
യഥാ സുരാണാമസുരൈഃ പുരാഽഭവത്॥ 8-86-29 (59319)
രഥാ ദ്വിപാ വാജിപദാതയസ്തഥാ
ഭ്രമന്തി നാനാവിധശസ്ത്രവേഷ്ടിതാഃ।
പരസ്പരേണാഭിഹതാശ്ച ചസ്ഖലു--
ർവിനേദുരാർതാ വ്യസവോഽപതംസ്തഥാ॥ 8-86-30 (59320)
തഥാഗതം ഭീമമഭീസ്തവാത്മജഃ
സസാര രാജാവരജഃ കിരഞ്ശരൈഃ।
തമഭ്യധാവത്ത്വരിതോ വൃകോദരോ
മഹാരുരും സിംഹ ഇവാഭിപേദിവാൻ॥ 8-86-31 (59321)
തതസ്തയോര്യുദ്ധമതീവ ദാരുണം
പ്രദീവ്യതോഃ പ്രാണദുരോദരം ദ്വയോഃ।
പരസ്പരേണാഭിനിവിഷ്ടരോഷയോ--
രുദഗ്രയോഃ ശംബരശക്രയോര്യഥാ॥ 8-86-32 (59322)
ശരൈഃ ശരീരാർതികരൈഃ സുതേജനൈ--
ർനിജഘ്നതുസ്താവിതരേതരം ഭൃശം।
സകൃത്പ്രഭിന്നാവിവ വാസിതാന്തരേ
മഹാഗജൌ ദോർഭിരദീനഘാതിനൌ॥ 8-86-33 (59323)
ആലോക്യ തൌ ചൈവ പരസ്പരം തതഃ
സമം ച ശൂരൌ ച സസാരഥീ തദാ।
ഭീമോഽബ്രവീദ്യാഹി ദുഃശാസനായ
ദുഃശാസനോ യാഹി വൃകോദരായ॥ 8-86-34 (59324)
തയോ രഥൌ സാരഥിസംപ്രചോദിതൌ
സമം രഥൌ തൌ മഹസാ സമീയതുഃ।
നാനായുധച്ഛത്രപതാകികാധ്വജൌ
ദിവീവ പൂർവം ബലശക്രയോ രണേ॥ 8-86-35 (59325)
ഭീമ ഉവാച। 8-86-36x (5046)
ദിഷ്ട്യാഽസി ദുഃശാസന അദ്യ ദൃഷ്ടഃ
ക്ഷണം പ്രതീച്ഛേ സഹവൃദ്ധി മൂലം।
ചിരോദിതം യൻമയാ തേ സഭായാം
കൃഷ്ണാഭിമർശേന ഗൃഹാണ മത്തഃ॥ 8-86-36 (59326)
സ ഏവമുക്തസ്തു തതോ മഹാത്മാ
ദുഃശാസനോ വാക്യമുവാച വീരഃ।
സർവം സ്മരന്നേവ വിസംസ്മരാമി
ഉദീര്യമാണം ശൃണു ഭീമസേന॥ 8-86-37 (59327)
സ്മരാമി ചാത്മപ്രഭവം ചിരായ
യജ്ജാതുഷേ വേശ്മനി രാത്ര്യഹാനി।
വിശ്വാസഹീനാ മൃഗയാം ചരന്തോ
വസന്തി സർവത്ര നിരാകൃതാസ്തു॥ 8-86-38 (59328)
മഹാഭയം രാത്ര്യഹാനി സ്മരന്ത--
സ്തഥോപഭോഗാച്ച സുഖാച്ച ഹീനാഃ।
വനേഷ്വടന്തോ ഗിരിഗഹ്വരാണി
പാഞ്ചാലരാജസ്യ പുരം പ്രവിഷ്ടാഃ॥ 8-86-39 (59329)
മായാം യൂയം കാമപി സംപ്രവിഷ്ടാ
യതോ വൃതഃ കൃഷ്ണയാ ഫൽഗുനോ വഃ।
സംഭൂയ പാപൈസ്തദനാര്യവൃത്തം
കൃതം തദാ മാതൃകൃതാനുരൂപം॥ 8-86-40 (59330)
ഏകാ വൃതാ പഞ്ചഭിഃ സാഭിപന്നാ।
ഹ്യലജ്ജമാനേശ്ച പരസ്പരസ്യ।
സ്മരേ സഭായാം സുബലാത്മജേന
ദാസീകൃതാ യത്സഹ കൃഷ്ണയാ ച॥ 8-86-41 (59331)
സഞ്ജയ ഉവാച। 8-86-42x (5047)
ഇത്യേവമുക്തസ്തു തവാത്മജേന
പാണ്ഡോഃ സുതഃ കോപവശം ഭൃശം
ധനുഃ ക്ഷുരാഭ്യാം ധ്വജമേവ ചാച്ഛിനത്।
ലലാടമപ്യസ്യ ബിഭേദ പത്രിണാ 8-86-42 (59332)
ശിരശ്ച കായാത്പ്രജഹാര സാരഥേഃ॥
സ രാജപുത്രോഽന്യദവാപ്യ കാർമുകം
വൃകോദരം ദ്വാദശഭിഃ പരാഭിനത്।
സ്വയം നിയച്ഛംസ്തുരഗാനജിഹ്മഗൈഃ 8-86-43 (59333)
ശരൈശ്ച ഭീമം പുനരപ്യവീവൃഷത്॥ ॥ 8-86-44 (59334)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ഷഡശീതിതമോഽധ്യായഃ॥ 86 ॥
Mahabharata - Karna Parva - Chapter Footnotes
॥ ശ്രീഃ ॥
8.87. അധ്യായഃ 087
Mahabharata - Karna Parva - Chapter Topics
ഭീമേന രാജ്ഞാം സമക്ഷം ദുഃശാസനവക്ഷസോ രക്തപാനം॥ 1 ॥
Mahabharata - Karna Parva - Chapter Text
8-87-0 (59335)
സഞ്ജയ ഉവാച। 8-87-0x (5048)
സര രാജപുത്രേണ സമാർച്ഛദുഗ്ര--
ദുഃശാസനേന നികൃതോ നികൃത്യാ॥ 8-87-1 (59336)
തത്രാകരോദ്ദുഷ്കരം രാജപുത്രോ
ദുഃശാസനഃ കുരുവീരോ മഹാത്മാ।
യദ്ഭീമസേനം പ്രതിയോധയദ്രണേ
ജംഭോ യഥാ ശക്രമുദാരവീര്യം॥ 8-87-2 (59337)
ധനുച്ഛിത്ത്വാ ഭീമസേനസ്യ സംഖ്യേ
ഷഡ്ഭിഃ ശരൈഃ സാരഥിമഭ്യവിധ്യത്।
തതോഽവിധ്യത്ത്രിംശതാ ഭീമസേനം
വരേഷുഭിർവന്യമിവ ദ്വിപേന്ദ്രം॥ 8-87-3 (59338)
സ കാർമുകം ഗൃഹ്യ തു ഭാരസാധനം
ഭീമസ്തദാ രാജപുത്രം ഹ്യവിധ്യത്।
പഞ്ചാശതൈർബാണഗണൈഃ സ്തനാനന്തരേ
തോത്രൈര്യഥാ തീവ്രവേഗം ദ്വിപേന്ദ്രം॥ 8-87-4 (59339)
തതസ്തു രാജന്വിരഥം മഹാത്മാ
ദുഃശാസനോ ഭീമസേനം ചകാര।
നിഹത്യ സംഖ്യേ ചതുരോഽസ്യ ബാഹാ--
ഞ്ഛിത്ത്വാ രഥേഷാം പുനരേവ ചാക്ഷിപത്॥ 8-87-5 (59340)
തതഃ ക്ഷിതിസ്വോ ഹ്യബരുഹ്യ യാനാ--
ദ്വൃകോദരോ മദയാ തസ്യ വാഹാൻ।
യമക്ഷയം പ്രേഷയിത്വാ മഹാത്മാ
രഥം സമാകർപത രാജസൂനോഃ॥ 8-87-6 (59341)
തസ്മാദവപ്ലുത്യ രഥാത്സസർജ
ദുഃശാസനസ്തോമരമുഗ്രവേഗം।
സ തേന വിദ്ധോ ഹ്യുരസി ഹ്യപ്രമേയോ
ഗദാം തസ്മൈ വിസസർജാപ്രമേയാം॥ 8-87-7 (59342)
തതഃ ക്രോധാദ്ഭീമസേനഃ കൃതാനി
സർവാണി ദുഃഖാന്യനുസംസ്മരന്വൈ।
സംസ്മൃത്യ സംസ്മൃത്യ തഥാ പ്രതിജ്ഞാ--
മുഗ്രാമസൌ രാജപുത്രൌ വ്യഷീദത്॥ 8-87-8 (59343)
സഞ്ചിന്തിതം രോഷമതീവ വേഗാ-
ത്ത്രയോദശാബ്ദം പുരുഷപ്രവീരഃ।
പ്രഗൃഹ്യ വജ്രാശനിതുല്യവേഗാം
ഗദാം കരേണാഥ വൃകോദരോ രുഷാ॥ 8-87-9 (59344)
നിപാതയിത്വാ പൃഥിവീതലേ ഭൃശം
സ താജയാമാ വൃകോദരോ ബലീ।
അതീവ സന്താഡിതഭിന്നഗാത്രോ
ദുഃശാസനോ വൈ നിപപാത ഭൂമൌ॥ 8-87-10 (59345)
ആക്രംയ കണ്ഠേ യുധി രാജപുത്രം
സംരക്തനേത്രോ ഹ്യബ്രവീദ്ധാർതരാഷ്ട്രം।
തദ്ബ്രൂഹി കിം ത്വം പരിമാർഗമാണോ
ഹ്യസ്മാൻപരാഭൂയ ഇഹാഗതഃ പുനഃ॥ 8-87-11 (59346)
ദിദീപയംസ്തദ്ഭൃശദീപിതം മേ
ചിരാർജിതം രോഷമതിപ്രദീപ്തം।
മധു പ്രപാസ്യേ തവ കോഷ്ടഭാജനാ--
ദിത്യബ്രവീദ്ഭീമസേനസ്തരസ്വീ॥ 8-87-12 (59347)
ദുഃശാസനം കണ്ഠദേശേ പ്രമൃദ്രം--
സ്തതഃ ക്രൂരം ഭീമസേനശ്ചകാര।
കതം വ്യംസയിത്വാ സഹസാ സസാര
ബലാദസൌ ധാർതരാഷ്ട്രസ്തരസ്വീ॥ 8-87-13 (59348)
ഭീമോഽഭിദുദ്രാവ സുതം ത്വദീയം
സപത്രതാം ദർശയന്ധാർതരാഷ്ട്രേ।
മൃഗം മുഹുഃ സിംഹശിശുര്യഥാ വനേ
തഥാശ്വഭിദ്രുത്യ മഹാബലം ബലീ॥ 8-87-14 (59349)
നിഗൃഹ്യ ചൈനം പരമേണ കർമണാ
ഉത്ക്ഷിപ്യ ചോത്ക്ഷിപ്യ ച തൂർണമേനം।
ഭൂമൌ തദാ നിഷ്പിപേഷാഥ വീര
അസിം വികോശം വിമലം ചകാര॥ 8-87-15 (59350)
തം പാതയിത്വാ തു വൃകോദരോഽഥ
ജഗർജ ഹർഷേണ വിനാദയന്ദിശഃ।
നാദേന തേനാഖിലപാർശ്വവർതിനോ
മൂർച്ഛാകുലാഃ പതിതാസ്ത്വാജമീഢ॥ 8-87-16 (59351)
ദുഃശാസനം തത്ര സമീക്ഷ്യ രാജ--
ൻഭീമോ മഹാബാഹുരചിന്ത്യകർമാ।
സ്മൃത്വാ ച കേശഗ്രഹണം ച ദേവ്യാ
വസ്ത്രാപഹാരം ച രജസ്വലായാഃ॥ 8-87-17 (59352)
അനാഗസോ ഭർതൃപരാങ്മുഖായാ
ദുഃഖാനി ദത്താന്യപി വിപ്രചിന്ത്യാ।
ജജ്വാല കോപാദഥ ഭീമസേന
ആജ്യപ്രസിക്തോ ഹി യഥാ ഹുതാശഃ॥ 8-87-18 (59353)
തത്രാഹ കർണം ച സുയോധനം ച
കൃപം ദ്രൌണിം കൃതവർമാണമേവ।
നിഹൻമി ദുഃശാസനമദ്യ പാപം
സംരക്ഷ്യതാമദ്യ സമസ്തയോധാഃ॥ 8-87-19 (59354)
ഇത്യേവമുക്ത്വാ സഹസാഭ്യധാവ--
ന്നിഹന്തുകാമോഽതിബലസ്തരസ്വീ।
തഥാ തു വിക്രംയ രമേ വൃകോദരോ
മഹാഗജം കേസരികോ യഥൈവ।
നിഗൃഹ്യ ദുഃശാസനമേകവീരഃ
സുയോധനസ്യാധിരഥേഃ സമക്ഷം॥ 8-87-20 (59355)
അസിം സമുദ്യംയ സിതം സുധാരം
കണ്ഠേ പദാക്രംയ ച വേപമാനം।
ഉവാച തദ്ഗൌരിതി യദ്ബ്രുവാണോ
ഹൃഷ്ടോഽവദഃ കർണസുയോധനാഭ്യാം॥ 8-87-21 (59356)
യേ രാജസൂയാവഭൃഥേ പവിത്രാ
ജാതാഃ കഛാ യാജ്ഞസേന്യാ ദുരാത്മൻ।
തേ പാണിനാ കതരേണാവകൃഷ്ടാ--
സ്തദ്ബ്രൂഹി ത്വാം പൃച്ഛതി ഭീമസേനഃ॥ 8-87-22 (59357)
ശ്രുത്വാ തു തദ്ഭീമവചഃ സുഘോരം
ദുഃശാസനോ ഭീമസേനം നിരീക്ഷ്യ।
ജജ്വാല ബീമം സ തദാ സ്മയേന
സംശൃണ്വതാം കൌരവസോമകാനാം।
ഉക്തസ്തദാജൌ സ തഥാ സരോഷം
ജഗാദ ഭീമം പരിവൃത്തനേത്രഃ॥ 8-87-23 (59358)
അയം കരികരാകാരഃ പീനസ്തനവിമർദനഃ।
ഗോസഹസ്രപ്രദാതാ ച ക്ഷത്രിയാന്തകരഃ കരഃ॥ 8-87-24 (59359)
അനേന യാജ്ഞസേന്യാ മേ ഭീമ കേശാ വികർഷിതാഃ।
പശ്യതാം കുരുമുഖ്യാനാം യുഷ്മാകം ച സഭാസദാം॥ 8-87-25 (59360)
ഏവം ത്വസൌ രാജസുതം നിശംയ
ബ്രുവന്തമാജൌ വിനിപീഡ്യ വക്ഷഃ।
ഭീമോ ബലാത്തം പ്രതിഗൃഹ്യ ദോർഭ്യാ--
മുച്ചൈർനനാദാഥ സമസ്തയോധാൻ॥ 8-87-26 (59361)
ഉവാച യസ്യാസ്തി ബലം സ രക്ഷ--
ത്വസൌ ഭവേദദ്യ നിരസ്തബാഹുഃ।
ദുഃശാനം ജീവിതം പ്രോത്സൃജന്ത--
മാക്ഷിപ്യ യോധാംസ്തരസാ മഹാബലഃ॥ 8-87-27 (59362)
ഏവം ക്രുദ്ധോ ഭീമസേനഃ കരേണ
ഉത്പാടയാമാസ ഭുജം മഹാത്മാ।
ദുഃശാസനം തേന സ വീരമധ്യേ
ജഘാന വജ്രാശനിസന്നിഭേന॥ 8-87-28 (59363)
കണ്ഠേ സമാക്രംയ ച വേപമാനം
കൃത്വാഽനു രൂപം പരമം സുഘോരം।
കാലാന്തകാഭ്യാം സദൃശം തദാനീം
വിദാര്യ വക്ഷശ്ച മഹാരഥസ്യ॥ 8-87-29 (59364)
ദുഃശാസനസ്യ നിപുശാസനസ്യ
ഉദ്ധൃത്യ വക്ഷഃ പതിതസ്യ ഭൂമൌ।
തതോഽപിബച്ഛോണിതമസ്യ കോഷ്ണ--
മാസ്വാദ്യ ചാസ്വാദ്യ ച വീക്ഷമാണഃ॥ 8-87-30 (59365)
ക്രുദ്ധഃ പ്രഹൃഷ്ടോ നിജഗാദ വാക്യം
സ്തന്യസ്യ മാതുഃ പയസോഽമൃതസ്യ।
മാധ്വീകജസ്യേവ രസസ്യ തസ്യ
മധോശ്ച പാനാദ്യവകസ്യ പാനാത്॥ 8-87-31 (59366)
പയോദധിഭ്യാം മഥിതാച്ച മുഖ്യാ--
ത്തഥേക്ഷുസാരസ്യ മനോഹരസ്യ।
സർവേഭ്യ ഏവാഭ്യധികോ രസോഽസ്യ
മതോ മമാദ്യാഹിതലോഹിതസ്യ॥ 8-87-32 (59367)
ഏവം ബ്രുവാണം പുനരുത്ഥിതം ത--
മാസ്ഫോട്യ വൽഗന്തമതിപ്രഹൃഷ്ടം।
യേ ഭീമസേനം ദദൃശുസ്തദാനീം
പ്രായേണ തേഽപി വ്യഥിതാ നിപേതുഃ॥ 8-87-33 (59368)
യേ ചാപി നാസൻപതിതാ മനുഷ്യാ--
സ്തേഷാം കരേഭ്യഃ പതിതം തു ശസ്ത്രം।
ഭയാച്ച സഞ്ചുക്രുശുരസ്വരൈസ്തദാ
നിമീലിതാക്ഷാ മുമുഹുശ്ച തത്ര॥ 8-87-34 (59369)
യേ തത്ര ഭീമം രുധിരം പിബന്തം
ദുഃശാസനസ്യ ദദൃശുഃ പ്രപന്നാഃ।
നായം മനുഷ്യസ്ത്വിതി ഭാഷമാണാഃ
സർവേഽപലായന്ത ഭയാഭിപന്നാഃ॥ ॥ 8-87-35 (59370)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ സപ്തശീതിതമോഽധ്യായഃ॥ 87 ॥
Mahabharata - Karna Parva - Chapter Footnotes
॥ ശ്രീഃ ॥
8.88. അധ്യായഃ 088
Mahabharata - Karna Parva - Chapter Topics
ദുഃശാസനവധക്രോധാദാത്മനാമഭിദ്രുതദതാം തദനുജാനാം ഭീമേന വധഃ॥ 1 ॥ ദുഃശാസനാദിനിധനാദ്ബിശ്യതഃ കർണസ്യ ശല്യേന പ്രോത്സാഹനം॥ 2 ॥ സങ്കുലയുദ്ധം॥ 3 ॥
Mahabharata - Karna Parva - Chapter Text
8-88-0 (59371)
സഞ്ജയ ഉവാച। 8-88-0x (5049)
സ പീത്വാ രുധിരം തസ്യ ചരണൌ ഗൃഹ്യ ഭാരത।
ഇത്യുച്ചൈർവചനം പ്രാഹ പ്രതിനൃത്യന്വൃകോദരഃ॥ 8-88-1 (59372)
ഏഷ തേ രുധിരം തീവ്രം പിബാമി പുരുഷാദവത്।
വദേദാനീം സുസംരബ്ധഃ പുനർഗൌരിതി ഗൌരിതി॥ 8-88-2 (59373)
യേ ചാസ്മാൻപ്രതിനൃത്യന്തി തദാ ഗൌരിതി ഗൌരിതി।
താന്വയം പ്രതിനൃത്യാമഃ പുനർഗൌരിതി ഗൌരിതി॥ 8-88-3 (59374)
പ്രമാണകോട്യാം ശയനേ കാലകൂടകഭോജനം।
ദംശനം ചാഹിഭിസ്തീക്ഷ്ണൈർദാഹം ജതുഗൃഹേ ച യത്॥ 8-88-4 (59375)
ദ്യൂതേ ച ദോഷഭൂയസ്ത്വമരണ്യേ വസതിശ്ച യാ।
ഇഷ്വസ്ത്രാണി ച സംഗ്രാമേ അനിലാനിലവേശ്മസു॥ 8-88-5 (59376)
ദുഃഖാന്യേവാഭിജാനീമോ ന സുഖാനി കദാചന।
ധൃതരാഷ്ട്രസ്യ ദൌരാത്ംയാത്സപുത്രസ്യ വയം സദാ॥ 8-88-6 (59377)
ഇത്യുച്ചൈർവചനം പ്രോച്യ ജയം പ്രാപ്യ വൃകോദരഃ।
പുനരേവ മഹാരാജ തവ സൈന്യമഭിദ്രവത്॥ 8-88-7 (59378)
രക്താർദ്രപാണിസ്തു തതോ മഹാത്മാ
ഗദാപാണിഃ കാല ഇവാന്തകാലേ।
വിഭീഷയംസ്തവ പുത്രസ്യ സൈന്യ--
മിതസ്തതോ ധാവതി വാഹിനീം തേ॥ 8-88-8 (59379)
തതഃ ക്ഷണാദ്ഭാരത ശൂന്യമാസീ--
ദായോധനം ഘോരതരം കുരൂണാം।
യത്രാജിമധ്യേ പ്രാപിബദ്ഭീമസേനോ
ദുഃശാസനസ്യ രുധിരം ക്രോധദീപ്തഃ॥ 8-88-9 (59380)
സ ഹത്വാ സമരേ രാജന്രാജപുത്രം മഹാബലം।
പൂർണകാമോ മദോദഗ്രഃ സിംഹോ രുരുമിവോത്കടഃ॥ 8-88-10 (59381)
രുധിരാർദ്രോ മഹാരാജ വ്യശോഭത പരന്തപഃ।
സപുഷ്പഃ കിംശുക ഇവ രക്തരക്തതരോ ബഭൌ॥ 8-88-11 (59382)
രുധിരാക്തോ ഘോരവേഷഃ ക്രുദ്ധോ രാജന്വചോഽബ്രവീത്।
ബ്രൂഹീദാനീം പാപമതേ നൃശംസ പതിതോ ഹ്യസി॥ 8-88-12 (59383)
ദുഃശാസനേ യാദൃശം സംശ്രുതം ന--
സ്തദവാപ്തം പാണ്ഡവൈഃ സർവമേവ।
അത്രൈവമാപ്സ്യാംയപരം ദ്വിതീയം
ദുര്യോധനം യജ്ഞപശും വിശസ്യ॥ 8-88-13 (59384)
ശിരോ മൃദിത്വാഽസ്യ പുനശ്ച ശാന്തിം
യാസ്യാംയഹം കൌരവാണാം സമക്ഷം।
യാ സാഽപതിഃ സാ സപതിർഹി ജാതാ
യാസ്താഃ സപത്യോഽപതയസ്തു ജാതാഃ॥ 8-88-14 (59385)
പശ്യന്തു ചിത്രം വിവിധം ഹി ലോകേ
യേ വൈ തിലാഃ ഷണ്ഡതിലാ ബഭൂവുഃ।
തേ ചേത്സംസിദ്ധാ നിധനം ഗതാഃ പരേ
കിം ചിത്രരൂപം ബത ജീവലോകേ॥ 8-88-15 (59386)
ഏതാവദുക്ത്വാ വചനം പ്രഹൃഷ്ടഃ
പ്രാക്രോശദുച്ചൈ രുധിരാർദ്രവക്രഃ।
നനർത ചൈവാതിബലോ മഹാത്മാ
വൃത്രം നിഹത്യേവ സഹസ്രനേത്രഃ॥ 8-88-16 (59387)
ദൃഷ്ട്വാ തു നൃത്യന്തമുദഗ്രവീര്യം
കാലം യഥാ ത്വന്തകാലേ പ്രജാനാം।
മഹദ്ഭയം ചാധിരഥിം വിവേശ
ജയേ നിരാശാശ്ച സുതാസ്ത്വദീയാഃ॥ 8-88-17 (59388)
ദുഃശാസനേ തു നിഹതേ പുത്രാസ്തവ മഹാരഥാഃ।
മഹത്ക്രോധവിഷം വീരാ ധാരയന്തോ മഹാബലാഃ।
തേ തു രാജൻമഹാവീര്യാ ഭീമം പ്രാച്ഛാദയഞ്ഛരൈഃ॥ 8-88-18 (59389)
നിഷംഗീ കവചീ ഖംഗീ ദണ്ഡധാരോ ധനുർധരഃ।
അലംബുർജലസന്ധശ്ച വാതവേഗസുവർചസൌ॥ 8-88-19 (59390)
ഏതേ സമേത്യ സഹിതാ ഭ്രാതൃവ്യസനകർശിതാഃ।
ഭീമസേനം മഹാബാഹും പീഡയാമാസുരഞ്ജസാ॥ 8-88-20 (59391)
സ വധ്യമാനോ വിശിഖൈഃ സമന്താത്തൈർമഹാരഥൈഃ।
ഭീമഃ ക്രോധാഭിരക്താക്ഷഃ ക്രുദ്ധഃ കാല ഇവാബഭൌ॥ 8-88-21 (59392)
തതഃ പരിവൃതോ രാജന്നവഭിഃ ശത്രുതാപനൈഃ।
ദുഃശാസനാദവരജൈഃ പുത്രൈസ്തവ വൃകോദരഃ॥ 8-88-22 (59393)
താംസ്തു ഭല്ലൈർമഹാവേഗൈർനവഭിർനവ ഭാരത।
രുക്മാംഗദാന്രുക്മപുംഖൈഃ പാർഥോ നിന്യേ യമക്ഷയം॥ 8-88-23 (59394)
ഹതേഷു തവ പുത്രേഷു ബലം തദ്വിപ്രദുദ്രുവേ।
പശ്യതഃ സൂതപുത്രസ്യ പാണ്ഡവസ്യ ഭയാർദിതം॥ 8-88-24 (59395)
തതഃ കർണം മഹാരാജ പ്രവിവേശ മഹദ്ഭയം।
ദൃഷ്ട്വാ ഭീമസ്യ വിക്രാന്തമന്തകസ്യ പ്രജാസ്വിവ॥ 8-88-25 (59396)
തസ്യ ത്വാകാരഭാവജ്ഞഃ ശല്യഃ സമിതിശോഭനഃ। 8-88-26 (59397)
ഉവാച വചനം കർണം പ്രാപ്തകാലം ഹിതം തദാ॥ 8-88-27 (59398)
ഏതേ ദ്രവന്തി രാജാനോ ഭീമസേനഭയാർദിതാഃ।
ദുര്യോധനശ്ച സംമൂഢോ ഭ്രാതൃവ്യസനകർശിതഃ॥ 8-88-28 (59399)
ദുഃശാസനസ്യ രുധിരേ പീയമാനേ മഹാത്മനാ।
വ്യാപന്നചേതാഃ സഹസാ ശോകോപഹതചേതനഃ॥ 8-88-29 (59400)
ഉപാസതേ ത്വാമേതേ ഹി പരിവാര്യ മഹാരഥാഃ।
കൃപപ്രഭൃതയഃ കർണ ഹതശേഷാഃ സഹോദരാഃ॥ 8-88-30 (59401)
പാണ്ഡവാ ലബ്ധലക്ഷാശ്ച ധനഞ്ജയപുരോഗമാഃ।
ത്വാമേവാഭിമുഖാഃ ശൂരാ യുദ്ധായ സമുപസ്ഥിതാഃ॥ 8-88-31 (59402)
സ ത്വം പുരുഷശാർദൂല പൌരുഷേ മഹതി സ്ഥിതഃ।
ക്ഷത്രധർമം പുരസ്കൃത്യ പ്രത്യുദ്യാഹി ധനഞ്ജയം॥ 8-88-32 (59403)
ഭാരോ ഹി ധാർതരാഷ്ട്രേണ ത്വയി സർവഃ സമാഹിതഃ।
തമുദ്വഹ മഹാബാഹോ യഥാശക്തി യഥാബലം॥ 8-88-33 (59404)
ജയേ സ്യാദ്വിപുലാ കീർതിർധ്രുവഃ സ്വർഗഃ പരാജയേ।
വൃഷസേനശ്ച രാധേയ സങ്ക്രുദ്ധസ്തനയസ്തവ।
ത്വയി മോഹം സമാപന്നേ പാൺ·ഡവാനഭിധാവതി॥ 8-88-34 (59405)
സഞ്ജയ ഉവാച। 8-88-35x (5050)
ഏതച്ഛ്രുത്വാ തു വചനം ശല്യസ്യാമിതതോജസഃ।
ഹൃദി മാനുഷ്യകം ഭാവം കൃത്വാ യുദ്വായ സുസ്ഥിരം॥ 8-88-35 (59406)
തതഃ ക്രുദ്ധോ വൃഷസേനോഽഭ്യധാവ--
ദ്ഭീമം സമായാന്തമമിത്രസാഹം।
ബാണൈഃ കിരന്തം പ്രതിയാതി ചോഗ്രം
വ്യാത്താനനം കാലമിവാപതന്തം॥ 8-88-36 (59407)
തമഭ്യധാവന്നകുലഃ പ്രവീര--
മാരാദമിത്രം പ്രതുദൻപൃഷത്കൈഃ।
കർണസ്യ പുത്രം സമരേ പ്രഹൃഷ്ടം
ജിഷ്ണുർജിഘാംസുർമഘവേവ ജംഭം॥ 8-88-37 (59408)
തതോ ധ്വജം സ്ഫാടികഹേമചിത്രം
ചിച്ഛേദ ധൈര്യാന്നകുലഃ ക്ഷുരേണ।
കർണാത്മജസ്യേഷ്വസനം ച ചിത്രം
ഭല്ലേന ജാംബൂനദചിത്രനദ്ധം॥ 8-88-38 (59409)
അഥാന്യദാദായ ധനുഃ സ ശീഘ്രം
കർണാത്മജഃ പാണ്ഡവമഭ്യവിധ്യത്।
ദിവ്യൈരസ്ത്രൈരഭ്യവർഷത്തദൈനം
കർണസ്യ പുത്രോ നകുലം കൃതാസ്ത്രം॥ 8-88-39 (59410)
തതഃ ക്രുദ്ധോ നകുലഃ കർണപുത്രം
ശരൈർമഹോൽകാഭിരിവാഭ്യപീഡയത്।
സ കർണപുത്രോ നകുലസ്യ രാജ--
ൻസർവാനസ്ത്രാന്വാരയദുത്തമാസ്ത്രൈഃ॥ 8-88-40 (59411)
ആസീത്സുഘോരം ഭരതപ്രവീര
യുദ്ധം തദാ കർണജപാണ്ഡവാഭ്യാം॥ 8-88-41 (59412)
വനായുജാൻസുകുമാരാൻസുശുഭ്രാ--
നലങ്കൃതാഞ്ജാതരൂപേണ ചിത്രാൻ।
ജഘാന ചാശ്വാന്നകുലസ്യ വീരോ
രണാജിരേ സൂതപുത്രസ്യ പുത്രഃ॥ 8-88-42 (59413)
തതോ ഹതാശ്വാദവരുഹ്യ യാനാ--
ച്ചർമാഽഽദദേ രുചിരം ബർഹിചിത്രം।
ആകാശസങ്കാശമസിം പ്രഗൃഹ്യ
പ്രകാശമാനഃ ഖഗവച്ചചാര॥ 8-88-43 (59414)
തതോഽസ്യ പക്ഷാനനയദ്യമായ
ദ്വിസാഹസ്രാന്നകുലഃ ക്ഷിപ്രകാരീ।
തേ പ്രാപതന്നസിനാ വൈ വിശസ്താ
യഥാഽശ്വമേധേ പശവഃ ശമിത്രാ॥ 8-88-44 (59415)
തതസ്തതോ വിജിതാ യുദ്ധശൌണ്ഡാ
നാനാദേശ്യാഃ സുഹൃദഃ സത്യസന്ധാഃ।
ഏകേന ശീഘ്രം നകുലേന നുന്നാഃ
സാരേപ്സുനേവോത്തമചന്ദനസ്യ॥ 8-88-45 (59416)
ഭൂമൌ ചരന്തം നകുലം രഥൌഘാഃ
സമന്തതഃ സായകൈഃ പ്രത്യഗൃഹ്ണൻ।
സ തുദ്യമാനോ നകുലോ വിഹംഗൈ--
ശ്ചചാര സംഖ്യേ ദ്വിഷതോ വിനിഘ്നൻ॥ 8-88-46 (59417)
തം കർണപുത്രോഽപി ചരന്തമാജൌ
നരാശ്വമാതംഗരഥപ്രവീരാൻ।
നിഘ്നന്തമഷ്ടാദശഭിഃ പൃഷത്കൈ--
ർവിവ്യാധ വീരഃ സ ചുകോപ വിദ്ധഃ॥ 8-88-47 (59418)
തതോഽഭ്യധാവത്സമരേ ജിഘാംസുഃ
കർണാത്മജം പാണ്ഡുസുതോ നൃവീരം।
തസ്യേഷുഭിർവധമത്സൂതപുത്രോ
മഹാരണേ വർമ സഹസ്രഭാരം॥ 8-88-48 (59419)
