Kumbhaghonam Edition in Odia/Oriya Script
1. ଆଦିପର୍ବ
ଆଦିପର୍ବ - ଅଧ୍ଯାଯ 001
॥ ଶ୍ରୀଃ ॥
1.1. ଅଧ୍ଯାଯଃ 001
(ଅନୁକ୍ରମଣିକାପର୍ବ ॥ 1 ॥)
Mahabharata - Adi Parva - Chapter Topics
ଆଦୌ ମଙ୍ଗଲାଚରଣଂ॥ 1 ॥ ନୈମିଶାରଣ୍ଯେ ଦୀର୍ଘସତ୍ରେ ଶୌନକାଦୀନ୍ପ୍ରତି ସୌତେରାଗମନମ୍॥ 2 ॥ ତତ୍ର ଶୌନକାଦିଭିଃ ସୌତିଂ ପ୍ରତି ଭାରତକଥନଚୋଦନା॥ 3 ॥ ସୌତିନା ଶ୍ରୀମନ୍ନାରାଯଣନମସ୍କାରପୂର୍ବକଂ ବ୍ଯାସସ୍ଯ ଭାରତନିର୍ମାଣକଥନମ୍॥ 4 ॥ ପର୍ବାନୁକ୍ରମଣିକା॥ 5 ॥Mahabharata - Adi Parva - Chapter Text
1-1-0 (0)
॥ ଶ୍ରୀବେଦବ୍ଯାସାଯ ନମଃ॥ 1-1-0x (0)
ନାରାଯଣଂ ନମସ୍କୃତ୍ଯ ନରଂ ଚୈବ ନରୋତ୍ତମମ୍।
ଦେବୀଂ ସରସ୍ବତୀଂ ଚୈବ(ବ୍ଯାସଂ) ତତୋ ଜଯମୁଦୀରଯେତ୍ ॥ 1-1-1 (1)
`ନାରାଯଣଂ ସୁରଗୁରୁଂ ଜଗଦେକନାଥଂ'
ଭକ୍ତପ୍ରିଯଂ ସକଲଲୋକନମସ୍କୃତଂ ଚ।
ତ୍ରୈଗୁଣ୍ଯବର୍ଜିତମଜଂ ବିଭୁମାଦ୍ଯମୀଶଂ
ବନ୍ଦେ ଭବଘ୍ନମମରାସୁରସିଦ୍ଧବନ୍ଦ୍ଯମ୍'॥ 1-1-2 (2)
`ନମୋ ଧର୍ମାଯ ମହତେ ନମଃ କୃଷ୍ଣାଯ ବେଧସେ।
ବ୍ରାହ୍ମଣେଭ୍ଯୋ ନମସ୍କୃତ୍ଯ ଧର୍ମାନ୍ବକ୍ଷ୍ଯାମି ଶାଶ୍ବତାନ୍'॥ 1-1-3 (3)
ଓଁ ନମୋ ଭଗବତେ ବାସୁଦେବାଯ।
ଓଁ ନମଃ ପିତାମହାଯ। ଓଁ ନମଃ ପ୍ରଜାପତିଭ୍ଯଃ।
ଓଁ ନମଃ କୃଷ୍ଣଦ୍ବୈପାଯନାଯ।
ଓଁ ନମଃ ସର୍ବବିଘ୍ନବିନାଯକେଭ୍ଯଃ॥ 1-1-4 (4)
ରୋମହର୍ଷଣପୁତ୍ର ଉଗ୍ରଶ୍ରବାଃ ସୌତିଃ ପୌରାଣିକୋ
ନୈମିଶାରଣ୍ଯେ ଶୌନକସ୍ଯ କୁଲପତେର୍ଦ୍ବାଦଶବାର୍ଷିକେ ସତ୍ରେ 1-1-5 (5)
ସୁଖାସୀନାନଭ୍ଯଗଚ୍ଛଦ୍ବ୍ରହ୍ମର୍ଷୀନ୍ସଂଶିତବ୍ରତାନ୍।
ବିନଯାବନତୋ ଭୂତ୍ବା କଦାଚିତ୍ସୂତନନ୍ଦନଃ॥ 1-1-6 (6)
ତମାଶ୍ରମମନୁପ୍ରାପ୍ଯ ନୈମିଶାରଣ୍ଯବାସିନଃ।
`ଉବାଚ ତାନୃଷୀନ୍ସର୍ବାନ୍ଧନ୍ଯୋ ବୋଽସ୍ମ୍ଯଦ୍ଯଦର୍ଶନାତ୍ 1-1-7 (7)
ବେଦ ବୈଯାସିକୀଃ ସର୍ବାଃ କଥା ଧର୍ମାର୍ଯୈସଂହିତାଃ।
ବକ୍ଷ୍ଯାମି ବୋ ଦ୍ବିଜଶ୍ରେଷ୍ଠାଃ ଶୃଣ୍ବନ୍ତ୍ବଦ୍ଯ ତପୋଧନାଃ 1-1-8 (8)
ତସ୍ଯ ତଦ୍ବଚନଂ ଶ୍ରୁତ୍ବା ନୈମିଶାରଣ୍ଯବାସିନଃ।
ଚିତ୍ରା ଶ୍ରୋତୁଂ କଥାସ୍ତତ୍ର ପରିବ୍ରୁସ୍ତପସ୍ବିନଃ॥ 1-1-9 (9)
ଅଭିବାଦ୍ଯ ମୁନୀଂସ୍ତାଂସ୍ତୁ ସର୍ବାନେବ କୁତାଞ୍ଜଲିଃ।
ଅପୃଚ୍ଛତ୍ସ ତପୋବୃଦ୍ଧିଂ ସଦ୍ଭିଶ୍ଚୈବାଭିପୂଜିତଃ॥ 1-1-10 (10)
ଅଥ ତେଷୂପବିଷ୍ଟେଷୁ ସର୍ବେଷ୍ବେବ ତପସ୍ବିଷୁ।
ନିର୍ଦିଷ୍ଟମାସନଂ ଭେଜେ ବିନଯାଦ୍ରୌମହର୍ଷଣିଃ॥ 1-1-11 (11)
ସୁଖାସୀନଂ ତତସ୍ତଂ ତୁ ବିଶ୍ରାନ୍ତମୁପଲକ୍ଷ୍ଯ ଚ।
ଅଥାପୃଚ୍ଛଦୃଷିସ୍ତତ୍ର କଶ୍ଚିତ୍ପ୍ରସ୍ତାବଯନ୍କଥାଃ॥ 1-1-12 (12)
କୁତ ଆଗମ୍ଯତେ ସୌତେ କ୍ବଚାଯଂ ବିହୃତସ୍ତ୍ବଯା।
କାଲଃ କମଲପତ୍ରାକ୍ଷ ଶଂସୈତତ୍ପୃଚ୍ଛତୋ ମମ॥ 1-1-13 (13)
ଏବଂ ପୃଷ୍ଟୋଽବ୍ରବୀତ୍ସମ୍ଯଗ୍ଯଥାବଦ୍ରୌମହର୍ଷଣିଃ।
ବାକ୍ଯଂ ବଚନସଂପନ୍ନସ୍ତେଷାଂ ଚ ଚରିତାଶ୍ରଯମ୍॥ 1-1-14 (14)
ତସ୍ମିନ୍ସଦସି ବିସ୍ତୀର୍ଣେ ମୁନୀନାଂ ଭାବିତାତ୍ମନାମ୍। 1-1-15 (15)
ସୌତିରୁବାଚ।
ଜନମେଜଯସ୍ଯ ରାଜର୍ଷେଃ ସର୍ପସତ୍ରେ ମହାତ୍ମନଃ॥ 1-1-15x (1)
ସମୀପେ ପାର୍ଥିବେନ୍ଦ୍ରସ୍ଯ ସମ୍ଯକ୍ପାରିକ୍ଷିତସ୍ଯ ଚ।
କୃଷ୍ଣଦ୍ବୈପାଯନପ୍ରୋକ୍ତାଃ ସୁପୁଣ୍ଯା ବିବିଧାଃ କଥାଃ 1-1-16 (16)
କଥିତାଶ୍ଚାପି ବିଧିବଦ୍ଯା ବୈଶମ୍ପାଯନେନ ବୈ।
ଶ୍ରୁତ୍ବାଽହଂ ତା ବିଚିତ୍ରାର୍ଥା ମହାଭାରତସଂଶ୍ରିତାଃ॥ 1-1-17 (17)
ବହୂନି ସଂପରିକ୍ରମ୍ଯ ତୀର୍ଥାନ୍ଯାଯତନାନି ଚ।
ସମନ୍ତପଞ୍ଚକଂ ନାମ ପୁଣ୍ଯଂ ଦ୍ବିଜନିଷେବିତମ୍॥ 1-1-18 (18)
ଗତବାନସ୍ମି ତଂ ଦେଶଂ ଯୁଦ୍ଧଂ ଯତ୍ରାଭବତ୍ପୁରା।
କୁରୂଣାଂ ପାଣ୍ଡବାନାଂ ଚ ସର୍ବେଷାଂ ଚହୀକ୍ଷିତାମ୍॥ 1-1-19 (19)
ଦିଦୃକ୍ଷୁଂରାଗତସ୍ତସ୍ମାତ୍ସମୀପଂ ଭାବତାମିହ।
ଆଯୁଷ୍ମନ୍ତଃ ସର୍ବ ଏବ ବ୍ରହ୍ମଭାତା ହି ମେ ମତାଃ॥
ଅସ୍ମିନ୍ଯଜ୍ଞେ ମହାଭଙ୍ଗାଃ ସୂର୍ଯପାବକବର୍ଚସଃ॥ 1-1-20 (20)
କୃତାଭିଷେକାଃ ଶୁଚଯଃ କୃତଜପ୍ଯା ହୁତାଗ୍ନଯଃ।
ଭବନ୍ତ ଆସତେ ସ୍ବସ୍ଥା ବ୍ରବୀମି କିମହଂ ଦ୍ବିଜାଃ 1-1-21 (21)
ପୁରାଣସଂହିତାଃ ପୁଣ୍ଯାଃ କଥା ଧର୍ମାର୍ଥସଂଶ୍ରିତାଃ।
ଇତିବୃତ୍ତଂ ନରେନ୍ଦ୍ରାଣାମୃଷୀଣାଂ ଚ ମହାତ୍ମନାମ୍॥ 1-1-22 (22)
ଋଷଯ ଊଚୁଃ। 1-1-23x (2)
ଦ୍ବୈପାଯନେନ ଯତ୍ପ୍ରୋକ୍ତଂ ପୁରାଣଂ ପରମର୍ଷିଣା।
ସୁରୈର୍ବ୍ରହ୍ମର୍ଷିଭିଶ୍ଚୈବ ଶ୍ରୁତ୍ବା ଯଦଭିପୂଜିତମ୍॥ 1-1-23 (23)
ତସ୍ଯାଖ୍ଯାନବରିଷ୍ଠସ୍ଯ ବିଚିତ୍ରପଦପର୍ବଣଃ।
ସୂକ୍ଷ୍ମାର୍ଥନ୍ଯାଯଯୁକ୍ତସ୍ଯ ବେଦାର୍ଥୈର୍ଭୂଷିତସ୍ଯ ଚ॥ 1-1-24 (24)
ଭାରତସ୍ଯେତିହାସସ୍ଯ ପୁଣ୍ଯାଂ ଗ୍ରନ୍ଥାର୍ଥସଂଯୁତାମ୍।
ସଂସ୍କାରୋପଗତାଂ ବ୍ରାହ୍ମୀଂ ନାନାଶାସ୍ତ୍ରୋପବୃଂହିତାମ୍॥ 1-1-25 (25)
ଜନମେଜଯସ୍ଯ ଯାଂ ରାଜ୍ଞୋ ବୈଶମ୍ପାଯନ ଉକ୍ତବାନ୍।
ଯଥାବତ୍ସ ଋଷିଃ ପୃଷ୍ଟଃ ସତ୍ରେ ଦ୍ବୈପାଯନାଜ୍ଞଯା॥ 1-1-26 (26)
ବେଦୈଶ୍ଚତୁର୍ଭିଃ ସଯୁକ୍ତାଂ ବ୍ଯାସସ୍ଯାଦ୍ଭୁତକର୍ମଣଃ।
ସଂହିତାଂ ଶ୍ରୋତୁମିଚ୍ଛାମଃ ପୁଣ୍ଯାଂ ପାପଭଯାପହାମ୍॥ 1-1-27 (27)
ସୌତିରୁବାଚ। 1-1-28x (3)
ଆଦ୍ଯଂ ପୁରୁଷମୀଶାନଂ ପୁରୁହୂତଂ ପୁରୁଷ୍ଟୁତମ୍।
ଋତମେକାକ୍ଷରଂ ବ୍ରହ୍ମ ବ୍ଯକ୍ତାବ୍ଯକ୍ତଂ ସନାତନମ୍॥ 1-1-28 (28)
ଅସଚ୍ଚ ସଚ୍ଚୈବ ଚ ଯଦ୍ବିଶ୍ବଂ ସଦସତଃ ପରମ୍
ପରାବରାଣାଂ ସ୍ରଷ୍ଟାରଂ ପୁରାଣଂ ପରମବ୍ଯଯମ୍॥ 1-1-29 (29)
ମଙ୍ଗଲ୍ଯଂ ମଙ୍ଗଲଂ ବିଷ୍ଣୁଂ ବରେଣ୍ଯମନଘଂ ଶୁଚିମ୍।
ନମସ୍କୃତ୍ଯ ହୃଷୀକେଶଂ ଚରାଚରଗୁରୁଂ ହରିମ୍॥ 1-1-30 (30)
ମହର୍ଷେଃ ପୂଜିତସ୍ଯେହ ସର୍ବଲୋକୈର୍ମହାତ୍ମନଃ।
ପ୍ରବକ୍ଷ୍ଯାମି ମତଂ ପୁଣ୍ଯଂ ବ୍ଯାସସ୍ଯାଦ୍ଭୁତକର୍ମଣଃ॥ 1-1-31 (31)
`ନମୋ ଭଗବତେ ତସ୍ମୈ ବ୍ଯାସାଯାମିତତେଜସେ।
ଯସ୍ଯ ପ୍ରସାଦାଦ୍ବକ୍ଷ୍ଯାମି ନାରାଯଣକଥାମିମାମ୍॥ 1-1-32 (32)
ସର୍ବାଶ୍ରମାଭିଶମନଂ ସର୍ବତୀର୍ଥାବଗାହନମ୍।
ନ ତଥା ଫଲଦ ସୂତେ ନାରାଯଣକଥା ଯଥା॥ 1-1-33 (33)
ନାସ୍ତି ନାରାଯଣସମଂ ନ ଭୂତଂ ନ ଭବିଷ୍ଯତି।
ଏତେନ ସତ୍ଯବାକ୍ଯେନ ସର୍ବାର୍ଥାନ୍ସାଧଯାମ୍ଯହମ୍'॥ 1-1-34 (34)
ଆଚଖ୍ଯୁଃ କବଯଃ କେଚିତ୍ସଂପ୍ରତ୍ଯାଚକ୍ଷତେ ପରେ।
ଆଖ୍ଯାସ୍ଯନ୍ତି ତଥୈବାନ୍ଯ ଇତିହାସମିମଂ ଭୁବି॥ 1-1-35 (35)
ଇଦଂ ତୁ ତ୍ରିଷୁ ଲୋକେଷୁ ମହଜ୍ଜ୍ଞାନଂ ପ୍ରତିଷ୍ଠିତମ୍।
ବିସ୍ତରୈଶ୍ଚ ସମାସୈଶ୍ଚ ଧାର୍ଯତେ ଯଦ୍ଦ୍ବିଜାତିଭିଃ॥ 1-1-36 (36)
ଅଲଙ୍କୃତଂ ଶୁଭୈଃ ଶବ୍ଦୈଃ ସମଯୈର୍ଦିବ୍ଯଧନୁଷୈଃ।
ଛନ୍ଦୋବୃତ୍ତୈଶ୍ଚ ବିବିଧୈରନ୍ବିତଂ ବିଦୁଷାଂପ୍ରିଯମ୍॥ 1-1-37 (37)
ତପସା ବ୍ରହ୍ମଚର୍ଯେଣ ବ୍ଯସ୍ଯ ବେଦଂ ସନାତନମ୍।
ଇତିହାସମିମଂ ଚକ୍ରେ ପୁଣ୍ଯଂ ସତ୍ଯବତୀସୁତଃ॥ 1-1-38 (38)
`ପୁଣ୍ଯେ ହିମବତଃ ପାଦେ ମେଧ୍ଯେ ଗିରିଗୁହାଲଯେ।
ବିଶୋଧ୍ଯ ଦେହଂ ଧର୍ମାତ୍ମା ଦର୍ଭସଂସ୍ତରମାଶ୍ରିତଃ॥ 1-1-39 (39)
ଶୁଚିଃ ସନିଯମୋ ବ୍ଯାସଃ ଶାନ୍ତାତ୍ମାତପସି ସ୍ଥିତଃ
ଭାରତସ୍ଯେତିହାସସ୍ଯ ଧର୍ମେଣାନ୍ବୀକ୍ଷ୍ଯ ତାଂ ଗତିମ୍॥ 1-1-40 (40)
ପ୍ରବିଶ୍ଯ ଯୋଗଂ ଜ୍ଞାନେନ ସୋଽପଶ୍ଯତ୍ସର୍ବମନ୍ତତଃ॥ 1-1-41 (41)
ନିଷ୍ପ୍ରଭେଽସ୍ମିନ୍ନିରାଲୋକେ ସର୍ବତସ୍ତମସା ବୃତେ।
ବୃହଦଣ୍ଡମଭୂଦେକଂ ପ୍ରଜାନାଂ ବୀଜମବ୍ଯଯମ୍॥ 1-1-42 (42)
ଯୁଗସ୍ଯାଦିନିମିତ୍ତଂ ତନ୍ମହଦ୍ଦିବ୍ଯଂ ପ୍ରଚକ୍ଷତ।
ବ୍ଯସ୍ମିଂସ୍ତଚ୍ଛ୍ରୂଯତେ ସତ୍ଯଂଜ୍ଯୋତିର୍ବ୍ରହ୍ମ ସନାତନମ୍॥ 1-1-43 (43)
ଅଦ୍ଭୁତଂ ଚାପ୍ଯଚିନ୍ତ୍ଯଂ ଚ ସର୍ବତ୍ର ସମତାଂ ମତମ୍।
ଅବ୍ଯକ୍ତଂ କାରଣଂ ସୂକ୍ଷ୍ମଂ ଯତ୍ତତ୍ସଦସଦାତ୍ମକମ୍॥ 1-1-44 (44)
ଯସ୍ମିନ୍ପିତାମହୋ ଜଜ୍ଞେ ପ୍ରଭୁରେକଃ ପ୍ରଜାପତିଃ।
ବ୍ରହ୍ମା ସୁରଗୁରୁଃ ସ୍ଥାଣୁର୍ମନୁଃ କଃ ପରମେଷ୍ଠ୍ଯଥ॥ 1-1-45 (45)
ପ୍ରାଚେତସସ୍ତଥା ଦକ୍ଷୋ ଦକ୍ଷପୁତ୍ରାଶ୍ଚ ସପ୍ତବୈ।
ତତଃ ପ୍ରଜାନାଂ ପତଯଃ ପ୍ରାଭବନ୍ନେକବିଂଶତିଃ॥ 1-1-46 (46)
ପୁରୁଷଶ୍ଚାପ୍ରମେଯାତ୍ମା ଯଂ ସର୍ବଋଷଯୋ ବିଦୁ।
ବିଶ୍ବେଦେବାସ୍ତଥାଽଽଦିତ୍ଯା ବସବୋଽଥାଶ୍ବିନାବପି॥ 1-1-47 (47)
ଯକ୍ଷାଃ ସାଧ୍ଯାଃ ପିଶାଚାଶ୍ଚ ଗୁହ୍ଯକାଃ ପିତରସ୍ତଥା।
ତତଃ ପ୍ରସୂତା ବିଦ୍ବାଂସଃ ଶିଷ୍ଟା ବ୍ରହ୍ମର୍ଷିସତ୍ତମାଃ॥ 1-1-48 (48)
ମହର୍ଷଯଶ୍ଚ ବହବଃ ସର୍ବୈଃ ସମୁଦିତା ଗୁଣୈଃ।
ଆତୋ ଦ୍ଯୌଃ ପୃଥିବୀ ବାଯୁରନ୍ତରିକ୍ଷଂ ଦିଶସ୍ତଯା॥ 1-1-49 (49)
ସଂବତ୍ସରର୍ତବୋ ମାସାଃ ପକ୍ଷାହୋରାତ୍ରଯଃ କ୍ରମାତ୍।
ଯଚ୍ଚାନ୍ଯଦପି ତତ୍ସର୍ବଂ ସଂଭୂତଂ ଲୋକସାକ୍ଷିକମ୍॥ 1-1-50 (50)
ଯଦିଦଂ ଦୃଶ୍ଯତେ କିଂଚିଦ୍ବୂତଂ ସ୍ଥାବରଜଙ୍ଗମମ୍।
ପୁନଃସଂକ୍ଷିପ୍ଯତେ ସର୍ବଂ ଜଗତ୍ପ୍ରାପ୍ତେ ଯୁଗକ୍ଷଯେ॥ 1-1-51 (51)
ଯଥର୍ତୁଷ୍ବୃତୁଲିଙ୍ଗାନି ନାନାରୂପାଣି ପର୍ଯଯେ।
ଦୃଶ୍ଯନ୍ତେ ତାନି ତାନ୍ଯେବ ତଥା ଭାବା ଯୁଗାଦିଷୁ॥ 1-1-52 (52)
ଏବମେତଦନାଦ୍ଯନ୍ତଂ ଭୂତସଂଘାତକାରକମ୍।
ଅନାଦିନିଧନଂ ଲୋକେ ଚକ୍ରଂ ସଂପରିବର୍ତତେ॥ 1-1-53 (53)
ତ୍ରଯସ୍ତ୍ରିଂଶତ୍ସହସ୍ରାଣି ତ୍ରଯସ୍ତ୍ରିଂଶଚ୍ଛତାନି ଚ।
ତ୍ରଯସ୍ତ୍ରିଂଶଚ୍ଚ ଦେବନାଂ ସୃଷ୍ଟିଃ ସଂକ୍ଷେପଲକ୍ଷଣା॥ 1-1-54 (54)
ଦିବଃ ପୁତ୍ରୋ ବୃହଦ୍ଭାନୁଶ୍ଚକ୍ଷୁରାତ୍ମା ବିଭାବସୁଃ।
ସବିତା ସ ଋଚୀକୋଽର୍କୋ ଭାନୁରାଶାବହୋ ରବିଃ॥ 1-1-55 (55)
ପୁତ୍ରା ବିବସ୍ବତଃ ସର୍ବେ ମନୁସ୍ତେଷାଂ ତଥାଽବରଃ।
ଦେବଭ୍ରାଟ୍ ତନଯସ୍ତସ୍ଯ ସୁଭ୍ରାଡିତି ତତଃ ସ୍ମୃତଃ॥ 1-1-56 (56)
ସୁଭ୍ରାଜସ୍ତୁ ତ୍ରଯଃ ପୁତ୍ରାଃ ପ୍ରଜାବନ୍ତୋ ବହୁଶ୍ରୁତାଃ।
ଦଶଜ୍ଯୋତିଃ ଶତଜ୍ଯୋତିଃ ସହସ୍ରଜ୍ଯୋତିରେବ ଚ॥ 1-1-57 (57)
ଦଶପୁତ୍ରସହସ୍ରାଣି ଦଶଜ୍ଯୋତେର୍ମହାତ୍ମନଃ।
ତତୋ ଦଶଗୁଣାଶ୍ଚାନ୍ଯେ ଶତଜ୍ଯୋତେରିହାତ୍ମଜାଃ॥ 1-1-58 (58)
ଭୂଯସ୍ତତୋ ଦଶଗୁଣାଃ ସହସ୍ରଜ୍ଯୋତିଷଃ ସୁତାଃ।
ତେଭ୍ଯୋଽଯଂ କୁରୁବଂଶଶ୍ଚ ଯଦୂନାଂ ଭରତସ୍ଯ ଚ॥ 1-1-59 (59)
ଯଯାତୀକ୍ଷ୍ବାକୃବଂଶଶ୍ଚ ରାଜର୍ଷୀଣାଂ ଚ ସର୍ବଶଃ।
ସଂଭୂତା ବହବୋ ବଂଶା ଭୂତସର୍ଗାଃ ସୁବିସ୍ତରାଃ॥ 1-1-60 (60)
ଭୂତସ୍ଥାନାନି ସର୍ବାଣି ରହସ୍ଯଂ ତ୍ରିବିଧଂ ଚ ଯତ୍।
ବେଦା ଯୋଗଃ ସବିଜ୍ଞାନୋ ଧର୍ମୋଽର୍ଥଃ କାମ ଏବ ଚ॥ 1-1-61 (61)
ଧର୍ମାର୍ଥକାମଯୁକ୍ତାନି ଶାସ୍ତ୍ରାଣି ବିବିଧାନି ଚ।
ଲୋକଯାତ୍ରାବିଧାନ ଚ ସର୍ବ ତଦ୍ଦୃଷ୍ଟବାନୃଷିଃ॥ 1-1-62 (62)
`ନୀତିର୍ଭରତବଂଶସ୍ଯ ବିସ୍ତାରଶ୍ଚୈବ ସର୍ବଶଃ।'
ଇତିହାସାଃ ସହବ୍ଯାଖ୍ଯା ବିବିଧାଶ୍ରୁତଯୋଽପି ଚ॥ 1-1-63 (63)
ଇହ ସର୍ବମନୁକ୍ରାନ୍ତମୁକ୍ତଂ ଗ୍ରନ୍ଥସ୍ଯ ଲକ୍ଷଣମ୍।
`ସଂକ୍ଷେପେଣେତିହାସସ୍ଯ ତତୋ ବକ୍ଷ୍ଯତି ବିସ୍ତରମ୍॥' 1-1-64 (64)
ବିସ୍ତୀର୍ଯୈତନ୍ମହଜ୍ଜ୍ଞାନମୃଷିଃ ସଂକ୍ଷିପ୍ଯ ଚାବ୍ରବୀତ୍।
ଇଷ୍ଟଂ ହି ବିଦୁଷାଂ ଲୋକେ ସମାସବ୍ଯାସଧାରଣମ୍॥ 1-1-65 (65)
ମନ୍ବାଦି ଭାରତଂ କେଚିଦାସ୍ତୀକାଦି ତଥାଽପରେ।
ତଥୋପରିଚରାଦ୍ଯନ୍ଯେ ବିପ୍ରାଃ ସମ୍ଯଗଧୀଯିରେ॥ 1-1-66 (66)
ବିବିଧଂ ସଂହିତାଜ୍ଞାନଂ ଦୀପଯନ୍ତି ମନୀଷିଣଃ।
ବ୍ଯାଖ୍ଯାତୁଂ କୁଶଲାଃ କେଚିଦ୍ଗ୍ରନ୍ଥାନ୍ଧାରଯିତୁଂ ପରେ॥ 1-1-67 (67)
ତପସା ବ୍ରହ୍ମଚର୍ଯେଣ ବ୍ଯସ୍ଯ ବେଦଂ ସନାତନମ୍।
ଇତିହାସମିମଂ ଚକ୍ରେ ପୁଣ୍ଯଂ ସତ୍ଯବତୀତ୍ସୁତଃ॥ 1-1-68 (68)
ପରାଶରାତ୍ମଜୋ ବିଦ୍ବାନ୍ବ୍ରହ୍ମର୍ଷିଃ ସଂଶିତବ୍ରତଃ।
ମାତୁର୍ନିଯୋଗାଦ୍ଧର୍ମାତ୍ମା ଗାଙ୍ଗେଯସ୍ଯ ଚ ଧୀମତଃ॥ 1-1-69 (69)
କ୍ଷେତ୍ରେ ବିଚିତ୍ରବୀର୍ଯସ୍ଯ କୃଷ୍ଣଦ୍ବୈପାଯନଃ ପୁରା।
ତ୍ରୀନଗ୍ନୀନିବ କୌରବ୍ଯାଞ୍ଜନଯାମାସ ବୀର୍ଯବାନ୍॥ 1-1-70 (70)
ଉତ୍ପାଦ୍ଯ ଧୃତରାଷ୍ଟ୍ରଂ ଚ ପାଣ୍ଡୁଂ ବିଦୁରମେବ ଚ।
ଜଗାମ ତପସେ ଧୀମାନ୍ପୁନରେବାଶ୍ରମଂ ପ୍ରତି॥ 1-1-71 (71)
ତେଷୁ ଜାତେଷୁ ବୃଦ୍ଧେଷୁ ଗତେଷୁ ପରମାଂ ଗତିମ୍।
ଅବ୍ରବୀଦ୍ଭାରତଂ ଲୋକେ ମାନୁଷେଽସ୍ମିନ୍ମହାନୃଷିଃ॥ 1-1-72 (72)
ଜନମେଜଯେନ ପୃଷ୍ଟଃ ସନ୍ବ୍ରାହ୍ମଣୈଶ୍ଚ ସହସ୍ରଶଃ।
ଶଶାସ ଶିଷ୍ଯମାସୀନଂ ବୈଶମ୍ପାଯନମନ୍ତିକେ॥ 1-1-73 (73)
ସ ସଦସ୍ଯୈଃ ସହାସୀନଂ ଶ୍ରାବଯାମାସ ଭାରତମ୍।
କର୍ମାନ୍ତରେଷୁ ଯଜ୍ଞସ୍ଯ ଚୋଦ୍ଯମାନଃ ପୁନଃ ପୁନଃ॥ 1-1-74 (74)
ବିସ୍ତାରଂ କୁରୁବଂଶସ୍ଯ ଗାନ୍ଧାର୍ଯା ଧର୍ମଶୀଲତାମ୍।
କ୍ଷତ୍ତୁଃ ପ୍ରଜ୍ଞାଂ ଧୃତିଂ କୁନ୍ତ୍ଯାଃ ସମ୍ଯଗ୍ଦ୍ବୈପାଯନୋବ୍ରବୀତ୍॥ 1-1-75 (75)
ବାସୁଦେବସ୍ଯ ମାହାତ୍ମ୍ଯଂ ପାଣ୍ଡବାନାଂ ଚ ସତ୍ଯତାମ୍।
ଦୁର୍ବୃତ୍ତଂ ଧାର୍ତରାଷ୍ଟ୍ରାଣାମୁକ୍ତବାନ୍ଭଗବାନୃଷିଃ॥ 1-1-76 (76)
ଇଦଂ ଶତସହସ୍ରଂ ତୁ ଶ୍ଲୋକାନାଂ ପୁଣ୍ଯକର୍ମଣାମ୍।
ଉପାଖ୍ଯାନୈଃ ସହ ଜ୍ଞେଯଂ ଶ୍ରାବ୍ଯଂ ଭାରତମୁତ୍ତମମ୍॥ 1-1-77 (77)
ଚତୁର୍ବିଂଶତିସାହସ୍ରୀଂ ଚକ୍ରେ ଭାରତସଂହିତାମ୍।
ଉପାଖ୍ଯାନୈର୍ବିନା ତାବଦ୍ଭାରତଂ ପ୍ରୋଚ୍ଯତେ ବୁଧୈଃ॥ 1-1-78 (78)
ତତୋଽଧ୍ଯର୍ଧଶତଂ ଭୂଯଃ ସଂକ୍ଷେପଂ କୃତବାନୃଷିଃ।
ଅନୁକ୍ରମଣିକାଧ୍ଯାଯଂ ବୃତ୍ତାନ୍ତଂ ସର୍ବପର୍ବଣାମ୍॥ 1-1-79 (79)
ତସ୍ଯାଖ୍ଯାନବରିଷ୍ଠସ୍ଯ କୃତ୍ବା ଦ୍ବୈପାଯନଃ ପ୍ରଭୁଃ।
କଥମଧ୍ଯାପଯାନୀହ ଶିଷ୍ଯାନିତ୍ଯନ୍ବଚିନ୍ତଯତ୍॥ 1-1-80 (80)
ତସ୍ଯ ତଚ୍ଚିନ୍ତିତଂ ଜ୍ଞାତ୍ବା ଋଷେର୍ଦ୍ବୈପାଯନସ୍ଯ ଚ।
ତତ୍ରାଜଗାମ ଭଗବାନ୍ବ୍ରହ୍ମା ଲୋକଗୁରୁଃ ସ୍ବଯମ୍॥ 1-1-81 (81)
ପ୍ରୀତ୍ଯର୍ଥଂ ତସ୍ଯ ଚୈବର୍ଷେର୍ଲୋକାନାଂ ହିତକାମ୍ଯଯା।
ତଂ ଦୃଷ୍ଟ୍ବା ବିସ୍ମିତୋ ଭୂତ୍ବା ପ୍ରାଞ୍ଜଲିଃ ପ୍ରଣତଃ ସ୍ଥିତଃ॥ 1-1-82 (82)
ଆସନଂ କଲ୍ପଯାମାସ ସର୍ବୈର୍ମୁନିଗଣୈର୍ବୃତଃ॥ 1-1-83 (83)
ହିରଣ୍ଯମର୍ଭମାସୀନଂ ତସ୍ମିଂସ୍ତୁ ପରମାସନେ।
ପରିବୃତ୍ଯାସନଭ୍ଯାଶେ ବାସବେଯଃ ସ୍ଥିତୋଽଭବତ୍॥ 1-1-84 (84)
ଅନୁଜ୍ଞାତୋଽଥ କୃଷ୍ଣସ୍ତୁ ବ୍ରହ୍ମଣା ପରମେଷ୍ଠିନା।
ନିଷସାଦାସନାଭ୍ଯାଶେ ପ୍ରୀଯମାଣଃ ଶୁଚିସ୍ମିତଃ॥ 1-1-85 (85)
ଉବାଚ ସ ମହାତେଜା ବ୍ରହ୍ମାଣଂ ପରମେଷ୍ଠିନମ୍।
କୃତଂ ମଯେଦଂ ଭଗବନ୍କାବ୍ଯଂ ପରମପୂଜିତମ୍॥ 1-1-86 (86)
ବ୍ରହ୍ମନ୍ବେଦରହସ୍ଯ ଚ ଯଚ୍ଚାନ୍ଯତ୍ସ୍ଥାପିତଂ ମଯା।
ସାଙ୍ଗୋପନିଷଦାଂ ଚୈବ ବେଦାନାଂ ବିସ୍ତରକ୍ରିଯା॥ 1-1-87 (87)
ଇତିହାସପୁରାପାନାମୁନ୍ମେଷଂ ନିମିଷଂ ଚ ଯତ୍।
ଭୂତଂ ଭବ୍ଯଂ ଭବିଷ୍ଯଚ୍ଚ ତ୍ରିବିଧଂ କାଲସଂଜ୍ଞିତମ୍॥ 1-1-88 (88)
ଜରାମୃତ୍ଯୁଭଯବ୍ଯାଧିଭାବାଭାବବିନିଶ୍ଚଯଃ।
ବିବିଧସ୍ଯ ଚ ଧର୍ମସ୍ଯ ହ୍ଯାଶ୍ରମାଣାଂ ଚ ଲକ୍ଷଣମ୍॥ 1-1-89 (89)
ଚାତୁର୍ବର୍ଣ୍ଯବିଧାନଂ ଚ ପୁରାଣାନାଂ ଚ କୃତ୍ସ୍ନଶଃ।
ତପସୋ ବ୍ରହ୍ମଚର୍ଯସ୍ଯ ପୃଥିବ୍ଯାଶ୍ଚନ୍ଦ୍ରସୂର୍ଯଯୋଃ॥ 1-1-90 (90)
ଗ୍ରହନକ୍ଷତ୍ରତାରାଣାଂ ପ୍ରମାଣଂ ଚ ଯୁଗୈଃ ସହ।
ଋଚୋ ଯଜୂଷି ସାମାନି ବେଦାଧ୍ଯାତ୍ମଂ ତଥୈବ ଚ॥ 1-1-91 (91)
ନ୍ଯାଯଶିକ୍ଷା ଚିକିତ୍ସା ଚ ଦାନଂ ପାଶୁପତଂ ତଥା।
ଇତି ନୈକାଶ୍ରଯଂ ଜନ୍ମ ଦିବ୍ଯମାନୁଷସଂଜ୍ଞିତମ୍॥ 1-1-92 (92)
ତୀର୍ଥାନାଂ ଚୈବ ପୁଣ୍ଯାନାଂ ଦେଶାନାଂ ଚୈବ କୀର୍ତନମ୍।
ନଦୀନାଂ ପର୍ବତାନାଂ ଚ ବନାନାଂ ସାଗରସ୍ଯ ଚ॥ 1-1-93 (93)
ପୁରାଣାଂ ଚୈବ ଦିବ୍ଯାନାଂ କଲ୍ପାନାଂ ଯୁଦ୍ଧକୌଶଲମ୍।
ବାକ୍ଯଜାତିବିଶେଷାଶ୍ଚ ଲୋକଯାତ୍ରାକ୍ରମଶ୍ଚ ଯଃ॥ 1-1-94 (94)
ଯଚ୍ଚାପି ସର୍ବଗଂ ବସ୍ତୁ ତଚ୍ଚୈବ ପ୍ରତିପାଦିତମ୍।
ପରଂ ନ ଲେଖକଃ କଶ୍ଚିଦେତସ୍ଯ ଭୁବି ବିଦ୍ଯତେ॥ 1-1-95 (95)
ବ୍ରହ୍ମୋବାଚ। 1-1-96x (4)
ତପୋବିଶିଷ୍ଟଦପି ବୈ ବସିଷ୍ଠାନ୍ମୁନିପୁଂଗବାତ୍।
ମନ୍ଯେ ଶ୍ରେଷ୍ଠବ୍ଯଂ ତ୍ବାଂ ବୈ ରହସ୍ଯଜ୍ଞାନବେଦନାତ୍॥ 1-1-96 (96)
ଜନ୍ମପ୍ରଭୃତି ସତ୍ଯାଂ ତେ ବେଦ୍ମି ଗାଂ ବ୍ରହ୍ମବାଦିନୀମ୍।
ତ୍ବଯାଚ କାବ୍ଯମିତ୍ଯୁକ୍ତଂ ତସ୍ମାତ୍କାବ୍ଯଂ ଭବିଷ୍ଯତି॥ 1-1-97 (97)
ଅସ୍ଯ କାବ୍ଯସ୍ଯ କବଯୋ ନ ସମର୍ଥା ବିଶେଷଣେ।
ବିଶେଷଣେ ଗୃହସ୍ଥସ୍ଯ ଶେଷାସ୍ତ୍ରଯ ଇବାଶ୍ରମାଃ॥ 1-1-98 (98)
`ଜଡାନ୍ଧବଧିରୋନ୍ମତ୍ତଂ ତମୋଭୂତଂ ଜଗଦ୍ଭବେତ୍।
ଯଦି ଜ୍ଞାନହୁତାଶେନ ତ୍ବଯା ନୋଜ୍ଜ୍ବଲିଯଂ ଭବେତ୍॥ 1-1-99 (99)
ତମସାନ୍ଧସ୍ଯ ଲୋକସ୍ଯ ବେଷ୍ଟିତସ୍ଯ ସ୍ବକର୍ମଭିଃ।
ଜ୍ଞାନାଞ୍ଜନଶଲାକାଭିର୍ବୁଦ୍ଧିନେତ୍ରୋତ୍ସବଃ କୃତଃ'॥ 1-1-100 (100)
ଧର୍ମାର୍ଥକାମମୋକ୍ଷାର୍ଥୈଃ ସମାସବ୍ଯାସକୀର୍ତନୈଃ।
ତ୍ବଯା ଭାରତସୂର୍ଯେଣ ନୃଣାଂ ବିନିହତଂ ତମଃ॥ 1-1-101 (101)
ପୁରାଣପୂର୍ଣଚନ୍ଦ୍ରେଣ ଶ୍ରୁତିଜ୍ଯୋତ୍ସ୍ନାପ୍ରକାଶିନା।
ନୃଣାଂ କୁମୁଦସୌମ୍ଯାନାଂ କୃତଂ ବୁଦ୍ଧିପ୍ରସାଦନମ୍॥ 1-1-102 (102)
ଇତିହାସପ୍ରଦୀପେନ ମୋହାବରଣଘାତିନା।
ଲୋକଗର୍ଭଗୃହଂ କୃତ୍ସ୍ନଂ ଯଥାବତ୍ସଂପ୍ରକାଶିତମ୍॥ 1-1-103 (103)
ସଂଗ୍ରହାଧ୍ଯାଯବୀଜୋ ବୈ ପୌଲୋମାସ୍ତୀକମୂଲବାନ୍।
ସଂଭବସ୍କନ୍ଧବିସ୍ତାରଃ ସଭାପର୍ବବିଟଙ୍କବାନ୍॥ 1-1-104 (104)
ଆରଣ୍ଯପର୍ବରୂପାଢ୍ଯୋ ବିରାଟୋଦ୍ଯୋଗସାରବାନ୍।
ଭୀଷ୍ମପର୍ବମହାଶାଖୋ ଦ୍ରୋଣପର୍ବପଲାଶବାନ୍॥ 1-1-105 (105)
କର୍ଣପର୍ବସିତୈଃ ପୁଷ୍ପୈଃ ଶଲ୍ଯପର୍ବସୁଗନ୍ଧିଭିଃ।
ସ୍ତ୍ରୀପର୍ବୈଷୀକବିଶ୍ରାମଃ ଶାନ୍ତିପର୍ବମହାଫଲଃ॥ 1-1-106 (106)
ଅଶ୍ବମେଧାମୃତସସ୍ତ୍ବାଶ୍ରମସ୍ଥାନସଂଶ୍ରଯଃ।
ମୌସଲଶ୍ରୁତିସଂକ୍ଷେପଃ ଶିଷ୍ଟଦ୍ବିଜନିଷେବିତଃ॥ 1-1-107 (107)
ସର୍ବେଷାଂ କବିମୁଖ୍ଯାନାମୁପଜୀବ୍ଯୋ ଭବିଷ୍ଯତି।
ପର୍ଜନ୍ଯଇବ ଭୂତାନାମକ୍ଷଯୋ ଭାରଦ୍ରୁମଃ॥ 1-1-108 (108)
କାବ୍ଯସ୍ଯ ଲେଖନାର୍ଥାଯ ଗଣେଶଃ ସ୍ମର୍ଯତାଂ ମୁନେ। 1-1-109 (109)
ସୌତିରୁବାଚ। 1-1-110x (5)
ଏବମାଭାଷ୍ଯ ତଂ ବ୍ରହ୍ମା ଜଗାମ ସ୍ବଂ ନିବେଶନମ୍।
ଭଗବାନ୍ସ ଜଗତ୍ସ୍ରଷ୍ଟା ଋଷିଦେବଗଣୈଃ ସହ॥ 1-1-110 (110)
ତତଃ ସସ୍ମାର ହେରମ୍ବଂ ବ୍ଯାସଃ ସତ୍ଯବତୀସୁତଃ॥ 1-1-111 (111)
ସ୍ମୃତମାତ୍ରୋ ଗଣେଶାନୋ ଭକ୍ତଚିନ୍ତିତପୂରକଃ।
ତତ୍ରାଜଗାମ ବିଘ୍ନେଶୋ ବେଦବ୍ଯାସୋ ଯତଃ ସ୍ଥିତଃ॥ 1-1-112 (112)
ପୂଜିତଶ୍ଚୋପବିଷ୍ଟଶ୍ଚ ବ୍ଯାସେନୋକ୍ତସ୍ତଦାନଘ।
ଲେଖକୋ ଭାରତସ୍ଯାସ୍ଯ ଭବ ତ୍ବଂ ଗଣନାଯକ॥
ମଯୈବ ପ୍ରୋଚ୍ଯମାନସ୍ଯ ମନସା କଲ୍ପିତସ୍ଯ ଚ॥ 1-1-113 (113)
ଶ୍ରୁତ୍ବୈତତ୍ପ୍ରାହ ବିଘ୍ନେଶୋ ଯଦି ମେ ଲେଖନୀ କ୍ଷଣମ୍।
ଲିଖତୋ ନାବତିଷ୍ଠେତ ତଦା ସ୍ଯାଂ ଲେଖକୋ ହ୍ଯହମ୍॥ 1-1-114 (114)
ବ୍ଯାସୋଽପ୍ଯୁବାଚ ତଂ ଦେବମବୁଦ୍ଧ୍ବା ମା ଲିଖ କ୍ବଚିତ୍।
ଓମିତ୍ଯୁକ୍ତ୍ବା ଗଣେଶୋପି ବଭୂବ କିଲ ଲେଖକଃ॥ 1-1-115 (115)
ଗ୍ରନ୍ଥଗ୍ରନ୍ଥିଂ ତଦା ଚକ୍ରେ ମୁନିର୍ଗୂଢଂ କୁତୂହଲାତ୍।
ଯସ୍ମିନ୍ପ୍ରତିଜ୍ଞଯା ପ୍ରାହ ମୁନିର୍ଦ୍ବୈପାଯନସ୍ତ୍ବିଦମ୍॥ 1-1-116 (116)
ଅଷ୍ଟୌ ଶ୍ଲୋକସହସ୍ରାଣି ଅଷ୍ଟୌ ଶ୍ଲୋକଶତାନି ଚ।
ଅହଂ ବେଦ୍ମି ଶୁକୋ ବେତ୍ତି ସଂଜଯୋ ବେତ୍ତି ବା ନ ବା॥ 1-1-117 (117)
ତଚ୍ଛ୍ଲୋକକୂଟମଦ୍ଯାପି ଗ୍ରଥିତଂ ସୁଦୃଢଂ ମୁନେ।
ଭେତ୍ତୁଂ ନ ଶକ୍ଯତେଽର୍ଥସ୍ଯଂ ଗୂଢତ୍ବାତ୍ପ୍ରଶ୍ରିତସ୍ଯ ଚ॥ 1-1-118 (118)
ସର୍ବଜ୍ଞୋପି ଗଣେଶୋ ଯତ୍କ୍ଷଣମାସ୍ତେ ବିଚାରଯନ୍।
ତାବଚ୍ଚକାର ବ୍ଯାସୋପି ଶ୍ଲୋକାନନ୍ଯାନ୍ବହୂନପି॥ 1-1-119 (119)
ତସ୍ଯ ବୃକ୍ଷସ୍ଯ ବକ୍ଷ୍ଯାମି ଶାଖାପୁଷ୍ପଫଲୋଦଯମ୍।
ସ୍ବାଦୁମେଧ୍ଯରସୋପେତମଚ୍ଛେଦ୍ଯମମରୈରପି॥ 1-1-120 (120)
ଅନୁକ୍ରମଣିକାଧ୍ଯାଯଂ ବୃତ୍ତାନ୍ତଂ ସର୍ବପର୍ବଣାମ୍।
ଇଦଂ ଦ୍ବୈପାଯନଃ ପୂର୍ବଂ ପୁତ୍ରମଧ୍ଯାପଯଚ୍ଛୁକମ୍॥ 1-1-121 (121)
ତତୋଽନ୍ଯେଭ୍ଯୋଽନୁରୂପେଭ୍ଯଃ ଶିଷ୍ଯେଭ୍ଯଃ ପ୍ରଦଦୌ ପ୍ରଭୁ
ଷଷ୍ଟିଂ ଶତସହସ୍ରାଣି ଚକାରାନ୍ଯାଂ ସ ସଂହିତାମ୍।
ତ୍ରିଂଶଚ୍ଛତସହସ୍ରଂ ଚ ଦେବଲୋକେ ପ୍ରତିଷ୍ଠିତମ୍॥ 1-1-122 (122)
ପିତ୍ର୍ଯେ ପଞ୍ଚଦଶ ପ୍ରୋକ୍ତଂ ରକ୍ଷୋଯକ୍ଷେ ଚତୁର୍ଦଶ।
ଏକଂ ଶତସହସ୍ରଂ ତୁ ମାନୁଷେଷୁ ପ୍ରତିଷ୍ଠିତମ୍॥ 1-1-123 (123)
ନାରଦୋଽଶ୍ରାବଯଦ୍ଦେବାନସିତୋ ଦେବଲଃ ପିତୃନ୍।
ଗନ୍ଧର୍ବଯକ୍ଷରକ୍ଷାଂସି ଶ୍ରାବଯାମାସ ବୈ ଶୁକଃ॥ 1-1-124 (124)
`ବୈଶମ୍ପାଯନବିପ୍ରର୍ଷିଃ ଶ୍ରାବଯାମାସ ପାର୍ଥିବମ୍।
ପାରିକ୍ଷିତଂ ମହାତ୍ମାନଂ ନାମ୍ନା ତୁ ଜନମେଜଯମ୍'॥ 1-1-125 (125)
ଅସ୍ମିଂସ୍ତୁ ମାନୁଷେ ଲୋକେ ବୈଶମ୍ପାଯନ ଉକ୍ତବାନ୍।
ଶିଷ୍ଯୋ ବ୍ଯାସସ୍ଯ ଧର୍ମାତ୍ମା ସର୍ବବେଦବିଦାଂ ବରଃ॥ 1-1-126 (126)
ଏକଂ ଶତସହସ୍ରଂ ତୁ ମଯୋକ୍ତଂ ବୈ ନିବୋଧତ॥ 1-1-127 (127)
ଦୁର୍ଯୋଧନୋ ମନ୍ଯୁମଯୋ ମହାଦ୍ରୁମଃ
କର୍ଣଃ ସ୍କନ୍ଧଃ ଶକୁନିସ୍ତସ୍ଯ ଶାଖାଃ।
ଦୁଶ୍ଶାସନଃ ପୁଷ୍ପଫଲେ ସମୃଦ୍ଧେ
ମୂଲଂ ରାଜା ଧୃତରାଷ୍ଟ୍ରୋଽମନୀଷି। 1-1-128 (128)
ଯୁଧିଷ୍ଠିରେ ଧର୍ମମଯୋ ମହାଦ୍ରୁମଃ
ସ୍କନ୍ଧୋଽର୍ଜୁନୋ ଭୀମସେନୋଽସ୍ଯ ଶାଖାଃ।
ମାଦ୍ରୀସୁତୌ ପୁଷ୍ପଫଲେ ସମୃଦ୍ଧେ
ମୂଲଂ କୃଷ୍ଣୋ ବ୍ରହ୍ମ ଚ ବ୍ରାହ୍ମଣାଶ୍ଚ॥ 1-1-129 (129)
ପାଣ୍ଡୁର୍ଜିତ୍ବା ବହୂନ୍ଦେଶାନ୍ଯୁଧା ବିକ୍ରମଣେନ ଚ।
ଅରଣ୍ଯେ ମୃଗଯାଶୀଲୋ ନ୍ଯବସତ୍ସଜନସ୍ତଥା॥ 1-1-130 (130)
ମୃଗବ୍ଯବାଯନିଧନାତ୍କୃଚ୍ଛ୍ରାଂ ପ୍ରାପ ସ ଆପଦମ୍।
ଜନ୍ମପ୍ରଭୃତି ପାର୍ଥାନାଂ ତତ୍ରାଚାରବିଧିକ୍ରମଃ॥ 1-1-131 (131)
ମାତ୍ରୋରଭ୍ଯୁପପତ୍ତିଶ୍ଚ ଧର୍ମୋପନିଷଦଂ ପ୍ରତି।
ଧର୍ମାନିଲେନ୍ଦ୍ରାଂସ୍ତାଭିଃ ସାଽଽଜୁହାବ ସୁତବାଞ୍ଛଯା॥ 1-1-132 (132)
`ତତୋ ଧର୍ମୋପନିଷଦଂ ଭୂତ୍ବା ଭର୍ତୁଃ ପ୍ରିଯା ପୃଥା।
ଧର୍ମାନିଲେନ୍ଦ୍ରାଂସ୍ତାଭିଃ ସାଽଽଜୁହାବ ସୁତବାଞ୍ଛଯା॥ 1-1-133 (133)
ତଦ୍ଦତ୍ତୋପନିଷନ୍ମାଦ୍ରୀ ଚାଶ୍ବିନାବାଜୁହାବ ଚ।
ଜାତାଃ ପାର୍ଥାସ୍ତତଃ ସର୍ବେ କୁନ୍ତ୍ଯା ମାଦ୍ର୍ଯାଶ୍ଚ ମନ୍ତ୍ରତଃ।'
ତାପସୈଃ ସହ ସଂବୃଦ୍ଧା ମାତୃଭ୍ଯାଂ ପରିରକ୍ଷିତାଃ॥ 1-1-134 (134)
ମେଧ୍ଯାରଣ୍ଯେଷୁ ପୁଣ୍ଯେଷୁ ମହତାମାଶ୍ରମେଷୁ ଚ।
`ତେଷୁ ଜାତେଷୁ ସର୍ବେଷୁ ପାଣ୍ଡବେଷୁ ମହାତ୍ମସୁ॥ 1-1-135 (135)
ମାଦ୍ର୍ଯା ତୁ ସହ ସଂଗମ୍ଯ ଋଷିଶାପପ୍ରଭାବତଃ।
ମୃତଃ ପାଣ୍ଡୁର୍ମହାପୁଣ୍ଯେ ଶତଶୃଙ୍ଗେ ମହାଗିରୌ॥' 1-1-136 (136)
ଋଷିଭିଶ୍ଚ ସମାନୀତା ଧାର୍ତରାଷ୍ଟ୍ରାନ୍ପ୍ରତି ସ୍ବଯମ୍।
ଶିଶବଶ୍ଚାଭିରୂପାଶ୍ଚ ଜଟିଲା ବ୍ରହ୍ମଚାରିଣଃ॥ 1-1-137 (137)
ପୁତ୍ରାଶ୍ଚ ଭ୍ରାତରଶ୍ଚେମେ ଶିଷ୍ଯାଶ୍ଚ ସୁହୃଦଶ୍ଚ ବଃ।
ପାଣ୍ଡବା ଏତ ଇତ୍ଯୁକ୍ତ୍ବା ମୁନଯୋଽନ୍ତର୍ହିତାସ୍ତତଃ॥ 1-1-138 (138)
ତାଂସ୍ତୈର୍ନିବେଦିତାନ୍ଦୃଷ୍ଟ୍ବା ପାଣ୍ଡବାନ୍କୌରବାସ୍ତଦା।
ଶିଷ୍ଟାଶ୍ଚ ବର୍ଣାଃ ପୌରା ଯେ ତେ ହର୍ଷାଚ୍ଚୁକ୍ରୁଶୁର୍ଭୃଶମ୍॥ 1-1-139 (139)
ଆହୁଃ କେଚିନ୍ନ ତସ୍ଯୈତେ ତସ୍ଯୈତ ଇତି ଚାପରେ।
ଯଦା ଚିରମୃତଃ ପାଣ୍ଡୁଃ କଥଂ ତସ୍ଯେତଦି ଚାପରେ॥ 1-1-140 (140)
ସ୍ବାଗତଂ ସର୍ବଥା ଦିଷ୍ଟ୍ଯା ପାଣ୍ଡୋଃ ପଶ୍ଯାମ ସନ୍ତତିମ୍।
ଉଚ୍ଯତାଂ ସ୍ବାଗତମିତି ବାଚୋଽଶ୍ରୂଯନ୍ତ ସର୍ବଶଃ॥ 1-1-141 (141)
ତସ୍ମିନ୍ନୁପରତେ ଶବ୍ଦେ ଦିଶଃ ସର୍ବା ନିନାଦଯନ୍।
ଅନ୍ତର୍ହିତାନାଂ ଭୂତାନାଂ ନିଃସ୍ବନସ୍ତୁମୁଲୀଽଭବତ୍॥ 1-1-142 (142)
ପୁଷ୍ପବୃଷ୍ଟିଃ ଶୁଭା ଗନ୍ଧାଃ ଶଙ୍ଖଦୁନ୍ଦୁଭିନିଃସ୍ବନାଃ।
ଆସନ୍ପ୍ରବେଶେ ପାର୍ଥାନାଂ ତଦଦ୍ଭୁତମିବାଭବତ୍॥ 1-1-143 (143)
ତତ୍ପ୍ରୀତ୍ଯା ଚୈବ ସର୍ବେଷାଂ ପୌରାଣାଂ ହର୍ଷସଂଭବଃ।
ଶବ୍ଦ ଆସୀନ୍ମହାଂସ୍ତତ୍ର ଦିବସ୍ପୃକ୍କୀର୍ତିବର୍ଧନଃ॥ 1-1-144 (144)
ତେଽଧୀତ୍ଯ ନିଖିଲାନ୍ବେଦାଞ୍ଶାସ୍ତ୍ରାଣି ବିବିଧାନି ଚ।
ନ୍ଯବସନ୍ପାଣ୍ଡବାସ୍ତତ୍ର ପୂଜିତା ଅକୁତୋଭଯାଃ॥ 1-1-145 (145)
ଯୁଧିଷ୍ଠିରସ୍ଯ ଶୌଚେନ ପ୍ରୀତାଃ ପ୍ରକୃତଯୋଽଭବନ୍।
ଧୃତ୍ଯା ଚ ଭୀମସେନସ୍ଯ ବିକ୍ରମେଣାର୍ଜୁନସ୍ଯ ଚ॥ 1-1-146 (146)
ଗୁରୁଶୁଶ୍ରୂଷଯା କୁନ୍ତ୍ଯା ଯମଯୋର୍ବିନଯେନ ଚ।
ତୁତୋଷ ଲୋକଃ ସକଲସ୍ତେଷାଂ ଶୌର୍ଯଗୁଣେନ ଚ॥ 1-1-147 (147)
ସମବାଯେ ତତୋ ରାଜ୍ଞାଂ କନ୍ଯାଂ ଭର୍ତୃସ୍ବଯଂବରାମ୍।
ପ୍ରାପ୍ତବାନର୍ଜୁନଃ କୃଷ୍ଣାଂ କୃତ୍ବା କର୍ମ ସୁଦୁଷ୍କରମ୍॥ 1-1-148 (148)
ତତଃ ପ୍ରଭୃତି ଲୋକେଽସ୍ମିନ୍ପୂଜ୍ଯଃ ସର୍ବଧନୁଷ୍ମତାମ୍।
ଆଦିତ୍ଯ ଇବ ଦୁଷ୍ପ୍ରେକ୍ଷ୍ଯଃ ସମରେଷ୍ବପି ଚାଭବତ୍॥ 1-1-149 (149)
ସ ସର୍ବାନ୍ପାର୍ଥିବାଞ୍ଜିତ୍ବା ସର୍ବାଂଶ୍ଚ ମହତୋ ଗଣାନ୍।
ଆଜହାରାର୍ଜୁନୋ ରାଜ୍ଞୋ ରାଜସୂଯଂ ମହାକ୍ରତୁମ୍॥ 1-1-150 (150)
ଅନ୍ନବାନ୍ଦକ୍ଷିଣାବାଂଶ୍ଚ ସର୍ବୈଃ ସମୁଦିତୋ ଗୁଣୈଃ।
ଯୁଧିଷ୍ଠିରେଣ ସଂପ୍ରାପ୍ତୋ ରାଜସୂଯୋ ମହାକ୍ରତୁଃ॥ 1-1-151 (151)
ସୁନଯାଦ୍ବାସୁଦେବସ୍ଯ ଭୀମାର୍ଜୁନବଲେନ ଚ।
ଘାତଯିତ୍ବା ଜରାସନ୍ଧଂ ଚୈଦ୍ଯଂ ଚ ବଲଗର୍ବିତମ୍॥ 1-1-152 (152)
ଦୁର୍ଯୋଧନଂ ସମାଗଚ୍ଛନ୍ନର୍ହଣାନି ତତସ୍ତତଃ।
ମଣିକାଞ୍ଚନରତ୍ନାନି ଗୋହସ୍ତ୍ଯଶ୍ବଧନାନି ଚ॥ 1-1-153 (153)
ବିଚିତ୍ରାଣି ଚ ବାସାଂସି ପ୍ରାବାରାବରଣାନି ଚ।
କମ୍ବଲାଜିନରତ୍ନାନି ରାଙ୍କବାସ୍ତରଣାନି ଚ॥ 1-1-154 (154)
ସମୃଦ୍ଧାଂ ତାଂ ତଥା ଦୃଷ୍ଟ୍ବା ପାଣ୍ଡବାନାଂ ତଦା ଶ୍ରିଯମ୍।
ଈର୍ଷ୍ଯାସମୁତ୍ଥଃ ସୁମହାଂସ୍ତସ୍ଯ ମନ୍ଯୁରଜାଯତ॥ 1-1-155 (155)
ବିମାନପ୍ରତିମାଂ ତତ୍ର ମଯେନ ସୁକୃତାଂ ସଭାମ୍।
ପାଣ୍ଡବାନାମୁପହୃତାଂ ସ ଦୃଷ୍ଟ୍ବା ପର୍ଯତପ୍ଯତ॥ 1-1-156 (156)
ତତ୍ରାବହସିତଶ୍ଚାସୀତ୍ପ୍ରସ୍କନ୍ଦନ୍ନିବ ସଂଭ୍ରମାତ୍।
ପ୍ରତ୍ଯକ୍ଷଂ ବାସୁଦେବସ୍ଯ ଭୀମେନାନଭିଜାତବତ୍॥ 1-1-157 (157)
ସ ଭୋଗାନ୍ବିବିଧାନ୍ଭୁଞ୍ଜନ୍ରତ୍ନାନି ବିବିଧାନି ଚ।
କଥିତୋ ଧୃତରାଷ୍ଟ୍ରସ୍ଯ ବିବର୍ଣୋ ହରିଣଃ କୃଶଃ॥ 1-1-158 (158)
ଅନ୍ବଜାନାତ୍ତତୋ ଦ୍ଯୂତଂ ଧୃତରାଷ୍ଟ୍ରଃ ସୁତପ୍ରିଯଃ।
ତଚ୍ଛ୍ରୁତ୍ବା ବାସୁଦେବସ୍ଯ କୋପଃ ସମଭବନ୍ମହାନ୍॥ 1-1-159 (159)
ନାତିପ୍ରୀତମନାଶ୍ଚାସୀଦ୍ବିବାଦାଂଶ୍ଚାନ୍ବମୋଦତ।
ଦ୍ଯୂତାଦୀନନଯାନ୍ଘୋରାନ୍ବିବିଧାଂଶ୍ଚାପ୍ଯୁପୈକ୍ଷତ॥ 1-1-160 (160)
ନିରସ୍ଯ ବିଦୁରଂ ଭୀଷ୍ମଂ ଦ୍ରୋଣଂ ଶାରଦ୍ବତଂ କୃପମ୍।
ବିଗ୍ରହେ ତୁମୁଲେ ତସ୍ମିନ୍ଦହନ୍କ୍ଷତ୍ରଂ ପରସ୍ପରମ୍॥ 1-1-161 (161)
ଜଯତ୍ସୁ ପାଣ୍ଡୁପୁତ୍ରେଷୁ ଶ୍ରୁତ୍ବା ସୁମହଦପ୍ରିଯମ୍।
ଦୁର୍ଯୋଧନମତଂ ଜ୍ଞାତ୍ବା କର୍ଣସ୍ଯ ଶକୁନେସ୍ତଥା॥ 1-1-162 (162)
ଧୃତରାଷ୍ଟ୍ରଶ୍ଚିରଂ ଧ୍ଯାତ୍ବା ସଂଜଯଂ ବାକ୍ଯମବ୍ରବୀତ୍।
ଶୃଣୁ ସଂଜଯ ସର୍ବଂ ମେ ନଚାସୂଯିତୁମର୍ହସି॥ 1-1-163 (163)
ଶ୍ରୁତବାନସି ମେଧାବୀ ବୁଦ୍ଧିମାନ୍ପ୍ରାଜ୍ଞସଂମତଃ।
ନ ବିଗ୍ରହେ ମମ ମତିର୍ନ ଚ ପ୍ରୀଯେ କୁଲକ୍ଷଯେ॥ 1-1-164 (164)
ନ ମେ ବିଶେଷଃ ପୁତ୍ରେଷୁ ସ୍ବେଷୁ ପାମ୍ଡୁସୁତେଷୁ ବା।
ବୃଦ୍ଧଂ ମାମଭ୍ଯସୂଯନ୍ତି ପୁତ୍ରା ମନ୍ଯୁପରାଯଣାଃ॥ 1-1-165 (165)
ଅହଂ ତ୍ବଚକ୍ଷୁଃ କାର୍ପଣ୍ଯାତ୍ପୁତ୍ରପ୍ରୀତ୍ଯା ସହାମି ତତ୍।
ମୁହ୍ଯନ୍ତଂ ଚାନୁମୁହ୍ଯାମି ଦୁର୍ଯୋଧନମଚେତନମ୍॥ 1-1-166 (166)
ରାଜସୂଯେ ଶ୍ରିଯଂ ଦୃଷ୍ଟ୍ବା ପାଣ୍ଡବସ୍ଯ ମହୌଜସଃ।
ତଚ୍ଚାବହସନଂ ପ୍ରାପ୍ଯ ସଭାରୋହଣଦର୍ଶନେ॥ 1-1-167 (167)
ଅମର୍ଷିତଃ ସ୍ବଯଂ ଜେତୁମଶକ୍ତଃ ପାଣ୍ଡବାନ୍ରଣେ।
ନିରୁତ୍ସାହଶ୍ଚ ସଂପ୍ରାପ୍ତୁଂ ସୁଶ୍ରିଯଂ କ୍ଷତ୍ରିଯୋଽପି ସନ୍॥ 1-1-168 (168)
ଗାନ୍ଧାରରାଜସହିତଶ୍ଛଦ୍ମଦ୍ଯୂତମମନ୍ତ୍ରଯତ୍।
ତତ୍ର ଯଦ୍ଯଦ୍ଯଥା ଜ୍ଞାତଂ ମଯାଂ ସଂଜଯ ତଚ୍ଛୃଣୁ॥ 1-1-169 (169)
ଶ୍ରୁତ୍ବା ତୁ ମମ ବାକ୍ଯାନି ବୁଦ୍ଧିଯୁକ୍ତାନି ତତ୍ତ୍ବତଃ।
ତତୋ ଜ୍ଞାସ୍ଯସି ମାଂ ସୌତେ ପ୍ରଜ୍ଞାଟଚକ୍ଷୁଷମିତ୍ଯୁତ॥ 1-1-170 (170)
ଯଦାଽଶ୍ରୌଷଂ ଧନୁରାଯମ୍ଯ ଚିତ୍ରଂ
ବିଦ୍ଧଂ ଲକ୍ଷ୍ଯଂ ପାତିତଂ ବୈ ପୃଥିବ୍ଯାମ୍।
କୃଷ୍ଣାଂ ହୃତାଂ ପ୍ରେକ୍ଷତାଂ ସର୍ବରାଜ୍ଞାଂ
ତଦା ନାଶଂସେ ବିଜଯାଯ ସଂଜଯ॥ 1-1-171 (171)
ଯଦାଽଶ୍ରୌଷଂ ଦ୍ବାରକାଯାଂ ସୁଭଦ୍ରାଂ
ପ୍ରସହ୍ଯୋଢାଂ ମାଧବୀମର୍ଜୁନେନ।
ଇନ୍ଦ୍ରପ୍ରସ୍ଥଂ ବୃଷ୍ଣିବୀରୌ ଚ ଯାତୌ
ତଦା ନାଶଂସେ ବିଜଯାଯ ସଂଜଯ॥ 1-1-172 (172)
ଯଦାଽଶ୍ରୌଷଂ ଦେବରାଜଂ ପ୍ରବୃଷ୍ଟଂ
ଶରୈର୍ଦିବ୍ଯୈର୍ବାରିତଂ ଚାର୍ଜୁନେନ।
ଅଗ୍ନିଂ ତଥା ତର୍ପିତଂ ଖାଣ୍ଡବେ ଚ
ତଦା ନାଶଂସେ ବିଜଯାଯ ସଂଜଯ॥ 1-1-173 (173)
ଯଦାଽଶ୍ରୌଷଂ ଜାତୁଷାଦ୍ବେଶ୍ମନସ୍ତା-
ନ୍ମୁକ୍ତାନ୍ପାର୍ଥାନ୍ପଞ୍ଚ କୁନ୍ତ୍ଯା ସମେତାନ୍।
ଯୁକ୍ତଂ ଚୈଷାଂ ବିଦୁରଂ ସ୍ବାର୍ଥସିଦ୍ଧ୍ଯୈ
ତଦା ନାଶଂସେ ବିଜଯାଯ ସଂଜଯ॥ 1-1-174 (174)
ଯଦାଽଶ୍ରୌଷଂ ଦ୍ରୌପଦୀଂ ରଙ୍ଗମଧ୍ଯେ
ଲକ୍ଷ୍ଯଂ ଭିତ୍ତ୍ବା ନିର୍ଜିତାମର୍ଜୁନେନ।
ଶୂରାନ୍ପଞ୍ଚାଲାନ୍ପାଣ୍ଡବେଯାଂଶ୍ଚ ଯୁକ୍ତାଂ-
ସ୍ତଦା ନାଶଂସେ ବିଜଯାଯ ସଂଜଯ॥ 1-1-175 (175)
ଯଦାଽଶ୍ରୌଷଂ ମାଗଧାନାଂ ବରିଷ୍ଠଂ
ଜରାସନ୍ଧଂ କ୍ଷ୍ବମଧ୍ଯେ ଜ୍ବଲନ୍ତମ୍।
ଦୋର୍ଭ୍ଯାଂ ହତଂ ଭୀମସେନେନ ଗତ୍ବା
ତଦା ନାଶଂସେ ବିଜଯାଯ ସଂଜଯ॥ 1-1-176 (176)
ଯଦାଽଶ୍ରୌଷଂ ଦିଗ୍ଜଯେ ପାଣ୍ଡୁପୁତ୍ରୈ-
ର୍ବଶୀକୃତାନ୍ଭୂମିପାଲାନ୍ପ୍ରସହ୍ଯ।
ମହାକ୍ରତୁଂ ରାଜସୂଯଂ କୃତଂ ଚ
ତଦା ନାଶଂସେ ବିଜଯାଯ ସଂଜଯ॥ 1-1-177 (177)
ଯଦାଽଶ୍ରୌଷଂ ଦ୍ରୌପଦୀମଶ୍ରୁକଣ୍ଠୀଂ
ସଭାଂ ନୀତାଂ ଦୁଃଖିତାମେକବସ୍ତ୍ରାମ୍।
ରଜସ୍ବଲାଂ ନାଥବତୀମନାଥବ-
ତ୍ତଦା ନାଶଂସେ ବିଜଯାଯ ସଂଜଯ॥ 1-1-178 (178)
ଯଦାଽଶ୍ରୌଷଂ ବାସସାଂ ତତ୍ର ରାଶିଂ
ସମାକ୍ଷିପତ୍କିତବୋ ମନ୍ଦବୁଦ୍ଧିଃ।
ଦୁଃଶାସନୋ ଗତବାନ୍ନୈବଂ ଚାନ୍ତଂ
ତଦା ନାଶଂସେ ବିଜଯାଯ ସଂଜଯ॥ 1-1-179 (179)
ଯଦାଽଶ୍ରୌଷଂ ହୃତରାଜ୍ଯଂ ଯୁଧିଷ୍ଠିରଂ
ପରାଜିତଂ ସୌବଲେନାକ୍ଷବତ୍ଯାମ୍।
ଅନ୍ବାଗତଂ ଭ୍ରାତୃଭିରପ୍ରମେଯୈ-
ସ୍ତଦା ନାଶଂସେ ବିଜଯାଯ ସଂଜଯ॥ 1-1-180 (180)
ଯଦାଶ୍ରୌଷଂ ବିବିଧାସ୍ତତ୍ର ଚେଷ୍ଟା
ଧର୍ମାତ୍ମନାଂ ପ୍ରସ୍ଥିତାନାଂ ବନାଯ।
ଜ୍ଯେଷ୍ଠପ୍ରୀତ୍ଯା କ୍ଲିଶ୍ଯତାଂ ପାଣ୍ଡବାନାଂ
ତଦା ନାଶଂସେ ବିଜଯାଯ ସଂଜଯ॥ 1-1-181 (181)
ଯଦାଽଶ୍ରୌଷଂ ସ୍ନାତକାନାଂ ସହସ୍ରୈ-
ରନ୍ବାଗତଂ ଧର୍ମରାଜଂ ବନସ୍ଥମ୍।
ଭିକ୍ଷାଭୁଜାଂ ବ୍ରାହ୍ମଣାନାଂ ମହାତ୍ମନାଂ
ତଦା ନାଶଂସେ ବିଜଯାଯ ସଂଜଯ॥ 1-1-182 (182)
`ଯଦାଽଶ୍ରୌଷଂ ବନବାସେନ ପାର୍ଥା-
ନ୍ସମାଗତାନ୍ମହର୍ଷିଭିଃ ପୁରାଣୈଃ।
ଉପାସ୍ଯମାନାନ୍ସଗଣୈର୍ଜାତସଖ୍ଯାଂ-
ସ୍ତଦା ନାଶଂସେ ବିଜଯାଯ ସଂଜର୍ଯ॥' 1-1-184 (183)
ଯଦାଶ୍ରୌଷଂ ତ୍ରିଦିବସ୍ଥଂ ଧନଂଜଯଂ
ଶକ୍ରାତ୍ସାକ୍ଷାଦ୍ଦିବ୍ଯମସ୍ତ୍ରଂ ଯଥାବତ୍।
ଅଧୀଯାନଂ ଶଂସିତଂ ସତ୍ଯସନ୍ଧଂ
ତଦା ନାଶଂସେ ବିଜଯାଯ ସଂଜଯ॥ 1-1-185 (184)
ଯଦାଽଶ୍ରୋଷଂ କାଲକେଯାସ୍ତତସ୍ତେ
ପୌଲୋମାନୋ ବରଦାନାଚ୍ଚ ଦୃପ୍ତାଃ।
ଦେବୈରଜେଯା ନିର୍ଜିତାଶ୍ଚାର୍ଜୁନେନ
ତଦା ନାଶଂସେ ବିଜଯାଯ ସଂଜଯ॥ 1-1-186 (185)
ଯଦାଽଶ୍ରୌଷମସୁରାଣାଂ ବଧାର୍ଥେ
କିରୀଟିନଂ ଯାନ୍ତମମିତ୍ରକର୍ଶନମ୍।
କୃତାର୍ଥଂ ଚାପ୍ଯାଗତଂ ଶକ୍ରଲୋକା-
ତ୍ତଦା ନାଶଂସେ ବିଜଯାଯ ସଂଜଯ॥ 1-1-187 (186)
`ଯଦାଽଶ୍ରୌଷଂ ତୀର୍ଥଯାତ୍ରାପ୍ରବୃତ୍ତଂ
ପାଣ୍ଡୋଃ ସୁତଂ ସହିତଂ ଲୋମଶେନ।
ବୃହଦଶ୍ବାଦକ୍ଷହୃଦଯଂ ଚ ପ୍ରାପ୍ତଂ
ତଦା ନାଶଂସେ ବିଜଯାଯ ସଂଜଯ॥' 1-1-188 (187)
ଯଦାଽଶ୍ରୌଷଂ ବୈଶ୍ରବଣେନ ସାର୍ଧଂ
ସମାଗତଂ ଭୀମନ୍ଯାଂଶ୍ଚ ପାର୍ଥାନ୍।
ତସ୍ମିନ୍ଦେଶେ ମାନୁଷାଣାମଗମ୍ଯେ
ତଦା ନାଶଂସି ବିଜଯାଯ ସଂଜଯା॥ 1-1-189 (188)
ଯଦାଽଶ୍ରୌଷଂ ଘୋଷଯାତ୍ରାଗତାନାଂ
ବନ୍ଧଂ ଗନ୍ଧର୍ବୈର୍ମୋକ୍ଷଣଂ ଚାର୍ଜୁନେନ।
ସ୍ବେଷାଂ ସୁତାନାଂ କର୍ଣବୁଦ୍ଧୌ ରତାନାଂ
ତଦା ନାଶଂସେ ବିଜଯାଯ ସଂଜଯ॥ 1-1-190 (189)
ଯଦାଽଶ୍ରୌଷଂ ଯକ୍ଷରୂପେଣ ଧର୍ମଂ
ସମାଗତଂ ଧର୍ମରାଜେନ ସୂତ।
ପ୍ରଶ୍ନାନ୍କାଂଶ୍ଚିଦ୍ବିବ୍ରୁବାଣଂ ଚ ସମ୍ଯକ୍
ତଦା ନାଶଂସେ ବିଜଯାଯ ସଂଜଯ॥ 1-1-191 (190)
ଯଦାଽଶ୍ରୌଷଂ ନ ବିଦୁର୍ମାମକାସ୍ତାନ୍
ପ୍ରଚ୍ଛନ୍ନରୂପାନ୍ବସତଃ ପାଣ୍ଡବେଯାନ୍।
ବିରାଟରାଷ୍ଟ୍ରେ ସହ କୃଷ୍ଣଯା ଚ
ତଦା ନାଶଂସେ ବିଜଯାଯ ସଂଜଯ॥ 1-1-192 (191)
`ଯଦାଽଶ୍ରୌଷଂ କୀଚକାନାଂ ବରିଷ୍ଠଂ
ନିଷୂଦିତଂ ଭ୍ରାତୃଶତେନ ସାର୍ଧମ୍।
ଦ୍ରୌପଦ୍ଯର୍ଥେ ଭୀମସେନେନ ସଙ୍ଖ୍ଯେ
ତଦା ନାଶଂସେ ବିଜଯାଯ ସଂଜଯ॥' 1-1-193 (192)
ଯଦାଽଶ୍ରୌଷଂ ମାମକାନାଂ ବରିଷ୍ଠା-
ନ୍ଧନଂଜଯେନୈକରଥେନ ଭଗ୍ନାନ୍।
ବିରାଟରାଷ୍ଟ୍ରେ ବସତା ମହାତ୍ମନା
ତଦା ନାଶଂସେ ବିଜଯାଯ ସଂଜଯ॥ 1-1-194 (193)
ଯଦାଽଶ୍ରୌଷଂ ସତ୍କୃତଂ ମତ୍ସ୍ଯରାଜ୍ଞା
ସୁତାଂ ଦତ୍ତାମୁତ୍ତରାମର୍ଜୁନାଯ।
ତାଂ ଚାର୍ଜୁନଃ ପ୍ରତ୍ଯଗୃହ୍ଣାତ୍ସୁତାର୍ଥେ
ତଦା ନାଶଂସେ ବିଜଯାଯ ସଂଜଯ॥ 1-1-195 (194)
ଯଦାଽଶ୍ରୌଷଂ ନିର୍ଜିତସ୍ଯାଧନସ୍ଯ
ପ୍ରବ୍ରାଜିତସ୍ଯ ସ୍ବଜନାତ୍ପ୍ରଚ୍ଯୁତସ୍ଯ।
ଅକ୍ଷୌହିଣୀଃ ସପ୍ତ ଯୁଧିଷ୍ଠିରସ୍ଯ
ତଦା ନାଶଂସେ ବିଜଯାଯ ସଂଜଯ॥ 196 ॥ 1-1-196 (195)
ଯଦାଽଶ୍ରୌଷଂ ମାଧବଂ ବାସୁଦେବଂ
ସର୍ବାତ୍ମନା ପାଣ୍ଡବାର୍ଥେ ନିବିଷ୍ଟମ୍।
ଯସ୍ଯେମାଂ ଗାଂ ବିକ୍ରମମେକମାହୁ-
ସ୍ତଦା ନାଶଂସେ ବିଜଯାଯ ସଂଜଯ॥ 1-1-197 (196)
ଯଦାଽଶ୍ରୌଷଂ ନରନାରାଯଣୌ ତୌ
କୃଷ୍ଣାର୍ଜୁନୌ ବଦତୋ ନାରଦସ୍ଯ।
ଅହଂ ଦ୍ରଷ୍ଟା ବ୍ରହ୍ମଲୋକେ ଚ ସମ୍ଯକ୍
ତଦା ନାଶଂସେ ବିଜଯାଯ ସଂଜଯ॥ 1-1-198 (197)
ଯଦାଽଶ୍ରୌଷଂ ଲୋକହିତାଯ କୃଷ୍ଣଂ
ଶମାର୍ଥିନମୁପଯାତଂ କୁରୂଣାମ୍।
ଶମଂ କୁର୍ବାଣମକୃତାର୍ଥଂ ଚ ଯାତଂ
ତଦା ନାଶଂସେ ବିଜଯାଯ ସଂଜଯ॥ 199 ॥ 1-1-199 (198)
ଯଦାଽଶ୍ରୌଷଂ କର୍ଣଦୁର୍ଯୋଧନାଭ୍ଯାଂ
ବୁଦ୍ଧିଂ କୃତାଂ ନିଗ୍ରହେ କେଶବସ୍ଯ।
ତଂ ଚାତ୍ମାନଂ ବହୁଧା ଦର୍ଶଯାନଂ
ତଦା ନାଶଂସେ ବିଜଯାଯ ସଂଜଯ॥ 1-1-200 (199)
ଯଦାଽଶ୍ରୌଷଂ ବାସୁଦେବେ ପ୍ରଯାତେ
ରଥସ୍ଯୈକାମଗ୍ରତସ୍ତିଷ୍ଠମାନାମ୍।
ଆର୍ତାଂ ପୃଥାଂ ସାନ୍ତ୍ବିତାଂ କେଶବେନ
ତଦା ନାଶଂସେ ବିଜଯାଯ ସଂଜଯ॥ 1-1-201 (200)
ଯଦାଽଶ୍ରୌଷଂ ମନ୍ତ୍ରିଣଂ ବାସୁଦେବଂ
ତଥା ଭୀଷ୍ମଂ ଶାନ୍ତନବଂ ଚ ତେଷାମ୍।
ଭାରଦ୍ବାଜଂ ଚାଶିଷୋଽନୁବ୍ରୁବାଣଂ
ତଦା ନାଶଂସେ ବିଜଯାଯ ସଂଜଯ॥ 1-1-202 (201)
ଯଦା କର୍ଣୋ ଭୀଷ୍ମମୁବାଚ ବାକ୍ଯଂ
ନାହଂ ଯୋତ୍ସ୍ଯେ ଯୁଧ୍ଯମାନେ ତ୍ବଯୀତି।
ହିତ୍ବା ସେନାମପଚକ୍ରାମ ଚାପି
ତଦା ନାଶଂସେ ବିଜଯାଯ ସଂଜଯ॥ 1-1-203 (202)
ଯଦାଽଶ୍ରୌଷଂ ବାସୁଦେବାର୍ଜୁନୌ ତୌ
ତଥା ଧନୁର୍ଗାଣ୍ଡିବମପ୍ରମେଯମ୍।
ତ୍ରୀଣ୍ଯୁଗ୍ରବୀର୍ଯାଣି ସମାଗତାନି
ତଦା ନାଶଂସେ ବିଜଯାଯ ସଂଜଯ॥ 1-1-204 (203)
ଯଦାଽଶ୍ରୌଷଂ କଶ୍ଲଲେନାଭିପନ୍ନେ
ରଥୋପସ୍ଥେ ସୀଦମାନେଽର୍ଜୁନେ ବୈ।
କୃଷ୍ଣଂ ଲୋକାନ୍ଦର୍ଶଯାନଂ ଶରୀରେ
ତଦା ନାଶଂସେ ବିଜଯାଯ ସଂଜଯ॥ 1-1-205 (204)
ଯଦାଽଶ୍ରୌଷଂ ଭୀଷ୍ମମିତ୍ରକର୍ଶନଂ
ନିଘ୍ନନ୍ତମାଜାବଯୁତଂ ରଥାନାମ୍।
ନୈଷାଂ କଶ୍ଚିଦ୍ବଧ୍ଯତେ ଖ୍ଯାତରୂପ-
ସ୍ତଦା ନାଶଂସେ ବିଜଯାଯ ସଂଜଯ॥ 1-1-206 (205)
ଯଦାଽଶ୍ରୌଷଂ ଚାପଗେଯେନ ସଙ୍ଖ୍ଯେ
ସ୍ବଯଂ ମୃତ୍ଯୁଂ ବିହିତଂ ଧାର୍ମିକେଣ।
ତଚ୍ଚାକାର୍ଷୁଃ ପାଣ୍ଡବେଯାଃ ପ୍ରହୃଷ୍ଟା-
ସ୍ତଦା ନାଶଂସେ ବିଜଯାଯ ସଂଜଯ॥ 1-1-207 (206)
ଯଦାଽଶ୍ରୌଷଂ ଭୀଷ୍ମମତ୍ଯନ୍ତଶୂରଂ
ହତଂ ପାର୍ଥେନାହବେଷ୍ବପ୍ରଧୃଷ୍ଯମ୍।
ଶିଖଣ୍ଡିନଂ ପୁରତଃ ସ୍ଥାପଯିତ୍ବା
ତଦା ନାଶଂସେ ବିଜଯାଯ ସଂଜଯ॥ 1-1-208 (207)
ଯଦାଽଶ୍ରୌଷଂ ଶରତଲ୍ପେ ଶଯାନଂ
ବୃଦ୍ଧଂ ବୀରଂ ସାଦିତଂ ଚିତ୍ରପୁଙ୍ଖୈଃ।
ଭୀଷ୍ମଂ କୃତ୍ବା ସୋମକାନଲ୍ପଶେଷାଂ-
ସ୍ତଦା ନାଶଂସେ ବିଜଯାଯ ସଂଜଯ॥ 1-1-209 (208)
ଯଦାଽଶ୍ରୌଷଂ ଶାନ୍ତନବେ ଶଯାନେ
ପାନୀଯାର୍ଥେ ଚୋଦିତେନାର୍ଜୁନେନ।
ଭୂମିଂ ଭିତ୍ତ୍ବା ତର୍ପିତଂ ତତ୍ର ଭୀଷ୍ମଂ
ତଦା ନାଶଂସେ ବିଜଯାଯ ସଂଜଯ॥ 1-1-210 (209)
ଯଦାଶ୍ରୌଷଂ ଶୁକ୍ରସୂର୍ଯୌ ଚ ଯୁକ୍ତୌ
କୌନ୍ତେଯାନାମନୁଲୋମୌ ଜଯାଯ।
ନିତ୍ଯଂ ଚାସ୍ମାଞ୍ଶ୍ବାପଦା ଭୀଷଯନ୍ତି
ତଦା ନାଶଂସେ ବିଜଯାଯ ସଂଜଯ॥ 1-1-211 (210)
ଯଦା ଦ୍ରୋଣୋ ବିବିଧାନସ୍ତ୍ରମାର୍ଗା-
ନ୍ନିଦର୍ଶଯନ୍ସମରେ ଚିତ୍ରଯୋଧୀ।
ନ ପାଣ୍ଡବାଞ୍ଶ୍ରେଷ୍ଠତରାନ୍ନିହନ୍ତି
ତଦା ନାଶଂସେ ବିଜଯାଯଂ ସଂଜଯ॥ 1-1-212 (211)
ଯଦାଽଶ୍ରୌଷଂ ଚାସ୍ମଦୀଯାନ୍ମହାରଥା-
ନ୍ବ୍ଯବସ୍ଥିତାନର୍ଜୁନସ୍ଯାନ୍ତକାଯ।
ସଂଶପ୍ତକାନ୍ନିହତାନର୍ଜୁନେନ
ତଦା ନାଶଂସେ ବିଜଯାଯ ସଂଜଯ॥ 1-1-213 (212)
ଯଦାଽଶ୍ରୌଷଂ ବ୍ଯୂହମଭେଦ୍ଯମନ୍ଯୈ-
ର୍ଭାରଦ୍ବାଜେନାତ୍ତଶସ୍ତ୍ରେଣ ଗୁପ୍ତମ୍।
ଭିତ୍ତ୍ବା ସୌଭଦ୍ରଂ ବୀରମେକଂ ପ୍ରବିଷ୍ଟଂ
ତଦା ନାଶଂସେ ବିଜଯାଯ ସଂଜଯ॥ 1-1-214 (213)
ଯଦାଽଭିମନ୍ଯୁଂ ପରିବାର୍ଯ ବାଲଂ
ସର୍ବେ ହତ୍ତ୍ବା ହୃଷ୍ଟରୂପା ବଭୂବୁଃ।
ମହାରଥାଃ ପାର୍ଥମଶକ୍ନୁବନ୍ତ-
ସ୍ତଦା ନାଶଂସେ ବିଜଯାଯ ସଂଜଯ॥ 1-1-215 (214)
ଯଦାଽଶ୍ରୌଷମଭିମନ୍ଯୁଂ ନିହତ୍ଯ
ହର୍ଷାନ୍ମୂଢାନ୍କ୍ରୋଶତୋ ଧାର୍ତରାଷ୍ଟ୍ରାନ୍।
କ୍ରୋଧାଦୁକ୍ତଂ ସୈନ୍ଧବେ ଚାର୍ଜୁନେନ
ତଦା ନାଶଂସେ ବିଜଯାଯ ସଂଜଯ॥ 1-1-216 (215)
ଯଦାଽଶ୍ରୌଷଂ ସୈନ୍ଧବାର୍ଥେ ପ୍ରତିଜ୍ଞାଂ
ପ୍ରତିଜ୍ଞାତାଂ ତଦ୍ବଧାଯାର୍ଜୁନେନ।
ସତ୍ଯାଂ ତୀର୍ଣାଂ ଶତ୍ରୁମଧ୍ଯେ ଚ ତେନ
ତଦା ନାଶଂସେ ବିଜଯାଯ ସଂଜଯ॥ 1-1-217 (216)
ଯଦାଽଶ୍ରୌଷଂ ଶ୍ରାନ୍ତହଯେ ଧନଂଜଯେ
ମୁକ୍ତ୍ବା ହଯାନ୍ପାଯଯିତ୍ବୋପବୃତ୍ତାନ୍।
ପୁନର୍ଯୁକ୍ତ୍ବା ବାସୁଦେବଂ ପ୍ରଯାତଂ
ତଦା ନାଶଂସେ ବିଜଯାଯ ସଂଜଯ॥ 1-1-218 (217)
ଯଦାଽଶ୍ରୌଷଂ ବାହନେଷ୍ବକ୍ଷମେଷୁ
ରଥୋପସ୍ଥେ ତିଷ୍ଠତା ପାଣ୍ଡବେନ।
ସର୍ବାନ୍ଯୋଧାନ୍ବାରିତାନର୍ଜୁନେନ
ତଦା ନାଶଂସେ ବିଜଯାଯ ସଂଜଯ॥ 1-1-219 (218)
ଯଦାଽଶ୍ରୌଷଂ ନାଗବଲୈଃ ସୁଦୁଃସହଂ
ଦ୍ରୋଣାନୀକଂ ଯୁଯୁଧାନଂ ପ୍ରମଥ୍ଯ।
ଯାତଂ ବାର୍ଷ୍ଣେଯଂ ଯତ୍ର ତୌ କୃଷ୍ଣପାର୍ଥୌ
ତଦା ନାଶଂସେ ବିଜଯାଯ ସଂଜଯ॥ 1-1-220 (219)
ଯଦାଽଶ୍ରୌଷଂ କର୍ଣମାସାଦ୍ଯ ମୁକ୍ତଂ
ବଧାଦ୍ଭୀମଂ କୁତ୍ସଯିତ୍ବା ବଚୋଭିଃ।
ଧନୁଷ୍କୋଟ୍ଯାଽଽତୁଦ୍ଯ କର୍ଣେନ ବୀରଂ
ତଦା ନାଶଂସେ ବିଜଯାଯ ସଂଜଯ॥ 1-1-221 (220)
ଯଦା ଦ୍ରୋଣଃ କୃତବର୍ମା କୃପଶ୍ଚ
କର୍ଣୋ ଦ୍ରୌଣିର୍ମଦ୍ରରାଜଶ୍ଚ ଶୂରଃ।
ଅମର୍ଷଯନ୍ସୈନ୍ଧବଂ ବଧ୍ଯମାନଂ
ତଦା ନାଶଂସେ ବିଜଯାଯ ସଂଜଯ॥ 1-1-222 (221)
ଯଦାଽଶ୍ରୌଷଂ ଦେବରାଜେନ ଦତ୍ତାଂ
ଦିବ୍ଯାଂ ଶକ୍ତିଂ ବ୍ଯଂସିତାଂ ମାଧବେନ।
ଘଟୋତ୍କଚେ ରାକ୍ଷସେ ଘୋରରୂପେ
ତଦା ନାଶଂସେ ବିଜଯାଯ ସଂଜଯ॥ 1-1-223 (222)
ଯଦାଽଶ୍ରୌଷଂ କର୍ଣଘଟୋତ୍କଚାଭ୍ଯାଂ
ଯୁଦ୍ଧେ ମୁକ୍ତାଂ ସୂତପୁତ୍ରେଣ ଶକ୍ତିମ୍।
ଯଯା ବଧ୍ଯଃ ସମରେ ସବ୍ଯସାଚୀ
ତଦା ନାଶଂସେ ବିଜଯାଯ ସଂଜଯ॥ 1-1-224 (223)
ଯଦାଽଶ୍ରୌଷଂ ଦ୍ରୋଣମାଚାର୍ଯମେକଂ
ଧୃଷ୍ଟଦ୍ଯୁମ୍ନେନାଭ୍ଯତିକ୍ରମ୍ଯ ଧର୍ମମ୍।
ରଥୋପସ୍ଥେ ପ୍ରାଯଗତଂ ବିଶସ୍ତଂ
ତଦା ନାଶଂସେ ବିଜଯାଯ ସଂଜଯ॥ 1-1-225 (224)
ଯଦାଽଶ୍ରୌଷଂ ଦ୍ରୌଣିନା ଦ୍ବୈରଥସ୍ଥଂ
ମାଦ୍ରୀସୁତଂ ନକୁଲଂ ଲୋକମଧ୍ଯେ।
ସମଂ ଯୁଦ୍ଧେ ମଣ୍ଡଲେଭ୍ଯଶ୍ଚରନ୍ତଂ
ତଦା ନାଶଂସେ ବିଜଯାଯ ସଂଜଯ॥ 1-1-226 (225)
ଯଦା ଦ୍ରୋଣେ ନିହତେ ଦ୍ରୋଣପୁତ୍ରୋ
ନାରାଯଣଂ ଦିବ୍ଯମସ୍ତ୍ରଂ ବିକୁର୍ବନ୍।
ନୈଷାମନ୍ତଂ ଗତବାନ୍ପାଣ୍ଡବାନାଂ
ତଦା ନାଶଂସେ ବିଜଯାଯ ସଂଜଯ॥ 1-1-227 (226)
ଯଦାଽଶ୍ରୌଷଂ ଭୀମସେନେନ ପୀତଂ
ରକ୍ତଂ ଭ୍ରାତୁର୍ଯୁଧି ଦୁଃଶାସନସ୍ଯ।
ନିବାରିତଂ ନାନ୍ଯତମେନ ଭୀମଂ
ତଦା ନାଶଂସେ ବିଜଯାଯ ସଂଜଯ॥ 1-1-228 (227)
ଯଦାଽଶ୍ରୌଷଂ କର୍ଣମତ୍ଯନ୍ତଶୂରଂ
ହତଂ ପାର୍ଥେନାହବେଷ୍ବପ୍ରଧୃଷ୍ଯମ୍।
ତସ୍ମିନ୍ଭ୍ରାତୃଣାଂ ବିଗ୍ରହେ ଦେବଗୁହ୍ଯେ
ତଦା ନାଶଂସେ ବିଜଯାଯ ସଂଜଯ॥ 1-1-229 (228)
ଯଦାଽଶ୍ରୌଷଂ ଦ୍ରୋଣପୁତ୍ରଂ ଚ ଶୂରଂ
ଦୁଃଶାସନଂ କୃତବର୍ମାଣମୁଗ୍ରମ୍।
ଯୁଧିଷ୍ଠିରଂ ଧର୍ମରାଜଂ ଜଯନ୍ତଂ
ତଦା ନାଶଂସେ ବିଜଯାଯ ସଂଜଯ॥ 1-1-230 (229)
ଯଦାଽଶ୍ରୌଷଂ ନିହତଂ ମଦ୍ରରାଜଂ
ରଣେ ଶୂରଂ ଧର୍ମରାଜେନ ସୂତ।
ସଦା ସଙ୍ଗ୍ରାମେ ସ୍ପ୍ରଧତେ ଯସ୍ତୁ କୃଷ୍ଣଂ
ତଦା ନାଶଂସେ ବିଜଯାଯ ସଂଜଯ॥ 1-1-231 (230)
ଯଦାଽଶ୍ରୌଷଂ କଲହଦ୍ଯୂତମୂଲଂ
ମାଯାବଲଂ ସୌବଲଂ ପାଣ୍ଡବେନ।
ହତଂ ସଙ୍ଗ୍ରାମେ ସହଦେବେନ ପାପଂ
ତଦା ନାଶଂସେ ବିଜଯାଯ ସଂଜଯ॥ 1-1-232 (231)
ଯଦାଽଶ୍ରୌଷଂ ଶ୍ରାନ୍ତମେକଂ ଶଯାନଂ
ହ୍ରଦଂ ଗତ୍ବା ସ୍ତମ୍ଭଯିତ୍ବା ତଦମ୍ଭଃ।
ଦୁର୍ଯୋଧନଂ ବିରଥଂ ଭଗ୍ନଶକ୍ତିଂ
ତଦା ନାଶଂସେ ବିଜଯାଯ ସଂଜଯ॥ 1-1-233 (232)
ଯଦାଽଶ୍ରୌଷଂ ପାଣ୍ଡବାଂସ୍ତିଷ୍ଠମାନାନ୍
ଗତ୍ବା ହ୍ରଦେ ବାସୁଦେବେନ ସାର୍ଧମ୍।
ଅମର୍ଷଣଂ ଧର୍ଷଯତଃ ସୁତଂ ମେ
ତଦା ନାଶଂସେ ବିଜଯାଯ ସଂଜଯ॥ 1-1-234 (233)
ଯଦାଽଶ୍ରୌଷଂ ବିବିଧାଂଶ୍ଚିତ୍ରମାର୍ଗାନ୍
ଗଦାଯୁଦ୍ଧେ ମଣ୍ଡଲଶଶ୍ଚରନ୍ତମ୍।
ମିଥ୍ଯା ହତଂ ବାସୁଦେବସ୍ଯ ବୁଦ୍ଧ୍ଯା
ତଦା ନାଶଂସେ ବିଜଯାଯ ସଂଜଯ॥ 1-1-235 (234)
ଯଦାଽଶ୍ରୌଷଂ ଦ୍ରୋଣପୁତ୍ରାଦିଭିସ୍ତୈ-
ର୍ହତାନ୍ପଞ୍ଚାଲାନ୍ଦ୍ରୌପଦେଯାଂଶ୍ଚ ସୁପ୍ତାନ୍।
କୃତଂ ବୀଭତ୍ସମଯଶସ୍ଯଂ ଚ କର୍ମ
ତଦା ନାଶଂସେ ବିଜଯାଯ ସଂଜଯ॥ 1-1-236 (235)
ଯଦାଽଶ୍ରୌଷଂ ଭୀମସେନାନୁଯାତେ-
ନାଶ୍ବତ୍ଥାମ୍ନା ପରମାସ୍ତ୍ରଂ ପ୍ରଯୁକ୍ତମ୍।
କ୍ରୁଦ୍ଧେନୈଷୀକମବଧୀଦ୍ଯେନ ଗର୍ଭଂ
ତଦା ନାଶଂସେ ବିଜଯାଯ ସଂଜଯ॥ 1-1-237 (236)
ଯଦାଽଶ୍ରୌଷଂ ବ୍ରହ୍ମଶିରୋଽର୍ଜୁନେନ
ସ୍ବସ୍ତୀତ୍ଯୁକ୍ତ୍ବାଽସ୍ତ୍ରମସ୍ତ୍ରେଣ ଶାନ୍ତମ୍।
ଅଶ୍ବତ୍ଥାମ୍ନା ମଣିରତ୍ନଂ ଚ ଦତ୍ତଂ
ତଦା ନାଶଂସେ ବିଜଯାଯ ସଂଜଯ॥ 1-1-238 (237)
ଯଦାଽଶ୍ରୌଷଂ ଦ୍ରୋଣପୁତ୍ରେଣ ଗର୍ଭେ
ବୈରାଟ୍ଯା ବୈ ପାତ୍ଯମାନେ ମହାସ୍ତ୍ରୈଃ।
ସଂଜୀବଯାମୀତି ହରେଃ ପ୍ରତିଜ୍ଞାଂ
ତଦା ନାଶଂସେ ବିଜଯାଯ ସଂଜଯ॥ 1-1-239 (238)
ଦ୍ବୈପାଯନଃ କେଶବୋ ଦ୍ରୋଣପୁତ୍ରଂ
ପରସ୍ପେରଣାଭିଶାପୈଃ ଶଶାପ।
ବୁଦ୍ଧ୍ବା ଚାହଂ ବୁଦ୍ଧିହୀନୋଽଦ୍ଯ ସୂତ
ସଂତପ୍ଯେ ବୈ ପୁତ୍ରପୌତ୍ରୈଶ୍ଚ ହୀନଃ॥ 1-1-240 (239)
ଶୋଚ୍ଯା ଗାନ୍ଧାରୀ ପୁତ୍ରପୌତ୍ରୈର୍ବିହୀନା
ତଥା ବଧ୍ବା ପିତୃଭିର୍ଭ୍ରାତୃଭିଶ୍ଚ।
କୃତଂ କାର୍ଯଂ ଦୁଷ୍କରଂ ପାଣ୍ଡବେଯୈଃ
ପ୍ରାପ୍ତଂ ରାଜ୍ଯମସପତ୍ନଂ ପୁନସ୍ତୈଃ॥ 1-1-241 (240)
କଷ୍ଟଂ ଯୁଦ୍ଧେ ଦଶ ଶେଷାଃ ଶ୍ରୁତା ମେ
ତ୍ରଯୋଽସ୍ମାକଂ ପାଣ୍ଡବାନାଂ ଚ ସପ୍ତ।
ଦ୍ବ୍ଯୂନା ବିଂଶତିରାହତାଽକ୍ଷୌହିଣୀନାଂ
ତସ୍ମିନ୍ସଙ୍ଗ୍ରାମେ ଭୈରବେ କ୍ଷତ୍ରିଯାଣାମ୍॥ 1-1-242 (241)
ତମସ୍ତ୍ବତୀବ ବିସ୍ତୀର୍ଣଂ ମୋହ ଆବିଶତୀବ ମାମ୍।
ସଂଜ୍ଞାଂ ନୋପଲଭେ ସୂତ ମନୋ ବିହ୍ବଲତୀବ ମେ॥ 1-1-243 (242)
ସୌତିରୁବାଚ। 1-1-244x (6)
ଇତ୍ଯୁକ୍ତ୍ବା ଧୃତରାଷ୍ଟ୍ରୋଽଥ ବିଲପ୍ଯ ବହୁ ଦୁଃଖିତଃ।
ମୂର୍ଚ୍ଛିତଃ ପୁନରାଶ୍ବସ୍ତଃ ସଂଜଯଂ ବାକ୍ଯମବ୍ରବୀତ୍॥ 1-1-244 (243)
ଧୃତରାଷ୍ଟ୍ର ଉବାଚ। 1-1-245x (7)
ସଂଜଯୈବଂ ଗତେ ପ୍ରାଣାଂସ୍ତ୍ଯକ୍ତୁମିଚ୍ଛାମି ମା ଚିରମ୍।
ସ୍ତୋକଂ ହ୍ଯପି ନ ପଶ୍ଯାମି ଫଲଂ ଜୀବିତଧାରଣେ॥ 1-1-245 (244)
ସୌତିରୁବାଚ। 1-1-246x (8)
ତଂ ତଥା ବାଦିନଂ ଦୀନଂ ବିଲପନ୍ତଂ ମହୀପତିମ୍।
ନିଃଶ୍ବସନ୍ତଂ ଯଥା ନାଗଂ ମୁହ୍ଯମାନଂ ପୁନଃ ପୁନଃ॥ 1-1-246 (245)
ଗାବଲ୍ଗଣିରିଦଂ ଧୀମାନ୍ମହାର୍ଥଂ ବାକ୍ଯମବ୍ରବୀତ୍। 1-1-247 (246)
ସଂଜଯ ଉବାଚ।
ଶ୍ରୁତବାନସି ବୈ ରାଜନ୍ମହୋତ୍ସାହାନ୍ମହାବଲାନ୍॥ 1-1-247x (9)
ଦ୍ବୈପାଯନସ୍ଯ ବଦତୋ ନାରଦସ୍ଯ ଚ ଧୀମତଃ।
ମହତ୍ସୁ ରାଜବଂଶେଷୁ ଗୁଣୈଃ ସମୁଦିତେଷୁ ଚ॥ 1-1-248 (247)
ଜାତାନ୍ଦିବ୍ଯାସ୍ତ୍ରବିଦୁଷଃ ଶକ୍ରପ୍ରତିମତେଜସଃ।
ଧର୍ମେଣ ପୃଥିବୀଂ ଜିତ୍ବା ଯଜ୍ଞୈରିଷ୍ଟ୍ବାପ୍ତଦକ୍ଷିଣୈଃ॥ 1-1-249 (248)
ଅସ୍ମିଁଲ୍ଲୋକେ ଯଶଃ ପ୍ରାପ୍ଯ ତତଃ କାଲବଶଂ ଗତାନ୍।
ଶୈବ୍ଯଂ ମହାରଥଂ ବୀରଂ ସୃଂଜଯଂ ଜଯତାଂ ବରମ୍॥ 1-1-250 (249)
ସୁହୋତ୍ରଂ ରନ୍ତିଦେବଂ ଚ କାକ୍ଷୀବନ୍ତମତୌଶିଜମ୍।
ବାହ୍ଲୀକଂ ଦମନଂ ଚୈଦ୍ଯଂ ଶର୍ଯାତିମଜିତଂ ନଲମ୍॥ 1-1-251 (250)
ବିଶ୍ବାମିତ୍ରମମିତ୍ରଘ୍ନମମ୍ବରୀଷଂ ମହାବଲମ୍।
ମରୁତ୍ତଂ ମନୁମିକ୍ଷ୍ବାକୁଂ ଗଯଂ ଭରତମେବ ଚ॥ 1-1-252 (251)
ରାମଂ ଦାଶରଥିଂ ଚୈବ ଶଶବିନ୍ଦୁଂ ଭଗୀରଥମ୍।
କୃତବୀର୍ଯଂ ମହାଭାଗଂ ତଥୈବ ଜନମେଜଯମ୍॥ 1-1-253 (252)
ଯଯାତିଂ ଶୁଭକର୍ମାଣଂ ଦେବୈର୍ଯୋ ଯାଜିତଃ ସ୍ବଯମ୍।
`ଚୈତ୍ଯଯୂପାଙ୍କିତା ଭୂମିର୍ଯସ୍ଯେଯଂ ସବନାକରା॥ 1-1-254 (253)
ଇତି ରାଜ୍ଞାଂ ଚତୁର୍ବିଂଶନ୍ନାରଦେନ ସୁରର୍ଷିଣା।
ପୁତ୍ରଶୋକାଭିତପ୍ତାଯ ପୁରା ଶ୍ବୈତ୍ଯାଯ କୀର୍ତିତମ୍॥ 1-1-255 (254)
ତେଭ୍ଯଶ୍ଚାନ୍ଯେ ଗତାଃ ପୂର୍ବଂ ରାଜାନୋ ବଲବତ୍ତରାଃ।
ମହାରଥା ମହାତ୍ମାନଃ ସର୍ବୈଃ ସମୁଦିତା ଗୁଣୈଃ॥ 1-1-256 (255)
ପୂରୁଃ କୁରୁର୍ଯଦୁଃ ଶୂରୋ ବିଷ୍ବଗଶ୍ବୋ ମହାଦ୍ଯୁତିଃ।
ଅଣୁହୋ ଯୁବନାଶ୍ବଶ୍ଚ କକୁତ୍ସ୍ଥୋ ବିକ୍ରମୀ ରଘୁଃ॥ 1-1-257 (256)
ବିଜଯୋ ବୀତିହୋତ୍ରୋଽହ୍ଗୋ ଭବଃ ଶ୍ବେତୋ ବୃହଦ୍ଗୁରୁଃ।
ଉଶୀନରଃ ଶତରଥଃ କଙ୍କୋ ଦୁଲିଦୁହୋ ଦ୍ରୁମଃ॥ 1-1-258 (257)
ଦମ୍ଭୋଦ୍ଭବଃ ପରୋ ବେନଃ ସଗରଃ ସଂକୃତିର୍ନିମିଃ।
ଅଜେଯଃ ପରଶୁଃ ପୁଣ୍ଡ୍ରଃ ଶଂଭୁର୍ଦେବାବୃଧୋଽନଘଃ॥ 1-1-259 (258)
ଦେବାହ୍ବଯଃ ସୁପ୍ରତିମଃ ସୁପ୍ରତୀକୋ ବୃହଦ୍ରଥଃ।
ମହୋତ୍ସାହୋ ବିନୀତାତ୍ମା ସୁକ୍ରତୁର୍ନୈଷଧୋ ନଲଃ॥ 1-1-260 (259)
ସତ୍ଯବ୍ରତଃ ଶାନ୍ତଭଯଃ ସୁମିତ୍ରଃ ସୁବଲଃ ପ୍ରଭୁଃ।
ଜାନୁଜଙ୍ଘୋଽନରଣ୍ଯୋଽର୍କଃ ପ୍ରିଯଭୃତ୍ଯଃ ଶୁଚିବ୍ରତଃ॥ 1-1-261 (260)
ବଲବନ୍ଧୁର୍ନିରାମର୍ଦଃ କେତୁଶୃଙ୍ଗୋ ବୃହଦ୍ବଲଃ।
ଧୃଷ୍ଟକେତୁର୍ବୃହତ୍କେତୁର୍ଦୀପ୍ତକେତୁର୍ନିରାମଯଃ॥ 1-1-262 (261)
ଅବିକ୍ଷିଚ୍ଚପଲୋ ଧୂର୍ତଃ କୃତବନ୍ଧୁର୍ଦୃଢେଷୁଧିଃ।
ମହାପୁରାଣସଂଭାବ୍ଯଃ ପ୍ରତ୍ଯଙ୍ଗଃ ପରହା ଶ୍ରୁତିଃ॥ 1-1-263 (262)
ଏତେ ଚାନ୍ଯେ ଚ ରାଜାନଃ ଶତଶୋଽଥ ସହସ୍ରଶଃ।
ଶ୍ରୂଯନ୍ତେ ଶତଶଶ୍ଚାନ୍ଯେ ସଙ୍ଖ୍ଯାତାଶ୍ଚୈବ ପଦ୍ମଶଃ॥ 1-1-264 (263)
ହିତ୍ବା ସୁବିପୁଲାନ୍ଭୋଗାନ୍ବୁଦ୍ଧିମନ୍ତୋ ମହାବଲାଃ।
ରାଜାନୋ ନିଧନଂ ପ୍ରାପ୍ତାସ୍ତବ ପୁତ୍ରୈର୍ମହତ୍ତରଃ॥ 1-1-265 (264)
ଯେଷାଂ ଦିବ୍ଯାନି କର୍ମାଣି ବିକ୍ରମସ୍ତ୍ଯାଗ ଏବ ଚ।
ମାହାତ୍ମ୍ଯମପି ଚାସ୍ତିକ୍ଯଂ ସତ୍ଯଂ ଶୌଚଂ ଦଯାଽର୍ଜବମ୍॥ 1-1-266 (265)
ବିଦ୍ବଦ୍ଭିଃ କଥ୍ଯତେ ଲୋକେ ପୁରାଣୈଃ କବିସତ୍ତମୈଃ।
ସର୍ବର୍ଦ୍ଧିଗୁଣସଂପନ୍ନାସ୍ତେ ଚାପି ନିଧନଂ ଗତାଃ॥ 1-1-267 (266)
ତବ ପୁତ୍ରା ଦୁରାତ୍ମାନଃ ପ୍ରତପ୍ତାଶ୍ଚୈବ ମନ୍ଯୁନା।
ଲୁବ୍ଧା ଦୁର୍ବୃତ୍ତଭୂଯିଷ୍ଠା ନ ତାଞ୍ଛୋଚିତୁମର୍ହସି॥ 1-1-268 (267)
ଶ୍ରୁତବାନସି ମେଧାବୀ ବୁଦ୍ଧିମାନ୍ପ୍ରାଜ୍ଞସଂମତଃ।
ଯେଷାଂ ଶାସ୍ତ୍ରାନୁଗା ବୁଦ୍ଧିର୍ନ ତେ ମୁହ୍ଯନ୍ତି ଭାରତ॥ 1-1-269 (268)
ନିଗ୍ରହାନୁଗ୍ରହୌ ଚାପି ବିଦିତୌ ତେ ନରାଧିପ।
ନାତ୍ଯନ୍ତମେବାନୁବୃତ୍ତିଃ କାର୍ଯା ତେ ପୁତ୍ରରକ୍ଷଣେ॥ 1-1-270 (269)
ଭବିତବ୍ଯଂ ତଥା ତଚ୍ଚ ନାନୁଶୋଚିତୁମର୍ହସି।
ଦୈବଂ ପୁରୁଷକାରେଣ କୋ ନିବର୍ତିତୁମର୍ହତି॥ 1-1-271 (270)
ବିଧାତୃବିହିତଂ ମାର୍ଗଂ ନ କଶ୍ଚିଦତିବର୍ତତେ।
କାଲମୂଲମିଦଂ ସର୍ବଂ ଭାବାଭାବୌ ସୁଖାସୁଖେ॥ 1-1-272 (271)
କାଲଃ ସୃଜତି ଭୂତାନି କାଲଃ ସଂହରତେ ପ୍ରଜାଃ।
ସଂହରନ୍ତଂ ପ୍ରଜାଃ କାଲଂ କାଲଃ ଶମଯତେ ପୁନଃ॥ 1-1-273 (272)
କାଲୋ ବିକୁରୁତେ ଭାବାନ୍ସର୍ବାଂଲ୍ଲୋକେ ଶୁଭାଶୁଭାନ୍।
କାଲଃ ସଂକ୍ଷିପତେ ସର୍ବାଃ ପ୍ରଜା ବିସୃଜତେ ପୁନଃ॥ 1-1-274 (273)
କାଲଃ ସୁପ୍ତେଷୁ ଜାଗର୍ତି କାଲୋ ହି ଦୁରତିକ୍ରମଃ।
କାଲଃ ସର୍ବେଷୁ ଭୂତେଷୁ ଚରତ୍ଯବିଧତଃ ସମଃ॥ 1-1-275 (274)
ଅତୀତାନାଗତା ଭାବା ଯେ ଚ ବର୍ତନ୍ତି ସାଂପ୍ରତମ୍।
ତାନ୍କାଲନିର୍ମିତାନ୍ବୁଦ୍ଧ୍ବା ନ ସଂଜ୍ଞାଂ ହାତୁମର୍ହସି॥ 1-1-276 (275)
ସୌତିରୁବାଚ। 1-1-277x (10)
ଇତ୍ଯେବଂ ପୁତ୍ରଶୋକାର୍ତଂ ଧୃତରାଷ୍ଟ୍ରଂ ଜନେଶ୍ବରମ୍।
ଆଶ୍ବାସ୍ଯ ସ୍ବସ୍ଥମକରୋତ୍ସୂତୋ ଗାବଲ୍ଗଣିସ୍ତଦା॥ 1-1-277 (276)
ଧୃତରାଷ୍ଟ୍ରୋଽପି ତଚ୍ଛ୍ରୁତ୍ବା ଧୃତିମେବ ସମାଶ୍ରଯତ୍।
ଦିଷ୍ଟ୍ଯେଦମାଗତମିତି ମତ୍ତ୍ବା ସ ପ୍ରାଜ୍ଞସତ୍ତମଃ॥ 1-1-278 (277)
ଲୋକାନାଂ ଚ ହିତାର୍ଥାଯ କାରୁଣ୍ଯାନ୍ମୁନିସତ୍ତମଃ।
ଅତ୍ରୋପନିଷଦଂ ପୁଣ୍ଯାଂ କୃଷ୍ଣଦ୍ବୈପାଯନୋଽବ୍ରବୀତ୍॥ 1-1-279 (278)
ବିଦ୍ବଦ୍ଭିଃ କଥ୍ଯତେ ଲୋକେ ପୁରାଣେ କବିସତ୍ତମୈଃ।
ଭାରତାଧ୍ଯଯନଂ ପୁଣ୍ଯମପି ପାଦମଧୀଯତଃ।
ଶ୍ରଦ୍ଦଧାନସ୍ଯ ପୂଯନ୍ତେ ସର୍ବପାପାନ୍ଯଶେଷତଃ॥ 1-1-280 (279)
ଦେବା ଦେବର୍ଷଯୋ ହ୍ଯତ୍ର ତଥା ବ୍ରହ୍ମର୍ଷଯୋଽମଲାଃ।
କୀର୍ତ୍ଯନ୍ତେ ଶୁମକର୍ମାଣସ୍ତଥା ଯକ୍ଷା ମହୋରଗାଃ॥ 1-1-281 (280)
ଭଗବାନ୍ବାସୁଦେବଶ୍ଚ କୀର୍ତ୍ଯତେଽତ୍ର ସନାତନଃ।
ସ ହି ସତ୍ଯମୃତଂ ଚୈବ ପବିତ୍ରଂ ପୁଣ୍ଯମେବ ଚ॥ 1-1-282 (281)
ଶାଶ୍ବତଂ ବ୍ରହ୍ମ ପରମଂ ଧ୍ରୁବଂ ଜ୍ଯୋତିଃ ସନାତନମ୍।
ଯସ୍ଯ ଦିବ୍ଯାନି କର୍ମାଣି କଥନ୍ତି ମନୀଷିଣଃ॥ 1-1-283 (282)
ଅସତ୍ସତ୍ସଦସଚ୍ଚୈବ ଯସ୍ମାଦ୍ବିଶ୍ବଂ ପ୍ରବର୍ତତେ।
ସନ୍ତତିଶ୍ଚ ପ୍ରବୃତ୍ତିଶ୍ଚ ଜନ୍ମମୃତ୍ଯୁପୁନର୍ଭବାଃ॥ 1-1-284 (283)
ଅଧ୍ଯାତ୍ମଂ ଶ୍ରୂଯତେଂ ଯତ୍ର ପଞ୍ଚଭୂତଗୁଣାତ୍ମକମ୍।
ଅବ୍ଯକ୍ତାଦି ପରଂ ଯଚ୍ଚ ସ ଏବ ପରିଗୀଯତେ॥ 1-1-285 (284)
ଯଂ ଧ୍ଯାଯନ୍ତି ସଦା ମୁକ୍ତା ଧ୍ଯାନଯୋଗବଲାନ୍ବିତାଃ।
ପ୍ରତିବିମ୍ବମିବାଦର୍ଶେ ପଶ୍ଯନ୍ତ୍ଯାତ୍ମନ୍ଯବସ୍ଥିତମ୍॥ 1-1-286 (285)
ଶ୍ରଦ୍ଦଧାନଃ ସଦା ଯୁକ୍ତଃ ସଦା ଧର୍ମପରାଯଣଃ।
ଆସେବନ୍ନିମମଧ୍ଯାଯଂ ନରଃ ପାପାତ୍ପ୍ରମୁଚ୍ଯତେ॥ 1-1-287 (286)
ଅନୁକ୍ରମଣିକାଧ୍ଯାଯଂ ଭାରତସ୍ଯେମମାଦିତଃ।
ଆସ୍ତିକଃ ସତତଂ ଶୃଣ୍ବନ୍ନ କୃଚ୍ଛ୍ରେଷ୍ବବସୀଦତି॥ 1-1-288 (287)
ଉଭେ ସନ୍ଧ୍ଯେ ଜପନ୍କିଂଚିତ୍ସଦ୍ଯୋ ମୁଚ୍ଯେତ କିଲ୍ବିଷାତ୍।
ଅନୁକ୍ରମଣ୍ଯା ଯାବତ୍ସ୍ଯାଦହ୍ନାରାତ୍ର୍ଯା ଚ ସଂଚିତମ୍॥ 1-1-289 (288)
ଭାରତସ୍ଯ ବପୁର୍ହ୍ଯେତତ୍ସତ୍ଯଂ ଚାମୃତମେବ ଚ।
ନବନୀତଂ ଯଥା ଦଧ୍ନୋ ଦ୍ବିପଦାଂ ବ୍ରାହ୍ମଣୋ ଯଥା॥ 1-1-290 (289)
ଆରଣ୍ଯକଂ ଚ ବେଦେଭ୍ଯ ଓଷଧିଭ୍ଯୋଽମୃତଂ ଯଥା।
ହ୍ରଦାନାମୁଦଧିଃ ଶ୍ରେଷ୍ଠୋ ଗୌର୍ବରିଷ୍ଠା ଚତୁଷ୍ପଦାମ୍॥ 1-1-291 (290)
ଯଥୈତାନୀତିହାସାନାଂ ତଥା ଭାରତମୁଚ୍ଯତେ।
ଯଶ୍ଚୈନଂ ଶ୍ରାବଯେଚ୍ଛ୍ରାଦ୍ଧେ ବ୍ରାହ୍ମଣାନ୍ପାଦମନ୍ତତଃ॥ 1-1-292 (291)
ଅକ୍ଷଯ୍ଯମନ୍ନପାନଂ ବୈ ପିତୃଂସ୍ତସ୍ଯୋପତିଷ୍ଠତେ।
ଇତିହାସପୁରାଣାଭ୍ଯାଂ ବେଦଂ ସମୁପବୃଂହଯେତ୍॥ 1-1-293 (292)
ବିଭେତ୍ଯଲ୍ପଶ୍ରୁତାଦ୍ବେଦୋ ମାମଯଂ ପ୍ରତରିଷ୍ଯତି।
କାର୍ଷ୍ଣଂ ବେଦମିମଂ ବିଦ୍ବାଞ୍ଶ୍ରାବଯିତ୍ବାର୍ଥମଶ୍ନୁତେ॥ 1-1-294 (293)
ଭ୍ରୂଣହତ୍ଯାଦିକଂ ଚାପି ପାପଂ ଜହ୍ଯାଦସଂଶଯମ୍।
ଯ ଇମଂ ଶୁଚିରଧ୍ଯାଯଂ ପଠେତ୍ପର୍ବଣି ପର୍ବଣି॥ 1-1-295 (294)
ଅଧୀତଂ ଭାରତଂ ତେନ କୃତ୍ସ୍ନଂ ସ୍ଯାଦିତି ମେ ମତିଃ।
ଯଶ୍ଚୈନଂ ଶୃଣୁଯାନ୍ନିତ୍ଯମାର୍ଷଂ ଶ୍ରଦ୍ଧାସମନ୍ବିତଃ॥ 1-1-296 (295)
ସ ଦୀର୍ଘମାଯୁଃ କୀର୍ତିଂ ଚ ସ୍ବର୍ଗତିଂ ଚାପ୍ନୁଯାନ୍ନରଃ।
ଏକତଶ୍ଚତୁରୋ ବେଦା ଭାରତଂ ଚୈତଦେକତଃ॥ 1-1-297 (296)
ପୁରା କିଲ ସୁରୈଃ ସର୍ବୈଃ ସମେତ୍ଯ ତୁଲଯା ଧୃତମ୍।
ଚତୁର୍ଭ୍ଯଃ ସରହସ୍ଯେଭ୍ଯୋ ବେଦେଭ୍ଯୋ ହ୍ଯଧିକଂ ଯଦା॥ 1-1-298 (297)
ତଦାପ୍ରଭୃତି ଲୋକେଽସ୍ମିନ୍ମହାଭାରତମୁଚ୍ଯତେ।
ମହତ୍ତ୍ବେ ଚ ଗୁରୁତ୍ବେ ଚ ଧ୍ରିଯମାଣଂ ଯତୋଽଧିକମ୍॥ 1-1-299 (298)
ମହତ୍ତ୍ବାଦ୍ଭାରବତ୍ତ୍ବାଚ୍ଚ ମହାଭାରତମୁଚ୍ଯତେ।
ନିରୁକ୍ତମସ୍ଯ ଯୋ ବେଦ ସର୍ବପାପୈଃ ପ୍ରମୁଚ୍ଯତେ॥ 1-1-300 (299)
ତପୋ ନକଲ୍କୋଽଧ୍ଯଯନଂ ନକଲ୍କଃ
ସ୍ବାଭାବିକୋ ବେଦବିଧିର୍ନକଲ୍କଃ।
ପ୍ରସହ୍ଯ ବିତ୍ତାହରଣଂ ନକଲ୍କ-
ସ୍ତାନ୍ଯେବ ଭାବୋପହତାନି କଲ୍କଃ॥ 1-1-301 (300)
ଇତି ଶ୍ରୀମନ୍ମାହାଭାରତେ ଆଦିପର୍ବଣି ଅନୁକ୍ରମଣିକାପର୍ବଣି ପ୍ରଥମୋଽଧ୍ଯାଯଃ॥ 1 ॥ ॥ ଅନୁକ୍ରମଣିକାପର୍ବ ସମାପ୍ତମ୍ ॥
Mahabharata - Adi Parva - Chapter Footnotes
1-1-1 ଶ୍ରୀଲକ୍ଷ୍ମୀନୃସିଂହାଯ ନମଃ॥ ଶ୍ରୀହଯଗ୍ରୀବାଯ ନମଃ॥ ଶ୍ରୀବେଦବ୍ଯାସାଯ ନମଃ॥ ଇହ ଖଲୁ ଭଗବାନ୍ପାରାଶର୍ଯଃ ପରମକାରୁଣିକୋ ମ୍ଦମତୀନନୁଗ୍ରହୀତୁଂ ଚତୁର୍ଦଶବିଦ୍ଯାସ୍ଥାନାନ୍ଯେକତ୍ର ଦିଦର୍ଶଯିଷୁର୍ମହାଭାରତାଖ୍ଯମିତିହାସଂ ପ୍ରଣେଷ୍ଯନ୍ପ୍ରାରିପ୍ସିତସ୍ଯ ନିଷ୍ପ୍ରତ୍ଯୂହାରିପୂରଣାଯ ପ୍ରଚଯଗମନାଯ ଚ ମଙ୍ଗଲଂ ରଚଯନ୍ ଶିଷ୍ଯଶିକ୍ଷାଯୈ ଲୋକରୂପେମ ନିବଘ୍ନନ୍ନର୍ଯାତ୍ତତ୍ର ପ୍ରେକ୍ଷାବତ୍ପ୍ରବୃତ୍ତ୍ଯଙ୍ଗମଭିଧେଯାଦି ଦର୍ଶଯତି॥ ନାରାଯଣମିତି॥ ନରୋତ୍ତମଂ ପୁରୁଷୋତ୍ତମଂ ନାରାଯଣଂ ନରଂ ଦେବୀ ସରସ୍ବତୀଂ (ବ୍ଯାସଂ) ଚୈବ ନମସ୍କୃତ୍ଯ ଜଯଂ ଭାରତାଖ୍ଯମିତିହାସଂ ଉଦୀରଯେତ୍॥ 1-1-2 ଲକ୍ଷାଲଙ୍କାରବ୍ଯାଖ୍ଯାନରୀତ୍ଯାଯମାଦ୍ଯଃ ଶ୍ଲୋକଃ॥ 1-1-3 କତିପଯକୋଶରୀତ୍ଯାଯସ୍ପଦ୍ଯଃ॥ 3 ॥ 1-1-5 ରୋମହର୍ଷଣପୁତ୍ରଃ ରୋମାଣି ହର୍ଷଯାଞ୍ଚକେ ଶ୍ରୋତୄଣା ଯଃ ସ୍ବଭାଷିତୈଃ। କର୍ମଣା ପ୍ରଥିତସ୍ତେନ ରୋମହର୍ଷଣସଂଜ୍ଞଯା। ଇତି କୌର୍ମେ ନିରୁକ୍ତାର୍ଥନାମ୍ନଃ ପୁତ୍ରଃ। ଅଗ୍ରଶ୍ରବାଃ ଉଗ୍ରସ୍ଯ ନୃସିଂହସ୍ଯ ଶ୍ରବଃ ଶ୍ରବଣଂ ଯସ୍ଯ ସଃ। ପୌରାଣିକଃ ପୁରାଣେ କୃତଶ୍ରମଃ। ନୈମିଶାରଣ୍ଯେ ବାଯବୀଯେ। ଏତନ୍ମନୋମଯଂ ଚକ୍ରଂ ମଯା ସୃଷ୍ଟଂ ବିସୃଜ୍ଯତେ। ଯତ୍ରାସ୍ଯ ଶୀର୍ଯତେ ନେମିଃ ସ ଦେଶସ୍ତପସଃ ଶୁଭଃ। ଇତ୍ଯୁକ୍ତ୍ବା ସୂର୍ଯସଂକାଶଂ ଚକ୍ରଂ ସୃଷ୍ଟ୍ବା ମନୋମଯମ୍। ପ୍ରଣିପତ୍ଯ ମହାଦେବଂ ବିସସର୍ଜ ପିତାମହଃ। ତେପି ହୃଷ୍ଟତରା ବିପ୍ରାଃ ପ୍ରଣମ୍ଯ ଜଗତାଂ ପ୍ରଭୁମ୍. ପ୍ରଯଯୁସ୍ତସ୍ଯ ଚକ୍ରସ୍ଯ ଯତ୍ର ନେମିର୍ବ୍ଯଶୀର୍ଯତ। ତଦ୍ବନଂ ତେନ ବିଖ୍ଯାତଂ ନୈମିଶଂ ମୁନିପୂଜିତମ୍। ଇତି ଉକ୍ତରୂପେ। ନୈମିଷେତି ପାଠେ ତୁ ବାରାହେ। ଏବଂ କୃତ୍ବା ତତୋ ଦେବୋ ମୁନି ଗୌରମୁଖଂ ତଦା। ଉବାଚ ନିମିଷେଣେଦଂ ନିହତଂ ଦାନବଂ ବଲଂ। ଅରଣ୍ଯେଽସ୍ମିଂସ୍ତତସ୍ତ୍ବେତନ୍ନୈମିଷାରଣ୍ଯସଂଜ୍ଞିତଂ। ଇତି ନିର୍ବଚନଂ ଦ୍ରଷ୍ଟବ୍ଯଂ। ଶୁନକସ୍ଯ ମୁନେରପତ୍ଯଂ ଶୌନକଃ। କୁଲପତେଃ। ଏକୋ ଦଶସହସ୍ରାଣି ଯୋଽନ୍ନଦାନାଦିନା ଭରେତ୍। ସ ବୈ କୁଲପତିଃ ଇତ୍ଯୁକ୍ତଲକ୍ଷଣସ୍ଯ। ସତ୍ରେ ଯେ ଯଜମାନାସ୍ତଏବ ଋତ୍ବିଜୋ ଯସ୍ମିନ୍ବହୁକର୍ତୃକେ କ୍ରତୌ ସ ସତ୍ରସଂଜ୍ଞ ତସ୍ମିନ୍॥ 5 ॥ 1-1-7 ନୈମିଶାରଣ୍ଯବାସିନଃ ତାନ୍ସର୍ବାନୃଷୀନୁବାଚେତ୍ଯନ୍ବଯଃ॥ 7 ॥ 1-1-8 ଅହଂ ତପୋଧନାଃ ସିକୀଃ ସର୍ବାଃ କଥା ବେଦ ଜାନାମି॥ 8 ॥ 1-1-11 ନିର୍ଦିଷ୍ଟଂ ଇହୋପବିଶ୍ଯତାମିତି ଦର୍ଶିତମ୍॥ 11 ॥ 1-1-12 ପ୍ରସ୍ତାବଯନ୍ ଉପୋଦ୍ଧାତଯନ୍॥ 12 ॥ 1-1-13 ବିହୃତଃ ନୀତଃ॥ 13 ॥ 1-1-14 ତେଷାଂ ମୁନୀନାଂ ଚାଦନ୍ଯେଷାଂ ରାଜାଦୀନାଂ ଚ ଯାନି ଚରିତାନି ତେଷାମାଶ୍ରଯଭୂତମ୍। ଭାବିତାତ୍ମନାଂ ଶୋଧିତଚିତ୍ତାନାମ୍॥ 14 ॥ 1-1-18 ସମନ୍ତପଞ୍ଚକଂ ସମନ୍ତାତ୍ ପଞ୍ଚକଂ ପରଶୁରାମକୃତହୃଦପଞ୍ଚକଂ ଯସ୍ମିଂସ୍ତତ୍। ସ୍ଯମନ୍ତପଞ୍ଚକମିତ୍ଯପି ପାଠୋ ଦୃଶ୍ଯତେ॥ 18 ॥ 1-1-21 ବ୍ରବୀମି କିମହଂ ଦ୍ବିଜାଃ ଅହଂ ଚ ପୁରାଣାଦିଷ୍ବନ୍ଯତମଂ କିଂ ବ୍ରବୀମି ତଦାଜ୍ଞାପଯତେତି ଶେଷଃ॥ 21 ॥ 1-1-25 ସଂସ୍କାରୋପଗତାଂ ପଦାଦିବ୍ଯୁତ୍ପତ୍ତିମତୀମ୍। ବ୍ରାହ୍ମୋ ବାଚଂ। ବ୍ରାହ୍ମୀ ତୁ ଭାରତୀ ଭାଷେତ୍ଯମରଃ॥ 25 ॥ 1-1-28 ମଙ୍ଗଲାଚରଣପୂର୍ବକଂ ମୁନିଭିଃ ପ୍ରାର୍ଥିତମର୍ଥଂ ବକ୍ତୁଂ ପ୍ରତିଜାନୀତେ ଆଦ୍ଯମିତ୍ଯଦିଚତୁର୍ଭିଃ। ହରିଂ ନମସ୍କୃତ୍ଯ ମହର୍ଷେର୍ମତଂ ପ୍ରବକ୍ଷ୍ଯାମୀତ୍ଯନ୍ବଯଃ। ପୁରୁହୂତଂ ପୁରୁଭିର୍ବହୁଭିର୍ହୋତୃଭିଃ ହୂତଂ ଆହୂତଂ। ପୁରୁଭିଃ ସାମଗୈଃ ସ୍ତୁତଂ। ଋତଂ ସତ୍ଯଂ। ଏକଶ୍ଚାସାବକ୍ଷରଶ୍ଚ ତଂ। ଏକଂ ଅଦ୍ବିତୀଯଂ ସମାଧିକରହିତମିତି ବା। ଅକ୍ଷରଂ ନାଶରହିତଂ। ବ୍ଯଖ୍ଯବ୍ଯକ୍ତଂ ରାମକୃଷ୍ଣାଦିରୂପେଣ ଦୃଶ୍ଯଂ। ଜ୍ଞାନାନନ୍ଦାଦିରୂପେଣ ମନ୍ଦେରଦୃଶ୍ଯଂ॥ 28 ॥ 1-1-30 ମଙ୍ଗଲ୍ଯଂ ମଙ୍ଗଲପ୍ରଦଂ॥ 30 ॥ 1-1-36 ଜ୍ଞାନଂ ଜ୍ଞାନସାଧନଂ ଇଦଂ ଭାରତ ତ୍ରିଷୁ ଲୋକେଷୁ ପ୍ରତିଷ୍ଠିତମ୍॥ 36 ॥ 1-1-37 ସମଯୈଃ ସଂକେତୈଃ। ଛନ୍ଦୋବୃତ୍ତୈଃ ତ୍ରିଷ୍ଟୁବାଦିଛନ୍ଦୋନ୍ତୀତୈରିନ୍ଦ୍ରବଜ୍ରାଦିଭିର୍ବୃତ୍ତୈଃ॥ 37 ॥ 1-1-45 ଯସ୍ମିନ୍ ବ୍ରହ୍ମାଣ୍ଡେ॥ 45 ॥ 1-1-52 ପ୍ରତିକଲ୍ପଂ ସୃଷ୍ଟେଃ ସମାନନାମରୂପତ୍ବମାହ ଯଥେତି॥ 52 ॥ 1-1-53 କଲ୍ପାନାମାନନ୍ତ୍ଯମାହ ଏବମିତି॥ 53 ॥ 1-1-54 ଏବଂ ଜଡସୃଷ୍ଟିମୁକ୍ତ୍ବା ଚେତନସୃଷ୍ଟିମାହ ତ୍ରଯନ୍ନିଂଶଦିତି॥ 54 ॥ 1-1-61 ଭୂତସ୍ଥାନାନି ନୃଣାଂ ବାସସ୍ଥାନାନି ନଗରାଦୀନି॥ 61 ॥ 1-1-64 ଇହ ସର୍ବମନୁକାନ୍ତଂ ଅନୁକମେଣ ଉକ୍ତଂ॥ 64 ॥ 1-1-65 ସମାସଃ ସଙ୍କ୍ଷେପଃ। ବ୍ଯାସୋ ବିସ୍ତାରଃ॥ 65 ॥ 1-1-66 ଭାରତାରମ୍ଭେ ମତଭେଦମାହ ମନ୍ବାଦୀତି। ମନ୍ବାଦି ମନୁର୍ମନ୍ତ୍ରଃ ନାରାଯଣଂ ନମସ୍କୃତ୍ଯେତି। ଓଁ ନମୋ ଭଗବତେ ବାସୁଦେବାଯେତି ବା ତଦାଦି। ପ୍ରସ୍ତୀକଂ ଆସ୍ତୀକଚରିତଂ ତଦାଦି। ଉପରିଚରୋ ବସୁଃ ତଚ୍ଚରିତାଦି ବା॥ 66 ॥ 1-1-67 ବହ୍ବର୍ଥତ୍ବାଦ୍ବିବିଧଂ ସଂହିତାଜ୍ଞାନଂ ଦୀପଯନ୍ତି ପ୍ରକାଶଯନ୍ତି॥ 67 ॥ 1-1-69 ମହୁଃ ସତ୍ଯବତ୍ଯାଃ। ଗାଙ୍ଗେଯସ୍ଯ ଭୀଷ୍ମସ୍ଯ॥ 69 ॥ 1-1-70 କ୍ଷତ୍ର ଭାର୍ଯାସୁ ଅମ୍ବିକାଦିଷୁ॥ 70 ॥ 1-1-71 ପରମାଂ ଗତିଂ ମୃତ୍ଯୁଂ॥ 71 ॥ 1-1-73 ଶଶାସଂ ତ୍ବମମନ୍ ଭାରତଂ ଶ୍ରାବଯେତ୍ଯାଜ୍ଞାପିତବାନ୍॥ 73 ॥ 1-1-84 ବସୋଃ ଅପତ୍ଯଂ ସ୍ତ୍ରୀ ବାସ୍ତ୍ରୀ ତସ୍ଯାଃ ଅପତ୍ଯଂ ବାସବେଯୋ ବ୍ଯାସଃ॥ 84 ॥ 1-1-85 କୃଷ୍ଣୋ ବ୍ଯାସଃ॥ 85 ॥ 1-1-98 ବିଶେଷଣେ ଅତିଶାଯନେ॥ 98 ॥ 1-1-104 ବିଟଙ୍କାଃ ପକ୍ଷ୍ଯୁପବେଶନସ୍ଥାନାନି॥ 104 ॥ 1-1-105 ସାରୋ ମଜ୍ଜା॥ 105 ॥ 1-1-106 ବିଶ୍ରାମଃ ଛାଯା॥ 106 ॥ 1-1-108 ଆଶ୍ରମସ୍ଥାନସଂଶ୍ରଯଃ ଆଶ୍ରମବାସିକସ୍ଯଣ୍ଡିଲଃ। ମୌସଲଶ୍ରୁତିସଂକ୍ଷେପଃ ମୌସଲାଦିଗ୍ରନ୍ଥଃ ଶ୍ରୁତିସ୍ଥାନୀଯଦୀର୍ଘଶାଖାନ୍ତଃ॥ 108 ॥ 1-1-112 ଯତଃ ଯତ୍ର ଦେଶେ॥ 112 ॥ 1-1-115 ଅବୁଦ୍ଧ୍ବା ଅର୍ଥମିତି ଶେଷଃ। ଓମିତ୍ଯଙ୍ଗୀକାରେ॥ 115 ॥ 1-1-116 ଅନ୍ଥଗ୍ରନ୍ଥିଂ ଗ୍ରନ୍ଥେ ଦୁର୍ଭେଦ୍ଯସ୍ଥାନଂ॥ 116 ॥ 1-1-131 କୃଚ୍ଛ୍ରାଂ ଆପଦଂ ବ୍ଯବାଯକାଲେ ମରିଷ୍ଯସୀତ୍ଯେବଂ ଶାପରୂପାଂ। ତତ୍ର ଆପଦି ଏବଂ ସତ୍ଯାମପି ପାର୍ଥାନାଂ ପାଣ୍ଡବାନାଂ ଜନ୍ମପ୍ରଭୃତି ଆଚାରବିଧିକ୍ରମଃ ଅଭୂଦିତି ଶେଷଃ॥ 131 ॥ 1-1-132 ଆଚାରବିଧିକ୍ରମମେବାହ। ମାତ୍ରୋରିତି। ମାତ୍ରୋଃ କୁନ୍ତୀମାଦ୍ଯୋଃ। ଧର୍ମୋପନିଷଦଂ ପ୍ରତି ଆପଦି ଅପତ୍ଯାର୍ଥେ ବିଶିଷ୍ଟଃ ପୁମାନ୍ପ୍ରାର୍ଥନୀଯ ଇତ୍ଯେବରୂପଂ ଧର୍ମରହସ୍ଯଂ ପ୍ରତି। ଅଭ୍ଯୁପପତ୍ତିଃ ଅଙ୍ଗୀକାରଃ॥ 132 ॥ 1-1-137 ଧାର୍ତରାଷ୍ଟ୍ରାନ୍ଧୃତରାଷ୍ଟ୍ରସଂବନ୍ଧିଗୃହାନ୍॥ 137 ॥ 1-1-142 ଅନ୍ତର୍ହିତାନାଂ ଭୂତାନାଂ ନିଃସ୍ବନଃ ପାଣ୍ଡୁପୁତ୍ରା ଏବୈତେ ଇତ୍ଯେବଂରୂପା ଅଶରୀରବାକ୍॥ 142 ॥ 1-1-148 ଭର୍ତାରଂ ସ୍ବଯମେବ ବୃଣୁତ ଇତି ଭର୍ତୃସ୍ବଯଂବରାଂ॥ 148 ॥ 1-1-150 ରାଜ୍ଞୋ ଯୁଧିଷ୍ଠିରସ୍ଯ॥ 150 ॥ 1-1-157 ଅନଭିଜାତବତ୍ ଗ୍ରାମୀଣବତ୍॥ 157 ॥ 1-1-160 ଧୃତରାଷ୍ଟ୍ରୋ ଯଦ୍ବିବାଦାନନ୍ବମୋଦତ ଯଚ୍ଚାନଯାନୁପୈକ୍ଷତ ତସ୍ମାଦ୍ବାସୁଦେବସ୍ଯ କୋପଃ ସମଭବତ୍॥ 160 ॥ 1-1-161 ଦହନ୍ ଅଦହତ୍॥ 161 ॥ 1-1-173 ପ୍ରବୃଷ୍ଟଂ ବର୍ଷଣେ ପ୍ରବୃତ୍ତଂ॥ 173 ॥ 1-1-181 ଚେଷ୍ଟାଃ ବାହୁବୀକ୍ଷଣାଦ୍ଯାଃ॥ 181 ॥ 1-1-182 ସ୍ନାତକାନାଂ ସମାପିତବିଦ୍ଯାବ୍ରତାନାଂ ବ୍ରାହ୍ମଣାନାଂ॥ 182 ॥ 1-1-185 ଶଂସିତଂ ପ୍ରଶସ୍ଯଂ॥ 185 ॥ 1-1-197 ଇମାଂ ଗାଂ ପୃଥିବୀଂ ଯସ୍ଯ ବାସୁଦେବସ୍ଯ ଏକଂ ବିକ୍ରମଂ ପଦମାତ୍ରମାହୁଃ॥ 197 ॥ 1-1-198 ଯୌ ନରନାରାଯଣୌ ବ୍ରହ୍ମଲୋକେ ଅହଂ ଦ୍ରଷ୍ଟା ଅଦ୍ରାକ୍ଷଂ ତୌ କୃଷ୍ଣାର୍ଜୁନୌ ଅର୍ଜୁନକୃଷ୍ଣୌ ଇତି ବଦତୋ ନାରଦସ୍ଯ ନାରଦାତ୍॥ 198 ॥ 1-1-200 ବହୁଧା ବିଶ୍ବରୂପତ୍ବେନ॥ 200 ॥ 1-1-202 ତେଷାଂ ପାଣ୍ଡବାନାଂ॥ 202 ॥ 1-1-209 ସୋମକାନେବ ଅଲ୍ପଶେଷାନ୍କୃତ୍ବା॥ 209 ॥ 1-1-210 ଚୋଦିତମର୍ଜୁନଂ ଚ। ଗାଂ ଭିତ୍ତ୍ବାମ୍ବୋ ବାରୁଣେନାଦଦାନେ ଇତି ପାଠାନ୍ତରଂ॥ 210 ॥ 1-1-223 ବ୍ଯଂସିତାଂ ବ୍ଯର୍ଥୀକୃତାଂ॥ 223 ॥ 1-1-237 କ୍ରୁଦ୍ଧେନୈଷୀକଂ ଚାବଧୀଦ୍ଯନ୍ନ ଗର୍ଭଂ ଇତି ପାଠାନ୍ତରମ୍॥ 1-1-280 ପୂଯନ୍ତେ ନଶ୍ଯନ୍ତି॥ 280 ॥ 1-1-294 କାର୍ଷ୍ଣଂ କୃଷ୍ଣେନ ବ୍ଯାସେନ ପ୍ରୋକ୍ତଂ॥ 294 ॥ 1-1-301 ନନୁ ବେଦେଭ୍ଯଃ କଥମିଦମଧିକଂ ଅତ୍ର ଯୁଦ୍ଧପ୍ରଧାନାନାଂ କର୍ମଣାଂ ବନ୍ଧନହେତୂନାଂ କଥନାଦୁପନିଷଦି ତାବନ୍ମୋକ୍ଷସାଧନାନାଂ ଧର୍ମାଣାଂ ବ୍ରହ୍ମଣଶ୍ଚ ପ୍ରତିପାଦନାଦିତି ଚେତ୍ତତ୍ରାହ। ତପ ଇତି। ତପଃ କୃଚ୍ଛ୍ରଚାନ୍ଦ୍ରାଯଣାଦି ନକଲ୍କଃ ପାପନାଶକଂ। ସ୍ବାଭାବିକଃ ସ୍ବସ୍ବବର୍ଣାଶ୍ରମାଦିପୁରସ୍କାରେଣ ବିହିତଃ। ବେଦବିଧିଃ ବେଦୋକ୍ତୋ ବିଧିଃ ସନ୍ଧ୍ଯୋପାସନାଦିଃ। ପ୍ରସହ୍ଯ ପ୍ରକର୍ଷେଣ ସୋଢ୍ବା କ୍ଷୁଧାଦିଦୁଃଖମପି ସୋଢ୍ବା। ବିତ୍ତସ୍ଯ ଆହରଣଂ ଶିଲୋଞ୍ଛାଦିନା ଅର୍ଜନଂ। ତାନ୍ଯେବ ତପଆଦୀନ୍ଯେବ ଭାବେନ ଫଲାନୁସନ୍ଧାନେନ ଉପହତାନି ପ୍ରତିଷିଦ୍ଧାନି। କଲ୍କଃ ପାପହେତୁଃ। ତଥାଚାତ୍ରାପି ମୋକ୍ଷଧର୍ମାଦିଷୁ ତତ୍ରତତ୍ର ନିଷ୍କାମକର୍ମଣାଂ ପ୍ରତିପାଦନଂ ବ୍ରହ୍ମନିରୂପଣଂ ଚାସ୍ତ୍ଯେବ। ଅତୋ ବେଦାଦପ୍ଯୁତ୍ତମଂ ଭାରତଂ॥ 301 ॥ ଇତି ଟିପ୍ପଣେ ପ୍ରଥମୋଽଧ୍ଯାଯଃ॥ 1 ॥ଆଦିପର୍ବ - ଅଧ୍ଯାଯ 002
॥ ଶ୍ରୀଃ ॥
1.2. ଅଧ୍ଯାଯଃ 002
(ଅଥ ପର୍ବସଂଗ୍ରହପର୍ବ ॥ 2 ॥)
Mahabharata - Adi Parva - Chapter Topics
ସମନ୍ତପଞ୍ଚକାଖ୍ଯାନଂ॥ 1 ॥ ଅକ୍ଷୌହିଣ୍ଯାଦିପରିମାଣ॥ 2 ॥ ଆଦିପର୍ବାଦିସର୍ବପର୍ବଣାଂ ସଂକ୍ଷେପେଣ ବୃତ୍ତାନ୍ତକଥନଂ॥ 3 ॥ ନାରତଶ୍ରବଣଫଲକଥନଂ॥ 4 ॥Mahabharata - Adi Parva - Chapter Text
1-2-0 (301)
ଋଷଯ ଊଚୁଃ। 1-2-0x (11)
ସମନ୍ତପଞ୍ଚକମିତି ଯଦୁକ୍ତଂ ସୂତନନ୍ଦନ।
ଏତତ୍ସର୍ବଂ ଯଥାତତ୍ତ୍ବଂ ଶ୍ରୋତୁମିଚ୍ଛାମହେ ବଯମ୍॥ 1-2-1 (302)
ସୌତିରୁବାଚ। 1-2-2x (12)
ଶୃଣୁଧ୍ବଂ ମମ ଭୋ ବିପ୍ରା ବ୍ରୁବତଶ୍ଚ କଥାଃ ଶୁଭାଃ।
ସମନ୍ତପଞ୍ଚକାଖ୍ଯଂ ଚ ଶ୍ରୋତୁମର୍ହଥ ସତ୍ତମାଃ॥ 1-2-2 (303)
ତ୍ରେତାଦ୍ବାପରଯୋଃ ସନ୍ଧୌ ରାମଃ ଶସ୍ତ୍ରଭୃତାଂ ବରଃ।
ଅସକୃତ୍ପାର୍ଥିବଂ କ୍ଷତ୍ରଂ ଜଘାନାମର୍ଷଚୋଦିତଃ॥ 1-2-3 (304)
ସ ସର୍ବଂ କ୍ଷତ୍ରମୁତ୍ସାଦ୍ଯ ସ୍ବବୀର୍ଯେଣାନଲଦ୍ଯୁତିଃ।
ସମନ୍ତପଞ୍ଚକେ ପଞ୍ଚ ଚକାର ରୁଧିରହ୍ରଦାନ୍॥ 1-2-4 (305)
ସ ତେଷୁ ରୁଧିରାମ୍ଭଃସୁ ହ୍ରଦେଷୁ କ୍ରୋଧମୂର୍ଚ୍ଛିତଃ।
ପିତୄନ୍ସଂତର୍ପଯାମାସ ରୁଧିରେଣେତି ନଃ ଶ୍ରୁତମ୍॥ 1-2-5 (306)
ଅଥର୍ଚୀକାଦଯୋଽଭ୍ଯେତ୍ଯ ପିତରୋ ରାମମବ୍ରୁବନ୍।
ରାମ ରାମ ମହାଭାଗ ପ୍ରୀତାଃ ସ୍ମ ତବ ଭାର୍ଗବ॥ 1-2-6 (307)
ଅନଯା ପିତୃଭକ୍ତ୍ଯା ଚ ବିକ୍ରମେଣ ତବ ପ୍ରଭୋ।
ବରଂ ବୃଣୀଷ୍ବ ଭଦ୍ରଂ ତେ ଯମିଚ୍ଛସି ମହାଦ୍ଯୁତେ॥ 1-2-7 (308)
ରାମ ଉବାଚ। 1-2-8x (13)
ଯଦି ମେ ପିତରଃ ପ୍ରୀତା ଯଦ୍ଯନୁଗ୍ରାହ୍ଯତା ମଯି।
ଯଚ୍ଚ ରୋଷାଭିଭୂତେନ କ୍ଷତ୍ରମୁତ୍ସାଦିତଂ ମଯା॥ 1-2-8 (309)
ଅତଶ୍ଚ ପାପାନ୍ମୁଚ୍ଯେଽହମେଷ ମେ ପ୍ରାର୍ଥିତୋ ବରଃ।
ହ୍ରଦାଶ୍ଚ ତୀର୍ଥଭୂତା ମେ ଭବେଯୁର୍ଭୁବି ବିଶ୍ରୁତାଃ॥ 1-2-9 (310)
ଏବଂ ଭବିଷ୍ଯତୀତ୍ଯେବଂ ପିତରସ୍ତମଥାବ୍ରୁବନ୍।
ତଂ କ୍ଷମସ୍ବେତି ନିଷିଷିଧୁସ୍ତତଃ ସ ବିରରାମ ହ॥ 1-2-10 (311)
ତେଷାଂ ସମୀପେ ଯୋ ଦେଶୋ ହ୍ରଦାନାଂ ରୁଧିରାମ୍ଭସାମ୍।
ସମନ୍ତପଞ୍ଚକମିତି ପୁଣ୍ଯଂ ତତ୍ପରିକୀର୍ତିତମ୍॥ 1-2-11 (312)
ଯେନ ଲିଙ୍ଗେନ ଯୋ ଦେଶୋ ଯୁକ୍ତଃ ସମୁପଲକ୍ଷ୍ଯତେ।
ତେନୈବ ନାମ୍ନା ତଂ ଦେଶଂ ବାଚ୍ଯମାହୁର୍ମନୀଷିଣଃ॥ 1-2-12 (313)
ଅନ୍ତରେ ଚୈବ ସଂପ୍ରାପ୍ତେ କଲିଦ୍ବାପରଯୋରଭୂତ୍।
ସମନ୍ତପଞ୍ଚକେ ଯୁଦ୍ଧଂ କୁରୁପାଣ୍ଡବସେନଯୋଃ॥ 1-2-13 (314)
ତସ୍ମିନ୍ପରମଧର୍ମିଷ୍ଠେ ଦେଶେ ଭୂଦୋଷବର୍ଜିତେ।
ଅଷ୍ଟାଦଶ ସମାଜଗ୍ମୁରକ୍ଷୌହିଣ୍ଯୋ ଯୁଯୁତ୍ସଯା॥ 1-2-14 (315)
ସମେତ୍ଯ ତଂ ଦ୍ବିଜାସ୍ତାଶ୍ଚ ତତ୍ରୈବ ନିଧଂ ଗତାଃ।
ଏତନ୍ନାମାଭିନିର୍ବୃତ୍ତଂ ତସ୍ଯ ଦେଶସ୍ଯ ବୈ ଦ୍ବିଜାଃ॥ 1-2-15 (316)
ପୁଣ୍ଯଶ୍ଚ ରମଣୀଯଶ୍ଚ ସ ଦେଶୋ ବଃ ପ୍ରକୀର୍ତିତଃ।
ତଦେତତ୍କଥିତଂ ସର୍ବଂ ମଯା ବ୍ରାହ୍ମଣସତ୍ତମାଃ॥
ଯଥା ଦେଶଃ ସ ବିଖ୍ଯାତସ୍ତ୍ରିଷୁ ଲୋକେଷୁ ସୁବ୍ରତାଃ॥ 1-2-16 (317)
ଋଷଯ ଊଚୁଃ। 1-2-17x (14)
ଅକ୍ଷୌହିଣ୍ଯ ଇତି ପ୍ରୋକ୍ତଂ ଯତ୍ତ୍ବଯା ସୂତନନ୍ଦନ।
ଏତଦିଚ୍ଛାମହେ ଶ୍ରୋତୁଂ ସର୍ବମେବ ଯଥାତଥମ୍॥ 1-2-17 (318)
ଅକ୍ଷୌହିଣ୍ଯାଃ ପରୀମାଣଂ ନରାଶ୍ବରଥଦନ୍ତିନାମ୍।
ଯଥାବଚ୍ଚୈବ ନୋ ବ୍ରୂହି ସର୍ବଂ ହି ବିଦିତଂ ତବ॥ 1-2-18 (319)
ସୌତିରୁବାଚ। 1-2-19x (15)
ଏକୋ ରଥୋ ଗଜଶ୍ଚୈକୋ ନରାଃ ପଞ୍ଚ ପଦାତଯଃ।
ତ୍ରଯଶ୍ଚ ତୁରଗାସ୍ତଜ୍ଜ୍ଞୈଃ ପତ୍ତିରିତ୍ଯଭିଧୀଯତେ॥ 1-2-19 (320)
ପତ୍ତିଂ ତୁ ତ୍ରିଗୁଣାମେତାମାହୁଃ ସେନାମୁଖଂ ବୁଧାଃ।
ତ୍ରୀଣି ସେନାମୁଖାନ୍ଯେକୋ ଗୁଲ୍ମ ଇତ୍ଯଭିଧୀଯତେ॥ 1-2-20 (321)
ତ୍ରଯୋ ଗୁଲ୍ମା ଗଣୋ ନାମ ବାହିନୀ ତୁ ଗଣାସ୍ତ୍ରଯଃ।
ସ୍ମୃତାସ୍ତିସ୍ରସ୍ତୁ ବାହିନ୍ଯଃ ପୃତନେତି ବିଚକ୍ଷଣୈଃ॥ 1-2-21 (322)
ଚମୂସ୍ତୁ ପୃତନାସ୍ତିସ୍ରସ୍ତିସ୍ରଶ୍ଚମ୍ବସ୍ତ୍ବନୀକିନୀ।
ଅନୀକିନୀଂ ଦଶଗୁଣାଂ ପ୍ରାହୁରକ୍ଷୌହିଣୀଂ ବୁଧାଃ॥ 1-2-22 (323)
ଅକ୍ଷୌହିଣ୍ଯାଃ ପ୍ରସଂଖ୍ଯାତା ରଥାନାଂ ଦ୍ବିଜସତ୍ତମାଃ।
ସଂଖ୍ଯାଗଣିତତତ୍ତ୍ବଜ୍ଞୈଃ ସହସ୍ରାଣ୍ଯେକବିଂଶତିଃ॥ 1-2-23 (324)
ଶତାନ୍ଯୁପରି ଚୈବାଷ୍ଟୌ ତଥା ଭୂଯଶ୍ଚ ସପ୍ତତିଃ।
ଗଜାନାଂ ଚ ପରୀମାଣମେତଦେବ ବିନିର୍ଦିଶେତ୍॥ 1-2-24 (325)
ଜ୍ଞେଯଂ ଶତସହସ୍ରଂ ତୁ ସହସ୍ରାଣି ନବୈବ ତୁ।
ନରାଣାମପି ପଞ୍ଚାଶଚ୍ଛତାନି ତ୍ରୀଣି ଚାନଘାଃ॥ 1-2-25 (326)
ପଞ୍ଚ ଷଷ୍ଟିସହସ୍ରାଣି ତଥାଶ୍ବାନାଂ ଶତାନି ଚ।
ଦଶୋତ୍ତରାଣି ଷଟ୍ ପ୍ରାହୁର୍ଯଥାବଦିହ ସଂଖ୍ଯଯା॥ 1-2-26 (327)
ଏତାମକ୍ଷୌହିଣୀଂ ପ୍ରାହୁଃ ସଂଖ୍ଯାତତ୍ତ୍ବଦିତୋ ଜନାଃ।
ଯାଂ ବଃ କଥିତବାନସ୍ମି ବିସ୍ତରେଣ ତପୋଧନାଃ॥ 1-2-27 (328)
ଏତଯା ସଂଖ୍ଯଯା ହ୍ଯାସନ୍କୁରୁପାଣ୍ଡବସେନଯୋଃ।
ଅକ୍ଷୌହିଣ୍ଯୋ ଦ୍ବିଜଶ୍ରେଷ୍ଠାଃ ପିଣ୍ଡିତାଷ୍ଟାଦଶୈବ ତୁ॥ 1-2-28 (329)
ସମେତାସ୍ତତ୍ର ବୈ ଦେଶେ ତତ୍ରୈବ ନିଧଂ ଗତାଃ।
କୌରବାନ୍କାରଣଂ କୃତ୍ବା କାଲେନାଦ୍ଭୁତକର୍ମଣା॥ 1-2-29 (330)
ଅହାନି ଯୁଯୁଧେ ଭୀଷ୍ମୋ ଦଶୈବ ପରମାସ୍ତ୍ରବିତ୍।
ଅହାନି ପଞ୍ଚ ଦ୍ରୋଣସ୍ତୁ ରରକ୍ଷ କୁରୁବାହିନୀମ୍॥ 1-2-30 (331)
ଅହନୀ ଯୁଯୁଧେ ଦ୍ବେ ତୁ କର୍ଣଃ ପରବଲାର୍ଦନଃ।
ଶଲ୍ଯୋଽର୍ଧଦିବସଂ ଚୈବ ଗଦାଯୁଦ୍ଧମତଃ ପରମ୍॥ 1-2-31 (332)
ତସ୍ଯୈବ ଦିବସସ୍ଯାନ୍ତେ ଦ୍ରୌଣିହାର୍ଦିକ୍ଯଗୌତମାଃ।
ପ୍ରସୁପ୍ତଂ ନିଶି ବିଶ୍ବସ୍ତଂ ଜଘ୍ନୁର୍ଯୌଧିଷ୍ଠିରଂ ବଲମ୍॥ 1-2-32 (333)
ଯତ୍ତୁ ଶୌନକ ସତ୍ରେ ତେ ଭାରତାଖ୍ଯାନମୁତ୍ତମମ୍।
ଜନମେଜଯସ୍ଯ ତତ୍ସତ୍ରେ ବ୍ଯାସଶିଷ୍ଯେଣ ଧୀମତା॥ 1-2-33 (334)
କଥିତଂ ବିସ୍ତରାର୍ଥଂ ଚ ଯଶୋ ବୀର୍ଯଂ ମହୀକ୍ଷିତାମ୍।
ପୌଷ୍ଯଂ ତତ୍ର ଚ ପୌଲୋମମାସ୍ତୀକଂ ଚାଦିତଃ ସ୍ମୃତମ୍॥ 1-2-34 (335)
ବିଚିତ୍ରାର୍ଥପଦାଖ୍ଯାନମନେକସମଯାନ୍ବିତମ୍।
ପ୍ରତିପନ୍ନଂ ନରୈଃ ପ୍ରାଜ୍ଞୈର୍ବୈରାଗ୍ଯମିବ ମୋକ୍ଷିଭିଃ॥ 1-2-35 (336)
ଆତ୍ମେବ ବେଦିତବ୍ଯେଷୁ ପ୍ରିଯେଷ୍ବିବ ହି ଜୀବିତମ୍।
ଇତିହାସଃ ପ୍ରଧାନାର୍ଥଃ ଶ୍ରେଷ୍ଠଃ ସର୍ବାଗମେଷ୍ବଯମ୍॥ 1-2-36 (337)
ଅନାଶ୍ରିତ୍ଯେଦମାଖ୍ଯାନଂ କଥା ଭୁବି ନ ବିଦ୍ଯତେ।
ଆହାରମନପାଶ୍ରିତ୍ଯ ଶରୀରସ୍ଯେବ ଧାରଣମ୍॥ 1-2-37 (338)
ତଦେତଦ୍ଭାରତଂ ନାମ କବିଭିସ୍ତୂପଜୀବ୍ଯତେ।
ଉଦଯତେପ୍ସୁଭିର୍ଭୃତ୍ଯୈରଭିଜାତ ଇବେଶ୍ବରଃ॥ 1-2-38 (339)
ଇତିହାସୋତ୍ତମେ ଯସ୍ମିନ୍ନର୍ପିତା ବୁଦ୍ଧିରୁତ୍ତମା।
ସ୍ବରବ୍ଯଞ୍ଜନଯୋଃ କୃତ୍ସ୍ନା ଲୋକବେଦାଶ୍ରଯେବ ବାକ୍॥ 1-2-39 (340)
ତସ୍ଯ ପ୍ରଜ୍ଞାଭିପନ୍ନସ୍ଯ ବିଚିତ୍ରପଦପର୍ବଣଃ।
ସୂକ୍ଷ୍ମାର୍ଥନ୍ଯାଯଯୁକ୍ତସ୍ଯ ବେଦାର୍ଥୈର୍ଭୂଷିତସ୍ଯ ଚ॥ 1-2-40 (341)
ଭାରତସ୍ଯେତିହାସସ୍ଯ ଶ୍ରୂଯତାଂ ପର୍ବସଂଗ୍ରହଃ।
ପର୍ବାନୁକ୍ରମଣୀ ପୂର୍ବଂ ଦ୍ବିତୀଯଃ ପର୍ବସଂଗ୍ରହଃ॥ 1-2-41 (342)
ପୌଷ୍ଯଂ ପୌଲୋମମାସ୍ତୀକମାଦିରଂଶାବତାରଣମ୍।
ତତଃ ସଂଭବପର୍ବୋକ୍ତମଦ୍ଭୁତଂ ରୋମହର୍ଷଣମ୍॥ 1-2-42 (343)
ଦାହୋ ଜତୁଗୃହସ୍ଯାତ୍ର ହୈଡିମ୍ବଂ ପର୍ବ ଚୋଚ୍ଯତେ।
ତତୋ ବକବଧଃ ପର୍ବ ପର୍ବ ଚୈତ୍ରରଥଂ ତତଃ॥ 1-2-43 (344)
ତତଃ ସ୍ବଯଂବରୋ ଦେବ୍ଯାଃ ପାଞ୍ଚାଲ୍ଯାଃ ପର୍ବ ଚୋଚ୍ଯତେ।
କ୍ଷାତ୍ରଧର୍ମେଣ ନିର୍ଜିତ୍ଯ ତତୋ ବୈବାହିକଂ ସ୍ମୃତମ୍॥ 1-2-44 (345)
ବିଦୁରାଗମନଂ ପର୍ବ ରାଜ୍ଯଲାଭସ୍ତଥୈବ ଚ।
ଅର୍ଜୁନସ୍ଯ ବନେ ବାସଃ ସୁଭଦ୍ରାହରଣଂ ତତଃ॥ 1-2-45 (346)
ସୁଭଦ୍ରାହରଣାଦୂର୍ଧ୍ବଂ ଜ୍ଞେଯା ହରଣହାରିକା।
ତତଃ ଖାଣ୍ଡବଦାହାଖ୍ଯଂ ତତ୍ରୈବ ମଯଦର୍ଶନମ୍॥ 1-2-46 (347)
ସଭାପର୍ବ ତତଃ ପ୍ରୋକ୍ତଂ ମନ୍ତ୍ରପର୍ବ ତତଃ ପରମ୍।
ଜରାସନ୍ଧବଧଃ ପର୍ବ ପର୍ବ ଦିଗ୍ବିଜଯଂ ତଥା॥ 1-2-47 (348)
ପର୍ବ ଦିଗ୍ବିଜଯାଦୂର୍ଧ୍ବଂ ରାଜସୂଯିକମୁଚ୍ଯତେ।
ତତଶ୍ଚାର୍ଘାଭିହରଣଂ ଶିଶୁପାଲବଧସ୍ତତଃ॥ 1-2-48 (349)
ଦ୍ଯୂତପର୍ବ ତତଃ ପ୍ରୋକ୍ତମନୁଦ୍ଯୂତମଃ ପରମ୍।
ତତ ଆରଣ୍ଯକଂ ପର୍ବ କିର୍ମୀରବଧ ଏବଚ॥ 1-2-49 (350)
ଅର୍ଜୁନସ୍ଯାଭିଗମନଂ ପର୍ବ ଜ୍ଞେଯମତଃ ପରମ୍।
ଈଶ୍ବରାର୍ଜୁନଯୋର୍ଯୁଦ୍ଧଂ ପର୍ବ କୈରାତସଂଜ୍ଞିତମ୍॥ 1-2-50 (351)
ଇନ୍ଦ୍ରଲୋକାଭିଗମନଂ ପର୍ବ ଜ୍ଞେଯମତଃ ପରମ୍।
ନଲୋପାଖ୍ଯାନମପି ଚ ଧାର୍ମିକଂ କରୁଣୋଦଯମ୍॥ 1-2-51 (352)
ତୀର୍ଥଯାତ୍ରା ତତଃ ପର୍ବ କୁରୁରାଜସ୍ଯ ଧୀମତଃ।
ଜଟାସୁରବଧଃ ପର୍ବ ଯକ୍ଷଯୁଦ୍ଧମତଃ ପରମ୍॥ 1-2-52 (353)
ନିବାତକବଚୈର୍ଯୁଦ୍ଧଂ ପର୍ବ ଚାଜଗରଂ ତତଃ।
ମାର୍କଣ୍ଡେଯସମାସ୍ଯା ଚ ପର୍ବାନନ୍ତରମୁଚ୍ଯତେ॥ 1-2-53 (354)
ସଂବାଦଶ୍ଚ ତତଃ ପର୍ବ ଦ୍ରୌପଦୀସତ୍ଯଭାମଯୋଃ।
ଘୋଷଯାତ୍ରା ତତଃ ପର୍ବ ତତଃ ପ୍ରାଯୋପବେଶନେମ୍।
ମନ୍ତ୍ରସ୍ଯ ନିଶ୍ଚଯଂ ଚୈବ ମୃଗସ୍ବପ୍ନୋଦ୍ଭବଂ ତତଃ॥ 1-2-54 (355)
ବ୍ରୀହିଦ୍ରୌଣିକମାଖ୍ଯାନମୈନ୍ଦ୍ରଦ୍ଯୁମ୍ନଂ ତଥୈବ ଚ।
ଦ୍ରୌପଦୀହରଣଂ ପର୍ବ ଜଯଦ୍ରଥବିମୋକ୍ଷଣମ୍॥ 1-2-55 (356)
ରାମୋପାଖ୍ଯାନମତ୍ରୈବ ପର୍ବ ଜ୍ଞେଯମତଃ ପରମ୍।
ପତିବ୍ରତାଯା ମାହାତ୍ମ୍ଯଂ ସାବିତ୍ର୍ଯାଶ୍ଚୈବମଦ୍ଭୁତମ୍॥ 1-2-56 (357)
କୁଣ୍ଡଲାହରଣଂ ପର୍ବ ତତଃ ପରମିହୋଚ୍ଯତେ।
ଆରଣେଯଂ ତତଃ ପର୍ବ ବୈରାଟଂ ତଦନନ୍ତରମ୍॥
ପାଣ୍ଡବାନାଂ ପ୍ରବେଶଶ୍ଚ ସମଯସ୍ଯ ଚ ପାଲନମ୍॥ 1-2-57 (358)
କୀଚକାନାଂ ବଧଃ ପର୍ବ ପର୍ବ ଗ୍ରୋଗ୍ରହଣଂ ତତଃ।
ଅଭିମନ୍ଯୋଶ୍ଚ ବୈରାଟ୍ଯାଃ ପର୍ବ ବୈବାହିକଂ ସ୍ମୃତମ୍॥ 1-2-58 (359)
ଉଦ୍ଯୋଗପର୍ବ ବିଜ୍ଞେଯମତ ଊର୍ଧ୍ବଂ ମହାଦ୍ଭୁତମ୍।
ତତଃ ସଂଜଯଯାନାଖ୍ଯଂ ପର୍ବ ଜ୍ଞେଯମତଃ ପରମ୍॥ 1-2-59 (360)
ପ୍ରଜାଗରଂ ତଥା ପର୍ବ ଧୃତରାଷ୍ଟ୍ରସ୍ଯ ଚିନ୍ତଯା।
ପର୍ବ ସାନତ୍ସୁଜାତଂ ବୈ ଗୁହ୍ଯମଧ୍ଯାତ୍ମଦର୍ଶନମ୍॥ 1-2-60 (361)
ଯାନସନ୍ଧିସ୍ତତଃ ପର୍ବ ଭଗବଦ୍ଯାନମେବ ଚ।
ମାତଲୀଯମୁପାଖ୍ଯାନଂ ଚରିତଂ ଗାଲବସ୍ଯ ଚ॥ 1-2-61 (362)
ସାବିତ୍ରଂ ବାମଦେବ୍ଯଂ ଚ ବୈନ୍ଯୋପାଖ୍ଯାନମେବ ଚ।
ଜାମଦଗ୍ନ୍ଯମୁପାଖ୍ଯାନଂ ପର୍ବ ଷୋଡଶରାଜକମ୍॥ 1-2-62 (363)
ସଭାପ୍ରବେଶଃ କୃଷ୍ଣସ୍ଯ ବିଦୁଲାପୁତ୍ରଶାସନମ୍।
ଉଦ୍ଯୋଗଃ ସୈନ୍ଯନିର୍ଯାଣଂ ବିଶ୍ବୋପାଖ୍ଯାନମେବ ଚ॥ 1-2-63 (364)
ଜ୍ଞେଯଂ ବିବାଦପର୍ବାତ୍ର କର୍ଣସ୍ଯାପି ମହାତ୍ମନଃ।
`ମନ୍ତ୍ରସ୍ଯ ନିଶ୍ଚଯଂ କୃତ୍ବା କାର୍ଯସ୍ଯ ସମନନ୍ତରମ୍॥ 1-2-64 (365)
ଶ୍ବେତସ୍ଯ ବାସୁଦେବେନ ଚିତ୍ରଂ ବହୁକଥାଶ୍ରଯମ୍।'
ନିର୍ଯାଣଂ ଚ ତତଃ ପର୍ବ କୁରୁପାଣ୍ଡବସେନଯୋଃ॥ 1-2-65 (366)
ରଥାତିରଥସଂଖ୍ଯା ଚ ପର୍ବୋକ୍ତଂ ତଦନନ୍ତରମ୍।
ଉଲୂକଦୂତାଗମନଂ ପର୍ବାମର୍ଷବିବର୍ଧନମ୍॥ 1-2-66 (367)
ଅମ୍ବୋପାଖ୍ଯାନମତ୍ରୈବ ପର୍ବ ଜ୍ଞେଯମତଃ ପରମ୍॥
ଭୀଷ୍ମାଭିଷେଚନଂ ପର୍ବ ତତଶ୍ଚାଦ୍ଭୁତମୁଚ୍ଯତେ॥ 1-2-67 (368)
ଜମ୍ବୂଖମ୍ଡବିନିର୍ମାଣଂ ପର୍ବୋକ୍ତଂ ତଦନନ୍ତରମ୍॥
ଭୂମିପର୍ବ ତତଃ ପ୍ରୋକ୍ତଂ ଦ୍ବୀପବିସ୍ତାରକୀର୍ତନମ୍॥ 1-2-68 (369)
`ଦିବ୍ଯଂ ଚକ୍ଷୁର୍ଦଦୌ ଯତ୍ର ସଂଜଯାଯ ମହାମୁନିଃ।'
ପର୍ବୋକ୍ତଂ ଭଗବଦ୍ଗୀତା ପର୍ବ ଭୀଷ୍ମବଧସ୍ତତଃ।
ଦ୍ରୋଣାଭିଷେଚନଂ ପର୍ବ ସଂଶପ୍ତକବଧସ୍ତତଃ॥ 1-2-69 (370)
ଅଭିମନ୍ଯୁବଧଃ ପର୍ବ ପ୍ରତିଜ୍ଞା ପର୍ବ ଚୋଚ୍ଯତେ।
ଜଯଦ୍ରଥବଧଃ ପର୍ବ ଘଟୋତ୍କଚବଧସ୍ତତଃ॥ 1-2-70 (371)
ତତୋ ଦ୍ରୋଣବଧଃ ପର୍ବ ବିଜ୍ଞେଯଂ ଲୋମହର୍ଷଣମ୍।
ମୋକ୍ଷୋ ନାରାଯଣାସ୍ତ୍ରସ୍ଯ ପର୍ବାନନ୍ତରମୁଚ୍ଯତେ॥ 1-2-71 (372)
କର୍ଣପର୍ବ ତତୋ ଜ୍ଞେଯଂ ଶଲ୍ଯପର୍ବ ତତଃ ପରମ୍।
ହ୍ରଦପ୍ରବେଶନଂ ପର୍ବ ଗଦାଯୁଦ୍ଧମତଃ ପରମ୍॥ 1-2-72 (373)
ସାରସ୍ବତଂ ତତଃ ପର୍ବ ତୀର୍ଥବଂଶାନୁକୀର୍ତନମ୍।
ଅତ ଊର୍ଧ୍ବଂ ସୁବୀଭତ୍ସଂ ପର୍ବ ସୌପ୍ତିକମୁଚ୍ଯତେ॥ 1-2-73 (374)
ଐଷୀକଂ ପର୍ବ ଚୋଦ୍ଦିଷ୍ଟମତ ଊର୍ଧ୍ବଂ ସୁଦାରୁଣମ୍।
ଜଲପ୍ରଦାନିକଂ ପର୍ବ ସ୍ତ୍ରୀବିଲାପସ୍ତତଃ ପରମ୍॥ 1-2-74 (375)
ଶ୍ରାଦ୍ଧପର୍ବ ତତୋ ଜ୍ଞେଯଂ କୁରୂଣାମୌର୍ଧ୍ବଦେହିକମ୍।
ଚାର୍ବାକନିଗ୍ରହଃ ପର୍ବ ରକ୍ଷସୋ ବ୍ରହ୍ମରୂପିଣଃ॥ 1-2-75 (376)
ଆଭିଷେଚନିକଂ ପର୍ବ ଧର୍ମରାଜସର୍ଯ ଧୀମତଃ।
ପ୍ରବିଭାଗୋ ଗୃହାଣାଂ ଚ ପର୍ବୋକ୍ତଂ ତଦନନ୍ତରମ୍॥ 1-2-76 (377)
ଶାନ୍ତିପର୍ବ ତତୋ ଯତ୍ର ରାଜଧର୍ମାନୁଶାସନମ୍।
ଆପଦ୍ଧର୍ମଶ୍ଚ ପର୍ବୋକ୍ତଂ ମୋକ୍ଷଧର୍ମସ୍ତତଃ ପରମ୍॥ 1-2-77 (378)
ଶୁକପ୍ରଶ୍ନାଭିଗମନଂ ବ୍ରହ୍ମପ୍ରଶ୍ନାନୁଶାସନମ୍।
ପ୍ରାଦୁର୍ଭାବଶ୍ଚ ଦୁର୍ବାସଃସଂବାଦଶ୍ଚୈବ ମାଯଯା॥ 1-2-78 (379)
ତତଃ ପର୍ବ ପରିଜ୍ଞେଯମାନୁଶାସନିକଂ ପରମ୍।
ସ୍ବର୍ଗାରୋହଣିକଂ ଚୈବ ତତୋ ଭୀଷ୍ମସ୍ଯ ଧୀମତଃ॥ 1-2-79 (380)
ତତୋଽଶ୍ବମେଧିକଂ ପର୍ବ ସର୍ବପାପପ୍ରଣାଶନମ୍।
ଅନୁଗୀତା ତତଃ ପର୍ବ ଜ୍ଞେଯମଧ୍ଯାତ୍ମବାଚକମ୍॥ 1-2-80 (381)
ପର୍ବ ଚାଶ୍ରମବାସାଖ୍ଯଂ ପୁତ୍ରଦର୍ଶନମେବ ଚ।
ନାରଦାଗମନଂ ପର୍ବ ତତଃ ପରମିହୋଚ୍ଯତେ॥ 1-2-81 (382)
ମୌସଲଂ ପର୍ବ ଚୋଦ୍ଦିଷ୍ଟଂ ତତୋ ଘୋରଂ ସୁଦାରୁଣମ୍।
ମହାପ୍ରସ୍ଥାନିକଂ ପର୍ବ ସ୍ବର୍ଗାରୋହଣିକଂ ତତଃ॥ 1-2-82 (383)
ହରିବଂଶସ୍ତତଃ ପର୍ବ ପୁରାଣଂ ଖିଲସଂଜ୍ଞିତମ୍।
ବିଷ୍ଣୁପର୍ବ ଶିଶୋଶ୍ଚର୍ଯା ବିଷ୍ଣୋଃ କଂସବଧସ୍ତଥା॥ 1-2-83 (384)
ଭବିଷ୍ଯଂ ପର୍ବ ଚାପ୍ଯୁକ୍ତଂ ଖିଲେଷ୍ବେବାଦ୍ଭୁତଂ ମହତ୍।
ଏତତ୍ପର୍ବଶତଂ ପୂର୍ଣଂ ବ୍ଯାସେନୋକ୍ତଂ ମହାତ୍ମନା॥ 1-2-84 (385)
ଯଥାବତ୍ସୂତପୁତ୍ରେଣ ରୌମହର୍ଷଣିନା ତତଃ।
ଉକ୍ତାନି ନୈମିଶାରଣ୍ଯେ ପର୍ବାଣ୍ଯଷ୍ଟାଦଶୈବ ତୁ॥ 1-2-85 (386)
ସମାସୋ ଭାରତସ୍ଯାଯମତ୍ରୋକ୍ତଃ ପର୍ବସଂଗ୍ରହଃ।
ପୌଷ୍ଯଂ ପୌଲୋମମାସ୍ତୀକମାଦିରଂଶାବତାରଣମ୍॥ 1-2-86 (387)
ସଂଭବୋ ଜତୁବେଶ୍ମାଖ୍ଯଂ ହିଡିମ୍ବବକଯୋର୍ବଧଃ।
ତଥା ଚୈତ୍ରରଥଂ ଦେବ୍ଯାଃ ପାଞ୍ଚାଲ୍ଯାଶ୍ଚ ସ୍ବଯଂବରଃ॥ 1-2-87 (388)
କ୍ଷାତ୍ରଧର୍ମେଣ ନିର୍ଜିତ୍ଯ ତତୋ ବୈବାହିକଂ ସ୍ମୃତମ୍।
ବିଦୁରାଗମନଂ ଚୈବ ରାଜ୍ଯଲାଭସ୍ତଥୈବ ଚ॥ 1-2-88 (389)
ବନବାସୋଽର୍ଜୁନସ୍ଯାପି ସୁଭଦ୍ରାହରଣଂ ତତଃ।
ହରଣାହରଣଂ ଚୈବ ଦହନଂ ଖାଣ୍ଡବସ୍ଯ ଚ॥ 1-2-89 (390)
ମଯସ୍ଯ ଦର୍ଶନଂ ଚୈବ ଆଦିପର୍ବଣି କଥ୍ଯତେ।
ପୌଷ୍ଯେ ପର୍ବଣି ମାହାତ୍ମ୍ଯମୁତ୍ତଙ୍କସ୍ଯୋପବର୍ଣିତମ୍॥ 1-2-90 (391)
ପୌଲୋମେ ଭୃଗୁବଂଶସ୍ଯ ବିସ୍ତାରଃ ପରିକୀର୍ତିତଃ।
ଆସ୍ତୀକେ ସର୍ବନାଗାନାଂ ଗରୁଡସ୍ଯ ଚ ସଂଭବଃ॥ 1-2-91 (392)
କ୍ଷୀରୋଦମଥଂ ଚୈବ ଜନ୍ମୋଚ୍ଚୈଃଶ୍ରବସସ୍ତଥା।
ଯଜତଃ ସର୍ପସତ୍ରେଣ ରାଜ୍ଞଃ ପାରିକ୍ଷିତସ୍ଯ ଚ॥ 1-2-92 (393)
କଥେଯମଭିନିର୍ବୃତ୍ତା ଭାରତାନାଂ ମହାତ୍ମନାମ୍।
ବିବିଧାଃ ସଂଭବା ରାଜ୍ଞାମୁକ୍ତାଃ ସଂଭବପର୍ବଣି॥ 1-2-93 (394)
ଅନ୍ଯେଷାଂ ଚୈବ ଶୂରାଣାମୃଷେର୍ଦ୍ବୈପାଯନସ୍ଯ ଚ।
ଅଂଶାବତରଣଂ ଚାତ୍ର ଦେବାନାଂ ପରିକୀର୍ତିତମ୍॥ 1-2-94 (395)
ଦୈତ୍ଯାନାଂ ଦାନବାନାଂ ଚ ଯକ୍ଷାଣାଂ ଚ ମହୌଜସାମ୍।
ନାଗାନାମଥ ସର୍ପାଣାଂ ଗନ୍ଧର୍ବାଣାଂ ପତତ୍ତ୍ରିଣାମ୍॥ 1-2-95 (396)
ଅନ୍ଯେଷାଂ ଚୈବ ଭୂତାନାଂ ବିବିଧାନାଂ ସମୁଦ୍ଭବଃ।
ମହର୍ଷେରାଶ୍ରମପଦେ କଣ୍ବସ୍ଯ ଚ ତପସ୍ବିନଃ॥ 1-2-96 (397)
ଶକୁନ୍ତଲାଯାଂ ଦୁଷ୍ଯନ୍ତାଦ୍ଭରତଶ୍ଚାପି ଜଜ୍ଞିବାନ୍।
ଯସ୍ଯ ଲୋକେଷୁ ନାମ୍ନେଦଂ ପ୍ରଥିତଂ ଭାରତଂ କୁଲମ୍॥ 1-2-97 (398)
ବସୂନାଂ ପୁନରୁତ୍ପତ୍ତିର୍ଭାଗୀରଥ୍ଯାଂ ମହାତ୍ମନାମ୍।
ଶନ୍ତନୋର୍ବେଶ୍ମନି ପୁନସ୍ତେଷାଂ ଚାରୋହଣଂ ଦିବି॥ 1-2-98 (399)
ତେଜୋଂଶାନାଂ ଚ ସଂପାତୋ ଭୀଷ୍ମସ୍ଯାପ୍ଯତ୍ର ସଂଭବଃ।
ରାଜ୍ଯାନ୍ନିବର୍ତନଂ ତସ୍ଯ ବ୍ରହ୍ମଚର୍ଯବ୍ରତେ ସ୍ଥିତିଃ॥ 1-2-99 (400)
ପ୍ରତିଜ୍ଞାପାଲନଂ ଚୈବ ରକ୍ଷା ଚିତ୍ରାଙ୍ଗଦସ୍ଯ ଚ।
ହତେ ଚିତ୍ରାଙ୍ଗଦେ ଚୈବ ରକ୍ଷା ଭ୍ରାତୁର୍ଯବୀଯସଃ॥ 1-2-100 (401)
ବିଚିତ୍ରବୀର୍ଯସ୍ଯ ତଥା ରାଜ୍ଯେ ସଂପ୍ରତିପାଦନମ୍।
ଧର୍ମସ୍ଯ ନୃଷୁ ସଂଭୂତିରଣୀମାଣ୍ଡବ୍ଯଶାପଜା॥ 1-2-101 (402)
କୃଷ୍ଣଦ୍ବୈପାଯନାଚ୍ଚୈବ ପ୍ରସୂତିର୍ବରଦାନଜା।
ଧୃତରାଷ୍ଟ୍ରସ୍ଯ ପାଣ୍ଡୋଶ୍ଚ ପାଣ୍ଡବାନାଂ ଚ ସଂଭବଃ॥ 1-2-102 (403)
ବାରଣାବତଯାତ୍ରା ଚ ମନ୍ତ୍ରୋ ଦୁର୍ଯୋଧନସ୍ଯ ଚ।
କୂଟସ୍ଯ ଧାର୍ତରାଷ୍ଟ୍ରେଣ ପ୍ରେଷଣଂ ପାଣ୍ଡବାନ୍ପ୍ରତି॥ 1-2-103 (404)
ହିତୋପଦେଶଶ୍ଚ ପଥି ଧର୍ମରାଜସ୍ଯ ଧୀମତଃ।
ବିଦୁରେଣ କୃତୋ ଯତ୍ର ହିତାର୍ଥଂ ମ୍ଲେଚ୍ଛଭାଷଯା॥ 1-2-104 (405)
ବିଦୁରସ୍ଯ ଚ ବାକ୍ଯେନ ସୁରୁଙ୍ଗୋପକ୍ରମକ୍ରିଯା।
ନିଷାଦ୍ଯାଃ ପଞ୍ଚପୁତ୍ରାଯାଃ ସୁପ୍ତାଯା ଜତୁବେଶ୍ମନି॥ 1-2-105 (406)
ପୁରୋଚନସ୍ଯ ଚାତ୍ରୈବ ଦହନଂ ସଂପ୍ରକୀର୍ତିତମ୍।
ପାଣ୍ଡବାନାଂ ବନେ ଘୋରେ ହିଡିମ୍ବାଯାଶ୍ଚ ଦର୍ଶନମ୍॥ 1-2-106 (407)
ତତ୍ରୈବ ଚ ହିଡିମ୍ବସ୍ଯ ବଧୋ ଭୀମାନ୍ମହାବଲାତ୍।
ଘଟୋତ୍କଚସ୍ଯ ଚୋତ୍ପତ୍ତିଂରତ୍ରୈବ ପରିକୀର୍ତିତା॥ 1-2-107 (408)
ମହର୍ଷେର୍ଦର୍ଶନଂ ଚୈବ ବ୍ଯାସସ୍ଯାମିତତେଜସଃ।
ତଦାଜ୍ଞଯୈକଚକ୍ରାଯାଂ ବ୍ରାହ୍ମଣସ୍ଯ ନିବେଶନେ॥ 1-2-108 (409)
ଅଜ୍ଞାତଚର୍ଯଯା ବାସୋ ଯତ୍ର ତେଷାଂ ପ୍ରକୀର୍ତିତଃ।
ବକସ୍ଯ ନିଧନଂ ଚୈବ ନାଗରାଣାଂ ଚ ବିସ୍ମଯଃ॥ 1-2-109 (410)
ସଂଭବଶ୍ଚୈବ କୃଷ୍ଣାଯା ଧୃଷ୍ଟଦ୍ଯୁମ୍ନସ୍ଯ ଚୈବ ହ।
ବ୍ରାହ୍ମଣାତ୍ସମୁପଶ୍ରୁତ୍ଯ ବ୍ଯାସବାକ୍ଯପ୍ରଚୋଦିତାଃ॥ 1-2-110 (411)
ଦ୍ରୌପଦୀଂ ପ୍ରାର୍ଥଯନ୍ତସ୍ତେ ସ୍ବଯଂବରଦିଦୃକ୍ଷଯା।
ପଞ୍ଚାଲାନଭିତୋ ଜଗ୍ମୁର୍ଯତ୍ର କୌତୂହଲାନ୍ବିତାଃ॥ 1-2-111 (412)
ଅଙ୍ଗାରପର୍ଣଂ ନିର୍ଜିତ୍ଯ ଗଙ୍ଗାକୂଲେଽର୍ଜୁନସ୍ତଦା।
ସଖ୍ଯଂ କୃତ୍ବା ତତସ୍ତେନ ତସ୍ମାଦେବ ଚ ଶୁଶ୍ରୁବେ॥ 1-2-112 (413)
ତାପତ୍ଯମଥ ବାସିଷ୍ଠମୌର୍ବଂ ଚାଖ୍ଯାନମୁତ୍ତମମ୍।
ଭ୍ରାତୃଭିଃ ସହିତଃ ସର୍ବୈଃ ପଞ୍ଚାଲାନଭିତୋ ଯଯୌ॥ 1-2-113 (414)
ପାଞ୍ଚାଲନଗରେ ଚାପି ଲକ୍ଷ୍ଯଂ ଭିତ୍ତ୍ବା ଧନଞ୍ଜଯଃ।
ଦ୍ରୌପଦୀଂ ଲବ୍ଧବାନତ୍ର ମଧ୍ଯେ ସର୍ବମହୀକ୍ଷିତାମ୍॥ 1-2-114 (415)
ଭୀମସେନାର୍ଜୁନୌ ଯତ୍ର ସଂରବ୍ଧାନ୍ପୃଥିବୀପତୀନ୍।
ଶଲ୍ଯକର୍ଣୌ ଚ ତରସା ଜିତବନ୍ତୌ ମହାମୃଧେ॥ 1-2-115 (416)