തസ്യാഥ കാംസ്യം സുശിതം സുപീത--
മസിപ്രവീരം ഗുരുഭാരാസാഹം।
ദ്വിഷച്ഛരീരാപഹരം സുഘോര--
മാധൂന്വതഃ സർപമിവാത്തകോശം॥ 8-88-49 (59420)
ക്ഷിപ്രം ശരൈഃ ഷങ്ഭിരമിത്രസാഹ--
ശ്ചകർത ഖംഗം നിശിതൈഃ സുധാരൈഃ।
പുനശ്ച പാർഥം നിശിതൈഃ പൃഷത്കൈഃ
സ്തനാന്തരേ ക്ഷിപ്രമിവാത്യവിധ്യത്॥ 8-88-50 (59421)
സ ഭീമസേനസ്യ രഥം ച ഗത്വാ
വവർഷ വൈ ശരവർഷം സുഘോരം॥ 8-88-51 (59422)
നകുലമഥ വിദിത്വാ ഛിന്നബാണാസനാസിം
വിരഥമരിഭിരാർതം കർണപുത്രാസ്ത്രമഗ്നം।
പവനചലപതാകാ ഹ്ലാദിനോ വൽഗിതാശ്വാഃ
പരപുരുഷനിയുക്താഃ സ്വൈ രഥൈഃ ശീഘ്രമീയുഃ॥ 8-88-52 (59423)
ദ്രുപദസുതവരിഷ്ഠാഃ പഞ്ച ശൈനേയഷഷ്ഠാ
ദ്രുപദദുഹിതൃപുത്രാഃ പഞ്ച ചാമിത്രസാഹാഃ।
ദ്വിരദരഥനരാശ്വാൻസൂദയന്തസ്ത്വദീയാൻ
ഭഗവത ഇവ രുദ്രാഃ സംഖ്യയാ ഹേതിമന്തഃ॥ 8-88-53 (59424)
അഥ തവ രഥമുഖ്യാസ്താൻപ്രതീയുസ്ത്വരന്തഃ
കൃപഹൃദികസുതൌ ച ദ്രൌണിദുര്യോധനൌ ച।
ശകുനിശുകവൃകാശ്ച ക്രാഥദേവാവൃധൌ ച
ദ്വിരദജലദഘൌഷൈഃ സ്യന്ദനൈഃ കാർമുകൈശ്ച॥ 8-88-54 (59425)
അഥ തവ രഥവര്യാസ്താന്ദശൈകപ്രവീരാ--
നിഷുഭിരശനികൽപൈസ്താഡയന്തോ ന്യരുന്ധൻ।
നവജലദസവർണൈർഹസ്തിഭിസ്താൻസ്മ വവ്രു--
ർഗിരിശിഖരനികാശൈർഭീമവേഗൈഃ കുണിന്ദാഃ॥ ॥ 8-88-55 (59426)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ അഷ്ടാശീതിതമോഽധ്യായഃ॥ 88 ॥
॥ ശ്രീഃ ॥
8.89. അധ്യായഃ 089
Mahabharata - Karna Parva - Chapter Topics
സങ്കുലയുദ്ധം॥ 1 ॥
Mahabharata - Karna Parva - Chapter Text
8-89-0 (59427)
സഞ്ജയ ഉവാച। 8-89-0x (5051)
സുകൽപിതാ ഹൈമവതാ മഹോത്കടാ
രണാഭികാമൈഃ കൃതിഭിഃ സമാസ്ഥിതാഃ।
സുവർണജാലൈർവിതതാ ബഭുർഗജാ--
സ്തഥാ യഥാ ഖേ ജലദാഃ സവിദ്യുതഃ॥ 8-89-1 (59428)
കുണിന്ദപുത്രോ ദശഭിർമഹായസൈഃ
കൃപം സസൂതാശ്വമപീഡയദ്ഭൃശം।
തതഃ ശരദ്വത്സുതസായകൈർഹതഃ
സഹൈവ നാഗേന പപാത ഭൂതലേ॥ 8-89-2 (59429)
കുണിന്ദപുത്രാവരജസ്തു തോമരൈ--
ർദിവാകരാംശുപ്രതിമൈരയസ്മയൈഃ।
ജഘാന ഭോജസ്യ ഹയാനഥാപതൻ
ക്ഷണാദ്വിശസ്താഃ കൃതവർമണേ ഹയാഃ॥ 8-89-3 (59430)
അഥാപരേ ദ്രൌണിഹതാ മഹാദ്വിപാ--
സ്ത്രയഃ സസർവായുധയോധകേതനാഃ।
നിപേതുരുർവ്യാം വ്യസവോ വിചേതനാ--
സ്തഥാ യഥാ വജ്രഹതാ മഹാചലാഃ॥ 8-89-4 (59431)
കുണിന്ദരാജാവരജാദനന്തരഃ
സ്തനാന്തരേ പത്രിവരൈരതാഡയത്।
തവാത്മജം തസ്യ തവാത്മജഃ ശരൈഃ
ശിതൈഃ ശരീരം വ്യഹനദ്ദ്വിപം ച തം॥ 8-89-5 (59432)
സ നാഗരാജഃ സഹ രാജസൂനുനാ
പപാത രക്തം ബഹു സർവതഃ ക്ഷരൻ।
മഹേന്ദ്രവജ്രപ്രഹതോഽംബുദാഗമേ
യഥാ ജലം ഗേരികപർവതസ്തഥാ॥ 8-89-6 (59433)
കുണിന്ദപുത്രപ്രഹിതോഽപരോ ദ്വിപഃ
ക്രാഥം സസൂതാശ്വരഥം വ്യപോഥയത്।
തതോഽപതത്ക്രാഥസരാഭിഘാതിതഃ
സഹേശ്വരോ വജ്രഹതോ യഥാ ഗിരിഃ॥ 8-89-7 (59434)
രഥീ ദ്വിപസ്ഥേന ഹതോഽപതച്ഛരൈഃ
ക്രാഥാധിപഃ പർവതജേന ദുർജയഃ।
സവാജിസൂതേഷ്വസനധ്വജസ്തഥാ
യഥാ മഹാവാതഹതോ മഹാദ്രുമഃ॥ 8-89-8 (59435)
വൃകോ ദ്വിപസ്ഥം ഗിരിരാജവാസിനം
ഭൃശം ശരൈർദ്വാദശഭിഃ പരാഭിനത്।
തതോ വൃകം സാശ്വരഥം മഹാദ്വിപോ
ദ്രുതം ചതുർഭിരണൈർവ്യപോഥയത്॥ 8-89-9 (59436)
സ പോഥിതോ നാഗരവേണ വീര്യവാ--
ൻപരാഭിനദ്ദ്വാദശഭിഃ ശിലീമുഖൈഃ।
വൃകേണ ബാണാഭിഹതോഽപതത്ക്ഷിതൌ
സവാരണോ ബഭ്രുസുതേന സാർധം॥ 8-89-10 (59437)
കുണിന്ദരാജസ്യ സുതോഽപരസ്തദാ
സ ചാപി ശൂരഃ സഹസാ സമർപിതഃ।
പപാത ബാണൈഃ സുബലസ്യ സൂനുനാ
വിഷാണപുച്ഛാപരഗാത്രപാതിനാ॥ 8-89-11 (59438)
ഗജേന വാഹാഞ്ശകുനേഃ കുണിന്ദജോ
നിനായ വൈവസ്വതമന്ദിരം രണേ।
രഥം ച സങ്ക്ഷുഭ്യ നനാദ നർദത--
സ്തതോഽസ്യ ഗാന്ധാരപതിഃ ശിരോഽഹരത്॥ 8-89-12 (59439)
തതഃ കുണിന്ദേഷു ഗതേഷു തേഷു
പ്രഹൃഷ്ടരൂപാസ്തവ തേ മഹാരഥാഃ।
ഭൃശം പ്രദരധ്മുർലവണാംബുസംഭവാ--
ന്വരാംശ്ച ബാണാസനപാണയോഽഭ്യയുഃ॥ 8-89-13 (59440)
തഥാഽഭവദ്യുദ്ധമതീവ ദാരുണം
പുനഃ കുരൂണാം സഹ പാണ്ഡുസൃഞ്ജയൈഃ।
ശരാസിശക്ത്യൃഷ്ടിഗദാപരശ്വഥൈ--
ർനരാശ്വനാഗാസുഹരം ഭൃശാകുലം॥ 8-89-14 (59441)
രഥാശ്വമാതംഗപദാതയസ്തതഃ
പരസ്പരം വിപ്രഹതാഃ ക്ഷിതൌ പതൻ।
യഥാ സവിദ്യുത്തടിതോ ജലപ്രദാഃ
സമുത്ഥിതൈർദിഗ്ഭ്യ ഇവോഗ്രമാരുതേഃ॥ 8-89-15 (59442)
തതഃ ശതാനീകഹതാ മഹാഗജാ
ഹയാ രഥാഃ പത്തിഗണാശ്ച താവകാഃ।
സുപർണവാതപ്രഹതാ യഥോരഗാ--
സ്തഥാ ഗതാ ഗാം വിവശാ വിചൂർണിതാഃ॥ 8-89-16 (59443)
തതോഽഭ്യവിദ്ധ്യദ്ബഹുഭിഃ ശിതൈഃ ശരൈഃ
സ വിന്ദപുത്രോ നകുലാത്മജം സ്മയൻ।
തതോഽസ്യ കോപാദ്വിചകർത നാകുലിഃ
ശിരഃ ക്ഷുരേണാംബുജസന്നിഭാനനം॥ 8-89-17 (59444)
തതഃ ശതാനീകമവിധ്യദായസൈ--
സ്ത്രിഭിഃ ശരൈഃ കർണസുതോഽർജുനം ത്രിഭിഃ।
ത്രിഭിശ്ച ഭീമം നകുലം ച സപ്തഭി--
ർജനാർദനം ദ്വാദശഭിശ്ച സായകൈഃ॥ 8-89-18 (59445)
തദസ്യ കർമാതിമനുഷ്യകർമണഃ
സമീക്ഷ്യ ഹൃഷ്ടാഃ കുരവോഽഭ്യപൂജയൻ।
പരാക്രമജ്ഞാസ്തു ധനഞ്ജയസ്യ യേ
ഹുതോഽയമഗ്നാവിതി തേ തു മേനിരേ॥ ॥ 8-89-19 (59446)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ഏകോനനവതിതമോഽധ്യായഃ॥ 89 ॥
॥ ശ്രീഃ ॥
8.90. അധ്യായഃ 090
Mahabharata - Karna Parva - Chapter Topics
അർജുനേന കർണസൂനോർവൃഷസേനസ്യ വധഃ॥ 1 ॥
Mahabharata - Karna Parva - Chapter Text
8-90-0 (59447)
സഞ്ജയ ഉവാച। 8-90-0x (5052)
തതഃ കിരീടി പരവീരഘാതീ
ഹതാശ്വമാലോക്യ നരപ്രവീരഃ।
മാദ്രീസുതം നകുലം ലോകമധ്യേ
സമീക്ഷ്യ കൃഷ്ണം ഭൃശവിക്ഷതം ച।
സമഭ്യധാവദ്വൃഷസേനമാഹവേ
സ സൂതജസ്യ പ്രമുഖേ സ്ഥിതസ്തദാ॥ 8-90-1 (59448)
തമാപതന്തം നരവീരമുഗ്രം
മഹാഹവേ ബാണസഹസ്രധാരിണം।
അഭ്യാപതത്കർണസുതോ മഹാരഥം
യഥാ മഹേന്ദ്രം നമുചിഃ പുരാ തഥാ॥ 8-90-2 (59449)
തൌ തത്ര ശൂരൌ രഥകുഞ്ജരൌ രണേ
പരസ്പരസ്യാഭിമുഖൌ മഹാരഥൌ।
സസർജതുഃ ശരസംഘാനനേകാ--
ൻസംഭ്രാന്തരൂപൌ സുഭൃശം തദാനീം॥ 8-90-3 (59450)
തതോ ദ്രുതം ചൈകശരേണ പാർഥം
ശിതേന വിദ്ധ്വാ യുധി കർണപുത്രഃ।
നനാദ നാദം സുമഹാനുഭാവോ
വിദ്ധ്വേവ ശക്രം നമുചിഃ സ വീരഃ॥ 8-90-4 (59451)
പുനഃ സ പാർഥം വൃഷസേന ഉഗ്രൈ--
ർബാണൈരവിദ്ധ്യദ്ഭുജമൂലേ തു സവ്യേ।
തഥൈവ കൃഷ്ണം നവഭിഃ സമാർദയ--
ത്പുനശ്ച പാർഥം ദശഭിർജഘാന॥ 8-90-5 (59452)
പൂർവം യഥാ വൃഷസേനപ്രയുക്തൈ--
രഭ്യാഹതഃ ശ്വേതഹയഃ ശരൈസ്തൈഃ।
സംരംഭമീഷദ്ഗമിതോ വധായ
കർണാത്മജസ്യാഥ മനഃ പ്രദധ്രേ॥ 8-90-6 (59453)
തതഃ കിരീടി രണമൂർധ്നി കോപാത്
കൃത്വാ ത്രിശാഖാം ഭ്രുകുടിം ലലാടേ।
മുമോച തൂർണം വിശിഖാൻമഹാത്മാ
വധേ ധൃതഃ കർണസുതസ്യ സംഖ്യേ।
ആരക്തനേത്രോഽന്തകശത്രുഹന്താ
ഉവാച കർണം ഭൃശമുത്സ്മയംസ്തദാ॥ 8-90-7 (59454)
ദുര്യോധനം ദ്രൌണിമുഖാംശ്ച സർവാ--
നഹം രണേ വൃഷസേനം തമുഗ്രം।
സംപശ്യതഃ കർണ തവാദ്യ സംഖ്യേ
നയാമി ലോകം നിശിതൈഃ പൃഷത്കൈഃ॥ 8-90-8 (59455)
ഊനം ച താവദ്ധി ജനാ വദന്തി
സർവൈർഭവദ്ഭിർമമ സൂനുർഹതോഽസൌ।
ഏകോ രഥോ മദ്വിഹീനസ്തരസ്വീ
അഹം ഹനിഷ്യേ ഭവതാം സമക്ഷം॥ 8-90-9 (59456)
സംരക്ഷ്യതാം രഥസംസ്ഥാഃ സുതോഽയ--
മഹം ഹനിഷ്യേ ഭവതാം സമക്ഷം॥
പശ്ചാദ്വധിഷ്യേ ത്വാമപി സംപ്രമൂഢ--
മഹം ഹനിഷ്യേഽർജുന ആജിമധ്യേ॥ 8-90-10 (59457)
തമദ്യ മൂലം കലഹസ്യ സംഖ്യേ
ദുര്യോധനാപാശ്രയ ജാതദർപം।
ത്വാമദ്യ ഹന്താഽസ്മി രണേ പ്രസഹ്യ
അസ്യൈവ ഹന്താ യുധി ഭീമസേനഃ।
ദുര്യോധനസ്യാധമപൂരുഷസ്യ
യസ്യാനയാദേഷ മഹാൻക്ഷയോഽഭവത്॥ 8-90-11 (59458)
സ ഏവമുക്ത്വാ വിനിമൃജ്യ ചാപം
ലക്ഷ്യം ഹി കൃത്വാ വൃഷസേനമാജൌ।
സസർജ ബാണാന്വിശിഖാൻമഹാത്മാ
വധായ രാജൻകർണസുതസ്യ സംഖ്യേ॥ 8-90-12 (59459)
വിവ്യാധ ചൈനം ദശഭിഃ പൃഷത്കൈ--
ർമർമസ്വശങ്കം പ്രഹസൻകിരീടീ।
ചിച്ഛേദ ചാസ്യേഷ്വസനം ഭുജൌ ച
ക്ഷുരൈശ്ചതുർഭിർനിശിതൈഃ ശിരശ്ച॥ 8-90-13 (59460)
സ പാർഥബാണാഭിഹതഃ പപാത
രഥാദ്വിബാഹുർവിശിരാ ധരായാം।
സുപുഷ്പിതോ വജ്രഹതോഽതിമാത്രോ
ഭഗ്നോ യഥാ സാല ഇവാവകൃത്തഃ॥ 8-90-14 (59461)
തം പാർഥബാണാഭിഹതം പതന്തം
സംപ്രേക്ഷ്യ കർണഃ സുതമാശുകാരീ।
രഥം രഥേനാശു ജഗാമ രോഷാ--
ത്കിരീടിനഃ പുത്രവധാഭിതപ്തഃ॥ 8-90-1x1 സഞ്ജയ ഉവാച। 8-90-1a1 തമായാന്തമഭിപ്രേക്ഷ്യ വേലോദ്വൃത്തമിവാർണവം। 8-90-1b1 ഗർജന്തം സുമഹാകായം ദുർനിവാരം സുരൈരപി। 8-90-1c1 അർജുനം പ്രാഹ ദാശാർഹഃ പ്രഹസ്യ പുരുഷർഷഭഃ॥ 8-90-2a2 അര്യ സരഥ ആയാസി ശ്വേതാശ്വഃ ശല്യസാരഥിഃ। 8-90-2b2 യേന തേ സഹ യോദ്ധവ്യം സ്ഥിരോ ഭവ ധനഞ്ജയ॥ 8-90-3a3 പശ്യ ചൈനം സമായുക്തം രഥം കർണസ്യ പാണ്ഡവ। 8-90-3b3 ശ്വേതവാജിസമായുക്തം യുക്തം രാധാസുതേന ച॥ 8-90-4a4 നാനാപതാകാകലിലം കിങ്കിണീജാലമാലിനം। 8-90-4b4 ഉഹ്യമാനമിവാകാശോ വിമാനം പാണ്ഡുരൈർഹയൈഃ॥ 8-90-5a5 ധ്വജം ച പശ്യ കർണസ്യ നാഗകക്ഷം മഹാത്മനഃ। 8-90-5b5 ആഖണ്ഡലധനുഃപ്രഖ്യമുല്ലിഖന്തമിവാംബരം॥ 8-90-6a6 പശ്യ കർണം സമായാന്തം ധാർതരാഷ്ട്രപ്രിയൈഷിണം। 8-90-6b6 ശരധാരാ വിമുഞ്ചന്തം ധാരാസാരമിവാംബുദം॥ 8-90-7a7 ഏഷ മദ്രേശ്വരോ രാജാ രഥാഗ്രേ പര്യവസ്ഥിതഃ। 8-90-7b7 നിയച്ഛതി ഹയാനസ്യ രാധേയസ്യാമിതൌജസഃ॥ 8-90-8a8 ശൃണു ദുന്ദുഭിനിർഘോഷം ശംഖശബ്ദം ച ദാരുണം। 8-90-8b8 സിംഹനാദാംശ്ച വിവിധാഞ്ശൃണു പാൺ·ഡവ സർവതഃ॥ 8-90-9a9 അന്തർധായ മഹാശബ്ദാൻകർണേനാമിതതേജസാ। 8-90-9b9 ദോധൂയമാനസ്യ ഭൃശം ധനുഷഃ ശൃണു നിഃസ്വനം॥ 8-90-10a10 ഏതേ ദീര്യന്തി സഗണാഃ പാഞ്ചാലാനാം മഹാരഥാഃ। 8-90-10b10 ദൃഷ്ട്വാ കേസരിണം ക്രുദ്ധം മൃഗാ ഇവ മഹാവനേ॥ 8-90-11a11 സർവയത്നേന കൌന്തേയ ഹന്തുമർഹസി സൂതജം। 8-90-11b11 ന ഹി കർണശരാനന്യഃ സോഢുമുത്സഹതേ നരഃ॥ 8-90-12a12 സദേവാസുരഗന്ധർവാംസ്ത്രീംʼല്ലോകാൻസചരാചരാൻ। 8-90-12b12 ത്വം ഹി ജേതും രണേ ശക്തസ്തഥൈവ വിദിതം മമ॥ 8-90-13a13 ഭീമമുഗ്രം മഹാത്മാനം ത്ര്യക്ഷം ശർവം കപർദിനം। 8-90-13b13 ന ശക്താ ദ്രഷ്ടുമീശാനം കിം പുനര്യോധിതും പ്രഭും॥ 8-90-14a14 ത്വയാ സാക്ഷാൻമഹാദേവഃ സർവഭൂതശിവഃ ശിവഃ। 8-90-14b14 യുദ്ധേനാരാധിതഃ സ്ഥാണുർദേവാശ്ച വരദാസ്തവ॥ 8-90-15a15 തസ്യ പാർഥ പ്രസാദേന ദേവദേവസ്യ ശൂലിനഃ। 8-90-15b15 ജഹി കർണം മഹാബാഹോ നമുചിം വൃത്രഹാ യഥാ॥ 8-90-16a16 ശ്രേയസ്തേഽസ്തു സദാ പാർഥ യുദ്ധേ ജയമവാപ്നുഹി॥ 8-90-16b17x അർജുന ഉവാച। 8-90-17a17 ധ്രുവ ഏവ ജയഃ കൃഷ്ണ മമ നാസ്ത്യത്ര സംശയഃ। 8-90-17b17 സർവലോകഗുരുര്യസ്ത്വം തുഷ്ടോഽസി മധുസൂദന॥ 8-90-18a18 ചോദയാശ്വാൻഹൃഷീകേശ രഥം മമ മഹാരഥ। 8-90-18b18 നാഹത്വാ സമരേ കർണം നിവർതിഷ്യതി ഫൽഗുനഃ॥ 8-90-19a19 അദ്യ കർണം ഹതം പശ്യ മച്ഛരൈഃ ശകലീകൃതം। 8-90-19b19 മാം വാ ദ്രക്ഷ്യസി ഗോവിന്ദ കർണേന നിഹതം ശരൈഃ॥ 8-90-20a20 ഉപസ്ഥിതമിദം ഘോരം യുദ്ധം ത്രൈലോക്യമോഹനം। 8-90-20b20 യജ്ജനാഃ കഥയിഷ്യന്തി യാവദ്ഭൂമിർധരിഷ്യതി॥ 8-90-21a21 ഏവം ബ്രുവംസ്തദാ പാർഥഃ കൃഷ്ണമക്ലിഷ്ടകാരിണം। 8-90-21b21 പ്രത്യുദ്യയൌ രഥേനാശു ഗജം പ്രതിഗജോ യഥാ॥ 8-90-22a22 പുനരപ്യാഹ തേജസ്വീ പാർഥഃ കൃഷ്ണമരിന്ദമ। 8-90-22b22 ചോദയാശ്വാൻഹൃഷീകേശ കാലോഽയമതിവർതതേ॥ 8-90-23a23 ഏവമുക്തസ്തദാ തേന പാൺ·ഡവേന മഹാത്മനാ। 8-90-23b23 ജയേന സംപൂജ്യ സ പാണ്ഡവം തദാ 8-90-23c23 പ്രചോദയാമാസ ഹയാൻമനോജവാൻ॥ 8-90-24a24 സ പാണ്ഡുപുത്രസ്യ രഥോ മനോജവഃ 8-90-24b24 ക്ഷണേന കർണസ്യ രഥാഗ്രഗോഽഭവത്॥ ॥ 8-90-15 (59462)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ നവതിതമോഽധ്യായഃ*॥ 90 ॥
Mahabharata - Karna Parva - Chapter Footnotes
॥ ശ്രീഃ ॥
8.91. അധ്യായഃ 091
Mahabharata - Karna Parva - Chapter Topics
രണായ കർണാർജുനയോഃ സമാഗമഃ॥ 1 ॥ തദവലോകനായ ദിവി ദേവഗന്ധർവാദീനാം സമാഗമഃ॥ 2 ॥ ദേവാസുരാദീനാം കർണാർജു നസമാശ്രയണേന ദ്വൈധീഭാവഃ॥ 3 ॥
Mahabharata - Karna Parva - Chapter Text
8-91-0 (59463)
സഞ്ജയ ഉവാച। 8-91-0x (5053)
വൃഷസേനം ഹതം ദൃഷ്ട്വാ ക്രോധാമർഷസമന്വിതഃ।
പുത്രശോകോദ്ഭവം വാരി നേത്രാഭ്യാം സമവാസൃജത്॥ 8-91-1 (59464)
രഥേന കർണസ്തേജസ്വീ ജഗാമാഭിമുഖോ രിപും।
യുദ്ധായാമർപതാംരാക്ഷഃ സമാഹൂയ ധനഞ്ജയം॥ 8-91-2 (59465)
തൌ രഥൌ സൂര്യസങ്കാശൌ വൈയാഘ്രപരിവാരിതൌ।
സമേതൌ ദദൃശുസ്തത്ര ദ്വാവിവാർകൌ സമുദ്ഗതൌ॥ 8-91-3 (59466)
ശ്വേതാശ്വൌ പുരുഷാദിത്യാവാസ്ഥിതാവരിമർദനൌ।
ശുശുഭാതേ മഹാത്മാനൌ ചന്ദ്രാദിത്യൌ യഥാ ദിവി।
`രഥൌ ചതുർഭിർജലദൈർഭഗമിത്രാവിവാംബരേ'॥ 8-91-4 (59467)
തൌ ദൃഷ്ട്വാ വിസ്മയം ജഗ്മുഃ സർവസൈന്യാനി മാരിഷ।
ത്രൈലോക്യവിജയേ യത്താവിന്ദ്രവൈരോചനാവിവ॥ 8-91-5 (59468)
രഥജ്യാതലനിർഹാദൈർബാണശംഖരവൈസ്തഥാ।
തൌ രഥാവഭ്യധാവന്ത ക്ഷത്രിയാഃ സർവ ഏവ ഹി॥ 8-91-6 (59469)
ധ്വജാവാലോക്യ വീരാണാം വിസ്മയഃ സമപദ്യത।
ഹസ്തികക്ഷ്യാം ച കർണസ്യ വാനരം ച കിരീടിനഃ॥ 8-91-7 (59470)
തൌ രഥൌ സംപ്രസക്തൌ തു ദൃഷ്ട്വാ ഭാരത പാർഥിവാഃ।
സിംഹനാദരവാംശ്ചക്രുഃ സാധുവാദാംശ്ച പുഷ്കലാൻ॥ 8-91-8 (59471)
ശ്രുത്വാ തയോർദ്വൈരഥം ച തത്ര യോധാഃ സഹസ്രശഃ।
ചക്രുർബാഹുസ്വനാംശ്ചൈവ തഥാ ബാണരവം മഹത്॥ 8-91-9 (59472)
ആജഘ്നുഃ കുരവസ്തത്ര വാദിത്രാണി സമന്തതഃ।
രാധേയമഭിതോ ദധ്മുഃ ശംഖാഞ്ശതസഹസ്രശഃ॥ 8-91-10 (59473)
തഥൈവ പാണ്ഡവാഃ സർവേ ഹർഷയന്തോ ധനഞ്ജയം।
തൂര്യശംഖനിനാദേന ദിശഃ സർവാ വ്യനാദയൻ॥ 8-91-11 (59474)
ക്ഷ്വേലിതാസ്ഫോടിതോത്ക്രുഷ്ടൈസ്തുമുലം സർവതോഽഭവത്।
ബാഹുശബ്ദൈശ്ച ശൂരാണാം കർണാർജുനസമാഗമേ॥ 8-91-12 (59475)
തൌ ദൃഷ്ട്വാ പുരുഷവ്യാഘ്രൌ രഥസ്ഥൌ രഥിനാം വരൌ।
പ്രഗൃഹീതമഹാചാപൌ ശരശക്തിധ്വജായുതൌ॥ 8-91-13 (59476)
വർമിണൌ ബദ്ധനിസ്ത്രിംശൌ ശ്വേതാശ്വൌ ശംഖശോഭിതൌ।
തൂണീരവസംപന്നൌ ദ്വാവപ്യേതൌ സുദർശനൌ॥ 8-91-14 (59477)
രക്തചന്ദനദിഗ്ധാംഗൌ സമദൌ ഗോവൃഷാവിവ।
ചാപവിദ്യുദ്ധ്വജോപേതൌ ശസ്ത്രസംപത്തിയോധിനൌ॥ 8-91-15 (59478)
ചാമരവ്യജനോപൈതൌ ശ്വേതച്ഛത്രോപശോഭിതൌ।
കൃഷ്ണശല്യരഥോപേതൌ തുല്യരൂപൌ മഹാരഥൌ॥ 8-91-16 (59479)
സിംഹസ്കന്ധൌ ദീർഘഭുജൌ രക്താക്ഷൌ ഹേമമാലിനൌ।
സിംഹസ്കന്ധപ്രതീകാശൌ വ്യൂഢോരസ്കൌ മഹാബലൌ।
അന്യോന്യവധമിച്ഛന്താവന്യോന്യജയകാങ്ക്ഷിണൌ॥ 8-91-17 (59480)
അന്യോന്യമഭിധാവന്തൌ ഗോഷ്ഠേ ഗോവൃഷഭാവിവ।
പ്രഭിന്നാവിവ മാതംഗൌ സുസംരബ്ധാവിവാചലൌ॥ 8-91-18 (59481)
ആശീവിഷശിശുപ്രഖ്യൌ യമകാലാന്തകോപമൌ।
ഇന്ദ്രവൃത്രാവിവ ക്രുദ്ധൌ സൂര്യചന്ദ്രസമപ്രഭൌ॥ 8-91-19 (59482)
മഹാഗ്രഹാവിവ ക്രുദ്ധൌ യുഗാന്തായ സമുത്ഥിതൌ।
ദേവഗർഭൌ ദേവസമൌ ദേവതുല്യൌ ച രൂപതഃ॥ 8-91-20 (59483)
യദൃച്ഛയാ സമായാതൌ സൂര്യാചന്ദ്രമസൌ യഥാ।
ബലിനൌ സമരേ ദൃപ്തൌ നാനാശസ്ത്രധരൌ യുധി॥ 8-91-21 (59484)
തൌ ദൃഷ്ട്വാ പുരുഷവ്യാഘ്രൌ ശാർദൂലാവിവ ധിഷ്ഠിതൌ।
ബഭൂവ പരമോ ഹർഷസ്താവകാനാം വിശാംപതേ॥ 8-91-22 (59485)
സംശയഃ സർവഭൂതാനാം വിജയേ സമപദ്യത।
സമേതൌ പുരുഷവ്യാഘ്രൌ പ്രേക്ഷ്യ കർണധനഞ്ജയൌ॥ 8-91-23 (59486)
ഉഭൌ വരായുധധരാവുഭൌ രണകൃതശ്രമൌ।
ഉഭൌ ച ബാഹുശബ്ദേന നാദയന്തൌ നഭസ്തലം॥ 8-91-24 (59487)
ഉഭൌ വിശ്രുതകർമാണൌ പൌരുഷേണ ബലേന ച।
ഉഭൌ ച സദൃശൌ യുദ്ധേ ശംബരാമരരാജയോഃ॥ 8-91-25 (59488)
കാർതവീര്യസമൌ ചോഭാവുഭൌ ദാശരഥേഃ സമൌ।
വിഷ്ണുവീര്യസമൌ ചോഭാവുഭൌ ഭവസമൌ യുധി॥ 8-91-26 (59489)
ഉഭൌ ശ്വേതഹയൌ രാജന്രഥപ്രവരവാഹിനൌ।
സാരഥിപ്രവരൌ ചാപി ഉഭൌ മദ്രജനാർദനൌ॥ 8-91-27 (59490)
തതോ ദൃഷ്ട്വാ മഹാരാജ രാജമാനൌ മഹാരഥൌ।
സിദ്ധചാരണസംഘാനാം വിസ്മയഃ സമപദ്യത॥ 8-91-28 (59491)
ധാർതരാഷ്ട്രാസ്തതസ്തൂർണം സബലാ ഭരതർഷഭ।
പരിവവ്രുർമഹാത്മാനം കർണമാഹവശോഭിനം॥ 8-91-29 (59492)
തഥൈവ പാണ്ഡവാ ദൃഷ്ട്വാ ധൃഷ്ടദ്യുംനപുരോഗമാഃ।
യമൌ ച ചേകിതാനശ്ച പ്രഹൃഷ്ടാശ്ച പ്രഭദ്രകാഃ॥ 8-91-30 (59493)
നാനാദേശ്യാശ്ച യേ ശൂരാഃ ശിഷ്ടാ യുദ്ധാഭിനന്ദിനഃ।
തേ സർവേ സഹിതാ ഹൃഷ്ടാഃ പരിവവ്രുർധനഞ്ജയം॥ 8-91-31 (59494)
രിരക്ഷിഷന്തഃ ശഥ്രുഘ്നാഃ പത്ത്യശ്വരഥകുഞ്ജരാഃ।
ധനഞ്ജയസ്യ വിജയേ ധൃതാഃ കർണവധേഽപി ച॥ 8-91-32 (59495)
തഥൈവ താവകാഃ സർവേ യത്താഃ സേനാപ്രഹാരിണഃ।
ദുര്യോധനമുഖാ രാജൻകർണം ജുഗുപുരാഹവേ॥ 8-91-33 (59496)
താവകാനാം രണേ കർണോ ഗ്ലഹോ ഹ്യാസീദ്വിശാംപതേ।
തഥൈവ പാണ്ഡവേയാനാം ഗ്ലഹഃ പാർഥോഽഭവത്തദാ॥ 8-91-34 (59497)
തയോസ്തു സഭ്യാസ്തത്രാസൻപ്രേക്ഷകാശ്ചാഭവന്യുധി।
തത്രൈഷാം ഗ്ലഹമാനാനാം ധ്രുവൌ ജയപരാജയൌ॥ 8-91-35 (59498)
താഭ്യാം ദ്യതം സമാസക്തം വിജയായേതരായ വാ।
അസ്മാകം പാണ്ഡവാനാം ച സ്ഥിതാനാം രണമൂർധനി॥ 8-91-36 (59499)
തൌ തു സ്ഥിതൌ മഹാരാജ സമരേ യുദ്ധശാലിനൌ।
അന്യോന്യം പ്രതിസംരബ്ധാവന്യോന്യവധകാങ്ക്ഷിണൌ॥ 8-91-37 (59500)
താവുമൌ പ്രജിഹീർഷന്താവിന്ദ്രവൃത്രാവിവ പ്രഭോ।
ഭീമരൂപധരാവാസ്താം മഹാധൂമാവിവ ഗ്രഹൌ॥ 8-91-38 (59501)
തതോഽന്തരിക്ഷേ സഞ്ജജ്ഞേ വിവാദോ ഭരതർഷഭ।
മിഥോ ഭേദാശ്ച ഭൂതാനാമാസൻകർണാർജുനാന്തരേ॥ 8-91-39 (59502)
വ്യാശ്രയന്ത ദ്വിധാ ഭിന്നാഃ സർവേ ലോകാസ്തു മാരിഷ।
ദേവദാനവഗന്ധർവാഃ പിശാചോരഗരാക്ഷസാഃ।
പ്രതിപക്ഷഗ്രഹം ചക്രുഃ കർണാർജുനസമാഗമേ॥ 8-91-40 (59503)
ദ്യൌരാസീത്കർണപക്ഷേഽത്ര സനക്ഷത്രാ വിശാംപതേ।
ഭൂർവിശാലാ പാർഥമാതാ പുത്രസ്യ ജയകാങ്ക്ഷിണീ॥ 8-91-41 (59504)
സാഗരാശ്ചൈവ ഗിരയഃ സരിതശ്ച നരോത്തമ।
മഹീജാ ജലജാശ്ചൈവ വ്യാശ്രയന്ത കിരീടിനം॥ 8-91-42 (59505)
അസുരാ യാതുധാനാശ്ച ഗുഹ്യകാശ്ച പരന്തപ।
കർണഃ സമഭവദ്യത്ര ഖേചരാണി വയാംസി ച॥ 8-91-43 (59506)
രത്നാനി നിധയഃ സർവേ വേദാശ്ചാഖ്യാനപഞ്ചമാഃ।
സോപവേദോപനിഷദോ വ്യാശ്രയന്ത കിരീടിനം॥ 8-91-44 (59507)
വാസുകിശ്ചിത്രസേനശ്ച തക്ഷകശ്ചോപതക്ഷകഃ।
മഹീവിയജ്ജലചരാഃ കാദ്രവേയാശ്ച സാന്വയാഃ।
വിഷവന്തോ മഹാനാഗാ വേഗിനശ്ചാർജുനേഽഭവൻ॥ 8-91-45 (59508)
ഐരാവതാഃ സൌരഭേയാ വൈശാലേയാശ്ച ഭോഗിനഃ।
ഏതേഽഭവന്നർജുനസ്യ പാപാഃ സർപാശ്ച കർണതഃ॥ 8-91-46 (59509)
ഈഹാമൃഗാ വ്യാലമൃഗാ മംഗലാ മൃഗപക്ഷിണഃ।
മംഗലാഃ പശവശ്ചൈവ സിംഹവ്യാഘ്രാസ്തഥൈവ ച।
പാർഥസ്യ വിജയേ രാജൻസർവ ഏവ സമാശ്രിതാഃ॥ 8-91-47 (59510)
വസവോ മരുതഃ സാധ്യാ രുദ്രാ ദേവാശ്വിനാവപി।
അഗ്നീ രുദ്രശ്ച സോമശ്ച പന്നഗാശ്ച ദിശോ ദശ।
കർണതഃ സമപദ്യന്ത ശ്വസൃഗാലവയാംസി ച॥ 8-91-48 (59511)
വസവശ്ച മഹേന്ദ്രേണ മരുതശ്ച സഹാഗ്നിനാ।
ധനഞ്ജയസ്യ തേ വർഗാ ആദിത്യാഃ കർണതോഽഭവൻ॥ 8-91-49 (59512)
ദേവതാഃ പിതൃഭിഃ സാർധമൃഷിഭിശ്ച പരന്തപ।
തുംബുരുപ്രമുഖാഃ സർവേ ഗന്ധർവാ ഭരതർഷഭ।
യമൌ വൈശ്രവണശ്ചൈവ വരുണശ്ച യതോഽർജുനഃ॥ 8-91-50 (59513)
ദേവർഷിബ്രഹ്മർഷിഗണാഃ സർവേ ച ഖചരാശ്ച യേ
പ്രാലേയാഃ സഹമൌനേയാഃ ശുഭാശ്ചാപ്സരസാം ഗണാഃ॥ 8-91-51 (59514)
സഹാപ്സരോഭിഃ ശുഭ്രാഭിർദേവദൂതാശ്ച ഗുഹ്യകാഃ।
കിരീടിനം സംശ്രിതാഃ സ്മ പുണ്യഗന്ധാ മനോരമാഃ॥ 8-91-52 (59515)
അമനോജ്ഞാശ്ച യേ ഗന്ധാസ്തേ സർവേ കർണമാശ്രിതാഃ।
വിപരീതാന്യനിഷ്ടാനി ഭവന്തി വിനശിഷ്യതാം॥ 8-91-53 (59516)
യേ ത്വന്തകാലേ പുരുഷം വിപരീതമുപാശ്രിതം।
പ്രവിശന്തി നരം ക്ഷിപ്രം മൃത്യുകാലേഽഭ്യുപാഗതേ।
തേ ഭാവാഃ സഹിതാഃ കർണം പ്രവിഷ്ടാഃ സൂതനന്ദനം॥ 8-91-54 (59517)
ഓജസ്തേജശ്ച സിദ്ധിശ്ച പ്രഹർഷഃ സത്യവിക്രമൌ।
മനസ്തുഷ്ടിർജയശ്ചാപി തഥാഽഽനന്ദോ നൃപോത്തമ॥ 8-91-55 (59518)
ഈദൃശാർനി നരവ്യാഘ് തസ്മിൻസംഗ്രാമസാഗരേ।
നിമിത്താനി ച ശുഭ്രാണി വിവിശുർജിഷ്ണുമാഹവേ॥ 8-91-56 (59519)
ഋഷയോ ബ്രാഹ്മണൈഃ സാർധമഭജന്ത കിരീടിനം॥ 8-91-57 (59520)
തതോ ദേവഗണൈഃ സാർധം സിദ്ധാശ്ച സഹ ചാരണൈഃ।
ദ്വിധാ ഭൂതാ മഹാരാജ വ്യാശ്രയന്ത നരോത്തമൌ॥ 8-91-58 (59521)
വിമാനാനി വിചിത്രാണി ഗുണവന്തി ച സർവശഃ।
സമാരുഹ്യ സമാജഗ്മുർദ്വൈരഥം കർണപാർഥയോഃ।
അന്തരിക്ഷേ മഹാരാജ ദേവഗന്ധർവരാക്ഷസാഃ॥ 8-91-59 (59522)
ഏവം സർവേഷു ഭൂതേഷു ദ്വിധാ ഭൂതേഷു ഭാരത।
ആശംസമാനേഷു ജയം രാധേയസ്യാർജുനസ്യ ച।
വിമാനായുതസംബാധമാകാശമഭവത്തദാ॥ 8-91-60 (59523)
ഈഹാമൃഗവ്യാലമൃഗൈർദിപാശ്വരഥപങ്ക്തിഭിഃ।
ഊഹ്യമാനാഃ പരേ മേഘൈർവായുനാ ച മനീഷിണഃ।
ദിദൃക്ഷവഃ സമാജഗ്മുഃ കർണാർജുനസമാഗമം॥ 8-91-61 (59524)
ദേവദാനവഗന്ധർവാ നാഗയക്ഷപതത്രിണഃ।
മഹർഷയോ ദേവഗണാഃ പിതരശ്ച സ്വധാഭുജഃ॥ 8-91-62 (59525)
തപോവിദ്യൌഷധീസിദധാ നാനാരൂപാംബരത്വിഷഃ।
അന്തരിക്ഷേ മഹാരാജ വിവദന്തോഽവതസ്ഥിരേ॥ 8-91-63 (59526)
ബ്രഹ്മാ ബ്രഹ്മർഷിഭിഃ സാർധം പ്രജാപതിഭിരേവ ച।
ആസ്ഥിതോ യാനമാകാശേ ദിവ്യം തേജഃ സമാഗതാഃ॥ 8-91-64 (59527)
തതഃ പ്രജാപതിസ്തൂർണമാജഗാമ മഹാമതേ।
ദ്വൈരഥം യുധി തം ദ്രുഷ്ടം കർണപാണ്ഡവയോസ്തദാ॥ 8-91-65 (59528)
വിജിത്യ കർണഃ സ്വിദിമാം വസുന്ധരാ--
മഥാർജുനഃ സ്വിത്പ്രതിപദ്യതേഽഖിലാം।
ഇതീശ്വരസ്യാപി ബഭൂവ സംശയഃ
പ്രജാപതേഃ പ്രേക്ഷ്യ തയോർമഹദ്ബലം॥ ॥ 8-91-66 (59529)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ഏകനവതിതമോഽധ്യായഃ॥ 91 ॥
॥ ശ്രീഃ ॥
8.92. അധ്യായഃ 092
Mahabharata - Karna Parva - Chapter Topics
കർണാർജുനസമാശ്രയാത് ലോകക്ഷയഭീരുണാ പ്രജാപതിനാ ബ്രഹ്മാണം പ്രതി ഉഭയോഃ സാംയേന ജയപ്രാർഥനാ॥ 1 ॥ ഇന്ദ്രേണ സകാരണനിരൂപണമർജുനസ്യൈവ ജയേ പ്രാർഥിതേ ബ്രഹ്മേശാനാഭ്യാം തദംഗീകാരേ ദേവൈർഹർഷാത്പുഷ്പവർഷണം॥ 2 ॥
Mahabharata - Karna Parva - Chapter Text
8-92-0 (59530)
സഞ്ജയ ഉവാച। 8-92-0x (5054)
പ്രജാപതിസ്തു തം ദൃഷ്ട്വാ ദേവഭാഗം സമാഗതം।
അബ്രവീത്തു തതോ രാജൻപശ്യതോ വൈ സ്വയംഭുവഃ॥ 8-92-1 (59531)
ഉഭാവതിരഥൌ ശൂരാവുഭൌ ദൃഢപരാക്രമൌ।
ഉഭൌ സദൃശകർമാണൌ വജ്രിചക്രായുധൌപമൌ॥ 8-92-2 (59532)
അഹോ ബത മഹദ്യുദ്ധം കർണാർജുനസമാഗമേ।
ഭവിഷ്യതി മഹാഘോരം വൃത്രവാസവയോരിവ॥ 8-92-3 (59533)
പ്രജാപതിരഥോക്ത്വൈവം സ്വയംഭുവമചോദയത്।
സമോഽസ്തു വിജയഃ കാമമുഭയോർനരസിംഹയോഃ॥ 8-92-4 (59534)
കർണാർജുനവിവാദേന മാ നശ്യേദഖിലം ജഗത്।
സ്വയംഭോ ബ്രൂഹി തദ്വാക്യം സമോഽസ്തു വിജയോഽനയോഃ॥ 8-92-5 (59535)
ഏവമുക്തസ്തു ഭഗവാഞ്ജയേ താഭ്യാമനിശ്ചിതേ।
ഇത്യബ്രവീൻമഹാരാജ മഹാബ്രഹ്മാ പ്രജാപതിം॥ 8-92-6 (59536)
ദ്വാവപ്യേതൌ ഹി കൃതിനൌ ദ്വാവപ്യതിബലോത്കടൌ।
ഭവിഷ്യത്യനയോര്യുദ്ധം ത്രൈലോക്യസ്യ ഭയാവഹം॥ 8-92-7 (59537)
തതഃ പ്രജാപതിം തത്ര സഹസ്രാക്ഷോഽഭ്യചോദയത്।
വിജയോ ധ്രുവ ഏവാസ്തു പാണ്ഡവസ്യ മഹാത്മനഃ॥ 8-92-8 (59538)
മനസ്വീ ബലവാഞ്ശൂരഃ കൃതവിദ്യസ്തപോധനഃ।
വിഭർതി ച മഹാതേജാ ധനുർവേദമശേഷതഃ॥ 8-92-9 (59539)
പാർഥഃ സർവഗുണോപേതോ ദേവകാര്യമിദം യതഃ।
ക്ലിശ്യന്തേ പാണ്ഡവാ നിത്യം വനവാസാദിഭിർഭൃശം॥ 8-92-10 (59540)
സംപന്നസ്തപസാ ചൈവ പര്യാപ്തഃ പുരുഷർഷഭഃ।
അതിക്രാമേച്ച മാഹാത്ംയാദ്ദിഷ്ടമപ്യവിചാരയൻ॥ 8-92-11 (59541)
അതിക്രമേ ച ലോകാനാമഭാവോ നിയതോ ഭവേത്।
നാവസ്ഥാനം ച പശ്യാമി ക്രുദ്ധയോഃ കൃഷ്ണയോഃ ക്വചിത്॥ 8-92-12 (59542)
സ്രഷ്ടാരൌ ജഗതശ്ചൈതൌ തതശ്ച പുരുഷർഷഭൌ।
നരനാരായണാവേതൌ പുരാണാവൃഷിസത്തമൌ॥ 8-92-13 (59543)
അനിയംയൌ നിയന്താരൌ ജഗതഃ പുരുഷർഷഭൌ।
[നൈതയോസ്തു സമഃ കശ്ചിദ്ദിവി വാ മാനുഷേഷു വാ॥ 8-92-14 (59544)
അനുഗംയാസ്ത്രയോ ലോകാഃ സഹ ദേവർഷിചാരണൈഃ।
സർവദേവഗണാശ്ചാപി സർവഭൂതാനി യാനി ച।
അനയോസ്തു പ്രഭാവേന വർതതേ നിഖിലം ജഗത്॥] 8-92-15 (59545)
കാമം തു സുകൃതാംʼല്ലോകാനാപ്നോതു പുരുഷർഷഭഃ।
കർണോ വൈകർതനഃ ശൂരോ വിജയസ്ത്വസ്തു കൃഷ്ണയോഃ॥ 8-92-16 (59546)
വസൂനാം സമലോകത്വം മരുതാം വാസമാപ്നുയാത്।
സഹിതോ ദ്രോണഭീഷ്മാഭ്യാം നാകപൃഷ്ഠേ മഹീയതാം॥ 8-92-17 (59547)
`ക്ലേശിതോ ഹി വനേ പാർഥോ ദിർഘകാലം പിതാമഹ।
തസ്മാദേഷ ജയേദ്യുദ്ധേ തപസാഽഭ്യധികോഽർജുനഃ॥ 8-92-18 (59548)
പൂർവം ഭഗവതാ പ്രോക്തഃ കൃഷ്ണയോർവിജയോ ധ്രുവഃ।
തത്തഥാസ്തു നമസ്തേഽസ്തു പ്രമോ ബ്രൂഹി പിതാമഹ॥ 8-92-19 (59549)
തത്സഹസ്രാക്ഷവചനം നിശംയ ഭഗവാൻപ്രഭുഃ।
നോവാച തജ്ജയം തുല്യം തയോഃ കർണകിരീടിനോഃ॥ 8-92-20 (59550)
തസ്മാദാശാം ഗതഃ ശക്രസ്തൂഷ്ണീംഭൂതേ പിതാമഹേ।
വിജയഃ പാണ്ഡവേയസ്യ കർണസ്യ ച വധോ ഭവേത്॥ 8-92-21 (59551)
ബ്രഹ്മേശാനൌ തതോ വാക്യമൂചതുർഭുവനേശ്വരം।
വിജയോ ധ്രുവ ഏവാസ്തു പാണ്ഡവസ്യ മഹാത്മനഃ॥ 8-92-22 (59552)
മനസ്വീ ജയതാം ശൂരഃ കൃതവിദ്യസ്തപോധനഃ।
ബിഭർതി ച മഹാതേജാ ധനുർവേദമശേഷതഃ॥ 8-92-23 (59553)
അതിക്രാമേച്ച മാഹാത്ംയാദ്ദിഷ്ടമപ്യവിചാരയൻ।
അതിക്രമേ ച ലോകാനാമഭാവോ നിയതോ ഭവേത്॥ 8-92-24 (59554)
ന ച വിദ്മ ഹ്യവസ്ഥാനം ക്രുദ്ധയോഃ കൃഷ്ണയോഃ ക്വചിത്।
സ്രഷ്ടാരൌ ജഗതശ്ചൈവ സതശ്ച പുരുഷർഷഭൌ॥ 8-92-25 (59555)
കാമം തു സുകൃതാംʼല്ലോകാൻപ്രാപ്നോത്വേഷ പരന്തപഃ।
കർണോ വൈകർതനഃ ശൂരോ വിജയസ്തു നരേ ധ്രുവഃ॥ 8-92-26 (59556)
തഥോക്തേ ദേവദേവാഭ്യാം സഹസ്രാക്ഷോഽബ്രവീദ്വചഃ।
ആമന്ത്ര്യ സർവഭൂതാനി ബ്രഹ്മേശാനാനുശാസനാത്॥ 8-92-27 (59557)
ശ്രുതം ഭവദ്ഭിര്യത്പ്രോക്തം ഭഗവദ്ഭ്യാം ജഗദ്ധിതം।
തത്തഥാ വ്യേതു തേ രോഗഃ ശമാപ്നുത വിമന്യവഃ॥ 8-92-28 (59558)
ഇതി ശ്രുത്വേന്ദ്രവചനം സർവഭൂതാനി മാനിഷ।
വിസ്മിതാന്യഭവന്രാജൻപൂജയാഞ്ചക്രിരേ തദാ।
നോചുസ്തദാ ജയം തുല്യം തയോഃ പുരുഷസിംഹയോഃ॥ 8-92-29 (59559)
വ്യസൃജംശ്ച സുഗന്ധീനി പുഷ്പവർഷാണി ഹർഷിതാഃ।
നാനാരൂപാണി വിബുധാ ദേവതൂര്യാണ്യവാദയൻ॥ 8-92-30 (59560)
ദിദൃക്ഷവശ്ചാപ്രതിമം ദ്വൈരഥം നരസിംഹയോഃ।
വിസ്മയോത്ഫുല്ലനയനാ നാന്യാ ബുബുധിരേ ക്രിയാഃ॥ ॥ 8-92-31 (59561)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ദ്വിനവതിതമോഽധ്യായഃ॥ 92 ॥
Mahabharata - Karna Parva - Chapter Footnotes
॥ ശ്രീഃ ॥
8.93. അധ്യായഃ 093
Mahabharata - Karna Parva - Chapter Topics
ശല്യകർണയോഃ സംʼലാപഃ॥ 1 ॥ കൃഷ്ണാർജുനയോഃ സംʼലാപഃ॥ 2 ॥ അർജുനേന കൃഷ്ണംപ്രതി സ്വസാമർഥ്യകഥനം॥ 3 ॥
Mahabharata - Karna Parva - Chapter Text
8-93-0 (59562)
സഞ്ജയ ഉവാച। 8-93-0x (5055)
രഥൌ തയോഃ ശ്വേതഹയൌ ദിവ്യൌ യുക്തൌ മഹാസ്വനൌ।
സമാസ്ഥിതൌ ലോകവീരൌ ശംഖാന്ദധ്മുഃ പൃഥക്പൃഥകം।
വാസുദേവാർജുനൌ വീരൌ കർണശല്യൌ ച ഭാരത॥ 8-93-1 (59563)
തദ്ഭീരുസന്ത്രാസകരം യുദ്ധം സമഭവത്തദാ।
അന്യോന്യസ്പാന്ധേനോരുഗ്രം ശക്രശംബരയോരിവ॥ 8-93-2 (59564)
തയോർധ്വജൌ ഹി വിമലൌ ശുശുഭാതേ രഥേ സ്ഥിതൌ।
രാഹുകേതൂ യഥാഽഽകാശേ ഉദിതൌ ജഗതഃ ക്ഷയേ॥ 8-93-3 (59565)
കർണസ്യാശീവിഷനിഭാ രത്നസാരമയീ ദൃഢാ·।
പുരന്ദരധനുഃ പ്രഖ്യാ ഹസ്തികക്ഷ്യാ വിരാജതേ॥ 8-93-4 (59566)
കപിശ്രേഷ്ഠസ്തു പാർഥസ്യ വ്യാദിതാസ്യ ഇവാന്തകഃ।
ദംഷ്ട്രാഭിർഭീഷയൻഭാഭിർദുർനിരീക്ഷ്യോ രവിര്യഥാ॥ 8-93-5 (59567)
യുദ്ധാഭിലാഷുകോ ഭൂത്വാ ധ്വജോ ഗാണ്ഡീവധന്വനഃ।
കർണധ്വജമുപാതിഷ്ഠത്സ്വസ്ഥാനാദ്വേഗവാൻകപിഃ॥ 8-93-6 (59568)
ഉത്പത്യ ച മഹാവേഗഃ കക്ഷ്യാമഭ്യാഹനത്തദാ।
നഖൈശ്ച ദശനൈശ്ചൈവ ഗരുഡഃ പന്നഗം യഥാ॥ 8-93-7 (59569)
സാ കിങ്കിണീകാഭരണാ കാലപാശോപമാ തദാ।
അഭ്യദ്രവത്സുസംരബ്ധാ ഹസ്തികക്ഷ്യാഽഥ തം കപിം॥ 8-93-8 (59570)
തയോർഘോരതരേ യുദ്ധേ ദ്വൈരഥേ ദ്യൂത ആഹിതേ।
പ്രാകുർവതാം ധ്വജൌ യുദ്ധം പൂർവം പൂർവതരം തദാ॥ 8-93-9 (59571)
ഹയാ ഹയാനഭ്യഹേഷൻസ്പർധമാനാഃ പരസ്പരം।
അവിധ്യത്പുണ്ഡരീകാക്ഷഃ ശല്യം നയനസായകൈഃ।
ശല്യശ്ച പുണ്ഡരീകാക്ഷം തഥൈവാഭിസമൈക്ഷത॥ 8-93-10 (59572)
തത്രാജയദ്വാസുദേവഃ ശല്യം നയനസായകൈഃ।
കർണം ചാപ്യജയദൃഷ്ട്യാ കുന്തീപുത്രോ ധനഞ്ജയഃ॥ 8-93-11 (59573)
അയാബ്രവീത്സൂതപുത്രഃ ശല്യമാഭാഷ്യ സസ്മിതം॥ 8-93-12 (59574)
യദി പാർഥോ രണേ ഹന്യാദദ്യ മാമിഹ കർഹിചിത്।
കിം കരിഷ്യസി സംഘാമേ ശല്യ സത്യമഥോച്യതാം॥ 8-93-13 (59575)
ശല്യ ഉവാച। 8-93-14x (5056)
യദി കർണ രണേ ഹന്യാദദ്യ ത്വാം ശ്വേതവാഹനഃ।
ഉഭാവേകരയേനാഹം ഹന്യാം മാധവപാണ്ഡവൌ॥ 8-93-14 (59576)
സഞ്ജയ ഉവാച। 8-93-15x (5057)
ഏവമേവ തു ഗോവിന്ദമർജുനഃ പ്രത്യഭാഷത।
തം പ്രഹസ്യാബ്രവീത്കൃഷ്ണഃ പാർഥം പരമിദം വചഃ॥ 8-93-15 (59577)
പതേദ്ദിവാകരഃ സ്ഥാനാച്ഛീര്യേദ്ഭൂമിരനേകധാ।
ശൈല്യമഗ്നിരിയാന്ന ത്വാം ഹന്യാത്കാർണോ ധനഞ്ജയ॥ 8-93-16 (59578)
യദി ചൈതത്കഥഞ്ചിത്സ്യാല്ലോകപര്യസനം ഭവേത്।
ഹന്യാം കർണം തഥാ ശല്യം ബാഹുഭ്യാമേവ സംയുഗേ॥ 8-93-17 (59579)
ഇതി കൃഷ്ണവചഃ ശ്രുത്വാ പ്രഹസൻകപികേതനഃ।
അർജുനഃ പ്രത്യുവാചേദം കൃഷ്ണമക്ലിഷ്ടകാരിണം॥ 8-93-18 (59580)
മമ താവദപര്യാപ്തൌ കർണശല്യൌ ജനാർദന।
സപതാകധ്വജം കർണം സശല്യരഥവാജിനം॥ 8-93-19 (59581)
സച്ഛത്രകവചം ചൈവ സശക്തിശരകാർമുകം।
ദ്രഷ്ടാഽസ്യദ്യ രണേ കൃഷ്ണ ശരൈശ്ഛിന്നമനേകധാ॥ 8-93-20 (59582)
അദ്യൈവ സരഥം സാശ്വം സശക്തികവചായുധം।
സഞ്ചൂർണിതമിവാരണ്യേ വൃക്ഷം പശ്യാദ്യ ദന്തിനാ॥ 8-93-21 (59583)
അദ്യ രാധേയഭാര്യാണാം വൈധവ്യം സമുപസ്ഥിതം।
ധ്രുവം സ്വപ്നേഷ്വനിഷ്ടാനി താഭിർദൃഷ്ടാനി മാധവ॥ 8-93-22 (59584)
ദ്രഷ്ടാസി ധ്രുവമദ്യൈവ വിധവാഃ കർണയോഷിതഃ।
ന ഹി മേ ശാംയതേ മന്യുര്യദനേന പുരാ കൃതം॥ 8-93-23 (59585)
കൃഷ്ണാം സഭാഗതാം ദൃഷ്ട്വാ മൂഢേനാദീർഘദർശിനാ।
അസ്മാംസ്തഥാഽവഹസതാ ക്ഷിപതാ ച പുനഃപുനഃ॥ 8-93-24 (59586)
അദ്യ ദ്രഷ്ടാസി ഗോവിന്ദ കർണമുൻമഥിതം മയാ।
വാരണേനേവ മത്തേന പുഷ്പിതം ഗജതീരുഹം॥ 8-93-25 (59587)
അദ്യ താ മധുരാ വാചഃ ശ്രോതാസി മധുസൂദന।
ദിഷ്ട്യാ ജയസി വാർഷ്ണേയ ഇതി കർണേ നിപാതിതേ॥ 8-93-26 (59588)
അദ്യാഭിമന്യുജനനീം പ്രഹൃഷ്ടഃ സാന്ത്വയിഷ്യസി।
കുന്തീം പിതൃഷ്വസാരം ച പ്രഹൃഷ്ടഃ സൻ ജനാർദന॥ 8-93-27 (59589)
അദ്യ ബാഷ്പമുഖീം കൃഷ്ണാം സാന്ത്വയിഷ്യസി മാധവ।
വാഗ്ഭിശ്ചാമൃതകൽപാഭിർധർമരാജം ച പാണ്ഡവം॥ ॥ 8-93-28 (59590)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ത്രിനവതിതമോഽധ്യായഃ॥ 93 ॥
Mahabharata - Karna Parva - Chapter Footnotes
॥ ശ്രീഃ ॥
8.94. അധ്യായഃ 094
Mahabharata - Karna Parva - Chapter Topics
കർണാല്ലംനയോര്യുദ്ധാരംഭഃ॥ 1 ॥ ദ്രൌണിനാ ദുര്യോധനായ ഹിതാഖ്യാനം॥ 2 ॥ തേന തദനാദൃത്യ രണായ സേനാനിയോജനം॥ 3 ॥
Mahabharata - Karna Parva - Chapter Text
8-94-0 (59591)
സഞ്ജയ ഉവാച। 8-94-0x (5058)
തദ്ദേതനാഗാസുരസിദ്ധയക്ഷൈ--
ർഗന്ധർവരക്ഷോപ്സരസാം ച സംഘൈഃ।
ബ്രഹ്മർഷിരാജർഷിസുപർണജുഷ്ടം
ബഭൌ വിയദ്വിസ്മയനീയരൂപം॥ 8-94-1 (59592)
നാനദ്യമാനം നിനദൈർമനോജ്ഞൈ--
ർവാദിത്രഗീതസ്തുതിനൃത്യഹാസൈഃ।
സർവേഽന്തരിക്ഷം ദദൃശുർമനുഷ്യാഃ
ഖസ്ഥാശ്ച തദ്വിസ്മയനീയരൂപം॥ 8-94-2 (59593)
തതഃ പ്രഹൃഷ്ടാഃ കുരുപാണ്ഡുയോധാ
വാദിത്രശംഖസ്വനസിംഹനാദൈഃ।
വിനാദയന്തോ വസുധാം ദിശശ്ച
സ്വനേന സർവാന്ദ്വിഷതോ നിജഘ്നുഃ॥ 8-94-3 (59594)
നരാശ്വമാതംഗരഥൈഃ സമാകുലം
ശരാസിശക്ത്യൃഷ്ടിനിപാതദുഃസഹം।
അഭീരുജുഷ്ടം ഹതദേഹസങ്കുലം
രണാജിരം ലോഹിതമാബഭൌ തദാ॥ 8-94-4 (59595)
[ബഭൂവ യുദ്ധം കുരുപാണ്ഡവാനാം
യഥാ സുരാണാമസുരൈഃ സഹാഭവത്।]
തഥാ പ്രവൃതേ തുമുലേ സുദാരുണേ
ധനഞ്ജയശ്ചാധിരഥിശ്ച സായകൈഃ।
ദിശശ്ച സൈന്യം ച ശിതൈരജിഹ്മഗൈഃ
പരസ്പരം പ്രാവൃണുതാം സുദംശിതൌ॥ 8-94-5 (59596)
തതസ്ത്വദീയാശ്ച പരേ ച സായകൈഃ
കൃതേഽന്ധകാരേ ദദൃശുർന കിഞ്ചന।
ഭയാതുരാ ഏകരഥൌ സമാശ്രയം--
സ്തതോഽഭവത്ത്വദ്ഭുതമേവ സർവതഃ॥ 8-94-6 (59597)
തതോഽസ്ത്രമസ്ത്രേണ പരസ്പരം തൌ
വിധൂയ വാതാവിവ പൂർവപശ്ചിമൌ।
ഘനാന്ധകാരേ വിതതേ തമോനുദൌ
യഥോദിതൌ തദ്വദതീവ രേജതുഃ॥ 8-94-7 (59598)
ന ചാഭിസർതവ്യമിതി പ്രചോദിതാഃ
പരേ ത്വദീയാശ്ച തഥാഽവതസ്ഥിരേ।
മഹാരഥൌ തൌ പരിവാര്യ സർവതഃ
സുരാസുരാഃ ശംബരവാസവാവിവ॥ 8-94-8 (59599)
മൃദംഗഭേരീപണവാനകസ്വനൈ--
ർനിനാദിതേ വാഹനശംഖനിസ്വനൈഃ।
തൌ സിംഹനാദൈർബഭതുർനരോത്തമൌ
പതംഗചന്ദ്രാവിവ ദുഃസഹാവുഭൌ॥ 8-94-9 (59600)
മഹാധനുർമണ്ഡുലമധ്യഗാവുഭൌ
സുവർചസൌ ബാണസഹസ്രദീധിതീ।
ദിധക്ഷമാണൌ സചരാചരം ജഗ--
ദ്യുഗാന്തസൂര്യാവിവ ദുഃസഹൌ രണേ॥ 8-94-10 (59601)
ഉഭാവജേയാവഹിതാന്തകാവുഭാ--
വുഭൌ ജിഘാംസൂ കൃതിനൌ പരസ്പരം।
മഹാഹവേ വീതഭയൌ സമീയതു--
ർമഹേന്ദ്രജംഭാവിവ കർണപാണ്ഡവൌ॥ 8-94-11 (59602)
തതോ മഹാസ്ത്രാണി മഹാധനുർധരൌ
വിമുഞ്ചമാനാവിഷുഭിർഭയാനകൈഃ।
നരാശ്വനാഗാനമിതാന്നിജഘ്നതുഃ
പരസ്പരം ചാപി മഹാരഥൌ നൃപ॥ 8-94-12 (59603)
തതോ വിസസ്രുഃ പുനരർദിതാ നരാ
നരോത്തമാഭ്യാം കുരുപാണ്ഡവാശ്രയാഃ।
സനാഗപത്ത്യശ്വരഥാ ദിശോ ദ്രുതാ--
സ്തഥാ യഥാ സിംഹഹതാ വനൌകസഃ॥ 8-94-13 (59604)
തതസ്തു ദുര്യോധനഭോജസൌബലാഃ
കൃപോ ഗുരോശ്ചാപി സുതോ മഹാഹവേ।
മഹാരഥാഃ പഞ്ച ധനഞ്ജയാച്യുതൌ
ശരൈഃ ശരീരാർതികരൈരതാഡയൻ॥ 8-94-14 (59605)
ധനൂംഷി തേഷാമിഷുധീന്ധ്വജാൻഹയാ--
ന്രഥാംശ്ച സൂതാംശ്ച ധനഞ്ജയഃ ശരൈഃ।
സമം പ്രമധ്യാശു പരാൻസമന്തതഃ
ശരോത്തമൈർദ്വാദശഭിന്ന സൂതജം॥ 8-94-15 (59606)
അഥാഭ്യധാവംസ്ത്വരിതാഃ ശതം രഥാഃ
ശതം ഗജാശ്ചാർജുനമാതതായിനഃ।
ശകാസ്തുഷാരാ യവനാശ്ച സാദിനഃ
സഹൈവ കാംഭോജവരൈർജിഘാംസവഃ॥ 8-94-16 (59607)
വരായുധാൻപാണിഗതൈഃ ശരൈഃ സഹ
ക്ഷുരൈർന്യകൃന്തത്പ്രപതഞ്ശിരാംസി ച।