ଦୃଷ୍ଟ୍ବା ତଯୋଶ୍ଚ ତଦ୍ବୀର୍ଯମପ୍ରମେଯମମାନୁଷମ୍।
ଶଙ୍କମାନୌ ପାଣ୍ଡବାଂସ୍ତାନ୍ ରାମକୃଷ୍ଣୌ ମହାମତୀ॥ 1-2-116 (417)
ଜଗ୍ମତୁସ୍ତୈଃ ସମାଗନ୍ତୁଂ ଶାଲାଂ ଭାର୍ଗବବେଶ୍ମନି।
ପଞ୍ଚାନାମେକପତ୍ନୀତ୍ବେ ବିମର୍ଶୋ ଦ୍ରୁପଦସ୍ଯ ଚ॥ 1-2-117 (418)
ପଞ୍ଚେନ୍ଦ୍ରାଣାମୁପାଖ୍ଯାନମତ୍ରୈବାଦ୍ଭୁତମୁଚ୍ଯତେ।
ଦ୍ରୌପଦ୍ଯା ଦେବବିହୀତୋ ବିବାହଶ୍ଚାପ୍ଯମାନୁଷଃ॥ 1-2-118 (419)
କ୍ଷତ୍ତୁଶ୍ଚ ଧାର୍ତରାଷ୍ଟ୍ରେଣ ପ୍ରେଷଣଂ ପାଣ୍ଡବାନ୍ପ୍ରତି।
ବିଦୁରସ୍ଯ ଚ ସଂପ୍ରାପ୍ତିର୍ଦର୍ଶନଂ କେଶବସ୍ଯ ଚ॥ 1-2-119 (420)
ଖାଣ୍ଡବପ୍ରସ୍ଥବାସଶ୍ଚ ତଥା ରାଜ୍ଯାର୍ଧସର୍ଜନମ୍।
ନାରଦସ୍ଯାଜ୍ଞଯା ଚୈବ ଦ୍ରୌପଦ୍ଯାଃ ସମଯକ୍ରିଯା॥ 1-2-120 (421)
ସୁନ୍ଦୋପସୁନ୍ଦଯୋସ୍ତଦ୍ବଦାଖ୍ଯାନଂ ପରିକୀର୍ତିତମ୍।
ଅନନ୍ତରଂ ଚ ଦ୍ରୌପଦ୍ଯା ସହାସୀନଂ ଯୁଧିଷ୍ଠିରମ୍॥ 1-2-121 (422)
ଅନୁ ପ୍ରବିଶ୍ଯ ବିପ୍ରାର୍ଥେ ଫାଲ୍ଗୁନୋ ଗୃହ୍ଯ ଚାଯୁଧମ୍।
ମୋକ୍ଷଯିତ୍ବା ଗୃହଂ ଗତ୍ବା ବିପ୍ରାର୍ଥଂ କୃତନିଶ୍ଚଯଃ॥ 1-2-122 (423)
ସମଯଂ ପାଲଯନ୍ବୀରୋ ବନଂ ଯତ୍ର ଜଗାମ ହ।
ପାର୍ଥସ୍ଯ ବନବାସେ ଚ ଉଲୂପ୍ଯା ପଥି ସଙ୍ଗମଃ॥ 1-2-123 (424)
ପୁଣ୍ଯତୀର୍ଥାନୁସଂଯାନଂ ବଭ୍ରୁବାହନଜନ୍ମ ଚ।
ତତ୍ରୈବ ମୋକ୍ଷଯାମାସ ପଞ୍ଚ ସୋଽପ୍ସରସଃ ଶୁଭାଃ॥ 1-2-124 (425)
ଶାପାଦ୍ଗ୍ରାହତ୍ବମାପନ୍ନା ବ୍ରାହ୍ମଣସ୍ଯ ତପସ୍ବିନଃ।
ପ୍ରଭାସତୀର୍ଥେ ପାର୍ଥେନ କୃଷ୍ଣସ୍ଯ ଚ ସମାଗମଃ॥ 1-2-125 (426)
ଦ୍ବାରକାଯାଂ ସୁଭଦ୍ରା ଚ କାମଯାନେନ କାମିନୀ।
ବାସୁଦେବସ୍ଯାନୁମତେ ପ୍ରାପ୍ତା ଚୈବ କିରୀଟିନା॥ 1-2-126 (427)
ଗୃହୀତ୍ବା ହରଣଂ ପ୍ରାପ୍ତେ କୃଷ୍ଣେ ଦେବକିନନ୍ଦନେ।
ଅଭିମନ୍ଯୋଃ ସୁଭଦ୍ରାଯାଂ ଜନ୍ମ ଚୋତ୍ତମତେଜସଃ॥ 1-2-127 (428)
ଦ୍ରୌପଦ୍ଯାସ୍ତନଯାନାଂ ଚ ସଂଭବୋଽନୁପ୍ରକୀର୍ତିତଃ।
ବିହାରାର୍ଥଂ ଚ ଗତଯୋଃ କୃଷ୍ଣଯୋର୍ଯମୁନାମନୁ॥ 1-2-128 (429)
ସଂପ୍ରାପ୍ତିଶ୍ଚକ୍ରଧନୁଷୋଃ ଖାଣ୍ଡବସ୍ଯ ଚ ଦାହନମ୍।
ମଯସ୍ଯ ମୋକ୍ଷୋ ଜ୍ବଲନାଦ୍ଭୁଜଙ୍ଗସ୍ଯ ଚ ମୋକ୍ଷଣମ୍॥ 1-2-129 (430)
ମହର୍ଷେର୍ମନ୍ଦପାଲସ୍ଯ ଶାର୍ଙ୍ଗ୍ଯା ତନଯସଂଭବଃ।
ଇତ୍ଯେତଦାଦିପର୍ବୋକ୍ତଂ ପ୍ରଥମଂ ବହୁ ବିସ୍ତରମ୍॥ 1-2-130 (431)
ଅଧ୍ଯାଯାନାଂ ଶତେ ଦ୍ବେ ତୁ ସଂଖ୍ଯାତେ ପରମର୍ଷିଣା।
ସପ୍ତବିଂଶତିରଧ୍ଯାଯା ବ୍ଯାସେନୋତ୍ତମତେଜସା॥ 1-2-131 (432)
ଅଷ୍ଟୌ ଶ୍ଲୋକସହସ୍ରାଣି ଅଷ୍ଟୌ ଶ୍ଲୋକଶତାନି ଚ।
ଶ୍ଲୋକାଶ୍ଚ ଚତୁରାଶୀତିର୍ମୁନିନୋକ୍ତା ମହାତ୍ମନା॥ 1-2-132 (433)
ଦ୍ବିତୀଯଂ ତୁ ସଭାପର୍ବ ବହୁବୃତ୍ତାନ୍ତମୁଚ୍ଯତେ।
ସଭାକ୍ରିଯା ପାଣ୍ଡବାନାଂ କିଙ୍କରାଣାଂ ଚ ଦର୍ଶନମ୍। 1-2-133 (434)
ଲୋକପାଲସଭାଖ୍ଯାନଂ ନାରଦାଦ୍ଦେବଦର୍ଶିନଃ।
ରାଜସୂଯସ୍ଯ ଚାରମ୍ଭୋ ଜରାସନ୍ଧବଧସ୍ତଥା॥ 1-2-134 (435)
ଗିରିବ୍ରଜେ ନିରୁଦ୍ଧାନାଂ ରାଜ୍ଞାଂ କୃଷ୍ଣେନ ମୋକ୍ଷଣମ୍।
ତଥା ଦିଗ୍ବିଜଯୋଽତ୍ରୈବ ପାମ୍ଡବାନାଂ ପ୍ରକୀର୍ତିତଃ॥ 1-2-135 (436)
ରାଜ୍ଞାମାଗମନଂ ଚୈବ ସାର୍ହଣାନାଂ ମହକ୍ରତୌ।
ରାଜସୂଯେଽର୍ଘସଂବାଦେ ଶିଶୁପାଲବଧସ୍ତଥା॥ 1-2-136 (437)
ଯଜ୍ଞେ ବିଭୂତିଂ ତାଂ ଦୃଷ୍ଟ୍ବା ଦୁଃଖାମର୍ଷାନ୍ବିତସ୍ଯ ଚ।
ଦୁର୍ଯୋଧନସ୍ଯାବହାସୋ ଭୀମେନ ଚ ସଭାତଲେ॥ 1-2-137 (438)
ଯତ୍ରାସ୍ଯ ମନ୍ଯୁରୁଦ୍ଭୂତୋ ଯେନ ଦ୍ଯୂତମକାରଯତ୍।
ଯତ୍ର ଧର୍ମସୁତଂ ଦ୍ଯୂତେ ଶକୁନିଃ କିତବୋଽଜଯତ୍॥ 1-2-138 (439)
ଯତ୍ର ଦ୍ଯୂତାର୍ଣବେ ମଗ୍ନାଂ ଦ୍ରୌପଦୀଂ ନୌରିବାର୍ଣବାତ୍।
ଧୃତରାଷ୍ଟ୍ରୋ ମହାପ୍ରାଜ୍ଞଃ ସ୍ନୁଷାଂ ପରମଦୁଃଖିତାମ୍॥ 1-2-139 (440)
ତାରଯାମାସ ତାଂସ୍ତୀର୍ଣାଞ୍ଜ୍ଞାତ୍ବା ଦୁର୍ଯୋଧନୋ ନୃପଃ।
ପୁନରେବ ତତୋ ଦ୍ଯୂତେ ସମାହ୍ବଯତ ପାଣ୍ଡବାନ୍॥ 1-2-140 (441)
ଜିତ୍ବା ସ ବନବାସାଯ ପ୍ରେଷଯାମାସ ତାଂସ୍ତତଃ।
ଏତତ୍ସର୍ବଂ ସଭାପର୍ବ ସମାଖ୍ଯାତଂ ମହାତ୍ମନା॥ 1-2-141 (442)
ଅଧ୍ଯାଯାଃ ସପ୍ତତିର୍ଜ୍ଞେଯାସ୍ତଥା ଚାଷ୍ଟୌ ପ୍ରସଂଖ୍ଯଯା।
ଶ୍ଲୋକାନାଂ ଦ୍ବେ ସହସ୍ରେ ତୁ ପଞ୍ଚ ଶ୍ଲୋକଶତାନି ଚ॥ 1-2-142 (443)
ଶ୍ଲୋକାଶ୍ଚୈକାଦଶ ଜ୍ଞେଯାଃ ପର୍ବଣ୍ଯସ୍ମିନ୍ଦ୍ବିଜୋତ୍ତମାଃ।
ଅତଃ ପରଂ ତୃତୀଯଂ ତୁ ଜ୍ଞେଯମାରଣ୍ଯକଂ ମହତ୍॥ 1-2-143 (444)
ବନବାସଂ ପ୍ରଯାତେଷୁ ପାଣ୍ଡବେଷୁ ମହାତ୍ମସୁ।
ପୌରାନୁଗମନଂ ଚୈବ ଧର୍ମପୁତ୍ରସ୍ଯ ଧୀମତଃ॥ 1-2-144 (445)
ଅନ୍ନୌଷଧୀନାଂ ଚ କୃତେ ପାଣ୍ଡବେନ ମହାତ୍ମନା।
ଦ୍ବିଜାନାଂ ଭରଣାର୍ଥଂ ଚ କୃତମାରାଧନଂ ରବେଃ॥ 1-2-145 (446)
ଧୌମ୍ଯୋପଦେଶାତ୍ତିଗ୍ମାଂଶୁପ୍ରସାଦାଦନ୍ନସଂଭଃ।
ହିତଂ ଚ ବ୍ରୁବତଃ କ୍ଷତ୍ତୁଃ ପରିତ୍ଯାଗୋଽମ୍ବିକାସୁତାତ୍॥ 1-2-146 (447)
ତ୍ଯକ୍ତସ୍ଯ ପାଣ୍ଡୁପୁତ୍ରାଣାଂ ସମୀପଗମନଂ ତଥା।
ପୁନରାଗମନଂ ଚୈବ ଧୃତରାଷ୍ଟ୍ରସ୍ଯ ଶାସନାତ୍॥ 1-2-147 (448)
କର୍ଣପ୍ରୋତ୍ସାହନାଚ୍ଚୈବ ଧାର୍ତରାଷ୍ଟ୍ରସ୍ଯ ଦୁର୍ମତେଃ।
ବନସ୍ଥାନ୍ପାଣ୍ଡବାନ୍ହନ୍ତୁଂ ମନ୍ତ୍ରୋ ଦୁର୍ଯୋଧନସ୍ଯଚ॥ 1-2-148 (449)
ତଂ ଦୁଷ୍ଟଭାବଂ ବିଜ୍ଞାଯ ବ୍ଯାସସ୍ଯାଗମନଂ ଦ୍ରୁତମ୍।
ନିର୍ଯାଣପ୍ରତିଷେଧଶ୍ଚ ସୁରଭ୍ଯାଖ୍ଯାନମେବ ଚ॥ 1-2-149 (450)
ମୈତ୍ରେଯାଗମନଂ ଚାତ୍ର ରାଜ୍ଞଶ୍ଚୈବାନୁଶାସନମ୍।
ଶାପୋତ୍ସର୍ଗଶ୍ଚ ତେନୈବ ରାଜ୍ଞୋ ଦୁର୍ଯୋଧନସ୍ଯ ଚ॥ 1-2-150 (451)
କିର୍ମୀରସ୍ଯ ବଧଶ୍ଚାତ୍ର ଭୀମସେନେନ ସଂଯୁଗେ।
ବୃଷ୍ଣୀନାମାଗମଶ୍ଚାତ୍ର ପାଞ୍ଚାଲାନାଂ ଚ ସର୍ବଶଃ॥ 1-2-151 (452)
ଶ୍ରୁତ୍ବା ଶକୁନିନା ଦ୍ଯୂତେ ନିକୃତ୍ଯା ନିର୍ଜିତାଂଶ୍ଚ ତାନ୍।
କ୍ରୁଦ୍ଧସ୍ଯାନୁପ୍ରଶମନଂ ହରେଶ୍ଚୈବ କିରୀଟିନା॥ 1-2-152 (453)
ପରିଦେବନଂ ଚ ପାଞ୍ଚାଲ୍ଯା ବାସୁଦେବସ୍ଯ ସନ୍ନିଧୌ।
ଆଶ୍ବାସନଂ ଚ କୃଷ୍ଣେନ ଦୁଃଖାର୍ତାଯାଃ ପ୍ରକୀର୍ତିତମ୍॥ 1-2-153 (454)
ତଥା ସୌଭବଧାଖ୍ଯାନମତ୍ରୈବୋକ୍ତଂ ମହର୍ଷିଣା।
ସୁଭଦ୍ରାଯାଃ ସପୁତ୍ରାଯାଃ କୃଷ୍ଣେନ ଦ୍ବାରକାଂ ପୁରୀମ୍॥ 1-2-154 (455)
ନଯନଂ ଦ୍ରୌପଦେଯାନାଂ ଧୃଷ୍ଟଦ୍ଯୁମ୍ନେନ ଚୈବ ହ।
ପ୍ରବେଶଃ ପାଣ୍ଡବେଯାନାଂ ରମ୍ଯେ ଦ୍ବୈତବନେ ତତଃ॥ 1-2-155 (456)
ଧର୍ମରାଜସ୍ଯ ଚାତ୍ରୈବ ସଂବାଦଃ କୃଷ୍ଣଯା ସହ।
ସଂବାଦଶ୍ଚ ତଥା ରାଜ୍ଞା ଭୀମସ୍ଯାପି ପ୍ରକୀର୍ତିତଃ॥ 1-2-156 (457)
ସମୀପଂ ପାଣ୍ଡୁପୁତ୍ରାଣାଂ ବ୍ଯାସସ୍ଯାଗମନଂ ତଥା।
ପ୍ରତିଶ୍ରୁତ୍ଯାଥ ବିଦ୍ଯାଯା ଦାନଂ ରାଜ୍ଞୋ ମହର୍ଷିଣା॥ 1-2-157 (458)
ଗମନଂ କାମ୍ଯକେ ଚାପି ବ୍ଯାସେ ପ୍ରତିଗତେ ତତଃ।
ଅସ୍ତ୍ରହେତୋର୍ବିବାସଶ୍ଚ ପାର୍ଥସ୍ଯାମିତତେଜସଃ॥ 1-2-158 (459)
ମହାଦେବେନ ଯୁଦ୍ଧଂ ଚ କିରାତବପୁଷା ସହ।
ଦର୍ଶନଂ ଲୋକପାଲାନାମସ୍ତ୍ରପ୍ରାପ୍ତିସ୍ତଥୈବ ଚ॥ 1-2-159 (460)
ମହେନ୍ଦ୍ରଲୋକଗମନମସ୍ତ୍ରାର୍ଥେ ଚ କିରୀଟିନଃ।
ଯତ୍ର ଚିନ୍ତା ସମୁତ୍ପନ୍ନା ଧୃତରାଷ୍ଟ୍ରସ୍ଯ ଭୂଯସୀ॥ 1-2-160 (461)
ଦର୍ଶନଂ ବୃହଦଶ୍ବସ୍ଯ ମହର୍ଷେର୍ଭାବିତାତ୍ମନଃ।
ଯୁଧିଷ୍ଠିରସ୍ଯ ଚାର୍ତସ୍ଯ ବ୍ଯସନେ ପରିଦେବନମ୍॥ 1-2-161 (462)
ନଲୋପାଖ୍ଯାନମତ୍ରୈବ ଧର୍ମିଷ୍ଠଂ କରୁଣୋଦଯମ୍।
ଦମଯନ୍ତ୍ଯାଃ ସ୍ଥିତିର୍ଯତ୍ର ନଲସ୍ଯ ଚରିତଂ ତଥା॥ 1-2-162 (463)
ତଥାକ୍ଷହୃଦଯପ୍ରାପ୍ତିସ୍ତସ୍ମାଦେବ ମହର୍ଷିତଃ।
ଲୋମଶସ୍ଯାଗମସ୍ତତ୍ର ସ୍ବର୍ଗାତ୍ପାଣ୍ଡୁସୁତାନ୍ପ୍ରତି॥ 1-2-163 (464)
ବନବାସଗତାନାଂ ଚ ପାଣ୍ଡବାନାଂ ମହାତ୍ମନାମ୍।
ସ୍ବର୍ଗେ ପ୍ରବୃତ୍ତିରାଖ୍ଯାତା ଲୋମଶେନାର୍ଜୁନସ୍ଯ ବୈ॥ 1-2-164 (465)
ସଂଦେଶାଦର୍ଜୁନସ୍ଯାତ୍ର ତୀର୍ଥାଭିଗମନକ୍ରିଯା।
ତୀର୍ଥାନାଂ ଚ ଫଲପ୍ରାପ୍ତିଃ ପୁଣ୍ଯତ୍ବଂ ଚାପି କୀର୍ତିତମ୍॥ 1-2-165 (466)
ପୁଲସ୍ତ୍ଯତୀର୍ଥଯାତ୍ରା ଚ ନାରଦେନ ମହର୍ଷିଣା।
ତୀର୍ଥଯାତ୍ରା ଚ ତତ୍ରୈବ ପାଣ୍ଡବାନାଂ ମହାତ୍ମନାଂ॥ 1-2-166 (467)
ତଥା ଯଜ୍ଞବିଭୂତିଶ୍ଚ ଗଯସ୍ଯାତ୍ର ପ୍ରକୀର୍ତିତା॥ 1-2-167 (468)
ଆଗସ୍ତ୍ଯମପି ଚାଖ୍ଯାନଂ ଯତ୍ର ବାତାପିଭକ୍ଷଣମ୍।
ଲୋପାମୁଦ୍ରାଭିପମନମପତ୍ଯାର୍ଥମୃଷେସ୍ତଥା॥ 1-2-168 (469)
ଋଶ୍ଯଶୃଙ୍ଗସ୍ଯ ଚରିତଂ କୌମାରବ୍ରହ୍ମଚାରିଣଃ।
ଜାମଦଗ୍ନ୍ଯସ୍ଯ ରାମସ୍ଯ ଚରିତଂ ଭୂରିତେଜସଃ॥ 1-2-169 (470)
କାର୍ତବୀର୍ଯବଧୋ ଯତ୍ର ହୈହଯାନାଂ ଚ ବର୍ଣ୍ଯତେ।
ପ୍ରଭାସତୀର୍ଥେ ପାଣ୍ଡୂନାଂ ବୃଷ୍ଣିଭିଶ୍ଚ ସମାଗମଃ॥ 1-2-170 (471)
ସୌକନ୍ଯମପି ଚାଖ୍ଯାନଂ ଚ୍ଯବନୋ ଯତ୍ର ଭାର୍ଗବଃ।
ଶର୍ଯାତିଯଜ୍ଞେ ନାସତ୍ଯୌ କୃତବାନ୍ସୋମପୀଥିନୌ॥ 1-2-171 (472)
ତାଭ୍ଯାଂ ଚ ଯତ୍ର ସ ମୁନିର୍ଯୌବନଂ ପ୍ରତିପାଦିତଃ।
ମାନ୍ଧାତୁଶ୍ଚାପ୍ଯୁପାଖ୍ଯାନଂ ରାଜ୍ଞୋଽତ୍ରୈବପ୍ରକୀର୍ତିତଂ॥ 1-2-172 (473)
ଜନ୍ତୂପାଖ୍ଯାନମତ୍ରୈବ ଯତ୍ର ପୁତ୍ରେଣ ସୋମକଃ।
ପୁତ୍ରାର୍ଥମଯଜଦ୍ରାଜା ଲେଭେ ପୁତ୍ରଶତଂ ଚ ସଃ॥ 1-2-173 (474)
ତତଃ ଶ୍ଯେନକପୋତୀଯମୁପାଖ୍ଯାନମନୁତ୍ତମମ୍।
ଇନ୍ଦ୍ରାଗ୍ନୀ ଯତ୍ର ଧର୍ମଶ୍ଚାପ୍ଯଜିଜ୍ଞାସଞ୍ଶିବିଂ ନୃପମ୍॥ 1-2-174 (475)
ଅଷ୍ଟାବକ୍ରୀଯମତ୍ରୈବ ବିବାଦୋ ଯତ୍ର ବନ୍ଦିନା।
ଅଷ୍ଟାବକ୍ରସ୍ଯ ବିପ୍ରର୍ଷେର୍ଜନକସ୍ଯାଧ୍ବରେଽଭବତ୍॥ 1-2-175 (476)
ନୈଯାଯିକାନାଂ ମୁଖ୍ଯେନ ବରୁଣସ୍ଯାତ୍ମଜେନ ଚ।
ପରାଜିତୋ ଯତ୍ର ବନ୍ଦୀ ବିବାଦେନ ମହାତ୍ମନା॥ 1-2-176 (477)
ବିଜିତ୍ଯ ସାଗରଂ ପ୍ରାପ୍ତଂ ପିତରଂ ଲବ୍ଧବାନୃଷିଃ।
ଯବକ୍ରୀତସ୍ଯ ଚାଖ୍ଯାନଂ ରୈଭ୍ଯସ୍ଯ ଚ ମହାତ୍ମନଃ।
ଗନ୍ଧମାଦନଯାତ୍ରା ଚ ବାସୋ ନାରାଯଣାଶ୍ରମେ॥ 1-2-177 (478)
ନିଯୁକ୍ତୋ ଭୀମସେନଶ୍ଚ ଦ୍ରୌପଦ୍ଯା ଗନ୍ଧମାଦନେ।
ବ୍ରଜନ୍ପଥି ମହାବାହୁର୍ଦୃଷ୍ଟବାନ୍ପବନାତ୍ମଜମ୍॥ 1-2-178 (479)
କଦଲୀଷଣ୍ଡମଧ୍ଯସ୍ଥଂ ହନୂମନ୍ତଂ ମହାବଲମ୍।
ଯତ୍ର ମନ୍ଦାରପୁଷ୍ପାର୍ଥେ ନଲିନୀଂ ତାମଧର୍ଷଯତ୍॥ 1-2-179 (480)
ଯତ୍ରାସ୍ଯ ଯୁଦ୍ଧମଭବତ୍ସୁମହଦ୍ରାକ୍ଷସୈଃ ସହ।
ଯକ୍ଷୈଶ୍ଚୈବ ମହାବୀର୍ଯୈର୍ମଣିମତ୍ପ୍ରମୁଖୈସ୍ତଥା॥ 1-2-180 (481)
ଜଟାସୁରସ୍ଯ ଚ ବଧୋ ରାକ୍ଷସସ୍ଯ ବୃକୋଦରାତ୍।
ବୃଷପର୍ବଣୋ ରାଜର୍ଷେସ୍ତତୋଽଭିଗମନଂ ସ୍ମୃତମ୍॥ 1-2-181 (482)
ଆର୍ଷ୍ଟିଷେଣାଶ୍ରମେ ଚୈଷାଂ ଗମନଂ ବାସ ଏବ ଚ।
ପ୍ରୋତ୍ସାହନଂ ଚ ପାଞ୍ଚାଲ୍ଯା ଭୀମସ୍ଯାତ୍ର ମହାତ୍ମନଃ॥ 1-2-182 (483)
କୈଲାସାରୋହଣଂ ପ୍ରୋକ୍ତଂ ଯତ୍ର ଯକ୍ଷୈର୍ବଲୋତ୍କଟୈଃ।
ଯୁଦ୍ଧମାସୀନ୍ମହାଘୋରଂ ମଣିମତ୍ପ୍ରମୁଖୈଃ ସହ॥ 1-2-183 (484)
ସମାଗମଶ୍ଚ ପାଣ୍ଡୂନାଂ ଯତ୍ର ବୈଶ୍ରବଣେନ ଚ।
ସମାଗମଶ୍ଚାର୍ଜୁନସ୍ଯ ତତ୍ରୈବ ଭ୍ରାତୃଭିଃ ସହ॥ 1-2-184 (485)
ଅବାପ୍ଯ ଦିବ୍ଯାନ୍ଯସ୍ତ୍ରାଣି ଗୁର୍ବର୍ଥଂ ସବ୍ଯସାଚିନା।
ନିବାତକବଚୈର୍ଯୁଦ୍ଧଂ ହିରଣ୍ଯପୁରବାସିଭିଃ॥ 1-2-185 (486)
ନିବାତକବଚୈର୍ଘୋରୈର୍ଦାନବୈଃ ସୁରଶତ୍ରୁଭିଃ।
ପୌଲୋମୈଃ କାଲକେଯୈଶ୍ଚ ଯତ୍ର ଯୁଦ୍ଧଂ କିରୀଟିନଃ॥ 1-2-186 (487)
ବଧଶ୍ଚୈଷାଂ ସମାଖ୍ଯାତୋ ରାଜ୍ଞସ୍ତେନୈବ ଧୀମତା।
ଅସ୍ତ୍ରସଂଦର୍ଶନାରମ୍ଭୋ ଧର୍ମରାଜସ୍ଯ ସନ୍ନିଧୌ॥ 1-2-187 (488)
ପାର୍ଥସ୍ଯ ପ୍ରତିଷେଧଶ୍ଛ ନାରଦେନ ସୁରର୍ଷିଣା।
ଅବରୋହଣଂ ପୁନଶ୍ଚୈବ ପାଣ୍ଡୂନାଂ ଗନ୍ଧମାଦନାତ୍॥ 1-2-188 (489)
ଭୀମସ୍ଯ ଗ୍ରହଣଂ ଚାତ୍ର ପର୍ବତାଭୋଗବର୍ଷ୍ମଣା।
ଭୁଜଗେନ୍ଦ୍ରେଣ ବଲିନା ତସ୍ମିନ୍ସୁଗହନେ ବନେ॥ 1-2-189 (490)
ଅମୋକ୍ଷଯଦ୍ଯତ୍ର ଚୈନଂ ପ୍ରଶ୍ନାନୁକ୍ତ୍ବା ଯୁଧିଷ୍ଠିରଃ।
କାମ୍ଯକାଗମନଂ ଚୈବ ପୁନସ୍ତେଷାଂ ମହାତ୍ମନାମ୍॥ 1-2-190 (491)
ତତ୍ରସ୍ଥାଂଶ୍ଚ ପୁନର୍ଦ୍ରଷ୍ଟୁଂ ପାଣ୍ଡବାନ୍ପରୁଷର୍ଷଭାନ୍।
ବାସୁଦେବସ୍ଯାଗମନମତ୍ରୈବ ପରିକୀର୍ତିତମ୍॥ 1-2-191 (492)
ମାର୍କଣ୍ଡେଯସମାସ୍ଯାଯାମୁପାଖ୍ଯାନାନି ସର୍ବଶଃ।
ପୃଥୋର୍ବୈନ୍ଯସ୍ଯ ଯତ୍ରୋକ୍ତମାଖ୍ଯାନଂ ପରମର୍ଷିଣା॥ 1-2-192 (493)
ସଂବାଦଶ୍ଚ ସରସ୍ବତ୍ଯାସ୍ତାର୍କ୍ଷ୍ଯର୍ଷେଃ ସୁମହାତ୍ମନଃ।
ମତ୍ସ୍ଯୋପାଖ୍ଯାନମତ୍ରୈବ ପ୍ରୋଚ୍ଯତେ ତଦନନ୍ତରମ୍॥ 1-2-193 (494)
ମାର୍କଣ୍ଡେଯସମାସ୍ଯା ଚ ପୁରାଣଂ ପରିକୀର୍ତ୍ଯତେ।
ଐନ୍ଦ୍ରଦ୍ଯୁମ୍ନାମୁପାଖ୍ଯାନଂ ତଥୈବାଙ୍ଗିରସଂ ସ୍ମୃତମ୍॥ 1-2-194 (495)
ପତିବ୍ରତାଯାଶ୍ଚାଖ୍ଯାନଂ ତଥୈବାଙ୍ଗିରସଂ ସ୍ମୃତମ୍।
ଦ୍ରୌପଦ୍ଯାଃ କୀର୍ତିତଶ୍ଚାତ୍ର ସଂବାଦଃ ସତ୍ଯଭାମଯା॥ 1-2-195 (496)
ପୁନର୍ଦ୍ବୈତବନଂ ଚୈବ ପାଣ୍ଡବାଃ ସମୁପାଗତାଃ।
ଘୋଷଯାତ୍ରା ଚ ଗନ୍ଧର୍ବୈର୍ଯତ୍ର ବଦ୍ଧଃ ସୁଯୋଧନଃ॥ 1-2-196 (497)
ହ୍ରିଯମାଣସ୍ତୁ ମନ୍ଦାତ୍ମା ମୋକ୍ଷିତୋଽସୌ କିରୀଟିନା।
ଧର୍ମରାଜସ୍ଯ ଚାତ୍ରୈବ ମୃଗସ୍ବପ୍ନନିଦର୍ଶନାତ୍॥ 1-2-197 (498)
କାମ୍ଯକେ କାନନଶ୍ରେଷ୍ଠେ ପୁନର୍ଗମନମୁଚ୍ଯତେ।
ବ୍ରୀହିଦ୍ରୌଣିକମାଖ୍ଯାନମତ୍ରୈବ ବହୁବିସ୍ତରମ୍॥ 1-2-198 (499)
ଦୁର୍ବାସସୋଽପ୍ଯୁପାଖ୍ଯାନମତ୍ରୈବ ପରିକୀର୍ତିତମ୍।
ଜଯଦ୍ରଥେନାପହାରୋ ଦ୍ରୌପଦ୍ଯାଶ୍ଚାଶ୍ରମାନ୍ତରାତ୍॥ 1-2-199 (500)
ଯତ୍ରୈନମନ୍ବଯାଦ୍ଭୀମୋ ବାଯୁବେଗସମୋ ଜବେ।
ଚକ୍ରେ ଚୈନଂ ପଞ୍ଚଶିଖଂ ଯତ୍ର ଭୀମୋ ମହାବଲଃ॥ 1-2-200 (501)
ରାମାଯଣମୁପାଖ୍ଯାନମତ୍ରୈବ ବହୁବିସ୍ତରମ୍।
ଯତ୍ର ରାମେଣ ବିକ୍ରମ୍ଯ ନିହତୋ ରାବଣୋ ଯୁଧି॥ 1-2-201 (502)
ସାବିତ୍ର୍ଯାଶ୍ଚାପ୍ଯୁପାଖ୍ଯାନମତ୍ରୈବ ପରିକୀର୍ତିତମ୍।
କର୍ଣସ୍ଯ ପରିମୋକ୍ଷୋଽତ୍ର କୁଣ୍ଡଲାଭ୍ଯାଂ ପୁରଂଦରାତ୍॥ 1-2-202 (503)
ଯତ୍ରାସ୍ଯ ଶକ୍ତିଂ ତୁଷ୍ଟୋଽସାବଦାଦେକବଧାଯ ଚ।
ଆରଣେଯମୁପାଖ୍ଯାନଂ ଯତ୍ର ଧର୍ମୋଽନ୍ବଶାତ୍ସୁତମ୍॥ 1-2-203 (504)
ଜଗ୍ମୁର୍ଲବ୍ଧବରା ଯତ୍ର ପାଣ୍ଡବାଃ ପଶ୍ଚିମାଂ ଦିଶମ୍।
ଏତଦାରଣ୍ଯକଂ ପର୍ବ ତୃତୀଯଂ ପରିକୀର୍ତିତମ୍॥ 1-2-204 (505)
ଅତ୍ରାଧ୍ଯାଯଶତେ ଦ୍ବେ ତୁ ସଂଖ୍ଯଯା ପରିକୀର୍ତିତେ।
ଏକୋନସପ୍ତତିଶ୍ଚୈବ ତଥାଽଧ୍ଯାଯାଃ ପ୍ରକୀର୍ତିତାଃ॥ 1-2-205 (506)
ଏକାଦଶ ସହସ୍ରାଣି ଶ୍ଲୋକାନାଂ ଷଟ୍ ଶତାନି ଚ।
ଚତୁଃଷଷ୍ଟିସ୍ତଥା ଶ୍ଲୋକାଃ ପର୍ବଣ୍ଯସ୍ମିନ୍ପ୍ରକୀର୍ତିତାଃ॥ 1-2-206 (507)
ଅତଃ ପରଂ ନିବୋଧେଦଂ ବୈରାଟଂ ପର୍ବ ବିସ୍ତରମ୍।
ବିରାଟନଗରେ ଗତ୍ବା ଶ୍ମଶାନେ ବିପୁଲାଂ ଶମୀମ୍॥ 1-2-207 (508)
ଦୃଷ୍ଟ୍ବା ସଂନିଦଧୁସ୍ତତ୍ର ପାଣ୍ଡବା ହ୍ଯାଯୁଧାନ୍ଯୁତ।
ଯତ୍ର ପ୍ରବିଶ୍ଯ ନଗରଂ ଛଦ୍ମନା ନ୍ଯବସଂସ୍ତୁ ତେ॥ 1-2-208 (509)
ପାଞ୍ଚାଲୀଂ ପ୍ରାର୍ଥଯାନସ୍ଯ କାମୋପହତଚେତସଃ।
ଦୁଷ୍ଟାତ୍ମନୋ ବଧୋ ଯତ୍ର କୀଚକସ୍ଯ ବୃକୋଦରାତ୍॥ 1-2-209 (510)
ପାଣ୍ଡବାନ୍ବେଷଣାର୍ଥଂ ଚ ରାଜ୍ଞୋ ଦୁର୍ଯୋଧନସ୍ଯ ଚ।
ଚାରାଃ ପ୍ରସ୍ଥାପିତାଶ୍ଚାତ୍ର ନିପୁଣାଃ ସର୍ବତୋଦିଶଂ॥ 1-2-210 (511)
ନ ଚ ପ୍ରବୃତ୍ତିସ୍ତୈର୍ଲବ୍ଧା ପାଣ୍ଡବାନାଂ ମହାତ୍ମନାମ୍।
ଗୋଗ୍ରହଶ୍ଚ ବିରାଟସ୍ଯ ତ୍ରିଗର୍ତୈଃ ପ୍ରଥମଂ କୃତଃ॥ 1-2-211 (512)
ଯତ୍ରାସ୍ଯ ଯୁଦ୍ଧଂ ସୁମହତ୍ତୈରାସୀଲ୍ଲୋମହର୍ଷଣମ୍।
ହ୍ରିଯମାଣଶ୍ଚ ଯତ୍ରାସୌ ଭୀମସେନେନ ମୋକ୍ଷିତଃ॥ 1-2-212 (513)
ଗୋଧନଂ ଚ ବିରାଟସ୍ଯ ମୋକ୍ଷିତଂ ଯତ୍ର ପାଣ୍ଡବୈଃ।
ଅନନ୍ତରଂ ଚ କୁରୁଭିସ୍ତସ୍ଯ ଗୋଗ୍ରହଣଂ କୃତମ୍॥ 1-2-213 (514)
ସମସ୍ତା ଯତ୍ର ପାର୍ଥେନ ନିର୍ଜିତାଃ କୁରବୋ ଯୁଧି।
ପ୍ରତ୍ଯାହୃତଂ ଗୋଧନଂ ଚ ବିକ୍ରମେଣ କିରୀଟିନା॥ 1-2-214 (515)
ବିରାଟେନୋତ୍ତରା ଦତ୍ତା ସ୍ନୁଷା ଯତ୍ର କିରୀଟିନଃ।
ଅଭିମନ୍ଯୁଂ ସମୁଦ୍ଦିଶ୍ଯ ସୌଭଦ୍ରମରିଘାତିନମ୍॥ 1-2-215 (516)
ଚତୁର୍ଥମେତଦ୍ବିପୁଲଂ ବୈରାଟଂ ପର୍ବ ବର୍ଣିତମ୍।
ଅତ୍ରାପି ପରିସଂଖ୍ଯାତା ଅଧ୍ଯାଯାଃ ପରମର୍ଷିଣା॥ 1-2-216 (517)
ସପ୍ତଷଷ୍ଟିରଥୋ ପୂର୍ଣାଃ ଶ୍ଲୋକାନାମପି ମେ ଶୃଣୁ।
ଶ୍ଲୋକାନାଂ ଦ୍ବେ ସହସ୍ରେ ତୁ ଶ୍ଲୋକାଃ ପଞ୍ଚାଶଦେବ ତୁ॥ 1-2-217 (518)
ଉକ୍ତାନି ବେଦବିଦୁଷା ପର୍ବଣ୍ଯସ୍ମିନ୍ମହର୍ଷିଣା।
ଉଦ୍ଯୋଗପର୍ବ ବିଜ୍ଞେଯଂ ପଞ୍ଚମଂ ଶୃଣ୍ବତଃ ପରମ୍॥ 1-2-218 (519)
ଉପପ୍ଲାବ୍ଯେ ନିବିଷ୍ଟେଷୁ ପାଣ୍ଡବେଷୁ ଜିଗୀଷଯା।
ଦୁର୍ଯୋଧନୋଽର୍ଜୁନଶ୍ଚୈବ ବାସୁଦେବମୁପସ୍ଥିତୌ॥ 1-2-219 (520)
ସାହାଯ୍ଯମସ୍ମିନ୍ସମରେ ଭବାନ୍ନୌ କର୍ତୁମର୍ହତି।
ଇତ୍ଯୁକ୍ତେ ବଚନେ କୃଷ୍ଣୋ ଯତ୍ରୋବାଚ ମହାମତିଃ॥ 1-2-220 (521)
ଅଯୁଧ୍ଯମାନମାତ୍ମାନଂ ମନ୍ତ୍ରିଣଂ ପୁରୁଷର୍ଷଭୌ।
ଅକ୍ଷୌହିଣୀଂ ବା ସୈନ୍ଯସ୍ଯ କସ୍ଯ କିଂ ବା ଦଦାମ୍ଯହମ୍॥ 1-2-221 (522)
ବବ୍ରେ ଦୁର୍ଯୋଧନଃ ସୈନ୍ଯଂ ମନ୍ଦାତ୍ମା ଯତ୍ର ଦୁର୍ମତିଃ।
ଅଯୁଧ୍ଯଭାନଂ ସଚିବଂ ବବ୍ରେ କୃଷ୍ମଂ ଧନଂଜଯଃ॥ 1-2-222 (523)
ମଦ୍ରରାଜଂ ବ ରାଜାନମାଯାନ୍ତଂ ପାଣ୍ଡବାନ୍ପ୍ରତି।
ଉପହାରୈର୍ବଞ୍ଚାଯତ୍ବା ବର୍ତ୍ମନ୍ଯେବ ସୁଯୋଧନଃ॥ 1-2-223 (524)
ବରଦଂ ତଂ ବରଂ ବବ୍ରେ ସାହାଯ୍ଯଂ କ୍ରିଯତାଂ ମମ।
ଶଲ୍ଯସ୍ତସ୍ମୈ ପ୍ରତିଶ୍ରୁତ୍ଯ ଜଗାମୋଦ୍ଦିଶ୍ଯ ପାଣ୍ଡବାନ୍॥ 1-2-224 (525)
ଶାନ୍ତିପୂର୍ବଂ ଚାକଥଯଦ୍ଯତ୍ରେନ୍ଦ୍ରବିଜଯଂ ନୃପଃ।
ପୁରୋହିତପ୍ରେଷଣଂ ଚ ପାଣ୍ଡବୈଃ କୌରବାନ୍ପ୍ରତି॥ 1-2-225 (526)
ବୈଚିତ୍ରବୀର୍ଯସ୍ଯ ବଚଃ ସମାଦାଯ ପୁରୋଧସଃ।
ତଥେନ୍ଦ୍ରବିଜଯଂ ଚାପି ଯାନଂ ଚୈବ ପୁରୋଧସଃ॥ 1-2-226 (527)
ସଂଜଯଂ ପ୍ରେଷଯାମାସ ଶମାର୍ଥୀ ପାଣ୍ଡବାନ୍ପ୍ରତି।
ଯତ୍ର ଦୂତଂ ମହାରାଜୋ ଧୃତରାଷ୍ଟ୍ରଃ ପ୍ରତାପବାନ୍॥ 1-2-227 (528)
ଶ୍ରୁତ୍ବା ଚ ପାଣ୍ଡବାନ୍ଯତ୍ର ବାସୁଦେବପୁରୋଗମାନ୍।
ପ୍ରଜାଗରଃ ସଂପ୍ରଜଜ୍ଞେ ଧୃତରାଷ୍ଟ୍ରସ୍ଯ ଚିନ୍ତଯା॥ 1-2-228 (529)
ବିଦୁରୋ ଯତ୍ର ବାକ୍ଯାନି ବିଚିତ୍ରାଣି ହିତାନି ଚ।
ଶ୍ରାବଯାମାସ ରାଜାନଂ ଧୃତରାଷ୍ଟ୍ରଂ ମନୀଷିଣମ୍॥ 1-2-229 (530)
ତଥା ସନତ୍ସୁଜାତେନ ଯତ୍ରାଧ୍ଯାତ୍ମମନୁତ୍ତମମ୍।
ମନସ୍ତାପାନ୍ବିତୋ ରାଜା ଶ୍ରାବିତଃ ଶୋକଲାଲସଃ॥ 1-2-230 (531)
ପ୍ରଭାତେ ରାଜସମିତୌ ସଂଜଯୋ ଯତ୍ର ବା ବିଭୋ।
ଐକାତ୍ମ୍ଯଂ ବାସୁଦେବସ୍ଯ ପ୍ରୋକ୍ତବାନର୍ଜୁନସ୍ଯ ଚ॥ 1-2-231 (532)
ଯତ୍ର କୃଷ୍ଣୋ ଦଯାପନ୍ନଃ ସନ୍ଧିମିଚ୍ଛନ୍ମହାମତିଃ।
ସ୍ବଯମାଗାଚ୍ଛଣଂ କର୍ତୁଂ ନଗରଂ ନାଗସାହ୍ବଯମ୍॥ 1-2-232 (533)
ପ୍ରତ୍ଯାଖ୍ଯାନଂ ଚ କୃଷ୍ଣସ୍ଯ ରାଜ୍ଞା ଦୁର୍ଯୋଧନେନ ବୈ।
ଶମାର୍ଥେ ଯାଚମାନସ୍ଯ ପକ୍ଷଯୋରୁଭଯୋର୍ହିତମ୍॥ 1-2-233 (534)
ଦମ୍ଭୋଦ୍ଭବସ୍ଯ ଚାଖ୍ଯାନମତ୍ରୈବ ପରିକୀର୍ତିତମ୍।
ବରାନ୍ବେଷଣମତ୍ରୈବ ମାତଲେଶ୍ଚ ମହାତ୍ମନଃ॥ 1-2-234 (535)
ମହର୍ଷେଶ୍ଚାପି ଚରିତଂ କଥିତଂ ଗାଲବସ୍ଯ ବୈ।
ବିଦୁଲାଯାଶ୍ଚ ପୁତ୍ରସ୍ଯ ପ୍ରୋକ୍ତଂ ଚାପ୍ଯନୁଶାସନମ୍॥ 1-2-235 (536)
କର୍ଣଦୁର୍ଯୋଧନାଦୀନାଂ ଦୁଷ୍ଟଂ ବିଜ୍ଞାଯ ମନ୍ତ୍ରିତମ୍।
ଯୋଗେଶ୍ବରତ୍ପଂ କୃଷ୍ଣେନ ଯତ୍ର ରାଜ୍ଞାଂ ପ୍ରଦର୍ଶିତମ୍॥ 1-2-236 (537)
ରଥମାରୋପ୍ଯ କୃଷ୍ଣେନ ଯତ୍ର କର୍ଣୋଽନୁମନ୍ତ୍ରିତଃ।
ଉପାଯପୂର୍ବଂ ଶୌଟୀର୍ଯାତ୍ପ୍ରତ୍ଯାଖ୍ଯାତଶ୍ଚ ତେନ ସଃ॥ 1-2-237 (538)
ଆଗମ୍ଯ ହାସ୍ତିନପୁରାଦୁପପ୍ଲାବ୍ଯମରିଂଦମଃ।
ପାଣ୍ଡବାନାଂ ଯଥାବୃତ୍ତଂ ସର୍ବମାଖ୍ଯାତବାନ୍ହରିଃ॥ 1-2-238 (539)
ତେ ତସ୍ଯ ବଚନଂ ଶ୍ରୁତ୍ବା ମନ୍ତ୍ରଯିତ୍ବା ଚ ଯଦ୍ଧିତମ୍।
ସାଙ୍ଗ୍ରାମିକଂ ତତଃ ସର୍ବଂ ସଞ୍ଜଂ ଚକ୍ରୁଃ ପରଂତପାଃ॥ 1-2-239 (540)
ତତୋ ଯୁଦ୍ଧାଯ ନିର୍ଯାତା ନରାଶ୍ବରଥଦନ୍ତିନଃ।
ନଗରାଦ୍ଧାସ୍ତିନପୁରାଦ୍ବଲସଂଖ୍ଯାନମେବଚ॥ 1-2-240 (541)
ଯତ୍ର ରାଜ୍ଞା ହ୍ଯୁଲୂକସ୍ଯ ପ୍ରେଷଣଂ ପାମ୍ଡବାନ୍ପ୍ରତି।
ଶ୍ବୋଭାବିନି ମହାଯୁଦ୍ଧେ ଦୌତ୍ଯେନ କୃତବାନ୍ପ୍ରଭୁଃ॥ 1-2-241 (542)
ରଥାତିରଥସଂଖ୍ଯାନମମ୍ବୋପାଖ୍ଯାନମେବ ଚ।
ଏତତ୍ସୁବହୁବୃତ୍ତାନ୍ତଂ ପଞ୍ଚମଂ ପର୍ବ ଭାରତେ॥ 1-2-242 (543)
ଉଦ୍ଯୋଗପର୍ବ ନିର୍ଦିଷ୍ଟଂ ସନ୍ଧିବିଗ୍ରହମିଶ୍ରିତମ୍।
ଅଧ୍ଯାଯାନାଂ ଶତଂ ପ୍ରୋକ୍ତଂ ଷଡଶୀତିର୍ମହର୍ଷିଣା॥ 1-2-243 (544)
ଶ୍ଲୋକାନାଂ ଷଟ୍ ସହସ୍ରାଣି ତାବନ୍ତ୍ଯେବ ଶତାନି ଚ।
ଶ୍ଲୋକାଶ୍ଚ ନବତିଃ ପ୍ରୋକ୍ତାସ୍ତଥୈବାଷ୍ଟୌ ମହାତ୍ମନା॥ 1-2-244 (545)
ବ୍ଯାସେନୋଦାରମତିନା ପର୍ବଣ୍ଯସ୍ମିଂସ୍ତପୋଧନାଃ।
ଅତଃ ପରଂ ବିଚିତ୍ରାର୍ଥଂ ଭୀଷ୍ମପର୍ବ ପ୍ରଚକ୍ଷତେ॥ 1-2-245 (546)
ଜମ୍ବୂଖଣ୍ଡବିନିର୍ମାଣଂ ଯତ୍ରୋକ୍ତଂ ସଂଜଯେନ ହ।
ଯତ୍ର ଯୌଧିଷ୍ଠିରଂ ସୈନ୍ଯଂ ବିଷାଦମଗମତ୍ପରମ୍॥ 1-2-246 (547)
ଯତ୍ର ଯୁଦ୍ଧମଭୂଦ୍ଧୋରଂ ଦସାହାନି ସୁଦାରୁଣମ୍।
କଶ୍ମଲଂ ଯତ୍ର ପାର୍ଥସ୍ଯ ବାସୁଦେବୋ ମହାମତିଃ॥ 1-2-247 (548)
ମୋହଜଂ ନାଶଯାମାସ ହେତୁଭିର୍ମୋକ୍ଷଦର୍ଶିଭିଃ।
ସମୀକ୍ଷ୍ଯାଦୋକ୍ଷଜଃ କ୍ଷିପ୍ରଂ ଯୁଧିଷ୍ଠିରହିତେ ରତଃ॥ 1-2-248 (549)
ରଥାଦାପ୍ଲୁତ୍ଯ ବେଗେନ ସ୍ବଯଂ କୃଷ୍ଣ ଉଦାରଧୀଃ।
ପ୍ରତୋଦପାଣିରାଧାବଦ୍ଭୀଷ୍ମଂ ହନ୍ତୁଂ ବ୍ଯପେତଭୀଃ॥ 1-2-249 (550)
ବାକ୍ଯପ୍ରତୋଦାଭିହତୋ ଯତ୍ର କୃଷ୍ଣେନ ପାଣ୍ଡବଃ।
ଗାଣ୍ଡୀବଧନ୍ବା ସମରେ ସର୍ବଶସ୍ତ୍ରଭୃତାଂ ବରଃ॥ 1-2-250 (551)
ଶିଖଣ୍ଡିନଂ ପୁରସ୍କୃତ୍ଯ ଯତ୍ର ପାର୍ଥୋ ମହାଧନୁଃ।
ବିନିଘ୍ନନ୍ନିଶିତୈର୍ବାଣୈ ରଥାଦ୍ଭୀଷ୍ମମପାତଯତ୍॥ 1-2-251 (552)
ଶରତଲ୍ପଗତଶ୍ଚୈବ ଭୀଷ୍ମୋ ଯତ୍ର ବଭୂବ ହ।
ଷଷ୍ଠମେତତ୍ସମାଖ୍ଯାତଂ ଭାରତେ ପର୍ବ ବିସ୍ତୃତମ୍॥ 1-2-252 (553)
ଅଧ୍ଯାଯାନାଂ ଶତଂ ପ୍ରୋକ୍ତଂ ତଥା ସପ୍ତଦଶାପରେ।
ପଞ୍ଚ ଶ୍ଲୋକସହସ୍ରାଣି ସଂଖ୍ଯଯାଷ୍ଟୌ ଶତାନି ଚ॥ 1-2-253 (554)
ଶ୍ଲୋକାଶ୍ଚ ଚତୁରାଶୀତିରସ୍ମିନ୍ପର୍ବଣି କୀର୍ତିତାଃ।
ବ୍ଯାସେନ ବେଦବିଦୁଷା ସଂଖ୍ଯାତା ଭୀଷ୍ମପର୍ବଣି॥ 1-2-254 (555)
ଦ୍ରୋଣପର୍ବ ତତଶ୍ଚିତ୍ରଂ ବହୁବୃତ୍ତାନ୍ତମୁଚ୍ଯତେ।
ସୈନାପତ୍ଯେଽଭିଷିକ୍ତୋଽଥ ଯତ୍ରାଚାର୍ଯଃ ପ୍ରତାପବାନ୍॥ 1-2-255 (556)
ଦୁର୍ଯୋଧନସ୍ଯ ପ୍ରୀତ୍ଯର୍ଥଂ ପ୍ରତିଜଜ୍ଞେ ମହାସ୍ତ୍ରବିତ୍।
ଗ୍ରହଣଂ ଧର୍ମରାଜସ୍ଯ ପାଣ୍ଡୁପୁତ୍ରସ୍ଯ ଧୀମତଃ॥ 1-2-256 (557)
ଯତ୍ର ସଂଶପ୍ତକାଃ ପାର୍ଥମପନିନ୍ଯୂ ରଣାଜିରାତ୍।
ଭଗଦତ୍ତୋ ମହାରାଜୋ ଯତ୍ର ଶକ୍ରସମୋ ଯୁଧି॥ 1-2-257 (558)
ସୁପ୍ରତୀକେନ ନାଗେନ ସ ହି ଶାନ୍ତଃ କିରୀଟିନା।
ଯତ୍ରାଭିମନ୍ଯୁଂ ବହବୋ ଜଘ୍ନୁରେକଂ ମହାରଥାଃ॥ 1-2-258 (559)
ଜଯଦ୍ରଥମୁଖା ବାଲଂ ଶୂରମପ୍ରାପ୍ତଯୌବନମ୍।
ହତେଽଭିମନ୍ଯୌ କ୍ରୁଦ୍ଧେନ ଯତ୍ର ପାର୍ଥେନ ସଂଯୁଗେ॥ 1-2-259 (560)
ଅକ୍ଷୌହିଣୀଃ ସପ୍ତ ହତ୍ବା ହତୋ ରାଜା ଜଯଦ୍ରଥଃ।
ଯତ୍ର ଭୀମୋ ମହାବାହୁଃ ସାତ୍ଯକିଶ୍ଚ ମହାରଥଃ॥ 1-2-260 (561)
ଅନ୍ବେଷଣାର୍ଥଂ ପାର୍ଥସ୍ଯ ଯୁଧିଷ୍ଠିରନୃପାଜ୍ଞଯା।
ପ୍ରବିଷ୍ଟୌ ଭାରତୀଂ ସେନାମପ୍ରଧୃଷ୍ଯାଂ ସୁରୈରପି॥ 1-2-261 (562)
ସଂଶପ୍ତକାବଶେଷଂ ଚ କୃତଂ ନିଃଶେଷମାହବେ।
ସଂଶପ୍ତକାନାଂ ବୀରାଣାଂ କୋଟ୍ଯୋ ନବ ମହାତ୍ମନାମ୍॥ 1-2-262 (563)
କିରୀଟିନାଭିନିଷ୍କ୍ରମ୍ଯ ପ୍ରାପିତା ଯମସାଦନମ୍।
ଧୃତରାଷ୍ଟ୍ରସ୍ଯ ପୁତ୍ରାଶ୍ଚ ତଥା ପାଷାଣଯୋଧିନଃ॥ 1-2-263 (564)
ନାରାଯଣାଶ୍ଚ ଗୋପାଲାଃ ସମରେ ଚିତ୍ରଯୋଧିନଃ।
ଅଲମ୍ବୁଷଃ ଶ୍ରୁତାଯୁଶ୍ଚ ଜଲସନ୍ଧଶ୍ଚ ବୀର୍ଯବାନ୍॥ 1-2-264 (565)
ସୌମଦତ୍ତିର୍ବିରାଟଶ୍ଚ ଦ୍ରୁପଦଶ୍ଚ ମହାରଥଃ।
ଘଟୋତ୍କଚାଦଯଶ୍ଚାନ୍ଯେ ନିହତା ଦ୍ରୋଣପର୍ବଣି॥ 1-2-265 (566)
ଅଶ୍ବତ୍ଥାମାପି ଚାତ୍ରୈବ ଦ୍ରୋଣେ ଯୁଧି ନିପାତିତେ।
ଅସ୍ତ୍ରଂ ପ୍ରାଦୁଶ୍ଚକାରୋଗ୍ରଂ ନାରାଯଣମମର୍ଷିତଃ॥ 1-2-266 (567)
ଆଗ୍ନେଯଂ କୀର୍ତ୍ଯତେ ଯତ୍ର ରୁଦ୍ରମାହାତ୍ମ୍ଯମୁତ୍ତମମ୍।
ବ୍ଯାସସ୍ଯ ଚାପ୍ଯାଗମନଂ ମାହାତ୍ମ୍ଯଂ କୃଷ୍ଣପାର୍ଥଯୋଃ॥ 1-2-267 (568)
ସପ୍ତମଂ ଭାରତେ ପର୍ବ ମହଦେତଦୁଦାହୃତମ୍।
ଯତ୍ର ତେ ପୃଥିବୀପାଲାଃ ପ୍ରାଯଶୋ ନିଧନଂ ଗତାଃ॥ 1-2-268 (569)
ଦ୍ରୋଣପର୍ବଣି ଯେ ଶଊରା ନିର୍ଦିଷ୍ଟାଃ ପୁରୁଷର୍ଷଭାଃ।
ଅତ୍ରାଧ୍ଯାଯଶତଂ ପ୍ରୋକ୍ତଂ ତଥାଧ୍ଯାଯାଶ୍ଚ ସପ୍ତତିଃ॥ 1-2-269 (570)
ଅଷ୍ଟୌ ଶ୍ଲୋକସହସ୍ରାଣି ତଥା ନବ ଶତାନି ଚ।
ଶ୍ଲୋକା ନବ ତଥୈବାତ୍ର ସଂଖ୍ଯାତାସ୍ତତ୍ତ୍ବଦର୍ଶିନା॥ 1-2-270 (571)
ପାରାଶର୍ଯେଣ ମୁନିନାଂ ସଂଚିନ୍ତ୍ଯ ଦ୍ରୋଣପର୍ବଣି।
ଅତଃ ପରଂ କର୍ଣପର୍ବ ପ୍ରୋଚ୍ଯତେ ପରମାଦ୍ଭୁତମ୍॥ 1-2-271 (572)
ସାରଥ୍ଯେ ବିନିଯୋଗଶ୍ଚ ମଦ୍ରରାଜସ୍ଯ ଧୀମତଃ।
ଆଖ୍ଯାତଂ ଯତ୍ର ପୌରାମଂ ତ୍ରିପୁରସ୍ଯ ନିପାତନମ୍॥ 1-2-272 (573)
ପ୍ରଯାଣେ ପରୁଷଶ୍ଚାତ୍ର ସଂବାଦଃ କର୍ଣଶଲ୍ଯଯୋଃ।
ହଂସକାକୀଯମାଖ୍ଯାନଂ ତତ୍ରୈବାକ୍ଷେପସଂହିତମ୍॥ 1-2-273 (574)
ବଧଃ ପାଣ୍ଡ୍ଯସ୍ଯ ଚ ତଥା ଅଶ୍ବତ୍ଥାମ୍ନା ମହାତ୍ମନା।
ଦଣ୍ଡସେନସ୍ଯ ଚ ତତୋ ଦଣ୍ଡସ୍ଯ ଚ ବଧସ୍ତଥା॥ 1-2-274 (575)
ଦ୍ବୈରଥେ ଯତ୍ର କର୍ଣେନ ଧର୍ମରାଜୋ ଯୁଧିଷ୍ଠିରଃ।
ସଂଶଯଂ ଗମିତୋ ଯୁଦ୍ଧେ ମିଷତାଂ ସର୍ବଧନ୍ବିନାମ୍॥ 1-2-275 (576)
ଅନ୍ଯୋନ୍ଯଂ ପ୍ରତି ଚ କ୍ରୋଧୋ ଯୁଧିଷ୍ଠିରକିରୀଟିନୋଃ।
ଯତ୍ରୈବାନୁନଯଃ ପ୍ରୋକ୍ତୋ ମାଧବେନାର୍ଜୁନସ୍ଯ ହି॥ 1-2-276 (577)
ପ୍ରତିଜ୍ଞାପୂର୍ବକଂ ଚାପି ବକ୍ଷୋ ଦୁଃଶାସନସ୍ଯ ଚ।
ଭିତ୍ତ୍ବା ବୃକୋଦରୋ ରକ୍ତଂ ପୀତବାନ୍ଯତ୍ର ସଂଯୁଗେ॥ 1-2-277 (578)
ଦ୍ବୈରଥେ ଯତ୍ର ପାର୍ଥେନ ହତଃ କର୍ଣୋ ମହାରଥଃ।
ଅଷ୍ଟମଂ ପର୍ବ ନିର୍ଦିଷ୍ଟମେତଦ୍ଭାରତଚିନ୍ତକୈଃ॥ 1-2-278 (579)
ଏକୋନସପ୍ତତିଃ ପ୍ରୋକ୍ତା ଅଧ୍ଯାଯାଃ କର୍ଣପର୍ବଣି।
ଚତ୍ବାର୍ଯେବ ସହସ୍ରାଣି ନବ ଶ୍ଲୋକଶତାନି ଚ॥ 1-2-279 (580)
ଚତୁଃଷଷ୍ଟିସ୍ତଥା ଶ୍ଲୋକାଃ ପର୍ବଣ୍ଯସ୍ମିନ୍ପ୍ରକୀର୍ତିତାଃ।
ଅତଃ ପରଂ ବିଚିତ୍ରାର୍ଥଂ ଶଲ୍ଯପର୍ବ ପ୍ରକୀର୍ତିତମ୍॥ 1-2-280 (581)
ହତପ୍ରବୀରେ ସୈନ୍ଯେ ତୁ ନେତା ମଦ୍ରେଶ୍ବରୋଽଭବତ୍।
ଯତ୍ର କୌମାରମାଖ୍ଯାନମଭିଷେକସ୍ଯ କର୍ମ ଚ॥ 1-2-281 (582)
ବୃତ୍ତାନି ଚାଥ ଯୁଦ୍ଧାନି କୀର୍ତ୍ଯନ୍ତେ ଯତ୍ର ଭାଗଶଃ।
ବିନାଶଃ କୁରୁମୁଖ୍ଯାନାଂ ଶଲ୍ଯପର୍ବଣି କୀର୍ତ୍ଯତେ॥ 1-2-282 (583)
ଶଲ୍ଯସ୍ଯ ନିଧନଂ ଚାତ୍ର ଧର୍ମରାଜାନ୍ମହାତ୍ମନଃ।
ଶକୁନେଶ୍ଚ ବଧୋଽତ୍ରୈବ ସହଦେବେନ ସଂଯୁଗେ॥ 1-2-283 (584)
ସୈନ୍ଯେ ଚ ହତଭୂଯିଷ୍ଠେ କିଂଚିଚ୍ଛିଷ୍ଟେ ସୁଯୋଧନଃ।
ହ୍ରଦଂ ପ୍ରବିଶ୍ଯ ଯତ୍ରାସୌ ସଂସ୍ତଭ୍ଯାପୋବ୍ଯବସ୍ଥିତଃ॥ 1-2-284 (585)
ପ୍ରବୃତ୍ତିସ୍ତତ୍ର ଚାଖ୍ଯାତା ଯତ୍ର ଭୀମସ୍ଯ ଲୁବ୍ଧକୈଃ।
କ୍ଷେପଯୁକ୍ତୈର୍ବଚୋଭିଶ୍ଚ ଧର୍ମରାଜସ୍ଯ ଧୀମତଃ॥ 1-2-285 (586)
ହ୍ରଦାତ୍ସମୁତ୍ଥିତୋ ଯତ୍ର ଧାର୍ତରାଷ୍ଟ୍ରୋଽତ୍ଯମର୍ଷଣଃ।
ଭୀମେନ ଗଦଯା ଯୁଦ୍ଧଂ ଯତ୍ରାସୌ କୃତବାନ୍ସହ॥ 1-2-286 (587)
ସମବାଯେ ଚ ଯୁଦ୍ଧସ୍ଯ ରାମସ୍ଯାଗମନଂ ସ୍ମୃତମ୍।
ସରସ୍ବତ୍ଯାଶ୍ଚ ତୀର୍ଥାନାଂ ପୁଣ୍ଯତା ପରିକୀର୍ତିତା॥ 1-2-287 (588)
ଗଦାଯୁଦ୍ଧଂ ଚ ତୁମୁଲମତ୍ରୈବ ପରିକୀର୍ତିତମ୍।
ଦୁର୍ଯୋଧନସ୍ଯ ରାଜ୍ଞୋଽଥ ଯତ୍ର ଭୀମେନ ସଂଯୁଗେ॥ 1-2-288 (589)
ଊରୂ ଭଗ୍ନୌ ପ୍ରସହ୍ଯାଜୌ ଗଦଯା ଭୀମବେଗଯା।
ନବମଂ ପର୍ବ ନିର୍ଦିଷ୍ଟମେତଦଦ୍ଭୁତମର୍ଥବତ୍॥ 1-2-289 (590)
ଏକୋନପଷ୍ଟିରଧ୍ଯାଯାଃ ପର୍ବଣ୍ଯତ୍ର ପ୍ରକୀର୍ତିତାଃ।
ସଂଖ୍ଯାତା ବହୁବୃତ୍ତାନ୍ତାଃ ଶ୍ଲୋକସଂଖ୍ଯାଽତ୍ର କଥ୍ଯତେ॥ 1-2-290 (591)
ତ୍ରୀଣି ଶ୍ଲୋକସହସ୍ରାଣି ଦ୍ବେ ଶତେ ବିଂଶତିସ୍ତଥା।
ମୁନିନା ସଂପ୍ରଣୀତାନି କୌରବାଣାଂ ଯଶୋଭୃତା॥ 1-2-291 (592)
ଅତଃ ପରଂ ପ୍ରବକ୍ଷ୍ଯାମି ସୌପ୍ତିକଂ ପର୍ବ ଦାରୁଣମ୍।
ଭଗ୍ନୋରୁଂ ଯତ୍ର ରାଜାନଂ ଦୁର୍ଯୋଧନମମର୍ଷଣମ୍॥ 1-2-292 (593)
ଅପଯାତେଷୁ ପାର୍ଥେଷୁ ତ୍ରଯସ୍ତେଽଭ୍ଯାଯଯୂ ରଥାଃ।
କୃତବର୍ମା କୃପୋ ଦ୍ରୌଣିଃ ସାଯାହ୍ନେ ରୁଧିରୋକ୍ଷିତମ୍॥ 1-2-293 (594)
ସମେତ୍ଯ ଦଦୃଶୁର୍ଭୂମୌ ପତିତଂ ରଣମୂର୍ଧନି।
ପ୍ରତିଜଜ୍ଞେ ଦୃଢକ୍ରୋଧୋ ଦ୍ରୌଣିର୍ଯତ୍ର ମହାରଥଃ॥ 1-2-294 (595)
ଅହତ୍ବା ସର୍ବପାଞ୍ଚାଲାନ୍ଧୃଷ୍ଟଦ୍ଯୁମ୍ନପୁରୋଗମାନ୍।
ପାଣ୍ଡବାଂଶ୍ଚ ସହାମାତ୍ଯାନ୍ନ ବିମୋକ୍ଷ୍ଯାମି ଦଂଶନଂ॥ 1-2-295 (596)
ଯତ୍ରୈବମୁକ୍ତ୍ବା ରାଜାନମପକ୍ରମ୍ଯ ତ୍ରଯୋ ରଥାଃ।
ସୂର୍ଯାସ୍ତମନବେଲାଯାମାସେଦୁସ୍ତେ ମହଦ୍ବନମ୍॥ 1-2-296 (597)
ନ୍ଯଗ୍ରୋଧସ୍ଯାଥ ମହତୋ ଯତ୍ରାଧସ୍ତାଦ୍ବ୍ଯବସ୍ଥିତାଃ।
ତତଃ କାକାନ୍ବହୂନ୍ରାତ୍ରୌ ଦୃଷ୍ଟ୍ବୋଲୂକେନ ହିଂସିତାନ୍॥ 1-2-297 (598)
ଦ୍ରୌଣିଃ କ୍ରୋଧସମାବିଷ୍ଟଃ ପିତୁର୍ବଧମନୁସ୍ମରନ୍।
ପାଞ୍ଚାଲାନାଂ ପ୍ରସୁପ୍ତାନାଂ ବଧଂ ପ୍ରତି ମନୋ ଦଧେ॥ 1-2-298 (599)
ଗତ୍ବା ଚ ଶିବିରଦ୍ବାରି ଦୁର୍ଦର୍ଶଂ ତତ୍ର ରାକ୍ଷସମ୍।
ଘୋରରୂପମପଶ୍ଯତ୍ସ ଦିବାମାବୃତ୍ଯ ଧିଷ୍ଠିରମ୍॥ 1-2-299 (600)
ତେନ ବ୍ଯାଘାତମସ୍ତ୍ରାଣାଂ କ୍ରିଯମାଣମବେକ୍ଷ୍ଯ ଚ।
ଦ୍ରୌଣିର୍ଯତ୍ର ବିରୂପାକ୍ଷଂ ରୁଦ୍ରମାରାଧ୍ଯ ସତ୍ବରଃ॥ 1-2-300 (601)
ପ୍ରସୁପ୍ତାନ୍ନିଶି ବିଶ୍ବସ୍ତାନ୍ଧୃଷ୍ଟଦ୍ଯୁମ୍ନପୁରୋଗମାନ୍।
ପାଞ୍ଚାଲାନ୍ସପରୀବାରାନ୍ଦ୍ରୌପଦେଯାଂଶ୍ଚ ସର୍ବଶଃ॥ 1-2-301 (602)
କୃତବର୍ମଣା ଚ ସହିତଃ କୃପେଣ ଚ ନିଜଘ୍ନିବାନ୍।
ଯତ୍ରାମୁଚ୍ଯନ୍ତ ତେ ପାର୍ଥାଃ ପଞ୍ଚ କୃଷ୍ଣବଲାଶ୍ରଯାତ୍॥ 1-2-302 (603)
ସାତ୍ଯକିଶ୍ଚ ମହେଷ୍ବାସଃ ଶେଷାଶ୍ଚ ନିଧନଂ ଗତାଃ।
ପାଞ୍ଚାଲାନାଂ ପ୍ରସୁପ୍ତାନାଂ ଯତ୍ର ଦ୍ରୋଣସୁତାଦ୍ବଧଃ॥ 1-2-303 (604)
ଧୃଷ୍ଟଦ୍ଯୁମ୍ନସ୍ଯ ସୂତେନ ପାଣ୍ଡବେଷୁ ନିବେଦିତଃ।
ଦ୍ରୌପଦୀ ପୁତ୍ରଶୋକାର୍ତା ପିତୃଭ୍ରାତୃବଧାର୍ଦିତା॥ 1-2-304 (605)
କୃତାନଶନସଂକଲ୍ପା ଯତ୍ର ଭର୍ତୃନୁପାବିଶତ୍।
ଦ୍ରୌପଦୀବଚନାଦ୍ଯତ୍ର ଭୀମୋ ଭୀମପରାକ୍ରମଃ॥ 1-2-305 (606)
ପ୍ରିଯଂ ତସ୍ଯାଶ୍ଚିକୀର୍ଷନ୍ବୈ ଗଦାମାଦାଯ ବୀର୍ଯବାନ୍।
ଅନ୍ବଧାବତ୍ସୁସଂକ୍ରୁଦ୍ଧୋ ଭାରଦ୍ବାଜଂ ଗୁରୋଃ ସୁତମ୍॥ 1-2-306 (607)
ଭୀମସେନଭଯାଦ୍ଯତ୍ର ଦୈବେନାଭିପ୍ରଚୋଦିତଃ।
ଅପାଣ୍ଡବାଯେତି ରୁଷା ଦ୍ରୌଣିରସ୍ତ୍ରମବାସଡଦତ୍॥ 1-2-307 (608)
ମୈବମିତ୍ଯବ୍ରବୀତ୍କୃଷ୍ଣଃ ଶମଯଂସ୍ତସ୍ଯ ତଦ୍ବଚଃ।
ଯତ୍ରାସ୍ତ୍ରମସ୍ତ୍ରେଣ ଚ ତଚ୍ଛମଯାମାସ ଫାଲ୍ଗୁନଃ॥ 1-2-308 (609)
ଦ୍ରୌଣେଶ୍ଚ ଦ୍ରୋହବୁଦ୍ଧିତ୍ବଂ ବୀକ୍ଷ୍ଯ ପାପାତ୍ମନସ୍ତଦା।
ଦ୍ରୌଣିଦ୍ବୈପାଯନାଦୀନାଂ ଶାପାଶ୍ଚାନ୍ଯୋନ୍ଯକାରିତାଃ॥ 1-2-309 (610)
ମଣିଂ ତଥା ସମାଦାଯ ଦ୍ରୋଣପୁତ୍ରାନ୍ମହାରଥାତ୍।
ପାଣ୍ଡବାଃ ପ୍ରଦଦୁର୍ହୃଷ୍ଟା ଦ୍ରୌପଦ୍ଯୈ ଜିତକାଶିନଃ॥ 1-2-310 (611)
ଏତଦ୍ବୈ ଦଶମଂ ପର୍ବ ସୌପ୍ତିକଂ ସମୁଦାହୃତମ୍।
ଅଷ୍ଟାଦଶାସ୍ମିନ୍ନଦ୍ଯାଯାଃ ପର୍ବମ୍ଯୁକ୍ତା ମହାତ୍ମନା॥ 1-2-311 (612)
ଶ୍ଲୋକାନାଂ କଥିତାନ୍ଯତ୍ର ଶତାନ୍ଯଷ୍ଟୌ ପ୍ରସଂଖ୍ଯଯା।
ଶ୍ଲୋକାଶ୍ଚ ସପ୍ତତିଃ ପ୍ରୋକ୍ତା ମୁନିନା ବ୍ରହ୍ମବାଦିନା॥ 1-2-312 (613)
ସୌପ୍ତିକୈଷୀକସଂବନ୍ଧେ ପର୍ବଣ୍ଯୁତ୍ତମତେଜସୀ।
ଅତ ଊର୍ଧ୍ବମିଦଂ ପ୍ରାହୁଃ ସ୍ତ୍ରୀପର୍ବ କରୁଣୋଦଯମ୍॥ 1-2-313 (614)
ପୁତ୍ରଶୋକାଭିସଂତପ୍ତଃ ପ୍ରଜ୍ଞାଚକ୍ଷୁର୍ନରାଧିପଃ।
କୃଷ୍ଣୋପନୀତାଂ ଯତ୍ରାସାବାଯସୀଂ ପ୍ରତିମାଂ ଦୃଢାଂ॥ 1-2-314 (615)
ଭୀମସେନଦ୍ରୋହବୁଦ୍ଧିର୍ଧୃତରାଷ୍ଟ୍ରୋ ବଭଞ୍ଜହ।
ତଥା ଶୋକାଭିତପ୍ତସ୍ଯ ଧୃତରାଷ୍ଟ୍ରସ୍ଯ ଧୀମତଃ॥ 1-2-315 (616)
ସଂସାରଦହନଂ ବୁଦ୍ଧ୍ଯା ହେତୁଭିର୍ମୋକ୍ଷଦର୍ଶନୈଃ।
ବିଦୁରେଣ ଚ ଯତ୍ରାସ୍ଯ ରାଜ୍ଞ ଆଶ୍ବାସନଂ କୃତମ୍॥ 1-2-316 (617)
ଧୃତରାଷ୍ଟ୍ରସ୍ଯ ଚାତ୍ରୈବ କୌରବାଯୋଧନଂ ତଥା।
ସାନ୍ତଃପୁରସ୍ଯ ଗମନଂ ଶୋକାର୍ତସ୍ଯ ପ୍ରକୀର୍ତିତମ୍॥ 1-2-317 (618)
ବିଲାପୋ ବୀରପତ୍ନୀନାଂ ଯତ୍ରାତିକରୁଣଃ ସ୍ମୃତଃ।
କ୍ରୋଧାବେଶଃ ପ୍ରମୋହଶ୍ଚ ଗାନ୍ଧାରୀଧୃତରାଷ୍ଟ୍ରଯୋଃ॥ 1-2-318 (619)
ଯତ୍ର ତାନ୍କ୍ଷତ୍ରିଯାଃ ଶୂରାନ୍ସଙ୍ଗ୍ରାମେଷ୍ବନିବର୍ତିନଃ।
ପୁତ୍ରାନ୍ଭ୍ରାତୃନ୍ପିତୄଂଶ୍ଚୈବ ଦଦୃଶୁର୍ନିହତାନ୍ରଣେ॥ 1-2-319 (620)
ପୁତ୍ରପୌତ୍ରବଧାର୍ତାଯାସ୍ତଥାତ୍ରୈବ ପ୍ରକୀର୍ତିତା।
ଗାନ୍ଧାର୍ଯାଶ୍ଚାପି କୃଷ୍ଣେନ କ୍ରୋଧୋପଶମନକ୍ରିଯା॥ 1-2-320 (621)
ଯତ୍ର ରାଜା ମହାପ୍ରାଜ୍ଞଃ ସର୍ବଧର୍ମଭୃତାଂ ବରଃ।
ରାଜ୍ଞାଂତାନି ଶରୀରାଣି ଦାହଯାମାସ ଶାସ୍ତ୍ରତଃ॥ 1-2-321 (622)
ତୋଯକର୍ମଣି ଚାରବ୍ଧେ ରାଜ୍ଞାମୁଦକଦାନିକେ।
ଗୂଢୋତ୍ପନ୍ନସ୍ଯ ଚାଖ୍ଯାନଂ କର୍ଣସ୍ଯ ପୃଥଯାତ୍ମନଃ॥ 1-2-322 (623)
ସୁତସ୍ଯୈତଦିହ ପ୍ରୋକ୍ତଂ ବ୍ଯାସେନ ପରମର୍ଷିଣା।
ଏତଦେକାଦଶଂ ପର୍ବ ଶୋକବୈକ୍ଲବ୍ଯକାରଣମ୍॥ 1-2-323 (624)
ପ୍ରଣୀତଂ ସଜ୍ଜନମନୋବୈକ୍ଲବ୍ଯାଶ୍ରୁପ୍ରବର୍ତକମ୍।
ସପ୍ତବିଂଶତିରଧ୍ଯାଯାଃ ପର୍ବଣ୍ଯସ୍ମିନ୍ପ୍ରକୀର୍ତିତାଃ॥ 1-2-324 (625)
ଶ୍ଲୋକସପ୍ତଶତୀ ଚାପି ପଞ୍ଚସପ୍ତତିସଂଯୁତା।
ସଂଖ୍ଯଯା ଭାରତାଖ୍ଯାନମୁକ୍ତଂ ବ୍ଯାସେନ ଧୀମତା॥ 1-2-325 (626)
ଅତଃ ପରଂ ଶାନ୍ତିପର୍ବ ଦ୍ବାଦଶଂ ବୁଦ୍ଧିବର୍ଧନମ୍।
ଯତ୍ର ନିର୍ବେଦମାପନ୍ନୋ ଧର୍ମରାଜୋ ଯୁଧିଷ୍ଠିରଃ॥ 1-2-326 (627)
ଘାତଯିତ୍ବା ପିତୄନ୍ଭ୍ରାତୄନ୍ପୁତ୍ରାନ୍ସଂବନ୍ଧିମାତୁଲାନ୍।
ଶାନ୍ତିପର୍ବଣି ଧର୍ମାଶ୍ଚ ବ୍ଯାଖ୍ଯାତାଃଶାରତଲ୍ପିକାଃ॥ 1-2-327 (628)
ରାଜଭିର୍ବେଦିତବ୍ଯାସ୍ତେ ସମ୍ଯଗ୍ଜ୍ଞାନବୁଭୁତ୍ସୁଭିଃ।
ଆପଦ୍ଧର୍ମାଶ୍ଚ ତତ୍ରୈବ କାଲହେତୁପ୍ରଦର୍ଶିନଃ॥ 1-2-328 (629)
ଯାନ୍ବୁଦ୍ଧ୍ବା ପୁରୁଷଃ ସମ୍ଯକ୍ସର୍ବଜ୍ଞତ୍ବମବାପ୍ନୁଯାତ୍।
ମୋକ୍ଷଧର୍ମାଶ୍ଚ କଥିତା ବିଚିତ୍ରା ବହୁବିସ୍ତରାଃ॥ 1-2-329 (630)
ଦ୍ବାଦଶଂ ପର୍ବ ନିର୍ଦିଷ୍ଟମେତତ୍ପ୍ରାଜ୍ଞଜନପ୍ରିଯମ୍।
ଅତ୍ର ପର୍ବଣି ବିଜ୍ଞେଯମଧ୍ଯାଯାନାଂ ଶତତ୍ରଯମ୍॥ 1-2-330 (631)
ବିଂଶଚ୍ଚୈବ ତଥାଧ୍ଯାଯା ନବ ଚୈବ ତପୋଧାଃ।
ଚତୁର୍ଦଶସହସ୍ରାଣି ତଥା ସପ୍ତଶତାନି ଚ॥ 1-2-331 (632)
ସପ୍ତଶ୍ଲୋକାସ୍ତଥୈବାତ୍ର ପଞ୍ଚବିଂଶତିସଂଖ୍ଯଯା।
ଅତ ଊର୍ଧ୍ବଂ ଚ ବିଜ୍ଞେଯମନୁଶାସନମୁତ୍ତମମ୍॥ 1-2-332 (633)
ଯତ୍ର ପ୍ରକୃତିମାପନ୍ନଃ ଶ୍ରୁତ୍ବା ଧର୍ମବିନିଶ୍ଚଯମ୍।
ଭୀଷ୍ମାଦ୍ଭାଗୀରଥୀପୁତ୍ରାତ୍କୁରୁରାଜୋ ଯୁଧିଷ୍ଠିରଃ॥ 1-2-333 (634)
ବ୍ଯବହାରୋଽତ୍ର କାର୍ତ୍ସ୍ନ୍ଯେନ ଧର୍ମାର୍ଥୀଯଃ ପ୍ରକୀର୍ତିତଃ।
ବିବିଧାନାଂ ଚ ଦାନାନାଂ ଫଲଯୋଗାଃ ପ୍ରକୀର୍ତିତାଃ॥ 1-2-334 (635)
ତଥା ପାତ୍ରବିଶେଷାଶ୍ଚ ଦାନାନାଂ ଚ ପରୋ ବିଧିଃ।
ଆଚାରବିଧିଯୋଗଶ୍ଚ ସତ୍ଯସ୍ଯ ଚ ପରା ଗତିଃ॥ 1-2-335 (636)
ମହାଭାଗ୍ଯଂ ଗବାଂ ଚୈବ ବ୍ରାହ୍ମଣାନାଂ ତଥୈବ ଚ।
ରହସ୍ଯଂ ଚୈବ ଧର୍ମାଣାଂ ଦେଶକାଲୋପସଂହିତମ୍॥ 1-2-336 (637)
ଏତତ୍ସୁବହୁବୃତ୍ତାନ୍ତମୁତ୍ତମଂ ଚାନୁଶାସନମ୍।
ଭୀଷ୍ମସ୍ଯାତ୍ରୈବ ସଂପ୍ରାପ୍ତିଃ ସ୍ବର୍ଗସ୍ଯ ପରିକୀର୍ତିତା॥ 1-2-337 (638)
ଏତତ୍ତ୍ରଯୋଦଶଂ ପର୍ବ ଧର୍ମନିଶ୍ଚଯକାରକମ୍।
ଅଧ୍ଯାଯାନାଂ ଶତଂ ତ୍ବତ୍ର ଷଟ୍ଚତ୍ବାରିଂଶଦେବ ତୁ॥ 1-2-338 (639)
ଶ୍ଲୋକାନାଂ ତୁ ସହସ୍ରାଣି ପ୍ରୋକ୍ତାନ୍ଯଷ୍ଟୌ ପ୍ରସଂଖ୍ଯଯା।
ତତୋଽଶ୍ବମେଧିକଂ ନାମ ପର୍ବ ପ୍ରୋକ୍ତଂ ଚତୁର୍ଦଶମ୍॥ 1-2-339 (640)
ତତ୍ସଂବର୍ତମରୁତ୍ତୀଯଂ ଯତ୍ରାଖ୍ଯାନମନୁତ୍ତମମ୍।
ସୁବର୍ଣକୋଶସଂପ୍ରାପ୍ତିର୍ଜନ୍ମ ଚୋକ୍ତଂ ପରୀକ୍ଷିତଃ॥ 1-2-340 (641)
ଦଗ୍ଧସ୍ଯାସ୍ତ୍ରାଗ୍ନିନା ପୂର୍ବଂ କୃଷ୍ଣାତ୍ସଂଜୀବନଂ ପୁନଃ।
ଚର୍ଯାଯାଂ ହଯମୁତ୍ସୃଷ୍ଟଂ ପାଣ୍ଡବସ୍ଯାନୁଗଚ୍ଛତଃ॥ 1-2-341 (642)
ତତ୍ର ତତ୍ର ଚ ଯୁଦ୍ଧାନି ରାଜପୁତ୍ରୈରମର୍ଷଣୈଃ।
ଚିତ୍ରାଙ୍ଗଦାଯାଃ ପୁତ୍ରେଣ ସ୍ବପୁତ୍ରେଣ ଧନଂଜଯଃ॥ 1-2-342 (643)
ସଙ୍ଗ୍ରାମେ ବଭ୍ରୁବାହେନ ସଂଶଯଂ ଚାତ୍ର ଜଗ୍ମିବାନ୍।
ସୁଦର୍ଶନଂ ତଥାଽଽଖ୍ଯାନଂ ବୈଷ୍ଣବଂ ଧର୍ମମେବ ଚ।
ଅଶ୍ବମେଧେ ମହାଯଜ୍ଞେ ନକୁଲାଖ୍ଯାନମେବ ଚ॥ 1-2-343 (644)
ଇତ୍ଯାଶ୍ବମେଧିକଂ ପର୍ବ ପ୍ରୋକ୍ତମେତନ୍ମହାଦ୍ଭୁତମ୍।
ଅଧ୍ଯାଯାନାଂ ଶତଂ ଚୈବ ତ୍ରଯୋଽଧ୍ଯାଯାଶ୍ଚ କୀର୍ତିତାଃ॥ 1-2-344 (645)
ତ୍ରୀଣି ଶ୍ଲୋକସହସ୍ରାଣି ତାବନ୍ତ୍ଯେବ ଶତାନି ଚ।
ବିଂଶତିଶ୍ଚ ତଥା ଶ୍ଲୋକାଃ ସଂଖ୍ଯାତାସ୍ତତ୍ତ୍ବଦର୍ଶିନା॥ 1-2-345 (646)
ତତସ୍ତ୍ବାଶ୍ରମବାସାଖ୍ଯଂ ପର୍ବ ପଞ୍ଚଦଶଂ ସ୍ମୃତମ୍।
ଯତ୍ର ରାଜ୍ଯଂ ସମୁତ୍ସୃଜ୍ଯ ଗାନ୍ଧାର୍ଯା ସହିତୋ ନୃପଃ॥ 1-2-346 (647)
ଧୃତରାଷ୍ଟ୍ରୋଶ୍ରମପଦଂ ବିଦୁରଶ୍ଚ ଜଗାମ ହ।
ଯଂ ଦୃଷ୍ଟ୍ବା ପ୍ରସ୍ଥିତଂ ସାଧ୍ବୀ ପୃଥାପ୍ଯନୁଯଯୌ ତଦା॥ 1-2-347 (648)
ପୁତ୍ରରାଜ୍ଯଂ ପରିତ୍ଯଜ୍ଯ ଗୁରୁଶୁଶ୍ରୂଷଣେ ରତା।
ଯତ୍ର ରାଜା ହତାନ୍ପୁତ୍ରାନ୍ପୌତ୍ରାନନ୍ଯାଂଶ୍ଚ ପାର୍ଥିବାନ୍॥ 1-2-348 (649)
ଲାକାନ୍ତରଗତାନ୍ବୀରାନପଶ୍ଯତ୍ପୁନରାଗତାନ୍।
ଋଷେଃ ପ୍ରସାଦାତ୍କୃଷ୍ଣସ୍ଯ ଦୃଷ୍ଟ୍ବାଶ୍ଚର୍ଯମନୁତ୍ତମମ୍॥ 1-2-349 (650)
ତ୍ଯକ୍ତ୍ବା ଶୋକଂ ସଦାରଶ୍ଚ ସିଦ୍ଧିଂ ପରମିକାଂ ଗତଃ।
ଯତ୍ର ଧର୍ମଂ ସମାଶ୍ରିତ୍ଯ ବିଦୁରଃ ସୁଗତିଂ ଗତଃ॥ 1-2-350 (651)
ସଂଜଯଶ୍ଚ ସହାମାତ୍ଯୋ ବିଦ୍ବାନ୍ଗାବଲ୍ଗଣିର୍ବଶୀ।
ଦଦର୍ଶ ନାରଦଂ ଯତ୍ର ଧର୍ମରାଜୋ ଯୁଧିଷ୍ଠିରଃ॥ 1-2-351 (652)
ନାରଦାଚ୍ଚୈବ ଶୁଶ୍ରାବ ବୃଷ୍ଣୀନାଂ କଦନଂ ମହତ୍।
ଏତଦାଶ୍ରମବାସାଖ୍ଯଂ ପର୍ବୋକ୍ତଂ ମହଦଦ୍ଭୁତମ୍॥ 1-2-352 (653)
ଦ୍ବିଚତ୍ବାରିଂଶଦଧ୍ଯାଯାଃ ପର୍ବୈତଦଭିସଙ୍ଖ୍ଯଯା।
ସହସ୍ରମେକଂ ଶ୍ଲୋକାନାଂ ପଞ୍ଚଶ୍ଲୋକଶତାନି ଚ॥ 1-2-353 (654)
ଷଡେବ ଚ ତଥା ଶ୍ଲୋକାଃ ସଂଖ୍ଯାତାସ୍ତତ୍ତ୍ବଦର୍ଶିନା।
ଅତଃ ପରଂ ନିବୋଧେଦଂ ମୌସଲଂ ପର୍ବ ଦାରୁଣମ୍॥ 1-2-354 (655)
ଯତ୍ର ତେ ପୁରୁଷବ୍ଯାଘ୍ରାଃ ଶସ୍ତ୍ରସ୍ପର୍ଶହତା ଯୁଧି।
ବ୍ରହ୍ମଦଣ୍ଡବିନିଷ୍ପିଷ୍ଟାଃ ସମୀପେ ଲବଣାମ୍ଭସଃ॥ 1-2-355 (656)
ଆପାନେ ପାନକଲିତା ଦୈବେନାଭିପ୍ରଚୋଦିତାଃ।
ଏରକାରୂପିଭିର୍ବଜ୍ରୈର୍ନିଜଘ୍ନୁରିତରେତରମ୍॥ 1-2-356 (657)
ଯତ୍ର ସର୍ବକ୍ଷଯଂ କୃତ୍ବା ତାବୁଭୌ ରାମକେଶବୌ।
ନାତିଚକ୍ରାମତୁଃ କାଲଂ ପ୍ରାପ୍ତଂ ସର୍ବହରଂ ମହତ୍॥ 1-2-357 (658)
ଯତ୍ରାର୍ଜୁନୋ ଦ୍ବାରବତୀମେତ୍ଯ ବୃଷ୍ଣିବିନାକୃତାମ୍।
ଦୃଷ୍ଟ୍ବା ବିପାଦମଗମତ୍ପରାଂ ଚାର୍ତିଂ ନରର୍ଷଭଃ॥ 1-2-358 (659)
ସ ସଂସ୍କୃତ୍ଯ ନରଶ୍ରେଷ୍ଠଂ ମାତୁଲଂ ଶୌରିମାତ୍ମନଃ।
ଦଦର୍ଶ ଯଦୁବୀରାଣାମାପାନେ ବୈଶସଂ ମହତ୍॥ 1-2-359 (660)
ଶରୀରଂ ବାସୁଦେବସ୍ଯ ରାମସ୍ଯ ଚ ମହାତ୍ମନଃ।
ସଂସ୍କାରଂ ଲମ୍ଭଯାମାସ ବୃଷ୍ଣୀନାଂ ଚ ପ୍ରଧାନତଃ॥ 1-2-360 (661)
ସବୃଦ୍ଧବାଲମାଦାଯ ଦ୍ବାରବତ୍ଯାସ୍ତତୋ ଜନମ୍।
ଦଦର୍ଶାପଦି କଷ୍ଟାଯାଂ ଗାଣ୍ଡୀବସ୍ଯ ପରାଭବମ୍॥ 1-2-361 (662)
ସର୍ବେଷାଂ ଚୈବ ଦିବ୍ଯାନାମସ୍ତ୍ରାଣାମପ୍ରସନ୍ନତାମ୍।
ନାଶଂ ବୃଷ୍ଣିକଲତ୍ରାଣାଂ ପ୍ରଭାବାନାମନିତ୍ଯତାମ୍॥ 1-2-362 (663)
ଦୃଷ୍ଟ୍ବା ନିର୍ବେଦମାପନ୍ନୋ ବ୍ଯାସବାକ୍ଯପ୍ରଚୋଦିତଃ।
ଧର୍ମରାଜଂ ସମାସାଦ୍ଯ ସଂନ୍ଯାସଂ ସମରୋଚଯତ୍॥ 1-2-363 (664)
ଇତ୍ଯେତନ୍ମୌସଲଂ ପର୍ବ ଷୋଡଶଂ ପରିକୀର୍ତିତମ୍।
ଅଧ୍ଯାଯାଷ୍ଟୌ ସମାଖ୍ଯାତାଃ ଶ୍ଲୋକାନାଂ ଚ ଶତତ୍ରଯମ୍॥ 1-2-364 (665)
ଶ୍ଲୋକାନାଂ ବିଂଶତିଶ୍ଚବ ସଂଖ୍ଯାତା ତତ୍ତ୍ବଦର୍ଶିନା।
ମହାପ୍ରସ୍ଥାନିକଂ ତସ୍ମାଦୂର୍ଧ୍ବଂ ସପ୍ତଦଶଂ ସ୍ମୃତମ୍॥ 1-2-365 (666)
ଯତ୍ର ରାଜ୍ଯଂ ପରିତ୍ଯଜ୍ଯ ପାଣ୍ଡବାଃ ପୁରୁଷର୍ଷଭାଃ।
ଦ୍ରୌପଦ୍ଯା ସହିତା ଦେବ୍ଯା ମହାପ୍ରସ୍ଥାନମାସ୍ଥିତାଃ॥ 1-2-366 (667)
ଯତ୍ର ତେଽଗ୍ନିଂ ଦଦୃଶିରେ ଲୌହିତ୍ଯଂ ପ୍ରାପ୍ଯ ସାଗରମ୍।
ଯତ୍ରାଗ୍ନିନା ଚୋଦିତଶ୍ଚ ପାର୍ଥସ୍ତସ୍ମୈ ମହାତ୍ମନେ॥ 1-2-367 (668)
ଦଦୌ ସଂପୂଜ୍ଯ ତଦ୍ଦିବ୍ଯଂ ଗାଣ୍ଡୀବଂ ଧନୁରୁତ୍ତମମ୍।
ଯତ୍ର ଭ୍ରାତୃନ୍ନିପତିତାନ୍ଦ୍ରୌପଦୀଂ ଚ ଯୁଧିଷ୍ଠିରଃ॥ 1-2-368 (669)
ଦୃଷ୍ଟ୍ବା ହିତ୍ବା ଜଗାମୈବ ସର୍ବାନନବଲୋକଯନ୍।
ଏତତ୍ସପ୍ତଦଶଂ ପର୍ବ ମହାପ୍ରସ୍ଥାନିକଂ ସ୍ମୃତମ୍॥ 1-2-369 (670)
ଯତ୍ରାଧ୍ଯାଯାସ୍ତ୍ରଯଃ ପ୍ରୋକ୍ତାଃ ଶ୍ଲୋକାନାଂ ଚ ଶତତ୍ରଯମ୍।
ବିଂଶତିଶ୍ଚ ତଥା ଶ୍ଲୋକାଃ ସଂଖ୍ଯାତାସ୍ତତ୍ତ୍ବଦର୍ଶିନା॥ 1-2-370 (671)
ସ୍ବର୍ଗପର୍ବ ତତୋ ଜ୍ଞେଯଂ ଦିବ୍ଯଂ ଯତ୍ତଦମାନୁଷମ୍।
ପ୍ରାପ୍ତଂ ଦୈବରଥଂ ସ୍ବର୍ଗାନ୍ନେଷ୍ଟବାନ୍ଯତ୍ର ଧର୍ମରାଟ୍॥ 1-2-371 (672)
ଆରୋଦୁଂ ସୁମହାପ୍ରାଜ୍ଞ ଆନୃଶଂସ୍ଯାଚ୍ଛୁନା ବିନା।
ତାମସ୍ଯାବିଚଲାଂ ଜ୍ଞାତ୍ବା ସ୍ଥିତିଂ ଧର୍ମେ ମହାତ୍ମନଃ॥ 1-2-372 (673)
ଶ୍ବରୂପଂ ଯତ୍ର ତତ୍ତ୍ଯକ୍ତ୍ବା ଧର୍ମେଣାସୌ ସମନ୍ବିତଃ।
ସ୍ବର୍ଗଂ ପ୍ରାପ୍ତଃସଚ ତଥା ଯାତନାବିପୁଲା ଭୃଶମ୍॥ 1-2-373 (674)
ଦେବଦୂତେନ ନରକଂ ଯତ୍ର ବ୍ଯାଜେନ ଦର୍ଶିତମ୍।
ଶୁଶ୍ରାବ ଯତ୍ର ଧର୍ମାତ୍ମା ଭ୍ରାତୄଣାଂ କରୁଣାଗିରଃ॥ 1-2-374 (675)
ନିଦେଶେ ବର୍ତମାନାନାଂ ଦେଶେ ତତ୍ରୈବ ବର୍ତତାମ୍।
ଅନୁଦର୍ଶିତଶ୍ଚ ଧର୍ମେଣ ଦେବରାଜ୍ଞା ଚ ପାଣ୍ଡବଃ॥ 1-2-375 (676)
ଆପ୍ଲୁତ୍ଯାକାଶଗଙ୍ଗାଯାଂ ଦେହଂ ତ୍ଯକ୍ତ୍ବା ସ ମାନୁଷମ୍।
ସ୍ବଧର୍ମନିର୍ଜିତଂ ସ୍ଥାନଂ ସ୍ବର୍ଗେ ପ୍ରାପ୍ଯ ସ ଧର୍ମରାଟ୍॥ 1-2-376 (677)
ମୁମୁଦେ ପୂଜିତଃ ସର୍ବୈଃ ସେନ୍ଦ୍ରୈଃ ସୁରଗଣୈଃ ସହ।
ଏତଦଷ୍ଟାଦଶଂ ପର୍ବ ପ୍ରୋକ୍ତଂ ବ୍ଯାସେନ ଧୀମତା॥ 1-2-377 (678)
ଅଧ୍ଯାଯାଃ ପଞ୍ଚ ସଂଖ୍ଯାତାଃ ପର୍ବମ୍ଯସ୍ମିନ୍ମହାତ୍ମନା।
ଶ୍ଲୋକାନାଂ ଦ୍ବେ ଶତେ ଚୈବ ପ୍ରସଂଖ୍ଯାତେ ତପୋଧାଃ॥ 1-2-378 (679)
ନବ ଶ୍ଲୋକାସ୍ତଥୈବାନ୍ଯେ ସଂଖ୍ଯାତାଃ ପରମର୍ଷିଣା।
ଅଷ୍ଟାଦଶୈବମେତାନି ପର୍ବାଣ୍ଯେତାନ୍ଯଶେଷତଃ॥ 1-2-379 (680)
ଖିଲେଷୁ ହରିବଂଶଶ୍ଚ ଭବିଷ୍ଯଂ ଚ ପ୍ରକୀର୍ତିତମ୍।
ଦଶ ଶ୍ଲୋକସହସ୍ରାଣି ବିଂଶଚ୍ଛ୍ଲୋକଶତାନି ଚ॥ 1-2-380 (681)
ଖିଲେଷୁ ହରିବଂଶେ ଚ ସଂଖ୍ଯାତାନି ମହର୍ଷିଣା।
ଏତତ୍ସର୍ବଂ ସମାଖ୍ଯାତଂ ଭାରତେ ପର୍ବସଂଗ୍ରହଃ॥ 1-2-381 (682)
ଅଷ୍ଟାଦଶ ସମାଜଗ୍ମୁରକ୍ଷୌହିଣ୍ଯୋ ଯଯୁତ୍ସଯା।
ତନ୍ମହାଦାରୁଣଂ ଯୁଦ୍ଧମହାନ୍ଯଷ୍ଟାଦଶାଭବତ୍॥ 1-2-382 (683)
ଯୋ ବିଦ୍ଯାଚ୍ଚତୁରୋ ବେଦାନ୍ସାଙ୍ଗୋପନିଷଦୋ ଦ୍ବିଜଃ।
ନ ଚାଖ୍ଯାନମିଦଂ ବିଦ୍ଯାନ୍ନୈବ ସ ସ୍ଯାଦ୍ବିଚକ୍ଷଣଃ॥ 1-2-383 (684)
ଅର୍ଥଶାସ୍ତ୍ରମିଦଂ ପ୍ରୋକ୍ତଂ ଧର୍ମଶାସ୍ତ୍ରମିଦଂ ମହତ୍।
କାମଶାସ୍ତ୍ରମିଦଂ ପ୍ରୋକ୍ତଂ ବ୍ଯାସେନାମିତବୁଦ୍ଧିନା॥ 1-2-384 (685)
ଶ୍ରୁତ୍ବା ତ୍ବିଦମୁପାଖ୍ଯାନଂ ଶ୍ରାବ୍ଯମନ୍ଯନ୍ନ ରୋଚତେ।
ପୁଂସ୍କୋକିଲଗିରଂ ଶ୍ରୁତ୍ବା ରୂକ୍ଷା ଧ୍ବାଙ୍କ୍ଷସ୍ଯ ବାଗିବ॥ 1-2-385 (686)
ଇତିହାସୋତ୍ତମାଦସ୍ମାଞ୍ଜାଯନ୍ତେ କବିବୁଦ୍ଧଯଃ।
ପଞ୍ଚଭ୍ଯ ଇବ୍ ଭୂତେଭ୍ଯୋ ଲୋକସଂବିଧଯସ୍ତ୍ରଯଃ॥ 1-2-386 (687)
ଅସ୍ଯାଖ୍ଯାନସ୍ଯ ବିଷଯେ ପୁରାଣଂ ବର୍ତତେ ଦ୍ବିଜାଃ।
ଅନ୍ତରିକ୍ଷସ୍ଯ ବିଷଯେ ପ୍ରଜା ଇବ ଚତୁର୍ବିଧାଃ॥ 1-2-387 (688)
କ୍ରିଯାଗୁଣାନାଂ ସର୍ବେଷାମିଦମାଖ୍ଯାନମାଶ୍ରଯଃ।
ଇନ୍ଦ୍ରିଯାଣାଂ ସମସ୍ତାନାଂ ଚିତ୍ରା ଇବ ମନଃ କ୍ରିଯାଃ॥ 1-2-388 (689)
ଅନାଶ୍ରିତ୍ଯୈତଦାଖ୍ଯାନଂ କଥା ଭୁବି ନ ବିଦ୍ଯତେ।
ଆହାରମନପାଶ୍ରିତ୍ଯ ଶରୀରସ୍ଯେବ ଧାରଣମ୍॥ 1-2-389 (690)
ଇଦଂ କବିବରୈଃ ସର୍ବୈରାଖ୍ଯାନମୁପଜୀବ୍ଯତେ।
ଉଦଯପ୍ରେପ୍ସୁଭିର୍ଭୃତ୍ଯୈରଭିଜାତ ଇବେଶ୍ବରଃ॥ 1-2-390 (691)
ଅସ୍ଯ କାବ୍ଯସ୍ଯ କବଯୋ ନ ସମର୍ଥା ବିଶେଷଣେ।
ସାଧୋରିବ ଗୃହସ୍ଥସ୍ଯ ଶେଷାସ୍ତ୍ରଯ ଇବାଶ୍ରମାଃ॥ 1-2-391 (692)
ଧର୍ମେ ମତିର୍ଭବତୁ ବଃ ସତତୋତ୍ଥିତାନାଂ
ସ ହ୍ଯେକ ଏବ ପରଲୋକଗତସ୍ଯ ବନ୍ଧୁଃ।
ଅର୍ଥାଃ ସ୍ତ୍ରିଯଶ୍ଚ ନିପୁଣୈରପି ସେବ୍ଯମାନା
ନୈବାପ୍ତଭାବମୁପଯାନ୍ତି ନ ଚ ସ୍ଥିରତ୍ବମ୍॥ 1-2-392 (693)
ଦ୍ବୈପାଯନୌଷ୍ଠପୁଟନିଃସୃତମପ୍ରମେଯଂ
ପୁଣ୍ଯଂ ପବିତ୍ରମଥ ପାପହରଂ ଶିବଂ ଚ।
ଯୋ ଭାରତଂ ସମଧିଗଚ୍ଛତି ବାଚ୍ଯମାନଂ
କିଂ ତସ୍ଯ ପୁଷ୍କରଜଲୈରଭିଷେଚନେନ॥ 1-2-393 (694)
ଯଦହ୍ନା କୁରୁତେ ପାପ ବ୍ରାହ୍ମଣସ୍ତ୍ବିନ୍ଦ୍ରିଯୈଶ୍ଚରନ୍।
ମହାଭାରତମାଖ୍ଯାଯ ସନ୍ଧ୍ଯାଂ ମୁଚ୍ଯତି ପଶ୍ଚିମାମ୍॥ 1-2-394 (695)
ଯଦ୍ରାତ୍ରୌ କୁରୁତେ ପାପଂ କର୍ମଣା ମନସା ଗିରା।
ମହାଭାରତମାଖ୍ଯାଯ ପୂର୍ବାଂ ସନ୍ଧ୍ଯାଂ ପ୍ରମୁଚ୍ଯତେ॥ 1-2-395 (696)
ଯୋ ଗୋଶତଂ କନକଶୃଙ୍ଗମଯଂ ଦଦାତି
ବିପ୍ରାଯ ବେଦବିଦୁଷେ ଚ ବହୁଶ୍ରୁତାଯ।
ପୁଣ୍ଯାଂ ଚ ଭାରତକଥାଂ ଶୃଣୁଯାଚ୍ଚ ନିତ୍ଯଂ
ତୁଲ୍ଯଂ ଫଲଂ ଭବତି ତସ୍ଯ ଚ ତସ୍ଯ ଚୈବ॥ 1-2-396 (697)
ଆଖ୍ଯାନଂ ତଦିଦମନୁତ୍ତମଂ ମହାର୍ଥଂ
ବିଜ୍ଞେଯଂ ମହଦିହ ପର୍ବସଂଗ୍ରହେଣ।
ଶ୍ରୁତ୍ବାଦୌ ଭବତି ନୃଣାଂ ସୁଖାବଗାହଂ
ବିସ୍ତୀର୍ଣଂ ଲବଣଜଲଂ ଯଥା ପ୍ଲବେନ॥ 1-2-397 (698)
ଇତି ଶ୍ରୀମନ୍ମହାଭାରତେ ଆଦିପର୍ବଣି ପର୍ବସଂଗ୍ରହପର୍ବଣି ଦ୍ବିତୀଯୋଽଧ୍ଯାଯଃ॥ 2 ॥ ॥ ସମାପ୍ତଂ ପର୍ବସଂଗ୍ରହପର୍ବ ॥
Mahabharata - Adi Parva - Chapter Footnotes
1-2-3 କ୍ଷତ୍ର କ୍ଷତ୍ରିଯଜାତିଂ। ଅମର୍ଷଃ ସ୍ବପିତୁଃ କ୍ଷତ୍ରିଯେଣ ହତତ୍ବାଜ୍ଜାତସ୍ଯ କ୍ରୋଧସ୍ଯାସହନଂ ତେନ ଚୋଦିତଃ ପ୍ରେରିତଃ॥ 1-2-10 ନିଷିଷିଧୁଃ ନିଷିଦ୍ଧବନ୍ତଃ। ଅକ୍ଷରାଧିକ୍ଯମାର୍ଷ॥ 1-2-14 ଭୂଦୋଷାଃ ନିମ୍ନୋନ୍ନତତ୍ବକଣ୍ଟକିତ୍ବାଦଯଃ॥ 1-2-19 ପଦାତଯ ଇତି ରଥାଦିଗତାନାଂ ନରାଣ ବ୍ଯୁଦାସଃ॥ 1-2-23-26 ଅକ୍ଷୌହିଣ୍ଯାଃ 21870 ରଥାଃ। 21871 ଗଜାଃ। 109350 ପଦାତଯଃ। 65610 ହଯାଃ॥ 1-2-28 ପିଣ୍ଡିତା ଏକୀଭୂତାଃ॥ 1-2-32 ହାର୍ଦିକ୍ଯଃ କୃତବର୍ମା ଗୌତମଃ କୃପଃ॥ 1-2-33 ତେ ତବ ସତ୍ରେ ଯଦ୍ଭାରତାଖ୍ଯାନଂ ମତ୍ତଃ ପ୍ରବୃତ୍ତଂ ତଜ୍ଜନମେଜଯସ୍ଯ ସତ୍ରେ ବ୍ଯାସଶିଷ୍ଯେଣ କଥିତମିତ୍ଯୁତ୍ତରେଣ ସଂବନ୍ଧଃ॥ 1-2-34 ତତ୍ର ଭାରତେ॥ 1-2-35 ପ୍ରତିପନ୍ନଂ ଶରଣୀକୃତଂ॥ 1-2-38 ଅଭିଜାତଃ କୁଲୀନଃ॥ 1-2-46 ହରଣଂ ଦାଯଃ ପାରିବର୍ହମିତି ଯାବତ୍ ତସ୍ଯ ହାରିକା ସମାନଯନଂ॥ 1-2-49 ଅନୁଦ୍ଯୂତଂ ପୁନର୍ଦ୍ଯୂତଂ॥ 1-2-50 ଅଭିଗମନଂ ତପସେ ଗମନଂ॥ 1-2-53 ସମାସ୍ଯା ସହାବସ୍ଥାନଂ॥ 1-2-57 ପ୍ରବେଶଃ ବିରାଟନଗରେ। ସମଯସ୍ଯ ସଂକେତସ୍ଯ ନିଯମସ୍ଯ ବା॥ 1-2-70 ପ୍ରତିଜ୍ଞା ଜଯଦ୍ରଥବଧାର୍ଥଂ॥ 1-2-72 ହ୍ରଦପ୍ରବେଶନଂ ଦୁର୍ଯୋଧନସ୍ଯ॥ 1-2-83 ଅନ୍ଯତ୍ର କଥିତସ୍ଯାବଶିଷ୍ଟଂ ଯତ୍ପୁନଃ ପ୍ରକ୍ରମ୍ଯ କଥ୍ଯତେ ତତ୍ ଖିଲଂ ପ୍ରୋଚ୍ଯତେ। ହରିବଂଶଶ୍ଚ ତାଦୃଶଃ॥ 1-2-90 ମାହାତ୍ମ୍ଯମୁତ୍ତଙ୍କସ୍ଯ ଉଦଙ୍କସ୍ଯେତ୍ଯପି ପାଠଃ॥ 1-2-117 ଭାର୍ଗବଃ କୁଲାଲଃ॥ 1-2-138 କିତବୋ ଦ୍ଯୂତକାରକଃ॥ 1-2-150 ଶତ୍ରୁସ୍ତବ ଊରୂ ଭେତ୍ସ୍ଯତୀତିଶାପୋତ୍ସର୍ଗଃ॥ 1-2-220 ନୌ ଆବଯୋର୍ମଧ୍ଯେ ମମୈବ ସାହାଯ୍ଯଂ କର୍ତୁମର୍ହତୀତି ପ୍ରତ୍ଯେକଂ ପ୍ରାର୍ଥନା ଜ୍ଞେଯା॥ 1-2-231 ଐକାତ୍ମ୍ଯଂ ଏକଚିତ୍ତତ୍ବଂ॥ 1-2-237 ଶୌଟୀର୍ଯାତ୍ ଗର୍ବାତ୍॥ 1-2-255 ଆଚାର୍ଯଃ ଦ୍ରୋଣାଚାର୍ଯଃ॥ 1-2-287 ସମବାଯେ ସମଯେ॥ 1-2-316 ସଂସାରଦହନଂ ନିରୂପ୍ଯେତିଶେଷଃ॥ 1-2-317 ଆଯୋଧନଂ ଯୁଦ୍ଧସ୍ଥାନଂ॥ 1-2-319 କ୍ଷତ୍ରିଯାଃ କ୍ଷତ୍ରିଯସ୍ତ୍ରିଯଃ॥ 1-2-327 ଶରାଏବ ତଲ୍ପୋ ଯସ୍ଯ ସଃ ଶରତଲ୍ପୋ ଭୀଷ୍ମଃ ତେନ ପ୍ରୋକ୍ତାଃ। ଶରତଲ୍ପେ ଭବା ବା ତତ୍ରସ୍ଥେନ ବ୍ଯାଖ୍ଯାତତ୍ବାତ୍॥ 1-2-343 ସୁଦର୍ଶନଂ ତଥାଖ୍ଯାନମିତ୍ଯତ୍ର ମୃଗଦର୍ଶ ତଥାଚୈବେତି-ମଣିଦର୍ଶନଂ ତଥାଚୈବେତ୍ଯପି ପାଠୋ ଦୃଶ୍ଯତେ॥ 1-2-347 ଧୃତରାଷ୍ଟ୍ରଃ ଆଶ୍ରମପଦମିତି ଚ୍ଛେଦଃ ସନ୍ଧିରାର୍ଷଃ॥ 1-2-355 ବ୍ରହ୍ମଦଣ୍ଡଃ ବ୍ରାହ୍ମଣଶାପଃ॥ 1-2-356 ଆପାନେ ପାନଗୋଷ୍ଠ୍ଯାଂ ପାନେନ କଲିତାଃ ବିବଶୀକୃତାଃ। ଏରକାଃ ତୃଣବିଶେଷାଃ॥ 1-2-357 ନାତିଚକ୍ରାମତୁଃ କାଲଂ ସମର୍ଥାବପି ମର୍ଯାଦାଂ ନୋଲ୍ଲଙ୍ଘିତବନ୍ତାବିତ୍ଯର୍ଥଃ॥ 1-2-359 ବୈଶସଂ ପରସ୍ପରଂ ବିଶସନଂ॥ 1-2-372 ଅସ୍ଯ ଅବିଚଲାମିତିଚ୍ଛେଦଃ॥ 1-2-387 ବିଷଯେ ଦେଶେ ଅନ୍ତରିତ୍ଯର୍ଥଃ। ପୁରାଣଂ ଅଷ୍ଟାଦଶଭେଦଂ ପାଦ୍ମାଦି॥ 1-2-394 ସଂଧ୍ଯାଂ ସଂଧ୍ଯାଯାଂ॥ ଦ୍ବିତୀଯୋଽଧ୍ଯାଯଃ॥ 2 ॥ଆଦିପର୍ବ - ଅଧ୍ଯାଯ 003
॥ ଶ୍ରୀଃ ॥
1.3. ଅଧ୍ଯାଯଃ 003
(ଅଥ ପୌଷ୍ଯପର୍ବ ॥ 3 ॥)
Mahabharata - Adi Parva - Chapter Topics
ଜନମେଜଯଂ ପ୍ରତି ସରମାଖ୍ଯଦବେଶୁନୀଶାପଃ॥ 1 ॥ ଶାପନିବାରଣାର୍ଥମୃଷେଃ ସୋମଶ୍ରବସଃ ପୌରୋହିତ୍ଯେନ ବରଣମ୍॥ 2 ॥ ଆରୁଣ୍ଯୁପମନ୍ଯୁବୈଦାଖ୍ଯାନାଂ ଧୌମ୍ଯଶିଷ୍ଯାଣାମୁପାଖ୍ଯାନମ୍॥ 3 ॥ ବୈଦଶିଷ୍ଯସ୍ଯୋତ୍ତଙ୍କସ୍ଯୋପାଖ୍ଯାନମ୍॥ 4 ॥ ପୌଷ୍ଯସ୍ଯ ରାଜ୍ଞ ଉପାଖ୍ଯାନମ୍॥ 5 ॥Mahabharata - Adi Parva - Chapter Text
1-3-0 (699)
ସୌତିରୁବାଚ। 1-3-0x (16)
ଜନମେଜଯଃ ପାରିକ୍ଷିତଃ ସହ ଭ୍ରାତୃଭିଃ କୁରୁକ୍ଷେତ୍ରେ ଦୀର୍ଘସତ୍ରମୁପାସ୍ତେ।
ତସ୍ଯ ଭ୍ରାତରସ୍ତ୍ରଯଃ ଶ୍ରୁତସେନ ଉଗ୍ରସେନୋ ଭୀମସେନ ଇତି।
ତେଷୁ ତତ୍ସତ୍ରମୁପାସୀନେଷ୍ବଭ୍ଯାଗଚ୍ଛତ୍ସାରମେଯଃ॥ 1-3-1 (700)
ଜନମେଜଯସ୍ଯ ଭ୍ରାତୃଭିରଭିହତୋ ରୋରୂଯମାଣୋ ମାତୁଃ ସମୀପମୁପାଗଚ୍ଛତ୍॥ 1-3-2 (701)
ତଂ ମାତା ରୋରୂଯମାଣମୁବାଚ।
କିଂ ରୋଦିଷି କେନାସ୍ଯଭିହତ ଇତି॥ 1-3-3 (702)
ସ ଏବମୁକ୍ତୋ ମାତରଂ ପ୍ରତ୍ଯୁବାଚ ଜନମେଜଯସ୍ଯ ଭ୍ରାତୃଭିରଭିହତୋଽସ୍ମୀତି॥ 1-3-4 (703)
ତଂ ମାତା ପ୍ରତ୍ଯୁବାଚ ବ୍ଯକ୍ତଂ ତ୍ବଯା ତତ୍ରାପରାଦ୍ଧଂ ଯେନାସ୍ଯଭିହତ ଇତି॥ 1-3-5 (704)
ସ ତାଂ ପୁନରୁବାଚ ନାପରାଧ୍ଯାମି କିଂଚିନ୍ନାବେକ୍ଷେ ହବୀଂଷି ନାବଲିହ ଇତି॥ 1-3-6 (705)
ତଚ୍ଛ୍ରୁତ୍ବା ତସ୍ଯ ମାତା ସରମା ପୁତ୍ରଦୁଃଖାର୍ତା ତତ୍ସତ୍ରମୁପାଗଚ୍ଛଦ୍ଯତ୍ର ସ ଜନମେଜଯଃ ସହ ଭ୍ରାତୃଭିର୍ଦୀର୍ଘସତ୍ରମୁପାସ୍ତେ॥ 1-3-7 (706)
ସ ତଯା କ୍ରୁଦ୍ଧଯା ତତ୍ରୋକ୍ତୋଽଯଂ ମେ ପୁତ୍ରୋ ନ କିଂଚିଦପରାଧ୍ଯତି ନାବେକ୍ଷତେ ହବୀଂଷି ନାବଲେଢି କିମର୍ଥମଭିହତ ଇତି॥ 1-3-8 (707)
ନ କିଂଚିଦୁକ୍ତବନ୍ତସ୍ତେ ସା ତାନୁବାଚ ଯସ୍ମାଦଯମଭିହତୋଽନପକାରୀ ତସ୍ମାଦଦୃଷ୍ଟଂ ତ୍ବାଂ ଭଯମାଗମିଷ୍ଯତୀତି॥ 1-3-9 (708)
ଜନମେଜଯ ଏବମୁକ୍ତୋ ଦେବଶୁନ୍ଯା ସରମଯା ଭୃଶଂ ସଂଭ୍ରାନ୍ତୋ ବିଷଣ୍ଣଶ୍ଚାସୀତ୍॥ 1-3-10 (709)
ସ ତସ୍ମିନ୍ସତ୍ରେ ସମାପ୍ତେ ହାସ୍ତିନପୁରଂ ପ୍ରତ୍ଯେତ୍ଯ ପୁରୋହିତମନୁରୂପମନ୍ବିଚ୍ଛମାନଃ ପରଂ ଯତ୍ନମକରୋଦ୍ଯୋ ମେ ପାପକୃତ୍ଯାଂ ଶମଯେଦିତି॥ 1-3-11 (710)
ସ କଦାଚିନ୍ମୃଗଯାଂ ଗତଃ ପାରିକ୍ଷିତୋ ଜନମେଜଯଃ କସ୍ମିଂଶ୍ଚିତ୍ସ୍ବବିଷଯ ଆଶ୍ରମମପଶ୍ଯତ୍॥ 1-3-12 (711)
ତତ୍ର କଶ୍ଚିଦୃପିରାସାଞ୍ଚକ୍ରେ ଶ୍ରୁତଶ୍ରବା ନାମ।
ତସ୍ଯ ତପସ୍ଯଭିରତଃ ପୁତ୍ର ଆସ୍ତେ ସୋମଶ୍ରବା ନାମ॥ 1-3-13 (712)
ତସ୍ଯ ତଂ ପୁତ୍ରମଭିଗମ୍ଯ ଜନମେଜଯଃ ପାରିକ୍ଷିତଃ ପୌରୋହିତ୍ଯାଯ ବବ୍ରେ॥ 1-3-14 (713)
ସ ନମସ୍କୃତ୍ଯ ତମୃଷିମୁବାଚ ଭଗବନ୍ନଯଂ ତବ ପୁତ୍ରୋ ମମ ପୁରୋହିତୋଽସ୍ତ୍ବିତି॥ 1-3-15 (714)
ସ ଏବମୁକ୍ତଃ ପ୍ରତ୍ଯୁବାଚ ଜନମେଜଯଂ ଭୋ ଜନମେଜଯ ପୁତ୍ରୋଽଯଂ ମମ ସର୍ପ୍ଯାଂ ଜାତୋ ମହାତପସ୍ବୀ ସ୍ବାଧ୍ଯାଯସଂପନ୍ନୋ ମତ୍ତପୋବୀର୍ଯସଂଭୃତୋ ମଚ୍ଛୁକ୍ରଂ ପୀତବତ୍ଯାସ୍ତସ୍ଯାଃ କୁକ୍ଷୌ ଜାତଃ॥ 1-3-16 (715)
ସମର୍ଥୋଽଯଂ ଭବତଃ ସର୍ବାଃ ପାପକୃତ୍ଯାଃ ଶମଯିତୁମନ୍ତରେଣ ମହାଦେବକୃତ୍ଯାମ୍॥ 1-3-17 (716)
ଅସ୍ଯ ତ୍ବେକମୁପାଂଶୁବ୍ରତଂ ଯଦେନଂ କଶ୍ଚିଦ୍ବ୍ରାହ୍ମଣଃ କଂଚିଦର୍ଥମଭିଯାଚେତ୍ତଂ ତସ୍ମୈ ଦଦ୍ଯାଦଯଂ ଯଦ୍ଯେତଦୁତ୍ସହସେ ତତୋ ନଯସ୍ବୈନମିତି॥ 1-3-18 (717)
ତେନୈବମୁକ୍ତୋ ଜନମେଜଯସ୍ତଂ ପ୍ରତ୍ଯୁବାଚ ଭଗବଂସ୍ତତ୍ତଥା ଭବିଷ୍ଯତୀତି॥ 1-3-19 (718)
ସ ତଂ ପୁରୋହିତମୁପାଦାଯୋପାବୃତ୍ତୋ ଭ୍ରାତୃନୁବାଚ ମଯାଽଯଂ ବୃତ ଉପାଧ୍ଯାଯୋ ଯଦଯଂ ବ୍ରୂଯାତ୍ତତ୍କାର୍ଯମବିଚାରଯଦ୍ଭିର୍ଭବଦ୍ଭିରିତି।
ତେନୈବମୁକ୍ତା ଭ୍ରାତରସ୍ତସ୍ଯ ତଥା ଚକ୍ରୁଃ।
ସ ତଥା ଭ୍ରାତୄନ୍ସଂଦିଶ୍ଯ ତକ୍ଷଶିଲାଂ ପ୍ରତ୍ଯଭିପ୍ରତସ୍ଥେ ତଂ ଚ ଦେଶଂ ବଶେ ସ୍ଥାପଯାମାସ॥ 1-3-20 (719)
ଏତସ୍ମିନ୍ନନ୍ତରେ କଶ୍ଚିଦୃଷିର୍ଧୌମ୍ଯୋ ନାମାପୋଦସ୍ତସ୍ଯ ଶିଷ୍ଯାସ୍ତ୍ରଯୋ ବଭୂବୁଃ॥ 1-3-21 (720)
ଉପମନ୍ଯୁରାରୁଣିର୍ବୈଦଶ୍ଚେତି ସ ଏକଂ ଶିଷ୍ଯଂମାରୁଣିଂ ପାଞ୍ଚାଲ୍ଯଂ ପ୍ରେଷଯାମାସ ଗଚ୍ଛ କେଦାରଖଣ୍ଡଂ ବଧାନେତି॥ 1-3-22 (721)
ସ ଉପାଧ୍ଯାଯେନ ସଂଦିଷ୍ଟ ଆରୁଣିଃ ପାଞ୍ଚାଲ୍ଯସ୍ତତ୍ର ଗତ୍ବା ତତ୍କେଦାରଖଣ୍ଡଂ ବଦ୍ଧୁଂ ନାଶକତ୍।
ସ କ୍ଲିଶ୍ଯମାନୋଽପଶ୍ଯଦୁପାଯଂ ଭବତ୍ବେବଂ କରିଷ୍ଯାମୀତି॥ 1-3-23 (722)
ସ ତତ୍ର ସଂବିବେଶ କେଦାରଖଣ୍ଡେ ଶଯାନେ ବ ତଥା ତସ୍ମିଂସ୍ତଦୁଦକଂ ତସ୍ଥୌ॥ 1-3-24 (723)
ତତଃ କଦାଚିଦୁପାଧ୍ଯାଯ ଆପୋଦୋ ଧୌମ୍ଯଃ ଶିଷ୍ଯାବପୃଚ୍ଛତ୍ କ୍ବ ଆରୁଣିଃ ପାଞ୍ଚାଲ୍ଯୋ ଗତ ଇତି॥ 1-3-25 (724)
ତୌ ତଂ ପ୍ରତ୍ଯୂଚତୁର୍ଭଗବଂସ୍ତ୍ବଯୈବ ପ୍ରେଷିତୋ ଗଚ୍ଛ କେଦାରଖଣ୍ଡଂ ବଧାନେତି।
ସ ଏବମୁକ୍ତସ୍ତୌ ଶିଷ୍ଯୌ ପ୍ରତ୍ଯୁବାଚ ତସ୍ମାତ୍ତତ୍ର ସର୍ବେ ଗଚ୍ଛାମୋ ଯତ୍ର ସ ଗତ ଇତି॥ 1-3-26 (725)
ସ ତତ୍ର ଗତ୍ବା ତସ୍ଯାହ୍ବାନାଯ ଶବ୍ଦଂ ଚକାରଃ।
ଭୋ ଆରୁଣେ ପାଞ୍ଚାଲ୍ଯ କ୍ବାସି ବତ୍ସୈହୀତି॥ 1-3-27 (726)
ସ ତଚ୍ଛ୍ରୁତ୍ବା ଆରୁଣିରୁପାଧ୍ଯାଯବାକ୍ଯଂ ତସ୍ମାତ୍କେଦାରଖଣ୍ଡାତ୍ସହସୋତ୍ଥାଯତମୁପାଧ୍ଯାଯମୁପତସ୍ଥେ॥ 1-3-28 (727)
ପ୍ରୋବାଚ ଚୈନମଯମସ୍ମ୍ଯତ୍ର କେଦାରଖଣ୍ଡେ ନିଃସରମାଣମୁଦକମବାରଣୀଯଂ ସଂରୋଦ୍ଧୁଂ ସଂବିଷ୍ଟୋ ଭଗବଚ୍ଛବ୍ଦଂ ଶ୍ରୁତ୍ବୈବ ସହସା ବିଦାର୍ଯ କେଦାରଖଣ୍ଡଂ ଭବନ୍ତମୁପସ୍ଥିତଃ॥ 1-3-29 (728)
ତଦଭିବାଦଯେ ଭଗବନ୍ତମାଜ୍ଞାପଯତୁ ଭବାନ୍କମର୍ଥଂ କରବାଣୀତି॥ 1-3-30 (729)
ସ ଏବମୁକ୍ତ ଉପାଧ୍ଯାଯଃ ପ୍ରତ୍ଯୁବାଚ ଯସ୍ମାଦ୍ଭବାନ୍କେଦାରଖଣ୍ଡଂ ବିଦାର୍ଯୋତ୍ଥିତସ୍ତସ୍ମାଦୁଦ୍ଦାଲକ ଏବନାମ୍ନା ଭବାନ୍ଭବିଷ୍ଯତୀତ୍ଯୁପାଧ୍ଯାଯେନାନୁଗୃହୀତଃ॥ 1-3-31 (730)
ଯସ୍ମାଚ୍ଚ ତ୍ବଯା ମଦ୍ବଚନମନୁଷ୍ଠିତଂ ତସ୍ମାଚ୍ଛ୍ରେଯୋଽବାପ୍ସ୍ଯସି।
ସର୍ବେ ଚ ତେ ବେଦାଃ ପ୍ରତିଭାସ୍ଯନ୍ତି ସର୍ବାଣି ଚ ଧର୍ମଶାସ୍ତ୍ରାଣୀତି॥ 1-3-32 (731)
ସ ଏବମୁକ୍ତ ଉପାଧ୍ଯାଯେନେଷ୍ଟଂ ଦେଶଂ ଜଗାମ॥ 1-3-33 (732)
ଅଥାପରଃ ଶିଷ୍ଯସ୍ତସ୍ଯୈବାପୋଦସ୍ଯ ଧୌମ୍ଯସ୍ଯୋପମନ୍ଯୁର୍ନାମ।
ତଂ ଚୋପାଧ୍ଯାଯଃ ପ୍ରେଷଯାମାସ ବତ୍ସୋପମନ୍ଯୋ ଗା ରକ୍ଷସ୍ବେତି॥ 1-3-34 (733)
ସ ଉପାଧ୍ଯାଯବଚନାଦରକ୍ଷଦ୍ଗାଃ ସ ଚାହନି ଗା ରକ୍ଷିତ୍ବା ଦିବସକ୍ଷଯେ ଗୁରୁଗୃହମାଗମ୍ଯୋପାଧ୍ଯାଯସ୍ଯାଗ୍ରତଃ ସ୍ଥିତ୍ବା ନମଶ୍ଚକ୍ରେ॥ 1-3-35 (734)
ତମୁପାଧ୍ଯାଯଃ ପୀବାନମପଶ୍ଯଦୁବାଚ ଚୈନଂ ବତ୍ସୋପମନ୍ଯୋ କେନ ବୃତ୍ତିଂ କଲ୍ପଯସି ପୀବାନସି ଦୃଢମିତି॥ 1-3-36 (735)
ସ ଉପାଧ୍ଯାଯଂ ପ୍ରତ୍ଯୁବାଚ ଭୋ ଭୈକ୍ଷ୍ଯେଣ ବୃତ୍ତିଂ କଲ୍ପଯାମୀତି ତମୁପାଧ୍ଯାଯଃ ପ୍ରତ୍ଯୁବାଚ॥ 1-3-37 (736)
ମଯ୍ଯନିବେଦ୍ଯ ବୈକ୍ଷ୍ଯଂ ନୀପଯୋକ୍ତବ୍ଯମିତି।
ସ ତଥେତ୍ଯୁକ୍ତୋ ଭୈକ୍ଷ୍ଯଂ ଚରିତ୍ବୋଣଧ୍ଯାଯନ୍ଯବେଦଯତ୍॥ 1-3-38 (737)
ସ ତସ୍ମାଦୁପାଧ୍ଯାଯଃ ସର୍ବମେବ ଭୈକ୍ଷ୍ଯମଗୃହ୍ଣାତ୍।
ସ ତଥେତ୍ଯୁକ୍ତଃ ପୁନରରକ୍ଷଦ୍ଗା ଅହନି ରକ୍ଷିତ୍ବା ନିଶାମୁଖେ ଗୁରୁକୁଲମାଗମ୍ଯ ଗୁରୋରଗ୍ରତଃସ୍ଥିତ୍ବା ନମଶ୍ଚକ୍ରେ॥ 1-3-39 (738)
ତମୁପାଧ୍ଯାଯସ୍ତଥାପି ପୀବାନମେବ ଦୃଷ୍ଟ୍ବୋବାଚ।
ବତ୍ସୋପମନ୍ଯୋ ସର୍ବମଶେଷତସ୍ତେ ଭୈକ୍ଷ୍ଯଂ ଗୃହ୍ଣାମି କେନେଦାନୀଂ ବୃତ୍ତିଂ କଲ୍ପଯସୀତି॥ 1-3-40 (739)
ସ ଏବମୁକ୍ତ ଉପାଧ୍ଯାଯଂ ପ୍ରତ୍ଯୁବାଚ।
ଭଗବତେ ନିବେଦ୍ଯ ପୂର୍ବମପରଂ ଚରାମି ତେନ ବୃତ୍ତିଂ କଲ୍ପଯାମୀତି ତମୁପାଧ୍ଯାଯଃ ପ୍ରତ୍ଯୁବାଚ॥ 1-3-41 (740)
ନୈଷା ନ୍ଯାଯ୍ଯା ଗୁରୁବୃତ୍ତିରନ୍ଯେଷାମପି ଭୈକ୍ଷ୍ଯୋପଜୀବିନାଂ ବୃତ୍ତ୍ଯୁପରୋଧଂ କରୋଷି ଇତ୍ଯେବଂ ବର୍ତମାନୋ ଲୁବ୍ଧୋଽସୀତି॥ 1-3-42 (741)
ସ ତଥେତ୍ଯୁକ୍ତ୍ବା ଗା ଅରକ୍ଷଦ୍ରକ୍ଷିତ୍ବାଚ ପୁନରୁପାଧ୍ଯାଯଗୃହମାଗମ୍ଯୋପାଧ୍ଯାଯସ୍ଯାଗ୍ରତଃ ସ୍ଥିତ୍ବା ନମଶ୍ଚକ୍ରେ॥ 1-3-43 (742)
ତମୁପାଧ୍ଯାଯସ୍ତଥାପି ପୀବାନମେବ ଦୃଷ୍ଟ୍ବା ପୁନରୁବାଚ।
ବତ୍ସୋପମନ୍ଯୋ ଅହଂ ତେ ସର୍ବଂ ଭୈକ୍ଷ୍ଯଂ ଗୃହ୍ଣାମି ନ ଚାନ୍ଯଚ୍ଚରସି ପୀବାନସି ଭୃଶଂ କେନ ବୃତ୍ତିଂ କଲ୍ପଯସୀତି॥ 1-3-44 (743)
ସ ଏବମୁକ୍ତସ୍ତମୁପାଧ୍ଯାଯଂ ପ୍ରତ୍ଯୁବାଚ।
ଭୋ ଏତାସାଂ ଗବାଂ ପଯସା ବୃତ୍ତିଂ କଲ୍ପଯାମୀତି।
ତମୁବାଚୋପାଧ୍ଯାଯୋ ନୈତନ୍ନ୍ଯାଯ୍ଯଂ ପଯ ଉପଯୋକ୍ତୁଂ ଭବତୋ ମଯା ନାଭ୍ଯନୁଜ୍ଞାତମିତି॥ 1-3-45 (744)
ସ ତଥେତି ପ୍ରତିଜ୍ଞାଯ ଗା ରକ୍ଷିତ୍ବା ପୁନରୁପାଧ୍ଯାଯଗୃହମେତ୍ଯ ଗୁରୋରଗ୍ରତଃ ସ୍ଥିତ୍ବା ନମଶ୍ଚକ୍ରେ॥ 1-3-46 (745)
ତମୁପାଧ୍ଯାଯଃ ପୀବାନମେବ ଦୃଷ୍ଟ୍ବୋବାଚ।
ବତ୍ସୋପମନ୍ଯୋ ଭୈକ୍ଷ୍ଯଂ ନାଶ୍ନାସି ନ ଚାନ୍ଯଚ୍ଚରସି ପଯୋ ନ ପିବସି ପୀବାନସି ଭୃଶଂ କେନେଦାନୀଂ ବୃତ୍ତିଂ କଲ୍ପଯସୀତି॥ 1-3-47 (746)
ସ ଏବମୁକ୍ତ ଉପାଧ୍ଯାଯଂ ପ୍ରତ୍ଯୁବାଚ।
ଭୋଃ ଫେନଂ ପିବାପି ଯମିମେ ବତ୍ସା ମାତୄଣାଂ ସ୍ତନାତ୍ପିବନ୍ତ ଉଦ୍ଗିରନ୍ତି॥ 1-3-48 (747)
ତମୁପାଧ୍ଯାଯଃ ପ୍ରତ୍ଯୁବାଚ।
ଏତେ ତ୍ବଦନୁକମ୍ପଯା ଗୁଣବନ୍ତୋ ବତ୍ସାଃ ପ୍ରଭୂତତରଂ ଫେନମୁଦ୍ଗିରନ୍ତି।
ତଦେଷାମପି ବତ୍ସାନାଂ ବୃତ୍ତ୍ଯୁପରୋଧଂ କରୋଷ୍ଯେବଂ ବର୍ତମାନଃ।
ଫେନମପି ଭବାନ୍ନ ପାତୁମର୍ହତୀତି ସ ତଥେତି ପ୍ରତିଶ୍ରୁତ୍ଯ ନିରାହାରଃ ପୁନରରକ୍ଷଦ୍ଗାଃ॥ 1-3-49 (748)
ତଥା ପ୍ରତିଷିଦ୍ଧୋ ଭୈକ୍ଷ୍ଯଂ ନାଶ୍ନାତି ନଚାନ୍ଯଚ୍ଚରତି ପଯୋ ନ ପିବତି ଫେନଂ ନୋପଯୁହ୍କ୍ତେ ସ କଦାଚିଦରଣ୍ଯେ କ୍ଷୁଧାର୍ତୋଽର୍କପତ୍ରାଣ୍ଯଭକ୍ଷଯତ୍॥ 1-3-50 (749)
ସ ତୈରର୍କପତ୍ରୈର୍ଭକ୍ଷିତୈଃ କ୍ଷାରତିକ୍ତକଟୁରୂକ୍ଷୈସ୍ତୀକ୍ଷ୍ଣବିପାକୈଶ୍ଚକ୍ଷୁଷ୍ଯୁପହତୋଽନ୍ଧୋ ବଭୂବ।
ତତଃ ସୋଽନ୍ଧୋଽପି ଚଙ୍କ୍ରମ୍ଯମାଣଃ କୂପେଽପତତ୍॥ 1-3-51 (750)
ଅଥ ତସ୍ମିନ୍ନନାଗଚ୍ଛତି ସୂର୍ଯେ ଚାସ୍ତାଚଲାବଲମ୍ବିନି ଉପାଧ୍ଯାଯଃ ଶିଷ୍ଯାନବୋଚତ୍॥ 1-3-52 (751)
ମଯୋପମନ୍ଯୁଃ ସର୍ବତଃ ପ୍ରତିଷିଦ୍ଧଃ ସ ନିଯତଂ କୁପିତସ୍ତତୋ ନାଗଚ୍ଛତି ଚିରଗତସ୍ତ୍ବିତି।
ତତୋଽନ୍ବେଷ୍ଯ ଇତ୍ଯେବମୁକ୍ତ୍ବା ଶିଷ୍ଯୈଃ ସାର୍ଧମରଣ୍ଯଂ ଗତ୍ବା ତସ୍ଯାହ୍ବାନାଯ ଶବ୍ଦଂ ଚକାର ଭୋ ଉପମନ୍ଯୋ କ୍ବାସି ବତ୍ସୈହୀତି॥ 1-3-53 (752)
ସ ଉପାଧ୍ଯାଯସ୍ଯ ଆହ୍ବାନବଚନଂ ଶ୍ରୁତ୍ବା ପ୍ରତ୍ଯୁବାଚୋଚ୍ଚୈରଯମସ୍ମିନ୍କୂପେ ପତିତୋଽହମିତି।
ତମୁପାଧ୍ଯାଯଃ ପ୍ରତ୍ଯୁବାଚ କଥଂ ତ୍ବମସ୍ମିନ୍କୂପେ ପତିତ ଇତି॥ 1-3-54 (753)
ସ ଉପାଧ୍ଯାଯଂ ପ୍ରତ୍ଯୁବାଚ ଅର୍କପତ୍ରାଣି ଭକ୍ଷଯିତ୍ବାନ୍ଧୀଭୂତୋସ୍ମ୍ଯତଶ୍ଚଙ୍କ୍ରମ୍ଯମାଣଃ କୂପେ ପତିତ ଇତି।
ତମୁପାଧ୍ଯାଯଃ ପ୍ରତ୍ଯୁବାଚ॥ 1-3-55 (754)
ଅଶ୍ବିନୌ ସ୍ତୁହି ତୌ ଦେବଭିଷଜୌ ତ୍ବାଂ ଚକ୍ଷୁଷ୍ମନ୍ତଂ କର୍ତାରାବିତି।
ସ ଏବମୁକ୍ତ ଉପାଧ୍ଯାଯେନୋପମନ୍ଯୁଃ ସ୍ତୋତୁମୁପଚକ୍ରମେ ଦେବାବଶ୍ବିନୌ ବାଗ୍ଭିର୍ଋଗ୍ଭିଃ॥ 1-3-56 (755)
ପ୍ରପୂର୍ବଗୌ ପୂର୍ବଜୌ ଚିତ୍ରଭାନୂ
ଗିରା ବାଂ ଶଂସାମି ତପସା ହ୍ଯନନ୍ତୌ।
ଦିବ୍ଯୌ ସୁପର୍ଣୌ ବିରଜୌ ବିମାନା-
ବଧିକ୍ଷିପନ୍ତୌ ଭୁବନାନି ବିଶ୍ବା॥ 1-3-57 (756)
ହିରଣ୍ମଯୌ ଶକୁନୀ ସାଂପରାଯୌ
ନାସତ୍ଯଦସ୍ରୌ ସୁନସୌ ବୈଜଯନ୍ତୌ।
ଶୁକ୍ଲଂ ବଯନ୍ତୌ ତରସା ସୁବେମା-
ବଧିବ୍ଯଯନ୍ତାବସିତଂ ବିବସ୍ବତଃ॥ 1-3-58 (757)
ଗ୍ରସ୍ତାଂ ସୁପର୍ଣସ୍ଯ ବଲେନ ବର୍ତିକା-
ମମୁଞ୍ଚତାମଶ୍ବିନୌ ସୌଭଗାଯ।
ତାବତ୍ସୁବୃତ୍ତାବନମଂ ତମାଯ ଯା-
ବସତ୍ତମା ଗା ଅରୁଣା ଉଦାବହତ୍॥ 1-3-59 (758)
ଷଷ୍ଟିଶ୍ଚ ଗାବସ୍ତ୍ରିଶତାଶ୍ଚ ଧେନବ
ଏକଂ ବତ୍ସଂ ସୁବତେ ତଂ ଦୁହନ୍ତି।
ନାନାଗୋଷ୍ଠା ବିହିତା ଏକଦୋହନା-
ସ୍ତାବଶ୍ବିନୌ ଦୁହତୋ ଘର୍ମମୁକ୍ଥ୍ଯମ୍॥ 1-3-60 (759)
ଏକାଂ ନାଭିଂ ସପ୍ତ ସଥା ଅରାଃ ଶ୍ରିତାଃ
ପ୍ରଧିଷ୍ବନ୍ଯା ବିଂଶତିରର୍ପିତା ଅରାଃ।
ଅନେମି ଚକ୍ରଂ ପରିବର୍ତତେଽଜରଂ
ମାଯାଽଶ୍ବିନୌ ସମନକ୍ତି ଚର୍ଷଣୀ॥ 1-3-61 (760)
ଏକଂ ଚକ୍ରଂ ବର୍ତତେ ଦ୍ବାଦଶାରଂ
ଷଣ୍ଣାଭିମେକାକ୍ଷମମୃତସ୍ଯ ଧାରଣମ୍।
ଯସ୍ମିନ୍ଦେବା ଅଧି ବିଶ୍ବେ ବିଷକ୍ତା-
ସ୍ତାବଶ୍ବିନୌ ମୁଞ୍ଚତୋ ମା ବିଷୀଦତମ୍॥ 1-3-62 (761)
ଅଶ୍ବିନାବିନ୍ଦୁମମୃତଂ ବୃତ୍ତଭୂଯୌ
ତିରୋଧତ୍ତାମଶ୍ବିନୌ ଦାସପତ୍ନୀ।
ହିତ୍ବା ଗିରିମଶ୍ବିନୌ ଗାମୁଦାଚରନ୍ତୌ
ତଦ୍ବୃଷ୍ଟିମହ୍ନାତ୍ପ୍ରସ୍ଥିତୌ ବଲସ୍ଯ॥ 1-3-63 (762)
ଯୁବାଂ ଦିଶୋ ଜନଯଥୋ ଦଶାଗ୍ରେ
ସମାନଂ ମୂର୍ଧ୍ନି ରଥଯାନଂ ବିଯନ୍ତି।
ତାସାଂ ଯାତମୃଷଯୋଽନୁପ୍ରଯାନ୍ତି
ଦେବା ମନୁଷ୍ଯାଃ କ୍ଷିତିମାଚରନ୍ତି॥ 1-3-64 (763)
ଯୁବାଂ ବର୍ଣାନ୍ବିକୁରୁଥୋ ବିଶ୍ବରୂପାଂ-
ସ୍ତେଽଧିକ୍ଷିଯନ୍ତେ ଭୁବନାନି ବିଶ୍ବା।
ତେ ଭାନବୋଽପ୍ଯନୁସୃତାଶ୍ଚରନ୍ତି
ଦେବା ମନୁଷ୍ଯାଃ କ୍ଷିତିମାଚରନ୍ତି॥ 1-3-65 (764)
ତୌ ନାସତ୍ଯାବଶ୍ବିନୌ ବାଂ ମହେଽହଂ
ସ୍ରଜଂ ଚ ଯାଂ ବିଭୃଥଃ ପୁଷ୍କରସ୍ଯ।
ତୌ ନାସତ୍ବାବମୃତାବୃତାବୃଧା-
ବୃତେ ଦେବାସ୍ତତ୍ପ୍ରପଦେ ନ ସୂତେ॥ 1-3-66 (765)
ମୁଖେନ ଗର୍ଭଂ ଲଭତାଂ ଯୁବାନୌ
ଗତାସୁରେତତ୍ପ୍ରପଦେନ ସୂତେ।
ସଦ୍ଯୋ ଜାତୋ ମାତରମତ୍ତି ଗର୍ଭ-
ସ୍ତାବଶ୍ବିନୌ ମୁଞ୍ଚଥୌ ଜୀବସେ ଗାମ୍॥ 1-3-67 (766)
ସ୍ତୋତୁଂ ନ ଶକ୍ନୋମି ଗୁଣୈର୍ଭବନ୍ତୌ
ଚକ୍ଷୁର୍ବିହୀନଃ ପଥି ସଂପ୍ରମୋହଃ।
ଦୁର୍ଗେଽହମସ୍ମିନ୍ପତିତୋଽସ୍ମି କୂପେ
ଯୁବାଂ ଶରଣ୍ଯୌ ଶରଣଂ ପ୍ରପଦ୍ଯେ॥ 1-3-68 (767)
ସୌତିରୁବାଚ। 1-3-69x (17)
ଏବମୃଗ୍ଭିଶ୍ଚାନ୍ଯୈରସ୍ତୁବତ୍।
ଇତ୍ଯେବଂ ତେନାଭିଷ୍ଟୁତାବଶ୍ବିନାବାଜଗ୍ମତୁରାହତୁଶ୍ଚୈଂ ପ୍ରୀତୌ ସ୍ବ ଏଷ ତେଽପୂପୋଶାନୈନମିତି॥ 1-3-69 (768)
ସ ଏବମୁକ୍ତଃ ପ୍ରତ୍ଯୁବାଚ ନାନୃତମୂଚତୁର୍ଭଗବନ୍ତୌ ନତ୍ବହମେତମପୂପମୁପଯୋକ୍ତୁମୁତ୍ସହେ ଗୁରବେଽନିବେଦ୍ଯେତି॥ 1-3-70 (769)
ତତସ୍ତମଶ୍ବିନାବୂଚତୁଃ।
ଆବାଭ୍ଯାଂ ପୁରସ୍ତାଦ୍ଭବତ ଉପାଧ୍ଯାଯେନୈବମେବାଭିଷ୍ଟୁତାଭ୍ଯାମପୂପୋଦତ୍ତ ଉପଯୁକ୍ତଃ ସ ତେନାନିବେଦ୍ଯ ଗୁରବେ ତ୍ବମପି ତଥୈବ କୁରୁଷ୍ବ ଯଥା କୃତମୁପାଧ୍ଯାଯେନେତି॥ 1-3-71 (770)
ସ ଏବମୁକ୍ତଃ ପ୍ରତ୍ଯୁବାଚ ଏତତ୍ପ୍ରତ୍ଯନୁନଯେ ଭବନ୍ତାବଶ୍ବିନୌ ନୋତ୍ସହେଽହମନିବେଦ୍ଯ ଗୁରବେଽପୂପମୁପଯୋକ୍ତୁମିତି॥ 1-3-72 (771)
ତମଶ୍ବିନାବାହତୁଃ ପ୍ରୀତୌ ସ୍ବସ୍ତବାନଯା ଗୁରୁଭକ୍ତ୍ଯା।
ଉପାଧ୍ଯାଯସ୍ଯ ତେ କାର୍ଷ୍ଣାଯସା ଦନ୍ତା ଭବତୋଽପି ହିରଣ୍ମଯା ଭବିଷ୍ଯନ୍ତି ଚକ୍ଷୁଷ୍ମାଂଶ୍ଚ ଭବିଷ୍ଯସି ଶ୍ରେଯଶ୍ଚାବାପ୍ସ୍ଯସୀତି॥ 1-3-73 (772)
ସ ଏବମୁକ୍ତୋଽଶ୍ବିଭ୍ଯାଂ ଲବ୍ଧଚକ୍ଷୁରୁପାଧ୍ଯାଯସକାଶମାଗମ୍ଯାଭ୍ଯବାଦଯତ୍॥ 1-3-74 (773)
ଆଚଚକ୍ଷେ ଚ ସ ଚାସ୍ଯ ପ୍ରୀତିମାନ୍ବଭୂବ॥ 1-3-75 (774)
ଆହ ଚୈନଂ ଯଥାଽଶ୍ବିନାବାହତୁସ୍ତଥା ତ୍ବଂ ଶ୍ରେଯୋଽବାପ୍ସ୍ଯସୀତି॥ 1-3-76 (775)
ସର୍ବେ ଚ ତେ ବେଦାଃପ୍ରତିଭାସ୍ଯନ୍ତି ସର୍ବାଣି ଚ ଧର୍ମଶାସ୍ତ୍ରାଣୀତି।
ଏଷା ତସ୍ଯାପି ପରୀକ୍ଷୋପମନ୍ନ୍ଯୋଃ॥ 1-3-77 (776)
ଅଥାପରଃ ଶିଷ୍ଯସ୍ତସ୍ଯୈବାପୋଦସ୍ଯ ଧୌମ୍ଯସ୍ଯ ବୈଦୋ ନାମ ତମୁପାଧ୍ଯାଯଃ ସମାଦିଦେଶ ବତ୍ସ ବୈଦ ଇହାସ୍ଯତାଂ ତାବନ୍ମମ ଗୃହେ କଂଚିତ୍କାଲଂ ଶୁଶ୍ରୂଷୁଣା ଚ ଭବିତବ୍ଯଂ ଶ୍ରେଯସ୍ତେ ଭବିଷ୍ଯତୀତି॥ 1-3-78 (777)
ସ ତଥେତ୍ଯୁକ୍ତ୍ବା ଗୁରୁକୁଲେ ଦୀର୍ଘକାଲଂ ଗୁରୁଶୁଶ୍ରୂଷଣପରୋଽବସତ୍।
ଗୌରିବ ନିତ୍ଯଂ ଗୁରୁଣା ଧୂର୍ଷୁ ନିଯୋଜ୍ଯମାନଃ ଶୀତୋଷ୍ଣକ୍ଷୁତ୍ତୃଷ୍ଣାଦୁଃଖସହଃ ସର୍ବତ୍ରାପ୍ରତିକୂଲସ୍ତସ୍ଯ ମହତାତ୍କାଲେନ ଗୁରୁଃ ପରିତୋଷଂ ଜଗାମ॥ 1-3-79 (778)
ତତ୍ପରିତୋଷାଚ୍ଚ ଶ୍ରେଯଃ ସର୍ବଜ୍ଞତାଂ ଚାବାପ।
ଏଷା ତସ୍ଯାପି ପରୀକ୍ଷା ବୈଦସ୍ଯ॥ 1-3-80 (779)
ସ ଉପାଧ୍ଯାଯେନାନୁଜ୍ଞାତଃ ସମାବୃତ୍ତସ୍ତସ୍ମାଦ୍ଗୁରୁକୁଲବାସାଦ୍ଗୃହାଶ୍ରମଂ ପ୍ରତ୍ଯପଦ୍ଯତ।
ତସ୍ଯାପି ସ୍ବଗୃହେ ବସତସ୍ତ୍ରଯଃ ଶିଷ୍ଯା ବଭୂବୁଃ ସ ଶିଷ୍ଯାନ୍ନ କିଂଚିଦୁବାଚ କର୍ମ ବା କ୍ରିଯତାଂ ଗୁରୁଶୁଶ୍ରୂଷା ବେତି।
ଦୁଃଖାଭିଜ୍ଞୋ ହି ଗୁରୁକୁଲବାସସ୍ଯ ଶିଷ୍ଯାନ୍ପରିକ୍ଲେଶେନ ଯୋଜଯିତୁଂ ନେଯେଷ॥ 1-3-81 (780)
ଅଥ କସ୍ମିଂଶ୍ଚିତ୍କାଲେ ବୈଦଂ ବ୍ରାହ୍ମଣଂ ଜନମେଜଯଃ ପୌଷ୍ଯଶ୍ଚ କ୍ଷତ୍ରିଯାବୁପେତ୍ଯୋପାଧ୍ଯାଯଂ ବରଯାଞ୍ଚକ୍ରତୁଃ॥ 1-3-82 (781)
ସ କଦାଚିଦ୍ଯାଜ୍ଯକାର୍ଯେଣାଭିପ୍ରସ୍ଥିତ ଉତ୍ତଙ୍କନାମାନଂ ଶିଷ୍ଯଂ ନିଯୋଜଯାମାସ॥ 1-3-83 (782)
ଭୋଯତ୍କିଂଚିଦସ୍ମଦ୍ଗୃହେ ପରିହୀଯତେ ତଦିଚ୍ଛାମ୍ଯହମପରିହୀଯମାନଂ ଭବତା କ୍ରିଯମାଣମିତି ସ ଏବଂ ପ୍ରତିସଂଦିଶ୍ଯୋତ୍ତଙ୍କଂ ବୈଦଃ ପ୍ରବାସଂ ଜଗାମ॥ 1-3-84 (783)
ଅଥୋତ୍ତଙ୍କଃ ଶୁଶ୍ରୂଷୁର୍ଗୁରୁନିଯୋଗମନୁତିଷ୍ଠମାନୋ ଗୁରୁକୁଲେ ବସତି ସ୍ମ।
ସ ତତ୍ର ବସମାନ ଉପାଧ୍ଯାଯସ୍ତ୍ରୀଭିଃ ସହିତାଭିରାହୂଯୋକ୍ତଃ॥ 1-3-85 (784)
ଉପାଧ୍ଯାଯାନୀ ତେ ଋତୁମତୀ ଉପାଧ୍ଯାଯଶ୍ଚ ପ୍ରୋଷିତୋଽସ୍ଯା ଯଥାଽଯମୃତୁର୍ବନ୍ଧ୍ଯୋ ନ ଭବତି ତଥା କ୍ରିଯତାମେଷା ବିଷୀଦତୀତି॥ 1-3-86 (785)
ଏବମୁକ୍ତସ୍ତାଃ ସ୍ତ୍ରିଯଃ ପ୍ରତ୍ଯୁବାଚ।
ନ ମଯା ସ୍ତ୍ରୀଣାଂ ବଚନାଦିଦମକାର୍ଯଂ କରଣୀଯମ୍।
ନ ହ୍ଯହମୁପାଧ୍ଯାଯେନ ସଂଦିଷ୍ଟୋଽକାର୍ଯମପି ତ୍ବଯା କାର୍ଯମିତି॥ 1-3-87 (786)
ତସ୍ଯ ପୁନରୁପାଧ୍ଯାଯଃ କାଲାନ୍ତରେଣ ଗୃହମାଜଗାମ ତସ୍ମାତ୍ପ୍ରବାସାତ୍।
ସ ତୁ ତଦ୍ବୃତ୍ତଂ ତସ୍ଯାଶେଷମୁପଲଭ୍ଯ ପ୍ରୀତିମାନଭୂତ୍॥ 1-3-88 (787)
ଉବାଚ ଚୈନଂ ବତ୍ସୋତ୍ତଙ୍କଂ କିଂ ତେ ପ୍ରିଯଂ କରବାଣୀତି।
ଧର୍ମତୋ ହି ଶୁଶ୍ରୂଷିତୋଽସ୍ମି ଭବତା ତେନ ପ୍ରୀତିଃ ପରସ୍ପରେଣ ନୌ ସଂବୃଦ୍ଧା ତଦନୁଜାନେ ଭବନ୍ତଂ ସର୍ବାନେବ କାମାନବାପ୍ସ୍ଯସି ଗମ୍ଯତାମିତି॥ 1-3-89 (788)
ସ ଏବମୁକ୍ତଃ ପ୍ରତ୍ଯୁବାଚ କିଂ ତେ ପ୍ରିଯଂ କରବାଣୀତି ଏବଂ ହ୍ଯାହୁଃ॥ 1-3-90 (789)
ଯଶ୍ଚାଧର୍ମେଣ ବୈ ବ୍ରୂଯାଦ୍ଯଶ୍ଚାଧର୍ମେଣ ପୃଚ୍ଛତି।
ତଯୋରନ୍ଯତରଃ ପ୍ରୈତି ବିଦ୍ବେଷଂ ଚାଧିଗଚ୍ଛତି॥ 1-3-91 (790)
ସୋହମନୁଜ୍ଞାତୋ ଭବତା ଇଚ୍ଛାମୀଷ୍ଟଂ ଗୁର୍ବର୍ଥମୁପହର୍ତୁମିତି।
ତେନୈବମୁକ୍ତ ଉପାଧ୍ଯାଯଃ ପ୍ରତ୍ଯୁବାଚ ବତ୍ସୋତ୍ତଙ୍କ ଉଷ୍ଯତାଂ ତାବଦିତି॥ 1-3-92 (791)
ସ କଦାଚିତ୍ତମୁପାଧ୍ଯାଯମାହୋତ୍ତଙ୍କ ଆଜ୍ଞାପଯତୁ ଭବାନ୍କିଂ ତେ ପ୍ରିଯମୁପାହରାମି ଗୁର୍ବର୍ଥମିତି॥ 1-3-93 (792)
ତମୁପାଧ୍ଯାଯଃ ପ୍ରତ୍ଯୁବାଚ ବତ୍ସୋତ୍ତଙ୍କ ବହୁଶୋ ମାଂ ଚୋଦଯସି ଗୁର୍ବର୍ଥମୁପାହରାମୀତି ତଦ୍ଗଚ୍ଛୈନାଂ ପ୍ରବିଶ୍ଯୋପାଧ୍ଯାଯାନୀଂ ପୃଚ୍ଛ କିମୁପାହରାମୀତି ଏଷା ଯଦ୍ବ୍ରବୀତି ତଦୁପାହରସ୍ବେତି॥ 1-3-94 (793)
ସ ଏବମୁକ୍ତ ଉପାଧ୍ଯାଯେନୋପାଧ୍ଯାଯାନୀମପୃଚ୍ଛଦ୍ଭବତ୍ଯୁପାଧ୍ଯାଯେନାସ୍ମ୍ଯନୁଜ୍ଞାତୋ ଗୃହଂ ଗନ୍ତୁମିଚ୍ଛାମୀଷ୍ଟଂ ତେ ଗୁର୍ବର୍ଥମୁପହୃତ୍ଯାନୃଣୋ ଗନ୍ତୁଂ ତଦାଜ୍ଞାପଯତୁ ଭବତୀ କିମୁପାହରାମି ଗୁର୍ବର୍ଥମିତି॥ 1-3-95 (794)
ସୈବମୁକ୍ତୋପାଧ୍ଯାଯାନୀ ତମୁତ୍ତଙ୍କଂ ପ୍ରତ୍ଯୁବାଚ ଗଚ୍ଛ ପୌଷ୍ଯଂ ପ୍ରତି ରାଜାନଂ କୁଣ୍ଡଲେ ଭିକ୍ଷିତୁଂ ତସ୍ଯ କ୍ଷତ୍ରିଯଯା ପିନଦ୍ଧେ॥ 1-3-96 (795)
ଆନଯସ୍ବେତଶ୍ଚତୁର୍ଥେଽହନି ପୁଣ୍ଯକର୍ମ ଭବିତା ତାଭ୍ଯାମାବଦ୍ଧାଭ୍ଯାଂ ଶୋଭମାନା ବ୍ରାହ୍ମଣାନ୍ପରିବେଷ୍ଟୁମିଚ୍ଛାମି।
ତତ୍ସଂପାଦଯସ୍ବ ଏବଂ ହି କୁର୍ବତଃ ଶ୍ରେଯୋ ଭବିତାଽନ୍ଯଥା କୁତଃ ଶ୍ରେଯ ଇତି॥ 1-3-97 (796)
ସ ଏବମୁକ୍ତସ୍ତଯୋପାଧ୍ଯାଯାନ୍ଯା ପ୍ରାତିଷ୍ଠତୋତ୍ତଙ୍କଃ ସ ପଥି ଗଚ୍ଛନ୍ନପଶ୍ଯଦୃଷଭମତିପ୍ରମାଣଂ ତମଧିରୂଢଂ ଚ ପୁରୁଷମତିପ୍ରମାଣମେବ ସ ପୁରୁଷ ଉତ୍ତଙ୍କମଭ୍ଯଭାଷତ॥ 1-3-98 (797)
ଭୋଉତ୍ତଙ୍କୈତତ୍ପୁରୀଷମସ୍ଯ ଋଷଭସ୍ଯ ଭକ୍ଷଯସ୍ବେତି ସ ଏବମୁକ୍ତୋ ନୈଚ୍ଛତ୍॥ 1-3-99 (798)
ତମାହ ପୁରୁଷୋ ଭୂଯୋ ଭକ୍ଷଯସ୍ବୋତ୍ତଙ୍କ ମା ବିଚାରଯୋପାଧ୍ଯାଯେନାପି ତେ ଭକ୍ଷିତଂ ପୂର୍ବମିତି॥ 1-3-100 (799)
ସ ଏବମୁକ୍ତୋ ବାଢମିତ୍ଯୁକ୍ତ୍ବା ତଦା ତଦ୍ବୃପଭସ୍ଯ ମୂତ୍ରଂ ପୁରୀଷଂ ଚ ଭକ୍ଷଯିତ୍ବୋତ୍ତଙ୍କଃ ସଂଭ୍ରମାଢୁତ୍ଥିତ ଏବାପୋଽନୁସ୍ପୃଶ୍ଯ ପ୍ରତସ୍ଥେ॥ 1-3-101 (800)
ଯତ୍ର ସ କ୍ଷତ୍ରିଯଃ ପୌଷ୍ଯସ୍ତମୁପେତ୍ଯାସୀନମପଶ୍ଯଦୁତ୍ତଙ୍କଃ।
ସ ଉତ୍ତଙ୍କସ୍ତମୁପେତ୍ଯାଶୀର୍ଭିରଭିନନ୍ଦ୍ଯୋବାଚ॥ 1-3-102 (801)
ଅର୍ଥୀ ଭବନ୍ତମୁପାଗତୋଽସ୍ମୀତି ସ ଏନମଭିବାଦ୍ଯୋବାଚ।
ଭଗବନ୍ପୌଷ୍ଯଃ ଖଲ୍ବହଂ କିଂ କରବାଣୀତି॥ 1-3-103 (802)
ସ ତମୁବାଚ ଗୁର୍ବର୍ଥଂ କୁଣ୍ଡଲଯୋରର୍ଥେନାଭ୍ଯାଗତୋଽସ୍ମି।
ଯେ ବୈ ତେ କ୍ଷତ୍ରିଯା ପିନଦ୍ଧେ କୁଣ୍ଡଲେ ତେ ଭବାନ୍ଦାତୁମର୍ହତୀତି॥ 1-3-104 (803)
ତଂ ପ୍ରତ୍ଯୁବାଚ ପୌଷ୍ଯଃ ପ୍ରବିଶ୍ଯାନ୍ତଃପୁରଂ କ୍ଷତ୍ରିଯା ଯାଚ୍ଯତାମିତି।
ସ ତେନୈବମୁକ୍ତଃ ପ୍ରବିଶ୍ଯାନ୍ତଃପୁରଂ କ୍ଷତ୍ରିଯାଂ ନାପଶ୍ଯତ୍॥ 1-3-105 (804)
ସ ପୌଷ୍ଯଂ ପୁନରୁବାଚ ନ ଯୁକ୍ତଂ ଭବତାଽହମନୃତେନୋପଚରିତୁଂ ନ ହି ତେଽନ୍ତଃପୁରେ କ୍ଷତ୍ରିଯା ସନ୍ନିହିତା ନୈନାଂ ପଶ୍ଯାମି॥ 1-3-106 (805)
ସ ଏବମୁକ୍ତଃ ପୌଷ୍ଯଃ କ୍ଷଣମାତ୍ରଂ ବିମୃଶ୍ଯୋତ୍ତଙ୍କଂ ପ୍ରତ୍ଯୁବାଚ।
ନିଯତଂ ଭବାନୁଚ୍ଛିଷ୍ଟଃ ସ୍ମର ତାବନ୍ନ ହି ସା କ୍ଷତ୍ରିଯା ଉଚ୍ଛିଷ୍ଟେନାଶୁଚିନା ଶକ୍ଯା ଦ୍ରଷ୍ଟୁଂ ପତିବ୍ରତାତ୍ବାତ୍ସୈଷା ନାଶୁଚେର୍ଦର୍ଶନମୁପୈତୀତି॥ 1-3-107 (806)
ଅଥୈବମୁକ୍ତ ଉତ୍ତଙ୍କଃ ସ୍ମୃତ୍ବୋବାଚାସ୍ତି ଖଲୁ ମଯା ତୁ ଭକ୍ଷିତଂ ନୋପସ୍ପୃଷ୍ଟମାଗଚ୍ଛତେତି।
ତଂ ପୌଷ୍ଯଃ ପ୍ରତ୍ଯୁବାଚ ଏଷ ତେ ବ୍ଯତିକ୍ରମୋ ନୋତ୍ଥିତେନୋପସ୍ପୃଷ୍ଟଂ ଭବତି ଶୀଘ୍ରମାଗଚ୍ଛତେତି॥ 1-3-108 (807)
ଅଥୋତ୍ତଙ୍କସ୍ତଂ ତଥେତ୍ଯୁକ୍ତ୍ବା ପ୍ରାଙ୍ମୁଖ ଉପାବେଶ୍ଯ ସୁପ୍ରକ୍ଷାଲିତପାଣିପାଦବଦନୋ ନିଃଶବ୍ଦାଭିରଫେନାଭିରନୁଷ୍ଣାଭିର୍ହୃଦ୍ଗତାଭିରଦ୍ଭିସ୍ତ୍ରିଃ ପୀତ୍ବା ଦ୍ବିଃ ପରିମୃଜ୍ଯ ଖାନ୍ଯଦ୍ଭିରୁପସ୍ପୃଶ୍ଯ ଚାନ୍ତଃପୁରଂ ପ୍ରବିବେଶ॥ 1-3-109 (808)
ତତସ୍ତାଂ କ୍ଷତ୍ରିଯାମପଶ୍ଯତ୍ସା ଚ ଦୃଷ୍ଟ୍ବୈବୋତ୍ତଙ୍କଂ ପ୍ରତ୍ଯୁତ୍ଥାଯାଭିବାଦ୍ଯୋବାଚ ସ୍ବାଗତଂ ତେ ଭଗବନ୍ନାଜ୍ଞାପଯ କିଂ କରବାଣୀତି॥ 1-3-110 (809)
ସ ତାମୁବାଚୈତେ କୁଣ୍ଡଲେ ଗୁର୍ବର୍ଥଂ ମେ ଭିକ୍ଷିତେ ଦାତୁମର୍ହସୀତି।
ସା ପ୍ରୀତା ତେନ ତସ୍ଯ ସଦ୍ଭାବେନ ପାତ୍ରମଯମନତିକ୍ରମଣୀଯଶ୍ଚେତି ମତ୍ବା ତେ କୁଣ୍ଡଲେ ଅବମୁଚ୍ଯାସ୍ମୈ ପ୍ରାଯଚ୍ଛଦାହ ଚୈନମେତେ କୁଣ୍ଡଲେ ତକ୍ଷକୋ ନାଗରାଜଃ ସୁଭୃଶଂ ପ୍ରାର୍ଥଯତ୍ଯପ୍ରମତ୍ତୋ ନେତୁମର୍ହସୀତି॥ 1-3-111 (810)
ସ ଏବମୁକ୍ତସ୍ତାଂ କ୍ଷତ୍ରିଯାଂ ପ୍ରତ୍ଯୁବାଚ ଭବତୀ ସୁନିର୍ବୃତା ଭବତୁ।
ନ ମାଂ ଶକ୍ତସ୍ତକ୍ଷକୋ ନାଗରାଜୋ ଧର୍ଷଯିତୁମିତି॥ 1-3-112 (811)
ସ ଏବମୁକ୍ତ୍ବା ତାଂ କ୍ଷତ୍ରିଯାମାମନ୍ତ୍ର୍ଯ ପୌଷ୍ଯସକାଶମାଗଚ୍ଛତ୍।
ଆହ ଚୈନଂ ଭୋଃ ପୌଷ୍ଯ ପ୍ରୀତୋଽସ୍ମୀତି ତମୁତ୍ତଙ୍କଂ ପୌଷ୍ଯଃ ପ୍ରତ୍ଯୁବାଚ॥ 1-3-113 (812)
ଭଗବଂଶ୍ଚିରେଣ ପାତ୍ରମାସାଦ୍ଯତେ ଭବାଶ୍ଚ ଗୁଣବାନତିଥିସ୍ତଦିଚ୍ଛେ ଶ୍ରାଦ୍ଧଂ କର୍ତୁଂ କ୍ରିଯତାଂ କ୍ଷଣ ଇତି॥ 1-3-114 (813)
ତମୁତ୍ତଙ୍କଃ ପ୍ରତ୍ଯୁବାଚ କୃତକ୍ଷଣ ଏବାସ୍ମି ଶୀଘ୍ରମିଚ୍ଛାମି ଯଥୋପପନ୍ନମନ୍ନମୁପସ୍କୃତଂ ଭବତେତି ସ ତଥେତ୍ଯୁକ୍ତ୍ବା ଯଥୋପପନ୍ନେନାନ୍ନେନୈନଂ ଭୋଜଯାମାସ॥ 1-3-115 (814)
ଅଥୋତ୍ତଙ୍କଃ ସକେଶଂ ଶୀତମନ୍ନଂ ଦୃଷ୍ଟ୍ବା ଅଶୁଚ୍ଯେତଦିତି ମତ୍ବା ତଂ ପୌଷ୍ଯମୁବାଚ।
ଯସ୍ମାନ୍ମେ ଅଶୁଚ୍ଯନ୍ନଂ ଦଦାସି ତସ୍ମାଦନ୍ଧୋ ଭବିଷ୍ଯସୀତି॥ 1-3-116 (815)
ତଂ ପୌଷ୍ଯଃ ପ୍ରତ୍ଯୁବାଚ।
ଯସ୍ମାତ୍ତ୍ବମଦୁଷ୍ଟମନ୍ନଂଦୂଷଯସି ତସ୍ମାଦନପତ୍ଯୋ ଭବିଷ୍ଯସୀତି ତମୁତ୍ତଙ୍କଃ ପ୍ରତ୍ଯୁବାଚ॥ 1-3-117 (816)
ନ ଯୁକ୍ତଂ ଭବତାଽନ୍ନମଶୁଚି ଦତ୍ତ୍ବା ପ୍ରତିଶାପଂ ଦାତୁଂ ତସ୍ମାଦନ୍ନମେବ ପ୍ରତ୍ଯକ୍ଷୀକୁରୁ।
ତତଃ ପୌଷ୍ଯସ୍ତଦନ୍ନମଶୁଚି ଦୃଷ୍ଟ୍ବା ତସ୍ଯାଶୁଚିଭାବମପରୋକ୍ଷଯାମାସ॥ 1-3-118 (817)
ଅଥ ତଦନ୍ନଂ ମୁକ୍ତକେଶ୍ଯା ସ୍ତ୍ରିଯୋପହୃତମନୁଷ୍ଣଂ ସକେଶଂ ଚାଶୁଚ୍ଯେତଦିତି ମତ୍ବା ତମୃଷିମୁତ୍ତଙ୍କଂ ପ୍ରସାଦଯାମାସ॥ 1-3-119 (818)
ଭଘବନ୍ନେତଦଜ୍ଞାନାଦନ୍ନଂ ସକେଶମୁପାହୃତଂ ଶୀତଂ ଚ।
ତତ୍କ୍ଷାମଯେ ଭବନ୍ତଂ ନ ଭବେଯମନ୍ଧ ଇତି।
ତମୁତ୍ତଙ୍କଃ ପ୍ରତ୍ଯୁବାଚ॥ 1-3-120 (819)
ନ ମୃଷା ବ୍ରବୀମି ଭୂତ୍ବା ତ୍ବମନ୍ଧୋ ନଚିରାଦନନ୍ଧୋ ଭବିଷ୍ଯସୀତି।
ମମାପି ଶାପୋ ଭବତା ଦତ୍ତୋ ନ ଭବେଦିତି॥ 1-3-121 (820)
ତଂ ପୌଷ୍ଯଃ ପ୍ରତ୍ଯୁବାଚ ନ ଚାହଂ ଶକ୍ତଃ ଶାପଂ ପ୍ରତ୍ଯାଦାତୁଂ ନ ହି ମେ ମନ୍ଯୁରଦ୍ଯାପ୍ଯୁପଶମଂ ଗଚ୍ଛତି କିଂ ଚୈତଦ୍ଭବତା ନ ଜ୍ଞାଯତେ।
ଯଥା॥ 1-3-122 (821)
ନବନୀତଂ ହୃଦଯଂ ବ୍ରାହ୍ମଣସ୍ଯ
ବାଚି କ୍ଷୁରୋ ନିହିତସ୍ତୀକ୍ଷ୍ଣଧାରଃ।
ତଦୁଭଯମେତଦ୍ବିପରୀତଂ କ୍ଷତ୍ରିଯସ୍ଯ
ବାଙ୍ଗବନୀତଂ ହୃଦଯଂ ତୀକ୍ଷ୍ଣଧାରମ୍॥ ଇତି॥ 1-3-123 (822)
ତଦେବଂଗତେ ନ ଶକ୍ତୋଽହଂ ତୀକ୍ଷ୍ଣହୃଦଯତ୍ବାତ୍ତଂ ଶାପମନ୍ଯଥାକର୍ତୁଂ ଗମ୍ଯତାମିତି।
ତମୁତ୍ତଙ୍କଃ ପ୍ରତ୍ଯୁବାଚ॥ 1-3-124 (823)
ଭବତାଽହମନ୍ନସ୍ଯାଶୁଚିଭାବମାଲକ୍ଷ୍ଯ ପ୍ରତ୍ଯନୁନୀତଃ।
ପ୍ରାକ୍ ଚ ତେଽଭିହିତଂ ଯସ୍ମାଦଦୁଷ୍ଟମନ୍ନଂ ଦୂଷଯସି ତସ୍ମାଦନପତ୍ଯୋ ଭବିଷ୍ଯସୀତି।
ଦୁଷ୍ଟେ ଚାନ୍ନେ ନୈଷ ମମ ଶାପୋ ଭବିଷ୍ଯତୀତି॥ 1-3-125 (824)
ସାଧଯାମସ୍ତାବଦିତ୍ଯୁକ୍ତ୍ବା ପ୍ରାତିଷ୍ଠତୋତ୍ତଙ୍କସ୍ତେ କୁଣ୍ଡଲେ ଗୃହୀତ୍ବା।
ସୋଽପଶ୍ଯଦଥ ପଥି ନଗ୍ନଂ କ୍ଷପଣକମାଗଚ୍ଛନ୍ତଂ ମୁହୁର୍ମୁହୁର୍ଦୃଶ୍ଯମାନମଦୃଶ୍ଯମାନଂ ଚ॥ 1-3-126 (825)
ଅଥୋତ୍ତଙ୍କସ୍ତେ କୁଣ୍ଡଲେ ସଂନ୍ଯସ୍ଯ ଭୂମାବୁଦକାର୍ଥଂ ପ୍ରଚକ୍ରମେ।
ଏତସ୍ମିନ୍ନନ୍ତରେ ସ କ୍ଷପଣକସ୍ତ୍ବରମାଣ ଉପସୃତ୍ଯ ତେ କୁଣ୍ଡଲେ ଗୃହୀତ୍ବା ପ୍ରାଦ୍ରବତ୍॥ 1-3-127 (826)
ତମୁତ୍ତଙ୍କୋଽଭିସୃତ୍ଯ କୃତୋଦକକାର୍ଯଃ ଶୁଚିଃ ପ୍ରଯତୋ ନମୋ ଦେବେଭ୍ଯୋ ଗୁରୁଭ୍ଯଶ୍ଚ କୃତ୍ବା ମହତା ଜବେନ ତମନ୍ବଯାତ୍॥ 1-3-128 (827)
ତସ୍ଯ ତକ୍ଷକୋ ଦୃଢମାସନ୍ନଃ ସତଂ ଜଗ୍ରାହ।
ଗୃହୀତମାତ୍ରଃ ସ ତଦ୍ରୂପଂ ବିହାଯ ତକ୍ଷକସ୍ବରୂପଂ କୃତ୍ବା ସହସା ଧରଣ୍ଯାଂ ବିବୃତଂ ମହାବିଲଂ ପ୍ରବିବେଶ॥ 1-3-129 (828)
ପ୍ରବିଶ୍ଯ ଚ ନାଗଲୋକଂ ସ୍ବଭବନମଗଚ୍ଛତ୍।
ଅଥୋତ୍ତଙ୍କସ୍ତସ୍ଯାଃ କ୍ଷତ୍ରିଯାଯା ବଚଃ ସ୍ମୃତ୍ବା ତଂ ତକ୍ଷକମନ୍ବଗଚ୍ଛତ୍॥ 1-3-130 (829)
ସ ତଦ୍ବିଲଂ ଦଣ୍ଡକାଷ୍ଠେନ ଚଖାନ ନ ଚାଶକତ୍।
ତଂ କ୍ଲିଶ୍ଯମାନମିନ୍ଦ୍ରୋଽପଶ୍ଯତ୍ସ ବଜ୍ରଂ ପ୍ରେଷଯାମାସ।
ଗଚ୍ଛାସ୍ଯ ବ୍ରାହ୍ମଣସ୍ଯ ସାହାଯ୍ଯଂ କୁରୁଷ୍ବେତି॥ 1-3-131 (830)
ଅଥ ବଜ୍ରଂ ଦଣ୍ଡକାଷ୍ଠମନୁପ୍ରବିଶ୍ଯ ତଦ୍ବିଲମଦାରଯତ୍॥ 1-3-132 (831)
ତମୁତ୍ତଙ୍କୋଽନୁବିବେଶ ତେନୈବ ବିଲେନ ପ୍ରବିଶ୍ଯ ଚ ତଂ ନାଗଲୋକମପର୍ଯନ୍ତମନେକବିଧପ୍ରାସାଦହର୍ମ୍ଯବଲଭୀନିର୍ଯୂହଶତସଂକୁଲମୁଚ୍ଚାବଚକ୍ରୀଡାଶ୍ଚର୍ଯସ୍ଥାନାବକୀର୍ଣମପଶ୍ଯତ୍॥ 1-3-133 (832)
ସ ତତ୍ର ନାଗାଂସ୍ତାନସ୍ତୁବଦେଭିଃ ଶ୍ଲୋକୈଃ।
ଯ ଐରାବତରାଜାନଃ ସର୍ପାଃ ସମିତିଶୋଭାଃ।
କ୍ଷରନ୍ତ ଇବ ଜୀମୂତାଃ ସବିଦ୍ଯୁତ୍ପବନେରିତାଃ॥ 1-3-134 (833)
ସୁରୂପା ବହୁରୂପାଶ୍ଚ ତଥା କଲ୍ମାଷକୁଣ୍ଡଲାଃ।
ଆଦିତ୍ଯବନ୍ନାକପୃଷ୍ଠେ ରେଜୁରୈରାବତୋଦ୍ଭବାଃ॥ 1-3-135 (834)
ବହୂନି ନାଗବେଶ୍ମାନି ଗଙ୍ଗାଯାସ୍ତୀର ଉତ୍ତରେ।
ତତ୍ରସ୍ଥାନପି ସଂସ୍ତୌମି ମହତଃ ପନ୍ନଗାନହମ୍॥ 1-3-136 (835)
ଇଚ୍ଛେତ୍କୋଽର୍କାଂଶୁସେନାଯାଂ ଚର୍ତୁମୈରାବତଂ ବିନା।
ଶତାନ୍ଯଶୀତିରଷ୍ଟୌ ଚ ସହସ୍ରାଣି ଚ ବିଂଶତିଃ॥ 1-3-137 (836)
ସର୍ପାଣାଂ ପ୍ରଗ୍ରହା ଯାନ୍ତି ଧୃତରାଷ୍ଟ୍ରୋ ଯଦୈଜତି।
ଯେ ଚୈନମୁପସର୍ପନ୍ତି ଯେ ଚ ଦୂରପଥଂ ଗତାଃ॥ 1-3-138 (837)
ଅହମୈରାବତଜ୍ଯେଷ୍ଠଭ୍ରାତୃଭ୍ଯୋଽକରବଂ ନମଃ।
ଯସ୍ଯ ବାସଃ କୁରୁକ୍ଷେତ୍ରେ ଖାଣ୍ଡବେ ଚାଭବତ୍ପୁରା॥ 1-3-139 (838)
ତଂ ନାଗରାଜମସ୍ତୌଷଂ କୁଣ୍ଡଲାର୍ଥାଯ ତକ୍ଷକମ୍।
ତକ୍ଷକଶ୍ଚାଶ୍ବସେନଶ୍ଚ ନିତ୍ଯଂ ସହଚରାବୁଭୌ॥ 1-3-140 (839)
କୁରୁକ୍ଷେତ୍ରଂ ଚ ବସତାଂ ନଦୀମିକ୍ଷୁମତୀମନୁ।
ଜଘନ୍ଯଜସ୍ତକ୍ଷକସ୍ଯ ଶ୍ରୁତସେନେତି ଯଃ ସୁତଃ॥ 1-3-141 (840)
ଅବସଦ୍ଯୋ ମହଦ୍ଦ୍ଯୁମ୍ନି ପ୍ରାର୍ଥଯନ୍ନାଗମୁଖ୍ଯତାମ୍।
କରବାଣି ସଦା ଚାହଂ ନମସ୍ତସ୍ମୈ ମହାତ୍ମନେ॥ 1-3-142 (841)
ସୌତିରୁବାଚ। 1-3-143x (18)
ଏବଂ ସ୍ତୁତ୍ବା ସ ବିପ୍ରର୍ଷିରୁତ୍ତଙ୍କୋ ଭୁଜଗୋତ୍ତମାନ୍।
ନୈବ ତେ କୁଣ୍ଡଲେ ଲେଭେ ତତଶ୍ଚିନ୍ତାମୁପାଗମତ୍॥ 1-3-143 (842)
ଏବଂ ସ୍ତୁବନ୍ନପି ନାଗାନ୍ଯଦା ତେ କୁଣ୍ଡଲେ ନାଲଭତ୍ତଦାଽପଶ୍ଯତ୍ସ୍ତ୍ରିଯୌ ତନ୍ତ୍ରେ ଅଧିରୋପ୍ଯ ସୁବେମେ ପଟଂ ବଯନ୍ତ୍ଯୌ।
ତସ୍ମିଂସ୍ତନ୍ତ୍ରେ କୃଷ୍ଣାଃ ସିତାଶ୍ଚ ତନ୍ତବଶ୍ଚକ୍ରଂ ଚାପଶ୍ଯଦ୍ଦ୍ବାଦଶାରଂ ଷଡ୍ଭିଃ କୁମାରୈଃ ପରିବର୍ତ୍ଯମାନଂ ପୁରୁଷଂ ଚାପଶ୍ଯଦଶ୍ବଂ ଚ ଦର୍ଶନୀଯମ୍॥ 1-3-144 (843)
ସ ତାନ୍ସର୍ବାଂସ୍ତୁଷ୍ଟାବ ଏଭିର୍ମନ୍ତ୍ରବାଦଶ୍ଲୋକୈଃ॥ 1-3-145 (844)
ତ୍ରୀଣ୍ଯର୍ପିତାନ୍ଯତ୍ର ଶତାନି ମଧ୍ଯେ
ଷଷ୍ଟିଶ୍ଚ ନିତ୍ଯଂ ଚରତି ଧ୍ରୁବେଽସ୍ମିନ୍।
ଚକ୍ରେ ଚତୁର୍ବିଂଶତିପର୍ବଯୋଗେ
ଷଡ୍ବୈ କୁମାରାଃ ପରିବର୍ତଯନ୍ତି॥ 1-3-146 (845)
ତନ୍ତ୍ରଂ ଚେଦଂ ବିଶ୍ବରୂପେ ଯୁବତ୍ଯୌ
ବଯତସ୍ତନ୍ତୂନ୍ସତତଂ ବର୍ତଯନ୍ତ୍ଯୌ।
କୃଷ୍ଣାନ୍ସିତାଂଶ୍ଚୈବ ବିବର୍ତଯନ୍ତ୍ଯୌ
ଭୂତାନ୍ଯଜସ୍ରଂ ଭୁବନାନି ଚୈବ॥ 1-3-147 (846)
ବଜ୍ରସ୍ଯ ଭର୍ତା ଭୁବନସ୍ଯ ଗୋପ୍ତା
ବୃତ୍ରସ୍ଯ ହନ୍ତା ନମୁଚେର୍ନିହନ୍ତା।
କୃଷ୍ଣେ ବସାନୋ ବସନେ ମହାତ୍ମା
ସତ୍ଯାନୃତେ ଯୋ ବିବିନକ୍ତି ଲୋକେ॥ 1-3-148 (847)
ଯୋ ବାଜିନଂ ଗର୍ଭମପାଂ ପୁରାଣଂ
ବୈଶ୍ବାନରଂ ବାହନମଭ୍ଯୁପୈତି।
ନମୋଽସ୍ତୁ ତସ୍ମୈ ଜଗଦୀଶ୍ବରାଯ
ଲୋକତ୍ରଯେଶାଯ ପୁରଂଦରାଯ॥ 1-3-149 (848)
ତତଃ ସ ଏନଂ ପୁରୁଷଃ ପ୍ରାହ ପ୍ରୀତୋଽସ୍ମି ତେଽହସନେନ ସ୍ତୋତ୍ରେଣ କିଂ ତେ ପ୍ରିଯଂ କରବାଣୀତି।
ସ ତମୁବାଚ ନାଗା ମେ ବଶମୀଯୁରିତି॥ 1-3-150 (849)
ସ ଚୈନଂ ପୁରୁଷଃ ପୁନରୁବାଚ ଏତମଶ୍ବମପାନେ ଧମସ୍ବେତି॥ 1-3-151 (850)
ତତୋଽଶ୍ବସ୍ଯାପାନମଧମତ୍ତତୋଽଶ୍ବାଦ୍ଧମ୍ଯମାନାତ୍ସର୍ବସ୍ରୋତୋଭ୍ଯଃ ପାବକାର୍ଚିଷଃ ସଧୂମା ନିଷ୍ପେତୁଃ॥ 1-3-152 (851)
ତାଭିର୍ନାଗଲୋକ ଉପଧୂପିତେଽଥ ସଂଭ୍ରାନ୍ତସ୍ତକ୍ଷକୋଽଗ୍ନେସ୍ତେଜୋଭଯାଦ୍ବିଷଣ୍ଣଃ କୁଣ୍ଡଲେ ଗୃହୀତ୍ବା ସହସା ଭବନାନ୍ନିଷ୍କ୍ରମ୍ଯୋତ୍ତଙ୍କମୁବାଚ॥ 1-3-153 (852)
ଇମେ କୁଣ୍ଡଲେ ଗୃହ୍ଣାତୁ ଭବାନିତି।
ସ ତେ ପ୍ରତିଜଗ୍ରାହୋତ୍ତଙ୍କଃ ପ୍ରତିଗୃହ୍ଯ ଚ କୁଣ୍ଡଲେଽଚିନ୍ତଯତ୍॥ 1-3-154 (853)
ଅଦ୍ଯ ତତ୍ପୁଣ୍ଯକମୁପାଧ୍ଯାଯାନ୍ଯା ଦୂରଂ ଚାହମଭ୍ଯାଗତଃ ସ କଥଂ ସଂଭାବଯେଯମିତି॥ 1-3-155 (854)
ତତ ଏନଂ ଚିନ୍ତଯାନମେବ ସ ପୁରୁଷ ଉବାଚ।
ଉତ୍ତଙ୍କ ଏନମେବାଶ୍ବମଧିରୋହ ତ୍ବାଂ କ୍ଷଣେନୈବୋପାଧ୍ଯାଯକୁଲଂ ପ୍ରାପଯିଷ୍ଯତୀତି॥ 1-3-156 (855)
ସ ତଥେନ୍ଯୁକ୍ତ୍ବା ତମଶ୍ବମଧିରୁହ୍ଯ ପ୍ରତ୍ଯାଜଗାମୋପାଧ୍ଯାଯକୁଲଂ।
ଉପାଧ୍ଯାଯାନୀ ଚ ସ୍ନାତା କେଶାନାବାପଯନ୍ତ୍ଯୁପବିଷ୍ଟୋତ୍ତଙ୍କୋ ନାଗଚ୍ଛତୀତି ଶାପାଯାସ୍ଯ ମନୋ ଦଧେ॥ 1-3-157 (856)
ଅଥୈତସ୍ମିନ୍ନନ୍ତରେ ସ ଉତ୍ତଙ୍କଃ ପ୍ରବିଶ୍ଯ ଉପାଧ୍ଯାଯକୁଲଂ ଉପାଧ୍ଯାଯାନୀମଭ୍ଯବାଦଯତ୍ତେ ଚାସ୍ଯୈ କୁଣ୍ଡଲେ ପ୍ରାଯଚ୍ଛତ୍ସା ଚୈନଂ ପ୍ରତ୍ଯୁବାଚ॥ 1-3-158 (857)
ଉତ୍ତଙ୍କ ଦେଶେ କାଲେଽଭ୍ଯାଗତଃ ସ୍ବାଗତଂ ତେ ବତ୍ସ `ଇଦାନୀଂ ଯଦ୍ଯନାଗତୋସି କୋପିତଯା ମଯା ଶପ୍ତୋ ଭବିଷ୍ଯସି' ଶ୍ରେଯସ୍ତବୋପସ୍ଥିତଂ ସିଦ୍ଧିମାପ୍ନୁହୀତି॥ 1-3-159 (858)
ଅଥୋତ୍ତଙ୍କ ଉପାଧ୍ଯାଯମଭ୍ଯବାଦଯତ୍।
ତମୁପାଧ୍ଯାଯଃ ପ୍ରତ୍ଯୁବାଚ ବତ୍ସୋତ୍ତଙ୍କ ସ୍ବାଗତଂ ତେ କିଂ ଚିରଂ କୃତମିତି॥ 1-3-160 (859)
ତମୁତ୍ତଙ୍କ ଉପାଧ୍ଯାଯଂ ପ୍ରତ୍ଯୁବାଚ।
ଭୋସ୍ତକ୍ଷକେଣ ମେ ନାଗରାଜେନ ବିଘ୍ନଃ କୃତୋଽସ୍ମିନ୍କର୍ମଣି ତେନାସ୍ମି ନାଗଲୋକଂ ଗତଃ॥ 1-3-161 (860)
ତତ୍ର ଚ ମଯା ଦୃଷ୍ଟେ ସ୍ତ୍ରିଯୌ ତନ୍ତ୍ରେଽଧିରୋପ୍ଯ ପଟଂ ବଯନ୍ତ୍ଯୌ ତସ୍ମିଂଶ୍ଚ କୃଷ୍ଣାଃ ସିତାଶ୍ଚ ତନ୍ତବଃ।
କିଂ ତତ୍॥ 1-3-162 (861)
ତତ୍ର ଚ ମଯା ଚକ୍ରଂ ଦୃଷ୍ଟଂ ଦ୍ବାଦଶାରଂ ଷଟ୍ଚୈନଂ କୁମାରାଃ ପରିବର୍ତଯନ୍ତି ତଦପି କିଂ।
ପୁରୁଷଶ୍ଚାପି ମଯା ଦୃଷ୍ଟଃ ସ ଚାପି କଃ।
ଅଶ୍ବଶ୍ଚାତିପ୍ରମାଣୋ ଦୃଷ୍ଟଃ ସ ଚାପି କଃ॥ 1-3-163 (862)
ପଥି ଗଚ୍ଛତା ଚ ମଯା ଋଷଭୋ ଦୃଷ୍ଟସ୍ତଂ ଚ ପୁରୁଷୋଽଧିରୂଢସ୍ତେନାସ୍ମି ସୋପଚାରମୁକ୍ତ ଉତ୍ତଙ୍କାସ୍ଯ ଋଷଭସ୍ଯ ପୁରୀଷଂ ଭକ୍ଷଯ ଉପାଧ୍ଯାଯେନାପି ତେ ଭକ୍ଷିତମିତି॥ 1-3-164 (863)
ତତସ୍ତସ୍ଯ ବଚନାନ୍ମଯା ତଦୃଷଭସ୍ଯ ପୁରୀଷମୁପଯୁକ୍ତଂ ସ ଚାପି କଃ।
ତଦେତଦ୍ଭବତୋପଦିଷ୍ଟମିଚ୍ଛେଯଂ ଶ୍ରୋତୁଂ କିଂ ତଦିତି।
ସ ତେନୈବମୁକ୍ତ ଉପାଧ୍ଯାଯଃ ପ୍ରତ୍ଯୁବାଚ॥ 1-3-165 (864)
ଯେ ତେ ସ୍ତ୍ରିଯୌ ଧାତା ବିଧାତା ଚ ଯେ ଚ ତେ କୃଷ୍ଣାଃ ସିତାସ୍ତନ୍ତବସ୍ତେ ରାତ୍ର୍ଯହନୀ।
ଯଦପି ତଚ୍ଚକ୍ରଂ ଦ୍ବାଦଶାରଂ ଷଟ୍କୁମାରାଃ ପରିବର୍ତଯନ୍ତି ତେପି ଷଡ୍ଋତବଃ ଦ୍ବାଦଶାରା ଦ୍ବାଦଶ ମାସାଃ ସଂବତ୍ସରଶ୍ଚକ୍ରମ୍॥ 1-3-166 (865)
ଯଃ ପୁରୁଷଃସ ପର୍ଜନ୍ଯଃ ଯୋଽଶ୍ବଃ ସୋଽଗ୍ନିଃ ଯ ଋଷଭସ୍ତ୍ବଯା ପଥି ଗଚ୍ଛତା ଦୃଷ୍ଟଃ ସ ଐରାବତୋ ନାଗରାଟ୍॥ 1-3-167 (866)
ଯଶ୍ଚୈନମଧିରୂଢଃ ପୁରୁଷଃ ସ ଚେନ୍ଦ୍ରଃ ଯଦପି ତେ ଭକ୍ଷିତଂ ତସ୍ଯ ଋଷଭସ୍ଯ ପୁରୀଷଂ ତଦମୃତଂ ତେନ ଖଲ୍ବସି ତସ୍ମିନ୍ନାଗଭବନେ ନ ବ୍ଯାପନ୍ନସ୍ତ୍ବମ୍॥ 1-3-168 (867)
ସ ହି ଭଗବାନିନ୍ଦ୍ରୋ ମମ ସଖା ତ୍ବଦନୁକ୍ରୋଶାଦିମମନୁଗ୍ରହଂ କୃତବାନ୍।
ତସ୍ମାତ୍କୁଣ୍ଡଲେ ଗୃହୀତ୍ବା ପୁନରାଗତୋଽସି॥ 1-3-169 (868)
ତତ୍ସୌମ୍ଯ ଗମ୍ଯତାମନୁଜାନେ ଭବନ୍ତଂ ଶ୍ରେଯୋଽବାପ୍ସ୍ଯସୀତି।
ସ ଉପାଧ୍ଯାଯେନାନୁଜ୍ଞାତୋ ଭଗବାନୁତ୍ତଙ୍କଃ କ୍ରୁଦ୍ଧସ୍ତକ୍ଷକଂ ପ୍ରତିଚିକୀର୍ଷମାଣୋ ହାସ୍ତିନପୁରଂ ପ୍ରତସ୍ଥେ॥ 1-3-170 (869)
ସ ହାସ୍ତିନପୁରଂ ପ୍ରାପ୍ଯ ନଚିରାଦ୍ବିପ୍ରସତ୍ତମଃ।
ସମାଗଚ୍ଛତ ରାଜାନମୁତ୍ତଙ୍କୋ ଜନମେଜଯମ୍॥ 1-3-171 (870)
ପୁରା ତକ୍ଷଶିଲାସଂସ୍ଥଂ ନିବୃତ୍ତମପରାଜିତମ୍।
ସମ୍ଯଗ୍ବିଜଯିନଂ ଦୃଷ୍ଟ୍ବା ସମନ୍ତାନ୍ମନ୍ତ୍ରିଭିର୍ବୃତମ୍॥ 1-3-172 (871)
ତସ୍ମୈ ଜଯାଶିଷଃ ପୂର୍ବଂ ଯଥାନ୍ଯାଯଂ ପ୍ରଯୁଜ୍ଯ ସଃ।
ଉବାଚୈନଂ ବଚଃ କାଲେ ଶବ୍ଦସଂପନ୍ନଯା ଗିରା॥ 1-3-173 (872)
ଉତ୍ତଙ୍କ ଉବାଚ। 1-3-174x (19)
ଅନ୍ଯସ୍ମିନ୍କରଣୀଯେ ତୁ କାର୍ଯେ ପାର୍ଥିବସତ୍ତମ।
ଅର୍ଚଯିତ୍ବା ଯଥାନ୍ଯାଯଂ ପ୍ରତ୍ଯୁବାଚ ଦ୍ବିଜୋତ୍ତମମ୍॥ 1-3-174 (873)
ସୌତିରୁବାଚ। 1-3-175x (20)
ଏବମୁକ୍ତସ୍ତୁ ବିପ୍ରେଣ ସ ରାଜା ଜନମେଜଯଃ।
ଅର୍ଚଯିତ୍ବା ଯଥାନ୍ଯାଯଂ ପ୍ରତ୍ଯୁବାଚ ଦ୍ବିଜୋତ୍ତମମ୍॥ 1-3-175 (874)
ଜନମେଜଯ ଉବାଚ। 1-3-176x (21)
ଆସାଂ ପ୍ରଜାନାଂ ପରିପାଲନେନ
ସ୍ବଂ କ୍ଷତ୍ରଧର୍ମଂ ପରିପାଲଯାମି।
ପ୍ରବ୍ରୂହି ମେ କିଂ କରଣୀଯମଦ୍ଯ
ଯେନାସି କାର୍ଯେଣ ସମାଗତସ୍ତ୍ବମ୍॥ 1-3-176 (875)
ସୌତିରୁବାଚ। 1-3-177x (22)
ସ ଏବମୁକ୍ତସ୍ତୁ ନୃପୋତ୍ତମେନ
ଦ୍ବିଜୋତ୍ତମଃ ପୁଣ୍ଯକୃତାଂ ବରିଷ୍ଠଃ।
ଉବାଚ ରାଜାନମଦୀନସତ୍ବଂ
ସ୍ବମେବ କାର୍ଯଂ ନୃପତେ କୁରୁଷ୍ବ॥ 1-3-177 (876)
ଉତ୍ତଙ୍କ ଉବାଚ। 1-3-178x (23)
ତକ୍ଷକେଣ ମହୀନ୍ଦ୍ରେନ୍ଦ୍ର ଯେନ ତେ ହିଂସିତଃ ପିତା।
ତସ୍ମୈ ପ୍ରତିକୁରୁଷ୍ବ ତ୍ବଂ ପନ୍ନଗାଯ ଦୁରାତ୍ମନେ॥ 1-3-178 (877)
କାର୍ଯକାଲଂ ହି ମନ୍ଯେଽହଂ ବିଧିଦୃଷ୍ଟସ୍ଯ କର୍ମଣଃ।
ତଦ୍ଗଚ୍ଛାପଚିତିଂ ରାଜନ୍ପିତୁସ୍ତସ୍ଯ ମହାତ୍ମନଃ॥ 1-3-179 (878)
ତେନ ହ୍ଯନପରାଧୀ ସ ଦଷ୍ଟୋ ଦୁଷ୍ଟାନ୍ତରାତ୍ମନା।
ପଞ୍ଚତ୍ବମଗମଦ୍ରାଜା ବଜ୍ରାହତ ଇବ ଦ୍ରୁମଃ॥ 1-3-180 (879)
ବଲଦର୍ପସମୁତ୍ସିକ୍ତସ୍ତକ୍ଷକଃ ପନ୍ନଗାଧମଃ।
ଅକାର୍ଯଂ କୃତବାନ୍ପାପୋ ଯୋଽଦଶତ୍ପିତରଂ ତବ॥ 1-3-181 (880)
ରାଜର୍ଷିବଂଶଗୋପ୍ତାରମମରପ୍ରତିମଂ ନୃପମ୍।
ଯିଯାସୁଂ କାଶ୍ଯପଂ ଚୈବ ନ୍ଯବର୍ତଯତ ପାପକୃତ୍॥ 1-3-182 (881)
ହୋତୁମର୍ହସି ତଂ ପାପଂ ଜ୍ବଲିତେ ହବ୍ଯବାହନେ।
ସର୍ପସତ୍ରେ ମହାରାଜ ତ୍ବରିତଂ ତଦ୍ବିଧୀଯତାମ୍॥ 1-3-183 (882)
ଏବଂ ପିତୁଶ୍ଚାପଚିତିଂ କୃତବାଂସ୍ତ୍ବଂ ଭବିଷ୍ଯସି।
ମମ ପ୍ରିଯଂ ଚ ସୁମହତ୍କୃତଂ ରାଜନ୍ ଭବିଷ୍ଯତି॥ 1-3-184 (883)
କର୍ମଣଃ ପୃଥିବୀପାଲ ମମ ଯେନ ଦୁରାତ୍ମନା।
ବିଘ୍ନଃ କୃତୋ ମହାରାଜ ଗୁର୍ବର୍ଥଂ ଚରତୋଽନଘ॥ 1-3-185 (884)
ସୌତିରୁବାଚ। 1-3-186x (24)
ଏତଚ୍ଛ୍ରୁତ୍ବା ତୁ ନୃପତିସ୍ତକ୍ଷକାଯ ଚୁକୋପ ହ।
ଉତ୍ତଙ୍କବାକ୍ଯହବିଷା ଦୀପ୍ତୋଽଗ୍ନିର୍ହବିଷା ଯଥା॥ 1-3-186 (885)
ଅପୃଚ୍ଛତ୍ସ ତଦା ରାଜା ମନ୍ତ୍ରିଣଃ ସ୍ବାନ୍ସୁଦୁଃଖିତଃ।
ଉତ୍ତଙ୍କସ୍ଯୈବ ସାଂନିଧ୍ଯେ ପିତୁଃ ସ୍ବର୍ଗଗତିଂ ପ୍ରତି॥ 1-3-187 (886)
ତଦୈବ ହି ସ ରାଜେନ୍ଦ୍ରୋ ଦୁଃଖଶୋକାପ୍ଲୁତୋଽଭବତ୍।
ଯଦୈବ ବୃତ୍ତଂ ପିତରମୁତ୍ତଙ୍କାଦଶୃଣୋତ୍ତଦା॥ ॥ 1-3-188 (887)
ଇତି ଶ୍ରୀମନ୍ମହାଭାରତେ ଆଦିପର୍ବଣି ପୌଷ୍ଯପର୍ବମି ତୃତୀଯୋଽଧ୍ଯାଯଃ॥ 3 ॥ ॥ ସମାପ୍ତଂ ଚ ପୌଷ୍ଯପର୍ବ ॥
Mahabharata - Adi Parva - Chapter Footnotes
1-3-1 ପରିକ୍ଷିତୋଽପତ୍ଯ ପୁମାନ୍ପାରିକ୍ଷିତଃ। ସରମାଯାଃ ଦେବଶୁନ୍ଯାଃ ଅପତ୍ଯଂ ପୁମାନ୍ସାରମେଯଃ॥ 1-3-9 ଅଦୃଷ୍ଟଂ ଅତର୍କିତଂ॥ 1-3-10 ସଂଭ୍ରାନ୍ତଃ ସଂତପ୍ତ ଇତି ପାଠାନ୍ତରଂ॥ 1-3-11 ପାପକୃତ୍ଯାଂ ଶାପରୂପାଂ ବଲାଯୁଃ-ପ୍ରାଣନିକୃନ୍ତନୀଂ ଦେବତାଂ। ଶମଯେଦକ୍ରୋଧନାଂ କୁର୍ଯାତ୍। 1-3-18 ଉପାଂଶୁବ୍ରତଂ ଗୂଢବ୍ରତଂ॥ 1-3-20 ତକ୍ଷଶିଲାଂ ଦେଶବିଶେଷଂ ଜେତୁମିତି ଶେଷଃ॥ 1-3-21 ଅପୋତ୍ତୀତ୍ଯପୋଦଃ ଅବ୍ଭକ୍ଷଃ ତସ୍ଯାପତ୍ଯମାପୋଦଃ॥ 1-3-22 କେଦାରୋ ମହାକ୍ଷେତ୍ରାନ୍ତର୍ଗତଂ ଚତୁରସ୍ରଂ ତସ୍ଯ ଖଣ୍ଡୋ ଜଲନିରୋଧଭିତ୍ତିଃ ତଂ॥ 1-3-36 ପୀବାନଂ ପୁଷ୍ଟଂ। ବୃତ୍ତିଂ ଜୀବିକାଂ॥ 1-3-42 ବୃତ୍ତ୍ଯୁପରୋଧଂ ବୃତ୍ତିପ୍ରତିବନ୍ଧଂ॥ 1-3-44 ଚରସି ଭକ୍ଷଯସି॥ 1-3-51 ତୀକ୍ଷ୍ଣବିପାକୈଃ ପାକକାଲେ ଉଦରେଽଗ୍ନିଜ୍ବାଲୋତ୍ଥାପକୈଃ॥ 1-3-56 କର୍ତାରାବିତି ଲୁଡନ୍ତଂ॥ 1-3-57 ପ୍ରପୂର୍ବଗାବିତି। ଅସ୍ଯ ଶ୍ଲୋକସ୍ଯାନନ୍ବଯାଦୁତ୍ତରଶ୍ଲୋକସ୍ଥଂ ସଂବୋଧନମିହ ଯୋଜ୍ଯମ୍। ହେ ନାସତ୍ଯଦସ୍ରୌ ଗିରା ବାଣ୍ଯା। ବାଂ ଯୁବାଂ ଶଂସାମି ସ୍ତୌମି। ବ୍ଯବହିତାଶ୍ଚେତି ଗତିସଂଜ୍ଞତ୍ବାତ୍ପ୍ରଶଂସାମୀତି ବାଽନ୍ବଯଃ। କିଂଭୂତୌ ବାଂ। ପ୍ରପୂର୍ବଗୌ ପ୍ରକର୍ଷେଣାନ୍ଯଦେବତାଭ୍ଯଃ ପୂର୍ବଂ ଯଜ୍ଞଂ ଗଚ୍ଛନ୍ତୌ। ପୂର୍ବଜୌ ଅଶ୍ବଜାତ୍ଯାଂ ହି ପୂର୍ବଂ ମୁଖସଂଯୋଗଃ ତତଃ ସଂଯୋଗାଦ୍ଗର୍ଭୋତ୍ପତ୍ତିରିତି ତତ୍ର ଗର୍ଭୋତ୍ପତ୍ତେଃ ପୂର୍ବଂ ମୁଖଯୋହଗମାତ୍ରାଜ୍ଜାତୌ। ଚିତ୍ରଭାନୂ ଅଗ୍ନିତୁଲ୍ଯୌ। ତପସା ସାମର୍ଥ୍ଯେନ। ଅନନ୍ତୌ ଅନନ୍ତରୂପଧରୌ। ଦିବ୍ଯୌ ଦିବଃ ଦ୍ଯୋତମାନାତ୍ସୂର୍ଯାଦ୍ଭବୌ। ସୁପର୍ଣୌ ଶୋଭନଗମନୌ। ବିରଜୌ ବିଗତରଜୋଗୁଣୌ। ବିଶ୍ବା ବିଶ୍ବାନି। ଭୁବନାନି ଅଧି। ବିମାନୌ ସ୍ବବିମାନୌ। କ୍ଷିପନ୍ତୌ ପ୍ରେରଯନ୍ତୌ॥ 1-3-58 ହିରଣ୍ମଯାବିତି। କିଂଭୂତୌ ବିମାନୌ। ହିରଣ୍ମଯୌ ସୁବର୍ଣମଯୌ। ଶକୁନୀ। ଲୁପ୍ତୋପମମେତତ୍। ଶୀଘ୍ରଗାମିତ୍ବାତ୍ପକ୍ଷିଣାବିବ। ଯଦ୍ବା ପଦଦ୍ବଯମପ୍ଯଶ୍ବିନୋରେବ ବିଶେଷଣଂ। ହିରଣ୍ମଯୌ ସୁବର୍ଣାଲଙ୍କୃତୌ। ଶକୁନୀ ଆରୋଗ୍ଯକରଣେନ ଶକୁଂ ଶକ୍ତିଂ ନଯତଃ ପ୍ରାପଯତ ଇତି ଶକୁନୀ। ସାଂପରାଯୌ ସଂପରାଯଃ ପରଲୋକସ୍ତସ୍ମୈ ହିତୌ। ଯଦ୍ବା ସାଂପରାଯାମାପଦି ଅଯଃ ପ୍ରାପ୍ତିର୍ଯଯୋସ୍ତୌ। ଭକ୍ତାନାମାପଦି ତଦ୍ରକ୍ଷଣାଯାଗଚ୍ଛନ୍ତୌ। ନାସତ୍ଯଦସ୍ରୌ। ନାସତ୍ଯୌ ଅସତ୍ଯରହିତୌ। ନାସାପୁଟଜାତୌ ବା। ଦସ୍ରୌ ଦର୍ଶନୀଯୌ। ସୁସୌ ସୁନାସିକୌ। ବିଶେଷେଣ ଜଯନ୍ତୌ ବିଜଯନ୍ତୌ। ବିଜଯନ୍ତାବେବ ବୈଜଯନ୍ତୌ। ବିବସ୍ବତଃ ସୂର୍ଯସ୍ଯ ତରସା ବଲେନ ଅସିତଂ ଶ୍ଯାମକୁଷ୍ଠଂ ଅଧିବ୍ଯଯନ୍ତୌ ନିରାକୁର୍ବନ୍ତୌ। ଶୁକ୍ଲଂ ଦୀପ୍ତିଯୁକ୍ତଂ ବର୍ମଂ ଚକ୍ଷୁର୍ବା। ବଯନ୍ତୌ କୁର୍ବନ୍ତୌ। ସୂର୍ଯସ୍ଯ ପିତୃତ୍ବାତ୍ ତଦ୍ବଲେନ ଯୁବଯୋରେତତ୍ସାମର୍ଥ୍ଯଂ ଯୁଜ୍ଯତ ଇତି ସ୍ତୁତିଃ। ସୁବେମୌ। ଲୁପ୍ତୋପମମେତତ୍। ଯଥା ବେମଧାରିଣୌ ତନ୍ତୁବାଯୌ ପଟାଦସିତକେଶାଦି ଦୂରୀକୁରୁତଃ ଶୁକ୍ଲଂ ଚ ତନ୍ତୁଂ ବଯତସ୍ତଥେତ୍ଯର୍ଥଃ॥ 1-3-59 ଗ୍ରସ୍ତାମିତି। ହେ ଅଶ୍ବିନୌ। ସୁପର୍ଣସ୍ଯ ଲୁପ୍ତୋପମମେତତ୍। ସୁପର୍ଣତୁଲ୍ଯପରାକ୍ରମସ୍ଯ ଗତେର୍ବା ବୃକସ୍ଯ ବଲେନ ଗ୍ରସ୍ତାଂ ଅଭିଭୂତାଂ। ବର୍ତିକାଂ ବର୍ତିକାଖ୍ଯାଂ ପକ୍ଷିଣୀଂ। ତସ୍ଯାଃ ସୌଭଗାଯ ଜୀବନରୂପସୁଖାଯ। ଅମୁଞ୍ଚତାଂ ଭବନ୍ତାବିତି ଶେଷଃ। ଆସ୍ନୋ ବୃକସ୍ଯେତ୍ଯସ୍ଯାମୃଚି ଇଯଂ କଥା ପ୍ରସିଦ୍ଧା। ଅହଂ ତୌ ଯୁବାଂ ତାବତ୍ କାର୍ତ୍ସ୍ନ୍ଯେନ ଅନମଂ ନମସ୍କୃତବାନସ୍ମି। ତୌ କୌ। ଯୌ ପ୍ରତି। ସୁଷ୍ଟୁ ବର୍ତତ ଇତି ସୁବୃତ୍ ସୋମଯାଗକର୍ତା। ତମାଯ ତମୁ ଗ୍ଲାନାବିତି ଧାତୋଃ ଗ୍ଲାନଯେ। ଅସତ୍ତମାଃ ଅସମୀଚୀନା ଅପି ଗାଃ ଉଦାବହତ୍ ପ୍ରାର୍ଥନାବିଷଯତ୍ବେନ ପ୍ରାପଯାମାସ। ଗୋବିଷଯପ୍ରାର୍ଥନାଂ କୃତବାନିତ୍ଯର୍ଥଃ। କିଂଭୂତୌ ଯୌ। ଅରୁଣା ଅରୁଣୌ। ଡାଦେଶଶ୍ଛାନ୍ଦସଃ। ଲୁପ୍ତୋପମମେତତ୍। ସୋମଯାଗେ ହି ପ୍ରାତରନୁବାକାଦାବଶ୍ବିନୋଃ ସ୍ତୁତତ୍ବାତ୍ ଯଥା ଦିନାରମ୍ଭେ ଅରୁଣସ୍ତଥା ସୋମଯାଗାରମ୍ଭେ ଯୁବାମିତ୍ଯର୍ଥଃ। ଅତ୍ରାଯମାଶଯଃ। ସୋମଯାଗେ ଇନ୍ଦ୍ରାଦିଷୁ ଦେବତାଭୂତେଷୁ ସତ୍ସ୍ବପି ଅସମୀଚୀନଗୋରକ୍ଷଣସ୍ଯାନନ୍ଯସାଧ୍ଯତ୍ବଜ୍ଞାନେନ ଯଜମାନେନ ଭବନ୍ତାବେବ ପ୍ରାର୍ଥିତାବିତ୍ଯହମପି ଯୁବାମେବ ସ୍ତୌମୀତି॥ 1-3-60 ଷଷ୍ଟିଶ୍ଚ ଗାବ ଇତି। ଜ୍ଯୋତିଷ୍ଟୋମେ ସନ୍ତ୍ଯୁପସଦସ୍ତିସ୍ରଃ। ତାଶ୍ଚ ସତ୍ରେଽଧିକା ଭବନ୍ତି। ଉପସତ୍ସୁ ଚ ପ୍ରବର୍ଗ୍ଯ ଉକ୍ତଃ। ତତ୍ର ମହାବୀରାଖ୍ଯପାତ୍ରେଷୁ ତପ୍ତେ ଘୃତେ ଦୁଗ୍ଧଂ ପ୍ରକ୍ଷିପ୍ଯତେ ତଦର୍ଥା ଚାସ୍ତି ଧେନୁଃ। ତତୋ ଘୃତଂ ଦୁଗ୍ଧଂ ଚ ମିଶ୍ରମଶ୍ବିଭ୍ଯାଂ ହୂଯତେ। ଏବଂ ସତି ଯଦା ଗବାମଯନାଦିସତ୍ରେଷୁ ସଂବତ୍ସରମୁପସଦଃ କ୍ରିଯନ୍ତେ ତତ୍ର ଘର୍ମେ ସର୍ବୋତ୍କୃଷ୍ଟେ ଅଶ୍ବିନାବେବ ଯଷ୍ଟବ୍ଯାବିତି ସ୍ତୁତିରତ୍ର କ୍ରିଯତେ। ତାବଶ୍ବିନାବନମମିତି ଗତେନ ସଂବନ୍ଧଃ। ତୌ କୌ ଯତ୍ତଦୋର୍ନିତ୍ଯସଂବନ୍ଧାଦ୍ଯୌ ତଂ ଘର୍ମଂ ଦୁହତଃ ସାଧଯତଃ। ପ୍ରସିଦ୍ଧୋପି ଘର୍ମୋ ଭବତୋର୍ଭବତି। ଭବତୋରେବ ଦେବତାତ୍ବାଦିତ୍ଯାଶଯଃ। ତଂ କଂ ଯତ୍ତଦୋର୍ନିତ୍ଯସଂବନ୍ଧାଦ୍ଯଂ ଘର୍ମଂ ତ୍ରିଶତାଃ ଷଷ୍ଟିଶ୍ଚ ଧେନବୋ ଦୁଗ୍ଧଦାତ୍ର୍ଯୋ ଗାବଃ। ଘର୍ମେ ଦୁଗ୍ଧରହିତାନାଂ ଗବାମନୁପଯୋଗାତ୍। ଏକଂ ବତ୍ସଂ ବତ୍ସରଂ। ଅତ୍ଯନ୍ତସଂଯୋଗେ ଦ୍ବିତୀଯା। ବତ୍ସରାବଧୀତ୍ଯର୍ଥଃ। ସୁବତେ ସାଧଯନ୍ତି। ଘୃତେନ। ଦୁହନ୍ତି ଦୁଗ୍ଧେନ ସାଧଯନ୍ତି। ଯଜ୍ଞାଦୌ ସାବନଃ ସ୍ମୃତ ଇତି ବାକ୍ଯାଦତ୍ର ସାବନବର୍ଷଗ୍ରହଣେନ ଷଷ୍ଟ୍ଯଧିକଶତତ୍ରଯଦିନାନି ଭବନ୍ତି। ତେନ ତାବତ୍ଯ ଏବ ଗାବଃ ଘୃତଦୁଗ୍ଧାଭ୍ଯାଂ ଘର୍ମଂ ସାଧଯନ୍ତୀତ୍ଯର୍ଥଃ। କଥଂଭୂତା ଗାବଃ। ନାନାଗୋଷ୍ଠାଃ ଲୁପ୍ତୋପମମେତତ୍। ଦିନାନାଂ ଗୋଷ୍ଠୋପମାଯା ବିବକ୍ଷିତତ୍ବାତ୍ ନାନାଗୋଷ୍ଠନିଷ୍ଠା ଇତ୍ଯର୍ତଃ। ଏକଦୋହନା ବିହିତାଃ ଏକୋଽଧ୍ବର୍ଯୁର୍ଦୋହନକର୍ତା ଯାସାମେବଂଭୂତାଃ ଶ୍ରୁତାବୁକ୍ତା ଇତ୍ଯର୍ଥଃ। କିଂଭୂତ ଘର୍ମଂ ଉକ୍ଥ୍ଯଂ ପ୍ରଶସ୍ଯମ୍॥ 1-3-61-62 ଏକାଂ ନାଭିମିତି। ସୂର୍ଯରଥଚାଲକତ୍ବେନାଶ୍ବିନାବତ୍ର ସ୍ତୂଯେତେ। ଶ୍ଲୋକଦ୍ବଯସ୍ଯୈକାନ୍ବଯଃ। ହେ ଅଶ୍ବିନୌ ଯୁବାଂ। ବିଷୀଦତଂ ବିଷୀଦନ୍ତଂ। ଛାନ୍ଦସୋ ନୁମଭାବଃ। ମାଂ ମୁଞ୍ଚତଃ। ଲକାରବ୍ଯତ୍ଯଯେନ ମୁଞ୍ଚତମିତ୍ଯାଶଂସା। ତୌ କୌ। ଯାବଶ୍ବିନୌ। ଚର୍ଷଣୀ ଲୁପ୍ତୋପମଂ ଚୈତତ୍। ଚର୍ଷଣିଶବ୍ଦୋ ନିଘଣ୍ଟୁଷୁ ମନୁଷ୍ଯପର୍ଯାଯଃ ପଠିତଃ। ମନୁଷ୍ଯାବିବେତ୍ଯର୍ଥଃ। ସୂର୍ଯରଥଚାଲକତ୍ବେନ ଅଶ୍ବିନୋଃ ଶୋଭାଂ ବକ୍ତୁଂ ସୂର୍ଯରଥସଂବନ୍ଧିଚକ୍ରଦ୍ବଯଗତିଂ ବର୍ଣଯତି ପାଦତ୍ରିକଦ୍ବଯେନ। ଏକପଦମାବୃତ୍ଯ ଯୋଜ୍ଯଂ। ଏକଂ ଚକ୍ରଂ ଈଦୃଶଂ ପରିବର୍ତତେ ଭ୍ରମତି। ଅନ୍ଯଦେକଂ ଚକ୍ରଂ ଈଦୃଶଂ ବର୍ତତେ ଚଲତୀତ୍ଯର୍ଥଃ। କୀଦୃଶମେକଂ ଚକ୍ରଂ ଆଦ୍ଯସ୍ଯ ଏକାଂ ନାଭିଂ ସପ୍ତଶତାଃ ସପ୍ତଶତସଙ୍ଖ୍ଯାଃ ଅରାଃ ଅନ୍ଯାଶ୍ଚ ବିଂଶତିସଙ୍ଖ୍ଯା ଅରାଃ ଶ୍ରିତାଃ ସଂଲଗ୍ନାଃ। ଚକ୍ରମଧ୍ଯସ୍ଥନାଭୌ ବିଂଶତ୍ଯଧିକସପ୍ତଶତସଂଖ୍ଯାଃ ଅରାଃ ତିର୍ଯକ୍ ସଂଲଗ୍ନା ଇତ୍ଯର୍ଥଃ। କିଂଭୂତା ଅରାଃ। ପ୍ରଧିଷୁ ବାହ୍ଯଚକ୍ରାବଯବେଷୁ ଅର୍ପିତା ଅଧିନିବେଶିତା ଇତ୍ଯର୍ଥଃ। କୀଦୃଶମନ୍ଯଚ୍ଚକ୍ରଂ ଦ୍ବାଦଶାରଂ ଷଣ୍ଣାଭି। ପୁଂରତ୍ବଂ ଛାନ୍ଦସମ୍। କୀଦୃଶଂ ପ୍ରଥମଚକ୍ରଂ। ଅନେମି ଚଲନେମିରହିତମିତ୍ଯର୍ଥଃ। ଅଜରଂ ନ ଜୀର୍ଯତ ଇତ୍ଯଜରମ୍। ଜୀର୍ଣଂ ନ ଭବତୀତ୍ଯର୍ଥଃ। ଏକଂ ଚକ୍ରଂ ମଧ୍ଯଶଙ୍କୁନିହିତପାଶବତ୍ସ୍ବସ୍ଥଲ ଏବ ପରିଭ୍ରମତ୍। ଦ୍ବିତୀଯଂ ତୁ ସମନ୍ତତଶ୍ଚରତୀତ୍ଯାଶଯଃ। ଦ୍ବିତୀଯଚକ୍ରବିଶେଷଣମେକାକ୍ଷମିତି। ଏକଂ ଉତ୍କୃଷ୍ଟୋଽକ୍ଷୋଽସ୍ଯ ଅତିଦୃଢ ଇତ୍ଯର୍ଥଃ। ଅମୃତସ୍ଯ ସ୍ବର୍ଗସ୍ଯ ଧାରଣଂ ରକ୍ଷଣସାଧନମ୍। ଯସ୍ମିନ୍ସ୍ବଚକ୍ରେ ବିଶ୍ବେ ସବେ ଦେବାଃ ଅଧିବିଷକ୍ତାଃ। ପ୍ରାଧାନ୍ଯାଦ୍ଦେବଗ୍ରହଣମ୍। ତେନ ତଦୁପଲକ୍ଷିତାଃ ସର୍ବେ ଜୀବା ଇତ୍ଯର୍ଥଃ। ସର୍ବେଷାଂ ସୂର୍ଯଚକ୍ରନିଯୋଗୋଦିତତ୍ବାଦିତ୍ଯର୍ଥଃ। ଅତ୍ର "ପଞ୍ଚାରେ ଚକ୍ରେ" ଇତ୍ଯାଦିଶ୍ରୁତଯୋ ମାନମ୍॥ 1-3-63 ଅଶ୍ବିନାବିତି। ହେ ଅଶ୍ବିନୌ ଦାସପତ୍ନୀ। ସୁପାଂସୁଲୁଗିତି ଲୁପ୍ତ ସପ୍ତମୀବହୁବଚନତ୍ବେନ ଦାସପତ୍ନୀଷୁ ଅପ୍ସୁ। ଇନ୍ଦୁଂ ଅମୃତଂ ସୋମାଖ୍ଯମମୃତଂ। ତିରୋଧତ୍ତାଂ କୃତବନ୍ତୌ। କିଂଭୂତାବଶ୍ବିନୌ ବୃତ୍ତଭୂଯୌ ଭୂଯୋବୃତ୍ତୌ ନାନାକର୍ମାଣାବିତ୍ଯର୍ଥଃ। ହିତ୍ବେତି। ଅଶ୍ବିନୌ ଯତ୍ ଯଦା ଗିରିଂ ମେ ହିତ୍ବା ତ୍ଯକ୍ତ୍ବା ଗାଂ ଭୁବଂ ଉଦାଚରନ୍ତୌ ଗଚ୍ଛନ୍ତୌ। ତତ୍ ତଦା ବଲସ୍ଯ ପ୍ରାଣିନାଂ ସାମର୍ଥ୍ଯସ୍ଯ ସଂବନ୍ଧିନୀଂ ତଜ୍ଜନିକାଂ ବୃଷ୍ଟିଂ ପ୍ରତି। ଅହ୍ନାତ ଶୀଘ୍ରମ୍। ଅହ୍ନାଦିତି ସୁବନ୍ତପ୍ରତିରୂପକମବ୍ଯଯଂ। ପ୍ରସ୍ଥିତୌ କୃତପ୍ରସ୍ଥାନୌ ଭବଥଃ। ସୁମେରୋଃ ସକାଶାଦ୍ଭୁବମାଗତ୍ଯ ପ୍ରାଣିନାମନ୍ନାଦିଦ୍ବାରେଣ ବଲଜନିକାଂ ବୃଷ୍ଟିଂ କୁରୁଥ ଇତ୍ଯର୍ଥଃ॥ 1-3-64 ଯୁବାମିତି। ହେ ଅଶ୍ବିନୌ ଯୁବାଂ ଅଗ୍ରେ ପ୍ରଥମଂ ସମାନଂ ସମ୍ଯକ୍ ଆନଃ ଆଗତଂ ଗମନ ଯସ୍ମିନ୍କର୍ମଣି ତଥା। ସୋମଯାଗେ ପ୍ରଥମଂ ଗଚ୍ଛନ୍ତାବିତି ଯାବତ୍ ଦଶ ଦିଶୋ ଜନଯଥଃ। ଦିକ୍ଶବ୍ଦେନ ଇନ୍ଦ୍ରାଦଯୋ ଦିକ୍ପାଲା ଲକ୍ଷ୍ଯନ୍ତେ। ଜନିଃ ପ୍ରାଦୁର୍ଭାବାର୍ଥଃ। ସୋମଯାଗେ ପ୍ରଥମଗାମିତ୍ବେନ ଇନ୍ଦ୍ରାଦିଦେବତାପ୍ରାଦୁର୍ଭାବକତ୍ବଂ। ଅଥ ତଦନନ୍ତରଂ ଯାଃ ଦିଶଃ ଦିଗ୍ଦେବତା ମୂର୍ଧ୍ନି ଯାଗସ୍ଯ ମୂର୍ଧ୍ନି ପ୍ରଧାନେ ବିଯନ୍ତି ସଂବନ୍ଧ୍ଯନ୍ତେ। ତାସାଂ ଦିଗ୍ଦେବତାନାଂ ଯାତଂ ଯାନମନୁ ପଶ୍ଚାତ୍ ଋଷଯଃ ପ୍ରଯାନ୍ତି ମୂର୍ଧ୍ନୀତି ପୂର୍ବେଣାନ୍ବଯଃ। ଅତଏବ ଯୁବଯୋଃ ଦେବା ମନୁଷ୍ଯାଶ୍ଚ କ୍ଷିତିମୈଶ୍ବର୍ଯଂ ଐଶ୍ବର୍ଯ ଯୁକ୍ତାଂ ସ୍ତୁତିମାଚରନ୍ତି କୁର୍ବନ୍ତି॥ 1-3-65 ଯୁବାଂ ବର୍ଣାନିତି ତ ଇତି ତଚ୍ଛବ୍ଦାତ୍ ଯଚ୍ଛବ୍ଦୋ ଦ୍ରଷ୍ଟବ୍ଯଃ। ହେ ଅଶ୍ବିନୌ ଯୁବାଂ ବର୍ଣାନ୍ନାନାବର୍ଣାନ୍ ବିଶ୍ବରୂପାନ୍ ସୃଷ୍ଟ୍ଯାଦିହେତୁତ୍ବେନ ଅନେକରୂପାନ୍ ଯାନଭାନୂନ୍ ବିକୁରୁଥଃ ବିଶେଷେଣ କୁରୁଥଃ ସୂର୍ଯରଥପ୍ରକାଶଯିତୃତ୍ବାଦିତ୍ଯାଶଯଃ। ତେ ଭାନବଃ ସୂର୍ଯକିରଣାଃ ବିଶ୍ବା ବିଶ୍ବାନି ସର୍ବାଣି ଭୁବନାନି ଅଧିକ୍ଷିଯନ୍ତେ ଆବୃଣ୍ବନ୍ତି। ତ ଏବ ଭାନବୋଽନୁସୃତାଶ୍ଚରନ୍ତ୍ଯପି ବିଚରନ୍ତି ଚେତ୍ଯର୍ଥଃ। ଅତଏବ ଦେବା ମନୁଷ୍ଯାଶ୍ଚ ଯୁବଯୋଃ କ୍ଷିତି ସ୍ତୁତିମାଚରନ୍ତୀତି ପୂର୍ବବଦର୍ଥଃ॥ 1-3-66 ତୌ ନାସତ୍ଯାବିତି ହେ ନାସତ୍ଯାବଶ୍ବିନୌ ଅହଂ ତୌ ବାଂ ଯୁବାଂ ମହେ ପୂଜଯାମି। ମନସା ପୂଜଯାମୀତ୍ଯର୍ଥଃ। ଯାଂ ଛାନ୍ଦସତ୍ବେନ ଜାତ୍ଯଭିପ୍ରାଯେଣୈକବଚନମ୍। ଯେ। ପୁଷ୍କରସ୍ଯ ଜାତ୍ଯଭିପ୍ରାଯୈକବଚନଂ। ପୁଷ୍କରାଣାଂ ପଦ୍ମାନାଂ ସ୍ରଜଂ ଜାତ୍ଯେକବଚନେନ ସ୍ରଜୌ ମାଲେ ବିଭୃଥୋ ଧାରଯଥଃ। ତୌ ପ୍ରସିଦ୍ଧୌ ଅମୃତୌ ନାସ୍ତି ମୃତଂ ମରଣଂ ଯଯୋସ୍ତୌ ତଥୋକ୍ତୌ ଋତାବୃଧୌ ଋତଂ ସତ୍ଯଂ ଯଜ୍ଞମୁଦକଂ ବା ବର୍ଧଯତ ଇତି ତଥା ତୌ ନାସତ୍ଯୌ ଋତେ ବିନା ଦେବା ଇନ୍ଦ୍ରାଦଯଃ ପଦେ ସ୍ଥାନେ ସୋମଯାଗାଦୌ ତଦ୍ଦେବସଂବନ୍ଧିତ୍ବେନ ପ୍ରସିଦ୍ଧଂ ହବିଃ ନ ପ୍ରସୂତେ ବଚନବ୍ଯତ୍ଯଯେନ ନ ପ୍ରାପ୍ନୁବନ୍ତି। ସୋମଯାଗେ ଅଶ୍ବିନୋଃ ପ୍ରଥମଗାମିତ୍ବେନ ତୌ ବିନା ଦେବାଃ ସ୍ବାଂଶଂ ନ ସ୍ବୀକୁର୍ବନ୍ତୀତ୍ଯର୍ଥଃ॥ 1-3-67 ମୁଖେନ ଗର୍ଭମିତି। ହେ ଅଶ୍ବିନୌ ତୌ ଯୁବାଂ ଜୀବସେ ଜୀବିତୁ। ଅସେନ୍ପ୍ରତ୍ଯଯାନ୍ତମେତତ୍। ଗାଂ ଦୃଷ୍ଟିଂ ମୁଞ୍ଚଥଃ ଲକାରବ୍ଯତ୍ଯଯେନ ମୁଞ୍ଚତମିତ୍ଯାଶଂସା। ତୌ କୌ ଯୌ ମୁଖେନ କୃତ୍ବା ଯୁବାନୌ ତରୁଣାବେବ ଗର୍ଭଂ ଭାବପ୍ରଧାନୋ ନିର୍ଦେଶଃ। ଗର୍ଭତ୍ବଂ ଲଭତାଂ ଅଲଭତାଂ। ବହୁଲଂ ଛନ୍ଦସୀତ୍ଯଡଭାବଃ। ନନୁ ନବମାସଗର୍ଭଧାରଣାଭାବେ କଥମାକସ୍ମିକୋତ୍ପତ୍ତିଃ କଥଂ ଚ ସ୍ତନ୍ଯପାନାଦ୍ଯଭାବେ ଆକସ୍ମିକଂ ତାରୁଣ୍ଯମିତ୍ଯତ ଆହ। ଗତାସୁରିତ୍ଯାଦି। ଗତା ଅସବଃ ପ୍ରାଣା ଯସ୍ଯେତି ଗତାସୁର୍ମନୁଷ୍ଯାଦିଃ। ଏତତ୍ ଛାନ୍ଦସୋ ଲିଙ୍ଗବ୍ଯତ୍ଯଯଃ। ଏନଂ ଗର୍ଭଂ। ପ୍ରପଦେନ ପ୍ରକୃଷ୍ଟେନ ପଦେନ ଗମନେନ ନବମାସରୂପେଣ ପ୍ରସୂତେ ଜାତଃ ଉତ୍ପନ୍ନଃ ସ ଗର୍ଭଃ ସଦ୍ଯଃ ତତ୍କାଲେ ଜନନୀଂ ଅତ୍ତି ପିବତି। ମନୁଷ୍ଯଦେହେ ଏତଦୁଚିତମ୍। ଅଶ୍ବିନୋସ୍ତୁ ମରଣଧର୍ମତ୍ବାଭାବାନ୍ନୈବମିତ୍ଯାଶଯଃ॥ 1-3-77 ଏଷା ତସ୍ଯେତି ସୂତବାକ୍ଯଂ॥ 1-3-79 ଗୌର୍ବଲୀବର୍ଦଃ॥ 1-3-81 ନେଯେଷ ନ କାମିତବାନ୍॥ 1-3-83 ନିଯୋଜଯାମାସ ଅଗ୍ନିଶୁଶ୍ରୂଷାଦତବିତି ଶେଷଃ॥ 1-3-84 ପରିହୀଯତେ ନ୍ଯୂନଂ ଭବତି॥ 1-3-90 ଆହୁଃ ବୃଦ୍ଧା ଇତି ଶେଷଃ॥ 1-3-91 ବ୍ରୂଯାତ୍ ଅଧ୍ଯାଯପଯେତ୍। ପୃଚ୍ଛତି ଅଧୀତେ। ଅଧର୍ମେଣ ଗୁରୁଦକ୍ଷିଣାଦିବ୍ଯତିରେକେଣ॥ 1-3-96 ପିନଦ୍ଧେ ଧୃତେ॥ 1-3-101 ଅନୁପସ୍ପୃଶ୍ଯ ଅନାଚମ୍ଯ॥ 1-3-106 ଅନୃତେନୋପଚରିତୁଂ ବଞ୍ଚଯିତୁଂ॥ 1-3-127 ଉଦକାର୍ଥଂ ଶୌଚାଚମନାଦି କର୍ତୁଂ॥ 1-3-129 ଦୃଢମାସନ୍ନଃ ଅତ୍ଯନ୍ତସନ୍ନିହିତଃ॥ 1-3-135 କଲ୍ମାଷକୁଣ୍ଡଲାଃ ଚିତ୍ରକୁଣ୍ଡଲାଃ॥ 1-3-137 ଅର୍କାଂଶୁସେନାଯାଂ ସେନାବଦ୍ଦୁଃସହରଶ୍ମିଜାଲେ॥ 1-3-142 ମହଦ୍ଦ୍ଯୁଗ୍ନି ତୀର୍ଥବିଶେଷେ॥ 1-3-145 ମନ୍ତ୍ରବାଦଶ୍ଲୋକୈଃ ମନ୍ତ୍ରସ୍ବରୂପଶ୍ଲୋକୈଃ॥ 1-3-146 ତ୍ରୀଣ୍ଯର୍ପିତାନୀତି। ମନ୍ତ୍ରଲିଙ୍ଗମାତ୍ରାବଗମାତ୍ତୁଷ୍ଟାବ। ବିଶେଷଶାନଂ ତୁ ତସ୍ଯ ଗୁରୁମୁଖାଦେବ ଭବିଷ୍ଯତି। ଅତ୍ର ଚକ୍ରେ। ନିତ୍ଯଂ ଚରତି ଭ୍ରମତି। ଧ୍ରୁବେ ପ୍ରବାହରୂପେଣ ନିତ୍ଯେ କାଲରୂପେ। ଶତାନି ଷଷ୍ଟିଶ୍ଚ ଅହୋରାତ୍ରାଣାମିତି ଶେଷଃ। ଚତୁର୍ବିଂଶତିପର୍ବଣାଂ ଶୁକ୍ଲକୃଷ୍ଣପକ୍ଷରୂପାଣାଂ ଯୋଗୋ ଯୁସ୍ମିନ୍ତଥାଭୂତେ। ମଧ୍ଯେଽର୍ପିତାନି। ଯଚ୍ଚ ଷଟ୍କୁମାରାଃ ଋତବଃ ପରିବର୍ତଯନ୍ତି॥ 1-3-147 ତନ୍ତ୍ରଂ ଚେଦମିତି। ତନ୍ତ୍ରଂ ଆତାନବିତାନରୂପଂ ତନ୍ତୁସମୁଦାଯଂ। ବିଶ୍ବରୂପେ ସମଯଭେଦେନ ସ୍ତ୍ରୀପୁରୁଷାଦିରୂପେ। ଯୁବତ୍ଯୌ ଧାତାବିଘାତାରୌ। ବଯତଃ ରଚନାଂ କୁରତଃ। ସଂବତ୍ସରରୂପଂ ପଟମିତିଶେଷଃ। ବର୍ତଯନ୍ତ୍ଯୌ ସଂଚାରଯନ୍ତ୍ଯୌ। ଭୂତାନି ଚ ପରିବର୍ତଯନ୍ତ୍ଯୌ ବଯତ ଇତି ପୂର୍ବେଣାନ୍ବଯଃ॥ 1-3-148 ଭର୍ତା ଧାରକଃ॥ 1-3-149 ଅପାଂ ଗର୍ଭଂ ଅଦ୍ଭ୍ଯୋ ଜାତଂ। ପୁରାଣଂ ଆଦିସର୍ଗଭବଂ। ବୈଶ୍ବାନରଂ ଅଗ୍ନିରୂପମଶ୍ବ। ବାଜିନ ବାହନଂ ଅଭ୍ଯୁପୈତି। ତସ୍ମୈ ନମ ଇତ୍ଯନ୍ବଯଃ॥ 1-3-152 ସ୍ନୋତୋଭ୍ଯଃ ଶରୀରରନ୍ଧ୍ରେଭ୍ଯଃ॥ 1-3-157 ଆବାପଯନ୍ତୀ ବେଣୀରୂପେଣ କେଶାନାଂ ସଂଗ୍ରଥନଂ କାରଯନ୍ତୀ॥ 1-3-159 ତ୍ବଂ ମନାଗସି ନ ଶପ୍ତଃ ଇତି ପାଠେ ସ୍ବଲକାଲନିମିତ୍ତଂ ନ ଶପ୍ତୋସି। ଯଦି କ୍ଷମଂ ନାଗତଃ ସ୍ଯାଃ ଶପ୍ତଃ ସ୍ଯା ଇତ୍ଯର୍ଥଃ॥ 1-3-168 ନ ବ୍ଯାପନ୍ନୋ ନ ମୃତଃ॥ 1-3-182 କଶ୍ଯପ ଇତ୍ଯପି ପାଠୋ ଦୃଶ୍ଯତେ॥ ॥ ତୃତୀଯୋଽଧ୍ଯାଯଃ॥ 3 ॥ଆଦିପର୍ବ - ଅଧ୍ଯାଯ 004
॥ ଶ୍ରୀଃ ॥
1.4. ଅଧ୍ଯାଯଃ 004
(ଅଥ ପୌଲୋମପର୍ବ ॥ 4 ॥)
Mahabharata - Adi Parva - Chapter Topics
ସୌତିଶୌନକସଂବାଦମୁଖେନ କଥୋପୋଦ୍ଧାତଃ॥ 1 ॥ ରୋମହର୍ଷଣପୁତ୍ର ଉଗ୍ରଶ୍ରବାଃ ସୌତିଃ ପୌରାଣିକୋ ନୈମିଶାରଣ୍ଯେ ଶୌନକସ୍ଯ କୁଲପତେର୍ଦ୍ବାଦଶବାର୍ଷିକେ ସତ୍ରେ ଋଷୀନଭ୍ଯାଗତାନୁପତସ୍ଥେ॥ 1-4-1 (888) ପୌରାଣିକଃ ପୁରାଣେ କୃତଶ୍ରମଃ ସ କୃତାଞ୍ଜଲିସ୍ତାନୁବାଚ। `ମଯୋତ୍ତଙ୍କସ୍ଯ ଚରିତମଶେଷମୁକ୍ତଂ ଜନମେଜଯସ୍ଯ ସାର୍ପସତ୍ରେ ନିମିତ୍ତାନ୍ତରମିଦମପି।' କିଂ ଭବନ୍ତଃ ଶ୍ରୋତୁମିଚ୍ଛନ୍ତି କିମହଂ ବ୍ରବାଣୀତି॥ 1-4-2 (889) ତମୃଷଯ ଊଚୁଃ। 1-4-3x (25) ପରଂ ରୌମହର୍ଷଣେ ପ୍ରବକ୍ଷ୍ଯାମସ୍ତ୍ବାଂ ନଃ ପ୍ରତିବକ୍ଷ୍ଯସି ବଚଃ ଶୁଶ୍ରୂଷତାଂ କଥାଯୋଗଂ ନଃ କଥାଯୋଗେ॥ 1-4-3 (890) ତତ୍ର ଭଗବାନ୍ କୁଲପତିସ୍ତୁ ଶୌନକୋଽଗ୍ନିଶରଣମଧ୍ଯାସ୍ତେ। `ଦୀର୍ଘସତ୍ରତ୍ବାତ୍ସର୍ବାଃ କଥାଃ ଶ୍ରୋତୁଂ କାଲୋସ୍ତି॥' 1-4-4 (891) ଯୌଽସୌ ଦିବ୍ଯାଃ କଥା ବେଦ ଦେବତାସୁରସଂଶ୍ରିତାଃ। ମନୁଷ୍ଯୋରଗଗନ୍ଧର୍ବକଥା ବେଦ ଚ ସର୍ବଶଃ॥ 1-4-5 (892) ସ ଚାପ୍ଯସ୍ମିନ୍ମଶେ ସୌତେ ବିଦ୍ବାନ୍କୁଲପତିର୍ଦିବଜଃ। ଦକ୍ଷୋ ଧୃତବ୍ରତୋ ଧୀମାଞ୍ଶାସ୍ତ୍ରେ ଚାରଣ୍ଯକେ ଗୁରୁଃ॥ 1-4-6 (893) ସତ୍ଯବାଦୀ ଶମପରସ୍ତପସ୍ବୀ ନିଯତବ୍ରତଃ। ସର୍ବେଷାମେବ ନୋ ମାନ୍ଯଃ ସ ତାବତ୍ପ୍ରତିପାଲ୍ଯତାମ୍॥ 1-4-7 (894) ତସ୍ମିନ୍ନଧ୍ଯାସତି ଗୁରାବାସନଂ ପରମାର୍ଚିତମ୍। ତତୋ ବକ୍ଷ୍ଯସି ଯତ୍ତ୍ବାଂ ସ ପ୍ରକ୍ଷ୍ଯତି ଦ୍ବିଜସତ୍ତମଃ॥ 1-4-8 (895) ସୌତିରୁବାଚ। 1-4-9x (26) ଏବମସ୍ତୁ ଗୁରୌ ତସ୍ମିନ୍ନୁପବିଷ୍ଟେ ମହାତ୍ମନି। ତେନ ପୃଷ୍ଟଃ କଥାଃ ପୁଣ୍ଯା ବକ୍ଷ୍ଯାମି ବିବିଧାଶ୍ରଯାଃ॥ 1-4-9 (896) ସୋଽଥ ବିପ୍ରର୍ଷଭଃ ସର୍ବଂ କୃତ୍ବା କାର୍ଯଂ ଯଥାବିଧି। ଦେବାନ୍ବାଗ୍ଭିଃ ପିତୄନଦ୍ଭିସ୍ତର୍ପଯିତ୍ବାଽଽଜଗାମ ହ॥ 1-4-10 (897) ଯତ୍ର ବ୍ରହ୍ମର୍ଷଯଃ ସିଦ୍ଧାଃ ସୁଖାସୀନା ଧୃତବ୍ରତାଃ। ଯଜ୍ଞାଯତନମାଶ୍ରିତ୍ଯ ସୂତପୁତ୍ରପୁରସ୍ପରାଃ॥ 1-4-11 (898) ଋତ୍ବିକ୍ଷ୍ବଥ ସଦସ୍ଯେଷୁ ସ ବୈ ଗୃହପତିସ୍ତଦା। ଉପବିଷ୍ଟେଷୂପବିଷ୍ଟଃ ଶୌନକୋଽଥାବ୍ରବୀଦିଦମ୍॥ ॥ 1-4-12 (899) ଇତି ଶ୍ରୀମନ୍ମହାଭାରତେ ଆଦିପର୍ବଣି ପୌଲୋମପର୍ବଣି ଚତୁର୍ଥୋଽଧ୍ଯାଯଃ॥ 4 ॥Mahabharata - Adi Parva - Chapter Footnotes
1-4-7 ପ୍ରତିପାଲ୍ଯତାଂ ପ୍ରତୀକ୍ଷ୍ଯତାଂ॥ 1-4-10 ବାଗ୍ଭିଃ ବ୍ରହ୍ମଯଜ୍ଞୀଯାଭିଃ॥ ଚତୁର୍ଥୋଽଦ୍ଯାଯଃ॥ 4 ॥ଆଦିପର୍ବ - ଅଧ୍ଯାଯ 005
॥ ଶ୍ରୀଃ ॥
1.5. ଅଧ୍ଯାଯଃ 005
Mahabharata - Adi Parva - Chapter Topics
ଭୃଗୁବଂଶକଥନମ୍॥ 1 ॥ ପୌଲୋମୋପାଖ୍ଯାନମ୍॥ 2 ॥ ପୁଲୋମାପହାରଃ॥ 3 ॥ ପୁଲୋମାଗ୍ନିସଂବାଦଃ॥ 4 ॥Mahabharata - Adi Parva - Chapter Text
1-5-0 (900)
ଶୌନକ ଉବାଚ। 1-5-0x (27)
ପୁରାଣମଖିଲଂ ତାତ ପିତା ତେଽଧୀତବାନ୍ପୁରା।
`ଭାରତାଧ୍ଯଯନଂ ସର୍ବଂ କୃଷ୍ଣଦ୍ବୈପାଯନାତ୍ତଦା।'
କଚ୍ଚିତ୍ତ୍ବମପି ତତ୍ସର୍ବମଧୀଷେ ରୌମହର୍ଷଣେ॥ 1-5-1 (901)
ପୁରାଣେ ହି କଥା ଦିବ୍ଯା ଆଦିବଂଶାଶ୍ଚ ଧୀମତାମ୍।
କଥ୍ଯନ୍ତେ ଯେ ପୁରାଽସ୍ମାଭିଃ ଶ୍ରୁତପୂର୍ବାଃ ପିତୁସ୍ତବ॥ 1-5-2 (902)
ତତ୍ର ବଂଶମହଂ ପୂର୍ବଂ ଶ୍ରୋତୁମିଚ୍ଛାମି ଭାର୍ଗବମ୍।
କଥଯସ୍ବ କଥାମେତାଂ କଲ୍ଯାଃ ସ୍ମଃ ଶ୍ରବଣେ ତବ॥ 1-5-3 (903)
ସୌତିରୁବାଚ। 1-5-4x (28)
ଯଦଧୀତଂ ପୁରା ସମ୍ଯଗ୍ଦ୍ବିଜଶ୍ରେଷ୍ଠୈର୍ମହାତ୍ମଭିଃ।
ବୈଶମ୍ପାଯନବିପ୍ରାଗ୍ର୍ଯୈସ୍ତୈଶ୍ଚାପି କଥିତଂ ଯଥା॥ 1-5-4 (904)
ଯଦଧୀତଂ ଚ ପିତ୍ରା ମେ ସମ୍ଯକ୍କୈବ ତତୋ ମଯା।
ତାବଚ୍ଛୃଣୁଷ୍ବ ଯୋ ଦେବୈଃ ସେନ୍ଦ୍ରୈଃ ସର୍ଷିମରୁଦ୍ଗଣୈଃ॥ 1-5-5 (905)
ପୂଜିତଃ ପ୍ରବରୋ ବଂଶୋ ଭାର୍ଗବୋ ଭୃଗୁନନ୍ଦନ।
ଇମଂ ବଂଶମହଂ ପୂର୍ବଂ ଭାର୍ଗବଂ ତେ ମହାମୁନେ॥ 1-5-6 (906)
ନିଗଦାମି ଯଥାଯୁକ୍ତଂ ପୁରାଣାଶ୍ରଯସଂଯୁତମ୍।
ଭୃଗୁର୍ମହର୍ଷିର୍ଭଗବାନ୍ବ୍ରହ୍ମଣା ବୈ ସ୍ବଯଂଭୁବା॥ 1-5-7 (907)
ବରୁଣସ୍ଯ କ୍ରତୌ ଜାତଃ ପାବକାଦିତି ନଃ ଶ୍ରୁତମ୍।
ଭୃଗୋଃ ସୁଦଯିତଃ ପୁତ୍ରଶ୍ଚ୍ଯବନୋ ନାମ ଭାର୍ଗବଃ॥ 1-5-8 (908)
ଚ୍ଯବନସ୍ଯ ଚ ଦାଯାଦଃ ପ୍ରମତିର୍ନାମ ଧାର୍ମିକଃ।
ପ୍ରମତେରପ୍ଯଭୂତ୍ପୁତ୍ରୋ ଘୃତାଚ୍ଯାଂ ରୁରୁରିତ୍ଯୁତ॥ 1-5-9 (909)
ରୁରୋରପି ସୁତୋ ଜଜ୍ଞେ ଶୁନକୋ ବେଦପାରଗଃ।
ପ୍ରମଦ୍ବରାଯାଂ ଧର୍ମାତ୍ମା ତବ ପୂର୍ବପିତାମହଃ॥ 1-5-10 (910)
ତପସ୍ବୀ ଚ ଯଶସ୍ବୀ ଚ ଶ୍ରୁତବାନ୍ବ୍ରହ୍ମବିତ୍ତମଃ।
ଧାର୍ମିକଃ ସତ୍ଯବାଦୀ ଚ ନିଯତୋ ନିଯତାଶନଃ॥ 1-5-11 (911)
ଶୌନକ ଉବାଚ। 1-5-12x (29)
ସୂତପୁତ୍ର ଯଥା ତସ୍ଯ ଭାର୍ଗବସ୍ଯ ମହାତ୍ମନଃ।
ଚ୍ଯବନତ୍ବଂ ପରିଖ୍ଯାତଂ ତନ୍ମମାଚକ୍ଷ୍ବ ପୃଚ୍ଛତଃ॥ 1-5-12 (912)
ସୌତିରୁବାଚ। 1-5-13x (30)
ଭୃଗୋଃ ସୁଦଯିତା ଭାର୍ଯା ପୁଲୋମେତ୍ଯଭିବିଶ୍ରୁତା।
ତସ୍ଯାଂ ସମଭବଦ୍ଗର୍ଭୋ ଭୃଗୁବୀର୍ଯସମୁଦ୍ଭବଃ॥ 1-5-13 (913)
ତସ୍ମିନ୍ଗର୍ଭେଽଥ ସଂଭୂତେ ପୁଲୋମାଯାଂ ଭୃଗୂଦ୍ବହ।
ସମଯେ ସମଶୀଲିନ୍ଯାଂ ଧର୍ମପତ୍ନ୍ଯାଂ ଯଶସ୍ବିନଃ॥ 1-5-14 (914)
ଅଭିଷେକାଯ ନିଷ୍କ୍ରାନ୍ତେ ଭୃଗୌ ଧର୍ମଭୃତାଂ ବରେ।
ଆଶ୍ରମଂ ତସ୍ଯ ରକ୍ଷୋଽଥ ପୁଲୋମାଽଭ୍ଯାଜଗାମ ହ॥ 1-5-15 (915)
ତଂ ପ୍ରବିଶ୍ଯାଶ୍ରମଂ ଦୃଷ୍ଟ୍ବା ଭୃଗୋର୍ଭାର୍ଯାମନିନ୍ଦିତାମ୍।
ହୃଚ୍ଛଯେନ ସମାବିଷ୍ଟୋ ବିଚେତାଃ ସମପଦ୍ଯତ॥ 1-5-16 (916)
ଅଭ୍ଯାଗତଂ ତୁ ତଦ୍ରକ୍ଷଃ ପୁଲୋମା ଚାରୁଦର୍ଶନା।
ନ୍ଯମନ୍ତ୍ରଯତ ବନ୍ଯେନ ଫଲମୂଲାଦିନା ତଦା॥ 1-5-17 (917)
ତାଂ ତୁ ରକ୍ଷସ୍ତଦା ବ୍ରହ୍ମନ୍ହୃଚ୍ଛଯେନାଭିପୀଡିତମ୍।
ଦୃଷ୍ଟ୍ବା ହୃଷ୍ଟମଭୂଦ୍ରାଜଞ୍ଜିହୀର୍ଷୁସ୍ତାମନିନ୍ଦିତାମ୍॥ 1-5-18 (918)
ଜାତମିତ୍ଯବ୍ରବୀତ୍କାର୍ଯଂ ଜିହୀର୍ଷୁର୍ମୁଦିତଃ ଶୁଭାମ୍।
ସା ହି ପୂର୍ବଂ ବୃତା ତେନ ପୁଲୋମ୍ନା ତୁ ଶୁଚିସ୍ମିତା॥ 1-5-19 (919)
ତାଂ ତୁ ପ୍ରାଦାତ୍ପିତା ପଶ୍ଚାଦ୍ଭୃଗବେ ଶାସ୍ତ୍ରବତ୍ତଦା।
ତସ୍ଯ ତତ୍କିଲ୍ବିଷଂ ନିତ୍ଯଂ ହୃଦି ବର୍ତତି ଭାର୍ଗବ॥ 1-5-20 (920)
ଇଦମନ୍ତରମିତ୍ଯେବଂ ହର୍ତୁଂ ଚକ୍ରେ ମନସ୍ତଦା।
ଅଥାଗ୍ନିଶରଣେଽପଶ୍ଯଜ୍ଜ୍ବଲନ୍ତଂ ଜାତବେଦସମ୍॥ 1-5-21 (921)
ତମପୃଚ୍ଛତ୍ତତୋ ରକ୍ଷଃ ପାବକଂ ଜ୍ବଲିତଂ ତଦା।
ଶଂସ ମେ କସ୍ଯ ଭାର୍ଯେଯମଗ୍ନେ ପୃଚ୍ଛେ ଋତେନ ବୈ॥ 1-5-22 (922)
ମୁଖଂ ତ୍ବମସି ଦେବାନାଂ ବଦ ପାବକ ପୃଚ୍ଛତେ।
ମଯା ହୀଯଂ ବୃତା ପୂର୍ବଂ ଭାର୍ଯାର୍ଥେ ବରବର୍ଣିନୀ॥ 1-5-23 (923)
ପଶ୍ଚାଦିମାଂ ପିତା ପ୍ରାଦାଦ୍ଭୃଗବେଽନୃତକାରକଃ।
ସେଯଂ ଯଦି ବରାରୋହା ଭୃଗୋର୍ଭାର୍ଯା ରହୋଗତା॥ 1-5-24 (924)
ତଥା ସତ୍ଯଂ ସମାଖ୍ଯାହି ଜିହୀର୍ଷାମ୍ଯାଶ୍ରମାଦିମାମ୍।
ସ ମନ୍ଯୁସ୍ତତ୍ର ହୃଦଯଂ ପ୍ରଦହନ୍ନିବ ତିଷ୍ଠତି॥ 1-5-25 (925)
ମତ୍ପୂର୍ବଭାର୍ଯାଂ ଯଦିମାଂ ଭୃଗୁରାପ ସୁମଧ୍ଯମାମ୍।
`ଅସଂମତମିଦଂ ମେଽଦ୍ଯ ହରିଷ୍ଯାମ୍ଯାଶ୍ରମାଦିମାମ୍'॥ 1-5-26 (926)
ସୌତିରୁବାଚ। 1-5-27x (31)
ଏବଂ ରକ୍ଷସ୍ତମାମନ୍ତ୍ର୍ଯ ଜ୍ବଲିତଂ ଜାତବେଦସମ୍।
ଶଙ୍କମାନଂ ଭୃଗୋର୍ଭାର୍ଯାଂ ପୁନଃପୁନରପୃଚ୍ଛତ॥ 1-5-27 (927)
ତ୍ବମଗ୍ନେ ସର୍ବଭୂତାନାମନ୍ତଶ୍ଚରସି ନିତ୍ଯଦା।
ସାକ୍ଷିବତ୍ପୁଣ୍ଯପାପେଷୁ ସତ୍ଯଂ ବ୍ରୂହି କବେ ବଚଃ॥ 1-5-28 (928)
ମତ୍ପୂର୍ବଭାର୍ଯାଽପହୃତା ଭୃଗୁଣାଽନୃତକାରିଣା।
ସେଯଂ ଯଦି ତଥା ମେ ତ୍ବଂ ସତ୍ଯମାଖ୍ଯାତୁମର୍ହସି॥ 1-5-29 (929)
ଶ୍ରୁତ୍ବା ତ୍ବତ୍ତୋ ଭୃଗୋର୍ଭାର୍ଯାଂ ହରିଷ୍ଯାମ୍ଯାଶ୍ରମାଦିମାମ୍।
ଜାତବେଦଃ ପଶ୍ଯତସ୍ତେ ବଦ ସତ୍ଯାଂ ଗିରଂ ମମ॥ 1-5-30 (930)
ସୌତିରୁବାଚ। 1-5-31x (32)
ତସ୍ଯୈତଦ୍ବଚନଂ ଶ୍ରୁତ୍ବା ସପ୍ତାର୍ଚିର୍ଦୁଃଖିତୋଽଭବତ୍।
`ସତ୍ଯଂ ବଦାମି ଯଦି ମେ ଶାପଃ ସ୍ଯାଦ୍ବ୍ରହ୍ମବିତ୍ତମାତ୍॥ 1-5-31 (931)
ଅସତ୍ଯଂ ଚେଦହଂ ବ୍ରୂଯାଂ ପତିଷ୍ଯେ ନରକାନ୍ଧ୍ରୁବମ୍।'
ଭୀତୋଽନୃତାଚ୍ଚ ଶାପାଚ୍ଚ ଭୃଗୋରିତ୍ଯବ୍ରବୀଚ୍ଛନୈଃ॥ 1-5-32 (932)
ତ୍ବଯା ବୃତା ପୁଲୋମେଯଂ ପୂର୍ବଂ ଦାନବନନ୍ଦନ।
କିଂ ତ୍ବିଯଂ ବିଧିନା ପୂର୍ବଂ ମନ୍ତ୍ରବନ୍ନ ବୃତା ତ୍ବଯା॥ 1-5-33 (933)
ପିତ୍ରା ତୁ ଭୃଗବେ ଦତ୍ତା ପୁଲୋମେଯଂ ଯଶସ୍ବିନୀ।
ଦଦାତି ନ ପିତା ତୁଭ୍ଯଂ ବରଲୋଭାନ୍ମହାଯଶାଃ॥ 1-5-34 (934)
ଅଥେମାଂ ବେଦଦୃଷ୍ଟେନ କର୍ମଣା ବିଧିପୂର୍ବକମ୍।
ଭାର୍ଯାମୃଷିର୍ଭୃଗୁଃ ପ୍ରାପ ମାଂ ପୁରସ୍କୃତ୍ଯ ଦାନବ॥ 1-5-35 (935)
ସେଯମିତ୍ଯବଗଚ୍ଛାମି ନାନୃତଂ ବକ୍ତୁମୁତ୍ସହେ।
ନାନୃତଂ ହି ସଦା ଲୋକେ ପୂଜ୍ଯତେ ଦାନବୋତ୍ତମ॥ ॥ 1-5-36 (936)
ଇତି ଶ୍ରୀମନ୍ମହାଭାରତେ ଆଦିପର୍ବଣି ପୌଲୋମପର୍ବଣି ପଞ୍ଚମୋଽଧ୍ଯାଯଃ॥ 5 ॥
Mahabharata - Adi Parva - Chapter Footnotes
1-5-3 କଲ୍ଯାଃ ସମର୍ଥାଃ। ତବ ତ୍ବତ୍ତଃ ଶ୍ରୋତୁମିତି ସଂବନ୍ଧଃ॥ 1-5-7 ଯଥାଯୁକ୍ତଂ କଥାଯୁକ୍ତଂ ଇତ୍ଯପି ପାଠଃ। ପୁରାଣସ୍ଯ ଆଶ୍ରଯଃ ଉପୋଦ୍ଧାତଃତତ୍ସଂଯୁତଂ॥ 1-5-19 ବାଲ୍ଯେ କିଲ ରୁଦତୀଂ କନ୍ଯାଂ ରୋଦନାନିବୃତ୍ତ୍ଯର୍ଥଂ ଭୀଷଯିତୁଂ ପିତ୍ରୋକ୍ତଂ ରେ ରକ୍ଷ ଏନାଂ ଗୃହାଣେତି। ତାବତୈବ ଗୃହେ ସନ୍ନିହିତେନ ରକ୍ଷସା ବୃତା ମମେଯଂ ଭାର୍ଯେତି॥ 1-5-27 ଶଙ୍କମାନଂ ଛଲବଚନେନ ପୂର୍ବଂ ମହ୍ଯଂ ଦତ୍ତା ପଶ୍ଚାଦ୍ବିଧିପୂର୍ବକଂ ଭୃଗବେ ଦତ୍ତାଽତୋ ମମ ବା ଭୃଗୋର୍ବା ଭାର୍ଯେତି ସନ୍ଦିହାନମ୍॥ 1-5-28 କବେ ସର୍ବଜ୍ଞ॥ ପଞ୍ଚମୋଽଧ୍ଯାଯଃ॥ 5 ॥ଆଦିପର୍ବ - ଅଧ୍ଯାଯ 006
॥ ଶ୍ରୀଃ ॥
1.6. ଅଧ୍ଯାଯଃ 006
Mahabharata - Adi Parva - Chapter Topics
ଚ୍ଯବନୋତ୍ପତ୍ତୀ ରକ୍ଷୋବିନାଶଶ୍ଚ॥ 1 ॥ ଅଗ୍ନେର୍ଭୃଗୁଶାପଃ॥ 2 ॥Mahabharata - Adi Parva - Chapter Text
1-6-0 (937)
ସୌତିରୁବାଚ। 1-6-0x (33)
ଅଗ୍ନେରଥ ବଚଃ ଶ୍ରୁତ୍ବା ତଦ୍ରକ୍ଷଃ ପ୍ରଜହାର ତାମ୍।
ବ୍ରହ୍ମନ୍ବରାହରୂପେଣ ମନୋମାରୁତରଂହସା॥ 1-6-1 (938)
ତତଃ ସ ଗର୍ଭୋ ନିବସନ୍କୁକ୍ଷୌ ଭୃଗୁକୁଲୋଦ୍ବହ।
ରୋଷାନ୍ମାତୁଶ୍ଚ୍ଯୁତଃ କୁକ୍ଷେଶ୍ଚ୍ଯବନସ୍ତେନ ସୋଽଭବତ୍॥ 1-6-2 (939)
ତଂ ଦୃଷ୍ଟ୍ବା ମାତୁରୁଦରାଚ୍ଚ୍ଯୁତମାଦିତ୍ଯବର୍ଚସମ୍।
ତଦ୍ରକ୍ଷୋ ଭସ୍ମସାଦ୍ଭୂତଂ ପପାତ ପରିମୁଚ୍ଯ ତାମ୍॥ 1-6-3 (940)
ସା ତମାଦାଯ ସୁଶ୍ରୋଣୀ ସସାର ଭୃଗୁନନ୍ଦନମ୍।
ଚ୍ଯବନଂ ଭାର୍ଗବଂ ପୁତ୍ରଂ ପୁଲୋମା ଦୁଃଖମୂର୍ଚ୍ଛିତା॥ 1-6-4 (941)
ତାଂ ଦଦର୍ଶ ସ୍ବଯଂ ବ୍ରହ୍ମା ସର୍ବଲୋକପିତାମହଃ।
ରୁଦତୀଂ ବାଷ୍ପପୂର୍ଣାକ୍ଷୀଂ ଭୃଗୋର୍ଭାର୍ଯାମନିନ୍ଦିତାମ୍॥ 1-6-5 (942)
ସାନ୍ତ୍ବଯାମାସ ଭଗବାନ୍ବଧୂଂ ବ୍ରହ୍ମା ପିତାମହଃ।
ଅଶ୍ରୁବିନ୍ଦୂଦ୍ଭବା ତସ୍ଯାଃ ପ୍ରାବର୍ତତ ମହାନଦୀ॥ 1-6-6 (943)
ଆବର୍ତନ୍ତୀ ସୃତିଂ ତସ୍ଯା ଭୃଗୋଃ ପତ୍ନ୍ଯାସ୍ତପସ୍ବିନଃ।
ତସ୍ଯା ମାର୍ଗଂ ସୃତବତୀଂ ଦୃଷ୍ଟ୍ବା ତୁ ସରିତଂ ତଦା॥ 1-6-7 (944)
ନାମ ତସ୍ଯାସ୍ତଦା ନଦ୍ଯାଶ୍ଚକ୍ରେ ଲୋକପିତାମହଃ।
ବଧୂସରେତି ଭଗବାଂଶ୍ଚ୍ଯବନସ୍ଯାଶ୍ରମଂ ପ୍ରତି॥ 1-6-8 (945)
ସ ଏବଂ ଚ୍ଯବନୋ ଜଜ୍ଞେ ଭୃଗୋଃ ପୁତ୍ରଃ ପ୍ରତାପବାନ୍।
ତଂ ଦଦର୍ଶ ପିତା ତତ୍ର ଚ୍ଯବନଂ ତାଂ ଚ ଭାମିନୀମ୍।
ସ ପୁଲୋମାଂ ତତୋ ଭାର୍ଯାଂ ପପ୍ରଚ୍ଛ କୁପିତୋ ଭୃଗୁଃ॥ 1-6-9 (946)
ଭୃଗୁରୁବାଚ। 1-6-10x (34)
କେନାସି ରକ୍ଷସେ ତସ୍ମୈ କଥିତା ତ୍ବଂ ଜିହୀର୍ଷବେ।
ନ ହି ତ୍ବା ବେଦ ତଦ୍ରକ୍ଷୋ ମଦ୍ଭାର୍ଯାଂ ଚାରୁହାସିନୀମ୍॥ 1-6-10 (947)
ତତ୍ତ୍ବମାଖ୍ଯାହି ତଂ ହ୍ଯଦ୍ଯ ଶପ୍ତୁମିଚ୍ଛାମ୍ଯହଂ ରୁଷା।
ବିଭେତି କୋ ନ ଶାପାନ୍ମେ କସ୍ଯ ଚାଯଂ ବ୍ଯତିକ୍ରମଃ॥ 1-6-11 (948)
ପୁଲୋମୋବାଚ। 1-6-12x (35)
ଅଗ୍ନିନା ଭଗବଂସ୍ତସ୍ମୈ ରକ୍ଷସେଽହଂ ନିବେଦିତା।
ତତୋ ମାମନଯଦ୍ରକ୍ଷଃ କ୍ରୋଶନ୍ତୀଂ କୁରରୀମିବ॥ 1-6-12 (949)
ସାଽହଂ ତବ ସୁତସ୍ଯାସ୍ଯ ତେଜସା ପରିମୋକ୍ଷିତା।
ଭସ୍ମୀଭୂତଂ ଚ ତଦ୍ରକ୍ଷୋ ମାମୁତ୍ସୃଜ୍ଯ ପପାତ ବୈ॥ 1-6-13 (950)
ସୌତିରୁବାଚ। 1-6-14x (36)
ଇତି ଶ୍ରୁତ୍ବା ପୁଲୋମାଯା ଭୃଗୁଃ ପରମମନ୍ଯୁମାନ୍।
ଶଶାପାଗ୍ନିମତିକ୍ରୁଦ୍ଧଃ ସର୍ବଭକ୍ଷୋ ଭବିଷ୍ଯସି॥ ॥ 1-6-14 (951)
ଇତି ଶ୍ରୀମନ୍ମହାଭାରତେ ଆଦିପର୍ବଣି ପୌଲୋମପର୍ବଣି ଷଷ୍ଠୋଽଧ୍ଯାଯଃ॥ 6 ॥
Mahabharata - Adi Parva - Chapter Footnotes
1-6-2 ତେନ ଚ୍ଯୁତତ୍ବେନ ହେତୁନା॥ 2 ॥ 1-6-7 ଆବର୍ତନ୍ତୀ ସୃତିଂ ତସ୍ଯାଃ। ସୃତିଂ ମାର୍ଗଂ। ଅନୁବର୍ତ୍ମ ସୃତା ତସ୍ଯା ଇତି ପାଠାନ୍ତରଂ॥ 7 ॥ ଷଷ୍ଠୋଽଧ୍ଯାଯଃ॥ 6 ॥ଆଦିପର୍ବ - ଅଧ୍ଯାଯ 007
॥ ଶ୍ରୀଃ ॥
1.7. ଅଧ୍ଯାଯଃ 007
Mahabharata - Adi Parva - Chapter Topics
କ୍ରୋଧେନାଗ୍ନିକୃତ ଆତ୍ମୋପସଂହାରଃ॥ 1 ॥ ବ୍ରହ୍ମୋକ୍ତସାନ୍ତ୍ବବଚନେନାଗ୍ନେଃ ସଂତୋଷଃ॥ 2 ॥Mahabharata - Adi Parva - Chapter Text
1-7-0 (952)
ସୌତିରୁବାଚ। 1-7-0x (37)
ଶପ୍ତସ୍ତୁ ଭୃଗୁଣା ବହ୍ନିଃ କ୍ରୁଦ୍ଧୋ ବାକ୍ଯମଥାବ୍ରବୀତ୍।
କିମିଦଂ ସାହସଂ ବ୍ରହ୍ମନ୍କୃତବାନସି ମାଂ ପ୍ରତି॥ 1-7-1 (953)
ଧର୍ମେ ପ୍ରଯତମାନସ୍ଯ ସତ୍ଯଂ ଚ ବଦତଃ ସମମ୍।
ପୃଷ୍ଟୋ ଯଦବ୍ରବଂ ସତ୍ଯଂ ବ୍ଯଭିଚାରୋଽତ୍ର କୋ ମମ॥ 1-7-2 (954)
ପୃଷ୍ଟୋ ହିସାକ୍ଷୀଯଃ ସାକ୍ଷ୍ଯଂ ଜାନାନୋଽପ୍ଯନ୍ଯଥା ବଦେତ୍।
ସ ପୂର୍ବାନାତ୍ମନଃ ସପ୍ତ କୁଲେ ହନ୍ଯାତ୍ତଥାଽପରାନ୍॥ 1-7-3 (955)
ଯଶ୍ଚ କାର୍ଯାର୍ଥତତ୍ତ୍ବଜ୍ଞୋ ଜାନାନୋଽପି ନ ଭାଷତେ।
ସୋଽପି ତେନୈବ ପାପେନ ଲିପ୍ଯତେ ନାତ୍ର ସଂଶଯଃ॥ 1-7-4 (956)
ଶକ୍ତୋଽହମପି ଶପ୍ତୁଂ ତ୍ବାଂ ମାନ୍ଯାସ୍ତୁ ବ୍ରାହ୍ମଣା ମମ।
ଜାନତୋଽପି ଚ ତେ ବ୍ରହ୍ମନ୍କଥଯିଷ୍ଯେ ନିବୋଧ ତତ୍॥ 1-7-5 (957)
ଯୋଗେନ ବହୁଧାଽଽତ୍ମାନଂ କୃତ୍ବା ତିଷ୍ଠାମି ମୂର୍ତିଷୁ।
ଅଗ୍ନିହୋତ୍ରେଷୁ ସତ୍ରେଷୁ କ୍ରିଯାସୁ ଚ ମଖେଷୁ ଚ॥ 1-7-6 (958)
ବେଦୋକ୍ତେନ ବିଧାନେନ ମଯି ଯଦ୍ଧୂଯତେ ହବିଃ।
ଦେବତାଃ ପିତରଶ୍ଚୈବ ତେନ ତୃପ୍ତା ଭବନ୍ତି ବୈ॥ 1-7-7 (959)
ଆପୋ ଦେବଗଣାଃ ସର୍ବେ ଆପଃ ପିତୃଗଣାସ୍ତଥା।
ଦର୍ଶଶ୍ଚ ପୌର୍ଣମାସଶ୍ଚ ଦେବାନାଂ ପିତୃଭିଃ ସହ॥ 1-7-8 (960)
ଦେବତାଃ ପିତରସ୍ତସ୍ମାତ୍ପିତରଶ୍ଚାପି ଦେବତାଃ।
ଏକୀଭୂତାଶ୍ଚ ଦୃଶ୍ଯନ୍ତେ ପୃଥକ୍ତ୍ବେନ ଚ ପର୍ବସୁ॥ 1-7-9 (961)
ଦେବତାଃ ପିତରଶ୍ଚୈବ ଭୁଞ୍ଜତେ ମଯି ଯଦ୍ଭୁତମ୍।
ଦେବତାନାଂ ପିତୄଣାଂ ଚ ମୁଖମେତଦହଂ ସ୍ମୃତମ୍॥ 1-7-10 (962)
ଅମାବାସ୍ଯାଂ ହି ପିତରଃ ପୌର୍ଣମାସ୍ଯାଂ ହି ଦେବତାଃ।
ମନ୍ମୁଖେନୈବ ହୂଯନ୍ତେ ଭୁଞ୍ଜତେ ଚ ହୁତଂ ହବିଃ॥ 1-7-11 (963)
ସର୍ବଭକ୍ଷଃ କଥଂ ତ୍ବେଷାଂ ଭବିଷ୍ଯାମି ମୁଖଂ ତ୍ବହମ୍। 1-7-12 (964)
ସୌତିରୁବାଚ।
ଚିନ୍ତଯିତ୍ବା ତତୋ ବହ୍ନିଶ୍ଚକେ ସଂହାରମାତ୍ମନଃ॥ 1-7-12x (38)
ଦ୍ବିଜାନାମଗ୍ନିହୋତ୍ରେଷୁ ଯଜ୍ଞସତ୍ରକ୍ରିଯାସୁ ଚ।
ନିରୋଂକାରବଷଟ୍କାରାଃ ସ୍ବଧାସ୍ବାହାବିବର୍ଜିତାଃ॥ 1-7-13 (965)
ବିନାଽଗ୍ନିନା ପ୍ରଜାଃ ସର୍ବାସ୍ତତ ଆସନ୍ସୁଦୁଃଖିତାଃ।
ଅଥର୍ଷଯଃ ସମୁଦ୍ବିଗ୍ନା ଦେବାନ୍ ଗତ୍ବାବ୍ରୁବନ୍ବଚଃ॥ 1-7-14 (966)
ଅଗ୍ନିନାଶାତ୍କ୍ରିଯାଭ୍ରାଂଶାଦ୍ଭ୍ରାନ୍ତା ଲୋକାସ୍ତ୍ରଯୋଽନଘାଃ।
ବିଧଧ୍ବମତ୍ର ଯତ୍କାର୍ଯଂ ନ ସ୍ଯାତ୍କାଲାତ୍ଯଯୋ ଯଥା॥ 1-7-15 (967)
ଅଥର୍ଷଯଶ୍ଚ ଦେବାଶ୍ଚ ବ୍ରହ୍ମାଣମୁପଗମ୍ଯ ତୁ।
ଅଗ୍ନେରାବେଦଯଞ୍ଶାପଂ କ୍ରିଯାସଂହାରମେବ ଚ॥ 1-7-16 (968)
ଭୃଗୁଣା ବୈ ମହାଭାଗ ଶପ୍ତୋଽଗ୍ନିଃ କାରଣାନ୍ତରେ।
କଥଂ ଦେବମୁଖୋ ଭୂତ୍ବା ଯଜ୍ଞଭାଗାଗ୍ରଭୁକ୍ ତଥା॥ 1-7-17 (969)
ହୁତଭୁକ୍ସର୍ବଲୋକେଷୁ ସର୍ବଭକ୍ଷତ୍ବମେଷ୍ଯତି। 1-7-18 (970)
ସୌତିରୁବାଚ।
ଶ୍ରୁତ୍ବା ତୁ ତଦ୍ବଚସ୍ତେଷାମଗ୍ନିମାହୂଯ ବିଶ୍ବକୃତ୍॥ 1-7-18x (39)
ଉବାଚ ବଚନଂ ଶ୍ଲକ୍ଷ୍ଣଂ ଭୂତଭାବନମବ୍ଯଯମ୍।
ଲୋକାନାମିହ ସର୍ବେଷାଂ ତ୍ବଂ କର୍ତା ଚାନ୍ତ ଏବ ଚ॥ 1-7-19 (971)
ତ୍ବଂ ଧାରଯସି ଲୋକାଂସ୍ତ୍ରୀନ୍କ୍ରିଯାଣାଂ ଚ ପ୍ରବର୍ତକଃ।
ସ ତଥା କୁରୁ ଲୋକେଶ ନୋଚ୍ଛିଦ୍ଯେରନ୍ଯଥା କ୍ରିଯାଃ॥ 1-7-20 (972)
କସ୍ମାଦେବଂ ବିମୂଢସ୍ତ୍ବମୀଶ୍ବରଃ ସନ୍ ହୁତାଶେନ।
ତ୍ବଂ ପବିତ୍ରଂ ସଦା ଲୋକେ ସର୍ବଭୂତଗତିଶ୍ଚ ହ॥ 1-7-21 (973)
ନ ତ୍ବଂ ସର୍ବଶରୀରେଣ ସର୍ବଭକ୍ଷତ୍ବମେଷ୍ଯସି।
ଅପାନେ ହ୍ଯର୍ଚିଷୋ ଯାସ୍ତେ ସର୍ବଂ ଭକ୍ଷ୍ଯନ୍ତି ତାଃ ଶିଖିନ୍॥ 1-7-22 (974)
କ୍ରବ୍ଯାଦା ଚ ତନୁର୍ଯା ତେ ସା ସର୍ବଂ ଭକ୍ଷଯିଷ୍ଯତି।
ଯଥା ସୂର୍ଯାଂଶୁଭିଃ ସ୍ପୃଷ୍ଟଂ ସର୍ବଂ ଶୁଚି ବିଭାବ୍ଯତେ॥ 1-7-23 (975)
ତଥା ତ୍ବଦର୍ଚିର୍ନିର୍ଦଗ୍ଧଂ ସର୍ବଂ ଶୁଚି ଭବିଷ୍ଯତି।
ତ୍ବମଗ୍ନେ ପରମଂ ତେଜଃ ସ୍ବପ୍ରଭାବାଦ୍ବିନିର୍ଗତମ୍॥ 1-7-24 (976)
ସ୍ବତେଜସୈବ ତଂ ଶାପଂ କୁରୁ ସତ୍ଯମୃଷେର୍ବିଭୋ।
ଦେବାନାଂ ଚାତ୍ମନୋ ଭାଗଂ ଗୃହାଣ ତ୍ବଂ ମୁଖେ ହୁତମ୍॥ 1-7-25 (977)
ସୌତିରୁବାଚ। 1-7-26x (40)
ଏବମସ୍ତ୍ବିତି ତଂ ବହ୍ନିଃ ପ୍ରତ୍ଯୁବାଚ ପିତାମହମ୍।
ଜଗାମ ଶାସନଂ କର୍ତୁଂ ଦେବସ୍ଯ ପରମେଷ୍ଠିନଃ॥ 1-7-26 (978)
ଦେବର୍ଷଯଶ୍ଚ ମୁଦିତାସ୍ତତୋ ଜଗ୍ମୁର୍ଯଥାଗତମ୍।
ଋଷଯଶ୍ଚ ଯଥା ପୂର୍ବଂ କ୍ରିଯାଃ ସର୍ବାଃ ପ୍ରଚକ୍ରିରେ॥ 1-7-27 (979)
ଦିବି ଦେବା ମୁମୁଦିରେ ଭୂତସଙ୍ଘାଶ୍ଚ ଲୌକିକାଃ।
ଅଗ୍ନିଶ୍ଚ ପରମାଂ ପ୍ରୀତିମବାପ ହତକଲ୍ମଷଃ॥ 1-7-28 (980)
ଏବଂ ସ ଭଗବାଞ୍ଛାପଂ ଲେଭେଽଗ୍ନିର୍ଭୃଗୁତଃ ପୁରା।
ଏବମେଷ ପୁରା ବୃତ୍ତ ହତିହାସୋଽଗ୍ନିଶାପଜଃ।
ପୁଲୋମ୍ନଶ୍ଚ ବିନାଶୋଽଯଂ ଚ୍ଯବନସ୍ଯ ଚ ସଂଭବଃ॥ ॥ 1-7-29 (981)
ଇତି ଶ୍ରୀମନ୍ମହାଭାରତେ ଆଦିପର୍ବଣି ପୌଲୋମପର୍ବଣି ସପ୍ତମୋଽଧ୍ଯାଯଃ॥ 7 ॥
Mahabharata - Adi Parva - Chapter Footnotes
1-7-2 ସମଂ ପକ୍ଷପାତହୀନାଂ। ବ୍ଯଭିଚାରଃ ଅପରାଧଃ॥ 2 ॥ 1-7-8 ଆପଃ ସୋମାଜ୍ଯ ପ୍ରଭୃତଯୋଗ୍ନୌ ହୂଯମାନା ଦେବପିତୃରୂପାଃ। ଅଗ୍ନୌ ହୁତା ଆପ ଏବ ଦେବତାଶରୀରରୂପେଣ ପରିଣମନ୍ତ ଇତ୍ଯର୍ଥଃ॥ 1-7-9 ଦେବାଦିଭାବସ୍ଯାପି କର୍ମପ୍ରାପ୍ଯତ୍ବାଦ୍ଦେବାନାଂ ପିତୄଣାଂ ଚ ମିଥୋ ଭେଦୋ ନାସ୍ତ୍ଯେବ ତୁଲ୍ଯହେତୁକତ୍ବାଦିତ୍ଯାହ ଦେବତା ଇତି॥ 1-7-11 ଅମାବାସ୍ଯାଂ ଅମାବାସ୍ଯାଯାଂ। ହୂଯନ୍ତେ ଇଜ୍ଯନ୍ତେ॥ 1-7-12 ସଂହାରଂ ତିରୋଭାବଂ॥ 1-7-22 ଭକ୍ଷ୍ଯନ୍ତି ଭକ୍ଷଯିଷ୍ଯନ୍ତି॥ 1-7-23 କ୍ରବ୍ଯାଦା ମାଂସଭକ୍ଷିଣୀ॥ 1-7-24 ସ୍ବପ୍ରଭାବାତ୍ ଅଗ୍ନିପ୍ରେରଣଯା। ତସ୍ଯ ବାଗଧିଷ୍ଠାତୃତ୍ବାତ୍ତତ୍ପ୍ରେରଣଯୈବ ବିନିର୍ଗତଂ ଶାପଂ॥ 24 ॥ ସପ୍ତମୋଽଧ୍ଯାଯଃ॥ 7 ॥ଆଦିପର୍ବ - ଅଧ୍ଯାଯ 008
॥ ଶ୍ରୀଃ ॥
1.8. ଅଧ୍ଯାଯଃ 008
Mahabharata - Adi Parva - Chapter Topics
ରୁରୁଚରିତଂ॥ 1 ॥ ମେନ୍କାତ୍ମଜାଯାଃ ପ୍ରମଦ୍ବରାଯାଃ ରୁରୁଣା ସହ ବିବାହପ୍ରସଙ୍ଗଃ॥ 2 ॥ ପ୍ରମଦ୍ବରାଯାଃ ସର୍ପଦଂଶେନ ରୁରୋର୍ଦୁଃଖମ୍॥ 3 ॥Mahabharata - Adi Parva - Chapter Text
1-8-0 (982)
ସୌତିରୁବାଚ। 1-8-0x (41)
ସ ଚାପି ଚ୍ଯବନୋ ବ୍ରହ୍ମନ୍ଭାର୍ଗବୋଽଜନଯତ୍ସୁତମ୍।
ସୁକନ୍ଯାଯାଂ ମହାତ୍ମାନଂ ପ୍ରମତିଂ ଦୀପ୍ତତେଜସମ୍॥ 1-8-1 (983)
ପ୍ରମତିସ୍ତୁ ରୁରୁଂ ନାମ ଘୃତାଚ୍ଯାଂ ସମଜୀଜନତ୍।
ରୁରୁଃ ପ୍ରମଦ୍ବରାଯାଂ ତୁ ଶୁନକଂ ସମଜୀଜନମ୍॥ 1-8-2 (984)
ଶୁନକସ୍ତୁ ମହାସତ୍ବଃ ସର୍ବଭାର୍ଗବନନ୍ଦନଃ।
ଜାତସ୍ତପସି ତୀବ୍ରେ ଚ ସ୍ଥିତଃ ସ୍ଥିରଯଶାସ୍ତତଃ॥ 1-8-3 (985)
ତସ୍ଯ ବ୍ରହ୍ମନ୍ରୁରୋଃ ସର୍ବଂ ଚରିତଂ ଭୂରିତେଜସଃ।
ବିସ୍ତରେଣ ପ୍ରବକ୍ଷ୍ଯାମି ତଚ୍ଛୃଣୁ ତ୍ବମଶେଷତଃ॥ 1-8-4 (986)
ଋଷିରାସୀନ୍ମହାନ୍ପୂର୍ବଂ ତପୋବିଦ୍ଯାସମନ୍ବିତଃ।
ସ୍ଥୂଲକେଶ ଇତି ଖ୍ଯାତଃ ସର୍ବଭୂତହିତେ ରତଃ॥ 1-8-5 (987)
ଏତସ୍ମିନ୍ନେବ କାଲେ ତୁ ମେନକାଯାଂ ପ୍ରଜଜ୍ଞିବାନ୍।
ଗନ୍ଧର୍ବରାଜୋ ବିପ୍ରର୍ଷେ ବିଶ୍ବାବସୁରିତି ସ୍ମୃତଃ॥ 1-8-6 (988)
ଅପ୍ସରା ମେନକା ତସ୍ଯ ତଂ ଗର୍ଭଂ ଭୃଗୁନନ୍ଦନ।
ଉତ୍ସସର୍ଜ ଯଥାକାଲଂ ସ୍ଥୂଲକେଶାଶ୍ରମଂ ପ୍ରତି॥ 1-8-7 (989)
ଉତ୍ସୃଜ୍ଯ ଚୈବ ତଂ ଗର୍ଭଂ ନଦ୍ଯାସ୍ତୀରେ ଜଗାମ ସା।
ଅପ୍ସରା ମେନକା ବ୍ରହ୍ମନ୍ନିର୍ଦଯା ନିରପତ୍ରପା॥ 1-8-8 (990)
କନ୍ଯାମମରଗର୍ଭାଭାଂ ଜ୍ବଲନ୍ତୀମିବ ଚ ଶ୍ରିଯା।
ତାଂ ଦଦର୍ଶ ସମୁତ୍ସୃଷ୍ଟାଂ ନଦୀତୀରେ ମହାନୃଷିଃ॥ 1-8-9 (991)
ସ୍ଥୂଲକେଶଃ ସ ତେଜସ୍ବୀ ବିଜନେ ବନ୍ଧୁବର୍ଜିତାମ୍।
ସ ତାଂ ଦୃଷ୍ଟ୍ବା ତଦା କନ୍ଯାଂ ସ୍ଥୂଲକେଶୋ ମହାଦ୍ବିଜଃ॥ 1-8-10 (992)
ଜଗ୍ରାହ ଚ ମୁନିଶ୍ରେଷ୍ଠଃ କୃପାବିଷ୍ଟଃ ପୁପୋଷ ଚ।
ବବୃଧେ ସା ବରାରୋହା ତସ୍ଯାଶ୍ରମପଦେ ଶୁଭେ॥ 1-8-11 (993)
ଜାତକାଦ୍ଯାଃ କ୍ରିଯାଶ୍ଚାସ୍ଯା ବିଧିପୂର୍ବଂ ଯଥାକ୍ରମମ୍।
ସ୍ଥୂଲକେଶୋ ମହାଭାଗଶ୍ଚକାର ସୁମହାନୃଷିଃ॥ 1-8-12 (994)
ପ୍ରମଦାଭ୍ଯୋ ବରା ସା ତୁ ସତ୍ତ୍ବରୂପଗୁଣାନ୍ବିତା।
ତତଃ ପ୍ରମଦ୍ବରେତ୍ଯସ୍ଯା ନାମ ଚକ୍ରେ ମହାନୃଷିଃ॥ 1-8-13 (995)
ତାମାଶ୍ରମପଦେ ତସ୍ଯ ରୁରୁର୍ଦୃଷ୍ଟ୍ବା ପ୍ରମଦ୍ବରାମ୍।
ବଭୂବ କିଲ ଧର୍ମାତ୍ମା ମଦନୋପହତସ୍ତଦା॥ 1-8-14 (996)
ପିତରଂ ସଖିଭିଃ ସୋଽଥ ଶ୍ରାବଯାମାସ ଭାର୍ଗବମ୍।
ପ୍ରମତିଶ୍ଚାଭ୍ଯଯାଚତ୍ତାଂ ସ୍ଥୂଲକେଶଂ ଯଶସ୍ବିନମ୍॥ 1-8-15 (997)
ତତଃ ପ୍ରାଦାତ୍ପିତା କନ୍ଯାଂ ରୁରବେ ତାଂ ପ୍ରମଦ୍ବରାମ୍।
ବିବାହଂ ସ୍ଥାପଯିତ୍ବାଗ୍ରେ ନକ୍ଷତ୍ରେ ଭଗଦୈବତେ॥ 1-8-16 (998)
ତତଃ କତିପଯାହସ୍ଯ ବିବାହେ ସମୁପସ୍ଥିତେ।
ସଖୀଭିଃ କ୍ରୀଡତୀ ସାର୍ଧଂ ସା କନ୍ଯାବରବର୍ଣିନୀ॥ 1-8-17 (999)
ନାପଶ୍ଯତ୍ସଂପ୍ରସୁପ୍ତଂ ବୈ ଭୁଜଂଗଂ ତିର୍ଯଗାଯତମ୍।
ପଦା ଚୈନଂ ସମାକ୍ରାମନ୍ମୁମୂର୍ଷୁଃ କାଲଚୋଦିତା॥ 1-8-18 (1000)
ସ ତସ୍ଯାଃ ସଂପ୍ରମତ୍ତାଯାଶ୍ଚୋଦିତଃ କାଲଧର୍ମଣା।
ବିଷୋପଲିପ୍ତାନ୍ଦଶନାନ୍ଭୃଶମଙ୍ଗେ ନ୍ଯପାତଯତ୍॥ 1-8-19 (1001)
ସା ଦଷ୍ଟା ତେନ ସର୍ପେଣ ପପାତ ସହସା ଭୁବି।
ବିବର୍ଣା ବିଗତଶ୍ରୀକା ଭ୍ରଷ୍ଟାଭରଣଚେତନା॥ 1-8-20 (1002)
ନିରାନନ୍ଦକରୀ ତେଷାଂ ବନ୍ଧୂନାଂ ମୁକ୍ତମୂର୍ଧଜା।
ବ୍ଯସୁରପ୍ରେକ୍ଷଣୀଯା ସା ପ୍ରେକ୍ଷଣୀଯତମାଽଭବତ୍॥ 1-8-21 (1003)
ପ୍ରସୁପ୍ତେବାଭବଚ୍ଚାପି ଭୁବି ସର୍ପବିଷାର୍ଦିତା।
ଭୂଯୋ ମନୋହରତରା ବଭୂବ ତନୁମଧ୍ଯମା॥ 1-8-22 (1004)
ଦଦର୍ଶ ତାଂ ପିତା ଚୈବ ଯେ ଚୈବାନ୍ଯେ ତପସ୍ବିନଃ।
ବିଚେଷ୍ଟମାନାଂ ପତିତାଂ ଭୂତଲେ ପଦ୍ମବର୍ଚସମ୍॥ 1-8-23 (1005)
ତତଃ ସର୍ବେ ଦ୍ବିଜତରାଃ ସମାଜଗ୍ମୁଃ କୃପାନ୍ବିତାଃ।
ସ୍ବସ୍ତ୍ଯାତ୍ରେଯୋ ମହାଜାନୁଃ କୁଶିକଃ ଶଙ୍ଖମେଖଲଃ॥ 1-8-24 (1006)
ଉଦ୍ଦାଲକଃ କଠଶ୍ଚୈବ ଶ୍ବେତଶ୍ଚୈବ ମହାଯଶାଃ।
ଭରଦ୍ବାଜଃ କୌଣକୃତ୍ସ୍ଯ ଆର୍ଷ୍ଟିଷେଣୋଽଥ ଗୌତମଃ॥ 1-8-25 (1007)
ପ୍ରମତିଃ ସହ ପୁତ୍ରେଣ ତଥାନ୍ଯେ ବନବାସିନଃ।
ତାଂ ତେ କନ୍ଯାଂ ବ୍ଯସୁଂ ଦୃଷ୍ଟ୍ବା ଭୁଜଂଗସ୍ଯ ବିଷାର୍ଦିତାମ୍॥ 1-8-26 (1008)
ରୁରୁଦୁଃ କୃପଯାଽବିଷ୍ଟା ରୁରୁସ୍ତ୍ବାର୍ତୋ ବହିର୍ଯଯୌ।
ତେ ଚ ସର୍ବେ ଦ୍ବିଜଶ୍ରେଷ୍ଠାସ୍ତତ୍ରୈବୋପାବିଶଂସ୍ତଦା॥ ॥ 1-8-27 (1009)
ଇତି ଶ୍ରୀମନ୍ମହାଭାରତେ ଆଦିପର୍ବଣି ପୌଲୋମପର୍ବଣି ଅଷ୍ଟମୋଽଧ୍ଯାଯଃ॥ 8 ॥
Mahabharata - Adi Parva - Chapter Footnotes
1-8-3 ଶୁନକସ୍ତୁ ଶୌନକସ୍ତ୍ବମିତି ପାଠାନ୍ତରମ୍॥ 1-8-6 ପ୍ରଜଜ୍ଞିବାନ୍ ଉତ୍ପାଦିତବାନ୍॥ 1-8-17 କତିପଯାହସ୍ଯ କତିପଯାହସ୍ସୁ ଇତି ପାଠାନ୍ତରଂ। କତିପଯାହସ୍ସୁ ହତେଷ୍ବିତ୍ଯର୍ଥଃ॥ 1-8-19 କାଲଧର୍ମଣା ମୃତ୍ଯୁନା॥ ଅଷ୍ଟମୋଽଧ୍ଯାଯଃ॥ 8 ॥ଆଦିପର୍ବ - ଅଧ୍ଯାଯ 009
॥ ଶ୍ରୀଃ ॥
1.9. ଅଧ୍ଯାଯଃ 009
Mahabharata - Adi Parva - Chapter Topics
ଦେବଦୂତବଚନେନ ରୁରୁକୃତସ୍ବାର୍ଧାଯୁଃ ପ୍ରଦାନେନ ପ୍ରମଦ୍ବରାଜୀବନଂ ତଯା ସହ ରୁରୋର୍ବିବାହଶ୍ଚ॥ 1 ॥Mahabharata - Adi Parva - Chapter Text
1-9-0 (1010)
ସୌତିରୁବାଚ। 1-9-0x (42)
ତେଷୁ ତତ୍ରୋପବିଷ୍ଟେଷୁ ବ୍ରାହ୍ମଣେଷୁ ମହାତ୍ମସୁ।
ରୁରୁଶ୍ଚୁକ୍ରୋଶ ଗହନଂ ବନଂ ଗତ୍ବାଽତିଦୁଃଖିତଃ॥ 1-9-1 (1011)
ଶୋକେନାଭିହତଃ ସୋଽଥ ବିଲପନ୍କରୁଣଂ ବହୁ।
ଅବ୍ରବୀଦ୍ବଚନଂ ଶୋଚନ୍ପ୍ରିଯାଂ ସ୍ମୃତ୍ବା ପ୍ରମଦ୍ବରାମ୍॥ 1-9-2 (1012)
ଶେତେ ସା ଭୁବି ତନ୍ବଙ୍ଗୀ ମମ ଶୋକବିବର୍ଧିନୀ।
`ପ୍ରାଣାନପହରନ୍ତୀବ ପୂର୍ଣଚନ୍ଦ୍ରନିଭାନନା॥ 1-9-3 (1013)
ଯଦି ପୀନାଯତଶ୍ରୋଣୀ ପଦ୍ମପତ୍ରନିଭେକ୍ଷଣା।
ମୁମୂର୍ଷୁରପି ମେ ପ୍ରାଣାନାଦାଯାଶୁ ଗମିଷ୍ଯତି॥ 1-9-4 (1014)
ପିତୃମାତୃସଖୀନାଂ ଚ ଲୁପ୍ତପିଣ୍ଡସ୍ଯ ତସ୍ଯ ମେ।'
ବାନ୍ଧବାନାଂ ଚ ସର୍ବେଷାଂ କିଂ ନୁ ଦୁଃଖମତଃପରମ୍॥ 1-9-5 (1015)
ଯଦି ଦତ୍ତଂ ତପସ୍ତପ୍ତଂ ଗୁରବୋ ବା ମଯା ଯଦି।
ସମ୍ଯଗାରାଧିତାସ୍ତେନ ସଂଜୀବତୁ ମମ ପ୍ରିଯା॥ 1-9-6 (1016)
ଯଥା ଚ ଜନ୍ମପ୍ରଭୃତି ଯତାତ୍ମାଽହଂ ଧୃତବ୍ରତଃ।
ପ୍ରମଦ୍ବରା ତଥାଦ୍ଯୈଷା ସମୁତ୍ତିଷ୍ଠତୁ ଭାମିନୀ॥ 1-9-7 (1017)
[ଏବଂ ଲାଲପ୍ଯତସ୍ତସ୍ଯ ଭାର୍ଯାର୍ଥେ ଦୁଃଖିତସ୍ଯ ଚ।
ଦେବଦୂତସ୍ତଦାଽଭ୍ଯେତ୍ଯ ବାକ୍ଯମାହ ରୁରୁଂ ବନେ॥] 1-9-8 (1018)
`କୃଷ୍ଣେ ବିଷ୍ଣୌ ହୃଷୀକେଶେ ଲୋକେଶେଽସୁରବିଦ୍ବିଷି।
ଯଦି ମେ ନିଶ୍ଚଲା ଭକ୍ତିର୍ମମ ଜୀବତୁ ସା ପ୍ରିଯା॥ 1-9-9 (1019)
ବିଲପ୍ଯମାନେ ତୁ ରୁରୌ ସର୍ବେ ଦେବାଃ କୃପାନ୍ବିତାଃ।
ଦୂତଂ ପ୍ରସ୍ଥାପଯାମାସୁଃ ସଂଦିଶ୍ଯାସ୍ଯ ହିତଂ ବଚଃ॥ 1-9-10 (1020)
ସ ଦୂତସ୍ତ୍ବରିତୋଽଭ୍ଯେତ୍ଯ ଦେବାନାଂ ପ୍ରିଯକୃଚ୍ଛୁଚିଃ।
ଉବାଚ ଦେବବଚନଂ ରୁରୁମାଭାଷ୍ଯ ଦୁଃଖିତମ୍॥ 1-9-11 (1021)
ଦେବୈଃ ସର୍ବୈରହଂ ବ୍ରହ୍ମନ୍ପ୍ରେଷିତୋଽସ୍ମି ତବାନ୍ତିକମ୍।
ତ୍ବଦ୍ଧିତଂ ତ୍ବଦ୍ଧିତୈରୁକ୍ତଂ ଶୃଣୁ ବାକ୍ଯଂ ଦ୍ବିଜୋତ୍ତମ॥' 1-9-12 (1022)
ଅଭିଧତ୍ସେ ହ ଯଦ୍ବାଚା ରୁରୋ ଦୁଃଖାନ୍ନ ତନ୍ମୃଷା।
ନ ତୁ ମର୍ତ୍ଯସ୍ଯ ଧର୍ମାତ୍ମନ୍ନାଯୁରସ୍ତି ଗତାଯୁଷଃ॥ 1-9-13 (1023)
ଗତାଯୁରେଷା କୃପଣା ଗନ୍ଧର୍ବାପ୍ସରସୋଃ ସୁତା।
ତସ୍ମାଚ୍ଛୋକେ ମନସ୍ତାତ ମା କୃଥାସ୍ତ୍ବଂ କଥଂଚନ॥ 1-9-14 (1024)
ଉପାଯଶ୍ଚାତ୍ର ବିହିତଃ ପୂର୍ବଂ ଦେବୈର୍ମହାତ୍ମଭିଃ।
ତଂ ଯଦୀଚ୍ଛସି କର୍ତୁଂ ତ୍ବଂ ପ୍ରାପ୍ସ୍ଯସୀହ ପ୍ରମଦ୍ବରାମ୍॥ 1-9-15 (1025)
ରୁରୁରୁବାଚ। 1-9-16x (43)
କ ଉପାଯଃ କୃତୋ ଦେବୈର୍ବୂହି ତତ୍ତ୍ବେନ ଖେଚର।
କରିଷ୍ଯେଽହଂ ତଥା ଶ୍ରୁତ୍ବା ତ୍ରାତୁମର୍ହତି ମାଂ ଭବାନ୍॥ 1-9-16 (1026)
ଦେବେଦୂତ ଉବାଚ। 1-9-17x (44)
ଆଯୁଷୋଽର୍ଧଂ ପ୍ରଯଚ୍ଛ ତ୍ବଂ କନ୍ଯାଯୈ ଭୃଗୁନନ୍ଦନ।
ଏବମୁତ୍ଥାସ୍ଯତି ରୁରୋ ତବ ଭାର୍ଯା ପ୍ରଯଦ୍ବରା॥ 1-9-17 (1027)
ରୁରୁରୁବାଚ। 1-9-18x (45)
ଆଯୁଷୋଽର୍ଧଂ ପ୍ରଯଚ୍ଛାମି କନ୍ଯାଯୈ ଖେଚରୋତ୍ତମ।
ଶୃଙ୍ଗାରରୂପାଭରଣା ସମୁତ୍ତିଷ୍ଠତୁ ମେ ପ୍ରିଯା॥ 1-9-18 (1028)
ସୌତିରୁବାଚ। 1-9-19x (46)
ତତୋ ଗନ୍ଧର୍ବରାଜଶ୍ଚ ଦେବଦୂତଶ୍ଚ ସତ୍ତମୌ।
ଧର୍ମରାଜମୁପେତ୍ଯେଦଂ ବଚନଂ ପ୍ରତ୍ଯଭାଷତାମ୍॥ 1-9-19 (1029)
ଧର୍ମରାଜାଯୁଷୋଽର୍ଧେନ ରୁରୋର୍ଭାର୍ଯା ପ୍ରମଦ୍ବରା।
ସମୁତ୍ତିଷ୍ଠତୁ କଲ୍ଯାଣୀ ମୃତୈବଂ ଯଦି ମନ୍ଯସେ॥ 1-9-20 (1030)
ଧର୍ମରାଜ ଉବାଚ। 1-9-21x (47)
ପ୍ରମଦ୍ବରା ରୁରୋର୍ଭାର୍ଯା ଦେବଦୂତ ଯଦୀଚ୍ଛସି।
ଉତ୍ତିଷ୍ଠତ୍ବାଯୁଷୋଽର୍ଧେନ ରୁରୋରେବ ସମନ୍ବିତା॥ 1-9-21 (1031)
ସୌତିରୁବାଚ। 1-9-22x (48)
ଏବମୁକ୍ତେ ତତଃ କନ୍ଯା ସୋଦତିଷ୍ଠତ୍ପ୍ରମଦ୍ବରା।
ରୁରୋସ୍ତସ୍ଯାଯୁଷୋଽର୍ଧେନ ସୁପ୍ତେବ ବରବର୍ଣିନୀ॥ 1-9-22 (1032)
ଏତଦ୍ଦୃଷ୍ଟଂ ଭବିଷ୍ଯେ ହି ରୁରୋରୁତ୍ତମତେଜସଃ।
ଆଯୁଷୋଽତିପ୍ରବୃଦ୍ଧସ୍ଯ ଭାର୍ଯାର୍ଥେଽର୍ଧମଲୁପ୍ଯତ॥ 1-9-23 (1033)
ତତ ଇଷ୍ଟେଽହନି ତଯୋଃ ପିତରୌ ଚକ୍ରତୁର୍ମୁଦା।
ବିବାହଂ ତୌ ଚ ରେମାତେ ପରସ୍ପରହିତୈଷିଣୌ॥ 1-9-24 (1034)
ସ ଲବ୍ଧ୍ବା ଦୁର୍ଲଭାଂ ଭାର୍ଯାଂ ପଦ୍ମକିଞ୍ଜଲ୍କସୁପ୍ରଭାମ୍।
ବ୍ରତଂ ଚକ୍ରେ ବିନାଶାଯ ଜିହ୍ମଗାନାଂ ଧୃତବ୍ରତଃ॥ 1-9-25 (1035)
ସ ଦୃଷ୍ଟ୍ବା ଜିହ୍ମଗାନ୍ସର୍ବାଂସ୍ତୀବ୍ରକୋପସମନ୍ବିତଃ।
ଅଭିହନ୍ତି ଯଥାସତ୍ତ୍ବଂ ଗୃହ୍ଯ ପ୍ରହରଣଂ ସଦା॥ 1-9-26 (1036)
ସ କଦାଚିଦ୍ବନଂ ବିପ୍ରୋ ରୁରୁରଭ୍ଯାଗମନ୍ମହତ୍।
ଶଯାନଂ ତତ୍ର ଚାପଶ୍ଯଡ୍ଡୁଣ୍ଡୁଭଂ ବଯସାନ୍ବିତମ୍॥ 1-9-27 (1037)
ତତ ଉଦ୍ଯମ୍ଯ ଦମ୍ଡଂ ସ କାଲଦଣ୍ଡୋପମଂ ତଦା।
ଜିଘାଂସୁଃ କୁପିତୋ ବିପ୍ରସ୍ତମୁବାଚାଥ ଡୁଣ୍ଡୁଭଃ॥ 1-9-28 (1038)
ନାପରାଧ୍ଯାମି ତେ କିଂଚିଦହମଦ୍ଯ ତପୋଧନ।
ସଂରମ୍ଭାଚ୍ଚ କିମର୍ଥଂ ମାମଭିହଂସି ରୁଷାନ୍ବିତଃ॥ ॥ 1-9-29 (1039)
ଇତି ଶ୍ରୀମନ୍ମହାଭାରତେ ଆଦିପର୍ବାଣି ପୌଲୋମପର୍ବଣି ନବମୋଽଧ୍ଯାଯଃ॥ 9 ॥
Mahabharata - Adi Parva - Chapter Footnotes
1-9-13 ଗତାଯୁଷଃ ଆଯୁର୍ନାସ୍ତି ପୁନର୍ନ ଭବତୀତ୍ଯର୍ଥଃ॥ 1-9-23 ଭବିଷ୍ଯେ ଜାତକେ॥ 1-9-25 ଜିହ୍ମଗାନାଂ ସର୍ପାଣାଂ॥ 1-9-27 ଡୁଣ୍ଡୁଭଂ ଜଲସର୍ପଂ॥ ନବମୋଽଧ୍ଯାଯଃ॥ 9 ॥ଆଦିପର୍ବ - ଅଧ୍ଯାଯ 010
॥ ଶ୍ରୀଃ ॥
1.10. ଅଧ୍ଯାଯଃ 010
Mahabharata - Adi Parva - Chapter Topics
ରୁରୁଡୁଣ୍ଡୁଭସଂବାଦଃ॥ 1 ॥Mahabharata - Adi Parva - Chapter Text
1-10-0 (1040)
ରୁରୁରୁବାଚ। 1-10-0x (49)
ମମ ପ୍ରାଣସମା ଭାର୍ଯା ଦଷ୍ଟାସୀଦ୍ଭୁଜଗେନ ହ।
ତତ୍ର ମେ ସମଯୋ ଘୋର ଆତ୍ମନୋରଗ ବୈ କୃତଃ॥ 1-10-1 (1041)
ଭୁଜଂଗଂ ବୈ ସଦା ହନ୍ଯାଂ ଯଂ ଯଂ ପଶ୍ଯେଯମିତ୍ଯୁତ।
ତତୋଽହଂ ତ୍ବାଂ ଜିଘାଂସାମି ଜୀବିତେନାଦ୍ଯ ମୋକ୍ଷ୍ଯସେ॥ 1-10-2 (1042)
ଡୁଣ୍ଡୁଭ ଉବାଚ। 1-10-3x (50)
ଅନ୍ଯେ ତେ ଭୁଜଗା ବ୍ରହ୍ମନ୍ଯେ ଦଶ୍ତୀହ ମାନବାନ୍।
ଡୁଣ୍ଡୁଭାନହିଗନ୍ଧେନ ନ ତ୍ବଂ ହିଂସିତୁମର୍ହସି॥ 1-10-3 (1043)
ଏକାନର୍ଥାନ୍ପୃଥଗ୍ଧର୍ମାନେକଦୁଃଖାନ୍ପୃଥକ୍ସୁଖାନ୍।
ଡୁଣ୍ଡୁଭାନ୍ଧର୍ମବିଦ୍ଭୂତ୍ବା ନ ତ୍ବଂ ହିଂସିତୁମର୍ହସି॥ 1-10-4 (1044)
ସୌତିରୁବାଚ। 1-10-5x (51)
ଇତି ଶ୍ରୁତ୍ବା ବଚସ୍ତସ୍ଯ ଡୁଣ୍ଡୁଭସ୍ଯ ରୁରୁସ୍ତଦା।
ନାବଧୀଦ୍ଭଯସଂବିଗ୍ନମୃଷିଂ ମତ୍ତ୍ବାଽଥ ଡୁଣ୍ଡୁଭମ୍॥ 1-10-5 (1045)
ଉବାଚ ଚୈନଂ ଭଗବାନ୍ରୁରୁଃ ସଂଶମଯନ୍ନିବ।
କେନ ତ୍ବଂ ଭୁଜଗ ବ୍ରୂହି କୋଽସୀମାଂ ବିକ୍ରିଯାଂ ଗତଃ॥ 1-10-6 (1046)
ଡୁଣ୍ଡୁଭ ଉବାଚ। 1-10-7x (52)
ଅହଂ ପୁରା ରୁରୋ ନାମ୍ନା ଋଷିରାସଂ ସହସ୍ରପାତ୍।
ସୋଽହଂ ଶାପେନ ବିପ୍ରସ୍ଯ ଭୁଜଗତ୍ବମୁପାଗତଃ॥ 1-10-7 (1047)
ରୁରୁରୁବାଚ। 1-10-8x (53)
କିମର୍ଥଂ ଶପ୍ତବାନ୍କୁଦ୍ଧୋ ଦ୍ବିଜସ୍ତ୍ବାଂ ଭୁଜଗୋତ୍ତମ।
କିଯନ୍ତଂ ଚୈବ କାଲଂ ତେ ବପୁରେତଦ୍ଭବିଷ୍ଯସି॥ ॥ 1-10-8 (1048)
ଇତି ଶ୍ରୀମନ୍ମହାଭାରତେ ଆଦିପର୍ବଣି ପୌଲୋମପର୍ବଣି ଦଶମୋଽଧ୍ଯାଯଃ॥ 10 ॥
Mahabharata - Adi Parva - Chapter Footnotes
1-10-3 ଅହିଗନ୍ଧେନ ସର୍ପସାଦୃଶ୍ଯମାତ୍ରେଣ॥ 1-10-4 ଏକାନର୍ଥାନ୍ ଏକଃ ସମାନଃ ଅନର୍ଥଃ ଜନକର୍ତୃକହିଂସାଦିରୂପୋ ଯେଷାଂ ତାନ୍। ପୃଥକ୍ ସର୍ପଜାତ୍ଯୁଚିତପ୍ରାଣହରଣାଦିବିଲକ୍ଷଣୋ ଧର୍ମୋ ଲକ୍ଷଣଂ ଯେଷାଂ ତେ। ଏକଂ ତୁଲ୍ଯଂ ବିଲେଶଯତ୍ବାଦିରୂପଂ ଦୁଃଖଂ ଯେଷାଂ ତାନ୍। ପୃଥକ୍ ହବିର୍ଭାଗାଦିଭ୍ଯୋ ଭିନ୍ନଂ ଭେକଭକ୍ଷଣାଦି ସୁଖଂ ଯେଷାଂ ତାନ୍। ଧର୍ମବିତ୍ କୃତାପରାଧସ୍ଯୈବ ଦଣ୍ଡୋ ନତ୍ବନ୍ଯସ୍ଯେତି ଧର୍ମସ୍ତଜ୍ଜ୍ଞଃ॥ ଦଶମୋଽଧ୍ଯାଯଃ॥ 10 ॥ଆଦିପର୍ବ - ଅଧ୍ଯାଯ 011
॥ ଶ୍ରୀଃ ॥
1.11. ଅଧ୍ଯାଯଃ 011
Mahabharata - Adi Parva - Chapter Topics
ଡୁଣ୍ଡୁଭଚରିତମ୍॥ 1 ॥Mahabharata - Adi Parva - Chapter Text
1-11-0 (1049)
ଡୁଣ୍ଡୁଭ ଉବାଚ। 1-11-0x (54)
ସଖା ବଭୂବ ମେ ପୂର୍ବଂ ଖଗମୋ ନାମ ବୈ ଦ୍ବିଜଃ।
ଭୃଶଂ ସଂଶିତବାକ୍ତାତ ତପୋବଲସମନ୍ବିତଃ॥ 1-11-1 (1050)
ସ ମଯା କ୍ରୀଡତା ବାଲ୍ଯେ କୃତ୍ବା ତାର୍ଣଂ ଭୁଜଂଗମମ୍।
ଅଗ୍ନିହୋତ୍ରେ ପ୍ରସକ୍ତସ୍ତୁ ଭୀଷିତଃ ପ୍ରମୁମୋହ ବୈ॥ 1-11-2 (1051)
ଲବ୍ଧ୍ବା ସ ଚ ପୁନଃ ସଂଜ୍ଞାଂ ମାମୁବାଚ ତପୋଧନଃ।
ନର୍ଦହନ୍ନିବ କୋପେନ ସତ୍ଯବାକ୍ସଂଶିତବ୍ରତଃ॥ 1-11-3 (1052)
ଯଥାବୀର୍ଯସ୍ତ୍ବଯା ସର୍ପଃ କୃତୋଽଯଂ ମଦ୍ବିଭୀଷଯା।
ତଥାବୀର୍ଯୋ ଭୁଜଂଗସ୍ତ୍ବଂ ମମ ଶାପାଦ୍ଭବିଷ୍ଯସି॥ 1-11-4 (1053)
ତସ୍ଯାହଂ ତପସୋ ବୀର୍ଯଂ ଜାନନ୍ନାସଂ ତପୋଧନ।
ଭୃଶମୁଦ୍ବିଗ୍ନହୃଦଯସ୍ତମବୋଚମହଂ ତଦା॥ 1-11-5 (1054)
ପ୍ରଣତଃ ସଂଭ୍ରମାଚ୍ଚୈବ ପ୍ରାଞ୍ଜଲିଃ ପୁରତଃ ସ୍ଥିତଃ।
ସଖେତି ହସତେଦଂ ତେ ନର୍ମାର୍ଥଂ ବୈ କୃତଂ ମଯା॥ 1-11-6 (1055)
କ୍ଷନ୍ତୁମର୍ହସି ମେ ବ୍ରହ୍ମଞ୍ଶାପୋଽଯଂ ବିନିବର୍ତ୍ଯତାମ୍।
ସୋଽଥ ମାମବ୍ରବୀଦ୍ଦୃଷ୍ଟ୍ବା ଭୃଶମୁଦ୍ବିଗ୍ନଚେତସମ୍॥ 1-11-7 (1056)
ମୁହୁରୁଷ୍ଣଂ ବିନିଃଶ୍ବସ୍ଯ ସୁସଂଭ୍ରାନ୍ତସ୍ତପୋଧନଃ।
ନାନୃତଂ ବୈ ମଯା ପ୍ରୋକ୍ତଂ ଭବିତେଦଂ କଥଂଚନ॥ 1-11-8 (1057)
ଯତ୍ତୁ ବକ୍ଷ୍ଯାମି ତେ ବାକ୍ଯଂ ଶୃଣୁ ତନ୍ମେ ତପୋଧନ।
ଶ୍ରୁତ୍ବା ଚ ହୃଦି ତେ ବାକ୍ଯମିଦମସ୍ତୁ ସଦାଽନଘ॥ 1-11-9 (1058)
ଉତ୍ପତ୍ସ୍ଯତି ରୁରୁର୍ନାମ ପ୍ରମତେରାତ୍ମଜଃ ଶୁଚିଃ।
ତଂ ଦୃଷ୍ଟ୍ବା ଶାପମୋକ୍ଷସ୍ତେ ଭବିତା ନଚିରାଦିବ।
`ଏବମୁକ୍ତସ୍ତୁ ତେନାହମୁରଗତ୍ବମବାପ୍ତବାନ୍॥' 1-11-10 (1059)
ସ ତ୍ବଂ ରୁରୁରିତି ଖ୍ଯାତଃ ପ୍ରମତେରାତ୍ମଜୋଽପି ଚ।
ସ୍ବରୂପଂ ପ୍ରତିପଦ୍ଯାହମଦ୍ଯ ବକ୍ଷ୍ଯାମି ତେ ହିତମ୍॥ 1-11-11 (1060)
ସୌତିରୁବାଚ। 1-11-12x (55)
ସ ଡୌଣ୍ଡୁଭଂ ପରିତ୍ଯଜ୍ଯ ରୂପଂ ବିପ୍ରର୍ଷଭସ୍ତଦା।
ସ୍ବରୂପଂ ଭାସ୍ବରଂ ଭୂଯଃ ପ୍ରତିପେଦେ ମହାଯଶାଃ॥ 1-11-12 (1061)
ଇଦଂ ଚୋବାଚ ବଚନଂ ରୁରୁମପ୍ରତିମୌଜସମ୍।
ଅହିଂସା ପରମୋ ଧର୍ମଃ ସର୍ବପ୍ରାଣଭୃତାଂ ବର॥ 1-11-13 (1062)
ତସ୍ମାତ୍ପ୍ରାଣଭୃତଃ ସର୍ବାନ୍ନ ହିଂସ୍ଯାଦ୍ବ୍ରାହ୍ମଣଃ କ୍ବଚିତ୍।
ବ୍ରାହ୍ମଣଃ ସୌମ୍ଯ ଏବେହ ଭବତୀତି ପରା ଶ୍ରୁତିଃ॥ 1-11-14 (1063)
ବେଦବେଦାଙ୍ଗବିନ୍ନାମ ସର୍ବଭୂତାଭଯପ୍ରଦଃ।
ଅହିଂସା ସତ୍ଯବଚନଂ କ୍ଷମା ଚେତି ବିନିଶ୍ଚିତମ୍॥ 1-11-15 (1064)
ବ୍ରାହ୍ମଣସ୍ଯ ପରୋ ଧର୍ମୋ ବେଦାନାଂ ଧାରଣାପି ଚ।
କ୍ଷତ୍ରିଯସ୍ଯ ହି ଯୋ ଧର୍ମଃ ସ ନେହେଷ୍ଯେତ ବୈ ତବ॥ 1-11-16 (1065)
ଦଣ୍ଡଧାରଣମୁଗ୍ରତ୍ବଂ ପ୍ରଜାନାଂ ପରିପାଲନମ୍।
ତଦିଦଂ କ୍ଷତ୍ରିଯସ୍ଯାସୀତ୍କର୍ମ ବୈ ଶୃଣୁ ମେ ରୁରୋ॥ 1-11-17 (1066)
ଜନମେଜଯସ୍ଯ ଯଜ୍ଞେଽସ୍ମିନ୍ସର୍ପାଣାଂ ହିଂସନଂ ପୁରା।
ପରିତ୍ରାଣଂ ଚ ଭୀତାନାଂ ସର୍ପାଣାଂ ବ୍ରାହ୍ମଣାଦପି॥ 1-11-18 (1067)
ତପୋବୀର୍ଯବଲୋପେତାଦ୍ବେଦବେଦାଙ୍ଗପାରଗାତ୍।
ଆସ୍ତୀକାଦ୍ଦ୍ବିଜମୁଖ୍ଯାଦ୍ବୈ ସର୍ପସତ୍ରେ ଦ୍ବିଜୋତ୍ତମ॥ ॥ 1-11-19 (1068)
ଇତି ଶ୍ରୀମନ୍ମହାଭାରତେ ଆଦିପର୍ବଣି ପୌଲୋମପର୍ବଣି ଏକାଦଶୋଽଧ୍ଯାଯଃ॥ 11 ॥
Mahabharata - Adi Parva - Chapter Footnotes
1-11-1 ସଂଶିତବାକ୍ ତୀକ୍ଷ୍ଣବଚନଃ॥ 1-11-2 ତାର୍ଣଂ ତୃଣମଯମ୍॥ 1-11-14 ସୌମ୍ଯଃ ଅତୀକ୍ଷ୍ଣସ୍ବଭାବଃ॥ 1-11-18 ପରିତ୍ରାଣଂ ଦୃଷ୍ଟମିତି ଶେଷଃ॥ ଏକାଦଶୋଽଧ୍ଯାଯଃ॥ 11 ॥ଆଦିପର୍ବ - ଅଧ୍ଯାଯ 012
॥ ଶ୍ରୀଃ ॥
1.12. ଅଧ୍ଯାଯଃ 012
Mahabharata - Adi Parva - Chapter Topics
ଜନମେଜଯସର୍ପସନ୍ନପ୍ରସ୍ତାବଃ॥ 1 ॥Mahabharata - Adi Parva - Chapter Text
1-12-0 (1069)
ରୁରୁରୁବାଚ। 1-12-0x (56)
କଥଂ ହିଂସିତବାନ୍ସର୍ପାନ୍ସ ରାଜା ଜନମେଜଯଃ।
ସର୍ପା ବା ହିଂସିତାସ୍ତତ୍ର କିମର୍ଥଂ ଦ୍ବିଜସତ୍ତମ॥ 1-12-1 (1070)
କିମର୍ଥଂ ମୋକ୍ଷିତାଶ୍ଚୈବ ପନ୍ନଗାସ୍ତେନ ଧୀମତା।
ଆସ୍ତୀକେନ ଦ୍ବିଜଶ୍ରେଷ୍ଠ ଶ୍ରୋତୁମିଚ୍ଛାମ୍ଯଶେଷତଃ॥ 1-12-2 (1071)
ଋଷିରୁବାଚ। 1-12-3x (57)
ଶ୍ରୋଷ୍ଯସି ତ୍ବଂ ରୁରୋ ସର୍ବମାସ୍ତୀକଚରିତଂ ମହତ୍।
ବ୍ରାହ୍ମଣାନାଂ କଥଯତାଂ ତ୍ବରାବାନ୍ଗମନେ ହ୍ଯହମ୍॥ 1-12-3 (1072)
ସୌତିରୁବାଚ। 1-12-4x (58)
`ଇତ୍ଯୁକ୍ତ୍ବାନ୍ତର୍ହିତେ ଯୋଗାତ୍ତସ୍ମିନ୍ନୃଷିବରେ ପ୍ରଭୌ।
ସଂଭ୍ରମାବିଷ୍ଟହୃଦଯୋ ରୁରୁର୍ମେନେ ତଦଦ୍ଭୁତମ୍॥' 1-12-4 (1073)
ବଲଂ ପରମମାସ୍ଥାଯ ପର୍ଯଧାବତ୍ସମନ୍ତତଃ।
ତମୃଷିଂ ନଷ୍ଟମନ୍ବିଚ୍ଛନ୍ସଂଶ୍ରାନ୍ତୋ ନ୍ଯପତଦ୍ଭୁବି॥ 1-12-5 (1074)
ସ ମୋହେ ପରମଂ ଗତ୍ବା ନଷ୍ଟସଂଜ୍ଞ ଇବାଭବତ୍।
ତଦୃଷେର୍ବଚନଂ ତଥ୍ଯଂ ଚିନ୍ତଯାନଃ ପୁନଃପୁନଃ॥ 1-12-6 (1075)
ଲବ୍ଧସଂଜ୍ଞୋ ରୁରୁଶ୍ଚାଯାତ୍ତଦାଚଖ୍ଯୌ ପିତୁସ୍ତଦା।
`ପିତ୍ରେ ତୁ ସର୍ବମାଖ୍ଯାଯ ଡୁଣ୍ଡୁଭସ୍ଯ ବଚୋଽର୍ଥବତ୍॥ 1-12-7 (1076)
ଅପୃଚ୍ଛତ୍ପିତରଂ ଭୂଯଃ ସୋସ୍ତୀକସ୍ଯ ବଚସ୍ତଦା।
ଆଖ୍ଯାପଯତ୍ତଦାଽଽଖ୍ଯାନଂ ଡୁଣ୍ଡୁଭେନାଥ କୀର୍ତିତମ୍॥ 1-12-8 (1077)
ତତ୍କୀର୍ତ୍ଯମାନଂ ଭଗବଞ୍ଶ୍ରୋତୁମିଚ୍ଛାମି ତତ୍ତ୍ବତଃ।'
ପିତା ଚାସ୍ଯ ତଦାଖ୍ଯାନଂ ପୃଷ୍ଟଃ ସର୍ବଂ ନ୍ଯବେଦଯତ୍॥ ॥ 1-12-9 (1078)
ଇତି ଶ୍ରୀମନ୍ମହାଭାରତେ ଆଦିପର୍ବଣି ପୌଲୋମପର୍ବଣି ଦ୍ବାଦଶୋଽଧ୍ଯାଯଃ॥ 12 ॥
॥ ସମାପ୍ତଂ ପୌଲୋମପର୍ବ ॥
Mahabharata - Adi Parva - Chapter Footnotes
1-12-5 ନଷ୍ଟଂ ଅନ୍ତର୍ହିତଂ॥ ଦ୍ବାଦଶୋଽଧ୍ଯାଯଃ॥ 12 ॥ଆଦିପର୍ବ - ଅଧ୍ଯାଯ 013
॥ ଶ୍ରୀଃ ॥
1.13. ଅଧ୍ଯାଯଃ 013
(ଅଥାସ୍ତୀକପର୍ବ ॥ 5 ॥)
Mahabharata - Adi Parva - Chapter Topics
ଆସ୍ତୀକଜରତ୍କାର୍ବୋରାଖ୍ଯାନଂ॥ 1 ॥ ଜରତ୍କାରୋସ୍ତତ୍ପିତୄଣାଂ ଚ ସଂବାଦଃ॥ 2 ॥Mahabharata - Adi Parva - Chapter Text
1-13-0 (1079)
ଶୌନକ ଉବାଚ। 1-13-0x (59)
କିମର୍ଥଂ ରାଜଶାର୍ଦୂଲଃ ସ ରାଜା ଜନମେଜଯଃ।
ସର୍ପସତ୍ରେଣ ସର୍ପାଣାଂ ଗତୋଽନ୍ତଂ ତଦ୍ବଦସ୍ବ ମେ॥ 1-13-1 (1080)
ନିଖିଲେନ ଯଥାତତ୍ତ୍ବଂ ସୌତେ ସର୍ବମଶେଷତଃ।
ଆସ୍ତୀକଶ୍ଚ ଦ୍ବିଜଶ୍ରେଷ୍ଠଃ କିମର୍ଥଂ ଜପତାଂ ବରଃ॥ 1-13-2 (1081)
ମୋକ୍ଷଯାମାସ ଭୁଜଗାନ୍ପ୍ରଦୀପ୍ତାଦ୍ବସୁରେତସଃ।
କସ୍ଯ ପୁତ୍ରଃ ସ ରାଜାସୀତ୍ସର୍ପସତ୍ରଂ ଯ ଆହରତ୍॥ 1-13-3 (1082)
ସ ଚ ଦ୍ବିଜାତିପ୍ରବରଃ କସ୍ଯ ପୁତ୍ରୋଽଭିଧତ୍ସ୍ବ ମେ। 1-13-4 (1083)
ସୌତିରୁବାଚ।
ମହଦାକ୍ଯାନମାସ୍ତୀକଂ ଯଥୈତତ୍ପ୍ରୋଚ୍ଯତେ ଦ୍ବିଜ॥ 1-13-4x (60)
ସର୍ବମେତଦଶେଷେଣ ଶୃଣୁ ମେ ବଦତାଂ ବର। 1-13-5 (1084)
ଶୌନକ ଉବାଚ।
ଶ୍ରୋତୁମିଚ୍ଛାମ୍ଯଶେଷେଣ କଥାମେତାଂ ମନୋରମାମ୍॥ 1-13-5x (61)
ଆସ୍ତୀକସ୍ଯ ପୁରାଣର୍ଷେର୍ବ୍ରାହ୍ମଣସ୍ଯ ଯଶସ୍ବିନଃ। 1-13-6 (1085)
ସୌତିରୁବାଚ।
ଇତିହାସମିମଂ ବିପ୍ରାଃ ପୁରାଣଂ ପରିଚକ୍ଷତେ॥ 1-13-6x (62)
କୃଷ୍ଣଦ୍ବୈପାଯନପ୍ରୋକ୍ତଂ ନୈମିଷାରଣ୍ଯବାସିଷୁ।
ପୂର୍ବଂ ପ୍ରଚୋଦିତଃ ସୂତଃ ପିତା ମେ ଲୋମହର୍ଷଣଃ॥ 1-13-7 (1086)
ଶିଷ୍ଯୋ ବ୍ଯାସସ୍ଯ ମେଧାବୀ ବ୍ରାହ୍ମଣେଷ୍ବିଦମୁକ୍ତବାନ୍।
ତସ୍ମାଦହମୁପଶ୍ରୁତ୍ଯ ପ୍ରବକ୍ଷ୍ଯାମି ଯଥାତଥମ୍॥ 1-13-8 (1087)
ଇଦମାସ୍ତୀକମାଖ୍ଯାନଂ ତୁଭ୍ଯଂ ଶୌନକ ପୃଚ୍ଛତେ।
କଥଯିଷ୍ଯାମ୍ଯଶେଷେଣ ସର୍ବପାପପ୍ରଣାଶନମ୍॥ 1-13-9 (1088)
ଆସ୍ତୀକସ୍ଯ ପିତା ହ୍ଯାସୀତ୍ପ୍ରଜାପତିସମଃ ପ୍ରଭୁଃ।
ବ୍ରହ୍ମଚାରୀ ଯତାହାରସ୍ତପସ୍ଯୁଗ୍ରେ ରତଃ ସଦା॥ 1-13-10 (1089)
ଜରତ୍କାରୁରିତି ଖ୍ଯାତ ଊର୍ଧ୍ବରେତା ମହାତପାଃ।
ଯାଯାବରାଣାଂ ପ୍ରବରୋ ଧର୍ମଜ୍ଞଃ ସଂଶିତବ୍ରତଃ॥ 1-13-11 (1090)
ସ କଦାଚିନ୍ମହାଭାଗସ୍ତପୋବଲସମନ୍ବିତଃ।
ଚଚାର ପୃଥିବୀଂ ସର୍ବାଂ ଯତ୍ରସାଯଂଗୃହୋ ମୁନିଃ॥ 1-13-12 (1091)
ତୀର୍ଥେଷୁ ଚ ସମାପ୍ଲାବଂ କୁର୍ବନ୍ନଟତି ସର୍ବଶଃ।
ଚରନ୍ଦୀକ୍ଷାଂ ମହାତେଜା ଦୁଶ୍ଚରାମକୃତାତ୍ମଭିଃ॥ 1-13-13 (1092)
ବାଯୁଭକ୍ଷୋ ନିରାହାରଃ ଶୁଷ୍ଯନ୍ନନିମିଷୋ ମୁନିଃ।
ଇତସ୍ତତଃ ପରିଚରନ୍ଦୀପ୍ତପାବକସପ୍ରଭଃ॥ 1-13-14 (1093)
ଅଟମାନଃ କଦାଚିତ୍ସ୍ବାନ୍ସ ଦଦର୍ଶ ପିତାମହାନ୍।
ଲମ୍ବମାନାନ୍ମହାଗର୍ତେ ପାଦୈରୂର୍ଧ୍ବୈରବାଙ୍ମୁଖାନ୍॥ 1-13-15 (1094)
ତାନବ୍ରବୀତ୍ସ ଦୃଷ୍ଟ୍ବୈ ଜରତ୍କାରୁଃ ପିତାମହାନ୍।
କେ ଭବନ୍ତୋଽବଲମ୍ବନ୍ତେ ଗର୍ତେ ହ୍ଯସ୍ମିନ୍ନଧୋମୁଖାଃ॥ 1-13-16 (1095)
ବୀରଣସ୍ତମ୍ଭକେ ଲଗ୍ନାଃ ସର୍ବତଃ ପରିଭକ୍ଷିତେ।
ମୂଷକେନ ନିଗୂଢେନ ଗର୍ତେଽସ୍ମିନ୍ନିତ୍ଯବାସିନା॥ 1-13-17 (1096)
ପିତର ଊଚୁଃ। 1-13-18x (63)
ଯାଯାବରା ନାମ ବଯମୃଷଯଃ ସଂଶିତବ୍ରତାଃ।
ସଂତାନପ୍ରକ୍ଷଯାଦ୍ବ୍ରହ୍ମନ୍ନଧୋ ଗଚ୍ଛାମ ମେଦିନୀମ୍॥ 1-13-18 (1097)
ଅସ୍ମାକଂ ସଂତତିସ୍ତ୍ବେକୋ ଜରତ୍କାରୁରିତି ସ୍ମୃତଃ।
ମନ୍ଦଭାଗ୍ଯୋଽଲ୍ପଭାଗ୍ଯାନାଂ ତପ ଏକଂ ସମାସ୍ଥିତଃ॥ 1-13-19 (1098)
ନ ସ ପୁତ୍ରାଞ୍ଜନଯିତୁଂ ଦାରାନ୍ମୂଢଶ୍ଚିକୀର୍ଷତି।
ତେନ ଲମ୍ବାମହେ ଗର୍ତେ ସଂତାନସ୍ଯ କ୍ଷଯାଦିହ॥ 1-13-20 (1099)
ଅନାଥାସ୍ତେନ ନାଥେନ ଯଥା ଦୁଷ୍କୃତିନସ୍ତଥା।
`ଯେଷାଂ ତୁ ସଂତତିର୍ନାସ୍ତି ମର୍ତ୍ଯଲୋକେ ସୁଖାବହା॥ 1-13-21 (1100)
ନ ତେ ଲଭନ୍ତେ ବସତିଂ ସ୍ବର୍ଗେ ପୁଣ୍ଯକୃତୋଽପି ହି।'
କସ୍ତ୍ବଂ ବନ୍ଧୁରିବାସ୍ମାକମନୁଶୋଚସି ସତ୍ତମ॥ 1-13-22 (1101)
ଜ୍ଞାତୁମିଚ୍ଛାମହେ ବ୍ରହ୍ମନ୍କୋ ଭବାନିହ ନଃ ସ୍ଥିତଃ।
କିମର୍ଥଂ ଚୈବ ନଃ ଶୋଚ୍ଯାନନୁଶୋଚସି ସତ୍ତମ॥ 1-13-23 (1102)
ଜରତ୍କାରୁରୁବାଚ। 1-13-24x (64)
ମମ ପୂର୍ବେ ଭବନ୍ତୋ ବୈ ପିତରଃ ସପିତାମହାଃ।
ବ୍ରୂତ କିଂ କରବାଣ୍ଯଦ୍ଯ ଜରତ୍କାରୁରହଂ ସ୍ବଯମ୍॥ 1-13-24 (1103)
ପିତର ଊଚୁଃ। 1-13-25x (65)
ଯତସ୍ବ ଯତ୍ନବାଂସ୍ତାତ ସଂତାନାଯ କୁଲସ୍ଯ ନଃ।
ଆତ୍ମନୋଽର୍ଥେଽସ୍ମଦର୍ଥେ ଚ ଧର୍ମ ଇତ୍ଯେବ ବା ବିଭୋ॥ 1-13-25 (1104)
ନ ହି ଧର୍ମଫଲୈସ୍ତାତ ନ ତପୋଽଭିଃ ସୁସଂଚିତୈଃ।
ତାଂ ଗତିଂ ପ୍ରାପ୍ନୁବନ୍ତୀହ ପୁତ୍ରିଣୋ ଯାଂ ବ୍ରଜନ୍ତି ବୈ॥ 1-13-26 (1105)
ତଦ୍ଦାରଗ୍ରହଣେ ଯତ୍ନଂ ସଂତତ୍ଯାଂ ଚ ମନଃ କୁରୁ।
ପୁତ୍ରକାସ୍ମନ୍ନିଯୋଗାତ୍ତ୍ବମେତନ୍ନଃ ପରମଂ ହିତମ୍॥ 1-13-27 (1106)
ଜରତ୍କାରୁରୁବାଚ। 1-13-28x (66)
ନ ଦାରାନ୍ବୈ କରିଷ୍ଯେଽହଂ ନ ଧନଂ ଜୀବିତାର୍ଥତଃ।
ଭବତାଂ ତୁ ହିତାର୍ଥାଯ କରିଷ୍ଯେ ଦାରସଂଗ୍ରହମ୍॥ 1-13-28 (1107)
ସମଯେନ ଚ କର୍ତାଽହମନେନ ବିଧିପୂର୍ବକମ୍।
ତଥା ଯଦ୍ଯୁପଲପ୍ସ୍ଯାମି କରିଷ୍ଯେ ନାନ୍ଯଥା ହ୍ଯହମ୍॥ 1-13-29 (1108)
ସନାମ୍ନୀ ଯା ଭବିତ୍ରୀ ମେ ଦିତ୍ସିତା ଚୈବ ବନ୍ଧୁଭିଃ।
ଭୈକ୍ଷ୍ଯବତ୍ତାମହଂ କନ୍ଯାମୁପଯଂସ୍ଯେ ବିଧାନତଃ॥ 1-13-30 (1109)
ଦରିଦ୍ରାଯ ହି ମେ ଭାର୍ଯାଂ କୋ ଦାସ୍ଯତି ବିଶେଷତଃ।
ପ୍ରତିଗ୍ରହୀଷ୍ଯେ ଭିକ୍ଷାଂ ତୁ ଯଦି କଶ୍ଚିତ୍ପ୍ରଦାସ୍ଯତି॥ 1-13-31 (1110)
ଏବଂ ଦାରକ୍ରିଯାହେତୋଃ ପ୍ରଯତିଷ୍ଯେ ପିତାମହାଃ।
ଅନେନ ବିଧିନା ଶଶ୍ବନ୍ନ କରିଷ୍ଯେଽହମନ୍ଯଥା॥ 1-13-32 (1111)
ତତ୍ର ଚୋତ୍ପତ୍ସ୍ଯତେ ଜନ୍ତୁର୍ଭବତାଂ ତାରଣାଯ ବୈ।
ଶାଶ୍ବତଂ ସ୍ଥାନମାସାଦ୍ଯ ମୋଦନ୍ତାଂ ପିତରୋ ମମ॥ ॥ 1-13-33 (1112)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ତ୍ରଯୋଦଶୋଽଧ୍ଯାଯଃ॥ 13 ॥
Mahabharata - Adi Parva - Chapter Footnotes
1-13-11 ଯାଯାବରାଣାଂ ଗ୍ରାମୈକରାତ୍ରବାସିନାଂ ଗୃହସ୍ଥାନାଂ॥ 1-13-12 ସାଯଂକାଲସ୍ତତ୍ରୈବ ଗୃହମସ୍ଯେତି ଯତ୍ରସାଯଂଗୃହଃ॥ 1-13-30 ଉପଯଂସ୍ଯେପରିଣେଷ୍ଯେ॥ 30 ॥ ତ୍ରଯୋଦଶୋଽଧ୍ଯାଯଃ॥ 13 ॥ଆଦିପର୍ବ - ଅଧ୍ଯାଯ 014
॥ ଶ୍ରୀଃ ॥
1.14. ଅଧ୍ଯାଯଃ 014
Mahabharata - Adi Parva - Chapter Topics
ବାସୁକିଭଗିନ୍ଯା ଜରତ୍କାରୋର୍ବିବାହଃ॥ 1 ॥Mahabharata - Adi Parva - Chapter Text
1-14-0 (1113)
ସୌତିରୁବାଚ। 1-14-0x (67)
ତତୋ ନିବେଶାଯ ତଦା ସ ବିପ୍ରଃ ସଂଶିତବ୍ରତଃ।
ମହୀଂ ଚଚାର ଦାରାର୍ଥୀ ନ ଚ ଦାରାନବିନ୍ଦତ॥ 1-14-1 (1114)
ସ କଦାଚିଦ୍ବନଂ ଗତ୍ବା ବିପ୍ରଃ ପିତୃବଚଃ ସ୍ମରନ୍।
ଚୁକ୍ରୋଶ କନ୍ଯାଭିକ୍ଷାର୍ଥୀ ତିସ୍ରୋ ବାଚଃ ଶନୈରିବ॥ 1-14-2 (1115)
ତଂ ବାସୁକିଃ ପ୍ରତ୍ଯଗୃହ୍ଣାଦୁଦ୍ଯମ୍ଯ ଭଗିନୀଂ ତଦା।
ନ ସ ତାଂ ପ୍ରତିଜଗ୍ରାହ ନ ସନାମ୍ନୀତି ଚିନ୍ତଯନ୍॥ 1-14-3 (1116)
ସନାମ୍ନୀଂ ଚୋଦ୍ଯତାଂ ଭାର୍ଯାଂ ଗୃହ୍ଣୀଯାମିତି ତସ୍ଯ ହି।
ମନୋ ନିବିଷ୍ଟମଭବଜ୍ଜରତ୍କାରୋର୍ମହାତ୍ମନଃ॥ 1-14-4 (1117)
ତମୁବାଚ ମହାପ୍ରାଜ୍ଞୋ ଜରତ୍କାରୁର୍ମହାତପାଃ।
କିଂନାମ୍ନୀ ଭଗିନୀଯଂ ତେ ବ୍ରୂହି ସତ୍ଯଂ ଭୁଜଂଗମ॥ 1-14-5 (1118)
ବାସୁକିରୁବାଚ। 1-14-6x (68)
ଜରତ୍କାରୋ ଜରତ୍କାରୁଃ ସ୍ବସେଯମନୁଜା ମମ।
ପ୍ରତିଗୃହ୍ଣୀଷ୍ବ ଭାର୍ଯାର୍ଥେ ମଯା ଦତ୍ତାଂ ସୁମଧ୍ଯମାମ୍।
ତ୍ବଦର୍ଥଂ ରକ୍ଷିତା ପୂର୍ବଂ ପ୍ରତୀଚ୍ଛେମାଂ ଦ୍ବିଜୋତ୍ତମ॥ 1-14-6 (1119)
ସୌତିରୁବାଚ। 1-14-7x (69)
ଏବମୁକ୍ତ୍ବା ତତଃ ପ୍ରାଦାଦ୍ଭାର୍ଯାର୍ଥେ ବରବର୍ଣିନୀମ୍।
ସ ଚ ତାଂ ପ୍ରତିଜଗ୍ରାହ ବିଧିଦୃଷ୍ଟେନ କର୍ମଣା॥ ॥ 1-14-7 (1120)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ଚତୁର୍ଦଶୋଽଧ୍ଯାଯଃ॥ 14 ॥
Mahabharata - Adi Parva - Chapter Footnotes
1-14-1 ନିବେଶାଯ ଦାରସଂଗ୍ରହାଯ॥ ଚତୁର୍ଦଶୋଽଧ୍ଯାଯଃ॥ 14 ॥ଆଦିପର୍ବ - ଅଧ୍ଯାଯ 015
॥ ଶ୍ରୀଃ ॥
1.15. ଅଧ୍ଯାଯଃ 015
Mahabharata - Adi Parva - Chapter Topics
ଆସ୍ତୀକୋତ୍ପତ୍ତିଃ॥ 1 ॥ ସଂକ୍ଷେପେଣ ସର୍ପମୋଚନବୃତ୍ତାନ୍ତଶ୍ଚ॥ 2 ॥Mahabharata - Adi Parva - Chapter Text
1-15-0 (1121)
ସୌତିରୁବାଚ। 1-15-0x (70)
ମାତ୍ରା ହି ଭୁଜଗାଃ ଶପ୍ତାଃ ପୂର୍ବଂ ବ୍ରହ୍ମବିଦାଂ ବର।
ଜନମେଜଯସ୍ଯ ବୋ ଯଜ୍ଞେ ଧକ୍ଷ୍ଯତ୍ଯନିଲସାରଥିଃ॥ 1-15-1 (1122)
ତସ୍ଯ ଶାପସ୍ଯ ଶାନ୍ତ୍ଯର୍ଥଂ ପ୍ରଦଦୌ ପନ୍ନଗୋତ୍ତମଃ।
ସ୍ବସାରମୃଷଯେ ତସ୍ମୈ ସୁବ୍ରତାଯ ମହାତ୍ମନେ॥ 1-15-2 (1123)
ସ ଚ ତାଂ ପ୍ରତିଜଗ୍ରାହ ବିଧିଦୃଷ୍ଟେନ କର୍ମଣା।
ଆସ୍ତୀକୋ ନାମ ପୁତ୍ରଶ୍ଚ ତସ୍ଯାଂ ଜଜ୍ଞେ ମହାମନାଃ॥ 1-15-3 (1124)
ତପସ୍ବୀ ଚ ମହାତ୍ମା ଚ ବେଦବେଦାଙ୍ଗପାରଗଃ।
ସମଃ ସର୍ବସ୍ଯ ଲୋକସ୍ଯ ପିତୃମାତୃଭଯାପହଃ॥ 1-15-4 (1125)
ଅଥ ଦୀର୍ଘସ୍ଯ କାଲସ୍ଯ ପାଣ୍ଡବେଯୋ ନରାଧିପଃ।
ଆଜହାର ମହାଯଜ୍ଞଂ ସର୍ପସତ୍ରମିତି ଶ୍ରୁତିଃ॥ 1-15-5 (1126)
ତସ୍ମିନ୍ପ୍ରବୃତ୍ତେ ସତ୍ରେ ତୁ ସର୍ପାଣାମନ୍ତକାଯ ବୈ।
ମୋଚଯାମାସ ତାଞ୍ଶାପାଦାସ୍ତୀକଃ ସୁମହାତପାଃ॥ 1-15-6 (1127)
ଭ୍ରାତୄଂଶ୍ଚ ମାତୁଲାଂଶ୍ଚୈବ ତଥୈବାନ୍ଯାନ୍ସ ପନ୍ନଗାନ୍।
ପିତୄଂଶ୍ଚ ତାରଯାମାସ ସଂତତ୍ଯା ତପସା ତଥା॥ 1-15-7 (1128)
ବ୍ରତୈଶ୍ଚ ବିବିଧୈର୍ବ୍ରହ୍ମନ୍ସ୍ବାଧ୍ଯାଯୈଶ୍ଚାନୃଣୋଽଭବତ୍।
ଦେବାଂଶ୍ଚ ତର୍ପଯାମାସ ଯଜ୍ଞୈର୍ବିବିଧଦକ୍ଷିଣୈଃ॥ 1-15-8 (1129)
ଋଷୀଂଶ୍ଚ ବ୍ରହ୍ମଚର୍ଯେମ ସନ୍ତତ୍ଯା ଚ ପିତାମହାନ୍।
ଅପହୃତ୍ଯ ଗୁରଂ ଭାରଂ ପିତୄଣାଂ ସଂଶିତବ୍ରତଃ॥ 1-15-9 (1130)
ଜରତ୍କାରୁର୍ଗତଃ ସ୍ବର୍ଗଂ ସହିତଃ ସ୍ବୈଃ ପିତାମହୈଃ।
ଆସ୍ତୀକଂ ଚ ସୁତଂ ପ୍ରାପ୍ଯ ଧର୍ମଂ ଚାନୁତ୍ତମଂ ମୁନିଃ॥ 1-15-10 (1131)
ଜରତ୍କାରୁଃ ସୁମହତା କାଲେନ ସ୍ବର୍ଗମେଯିବାନ୍।
ଏତଦାଖ୍ଯାନମାସ୍ତୀକଂ ଯଥାବତ୍କଥିତଂ ମଯା।
ପ୍ରବ୍ରୂହି ଭୃଗୁଶାର୍ଦୂଲ କିମନ୍ଯତ୍କଥଯାମି ତେ॥ ॥ 1-15-11 (1132)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ପଞ୍ଚଦଶୋଽଧ୍ଯାଯଃ॥ 15 ॥
ଆଦିପର୍ବ - ଅଧ୍ଯାଯ 016
॥ ଶ୍ରୀଃ ॥
1.16. ଅଧ୍ଯାଯଃ 016
Mahabharata - Adi Parva - Chapter Topics
ଆସ୍ତୀକାଖ୍ଯାନବିସ୍ତରଃ॥ 1 ॥ କଦ୍ରୂବିନତଯୋଃ କଶ୍ଯପାଦ୍ବରଲାଭଃ॥ 2 ॥ କଦ୍ର୍ବାଃ ସର୍ପୋତ୍ପତ୍ତିର୍ବିନତାଯା ଅରୁଣୋତ୍ପତ୍ତିଶ୍ଚ॥ 3 ॥Mahabharata - Adi Parva - Chapter Text
1-16-0 (1133)
ଶୌନକ ଉବାଚ। 1-16-0x (71)
ସୌତେ ତ୍ବଂ କଥଯସ୍ବେମାଂ ବିସ୍ତରେଣ କଥାଂ ପୁନଃ।
ଆସ୍ତୀକସ୍ଯ କବେଃସାଧୋଃ ଶୁଶ୍ରୂଷା ପରମା ହିନଃ॥ 1-16-1 (1134)
ମଧୁରଂ କଥ୍ଯତେ ସୌମ୍ଯ ଶ୍ଲକ୍ଷ୍ଣାକ୍ଷରପଦଂ ତ୍ବଯା।
ପ୍ରୀଯାମହେ ଭୃଶଂ ତାତ ପିତେବେଦଂ ପ୍ରଭାଷସେ॥ 1-16-2 (1135)
ଅସ୍ମଚ୍ଛୁଶ୍ରୂଷଣେ ନିତ୍ଯଂ ପିତା ହି ନିରତସ୍ତବ।
ଆଚଷ୍ଟୈତଦ୍ଯଥାଽଽକ୍ଯାନଂ ପିତା ତେତ୍ବଂ ତଥା ବଦ॥ 1-16-3 (1136)
ସୌତିରୁବାଚ। 1-16-4x (72)
ଆଯୁଷ୍ମନ୍ନିଦମାଖ୍ଯାନମାସ୍ତୀକଂ କଥଯାମି ତେ।
ଯଥାଶ୍ରୁତଂ କଥଯତଃ ସକାଶାଦ୍ବୈ ପିତୁର୍ମଯା॥ 1-16-4 (1137)
ପୁରା ଦେବଯୁଗେ ବ୍ରହ୍ମନ୍ପ୍ରଜାପତିସୁତେ ଶୁଭେ।
ଆସ୍ତାଂ ଭଗିନ୍ଯୌ ରୂପେଣ ସମୁପେତେଽଦ୍ଭୁତେଽନଘ॥ 1-16-5 (1138)
ତେ ଭାର୍ଯେ କଶ୍ଯପସ୍ଯାସ୍ତାଂ କଦ୍ରୂଶ୍ଚ ବିନତା ଚ ହ।
ପ୍ରାଦାତ୍ତାଭ୍ଯାଂ ବରଂ ପ୍ରୀତଃ ପ୍ରଜାପତିସମଃ ପତିଃ॥ 1-16-6 (1139)
କଶ୍ଯପୋ ଧର୍ମପତ୍ନୀଭ୍ଯାଂ ମୁଦା ପରମଯା ଯୁତଃ।
ବରାତିସର୍ଗଂ ଶ୍ରୁତ୍ବୈବଂ କଶ୍ଯପାଦୁତ୍ତମଂ ଚ ତେ॥ 1-16-7 (1140)
ହର୍ଷାଦପ୍ରତିମାଂ ପ୍ରୀତିଂ ପ୍ରାପତୁଃ ସ୍ମ ବରସ୍ତ୍ରିଯୌ।
ବବ୍ରେ କଦ୍ରୂଃ ସୁତାନ୍ନାଗାନ୍ସହସ୍ରଂ ତୁଲ୍ଯବର୍ଚସଃ॥ 1-16-8 (1141)
ଦ୍ବୌ ପୁତ୍ରୌ ବିନତା ବବ୍ରେ କଦ୍ରୂପୁତ୍ରାଧିକୌ ବଲେ।
ତେଜସା ବପୁଷା ଚୈବ ବିକ୍ରମେଣାଧିକୌ ଚ ତୌ॥ 1-16-9 (1142)
ତସ୍ଯୈ ଭର୍ତା ବରଂ ପ୍ରାଦାଦୀଦୃସୌ ତେ ଭବିଷ୍ଯତଃ।
ଏବମସ୍ତ୍ବିତି ତଂ ଚାହ କଶ୍ଯପଂ ବିନତା ତଦା॥ 1-16-10 (1143)
ଯଥାବତ୍ପ୍ରାର୍ଥିତଂ ଲବ୍ଧ୍ବା ବରଂ ତୁଷ୍ଟାଭବତ୍ତଦା।
କୃତକୃତ୍ଯା ତୁ ବିନତା ଲବ୍ଧ୍ବା ବୀର୍ଯାଧିକୌ ସୁତୌ॥ 1-16-11 (1144)
କଦ୍ରୂଶ୍ଚ ଲବ୍ଧ୍ବା ପୁତ୍ରାଣାଂ ସହସ୍ରଂ ତୁଲ୍ଯବର୍ଚସାମ୍।
ଧାର୍ଯୌ ପ୍ରଯତ୍ନତୋ ଗର୍ଭାବିତ୍ଯୁକ୍ତ୍ବା ସ ମହାତପାଃ॥ 1-16-12 (1145)
ତେ ଭାର୍ଯେ ବରସଂତୁଷ୍ଟେ କଶ୍ଯପୋ ବନମାବିଶତ୍। 1-16-13 (1146)
ସୌତୁରିବାଚ।
କାଲେନ ମହତା କଦ୍ରୂରଣ୍ଡାନାଂ ଦଶତୀର୍ଦଶ॥ 1-16-13x (73)
ଜନଯାମାସ ବିପ୍ରେନ୍ଦ୍ର ଦ୍ବେ ଚାଣ୍ଡେ ବିନତା ତଦା।
ତଯୋରଣ୍ଡାନି ନିଦଧୁଃ ପ୍ରହୃଷ୍ଟାଃ ପରିଚାରିକାଃ॥ 1-16-14 (1147)
ସୋପସ୍ବେଦେଷୁ ଭାଣ୍ଡେଷୁ ପଞ୍ଚବର୍ଷଶତାନି ଚ।
ତତଃ ପଞ୍ଚଶତେ କାଲେ କଦ୍ରୂପୁତ୍ରା ବିନିଃସୃତାଃ॥ 1-16-15 (1148)
ଅଣ୍ଡାଭ୍ଯାଂ ବିନତାଯାସ୍ତୁ ମିଥୁନଂ ନ ବ୍ଯଦୃଶ୍ଯତ।
ତତଃ ପୁତ୍ରାର୍ଥିନୀ ଦେବୀ ବ୍ରୀଡିତା ଚ ତପସ୍ବିନୀ॥ 1-16-16 (1149)
ଅଣ୍ଡଂ ବିଭେଦ ବିନତା ତତ୍ର ପୁତ୍ରମପଶ୍ଯତ।
ପୂର୍ବାର୍ଧକାଯସଂପନ୍ନମିତରେଣାପ୍ରକାଶତା॥ 1-16-17 (1150)
ସ ପୁତ୍ରଃ କ୍ରୋଧସଂରବ୍ଧଃ ଶଶାପୈନାମିତି ଶ୍ରୁତିଃ।
ଯୋଽହମେବଂ କୃତୋ ମାତସ୍ତ୍ବଯା ଲୋଭପରୀତଯା॥ 1-16-18 (1151)
ଶରୀରେଣାସମଗ୍ରେଣ ତସ୍ମାଦ୍ଦାସୀ ଭବିଷ୍ଯସି।
ପଞ୍ଚ ବର୍ଷଶତାନ୍ଯସ୍ଯା ଯଯା ବିସ୍ପର୍ଧସେ ସହ॥ 1-16-19 (1152)
ଏଷ ଚ ତ୍ବାଂ ସୁତୋ ମାତର୍ଦାସୀତ୍ବାନ୍ମୋଚଯିଷ୍ଯତି।
ଯଦ୍ଯେନମପି ମାତସ୍ତ୍ବଂ ମାମିବାଣ୍ଡବିଭେଦନାତ୍॥ 1-16-20 (1153)
ନ କରିଷ୍ଯସ୍ଯନଙ୍ଗଂ ବା ବ୍ଯଙ୍ଗଂ ବାପି ତପସ୍ବିନମ୍।
ପ୍ରତିପାଲଯିତବ୍ଯସ୍ତେ ଜନ୍ମକାଲୋଽସ୍ଯ ଧୀରଯା॥ 1-16-21 (1154)
ବିଶିଷ୍ଟଂ ବଲମୀପ୍ସନ୍ତ୍ଯା ପଞ୍ଚବର୍ଷଶତାତ୍ପରଃ।
ଏବଂ ଶପ୍ତ୍ବା ତତଃ ପୁତ୍ରୋ ବିନତାମନ୍ତରିକ୍ଷଗଃ॥ 1-16-22 (1155)
ଅରୁଣୋଽଦୃଶ୍ଯତ ବ୍ରହ୍ମନ୍ପ୍ରଭାତସମଯେ ତଦା।
`ଉଦ୍ଯନ୍ନଥ ସହସ୍ରାଂଶୁର୍ଦୃଷ୍ଟ୍ବା ତମରୁଣଂ ପ୍ରଭୁଃ॥ 1-16-23 (1156)
ସ୍ବତେଜସା ପ୍ରଜ୍ବଲନ୍ତମାତ୍ମନଃ ସମତେଜସମ୍।
ସାରଥ୍ଯେ କଲ୍ପଯାମାସ ପ୍ରୀଯମାଣସ୍ତମୋନୁଦଃ॥ 1-16-24 (1157)
ସୋଽପି ତଂ ରଥମାରୁହ୍ଯ ଭାନୋରମିତତେଜସଃ।
ସର୍ବଲୋକପ୍ରଦୀପସ୍ଯ ହ୍ଯମରୋଽପ୍ଯରୁଣୋଽଭବତ୍॥' 1-16-25 (1158)
ଗରୁଡୋଽପି ଯଥାକାଲଂ ଜଜ୍ଞେ ପନ୍ନଗଭୋଜନଃ।
ସ ଜାତମାତ୍ରୋ ବିନତାଂ ପରିତ୍ଯଜ୍ଯ ଖମାବିଶତ୍॥ 1-16-26 (1159)
ଆଦାସ୍ଯନ୍ନାତ୍ମନୋ ଭୋଜ୍ଯମନ୍ନଂ ବିହିତମସ୍ଯ ଯତ୍।
ବିଧାତ୍ରା ଭୃଗୁଶାର୍ଦୂଲ କ୍ଷୁଧିତଃ ପତଗେଶ୍ବରଃ॥ ॥ 1-16-27 (1160)
ଇତି ଶ୍ରୀମନ୍ମହାଭାରତେ ଆଦିପର୍ବାଣି ଆସ୍ତୀକପର୍ବଣି ଷୋଡଶୋଽଧ୍ଯାଯଃ॥ 16 ॥
Mahabharata - Adi Parva - Chapter Footnotes
1-16-15 ସୋପସ୍ବେଦେଷୁ ଊଷ୍ମବତ୍ସୁ॥ ଷୋଡଶୋଽଧ୍ଯାଯଃ॥ 16 ॥ଆଦିପର୍ବ - ଅଧ୍ଯାଯ 017
॥ ଶ୍ରୀଃ ॥
1.17. ଅଧ୍ଯାଯଃ 017
Mahabharata - Adi Parva - Chapter Topics
ଅମୃତମଥନବିଷଯେ ଭଗବଦାଜ୍ଞଯା ଦେବାନାଂ ବିଚାରଃ॥ 1 ॥Mahabharata - Adi Parva - Chapter Text
1-17-0 (1161)
ସୌତିରୁବାଚ। 1-17-0x (74)
ଏତସ୍ମିନ୍ନେବ କାଲେ ତୁ ଭଗିନ୍ଯୌ ତେ ତପୋଧନ।
ଅପଶ୍ଯତାଂ ସମାଯାନ୍ତମୁଚ୍ଚୈଃ ଶ୍ରବସମନ୍ତିକାତ୍॥ 1-17-1 (1162)
ଯଂ ତୁ ଦେବଗଣାଃ ସର୍ବେ ହୃଷ୍ଟରୂପମପୂଜଯନ୍।
ମଥ୍ଯମାନେଽମୃତେ ଜାତମଶ୍ବରତ୍ନମନୁତ୍ତମମ୍॥ 1-17-2 (1163)
ଅମୋଘବଲମଶ୍ବାନାମୁତ୍ତମଂ ଜବିନାଂ ବରମ୍।
ଶ୍ରୀମନ୍ତମଜରଂ ଦିବ୍ଯଂ ସର୍ବଲକ୍ଷଣପୂଜିତମ୍॥ 1-17-3 (1164)
ଶୌନକ ଉବାଚ। 1-17-4x (75)
କଥଂ ତଦମୃତଂ ଦେବୈର୍ମଥିତଂ କ୍ବ ଚ ଶଂସ ମେ।
`କାରଣଂ ଚାତ୍ର ମଥନେ ସଂଜାତମମୃତାତ୍ପରମ୍॥'
ଯତ୍ର ଜଜ୍ଞେ ମହାବୀର୍ଯଃ ସୋଽଶ୍ବରାଜୋ ମହାଦ୍ଯୁତିଃ॥ 1-17-4 (1165)
ସୌତିରୁବାଚ। 1-17-5x (76)
ଜ୍ବଲନ୍ତମଚଲଂ ମେରୁଂ ତେଜୋରାଶିମନୁତ୍ତମମ୍।
ଆକ୍ଷିପନ୍ତଂ ପ୍ରଭାଂ ଭାନୋଃ ସ୍ବଶୃଙ୍ଗୈଃ କାଞ୍ଚନୋଜ୍ଜ୍ବଲୈଃ॥ 1-17-5 (1166)
କନକାଭରଣଂ ଚିତ୍ରଂ ଦେବଗନ୍ଧର୍ବସେବିତମ୍।
ଅପ୍ରମେଯମନାଧୃଷ୍ଯମଧର୍ମବହୁଲୈର୍ଜନୈଃ॥ 1-17-6 (1167)
ବ୍ଯାଲୈରାବାରିତଂ ଘୋରୈର୍ଦିବ୍ଯୌଷଧିବିଦୀପିତମ୍।
ନାକମାବୃତ୍ଯ ତିଷ୍ଠନ୍ତମୁଚ୍ଛ୍ରଯେଣ ମହାଗିରିମ୍॥ 1-17-7 (1168)
ଅଗମ୍ଯଂ ମନସାପ୍ଯନ୍ଯୈର୍ନଦୀବୃକ୍ଷସମନ୍ବିତମ୍।
ନାନାପତଗସଙ୍ଘୈଶ୍ଚ ନାଦିତଂ ସୁମନୋହରୈଃ॥ 1-17-8 (1169)
ତସ୍ଯ ଶୃଙ୍ଗମୁପାରୁହ୍ଯ ବହୁରତ୍ନାଚିତଂ ଶୁଭମ୍।
ଅନନ୍ତକଲ୍ପମଦ୍ବନ୍ଦ୍ବଂ ସୁରାଃ ସର୍ବେ ମହୌଜସଃ॥ 1-17-9 (1170)
ତେ ମନ୍ତ୍ରଯିତୁମାରବ୍ଧାସ୍ତତ୍ରାସୀନା ଦିବୌକସଃ।
ଅମୃତାଯ ସମାଗମ୍ଯ ତପୋନିଯମସଂଯୁତାଃ॥ 1-17-10 (1171)
ତତ୍ର ନାରାଯଣୋ ଦେବୋ ବ୍ରହ୍ମାଣମିଦମବ୍ରବୀତ୍।
ଚିନ୍ତଯତ୍ସୁ ସୁରେଷ୍ବେବଂ ମନ୍ତ୍ରଯତ୍ସୁ ଚ ସର୍ବଶଃ॥ 1-17-11 (1172)
ଦେବୈରସୁରସଙ୍ଘୈଶ୍ଚ ମଥ୍ଯତାଂ କଲଶୋଦଧିଃ।
ଭବିଷ୍ଯତ୍ଯମୃତଂ ତତ୍ର ମଥ୍ଯମାନେ ମହୋଦଧୌ॥ 1-17-12 (1173)
ସର୍ବୌଷଧୀଃ ସମାବାପ୍ଯ ସର୍ବରତ୍ନାନି ଚୈବ ହ।
ମନ୍ଥଧ୍ବଯୁଦଧିଂ ଦେବା ବେତ୍ସ୍ଯଧ୍ବମମୃତଂ ତତଃ॥ ॥ 1-17-13 (1174)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ସପ୍ତଦଶୋଽଧ୍ଯାଯଃ॥ 17 ॥
Mahabharata - Adi Parva - Chapter Footnotes
1-17-9 ଅନନ୍ତକଲ୍ପଂ ଅନନ୍ତୋ ବିଷ୍ଣୁରାକାଶୋ ବାତ ତତ ଈଷନ୍ନ୍ଯୂନମ୍॥ 1-17-13 ବେତ୍ସ୍ଯଧ୍ବଂ ଲପ୍ସ୍ଯଧ୍ବମ୍॥ ସପ୍ତଦଶୋଽଧ୍ଯାଯଃ॥ 17 ॥ଆଦିପର୍ବ - ଅଧ୍ଯାଯ 018
॥ ଶ୍ରୀଃ ॥
1.18. ଅଧ୍ଯାଯଃ 018
Mahabharata - Adi Parva - Chapter Topics
ମୋହିତୈର୍ଦୈତ୍ଯୈର୍ମୋହିନ୍ଯା ଅମୃତକଲଶଦାନମ୍॥ 1 ॥Mahabharata - Adi Parva - Chapter Text
1-18-0 (1175)
ସୌତିରୁବାଚ। 1-18-0x (77)
ତତୋଽଭ୍ରଶିଖରାକାରୈର୍ଗିରିଶୃଙ୍ଗୈରଲଂକୃତମ୍।
ମନ୍ଦରଂ ପର୍ବତବରଂ ଲତାଜାଲସମାକୁଲମ୍॥ 1-18-1 (1176)
ନାନାବିହଂଗସଂଘୁଷ୍ଟଂ ନାନାଦଂଷ୍ଟ୍ରିସମାକୁଲମ୍।
କିଂନରୈରପ୍ସରୋଭିଶ୍ଚ ଦେବୈରପି ଚ ସେବିତମ୍॥ 1-18-2 (1177)
ଏକାଦଶ ସହସ୍ରାଣି ଯୋଜନାନାଂ ସମୁଚ୍ଛ୍ରିତମ୍।
ଅଧୋଭୂମେଃ ସହସ୍ରେଷୁ ତାବତ୍ସ୍ବେବ ପ୍ରତିଷ୍ଠିତମ୍॥ 1-18-3 (1178)
ତମୁଦ୍ଧର୍ତୁମଶକ୍ତା ବୈ ସର୍ବେ ଦେବଗଣାସ୍ତଦା।
ବିଷ୍ଣୁମାସୀନମଭ୍ଯେତ୍ଯ ବ୍ରହ୍ମାଣଂ ଚେଦମବ୍ରୁବନ୍॥ 1-18-4 (1179)
ଭବନ୍ତାବତ୍ର କୁରୁତାଂ ବୁଦ୍ଧିଂ ନୈଃଶ୍ରେଯସୀଂ ପରାମ୍।
ମନ୍ଦରୋଦ୍ଧରଣେ ଯତ୍ନଃ କ୍ରିଯତାଂ ଚ ହିତାଯ ନଃ॥ 1-18-5 (1180)
ସୌତିରୁବାଚ। 1-18-6x (78)
ତଥେତି ଚାବ୍ରବୀଦ୍ବିଷ୍ଣୁର୍ବ୍ରହ୍ମଣା ସହ ଭାର୍ଗବ।
ଅଚୋଦଯଦମେଯାତ୍ମା ଫଣୀନ୍ଦ୍ରଂ ପଦ୍ମଲୋଚନଃ॥ 1-18-6 (1181)
ତତୋଽନନ୍ତଃ ସମୁତ୍ଥାଯ ବ୍ରହ୍ମଣା ପରିଚୋଦିତଃ।
ନାରାଯଣେନ ଚାପ୍ଯୁକ୍ତସ୍ତସ୍ମିନ୍କର୍ମଣି ବୀର୍ଯବାନ୍॥ 1-18-7 (1182)
ଅଥ ପର୍ବତରାଜାନଂ ତମନନ୍ତୋ ମହାବଲଃ।
ଉଜ୍ଜହାର ବଲାଦ୍ବ୍ରହ୍ମନ୍ସବନଂ ସବନୌକସମ୍॥ 1-18-8 (1183)
ତତସ୍ତେନ ସୁରାଃ ସାର୍ଧଂ ସମୁଦ୍ରମୁପତସ୍ଥିରେ।
ତମୂଚୁରମୃତସ୍ଯାର୍ଥେ ନିର୍ମଥିଷ୍ଯାମହେ ଜଲମ୍॥ 1-18-9 (1184)
ଅପାଂପତିରଥୋବାଚ ମମାପ୍ଯଂଶୋ ଭବେତ୍ତତଃ।
ସୋଢାଽସ୍ମି ବିପୁଲଂ ମର୍ଦଂ ମନ୍ଦରଭ୍ରମଣାଦିତି॥ 1-18-10 (1185)
ଊଚୁଶ୍ଚ କୂର୍ମରାଜାନମକୂପାରେ ସୁରାସୁରାଃ।
ଅଧିଷ୍ଠାନଂ ଗିରେରସ୍ଯ ଭବାନ୍ଭବିତୁମର୍ହତି॥ 1-18-11 (1186)
କୂର୍ମେଣ ତୁ ତଥେତ୍ଯୁକ୍ତ୍ବା ପୃଷ୍ଠମସ୍ଯ ସମର୍ପିତମ୍।
ତଂ ଶୈଲଂ ତସ୍ଯ ପୃଷ୍ଠସ୍ଥଂ ବଜ୍ରେଣେନ୍ଦ୍ରୋଽଭ୍ଯପୀଡଯତ୍॥ 1-18-12 (1187)
ମନ୍ଥାନଂ ମନ୍ଦରଂ କୃତ୍ବା ତଥା ଯୋକ୍ତ୍ରଂ ଚ ବାସୁକିମ୍।
ଦେବା ମଥିତୁମାରବ୍ଧାଃ ସମୁଦ୍ରଂ ନିଧିମମ୍ଭସାମ୍।
ଅମୃତାର୍ଥେ ପୁରା ବ୍ରହ୍ମସ୍ତଥୈବାସୁରଦାନବାଃ॥ 1-18-13 (1188)
ଏକମନ୍ତମୁପାଶ୍ଲିଷ୍ଟା ନାଗରାଜ୍ଞୋ ମହାସୁରାଃ॥ 1-18-14 (1189)
ବିବୁଧାଃ ସହିତାଃ ସର୍ବେ ଯତଃ ପୁଚ୍ଛଂ ତତଃ ସ୍ଥିତାଃ।
ଅନନ୍ତୋ ଭଗବାନ୍ଦେବୋ ଯତୋ ନାରାଯଣଃ ସ୍ଥିତଃ॥ 1-18-15 (1190)
`ବାସୁକେରଗ୍ରମାଶ୍ଲିଷ୍ଟା ନାଗରାଜ୍ଞୋ ମହାସୁରାଃ।'
ଶିର ଉତ୍କ୍ଷିପ୍ଯ ନାଗସ୍ଯ ପୁନଃ ପୁନରବାକ୍ଷିପନ୍॥ 1-18-16 (1191)
ବାସୁକେରଥ ନାଗସ୍ଯ ସହସା କ୍ଷିପ୍ଯତୋଽସୁରୈଃ।
ସଧୂମାଃ ସାର୍ଚିଷୋ ବାତା ନିଷ୍ପେତୁରସକୃନ୍ମୁଖାତ୍॥ 1-18-17 (1192)
`ବାସୁକେର୍ମଥ୍ଯମାନସ୍ଯ ନିଃସୃତେନ ବିଷେଣ ଚ।
ଅଭବନ୍ମିଶ୍ରିତଂ ତୋଯଂ ତଦା ଭାର୍ଗବନନ୍ଦନ॥ 1-18-18 (1193)
ମଥନାନ୍ମନ୍ଦରେଣାଥ ଦେବଦାନବବାହୁଭିଃ।
ବିଷଂ ତୀକ୍ଷ୍ଣଂ ସମୁଦ୍ଭୂତଂ ହାଲାହଲମିତି ଶ୍ରୁତମ୍॥ 1-18-19 (1194)
ଦେବାଶ୍ଚ ଦାନବାଶ୍ଚୈବ ଦଗ୍ଧାଶ୍ଚୈବ ବିଷେଣ ହ।
ଅପାକ୍ରାମଂସ୍ତତୋ ଭୀତା ବିଷାଦମଗମଂସ୍ତଦା॥ 1-18-20 (1195)