ഹയാംശ്ച നാഗാംശ്ച രഥാംശ്ച യുധ്യതോ
ധനഞ്ജയഋ ശത്രുഗണാൻക്ഷിതൌ ക്ഷിണൌത്॥ 8-94-17 (59608)
തതോഽന്തരിക്ഷേ സുരതൂര്യനിഃസ്വനാഃ
സസാധുവാദാ ഹൃഷിതൈഃ സമീരിതാഃ।
നിപേതുരപ്യുത്തമപുഷ്പവൃഷ്ടയഃ
സുരൂപഗന്ധാഃ പവനേരിതാഃ ശുഭാഃ॥ 8-94-18 (59609)
തദദ്ഭുതം ദേവമനുഷ്യസാക്ഷികം
സമീക്ഷ്യ ഭൂതാനി വിസിസ്മിയുസ്തദാ।
തവാത്മജഃ സൂതസുതശ്ച ന വ്യഥാം
ന വിസ്മയം ജഗ്മതുരേകനിശ്ചയൌ॥ 8-94-19 (59610)
അഥാബ്രവീദ്ദ്രോണസുതസ്തവാത്മജം
കരം കരേണ പ്രതിപീഡ്യ സാന്ത്വയൻ।
പ്രസീദ ദുര്യോധന ശാംയ പാണ്ഡവൈ--
രലം വിരോധേന ധിഗസ്തു വിഗ്രഹം॥ 8-94-20 (59611)
ഹതോ ഗുരുർബ്രഹ്മസമോ മഹാസ്ത്രവി--
ത്തഥൈവ ഭീഷ്മപ്രമുഖാ മഹാരഥാഃ।
അഹം ത്വവധ്യോ മമ ചാപി മാതുലഃ
പ്രശാധി രാജ്യം സഹ പാണ്ഡവൈശ്ചിരം॥ 8-94-21 (59612)
ധനഞ്ജയഃ സ്യാസ്യതി വാരിതോ മയാ
ജനാർദനോ നൈവ വിരോധമിച്ഛതി।
യുധിഷ്ഠിരോ ഭൂതഹിതേ രതഃ സദാ
വൃകോദരസ്തദ്വശഗസ്തഥാ യമൌ॥ 8-94-22 (59613)
ത്വയാ തു പാർഥൈശ്ച കൃതേ ച സംവിദേ
പ്രജാഃ ശിവം പ്രാപ്നുയുരിച്ഛയാ തവ।
വ്രജന്തു ശേഷാഃ സ്വപുരാണി പാർഥിവാ
നിവൃത്തവൈരാശ്ച ഭവന്തു സൈനികാഃ।
ന ചേദ്വചഃ ശ്രോഷ്യസി മേ നരാധിപ
ധ്രുവം ഹി തപ്തോഽസി ഹതോഽരിഭിര്യുധി॥ 8-94-23 (59614)
വൃദ്ധം പിതരമാലോക്യ ഗാന്ധാരീം ച യശസ്വിനീം।
കൃപാലുർധർമരാജോ ഹി യാചിതഃ ശമമേഷ്യതി॥ 8-94-24 (59615)
യഥോചിതം ച വൈ രാജ്യമനുജ്ഞാസ്യതി തേ പ്രഭുഃ।
വിപശ്ചിത്സുമതിർവീരഃ സർവശാസ്ത്രാർഥതത്ത്വവിത്॥ 8-94-25 (59616)
വൈരം നേഷ്യതി ധർമാത്മാ സ്വജനേ നാസ്ത്യതിക്രമഃ।
ന വിഗ്രഹമതിഃ കൃഷ്ണാ സ്വജനേ പ്രതിനന്ദതി॥ 8-94-26 (59617)
ഭീമസേനാർജുനൌ ചോഭൌ മാദ്രീപുത്രൌ ച പാണ്ഡവൌ।
വാസുദേവമതേ ചൈവ പാണ്ഡവസ്യ ച ധീമതഃ।
സ്ഥാസ്യന്തി പുരുഷവ്യാഘ്രാസ്തയോർവചനഗൌരവാത്॥ 8-94-27 (59618)
രക്ഷ ദുര്യോധനാത്മാനമാത്മാ സർവസ്യ ഭാജനം।
ജീവനേ യത്നമാതിഷ്ഠ ജീവൻഭദ്രാണി പശ്യതി॥ 8-94-28 (59619)
രാജ്യം ശ്രീശ്ചൈവ ഭദ്രം തേ ജീവമാനേ ച കൽപതേ।
മൃതസ്യ തു ഖലു കൌരവ്യ നൈവ രാജ്യം കുതഃ സുഖം॥ 8-94-29 (59620)
ലോകവൃത്തമിദം വൃത്തം പ്രവൃത്തം പശ്യ ഭാരത।
ശാംയ ത്വം പാണ്ഡവൈഃ സാർധം ശേഷം രക്ഷ കുലസ്യ ച॥ 8-94-30 (59621)
മാ ഭൂത്സ കാലഃ കൌരവ്യ യദാഽഹമഹിതം വചഃ।
ബ്രൂയാം കാമം മഹാബാഹോ മാഽവമംസ്ഥാ വചോ മമ॥ 8-94-31 (59622)
ധർമിഷ്ഠമിദമത്യർഥം രാജ്ഞശ്ചൈവ കുലസ്യ ച।
ഏതദ്ധി പരമം ശ്രേയഃ കുരുവംശസ്യ വൃദ്ധയേ।
പ്രയാഹി തം ച ഗാന്ധാരേ കുലസ്യ ച സുഖാവഹം॥ 8-94-32 (59623)
പഥ്യമായതിസംയുക്തം കർണോഽപ്യർജുനമാഹവേ।
ന ജേഷ്യതി നരവ്യാഘ്ര ഇതി മേ നിശ്ചിതാ മതിഃ॥ 8-94-33 (59624)
രോചതാം തേ നരശ്രേഷ്ഠ മമൈതദ്വചനം ശുഭം।
അതോഽന്യഥാ ഹി രാജേന്ദ്ര വിനാശഃ സുമഹാൻഭവേത്॥ 8-94-34 (59625)
ഇദം ച ദൃഷ്ടം ജഗതാ സഹ ത്വയാ
കൃതം യദേകേന കിരീടമാലിനാ।
യഥാ ന കുര്യാദ്ബലഭിന്ന ചാന്തകോ
ന ച പ്രചേതാ ഭഗവാന്ന യക്ഷരാട്॥ 8-94-35 (59626)
അതോഽപി ഭൂയാൻസ്വഗുണൈർധനഞ്ജയോ
ന ചാതിവർതിഷ്യതി മേ വചോഽഖിലം।
തവാനുയാത്രാം ച സദാ കരിഷ്യതി
പ്രസീദ രാജേന്ദ്ര ശമം ത്വമാപ്നുഹി॥ 8-94-36 (59627)
മമാഭിമാനഃ പരമഃ സദാ ത്വയി
ബ്രവീംയതസ്ത്വാം പരമാച്ച സൌഹൃദാത്।
നിവാരയിഷ്യാമി ച കർണമാഹവേ
മഹാൻഹി മേഽസ്തി പ്രണയോഽഥ സൂതജേ॥ 8-94-37 (59628)
വദന്തി മൈത്രീം സഹജാം വിചക്ഷണാ--
സ്തഥൈവ സാംനാ ച ധനേന ചാർജിതാം।
പ്രതാപതശ്ചോപനതാം ചതുർവിധാം
തദസ്തി സർവം തവ പാണ്ഡവേഷു॥ 8-94-38 (59629)
നിസർഗതസ്തേ തവ വീര ബാന്ധവാഃ
പുനശ്ച സാംനാ ഹിതമാപ്നുയുഃ പ്രഭോ।
ത്വയി പ്രസന്നേ യദി മിത്രതാം ഗതേ
ഹിതം കൃതം സ്യാജ്ജഗതസ്ത്വയാഽതുലം॥ 8-94-39 (59630)
ഇതീദമുക്തഃ സുഹൃദാ വചോ ഹിതം
വിചിന്ത്യ നിഃശ്വസ്യ ച ദുർമനാഽബ്രവീത്।
യഥാ ഭവാനാഹ സഖേ തഥൈവ ത--
ൻമമാപി വിജ്ഞാപയതോ വചഃ ശൃണു॥ 8-94-40 (59631)
നിഹത്യ ദുഃശാസനമുക്തവാൻബഹു
പ്രഹസ്യ ശാർദൂലവദേഷ ദുർമതിഃ।
വൃകോദരസ്തദ്വൃദയേ മമ സ്ഥിതം
ന തത്പരോക്ഷം ഭവതഃ കുതഃ ശമഃ॥ 8-94-41 (59632)
ന ചാപി കർണം പ്രസഹേദ്രണേഽർജുനോ
മഹാഗിരിം മേരുമിവോഗ്രമാരുതഃ।
ന ചാശ്വസിഷ്യന്തി പൃഥാത്മജാ മയി
പ്രസഹ്യ വൈരം ബഹുശോ വിചിന്ത്യ॥ 8-94-42 (59633)
ന ചാപി കർണം ഗുരുപുത്ര സംയുഗാ--
ദുപാരമേത്യർഹസി വീര ഭാഷിതും।
ശ്രമേണ യുക്തോ മഹതാദ്യ ഫൽഗുന--
സ്തമേഷ കർണഃ പ്രസഭം ഹനിഷ്യതി॥ 8-94-43 (59634)
`വസുന്ധരായാഃ പരിവർതനം ഭവേ--
ദ്വ്രജേച്ച ശോഷം മകരാലയോഽർണവഃ।
പ്ലവേയുരപ്യദ്രിവരാ മഹാംബുധൌ
ന ചാർജുനോ ജേഷ്യതി കർണമാഹവേ॥ 8-94-44 (59635)
അപാം പൃഥിവ്യാ നഭസോ നഭസ്വതഃ
സുതിഗ്മദീപ്തേശ്ച ഹിരണ്യരേതസഃ।
അഭാവ ഏഷാമപി സർവതോ ഭവേ--
ന്ന ചാർജുനോ ജേഷ്യതി കർണമാഹവേ'॥ 8-94-45 (59636)
തമേവമുക്ത്വാഽപ്യനുനീയ ചാസകൃ--
ത്തവാത്മജഃ സ്വാനനുശാസ്തി സൈനികാൻ।
ദ്രുതം ഘ്നതാഭിദ്രവതാഹിതാനിമാ--
നഹീനസത്വാഃ കിമു ജോഷമാസതേ॥ ॥ 8-94-46 (59637)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ചതുർനവതിതമോഽധ്യായഃ॥ 94 ॥
Mahabharata - Karna Parva - Chapter Footnotes
॥ ശ്രീഃ ॥
8.95. അധ്യായഃ 095
Mahabharata - Karna Parva - Chapter Topics
രണേ കർണസ്യാർജുനസാംയമസഹമാനേന ഭീമേന സകോപം പാർഥപ്രോത്സാഹനം॥ 1 ॥
Mahabharata - Karna Parva - Chapter Text
8-95-0 (59638)
സഞ്ജയ ഉവാച। 8-95-0x (5059)
തൌ ശംഖഭേരീനിനദേ സമൃദ്ധേ
സമീയതുഃ ശ്വേതഹയൌ നരാഗ്ര്യൌ।
വൈകർതനഃ സൂതപുത്രോഽർജുനശ്ച
ദുർമന്ത്രിതേ തേ സസുതസ്യ രാജൻ॥ 8-95-1 (59639)
`ആശീവിഷാവഗ്നിമിവോത്സൃജന്തൌ
തഥാ മുഖാഭ്യാമഭിനിഃ ശ്വസന്തൌ।
യശസ്വിനൌ ജജ്വലതുർമൃധേ തദാ
ഘൃതാവസിക്താവിവ ഹവ്യവാഹൌ'॥ 8-95-2 (59640)
യഥാ ഗജൌ ഹൈമവതൌ പ്രഭിന്നൌ
പ്രവൃദ്ധദന്താവിവ വാസിതാർഥേ।
തഥാ സമാജഗ്മതുരുഗ്രവീര്യൌ
ധനഞ്ജയശ്ചാധിരഥിശ്ച വീരൌ॥ 8-95-3 (59641)
ബലാഹകേനേവ മഹാബലാഹകോ
യദൃച്ഛയാ വാ ഗിരിണാ യഥാ ഗിരിഃ।
തഥാ ധനുർജ്യാതലനേമിനിഃസ്വനൌ
സമീയതുസ്താവിഷുവർഷവർഷിണൌ॥ 8-95-4 (59642)
ശരാസ്ത്രശക്ത്യൃഷ്ടിഗദാസിസർപൌ
രോഷാനിലോദ്വൂതമഹോർമിമാലൌ।
യഥാഽചലൌ ദ്വൌ ചലതസ്തഥാ തൌ
യഥാഽർണവൌ ചാശു ചതുര്യുഗാന്തേ'॥ 8-95-5 (59643)
പ്രവൃദ്ധശൃംഗദ്രുമവീരുദോഷധീ
പ്രവൃദ്വനാനാവിധനിർഝരൌഘൌ।
യഥാഽചലൌ വാ ചലിതൌ മഹാജലൈ--
സ്തഥാ മഹാസ്ത്രൈരിതരേതരം ഹതഃ॥ 8-95-6 (59644)
സ സന്നിപാതോ രഥയോർമഹാനഭൂ--
ത്സുരേശവൈരോചനയോര്യഥാ പുരാ।
ശരൈർവിനുന്നാശ്വനിയന്തൃദേഹയോഃ
സുദുഃസഹാസ്ത്രൈഃ പരിഭിന്നദേഹയോഃ॥ 8-95-7 (59645)
പ്രഭൂതപദ്മോത്പലമത്സ്യകച്ഛപൌ
മഹാഹദൌ പക്ഷിഗണാനുനാദിതൌ।
സുസന്നികൃഷ്ടാവനിലോദ്ധതൌ യഥാ
തഥാ രഥൌ തൌ ധ്വജിനൌ സമീയതുഃ॥ 8-95-8 (59646)
ഉഭൌ മഹേന്ദ്രസ്യ സമാനവിക്രമാ--
വുഭൌ മഹേന്ദ്രപ്രതിമൌ മഹാരഥൌ।
മഹേന്ദ്രവജ്രപ്രതിമൈശ്ച സായകൈ--
ർമഹേന്ദ്രവൃത്രാവിവ സംപ്രജഘ്നതുഃ॥ 8-95-9 (59647)
സനാഗപത്ത്യശ്വരഥേ ഉഭേ ബലേ
വിചിത്രവർമാഭരണാംബരായുധേ।
ചകംപതുശ്ചോന്നദതുശ്ച വിസ്മയാ--
ദ്ധരാ വിയച്ചാർജുനകർണസംഗമേ॥ 8-95-10 (59648)
ഭുജാഃ സവസ്ത്രാംഗുലയഃ സമുച്ഛ്രിതാഃ
സസിംഹനാദൈർഹൃഷിതൈർദിദൃക്ഷുഭിഃ।
യദാഽർജുനം മത്ത ഇവ ദ്വിപോ ദ്വിപം
സമഭ്യയാദാധിരഥിർജിഘാംസയാ॥ 8-95-11 (59649)
ഉദക്രോശൻസോമകാസ്തത്ര പാർഥം
ത്വരസ്വ യാഹ്യർജുന ഭിന്ധി കർണം।
ഛിന്ധ്യസ്യ മൂർധാനമലം ചിരേണ
ശ്രദ്ധാം ച രാജ്യാദ്വൃതരാഷ്ട്രസൂനോഃ॥ 8-95-12 (59650)
തഥാഽസ്മാകം ബഹവസ്തത്ര യോധാഃ
കർണം തഥാ യാഹി യാഹീത്യവോചൻ।
ജഹ്യർജുനം കർണ തതഃ സുദീനാഃ
പുനർവനം യാന്ത്വചിരായ പാർഥാഃ॥ 8-95-13 (59651)
കർണോഽഥ പൂർവം ദശഭിഃ പൃഷത്കൈ--
ർഗാണ്ഡീവധന്വാനമവിധ്യദാശു।
ജഘാന തം ചാപി തതഃ കിരീടീ
ശരൈസ്തദാഷ്ടാദശഭിഃ സുമുക്തൈഃ॥ 8-95-14 (59652)
പുനശ്ച കർണസ്ത്വരിതോഽപി പാർഥം
രഥേഷുഭിസ്തം ദശഭിർജഘാന।
തം ചാപി പാർഥോ ദശഭിഃ ശിതാഗ്രൈഃ
കക്ഷ്യാന്തരേ തീക്ഷ്ണമുഖൈരവിധ്യത്॥ 8-95-15 (59653)
കർണസ്തതോ ഭാരത സാംപരായേ
ഘോരേഽതിവേലം രണസംവിമർദീ।
ജഘാന പാർഥം നവഭിഃ ശിതാഗ്രൈഃ
കക്ഷ്യാന്തേ നാഗമിവ പ്രഭിന്നം॥ 8-95-16 (59654)
തതോഽപരാഭ്യാം യുധി സൂതപുത്രോ
ദ്വാഭ്യാം ക്ഷുരാഭ്യാം ഹരിമാശുകാരീ।
സമാജഘാന ത്വരയാ മഹാത്മാ
യഥാ സുരേന്ദ്രം നമുചിഃ പ്രസഹ്യ॥ 8-95-17 (59655)
തം പാൺ·ഡവഃ പഞ്ചഭിരായസാഗ്രൈ--
രാകർണപൂർണൈർനിജഘാന കർണം।
തേ ശോണിതം തസ്യ പപുസ്തദാനീം
കാലസ്യ ദൂതാ ഇവ പാർഥബാണാഃ॥ 8-95-18 (59656)
കർണോഽപി പാർഥം സഹ വാസുദേവം
സമാചിനോദ്ഭാരത വത്സദന്തൈഃ।
പരസ്പരം തൌ വിശിഖൈഃ പ്രമുക്തൈ--
സ്തതക്ഷതുഃ സൂതപുത്രോഽർജുനശ്ച॥ 8-95-19 (59657)
പരസ്പരം ഛിദ്രദിദൃക്ഷയാ ച
സുഭീമമഭ്യായയതുഃ പ്രരുഷ്ടൌ॥ 8-95-20 (59658)
തതോഽസ്ത്രമാഗ്നേയമമിത്രതാപനം
മുമോച കർണായ സുരേശ്വരാത്മജഃ।
ധനഞ്ജയാത്സംയുഗമൂർധ്നി നിഃസൃതം
തദാ പ്രജജ്വാല തദസ്ത്രമുത്തമം॥ 8-95-21 (59659)
സമീക്ഷ്യ കർണോ ജ്വലനാസ്ത്രമുദ്യതം
സ വാരുണം തത്പ്രശമാർഥമാഹവേ।
സമുത്സൃജത്സൂതപുത്രഃ പ്രതാപവാൻ
സ തേന വഹ്നിം ശമയാഞ്ചകാര॥ 8-95-22 (59660)
വലാഹകാസ്ത്രേണ ദിശസ്തരസ്വീ
ചകാര സർവാസ്തിമിരേണ സംവൃതാഃ।
അപാവഹൻമേഘഗണാംസ്തതസ്താൻ
സമീരണാസ്ത്രേണ സമീരിതേന॥ 8-95-23 (59661)
തതഃ സോഽസ്ത്രം ദയിതം ദേവരാജ്ഞഃ
പ്രാദുശ്ചക്രേ വജ്രമമിത്രതാപനഃ।
ഗാണ്ഡീവജ്യാ വിമൃശംശ്ചാതിമന്യു--
ർധനഞ്ജയഃ ശത്രുസംഘപ്രമാഥീ॥ 8-95-24 (59662)
നാരാചനാലീകവരാഹകർണാ
ഗാണ്ഡീവതഃ പ്രാദുരാസൻസുതീക്ഷ്ണാഃ।
സഹസ്രശോ വജ്രസമാനവേഗാ--
സ്തേ സർവതഃ പര്യധാവന്ത ഘോരാഃ॥ 8-95-25 (59663)
പാർഥേഷവഃ കർണരഥം വിലഗ്നാ
അധോമുഖാഃ പക്ഷിഗണാ ദിനാന്തേ।
നിശാനികേതാർഥമിവാശു വൃക്ഷം
ജഗ്രാഹ താൻസൂതപുത്രഃ പൃഷത്കൈഃ॥ 8-95-26 (59664)
ക്ഷിപ്താംസ്തഥാ പാണ്ഡവബാണസംഘാ--
നമൃഷ്യമാണസ്യ ധനഞ്ജയസ്യ।
രണാജിരേ ത്വന്തകതുല്യകർമാ
വൈകർതനോ രോഷപരീതചേതാഃ॥ 8-95-27 (59665)
ജ്യോതിഷ്പ്രഭാം യദ്വദുപാഗതഃ സ--
ന്ദിവാകരോ നാശയതേ ക്ഷണേന।
പാർഥസ്യ താൻബാണഗണാൻസമഗ്രാ--
ന്വ്യനാശയദ്യുധ്യത ഏവ കർണഃ॥ 8-95-28 (59666)
രോഷാത്പ്രദീപ്തഃ സുമഹാവിമർദേ
ഭീമസ്തതോഽക്രുധ്യദദീനസത്വഃ।
പാണിം സ്വപാണൌ സ വിനിഷ്പിഷ്യ രോഷാ--
ദമർഷിതോ വാക്യമുവാച പാർഥം॥ 8-95-29 (59667)
ത്വാം സൂതപുത്രോ നു കഥം കിരീടി--
ന്രഥേഷുഭിർഹന്തി ശിതാഗ്രധാരൈഃ।
ധൃത്യാ ഹി ഭൂതാനി യയാഽജയസ്ത്വം
ഗ്രാസം ദദത്ഖാണ്ഡവേ പാവകായ॥ 8-95-30 (59668)
ധൃത്യാ തയാ സൂതപുത്രം ജഹി ത്വ--
മഹം വൈനം ഗദയാ പോഥയിഷ്യേ।
സമേത്യ പാർഥം സുനൃശംസവാദീ
ജീവന്നായം യാസ്യതി കാലപക്വഃ॥ ॥ 8-95-31 (59669)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ മ·ഞ്ജനവതിതമോഽധ്യായഃ॥ 95 ॥
Mahabharata - Karna Parva - Chapter Footnotes
॥ ശ്രീഃ ॥
8.96. അധ്യായഃ 096
Mahabharata - Karna Parva - Chapter Topics
കർണേ യുധി വർധമാനേ കൃഷ്ണേനാർജുനപ്രോത്സാഹനം॥ 1 ॥ തതോഽർജുനേന സ്വസാമർഥ്യപ്രകാശനം॥ 2 ॥
Mahabharata - Karna Parva - Chapter Text
8-96-0 (59670)
സഞ്ജയ ഉവാച। 8-96-0x (5060)
അഥാബ്രവീച്ചക്രധരോഽപി പാർഥം
ദൃഷ്ട്വാ രഥേഷൂൻപ്രതിഹന്യമാനാൻ।
അമൂമുഷത്പശ്യത ഏവ തേഽദ്യ
ഹ്യസ്ത്രാണി കർണോഽസ്ത്രഗണൈഃ കിരീടിൻ॥ 8-96-1 (59671)
സ പാർഥ കിം മുഹ്യസി വേത്സി ചൈവ താ--
ന്ദൃഷ്ട്വാ സമേതാന്നദതഃ കുരൂസ്ത്വം।
കർണം പുരസ്കൃത്യ വിദുർഹി സർവേ
തവാസ്ത്രമസ്ത്രൈർവിനിഹന്യമാനം॥ 8-96-2 (59672)
യയാ ധൃത്യാ താമസം ജഘ്നിവാംസ്ത്വം
തത്സംയുഗേ താമസാംശ്ചാതിഘോരാൻ।
ദംഭോദ്ഭവം ചാസുരമാഹവേ ത്വം
ദർപോത്സിക്തം വീര്യവന്തം കിരീടിൻ।
തയാ ധൃത്യാ ത്വം ജഹി കർണമദ്യ
പാർഥാഹവേ ത്യക്തുമസ്ത്രം സമർഥഃ॥ 8-96-3 (59673)
അനേന ചാശു ക്ഷുരനേമിനാദ്യ
മയാ വിസൃഷ്ടേന സുദർശനേന।
ഛിന്ധ്യസ്യ മൂർധാനമരേഃ പ്രസഹ്യ
വജ്രേണ ശക്രോ നമുചേരിവാരേഃ॥ 8-96-4 (59674)
കിരാതരൂപീ ഭഗവാന്യയാ ച
ത്വയാ മഹാത്മാ പരിതോഷിതോഽഭൂത്।
സ താം പുനർവീര ധൃതിം ഗൃഹീത്വാ
സഹാനുബന്ധം ജഹി സൂതപുത്രം॥ 8-96-5 (59675)
തതോ മഹീം സാഗരമേഖലാം ത്വം
സപത്തഗാ ഗ്രാമവതീം സമൃദ്ധാം।
പ്രയച്ഛ രാജ്ഞേ നിഹതാരിസംഘാം
യശശ്ച പാർഥാതുലമാപ്നുഹി ത്വം॥ 8-96-6 (59676)
കർണം പുരസ്കൃത്യ നദന്തിം സർവേ
തവാസ്ത്രമഗ്ര്യം പ്രതിഹത്യ വീരാഃ।
കുരു പ്രയത്നം ഭരതപ്രവീര
ദ്രവന്ത്യമീ സൃഞ്ജയാഃ സോമകാശ്ച।
ദൃഷ്ട്വാഥ കർണം സമരേ പ്രഹൃഷ്ടം
ത്വാം ചാപി ദൃഷ്ട്വാ പരിഹീയമാനം॥ 8-96-7 (59677)
സഞ്ജയ ഉവാച। 8-96-8x (5061)
സഞ്ചോദിതോ ഭീമജനാർദനാഭ്യാം
സ്മൃത്വാ തദാത്മാനമവേത്യ സർവം।
ഇഹാത്മനശ്ചാഗമനേ വിദിത്വാ
പ്രയോജനം കേശവമിത്യുവാച॥ 8-96-8 (59678)
പ്രാദുഷ്കരോഭ്യേഷ മഹാസ്ത്രമുഗ്രം
ശിവായ ലോകസ്യ വധായ സൌതേഃ।
തൻമേഽനുജാനാതു ഭവാൻസുരാശ്ച
ബ്രഹ്മാ ശിവോ ബ്രഹ്മവിദശ്ച സർവേ॥ 8-96-9 (59679)
ഇതി സ്മോക്ത്വാ പാണ്ഡവഃ സവ്യസാചീ
നമസ്കൃത്വാ ബ്രഹ്മണേ സോഽമിതാത്മാ।
അനുത്തമം ബ്രാഹ്മമസഹ്യമസ്ത്രം
പ്രാദുശ്ചക്രേ മനസാ യദ്വിധേയം॥ 8-96-10 (59680)
തതോ ദിശശ്ച പ്രദിശശ്ച സർവാഃ
സമാവൃണോത്സായകൈർഭൂരിതേജാഃ।
ഗാണ്ഡീവമുക്തൈർഭുജഗൈരിവോഗ്രൈ--
ർദിവാകരാംശുപ്രതിമൈർജ്വലദ്ഭിഃ॥ 8-96-11 (59681)
സൃഷ്ടാസ്തു ബാണാ ഭരതർഷഭേണ
ശതം ശതം ഭീമമുഖാഃ സുതീക്ഷ്ണാഃ।
പ്രാച്ഛാദയൻകർണരഥം ക്ഷണേന
യുഗാന്തകാലാർകകരപ്രകാശാഃ॥ 8-96-12 (59682)
വൈകർതനേനാശു തദാജിമധ്യേ
സഹസ്രശോ ബാണഗണാ വിസൃഷ്ടാഃ।
തേ ചാക്ഷയാഃ പാണ്ഡവമഭ്യുപേയുഃ
പർജന്യസൃഷ്ടാ ഇവ വാരിധാരാഃ॥ 8-96-13 (59683)
തതഃ സ കൃഷ്ണം ച കിരീടിനം ച
വൃകോദരം ചാപ്രതിമപ്രഭാവഃ।
ത്രിഭിസ്ത്രിഭിർഭീമബലോ നിഹത്യ
നനാദ ഘോരം മഹതാ സ്വനേന॥ 8-96-14 (59684)
തതഃ സ ബാണാഭിഹതഃ കിരീടീ
ഭീമം തഥാ പ്രേക്ഷ്യ ജനാർദനം ച।
അമൃഷ്യമാണഃ പുനരേവ പാർഥഃ
ശരാന്ദശാഷ്ടൌ സമമുദ്വവർഷ॥ 8-96-15 (59685)
സ കേതുമേകേന ശരേണ വിദ്ധ്വാ
ശല്യം ചതുർഭിസ്ത്രിഭിരേവ കർണം।
തതഃ സുമുക്തൈർദശഭിർജഘാന
സേനാപതിം കാഞ്ചനവർമനദ്വം॥ 8-96-16 (59686)
സ രാജപുത്രോ വിശിരാ വിബാഹു--
ർവിവാജിസൂതോ വിധനുർവികേതുഃ।
അഥോ രഥാഗ്രാദപതത്പ്രരുഗ്ണഃ
പരശ്വഥൈഃ സാല ഇവാവകൃത്തഃ॥ 8-96-17 (59687)
പുനശ്ച കർണം ത്രിഭിരഷ്ടഭിശ്ച
ദ്വാഭ്യാം ചതുർഭിർദശഭിശ്ച വിദ്ധാ।
ചതുശ്ശതം ദ്വിരദാനാം നിപാത്യ
രഥാഞ്ജഘാനാഷ്ടരഥാൻകിരീടി।
സഹസ്രമശ്വാംശ്ച പുനശ്ച സാദീ--
നഷ്ടൌ സഹസ്രാണി ച പത്തിവീരാൻ॥ 8-96-18 (59688)
ദൃഷ്ട്വാ തു മുഖ്യാവതിവിധ്യമാനൌ
വരേഷുഭിഃ ശൂരവരാവരിഘ്നൌ।
കർണം ച പാർഥം ച നിയംയ വാഹാ-
ൻസർവേ വരിഷ്ഠാശ്ച തതോഽവതസ്ഥുഃ॥ 8-96-19 (59689)
പ്രച്ഛാദയാമാസ തതഃ പൃഷത്കൈഃ
സഘോഷമാച്ഛിദ്യ ച ഗാണ്ഡിവജ്യാം।
അസ്മിൻക്ഷണേ ഫൽഗുനം സൂതപുത്രഃ
സമാചിനോത്ക്ഷുദ്രകാണാം ശതേന॥ 8-96-20 (59690)
നിർമുക്തസർപപ്രതിമൈശ്ച തീക്ഷ്ണൈ--
സ്തൈലപ്രഘൌതൈഃ ഖഗപത്രവാജൈഃ।
ഷഷ്ട്യാ ബിഭേദാശു ച വാസുദേവം
തദന്തരേ പ്രാത്വരൻസോമകാശ്ച॥ 8-96-21 (59691)
തതോ നവജ്യാം സുദൃഢാം കിരീടി
സ്വബാഹുവിക്ഷേപസഹാം പ്രഗൃഹ്യ।
സമാദധേ ഗാണ്ഡിവേ ക്ഷിപ്രകാരീ
നിമേഷമാത്രേണ മഹാധനുഷ്മാൻ॥ 8-96-22 (59692)
ജ്യാഛേദനം ജ്യാവിധാനം ച തസ്യ
നൈവാവബുധ്യത്സൂതപുത്രോ ലഘുത്വാത്।
പാർഥസ്യ സംഖ്യേ ദ്വിഷതാം നിഹന്തു--
സ്തദദ്ഭുതം തത്ര ബഭൂവ രാജൻ॥ 8-96-23 (59693)
പാർഥോഽപി താം ജ്യാമവധായ തൂർണം
ശരാസനജ്യാമാധിരഥേർവിഹത്യ।
സുസംരബ്ധഃ കർണശരൈഃ ക്ഷതാംഗോ
രണേ യോധാംസ്താവകാൻപ്രത്യഗൃഹ്ണാത്॥ 8-96-24 (59694)
നൈവാപത്പക്ഷിഗണോഽന്തരിക്ഷേ
പാർഥേന ചാസ്ത്രേണ കൃതേഽന്ധകാരേ॥ 8-96-25 (59695)
ശല്യം തു പാർഥോ ദശഭിർനിമേഷാ--
ദ്ഭൃശം തനുത്രേ പ്രഹസന്നവിധ്യത്।
തതഃ കർണം ദ്വാദശഭിഃ പൃഷത്കൈ--
ർവിദ്ധ്വാ പുനഃ സപ്തഭിരപ്യവിധ്യത്॥ 8-96-26 (59696)
സ പാർഥബാണാസനവേഗനുന്നൈ--
ർദൃഢാഹതഃ പത്രിഭിരുഗ്രവേഗൈഃ।
വിഭിന്നഗാത്രഃ ക്ഷതജോക്ഷിതാംഗഃ
കർണോ ബഭൌ രുദ്ര ഇവാന്തകാലേ॥ 8-96-27 (59697)
തതസ്ത്രിഭിസ്തം ത്രിദശാധിപോപമം
ശരൈർബിഭേദാധിരഥിർധനഞ്ജയം।
ശരാംശ്ച പഞ്ച ജ്വലനാനിവോരഗാ--
ൻപ്രവേശയാമാസ ജിഘാംസുരച്യുതേ॥ 8-96-28 (59698)
സുവർണചിത്രം പുരുഷോത്തമസ്യ
വർമാഥ ഭിത്ത്വാഭ്യപതൻസുപുംഖാഃ।
വേഗേന ഗാം തേ വിവിശുശ്ച രാജ--
ൻസ്നാത്വാ കർണാഽഭിമുഖാഃ പ്രതീയുഃ॥ 8-96-29 (59699)
താൻപഞ്ചഭല്ലൈർദശഭിഃ സുമുക്തൈ--
സ്ത്രിധാത്രിധൈകൈകമഥോച്ചകർത।