ବ୍ରହ୍ମାଣମବ୍ରୁବନ୍ଦେବାଃ ସମେତ୍ଯ ମୁନିପୁଂଗବୈଃ।
ମଥ୍ଯମାନେଽମୃତେ ଜାତଂ ବିଷଂ କାଲାନଲପ୍ରଭମ୍॥ 1-18-21 (1196)
ତେନୈବ ତାପିତା ଲୋକାସ୍ତସ୍ଯ ପ୍ରତିକୁରୁଷ୍ବହ।
ଏବମୁକ୍ତସ୍ତଦା ବ୍ରହ୍ମା ଦଧ୍ଯୌ ଲୋକେଶ୍ବରଂ ହରମ୍॥ 1-18-22 (1197)
ତ୍ର୍ଯକ୍ଷଂ ତ୍ରିଶୂଲିନଂ ରୁଦ୍ରେ ଦେବଦେବମୁମାପତିମ୍।
ତଦାଽଥ ଚିନ୍ତିତୋ ଦେବସ୍ତଜ୍ଜ୍ଞାତ୍ବା ଦ୍ରୁତମାଯଯୌ॥ 1-18-23 (1198)
ତସ୍ଯାଥ ଦେବସ୍ତତ୍ସର୍ବମାଚଚକ୍ଷେ ପ୍ରଜାପତିଃ।
ତଚ୍ଛ୍ରୁତ୍ବା ଦବେଦେବେଶୋ ଲୋକସ୍ଯାସ୍ଯ ହିତେପ୍ସଯା॥ 1-18-24 (1199)
ଅପିବତ୍ତଦ୍ବିଷଂ ରୁଦ୍ରଃ କାଲାନଲସମପ୍ରଭମ୍।
କଣ୍ଠେ ସ୍ଥାପିତବାନ୍ଦେବୋ ଲୋକାନାଂ ହିତକାମ୍ଯଯା॥ 1-18-25 (1200)
ଯସ୍ମାତ୍ତୁ ନୀଲତା କଣ୍ଠେ ନୀଲକଣ୍ଠସ୍ତତଃ ସ୍ମୃତଃ।
ପୀତମାତ୍ରେ ବିଷେ ତତ୍ର ରୁଦ୍ରେଣାମିତତେଜସା॥ 1-18-26 (1201)
ଦେବାଃ ପ୍ରୀତାଃ ପୁନର୍ଜଗ୍ମୁଶ୍ଚକ୍ରୁର୍ବୈ କର୍ମ ତତ୍ତଥା।
ମଥ୍ଯମାନେଽମୃତସ୍ଯାର୍ଥେ ଭୂଯୋ ବୈ ଦେବଦାନବୈଃ॥ 1-18-27 (1202)
ବାସୁକେରଥ ନାଗସ୍ଯ ସହସା କ୍ଷିପ୍ଯତୋଽସୁରୈଃ।
ସଧୂମାଃ ସାର୍ଚିଷୋ ବାତା ନିଷ୍ପେତୁରସକୃନ୍ମୁଖାତ୍॥' 1-18-28 (1203)
ତେ ଧୂମସଙ୍ଘାଃ ସଂଭୂତା ମେଘସଙ୍ଘାଃ ସବିଦ୍ଯୁତଃ।
ଅଭ୍ଯବର୍ଷନ୍ସୁରଗଣାଞ୍ଶ୍ରମସଂତାପକର୍ଶିତାନ୍॥ 1-18-29 (1204)
ତସ୍ମାଚ୍ଚ ଗିରିକୂଟାଗ୍ରାତ୍ପ୍ରଚ୍ଯୁତାଃ ପୁଷ୍ପବୃଷ୍ଟଯଃ।
ସୁରାସୁରଗଣାନ୍ସର୍ବାନ୍ସମନ୍ତାତ୍ସମବାକିରନ୍॥ 1-18-30 (1205)
ବଭୂବାତ୍ର ମହାନ୍ନାଦୋ ମହାମେଘରବୋପମଃ।
ଉଦଧେର୍ମଥ୍ଯମାନସ୍ଯ ମନ୍ଦରେଣ ସୁରାସୁରୈଃ॥ 1-18-31 (1206)
ତତ୍ର ନାନାଜଲଚରା ବିନିଷ୍ପିଷ୍ଟା ମହାଦ୍ରିଣା।
ବିଲଯଂ ସମୁପାଜଗ୍ମୁଃ ଶତଶୋ ଲବଣାମ୍ଭସି॥ 1-18-32 (1207)
ବାରୁଣାନି ଚ ଭୂତାନି ବିବିଧାନି ମହୀଧରଃ।
ପାତାଲତଲବାସୀନି ବିଲଯଂ ସମୁପାନଯତ୍॥ 1-18-33 (1208)
ତସ୍ମିଂଶ୍ଚ ଭ୍ରାମ୍ଯମାଣେଽଦ୍ରୌ ସଂଘୃଷ୍ଯନ୍ତଃ ପରସ୍ପରମ୍।
ନ୍ଯପତନ୍ପତଗୋପେତାଃ ପର୍ବତାଗ୍ରାନ୍ମହାଦ୍ରୁମାଃ॥ 1-18-34 (1209)
ତେଷାଂ ସଂଘର୍ଷଜଶ୍ଚାଗ୍ନିରର୍ଚିର୍ଭିଃ ପ୍ରଜ୍ବଲନ୍ମୁହୁଃ।
ବିଦ୍ଯୁଦ୍ଭିରିବ ନୀଲାଭ୍ରମାବୃଣୋନ୍ମନ୍ଦରଂ ଗିରିମ୍॥ 1-18-35 (1210)
ଦଦାହ କୁଞ୍ଜରାଂସ୍ତତ୍ର ସିଂହାଂଶ୍ଚୈବ ବିନିର୍ଗତାନ୍।
ବିଗତାସୂନି ସର୍ବାଣି ସତ୍ତ୍ବାନି ବିବିଧାନି ଚ॥ 1-18-36 (1211)
ତମଗ୍ନିମମରଶ୍ରେଷ୍ଠଃ ପ୍ରଦହନ୍ତମିତସ୍ତତଃ।
ବାରିଣା ମେଘଜେନେନ୍ଦ୍ରଃ ଶମଯାମାସ ସର୍ବଶଃ॥ 1-18-37 (1212)
ତତୋ ନାନାବିଧାସ୍ତତ୍ର ସୁସ୍ରୁବୁଃ ସାଗରାମ୍ଭସି।
ମହାଦ୍ରୁମାଣାଂ ନିର୍ଯାସା ବହବଶ୍ଚୌଷଧୀରସାଃ॥ 1-18-38 (1213)
ତେଷାମମୃତବୀର୍ଯାଣାଂ ରସାନାଂ ପଯସୈବ ଚ।
ଅମରତ୍ବଂ ସୁରା ଜଗ୍ମୁଃ କାଞ୍ଚନସ୍ଯ ଚ ନିଃସ୍ରବାତ୍॥ 1-18-39 (1214)
ତତସ୍ତସ୍ଯ ସମୁଦ୍ରସ୍ଯ ତଞ୍ଜାତମୁଦକଂ ପଯଃ।
ରସୋତ୍ତମୈର୍ବିମିଶ୍ରଂ ଚ ତତଃ କ୍ଷୀରାଦଭୂଦ୍ଧୃତମ୍॥ 1-18-40 (1215)
ତତୋ ବ୍ରହ୍ମାଣମାସୀନଂ ଦେବା ବରଦମବ୍ରୁବନ୍।
ଶ୍ରାନ୍ତାଃ ସ୍ମ ସୁଭୃଶଂ ବ୍ରହ୍ମନ୍ନୋଦ୍ଭବତ୍ଯମୃତଂ ଚ ତତ୍॥ 1-18-41 (1216)
ଋତେ ନାରାଯଣଂ ଦେବଂ ସର୍ବେଽନ୍ଯେ ଦେବଦାନବାଃ।
ଚିରାରବ୍ଧମିଦଂ ଚାପି ସାଗରସ୍ଯାପି ମନ୍ଥନମ୍॥ 1-18-42 (1217)
`ଗ୍ଲାନିରସ୍ମାନ୍ସମାବିଷ୍ଟା ନ ଚାତ୍ରାମୃତମତ୍ଥିତମ୍। 1-18-43 (1218)
ସୌତିରୁବାଚ।
ଦେବାନାଂ ବଚନଂ ଶ୍ରୁତ୍ବା ବ୍ରହ୍ମା ଲୋକପିତାମହଃ'॥ 1-18-43x (79)
ତତୋ ନାରାଯଣଂ ଦେବଂ ବଚନଂ ଚେଦମବ୍ରବୀତ୍।
ବିଧତ୍ସ୍ବୈଷାଂ ବଲଂ ବିଷ୍ଣୋ ଭବାନତ୍ର ପରାଯଣମ୍॥ 1-18-44 (1219)
ବିଷ୍ଣୁରୁବାଚ। 1-18-45x (80)
ବଲଂ ଦଦାମି ସର୍ବେଷାଂ କର୍ମୈତଦ୍ଯେ ସମାସ୍ଥିତାଃ।
କ୍ଷୋଭ୍ଯତାଂ କଲଶଃ ସର୍ବୈମନ୍ଦରଃ ପରିବର୍ତ୍ଯତାମ୍॥ 1-18-45 (1220)
ସୌତିରୁବାଚ। 1-18-46x (81)
ନାରାଯଣବଚଃ ଶ୍ରୁତ୍ବା ବଲିନସ୍ତେ ମହୋଦଧେଃ।
ତତ୍ପଯଃ ସହିତା ଭୂଯଶ୍ଚକ୍ରିରେ ଭୃଶମାକୁଲମ୍॥ 1-18-46 (1221)
`ତତ୍ର ପୂର୍ବଂ ବିଷଂ ଜାତଂ ତଦ୍ବ୍ରହ୍ମବଚନାଚ୍ଛିବଃ।
ପ୍ରାଗ୍ରସଲ୍ଲୋକରକ୍ଷାର୍ଥଂ ତତୋ ଜ୍ଯେଷ୍ଠା ସମୁତ୍ଥିତା।
କୃଷ୍ଣରୂପଧରା ଦେବୀ ସର୍ବାଭରଣଭୂଷିତା॥' 1-18-47 (1222)
ତତଃ ଶତସହସ୍ରାଂଶୁର୍ମଥ୍ଯମାନାତ୍ତୁ ସାଗରାତ୍।
ପ୍ରସନ୍ନାତ୍ମା ସମୁତ୍ପନ୍ନଃ ସୋମଃ ଶୀତାଂଶୁରୁଜ୍ଜ୍ବଲଃ॥ 1-18-48 (1223)
ଶ୍ରୀରନନ୍ତରମୁତ୍ପନ୍ନା ଘୃତାତ୍ପାଣ୍ଡୁରବାସିନୀ।
ସୁରା ଦେବୀ ସମୁତ୍ପନ୍ନା ତୁରଗଃ ପାଣ୍ଡୁରସ୍ତଥା॥ 1-18-49 (1224)
କୌସ୍ତୁଭସ୍ତୁ ମଣିର୍ଦିବ୍ଯ ଉତ୍ପନ୍ନୋ ଘୃତସଂଭବଃ।
ମରୀଚିବିକଚଃ ଶ୍ରୀମାନ୍ନାରାଯଣଉରୋଗତଃ॥ 1-18-50 (1225)
ଶ୍ରୀଃ ସୁରା ଚୈବ ସୋମଶ୍ଚ ତୁରଗଶ୍ଚ ମନୋଜବଃ।
`ପାରିଜାତଶ୍ଚ ତତ୍ରୈବ ସୁରଭିଶ୍ଚ ମହାମୁନେ।
ଜଜ୍ଞାତେ ତୌ ତଦା ବ୍ରହ୍ମନ୍ସର୍ବକାମଫଲପ୍ରଦୌ॥ 1-18-51 (1226)
ତତୋ ଜଜ୍ଞେ ମହାକାଯଶ୍ଚତୁର୍ଦନ୍ତୋ ମହାଗଜଃ।
କପିଲା କାମବୃକ୍ଷଶ୍ଚ କୌସ୍ତୁଭଶ୍ଚାପ୍ସରୋଗଣଃ।'
ଯତୋ ଦେବାସ୍ତତୋ ଜଗ୍ମୁରାଦିତ୍ଯପଥମାଶ୍ରିତାଃ॥ 1-18-52 (1227)
ଧନ୍ବନ୍ତରିସ୍ତତୋ ଦେବୋ ବପୁଷ୍ମାନୁଦତିଷ୍ଠତ।
ଶ୍ବେତଂ କମଣ୍ଡଲୁଂ ବିଭ୍ରଦମୃତଂ ଯତ୍ର ତିଷ୍ଠତି॥ 1-18-53 (1228)
ଏତଦତ୍ଯଦ୍ଭୁତଂ ଦୃଷ୍ଟ୍ବା ଦାନବାନାଂ ସମୁତ୍ଥିତଃ।
ଅମୃତାର୍ଥେ ମହାନ୍ନାଦୋ ମମେଦମିତି ଜଲ୍ପତାମ୍॥ 1-18-54 (1229)
ତତୋ ନାରାଯଣୋ ମାଯାଂ ମୋହିନୀଂ ସମୁପାଶ୍ରିତଃ।
ସ୍ତ୍ରୀରୂପମଦ୍ଭୁତଂ କୃତ୍ବା ଦାନବାନଭିସଂଶ୍ରିତଃ॥ 1-18-55 (1230)
ତତସ୍ତଦମୃତଂ ତସ୍ଯୈ ଦଦୁସ୍ତେ ମୂଢଚେତସଃ।
ସ୍ତ୍ରିଯୈ ଦାନବଦୈତେଯାଃ ସର୍ବେ ତଦ୍ଗତମାନସାଃ॥ 1-18-56 (1231)
`ସା ତୁ ନାରାଯଣୀ ମାଯା ଧାରଯନ୍ତୀ କମଣ୍ଡଲୁମ୍।
ଆସ୍ଯମାନେଷୁ ଦୈତ୍ଯେଷୁ ପଙ୍କ୍ତ୍ଯା ଚ ପ୍ରତି ଦାନବୈଃ॥ 1-18-57 (1232)
ଦେବାନପାଯଯଦ୍ଦେବୀ ନ ଦୈତ୍ଯାଂସ୍ତେ ଚ ଚୁକ୍ରୁଶୁଃ॥ ॥ 1-18-58 (1233)
ଇତି ଶ୍ରୀମନ୍ମହାବାରତେ ଆଦିପର୍ବଣି ଆସ୍ତୀକପର୍ବଣି ଅଷ୍ଟାଦଶୋଽଧ୍ଯାଯଃ॥ 18 ॥
Mahabharata - Adi Parva - Chapter Footnotes
1-18-11 ଅକୂପାରେ ସମୁଦ୍ରସମୀପେ। ଅଧିଷ୍ଠାନଂ ଆଧାରଃ॥ 1-18-12 ତୁ ତଥେତ୍ଯୁକ୍ତେ ପୃଷ୍ଠେ ତ୍ବସ୍ଯ ସମର୍ପିତଃ। ସଶୈଲସ୍ତସ୍ଯ ଚାଗ୍ରଂ ବୈ ବଜ୍ରେଣେନ୍ଦ୍ରୋଽଭ୍ଯପୀଡଯତ୍। ଇତି ପାଠାନ୍ତରଂ॥ 1-18-13 ଯୋକ୍ତ୍ରଂ ମନ୍ଥନରଜ୍ଜୁମ୍॥ 1-18-14 ଏକମନ୍ତଂ ଏକଂ ପ୍ରଦେଶଂ ମୁଖଭାଗମ୍॥ 1-18-33 ବାରୁଣାନି ବରୁଣଲୋକସ୍ଥାନି ଆପ୍ଯାଂଶପ୍ରଧାନଶରୀରାଣି॥ 1-18-40 ଲବଣାମ୍ଭସି କୁତୋ ଦୁଗ୍ଧମିତ୍ଯତ ଆହ। ତତ ଇତି। ତତଃ ତେଷାଂ ନିଃସ୍ରବଂ ପ୍ରାପ୍ଯ। ସମୁଦ୍ରସ୍ଯ ତତ୍କ୍ଷାରଂ ଉଦକଂ ପଯଃ କ୍ଷୀରଂ ଜାତମ୍॥ 1-18-50 ମରୀଚିବିକଚଃ ରଶ୍ମିଭିରୁଜ୍ଜ୍ବଲଃ। ନାରାଯଣଉରୋଗତ ଇତ୍ଯସନ୍ଧିରାର୍ଷଃ॥ 1-18-55 ଅଭିସଂଶ୍ରିତଃ ସଂମୁଖଃ ସ୍ଥିତଃ ମୋହନାର୍ଥମିତି ଶେଷଃ॥ ଅଷ୍ଟାଦଶୋଽଧ୍ଯାଯଃ॥ 18 ॥ଆଦିପର୍ବ - ଅଧ୍ଯାଯ 019
॥ ଶ୍ରୀଃ ॥
1.19. ଅଧ୍ଯାଯଃ 019
Mahabharata - Adi Parva - Chapter Topics
ଦେବାନାମମୃତପାନଂ॥ 1 ॥ ଦେବରୂପେଣାମୃତଂ ପିବତୋ ରାହୋଃ ଶିରଶ୍ଛେଦନଂ॥ 2 ॥ ଦେବଦୈତ୍ଯଯୋର୍ଯୁଦ୍ଧଂ। ତତ୍ର ଦୈତ୍ଯପରାଜଯଃ॥ 3 ॥Mahabharata - Adi Parva - Chapter Text
1-19-0 (1234)
ସୌତିରୁବାଚ। 1-19-0x (82)
ଅଥାବରଣମୁଖ୍ଯାନି ନାନାପ୍ରହରଣାନି ଚ।
ପ୍ରଗୃହ୍ଯାଭ୍ଯଦ୍ରବନ୍ଦେବାନ୍ସହିତା ଦୈତ୍ଯଦାନବାଃ॥ 1-19-1 (1235)
ତତସ୍ତଦମୃତଂ ଦେବୋ ବିଷ୍ଣୁରାଦାଯ ବୀର୍ଯବାନ୍।
ଜହାର ଦାନବେନ୍ଦ୍ରେଭ୍ଯୋ ନରେଣ ସହିତଃ ପ୍ରଭୁଃ॥ 1-19-2 (1236)
ତତୋ ଦେବଗଣାଃ ସର୍ବେ ପପୁସ୍ତଦମୃତଂ ତଦା।
ବିଷ୍ଣୋଃ ସକାଶାତ୍ସଂପ୍ରାପ୍ଯ ସଂଭ୍ରମେ ତୁମୁଲେ ସତି॥ 1-19-3 (1237)
`ପାଯଯତ୍ଯମୃତଂ ଦେବାନ୍ହରୌ ବାହୁବଲାନ୍ନରଃ।
ନିରୋଧଯତି ଚାପେନ ଦୂରୀକୃତ୍ଯ ଧନୁର୍ଧରାନ୍।
ଯେ ଯେଽମୃତଂ ପିବନ୍ତି ସ୍ମ ତେ ତେ ଯୁଦ୍ଧ୍ଯନ୍ତି ଦାନବୈଃ;'॥ 1-19-4 (1238)
ତତଃ ପିବତ୍ସୁ ତତ୍କାଲଂ ଦେବେଷ୍ବମୃତମୀପ୍ସିତମ୍।
ରାହୁର୍ବିବୁଧରୂପେଣ ଦାନବଃ ପ୍ରାପିବତ୍ତଦା॥ 1-19-5 (1239)
ତସ୍ଯ କଣ୍ଠମନୁପ୍ରାପ୍ତେ ଦାନବସ୍ଯାମୃତେ ତଦା।
ଆଖ୍ଯାତଂ ଚନ୍ଦ୍ରସୂର୍ଯାଭ୍ଯାଂ ସୁରାଣାଂ ହିତକାମ୍ଯଯା॥ 1-19-6 (1240)
ତତୋ ଭଗବତା ତସ୍ଯ ଶିରଶ୍ଛିନ୍ନମଲଂକୃତମ୍।
ଚକ୍ରାଯୁଧେନ ଚକ୍ରେଣ ପିବତୋଽମୃତମୋଜସା॥ 1-19-7 (1241)
ତଚ୍ଛୈଲଶୃହ୍ଗପ୍ରଙ୍ଗିମଂ ଦାନବସ୍ଯ ଶିରୋ ମହତ୍।
`ଚକ୍ରେଣୋତ୍କୃତ୍ତମପତଚ୍ଚାଲଯଦ୍ବସୁଧାତଲମ୍॥' 1-19-8 (1242)
ଚକ୍ରଚ୍ଛିନ୍ନଂ ଖମୁତ୍ପତ୍ଯ ନନାଦାତିଭଯଂକରମ୍।
ତତ୍କବନ୍ଧଂ ପପାତାସ୍ଯ ବିସ୍ଫୁରଦ୍ଧରଣୀତଲେ॥ 1-19-9 (1243)
`ତ୍ରଯୋଦଶ ସହସ୍ରାଣି ଚତୁରଶ୍ରଂ ସମନ୍ତତଃ।
ସପର୍ବତବନଦ୍ବୀପାଂ ଦୈତ୍ଯସ୍ଯାକମ୍ପଯନ୍ମହୀମ୍॥ 1-19-10 (1244)
ତତୋ ବୈରବିନିର୍ବନ୍ଧଃ କୃତୋ ରାହୁମୁଖେନ ବୈ।
ଶାଶ୍ବତଶ୍ଚନ୍ଦ୍ରସୂର୍ଯାଭ୍ଯାଂ ଗ୍ରସତ୍ଯଦ୍ଯାପି ଚୈବ ତୌ॥ 1-19-11 (1245)
ବିହାଯ ଭଗବାଂଶ୍ଚାପି ସ୍ତ୍ରୀରୂପମତୁଲଂ ହରିଃ।
ନାନାପ୍ରହରଣୈର୍ଭୀମୈର୍ଦାନବାନ୍ତମକମ୍ପଯତ୍॥ 1-19-12 (1246)
ତତଃ ପ୍ରବୃତ୍ତଃ ସଂଗ୍ରାମଃ ସମୀପେ ଲବଣାମ୍ଭସଃ।
ସୁରାଣାମସୁରାଣାଂ ଚ ସର୍ବଘୋରତରୋ ମହାନ୍॥ 1-19-13 (1247)
ପ୍ରାସାଶ୍ଚ ବିପୁଲାସ୍ତୀକ୍ଷ୍ଣା ନ୍ଯପତନ୍ତ ସହସ୍ରଶଃ।
ତୋମରାଶ୍ଚ ସୁତୀକ୍ଷ୍ଣାଗ୍ରାଃ ଶସ୍ତ୍ରାଣି ବିବିଧାନି ଚ॥ 1-19-14 (1248)
ତତୋଽସୁରାଶ୍ଚକ୍ରଭିନ୍ନା ବମନ୍ତୋ ରୁଧିରଂ ବହୁ।
ଅସିଶକ୍ତିଗଦାରୁଗ୍ଣା ନିପେତୁର୍ଧରଣୀତଲେ॥ 1-19-15 (1249)
ଛିନ୍ନାନି ପଟ୍ଟିଶୈଶ୍ଚୈବ ଶିରାଂସି ଯୁଧି ଦାରୁଣୈଃ।
ତପ୍ତକାଞ୍ଚନମାଲୀନି ନିପେତୁରନିଶଂ ତଦା॥ 1-19-16 (1250)
ରୁଧିରେଣାନୁଲିପ୍ତାଙ୍ଗା ନିହତାଶ୍ଚ ମହାସୁରାଃ।
ଅଦ୍ରୀଣାମିବ କୂଟାନି ଧାତୁରକ୍ତାନି ଶେରତେ॥ 1-19-17 (1251)
ଆହାକାରଃ ସମଭବତ୍ତତ୍ର ତତ୍ର ସହସ୍ରଶଃ।
ଅନ୍ଯୋନ୍ଯଂଛିନ୍ଦତାଂ ଶସ୍ତ୍ରୈରାଦିତ୍ଯେ ଲୋହିତାଯତି॥ 1-19-18 (1252)
ପରିଘୈରାଯସୈସ୍ତୀକ୍ଷ୍ଣୈଃ ସନ୍ନିକର୍ଷେ ଚ ମୁଷ୍ଟିଭିଃ।
ନିଘ୍ନତାଂ ସମରେଽନ୍ଯୋନ୍ଯଂ ଶବ୍ଦୋ ଦିବମିବାସ୍ପୃଶତ୍॥ 1-19-19 (1253)
ଛିନ୍ଧିଭିନ୍ଧି ପ୍ରଧାବ ତ୍ବଂ ପାତଯାଭିସରେତି ଚ।
ବ୍ଯଶ୍ରୂଯନ୍ତ ମହାଘୋରାଃ ଶବ୍ଦାସ୍ତତ୍ର ସମନ୍ତତଃ॥ 1-19-20 (1254)
ଏବଂ ସୁତୁମୁଲେ ଯୁଦ୍ଧେ ବର୍ତମାନେ ମହାଭଯେ।
ନରନାରାଯଣୌ ଦେବୌ ସମାଜଗ୍ମତୁରାହବମ୍॥ 1-19-21 (1255)
ତତ୍ର ଦିବ୍ଯଂ ଧନୁର୍ଦୃଷ୍ଟ୍ବା ନରସ୍ଯ ଭଗବାନପି।
ଚିନ୍ତଯାମାସ ତଚ୍ଚକ୍ରଂ ବିଷ୍ଣୁର୍ଦାନବସୂଦନମ୍॥ 1-19-22 (1256)
ତତୋଽମ୍ବରାଚ୍ଚିନ୍ତିତମାତ୍ରମାଗତଂ
ମହାପ୍ରଭଂ ଚକ୍ରମମିତ୍ରତାପନମ୍।
ବିଭାବସୋସ୍ତୁଲ୍ଯମକୁଣ୍ଠମଣ୍ଡଲଂ
ସୁଦର୍ଶନଂ ସଂଯତି ଭୀମଦର୍ଶନମ୍॥ 1-19-23 (1257)
ତଦାଗତଂ ଜ୍ବଲିତହୁତାଶନପ୍ରଭଂ
ଭଯଂକରଂ କରିକରବାହୁରଚ୍ଯୁତଃ।
ମୁମୋଚ ବୈ ପ୍ରବଲବଦୁଗ୍ରବେଗବା-
ନ୍ମହାପ୍ରଭଂ ପରନଗରାବଦାରଣମ୍॥ 1-19-24 (1258)
ତଦନ୍ତକଜ୍ବଲନସମାନବର୍ଚସଂ
ପୁନଃପୁନର୍ନ୍ଯପତତ ବେଗବତ୍ତଦା।
ବିଦାରଯଦ୍ଦିତିଦନୁଜାନ୍ସହସ୍ରଶଃ
କରେରିତଂ ପୁରୁଷବରେଣ ସଂଯୁଗେ॥ 1-19-25 (1259)
ଦହତ୍କ୍ବଚିଜ୍ଜ୍ବଲନ ଇବାବଲେଲିହ-
ତ୍ପ୍ରସହ୍ଯ ତାନସୁରଗଣାନ୍ନ୍ଯକୃନ୍ତତ।
ପ୍ରବେରିତଂ ବିଯତି ମୁହୁଃ କ୍ଷିତୌ ତଥା
ପପୌ ରଣେ ରୁଧିରମଥୋ ପିଶାଚବତ୍॥ 1-19-26 (1260)
ତଥାଽସୁରା ଗିରିଭିରଦୀନଚେତସୋ
ମୁହୁର୍ମୁହୁଃ ସୁରଗଣମାର୍ଦଯଂସ୍ତଦା।
ମହାବଲା ବିଗଲିତମେଘବର୍ଚସଃ
ସହସ୍ରଶୋ ଗଗନମଭିପ୍ରପଦ୍ଯହ॥ 1-19-27 (1261)
ଅଥାମ୍ବରାଦ୍ଭଯଜନନାଃ ପ୍ରପେଦିରେ
ସପାଦପା ବହୁବିଧମେଘରୂପିଣଃ।
ମହାଦ୍ରଯଃ ପରିଗଲିତାଗ୍ରସାନବଃ
ପରସ୍ପରଂ ଦ୍ରୁତମଭିହତ୍ଯ ସସ୍ବନାଃ॥ 1-19-28 (1262)
ତତୋ ମହୀ ପ୍ରବିଚଲିତା ସକାନନା
ମହାଦ୍ରିପାତାଭିହତା ସମନ୍ତତଃ।
ପରସ୍ପରଂ ଭୃଶମଭିଗର୍ଜତାଂ ମୁହୂ
ରଣାଜିରେ ଭୃଶମଭିସଂପ୍ରବର୍ତିତେ॥ 1-19-29 (1263)
ନରସ୍ତତୋ ବରକନକାଗ୍ରଭୂଷଣୈ-
ର୍ମହେଷୁଭିର୍ଗଗନପଥଂ ସମାବୃଣୋତ୍।
ବିଦାରଯନ୍ଗିରିଶିଖରାଣି ପତ୍ରିଭି-
ର୍ମହାଭଯେଽସୁରଗଣବିଗ୍ରହେ ତଦା॥ 1-19-30 (1264)
ତତୋ ମହୀଂ ଲବଣଜଲଂ ଚ ସାଗରଂ
ମହାସୁରାଃ ପ୍ରବିବିଶୁରର୍ଦିତାଃ ସୁରୈଃ।
ବିଯଦ୍ଗତଂ ଜ୍ବଲିତହୁତାଶନପ୍ରଭଂ
ସୁଦର୍ଶନଂ ପରିକୁପିତଂ ନିଶାମ୍ଯ ତେ॥ 1-19-31 (1265)
ତତଃ ସୁରୈର୍ବିଜଯମବାପ୍ଯ ମନ୍ଦରଃ
ସ୍ବମେବ ଦେଶଂ ଗମିତଃ ସୁପୂଜିତଃ।
ବିନାଦ୍ଯ ଖଂ ଦିବମପି ଚୈବ ସର୍ବଶ-
ସ୍ତତୋ ଗତାଃ ସଲିଲଧରା ଯଥାଗତମ୍॥ 1-19-32 (1266)
ତତୋଽମୃତଂ ସୁନିହିତମେବ ଚକ୍ରିରେ
ସୁରାଃ ପୁରାଂ ମୁଦମଭିଗମ୍ଯ ପୁଷ୍କଲାମ୍।
ଦଦୋ ଚ ତଂ ନିଧିମମୃତସ୍ଯ ରକ୍ଷିତୁଂ
କିରୀଟିନେ ବଲଭିଦଥାମରୈଃ ସହ॥ ॥ 1-19-33 (1267)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ଏକୋନବିଂଶୋଽଧ୍ଯାଯଃ॥ 19 ॥
Mahabharata - Adi Parva - Chapter Footnotes
1-19-1 ଆବରଣମୁଖ୍ଯାନି କବଚାଗ୍ର୍ଯାଣି॥ 1-19-3 ସଂଭ୍ରମେ ଉଭଯେଷାମମୃତାଦରେ ସତି। ସଙ୍ଗ୍ରାମେ ଇତି ପାଠାନ୍ତରଂ॥ 1-19-26 ପ୍ରବେରିତଂ ପ୍ରେରିତଂ॥ 1-19-27 ବିଗଲିତମେଘାଃ ରିକ୍ତମେଘାଃ॥ 1-19-32 ସଲିଲଧରାଃ ଅମୃତଭୃତୋ ଦେବାଃ॥ 1-19-33 କିରୀଟିନେ ନରାଯ॥ ଏକୋନବିଂଶୋଽଧ୍ଯାଯଃ॥ 19 ॥ଆଦିପର୍ବ - ଅଧ୍ଯାଯ 020
॥ ଶ୍ରୀଃ ॥
1.20. ଅଧ୍ଯାଯଃ 020
Mahabharata - Adi Parva - Chapter Topics
କଦ୍ରୂବିନତଯୋଃ ପଣବନ୍ଧଃ॥ 1 ॥ ସର୍ପାଣାଂ କଦ୍ରୂଶାପଃ॥ 2 ॥ ବ୍ରହ୍ମଣା କଶ୍ଯପାଯ ବିଷହରବିଦ୍ଯାଦାନଂ॥ 3 ॥Mahabharata - Adi Parva - Chapter Text
1-20-0 (1268)
ସୌତିରୁବାଚ। 1-20-0x (83)
ଏତତ୍ତେ କଥିତଂ ସର୍ବମମୃତଂ ମଥିତଂ ଯଥା।
ଯତ୍ର ସୋଽଶ୍ବଃ ସମୁତ୍ପନ୍ନଃ ଶ୍ରୀମାନତୁଲବିକ୍ରମଃ॥ 1-20-1 (1269)
ତଂ ନିଶାମ୍ଯ ତଦା କଦ୍ରୂର୍ବିନତାମିଦମବ୍ରବୀତ୍।
ଉଚ୍ଚୈଃଶ୍ରବା ହି କିଂବର୍ଣୋ ଭଦ୍ରେ ପ୍ରବ୍ରୂହି ମା ଚିରମ୍॥ 1-20-2 (1270)
ବିନତୋବାଚ। 1-20-3x (84)
ଶ୍ବେତ ଏବାଶ୍ବରାଜୋଽଯଂ କିଂ ବା ତ୍ବଂ ମନ୍ଯସେ ଶୁଭେ।
ବ୍ରୂହି ବର୍ଣଂ ତ୍ବମପ୍ଯସ୍ଯ ତତୋଽତ୍ର ବିପଣାବହେ॥ 1-20-3 (1271)
କଦ୍ରୂରୁବାଚ। 1-20-4x (85)
କୃଷ୍ଣବାଲମହଂ ମନ୍ଯେ ହଯମେନଂ ଶୁଚିସ୍ମିତେ।
ଏହି ସାର୍ଧଂ ମଯା ଦୀବ୍ଯ ଦାସୀଭାବାଯ ଭାମିନି॥ 1-20-4 (1272)
ସୌତିରୁବାଚ। 1-20-5x (86)
ଏବଂ ତେ ସମଯଂ କୃତ୍ବା ଦାସୀଭାବାଯ ବୈ ମିଥଃ।
ଜଗ୍ମତୁଃ ସ୍ବଗୃହାନେବ ଶ୍ବୋ ଦ୍ରକ୍ଷ୍ଯାବ ଇତି ସ୍ମ ହ॥ 1-20-5 (1273)
ତତଃ ପୁତ୍ରସହସ୍ରଂ ତୁ କଦ୍ରୂର୍ଜିହ୍ଯଂ ଚିକୀର୍ଷତୀ।
ଆଜ୍ଞାପଯାମାସ ତଦା ବାଲା ଭୂତ୍ବାଽଞ୍ଜନପ୍ରଭାଃ॥ 1-20-6 (1274)
ଆବିଶଧ୍ବଂ ହଯଂ କ୍ଷିପ୍ରଂ ଦାସୀ ନ ସ୍ଯାମହଂ ଯଥା।
ନାବପଦ୍ଯନ୍ତ ଯେ ବାକ୍ଯଂ ତାଞ୍ଶଶାପ ଭୁଜଂଗମାନ୍॥ 1-20-7 (1275)
ସର୍ପସତ୍ରେ ବର୍ତମାନେ ପାବକୋ ବଃ ପ୍ରଧକ୍ଷ୍ଯତି।
ଜନମେଜଯସ୍ଯ ରାଜର୍ଷେଃ ପାଣ୍ଡବେଯସ୍ଯ ଧୀମତଃ॥ 1-20-8 (1276)
ଶାପମେନଂ ତୁ ଶୁଶ୍ରାବ ସ୍ବଯମେବ ପିତାମହଃ।
ଅତିକ୍ରୂରଂ ସମୁତ୍ସୃଷ୍ଟଂ କଦ୍ର୍ବା ଦୈବାଦତୀବ ହି॥ 1-20-9 (1277)
ସାର୍ଧଂ ଦେବଗଣୈଃ ସର୍ବୈର୍ବାଚଂ ତାମନ୍ବମୋଦତ।
ବହୁତ୍ବଂ ପ୍ରେକ୍ଷ୍ଯ ସର୍ପାଣାଂ ପ୍ରଜାନାଂ ହିତକାମ୍ଯଯା॥ 1-20-10 (1278)
ତିଗ୍ମବୀର୍ଯବିଷା ହ୍ଯେତେ ଦନ୍ଦଶୂକା ମହାବଲାଃ।
ତେଷାଂ ତୀକ୍ଷ୍ଣବିଷତ୍ବାଦ୍ଧି ପ୍ରଜାନାଂ ଚ ହିତାଯ ଚ॥ 1-20-11 (1279)
ଯୁକ୍ତଂ ମାତ୍ରା କୃତଂ ତେଷାଂ ପରପୀଡୋପସର୍ପିଣାମ୍।
ଅନ୍ଯେଷାମପି ସତ୍ତ୍ବାନାଂ ନିତ୍ଯଂ ଦୋଷପରାସ୍ତୁ ଯେ॥ 1-20-12 (1280)
ତେଷାଂ ପ୍ରାଣାନ୍ତିକୋ ଦଣ୍ଡୋ ଦୈବେନ ବିନିପାତ୍ଯତେ।
ଏବଂ ସଂଭାଷ୍ଯ ଦେବସ୍ତୁ ପୂଜ୍ଯ କଦ୍ରୂଂ ଚ ତାଂ ତଦା॥ 1-20-13 (1281)
ଆହୂଯ କଶ୍ଯପଂ ଦେବ ଇଦଂ ବଚନମବ୍ରବୀତ୍।
ଯଦେତେ ଦନ୍ଦଶୂକାଶ୍ଚ ସର୍ପା ଜାତାସ୍ତ୍ବଯାନଘ॥ 1-20-14 (1282)
ବିଷୋଲ୍ବଣା ମହାଭୋଗା ମାତ୍ରା ଶପ୍ତାଃ ପରଂତପ।
ତତ୍ର ମନ୍ଯୁସ୍ତ୍ବଯା ତାତ ନ କର୍ତବ୍ଯଃ କଥଂଚନ॥ 1-20-15 (1283)
ଦୃଷ୍ଟଂ ପୁରାତନଂ ହ୍ଯେତଦ୍ଯଜ୍ଞେ ସର୍ପବିନାଶନମ୍।
ଇତ୍ଯୁକ୍ତ୍ବା ସୃଷ୍ଟିକୃଦ୍ଦେବସ୍ତଂ ପ୍ରସାଦ୍ଯ ପ୍ରଜାପତିମ୍।
ପ୍ରାଦାଦ୍ବିଷହରୀଂ ବିଦ୍ଯାଂ କଶ୍ଯପାଯ ମହାତ୍ମନେ॥ 1-20-16 (1284)
`ଏବଂ ଶପ୍ତେଷୁ ନାଗେଷୁ କଦ୍ର୍ବାତୁ ଦ୍ବିଜସତ୍ତମ।
ଅଦ୍ବିଗ୍ନଃ ଶାପତସ୍ତସ୍ଯାଃ କଦ୍ରୂଂ କର୍କୋଟକୋଽବ୍ରବୀତ୍॥ 1-20-17 (1285)
ମାତରଂ ପରମପ୍ରୀତସ୍ତଥା ଭୁଜଗସତ୍ତମଃ।
ଆବିଶ୍ଯ ବାଜିନଂ ମୁଖ୍ଯଂ ବାଲୋ ଭୂତ୍ବାଞ୍ଜନପ୍ରଭଃ॥ 1-20-18 (1286)
ଦର୍ଶଯିଷ୍ଯାମି ତତ୍ରାହମାତ୍ମାନଂ କାମମାଶ୍ବସ।
ଏବମସ୍ତ୍ବିତି ସା ପୁତ୍ରଂ ପ୍ରତ୍ଯୁବାଚ ଯଶସ୍ବିନୀ'॥ ॥ 1-20-19 (1287)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକର୍ପଣି ବିଂଶୋଽଧ୍ଯାଯଃ॥ 20 ॥
Mahabharata - Adi Parva - Chapter Footnotes
1-20-3 ବିପଣାବହେ ପଣଂ କୁର୍ବହେ॥ 1-20-6 ଜିହ୍ମଂ କୌଟିଲ୍ଯଂ। ବାଲାଃ ଲୋମାନି॥ 1-20-7 ନାବପଦ୍ଯନ୍ତ ନାନୁମୋଦିତବନ୍ତଃ॥ ବିଂଶୋଽଧ୍ଯାଯଃ॥ 20 ॥ଆଦିପର୍ବ - ଅଧ୍ଯାଯ 021
॥ ଶ୍ରୀଃ ॥
1.21. ଅଧ୍ଯାଯଃ 021
Mahabharata - Adi Parva - Chapter Topics
ଉଚ୍ଚୈଃଶ୍ରବସୋ ଦର୍ଶାର୍ଥଂ କଦ୍ରୂବିନତଯୋର୍ଗମନମ୍॥ 1 ॥Mahabharata - Adi Parva - Chapter Text
1-21-0 (1288)
ସୌତିରୁବାଚ। 1-21-0x (87)
ତତୋ ରଜନ୍ଯାଂ ବ୍ଯୁଷ୍ଟାଯାଂ ପ୍ରଭାତେଽଭ୍ଯୁଦିତେ ରବୌ।
କଦ୍ରୂଶ୍ଚ ବିନତା ଚୈବ ଭଗିନ୍ଯୌ ତେ ତପୋଧନ॥ 1-21-1 (1289)
ଅମର୍ଷିତେ ସୁସଂରବ୍ଧେ ଦାସ୍ଯେ କୃତପଣେ ତଦା।
`ସ୍ମଗରସ୍ଯ ପରଂ ପାରଂ ବେଲାବନବିଭୂଷିତମ୍।'
ଜଗ୍ମତୁସ୍ତୁରଗଂ ଦ୍ରଷ୍ଟୁମୁଚ୍ଚୈଃଶ୍ରବସମନ୍ତିକାତ୍॥ 1-21-2 (1290)
ଦଦୃଶାତେଽଥ ତେ ତତ୍ର ସମୁଦ୍ରଂ ନିଧିମମ୍ଭସାମ୍।
ମହାନ୍ତମୁଦକାଗାଧଂ କ୍ଷୋଭ୍ଯମାଣଂ ମହାସ୍ବନମ୍॥ 1-21-3 (1291)
ତିମିଂଗିଲଝଷାକୀର୍ଣଂ ମକରୈରାବୃତଂ ତଥା।
ସତ୍ବୈଶ୍ଚ ବହୁସାହସ୍ରୈର୍ନାନାରୂପୈଃ ସମାବୃତମ୍॥ 1-21-4 (1292)
ଭୀଷଣୈର୍ବିକୃତୈରନ୍ଯୈର୍ଘୋରୈର୍ଜଲଚରୈସ୍ତଥା।
ଉଗ୍ରୈର୍ନିତ୍ଯମନାଧୃଷ୍ଯଂ କୂର୍ମଗ୍ରାହସମାକୁଲମ୍॥ 1-21-5 (1293)
ଆକରଂ ସର୍ବରତ୍ନାନାମାଲଯଂ ବରୁଣସ୍ଯ ଚ।
ନାଗାନାମାଲଯଂ ରମ୍ଯମୁତ୍ତମଂ ସରିତାଂ ପତିମ୍॥ 1-21-6 (1294)
ପାତାଲଜ୍ବଲନାବାସମସୁରାଣାଂ ଚ ବାନ୍ଧବମ୍।
ଭଯଂକରଂ ଚ ସତ୍ତ୍ବାନାଂ ପଯସାଂ ନିଧିମର୍ଣବମ୍॥ 1-21-7 (1295)
ଶୁଭଂ ଦିବ୍ଯମମର୍ତ୍ଯାନାମମୃତସ୍ଯାକରଂ ପରମ୍।
ଅପ୍ରମେଯମଚିନ୍ତ୍ଯଂ ଚ ସୁପୁଣ୍ଯଜଲମଦ୍ଭୁତମ୍॥ 1-21-8 (1296)
ଘୋରଂ ଜଲଚରାରାବରୌଦ୍ରଂ ଭୈରବନିଃସ୍ବନମ୍।
ଗମ୍ଭୀରାବର୍ତକଲିଲଂ ସର୍ବଭୂତଭଯଂକରମ୍॥ 1-21-9 (1297)
ବେଲାଦୋଲାନିଲଚଲଂ କ୍ଷୋଭୋଦ୍ବେଗସମୁଚ୍ଛ୍ରିତମ୍।
ବୀଚୀହସ୍ତୈଃ ପ୍ରଚଲିତୈର୍ନୃତ୍ଯନ୍ତମିବ ସର୍ବତଃ॥ 1-21-10 (1298)
ଚନ୍ଦ୍ରବୃଦ୍ଧିକ୍ଷଯବଶାଦୁଦ୍ବୃତ୍ତୋର୍ମିସମାକୁଲମ୍।
ପାଞ୍ଚଜନ୍ଯସ୍ଯ ଜନନଂ ରତ୍ନାକରମନୁତ୍ତମମ୍॥ 1-21-11 (1299)
ଗାଂ ବିନ୍ଦତା ଭଗବତା ଗୋବିନ୍ଦେନାମିତୌଜସା।
ବରାହରୂପିଣା ଚାନ୍ତର୍ବିକ୍ଷୋଭିତଜଲାବିଲମ୍॥ 1-21-12 (1300)
ବ୍ରହ୍ମର୍ଷିଣା ବ୍ରତବତା ବର୍ଷାଣାଂ ଶତମତ୍ରିଣା।
ଅନାସାଦିତଗାଧଂ ଚ ପାତାଲତଲମବ୍ଯଯମ୍॥ 1-21-13 (1301)
ଅଧ୍ଯାତ୍ମଯୋଗନିଦ୍ରାଂ ଚ ପଦ୍ମନାଭସ୍ଯ ସେବତଃ।
ଯୁଗାଦିକାଲଶଯନଂ ବିଷ୍ଣୋରମିତତେଜସଃ॥ 1-21-14 (1302)
ବଜ୍ରପାତନସଂତ୍ରସ୍ତମୈନାକସ୍ଯାଭଯପ୍ରଦମ୍।
ଡିମ୍ବାହବାର୍ଦିତାନାଂ ଚ ଅସୁରାଣାଂ ପରାଯଣମ୍॥ 1-21-15 (1303)
ବଡବାମୁଖଦୀପ୍ତାଗ୍ନେସ୍ତୋଯହବ୍ଯପ୍ରଦଂ ଶିବମ୍।
ଅଗାଧପାରଂ ବିସ୍ତୀର୍ଣମପ୍ରମେଯଂ ସରିତ୍ପତିମ୍॥ 1-21-16 (1304)
ମହାନଦୀଭିର୍ବହ୍ବୀଭିଃ ସ୍ପର୍ଧଯେବ ସହସ୍ରଶଃ।
ଅଭିସାର୍ଯମାଣମନିଶଂ ଦଦୃଶାତେ ମହାର୍ଣବମ୍।
ଆପୂର୍ଯମାଣମତ୍ଯର୍ଥଂ ନୃତ୍ଯମାନମିବୋର୍ମିଭିଃ॥ 1-21-17 (1305)
ଗମ୍ଭୀରଂ ତିମିମକରୋଗ୍ରସଂକୁଲଂ ତଂ
ଗର୍ଜନ୍ତଂ ଜଲଚରରାବରୌଦ୍ରନାଦୈଃ।
ବିସ୍ତୀର୍ଣଂ ଦଦୃଶତୁରମ୍ବରପ୍ରକାଶଂ
ତେଽଗାଧଂ ନିଧିମୁରୁମମ୍ଭସାମନନ୍ତମ୍॥ ॥ 1-21-18 (1306)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ଏକବିଂଶତିତମୋଽଧ୍ଯାଯଃ॥ 21 ॥
Mahabharata - Adi Parva - Chapter Footnotes
1-21-3 କ୍ଷୋଭ୍ଯମାଣଂ ମକରାଦିଭିଃ॥ 1-21-7 ପାତାଲଜ୍ବଲନୋ ବଡବାଗ୍ନିଃ॥ 1-21-12 ଗାଂ ପୃଥ୍ବୀଂ ବିନ୍ଦତା ଲମ୍ବମାନେନ॥ 1-21-15 ଡିମ୍ବୋ ଭଯବତାମାକ୍ରନ୍ଦସ୍ତଦ୍ବତି ଆହବେ॥ 1-21-18 ତେ କଦ୍ରୂବିନତେ॥ ଏକବିଂଶତିତମୋଽଧ୍ଯାଯଃ॥ 21 ॥ଆଦିପର୍ବ - ଅଧ୍ଯାଯ 022
॥ ଶ୍ରୀଃ ॥
1.22. ଅଧ୍ଯାଯଃ 022
Mahabharata - Adi Parva - Chapter Topics
ସର୍ପୌର୍ମାତୃବଚନାଦୁଚ୍ଚୈଃଶ୍ରବଃପୁଚ୍ଛବେଷ୍ଟନମ୍॥ 1 ॥Mahabharata - Adi Parva - Chapter Text
1-22-0 (1307)
ସୌତିରୁବାଚ। 1-22-0x (88)
ନାଗାଶ୍ଚ ସଂବିଦଂ କୃତ୍ବା କର୍ତବ୍ଯମିତି ତଦ୍ବଚଃ।
ନିଃସ୍ନେହା ବୈ ଦହେନ୍ମାତା ଅସଂପ୍ରାପ୍ତମନୋରଥା॥ 1-22-1 (1308)
ପ୍ରସନ୍ନା ମୋକ୍ଷଯେଦସ୍ମାଂସ୍ତସ୍ମାଚ୍ଛାପାଚ୍ଚ ଭାମିନୀ।
କୃଷ୍ଣଂ ପୁଚ୍ଛଂ କରିଷ୍ଯାମସ୍ତୁରଗସ୍ଯ ନ ସଂଶଯଃ॥ 1-22-2 (1309)
`ଇତି ନିଶ୍ଚିତ୍ଯ ତେ ତସ୍ଯ କୃଷ୍ଣା ବାଲା ଇବ ସ୍ଥିତାଃ।'
ଏତସ୍ମିନ୍ନନ୍ତରେ ତେ ତୁ ସପତ୍ନ୍ଯୌ ପଣିତେ ତଦା॥ 1-22-3 (1310)
ତତସ୍ତେ ପଣିତଂ କୃତ୍ବା ଭଗିନ୍ଯୌ ଦ୍ବିଜସତ୍ତମ।
ଜଗ୍ମତୁଃ ପରଯା ପ୍ରୀତ୍ଯା ପରଂ ପାରଂ ମହୋଦଧେଃ॥ 1-22-4 (1311)
କଦ୍ରୂଶ୍ଚ ବିନତା ଚୈବ ଦାକ୍ଷାଯଣ୍ଯୌ ବିହାଯସା।
ଆଲୋକଯନ୍ତ୍ଯାବକ୍ଷୋଭ୍ଯଂ ସମୁଦ୍ରଂ ନିଧିମମ୍ଭସାମ୍॥ 1-22-5 (1312)
ବାଯୁନାଽତୀବ ସହସା କ୍ଷୋଭ୍ଯମାଣଂ ମହାସ୍ବନମ୍।
ତିମିଂଗିଲସମାକୀର୍ଣଂ ମକରୈରାବୃତଂ ତଥା॥ 1-22-6 (1313)
ସଂଯୁତଂ ବହୁସାହସ୍ରୈଃ ସତ୍ବୈର୍ନାନାବିଧୈରପି।
ଘୋରର୍ଘୋରମନାଧୃଷ୍ଯଂ ଗମ୍ଭୀରମତିଭୈରବମ୍॥ 1-22-7 (1314)
ଆକରଂ ସର୍ବରତ୍ନାନାମାଲଯଂ ବରୁଣସ୍ଯ ଚ।
ନାଗାନାମାଲଯଂ ଚାପି ସୁରମ୍ଯଂ ସରିତାଂ ପତିମ୍॥ 1-22-8 (1315)
ପାତାଲଜ୍ବଲନାବାସମସୁରାଣାଂ ତଥାଲଯମ୍।
ଭଯଂକରାଣାଂ ସତ୍ତ୍ବାନାଂ ପଯସୋ ନିଧିମବ୍ଯଯମ୍॥ 1-22-9 (1316)
ଶୁଭ୍ରଂ ଦିବ୍ଯମମର୍ତ୍ଯାନାମମୃତସ୍ଯାକରଂ ପରମ୍।
ଅପ୍ରମେଯମଚିନ୍ତ୍ଯଂ ଚ ସୁପୁମ୍ଯଜଲସଂମିତମ୍॥ 1-22-10 (1317)
ମହାନଦୀଭିର୍ବହ୍ବୀଭିସ୍ତତ୍ର ତତ୍ର ସହସ୍ରଶଃ।
ଆପୂର୍ଯମାଣମତ୍ଯର୍ଥଂ ନୃତ୍ଯନ୍ତମିବ ଚୋର୍ମିଭିଃ॥ 1-22-11 (1318)
ଇତ୍ଯେବଂ ତରଲତରୋର୍ମିସଂକୁଲଂ ତେ
ଗମ୍ଭୀରଂ ବିକସିତମମ୍ବରପ୍ରକାଶମ୍।
ପାତାଲଜ୍ବଲନଶିଖାବିଦୀପିତାଙ୍ଗଂ
ଗର୍ଜନ୍ତଂ ଦ୍ରୁତମଭିଜଗ୍ମତୁସ୍ତତସ୍ତେ॥ ॥ 1-22-12 (1319)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ଦ୍ବାବିଂଶୋଽଧ୍ଯାଯଃ॥ 22 ॥
Mahabharata - Adi Parva - Chapter Footnotes
1-22-1 ସଂବିଦଂ ମିଥ ଆଲୋଚନମ୍॥ 1-22-3 ପଣିତେ ପଣଂ କୃତ ବତ୍ଯୌ॥ 3 ॥ ଦ୍ବାବିଂଶୋଽଧ୍ଯାଯଃ॥ 22 ॥ଆଦିପର୍ବ - ଅଧ୍ଯାଯ 023
॥ ଶ୍ରୀଃ ॥
1.23. ଅଧ୍ଯାଯଃ 023
Mahabharata - Adi Parva - Chapter Topics
ଗରୁଡୋତ୍ପତ୍ତିଃ॥ 1 ॥ ଦେବକୃତସ୍ତୁତ୍ଯା ଗରୁଡକୃତଂ ସ୍ବତେଜସ୍ସଂହରଣମ୍॥ 2 ॥Mahabharata - Adi Parva - Chapter Text
1-23-0 (1320)
ସୌତିରୁବାଚ। 1-23-0x (89)
ତଂ ସମୁଦ୍ରମତିକ୍ରମ୍ଯ କଦ୍ରୂର୍ବିନତଯା ସହ।
ନ୍ଯପତତ୍ତୁରଗାଭ୍ଯାଶେ ନ ଚିରାଦିବ ଶୀଘ୍ରଗା॥ 1-23-1 (1321)
ତତସ୍ତେ ତଂ ହଯଶ୍ରେଷ୍ଠଂ ଦଦୃଶାତେ ମହାଜବମ୍।
ଶଶାଙ୍କକିରଣପ୍ରଖ୍ଯଂ କାଲବାଲମୁଭେ ତଦା॥ 1-23-2 (1322)
ନିଶାମ୍ଯ ଚ ବହୂନ୍ବାଲାନ୍କୃଷ୍ଣାନ୍ପୁଚ୍ଛସମାଶ୍ରିତାନ୍।
ବିଷଣ୍ଣରୂପାଂ ବିନତାଂ କଦ୍ରୂର୍ଦାସ୍ଯେ ନ୍ଯଯୋଜଯତ୍॥ 1-23-3 (1323)
ତତଃ ସା ବିନତା ତସ୍ମିନ୍ପଣିତେନ ପରାଜିତା।
ଅଭବଦ୍ଦୁଃଖସଂତପ୍ତା ଦାସୀଭାବଂ ସମାସ୍ଥିତା॥ 1-23-4 (1324)
ଏତସ୍ମିନ୍ନନ୍ତରେ ଚାପି ଗରୁଡଃ କାଲ ଆଗତେ।
ବିନା ମାତ୍ରା ମହାତେଜା ବିଦାର୍ଯାଣ୍ଡମଜାଯତ॥ 1-23-5 (1325)
ମହାସତ୍ତ୍ବବଲୋପେତଃ ସର୍ବା ବିଦ୍ଯୋତଯନ୍ଦିଶଃ।
କାମରୂପଃ କାମଗମଃ କାମବୀର୍ଯୋ ବିହଂଗମଃ॥ 1-23-6 (1326)
ଅଗ୍ନିରାଶିରିବୋଦ୍ଭାସନ୍ସମିଦ୍ଧୋଽତିଭଯଂକରଃ।
ବିଦ୍ଯୁଦ୍ବିସ୍ପଷ୍ଟପିଙ୍ଗାକ୍ଷୋ ଯୁଗାନ୍ତାଗ୍ନିସମପ୍ରଭଃ॥ 1-23-7 (1327)
ପ୍ରବୃଦ୍ଧଃ ସହସା ପକ୍ଷୀ ମହାକାଯୋ ନଭୋଗତଃ।
ଘୋରୋ ଘୋରସ୍ବନୋ ରୌଦ୍ରୋ ବହ୍ନିରୌର୍ବ ଇବାପରଃ॥ 1-23-8 (1328)
ତଂ ଦୃଷ୍ଟ୍ବା ଶରଣଂ ଜଗ୍ମୁର୍ଦେବାଃ ସର୍ବେ ବିଭାବସୁମ୍।
ପ୍ରମିପତ୍ଯାବ୍ରୁବଂଶ୍ଚୈନମାସୀନଂ ବିଶ୍ବରୂପିଣମ୍॥ 1-23-9 (1329)
ଅଗ୍ନେ ମା ତ୍ବଂ ପ୍ରବର୍ଧିଷ୍ଠାଃ କଚ୍ଚିନ୍ନୋ ନ ଦିଧକ୍ଷସି।
ଅସୌ ହି ରାଶିଃ ସୁମହାନ୍ସମିଦ୍ଧସ୍ତବ ସର୍ପତି॥ 1-23-10 (1330)
ଅଗ୍ନିରୁବାଚ। 1-23-11x (90)
ନୈତଦେବଂ ଯଥା ଯୂଯଂ ମନ୍ଯଧ୍ବମସୁରାର୍ଦନାଃ।
ଗରୁଡୋ ବଲବାନେଷ ମମ ତୁଲ୍ଯଶ୍ଚ ତେଜସା॥ 1-23-11 (1331)
ଜାତଃ ପରମତେଜସ୍ବୀ ବିନତାନନ୍ଦବର୍ଧନଃ।
ତେଜୋରାଶିମିମଂ ଦୃଷ୍ଟ୍ବା ଯୁଷ୍ମାନ୍ମୋହଃ ସମାବିଶତ୍॥ 1-23-12 (1332)
ନାଗକ୍ଷଯକରଶ୍ଚୈ କାଶ୍ଯପେଯୋ ମହାବଲଃ।
ଦେବାନାଂ ଚ ହିତେ ଯୁକ୍ତସ୍ତ୍ବହିତୋ ଦୈତ୍ଯରକ୍ଷସାମ୍॥ 1-23-13 (1333)
ନ ଭୀଃ କାର୍ଯା କଥଂ ଚାତ୍ର ପଶ୍ଯଧ୍ବଂ ସହିତା ମଯା। 1-23-14 (1334)
ସୌତିରୁବାଚ।
ଏବମୁକ୍ତାସ୍ତଦା ଗତ୍ବା ଗରୁଡଂ ବାଗ୍ଭିରସ୍ତୁବନ୍॥ 1-23-14x (91)
ତେ ଦୂରାଦଭ୍ଯୁପେତ୍ଯୈନଂ ଦେବାଃ ସର୍ଷିଗଣାସ୍ତଦା। 1-23-15 (1335)
ଦେବା ଊଚୁଃ।
ତ୍ବମୃଷିସ୍ତ୍ବଂ ମହାଭାଗସ୍ତ୍ବଂ ଦେବଃ ପତଗେଶ୍ବରଃ॥ 1-23-15x (92)
ତ୍ବଂ ପ୍ରଭୁସ୍ତପନଃ ସୂର୍ଯଃ ପରମେଷ୍ଠୀ ପ୍ରଜାପତିଃ।
ତ୍ବମିନ୍ଦ୍ରସ୍ତ୍ବଂ ହଯମୁଖସ୍ତ୍ବଂ ଶର୍ବସ୍ତ୍ବଂ ଜଗତ୍ପତିଃ॥ 1-23-16 (1336)
ତ୍ବଂ ମୁଖଂ ପଦ୍ମଜୀ ବିପ୍ରସ୍ତ୍ବମଗ୍ନିଃ ପବନସ୍ତଥା।
ତ୍ବଂ ହି ଧାତା ବିଧାତା ଚ ତ୍ବଂ ବିଷ୍ଣୁଃ ସୁରସତ୍ତମଃ॥ 1-23-17 (1337)
ତ୍ବଂ ମହାନଭିଭୂଃ ଶଶ୍ବଦମୃତଂ ତ୍ବଂ ମହଦ୍ଯଶଃ।
ତ୍ବଂ ପ୍ରଭାସ୍ତ୍ବମଭିପ୍ରେତଂ ତ୍ବଂ ନସ୍ତ୍ରାଣମନୁତ୍ତମମ୍॥ 1-23-18 (1338)
`ତ୍ବଂ ଗତିଃ ସତତଂ ତ୍ବତ୍ତଃ କଥଂ ନଃ ପ୍ରାପ୍ନୁଯାଦ୍ଭଯମ୍।'
ବଲୋର୍ମିମାନ୍ସାଧୁରଦୀନସତ୍ତ୍ବଃ
ସମୃଦ୍ଧିମାନ୍ଦୁର୍ବିଷହସ୍ତ୍ବମେବ।
ତ୍ବତ୍ତଃ ସୃତଂ ସର୍ବମହୀନକୀର୍ତେ
ହ୍ଯନାଗତଂ ଚୋପଗତଂ ଚ ସର୍ବମ୍॥ 1-23-19 (1339)
ତ୍ବମୁତ୍ତମଃ ସର୍ବମିଦଂ ଚରାଚରଂ
ଗଭସ୍ତିଭିର୍ଭାନୁରିବାବଭାସସେ।
ସମାକ୍ଷିପନ୍ଭାନୁମତଃ ପ୍ରଭାଂ ମୁହୁ-
ସ୍ତ୍ବମନ୍ତକଃ ସର୍ବମିଦଂ ଧ୍ରୁବାଧ୍ରୁବମ୍॥ 1-23-20 (1340)
ଦିବାକରଃ ପରିକୁପିତୋ ଯଥା ଦହେ-
ତ୍ପ୍ରଜାସ୍ତଥା ଦହସି ହୁତାଶନପ୍ରଭ।
ଭଯଂକରଃ ପ୍ରଲଯ ଇବାଗ୍ନିରୁତ୍ଥିତୋ
ବିନାଶଯନ୍ଯୁଗପରିବର୍ତନାନ୍ତକୃତ୍॥ 1-23-21 (1341)
ଖଗେଶ୍ବରଂ ଶରଣମୁପାଗତା ବଯଂ
ମହୌଜସଂ ଜ୍ବଲନସମାନବର୍ଚସମ୍।
ତଡିତ୍ପ୍ରଭଂ ବିତିମିରମଭ୍ରଗୋଚରଂ
ମହାବଲଂ ଗରୁଡମୁପେତ୍ଯ ଖେଚରମ୍॥ 1-23-22 (1342)
ପରାବରଂ ବରଦମଜଯ୍ଯବିକ୍ରମଂ
ତବୌଜସ ସର୍ବମିଦଂ ପ୍ରତାପିତମ୍।
ଜଗତ୍ପ୍ରଭୋ ତପ୍ତସୁବର୍ଣବର୍ଚସା
ତ୍ବଂ ପାହି ସର୍ବାଂଶ୍ଚ ସୁରାନ୍ମହାତ୍ମନଃ॥ 1-23-23 (1343)
ଭଯାନ୍ବିତା ନଭସି ବିମାନଗାମିନୋ
ବିମାନିତା ବିପଥଗତିଂ ପ୍ରଯାନ୍ତି ତେ।
ଋଷେଃ ସୁତସ୍ତ୍ବମସି ଦଯାବତଃ ପ୍ରଭୋ
ମହାତ୍ମନଃ ଖଗବର କଶ୍ଯପସ୍ଯ ହ॥ 1-23-24 (1344)
ସ ମା କ୍ରୁଧଃ କୁରୁ ଜଗତୋ ଦଯାଂ ପରାଂ
ତ୍ବମୀଶ୍ବରଃ ପ୍ରଶମମୁପୈହି ପାହି ନଃ।
ମହାଶନିସ୍ଫୁରିତସମସ୍ବନେନ ତେ
ଦିଶୋଽମ୍ବରଂ ତ୍ରିଦିବମିଯଂ ଚ ମେଦିନୀ॥ 1-23-25 (1345)
ଚଲନ୍ତି ନଃ ଖଗ ହୃଦଯାନି ଚାନିଶଂ
ନିଗୃହ୍ଯତାଂ ବପୁରିଦମଗ୍ନିସନ୍ନିଭମ୍।
ତବ ଦ୍ଯୁତିଂ କୁପିତକୃତାନ୍ତସନ୍ନିଭାଂ
ନିଶାମ୍ଯ ନଶ୍ଚଲତି ମନୋଽବ୍ଯବସ୍ଥିତମ୍।
ପ୍ରସୀଦ ନଃ ପତଗତେ ପ୍ରଯାଚତାଂ
ଶିବଶ୍ଚ ନୋ ଭବ ଭଗବନ୍ସୁଖାବହଃ॥ 1-23-26 (1346)
ସୌତିରୁବାଚ। 1-23-27x (93)
ଏବଂ ସ୍ତୁତଃ ସୁପର୍ଣସ୍ତୁ ଦେବୈଃ ସର୍ଷିଗଣୈସ୍ତଦା।
ତେଜସଃ ପ୍ରତିସଂହାରମାତ୍ମନଃ ସ ଚକାର ହ॥ ॥ 1-23-27 (1347)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ତ୍ରଯୋବିଂଶୋଽଧ୍ଯାଯଃ॥ 23 ॥
Mahabharata - Adi Parva - Chapter Footnotes
1-23-2 ଶଶାଙ୍କକିରଣବତ୍ପ୍ରଖ୍ଯା ଦୀପ୍ତିର୍ଯସ୍ଯ ତଂ ତାଦୃଶମପି କାଲବାଲଂ କୃଷ୍ଣକେଶମ୍॥ 1-23-8 ଔର୍ବୋ ବଡବାଗ୍ନିଃ॥ 1-23-9 ବିଭାବସୁଂ ଅଗ୍ନିମ୍॥ 1-23-10 ଅଗ୍ନେ ମାତ୍ବମିତି ଦେବାନାଂ ଭ୍ରମବର୍ଣନଂ ଅଗ୍ନିଗରୁଡଯୋରତି ସାଦୃଶ୍ଯକଥନାର୍ଥମ୍॥ 1-23-25 ଚଲନ୍ତୀତ୍ଯୁତ୍ତରାଦପକୃଷ୍ଯତେ॥ 1-23-26 ନିଗୃତ୍ଯତାଂ ସଂକ୍ଷିପ୍ଯତାମ୍॥ ତ୍ରଯୋବିଂଶୋଽଧ୍ଯାଯଃ॥ 23 ॥ଆଦିପର୍ବ - ଅଧ୍ଯାଯ 024
॥ ଶ୍ରୀଃ ॥
1.24. ଅଧ୍ଯାଯଃ 024
Mahabharata - Adi Parva - Chapter Topics
ରାହୁଣା କୃତୋପଦ୍ରବସ୍ଯ ସୂର୍ଯସ୍ଯ କ୍ରୋଧଃ॥ 1 ॥ ବ୍ରହ୍ମାଜ୍ଞଯାଽରୁଣସ୍ଯ ସୂର୍ଯସାରଥ୍ଯକରଣମ୍॥ 2 ॥Mahabharata - Adi Parva - Chapter Text
1-24-0 (1348)
ସୌତିରୁବାଚ। 1-24-0x (94)
ସ ଶ୍ରୁତ୍ବାଽଥାତ୍ମନୋ ଦେହଂ ସୁପର୍ଣଃ ପ୍ରେକ୍ଷ୍ଯ ଚ ସ୍ବଯମ୍।
ଶରୀରପ୍ରତିସଂହାରମାତ୍ମନଃ ସଂପ୍ରଚକ୍ରମେ॥ 1-24-1 (1349)
ସୁପର୍ଣ ଉବାଚ। 1-24-2x (95)
ନ ମେ ସର୍ବାଣି ଭୂତାନି ବିଭିଯୁର୍ଦେହଦର୍ଶନାତ୍।
ଭୀମରୂପାତ୍ସମୁଦ୍ବିଗ୍ରାସ୍ତସ୍ମାତ୍ତେଜସ୍ତୁ ସଂହରେ॥ 1-24-2 (1350)
ସୌତିରୁବାଚ। 1-24-3x (96)
ତତଃ କାମଗମଃ ପକ୍ଷୀ କାମବୀର୍ଯୋ ବିହଂଗମଃ।
ଅରୁଣଂ ଚାତ୍ମନଃ ପୃଷ୍ଠମାରୋପ୍ଯ ସ ପିତୁର୍ଗୃହାତ୍॥ 1-24-3 (1351)
ମାତୁରନ୍ତିକମାଗଚ୍ଛତ୍ପରଂ ତୀରଂ ମହୋଦଧେଃ।
ତତ୍ରାରୁଣଶ୍ଚ ନିକ୍ଷିପ୍ତୋ ପୁରୋଦେଶେ ମହାଦ୍ଯୁତେଃ॥ 1-24-4 (1352)
ସୂର୍ଯସ୍ତେଜୋଭିରତ୍ଯୁଗ୍ରୈର୍ଲୋକାନ୍ଦଗ୍ଧୁମନା ଯଦା। 1-24-5 (1353)
ରୁରୁରୁବାଚ।
କିମର୍ଥଂ ଭଗବାନ୍ସୂର୍ଯୋ ଲୋକାନ୍ଦଗ୍ଧୁମନାସ୍ତଦା॥ 1-24-5x (97)
କିମସ୍ତାପହୃତଂ ଦେବୈର୍ଯେନମଂ ମନ୍ଯୁରାବିଶତ୍। 1-24-6 (1354)
ପ୍ରମତିରୁବାଚ।
ଚନ୍ଦ୍ରାର୍କାଭ୍ଯାଂ ଯଦା ରାହୁରାଖ୍ଯାତୋ ହ୍ଯମୃତଂ ପିବନ୍॥ 1-24-6x (98)
ବୈରାନୁବନ୍ଧଂ କୃତବାଂଶ୍ଚନ୍ଦ୍ରାଦିତ୍ଯୌ ତଦାଽନଘ।
ବାଧ୍ଯମାନଂ ଗ୍ରହେଣାଥ ହ୍ଯାଦିତ୍ଯଂ ମନ୍ଯୁରାବିଶତ୍॥ 1-24-7 (1355)
ସୁରାର୍ଥାଯ ସମୁତ୍ପନ୍ନୋ ରୋଷୋ ରାହୋସ୍ତୁ ମାଂ ପ୍ରତି।
ବହ୍ବନର୍ଥକରଂ ପାପମେକୋଽହଂ ସମବାପ୍ନୁଯାମ୍॥ 1-24-8 (1356)
ସହାଯ ଏବ କାର୍ଯେଷୁ ନ ଚ କୃଚ୍ଛ୍ରେଷୁ ଦୃଶ୍ଯତେ।
ପଶ୍ଯନ୍ତି ଗ୍ରସ୍ଯମାନଂ ମାଂ ସହନ୍ତେ ବୈ ଦିବୌକସଃ॥ 1-24-9 (1357)
ତସ୍ମାଲ୍ଲୋକବିନାଶାର୍ଥଂ ହ୍ଯବତିଷ୍ଠେ ନ ସଂଶଯଃ।
ଏବଂ କୃତମତିଃ ସୂର୍ଯୋ ହ୍ଯସ୍ତମଭ୍ଯଗମଦ୍ଗିରିମ୍॥ 1-24-10 (1358)
ତସ୍ମାଲ୍ଲୋକବିନାଶାଯ ସଂତାପଯତ ଭାସ୍କରଃ।
ତତୋ ଦେବାନୁପାଗମ୍ଯ ପ୍ରୋଚୁରେବଂ ମହର୍ଷଯଃ॥ 1-24-11 (1359)
ଆଦ୍ଯାର୍ଧରାତ୍ରସମଯେ ସର୍ବଲୋକଭଯାବହଃ।
ଉତ୍ପତ୍ସ୍ଯତେ ମହାନ୍ଦାହସ୍ତ୍ରୈଲୋକ୍ଯସ୍ଯ ବିନାଶନଃ॥ 1-24-12 (1360)
ତତୋ ଦେବାଃ ସର୍ଷିଗଣା ଉପଗମ୍ଯ ପିତାମହମ୍।
ଅବ୍ରୁବନ୍କିମିବେହାଦ୍ଯ ମହଦ୍ଦାହକୃତଂ ଭଯମ୍॥ 1-24-13 (1361)
ନ ତାବଦ୍ଦୃଶ୍ଯତେ ସୂର୍ଯଃ କ୍ଷଯୋଽଯଂ ପ୍ରତିଭାତି ଚ।
ଉଦିତେ ଭଗବନ୍ଭାନୌ କଥନେତଦ୍ଭବିଷ୍ଯତି॥ 1-24-14 (1362)
ପିତାମହ ଉବାଚ। 1-24-15x (99)
ଏଷ ଲୋକବିନାଶାଯ ରବିରୁଦ୍ଯନ୍ତୁମୁଦ୍ଯତଃ।
ଦୃଶ୍ଯନ୍ନେବ ହି ଲୋକାନ୍ସ ଭସ୍ମରାଶୀକରିଷ୍ଯତି॥ 1-24-15 (1363)
ତସ୍ଯ ପ୍ରତିବିଧାନଂ ଚ ବିହିତଂ ପୂର୍ବମେବ ହି।
କଶ୍ଯପସ୍ଯ ସୁତୋ ଧୀମାନରୁଣେତ୍ଯଭିବିଶ୍ରୁତଃ॥ 1-24-16 (1364)
ମହାକାଯୋ ମହାତେଜାଃ ସ ସ୍ଥାସ୍ଯତି ପୁରୋ ରବେଃ।
କରିଷ୍ଯତି ଚ ସାରଥ୍ଯଂ ତେଜଶ୍ଚାସ୍ଯ ହରିଷ୍ଯତି॥ 1-24-17 (1365)
ଲୋକାନାଂ ସ୍ବସ୍ତି ଚୈବଂ ସ୍ଯାଦୃଷୀଣାଂ ଚ ଦିବୌକସାମ୍। 1-24-18 (1366)
ପ୍ରମତିରୁବାଚ।
ତତଃ ପିତାମହାଜ୍ଞାତଃ ସର୍ବଂ ଚକ୍ରେ ତଦାଽରୁଣଃ॥ 1-24-18x (100)
ଉଦିତଶ୍ଚୈବ ସବିତା ହ୍ଯରୁଣେନ ସମାବୃତଃ।
ଏତତ୍ତେ ସର୍ବମାଖ୍ଯାତଂ ଯତ୍ସୂର୍ଯଂ ମନ୍ଯୁରାବିଶତ୍॥ 1-24-19 (1367)
ଅରୁଣଶ୍ଚ ଯଥୈବାସ୍ଯ ସାରଥ୍ଯମକରୋତ୍ପ୍ରଭୁଃ।
ଭୂଯ ଏବାପରଂ ପ୍ରଶ୍ନଂ ଶୃଣୁ ପୂର୍ବମୁଦାହୃତମ୍॥ ॥ 1-24-20 (1368)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ଚତୁର୍ବିଂଶୋଽଧ୍ଯାଯଃ॥ 24 ॥
Mahabharata - Adi Parva - Chapter Footnotes
1-24-2 ସମୁଦ୍ବିଗ୍ନାଃ ସମୁଦ୍ବିଗ୍ନାନି॥ 1-24-7 ଚନ୍ଦ୍ରାଦିତ୍ଯୌ ପ୍ରତୀତି ଶେଷଃ॥ 1-24-12 କିମୁତ ସୂର୍ଯେ ଉଦିତେ ଇତି ଶେଃ॥ ଚତୁର୍ବିଂଶୋଽଧ୍ଯାଯଃ॥ 24 ॥ଆଦିପର୍ବ - ଅଧ୍ଯାଯ 025
॥ ଶ୍ରୀଃ ॥
1.25. ଅଧ୍ଯାଯଃ 025
Mahabharata - Adi Parva - Chapter Topics
ବିନତଯା କଦ୍ରୂବହନଂ ଗରୁଡେନ ସର୍ପବହନଂ ଚ॥ 1 ॥ ସୂର୍ଯାତପତପ୍ତସ୍ବପୁତ୍ରରକ୍ଷାର୍ଥଂ କଦ୍ରୂକୃତ ଇନ୍ଦ୍ରସ୍ତବଃ॥ 2 ॥Mahabharata - Adi Parva - Chapter Text
1-25-0 (1369)
ସୌତିରୁବାଚ। 1-25-0x (101)
ତତଃ କାମଗମଃ ପକ୍ଷୀ ମହାବୀର୍ଯୋ ମହାବଲଃ।
ମାତୁରନ୍ତିକମାଗଚ୍ଛତ୍ପରଂ ପାରଂ ମହୋଦଧେଃ॥ 1-25-1 (1370)
ଯତ୍ର ସା ବିନତା ତସ୍ମିନ୍ପଣିତେନ ପରାଜିତା।
ଅତୀବ ଦୁଃଖସଂତପ୍ତା ଦାସୀଭାବମୁପାଗତା॥ 1-25-2 (1371)
ତତଃ କଦାଚିଦ୍ବିନତାଂ ପ୍ରଣତାଂ ପୁତ୍ରସନ୍ନିଧୌ।
କାଲେ ଚାହୂଯ ବଚନଂ କଦ୍ରୂରିଦମଭାଷତ॥ 1-25-3 (1372)
ନାଗାନାମାଲଯଂ ଭଦ୍ରେ ସୁରମ୍ଯଂ ଚାରୁଦର୍ଶନମ୍।
ସମୁଦ୍ରକୁକ୍ଷାବେକାନ୍ତେ ତତ୍ର ମାଂ ବିନତେ ନଯ॥ 1-25-4 (1373)
ସୌତିରୁବାଚ। 1-25-5x (102)
ତତଃ ସୁପର୍ଣମାତା ତାମବହତ୍ସର୍ପମାତରମ୍।
ପନ୍ନଗାନ୍ଗରୁଡଶ୍ଚାପି ମାତୁର୍ବଚନଚୋଦିତଃ॥ 1-25-5 (1374)
ସ ସୂର୍ଯମଭିତୋ ଯାତି ବୈନତେଯୋ ବିହଂଗମଃ।
ସୂର୍ଯରଶ୍ମିପ୍ରତପ୍ତାଶ୍ଚ ମୂର୍ଚ୍ଛିତାଃ ପନ୍ନଗାଽଭବନ୍॥ 1-25-6 (1375)
ତଦବସ୍ଥାନ୍ସୁତାନ୍ଦୃଷ୍ଟ୍ବା କଦ୍ରୂଃ ଶକ୍ରମଥାସ୍ତୁବତ୍।
ନମସ୍ତେ ସର୍ବଦେବେଶ ନମସ୍ତେ ବଲସୂଦନ॥ 1-25-7 (1376)
ନମୁଚିଘ୍ନ ନମସ୍ତେଽସ୍ତୁ ସହସ୍ରାକ୍ଷ ଶଚୀପତେ।
ସର୍ପାଣାଂ ସୂର୍ଯତପ୍ତାନାଂ ବାରିଣା ତ୍ବଂ ପ୍ଲବୋ ଭବ॥ 1-25-8 (1377)
ତ୍ବମେବ ପରମଂ ତ୍ରାଣମସ୍ମାକମମରୋତ୍ତମ।
ଈଶୋ ଅସି ପବଃ ସ୍ରଷ୍ଟୁଂ ତ୍ବମନଲ୍ପଂ ପୁରଂଦର॥ 1-25-9 (1378)
ତ୍ବମେବ ମେଘସ୍ତ୍ବଂ ବାଯୁସ୍ତ୍ବମଗ୍ନିର୍ବିଦ୍ଯୁତୋଽମ୍ବରେ।
ତ୍ବମଭ୍ରଗଣବିକ୍ଷେପ୍ତା ତ୍ବାମେବାହୁର୍ମହାଘନମ୍॥ 1-25-10 (1379)
ତ୍ବଂ ବଜ୍ରମତୁଲଂ ଘୋରଂ ଘୋଷବାଂସ୍ତ୍ବଂ ବଲାହକଃ।
ସ୍ରଷ୍ଟା ତ୍ବମେବ ଲୋକାନାଂ ସଂହର୍ତା ଚାପରାଜିତଃ॥ 1-25-11 (1380)
ତ୍ବଂ ଜ୍ଯୋତିଃ ସର୍ବଭୂତାନାଂ ତ୍ବମାଦିତ୍ଯୋ ବିଭାବସୁଃ।
ତ୍ବଂ ମହଦ୍ଭୂତମାଶ୍ଚର୍ଯଂ ତ୍ବଂ ରାଜା ତ୍ବଂ ସୁରୋତ୍ତମଃ॥ 1-25-12 (1381)
ତ୍ବଂ ବିଷ୍ଣୁସ୍ତ୍ବଂ ସହସ୍ରାକ୍ଷସ୍ତ୍ବଂ ଦେବସ୍ତ୍ବଂ ପରାଯଣମ୍।
ତ୍ବଂ ସର୍ବମମୃତଂ ଦେବ ତ୍ବଂ ସୋମଃ ପରମାର୍ଚିତଃ॥ 1-25-13 (1382)
ତ୍ବଂ ମୁହୂର୍ତସ୍ତିଥିସ୍ତ୍ବଂ ଚ ତ୍ବଂ ଲବସ୍ତ୍ବଂ ପୁନଃ କ୍ଷଣଃ।
ଶୁକ୍ଲସ୍ତ୍ବଂ ବହୁଲସ୍ତ୍ବଂ ଚ କଲା କାଷ୍ଠା ତ୍ରୁଟିସ୍ତଥା।
ସଂବତ୍ସରର୍ତବୋ ମାସା ରଜନ୍ଯଶ୍ଚ ଦିନାନି ଚ॥ 1-25-14 (1383)
ତ୍ବମୁତ୍ତମା ସଗିରିବନା ବସୁଂଧରା
ସଭାସ୍କରଂ ବିତିମିରମମ୍ବରଂ ତଥା।
ମଦୋଦଧିଃ ସତିମିତିମିଙ୍ଗିଲସ୍ତଥା
ମହୋର୍ମିମାନ୍ବହୁମକରୋ ଝଷାକୁଲଃ॥ 1-25-15 (1384)
ମହାଯଶାସ୍ତ୍ବମିତି ସଦାଽଭିପୂଜ୍ଯସେ
ମନୀଷିଭିର୍ମୁଦିତମନା ମହର୍ଷିଭିଃ।
ଅଭିଷ୍ଟୁତଃ ପିବସି ଚ ସୋମମଧ୍ବରେ
କଷଟ୍କୃତାନ୍ଯପି ଚ ହବୀଂଷି ଭୂତଯେ॥ 1-25-16 (1385)
ତ୍ବଂ ବିପ୍ରୈଃ ସତତମିହେଜ୍ଯସେ ଫଲାର୍ଥଂ
ବେଦାଙ୍ଗେଷ୍ବତୁଲବଲୌଘ ଗୀଯସେ ଚ।
ତ୍ବଦ୍ଧେତୋର୍ଯଜନପରାଯଣା ଦ୍ବିଜେନ୍ଦ୍ରା
ବେଦାଙ୍ଗାନ୍ଯଭିଗମଯନ୍ତି ସର୍ବଯତ୍ନୈଃ॥ ॥ 1-25-17 (1386)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ପଞ୍ଚବିଂଶୋଽଧ୍ଯାଯଃ॥ 25 ॥
Mahabharata - Adi Parva - Chapter Footnotes
1-25-6 ଅଭିତଃ ସଂମୁଖମ୍॥ 1-25-14 ବହୁଲଃ କୃଷ୍ଣପକ୍ଷଃ॥ ପଞ୍ଚବିଂଶୋଽଧ୍ଯାଯଃ॥ 25 ॥ଆଦିପର୍ବ - ଅଧ୍ଯାଯ 026
॥ ଶ୍ରୀଃ ॥
1.26. ଅଧ୍ଯାଯଃ 026
Mahabharata - Adi Parva - Chapter Topics
ସ୍ତୁତ୍ଯା ତୁଷ୍ଟେନ ଇନ୍ଦ୍ରେଣ କୃତଂ ଜଲବର୍ଷଣମ୍॥ 1 ॥Mahabharata - Adi Parva - Chapter Text
1-26-0 (1387)
ସୌତିରୁବାଚ। 1-26-0x (103)
ଏବଂ ସ୍ତୁତସ୍ତଦା କଦ୍ର୍ବା ଭଗବାନ୍ହରିବାହନଃ।
ନୀଲଜୀମୂତସଂଘାତୈଃ ସର୍ବମମ୍ବରମାବୃଣୋତ୍॥ 1-26-1 (1388)
ମେଘାନାଜ୍ଞାପଯାମାସ ବର୍ଷଧ୍ବମମୃତଂ ଶୁଭମ୍।
ତେ ମେଘା ମୁମୁଚୁସ୍ତୋଯଂ ପ୍ରଭୂତଂ ବିଦ୍ଯୁଦୁଜ୍ଜ୍ବଲାଃ॥ 1-26-2 (1389)
ପରସ୍ପରମିବାତ୍ଯର୍ଥଂ ଗର୍ଜନ୍ତଃ ସତତଂ ଦିବି।
ସଂବର୍ତିତମିବାକାଶଂ ଜଲଦୈଃ ସୁମହାଦ୍ଭୁତୈଃ॥ 1-26-3 (1390)
ସୃଜଦ୍ଭିରତୁଲଂ ତୋଯମଜସ୍ରଂ ସୁମହାରବୈଃ।
ସଂପ୍ରନୃତ୍ତମିବାକାଶଂ ଧାରୋର୍ମିଭିରନେକଶଃ॥ 1-26-4 (1391)
ମେଘସ୍ତନିତନିର୍ଘୋଷୌର୍ବିଦ୍ଯୁତ୍ପବନକମ୍ପିତୈଃ।
ତୈର୍ମେଘୈଃ ସତତାସାରଂ ବର୍ଷଦ୍ଭିରନିଶଂ ତଦା॥ 1-26-5 (1392)
ନଷ୍ଟଚନ୍ଦ୍ରାର୍କକିରଣମମ୍ବରଂ ସମପଦ୍ଯତ।
ନାଗାନାମୁତ୍ତମୋ ହର୍ଷସ୍ତଥା ବର୍ଷତି ବାସବେ॥ 1-26-6 (1393)
ଆପୂର୍ଯତ ମହୀ ଚାପି ସଲିଲେନ ସମନ୍ତତଃ।
ରସାତଲମନୁପ୍ରାପ୍ତଂ ଶୀତଲଂ ବିମଲଂ ଜଲମ୍। 1-26-7 (1394)
ତଦା ଭୂରଭବଚ୍ଛନ୍ନା ଜଲୋର୍ମିଭିରନେକଶଃ।
ରାମଣୀଯକମାଗଚ୍ଛନ୍ମାତ୍ରା ସହ ଭୁଜଂଗମାଃ॥ ॥ 1-26-8 (1395)
ଇତି ଶ୍ରୀମନ୍ମହାଭାରତେ ଆଦିପର୍ବଣି ପୌଲୋମପର୍ବଣି ଷଡ୍ବିଂଶୋଽଧ୍ଯାଯଃ॥ 26 ॥
Mahabharata - Adi Parva - Chapter Footnotes
1-26-3 ସଂବର୍ତଃ କଲ୍ପାନ୍ତଃ ସଂଜାତୋସ୍ମିନ୍ନିତି ସଂବର୍ତିତମ୍॥ 1-26-8 ରାମଣୀଯକଂ ରମଣକସଂଜ୍ଞଂ ଦ୍ବୀପମ୍॥ ଷ଼ଡ୍ବିଂଶୋଽଧ୍ଯାଯଃ॥ 26 ॥ଆଦିପର୍ବ - ଅଧ୍ଯାଯ 027
॥ ଶ୍ରୀଃ ॥
1.27. ଅଧ୍ଯାଯଃ 027
Mahabharata - Adi Parva - Chapter Topics
ଗରୁଡସ୍ଯ ବିନତାଂ ପ୍ରତି ଦାସ୍ଯକାରଣପ୍ରଶ୍ନଃ॥ 1 ॥ ସର୍ପୈଃ ଦାସ୍ଯମୋଚନୋପାଯକଥନମ୍॥ 2 ॥Mahabharata - Adi Parva - Chapter Text
1-27-0 (1396)
ସୌତିରୁବାଚ। 1-27-0x (104)
ସଂପ୍ରହୃଷ୍ଟାସ୍ତତୋ ନାଗା ଜଲଧାରାପ୍ଲୁତାସ୍ତଦା।
ସୁପର୍ଣେନୋହ୍ଯମାନାସ୍ତେ ଜଗ୍ମୁସ୍ତଂ ଦ୍ବୀପମାଶୁ ବୈ॥ 1-27-1 (1397)
ତଂ ଦ୍ବୀପଂ ମକରାବାସଂ ବିହିତଂ ବିଶ୍ବକର୍ମଣା।
ତତ୍ର ତେ ଲବଣଂ ଘୋରଂ ଦଦୃଶୁଃ ପୂର୍ବମାଗତାଃ॥ 1-27-2 (1398)
ସୁପର୍ଣସହିତାଃ ସର୍ପାଃ କାନନଂ ଚ ମନୋରମମ୍।
ସାଗରାମ୍ବୁପରିକ୍ଷିପ୍ତଂ ପକ୍ଷିସଙ୍ଘନିଜାଦିତମ୍॥ 1-27-3 (1399)
ବିଚିତ୍ରଫଲପୁଷ୍ପାଭିର୍ବନରାଜିଭିରାବୃତମ୍।
ଭବନୈରାବୃତଂ ରମ୍ଯୈସ୍ତଥା ପଦ୍ମାକରୈରପି॥ 1-27-4 (1400)
ପ୍ରସନ୍ନସଲିଲୈଶ୍ଚାପି ହ୍ବଦୈର୍ଦିବ୍ଯୈର୍ବିଭୂଷିତମ୍।
ଦିବ୍ଯଗନ୍ଧବହୈଃ ପୁଣ୍ଯୈର୍ମାରୁତୈରୁପବୀଜିତମ୍॥ 1-27-5 (1401)
ଉତ୍ପତଦ୍ଭିରିବାକାଶଂ ବୃକ୍ଷୈର୍ମଲଯଜୈରପି।
ଶୋଭିତଂ ପୁଷ୍ପବର୍ଷାଣି ମୁଞ୍ଚଦ୍ଭିର୍ମାରୁତୋଦ୍ଧତୈଃ॥ 1-27-6 (1402)
ବାଯୁବିକ୍ଷିପ୍ତକୁସୁମୈସ୍ତଥାଽନ୍ଯୈରପି ପାଦପୈଃ।
କିରଦ୍ଭିରିବ ତତ୍ରସ୍ଥାନ୍ନାଗାନ୍ପୁଷ୍ପାମ୍ବୁବୃଷ୍ଟିଭିଃ॥ 1-27-7 (1403)
ମନଃସଂହର୍ଷଜଂ ଦିବ୍ଯଂ ଗନ୍ଧର୍ବାପ୍ସରସାଂ ପ୍ରିଯମ୍।
ମତ୍ତଭ୍ରମସ୍ସଂଘୁଷ୍ଟଂ ମନୋଜ୍ଞାକୃତିଦର୍ଶନମ୍॥ 1-27-8 (1404)
ରମଣୀଯଂ ଶିବଂ ପୁଣ୍ଯଂ ସର୍ବୈର୍ଜନମନୋହରୈଃ।
ନାନାପକ୍ଷିରୁତଂ ରମ୍ଯଂ କଦ୍ରୂପୁତ୍ରପ୍ରହର୍ଷଣମ୍॥ 1-27-9 (1405)
ତତ୍ତେ ବନଂ ସମାସାଦ୍ଯ ବିଜହ୍ରୁଃ ପନ୍ନଗାସ୍ତଦା।
ଅବ୍ରୁବଂଶ୍ଚ ମହାବୀର୍ଯଂ ସୁପର୍ଣଂ ପତଗେଶ୍ବରମ୍॥ 1-27-10 (1406)
ବହାସ୍ମାନପରଂ ଦ୍ବୀପଂ ସୁରମ୍ଯଂ ବିମଲୋଦକମ୍।
ତ୍ବଂ ହି ଦେଶାନ୍ବହୂନ୍ରମ୍ଯାନ୍ବ୍ରଜନ୍ପଶ୍ଯସି ଖେଚର॥ 1-27-11 (1407)
ସୌତିରୁବାଚ। 1-27-12x (105)
ସ ବିଚିନ୍ତ୍ଯାବ୍ରବୀତ୍ପକ୍ଷୀ ମାତରଂ ବିନତୋ ତଦା।
କିଂ କାରଣଂ ମଯା ମାତଃ କର୍ତବ୍ଯଂ ସର୍ପଭାଷିତମ୍॥ 1-27-12 (1408)
ବିନତୋବାଚ। 1-27-13x (106)
ଦାସୀଭୂତାସ୍ମି ଦୁର୍ଯୋଗାତ୍ସପତ୍ନ୍ଯାଃ ପତଗୋତ୍ତମ।
ପଣଂ ବିତଥମାସ୍ଥାଯ ସର୍ପୈରୁପଧିନା କୃତମ୍॥ 1-27-13 (1409)
ସୌତିରୁବାଚ। 1-27-14x (107)
ତସ୍ମିଂସ୍ତୁ କଥିତେ ମାତ୍ରା କାରଣେ ଗଗନେତରଃ।
ଉବାଚ ବଚନଂ ସର୍ପାଂସ୍ତେନ ଦୁଃଖେନ ଦୁଃଖିତଃ॥ 1-27-14 (1410)
କିମାହୃତ୍ଯ ବିଦିତ୍ବା ବା କିଂ ବା କୃତ୍ବେହ ପୌରୁଷମ୍।
ଦାସ୍ଯାଦ୍ବୋ ବିପ୍ରମୁଚ୍ଯେଯଂ ତଥ୍ଯଂ ବଦତ ଲେଲିହାଃ॥ 1-27-15 (1411)
ସୌତିରୁବାଚ। 1-27-16x (108)
ଶ୍ରୁତ୍ବା ସମବ୍ରୁବନ୍ସର୍ପା ଆହରାମୃତମୋଜସା।
ତତୋ ଦାସ୍ଯାଦ୍ବିପ୍ରମୋକ୍ଷୋ ଭବିତା ତବ ଖେଚର॥ ॥ 1-27-16 (1412)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ସପ୍ତବିଂଶୋଽଧ୍ଯାଯଃ॥ 27 ॥
Mahabharata - Adi Parva - Chapter Footnotes
1-27-2 ଲବଣଂ ଲବଣାସୁରଂ ପୂର୍ବଂ ଦଦୃଶୁଃ॥ 1-27-8 ମନଃସଂହର୍ଷଜଂ ମନସଃ ସଂହର୍ଷାଯ ଜାତମ୍॥ 1-27-15 ଲେଲିହାଃ ଭୋସର୍ପାଃ॥ ସପ୍ତବିଂଶୋଽଧ୍ଯାଯଃ॥ 27 ॥ଆଦିପର୍ବ - ଅଧ୍ଯାଯ 028
॥ ଶ୍ରୀଃ ॥
1.28. ଅଧ୍ଯାଯଃ 028
Mahabharata - Adi Parva - Chapter Topics
ଅମୃତାହରଣାର୍ଥଂ ଗଚ୍ଛତୋ ଗରୁଡସ୍ଯ ମକ୍ଷ୍ଯଯାଚନମ୍॥ 1 ॥ ବ୍ରାହ୍ମଣବର୍ଜଂ ସମୁଦ୍ରକୁକ୍ଷିସ୍ଥନିଷାଦଭକ୍ଷଣେ ବିନତାଯା ଅନୁଜ୍ଞା॥ 2 ॥Mahabharata - Adi Parva - Chapter Text
1-28-0 (1413)
ସୌତିରୁବାଚ। 1-28-0x (109)
ଇତ୍ଯୁକ୍ତୋ ଗରୁଡଃ ସର୍ପୈସ୍ତତୋ ମାତରମବ୍ରବୀତ୍।
ଗଚ୍ଛାମ୍ଯମୃତମାହର୍ତୁଂ ଭକ୍ଷ୍ଯମିଚ୍ଛାମି ବେଦିତୁମ୍॥ 1-28-1 (1414)
ବିନତୋବାଚ। 1-28-2x (110)
ସମୁଦ୍ରକୁକ୍ଷାବେକାନ୍ତେ ନିଷାଦାଲଯମୁତ୍ତମମ୍।
`ଭବନାନି ନିଷାଦାନାଂ ତତ୍ର ସନ୍ତି ଦ୍ବିଜୋତ୍ତମ॥ 1-28-2 (1415)
ପାପିନାଂ ନଷ୍ଟଲୋକାନାଂ ନିର୍ଘୃଣାନାଂ ଦୁରାତ୍ମନାମ୍'।
ନିଷାଦାନାଂ ସହସ୍ରାଣି ତାନ୍ଭୁକ୍ତ୍ବାଽମୃତମାନଯ॥ 1-28-3 (1416)
ନ ଚ ତେ ବ୍ରାହ୍ମଣଂ ହନ୍ତୁଂ କାର୍ଯା ବୁଦ୍ଧିଃ କଥଂଚନ।
ଅବଧ୍ଯଃ ସର୍ବଭୂତାନାଂ ବ୍ରାହ୍ମଣୋ ହ୍ଯନଲୋପମଃ॥ 1-28-4 (1417)
ଅଗ୍ନିରର୍କୋ ବିଷଂ ଶସ୍ତ୍ରଂ ବିପ୍ରୋ ଭବତି କୋପିତଃ।
ଗୁରୁର୍ହି ସର୍ବଭୂତାନାଂ ବ୍ରାହ୍ମଣଃ ପରିକୀର୍ତିତଃ॥ 1-28-5 (1418)
ଏବମାଦିସ୍ବରୂପୈସ୍ତୁ ସତାଂ ବୈ ବ୍ରାହ୍ମଣୋ ମତଃ।
ସ ତେ ତାତ ନ ହନ୍ତବ୍ଯଃ ସଂକ୍ରୁଦ୍ଧେନାପି ସର୍ବଥା॥ 1-28-6 (1419)
ବ୍ରାହ୍ମଣାନାମଭିଦ୍ରୋହୋ ନ କର୍ତବ୍ଯଃ କଥଂଚନ।
ନ ହ୍ଯେବମଗ୍ନିର୍ନାଦିତ୍ଯୋ ଭସ୍ମ କୁର୍ଯାତ୍ତଥାନଘ॥ 1-28-7 (1420)
ଯଥା କୁର୍ଯାଦଭିକ୍ରୁଦ୍ଧୋ ବ୍ରାହ୍ମଣଃ ସଂଶିତବ୍ରତଃ।
ତଦେତୈର୍ବିବିଧୈର୍ଲିଙ୍ଗୈସ୍ତ୍ବଂ ବିଦ୍ଯାସ୍ତଂ ଦ୍ବିଜୋତ୍ତମମ୍॥ 1-28-8 (1421)
ଭୂତାନାମଗ୍ରଭୂର୍ବିପ୍ରୋ ବର୍ଣଶ୍ରେଷ୍ଠଃ ପିତା ଗୁରୁଃ। 1-28-9 (1422)
ଗରୁଡ ଉବାଚ।
କିଂରୂପୋ ବ୍ରାହ୍ମଣୋ ମାତଃ କିଂଶୀଲଃ କିଂପରାକ୍ରମଃ॥ 1-28-9x (111)
କିଂସ୍ବିଦଗ୍ନିନିଭୋ ଭାତି କିଂସ୍ବିତ୍ସୌମ୍ଯପ୍ରଦର୍ଶନଃ।
ଯଥାହମଭିଜାନୀଯାଂ ବ୍ରାହ୍ମଣଂ ଲକ୍ଷଣୈଃ ଶୁଭୈଃ॥ 1-28-10 (1423)
ତନ୍ମେ କାରଣତୋ ମାତଃ ପୃଚ୍ଛତୋ ବକ୍ତୁମର୍ହସି। 1-28-11 (1424)
ବିନତୋବାଚ।
ଯସ୍ତେ କଣ୍ଠମନୁପ୍ରାପ୍ତୋ ନିଗୀର୍ଣଂ ବଡିଶଂ ଯଥା॥ 1-28-11x (112)
ଦହେଦଙ୍ଗାରବତ୍ପୁତ୍ରଂ ତଂ ବିଦ୍ଯାଦ୍ବ୍ରାହ୍ମଣର୍ଷଭମ୍।
ବିପ୍ରସ୍ତ୍ବଯା ନ ହନ୍ତବ୍ଯଃ ସଂକ୍ରୁଦ୍ଧେନାପି ସର୍ବଦା॥ 1-28-12 (1425)
ପ୍ରୋବାଚ ଚୈନ ବିନତା ପୁତ୍ରହାର୍ଦାଦିଦଂ ବଚଃ।
ଜଠରେ ନ ଚ ଜୀର୍ଯେଦ୍ଯସ୍ତଂ ଜାନୀହି ଦ୍ବିଜୋତ୍ତମମ୍॥ 1-28-13 (1426)
ପୁନଃ ପ୍ରୋବାଚ ବିନତା ପୁତ୍ରହାର୍ଦାଦିଦଂ ବଚଃ।
ଜାନନ୍ତ୍ଯପ୍ଯତୁଲଂ ବୀର୍ଯମାଶୀର୍ବାଦପରାଯଣା॥ 1-28-14 (1427)
ପ୍ରୀତା ପରମଦୁଃଖାର୍ତା ନାଗୈର୍ବିପ୍ରକୃତା ସତୀ। 1-28-15 (1428)
ବିନତୋବାଚ।
ପକ୍ଷୌ ତେ ମାରୁତଃ ପାତୁ ଚନ୍ଦ୍ରସୂର୍ଯୌ ଚ ପୃଷ୍ଠତଃ॥ 1-28-15x (113)
ଶିରଶ୍ଚ ପାତୁ ବହ୍ନିସ୍ତେ ବସବଃ ସର୍ବତସ୍ତନୁମ୍।
`ବିଷ୍ଣୁଃ ସର୍ବଗତଃ ସର୍ବମହ୍ଗାନି ତବ ଚୈବ ହ।'
ଅହଂ ଚ ତେ ସଦା ପୁତ୍ର ଶାନ୍ତିସ୍ବସ୍ତିପରାଯଣା॥ 1-28-16 (1429)
ଇହାସୀନା ଭବିଷ୍ଯାମି ସ୍ବସ୍ତିକାରେ ରତା ସଦା।
ଅରିଷ୍ଟଂ ବ୍ରଜ ପନ୍ଥାନଂ ପୁତ୍ର କାର୍ଯାର୍ଥସିଦ୍ଧଯେ॥ 1-28-17 (1430)
ସୌତିରୁବାଚ। 1-28-18x (114)
ତତଃ ସ ମାତୁର୍ବଚନଂ ନିଶମ୍ଯ
ବିତତ୍ଯ ପକ୍ଷୌ ନଭ ଉତ୍ପପାତ।
ତତୋ ନିଷାଦାନ୍ବଲବାନୁପାଗତୋ
ବୁଭୁକ୍ଷିତଃ କାଲ ଇବାନ୍ତକୋଽପରଃ॥ 1-28-18 (1431)
ସ ତାନ୍ନିଷାଦାନୁପସଂହରଂସ୍ତଦା
ରଜଃ ସମୁଦ୍ଧୂଯ ନଭଃସ୍ପୃଶଂ ମହତ୍।
ସମୁଦ୍ରକୁକ୍ଷୌ ଚ ବିଶୋଷଯନ୍ପଯଃ
ସମୀପଜାନ୍ଭୂଧରଜାନ୍ବିଚାଲଯନ୍॥ 1-28-19 (1432)
ତତଃ ସ ଚକ୍ରେ ମହଦାନନଂ ତଦା
ନିଷାଦମାର୍ଗଂ ପ୍ରତିରୁଧ୍ଯ ପକ୍ଷିରାଟ୍।
ତତୋ ନିଷାଦାସ୍ତ୍ବରିତାଃ ପ୍ରବବ୍ରଜୁ-
ର୍ଯତୋ ମୁଖଂ ତସ୍ଯ ଭୁଜଂଗଭୋଜିନଃ॥ 1-28-20 (1433)
ତଦାନନଂ ବିବୃତମତିପ୍ରମାଣବ-
ତ୍ସମଭ୍ଯଯୁର୍ଗଗନମିବାର୍ଦିତାଃ ଖଗାଃ।
ସହସ୍ରଶଃ ପବନଜୋବିମୋହିତା
ଯଥା।ଞନିଲପ୍ରଚଲିତପାଦପେ ବନେ॥ 1-28-21 (1434)
ତତଃ ଖଗୋ ବଦନମମିତ୍ରତାପନଃ
ସମାହରତ୍ପରିଚପଲୋ ମତ୍ବଲାଃ।
ନିଷୂଦଯନ୍ବହୁବିଧମତ୍ସ୍ଯଜୀବିନୋ
ବଭୁକ୍ଷିତୋ ଗଗନଚରେଶ୍ବରସ୍ତଦା॥ ॥ 1-28-22 (1435)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ଅଷ୍ଟାବିଂଶୋଽଧ୍ଯାଯଃ॥ 28 ॥
Mahabharata - Adi Parva - Chapter Footnotes
1-28-18 କାଲେ ସମଯେ॥ 1-28-19 ଭୂଧରଜାନ୍ ପର୍ବତଜାନ୍ବୃକ୍ଷାନ୍॥ 1-28-22 ପରିଚପଲଃ ତେଷାଂ ଗ୍ରହଣାଯ ସର୍ବତୋ ଭ୍ରମନ୍॥ ଅଷ୍ଟାବିଂଶୋଽଧ୍ଯାଯଃ॥ 28 ॥ଆଦିପର୍ବ - ଅଧ୍ଯାଯ 029
॥ ଶ୍ରୀଃ ॥
1.29. ଅଧ୍ଯାଯଃ 029
Mahabharata - Adi Parva - Chapter Topics
କଣ୍ଠଂ ଦହତୋ ବ୍ରାହ୍ମଣସ୍ଯ ବିଷାଦୀସହିତସ୍ଯ ପରିତ୍ରାଣମ୍॥ 1 ॥ ଗରୁଡସ୍ଯ କଶ୍ଯପେନ ସଂବାଦଃ॥ 2 ॥ ଗଜକଚ୍ଛପପୂର୍ବବୃତ୍ତାନ୍ତକଥନମ୍॥ 3 ॥ କଶ୍ଯପାଜ୍ଞଯା ଗରୁଡସ୍ଯ ଗଜକଚ୍ଛପଗ୍ରହଣମ୍॥ 4 ॥ ରୋହିଣବୃକ୍ଷଶାଖାଭଙ୍ଗଃ॥ 5 ॥Mahabharata - Adi Parva - Chapter Text
1-29-0 (1436)
ସୌତିରୁବାଚ। 1-29-0x (115)
ତସ୍ଯ କଣ୍ଠମନୁପ୍ରାପ୍ତୋ ବ୍ରାହ୍ମଣଃ ସହ ଭାର୍ଯଯା।
ଦହନ୍ଦୀପ୍ତ ଇବାଙ୍ଗାରସ୍ତମୁବାଚାନ୍ତରିକ୍ଷଗଃ॥ 1-29-1 (1437)
ଦ୍ବିଜୋତ୍ତମ ବିନିର୍ଗଚ୍ଛ ତୂର୍ଣମାସ୍ଯାଦପାବୃତାତ୍।
ନ ହି ମେ ବ୍ରାହ୍ମଣୋ ବଧ୍ଯଃ ପାପେଷ୍ବପି ରତଃ ସଦା॥ 1-29-2 (1438)
ସୌତିରୁବାଚ। 1-29-3x (116)
ବ୍ରୁବାଣମେବଂ ଗରୁଡଂ ବ୍ରାହ୍ମଣଃ ପ୍ରତ୍ଯଭାଷତ।
ନିଷାଦୀ ମମ ଭାର୍ଯେଯଂ ନିର୍ଗଚ୍ଛତୁ ମଯା ସହ॥ 1-29-3 (1439)
ଗରୁଡ ଉବାଚ। 1-29-4x (117)
ଏତାମପି ନିଷାଦୀଂ ତ୍ବଂ ପରିଗୃହ୍ଯାଶୁ ନିଷ୍ପତ।
ତୂର୍ଣଂ ସଂଭାବଯାତ୍ମାନମଜୀର୍ଣଂ ମମ ତେଜସା॥ 1-29-4 (1440)
ସୌତିରୁବାଚ। 1-29-5x (118)
ତତଃ ସ ବିପ୍ରୋ ନିଷ୍କ୍ରାନ୍ତୋ ନିଷାଦୀସହିତସ୍ତଦା।
ବର୍ଧଯିତ୍ବା ଚ ଗରୁଡମିଷ୍ଟଂ ଦେଶଂ ଜଗାମ ହ॥ 1-29-5 (1441)
ସହଭାର୍ଯେ ବିନିଷ୍କ୍ରାନ୍ତେ ତସ୍ମିନ୍ବିପ୍ରେ ସ ପକ୍ଷିରାଟ୍।
ବିତତ୍ଯ ପକ୍ଷାବାକାଶମୁତ୍ପପାତ ମନୋଜବଃ॥ 1-29-6 (1442)
ତତୋଽପଶ୍ଯତ୍ସ୍ବପିତରଂ ପୃଷ୍ଟଶ୍ଚାଖ୍ଯାତବାନ୍ପିତୁଃ।
ଯଥାନ୍ଯାଯମମେଯାତ୍ମା ତଂ ଚୋବାଚ ମହାନୃଷିଃ॥ 1-29-7 (1443)
କଶ୍ଯପ ଉବାଚ। 1-29-8x (119)
କଚ୍ଚିଦ୍ବଃ କୁଶଲଂ ନିତ୍ଯଂ ଭୋଜନେ ବହୁଲଂ ସୁତ।
କଚ୍ଚିଚ୍ଚ ମାନୁଷେ ଲୋକେ ତବାନ୍ନଂ ବିଦ୍ଯତେ ବହୁ॥
`କ୍ବ ଗନ୍ତାସ୍ଯତିବେଗେନ ମମ ତ୍ବଂ ବକ୍ତୁମର୍ହସି॥' 1-29-8 (1444)
ଗରୁଡ ଉବାଚ। 1-29-9x (120)
ମାତା ମେ କୁଶଲା ଶଶ୍ବତ୍ତଥା ଭ୍ରାତା ତଥା ହ୍ଯହମ୍।
ନ ହି ମେ କୁଶଲଂ ତାତ ଭୋଜନେ ବହୁଲେ ସଦା॥ 1-29-9 (1445)
ଅହଂ ହି ସର୍ପୈଃ ପ୍ରହିତଃ ସୋମମାହର୍ତୁମୁତ୍ତମମ୍।
ମହାତୁର୍ଦାସ୍ଯବିମୋକ୍ଷାର୍ଥମାହରିଷ୍ଯେ ତମଦ୍ଯ ବୈ॥ 1-29-10 (1446)
ମାତ୍ରା ଚାତ୍ର ସମାଦିଷ୍ଟୋ ନିଷାଦାନ୍ଭକ୍ଷଯେତି ହ।
ନ ଚ ମେ ତୃପ୍ତିରଭବଦ୍ଭକ୍ଷଯିତ୍ବା ସହସ୍ରଶଃ॥ 1-29-11 (1447)
ତସ୍ମାଦ୍ଭକ୍ଷ୍ଯଂ ତ୍ବମପରଂ ଭଗବନ୍ପ୍ରଦିଶସ୍ବ ମେ।
ଯଦ୍ଭୁକ୍ତ୍ବାଽମୃତମାହର୍ତୁଂ ସମର୍ତଃ ସ୍ଯାମହଂ ପ୍ରଭୋ॥ 1-29-12 (1448)
କ୍ଷୁତ୍ପିପାସାବିଘାତାର୍ଥଂ ଭକ୍ଷ୍ଯମାଖ୍ଯାତୁ ମେ ଭବାନ୍। 1-29-13 (1449)
କଶ୍ଯପ ଉବାଚ।
ଇଦଂ ସରୋ ମହାପୁଣ୍ଯଂ ଦେବଲୋକେଽପି ବିଶ୍ରୁତମ୍॥ 1-29-13x (121)
ଯତ୍ର କୂର୍ମାଗ୍ରଜଂ ହସ୍ତୀ ସଦା କର୍ଷତ୍ଯବାଙ୍ମୁଖଃ।
ତଯୋର୍ଜନ୍ମାନ୍ତରେ ବୈରଂ ସଂପ୍ରବକ୍ଷ୍ଯାମ୍ଯସୋଷତଃ॥ 1-29-14 (1450)
ତନ୍ମେ ତତ୍ତ୍ବଂ ନିବୋଧସ୍ଯ ଯତ୍ପ୍ରମାଣୌ ଚ ତାବୁଭୌ।
`ଶୃଣୁ ତ୍ବଂ ବତ୍ସ ଭଦ୍ରଂ ତେ କଥାଂ ବୈରାଗ୍ଯବର୍ଧିନୀମ୍॥ 1-29-15 (1451)
ପିତ୍ରୋରର୍ଥବିଭାଗେ ବୈ ସମୁତ୍ପନ୍ନାଂ ପୁରାଣ୍ଡଜ।'
ଆସୀଦ୍ବିଭାବସୁର୍ନାମ ମହର୍ଷିଃ କୋପନୋ ଭୃଶମ୍॥ 1-29-16 (1452)
ଭ୍ରାତା ତସ୍ଯାନୁଜଶ୍ଚାସୀତ୍ସୁପ୍ରତୀକୋ ମହାତପାଃ।
ସ ନେଚ୍ଛତି ଧନଂ ଭ୍ରାତ୍ରା ସହୈକସ୍ଥଂ ମହାମୁନିଃ॥ 1-29-17 (1453)
ବିଭାଗଂ କୀର୍ତଯତ୍ଯେବ ସୁପ୍ରତୀକୋ ହି ନିତ୍ଯଶଃ।
ଅଥାବ୍ରବୀଚ୍ଚ ତଂ ଭ୍ରାତା ସୁପ୍ରତୀକଂ ବିଭାବସୁଃ॥ 1-29-18 (1454)
`ବିଭାଗେ ବହବୋ ଦୋଷା ଭବିଷ୍ଯନ୍ତି ମହାତପଃ।'
ବିଭାଗଂ ବହବୋ ମୋହାତ୍କର୍ତୁମିଚ୍ଛନ୍ତି ନିତ୍ଯଶଃ।
ତତୋ ବିଭକ୍ତାସ୍ତ୍ବନ୍ଯୋନ୍ଯଂ ନାଦ୍ରିଯନ୍ତେଽର୍ଥମୋହିତାଃ॥ 1-29-19 (1455)
ତତଃ ସ୍ବାର୍ଥପରାନ୍ମୂଢାନ୍ପୃଥଗ୍ଭୂତାନ୍ସ୍ବକୈର୍ଧନୈଃ।
ବିଦିତ୍ବା ଭେଦଯନ୍ତ୍ଯେତାନମିତ୍ରା ମିତ୍ରରୂପିଣଃ॥ 1-29-20 (1456)
ବିଦିତ୍ବା ଚାପରେ ଭିନ୍ନାନନ୍ତରେଷୁ ପତନ୍ତ୍ଯଥ।
ଭିନ୍ନାନାମତୁଲୋ ନାଶଃ କ୍ଷିପ୍ରମେବ ପ୍ରବର୍ତତେ॥ 1-29-21 (1457)
ତସ୍ମାଦ୍ବିଭାଗଂ ଭ୍ରାତୄଣାଂ ନ ପ୍ରଶଂସନ୍ତି ସାଧବଃ।
`ଏବମୁକ୍ତଃ ସୁପ୍ରତୀକୋ ଭାଗଂ କୀର୍ତଯତେଽନିଶମ୍॥ 1-29-22 (1458)
ଏବଂ ନିର୍ବଧ୍ଯମାନସ୍ତୁ ଶଶାପୈନଂ ବିଭାବସୁଃ।'
ଗୁରୁଶାସ୍ତ୍ରେଽନିବଦ୍ଧାନାମନ୍ଯୋନ୍ଯେନାଭିଶଙ୍କିନାମ୍॥ 1-29-23 (1459)
ନିଯନ୍ତୁ ନ ହି ଶକ୍ଯସ୍ତ୍ବଂ ଭେଦତୋ ଧନମିଚ୍ଛସି।
ଯସ୍ମାତ୍ତସ୍ମାତ୍ସୁପ୍ରତୀକ ହସ୍ତିତ୍ବଂ ସମବାପ୍ସ୍ଯସି॥ 1-29-24 (1460)
କଶ୍ଯପ ଉବାଚ। 1-29-25x (122)
ଶପ୍ତସ୍ତ୍ବେବଂ ସୁପ୍ରତୀକୋ ବିଭାବସୁମଥାବ୍ରବୀତ୍।
ତ୍ବମପ୍ଯନ୍ତର୍ଜଲଚରଃ କଚ୍ଛପଃ ସଂଭବିଷ୍ଯସି॥ 1-29-25 (1461)
ଏବମନ୍ଯୋନ୍ଯଶାପାତ୍ତୌ ସୁପ୍ରତୀକବିଭାବସୂ।
ଗଜକଚ୍ଛପତାଂ ପ୍ରାପ୍ତାବର୍ଥାର୍ଥଂ ମୂଢଚେତସୌ॥ 1-29-26 (1462)
ରୋଷଦୋଷାନୁଷଙ୍ଗେଣ ତିର୍ଯଗ୍ଯୋନିଗତାବପି।
ପରସ୍ପରଦ୍ବେଷରତୌ ପ୍ରମାଣବଲଦର୍ପିତୌ॥ 1-29-27 (1463)
ସରସ୍ଯସ୍ମିନ୍ମହାକାଯୌ ପୂର୍ବବୈରାନୁସାରିଣୌ।
ତଯୋରନ୍ଯତରଃ ଶ୍ରୀମାନ୍ସମୁପୈତି ମହାଗଜଃ॥ 1-29-28 (1464)
ଯସ୍ଯ ବୃଂହିତଶବ୍ଦେନ କୂର୍ମୋଽପ୍ଯନ୍ତର୍ଜଲେଶଯଃ।
ଉତ୍ଥିତୋଽସୌ ମହାକାଯଃ କୃତ୍ସ୍ନଂ ବିକ୍ଷୋଭଯନ୍ସରଃ॥ 1-29-29 (1465)
ତଂ ଦୃଷ୍ଟ୍ବାଽଽବେଷ୍ଟିତକରଃ ପତତ୍ଯେଷ ଗଜୋ ଜଲମ୍।
ଦନ୍ତହସ୍ତାଗ୍ରଲାଙ୍ଗୂଲପାଦବେଗେନ ବୀର୍ଯବାନ୍॥ 1-29-30 (1466)
ବିକ୍ଷୋଭଯଂସ୍ତତୋ ନାଗଃ ସରୋ ବହୁଝଷାକୁଲମ୍।
କୂର୍ମୋଽପ୍ଯଭ୍ଯୁଦ୍ଯତଶିରା ଯୁଦ୍ଧାଯାଭ୍ଯେତି ବୀର୍ଯବାନ୍॥ 1-29-31 (1467)
ଷଡୁଚ୍ଛ୍ରିତୋ ଯୋଜନାନି ଗଜସ୍ତଦ୍ଦ୍ବିଗୁଣାଯତଃ।
କୂର୍ମସ୍ତ୍ରିଯୋଜନୋତ୍ସେଧୋ ଦଶଯୋଜନମଣ୍ଡଲଃ॥ 1-29-32 (1468)
ତାବୁଭୌ ଯୁଦ୍ଧସଂମତ୍ତୌ ପରସ୍ପରବଧୈଷିଣୌ।
ଉପଯୁଜ୍ଯାଶୁ କର୍ମେଦଂ ସାଧଯେ ହିତମାତ୍ମନଃ॥ 1-29-33 (1469)
ମହାଭ୍ରଘନସଂକାଶଂ ତଂ ଭୁକ୍ତ୍ବାମୃତମାନଯ।
ମହାଗିରିସମପ୍ରଖ୍ଯଂ ଘୋରରୂପଂ ଚ ହସ୍ତିନମ୍॥ 1-29-34 (1470)
ସୌତିରୁବାଚ। 1-29-35x (123)
ଇତ୍ଯୁକ୍ତ୍ବା ଗରୁଡଂ ସୋଽଥ ମାଙ୍ଗଲ୍ଯମକରୋତ୍ତଦା।
ଯୁଧ୍ଯତଃ ସହ ଦେବୈସ୍ତେ ଯୁଦ୍ଧେ ଭବତୁ ମଙ୍ଗଲମ୍॥ 1-29-35 (1471)
ପୂର୍ଣକୁମ୍ଭୋ ଦ୍ବିଜା ଗାବୋ ଯଚ୍ଚାନ୍ଯତ୍କିଂଚିଦୁତ୍ତମମ୍।
ଶୁଭଂ ସ୍ବସ୍ତ୍ଯଯନଂ ଚାପି ଭବିଷ୍ଯତି ତବାଣ୍ଡଜା॥ 1-29-36 (1472)
ଯୁଧ୍ଯମାନସ୍ଯ ସଙ୍ଗ୍ରାମେ ଦେବୈଃ ସାର୍ଧଂ ମହାବଲ।
ଋଚୋ ଯଜୂଂଷି ସାମାନି ପବିତ୍ରାଣି ହବୀଂଷି ଚ॥ 1-29-37 (1473)
ରହସ୍ଯାନି ଚ ସର୍ବାଣି ସର୍ବେ ବେଦାଶ୍ଚ ତେ ବଲମ୍।
`ବର୍ଧଯିଷ୍ଯନ୍ତି ସମରେ ଭବିଷ୍ଯତି ଖଗୋତ୍ତମ।'
ଇତ୍ଯୁକ୍ତୋ ଗରୁଡଃ ପିତ୍ରା ଗତସ୍ତଂ ହ୍ବଦମନ୍ତିକାତ୍॥ 1-29-38 (1474)
ଅପଶ୍ଯନ୍ନିର୍ମଲଜଲଂ ନାନାପକ୍ଷିସମାକୁଲମ୍।
ସ ତତ୍ସ୍ମୃତ୍ବା ପିତୁର୍ବାକ୍ଯଂ ଭୀମବେଗୋଽନ୍ତରିକ୍ଷଗଃ॥ 1-29-39 (1475)
ନଖେନ ଗଜମେକେନ କୂର୍ମମେକେନ ଚାକ୍ଷିପତ୍।
ସଧୁତ୍ପପାତ ଚାକାଶଂ ତତ ଉଚ୍ଚୈର୍ବିହଙ୍ଗମଃ॥ 1-29-40 (1476)
ସୋଽଲମ୍ବଂ ତୀର୍ଥଣାସାଦ୍ଯ ଦେବବୃକ୍ଷାନୁପାଗମତ୍।
ତେ ଭୀତାଃ ସମକମ୍ପନ୍ତ ତସ୍ଯ ପକ୍ଷାନିଲାହତାଃ॥ 1-29-41 (1477)
ନ ନୋ ଭଞ୍ଜ୍ଯାଦିତି ତଦା ଦିବ୍ଯାଃ କନକଶାଖିନଃ।
ପ୍ରଚଲାଙ୍ଗାନ୍ସ ତାନ୍ଦୃଷ୍ଟ୍ବା ମନୋରଥଫଲଦ୍ରୁମାନ୍॥ 1-29-42 (1478)
ଅନ୍ଯାନତୁଲରୂପାଙ୍ଗାନୁପଚକ୍ରାମ ଖେଚରଃ।
କାଞ୍ଚନୈ ରାଜତୈଶ୍ଚୈବ ଫଲୈର୍ବୈଦୂର୍ଯଶାଖିନଃ।
ସାଗରାମ୍ବୁପରିକ୍ଷିପ୍ତାନ୍ଭ୍ରାଜମାନାନ୍ମହାଦ୍ରୁମାନ୍॥ 1-29-43 (1479)
`ତେଷାଂ ମଧ୍ଯେ ମହାନାସୀତ୍ପାଦପଃ ସୁମନୋହରଃ।
ସହସ୍ରଯୋଜନୋତ୍ସେଧୋ ବହୁଶାଖାସମନ୍ବିତଃ॥ 1-29-44 (1480)
ଖଗାନାମାଲଯୋ ଦିବ୍ଯୋ ନାମ୍ନା ରୌହିଣପାଦପଃ।
ଯସ୍ଯ ଛାଯାଂ ସମାଶ୍ରିତ୍ଯ ସଦ୍ଯୋ ଭବତି ନିର୍ବୃତଃ;॥ 1-29-45 (1481)
ତମୁବାଚ ଖଗଶ୍ରେଷ୍ଠଂ ତତ୍ର ରୌହିଣପାଦପଃ।
ଅତିପ୍ରବୃଦ୍ଧଃ ସମୁହାନାପତନ୍ତଂ ମନୋଜବମ୍॥ 1-29-46 (1482)
ରୌହିଣ ଉବାଚ। 1-29-47x (124)
ଯୈଷା ମମ ମହାଶାଖା ଶତଯୋଜନମାଯତା।
ଏତାମାସ୍ଥାଯ ଶାଖାଂ ତ୍ବଂ ଖାଦେମୌ ଗଜକଚ୍ଛପୌ॥ 1-29-47 (1483)
ସୌତିରୁବାଚ। 1-29-48x (125)
ତତୋ ଦ୍ରୁମଂ ପତଗସହସ୍ରସେବିତଂ
ମହୀଧରପ୍ରତିମବପୁଃ ପ୍ରକମ୍ପଯନ୍।
ଖଗୋତ୍ତମୋ ଦ୍ରୁତମଭିପତ୍ଯ ବେଗବା-
ନ୍ବଭଞ୍ଜ ତାମବିରଲପତ୍ରସଂଚଯାମ୍॥ ॥ 1-29-48 (1484)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ଏକୋନତ୍ରିଂଶୋଽଧ୍ଯାଯଃ॥ 29 ॥
Mahabharata - Adi Parva - Chapter Footnotes
1-29-4 ସଂଭାବଯ ସଂଜୀବଯ॥ 1-29-7 ତତୋଽପଶ୍ଯତ୍ସ୍ବପିତରଂ କାଶ୍ଯପଂ ଦୀପ୍ତତେଜସମ୍। ତଂ ଶ୍ରେଷ୍ଠଂ ପତତାଂ ଶ୍ରେଷ୍ଠୋ ବ୍ରହ୍ମ ବ୍ରହ୍ମବିଦାଂ ବରମ୍। ପୃଷ୍ଟଶ୍ଚ ପିତ୍ରା ବଲବାନ୍ବୈନତେଯଃ ପ୍ରତାପଦାନ୍। ଇତି ପାଠାନ୍ତରମ୍॥ 7 ॥ 1-29-9 ଭୋଜନେ ବହୁଲେ ମମ କୁଶଲଂ ନ ହି॥ 1-29-10 ସୋମଂ ଅମୃତମ୍॥ 1-29-14 କୂର୍ମାଗ୍ରଜଂ କୂର୍ମଭୂତଂ ଜ୍ଯେଷ୍ଠଭ୍ରାତରମ୍॥ 1-29-21 ଅନ୍ତରେଷୁ ଛିଦ୍ରେଷୁ॥ 1-29-30 ଆବେଷ୍ଟିତକରଃ କୁଣ୍ଡଲୀକୃତଶୁଣ୍ଡାଦଣ୍ଡଃ॥ 1-29-33 ଉପଯୁଜ୍ଯ ଭୁକ୍ତ୍ବା॥ 1-29-38 ଭବିଷ୍ଯତି ସମରେ॥ ଏକୋନତ୍ରିଂଶୋଽଧ୍ଯାଯଃ॥ 29 ॥ଆଦିପର୍ବ - ଅଧ୍ଯାଯ 030
॥ ଶ୍ରୀଃ ॥
1.30. ଅଧ୍ଯାଯଃ 030
Mahabharata - Adi Parva - Chapter Topics
ଭଗ୍ନଶାଖାଯା ଅଧୋଭାଗେ ଲମ୍ବମାନବାଲଖିଲ୍ଯରକ୍ଷଣାର୍ଥଂ ମୁଖେନ ଶାଖାଗ୍ରହଣମ୍॥ 1 ॥ କଶ୍ଯପାଜ୍ଞଯା ହିମାଲଯଂ ଗତ୍ବା ତତ୍ର ଶାଖାଂ ପରିତ୍ଯଜ୍ଯ ତତ୍ରୈବ ସ୍ଥିତ୍ବା ଗଜକଚ୍ଛପଭକ୍ଷଣମ୍॥ 2 ॥ ଉତ୍ପାତାନ୍ଦୃଷ୍ଟ୍ବା ଦେବୈଃ କୃତୋଽମୃତରକ୍ଷଣୋପାଯଃ॥ 3 ॥Mahabharata - Adi Parva - Chapter Text
1-30-0 (1485)
ସୌତିରୁବାଚ। 1-30-0x (126)
ସ୍ପଷ୍ଟମାତ୍ରା ତୁ ପଦ୍ଭ୍ଯାଂ ସା ଗରୁଡେନ ବଲୀଯସା।
ଅଭଜ୍ଯତ ତରୋଃ ଶାଖା ଭଗ୍ନାଂ ଚୈକାମଧାରଯତ୍॥ 1-30-1 (1486)
ତାଂ ଭଙ୍କ୍ତ୍ବା ସ ମହାଶାଖାଂ ସ୍ମଯମାନୋ ବିଲୋକଯନ୍।
ଅଥାତ୍ରଂ ଲମ୍ବତୋଽପଶ୍ଯଦ୍ବାଲଖିଲ୍ଯାନଧୋମୁଖାନ୍॥ 1-30-2 (1487)
ଋଷଯୋ ହ୍ଯତ୍ର ଲମ୍ବନ୍ତେ ନ ହନ୍ଯାମିତି ତାନୃଷୀନ୍।
ତପୋରତାଂଲ୍ଲମ୍ବମାନାନ୍ବ୍ରହ୍ମର୍ଷୀନଭିବୀକ୍ଷ୍ଯ ସଃ॥ 1-30-3 (1488)
ହନ୍ଯାଦେତାନ୍ସଂପତନ୍ତୀ ଶାଖେତ୍ଯଥ ବିଚିନ୍ତ୍ଯ ସଃ।
ନଖୈର୍ଦୃଢତରଂ ବୀରଃ ସଂଗୃହ୍ଯ ଗଜକଚ୍ଛପୌ॥ 1-30-4 (1489)
ସ ତଦ୍ବିନାଶସଂତ୍ରାସାଦଭିପତ୍ଯ ସ୍ବଗାଧିପଃ।
ଶାଖାମାସ୍ଯେନ ଜଗ୍ରାହ ତେଷାମେବାନ୍ବବେକ୍ଷଯା॥ 1-30-5 (1490)
ଅତିଦୈବଂ ତୁ ତତ୍ତସ୍ଯ କର୍ମ ଦୃଷ୍ଟ୍ବା ମହର୍ଷଯଃ।
ବିସ୍ମଯୋତ୍କମ୍ପହୃଦଯା ନାମ ଚକ୍ରୁର୍ମହାଖଗେ॥ 1-30-6 (1491)
ଗୁରୁଂ ଭାରଂ ସମାସାଦ୍ଯୋଡ୍ଡୀନ ଏଷ ବିହଙ୍ଗମଃ।
ଗରୁଡସ୍ତୁ ଖଗଶ୍ରେଷ୍ଠସ୍ତସ୍ମାତ୍ପନ୍ନଗଭୋଜନଃ॥ 1-30-7 (1492)
ତତଃ ଶନୈଃ ପର୍ଯପତତ୍ପକ୍ଷୈଃ ଶୈଲାନ୍ପ୍ରକମ୍ପଯନ୍।
ଏବଂ ସୋଽଭ୍ଯପତଦ୍ଦେଶାନ୍ବହୂନ୍ସଗଜକଚ୍ଛପଃ॥ 1-30-8 (1493)
ଦଯାର୍ଥଂ ବାଲଖିଲ୍ଯାନାଂ ନ ଚ ସ୍ଥାନମବିନ୍ଦତ।
ସ ଗତ୍ବା ପର୍ବତଶ୍ରେଷ୍ଠଂ ଗନ୍ଧମାଦନମଞ୍ଜସା॥ 1-30-9 (1494)
ଦଦର୍ଶ କଶ୍ଯପଂ ତତ୍ର ପିତରଂ ତପସି ସ୍ଥିତମ୍।
ଦଦର୍ଶ ତଂ ପିତା ଚାପି ଦିବ୍ଯରୂପଂ ବିହଙ୍ଗମମ୍॥ 1-30-10 (1495)
ତେଜୋବୀର୍ଯବଲୋପେତଂ ମନୋମାରୁତରଂହସମ୍।
ଶୈଲଶୃଙ୍ଗପ୍ରତୀକାଶଂ ବ୍ରହ୍ମଦଣ୍ଡମିବୋଦ୍ଯତମ୍॥ 1-30-11 (1496)
ଅଚିନ୍ତ୍ଯମନଭିଧ୍ଯେଯଂ ସର୍ବଭୂତଭଯଂକରମ୍।
ମହାବୀର୍ଯଧରଂ ରୌଦ୍ରଂ ସାକ୍ଷାଦଗ୍ନିମିବୋଦ୍ଯତମ୍॥ 1-30-12 (1497)
ଅପ୍ରଧୃଷ୍ଯମଜେଯଂ ଚ ଦେବଦାନବରାକ୍ଷସୈଃ।
ଭେତ୍ତାରଂ ଗିରିଶୃଙ୍ଗାଣାଂ ସମୁଦ୍ରଜଲଶୋଷଣମ୍॥ 1-30-13 (1498)
ଲୋକସଂଲୋଡନଂ ଘୋରଂ କୃତାନ୍ତସମଦର୍ଶନମ୍।
ତମାଗତମଭିପ୍ରେକ୍ଷ୍ଯ ଭଗବାନ୍କଶ୍ଯପସ୍ତଦା।
ବିଦିତ୍ବା ଚାସ୍ଯଂ ସଂକଲ୍ପମିଦଂ ବଚନମବ୍ରବୀତ୍॥ 1-30-14 (1499)
କଶ୍ଯପ ଉବାଚ। 1-30-15x (127)
ପୁତ୍ର ମା ସାହସଂ କାର୍ଷୀର୍ମା ସଦ୍ଯୋ ଲପ୍ସ୍ଯସେ ବ୍ଯଥାମ୍।
ମା ତ୍ବାଂ ଦହେଯୁଃ ସଂକ୍ରୁଦ୍ଧା ବାଲଖିଲ୍ଯା ମରୀଚିପାଃ॥ 1-30-15 (1500)
ସୌତିରୁବାଚ। 1-30-16x (128)
ତତଃ ପ୍ରସାଦଯାମାସ କଶ୍ଯପଃ ପୁତ୍ରକାରଣାତ୍।
ବାଲଖିଲ୍ଯାନ୍ମହାଭାଗାଂସ୍ତପସା ହତକଲ୍ମଷାନ୍॥ 1-30-16 (1501)
କଶ୍ଯପ ଉବାଚ। 1-30-17x (129)
ପ୍ରଜାହିତାର୍ଥମାରମ୍ଭୋ ଗରୁଡସ୍ଯ ତପୋଧନାଃ।
ଚିକୀର୍ଷତି ମହତ୍କର୍ମ ତଦନୁଜ୍ଞାତୁମର୍ହଥ॥ 1-30-17 (1502)
ସୌତିରୁବାଚ। 1-30-18x (130)
ଏବମୁକ୍ତା ଭଗବତା ମୁନଯସ୍ତେ ସମଭ୍ଯଯୁଃ।
ମୁକ୍ତ୍ବା ଶାଖାଂ ଗିରିଂ ପୁଣ୍ଯଂ ହିମବନ୍ତ ତପୋଽର୍ଥିନଃ॥ 1-30-18 (1503)
ତତସ୍ତେଷ୍ବପଯାତେଷୁ ପିତରଂ ବିନତାସୁତଃ।
ଶାଖାବ୍ଯାକ୍ଷିପ୍ତବଦନଃ ପର୍ଯପୃଚ୍ଛତ କଶ୍ଯପମ୍॥ 1-30-19 (1504)
ଭଗବନ୍କ୍ବ ବିମୁଞ୍ଚାମି ତରୋଃ ଶାଖାମିମାମହମ୍।
ବର୍ଜିତଂ ମାନୁଷୈର୍ଦେଶମାଖ୍ଯାତୁ ଭଗବାନ୍ମମ॥ 1-30-20 (1505)
ସୌତିରୁବାଚ। 1-30-21x (131)
ତତୋ ନିଃପୁରୁଷଂ ଶୈଲଂ ହିମସଂରୁଦ୍ଧକନ୍ଦରମ୍।
ଅଗମ୍ଯଂ ମନସାପ୍ଯନ୍ଯୈସ୍ତସ୍ଯାଚଖ୍ଯୌ ସ କଶ୍ଯପଃ॥ 1-30-21 (1506)
ତଂ ପର୍ବତଂ ମହାକୁକ୍ଷିମୁଦ୍ଦିଶ୍ଯ ସ ମହାଖଗଃ।
ଜବେନାଭ୍ଯପତତ୍ତାର୍କ୍ଷ୍ଯଃ ସଶାଖାଗଜକଚ୍ଛପଃ॥ 1-30-22 (1507)
ନ ତାଂ ବଧ୍ରୀ ପରିଣହେଚ୍ଛତଚର୍ମା ମହାତନୁମ୍।
ଶାଖିନୋ ମହତୀଂ ଶାଖାଂ ଯାଂ ପ୍ରଗୃହ୍ଯ ଯଯୌ ଖଗଃ॥ 1-30-23 (1508)
ସ ତତଃ ଶତସାହସ୍ରଂ ଯୋଜନାନ୍ତରମାଗତଃ।
କାଲେନ ନାତିମହତା ଗରୁଡଃ ପତଗେଶ୍ବରଃ॥ 1-30-24 (1509)
ସ ତଂ ଗତ୍ବା କ୍ଷଣେନୈବ ପର୍ବତଂ ବଚନାତ୍ପିତୁଃ।
ଅମୁଞ୍ଚନ୍ମହତୀଂ ଶାଖାଂ ସସ୍ବନଂ ତତ୍ର ଖେଚରଃ॥ 1-30-25 (1510)
ପକ୍ଷାନିଲହତଶ୍ଚାସ୍ଯ ପ୍ରାକମ୍ପତ ସ ଶୈଲରାଟ୍।
ମୁମୋଚ ପୁଷ୍ପବର୍ଷଂ ଚ ସମାଗଲିତପାଦପ॥ 1-30-26 (1511)
ଶୃଙ୍ଗାଣି ଚ ବ୍ଯଶୀର୍ଯନ୍ତ ଗିରେସ୍ତସ୍ଯ ସମନ୍ତତଃ।
ମଣିକାଞ୍ଚନଚିତ୍ରାଣି ଶୋଭଯନ୍ତି ମହାଗିରିମ୍॥ 1-30-27 (1512)
ଶାଖିନୋ ବହବଶ୍ଚାପି ଶାଖଯାଽଭିହତାସ୍ତଯା।
କାଞ୍ଚନୈଃ କୁସୁମୈର୍ଭାନ୍ତି ବିଦ୍ଯୁତ୍ବନ୍ତ ଇବାମ୍ବୁଦାଃ॥ 1-30-28 (1513)
ତେ ହେମବିକଚା ଭୂମୌ ଯୁତାଃ ପର୍ବତଧାତୁଭିଃ।
ବ୍ଯରାଜଞ୍ଛାଖିନସ୍ତତ୍ର ସୂର୍ଯାଂଶୁପ୍ରତିରଞ୍ଜିତାଃ॥ 1-30-29 (1514)
ତତସ୍ତସ୍ଯ ଗିରେଃ ଶୃଙ୍ଗମାସ୍ଥାଯ ସ ଖଗୋତ୍ତମଃ।
ଭକ୍ଷଯାମାସ ଗରୁଡସ୍ତାବୁଭୌ ଗଜକଚ୍ଛପୌ॥ 1-30-30 (1515)
ତାବୁଭୌ ଭକ୍ଷଯିତ୍ବା ତୁ ସ ତାର୍କ୍ଷ୍ଯଃ କୂର୍ମକୁଞ୍ଜରୌ।
ତତଃ ପର୍ବତକୂଟାଗ୍ରାଦୁତ୍ପପାତ ମହାଜବଃ॥ 1-30-31 (1516)
ପ୍ରାବର୍ତନ୍ତାଥ ଦେବାନାମୁତ୍ପାତା ଭଯଶଂସିନଃ।
ଇନ୍ଦ୍ରସ୍ଯ ବଜ୍ରଂ ଦଯିତଂ ପ୍ରଜଜ୍ବାଲ ଭଯାତ୍ତତଃ॥ 1-30-32 (1517)
ସଧୂମା ନ୍ଯପତତ୍ସାର୍ଚିର୍ଦିବୋଲ୍କା ନଭସଶ୍ଚ୍ଯୁତା।
ତଥା ବସୂନାଂ ରୁଦ୍ରାଣାମାଦିତ୍ଯାନାଂ ଚ ସର୍ବଶଃ॥ 1-30-33 (1518)
ସାଧ୍ଯାନାଂ ମରୁତାଂ ଚୈବ ଯେ ଚାନ୍ଯେ ଦେବତାଗଣାଃ।
ସ୍ବଂ ସ୍ବଂ ପ୍ରହରଣଂ ତେଷାଂ ପରସ୍ପରମୁପାଦ୍ରବତ୍॥ 1-30-34 (1519)
ଅଭୂତପୂର୍ବଂ ସଂଗ୍ରାମେ ତଦା ଦେବାସୁରେଽପି ଚ।
ବବୁର୍ବାତାଃ ସନିର୍ଘାତାଃ ପେତୁରୁଲ୍କାଃ ସହସ୍ରଶଃ॥ 1-30-35 (1520)
ନିରଭ୍ରମେବ ଚାକାଶଂ ପ୍ରଜଗର୍ଜ ମହାସ୍ବନମ୍।
ଦେବାନାମପି ଯୋ ଦେବଃ ସୋଽପ୍ଯବର୍ଷତ ଶୋଣିତମ୍॥ 1-30-36 (1521)
ମମ୍ଲୁର୍ମାଲ୍ଯାନି ଦେବାନାଂ ନେଶୁସ୍ତେଜାଂସି ଚୈବ ହି।
ଉତ୍ପାତମେଘା ରୌଦ୍ରାଶ୍ଚ ବବୃଷୁଃ ଶୋଣିତଂ ବହୁ॥ 1-30-37 (1522)
ରଜାଂସି ମୁକୁଟାନ୍ଯେଷାମୁତ୍ଥିତାନି ବ୍ଯଧର୍ଷଯନ୍।
ତତସ୍ତ୍ରାସସମୁଦ୍ବିଗ୍ନଃ ସହ ଦେବୈଃ ଶତକ୍ରତୁଃ।
ଉତ୍ପାତାନ୍ଦାରୁଣାନ୍ପଶ୍ଯନ୍ନିତ୍ଯୁବାଚ ବୃହସ୍ପତିମ୍॥ 1-30-38 (1523)
କିମର୍ଥଂ ଭଗବନ୍ଘୋରା ଉତ୍ପାତାଃ ସହସୋତ୍ଥିତାଃ।
ନ ଚ ଶତ୍ରୁଂ ପ୍ରପଶ୍ଯାମି ଯୁଧି ଯୋ ନଃ ପ୍ରଧର୍ଷଯେତ୍॥ 1-30-39 (1524)
ବୃହସ୍ପତିରୁବାଚ। 1-30-40x (132)
ତବାପରାଧାଦ୍ଦେବେନ୍ଦ୍ର ପ୍ରମାଦାଚ୍ଚ ଶତକ୍ରତୋ।
ତପସା ବାଲଖିଲ୍ଯାନାଂ ମହର୍ଷୀଣାଂ ମହାତ୍ମନାମ୍॥ 1-30-40 (1525)
କଶ୍ଯପସ୍ଯ ମୁନେଃ ପୁତ୍ରୋ ବିନତାଯାଶ୍ଚ ଖେଚରଃ।
ହର୍ତୁଂ ସୋମମଭିପ୍ରାପ୍ତୋ ବଲବାନ୍କାମରୂପଧୃକ୍॥ 1-30-41 (1526)
ସମର୍ଥୋ ବଲିନାଂ ଶ୍ରେଷ୍ଠୋ ହର୍ତୁଂ ସୋମଂ ବିହଂଗମଃ।
ସର୍ବଂ ସଂଭାବଯାମ୍ଯସ୍ମିନ୍ନସାଧ୍ଯମପି ସାଧଯେତ୍॥ 1-30-42 (1527)
ସୌତିରୁବାଚ। 1-30-43x (133)
ଶ୍ରୁତ୍ବୈତଦ୍ବଚନଂ ଶକ୍ରଃ ପ୍ରୋବାଚାମୃତରକ୍ଷିଣଃ।
ମହାବୀର୍ଯବଲଃ ପକ୍ଷୀ ହର୍ତୁଂ ସୋମମିହୋଦ୍ଯତଃ॥ 1-30-43 (1528)
ଯୁଷ୍ମାନ୍ସଂବୋଧଯାମ୍ଯେଷ `ଗୃହୀତ୍ବାବରଣାଯୁଧାନ୍।
ପରିବାର୍ଯାମୃତଂ ସର୍ବେ ଯୂଯଂ ମଦ୍ବଚନାଦିହ॥ 1-30-44 (1529)
ରକ୍ଷଧ୍ବଂ ବିବୁଧା ବୀରା' ଯଥା ନ ସ ହରେଦ୍ବଲାତ୍।
ଅତୁଲଂ ହି ବଲଂ ତସ୍ଯ ବୃହସ୍ପତିରୁବାଚ ହ॥ 1-30-45 (1530)
ସୌତିରୁବାଚ। 1-30-46x (134)
ତଚ୍ଛ୍ରୁତ୍ବା ବିବୁଧା ବାକ୍ଯଂ ବିସ୍ମିତା ଯତ୍ନମାସ୍ଥିତାଃ।
ପରିବାର୍ଯାମୃତଂ ତସ୍ଥୂର୍ବଜ୍ରୀ ଚେନ୍ଦ୍ରଃ ପ୍ରତାପବାନ୍॥ 1-30-46 (1531)
ଧାରଯନ୍ତୋ ବିଚିତ୍ରାଣି କାଞ୍ଚନାନି ମନସ୍ବିନଃ।
କବଚାନି ମହାର୍ହାଣି ବୈଦୂର୍ଯବିକୃତାନି ଚ॥ 1-30-47 (1532)
ଚର୍ମାଣ୍ଯପି ଚ ଗାତ୍ରେଷୁ ଭାନୁମନ୍ତି ଦୃଢାନି ଚ।
ବିବିଧାନି ଚ ଶସ୍ତ୍ରାଣି ଘୋରରୂପାଣ୍ଯନେକଶଃ॥ 1-30-48 (1533)
ଶିତତୀକ୍ଷ୍ଣାଗ୍ରଧାରାଣି ସମୁଦ୍ଯମ୍ଯ ସୁରୋତ୍ତମଃ।
ସବିସ୍ଫୁଲିଙ୍ଗଜ୍ବାଲାନି ସଧୂମାନି ଚ ସର୍ବଶଃ॥ 1-30-49 (1534)
ଚକ୍ରାଣି ପରଘାଂଶ୍ଚୈବ ତ୍ରିଶୂଲାନି ପରଶ୍ବଧାନ୍।
ଶକ୍ତୀଶ୍ଚ ବିବିଧାସ୍ତୀକ୍ଷ୍ଣାଃ କରବାଲାଂଶ୍ଚ ନିର୍ମଲାନ୍।
ସ୍ବଦେହରୂପାଣ୍ଯାଦାଯ ଗଦାଶ୍ଚୋଗ୍ରପ୍ରଦର୍ଶନାଃ॥ 1-30-50 (1535)
ତୈଃ ଶସ୍ତ୍ରୈର୍ଭାନୁମଦ୍ଭିସ୍ତେ ଦିବ୍ଯାଭରଣଭୂଷିତାଃ।
ଭାନୁମନ୍ତଃ ସୁରଗଣାସ୍ତସ୍ଥୁର୍ବିଗତକଲ୍ମଷାଃ॥ 1-30-51 (1536)
ଅନୁପମବଲବୀର୍ଯତେଜସୋ
ଧୃତମନସଃ ପରିରକ୍ଷଣେଽମୃତସ୍ଯ।
ଅସୁରପୁରବିଦାରଣାଃ ସୁରା
ଜ୍ବଲନସମିଦ୍ଧବପୁଃପ୍ରକାଶିନଃ॥ 1-30-52 (1537)
ଇତି ସମରବରଂ ସୁରାଃ ସ୍ଥିତାସ୍ତେ
ପରିଘସହସ୍ରଶତୈଃ ସମାକୁଲମ୍।
ବିଗଲିତମିବ ଚାମ୍ବରାନ୍ତରଂ
ତପନମରୀଚିବିକାଶିତଂ ବଭାସେ॥ ॥ 1-30-53 (1538)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ତ୍ରିଂଶୋଽଧ୍ଯାଯଃ॥ 30 ॥
Mahabharata - Adi Parva - Chapter Footnotes
1-30-6 ଅତିଦୈବଂ ଦେବୈରପି କର୍ତୁମଶକ୍ଯମ୍॥ 1-30-7 ଗୁରୁଶବ୍ଦପୂର୍ବାଡ୍ଡୀଡ୍ବିହାଯସାଗତାବିତ୍ଯସ୍ମାଡ୍ଡଃ ଆଦେରକାରଶ୍ଚ ପୃଷୋଦରାଦିତ୍ବାତ୍ ଗରୁଡଶବ୍ଦୋ ନିଷ୍ପନ୍ନ ଇତ୍ଯର୍ଥଃ॥ 1-30-18 ଶାଖାଂ ମୁକ୍ତ୍ବା ଗିରିଂ ସମଭ୍ଯଯୁରିତି ସଂବନ୍ଧଃ॥ 1-30-19 ଶାଖଯା ମୁଖସ୍ଥଯା ବ୍ଯାକ୍ଷିପ୍ତଂ ବଦନଂ ବଚନକ୍ରିଯାଯସ୍ଯ ସ ତଥା॥ 1-30-23 ଶତଚର୍ମା ଶତଗୋଚର୍ମଣା କୃତା। ବଧ୍ରୀ ରଜ୍ଜୁଃ। ନ ପରିଣହେତ୍ ପରିତୋ ନ ବଧ୍ନୀଯାତ୍॥ 1-30-29 ବିକଚାଃ ହେମବଦୁଜ୍ଜ୍ବଲାଃ॥ 1-30-33 ଦିବା ଅହ୍ନି॥ 1-30-36 ଦେବାନାଂ ଦେବଃ ପର୍ଜନ୍ଯଃ॥ 1-30-42 ଅନ୍ଯେଷାମସାଧ୍ଯମପ୍ଯଯଂ ସାଧଯେତ୍॥ 1-30-48 ଭାନୁମନ୍ତି ଦୀପ୍ତିମନ୍ତି॥ 1-30-50 ସ୍ବଦେହରୂପାଣି ସ୍ବଦେହାନୁରୂପାଣି॥ 1-30-52 ଜ୍ବଲନବତ୍ସମିଦ୍ଧୈର୍ଦୀପ୍ଯମାନୈର୍ବପୁର୍ଭିଃ ପ୍ରକାଶିନଃ॥ ତ୍ରିଂଶୋଽଧ୍ଯାଯଃ॥ 30 ॥ଆଦିପର୍ବ - ଅଧ୍ଯାଯ 031
॥ ଶ୍ରୀଃ ॥
1.31. ଅଧ୍ଯାଯଃ 031
Mahabharata - Adi Parva - Chapter Topics
ବାଲଖିଲ୍ଯତପସା ଗରୁଡୋତ୍ପତ୍ତିକଥନପୂର୍ବକଂ ତସ୍ଯ ପକ୍ଷୀନ୍ଦ୍ରତ୍ବେଽଭିଷେଚନମ୍॥ 1 ॥Mahabharata - Adi Parva - Chapter Text
1-31-0 (1539)
ଶୌନକ ଉବାଚ। 1-31-0x (135)
କୋଽପରାଧୋ ମହେନ୍ଦ୍ରସ୍ଯ କଃ ପ୍ରମାଦଶ୍ଚ ସୂତଜ।
ତପସା ବାଲଖିଲ୍ଯାନାଂ ସଂଭୂତୋ ଗରୁଡଃ କଥମ୍॥ 1-31-1 (1540)
କଶ୍ଯପସ୍ଯ ଦ୍ବିଜାତେଶ୍ଚ କଥଂ ବୈ ପକ୍ଷିରାଟ୍ ସୁତଃ।
ଅଧୃଷ୍ଟଃ ସର୍ବଭୂତାନାମବଧ୍ଯସ୍ଚାଭବତ୍କଥମ୍॥ 1-31-2 (1541)
କଥଂ ଚ କାମଚାରୀ ସ କାମବୀର୍ଯଶ୍ଚ ଖେଚରଃ।
ଏତଦିଚ୍ଛାମ୍ଯହଂ ଶ୍ରୋତୁଂ ପୁରାଣେ ଯଦି ପଠ୍ଯତେ॥ 1-31-3 (1542)
ସୌତିରୁବାଚ। 1-31-4x (136)
ବିଷଯୋଽଯଂ ପୁରାଣସ୍ଯ ଯନ୍ମାଂ ତ୍ବଂ ପରିପୃଚ୍ଛସି।
ଶୃଣୁ ମେ ବଦତଃ ସର୍ବମେତତ୍ସଂକ୍ଷେପତୋଂ ଦ୍ବିଜ॥ 1-31-4 (1543)
ଯଜତଃ ପୁତ୍ରକାମସ୍ଯ କଶ୍ଯପସ୍ଯ ପ୍ରଜାପତେଃ।
ସାହାଯ୍ଯମୃଷଯୋ ଦେବା ଗନ୍ଧର୍ବାଶ୍ଚ ଦଦୁଃ କିଲ॥ 1-31-5 (1544)
ତତ୍ରେଧ୍ମାନଯନେ ଶକ୍ରୋ ନିଯୁକ୍ତଃ କଶ୍ଯପେନ ହ।
ମୁନଯୋ ବାଲଖିଲ୍ଯାଶ୍ଚ ଯେ ଚାନ୍ଯେ ଦେବତାଗଣାଃ॥ 1-31-6 (1545)
ଶକ୍ରସ୍ତୁ ବୀର୍ଯସଦୃଶମିଧ୍ଯଭାରଂ ଗିରିପ୍ରଭମ୍।
ସମୁଦ୍ଯମ୍ଯାନଯାମାସ ନାତିକୃଚ୍ଛ୍ରାଦିବ ପ୍ରଭୁଃ॥ 1-31-7 (1546)
ଅଥାପଶ୍ଯଦୃଷୀନ୍ହ୍ରସ୍ବାନଙ୍ଗୁଷ୍ଠୋଦରବର୍ଷ୍ମଣଃ।
ପଲାଶବର୍ତିକାମେକାଂ ବହତଃ ସଂହତାନ୍ପଥି॥ 1-31-8 (1547)
ପ୍ରଲୀନାନ୍ସ୍ବେଷ୍ବିବାଙ୍ଗେଷୁ ନିରାହାରାଂସ୍ତପୋଧନାନ୍।
କ୍ଲିଶ୍ଯମାନାନ୍ମନ୍ଦବଲାନ୍ଗୋଷ୍ପଦେ ସଂପ୍ଲୁତୋଦକେ॥ 1-31-9 (1548)
ତାନ୍ସର୍ବାନ୍ବିସ୍ମଯାବିଷ୍ଟୋ ବୀର୍ଯୋନ୍ମତ୍ତଃ ପୁରନ୍ଦରଃ।
ଅପହାସ୍ଯାଭ୍ଯଗାଚ୍ଛୀଘ୍ରଂ ଲମ୍ବଯିତ୍ବାଽବମନ୍ଯ ଚ॥ 1-31-10 (1549)
ତେଽଥ ରୋଷସମାବିଷ୍ଟାଃ ସୁଭୃଶଂ ଜାତମନ୍ଯବଃ।
ଆରେଭିରେ ମହତ୍କର୍ମ ତଦା ଶକ୍ରଭଯଂକରମ୍॥ 1-31-11 (1550)
ଜୁହୁବୁସ୍ତେ ସୁତପସୋ ବିଧିବଜ୍ଜାତବେଦସମ୍।
ମନ୍ତ୍ରୈରୁଚ୍ଚାବଚୈର୍ବିପ୍ରା ଯେନ କାମେନ ତଚ୍ଛୃଣୁ॥ 1-31-12 (1551)
କାମବୀର୍ଯଃ କାମଗମୋ ଦେବରାଜଭଯପ୍ରଦଃ।
ଇନ୍ଦ୍ରୋଽନ୍ଯଃ ସର୍ବଦେବାନାଂ ଭବେଦିତି ଯତବ୍ରତାଃ॥ 1-31-13 (1552)
ଇନ୍ଦ୍ରାଚ୍ଛତଗୁଣଃ ଶୌର୍ଯେ ବୀର୍ଯେ ଚୈବ ମନୋଜବଃ।
ତପସୋ ନଃ ଫଲେନାଦ୍ଯ ଦାରୁଣଃ ସଂଭବିତ୍ବିତି॥ 1-31-14 (1553)
ତଦ୍ବୁଦ୍ଧ୍ବା ଭୃଶସଂତପ୍ତୋ ଦେବରାଜଃ ଶତକ୍ରତୁଃ।
ଜଗାମ ଶରଣଂ ତତ୍ର କଶ୍ଯପଂ ସଂଶିତବ୍ରତମ୍॥ 1-31-15 (1554)
ତଚ୍ଛ୍ରୁତ୍ବା ଦେବରାଜସ୍ଯ କଶ୍ଯପୋଽଥ ପ୍ରଜାପତିଃ।
ବାଲଖିଲ୍ଯାନୁପାଗମ୍ଯ କର୍ମସିଦ୍ଧିମପୃଚ୍ଛତ॥ 1-31-16 (1555)
`କଶ୍ଯପ ଉବାଚ। 1-31-17x (137)
କେନ କାମେନ ଚାରବ୍ଧଂ ଭବଦ୍ଭିର୍ହୋମକର୍ମ ଚ।
ଯାଥାତଥ୍ଯେନ ମେ ବ୍ରୂତ ଶ୍ରୋତୁଂ କୌତୂହଲଂ ହି ମେ॥ 1-31-17 (1556)
ବାଲଖିଲ୍ଯା ଊଚୁଃ। 1-31-18x (138)
ଅବଜ୍ଞାତାଃ ସୁରେନ୍ଦ୍ରେଣ ମୂଢେନାକୃତବୁଦ୍ଧିନା।
ଐଶ୍ବର୍ଯମଦମତ୍ତେନ ସଦାଚାରାନ୍ନିରସ୍ଯତା॥ 1-31-18 (1557)
ତଦ୍ବିଘାତାର୍ଥମାରମ୍ଭୋ ବିଧିବତ୍ତସ୍ଯ କଶ୍ଯପ॥ 1-31-19 (1558)
ସୌତିରୁବାଚ।' 1-31-20x (139)
ଏବମସ୍ତ୍ବିତି ତଂ ଚାପି ପ୍ରତ୍ଯୂଚୁଃ ସତ୍ଯବାଦିନଃ।
ତାନ୍କଶ୍ଯପ ଉବାଚେଦଂ ସାନ୍ତ୍ବପୂର୍ବଂ ପ୍ରଜାପତିଃ॥ 1-31-20 (1559)
ଅଯମିନ୍ଦ୍ରସ୍ତ୍ରିଭୁବନେ ନିଯୋଗାଦ୍ବ୍ରହ୍ମଣଃ କୃତଃ।
ଇନ୍ଦ୍ରାର୍ଥେ ଚ ଭବନ୍ତୋଽପି ଯତ୍ନବନ୍ତସ୍ତପୋଧନାଃ॥ 1-31-21 (1560)
ନ ମିଥ୍ଯା ବ୍ରହ୍ମଣୋ ବାକ୍ଯଂ କର୍ତୁମର୍ହଥ ସତ୍ତମାଃ।
ଭବତାଂ ହି ନ ମିଥ୍ଯାଽଯଂ ସଂକଲ୍ପୋ ବୈ ଚିକୀର୍ଷିତଃ॥ 1-31-22 (1561)
ଭବତ୍ବେଷ ପତତ୍ରୀଣାମିନ୍ଦ୍ରୋଽତିବଲସତ୍ତ୍ବବାନ୍।
ପ୍ରସାଦଃ କ୍ରିଯତାମସ୍ଯ ଦେବରାଜସ୍ଯ ଯାଚତଃ॥ 1-31-23 (1562)
ସୌତିରୁବାଚ। 1-31-24x (140)
ଏବମୁକ୍ତାଃ କଶ୍ଯପେନ ବାଲଖିଲ୍ଯାସ୍ତପୋଧନାଃ।
ପ୍ରତ୍ଯୂଚୁରଭିସଂପୂଜ୍ଯ ମୁନିଶ୍ରେଷ୍ଠଂ ପ୍ରଜାପତିମ୍॥ 1-31-24 (1563)
ବାଲଖିଲ୍ଯା ଊଚୁଃ। 1-31-25x (141)
ଇନ୍ଦ୍ରାର୍ଥୋଽଯଂ ସମାରମ୍ଭଃ ସର୍ବେଷାଂ ନଃ ପ୍ରଜାପତେ।
ଅପତ୍ଯାର୍ଥଂ ସମାରମ୍ଭୋ ଭବତଶ୍ଚାଯମୀପ୍ସିତଃ॥ 1-31-25 (1564)
ତଦିଦଂ ସଫଲଂ କର୍ମ ତ୍ବଯୈବ ପ୍ରତିଗୃହ୍ଯତାମ୍।
ତଥା ଚୈବଂ ବିଧତ୍ସ୍ବାତ୍ର ଯଥା ଶ୍ରେଯୋଽନୁପଶ୍ଯସି॥ 1-31-26 (1565)
ସୌତିରୁବାଚ। 1-31-27x (142)
ଏତସ୍ମିନ୍ନେବ କାଲେ ତୁ ଦେବୀ ଦାକ୍ଷାଯଣୀ ଶୁଭା।
ବିନତା ନାମ କଲ୍ଯାଣୀ ପୁତ୍ରକାମା ଯଶସ୍ବିନୀ॥ 1-31-27 (1566)
ତପସ୍ତପ୍ତ୍ବା ବ୍ରତପରା ସ୍ନାତା ପୁଂସବନେ ଶୁଚିଃ।
ଉପଚକ୍ରାମ ଭର୍ତାରଂ ତାମୁବାଚାଥ କଶ୍ଯପଃ॥ 1-31-28 (1567)
ଆରମ୍ଭଃ ସଫଲୋ ଦେବି ଭବିତା ଯସ୍ତ୍ବଯେପ୍ସିତଃ।
ଜନଯିଷ୍ଯସି ପୁତ୍ରୌ ଦ୍ବୌ ବୀରୌ ତ୍ରିଭୁବନେଶ୍ବରୌ॥ 1-31-29 (1568)
ତପସା ବାଲଖିଲ୍ଯାନାଂ ମମ ସଂକଲ୍ପତସ୍ତଥା।
ଭବିଷ୍ଯତୋ ମହାଭାଗୌ ପୁତ୍ରୌ ତ୍ରୈଲୋକ୍ଯପୂଜିତୌ॥ 1-31-30 (1569)
ଉବାଚ ଚୈନାଂ ଭଗବାନ୍କଶ୍ଯପଃ ପୁନରେବ ହ।
ଧାର୍ଯତାମପ୍ରମାଦେନ ଗର୍ଭୋଽଯଂ ସୁମହୋଦଯଃ॥ 1-31-31 (1570)
ଏକଃ ସର୍ବପତତ୍ରୀଣାମିନ୍ଦ୍ରତ୍ବଂ କାରଯିଷ୍ଯତି।
ଲୋକସଂଭାବିତୋ ବୀରଃ କାମରୂପୋ ବିହଙ୍ଗମଃ॥ 1-31-32 (1571)
ସୌତିରୁବାଚ। 1-31-33x (143)
ଶତକ୍ରତୁମଥୋବାଚ ପ୍ରୀଯମାଣଃ ପ୍ରଜାପତିଃ।
ତ୍ବତ୍ସହାଯୌ ମହାବୀର୍ଯୌ ଭ୍ରାତରୌ ତେ ଭବିଷ୍ଯତଃ॥ 1-31-33 (1572)
ନୈତାଭ୍ଯାଂ ଭବିତା ଦୋଷଃ ସକାଶାତ୍ତେ ପୁରଂଦର।
ବ୍ଯେତୁ ତେ ଶକ୍ର ସଂତାପସ୍ତ୍ବମେବେନ୍ଦ୍ରୋ ଭବିଷ୍ଯସି॥ 1-31-34 (1573)
ନ ଚାପ୍ଯେବଂ ତ୍ବଯା ଭୂଯଃ କ୍ଷେପ୍ତବ୍ଯା ବ୍ରହ୍ମବାଦିନଃ।
ନ ଚାବମାନ୍ଯା ଦର୍ପାତ୍ତେ ବାଗ୍ବଜ୍ରା ଭୃଶକୋପନାଃ॥ 1-31-35 (1574)
ସୌତିରୁବାଚ। 1-31-36x (144)
ଏବମୁକ୍ତୋ ଜଗାମେନ୍ଦ୍ରୋ ନିର୍ବିଶଙ୍କସ୍ତ୍ରିବିଷ୍ଟପମ୍।
ବିନତା ଚାପି ସିଦ୍ଧାର୍ଥା ବଭୂବ ମୁଦିତା ତଥା॥ 1-31-36 (1575)
ଜନଯାମାସ ପୁତ୍ରୌ ଦ୍ବାବରୁଣଂ ଗରୁଡଂ ତଥା।
ବିକଲାଙ୍ଗୋଽରୁଣସ୍ତତ୍ର ଭାସ୍କରସ୍ଯ ପୁରଃସରଃ॥ 1-31-37 (1576)
ପତତ୍ତ୍ରୀଣାଂ ଚ ଗରୁଡମିନ୍ଦ୍ରତ୍ବେନାଭ୍ଯଷିଞ୍ଚତ।
ତସ୍ଯୈତତ୍କର୍ମ ସୁମହଚ୍ଛ୍ରୂଯତାଂ ଭୃଗୁନନ୍ଦନ॥ ॥ 1-31-38 (1577)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ଏକତ୍ରିଂଶୋଽଧ୍ଯାଯଃ॥ 31 ॥
Mahabharata - Adi Parva - Chapter Footnotes
1-31-8 ଅଙ୍ଗୁଷ୍ଠୋଦରପ୍ରମାଣଂ ବର୍ଷ୍ମ ଶରୀରଂ ଯେଷାଂ ତାନ୍। ବର୍ତିକାଂ ଯଷ୍ଟିମ୍॥ 1-31-9 ସ୍ବେଷ୍ବଙ୍ଗେଷୁ ପ୍ରଲୀନାନିବ ଅତିକୃଶାନିତ୍ଯର୍ଥଃ। କ୍ଲିଶ୍ଯମାନାନ୍ ଗୋଷ୍ପଦମାତ୍ରେତି ଜଲେ ମଜ୍ଜନେନେତ୍ଯର୍ଥଃ॥ 1-31-11 ଜାତମନ୍ଯବଃ ଦୀନାଃ। ମନ୍ଯୁର୍ଦୈନ୍ଯେ କ୍ରତୌ କ୍ରୁଧୀତି କୋଶଃ॥ 1-31-14 ଦାରୁଣଃ ଇନ୍ଦ୍ରଂ ପ୍ରତ୍ଯେବ॥ 1-31-16 କର୍ମସିଦ୍ଧିମପୃଚ୍ଛତ ସିଦ୍ଧ ବଃ କର୍ମେତ୍ଯପୃଚ୍ଛତ୍॥ 1-31-20 ଏବମସ୍ତୁ ସିଦ୍ଧମସ୍ତୁ॥ 1-31-28 ପୁଂସବନେ ଋତୁକାଲେ॥ 1-31-32 କାରଯିଷ୍ଯତି ସ୍ବାର୍ଥେ ଣିଚ୍॥ ଏକତ୍ରିଂଶୋଽଧ୍ଯାଯଃ॥ 31 ॥ଆଦିପର୍ବ - ଅଧ୍ଯାଯ 032
॥ ଶ୍ରୀଃ ॥
1.32. ଅଧ୍ଯାଯଃ 032
Mahabharata - Adi Parva - Chapter Topics
ଦେବଗରୁଡଯୁଦ୍ଧଂ ତତ୍ର ଦେବାନାଂ ପରାଜଯଃ॥ 1 ॥Mahabharata - Adi Parva - Chapter Text
1-32-0 (1578)
ସୌତିରୁବାଚ। 1-32-0x (145)
`ତତସ୍ତସ୍ମାଦ୍ଗିରିବରାତ୍ସମୁଦୀର୍ଣମହାବଲଃ।'
ଗରୁଡଃ ପକ୍ଷିରାଟ୍ ତୂର୍ଣଂ ସଂପ୍ରାପ୍ତୋ ବିବୁଧାନ୍ପ୍ରତି॥ 1-32-1 (1579)
ତଂ ଦୃଷ୍ଟ୍ବାତିବଲଂ ଚୈବ ପ୍ରାକମ୍ପନ୍ତ ସୁରାସ୍ତତଃ।
ପରସ୍ପରଂ ଚ ପ୍ରତ୍ଯଘ୍ନନ୍ସର୍ବପ୍ରହରଣାନ୍ଯୁତ॥ 1-32-2 (1580)
ତତ୍ର ଚାସୀଦମେଯାତ୍ମା ବିଦ୍ଯୁଦଗ୍ନିସମପ୍ରଭଃ।
ଭୌମନଃ ସୁମହାବୀର୍ଯଃ ସୋମସ୍ଯ ପରିରକ୍ଷିତା॥ 1-32-3 (1581)
ସ ତେନ ପତଗେନ୍ଦ୍ରେଣ ପକ୍ଷତୁଣ୍ଡନଖୈଃ କ୍ଷତଃ।
ମୁହୂର୍ତମତୁଲଂ ଯୁଦ୍ଧଂ କୃତ୍ବା ବିନିହତୋ ଯୁଧି॥ 1-32-4 (1582)
ରଜଶ୍ଚୋଦ୍ଧୂଯ ସୁମହତ୍ପକ୍ଷବାତେନ ଖେଚରଃ।
କୃତ୍ବା ଲୋକାନ୍ନିରାଲୋକାଂସ୍ତେନ ଦେବାନବାକିରତ୍॥ 1-32-5 (1583)
ତେନାବକୀର୍ଣା ରଜସା ଦେବା ମୋହମୁପାଗମନ୍।
ନ ଚୈବଂ ଦଦୃଶୁଶ୍ଛନ୍ନା ରଜସାଽମୃତରକ୍ଷିଣଃ॥ 1-32-6 (1584)
ଏବଂ ସଂଲୋଡଯାମାସ ଗରୁଡସ୍ତ୍ରିଦିବାଲଯମ୍।
ପକ୍ଷତୁଣ୍ଡପ୍ରହାରୈସ୍ତୁ ଦେବାନ୍ସ ବିଦଦାର ହ॥ 1-32-7 (1585)
ତତୋ ଦେବଃ ସହସ୍ରାକ୍ଷସ୍ତୂର୍ଣଂ ବାଯୁମଚୋଦଯତ୍।
ବିକ୍ଷିପେମାଂ ରଜୋବୃଷ୍ଟିଂ ତବେଦଂ କର୍ମ ମାରୁତ॥ 1-32-8 (1586)
ସୌତିରୁବାଚ। 1-32-9x (146)
ଅଥ ବାଯୁରପୋବାହ ତଦ୍ରଜସ୍ତରସା ବଲୀ।
ତତୋ ବିତିମିରେ ଜାତେ ଦେବାଃ ଶକୁନିମାର୍ଦଯନ୍॥ 1-32-9 (1587)
ନନାଦୋଚ୍ଚୈଃ ସ ବଲବାନ୍ମହାମେଘ ଇବାମ୍ବରେ।
ବଧ୍ଯମାନଃ ସୁରଗଣୈଃ ସର୍ବଭୂତାନି ଭୀଷଯନ୍॥ 1-32-10 (1588)
ଉତ୍ପପାତ ମହାବୀର୍ଯଃ ପକ୍ଷିରାଟ୍ ପରବୀରହା।
ସମୁତ୍ପତ୍ଯାନ୍ତରିକ୍ଷସ୍ଥଂ ଦେବାନାମୁପରି ସ୍ଥିତମ୍॥ 1-32-11 (1589)
ବର୍ମିମୋ ବିବୁଧାଃ ସର୍ବେ ନାନାଶସ୍ତ୍ରୈରବାକିରନ୍।
ପଟ୍ଟିଶୈଃ ପରିଧୈଃ ଶୂଲୈର୍ଗଦାଭିଶ୍ଚ ସବାସବାଃ॥ 1-32-12 (1590)
କ୍ଷୁରପ୍ରୈର୍ଜ୍ବଲିତୈଶ୍ଚାପି ଚକ୍ରୈରାଦିତ୍ଯରୂପିଭିଃ।
ନାନାଶସ୍ତ୍ରବିସର୍ଗୈସ୍ତୈର୍ବଧ୍ଯମାନଃ ସମନ୍ତତଃ॥ 1-32-13 (1591)
କୁର୍ବନ୍ସୁତୁମୁଲଂ ଯୁଦ୍ଧଂ ପକ୍ଷିରାଣ୍ଣ ବ୍ଯକମ୍ପତ।
ନିର୍ଦହନ୍ନିବ ଚାକାଶେ ବୈନତେଯଃ ପ୍ରତାପବାନ୍।
ପକ୍ଷାଭ୍ଯାମୁରସା ଚୈବ ସମନ୍ତାଦ୍ବ୍ଯକ୍ଷିପତ୍ସୁରାନ୍॥ 1-32-14 (1592)
ତେ ବିକ୍ଷିପ୍ତାସ୍ତତୋ ଦେବା ଦୁଦ୍ରୁବୁର୍ଗରୁଡାର୍ଦିତାଃ।
ନଖତୁଣ୍ଡକ୍ଷତାଶ୍ଚୈବ ସୁସ୍ରୁବୁଃ ଶୋଣିତଂ ବହୁ॥ 1-32-15 (1593)
ସାଧ୍ଯାଃ ପ୍ରାଚୀଂ ସଗନ୍ଧର୍ବା ବସବୋ ଦକ୍ଷିଣାଂ ଦିଶମ୍।
ପ୍ରଜଗ୍ମୁଃ ସହିତା ରୁଦ୍ରାଃ ପତଗେନ୍ଦ୍ରପ୍ରଧର୍ଷିତାଃ॥ 1-32-16 (1594)
ଦିଶଂ ପ୍ରତୀଚୀମାଦିତ୍ଯା ନାସତ୍ଯାବୁତ୍ତରାଂ ଦିଶମ୍।
ମୁହୁର୍ମୁହୁଃ ପ୍ରେକ୍ଷମାଣା ଯୁଧ୍ଯମାନଂ ମହୌଜସଃ॥ 1-32-17 (1595)
ଅଶ୍ବକ୍ରନ୍ଦେନ ବୀରେଣ ରେଣୁକେନ ଚ ପକ୍ଷିରାଟ୍।
କ୍ରଥନେନ ଚ ଶୂରେଣ ତପନେନ ଚ ଖେଚରଃ॥ 1-32-18 (1596)
ଉଲୂକଶ୍ବସନାଭ୍ଯାଂ ଚ ନିମେଷେଣ ଚ ପକ୍ଷିରାଟ୍।
ପ୍ରରୁଜେନ ଚ ସଂଗ୍ରାମଂ ଚକାର ପୁଲିନେନ ଚ॥ 1-32-19 (1597)
ତାନ୍ପକ୍ଷନଖତୁଣ୍ଡାଗ୍ରୈରଭିନଦ୍ବିନତାସୁତଃ।
ଯୁଗାନ୍ତକାଲେ ସଂକ୍ରୁଦ୍ଧଃ ପିନାକୀବ ପରଂତପ॥ 1-32-20 (1598)
ମହାବଲା ମହୋତ୍ସାହାସ୍ତେନ ତେ ବହୁଧା କ୍ଷତାଃ।
ରେଜୁରଭ୍ରଘନପ୍ରଖ୍ଯା ରୁଧିରୌଘପ୍ରବର୍ଷିଣଃ॥ 1-32-21 (1599)
ତାନ୍କୃତ୍ବା ପତଗଶ୍ରେଷ୍ଠଃ ସର୍ବାନୁତ୍କ୍ରାନ୍ତଜୀବିତାନ୍।
ଅତିକ୍ରାନ୍ତୋଽମୃତସ୍ଯାର୍ଥେ ସର୍ବତୋଽଗ୍ନିମପଶ୍ଯତ॥ 1-32-22 (1600)
ଆବୃଣ୍ବାନଂ ମହାଜ୍ବାଲମର୍ଚିର୍ଭିଃ ସର୍ବତୋଽମ୍ବରମ୍।
ଦହନ୍ତମିବ ତୀକ୍ଷ୍ଣାଂଶୁଂ ଚଣ୍ଡବାଯୁସମୀରିତମ୍॥ 1-32-23 (1601)
`ନଭଃ ସ୍ପୃଶନ୍ତଂ ଜ୍ବାଲାଭିଃ ସର୍ବଭୂତଭଯଂକରମ୍।'
ତତୋ ନବତ୍ଯା ନବତୀର୍ମୁଖାନାଂ
କୃତ୍ବା ମହାତ୍ମା ଗରୁଡସ୍ତରସ୍ବୀ।
ନଦୀଃ ସମାପୀଯ ମୁଖୈସ୍ତତସ୍ତୈଃ
ସୁଶୀଘ୍ରମାଗମ୍ଯ ପୁନର୍ଜବେନ॥ 1-32-24 (1602)
ଜ୍ବଲନ୍ତମଗ୍ନିଂ ତମମିତ୍ରତାପନଃ
ସମାସ୍ତରତ୍ପତ୍ରରଥୋ ନଦୀଭିଃ।
ତତଃ ପ୍ରଚକ୍ରେ ବପୁରନ୍ଯଦଲ୍ପଂ
ପ୍ରବେଷ୍ଟୁକାମୋଽଗ୍ନିମଭିପ୍ରଶାମ୍ଯ॥ ॥ 1-32-25 (1603)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ଦ୍ବାତ୍ରିଂଶୋଽଧ୍ଯାଯଃ॥ 32 ॥
Mahabharata - Adi Parva - Chapter Footnotes
1-32-3 ଭୌମନଃ ବିଶ୍ବକର୍ମା॥ 1-32-4 ବିନିହତଃ ମୃତକଲ୍ପଃ କୃତଃ॥ 1-32-9 ଅପୋବାହ ଅପସାରିତବାନ୍॥ 1-32-24 ନବତ୍ଯାଃ ନବତୀଃ ଶତାଧିକାଷ୍ଟସାହସ୍ରୀଃ॥ 1-32-25 ସମାସ୍ତରତ୍ ଆଚ୍ଛାଦିତବାନ୍ ଶାମିତବାନିତ୍ଯର୍ଥଃ॥ ଦ୍ବାତ୍ରିଂଶୋଽଧ୍ଯାଯଃ॥ 32 ॥ଆଦିପର୍ବ - ଅଧ୍ଯାଯ 033
॥ ଶ୍ରୀଃ ॥
1.33. ଅଧ୍ଯାଯଃ 033
Mahabharata - Adi Parva - Chapter Topics
ଅମୃତସମୀପେ ଗରୁଡସ୍ଯ ଗମନମ୍॥ 1 ॥ ଅମୃତଂ ଗୃହୀତ୍ବା ଗଚ୍ଛତୋ ଗରୁଡସ୍ଯ ବିଷ୍ଣୁଦର୍ଶନମ୍॥ 2 ॥ ବିଷ୍ଣୁଗରୁଡଯୋଃ ପରସ୍ପରଂ ବରଦାନମ୍॥ 3 ॥ ଗରୁଡସ୍ଯ ସୁପର୍ଣନାମପ୍ରାପ୍ତିଃ॥ 4 ॥Mahabharata - Adi Parva - Chapter Text
1-33-0 (1604)
ସୌତିରୁବାଚ। 1-33-0x (147)
ଜାମ୍ବୂନଦମଯୋ ଭୂତ୍ବା ମରୀଚିନିକରୋଜ୍ଜ୍ବଲଃ।
ପ୍ରବିବେଶ ବଲାତ୍ପକ୍ଷୀ ବାରିବେଗ ଇବାର୍ଣବମ୍॥ 1-33-1 (1605)
ସ ଚକ୍ରଂ କ୍ଷୁରପର୍ଯନ୍ତମପଶ୍ଯଦମୃତାନ୍ତିକେ।
ପରିଭ୍ରମନ୍ତମନିଶଂ ତୀକ୍ଷ୍ଣଧାରମଯସ୍ମଯମ୍॥ 1-33-2 (1606)
ଜ୍ବଲନାର୍କପ୍ରଭଂ ଘୋରଂ ଛେଦନଂ ସୋମହାରିଣାମ୍।
ଘୋରରୂପଂ ତଦତ୍ଯର୍ଥଂ ଯନ୍ତ୍ରଂ ଦେବୈଃ ସୁନିର୍ମିତମ୍॥ 1-33-3 (1607)
ତସ୍ଯାନ୍ତରଂ ସ ଦୃଷ୍ଟ୍ବୈ ପର୍ଯବର୍ତତ ଖେଚରଃ।
ଅରାନ୍ତରେଣାଭ୍ଯପତତ୍ସଂକ୍ଷିପ୍ଯାଙ୍ଗଂ କ୍ଷଣେନ ହ॥ 1-33-4 (1608)
ଅଧଶ୍ଚକ୍ରସ୍ଯ ଚୈବାତ୍ର ଦୀପ୍ତାନଲସମଦ୍ବ୍ଯୁତୀ।
ବିଦ୍ଯୁଜ୍ଜିହ୍ବୌ ମହାବୀର୍ଯୌ ଦୀପ୍ତାସ୍ଯୌ ଦୀପ୍ତଲୋଚନୌ॥ 1-33-5 (1609)
ଚକ୍ଷୁର୍ବିଷୌ ମହାଘୋରୌ ନିତ୍ଯଂ କ୍ରୁଦ୍ଧୌ ତରସ୍ବିନୌ।
ଅମୃତସ୍ଯୈବ ରକ୍ଷାର୍ଥଂ ଦଦର୍ଶ ଭୁଜଗୋତ୍ତମୌ॥ 1-33-6 (1610)
ସଦା ସଂରବ୍ଧନଯନୌ ସଦା ଚାନିମିଷେକ୍ଷଣୌ।
ତଯୋରେକୋଽପି ଯଂ ପଶ୍ଯେତ୍ସ ତୂର୍ଣଂ ଭସ୍ମସାଦ୍ଭବେତ୍॥ 1-33-7 (1611)
`ତୌ ଦୃଷ୍ଟ୍ବା ସହସା ଖେଦଂ ଜଗାମ ବିନତାତ୍ମଜଃ।
କଥମେତୌ ମହାବୀର୍ଯୌ ଜେତବ୍ଯୌ ହରିଭୋଜିନୌ॥ 1-33-8 (1612)
ଇତି ସଂଚିନ୍ତ୍ଯ ଗରୁଡସ୍ତଯୋସ୍ତୂର୍ଣଂ ନିରାକରଃ।'
ତଯୋଶ୍ଚକ୍ଷୂଂଷି ରଜସା ସୁପର୍ଣଃ ସହସାଽଽବୃଣୋତ୍।
ତାଭ୍ଯାମଦୃଷ୍ଟରୂପୋଽସୌ ସର୍ବତଃ ସମତାଡଯତ୍॥ 1-33-9 (1613)
ତଯୋରଙ୍ଗେ ସମାକ୍ରମ୍ଯ ବୈନତେଯୋଽନ୍ତରିକ୍ଷଗଃ।
ଆଚ୍ଛିନତ୍ତରସା ମଧ୍ଯେ ସୋମମଭ୍ଯଦ୍ରବତ୍ତତଃ॥ 1-33-10 (1614)
ସମୁତ୍ପାଟ୍ଯାମୃତଂ ତତ୍ର ବୈନତେଯସ୍ତତୋ ବଲୀ।
ଉତ୍ପପାତ ଜବେନୈବ ଯନ୍ତ୍ରମୁନ୍ମଥ୍ଯ ବୀର୍ଯବାନ୍॥ 1-33-11 (1615)
ଅପୀତ୍ବୈବାମୃତଂ ପକ୍ଷୀ ପରିଗୃହ୍ଯାଶୁ ନିଃସୃତଃ।
ଆଗଚ୍ଛଦପରିଶ୍ରାନ୍ତ ଆବାର୍ଯାର୍କପ୍ରଭାଂ ତତଃ॥ 1-33-12 (1616)
ବିଷ୍ଣୁନା ଚ ତଦାକାଶେ ବୈନତେଯଃ ସମେଯିବାନ୍।
ତସ୍ଯ ନାରାଯଣସ୍ତୁଷ୍ଟସ୍ତେନାଲୌଲ୍ଯେନ କର୍ମଣା॥ 1-33-13 (1617)
ତମୁବାଚାବ୍ଯଯୋ ଦେବୋ ବରଦୋଽସ୍ମୀତି ଖେଚରମ୍।
ସ ବବ୍ରେ ତବ ତିଷ୍ଠେଯମୁପରୀତ୍ଯନ୍ତରିକ୍ଷଗଃ॥ 1-33-14 (1618)
ଉବାଚ ଚୈନଂ ଭୂଯୋଽପି ନାରାଯଣମିଦଂ ବଚଃ।
ଅଜରଶ୍ଚାମରଶ୍ଚ ସ୍ଯାମମୃତେନ ବିନାଽପ୍ଯହମ୍॥ 1-33-15 (1619)
ସୌତିରୁବାଚ। 1-33-16x (148)
ଏବମସ୍ତ୍ବିତି ତଂ ବିଷ୍ଣୁରୁବାଚ ବିନତାସୁତମ୍।
ପ୍ରତିଗୃହ୍ଯ ବନୌ ତୌ ଚ ଗରୁଡୋ ବିଷ୍ଣୁମବ୍ରବୀତ୍॥ 1-33-16 (1620)
ଭବତେପି ବରଂ ଦଦ୍ଯାଂ ବୃଣୋତୁ ଭଗବାନପି।
ତଂ ବବ୍ରେ ବାହନଂ ବିଷ୍ଣୁର୍ନରୁତ୍ମନ୍ତଂ ମହାବଲମ୍॥ 1-33-17 (1621)
ଧ୍ବଜଂ ଚ ଚକ୍ରେ ଭଗବାନୁପରି ସ୍ଥାସ୍ଯସୀତି ତମ୍।
ଏବମସ୍ତ୍ବିତି ତଂ ଦେବମୁକ୍ତ୍ବା ନାରାଯଣଂ ଖଗଃ॥ 1-33-18 (1622)
ବବ୍ରାଜ ତରସା ବେଗାଦ୍ବାଯୁଂ ସ୍ପର୍ଧନ୍ମହାଜବଃ।
ତଂ ବ୍ରଜନ୍ତଂ ଖଗଶ୍ରେଷ୍ଠଂ ବଜ୍ରେଣେନ୍ଦ୍ରୋଽଭ୍ଯତାଡଯତ୍॥ 1-33-19 (1623)
ହରନ୍ତମମୃତଂ ରୋଷାଦ୍ଗରୁଡଂ ପକ୍ଷିଣାଂ ବରମ୍।
ତମୁବାଚେନ୍ଦ୍ରମାକ୍ରନ୍ଦେ ଗରୁଡଃ ପତତାଂ ବରଃ॥ 1-33-20 (1624)
ପ୍ରହସଞ୍ଶ୍ଲକ୍ଷ୍ଣଯା ବାଚା ତଥା ବଜ୍ରସମାହତଃ।
ଋଷେର୍ମାନଂ କରିଷ୍ଯାମି ବଜ୍ରଂ ଯସ୍ଯାସ୍ଥିସଂଭବମ୍॥ 1-33-21 (1625)
ବଜ୍ରସ୍ଯ ଚ କରିଷ୍ଯାମି ତବୈବ ଚ ଶତକ୍ରତୋ।
ଏତତ୍ପତ୍ରଂ ତ୍ଯଜାମ୍ଯେକଂ ଯସ୍ଯାନ୍ତଂ ନୋପଲପ୍ସ୍ଯସେ॥ 1-33-22 (1626)
ନ ଚ ବଜ୍ରନିପାତେନ ରୁଜା ମେଽସ୍ତୀହ କାଚନ।
ଏବମୁକ୍ତ୍ବା ତତଃ ପୁତ୍ରମୁତ୍ସସର୍ଜ ସ ପକ୍ଷିରାଟ୍॥ 1-33-23 (1627)
ତଦୁତ୍ସୃଷ୍ଟମଭିପ୍ରେକ୍ଷ୍ଯ ତସ୍ଯ ପର୍ଣମନୁତ୍ତମମ୍।
ହୃଷ୍ଟାନି ସର୍ଧଭୂତାନି ନାମ ଚକ୍ରୁର୍ଗରୁତ୍ମତଃ॥ 1-33-24 (1628)
ସୁରୂପଂ ପତ୍ରମାଲକ୍ଷ୍ଯ ସୁପର୍ଣୋଽଯଂ ଭବତ୍ବିତି।
ତଦ୍ଦୃଷ୍ଟ୍ବା ମହଦାଶ୍ଚର୍ଯଂ ସହସ୍ରାକ୍ଷଃ ପୁରଂଦରଃ।
ଖଗୋ ମହଦିଦଂ ଭୂତମିତି ମତ୍ବାଽଭ୍ଯଭାଷତ॥ 1-33-25 (1629)
ବଲଂ ବିଜ୍ଞାତୁମିଚ୍ଛାମି ଯତ୍ତେ ପରମନୁତ୍ତମମ୍।
ସଖ୍ଯଂ ଚାନନ୍ତମିଚ୍ଛାମି ତ୍ବଯା ସହ ଖଗୋତ୍ତମ॥ ॥ 1-33-26 (1630)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀପର୍ବଣି ତ୍ରଯସ୍ତ୍ରିଂଶୋଽଧ୍ଯାଯଃ॥ 33 ॥
Mahabharata - Adi Parva - Chapter Footnotes
1-33-4 ସଂକ୍ଷିପ୍ଯ ଅଣୁତରଂ କୃତ୍ବା॥ 1-33-10 ତଯୋଃ ଅଙ୍ଗେ ଦେହୌ ଆଚ୍ଛିନତ୍ ଖଣ୍ଡଶଃ କୃତବାନ୍॥ 1-33-11 ଯନ୍ତ୍ରମୁନ୍ମଥ୍ଯ ଅମୃତଂ ଅମୃତକୁମ୍ଭଂ ସମୁତ୍ପାଠ୍ଯ ଉତ୍ପପାତେତ୍ଯନ୍ବଯଃ॥ 1-33-12 ଆବାର୍ଯ ବାରଯିତ୍ବା ତିରସ୍କୃତ୍ଯେତ୍ଯର୍ଥଃ॥ 1-33-13 ଅଲୌଲ୍ଯେନ ଅମୃତପାନଲୋଭରାହିତ୍ଯେନ॥ 1-33-14 ଉପରି ଧ୍ବଜେ ଇତ୍ଯର୍ଥଃ॥ 1-33-19 ସ୍ପର୍ଧାବାନିବାଚରତୀତି ସ୍ପର୍ଧନ୍॥ 1-33-20 ଆକ୍ରନ୍ଦେ କଲକଲେ॥ 1-33-21 ଋଷେଃ ଦଧୀଚେଃ॥ ତ୍ରଯସ୍ତ୍ରିଂଶୋଽଧ୍ଯାଯଃ॥ 33 ॥ଆଦିପର୍ବ - ଅଧ୍ଯାଯ 034
॥ ଶ୍ରୀଃ ॥
1.34. ଅଧ୍ଯାଯଃ 034
Mahabharata - Adi Parva - Chapter Topics
ଇନ୍ଦ୍ରସ୍ଯ ଗରୁଡସଖ୍ଯଲାଭଃ॥ 1 ॥ ଇନ୍ଦ୍ରାଦ୍ଗରୁଡସ୍ଯ ବରଲାଭଃ॥ 2 ॥ ବିନତାଯା ଦାସ୍ଯମୋଚନମ୍॥ 3 ॥ ସର୍ପାଣାଂ ଦ୍ବିଜିହ୍ବତ୍ବପ୍ରାପ୍ତିଃ॥ 4 ॥Mahabharata - Adi Parva - Chapter Text
1-34-0 (1631)
ସୌତିରୁବାଚ। 1-34-0x (149)
`ଇତ୍ଯେବମୁକ୍ତୋ ଗରୁଡଃ ପ୍ରତ୍ଯୁବାଚ ଶଚୀପତିମ୍'। 1-34-1 (1632)
ଗରୁଡ ଉବାଚ।
ସଖ୍ଯଂ ମେଽସ୍ତୁ ତ୍ବଯା ଦେବ ଯଥେଚ୍ଛସି ପୁରଂଦର।
ବଲଂ ତୁ ମମ ଜାନୀହି ମହଚ୍ଚାସହ୍ଯମେବ ଚ॥ 1-34-1x (150)
କାମଂ ନୈତତ୍ପ୍ରଶଂସନ୍ତି ସନ୍ତଃ ସ୍ବବଲସଂସ୍ତବମ୍।
`ଅନିମିତ୍ତଂ ସୁରଶ୍ରେଷ୍ଠ ସଦ୍ଯଃ ପ୍ରାପ୍ନୋତି ଗର୍ହଣାମ୍॥ 1-34-2 (1633)
ଗୁଣସଂକୀର୍ତନଂ ଚାପି ପୃଷ୍ଟେନାନ୍ଯେନ ଗୋପତେ।
ବକ୍ତବ୍ଯଂ ନ ତୁ ବକ୍ତବ୍ଯଂ ସ୍ବଯମେବ ଶତକ୍ରତୋ॥' 1-34-3 (1634)
ସଖେତି କୃତ୍ବା ତୁ ସଖେ ପୃଷ୍ଟୋ ବକ୍ଷ୍ଯାମ୍ଯହଂ ତ୍ବଯା।
ନ ହ୍ଯାତ୍ମସ୍ତବସଂଯୁକ୍ତଂ ବକ୍ତବ୍ଯମନିମିତ୍ତତଃ॥ 1-34-4 (1635)
ସପର୍ବତବନାମୁର୍ବୀଂ ସସାଗରଜଲାମିମାମ୍।
ବହେ ପକ୍ଷେଣ ବୈ ଶକ୍ର ତ୍ବାମପ୍ଯତ୍ରାବଲମ୍ବିନମ୍॥ 1-34-5 (1636)
ସର୍ବାନ୍ସଂପିଣ୍ଡିତାନ୍ବାପି ଲୋକାନ୍ସସ୍ଥାଣୁଜଙ୍ଗମାନ୍।
ବହେଯମପରିଶ୍ରାନ୍ତୋ ବିଦ୍ଧୀଦଂ ମେ ମହଦ୍ବଲମ୍॥ 1-34-6 (1637)
ସୌତିରୁବାଚ। 1-34-7x (151)
ଇତ୍ଯୁକ୍ତବଚନଂ ବୀରଂ କିରୀଟୀ ଶ୍ରୀମତାଂ ବରଃ।
ଆହ ଶୌନକ ଦେବେନ୍ଦ୍ରଃ ସର୍ବଲୋକହିତଃ ପ୍ରଭୁଃ॥ 1-34-7 (1638)
ଏବମେବ ଯଥାତ୍ଥ ତ୍ବଂ ସର୍ବଂ ସଂଭାବ୍ଯତେ ତ୍ବଯି।
ସଂଗୃହ୍ଯତାମିଦାନୀଂ ମେ ସଖ୍ଯମତ୍ଯନ୍ତମୁତ୍ତମମ୍॥ 1-34-8 (1639)
ନ କାର୍ଯଂ ଯଦି ସୋମେନ ମମ ସୋମଃ ପ୍ରଦୀଯତାମ୍।
ଅସ୍ମାଂସ୍ତେ ହି ପ୍ରବାଧେଯୁର୍ଯେଭ୍ଯୋ ଦଦ୍ଯାଦ୍ଭବାନିମମ୍॥ 1-34-9 (1640)
ଗରୁଡ ଉବାଚ। 1-34-10x (152)
କିଂଚିତ୍କାରଣମୁଦ୍ଦିଶ୍ଯ ସୋମୋଽଯଂ ନୀଯତେ ମଯା।
ନ ଦାସ୍ଯାମି ସମାପାତୁଂ ସୋମଂ କସ୍ମୈଚିଦପ୍ଯହମ୍॥ 1-34-10 (1641)
ଯତ୍ରେମଂ ତୁ ସହସ୍ରାକ୍ଷ ନିକ୍ଷିପେଯମହଂ ସ୍ବଯମ୍।
ତ୍ବମାଦାଯ ତତସ୍ତୃର୍ଣଂ ହରେଥାସ୍ତ୍ରିଦିବେଶ୍ବର॥ 1-34-11 (1642)
ଶକ୍ର ଉବାଚ। 1-34-12x (153)
ବାକ୍ଯେନାନେନ ତୁଷ୍ଟୋଽହଂ ଯତ୍ତ୍ବଯୋକ୍ତମିହାଣ୍ଡଜ।
ଯମିଚ୍ଛସି ବରଂ ମତ୍ତସ୍ତଂ ଗୃହାଣ ଖଗୋତ୍ତମ॥ 1-34-12 (1643)
ସୌତିରୁବାଚ। 1-34-13x (154)
ଇତ୍ଯୁକ୍ତଃ ପ୍ରତ୍ଯୁବାଚେଦଂ କଦ୍ରୂପୁତ୍ରାନନୁସ୍ମରନ୍।
ଭବେଯୁର୍ଭୁଜଗାଃ ଶକ୍ର ମମ ଭକ୍ଷ୍ଯା ମହାବଲାଃ॥ 1-34-13 (1644)
ଗରୁଡ ଉବାଚ। 1-34-14x (155)
ଈଶୋଽହମପି ସର୍ବସ୍ଯ କରିଷ୍ଯାମି ତୁ ତେଽର୍ଥିତାମ୍।
ଭବେଯୁର୍ଭୁଜଗାଃ ଶକ୍ର ମମ ଭକ୍ଷ୍ଯା ମହାବଲାଃ॥ 1-34-14 (1645)
ସୌତିରୁବାଚ। 1-34-15x (156)
ତଥେତ୍ଯୁକ୍ତ୍ବାଽନ୍ବଗଚ୍ଛତ୍ତଂ ତତୋ ଦାନବସୂଦନଃ।
ଦେବଦେବଂ ମହାତ୍ମାନଂ ଯୋଗିନାମୀଶ୍ବରଂ ହରିମ୍॥ 1-34-15 (1646)
ସ ଚାନ୍ବମୋଦତ୍ତଂ ଚାର୍ଥଂ ଯଥୋକ୍ତଂ ଗରୁଡେନ ବୈ।
ଇଦଂ ଭୂଯୋ ବଚଃ ପ୍ରାହ ଭଗବାଂସ୍ତ୍ରିଦଶେଶ୍ବରଃ॥ 1-34-16 (1647)
ହରିଷ୍ଯାମି ବିନିକ୍ଷିପ୍ତଂ ସୋମମିତ୍ଯନୁଭାଷ୍ଯ ତମ୍।
ଆଜଗାମ ତତସ୍ତୂର୍ଣଂ ସୁପର୍ଣୀ ମାତୁରନ୍ତିକମ୍॥ 1-34-17 (1648)
`ବିନଯାବନତୋ ଭୂତ୍ବା ବଚନଂ ଚେଦମବ୍ରବୀତ୍।
ଇଦମାନୀତମମୃତଂ ଦେବାନାଂ ଭବନାନ୍ମଯା॥ 1-34-18 (1649)
ପ୍ରଶାଧି କିମିତୋ ମାତଃ କରିଷ୍ଯାମି ଶୁଭବ୍ରତେ। 1-34-19 (1650)
ବିନତୋବାଚ।
ପରିତୁଷ୍ଟାଽହମେତେନ କର୍ମଣା ତବ ପୁତ୍ରକ॥ 1-34-19x (157)
ଅଜରଶ୍ଚାଭରଶ୍ଚୈବ ଦେବାନାଂ ସୁପ୍ରିଯୋ ଭବ। 1-34-20 (1651)
ସୌତିରୁବାଚ।'
ଅଥ ସର୍ପାନୁବାଚେଦଂ ସର୍ବାନ୍ପରମହୃଷ୍ଟବତ୍। 1-34-20x (158)
ଗରୁଡ ଉବାଚ।
ଇଦମାନୀତମମୃତଂ ନିକ୍ଷେପ୍ସ୍ଯାମି କୁଶେଷୁ ବଃ॥ 1-34-20x (159)
ସ୍ନାତା ମଙ୍ଗଲସଂଯୁକ୍ତାସ୍ତତଃ ପ୍ରାଶ୍ନୀତ ପନ୍ନଗାଃ।
ଭବଦ୍ଭିରିଦମାସୀନୈର୍ଯଦୁକ୍ତଂ ତଦ୍ବଚସ୍ତଦା॥ 1-34-21 (1652)
ଅଦାସୀ ଚୈବ ମାତେଯମଦ୍ଯପ୍ରଭୃତି ଚାସ୍ତୁ ମେ।
ଯଥୋକ୍ତଂ ଭବତାମେତଦ୍ବଚୋ ମେ ପ୍ରତିପାଦିତମ୍॥ 1-34-22 (1653)
ସୌତିରୁବାଚ। 1-34-23x (160)
ତତଃ ସ୍ନାତୁଂ ଗତାଃ ସର୍ପାଃ ପ୍ରତ୍ଯୁକ୍ତ୍ବା ତଂ ତଥେତ୍ଯୁତ।
ଶକ୍ରୋଽପ୍ଯମୃତମାକ୍ଷିପ୍ଯ ଜଗାମ ତ୍ରିଦିବଂ ପୁନଃ॥ 1-34-23 (1654)
ଅଥାଗତାସ୍ତମୁଦ୍ଦେଶଂ ସର୍ପାଃ ସୋମାର୍ଥିନସ୍ତଦା।
ସ୍ନାତାଶ୍ଚ କୁତଜପ୍ଯାଶ୍ଚ ପ୍ରହୃଷ୍ଟାଃ କୃତମଙ୍ଗଲାଃ॥ 1-34-24 (1655)
`ପରସ୍ପରକୃତଦ୍ବେଷାଃ ସୋମପ୍ରାଶନକର୍ମଣି।
ଅହଂ ପୂର୍ବମହଂ ପୂର୍ବମିତ୍ଯୁକ୍ତ୍ବା ତେ ସମାଦ୍ରବନ୍॥' 1-34-25 (1656)
ଯତ୍ରୈତଦମୃତଂ ଚାପି ସ୍ଥାପିତଂ କୁଶସଂସ୍ତରେ।
ତଦ୍ବିଜ୍ଞାଯ ହୃତଂ ସର୍ପାଃ ପ୍ରତିମାଯାକୃତଂ ଚ ତତ୍॥ 1-34-26 (1657)
ସୋମସ୍ଥାନମିଦଂ ଚେତି ଦର୍ଭାଂସ୍ତେ ଲିଲିହୁସ୍ତଦା।
ତତୋ ଦ୍ବିଧା କୃତା ଜିହ୍ବାଃ ସର୍ପାଣାଂ ତେନ କର୍ମଣା॥ 1-34-27 (1658)
ଅଭବଂଶ୍ଚାମୃତସ୍ପର୍ଶାଦ୍ଦର୍ଭାସ୍ତେଽଥ ପବିତ୍ରିଣଃ।
`ନାଗାଶ୍ଚ ବଞ୍ଚିତା ଭୂତ୍ବା ବିସୃଜ୍ଯ ବିନତାଂ ତତଃ।
ବିଷାଦମଗମଂସ୍ତୀବ୍ରଂ ଗରୁଡସ୍ଯ ବଲାତ୍ପ୍ରଭୋ॥' 1-34-28 (1659)
ଏବଂ ତଦମୃତଂ ତେନ ହୃତମାହୃତମେବ ଚ।
ଦ୍ବିଜିହ୍ବାଶ୍ଚ କୃତାଃ ସର୍ପା ଗରୁଡେନ ମହାତ୍ମନା॥ 1-34-29 (1660)
ତତଃ ସୁପର୍ଣଃ ପରମପ୍ରହର୍ଷବା-
ନ୍ବିହୃତ୍ଯ ମାତ୍ରା ସହ ତତ୍ର କାନନେ।
ଭୁଜଂଗଭକ୍ଷଃ ପରମାର୍ଚିତଃ ଖଗୈ-
ରହୀନକୀର୍ତିର୍ବିନତାମନନ୍ଦଯତ୍॥ 1-34-30 (1661)
ଇମାଂ କଥାଂ ଯଃ ଶୃଣୁଯାନ୍ନରଃ ସଦା
ପଠେତ ବା ଦ୍ବିଜଗଣମୁଖ୍ଯସଂସଦି।
ଅସଂଶଯଂ ତ୍ରିଦିବମିଯାତ୍ସ ପୁଣ୍ଯଭା-
ଙ୍ମହାତ୍ମନଃ ପତଗପତେଃ ପ୍ରକୀର୍ତନାତ୍॥ ॥ 1-34-31 (1662)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ଚତୁସ୍ତ୍ରିଂଶୋଽଧ୍ଯାଯଃ॥ 34 ॥
Mahabharata - Adi Parva - Chapter Footnotes
1-34-6 ସଂପିଣ୍ଡିତାନ୍ ଏକୀକୃତାନ୍। ସ୍ଥାଣୁ ସ୍ଥାବରମ୍॥ 1-34-7 କିରୀଟୀ ଇନ୍ଦ୍ରଃ॥ 1-34-13 ଉପଧିକୃତଂ ଛଲକୃତମ୍॥ 1-34-14 ଈଶଃ ସମର୍ଥଃ। ଅର୍ଥିତାଂ ଅନ୍ଯସ୍ମୈ ଅମୃତଂ ନ ଦେଯମିତ୍ଯର୍ଥେପ୍ସୁତାମ୍॥ 1-34-17 ଅନୁଭାଷ୍ଯ ହେ ଗରୁଡେତି ସଂବୋଧ୍ଯ॥ 1-34-20 ଇଦଂ ବଃ ଯୁଷ୍ମାକମମୃତଂ ନ ତୁ ମମ॥ 1-34-26 ପ୍ରତିମାଯାକୃତଂ ଯଥା ଦାସ୍ଯଂ ମାଯାକୃତଂ ତଥା ଅମୃତଦାନମପି ଇତରେଣ କୃତମିତ୍ଯର୍ଥଃ॥ ଚତୁସ୍ତ୍ରିଂଶୋଽଧ୍ଯାଯଃ॥ 34 ॥ଆଦିପର୍ବ - ଅଧ୍ଯାଯ 035
॥ ଶ୍ରୀଃ ॥
1.35. ଅଧ୍ଯାଯଃ 035
Mahabharata - Adi Parva - Chapter Topics
ସର୍ପନାମକଥନମ୍॥ 1 ॥Mahabharata - Adi Parva - Chapter Text
1-35-0 (1663)
ଶୌନକ ଉବାଚ। 1-35-0x (161)
ଭୁଜଙ୍ଗମାନାଂ ଶାପସ୍ଯ ମାତ୍ରା ଚୈବ ସୁତେନ ଚ।
ବିନତାଯାସ୍ତ୍ବଯା ପ୍ରୋକ୍ତଂ କାରଣଂ ସୂତନନ୍ଦନ॥ 1-35-1 (1664)
ବରପ୍ରଦାନଂ ଭର୍ତ୍ରା ଚ କଦ୍ରୂବିନତଯୋସ୍ତଥା।
ନାମନୀ ଚୈବ ତେ ପ୍ରୋକ୍ତେ ପକ୍ଷିଣୋର୍ବୈନତେଯଯୋଃ॥ 1-35-2 (1665)
ପନ୍ନଗାନାଂ ତୁ ନାମାନି ନ କୀତର୍ଯସି ସୂତଜ।
ପ୍ରାଧାନ୍ଯେନାପି ନାମାନି ଶ୍ରୋତୁମିଚ୍ଛାମହେ ବଯମ୍॥ 1-35-3 (1666)
ସୌତିରୁବାଚ। 1-35-4x (162)
ବହୁତ୍ବାନ୍ନାମଧେଯାନି ପନ୍ନଗାନାଂ ତପୋଧନ।
ନ କୀର୍ତଯିଷ୍ଯେ ସର୍ବେଷାଂ ପ୍ରାଧାନ୍ଯେନ ତୁ ମେ ଶୃଣୁ॥ 1-35-4 (1667)
ଶେଷଃ ପ୍ରଥମତୋ ଜାତୋ ବାସୁକିସ୍ତଦନନ୍ତରମ୍।
ଐରାବତସ୍ତକ୍ଷକଶ୍ଚ କର୍କୋଟକଧନଞ୍ଜଯୌ॥ 1-35-5 (1668)
କାଲିଯୋ ମଣିନାଗଶ୍ଚ ନାଗଶ୍ଚାପୂରଣସ୍ତଥା।
ନାଗସ୍ତଥା ପିଞ୍ଜରକ ଏଲାପତ୍ରୋଽଥ ବାମନଃ॥ 1-35-6 (1669)
ନୀଲାନୀଲୌ ତଥା ନାଗୌ କଲ୍ମାଷଶବଲୌ ତଥା।
ଆର୍ଯକଶ୍ଚୋଗ୍ରକଶ୍ଚୈବ ନାଗଃ କଲଶପୋତକଃ॥ 1-35-7 (1670)
ସୁମନାଖ୍ଯୋ ଦଧିମୁଖସ୍ତଥା ବିମଲପିଣ୍ଡକଃ।
ଆପ୍ତଃ କୋଟରକଶ୍ଚୈବ ଶଙ୍ଖୋ ବାଲିଶିଖସ୍ତଥା॥ 1-35-8 (1671)
ନିଷ୍ଟାନକୋ ହେମଗୁହୋ ନହୁଷଃ ପିଙ୍ଗଲସ୍ତଥା।
ବାହ୍ଯକର୍ଣୋ ହସ୍ତିପଦସ୍ତଥା ମୁଦ୍ଗରପିଣ୍ଡକଃ॥ 1-35-9 (1672)
କମ୍ବଲାଶ୍ବତରୌ ଚାପି ନାଗଃ କାଲୀଯକସ୍ତଥା।
ବୃତ୍ତସଂବର୍ତକୌ ନାଗୌ ଦ୍ବୌ ଚ ପଦ୍ମାବିତି ଶ୍ରୁତୌ॥ 1-35-10 (1673)
ନାଗଃ ଶଙ୍ଖମୁଖଶ୍ଚୈବ ତଥା କୂଷ୍ମାଣ୍ଡକୋଽପରଃ।
କ୍ଷେମକଶ୍ଚ ତଥା ନାଗୋ ନାଗଃ ପିଣ୍ଡାରକସ୍ତଥା॥ 1-35-11 (1674)
କରବୀରଃ ପୁଷ୍ପଦଂଷ୍ଟ୍ରୋ ବିଲ୍ବକୋ ବିଲ୍ବପାଣ୍ଡୁରଃ।
ମୂଷକାଦଃ ଶଙ୍ଖଶିରାଃ ପୂର୍ଣଭଦ୍ରୋ ହରିଦ୍ରକଃ॥ 1-35-12 (1675)
ଅପରାଜିତୋ ଜ୍ଯୋତିକଶ୍ଚ ପନ୍ନଗଃ ଶ୍ରୀବହସ୍ତଥା।
କୌରବ୍ଯୋ ଧୃତରାଷ୍ଟ୍ରଶ୍ଚ ଶଙ୍ଖପିଣ୍ଡଶ୍ଚ ବୀର୍ଯବାନ୍॥ 1-35-13 (1676)
ବିରଜାଶ୍ଚ ସୁବାହୁଶ୍ଚ ଶାଲିପିଣ୍ଡଶ୍ଚ ବୀର୍ଯବାନ୍।
ହସ୍ତିପିଣ୍ଡଃ ପିଠରକଃ ସୁମୁଖଃ କୌଣପାଶନଃ॥ 1-35-14 (1677)
କୁଠର଼ଃ କୁଞ୍ଜରଶ୍ଚୈବ ତଥା ନାଗଃ ପ୍ରଭାକରଃ।
କୁମୁଦଃ କୁମୁଦାକ୍ଷଶ୍ଚ ତିତ୍ତିରିର୍ହଲିକସ୍ତଥା॥ 1-35-15 (1678)
କର୍ଦମଶ୍ଚ ମହାନାଗୋ ନାଗଶ୍ଚ ବହୁମୂଲକଃ।
କର୍କରାକର୍କରୌ ନାଗୌ କୁଣ୍ଡୋଦରମହୋଦରୌ॥ 1-35-16 (1679)
ଏତେ ପ୍ରାଧାନ୍ଯତୋ ନାଗାଃ କୀର୍ତିତା ଦ୍ବିଜସତ୍ତମ।
ବହୁତ୍ବାନ୍ନାମଧେଯାନାମିତରେ ନାନୁକୀର୍ତିତାଃ॥ 1-35-17 (1680)
ଏତେଷାଂ ପ୍ରସବୋ ଯଶ୍ଚ ପ୍ରସବସ୍ଯ ଚ ସଂତତିଃ।
ଅସଙ୍ଖ୍ଯେଯେତି ମତ୍ତ୍ବା ତାନ୍ନ ବ୍ରବୀମି ତପୋଧନ॥ 1-35-18 (1681)
ବହୂନୀହ ସହସ୍ରାଣି ପ୍ରଯୁତାନ୍ଯର୍ବୁଦାନି ଚ।
ଅଶକ୍ଯାନ୍ଯେବ ସଙ୍ଖ୍ଯାତୁଂ ପନ୍ନଗାନାଂ ତପୋଧନ॥ ॥ 1-35-19 (1682)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ପଞ୍ଚତ୍ରିଂଶୋଽଧ୍ଯାଯଃ॥ 35 ॥
Mahabharata - Adi Parva - Chapter Footnotes
1-35-1 ଭୁଜଙ୍ଗମାନାଂ ମାତ୍ରା ଶାପୋ ଦତ୍ତସ୍ତସ୍ଯ କାରଣଂ ଅବଜ୍ଞଯା ମାତୁରାଜ୍ଞାକାରିତ୍ବଂ। ବିନତାଯାଃ ସୁତେନ ଅରୁଣେନ ଶାପୋ ଦତ୍ତସ୍ତସ୍ଯ କାରଣଂ ସପତ୍ନୀର୍ଷ୍ଯା॥ ପଞ୍ଚତ୍ରିଂଶୋଽଧ୍ଯାଯଃ॥ 35 ॥ଆଦିପର୍ବ - ଅଧ୍ଯାଯ 036
॥ ଶ୍ରୀଃ ॥
1.36. ଅଧ୍ଯାଯଃ 036
Mahabharata - Adi Parva - Chapter Topics
ଶେଷସ୍ଯ ବ୍ରହ୍ମଣୋ ବରଲାଭଃ ପୃଥ୍ବୀଧାରଣାଜ୍ଞା ଚ॥ 1 ॥Mahabharata - Adi Parva - Chapter Text
1-36-0 (1683)
ଶୌନ ଉବାଚ। 1-36-0x (163)
ଆଖ୍ଯାତା ଭୁଜଗାସ୍ତାତ ବୀର୍ଯବନ୍ତୋ ଦୁରାସଦାଃ।
ଶାପଂ ତଂ ତେଽଭିବିଜ୍ଞାଯ କୃତବନ୍ତଃ କିମୁତ୍ତରମ୍॥ 1-36-1 (1684)
ସୌତିରୁବାଚ। 1-36-2x (164)
ତେଷାଂ ତୁ ଭଗବାଞ୍ଛେଷଃ କଦ୍ରୂଂ ତ୍ଯକ୍ତ୍ବା ମହାଯଶାଃ।
ଉଗ୍ରଂ ତପଃ ସମାତସ୍ଥେ ବାଯୁଭକ୍ଷୋ ଯତବ୍ରତଃ॥ 1-36-2 (1685)
ଗନ୍ଧମାଦନମାସାଦ୍ଯ ବଦର୍ଯାଂ ଚ ତପୋରତଃ।
ଗୋକର୍ଣେ ପୁଷ୍କରାରଣ୍ଯେ ତଥା ହିମବତସ୍ତଟେ॥ 1-36-3 (1686)
ତେଷୁ ତେଷୁ ଚ ପୁଣ୍ଯେଷୁ ତୀର୍ଥେଷ୍ବାଯତନେଷୁ ଚ।
ଏକାନ୍ତଶୀଲୋ ନିଯତଃ ସତତଂ ବିଜିତେନ୍ଦ୍ରିଯଃ॥ 1-36-4 (1687)
ତପ୍ଯମାନଂ ତପୋ ଘୋରଂ ତଂ ଦଦର୍ଶ ପିତାମହଃ।
ସଂଶୁଷ୍କମାଂସତ୍ବକ୍ସ୍ନାଯୁଂ ଜଟାଚୀରଧରଂ ମୁନିମ୍॥ 1-36-5 (1688)
ତମବ୍ରବୀତ୍ସତ୍ଯଧୃତିଂ ତପ୍ଯମାନଂ ପିତାମହଃ।
କିମିଦଂ କୁରୁଷେ ଶେଷ ପ୍ରଜାନାଂ ସ୍ବସ୍ତି ବୈ କୁରୁ॥ 1-36-6 (1689)
ତ୍ବଂ ହି ତୀବ୍ରେଣ ତପସା ପ୍ରଜାସ୍ତାପଯସେଽନଘ।
ବ୍ରୂହି କାମଂ ଚ ମେ ଶେଷ ଯସ୍ତେ ହୃଦି ବ୍ଯବସ୍ଥିତଃ॥ 1-36-7 (1690)
ଶେଷ ଉବାଚ। 1-36-8x (165)
ସୋଦର୍ଯା ମମ ସର୍ବେ ହି ଭ୍ରାତରୋ ମନ୍ଦଚେତସଃ।
ସହ ତୈର୍ନୋତ୍ସହେ ବସ୍ତୁଂ ତଦ୍ଭବାନନୁମନ୍ଯତାମ୍॥ 1-36-8 (1691)
ଅଭ୍ଯସୂଯନ୍ତି ସତତଂ ପରସ୍ପରମମିତ୍ରବତ୍।
ତତୋଽହଂ ତପ ଆତିଷ୍ଠେ ନୈତନ୍ପଶ୍ଯେଯମିତ୍ଯୁତ॥ 1-36-9 (1692)
ନ ମର୍ଷଯନ୍ତି ସସୁତାଂ ସତତଂ ବିନତାଂ ଚ ତେ।
ଅସ୍ମାକଂ ଚାପରୋ ଭ୍ରାତା ବୈନତେଯୋଽନ୍ତରିକ୍ଷଗଃ॥ 1-36-10 (1693)
ତଂ ଚ ଦ୍ବିଷନ୍ତି ସତତଂ ସ ଚାପି ବଲବତ୍ତରଃ।
ବରପ୍ରଦାନାତ୍ସ ପିତୁଃ କଶ୍ଯପସ୍ଯ ମହାତ୍ମନଃ॥ 1-36-11 (1694)
ସୋଽହଂ ତପଃ ସମାସ୍ଥାଯ ମୋକ୍ଷ୍ଯାମୀଦଂ କଲେବରମ୍।
କଥଂ ମେ ପ୍ରେତ୍ଯଭାବେଽପି ନ ତୈଃ ସ୍ଯାତ୍ସହ ସଙ୍ଗମଃ॥ 1-36-12 (1695)
ତମେବଂ ବାଦିନଂ ଶେଷଂ ପିତାମହ ଉବାଚ ହ।
ଜାନାମି ଶେଷ ସର୍ବେଷାଂ ଭ୍ରାତୄଣାଂ ତେ ବିଚେଷ୍ଟିତମ୍॥ 1-36-13 (1696)
ମାତୁଶ୍ଚାପ୍ଯପରାଧାଦ୍ବୈ ଭ୍ରାତୄଣାଂ ତେ ମହଦ୍ଭଯମ୍।
କୃତୋଽତ୍ର ପରିହାରଶ୍ଚ ପୂର୍ବମେବ ଭୁଜଙ୍ଗମ॥ 1-36-14 (1697)
ଭ୍ରାତୄଣାଂ ତବ ସର୍ବେଷାଂ ନ ଶୋକଂ କର୍ତୁମର୍ହସି।
ବୃଣୀଷ୍ବ ଚ ବରଂ ମତ୍ତଃ ଶେଷ ଯତ୍ତେଽଭିକାଙ୍କ୍ଷିତମ୍॥ 1-36-15 (1698)
ଦାସ୍ଯାମି ହି ବରଂ ତେଽଦ୍ଯ ପ୍ରୀତିର୍ମେ ପରମା ତ୍ବଯି।
ଦିଷ୍ଟ୍ଯା ବୁଦ୍ଧିଶ୍ଚ ତେ ଧର୍ମେ ନିବିଷ୍ଟା ପନ୍ନଗୋତ୍ତମ।
ଭୂଯୋ ଭୂଯଶ୍ଚ ତେ ବୁଦ୍ଧିର୍ଧର୍ମେ ଭବତୁ ସୁସ୍ଥିରା॥ 1-36-16 (1699)
ଶେଷ ଉବାଚ। 1-36-16x (166)
ଏଷ ଏବ ବରୋ ଦେବ କାଙ୍କ୍ଷିତୋ ମେ ପିତାମହ।
ଧର୍ମେ ମେ ରମତାଂ ବୁଦ୍ଧିଃ ଶମେ ତପସି ଚେଶ୍ବର॥ 1-36-17 (1700)
ବ୍ରହ୍ମୋବାଚ। 1-36-18x (167)
ପ୍ରୀତୋଽସ୍ମ୍ଯନେନ ତେ ଶେଷ ଦମେନ ଚ ଶମେନ ଚ।
ତ୍ବଯା ତ୍ବିଦଂ ବଚଃ କାର୍ଯଂ ମନ୍ନିଯୋଗାତ୍ପ୍ରଜାହିତମ୍॥ 1-36-18 (1701)
ଇମାଂ ମହୀଂ ଶୈଲବନୋପପନ୍ନାଂ
ସସାଗରଗ୍ରାମବିହାରପତ୍ତନାମ୍
ତ୍ବଂ ଶେଷ ସମ୍ଯକ୍ ଚଲିତାଂ ଯଥାବ-
ତ୍ସଂଗୃହ୍ଯ ତିଷ୍ଠସ୍ବ ଯଥାଽଚଲା ସ୍ଯାତ୍॥ 1-36-19 (1702)
ଶେଷ ଉବାଚ। 1-36-20x (168)
ଯଥାଽଽହ ଦେବୋ ବରଦଃ ପ୍ରଜାପତି-
ର୍ମହୀପତିର୍ଭୂତପତିର୍ଜଗତ୍ପତିଃ।
ତଥା ମହୀଂ ଧାରଯିତାଽସ୍ମି ନିଶ୍ଚଲାଂ
ପ୍ରଯଚ୍ଛତାଂ ମେ ବିବରଂ ପ୍ରଜାପତେ॥ 1-36-20 (1703)
ବ୍ରହ୍ମୋବାଚ। 1-36-21x (169)
ଅଧୋ ମହୀଂ ଗଚ୍ଛ ଭୁଜଙ୍ଗମୋତ୍ତମ
ସ୍ବଯଂ ତବୈଷା ବିବରଂ ପ୍ରଦାସ୍ଯତି।
ଇମାଂ ଧରାଂ ଧାରଯତା ତ୍ବଯା ହି ମେ
ମହତ୍ପ୍ରିଯଂ ଶେଷ କୃତଂ ଭବିଷ୍ଯତି॥ 1-36-21 (1704)
ସୌତିରୁବାଚ। 1-36-22x (170)
ତଥୈବ କୃତ୍ବା ବିବରଂ ପ୍ରବିଶ୍ଯ ସ
ପ୍ରଭୁର୍ଭୁବୋ ଭୁଜଗବରାଗ୍ରଜଃ ସ୍ଥିତଃ।
ବିଭର୍ତି ଦେବୀଂ ଶିରସା ମହୀମିମାଂ
ସମୁଦ୍ରନେମିଂ ପରିଗୃହ୍ଯ ସର୍ବତଃ॥ 1-36-22 (1705)
ବ୍ରହ୍ମୋବାଚ। 1-36-23x (171)
ଶେଷୋଽସି ନାଗୋତ୍ତମ ଧର୍ମଦେବୋ
ମହୀମିମାଂ ଧାରଯସେ ଯଦେକଃ।
ଅନନ୍ତଭୋଗୈଃ ପରିଗୃହ୍ଯ ସର୍ବାଂ
ଯଥାହମେବଂ ବଲଭିଦ୍ଯଥା ବା॥ 1-36-23 (1706)
ସୌତିରୁବାଚ। 1-36-24x (172)
ଅଧୋ ଭୂମୌ ବସତ୍ଯେବଂ ନାଗୋଽନନ୍ତଃ ପ୍ରତାପବାନ୍।
ଧାସ୍ଯନ୍ବସୁଧାମେକଃ ଶାସନାଦ୍ବ୍ରହ୍ମଣୋ ବିଭୋଃ॥ 1-36-24 (1707)
ସୁପର୍ଣଂ ଚ ସହାଯଂ ବୈ ଭଗବାନମରୋତ୍ତମଃ।
ପ୍ରାଦାଦନନ୍ତାଯ ତଦା ବୈନତେଯଂ ପିତାମହଃ॥ 1-36-25 (1708)
`ଅନନ୍ତେଽଭିପ୍ରଯାତେ ତୁ ବାସୁକିଃ ସ ମହାବଲଃ।
ଅଭ୍ଯଷିଚ୍ଯତ ନାଗୈସ୍ତୁ ଦୈବତୈରିବ ବାସବଃ॥' ॥ 1-36-26 (1709)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ଷଟ୍ତ୍ରିଂଶୋଽଧ୍ଯାଯଃ॥ 37 ॥
Mahabharata - Adi Parva - Chapter Footnotes
1-36-1 ଉତ୍ତରଂ ଅନନ୍ତରମ୍॥ 1-36-23 ଅନନ୍ତଭୋଗୈଃ ଅନନ୍ତଫଣାଭିଃ॥ ଷଟ୍ତ୍ରିଂଶୋଽଧ୍ଯାଯଃ॥ 36 ॥ଆଦିପର୍ବ - ଅଧ୍ଯାଯ 037
॥ ଶ୍ରୀଃ ॥
1.37. ଅଧ୍ଯାଯଃ 037
Mahabharata - Adi Parva - Chapter Topics
ମାତୃଶାପପରିହାରାର୍ଥଂ ସର୍ପାଣାଂ ମନ୍ତ୍ରାଲୋଚନମ୍॥ 1 ॥Mahabharata - Adi Parva - Chapter Text
1-37-0 (1710)
ସୌତିରୁବାଚ। 1-37-0x (173)
ମାତୁଃ ସକାଶାତ୍ତଂ ଶାପଂ ଶ୍ରୁତ୍ବା ବୈ ପନ୍ନଗୋତ୍ତମଃ।
ବାସୁକିଶ୍ଚିନ୍ତଯାମାସ ଶାପୋଽଯଂ ନ ଭବେତ୍କଥମ୍॥ 1-37-1 (1711)
ତତଃ ସ ମନ୍ତ୍ରଯାମାସ ଭ୍ରାତୃଭିଃ ସହ ସର୍ବଶଃ।
ଐରାବତପ୍ରଭୃତିଭିଃ ସର୍ବୈର୍ଧର୍ମପରାଯଣୈଃ॥ 1-37-2 (1712)
ବାସୁକିରୁବାଚ। 1-37-3x (174)
ଅଯଂ ଶାପୋ ଯଥୋଦ୍ଦିଷ୍ଟୋ ବିଦିତଂ ବସ୍ତଥାଽନଘାଃ।
ତସ୍ଯ ଶାପସ୍ଯ ମୋକ୍ଷାର୍ଥଂ ମନ୍ତ୍ରଯିତ୍ବା ଯତାମହେ॥ 1-37-3 (1713)
ସର୍ବେଷାମେବ ଶାପାନାଂ ପ୍ରତିଘାତୋ ହି ବିଦ୍ଯତେ।
ନ ତୁ ମାତ୍ରାଽଭିଶପ୍ତାନାଂ ମୋକ୍ଷଃ କ୍ବଚନ ବିଦ୍ଯତେ॥ 1-37-4 (1714)
ଅବ୍ଯଯସ୍ଯାପ୍ରମେଯସ୍ଯ ସତ୍ଯସ୍ଯ ଚ ତଥାଗ୍ରତଃ।
ଶପ୍ତା ଇତ୍ଯେବ ମେ ଶ୍ରୁତ୍ବା ଜାଯତେ ହୃଦି ବେପଥୁଃ॥ 1-37-5 (1715)
ନୂନଂ ସର୍ବବିନାଶୋଽଯମସ୍ମାକଂ ସମୁପାଗତଃ।
`ଶାପଃ ସୃଷ୍ଟୋ ମହାଘୋରୋ ମାତ୍ରା ଖଲ୍ବବିନୀତଯା।
ନ ହ୍ଯେତାଂ ସୋଽବ୍ଯଯୋ ଦେବଃ ଶପତ୍ନୀଂ ପ୍ରତ୍ଯଷେଧଯତ୍॥ 1-37-6 (1716)
ତସ୍ମାତ୍ସଂମନ୍ତ୍ରଯାମୋଽଦ୍ଯ ଭୁଜଙ୍ଗାନାମନାମଯମ୍।
ଯଥା ଭବେଦ୍ଧି ସର୍ବେଷାଂ ମା ନଃ କାଲୋଽତ୍ଯଗାଦଯମ୍॥ 1-37-7 (1717)
ସର୍ବ ଏବ ହି ନସ୍ତାବଦ୍ବୁଦ୍ଧିମନ୍ତୋ ବିଚକ୍ଷଣାଃ।
ଅପି ମନ୍ତ୍ରଯମାଣା ହି ହେତୁଂ ପଶ୍ଯାମ ମୋକ୍ଷଣେ॥ 1-37-8 (1718)
ଯଥା ନଷ୍ଟଂ ପୁରା ଦେବା ଗୂଢମଗ୍ନିଂ ଗୁହାଗତମ୍।
ଯଥା ସ ଯଜ୍ଞୋ ନ ଭବେଦ୍ଯଥା ବାଽପି ପରାଭବଃ।
ଜନମେଜଯସ୍ଯ ସର୍ପାଣାଂ ବିନାଶକରଣାଯ ବୈ॥ 1-37-9 (1719)
ସୌତିରୁବାଚ। 1-37-10x (175)
ତଥେତ୍ଯୁକ୍ତ୍ବା ତତଃ ସର୍ବେ କାଦ୍ରବେଯାଃ ସମାଗତାଃ।
ସମଯଂ ଚକିରେ ତତ୍ର ମନ୍ତ୍ରବୁଦ୍ଧିବିଶାରଦାଃ॥ 1-37-10 (1720)
ଏକେ ତତ୍ରାବ୍ରୁବନ୍ନାଗା ବଯଂ ଭୂତ୍ବା ଦ୍ବିଜର୍ଷଭାଃ।
ଜନମେଜଯଂ ତୁ ଭିକ୍ଷାମୋ ଯଜ୍ଞସ୍ତେ ନ ଭବେଦିତି॥ 1-37-11 (1721)
ଅପରେ ତ୍ବବ୍ରୁବନ୍ନାଗାସ୍ତତ୍ର ପଣ୍ଡିତମାନିନଃ।
ମନ୍ତ୍ରିଣୋଽସ୍ଯ ବଯଂ ସର୍ବେ ଭବିଷ୍ଯାମଃ ସୁସଂମତାଃ॥ 1-37-12 (1722)
ସ ନଃ ପ୍ରକ୍ଷ୍ଯତି ସର୍ବେଷୁ କାର୍ଯେଷ୍ବର୍ଥବିନିଶ୍ଚଯମ୍।
ତତ୍ର ବୁଦ୍ଧିଂ ପ୍ରଦାସ୍ଯାମୋ ଯଥା ଯଜ୍ଞୋ ନିବର୍ତ୍ସ୍ଯତି॥ 1-37-13 (1723)
ସ ନୋ ବହୁମତାନ୍ରାଜା ବୁଦ୍ଧ୍ଯା ବୁଦ୍ଧିମତାଂ ବରଃ।
ଯଜ୍ଞାର୍ଥଂ ପ୍ରକ୍ଷ୍ଯତି ବ୍ଯକ୍ତଂ ନେତି ବକ୍ଷ୍ଯାମହେ ବଯମ୍॥ 1-37-14 (1724)
ଦର୍ଶଯନ୍ତୋ ବହୂନ୍ଦୋଷାନ୍ପ୍ରେତ୍ଯ ଚେହ ଚ ଦାରୁଣାନ୍।
ହେତୁଭିଃ କାରଣୈଶ୍ଚୈବ ଯଥା ଯଜ୍ଞୋ ଭବେନ୍ନ ସଃ॥ 1-37-15 (1725)
ଅଥବା ଯ ଉପାଧ୍ଯାଯଃ କ୍ରତୋସ୍ତସ୍ଯ ଭବିଷ୍ଯତି।
ସର୍ପସତ୍ରବିଧାନଜ୍ଞୋ ରାଜକାର୍ଯହିତେ ରତଃ॥ 1-37-16 (1726)
ତଂ ଗତ୍ବା ଦଶତାଂ କଶ୍ଚିଦ୍ଭୁଜଙ୍ଗଃ ସ ମରିଷ୍ଯତି।
ତସ୍ମିନ୍ମୃତେ ଯଜ୍ଞକାରେ କ୍ରତୁଃ ସ ନ ଭବିଷ୍ଯତି॥ 1-37-17 (1727)
ଯେ ଚାନ୍ଯେ ସର୍ପସତ୍ରଜ୍ଞା ଭବିଷ୍ଯନ୍ତ୍ଯସ୍ଯ ଚର୍ତ୍ବିଜଃ।
ତାଂଶ୍ଚ ସର୍ବାନ୍ଦଶିଷ୍ଯାମଃ କୃତମେବଂ ଭବିଷ୍ଯତି॥ 1-37-18 (1728)
ଅପରେ ତ୍ବବ୍ରୁବନ୍ନାଗା ଧର୍ମାତ୍ମାନୋ ଦଯାଲବଃ।
ଅବୁଦ୍ଧିରେଷା ଭବତାଂ ବ୍ରହ୍ମହତ୍ଯା ନ ଶୋଭନମ୍॥ 1-37-19 (1729)
ସମ୍ଯକ୍ସଦ୍ଧର୍ମମୂଲା ବୈ ବ୍ଯସନେ ଶାନ୍ତିରୁତ୍ତମା।
ଅଧର୍ମୋତ୍ତରତା ନାମ କୃତ୍ସ୍ନଂ ବ୍ଯାପାଦଯେଜ୍ଜଗତ୍॥ 1-37-20 (1730)
ଅପରେ ତ୍ବବ୍ରୁବନ୍ନାଗାଃ ସମିଦ୍ଧଂ ଜାତବେଦସମ୍।
ବର୍ଷୈର୍ନିର୍ବାପଯିଷ୍ଯାମୋ ମେଘା ଭୂତ୍ବା ସବିଦ୍ଯୁତଃ॥ 1-37-21 (1731)
ସ୍ରୁଗ୍ଭାଣ୍ଡଂ ନିଶି ଗତ୍ବା ଚ ଅପରେ ଭୁଜଗୋତ୍ତମାଃ।
ପ୍ରମତ୍ତାନାଂ ହରନ୍ତ୍ବାଶୁ ବିଘ୍ନ ଏବଂ ଭବିଷ୍ଯତି॥ 1-37-22 (1732)
ଯଜ୍ଞେ ବା ଭୁଜଗାସ୍ତସ୍ମିଞ୍ଶତଶୋଽଥ ସହସ୍ରଶଃ।
ଜନାନ୍ଦଶନ୍ତୁ ବୈ ସର୍ବେ ନୈବଂ ତ୍ରାସୋ ଭବିଷ୍ଯତି॥ 1-37-23 (1733)
ଅଥବା ସଂସ୍କୃତଂ ଭୋଜ୍ଯଂ ଦୂଷଯନ୍ତୁ ଭୁଜଙ୍ଗମାଃ।
ସ୍ବେନ ମୂତ୍ରପୁରୀଷେଣ ସର୍ବଭୋଜ୍ଯବିନାଶିନା॥ 1-37-24 (1734)
ଅପରେ ତ୍ବବ୍ରୁବଂସ୍ତତ୍ର ଋତ୍ବିଜୋଽସ୍ଯ ଭବାମହେ।
ଯଜ୍ଞବିଘ୍ନଂ କରିଷ୍ଯାମୋ ଦକ୍ଷିଣା ଦୀଯତାମିତି॥ 1-37-25 (1735)
ବଶ୍ଯତାଂ ଚ ଗତୋଽସୌ ନଃ କରିଷ୍ଯତି ଯଥେପ୍ସିତମ୍।
ଅପରେ ତ୍ବବ୍ରୁବଂସ୍ତତ୍ର ଜଲେ ପ୍ରକ୍ରୀଡିତଂ ନୃପମ୍॥ 1-37-26 (1736)
ଗୃହମାନୀଯ ବଧ୍ନୀମଃ କ୍ରତୁରେବଂ ଭବେନ୍ନ ସଃ।
ଅପରେ ତ୍ବବ୍ରୁବଂସ୍ତତ୍ର ନାଗାଃ ପଣ୍ଡିତମାନିନଃ॥ 1-37-27 (1737)
ଦଶାମସ୍ତଂ ପ୍ରଗୃହ୍ଯାଶୁ କୃତପେବଂ ଭବିଷ୍ଯତି।
ଛିନ୍ନଂ ମୂଲମନର୍ଥାନାଂ ମୃତେ ତସ୍ମିନ୍ଭବିଷ୍ଯତି॥ 1-37-28 (1738)
ଏଷା ନୋ ନୈଷ୍ଠିକୀ ବୁଦ୍ଧିଃ ସର୍ବେଷାମୀକ୍ଷଣଶ୍ରବଃ।
ଅଥ ଯନ୍ମନ୍ଯସେ ରାଜନ୍ଦ୍ରୁତଂ ତତ୍ସଂବିଧୀଯତାମ୍॥ 1-37-29 (1739)
ଇତ୍ଯୁକ୍ତ୍ବା ସମୁଦୈକ୍ଷନ୍ତ ବାସୁକିଂ ପନ୍ନଗୋତ୍ତମମ୍।
ବାସୁକିଶ୍ଚାପି ସଂଚିନ୍ତ୍ଯ ତାନୁବାଚ ଭୁଜଙ୍ଗମାନ୍॥ 1-37-30 (1740)
ନୈଷା ବୋ ନୈଷ୍ଠିକୀ ବୁଦ୍ଧିର୍ମତା କର୍ତୁଂ ଭୁଜଙ୍ଗମାଃ।
ସର୍ବେଷାମେବ ମେ ବୁଦ୍ଧିଃ ପନ୍ନଗାନାଂ ନ ରୋଚତେ॥ 1-37-31 (1741)
କିଂ ତତ୍ର ସଂବିଧାତବ୍ଯଂ ଭବତାଂ ସ୍ଯାଦ୍ଧିତଂ ତୁ ଯତ୍।
ଶ୍ରେଯଃ ପ୍ରସାଦନଂ ମନ୍ଯେ କଶ୍ଯପଶ୍ଯ ମହାତ୍ମନଃ॥ 1-37-32 (1742)
ଜ୍ଞାତିବର୍ଗସ୍ଯ ସୌହାର୍ଦାଦାତ୍ମନଶ୍ଚ ଭୁଜଙ୍ଗମାଃ।
ନ ଚ ଜାନାତି ମେ ବୁଦ୍ଧିଃ କିଂଚିତ୍କର୍ତୁଂ ବଚୋ ହିବଃ॥ 1-37-33 (1743)
ମଯା ହୀଦଂ ବିଧାତବ୍ଯଂ ଭବତାଂ ଯଦ୍ଧିତଂ ଭବେତ୍।
ଅନେନାହଂ ଭୃଶଂ ତପ୍ଯେ ଗୁଣଦୋଷୌ ମଦାଶ୍ରଯୌ॥ ॥ 1-37-34 (1744)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ସପ୍ତତ୍ରିଂଶୋଽଧ୍ଯାଯଃ॥ 37 ॥
Mahabharata - Adi Parva - Chapter Footnotes
1-37-5 ସତ୍ଯସ୍ଯ ସତ୍ଯଲୋକାଧିପତେର୍ବ୍ରହ୍ମଣଃ॥ 1-37-10 ମନ୍ତ୍ରବୁଦ୍ଧିବିଶାରଦାଃ ନୀତିନିଶ୍ଚଯନିପୁଣାଃ॥ 1-37-13 ନିବର୍ତ୍ସ୍ଯତି ନିବୃତ୍ତୋ ଭବିଷ୍ଯତି॥ 1-37-18 କୃତଂ ପ୍ରତିକୃତମ୍॥ 1-37-20 ବ୍ଯସନେ ଆପଦି ଶାନ୍ତିଃ ଆପନ୍ନାଶଃ। ସଦ୍ଧର୍ମମୂଲା ସତାଂ ଧର୍ମୋ ଦେବବ୍ରାହ୍ମଣପ୍ରାର୍ଥନା ତନ୍ମୂଲା॥ 1-37-29 ନୈଷ୍ଠିକୀ ଆତ୍ଯନ୍ତିକୀ। ଈକ୍ଷଣମେବ ଶ୍ରବଃ ଶ୍ରୋତ୍ରଂ ଯସ୍ଯ ସ ତଥାଭୂତ ହେ ବାସୁକେ॥ 1-37-31 ଜ୍ଞାତିରକ୍ଷାନାଶନିମିତ୍ତୌ ଗୁଣଦୋଷୌ ମଦାଶ୍ରଯୌ ଜ୍ଯେଷ୍ଠତ୍ବାନ୍ମମେତ୍ଯର୍ଥଃ॥ ସପ୍ତତ୍ରିଂଶୋଽଧ୍ଯାଯଃ॥ 37 ॥ଆଦିପର୍ବ - ଅଧ୍ଯାଯ 038
॥ ଶ୍ରୀଃ ॥
1.38. ଅଧ୍ଯାଯଃ 038
Mahabharata - Adi Parva - Chapter Topics
ଏଲାପତ୍ରଭାଷଣମ୍॥ 1 ॥ ଦେବବ୍ରହ୍ମସଂବାଦମୁଖେନାସ୍ତୀକୋତ୍ପତ୍ତିକଥନମ୍॥ 2 ॥Mahabharata - Adi Parva - Chapter Text
1-38-0 (1745)
ସୌତିରୁବାଚ। 1-38-0x (176)
ସର୍ପାଣାଂ ତୁ ବଚଃ ଶ୍ରୁତ୍ବା ସର୍ବେଷାମିତି ଚେତି ଚ।
ବାସୁକେଶ୍ଚ ବଚଃ ଶ୍ରୁତ୍ବା ଏଲାପତ୍ରୋଽବ୍ରବୀଦିଦମ୍॥ 1-38-1 (1746)
`ପ୍ରାଗେବ ଦର୍ଶିତା ବୁଦ୍ଧିର୍ମଯୈଷା ଭୁଜଗୋତ୍ତମାଃ।
ହେଯେତି ଯଦି ବୋ ବୁଦ୍ଧିସ୍ତବାପି ଚ ତଥା ପ୍ରଭୋ॥ 1-38-2 (1747)
ଅସ୍ତୁ କାମଂ ମଭାଦ୍ଯାପି ବୁଦ୍ଧିଃ ସ୍ମରଣମାଗତା।
ତାଂ ଶୃଣୁଧ୍ବଂ ପ୍ରବକ୍ଷ୍ଯାମି ଯାଥାତଥ୍ଯେନ ପନ୍ନଗାଃ॥' 1-38-3 (1748)
ନ ସ ଯଜ୍ଞୋ ନ ଭବିତା ନ ସ ରାଜା ତଥାବିଧଃ।
ଜନମେଜଯଃ ପାଣ୍ଡବେଯୋ ଯତୋଽସ୍ମାକଂ ମହଦ୍ଭଯମ୍॥ 1-38-4 (1749)
ଦୈବେନୋପହତୋ ରାଜନ୍ଯୋ ଭବେଦିହ ପୂରୁଷଃ।
ସ ଦୈବମେବାଶ୍ରଯେତ ନାନ୍ଯତ୍ତତ୍ର ପରାଯଣମ୍॥ 1-38-5 (1750)
ତଦିଦଂ ଚୈବମସ୍ମାକଂ ଭଯଂ ପନ୍ନଗସତ୍ତମାଃ।
ଦୈବମେବାଶ୍ରଯାମୋଽତ୍ର ଶୃଣୁଧ୍ବଂ ଚ ବଚୋ ମମ॥ 1-38-6 (1751)
ଅହଂ ଶାପେ ସମୁତ୍ସୃଷ୍ଟେ ସମଶ୍ରୌଷଂ ବଚସ୍ତଦା।
ମାତୁରୁତ୍ସଙ୍ଗମାରୂଢୋ ଭଯାତ୍ପନ୍ନଗସତ୍ତମାଃ।
ଦେବାନାଂ ପନ୍ନଗଶ୍ରେଷ୍ଠାସ୍ତୀକ୍ଷ୍ଣାସ୍ତୀକ୍ଷ୍ଣ ଇତି ପ୍ରଭୋ॥ 1-38-7 (1752)
`ଶାପଦୁଃଖାଗ୍ନିତପ୍ତାନାଂ ପନ୍ନଗାନାମନାମଯମ୍।
କୃପଯା ପରଯାଽଽବିଷ୍ଟାଃ ପ୍ରାର୍ଥଯନ୍ତୋ ଦିବୌକସଃ॥' 1-38-8 (1753)
ଦେବା ଊଚୁଃ। 1-38-9x (177)
କା ହି ଲବ୍ଧ୍ବା ପ୍ରିଯାନ୍ପୁତ୍ରାଞ୍ଶପେଦେବଂ ପିତାମହ।
ଋତେ କଦ୍ରୂଂ ତୀକ୍ଷ୍ଣରୂପାଂ ଦେବଦେବ ତବାଗ୍ରତଃ॥ 1-38-9 (1754)
ତଥେତି ଚ ବଚସ୍ତସ୍ଯାସ୍ତ୍ବଯାପ୍ଯୁକ୍ତଂ ପିତାମହ।
ଇଚ୍ଛାମ ଏତଦ୍ବିଜ୍ଞାତୁଂ କାରଣଂ ଯନ୍ନ ବାରିତା॥ 1-38-10 (1755)
ବ୍ରହ୍ମୋବାଚ। 1-38-11x (178)
ବହବଃ ପନ୍ନଗାସ୍ତୀକ୍ଷ୍ଣା ଘୋରରୂପା ବିଷୋଲ୍ବଣାଃ।
ପ୍ରଜାନାଂ ହିତକାମୋଽହଂ ନ ଚ ବାରିତବାଂସ୍ତଦା॥ 1-38-11 (1756)
ଯେ ଦନ୍ଦଶୂକାଃ କ୍ଷୁଦ୍ରାଶ୍ଚ ପାପାଚାରା ବିଷୋଲ୍ବଣାଃ।
ତେଷାଂ ବିନାଶୋ ଭବିତା ନ ତୁ ଯେ ଧର୍ମଚାରିଣଃ॥ 1-38-12 (1757)
ଯନ୍ନିମିତ୍ତଂ ଚ ଭବିତା ମୋକ୍ଷସ୍ତେଷାଂ ମହାଭଯାତ୍।
ପନ୍ନଗାନାଂ ନିବୋଧଧ୍ବଂ ତସ୍ମିନ୍କାଲେ ସମାଗତେ॥ 1-38-13 (1758)
ଯାଯାବରକୁଲେ ଧୀମାନ୍ଭବିଷ୍ଯତି ମହାନୃଷିଃ।
ଜରତ୍କାରୁରିତି ଖ୍ଯାତସ୍ତପସ୍ବୀ ନିଯତେନ୍ଦ୍ରିଯଃ॥ 1-38-14 (1759)
ତସ୍ଯ ପୁତ୍ରୋ ଜରତ୍କାରୋର୍ଭବିଷ୍ଯତି ତପୋଧନଃ।
ଆସ୍ତୀକୋ ନାମ ଯଜ୍ଞଂ ସ ପ୍ରତିଷେତ୍ସ୍ଯତି ତଂ ତଦା।
ତତ୍ର ମୋକ୍ଷ୍ଯନ୍ତି ଭୁଜଗା ଯେ ଭବିଷ୍ଯନ୍ତି ଧାର୍ମିକାଃ॥ 1-38-15 (1760)
ଦେବା ଊଚୁଃ। 1-38-16x (179)
ସ ମୁନିପ୍ରବରୋ ବ୍ରହ୍ମଞ୍ଜରତ୍କାରୁର୍ମହାତପାଃ।
କସ୍ଯାଂ ପୁତ୍ରଂ ମହାତ୍ମାନଂ ଜନଯିଷ୍ଯତି ବୀର୍ଯବାନ୍॥ 1-38-16 (1761)
ବ୍ରହ୍ମୋବାଚ। 1-38-17x (180)
`ବାସୁକେର୍ଭଗିନୀ କନ୍ଯା ସମୁତ୍ପନ୍ନା ସୁଶୋଭନା।
ତସ୍ମୈ ଦାସ୍ଯତି ତାଂ କନ୍ଯାଂ ବାସୁକିର୍ଭୁଜଗୋତ୍ତମଃ॥ 1-38-17 (1762)
ତସ୍ଯାଂ ଜନଯିତା ପୁତ୍ରଂ ବେଦବେଦାଙ୍ଗପାରଗମ୍।'
ସନାମାଯାଂ ସନାମା ସ କନ୍ଯାଯାଂ ଦ୍ବିଜସତ୍ତମଃ॥ 1-38-18 (1763)
ଏଲାପତ୍ର ଉବାଚ। 1-38-19x (181)
ଏବମସ୍ତ୍ବିତି ତଂ ଦେବାଃ ପିତାମହମଥାବ୍ରୁବନ୍।
ଉତ୍କ୍ବୈବଂ ବଚନଂ ଦେବାନ୍ବିରିଞ୍ଚିସ୍ତ୍ରିଦିବଂ ଯଯୌ॥ 1-38-19 (1764)
ସୋଽହମେବଂ ପ୍ରପଶ୍ଯାମି ବାସୁକେ ଭଗିନୀ ତବ।
ଜରତ୍କାରୁରିତି ଖ୍ଯାତା ତାଂ ତସ୍ମୈ ପ୍ରତିପାଦଯ॥ 1-38-20 (1765)
ଭୈକ୍ଷବଦ୍ଭିକ୍ଷମାଣାଯ ନାଗାନାଂ ଭଯଶାନ୍ତଯେ।
ଋଷଯେ ସୁବ୍ରତାଯୈନାମେଷ ମୋକ୍ଷଃ ଶ୍ରୁତୋ ମଯା॥ ॥ 1-38-21 (1766)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ଅଷ୍ଟତ୍ରିଂଶୋଽଧ୍ଯାଯଃ॥ 38 ॥
Mahabharata - Adi Parva - Chapter Footnotes
1-38-1 ଇତିଚେତିଚେତି ତତ୍ତଦ୍ବଚନାଭିନଯପ୍ରଦର୍ଶନମ୍॥ 1-38-4 ନ ଭବିତେତି ନ ଭବିତୈବେତ୍ଯର୍ଥଃ। ନ ତଥାବିଧଃ ଯସ୍ଯ ରାଷ୍ଟ୍ରମୃତ୍ବିଜଃ ସ୍ବରୂପ ବା ଦ୍ରଷ୍ଟୁଂ ଶକ୍ଯଂ ତାଦୃଶୋ ନ ଭବତି ମନ୍ତ୍ରବୀର୍ଯସଂପନ୍ନତ୍ବାତ୍॥ 1-38-7 ତୀକ୍ଷ୍ଣାସ୍ତୀକ୍ଷ୍ଣାଃ ଅତ୍ଯନ୍ତଂ ତୀକ୍ଷ୍ଣାଃ ସ୍ତ୍ରିଯ ଇତି ଶେଷଃ॥ 1-38-12 ଦନ୍ଦଶୂକାଃ ଦଂଶନଶୀଲାଃ। କ୍ଷୁଦ୍ରାଃ ଅଲ୍ପେପି ନିମିତ୍ତେ ପ୍ରାଣଗ୍ରାହକାଃ॥ ଅଷ୍ଟତ୍ରିଂଶୋଽଧ୍ଯାଯଃ॥ 38 ॥ଆଦିପର୍ବ - ଅଧ୍ଯାଯ 039
॥ ଶ୍ରୀଃ ॥
1.39. ଅଧ୍ଯାଯଃ 039
Mahabharata - Adi Parva - Chapter Topics
ଏଲାପତ୍ରୋପଦେଶେନ ବାସୁକିଭଗିନ୍ଯା ଜରତ୍କାର୍ବା ରକ୍ଷଣମ୍॥ 1 ॥Mahabharata - Adi Parva - Chapter Text
1-39-0 (1767)
ସୌତିରୁବାଚ। 1-39-0x (182)
ଏଲାପତ୍ରବଚଃ ଶ୍ରୁତ୍ବା ତେ ନାଗା ଦ୍ବିଜସତ୍ତମ।
ସର୍ବେ ପ୍ରହୃଷ୍ଟମନସଃ ସାଧୁସାଧ୍ବିତ୍ଯପୂଜଯନ୍॥ 1-39-1 (1768)
ତତଃପ୍ରଭୃତି ତାଂ କନ୍ଯାଂ ବାସୁକିଃ ପର୍ଯରକ୍ଷତ।
ଜରତ୍କାରୁଂ ସ୍ବସାରଂ ବୈ ପରଂ ହର୍ଷମବାପ ଚ॥ 1-39-2 (1769)
ତତୋ ନାତିମହାନ୍କାଲଃ ସମତୀତ ଇବାଭବତ୍।
ଅଥ ଦେବାସୁରାଃ `ସର୍ବେ ମମନ୍ଥୁର୍ବରୁଣାଲଯମ୍॥ 1-39-3 (1770)
ତତ୍ର ନେତ୍ରମଭୂନ୍ନାଗୋ ବାସୁକିର୍ବଲିନାଂ ବରଃ।
ସମାପ୍ଯୈବ ଚ ତତ୍କର୍ମ ପିତାମହମୁପାଗମନ୍॥ 1-39-4 (1771)
ଦେବା ବାସୁକିନା ସାର୍ଧଂ ପିତାମହମଥାବ୍ରୁବନ୍।
ଭଗବଞ୍ଶାପଭୀତୋଽଯଂ ବାସୁକିସ୍ତପ୍ଯତେ ଭୃଶମ୍॥ 1-39-5 (1772)
ଅସ୍ଯୈତନ୍ମାନସଂ ଶଲ୍ଯଂ ସମୁଦ୍ଧର୍ତୁଂ ତ୍ବମର୍ହସି।
ଜନନ୍ଯାଃ ଶାପଜଂ ଦେବ ଜ୍ଞାତୀନାଂ ହିତମିଚ୍ଛତଃ॥ 1-39-6 (1773)
ହିତୋ ହ୍ଯଯଂ ସଦାସ୍ମକଂ ପ୍ରିଯକାରୀ ଚ ନାଗରାଟ୍।
ପ୍ରସାଦଂ କୁରୁ ଦେବେଶ ଶମଯାସ୍ଯ ମନୋଜ୍ବରମ୍॥ 1-39-7 (1774)
ବ୍ରହ୍ମୋବାଚ। 1-39-8x (183)
ମଯୈବ ତଦ୍ବିତୀର୍ଣଂ ବୈ ବଚନଂ ମନସାଽମରାଃ।
ଏଲାପତ୍ରେଣ ନାଗେନ ଯଦସ୍ଯାଭିହିତଂ ପୁରା॥ 1-39-8 (1775)
ତତ୍କରୋତ୍ବେଷ ନାଗେନ୍ଦ୍ରଃ ପ୍ରାପ୍ତକାଲଂ ବଚଃ ସ୍ବଯମ୍।
ବିନଶିଷ୍ଯନ୍ତି ଯେ ପାପା ନ ତୁ ଯେ ଧର୍ମଚାରିଣଃ॥ 1-39-9 (1776)
ଉତ୍ପନ୍ନଃ ସ ଜରତ୍କାରୁସ୍ତପସ୍ଯୁଗ୍ରେ ରତୋ ଦ୍ବିଜଃ।
ତସ୍ଯୈଷ ଭଗିନୀଂ କାଲେ ଜରତ୍କାରୁଂ ପ୍ରଯଚ୍ଛତୁ॥ 1-39-10 (1777)
ଏଲାପତ୍ରେଣ ଯତ୍ପ୍ରୋକ୍ତଂ ବଚନଂ ଭୁଜଗେନ ହ।
ପନ୍ନଗାନାଂ ହିତଂ ଦେବାସ୍ତତ୍ତଥା ନ ତଦନ୍ଯଥା॥ 1-39-11 (1778)
ସୌତିରୁବାଚ। 1-39-12x (184)
ଏତଚ୍ଛ୍ରୁତ୍ବା ତୁ ନାଗେନ୍ଦ୍ରଃ ପିତାମହବଚସ୍ତଦା।
ସଂଦିଶ୍ଯ ପନ୍ନଗାନ୍ସର୍ବାନ୍ବାସୁକିଃ ଶାପମୋହିତଃ॥ 1-39-12 (1779)
ସ୍ବସାରମୁଦ୍ଯମ୍ଯ ତଦା ଜରତ୍କାରୁମୃଷିଂ ପ୍ରତି।
ସର୍ପାନ୍ବହୂଞ୍ଜରତ୍କାରୌ ନିତ୍ଯଯୁକ୍ତାନ୍ସମାଦଧତ୍॥ 1-39-13 (1780)
ଜରତ୍କାରୁର୍ଯଦା ଭାର୍ଯାମିଚ୍ଛେଦ୍ବରଯିତୁଂ ପ୍ରଭୁଃ।
ଶୀଘ୍ରମେତ୍ଯ ତଦାଽଽଖ୍ଯେଯଂ ତନ୍ନଃ ଶ୍ରେଯୋ ଭବିଷ୍ଯତି॥ ॥ 1-39-14 (1781)
ଇତି ଶ୍ରୀମନମହାଭାରତେ ଆଦିପର୍ବଣି ଆସ୍ତୀକପର୍ବଣି ଏକୋନଚତ୍ବାରିଂଶୋଽଧ୍ଯାଯଃ॥ 39 ॥
Mahabharata - Adi Parva - Chapter Footnotes
1-39-4 ନେତ୍ରଂ ରଜ୍ଜୁଃ॥ 1-39-13 ଜରତ୍କାରୌ ଜରତ୍କାରୁଋଷିନିମିତ୍ତଂ। ତଦନ୍ବେଷଣାଯେତ୍ଯର୍ଥଃ॥ ଏକୋନଚତ୍ବାରିଂଶୋଽଧ୍ଯାଯଃ॥ 39 ॥ଆଦିପର୍ବ - ଅଧ୍ଯାଯ 040
॥ ଶ୍ରୀଃ ॥
1.40. ଅଧ୍ଯାଯଃ 040
Mahabharata - Adi Parva - Chapter Topics
ଜରତ୍କାରୁନାମବ୍ଯୁତ୍ପତ୍ତିକଥନମ୍॥ 1 ॥ ଶୌନକସ୍ଯ ସୌତିଂ ପ୍ରତି ଆସ୍ତୀକୋତ୍ପତ୍ତିପ୍ରଶ୍ନଃ॥ 2 ॥ ପ୍ରସଙ୍ଗେନ ପରୀକ୍ଷିନ୍ମୃଗଯାକଥନମ୍॥ 3 ॥ ପରୀକ୍ଷିତା ଶମୀକସ୍କନ୍ଧେ ମୃତସର୍ପନିଧାନମ୍॥ 4 ॥Mahabharata - Adi Parva - Chapter Text
1-40-0 (1782)
ଶୌନକ ଉବାଚ। 1-40-0x (185)
ଜରତ୍କାରୁରିତି ଖ୍ଯାତୋ ଯସ୍ତ୍ବଯା ସୂତନନ୍ଦନ।
ଇଚ୍ଛାମି ତଦହଂ ଶ୍ରୋତୁଂ ଋଷେସ୍ତସ୍ଯ ମହାତ୍ମନଃ॥ 1-40-1 (1783)
କିଂ କାରଣଂ ଜରତ୍କାରୋର୍ନାମୈତତ୍ପ୍ରଥିତଂ ଭୁବି।
ଜରତ୍କାରୁନିରୁକ୍ତିଂ ତ୍ବଂ ଯଥାବଦ୍ବକ୍ତୁମର୍ହସି॥ 1-40-2 (1784)
ସୌତିରୁବାଚ। 1-40-3x (186)
ଜରେତି କ୍ଷଯମାହୁର୍ବୈ ଦାରୁଣଂ କାରୁସଂଜ୍ଞିତମ୍।
ଶରୀରଂ କାରୁ ତସ୍ଯାସୀତ୍ତତ୍ସ ଧୀମାଞ୍ଶନୈଃଶନୈଃ॥ 1-40-3 (1785)
କ୍ଷପଯାମାସ ତୀବ୍ରେଣ ତପସେତ୍ଯତ ଉଚ୍ଯତେ।
ଜରତ୍କାରୁରିତି ବ୍ରହ୍ମନ୍ବାସୁକେର୍ଭଗିନୀ ତଥା॥ 1-40-4 (1786)
ଏବମୁକ୍ତସ୍ତୁ ଧର୍ମାତ୍ମା ଶୌନକଃ ପ୍ରାହସତ୍ତଦା।
ଉଗ୍ରଶ୍ରବସମାମନ୍ତ୍ର୍ଯ ଉପପନ୍ନମିତି ବ୍ରୁବନ୍॥ 1-40-5 (1787)
ଶୌନକ ଉବାଚ। 1-40-6x (187)
ଉକ୍ତଂ ନାମ ଯଥା ପୂର୍ବଂ ସର୍ବଂ ତଚ୍ଛ୍ରୁତବାନହମ୍।
ଯଥା ତୁ ଜାତୋ ହ୍ଯାସ୍ତୀକ ଏତଦିଚ୍ଛାମି ବେଦିତୁମ୍।
ତଚ୍ଛ୍ରୁତ୍ବା ବଚନଂ ତସ୍ଯ ସୌତିଃ ପ୍ରୋବାଚ ଶାସ୍ତ୍ରତଃ॥ 1-40-6 (1788)
ସୌତିରୁବାଚ। 1-40-7x (188)
ସଂଦିଶ୍ଯ ପନ୍ନଗାନ୍ସର୍ବାନ୍ବାସୁକିଃ ସୁସମାହିତଃ।
ସ୍ବସାରମୁଦ୍ଯମ୍ଯ ତଦା ଜରତ୍କାରୁମୃଷିଂ ପ୍ରତି॥ 1-40-7 (1789)
ଅଥ କାଲସ୍ଯ ମହତଃ ସ ମୁନିଃ ସଂଶିତବ୍ରତଃ।
ତପସ୍ଯଭିରତୋ ଧୀମାନ୍ସ ଦାରାନ୍ନାଭ୍ଯକାଙ୍କ୍ଷତ॥ 1-40-8 (1790)
ସ ତୂର୍ଧ୍ବରେତାସ୍ତପସି ପ୍ରସକ୍ତଃ
ସ୍ବାଧ୍ଯାଯବାନ୍ବୀତଭଯଃ କୃତାତ୍ମା।
ଚଚାର ସର୍ବାଂ ପୃଥିବୀଂ ମହାତ୍ମା
ନ ଚାପି ଦାରାନ୍ମନସାଧ୍ଯକାଙ୍କ୍ଷତ୍॥ 1-40-9 (1791)
ତତୋଽପରସ୍ମିନ୍ସଂପ୍ରାପ୍ତେ କାଲେ କସ୍ମିଂଶ୍ଚିଦେବ ତୁ।
ପରିକ୍ଷିନ୍ନାମ ରାଜାସୀଦ୍ବ୍ରହ୍ମନ୍କୌରବବଂଶଜଃ॥ 1-40-10 (1792)
ଯଥା ପାଣ୍ଡୁର୍ମହାବାହୁର୍ଧନୁର୍ଧରବରୋ ଯୁଧି।
ବଭୂବ ମୃଗଯାଶୀଲଃ ପୁରାସ୍ଯ ପ୍ରପିତାମହଃ॥ 1-40-11 (1793)
`ତଥା ବିଖ୍ଯାତବାଁଲ୍ଲୋକେ ପରୀକ୍ଷିଦଭିମନ୍ଯୁଜଃ।'
ମୃଗାନ୍ବିଧ୍ଯନ୍ବରାହାଂଶ୍ଚ ତରକ୍ଷୂନ୍ମହିଷାଂସ୍ତଥା।
ଅନ୍ଯାଂଶ୍ଚ ବିବିଧାନ୍ବନ୍ଯାଂଶ୍ଚଚାର ପୃଥିବୀପତିଃ॥ 1-40-12 (1794)
ସ କଦାଚିନ୍ମୃଗଂ ବିଦ୍ଧ୍ବା ବାଣେନାନତପର୍ବଣା।
ପୃଷ୍ଠତୋ ଧନୁରାଦାଯ ସସାର ଗହନେ ବନେ॥ 1-40-13 (1795)
ଯଥୈବ ଭଗବାନ୍ରୁଦ୍ରୋ ବିଦ୍ଧ୍ବା ଯଜ୍ଞମୃଗଂ ଦିବି।
ଅନ୍ବଗଚ୍ଛଦ୍ଧନୁଷ୍ପାଣିଃ ପର୍ଯନ୍ବେଷ୍ଟୁମିତସ୍ତତଃ॥ 1-40-14 (1796)
ନ ହି ତେନ ମୃଗୋ ବିଦ୍ଧୋ ଜୀବନ୍ଗଚ୍ଛତି ବୈ ବନେ।
ପୂର୍ବରୂପଂ ତୁ ତତ୍ତୂର୍ଣଂ ତସ୍ଯାସୀତ୍ସ୍ବର୍ଗତିଂ ପ୍ରତି॥ 1-40-15 (1797)
ପରିକ୍ଷିତୋ ନରେନ୍ଦ୍ରସ୍ଯ ବିଦ୍ଧୋ ଯନ୍ନଷ୍ଟବାନ୍ମୃଗଃ।
ଦୂରଂ ଚାପହୃତସ୍ତେନ ମୃଗେଣ ସ ମହୀପତିଃ॥ 1-40-16 (1798)
ପରିଶ୍ରାନ୍ତଃ ପିପାସାର୍ତ ଆସସାଦ ମୁନିଂ ବନେ।
ଗବାଂ ପ୍ରଚାରେଷ୍ବାସୀନଂ ବତ୍ସାନାଂ ମୁଖନିଃସୃତମ୍॥ 1-40-17 (1799)
ଭୂଯିଷ୍ଠମୁପଯୁଞ୍ଜାନଂ ଫେନମାପିବତାଂ ପଯଃ।
ତମଭିଦ୍ରୁତ୍ଯ ବେଗେନ ସ ରାଜା ସଂଶିତବ୍ରତମ୍॥ 1-40-18 (1800)
ଅପୃଚ୍ଛଦ୍ଧନୁରୁଦ୍ଯମ୍ଯ ତଂ ମୁନିଂ କ୍ଷୁଚ୍ଛ୍ରମାନ୍ବିତଃ।
ଭୋଭୋ ବ୍ରହ୍ମନ୍ନହଂ ରାଜା ପରୀକ୍ଷିଦଭିମନ୍ଯୁଜଃ॥ 1-40-19 (1801)
ମଯା ବିଦ୍ଧୋ ମୃଗୋ ନଷ୍ଟଃ କଚ୍ଚିତ୍ତଂ ଦୃଷ୍ଟବାନସି।
ସ ମୁନିସ୍ତଂ ତୁ ନୋବାଚ କିଂଚିନ୍ମୌନବ୍ରତେ ସ୍ଥିତଃ॥ 1-40-20 (1802)
ତସ୍ଯ ସ୍କନ୍ଧେ ମୃତଂ ସର୍ପଂ କ୍ରୁଦ୍ଧୋ ରାଜା ସମାସଜତ୍।
ସମୁତ୍କ୍ଷିପ୍ଯ ଧନୁଷ୍କୋଟ୍ଯା ସ ଚୈନଂ ସମୁପୈକ୍ଷତ॥ 1-40-21 (1803)
ନ ସ କିଂଚିଦୁବାଚୈନଂ ଶୁଭଂ ବା ଯଦି ବାଽଶୁଭମ୍।
ସ ରାଜା କ୍ରୋଧମୁତ୍ସୃଜ୍ଯ ବ୍ଯଥିତସ୍ତଂ ତଥାଗତମ୍।
ଦୃଷ୍ଟ୍ବା ଜଗାମ ନଗରମୃଷିସ୍ତ୍ବାସୀତ୍ତଥୈବ ସଃ॥ 1-40-22 (1804)
ନ ହି ତଂ ରାଜଶାର୍ଦୂଲଂ କ୍ଷମାଶୀଲୋ ମହାମୁନିଃ।
ସ୍ବଧର୍ମନିରତଂ ଭୂପଂ ସମାକ୍ଷିପ୍ତୋଽପ୍ଯଧର୍ଷଯତ୍॥ 1-40-23 (1805)
ନ ହି ତଂ ରାଜଶାର୍ଦୂଲସ୍ତଥା ଧର୍ମପରାଯଣମ୍।
ଜାନାତି ଭରତଶ୍ରେଷ୍ଠସ୍ତତ ଏନମଧର୍ଷଯତ୍॥ 1-40-24 (1806)
ତରୁଣସ୍ତସ୍ଯ ପୁତ୍ରୋଽଭୂତ୍ତିଗ୍ମତେଜା ମହାତପାଃ।
ଶୃଙ୍ଗୀ ନାମ ମହାକ୍ରୋଧୋ ଦୁଷ୍ପସାଦୋମହାବ୍ରତଃ॥ 1-40-25 (1807)
ସ ଦେବଂ ପରମାସୀନଂ ସର୍ବଭୂତହିତେ ରତମ୍।
ବ୍ରହ୍ମାଣମୁପତସ୍ଥେ ବୈ କାଲେ କାଲେ ସୁଂସଯତଃ॥ 1-40-26 (1808)
ସତେନ ସମନୁଜ୍ଞାତୋ ବ୍ରହ୍ମଣା ଗୃହମେଯିବାନ୍।
ସଖ୍ଯୋକ୍ତଃ କ୍ରୀଡମାନେନ ସ ତତ୍ର ହସତା କିଲ॥ 1-40-27 (1809)
ସଂରମ୍ଭାତ୍କୋପନୋଽତୀବ ବିଷକଲ୍ପୋ ମୁନେଃ ସୁତଃ।
ଉଦ୍ଦିଶ୍ଯ ପିତରଂ ତସ୍ଯ ଯଚ୍ଛ୍ରୁତ୍ବା ରୋଷମାହରତ୍।
ଋଷିପୁତ୍ରେଣ ନର୍ମାର୍ଥେ କୃଶେନ ଦ୍ବିଜସତ୍ତମ॥ 1-40-28 (1810)
କୃଶ ଉବାଚ। 1-40-29x (189)
ତେଜସ୍ବିନସ୍ତବ ପିତା ତଥୈବ ଚ ତପସ୍ବିନଃ।
ଶବଂ ସ୍କନ୍ଧେନ ବହତି ମା ଶୃଙ୍ଗିନ୍ଗର୍ବିତୋ ଭବ॥ 1-40-29 (1811)
ବ୍ଯାହରତ୍ସ୍ବୃଷିପୁତ୍ରେଷୁ ମା ସ୍ମ କିଂଚିଦ୍ବଚୋ ବଦ।
ଅସ୍ମଦ୍ବିଧେଷୁ ସିଦ୍ଧେଷୁ ବ୍ରହ୍ମବିତ୍ସୁ ତପସ୍ବିଷୁ॥ 1-40-30 (1812)
କ୍ବ ତେ ପୁରୁଷମାନିତ୍ବଂ କ୍ବ ତେ ବାଚସ୍ତଥାବିଧାଃ।
ଦର୍ପଜାଃ ପିତରଂ ଦ୍ରଷ୍ଟା ଯସ୍ତ୍ବଂ ଶବଧରଂ ତଥା॥ 1-40-31 (1813)
ପିତ୍ରା ଚ ତବ ତତ୍କର୍ମ ନାନୁରୂପମିବାତ୍ମନଃ।
କୃତଂ ମୁନିଜନଶ୍ରେଷ୍ଠ ଯେନାହଂ ଭୃଶଦୁଃଖିତଃ॥ ॥ 1-40-32 (1814)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ଚତ୍ବାରିଂଶୋଽଧ୍ଯାଯଃ॥ 40 ॥
Mahabharata - Adi Parva - Chapter Footnotes
1-40-3 କାରୁ କାମାଦ୍ଯୁପଦ୍ରବମୂଲତ୍ବାଦ୍ଦାରୁଣଂ ଶରୀରଂ ଜରଯତି କ୍ଷପଯତୀତି ଜରତ୍କାରୁରିତି ନିର୍ବଚନମ୍॥ 1-40-4 ତଥା ତାଦୃସ୍ଯେବ॥ 1-40-5 ପ୍ରାହସତ୍ ଅତିଜୀର୍ଣଯୋରପି ବ୍ରହ୍ମଚର୍ଯବିନାଶଃ ପ୍ରସକ୍ତ ଇତ୍ଯାଶ୍ଚର୍ଯଂ ମତ୍ବେତି ଭାବଃ। ଆମନ୍ତ୍ର୍ଯ ହେଉଗ୍ରଶ୍ରବ ଇତି ସଂବୋଧ୍ଯ। ଉପପନ୍ନଂ ଯୁକ୍ତଂ ଯତ୍ତୁଲ୍ଯବଯୋରୂପଯୋର୍ବିବାହ ଇତି ଭାବଃ॥ 1-40-15 ତତ୍ ମୃଗସ୍ଯାଦର୍ଶନଂ। ପୂର୍ବରୂପଂ କାରଣମ୍॥ 1-40-17 ପ୍ରଚାରେଷୁ ଗୋଷ୍ଠେଷୁ॥ 1-40-18 ଉପଯୁଞ୍ଜାନଂ ଭକ୍ଷଯନ୍ତମ୍। ପଯଃ ଆପିବତାଂ ବତ୍ସାନାମିତି ପୂର୍ବେଣାନ୍ବଯଃ॥ 1-40-21 ସମାସଜତ୍ ଆରୋପଯାମାସ॥ ଚତ୍ବାରିଂଶୋଽଧ୍ଯାଯଃ॥ 40 ॥ଆଦିପର୍ବ - ଅଧ୍ଯାଯ 041
॥ ଶ୍ରୀଃ ॥
1.41. ଅଧ୍ଯାଯଃ 041
Mahabharata - Adi Parva - Chapter Topics
ମୁନିପୁତ୍ରାଚ୍ଛୃଙ୍ଗିଣଃ ପରୀକ୍ଷିତଃ ଶାପଃ॥ 1 ॥Mahabharata - Adi Parva - Chapter Text
1-41-0 (1815)
ସୌତିରୁବାଚ। 1-41-0x (190)
ଏବମୁକ୍ତଃ ସ ତେଜସ୍ବୀ ଶୃଙ୍ଗୀ କୋପସମନ୍ବିତଃ।
ମୃତଧାରଂ ଗୁରୁଂ ଶ୍ରୁତ୍ବା ପର୍ଯତପ୍ଯତ ମନ୍ଯୁନା॥ 1-41-1 (1816)
ସ ତ କୃଶମକ୍ଷିପ୍ରେକ୍ଷ୍ଯ ସୂନୃତାଂ ବାଚମୁତ୍ସୃଜନ୍।
ଅପୃଚ୍ଛତ୍ତଂ କଥଂ ତାତଃ `ସର୍ବଭୂତହିତେ ରତଃ॥ 1-41-2 (1817)
ଅନନ୍ଯଚେତାଃ ସତତଂ ବିଷ୍ଣୁଂ ଦବେମତୋଷଯତ୍।
ବନ୍ଯାନ୍ନଭୋଜୀ ସତତଂ ମୁନିର୍ମୌନବ୍ରତେ ସ୍ଥିତଃ।
ଏବଂଭୂତଃ ସ ତେଜସ୍ବୀ' ସ ମେଽଦ୍ଯ ମୃତଧାରକଃ॥ 1-41-3 (1818)
କୃଶ ଉବାଚ। 1-41-4x (191)
ରାଜ୍ଞା ପରିକ୍ଷିତା ତାତ ମୃଗଯାଂ ପରିଧାବତା।
ଅବସକ୍ତଃ ପିତୁସ୍ତେଽଦ୍ଯ ମୃତଃ ସ୍କନ୍ଧେ ଭୁଜଙ୍ଗମଃ॥ 1-41-4 (1819)
ଶୃଙ୍ଗ୍ଯୁବାଚ। 1-41-5x (192)
କିଂ ମେ ପିତ୍ରା କୃତଂ ତସ୍ଯ ରାଜ୍ଞୋଽନିଷ୍ଟଂ ଦୁରାତ୍ମନଃ।
ବ୍ରୂହି ତତ୍କୃଶ ତତ୍ତ୍ବେନ ପଶ୍ଯ ମେ ତପସୋ ବଲମ୍॥ 1-41-5 (1820)
କୃଶ ଉବାଚ। 1-41-6x (193)
ସ ରାଜା ମୃଗଯାଂ ଯାତଃ ପରିକ୍ଷିଦଭିମନ୍ଯୁଜଃ।
ସସାର ମୃଗମେକାକୀ ବିଦ୍ଧ୍ବା ବାଣେନ ଶୀଘ୍ରଗମ୍॥ 1-41-6 (1821)
ନ ଚାପଶ୍ଯନ୍ମୃଗଂ ରାଜା ଚରଂସ୍ତସ୍ମିନ୍ମହାବନେ।
ପିତରଂ ତେ ସ ଦୃଷ୍ଟ୍ବୈବ ପପ୍ରଚ୍ଛାନଭିଭାଷିଣମ୍॥ 1-41-7 (1822)
ତଂ ସ୍ଥାଣୁଭୂତଂ ତିଷ୍ଠନ୍ତଂ କ୍ଷୁତ୍ପିପାସାଶ୍ରମାତୁରଃ।
ପୁନଃପୁନର୍ମୃଗଂ ନଷ୍ଟଂ ପ୍ରପଚ୍ଛ ପିତରଂ ତବ॥ 1-41-8 (1823)
ସ ଚ ମୌନବ୍ରତୋପେତୋ ନୈବ ତଂ ପ୍ରତ୍ଯଭାଷତ।
ତସ୍ଯ ରାଜା ଧନୁଷ୍କୋଟ୍ଯା ସର୍ପଂ ସ୍କନ୍ଧେ ସମାସଜତ୍॥ 1-41-9 (1824)
ଶୃଙ୍ଗିଂସ୍ତବ ପିତା ସୋଽପି ତଥୈବାସ୍ତେ ଯତବ୍ରତଃ।
ସୋଽପି ରାଜା ସ୍ବନଗରଂ ପ୍ରସ୍ଥିତୋ ଗଜସାହ୍ବଯମ୍॥ 1-41-10 (1825)
ସୌତିରୁବାଚ। 1-41-11x (194)
ଶ୍ରୁତ୍ବୈବମୃଷିପୁତ୍ରସ୍ତୁ ଶବଂ ସ୍କନ୍ଧେ ପ୍ରତିଷ୍ଠିତମ୍।
କୋପସଂରକ୍ତନଯନଃ ପ୍ରଜ୍ବଲନ୍ନିବ ମନ୍ଯୁନା॥ 1-41-11 (1826)
ଆବିଷ୍ଟଃ ସ ହି କୋପେନ ଶଶାପ ନୃପତିଂ ତଦା।
ବାର୍ଯୁପସ୍ପୃଶ୍ଯ ତେଜସ୍ବୀ କ୍ରୋଧବେଗବଲାତ୍କୃତଃ॥ 1-41-12 (1827)
ଶୃଙ୍ଗ୍ଯୁବାଚ। 1-41-13x (195)
ଯୋଽସୌ ବୃଦ୍ଧସ୍ଯ ତାତସ୍ଯ ତଥା କୃଚ୍ଛ୍ରଗତସ୍ଯ ହ।
ସ୍କନ୍ଧେ ମୃତଂ ସମାସ୍ରାକ୍ଷୀତ୍ପନ୍ନଗଂ ରାଜକିଲ୍ବିଷୀ॥ 1-41-13 (1828)
ତଂ ପାପମତିସଂକ୍ରୁଦ୍ଧସ୍ତକ୍ଷକଃ ପନ୍ନଗେଶ୍ବରଃ।
ଆଶୀବିଷସ୍ତିଗ୍ମତେଜା ମଦ୍ବାକ୍ଯବଲଚୋଦିତଃ॥ 1-41-14 (1829)
ସପ୍ତରାତ୍ରାଦିତୋ ନେତା ଯମସ୍ଯ ସଦନଂ ପ୍ରତି।
ଦ୍ବିଜାନାମବମନ୍ତାରଂ କୁରୂଣାମଯଶସ୍କରମ୍॥ 1-41-15 (1830)
ସୌତିରୁବାଚ। 1-41-16x (196)
ଇତି ଶପ୍ତ୍ବାତିସଂକ୍ରୁଦ୍ଧଃ ଶୃଙ୍ଗୀ ପିତରମଭ୍ଯଗାତ୍।
ଆସୀନଂ ଗ୍ରୋବ୍ରଜେ ତସ୍ମିନ୍ବହନ୍ତଂ ଶବପନ୍ନଗମ୍॥ 1-41-16 (1831)
ସ ତମଲକ୍ଷ୍ଯ ପିତରଂ ଶୃଙ୍ଗୀ ସ୍କନ୍ଧଗତେନ ବୈ।
ଶବେନ ଭୁଜଗେନାସୀଦ୍ଭୂଯଃ କ୍ରୋଧସମାକୁଲଃ॥ 1-41-17 (1832)
ଦୁଃଖାଚ୍ଚାଶ୍ରୂଣି ମୁମୁଚେ ପିତରଂ ଚେଦମବ୍ରବୀତ୍।
ଶ୍ରୁତ୍ବେମାଂ ଧର୍ଷଣାଂ ତାତ ତବ ତେନ ଦୁରାତ୍ମନା॥ 1-41-18 (1833)
ରାଜ୍ଞା ପରିକ୍ଷିତା କୋପାଦଶପଂ ତମହଂ ନୃପମ୍।
ଯଥାର୍ହତି ସ ଏବୋଗ୍ରଂ ଶାପଂ କୁରୁକୁଲାଧମଃ।
ସପ୍ତମେଽହନି ତଂ ପାପଂ ତକ୍ଷକଃ ପନ୍ନଗୋତ୍ତମଃ॥ 1-41-19 (1834)
ବୈବସ୍ବତସ୍ଯ ସଦନଂ ନେତା ପରମଦାରୁଣମ୍। 1-41-20 (1835)
ସୌତିରୁବାଚ।
ତମବ୍ରବୀତ୍ପିତା ବ୍ରହ୍ମଂସ୍ତଥା କୋପସମନ୍ବିତମ୍॥ 1-41-20x (197)
ଶମୀକ ଉବାଚ। 1-41-21x (198)
ନ ମେ ପ୍ରିଯଂ କୃତଂ ତାତ ନୈଷ ଧର୍ମସ୍ତପସ୍ବିନାମ୍।
ବଯଂ ତସ୍ଯ ନରେନ୍ଦ୍ରସ୍ଯ ବିଷଯେ ନିବସାମହେ॥ 1-41-21 (1836)
ନ୍ଯାଯତୋ ରକ୍ଷିତାସ୍ତେନ ତସ୍ଯ ପାପଂ ନ ରୋଚଯେ।
ସର୍ବଥା ବର୍ତମାନସ୍ଯ ରାଜ୍ଞୋ ହ୍ଯସ୍ମଦ୍ବିଧୈଃ ସଦା॥ 1-41-22 (1837)
କ୍ଷନ୍ତବ୍ଯଂ ପୁତ୍ର ଧର୍ମୋ ହି ହତୋ ହନ୍ତି ନ ସଂଶଯଃ।
ଯଦି ରାଜା ନ ସଂରକ୍ଷେତ୍ପୀଡା ନଃ ପରମା ଭବେତ୍॥ 1-41-23 (1838)
ନ ଶକ୍ନୁଯାମ ଚରିତୁଂ ଧର୍ମଂ ପୁତ୍ର ଯଥାସୁଖମ୍।
ରକ୍ଷମାଣା ବଯଂ ତାତ ରାଜଭିର୍ଧର୍ମଦୃଷ୍ଟିଭିଃ॥ 1-41-24 (1839)
ଚରାମୋ ବିପୁଲଂ ଧର୍ମଂ ତେଷାଂ ଭାଗୋଽସ୍ତି ଧର୍ମତଃ।
ସର୍ବଥା ବର୍ତମାନସ୍ଯ ରାଜ୍ଞଃ କ୍ଷନ୍ତବ୍ଯମେବ ହି॥ 1-41-25 (1840)
ପରିକ୍ଷିତ୍ତୁ ବିଶେଷେଣ ଯଥାଽସ୍ଯ ପ୍ରପିତାମହଃ।
ରକ୍ଷତ୍ଯସ୍ମାଂସ୍ତଥା ରାଜ୍ଞା ରକ୍ଷିତବ୍ଯାଃ ପ୍ରଜା ବିଭୋ॥ 1-41-26 (1841)
ଅରାଜକେ ଜନପଦେ ଦୋଷା ଜାଯନ୍ତି ବୈ ସଦା।
ଉଦ୍ବୃତ୍ତଂ ସତତଂ ଲୋକଂ ରାଜା ଦଣ୍ଡେନ ଶାସ୍ତି ବୈ॥ 1-41-27 (1842)
ଦଣ୍ଡାତ୍ପ୍ରତିଭଯଂ ଭୂଯଃ ଶାନ୍ତିରୁତ୍ପଦ୍ଯତେ ତଦା।
ନୋଦ୍ବିଗ୍ନଶ୍ଚରତେ ଧର୍ମଂ ନୋଦ୍ବିଗ୍ନଶ୍ଚରତେ କ୍ରିଯାମ୍॥ 1-41-28 (1843)
ରାଜ୍ଞା ପ୍ରତିଷ୍ଠିତୋ ଧର୍ମୋ ଧର୍ମାତ୍ସ୍ବର୍ଗଃ ପ୍ରତିଷ୍ଠିତଃ।
ରାଜ୍ଞୋ ଯଜ୍ଞକ୍ରିଯାଃ ସର୍ବା ଯଜ୍ଞାଦ୍ଦେବାଃ ପ୍ରତିଷ୍ଠିତାଃ॥ 1-41-29 (1844)
ଦେବାଦ୍ବୃଷ୍ଟିଃ ପ୍ରବର୍ତେତ ବୃଷ୍ଟେରୋଷଧଯଃ ସ୍ମୃତାଃ।
ଓଷଧିଭ୍ଯୋ ମନୁଷ୍ଯାଣାଂ ଧାରଯନ୍ସତତଂ ହିତମ୍॥ 1-41-30 (1845)
ମନୁଷ୍ଯାଣାଂ ଚ ଯୋ ଧାତା ରାଜା ରାଜ୍ଯକରଃ ପୁନଃ।
ଦଶଶ୍ରୋତ୍ରିଯସମୋ ରାଜା ଇତ୍ଯେବଂ ମନୁରବ୍ରବୀତ୍॥ 1-41-31 (1846)
ତେନେହ କ୍ଷୁଧିତେନୈତ୍ଯ ଶ୍ରାନ୍ତେନ ମୃଗଲିପ୍ସୁନା।
ଅଜାନତା କୃତଂ ମନ୍ଯେ ବ୍ରତମେତଦିଦଂ ମମ॥ 1-41-32 (1847)
କସ୍ମାଦିଦଂ ତ୍ବଯା ବାଲ୍ଯାତ୍ସହସା ଦୁଷ୍କୃତଂ କୃତମ୍।
ନ ହ୍ଯର୍ହତି ନୃପଃ ଶାପମସ୍ମତ୍ତଃ ପୁତ୍ର ସର୍ବଥା॥ ॥ 1-41-33 (1848)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ଏକଚତ୍ବାରିଂଶୋଽଧ୍ଯାଯଃ॥ 41 ॥
Mahabharata - Adi Parva - Chapter Footnotes
1-41-10 ଗଜସାହ୍ବଯଂ ହସ୍ତିନପୁରମ୍॥ 1-41-13 କୃଚ୍ଛ୍ରଗତସ୍ଯ ମୌନବ୍ରତଧରସ୍ଯ। ରାଜା ଚାସୌ କିଲ୍ବିଷୀ ଚ ରାଜକିଲ୍ବିଷୀ॥ 1-41-21 ବିଷଯେ ଦେଶେ॥ 1-41-22 ପାପଂ ଦ୍ରୋହମ୍॥ 1-41-27 ଦୋଷାଃ ଦସ୍ଯୁପୀଡାଦଯଃ॥ 1-41-30 ମନୁଷ୍ଯାଣାଂ ହିତଂ ଧାରଯନ୍ କୁର୍ବନ୍॥ 1-41-31 ଧାତା ପୋଷକଃ॥ 1-41-32 ବ୍ରତମଜାନତେତି ସଂବନ୍ଧଃ॥ ଏକଚତ୍ବାରିଂଶୋଽଧ୍ଯାଯଃ॥ 41 ॥ଆଦିପର୍ବ - ଅଧ୍ଯାଯ 042
॥ ଶ୍ରୀଃ ॥
1.42. ଅଧ୍ଯାଯଃ 042
Mahabharata - Adi Parva - Chapter Topics
ଶୃଙ୍ଗିଶମୀକସବାଦଃ॥ 1 ॥ ଶମୀକପ୍ରେଷିତେନ ଗୌରମୁଖାଖ୍ଯଶିଷ୍ଯେଣ ସହ ପରିକ୍ଷିତ୍ସଂବାଦଃ॥ 2 ॥ ମନ୍ତ୍ରିଭିଃ ସହ ରାଜ୍ଞଂ ବିଚାରଃ॥ 3 ॥ ତକ୍ଷକକାଶ୍ଯପସଂବାଦଃ॥ 4 ॥Mahabharata - Adi Parva - Chapter Text
1-42-0 (1849)
ଶୃଙ୍ଗ୍ଯୁବାଚ। 1-42-0x (199)
ଯଦ୍ଯେତତ୍ସାହସଂ ତାତ ଯଦି ବା ଦୁଷ୍କୃତଂ କୃତମ୍।
ପ୍ରିଯଂ ବାପ୍ଯପ୍ରିଯଂ ବା ତେ ବାଗୁକ୍ତା ନ ମୃଷା ଭବେତ୍॥ 1-42-1 (1850)
ନୈବାନ୍ଯଥେଦଂ ଭବିତା ପିତରେଷ ବ୍ରବୀମି ତେ।
ନାହଂ ମୃଷା ବ୍ରବୀମ୍ଯେବଂ ସ୍ବୈରେଷ୍ବପି କୁତଃ ଶପନ୍॥ 1-42-2 (1851)
ଶମୀକ ଉବାଚ। 1-42-3x (200)
ଜାନାମ୍ଯୁଗ୍ରପ୍ରଭାବଂ ତ୍ବାଂ ତାତ ସତ୍ଯଗିରଂ ତଥା।
ନାନୃତଂ ଚୋକ୍ତପୂର୍ବଂ ତେ ନୈତନ୍ମିଥ୍ଯା ଭବିଷ୍ଯତି॥ 1-42-3 (1852)
ପିତ୍ରା ପୁତ୍ରୋ ବଯସ୍ଥୋଽପି ସତତଂ ବାଚ୍ଯ ଏବ ତୁ।
ଯଥା ସ୍ଯାଦ୍ଗୁଣସଂଯୁକ୍ତଃ ପ୍ରାପ୍ନୁଯାଚ୍ଚ ମହଦ୍ଯଶଃ॥ 1-42-4 (1853)
କିଂ ପୁନର୍ବାଲ ଏବ ତ୍ବଂ ତପସା ଭାବିତଃ ସଦା।
ବର୍ଧତେ ଚେତ୍ପ୍ରଭବତାଂ କୋପୋଽତୀବ ମହାତ୍ମନାମ୍॥ 1-42-5 (1854)
`ଉତ୍ସୀଦେଯୁରିମେ ଲୋକାଃ କ୍ଷଣା ଚାସ୍ଯ ପ୍ରତିକ୍ରିଯା।'
ସୋଽହଂ ପଶ୍ଯାମି ବକ୍ତବ୍ଯଂ ତ୍ବଯି ଧର୍ମଭୃତାଂ ବର।
ପୁତ୍ରତ୍ବଂ ବାଲତାଂ ଚୈବ ତବାବେକ୍ଷ୍ଯ ଚ ସାହସମ୍॥ 1-42-6 (1855)
ସ ତ୍ବଂ ଶମପରୋ ଭୂତ୍ବା ବନ୍ଯମାହାରମାଚରନ୍।
ଚର କ୍ରୋଧମିମଂ ହିତ୍ବା ନୈବଂ ଧର୍ମଂ ପ୍ରହାସ୍ଯସି॥ 1-42-7 (1856)
କ୍ରୋଧୋ ହି ଧର୍ମଂ ହରତି ଯତୀନାଂ ଦୁଃଖସଂଚିତମ୍।
ତତୋ ଧର୍ମବିହୀନାନାଂ ଗତିରିଷ୍ଟା ନ ବିଦ୍ଯତେ॥ 1-42-8 (1857)
ଶମ ଏବ ଯତୀନାଂ ହି କ୍ଷମିଣାଂ ସିଦ୍ଧିକାରକଃ।
କ୍ଷମାବତାମଯଂ ଲୋକଃ ପରଶ୍ଚୈବ କ୍ଷମାବତାମ୍॥ 1-42-9 (1858)
ତସ୍ମାଚ୍ଚରେଥାଃ ସତତଂ କ୍ଷମାଶୀଲୋ ଜିତେନ୍ଦ୍ରିଯଃ।
କ୍ଷମଯା ପ୍ରାପ୍ସ୍ଯସେ ଲୋକାନ୍ବ୍ରହ୍ମଣଃ ସମନନ୍ତରାନ୍॥ 1-42-10 (1859)
ମଯା ତୁ ଶମମାସ୍ଥାଯ ଯଚ୍ଛକ୍ଯଂ କର୍ତୁମଦ୍ଯ ବୈ।
ତତ୍କରିଷ୍ଯାମ୍ଯହଂ ତାତ ପ୍ରେପଯିଷ୍ଯେ ନୃପାଯ ବୈ॥ 1-42-11 (1860)
ମମ ପୁତ୍ରେଣ ଶପ୍ତୋଽସି ବାଲେନାକୃତବୁଦ୍ଧିନା।
ମମେମାଂ ଧର୍ଷଣାଂ ତ୍ବତ୍ତଃ ପ୍ରେକ୍ଷ୍ଯ ରାଜନ୍ନମର୍ଷିଣା॥ 1-42-12 (1861)
ସୌତିରୁବାଚ। 1-42-13x (201)
ଏବମାଦିଶ୍ଯ ଶିଷ୍ଯଂ ସ ପ୍ରେଷଯାମାସ ସୁବ୍ରତଃ।
ପରିକ୍ଷିତେ ନୃପତଯେ ଦଯାପନ୍ନୋ ମହାତପାଃ॥ 1-42-13 (1862)
ସଂଦିଶ୍ଯ କୁଶଲପ୍ରଶ୍ନଂ କାର୍ଯବୃତ୍ତାନ୍ତମେବ ଚ।
ଶିଷ୍ଯଂ ଗୌରମୁଖଂ ନାମ ଶୀଲବନ୍ତଂ ସମାହିତମ୍॥ 1-42-14 (1863)
ସୋଽଭିଗମ୍ଯ ତତଃ ଶୀଘ୍ରଂ ନରେନ୍ଦ୍ରଂ କୁରୁବର୍ଧନମ୍।
ବିବେଶ ଭବନଂ ରାଜ୍ଞଃ ପୂର୍ବଂ ଦ୍ବାସ୍ଥୈର୍ନିବେଦିତଃ॥ 1-42-15 (1864)
ପୂଜିତସ୍ତୁ ନରେନ୍ଦ୍ରେଣ ଦ୍ବିଜୋ ଗୌରମୁଖସ୍ତଦା।
ଆଚଖ୍ଯୌ ଚ ପରିଶ୍ରାନ୍ତୋ ରାଜ୍ଞଃ ସର୍ବମଶେଷତଃ॥ 1-42-16 (1865)
ଶମୀକବଚନଂ ଘୋରଂ ଯଥୋକ୍ତଂ ମନ୍ତ୍ରିସନ୍ନିଧୌ।
ଶମୀକୋ ନାମ ରାଜେନ୍ଦ୍ର ବର୍ତତେ ବିଷଯେ ତବ॥ 1-42-17 (1866)
ଋଷିଃ ପରମଧର୍ମାତ୍ମା ଦାନ୍ତଃ ଶାନ୍ତୋ ମହାତପାଃ।
ତସ୍ଯ ତ୍ବଯା ନରବ୍ଯାଘ୍ର ସର୍ପଃ ପ୍ରାଣୈର୍ବିଯୋଜିତଃ॥ 1-42-18 (1867)
ଅବସକ୍ତୋ ଧନୁଷ୍କୋଟ୍ଯା ସ୍କନ୍ଧେ ମୌନାନ୍ବିତସ୍ଯ ଚ।
କ୍ଷାନ୍ତବାଂସ୍ତବ ତତ୍କର୍ମ ପୁତ୍ରସ୍ତସ୍ଯ ନ ଚକ୍ଷମେ॥ 1-42-19 (1868)
ତେନ ଶପ୍ତୋଽସି ରାଜେନ୍ଦ୍ର ପିତୁରଜ୍ଞାତମଦ୍ଯ ବୈ।
ତକ୍ଷକଃ ସପ୍ତରାତ୍ରେଣ ମୃତ୍ଯୁସ୍ତବ ଭବିଷ୍ଯତି॥ 1-42-20 (1869)
ତତ୍ର ରକ୍ଷାଂ କୁରୁଷ୍ବେତି ପୁନଃ ପୁନରଥାବ୍ରବୀତ୍।
ତଦନ୍ଯଥା ନ ଶକ୍ଯଂ ଚ କର୍ତୁଂ କେନଚିଦପ୍ଯୁତ॥ 1-42-21 (1870)
ନ ହି ଶକ୍ନୋତି ସଂଯନ୍ତୁଂ ପୁତ୍ରଂ କୋପସମନ୍ବିତମ୍।
ତତୋଽହଂ ପ୍ରେଷିତସ୍ତେନ ତବ ରାଜନ୍ହିତାର୍ଥିନା॥ 1-42-22 (1871)
ସାତିରୁବାଚ। 1-42-23x (202)
ଇତି ଶ୍ରୁତ୍ବା ବଚୋ ଘୋରଂ ସ ରାଜା କୁରୁନନ୍ଦନଃ।
ପର୍ଯତପ୍ଯତ ତତ୍ପାପଂ କୃତ୍ବା ରାଜା ମହାତପାଃ॥ 1-42-23 (1872)
ତଂ ଚ ମୌନବ୍ରତଂ ଶ୍ରୁତ୍ବା ବନେ ମୁନିବରଂ ତଦା।
ଭୂଯ ଏବାଭବଦ୍ରାଜା ଶୋକସଂତପ୍ତମାନସଃ॥ 1-42-24 (1873)
ଅନୁକ୍ରୋଶାତ୍ମତାଂ ତସ୍ଯ ଶମୀକସ୍ଯାବଧାର୍ଯ ଚ।
ପର୍ଯତପ୍ଯତ ଭୂଯୋପି କୃତ୍ବା ତତ୍କିଲ୍ବିଷଂ ମୁନେଃ॥ 1-42-25 (1874)
ନ ହି ମୃତ୍ଯୁଂ ତଥା ରାଜା ଶ୍ରୁତ୍ବା ବୈ ସୋଽନ୍ବତପ୍ଯତ।
ଅଶୋଚଦମରପ୍ରଖ୍ଯୋ ଯଥା କୃତ୍ବେହ କର୍ମ ତତ୍॥ 1-42-26 (1875)
ତତସ୍ତଂ ପ୍ରେଷଯାମାସ ରାଜା ଗୌରମୁଖଂ ତଦା।
ଭୂଯଃ ପ୍ରସାଦଂ ଭଗବାନ୍କରୋତ୍ବିହ ମମେତି ବୈ॥ 1-42-27 (1876)
`ଶ୍ରୁତ୍ବା ତୁ ବଚନଂ ରାଜ୍ଞୋ ମୁନିର୍ଗୌରମୁଖସ୍ତଦା।
ସମନୁଜ୍ଞାପ୍ଯ ବେଗେନ ପ୍ରଜଗାମାଶ୍ରମଂ ଗୁରୋଃ॥' 1-42-28 (1877)
ତସ୍ମିଂଶ୍ଚ ଗତମାତ୍ରେଽଥ ରାଜା ଗୌରମୁଖେ ତଦା।
ମନ୍ତ୍ରିଭିର୍ମନ୍ତ୍ରଯାମାସ ସହ ସଂବିଗ୍ନମାନସଃ॥ 1-42-29 (1878)
ସଂମନ୍ତ୍ର୍ଯ ମନ୍ତ୍ରିଭିଶ୍ଚୈବ ସ ତଥା ମନ୍ତ୍ରତତ୍ତ୍ବବିତ୍।
ପ୍ରାସାଦଂ କାରଯାମାସ ଏକସ୍ତମ୍ଭଂ ସୁରକ୍ଷିତମ୍॥ 1-42-30 (1879)
ରକ୍ଷାଂ ଚ ବିଦଧେ ତତ୍ର ଭିଷଜଶ୍ଚୌଷଧାନି ଚ।
ବ୍ରାହ୍ମଣାନ୍ମନ୍ତ୍ରସିଦ୍ଧାଂଶ୍ଚ ସର୍ବତୋ ବୈ ନ୍ଯଯୋଜଯତ୍॥ 1-42-31 (1880)
ରାଜକାର୍ଯାଣି ତତ୍ରସ୍ଥଃ ସର୍ବାଣ୍ଯେବାକରୋଚ୍ଚ ସଃ।
ମନ୍ତ୍ରିଭିଃ ସହ ଧର୍ମଜ୍ଞଃ ସମନ୍ତାତ୍ପରିରକ୍ଷିତଃ॥ 1-42-32 (1881)
ନ ଚୈନଂ କଶ୍ଚିଦାରୂଢଂ ଲଭତେ ରାଜସତ୍ତମମ୍।
ବାତୋଽପି ନିଶ୍ଚରଂସ୍ତତ୍ର ପ୍ରବେଶେ ବିନିବାର୍ଯତେ॥ 1-42-33 (1882)
ପ୍ରାପ୍ତେ ଚ ଦିବସେ ତସ୍ମିନ୍ସପ୍ତମେ ଦ୍ବିଜସତ୍ତମଃ।
କାଶ୍ଯପୋଽଭ୍ଯାଗମଦ୍ବିଦ୍ବାଂସ୍ତଂ ରାଜାନଂ ଚିକିତ୍ସିତୁମ୍॥ 1-42-34 (1883)
ଶ୍ରୁତଂ ହି ତେନ ତଦଭୂଦ୍ଯଥା ତଂ ରାଜସତ୍ତମମ୍।
ତକ୍ଷକଃ ପନ୍ନଗଶ୍ରେଷ୍ଠୋ ନେଷ୍ଯତେ ଯମସାଦନମ୍॥ 1-42-35 (1884)
ତଂ ଦଷ୍ଟଂ ପନ୍ନଗେନ୍ଦ୍ରେଣ କରିଷ୍ଯେଽହମପଜ୍ବରମ୍।
ତତ୍ର ମେଽର୍ଥଶ୍ଚ ଧର୍ମଶ୍ଚ ଭବିତେତି ବିଚିନ୍ତଯନ୍॥ 1-42-36 (1885)
ତଂ ଦଦର୍ଶ ସ ନାଗେନ୍ଦ୍ରସ୍ତକ୍ଷକଃ କାଶ୍ଯପଂ ପଥି।
ଗଚ୍ଛନ୍ତମେକମନସଂ ଦ୍ବିଜୋ ଭୂତ୍ବା ବଯୋଽତିଗଃ॥ 1-42-37 (1886)
ତମବ୍ରବୀତ୍ପନ୍ନଗେନ୍ଦ୍ରଃ କାଶ୍ଯପଂ ମୁନିପୁଂଗବମ୍।
କ୍ବ ଭବାଂସ୍ତ୍ବରିତୋ ଯାତି କିଂଚ କାର୍ଯଂ ଚିକୀର୍ଷତି॥ 1-42-38 (1887)
କାଶ୍ଯପ ଉବାଚ। 1-42-39x (203)
ନୃପଂ କୁରୁକୁଲୋତ୍ପନ୍ନଂ ପରିକ୍ଷିତମରିଂଦମମ୍।
ତକ୍ଷକଃ ପନ୍ନଗଶ୍ରେଷ୍ଠସ୍ତେଜସାଽଧ୍ଯ ପ୍ରଧକ୍ଷ୍ଯତି॥ 1-42-39 (1888)
ତଂ ଦଷ୍ଟଂ ପନ୍ନଗେନ୍ଦ୍ରେଣ ତେନାଗ୍ନିସମତେଜସମ୍।
ପାଣ୍ଡବାନାଂ କୁଲକରଂ ରାଜାନମମିତୌଜସମ୍। 1-42-4oc ଗଚ୍ଛାମିତ୍ବରିତଂ ସୌମ୍ଯ ସଦ୍ଯଃ କର୍ତୁମପଜ୍ବରମ୍॥ 1-42-40 (1889)
`ବିଜ୍ଞାତବିଷବିଦ୍ଯୋଽହଂ ବ୍ରାହ୍ମଣୋ ଲୋକପୂଜିତଃ।
ଅସ୍ମଦ୍ଗୁରୁକଟାକ୍ଷେଣ କଲ୍ଯୋଽହଂ ବିଷନାଶନେ॥' 1-42-41 (1890)
ତକ୍ଷକ ଉବାଚ। 1-42-42x (204)
ଅହଂ ସ ତକ୍ଷକୋ ବ୍ରହ୍ମଂସ୍ତଂ ଧକ୍ଷ୍ଯାମି ମହୀପତିମ୍।
ନିବର୍ତସ୍ବ ନ ଶକ୍ତସ୍ତ୍ବଂ ମଯା ଦଷ୍ଟଂ ଚିକିତ୍ସିତୁମ୍॥ 1-42-42 (1891)
କାଶ୍ଯପ ଉବାଚ। 1-42-43x (205)
ଅହଂ ତଂ ନୃପତିଂ ଗତ୍ବା ତ୍ବଯା ଦଷ୍ଟମପଜ୍ବରମ୍।
କରିଷ୍ଯାମୀତି ମେ ବୁଦ୍ଧିର୍ବିଦ୍ଯାବଲସମନ୍ବିତା॥ ॥ 1-42-43 (1892)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ଦ୍ବିଚତ୍ବାରିଂଶୋଽଧ୍ଯାଯଃ॥ 42 ॥
Mahabharata - Adi Parva - Chapter Footnotes
1-42-2 ସ୍ବୈରେଷ୍ବପି ପରିହାସାଦିଷ୍ବପି॥ 1-42-4 ବଯସ୍ଥୋଽପି ପ୍ରୌଢୋପି। ବାଚ୍ଯଃ ଶାସ୍ଯଃ॥ 1-42-5 ପ୍ରଭବତାଂ ଯୋଗୈଶ୍ବର୍ଯବତାମ୍॥ 1-42-8 ଯତୀନାଂ ଆମୁଷ୍ମିକହିତାର୍ଥଂ ଯତମାନାନାମ୍॥ 1-42-10 ସମନନ୍ତରାନ୍ ପ୍ରତ୍ଯାସନ୍ନାନ୍॥ 1-42-11 ସଂଦେଶହରମିତି ଶେଷଃ॥ 1-42-19 ନ ଚକ୍ଷମେ ନ କ୍ଷାନ୍ତବାନ୍॥ 1-42-23 ପାପଂ କୃତ୍ବୈବ ପର୍ଯତପ୍ଯତ ନତୁ ମୃତ୍ଯୁଂ ଶ୍ରୁତ୍ବା॥ 1-42-33 ଆରୂଢଂ ପ୍ରାସାଦାରୂଢମ୍॥ 1-42-43 ନୃପତିଂ ଗତ୍ବା ନୃପତିଂ ନାଗେତି ପାଠାନ୍ତରମ୍॥ ଦ୍ବିଚତ୍ବାରିଂଶୋଽଧ୍ଯାଯଃ॥ 42 ॥ଆଦିପର୍ବ - ଅଧ୍ଯାଯ 043
॥ ଶ୍ରୀଃ ॥
1.43. ଅଧ୍ଯାଯଃ 043
Mahabharata - Adi Parva - Chapter Topics
ସ୍ବଦଷ୍ଟନ୍ଯଗ୍ରୋଧୋଜ୍ଜୀବନେନ ପରୀକ୍ଷିତସ୍ଯ କାଶ୍ଯପସ୍ଯ ଧନଂ ଦତ୍ବା ତକ୍ଷକେଣ କୃତଂ ପରାବର୍ତନଂ ପରୀକ୍ଷିଦ୍ଦଂଶଶ୍ଚ॥ 1 ॥Mahabharata - Adi Parva - Chapter Text
1-43-0 (1893)
ତକ୍ଷକ ଉବାଚ। 1-43-0x (206)
ଯଦି ଦଷ୍ଟଂ ମଯେହ ତ୍ବଂ ଶକ୍ତଃ କିଂଚିଚ୍ଚିକିତ୍ସିତୁମ୍।
ତତୋ ବୃକ୍ଷଂ ମଯା ଦଷ୍ଟମିମଂ ଜୀବଯ କାଶ୍ଯପ॥ 1-43-1 (1894)
ପରଂ ମନ୍ତ୍ରବଲଂ ଯତ୍ତେ ତଦ୍ଦର୍ଶଯ ଯତସ୍ବ ଚ।
ନ୍ଯଗ୍ରୋଧମେନଂ ଧକ୍ଷ୍ଯାମି ପଶ୍ଯତସ୍ତେ ଦ୍ବିଜୋତ୍ତମ॥ 1-43-2 (1895)
କାଶ୍ଯପ ଉବାଚ। 1-43-3x (207)
ଦଶ ନାଗେନ୍ଦ୍ର ବୃକ୍ଷଂ ତ୍ବଂ ଯଦ୍ଯେତଦଭିମନ୍ଯସେ।
ଅହମେନଂ ତ୍ବଯା ଦଷ୍ଟଂ ଜୀବଯିଷ୍ଯେ ଭୁଜଂଗମ।
`ପଶ୍ଯ ମନ୍ତ୍ରବଲଂ ମେଽଦ୍ଯ ନ୍ଯଗ୍ରୋଧଂ ଦଶ ପନ୍ନଗ॥' 1-43-3 (1896)
ସୌତିରୁବାଚ। 1-43-4x (208)
ଏବମୁକ୍ତଃ ସ ନାଗେନ୍ଦ୍ରଃ କାଶ୍ଯପେନ ମହାତ୍ମନା।
ଅଦଶଦ୍ବୃକ୍ଷମଭ୍ଯେତ୍ଯ ନ୍ଯଗ୍ରୋଧଂ ପନ୍ନଗୋତ୍ତମଃ॥ 1-43-4 (1897)
ସ ବୃକ୍ଷସ୍ତେନ ଦଷ୍ଟସ୍ତୁ ପନ୍ନଗେନ ମହାତ୍ମନା।
ଆଶୀବିଷବିଷୋପେତଃ ପ୍ରଜଜ୍ବାଲ ସମନ୍ତତଃ॥ 1-43-5 (1898)
ତଂ ଦଗ୍ଧ୍ବା ସ ନଗଂ ନାଗଃ କାଶ୍ଯପଂ ପୁନରବ୍ରବୀତ୍।
କୁରୁ ଯତ୍ନଂ ଦ୍ବିଜଶ୍ରେଷ୍ଠ ଜୀବଯୈବ ବନସ୍ପତିମ୍॥ 1-43-6 (1899)
ସୌତିରୁବାଚ। 1-43-7x (209)
ଭସ୍ମୀଭୂତଂ ତତୋ ବୃକ୍ଷଂ ପନ୍ନଗେନ୍ଦ୍ରସ୍ଯ ତେଜସା।
ଭସ୍ମ ସର୍ବଂ ସମାହୃତ୍ଯ କାଶ୍ଯପୋ ବାକ୍ଯମବ୍ରବୀତ୍॥ 1-43-7 (1900)
ବିଦ୍ଯାବଲଂ ପନ୍ନଗେନ୍ଦ୍ର ପଶ୍ଯ ମେଽଦ୍ଯ ବନସ୍ପତୌ।
ଅହଂ ସଂଜୀବଯାମ୍ଯେନଂ ପଶ୍ଯତସ୍ତେ ଭୁଜଂଗମ॥ 1-43-8 (1901)
ତତଃ ସ ଭଗବାନ୍ବିଦ୍ବାନ୍କାଶ୍ଯପୋ ଦ୍ବିଜସତ୍ତମଃ।
ଭସ୍ମରାଶୀକୃତଂ ବୃକ୍ଷଂ ବିଦ୍ଯଯା ସମଜୀବଯତ୍॥ 1-43-9 (1902)
ଅଙ୍କୁରଂ କୃତବାଂସ୍ତତ୍ର ତତଃ ପର୍ଣଦ୍ବଯାନ୍ବିତମ୍।
ପଲାଶିନଂ ଶାଖିନଂ ଚ ତଥା ବିଟପିନଂ ପୁନଃ॥ 1-43-10 (1903)
ତଂ ଦୃଷ୍ଟ୍ବା ଜୀବିତଂ ବୃକ୍ଷଂ କାଶ୍ଯପେନ ମହାତ୍ମନା।
ଉବାଚ ତକ୍ଷକୋ ବ୍ରହ୍ମନ୍ନୈତଦତ୍ଯଦ୍ଭୁତଂ ତ୍ବଯି॥ 1-43-11 (1904)
ଦ୍ବିଜେନ୍ଦ୍ର ଯଦ୍ବିଷଂ ହନ୍ଯା ମମ ବା ମଦ୍ବିଧସ୍ଯ ବା।
କଂ ତ୍ବମର୍ଥମଭିପ୍ରେପ୍ସୁର୍ଯାସି ତତ୍ର ତପୋଧନ॥ 1-43-12 (1905)
ଯତ୍ତେଽଭିଲଷିତଂ ପ୍ରାପ୍ତଂ ଫଲଂ ତସ୍ମାନ୍ନୃପୋତ୍ତମାତ୍।
ଅହମେବ ପ୍ରଦାସ୍ଯାମି ତତ୍ତେ ଯଦ୍ଯପି ଦୁର୍ଲଭମ୍॥ 1-43-13 (1906)
ବିପ୍ରଶାପାଭିଭୂତେ ଚ କ୍ଷୀଣାଯୁଷି ନରାଧିପେ।
ଘଟମାନସ୍ଯ ତେ ବିପ୍ର ସିଦ୍ଧିଃ ସଂଶଯିତା ଭବେତ୍॥ 1-43-14 (1907)
ତତୋ ଯଶଃ ପ୍ରଦୀପ୍ତଂ ତେ ତ୍ରିଷୁ ଲୋକେଷୁ ବିଶ୍ରୁତମ୍।
ନିରଂଶୁରିବ ଘର୍ମାଂଶୁରନ୍ତର୍ଧାନମିତୋ ବ୍ରଜେତ୍॥ 1-43-15 (1908)
କାଶ୍ଯପ ଉବାଚ। 1-43-16x (210)
ଧନାର୍ଥୀ ଯାମ୍ଯହଂ ତତ୍ର ତନ୍ମେ ଦେହି ଭୁଜଂଗମ।
ତତୋଽହଂ ବିନିବର୍ତିଷ୍ଯେ ସ୍ବାପତେଯଂ ପ୍ରଗୃହ୍ଯ ବୈ॥ 1-43-16 (1909)
ତକ୍ଷକ ଉବାଚ। 1-43-17x (211)
ଯାବଦ୍ଧନଂ ପ୍ରାର୍ଥଯସେ ତସ୍ମାଦ୍ରାଜ୍ଞସ୍ତତୋଽଧିକମ୍।
ଅହମେବ ପ୍ରଦାସ୍ଯାମି ନିବର୍ତସ୍ବ ଦ୍ବିଜୋତ୍ତମ॥ 1-43-17 (1910)
ସୌତିରୁବାଚ। 1-43-18x (212)
ତକ୍ଷକସ୍ଯ ବଚଃ ଶ୍ରୁତ୍ବା କାଶ୍ଯପୋ ଦ୍ବିଜସତ୍ତମଃ।
ପ୍ରଦଧ୍ଯୌ ସୁମହାତେଜାରାଜାନଂ ପ୍ରତି ବୁଦ୍ଧିମାନ୍॥ 1-43-18 (1911)
ଦିବ୍ଯଜ୍ଞାନଃ ସ ତେଜସ୍ବୀ ଜ୍ଞାତ୍ବା ତଂ ନୃପତିଂ ତଦା।
କ୍ଷୀଣାଯୁଷଂ ପାଣ୍ଡବେଯମପାବର୍ତତ କାଶ୍ଯପଃ॥ 1-43-19 (1912)
ଲବ୍ଧ୍ବା ବିତ୍ତଂ ମୁନିବରସ୍ତକ୍ଷକାଦ୍ଯାବଦୀପ୍ସିତମ୍।
ନିବୃତ୍ତେ କାଶ୍ଯପେ ତସ୍ମିନ୍ସମଯେନ ମହାତ୍ମନି॥ 1-43-20 (1913)
ଜଗାମ ତକ୍ଷକସ୍ତୂର୍ଣଂ ନଗରଂ ନାଗସାହ୍ବଯମ୍।
ଅଥ ଶୁଶ୍ରାବ ଗଚ୍ଛନ୍ସ ତକ୍ଷକୋ ଜଗତୀପତିମ୍॥ 1-43-21 (1914)
ମନ୍ତ୍ରୈର୍ବିଷହରୈର୍ଦିବ୍ଯୈ ରକ୍ଷ୍ଯମାଣଂ ପ୍ରଯତ୍ନତଃ। 1-43-22 (1915)
ସୌତିରୁବାଚ।
ସ ଚିନ୍ତଯାମାସ ତଦା ମାଯାଯୋଗେନ ପାର୍ଥିବଃ॥ 1-43-22x (213)
ମଯା ବଞ୍ଚଯିତବ୍ଯୋଽସୌ କ ଉପାଯୋ ଭବେଦିତି।
ତତସ୍ତାପସରୂପେଣ ପ୍ରାହିଣୋତ୍ସ ଭୁଜଂଗମାନ୍॥ 1-43-23 (1916)
ଫଲପତ୍ରୋଦକଂ ଗୃହ୍ଯ ରାଜ୍ଞେ ନାଗୋଽଥ ତକ୍ଷକଃ। 1-43-24 (1917)
ତକ୍ଷକ ଉବାଚ।
ଗଚ୍ଛଧ୍ବଂ ଯୂଯମବ୍ଯଗ୍ରା ରାଜାନଂ କାର୍ଯବତ୍ତଯା॥ 1-43-24x (214)
ଫଲପତ୍ରୋଦକଂ ନାଗାଃ ପ୍ରତିଗ୍ରାହଯିତୁଂ ନୃପମ୍। 1-43-25 (1918)
ସୌତିରୁବାଚ।
ତେ ତକ୍ଷକସମାଦିଷ୍ଟାସ୍ତଥା ଚକ୍ରୁର୍ଭୁଜଙ୍ଗମାଃ॥ 1-43-25x (215)
ଉପନିନ୍ଯୁସ୍ତଥା ରାଜ୍ଞେ ଦର୍ଭାନମ୍ଭଃ ଫଲାନି ଚ।
ତଚ୍ଚ ସର୍ବଂ ସ ରାଜେନ୍ଦ୍ରଃ ପ୍ରତିଜଗ୍ରାହ ବୀର୍ଯବାନ୍॥ 1-43-26 (1919)
କୃତ୍ବା ତେଷାଂ ଚ କାର୍ଯାଣି ଗମ୍ଯତାମିତ୍ଯୁବାଚ ତାନ୍।
ଗତେଷୁ ତେଷୁ ନାଗେଷୁ ତାପସଚ୍ଛଦ୍ମରୂପିଷୁ॥ 1-43-27 (1920)
ଅମାତ୍ଯାନ୍ସୁହୃଦଶ୍ଚୈବ ପ୍ରୋବାଚ ସ ନରାଧିପଃ।
ଭକ୍ଷଯନ୍ତୁ ଭବନ୍ତୋ ବୈ ସ୍ବାଦୂନୀମାନି ସର୍ବଶଃ॥ 1-43-28 (1921)
ତାପସୈରୁପନୀତାନି ଫଲାନି ସହିତା ମଯା।
ତତୋ ରାଜା ସସଚିବଃ ଫଲାନ୍ଯାଦାତୁମୈଚ୍ଛତ॥ 1-43-29 (1922)
ବିଧିନା ସଂପ୍ରଯୁକ୍ତୋ ବୈ ଋଷିବାକ୍ଯେନ ତେନ ତୁ।
ଯସ୍ମିନ୍ନେବ ଫଲେ ନାଗସ୍ତମେବାଭକ୍ଷଯତ୍ସ୍ବଯମ୍॥ 1-43-30 (1923)
ତତୋ ଭକ୍ଷଯତସ୍ତସ୍ଯ ଫଲାତ୍କୃମିରଭୂଦଣୁଃ।
ହ୍ରସ୍ବକଃ କୃଷ୍ଣନଯନସ୍ତାମ୍ରବର୍ଣୋଽଥ ଶୌନକ॥ 1-43-31 (1924)
ସ ତଂ ଗୃହ୍ଯ ନୃପଶ୍ରେଷ୍ଠଃ ସଚିବାନିଦମବ୍ରବୀତ୍।
ଅସ୍ତମଭ୍ଯେତି ସବିତା ବିଷାଦଦ୍ଯ ନ ମେ ଭଯମ୍॥ 1-43-32 (1925)
ସତ୍ଯବାଗସ୍ତୁ ସ ମୁନିଃ କୃମିର୍ମାଂ ଦଶତାମଯମ୍।
ତକ୍ଷକୋ ନାମ ଭୂତ୍ବା ବୈ ତଥା ପରିହୃତଂ ଭବେତ୍॥ 1-43-33 (1926)
ତେ ଚୈନମନ୍ବବର୍ତନ୍ତ ମନ୍ତ୍ରିଣଃ କାଲଚୋଦିତାଃ।
ଏବମୁକ୍ତ୍ବା ସ ରାଜେନ୍ଦ୍ରୋ ଗ୍ରୀବାଯାଂ ସନ୍ନିବେଶ୍ଯହ॥ 1-43-34 (1927)
କୃମିକଂ ପ୍ରାହସତ୍ତୂର୍ଣଂ ମୁମୂର୍ଷୁର୍ନଷ୍ଟଚେତନଃ।
ପ୍ରହସନ୍ନେବ ଭୋଗେନ ତକ୍ଷକେଣାଭିବେଷ୍ଟିତଃ॥ 1-43-35 (1928)
ତସ୍ମାତ୍ଫଲାଦ୍ବିନିଷ୍କ୍ରମ୍ଯ ଯତ୍ତଦ୍ରାଜ୍ଞେ ନିବେଦିତମ୍।
ବେଷ୍ଟଯିତ୍ବା ଚ ଭୋଗେନ ବିନଦ୍ଯ ଚ ମହାସ୍ବନମ୍।
ଅଦଶତ୍ପୃଥିବୀପାଲଂ ତକ୍ଷକଃ ପନ୍ନଗେଶ୍ବରଃ॥ ॥ 1-43-36 (1929)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ତ୍ରିଚତ୍ବାରିଂଶୋଽଧ୍ଯାଯଃ॥ 43 ॥
Mahabharata - Adi Parva - Chapter Footnotes
1-43-3 ଦଶ ଦଂଶଂ କୁରୁ॥ 1-43-6 ନଗ ବୃକ୍ଷମ୍॥ 1-43-13 ଯତ୍ ଫଲଂ ପ୍ରାପ୍ତୁମଭିଲଷିତଂ ତତ୍ ଇତ୍ଯନ୍ବଯଃ॥ 1-43-14 ଘଟମାନସ୍ଯ ସଜ୍ଜମାନସ୍ଯ॥ 1-43-16 ସ୍ବାପତେଯଂ ଧନମ୍॥ 1-43-22 ତତ୍ରାଗତୈର୍ବିଷହରୈରିତି ପାଠାନ୍ତରମ୍॥ 1-43-31 ଯଜ୍ଜଗ୍ରାହ ଫଲଂ ରାଜା ତତ୍ର କ୍ରିମିରଭୂଦଣୁଃ ଇତି ପାଠାନ୍ତରମ୍॥ 1-43-33 କ୍ରିମିକୋ ମାଂ ଦଶତ୍ବଯଂ ଇତି ପାଠାନ୍ତରମ୍॥ ତ୍ରିଚତ୍ବାରିଶୋଽଧ୍ଯାଯଃ॥ 43 ॥ଆଦିପର୍ବ - ଅଧ୍ଯାଯ 044
॥ ଶ୍ରୀଃ ॥
1.44. ଅଧ୍ଯାଯଃ 044
Mahabharata - Adi Parva - Chapter Topics
ପରୀକ୍ଷିନ୍ମରଣୋତ୍ତରଂ ତତ୍ପୁତ୍ରସ୍ଯ ଜନମେଜଯସ୍ଯ ରାଜ୍ଯାଭିଷେକଃ॥ 1 ॥ ବପୁଷ୍ଟମାବିବାହଃ॥ 2 ॥Mahabharata - Adi Parva - Chapter Text
1-44-0 (1930)
ସୌତିରୁବାଚ। 1-44-0x (216)
ତଂ ତଥା ମନ୍ତ୍ରିଣୋ ଦୃଷ୍ଟ୍ବା ଭୋଗେନ ପରିବେଷ୍ଟିତମ୍।
ବିଷଣ୍ଣବଦନାଃ ସର୍ବେ ରୁରୁଦୁର୍ଭୃଶଦୁଃଖିତାଃ॥ 1-44-1 (1931)
ତଂ ତୁ ନାଗଂ ତତୋ ଦୃଷ୍ଟ୍ବା ମନ୍ତ୍ରିଣସ୍ତେ ପ୍ରଦୁଦ୍ରୁବୁଃ।
ଅପଶ୍ଯନ୍ତ ତଥା ଯାନ୍ତମାକାଶେ ନାଗମଦ୍ଭୁତମ୍॥ 1-44-2 (1932)
ସୀମନ୍ତମିବ କୁର୍ବାଣଂ ନଭସଃ ପଦ୍ମବର୍ଚସମ୍।
ତକ୍ଷକଂ ପନ୍ନଗଶ୍ରେଷ୍ଠଂ ଭୃଶଂ ଶୋକପରାଯଣାଃ॥ 1-44-3 (1933)
ତତସ୍ତୁ ତେ ତଦ୍ଗୃହମଗ୍ନିନା ବୃତଂ
ପ୍ରଦୀପ୍ଯମାନଂ ବିଷଜେନ ଭୋଗିନଃ।
ଭଯାତ୍ପରିତ୍ଯଜ୍ଯ ଦିଶଃ ପ୍ରପେଦିରେ
ପପାତ ତଚ୍ଚାଶନିତାଡିତଂ ଯଥା॥ 1-44-4 (1934)
ତତୋ ନୃପେ ତକ୍ଷକତେଜସାହତେ
ପ୍ରଯୁଜ୍ଯ ସର୍ବାଃ ପରଲୋକସତ୍କ୍ରିଯାଃ।
ଶୁଚିର୍ଦିଜୋ ରାଜପୁରୋହିତସ୍ତଦା
ତଥୈବ ତେ ତସ୍ଯ ନୃପସ୍ଯ ମନ୍ତ୍ରିଣଃ॥ 1-44-5 (1935)
ନୃପଂ ଶିଶୁଂ ତସ୍ଯ ସୁତଂ ପ୍ରଚକ୍ରିରେ
ସମେତ୍ଯ ସର୍ବେ ପୁରବାସିନୋ ଜନାଃ।
ନୃପଂ ଯମାହୁସ୍ତମମିତ୍ରଘାତିନଂ
କୁରୁପ୍ରବୀରଂ ଜନମେଜଯଂ ଜନାଃ॥ 1-44-6 (1936)
ସ ବାଲ ଏବାର୍ଯମତିର୍ନୃପୋତ୍ତମଃ
ସହୈବ ତୈର୍ମନ୍ତ୍ରିପୁରୋହିତୈସ୍ତଦା।
ଶଶାସ ରାଜ୍ଯଂ କୁରୁପୁଂଗବାଗ୍ରଜୋ
ଯଥାଽସ୍ଯ ବୀରଃ ପ୍ରପିତାମହସ୍ତଥା॥ 1-44-7 (1937)
ତତସ୍ତୁ ରାଜାନମମିତ୍ରତାପନଂ
ସମୀକ୍ଷ୍ଯ ତେ ତସ୍ଯ ନୃପସ୍ଯ ମନ୍ତ୍ରିଣଃ।
ସୁବର୍ଣବର୍ମାଣମୁପେତ୍ଯ କାଶିପ
ବପୁଷ୍ଟମାର୍ଥଂ ବରଯାଂପ୍ରଚକ୍ରମୁଃ॥ 1-44-8 (1938)
ତତଃ ସ ରାଜା ପ୍ରଦଦୌ ବପୁଷ୍ଟମାଂ
କୁରୁପ୍ରବୀରାଯ ପରୀକ୍ଷ୍ଯ ଧର୍ମତଃ।
ସ ଚାପି ତାଂ ପ୍ରାପ୍ଯ ମୁଦା ଯୁତୋଽଭବ-
ନ୍ନ ଚାନ୍ଯନାରୀଷୁ ମନୋ ଦଧେ କ୍ବଚିତ୍॥ 1-44-9 (1939)
ସରଃସୁ ଫୁଲ୍ଲେଷୁ ବନେଷୁ ଚୈବ
ପ୍ରସନ୍ନଚେତା ବିଜହାର ବୀର୍ଯବାନ୍।
ତଥା ସ ରାଜନ୍ଯବରୋ ବିଜହ୍ରିବାନ୍
ଯଥୋର୍ବଶୀଂ ପ୍ରାପ୍ଯ ପୁରା ପୁରୂରବାଃ॥ 1-44-10 (1940)
ବପୁଷ୍ଟମା ଚାପି ବରଂ ପତିବ୍ରତା
ପ୍ରତୀତରୂପା ସମବାପ୍ଯ ଭୂପତିମ୍।
ଭାବେନ ରାମା ରମଯାଂବଭୂବ ତଂ
ବିହାରକାଲେଷ୍ବବରୋଧସୁନ୍ଦରୀ॥ ॥ 1-44-11 (1941)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ଚତୁଶ୍ଚତ୍ବାରିଂଶୋଽଧ୍ଯାଯଃ॥ 44 ॥
Mahabharata - Adi Parva - Chapter Footnotes
1-44-2 ଦହ୍ଯମାନଂ ତତୋ ଦୃଷ୍ଟ୍ବା ଇତି ପାଠାନ୍ତରମ୍॥ 1-44-7 ପ୍ରପିତାମହୋ ଯୁଧିଷ୍ଠିରଃ॥ 1-44-8 ବପୁଷ୍ଟମା କାଶିରାଜକନ୍ଯା॥ 1-44-11 ବରଂ ବରଣୀଯମ୍। ପ୍ରତୀତରୂପା ହୃଷ୍ଟରୂପା॥ ଚତୁଶ୍ଚତ୍ବାରିଂଶୋଽଧ୍ଯାଯଃ॥ 44 ॥ଆଦିପର୍ବ - ଅଧ୍ଯାଯ 045
॥ ଶ୍ରୀଃ ॥
1.45. ଅଧ୍ଯାଯଃ 045
Mahabharata - Adi Parva - Chapter Topics
ଜରତ୍କାରୋଃ ସ୍ବପିତୄଣାଂ ଦର୍ଶନଂ ତଦ୍ଭାଷଣଂ ଚ॥ 1 ॥Mahabharata - Adi Parva - Chapter Text
1-45-0 (1942)
ସୌତିରୁବାଚ। 1-45-0x (217)
ଏତସ୍ମିନ୍ନେବ କାଲେ ତୁ ଜରତ୍କାରୁର୍ମହାତପାଃ।
ଚଚାର ପୃଥିବୀଂ କୃତ୍ସ୍ନାଂ ଯତ୍ରସାଯଂଗୃହୋ ମୁନିଃ॥ 1-45-1 (1943)
ଚରନ୍ଦୀକ୍ଷାଂ ମହାତେଜା ଦୁଶ୍ଚରାମକୃତାତ୍ମଭିଃ।
ତୀର୍ଥେଷ୍ବାପ୍ଲବନଂ କୁର୍ବନ୍ପୁଣ୍ଯେଷୁ ବିଚଚାର ହ॥ 1-45-2 (1944)
ବାଯୁଭକ୍ଷୋ ନିରାହାରଃ ଶୁଷ୍ଯନ୍ନହରହର୍ମୁନିଃ।
ସଂ ଦଦର୍ଶ ପିତୄନ୍ଗର୍ତେ ଲମ୍ବମାନାନଧୋମୁଖାନ୍॥ 1-45-3 (1945)
ଏକତନ୍ତ୍ବବଶିଷ୍ଟଂ ବୈ ବୀରଣସ୍ତମ୍ବମାଶ୍ରିତାନ୍।
ତଂ ତନ୍ତୁଂ ଚ ଶନୈରାଖୁମାଦଦାନଂ ବିଲେଶଯମ୍॥ 1-45-4 (1946)
ନିରାହାରାନ୍କୃଶାନ୍ଦୀନାନ୍ଗର୍ତେ ସ୍ବତ୍ରାଣମିଚ୍ଛତଃ।
ଉପସୃତ୍ଯ ସ ତାନ୍ଦୀନାନ୍ଦୀନରୂପୋଽଭ୍ଯଭାଷତ॥ 1-45-5 (1947)
କେ ଭବନ୍ତୋଽବଲମ୍ବନ୍ତେ ବୀରମସ୍ତମ୍ବମାଶ୍ରିତାଃ।
ଦୁର୍ବଲଂ ଖାଦିତୈର୍ମୂଲୈରାଖୁନା ବିଲବାସିନା॥ 1-45-6 (1948)
ବୀରଣସ୍ତମ୍ବକେ ମୂଲଂ ଯଦପ୍ଯେକମିହ ସ୍ଥିତମ୍।
ତଦ୍ଭପ୍ଯଯଂ ଶନୈରାଖୁରାଦତ୍ତେ ଦଶନୈଃ ଶିତୈଃ॥ 1-45-7 (1949)
ଛେତ୍ସ୍ଯତେଽଲ୍ପାବଶିଷ୍ଟତ୍ବାଦେତଦପ୍ଯଚିରାଦିବ।
ତତସ୍ତୁ ପତିତାରୋଽତ୍ର ଗର୍ତେ ବ୍ଯକ୍ତମଧୋମୁଖାଃ॥ 1-45-8 (1950)
ଅତ୍ର ମେ ଦୁଃଖମୁତ୍ପନ୍ନଂ ଦୃଷ୍ଟ୍ବା ଯୁଷ୍ମାନଧୋମୁଖାନ୍।
କୃଚ୍ଛ୍ରାମାପଦମାପନ୍ନାନ୍ପ୍ରିଯଂ କିଂ କରବାଣି ବଃ॥ 1-45-9 (1951)
ତପସୋଽସ୍ଯ ଚତୁର୍ଥେନ ତୃତୀଯେନାଥ ବା ପୁନଃ।
ଅର୍ଧେନ ବାପି ନିସ୍ତର୍ତୁମାପଦଂ ବ୍ରୂତ ମା ଚିରମ୍॥ 1-45-10 (1952)
ଅଥବାପି ସମଗ୍ରେଣ ତରନ୍ତୁ ତପସା ମମ।
ଭବନ୍ତଃ ସର୍ବ ଏବେହ କାମମେବଂ ବିଧୀଯତାମ୍॥ 1-45-11 (1953)
ପିତର ଊଚୁଃ। 1-45-12x (218)
କୁତୋ ଭବାନ୍ବ୍ରହ୍ମଚାରୀ ଯୋ ନସ୍ତ୍ରାତୁମିହେଚ୍ଛସି।
ନ ତୁ ବିପ୍ରାଗ୍ର୍ଯ ତପସା ଶକ୍ଯମେତଦ୍ବ୍ଯପୋହିତୁମ୍॥ 1-45-12 (1954)
ଅସ୍ତି ନସ୍ତାତ ତପସଃ ଫଲଂ ପ୍ରବଦତାଂ ବର।
ସଂତାନପ୍ରକ୍ଷଯାଦ୍ବ୍ରହ୍ମନ୍ପତାମୋ ନିରଯେଽଶୁଚୌ॥ 1-45-13 (1955)
ସନ୍ତାନଂ ହି ପରୋ ଧର୍ମଂ ଏବମାହ ପିତାମହଃ।
ଲମ୍ବତାମିହ ନସ୍ତାତ ନ ଜ୍ଞାନଂ ପ୍ରତିଭାତି ବୈ॥ 1-45-14 (1956)
ଯେନ ତ୍ବାଂ ନାଭିଜାନୀମୋ ଲୋକେ ବିଖ୍ଯାତପୌରୁଷମ୍।
ବୃଦ୍ଧୋ ଭବାନ୍ମହାଭାଗୋଯୋନଃ ଶୋଚ୍ଯାନ୍ସୁଦୁଃଖିତାନ॥ 1-45-15 (1957)
ଶୋଚତେ ଚୈବ କାରୁଣ୍ଯାଚ୍ଛୃଣୁ ଯେ ବୈ ବଯଂ ଦ୍ବିଜ।
ଯାଯାବରା ନାମ ବଯମୃଷଯଃ ସଂଶିତବ୍ରତାଃ॥ 1-45-16 (1958)
ଲୋକାତ୍ପୁମ୍ଯାଦିହ ଭ୍ରଷ୍ଟାଃ ସନ୍ତାନପ୍ରକ୍ଷଯାନ୍ମୁନେ।
ପ୍ରଣଷ୍ଟଂ ନସ୍ତପସ୍ତୀବ୍ରଂ ନ ହି ନସ୍ତନ୍ତୁରସ୍ତି ବୈ॥ 1-45-17 (1959)
ଅସ୍ତିତ୍ବେକୋଽଦ୍ଯ ନସ୍ତନ୍ତୁଃ ସୋଽପି ନାସ୍ତି ଯଥା ତଥା।
ମନ୍ଦଭାଗ୍ଯୋଽଲ୍ପଭାଗ୍ଯାନାଂ ତପ ଏକଂ ସମାସ୍ଥିତଃ॥ 1-45-18 (1960)
ଜରତ୍କାରୁରିତି ଖ୍ଯାତୋ ବେଦବେଦାଙ୍ଗପାରଗଃ।
ନିଯତାତ୍ମା ମହାତ୍ମା ଚ ସୁବ୍ରତଃ ସୁମହାତପାଃ॥ 1-45-19 (1961)
ତେନ ସ୍ମ ତପସୋ ଲୋଭାତ୍କୃଚ୍ଛ୍ରମାପାଦିତା ବଯମ୍।
ନ ତସ୍ଯ ଭାର୍ଯା ପୁତ୍ରୋ ବା ବାନ୍ଧବୋ ବାଽସ୍ତି କଶ୍ଚନ॥ 1-45-20 (1962)
ତସ୍ମାଲ୍ଲମ୍ବାମହେ ଗର୍ତେ ନଷ୍ଟସଂଜ୍ଞା ହ୍ଯନାଥବତ୍।
ସ ବକ୍ତବ୍ଯସ୍ତ୍ବଯା ଦୃଷ୍ଟୋ ହ୍ଯସ୍ମାକଂ ନାଥବତ୍ତଯା॥ 1-45-21 (1963)
ପିତରସ୍ତେଽବଲମ୍ବନ୍ତେ ଗର୍ତେ ଦୀନା ଅଧୋମୁଖାଃ।
ସାଧୁ ଦାରାନ୍କୁରୁଷ୍ବେତି ପ୍ରଜାଯସ୍ବେତି ଚାଭି ଭୋଃ॥ 1-45-22 (1964)
କୁଲତନ୍ତୁର୍ହି ନଃ ଶିଷ୍ଟଃ ସ ଏକୈକସ୍ତପୋଧନ।
ଯଂ ତୁ ପଶ୍ଯସି ନୋ ବ୍ରହ୍ମନ୍ବୀରଣସ୍ତମ୍ବମାଶ୍ରଯମ୍॥ 1-45-23 (1965)
ଏଷୋଽସ୍ମାକଂ କୁଲସ୍ତମ୍ବ ଆସ୍ତେ ସ୍ବକୁଲବର୍ଧନଃ।
ଯାନି ପଶ୍ଯସି ବୈ ବ୍ରହ୍ମନ୍ମୂଲାନୀହାସ୍ଯ ବୀରୁଧଃ॥ 1-45-24 (1966)
ଏତେ ନସ୍ତନ୍ତବସ୍ତାତ କାଲେନ ପରିଭକ୍ଷିତାଃ।
ଯତ୍ତ୍ବେତତ୍ପଶ୍ଯସି ବ୍ରହ୍ମନ୍ମୂଲମସ୍ଯାର୍ଧଭକ୍ଷିତମ୍॥ 1-45-25 (1967)
ଯତ୍ର ଲମ୍ବାମହେ ଗର୍ତେ ସୋଽପ୍ଯେକସ୍ତପ ଆସ୍ଥିତଃ।
ଯମାଖୁଂ ପଶ୍ଯସି ବ୍ରହ୍ମନ୍କାଲ ଏଷ ମହାବଲଃ॥ 1-45-26 (1968)
ସ ତଂ ତପୋରତଂ ମନ୍ଦଂ ଶନୈଃ କ୍ଷପଯତେ ତୁଦନ୍।
ଜରତ୍କାରୁଂ ତପୋଲୁବ୍ଧଂ ମନ୍ଦାତ୍ମାନମଚେତସମ୍॥ 1-45-27 (1969)
ନ ହି ନସ୍ତତ୍ତପସ୍ତସ୍ଯ ତାରଯିଷ୍ଯତି ସତ୍ତମ।
ଛିନ୍ନମୂଲାନ୍ପରିଭ୍ରଷ୍ଟାନ୍କାଲୋପହତଚେତସଃ॥ 1-45-28 (1970)
ଅଧଃ ପ୍ରବିଷ୍ଟାନ୍ପଶ୍ଯାସ୍ମାନ୍ଯଥା ଦୁଷ୍କୃତିନସ୍ତଥା।
ଅସ୍ମାସୁ ପତିତେଷ୍ବତ୍ର ସହ ସର୍ବୈଃ ସବାନ୍ଧବୈଃ॥ 1-45-29 (1971)
ଛିନ୍ନଃ କାଲେନ ସୋଽପ୍ଯତ୍ର ଗନ୍ତା ବୈ ନରକଂ ତତଃ।
ତପୋ ବାଽପ୍ଯଥ ଚା ଯଜ୍ଞୋ ଯଚ୍ଚାନ୍ଯତ୍ପାବନଂ ମହତ୍॥ 1-45-30 (1972)
ତତ୍ସର୍ବଂ ନ ସମଂ ତାତ ସଂତତ୍ଯେତି ସତାଂ ମତମ୍।
ସ ତାତ ଦୃଷ୍ଟ୍ବା ବ୍ରୂଯାସ୍ତଂ ଜରତ୍କାରୁଂ ତପୋଧନ॥ 1-45-31 (1973)
ଯଥା ଦୃଷ୍ଟମିଦଂ ଚାତ୍ର ତ୍ବଯାଽଽଖ୍ଯେଯମଶେଷତଃ।
ଯଥା ଦାରାନ୍ପ୍ରକୁର୍ଯାତ୍ସ ପୁତ୍ରାନୁତ୍ପାଦଯେଦ୍ଯଥା॥ 1-45-32 (1974)
ବା ବ୍ରହ୍ମଂସ୍ତ୍ବଯା ବାଚ୍ଯଃ ସୋଽସ୍ମାକଂ ନାଥବତ୍ତଯା।
ବାନ୍ଧବାନାଂ ହିତସ୍ଯେହ ଯଥା ଚାତ୍ମକୁଲଂ ତଥା॥ 1-45-33 (1975)
କସ୍ତ୍ବଂ ବନ୍ଧୁମିବାସ୍ମାକମନୁଶୋଚସି ସତ୍ତମ।
ଶ୍ରୋତୁମିଚ୍ଛାମ ସର୍ବେଷାଂ କୋ ଭବାନିହ ତିଷ୍ଠତି॥ ॥ 1-45-34 (1976)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ପଞ୍ଚଚତ୍ବାରିଂଶୋଽଧ୍ଯାଯଃ॥ 45 ॥
Mahabharata - Adi Parva - Chapter Footnotes
1-45-5 ସ୍ବତ୍ରାଣଂ ସ୍ବରକ୍ଷାମ୍॥ 1-45-8 ପତିତାରଃ ପତିଷ୍ଯଥା॥ 1-45-12 ଏତତ୍ ଅସ୍ମଦୀଯଂ କୃଚ୍ଛ୍ରଂ ବ୍ଯପୋହିତୁଂ ଅପନେତୁମ୍॥ ପଞ୍ଚଚତ୍ବାରିଂଶୋଽଧ୍ଯାଯଃ॥ 45 ॥ଆଦିପର୍ବ - ଅଧ୍ଯାଯ 046
॥ ଶ୍ରୀଃ ॥
1.46. ଅଧ୍ଯାଯଃ 046
Mahabharata - Adi Parva - Chapter Topics
ଜରତ୍କାରୋଃ ସ୍ବପିତୃସଂବାଦାନନ୍ତରଂ ଦାରାନ୍ବେଷଣମ୍॥ 1 ॥Mahabharata - Adi Parva - Chapter Text
1-46-0 (1977)
ସୌତିରୁବାଚ। 1-46-0x (219)
ଏତଚ୍ଛ୍ରୁତ୍ବା ଜରତ୍କାରୁର୍ଭୃଶଂ ଶୋକପରାଯଣଃ।
ଉବାଚ ତାନ୍ପିତୄନ୍ଦୁଃଖାଦ୍ବାଷ୍ପସଂଦିଗ୍ଧଯା ଗିରା॥ 1-46-1 (1978)
ଜରତ୍କାରୁରୁବାଚ। 1-46-2x (220)
ମମ ପୂର୍ବେ ଭବନ୍ତୋ ବୈ ପିତରଃ ସପିତାମହାଃ।
ତଦ୍ବ୍ରୂତ ଯନ୍ମଯା କାର୍ଯଂ ଭବତାଂ ପ୍ରିଯକାମ୍ଯଯା॥ 1-46-2 (1979)
ଅହମେବ ଜରତ୍କାରୁଃ କିଲ୍ବିଷୀ ଭବତାଂ ସୁତଃ।
ତେ ଦଣ୍ଡଂ ଧାରଯତ ମେ ଦୁଷ୍କୃତେରକୃତାତ୍ମନଃ॥ 1-46-3 (1980)
ପିତର ଊଚୁଃ। 1-46-4x (221)
ପୁତ୍ର ଦିଷ୍ଟ୍ଯାଽସି ସଂପ୍ରାପ୍ତ ଇମଂ ଦେଶଂ ଯଦୃଚ୍ଛଯା।
କିମର୍ଥଂ ଚ ତ୍ବଯା ବ୍ରହ୍ମନ୍ନ କୃତୋ ଦାରସଙ୍ଗ୍ରହଃ॥ 1-46-4 (1981)
ଜରତ୍କାରୁରୁବାଚ। 1-46-5x (222)
ମମାଯଂ ପିତରୋ ନିତ୍ଯଂ ହୃଦ୍ଯର୍ଥଃ ପରିବର୍ତତେ।
ଊର୍ଧ୍ବରେତାଃ ଶରୀରଂ ବୈ ପ୍ରାପଯେଯମମୁତ୍ର ବୈ॥ 1-46-5 (1982)
ନ ଦାରାନ୍ବୈ କରିଷ୍ଯେଽହମିତି ମେ ଭାବିତଂ ମନଃ।
ଏବଂ ଦୃଷ୍ଟ୍ବା ତୁ ଭବତଃ ଶକୁନ୍ତାନିବ ଲମ୍ବତଃ॥ 1-46-6 (1983)
ମଯା ନିବର୍ତିତା ବୁଦ୍ଧିର୍ବ୍ରହ୍ମଚର୍ଯାତ୍ପିତାମହାଃ।
କରିଷ୍ଯେ ବଃ ପ୍ରିଯଂ କାମଂ ନିବେକ୍ଷ୍ଯେଽହମସଂଶଯମ୍॥ 1-46-7 (1984)
ସନାମ୍ନୀଂ ଯଦ୍ଯହଂ କନ୍ଯାମୁପଲପ୍ସ୍ଯେ କଦାଚନ।
ଭବିଷ୍ଯତି ଚ ଯା କାଚିଦ୍ଭୈକ୍ଷ୍ଯବତ୍ସ୍ବଯମୁଦ୍ଯତା॥ 1-46-8 (1985)
ପ୍ରତିଗ୍ରହୀତା ତାମସ୍ମି ନ ଭରେଯଂ ଚ ଯାମହମ୍।
ଏବଂବିଧମହଂ କୁର୍ଯାଂ ନିବେଶଂ ପ୍ରାପ୍ନୁଯାଂ ଯଦି।
ଅନ୍ଯଥା ନ କରିଷ୍ଯେଽହଂ ସତ୍ଯମେତତ୍ପିତାମହାଃ॥ 1-46-9 (1986)
ତତ୍ର ଚୋତ୍ପତ୍ସ୍ଯତେ ଜନ୍ତୁର୍ଭବତାଂ ତାରଣାଯ ବୈ।
ଶାଶ୍ବତାଶ୍ଚାବ୍ଯଯାଶ୍ଚୈବ ତିଷ୍ଠନ୍ତୁ ପିତରୋ ମମ॥ 1-46-10 (1987)
ସୌତିରୁବାଚ। 1-46-11x (223)
ଏବମୁକ୍ତ୍ବା ତୁ ସ ପିତୄଂଶ୍ଚଚାର ପୃଥିବୀ ମୁନିଃ।
ନ ଚ ସ୍ମ ଲଭତେ ଭାର୍ଯାଂ ବୃଦ୍ଧୋଽଯମିତି ଶାନକ॥ 1-46-11 (1988)
ଯଦା ନିର୍ବେଦମାପନ୍ନଃ ପିତୃଭିଶ୍ଚୋଦିସ୍ତଥା।
ତଦାଽରଣ୍ଯଂ ସ ଗତ୍ବୋଚ୍ଚୈଶ୍ଚୁକ୍ରୋଶ ଭୃଶଦୁଃଖିତଃ॥ 1-46-12 (1989)
ସତ୍ବରଣ୍ଯଗତଃ ପ୍ରାଜ୍ଞଃ ପିତୄଣା ହିତକାମ୍ଯଯା।
ଉବାଚ କନ୍ଯାଂ ଯାଚାମି ତିସ୍ରୋ ବାଚଃ ଶନୈରିମାଃ॥ 1-46-13 (1990)
ଯାନି ଭୂତାନି ସନ୍ତୀହ ସ୍ଥାବରାଣି ଚରାଣି ଚ।
ଅନ୍ତର୍ହିତାନି ବା ଯାନି ତାନି ଶୃଣ୍ବନ୍ତୁ ମେ ବଚଃ॥ 1-46-14 (1991)
ଉଗ୍ରେ ତପସି ବର୍ତନ୍ତଂ ପିତରଶ୍ଚୋଦଯନ୍ତି ମାମ୍।
ନିବିଶସ୍ବେତି ଦୁଃଖାର୍ତାଃ ସନ୍ତାନସ୍ଯ ଚିକୀର୍ଷଯା॥ 1-46-15 (1992)
ନିବେଶାଯାଖିଲାଂ ଭୂମିଂ କନ୍ଯାଭୈକ୍ଷ୍ଯଂ ଚରାମି ଭୋଃ।
ଦରିଦ୍ରୋ ଦୁଃଖଶୀଲଶ୍ଚ ପିତୃଭିଃ ସନ୍ନିଯୋଜିତଃ॥ 1-46-16 (1993)
ଯସ୍ଯ କନ୍ଯାଽସ୍ତି ଭୂତସ୍ଯ ଯେ ମଯେହ ପ୍ରକୀର୍ତିତାଃ।
ତେ ମେ କନ୍ଯାଂ ପ୍ରଯଚ୍ଛନ୍ତୁ ଚରତଃ ସର୍ବତୋଦିଶମ୍॥ 1-46-17 (1994)
ମମ କନ୍ଯା ସନାମ୍ନୀ ଯା ଭୈକ୍ଷ୍ଯବଚ୍ଚୋଦିତା ଭବେତ୍।
ଭରେଯଂ ଚୈବ ଯାଂ ନାହଂ ତାଂ ମେ କନ୍ଯାଂ ପ୍ରଯଚ୍ଛତ॥ 1-46-18 (1995)
ତତସ୍ତେ ପନ୍ନଗା ଯେ ବୈ ଜରତ୍କାରୌ ସମାହିତାଃ।
ତାମାଦାଯ ପ୍ରବୃତ୍ତିଂ ତେ ବାସୁକେଃ ପ୍ରତ୍ଯବେଦଯନ୍॥ 1-46-19 (1996)
ତେଷାଂ ଶ୍ରୁତ୍ବା ସ ନାଗେନ୍ଦ୍ରସ୍ତାଂ କନ୍ଯାଂ ସମଲଙ୍କୃତାମ୍।
ପ୍ରଗୃହ୍ଯାରଣ୍ଯମଗମତ୍ସମୀପଂ ତସ୍ଯ ପନ୍ନଗଃ॥ 1-46-20 (1997)
ତତ୍ର ତାଂ ଭୈକ୍ଷ୍ଯବତ୍କନ୍ଯାଂ ପ୍ରାଦାତ୍ତସ୍ମୈ ମହାତ୍ମନେ।
ନାଗେନ୍ଦ୍ରୋ ବାସୁକିର୍ବ୍ରହ୍ମନ୍ନ ସ ତାଂ ପ୍ରତ୍ଯଗୃହ୍ଣତ॥ 1-46-21 (1998)
ଅସନାମେତି ବୈ ମତ୍ବା ଭରଣେ ଚାବିଚାରିତେ।
ମୋକ୍ଷଭାବେ ସ୍ଥିତଶ୍ଚାପି ମନ୍ଦୀଭୂତଃ ପରିଗ୍ରହେ॥ 1-46-22 (1999)
ତତୋ ନାମ ସ କନ୍ଯାଯାଃ ପପ୍ରଚ୍ଛ ଭୃଗୁନନ୍ଦନ।
ବାସୁକିଂ ଭରଣଂ ଚାସ୍ଯା ନ କୁର୍ଯାମିତ୍ଯୁବାଚ ହ॥ ॥ 1-46-23 (2000)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ଷଟ୍ଚତ୍ବାରିଂଶୋଽଧ୍ଯାଯଃ॥ 46 ॥
Mahabharata - Adi Parva - Chapter Footnotes
1-46-7 ନିବେକ୍ଷ୍ଯେ ନିବେଶଂ ବିବାହଂ କରିଷ୍ଯେ॥ 1-46-9 ନ ଭରେଯଂ ଧାରଣପୋଷଣେ ନ କୁର୍ଯାମ୍॥ 1-46-19 ଜରତ୍କାରୌ ଜରତ୍କାରୋରନ୍ବେଷଣେ। ସମାହିତାଃ ଯତ୍ତାଃ॥ ଷଟ୍ଚତ୍ବାରିଂଶୋଽଧ୍ଯାଯଃ॥ 46 ॥ଆଦିପର୍ବ - ଅଧ୍ଯାଯ 047