ധനഞ്ജയസ്തേ ന്യപതൻപൃഥിവ്യാം
യഥാഽഹയസ്താർക്ഷ്യമുഖേന കൃത്താഃ॥ 8-96-30 (59700)
തതഃ പ്രജജ്വാല കിരീടമാലീ
ക്രോധേന കക്ഷം പ്രദഹന്നിവാഗ്നിഃ।
സ കർണമാകർണവികൃഷ്ടസൃഷ്ടൈഃ
ശരൈഃ ശരീരാന്തകരൈർജ്വലദ്ഭിഃ।
മർമസ്വവിധ്യത്സ ചചാല ദുഃഖാ--
ദ്ധൈര്യാത്തും തസ്ഥാവതിമാത്രധൈര്യഃ॥ 8-96-31 (59701)
പ്രാദുശ്ചകാരാഥ ശരാൻമഹാത്മാ
ദേഹം വിചിന്വന്നിവ സൂതജസ്യ।
ശരാസ്തു തേ കാഞ്ചനചിത്രപുംഖാഃ
സംപേതുരുർവ്യാം ശതശോ മഹാന്തഃ॥ 8-96-32 (59702)
തതഃ ശരൌഘൈഃ പ്രദിശോ ദിശശ്ച
രവിപ്രഭാഃ കർണരഥശ്ച രാജൻ।
അദൃശ്യ ആസീത്കുപിതേ ധനഞ്ജയേ
തുഷാരനീഹാരവൃതോ ഗിരിര്യഥാ॥ 8-96-33 (59703)
സചക്രരക്ഷാ അപി പൃഷ്ഠഗോപാഃ
കർണസ്യ യേ ചാപി പുരഃസരാശ്ച।
ഭീതാ ദ്രവന്തി സ്മ നിഹന്യമാനാ
മഹേഷുഭിഃ പാർഥകരപ്രണുന്നൈഃ॥ 8-96-34 (59704)
തതോഽർജുനോ വൈ ഭരതപ്രവീരോ
മഹാനുഭാവഃ സമരേ നിഹന്താ।
സുയോധനേനാനുമതാന്വിനിഘ്ന--
ൻസമുച്ഛ്രിതാൻസരഥാൻസാരഭൂതാൻ॥ 8-96-35 (59705)
ഗാണ്ഡീവധന്വാ ദ്വിഗുണം സഹസ്രം
കുരുപ്രവീരാനൃഷഭഃ കുരൂണാം।
ക്ഷണേന സർവാൻസരഥാൻസസൂതാ--
ന്നിനായ രാജൻക്ഷയമേകവീരഃ॥ 8-96-36 (59706)
അഥോ പലായന്ത വിഹായ കർണം
തവാത്മജാ യേ കുരവശ്ച ശിഷ്ടാഃ।
ഏതാനവാകീര്യ ശരക്ഷതാംശ്ച
വിലപ്യമാനാംസ്തനയാന്വിമൃദ്ഗൻ॥ 8-96-37 (59707)
സർവേ പ്രണേശുഃ കുരവോ വിഭഗ്നാഃ
പാർഥേഷുഭിഃ സംപരിതപ്യമാനാഃ।
സുയോധനേനാഥ പുനർവരിഷ്ഠാഃ
പ്രചോദിതാഃ കർണരഥാനുയാനേ॥ 8-96-38 (59708)
ഭോഃ ക്ഷത്രിയാഃ ശൂരതമാസ്തു സർവേ
ക്ഷത്രേ ച ധർമേ നിരതാഃ സ്ഥ യൂയം।
ന യുക്തരൂപം ഭവതാം സമീപാ--
ത്പലായനം കർണമതിപ്രഹായ॥ 8-96-39 (59709)
തവാത്മജേനാപി തഥോച്യമാനാ
നൈവാവതിഷ്ഠന്ത ഭയാദ്വിവർണാഃ।
ക്ഷണേന നഷ്ടാഃ പ്രദിശോ ദിശശ്ച
സർവേ തതഃ പ്രേക്ഷ്യ ദിശോ വിശൂന്യാഃ॥ 8-96-40 (59710)
ഭയാവദീർണഃ കുരുഭിർവിഹീനഃ
പാർഥേഷുഭിഃ സംപരിതപ്യമാനഃ।
ന വിവ്യധേ ഭാരത തത്ര കർണഃ
പ്രതീപമേവാർജുനമഭ്യധാവത്॥ ॥ 8-96-41 (59711)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ ഷണ്ണവതിതമോഽധ്യായഃ॥ 96 ॥
॥ ശ്രീഃ ॥
8.97. അധ്യായഃ 097
Mahabharata - Karna Parva - Chapter Topics
രണേ ഹീയമാനേന കർണേനാർജുനസ്യ ശിരോ ലക്ഷീകൃത്യ നാഗാസ്ത്രപ്രയോഗഃ॥ 1 ॥ കൃഷ്ണേന പാർഥരഥേ പാദനിപീഡനേന ധരണ്യാം കിഞ്ചിന്നിമജ്ജിതേ തദസ്ത്രേണ ശിരോവർജം പാർഥകിരീടമാത്രാപഹാരഃ॥ 2 ॥ കർണസ്യ രഥചക്രേ വിപ്രശാപാത് ധരണ്യാം നിമഗ്നേ തദുദ്ദിധീർഷയാ തേനപാർഥംപ്രതി മുഹൂർതമയുദ്ധപ്രാർഥനം॥ 3 ॥
Mahabharata - Karna Parva - Chapter Text
8-97-0 (59712)
സഞ്ജയ ഉവാച। 8-97-0x (5062)
തതോഽപയാതാഃ ശരപാതമാത്ര--
മവസ്ഥിതാ വൈ കുരവോ നരേന്ദ്ര।
വിദ്യുത്പ്രകാശം ദദൃശുഃ സമന്താ--
ദ്വനഞ്ജയാസ്ത്രം സമുദീര്യമാണം॥ 8-97-1 (59713)
തതോഽഗ്രസത്സൂതപുത്രോഽർജുനസ്യ
വിയദ്ഗതം ഘോരതരം ശരൈസ്തത്।
ക്രുദ്ധേന പാർഥേന ശരം വിസൃഷ്ടം
വധായ കർണസ്യ മഹാവിമർദേ॥ 8-97-2 (59714)
[ഉദീര്യമാണം സ്മ കുരൂന്ദഹന്തം
സുവർണപുംഖൈർവിശിഖൈർമമർദ।
കർണസ്ത്വമോഘേഷ്വസനം ദൃഢജ്യം
വിസ്ഫാരയിത്വാ വിസൃജഞ്ഛരോഘാൻ॥] 8-97-3 (59715)
രാമാദുപാത്തേന മഹാമഹിംനാ
ഹ്യാഥർവണേനാരിവിനാശനേന।
തദർജുനാസ്ത്രം വ്യധമദ്ദഹന്തം
പാർഥം ച ബാണൈർനിശിതൈരവിധ്യത്॥ 8-97-4 (59716)
തതോ വിമർദഃ സുമഹാൻബഭൂവ
തത്രാർജുനസ്യാധിരഥേശ്ച രാജൻ।
അന്യോന്യമാസാദയതോഃ പൃഷത്കൈ--
ർവിഷാണഘാതൈർദ്വിപയോരിവാജൌ॥ 8-97-5 (59717)
തതോഽസ്ത്രസംഘാതസമാവൃതം തദാ
ബഭൂവ രാജംസ്തുമുലം രണാജിരം।
യത്കർണപാർഥൌ ശരവൃഷ്ടിസംഘൈ--
ർനിരന്തരം ചക്രതുരംബരം തദാ॥ 8-97-6 (59718)
[തതോ ജാലം ബാണമയം മഹാന്തം
സർവേഽദ്രാക്ഷുഃ കുരവഃ സോമകാശ്ച।
നാന്യം ച ഭൂതം ദദൃശുസ്തദാ തേ
ബാണാന്ധകാരേ തുമുലേഽഥ കിഞ്ചിത്॥ 8-97-7 (59719)
തൌ സന്ദധാനാവനിശം ച രാജൻ।
സമസ്യന്തൌ ചാപി ശരാനനേകാൻ।
സന്ദർശയേതാം യുധി മാർഗാന്വിചിത്രാ--
ന്ധനുർധരൌ തൌ വിവിധൈഃ കൃതാസ്ത്രൈഃ॥ 8-97-8 (59720)
തയോരേവം യുധ്യതോരാജിമധ്യേ
സൂതാത്മജോഽഭൂദധികഃ കദാചിത്।
പാർഥഃ കദാചിത്ത്വധികഃ കിരീടി
വീര്യാസ്ത്രമായാബലപൌരുഷേണ॥ 8-97-9 (59721)
ദൃഷ്ട്വാ തയോസ്തം യുധി സംപ്രഹാരം
പരസ്പരസ്യാന്തരമീക്ഷമാണയോഃ।
ഘോരം തയോർദുർവിഷഹം രണേഽന്യൈ--
ര്യോധാഃ സർവേ വിസ്മയമഭ്യഗച്ഛൻ॥ 8-97-10 (59722)
തതോ ഭൂതാന്യന്തരിക്ഷസ്ഥിതാനി
തൌ കർണപാർഥൌ പ്രശശംസുർനരേന്ദ്ര।
ഭോഃ കർണ സാധ്വർജുന സാധു ചേതി
വിയത്സു വാണീ ശ്രൂയതേ സർവതോപി॥ 8-97-11 (59723)
തസ്മിന്വിമർദേ രഥവാജിനാഗൈ--
സ്തദാഽഭിഘാതൈർദലിതേ ഹി ഭൂതലേ।
തതസ്തു പാതാലതലേ ശയാനോ
നാഗോഽശ്വസേനഃ കൃതവൈരോഽർജുനേന॥ 8-97-12 (59724)
രാജംസ്തദാ ഖാണ്ഡവദാഹമുക്തോ
വിവേശ കോപാദ്വസുധാതലേ യഃ।
അഥോത്പപാതോർധ്വഗതിർജവേന
സന്ദൃശ്യ കർണാർജുനയോർവിമർദം॥ 8-97-13 (59725)
അയം ഹി കാലോസ്യ ദുരാത്മനോ വൈ
പാർഥസ്യ വൈരപ്രതിയാതനായ।
സഞ്ചിന്ത്യ തൂർണം പ്രവിവേശ ചൈവ
കർണസ്യ രാജൻശരരൂപധാരീ॥ 8-97-14 (59726)
തതോസ്ത്രസംഘാതസമാകുലം തദാ
ബഭൂവ ജന്യം വിതതാംശുജാലം।
തത്കർണപാർഥോ ശരസംഘവൃഷ്ടിഭി--
ർനിരന്തരം ചക്രതുരംബരം തദാ॥ 8-97-15 (59727)
തദ്ബാണജാലൈകമയം മഹാന്തം
സർവേഽത്രസൻകുരവഃ സോമകാശ്ച।
നാന്യത്കിഞ്ചിദ്ദദൃശുഃ സംപതദ്വൈ
ബാണാന്ധകാരേ തുമുലേഽതിമാത്രം॥ 8-97-16 (59728)
തതസ്തൌ പുരുഷവ്യാഘ്രൌ സർവലോകധനുർധരൌ।
ത്യക്തപ്രാണൌ രണേ വീരോ യുദ്ധശ്രമമുപാഗതൌ॥ 8-97-17 (59729)
സമുത്ക്ഷേപൈർവീക്ഷമാണൌ സിക്തൌ ചന്ദനവാരിണാ।
സവാലവ്യജനൈർദിവ്യൈർദിവിസ്ഥൈരപ്സരോഗണൈഃ।
ശക്രസൂര്യകരാബ്ജാഭ്യാം പ്രമാർജിതമുഖാവുഭൌ॥ 8-97-18 (59730)
കർണോഽഥ പാർഥം ന വിശേഷയദ്യദാ
ഭൃശം ച പാർഥേന ശരാഭിതപ്തഃ।
തതസ്തു വീരഃ ശരവിക്ഷതാംഗോ
ദധ്രേ മനോ ഹ്യേകശയസ്യ തസ്യ॥] 8-97-19 (59731)
തതോ രിപുഘ്നം സമധത്ത കർണഃ
സുസഞ്ചിതം സർപമുഖം ജ്വലന്തം।
രൌദ്രം ശരം സന്നതമുഗ്രധൌതം
പാർഥാർഥമിത്യേവ ചിരാഭിഗുപ്തം॥ 8-97-20 (59732)
സദാർചിതം ചന്ദനചൂർണശായിതം
സുവർണതൂണീരശയം മഹാർചിഷം।
ആകർണപൂർണം വിചകർഷ കർണോ
വിമോക്തുകാമഃ ശരമുഗ്രവേഗം॥ 8-97-21 (59733)
പ്രദീപ്തമൈരാവതവംശസംഭവം
ശിരോ ജിഹീർഷുര്യുധി സവ്യസാചിനഃ।
തതഃ പ്രജജ്വാല ദിശോ നഭശ്ച
ഉൽകാശ്ച ഘോരാഃ ശതശഃ പ്രപേതുഃ॥ 8-97-22 (59734)
തസ്മിംസ്തു നാഗേ ധനുഷി പ്രയുക്തേ
ഹാഹാകൃതാ ലോകപാലാഃ സശക്രാഃ॥ 8-97-23 (59735)
സ സൂതപുത്രസ്തമപാംഗദേശേ
അവാങ്മുഖം സന്ധയതി സ്മ രോഷാത്।
ന തം സ്മ ജാനാതി മഹാനുഭാവ--
മപാംഗദേശേഽഭിനിവിഷ്ടമാജൌ॥ 8-97-24 (59736)
[ന ചാപി തം ബുബുധേ സൂതപുത്രോ
ബാണേ പ്രവിഷ്ടം യോഗബലേന നാഗം।
ദശശതനയനോഽഹിം ദൃശ്യ ബാണേ പ്രവിഷ്ടം
നിഹത ഇതി സുതോ മേ സ്രസ്തഗാത്രോ ബഭൂവ।
ജലജകുസുമയോനിഃ ശ്രേഷ്ഠഭാവോ ജിതാത്മാ
ത്രിദശപതിമവോചൻമാ വ്യഥിഷ്ഠാ ജയേ ശ്രീഃ॥ 8-97-25 (59737)
തതോഽബ്രവീൻമദ്രരാജോ മഹാത്മാ
ദൃഷ്ട്വാ കർണം പ്രഹിതേഷു തമുഗ്രം।
ഗ്രീവായതഃ കർണ ന സംഹിതോഽയം
സമീക്ഷ്യ സന്ധത്സ്വ ശരം പരഘ്നം॥ 8-97-26 (59738)
അഥാബ്രവീത്ക്രോധസംരക്തനേത്രോ
മദ്രാധിപം സൂതപുത്രോ മനസ്വീ।
ന സന്ധത്തേ ദ്വിഃ ശരം ശല്യ കർണോ
ന മാദൃശാ ജിഹ്മയുദ്വാ ഭവന്തി॥ 8-97-27 (59739)
ഇതീദമുക്ത്വാ വിസസർജ തം ശരം
പ്രയത്നതോ വർഷഗണാഭിപൂജിതം।
ഹതോസി രേ ഫൽഗുന ഇത്യധിക്ഷിപ--
ന്നുവാച ചോച്ചൈർനിരമൂർജിതാം വൃഷഃ॥ 8-97-28 (59740)
സ സായകഃ കർണഭുജപ്രസൃഷ്ടോ
ഹുതാശനാർകപ്രതിമഃ സുഘോരഃ।
ഗുണച്യുതഃ കർണധനുഃപ്രമുക്തോ
വിയദ്ഗതഃ പ്രാജ്വലദന്തരിക്ഷേ॥ 8-97-29 (59741)
തമാപതന്തം ജ്വലിതം നിരീക്ഷ്യ
വിയദ്ഗതം വൃഷ്ണികുലപ്രവീരഃ।
രഥസ്യ ചക്രം സഹസാ നിപീഡ്യ
പഞ്ചാംഗുലം മജ്ജയതി സ്മ വീരഃ॥ 8-97-30 (59742)
തതോഽന്തരിക്ഷേ സുമഹാന്നിനാദഃ
സംപൂജനാർഥം മധുസൂദനസ്യ।
[ദിവ്യാശ്ച വാചഃ സഹസാ ബഭൂവു--
ർദിവ്യാനി പുഷ്പാണ്യഥ സിംഹനാദാഃ।
തസ്മിംസ്തഥാ വൈ ധരണീം നിമഗ്നേ
രഥേ പ്രയത്നാൻമധുസൂദനസ്യ॥] 8-97-31 (59743)
തതഃ കിരീടം ബഹുരത്നചിത്രം
ജഘാന നാഗോഽർജുനമൂർധതോ ബലാത്।
ഗിരേഃ സുജാതാങ്കുരപുഷ്പിതദ്രുമം
മഹേന്ദ്രവജ്രം ശിഖരം യഥോത്തമം॥ 8-97-32 (59744)
തതഃ കിരീടം തപനീയചിത്രം
പാർഥോത്തമാംഗാദഹരത്തരസ്വീ।
തദ്ധേമജാലാവനതം സുഘോരം
സംപ്രജ്വലത്തന്നിപപാത ഭൂമൌ॥ 8-97-33 (59745)
തതോഽർജുനസ്യോത്തമഗാത്രഭൂഷണം
സുവർണമുക്താമണിവജ്രചിത്രിതം।
ധരാവിയദ്ദ്യോസലിലേഷു വിശ്രുതം
ബലം നിസർഗോത്തമമന്യുധിഃ സദാ॥ 8-97-34 (59746)
ശരേണ മൂർധ്നി പ്രജഹാര സൂതജോ
ദിവാകരേന്ദുജ്വലനഗ്രഹത്വിഷം।
സുവർണമുക്താമണിവജ്രഭൂഷണം
പുരന്ദരാർഥം തപസാ പ്രയത്നതഃ॥ 8-97-35 (59747)
സ്വയം കൃതം യദ്വിധിനാ സ്വയംഭുവാ
മഹാർഹരൂപം ദ്വിഷതാം ഭയങ്കരം।
നിജഘ്നതേ ദേവരിപൂൻസുരേശ്വരഃ
സ്വയം ദദൌ യദ്ധി മുദാഽർജുനായ॥ 8-97-36 (59748)
ഹരിപ്രചേതോഹരിവിത്തഗോപ്തൃഭിഃ
പിനാകപാശാശനിദണ്ഡധാരിഭിഃ।
സുരോത്തമൈരപ്യവിഷഹ്യമർദിതും
പ്രസഹ്യ നാഗേന ജഹാര തദ്വൃഷാ॥ 8-97-37 (59749)
തദുത്തമേഷൂൻമഥിതം വിഷാഹിനാ
പ്രദീപ്തമർചിഷ്മദതീവ സുന്ദരം।
പപാത പാർഥസ്യ കിരീടമുത്തമം
ദിവാകരോസ്താദിവ പർവതാജ്ജ്വലൻ॥ 8-97-38 (59750)
മഹീവിയദ്ദ്യോസലിലാനി വായുനാ
പ്രസഹ്യ രുഗ്ണാനി വിഘൂർണിതാനി വാ।
ഇതീവ ശബ്ദം ഭുവനേഷു തത്തഥാ
ജനാ വ്യവസ്യന്തി ദിശശ്ച വിഹ്വലാഃ॥ 8-97-39 (59751)
വിനാ കിരീടം* ശുശുഭേ സ പാർഥഃ
ശ്യാമോ യുവാ ശൈല ത്രിശൃംഗൈഃ॥ 8-97-40 (59752)
തതഃ സമുദ്ഗ്രഥ്യ സിതേന വാസസാ
സ്വമൂർധജനാവ്യഥിതസ്തദാഽർജുനഃ।
ബഭൌ സുസംപൂർണമരീചിനേന്ദുനാ
ശിരോഗതേനോദയപർവതോ യഥാ॥ 8-97-41 (59753)
സ ചാപി രാധേയഭുജപ്രമുക്തോ
ഹുതാശനാർകപ്രതിമദ്യുതിർമഹാൻ।
മഹോരഗഃ കൃതവൈരോഽർജുനേന
കിരീടമാഹൃത്യ സമുത്പപാത॥ 8-97-42 (59754)
തമുത്പതന്തം ദ്വിപദാം വരിഷ്ഠോ
ദൃഷ്ട്വാ വചഃ പാർഥമുവാച കൃഷ്ണഃ।
മഹോരഗം പാണ്ഡവ പശ്യപശ്യ
പ്രയോജിതം ത്വന്നിധനാർഥമുഗ്രം॥ 8-97-43 (59755)
സ ഏവമുക്തോ മധുസൂദനേന
ഗാണ്ഡീവധന്വാ ഹരിമുഗ്രവാചാ।
ഉവാച കോ ന്വേഷ മമാദ്യ നാഗഃ
ക്ഷയായ നാഗാദ്ഗരുഡസ്യ വക്രം॥ 8-97-44 (59756)
കൃഷ്ണ ഉവാച। 8-97-45x (5063)
യോഽസൌ ത്വയാ ഖാണ്ഡവേ ചിത്രഭാനും
സന്തർപയാണേന ധനുർധരേണ।
വിയദ്ഗതോ ജനനീഗുപ്തദേഹോ
മത്വൈകരൂപം നിഹതാഽസ്യ മാതാ॥ 8-97-45 (59757)
സ ഏഷ തദ്വൈരമനുസ്മരന്വൈ
ത്വാം പ്രാർഥയത്യാത്മവധായ നൂനം।
നഭശ്ചുതാം പ്രജ്വലിതാമിവോൽകാം
പശ്യൈനമായാന്തമമിത്രസാഹ॥ 8-97-46 (59758)
സഞ്ജയ ഉവാച। 8-97-47x (5064)
തതഃ സ ജിഷ്ണുഃ പരിവൃത്യ രോഷാ--
ച്ചിച്ഛേദ ഷഡ്ഭിർനിശിതൈഃ സുധാരൈഃ।
നാഗം വിയത്തിര്യഗിവോത്പതതം
സ ച്ഛിന്നഗാത്രോ നിപപാത ഭൂമൌ॥ 8-97-47 (59759)
[ഗതേ ച തസ്മിൻഭുജഗേ കിരീടിനാ
സ്വയം വിഭുഃ പാർഥിവ ഭൂതലാദഥ।
സമുജ്ജഹാരാശു പുനഃ പതന്തം
രഥം ഭുജാഭ്യാം പുരുഷോത്തമസ്തതഃ॥] 8-97-48 (59760)
തസ്മിൻമുഹൂർതേ ദശഭിഃ പൃഷത്കൈഃ
സിലാശിതൈർബർഹിണബർഹവാജിതൈഃ।
വിവ്യാധ കർണഃ പുരുഷപ്രവീരോ
ധനഞ്ജയം തിര്യഗവേക്ഷമാണഃ॥ 8-97-49 (59761)
തതോഽർജുനോ ദ്വാദശഭിഃ സുമുക്തൈ--
ർവരാഹകർണൈർജിശിതൈഃ സമർപ്യ।
നാരാചമാശീവിഷതുല്യവേഗ--
മാകർണപൂർണായതമുത്സസർജ॥ 8-97-50 (59762)
സ ചിത്രവർമേഷുവരോ വിദാര്യ
പ്രാണാന്നിരസ്യന്നിവ സാധുമുക്തഃ।
കർണസ്യ പീത്വാ രുധിരം വിവേശ
വസുന്ധരാം ശോണിതദിഗ്ധവാജഃ॥ 8-97-51 (59763)
തതോ വൃഷോ ബാണനിപാതകോപിതോ
മഹോരഗോ ദണ്ഡവിഘട്ടിതോ യഥാ।
തദാഽഽശുകാരീ വ്യസൃജച്ഛരോത്തമാൻ
മഹാവിഷഃ സർപ ഇവോത്തമം വിഷം॥ 8-97-52 (59764)
ജനാർദനം ദ്വാദശഭിഃ പരാഭിന--
ന്നവൈർനവത്യാ ച ശരൈസ്തഥാഽർജുനം।
ശരേണ ഘോരേണ പുനശ്ച പാണ്ഡവം
വിദാര്യ കർണോ വ്യനദജ്ജഹാസ ച॥ 8-97-53 (59765)
തമസ്യ ഹർഷം മമൃഷേ ന പാണ്ഡവോ
ബിഭേദ മർമാണി തതോഽസ്യ മർമവിത്।
പരഃശതൈഃ പത്രിഭിരിന്ദ്രവിക്രമ--
സ്തഥാ യഥേന്ദ്രോ ബലമോജസാ രണേ॥ 8-97-54 (59766)
തതഃ ശരാണാം നവതിം തദാഽർജുനഃ
സസർജ കർണേഽന്തകദണ്ഡസന്നിഭാം।
തൈഃ പത്രിഭിർവിദ്ധതനുഃ സ വിവ്യഥേ
തഥാ യഥാ വജ്രവിദാരിതോഽചലഃ॥ 8-97-55 (59767)
മണിപ്രവേകോത്തമവജ്രഹാടകൈ--
രലങ്കൃതം ചാസ്യ വരാംഗഭൂഷണം।
പ്രവിദ്ധമുർവ്യാം നിപപാത പത്രിഭി--
ർധനഞ്ജയേനോത്തമകുണ്ഡലേപി ച॥ 8-97-56 (59768)
മഹാധനം ശിൽപിവരൈഃ പ്രയത്നതഃ
കൃതം യദസ്യോത്തമവർമ ഭാസ്വരം।
സുദീർഘകാലേന തതോഽസ്യ പാണ്ഡവഃ
ക്ഷണേന ബാണൈർബഹുധാ വ്യശാതയത്॥ 8-97-57 (59769)
`തസ്യേഷുഭിഃ ഖണ്ഡിതകുണ്ഡലോഽന്തഃ
പരിക്ഷതശ്ചാഭ്യധികം തദാനീം।
സ ലോഹിതാംഗശ്രവണശ്ചകാശേ
സലോഹിതാംഗശ്രവണോ യഥാ ദിവി'॥ 8-97-58 (59770)
സ തം വിവർമാണമഥോത്തമേഷുഭിഃ
ശിതൈശ്ചതുർഭിഃ കുപിതഃ പരാഭിനത്।
സ വിവ്യഥേഽത്യർഥമരിപ്രതാഡിതോ
യഥാഽഽതുരഃ പിത്തകഫാനിലജ്വരൈഃ॥ 8-97-59 (59771)
മഹാധനുർമണ്ഡലനിഃസൃതൈഃ ശിതൈഃ
ക്രിയാപ്രയത്നപ്രഹിതൈർബലേന ച।
തതക്ഷ കർണം ബഹുഭിഃ ശരോത്തമൈ--
ർബിഭേദ മർമസ്വപി ചാർജുനസ്ത്വരൻ॥ 8-97-60 (59772)
ദൃഢാഹതഃ പത്രിഭിരുഗ്രവേഗൈഃ
പാർഥേന കർണോ വിവിധൈഃ ശിതാഗ്രൈഃ।
ബഭൌ ഗിരിർഗൈരികധാതുരക്തഃ
ക്ഷരൻപ്രപാതൈരിവ രക്തമംഭഃ॥ 8-97-61 (59773)
[തതോഽർജുനഃ കർണമവക്രഗൈർനവൈഃ
സുവർണപുംഖൈഃ സുദൃഢൈരയസ്മയൈഃ।
യമാഗ്നിദണ്ഡപ്രതിമൈഃ സ്തനാന്തരേ
പരാഭിനത്ക്രൌഞ്ചമിവാദ്രിമഗ്നിജഃ॥ 8-97-62 (59774)
തതഃ ശരാവാപമപാസ്യ സൂതജോ
ധനുശ്ച തച്ഛക്രശരാസനോപമം।
തതോ രഥസ്ഥഃ സ മുമോഹ ച സ്ഖലൻ।
പ്രശീർണമുഷ്ടിഃ സുഭൃശാഹതഃ പ്രഭോ॥ 8-97-63 (59775)
ന ചാർജുനസ്തം വ്യസനേ തദേഷിവാ--
ന്നിഹന്തുമാര്യഃ പുരുഷവ്രതേ സ്ഥിതഃ।
തതസ്തമിന്ദ്രാവരജഃ സുസംഭ്രമാ--
ദുവാച കിം പാൺ·ഡവ ഹേ പ്രമാദ്യസേ॥ 8-97-64 (59776)
നൈവാഹിതാനാം സതതം വിപശ്ചിതഃ
ക്ഷണം പ്രതീക്ഷന്ത്യപി ദുർബലീയസാം।
വിശേഷതോഽരീന്വ്യസനേഷു പണ്ഡിതോ
നിഹത്യ ധർമം ച യശശ്ച വിന്ദതേ॥ 8-97-65 (59777)
തദേകവീരം തവ ചാഹിതം സദാ
ത്വരസ്വ കർണം സഹസാഽഭിമർദിതും।
പുരാ സമർഥഃ സമുപൈതി സൂതജോ
ഭിന്ധി ത്വമേനം നമുചിം യഥാ ഹരിഃ॥ 8-97-66 (59778)
തതസ്തദേവേത്യഭിപൂജ്യ സത്വരം
ജനാർദനം കർണമവിധ്യദർജുനഃ।
ശരോത്തമൈഃ സർവകുരൂത്തമസ്ത്വരം--
സ്തഥാ യഥാ ശംബരഹാ പുരാ ബലിം॥] 8-97-67 (59779)
സാശ്വം തു കർണം സരഥം കിരീടി
സമാചിനോദ്ഭാരത വത്സദന്തൈഃ।
പ്രച്ഛാദയാമാസ ദിശശ്ച ബാണൈഃ
സർവപ്രയത്നാത്തപനീയപുംഖൈഃ॥ 8-97-68 (59780)
സവത്സദന്തൈഃ പൃഥുപീനവക്ഷാഃ
സമാചിതഃ സോഽധിരഥിർവിഭാതി।
സുപുഷ്പിതാശോകപലാശശാൽമലി--
ര്യഥാഽചലശ്ചന്ദനകാനനായുതഃ॥ 8-97-69 (59781)
ശരൈഃ ശരീരേ ബഹുഭിഃ സമർപിതൈ--
ർവിഭാതി കർണഃ സമരേ വിശാംപതേ।
മഹീരുഹൈരാചിതസാനുകന്ദരോ
യഥാ ഗിരീന്ദ്രഃ സ്ഫുടകർണികാരവാൻ॥ 8-97-70 (59782)
സ വാണസംഘാൻബഹുധാ വ്യവാസൃജൻ
വിഭാതി കർണഃ ശരജാലരശ്മിവാൻ।
സ ലോഹിതോ രക്തഗഭസ്തിമണ്ഡലോ
ദിവാകരോഽസ്താഭിമുഖോ യഥാ തഥാ॥ 8-97-71 (59783)
ബാഹ്വന്തരാദാധിരഥേർവിമുക്താൻ
ബാണാൻമഹാഹീനിവ ദീപ്യമാനാൻ।
വ്യധ്വംസയന്നർജുനബാഹുമുക്താഃ
ശരാഃ സമാസാദ്യ ദിശഃ ശിതാഗ്രാഃ॥ 8-97-72 (59784)
[തതഃ സ കർണഃ സമവാപ്യ ധൈര്യം
ബാണാന്വിമുഞ്ചൻകുപിതാഹികൽപാൻ।
വിവ്യാധ പാർഥം ദശഭിഃ പൃഷത്കൈഃ
കൃഷ്ണം ച ഷ·ഡ്ഭിഃ കുപിതാഹികൽപൈഃ॥ 8-97-73 (59785)
തതഃ കിരീടി ഭൃശമുഗ്രനിഃസ്വനം
മഹാശരം സർപവിഷാനലോപമം।
അയസ്മായം രൌദ്രമഹാസ്ത്രസംഭൃതം
മഹാഹവേ ക്ഷേപ്തുമനാ മഹാമതിഃ॥] 8-97-74 (59786)
കാലോ ഹ്യദൃശ്യോ നൃപ വിപ്രശാപാ--
ന്നിദർശയൻകർണവധം ബ്രുവാണഃ।
ഭൂമിസ്തു ചക്രം ഗ്രസതീത്യവോച--
ത്കർണസ്യ തസ്മിന്വധകാല ആഗതേ॥ 8-97-75 (59787)
ന ചാസ്യ ഘോരം പ്രതിഭാതി ചാസ്ത്രം
യദ്ഭാർഗവോഽസ്മൈ പ്രദദൌ മഹാത്മാ।
ചക്രം ച വാമം ഗ്രസതേ ഭൂമിരസ്യ
പ്രാപ്തേ തസ്മിന്വധകാലേ നൃവീര॥ 8-97-76 (59788)
തതോ രഥോ ഘൂർണിതവാന്നരേന്ദ്ര
ശാപാത്തദാ ബ്രാഹ്മണസത്തമസ്യ।
പ്രാപ്തം വധം ശംസതി ചാപ്യഥാസ്ത്രം
പ്രണശ്യമാനം ദ്വിജമുഖ്യശാപാത്॥ 8-97-77 (59789)
[തതശ്ചക്രമപതത്തസ്യ ഭൂമൌ
സ വിഹ്വലഃ സമരേ സൂതപുത്രഃ।
സവേദികശ്ചൈത്യ ഇവാതിമാത്രഃ
സുപുഷ്പിതോ ഭൂമിതലേ നിമഗ്നഃ]॥ 8-97-78 (59790)
മഗ്നേ രഥേ ബ്രാഹ്മണശാപമൂഢോ
ഹ്യസ്ത്രം ച തം മോഘമിഷു ച സർപം।
അമൃഷ്യമാണോ വ്യസനാനി താനി
ഹസ്തൌ വിധുന്വന്വിജഗർഹ ധർമം॥ 8-97-79 (59791)
ധർമപ്രധാനം കില പാതി ധർമ
ഇത്യബ്രുവന്ധർമവിദഃ സദൈവ।
വയം ച ധർമേ പ്രയതാമ നിത്യം
ചർതും യഥാശക്തി യഥാശ്രുതം ച।
സ ചാപി നിഘ്നാതി ന പാതി ഭക്താൻ