॥ ଶ୍ରୀଃ ॥
1.47. ଅଧ୍ଯାଯଃ 047
Mahabharata - Adi Parva - Chapter Topics
ଜରତ୍କାରୋରୁଦ୍ବାହଃ॥ 1 ॥ ତସ୍ଯାଂ ଗର୍ଭସଂଭବଃ॥ 2 ॥ ସମଯୋଲ୍ଲଙ୍ଘନେନ କ୍ରୁଦ୍ଧସ୍ଯ ମୁନେଃ ତପୋର୍ଥଂ ଗମନମ୍॥ 3 ॥Mahabharata - Adi Parva - Chapter Text
1-47-0 (2001)
ସୌତିରୁବାଚ। 1-47-0x (224)
ବାସୁକିସ୍ତ୍ବବ୍ରବୀଦ୍ବାକ୍ଯଂ ଜରତ୍କାରୁମୃଷିଂ ତଦା।
ସନାମ୍ନୀ ତବ କନ୍ଯେଯଂ ସ୍ବସା ମେ ତପସାନ୍ବିତା॥ 1-47-1 (2002)
ଭରିଷ୍ଯାମି ଚ ତେ ଭାର୍ଯାଂ ପ୍ରତୀଚ୍ଛେମାଂ ଦ୍ବିଜୋତ୍ତମ।
ରକ୍ଷଣଂ ଚ କରିଷ୍ଯେଽସ୍ଯାଃ ସର୍ବଶକ୍ତ୍ଯା ତପୋଧନ।
ତ୍ବଦର୍ଥଂ ରକ୍ଷ୍ଯତେ ଚୈଷା ମଯା ମୁନିବରୋତ୍ତମ॥ 1-47-2 (2003)
ଜରତ୍କାରୁରୁବାଚ। 1-47-3x (225)
ନ ଭରିଷ୍ଯେଽହମେତାଂ ବୈ ଏଷ ମେ ସମଯଃ କୃତଃ।
ଅପ୍ରିଯଂ ଚ ନ କର୍ତବ୍ଯଂ କୃତେ ଚୈନାଂ ତ୍ଯଜାମ୍ଯହମ୍॥ 1-47-3 (2004)
ସୌତିରୁବାଚ। 1-47-4x (226)
ପ୍ରତିଶ୍ରୁତେ ତୁ ନାଗେନ ଭରିଷ୍ଯେ ଭଗିନୀମିତି।
ଜରତ୍କାରୁସ୍ତଦା ବେଶ୍ମ ଭୁଜଗସ୍ଯ ଜଗାମ ହ॥ 1-47-4 (2005)
ତତ୍ର ମନ୍ତ୍ରବିଦାଂ ଶ୍ରେଷ୍ଠସ୍ତପୋବୃଦ୍ଧୋ ମହାବ୍ରତଃ।
ଜଗ୍ରାହ ପାଣିଂ ଧର୍ମାତ୍ମା ବିଧିମନ୍ତ୍ରପୁରସ୍କୃତମ୍॥ 1-47-5 (2006)
ତତୋ ବାସଗୃହଂ ରମ୍ଯଂ ପନ୍ନଗେନ୍ଦ୍ରସ୍ଯ ସଂମତମ୍।
ଜଗାମ ଭାର୍ଯାମ ଦାଯ ସ୍ତୂଯମାନୋ ମହର୍ଷିଭିଃ॥ 1-47-6 (2007)
ଶଯନଂ ତତ୍ର ସଂକ୍ଲୃପ୍ତଂ ସ୍ପର୍ଧ୍ଯାସ୍ତରଣସଂବୃତମ୍।
ତତ୍ର ଭାର୍ଯାସହାଯୋ ବୈ ଜରତ୍କାରୁରୁବାସ ହ॥ 1-47-7 (2008)
ସ ତତ୍ର ସମଯଂ ଚକ୍ରେ ଭାର୍ଯଯା ସହ ସତ୍ତମଃ।
ବିପ୍ରିଯଂ ମେ ନ କର୍ତବ୍ଯଂ ନ ଚ ବାଚ୍ଯଂ କଦାଚନ॥ 1-47-8 (2009)
ତ୍ଯଜେଯଂ ବିପ୍ରିଯେ ଚ ତ୍ବାଂ କୃତେ ବାସଂ ଚ ତେ ଗୃହେ।
ଏତଦ୍ଗୃହାଣ ବଚନଂ ମଯା ଯତ୍ସମୁଦୀରିତମ୍॥ 1-47-9 (2010)
ତତଃ ପରମସଂବିଗ୍ନା ସ୍ବସା ନାଗପତେସ୍ତଦା।
ଅତିଦୁଃଖାନ୍ବିତା ବାକ୍ଯଂ ତମୁବାଚୈବମସ୍ତ୍ବିତି॥ 1-47-10 (2011)
ତଥୈବ ସା ଚ ଭର୍ତାରଂ ଦୁଃଖଶୀଲମୁପଚାରତ୍।
ଉପାଯୈଃ ଶ୍ବେତକାକୀଯୈଃ ପ୍ରିଯକାମା ଯଶସ୍ବିନୀ॥ 1-47-11 (2012)
ଋତୁକାଲେ ତତଃ ସ୍ନାତା କଦାଚିଦ୍ବାସୁକେଃ ସ୍ବସା।
ଭର୍ତାରଂ ବୈ ଯଥାନ୍ଯାଯମୁପତସ୍ଥେ ମହାମୁନିମ୍॥ 1-47-12 (2013)
ତତ୍ର ତସ୍ଯାଃ ସମଭବଦ୍ଗର୍ଭୋ ଜ୍ବଲନସନ୍ନିଭଃ।
ଅତୀବ ତେଜସା ଯୁକ୍ତୋ ବୈଶ୍ବାନରସମଦ୍ଯୁତିଃ॥ 1-47-13 (2014)
ଶୁକ୍ଲପକ୍ଷେ ଯଥା ସୋମୋ ବ୍ଯବର୍ଧତ ତଥୈବ ସଃ।
ତତଃ କତିପଯାହସ୍ତୁ ଜରତ୍କାରୁର୍ମହାଯଶାଃ॥ 1-47-14 (2015)
ଉତ୍ସଙ୍ଗେଽସ୍ଯାଃ ଶିରଃ କୃତ୍ବା ସୁଷ୍ବାପ ପରିଖିନ୍ନବତ୍।
ତସ୍ମିଂଶ୍ଚ ସୁପ୍ତେ ବିପ୍ରେନ୍ଦ୍ରେ ସବିତାସ୍ତମିଯାଦ୍ଗିରିମ୍॥ 1-47-15 (2016)
ଅହ୍ନଃ ପରିକ୍ଷଯେ ବ୍ରହ୍ମଂସ୍ତତଃ ସାଽଚିନ୍ତଯତ୍ତଦା।
ବାସୁକେର୍ଭଗିନୀ ଭୀତା ଧର୍ମଲୋପାନ୍ମନସ୍ବିନୀ॥ 1-47-16 (2017)
କିଂ ନୁ ମେ ସୁକୃତଂ ଭୂଯାଦ୍ଭର୍ତୁରୁତ୍ଥାପନଂ ନ ବା।
ଦୁଃଖଶୀଲୋ ହି ଧର୍ମାତ୍ମା କଥଂ ନାସ୍ଯାପରାଧ୍ନୁଯାମ୍॥ 1-47-17 (2018)
କୋପୋ ବା ଧର୍ମଶୀଲସ୍ଯ ଧର୍ମଲୋପୋଽଥବା ପୁନଃ।
ଧର୍ମଲୋପୋ ଗରୀଯାନ୍ବୈ ସ୍ଯାଦିତ୍ଯତ୍ରାକରୋନ୍ମତିମ୍॥ 1-47-18 (2019)
ଉତ୍ଥାପଯିଷ୍ଯେ ଯଦ୍ଯେନଂ ଧ୍ରୁବଂ କୋପଂ କରିଷ୍ଯତି।
ଧର୍ମଲୋପୋ ଭବେଦସ୍ଯ ସନ୍ଧ୍ଯାତିକ୍ରମଣେ ଧ୍ରୁବମ୍॥ 1-47-19 (2020)
ଇତି ନିଶ୍ଚିତ୍ଯ ମନସା ଜରତ୍କାରୁର୍ଭୁଜଂଗମା।
ତମୃଷିଂ ଦୀପ୍ତତପସଂ ଶଯାନମନଲୋପମମ୍॥ 1-47-20 (2021)
ଉବାଚେଦଂ ବଚଃ ଶ୍ଲକ୍ଷ୍ଣଂ ତତୋ ମଧୁରଭାଷିଣୀ।
ଉତ୍ତିଷ୍ଠ ତ୍ବଂ ମହାଭାଗ ସୂର୍ଯୋଽସ୍ତମୁପଗଚ୍ଛତି॥ 1-47-21 (2022)
ସନ୍ଧ୍ଯାମୁପାସ୍ସ୍ବ ଭଗବନ୍ନପଃ ସ୍ପୃଷ୍ଟ୍ବା ଯତବ୍ରତଃ।
ପ୍ରାଦୁଷ୍କୃତାଗ୍ନିହୋତ୍ରୋଽଯଂ ମୁହୂର୍ତୋ ରମ୍ଯଦାରୁଣଃ॥ 1-47-22 (2023)
ସନ୍ଧ୍ଯା ପ୍ରବର୍ତତେ ଚେଯଂ ପଶ୍ଚିମାଯାଂ ଦିଶି ପ୍ରଭୋ।
ଏବମୁକ୍ତଃ ସ ଭଗବାଞ୍ଜରତ୍କାରୁର୍ମହାତପାଃ॥ 1-47-23 (2024)
ଭାର୍ଯାଂ ପ୍ରସ୍ଫୁରମାଣୌଷ୍ଠ ଇଦଂ ବଚନମବ୍ରବୀତ୍।
ଅବମାନଃ ପ୍ରଯୁକ୍ତୋଽଯଂ ତ୍ବଯା ମମ ଭୁଜଂଗମେ॥ 1-47-24 (2025)
ସମୀପେ ତେ ନ ବତ୍ସ୍ଯାମି ଗମିଷ୍ଯାମି ଯଥାଗତମ୍।
ଶକ୍ତିରସ୍ତି ନ ବାମୋରୁ ମଯି ସୁପ୍ତେ ବିଭାବସୋଃ॥ 1-47-25 (2026)
ଅସ୍ତଂ ଗନ୍ତୁଂ ଯଥାକାଲମିତି ମେ ହୃଦି ବର୍ତତେ।
ନ ଚାପ୍ଯବମତସ୍ଯେହ ବାସୋ ରୋଚେତ କସ୍ଯଚିତ୍॥ 1-47-26 (2027)
କିଂ ପୁନର୍ଧର୍ମଶୀଲସ୍ଯ ମମ ବା ମଦ୍ବିଧସ୍ଯ ବା।
ଏବମୁକ୍ତା ଜରତ୍କାରୁର୍ଭର୍ତ୍ରା ହୃଦଯକମ୍ପନମ୍॥ 1-47-27 (2028)
ଅବ୍ରବୀଦ୍ଭଗିନୀ ତତ୍ର ବାସୁକେଃ ସନ୍ନିବେଶନେ।
ନାବମାନାତ୍କୃତବତୀ ତବାହଂ ବିପ୍ରେ ବୋଧନମ୍॥ 1-47-28 (2029)
ଧର୍ମଲୋପୋ ନ ତେ ବିପ୍ର ସ୍ଯାଦିତ୍ଯେତନ୍ମଯା କୃତମ୍।
ଉବାଚ ଭାର୍ଯାମିତ୍ଯୁକ୍ତୋ ଜରତ୍କାରୁର୍ମହାତପାଃ॥ 1-47-29 (2030)
ଋଷିଃ କୋପସମାବିଷ୍ଟସ୍ତ୍ଯକ୍ତୁକାମୋ ଭୁଜଂଗମାମ୍।
ନ ମେ ବାଗନୃତଂ ପ୍ରାହ ଗମିଷ୍ଯେଽହଂ ଭୁଜଂଗମେ॥ 1-47-30 (2031)
ସମଯୋ ହ୍ଯେଷ ମେ ପୂର୍ବଂ ତ୍ବଯା ସହ ମିଥଃ କୃତଃ।
ସୁଖମସ୍ମ୍ଯୁଷିତୋ ଭଦ୍ରେ ବ୍ରୂଯାସ୍ତ୍ବଂ ଭ୍ରାତରଂ ଶୁଭେ॥ 1-47-31 (2032)
ଇତୋ ମଯି ଗତେ ଭୀରୁ ଗତଃ ସ ଭଗବାନିତି।
ତ୍ବଂ ଚାପି ମଯି ନିଷ୍କ୍ରାନ୍ତେ ନ ଶୋକଂ କର୍ତୁମର୍ହସି॥ 1-47-32 (2033)
ଇତ୍ଯୁକ୍ତା ସାଽନବଦ୍ଯାଙ୍ଗୀ ପ୍ରତ୍ଯୁବାଚ ମୁନିଂ ତଦା।
ଜରତ୍କାରୁଂ ଜରତ୍କାରୁଶ୍ଚିନ୍ତାଶୋକପରାଯଣା॥ 1-47-33 (2034)
ବାଷ୍ପଗଦ୍ଗଦଯା ବାଚା ମୁଖେନ ପରିଶୁଷ୍ଯତା।
କୃତାଞ୍ଜଲିର୍ବରାରୋହା ପର୍ଯଶ୍ରୁନଯନା ତତଃ॥ 1-47-34 (2035)
ଧୈର୍ଯମାଲମ୍ବ୍ଯ ବାମୋରୂର୍ହୃଦଯେନ ପ୍ରବେପତା।
ନ ମାମର୍ହସି ଧର୍ମଜ୍ଞ ପରିତ୍ଯକ୍ତୁମନାଗସମ୍॥ 1-47-35 (2036)
ଧର୍ମେ ସ୍ଥିତାଂ ସ୍ଥିତୋ ଧର୍ମେ ସଦା ପ୍ରିଯହିତେ ରତାମ୍।
ପ୍ରଦାନେ କାରଣଂ ଯଚ୍ଚ ମମ ତୁଭ୍ଯଂ ଦ୍ବିଜୋତ୍ତମ॥ 1-47-36 (2037)
ତଦଲବ୍ଧବତୀଂ ମନ୍ଦାଂ କିଂ ମାଂ ବକ୍ଷ୍ଯତି ବାସୁକିଃ।
ମାତୃଶାପାଭିଭୂତାନାଂ ଜ୍ଞାତୀନାଂ ମମ ସତ୍ତମ॥ 1-47-37 (2038)
ଅପତ୍ଯମୀପ୍ସିତଂ ତ୍ବତ୍ତସ୍ତଚ୍ଚ ତାବନ୍ନ ଦୃଶ୍ଯତେ।
ତ୍ବତ୍ତୋ ହ୍ଯପତ୍ଯଲାଭେନ ଜ୍ଞାତୀନାଂ ମେ ଶିବଂ ଭବେତ୍॥ 1-47-38 (2039)
ସଂପ୍ରଯୋଗୋ ଭବେନ୍ନାଯାଂ ମମ ମୋଘସ୍ତ୍ବଯା ଦ୍ବିଜ।
ଜ୍ଞାତୀନାଂ ହିତମିଚ୍ଛନ୍ତୀ ଭଗବଂସ୍ତ୍ବାଂ ପ୍ରସାଦଯେ॥ 1-47-39 (2040)
ଇମମବ୍ଯକ୍ତରୂପଂ ମେ ଗର୍ଭମାଧାଯ ସତ୍ତମ।
କଥଂ ତ୍ଯକ୍ତ୍ବା ମହାତ୍ମା ସନ୍ଗନ୍ତୁମିଚ୍ଛସ୍ଯନାଗସମ୍॥ 1-47-40 (2041)
ଏବମୁକ୍ତସ୍ତୁ ସ ମୁନିର୍ଭାର୍ଯାଂ ବଚନମବ୍ରବୀତ୍।
ଯଦ୍ଯୁକ୍ତମନୁରୂପଂ ଚ ଜରତ୍କାରୁଂ ତପୋଧନଃ॥ 1-47-41 (2042)
ଅସ୍ତ୍ଯଯଂ ସୁଭଗେ ଗର୍ଭସ୍ତବ ବୈଶ୍ବାନରୋପମଃ।
ଋଷିଃ ପରମଧର୍ମାତ୍ମା ବେଦବେଦାଙ୍ଗପାରଗଃ॥ 1-47-42 (2043)
ଏବମୁକ୍ତ୍ବା ସ ଧର୍ମାତ୍ମା ଜରତ୍କାରୁର୍ମହାନୃଷିଃ।
ଉଗ୍ରାଯ ତପସେ ଭୂଯୋ ଜଗାମ କୃତନିଶ୍ଚଯଃ॥ ॥ 1-47-43 (2044)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ସପ୍ତଚତ୍ବାରିଂଶୋଽଧ୍ଯାଯଃ॥ 47 ॥
Mahabharata - Adi Parva - Chapter Footnotes
1-47-7 ସ୍ପର୍ଧ୍ଯଂ ବହୁମୂଲ୍ଯମ୍॥ 1-47-9 ବିପ୍ରିଯେ କୃତେ ତ୍ବାଂ ତବ ଗୃହେ ବାସଂ ଚ ତ୍ଯଜେଯମ୍॥ 1-47-11 ଶ୍ବତକାକୀଯୈଃ ଅନୁକୂଲୈଃ॥ 1-47-15 ଉତ୍ସଙ୍ଗେ ଅଙ୍କେ॥ 1-47-18 କୋପୋ ବା ଗରୀଯାନ୍ଧର୍ମଲୋପୋ ବା ଗରୀଯାନିତି କୋଦିଦ୍ବଯମୁପନ୍ଯସ୍ଯ ଧର୍ମଲୋପମେବ ଗୁରୁକରୋତି। କୋପୋ ବେତି॥ 1-47-22 ପ୍ରାଦୁଷ୍କୃତଃ ଉଦ୍ଧୃତଃ ଅଗ୍ନିହୋତ୍ରୋଽଗ୍ନିଃ ଯସ୍ମିନ୍ସଃ। ଧର୍ମସାଧନତ୍ବାଦ୍ରମ୍ଯଃ। ଭୂତାଦିପ୍ରଚାରାଦ୍ଦାରୁଣଃ॥ 1-47-25 ବିଭାବସୋଃ ସୂର୍ଯସ୍ଯ॥ 1-47-39 ସଂପ୍ରଯୋଗଃ ସଂବନ୍ଧ। ମୋଘୋ ନିଷ୍ଫଲଃ॥ ସପ୍ତଚତ୍ବାରିଂଶୋଽଧ୍ଯାଯଃ॥ 47 ॥ଆଦିପର୍ବ - ଅଧ୍ଯାଯ 048
॥ ଶ୍ରୀଃ ॥
1.48. ଅଧ୍ଯାଯଃ 048
Mahabharata - Adi Parva - Chapter Topics
ବାସୁକେଃ ତଦ୍ଭଗିନ୍ଯାଶ୍ଚ ସଂବାଦଃ॥ 1 ॥ ଆସ୍ତୀକୋତ୍ପତ୍ତିଃ॥ 2 ॥ ତନ୍ନାମନିର୍ବଚନମ୍॥ 3 ॥Mahabharata - Adi Parva - Chapter Text
1-48-0 (2045)
ସୌତିରୁବାଚ। 1-48-0x (227)
ଗତମାତ୍ରଂ ତୁ ଭର୍ତାରଂ ଜରତ୍କାରୁରବେଦଯତ୍।
ଭ୍ରାତୁଃ ସକାଶମାଗତ୍ଯ ଯଥାତଥ୍ଯଂ ତପୋଧନ॥ 1-48-1 (2046)
ତତଃ ସ ଭୁଜଗଶ୍ରେଷ୍ଠଃ ଶ୍ରୁତ୍ବା ସୁମହଦପ୍ରିଯମ୍।
ଉବାଚ ଭଗିନୀଂ ଦୀନାଂ ତଦା ଦୀନତରଃ ସ୍ବଯମ୍॥ 1-48-2 (2047)
ବାସୁକିରୁବାଚ। 1-48-3x (228)
ଜାନାସି ଭଦ୍ରେ ଯତ୍କାର୍ଯଂ ପ୍ରଦାନେ କାରଣଂ ଚ ଯତ୍।
ପନ୍ନଗାନାଂ ହିତାର୍ଥାଯ ପୁତ୍ରସ୍ତେ ସ୍ଯାତ୍ତତୋ ଯଦି॥ 1-48-3 (2048)
ସ ସର୍ପସତ୍ରାତ୍କିଲ ନୋ ମୋକ୍ଷଯିଷ୍ଯତି ବୀର୍ଯବାନ୍।
ଏବଂ ପିତାମହଃ ପୂର୍ବମୁକ୍ତବାଂସ୍ତୁ ସୁରୈଃ ସହ॥ 1-48-4 (2049)
ଅପ୍ଯସ୍ତି ଗର୍ଭଃ ସୁଭଗେ ତସ୍ମାତ୍ତେ ମୁନିସତ୍ତମାତ୍।
ନ ଚେଚ୍ଛାମ୍ଯଫଲଂ ତସ୍ଯ ଦାରକର୍ମ ମନୀଷିଣଃ॥ 1-48-5 (2050)
କାମଂ ଚ ମମ ନ ନ୍ଯାଯ୍ଯଂ ପ୍ରଷ୍ଟୁଂ ତ୍ବାଂ କାର୍ଯମୀଦୃଶମ୍।
କିଂତୁ କାର୍ଯଗରୀଯସ୍ତ୍ବାତ୍ତତସ୍ତ୍ବାଽହମଚୂଚୁଦମ୍॥ 1-48-6 (2051)
ଦୁର୍ବାର୍ଯତାଂ ବିଦିତ୍ବା ଚ ଭର୍ତୁସ୍ତେଽତିତପସ୍ବିନଃ।
ନୈନମନ୍ବାଗମିଷ୍ଯାମି କଦାଚିଦ୍ଧି ଶପେତ୍ସ ମାମ୍॥ 1-48-7 (2052)
ଆଚକ୍ଷ୍ବ ଭଦ୍ରେ ଭର୍ତୁଃ ସ୍ବଂ ସର୍ବମେବ ବିଚେଷ୍ଟିତମ୍।
ଉଦ୍ଧରସ୍ବ ଚ ଶଲ୍ଯଂ ମେ ଘୋରଂ ହୃଦି ଚିରସ୍ଥିତମ୍॥ 1-48-8 (2053)
ଜରତ୍କାରୁସ୍ତତୋ ବାକ୍ଯମିତ୍ଯୁକ୍ତା ପ୍ରତ୍ଯଭାଷତ।
ଆଶ୍ବାସଯନ୍ତୀ ସନ୍ତପ୍ତଂ ବାସୁକିଂ ପନ୍ନଗେଶ୍ବରମ୍॥ 1-48-9 (2054)
ଜରତ୍କାରୁରୁବାଚ। 1-48-10x (229)
ପୃଷ୍ଟୋ ମଯାଽପତ୍ଯହେତୋଃ ସ ମହାତ୍ମା ମହାତପାଃ।
ଅସ୍ତୀତ୍ଯୁତ୍ତରମୁଦ୍ଦିଶ୍ଯ ମମେଦଂ ଗତବାଂଶ୍ଚ ସଃ॥ 1-48-10 (2055)
ସ୍ବୈରେଷ୍ବପି ନ ତେନାହଂ ସ୍ମରାମି ବିତଥଂ ବଚଃ।
ଉକ୍ତପୂର୍ବଂ କୁତୋ ରାଜନ୍ସାଂପରାଯେ ସ ବକ୍ଷ୍ଯତି॥ 1-48-11 (2056)
ନ ସଂତାପସ୍ତ୍ବଯା କାର୍ଯଃ କାର୍ଯଂ ପ୍ରତି ଭୁଜଂଗମେ।
ଉତ୍ପତ୍ସ୍ଯତି ଚ ତେ ପୁତ୍ରୋ ଜ୍ବଲନାର୍କସମପ୍ରଭଃ॥ 1-48-12 (2057)
ଇତ୍ଯୁକ୍ତ୍ବା ସ ହି ମାଂ ଭ୍ରାତର୍ଗତୋ ଭର୍ତା ତପୋଧନଃ।
ତସ୍ମାଦ୍ବ୍ଯେତୁ ପରଂ ଦୁଃଖଂ ତବେଦଂ ମନସି ସ୍ଥିତମ୍॥ 1-48-13 (2058)
ସୌତିରୁବାଚ। 1-48-14x (230)
ଏତଚ୍ଛ୍ରୁତ୍ବା ସ ନାଗେନ୍ଦ୍ରୋ ବାସୁକିଃ ପରଯା ମୁଦା।
ଏବମସ୍ତ୍ବିତି ତଦ୍ବାକ୍ଯଂ ଭଗିନ୍ଯାଃ ପ୍ରତ୍ଯଗୃହ୍ଣତ॥ 1-48-14 (2059)
ସାନ୍ତ୍ବମାନାର୍ଥଦାନୈଶ୍ଚ ପୂଜଯା ଚାରୁରୂପଯା।
ସୋଦର୍ଯାଂ ପୂଜଯାମାସ ସ୍ବସାରଂ ପନ୍ନଗୋତ୍ତମଃ॥ 1-48-15 (2060)
ତତଃ ପ୍ରବବୃଧେ ଗର୍ଭୋ ମହାତେଜା ମହାପ୍ରଭଃ।
ଯଥା ମୋମୋ ଦ୍ବିଜଶ୍ରେଷ୍ଠ ଶୁକ୍ଲପକ୍ଷୋଦିତୋ ଦିବି॥ 1-48-16 (2061)
ଅଥ କାଲେ ତୁ ସା ବ୍ରହ୍ମନ୍ପ୍ରଜଜ୍ଞେ ଭୁଜଗସ୍ବସା।
କୁମାରଂ ଦେବଗର୍ଭାଭଂ ପିତୃମାତୃଭଯାପହମ୍॥ 1-48-17 (2062)
ବବୃଧେ ସ ତୁ ତତ୍ରୈବ ନାଗରାଜନିବେଶନେ।
ବେଦାଂଶ୍ଚାଧିଜଗେ ସାଙ୍ଗାନ୍ଭାର୍ଗବଚ୍ଯବନାତ୍ମଜାତ୍॥ 1-48-18 (2063)
ଚୀର୍ଣବ୍ରତୋ ବାଲ ଏବ ବୁଦ୍ଧିସତ୍ତ୍ବଗୁଣାନ୍ବିତଃ।
ନାମ ଚାସ୍ଯାଭବତ୍ଖ୍ଯାତଂ ଲୋକେଷ୍ବାସ୍ତୀକ ଇତ୍ଯୁତ॥ 1-48-19 (2064)
ଅସ୍ତୀତ୍ଯୁକ୍ତ୍ବା ଗତୋ ଯସ୍ମାତ୍ପିତା ଗର୍ଭସ୍ଥମେବ ତମ୍।
ବନଂ ତସ୍ମାଦିଦଂ ତସ୍ଯ ନାମାସ୍ତୀକେତି ବିଶ୍ରୁତମ୍॥ 1-48-20 (2065)
ସ ବାଲ ଏବ ତତ୍ରସ୍ଥଶ୍ଚରନ୍ନମିତବୁଦ୍ଧିମାନ୍।
ଗୃହେ ପନ୍ନଗରାଜସ୍ଯ ପ୍ରଯତ୍ନାତ୍ପରିରକ୍ଷିତଃ॥ 1-48-21 (2066)
ଭଗବାନିବ ଦେବେଶଃ ଶୂଲପାଣିର୍ହିରଣ୍ମଯଃ।
ବିବର୍ଧମାନଃ ସର୍ବାଂସ୍ତାନ୍ପନ୍ନଗାନଭ୍ଯହର୍ଷଯତ୍॥ ॥ 1-48-22 (2067)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ଅଷ୍ଟଚତ୍ବାରିଂଶୋଽଧ୍ଯାଯଃ॥ 48 ॥
Mahabharata - Adi Parva - Chapter Footnotes
1-48-6 ଅଚୂଚୁଦଂ କାର୍ଯସିଦ୍ଧିଂ ବକ୍ତୁଂ ପ୍ରେରିତବାନ୍॥ 1-48-10 ମମେଦଂ କାର୍ଯମୁଦ୍ଦିଶ୍ଯ ଅସ୍ତୀତ୍ଯୁତ୍ତରଂ ଦତ୍ତବାନିତି ଶେଷଃ॥ 1-48-11 ବିତଥଂ ଅନୃତଂ ତେନ ଉକ୍ତପୂର୍ବଂ ନ ସ୍ମରାମି। ସାଂପରାଯେ ସଂକଟେ॥ 1-48-17 ପ୍ରଜଜ୍ଞେ ଜନଯାମାସ॥ 1-48-22 ହିରଣ୍ମଯଃ ଦୀପ୍ତିମାନ୍॥ ଅଷ୍ଟଚତ୍ବାରିଂଶୋଽଧ୍ଯାଯଃ॥ 48 ॥ଆଦିପର୍ବ - ଅଧ୍ଯାଯ 049
॥ ଶ୍ରୀଃ ॥
1.49. ଅଧ୍ଯାଯଃ 049
Mahabharata - Adi Parva - Chapter Topics
ଜନମେଜଯମନ୍ତ୍ରିସଂବାଦମୁଖେନ ପୁନଃ ପରୀକ୍ଷିଚ୍ଚରିତକଥନମ୍॥ 1 ॥Mahabharata - Adi Parva - Chapter Text
1-49-0 (2068)
ଶୌନକ ଉବାଚ। 1-49-0x (231)
ଯଦପୃଚ୍ଛତ୍ତଦା ରାଜା ମନ୍ତ୍ରିଣୋ ଜନମେଜଯଃ।
ପିତୁଃ ସ୍ବର୍ଗଗତିଂ ତନ୍ମେ ବିସ୍ତରେଣ ପୁନର୍ବଦ॥ 1-49-1 (2069)
ସୌତିରୁବାଚ। 1-49-2x (232)
ଶୃଣୁ ବ୍ରହ୍ମନ୍ଯଥାଽପୃଚ୍ଛନ୍ମନ୍ତ୍ରିଣୋ ନୃପତିସ୍ତଦା।
ଯଥା ଚାଖ୍ଯାତବନ୍ତସ୍ତେ ନିଧନଂ ତତ୍ପରିକ୍ଷିତଃ॥ 1-49-2 (2070)
ଜନମେଜଯ ଉବାଚ। 1-49-3x (233)
ଜାନନ୍ତି ସ୍ମ ଭବନ୍ତସ୍ତଦ୍ଯଥାବୃତ୍ତଂ ପିତୁର୍ମମ।
ଆସୀଦ୍ଯଥା ସ ନିଧନଂ ଗତଃ କାଲେ ମହାଯଶାଃ॥ 1-49-3 (2071)
ଶ୍ରୁତ୍ବା ଭବତ୍ସକାଶାଦ୍ଧି ପିତୁର୍ବୃତ୍ତମଶେଷତଃ।
କଲ୍ଯାଣଂ ପ୍ରତିପତ୍ସ୍ଯାମି ବିପରୀତଂ ନ ଜାତୁଚିତ୍॥ 1-49-4 (2072)
ସୌତିରୁବାଚ। 1-49-5x (234)
ମନ୍ତ୍ରିଣୋଽଥାବ୍ରୁବନ୍ବାକ୍ଯଂ ପୃଷ୍ଟାସ୍ତେନ ମହାତ୍ମନା।
ସର୍ବେ ଧର୍ମବିଦଃ ପ୍ରାଜ୍ଞା ରାଜାନଂ ଜନମେଜଯମ୍॥ 1-49-5 (2073)
ମନ୍ତ୍ରିଣ ଊଚୁଃ। 1-49-6x (235)
ଶୃଣୁ ପାର୍ଥିବ ଯଦ୍ବ୍ରୂଷେ ପିତୁସ୍ତବ ମହାତ୍ମନଃ।
ଚରିତଂ ପାର୍ଥିବେନ୍ଦ୍ରସ୍ଯ ଯଥା ନିଷ୍ଠାଂ ଗତଶ୍ଚ ସଃ॥ 1-49-6 (2074)
ଧର୍ମାତ୍ମା ଚ ମହାତ୍ମା ଚ ପ୍ରଜାପାଲଃ ପିତା ତବ।
ଆସୀଦିହାଯଥା ବୃତ୍ତଃ ସ ମହାତ୍ମା ଶୃଣୁଷ୍ବ ତତ୍॥ 1-49-7 (2075)
ଚାତୁର୍ବର୍ଣ୍ଯଂ ସ୍ବଧର୍ମସ୍ଥଂ ସ କୃତ୍ବା ପର୍ଯରକ୍ଷତ।
ଧର୍ମତୋ ଧର୍ମବିଦ୍ରାଜା ଧର୍ମୋ ବିଗ୍ରହବାନିବ॥ 1-49-8 (2076)
ରରକ୍ଷ ପୃଥିବୀଂ ଦେବୀଂ ଶ୍ରୀମାନତୁଲବିକ୍ରମଃ।
ଦ୍ବେଷ୍ଟାରସ୍ତସ୍ଯ ନୈବାସନ୍ସ ଚ ଦ୍ବେଷ୍ଟି ନ କଂଚନ॥ 1-49-9 (2077)
ସମଃ ସର୍ବେଷୁ ଭୂତେଷୁ ପ୍ରଜାପତିରିବାଭବତ୍।
ବ୍ରାହ୍ମଣାଃ କ୍ଷତ୍ରିଯା ବୈଶ୍ଯାଃ ଶୂଦ୍ରାଶ୍ଚୈବ ସ୍ବକର୍ମସୁ॥ 1-49-10 (2078)
ସ୍ଥିତଃ ସୁମନସୋ ରାଜଂସ୍ତେନ ରାଜ୍ଞା ସ୍ବଧିଷ୍ଠିତାଃ।
ବିଧବାନାଥବିକଲାନ୍କୃପଣାଂଶ୍ଚ ବଭାର ସଃ॥ 1-49-11 (2079)
ସୁଦର୍ଶଃ ସର୍ବଭୂତାନାମାସୀତ୍ସୋମ ଇବାପରଃ।
ତୁଷ୍ଟପୁଷ୍ଟଜନଃ ଶ୍ରୀମାନ୍ସତ୍ଯବାଗ୍ଦୃଢବିକ୍ରମଃ॥ 1-49-12 (2080)
ଧନୁର୍ବେଦେ ତୁ ଶିଷ୍ଯୋଽଭୂନ୍ନୃପଃ ଶାରଦ୍ବତସ୍ଯ ସଃ।
ଗୋବିନ୍ଦସ୍ଯ ପ୍ରିଯଶ୍ଚାସୀତ୍ପିତା ତେ ଜନମେଜଯ॥ 1-49-13 (2081)
ଲୋକସ୍ଯ ଚୈବ ସର୍ବସ୍ଯ ପ୍ରିଯ ଆସୀନ୍ମହାଯଶାଃ।
ପରିକ୍ଷୀଣେଷୁ କୁରୁଷୁ ସୋତ୍ତରାଯାମଜୀଜନତ୍॥ 1-49-14 (2082)
ପରିକ୍ଷିଦଭବତ୍ତେନ ସୌଭଦ୍ରସ୍ଯାତ୍ମଜୋ ବଲୀ।
ରାଜଧର୍ମାର୍ଥକୁଶଲୋ ଯୁକ୍ତଃ ସର୍ବଗୁଣୈର୍ବୃତଃ॥ 1-49-15 (2083)
ଜିତେନ୍ଦ୍ରିଯଶ୍ଚାତ୍ମବାଂଶ୍ଚ ମେଧାବୀ ଧର୍ମସେବିତା।
ଷଡ୍ବର୍ଗଜିନ୍ମହାବୁଦ୍ଧିର୍ନୀତିଶାସ୍ତ୍ରବିଦୁତ୍ତମଃ॥ 1-49-16 (2084)
ପ୍ରଜା ଇମାସ୍ତବ ପିତା ଷଷ୍ଟିବର୍ଷାଣ୍ଯପାଲଯତ୍।
ତତୋ ଦିଷ୍ଟାନ୍ତମାପନ୍ନଃ ସର୍ବେଷାଂ ଦୁଃଖମାବହନ୍॥ 1-49-17 (2085)
ତତସ୍ତ୍ବଂ ପୁରୁଷଶ୍ରେଷ୍ଠ ଧର୍ମେଣ ପ୍ରତିପେଦିବାନ୍।
ଇଦଂ ବର୍ଷସହସ୍ରାଣି ରାଜ୍ଯଂ କୁରୁକୁଲାଗତମ୍।
ବାଲ ଏବାଭିଷିକ୍ତସ୍ତ୍ବଂ ସର୍ବଭୂତାନୁପାଲକଃ॥ 1-49-18 (2086)
ଜନମେଜଯ ଉବାଚ। 1-49-19x (236)
ନାସ୍ମିନ୍କୁଲେ ଜାତୁ ବଭୂବ ରାଜା
ଯୋ ନ ପ୍ରଜାନାଂ ପ୍ରିଯକୃତ୍ପ୍ରିଯଶ୍ଚ।
ବିଶେଷତଃ ପ୍ରେକ୍ଷ୍ଯ ପିତାମହାନାଂ
ବୃତ୍ତଂ ମହଦ୍ବୃତ୍ତପରାଯଣାନାମ୍॥ 1-49-19 (2087)
କଥଂ ନିଧନମାପନ୍ନଃ ପିତା ମମ ତଥାବିଧଃ।
ଆଚକ୍ଷଧ୍ବଂ ଯଥାବନ୍ମେ ଶ୍ରୋତୁମିଚ୍ଛାମି ତତ୍ତ୍ବତଃ॥ 1-49-20 (2088)
ସୌତିରୁବାଚ। 1-49-21x (237)
ଏବଂ ସଂଚୋଦିତା ରାଜ୍ଞା ମନ୍ତ୍ରିଣସ୍ତେ ନରାଧିପମ୍।
ଊଚୁଃ ସର୍ବେ ଯଥାବୃତ୍ତଂ ରାଜ୍ଞଃ ପ୍ରିଯହିତୈଷିଣଃ॥ 1-49-21 (2089)
ମନ୍ତ୍ରିଣ ଊଚୁଃ। 1-49-22x (238)
ସ ରାଜା ପୃଥିବୀପାଲଃ ସର୍ବଶସ୍ତ୍ରଭୃତାଂ ବରଃ।
ବଭୂବ ମୃଗଯାଶୀଲସ୍ତବ ରାଜନ୍ପିତା ସଦା॥ 1-49-22 (2090)
ଯଥା ପାଣ୍ଡୁର୍ମହାବାହୁର୍ଧନୁର୍ଧରବରୋ ଯୁଧି।
ଅସ୍ମାସ୍ବାସଜ୍ଯ ସର୍ବାଣି ରାଜକାର୍ଯାଣ୍ଯଶେଷତଃ॥ 1-49-23 (2091)
ସ କଦାଚିଦ୍ବନଗତୋ ମୃଗଂ ବିବ୍ଯାଧ ପତ୍ରିଣା।
ବିଦ୍ଧ୍ବା ଚାନ୍ବସରତ୍ତୂର୍ଣଂ ତଂ ମୃଗଂ ଗହନେ ବନେ॥ 1-49-24 (2092)
ପଦାତିର୍ବଦ୍ଧନିସ୍ତ୍ରିଂଶସ୍ତତାଯୁଧକଲାପବାନ୍।
ନ ଚାସସାଦ ଗହନେ ମୃଗଂ ନଷ୍ଟଂ ପିତା ତବ॥ 1-49-25 (2093)
ପରିଶ୍ରାନ୍ତୋ ବଯସ୍ଥଶ୍ଚ ଷଷ୍ଟିବର୍ଷୋ ଜରାନ୍ବିତଃ।
କ୍ଷୁଧିତଃ ସ ମହାରଣ୍ଯେ ଦଦର୍ଶ ମୁନିସତ୍ତମମ୍॥ 1-49-26 (2094)
ସ ତଂ ପପ୍ରଚ୍ଛ ରାଜେନ୍ଦ୍ରୋ ମୁନିଂ ମୌନବ୍ରତେ ସ୍ଥିତମ୍।
ନ ଚ କିଂଚିଦୁବାଚେଦଂ ପୃଷ୍ଟୋଽପି ସମୁନିସ୍ତଦା॥ 1-49-27 (2095)
ତତୋ ରାଜା କ୍ଷୁଚ୍ଛ୍ରମାର୍ତସ୍ତଂ ମୁନିଂ ସ୍ଥାଣୁବତ୍ସ୍ଥିତମ୍।
ମୌନବ୍ରତଧରଂ ଶାନ୍ତଂ ସଦ୍ଯୋ ମନ୍ଯୁବଶଂ ଗତଃ॥ 1-49-28 (2096)
ନ ବୁବୋଧ ଚ ତଂ ରାଜା ମୌନବ୍ରତଧରଂ ମୁନିମ୍।
ସ ତଂ କ୍ରୋଧସମାବିଷ୍ଟୋ ଧର୍ଷଯାମାସ ତେ ପିତା॥ 1-49-29 (2097)
ମୃତଂ ସର୍ପଂ ଧନୁଷ୍କୋଟ୍ଯା ସମୁତ୍କ୍ଷିପ୍ଯ ଧରାତଲାତ୍।
ତସ୍ଯ ଶୁଦ୍ଧାତ୍ମନଃ ପ୍ରାଦାତ୍ସ୍କନ୍ଧେ ଭରତସତ୍ତମ॥ 1-49-30 (2098)
ନ ଚୋବାଚ ସ ମେଧାବୀ ତମଥୋ ସାଧ୍ବସାଧୁ ବା।
ତସ୍ଥୌ ତଥୈବ ଚାକ୍ରୁଦ୍ଧଃ ସର୍ପଂ ସ୍କନ୍ଧେନ ଧାରଯନ୍॥ ॥ 1-49-31 (2099)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ଏକୋନପଞ୍ଚାଶତ୍ତମୋଽଧ୍ଯାଯଃ॥ 49 ॥
Mahabharata - Adi Parva - Chapter Footnotes
1-49-4 କଲ୍ଯାଣଂ ସର୍ବଲୋକହିତଂ ଚେତ୍ପ୍ରତିପତ୍ସ୍ଯାମି ପ୍ରତୀକାରଂ କରିଷ୍ଯାମି॥ 1-49-6 ବ୍ରୂଷେ ପୃଚ୍ଛସି। ନିଷ୍ଠାଂ ସମାପ୍ତିମ୍॥ 1-49-11 ସ୍ବଧିଷ୍ଠିତାଃ ସୁଷ୍ଠୁପାଲିତାଃ॥ 1-49-13 ଶାରଦ୍ବତସ୍ଯ କୃପାଚାର୍ଯସ୍ଯ॥ 1-49-14 ସୋତ୍ତରାଯମିତି ପାଦପୂରଣାର୍ଥଃ ସନ୍ଧିଃ। ଅଜୀଜନଜ୍ଜାତଃ॥ 1-49-17 ଷଷ୍ଟିବଷାଣି ଜନ୍ମତଃ ଷଷ୍ଟିପର୍ବପର୍ଯନ୍ତଂ ନ ତୁ ରାଜ୍ଯଲାଭାତ୍॥ 1-49-18 ବର୍ଷସହସ୍ରାଣି ଚିରକାଲମିତ୍ଯର୍ଥଃ। ପାଲଯିତୁମିତି ଶେଷଃ॥ 1-49-20 ଆଚକ୍ଷଧ୍ବଂ ଭ୍ବାଦେରାକୃତିଗଣତ୍ବାଚ୍ଛପୋ ନ ଲୁକ୍॥ 1-49-26 ବଯସ୍ଥୋ ବୃଦ୍ଧଃ॥ ଏକୋନପଞ୍ଚାଶତ୍ତମୋଽଧ୍ଯାଯଃ॥ 49 ॥ଆଦିପର୍ବ - ଅଧ୍ଯାଯ 050
॥ ଶ୍ରୀଃ ॥
1.50. ଅଧ୍ଯାଯଃ 050
Mahabharata - Adi Parva - Chapter Topics
ଶୂନ୍ଯାରଣ୍ଯେ ବୃତ୍ତସ୍ଯ କାଶ୍ଯପତକ୍ଷକବୃତ୍ତାନ୍ତସ୍ଯୋପଲବ୍ଧିପ୍ରକାରକଥନମ୍॥ 1 ॥Mahabharata - Adi Parva - Chapter Text
1-50-0 (2100)
ମନ୍ତ୍ରିଣ ଊଚୁଃ। 1-50-0x (239)
ତତଃ ସ ରାଜା ରାଜେନ୍ଦ୍ର ସ୍କନ୍ଧେ ତସ୍ଯ ଭୁଜଂଗମମ୍।
ମୁନେଃ କ୍ଷୁତ୍କ୍ଷାମ ଆସଜ୍ଯ ସ୍ବପୁରଂ ପ୍ରଯଯୌ ପୁନଃ॥ 1-50-1 (2101)
ଋଷେସ୍ତସ୍ଯ ତୁ ପୁତ୍ରୋଽଭୂଦ୍ଗତି ଜାତୋ ମହାଯଶାଃ।
ଶୃଙ୍ଗୀ ନାମ ମହାତେଜାସ୍ତିଗ୍ମବୀର୍ଯୋଽତିକୋପନଃ॥ 1-50-2 (2102)
ବ୍ରହ୍ମାଣଂ ସମୁପାଗମ୍ଯ ମୁନିଃ ପୂଜାଂ ଚକାର ହ।
ସୋଽନୁଜ୍ଞାତସ୍ତତସ୍ତତ୍ର ଶୃଙ୍ଗୀ ଶୁଶ୍ରାବ ତଂ ତଦା॥ 1-50-3 (2103)
ସଖ୍ଯୁଃ ସକାଶାତ୍ପିତରଂ ପିତ୍ରା ତେ ଧର୍ଷିତଂ ପୁରା।
ମୃତଂ ସର୍ପଂ ସମାସକ୍ତଂ ସ୍ଥାଣୁଭୂତସ୍ଯ ତସ୍ଯ ତମ୍॥ 1-50-4 (2104)
ବହନ୍ତଂ ରାଜଶାର୍ଦୂଲ ସ୍କନ୍ଧେନାନପକାରିଣମ୍।
ତପସ୍ବିନମତୀବାଥ ତଂ ମୁନିପ୍ରବରଂ ନୃପ॥ 1-50-5 (2105)
ଜିତେନ୍ଦ୍ରିଯଂ ବିଶୁଦ୍ଧଂ ଚ ସ୍ଥିତଂ କର୍ମଣ୍ଯଥାଦ୍ଭୁତମ୍।
ତପସା ଦ୍ଯୋତିତାତ୍ମାନଂ ସ୍ବେଷ୍ବଙ୍ଗେଷୁ ଯତଂ ତଦା॥ 1-50-6 (2106)
ଶୁଭାଚାରଂ ଶୁଭକଥଂ ସୁସ୍ଥିତଂ ତମଲୋଲୁପମ୍।
ଅକ୍ଷୁଦ୍ରମନସୂଯଂ ଚ ବୃଦ୍ଧଂ ମୌନବ୍ରତେ ସ୍ଥିତମ୍।
ଶରଣ୍ଯଂ ସର୍ବଭୂତାନାଂ ପିତ୍ରା ବିନିକୃତଂ ତବ॥ 1-50-7 (2107)
ଶଶାପାଥ ମହାତେଜାଃ ପିତରଂ ତେ ରୁଷାନ୍ବିତଃ।
ଋଷେଃ ପୁତ୍ରୋ ମହାତେଜା ବାଲୋଽପି ସ୍ଥବିରଦ୍ଯୁତିଃ॥ 1-50-8 (2108)
ସ କ୍ଷିପ୍ରମୁଦକଂ ସ୍ପୃଷ୍ଟ୍ବା ରୋଷାଦିଦମୁବାଚ ହ।
ପିତରଂ ତେଽଭିସନ୍ଧାଯ ତେଜସା ପ୍ରଜ୍ବଲନ୍ନିବ॥ 1-50-9 (2109)
ଅନାଗସି ଗୁରୌ ଯୋ ମେ ମୃତଂ ସର୍ପବାସୃଜତ୍।
ତଂ ନାଗସ୍ତକ୍ଷକଃ କ୍ରୁଦ୍ଧସ୍ତେଜସା ପ୍ରଦହିଷ୍ଯତି॥ 1-50-10 (2110)
ଆଶୀବିଷସ୍ତିଗ୍ମତେଜା ମଦ୍ବାକ୍ଯବଲଚୋଦିତଃ।
ସପ୍ତରାତ୍ରାଦିତଃ ପାପଂ ପଶ୍ଯ ମେ ତପସୋ ବଲମ୍॥ 1-50-11 (2111)
ଇତ୍ଯୁକ୍ତ୍ବା ପ୍ରଯଯୌ ତତ୍ର ପିତା ଯତ୍ରାଽସ୍ଯ ସୋଽଭବତ୍।
ଦୃଷ୍ଟ୍ବା ଚ ପିତରଂ ତସ୍ମୈ ତଂ ଶାପଂ ପ୍ରତ୍ଯବେଦଯତ୍॥ 1-50-12 (2112)
ସ ଚାପି ମୁନିଶାର୍ଦୂଲଃ ପ୍ରେରଯାମାସ ତେ ପିତୁଃ।
ଶିଷ୍ଯଂ ଗୌରମୁଖଂ ନାମ ଶୀଲବନ୍ତଂ ଗୁଣାନ୍ବିତମ୍॥ 1-50-13 (2113)
ଆଚଖ୍ଯୌଂ ସତ୍ତ୍ବ ବିଶ୍ରାନ୍ତୋ ରାଜ୍ଞଃ ସର୍ବମଶେଷତଃ।
ଶପ୍ତୋଽସି ମମ ପୁତ୍ରେଣ ଯତ୍ତୋ ଭବ ମହୀପତେ॥ 1-50-14 (2114)
ତକ୍ଷକସ୍ତ୍ବାଂ ମହାରାଜ ତେଜସାଽସୌ ଦହିଷ୍ଯତି।
ଶ୍ରୁତ୍ବା ଚ ତଦ୍ବଚୋ ଘୋରଂ ପିତା ତେ ଜନମେଜଯ॥ 1-50-15 (2115)
ଯତ୍ତୋଽଭବତ୍ପରିତ୍ରସ୍ତସ୍ତକ୍ଷକାତ୍ପନ୍ନଗୋତ୍ତମାତ୍।
ତତସ୍ତସ୍ମିଂସ୍ତୁ ଦିବସେ ସପ୍ତମେ ସମୁପସ୍ଥିତେ॥ 1-50-16 (2116)
ରାଜ୍ଞଃ ସମୀପଂ ବ୍ରହ୍ମର୍ଷିଃ କାଶ୍ଯପୋ ଗନ୍ତୁମୈଚ୍ଛତ।
ତଂ ଦଦର୍ଶାଥ ନାଗେନ୍ଦ୍ରସ୍ତକ୍ଷକଃ କାଶ୍ଯପଂ ତଦା॥ 1-50-17 (2117)
ତମବ୍ରବୀତ୍ପନ୍ନଗେନ୍ଦ୍ରଃ କାଶ୍ଯପଂ ତ୍ବରିତଂ ଦ୍ବିଜମ୍।
କ୍ବ ଭବାଂସ୍ତ୍ବରିତୋ ଯାତି କିଂ ଚ କାର୍ଯଂ ଚିକୀର୍ଷତି॥ 1-50-18 (2118)
କାଶ୍ଯପ ଉବାଚ। 1-50-19x (240)
ଯତ୍ର ରାଜା କୁରୁଶ୍ରେଷ୍ଠଃ ପରିକ୍ଷିନ୍ନାମ ବୈ ଦ୍ବିଜ।
ତକ୍ଷକେଣ ଭୁଜଂଗେନ ଧକ୍ଷ୍ଯତେ କିଲ ସୋଽଦ୍ଯ ବୈ॥ 1-50-19 (2119)
ଗଚ୍ଛାମ୍ଯହଂ ତଂ ତ୍ବରିତଃ ସଦ୍ଯଃ କର୍ତୁମପଜ୍ବରମ୍।
ମଯାଽଭିପନ୍ନଂ ତଂ ଚାପି ନ ସର୍ପୋ ଧର୍ଷଯିଷ୍ଯତି॥ 1-50-20 (2120)
ତକ୍ଷକ ଉବାଚ। 1-50-21x (241)
କିମର୍ଥଂ ତଂ ମଯା ଦଷ୍ଟଂ ସଂଜୀବଯିତୁମିଚ୍ଛସି।
ଅହଂ ତ ତକ୍ଷକୋ ବ୍ରହ୍ମନ୍ପଶ୍ଯ ମେ ବୀର୍ଯମଦ୍ଭୁତମ୍॥ 1-50-21 (2121)
ନ ଶକ୍ତସ୍ତ୍ବଂ ମଯା ଦଷ୍ଟଂ ତଂ ସଂଜୀବଯିତୁଂ ନୃପମ୍। 1-50-22 (2122)
ମନ୍ତ୍ରିଣ ଊଚୁଃ।
ଇତ୍ଯୁକ୍ତ୍ବା ତକ୍ଷକସ୍ତତ୍ର ସୋଽଦଶଦ୍ବୈ ବନସ୍ପତିମ୍॥ 1-50-23x (242)
ସ ଦଷ୍ଟମାତ୍ରୋ ନାଗେନ ଭସ୍ମୀଭୂତୋଽଭବନ୍ନଗଃ।
କାଶ୍ଯପଶ୍ଚ ତତୋ ରାଜନ୍ନଜୀବଯତ ତଂ ନଗମ୍॥ 1-50-23 (2123)
ତତସ୍ତଂ ଲୋଭଯାମାସ କାମଂ ବ୍ରୂହୀତି ତକ୍ଷକଃ।
ସ ଏବମୁକ୍ତସ୍ତଂ ପ୍ରାହ କାଶ୍ଯପସ୍ତକ୍ଷକଂ ପୁନଃ॥ 1-50-24 (2124)
ଧନଲିପ୍ସୁରହଂ ତତ୍ର ଯାମୀତ୍ଯୁକ୍ତଶ୍ଚ ତେନ ସଃ।
ତମୁବାଚ ମହାତ୍ମାନଂ ତକ୍ଷକଃ ଶ୍ଲକ୍ଷ୍ଣଯା ଗିରା॥ 1-50-25 (2125)
ଯାବଦ୍ଧନଂ ପ୍ରାର୍ଥଯସେ ରାଜ୍ଞସ୍ତସ୍ମାତ୍ତତୋଽଧିକମ୍।
ଗୃହାଣ ମତ୍ତ ଏବ ତ୍ବଂ ସନ୍ନିବର୍ତସ୍ବ ଚାନଘ॥ 1-50-26 (2126)
ସ ଏବମୁକ୍ତୋ ନାଗେନ କାଶ୍ଯପୋ ଦ୍ବିପଦାଂ ବରଃ।
ଲବ୍ଧ୍ବା ବିତ୍ତଂ ନିବବୃତେ ତକ୍ଷକାଦ୍ଯାବଦୀପ୍ସିତମ୍॥ 1-50-27 (2127)
ତସ୍ମିନ୍ପ୍ରତିଗତେ ବିପ୍ରେ ଛଦ୍ମନୋପେତ୍ଯ ତକ୍ଷକଃ।
ତଂ ନୃପଂ ନୃପତିଶ୍ରେଷ୍ଠଂ ପିତରଂ ଧାର୍ମିକଂ ତବ॥ 1-50-28 (2128)
ପ୍ରାସାଦସ୍ଥଂ ଯତ୍ତମପି ଦଗ୍ଧବାନ୍ବିଷବହ୍ନିନା।
ତତସ୍ତ୍ବଂ ପୁରୁଷବ୍ଯାଘ୍ର ବିଜଯାଯାଭିଷେଚିତଃ॥ 1-50-29 (2129)
ଏତଦ୍ଦୃଷ୍ଟଂ ଶ୍ରୁତଂ ଚାପି ଯଥାବନ୍ନୃପସତ୍ତମ।
ଅସ୍ମାଭିର୍ନିଖିଲଂ ସର୍ବଂ କଥିତଂ ତେଽତିଦାରୁଣମ୍॥ 1-50-30 (2130)
ଶ୍ରୁତ୍ବା ଚୈତଂ ନରଶ୍ରେଷ୍ଠ ପାର୍ଥିବସ୍ଯ ପରାଭବମ୍।
ଅସ୍ଯ ଚର୍ଷେରୁଦଙ୍କସ୍ଯ ବିଧତ୍ସ୍ବ ଯଦନନ୍ତରମ୍॥ 1-50-31 (2131)
ସୌତିରୁବାଚ। 1-50-32x (243)
ଏତସ୍ମିନ୍ନେବ କାଲେ ତୁ ସ ରାଜା ଜନମେଜଯଃ।
ଉବାଚ ମନ୍ତ୍ରିଣଃ ସର୍ବାନିଦଂ ବାକ୍ଯମରିଦମଃ॥ 1-50-32 (2132)
ଜନମେଜଯ ଉବାଚ। 1-50-33x (244)
ଅଥ ତତ୍କଥିତଂ କେନ ଯଦ୍ବୃତ୍ତଂ ତଦ୍ବନସ୍ପତୌ।
ଆଶ୍ଚର୍ଯଭୂତଂ ଲୋକସ୍ଯ ଭସ୍ମରାଶୀକୃତଂ ତଦା॥ 1-50-33 (2133)
ଯଦ୍ବୃକ୍ଷଂ ଜୀବଯାମାସ କାଶ୍ଯପସ୍ତକ୍ଷକେଣ ବୈ।
ନୂନଂ ମନ୍ତ୍ରୈର୍ହତବିଷୋ ନ ପ୍ରଣଶ୍ଯେତ କାଶ୍ଯପାତ୍॥ 1-50-34 (2134)
ଚିନ୍ତଯାମାସ ପାପାତ୍ମା ମନସା ପନ୍ନଗାଧମଃ।
ଦଷ୍ଟଂ ଯଦି ମଯା ବିପ୍ରଃ ପାର୍ଥିବଂ ଜୀବଯିଷ୍ଯତି॥ 1-50-35 (2135)
ତକ୍ଷକଃ ସଂହତବିଷୋ ଲୋକେ ଯାସ୍ଯତି ହାସ୍ଯତାମ୍।
ବିଚିନ୍ତ୍ଯୈବଂ କୃତା ତେନ ଧ୍ରୁବଂ ତୁଷ୍ଟିର୍ଦ୍ବିଜସ୍ଯ ବୈ॥ 1-50-36 (2136)
ଭବିଷ୍ଯତି ହ୍ଯୁପାଯେନ ଯସ୍ଯ ଦାସ୍ଯାମି ଯାତନାମ୍।
ଏକଂ ତୁ ଶ୍ରୋତୁମିଚ୍ଛାମି ତଦ୍ବୃତ୍ତଂ ନିର୍ଜନେ ବନେ॥ 1-50-37 (2137)
ସଂବାଦଂ ପନ୍ନଗେନ୍ଦ୍ରସ୍ଯ କାଶ୍ଯପସ୍ଯ ଚ କସ୍ତଦା।
ଶ୍ରୁତବାନ୍ଦୃଷ୍ଟବାଂଶ୍ଚାପି ଭବତ୍ସୁ କଥମାଗତମ୍।
ଶ୍ରୁତ୍ବା ତସ୍ଯ ବିଧାସ୍ଯେଽହଂ ପନ୍ନଗାନ୍ତକରୀଂ ମତିମ୍॥ 1-50-38 (2138)
ମନ୍ତ୍ରିଣ ଊଚୁଃ। 1-50-39x (245)
ଶୃଣୁ ରାଜନ୍ଯଥାସ୍ମାକଂ ଯେନ ତତ୍କଥିତଂ ପୁରା।
ସମାଗତଂ ଦ୍ବିଜେନ୍ଦ୍ରସ୍ଯ ପନ୍ନଗେନ୍ଦ୍ରସ୍ଯ ଚାଧ୍ବନି॥ 1-50-39 (2139)
ତସ୍ମିନ୍ବୃକ୍ଷେ ନରଃ କଶ୍ଚିଦିନ୍ଧନାର୍ଥାଯ ପାର୍ଥିବ।
ବିଚିନ୍ବନ୍ପୂର୍ବମାରୂଢଃ ଶୁଷ୍କଶାଖାବନସ୍ପତୌ॥ 1-50-40 (2140)
ନ ବୁଧ୍ଯେତାମୁଭୌ ତୌ ଚ ନଗସ୍ଥଂ ପନ୍ନଗଦ୍ବିଜୌ।
ସହ ତେନୈବ ବୃକ୍ଷେଣ ଭସ୍ମୀଭୂତୋଽଭବନ୍ନୃପ॥ 1-50-41 (2141)
ଦ୍ବିଜପ୍ରଭାବାଦ୍ରାଜେନ୍ଦ୍ର ବ୍ଯଜୀବତ୍ସ ବନସ୍ପତିଃ।
ତେନାଗମ୍ଯ ଦ୍ବିଜଶ୍ରେଷ୍ଠ ପୁଂସାଽସ୍ମାସୁ ନିବେଦିତମ୍॥ 1-50-42 (2142)
ଯଥା ବୃତ୍ତଂ ତୁ ତତ୍ସର୍ବଂ ତକ୍ଷକସ୍ଯ ଦ୍ବିଜସ୍ଯ ଚ।
ଏତତ୍ତେ କଥିତଂ ରାଜନ୍ଯଥାଦୃଷ୍ଟଂ ଶ୍ରୁତଂ ଚ ଯତ୍।
ଶ୍ରୁତ୍ବା ଚ ନୃପଶାର୍ଦୂଲ ବିଧତ୍ସ୍ବ ଯଦନନ୍ତରମ୍॥ 1-50-43 (2143)
ସୌତିରୁବାଚ। 1-50-44x (246)
ମନ୍ତ୍ରିଣାଂ ତୁ ବଚଃ ଶ୍ରୁତ୍ବା ସ ରାଜା ଜନମେଜଯଃ।
ପର୍ଯତପ୍ଯତ ଦୁଃଖାର୍ତଃ ପ୍ରତ୍ଯପିଂଷତ୍କରଂ କରେ॥ 1-50-44 (2144)
ନିଃଶ୍ବାସମୁଷ୍ଣମସକୃଦ୍ଦୀର୍ଘଂ ରାଜୀବଲୋଚନଃ।
ମୁମୋଚାଶ୍ରୂଣି ଚ ତଦା ନେତ୍ରାଭ୍ଯାଂ ପ୍ରରୁଦନ୍ନୃପଃ॥ 1-50-45 (2145)
ଉବାଚ ଚ ମହୀପାଲୋ ଦୁଃଖଶୋକସମନ୍ବିତଃ।
ଦୁର୍ଧରଂ ବାଷ୍ପମୁତ୍ସୃଜ୍ଯ ସ୍ପୃଷ୍ଟ୍ବା ଚାପୋ ଯଥାବିଧି॥ 1-50-46 (2146)
ମୁହୂର୍ତମିବ ଚ ଧ୍ଯାତ୍ବା ନିଶ୍ଚିତ୍ଯ ମନସା ନୃପଃ।
ଅମର୍ଷୀ ମନ୍ତ୍ରିଣଃ ସର୍ବାନିଦଂ ବଚନମବ୍ରବୀତ୍॥ 1-50-47 (2147)
ଜନମେଜଯ ଉବାଚ। 1-50-48x (247)
ଶ୍ରୁତ୍ବୈତଦ୍ଭବତାଂ ବାକ୍ଯଂ ପିତୁର୍ମେ ସ୍ବର୍ଗତିଂ ପ୍ରତି।
ନିଶ୍ଚିତେଯଂ ମମ ମତିର୍ଯା ଚ ତାଂ ମେ ନିବୋଧତ।
ଅନନ୍ତରଂ ଚ ମନ୍ଯେଽହଂ ତକ୍ଷକାଯ ଦୁରାତ୍ମନେ॥ 1-50-48 (2148)
ପ୍ରତିକର୍ତବ୍ଯମିତ୍ଯେବଂ ଯେନ ମେ ହିଂସିତଃ ପିତା।
ଶୃଙ୍ଗିଣଂ ହେତୁମାତ୍ରଂ ଯଃ କୃତ୍ବା ଦଗ୍ଧ୍ବା ଚ ପାର୍ଥିବମ୍॥ 1-50-49 (2149)
ଇଯଂ ଦୁରାତ୍ମତା ତସ୍ଯ କାଶ୍ଯପଂ ଯୋ ନ୍ଯବର୍ତଯତ୍।
ଯଦ୍ଯାଗଚ୍ଛେତ୍ସ ବୈ ବିପ୍ରୋ ନନୁ ଜୀବେତ୍ପିତା ମମ॥ 1-50-50 (2150)
ପରିହୀଯେତ କିଂ ତସ୍ଯ ଯଦି ଜୀବେତ୍ସ ପାର୍ଥିବଃ।
କାଶ୍ଯପସ୍ଯ ପ୍ରସାଦେନ ମନ୍ତ୍ରିଣାଂ ବିନଯେନ ଚ॥ 1-50-51 (2151)
ସ ତୁ ବାରିତବାନ୍ମୋହାତ୍କାଶ୍ଯପଂ ଦ୍ବିଜସତ୍ତମମ୍।
ସଂଜିଜୀବଯିଷୁଂ ପ୍ରାପ୍ତଂ ରାଜାନମପରାଜିତମ୍॥ 1-50-52 (2152)
ମହାନତିକ୍ରମୋ ହ୍ଯେଷ ତକ୍ଷକସ୍ଯ ଦୁରାତ୍ମନଃ।
ଦ୍ବିଜସ୍ଯ ଯୋଽଦଦଦ୍ଦ୍ରବ୍ଯଂ ମା ନୃପଂ ଜୀବଯେଦିତି॥ 1-50-53 (2153)
ଉତ୍ତଙ୍କସ୍ଯ ପ୍ରିଯଂ କର୍ତୁମାତ୍ମନଶ୍ଚ ମହତ୍ପ୍ରିଯମ୍।
ଭବତାଂ ଚୈବ ସର୍ବେଷାଂ ଗଚ୍ଛାମ୍ଯପଚିତିଂ ପିତୁଃ॥ ॥ 1-50-54 (2154)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ପଞ୍ଚାଶତ୍ତମୋଽଧ୍ଯାଯଃ॥ 50 ॥
Mahabharata - Adi Parva - Chapter Footnotes
1-50-6 ଅଙ୍ଗେଷୁ ବାଗାଦିଷୁ ଯତଂ ନିଯତଂ ଶମଦମବନ୍ତମିତ୍ଯର୍ଥଃ॥ 1-50-7 ଅକ୍ଷୁଦ୍ରଂ ଗମ୍ଭୀରଂ। ତବ ପିତ୍ରା ବିନିକୃତମପକୃତମ୍॥ 1-50-20 ଅଭିପନ୍ନଂ ତ୍ରାତଂ ଧର଼୍ଷଯିଷ୍ଯତ୍ଯମିଭବିଷ୍ଯତି॥ 1-50-24 କାମଂ କାମ୍ଯମାନମର୍ଥମ୍॥ 1-50-27 ଦ୍ବିପଦା ପୁସ୍ତ୍ରାଣାମ୍॥ 1-50-36 ସଂହତବିଷଃ ସମ୍ଯା ହତଂ ନଷ୍ଟଂ ବିଷଂ ଯସ୍ଯ ସ ତଥା ସଂହୃତବିଷ ଇତି ପାଠେ ସ୍ପଷ୍ଟୋଥଃ॥ 1-50-39 ସମାଗଣଂ ସମାଗମଂ ଭାବେ ନିଷ୍ଠା॥ 1-50-44 କରଂ କର ନିଧାଯ ପ୍ରତ୍ଯପିଂଷତ୍॥ 1-50-52 ମୋହାନ୍ମଦୀଯସମର୍ଥ୍ଯାଜ୍ଞାନାତ୍॥ 1-50-54 ଅପଚିତିଂ ବୈରନିର୍ଯାତନମ୍॥ ପଞ୍ଚାଶତ୍ତମୋଽଧ୍ଯାଯଃ॥ 50 ॥ଆଦିପର୍ବ - ଅଧ୍ଯାଯ 051
॥ ଶ୍ରୀଃ ॥
1.51. ଅଧ୍ଯାଯଃ 051
Mahabharata - Adi Parva - Chapter Topics
ଜନମେଜଯସ୍ଯ ସର୍ପସତ୍ରପ୍ରତିଜ୍ଞା॥ 1 ॥ ଯଜ୍ଞସାମଗ୍ରୀସଂପାଦନମ୍॥ 2 ॥ ଦୀକ୍ଷାଗ୍ରହଣମ୍॥ 3 ॥Mahabharata - Adi Parva - Chapter Text
1-51-0 (2155)
ସୌତିରୁବାଚ। 1-51-0x (248)
ଏବମୁକ୍ତ୍ବା ତତଃ ଶ୍ରୀମାନ୍ମନ୍ତ୍ରିଭିଶ୍ଚାନୁମୀଦିତଃ।
ଆରୁରୋହ ପ୍ରତିଜ୍ଞାଂ ସ ସର୍ପସତ୍ରାଯ ପାର୍ଥିବଃ॥ 1-51-1 (2156)
ବ୍ରହ୍ମନ୍ଭରତଶାର୍ଦୂଲୋ ରାଜା ପାରିକ୍ଷିତସ୍ତଦା।
ପୁରୋହିତମଥାହୂଯ ଋତ୍ବିଜୋ ବସୁଧାଧିପଃ॥ 1-51-2 (2157)
ଅବ୍ରବୀଦ୍ବାକ୍ଯସଂପନ୍ନଃ କାର୍ଯସଂପତ୍କରଂ ବଚଃ।
ଯୋ ମେ ହିଂସିତବାଂସ୍ତାତଂ ତକ୍ଷକଃ ସ ଦୁରାତ୍ମବାନ୍॥ 1-51-3 (2158)
ପ୍ରତିକୁର୍ଯାଂ ଯଥା ତସ୍ଯ ତଦ୍ଭବନ୍ତୋ ବ୍ରୁବନ୍ତୁ ମେ।
ଅପି ତତ୍କର୍ମ ବିଦିତଂ ଭବତାଂ ଯେନ ପନ୍ନଗମ୍॥ 1-51-4 (2159)
ତକ୍ଷକଂ ସଂପ୍ରଦୀପ୍ତେଽଗ୍ନୌ ପ୍ରକ୍ଷିପେଯଂ ସବାନ୍ଧବମ୍।
ଯଥା ତେନ ପିତା ମହ୍ଯଂ ପୂର୍ବଂ ଦଗ୍ଧୋ ବିଷାଗ୍ନିନା॥
ତଥାଽହମପି ତଂ ପାପଂ ଦଗ୍ଧୁମିଚ୍ଛାମି ପନ୍ନଗମ୍॥ 1-51-5 (2160)
ଋତ୍ବିଜ ଊଚୁଃ। 1-51-6x (249)
ଅସ୍ତି ରାଜନ୍ମହାତ୍ସତ୍ରଂ ତ୍ବଦର୍ଥଂ ଦେବନିର୍ମିତମ୍।
ସର୍ବସତ୍ରମିତି ଖ୍ଯାତଂ ପୁରାଣେ ପରିପଠ୍ଯତେ॥ 1-51-6 (2161)
ଆହର୍ତା ତସ୍ଯ ସତ୍ରସ୍ଯ ତ୍ବନ୍ନାନ୍ଯୋଽସ୍ତି ନରାଧିପ।
ଇତି ପୌରାଣିକାଃ ପ୍ରାହୁରସ୍ମାକଂ ଚାସ୍ତି ସ କ୍ରତୁଃ॥ 1-51-7 (2162)
ଏବମୁକ୍ତଃ ସ ରାଜର୍ଷିର୍ମେନେ ଦଗ୍ଧଂ ହି ତକ୍ଷକମ୍।
ହୁତାଶନମୁଖେ ଦୀପ୍ତେ ପ୍ରବିଷ୍ଟମିତି ସତ୍ତମ॥ 1-51-8 (2163)
ତତୋଽବ୍ରବୀନ୍ମନ୍ତ୍ରବିଦସ୍ତାନ୍ରାଜା ବ୍ରାହ୍ମଣାଂସ୍ତଦା।
ଆହରିଷ୍ଯାମି ତତ୍ସତ୍ରଂ ସଂଭାରାଃ ସଂଭ୍ରିଯନ୍ତୁ ମେ॥ 1-51-9 (2164)
ସୌତିରୁବାଚ। 1-51-10x (250)
ତତସ୍ତ ଋତ୍ବିଜସ୍ତସ୍ଯ ଶାସ୍ତ୍ରତୋ ଦ୍ବିଜସତ୍ତମ।
ତଂ ଦେଶଂ ମାପଯାମାସୁର୍ଯଜ୍ଞାଯତନକାରଣାତ୍॥ 1-51-10 (2165)
ଯଥାବଦ୍ବେଦବିଦ୍ବାଂସଃ ସର୍ବେ ବୁଦ୍ଧେଃ ପରଂଗତାଃ।
ଋଦ୍ଧ୍ଯା ପରମଯା ଯୁକ୍ତମିଷ୍ଟଂ ଦ୍ବିଜଗଣୈର୍ଯୁତମ୍॥ 1-51-11 (2166)
ପ୍ରଭୂତଧନଧାନ୍ଯାଢ୍ଯମୃତ୍ବିଗ୍ଭିଃ ସୁନିଷେବିତମ୍।
ନିର୍ମାଯ ଚାପି ବିଧିବଦ୍ଯଜ୍ଞାଯତନମୀପ୍ସିତମ୍॥ 1-51-12 (2167)
ରାଜାନଂ ଦୀକ୍ଷଯାମାସୁଃ ସର୍ପସତ୍ରାପ୍ତଯେ ତଦା।
ଇଦଂ ଚାସୀତ୍ତତ୍ର ପୂର୍ବଂ ସର୍ପସତ୍ରେ ଭବିଷ୍ଯତି॥ 1-51-13 (2168)
ନିମିତ୍ତଂ ମହଦୁତ୍ପନ୍ନଂ ଯଜ୍ଞବିଘ୍ନକରଂ ତଦା।
ଯଜ୍ଞସ୍ଯାଯତନେ ତସ୍ମିନ୍କ୍ରିଯମାଣେ ବଚୋଽବ୍ରବୀତ୍॥ 1-51-14 (2169)
ସ୍ଥପତିର୍ବୁଦ୍ଧିସଂପନ୍ନୋ ବାସ୍ତୁବିଦ୍ଯାବିଶାରଦଃ।
ଇତ୍ଯବ୍ରବୀତ୍ସୂତ୍ରଧାରଃ ସୂତଃ ପୌରାଣିକସ୍ତଦା॥ 1-51-15 (2170)
ଯସ୍ମିନ୍ଦେଶେ ଚ କାଲେ ଚ ମାପନେଯଂ ପ୍ରବର୍ତିତା।
ବ୍ରାହ୍ମଣଂ କାରଣଂ କୃତ୍ବା ନାଯଂ ସଂସ୍ଥାସ୍ଯତେ କ୍ରତୁଃ॥ 1-51-16 (2171)
ଏତଚ୍ଛ୍ରୁତ୍ବା ତୁ ରାଜାସୌ ପ୍ରାଗ୍ଦୀକ୍ଷାକାଲମବ୍ରବୀତ୍।
କ୍ଷତ୍ତାରଂ ନ ହି ମେ କଶ୍ଚିଦଜ୍ଞାତଃ ପ୍ରବିଶେଦିତି॥ ॥ 1-51-17 (2172)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ଏକପଞ୍ଚାଶତ୍ତମୋଽଧ୍ଯାଯଃ॥ 51 ॥
Mahabharata - Adi Parva - Chapter Footnotes
1-51-5 ମହ୍ଯଂ ମମ॥ 1-51-7 ତ୍ବତ୍ ତ୍ବତ୍ତୋ ନାନ୍ଯୋସ୍ତି॥ 1-51-9 ଆହରିଷ୍ଯାମି କରିଷ୍ଯାମି। ସଂଭ୍ରିଯନ୍ତୁ ସଂଭ୍ରିଯନ୍ତାମ୍॥ 1-51-13 ଭବିଷ୍ଯତି ଭାବିନି॥ 1-51-15 ସୂତୋ ଜାତ୍ଯା ପୌରାଣିକଃ ଶିଲ୍ପାଗମବେତ୍ତା॥ 1-51-16 ନାଯଂ ସଂସ୍ଥାସ୍ଯତେ ନ ସମାପ୍ସ୍ଯତେ॥ 1-51-17 ଦୀକ୍ଷାକାଲସ୍ଯ ପ୍ରାଗିତି ପ୍ରାଗ୍ଦୀ କ୍ଷାକାଲଂ କ୍ଷତ୍ତାରଂ ଦ୍ବାସ୍ଥମ୍॥ ଏକପଞ୍ଚାଶତ୍ତମୋଽଧ୍ଯାଯଃ॥ 51 ॥ଆଦିପର୍ବ - ଅଧ୍ଯାଯ 052
॥ ଶ୍ରୀଃ ॥
1.52. ଅଧ୍ଯାଯଃ 052
Mahabharata - Adi Parva - Chapter Topics
ଅଗ୍ନୌ ସର୍ପପତନମ୍॥ 1 ॥Mahabharata - Adi Parva - Chapter Text
1-52-0 (2173)
ସୌତିରୁବାଚ। 1-52-0x (251)
ତତଃ କର୍ମ ପ୍ରବବୃତେ ସର୍ପସତ୍ରବିଧାନତଃ।
ପର୍ଯକ୍ରାମଂଶ୍ଚ ବିଦିବତ୍ସ୍ବେ ସ୍ବେ କର୍ମଣି ଯାଜକାଃ॥ 1-52-1 (2174)
ପ୍ରାବୃତ୍ଯ କୃଷ୍ଣବାସାଂସି ଧୂମ୍ରସଂରକ୍ତଲୋଚନାଃ।
ଜୁହୁବୁର୍ମନ୍ତ୍ରବଚ୍ଚୈବ ସମିଦ୍ଧଂ ଜାତବେଦସମ୍॥ 1-52-2 (2175)
କମ୍ପଯନ୍ତଶ୍ଚ ସର୍ବେଷାମୁରଗାଣାଂ ମନାଂସି ଚ।
ସର୍ପାନାଜୁହୁବୁସ୍ତତ୍ର ସର୍ବାନଗ୍ନିମୁଖେ ତଦା॥ 1-52-3 (2176)
ତତଃ ସର୍ପାଃ ସମାପେତୁଃ ପ୍ରଦୀପ୍ତେ ହବ୍ଯବାହନେ।
ବିଚେଷ୍ଟମାନାଃ କୃପଣମାହ୍ବଯନ୍ତଃ ପରସ୍ପରମ୍॥ 1-52-4 (2177)
ବିସ୍ଫୁରନ୍ତଃ ଶ୍ବସନ୍ତଶ୍ଚ ବେଷ୍ଟଯନ୍ତଃ ପରସ୍ପରମ୍।
ପୁଚ୍ଛୈଃ ଶିରୋଭିଶ୍ଚ ଭୃଶଂ ଚିତ୍ରଭାନୁଂ ପ୍ରପେଦିରେ॥ 1-52-5 (2178)
ଶ୍ବେତାଃ କୃଷ୍ଣାଶ୍ଚ ନୀଲାଶ୍ଚ ସ୍ଥବିରାଃ ଶିଶବସ୍ତଥା।
ନଦନ୍ତୋ ବିବିଧାନ୍ନାଦାନ୍ପେତୁର୍ଦୀପ୍ତେ ବିଭାବସୌ॥ 1-52-6 (2179)
କ୍ରୋଶଯୋଜନମାତ୍ରା ହି ଗୋକର୍ଣସ୍ଯ ପ୍ରମାଣତଃ।
ପତନ୍ତ୍ଯଜସ୍ରଂ ବେଗେନ ବହ୍ନାବଗ୍ନିମତାଂ ବର॥ 1-52-7 (2180)
ଏବଂ ଶତସହସ୍ରାଣି ପ୍ରଯୁତାନ୍ଯର୍ବୁଦାନି ଚ।
ଅବଶାନି ବିନଷ୍ଟାନି ପନ୍ନଗାନାଂ ତୁ ତତ୍ର ବୈ॥ 1-52-8 (2181)
ତୁରଗା ଇବ ତତ୍ରାନ୍ଯେ ହସ୍ତିହସ୍ତା ଇବାପରେ।
ମତ୍ତା ଇବ ଚ ମାତଙ୍ଗା ମହାକାଯା ମହାବଲାଃ॥ 1-52-9 (2182)
ଉଚ୍ଚାବଚାଶ୍ଚ ବହବୋ ନାନାବର୍ଣା ବିଷୋଲ୍ବଣାଃ।
ଘୋରାଶ୍ଚ ପରିଘପ୍ରଖ୍ଯା ଦନ୍ଦଶୂକା ମହାବଲାଃ।
ପ୍ରପେତୁରଗ୍ନାବୁରଗା ମାତୃବାଗ୍ଦଣ୍ଡପୀଡିତାଃ॥ ॥ 1-52-10 (2183)
ଇତି ଶ୍ରୀମନ୍ମାହାଭାରତେ ଆଦିପର୍ବଣି ଆସ୍ତୀକପର୍ବଣି ଦ୍ବିପଞ୍ଚାଶତ୍ତମୋଽଧ୍ଯାଯଃ॥ 52 ॥
Mahabharata - Adi Parva - Chapter Footnotes
1-52-1 ପର୍ଯକ୍ରାମନ୍ ପରାକ୍ରାନ୍ତବନ୍ତଃ॥ 1-52-2 ମନ୍ତ୍ରବନ୍ମନ୍ତ୍ରଯୁକ୍ତଂ ଯଥା ସ୍ଯାତ୍ତଥା॥ 1-52-3 ଆଜୁହୁବୁଃ ଆହୂତବନ୍ତଃ॥ 1-52-5 ଚିତ୍ରଭାନୁମଗ୍ନିମ୍॥ 1-52-7 ପ୍ରମାଣତଃ ପ୍ରମାଣଂ ପ୍ରାପ୍ଯ॥ ଦ୍ବିପଞ୍ଚାଶତ୍ତମୋଽଧ୍ଯାଯଃ॥ 52 ॥ଆଦିପର୍ବ - ଅଧ୍ଯାଯ 053
॥ ଶ୍ରୀଃ ॥
1.53. ଅଧ୍ଯାଯଃ 053
Mahabharata - Adi Parva - Chapter Topics
ଋତ୍ବିଗାଦିନାମକଥନମ୍॥ 1 ॥ ଇନ୍ଦ୍ରକୃତଂ ତକ୍ଷକାଶ୍ବାସନମ୍॥ 2 ॥ ବାସୁକେଃ ସ୍ବଭଗିନ୍ଯା ସଂବାଦଃ॥ 3 ॥Mahabharata - Adi Parva - Chapter Text
1-53-0 (2184)
ଶୌନକ ଉବାଚ। 1-53-0x (252)
ସର୍ପସତ୍ରେ ତଦା ରାଜ୍ଞଃ ପାଣ୍ଡବେଯସ୍ଯ ଧୀମତଃ।
ଜନମେଜଯସ୍ଯ କେ ତ୍ବାସନ୍ନୃତ୍ବିଜଃ ପରମର୍ଷଯଃ॥ 1-53-1 (2185)
କେ ସଦସ୍ଯା ବଭୂବୁଶ୍ଚ ସର୍ପସତ୍ରେ ସୁଦାରୁଣେ।
ବିଷାଦଜନନେଽତ୍ଯର୍ଥଂ ପନ୍ନଗାନାଂ ମହାଭଯ॥ 1-53-2 (2186)
ସର୍ବଂ ବିସ୍ତରଶସ୍ତାତ ଭବାଞ୍ଛଂସିତୁମର୍ହତି।
ସର୍ପସତ୍ରବିଧାନଜ୍ଞବିଜ୍ଞେଯାଃ କେ ଚ ସୂତଜ॥ 1-53-3 (2187)
ସୌତିରୁବାଚ। 1-53-4x (253)
ହନ୍ତ ତେ କଥଯିଷ୍ଯାମି ନାମାନୀହ ମନୀଷିଣାମ୍।
ଯେ ଋତ୍ବିଜଃ ସଦସ୍ଯାଶ୍ଚ ତସ୍ଯାସନ୍ନୃପତେସ୍ତଦା॥ 1-53-4 (2188)
ତତ୍ର ହୋତା ବଭୂବାଥ ବ୍ରାହ୍ମଣଶ୍ଚଣ୍ଡଭାର୍ଗବଃ।
ଚ୍ଯବନସ୍ଯାନ୍ବଯେ ଖ୍ଯାତୋ ଜାତୋ ବେଦବିଦାଂ ବରଃ॥ 1-53-5 (2189)
ଉଦ୍ଗାତା ବ୍ରାହ୍ମଣୋ ବୃଦ୍ଧୋ ବିଦ୍ବାନ୍କୌତ୍ସୌଽଥ ଜୈମିନିଃ।
ବ୍ର୍ହମାଽଭବଚ୍ଛାର୍ଙ୍ଗରବୋଽଥାଧ୍ବର୍ଯୁଶ୍ଚାପି ପିଙ୍ଗଲଃ॥ 1-53-6 (2190)
ସଦସ୍ଯଶ୍ଚାଭବଦ୍ବ୍ଯାସଃ ପୁତ୍ରଶିଷ୍ଯସହାଯବାନ୍।
ଉଦ୍ଦାଲକଃ ପ୍ରମତକଃ ଶ୍ବେତକେତୁଶ୍ଚ ପିଙ୍ଗଲଃ॥ 1-53-7 (2191)
ଅସିତୋ ଦେବଲଶ୍ଚୈବ ନାରଦଃ ପର୍ବତସ୍ତଥା।
ଆତ୍ରେଯଃ କୁମ୍ଡଜଠରୌ ଦ୍ବିଜଃ କାଲଘଟସ୍ତଥା॥ 1-53-8 (2192)
ବାତ୍ସ୍ଯଃ ଶ୍ରୁତଶ୍ରବା ବୃଦ୍ଧୋ ଜପସ୍ବାଧ୍ଯାଯଶୀଲବାନ୍।
କୋହଲୋ ଦେବଶର୍ମା ଚ ମୌଦ୍ଗଲ୍ଯଃ ସମସୌରଭଃ॥ 1-53-9 (2193)
ଏତେ ଚାନ୍ଯେ ଚ ବହବୋ ବ୍ରାହ୍ମଣା ବେଦପାରଗାଃ।
ସଦସ୍ଯାଶ୍ଚାଭବଂସ୍ତତ୍ର ସତ୍ରେ ପାରିକ୍ଷିତସ୍ଯ ହ॥ 1-53-10 (2194)
ଜୁହ୍ବତ୍ସ୍ବୃତ୍ବିକ୍ଷ୍ବଥ ତଦା ସର୍ପସତ୍ରେ ମହାକ୍ରତୌ।
ଅହଯଃ ପ୍ରାପତଂସ୍ତତ୍ର ଘୋରାଃ ପ୍ରାଣିଭଯାବହାଃ॥ 1-53-11 (2195)
ବସାମେଦୋବହାଃ କୁଲ୍ଯା ନାଗାନାଂ ସଂପ୍ରବର୍ତିତାଃ।
ବବୌ ଗନ୍ଧଶ୍ଚ ତୁମୁଲୋ ଦହ୍ଯତାମନିଶଂ ତଦା॥ 1-53-12 (2196)
ପତତାଂ ଚୈବ ନାଗାନାଂ ଧିଷ୍ଠିତାନାଂ ତଥାମ୍ବରେ।
ଅଶ୍ରୂଯତାନିଶଂ ଶବ୍ଦଃ ପଚ୍ଯତାଂ ଚାଗ୍ନିନା ଭୃଶମ୍॥ 1-53-13 (2197)
ତକ୍ଷକସ୍ତୁ ସ ନାଗେନ୍ଦ୍ରଃ ପୁରଂଦରନିବେଶନମ୍।
ଗତଃ ଶ୍ରୁତ୍ବୈବ ରାଜାନଂ ଦୀକ୍ଷିତଂ ଜନମେଜଯମ୍॥ 1-53-14 (2198)
ତତଃ ସର୍ବଂ ଯଥାବୃତ୍ତମାଖ୍ଯାଯ ଭୁଜଗୋତ୍ତମଃ।
ଅଗଚ୍ଛଚ୍ଛରଣଂ ଭୀତ ଆଗସ୍କୃତ୍ବା ପୁରଂଦରମ୍॥ 1-53-15 (2199)
ତମିନ୍ଦ୍ରଃ ପ୍ରାହ ସୁପ୍ରୀତୋ ନ ତବାସ୍ତୀହ ତକ୍ଷକ।
ଭଯଂ ନାଗେନ୍ଦ୍ର ତସ୍ମାଦ୍ବୈ ସର୍ପସତ୍ରାତ୍କଦାଚନ॥ 1-53-16 (2200)
ପ୍ରସାଦିତୋ ମଯା ପୂର୍ବଂ ତବାର୍ଥାଯ ପିତାମହଃ।
ତସ୍ମାତ୍ତବ ଭଯଂ ନାସ୍ତି ବ୍ଯେତୁ ତେନସୋ ଜ୍ବରଃ॥ 1-53-17 (2201)
ସୌତିରୁବାଚ। 1-53-18x (254)
ଏବମାଶ୍ବାସିତସ୍ତେନ ତତଃ ସ ଭୁଜଗୋତ୍ତମଃ।
ଉବାସ ଭବନେ ତସ୍ମିଞ୍ଶକ୍ରସ୍ଯ ମୁଦିତଃ ସୁଖୀ॥ 1-53-18 (2202)
ଅଜସ୍ରଂ ନିପତତ୍ସ୍ବଗ୍ନୌ ନାଗେଷୁ ଭୃଶଦୁଃଖିତଃ।
ଅଲ୍ପଶେଷପରୀବାରୋ ବାସୁକିଃ ପର୍ଯତପ୍ଯତ॥ 1-53-19 (2203)
କଶ୍ମଲଂ ଚାବିଶଦ୍ଧୋରଂ ବାସୁକିଂ ପନ୍ନଗୋତ୍ତମମ୍।
ସ ଘୂର୍ଣମାନହୃଦଯୋ ଭଗିନୀମିଦମବ୍ରବୀତ୍॥ 1-53-20 (2204)
ଦହ୍ଯନ୍ତେଽଙ୍ଗାନି ମେ ଭଦ୍ରେ ନ ଦିଶଃ ପ୍ରତିଭାନ୍ତି ମାମ୍।
ସୀଦାମୀବ ଚ ସଂମୋହାଦ୍ଧୂର୍ଣତୀବ ଚ ମେ ମନଃ॥ 1-53-21 (2205)
ଦୃଷ୍ଟିର୍ଭ୍ରାମ୍ଯତି ମେଽତୀବ ହୃଦଯଂ ଦୀର୍ଯତୀବ ଚ।
ପତିଷ୍ଯାମ୍ଯବଶୋଽଦ୍ଯାହଂ ତସ୍ମିନ୍ଦୀପ୍ତେ ବିଭାବସୌ॥ 1-53-22 (2206)
ପାରିକ୍ଷିତସ୍ଯ ଯଜ୍ଞୋଽସୌ ବର୍ତତେଽସ୍ମଜ୍ଜିଘାଂସଯା।
ବ୍ଯକ୍ତଂ ମଯାଽଭିଗନ୍ତବ୍ଯଂ ପ୍ରେତରାଜନିବେଶନମ୍॥ 1-53-23 (2207)
ଅଯଂ ସ କାଲଃ ସଂପ୍ରାପ୍ତୋ ଯଦର୍ଥମସି ମେ ସ୍ବସଃ।
ଜରତ୍କରୌ(ପୁରା)ମଯାଦତ୍ତାତ୍ରାଯସ୍ବାସ୍ମାନ୍ସବାନ୍ଧବାନ୍॥ 1-53-24 (2208)
ଆସ୍ତୀକଃ କିଲ ଯଜ୍ଞଂ ତଂ ବର୍ତନ୍ତଂ ଭୁଜଗୋତ୍ତମେ।
ପ୍ରତିଷେତ୍ସ୍ଯତି ମାଂ ପୂର୍ବଂ ସ୍ବଯମାହ ପିତାମହଃ॥ 1-53-25 (2209)
ତଦ୍ବତ୍ସେ ବ୍ରୂହି ବତ୍ସଂ ସ୍ବଂ କୁମାରଂ ବୃଦ୍ଧସଂମତମ୍।
ମମାଦ୍ଯ ତ୍ବଂ ସଭୃତ୍ଯସ୍ଯ ମୋକ୍ଷାର୍ଥଂ ବେଦବିତ୍ତମମ୍॥ ॥ 1-53-26 (2210)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ତ୍ରିପଞ୍ଚାଶତ୍ତମୋଽଧ୍ଯାଯଃ॥ 53 ॥
Mahabharata - Adi Parva - Chapter Footnotes
1-53-2 ସଦସ୍ଯା ଉପଦ୍ରଷ୍ଟାରଃ॥ 1-53-3 ବିଧାନଜ୍ଞେଷୁ ବିଜ୍ଞେଯାଃ ଶ୍ରେଷ୍ଠାଃ॥ 1-53-13 ପଚ୍ଯତାଂ ପଚ୍ଯମାନାନାମ୍॥ 1-53-15 ଆଗଃ ଅପରାଂଧ କୃତ୍ବା॥ ତ୍ରିପଞ୍ଚାଶତ୍ତମୋଽଧ୍ଯାଯଃ॥ 53 ॥ଆଦିପର୍ବ - ଅଧ୍ଯାଯ 054
॥ ଶ୍ରୀଃ ॥
1.54. ଅଧ୍ଯାଯଃ 054
Mahabharata - Adi Parva - Chapter Topics
ଆସ୍ତୀକସ୍ଯ ସ୍ବମାତ୍ରା ସବାଦଃ। ବାସୁକେରାଶ୍ବାସନଂ ଚ॥ 1 ॥ ଆସ୍ତୀକସ୍ଯ ସର୍ପସତ୍ରଂ ପ୍ରତି ଗମନମ୍॥ 2 ॥Mahabharata - Adi Parva - Chapter Text
1-54-0 (2211)
ସୌତିରୁବାଚ। 1-54-0x (255)
ତତ ଆହୂଯ ପୁତ୍ରଂ ସ୍ବଂ ଜରତ୍କାରୁର୍ଭୁଜଂଗମା।
ବାସୁକେର୍ନାଗରାଜସ୍ଯ ବଚନାଦିଦମବ୍ରବୀତ୍॥ 1-54-1 (2212)
ଅହଂ ତବ ପିତୁଃ ପୁତ୍ର ଭ୍ରାତ୍ରା ଦତ୍ତା ନିମିତ୍ତତଃ।
କାଲଃ ସ ଚାଯଂ ସଂପ୍ରାପ୍ତସ୍ତତ୍କୁରୁଷ୍ବ ଯଥାତଥମ୍॥ 1-54-2 (2213)
ଆସ୍ତୀକ ଉବାଚ। 1-54-3x (256)
କିଂନିମିତ୍ତଂ ମମ ପିତୁର୍ଦତ୍ତା ତ୍ବଂ ମାତୁଲେନ ମେ।
ତନ୍ମମାଚକ୍ଷ୍ବ ତତ୍ତ୍ବେନ ଶ୍ରୁତ୍ବା କର୍ତାଽସ୍ମି ତତ୍ତଥା॥ 1-54-3 (2214)
ସୌତିରୁବାଚ। 1-54-4x (257)
ତତ ଆଚଷ୍ଟ ସା ତସ୍ମୈ ବାନ୍ଧବାନାଂ ହିତୈଷିଣୀ।
ଭଗିନୀ ନାଗରାଜସ୍ଯ ଜରତ୍କାରୁରବିକ୍ଲବା॥ 1-54-4 (2215)
ଜରତ୍କାରୁରୁବାଚ। 1-54-5x (258)
ପନ୍ନଗାନାମଶେଷାଣାଂ ମାତା କଦ୍ରୂରିତି ଶ୍ରୁତା।
ତଯା ଶପ୍ତା ରୁଷିତଯା ସୁତା ଯସ୍ମାନ୍ନିବୋଧ ତତ୍॥ 1-54-5 (2216)
ଉଚ୍ଚୈଃ ଶ୍ରବାଃ ସୋଽଶ୍ବରାଜୋ ଯନ୍ମିଥ୍ଯା ନ କୃତୋ ମମ।
ବିନତାର୍ଥାଯ ପଣିତେ ଦାସଭାବାଯ ପୁତ୍ରକାଃ॥ 1-54-6 (2217)
ଜନମେଜଯସ୍ଯ ବୋ ଯଜ୍ଞେ ଧକ୍ଷ୍ଯତ୍ଯନିଲସାରଥିଃ।
ତତ୍ର ପଞ୍ଚତ୍ବମାପନ୍ନାଃ ପ୍ରେତଲୋକଂ ଗମିଷ୍ଯଥ॥ 1-54-7 (2218)
ତାଂ ଚ ଶପ୍ତବତୀଂ ଦେବଃ ସାକ୍ଷାଲ୍ଲୋକପିତାମହଃ।
ଏବମସ୍ତ୍ବିତି ତଦ୍ବାକ୍ଯଂ ପ୍ରୋବାଚାନୁ ମୁମୋଦ ଚ॥ 1-54-8 (2219)
ବାସୁକିଶ୍ଚାପି ତଚ୍ଛ୍ରୁତ୍ବା ପିତାମହବଚସ୍ତଦା।
ଅମୃତେ ମଥିତେ ତାତ ଦେବାଞ୍ଛରଣମୀଯିବାନ୍॥ 1-54-9 (2220)
ସିଦ୍ଧାର୍ଥାଶ୍ଚ ସୁରାଃ ସର୍ବେ ପ୍ରାପ୍ଯାମୃତମନୁତ୍ତମମ୍।
ଭ୍ରାତରଂ ମେ ପୁରସ୍କୃତ୍ଯ ପିତାମହମୁପାଗମନ୍॥ 1-54-10 (2221)
ତେ ତଂ ପ୍ରସାଦଯାମାସୁଃ ସୁରାଃ ସର୍ବେଽବ୍ଜସଂଭବମ୍।
ରାଜ୍ଞା ବାସୁକିନା ସାର୍ଧଂ ଶାପୋଽସୌନ ଭବେଦିତି॥ 1-54-11 (2222)
ଦେବା ଊଚୁଃ। 1-54-12x (259)
ବାସୁକିର୍ନାଗରାଜୋଽଯଂ ଦୁଃଖିତୋ ଜ୍ଞାତିକାରଣାତ୍।
ଅଭିଶାପଃ ସ ମାତୁସ୍ତୁ ଭଗବନ୍ନ ଭବେତ୍କଥମ୍॥ 1-54-12 (2223)
ବ୍ରହ୍ମୋବାଚ। 1-54-13x (260)
ଜରତ୍କାରୁର୍ଜରତ୍କାରୁଂ ଯାଂ ଭାର୍ଯାଂ ସମବାପ୍ସ୍ଯତି।
ତତ୍ର ଜାତୋ ଦ୍ବିଜଃ ଶାପାନ୍ମୋକ୍ଷଯିଷ୍ଯତି ପନ୍ନଗାନ୍॥ 1-54-13 (2224)
ଏତଚ୍ଛ୍ରୁତ୍ବା ତୁ ବଚନଂ ବାସୁକିଃ ପନ୍ନଗୋତ୍ତମଃ।
ପ୍ରାଦାନ୍ମାମମରପ୍ରଖ୍ଯ ତବ ପିତ୍ରେ ମହାତ୍ମନେ॥ 1-54-14 (2225)
ପ୍ରାଗେବାନାଗତେ କାଲେ ତସ୍ମାତ୍ତ୍ବ ମଯ୍ଯଜାଯଥାଃ।
ଅଯଂ ସ କାଲଃ ସଂପ୍ରାପ୍ତୋ ଭଯାନ୍ନସ୍ତ୍ରାତୁମର୍ହସି॥ 1-54-15 (2226)
ଭ୍ରାତରଂ ଚାପି ମେ ତସ୍ମାତ୍ତ୍ରାତୁମର୍ହସି ପାବକାତ୍।
ନ ମୋଘଂ ତୁ କୃତଂ ତତ୍ସ୍ଯାଦ୍ଯଦହଂ ତବ ଧୀମତେ।
ପିତ୍ରେ ଦତ୍ତା ବିମୋକ୍ଷାର୍ଥଂ କଥଂ ବା ପୁତ୍ର ମନ୍ଯସେ॥ 1-54-16 (2227)
ସୌତିରୁବାଚ। 1-54-17x (261)
ଏବମୁକ୍ତସ୍ତଥେତ୍ଯୁକ୍ତ୍ବା ସାସ୍ତୀକୋ ମାତରଂ ତଦା।
ଅବ୍ରବୀଦ୍ଦୁଃଖସଂତପ୍ତଂ ବାସୁକିଂ ଜୀବଯନ୍ନିବ॥ 1-54-17 (2228)
ଅହଂ ତ୍ବାଂ ମୋକ୍ଷଯିଷ୍ଯାମି ବାସୁକେ ପନ୍ନଗୋତ୍ତମ।
ତସ୍ମାଚ୍ଛାପାନ୍ମହାସତ୍ତ୍ବ ସତ୍ଯମେତଦ୍ବ୍ରବୀମି ତେ॥ 1-54-18 (2229)
ଭବ ସ୍ବସ୍ଥମନା ନାଗ ନ ହି ତେ ବିଦ୍ଯତେ ଭଯମ୍।
ପ୍ରଯତିଷ୍ଯେ ତଥା ରାଜନ୍ଯଥା ଶ୍ରେଯୋ ଭବିଷ୍ଯତି॥ 1-54-19 (2230)
ନ ମେ ବାଗନୃତଂ ପ୍ରାହ ସ୍ବୈରେଷ୍ବପି କୁତୋଽନ୍ଯଥା।
ତଂ ବୈ ନୃପବରଂ ଗତ୍ବା ଦୀକ୍ଷିତଂ ଜନମେଜଯମ୍॥ 1-54-20 (2231)
ବାଗ୍ଭିର୍ମଙ୍ଗଲଯୁକ୍ତାଭିସ୍ତୋଷଯିଷ୍ଯେଽଦ୍ଯ ମାତୁଲ।
ଯଥା ସ ଯଜ୍ଞୋ ନୃପତେର୍ନିବତ୍ରିଷ୍ଯତି ସତ୍ତମ॥ 1-54-21 (2232)
ସ ସଂଭାବଯ ନାଗେନ୍ଦ୍ର ମଯି ସର୍ବଂ ମହାମତେ।
ନ ତେ ମଯି ମନୋ ଜାତୁ ମିଥ୍ଯା ଭବିତୁମର୍ହତି॥ 1-54-22 (2233)
ବାସୁକିରୁବାଚ। 1-54-23x (262)
ଆସ୍ତୀକ ପରିଘୂର୍ଣାମି ହୃଦଯଂ ମେ ବିଦୀର୍ଯତେ।
ଦିଶୋ ନ ପ୍ରତିଜାନାମି ବ୍ରହ୍ମଦଣ୍ଡନିପୀଡିତଃ॥ 1-54-23 (2234)
ଆସ୍ତୀକ ଉବାଚ। 1-54-24x (263)
ନ ସନ୍ତାପସ୍ତ୍ବଯା କାର୍ଯଃ କଥଂଚିତ୍ପନ୍ନଗୋତ୍ତମ।
ପ୍ରଦୀପ୍ତାଗ୍ନେଃ ସମୁତ୍ପନ୍ନଂ ନାଶଯିଷ୍ଯାମି ତେ ଭଯମ୍॥ 1-54-24 (2235)
ବ୍ରହ୍ମଦଣ୍ଡଂ ମହାଘୋରଂ କାଲାଗ୍ନିସମତେଜସମ୍।
ନାଶଯିଷ୍ଯାମି ମାଽତ୍ର ତ୍ବଂ ଭଯଂକାର୍ଷୀଃ କଥଂଚନ॥ 1-54-25 (2236)
ସୌତିରୁବାଚ। 1-54-26x (264)
ତତଃ ସ ବାସୁକେର୍ଘୋରମପନୀଯ ମନୋଜ୍ବରମ୍।
ଆଧାଯ ଚାତ୍ମନୋଽଙ୍ଗେଷୁ ଜଗାମ ତ୍ବରିତୋ ଭୃଶମ୍॥ 1-54-26 (2237)
ଜନମେଜଯସ୍ଯ ତଂ ଯଜ୍ଞଂ ସର୍ବୈଃ ସମୁଦିତଂ ଗୁଣୈଃ।
ମୋକ୍ଷାଯ ଭୁଜଗେନ୍ଦ୍ରାଣାମାସ୍ତୀକୋ ଦ୍ବିଜସତ୍ତମଃ॥ 1-54-27 (2238)
ସ ଗତ୍ବାଽପଶ୍ଯଦାସ୍ତୀକୋ ଯଜ୍ଞାଯତନମୁତ୍ତମମ୍।
ବୃତଂ ସଦସ୍ଯୈର୍ବହୁଭିଃ ସୂର୍ଯବହ୍ନିସମପ୍ରଭୈଃ॥ 1-54-28 (2239)
ସ ତତ୍ର ବାରିତୋ ଦ୍ବାସ୍ଥୈଃ ପ୍ରବିଶନ୍ଦ୍ବିଜସତ୍ତମଃ।
ଅଭିତୁଷ୍ଟାବ ତଂ ଯଜ୍ଞଂ ପ୍ରବେଶାର୍ଥୀ ପରଂତପଃ॥ 1-54-29 (2240)
ସ ପ୍ରାପ୍ଯ ଯଜ୍ଞାଯତନଂ ବରିଷ୍ଠଂ
ଦ୍ବିଜୋତ୍ତମଃ ପୁଣ୍ଯକୃତାଂ ବରିଷ୍ଠଃ।
ତୁଷ୍ଟାବ ରାଜାନମନନ୍ତକୀର୍ତି-
ମୃତ୍ବିକ୍ସଦସ୍ଯାଂଶ୍ଚ ତଥୈବ ଚାଗ୍ନିମ୍॥ ॥ 1-54-30 (2241)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ଚତୁଃପଞ୍ଚାଶତ୍ତମୋଽଧ୍ଯାଯଃ॥ 54 ॥
Mahabharata - Adi Parva - Chapter Footnotes
1-54-4 ଆଚଷ୍ଟ ବ୍ଯକ୍ତଂ କଥିତବତୀ। ଅବିକ୍ଲବା ଅନାକୁଲା॥ 1-54-12 ଅଭିଶାପଃ ଶାପଃ॥ 1-54-17 ଆସ୍ତୀକ ଇତି ପାଦପୂରଣାର୍ଥଃ ସୁଲୋପଃ॥ 1-54-22 ମଯି ଅଯମସ୍ମାନ୍ମୋଚଯିଷ୍ଯତ୍ଯେବରୂପୋ ମନଃସଂକଲ୍ପୋ ଜାତୁ କଦାପି ମିଥ୍ଯାଽନ୍ଯଥା ନ॥ 1-54-23 ବ୍ରହ୍ମ ବେଦଃ ମାତୃଦେବୋ ଭବେତି ମାତୁରାଜ୍ଞକରତ୍ବବିଧାନପରସ୍ତଦନ୍ଯଥାକରଣପ୍ରଯୁକ୍ତୋ ଦଣ୍ଡୋ ମାତୃଶାପରୂପୋ ବ୍ରହ୍ମଦଣ୍ଡଃ॥ 1-54-26 ବାସୁକେଶ୍ଚିନ୍ତାଜ୍ବରଂ ସ୍ବଯଂ ଗୃହୀତ୍ବେତ୍ଯର୍ଥଃ॥ ଚତୁଃପଞ୍ଚାଶତ୍ତମୋଽଧ୍ଯାଯଃ॥ 54 ॥ଆଦିପର୍ବ - ଅଧ୍ଯାଯ 055
॥ ଶ୍ରୀଃ ॥
1.55. ଅଧ୍ଯାଯଃ 055
Mahabharata - Adi Parva - Chapter Topics
ଆସ୍ତୀକକୃତା ଜନମେଜଯଯଜ୍ଞପ୍ରଶଂସା॥ 1 ॥Mahabharata - Adi Parva - Chapter Text
1-55-0 (2242)
ଆସ୍ତୀକ ଉବାଚ। 1-55-0x (265)
ସୋମସ୍ଯ ଯଜ୍ଞୋ ବରୁଣସ୍ଯ ଯଜ୍ଞଃ
ପ୍ରଜାପତେର୍ଯଜ୍ଞ ଆସୀତ୍ପ୍ରଯାଗେ।
ତଥା ଯଜ୍ଞୋଽଯଂ ତବ ଭାରତାଗ୍ର୍ଯ
ପାରିକ୍ଷିତ ସ୍ବସ୍ତି ନୋଽସ୍ତୁ ପ୍ରିଯେଭ୍ଯଃ॥ 1-55-1 (2243)
ଶକ୍ରସ୍ଯ ଯଜ୍ଞଃ ଶତସଙ୍ଖ୍ଯ ଉକ୍ତ-
ସ୍ତଥାପରଂ ତୁଲ୍ଯସଙ୍ଖ୍ଯଂ ଶତଂ ବୈ।
ତଥା ଯଜ୍ଞୋଽଯଂ ତବ ଭାରତାଗ୍ର୍ଯ
ପାରିକ୍ଷିତ ସ୍ବସ୍ତି ନୋଽସ୍ତୁ ପ୍ରିଯେଭ୍ଯଃ॥ 1-55-2 (2244)
ଯମସ୍ଯ ଯଜ୍ଞୋ ହରିମେଧସଶ୍ଚ
ଯଥା ଯଜ୍ଞୋ ରନ୍ତିଦେବସ୍ଯ ରାଜ୍ଞଃ।
ତଥା ଯଜ୍ଞୋଽଯଂ ତବ ଭାରତାଗ୍ର୍ଯ
ପାରିକ୍ଷିତ ସ୍ବସ୍ତି ନୋଽସ୍ତୁ ପ୍ରିଯେଭ୍ଯଃ॥ 1-55-3 (2245)
ଗଯସ୍ଯ ଯଜ୍ଞଃ ଶଶବିନ୍ଦୋଶ୍ଚ ରାଜ୍ଞୋ
ଯଜ୍ଞସଲ୍ତଥା ବୈଶ୍ରବଣସ୍ଯ ରାଜ୍ଞଃ।
ତଥା ଯଜ୍ଞୋଽଯଂ ତବ ଭାରତାଗ୍ର୍ଯ
ପାରିକ୍ଷିତ ସ୍ବସ୍ତି ନୋଽସ୍ତୁ ପ୍ରିଯେଭ୍ଯଃ॥ 1-55-4 (2246)
ନୃଗସ୍ଯ ଯଜ୍ଞସ୍ତ୍ବଜମୀଢସ୍ଯ ଚାସୀ-
ଦ୍ଯଥା ଯଜ୍ଞୋ ଦାଶରଥେଶ୍ଚ ରାଜ୍ଞଃ।
ତଥା ଯଜ୍ଞୋଽଯଂ ତବ ଭାରତାଗ୍ର୍ଯ
ପାରିକ୍ଷିତ ସ୍ବସ୍ତି ନୋଽସ୍ତୁ ପ୍ରିଯେଭ୍ଯଃ॥ 1-55-5 (2247)
ଯଜ୍ଞଃ ଶ୍ରୁତୋ ଦିବି ଦେବସ୍ଯ ସୂନୋ-
ର୍ଯୁଧିଷ୍ଠିରସ୍ଯାଜମୀଢସ୍ଯ ରାଜ୍ଞଃ।
ତଥା ଯଜ୍ଞୋଽଯଂ ତବ ଭାରତାଗ୍ର୍ଯ
ପାରିକ୍ଷିତ ସ୍ବସ୍ତି ନୋଽସ୍ତୁ ପ୍ରିଯେଭ୍ଯଃ॥ 1-55-6 (2248)
କୃଷ୍ଣସ୍ଯ ଯଜ୍ଞଃ ସତ୍ଯବତ୍ଯାଃ ସୁତସ୍ଯ
ସ୍ବଯଂ ଚ କର୍ମ ପ୍ରଚକାର ଯତ୍ର।
ତଥା ଯଜ୍ଞୋଽଯଂ ତବ ଭାରତାଗ୍ର୍ଯ
ପାରିକ୍ଷିତ ସ୍ବସ୍ତି ନୋଽସ୍ତୁ ପ୍ରିଯେଭ୍ଯଃ॥ 1-55-7 (2249)
ଇମେ ଚ ତେ ସୂର୍ଯସମାନବର୍ଚସଃ
ସମାସତେ ବୃତ୍ରହଣଃ କ୍ରତୁଂ ଯଥା।
ନୈଷାଂ ଜ୍ଞାତୁଂ ବିଦ୍ଯତେ ଜ୍ଞାନମଦ୍ଯ
ଦତ୍ତଂ ଯେଭ୍ଯୋ ନ ପ୍ରଣଶ୍ଯେତ୍କଦାଚିତ୍॥ 1-55-8 (2250)
ଋତ୍ବିକ୍ସମୋ ନାସ୍ତି ଲୋକେଷୁ ଚୈବ
ଦ୍ବୈପାଯନେନେତି ବିନିଶ୍ଚିତଂ ମେ।
ଏତସ୍ଯ ଶିଷ୍ଯା ହି କ୍ଷିତିଂ ସଂଚରନ୍ତି
ସର୍ବର୍ତ୍ବିଜଃ କର୍ମସୁ ସ୍ବେଷୁ ଦକ୍ଷାଃ॥ 1-55-9 (2251)
ବିଭାବସୁଶ୍ଚିତ୍ରଭାନୁର୍ମହାତ୍ମା
ହିରଣ୍ଯରେତା ହୁତଭୁକ୍କୃଷ୍ଣବର୍ତ୍ମା।
ପ୍ରଦକ୍ଷିମାବର୍ତଶିଖଃ ପ୍ରଦୀପ୍ତୋ
ହବ୍ଯଂ ତବେଦଂ ହୁତଭୁଗ୍ବଷ୍ଟି ଦେବଃ॥ 1-55-10 (2252)
ନୈହ ତ୍ବଦନ୍ଯୋ ବିଦ୍ଯତେ ଜୀବଲୋକେ
ସମୋ ନୃପଃ ପାଲଯିତା ପ୍ରଜାନାମ୍।
ଧୃତ୍ଯା ଚ ତେ ପ୍ରତୀମନାଃ ସଦାହଂ
ତ୍ବଂ ବା ବରୁଣୋ ଧର୍ମରାଜୋ ଯମୋ ବା॥ 1-55-11 (2253)
ଶକ୍ରଃ ସାକ୍ଷାଦ୍ବଜ୍ରପାଣିର୍ଯଥେହ
ତ୍ରାତା ଲୋକେଽସ୍ମିଂସ୍ତ୍ବଂ ତଥେହ ପ୍ରଜାନାମ୍।
ମତସ୍ତ୍ବଂ ନଃ ପୁରୁଷେନ୍ଦ୍ରେହ ଲୋକେ
ନ ଚ ତ୍ବଦନ୍ଯୋ ଭୂପତିରସ୍ତି ଜଜ୍ଞେ॥ 1-55-12 (2254)
ଖଟ୍ବାଙ୍ଗନାଭଗଦିଲୀପକଲ୍ପ
ଯଯାତିମାନ୍ଧାତୃସମପ୍ରଭାବ।
ଆଦିତ୍ଯତେଜଃପ୍ରତିମାନତେଜା
ଭୀଷ୍ମୋ ଯଥା ରାଜସି ସୁବ୍ରତସ୍ତ୍ବମ୍॥ 1-55-13 (2255)
ବାଲ୍ମୀକିବତ୍ତେ ନିଭୃତଂ ସ୍ବବୀର୍ଯଂ
ବସିଷ୍ଠବତ୍ତେ ନିଯତଶ୍ଚ କୋପଃ।
ପ୍ରଭୁତ୍ବମିନ୍ଦ୍ରତ୍ବସମଂ ମତଂ ମେ
ଦ୍ଯୁତିଶ୍ଚ ନାରାଯଣବଦ୍ବିଭାତି॥ 1-55-14 (2256)
ଯମୋ ଯଥା ଧର୍ମବିନିଶ୍ଚଯଜ୍ଞଃ
କୃଷ୍ଣୋ ଯଥା ସର୍ବଗୁଣୋପପନ୍ନଃ।
ଶ୍ରିଯାଂ ନିବାସୋଽସି ଯଥା ବସୂନାଂ
ନିଧାନଭୂତୋଽସି ତଥା କ୍ରତୂନାମ୍॥ 1-55-15 (2257)
ଦମ୍ଭୋଦ୍ଭବେନାସି ସମୋ ବଲେନ
ରାମୋ ଯଥା ଶସ୍ତ୍ରବିଦସ୍ତ୍ରବିଚ୍ଚ।
ଔର୍ବତ୍ରିତାଭ୍ଯାମସି ତୁଲ୍ଯତେଜା
ଦୁଷ୍ପ୍ରେକ୍ଷଣୀଯୋଽସି ଭଗୀରଥେନ॥ 1-55-16 (2258)
ସୌତିରୁବାଚ। 1-55-17x (266)
ଏବଂ ସ୍ତୁତାଃ ସର୍ବ ଏବ ପ୍ରସନ୍ନା
ରାଜା ସଦସ୍ଯା ଋତ୍ବିଜୋ ହବ୍ଯବାହଃ।
ତେଷାଂ ଦୃଷ୍ଟ୍ବା ଭାବିତାନୀଙ୍ଗିତାନି
ପ୍ରୋବାଚ ରାଜା ଜନମେଜଯୋଽଥ॥ ॥ 1-55-17 (2259)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ପଞ୍ଚପଞ୍ଚାଶତ୍ତମୋଽଧ୍ଯାଯଃ॥ 55 ॥
Mahabharata - Adi Parva - Chapter Footnotes
1-55-6 ଦେବସ୍ଯ ଧର୍ମରାଜସ୍ଯ॥ 1-55-8 ଜ୍ଞାନଶବ୍ଦଃ କର୍ମବ୍ଯୁତ୍ପନ୍ନୋ ଜ୍ଞେଯବଚନଃ ଅଦ୍ଯ ସଂପ୍ରତି ଜ୍ଞାତୁଂ ଜ୍ଞେଯଂ ନ ବିଦ୍ଯତେ ସର୍ବସ୍ଯ ଜ୍ଞାତତ୍ବାଦିତ୍ଯର୍ଥଃ॥ 1-55-10 ଅଗ୍ନିଂ ସ୍ତୌତି ବିଭାବସୁରିତି। ବଷ୍ଟି କାମଯତେ॥ 1-55-12 ନ ଚ ତ୍ବଦନ୍ଯସ୍ତ୍ରାତା ଭୂପତିରସ୍ତି ଇଦାନୀଂ ନ ଚ ଜଜ୍ଞେ ପ୍ରାଗପି॥ 1-55-14 ନିଭୃତଂ ଗୁପ୍ତଂ। ନିଯତୋ ନିଗୃହୀତଃ॥ 1-55-15 ବସବୋଽଷ୍ଟୌ ତତ୍ସଂବନ୍ଧିନୀନାଂ ଶ୍ରିଯାମ୍॥ 1-55-16 ରାମୋ ଭାର୍ଗବଃ ଔର୍ବତ୍ରିତାବୃଷୀ॥ 1-55-17 ଭାବିତାନି ମନସି ସଂକଲ୍ପିତାନି। ଭାରତସ୍ତ୍ବିଙ୍ଗିତାନୀତି ପାଠେ ଭାରତୋ ରାଜା ଭରତବଂଶଜତ୍ବାତ୍॥ ପଞ୍ଚପଞ୍ଚାଶତ୍ତମୋଽଧ୍ଯାଯଃ॥ 55 ॥ଆଦିପର୍ବ - ଅଧ୍ଯାଯ 056
॥ ଶ୍ରୀଃ ॥
1.56. ଅଧ୍ଯାଯଃ 056
Mahabharata - Adi Parva - Chapter Topics
ପ୍ରଶଂସଯା ତୁଷ୍ଟସ୍ଯ ଜନମେଜଯସ୍ଯ ଋତ୍ବିଗ୍ଭିଃ ସଂବାଦଃ॥ 1 ॥ ଋତ୍ବିଗାହ୍ବାନେନ ସତକ୍ଷକସ୍ଯେନ୍ଦ୍ରସ୍ଯାଗମନମ୍॥ 2 ॥ ଭଯେନେନ୍ଦ୍ରେ ପଲାଯିତେଽଗ୍ନିସମୀପେ ତକ୍ଷକାଗମନମ୍॥ 3 ॥ ଆସ୍ତୀକସ୍ଯ ଯଜ୍ଞସମାପ୍ତିବରଯାଚନମ୍॥ 4 ॥Mahabharata - Adi Parva - Chapter Text
1-56-0 (2260)
ଜନମେଜଯ ଉବାଚ। 1-56-0x (267)
ବାଲୋଽପ୍ଯଯଂ ସ୍ଥବିର ଇବାବଭାଷତେ
ନାଯଂ ବାଲଃ ସ୍ଥବିରୋଽଯଂ ମତୋ ମେ।
ଇଚ୍ଛାମ୍ଯହଂ ବରମସ୍ମୈ ପ୍ରଦାତୁଂ
ତନ୍ମେ ବିପ୍ରାଃ ସଂବିଦଧ୍ବଂ ଯଥାବତ୍॥ 1-56-1 (2261)
ସଦସ୍ଯା ଊଚୁଃ। 1-56-2x (268)
ବାଲୋଽପି ବିପ୍ରୋ ମାନ୍ଯ ଏବେହ ରାଜ୍ଞା
`ଯଶ୍ଚାବିଦ୍ବାନ୍ଯଶ୍ଚ ବିଦ୍ବାନ୍ଯଥାବତ୍।
ପ୍ରସାଦଯୈନଂ ତ୍ବରିତୋ ନରେନ୍ଦ୍ର
ଦ୍ବିଜାତିବର୍ଯଂ ସକଲାର୍ଥସିଦ୍ଧଯେ।'
ସର୍ବାନ୍କାମାଂସ୍ତ୍ବତ୍ତ ଏବାର୍ହତେଽଦ୍ଯ
ଯଥା ଚ ନସ୍ତକ୍ଷକ ଏତି ଶୀଘ୍ରମ୍॥ 1-56-2 (2262)
ସୌତିରୁବାଚ। 1-56-3x (269)
ବ୍ଯାହର୍ତୁକାମେ ବରଦେ ନୃପେ ଦ୍ବିଜଂ
ବରଂ ବୃଣୀଷ୍ବେତି ତତୋଽବ୍ଯୁବାଚ।
ହୋତା ବାକ୍ଯଂ ନାତିହୃଷ୍ଟାନ୍ତରାତ୍ମା
କର୍ମଣ୍ଯସ୍ମିଂସ୍ତକ୍ଷକୋ ନୈତି ତାବତ୍॥ 1-56-3 (2263)
ଜନମେଜଯ ଉବାଚ। 1-56-4x (270)
ଯଥା ଚେଦଂ କର୍ମ ସମାପ୍ଯତେ ମେ
ଯଥା ଚ ବୈ ତକ୍ଷକ ଏତି ଶୀଘ୍ରମ୍।
ତଥା ଭବନ୍ତଃ ପ୍ରଯତନ୍ତୁ ସର୍ବେ
ପରଂ ଶକ୍ତ୍ଯା ସ ହି ମେ ବିଦ୍ବିଷାଣଃ॥ 1-56-4 (2264)
ଋତ୍ବିଜ ଊଚୁଃ। 1-56-5x (271)
ଯଥା ଶସ୍ତ୍ରାଣି ନଃ ପ୍ରାହୁର୍ଯଥା ଶଂସତି ପାବକଃ।
ଇନ୍ଦ୍ରସ୍ଯ ଭବନେ ରାଜଂସ୍ତକ୍ଷକୋ ଭଯପୀଡିତଃ॥ 1-56-5 (2265)
ଯଥା ସୂତୋ ଲୋହିତାକ୍ଷୋ ମହାତ୍ମା
ପୌରାଣିକୋ ବେଦିତବାନ୍ପୁରସ୍ତାତ୍।
ସ ରାଜାନଂ ପ୍ରାହ ପୃଷ୍ଟସ୍ତଦାନୀଂ
ଯଥାହୁର୍ବିପ୍ରାସ୍ତଦ୍ବଦେତନ୍ନୃଦେବ॥ 1-56-6 (2266)
ପୁରାଣମାଗମ୍ଯ ତତୋ ବ୍ରବୀମ୍ଯହଂ
ଦତ୍ତଂ ତସ୍ମୈ ବରମିନ୍ଦ୍ରେଣ ରାଜନ୍।
ବସେହ ତ୍ବଂ ମତ୍ସକାଶେ ସୁଗୁପ୍ତୋ
ନ ପାବକସ୍ତ୍ବାଂ ପ୍ରଦହିଷ୍ଯତୀତି॥ 1-56-7 (2267)
ଏତଚ୍ଛ୍ରୁତ୍ବା ଦୀକ୍ଷିତସ୍ତପ୍ଯମାନ
ଆସ୍ତେ ହୋତାରଂ ଚୋଦଯନ୍କର୍ମ କାଲେ।
`ଇନ୍ଦ୍ରେଣ ସାର୍ଧଂ ତକ୍ଷକଂ ପାତଯଧ୍ବଂ
ବିଭାବସୌ ନ ବିମୁଚ୍ଯେତ ନାଗଃ।'
ହୋତା ଚ ଯତ୍ତୋଽସ୍ଯାଜୁହାବାଥ ମନ୍ତ୍ରୈ-
ରଥୋ ମହେନ୍ଦ୍ରଃ ସ୍ବଯମାଜଗାମ॥ 1-56-8 (2268)
`ଆଯାତୁ ଚେନ୍ଦ୍ରୋଽପି ସତକ୍ଷକଃ ପତେ-
ଦ୍ବିଭାବସୌ ନାଗରାଜେନ ତୂର୍ଣମ୍।
ଜମ୍ଭସ୍ଯ ହନ୍ତେତି ଜୁହାବ ହୋତା
ତଦା ଜଗାମାହିଦତ୍ତାଭଯଃ ପ୍ରଭୁଃ॥' 1-56-9 (2269)
ବିମାନମାରୁହ୍ଯ ମହାନୁଭାବଃ
ସର୍ବୈର୍ଦେବୈଃ ପରିସଂସ୍ତୂଯମାନଃ।
ବଲାହକୈଶ୍ଚାପ୍ଯନୁଗମ୍ଯମାନୋ
ବିଦ୍ଯାଧରୈରପ୍ସରସାଂ ଗଣୈଶ୍ଚ
`ନାଗସ୍ଯ ନାଶୋ ମମ ଚୈବ ନାଶୋ
ଭବିଷ୍ଯତୀତ୍ଯେବ ବିଚିନ୍ତଯାନଃ॥' 1-56-10 (2270)
ତସ୍ଯୋତ୍ତରୀଯେ ନିହିତଃ ସ ନାଗୋ
ଭଯୋଦ୍ବିଗ୍ନଃ ଶର୍ମ ନୈବାଭ୍ଯଗଚ୍ଛତ୍।
ତତୋ ରାଜା ମନ୍ତ୍ରବିଦୋଽବ୍ରବୀତ୍ପୁନଃ
କ୍ରୁଦ୍ଧୋ ବାକ୍ଯଂ ତକ୍ଷକସ୍ଯାନ୍ତମିଚ୍ଛନ୍॥ 1-56-11 (2271)
ଜନମେଜଯ ଉବାଚ। 1-56-12x (272)
ଇନ୍ଦ୍ରସ୍ଯ ଭବନେ ବିପ୍ରା ଯଦି ନାଗଃ ସ ତକ୍ଷକଃ।
ତମିନ୍ଦ୍ରେଣୈବ ସହିତଂ ପାତଯଧ୍ଯଂ ବିଭାବସୌ॥ 1-56-12 (2272)
ସୌତିରୁବାଚ। 1-56-13x (273)
ଜନମେଜଯେନ ରାଜ୍ଞା ତୁ ନୋଦିତସ୍ତକ୍ଷକଂ ପ୍ରତି।
ହୋତା ଜୁହାବ ତତ୍ରସ୍ଥଂ ତକ୍ଷକଂ ପନ୍ନଗଂ ତଥା॥ 1-56-13 (2273)
ହୂଯମାନେ ତଥା ଚୈବ ତକ୍ଷକଃ ସପୁରନ୍ଦରଃ।
ଆକାଶେ ଦଦୃଶେ ତତ୍ର କ୍ଷଣେନ ବ୍ଯଥିତସ୍ତଦା॥ 1-56-14 (2274)
ପୁରନ୍ଦରସ୍ତୁ ତଂ ଯଜ୍ଞଂ ଦୃଷ୍ଟ୍ବୋରୁଭଯମାବିଶତ୍।
ହିତ୍ବା ତୁ ତକ୍ଷକଂ ତ୍ରସ୍ତଃ ସ୍ବମେବ ଭବନଂ ଯଯୌ॥ 1-56-15 (2275)
ଇନ୍ଦ୍ରେ ଗତେ ତୁ ରାଜେନ୍ଦ୍ର ତକ୍ଷକୋ ଭଯମୋହିତଃ।
ମନ୍ତ୍ରଶକ୍ତ୍ଯା ପାବକାର୍ଚିସ୍ସମୀପମବଶୋ ଗତଃ।
`ତଂ ଦୃଷ୍ଟ୍ବା ଋତ୍ବିଜସ୍ତତ୍ର ବଚନଂ ଚେଦମବ୍ରୁବନ୍'॥ 1-56-16 (2276)
ଋତ୍ବିଜ ଊଚୁଃ। 1-56-17x (274)
ଅଯମାଯାତି ତୂର୍ଣଂ ସ ତକ୍ଷକସ୍ତେ ବଶଂ ନୃପ।
ଶ୍ରୂଯତେଽସ୍ଯ ମହାନ୍ନାଦୋ ନଦତୋ ଭୈରବଂ ରବମ୍॥ 1-56-17 (2277)
ନୂନଂ ମୁକ୍ତୋ ବଜ୍ରଭୃତା ସ ନାଗୋ
ଭ୍ରଷ୍ଟୋ ନାକାନ୍ମନ୍ତ୍ରବିତ୍ରସ୍ତକାଯଃ।
ଘୂର୍ଣନ୍ନାକାଶେ ନଷ୍ଟସଂଜ୍ଞୋଽଭ୍ଯୁପୈତି
ତୀବ୍ରାନ୍ନିଶ୍ବାସାନ୍ନିଶ୍ବସନ୍ପନ୍ନଗେନ୍ଦ୍ରଃ॥ 1-56-18 (2278)
ବର୍ତତେ ତବ ରାଜେନ୍ଦ୍ର କର୍ମୈତଦ୍ବିଧିବତ୍ପ୍ରଭୋ।
ଅସ୍ମୈ ତୁ ଦ୍ବିଜମୁଖ୍ଯାଯ ବରଂ ତ୍ବଂ ଦାତୁମର୍ହସି॥ 1-56-19 (2279)
ଜନମେଜଯ ଉବାଚ। 1-56-20x (275)
ବାଲାଭିରୂପସ୍ଯ ତବାପ୍ରମେଯ
ବରଂ ପ୍ରଯଚ୍ଛାମି ଯଥାନୁରୂପମ୍।
ବୃଣୀଷ୍ବ ଯତ୍ତେଽଭିମତଂ ହୃଦି ସ୍ଥିତଂ
ତତ୍ତେ ପ୍ରଦାସ୍ଯାମ୍ଯପି ଚେଦଦେଯମ୍॥ 1-56-20 (2280)
ସୌତିରୁବାଚ। 1-56-21x (276)
ପତିଷ୍ଯମାଣେ ନାଗେନ୍ଦ୍ରେ ତକ୍ଷକେ ଜାତବେଦସି।
ଇଦମନ୍ତରମିତ୍ଯେବଂ ତଦାସ୍ତୀକୋଽଭ୍ଯଚୋଦଯତ୍॥ 1-56-21 (2281)
ଆସ୍ତୀକ ଉବାଚ। 1-56-22x (277)
ବରଂ ଦଦାସି ଚେନ୍ମହ୍ଯଂ ବୃଣୋମି ଜନମେଜଯ।
ସତ୍ରଂ ତେ ବିରମତ୍ବେତନ୍ନ ପତେଯୁରିହୋରଗାଃ॥ 1-56-22 (2282)
ଏବମୁକ୍ତସ୍ତଦା ତେନ ବ୍ରହ୍ମନ୍ପାରିକ୍ଷିତସ୍ତୁ ସଃ।
ନାତିହୃଷ୍ଟମନାଶ୍ଚେଦମାସ୍ତୀକଂ ବାକ୍ଯମବ୍ରବୀତ୍॥ 1-56-23 (2283)
ସୁବର୍ଣଂ ରଜତଂ ଗାଶ୍ଚ ଯଚ୍ଚାନ୍ଯନ୍ମନ୍ଯସେ ବିଭୋ।
ତତ୍ତେ ଦଦ୍ଯାଂ ବରଂ ବିପ୍ର ନ ନିବର୍ତେତ୍କ୍ରତୁର୍ମମ॥ 1-56-24 (2284)
ଆସ୍ତୀକ ଉବାଚ। 1-56-25x (278)
ସୁବର୍ଣଂ ରଜତଂ ଗାଶ୍ଚ ନ ତ୍ବାଂ ରାଜନ୍ବୃଣୋମ୍ଯହମ୍।
ସତ୍ରଂ ତେ ବିରମତ୍ବେତତ୍ସ୍ବସ୍ତି ମାତୃକୁଲସ୍ଯ ନଃ॥ 1-56-25 (2285)
ସୌତିରୁବାଚ। 1-56-26x (279)
ଆସ୍ତୀକେନୈବମୁକ୍ତସ୍ତୁ ରାଜା ପାରିକ୍ଷିତସ୍ତଦା।
ପୁନଃପୁନରୁବାଚେଦମାସ୍ତୀକଂ ବଦତାଂ ବରଃ॥ 1-56-26 (2286)
ଅନ୍ଯଂ ବରଯ ଭଦ୍ରଂ ତେ ବରଂ ଦ୍ବିଜ୍ବରୋତ୍ତମ।
ଅଯାଚତ ନ ଚାପ୍ଯନ୍ଯଂ ବରଂ ସ ଭୃଗୁନନ୍ଦନ॥ 1-56-27 (2287)
ତତୋ ବେଦବିଦସ୍ତାତ ସଦସ୍ଯାଃ ସର୍ବ ଏବ ତମ୍।
ରାଜାନମୂଚୁଃ ସହିତା ଲଭତାଂ ବ୍ରାହ୍ମଣୋ ବରମ୍॥ ॥ 1-56-28 (2288)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ଷଟ୍ପଞ୍ଚାଶତ୍ତମୋଽଧ୍ଯାଯଃ॥ 56 ॥
Mahabharata - Adi Parva - Chapter Footnotes
1-56-1 ସଂବିଦଧ୍ବମୈକମତ୍ଯଂ କୁରୁଧ୍ବମ୍। ସଂବଦଧ୍ବମିତ୍ଯପି ପାଠଃ॥ 1-56-4 ବିଦ୍ବିଷାଣଃ ବିଦ୍ବେଷଂ କୃତବାନ୍। ଲିଟଃ କାନ୍ଚ। ଅଭ୍ଯାସଲୋପ ଆର୍ଷଃ॥ 1-56-5 ଶସ୍ତ୍ରାଣି ଶଂସନମନ୍ତ୍ରଦେବତାଃ॥ 1-56-7 ପୁରାଣଂ ପୂର୍ବକଲ୍ପୀଯବୃତ୍ତାନ୍ତମ୍। ଆଗମ୍ଯ ଜ୍ଞାତ୍ବା॥ 1-56-15 ଭଯଂ ଆବିଶତ୍ ପ୍ରାପ୍ତବାନ୍॥ 1-56-20 ହେ ବାଲ॥ ଷଟ୍ପଞ୍ଚାଶତ୍ତମୋଽଧ୍ଯାଯଃ॥ 56 ॥ଆଦିପର୍ବ - ଅଧ୍ଯାଯ 057
॥ ଶ୍ରୀଃ ॥
1.57. ଅଧ୍ଯାଯଃ 057
Mahabharata - Adi Parva - Chapter Topics
ସର୍ପସତ୍ରେ ହତାନାଂ ନାଗାନାଂ ନାମକଥନମ୍॥ 1 ।Mahabharata - Adi Parva - Chapter Text
1-57-0 (2289)
ଶୌନକ ଉବାଚ। 1-57-0x (280)
ଯେ ସର୍ପାଃ ସର୍ପସତ୍ରେଽସ୍ମିନ୍ପତିତା ହବ୍ଯବାହନେ।
ତେଷାଂ ନାମାନି ସର୍ବେଷାଂ ଶ୍ରୋତୁମିଚ୍ଛାମି ସୂତଜ॥ 1-57-1 (2290)
ସୌତିରୁବାଚ। 1-57-2x (281)
ସହସ୍ରାଣି ବହୂନ୍ଯସ୍ମିନ୍ପ୍ରଯୁତାନ୍ଯର୍ବୁଦାନି ଚ।
ନ ଶକ୍ଯଂ ପରିସଂଖ୍ଯାତୁଂ ବହୁତ୍ବାଦ୍ଦ୍ବିଜସତ୍ତମ॥ 1-57-2 (2291)
ଯଥାସ୍ମୃତି ତୁ ନାମାନି ପନ୍ନଗାନାଂ ନିବୋଧ ମେ।
ଉଚ୍ଯମାନାନି ମୁଖ୍ଯାନାଂ ହୁତାନାଂ ଜାତବେଦସି॥ 1-57-3 (2292)
ବାସୁକେଃ କୁଲଜାତାଂସ୍ତୁ ପ୍ରାଧାନ୍ଯେନ ନିବୋଧ ମେ।
ନୀଲରକ୍ତାନ୍ସିତାନ୍ଘୋରାନ୍ମହାକାଯାନ୍ବିଷୋଲ୍ବଣାନ୍॥ 1-57-4 (2293)
ଅବଶାନ୍ମାତୃବାଗ୍ଦଣ୍ଡପୀଡିତାନ୍କୃପଣାନ୍ହୂତାନ୍।
କୋଟିଶୋ ମାନସଃ ପୂର୍ଣଃ ଶଲଃ ପାଲୋ ହଲୀମକଃ॥ 1-57-5 (2294)
ପିଚ୍ଛଲଃ କୌଣପଶ୍ଚକ୍ରଃ କାଲବେଗଃ ପ୍ରକାଲନଃ।
ହିରଣ୍ଯବାହୁଃ ଶରଣଃ କକ୍ଷକଃ କାଲଦନ୍ତକଃ॥ 1-57-6 (2295)
ଏତେ ବାସୁକିଜା ନାଗାଃ ପ୍ରବିଷ୍ଟା ହବ୍ଯବାହନେ।
ଅନ୍ଯେ ଚ ବହବୋ ବିପ୍ର ତଥା ବୈ କୁଲସଂଭବାଃ।
ପ୍ରଦୀପ୍ତାଗ୍ନୌ ହୁତାଃସର୍ବେ ଘୋରରୂପା ମହାବଲାଃ॥ 1-57-7 (2296)
ତକ୍ଷକସ୍ଯ କୁଲେ ଜାତାନ୍ପ୍ରବକ୍ଷ୍ଯାମି ନିବୋଧ ତାନ୍।
ପୁଚ୍ଛାଣ୍ଡକୋ ମଣ୍ଡଲକଃ ପିଣ୍ଡସେକ୍ତା ରଭେଣକଃ॥ 1-57-8 (2297)
ଉଚ୍ଛିଖଃ ଶରଭୋ ଭଙ୍ଗୋ ବିଲ୍ବତେଜା ବିରୋହଣଃ।
ଶିଲୀ ଶଲକରୋ ମୂକଃ ସୁକୁମାରଃ ପ୍ରବେପନଃ॥ 1-57-9 (2298)
ମୁଦ୍ଗରଃ ଶିଶୁରୋମା ଚ ସୁରୋମା ଚ ମହାହନୁଃ।
ଏତେ ତକ୍ଷକଜା ନାଗାଃ ପ୍ରବିଷ୍ଟା ହବ୍ଯବାହନମ୍॥ 1-57-10 (2299)
ପାରାବତଃ ପାରିଯାତ୍ରଃ ପାଣ୍ଡରୋ ହରିଣଃ କୃଶଃ।
ବିହଙ୍ଗଃ ଶରଭୋ ମୋଦଃ ପ୍ରମୋଦଃ ସଂହତାପନଃ॥ 1-57-11 (2300)
ଐରାବତକୁଲାଦେତେ ପ୍ରବିଷ୍ଟା ହବ୍ଯବାହନମ୍।
କୌରବ୍ଯକୁଲଜାନ୍ନାଗାଞ୍ଶୃଣୁ ମେ ତ୍ବଂ ଦ୍ବିଜୋତ୍ତମ॥ 1-57-12 (2301)
ଏରକଃ କୁଣ୍ଡଲୋ ବେଣୀ ବେଣୀସ୍କନ୍ଧଃ କୁମାରକଃ।
ବାହୁକଃ ଶୃଙ୍ଗବେରଶ୍ଚ ଧୂର୍ତକଃ ପ୍ରାତରାତକୌ॥ 1-57-13 (2302)
କୌରବ୍ଯକୁଲଜାସ୍ତ୍ବେତେ ପ୍ରବିଷ୍ଟା ହବ୍ଯବାହନମ୍।
ଧୃତରାଷ୍ଟ୍ରକୁଲେ ଜାତାଞ୍ଶୃଣୁ ନାଗାନ୍ଯଥାତଥମ୍॥ 1-57-14 (2303)
କୀର୍ତ୍ଯମାନାନ୍ମଯା ବ୍ରହ୍ମନ୍ବାତବେଗାନ୍ବିଷୋଲ୍ବଣାନ୍।
ଶଙ୍କୁକର୍ଣଃ ପିଠରକଃ କୁଠାରମୁଖସେଚକୌ॥ 1-57-15 (2304)
ପୂର୍ଣାଙ୍ଗଦଃ ପୂର୍ଣମୁଖଃ ପ୍ରହାସଃ ଶକୁନିର୍ଦରିଃ।
ଅମାହଠଃ କାମଠକଃ ସୁଷେଣୋ ମାନସୋଽବ୍ଯଯଃ॥ 1-57-16 (2305)
`ଅଷ୍ଟାବକ୍ରଃ କୋମଲକଃ ଶ୍ବସନୋ ମୌନବେପଗଃ।'
ଭୈରବୋ ମୁଣ୍ଡବେଦାଙ୍ଗଃ ପିଶଙ୍ଗଶ୍ଚୋଦପାରକଃ।
ଋଷଭୋ ବେଗବାନ୍ନାଗଃ ପିଣ୍ଡାରକମହାହନୂ॥ 1-57-17 (2306)
ରକ୍ତାଙ୍ଗଃ ସର୍ବସାରଙ୍ଗଃ ସମୃଦ୍ଧପଟବାସକୌ।
ବରାହକୋ ବୀରଣକଃ ସୁଚିତ୍ରଶ୍ଚିତ୍ରବେଗିକଃ॥ 1-57-18 (2307)
ପରାଶରସ୍ତରୁଣକୋ ମଣିଃ ସ୍କନ୍ଧସ୍ତଥାଽଽରୁଣିଃ।
ଇତି ନାଗା ମଯା ବ୍ରହ୍ମନ୍କୀର୍ତିତାଃ କୀର୍ତିବର୍ଧନାଃ॥ 1-57-19 (2308)
ପ୍ରାଧାନ୍ଯେନ ବହୁତ୍ବାତ୍ତୁ ନ ସର୍ବେ ପରିକୀର୍ତିତାଃ।
ଏତେଷାଂ ପ୍ରସବୋ ଯଶ୍ଚ ପ୍ରସବସ୍ଯ ଚ ସନ୍ତତିଃ॥ 1-57-20 (2309)
ନ ଶକ୍ଯଂ ପରିସଂଖ୍ଯାତୁଂ ଯେ ଦୀପ୍ତଂ ପାବକଂ ଗତାଃ।
`ଦ୍ବିଶୀର୍ଷାଃ ପଞ୍ଚଶୀର୍ଷାଶ୍ଚ ସପ୍ତଶୀର୍ଷାସ୍ତଥାଽପରେ।
ଦଶଶୀର୍ଷାଃ ଶତଶୀର୍ଷାସ୍ତଥାନ୍ଯେ ବହୁଶୀର୍ଷକାଃ'॥ 1-57-21 (2310)
କାଲାନଲବିଷା ଘୋରା ହୁତାଃ ଶତସହସ୍ରଶଃ।
ମହାକାଯା ମହାବେଗାଃ ଶୈଲଶୃଙ୍ଗସମୁଚ୍ଛ୍ରଯାଃ॥ 1-57-22 (2311)
ଯୋଜନାଯାମବିସ୍ତାରା ଦ୍ବିଯୋଜନସମାଯତାଃ।
କାମରୂପାଃ କାମବଲା ଦୀପ୍ତାନଲବିଷୋଲ୍ବଣାଃ॥ 1-57-23 (2312)
ଦଗ୍ଧାସ୍ତତ୍ର ମହାସତ୍ରେ ବ୍ରହ୍ମଦଣ୍ଡନିପାଡିତାଃ॥ ॥ 1-57-24 (2313)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ସପ୍ତପଞ୍ଚାଶତ୍ତମୋଽଧ୍ଯାଯଃ॥ 57 ॥
Mahabharata - Adi Parva - Chapter Footnotes
1-57-23 ଯୋଜନାଯମବିସ୍ତାରା ଅପି ମନ୍ତ୍ରସାମର୍ଥ୍ଯାତ୍ସ୍ବଲ୍ପପ୍ରମାଣାଃ ଅଗସ୍ତ୍ଯକରଗତସମୁଦ୍ରବଦ୍ବହ୍ନୌ ପ୍ରବେଶଯୋଗ୍ଯା ଭବନ୍ତି॥ ସପ୍ତପଞ୍ଚାଶତ୍ତମୋଽଧ୍ଯାଯଃ॥ 57 ॥ଆଦିପର୍ବ - ଅଧ୍ଯାଯ 058
॥ ଶ୍ରୀଃ ॥
1.58. ଅଧ୍ଯାଯଃ 058
Mahabharata - Adi Parva - Chapter Topics
ଆସ୍ତୀକବରପ୍ରଦାନେନ ଯଜ୍ଞସମାପ୍ତିଃ॥ 1 ॥ ପ୍ରତ୍ଯାଗତସ୍ଯାସ୍ତୀକସ୍ଯ ସର୍ପେଭ୍ଯୋ ବରଲାଭଃ॥ 2 ॥Mahabharata - Adi Parva - Chapter Text
1-58-0 (2314)
ସୌତିରୁବାଚ। 1-58-0x (282)
ଇଦମତ୍ଯଦ୍ଭୁତଂ ଚାନ୍ଯଦାସ୍ତୀକସ୍ଯାନୁଶୁଶ୍ରୁମ।
ତଥା ବରୈଶ୍ଛନ୍ଦ୍ଯମାନେ ରାଜ୍ଞା ପାରିକ୍ଷିତେନ ହି॥ 1-58-1 (2315)
ଇନ୍ଦ୍ରହସ୍ତାଚ୍ଚ୍ଯୁତୋ ନାଗଃ ଖ ଏବ ଯଦତିଷ୍ଠତ।
ତତଶ୍ଚିନ୍ତାପରୋ ରାଜା ବଭୂବ ଜନମେଜଯଃ॥ 1-58-2 (2316)
ହୂଯମାନେ ଭୃଶଂ ଦୀପ୍ତେ ବିଧିବଦ୍ବସୁରେତସି।
ନ ସ୍ମ ସ ପ୍ରାପତଦ୍ବହ୍ନୌ ତକ୍ଷକୋ ଭଯପୀଡିତଃ॥ 1-58-3 (2317)
ଶୌନକ ଉବାଚ। 1-58-4x (283)
କିଂ ସୂତ ତେଷାଂ ବିପ୍ରାଣାଂ ମନ୍ତ୍ରଗ୍ରାମୋ ମନୀଷିଣାମ୍।
ନ ପ୍ରତ୍ଯଭାତ୍ତଦାଽଗ୍ନୌ ଯତ୍ସ ପପାତ ନ ତକ୍ଷକଃ॥ 1-58-4 (2318)
ସୌତିରୁବାଚ। 1-58-5x (284)
ତମିନ୍ଦ୍ରହସ୍ତାଦ୍ବିତ୍ରସ୍ତଂ ବିସଂଜ୍ଞଂ ପନ୍ନଗୋତ୍ତମମ୍।
ଆସ୍ତୀକସ୍ତିଷ୍ଠ ତିଷ୍ଠେତି ବାଚସ୍ତିସ୍ରୋଽଭ୍ଯୁଦୈରଯତ୍॥ 1-58-5 (2319)
ବିତସ୍ଥେ ସୋଽନ୍ତରିକ୍ଷେ ଚ ହୃଦଯେନ ବିଦୂଯତା।
ଯଥା ତିଷ୍ଠତି ବୈ କଶ୍ଚିତ୍ଖଂ ଚ ଗାଂ ଚାନ୍ତରା ନରଃ॥ 1-58-6 (2320)
ତତୋ ରାଜାବ୍ରବୀଦ୍ବାକ୍ଯଂ ସଦସ୍ଯୈଶ୍ଚୋଦିତୋ ଭୃଶମ୍।
କାମମେତଦ୍ଭବତ୍ବେବଂ ଯଥାସ୍ତୀକସ୍ଯ ଭାଷିତମ୍॥ 1-58-7 (2321)
ସମାପ୍ଯତାମିଦଂ କର୍ମ ପନ୍ନଗାଃ ସନ୍ତ୍ବନାମଯାଃ।
ପ୍ରୀଯତାମଯମାସ୍ତୀକଃ ସତ୍ଯଂ ସୂତବଚୋଽସ୍ତୁ ତତ୍॥ 1-58-8 (2322)
ତତୋ ହଲହଲାଶବ୍ଦଃ ପ୍ରୀତିଜଃ ସମଜାଯତ।
ଆସ୍ତୀକସ୍ଯ ବରେ ଦତ୍ତେ ତଥୈବୋପରରାମ ଚ॥ 1-58-9 (2323)
ସ ଯଜ୍ଞଃ ପାଣ୍ଡବେଯସ୍ଯ ରାଜ୍ଞଃ ପାରିକ୍ଷିତସ୍ଯ ହ।
ପ୍ରୀତିମାଂଶ୍ଚାଭବଦ୍ରାଜା ଭାରତୋ ଜନମେଜଯଃ॥ 1-58-10 (2324)
ଋତ୍ବିଗ୍ଭ୍ଯଃ ସସଦସ୍ଯେଭ୍ଯୋ ଯେ ତତ୍ରାସନ୍ସମାଗତାଃ।
ତେଭ୍ଯଶ୍ଚ ପ୍ରଦଦୌ ବିତ୍ତଂ ଶତଶୋଽଥ ସହସ୍ରଶଃ॥ 1-58-11 (2325)
ଲୋହିତାକ୍ଷାଯ ସୂତାଯ ତଥା ସ୍ଥପତଯେ ବିଭୁଃ।
ଯେନୋକ୍ତଂ ତସ୍ଯ ତତ୍ରାଗ୍ରେ ସର୍ପସତ୍ରନିବର୍ତନେ॥ 1-58-12 (2326)
ନିମିତ୍ତଂ ବ୍ରାହ୍ମଣ ଇତି ତସ୍ମୈ ବିତ୍ତଂ ଦଦୌ ବହୁ।
ଦତ୍ତ୍ବା ଦ୍ରବ୍ଯଂ ଯଥାନ୍ଯାଯଂ ଭୋଜନାଚ୍ଛାଦନାନ୍ବିତମ୍॥ 1-58-13 (2327)
ପ୍ରୀତସ୍ତସ୍ମୈ ନରପତିରପ୍ରମେଯପରାକ୍ରମଃ।
ତତଶ୍ଚକାରାବଭୃଥଂ ବିଧିଦୃଷ୍ଟେନ କର୍ମଣା॥ 1-58-14 (2328)
ଆସ୍ତୀକଂ ପ୍ରେଷଯାମାସ ଗୃହାନେବ ସୁସଂସ୍କୃତମ୍।
ରାଜା ପ୍ରୀତମନାଃ ପ୍ରୀତଂ କୃତକୃତ୍ଯଂ ମନୀଷିଣମ୍॥ 1-58-15 (2329)
ପୁନରାଗମନଂ କାର୍ଯମିତି ଚୈନଂ ବଚୋଽବ୍ରବୀତ୍।
ଭବିଷ୍ଯସି ସଦସ୍ଯୋ ମେ ବାଜିମେଧେ ମହାକ୍ରତୌ॥ 1-58-16 (2330)
ତଥେତ୍ଯୁକ୍ତ୍ବା ପ୍ରଦୁଦ୍ରାବ ତଦାସ୍ତୀକୋ ମୁଦା ଯୁତଃ।
କୃତ୍ବା ସ୍ବକାର୍ଯମତୁଲଂ ତୋଷଯିତ୍ବା ଚ ପାର୍ଥିବମ୍॥ 1-58-17 (2331)
ସ ଗତ୍ବା ପରମପ୍ରୀତୋ ମାତୁଲଂ ମାତରଂ ଚ ତାମ୍।
ଅଭିଗମ୍ଯୋପସଂଗୃହ୍ଯ ତଥା ବୃତ୍ତଂ ନ୍ଯବେଦଯତ୍॥ 1-58-18 (2332)
ସୌତିରୁବାଚ। 1-58-19x (285)
ଏତଚ୍ଛ୍ରୁତ୍ବା ପ୍ରୀଯମାଣାଃ ସମେତା
ଯେ ତତ୍ରାସନ୍ପନ୍ନଗା ବୀତମୋହାଃ।
ଆସ୍ତୀକେ ବୈ ପ୍ରୀତିମନ୍ତୋ ବଭୂବୁ-
ରୂଚୁଶ୍ଚୈନଂ ବରମିଷ୍ଟଂ ବୃମୀଷ୍ବ॥ 1-58-19 (2333)
ଭୂଯୋଭୂଯଃ ସର୍ବଶସ୍ତେଽବ୍ରୁବଂସ୍ତଂ
କିଂ ତେ ପ୍ରିଯଂ କରବାମାଦ୍ଯ ବିଦ୍ବନ୍।
ପ୍ରୀତା ବଯଂ ମୋକ୍ଷିତାଶ୍ଚୈବ ସର୍ବେ
କାମଂ କିଂ ତେ କରବାମାଦ୍ଯ ବତ୍ସ॥ 1-58-20 (2334)
ଆସ୍ତୀକ ଉବାଚ। 1-58-21x (286)
ସାଯଂ ପ୍ରାତର୍ଯେ ପ୍ରସନ୍ନାତ୍ମରୂପା
ଲୋକେ ବିପ୍ରା ମାନବା ଯେ ପରେଽପି।
ଧର୍ମାଖ୍ଯାନଂ ଯେ ପଠେଯୁର୍ମମେଦଂ
ତେଷାଂ ଯୁଷ୍ମନ୍ନୈବ କିଂଚିଦ୍ଭଯଂ ସ୍ଯାତ୍॥ 1-58-21 (2335)
ତୈଶ୍ଚାପ୍ଯୁକ୍ତୋ ଭାଗିନେଯଃ ପ୍ରସନ୍ନୈ-
ରେତତ୍ସତ୍ଯଂ କାମମେବଂ ବରଂ ତେ।
ପ୍ରୀତ୍ଯା ଯୁକ୍ତାଃ କାମିତଂ ସର୍ବଶସ୍ତେ
କର୍ତାରଃ ସ୍ମ ପ୍ରବଣା ଭାଗିନେଯ॥ 1-58-22 (2336)
ଅସିତଂ ଚାର୍ତିମନ୍ତଂ ଚ ସୁନୀଥଂ ଚାପି ଯଃ ସ୍ମରେତ୍।
ଦିବା ବା ଯଦି ବା ରାତ୍ରୌ ନାସ୍ଯ ସର୍ପଭଯଂ ଭବେତ୍॥ 1-58-23 (2337)
ଯୋ ଜରତ୍କାରୁଣା ଜାତୋ ଜରତ୍କାରୌ ମହାବଶାଃ।
ଆସ୍ତୀକଃ ସର୍ପସତ୍ରେ ବଃ ପନ୍ନଗାନ୍ଯୋଽଭ୍ଯରକ୍ଷତ।
ତଂ ସ୍ମରନ୍ତଂ ମହାଭାଗା ନ ମାଂ ହିଂସିତୁମର୍ହଥ॥ 1-58-24 (2338)
ସର୍ପାପସର୍ପ ଭଦ୍ରଂ ତେ ଗଚ୍ଛ ସର୍ପ ମହାବିଷ।
ଜନେମେଜଯସ୍ଯ ଯଜ୍ଞାନ୍ତେ ଆସ୍ତୀକବଚନଂ ସ୍ମର॥ 1-58-25 (2339)
ଆସ୍ତୀକସ୍ଯ ବଚଃ ଶ୍ରୁତ୍ବା ଯଃ ସର୍ପୋ ନ ନିବର୍ତତେ।
ଶତଧା ଭିଦ୍ଯତେ ମୂର୍ଧା ଶିଂଶବୃକ୍ଷଫଲଂ ଯଥା॥ 1-58-26 (2340)
ସୌତିରୁବାଚ। 1-58-27x (287)
ସ ଏବମୁକ୍ତସ୍ତୁ ତଦା ଦ୍ବିଜେନ୍ଦ୍ରଃ
ସମାଗତୈସ୍ତୈର୍ଭୁଜଗେନ୍ଦ୍ରମୁଖ୍ଯୈଃ।
ସଂପ୍ରାପ୍ଯ ପ୍ରୀତିଂ ବିପୁଲାଂ ମହାତ୍ମା
ତତୋ ମନୋ ଗମନାଯାଥ ଦଧ୍ରେ॥ 1-58-27 (2341)
`ଇତ୍ଯେବଂ ନାଗରାଜୋଽଥ ନାଗାନାଂ ମଧ୍ଯଗସ୍ତଦା।
ଉକ୍ତ୍ବା ସହୈବ ତୈଃ ସର୍ପୈଃ ସ୍ବମେବ ଭବନଂ ଯଯୌ॥' 1-58-28 (2342)
ମୋକ୍ଷଯିତ୍ବା ତୁ ଭୁଜଗାନ୍ସର୍ପସତ୍ରାଦ୍ଦ୍ବିଜୋତ୍ତମଃ।
ଜଗାମ କାଲେ ଧର୍ମାତ୍ମା ଦିଷ୍ଟାନ୍ତଂ ପୁତ୍ରପୌତ୍ରବାନ୍॥ 1-58-29 (2343)
ଇତ୍ଯାଖ୍ଯାନଂ ମଯାସ୍ତୀକଂ ଯଥାବତ୍ତବ କୀର୍ତିତମ୍।
ଯତ୍କୀର୍ତଯିତ୍ବା ସର୍ପେଭ୍ଯୋ ନ ଭଯଂ ବିଦ୍ଯତେ କ୍ବଚିତ୍॥ 1-58-30 (2344)
ସୌତିରୁବାଚ। 1-58-31x (288)
ଯଥା କଥିତବାନ୍ବ୍ରହ୍ମନ୍ପ୍ରମତିଃ ପୂର୍ବଜସ୍ତବ।
ପୁତ୍ରାଯ ରୁରବେ ପ୍ରୀତଃ ପୃଚ୍ଛତେ ଭାର୍ଗବୋତ୍ତମ॥ 1-58-31 (2345)
ଯଦ୍ବାକ୍ଯଂ ଶ୍ରୁତବାଂଶ୍ଚାହଂ ତଥା ଚ କଥିତଂ ମଯା।
ଆସ୍ତୀକସ୍ଯ କବେର୍ବିପ୍ର ଶ୍ରୀମଚ୍ଚରିତମାଦିତଃ॥ 1-58-32 (2346)
ଯନ୍ମାଂ ତ୍ବଂ ପୃଷ୍ଟବାନ୍ବ୍ରହ୍ମଞ୍ଶ୍ରୁତ୍ବା ଡୁଣ୍ଡୁଭଭାଷିତମ୍।
ବ୍ଯେତୁ ତେ ସୁମହଦ୍ବ୍ରହ୍ମନ୍କୌତୂହଲମରିନ୍ଦମ॥ 1-58-33 (2347)
ଶ୍ରୁତ୍ବା ଧର୍ମିଷ୍ଠମାଖ୍ଯାନମାସ୍ତୀକଂ ପୁଣ୍ଯବର୍ଧନମ୍।
`ସର୍ବପାପବିନିର୍ମୁକ୍ତୋ ଦୀର୍ଘମାଯୁରବାପ୍ନୁଯାତ୍॥' ॥ 1-58-34 (2348)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଆସ୍ତୀକପର୍ବଣି ଅଷ୍ଟପଞ୍ଚାଶତ୍ତମୋଽଧ୍ଯାଯଃ॥ 58 ॥ ॥ ସମାପ୍ତଂ ଚାସ୍ତୀକପର୍ବ ॥
Mahabharata - Adi Parva - Chapter Footnotes
1-58-6 ସ୍ବଂ ଚ ଗାଂଚାନ୍ତରାଦ୍ଯାବାପୃଥିବ୍ଯୋର୍ମଧ୍ଯେ ଅନ୍ତରିକ୍ଷ ଇତ୍ଯର୍ଥଃ॥ 1-58-12 ସ ଯଜ୍ଞ ଉପରରାମେତି ପୂର୍ବେଣାନ୍ବଯଃ॥ 1-58-14 ଅବଭୃଥଂ ଯଜ୍ଞସମାପ୍ତିଂ॥ 1-58-15 ସୁସଂସ୍କୃତଂ ବସ୍ତ୍ରାଲଙ୍କରଣାଦିଭିଃ ଶୋଭିତମ୍॥ 1-58-22 ପ୍ରବଣା ନମ୍ରାଃ॥ 1-58-29 ଦିଷ୍ଟାନ୍ତଂ ମରଣମ୍॥ ଅଷ୍ଟପଞ୍ଚାଶତ୍ତମୋଽଧ୍ଯାଯଃ॥ 58 ॥ଆଦିପର୍ବ - ଅଧ୍ଯାଯ 059
॥ ଶ୍ରୀଃ ॥
1.59. ଅଧ୍ଯାଯଃ 059
(ଅଥାଂଶାବତରଣପର୍ବ ॥ 6 ॥)
Mahabharata - Adi Parva - Chapter Topics
ସୌତେର୍ଭାରତକଥନପ୍ରତିଜ୍ଞା॥ 1 ॥Mahabharata - Adi Parva - Chapter Text
1-59-0 (2349)
ଶୌନକ ଉବାଚ। 1-59-0x (289)
ଭୃଗୁବଂଶାତ୍ପ୍ରଭୃତ୍ଯେବ ତ୍ବଯା ମେ କୀର୍ତିତଂ ମହତ୍।
ଆଖ୍ଯାନମଖିଲଂ ତାତ ସୌତେ ପ୍ରୀତୋଽସ୍ମିତେନ ତେ॥ 1-59-1 (2350)
ପ୍ରକ୍ଷ୍ଯାମି ଚୈବ ଭୂଯସ୍ତ୍ବାଂ ଯଥାବତ୍ସୂତନନ୍ଦନ।
ଯାଃ କଥା ବ୍ଯାସସଂପନ୍ନାସ୍ତାଶ୍ଚ ଭୂଯୋ ବିଚକ୍ଷ୍ବ ମେ॥ 1-59-2 (2351)
ତସ୍ମିନ୍ପରମଦୁଷ୍ପାରେ ସର୍ପସତ୍ରେ ମହାତ୍ମନାମ୍।
କର୍ମାନ୍ତରେଷୁ ଯଜ୍ଞସ୍ଯ ସଦସ୍ଯାନାଂ ତଥାଽଧ୍ବରେ॥ 1-59-3 (2352)
ଯା ବଭୂବୁଃ କଥାଶ୍ଚିତ୍ରା ଯେଷ୍ବର୍ଥେଷୁ ଯଥାତଥମ୍।
ତ୍ବତ୍ତ ଇଚ୍ଛାମହେ ଶ୍ରୋତୁଂ ସୌତେ ତ୍ବଂ ବୈ ପ୍ରଚକ୍ଷ୍ବ ନଃ॥ 1-59-4 (2353)
ସୌତିରୁବାଚ। 1-59-5x (290)
କର୍ମାନ୍ତରେଷ୍ବକଥଯନ୍ଦ୍ବିଜା ବେଦାଶ୍ରଯାଃ କଥାଃ।
ବ୍ଯାସସ୍ତ୍ବକଥଯଚ୍ଚିତ୍ରମାଖ୍ଯାନଂ ଭାରତଂ ମହତ୍॥ 1-59-5 (2354)
ଶୌନକ ଉବାଚ। 1-59-6x (291)
ମହାଭାରତମାଖ୍ଯାନଂ ପାଣ୍ଡବାନାଂ ଯଶସ୍କରମ୍।
ଜନମେଜଯେନ ପୃଷ୍ଟଃ ସନ୍କୃଷ୍ଣଦ୍ବୈପାଯନସ୍ତଦା॥ 1-59-6 (2355)
ଶ୍ରାବଯାମାସ ବିଧିବତ୍ତଦା କର୍ମାନ୍ତରେ ତୁ ସଃ।
ତାମହଂ ବିଧିବତ୍ପୁଣ୍ଯାଂ ଶ୍ରୋତୁମିଚ୍ଛାମି ବୈ କଥାମ୍॥ 1-59-7 (2356)
ମନଃସାଗରସଂଭୂତାଂ ମହର୍ଷେର୍ଭାବିତାତ୍ମନଃ।
କଥଯସ୍ବ ସତାଂ ଶ୍ରେଷ୍ଠ ସର୍ବରତ୍ନମଯୀମିମାମ୍॥ 1-59-8 (2357)
ସୌତିରୁବାଚ। 1-59-9x (292)
ହନ୍ତ ତେ କଥଯିଷ୍ଯାମି ମହଦାଖ୍ଯାନମୁତ୍ତମମ୍।
କୃଷ୍ଣଦ୍ବୈପାଯନମତଂ ମହାଭାରତମାଦିତଃ॥ 1-59-9 (2358)
ଶୃଣୁ ସର୍ବମଶେଷେଣ କଥ୍ଯମାନଂ ମଯା ଦ୍ବିଜ।
ଶଂସିତୁଂ ତନ୍ମହାନ୍ହର୍ଷୋ ମମାପୀହ ପ୍ରବର୍ତତେ॥ ॥ 1-59-10 (2359)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଅଂଶାବତରଣପର୍ବଣି ଏକୋନଷଷ୍ଟିତମୋଽଧ୍ଯାଯଃ॥ 59 ॥
ଆଦିପର୍ବ - ଅଧ୍ଯାଯ 060
॥ ଶ୍ରୀଃ ॥
1.60. ଅଧ୍ଯାଯଃ 060
Mahabharata - Adi Parva - Chapter Topics
ଭାରତକଥାନୁବନ୍ଧଃ॥ 1 ॥Mahabharata - Adi Parva - Chapter Text
1-60-0 (2360)
ସୌତିରୁବାଚ। 1-60-0x (293)
ଶ୍ରୁତ୍ବା ତୁ ସର୍ପସତ୍ରାଯ ଦୀକ୍ଷିତଂ ଜନମେଜଯମ୍।
ଅଭ୍ଯଗଚ୍ଛଦୃଷିର୍ବିଦ୍ବାନ୍କୃଷ୍ଣଦ୍ବୈପାଯନସ୍ତଦା॥ 1-60-1 (2361)
ଜନଯାମାସ ଯଂ କାଲୀ ଶକ୍ତେଃ ପୁତ୍ରାତ୍ପରାଶରାତ୍।
କନ୍ଯୈବ ଯମୁନାଦ୍ବୀପେ ପାଣ୍ଡବାନାଂ ପିତାମହମ୍॥ 1-60-2 (2362)
ଜାତମାତ୍ରଶ୍ଚ ଯଃ ସଦ୍ଯ ଇଷ୍ଟ୍ଯା ଦେହମବୀବୃଧତ୍।
ବେଦାଂଶ୍ଚାଧିଜଗେ ସାଙ୍ଗନ୍ସେତିହାସାନ୍ମହାଯଶାଃ॥ 1-60-3 (2363)
ଯଂ ନାତି ତପସା କଶ୍ଚିନ୍ନ ବେଦାଧ୍ଯଯନେନ ଚ।
ନ ବ୍ରତୈର୍ନୋପବାସୈଶ୍ଚ ନ ପ୍ରସୂତ୍ଯା ନ ମନ୍ଯୁନା॥ 1-60-4 (2364)
ବିବ୍ଯାସୈକଂ ଚତୁର୍ଧା ଯୋ ବେଦଂ ବେଦବିଦାଂ ବରଃ।
ପରାବରଜ୍ଞୋ ବ୍ରହ୍ମର୍ଷିଃ କବିଃ ସତ୍ଯବ୍ରତଃ ଶୁଚିଃ॥ 1-60-5 (2365)
ଯଃ ପାଣ୍ଡୁଂ ଧୃତରାଷ୍ଟ୍ରଂ ଚ ବିଦୁରଂ ଚାପ୍ଯଜୀଜନତ୍।
ଶନ୍ତନୋଃ ସଂତତିଂ ତନ୍ବନ୍ପୁଣ୍ଯକୀର୍ତିର୍ମହାଯଶାଃ॥ 1-60-6 (2366)
ଜନମେଜଯସ୍ଯ ରାଜର୍ଷେଃ ସ ମହାତ୍ମା ସଦସ୍ତଥା।
ବିବେଶ ସହିତଃ ଶିଷ୍ଯୈର୍ବେଦବେଦାଙ୍ଗପାରଗୈଃ॥ 1-60-7 (2367)
ତତ୍ର ରାଜାନମାସୀନଂ ଦଦର୍ଶ ଜନମେଜଯମ୍।
ବୃତଂ ସଦସ୍ଯୈର୍ବହୁଭିର୍ଦେବୈରିବ ପୁରନ୍ଦରମ୍॥ 1-60-8 (2368)
ତଥା ମୂର୍ଧାଭିଷିକ୍ତୈଶ୍ଚ ନାନାଜନପଦେଶ୍ବରୈଃ।
ଋତ୍ବିଗ୍ଭିର୍ବ୍ରହ୍ମକଲ୍ପୈଶ୍ଚ କୁଶଲୈର୍ଯଜ୍ଞସଂସ୍ତରେ॥ 1-60-9 (2369)
ଜନମେଜଯସ୍ତୁ ରାଜର୍ଷିର୍ଦୃଷ୍ଟ୍ବା ତମୃଷିମାଗତମ୍।
ସଗଣୋଽଭ୍ଯୁଦ୍ଯଯୌ ତୂର୍ଣଂ ପ୍ରୀତ୍ଯା ଭରତସତ୍ତମଃ॥ 1-60-10 (2370)
କାଞ୍ଚନଂ ବିଷ୍ଟରଂ ତସ୍ମୈ ସଦସ୍ଯାନୁମତଃ ପ୍ରଭୁଃ।
ଆସନଂ କଲ୍ପଯାମାସ ଯଥା ଶକ୍ରୋ ବୃହସ୍ପତେଃ॥ 1-60-11 (2371)
ତତ୍ରୋପବିଷ୍ଟଂ ବରଦଂ ଦେବର୍ଷିଗଣପୂଜିତମ୍।
ପୂଜଯାମାସ ରାଜେନ୍ଦ୍ରଃ ଶାସ୍ତ୍ରଦୃଷ୍ଟେନ କର୍ମଣା॥ 1-60-12 (2372)
ପାଦ୍ଯମାଚମନୀଯଂ ଚ ଅର୍ଘ୍ଯଂ ଗାଂ ଚ ବିଧାନତଃ।
ପିତାମହାଯ କୃଷ୍ଣାଯ ତଦର୍ହାଯ ନ୍ଯବେଦଯତ୍॥ 1-60-13 (2373)
ପ୍ରତିଗୃହ୍ଯ ତୁ ତାଂ ପୂଜାଂ ପାମ୍ଡବାଜ୍ଜନମେଜଯାତ୍।
ଗାଂ ଚୈବ ସମନୁଜ୍ଞାଯ ବ୍ଯାସଃ ପ୍ରୀତୋଽଭବତ୍ତଦା॥ 1-60-14 (2374)
ତଥା ଚ ପୂଜଯିତ୍ବା ତଂ ପ୍ରଣଯାତ୍ପ୍ରତିତାମହମ୍।
ଉପୋପବିଶ୍ଯ ପ୍ରୀତାତ୍ମା ପର୍ଯପୃଚ୍ଛଦନାମଯମ୍॥ 1-60-15 (2375)
ଭଗବାନାପି ତଂ ଦୃଷ୍ଟ୍ବା କୁଶଲଂ ପ୍ରତିବେଦ୍ଯ ଚ।
ସଦସ୍ଯୈଃ ପୂଜିତଃ ସର୍ବୈଃ ସଦସ୍ଯାନ୍ପ୍ରତ୍ଯପୂଜଯତ୍॥ 1-60-16 (2376)
ତତସ୍ତୁ ସହିତଃ ସର୍ବୈଃ ସଦସ୍ଯୈର୍ଜନମେଜଯଃ।
ଇଦଂ ପଶ୍ଚାଦ୍ଦ୍ବିଜଶ୍ରେଷ୍ଠଂ ପର୍ଯପୃଚ୍ଛତ୍କୃତାଞ୍ଜଲିଃ॥ 1-60-17 (2377)
ଜନମେଜଯ ଉବାଚ। 1-60-18x (294)
କୁରୂଣାଂ ପାଣ୍ଡବାନାଂ ଚ ଭବାନ୍ପ୍ରତ୍ଯକ୍ଷଦର୍ଶିବାନ୍।
ତେଷାଂ ଚରିତମିଚ୍ଛାମି କଥ୍ଯମାନଂ ତ୍ବଯା ଦ୍ବିଜ॥ 1-60-18 (2378)
କଥଂ ସମଭବଦ୍ଭେଦସ୍ତେଷାମକ୍ଲିଷ୍ଟକର୍ମଣାମ୍।
ତଚ୍ଚ ଯୁଦ୍ଧଂ କଥଂ ବୃତ୍ତଂ ଭୂତାନ୍ତକରଣଂ ମହତ୍॥ 1-60-19 (2379)
ପିତାମହାନାଂ ସର୍ବେଷାଂ ଦୈବେନାବିଷ୍ଟଚେତସାମ୍।
କାର୍ତ୍ସ୍ନ୍ଯେନୈତନ୍ମମାଚକ୍ଷ୍ବ ଯଥା ବୃତ୍ତଂ ଦ୍ବିଜୋତ୍ତମ।
`ଇଚ୍ଛାମି ତତ୍ତ୍ବତଃ ଶ୍ରୋତୁଂ ଭଗବନ୍କୁଶଲୋ ହ୍ଯସି'॥ 1-60-20 (2380)
ସୌତିରୁବାଚ। 1-60-21x (295)
ତସ୍ଯ ତଦ୍ବଚନଂ ଶ୍ରୁତ୍ବା କୃଷ୍ଣଦ୍ବୈପାଯନସ୍ତଦା।
ଶଶାସ ଶିଷ୍ଯମାସୀନଂ ବୈଶମ୍ପାଯନମନ୍ତିକେ॥ 1-60-21 (2381)
ବ୍ଯାସ ଉବାଚ। 1-60-22x (296)
କୁରୂଣାଂ ପାଣ୍ଡବାନାଂ ଚ ଯଥା ଭେଦୋଽଭବତ୍ପୁରା।
ତଦସ୍ମୈ ସର୍ବମାଚକ୍ଷ୍ବ ଯନ୍ମତ୍ତଃ ଶ୍ରୁତବାନସି॥ 1-60-22 (2382)
ଗୁରୋର୍ବଚନମାଜ୍ଞାଯ ସ ତୁ ବିପ୍ରର୍ଷଭସ୍ତଦା।
ଆଚଚକ୍ଷେ ତତଃ ସର୍ବମିତିହାସଂ ପୁରାତନମ୍॥ 1-60-23 (2383)
ରାଜ୍ଞେ ତସ୍ମୈ ସଦସ୍ଯେଭ୍ଯଃ ପାର୍ଥିବେଭ୍ଯଶ୍ଚ ସର୍ବଶଃ।
ଭେଦଂ ସର୍ବବିନାଶଂ ଚ କୁରୁପାଣ୍ଡବଯୋସ୍ତଦା॥ ॥ 1-60-24 (2384)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଅଂଶାବତରଣପର୍ବଣି ଷଷ୍ଟିତମୋଽଧ୍ଯାଯଃ॥ 60 ॥
Mahabharata - Adi Parva - Chapter Footnotes
1-60-2 କାଲୀ ସତ୍ଯବତୀ॥ 1-60-3 ଇଷ୍ଟ୍ଯା ଇଚ୍ଛଯା ଦେହଂ ସଦ୍ଯୋଽବୀବୃଧତ୍ ବର୍ଧିତବାନ୍॥ 1-60-4 ଯଂ ବ୍ଯାସମ୍। ତପଆଦିନା କଶ୍ଚିନ୍ନାତି ନାତ୍ଯେତି ନାତିଶେତେ॥ 1-60-15 ଉପୋପବିଶ୍ଯ ସମୀପେ ଉପବିଶ୍ଯ॥ 1-60-16 ପ୍ରତିବେଦ୍ଯ ପ୍ରତିଖ୍ଯାପ୍ଯ। ଅତ୍ର ପୂଜା ସ୍ତୁତିରେବ॥ 1-60-17 ଇଦଂ ବକ୍ଷ୍ଯମାଣମ୍॥ 1-60-18 ପ୍ରତ୍ଯକ୍ଷଦର୍ଶିବାନ୍ ପ୍ରତ୍ଯକ୍ଷଦର୍ଶୀ॥ 1-60-19 ଭେଦୋ ବୈରମ୍॥ 1-60-20 ପିତାମହାନାଂ ପ୍ରପିତାମହାନାମ୍॥ ଷଷ୍ଟିତମୋଽଧ୍ଯାଯଃ॥ 60 ॥ଆଦିପର୍ବ - ଅଧ୍ଯାଯ 061
॥ ଶ୍ରୀଃ ॥
1.61. ଅଧ୍ଯାଯଃ 061
Mahabharata - Adi Parva - Chapter Topics
ବୈଶମ୍ପାଯନେନ ଜନମେଜଯାଯ ସଂକ୍ଷିପ୍ଯ ଭାରତକଥାକଥନମ୍॥ 1 ॥Mahabharata - Adi Parva - Chapter Text
1-61-0 (2385)
ବୈଶମ୍ପାଯନ ଉବାଚ। 1-61-0x (297)
`ଶୃଣୁ ରାଜନ୍ଯଥା ବୀରା ଭ୍ରାତରଃ ପଞ୍ଚ ପାଣ୍ଡବାଃ।
ବିରୋଧମନ୍ବଗଚ୍ଛନ୍ତ ଧାର୍ତରାଷ୍ଟ୍ରୈର୍ଦୁରାତ୍ମଭିଃ॥' 1-61-1 (2386)
ଗୁରବେ ପ୍ରାଙ୍ନମସ୍କୃତ୍ଯ ମନୋବୁଦ୍ଧିସମାଧିଭିଃ।
ସଂପୂଜ୍ଯ ଚ ଦ୍ବିଜାନ୍ସର୍ବାଂସ୍ତଥାନ୍ଯାନ୍ବିଦୁଷୋ ଜନାନ୍॥ 1-61-2 (2387)
ମହର୍ଷେର୍ବିଶ୍ରୁତସ୍ଯେହ ସର୍ବଲୋକେଷୁ ଧୀମତଃ।
ପ୍ରବକ୍ଷ୍ଯାମି ମତଂ କୃତ୍ସ୍ନଂ ବ୍ଯାସସ୍ଯାମିତତେଜସଃ॥ 1-61-3 (2388)
ଶ୍ରୋତୁଂ ପାତ୍ରଂ ଚ ରାଜଂସ୍ତ୍ବଂ ପ୍ରାପ୍ଯେମାଂ ଭାରତୀଂ କଥାମ୍।
ଗୁରୋର୍ବକ୍ତ୍ରପରିସ୍ପନ୍ଦୋ ମନଃ ପ୍ରୋତ୍ସାହତୀବ ମେ॥ 1-61-4 (2389)
ଶୃଣୁ ରାଜନ୍ଯଥା ଭେଦଃ କୁରୁପାଣ୍ଡବଯୋରଭୂତ୍।
ରାଜ୍ଯାର୍ଥେ ଦ୍ଯୂତସଂଭୂତୋ ବନବାସସ୍ତଥୈବ ଚ॥ 1-61-5 (2390)
ଯଥା ଚ ଯୁଦ୍ଧମଭବତ୍ପୃଥିବୀକ୍ଷଯକାରକମ୍।
ତତ୍ତେଽହଂ କଥଯିଷ୍ଯାମି ପୃଚ୍ଛତେ ଭରତର୍ଷଭ॥ 1-61-6 (2391)
ମୃତେ ପିତରି ତେ ବୀରା ବନାଦେତ୍ଯ ସ୍ବମନ୍ଦିରମ୍।
ନଚିରାଦେବ ବିଦ୍ବାଂସୋ ବେଦେ ଧନୁଷି ଚାଭବନ୍॥ 1-61-7 (2392)
ତାଂସ୍ତଥା ସତ୍ବବୀର୍ଯୌଜଃସଂପନ୍ନାନ୍ପୌରସଂମତାନ୍।
ନାମୃଷ୍ଯନ୍କୁରବୋ ଦୃଷ୍ଟ୍ବା ପାଣ୍ଡବାଞ୍ଶ୍ରୀଯଶୋଭୃତଃ॥ 1-61-8 (2393)
ତତୋ ଦୁର୍ଯୋଧନଃ କ୍ରୂରଃ କର୍ଣଶ୍ଚ ସହସୌବଲଃ।
ତେଷାଂ ନିଗ୍ରହନିର୍ବାସାନ୍ବିବିଧାଂସ୍ତେ ସମାରଭନ୍॥ 1-61-9 (2394)
ତତୋ ଦୁର୍ଯୋଧନଃ କ୍ରୂରଃ କୁଲିଙ୍ଗସ୍ଯ ମତେ ସ୍ଥିତଃ।
ପାମ୍ଡବାନ୍ବିବିଧୋପାଯୈ ରାଜ୍ଯହେତୋରପୀଡଯତ୍॥ 1-61-10 (2395)
ଦଦାବଥ ବିଷଂ ପାପୋ ଭୀମାଯ ଧୃତରାଷ୍ଟ୍ରଜଃ।
ଜରଯାମାସ ତଦ୍ବୀରଃ ସହାନ୍ନେନ ବୃକୋଦରଃ॥ 1-61-11 (2396)
ପ୍ରମାଣକୋଟ୍ଯାଂ ସଂସୁପ୍ତଂ ପୁନର୍ବଦ୍ଧ୍ବା ବୃକୋଦରମ୍।
ତୋଯେଷୁ ଭୀମଂ ଗଙ୍ଗାଯାଃ ପ୍ରକ୍ଷିପ୍ଯ ପୁରମାବ୍ରଜତ୍॥ 1-61-12 (2397)
ଯଦା ବିବୁଦ୍ଧଃ କୌନ୍ତେଯସ୍ତଦା ସଂଛିଦ୍ଯ ବନ୍ଧନମ୍।
ଉଦତିଷ୍ଠନ୍ମହାବାହୁର୍ଭୀମସେନୋ ଗତବ୍ଯଥଃ॥ 1-61-13 (2398)
ଆଶୀବିଷୈଃ କୃଷ୍ଣସର୍ପୈଃ ସୁପ୍ତଂ ଚୈନମଦଂଶଯତ୍।
ସର୍ବେଷ୍ବେବାଙ୍ଗଦେଶେଷୁ ନ ମମାର ସ ଶତ୍ରୁହା॥ 1-61-14 (2399)
ତେଷାଂ ତୁ ବିପ୍ରକାରେଷୁ ତେଷୁ ତେଷୁ ମହାମତିଃ।
ମୋକ୍ଷଣେ ପ୍ରତିକାରେ ଚ ବିଦୁରୋଽବହିତୋଽଭବତ୍॥ 1-61-15 (2400)
ସ୍ବର୍ଗସ୍ଥୋ ଜୀବଲୋକସ୍ଯ ଯଥା ଶକ୍ରଃ ସୁଖାବହଃ।
ପାଣ୍ଡବାନାଂ ତଥା ନିତ୍ଯଂ ବିଦୁରୋଽପି ସୁଖାବହଃ॥ 1-61-16 (2401)
ଯଦା ତୁ ବିବିଧୋପାଯୈଃ ସଂବୃତୈର୍ବିବୃତୈରପି।
ନାଶକଦ୍ବିନିହନ୍ତୁଂ ତାନ୍ଦୈବଭାବ୍ଯର୍ଥରକ୍ଷିତାନ୍॥ 1-61-17 (2402)
ତତଃ ସଂମନ୍ତ୍ର୍ଯ ସଚିବୈର୍ବୃଷଦୁଃଶାସନାଦିଭିଃ।
ଧୃତରାଷ୍ଟ୍ରମନୁଜ୍ଞାପ୍ଯ ଜାତୁଷଂ ଗୃହମାଦିଶତ୍॥ 1-61-18 (2403)
`ତତ୍ର ତାନ୍ବାସଯାମାସ ପାଣ୍ଡବାନମିତୌଜସଃ।'
ସୁତପ୍ରିଯୈଷୀ ତାନ୍ରାଜା ପାଣ୍ଡବାନମ୍ବିକାସୁତଃ।
ତତୋ ବିବାସଯାମାସ ରାଜ୍ଯଭୋଗବୁଭୁକ୍ଷଯା॥ 1-61-19 (2404)
ତେ ପ୍ରାତିଷ୍ଠନ୍ତ ସହିତା ନଗରାନ୍ନାଗସାହ୍ବଯାତ୍।
ପ୍ରସ୍ଥାନେ ଚାଭବନ୍ମନ୍ତ୍ରୀ କ୍ଷତ୍ତା ତେଷାଂ ମହାତ୍ମନାମ୍॥ 1-61-20 (2405)
ତେନ ମୁକ୍ତା ଜତୁଗୃହାନ୍ନିଶୀଥେ ପ୍ରାଦ୍ରବନ୍ବନମ୍।
ତତଃ ସଂପ୍ରାପ୍ଯ କୌନ୍ତେଯା ନଗରଂ ବାରଣାବତମ୍॥ 1-61-21 (2406)
ନ୍ଯବସନ୍ତ ମହାତ୍ମାନୋ ମାତ୍ରା ସହ ପରନ୍ତପାଃ।
ଧୃତରାଷ୍ଟ୍ରେଣ ଚାଜ୍ଞପ୍ତା ଉଷିତା ଜାତୁଷେ ଗୃହେ॥ 1-61-22 (2407)
ପୁରୋଚନାଦ୍ରକ୍ଷମାଣାଃ ସଂବତ୍ସରମତନ୍ଦ୍ରିତାଃ।
ସୁରୁଙ୍ଗାଂ କାରଯିତ୍ବା ତୁ ବିଦୁରେଣ ପ୍ରଚୋଦିତାଃ॥ 1-61-23 (2408)
ଆଦୀପ୍ଯ ଜାତୁଷଂ ବେଶ୍ମ ଦଗ୍ଧ୍ବା ଚୈବ ପୁରୋଚନମ୍।
ପ୍ରାଦ୍ରବନ୍ଭଯସଂବିଗ୍ନା ମାତ୍ରା ସହ ପନ୍ତପାଃ॥ 1-61-24 (2409)
ଦଦୃଶୁର୍ଦାରୁମଂ ରକ୍ଷୋ ହିଡିମ୍ବଂ ବନନିର୍ଝରେ।
ହତ୍ବା ଚ ତଂ ରାକ୍ଷସେନ୍ଦ୍ରଂ ଭୀତାଃ ସମବବୋଧନାତ୍॥ 1-61-25 (2410)
ନିଶି ସଂପ୍ରାଦ୍ରବନ୍ପାର୍ଥା ଧାର୍ତରାଷ୍ଟ୍ରଭଯାର୍ଦିତାଃ।
ପ୍ରାପ୍ତା ହିଡିମ୍ବା ଭୀମେନ ଯତ୍ର ଜାତୋ ଘଟୋତ୍କଚଃ॥ 1-61-26 (2411)
ଏକଚକ୍ରାଂ ତତୋ ହତ୍ବା ପାଣ୍ଡବାଃ ସଂଶିତବ୍ରତାଃ।
ବେଦାଧ୍ଯଯନସଂପନ୍ନାସ୍ତେଽଭବନ୍ବ୍ରହ୍ମଚାରିଣଃ॥ 1-61-27 (2412)
ତେ ତତ୍ର ନିଯତାଃ କାଲଂ କଂଚିଦୂଷୁର୍ନରର୍ଷଭାଃ।
ମାତ୍ରା ସହୈକଚକ୍ରାଯାଂ ବ୍ରାହ୍ମଣସ୍ଯ ନିବେଶନେ॥ 1-61-28 (2413)
ତତ୍ରାସସାଦ କ୍ଷୁଧିତଂ ପୁରୁଷାଦଂ ବୃକୋଦରଃ।
ଭୀମସେନୋ ମହାବାହୁର୍ବକଂ ନାମ ମହାବଲମ୍॥ 1-61-29 (2414)
ତଂ ଚାପି ପୁରୁଷବ୍ଯାଘ୍ରୋ ବାହୁବୀର୍ଯେଣ ପାଣ୍ଡବଃ।
ନିହତ୍ଯ ତରସା ବୀରୋ ନାଗରାନ୍ପର୍ଯସାନ୍ତ୍ବଯତ୍॥ 1-61-30 (2415)
ତତସ୍ତେ ଶୁଶ୍ରୁବୁଃ କୃଷ୍ଣାଂ ପଞ୍ଚାଲେଷୁ ସ୍ବଯଂବରାମ୍।
ଶ୍ରୁତ୍ବା ଚୈବାଭ୍ଯଗଚ୍ଛ୍ତ ଗତ୍ବା ଚୈବାଲଭନ୍ତ ତାମ୍॥ 1-61-31 (2416)
ତେ ତତ୍ର ଦ୍ରୌପଦୀଂ ଲବ୍ଧ୍ବା ପରିସଂବତ୍ସରୋଷିତାଃ।
ବିଦିତା ହାସ୍ତିନପୁରଂ ପ୍ରତ୍ଯାଜଗ୍ମୁରରିନ୍ଦମାଃ॥ 1-61-32 (2417)
ତେ ଉକ୍ତା ଧୃତରାଷ୍ଟ୍ରେଣ ରାଜ୍ଞା ଶାନ୍ତନବେନ ଚ।
ଭ୍ରାତୃଭିର୍ବିଗ୍ରହସ୍ତାତ କଥଂ ବୋ ନ ଭବେଦିତି॥ 1-61-33 (2418)
ଅସ୍ମାଭିଃ ଖାଣ୍ଡବପ୍ରସ୍ଥେ ଯୁଷ୍ମଦ୍ବାସୋଽନୁଚିନ୍ତିତଃ।
ତସ୍ମାଜ୍ଜନପଦୋପେତଂ ସୁବିଭକ୍ତମହାପଥମ୍॥ 1-61-34 (2419)
ବାସାଯ ସ୍ବାଣ୍ଡବପ୍ରସ୍ଥଂ ବ୍ରଜଧ୍ବଂ ଗତମତ୍ସରାଃ।
ତଯୋସ୍ତେ ବଚନାଜ୍ଜଗ୍ମୁଃ ସହ ସର୍ବୈଃ ସୁହୃଜ୍ଜନୈଃ॥ 1-61-35 (2420)
ନଗରଂ ଖାଣ୍ଡବପ୍ରସ୍ଥଂ ରତ୍ନାନ୍ଯାଦାଯ ସର୍ବଶଃ।
ତତ୍ର ତେ ନ୍ଯବସନ୍ପାର୍ଥାଃ ସଂବତ୍ସରଗଣାଂନ୍ବହୂନ୍॥ 1-61-36 (2421)
ବଶେ ଶସ୍ତ୍ରପ୍ରତାପେନ କୁର୍ବନ୍ତୋଽନ୍ଯାନ୍ମହୀଭୃତଃ।
ଏବଂ ଧର୍ମପ୍ରଧାନାସ୍ତେ ସତ୍ଯବ୍ରତପରାଯଣାଃ॥ 1-61-37 (2422)
ଅପ୍ରମତ୍ତୋତ୍ଥିତାଃ କ୍ଷାନ୍ତାଃ ପ୍ରତପନ୍ତୋଽହିତାନ୍ବହୂନ୍।
ଅଜଯଦ୍ଭୀମସେନସ୍ତୁ ଦିଶଂ ପ୍ରାଚୀଂ ମହାଯଶାଃ॥ 1-61-38 (2423)
ଉଦୀଚୀମର୍ଜୁନୋ ବୀରଃ ପ୍ରତୀଚୀଂ ନକୁଲସ୍ତଥା।
ଦକ୍ଷିଣାଂ ସହଦେବସ୍ତୁ ବିଜିଗ୍ଯେ ପରବୀରହା॥ 1-61-39 (2424)
ଏବଂ ଚକ୍ରୁରିମାଂ ସର୍ବେ ବଶେ କୃତ୍ସ୍ନାଂ ବସୁନ୍ଧରାମ୍।
ପଞ୍ଚଭିଃ ସୂର୍ଯସଙ୍କାଶୈଃ ସୂର୍ଯେଣ ଚ ବିରାଜତା॥ 1-61-40 (2425)
ଷଟ୍ସୂର୍ଯେବାଭବତ୍ପୃଥ୍ବୀ ପାଣ୍ଡବୈଃ ସତ୍ଯବିକ୍ରମୈଃ।
ତତୋ ନିମିତ୍ତେ କସ୍ମିଂଶ୍ଚିଦ୍ଧର୍ମରାଜୋ ଯୁଧିଷ୍ଠିରଃ॥ 1-61-41 (2426)
ବନଂ ପ୍ରସ୍ଥାପଯାମାସ ତେଜସ୍ବୀ ସତ୍ଯବିକ୍ରମଃ।
ପ୍ରାଣେଭ୍ଯୋଽପି ପ୍ରିଯତରଂ ଭ୍ରାତରଂ ସବ୍ଯସାଚିନମ୍॥ 1-61-42 (2427)
ଅର୍ଜୁନଂ ପୁରୁଷବ୍ଯାଘ୍ରଂ ସ୍ଥିରାତ୍ମାନଂ ଗୁଣୈର୍ଯୁତମ୍।
ସ ବୈ ସଂବତ୍ସରଂ ପୂର୍ଣଂ ମାସଂ ଚୈକଂ ବନେ ବସନ୍॥ 1-61-43 (2428)
`ତୀର୍ଥଯାତ୍ରାଂ ଚ କୃତବାନ୍ନାଗକନ୍ଯାମବାପ ଚ।
ପାଣ୍ଡ୍ଯସ୍ଯ ତନଯାଂ ଲବ୍ଧ୍ବା ତତ୍ର ତାଭ୍ଯାଂସହୋଷିତଃ'॥ 1-61-44 (2429)
ତତୋଽଗଚ୍ଛଦ୍ଧୃଷୀକେଶଂ ଦ୍ବାରବତ୍ଯାଂ କଦାଚନ।
ଲବ୍ଧବାଂସ୍ତତ୍ର ବୀଭତ୍ସୁର୍ଭାର୍ଯାଂ ରାଜୀବଲୋଚନାମ୍॥ 1-61-45 (2430)
ଅନୁଜାଂ ବାସୁଦେବସ୍ଯ ସୁଭଦ୍ରାଂ ଭଦ୍ରଭାଷିଣୀମ୍।
ସା ଶଚୀବ ମହେନ୍ଦ୍ରେଣ ଶ୍ରୀଃ କୃଷ୍ଣେନେବ ସଙ୍ଗତା॥ 1-61-46 (2431)
ସୁଭଦ୍ରା ଯୁଯୁଜେ ପ୍ରୀତ୍ଯା ପାଣ୍ଡବେନାର୍ଜୁନେନ ହ।
ଅତର୍ପଯଚ୍ଚ କୌନ୍ତେଯଃ ଖାଣ୍ଡବେ ହବ୍ଯବାହନମ୍॥ 1-61-47 (2432)
ବୀଭତ୍ସୁର୍ବାସୁଦେବେନ ସହିତୋ ନୃପସ୍ତମ।
ନାତିଭାରୋ ହି ପାର୍ଥସ୍ଯ କେଶବେନ ସହାଭବତ୍॥ 1-61-48 (2433)
ବ୍ଯବସାଯସହାଯସ୍ଯ ବିଷ୍ଣୋଃ ଶତ୍ରୁବଧେଷ୍ବିବ।
ପାର୍ଥାଯାଗ୍ନିର୍ଦଦୌ ଚାପି ଗାଣ୍ଡୀବଂ ଧନୁରୁତ୍ତମମ୍॥ 1-61-49 (2434)
ଇଷୁଧୀ ଚାକ୍ଷଯୈର୍ବାଣୈ ରଥଂ ଚ କପିଲକ୍ଷଣମ୍।
ମୋକ୍ଷଯାମାସ ବୀଭତ୍ସୁର୍ମଯଂ ଯତ୍ର ମହାସୁରମ୍॥ 1-61-50 (2435)
ସ ଚକାର ସଭାଂ ଦିବ୍ଯାଂ ସର୍ବରତ୍ନସମାଚିତାମ୍।
ତସ୍ଯାଂ ଦୁର୍ଯୋଧନୋ ମନ୍ଦୋ ଲୋଭଂ ଚକ୍ରେ ସୁଦୁର୍ମତିଃ॥ 1-61-51 (2436)
ତତୋଽକ୍ଷୈର୍ବଞ୍ଚଯିତ୍ବା ଚ ସୌବଲେନ ଯୁଧିଷ୍ଠିରମ୍।
ବନଂ ପ୍ରସ୍ଥାପଯାମାସ ସପ୍ତବର୍ଷାଣି ପଞ୍ଚ ଚ॥ 1-61-52 (2437)
ଅଜ୍ଞାତମେକଂ ରାଷ୍ଟ୍ରେ ଚ ତତୋ ବର୍ଷଂ ତ୍ରଯୋଦଶମ୍।
ତତଶ୍ଚତୁର୍ଦଶେ ବର୍ଷେ ଯାଚମାନାଃ ସ୍ବକଂ ବସୁ॥ 1-61-53 (2438)
ନାଲଭନ୍ତ ମହାରାଜ ତତୋ ଯୁଦ୍ଧମବର୍ତତ।
ତତସ୍ତେ କ୍ଷତ୍ରମୁତ୍ସାଦ୍ଯ ହତ୍ବା ଦୁର୍ଯୋଧନଂ ନୃପମ୍॥ 1-61-54 (2439)
ରାଜ୍ଯଂ ବିହତଭୂଯିଷ୍ଠଂ ପ୍ରତ୍ଯପଦ୍ଯନ୍ତ ପାଣ୍ଡବାଃ।
`ଇଷ୍ଟ୍ବା କ୍ରତୂଂଶ୍ଚ ବିବିଧାନଶ୍ବମେଧାଦିକାନ୍ବହୂନ୍॥ 1-61-55 (2440)
ଧୃତରାଷ୍ଟ୍ରେ ଗତେ ସ୍ବର୍ଗଂ ବିଦୁରେ ପଞ୍ଚତାଂ ଗତେ।
ଗମଯିତ୍ବା କ୍ରିଯାଂ ସ୍ବର୍ଗ୍ଯାଂ ରାଜ୍ଞାମମିତତେଜସାମ୍॥ 1-61-56 (2441)
ସ୍ବଂ ଧାମ ଯାତେ ବାର୍ଷ୍ଣେଯେ କୃଷ୍ଣଦାରାନ୍ପ୍ରରକ୍ଷ୍ଯ ଚ।
ମହାପ୍ରସ୍ଥାନିକଂ କୃତ୍ବା ଗତାଃ ସ୍ବର୍ଗମନୁତ୍ତମମ୍'॥ 1-61-57 (2442)
ଏବମେତତ୍ପୁରାବୃତ୍ତଂ ତେଷାମକ୍ଲିଷ୍ଟକର୍ମଣାମ୍।
ଭେଦୋ ରାଜ୍ଯବିନାଶଶ୍ଚ ଜଯଶ୍ଚ ଜଯତାଂବର॥ ॥ 1-61-58 (2443)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଅଂଶାବତରଣପର୍ବଣି ଏକଷଷ୍ଟିତମୋଽଧ୍ଯାଯଃ॥ 61 ॥
Mahabharata - Adi Parva - Chapter Footnotes
1-61-4 ପ୍ରୋତ୍ସାହତୀବ ପ୍ରୋତ୍ସାହଯତୀବ। ପରିସ୍ପନ୍ଦମୁଦୁତ୍ସାହଯତୀବ ମେ ଇତି ପାଠେଗୁରୋର୍ବକ୍ତ୍ରପରିସ୍ପନ୍ଦସ୍ତ୍ବଂ କଥାଂ କଥଯେତ୍ଯାଜ୍ଞାବଚନଂ ତଜ୍ଜନ୍ଯା ମୁତ୍ପ୍ରୀତିଃ ସା ପ୍ରୋତ୍ସାହଯତୀ॥ 4 ॥ 1-61-7 ନଚିରାତ୍ ଶୀଘ୍ର। ବିଦ୍ବାଂସୋଽମବନ୍॥ 1-61-12 ପ୍ରମାଣକୋଟ୍ଯାଂ ଗଙ୍ଗାଯାସ୍ତୀର୍ଥବିଶେଷେ। ବୃକନାମା ବହୁଭ କ୍ଷୋଽଗ୍ନିରୁଦରେ ଯସ୍ଯ ସ ବୃକୋଦରଃ॥ 1-61-17 ସଂବୃତୈର୍ଗୁପ୍ତୈଃ। ବିବୃତୈ ପ୍ରକାଶୈଃ। ଦୈବଭାବ୍ଯର୍ଥରକ୍ଷିତାନ୍ ଦୈବେନାଦୃଷ୍ଟେନ ଭାବୀ କୁରୁକ୍ଷଯପାଣ୍ଡ ବରାଜ୍ଯଲାଭାଦିରର୍ଥସ୍ତସ୍ମୈ ରକ୍ଷିତାନ୍॥ 1-61-18 ବୃଷଃ କର୍ଣଃ ଜାତୁଷଂ ଲାକ୍ଷାମଯମ୍॥ 1-61-20 ଅଭବନ୍ମିତ୍ରମିତ୍ଯପି ପାଠଃ। କ୍ଷତ୍ତା ବିଦୁରଃ॥ 1-61-21 ତେନ କ୍ଷତ୍ତୁର୍ମନ୍ତ୍ରଣେନ॥ 1-61-31 ସ୍ବଯଂ ବୃଣୁତେ ଇତି ସ୍ବଯଂବରା ତାମ୍॥ 1-61-33 ଶାନ୍ତନବେନ ଭୀଷ୍ମେଣ॥ 1-61-36 ଆଦାଯ ଭାଗଶ ଇତ୍ଯପି ପାଠଃ॥ 1-61-48 ନାତୀତି ଖାଣ୍ଡବଦାହ ଇତି ଶେଷଃ॥ 1-61-49 ବ୍ଯବସାଯୋ ବୁଦ୍ଧିଃ॥ 1-61-50 ବାଣୈର୍ଯୁକ୍ତାବିତି ଶେଷଃ। କପିଲକ୍ଷଣଂ ବାନରଧ୍ବଜଂ। ଯତ୍ର ଖାଣ୍ଡବଦାହେ॥ ଏକଷଷ୍ଟିତମୋଽଧ୍ଯାଯଃ॥ 61 ॥ଆଦିପର୍ବ - ଅଧ୍ଯାଯ 062
॥ ଶ୍ରୀଃ ॥
1.62. ଅଧ୍ଯାଯଃ 062
Mahabharata - Adi Parva - Chapter Topics
ଭାରତପ୍ରଶଂସା॥ 1 ॥ ତଚ୍ଛ୍ରବଣାଦିଫଲକଥନମ୍॥ 2 ॥Mahabharata - Adi Parva - Chapter Text
1-62-0 (2444)
ଜନମେଜଯ ଉବାଚ। 1-62-0x (298)
କଥିତଂ ବୈ ସମାସେନ ତ୍ବଯା ସର୍ବଂ ଦ୍ବିଜୋତ୍ତମ।
ମହାଭାରତମାଖ୍ଯାନଂ କୁରୂଣାଂ ଚରିତଂ ମହତ୍॥ 1-62-1 (2445)
କଥାଂ ତ୍ବନଘ ଚିତ୍ରାର୍ଥାଂ କଥଯସ୍ବ ତପୋଧନ।
ବିସ୍ତରଶ୍ରବଣେ ଜାତଂ କୌତୂହଲମତୀବ ମେ॥ 1-62-2 (2446)
ସ ଭବାନ୍ବିସ୍ତରେଣେମାଂ ପୁନରାଖ୍ଯାତୁମର୍ହତି।
ନ ହି ତୃପ୍ଯାମି ପୂର୍ବେଷାଂ ଶୃଣ୍ବାନଶ୍ଚରିତଂ ମହତ୍॥ 1-62-3 (2447)
ନ ତତ୍କାରଣମଲ୍ପଂ ବୈ ଧର୍ମଜ୍ଞା ଯତ୍ର ପାଣ୍ଡବାଃ।
ଅବଧ୍ଯାନ୍ସର୍ବଶୋ ଜଘ୍ନୁଃ ପ୍ରଶସ୍ଯନ୍ତେ ଚ ମାନବୈଃ॥ 1-62-4 (2448)
କିମର୍ଥଂ ତେ ନରବ୍ଯାଘ୍ରାଃ ଶକ୍ତାଃ ସନ୍ତୋ ହ୍ଯନାଗସଃ।
ପ୍ରଯୁଜ୍ଯମାନାନ୍ସଂକ୍ଲେଶାନ୍କ୍ଷାନ୍ତବନ୍ତୋ ଦୁରାତ୍ମନାମ୍॥ 1-62-5 (2449)
କଥଂ ନାଗାଯୁତପ୍ରାଣୋ ବାହୁଶାଲୀ ବୃକୋଦରଃ।
ପରିକ୍ଲିଶ୍ଯନ୍ନପି କ୍ରୋଧଂ ଧୃତବାନ୍ବୈ ଦ୍ବିଜୋତ୍ତମ॥ 1-62-6 (2450)
କଥଂ ସା ଦ୍ରୌପଦୀ କୃଷ୍ଣା କ୍ଲିଶ୍ଯମାନା ଦୁରାତ୍ମଭିଃ।
ଶକ୍ତା ସତୀ ଧାର୍ତରାଷ୍ଟ୍ରାନ୍ନାଦହତ୍କ୍ରୋଧଚକ୍ଷୁଷା॥ 1-62-7 (2451)
କଥଂ ବ୍ଯସନିନଂ ଦ୍ଯୂତେ ପାର୍ଥୌ ମାଦ୍ରୀସୁତୌ ତଦା।
ଅନ୍ବଯୁସ୍ତେ ନରବ୍ଯାଘ୍ରା ବାଧ୍ଯମାନା ଦୁରାତ୍ମଭିଃ॥ 1-62-8 (2452)
କଥଂ ଧର୍ମଭୃତାଂ ଶ୍ରେଷ୍ଠଃ ସୁତୋ ଧର୍ମସ୍ଯ ଧର୍ମବିତ୍।
ଅନର୍ହଃ ପରମଂ କ୍ଲେଶଂ ସୋଢବାନ୍ସ ଯୁଧିଷ୍ଠିରଃ॥ 1-62-9 (2453)
କଥଂ ଚ ବହୁଲାଃ ସେନାଃ ପାଣ୍ଡବଃ କୃଷ୍ଣସାରଥିଃ।
ଅସ୍ଯନ୍ନେକୋଽନଯତ୍ସର୍ବାଃ ପିତୃଲୋକଂ ଧନଂଜଯଃ॥ 1-62-10 (2454)
ଏତଦାଚକ୍ଷ୍ବ ମେ ସର୍ବଂ ଯଥାବୃତ୍ତଂ ତପୋଧନ।
ଯଦ୍ଯଚ୍ଚ କୃତବନ୍ତସ୍ତେ ତତ୍ରତତ୍ର ମହାରଥାଃ॥ 1-62-11 (2455)
ବୈଶମ୍ପାଯନ ଉବାଚ। 1-62-12x (299)
କ୍ଷଣଂ କୁରୁ ମହାରାଜ ବିପୁଲୋଽଯମନୁକ୍ରମଃ।
ପୁଣ୍ଯାଖ୍ଯାନସ୍ଯ ବକ୍ତବ୍ଯଃ କୃଷ୍ଣଦ୍ବୈପାଯନେରିତଃ॥ 1-62-12 (2456)
ମହର୍ଷେଃ ସର୍ବଲୋକେଷୁ ପୂଜିତସ୍ଯ ମହାତ୍ମନଃ।
ପ୍ରବକ୍ଷ୍ଯାମି ମତଂ କୃତ୍ସ୍ନଂ ବ୍ଯାସସ୍ଯାମିତତେଜସଃ॥ 1-62-13 (2457)
ଇଦଂ ଶତସହସ୍ରଂ ହି ଶ୍ଲୋକାନାଂ ପୁଣ୍ଯକର୍ମଣାମ୍।
ସତ୍ଯବତ୍ଯାତ୍ମଜେନେହ ବ୍ଯାଖ୍ଯାତମମିତୌଜସା॥ 1-62-14 (2458)
`ଉପାଖ୍ଯାନୈଃ ସହ ଜ୍ଞେଯଂ ଶ୍ରାବ୍ଯଂ ଭାରତମୁତ୍ତମମ୍।
ସଂକ୍ଷେପେଣ ତୁ ବକ୍ଷ୍ଯାମି ସର୍ବମେତନ୍ନରାଧିପ॥ 1-62-15 (2459)
ଅଧ୍ଯାଯାନାଂ ସହସ୍ରେ ଦ୍ବେ ପର୍ବଣାଂ ଶତମେବ ଚ।
ଶ୍ଲୋକାନାଂ ତୁ ସହସ୍ରାଣି ନବତିଶ୍ଚ ଦଶୈବ ଚ।
ତତୋଽଷ୍ଟାଦଶଭିଃ ପର୍ବୈଃ ସଂଗୃହୀତଂ ମହର୍ଷିଣା'॥ 1-62-16 (2460)
ଯ ଇଦଂ ଶ୍ରାବଯେଦ୍ବିଦ୍ବାନ୍ଯେ ଚେଦଂ ଶୃଣୁଯୁର୍ନରାଃ।
ତେ ବ୍ରହ୍ମଣଃ ସ୍ଥାନମେତ୍ଯ ପ୍ରାପ୍ନୁଯୁର୍ଦେବତୁଲ୍ଯତାମ୍॥ 1-62-17 (2461)
ଇଦଂ ହି ବେଦୈଃ ସମିତଂ ପବିତ୍ରମପି ଚୋତ୍ତମମ୍।
ଶ୍ରାବ୍ଯାଣାମୁତ୍ତମଂ ଚେଦଂ ପୁରାଣମୃଷିସଂସ୍ତୁତମ୍॥ 1-62-18 (2462)
ଅସ୍ମିନ୍ନର୍ଥଶ୍ଚ କାମଶ୍ଚ ନିଖିଲେନୋପଦେକ୍ଷ୍ଯତେ।
ଇତିହାସେ ମହାପୁଣ୍ଯେ ବୁଦ୍ଧିଶ୍ଚ ପରିନୈଷ୍ଠିକୀ॥ 1-62-19 (2463)
ଅକ୍ଷୁଦ୍ରାନ୍ଦାନଶୀଲାଂଶ୍ଚ ସତ୍ଯଶୀଲାନନାସ୍ତିକାନ୍।
କାର୍ଷ୍ଣଂ ବେଦମିମଂ ବିଦ୍ବାଞ୍ଛ୍ରାବଯିତ୍ବାଽର୍ଥମଶ୍ନୁତେ॥ 1-62-20 (2464)
ଭ୍ରୂଣହତ୍ଯାକୃତଂ ଚାପି ପାପଂ ଜହ୍ଯାଦସଂଶଯମ୍।
ଇତିହାସମିମଂ ଶ୍ରୁତ୍ବା ପୁରୁଷୋଽପି ସୁଦାରୁଣଃ॥ 1-62-21 (2465)
ମୁଚ୍ଯତେ ସର୍ବପାପେଭ୍ଯୋ ରାହୁଣା ଚନ୍ଦ୍ରମା ଯଥା।
ଜଯୋ ନାମେତିହାସୋଽଯଂ ଶ୍ରୋତବ୍ଯୋ ବିଜିଗୀଷୁଣା॥ 1-62-22 (2466)
ମହୀଂ ବିଜଯତେ ରାଜା ଶତ୍ରୂଂଶ୍ଚାପି ପରାଜଯେତ୍।
ଇଦଂ ପୁଂସବନଂ ଶ୍ରେଷ୍ଠମିଦଂ ସ୍ବସ୍ତ୍ଯଯନଂ ମହତ୍॥ 1-62-23 (2467)
ମହିଷୀଯୁବରାଜାଭ୍ଯାଂ ଶ୍ରୋତବ୍ଯଂ ବହୁଶସ୍ତଥା।
ବୀରଂ ଜନଯତେ ପୁତ୍ରଂ କନ୍ଯାଂ ବା ରାଜ୍ଯଭାଗିନୀମ୍॥ 1-62-24 (2468)
ଧର୍ମଶାସ୍ତ୍ରମିଦଂ ପୁଣ୍ଯମର୍ଥଶାସ୍ତ୍ରମିଦଂ ପରମ୍।
ମୋକ୍ଷଶାସ୍ତ୍ରମିଦଂ ପ୍ରୋକ୍ତଂ ବ୍ଯାସେନାମିତବୁଦ୍ଧିନା॥ 1-62-25 (2469)
`ଧର୍ମେ ଚାର୍ଥେ ଚ କାମେ ଚ ମୋକ୍ଷେ ଚ ଭରତର୍ଷଭ।
ଯଦିହାସ୍ତି ତଦନ୍ଯତ୍ର ଯନ୍ନେହାସ୍ତି ନ କୁତ୍ରଚିତ୍।
ଇଦଂ ହି ବ୍ରାହ୍ମଣୈର୍ଲୋକେ ଆଖ୍ଯାତଂ ବ୍ରାହ୍ମଣେଷ୍ବିହ'॥ 1-62-26 (2470)
ସଂପ୍ରତ୍ଯାଚକ୍ଷତେ ଚେଦଂ ତଥା ଶ୍ରୋଷ୍ଯନ୍ତି ଚାପରେ।
ପୁତ୍ରାଃ ଶୁଶ୍ରୂଷବଃ ସନ୍ତି ପ୍ରେଷ୍ଯାଶ୍ଚ ପ୍ରିଯକାରିଣଃ॥ 1-62-27 (2471)
ଭରତାନାଂ ମହଜ୍ଜନ୍ମ ଶୃଣ୍ବତାମନସୂଯତାମ୍।
ନାସ୍ତି ବ୍ଯାଧିଭଯଂ ତେଷାଂ ପରଲୋକଭଯଂ କୁତଃ॥ 1-62-28 (2472)
ଶରୀରେଣ କୃତଂ ପାପଂ ବାଚା ଚ ମନସୈବ ଚ।
ସର୍ବଂ ସଂତ୍ଯଜତି କ୍ଷିପ୍ରଂ ଯ ଇଦଂ ଶୃଣୁଯାନ୍ନରଃ॥ 1-62-29 (2473)
ଧନ୍ଯଂ ଯଶସ୍ଯମାଯୁଷ୍ଯଂ ପୁଣ୍ଯଂ ସ୍ବର୍ଗ୍ଯଂ ତଥୈବ ଚ।
କୃଷ୍ଣଦ୍ବୈପାଯନେନେଦଂ କୃତଂ ପୁଣ୍ଯଚିକୀର୍ଷୁଣା॥ 1-62-30 (2474)
କୀର୍ତିଂ ପ୍ରଥଯତା ଲୋକେ ପାଣ୍ଡବାନାଂ ମହାତ୍ମନାମ୍।
ଅନ୍ଯେଷାଂ କ୍ଷତ୍ରିଯାଣାଂ ଚ ଭୂରିଦ୍ରବିଣତେଜସାମ୍॥ 1-62-31 (2475)
ସର୍ବବିଦ୍ଯାବଦାତାନାଂ ଲୋକେ ପ୍ରଥିତକର୍ମଣାମ୍।
ଯ ଇଦଂ ମାନବୋ ଲୋକେ ପୁଣ୍ଯାର୍ଥେ ବ୍ରାହ୍ମଣାଞ୍ଛୁଚୀନ୍॥ 1-62-32 (2476)
ଶ୍ରାବଯେତ ମହାପୁଣ୍ଯଂ ତସ୍ଯ ଧର୍ମଃ ସନାତନଃ।
କୁରୂଣାଂ ପ୍ରଥିତଂ ବଂଶଂ କୀର୍ତଯନ୍ସତତଂ ଶୁଚିଃ॥ 1-62-33 (2477)
ବଂଶମାପ୍ନୋତି ବିପୁଲଂ ଲୋକେ ପୂଜ୍ଯତମୋ ଭବେତ୍।
ଯୋଽଧୀତେ ଭାରତଂ ପୁମ୍ଯଂ ବ୍ରାହ୍ମଣୋ ନିଯତବ୍ରତଃ॥ 1-62-34 (2478)
ଚତୁରୋ ବାର୍ଷିକାନ୍ମାସାନ୍ସର୍ବପାପୈଃ ପ୍ରମୁଚ୍ଯତେ।
ବିଜ୍ଞେଯଃ ସ ଚ ବେଦାନାଂ ପାରଗୋ ଭାରତଂ ପଠନ୍॥ 1-62-35 (2479)
ଦେବା ରାଜର୍ଷଯୋ ହ୍ଯତ୍ର ପୁଣ୍ଯା ବ୍ରହ୍ମର୍ଷଯସ୍ତଥା।
କୀର୍ତ୍ଯନ୍ତେ ଧୂତପାପ୍ମାନଃ କୀର୍ତ୍ଯତେ କେଶବସ୍ତଥା॥ 1-62-36 (2480)
ଭଗବାଂଶ୍ଚାପି ଦେବେଶୋ ଯତ୍ର ଦେବୀ ଚ କୀର୍ତ୍ଯତେ।
ଅନେକଜନନୋ ଯତ୍ର କାର୍ତିକେଯସ୍ଯ ସଂଭବଃ॥ 1-62-37 (2481)
ବ୍ରାହ୍ମଣାନାଂ ଗବାଂ ଚୈବ ମାହାତ୍ମ୍ଯଂ ଯତ୍ର କୀର୍ତ୍ଯତେ।
ସର୍ବଶ୍ରୁତିସମୂହୋଽଯଂ ଶ୍ରୋତବ୍ଯୋ ଧର୍ମବୁଦ୍ଧିଭିଃ॥ 1-62-38 (2482)
ଯ ଇଦଂ ଶ୍ରାବଯେଦ୍ବିଦ୍ବାନ୍ବ୍ରାହ୍ମଣାନିହ ପର୍ବସୁ।
ଧୂତପାପ୍ମା ଜିତସ୍ବର୍ଗୋ ବ୍ରହ୍ମ ଗଚ୍ଛତି ଶାଶ୍ବତମ୍॥ 1-62-39 (2483)
ଶ୍ରାବଯେଦ୍ବ୍ରାହ୍ମଣାଞ୍ଶ୍ରାଦ୍ଧେ ଯଶ୍ଚେମଂ ପାଦମନ୍ତତଃ।
ଅକ୍ଷଯ୍ଯଂ ତସ୍ଯ ତଚ୍ଛ୍ରାଦ୍ଧମୁପାବର୍ତେତ୍ପିତୄନିହ॥ 1-62-40 (2484)
ଅହ୍ନା ଯଦେନଃ କ୍ରିଯତେ ଇନ୍ଦ୍ରିଯୈର୍ମନସାଽପି ବା।
ଜ୍ଞାନାଦଜ୍ଞାନତୋ ବାପି ପ୍ରକରୋତି ନରଶ୍ଚ ଯତ୍॥ 1-62-41 (2485)
ତନ୍ମହାଭାରତାଖ୍ଯାନଂ ଶ୍ରୁତ୍ବୈବ ପ୍ରବିଲୀଯତେ।
ଭରତାନାଂ ମହଜ୍ଜନ୍ମ ମହାଭାରତମୁଚ୍ଯତେ॥ 1-62-42 (2486)
ନିରୁକ୍ତମସ୍ଯ ଯୋ ବେଦ ସର୍ବପାପୈଃ ପ୍ରମୁଚ୍ଯତେ।
ଭରତାନାଂ ମହଜ୍ଜନ୍ମ ମହାଭାରତମୁଚ୍ଯତେ॥ 1-62-43 (2487)
ମହତୋ ହ୍ଯେନସୋ ମର୍ତ୍ଯାନ୍ମୋଚଯେଦନୁକୀର୍ତିତଃ।
ତ୍ରିଭିର୍ବର୍ଷୈର୍ମହାଭାଗଃ କୃଷ୍ଣଦ୍ବୈପାଯନୋଽବ୍ରବୀତ୍॥ 1-62-44 (2488)
ନିତ୍ଯୋତ୍ଥିତଃ ଶୁଚିଃ ଶକ୍ତୋ ମହାଭାରତମାଦିତଃ।
ତପୋନିଯମମାସ୍ଥାଯ କୃତମେତନ୍ମହର୍ଷିଣା॥ 1-62-45 (2489)
ତସ୍ମାନ୍ନିଯମସଂଯୁକ୍ତୈଃ ଶ୍ରୋତବ୍ଯଂ ବ୍ରାହ୍ମଣୈରିଦମ୍।
କୃଷ୍ଣପ୍ରୋକ୍ତାମିମାଂ ପୁଣ୍ଯାଂ ଭାରତୀମୁତ୍ତମାଂ କଥାମ୍॥ 1-62-46 (2490)
ଶ୍ରାବଯିଷ୍ଯନ୍ତି ଯେ ବିପ୍ରା ଯେ ଚ ଶ୍ରୋଷ୍ଯନ୍ତି ମାନବାଃ।
ସର୍ବଥା ବର୍ତମାନା ବୈ ନ ତେ ଶୋଚ୍ଯାଃ କୃତାକୃତୈଃ॥ 1-62-47 (2491)
ନରେଣ ଧର୍ମକାମେନ ସର୍ବଃ ଶ୍ରୋତବ୍ଯ ଇତ୍ଯପି।
ନିଖିଲେନେତିହାସୋଽଯଂ ତତଃ ସିଦ୍ଧିମବାପ୍ନୁଯାତ୍॥ 1-62-48 (2492)
ନ ତାଂ ସ୍ବର୍ଗଗତିଂ ପ୍ରାପ୍ଯ ତୁଷ୍ଟିଂ ପ୍ରାପ୍ନୋତି ମାନବଃ।
ଯାଂ ଶ୍ରୁତ୍ବୈବଂ ମହାପୁଣ୍ଯମିତିହାସମୁପାଶ୍ନୁତେ॥ 1-62-49 (2493)
ଶୃଣ୍ବଞ୍ଶ୍ରାଦ୍ଧଃ ପୁଣ୍ଯଶୀଲଃ ଶ୍ରାବଯଂଶ୍ଚେଦମଦ୍ଭୁତମ୍।
ନରଃ ଫଲମବାପ୍ନୋତି ରାଜସୂଯାଶ୍ବମେଧଯୋଃ॥ 1-62-50 (2494)
ଯଥା ସମୁଦ୍ରୋ ଭଗବାନ୍ଯଥା ମେରୁର୍ମହାଗିରିଃ।
ଉଭୌ ଖ୍ଯାତୌ ରତ୍ନନିଧୀ ତଥା ଭାରତମୁଚ୍ଯତେ॥ 1-62-51 (2495)
ଇଦଂ ହି ବେଦୈଃ ସମିତଂ ପବିତ୍ରମଷି ଚୋତ୍ତମମ୍।
ଶ୍ରାବ୍ଯଂ ଶ୍ରୁତିସୁଖଂ ଚୈବ ପାବନଂ ଶୀଲବର୍ଧନମ୍॥ 1-62-52 (2496)
ଯ ଇଦଂ ଭାରତଂ ରାଜନ୍ବାଚକାଯ ପ୍ରଯଚ୍ଛତି।
ତେନ ସର୍ବା ମହୀ ଦତ୍ତା ଭବେତ୍ସାଗରମେଖଲା॥ 1-62-53 (2497)
ପାରିକ୍ଷିତ କଥାଂ ଦିବ୍ଯାଂ ପୁଣ୍ଯାଯ ବିଜଯାଯ ଚ।
କଥ୍ଯମାନାଂ ମଯା କୃତ୍ସ୍ନାଂ ଶୃଣୁ ହର୍ଷକରୀମିମାମ୍॥ 1-62-54 (2498)
ତ୍ରିଭିର୍ବର୍ଷୈଃ ସଦୋତ୍ଥାଯୀ କୃଷ୍ଣଦ୍ବୈପାଯନୋ ମୁନିଃ।
ମହାଭାରତମାଖ୍ଯାନଂ କୃତବାନିଦମଦ୍ଭୁତମ୍॥ 1-62-55 (2499)
ଶୃଣୁ କୀର୍ତଯତସ୍ତନ୍ମ ଇତିହାସଂ ପୁରାତନମ୍॥ ॥ 1-62-56 (2500)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଅଂଶାବତରଣପର୍ବଣି ଦ୍ବିଷଷ୍ଟିତମୋଽଧ୍ଯାଯଃ॥ 62 ॥
Mahabharata - Adi Parva - Chapter Footnotes
1-62-4 ଅବଧ୍ଯାନ୍ ଭୀଷ୍ମଦ୍ରୋଣାଦୀନ୍॥ 1-62-6 କ୍ରୋଧଂ ଧୃତବାନ୍ ନିରୁଦ୍ଧବାନ୍॥ 1-62-10 ଅସ୍ଯନ୍ ଶରାନ୍ କ୍ଷିପନ୍ ସ କଥଂ କ୍ଲେଶଂ ସୋଢବାନିତ୍ଯନୁଷଜ୍ଜ୍ଯତେ॥ 1-62-18 ଋଷିଭିର୍ମନ୍ତ୍ରୈସ୍ତଦ୍ଦ୍ରଷ୍ଟୃଭିର୍ବା ସଂସ୍ତୁତଂ ସମଂ ସ୍ତୁତଂ ବା॥ 1-62-19 ପରିନୈଷ୍ଠିକୀ ପରିନିଷ୍ଠା ମୋକ୍ଷସ୍ତଦୁଚିତା॥ 1-62-20 ଅନାସ୍ତିକାନ୍ ନାସ୍ତିକା ନ ଭବନ୍ତୀତ୍ଯନାସ୍ତିକାସ୍ତାନ୍॥ 1-62-23 ପୁଂସବନଂ ପୁମାଂସଃ ସୂଯନ୍ତେଽସ୍ମିନ୍ ଶ୍ରୁତେ॥ 1-62-24 ମହିଷୀ ପଟ୍ଟରାଜ୍ଞୀ॥ 1-62-47 ସର୍ବଥା ସାଧୁନାଽସାଧୁନା ବା ବର୍ତ୍ମନା ବର୍ତମାନା ଅପି କୃତାକୃତୈଃ କ୍ରମେଣ ପାପପୁଣ୍ଯୈସ୍ତେ ନ ଶୋଚ୍ଯାଃ। ଏତଚ୍ଛ୍ରବଣାଦେବ ସର୍ବପ୍ରତ୍ଯବାଯପରିହାରୋ ଭବତୀତି ଭାବଃ॥ 1-62-49 ସ୍ବର୍ଗାଦପ୍ଯେତଚ୍ଛ୍ରବଣଂ ସୁଖକରଂ ମୁକ୍ତିହେତୁତ୍ବାଦିତି ଭାବଃ॥ 1-62-50 ଶ୍ରାଦ୍ଧଃ ଶ୍ରଦ୍ଧାବାନ୍॥ 1-62-52 ଶ୍ରାବ୍ଯମର୍ଥତୋ ରମ୍ଯମ୍॥ 1-62-55 ସଦୋତ୍ଥାଯୀ ସଦୋଦ୍ଯୁକ୍ତଃ॥ ଦ୍ବିଷଷ୍ଟିତମୋଽଧ୍ଯାଯଃ॥ 62 ॥ଆଦିପର୍ବ - ଅଧ୍ଯାଯ 063
॥ ଶ୍ରୀଃ ॥
1.63. ଅଧ୍ଯାଯଃ 063
Mahabharata - Adi Parva - Chapter Topics
ପୂରୁବଂଶକଥନମ୍॥ 1 ॥Mahabharata - Adi Parva - Chapter Text
1-63-0 (2501)
ବୈଶମ୍ପାଯନ ଉବାଚ। 1-63-0x (300)
ପୂରୋର୍ବଂଶମହଂ ଧନ୍ଯଂ ରାଜ୍ଞାମମିତତେଜସାମ୍।
ପ୍ରବକ୍ଷ୍ଯାମି ପିତୄଣାଂ ତେ ତେଷାଂ ନାମାନି ମେ ଶୃମୁ॥ 1-63-1 (2502)
ଅବ୍ଯକ୍ତପ୍ରଭବୋ ବ୍ରହ୍ମା ଶାଶ୍ବତୋ ନିତ୍ଯ ଅବ୍ଯଯଃ।
ତସ୍ମାନ୍ମରୀଚିଃ ସଂଜଜ୍ଞେ ଦକ୍ଷଶ୍ଚୈବ ପ୍ରଜାପତିଃ॥ 1-63-2 (2503)
ଅଙ୍ଗୁଷ୍ଠାଦ୍ଦକ୍ଷମସୃଜଚ୍ଚକ୍ଷୁର୍ଭ୍ଯାଂ ଚ ମରୀଚିନମ୍।
ମରୀଚେଃ କଶ୍ଯପଃ ପୁତ୍ରୋ ଦକ୍ଷସ୍ଯ ଦୁହିତାଽଽଦିତିଃ॥ 1-63-3 (2504)
ଅଦିତ୍ଯାଂ କଶ୍ଯପାଦ୍ବିବସ୍ଥାନ୍।
ବିବସ୍ବତୋ ମନୁର୍ମନୋରିଲା॥ 1-63-4 (2505)
ଇଲାଯାଃ ପୁରୂରବାଃ।
ପୁରୂରବସ ଆଯୁଃ।
ଆଯୁଷୋ ନହୁଷଃ।
ନହୁଷସ୍ଯ ଯଯାତିଃ॥ 1-63-5 (2506)
ଯଯାତେର୍ଦ୍ବେ ଭାର୍ଯେ ବଭୂବତୁଃ।
ଉଶନସୋ ଦୁହିତା ଦେବଯାନୀ ବୃଷପର୍ବଣଶ୍ଚ ଦୁହିତା ଶର୍ମିଷ୍ଠା ନାମ॥ 1-63-6 (2507)
ତତ୍ରାନୁବଂଶୋ ଭବତି।
ଯଦୁଂ ଚ ତୁର୍ବସୁଂ ଚୈବ ଦେବଯାନୀ ବ୍ଯଜାଯତ।
ଦ୍ରୁହ୍ଯଂ ଚାନୁଂ ଚ ପୂରୁଂ ଚ ଶର୍ମିଷ୍ଠା ବାର୍ଷପର୍ବଣୀ॥ 1-63-7 (2508)
ତତ୍ର ଯଦୋର୍ଯାଦବାଃ।
ପୂରୋଃ ପୌରବାଃ।
ପୂରୋର୍ଭାର୍ଯା କୌସଲ୍ଯା ବଭୂବ।
ତସ୍ଯାମସ୍ଯ ଜଜ୍ଞେ ଜନମେଜଯଃ॥ 1-63-8 (2509)
ସ ତ୍ରୀନ୍ହଯମେଧାନାଜହାର।
ବିଶ୍ବଜିତା ଚେଷ୍ଟ୍ବା ବନଂ ପ୍ରବିବେଶ॥ 1-63-9 (2510)
ଜନମେଜଯସ୍ତୁ ସୁନନ୍ଦାଂ ନାମୋପଯେମେ ମାଗଧୀଂ।
ତସ୍ଯାମସ୍ଯ ଜଜ୍ଞେ ପ୍ରାଚୀନ୍ବାନ୍॥ 1-63-10 (2511)
ଯଃ ପ୍ରାଚୀଂ ଦିଶଂ ଜିଗାଯ।
ଯାବତ୍ସୂର୍ଯାଦଯାତ୍ ତତ୍ତସ୍ଯ ପ୍ରାଚୀନତ୍ବମ୍॥ 1-63-11 (2512)
ପ୍ରାଚୀନ୍ବାଂସ୍ତୁ ଖଲ୍ବାଶ୍ମକୀମୁପଯେମେ ଯାଦବୀମ୍।
ତସ୍ଯାମସ୍ଯ ଜଜ୍ଞେ ଶସ୍ଯାତିଃ॥ 1-63-12 (2513)
ଶଯ୍ଯାତିସ୍ତୁ ତ୍ରିଶଙ୍କୋର୍ଦୁହିତରଂ ବରାଙ୍ଗୀଂ ନାମୋପଯେମେ ତସ୍ଯାମସ୍ଯ ଜଜ୍ଞେଽହଂଯାତିଃ॥ 1-63-13 (2514)
ଅହଂଯାତିସ୍ତୁ ଖଲୁ କୃତବୀର୍ଯଦୁହିତରଂ ଭାନୁମତୀଂ ନାମୋପଯେମେ।
ତସ୍ଯାମସ୍ଯ ଜଜ୍ଞେ ସାର୍ବଭୌମଃ॥ 1-63-14 (2515)
ସାର୍ବଭୌମସ୍ତୁ ଖଲୁ ଜିତ୍ବାଽଽଜହାର କୈକଯୀଂ ସୁନ୍ଦରାଂ ନାମ ତାମୁପଯେମେ।
ତସ୍ଯାମସ୍ଯ ଜଜ୍ଞେ ଜଯତ୍ସେନଃ॥ 1-63-15 (2516)
ଜଯତ୍ସେନସ୍ତୁ ଖଲୁ ବୈଦର୍ଭୀମୁପଯେମେ ସୁଶ୍ରବାଂ ନାମ।
ତସ୍ଯାମସ୍ଯ ଜଜ୍ଞେଽପରାଚୀନଃ॥ 1-63-16 (2517)
ଅପରାଚୀନସ୍ତୁ ଖଲୁ ବୈଦର୍ଭୀମପରାମୁପଯେମେ ମର୍ଯାଦାଂ ନାମ।
ତସ୍ଯାମସ୍ଯ ଜଜ୍ଞେଽରିହଃ॥ 1-63-17 (2518)
ଅରିହଃ ଖଲ୍ବାଙ୍ଗୀମୁପେଯେମେ।
ତସ୍ଯାମସ୍ଯ ଜଜ୍ଞେ ମହାଭୌମଃ॥ 1-63-18 (2519)
ମହାଭୌମସ୍ତୁ ଖଲୁ ପ୍ରସେନଜିଦ୍ଦୁହିତରମୁପଯେମେ ସୁଯଜ୍ଞାଂ ନାମ।
ତସ୍ଯାମସ୍ଯ ଜଜ୍ଞେ ଅଯୁତାନାଯୀ॥ 1-63-19 (2520)
ଯଃ ପୁରୁଷମେଧେ ପୁରୁଷାଣାମଯୁତମାନଯତ୍ତତ୍ତସ୍ଯାଯୁତାନାଯିତ୍ବମ୍॥ 1-63-20 (2521)
ଅଯୁତାନାଯୀ ତୁ ଖଲୁ ପୃଥୁଶ୍ରବସୋ ଦୁହିତରମୁପଯେମେ ଭାସାଂ ନାମ।
ତସ୍ଯାମସ୍ଯ ଜଜ୍ଞେଽକ୍ରୋଧନଃ॥ 1-63-21 (2522)
ଅକ୍ରୋଧନସ୍ତୁ ଖଲୁ କାଲିଙ୍ଗୀଂ କଣ୍ଡୂଂ ନାମୋପଯେମେ।
ତସ୍ଯାମସ୍ଯ ଜଜ୍ଞେ ଦେବାତିଥିଃ॥ 1-63-22 (2523)
ଦେବାତିଥିସ୍ତୁ ଖଲୁ ବୈଦର୍ଭୀମୁପଯେମେ ମର୍ଯାଦାଂ ନାମ ତସ୍ଯାମସ୍ଯ ଜଜ୍ଞେ ଋଚଃ॥ 1-63-23 (2524)
ଋଚସ୍ତୁ ଖଲୁ ବାମଦେବ୍ଯାମଙ୍ଗରାଜକନ୍ଯାଯାମୃକ୍ଷଂ ପୁତ୍ରମଜୀଜନତ୍॥ 1-63-24 (2525)
ଋକ୍ଷସ୍ତୁ ଖଲୁ ତକ୍ଷକଦୁହିତରଂ ଜ୍ବଲନ୍ତୀଂ ନାମୋପଯେମେ।
ତସ୍ଯାମନ୍ତ୍ଯନାରମୁତ୍ପାଦଯାମାସ॥ 1-63-25 (2526)
ଅନ୍ତ୍ଯନାରସ୍ତୁ ଖଲୁ ସରସ୍ବତ୍ଯାଂ ଦ୍ବାଦଶବାର୍ଷିକଂ ସତ୍ରମାଜହାର।
ତମୁଦବସାନେ ସରସ୍ବତ୍ଯଭିଗମ୍ଯ ଭର୍ତାରଂ ବରଯାମାସ॥ 1-63-26 (2527)
ତସ୍ଯାଂ ପୁତ୍ରଂ ଜନଯାମାସ ତ୍ରସ୍ନୁଂ ନାମ।
ଅତ୍ରାନୁବଂଶୋ ଭବତି॥ 1-63-27 (2528)
ତ୍ରସ୍ନୁଂ ସରସ୍ବତୀ ପୁତ୍ରମନ୍ତ୍ଯନାରାଦଜୀଜନତ୍।
ଇଲିଲଂ ଜନଯାମାସ କାଲିନ୍ଦ୍ଯାଂତ୍ରସ୍ନୁରାତ୍ମଜମ୍॥ 1-63-28 (2529)
ଇଲିଲସ୍ତୁ ରଥନ୍ତର୍ଯାଂ ଦୁଷ୍ଯନ୍ତାଦୀନ୍ପଞ୍ଚ ପୁତ୍ରାନଜୀଜନତ୍॥ 1-63-29 (2530)
ଦୁଷ୍ଯନ୍ତସ୍ତୁ ଲାକ୍ଷୀଂ ନାମ ଭାଗୀରଥୀମୁପଯେମେ ତସ୍ଯାମସ୍ଯ ଜଜ୍ଞେ ଜନମେଜଯଃ॥ 1-63-30 (2531)
ସଏବ ଦୁଷ୍ଯନ୍ତୋ ବିଶ୍ବାମିତ୍ରଦୁହିତରଂ ଶକୁନ୍ତଲାଂ ନାମୋପଯେମେ।
ତସ୍ଯାମସ୍ଯ ଜଜ୍ଞେ ଭରତଃ॥ 1-63-31 (2532)
ତତ୍ରେମୌ ଶ୍ଲୋକୌ ଭବତଃ।
ମାତା ଭସ୍ତ୍ରା ପିତୁଃ ପୁତ୍ରୋ ଯସ୍ମାଜ୍ଜାତଃ ସ ଏବ ସଃ।
ଭରସ୍ବ ପୁତ୍ରଂ ଦୌଷ୍ଯନ୍ତିଂ ସତ୍ଯମାହ ଶକୁନ୍ତଲା॥ 1-63-32 (2533)
ରେତୋଧାଃ ପୁତ୍ର ଉନ୍ନଯତି ନରଦେବ ଯମକ୍ଷଯାତ୍।
ତ୍ବଂ ଚାସ୍ଯ ଧାତା ଗର୍ଭସ୍ଯ ସତ୍ଯମାହ ଶକୁନ୍ତଲା॥ 1-63-33 (2534)
ତତୋଽସ୍ଯ ଭରତତ୍ବମ୍।
ଭରତସ୍ତୁ ଖଲୁ କାଶେଯୀଂ ସାର୍ବସେନୀମୁପଯେମେ ସୁନନ୍ଦାଂ ନାମ।
ତସ୍ଯାମସ୍ଯ ଜଜ୍ଞେ ଭୁମନ୍ଯୁଃ॥ 1-63-34 (2535)
ଭୁମନ୍ଯୁସ୍ତୁ ଖଲୁ ଦାଶାର୍ହୀମୁପଯେମେ ସୁବର୍ଣାଂ ନାମ।
ତସ୍ଯାମସ୍ଯ ଜଜ୍ଞେ ସୁହୋତ୍ରଃ॥ 1-63-35 (2536)
ସୁହୋତ୍ରସ୍ତୁ ଖଲ୍ବୈକ୍ଷ୍ବାକୀମୁପଯେମେ ଜଯନ୍ତୀଂ ନାମ।
ତସ୍ଯାମସ୍ଯ ଜଜ୍ଞେ ହସ୍ତୀ।
ଯ ଇଦଂ ପୁରଂ ନିର୍ମାପଯାମାସ॥ 1-63-36 (2537)
ତସ୍ମାଦ୍ଧାସ୍ତିନପୁରତ୍ବମ୍।
ହସ୍ତୀ ଖଲୁ ତ୍ରୈଗର୍ତୀମୁପଯେମେ ଯଶୋଦାଂ ନାମ ତସ୍ଯାମସ୍ଯ ଜଜ୍ଞେ ବିକୁଞ୍ଜତଃ॥ 1-63-37 (2538)
ବିକୁଞ୍ଜନସ୍ତୁ ଖଲୁ ଦାଶାର୍ହୀମୁପଯେମେ ସୁନ୍ଦରାଂ ନାମ।
ତସ୍ଯାମସ୍ଯ ଜଜ୍ଞେଽଜମୀଢଃ॥ 1-63-38 (2539)
ଅଜମୀଢସ୍ଯ ତୁ ଚତୁର୍ବିଂଶତିପୁତ୍ରଶତଂ ବଭୂବ।
କୈକଯ୍ଯାଂ ନାଗାଯାଂ ଗାନ୍ଧାର୍ଯାଂ ବିମଲାଯାମୃକ୍ଷାଯାମିତି॥ 1-63-39 (2540)
ପୃଥଗ୍ବଂଶକର୍ତାରୋ ନୃପତଯଃ।
ତତ୍ର ଅଜମୀଢାଦୃକ୍ଷାଯାଂ ସଂବରଣୋ ଜଜ୍ଞେ ସ ବଂଶକରଃ॥ 1-63-40 (2541)
ସବରଣସ୍ତୁ ବୈବସ୍ବତୀଂ ତପତୀଂ ନାମୋପଯେମେ।
ତସ୍ଯାମସ୍ଯ ଜଜ୍ଞେ କୁରୁଃ॥ 1-63-41 (2542)
କୁରୁସ୍ତୁ ଖଲୁ ଦାଶାର୍ହୀମୁପଯେମେ ଶୁଭାଙ୍ଗୀଂ ନାମ।
ତସ୍ଯାମସ୍ଯ ଜଜ୍ଞେ ବିଦୂରଥଃ॥ 1-63-42 (2543)
ବିଦୂରଥସ୍ତୁ ଖଲୁ ମାଗଧୀମୁପଯେମେ ସଂପ୍ରିଯାଂ ନାମ।
ତସ୍ଯାମସ୍ଯ ଜଜ୍ଞେଽନଶ୍ବାନ୍॥ 1-63-43 (2544)
ଅନଶ୍ବାଂସ୍ତୁ ଖଲୁ ମାଗଧୀମୁପଯେମେଽମୃତାଂ ନାମ।
ତସ୍ଯାମସ୍ଯ ଜଜ୍ଞେ ପରିକ୍ଷିତ୍॥ 1-63-44 (2545)
ପରିକ୍ଷିତ୍ଖଲୁ ବାହୁକାମୁପଯେମେ ସୁବେଷାଂ ନାମ।
ତସ୍ଯାମସ୍ଯ ଜଜ୍ଞେ ଭୀମସେନଃ॥ 1-63-45 (2546)
ଭୀମସେନସ୍ତୁ ଖଲୁ କୈକଯୀମୁପଯେମେ ସୁକୁମାରୀଂ ନାମ।
ତସ୍ଯାମସ୍ଯ ଜଜ୍ଞେ ପରିଶ୍ରବାଃ॥ 1-63-46 (2547)
ଯମାହୁଃ ପ୍ରତୀପ ଇତି।
ପ୍ରତୀପସ୍ତୁ ଖଲୁ ଶୈବ୍ଯାମୁପଯେମେ ସୁନନ୍ଦୀଂ ନାମ।
ତସ୍ଯାଂ ତ୍ରୀନ୍ପୁତ୍ରାନୁତ୍ପାଦଯାମାସ ଦେବାପିଂ ଶନ୍ତନୁଂ ବାହ୍ଲୀକଂ ଚେତି॥ 1-63-47 (2548)
ଦେବାପିସ୍ତୁ ଖଲୁ ବାଲ ଏବାରଣ୍ଯଂ ପ୍ରବିବେଶ।
ଶନ୍ତନୁସ୍ତୁ ମହୀପାଲୋଽଭବତ୍॥ 1-63-48 (2549)
ତତ୍ର ଶ୍ଲୋକୋ ଭବତି।
ଯଂ ଯଂ କରାଭ୍ଯାଂ ସ୍ପୃଶତି ଜୀର୍ଣଂ ସ ସୁଖମଶ୍ନୁତେ।
ପୁନର୍ଯୁବା ଚ ଭବତି ତସ୍ମାତ୍ତଂ ଶନ୍ତନୁଂ ବିଦୁଃ॥ 1-63-49 (2550)
ତଦସ୍ଯ ଶନ୍ତନୁତ୍ବଂ।
ଶନ୍ତନୁସ୍ତୁ ଖଲୁ ଗଙ୍ଗାଂ ଭାଗୀରଥୀମୁପଯେମେ ତସ୍ଯାମସ୍ଯ ଜଜ୍ଞେ ଦେବବ୍ରତଃ।
ଯମାହୁର୍ଭୀଷ୍ମ ଇତି॥ 1-63-50 (2551)
ଭୀଷ୍ମସ୍ତୁ ଖଲୁ ପିତୁଃ ପ୍ରିଯଚିକୀର୍ଷଯା ସତ୍ଯବତୀମାନଯାମାସ ମାତରଂ।
ଯାମାହୁଃ କାଲୀତି॥ 1-63-51 (2552)
ତସ୍ଯାଂ ପୂର୍ବଂ ପୁରାଶରାତ୍କନ୍ଯାଗର୍ଭୋ ଦ୍ବୈପାଯନଃ।
ତସ୍ଯାମେବ ଶନ୍ତନୋର୍ଦ୍ବୌ ପୁତ୍ରୌ ବଭୂବତୁଃ ଚିତ୍ରାଙ୍ଗଦୋ ବିଚିତ୍ରବୀର୍ଯଶ୍ଚ॥ 1-63-52 (2553)
ଚିତ୍ରାଙ୍ଗଦସ୍ତୁ ପ୍ରାପ୍ତରାଜ୍ଯ ଏବ ଗନ୍ଧର୍ବେଣ ନିହୃତଃ।
ତତୋ ବିଚିତ୍ରବୀର୍ଯୋ ରାଜା ବଭୂବ॥ 1-63-53 (2554)
ବିଚିତ୍ରବୀର୍ଯସ୍ତୁ ଖଲୁକାଶିରାଜସ୍ଯ ସୁତେ ଅମ୍ବିକାମ୍ବାଲିକେ ଉଦବହତ୍।
ବିଚିତ୍ରବୀର୍ଯୋଽନୁତ୍ପନ୍ନାପତ୍ଯ ଏବ ବିଦେହତ୍ବଂ ପ୍ରାପ୍ତଃ॥ 1-63-54 (2555)
ତତଃ ସତ୍ଯବତୀ ଚିନ୍ତଯାମାସ କଥଂ ନୁ ଖଲୁ ଶନ୍ତନୋଃ ପିଣ୍ଡବିଚ୍ଛେଦୋ ନ ସ୍ଯାଦିତି॥ 1-63-55 (2556)
ସାଥ ଦ୍ବୈପାଯନଂ ଚିନ୍ତଯାମାସ ସୋଽଗ୍ରତଃ ସ୍ଥିତଃ କିଂ କରବାଣୀତି।
ତଂ ସତ୍ଯବତ୍ଯୁବାଚ ଭ୍ରାତା ତେଽନପତ୍ଯ ଏବ ସ୍ବର୍ଗତଃ ତସ୍ଯାର୍ଥେଽପତ୍ଯମୁତ୍ପାଦଯେତି॥ 1-63-56 (2557)
ସ ପରମିତ୍ଯୁବାଚ ସ ତତ୍ର ତ୍ରୀନ୍ପୁତ୍ରାନୁତ୍ପାଦଯାମାସ ଧୃତରାଷ୍ଟ୍ରଂ ପାଣ୍ଡୁଂ ବିଦୁରଂ ଚେତି॥ 1-63-57 (2558)
ଧୃତରାଷ୍ଟ୍ରାତ୍ପୁତ୍ରଶତଂ ବଭୂବ ଗାନ୍ଧାର୍ଯାଂ ବରଦାନାଦ୍ଦ୍ବୈପାଯନସ୍ଯ ତେଷାଂ ଚ ଧାର୍ତରାଷ୍ଟ୍ରାଣାଂ ଚତ୍ବାରଃ ପ୍ରଧାନାଃ ଦୁର୍ଯୋଧନୋ ଦୁଶ୍ଶାସନୋ ବିକର୍ଣଶ୍ଚିତ୍ରସେନଶ୍ଚେତି॥ 1-63-58 (2559)
ପାଣ୍ଡୋସ୍ତୁ କୁନ୍ତୀ ମାଦ୍ରୀତି ସ୍ତ୍ରୀରତ୍ନେ ବଭୂବତୁଃ।
ସ ମୃଗଯାଂ ଚରନ୍ମୈଥୁନଗତମୃଷିଂ ମୃଗଚାରିଣଂ ବାଣେନ ଜଘାନ॥ 1-63-59 (2560)
ସ ବାଣବିଦ୍ଧ ଉବାଚ ପାଣ୍ଡୁମ୍।
ଅତ୍ର ଶ୍ଲୋକୋ ଭବତି॥ 1-63-60 (2561)
ଯୋଽକୃତାର୍ଥଂ ହି ମାଂ ଗ୍ରୂର ବାଣେନାଘ୍ନା ମୃଗବ୍ରତମ୍।
ତ୍ବାମପ୍ଯେତାଦୃଶୋ ଭାବଃ କ୍ଷିପ୍ରମେବାଗମିଷ୍ଯତି॥ 1-63-61 (2562)
ଇତି ମୃଗବ୍ରତଚାରିଣା ଋଷିଣା ଶପ୍ତଃ।
ସ ବିଷଣ୍ଣରୂପଃ ପାଣ୍ଡୁସ୍ତଂ ଶାପଂ ପରିହରନ୍ନୋପସର୍ପତି ଭାର୍ଯେ॥ 1-63-62 (2563)
କଦାଚିତ୍ସ ଆହ।
ସ୍ବଚାପଲ୍ଯାଦିଦଂ ପ୍ରାପ୍ତବାନହମ୍।
ପୁରାଣେଷୁ ପଠ୍ଯମାନଂ ଶୃଣୋମି ନାନପତ୍ଯସ୍ଯ ଲୋକାଃ ସନ୍ତୀତି॥ 1-63-63 (2564)
ସା ତ୍ବଂ ମଦର୍ଥେ ପୁତ୍ରାନୁତ୍ପାଦଯେତି କୁନ୍ତୀମୁବାଚ॥ 1-63-64 (2565)
ସା କୁନ୍ତୀ ପୁତ୍ରାନୁତ୍ପାଦଯାମାସ ଧର୍ମାଦ୍ଯୁଧିଷ୍ଠିରଂ ମାରୁତାଦ୍ଭୀମସେନମିନ୍ଦ୍ରାଦର୍ଜୁନମିତି।
ସ ହୃଷ୍ଟରୂପଃ ପାଣ୍ଡୁରୁବାଚ।
ଇଯଂ ତେ ସପତ୍ନୀ ଭବତି ମାଦ୍ର୍ଯନପତ୍ଯା ବ୍ରୀଡିତା ସାଧ୍ବୀ ଅସ୍ଯାମପତ୍ଯମୁତ୍ପାଦ୍ଯତାମିତି॥ 1-63-65 (2566)
ସା କୁନ୍ତୀ ତସ୍ଯୈ ମାଦ୍ର୍ଯୈ ତଥେତି ବ୍ରତମାଦିଦେଶ।
ତତସ୍ତସ୍ଯାଂ ନକୁଲସହଦେବୌ ଯମାବଶ୍ବିଭ୍ଯାଂ ଜଜ୍ଞାତେ॥ 1-63-66 (2567)
ମାଦ୍ରୀଂ ତୁ ଖଲୁ ସ୍ବଲଙ୍କୃତାଂ ଦୃଷ୍ଟ୍ବା ପାଣ୍ଡୁର୍ଭାବଂ ଚକ୍ରେ।
ସ ତାଂ ପ୍ରାପ୍ଯୈବ ବିଦେହତ୍ବଂ ପ୍ରାପ୍ତଃ॥ 1-63-67 (2568)
ତତସ୍ତେନ ସହ ଚିତାମନ୍ବାରୁରୋହ ମାଦ୍ରୀ।
କୁନ୍ତୀଂ ଚୋବାଚ ଯମଯୋରାର୍ଯଯାଽପ୍ରମତ୍ତଯା ଭବିତବ୍ଯମିତି॥ 1-63-68 (2569)
ତତଃ ପଞ୍ଚପାଣ୍ଡବାନ୍ସହ କୁନ୍ତ୍ଯା ହାସ୍ତିନପୁରଂ ନଯନ୍ତି ସ୍ମ ତପସ୍ବିନଃ॥ 1-63-69 (2570)
ତତ୍ର ଭୀଷ୍ମାଯ ଧୃତରାଷ୍ଟ୍ରବିଦୁରଯୋଃ ପାଣ୍ଡୋଃ ସ୍ବର୍ଗଗମନଂ ଯାଥାତଥ୍ଯଂ ନିବେଦଯନ୍ତିସ୍ମ ତପସ୍ବିନଃ॥ 1-63-70 (2571)
ପାଣ୍ଡବାନ୍ସହ କୁନ୍ତ୍ଯା ଜତୁଗୃହେ ଦାହଯିତୁକାମୋ ଧୃତରାଷ୍ଟ୍ରାତ୍ମଜୋଽଭୂତ୍॥ 1-63-71 (2572)
ତାଂଶ୍ଚ ବିଦୁରୋ ମୋକ୍ଷଯାମାସ।
ତତୋ ଭୀମୋ ହିଡିମ୍ବଂ ହତ୍ବା ପୁତ୍ରମୁତ୍ପାଦଯାମାସ ହିଡିମ୍ବାଯାଂ ଘଟୋତ୍କଚଂ ନାମ॥ 1-63-72 (2573)
ତତଶ୍ଚୈକଚକ୍ରାଂ ଜଗ୍ମୁଃ କୁଶଲିନଃ।
ତତଃ ପାଞ୍ଚାଲବିଷଯଂ ଗତ୍ବା ସ୍ବଯଂବରେ ଦ୍ରୌପଦୀଂ ଲବ୍ଧ୍ବାଽର୍ଧରାଜ୍ଯଂ ପ୍ରାପ୍ଯେନ୍ଦ୍ରପ୍ରସ୍ଥନିବାସିନସ୍ତସ୍ଯାଂ ପୁତ୍ରାନୁତ୍ପାଦଯାମାସୁର୍ଦ୍ରୌପଦ୍ଯାମ୍॥ 1-63-73 (2574)
ପ୍ରତିବିନ୍ଧ୍ଯାଂ ଯୁଧିଷ୍ଠିରଃ।
ସୁତସୋମଂ ବୃକୋଦରଃ।
ଶ୍ରୁତକୀର୍ତିମର୍ଜୁନଃ।
ଶତାନୀକଂ ନକୁଲଃ।
ଶ୍ରୁତସେନଂ ସହଦେବ ଇତି॥ 1-63-74 (2575)
ଶୈବ୍ଯସ୍ଯ କନ୍ଯାଂ ଦେବକୀଂ ନାମୋପଯେମେ ଯୁଧିଷ୍ଠିରଃ।
ତସ୍ଯାଂ ପୁତ୍ରଂ ଜନଯାମାସ ଯୌଧେଯଂ ନାମ॥ 1-63-75 (2576)
ଭୀମସେନସ୍ତୁ ବାରାଣସ୍ଯାଂ କାଶିରାଜକନ୍ଯାଂ ଜଲନ୍ଧରାଂ ନାମୋପଯେମେ ସ୍ବଯଂବରସ୍ଥାଂ।
ତସ୍ଯାମସ୍ଯ ଜଜ୍ଞେ ଶର୍ବତ୍ରାତଃ॥ 1-63-76 (2577)
ଅର୍ଜୁନସ୍ତୁ ଖଲୁ ଦ୍ବାରବତୀଂ ଗତ୍ବା ଭଗବତୋ ବାସୁଦେବସ୍ଯ ଭଗିନୀଂ ସୁଭଦ୍ରାଂ ନାମୋଦବହଦ୍ଭାର୍ଯାଂ।
ତସ୍ଯାମଭିମନ୍ଯୁଂ ନାମ ପୁତ୍ରଂ ଜନଯାମାସ॥ 1-63-77 (2578)
ନକୁଲସ୍ତୁ ଖଲୁ ଚୈଦ୍ଯାଂ ରେଣୁମତୀଂ ନାମୋଦବହତ୍।
ତସ୍ଯାଂ ପୁତ୍ରଂ ଜନଯାମାସ ନିରମିତ୍ରଂ ନାମ॥ 1-63-78 (2579)
ସହଦେବସ୍ତୁ ଖଲୁ ମାଦ୍ରୀମେବ ସ୍ବଯଂବରେ ବିଜଯାଂ ନାମୋଦବହଦ୍ଭାର୍ଯାମ୍।
ତସ୍ଯାଂ ପୁତ୍ରଂ ଜନଯାମାସ ସୁହୋତ୍ରଂ ନାମ॥ 1-63-79 (2580)
ଭୀମସେନଶ୍ଚ ପୂର୍ବମେବ ହିଡିମ୍ବାଯାଂ ରାକ୍ଷସ୍ଯାଂ ପୁତ୍ରମୁତ୍ପାଦଯାମାସ ଘଟୋତ୍କଚଂ ନାମ।
ଅର୍ଜୁନସ୍ତୁ ନାଗକନ୍ଯାଯାମୁଲୂପ୍ଯାମିରାବନ୍ତଂ ନାମ ପୁତ୍ରଂ ଜନଯାମାସ॥ 1-63-80 (2581)
ତତୋ ମଣଲୂରୁପତିକନ୍ଯାଯାଂ ଚିତ୍ରାଙ୍ଗଦାଯାମର୍ଜୁନଃ ପୁତ୍ରମୁତ୍ପାଦଯାମାସ ବଭ୍ରୁବାହନଂ ନାମ।
ଏତେ ତ୍ରଯୋଦଶ ପୁତ୍ରାଃ ପାଣ୍ଡବାନାମ୍॥ 1-63-81 (2582)
ବିରାଟସ୍ଯ ଦୁହିତରମୁତ୍ତରାଂ ନାମାଭିମନ୍ଯୁରୁପେଯେମେ।
ତସ୍ଯାମସ୍ଯ ପରାସୁର୍ଗର୍ଭୋଽଜାଯତ॥ 1-63-82 (2583)
ତମୁତ୍ସଙ୍ଗେ ପ୍ରତିଜଗ୍ରାହ ପୃଥା ନିଯୋଗାତ୍ପୁରୁଷୋତ୍ତମସ୍ଯ।
ଷାଣ୍ମାସିକଂ ଗର୍ଭମହଂ ଜୀବଯାମି ପାଦସ୍ପର୍ଶାଦିତି ବାସୁଦେବ ଉବାଚ॥ 1-63-83 (2584)
ଅହଂ ଜୀବଯାମି କୁମାରମନନ୍ତବୀର୍ଯଂ ଜାତ ଏବାଯମଜାଯତ।
ଅଭିମନ୍ଯୋଃ ସତ୍ଯେନ ଚେଯଂ ପୃଥିବୀ ଧାରଯତ୍ବିତି ବାସୁଦେବସ୍ଯ ପାଦସ୍ପର୍ଶାତ୍ସଜୀବୋଽଜାଯତ।
ନାମ ତସ୍ଯାକରୋତ୍ସୁଭଦ୍ରା॥ 1-63-84 (2585)
ପରିକ୍ଷୀଣେ କୁଲେ ଜାତ ଉତ୍ତରାଯାଂ ପରଂତପଃ।
ପରିକ୍ଷିଦଭବତ୍ତସ୍ମାତ୍ସୌଭଦ୍ରାତ୍ତୁ ଯଶସ୍ବିନଃ॥ 1-63-85 (2586)
ପରୀକ୍ଷିତ୍ତୁ ଖଲୁ ଭଦ୍ରବତୀଂ ନାମୋପଯେମେ।
ତସ୍ଯାଂ ତତ୍ର ଭବାଞ୍ଜନମେଜଯଃ॥ 1-63-86 (2587)
ଜନମେଜଯାତ୍ତୁ ଭବତଃ ଖଲୁ ବପୁଷ୍ଟମାଯାଂ ପୁତ୍ରୌ ଦ୍ବୌ ଶତାନୀକଃ ଶଙ୍କୁକର୍ଣଶ୍ଚ॥ 1-63-87 (2588)
ଶତାନୀକସ୍ତୁ ଖଲୁ ବୈଦେହୀମୁପଯେମେ।
ତସ୍ଯାମସ୍ଯ ଜଜ୍ଞେ ପୁତ୍ରୋଽଶ୍ବମେଧଦତ୍ତଃ॥ 1-63-88 (2589)
ଇତ୍ଯେଷ ପୂରୋର୍ବଂଶସ୍ତୁ ପାଣ୍ଡବାନାଂ ଚ କୀର୍ତିତଃ।
ପୂରୋର୍ବଂଶମିମଂ ଶ୍ରୁତ୍ବା ସର୍ବପାପୈଃ ପ୍ରମୁଚ୍ଯତେ॥ ॥ 1-63-89 (2590)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଅଂଶାବତରଣପର୍ବଣି ତ୍ରିଷଷ୍ଟିତମୋଽଧ୍ଯାଯଃ॥ 63 ॥
Mahabharata - Adi Parva - Chapter Footnotes
1-63-32 ଭସ୍ତ୍ରା ଚର୍ମକୋଶଃ ତତ୍ର ନିହିତଂ ବୀଜଂ ଯଥା ତଦୀଯଂ ନ ଭବତି ଏବଂ ମାତାପି ଭସ୍ତ୍ରେବ। ଯେନ ହେତୁନା ଯୋ ଜାତଃ ସ ଏବ ସଃ। କାର୍ଯସ୍ଯ କାରଣାନନ୍ଯତ୍ବାତ୍॥ 1-63-33 ପୁତ୍ରଃ ରେତୋଧାଃ ରେତୋଧାତାରଂ ପିତରଂ ଉନ୍ନଯତି ଊର୍ଧ୍ବଂ ନଯତି। ଯମକ୍ଷଯାତ୍ ନରକାତ୍॥ଆଦିପର୍ବ - ଅଧ୍ଯାଯ 064
॥ ଶ୍ରୀଃ ॥
1.64. ଅଧ୍ଯାଯଃ 064
Mahabharata - Adi Parva - Chapter Topics
ଉପରିଚରରାଜୋପାଖ୍ଯାନମ୍॥ 1 ॥ ଇନ୍ଦ୍ରଧ୍ବଜୋତ୍ସବବୃତ୍ତାନ୍ତଃ॥ 2 ॥ ଗିରିକାଯା ଉତ୍ପତ୍ତିଃ। ଉପରିଚରସ୍ଯ ତଯା ବିବାହଶ୍ଚ॥ 3 ॥ ମୃଗଯାର୍ଥଂ ଗତେନୋପରିଚରେଣ ସ୍ବପତ୍ନୀସ୍ମରଣାତ୍ସ୍କନ୍ନସ୍ଯ ଶ୍ଯେନଦ୍ବରା ପ୍ରେଷିତସ୍ଯ ରେତସୋ ଯମୁନାଜଲେ ପତନମ୍॥ 4 ॥ ବ୍ରହ୍ମଶାପାନ୍ମତ୍ସ୍ଯଭାବଂ ପ୍ରାପ୍ତଯାଽଦ୍ରିକଯା ତଦ୍ରେତଃପାନମ୍॥ 5 ॥ ତଦୁଦରେ ମିଥୁନୋତ୍ପତ୍ତିଃ॥ 6 ॥ ତତ୍ର ପୁତ୍ରସ୍ଯ ଉପରିଚରବସୁନା ଗ୍ରହଣମ୍। କନ୍ଯାଯା ଦାଶଗୃହେ ସ୍ଥିତିଃ॥ 7 ॥ ନାବଂ ବାହଯମାନାଯାଂ ସତ୍ଯବତୀନାମ୍ନ୍ଯାଂ ଦାଶକନ୍ଯାଯାଂ ପରାଶରାଦ୍ଦ୍ବୈପାଯନସ୍ଯୋତ୍ପତ୍ତିଃ। ତସ୍ଯ ବ୍ଯାସନାମପ୍ରାପ୍ତିଶ୍ଚ॥ 8 ॥ ପାଠାନ୍ତରେ ପରାଶରସତ୍ଯବତୀବିବାହାଦି॥ 9 ॥ ଭୀଷ୍ମାଦୀନାଂ ସଂକ୍ଷେପତୋ ଜନ୍ମବୃତ୍ତାନ୍ତକଥନମ୍॥ 10 ॥Mahabharata - Adi Parva - Chapter Text
1-64-0 (2591)
ବୈଶମ୍ପାଯନ ଉବାଚ। 1-64-0x (301)
ରାଜୋପରିଚରୋ ନାମ ଧର୍ମନିତ୍ଯୋ ମହୀପତିଃ।
ବଭୂବ ମୃଗଯାଶୀଲଃ ଶଶ୍ବତ୍ସ୍ବାଧ୍ଯାଯବାଞ୍ଛୁଚିଃ॥ 1-64-1 (2592)
ସ ଚେଦିବିଷଯଂ ରମ୍ଯଂ ବସୁଃ ପୌରବନନ୍ଦନଃ।
ଇନ୍ଦ୍ରୋପଦେଶାଜ୍ଜଗ୍ରାହ ରମଣୀଯଂ ମହୀପତିଃ॥ 1-64-2 (2593)
ତମାଶ୍ରମେ ନ୍ଯସ୍ତଶସ୍ତ୍ରଂ ନିବସନ୍ତଂ ତପୋନିଧିମ୍।
ଦେବାଃ ଶକ୍ରପୁରୋଗା ବୈ ରାଜାନମୁପତସ୍ଥିରେ॥ 1-64-3 (2594)
ଇନ୍ଦ୍ରତ୍ବମର୍ହୋ ରାଜାଯଂ ତପସେତ୍ଯନୁଚିନ୍ତ୍ଯ ବୈ।
ତଂ ସାନ୍ତ୍ବେନ ନୃପଂ ସାକ୍ଷାତ୍ତପସଃ ସଂନ୍ଯବର୍ତଯନ୍॥ 1-64-4 (2595)
ଦେବା ଊଚୁଃ। 1-64-5x (302)
ନ ସଂକୀର୍ଯେତ ଧର୍ମୋଽଯଂ ପୃଥିବ୍ଯାଂ ପୃଥିବୀପତେ।
ତ୍ବଯା ହି ଧର୍ମୋ ବିଧୃତଃ କୃତ୍ସ୍ନଂ ଧାରଯତେ ଜଗତ୍॥ 1-64-5 (2596)
ଇନ୍ଦ୍ର ଉବାଚ। 1-64-6x (303)
`ଦେବାନହଂ ପାଲଯିତା ପାଲଯ ତ୍ବଂ ହି ମାନୁଷାନ୍।'
ଲୋକେ ଧର୍ମଂ ପାଲଯ ତ୍ବଂ ନିତ୍ଯଯୁକ୍ତଃ ସମାହିତଃ।
ଧର୍ମଯୁକ୍ତସ୍ତତୋ ଲୋକାନ୍ପୁଣ୍ଯାନ୍ପ୍ରାପ୍ସ୍ଯସି ଶାଶ୍ବତାନ୍॥ 1-64-6 (2597)
ଦିବିଷ୍ଠସ୍ଯ ଭୁବିଷ୍ଠସ୍ତ୍ବଂ ସଖାଭୂତୋ ମମ ପ୍ରିଯଃ।
ଊଧଃ ପୃଥିବ୍ଯା ଯୋ ଦେଶସ୍ତମାବସ ନରାଧିପ॥ 1-64-7 (2598)
ପଶବ୍ଯଶ୍ଚୈବ ପୁଣ୍ଯଶ୍ଚ ପ୍ରଭୂତଧନଧାନ୍ଯବାନ୍।
ସ୍ବାରକ୍ଷ୍ଯଶ୍ଚୈବ ସୌମ୍ଯଶ୍ଚ ଭୋଗ୍ଯୈର୍ଭୂମିଗୁଣୈର୍ଯୁତଃ॥ 1-64-8 (2599)
ଅର୍ଥବାନେଷ ଦେଶୋ ହି ଧନରତ୍ନାଦିଭିର୍ଯୁତଃ।
ବସୁପୂର୍ଣା ଚ ବସୁଧା ବସ ଚେଦିଷୁ ଚେଦିପ॥ 1-64-9 (2600)
ଧର୍ମଶୀଲା ଜନପଦାଃ ସୁସଂତୋଷାଶ୍ଚ ସାଧବଃ।
ନ ଚ ମିଥ୍ଯା ପ୍ରଲାପୋଽତ୍ର ସ୍ବୈରେଷ୍ବପି କୁତୋଽନ୍ଯଥା॥ 1-64-10 (2601)
ନ ଚ ପିତ୍ରା ବିଭଜ୍ଯନ୍ତେ ପୁତ୍ରା ଗୁରୁହିତେ ରତାଃ।
ଯୁଞ୍ଜତେ ଧୁରି ନୋ ଗାଶ୍ଚ କୃଶାନ୍ସଂଧୁକ୍ଷଯନ୍ତି ଚ॥ 1-64-11 (2602)
ସର୍ବେ ବର୍ଣାଃ ସ୍ବଧର୍ମସ୍ଥାଃ ସଦା ଚେଦିଷୁ ମାନଦ।
ନ ତେଽସ୍ତ୍ଯବିଦିତଂ କିଂଚିତ୍ତ୍ରିଷୁ ଲୋକେଷୁ ଯଦ୍ଭବେତ୍॥ 1-64-12 (2603)
ଦୈବୋପଭୋଗ୍ଯଂ ଦିବ୍ଯଂ ତ୍ବାମାକାଶେ ସ୍ଫାଟିକଂ ମହତ୍।
ଆକାଶଗଂ ତ୍ବାଂ ମଦ୍ଦତ୍ତଂ ବିମାନମୁପପତ୍ସ୍ଯତେ॥ 1-64-13 (2604)
ତ୍ବମେକଃ ସର୍ବମର୍ତ୍ଯେଷୁ ବିମାନବରମାସ୍ଥିତଃ।
ଚରିଷ୍ଯସ୍ଯୁପରିସ୍ଥୋ ହି ଦେବୋ ବିଗ୍ରହବାନିବ॥ 1-64-14 (2605)
ଦଦାମି ତେ ବୈଜଯନ୍ତୀଂ ମାଲାମମ୍ଲାନପଙ୍କଜାମ୍।
ଧାରଯିଷ୍ଯତି ସଙ୍ଗ୍ରାମେ ଯା ତ୍ବାଂ ଶସ୍ତ୍ରୈରବିକ୍ଷତମ୍॥ 1-64-15 (2606)
ଲକ୍ଷଣଂ ଚୈତଦେବେହ ଭବିତା ତେ ନରାଧିପ।
ଇନ୍ଦ୍ରମାଲେତି ବିଖ୍ଯାତଂ ଧନ୍ଯମପ୍ରତିମଂ ମହତ୍॥ 1-64-16 (2607)
ଯଷ୍ଟିଂ ଚ ବୈଣବୀଂ ତସ୍ମୈ ଦଦୌ ବୃତ୍ରନିଷୂଦନଃ।
ଇଷ୍ଟପ୍ରଦାନମୁଦ୍ଦିଶ୍ଯ ଶିଷ୍ଟାନାଂ ପ୍ରତିପାଲିନୀମ୍॥ 1-64-17 (2608)
`ଏବଂ ସଂସାନ୍ତ୍ବ୍ଯ ନୃପତିଂ ତପସଃ ସଂନ୍ଯବର୍ତଯତ୍।
ପ୍ରଯଯୌ ଦୈବତୈଃ ସାର୍ଧଂ କୃତ୍ବା କାର୍ଯଂ ଦିବୌକସାମ୍॥ 1-64-18 (2609)
ତତସ୍ତୁ ରାଜା ଚେଦୀନାମିନ୍ଦ୍ରାଭରଣଭୂଷିତଃ।
ଇନ୍ଦ୍ରଦତ୍ତଂ ବିମାନଂ ତଦାସ୍ଥାଯ ପ୍ରଯଯୌ ପୁରୀମ୍॥' 1-64-19 (2610)
ତସ୍ଯାଃ ଶକ୍ରସ୍ଯ ପୂଜାର୍ଥଂ ଭୂମୌ ଭୂମିପତିସ୍ତଦା।
ପ୍ରବେଶଂ କାରଯାମାସ ସର୍ବୋତ୍ସବବରଂ ତଦା॥ 1-64-20 (2611)
`ମାର୍ଗଶୀର୍ଷେ ମହାରାଜ ପୂର୍ବପକ୍ଷେ ମହାମଖମ୍।
ତତଃପ୍ରଭୃତି ଚାଦ୍ଯାପି ଯଷ୍ଟେଃ କ୍ଷିତିପସତ୍ତମୈଃ॥' 1-64-21 (2612)
ପ୍ରବେଶଃ କ୍ରିଯତେ ରାଜନ୍ଯଥା ତେନ ପ୍ରବର୍ତିତଃ।
ଅପରେଦ୍ଯୁସ୍ତତସ୍ତସ୍ଯାଃ କ୍ରିଯତେଽତ୍ଯୁଚ୍ଛ୍ରଯୋ ନୃପୈଃ॥ 1-64-22 (2613)
ଅଲଙ୍କୃତାଯା ପିଟକୈର୍ଗନ୍ଧମାଲ୍ଯୈଶ୍ଚ ଭୂଷଣୈଃ।
`ମାଲ୍ଯଦାମପରିକ୍ଷିପ୍ତାଂ ଦ୍ବାତ୍ରିଂଶତ୍କିଷ୍କୁସଂମିତାମ୍॥ 1-64-23 (2614)
ଉଦ୍ଧୃତ୍ଯ ପିଟକେ ଚାପି ଦ୍ବାଦଶାରତ୍ନିକୋଚ୍ଛ୍ରଯେ।
ମହାରଜନବାସାଂସି ପରିକ୍ଷିପ୍ଯ ଧ୍ବଜୋତ୍ତମମ୍॥ 1-64-24 (2615)
ବାସୋଭିରନ୍ନପାନୈଶ୍ଚ ପୂଜିତୈର୍ବ୍ରାହ୍ମଣର୍ଷଭୈଃ।
ପୁଣ୍ଯାହଂ ବାଚଯିତ୍ବାଥ ଧ୍ବଜ ଉଚ୍ଛ୍ରିଯତେ ତଦା॥ 1-64-25 (2616)
ଶଙ୍ଖଭେରୀମୃଦଙ୍ଗୈଶ୍ଚ ସଂନାଦଃ କ୍ରିଯତେ ତଦା'।
ଭଗବାନ୍ପୂଜ୍ଯତେ ଚାତ୍ର ଯଷ୍ଟିରୂପେଣ ବାସବଃ॥ 1-64-26 (2617)
ସ୍ବଯମେବ ଗୃହୀତେନ ବସୋଃ ପ୍ରୀତ୍ଯା ମହାତ୍ମନଃ।
`ମାଣିଭଦ୍ରାଦଯୋ ଯକ୍ଷାଃ ପୂଜ୍ଯନ୍ତେ ଦୈବତୈଃ ସହ॥ 1-64-27 (2618)
ନାନାବିଧାନି ଦାନାନି ଦତ୍ତ୍ବାର୍ଥିଭ୍ଯଃ ସୁହୃଜ୍ଜନୈଃ।
ଅଲଙ୍କୃତ୍ବା ମାଲ୍ଯଦାମୈର୍ବସ୍ତ୍ରୈର୍ନାନାବିଧୈସ୍ତଥା॥ 1-64-28 (2619)
ଦୃତିଭିଃ ସଜଲୈଃ ସର୍ବୈଃ କ୍ରୀଡିତ୍ବା ନୃପଶାସନାତ୍।
ସଭାଜଯିତ୍ବା ରାଜାନଂ କୃତ୍ବା ନର୍ମାଶ୍ରଯାଃ କଥାଃ॥ 1-64-29 (2620)
ରମନ୍ତେ ନାଗରାଃ ସର୍ବେ ତଥା ଜାନପଦୈଃ ସହ।
ସୂତାଶ୍ଚ ମାଗଧାଶ୍ଚୈବ ରମନ୍ତେ ନଟନର୍ତକାଃ॥ 1-64-30 (2621)
ପ୍ରୀତ୍ଯା ତୁ ନୃପଶାର୍ଦୂଲ ସର୍ବେ ଚକ୍ରୁର୍ମହୋତ୍ସବମ୍।
ସାନ୍ତଃପୁରଃ ସହାମାତ୍ଯଃ ସର୍ବାଭରଣଭୂଷିତଃ॥ 1-64-31 (2622)
ମହାରଜନବାସାଂସି ବସିତ୍ବା ଚେଦିରାଟ୍ ତଦା।
ଜାତିହିଙ୍ଗୁଲକେନାକ୍ତଃ ସଦାରୋ ମୁମୁଦେ ତଦା॥ 1-64-32 (2623)
ଏବଂ ଜାନପଦାଃ ସର୍ବେ ଚକ୍ରୁରିନ୍ଦ୍ରମହଂ ବସୁଃ॥'
ଯଥା ଚେଦିପତିଃ ପ୍ରୀତଶ୍ଚକାରେନ୍ଦ୍ରମହଂ ବସୁଃ॥' 1-64-33 (2624)
ଏତାଂ ପୂଜାଂ ମହେନ୍ଦ୍ରସ୍ତୁ ଦୃଷ୍ଟ୍ବା ବସୁକୃତାଂ ଶୁଭାମ୍।
`ହରିଭିର୍ବାଜିଭିର୍ଯୁକ୍ତମନ୍ତରିକ୍ଷଗତଂ ରଥମ୍॥ 1-64-34 (2625)
ଆସ୍ଥାଯ ସହ ଶଚ୍ଯା ଚ ବୃତୋ ହ୍ଯପ୍ସରସାଂ ଗଣୈଃ।'
ବସୁନା ରାଜମୁଖ୍ଯେନ ସମାଗମ୍ଯାବ୍ରବୀଦ୍ବଚଃ॥ 1-64-35 (2626)
ଯେ ପୂଜଯିଷ୍ଯନ୍ତି ଚ ମୁଦା ଯଥା ଚେଦିପତିର୍ନୃପଃ।
କାରଯିଷ୍ଯନ୍ତି ଚ ମୁଦା ଯଥା ଚେଦିପତିର୍ନୃପଃ॥ 1-64-36 (2627)
ତେଷାଂ ଶ୍ରୀର୍ବିଜଯଶ୍ଚୈବ ସରାଷ୍ଟ୍ରାଣାଂ ଭବିଷ୍ଯତି।
ତଥା ସ୍ଫୀତୋ ଜନପଦୋ ମୁଦିତଶ୍ଚ ଭବିଷ୍ଯତି॥ 1-64-37 (2628)
`ନିରୀତିକାନି ସସ୍ଯାନି ଭବନ୍ତି ବହୁଧା ନୃପ।
ରାକ୍ଷସାଶ୍ଚ ପିଶାଚାଶ୍ଚ ନ ଲୁମ୍ପନ୍ତେ କଥଂଚନ॥ 1-64-38 (2629)
ବୈଶମ୍ପାଯନ ଉବାଚ।' 1-64-39x (304)
ଏବଂ ମହାତ୍ମନା ତେନ ମହେନ୍ଦ୍ରେଣ ନରାଧିପ।
ବସୁଃ ପ୍ରୀତ୍ଯା ମଘବତା ମହାରାଜୋଽଭିସତ୍କୃତଃ।
ଏବଂ କୃତ୍ବା ମହେନ୍ଦ୍ରସ୍ତୁ ଜଗାମ ସ୍ବଂ ନିବେଶନମ୍॥ 1-64-39 (2630)
ଉତ୍ସବଂ କାରଯିଷ୍ଯନ୍ତି ସଦା ଶକ୍ରସ୍ଯ ଯେ ନରାଃ।
ଭୂମିରତ୍ନାଦିଭିର୍ଦାନୈସ୍ତଥା ପୂଜ୍ଯା ଭବନ୍ତି ତେ।
ବରଦାନମହାଯଜ୍ଞୈସ୍ତଥା ଶକ୍ରୋତ୍ସବେନ ଚ॥ 1-64-40 (2631)
ସଂପୂଜିତୋ ମଘବତା ବସୁଶ୍ଚେଦୀଶ୍ବରୋ ନୃପଃ।
ପାଲଯାମାସ ଧର୍ମେଣ ଚେଦିସ୍ଥଃ ପୃଥିବୀମିମାମ୍॥ 1-64-41 (2632)
ଇନ୍ଦ୍ରପୀତ୍ଯା ଚେଦିପତିଶ୍ଚକାରେନ୍ଦ୍ରମହଂ ବସୁଃ।
ପୁତ୍ରାଶ୍ଚାସ୍ଯ ମହାବୀର୍ଯାଃ ପଞ୍ଚାସନ୍ନମିତୌଜସଃ॥ 1-64-42 (2633)
ନାନାରାଜ୍ଯେଷୁ ଚ ସୁତାନ୍ସ ସମ୍ରାଡଭ୍ଯଷେଚଯତ୍।
ମହାରଥୋ ମାଗଧାନାଂ ବିଶ୍ରୁତୋ ଯୋ ବୃହଦ୍ରଥଃ॥ 1-64-43 (2634)
ପ୍ରତ୍ଯଗ୍ରହଃ କୁଶାମ୍ବଶ୍ଚ ଯମାହୁର୍ମଣିବାହନମ୍।
ମତ୍ସିଲ୍ଲଶ୍ଚ ଯଦୁଶ୍ଚୈବ ରାଜନ୍ଯଶ୍ଚାପରାଜିତଃ॥ 1-64-44 (2635)
ଏତେ ତସ୍ଯ ସୁତା ରାଜନ୍ରାଜର୍ଷେର୍ଭୂରିତେଜସଃ।
ନ୍ଯବେଶଯନ୍ନାମଭିଃ ସ୍ବୈସ୍ତେ ଦେଶାଂଶ୍ଚ ପୁରାଣି ଚ॥ 1-64-45 (2636)
ବାସବାଃ ପଞ୍ଚ ରାଜାନଃ ପୃଥଗ୍ବଂଶାଶ୍ଚ ଶାସ୍ବତାଃ।
ବସନ୍ତମିନ୍ଦ୍ରପ୍ରାସାଦେ ଆକାଶେ ସ୍ଫାଟିକେ ଚ ତମ୍॥ 1-64-46 (2637)
ଉପତସ୍ଥୁର୍ମହାତ୍ମାନଂ ଗନ୍ଧର୍ବାପ୍ସରସୋ ନୃପମ୍।
ରାଜୋପରିଚରେତ୍ଯେବଂ ନାମ ତସ୍ଯାଥ ବିଶ୍ରୁତମ୍॥ 1-64-47 (2638)
ପୁରୋପବାହିନୀଂ ତସ୍ଯ ନଦୀଂ ଶୁକ୍ତମତୀଂ ଗିରିଃ।
ଅରୌତ୍ସୀଚ୍ଚେତନାଯୁକ୍ତଃ କାମାତ୍କୋଲାହଲଃ କିଲ॥ 1-64-48 (2639)
ଗିରିଂ କୋଲାହଲଂ ତଂ ତୁ ପଦା ବସୁରତାଡଯତ୍।
ନିଶ୍ଚକ୍ରାମ ତତସ୍ତେନ ପ୍ରହାରବିବରେଣ ସା॥ 1-64-49 (2640)
ତସ୍ଯାଂ ନଦ୍ଯାଂ ସ ଜନଯନ୍ମିଥୁନଂ ପର୍ବତଃ ସ୍ବଯମ୍।
ତସ୍ମାଦ୍ବିମୋକ୍ଷଣାତ୍ପ୍ରୀତା ନଦୀ ରାଜ୍ଞେ ନ୍ଯବେଦଯତ୍॥ 1-64-50 (2641)
`ମହିଷୀ ଭବିତା କନ୍ଯା ପୁମାନ୍ସେନାପତିର୍ଭବେତ୍।
ଶୁକ୍ତିମତ୍ଯା ବଚଃଶ୍ରୁତ୍ବା ଦୃଷ୍ଟ୍ବା ତୌ ରାଜସତ୍ତମଃ'॥ 1-64-51 (2642)
ଯଃ ପୁମାନଭବତ୍ତତ୍ର ତଂ ସ ରାଜର୍ଷିସତ୍ତମଃ।
ବସୁର୍ବସୁପ୍ରଦଶ୍ଚକ୍ରେ ସେନାପତିମରିନ୍ଦମଃ॥ 1-64-52 (2643)
ଚକାର ପତ୍ନୀଂ କନ୍ଯାଂ ତୁ ତଥା ତାଂ ଗିରିକାଂ ନୃପଃ।
ବସୋଃ ପତ୍ନୀ ତୁ ଗିରିକା କାମକାଲଂ ନ୍ଯବେଦଯତ୍॥ 1-64-53 (2644)
ଋତୁକାଲମନୁପ୍ରାପ୍ତା ସ୍ନାତା ପୁଂସବନେ ଶୁଚିଃ।
ତଦହଃ ପିତରଶ୍ଚୈନପୂଚୁର୍ଜହି ମୃଗାନିତି॥ 1-64-54 (2645)
ତଂ ରାଜସତ୍ତମଂ ପ୍ରୀତାସ୍ତଦା ମତିମତାଂ ବରଃ।
ସ ପିତୄଣାଂ ନିଯୋଗେନ ତାମତିକ୍ରମ୍ଯ ପାର୍ଥିବଃ॥ 1-64-55 (2646)
ଚକାର ମୃଗଯାଂ କାମୀ ଗିରିକାମେବ ସଂସ୍ମରନ୍।
ଅତୀବ ରୂପସଂପନ୍ନାଂ ସାକ୍ଷାଚ୍ଛ୍ରିଯମିବାପରାମ୍॥ 1-64-56 (2647)
ଅଶୋକୈଶ୍ଚମ୍ପକୈଶ୍ଚୂତୈରନେକୈରତିମୁକ୍ତକୈଃ।
ପୁନ୍ନାଗୈଃ କର୍ଣିକାରୈଶ୍ଚ ବକୁଲୈର୍ଦିବ୍ଯପାଟଲୈଃ॥ 1-64-57 (2648)
ପନସୈର୍ନାରିକେଲୈଶ୍ଚ ଚନ୍ଦନୈଶ୍ଚାର୍ଜୁନୈସ୍ତଥା।
ଏତୈ ରମ୍ଯୈର୍ମହାବୃକ୍ଷୈଃ ପୁଣ୍ଯୈଃ ସ୍ବାଦୁଫଲୈର୍ଯୁତମ୍॥ 1-64-58 (2649)
କୋକିଲାକୁଲସନ୍ନାଦଂ ମତ୍ତଭ୍ରମରନାଦିତମ୍।
ବସନ୍ତକାଲେ ତତ୍ପଶ୍ଯନ୍ବନଂ ଚୈତ୍ରରଥୋପମମ୍॥ 1-64-59 (2650)
ମନ୍ମଥାଭିପରୀତାତ୍ମା ନାପଶ୍ଯଦ୍ଗିରିକାଂ ତଦା।
ଅପଶ୍ଯନ୍କାମସଂତପ୍ତଶ୍ଚରମାଣୋ ଯଦୃଚ୍ଛଯା॥ 1-64-60 (2651)
ପୁଷ୍ପସଂଛନ୍ନଶାଖାଗ୍ରଂ ପଲ୍ଲବୈରୁପଶୋଭିତମ୍।
ଅଶୋକସ୍ତବକୈଶ୍ଛନ୍ନଂ ରମଣୀଯମପଶ୍ଯତ॥ 1-64-61 (2652)
ଅଧସ୍ଯାତ୍ତସ୍ଯ ଛାଯାଯାଂ ସୁଖାସୀନୋ ନରାଧିପଃ।
ମଧୁଗନ୍ଧୈଶ୍ଚ ସଂଯୁକ୍ତଂ ପୁଷ୍ପଗନ୍ଧମନୋହରମ୍॥ 1-64-62 (2653)
ବାଯୁନା ପ୍ରେର୍ଯମାଣସ୍ତୁ ଧୂମ୍ରାଯ ମୁଦମନ୍ବଗାତ୍।
`ଭାର୍ଯାଂ ଚିନ୍ତଯମାନସ୍ଯ ମନ୍ମଥାଗ୍ନିରବର୍ଧତ।'
ତସ୍ଯ ରେତଃ ପ୍ରଚସ୍କନ୍ଦ ଚରତୋ ଗହନେ ବନେ॥ 1-64-63 (2654)
ସ୍କନ୍ନମାତ୍ରଂ ଚ ତଦ୍ରେତୋ ବୃକ୍ଷପତ୍ରେଣ ଭୂମିପଃ।
ପ୍ରତିଜଗ୍ରାହ ମିଥ୍ଯା ମେ ନ ପତେଦ୍ରେତ ଇତ୍ଯୁତ॥ 1-64-64 (2655)
`ଅଙ୍ଗୁଲୀଯେନ ଶୁକ୍ଲସ୍ଯ ରକ୍ଷାଂ ଚ ବିଦଧେ ନୃପଃ।
ଅଶୋକସ୍ତବକୈ ରକ୍ତୈଃ ପଲ୍ଲବୈଶ୍ଚାପ୍ଯବନ୍ଧଯତ୍॥' 1-64-65 (2656)
ଇଦଂ ମିଥ୍ଯା ପରିସ୍କନ୍ନଂ ରେତୋ ମେ ନ ଭବେଦିତି।
ଋତୁଶ୍ଚ ତସ୍ଯାଃ ପତ୍ନ୍ଯା ମେ ନ ମୋଘଃ ସ୍ଯାଦିତି ପ୍ରଭୁଃ॥ 1-64-66 (2657)
ସଂଚିନ୍ତ୍ଯୈବଂ ତଦା ରାଜା ବିଚାର୍ଯ ଚ ପୁନଃପୁନଃ।
ଅମୋଘତ୍ବଂ ଚ ବିଜ୍ଞାଯ ରେତସୋ ରାଜସତ୍ତମଃ॥ 1-64-67 (2658)
ଶୁକ୍ରପ୍ରସ୍ଥାପନେ କାଲଂ ମହିଷ୍ଯା ପ୍ରସମୀକ୍ଷ୍ଯ ବୈ।
ଅଭିମନ୍ତ୍ର୍ଯାଥ ତଚ୍ଛୁକ୍ରମାରାତ୍ତିଷ୍ଠନ୍ତମାଶୁଗମ୍॥ 1-64-68 (2659)
ସୂକ୍ଷ୍ମଧର୍ମାର୍ଥତତ୍ତ୍ବଜ୍ଞୋ ଗତ୍ବା ଶ୍ଯେନଂ ତତୋଽବ୍ରବୀତ୍।
ମତ୍ପ୍ରିଯାର୍ଥମିଦଂ ସୌମ୍ଯ ଶୁକ୍ରଂ ମମ ଗୃହଂ ନଯ॥ 1-64-69 (2660)
ଗିରିକାଯାଃ ପ୍ରଯଚ୍ଛାଶୁ ତସ୍ଯା ହ୍ଯାର୍ତବମଦ୍ଯ ବୈ। 1-64-70 (2661)
ବୈଶମ୍ପାଯନ ଉବାଚ।
ଗୃହୀତ୍ବା ତତ୍ତଦା ଶ୍ଯେନସ୍ତୂର୍ଣମୁତ୍ପତ୍ଯ ବେଗବାନ୍॥ 1-64-70x (305)
ଜବଂ ପରମମାସ୍ଥାଯ ପ୍ରଦୁଦ୍ରାବ ବିହଂଗମଃ।
ତମପଶ୍ଯଦଥାଯାନ୍ତଂ ଶ୍ଯେନଂ ଶ୍ଯେନସ୍ତଥାଽପରଃ॥ 1-64-71 (2662)
ଅଭ୍ଯଦ୍ରବଚ୍ଚ ତଂ ସଦ୍ଯୋ ଦୃଷ୍ଟ୍ବୈବାମିଷଶଙ୍କଯା।
ତୁଣ୍ଡଯୁଦ୍ଧମଥାକାଶେ ତାବୁଭୌ ସଂପ୍ରଚକ୍ରତୁଃ॥ 1-64-72 (2663)
ଯୁଦ୍ଧ୍ଯତୋରପତଦ୍ରେତସ୍ତଚ୍ଚାପି ଯମୁନାମ୍ଭସି।
ତତ୍ରାଦ୍ରିକେତି ବିଖ୍ଯାତା ବ୍ରହ୍ମଶାପାଦ୍ବରାପ୍ସରା॥ 1-64-73 (2664)
ମୀନଭାବମନୁପ୍ରାପ୍ତା ବଭୂବ ଯମୁନାଚରୀ।
ଶ୍ଯେନପାଦପରିଭ୍ରଷ୍ଟଂ ତଦ୍ବୀର୍ଯମଥ ବାସବମ୍॥ 1-64-74 (2665)
ଜଗ୍ରାହ ତରସୋପେତ୍ଯ ସାଽଦ୍ରିକା ମତ୍ସ୍ଯରୂପିଣୀ।
କଦାଚିଦପି ମତ୍ସୀଂ ତାଂ ବବନ୍ଧୁର୍ମତ୍ସ୍ଯଜୀବିନଃ॥ 1-64-75 (2666)
ମାସେ ଚ ଦଶମେ ପ୍ରାପ୍ତେ ତଦା ଭରତସତ୍ତମ॥
ଉଜ୍ଜହ୍ରୁରୁଦରାତ୍ତସ୍ଯାଃ ସ୍ତ୍ରୀଂ ପୁମାଂସଂ ଚ ମାନୁଷୌ॥ 1-64-76 (2667)
ଆଶ୍ଚର୍ଯଭୂତଂ ତଦ୍ଗତ୍ବା ରାଜ୍ଞେଽଥ ପ୍ରତ୍ଯବେଦଯନ୍।
କାଯେ ମତ୍ସ୍ଯା ଇମୌ ରାଜନ୍ସଂଭୂତୌ ମାନୁଷାବିତି॥ 1-64-77 (2668)
ତଯୋଃ ପୁମାଂସଂ ଜଗ୍ରାହ ରାଜୋପରିଚରସ୍ତଦା।
ସ ମତ୍ସ୍ଯୋ ନାମ ରାଜାସୀଦ୍ଧାର୍ମିକଃ ସତ୍ଯସଙ୍ଗରଃ॥ 1-64-78 (2669)
ସାଽପ୍ସରା ମୁକ୍ତଶାପା ଚ କ୍ଷଣେନ ସମପଦ୍ଯତ।
ଯା ପୁରୋକ୍ତା ଭଗବତା ତିର୍ଯଗ୍ଯୋନିଗତା ଶୁଭା॥ 1-64-79 (2670)
ମାନୁଷୌ ଜନଯିତ୍ବା ତ୍ବଂ ଶାପମୋକ୍ଷମବାପ୍ସ୍ଯସି।
ତତଃ ସାଜନଯିତ୍ବା ତୌ ବିଶସ୍ତା ମତ୍ସ୍ଯଘାତିଭିଃ॥ 1-64-80 (2671)
ସଂତ୍ଯଜ୍ଯ ମତ୍ସ୍ଯରୂପଂ ସା ଦିବ୍ଯଂ ରୂପମବାପ୍ଯ ଚ।
ସିଦ୍ଧର୍ଷିଚାରଣପଥଂ ଜଗାମାଥ ବରାପ୍ସରାଃ॥ 1-64-81 (2672)
ସା କନ୍ଯା ଦୁହିତା ତସ୍ଯା ମତ୍ସ୍ଯା ମତ୍ସ୍ଯସଗନ୍ଧିନୀ।
ରାଜ୍ଞା ଦତ୍ତା ଚ ଦାଶାଯ କନ୍ଯେଯଂ ତେ ଭବତ୍ବିତି॥ 1-64-82 (2673)
ରୂପସତ୍ବସମାଯୁକ୍ତା ସର୍ବୈଃ ସମୁଦିତା ଗୁଣୈଃ।
ସା ତୁ ସତ୍ଯବତୀ ନାମ ମତ୍ସ୍ଯଘାତ୍ଯଭିସଂଶ୍ରଯାତ୍॥ 1-64-83 (2674)
ଆସୀତ୍ସା ମତ୍ସ୍ଯଗନ୍ଧୈବ କଂଚିତ୍କାଲଂ ଶୁଚିସ୍ମିତା।
ଶୁଶ୍ରୂଷାର୍ଥଂ ପିତୁର୍ନାବଂ ବାହଯନ୍ତୀଂ ଜଲେ ଚ ତାମ୍॥ 1-64-84 (2675)
ତୀର୍ଥଯାତ୍ରାଂ ପରିକ୍ରାମନ୍ନପଶ୍ଯଦ୍ବୈ ପରାଶରଃ।
ଅତୀବ ରୂପସଂପନ୍ନାଂ ସିଦ୍ଧାନାମପି କାଙ୍କ୍ଷିତାମ୍॥ 1-64-85 (2676)
ଦୃଷ୍ଟ୍ବୈବ ସ ଚ ତାଂ ଧୀମାଂଶ୍ଚକମେ ଚାରୁହାସିନୀମ୍।
ଦିବ୍ଯାଂ ତାଂ ବାସବୀଂ କନ୍ଯାଂ ରମ୍ଭୋରୂଂ ମୁନିପୁଙ୍ଗବଃ॥ 1-64-86 (2677)
ସଂଭବଂ ଚିନ୍ତଯିତ୍ବା ତାଂ ଜ୍ଞାତ୍ବା ପ୍ରୋବାଚ ଶକ୍ତିଜଃ।
କ୍ବ କର୍ଣଧାରୋ ନୌର୍ଯେନ ନୀଯତେ ବ୍ରୂହି ଭାମିନି॥ 1-64-87 (2678)
ମତ୍ସ୍ଯଗନ୍ଧୋବାଚ। 1-64-88x (306)
ଅନପତ୍ଯସ୍ଯ ଦାଶସ୍ଯ ସୁତା ତତ୍ପ୍ରିଯକାମ୍ଯଯା।
ସହସ୍ରଜନସଂପନ୍ନା ନୌର୍ମଯା ବାହ୍ଯତେ ଦ୍ବିଜ॥ 1-64-88 (2679)
ପରାଶର ଉବାଚ। 1-64-89x (307)
ଶୋଭନଂ ବାସବି ଶୁଭେ କିଂ ଚିରାଯସି ବାହ୍ଯତାମ୍।
କଲଶଂ ଭବିତା ଭଦ୍ରେ ସହସ୍ରାର୍ଧେନ ସଂମିତମ୍॥ 1-64-89 (2680)
ଅହଂ ଶେଷୋ ଭିବିଷ୍ଯାମି ନୀଯତାମଚିରେଣ ବୈ। 1-64-90 (2681)
ବୈଶମ୍ପାଯନ ଉବାଚ।
ମତ୍ସ୍ଯଗନ୍ଧା ତଥେତ୍ଯୁକ୍ତ୍ବା ନାବଂ ବାହଯତାଂ ଜଲେ॥ 1-64-90x (308)
ବୀକ୍ଷମାଣଂ ମୁନିଂ ଦୃଷ୍ଟ୍ବା ପ୍ରୋବାଚେଦଂ ବଚସ୍ତଦା।
ମତ୍ସ୍ଯଗନ୍ଧେତି ମାମାହୁର୍ଦାଶରାଜସୁତାଂ ଜନାଃ॥ 1-64-91 (2682)
ଜନ୍ମ ଶୋକାଭିତପ୍ତାଯାଃ କଥଂ ଜ୍ଞାସ୍ଯସି କଥ୍ଯତାମ୍। 1-64-92 (2683)
ପରାଶର ଉବାଚ।
ଦିବ୍ଯଜ୍ଞାନେନ ଦୃଷ୍ଟଂ ହି ଦୃଷ୍ଟମାତ୍ରେଣ ତେ ବପୁଃ॥ 1-64-92x (309)
ପ୍ରଣଯଗ୍ରହଣାର୍ଥାଯ ବକ୍ଷ୍ଯେବ ବାସବି ତଚ୍ଛୃଣୁ।
ବର୍ହିଷଦ ଇତି ଖ୍ଯାତାଃ ପିତରଃ ସୋମପାସ୍ତୁତେ॥ 1-64-93 (2684)
ତେଷାଂ ତ୍ବଂ ମାନସୀ କନ୍ଯା ଅଚ୍ଛୋଦା ନାମ ବିଶ୍ରୁତା।
ଅଚ୍ଛୋଦଂ ନାମ ତଦ୍ଦିବ୍ଯଂ ସରୋ ଯସ୍ମାତ୍ସମୁତ୍ଥିତମ୍॥ 1-64-94 (2685)
ତ୍ବଯା ନ ଦୃଷ୍ଟପୂର୍ବାସ୍ତୁ ପିତରସ୍ତେ କଦାଚନ।
ସଂଭୂତା ମନସା ତେଷାଂ ପିତୄନ୍ସ୍ବାନ୍ନାଭିଜାନତୀ॥ 1-64-95 (2686)
ସା ତ୍ବନ୍ଯଂ ପିତରଂ ବବ୍ରେ ସ୍ବାନତିକ୍ରମ୍ଯ ତାନ୍ପିତୄନ୍।
ନାମ୍ନା ବସୁରିତି ଖ୍ଯାତଂ ମନୁପୁତ୍ରଂ ଦିବି ସ୍ଥିତମ୍॥ 1-64-96 (2687)
ଅଦ୍ରିକାଽପ୍ସରସା ଯୁକ୍ତଂ ବିମାନେ ଦିବି ବିଷ୍ଠିତମ୍।
ସା ତେନ ବ୍ଯଭିଚାରେଣ ମନସା କାମଚାରିଣୀ॥ 1-64-97 (2688)
ପିତରଂ ପ୍ରାର୍ଥଯିତ୍ବାଽନ୍ଯଂ ଯୋଗାଦ୍ଭଷ୍ଟା ପପାତ ସା।
ଅପଶ୍ଯତ୍ପତମାନା ସା ବିମାନତ୍ରଯମନ୍ତିକାତ୍॥ 1-64-98 (2689)
ତ୍ରସରେଣୁପ୍ରମାଣାଂସ୍ତାଂସ୍ତତ୍ରାପଶ୍ଯତ୍ସ୍ବକାନ୍ପିତୄନ୍।
ସୁସୂକ୍ଷ୍ମାନପରିବ୍ଯକ୍ତାନଙ୍ଗୈରଙ୍ଗେଷ୍ବିବାହିତାନ୍॥ 1-64-99 (2690)
ତାତେତି ତାନୁବାଚାର୍ତା ପତନ୍ତୀ ସା ହ୍ଯଧୋମୁଖୀ।
ତୈରୁକ୍ତା ସା ତୁ ମାଭୈଷୀସ୍ତେନ ସା ସଂସ୍ଥିତା ଦିବି॥ 1-64-100 (2691)
ତତଃ ପ୍ରସାଦଯାମାସ ସ୍ବାନ୍ପିତୄନ୍ଦୀନଯା ଗିରା।
ତାମୂଚୁଃ ପିତରଃ କନ୍ଯାଂ ଭ୍ରୈଷ୍ଟଶ୍ବର୍ଯାଂ ବ୍ଯତିକ୍ରମାତ୍॥ 1-64-101 (2692)
ଭ୍ରଷ୍ଟୈଶ୍ବର୍ଯା ସ୍ବଦୋଷେଣ ପତସି ତ୍ବଂ ଶୁଚିସ୍ମିତେ।
ଯୈରାରଭନ୍ତେ କର୍ମାଣି ଶରୀରୈରିହ ଦେବତାଃ॥ 1-64-102 (2693)
ତୈରେବ ତତ୍କର୍ମଫଲଂ ପ୍ରାପ୍ନୁବନ୍ତି ସ୍ମ ଦେବତାଃ।
ମନୁଷ୍ଯାସ୍ତ୍ବନ୍ଯଦେହେନ ଶୁଭାଶୁଭମିତି ସ୍ଥିତିଃ॥ 1-64-103 (2694)
ସଦ୍ଯଃ ଫଲନ୍ତି କର୍ମାଣି ଦେବତ୍ବେ ପ୍ରେତ୍ଯ ମାନୁଷେ।
ତସ୍ମାତ୍ତ୍ବଂ ପତସେ ପୁତ୍ରି ପ୍ରେତ୍ଯତ୍ବଂ ପ୍ରାପ୍ସ୍ଯସେ ଫଲମ୍॥ 1-64-104 (2695)
ପିତୃହୀନା ତୁ କନ୍ଯା ତ୍ବଂ ବସୋର୍ହି ତ୍ବଂ ସୁତା ମତା।
ମତ୍ସ୍ଯଯୋନୌ ସମୁତ୍ପନ୍ନା ସୁତାରାଜ୍ଞୋ ଭବିଷ୍ଯସି॥ 1-64-105 (2696)
ଅଦ୍ରିକା ମତ୍ସ୍ଯରୂପାଽଭୂଦ୍ଗଙ୍ଗାଯମନୁସଙ୍ଗମେ।
ପରାଶରସ୍ଯ ଦାଯାଦଂ ତ୍ବଂ ପୁତ୍ରଂ ଜନଯିଷ୍ଯସି॥ 1-64-106 (2697)
ଯୋ ବେଦମେକଂ ବ୍ରହ୍ମର୍ଷିଶ୍ଚତୁର୍ଧା ବିବଜିଷ୍ଯତି।
ମହାଭିଷକ୍ସୁତସ୍ଯୈବ ଶନ୍ତନୋଃ କୀର୍ତିବର୍ଧନମ୍॥ 1-64-107 (2698)
ଜ୍ଯେଷ୍ଠଂ ଚିତ୍ରାଙ୍ଗଦଂ ବୀରଂ ଚିତ୍ରବୀରଂ ଚ ବିଶ୍ରୁତମ୍।
ଏତାନ୍ସୂତ୍ବା ସୁପୁତ୍ରାଂସ୍ତ୍ବଂ ପୁନରେବ ଗମିଷ୍ଯସି॥ 1-64-108 (2699)
ବ୍ଯତିକ୍ରମାତ୍ପିତୄଣାଂ ଚ ପ୍ରାପ୍ସ୍ଯସେ ଜନ୍ମ କୁତ୍ସିତମ୍।
ଅସ୍ଯୈବ ରାଜ୍ଞସ୍ତ୍ବଂ କନ୍ଯା ହ୍ଯଦ୍ରିକାଯାଂ ଭବିଷ୍ଯସି॥ 1-64-109 (2700)
ଅଷ୍ଟାବିଂଶେ ଭବିତ୍ରୀ ତ୍ବଂ ଦ୍ବାପରେ ମତ୍ସ୍ଯଯୋନିଜା।
ଏବମୁକ୍ତା ପୁରା ତୈସ୍ତ୍ବଂ ଜାତା ସତ୍ଯବତୀ ଶୁଭା॥ 1-64-110 (2701)
ଅଦ୍ରିକେତ୍ଯଭିବିଖ୍ଯାତା ବ୍ରହ୍ମଶାପାଦ୍ବରାପ୍ସରା।
ମୀନଭାବମନୁପ୍ରାପ୍ତା ତ୍ବଂ ଜନିତ୍ବା ଗତା ଦିବମ୍॥ 1-64-111 (2702)
ତସ୍ଯାଂ ଜାତାସି ସା କନ୍ଯା ରାଜ୍ଞୋ ବୀର୍ଯେଣ ଚୈବହି।
ତସ୍ମାଦ୍ବାସବି ଭଦ୍ରଂ ତେ ଯାଚେ ବଂଶକରଂ ସୁତମ୍॥ 1-64-112 (2703)
ସଂଗମଂ ମମ କଲ୍ଯାଣି କୁରୁଷ୍ବେତ୍ଯଭ୍ଯଭାଷତ॥ 1-64-113 (2704)
ବୈଶମ୍ପାଯନ ଉବାଚ। 1-64-114x (310)
ବିସ୍ମଯାବିଷ୍ଟସର୍ବାଙ୍ଗୀ ଜାତିସ୍ମରଣତାଂ ଗତା।
ସାବ୍ରବୀତ୍ପଶ୍ଯ ଭଗବନ୍ପରପାରେ ସ୍ଥିତାନୃଷୀନ୍॥ 1-64-114 (2705)
ଆବଯୋର୍ଦୃଷ୍ଟଯୋରେଭିଃ କଥଂ ନୁ ସ୍ଯାତ୍ସମାଗମଃ।
ଏବଂ ତଯୋକ୍ତୋ ଭଗବାନ୍ନୀହାରମସୃଜତ୍ପ୍ରଭୁଃ॥ 1-64-115 (2706)
ଯେନ ଦେଶଃ ସ ସର୍ବସ୍ତୁ ତମୋଭୂତ ଇବାଭବତ୍।
ଦୃଷ୍ଟ୍ବା ସୃଷ୍ଟଂ ତୁ ନୀହାରଂ ତତସ୍ତଂ ପରମର୍ଷିଣା॥ 1-64-116 (2707)
ବିସ୍ମିତା ସାଭବତ୍କନ୍ଯା ବ୍ରୀଡିତା ଚ ତପସ୍ବିନୀ। 1-64-117 (2708)
ସତ୍ଯବତ୍ଯୁବାଚ।
ବିଦ୍ଧି ମାଂ ଭଗବନ୍କନ୍ଯାଂ ସଦା ପିତୃବଶାନୁଗାମ୍॥ 1-64-117x (311)
ତ୍ବତ୍ସଂଯୋଗାଚ୍ଚ ଦୁଷ୍ଯେତ କନ୍ଯାଭାବୋ ମମାଽନଘ।
କନ୍ଯାତ୍ବେ ଦୂଷିତେ ବାପି କଥଂ ଶକ୍ଷ୍ଯେ ଦ୍ବିଜୋତ୍ତମ॥ 1-64-118 (2709)
ଗୃହ ଗନ୍ତୁମୁଷେ ଚାହଂ ଧୀମନ୍ନ ସ୍ଥାତୁମୁତ୍ସହେ।
ଏତତ୍ସଂଚିନ୍ତ୍ଯ ଭଗବନ୍ବିଧତ୍ସ୍ବ ଯଦନନ୍ତରମ୍॥ 1-64-119 (2710)
ବୈଶମ୍ପାଯନ ଉବାଚ। 1-64-119x (312)
ଏବମୁକ୍ତବତୀଂ ତୀଂ ତୁ ପ୍ରୀତିମାନୁଷିସତ୍ତମଃ।
ଉବାଚ ମତ୍ପ୍ରିଯଂ କୃତ୍ବା କନ୍ଯୈବ ତ୍ବଂ ଭବିଷ୍ଯତି॥ 1-64-120 (2711)
ବୃଣୀଷ୍ବ ଚ ବରଂ ଭୀରୁଂ ଯଂ ତ୍ବମିଚ୍ଛସି ଭାମିନି।
ବୃଥା ହି ନ ପ୍ରସାଦୋ ମେ ଭୂତପୂର୍ବଃ ଶୁଚିସ୍ମିତେ॥ 1-64-121 (2712)
ଏବମୁକ୍ତା ବରଂ ବବ୍ରେ ଗାତ୍ରସୌଗନ୍ଧ୍ଯମୁତ୍ତମମ୍।
ସଚାସ୍ଯୈ ଭଗବାନ୍ପ୍ରାଦାନ୍ମନଃ କାଙ୍କ୍ଷିତଂ ପ୍ରଭୁଃ॥ 1-64-122 (2713)
ତତୋ ଲବ୍ଧବରା ପ୍ରୀତା ସ୍ତ୍ରୀଭାବଗୁଣଭୂଷିତା।
ଜଗାମ ସହ ସଂସର୍ଗମୃଷିଣାଽଦ୍ଭୁତକର୍ମଣା॥ 1-64-123 (2714)
ତେନ ଗନ୍ଧବତୀତ୍ଯେବଂ ନାମାସ୍ଯାଃ ପ୍ରଥିତଂ ଭୁବି।
ତସ୍ଯାସ୍ତୁ ଯୋଜନାଦ୍ଗନ୍ଧମାଜିଘ୍ରନ୍ତ ନରା ଭୁବି॥ 1-64-124 (2715)
ତସ୍ଯା ଯୋଜନଗନ୍ଧେତି ତତୋ ନାମାପରଂ ସ୍ମୃତମ୍।
ଇତି ସତ୍ଯବତୀ ହୃଷ୍ଟା ଲବ୍ଧ୍ବା ବରମନୁତ୍ତମମ୍॥ 1-64-125 (2716)
ପରାଶରେଣ ସଂଯୁକ୍ତା ସଦ୍ଯୋ ଗର୍ଭଂ ସୁଷାବ ସା।
ଜଜ୍ଞେ ଚ ଯମୁନାଦ୍ବୀପେ ପାରାଶର୍ଯଃ ସ ବୀର୍ଯବାନ୍॥ 1-64-126 (2717)
ସ ମାତରମନୁଜ୍ଞାପ୍ଯ ତପସ୍ଯେବ ମନୋ ଦଧେ।
ସ୍ମୃତୋଽହଂ ଦର୍ଶଯିଷ୍ଯାମି କୃତ୍ଯେଷ୍ବିତି ଚ ସୋଽବ୍ରବୀତ୍॥ 1-64-127 (2718)
ଏବଂ ଦ୍ବୈପାଯନୋ ଜଜ୍ଞେ ସତ୍ଯବତ୍ଯାଂ ପରାଶରାତ୍।
ନ୍ଯସ୍ତୋଦ୍ବୀପେ ଯଦ୍ବାଲସ୍ତସ୍ମାଦ୍ଦ୍ବୈପାଯନଃସ୍ମୃତଃ॥ 1-64-128 (2719)
ପାଦାପସାରିଣଂ ଧର୍ମଂ ସ ତୁ ବିଦ୍ବାନ୍ଯୁଗେ ଯୁଗେ।
ଆଯୁଃ ଶକ୍ତିଂ ଚ ମର୍ତ୍ଯାନାଂ ଯୁଗାବସ୍ଥାମବେକ୍ଷ୍ଯଚ॥ 1-64-129 (2720)
ବ୍ରହ୍ମଣୋ ବ୍ରାହ୍ମଣାନାଂ ଚ ତଥାନୁଗ୍ରହକାଙ୍କ୍ଷଯା।
ବିବ୍ଯାସ ବେଦାନ୍ଯସ୍ମତ୍ସ ତସ୍ମାଦ୍ବ୍ଯାସ ଇତି ସ୍ମୃତଃ॥ 1-64-130 (2721)
ବେଦାନଧ୍ଯାପଯାମାସ ମହାଭାରତପଞ୍ଚମାନ୍।
ସୁମନ୍ତୁଂ ଜୈମିନିଂ ପୈଲଂ ଶୁକଂ ଚୈବ ସ୍ବମାତ୍ମଜମ୍॥ 1-64-131 (2722)
ପ୍ରଭୁର୍ବରିଷ୍ଠୋ ବରଦୋ ବୈଶମ୍ପାଯନମେବ ଚ।
ସଂହିତାସ୍ତୈଃ ପୃଥକ୍ତ୍ବେନ ଭାରତସ୍ଯ ପ୍ରକାଶିତାଃ॥ 1-64a-1a [ତତୋ ରମ୍ଯେ ବନୋଦ୍ଦେଶେ ଦିବ୍ଯାସ୍ତରଣସଂଯୁତେ। 1-64a-1b ବୀରାସନମୁପାସ୍ଥାଯ ଯୋଗୀ ଧ୍ଯାନପରୋଽଭବତ୍॥ 1-64a-2a ଶ୍ବେତପଟ୍ଟଗୃହେ ରମ୍ଯେ ପର୍ଯଙ୍କେ ସୋତ୍ତରଚ୍ଛଦେ। 1-64a-2b ତୂଷ୍ଣୀଂଭୂତାଂ ତଦା କନ୍ଯାଂ ଜ୍ବଲନ୍ତୀଂ ଯୋଗତେଜସା॥ 1-64a-3a ଦୃଷ୍ଟ୍ବା ତାଂ ତୁ ସମାଧାଯ ବିଚାର୍ଯ ଚ ପୁନଃ ପୁନଃ। 1-64a-3b ସ ଚିନ୍ତଯାମାସ ମୁନିଃ କିଂ କୃତଂ ସୁକୃତଂ ଭବେତ୍॥ 1-64a-4a ଶିଷ୍ଟାନାଂ ତୁ ସମାଚାରଃ ଶିଷ୍ଟାଚାର ଇତି ସ୍ମୃତଃ। 1-64a-4b ଶ୍ରୁତିସ୍ମୃତିବିଦୋ ବିପ୍ରା ଧର୍ମଜ୍ଞା ଜ୍ଞାନିନଃ ସ୍ମୃତାଃ॥ 1-64a-5a ଧର୍ମଜ୍ଞୈର୍ବିହିତୋ ଧର୍ମଃ ଶ୍ରୌତଃ ସ୍ମାର୍ତୋ ଦ୍ବିଧା ଦ୍ବିଜୈଃ। 1-64a-5b ଦାନାଗ୍ନିହୋତ୍ରମିଜ୍ଯା ଚ ଶ୍ରୌତସ୍ଯୈତଦ୍ଧି ଲକ୍ଷଣମ୍॥ 1-64a-6a ସ୍ମାର୍ତୋ ବର୍ଣାଶ୍ରମାଚାରୋ ଯମୈଶ୍ଚ ନିଯମୈର୍ଯୁତଃ। 1-64a-6b ଧର୍ମେ ତୁ ଧାରଣେ ଧାତୁଃ ସହତ୍ବେ ଚାପି ପଠ୍ଯତେ॥ 1-64a-7a ତତ୍ରେଷ୍ଟଫଲଭାଗ୍ଧର୍ମ ଆଚାର୍ଯୈରୁପଦିଶ୍ଯତେ। 1-64a-7b ଅନିଷ୍ଟଫଲଭାକ୍ରେତି ତୈରଧର୍ମୋଽପି ଭାଷ୍ଯତେ॥ 1-64a-8a ତସ୍ମାଦିଷ୍ଟଫଲାର୍ଥାଯ ଧର୍ମମେବ ସମାଶ୍ରଯେତ୍। 1-64a-8b ବ୍ରାହ୍ମୋ ଦୈବସ୍ତଥୈବାର୍ଷଃ ପ୍ରାଜାପତ୍ଯଶ୍ଚ ଧାର୍ମିକଃ॥ 1-64a-9a ବିବାହା ବ୍ରାହ୍ମଣାନାଂ ତୁ ଗାନ୍ଧର୍ବୋ ନୈବ ଧାର୍ମିକଃ। 1-64a-9b ତ୍ରିବର୍ଣେତରଜାତୀନାଂ ଗାନ୍ଧର୍ବାସୁରରାକ୍ଷସାଃ॥ 1-64a-10a ପୈଶାଚୋ ନୈବ କର୍ତବ୍ଯଃ ପୈଶାଚଶ୍ଚାଷ୍ଟମୋଽଧମଃ। 1-64a-10b ସାମର୍ଷାଂ ବ୍ଯଙ୍ଗିକାଂ କନ୍ଯାଂ ମାତୁଶ୍ଚ କୁଲଜାଂ ତଥା॥ 1-64a-11a ବୃଦ୍ଧାଂ ପ୍ରବ୍ରାଜିତାଂ ବନ୍ଧ୍ଯାଂ ପତିତାଂ ଚ ରଜସ୍ବଲାମ୍। 1-64a-11b ଅପସ୍ମାରକୁଲେ ଜାତାଂ ପିଙ୍ଗଲାଂକୁଷ୍ଠିନୀଂ ବ୍ରଣୀମ୍॥ 1-64a-12a ନ ଚାସ୍ନାତାଂ ସ୍ତ୍ରିଯଂ ଗଚ୍ଛେଦିତି ଧର୍ମାନୁଶାସନମ୍। 1-64a-12b ପିତା ପିତାମହୋ ଭ୍ରାତା ମାତା ମାତୁଲ ଏବ ଚ॥ 1-64a-13a ଉପାଧ୍ଯାଯର୍ତ୍ବିଜଶ୍ଚୈବ କନ୍ଯାଦାନେ ପ୍ରଭୂତ୍ତମାଃ। 1-64a-13b ଏତୈର୍ଦତ୍ତାଂ ନିଷେବେତ ନାଦତ୍ତାମାଦଦୀତ ଚ॥ 1-64a-14a ଇତ୍ଯେବ ଋଷଯଃ ପ୍ରାହୁର୍ବିବାହେ ଧର୍ମବିତ୍ତମାଃ। 1-64a-14b ଅସ୍ଯା ନାସ୍ତି ପିତା ଭ୍ରାତା ମାତା ମାତୁଲ ଏବ ଚ॥ 1-64a-15a ଗାନ୍ଧର୍ବେଣ ବିବାହେନ ନ ସ୍ପୃଶାମି ଯଦୃଚ୍ଛଯା। 1-64a-15b କ୍ରିଯାହୀନଂ ତୁ ଗାନ୍ଧର୍ବଂ ନ କର୍ତବ୍ଯମନାପଦି॥ 1-64a-16a ଯଦସ୍ଯାଂ ଜାଯତେ ପୁତ୍ରୋ ବେଦବ୍ଯାସୋ ଭବେଦୃଷିଃ। 1-64a-16b କ୍ରିଯାହୀନଃ କଥଂ ବିପ୍ରୋ ଭବେଦୃଷିରୁଦାରଧୀଃ॥ 1-64a-17x ବୈଶମ୍ପାଯନ ଉବାଚ। 1-64a-17a ଏବଂ ଚିନ୍ତଯତୋ ଭାବଂ ମହର୍ଷେର୍ଭାବିତାତ୍ମନଃ। 1-64a-17b ଜ୍ଞାତ୍ବା ଚୈବାଭ୍ଯବର୍ତନ୍ତ ପିତରୋ ବର୍ହିଷସ୍ତଦା॥ 1-64a-18a ତସ୍ମିନ୍କ୍ଷଣେ ବ୍ରହ୍ମପୁତ୍ରୋ ବସିଷ୍ଠୋଽପି ସମେଯିବାନ୍। 1-64a-18b ପୂର୍ବଂ ସ୍ବାଗତମିତ୍ଯୁକ୍ତ୍ବା ବସିଷ୍ଠଃ ପ୍ରତ୍ଯଭାଷତ॥ 1-64a-19x ପିତୃଗଣା ଊଚୁଃ। 1-64a-19a ଅସ୍ମାକଂ ମାନସୀଂ କନ୍ଯାମସ୍ମଚ୍ଛାପେନ ବାସବୀମ୍। 1-64a-19b ଯଦିଚଚ୍ଛଶି ପୁତ୍ରାର୍ଥଂ କନ୍ଯାଂ ଗୃହ୍ମୀଷ୍ବମା ଚିରମ୍॥ 1-64a-20a ପିତୄଣାଂ ବଚନଂ ଶ୍ରୁତ୍ବା ବସିଷ୍ଠଃ ପ୍ରତ୍ଯଭାଷତ। 1-64a-20b ମହର୍ଷୀଣାଂ ବଚଃ ସତ୍ଯଂ ପୁରାଣେପି ମଯା ଶ୍ରୁତମ୍॥ 1-64a-21a ପରାଶରୋ ବ୍ରହ୍ମଚାରୀ ପ୍ରଜାର୍ଥୀ ମମ ବଂଶଧୃତ୍। 1-64a-21b ଏବଂ ସଂଭାଷମାଣେ ତୁ ବସିଷ୍ଠେ ପିତୃଭିଃ ସହ॥ 1-64a-22a ଋଷଯୋଽଭ୍ଯାଗମଂସ୍ତତ୍ର ନୈମିଶାରଣ୍ଯବାସିନଃ। 1-64a-22b ବିବାହଂ ଦ୍ରଷ୍ଟୁମିଚ୍ଛନ୍ତଃ ଶକ୍ତିପୁତ୍ରସ୍ଯ ଧୀମତଃ॥ 1-64a-23a ଅରୁନ୍ଧତୀ ମହାଭାଗା ଅଦୃଶ୍ଯନ୍ତ୍ଯା ସହୈବ ସା। 1-64a-23b ବିଶ୍ବକର୍ମକୃତାଂ ଦିବ୍ଯାଂ ପର୍ଣଶାଲାଂ ପ୍ରବିଶ୍ଯ ସା॥ 1-64a-24a ବୈବାହିକାଂସ୍ତୁ ସଂଭାରାନ୍ସଂକଲ୍ପ୍ଯ ଚ ଯଥାକ୍ରମମ୍। 1-64a-24b ଅରୁନ୍ଧତୀ ସତ୍ଯବତୀଂ ବଧୂଂ ସଂଗୃହ୍ଯ ପାଣିନା॥ 1-64a-25a ଭଦ୍ରାସନେ ପ୍ରତିଷ୍ଠାପ୍ଯ ଇନ୍ଦ୍ରାଣୀଂ ସମକଲ୍ପଯତ୍। 1-64a-25b ଆପୂର୍ଯମାଣପକ୍ଷେ ତୁ ବୈଶାଖେ ସୋମଦୈବତେ॥ 1-64a-26a ଶୁଭଗ୍ରହେ ତ୍ରଯୋଦଶ୍ଯାଂ ମୁହୂର୍ତେ ମୈତ୍ର ଆଗତେ। 1-64a-26b ବିବାହକାଲ ଇତ୍ଯୁକ୍ତ୍ବା ବସିଷ୍ଠୋ ମୁନିଭିଃ ସହ॥ 1-64a-27a ଯମୁନାଦ୍ବୀପମାସାଦ୍ଯ ଶିଷ୍ଯୈଶ୍ଚ ମୁନିପଙ୍କ୍ତିଭିଃ। 1-64a-27b ସ୍ଥଣ୍ଡିଲଂ ଚତୁରଶ୍ରଂ ଚ ଗୋମଯେନୋପଲିପ୍ଯ ଚ॥ 1-64a-28a ଅକ୍ଷତୈଃ ଫଲପୁଷ୍ପୈଶ୍ଚ ସ୍ବସ୍ତିକୈରାମ୍ରପଲ୍ଲବୈଃ। 1-64a-28b ଜଲପୂର୍ଣଘଟୈଶ୍ଚୈବ ସର୍ବତଃ ପରିଶୋଭିତମ୍॥ 1-64a-29a ତସ୍ଯ ମଧ୍ଯେ ପ୍ରତିଷ୍ଠାପ୍ଯ ବୃସ୍ଯାଂ ମୁନିବରଂ ତଦା। 1-64a-29b ସିଦ୍ଧାର୍ଥଯବକଲ୍କୈଶ୍ଚ ସ୍ନାତଂ ସର୍ବୌଷଧୈରପି॥ 1-64a-30a କୃତ୍ବାର୍ଜୁନାନି ବସ୍ତ୍ରାଣି ପରିଧାପ୍ଯ ମହାମୁନିମ୍। 1-64a-30b ବାଚଯିତ୍ବା ତୁ ପୁଣ୍ଯାହମକ୍ଷତୈସ୍ତୁ ସମର୍ଚିତଃ॥ 1-64a-31a ଗନ୍ଧାନୁଲିପ୍ତଃ ସ୍ରଗ୍ବୀ ଚ ସପ୍ରତୋଦୋ ବଧୂଗୃହେ। 1-64a-31b ଅପଦାତିସ୍ତତୋ ଗତ୍ବା ବଧୂଜ୍ଞାତିଭିରର୍ଚିତଃ॥ 1-64a-32a ସ୍ନାତାମହତସଂବୀତାଂ ଗନ୍ଧଲିପ୍ତାଂ ସ୍ରଗୁଜ୍ଜ୍ବଲାମ୍। 1-64a-32b ବଧୂଂ ମଙ୍ଗଲସଂଯୁକ୍ତାମିଷୁହସ୍ତାଂ ସମୀକ୍ଷ୍ଯ ଚ॥ 1-64a-33a ଉବାଚ ବଚନଂ କାଲେ କାଲଜ୍ଞଃ ସର୍ବଧର୍ମବିତ୍। 1-64a-33b ପ୍ରତିଗ୍ରହୋ ଦାତୃବଶଃ ଶ୍ରୁତମେବଂ ମଯା ପୁରା॥ 1-64a-34a ଯଥା ବକ୍ଷ୍ଯନ୍ତି ପିତରସ୍ତତ୍କରିଷ୍ଯାମହେ ବଯମ୍। 1-64a-34x ବୈଶମ୍ପାଯନ ଉବାଚ। 1-64a-34b ତଦ୍ଧର୍ମିଷ୍ଠଂ ଯଶସ୍ଯଂ ଚ ବଚନଂ ସତ୍ଯବାଦିନଃ॥ 1-64a-35a ଶ୍ରୁତ୍ବା ତୁ ପିତରଃ ସର୍ବେ ନିଃସଙ୍ଗା ନିଷ୍ପରିଗ୍ରହାଃ। 1-64a-35b ବସୁଂ ପରମଧର୍ମିଷ୍ଠମାନୀଯେଦଂ ବଚୋଽବ୍ରୁବନ୍॥ 1-64a-36a ମତ୍ସ୍ଯଯୋନୌ ସମୁତ୍ପନ୍ନା ତବ ପୁତ୍ରୀ ବିଶେଷତଃ। 1-64a-36b ପରାଶରାଯ ମୁନଯେ ଦାତୁମର୍ହସି ଧର୍ମତଃ॥ 1-64a-37x ବସୁରୁବାଚ। 1-64a-37a ସତ୍ଯଂ ମମ ସୁତା ସା ହି ଦାଶରାଜେନ ବର୍ଧିତା। 1-64a-37b ଅହଂ ପ୍ରଭୁଃ ପ୍ରଦାନେ ତୁ ପ୍ରଜାପାଲଃ ପ୍ରଜାର୍ଥିନାମ୍॥ 1-64a-38x ପିତର ଊଚୁଃ। 1-64a-38a ନିରାଶିଷୋ ବଯଂ ସର୍ବେ ନିଃସଙ୍ଗା ନିଷ୍ପରିଗ୍ରହାଃ। 1-64a-38b କନ୍ଯାଦାନେନ ସଂବନ୍ଧୋ ଦକ୍ଷିଣାବନ୍ଧ ଉଚ୍ଯତେ॥ 1-64a-39a କର୍ମଭୂମିସ୍ତୁ ମାନୁଷ୍ଯଂ ଭୋଗଭୂମିସ୍ତ୍ରିବିଷ୍ଟପମ୍। 1-64a-39b ଇହ ପୁଣ୍ଯକୃତୋ ଯାନ୍ତି ସ୍ବର୍ଗଲୋକଂ ନ ସଂଶଯଃ॥ 1-64a-40a ଇହ ଲୋକେ ଦୁଷ୍କୃତିନୋ ନରକଂ ଯାନ୍ତି ନିର୍ଘୃଣାଃ। 1-64a-40b ଦକ୍ଷିଣାବନ୍ଧ ଇତ୍ଯୁକ୍ତେ ଉଭେ ସୁକୃତଦୁଷ୍କୃତେ॥ 1-64a-41a ଦକ୍ଷିଣାବନ୍ଧସଂଯୁକ୍ତା ଯୋଗିନଃ ପ୍ରପତନ୍ତି ତେ। 1-64a-41b ତସ୍ମାନ୍ନୋ ମାନସୀଂ କନ୍ଯାଂ ଯୋଗାଦ୍ଭ୍ରଷ୍ଟାଂ ବିଶାପତେ॥ 1-64a-42a ସୁତାତ୍ବଂ ତବ ସଂପ୍ରାପ୍ତାଂ ସତୀଂ ଭିକ୍ଷାଂ ଦଦସ୍ବ ବୈ। 1-64a-42b ଇତ୍ଯୁକ୍ତ୍ବା ପିତରଃ ସର୍ବେ କ୍ଷଣାଦନ୍ତର୍ହିତାସ୍ତଦା॥ 1-64a-43x ବୈଶମ୍ପାଯନ ଉବାଚ। 1-64a-43a ଯାଜ୍ଞବଲ୍କ୍ଯଂ ସମାହୂଯ ବିବାହାଚାର୍ଯମିତ୍ଯୁତ। 1-64a-43b ବସୁଂ ଚାପି ସମାହୂଯ ବସିଷ୍ଠୋ ମୁନିଭିଃ ସହ॥ 1-64a-44a ବିବାହଂ କାରଯାମାସ ବିଧିଦୃଷ୍ଟେନ କର୍ମଣା। 1-64a-44x ବସୁରୁବାଚ। 1-64a-44b ପରାଶର ମହାପ୍ରାଜ୍ଞ ତବ ଦାସ୍ଯାମ୍ଯହଂ ସୁତାମ୍॥ 1-64a-45a ପ୍ରତୀଚ୍ଛ ଚୈନାଂ ଭଦ୍ରଂ ତେ ପାଣିଂ ଗୃହ୍ଣୀଷ୍ବ ପାଣିନା। 1-64a-45x ବୈଶମ୍ପାଯନ ଉବାଚ। 1-64a-45b ବସୋସ୍ତୁ ବଚନଂ ଶ୍ରୁତ୍ବା ଯାଜ୍ଞବଲ୍କ୍ଯମତେ ସ୍ଥିତଃ॥ 1-64a-46a କୃତକୌତୁକମଙ୍ଗଲ୍ଯଃ ପାଣିନା ପାଣିମସ୍ପୃଶତ୍। 1-64a-46b ପ୍ରଭୂତାଜ୍ଯେନ ହବିଷା ହୁତ୍ବା ମନ୍ତ୍ରୈର୍ହୁତାଶନମ୍॥ 1-64a-47a ତ୍ରିରଗ୍ନିଂ ତୁ ପରିକ୍ରମ୍ଯ ସମଭ୍ଯର୍ଚ୍ଯ ହୁତାଶନମ୍। 1-64a-47b ମହର୍ଷୀନ୍ଯାଜ୍ଞବଲ୍କ୍ଯାଦୀନ୍ଦକ୍ଷିଣାଭିଃ ପ୍ରତର୍ପ୍ଯଚ॥ 1-64a-48a ଲବ୍ଧାନୁଜ୍ଞୋଽଭିବାଦ୍ଯାଶୁ ପ୍ରଦକ୍ଷିଣମଥାକରୋତ୍। 1-64a-48b ପରାଶରେ କୃତୋଦ୍ବାହେ ଦେବାଃ ସର୍ପିଗଣାସ୍ତଦା॥ 1-64a-49a ହୃଷ୍ଟା ଜଗ୍ମୁଃ କ୍ଷଣାଦେବ ବେଦବ୍ଯାସୋ ଭବତ୍ବିତି। 1-64a-49b ଏବଂ ସତ୍ଯବତୀ ହୃଷ୍ଟା ପୂଜାଂ ଲବ୍ଧ୍ବା ଯଥେଷ୍ଟତଃ॥ 1-64a-50a ପରାଶରେଣ ସଂଯୁକ୍ତା ସଦ୍ଯୋ ଗର୍ଭଂ ସୁଷାବ ସା। 1-64a-50b ଜଜ୍ଞେ ଚ ଯମୁନାଦ୍ବୀପେ ପାରାଶର୍ଯଃ ସ ବୀର୍ଯବାନ୍॥ 1-64a-51a ଜାତମାତ୍ରଃ ସ ବବୃଧେ ସପ୍ତବର୍ଷୋଽଭବତ୍ତଦା। 1-64a-51b ସ୍ନାତ୍ବାଭିବାଦ୍ଯ ପିତରଂ ତସ୍ଥୌ ବ୍ଯାସଃ ସମାହିତଃ॥ 1-64a-52a ସ୍ବସ୍ତୀତି ବଚନଂ ଚୋକ୍ତ୍ବା ଦଦୌ କଲଶମୁତ୍ତମମ୍। 1-64a-52b ଗୃହୀତ୍ବା କଲଶଂ ପ୍ରାପ୍ତେ ତସ୍ଥୌ ବ୍ଯାସଃ ସମାହିତଃ॥ 1-64a-53a ତତୋ ଦାଶଭଯାତ୍ପତ୍ନୀ ସ୍ନାତ୍ବା କନ୍ଯା ବଭୂବ ସା। 1-64a-53b ଅଭିବାଦ୍ଯ ମୁନେଃ ପାଦୌ ପୁତ୍ରଂ ଜଗ୍ରାହ ପାଣିନା॥ 1-64a-54a ସ୍ପୃଷ୍ଟମାତ୍ରେ ତୁ ନିର୍ଭର୍ତ୍ସ୍ଯ ମାତରଂ ବାକ୍ଯମବ୍ରବୀତ୍। 1-64a-54b ମମ ପିତ୍ରା ତୁ ସଂସ୍ପର୍ଶାନ୍ମାତସ୍ତ୍ବମଭବଃ ଶୁଚିଃ॥ 1-64a-55a ଅଦ୍ଯ ଦାଶସୁତା କନ୍ଯା ନ ସ୍ପୃଶେର୍ମାମନିନ୍ଦିତେ। 1-64a-55x ବୈଶମ୍ପାଯନ ଉବାଚ। 1-64a-55b ବ୍ଯାସସ୍ଯ ବଚନଂ ଶ୍ରୁତ୍ବା ବାଷ୍ପପୂର୍ଣମୁଖୀ ତଦା॥ 1-64a-56a ମନୁଷ୍ଯଭାବାତ୍ସା ଯୋଷିତ୍ପପାତ ମୁନିପାଦଯୋଃ। 1-64a-56b ମହାପ୍ରସାଦୋ ଭଗବାନ୍ପୁତ୍ରଂ ପ୍ରୋବାଚ ଧର୍ମବିତ୍॥ 1-64a-57a ମା ତ୍ବମେବଂବିଧଂ କାର୍ଷୀର୍ନୈତଦ୍ଧର୍ମ୍ଯଂ ମତଂ ହି ନଃ। 1-64a-57b ଦୂଷ୍ଯୌ ନ ମାତାପିତରୌ ତଥା ପୂର୍ବୋପକାରିଣୌ॥ 1-64a-58a ଧାରଣାଦ୍ଦୁଃଖସହନାତ୍ତଯୋର୍ମାତା ଗରୀଯସୀ। 1-64a-58b ବୀଜକ୍ଷେତ୍ରସମାଯୋଗେ ସସ୍ଯଂ ଜାଯେତ ଲୌକିକମ୍॥ 1-64a-59a ଜାଯତେ ଚ ସୁତସ୍ତଦ୍ବତ୍ପୁରୁଷସ୍ତ୍ରୀସମାଗମେ। 1-64a-59b ମୃଗୀଣାଂ ପକ୍ଷିଣାଂ ଚୈବ ଅପ୍ସରାଣାଂ ତଥୈବ ଚ॥ 1-64a-60a ଶୂଦ୍ରଯୋନ୍ଯାଂ ଚ ଜାଯନ୍ତେ ମୁନଯୋ ବେଦପାରଗାଃ। 1-64a-60b ଋଷ୍ଯଶୃଙ୍ଗୋ ମୃଗୀପୁତ୍ରଃ କଣ୍ବୋ ବର୍ହିସୁତସ୍ତଥା॥ 1-64a-61a ଅଗସ୍ତ୍ଯଶ୍ଚ ବସିଷ୍ଠଶ୍ଚ ଉର୍ବଶ୍ଯାଂ ଜନିତାବୁଭୌ। 1-64a-61b ସୋମଶ୍ରବାସ୍ତୁ ସର୍ପ୍ଯାଂ ତୁ ଅଶ୍ବିନାବଶ୍ବିସଂଭବୌ॥ 1-64a-62a ସ୍କନ୍ଦଃ ସ୍କନ୍ନେନ ଶୁକ୍ଲେନ ଜାତଃ ଶରବଣେ ପୁରା। 1-64a-62b ଏବମେବ ଚ ଦେବାନାମୃଷୀମାଂ ଚୈବ ସଂଭବଃ॥ 1-64a-63a ଲୋକବେଦପ୍ରବୃତ୍ତିର୍ହି ନ ମୀମାଂସ୍ଯା ବୁଧୈଃ ସଦା। 1-64a-63b ବେଦବ୍ଯାସ ଇତି ପ୍ରୋକ୍ତଃ ପୁରାଣେ ଚ ସ୍ବଯଂଭୁବା॥ 1-64a-64a ଧର୍ମନେତା ମହର୍ଷୀଣାଂ ମନୁଷ୍ଯାଣାଂ ତ୍ବମେବ ଚ। 1-64a-64b ତସ୍ମାତ୍ପୁତ୍ର ନ ଦୂଷ୍ଯେତ ବାସବୀ ଯୋଗଚାରିଣୀ॥ 1-64a-65a ମତ୍ପ୍ରୀତ୍ଯର୍ଥଂ ମହାପ୍ରାଜ୍ଞ ସସ୍ନେହଂ ବକ୍ତୁମର୍ହସି। 1-64a-65b ପ୍ରଜାହିତାର୍ଥଂ ସଂଭୂତୋ ବିଷ୍ଣୋର୍ଭାଗୋ ମହାନୃଷିଃ॥ 1-64a-66a ତସ୍ମାତ୍ସ୍ବମାତରଂ ସ୍ନେହାତ୍ପ୍ରବବୀହି ତପୋଧନ। 1-64a-66x ବୈଶମ୍ପାଯନ ଉବାଚ। 1-64a-66b ଗୁରୋର୍ବଚନମାଜ୍ଞାଯ ବ୍ଯାସଃ ପ୍ରୀତୋଽଭବତ୍ତଦା॥ 1-64a-67a ଚିନ୍ତଯିତ୍ବା ଲୋକବୃତ୍ତଂ ମାତୁରଙ୍କମଥାବିଶତ୍। 1-64a-67b ପୁତ୍ରସ୍ପର୍ଶାତ୍ତୁ ଲୋକେଷୁ ନାନ୍ଯତ୍ସୁଖମତୀବ ହି॥ 1-64a-68a ବ୍ଯାସଂ କମଲପତ୍ରାକ୍ଷଂ ପରିଷ୍ବଜ୍ଯାଶ୍ର୍ବବର୍ତଯତ୍। 1-64a-68b ସ୍ତନ୍ଯାସାରୈଃ କ୍ଲିଦ୍ଯମାନା ପୁତ୍ରମାଘ୍ରାଯ ମୂର୍ଧନି॥ 1-64a-69x ବାସବ୍ଯୁବାଚ। 1-64a-69a ପୁତ୍ରଲାଭାତ୍ପରଂ ଲୋକେ ନାସ୍ତୀହ ପ୍ରସବାର୍ଥିନାମ୍। 1-64a-69b ଦୁର୍ଲଭଂ ଚେତି ମନ୍ଯେଽହଂ ମଯା ପ୍ରାପ୍ତଂ ମହତ୍ତପଃ॥ 1-64a-70a ମହତା ତପସା ତାତ ମହାଯୋଗବଲେନ ଚ। 1-64a-70b ମଯା ତ୍ବଂ ହି ମହାପ୍ରାଜ୍ଞ ଲବ୍ଧୋଽମୃତମିବାମରୈଃ॥ 1-64a-71a ତସ୍ମାତ୍ତ୍ବଂ ମାମୃଷେଃ ପୁତ୍ର ତ୍ଯକ୍ତୁଂ ନାର୍ହସି ସାଂପ୍ରତମ୍। 1-64a-71x ବୈଶମ୍ପାଯନ ଉବାଚ। 1-64a-71b ଏବମୁକ୍ତସ୍ତତଃ ସ୍ନେହାଦ୍ବ୍ଯାସୋ ମାତରମବ୍ରବୀତ୍॥ 1-64a-72a ତ୍ବଯା ସ୍ପୃଷ୍ଟଃ ପରିଷ୍ବକ୍ତୋ ମୂର୍ଧ୍ନି ଚାଘ୍ରାଯିତୋ ମୁହୁଃ। 1-64a-72b ଏତାବନ୍ମାତ୍ରଯା ପ୍ରୀତୋ ଭବିଷ୍ଯେଷୁ ନୃପାତ୍ମଜେ॥ 1-64a-73a ସ୍ମୃତୋଽହଂ ଦର୍ଶଯିଷ୍ଯାମି କୃତ୍ଯେଷ୍ବିତି ଚ ସୋଽବ୍ରବୀତ୍। 1-64a-73b ସ ମାତରମନୁଜ୍ଞାପ୍ଯ ତପସ୍ଯେବ ମନୋ ଦଧେ॥ 1-64a-74a ତତଃ କନ୍ଯାମନୁଜ୍ଞାଯ ପୁନଃ କନ୍ଯା ଭବତ୍ବିତି। 1-64a-74b ପରାଶରୋଽପି ଭଗବାନ୍ପୁତ୍ରେଣ ସହିତୋ ଯଯୌ॥ 1-64a-75a ଗତ୍ବାଶ୍ରମପଦଂ ପୁମ୍ଯମଦୃଶ୍ଯନ୍ତ୍ଯା ପରାଶରଃ। 1-64a-75b ଜାତକର୍ମାଦିସଂସ୍କାରଂ କାରଯାମାସ ଧର୍ମତଃ॥ 1-64a-76a କୃତୋପନଯନୋ ବ୍ଯାସୋ ଯାଜ୍ଞବଲ୍କ୍ଯେନ ଭାରତ। 1-64a-76b ବେଦାନଧିଜଗୌ ସାଙ୍ଗାନୋଙ୍କାରେଣ ତ୍ରିମାତ୍ରଯା॥ 1-64a-77a ଗୁରବେ ଦକ୍ଷିଣାଂ ଦତ୍ତ୍ବା ତପଃ କର୍ତୁଂ ପ୍ରଚକ୍ରମେ। 1-64a-77b ଏବଂ ଦ୍ବୈପାଯନୋ ଜଜ୍ଞେ ସତ୍ଯବତ୍ଯାଂ ପରାଶରାତ୍॥ 1-64a-78a ଦ୍ବୀପ ନ୍ଯସ୍ତଃ ସ ଯଦ୍ବାଲସ୍ତସ୍ମାଦ୍ଦ୍ବୈପାଯନୋଽଭବତ୍। 1-64a-78b ପାଦାପସାରିଣଂ ଧର୍ମଂ ବିଦ୍ବାନ୍ସ ତୁ ଯୁଗେ ଯୁଗେ॥ 1-64a-79a ଆଯୁଃ ଶକ୍ତିଂ ଚ ମର୍ତ୍ଯାନାଂ ଯୁଗାଦ୍ଯୁଗମବେକ୍ଷ୍ଯ ଚ। 1-64a-79b ବ୍ରହ୍ମର୍ଷିର୍ବ୍ରାହ୍ମଣାନାଂ ଚ ତଥାଽନୁଗ୍ରହକାଙ୍କ୍ଷଯା॥ 1-64a-80a ବିବ୍ଯାସ ବେଦାନ୍ଯସ୍ମାଚ୍ଚ ବେଦବ୍ଯାସ ଇତି ସ୍ମୃତଃ। 1-64a-80b ତତଃ ସ ମହର୍ଷିର୍ବିଦ୍ବାଞ୍ଶିଷ୍ଯାନାହୂଯ ଧର୍ମତଃ॥ 1-64a-81a ସୁମନ୍ତୁଂ ଜୈମିନିଂ ପୈଲଂ ଶୁକଂ ଚୈବ ସ୍ବମାତ୍ମଜମ୍। 1-64a-81b ପ୍ରଭୁର୍ବରିଷ୍ଠୋ ବରଦୋ ବୈଶମ୍ପାଯନମେବ ଚ॥ 1-64a-82a ବେଦାନଧ୍ଯାପଯାମାସ ମହାଭାରତପଞ୍ଚମାନ୍। 1-64a-82b ସଂହିତାସ୍ତୈଃ ପୃଥକ୍ତ୍ବେନ ଭାରତସ୍ଯ ପ୍ରକୀର୍ତିତା॥ 1-64a-83a ତତଃ ସତ୍ଯବତୀ ହୃଷ୍ଟା ଜଗାମ ସ୍ବଂ ନିବେଶନମ୍। 1-64a-83b ତସ୍ଯାସ୍ତୁ ଯୋଜନାଦ୍ଗନ୍ଧମାଜିଘ୍ରନ୍ତି ନରା ଭୁବି॥ 1-64a-84a ଦାଶରାଜସ୍ତୁ ତଦ୍ଗନ୍ଧମାଜିଘ୍ରନ୍ପୀତିମାବହତ୍। 1-64a-84x ଦାଶରାଜ ଉବାଚ। 1-64a-84b ତ୍ବାମାହୁର୍ମତ୍ସ୍ଯଗନ୍ଧେତି କଥଂ ବାଲେ ସୁଗନ୍ଧତା॥ 1-64a-85a ଅପାସ୍ଯ ମତ୍ସ୍ଯଗନ୍ଧତ୍ବଂ କେନ ଦତ୍ତା ସୁଗନ୍ଧତା 1-64a-85x ସତ୍ଯବତ୍ଯୁବାଚ। 1-64a-85b ଶକ୍ତେ- ପୁତ୍ରୋ ମହାପ୍ରାଜ୍ଞଃ ପରାଶର ଇତି ଶ୍ରୁତଃ॥ 1-64a-86a ନାବଂ ବାହଯମାନାଯା ମମ ଦୃଷ୍ଟ୍ବାଂ ସୁଶିକ୍ଷିତମ୍। 1-64a-86b ଉପାସ୍ଯ ମତ୍ସ୍ଯଗନ୍ଧତ୍ବଂ ଯୋଜନାଦ୍ଗନ୍ଧତାଂ ଦଦୌ॥ 1-64a-87a ଋଷେଃ ପ୍ରସାଦଂ ଦୃଷ୍ଟ୍ବା ତୁ ଜନାଃ ପ୍ରୀତିମୁପାଗମନ୍। 1-64a-87b ଏବଂ ଲବ୍ଧୋ ମଯା ଗନ୍ଧୋ ନ ରୋଷଂ କର୍ତୁମର୍ହସି॥ 1-64a-88a ଦାଶରାଜସ୍ତୁ ତଦ୍ବାକ୍ଯଂ ପ୍ରଶଶଂସ ନନନ୍ଦ ଚ। 1-64a-88b ଏତତ୍ପବିତ୍ରଂ ପୁଣ୍ଯଂ ଚ ବ୍ଯାସସମବମୁତ୍ତମମ୍। 1-64a-88c ଇତିହାସମିମଂ ଶ୍ରୁତ୍ବା ପ୍ରଜାବନ୍ତୋ ଭବନ୍ତି ଚ॥ 1-64-132 (2723)
ତଥା ଭୀଷ୍ମଃ ଶାନ୍ତନବୋ ଗଙ୍ଗାଯାମମିତଦ୍ଯୁତିଃ।
ବସୁବୀର୍ଯାତ୍ସମଭବନ୍ମହାବୀର୍ଯୋ ମହାଯଶାଃ॥ 1-64-133 (2724)
ବୈଦାର୍ଥବିଚ୍ଚ ଭଗବାନୃଷିର୍ବିପ୍ରୋ ମହାଯଶାଃ।
ଶୂଲେ ପ୍ରୋତଃ ପୁରାଣର୍ଷିରଚୋରଶ୍ଚୋରଶଙ୍କଯା॥ 1-64-134 (2725)
ଅଣୀମାଣ୍ଡବ୍ଯ ଇତ୍ଯେବଂ ବିଖ୍ଯାତଃ ସ ମହାଯଶାଃ।
ସ ଧର୍ମମାହୂଯ ପୁରା ମହର୍ଷିରିଦମୁକ୍ତବାନ୍॥ 1-64-135 (2726)
ଇଷୀକଯା ମଯା ବାଲ୍ଯାଦ୍ବିଦ୍ଧା ହ୍ଯେକା ଶକୁନ୍ତିକା।
ତତ୍କିଲ୍ବିଷଂ ସ୍ମରେ ଧର୍ମ ନାନ୍ଯତ୍ପାପମହଂ ସ୍ମରେ॥ 1-64-136 (2727)
ତନ୍ମେ ସହସ୍ରମମିତଂ କସ୍ମାନ୍ନେହାଜଯତ୍ତପଃ।
ଗରୀଯାନ୍ବ୍ରାହ୍ମଣବଧଃ ସର୍ବଭୂତବଧାଦ୍ଯତଃ॥ 1-64-137 (2728)
ତସ୍ମାତ୍ତ୍ବଂ କିଲ୍ବିଷାଦସ୍ମାଚ୍ଛୂଦ୍ରଯୋନୌ ଜନିଷ୍ଯସି। 1-64-138 (2729)
ବୈଶମ୍ପାଯନ ଉବାଚ।
ତେନ ଶାପେନ ଧର୍ମୋଽପି ଶୂଦ୍ରଯୋନାବଜାଯତ॥ 1-64-138x (313)
ବିଦ୍ବାନ୍ବିଦୁରରୂପେଣ ଧାର୍ମିକଃ କିଲ୍ବିଷାତ୍ତତଃ।
ସଂଜଯୋ ମୁନିକଲ୍ପସ୍ତୁ ଜଜ୍ଞେ ସୂତୋ ଗବଲ୍ଗଣାତ୍॥ 1-64-139 (2730)
ସୂର୍ଯାଚ୍ଚ କୁନ୍ତିକନ୍ଯାଯାଂ ଜଜ୍ଞେ କର୍ଣୋ ମହାବଲଃ।
ସହଜଂ କବଚଂ ବିଭ୍ରତ୍କୁଣ୍ଡଲୋଦ୍ଯୋତିତାନନଃ॥ 1-64-140 (2731)
ଅନୁଗ୍ରହାର୍ଥଂ ଲୋକାନାଂ ବିଷ୍ଣୁର୍ଲୋକନମସ୍କୃତଃ।
ବସୁଦେବାତ୍ତୁ ଦେବକ୍ଯାଂ ପ୍ରାଦୁର୍ଭୂତୋ ମହାଯଶାଃ॥ 1-64-141 (2732)
ଅନାଦିନିଧନୋ ଦେବଃ ସ କର୍ତା ଜଗତଃ ପ୍ରଭୁଃ।
ଅବ୍ଯକ୍ତମକ୍ଷରଂ ବ୍ରହ୍ମ ପ୍ରଧାନଂ ତ୍ରିଗୁଣାତ୍ମକମ୍॥ 1-64-142 (2733)
ଆତ୍ମାନମବ୍ଯଯଂ ଚୈବ ପ୍ରକୃତିଂ ପ୍ରଭବଂ ପ୍ରଭୁମ୍।
ପୁରୁଷଂ ବିଶ୍ବକର୍ମାଣଂ ସତ୍ବଯୋଗଂ ଧ୍ରୁବାକ୍ଷରମ୍॥ 1-64-143 (2734)
ଅନନ୍ତମଚଲଂ ଦେବଂ ହଂସଂ ନାରାଯଣଂ ପ୍ରଭୁମ୍।
ଧାତାରମଜମବ୍ଯକ୍ତଂ ଯମାହୁଃ ପରମବ୍ଯଯମ୍॥ 1-64-144 (2735)
କୈବଲ୍ଯଂ ନିର୍ଗୁଣଂ ବିଶ୍ବମନାଦିମଜମବ୍ଯଯମ୍।
ପୁରୁଷଃ ସ ବିଭୁଃ କର୍ତା ସର୍ବଭୂତପିତାମହଃ॥ 1-64-145 (2736)
ଧର୍ମସଂସ୍ଥାପନାର୍ଥାଯ ପ୍ରଜଜ୍ଞେଽନ୍ଧକବୃଷ୍ଣିଷୁ।
ଅସ୍ତ୍ରଜ୍ଞୌ ତୁ ମହାବୀର୍ଯୌ ସର୍ବଶାସ୍ତ୍ରବିଶାରଦୌ॥ 1-64-146 (2737)
ସାତ୍ଯକିଃ କୃତବର୍ମା ଚ ନାରାଯଣମନୁବ୍ରତୌ।
ସତ୍ଯକାଦ୍ଧୃଦିକାଚ୍ଚୈବ ଜଜ୍ଞାତେଽସ୍ତ୍ରବିଶାରଦୌ॥ 1-64-147 (2738)
ଭରଦ୍ବାଜସ୍ଯ ଚ ସ୍କନ୍ନଂ ଦ୍ରୋଣ୍ଯାଂ ଶୁକ୍ରମବର୍ଧତ।
ସହର୍ଷେରୁଗ୍ରତପସସ୍ତସ୍ମାଦ୍ଦ୍ରୋଣୋ ବ୍ଯଜାଯତ॥ 1-64-148 (2739)
ଗୌତମାନ୍ମିଥୁନଂ ଜଜ୍ଞେ ଶରସ୍ତମ୍ବାଚ୍ଛରଦ୍ବତଃ।
ଅଶ୍ବତ୍ଥାମ୍ନଶ୍ଚ ଜନନୀ କୃପଶ୍ଚୈବ ମହାବଲଃ॥ 1-64-149 (2740)
ଅଶ୍ବତ୍ଥାମା ତତୋ ଜଜ୍ଞେ ଦ୍ରୋଣାଦେବ ମହାବଲଃ।
ତଥୈବ ଧୃଷ୍ଟଦ୍ଯୁମ୍ନୋଽପି ସାକ୍ଷାଦଗ୍ନିସମଦ୍ଯୁତିଃ॥ 1-64-150 (2741)
ବୈତାନେ କର୍ମଣି ତତେ ପାବକାତ୍ସମଜାଯତ।
ବୀରୋ ଦ୍ରୋଣବିନାଶାଯ ଧନୁରାଦାଯ ବୀର୍ଯବାନ୍॥ 1-64-151 (2742)
ତଥୈବ ବେଦ୍ଯାଂ କୃଷ୍ଣାପି ଜଜ୍ଞେ ତେଜସ୍ବିନୀ ଶୁଭା।
ବିଭ୍ରାଜମାନା ବପୁଷା ବିଭ୍ରତୀ ରୂପମୁତ୍ତମମ୍॥ 1-64-152 (2743)
ପ୍ରହ୍ରାଦଶିଷ୍ଯୋ ନଗ୍ନଜିତ୍ସୁବଲଶ୍ଚାଭବତ୍ତତଃ।
ତସ୍ଯ ପ୍ରଜା ଧର୍ମହନ୍ତ୍ରୀ ଜଜ୍ଞେ ଦେବପ୍ରକୋପନାତ୍॥ 1-64-153 (2744)
ଗାନ୍ଧାରରାଜପୁତ୍ରୋଽଭୂଚ୍ଛକୁନିଃ ସୌବଲସ୍ତଥା।
ଦୁର୍ଯୋଧନସ୍ଯ ଜନନୀ ଜଜ୍ଞାତେଽର୍ଥବିଶାରଦୌ॥ 1-64-154 (2745)
କୃଷ୍ଣଦ୍ବୈପାଯନାଜ୍ଜଜ୍ଞେ ଧୃତରାଷ୍ଟ୍ରୋ ଜନେଶ୍ବରଃ।
କ୍ଷେତ୍ରେ ବିଚିତ୍ରବୀର୍ଯସ୍ଯ ପାଣ୍ଡୁଶ୍ଚୈବ ମହାବଲଃ॥ 1-64-155 (2746)
ଧର୍ମାର୍ଥକୁଶଲୋ ଧୀମାନ୍ମେଧାବୀ ଧୂତକଲ୍ମଷଃ।
ବିଦୁରଃ ଶୂଦ୍ରଯୋନୌ ତୁ ଜଜ୍ଞେ ଦ୍ବୈପାଯନାଦପି॥ 1-64-156 (2747)
ପାଣ୍ଡୋସ୍ତୁ ଜଜ୍ଞିରେ ପଞ୍ଚ ପୁତ୍ରା ଦେବସମାଃ ପୃଥକ୍।
ଦ୍ବଯୋଃ ସ୍ତ୍ରିଯୋର୍ଗୁଣଜ୍ଯେଷ୍ଠସ୍ତେଷାମାସୀଦ୍ଯୁଧିଷ୍ଠିରଃ॥ 1-64-157 (2748)
ଧର୍ମାଦ୍ଯୁଧିଷ୍ଠିରୋ ଜଜ୍ଞେ ମାରୁତାଚ୍ଚ ବୃକୋଦରଃ।
ଇନ୍ଦ୍ରାଦ୍ଧନଂଜଯଃ ଶ୍ରୀମାନ୍ସର୍ବଶସ୍ତ୍ରଭୃତାଂ ବରଃ॥ 1-64-158 (2749)
ଜଜ୍ଞାତେ ରୂପସଂପନ୍ନାବଶ୍ବିଭ୍ଯାଂ ଚ ଯମାବପି।
ନକୁଲଃ ସହଦେବଶ୍ଚ ଗୁରୁଶୁଶ୍ରୂଷଣେ ରତୌ॥ 1-64-159 (2750)
ତଥା ପୁତ୍ରଶତଂ ଜଜ୍ଞେ ଧୃତରାଷ୍ଟ୍ରସ୍ଯ ଧୀମତଃ।
ଦୁର୍ଯୋଧନପ୍ରଭୃତଯୋ ଯୁଯୁତ୍ସୁଃ କରଣସ୍ତଥା॥ 1-64-160 (2751)
ତତୋ ଦୁଃଶାସନଶ୍ଚୈବ ଦୁଃସହଶ୍ଚାପି ଭାରତ।
ଦୁର୍ମର୍ଷଣୋ ବିକର୍ଣଶ୍ଚ ଚିତ୍ରସେନୋ ବିବିଂଶତିଃ॥ 1-64-161 (2752)
ଜଯଃ ସତ୍ଯବ୍ରତଶ୍ଚୈବ ପୁରୁମିତ୍ରଶ୍ଚ ଭାରତ।
ବୈଶ୍ଯାପୁତ୍ରୋ ଯୁଯୁତ୍ସୁଶ୍ଚ ଏକାଦଶ ମହାରଥାଃ॥ 1-64-162 (2753)
ଅଭିମନ୍ଯୁଃ ସୁଭଦ୍ରାଯାମର୍ଜୁନାଦଭ୍ଯଜାଯତ।
ସ୍ବସ୍ରୀଯୋ ବାସୁଦେବସ୍ଯ ପୌତ୍ରଃ ପାଣ୍ଡୋର୍ମହାତ୍ମନଃ॥ 1-64-163 (2754)
ପାଣ୍ଡବେଭ୍ଯୋ ହି ପାଞ୍ଚାଲ୍ଯାଂ ଦ୍ରୌପଦ୍ଯାଂ ପଞ୍ଚ ଜଜ୍ଞିରେ।
କୁମାରା ରୂପସଂପନ୍ନାଃ ସର୍ବଶାସ୍ତ୍ରବିଶାରଦାଃ॥ 1-64-164 (2755)
ପ୍ରତିବିନ୍ଧ୍ଯୋ ଯୁଧିଷ୍ଠିରାତ୍ସୁତସୋମୋ ବୃକୋଦରାତ୍।
ଅର୍ଜୁନାଚ୍ଛ୍ରୁତକୀର୍ତିସ୍ତୁ ଶତାନୀକସ୍ତୁ ନାକୁଲିଃ॥ 1-64-165 (2756)
ତଥୈବ ସହଦେବାଚ୍ଚ ଶ୍ରୁତସେନଃ ପ୍ରତାପବାନ୍।
ହିଡିମ୍ବାଯାଂ ଚ ଭୀମେନ ବନେ ଜଜ୍ଞେ ଘଟୋତ୍କଚଃ॥ 1-64-166 (2757)
ଶିଖଣ୍ଡୀ ଦ୍ରୁପଦାଜ୍ଜଜ୍ଞେ କନ୍ଯା ପୁତ୍ରତ୍ବଭାଗତା।
ଯାଂ ଯକ୍ଷଃ ପୁରୁଷଂ ଚକ୍ରେ ସ୍ଥୂମଃ ପ୍ରିଯଚିକୀର୍ଷଯା॥ 1-64-167 (2758)
କୁରୂଣାଂ ବିଗ୍ରହେ ତସ୍ମିନ୍ସମାଗଚ୍ଛନ୍ବହୂନ୍ଯଥ।
ରାଜ୍ଞାଂ ଶତସହସ୍ରାଣି ଯୋତ୍ସ୍ଯମାନାନି ସଂଯୁଗେ॥ 1-64-168 (2759)
ତେଷାମପରିମେଯାନାଂ ନାମଧେଯାନି ସର୍ବଶଃ।