മന്യേ ന നിത്യം പരിപാതി ധർമഃ॥ 8-97-80 (59792)
ഏവം ബ്രുവൻപ്രസ്ഖലിതാശ്വസൂതോ
വിചാല്യമാനോഽർജുനബാണപാതൈഃ।
മർമാഭിഘാതാച്ഛിഥിലഃ ക്രിയാസു
പുനഃ പുനർധർമമസൌ ജഗർഹ॥ 8-97-81 (59793)
തതഃ ശരൈർഭീമതരൈരവിധ്യത്ത്രിഭിരാഹവേ।
ഹസ്തേ കൃഷ്ണം തഥാ പാർഥമഭ്യവിധ്യച്ച സപ്തഭിഃ॥ 8-97-82 (59794)
തതോഽർജുനഃ സപ്തദശ തിഗ്മവേഗാനജിഹ്മഗാൻ।
ഇന്ദ്രാശനിസമാൻഘോരാനസൃജത്പാവകോപമാൻ॥ 8-97-83 (59795)
നിർഭിദ്യ തേ ഭീമവേഗാ ഹ്യപതൻപൃഥിവീതലേ।
കംപിതാത്മാ തതഃ കർണഃ ശക്ത്യാ ചേഷ്ടാമദർശയത്॥ 8-97-84 (59796)
ബലേനാഥ സ സംസ്തഭ്യ ബ്രഹ്മാസ്ത്രം സമുദൈരയത്।
ഐന്ദ്രം തതോഽർജുനശ്ചാപി തം ദൃഷ്ട്വാഽഭ്യുപമന്ത്രയത്॥ 8-97-85 (59797)
ഗാണ്ഡീവം ജ്യാം ച ബാണാംശ്ച സോഽനുമന്ത്ര്യ പരന്തപഃ।
വ്യസൃജച്ഛരവർഷാണി വർഷാണീവ പുരന്ദരഃ॥ 8-97-86 (59798)
തതസ്തേജോമയാ ബാണാ രഥാത്പാർഥസ്യ നിഃസൃതാഃ।
പ്രാദുരാസൻമഹാവീര്യാഃ കർണസ്യ രഥമന്തികാത്। 8-97-87 (59799)
സ കർണോഽഗ്രസദസ്യാസ്ത്രം കുർവൻമോക്ഷം മഹാരഥഃ॥
തതോഽബ്രവീദ്വൃഷ്ണിവീരസ്തസ്മിന്നസ്ത്രേ വിനാശിതേ।
വിസൃജാസ്ത്രം പരം പാർഥ രാധേയോ ഗ്രസതേ ശരാൻ॥ 8-97-88 (59800)
തതോ ബ്രഹ്മാസ്ത്രമത്യുഗ്രം സംമന്ത്ര്യ സമയോജയത്।
ഛാദയിത്വാ തതോ ബാണൈഃ കർണം പ്രത്യസ്യദർജുനഃ॥ 8-97-89 (59801)
തതഃ കർണഃ ശിതൈർബാണൈർജ്യാം ചിച്ഛേദ സുതേജനൈഃ।
[ദ്വിതീയാം ച തൃതീയാം ച ചതുർഥീ പഞ്ചമീം തഥാ॥ 8-97-90 (59802)
ഷഷ്ഠീമഥാസ്യ ചിച്ഛേദ സപ്തമീം ച തഥാഽഷ്ടമീം।
നവമീം ദശമീം ചാസ്യ തഥാ ചൈകാദശീം വൃഷഃ।
ജ്യാശതം ശതസന്ധാനഃ സ കർണോ നാവബുധ്യതേ॥] 8-97-91 (59803)
തതോ ജ്യാം വിനിധായാന്യാമഭിമന്ത്ര്യ ച പാണ്ഡവഃ।
ശരൈരവാകിരത്കർണം ദീപ്യമാനൈരിവാഹിഭിഃ॥ 8-97-92 (59804)
തസ്യ ജ്യാച്ഛേദനം കർണോ ജ്യാവധാനം ച സംയുഗേ।
നാന്വബുധ്യത ശീഘ്രത്വാത്തദദ്ഭുതമിവാഭവത്॥ 8-97-93 (59805)
അസ്ത്രൈരസ്ത്രാണി സംവാര്യ പ്രനിഘ്നൻസവ്യസാചിനഃ।
ചക്രേ ചാപ്യധികം പാർഥാത്സ്വവീര്യമതിദർശയൻ॥ 8-97-94 (59806)
തതഃ കർണോഽർജുനം ദൃഷ്ട്വാ സ്വസ്യാസ്ത്രേണ ച പീഡിതം।
അഭ്യസേത്യബ്രവീത്പാർഥമാതിഷ്ഠാസ്ത്രം വ്രജേതി ച॥ 8-97-95 (59807)
തതോഽഗ്നിസദൃശം ഘോരം ശരം സർപവിഷോപമം।
അശ്മസാരമം ദിവ്യമഭിമന്ത്ര്യം പരന്തപഃ।
രൌദ്രമസ്ത്രം സമാധായ ക്ഷേപ്തുകാമഃ കിരീടിനേ॥ 8-97-96 (59808)
തതോഽഗ്രസൻമഹീ ചക്രം രാധേയസ്യ തദാ നൃപ॥ 8-97-97 (59809)
[തതോഽവതീര്യ രാധേയോ രഥാദാശു സമുദ്യതഃ।
ചക്രം ഭുജാഭ്യാമാലംബ്യ സമുത്ക്ഷേപ്തുമിയേഷ സഃ॥ 8-97-98 (59810)
സപ്തദ്വീപാ വസുമതീ സശൈലവനകാനനാ।
ഗീർണചക്രാ സമുത്ക്ഷിപ്താ കർണേന ചതുരംഗുലം॥ 8-97-99 (59811)
ഗ്രസ്തചക്രസ്തു രാധേയഃ ക്രോധാദശ്രൂണ്യവർതയത്।
അർജുനം വീക്ഷ്യ സംരബ്ധമിദം വചനമബ്രവീത്॥ 8-97-100 (59812)
ഭോഭോ പാർഥ മഹേഷ്വാസ മുഹുർതം പരിപാലയ।
യാവച്ചക്രമിദം ഗ്രസ്തമുദ്ധരാമി മഹീതലാത്॥ 8-97-101 (59813)
സവ്യം ചക്രം മഹീഗ്രസ്തം ദൃഷ്ട്വാ ദൈവാദിദം മമ।
പാർഥ കാപുരുഷാചീർണമഭിസന്ധിം വിസർജയ॥ 8-97-102 (59814)
ന ത്വം കാപുരുഷാചീർണം മാർഗമാസ്ഥാതുമർഹസി।
ഖ്യാതസ്ത്വമസി കൌന്തേയ വിശിഷ്ടോ രണകർമസു।
വിശിഷ്ടതരമേവ ത്വം കർതുമർഹസി പാണ്ഡവ॥ 8-97-103 (59815)
പ്രകീർണകേശേ വിമുഖേ ബ്രാഹ്മണേഽഥ കൃതാഞ്ജലൌ।
ശരണാഗതേ ന്യസ്തശസ്ത്രേയാചമാനേ തഥാഽർജുന॥ 8-97-104 (59816)
അബാണേ ഭ്രഷ്ടകവചേ ഭ്രഷ്ടഭഗ്നായുധേ തഥാ।
ന വിമുഞ്ചന്തി ശസ്ത്രാണി ശൂരാഃ സാധുവ്രതേ സ്ഥിതാഃ॥ 8-97-105 (59817)
ത്വം ച ശൂരതമോ ലോകേ സാധുവൃത്തശ്ച പാണ്ഡവ।
അഭിജ്ഞോ യുദ്ധധർമാണാം തസ്മാത്ക്ഷമ മുഹൂർതകം॥ 8-97-106 (59818)
ദിവ്യാസ്ത്രവിദമേയാത്മാ കാർതവീര്യസമോ യുധി।
യാവച്ചക്രമിദം ഗ്രസ്തമുദ്വരാമി മഹാഭുജ॥ 8-97-107 (59819)
ന മാം രഥസ്ഥോ ഭൂമിഷ്ഠം വികലം ഹന്തുമർഹസി।
ന വാസുദേവാത്ത്വത്തോ വാ പാണ്ഡവേയ ബിഭേംയഹം॥ 8-97-108 (59820)
ത്വം ഹി ക്ഷത്രിയദായാദോ മഹാലകുലവിവർധനഃ।
അതസ്ത്വാം പ്രബവീംയേഷ മുഹൂർതം ക്ഷമ പാൺ·ഡവ॥ ॥ 8-97-109 (59821)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ സപ്തനവതിതമോഽധ്യായഃ॥ 97 ॥
[വിനാ കിരീടം ശംശുഭേ സ പാർഥഃ।
ശ്യാമോ യുവാ നീല ഇവോച്ചശൃംഗഃ।
തതഃ സമുദ്ഗ്രഥ്യ സിതേന വാസസാ
സ്വമൂർധജാനവ്യഥിതസ്തദാഽർജുനഃ।
വിഭാസിതഃ സൂര്യമരീചിനാ ദൃഢം
ശിരോഗതേനോദയപർവതോ യഥാ॥ 8-97-1 (59822)
ഗോകർണാ സുമുഖീ കൃതേന ഇഷുണാ ഗോപുത്രസംപ്രേഷിതാ
ഗോശബ്ദാത്മജഭൂഷണം സുവിഹിതം സുവ്യക്തഗോഽസുപ്രഭം
ദൃഷ്ട്വാ ഗോഗതകം ജഹാര മുകുടം ഗോശബ്ദഗോപൂരി വൈ
ഗോകർണാസനമർദനശ്ച ന യയാവപ്രാപ്യ മൃത്യോർവശം 8-97-2 (59823)
സ സായകഃ കർണഭുജപ്രസൃഷ്ടോ
ഹുതാശനാർകപ്രതിമോ മഹാർഹഃ।
മഹോരഗഃ കൃതവൈരോഽർജുനേന
കിരീടമാഹത്യ തതോ വ്യതീയാത്॥ 8-97-3 (59824)
തം ചാപി ദഗ്ധ്വാ തപനീയചിത്രം
കിരീടമാകൃഷ്യ തദർജുനസ്യ।
ഇയേഷ ഗന്തും പുനരേവ തൂണം
ദൃഷ്ടശ്ച കർണേന തതോഽബ്രവീത്തം॥ 8-97-4 (59825)
മുക്തസ്ത്വയാഽഹം ത്വസമീക്ഷ്യ കർണ
ശിരോ ഹൃതം യന്ന മയാഽർജുനസ്യ।
സമീക്ഷ്യ മാം മുഞ്ച രണേ ത്വമാശു
ഹന്താഽസ്മി ശത്രും തവ ചാത്മനശ്ച॥ 8-97-5 (59826)
സ ഏവമുക്തോ യുധി സൂതപുത്ര--
സ്തംബ്രവീത്കോ ഭവാനുഗ്രരൂപഃ।
നാഗോഽബ്രവീദ്വിദ്വി കൃതാഗസം മാം
പാർഥേന മാതുർവധജാതവൈരം॥ 8-97-6 (59827)
യദി സ്വയം വജ്രധരോഽസ്യ ഗോപ്താ
തഥാപി യാതാ പിതൃരാജവേശ്മനി। 8-97-7 (59828)
കർണ ഉവാച।
ന നാഗ കർണോഽദ്യ രണേ പരസ്യ
ബലം സമാസ്ഥായ ജയം ബുഭൂഷേത്॥ 8-97-7x (5065)
ന സന്ദധ്യാം ദ്വിഃ ശരം ചൈവ നാഗ
യദ്യർജുനാനാം ശതമേവ ഹന്യാം।
തമാഹ കർണഃ പുനരേവ നാഗം
തദാഽജിമധ്യേ രവിസൂനുസത്തമഃ॥ 8-97-8 (59829)
വ്യാലാസ്ത്രസർഗോത്തമയത്നമന്യുഭി--
ർഹന്താഽസ്മി പാർഥം സുസുഖീ വ്രജ ത്വം।
ഇത്യേവമുക്തോ യുധി നാഗരാജഃ
കർണേന രോഷാദസഹംസ്തസ്യ വാക്യം॥ 8-97-9 (59830)
സ്വയം പ്രായാത്പാർഥവധായ രാജൻ
കൃത്വാ സ്വരൂപം വിജിഘാംസുരുഗ്രഃ।
തതഃ കൃഷ്ണഃ പാർഥമുവാച സംഖ്യേ
മഹോരഗം കൃതവൈരം ജഹി ത്വം॥ 8-97-10 (59831)
8-97-11 (59832)
സ ഏവമുക്തോ മധുസൂദനേന
ഗാണ്ഡീവധന്വാ രിപുവീര്യസാഹഃ।
ഉവാച കോ ഹ്യേഷ മമാദ്യ നാഗഃ
സ്വയം യ ആയാദ്ഗരുഡസ്യ വക്ത്രം॥]
Mahabharata - Karna Parva - Chapter Footnotes
॥ ശ്രീഃ ॥
8.98. അധ്യായഃ 098
Mahabharata - Karna Parva - Chapter Topics
പാർഥായ ധർമാനുവാദകം കർണംംപ്രതി കൃഷ്ണേന തത്കൃതദുഷ്കൃതാനുസ്മാരണപൂർവകം മർമോദ്ധാടനം॥ 1 ॥ കർണേന സ്വബാണാഹതിനിർവിണ്ണേഽർജുനേ തദന്തരേ രഥാദവരുഹ്യ തച്ചക്രോദ്ധരണോദ്യമഃ॥ 2 ॥ തദന്തരേ കൃഷ്ണചോദനയാ പാർഥേന കർണശിരശ്ഛേദഃ॥ 3 ॥
Mahabharata - Karna Parva - Chapter Text
8-98-0 (59833)
സഞ്ജയ ഉവാച। 8-98-0x (5066)
അഥാബ്രവീദ്വാസുദേവോ മഹാത്മാ
രാധേയ ദിഷ്ട്യാ സ്മരസീഹ ധർമം।
`ധർമേ ഹി ബദ്ധാ സതതം ഹി പാർഥാ--
സ്തേഭ്യസ്തതോ വൃദ്ധിസൌ ദദാതി॥ 8-98-1 (59834)
ധർമാദപേതാഃ പരിപന്ഥിനസ്തേ
തസ്മാദ്ഗതാ വൈ കുരവോ വിനാശം'।
പ്രായേണ നീചാ വ്യസനേഷു മഗ്നാ
നിന്ദന്തി ദൈവം ന തു ദുഷ്കൃതം സ്വം॥ 8-98-2 (59835)
കൃഷ്ണാം സഭാം കർണ യദേകവസ്ത്രാ--
മാനീതവാംസ്ത്വം ച സുയോധനശ്ച।
ദുഃശാസനഃ ശകുനിഃ സൌബലശ്ച।
ധർമസ്തദാ തേ രുചിതോ ന കസ്മാത്॥ 8-98-3 (59836)
യദാ സഭായാം രാജാനമനക്ഷജ്ഞം യുധിഷ്ഠിരം।
ആനീയ ജിതവന്തോ വൈ ക്വ തേ ധർമസ്തദാ ഗതഃ॥ 8-98-4 (59837)
വനവാസേ വ്യതീതേ ച കർണ വർഷേ ത്രയോദശേ।
ന പ്രയച്ഛസി യദ്രാജ്യം ക്വ തേ ധർമസ്തദാ ഗതഃ॥ 8-98-5 (59838)
യദ്ഭീമസേനം സർപൈശ്ച വിഷയുക്തൈശ്ച ഭോജനൈഃ।
ആചരത്ത്വൻമതേ രാജാ ക്വ തേ ധർമസ്തദാ ഗതഃ॥ 8-98-6 (59839)
യദ്വാരണാവതേ പാർഥാൻസുപ്താഞ്ജതുഗൃഹേ തദാ।
ഹന്തുകാമാസ്തദാ യൂയം ക്വ തേ ധർമസ്തദാ ഗതഃ॥ 8-98-7 (59840)
യദാ രജസ്വലാം കൃഷ്ണാം ദുഃശാസനവശേ സ്ഥിതാം।
സഭായാം പ്രാഹസഃ കർണ ക്വ തേ ധർമസ്തദാ ഗതഃ॥ 8-98-8 (59841)
യദനാര്യൈഃ പുരാ കൃഷ്ണാം ക്ലിശ്യമാനാമനാഗസം।
ഉപപ്രേക്ഷസി രാധേയ ക്വ തേ ധർമസ്തദാ ഗതഃ॥ 8-98-9 (59842)
വിനഷ്ടാഃ പാണ്ഡവാഃ കൃഷ്ണേ ശാശ്വതം നരകം ഗതാഃ।
പതിമന്യം വൃണീഷ്വേതി വദംസ്ത്വം ഗജഗാമിനീം।
ഉപപ്രേക്ഷസി രാധേയ ക്വ തേ ധർമസ്തദാ ഗതഃ॥ 8-98-10 (59843)
രാജ്യലുബ്ധഃ പുനഃ കർണ സമാഹ്വയസി പാണ്ഡവാൻ।
യദാ ശകുനിമാശ്രിത്യ ക്വ തേ ധർമസ്തദാ ഗതഃ॥ 8-98-11 (59844)
യദാഽഭിമന്യും ബഹവോ യുദ്ധേ ജഘ്നുർമഹാരഥാഃ।
പരിവാര്യ രണേ ബാലം ക്വ തേ ധർമസ്തദാ ഗതഃ॥ 8-98-12 (59845)
[യദ്യേഷ ധർമസ്തത്ര ന വിദ്യതേ ഹി
കിം സർവഥാ താലുവിശോഷണേന।
അദ്യേഹ ധർംയാണി വിധത്സ്വ സൂത
തഥാപി ജീവന്ന വിമോക്ഷ്യസേ ഹി॥ 8-98-13 (59846)
നലോ ഹ്യക്ഷൈർനിർജിതഃ പുഷ്കരേണ
പുനര്യശോ രാജ്യമവാപ വീര്യാത്।
പ്രാപ്താസ്തഥാ പാണ്ഡവാ ബാഹുവീര്യാ--
ത്സർവൈഃ സമേതാഃ പരിവൃത്തലോഭാഃ॥ 8-98-14 (59847)
നിഹത്യ ശത്രൂൻസമരേ പ്രവൃദ്ധാ--
ൻസസോമകാ രാജ്യമവാപ്നുയുസ്തേ।
തഥാ ഗതാ ധാർതരാഷ്ട്രാ വിനാശം
ധർമാഭിഗുപ്തൈഃ സതതം നൃസിംഹൈഃ]॥ 8-98-15 (59848)
സഞ്ജയ ഉവാച। 8-98-16x (5067)
ഏവമുക്തസ്തദാ കർണോ വാസുദേവേന ഭാരത।
ലജ്ജയാവനതോ ഭൂത്വാ നോത്തരം കിഞ്ചിദുക്തവാൻ॥ 8-98-16 (59849)
ക്രോധാത്പ്രസ്ഫുരമാണൌഷ്ഠോ ധനുരുദ്യംയ ഭാരത।
യോധയാമാസ വൈ പാർഥം മഹാവേഗപരാക്രമഃ॥ 8-98-17 (59850)
തതോഽബ്രവീദ്വാസുദേവഃ ഫൽഗുനം പുരുഷർഷഭം।
ദിവ്യാസ്ത്രേണൈവ നിർഭിദ്യ പാതയസ്വ മഹാബല॥ 8-98-18 (59851)
ഏവമുക്തസ്തു ദേവേന ക്രോധമാഗാത്തദാഽർജുനഃ।
മന്യുമഭ്യാവിശദ്ധോരം സ്മൃത്വാ തത്തു ധനഞ്ജയഃ॥ 8-98-19 (59852)
തസ്യ ക്രുദ്ധസ്യ സർവേഭ്യഃ സ്രോതോഭ്യസ്തേജസോഽർചിഷഃ।
പ്രാദുരാസംസ്തദാ രാജംസ്തദദ്ഭുതമിവാഭവത്॥ 8-98-20 (59853)
തത്സമീക്ഷ്യ തതഃ കർണോ ബ്രഹ്മാസ്ത്രേണ ധനഞ്ജയം।
അഭ്യവർഷത്പുനര്യത്നമകരോദ്രഥസർജനേ॥ 8-98-21 (59854)
ബ്രഹ്മാസ്ത്രേണവ തം പാർഥോ കവർഷ ശരവൃഷ്ടിഭിഃ।
തദസ്ത്രമസ്ത്രേണാവാര്യ പ്രജഹാര ച പാണ്ഡവഃ॥ 8-98-22 (59855)
തതോഽന്യദസ്ത്രം കൌന്തേയോ ദയിതം ജാതവേദസഃ।
മുമോച കർണമുദ്ദിശ്യ തത്പ്രജജ്വാല തേജസാ॥ 8-98-23 (59856)
വാരുണേന തതഃ കർണഃ ശമയാമാസ പാവക്രം।
ജീമൂതൈശ്ച ദിശഃ സർവാശ്ചക്രേ തിമിരദുർദിനാഃ॥ 8-98-24 (59857)
പാണ്ഡവേയസ്ത്വസംഭ്രാന്തോ വായവ്യാസ്ത്രേണ വീര്യവാൻ।
അപോവാഹ തദാഽഭ്രാണി രാധേയസ്യ പ്രപശ്യതഃ॥ 8-98-25 (59858)
[തതഃ ശരം മഹാഘോരം ജ്വലന്തിമിവ പാവകം।
ആദദേ പാണ്ഡുപുത്രസ്യ സൂതപുത്രോ ജിഘാംസയാ॥ 8-98-26 (59859)
യോജ്യമാനേ തതസ്തസ്മിൻബാണേ ധനുഷി പൂജിതേ।
ചചാല പൃഥിവീ രാജൻസശൈലവനകാനനാ॥ 8-98-27 (59860)
വവൌ സശർകരോ വായുർദിശശ്ച രജസാ വൃതാഃ।
ഹാഹാകാരശ്ച സംവജ്ഞേ സുരാണാം ദിവി ഭാരത॥ 8-98-28 (59861)
തമിഗും സന്ധിതം ദൃഷ്ട്വാ സൂതപുത്രേണ മാരിഷ।
വിഷാദം പരമം ജഗ്മുഃ പാണ്ഡവാ ദീനചേതസഃ॥ 8-98-29 (59862)
സ സായകഃ കർണഭുജപ്രമുക്തഃ
ശക്രാശനിഗ്രഖ്യരുചിഃ ശിതാഗ്രഃ।
മുലാന്തരം പ്രാപ്യ ധനഞ്ജയസ്യ
വിവേശ വൽമീകമിവോരമോത്തമഃ॥ 8-98-30 (59863)
സ രാഢവിദ്ധഃ സമരേ മഹാത്മാ
വിധൂർണമാനഃ ശ്ലഥഹസ്തഗാണ്ഡിവഃ।
ചചാല വീഭത്സുരമിത്രമർദനഃ
ക്ഷിതേഃ പ്രകംപേ ച യഥാഽചലോത്തമഃ॥ 8-98-31 (59864)
തദന്തരം പ്രാപ്യ വൃഷോ മഹാരഥോ
രഥാംഗസുർവീഗതമുജ്ജിഹീർഷുഃ।
രഥാദവപ്ലുത്യ നിഗൃഹ്യ ദോർഭ്യാം
ശശാക ദൈവാന്ന മഹാബലോഽപി॥ 8-98-32 (59865)
തതഃ കിരീടി പ്രതിലഭ്യ സഞ്ജ്ഞാം
ജഗ്രാഹ ബാണം യമദണ്ഡകൽപം।
തതോഽർജുനഃ പ്രാഞ്ജലികം മഹാത്മാ
തതോഽബ്രവീദ്വാസുദേവോഽപി പാർഥം॥ 8-98-33 (59866)
ഛിന്ധ്യസ്യ മൂർധാനമരേഃ ശരേണ
ന യാവദാരോഹതി വൈ രഥം വൃഷഃ।
തഥൈവ സംപൂജ്യ സ തദ്വചഃ പ്രഭോ--
സ്തതഃ ശരം പ്രജ്വലിതം പ്രഗൃഹ്യ।
ജഘാന കക്ഷാമമലാർകവർണാം
മഹാരഥേ രഥചക്രേ വിമഗ്നേ॥ 8-98-34 (59867)
തം ഹസ്തികക്ഷാപ്രവരം സുകേതും
സുവർണമുക്താമണിവജ്രജുഷ്ടം।
കലാപ്രകൃഷ്ടോത്തമശിൽപിയത്നൈഃ
കൃതം സുരൂപം തപനീയചിത്രം॥ 8-98-35 (59868)
ജയാസ്പദം തവ സൈന്യസ്യ നിത്യ---
മമിത്രവിത്രാസനമീഡ്യരൂപം।
വിഖ്യാതമാദിത്യസുതസ്യ ലോകേ
ത്വിഷാ സമം പാവകഭാനുചന്ദ്രൈഃ॥ 8-98-36 (59869)
തതഃ ക്ഷുരപ്രേണ സുസംശിതേന
സുവർണപുംഖേന ഹുതാഗ്നിവർചസാ।
ശ്രിയാ ജ്വലന്തം ധ്വജമുൻമമാഥ
മഹാരഥസ്യാധിരഥേഃ കിരീടീ॥ 8-98-37 (59870)
യശശ്ച ദർപശ്ച തഥാ പ്രിയാണി
സർവാണി കാര്യാണി ച തേന കേതുനാ।
സാകം കുരൂണാം ഹൃദയാനി ചാപതൻ
ബഭൂവ ഹാഹേതി ച നിഃസ്വനോ മഹാൻ॥ 8-98-38 (59871)
ദ്വഷ്ട്വാ ധ്വജം പാതിതമാശുകാരിണാ
കുരുപ്രവീരേണ നികൃത്തമാഹവേ।
നാശംസിരേ സൂതപുത്രസ്യ സർവേ
ജയം തദാ ഭാരത യേ ത്വദീയാഃ॥ 8-98-39 (59872)
അഥ ത്വരൻകർണവധായ പാർഥോ
മഹേദ്രവജ്രാനലദണ്ഡസന്നിഭം।
ആദത്ത ചാഥാഞ്ജലികം നിഷംഗാ--
ത്സഹസ്രരശ്മേരിവ രശ്മിമുത്തമം॥ 8-98-40 (59873)
മർമച്ഛിദം ശോണിതമാംസദിഗ്ധം
വൈശ്വാനരാർകപ്രതിമം മഹാർഹം।
നരാശ്വനാഗാസുഹരം ത്ര്യരത്നിം
ഷഡ്വാജമഞ്ജോഗതിമുഗ്രവേഗം॥ 8-98-41 (59874)
സഹസ്രനേത്രാശനിതുല്യവീര്യം
കാലാനലം വ്യാത്തമിവാതിഘോരം।
പിനാകനാരായണചക്രസന്നിഭം
ഭയങ്കരം പ്രാണഭൃതാം വിനാശനം॥ 8-98-42 (59875)
ജഗ്രാഹ പാർഥഃ സ ശരം പ്രഹൃഷ്ടോ
യോ ദേവസംഘൈരപി ദുർനിവാര്യഃ।
സംപൂജിതോ യഃ സതതം മഹാത്മാ
ദേവാസുരാന്യോ വിജയേൻമഹേഷുഃ॥ 8-98-43 (59876)
തം വൈ പ്രമൃഷ്ടം പ്രസമീക്ഷ്യ യുദ്ധേ
ചചാല സർവം സചരാചരം ജഗത്।
കൃത്സ്നം ജഗത്സ്വസ്ത്യൃഷയോഽഭിചക്രു--
സ്തമുദ്യതം പ്രേക്ഷ്യ മഹാഹവേഷും॥ 8-98-44 (59877)
തതസ്തു തം വൈ ശരമപ്രമേയം
ഗാണ്ഡീവധന്വാ ധനുഷി വ്യയോജയത്।
യുക്ത്വാ മഹാസ്ത്രേണ പരേണ ചാപം
വികൃഷ്യ ഗാണ്ഡീവമുവാച സത്വരം॥ 8-98-45 (59878)
അയം ഹാസ്ത്രപ്രഹിതോ മഹാശരഃ
ശരീരഹൃച്ചാസുഹരശ്ച ദുർഹൃദഃ।
തപോഽസ്തി തപ്തം ഗുരവശ്ച തോഷിതാ
മയാ യദീഷ്ടം സുഹുതം യദി ശ്രുതം॥ 8-98-46 (59879)
അനേന സത്യേന നിഹന്ത്വയം ശരഃ
സുസംഹിതഃ കർണമരിം മമോർജിതം।
ഇത്യൂചിവാംസ്തം പ്രമുമോച ബാണം
ധനഞ്ജയഃ കർണവധായ ഘോരം॥ 8-98-47 (59880)
കൃത്യാ ഹ്യഥർവാംഗിരസീ പ്രചോദിതാ
യഥാ തഥാ ത്വം ജഹി ശാത്രവം മമ।
ബ്രുവൻകിരീടീ തമതിപ്രഹൃഷ്ടോ--
ഽസൃജദ്ദേവാനാം ജയഹേതും മഹേഷും॥ 8-98-48 (59881)
ജിഘാംസുരർകേന്ദുസമപ്രഭാവഃ
കർണം വശീ പാണ്ഡവഃ ക്ഷിപ്രകാരീ।
തതോ വിമുക്തോ ബലിനാ മഹേഷുഃ
പ്രജ്വാലയാമാസ നഭോ ദിശശ്ച॥ 8-98-49 (59882)
സൈന്യാന്യനേകാനി ച വിപ്രമോഹ്യ
ഗാണ്ഡീവമുക്തേന തതോ മഹാത്മാ।
തേനാർജുനസ്തൻമഹനീയമസ്യ
ശിരോഽഹരത്സൂതപുത്രസ്യ രാജൻ॥ 8-98-50 (59883)
ശരോത്തമേനാഞ്ജലികേന രാജം--
സ്തദാ മഹാസ്ത്രപ്രതിമന്ത്രിതേന।
പാർഥോഽപരാഹ്ണേ ശിര ഉച്ചകർത
വൈകർതനസ്യാഥ മഹേന്ദ്രസൂനുഃ।
ഛിന്നം പപാതാഞ്ജലികേന തൂർണം
കായശ്ച പശ്ചാദ്ധരണീം ജഗാമ॥ 8-98-51 (59884)
തദുദ്യതാദിത്യസമാനതേജസം
ശരന്നഭോമധ്യഗഭാസ്കരോപമം।
വരാംഗമുർവ്യാമപതച്ചമുമൂഖേ
ദിവാകരോഽസ്താദിവ രക്തമണ്ഡലഃ॥ 8-98-52 (59885)
തതോഽസ്യ ദേഹം സതതം സുഖൈധിതം
സുരൂപമത്യർഥസുഖം സുഗന്ധി ച।
പരേണ കൃച്ഛ്രേണ ശിരഃ സമത്യജ--
ദ്ഗൃഹം മഹർധീന്നിവസന്നിവേശ്വരഃ॥ 8-98-53 (59886)
ശരൈർവിഭിന്നം വ്യസു തത്സുവർചസഃ
പപാത കർണസ്യ ശരീമുച്ഛ്രിതം।
സ്രവദ്വ്രണം ഗൈരികതോയവിസ്രവം
ഗിരേര്യഥാ വജ്രഹതം മഹാശിരഃ॥ 8-98-54 (59887)
ദേഹാച്ച കർണസ്യ നിപാതിതസ്യ
തേജഃ സൂര്യം ഖം വിതത്യാവിവേശ।
തദദ്ഭുതം സർവമനുഷ്യയോധാഃ
സന്ദൃഷ്ടവന്തോ നിഹതേ സ്മ കർണേ॥ 8-98-55 (59888)
തതഃ ശംഖാൻപാണ്ഡവാ ദധ്മുരുച്ചൈ--
ർദൃഷ്ട്വാ കർണം പാതിതം ഫൽഗുനേന।
തഥൈവ കൃഷ്ണശ്ച ധനഞ്ജയശ്ച
ഹഷ്ടൌ യമൌ ദധ്മതുർവാരിജാതൌ॥ 8-98-56 (59889)
തം സോമകാഃ പ്രേക്ഷ്യ ഹതം ശയാനം
സൈന്യൈഃ സാർധം സിംഹനാദാൻപ്രചക്രുഃ।
തൂര്യാണി സഞ്ജഘ്നുരതീവ ഹൃഷ്ടാ
വാസാംസി ചൈവാദുധുവുർഭുജാംശ്ച॥ 8-98-57 (59890)
സംവർധയന്തശ്ച നരേന്ദ്ര യോധാഃ
പാർഥം സമാജഗ്മുരതീവ ഹൃഷ്ടാഃ।
ബലാന്വിതാശ്ചാപരേ ഹ്യപ്യനൃത്യ--
ന്നന്യോന്യമാശ്ലിഷ്യ നദന്ത ഊചുഃ॥ 8-98-58 (59891)
ദൃഷ്ട്വാ തു കർണം ഭുവി വാ വിപന്നം
കൃത്തം രഥാത്സായകൈരർജുനസ്യ।
മഹാനിലേനാദ്രിമിവാപവിദ്വം
യജ്ഞാവസാനേഽഗ്നിമിവ പ്രശാന്തം॥ 8-98-59 (59892)
തദാനനം സൂര്യസുതസ്യ രാജ--
ന്വിഭ്രാജതേ പദ്മിവാവനാലം।
രരാജ കർണസ്യ ശിരോ നികൃത്ത--
മസ്തംഗതം ഭാസ്കരസ്യേവ ബിംബം॥ 8-98-60 (59893)
ശരൈരാചിതസർവാംഗഃ ശോണിതൌഘപരിപ്ലുതഃ।
രരാജ ദേഹഃ കർണസ്യ സ്വരശ്മിഭിരിവാംശുമാൻ॥ 8-98-61 (59894)
പ്രതാപ്യ സേനാമാമിത്രീം ദീപ്തൈഃ ശരഗഭസ്തിഭിഃ।
ബലിനാർജുനകാലേന നീതോഽസ്തം കർണഭാസ്കരഃ॥ 8-98-62 (59895)
അസ്തം ഗച്ഛന്യഥാഽദിത്യഃ പ്രഭാമാദായ ഗച്ഛതി।
തഥാ ജീവിതമാഹായ കർണസ്യേഷുർജഗാമ സഃ॥ 8-98-63 (59896)
അപരാഹ്ണേഽപരാഹ്ണസ്യ സൂതപുത്രസ്യ മാരിഷ।
ഛിന്നമഞ്ജലികേനാജൌ സോത്സേധമപതച്ഛിരഃ॥ 8-98-64 (59897)
ഉപര്യുപരി സൈന്യാനാം വിനിഘ്നന്നിതരാഞ്ജനാൻ।
ശിരഃ കർണസ്യ സോഽത്സേധമിഷുഃ സോപ്യഹരദ്ദ്രുതം॥ 8-98-65 (59898)
കർണം തു ശൂരം പതിതം പൃഥിവ്യാം
ശരാചിതം ശോണിതദിഗ്ധഗാത്രം।
ദൃഷ്ട്വാ ശയാനം ഭുവി മദ്രരാജ--
ശ്ഛിന്നധ്വജേനാഥ യയൌ രഥേന॥ 8-98-66 (59899)
ഹതേ കർണേ കുരവഃ പ്രാദ്രവന്ത
ഭയാർദിതാ ഗാഢവിദ്ധാശ്ച സംഖ്യേ।
അവേക്ഷമാണാ മുഹുരർജുനസ്യ
ധ്വജം മഹാന്തം വപുഷാ ജ്വലന്തം॥ 8-98-67 (59900)
തച്ഛിരോ ഭരതശ്രേഷ്ഠ ശോഭയാമാസ മേദിനീം।
യദൃച്ഛയേവ പതിതം മണ്ഡലം ചാണ്ഡദീധിതേഃ॥ 8-98-68 (59901)
തം ദൃഷ്ട്വാ സമരവിമർദ (ബദ്ധ) ലബ്ധനിദ്രം
ദഷ്ടോഷ്ഠം രുധിരപീരതകാതരാക്ഷം।
രാധേയം രഥവരപൃഷ്ഠസന്നിഷണ്ണം
ഹീനാംശുർദിവസകരോ മുഹൂർതമാസീത്॥ 8-98-69 (59902)
നിഃശബ്ദതൂര്യം ഹതയോധമുഖ്യം
പ്രശാന്തദർപം ധൃതരാഷ്ട്രസൈന്യം।
ന ശോഭതേ സൂര്യസുതേന ഹീനം
വൃന്ദം ഗ്രഹാണാമിവ ചന്ദ്രഹീനം॥ 8-98-70 (59903)
സഹസ്രനേത്രപ്രതിമാനകർമണഃ
സഹസ്രപത്രപ്രതിമാനനം ശുഭം।
സഹസ്രരശ്മിർദിവസക്ഷയേ യഥാ
തഥാഽപതത്കർണശിരോ വസുന്ധരാം॥ 8-98-71 (59904)
വ്യൂഢോരസ്കം കമലവദനം തപ്തഹേമാവഭാസം
കർണം ദൃഷ്ട്വാ ഭുവി നിപതിതം പാർഥബാണാഭിതപ്തം।
പാംസുഗ്രസ്തം മലിനമസകൃത്പുത്രമന്വീക്ഷമാണോ
മന്ദംമന്ദം വ്രജതി സവിതാ മന്ദിരം മന്ദരശ്മിഃ॥ ॥ 8-98-72 (59905)
ഇതി ശ്രീമൻമഹാഭാരതേ കർണപർവണി സപ്തദശദിവസയുദ്ധേ അഷ്ടനവതിതമോഽധ്യായഃ॥ 98 ॥
Mahabharata - Karna Parva - Chapter Footnotes
॥ ശ്രീഃ ॥
8.99. അധ്യായഃ 099
Mahabharata - Karna Parva - Chapter Topics
ശല്യേന കർണമരണാദ്വ്യാകുലമനസോ ദുര്യോധനസ്യ സമാശ്വാസനം॥ 1 ॥ തഥാ തംപ്രതി രണാങ്കണവർണനം॥ 2 ॥ ദേവഗന്ധർവാദീനാം സ്വസ്വസ്ഥാനഗമനം॥ 3 ॥
Mahabharata - Karna Parva - Chapter Text
8-99-0
(59906)
സഞ്ജയ ഉവാച। 8-99-0x (5068)
കർണം തു ശൂരം പതിതം പൃഥിവ്യാം
ശരാചിതം ശോണിതദിഗ്ധഗാത്രം।
യദൃച്ഛയാ സൂര്യമിവാവനിം ഗതം
ദിദൃക്ഷവഃ സംപരിവാര്യ തസ്ഥുഃ॥ 8-99-1
(59907)
പ്രഹൃഷ്ടവിത്രസ്തവിഷണ്ണവിസ്മിതാ--
സ്തഥാഽപരേ ശോകസമന്വിതാഽഭവൻ।
പരേ ത്വദീയാശ്ച രണേ വിശാംപതേ
യഥായഥേഷ്ടം പൃതനാ തഥാ ഗതാ॥ 8-99-2
(59908)
പ്രവിദ്ധവർമാഭരണായുധാംബരം
ധനഞ്ജയേന പ്രഹതം മഹാരഥം।
നിശാംയ കർണം കുരവഃ പ്രദുദ്രുവു--
ർഹതർഷഭം കേസരിണേവ ഗോകുലം॥ 8-99-3
(59909)
കൃത്വാ ദിമർദം ഭൃശമർജുനേന
കർണം ഹതം കേസരിണേവ നാഗം।
ദൃഷ്ട്വാ ശയാനം യുധി മദ്രരാജ--
ശ്ഛിന്നധ്വജേനാപയയൌ രഥേന॥ 8-99-4
(59910)
കർണേ ഹതേ പാർഥഭയാത്പ്രദുദ്രുവു--
ർവൈകർതനേ ധാർതരാഷ്ട്രാഃ സശല്യാഃ।
അവേക്ഷമാണാ മുഹുരർജുനസ്യ
കേതും മഹാന്തം യശസാ ജ്വലന്തം॥ 8-99-5
(59911)
ശല്യസ്തു കർണാർജുനയോർവിമർദേ
ബലാനി ദൃഷ്ട്വാ മൃദിതധ്വജാനി।
യയൌ സ തേനൈവ രഥേന തൂർണം
ഹേലീകൃതഃ സൃഞ്ജയസോമകൈശ്ച॥ 8-99-6
(59912)
നിപാതിതസ്യന്ദനവാജിനാഗം
ബലം ച ദൃഷ്ട്വാ ഹതസൂതപുത്രം।
ഭീമസ്തു ഭീമേന തദാ സ്വരേണ
സമുന്നദദ്രോദസീ കംപയംശ്ച। 8-99-7
(59913)
ആസ്ഫോടയന്നൃത്യതി വൽഗതേ ച
ഹതേ കർണേ ത്രാസയന്ധാർതരാഷ്ട്രാൻ।
തദാ രാജൻസൃഞ്ജയാഃ സോമകാശ്ച
ശംഖാന്ദധ്മുഃ സസ്വജുശ്ചാപി സർവേ॥ 8-99-8
(59914)
പരസ്പരം ക്ഷത്രിയാ ഹൃഷ്ടരൂപാഃ
സൂതാത്മജേ വൈ നിഹതേ തദാനീം।
ദുര്യോധനോഽശ്രുപ്രതിപൂർണനേത്രോ
ദീനോ മുഹുർനിശ്വസന്നാർതരൂപഃ॥ 8-99-9
(59915)
മദ്രാധിപശ്ചാപി വിമൂഢചേതാ--
സ്തൂർണം ധ്വജേനാപഹൃതേന തേന।
രഥേന ദുര്യോധനമേത്യ തൂർണം
പശ്യൻസുദുഃഖാത്തമുവാച രാജൻ॥ 8-99-10
(59916)
വിശീർണനാഗാശ്വരഥപ്രവീരം
ബലം ത്വദീയം യമരാഷ്ട്രകൽപം।
അന്യോന്യമാസാദ്യ ഹതൈഃ ശയാനൈ--
ർനരാശ്വനാഗൈർഗിരികൂടകൽപൈഃ॥ 8-99-11
(59917)
നൈതാദൃശം ഭാരത യുദ്ധമാസീ--
ദ്യഥാ ഹി കർണാർജുനയോർബഭൂവ।
ഗ്രസ്തൌ ഹി കർണേന സമേത്യ കൃഷ്ണാ--
വന്യേ ഹി സർവേ തവ ശാത്രവേയാഃ॥ 8-99-12
(59918)
ദൈവം തു യത്തത്സ്വവശേ പ്രവൃത്തം
തത്പാണ്ഡവാൻപാതി നിഹന്തി ചാസ്മാൻ।
തവാർഥസിദ്ധ്യർഥകരാ ഹി സർവേ
പ്രസഹ്യ വീരാ നിഹതാ ദ്വിഷദ്ഭിഃ॥ 8-99-13
(59919)
കുബേരവൈവസ്വതവാസവാനാം
തുല്യപ്രഭാവാ വരുണസ്യ ചാപി।
വീര്യേണ ശൌര്യേണ പരാക്രമേണ
തൈശ്ചാപി യുക്താ വിമലൈർഗുണൌഘൈഃ॥ 8-99-14
(59920)
അവധ്യകൽപാ നിഹതാ നരേന്ദ്രാ--
സ്തവാർഥകാമാ യുധി പാണ്ഡവേയൈഃ।
തൻമാ ശുചോ ഭാരത ദിഷ്ടമേത--
ത്പര്യായസിദ്ധിർന തു നിത്യസിദ്ധിഃ॥ 8-99-15
(59921)
ഏതദ്വചോ മദ്രപതേർനിശംയ
സ്വം ചാവിനീതം മനസാ വിചിന്ത്യ।
ദുര്യോധനോഽശ്രുപ്രതിപൂർണനേത്രോ
മുഹുർമുഹുർനിശ്വസന്നാർതരൂപഃ॥ 8-99-16
(59922)
*തദ്വ്യാനമൂകം കൃപണം ഭൃശാർത--
മാർതായനിർദീനമുവാച രാജൻ।
പശ്യേദമുഗ്രൈർനരവാജിനാഗൈ--
രായോധനം വീര ഹതൈഃ സുപൂർണം॥ 8-99-17
(59923)
മഹീധരാഭൈഃ പതിതൈശ്ച നാഗൈഃ
സകൃത്പ്രയത്നൈഃ ശരഭിന്നഗാത്രൈഃ।
പ്രവിഹ്വലദ്ഭിശ്ച ഗതാസുഭിശ്ച
പ്രധ്വസ്തവർമായുധസർവയോധൈഃ॥ 8-99-18
(59924)
വജ്രാപവിദ്വൈരിവ ചാചലൌഘൈ--
ർവിഭിന്നപാഷാണമൃഗദ്രുമൌഘൈഃ।
പ്രവിദ്ധഘണ്ടാങ്കുശതോമരധ്വജൈഃ
സഹേമജാലൈ രുധിരൌഘസംപ്ലവൈഃ॥ 8-99-19
(59925)
ശരാവനുന്നൈഃ പതിതൈസ്തുരംഗൈ--
സ്തനദ്ഭിരാർതൈഃ ക്ഷതജം വമദ്ഭിഃ।
ദീനൈസ്ത്രസദ്ഭിഃ പരിവൃത്തനേത്രൈ--
ർമഹീ പതദ്ഭിഃ കൃപണാ വഭൂവ॥ 8-99-20
(59926)
തഥാഽപവിദ്വൈർഗജവാജിയൂഥൈ--
ർമന്ദാസുഭിശ്ചാപി ഗതാസുഭിശ്ച।
രഥൈശ്ച നാഗൈസ്തുരഗൈശ്ച നുന്നൈ--
ർമഹീ മഹാവൈതരണീവ ഭാതി॥ 8-99-21
(59927)
ഗജൈർനികൃത്താപരഹസ്തഗാത്രൈ--
രുദ്വേപമാനൈഃ പതിതൈഃ പൃഥിവ്യാം।
രഥർഷഭൈർനാഗവരാശ്വയോധൈഃ
പദാതിഭിശ്ചാഭിമുഖൈഃ പരൈർഹതൈഃ॥ 8-99-22
(59928)
വിശീർണവർമാഭരണാംബരായുധൈ--
ര്യുതാ പ്രശാന്തൈരിവ പാവകൈർമഹീ।
ശരപ്രഹാരാഭിഹതൈർമഹാബലൈ--
രവേക്ഷമാണൈഃ പതിതൈഃ സമന്തതഃ॥ 8-99-23
(59929)
പ്രനഷ്ടസഞ്ജ്ഞൈഃ പുനരാശ്വസദ്ഭി--
ർമഹീ ബഭൌ കുംഭഗതൈരിവാഗ്നിഭിഃ।
രത്നൈശ്ച്യുതൈർഭൂരതിദീപ്തിമദ്ഭി--
ർനക്തം ഗ്രഹൈർദ്യൌർവിമലൈർവിഭാതി॥ 8-99-24
(59930)
ശരാസ്തു കർണാർജുനബാഹുമുക്താ
വിദാര്യ നാഗാംശ്ച മനുഷ്യദേഹാൻ।
പ്രാണാന്നിരസ്യാശു മഹീം പ്രതീയു--
ർമഹോരഗാ വാസമിവാഭിനംരാഃ॥ 8-99-25
(59931)
ഹതൈർമനുഷ്യൈശ്ച ഗജൈശ്ച സംഖ്യേ
ശരാവഭിന്നൈ രുധിരപ്രദിഗ്ധൈഃ।
ധന·ഞ്ജയസ്യാധിരഥേശ്ച മാർഗേ
ഹതൈരഗംയാ വസുധാഽതിദുർഗാ॥ 8-99-26
(59932)
രഥൈർമഹേഷൂൻമഥിതൈഃ സുകൽപിതൈഃ
സനാഗയോധാശ്വവരായുധധ്വജൈഃ
വിശീർണയോക്ത്രൈർവിനികീർണബന്ധനൈ--
ർനികൃത്തചക്രാക്ഷയുഗത്രിവേണുഭിഃ॥ 8-99-27
(59933)
വിമുക്തയോക്ത്രൈശ്ച രഥൈരുപസ്കരൈഃ
കൃതാഭിഷംഗൈർവിനിബദ്വകൂബരൈഃ।
പ്രഭഗ്നനീഡൈർമണിഹേമഭൂഷിതൈ--
ർവൃതാ മഹീ ദ്യൌരിവ ശാരദൈർഘനൈഃ॥ 8-99-28
(59934)
നികൃഷ്യമാണാ ജവനൈസ്തുരംഗമൈ--
ർഹതേശ്വരാ രാജരഥാഃ സുകൽപിതാഃ।
മനുഷ്യമാതങ്കരഥാശ്വസാദിഷു
ദ്രുതം വ്രജന്തോ ബഹുധാ വിഘൂർണിതാഃ॥ 8-99-29
(59935)
സഹേമപൃഷ്ഠാഃ സപരശ്വഥായുധാഃ
ശിതാശ്ച ശൂലാ മുസലാഃ സമുദ്ഗരാഃ।
ചിത്രാശ്ച ഖംഗാ വിമലാശ്ച കോശാ
ഗജാശ്ച ജാംബൂനദപട്ടനദ്ധാഃ॥ 8-99-30
(59936)
ചാപാനി ജാംബൂനദഭൂഷിതാനി
ശരാശ്ച കാർതസ്വരചിത്രപുംഖാഃ।
ഋഷ്ട്യശ്ച പീതാ വിമലാശ്ച കോശാഃ
പ്രാസാശ്ച ദണ്ഡാഃ കനകപ്രഭാസാഃ॥ 8-99-31
(59937)
ശുഭ്രാണി വാലവ്യജനാനി ശംഖാ--
ശ്ഛിന്നാവരുദ്ധാ വിരുചഃ സ്രജശ്ച।
കുഥാഃ പതാകാംബരവേഷ്ടനാനി
കിരീടമാലാ മകുടാശ്ച ശുഭ്രാഃ॥ 8-99-32
(59938)
പ്രകീർണകാ വിപ്രതികീർണകാശ്ച
പ്രധാനമുഖ്യാസ്തരലാശ്ച ഹാരാഃ।
ആപീഡകേയൂരവരാംഗദാനി
ഗ്രൈവേയനിഷ്കാഃ സസുവർണസൂത്രാഃ॥ 8-99-33
(59939)
മണ്യുത്തമാ വജ്രസുവർണയുക്താ
രത്നാനി ചോച്ചാവചമംഗലാനി।
ഗാത്രാണി ചാഭാന്തി സുഖോചിതാനി
ശിരാംസി ചേന്ദുപ്രതിമാനനാനി॥ 8-99-34
(59940)
ദേഹാംശ്ച ഭോഗാംശ്ച പരിച്ഛദാംശ്ച
ത്യക്ത്വാ മനോജ്ഞാ നിഹതാഃ സുഖാനി।
സ്വധർമനിഷ്ഠാം മഹതീമവാപ്യ
പ്രാപ്താശ്ച ലോകാന്യശസാ ഗതാസ്തേ॥ 8-99-35
(59941)
നിവർത ദുര്യോധന യാന്തു സൈനികാ
വ്രജസ്വ രാജഞ്ശിബിരാണി മാനദ।
ദിവാകരോഽപ്യേഷ വിലംബതേ പ്രഭോ
പുനസ്ത്വമേവാത്ര നരേന്ദ്ര കാരണം॥ 8-99-36
(59942)
സഞ്ജയ ഉവാച। 8-99-37x (5069)
ഏതാവദുക്ത്വാ വിരരാമ ശല്യോ
ദുര്യോധനം ചൈവ നിവർതയിത്വാ।
യുദ്ധായ രാജന്വിനിവിഷ്ടബുദ്ധി--
ർഹാ കർണ ഹാ കർണ ഇതി ബ്രുവാണം॥ 8-99-37
(59943)
തം ദ്രോണപുത്രപ്രമുഖാ നരേന്ദ്രാഃ
സർവേ സമാശ്വാസ്യ തതഃ പ്രജഗ്മുഃ।
നിരീക്ഷമാണാ ധ്വജമർജുനസ്യ
രഥം ച ദിവ്യം യശസാ ജ്വലന്തം॥ 8-99-38
(59944)
നരാശ്വമാതംഗശരീരജേന
രക്തേന സിക്താം രുധിരേണ ഭൂമിം।
രക്താംബരസ്രക്തപനീയയോഗാ--
ന്നാരീം പ്രകാശാമിവ സർവരംയാം॥ 8-99-39
(59945)
പ്രച്ഛന്നരൂപാം രുധിരേണ രാജ
ന്രൌദ്രേ മുഹൂർതേഽതിവിരാജമാനേ।
നൈവാവതസ്ഥുഃ കുരവഃ സമീക്ഷ്യ
പ്രവ്രാജിതാ നരദേവാ യഥാഽക്ഷൈഃ॥ 8-99-40
(59946)
വധേന കർണസ്യ സുദുഃഖിതാസ്തേ
ഹാ കർണ ഹാ കർണ ഇതി ബ്രുവാണാഃ।
ദ്രുതം പ്രജഗ്മുഃ ശിബിരാണി രാജ--
ന്ദിവാകരം രക്തമവേക്ഷമാണാഃ॥ 8-99-41
(59947)
ഗാണ്ഡീവമുക്തൈസ്തു സുവർണപുംഖൈഃ
ശിലാശിതൈഃ ശോണിതദിഗ്ധവാജൈഃ।
ശരൈശ്ചിതാംഗോഽപി രരാജ കർണോ
ഹതോഽപി ദീപ്താംശുരിവാംശുജാലൈഃ॥ 8-99-42
(59948)
കർണസ്യ ദേഹം രുധിരാംബുസിക്തം
പുത്രാനകുംപീ ഭഗവാന്വിവസ്വാൻ।
സ്പൃഷ്ട്വാ കരാഗ്രൈഃ ക്ഷതജാനുരൂപൈഃ
സ്നാതും തദാഽഗാദപരം സമുദ്രം॥ 8-99-43
(59949)
ഇതീവ സഞ്ചിന്ത്യ സുരർഷഭാശ്ച
സംപ്രസ്ഥിതാസ്തേ തു യഥാനികേതം।
സഞ്ചിന്ത്യ സർവാ ജനതാ വിസസ്രു--
ര്യഥാസുഖം ഖേ ച മഹീതലേ ച॥ 8-99-44
(59950)
തദദ്ഭുതം പ്രാണഭൃതാം ഭയങ്കരം
നിശാംയ യുദ്ധം കുരുവീരമുഖ്യയോഃ।
സമാചിതൌ കർണശരൈഋ പരന്തപൌ
തഥൈവ സംരേജതുരച്യുതാർജുനൌ॥ 8-99-45
(59951)
തമോ നിഹത്യാഭ്യുദിതൌ യഥാഽമലൌ
ശശാങ്കസൂര്യാവിവ രശ്മിമാലിനൌ।
വിഹായ താൻബാണഗണാൻമഹാബലൌ
സുഹൃദ്വൃതാവപ്രതിമാനവിക്രമൌ॥ 8-99-46
(59952)
സുഖപ്രവിഷ്ടൌ സുഖദൌ വിരേജതുഃ
സദസ്യചിന്ത്യാവിവ വിഷ്ണുവാസവൌ।
സദേവഗന്ധർവമനുഷ്യചാരണൈ--
ർമഹർഷിഭിര്യക്ഷമഹോരഗൈരപി।
ജയാഭിവൃദ്ധ്യാ പരയാഽഭിപൂജിതൌ
നിഹത്യ കർണം പരമാഹവേ തദാ॥ 8-99-47
(59953)
യഥാനുരൂപം പ്രതിപൂജ്യ താനഥ
പ്രശസ്യമാനാവതുലൈശ്ച കർമഭിഃ।
നനന്ദതുശ്ചൈവ സുഹൃദ്ഭിരാവൃതൌ
ബലം നിഹത്യേവ സുരേശകേശവൌ॥ ॥ 8-99-48
(59954)
ഇതി ശ്രീമൻമഹാഭാരതേ കർണപർവണി ഏകോനശതതമോഽധ്യായഃ॥ 99 ॥
Mahabharata - Karna Parva - Chapter Text
8-99-0 (59955)
[ധൃഷ്ടരാഷ്ട്ര ഉവാച। 8-99-0x (5070)
തസ്മിംസ്തു കർണാർജുനയോർവിമർദേ
ദഗ്ധസ്യ രൌദ്രേഽഹനി വിദ്രുതസ്യ।
ബഭൂവ കുരുസൃഞ്ജയാനാം
ബലസ്യ ബാണോൻമഥിതസ്യ കീദൃക്॥ 8-99-1 (59956)
സഞ്ജയ ഉവാച। 8-99-2x (5071)
ശൃണു രാജന്നവഹിതോ യഥാ വൃത്തോ മഹാക്ഷയഃ।
ഘോരോ മനുഷ്യദേഹാനാമാജൌ ച ഗജവാജിനാം॥ 8-99-2 (59957)
യത്ര കർണേ ഹതേ പാർഥഃ സിംഹനാദമഥാകരോത്।
തദാ തവ സുതാന്രാജന്നാവിവേശ മഹദ്ഭയം॥ 8-99-3 (59958)
ന സന്ധാതുമനീകാനി ന ചൈവാശു പരാക്രമേ।
ആസീദ്വുദ്വിർഹതേ കർണേ തവ യോധസ്യ കർഹിചിത്॥ 8-99-4 (59959)
വണിജോ നാവി ഭിന്നായാമഗാധേ വിപ്ലുവേ യഥാ।
അപാരേ പാരമിച്ഛന്തോ ഹതേ ദ്വീപേ കിരീടിനാ॥ 8-99-5 (59960)
സൂതപുത്രേ ഹതേ രാജന്വിത്രസ്താഃ ശസ്ത്രവിക്ഷതാഃ।
അനാഥാ നാഥമിച്ഛന്തോ മൃഗാഃ സിംഹൈരിവാർദിതാഃ॥ 8-99-6 (59961)
ഭഗ്നശൃംഗാ വൃഷാ യദ്വദ്ഭഗ്നദംഷ്ട്രാ ഇവോരഗാഃ।
പ്രത്യപായാമ സായാഹ്നേ നിർജിതാഃ സവ്യസാചിനാ॥ 8-99-7 (59962)
ഹതപ്രവീരാ വിധ്വസ്താ നികൃത്താ നിശിതൈഃ ശരൈഃ।
സൂതപുത്രേ ഹതേ രാജൻപുത്രാസ്തേ ദുദ്രുവുർഭയാത്॥ 8-99-8 (59963)
വിസ്രസ്തയന്ത്രകവചാഃ കാന്ദിഗ്ഭൂതാ വിചേതസഃ।
അന്യോന്യമവമൃദ്ഗന്തോ വീക്ഷമാണാ ഭയാർദിതാഃ॥ 8-99-9 (59964)
മാമേവ നൂനം ബീഭത്സുർമാമേവ ച വൃകോദരഃ।
അഭിയാതീതി മന്വാനാഃ പേതുർമംലുശ്ച സംഭ്രമാത്॥ 8-99-10 (59965)
ഹയാനന്യേ ഗജാനന്യേ രഥാനന്യേ മഹാരഥാഃ।
ആരുഹ്യ ജവസംപന്നാഃ പദാതീൻപ്രജഹുർഭയാത്॥ 8-99-11 (59966)
കുഞ്ജരൈഃ സ്യന്ദനാഃ ക്ഷുണ്ണാഃ സാദിനശ്ച മഹാരഥൈഃ।
പദാതിസംഘാശ്ചാശ്വൌധൈഃ പലായദ്ഭിർഭയാർദിതൈഃ॥ 8-99-12 (59967)
വ്യാലതസ്കരസങ്കീർണേ സാർഥഹീനാ യഥാ വനേ।
സൂതപുത്രേ ഹതേ രാജംസ്തവ യോധാസ്തഥാഽഭവൻ॥ 8-99-13 (59968)
ഹതാരോഹാ യഥാ നാഗാശ്ഛിന്നഹസ്താ യഥാ നരാഃ।
സർവേ പാർഥമയം ലോകം സംപശ്യന്തോ ഭയാർദിതാഃ॥ 8-99-14 (59969)
സംപ്രേക്ഷ്യ ദ്രവതഃ സർവാൻഭീമസേനഭയാർദിതാൻ।
ദുര്യോധനോഽഥ സ്വം സൂതം ഹാഹാകൃത്വേദമബ്രവീത്॥ 8-99-15 (59970)
നാതിക്രമേച്ച മാം പാർഥോ ധനുഷ്പാണിമവസ്ഥിതം।
ജഘനേ സർവസൈന്യാനാം ശനൈരശ്വാൻപ്രചോദയ॥ 8-99-16 (59971)
യുധ്യമാനം ഹി കൌന്തേയം ഹനിഷ്യാമി ന സംശയഃ।
നോത്സഹേൻമാമതിക്രാന്തും വേലാമിവ മഹോദധിഃ॥ 8-99-17 (59972)
അദ്യാർജുനം സഗോവിന്ദം മാനിനം ച വൃകോദരം।
അന്യാഞ്ശിഷ്ടാംസ്തഥാ ശത്രൂൻകർണസ്യാനൃണ്യമാപ്നുയാം॥ 8-99-18 (59973)
തച്ഛ്രുത്വാ കുരുരാജസ്യ ശൂരാര്യസദൃശം വചഃ।
സൂതോ ഹേമപരിച്ഛന്നാഞ്ശനൈരശ്വാനചോദയത്॥ 8-99-19 (59974)
രഥാശ്വനാഗഹീനാസ്തു പാദാതാസ്തവ മാരിഷ।
പഞ്ചവിംശതിസാഹസ്രാ യുദ്വായൈവ വ്യവസ്ഥിതാഃ॥ 8-99-20 (59975)
താൻഭീമസേനഃ സങ്ക്രുദ്ധോ ധൃഷ്ട്യദ്യുംനശ്ച പാർഷതഃ।
ബലേന ചതുരംഗേണ സംവൃത്യാജഘ്നതുഃ ശരൈഃ॥ 8-99-21 (59976)
പ്രത്യയുധ്യന്ത സമരേ ഭീമസേനം സപാർഷതം।
പാർഥപാർഷതയോശ്ചാന്യേ ജഗൃഹുസ്തത്ര നാമനീ॥ 8-99-22 (59977)
അക്രുധ്യത രണേ ഭീമസ്തൈസ്തദാ പര്യവസ്ഥിതൈഃ।
സോഽവതീര്യ രഥാത്തൂർണം ഗദാപാണിരയുധ്യത॥ 8-99-23 (59978)
ന താന്രഥസ്ഥോ ഭൂമിഷ്ഠാന്ധർമാപേക്ഷീ വൃകോദരഃ।
യോധയാമാസ കൌന്തേയോ ഭുജവീര്യവ്യപാശ്രയഃ॥ 8-99-24 (59979)
ജാതരൂപപരിച്ഛന്നാം പ്രഗൃഹ്യ മഹതീം ഗദാം।
അവധീത്താവകാൻസർവാന്ദണ്ഡപാണിരിവാന്തകഃ॥ 8-99-25 (59980)
പദാതിനോഽപി സന്ത്യക്ത്വാ പ്രിയം ജീവിതമാത്മനഃ।
ഭീമമഭ്യദ്രവൻസംഖ്യേ പതംഗാ ജ്വലനം യഥാ॥ 8-99-26 (59981)
ആസാദ്യ ഭീമസേനം തു സംരബ്ധാ യുദ്ധദുർമദാഃ।
വിനേശുഃ സഹസാ ദൃഷ്ട്വാ ഭൂതഗ്രാമാ ഇവാന്തകം॥ 8-99-27 (59982)
ശ്യേനവദ്വിചരൻഭീമോ ഗദാഹസ്തോ മഹാബലഃ।
പഞ്ചവിംശതിസാഹസ്രാംസ്താവകാനവപോഥയത്॥ 8-99-28 (59983)
ഹത്വാ തത്പുരുഷാനീകം ഭീമഃ സത്യപരാക്രമഃ।
ധൃഷ്ടദ്യുംനം പുരസ്കൃത്യ തസ്ഥൌ തത്ര മഹാബലഃ॥ 8-99-29 (59984)
ധനഞ്ജയോ രഥാനീകമഭ്യവർതത വീര്യവാൻ।
മാദ്രീപുത്രൌ തു ശകുനിം സാത്യകിശ്ച മഹാരഥഃ।
ജവേനാഭ്യപതൻഹൃഷ്ടാ ഘ്നന്തോ ദൌര്യോധനം ബലം॥ 8-99-30 (59985)
തസ്യാശ്വസാദീൻസുബഹൂംസ്തേ നിഹത്യ ശിതൈഃ ശരൈഃ।
സമഭ്യധാവംസ്ത്വരിതാസ്തത്ര യുദ്ധമഭൂൻമഹത്॥ 8-99-31 (59986)
ധനഞ്ജയോഽപി ചാഭ്യേത്യ രഥാനീകം തവ പ്രഭോ।
വിശ്രുതം ത്രിഷു ലോകേഷു ഗാണ്ഡീവം വിക്ഷിപന്ധനുഃ॥ 8-99-32 (59987)
കൃഷ്ണസാരഥിമായാന്തം ദൃഷ്ട്വാ ശ്വേതഹയം രഥം।
അർജുനം ചാപി യോദ്വാരം ത്വദീയാഃ പ്രാദ്രവൻഭയാത്॥ 8-99-33 (59988)
വിപ്രഹീണരഥാശ്ചൈവ ശരൈശ്ച പരികർശിതാഃ।
പഞ്ചവിംശതിസാഹസ്രാഃ കാലമാർഛൻപദാതയഃ॥ 8-99-34 (59989)
ഹത്വാ താൻപുരുഷവ്യാഘ്രഃ പാഞ്ചാലാനാം മഹാരഥഃ।
പുത്രാഃ പാഞ്ചാലരാജസ്യ ധൃഷ്ടദ്യുംനോ മഹാമനാഃ॥ 8-99-35 (59990)
ഭീമസേനം പുരസ്കൃത്യ നചിരാത്പ്രത്യദൃശ്യത।
മഹാധനുർധരഃ ശ്രീമാനമിത്രഗണതാപനഃ॥ 8-99-36 (59991)
പാരാവതസവർണാശ്വം കോവിദാരമയധ്വജം।
ധൃഷ്ടദ്യുംനം രണേ ദൃഷ്ട്വാ ത്വദീയാഃ പ്രാദ്രവൻഭയാത്॥ 8-99-37 (59992)
ഗാന്ധാരരാജം ശീഘ്രാസ്ത്രമനുസൃത്യ യശസ്വിനൌ।
നചിരാത്പ്രത്യദൃശ്യേതാം മാദ്രീപുത്രൌ സസാത്യകീ॥ 8-99-38 (59993)
വേകിതാനഃ ശിഖണ്ഡീ ച ദ്രൌപദേയാശ്ച മാരിഷ।
ഹത്വാ ത്വദീയം സുമഹത്സൈന്യം ശംഖാംസ്തഥാഽധമൻ॥ 8-99-39 (59994)
തേ സർവേ താവകാൻപ്രേക്ഷ്യ ദ്രവതോഽപി പരാങ്മുഖാൻ।
അഭ്യവർതന്ത സംരബ്ധാന്വൃഷാഞ്ജിത്വാ യഥാ വൃഷാഃ॥ 8-99-40 (59995)
സേനാവശേഷം തം ദൃഷ്ട്വാ തവ സൈന്യസ്യ പാണ്ഡവഃ।
വ്യവസ്ഥിതഃ സവ്യസാചീ ചുക്രോധ ബലവാന്നൃപ॥ 8-99-41 (59996)
ധനഞ്ജയോ രഥാനീകമഭ്യവർതത വീര്യവാൻ।
വിശ്രുതം ത്രിഷു ലോകേഷു വ്യാക്ഷിപദ്ഗാണ്ഡിവം ധനുഃ॥ 8-99-42 (59997)
തത ഏനാഞ്ശരവ്രാതൈഃ സഹസാ സമവാകിരത്।
തമസാ സംവൃതേനാഥ ന സ്മ കിഞ്ചിദ്വദൃശ്യത॥ 8-99-43 (59998)
അന്ധകാരീകൃതേ ലോകേ രജോഭൂതേ മഹീതലേ।
യോധാഃ സർവേ മഹാരാജ താവകാഃ പ്രാദ്രാവൻഭയാത്॥ 8-99-44 (59999)
സംഭജ്യമാനേ സൈന്യേ തു കുരുരാജോ വിശാംപതേ।
പരാനഭിമുഖാംശ്ചൈവ സുതസ്തേ സമുപാദ്രവത്॥ 8-99-45 (60000)
തതോ ദുര്യോധനഃ സർവാനാജുഹാവാഥ പാണ്ഡവാൻ।
യുദ്ധായ ഭരതശ്രേഷ്ഠ ദേവാനിവ പുരാ ബലിഃ॥ 8-99-46 (60001)
ത ഏനമഭിഗർജന്തഃ സഹിതാഃ സമുപാദ്രവൻ।
നാനാശസ്ത്രഭൃതഃ ക്രുദ്ധാ ഭർത്സയന്തോ മുഹുർമുഹുഃ॥ 8-99-47 (60002)
ദുര്യോധനോഽപ്യസംഭ്രാന്തസ്താന്രണേ നിശിതൈഃ ശരൈഃ।
തത്രാവധീത്തതഃ ക്രുദ്വഃ ശതശോഽഥ സഹസ്രശഃ॥ 8-99-48 (60003)
തത്സൈന്യം പാണ്ഡവേയാനാം യോധയാമാസ സർവതഃ॥ 8-99-49 (60004)
തത്രാദ്ഭുതമപശ്യാമ തവ പുത്രസ്യ പൌരുഷം।
യദേകഃ സഹിതാൻസർവാന്രണേഽയുധ്യത പാണ്ഡവാൻ।
തതോഽപശ്യൻമഹാത്മാ സ സ്വസൈന്യം ഭൃശദുഃഖിതം॥ 8-99-50 (60005)
തതോഽവസ്ഥാപ്യ രാജേന്ദ്ര കൃതബുദ്ധിസ്തവാത്മജഃ।
ഹർഷയന്നിവ താന്യോധാനിദം വചനമബ്രവീത്॥ 8-99-51 (60006)
ന തം ദേശം പ്രപശ്യാമി യത്ര യാതാ ഭയാർദിതാഃ।
ഗതാനാം യത്ര വൈ മോക്ഷഃ പാണ്ഡവാത്കിം ഗതേന വഃ॥ 8-99-52 (60007)
അൽപം ച ബലമേതേഷാം കൃഷ്ണൌ ച ഭൃശവിക്ഷതൌ।
അദ്യ സർവാൻഹനിഷ്യാമിധ്രുവോ ഹി വിജയോ ഭവേത്॥ 8-99-53 (60008)
വിപ്രയാതാംസ്തു വോ ഭിന്നാൻപാണ്ഡവാഃ കൃതകിൽവിഷാൻ।
അനുസൃത്യ വധിഷ്യന്തി ശ്രേയാന്നഃ സമരേ വധഃ॥ 8-99-54 (60009)
സുഖം സാംഗ്രാമികോ മൃത്യുഃ ക്ഷത്രധർമേണ യുധ്യതാം।
മൃതോ ദുഃഖം ന ജാനീതേ പ്രേത്യ ചാനന്ത്യമശ്നുതേ॥ 8-99-55 (60010)
ശൃണുധ്വം ക്ഷത്രിയാഃ സർവേ യാവന്തഃ സ്ഥ സമാഗതാഃ।
യദാ ശൂരം ച ഭീരും ച മാരയത്യന്തകോ മയഃ॥ 8-99-56 (60011)
കോ ന മൂഢോ ന യുധ്യേത മാദൃശഃ ക്ഷത്രിയവ്രതഃ।
ദ്വിഷതോ ഭീമസേനസ്യ ക്രദ്ധസ്യ വശമേഷ്യഥാ॥ 8-99-57 (60012)
പിതാമഹൈരാചരിതം ന ധർമം ഹാതുമർഹഥ।
ന ഹ്യധർമോഽസ്തി പാപീയാൻക്ഷത്രിയസ്യ പലായനാത്॥ 8-99-58 (60013)
ന യുദ്ധധർമാച്ഛ്രേയോ ഹി പന്ഥാഃ സ്വർഗസ്യ കൌരവാഃ।
അചിരേണ ഹതാ ലോകാൻസദ്യോ യോധാഃ സമശ്നുത॥ 8-99-59 (60014)
സഞ്ജയ ഉവാച। 8-99-60x (5072)
ഏവം ബ്രുവതി പുത്രേ തേ സൈനികാ ഭൃശവിക്ഷതാഃ।
അനവേക്ഷ്യൈവ തദ്വാക്യം പ്രാദ്രവൻസർവതോ ദിശഃ॥ 8-99-60 (60015)
സഞ്ജയ ഉവാച। 8-99-61x (5073)
8-99-61 (60016)
ദൃഷ്ട്വാ തു സൈന്യം പരിവൃത്യമാനം
പുത്രേണ തേ മദ്രപതിസ്തദാനീം।
സന്ത്രസ്തരൂപഃ പരിമൂഢചേതാ
ദുര്യോധനം വാക്യമിദം ബഭാഷേ]॥
Mahabharata - Karna Parva - Chapter Footnotes
॥ ശ്രീഃ ॥
8.100. അധ്യായഃ 100
Mahabharata - Karna Parva - Chapter Topics
കർണവധാനന്തരം കൃഷ്ണാർജുനയോര്യുധിഷ്ഠിരസമീപഗമനം॥ 1 ॥
Mahabharata - Karna Parva - Chapter Text
8-100-0 (60017)
സഞ്ജയ ഉവാച। 8-100-0x (5074)
ശരസങ്കൃത്തവർമാണം രുധിരോക്ഷിതവക്ഷസം।
ഗതാസുമപി രാധേയം നൈവ ലക്ഷ്മീർവിമുഞ്ചതി॥ 8-100-1 (60018)
തപ്തജാംബൂനദനിഭം ബാലാർകസദൃശദ്യുതിം।
ജീവന്തമിവ തം ശൂരം സർവഭൂതാനി മേനിരേ॥ 8-100-2 (60019)
ഹതസ്യാപി മഹാരാജ സൂതപുത്രസ്യ സംയുഗേ।
വിത്രേസുഃ സർവതോ യോധാഃ സിംഹസ്യേവേതരേ മൃഗാഃ॥ 8-100-3 (60020)
ഹതോഽപി പുരുഷവ്യാഘ്രോ വ്യാഹരന്നിവ ലക്ഷ്യതേ।
നാഭവദ്വികൃതിഃ കാചിൻമൃതസ്യാപി മഹാത്മനഃ॥ 8-100-4 (60021)
ചാരുവേഷധരം രാജംശ്ചാരുമൌലിശിരോധരം।
തൻമുഖം സൂതപുത്രസ്യ പൂർണചന്ദ്രസമദ്യുതി॥ 8-100-5 (60022)
കനകോത്തമസഹ്കാശോ ജ്വലന്നിവ വിഭാവസുഃ।
സ ശാന്തഃ പുരുഷവ്യാഘ്രഃ പാർഥസായകവാരിണാ॥ 8-100-6 (60023)
യഥാഽഗ്നിർജ്വലനോ ദീപ്തോ ജലമാസാദ്യ ശാംയതി।
കർണാഗ്നിഃ സമരേ തദ്വത്പാർഥമേഘേന ശാമിതഃ॥ 8-100-7 (60024)
ആഹൃത്യ സ യശോ ദീപ്തം സുയുദ്ധേനാത്മനോ ഭുവി।
സപുത്രഃ സമരേ കർണഃ പ്രശാന്തഃ പാർഥതേജസാ॥ 8-100-8 (60025)
പ്രതാപ്യ പാണ്ഡവാൻസർവാൻപാഞ്ചാലാനസ്ത്രതേജസാ।
നാനാഭരണവാന്രജംസ്തപ്തജാംബൂനദപ്രഭഃ॥ 8-100-9 (60026)
വർഷിത്വാ ശരവർഷാണി പ്രതാപ്യ രിപുവാഹിനീം।
ശ്രീമാനിവ സഹസ്രാംശുർജ്വലൻസർവാൻപ്രതാപ്യ ച।
ഹതോ വൈകർതനഃ കർണഃ പാദപോഽങ്കുരവാനിവ॥ 8-100-10 (60027)
ദദാനീത്യേവ യഃ പ്രാദാന്ന നാസ്തീത്യർഥിതോഽവദത്।
സദ്ധ്യഃ സദാ സത്പുരുഷഃ സ ഹതോ ദ്വൈരഥേ വൃഷാ॥ 8-100-11 (60028)
യസ്യ ബ്രാഹ്മണസാത്സർവം വിത്തമാസീൻമഹാത്മനഃ।
നാദേയം ബ്രാഹ്മണേഷ്വാസീദ്യസ്യ സ്വമപി ജീവിതം॥ 8-100-12 (60029)
സ ദാതൄണാം പ്രിയോ രാജന്ദാതാ ചൈവ മനോരഥാൻ।
സ പാർഥാസ്ത്രവിനിർദഗ്ധോ ഗതഃ പരമികാം ഗതിം॥ 8-100-13 (60030)
യമാശ്രിത്യാകരോദ്വൈരം സുതസ്തേ സ ഗതോ ദിവം।
ആദായ തവ പുത്രാണാം ജയാശാം സർമ വർമ ച॥ 8-100-14 (60031)
ഹതേ ച കർണേ സരിതോ ന സസ്രു--
ർജഗാമ ചാസ്തം കലുഷോ ദിവാകരഃ।
ശ്വേതോ ഗ്രഹശ്ച ജ്വലിതാർകവർണോ
യമസ്യ പുത്രോഽഭ്യുദിതഃ സ തിര്യക്॥ 8-100-15 (60032)
നഭശ്ചചാലാഥ നനാദ ചോർവീ
വവുശ്ച വാതാഃ പരുഷാശ്ച ഘോരാഃ।
ദിശോ ബഭൂവുർജ്വലിതാഃ സധൂമാ
മഹാർണവാഃ സസ്വനുശ്ചുക്ഷുഭുശ്ച॥ 8-100-16 (60033)
സകാനനാശ്ചാദ്രിവരാശ്ചകംപിരേ
പ്രവിവ്യഥുർഭൂതഗണാശ്ച മാരിഷ।
ബൃഹസ്പതിഃ സംപരിവാര്യ രോഹിണീം
ബഭൂവ ചന്ദ്രാർകസമോ വിശാംപതേ॥ 8-100-17 (60034)
ഹതേ കർണേ ന ദിശോ വിപ്രചാരാഃ
സചന്ദ്രാർകാ ദ്യൌർവിചചാല ഭൂമിഃ।
പപാത ചോൽകാ ജ്വലനപ്രഭാ ച
നിശാചരാ ഹൃഷ്ടതരാ ബഭൂവുഃ॥ 8-100-18 (60035)
ശശിപ്രകാശാനനമർജുനോ യദാ
ജഹാര കർണസ്യ ശിരഃ ശരേണ।
തതോഽന്തരിക്ഷേ സഹസൈവ ശബ്ദോ
ബഭൂവ ഹാഹേതി സുരൈർവിമുക്തഃ॥ 8-100-19 (60036)
സദേവഗന്ധർവമനുഷ്യപൂജിതം
നിഹത്യ കർണം രിപുമാഹവേഽർജുനഃ।
രരാജ രാജൻപരമേണ തേജസാ
യഥാ പുരാ വൃത്രവധേ ശതക്രതുഃ॥ 8-100-20 (60037)
പതാകിനാ ഭീമനിനാദകേതുനാ
രഥേന ശംഖസ്ഫടികാവഭാസിനാ।
മഹേന്ദ്രവാഹപ്രതിമേന താവുഭൌ
മഹേന്ദ്രവീര്യപ്രതിമാനപൌരുഷൌ॥ 8-100-21 (60038)
സുവർണമുക്താമണിവജ്രവിദ്രുമൈ--
രലങ്കൃതേനാപ്രതിമേന രംഹസാ।
നരോത്തമൌ യാദവപാണ്ഡുനന്ദനൌ
ദിവാകരൌ ദീപ്തഹുതാശനാവിവ।
രണാജിരേ വീതഭയൌ വിരേജതുഃ
സമാനയോഗാവിവ വിഷ്ണുവാസവൈഃ॥ 8-100-22 (60039)
തതോ ധനുർജ്യാതലനേമിനിസ്വനൈഃ
പ്രസഹ്യ കൃത്വാ ച രിപൂൻഗതപ്രഭാൻ।
സ സാധയിത്വാ ച രിപൂഞ്ശരൌഘൈഃ
കപിധ്വജഃ പക്ഷിവരധ്വജശ്ച।
പ്രദധ്മതുഃ ശംഖവരൌ സുഘോഷൌ
മനാംസ്യരീണാമുപതാപയന്തൌ॥ 8-100-23 (60040)
സുവർണജാലാവതതൌ മഹാസ്വനൌ
ഹിമാവദാതൌ പരിഗൃഹ്യ പാണിമിഃ।
ചുചുംബതുഃ ശംഖവരൌ നൃണാം വരൌ
വിഘോഷയന്തൌ വിജയം ജഗത്ത്രയേ॥ 8-100-24 (60041)
പാഞ്ചജന്യസ്യ നിർഘോഷോ ദേവദത്തസ്യ ചോഭയോഃ।
പൃഥിവീമന്തരിക്ഷം ച ദിശശ്ച സമപൂരയത്॥ 8-100-25 (60042)
വിത്രസ്താശ്ചാഭവൻസർവേ കുരവോ രാജസത്തമ।
ശൂരയോഃ ശംഖശബ്ദേന മാധവസ്യാർജുനസ്യ ച॥ 8-100-26 (60043)
തൌ ശംഖശബ്ദേന നിനാദയന്തൌ
വനാനി ശൈലാൻസരിതോ ഗുഹാശ്ച।
വിത്രാസയന്തൌ തവ പുത്രസേനാം
യുധിഷ്ഠിരം നന്ദയിതും പ്രയാതൌ॥ 8-100-27 (60044)
തതഃ പ്രജഗ്മുഃ കുരവോ ജവേന
ശ്രുത്വൈവ ശംഖസ്വനമീര്യമാണം।
വിഹായ മദ്രാധിപതിം പതിം ച
ദുര്യോധനം ഭാരത ഭാരതാനാം॥ 8-100-28 (60045)
തതോ രഥേനാംബുദബൃന്ദനാദിനാ
ശരദ്വഹർമധ്യദിവാകരത്വിഷാ।
ധനഞ്ജയസ്യാധിരഥേശ്ച വിസ്മിതാഃ
പ്രശംസമാനാഃ പ്രയയുസ്തദാഽർജുനം॥ 8-100-29 (60046)
മഹാഹവേ തം ബഹുശോഭമാനം
ധനഞ്ജയം യോധഗണൈഃ സമേതാഃ।
താവന്വമോദംശ്ച ജനാഃ പ്രകാമം
പ്രഭാകരാവഭ്യുദിതൌ യഥൈവ॥ ॥ 8-100-30 (60047)
ഇതി ശ്രീമൻമഹാഭാരതേ കർണപർവണി ശതതമോഽധ്യായഃ॥ 100 ॥
Mahabharata - Karna Parva - Chapter Footnotes
॥ ശ്രീഃ ॥
8.101. അധ്യായഃ 101
Mahabharata - Karna Parva - Chapter Topics
കർണവധാനന്തരമർജുനേന യുധിഷ്ഠിരാഭിവാദനം॥ 1 ॥ തേന കൃഷ്ണാർജുനപ്രശംസനം॥ 2 ॥ കൃഷ്ണയുധിഷ്ഠിരസംവാദഃ॥ 3 ॥
Mahabharata - Karna Parva - Chapter Text
8-101-0 (60048)
സഞ്ജയ ഉവാച। 8-101-0x (5075)
ഹതേ വൈകർതനേ കർണേ കുരവോ ഭയപീഡിതാഃ।
വീക്ഷമാണാ ദിശഃ സർവാഃ പലായന്ത സഹസ്രശഃ॥ 8-101-1 (60049)
രാവണം നിഹതം ദൃഷ്ട്വാ രാക്ഷസാ രാഘവേണ വാ।
ദിശോ ഭീതാ ദ്രവന്നേവ താവകാ ഭയപീഡിതാഃ॥ 8-101-2 (60050)
തതോ മഹാരവം ചക്രുര്യോധാ രാജൻസമന്തതഃ।
വാര്യമാണാ ഭൃശോദ്വിഗ്നാസ്തവ പുത്രേണ ഭാരത॥ 8-101-3 (60051)
തേഷാം തു മതമാജ്ഞായ പുത്രസ്തേ ഭരതർഷഭ।
അവഹാരം തതശ്ചക്രേ ശല്യസ്യാനുമതേന ച॥ 8-101-4 (60052)
കൃതവർമാ രണേ തൂർണം വൃതോ ഭാരത താവകൈഃ।
നാരായണാവശിഷ്ടൈശ്ച ശിബിരായൈവ ദുദ്രുവേ॥ 8-101-5 (60053)
അശ്വത്ഥാമാ തതഃ ശൂരോ വിനിശ്വസ്യ മുഹുർമുഹുഃ।
പാണ്ഡവാനാം ജയം ദൃഷ്ട്വാ ശിബിരായൈവ ദുദ്രുവേ॥ 8-101-6 (60054)
കൃപഃ ശാരദ്വതോ രാജന്നാഗാനീകേന ഭാരത।
മഹതാ മേഘകൽപേന ശിബിരായൈവ ദുദ്രുവേ॥ 8-101-7 (60055)
ഗാന്ധാരാണാം സഹസ്രേണ ശകുനിഃ പരിവാരിതഃ।
സുശർമാ ച യയൌ രാജന്വീക്ഷമാണോ ഭയാർദിതഃ॥ 8-101-8 (60056)
ദുര്യോധനോഽപി സ യയൌ ഹ്വതസർവസ്വ ആതുരഃ।
ജ്ഞാതിശോകസമാപന്നശ്ചിന്തയിത്വാ മുഹുർമുഹുഃ॥ 8-101-9 (60057)
ഛിന്നധ്വജേന ശല്യസ്തു രഥേന രഥിനാം വരഃ।
പ്രയയൌ ശിബിരായൈവ വീക്ഷമാണോ ദിശോ ദശ॥ 8-101-10 (60058)
തതോഽപരേ സുബഹുശോ ഭാരതാനാം മഹാരഥാഃ।
വ്യദ്രവന്ത ദിശോ ഭീതാ ഭയവിഹ്വലചേതസഃ॥ 8-101-11 (60059)
അശ്രൂപൂർണാ ഭയോദ്വിഗ്നാ വേപമാനാ ഭയാതുരാഃ।
കുരവഃ പ്രാദ്രവൻസർവേ ദൃഷ്ട്വാ കർണം നിപാതിതം॥ 8-101-12 (60060)
പ്രശംസന്തോഽർജുനം കേചിത്കേചിത്കർണം മഹാരഥാഃ।
പ്രാദ്രവന്ത രണേ ഭീതാഃ കുരവഃ കുരുസത്തമ॥ 8-101-13 (60061)
തേഷാം യോധസഹസ്രാണാം താവകാനാം മഹാമൃധേ।
നാസീത്തത്ര പുമാൻകശ്ചിദ്യസ്തു യുദ്ധേ മനോ ദധേ॥ 8-101-14 (60062)
കർണേ ഹതേ മഹാരാജ നിരാശാഃ കുരവോഽഭവൻ।
ജീവനേഷു ച രാജ്യേഷു ദാരേഷു ച ധനേഷു ച॥ 8-101-15 (60063)
താൻസമാനീയ പുത്രസ്തേ യത്നേന മഹതാ വിഭോ।
നിവേശായ മനോ ദധ്രേ ദുഃഖശോകസമന്വിതഃ॥ 8-101-16 (60064)
തസ്യാജ്ഞാം ശിരസാ ദീനാഃ പ്രതിഗൃഹ്യ വിശാംപതേ।
വിഷണ്ണമനസോ ഭീത്യാ ന്യവിശന്ത മഹാരഥാഃ॥ 8-101-17 (60065)
ചിന്തയന്തോ വധം ഘോരം സൂതപുത്രസ്യ സംയുഗേ।
അർജുനസ്യ ജയം യുദ്ധേ ചിന്തയാനാഃ പുനഃപുനഃ॥ 8-101-18 (60066)
പാണ്ഡവാശ്ച മഹേഷ്വാസാ ന്യവിശന്ത പരന്തപാഃ।
പ്രഹൃഷ്ടമനസഃ സർവേ ജിത്വാ ശത്രും മഹാരഥാഃ॥ 8-101-19 (60067)
തതോ യുധിഷ്ഠിരം തത്ര നിവിഷ്ടം വൈ മുദാന്വിതം।
സമേത്യ സർവേ പാഞ്ചാലാ വർധയന്തോ യഥാവിധി॥ 8-101-20 (60068)
അർജുനസ്തു രഥാത്തൂർണമവരുഹ്യ മഹായശാഃ।
ധർമരാജസ്യ ചരണൌ പീഡയാമാസ ഹൃഷ്ടവത്॥ 8-101-21 (60069)
തമുത്ഥാപ്യ മഹാരാജ ധർമപുത്രഃ പ്രതാപവാൻ।
സസ്വജേ ഭരതശ്രേഷ്ഠമുപജിഘ്രന്നുപസ്പൃശൻ॥ 8-101-22 (60070)
നകുലഃ സഹദേവശ്ച പാണ്ഡവശ്ച വൃകോദരഃ।
അഭിവാദ്യ മഹാരാജമസ്വജന്ത സ്മ ഫൽഗുനം॥ 8-101-23 (60071)
ധൃഷ്ടദ്യുംനഃ ശിഖണ്ഡീ ച പാണ്ഡവാനാം ച യേ രഥാഃ।
വർധയന്തേ സ്മ രാജാനം നിഹതേ സൂതനന്ദനേ॥ 8-101-24 (60072)
തതഃ കൃഷ്ണോ മഹാരാജ സാത്യകിശ്ചാപി സാത്വതഃ।
വർധയന്തേ സ്മ രാജാനം നിഹതേ സൂതനന്ദനേ॥ 8-101-25 (60073)
വാസുദേവശ്ച കൌന്തേയം പ്രണയാദിദമബ്രവീത്।
അദ്യ രാജൻഹതാഃ സർവേ ധാർതരാഷ്ട്രാഃ സരാജകാഃ।
ഹതേ വൈകർതനേ കർണേ രഥാനാം പ്രവരേ രഥേ॥ 8-101-26 (60074)
യദി ലോകാസ്ത്രയഃ സർവേ യോധയേയുഃ സവാസവാഃ।
തഥാപി ദുർജയഃ സൂതസ്തവ കോപാത്തു സൂദിതഃ॥ 8-101-27 (60075)
ഏവമുക്തഃ പ്രത്യുവാച ധർമരാജോ ജനാർദനം॥ 8-101-28 (60076)
തവ പ്രസാദാദ്ഗ്രോവിന്ദ ഹതഃ കർണോ മഹായശാഃ।
പാണ്ഡവാശ്ച ജയം പ്രാപ്യാ നാശിതാശ്ചാപി ശത്രവഃ॥ 8-101-29 (60077)
ത്വം ഹി ശക്തോ ഭയാത്ത്രാതും യസ്യ കസ്യചിദാഹവേ।
ത്വമസ്യ ജഗതോ ഗോപ്താ പാണ്ഡവാനാം ച സർവദാ॥ 8-101-30 (60078)
ത്വാം സമാസാദ്യ ശക്രോഽപി മോദതേ ദിവി നിത്യശഃ।
ത്വം പാതാ പാണ്ഡുപുത്രാണാം യഥൈവ ജഗതസ്തഥാ॥ 8-101-31 (60079)
അനാശ്ചര്യോ ജയസ്തേഷാം ഭക്തിര്യേഷാം ത്വയി പ്രഭോ॥ 8-101-32 (60080)
ത്വയാ നാഥേന ഗോവിന്ദ നാഥവന്തോ വയം യുധി।
യഥേന്ദ്രേണ പുരാ ദേവാസ്ത്വയാ ചാപി ജനാർദന॥ 8-101-33 (60081)
സ്വപ്സ്യാംയദ്യ സുഖം കൃഷ്ണനിദ്രാം ലപ്സ്യേ ത്വഹം ക്ഷപാം।
വിഗതം ഹി ഭയം മേഽദ്യ ത്വത്പ്രസാദാന്ന സംശയഃ॥ 8-101-34 (60082)
ഏവമുക്തസ്തു പാർഥേന കേശവഃ പ്രാഹ പാണ്ഡവം।
നിമിത്തമാത്രം ഹി വയം തവാപ്യസ്മിൻമുദാഗമേ॥ 8-101-35 (60083)
യസ്യ തേ ഭ്രാതരഃ ശൂരാ ഭീമസേനാദയോ നൃപ।
സംബന്ധിനശ്ചേന്ദ്രവീര്യാഃ പാർഷതപ്രമുഖാസ്തഥാ॥ 8-101-36 (60084)
അർഹതേ ച ഭവാന്നിത്യം പ്രിയം നിത്യം ച മദ്വിതം।
പ്രിയോ ഹി മേ ത്വമേതേന വചനേന നരോത്തമ॥ 8-101-37 (60085)
ഇത്യുക്തോ ധർമരാജസ്തു സ്വരഥം ഹേമഭൂപിതം।
ദന്തവർണൈർഹയൈര്യുക്തം കാലവാലൈർമഹീപതിഃ॥ 8-101-38 (60086)
ആസ്ഥായ പുരുഷവ്യാഘ്രഃ സ്വബലേനാപി സംവൃതഃ।
പ്രയയൌ ബഹുവൃത്താന്തം ദ്രഷ്ടുമായോധനം പ്രതി॥ 8-101-39 (60087)
സംഭാഷമാണൌ തൌ വീര ഉഭൌ മാധവപാണ്ഡവൌ॥ 8-101-40 (60088)
സ ദദർശ രണേ കർണം ശയാനം പുരുഷർഷഭം।
ഗാണ്ഡീവമുക്തൈർവിശിഖൈഃ സർവതഃ സന്നിപീഡിതം॥ 8-101-41 (60089)
സപുത്രം നിഹതം ദൃഷ്ട്വാ കർണം രാജാ യുധിഷ്ഠിരഃ।
പ്രശശംസ നരവ്യാഘ്രാവുഭൌ മാധവപാണ്ഡവൌ॥ 8-101-42 (60090)
അദ്യ രാജാഽസ്മി സർവസ്യാം പൃഥിവ്യാം മധുസൂദന।
ദിഷ്ട്യാ ജയസി ഗോവിന്ദ ദിഷ്ട്യാശത്രുർനിപാതിതഃ॥ 8-101-43 (60091)
ഏവം സുബഹുശോ രാജൻപ്രശശംസ ജനാർദനം।
അർജുനം ച കുരുശ്രേഷ്ഠോ ധർമരാജോ യുധിഷ്ഠിരഃ॥ 8-101-44 (60092)
ദൃഷ്ട്വാ ച നിഹതം കർണം സ പുത്രം പാർഥസായകൈഃ।
പുനർജാതമിവാത്മാനം മേനേ കുരുകുലോദ്വഹഃ॥ 8-101-45 (60093)
സമേത്യ ച കുരുശ്രേഷ്ഠം കുന്തീപുത്രം യുധിഷ്ഠിരം।
വർധയന്തി സ്മ രാജാനോ ഹർഷയുക്താ മഹാരഥാഃ॥ 8-101-46 (60094)
സഞ്ജയ ഉവാച। 8-101-47x (5076)
ഏവമേഷ ക്ഷയോ വൃത്തഃ സുമഹാന്രോമഹർഷണഃ।
തവ ദുർമന്ത്രിതേ രാജന്ദിഷ്ട്യാ ത്വമനുശോചസി॥ 8-101-47 (60095)
വൈശംപായന ഉവാച। 8-101-48x (5077)
ശ്രുത്വൈതദപ്രിയം രാജാ ധൃതരാഷ്ട്രോ മഹീപതിഃ।
പപാത ഭൂമൌ നിശ്ചേഷ്ടഃ കൌരവ്യഃ പരമാസനാത്।
തഥാ സത്യവ്രതാ ദേവീ ഗാന്ധാരീ ദിവ്യദർശനാ॥ 8-101-48 (60096)
തതസ്തൂർണം തു വിദുരസ്തം നൃപം സഞ്ജയസ്തഥാ।
പര്യാശ്വാസയതാം ചൈതാവുഭാവേവ തു ഭൂമിപം॥ 8-101-49 (60097)
തഥൈവാശ്വാസയാമാസുർഗാന്ധാരീം കുരുയോഷിതഃ॥ 8-101-50 (60098)
സ ദൈവം പരമം മേനേ ഭവിതവ്യം ച ഭാരത।
താഭ്യാമാശ്വാസിതോ രാജാ തൂഷ്ണീമാസ്തേ വിശാംപതേ॥ 8-101-51 (60099)
ഏവമാഖ്യായ രാജ്ഞേ ച സഞ്ജയോ രാജസത്തമ।
ജഗാമ ശിബിരം ഭൂയോ ഹതേ കർണേ മഹാത്മനി॥ 8-101-52 (60100)
സ ദൃഷ്ട്വാ നിഹതം ശല്യം രാജാനം ച സുയോധനം।
ശകുനിം സുബഹൂന്രാജൻസൈനികാംശ്ച സഹസ്രശഃ॥ 8-101-53 (60101)
തഥൈവ പാണ്ഡവീം സേനാം നിഹതാം പ്രേക്ഷ്യ സഞ്ജയഃ।
സൌപ്തികേ ദ്രൌണിനാ രാജൻഹതവാജിനരദ്വിപാം॥ 8-101-54 (60102)
സ ഹി ദൃഷ്ട്വാ ഹതാൻസർവാൻസമന്താദ്യുധി സഞ്ജയഃ।
പ്രയാതോ ഹാസ്തിനപുരം ശോകാർതോ ഭയവിഹ്വലഃ॥ 8-101-55 (60103)
ഹതേഷു പുനരേതേഷു പ്രഭൂതഗജവാജിഷു।
യോധൈശ്ച തൈർമഹാരാജ നാനാദേശസമുദ്ഭവൈഃ॥ 8-101-56 (60104)
കുരുക്ഷേത്രം തു തത്സർവം ശൂന്യമാസീദ്വിശാംപതേ।
നിഹതൈഃ പാണ്ഡവേയൈശ്ച ധാർതരാഷ്ട്രൈശ്ച സംയുഗേ॥ 8-101-57 (60105)
യഥാഹി വിഷയം വൃത്തം ധാർതരാഷ്ട്രസ്യ സംഞ്ജയഃ।
നിവേദയതി തത്സർവം യഥാവൃത്തം യഥാവിധി॥ 8-101-58 (60106)
ഏവം മഹായുദ്ധമിദം മഹാത്മനോ
ധനഞ്ജയസ്യാധിരഥേശ്ച യഃ പഠേത്।
സ സംയഗിഷ്ടസ്യ മഖസ്യ യത്ഫലം
തദാപ്നുയാദ്യഃ ശൃണുയാച്ച നിത്യശഃ॥ 8-101-59 (60107)
മഖോ ഹി വിഷ്ണുർഭഗവാൻസനാതനോ
വഹന്തി യം ചാപ്യനിലേന്ദുഭാനവഃ।
അതോഽനസൂയുഃ ശൃണുയാത്പഠേച്ച യഃ
സ സർവലോകാംശ്ച ജയേത്സുഖീ ഭവേത്॥ ॥ 8-101-60 (60108)
ഇതി ശ്രീമൻമഹാഭാരതേ ശതസാഹസ്രികായാം സംഹിതായാം വൈയാസിക്യാം കർണപർവണി ഏകാധികശതതമോഽധ്യായഃ॥ 101 ॥ ॥ കർണപർവ സമാപ്തം॥ 8 ॥
അതഃ പരം ശല്യപർവ ഭവിഷ്യതി।
തസ്യായമാദ്യഃ ശ്ലോകഃ॥ 8-101-1 (60109)
ജനമേജയ ഉവാച। 8-101-2x (5078)
ഏവം നിപാതിതേ കർണേ സമരേ സവ്യസാചിനാ।
അൽപാവശിഷ്ടാഃ കുരവഃ കിമകുർവത വൈ ദ്വിജ॥ 8-101-2 (60110)
ഇദം കർണപർവ കുംഭഘോണസ്ഥേന ടീ.ആർ.കൃഷ്ണാചാര്യേണ ടീ. ആർ. വ്യാസാചാര്യേണ ച മുംബയ്യാം നിർണയസാഗരമുദ്രായന്ത്രേ മുദ്രാപിതം। ശകാബ്ദാഃ 1829 സന 1907.