ନ ଶକ୍ଯାନି ସମାଖ୍ଯାତୁଂ ବର୍ଷାଣାମଯୁତୈରପି।
ଏତେ ତୁ କୀର୍ତିତା ମୁଖ୍ଯା ଯୈରାଖ୍ଯାନମିଦଂ ତତମ୍॥ ॥ 1-64-169 (2760)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଅଂଶାବତରଣପର୍ବଣି ଚତୁଃଷଷ୍ଟିତମୋଽଧ୍ଯାଯଃ॥ 64 ॥
Mahabharata - Adi Parva - Chapter Footnotes
1-64-1 ରଞ୍ଜକତ୍ବାଦ୍ରାଜା। ମହୀପତିଃ ପୃଥ୍ବୀପାଲକଃ॥ 1-64-2 ବସୁଃ ଉପରିଚରଃ॥ 1-64-4 ସାକ୍ଷାତ୍ପ୍ରତ୍ଯକ୍ଷଭୂଯ॥ 1-64-5 ନ ସଂକୀର୍ଯେତ ନିର୍ନାଯକତ୍ବାତ୍॥ 1-64-8 ପଶବ୍ଯଃ ପଶୁଭ୍ଯୋ ହିତଃ॥ 1-64-11 ଗାଃ ବଲୀବର୍ଦାନ୍। ବୃଷଭାନ୍କୃଶାନ୍ନ ଧୁରି ଯୁଞ୍ଜତେ ପ୍ରତ୍ଯୁତ ସଂଧୁକ୍ଷଯନ୍ତି ପୁଷ୍ଟାନ୍କୁର୍ବନ୍ତି। ଅନ୍ଯେ ତୁ ଗାଃ ସ୍ତ୍ରୀଗବୀଃ ତାସାମପ୍ଯାନ୍ଧ୍ରାଦିଦୁର୍ଦେଶେଷୁ ଧୁରି ଯୋଜନଂ ଦୃଷ୍ଟଂ ତଦିହ ନାସ୍ତୀତ୍ଯାହୁଃ॥ 1-64-12 ନ ତ ଇତି। ଆତ୍ମଜ୍ଞାନାତ୍ସର୍ବଜ୍ଞୋ ଭବିଷ୍ଯସୀତ୍ଯର୍ଥଃ॥ 1-64-13 ଉପପତ୍ସ୍ଯତେ ଉପସ୍ଥାସ୍ଯତେ॥ 1-64-15 ବୈଜଯନ୍ତୀଂ ବିଜଯହେତୁଂ। ଅବିକ୍ଷତମେବ ଧାରଯିଷ୍ଯତି ପାଲଯିଷ୍ଯତି ନତୁ ବିକ୍ଷତମ୍॥ 1-64-16 ଲକ୍ଷଣଂ ଚିହ୍ନମ୍॥ 1-64-17 ଇଷ୍ଟପ୍ରଦାନଂ ପ୍ରୀତିଦାଯମୁଦ୍ଦିଶ୍ଯ ଯଷ୍ଟିଂ ଦଦୌ॥ 1-64-20 ଶକ୍ରସ୍ଯ ପୂଜାର୍ଥଂ ତସ୍ଯା ଯଷ୍ଟେଃ ପ୍ରବେଶଂ ସ୍ଥାପନମ୍॥ 1-64-23 ପିଟକୈଃ ମଞ୍ଜୂଷାରୂପୈର୍ବସ୍ତ୍ରମଯୈଃ କୋଶୈଃ॥ 1-64-46 ବାସବାଃ ବସୁପୁତ୍ରାଃ॥ 1-64-48 ପୁରୋପବାହିନୀଂ ପୁରସମୀପେ ବହନ୍ତୀଂ॥ 1-64-50 ନଦୀ ରାଜ୍ଞେ ନ୍ଯବେଦଯନ୍ମିଥୁନମିତ୍ଯନୁଷଜ୍ଯତେ॥ 1-64-54 ତଦହସ୍ତସ୍ମିନ୍ ଦିନେ॥ 1-64-63 ବାଯୁନା କାମୋଦ୍ଦୀପକେନ। ଧୂମ୍ରଂ ମଲିନଂ ରତିକର୍ମ ତଦର୍ଥଂ। ମୁଦଂ ସ୍ତ୍ରୀବିଷଯାଂ ପ୍ରୀତିମନୁସୃତ୍ଯ ତାମେନ ମନସାଽଗାତ୍। ତଯା ସହ ମାନସଂ ସୁରତମକରୋଦିତ୍ଯର୍ଥଃ। ପ୍ରଚସ୍କନ୍ଦ ପପାତ॥ 1-64-64 ମିଥ୍ଯା ପ୍ରସବଶୂନ୍ଯତ୍ବେନାଲୀକପ୍ରାଯମ୍॥ 1-64-68 ଅଭିମନ୍ତ୍ର୍ଯ ପୁତ୍ରୋତ୍ପତ୍ତିଲିଙ୍ଗୈର୍ମନ୍ତ୍ରୈଃ ସ୍ପୃଷ୍ଟ୍ବା॥ 1-64-70 ଆର୍ତବମୃତୁକାଲୀନଂ ସ୍ନାନମ୍॥ 1-64-73 ଯୁଧ୍ଯତୋଃ ସତୋଃ॥ 1-64-76 ମାସେ ଦଶମେ ପ୍ରାପ୍ତେ ବବନ୍ଧୁରିତି ସଂବନ୍ଧଃ। ଉଜ୍ଜହ୍ନୁଃ ଉଦ୍ଧୃତବନ୍ତଃ॥ 1-64-77 କାଯେ ଦେହେ। ମତ୍ସ୍ଯାଃ ମତ୍ସ୍ଯଯୋଷାଯାଃ॥ 1-64-115 ନୀହାରଂ ଧୂମିକାମ୍॥ 1-64-119 ସ୍ଥାତୁଂ ଜୀବିତୁଂ ନୋତ୍ସହେ କନ୍ଯାତ୍ବଦୂଷଣାଦିତ୍ଯର୍ଥଃ॥ 1-64-128 ଦ୍ବୀପମେବାଽଯନଂ ନ୍ଯାସସ୍ଥାନଂ ଯସ୍ଯ ଦ୍ବୀପାଯନଃ ସ୍ବାର୍ଥେ ତଦ୍ଧିତଃ ଦ୍ବୀପାଯନ ଏବ ଦ୍ବୈପାଯନ ଇତି ନାମ ନିର୍ବକ୍ତି ନ୍ଯସ୍ତ ଇତି॥ 1-64-125 ପାଦାପସାରିଣଂ ଯୁଗେଯୁଗେ ପାଦଶଃ 1-64-88 ତମଶ୍ଲୋକପୂର୍ବାର୍ଧାତ୍ପରଂ `ଇତି ସତ୍ଯବତୀ ହୃଷ୍ଟା' ଇତ୍ଯାଦି `ଭାରତସ୍ଯ ପ୍ରକାଶିତାଃ' ଇତ୍ଯନ୍ତସାର୍ଧଶ୍ଲୋକସପ୍ତକସ୍ଥାନେ ଇମେ କୁଣ୍ଡଲିତାଃ ଶ୍ଲୋକାଃ କେଷୁଚିତ୍କୋଶେଷୂପଲଭ୍ଯନ୍ତେ। 1-64-133 ବସୁବୀର୍ଯାତ୍ ବସ୍ବଂଶାତ୍॥ 1-64-136 ଶକୁନ୍ତିକା ମକ୍ଷିକା॥ 1-64-140 କୁନ୍ତିଭୋଜସ୍ଯ କନ୍ଯାଯାଂ କୁନ୍ତ୍ଯାମ୍॥ 1-64-167 ସ୍ଥୂଣୋ ନାମ୍ନା॥ ଚତୁଃଷଷ୍ଠିତମୋଽଧ୍ଯାଯଃ॥ 64 ॥ଆଦିପର୍ବ - ଅଧ୍ଯାଯ 065
॥ ଶ୍ରୀଃ ॥
1.65. ଅଧ୍ଯାଯଃ 065
Mahabharata - Adi Parva - Chapter Topics
ବିସ୍ତରଶ୍ରବଣେଚ୍ଛଯା ଜନମେଜଯସ୍ଯ ପ୍ରଶ୍ନଃ॥ 1 ॥ ପରଶୁରାମେଣ ଲୋକେ ନିଃକ୍ଷତ୍ରିଯେ କୃତେ ବ୍ରାହ୍ମଣେଭ୍ଯଃ କ୍ଷତ୍ରସ୍ଯ ପୁନରୁତ୍ପତ୍ତିଃ॥ 2 ॥ ତତ୍କାଲସ୍ଯ ଧର୍ମଭୂଯିଷ୍ଠତ୍ବମ୍॥ 3 ॥ ଦେବୈର୍ନିର୍ଜିତାନାଂ ଦାନବାନାଂ ଭୂମାବୁତ୍ପତ୍ତିଃ॥ 4 ॥ ତଦ୍ଭୂରିଭାରାର୍ତଯା ପୃଥ୍ବ୍ଯା ପ୍ରାର୍ଥିତସ୍ଯ ବ୍ରହ୍ମଣୋ ଦେବାନ୍ପ୍ରତ୍ଯଂଶାବତରଣାଜ୍ଞାପନମ୍॥ 5 ॥ ଅବତାରାର୍ଥଂ ଇନ୍ଦ୍ରେଣ ନାରାଯଣପ୍ରାର୍ଥନା॥ 6 ॥Mahabharata - Adi Parva - Chapter Text
1-65-0 (2761)
ଜନମେଜଯ ଉବାଚ। 1-65-0x (314)
ଯ ଏତେ କୀର୍ତିତା ବ୍ରହ୍ମନ୍ଯେ ଚାନ୍ଯେ ନାନୁକୀର୍ତିତାଃ।
ସମ୍ଯକ୍ତାଞ୍ଶ୍ରୋତୁମିଚ୍ଛାମିରାଜ୍ଞଶ୍ଚାନ୍ଯାନ୍ସହସ୍ରଶଃ॥ 1 ॥ 1-65-1 (2762)
ଯଦର୍ଥମିହ ସଂଭୂତା ଦେବକଲ୍ପା ମହାରଥାଃ।
ଭୁବି ତନ୍ମେ ମହାଭାଗ ସମ୍ଯଗାଖ୍ଯାତୁମର୍ହସି॥ 1-65-2 (2763)
ବୈଶମ୍ପାଯନ ଉବାଚ। 1-65-3x (315)
ରହସ୍ଯଂ ଖଲ୍ବିଦଂ ରାଜନ୍ଦେବାନାମିତି ନଃ ଶ୍ରୁତମ୍।
ତତ୍ତୁ ତେ କଥଯିଷ୍ଯାମି ନମସ୍କୃତ୍ବା ସ୍ବଯଂଭୁବେ॥ 1-65-3 (2764)
ତ୍ରିଃସପ୍ତକୃତ୍ବଃ ପୃଥିବୀଂ କୃତ୍ବା ନିଃକ୍ଷିତ୍ରଯାଂ ପୁରା।
ଜାମଦଗ୍ନ୍ଯସ୍ତପସ୍ତେପେ ମହେନ୍ଦ୍ରେ ପର୍ବତୋତ୍ତମେ॥ 1-65-4 (2765)
ତଦା ନିଃକ୍ଷତ୍ରିଯେ ଲୋକେ ଭାର୍ଗବେଣ କୃତେ ସତି।
ବ୍ରାହ୍ମଣାନ୍କ୍ଷତ୍ରିଯା ରାଜନ୍ସୁତାର୍ଥିନ୍ଯୋଽଭିଚକ୍ରମୁଃ॥ 1-65-5 (2766)
ତାଭିଃ ସହ ସମାପେତୁର୍ବ୍ରାହ୍ମଣାଃ ସଂଶିତବ୍ରତାଃ।
ଋତାବୃତୌ ନରବ୍ଯାଘ୍ର ନ କାମାନ୍ନାନୃତୌ ତଥା॥ 1-65-6 (2767)
ତେଭ୍ଯଶ୍ଚ ତେଭିରେ ଗର୍ଭଂ କ୍ଷତ୍ରିଯାସ୍ତାଃ ସହସ୍ରଶଃ।
ତତଃ ସୁଷୁବିରେ ରାଜନ୍କ୍ଷତ୍ରିଯାନ୍ବୀର୍ଯବତ୍ତରାନ୍॥ 1-65-7 (2768)
କୁମାରାଂଶ୍ଚ କୁମାରୀଶ୍ଚ ପୁନଃ କ୍ଷତ୍ରାଭିବୃଦ୍ଧଯେ।
ଏବଂ ତଦ୍ବ୍ରାହ୍ମଣୈଃ କ୍ଷତ୍ରଂ କ୍ଷତ୍ରିଯାସୁ ତପସ୍ବିଭିଃ॥ 1-65-8 (2769)
ଜାତଂ ବୃଦ୍ଧଂ ଚ ଧର୍ମେଣ ସୁଦୀର୍ଗେଣାଯୁଷାନ୍ବିତମ୍।
ଚତ୍ବାରୋଽପି ତତୋ ବର୍ଣା ବଭୂବୁର୍ବ୍ରାହ୍ମଣୋତ୍ତରାଃ॥ 1-65-9 (2770)
ଅଭ୍ଯଗଚ୍ଛନ୍ନୃତୌ ନାରୀଂ ନ କାମାନ୍ନାନୃତୌ ତଥା।
ତଥୈବାନ୍ଯାନି ଭୂତାନି ତିର୍ଯଗ୍ଯୋନିଗତାନ୍ଯପି॥ 1-65-10 (2771)
ଋତୌ ଦାରାଂଶ୍ଚ ଗଚ୍ଛନ୍ତି ତତ୍ତଥା ଭରତର୍ଷଭ।
ତତୋଽବର୍ଧନ୍ତ ଧର୍ମେଣ ସହସ୍ରଶତଜୀବିନଃ॥ 1-65-11 (2772)
ତାଃ ପ୍ରଜାଃ ପୃଥିବୀପାଲ ଧର୍ମବ୍ରତପରାଯଣାଃ।
ଆଧିଭିର୍ବ୍ଯାଧିଭିଶ୍ଚୈବ ବିମୁକ୍ତାଃ ସର୍ବଶୋ ନରାଃ॥ 1-65-12 (2773)
ଅଥେମାଂ ସାଗରୋପାନ୍ତାଂ ଗାଂ ଗଜେନ୍ଦ୍ରଗତାଖିଲାମ୍।
ଅଧ୍ଯତିଷ୍ଠତ୍ପୁନଃ କ୍ଷତ୍ରଂ ସଶୈଲବନପତ୍ତନାମ୍॥ 1-65-13 (2774)
ପ୍ରଶାସତି ପୁନଃ କ୍ଷତ୍ରେ ଧର୍ମେଣେମାଂ ବସୁନ୍ଧରାମ୍।
ବ୍ରାହ୍ମଣାଦ୍ଯାସ୍ତତୋ ବର୍ଣା ଲେଭିରେ ମୁଦମୁତ୍ତମାମ୍॥ 1-65-14 (2775)
କାମକ୍ରୋଧୋଦ୍ଭବାନ୍ଦୋଷାନ୍ନିରସ୍ଯ ଚ ନରାଧିପାଃ।
ଧର୍ମେଣ ଦଣ୍ଡଂ ଦଣ୍ଡେଷୁ ପ୍ରଣଯନ୍ତୋଽନ୍ବପାଲଯନ୍॥ 1-65-15 (2776)
ତଥା ଧର୍ମପରେ କ୍ଷତ୍ରେ ସହସ୍ରାକ୍ଷଃ ଶତକ୍ରତୁଃ।
ସ୍ବାଦୁ ଦେଶେ ଚ କାଲେ ଚ ବବର୍ଷାପ୍ଯାଯଯନ୍ପ୍ରଜାଃ॥ 1-65-16 (2777)
ନ ବାଲ ଏବ ମ୍ରିଯତେ ତଦା କଶ୍ଚିଜ୍ଜନାଧିପ।
ନ ଚ ସ୍ତ୍ରିଯଂ ପ୍ରଜାନାତି କଶ୍ଚିଦପ୍ରାପ୍ତଯୌବନାମ୍॥ 1-65-17 (2778)
ଏବମାଯୁଷ୍ମତୀଭିସ୍ତୁ ପ୍ରଜାଭିର୍ଭରତର୍ଷଭ।
ଇଯଂ ସାଗରପର୍ଯନ୍ତା ସସାପୂର୍ଯତ ମେଦିନୀ॥ 1-65-18 (2779)
ଈଜିରେ ଚ ମହାଯଜ୍ଞୈଃ କ୍ଷତ୍ରିଯା ବହୁଦକ୍ଷିଣୈଃ।
ସାଙ୍ଗୋପନିଷଦାନ୍ବେଦାନ୍ବିପ୍ରାଶ୍ଚାଧୀଯତେ ତଦା॥ 1-65-19 (2780)
ନ ଚ ବିକ୍ରୀଣତେ ବ୍ର୍ହମ ବ୍ରାହ୍ମଣାଶ୍ଚ ତଦା ନୃପ।
ନ ଚ ଶୂଦ୍ରସମଭ୍ଯାଶେ ବେଦାନୁଚ୍ଚାରଯନ୍ତ୍ଯୁତ॥ 1-65-20 (2781)
କାରଯନ୍ତଃ କୃଷିଂ ଗୋଭିସ୍ତଥା ବୈଶ୍ଯାଃ କ୍ଷିତାବିହ।
ଯୁଞ୍ଜତେ ଧୁରି ନୋ ଗାଶ୍ଚ କୃଶାଙ୍ଗାଂଶ୍ଚାପ୍ଯଜୀବଯନ୍॥ 1-65-21 (2782)
ଫେନପାଂଶ୍ଚ ତଥା ବତ୍ସାନ୍ନ ଦୁହନ୍ତି ସ୍ମ ମାନବାଃ।
ନ କୂଟମାନୈର୍ବଣିଜଃ ପଣ୍ଯଂ ବିକ୍ରୀଣତେ ତଦା॥ 1-65-22 (2783)
କର୍ମାଣି ଚ ନରବ୍ଯାଘ୍ର ଧର୍ମୋପେତାନି ମାନବାଃ।
ଧର୍ମମେବାନୁପଶ୍ଯନ୍ତଶ୍ଚକ୍ରୁର୍ଧର୍ମପରାଯଣାଃ॥ 1-65-23 (2784)
ସ୍ବକର୍ମନିରତାଶ୍ଚାସନ୍ସର୍ବେ ବର୍ଣା ନରାଧିପ।
ଏବଂ ତଦା ନରବ୍ଯାଘ୍ର ଧର୍ମୋ ନ ହ୍ରସତେ କ୍ବଚିତ୍॥ 1-65-24 (2785)
କାଲେ ଗାବଃ ପ୍ରସୂଯନ୍ତେ ନାର୍ଯଶ୍ଚ ଭରତର୍ଷଭ।
ଭବନ୍ତ୍ଯୃତୁଷୁ ବୃକ୍ଷାଣାଂ ପୁଷ୍ପାଣି ଚ ଫଲାନି ଚ॥ 1-65-25 (2786)
ଏବଂ କୃତଯୁଗେ ସମ୍ଯଗ୍ବର୍ତମାନେ ତଦା ନୃପ।
ଆପୂର୍ଯତ ମହୀ କୃତ୍ସ୍ନା ପ୍ରାଣିଭିର୍ବହୁଭିର୍ଭୃଶମ୍॥ 1-65-26 (2787)
ଏବଂ ସମୁଦିତେ ଲୋକେ ମାନୁଷେ ଭରତର୍ଷଭ।
ଅସୁରା ଜଜ୍ଞିରେ କ୍ଷେତ୍ରେ ରାଜ୍ଞାଂ ତୁ ମନୁଜେଶ୍ବର॥ 1-65-27 (2788)
ଆଦିତ୍ଯୈର୍ହି ତଦା ଦୈତ୍ଯା ବହୁଶୋ ନିର୍ଜିତା ଯୁଧି।
ଐଶ୍ବର୍ଯାଦ୍ଧଂଶିତାଃ ସ୍ବର୍ଗାତ୍ସଂବଭୂବୁଃ କ୍ଷିତାବିହ॥ 1-65-28 (2789)
ଇହ ଦେବତ୍ବମିଚ୍ଛନ୍ତୋ ମାନୁଷେଷୁ ତପସ୍ବିନଃ।
ଜଜ୍ଞିରେ ଭୁବି ଭୂତେଷୁ ତେଷୁ ତେଷ୍ବସୁରା ବିଭୋ॥ 1-65-29 (2790)
ଗୋଷ୍ବଶ୍ବେଷୁ ଚ ରାଜେନ୍ଦ୍ର ଖରୋଷ୍ଟ୍ରମହିଷେଷୁ ଚ।
କ୍ରବ୍ଯାତ୍ସୁ ଚୈବ ଭୂତେଷୁ ଗଜେଷୁ ଚ ମୃଗେଷୁ ଚ॥ 1-65-30 (2791)
ଜାତୈରିହ ମହୀପାଲ ଜାଯମାନୈଶ୍ଚ ତୈର୍ମହୀ।
ନ ଶଶାକାତ୍ମନାତ୍ମାନମିଯଂ ଧାରଯିତୁଂ ଧରା॥ 1-65-31 (2792)
ଅଥ ଜାତା ମହୀପାଲାଃ କେଚିଦ୍ବହୁମଦାନ୍ବିତାଃ।
ଦିତେଃ ପୁତ୍ରା ଦନୋଶ୍ଚୈବ ତଦା ଲୋକାଦିହ ଚ୍ଯୁତାଃ॥ 1-65-32 (2793)
ବୀର୍ଯବନ୍ତୋଽବଲିପ୍ତାସ୍ତେ ନାନାରୂପଧରା ମହୀମ୍।
ଇମାଂ ସାଗରପର୍ଯନ୍ତାଂ ପରୀଯୁରରିମର୍ଦନାଃ॥ 1-65-33 (2794)
ବ୍ରାହ୍ମଣାନ୍କ୍ଷତ୍ରିଯାନ୍ବୈଶ୍ଯାଞ୍ଶୂଦ୍ରାଂଶ୍ଚୈବାପ୍ଯପୀଡଯନ୍।
ଅନ୍ଯାନି ଚୈବ ସତ୍ବାନି ପୀଡଯାମାସୁରୋଜସା॥ 1-65-34 (2795)
ତ୍ରାସଯନ୍ତୋଽଭିନିଘ୍ନନ୍ତଃ ସର୍ବଭୂତଗଣାଂଶ୍ଚ ତେ।
ବିଚେରୁଃ ସର୍ବଶୋ ରାଜନ୍ମହୀଂ ଶତସହସ୍ରଶଃ॥ 1-65-35 (2796)
ଆଶ୍ରମସ୍ଥାନ୍ମହର୍ଷୀଂଶ୍ଚ ଧର୍ଷଯନ୍ତସ୍ତତସ୍ତତଃ।
ଅବ୍ରହ୍ମଣ୍ଯା ବୀର୍ଯମଦା ମତ୍ତା ମଦବଲେନ ଚ॥ 1-65-36 (2797)
ଏବଂ ବୀର୍ଯବଲୋତ୍ସିକ୍ତୈର୍ଭୂରିଯଂ ତୈର୍ମହାସୁରୈଃ।
ପୀଡ୍ଯମାନା ମହୀ ରାଜନ୍ବ୍ରହ୍ମାଣମୁପଚକ୍ରମେ॥ 1-65-37 (2798)
ନ ହ୍ଯମୀ ଭୂତସତ୍ବୌଘାଃ ପନ୍ନଗାଃ ସନଗାଂ ମହୀମ୍।
ତଦା ଧାରଯିତୁଂ ଶେକୁରାକ୍ରାନ୍ତାଂ ଦାନବୈର୍ବଲାତ୍॥ 1-65-38 (2799)
ତତୋ ମହୀ ମହୀପାଲ ଭାରାର୍ତା ଭଯପୀଡିତା।
ଜଗାମ ଶରଣଂ ଦେବଂ ସର୍ବଭୂତପିତାମହମ୍॥ 1-65-39 (2800)
ସା ସଂବୃତଂ ମହାଭାଗୈର୍ଦେବଦ୍ବିଜମହର୍ଷିଭିଃ।
ଦଦର୍ଶ ଦେବଂ ବ୍ରହ୍ମାଣଂ ଲୋକକର୍ତାରମବ୍ଯଯମ୍॥ 1-65-40 (2801)
ଗନ୍ଧର୍ବୈରପ୍ସରୋଭିଶ୍ଚ ବନ୍ଦିକର୍ମସୁ ନିଷ୍ଠିତୈଃ।
ବନ୍ଦ୍ଯମାନଂ ମୁଦୋପତୈର୍ବବନ୍ଦେ ଚୈନମେତ୍ଯ ସା॥ 1-65-41 (2802)
ଅଥ ବିଜ୍ଞାପଯାମାସ ଭୂମିସ୍ତଂ ଶରଣାର୍ଥିନୀ।
ସନ୍ନିଧୌ ଲୋକପାଲାନାଂ ସର୍ବେଷାମେବ ଭାରତ॥ 1-65-42 (2803)
ତତ୍ପ୍ରଧାନାତ୍ମନସ୍ତସ୍ଯ ଭୂମେଃ କୃତ୍ଯଂ ସ୍ବଯଂଭୁବଃ।
ପୂର୍ବମେବାଭବଦ୍ରାଜନ୍ବିଦିତଂ ପରମେଷ୍ଠିନଃ॥ 1-65-43 (2804)
ସ୍ରଷ୍ଟା ହି ଜଗତଃ କସ୍ମାନ୍ନ ସଂବୁଧ୍ଯେତ ଭାରତ।
ସସୁରାସୁରଲୋକାନାମଶେଷେଣ ମନୋଗତମ୍॥ 1-65-44 (2805)
ତାମୁବାଚ ମହାରାଜ ଭୂମିଂ ଭୂମିପତିଃ ପ୍ରଭୁଃ।
ପ୍ରଭବଃ ସର୍ବଭୂତାନାମୀଶଃ ଶଂଭୁଃ ପ୍ରଜାପତିଃ॥ 1-65-45 (2806)
ବ୍ରହ୍ମୋବାଚ। 1-65-46x (316)
ଯଦର୍ଥମଭିସଂପ୍ରାପ୍ତା ମତ୍ସକାଶଂ ବସୁନ୍ଧରେ।
ତଦର୍ଥଂ ସନ୍ନିଯୋକ୍ଷ୍ଯାମି ସର୍ବାନେବ ଦିବୌକସଃ॥ 1-65-46 (2807)
`ଉତ୍ତିଷ୍ଠ ଗଚ୍ଛ ବସୁଧେ ସ୍ବସ୍ଥାନମିତି ସାଽଗମତ୍।' 1-65-47 (2808)
ବୈଶମ୍ପାଯନ ଉବାଚ।
ଇତ୍ଯୁକ୍ତ୍ବା ସ ମହୀଂ ଦେବୋ ବ୍ରହ୍ମା ରାଜନ୍ବିସୃଜ୍ଯ ଚ।
ଆଦିଦେଶ ତଦା ସର୍ବାନ୍ବିବୁଧାନ୍ଭୂତକୃତ୍ସ୍ବଯମ୍॥ 1-65-47x (317)
ଅସ୍ଯା ଭୂମେର୍ନିରସିତୁଂ ଭାରଂ ଭାଗୈଃ ପୃଥକ୍ପୃଥକ୍।
ଅସ୍ଯାମେବ ପ୍ରସୂଯଧ୍ବଂ ତିରୋଧାଯେତି ଚାବ୍ରବୀତ୍॥ 1-65-48 (2809)
ତଥୈବ ଚ ସମାନୀଯ ଗନ୍ଧର୍ବାପ୍ସରସାଂ ଗଣାନ୍।
ଉବାଚ ଭଗବାନ୍ସର୍ବାନିଦଂ ବଚନମର୍ଥବତ୍॥ 1-65-49 (2810)
ବ୍ରହ୍ମୋବାଚ। 1-65-50x (318)
ସ୍ବୈଃ ସ୍ବୈରଂଶୈଃ ପ୍ରସୂଯଧ୍ବଂ ଯଥେଷ୍ଟଂ ମାନେଷେଷୁ ଚ। 1-65-50 (2811)
ବୈଶମ୍ପାଯନ ଉବାଚ।
ଅଥ ଶକ୍ରାଦଯଃ ସର୍ବେ ଶ୍ରୁତ୍ବା ସୁରଗୁରୋର୍ବଚଃ।
ତଥ୍ଯମର୍ଥ୍ଯଂ ଚ ପଥ୍ଯଂ ଚ ତସ୍ଯ ତେ ଜଗୃହୁସ୍ତଦା॥ 1-65-50x (319)
ଅଥ ତେ ସର୍ବଶୋଂଶୈଃ ସ୍ବୈର୍ଗନ୍ତୁଂ ଭୂମିଂ କୃତକ୍ଷଣାଃ।
ନାରାଯଣମମିତ୍ରଘ୍ନଂ ବୈକୁଣ୍ଠମୁପଚକ୍ରମୁଃ॥ 1-65-51 (2812)
ଯଃ ସ ଚକ୍ରଗଦାପାଣିଃ ପୀତବାସାଃ ଶିତିପ୍ରଭଃ।
ପଦ୍ମନାଭଃ ସୁରାରିଘ୍ନଃ ପୃଥୁଚାର୍ବଞ୍ଚିତେକ୍ଷଣଃ॥ 1-65-52 (2813)
ପ୍ରଜାପତିପତିର୍ଦେବଃ ସୁରନାଥୋ ମହାବଲଃ।
ଶ୍ରୀବତ୍ସାଙ୍କୋ ହୃଷୀକେଶଃ ସର୍ବଦୈବତପୂଜିତଃ॥ 1-65-53 (2814)
ତଂ ଭୁବଃ ଶୋଧନାଯେନ୍ଦ୍ର ଉବାଚ ପୁରୁଷୋତ୍ତମମ୍।
ଅଂଶେନାବତରେତ୍ଯେବଂ ତଥେତ୍ଯାହ ଚ ତଂ ହରିଃ॥ ॥ 1-65-54 (2815)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଅଂଶାବତରଣପର୍ବଣି ପଞ୍ଚଷଷ୍ଟିତମୋଽଧ୍ଯାଯଃ॥ 65 ॥ ॥ ସମାପ୍ତମଂଶାବତରଣପର୍ବ ॥
Mahabharata - Adi Parva - Chapter Footnotes
1-65-4 ତ୍ରିଃସପ୍ତକୃତ୍ବା ଏକବିଂଶତିବାରାନ୍॥ 1-65-13 ହେ ଗଜେନ୍ଦ୍ରଗତ ହେ ଗଜେନ୍ଦ୍ରଗମନ॥ 1-65-20 ବ୍ରହ୍ମ ବେଦଂ ନ ବିକ୍ରୀଣତେ ଭୃତକାଧ୍ଯାପନଂ ନ କୁର୍ବତ ଇତ୍ଯର୍ଥଃ॥ 1-65-21 ବୈଶ୍ଯାଃ ସ୍ବଯଂ ଧୁରି ଗା ବଲୀବର୍ଦାନ୍ ନ ଯୁଞ୍ଜତେ॥ 1-65-22 ଫେନପାନ୍ ଅତୃଣାଦାନଭିଲକ୍ଷ୍ଯ ନ ଦୁହନ୍ତି ଧେନୂରିତି ଶେଷଃ। କୂଟମାନୈଃ କପଟତୁଲାପ୍ରସ୍ଥାଦିଭିଃ॥ 1-65-29 ଦେବତ୍ବଂ ରାଜତ୍ବମ୍॥ 1-65-36 ମହୀ ଉପଚକ୍ରମେ ଗନ୍ତୁମିତି ଶେଷଃ॥ 1-65-48 ତିରୋଧାଯ ସ୍ବଂସ୍ବଂ ରୂପଂ ପ୍ରଚ୍ଛାଦ୍ଯ॥ 1-65-54 ଶୋଧନାଯ କଣ୍ଟକଭୂତଖଲୋନ୍ମୂଲନାଯ॥ ପଞ୍ଚଷଷ୍ଟିତମୋଽଧ୍ଯାଯଃ॥ 65 ॥ଆଦିପର୍ବ - ଅଧ୍ଯାଯ 066
॥ ଶ୍ରୀଃ ॥
1.66. ଅଧ୍ଯାଯଃ 066
(ଅଥ ସଂଭବପର୍ବ ॥ 7 ॥)
Mahabharata - Adi Parva - Chapter Topics
ଅଦିତ୍ଯାଦିଦକ୍ଷକନ୍ଯାବଂଶକଥନମ୍॥ 1 ॥Mahabharata - Adi Parva - Chapter Text
1-66-0 (2816)
ବୈଶମ୍ପାଯନ ଉବାଚ। 1-66-0x (320)
ଅଥ ନାରାଯଣେନେନ୍ଦ୍ରଶ୍ଚକାର ସହ ସଂବିଦମ୍।
ଅବତର୍ତୁଂ ମହୀଂ ସ୍ବର୍ଗାଦଂଶତଃ ମହିତଃ ସୁରୈଃ॥ 1-66-1 (2817)
ଆଦିଶ୍ଯ ଚ ସ୍ବଯଂ ଶକ୍ରଃ ସର୍ବାନେବ ଦିବୌକସଃ।
ନିର୍ଜଗାମ ପୁନସ୍ତସ୍ମାତ୍କ୍ଷଯାନ୍ନାରାଯଣସ୍ଯ ହ॥ 1-66-2 (2818)
ତେଽମରାରିବିନାଶାଯ ସର୍ବଲୋକହିତାଯ ଚ।
ଅବତେରୁଃ କ୍ରମେଣୈବ ମହୀଂ ସ୍ବର୍ଗାଦ୍ଦିବୌକସଃ॥ 1-66-3 (2819)
ତତୋ ବ୍ରହ୍ମର୍ଷିବଂଶେଷୁ ପାର୍ଥିବର୍ଷିକୁଲେଷୁ ଚ।
ଜଜ୍ଞିରେ ରାଜଶାର୍ଦୂଲ ଯଥାକାମଂ ଦିବୌକସଃ॥ 1-66-4 (2820)
ଦାନବାନ୍ରାକ୍ଷସାଂଶ୍ଚୈବ ଗନ୍ଧର୍ବାନ୍ପନ୍ନଗାଂସ୍ତଥା।
ପୁରୁଷାଦାନି ଚାନ୍ଯାନି ଜଘ୍ନୁଃ ସତ୍ବାନ୍ଯନେକଶଃ॥ 1-66-5 (2821)
ଦାନବା ରାକ୍ଷସାଶ୍ଚୈବ ଗନ୍ଧର୍ବାଃ ପନ୍ନଗାସ୍ତଥା।
ନ ତାନ୍ବଲସ୍ଥାନ୍ବାଲ୍ଯେଽପି ଜଘ୍ନୁର୍ଭରତସତ୍ତମ॥ 1-66-6 (2822)
ଜନମେଜଯ ଉବାଚ। 1-66-7x (321)
ଦେବଦାନବସଙ୍ଘାନାଂ ଗନ୍ଧର୍ବାପ୍ସରସାଂ ତଥା।
ମାନବାନାଂ ଚ ସର୍ବେଷାଂ ତଥା ବୈ ଯକ୍ଷରକ୍ଷସାମ୍॥ 1-66-7 (2823)
ଶ୍ରୋତୁମିଚ୍ଛାମି ତତ୍ତ୍ବେନ ସଂଭବଂ କୃତ୍ସ୍ନମାଦିତଃ।
ପ୍ରାଣିନାଂ ଚୈବ ସର୍ବେଷାଂ ସଂଭବଂ ବକ୍ତୁମର୍ହସି॥ 1-66-8 (2824)
ବୈଶମ୍ପାଯନ ଉବାଚ। 1-66-9x (322)
ହନ୍ତ ତେ କଥଯିଷ୍ଯାମି ନମସ୍କୃତ୍ଯ ସ୍ବଯଂଭୁବେ।
ସୁରାଦୀନାମହଂ ସମ୍ଯଗ୍ଲୋକାନାଂ ପ୍ରଭବାପ୍ଯଯମ୍॥ 1-66-9 (2825)
ବ୍ରହ୍ମଣୋ ମାନସାଃ ପୁତ୍ରା ବିଦିତାଃ ଷଣ୍ମହର୍ଷଯଃ।
ମରୀଚିରତ୍ର୍ଯହ୍ଗିରସୌ ପୁଲସ୍ତ୍ଯଃ ପୁଲହଃ କ୍ରତୁଃ॥ 1-66-10 (2826)
ମରୀଚେଃ କଶ୍ଯପଃ ପୁତ୍ରଃ କଶ୍ଯପାତ୍ତୁ ଇମାଃ ପ୍ରଜାଃ।
ପ୍ରଜଜ୍ଞିରେ ମହାଭାଗା ଦକ୍ଷକନ୍ଯାସ୍ତ୍ରଯୋଦଶ॥ 1-66-11 (2827)
ଅଦିତିର୍ଦିତିର୍ଦନୁଃ କାଲା ଦନାଯୁଃ ସିଂହିକା ତଥା।
କ୍ରୋଧା ପ୍ରାଧା ଚ ବିଶ୍ବା ଚ ବିନତା କପିଲା ମୁନିଃ॥ 1-66-12 (2828)
କଦ୍ରୂଶ୍ଚ ମନୁଜବ୍ଯାଘ୍ର ଦକ୍ଷକନ୍ଯୈବ ଭାରତ।
ଏତାସାଂ ବୀର୍ଯସଂପନ୍ନଂ ପୁତ୍ରପୌତ୍ରମନନ୍ତକମ୍॥ 1-66-13 (2829)
ଅଦିତ୍ଯାଂ ଦ୍ବାଦଶାଦିତ୍ଯାଃ ସଂଭୂତା ଭୁବନେଶ୍ବରାଃ।
ଯେ ରାଜନ୍ନାମତସ୍ତାଂସ୍ତେ କୀର୍ତଯିଷ୍ଯାମି ଭାରତ॥ 1-66-14 (2830)
ଧାତା ମିତ୍ରୋଽର୍ଯମା ଶକ୍ରୋ ବରୁଣସ୍ତ୍ବଂଶ ଏବ ଚ।
ଭଗୋ ବିବସ୍ବାନ୍ପୂଷା ଚ ସବିତା ଦଶମସ୍ତଥା॥ 1-66-15 (2831)
ଏକାଦଶସ୍ତଥା ତ୍ବଷ୍ଟା ଦ୍ବାଦଶୋ ବିଷ୍ଣୁରୁଚ୍ଯତେ।
ଜଘନ୍ଯଜସ୍ତୁ ସର୍ବେଷାମାଦିତ୍ଯାନାଂ ଗୁଣାଧିକଃ॥ 1-66-16 (2832)
ଏକ ଏବ ଦିତେଃ ପୁତ୍ରୋ ହିରଣ୍ଯକଶିପୁଃ ସ୍ମୃତଃ।
ନାମ୍ନା ଖ୍ଯାତାସ୍ତୁ ତସ୍ଯେମେ ପଞ୍ଚ ପୁତ୍ରା ମହାତ୍ମନଃ॥ 1-66-17 (2833)
ପ୍ରହ୍ଲାଦଃ ପୂର୍ବଜସ୍ତେଷାଂ ସଂହ୍ଲାଦସ୍ତଦନନ୍ତରମ୍।
ଅନୁହ୍ଲାଦସ୍ତୃତୀଯୋଽଭୂତ୍ତସ୍ମାଚ୍ଚ ଶିବିବାଷ୍କଲୌ॥ 1-66-18 (2834)
ପ୍ରହ୍ଲାଦସ୍ଯ ତ୍ରଯଃ ପୁତ୍ରାଃ ଖ୍ଯାତାଃ ସର୍ବତ୍ର ଭାରତ।
ବିରୋଚନଶ୍ଚ କୁମ୍ଭଶ୍ଚ ନିକୁମ୍ଭଶ୍ଚେତି ଭାରତ॥ 1-66-19 (2835)
ବିରୋଚନସ୍ଯ ପୁତ୍ରୋଽଭୂଦ୍ବଲିରେକଃ ପ୍ରତାପବାନ୍।
ବଲେଶ୍ଚ ପ୍ରଥିତଃ ପୁତ୍ରୋ ବାଣୋ ନାମ ମହାସୁରଃ॥ 1-66-20 (2836)
ରୁଦ୍ରସ୍ଯାନୁଚରଃ ଶ୍ରୀମାନ୍ମହାକାଲେତି ଯଂ ବିଦୁଃ।
ଚତ୍ବାରିଂଶଦ୍ଦନୋଃ ପୁତ୍ରାଃ ଖ୍ଯାତାଃ ସର୍ବତ୍ର ଭାରତ॥ 1-66-21 (2837)
ତେଷାଂ ପ୍ରଥମଜୋ ରାଜା ବିପ୍ରଚିତ୍ତିର୍ମହାଯଶାଃ।
ଶମ୍ବରୋ ନମୁଚିଶ୍ଚୈବ ପୁଲୋମା ଚେତି ବିଶ୍ରୁତଃ॥ 1-66-22 (2838)
ଅସିଲୋମା ଚ କେଶୀ ଚ ଦୁର୍ଜଯଶ୍ଚୈବ ଦାନବଃ।
ଅଯଃଶିରା ଅଶ୍ବଶିରା ଅଶ୍ବଶହ୍କୁଶ୍ଚ ବୀର୍ଯବାନ୍॥ 1-66-23 (2839)
ତଥା ଗଗନମୂର୍ଧା ଚ ବେଗବାନ୍କେତୁମାଂଶ୍ଚ ସଃ।
ସ୍ବର୍ଭାନୁରଶ୍ବୋଽଶ୍ବପତିର୍ବୃଷପର୍ବାଽଜକସ୍ତଥା॥ 1-66-24 (2840)
ଅଶ୍ବଗ୍ରୀବଶ୍ଚ ସୂକ୍ଷ୍ମଶ୍ଚ ତୁହୁଣ୍ଡଶ୍ଚ ମହାବଲଃ।
ଇଷୁପାଦେକଚକ୍ରଶ୍ଚ ବିରୂପାକ୍ଷହରାହରୌ॥ 1-66-25 (2841)
ନିଚନ୍ଦ୍ରଶ୍ଚ ନିକୁମ୍ଭଶ୍ଚ କୁପଟଃ କପଟସ୍ତଥା।
ଶରଭଃ ଶଲଭଶ୍ଚୈବ ସୂର୍ଯାଚନ୍ଦ୍ରମସୌ ତଥା।
ଏତେ ଖ୍ଯାତା ଦନୋର୍ବଂଶେ ଦାନବାଃ ପରିକୀର୍ତିତାଃ॥ 1-66-26 (2842)
ଅନ୍ଯୌ ତୁ ଖଲୁ ଦେବାନାଂ ସୂର୍ଯାଚନ୍ଦ୍ରମସୌ ସ୍ମୃତୌ।
ଅନ୍ଯୌ ଦାନବମୁଖ୍ଯାନାଂ ସୂର୍ଯାଚନ୍ଦ୍ରମସୌ ତଥା॥ 1-66-27 (2843)
ଇମେ ଚ ବଂଶାଃ ପ୍ରଥିତାଃ ସତ୍ବବନ୍ତୋ ମହାବଲାଃ।
ଦନୁପୁତ୍ରା ମହାରାଜ ଦଶ ଦାନବବଂଶଜାଃ॥ 1-66-28 (2844)
ଏକାକ୍ଷୋ ମୃତପୋ ବୀରଃ ପ୍ରଲମ୍ବନରକାବପି।
ବାତାପିଃ ଶତ୍ରୁତପନଃ ଶଠଶ୍ଚୈବ ମହାସୁରଃ॥ 1-66-29 (2845)
ଗବିଷ୍ଠଶ୍ଚ ବନାଯୁଶ୍ଚ ଦୀର୍ଘଜିହ୍ବଶ୍ଚ ଦାନବଃ।
ଅସଙ୍ଖ୍ଯେଯାଃ ସ୍ମୃତାସ୍ତେଷାଂ ପୁତ୍ରାଃ ପୌତ୍ରାଶ୍ଚ ଭାରତ॥ 1-66-30 (2846)
ସିଂହିକା ସୁଷୁବେ ପୁତ୍ରଂ ରାହୁଂ ଚନ୍ଦ୍ରାର୍କମର୍ଦନମ୍।
ସୁଚନ୍ଦ୍ରଂ ଚନ୍ଦ୍ରହର୍ତାରଂ ତଥା ଚନ୍ଦ୍ରପ୍ରମର୍ଦନମ୍॥ 1-66-31 (2847)
କ୍ରୂରସ୍ବଭାବଂ କ୍ରୂରାଯାଃ ପୁତ୍ରପୌତ୍ରମନନ୍ତକମ୍।
ଗଣଃ କ୍ରୋଧବଶୋ ନାମ କ୍ରୂରକର୍ମାଽରିମର୍ଦନଃ॥ 1-66-32 (2848)
ଦନାଯୁଷଃ ପୁନଃ ପୁତ୍ରାଶ୍ଚତ୍ବାରୋଽସୁରପୁଂଗବାଃ।
ବିକ୍ଷରୋ ବଲବୀରୌ ଚ ବୃତ୍ରଶ୍ଚୈବ ମହାସୁରଃ॥ 1-66-33 (2849)
କାଲାଯାଃ ପ୍ରଥିତାଃ ପୁତ୍ରାଃ କାଲକଲ୍ପାଃ ପ୍ରହାରିଣଃ।
ପ୍ରବିଖ୍ଯାତା ମହାବୀର୍ଯା ଦାନବେଷୁ ପରନ୍ତପାଃ॥ 1-66-34 (2850)
ବିନାଶନଶ୍ଚ କ୍ରୋଧଶ୍ଚ କ୍ରୋଧହନ୍ତା ତଥୈବ ଚ।
କ୍ରୋଧଶତ୍ରୁସ୍ତଥୈବାନ୍ଯେ କାଲକେଯା ଇତି ଶ୍ରୁତାଃ॥ 1-66-35 (2851)
ଅସୁରାଣାମୁପାଧ୍ଯାଯଃ ଶକ୍ରସ୍ତ୍ବଷିସୁତୋଽଭବତ୍।
ଖ୍ଯାତାଶ୍ଚୋଶନସଃ ପୁତ୍ରାଶ୍ଚତ୍ବାରୋଽସୁରଯାଜକାଃ॥ 1-66-36 (2852)
ତ୍ବଷ୍ଟା ଧରସ୍ତଥାତ୍ରିଶ୍ଚ ଦ୍ବାବନ୍ଯୌ ରୌଦ୍ରକର୍ମିଣୌ।
ତେଜସା ସୂର୍ଯସଂକାଶା ବ୍ରହ୍ମଲୋକପରାଯଣାଃ॥ 1-66-37 (2853)
ଇତ୍ଯେଷ ବଂଶପ୍ରଭବଃ କଥିତସ୍ତେ ତରସ୍ବିନାମ୍।
ଅସୁରାଣାଂ ସୁରାଣାଂ ଚ ପୁରାଣେ ସଂଶ୍ରୁତୋ ମଯା॥ 1-66-38 (2854)
ଏତେଷାଂ ଯଦପତ୍ଯଂ ତୁ ନ ଶକ୍ଯଂ ତଦଶେଷତଃ॥
ପ୍ରସଂଖ୍ଯାତୁଂ ମହୀପାଲ ଗୁଣଭୂତମନନ୍ତକମ୍॥ 1-66-39 (2855)
ତାର୍କ୍ଷ୍ଯଶ୍ଚାରିଷ୍ଟନେମିଶ୍ଚ ତଥୈବ ଗରୁଡାରୁଣୌ।
ଆରୁଣିର୍ବାରୁଣିଶ୍ଚୈବ ବୈନତେଯାଃ ପ୍ରକୀର୍ତିତାଃ॥ 1-66-40 (2856)
ଶେଷୋଽନନ୍ତୋ ବାସୁକିଶ୍ଚ ତକ୍ଷକଶ୍ଚ ଭୁଜଙ୍ଗମଃ।
କୂର୍ମଶ୍ଚ କୁଲିକଶ୍ଚୈବ କାଦ୍ରବେଯାଃ ପ୍ରକୀର୍ତିତାଃ॥ 1-66-41 (2857)
ଭୀମସେନୋଗ୍ରସେନୌ ଚ ସୁପର୍ଣୋ ବରୁଣସ୍ତଥା।
ଗୋପତିର୍ଧୃତରାଷ୍ଟ୍ରଶ୍ଚ ସୂର୍ଯବର୍ଚାଶ୍ଚ ସପ୍ତମଃ॥ 1-66-42 (2858)
ସତ୍ଯବାଗର୍କପର୍ଣଶ୍ଚ ପ୍ରଯୁତଶ୍ଚାପି ବିଶ୍ରୁତଃ।
ଭୀମଶ୍ଚିତ୍ରରଥଶ୍ଚୈବ ବିଖ୍ଯାତଃ ସର୍ବବିଦ୍ବଶୀ॥ 1-66-43 (2859)
ତଥା ଶାଲିଶିରା ରାଜନ୍ପର୍ଜନ୍ଯଶ୍ଚ ଚତୁର୍ଦଶଃ।
କଲିଃ ପଞ୍ଚଦଶସ୍ତେଷାଂ ନାରଦଶ୍ଚୈବ ଷୋଡଶଃ॥
ଇତ୍ଯେତେ ଦେବଗନ୍ଧର୍ବା ମୌନେଯାଃ ପରିକୀର୍ତିତାଃ॥ 1-66-44 (2860)
ଅଥ ପ୍ରଭୂତାନ୍ଯନ୍ଯାନି କୀର୍ତଯିଷ୍ଯାମି ଭାରତ।
ଅନବଦ୍ଯାଂ ମନୁଂ ବଂଶାମସୁରାଂ ମାର୍ଗଣପ୍ରିଯାମ୍॥ 1-66-45 (2861)
ଅରୂପାଂ ସୁଭଗାଂ ଭାସୀମିତି ପ୍ରାଧା ବ୍ଯଜାଯତ।
ସିଦ୍ଧଃ ପୂର୍ଣଶ୍ଚ ବର୍ହିଶ୍ଚ ପୂର୍ଣାଯୁଶ୍ଚ ମହାଯଶାଃ॥ 1-66-46 (2862)
ବ୍ରହ୍ମଚାରୀ ରତିଗୁଣଃ ସୁପର୍ଣଶ୍ଚୈବ ସପ୍ତମଃ।
ବିଶ୍ବାବସୁଶ୍ଚ ଭାନୁଶ୍ଚ ସୁଚନ୍ଦ୍ରୋ ଦଶମସ୍ତଥା॥ 1-66-47 (2863)
ଇତ୍ଯେତେ ଦେବଗନ୍ଧର୍ବାଃ ପ୍ରାଧେଯାଃ ପରିକୀର୍ତିତାଃ।
ଇମଂ ତ୍ବପ୍ସରସାଂ ବଂଶଂ ବିଦିତଂ ପୁଣ୍ଯଲକ୍ଷଣମ୍॥ 1-66-48 (2864)
ଅରିଷ୍ଟାଽସୂତ ସୁଭଗା ଦେବୀ ଦେବର୍ଷିତଃ ପୁରା।
ଅଲମ୍ବୁଷା ମିଶ୍ରକେଶୀ ବିଦ୍ଯୁତ୍ପର୍ଣା ତିଲୋତ୍ତମା॥ 1-66-49 (2865)
ଅରୁଣା ରକ୍ଷିତା ଚୈବ ରମ୍ବା ତଦ୍ବନ୍ମନୋରମା।
କେଶିନୀ ଚ ସୁବାହୁଶ୍ଚ ସୁରତା ସୁରଜା ତଥା॥ 1-66-50 (2866)
ସୁପ୍ରିଯା ଚାତିବାହୁଶ୍ଚ ବିଖ୍ଯାତୌ ଚ ହାହା ହୂହୂଃ।
ତୁମ୍ବୁରୁଶ୍ଚେତି ଚତ୍ବାରଃ ସ୍ମୃତା ଗନ୍ଧର୍ବସତ୍ତମାଃ॥ 1-66-51 (2867)
ଅମୃତଂ ବ୍ରାହ୍ମଣା ଗାବୋ ଗନ୍ଧର୍ବାପ୍ସରସସ୍ତଥା।
ଅପତ୍ଯଂ କପିଲାଯାସ୍ତୁ ପୁରାଣେ ପରିକୀର୍ତିତମ୍॥ 1-66-52 (2868)
ଇତି ତେ ସର୍ବଭୂତାନାଂ ସଂଭବଃ କଥିତୋ ମଯା।
ଯଥାବତ୍ସଂପରିଖ୍ଯାତୋ ଗନ୍ଧର୍ବାପ୍ସରସାଂ ତଥା॥ 1-66-53 (2869)
ଭୁଜଂଗାନାଂ ସୁପର୍ଣାନାଂ ରୁଦ୍ରାଣାଂ ମରୁତାଂ ତଥା।
ଗବାଂ ଚ ବ୍ରାହ୍ମଣାନାଂ ଚ ଶ୍ରୀମତାଂ ପୁଣ୍ଯକର୍ମଣାମ୍॥ 1-66-54 (2870)
ଆଯୁଷ୍ଯଶ୍ଚୈବ ପୁଣ୍ଯଶ୍ଚ ଧନ୍ଯଃ ଶ୍ରୁତିସୁଖାବହଃ।
ଶ୍ରୋତବ୍ଯଶ୍ଚୈବ ସତତଂ ଶ୍ରାବ୍ଯଶ୍ଚୈବାନସୂଯତା॥ 1-66-55 (2871)
ଇମଂ ତୁ ବଂଶଂ ନିଯମେନ ଯଃ ପଠେ-
ନ୍ମହାତ୍ମନାଂ ବ୍ରାହ୍ମଣଦେବସନ୍ନିଧୌ।
ଅପତ୍ଯଲାଭଂ ଲଭତେ ସ ପୁଷ୍କଲଂ
ଶ୍ରିଯଂ ଯଶଃ ପ୍ରେତ୍ଯ ଚ ଶୋଭନାଂ ଗତିମ୍॥ ॥ 1-66-56 (2872)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଷଟ୍ଷଷ୍ଟିତମୋଽଧ୍ଯାଯଃ॥ 66 ॥
Mahabharata - Adi Parva - Chapter Footnotes
1-66-2 କ୍ଷଯାତ୍ ସ୍ଥାନାତ୍॥ 1-66-16 ଜଘନ୍ଯଜଃ ପଶ୍ଚାଜ୍ଜାତଃ॥ 1-66-32 କ୍ରୂରାଯାଃ କ୍ରୋଧାଯାଃ॥ 1-66-39 ଗୁଣଭୂତପ୍ରଧାନରୂପମ୍॥ ଷଟ୍ଷଷ୍ଟିତମୋଽଧ୍ଯାଯଃ॥ 66 ॥ଆଦିପର୍ବ - ଅଧ୍ଯାଯ 067
॥ ଶ୍ରୀଃ ॥
1.67. ଅଧ୍ଯାଯଃ 067
Mahabharata - Adi Parva - Chapter Topics
ଋଷ୍ଯାଦିବଂଶକଥନମ୍॥ 1 ॥Mahabharata - Adi Parva - Chapter Text
1-67-0 (2873)
ବୈଶମ୍ପାଯନ ଉବାଚ। 1-67-0x (323)
ବ୍ରହ୍ମଣୋ ମାନସାଃ ପୁତ୍ରା ବିଦିତାଃ ଷଣ୍ମହର୍ଷଯଃ।
ଏକାଦଶ ସୁତାଃ ସ୍ଥାଣୋଃ ଖ୍ଯାତାଃ ପରମତେଜସଃ॥ 1-67-1 (2874)
ମୃଗବ୍ଯାଧଶ୍ଚ ସର୍ପଶ୍ଚ ନିର୍ଋତିଶ୍ଚ ମହାଯଶାଃ।
ଅଜୈକପାଦହିର୍ବିଧ୍ନ୍ଯଃ ପିନାକୀ ଚ ପରନ୍ତପଃ॥ 1-67-2 (2875)
ଦହନୋଽଥେଶ୍ବରଶ୍ଚୈବ କପାଲୀ ଚ ମହାଦ୍ଯୁତିଃ।
ସ୍ଥାଣୁର୍ଭଗଶ୍ଚ ଭଗବାନ୍ ରୁଦ୍ରା ଏକାଦଶ ସ୍ମୃତାଃ॥ 1-67-3 (2876)
ମରୀଚିରଙ୍ଗିରା ଅତ୍ରିଃ ପୁଲସ୍ତ୍ଯଃ ପୁଲହଃ କ୍ରତୁଃ।
ଷଡେତେ ବ୍ରହ୍ମଣଃ ପୁତ୍ରା ବୀର୍ଯବନ୍ତୋ ମହର୍ଷଯଃ॥ 1-67-4 (2877)
ତ୍ରଯସ୍ତ୍ବଙ୍ଗିରସଃ ପୁତ୍ରା ଲୋକେ ସର୍ବତ୍ର ବିଶ୍ରୁତାଃ।
ବୃହସ୍ପତିରୁତଥ୍ଯଶ୍ଚ ସଂବର୍ତଶ୍ଚ ଧୃତବ୍ରତାଃ॥ 1-67-5 (2878)
ଅତ୍ରେସ୍ତୁ ବହବଃ ପୁତ୍ରାଃ ଶ୍ରୂଯନ୍ତେ ମନୁଜାଧିପ।
ସର୍ବେ ବେଦବିଦଃ ସିଦ୍ଧାଃ ଶାନ୍ତାତ୍ମାନୋ ମହର୍ଷଯଃ॥ 1-67-6 (2879)
ରାକ୍ଷସାଶ୍ଚ ପୁଲସ୍ତ୍ଯସ୍ଯ ବାନରାଃ କିନ୍ନରାସ୍ତଥା।
ଯକ୍ଷାଶ୍ଚ ମନୁଜବ୍ଯାଘ୍ର ପୁତ୍ରାସ୍ତସ୍ଯ ଚ ଧୀମତଃ॥ 1-67-7 (2880)
ପୁଲହସ୍ଯ ସୁତା ରାଜଞ୍ଶରଭାଶ୍ଚ ପ୍ରକୀର୍ତିତାଃ।
ସିଂହାଃ କିପୁରୁଷା ବ୍ଯାଘ୍ରା ଋକ୍ଷା ଈହାମୃଗାସ୍ତଥା॥ 1-67-8 (2881)
କ୍ରତୋଃ କ୍ରତୁସମାଃ ପୁତ୍ରାଃ ପତଙ୍ଗସହଚାରିଣଃ।
ବିଶ୍ରୁତାସ୍ତ୍ରିଷୁ ଲୋକେଷୁ ସତ୍ଯବ୍ରତପରାଯଣାଃ॥ 1-67-9 (2882)
ଦକ୍ଷସ୍ତ୍ବଜାଯତାଙ୍ଗୁଷ୍ଠାଦ୍ଦକ୍ଷିଣାଦ୍ଭଗବାନୃଷିଃ।
ବ୍ରହ୍ମଣଃ ପୃଥିବୀପାଲ ଶାନ୍ତାତ୍ମା ସୁମହାତପାଃ॥ 1-67-10 (2883)
ବାମାଦଜାଯତାଙ୍ଗୁଷ୍ଠାଦ୍ଭାର୍ଯା ତସ୍ଯ ମହାତ୍ମନଃ।
ତସ୍ଯାଂ ପଞ୍ଚାଶତଂ କନ୍ଯାଃ ସ ଏବାଜନଯନ୍ମୁନିଃ॥ 1-67-11 (2884)
ତାଃ ସର୍ବାସ୍ତ୍ବନବଦ୍ଯାଙ୍ଗ୍ଯଃ କନ୍ଯାଃ କମଲଲୋଚନାଃ।
ପୁତ୍ରିକାଃ ସ୍ଥାପଯାମାସ ନଷ୍ଟପୁତ୍ରଃ ପ୍ରଜାପତିଃ॥ 1-67-12 (2885)
ଦଦୌ ସ ଦଶ ଧର୍ମାଯ ସପ୍ତବିଂଶତିମିନ୍ଦବେ।
ଦିବ୍ଯେନ ବିଧିନା ରାଜନ୍କଶ୍ଯପାଯ ତ୍ରଯୋଦଶ॥ 1-67-13 (2886)
ନାମତୋ ଧର୍ମପତ୍ନ୍ଯସ୍ତାଃ କୀର୍ତ୍ଯମାନା ନିବୋଧ ମେ।
କୀର୍ତିର୍ଲକ୍ଷ୍ମୀର୍ଧୃତିର୍ମେଧା ପୁଷ୍ଟିଃ ଶ୍ରଦ୍ଧା କ୍ରିଯା ତଥା॥ 1-67-14 (2887)
ବୁଦ୍ଧିର୍ଲଜ୍ଜା ମତିଶ୍ଚୈବ ପତ୍ନ୍ଯୋ ଧର୍ମସ୍ଯ ତା ଦଶ।
ଦ୍ବାରାଣ୍ଯେତାନି ଧର୍ମସ୍ଯ ବିହିତାନି ସ୍ବଯଂଭୁବା॥ 1-67-15 (2888)
ସପ୍ତବିଂଶତିଃ ସୋମସ୍ଯ ପତ୍ନ୍ଯୋ ଲୋକସ୍ଯ ବିଶ୍ରୁତାଃ।
କାଲସ୍ଯ ନଯନେ ଯୁକ୍ତାଃ ସୋମପତ୍ନ୍ଯାଃ ଶୁଚିବ୍ରତାଃ॥ 1-67-16 (2889)
ସର୍ବା ନକ୍ଷତ୍ରଯୋଗିନ୍ଯୋ ଲୋକଯାତ୍ରାବିଧାନତଃ।
ପୈତାମହୋ ମୁନିର୍ଦେବସ୍ତସ୍ଯ ପୁତ୍ରଃ ପ୍ରଜାପତିଃ।
ତସ୍ଯାଷ୍ଟୌ ବସବଃ ପୁତ୍ରାସ୍ତେଷାଂ ବକ୍ଷ୍ଯାମି ବିସ୍ତରମ୍॥ 1-67-17 (2890)
ଧରୋ ଧ୍ରୁବଶ୍ଚ ସୋମଶ୍ଚ ଅହଶ୍ଚୈବାନିଲୋଽନଲଃ।
ପ୍ରତ୍ଯୂଷଶ୍ଚ ପ୍ରଭାସଶ୍ଚ ବସବୋଽଷ୍ଟୌ ପ୍ରକୀର୍ତିତାଃ॥ 1-67-18 (2891)
ଧୂମ୍ରାଯାସ୍ତୁ ଧରଃ ପୁତ୍ରୋ ବ୍ରହ୍ମବିଦ୍ଯୋ ଧ୍ରୁବସ୍ତଥା।
ଚନ୍ଦ୍ରମାସ୍ତୁ ମନସ୍ବିନ୍ଯାଃ ଶ୍ବାସାଯାଃ ଶ୍ବସନସ୍ତଥା॥ 1-67-19 (2892)
ରତାଯାଶ୍ଚାପ୍ଯହଃ ପୁତ୍ରଃ ଶାଣ୍ଡିଲ୍ଯାଶ୍ଚ ହୁତାଶନଃ।
ପ୍ରତ୍ଯୂଷଶ୍ଚ ପ୍ରଭାସଶ୍ଚ ପ୍ରଭାତାଯାଃ ସୁତୌ ସ୍ମୃତୌ॥ 1-67-20 (2893)
ଧରସ୍ଯ ପୁତ୍ରୋ ଦ୍ରବିଣୋ ହୁତହବ୍ଯବହସ୍ତଥା।
`ଆପସ୍ଯ ପୁତ୍ରୋ ବୈତଣ୍ଡ୍ଯଃ ଶ୍ରମଃ ଶାନ୍ତୋମୁନିସ୍ତଥା'।
ଧ୍ରୁବସ୍ଯ ପୁତ୍ରୋ ଭଗବାନ୍କାଲୋ ଲୋକପ୍ରକାଲନଃ॥ 1-67-21 (2894)
ସୋମସ୍ଯ ତୁ ସୁତୋ ବର୍ଚା ବର୍ଚସ୍ବୀ ଯେନ ଜାଯତେ।
ମନୋହରାଯାଃ ଶିଶିରଃ ପ୍ରାଣୋଽଥ ରମଣସ୍ତଥା॥ 1-67-22 (2895)
ଅହ୍ନଃ ସୁତସ୍ତଥା ଜ୍ଯୋତିଃ ଶମଃ ଶାନ୍ତସ୍ତଥା ମୁନିଃ।
ଅଗ୍ନେଃ ପୁତ୍ରଃ କୁମାରସ୍ତୁ ଶ୍ରୀମାଞ୍ଛରବଣାଲଯଃ॥ 1-67-23 (2896)
ତସ୍ଯ ଶାଖୋ ବିଶାଖଶ୍ଚ ନୈଗମେଯଶ୍ଚ ପୃଷ୍ଠଜଃ।
କୃତ୍ତିକାଭ୍ଯୁପପତ୍ତେଶ୍ଚ କାର୍ତିକେଯ ଇତି ସ୍ମୃତଃ॥ 1-67-24 (2897)
ଅନିଲସ୍ଯ ଶିବା ଭାର୍ଯା ତସ୍ଯାଃ ପୁତ୍ରୋ ମନୋଜବଃ।
ଅବିଜ୍ଞାତଗତିଶ୍ଚୈବ ଦ୍ବୌ ପୁତ୍ରାବନିଲସ୍ଯ ତୁ॥ 1-67-25 (2898)
ପ୍ରତ୍ଯୂଷସ୍ଯ ବିଦୁଃ ପୁତ୍ରମୃଷିଂ ନାମ୍ନାଽଥ ଦେବଲମ୍।
ଦ୍ବୌ ପୁତ୍ରୌ ଦେବଲସ୍ଯାପି କ୍ଷମାବନ୍ତୌ ମନୀଷିଣୌ।
ବୃହସ୍ପତେସ୍ତୁ ଭଗିନୀ ବରସ୍ତ୍ରୀ ବ୍ରହ୍ମବାଦିନୀ॥ 1-67-26 (2899)
ଯୋଗସିଦ୍ଧା ଜଗତ୍କୃତ୍ସ୍ନମସକ୍ତା ବିଚଚାର ହ।
ପ୍ରଭାସସ୍ଯ ତୁ ଭାର୍ଯା ସା ବସୂନାମଷ୍ଟମସ୍ଯ ହ॥ 1-67-27 (2900)
ବିଶ୍ବକର୍ମା ମହାଭାଗୋ ଜଜ୍ଞେ ଶିଲ୍ପପ୍ରଜାପତିଃ।
କର୍ତା ଶିଲ୍ପସହସ୍ରାଣାଂ ତ୍ରିଦଶାନାଂ ଚ ବର୍ଧକିଃ॥ 1-67-28 (2901)
ଭୂଷଣାନାଂ ଚ ସର୍ବେଷାଂ କର୍ତା ଶିଲ୍ପବତାଂ ବରଃ।
ଯୋ ଦିବ୍ଯାନି ବିମାନାନି ତ୍ରିଦଶାନାଂ ଚକାରହ॥ 1-67-29 (2902)
ମନୁଷ୍ଯାଶ୍ଚୋପଜୀବନ୍ତି ଯସ୍ଯ ଶିଲ୍ପଂ ମହାତ୍ମନଃ।
ପୂଜଯନ୍ତି ଚ ଯଂ ନିତ୍ଯଂ ବିଶ୍ବକର୍ମାଣମବ୍ଯଯମ୍॥ 1-67-30 (2903)
ସ୍ତନଂ ତୁ ଦକ୍ଷିଣଂ ଭିତ୍ତ୍ବା ବ୍ରହ୍ମଣୋ ନରବିଗ୍ରହଃ।
ନିଃସୃତୋ ଭଗବାନ୍ଧର୍ମଃ ସର୍ବଲୋକସୁଖାବହଃ॥ 1-67-31 (2904)
ତ୍ରଯସ୍ତସ୍ଯ ବରାଃ ପୁତ୍ରାଃ ସର୍ବଭୂତମନୋହରାଃ।
ଶମଃ କାମଶ୍ଚ ହର୍ଷଶ୍ଚ ତେଜସା ଲୋକଧାରିଣଃ॥ 1-67-32 (2905)
କାମସ୍ଯ ତୁ ରତିର୍ଭାର୍ଯା ଶମସ୍ଯ ପ୍ରାପ୍ତିରଙ୍ଗନା।
ନନ୍ଦା ତୁ ଭାର୍ଯା ହର୍ଷସ୍ଯ ଯାସୁ ଲୋକାଃ ପ୍ରତିଷ୍ଠିତାଃ॥ 1-67-33 (2906)
ମରୀଚେଃ କଶ୍ଯପଃ ପୁତ୍ରଃ କଶ୍ଯପସ୍ଯ ସୁରାସୁରାଃ।
ଜଜ୍ଞିରେ ନୃପଶାର୍ଦୂଲ ଲୋକାନାଂ ପ୍ରଭବସ୍ତୁ ସଃ॥ 1-67-34 (2907)
ତ୍ବାଷ୍ଟ୍ରୀ ତୁ ସବିତୁର୍ଭାର୍ଯା ବଡବାରୂପଧାରିଣୀ।
ଅସୂଯତ ମହାଭାଗା ସାନ୍ତରିକ୍ଷେଽସ୍ବିନାବୁଭୌ॥ 1-67-35 (2908)
ଦ୍ବାଦଶୈବାଦିତେଃ ପୁତ୍ରାଃ ଶକ୍ରମୁଖ୍ଯା ନରାଧିପ।
ତେଷାମବରଜୋ ବିଷ୍ଣୁର୍ଯତ୍ର ଲୋକାଃ ପ୍ରତିଷ୍ଠିତାଃ॥ 1-67-36 (2909)
ତ୍ରଯସ୍ତ୍ରିଂଶତ ଯତ୍ଯେତେ ଦେବାସ୍ତେଷାମହଂ ତବ।
ଅନ୍ବଯଂ ସଂପ୍ରବକ୍ଷ୍ଯାମି ପକ୍ଷୈଶ୍ଚ କୁଲତୋ ଗଣାନ୍॥ 1-67-37 (2910)
ରୁଦ୍ରାଣାମପରଃ ପକ୍ଷଃ ସାଧ୍ଯାନାଂ ମରୁତାଂ ତଥା।
ବସୂନାଂ ଭାର୍ଗବଂ ବିଦ୍ଯାଦ୍ବିଶ୍ବେଦେବାଂସ୍ତଥୈବ ଚ॥ 1-67-38 (2911)
ବୈନତେଯସ୍ତୁ ଗରୁଡୋ ବଲବାନରୁଣସ୍ତଥା।
ବୃହସ୍ପତିଶ୍ଚ ଭଗବାନାଦିତ୍ଯେଷ୍ବେବ ଗଣ୍ଯତେ॥ 1-67-39 (2912)
ଅଶ୍ବିନୌ ଗୁହ୍ଯକାନ୍ବିଦ୍ଧି ସର୍ବୌଷଧ୍ଯସ୍ତଥା ପଶୂନ୍।
ଏତେ ଦେବଗଣା ରାଜନ୍କୀର୍ତିତାସ୍ତେଽନୁପୂର୍ବଶଃ॥ 1-67-40 (2913)
ଯାନ୍କୀର୍ତଯିତ୍ବା ମନୁଜଃ ସର୍ବପାପୈଃ ପ୍ରମୁଚ୍ଯତେ।
ବ୍ରହ୍ମଣୋ ହୃଦଯଂ ଭିତ୍ତ୍ବା ନିଃସୃତୋ ଭଗବାନ୍ଭୃଗୁଃ॥ 1-67-41 (2914)
ଭୃଗୋଃ ପୁତ୍ରଃ କବିର୍ବିଦ୍ବାଞ୍ଛୁକ୍ରଃ କବିସୁତୋ ଗ୍ରହଃ।
ତ୍ରୈଲୋକ୍ଯପ୍ରାଣଯାତ୍ରାର୍ଥଂ ବର୍ଷାବର୍ଷେ ଭଯାଭଯେ।
ସ୍ବଯଂଭୁବା ନିଯୁକ୍ତଃ ସନ୍ଭୁବନଂ ପରିଧାବତି॥ 1-67-42 (2915)
ଯୋଗାଚାର୍ଯୋ ମହାବୁଦ୍ଧିର୍ଦୈତ୍ଯାନାମଭବଦ୍ଗୁରୁଃ।
ସୁରାଣାଂ ଚାପି ମେଧାବୀ ବ୍ରହ୍ମଚାରୀ ଯତବ୍ରତଃ॥ 1-67-43 (2916)
ତସ୍ମିନ୍ନିଯୁକ୍ତେ ବିଧିନା ଯୋଗକ୍ଷେମାଯ ଭାର୍ଗବେ।
ଅନ୍ଯମୁତ୍ପାଦଯାମାସ ପୁତ୍ରଂ ଭୃଗୁରନିନ୍ଦିତମ୍॥ 1-67-44 (2917)
ଚ୍ଯବନଂ ଦୀପ୍ତତପସଂ ଧର୍ମାତ୍ମାନଂ ଯଶସ୍ବିନମ୍।
ଯଃ ସ ରୋଷାଚ୍ଚ୍ଯୁତୋ ଗର୍ଭାନ୍ମାତୁର୍ମୋକ୍ଷାଯ ଭାରତ॥ 1-67-45 (2918)
ଆରୁଷୀ ତୁ ମନୋଃ କନ୍ଯା ତସ୍ଯ ପତ୍ନୀ ମନୀଷିଣଃ।
ଔର୍ବସ୍ତସ୍ଯାଂ ସମଭବଦୂରୁଂ ଭିତ୍ତ୍ବା ମହାଯଶାଃ॥ 1-67-46 (2919)
ମହାତେଜା ମହାବୀର୍ଯୋ ବାଲ ଏବ ଗୁଣୈର୍ଯୁତଃ।
ଋଚୀକସ୍ତସ୍ଯ ପୁତ୍ରସ୍ତୁ ଜମଦଗ୍ନିସ୍ତତୋଽଭବତ୍॥ 1-67-47 (2920)
ଜମଦଗ୍ନେସ୍ତୁ ଚତ୍ବାର ଆସନ୍ପୁତ୍ରା ମହାତ୍ମନଃ।
ରାମସ୍ତେଷାଂ ଜଘନ୍ଯୋଽଭୂଦଜଘନ୍ଯୈର୍ଗୁଣୈର୍ଯୁତଃ।
ସର୍ବଶସ୍ତ୍ରେଷୁ କୁଶଲଃ କ୍ଷତ୍ରିଯାନ୍ତକରୋ ବଶୀ॥ 1-67-48 (2921)
ଔର୍ବସ୍ଯାସୀତ୍ପୁତ୍ରଶତଂ ଜମଦଗ୍ନିପୁରୋଗମମ୍।
ତେଷାଂ ପୁତ୍ରସହସ୍ରାଣି ବଭୂବୁର୍ଭୁବି ବିସ୍ତରଃ॥ 1-67-49 (2922)
ଦ୍ବୌ ପୁତ୍ରୋ ବ୍ରହ୍ମଣସ୍ତ୍ବନ୍ଯୌ ଯଯୋସ୍ତିଷ୍ଠତି ଲକ୍ଷଣମ୍।
ଲୋକେ ଧାତା ବିଧାତା ଚ ଯୌ ସ୍ଥିତୌ ମନୁନା ସହ॥ 1-67-50 (2923)
ତଯୋରେବ ସ୍ବସା ଦେବୀ ଲକ୍ଷ୍ମୀଃ ପଦ୍ମଗୃହା ଶୁଭା।
ତସ୍ଯାସ୍ତୁ ମାନସାଃ ପୁତ୍ରାସ୍ତୁରଗା ବ୍ଯୋମଚାରିଣଃ॥ 1-67-51 (2924)
ବରୁଣସ୍ଯ ଭାର୍ଯା ଯା ଜ୍ଯେଷ୍ଠା ଶୁକ୍ରାଦ୍ଦେବୀ ବ୍ଯଜାଯତ।
ତସ୍ଯାଃ ପୁତ୍ରଂ ବଲଂ ବିଦ୍ଧି ସୁରାଂ ଚ ସୁରନନ୍ଦିନୀମ୍॥ 1-67-52 (2925)
ପ୍ରଜାନାମନ୍ନକାମାନାମନ୍ଯୋନ୍ଯପରିଭକ୍ଷଣାତ୍।
ଅଧର୍ମସ୍ତତ୍ର ସଂଜାତଃ ସର୍ବଭୂତବିନାଶକଃ॥ 1-67-53 (2926)
ତସ୍ଯାପି ନିର୍ଋତିର୍ଭାର୍ଯା ନୈର୍ଋତା ଯେନ ରାକ୍ଷସାଃ।
ଘୋରାସ୍ତସ୍ଯାସ୍ତ୍ରଯଃ ପୁତ୍ରାଃ ପାପକର୍ମରତାଃ ସଦା॥ 1-67-54 (2927)
ଭଯୋ ମହାଭଯଶ୍ଚୈବ ମୃତ୍ଯୁର୍ଭୂତାନ୍ତକସ୍ତଥା।
ନ ତସ୍ଯ ଭାର୍ଯା ପୁତ୍ରୋ ବା କଶ୍ଚିଦସ୍ତ୍ଯନ୍ତକୋ ହି ସଃ॥ 1-67-55 (2928)
କାକୀଂ ଶ୍ଯେନୀଂ ତଥା ଭାସୀଂ ଧୃତରାଷ୍ଟ୍ରୀଂ ତଥା ଶୁକୀମ୍।
ତାମ୍ରା ତୁ ସୁଷୁବେ ଦେବୀ ପଞ୍ଚୈତା ଲୋକବିଶ୍ରୁତାଃ॥ 1-67-56 (2929)
ଉଲୂକାନ୍ସୁଷୁବେ କାକୀ ଶ୍ଯେନୀ ଶ୍ଯେନାନ୍ବ୍ଯଜାଯତ।
ଭାସୀ ଭାସାନଜନଯଦ୍ଗୃଧ୍ରାଂଶ୍ଚୈବ ଜନାଧିପ॥ 1-67-57 (2930)
ଧୃତରାଷ୍ଟ୍ରୀ ତୁ ହଂସାଂଶ୍ଚ କଲହଂସାଂଶ୍ଚ ସର୍ବଶଃ।
ଚକ୍ରବାକାଂଶ୍ଚ ଭଦ୍ରା ତୁ ଜନଯାମାସ ସୈବ ତୁ॥ 1-67-58 (2931)
ଶୁକୀ ଚ ଜନଯାମାସ ଶୁକାନେବ ଯଶସ୍ବିନୀ।
କଲ୍ଯାଣଗୁଣସଂପନ୍ନା ସର୍ବଲକ୍ଷଣପୂଜିତା॥ 1-67-59 (2932)
ନବ କ୍ରୋଧବଶା ନାରୀଃ ପ୍ରଜଜ୍ଞେ କ୍ରୋଧସଂଭବାଃ।
ମୃଗୀ ଚ ମୃଗମନ୍ଦା ଚ ହରୀ ଭଦ୍ରମନା ଅପି॥ 1-67-60 (2933)
ମାତଙ୍ଗୀ ତ୍ବଥ ଶାର୍ଦୂଲୀ ଶ୍ବେତା ସୁରଭିରେବ ଚ।
ସର୍ବଲକ୍ଷଣସଂପନ୍ନା ସୁରସା ଚୈବ ଭାମିନୀ॥ 1-67-61 (2934)
ଅପତ୍ଯଂ ତୁ ମୃଗାଃ ସର୍ବେ ମୃଗ୍ଯା ନରବରୋତ୍ତମ।
ଋକ୍ଷାଶ୍ଚ ମୃଗମନ୍ଦାଯାଃ ସୃମରାଶ୍ଚ ପରଂତପ॥ 1-67-62 (2935)
ତତସ୍ତ୍ବୈରାବତଂ ନାଗଂ ଜଜ୍ଞେ ଭଦ୍ରମନାଃ ସୁତମ୍।
ଐରାବତଃ ସୁତସ୍ତସ୍ଯା ଦେବନାଗୋ ମହାଗଜଃ॥ 1-67-63 (2936)
ହର୍ଯାଶ୍ଚ ହରଯୋଽପତ୍ଯଂ ବାନରାଶ୍ଚ ତରସ୍ବିନଃ।
ଗୋଲାଙ୍ଗୂଲାଂଶ୍ଚ ଭଦ୍ରଂ ତେ ହର୍ଯାଃ ପୁତ୍ରାନ୍ପ୍ରଚକ୍ଷତେ॥ 1-67-64 (2937)
ପ୍ରଜଜ୍ଞେ ତ୍ବଥ ଶାର୍ଦୂଲୀ ସିଂହାନ୍ବ୍ଯାଗ୍ରାନନେକଶଃ।
ଦ୍ବୀପିନଶ୍ଚ ମହାସତ୍ବାନ୍ସର୍ବାନେବ ନ ସଶଂଯଃ॥ 1-67-65 (2938)
ମାତଙ୍ଗ୍ଯପି ଚ ମାତଙ୍ଗାନପତ୍ଯାନି ନରାଧିପ।
ଦିଶାଂ ଗଜଂ ତୁ ଶ୍ବେତାଖ୍ଯଂ ଶ୍ବେତାଽଜନଯଦାଶୁଗମ୍॥ 1-67-66 (2939)
ତଥା ଦୁହିତରୌ ରାଜନ୍ସୁରଭିର୍ବୈ ବ୍ଯଜାଯତ।
ରୋହିଣୀ ଚୈବ ଭଦ୍ରଂ ତେ ଗନ୍ଧର୍ବୀ ତୁ ଯଶସ୍ବିନୀ॥ 1-67-67 (2940)
ବିମଲାମପି ଭଦ୍ରଂ ତେ ଅନଲାମପି ଭାରତ।
ରୋହିଣ୍ଯାଂ ଜଜ୍ଞିରେ ଗାବୋ ଗନ୍ଧର୍ବ୍ଯାଂ ବାଜିନଃ ସୁତାଃ॥ 1-67-68 (2941)
`ଇରାଯାଃ କନ୍ଯକା ଜାତାସ୍ତିସ୍ରଃ କମଲଲୋଚନାଃ।
ବନସ୍ପତୀନାଂ ବୃକ୍ଷାଣାଂ ବୀରୁଧାଂ ଚୈବ ମାତରଃ॥ 1-67-69 (2942)
ଲତାରୁହେ ଚ ଦ୍ବେ ପ୍ରୋକ୍ତେ ବୀରୁଧାଂ ଚୈବ ତାଃ ସ୍ମୃତାଃ।
ଗୃହ୍ଣନ୍ତି ଯେ ବିନା ପୁଷ୍ପଂ ଫଲାନି ତରବଃ ପୃଥକ୍॥ 1-67-70 (2943)
ଲତାସୁତାସ୍ତେ ବିଜ୍ଞେଯାସ୍ତାନେବାହୁର୍ବନସ୍ପତୀନ୍।
ପୁଷ୍ପୈଃ ଫଲଗ୍ରହାନ୍ବୃକ୍ଷାନ୍ରୁହାଯାଃ ପ୍ରସବଂ ବିଦୁଃ॥ 1-67-71 (2944)
ଲତାଗୁଲ୍ମାନି ବୃକ୍ଷାଶ୍ଚ ତ୍ବକ୍ସାରତୃଣଜନ୍ତବଃ।
ବୀରୁଧୋ ଯାଃ ପ୍ରଜାସ୍ତସ୍ଯାସ୍ତତ୍ର ବଂଶଃ ସମାପ୍ଯତେ॥ 1-67-72 (2945)
ସପ୍ତପିମ୍ଡଫଲାନ୍ବୃକ୍ଷାନନଲାପି ବ୍ଯଜାଯତ॥ 1-67-73 (2946)
ଅନଲାଯାଃ ଶୁକୀ ପୁତ୍ରୀ କଂକସ୍ତୁ ସୁରସାସୁତଃ।
ଅରୁଣସ୍ଯ ଭାର୍ଯା ଶ୍ଯେନୀ ତୁ ବୀର୍ଯବନ୍ତୌ ମହାବଲୌ॥ 1-67-74 (2947)
ସଂପାତିଂ ଜନଯାମାସ ବୀର୍ଯବନ୍ତଂ ଜଟାଯୁଷମ୍।
ସୁରସାଽଜନଯନ୍ନାଗାନ୍କଦ୍ରୂଃ ପୁତ୍ରାଂସ୍ତୁ ପନ୍ନଗାନ୍॥ 1-67-75 (2948)
ଦ୍ବୌ ପୁତ୍ରୌ ବିନତାଯାସ୍ତୁ ବିଖ୍ଯାତୌ ଗରୁଡାରୁଣୌ।
ଇତ୍ଯେଷ ସର୍ବଭୂତାନାଂ ମହତାଂ ମନୁଜାଧିପ।
ପ୍ରଭବଃ କୀର୍ତିତଃ ସମ୍ଯଙ୍ମଯା ମତିମତାଂ ବର॥ 1-67-76 (2949)
ଯଂ ଶ୍ରୁତ୍ବା ପୁରୁଷଃ ସମ୍ଯଙ୍ମୁକ୍ତୋ ଭବତି ପାପ୍ମନଃ।
ସର୍ବଜ୍ଞତାଂ ଚ ଲଭତେ ରତିମଗ୍ର୍ଯାଂ ଚ ବିନ୍ଦତି॥ ॥ 1-67-77 (2950)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ସପ୍ତଷଷ୍ଟିତମୋଽଧ୍ଯାଯଃ॥ 67 ॥
Mahabharata - Adi Parva - Chapter Footnotes
1-67-1 ବ୍ରହ୍ମଣ ଇତି ଷଣ୍ମହର୍ଷଯଃ ସ୍ଥାଣୁଶ୍ଚ ସପ୍ତମ ଇତି ବୋଧ୍ଯମ୍। ତତ୍ରାଦୌ ସ୍ଥାଣୁସଂତତିମେବାହ ଏକାଦଶେତି। ଏକାଦଶ ତଥା ରୁଦ୍ରାଃ ସ୍ଥାଣୋଶ୍ଚୈବ ହି ମାନସାଃ ଇତି ପାଠାନ୍ତରମ୍। ଅତ୍ର ସ୍ଥିରତ୍ବାତ୍ସ୍ଥାଣୁର୍ବ୍ରହ୍ମା॥ 1-67-5 ବୃହସ୍ପତିରୁଚଥ୍ଯଶ୍ଚେତି ପାଠାନ୍ତରମ୍॥ 1-67-8 ଈହାମୃଗାଃ ବୃକାଃ॥ 1-67-9 ପତଙ୍ଗସହଚାରିଣଃ ସୂର୍ଯସହଚରା ବାଲଖିଲ୍ଯାଃ॥ 1-67-16 ନଯନେ ଜ୍ଞାପନେ॥ 1-67-17 ନକ୍ଷତ୍ରଯୋଗିନ୍ଯୋ ନକ୍ଷତ୍ରନାମଯୁକ୍ତାଃ। ବିଧାନତଃ ବିଧାନାର୍ଥମଭବନ୍। ପୈତାମହୋ ଦେବୋ ଧର୍ମଃ ପିତାମହସ୍ତନାଜ୍ଜାତତ୍ବାତ୍। ତସ୍ଯ ପିତାମହସ୍ଯ ପୁତ୍ରୋ ଦକ୍ଷଃ ତଦଙ୍ଗୁଷ୍ଠାଜ୍ଜାତତ୍ବାତ୍। ତସ୍ଯ ସଂବନ୍ଧିନୀ ବସୁନାମ୍ନୀ କନ୍ଯା ତସ୍ଯାଂ ଧର୍ମାଦ୍ବସବୋଷ୍ଟୌ ଜାତା ଇତ୍ଯର୍ଥଃ। ବସୋସ୍ତୁ ବସବଃ ପୁତ୍ରା ଇତ୍ଯନ୍ଯତ୍ରୋକ୍ତେଃ॥ 1-67-19 ଧୂମ୍ରାଯ ଇତି ବସୋରେବ ଧୂମ୍ରାଦୀନି ନାମାନ୍ତରାଣି କଲ୍ପଭେଦାତ୍। ଅନ୍ଯା ଏତା ନ ଦକ୍ଷକନ୍ଯା ଇତି ବା॥ 1-67-24 କୃତ୍ତିକାନାଂ ଷଣ୍ଣାଂ ମାତୃତ୍ବେନାଭ୍ଯୁପପତ୍ତେରଙ୍ଗୀକାରାତ୍॥ 1-67-35 ବଡବା ଅଶ୍ବା ଅନ୍ତରିକ୍ଷେ ଅଶ୍ବିନାବସୂତ ନାସିକାଯାଂ ଶୁକ୍ରପ୍ରକ୍ଷେପାତ୍॥ 1-67-37 ତ୍ରଯସ୍ତ୍ରିଂଶତ୍ ଅଷ୍ଟୌ ବସବ ଏକାଦଶ ରୁଦ୍ରା ଦ୍ବାଦଶାଦିତ୍ଯାଃ ପ୍ରଜାପତିଶ୍ଚ ବଷଟ୍କାରଶ୍ଚ॥ 1-67-43 ଯୋଗାଚାର୍ଯ ଇତି। ଚାପୀ ବ୍ଯସ୍ତୌ। ସୁରାଣାମପି ଚ ଗୁରୁରିତି ସଂବନ୍ଧଃ। ଦେବାନାଂ ଗୁରୁରେବ ଯୋଗାଚାର୍ଯୋ ଯୋଗବଲେନ କାଯଦ୍ବଯଂ କୃତ୍ବା ଦୈତ୍ଯାନାମପ୍ଯାଚାର୍ଯୋଽଭବଦିତ୍ଯର୍ଥଃ॥ 1-67-73 ପିଣ୍ଡଫଲାନ୍ସପ୍ତ। ଖର୍ଜୂରତାଲହିଂତାଲା ତାଲୀ ଖର୍ଜୂରିକା ତଥା। ଗୁବାକାନାରିକେଲଶ୍ଚ ସପ୍ତ ପିଣ୍ଡଫଲା ଦ୍ରୁମାଃ ଇତ୍ଯୁକ୍ତରୂପାନ୍। ଇହ ପୁରାଣାନ୍ତରବିରୋଧୋ ନାମଭେଦାତ୍କଲ୍ପଭେଦାଦ୍ବାପନେଯଃ॥ ସପ୍ତଷଷ୍ଟିତମୋଽଧ୍ଯାଯଃ॥ 67 ॥ଆଦିପର୍ବ - ଅଧ୍ଯାଯ 068
॥ ଶ୍ରୀଃ ॥
1.68. ଅଧ୍ଯାଯଃ 068
Mahabharata - Adi Parva - Chapter Topics
ଜରାସନ୍ଧାଦୀନାଂ ସଂଭବଃ॥ 1 ॥ ଦ୍ରୋଣାଦୀନାଂ ସଂଭବଃ॥ 2 ॥ ଧୃତରାଷ୍ଟ୍ରାଦୀନାଂ ସଂଭବଃ॥ 3 ॥ ଦୁର୍ଯୋଧନାଦୀନାଂ ସଂଭବଃ॥ 4 ॥ ଯୁଧିଷ୍ଠିରାଦୀନାଂ ସଂଭବଃ॥ 5 ॥ ଧୃଷ୍ଟଦ୍ଯୁମ୍ନାଦୀନାଂ ସଂଭବଃ॥ 6 ॥ ପୃଥାଚରିତ୍ରଂ। କର୍ଣୋତ୍ପତ୍ତିଶ୍ଚ॥ 7 ॥ ବଲରାମାଦୀନାଂ ସଂଭବଃ॥ 8 ॥ ଦ୍ରୌପଦୀସଂଭବଃ॥ 9 ॥ କୁନ୍ତୀମାଦ୍ର୍ଯୋଃ ସଂଭବଃ॥ 10 ॥Mahabharata - Adi Parva - Chapter Text
1-68-0 (2951)
ଜନମେଜଯ ଉବାଚ। 1-68-0x (324)
ଦେବାନାଂ ଦାନବାନାଂ ଚ ଗନ୍ଧର୍ବୋରଗରକ୍ଷସାମ୍।
ସିଂହବ୍ଯାଘ୍ରମୃଗାଣାଂ ଚ ପନ୍ନଗାନାଂ ପତତ୍ତ୍ରିଣାମ୍॥ 1-68-1 (2952)
ଅନ୍ଯେଷାଂ ଚୈବ ଭୂତାନାଂ ସଂଭବଂ ଭଗବନ୍ନହମ୍।
ଶ୍ରୋତୁମିଚ୍ଛାମି ତତ୍ତ୍ବେନ ମାନୁଷେଷୁ ମହାତ୍ମନାମ୍।
ଜନ୍ମ କର୍ମ ଚ ଭୂତାନାମେତେଷାମନୁପୂର୍ବଶଃ॥ 1-68-2 (2953)
ବୈଶମ୍ପାଯନ ଉବାଚ। 1-68-3x (325)
ମାନୁଷେଷୁ ମନୁଷ୍ଯେନ୍ଦ୍ର ସଂଭୂତା ଯେ ଦିବୌକସଃ।
ପ୍ରଥମଂ ଦାନବାଶ୍ଚୈବ ତାଂସ୍ତେ ବକ୍ଷ୍ଯାମି ସର୍ବଶଃ॥ 1-68-3 (2954)
ବିପ୍ରଚିତ୍ତିରିତି ଖ୍ଯାତୋ ଯ ଆସୀଦ୍ଦାନବର୍ଷଭଃ।
ଜରାସନ୍ଧ ଇତି ଖ୍ଯାତଃ ସ ଆସୀନ୍ମନୁଜର୍ଷଭଃ॥ 1-68-4 (2955)
ଦିତେଃ ପୁତ୍ରସ୍ତୁ ଯୋ ରାଜନ୍ହିରଣ୍ଯକଶିପୁଃ ସ୍ମୃତଃ।
ସ ଜଜ୍ଞେ ମାନୁଷେ ଲୋକେ ଶିଶୁପାଲୋ ନରର୍ଷଭଃ॥ 1-68-5 (2956)
ସଂହ୍ଲାଦ ଇତି ବିଖ୍ଯାତଃ ପ୍ରହ୍ଲାଦସ୍ଯାନୁଜସ୍ତୁ ଯଃ।
ସ ଶଲ୍ଯ ଇତି ବିଖ୍ଯାତୋ ଜଜ୍ଞେ ବାହୀକପୁଙ୍ଗବଃ॥ 1-68-6 (2957)
ଅନୁହ୍ଲାଦସ୍ତୁ ତେଜସ୍ବୀ ଯୋଽଭୂତ୍ଖ୍ଯାତୋ ଜଘନ୍ଯଜଃ।
ଧୃଷ୍ଟକେତୁରିତି ଖ୍ଯାତଃ ସ ବଭୂବ ନରେଶ୍ବରଃ॥ 1-68-7 (2958)
ଯସ୍ତୁ ରାଜଞ୍ଶିବିର୍ନାମ ଦୈତେଯଃ ପରିକୀର୍ତିତଃ।
ଦ୍ରୁମ ଇତ୍ଯଭିବିଖ୍ଯାତଃ ସ ଆସୀଦ୍ଭୁବି ପାର୍ଥିବଃ॥ 1-68-8 (2959)
ବାଷ୍କଲୋ ନାମ ଯସ୍ତେଷାମାସୀଦସୁରସତ୍ତମଃ।
ଭଗଦତ୍ତ ଇତି ଖ୍ଯାତଃ ସଂ ଜଜ୍ଞେ ପୁରୁଷର୍ଷଭଃ॥ 1-68-9 (2960)
ଅଯଃଶିରା ଅଶ୍ବଶିରା ଅଯଃଶଙ୍କୁଶ୍ଚ ବୀର୍ଯବାନ୍।
ତଥା ଗଗନମୂର୍ଧା ଚ ବେଗବାଂଶ୍ଚାତ୍ର ପଞ୍ଚମଃ॥ 1-68-10 (2961)
ପଞ୍ଚୈତେ ଜଜ୍ଞିରେ ରାଜନ୍ବୀର୍ଯବନ୍ତୋ ମହାସୁରାଃ।
କେକଯେଷୁ ମହାତ୍ମାନଃ ପାର୍ଥିବର୍ଷଭସତ୍ତମାଃ।
କେତୁମାନିତି ବିଖ୍ଯାତୋ ଯସ୍ତତୋଽନ୍ଯଃପ୍ରତାପବାନ୍॥ 1-68-11 (2962)
ଅମିତୌଜା ଇତି ଖ୍ଯାତଃ ସୋଗ୍ରକର୍ମା ନରାଧିପଃ।
ସ୍ବର୍ଭାନୁରିତି ବିଖ୍ଯାତଃ ଶ୍ରୀମାନ୍ଯସ୍ତୁ ମହାସୁରଃ॥ 1-68-12 (2963)
ଉଗ୍ରସେନ ଇତି ଖ୍ଯାତ ଉଗ୍ରକର୍ମା ନରାଧିପଃ।
ଯସ୍ତ୍ବଶ୍ବ ଇତି ବିଖ୍ଯାତଃ ଶ୍ରୀମାନାସୀନ୍ମହାସୁରଃ॥ 1-68-13 (2964)
ଅଶୋକୋ ନାମ ରାଜାଽଭୂନ୍ମହାବୀର୍ଯୋଽପରାଜିତଃ।
ତସ୍ମାଦବରଜୋ ଯସ୍ତୁ ରାଜନ୍ନଶ୍ବପତିଃ ସ୍ମୃତଃ॥ 1-68-14 (2965)
ଦୈତେଯଃ ସୋଽଭବଦ୍ରାଜା ହାର୍ଦିକ୍ଯୋ ମନୁଜର୍ଷଭଃ।
ବୃଷପର୍ବେତି ବିଖ୍ଯାତଃ ଶ୍ରୀମାନ୍ଯସ୍ତୁ ମହାସୁରଃ॥ 1-68-15 (2966)
ଦୀର୍ଘପ୍ରଜ୍ଞ ଇତି ଖ୍ଯାତଃ ପୃଥିବ୍ଯାଂ ସୋଽଭବନ୍ନୃପଃ।
ଅଜକସ୍ତ୍ବବରୋ ରାଜନ୍ଯ ଆସୀଦ୍ବୃଷପର୍ବଣଃ॥ 1-68-16 (2967)
ସ ଶାଲ୍ବ ଇତି ବିଖ୍ଯାତଃ ପୃଥିବ୍ଯାମଭବନ୍ନୃପଃ।
ଅଶ୍ବଗ୍ରୀବ ଇତି ଖ୍ଯାତଃ ସତ୍ବବାନ୍ଯୋ ମହାସୁରଃ॥ 1-68-17 (2968)
ରୋଚମାନ ଇତି ଖ୍ଯାତଃ ପୃଥିବ୍ଯାଂ କୋଽଭବନ୍ନୃପଃ।
ସୂକ୍ଷ୍ମସ୍ତୁ ମତିମାନ୍ରାଜନ୍କୀର୍ତିମାନ୍ଯଃ ପ୍ରକୀର୍ତିତଃ॥ 1-68-18 (2969)
ବୃହଦ୍ରଥ ଇତି ଖ୍ଯାତଃ କ୍ଷିତାବାସୀତ୍ସ ପାର୍ଥିବଃ।
ତୁହୁଣ୍ଡ ଇତି ବିଖ୍ଯାତୋ ଯ ଆସୀଦସୁରୋତ୍ତମଃ॥ 1-68-19 (2970)
ସେନାବିନ୍ଦୁରିତି ଖ୍ଯାତଃ ସ ବୂଭବ ନରାଧିପଃ।
ଇଷୁମାନ୍ନାମ ଯସ୍ତେଷାମସୁରାଣାଂ ବଲାଧିକଃ॥ 1-68-20 (2971)
ନଗ୍ନଜିନ୍ନାମ ରାଜାସୀଦ୍ଭୁବି ବିଖ୍ଯାତବିକ୍ରମଃ।
ଏକଚକ୍ର ଇତି ଖ୍ଯାତ ଆସୀଦ୍ଯସ୍ତୁ ମହାସୁରଃ॥ 1-68-21 (2972)
ପ୍ରତିବିନ୍ଘ୍ଯ ଇତି ଖ୍ଯାତୋ ବଭୂବ ପ୍ରଥିତଃ କ୍ଷିତୌ।
ବିରୂପାକ୍ଷସ୍ତୁ ଦୈତେଯଶ୍ଚିତ୍ରଯୋଧୀ ମହାସୁରଃ॥ 1-68-22 (2973)
ଚିତ୍ରଧର୍ମେତି ବିଖ୍ଯାତଃ କ୍ଷିତାବାସୀତ୍ସ ପାର୍ଥିବଃ।
ହରସ୍ତ୍ବରିହରୋ ବୀର ଆସୀଦ୍ଯୋ ଦାନବୋତ୍ତମଃ॥ 1-68-23 (2974)
ସୁବାହୁରିତି ବିଖ୍ଯାତଃ ଶ୍ରୀମାନାସୀତ୍ସ ପାର୍ଥିବଃ।
ଅହରସ୍ତୁ ମହାତେଜାଃ ଶତ୍ରୁପକ୍ଷକ୍ଷଯଂକରଃ॥ 1-68-24 (2975)
ବାହ୍ଲିକୋ ନାମ ରାଜା ସ ବଭୂବ ପ୍ରଥିତଃ କ୍ଷିତୌ।
ନିଚନ୍ଦ୍ରଶ୍ଚନ୍ଦ୍ରବକ୍ତ୍ରସ୍ତୁ ଯ ଆସୀଦସୁରୋତ୍ତମଃ॥ 1-68-25 (2976)
ମୁଞ୍ଜକେଶ ଇତି ଖ୍ଯାତଃ ଶ୍ରୀମାନାସୀତ୍ସ ପାର୍ଥିବଃ।
ନିକୁମ୍ଭସ୍ତ୍ବଜିତଃ ସଂଖ୍ଯେ ମହାମତିରଜାଯତ॥ 1-68-26 (2977)
ଭୂମୌ ଭୂମିପତିଶ୍ରେଷ୍ଠୋ ଦେବାଧିପ ଇତି ସ୍ମୃତଃ।
ଶରଭୋ ନାମ ଯସ୍ତେଷାଂ ଦୈତେଯାନାଂ ମହାସୁରଃ॥ 1-68-27 (2978)
ପୌରବୋ ନାମ ରାଜର୍ଷିଃ ସ ବଭୂବ ନରୋତ୍ତମଃ।
କୁପଟସ୍ତୁ ମହାବୀର୍ଯଃ ଶ୍ରୀମାନ୍ରାଜନ୍ମହାସୁରଃ॥ 1-68-28 (2979)
ସୁପାର୍ଶ୍ବ ଇତି ବିଖ୍ଯାତଃ କ୍ଷିତୌ ଜଜ୍ଞେ ମହୀପତିଃ।
କପଟସ୍ତୁ ରାଜନ୍ରାଜର୍ଷିଃ କ୍ଷିତୌ ଜଜ୍ଞେ ମହାସୁରଃ॥ 1-68-29 (2980)
ପାର୍ବତେଯ ଇତି ଖ୍ଯାତଃ କାଞ୍ଚନାଚଲସନ୍ନିଭଃ।
ଦ୍ବିତୀଯଃ ଶଲଭସ୍ତେଷାମସୁରାଣାଂ ବଭୂବ ହ॥ 1-68-30 (2981)
ପ୍ରହ୍ଲାଦୋ ନାମ ବାହ୍ଲୀକଃ ସ ବଭୂବ ନରାଧିପଃ।
ଚନ୍ଦ୍ରସ୍ତୁ ଦିତିଜଶ୍ରେଷ୍ଠୋ ଲୋକେ ତାରାଧିପୋପମଃ॥ 1-68-31 (2982)
ଚନ୍ଦ୍ରବର୍ମେତି ବିଖ୍ଯାତଃ କାମ୍ବୋଜାନାଂ ନରାଧିପଃ।
ଅର୍କ ଇତ୍ଯଭିବିଖ୍ଯାତୋ ଯସ୍ତୁ ଦାନବପୁଙ୍ଗବଃ॥ 1-68-32 (2983)
ଋଷିକୋ ନାମ ରାଜର୍ଷିର୍ବଭୂବ ନୃପସତ୍ତମଃ।
ମୃତପା ଇତି ବିଖ୍ଯାତୋ ଯ ଆସୀଦସୁରୋତ୍ତମଃ॥ 1-68-33 (2984)
ପଶ୍ଚିମାନୂପକଂ ବିଦ୍ଧି ତଂ ନୃପଂ ନୃପସତ୍ତମ।
ଗବିଷ୍ଠସ୍ତୁ ମହାତେଜା ଯଃ ପ୍ରଖ୍ଯାତୋ ମହାସୁରଃ॥ 1-68-34 (2985)
ଦ୍ରୁମସେନ ଇତି ଖ୍ଯାତଃ ପୃଥିବ୍ଯାଂ ସୋଽଭବନ୍ନୃପଃ।
ମଯୂର ଇତି ବିଖ୍ଯାତଃ ଶ୍ରୀମାନ୍ଯସ୍ତୁ ମହାସୁରଃ॥ 1-68-35 (2986)
ସ ବିଶ୍ବ ଇତି ବିଖ୍ଯାତୋ ବଭୂବ ପୃଥିବୀପତିଃ।
ସୁପର୍ଣ ଇତି ବିଖ୍ଯାତସ୍ତସ୍ମାଦବରଜସ୍ତୁ ଯଃ॥ 1-68-36 (2987)
କାଲକୀର୍ତିରିତି ଖ୍ଯାତଃ ପୃଥିବ୍ଯାଂ ସୋଽଭବନ୍ନୃପଃ।
ଚନ୍ଦ୍ରହନ୍ତେତି ଯସ୍ତେଷାଂ କୀର୍ତିତଃ ପ୍ରବରୋଽସୁରଃ॥ 1-68-37 (2988)
ଶୁନକୋ ନାମ ରାଜର୍ଷିଃ ସ ବଭୂବ ନରାଧିପଃ।
ବିନାଶନସ୍ତୁ ଚନ୍ଦ୍ରସ୍ଯ ଯ ଆଖ୍ଯାତୋ ମହାସୁରଃ॥ 1-68-38 (2989)
ଜାନକିର୍ନାମ ବିଖ୍ଯାତଃ ସୋଽଭବନ୍ମନୁଜାଧିପଃ।
ଦୀର୍ଘଜିହ୍ବସ୍ତୁ କୌରବ୍ଯ ଯ ଉକ୍ତୋ ଦାନବର୍ଷଭଃ॥ 1-68-39 (2990)
କାଶିରାଜଃ ସ ବିଖ୍ଯାତଃ ପୃଥିବ୍ଯାଂ ପୃଥିବୀପତେ।
ଗ୍ରହଂ ତୁ ସୁଷୁବେ ଯଂ ତୁ ସିଂହିକାର୍କେନ୍ଦୁମର୍ଦନମ୍।
ସ କ୍ରାଥ ଇତି ବିଖ୍ଯାତୋ ବଭୂବ ମନୁଜାଧିପଃ॥ 1-68-40 (2991)
ଦନାଯୁଷସ୍ତୁ ପୁତ୍ରାଣାଂ ଚତୁର୍ଣାଂ ପ୍ରବରୋଽସୁରଃ।
ବିକ୍ଷରୋ ନାମ ତେଜସ୍ବୀ ବସୁମିତ୍ରୋ ନୃପଃ ସ୍ମୃତଃ॥ 1-68-41 (2992)
ଦ୍ବିତୀଯୋ ବିକ୍ଷରାଦ୍ଯସ୍ତୁ ନରାଧିପ ମହାସୁରଃ।
ପାଣ୍ଡ୍ଯରାଷ୍ଟ୍ରାଧିପ ଇତି ବିଖ୍ଯାତଃ ସୋଽଭବନ୍ନୃପଃ॥ 1-68-42 (2993)
ବଲୀ ବୀର ଇତି ଖ୍ଯାତୋ ଯସ୍ତ୍ବାସୀଦସୁରୋତ୍ତମଃ।
ପୌଣ୍ଡ୍ରମାତ୍ସ୍ଯକ ଇତ୍ଯେବଂ ବଭୂବ ସ ନରାଧିପଃ॥ 1-68-43 (2994)
ବୃତ୍ର ଇତ୍ଯଭିବିଖ୍ଯାତୋ ଯସ୍ତୁ ରାଜନ୍ମହାସୁରଃ।
ମଣିମାନ୍ନାମ ରାଜର୍ଷିଃ ସ ବଭୂବ ନରାଧିପଃ॥ 1-68-44 (2995)
କ୍ରୋଧହନ୍ତେତି ଯସ୍ତସ୍ଯ ବଭୂବାବରଜୋଽସୁରଃ।
ଦଣ୍ଡ ଇତ୍ଯଭିବିଖ୍ଯାତଃ ସ ଆସୀନ୍ନୃପତିଃ କ୍ଷିତୌ॥ 1-68-45 (2996)
କ୍ରୋଧବର୍ଧନ ଇତ୍ଯେବଂ ଯସ୍ତ୍ବନ୍ଯଃ ପରିକୀର୍ତିତଃ।
ଦଣ୍ଡଧାର ଇତି ଖ୍ଯାତଃ ସୋଽଭବନ୍ମନୁଜର୍ଷଭଃ॥ 1-68-46 (2997)
କାଲେଯାନାଂ ତୁ ଯେ ପୁତ୍ରାସ୍ତେଷାମଷ୍ଟୌ ନରାଧିପାଃ।
ଜଜ୍ଞିରେ ରାଜଶାର୍ଦୂଲ ଶାର୍ଦୂଲସମବିକ୍ରମାଃ॥ 1-68-47 (2998)
ମଗଧେଷୁ ଜଯତ୍ସେନସ୍ତେଷାମାସୀତ୍ସ ପାର୍ଥିବଃ।
ଅଷ୍ଟାନାଂ ପ୍ରବରସ୍ତେଷାଂ କାଲେଯାନାଂ ମହାସୁରଃ॥ 1-68-48 (2999)
ଦ୍ବିତୀଯସ୍ତୁ ତତସ୍ତେଷାଂ ଶ୍ରୀମାନ୍ହରିହଯୋପମଃ।
ଅପରାଜିତ ଇତ୍ଯେବଂ ସ ବଭୂବ ନରାଧିପଃ॥ 1-68-49 (3000)
ତୃତୀଯସ୍ତୁ ମହାତେଜା ମହାମାଯୋ ମହାସୁରଃ।
ନିଷାଦାଧିପତିର୍ଜଜ୍ଞେ ଭୁବି ଭୀମପରାକ୍ରମଃ॥ 1-68-50 (3001)
ତେଷାମନ୍ଯତମୋ ଯସ୍ତୁ ଚତୁର୍ଥଃ ପରିକୀର୍ତିତଃ।
ଶ୍ରେଣିମାନିତି ବିଖ୍ଯାତଃ କ୍ଷିତୌ ରାଜର୍ଷିସତ୍ତମଃ॥ 1-68-51 (3002)
ପଞ୍ଚମସ୍ତ୍ବଭବତ୍ତେଷାଂ ପ୍ରବରୋ ଯୋ ମହାସୁରଃ।
ମହୌଜା ଇତି ବିଖ୍ଯାତୋ ବଭୂବେହ ପରନ୍ଦପଃ॥ 1-68-52 (3003)
ଷଷ୍ଠସ୍ତୁ ମତିମାନ୍ଯୋ ବୈ ତେଷାମାସୀନ୍ମହାସୁରଃ।
ଅଭୀରୁରିତି ବିଖ୍ଯାତଃ କ୍ଷିତୌ ରାଜର୍ଷିସତ୍ତମଃ॥ 1-68-53 (3004)
ସମୁଦ୍ରସେନସ୍ତୁ ନୃପସ୍ତେଷାମେବାଭବଦ୍ଗଣାତ୍।
ବିଶ୍ରୁତଃ ସାଗରାନ୍ତାଯାଂ କ୍ଷିତୌ ଧର୍ମାର୍ଥତତ୍ତ୍ବବିତ୍॥ 1-68-54 (3005)
ବୃହନ୍ନାମାଷ୍ଟମସ୍ତେଷାଂ କାଲେଯାନାଂ ନରାଧିପ।
ବଭୂବ ରାଜା ଧର୍ମାତ୍ମା ସର୍ବଭୂତହିତେ ରତଃ॥ 1-68-55 (3006)
କୁକ୍ଷିସ୍ତୁ ରାଜନ୍ବିଖ୍ଯାତୋ ଦାନବାନାଂ ମହାବଲଃ।
ପାର୍ବତୀଯ ଇତି ଖ୍ଯାତଃ କାଞ୍ଚନାଚଲସନ୍ନିଭଃ॥ 1-68-56 (3007)
କ୍ରଥନଶ୍ଚ ମହାବୀର୍ଯଃ ଶ୍ରୀମାନ୍ରାଜା ମହାସୁରଃ।
ସୂର୍ଯାକ୍ଷ ଇତି ବିଖ୍ଯାତଃ କ୍ଷିତୌ ଜଜ୍ଞେ ମହୀପତିଃ॥ 1-68-57 (3008)
ଅସୁରାଣାଂ ତୁ ଯଃ ସକୂର୍ଯଃ ଶ୍ରୀମାଂଶ୍ଚୈବ ମହାସୁରଃ।
ଦରଦୋ ନାମ ବାହ୍ଲୀକୋ ବରଃ ସର୍ବମହୀକ୍ଷିତାମ୍॥ 1-68-58 (3009)
ଗଣଃ କ୍ରୋଧବଶୋ ନାମ ଯସ୍ତେ ରାଜନ୍ପ୍ରକୀର୍ତିତଃ।
ତତଃ ସଂଜଜ୍ଞିରେ ବୀରାଃ କ୍ଷିତାବିହ ନରାଧିପାଃ॥ 1-68-59 (3010)
ମଦ୍ରକଃ କର୍ଣବେଷ୍ଟଶ୍ଚ ସିଦ୍ଧାର୍ଥଃ କୀଟକସ୍ତଥା।
ସୁବୀରଶ୍ଚ ସୁବାହୁଶ୍ଚ ମହାବୀରୋଽଥ ବାହ୍ଲିକଃ॥ 1-68-60 (3011)
କ୍ରଥୋ ବିଚିତ୍ରଃ ସୁରଥଃ ଶ୍ରୀମାନ୍ନୀଲଶ୍ଚ ଭୂମିପଃ।
ଚୀରବାସାଶ୍ଚ କୌରବ୍ଯ ଭୂମିପାଲଶ୍ଚ ନାମତଃ॥ 1-68-61 (3012)
ଦନ୍ତବକ୍ତ୍ରଶ୍ଚ ନାମାସୀଦ୍ଦୁର୍ଜଯଶ୍ଚୈବ ଦାନବଃ।
ରୁକ୍ମୀ ଚ ନୃପଶାର୍ଦୂଲୋ ରାଜା ଚ ଜନମେଜଯଃ॥ 1-68-62 (3013)
ଆଷାଢୋ ବାଯୁବେଗଶ୍ଚ ଭୂରିତେଜାସ୍ତଥୈବ ଚ।
ଏକଲବ୍ଯଃ ସୁମିତ୍ରଶ୍ଚ ବାଟଧାନୋଽଥ ଗୋମୁଖଃ॥ 1-68-63 (3014)
କାରୂଷକାଶ୍ଚ ରାଜାନଃ କ୍ଷେମଧୂର୍ତିସ୍ତଥୈବ ଚ।
ଶ୍ରୁତାଯୁରୁଦ୍ବହଶ୍ଚୈବ ବୃହତ୍ସେନସ୍ତଥୈବ ଚ॥ 1-68-64 (3015)
କ୍ଷେମୋଗ୍ରତୀର୍ଥଃ କୁହରଃ କଲିଙ୍ଗେଷୁ ନରାଧିପଃ।
ମତିମାଂଶ୍ଚ ମନୁଷ୍ଯେନ୍ଦ୍ର ଈଶ୍ବରଶ୍ଚେତି ବିଶ୍ରୁତଃ॥ 1-68-65 (3016)
ଗଣାତ୍କ୍ରୋଧବଶାଦେଷ ରାଜପୂଗୋଽଭବତ୍କ୍ଷିତୌ।
ଜାତଃ ପୁରା ମହାଭାଗୋ ମହାକୀର୍ତିର୍ମହାବଲଃ॥ 1-68-66 (3017)
କାଲନେମିରିତି ଖ୍ଯାତୋ ଦାନବାନାଂ ମହାବଲଃ।
ସ କଂସ ଇତି ବିଖ୍ଯାତ ଉଗ୍ରସେନସୁତୋ ବଲୀ॥ 1-68-67 (3018)
ଯସ୍ତ୍ବାସୀଦ୍ଦେବକୋ ନାମ ଦେବରାଜସମଦ୍ଯୁତିଃ।
ସ ଗନ୍ଧର୍ବପତିର୍ମୁଖ୍ଯଃ କ୍ଷିତୌ ଜଜ୍ଞେ ନରାଧିପଃ॥ 1-68-68 (3019)
ବୃହସ୍ପତେର୍ବୃହତ୍କୀର୍ତେର୍ଦେବର୍ଷେର୍ବିଦ୍ଧି ଭାରତ।
ଅଶାଦ୍ଦ୍ରୋଣଂ ସମୁତ୍ପନ୍ନଂ ଭାରଦ୍ବାଜମଯୋନିଜମ୍॥ 1-68-69 (3020)
ଧନ୍ବିନାଂ ନୃପଶାର୍ଦୂଲ ଯଃ ସର୍ବାସ୍ତ୍ରବିଦୁତ୍ତମଃ।
ମହାକୀର୍ତିର୍ମହାତେଜାଃ ସ ଜଜ୍ଞେ ମନୁଜେଶ୍ବର॥ 1-68-70 (3021)
ଧନୁର୍ବେଦେ ଚ ବେଦେ ଚ ଯଂ ତଂ ବେଦବିଦୋ ବିଦୁଃ।
ବରିଷ୍ଠଂ ଚିତ୍ରକର୍ମାଣଂ ଦ୍ରୋଣଂ ସ୍ବକୁଲବର୍ଧନମ୍॥ 1-68-71 (3022)
ମହାଦେବାନ୍ତକାଭ୍ଯାଂ ଚ କାମାତ୍କ୍ରୋଧାଚ୍ଚ ଭାରତ।
ଏକତ୍ବମୁପସଂପଦ୍ଯ ଜଜ୍ଞେ ଶୂରଃ ପରନ୍ତପଃ॥ 1-68-72 (3023)
ଅଶ୍ବତ୍ଥାମା ମହାବୀର୍ଯଃ ଶତ୍ରୁପକ୍ଷଭଯାବହଃ।
ବୀରଃ କମଲପତ୍ରାକ୍ଷଃ କ୍ଷିତାବାସୀନ୍ନରାଧିପଃ॥ 1-68-73 (3024)
ଜଜ୍ଞିରେ ବସବସ୍ତ୍ବଷ୍ଟୌ ଗଙ୍ଗାଯାଂ ଶନ୍ତନୋଃ ସୁତାଃ।
ବସିଷ୍ଠସ୍ଯ ଚ ଶାପେନ ନିଯୋଗାଦ୍ବାସବସ୍ଯ ଚ॥ 1-68-74 (3025)
ତେଷାମବରଜୋ ଭୀଷ୍ମଃ କୁରୂଣାମଭଯଙ୍କରଃ।
ମତିମାନ୍ବେଦବିଦ୍ବାଗ୍ମୀ ଶତ୍ରୁପକ୍ଷକ୍ଷଯଙ୍କରଃ॥ 1-68-75 (3026)
ଜାମଦଗ୍ନ୍ଯେନ ରାମେଣ ସର୍ବାସ୍ତ୍ରବିଦୁଷାଂ ବରଃ।
ଯୋଽପ୍ଯୁଧ୍ଯତ ମହାତେଜା ଭାର୍ଗବେଣ ମହାତ୍ମନା॥ 1-68-76 (3027)
ଯସ୍ତୁ ରାଜନ୍କୃପୋ ନାମ ବ୍ରହ୍ମର୍ଷିରଭବତ୍କ୍ଷିତୌ।
ରୁଦ୍ରାଣାଂ ତୁ ଗଣାଦ୍ବିଦ୍ଧି ସଂଭୂତମତିପୌରୁଷମ୍॥ 1-68-77 (3028)
ଶକୁନିର୍ନାମ ଯସ୍ତ୍ବାସୀଦ୍ରାଜା ଲୋକେ ମହାରଥଃ।
ଦ୍ବାପରଂ ବିଦ୍ଧି ତଂ ରାଜନ୍ସଂଭୂତମରିମର୍ଦନମ୍॥ 1-68-78 (3029)
ସାତ୍ଯକିଃ ସତ୍ଯସନ୍ଧଶ୍ଚ ଯୋଽସୌ ବୃଷ୍ଣିକୁଲୋଦ୍ବହଃ।
ପକ୍ଷାତ୍ସ ଜଜ୍ଞେ ମରୁତାଂ ଦେବାନାମରିମର୍ଦନଃ॥ 1-68-79 (3030)
ଦ୍ରୁପଦଶ୍ଚୈବ ରାଜର୍ଷିସ୍ତତ ଏବାଭବଦ୍ଗଣାତ୍।
ମାନୁଷେ ନୃପ ଲୋକେଽସ୍ମିନ୍ସର୍ବଶସ୍ତ୍ରଭୃତାଂ ବରଃ॥ 1-68-80 (3031)
ତତଶ୍ଚ କୃତବର୍ମାଣଂ ବିଦ୍ଧି ରାଜଞ୍ଜନାଧିପମ୍।
ତମପ୍ରତିମକର୍ମାଣଂ କ୍ଷତ୍ରିଯର୍ଷଭସତ୍ତମମ୍॥ 1-68-81 (3032)
ମରୁତାଂ ତୁ ଗଣାଦ୍ବିଦ୍ଧି ସଂଜାତମରିମର୍ଦନମ୍।
ବିରାଟଂ ନାମ ରାଜାନଂ ପରରାଷ୍ଟ୍ରପ୍ରତାପନମ୍॥ 1-68-82 (3033)
ଅରିଷ୍ଟାଯାସ୍ତୁ ଯଃ ପୁତ୍ରୋ ହଂସ ଇତ୍ଯଭିବିଶ୍ରୁତଃ।
ସ ଗନ୍ଧର୍ବପତିର୍ଜଜ୍ଞେ କୁରୁବଂଶବିବର୍ଧନଃ॥ 1-68-83 (3034)
ଧୃତରାଷ୍ଟ୍ର ଇତି ଖ୍ଯାତଃ କୃଷ୍ଣଦ୍ବୈପାଯନାତ୍ମଜଃ।
ଦୀର୍ଘବାହୁର୍ମହାତେଜାଃ ପ୍ରଜ୍ଞାଚକ୍ଷୁର୍ନରାଧିପଃ॥
ମାତୁର୍ଦୋଷାଦୃଷେଃ କୋପାଦନ୍ଧ ଏବ ବ୍ଯଜାଯତ॥ 1-68-84 (3035)
`ମରୁତାଂ ତୁ ଗଣାଦ୍ବୀରଃ ସର୍ବଶସ୍ତ୍ରଭୃତାଂ ବରଃ।
ପାଣ୍ଡୁର୍ଜଜ୍ଞେ ମହାବାହୁସ୍ତବ ପୂର୍ବପିତାମହଃ।'
ତସ୍ଯୈବାବରଜୋ ଭ୍ରାତା ମହାସତ୍ବୋ ମହାବଲଃ॥ 1-68-85 (3036)
ଧର୍ମାତ୍ତୁ ସୁମହାଭାଗଂ ପୁତ୍ରଂ ପୁତ୍ରବତାଂ ବରମ୍।
ବିଦୁରଂ ବିଦ୍ଧି ତଂ ଲୋକେ ଜାତଂ ବୁଦ୍ଧିମତାଂ ବରମ୍॥ 1-68-86 (3037)
କଲେରଂଶସ୍ତୁ ସଂଜଜ୍ଞେ ଭୁବି ଦୁର୍ଯୋଧନୋ ନୃପଃ।
ଦୁର୍ବଦ୍ଧିର୍ଦୁର୍ମତିଶ୍ଚୈବ କୁରୂଣାମଯଶସ୍କରଃ॥ 1-68-87 (3038)
ଜଗତୋ ଯସ୍ତୁ ସର୍ବସ୍ଯ ବିଦ୍ବିଷ୍ଟଃ କଲିପୂରୁଷଃ।
ଯଃ ସର୍ବାଂ ଘାତଯାମାସ ପୃଥିବୀଂ ପୃଥିବୀପତେ॥ 1-68-88 (3039)
ଉଦ୍ଦୀପିତଂ ଯେନ ବୈରଂ ଭୂତାନ୍ତକରଣଂ ମହତ୍।
ପୌଲସ୍ତ୍ଯା ଭ୍ରାତରଶ୍ଚାସ୍ଯ ଜଜ୍ଞିରେ ମନୁଜେଷ୍ବିହ॥ 1-68-89 (3040)
ଶତଂ ଦୁଃଶାସନାଦୀନାଂ ସର୍ବେଷାଂ କ୍ରୂରକର୍ମଣାମ୍।
ଦୁର୍ମୁଖୋ ଦୁଃସହଶ୍ଚୈବ ଯେ ଚାନ୍ଯେ ନାନୁକୀର୍ତିତାଃ॥ 1-68-90 (3041)
ଦୁର୍ଯୋଧନସହାଯାସ୍ତେ ପୌଲସ୍ତ୍ଯା ଭରତର୍ଷଭ।
ବୈଶ୍ଯାପୁତ୍ରୋ ଯୁଯୁତ୍ସୁଶ୍ଚ ଧାର୍ତରାଷ୍ଟ୍ରଃ ଶତାଧିକଃ॥ 1-68-91 (3042)
ଜନମେଜଯ ଉବାଚ। 1-68-92x (326)
ଜ୍ଯେଷ୍ଠାନୁଜ୍ଯେଷ୍ଠତାମେଷାଂ ନାମଧେଯାନି ବା ବିଭୋ।
ଧୃତରାଷ୍ଟ୍ରସ୍ଯ ପୁତ୍ରାଣାମାନୁପୂର୍ବ୍ଯେଣ କୀର୍ତଯ॥ 1-68-92 (3043)
ବୈଶମ୍ପାଯନ ଉବାଚ। 1-68-93x (327)
ଦୁର୍ଯୋଧନୋ ଯୁଯୁତ୍ସୁଶ୍ଚ ରାଜନ୍ଦୁଃଶାସନସ୍ତଥା।
ଦୁଃସହୋ ଦୁଃଶଲଶ୍ଚୈବ ଦୁର୍ମୁଖଶ୍ଚ ତଥାପରଃ॥ 1-68-93 (3044)
ବିବିଂଶତିର୍ବିକର୍ଣଶ୍ଚ ଜଲସନ୍ଧଃ ସୁଲୋଚନଃ।
ବିନ୍ଦାନୁବିନ୍ଦୌ ଦୁର୍ଧର୍ଷଃ ସୁବାହୁର୍ଦୁଷ୍ପ୍ରଧର୍ଷଣଃ॥ 1-68-94 (3045)
ଦୁର୍ମର୍ଷଣୋ ଦୁର୍ମୁଖଶ୍ଚ ଦୁଷ୍କର୍ଣଃ କର୍ଣ ଏବ ଚ।
ଚତ୍ରୋପଚିତ୍ରୌ ଚିତ୍ରାକ୍ଷଶ୍ଚାରୁଚିତ୍ରାଙ୍ଗଦଶ୍ଚ ହ॥ 1-68-95 (3046)
ଦୁର୍ମଦୋ ଦୁଷ୍ପ୍ରହର୍ଷଶ୍ଚ ବିବିତ୍ସୁର୍ବିକଟଃ ସମଃ।
ଊର୍ଣନାଭଃ ପଦ୍ମନାଭସ୍ତଥା ନନ୍ଦୋପନନ୍ଦକୌ॥ 1-68-96 (3047)
ସେନାପତିଃ ସୁଷେଣଶ୍ଚ କୁଣ୍ଡୋଦରମହୋଦରୌ।
ଚିତ୍ରବାହୁଶ୍ଚିତ୍ରବର୍ମା ସୁବର୍ମା ଦୁର୍ବିରୋଚନଃ॥ 1-68-97 (3048)
ଅଯୋବାହୁର୍ମହାବାହୁଶ୍ଚିତ୍ରଚାପସୁକୁଣ୍ଡଲୌ।
ଭୀମବେଗୋ ଭୀମବଲୋ ବଲାକୀ ଭୀମବିକ୍ରମଃ॥ 1-68-98 (3049)
ଉଗ୍ରାଯୁଧୋ ଭୀମଶରଃ କନକାଯୁର୍ଦୃଢାଯୁଧଃ।
ଦୃଢବର୍ମା ଦୃଢକ୍ଷତ୍ରଃ ସୋମକୀର୍ତିରନୂଦରଃ॥ 1-68-99 (3050)
ଜରାସନ୍ଧୋ ଦୃଢସନ୍ଧଃ ସତ୍ଯସନ୍ଧଃ ସହସ୍ରବାକ୍।
ଉଗ୍ରଶ୍ରବା ଉଗ୍ରସେନଃ କ୍ଷେମମୂର୍ତିସ୍ତଥୈବ ଚ॥ 1-68-100 (3051)
ଅପରାଜିତଃ ପଣ୍ଡିତକୋ ବିଶାଲାକ୍ଷୋ ଦୁରାଧନଃ॥ 1-68-101 (3052)
ଦୃଢହସ୍ତଃ ସୁହସ୍ତଶ୍ଚ ବାତବେଗସୁବର୍ଚସୌ।
ଆଦିତ୍ଯକେତୁର୍ବହ୍ବାଶୀ ନାଗଦତ୍ତାନୁଯାଯିନୌ॥ 1-68-102 (3053)
କବାଚୀ ନିଷଙ୍ଗୀ ଦଣ୍ଡୀ ଦଣ୍ଡଧାରୋ ଧନୁର୍ଗ୍ରହଃ।
ଉଗ୍ରୋ ଭୀମରଥୋ ବୀରୋ ବୀରବାହୁରଲୋଲୁପଃ॥ 1-68-103 (3054)
ଅଭଯୋ ରୌଦ୍ରକର୍ମା ଚ ତଥା ଦୃଢରଥଶ୍ଚ ଯଃ।
ଅନାଧୃଷ୍ଯଃ କୁମ୍ଡଭେଦୀ ବିରାବୀ ଦୀର୍ଘଲୋଚନଃ॥ 1-68-104 (3055)
ଦୀର୍ଘବାହୁର୍ମହାବାହୁର୍ବ୍ଯୂଢୋରୁଃ କନକାଙ୍ଗଦଃ।
କୁଣ୍ଡଜଶ୍ଚିତ୍ରକଶ୍ଚୈବ ଦୁଃଶଲା ଚ ଶତାଧିକା॥ 1-68-105 (3056)
ବୈଶ୍ଯାପୁତ୍ରୋ ଯୁଯୁତ୍ସୁଶ୍ଚ ଧାର୍ତରାଷ୍ଟ୍ରଃ ଶତାଧିକଃ।
ଏତଦେକଶତଂ ରାଜନ୍କନ୍ଯା ଚୈକା ପ୍ରକୀର୍ତିତା॥ 1-68-106 (3057)
ନାମଧେଯାନୁପୂର୍ବ୍ଯା ଚ ଜ୍ଯେଷ୍ଠାନୁଜ୍ଯେଷ୍ଠତାଂ ବିଦୁଃ।
ସର୍ବେ ତ୍ବତିରଥାଃ ଶୂରାଃ ସର୍ବେ ଯୁଦ୍ଧବିଶାରଦାଃ॥ 1-68-107 (3058)
ସର୍ବେ ବେଦବିଦଶ୍ଚୈବ ରାଜଞ୍ଶାସ୍ତ୍ରେ ଚ ପରାଗାଃ।
ସର୍ବେ ସଙ୍ଘ୍ରାମବିଦ୍ଯାସୁ ବିଦ୍ଯାଭିଜନଶୋଭିନଃ॥ 1-68-108 (3059)
ସର୍ବେଷାମନୁରୂପାଶ୍ଚ କୃତା ଦାରା ମହୀପତେ।
ଦୁଃଶଲାଂ ସମଯେ ରାଜସିନ୍ଧୁରାଜାଯ କୌରବଃ॥ 1-68-109 (3060)
ଜଯଦ୍ରଥାଯ ପ୍ରଦଦୌ ସୌବଲାନୁମତେ ତଦା।
ଧର୍ମସ୍ଯାଂଶଂ ତୁ ରାଜାନଂ ବିଦ୍ଧି ରାଜନ୍ଯୁଧିଷ୍ଠିରମ୍॥ 1-68-110 (3061)
ଭୀମସେନଂ ତୁ ବାତସ୍ଯ ଦେବରାଜସ୍ଯ ଚାର୍ଜୁନମ୍।
ଅଶ୍ବିନୋସ୍ତୁ ତଥୈବାଂଶୌ ରୂପେଣାପ୍ରତିମୌ ଭୁବି॥ 1-68-111 (3062)
ନକୁଲଃ ସହଦେବଶ୍ଚ ସର୍ବଭୂତମନୋହରୌ।
ସ୍ଯୁବର୍ଚା ଇତି ଖ୍ଯାତଃ ସୋମପୁତ୍ରଃ ପ୍ରତାପବାନ୍॥ 1-68-112 (3063)
ସୋଽଭିମନ୍ଯୁର୍ବୃହତ୍କୀର୍ତିରର୍ଜୁନସ୍ଯ ସୁତୋଽଭବତ୍।
ଯସ୍ଯାବତରଣେ ରାଜନ୍ସୁରାନ୍ସୋମୋଽବ୍ରବୀଦିଦମ୍॥ 1-68-113 (3064)
ନାହଂ ଦଦ୍ଯାଂ ପ୍ରିଯଂ ପୁତ୍ରଂ ମମ ପ୍ରାଣୈର୍ଗରୀଯସମ୍।
ସମଯଃ କ୍ରିଯତାମେଷ ନ ଶକ୍ଯମତିବର୍ତିତୁମ୍॥ 1-68-114 (3065)
ସୁରକାର୍ଯଂ ହି ନଃ କାର୍ଯମସୁରାଣାଂ କ୍ଷିତୌ ବଧଃ।
ତତ୍ର ଯାସ୍ଯତ୍ଯଯଂ ବର୍ଚା ନ ଚ ସ୍ଥାସ୍ଯତି ବୈ ଚିରମ୍॥ 1-68-115 (3066)
ଐନ୍ଦ୍ରିର୍ନରସ୍ତୁ ଭବିତା ଯସ୍ଯ ନାରାଯଣଃ ସଖା।
ସୋର୍ଜୁନେତ୍ଯଭିବିଖ୍ଯାତଃ ପାଣ୍ଡୋଃ ପୁତ୍ରଃ ପ୍ରତାପବାନ୍॥ 1-68-116 (3067)
ତସ୍ଯାଯଂ ଭବିତା ପୁତ୍ରୋ ବାଲୋ ଭୁବି ମହାରଥଃ।
ତତଃ ଷୋଡଶବର୍ଷାଣି ସ୍ଥାସ୍ଯତ୍ଯମରସତ୍ତମାଃ॥ 1-68-117 (3068)
ଅସ୍ଯ ଷୋଡଶବର୍ଷସ୍ଯ ସ ସଙ୍ଗ୍ରାମୋ ଭବିଷ୍ଯତି।
ଯତ୍ରାଂଶା ବଃ କରିଷ୍ଯନ୍ତି କର୍ମ ବୀରନିଷୂଦନମ୍॥ 1-68-118 (3069)
ନରନାରାଯଣାଭ୍ଯାଂ ତୁ ସ ସଙ୍ଗ୍ରାମୋ ବିନାକୃତଃ।
ଚକ୍ରବ୍ଯୂହଂ ସମାସ୍ଥାଯ ଯୋଧଯିଷ୍ଯନ୍ତି ବଃସୁରାଃ॥ 1-68-119 (3070)
ବିମୁଖାଞ୍ଛାତ୍ରବାନ୍ସର୍ବାନ୍କାରଯିଷ୍ଯତି ମେ ସୁତଃ।
ବାଲଃ ପ୍ରବିଶ୍ଯ ଚ ବ୍ଯୂହମଭେଦ୍ଯଂ ବିଚରିଷ୍ଯତି॥ 1-68-120 (3071)
ମହାରଥାନାଂ ବୀରାଣାଂ କଦନଂ ଚ କରିଷ୍ଯତି।
ସର୍ବେଷାମେବ ଶତ୍ରୂଣାଂ ଚତୁର୍ଥାଂଶଂ ନଯିଷ୍ଯତି॥ 1-68-121 (3072)
ଦିନାର୍ଧେନ ମହାବାହୁଃ ପ୍ରେତରାଜପୁରଂ ପ୍ରତି।
ତତୋ ମହାରଥୈର୍ବୀରୈଃ ସମେତ୍ଯ ବହୁଶୋ ରଣେ॥ 1-68-122 (3073)
ଦିନକ୍ଷଯେ ମହାବାହୁର୍ମଯା ଭୂଯଃ ସମେଷ୍ଯତି।
ଏକଂ ବଂଶକରଂ ପୁତ୍ରଂ ବୀରଂ ବୈ ଜନଯିଷ୍ଯତି॥ 1-68-123 (3074)
ପ୍ରନଷ୍ଟଂ ଭାରତଂ ବଂଶଂ ସ ଭୂଯୋ ଧାରଯିଷ୍ଯତି। 1-68-124 (3075)
ବୈଶମ୍ପାଯନ ଉବାଚ।
ଏତତ୍ସୋମବଚଃ ଶ୍ରୁତ୍ବା ତଥାସ୍ତ୍ବିତି ଦିବୌକସଃ॥ 1-68-124x (328)
ପ୍ରତ୍ଯୂଚୁଃ ସହିତାଃ ସର୍ବେ ତାରାଧିପମପୂଜଯନ୍।
ଏବଂ ତେ କଥିତଂ ରାଜଂସ୍ତବ ଜନ୍ମ ପିତୁଃ ପିତୁଃ॥ 1-68-125 (3076)
ଅଗ୍ନେର୍ଭାଗଂ ତୁ ବିଦ୍ଧି ତ୍ବଂ ଧୃଷ୍ଟଦ୍ଯୁମ୍ନଂ ମହାରଥଣ୍।
ଶିଖଣ୍ଡିନମଥୋ ରାଜଂସ୍ତ୍ରୀପୂର୍ବଂ ବିଦ୍ଧି ରାକ୍ଷସମ୍॥ 1-68-126 (3077)
ଦ୍ରୌପଦେଯାଶ୍ଚ ଯେ ପଞ୍ଚ ବଭୂବୁର୍ଭରତର୍ଷଭ।
ବିଶ୍ବାନ୍ଦେବଗଣାନ୍ବିଦ୍ଧି ସଂଜାତାନ୍ଭରତର୍ଷଭ॥ 1-68-127 (3078)
ପ୍ରତିବିନ୍ଧ୍ଯଃ ସୁତସୋମଃ ଶ୍ରୁତକୀର୍ତିସ୍ତଥାପରଃ।
ନାକୁଲିସ୍ତୁ ଶତାନୀକଃ ଶ୍ରୁତସେନଶ୍ଚ ବୀର୍ଯବାନ୍॥ 1-68-128 (3079)
ଶୂରୋ ନାମ ଯଦୁଶ୍ରେଷ୍ଠୋ ବସୁଦେବପିତାଽଭବତ୍।
ତସ୍ଯ କନ୍ଯା ପୃଥା ନାମ ରୂପେଣାସଦୃଶୀ ଭୁବି। 1-68-129 (3080)
ପିତୁଃ ସ୍ବସ୍ରୀଯପୁତ୍ରାଯ ସୋଽନପତ୍ଯାଯ ବୀର୍ଯବାନ୍।
ଅଗ୍ରମଗ୍ରେ ପ୍ରତିଜ୍ଞାଯ ସ୍ବସ୍ଯାପତ୍ଯସ୍ଯ ବୈ ତଦା॥ 1-68-130 (3081)
ଅଗ୍ରଜାତେତି ତାଂ କନ୍ଯାଂ ଶୂରୋଽନୁଗ୍ରହକାଙ୍କ୍ଷଯା।
ଅଦଦତ୍କୁନ୍ତିଭୋଜାଯ ସ ତାଂ ଦୁହିତରଂ ତଦା॥ 1-68-131 (3082)
ସା ନିଯୁକ୍ତା ପିତୁର୍ଗେହେ ବ୍ରାହ୍ମଣାତିଥିପୂଜନେ।
ଉଗ୍ରଂ ପର୍ଯଚରଦ୍ଧୋରଂ ବ୍ରାହ୍ମଣଂ ସଂଶିତବ୍ରତମ୍॥ 1-68-132 (3083)
ନିକୂଢନିଶ୍ଚଯଂ ଧର୍ମେ ଯଂ ତଂ ଦୁର୍ବାସସଂ ବିଦୁଃ।
ସମୁଗ୍ରଂ ଶଂସିତାତ୍ମାନଂ ସର୍ବଯତ୍ନୈରତୋଷଯତ୍॥ 1-68-133 (3084)
ତୁଷ୍ଟୋଽଭିଚାରସଂଯୁକ୍ତମାଚଚକ୍ଷେ ଯଥାବିଧି।
ଉବାଚ ଚୈନାଂ ଭଗବାନ୍ପ୍ରୀତୋଽସ୍ମି ସୁଭଗେ ତବ॥ 1-68-134 (3085)
ଯଂ ଯଂ ଦେବଂ ତ୍ବମେତେନ ମନ୍ତ୍ରେଣାବାହଯିଷ୍ଯସି।
ତସ୍ଯ ତସ୍ଯ ପ୍ରସାଦାତ୍ତ୍ବଂ ଦେବି ପୁତ୍ରାଞ୍ଜନିଷ୍ଯସି॥ 1-68-135 (3086)
ଏବମୁକ୍ତା ଚ ସା ବାଲା ତଦା କୌତୂହଲାନ୍ବିତା।
କନ୍ଯା ସତୀ ଦେବମର୍କମାଜୁହାବ ଯଶସ୍ବିନୀ॥ 1-68-136 (3087)
ପ୍ରକାଶକର୍ତା ଭଗବାଂସ୍ତସ୍ଯାଂ ଗର୍ଭଂ ଦଧୌ ତଦା।
ଅଜୀଜନତ୍ସୁତଂ ଚାସ୍ଯାଂ ସର୍ବଶସ୍ତ୍ରଭୃତାଂବରମ୍॥ 1-68-137 (3088)
ସକୁଣ୍ଡଲଂ ସକବଚଂ ଦେବଗର୍ଭଂ ଶ୍ରିଯାନ୍ବିତମ୍।
ଦିବାକରସମଂ ଦୀପ୍ତ୍ଯା ଚାରୁସର୍ବାଙ୍ଗଭୂଷିତମ୍॥ 1-68-138 (3089)
ନିଗୂହମାନା ଜାତଂ ବୈ ବନ୍ଧୁପକ୍ଷଭଯାତ୍ତଦା।
ଉତ୍ସସର୍ଜ ଜଲେ କୁନ୍ତୀ ତଂ କୁମାରଂ ଯଶସ୍ବିନମ୍॥ 1-68-139 (3090)
ତମୁତ୍ସୃଷ୍ଟଂ ଜଲେ ଗର୍ଭଂ ରାଧାଭର୍ତା ମହାଯଶାଃ।
ରାଧାଯାଃ କଲ୍ପଯାମାସ ପୁତ୍ରଂ ସୋଽଧିରଥସ୍ତଦା॥ 1-68-140 (3091)
ଚକ୍ରତୁର୍ନାମଧେଯଂ ଚ ତସ୍ଯ ବାଲସ୍ଯ ତାବୁଭୌ।
ଦଂପତୀ ବସୁଷେଣେତି ଦିକ୍ଷୁ ସର୍ବାସୁ ବିଶ୍ରୁତମ୍॥ 1-68-141 (3092)
ସଂବର୍ଧମାନୋ ବଲବାନ୍ସର୍ବାସ୍ତ୍ରେଷୂତ୍ତମୋଽଭବତ୍।
ବେଦାଙ୍ଗାନି ଚ ସର୍ବାଣି ଜଜାପ ଜପତାଂ ବରଃ॥ 1-68-142 (3093)
ଯସ୍ମିନ୍କାଲେ ଜପନ୍ନାସ୍ତେ ଧୀମାନ୍ସତ୍ଯପରାକ୍ରମଃ।
ନାଦେଯଂ ବ୍ରାହ୍ମଣେଷ୍ବାସୀତ୍ତସ୍ମିନ୍କାଲେ ମହାତ୍ମନଃ॥ 1-68-143 (3094)
ତମିନ୍ଦ୍ରୋ ବ୍ରାହ୍ମଣୋ ଭୂତ୍ବା ପୁତ୍ରାର୍ଥେ ଭୂତଭାବନଃ।
ଯଯାଚେ କୁଣ୍ଡଲେ ବୀରଂ କବଚଂ ଚ ସହାଙ୍ଗଜମ୍॥ 1-68-144 (3095)
ଉତ୍କୃତ୍ଯ କର୍ଣୋ ହ୍ଯଦଦତ୍କବଚଂ କୁଣ୍ଡଲେ ତଥା॥
ଶକ୍ତିଂ ଶକ୍ରୋ ଦଦୌ ତସ୍ମୈ ବିସ୍ମିତଶ୍ଚେଦମବ୍ରବୀତ୍॥ 1-68-145 (3096)
ଦେବାସୁରମନୁଷ୍ଯାଣାଂ ଗନ୍ଧର୍ବୋରଗରକ୍ଷସାମ୍।
ଯସ୍ମିନ୍କ୍ଷେପ୍ସ୍ଯସି ଦୁର୍ଧର୍ଷ ସ ଏକୋ ନ ଭବିଷ୍ଯତି॥ 1-68-146 (3097)
ବୈଶମ୍ପାଯନ ଉବାଚ। 1-68-147x (329)
ପୁରା ନାମ ଚ ତସ୍ଯାସୀଦ୍ବସୁଷେଣ ଇତି କ୍ଷିତୌ।
ତତୋ ବୈକର୍ତନଃ କର୍ଣଃ କର୍ମଣା ତେନ ସୋଽଭବତ୍॥ 1-68-147 (3098)
ଆମୁକ୍ତକବଚୋ ବୀରୋ ଯସ୍ତୁ ଜଜ୍ଞେ ମହାଯଶାଃ।
ସ କର୍ଣ ଇତି ବିଖ୍ଯାତଃ ପୃଥାଯାଃ ପ୍ରଥମଃ ସୁତଃ॥ 1-68-148 (3099)
ସ ତୁ ସୂତକୁଲେ ବୀରୋ ବବୃଧେ ରାଜସତ୍ତମ।
କର୍ଣଂ ନରବରଶ୍ରେଷ୍ଠଂ ସର୍ବଶସ୍ତ୍ରଭୃତାଂ ବରମ୍॥ 1-68-149 (3100)
ଦୁର୍ଯୋଧନସ୍ଯ ସଚିବଂ ମିତ୍ରଂ ଶତ୍ରୁବିନାଶନମ୍।
ଦିବାକରସ୍ଯ ତଂ ବିଦ୍ଧି ରାଜନ୍ନଂଶମନୁତ୍ତମମ୍॥ 1-68-150 (3101)
ଯସ୍ତୁ ନାରାଯଣୋ ନାମ ଦେବଦେବଃ ସନାତନଃ।
ତସ୍ଯାଂଶୋ ମାନୁଷେଷ୍ବାସୀଦ୍ବାସୁଦେବଃ ପ୍ରତାପବାନ୍॥ 1-68-151 (3102)
ଶେଷସ୍ଯାଂଶଶ୍ଚ ନାଗସ୍ଯ ବଲଦେବୋ ମହାବଲଃ।
ସନତ୍କୁମାରଂ ପ୍ରଦ୍ଯୁମ୍ନଂ ବିଦ୍ଧି ରାଜନ୍ମହୌଜସମ୍॥ 1-68-152 (3103)
ଏବମନ୍ଯେ ମନୁଷ୍ଯେନ୍ଦ୍ରା ବହବୋଂଶା ଦିବୌକସାମ୍।
ଜଜ୍ଞିରେ ବସୁଦେବସ୍ଯ କୁଲେ କୁଲବିବର୍ଧନାଃ॥ 1-68-153 (3104)
ଗଣସ୍ତ୍ବପ୍ସରସାଂ ଯୋ ବୈ ମଯା ରାଜନ୍ପ୍ରକୀର୍ତିତଃ।
ତସ୍ଯ ଭାଗଃ କ୍ଷିତୌ ଜଜ୍ଞେ ନିଯୋଗାଦ୍ବାସବସ୍ଯ ହ॥ 1-68-154 (3105)
ତାନି ଷୋଡଶଦେବୀନାଂ ସହସ୍ରାଣି ନରାଧିପ।
ବଭୂବୁର୍ମାନୁଷେ ଲୋକେ ବାସୁଦେବପରିଗ୍ରହଃ॥ 1-68-155 (3106)
ଶ୍ରିଯସ୍ତୁ ଭାଗଃ ସଂଜଜ୍ଞେ ରତ୍ଯର୍ଥଂ ପୃଥିବୀତଲେ।
[ଭୀଷ୍ମକସ୍ଯ କୁଲେ ସାଧ୍ବୀ ରୁକ୍ମିଣୀ ନାମ ନାମତଃ॥ 1-68-156 (3107)
ଦ୍ରୌପଦୀ ତ୍ବଥ ସଂଜଜ୍ଞେ ଶଚୀ ଭାଗାଦନିନ୍ଦିତା।]
ଦ୍ରୁପଦସ୍ଯ କୁଲେ ଜାତା ବେଦିମଧ୍ଯାଦନିନ୍ଦିତା॥ 1-68-157 (3108)
ନାତିହ୍ରସ୍ବା ନ ମହତୀ ନୀଲୋତ୍ପଲସୁଗନ୍ଧିନୀ।
ପଦ୍ମାଯତାକ୍ଷୀ ସୁଶ୍ରୋଣୀ ସ୍ବସିତାଞ୍ଚିତମୂର୍ଧଜା॥ 1-68-158 (3109)
ସର୍ବଲକ୍ଷଣସଂପନ୍ନା ବୈଦୂର୍ଯମଣିସଂନିଭା।
ପଞ୍ଚାନାଂ ପୁରୁଷେନ୍ଦ୍ରାଣାଂ ଚିତ୍ତପ୍ରମଥନୀ ରହଃ॥ 1-68-159 (3110)
ସିଦ୍ଧିର୍ଧୃତିଶ୍ଚ ଯେ ଦେବ୍ଯୌ ପଞ୍ଚାନାଂ ମାତରୌ ତୁ ତେ।
କୁନ୍ତୀ ମାଦ୍ରୀ ଚ ଜଜ୍ଞାତେ ମତିସ୍ତୁ କୁବଲାତ୍ମଜା॥ 1-68-160 (3111)
ଇତି ଦେବାସୁରାଣାଂ ତେ ଗନ୍ଧର୍ବାପ୍ସରସାଂ ତଥା।
ଅଂଶାବତରଣଂ ରାଜନ୍ରାକ୍ଷସାନାଂ ଚ କୀର୍ତିତମ୍॥ 1-68-161 (3112)
ଯେ ପୃଥିବ୍ଯାଂ ସମୁଦ୍ଭୂତା ରାଜାନୋ ଯୁଦ୍ଧଦୁର୍ମଦାଃ।
ମହାତ୍ମାନୋ ଯଦୂନାଂ ଚ ଯେ ଜାତା ବିପୁଲେ କୁଲେ॥ 1-68-162 (3113)
ବ୍ରାହ୍ମଣାଃ କ୍ଷତ୍ରିଯା ବୈଶ୍ଯା ମଯା ତେ ପରିକୀର୍ତିତାଃ।
ଧନ୍ଯଂ ଯଶସ୍ଯଂ ପୁତ୍ରୀଯମାଯୁଷ୍ଯଂ ବିଜଯାବହମ୍॥ 1-68-163 (3114)
ଇଦମଂଶାବତରଣଂ ଶ୍ରୋତବ୍ଯମନସୂଯତା।
ଅଂଶାବତରଣଂ ଶ୍ରୁତ୍ବା ଦେବଗନ୍ଧର୍ବରକ୍ଷସାମ୍॥ 1-68-164 (3115)
ପ୍ରଭବାପ୍ଯଯବିତ୍ପ୍ରାଜ୍ଞୋ ନ କୃଚ୍ଛ୍ରେଷ୍ବବସୀଦତି॥ ॥ 1-68-165 (3116)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଅଷ୍ଟଷଷ୍ଟିତମୋଽଧ୍ଯାଯଃ॥ 68 ॥
Mahabharata - Adi Parva - Chapter Footnotes
କୁଣ୍ଡଲିତୋଯଂ ପାଠଃ କ୍ବଚିନ୍ନ ଦୃଶ୍ଯତେ।ଆଦିପର୍ବ - ଅଧ୍ଯାଯ 069
॥ ଶ୍ରୀଃ ॥
1.69. ଅଧ୍ଯାଯଃ 069
Mahabharata - Adi Parva - Chapter Topics
କୁରୁବଂଶକଥନମ୍॥ 1 ॥ ସଂକ୍ଷେପେଣ ଯଯାତ୍ଯୁପାଖ୍ଯାନମ୍॥ 2 ॥Mahabharata - Adi Parva - Chapter Text
1-69-0 (3117)
ଜନମେଜଯ ଉବାଚ। 1-69-0x (330)
ତ୍ବତ୍ତଃ ଶ୍ରୁତମିଦଂ ବ୍ରହ୍ମନ୍ଦେବଦାନବରକ୍ଷସାମ୍।
ଅଂଶାବତରଣଂ ସମ୍ଯଗ୍ଗନ୍ଧର୍ବାପ୍ସରସାଂ ତଥା॥ 1-69-1 (3118)
ଇମଂ ତୁ ଭୂଯ ଇଚ୍ଛାମି କୁରୂଣାଂ ବଂଶମାଦିତଃ।
କଥ୍ଯମାନଂ ତ୍ବଯା ବିପ୍ର ବିପ୍ରର୍ଷିଗଣସନ୍ନିଧୌ॥ 1-69-2 (3119)
ବୈଶମ୍ପାଯନ ଉବାଚ। 1-69-3x (331)
ଧର୍ମାର୍ଥକାମସହିତଂ ରାଜର୍ଷୀଣାଂ ପ୍ରକୀର୍ତିତମ୍।
ପବିତ୍ରଂ କୀର୍ତ୍ଯମାନଂ ମେ ନିବୋଧେଦଂ ମନୀଷିଣାମ୍॥ 1-69-3 (3120)
ପ୍ରଜାପତେସ୍ତୁ ଦକ୍ଷସ୍ଯ ମନୋର୍ବୈବସ୍ବତସ୍ଯ ଚ।
ଭରତସ୍ଯ କୁରୋଃ ପୂରୋରାଜମୀଢସ୍ଯ ଚାନଘ॥ 1-69-4 (3121)
ଯାଦବାନାମିମଂ ବଂଶଂ କୌରବାଣାଂ ଚ ସର୍ବଶଃ।
ତଥୈବ ଭରତାନାଂ ଚ ପୁଣ୍ଯଂ ସ୍ବସ୍ତ୍ଯଯନଂ ମହତ୍॥ 1-69-5 (3122)
ଧନ୍ଯଂ ଯଶସ୍ଯମାଯୁଷ୍ଯଂ କୀର୍ତଯିଷ୍ଯାମି ତେଽନଘ।
ତେଜୋଭିରୁଦିତାଃ ସର୍ବେ ମହର୍ଷିସମତେଜସଃ॥ 1-69-6 (3123)
ଦଶ ପ୍ରାଚେତସଃ ପୁତ୍ରାଃ ସନ୍ତଃ ପୁଣ୍ଯଜନାଃ ସ୍ମୃତାଃ।
ମୁଖଜେନାଗ୍ନିନା ଯୈସ୍ତେ ପୂର୍ବଂ ଦଗ୍ଧା ମହୌଜସଃ॥ 1-69-7 (3124)
ତେଭ୍ଯଃ ପ୍ରାଚେତସୋ ଜଜ୍ଞେ ଦକ୍ଷୋ ଦକ୍ଷାଦିମାଃ ପ୍ରଜାଃ।
ସଂଭୂତାଃ ପୁରୁଷବ୍ଯାଘ୍ର ସ ହି ଲୋକପିତାମହଃ॥ 1-69-8 (3125)
ବୀରିଣ୍ଯା ସହ ସଙ୍ଗମ୍ଯ ଦକ୍ଷଃ ପ୍ରାଚେତସୋ ମୁନିଃ।
ଆତ୍ମତୁଲ୍ଯାନଜନଯତ୍ସହସ୍ରଂ ସଂଶିତବ୍ରତାନ୍॥ 1-69-9 (3126)
ସହସ୍ରସଙ୍ଖ୍ଯାନସଂଭୂତାନ୍ଦକ୍ଷପୁତ୍ରାଂଶ୍ଚ ନାରଦଃ।
ମୋକ୍ଷମଧ୍ଯାପଯାମାସ ସାଙ୍ଖ୍ଯଜ୍ଞାନମନୁତ୍ତମମ୍॥ 1-69-10 (3127)
`ନାଶାର୍ଥଂ ଯୋଜଯାମାସ ଦିଗନ୍ତଜ୍ଞାନକର୍ମସୁ'।
ତତଃ ପଞ୍ଚାଶତଂ କନ୍ଯା ପୁତ୍ରିକା ଅଭିସନ୍ଦଧେ।
ପ୍ରଜାପତିଃ ପ୍ରଜା ଦକ୍ଷଃ ସିସୃକ୍ଷୁର୍ଜନମେଜଯ॥ 1-69-11 (3128)
ଦଦୌ ଦଶ ସ ଧର୍ମାଯ କଶ୍ଯପାଯ ତ୍ରଯୋଦଶ।
କାଲସ୍ଯ ନଯନେ ଯୁକ୍ତାଃ ସପ୍ତବିଂଶତିମିନ୍ଦବେ॥ 1-69-12 (3129)
ତ୍ରଯୋଦଶାନାଂ ପତ୍ନୀନାଂ ଯା ତୁ ଦାକ୍ଷାଯଣୀ ବରା।
ମାରୀଚଃ କଶ୍ଯପସ୍ତ୍ବସ୍ଯାମାଦିତ୍ଯାନ୍ସମଜୀଜନତ୍॥ 1-69-13 (3130)
ଇନ୍ଦ୍ରାଦୀନ୍ବୀର୍ଯସଂପନ୍ନାନ୍ବିବସ୍ବନ୍ତମଥାପି ଚ।
ବିବସ୍ବତଃ ସୁତୋ ଜଜ୍ଞେ ଯମୋ ବୈବସ୍ବତଃ ପ୍ରଭୁଃ॥ 1-69-14 (3131)
`ମାର୍ତାଣ୍ଡସ୍ଯ ଯମୀ ଚାପି ସୁତା ରାଜନ୍ନଜାଯତ'।
ମାର୍ତଣ୍ଡସ୍ଯ ମନୁର୍ଧୀମାନଜାଯତ ସୁତଃ ପ୍ରଭୁଃ॥ 1-69-15 (3132)
ଧର୍ମାତ୍ମା ସ ମନୁର୍ଧୀମାନ୍ଯତ୍ର ବଂଶଃ ପ୍ରତିଷ୍ଠିତଃ।
ମନୋର୍ବଂଶୋ ମାନବାନାଂ ତତୋଽଯଂ ପ୍ରଥିତୋଽଭବତ୍॥ 1-69-16 (3133)
ବ୍ରହ୍ମକ୍ଷତ୍ରାଦଯସ୍ତସ୍ମାନ୍ମନୋର୍ଜାତାସ୍ତୁ ମାନବାଃ।
ତତୋଽଭବନ୍ମହାରାଜ ବ୍ରହ୍ମ କ୍ଷତ୍ରେଣ ସଙ୍ଗତମ୍॥ 1-69-17 (3134)
ବ୍ରାହ୍ମଣା ମାନବାସ୍ତେଷାଂ ସାଙ୍ଗଂ ବେଦମଦାରଯନ୍।
ବେନଂ ଧୃଷ୍ଣୁଂ ନରିଷ୍ଯନ୍ତଂ ନାଭାଗେକ୍ଷ୍ବାକୁମେବ ଚ॥ 1-69-18 (3135)
କାରୂଷମଥ ଶର୍ଯାତିଂ ତଥା ଚୈବାଷ୍ଟମୀମିଲାମ୍।
ପୃଷ୍ଟଧ୍ରଂ ନବମଂ ପ୍ରାହୁଃ କ୍ଷତ୍ରଧର୍ମପରାଯଣମ୍॥ 1-69-19 (3136)
ନାଭାଗାରିଷ୍ଟଦଶମାନ୍ମନୋଃ ପୁତ୍ରାନ୍ପ୍ରଚକ୍ଷତେ।
ପଞ୍ଚାଶତ୍ତୁ ମନୋଃ ପୁତ୍ରାସ୍ତଥୈବାନ୍ଯେଽଭବନ୍କ୍ଷିତୌ॥ 1-69-20 (3137)
ଅନ୍ଯୋନ୍ଯଭେଦାତ୍ତେ ସର୍ବେ ବିନେଶୁରିତି ନଃ ଶ୍ରୁତମ୍।
ପୁରୂରବାସ୍ତତୋ ବିଦ୍ବାନିଲାଯାଂ ସମପଦ୍ଯତ॥ 1-69-21 (3138)
ସା ବୈ ତସ୍ଯାଭବନ୍ମାତା ପିତା ଚୈବେତି ନଃ ଶ୍ରୁତମ୍।
ତ୍ରଯୋଦଶ ସମୁଦ୍ରସ୍ଯ ଦ୍ବୀପାନଶ୍ନନ୍ପୁରୂରବାଃ॥ 1-69-22 (3139)
ଅମାନୁଷୈର୍ବୃତଃ ସତ୍ବୈର୍ମାନୁଷଃ ସନ୍ମହାଯଶାଃ।
ବିପ୍ରୈଃ ସ ବିଗ୍ରହଂ ଚକ୍ରେ ବୀର୍ଯୋନ୍ମତ୍ତଃ ପୁରୂରବାଃ॥ 1-69-23 (3140)
ଜହାର ଚ ସ ବିପ୍ରାଣାଂ ରତ୍ନାନ୍ଯୁତ୍କ୍ରୋଶତାମପି।
ସନତ୍କୁମାରସ୍ତଂ ରାଜନ୍ବ୍ରହ୍ମଲୋକାଦୁପେତ୍ଯ ହ॥ 1-69-24 (3141)
ଅନୁଦର୍ଶଂ ତତଶ୍ଚକ୍ରେ ପ୍ରତ୍ଯଗୃହ୍ଣାନ୍ନ ଚାପ୍ଯସୌ।
ତତୋ ମହର୍ଷିଭିଃ କ୍ରୁଦ୍ଧୈଃ ସଦ୍ଯଃ ଶପ୍ତୋ ବ୍ଯନଶ୍ଯତ॥ 1-69-25 (3142)
ଲୋଭାନ୍ବିତୋ ବଲମଦାନ୍ନଷ୍ଟସଂଜ୍ଞୋ ନରାଧିପଃ।
ସ ହି ଗନ୍ଧର୍ବଲୋକସ୍ଥାନୁର୍ବଶ୍ଯା ସହିତୋ ବିରାଟ୍॥ 1-69-26 (3143)
ଆନିନାଯ କ୍ରିଯାର୍ଥେଽଗ୍ନୀନ୍ଯଥାବଦ୍ବିହିତାଂସ୍ତ୍ରିଧା।
ଷଟ୍ ସୁତା ଜଜ୍ଞିରେ ଚୈଲାଦାଯୁର୍ଧୀମାନମାବସୁଃ॥ 1-69-27 (3144)
ଦୃଢାଯୁଶ୍ଚ ବନାଯୁଶ୍ଚ ଶତାଯୁଶ୍ଚୋର୍ବଶୀସୁତାଃ।
ନହୁଷଂ ବୃଦ୍ଧଶର୍ମାଣଂ ରଜିଂ ଗଯମନେନସମ୍॥ 1-69-28 (3145)
ସ୍ବର୍ଭାନବୀ ସୁତାନେତାନାଯୋଃ ପୁତ୍ରାନ୍ପ୍ରଚକ୍ଷତେ।
ଆଯୁଷୋ ନହୁଷଃ ପୁତ୍ରୋ ଧୀମାନ୍ସତ୍ଯପରାକ୍ରମଃ॥ 1-69-29 (3146)
ରାଜ୍ଯଂ ଶଶାସ ସୁମହଦ୍ଧର୍ମେଣ ପୃଥିବୀପତେ।
ପିତୄନ୍ଦେବାନୃଷୀନ୍ବିପ୍ରାନ୍ଗନ୍ଧର୍ବୋରଗରାକ୍ଷସାନ୍॥ 1-69-30 (3147)
ନହୁଷଃ ପାଲଯାମାସ ବ୍ରହ୍ମକ୍ଷତ୍ରମଥୋ ବିଶଃ।
ସ ହତ୍ବା ଦସ୍ଯୁସଂଘାତାନୃଷୀନ୍କରମଦାପଯତ୍॥ 1-69-31 (3148)
ପଶୁବଚ୍ଚୈବ ତାନ୍ପୃଷ୍ଠେ ବାହଯାମାସ ବୀର୍ଯବାନ୍।
କାରଯାମାସ ଚେନ୍ଦ୍ରତ୍ବମଭିଭୂଯ ଦିବୌକସଃ॥ 1-69-32 (3149)
ତେଜସା ତପସା ଚୈବ ବିକ୍ରମେଣୌଜସା ତଥା।
`ବିଶ୍ଲିଷ୍ଟୋ ନହୁଷଃ ଶପ୍ତଃ ସଦ୍ଯୋ ହ୍ଯଜଗରୋଽଭବତ୍'।
ଯତିଂ ଯଯାତିଂ ସଂଯାତିମାଯାତିମଯତିଂ ଧ୍ରୁବମ୍॥ 1-69-33 (3150)
ନହୁଷୋ ଜନଯାମାସ ଷଟ୍ ସୁତାନ୍ପ୍ରିଯବାଦିନଃ।
ଯତିସ୍ତୁ ଯୋଗମାସ୍ଥାଯ ବ୍ରହ୍ମୀଭୂତୋଽଭବନ୍ମୁନିଃ॥ 1-69-34 (3151)
ଯଯାତିର୍ନାହୁଷଃ ସମ୍ରାଡାସୀତ୍ସତ୍ଯପରାକ୍ରମଃ।
ସ ପାଲଯାମାସ ମହୀମୀଜେ ଚ ବହୁଭିର୍ମଖୈଃ॥ 1-69-35 (3152)
ଅତିଭକ୍ତ୍ଯା ପିତୄନର୍ଚନ୍ଦେବାଂଶ୍ଚ ପ୍ରଯତଃ ସଦା।
ଅନ୍ବଗୃହ୍ଣାତ୍ପ୍ରଜାଃ ସର୍ବା ଯଯାତିରପରାଜିତଃ॥ 1-69-36 (3153)
ତସ୍ଯ ପୁତ୍ରା ମହେଷ୍ବାସାଃ ସର୍ବୈଃ ସମୁଦିତା ଗୁଣୈଃ।
ଦେବଯାନ୍ଯାଂ ମହାରାଜ ଶର୍ମିଷ୍ଠାଯାଂ ଚ ଜଜ୍ଞିରେ॥ 1-69-37 (3154)
ଦେବଯାନ୍ଯାମଜାଯେତାଂ ଯଦୁସ୍ତୁର୍ବସୁରେବ ଚ।
ଦ୍ରୁହ୍ଯୁଶ୍ଚାନୁଶ୍ଚ ପୂରୁଶ୍ଚ ଶର୍ମିଷ୍ଠାଯାଂ ଚ ଜଜ୍ଞିରେ॥ 1-69-38 (3155)
ସ ଶାଶ୍ବତୀଃ ସମା ରାଜନ୍ପ୍ରଜା ଧର୍ମେଣ ପାଲଯନ୍।
ଜରାମାର୍ଚ୍ଛନ୍ମହାଘୋରାଂ ନାହୁଷୋ ରୂପନାଶିନୀମ୍॥ 1-69-39 (3156)
ଜରାଽଭିଭୂତଃ ପୁତ୍ରାନ୍ସ ରାଜା ବଚନମବ୍ରବୀତ୍।
ଯଦୁଂ ପୂରୁଂ ତୁର୍ବସୁଂ ଚ ଦ୍ରୁହ୍ଯୁଂ ଚାନୁଂ ଚ ଭାରତ॥ 1-69-40 (3157)
ଯୌବନେନ ଚରନ୍କାମାନ୍ଯୁବା ଯୁବତିଭିଃ ସହ।
ବିହର୍ତୁମହମିଚ୍ଛାମି ସାହ୍ଯଂ କୁରୁତ ପୁତ୍ରକାଃ॥ 1-69-41 (3158)
ତଂ ପୁତ୍ରୋ ଦୈବଯାନେଯଃ ପୂର୍ବଜୋ ବାକ୍ଯମବ୍ରବୀତ୍।
କିଂ କାର୍ଯଂ ଭବତଃ କାର୍ଯମସ୍ମାକଂ ଯୌବନେନ ତେ॥ 1-69-42 (3159)
ଯଯାତିରବ୍ରବୀତ୍ତଂ ବୈ ଜରା ମେ ପ୍ରତିଗୃହ୍ଯତାମ୍।
ଯୌବନେନ ତ୍ବଦୀଯେନ ଚରେଯଂ ବିଷଯାନହମ୍॥ 1-69-43 (3160)
ଯଜତୋ ଦୀର୍ଘସତ୍ରୈର୍ମେ ଶାପାଚ୍ଚୋଶନସୋ ମୁନେଃ।
କାମାର୍ଥଃ ପରିହୀଣୋଽଯଂ ତପ୍ଯେଯଂ ତେନ ପୁତ୍ରକାଃ॥ 1-69-44 (3161)
ମାମକେନ ଶରୀରେଣ ରାଜ୍ଯମେକଃ ପ୍ରଶାସ୍ତୁ ବଃ।
ଅହଂ ତନ୍ବାଽଭିନବଯା ଯୁବା କାମମବାପ୍ନୁଯାମ୍॥ 1-69-45 (3162)
ବୈଶମ୍ପାଯନ ଉବାଚ। 1-69-46x (332)
ତେ ନ ତସ୍ଯ ପ୍ରତ୍ଯଗୃହ୍ଣନ୍ଯଦୁପ୍ରଭୃତଯୋ ଜରାମ୍।
ତମବ୍ରବୀତ୍ତତଃ ପୂରୁଃ କନୀଯାନ୍ସତ୍ଯବିକ୍ରମଃ॥ 1-69-46 (3163)
ରାଜଂଶ୍ଚରାଭିନବଯା ତନ୍ବା ଯୌବନଗୋଚରଃ।
ଅହଂ ଜରାଂ ସମାଦାଯ ରାଜ୍ଯେ ସ୍ଥାସ୍ଯାମି ତେଜ୍ଞଯା॥ 1-69-47 (3164)
ଏବମୁକ୍ତଃ ସ ରାଜର୍ଷିସ୍ତପୋବୀର୍ଯସମାଶ୍ରଯାତ୍।
ସଂଚାରଯାମାସ ଜରାଂ ତଦା ପୁତ୍ରେ ମହାତ୍ମନି॥ 1-69-48 (3165)
ପୌରବେଣାଥ ବଯସା ରାଜା ଯୌବନମାସ୍ଥିତଃ।
ଯାଯାତେନାପି ବଯସା ରାଜ୍ଯଂ ପୂରୁରକାରଯତ୍॥ 1-69-49 (3166)
ତତୋ ବର୍ଷସହସ୍ରାଣି ଯଯାତିରପରାଜିତଃ।
ସ୍ଥିତଃ ସ ନୃପଶାର୍ଦୂଲଃ ଶାର୍ଦୂଲସମବିକ୍ରମଃ॥ 1-69-50 (3167)
ଯଯାତିରପି ପତ୍ନୀଭ୍ଯାଂ ଦୀର୍ଘକାଲଂ ବିହୃତ୍ଯ ଚ।
ବିଶ୍ବାଚ୍ଯା ସହିତୋ ରେମେ ପୁନଶ୍ଚୈତ୍ରରଥେ ବନେ॥ 1-69-51 (3168)
ନାଧ୍ଯଗଚ୍ଛତ୍ତଦା ତୃପ୍ତିଂ କାମାନାଂ ସ ମହାଯଶାଃ।
ଅବେତ୍ଯ ମନସା ରାଜନ୍ନିମାଂ ଗାଥାଂ ତଦା ଜଗୌ॥ 1-69-52 (3169)
ନ ଜାତୁ କାମଃ କାମାନାମୁପଭୋଗେନ ଶାମ୍ଯତି।
ଇବିଷା କୃଷ୍ଣବର୍ତ୍ମେବ ଭୂଯ ଏବାଭିବର୍ଧତେ॥ 1-69-53 (3170)
ଯତ୍ପୃଥିବ୍ଯାଂ ବ୍ରୀହିଯବଂ ହିରଣ୍ଯଂ ପଶବଃ ସ୍ତ୍ରିଯଃ।
ନାଲମେକସ୍ଯ ତତ୍ସର୍ବମିତି ମତ୍ବା ଶମଂ ବ୍ରଜେତ୍॥ 1-69-54 (3171)
ଯଦା ନ କୁରୁତେ ପାପଂ ସର୍ବଭୂତେଷୁ କର୍ହିଚିତ୍।
କର୍ମଣା ମନସା ବାଚା ବ୍ରହ୍ମ ସଂପଦ୍ଯତେ ତଦା॥ 1-69-55 (3172)
ନ ବିଭେତି ଯଦା ଚାଯଂ ଯଦା ଚାସ୍ମାନ୍ନ ବିଭ୍ଯତି।
ଯଦା ନେଚ୍ଛତି ନ ଦ୍ବେଷ୍ଟି ବ୍ରହ୍ମ ସଂପଦ୍ଯତେ ତଦା॥ 1-69-56 (3173)
ଇତ୍ଯବେକ୍ଷ୍ଯ ମହାପ୍ରାଜ୍ଞଃ କାମାନାଂ ଫଲ୍ଗୁତାଂ ନୃପ।
ସମାଧାଯ ମନୋ ବୁଦ୍ଧ୍ଯା ପ୍ରତ୍ଯଗୃହ୍ଣାଜ୍ଜରାଂ ସୁତାତ୍॥ 1-69-57 (3174)
`ତତୋ ବର୍ଷସହସ୍ରାନ୍ତେ ଯଯାତିରପରାଜିତଃ।'
ଦତ୍ବା ଚ ଯୌବନଂ ରାଜା ପୂରୁଂ ରାଜ୍ଯେଽଭିଷିଚ୍ଯ ଚ।
ଅତୃପ୍ତ ଏବ କାମାନାଂ ପୂରୁଂ ପୁତ୍ରମୁବାଚ ହ॥ 1-69-58 (3175)
ତ୍ବଯା ଦାଯାଦବାନସ୍ମି ତ୍ବଂ ମେ ବଂଶକରଃ ସୁତଃ।
ପୌରବୋ ବଂଶ ଇତି ତେ ଖ୍ଯାତିଂ ଲୋକେ ଗମିଷ୍ଯତି॥ 1-69-59 (3176)
ବୈଶମ୍ପାଯନ ଉବାଚ। 1-69-60x (333)
ତତଃ ସ ନୃପଶାର୍ଦୂଲ ପୂରୁଂ ରାଜ୍ଯେଽଭିଷିଚ୍ଯ ଚ।
ତତଃ ସୁଚରିତଂ କୃତ୍ବା ଭୃଗୁତୁଙ୍ଗେ ମହାତପାଃ॥ 1-69-60 (3177)
କାଲେନ ମହତା ପଶ୍ଚାତ୍କାଲଧର୍ମମୁପେଯିବାନ୍।
କାରଯିତ୍ବା ତ୍ବନଶନଂ ସଦାରଃ ସ୍ବର୍ଗମାପ୍ତବାନ୍॥ ॥ 1-69-61 (3178)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଏକୋନସପ୍ତତିତମୋଽଧ୍ଯାଯଃ॥ 69 ॥
Mahabharata - Adi Parva - Chapter Footnotes
1-69-7 ପ୍ରାଚେତସଃ ପ୍ରାଚେ ଦେଶାଯ ଯଜ୍ଞକ୍ରିଯଯା ଅତତି ସତତଂ ଗଚ୍ଛତୀତି ପ୍ରାଚେତାଃ ତସ୍ଯ ପ୍ରାଚେତସଃ ପ୍ରାଚୀନବର୍ହିଷଃ। ପୁଣ୍ଯଜନାଃ ପୁଣ୍ଯୋତ୍ପାଦକାସ୍ତପଃ ଶୀଲା ଇତ୍ଯର୍ଥଃ। ଯୈସ୍ତେ ମହୌଜସୋ ମହାପ୍ରଭାବା ବୃକ୍ଷୌଷଧଯୋ ଦଗ୍ଧାଃ॥ 1-69-9 ବୀରିଣ୍ଯା ବୀରଣପୁତ୍ର୍ଯା॥ 1-69-10 ମୋକ୍ଷଂ ମୋକ୍ଷହେତୁଂ। ସାଂଖ୍ଯଜ୍ଞାନଂ ବିବେକଜଂ ବିଜ୍ଞାନମ୍॥ 1-69-15 ଯମୀ ଯମୁନା॥ 1-69-21 ଅନ୍ଯୋନ୍ଯଭେଦାତ୍ପରସ୍ପରବୈରାତ୍॥ 1-69-22 ମାତୈବ ଲବ୍ଧପୁଂଭାବା ରାଜ୍ଯ ଦାନାତ୍ପିତାପ୍ଯଭୂତ୍। ମୁଖ୍ଯଃ ପିତା ତୁ ବୁଧ ଏବ॥ 1-69-25 ଅନୁଦଶ ଦର୍ଶୋ ଦର୍ଶନଂ ସ ପଶ୍ଚାଦ୍ଯସ୍ଯ ସ ଶ୍ରୁତିଯୁକ୍ତ୍ଯୁପଦେଶୋଽନୁଦର୍ଶସ୍ତଂ ତତ ସ୍ତଦୁପଦେଶମିତ୍ଯର୍ଥଃ॥ 1-69-26 ବିରାଡ୍ବିରାଜମାନଃ॥ 1-69-27 ତ୍ରିଧା ଗାର୍ହପତ୍ଯଦକ୍ଷିଣାଗ୍ନ୍ଯାହବନୀଯଭେଦେନ। ଆଯୁଃଶବ୍ଦଃ ଉକ ରାନ୍ତଃ ସାନ୍ତଶ୍ଚ॥ 1-69-42 କାର୍ଯଂ ପ୍ରଯୋଜନମ୍। କାର୍ଯଂ କର୍ତବ୍ଯମ୍॥ 1-69-44 ବ୍ରତନିର୍ବନ୍ଧାଚ୍ଛୁକ୍ରଶାପାଚ୍ଚ କାମରୂପଃ ପୁରୁଷାର୍ଥୋ ହୀନଃ॥ 1-69-47 ତେଜ୍ଞଯା ତବ ଆଜ୍ଞଯା। ପୂର୍ବରୂପମାକାରଲୋପୋ ବାର୍ଷଃ॥ 1-69-52 କାମାମାଂ କାମଭୋଗେନ। ଅବେତ୍ଯ କାମସେବଯା ତୃପ୍ତ୍ଯଭାବଂ ଜ୍ଞାତ୍ବା॥ 1-69-53 ହବିଷା ସମିଦାଜ୍ଯାଦିନା॥ 1-69-54 ଏକସ୍ଯ କାମିନଃ ସର୍ବଂ ନାଲମପର୍ଯାପ୍ତମ୍। ଶମଂ କାମଶାନ୍ତିମ୍॥ 1-69-59 ଦାଯାଦବାନ୍ ପୁତ୍ରବାନ୍॥ 1-69-61 କାରଯିତ୍ବା କୃତ୍ବା॥ ଏକୋନସପ୍ତତିତମୋଽଧ୍ଯାଯଃ॥ 69 ॥ଆଦିପର୍ବ - ଅଧ୍ଯାଯ 070
॥ ଶ୍ରୀଃ ॥
1.70. ଅଧ୍ଯାଯଃ 070
Mahabharata - Adi Parva - Chapter Topics
ଯଯାତ୍ଯୁପାଖ୍ଯାନାରମ୍ଭଃ॥ 1 ॥ ସଞ୍ଜୀବନୀବିଦ୍ଯାଲାଭାର୍ଥଂ ଦେବୈଃ ଶୁକ୍ରସମୀପେ କଚସ୍ଯ ପ୍ରେଷଣମ୍॥ 2 ॥ କଚସ୍ଯ ଶିଷ୍ଯତ୍ବେନାଙ୍ଗୀକାରଃ॥ 3 ॥ ଦୈତ୍ଯୈର୍ହତସ୍ଯ କଚସ୍ଯୋଜ୍ଜୀବନମ୍॥ 4 ॥ ଦୈତ୍ଯୈର୍ଭସ୍ମୀକୃତ୍ଯ ତନ୍ମିଶ୍ରିତସୁରାଦ୍ବାରା ସ୍ବକୁକ୍ଷିଂ ପ୍ରାପିତସ୍ଯ କଚସ୍ଯ ଶୁକ୍ରେଣ ବିଦ୍ଯାଦାନପୂର୍ବକମୁଜ୍ଜୀବନମ୍॥ 5 ॥ ଶୁକ୍ରେଣ ସୁରାପାନନିଷେଧଃ॥ 6 ॥Mahabharata - Adi Parva - Chapter Text
1-70-0 (3179)
ଜନମେଜଯ ଉବାଚ। 1-70-0x (334)
ଯଯାତିଃ ପୂର୍ବଜୋଽସ୍ମାକଂ ଦଶମୋ ଯଃ ପ୍ରଜାପତେଃ।
କଥଂ ସ ଶୁକ୍ରତନଯାଂ ଲେଭେ ପରମଦୁର୍ଲଭାମ୍॥ 1-70-1 (3180)
ଏତଦିଚ୍ଛାମ୍ଯହଂ ଶ୍ରୋତୁଂ ବିସ୍ତରେଣ ତପୋଧନ।
ଆନୁପୂର୍ବ୍ଯା ଚ ମେ ଶଂସ ରାଜ୍ଞୋ ବଂଶକରାନ୍ପୃଥକ୍॥ 1-70-2 (3181)
ବୈଶମ୍ପାଯନ ଉବାଚ। 1-70-3x (335)
ଯଯାତିରାସୀନ୍ନୃପତିର୍ଦେବରାଜସମଦ୍ଯୁତିଃ।
ତଂ ଶୁକ୍ରବୃଷପର୍ବାଣୌ ବବ୍ରାତେ ବୈ ଯଥା ପୁରା॥ 1-70-3 (3182)
ତତ୍ତେଽହଂ ସଂପ୍ରବକ୍ଷ୍ଯାମି ପୃଚ୍ଛତେ ଜନମେଜଯ।
ଦେବଯାନ୍ଯାଶ୍ଚ ସଂଯୋଗଂ ଯଯାତେର୍ନାହୁଷସ୍ଯ ଚ॥ 1-70-4 (3183)
ସୁରାଣାମସୁରାଣାଂ ଚ ସମଜାଯତ ବୈ ମିଥଃ।
ଐଶ୍ବର୍ଯଂ ପ୍ରତି ସଂଘର୍ଷସ୍ତ୍ରୈଲୋକ୍ଯେ ସଚରାଚରେ॥ 1-70-5 (3184)
ଜିଗୀଷଯା ତତୋ ଦେବା ବବ୍ରିରେଽଙ୍ଗିରସଂ ମୁନିମ୍।
ପୌରୋହିତ୍ଯେନ ଯାଜ୍ଯାର୍ଥେ କାବ୍ଯଂ ତୂଶନସଂ ପରେ॥ 1-70-6 (3185)
ବ୍ରାହ୍ମଣୌ ତାବୁଭୌ ନିତ୍ଯମନ୍ଯୋନ୍ଯସ୍ପର୍ଧିନୌ ଭୃଶମ୍।
ତତ୍ର ଦେବା ନିଜଘ୍ନୁର୍ଯାନ୍ଦାନବାନ୍ଯୁଧି ସଂଗତାନ୍॥ 1-70-7 (3186)
ତାନ୍ପୁନର୍ଜୀବଯାମାସ କାବ୍ଯୋ ବିଦ୍ଯାବଲାଶ୍ରଯାତ୍।
ତତସ୍ତେ ପୁନରୁତ୍ଥାଯ ଯୋଧଯାଂଚକ୍ରିରେ ସୁରାନ୍॥ 1-70-8 (3187)
ଅସୁରାସ୍ତୁ ନିଜଘ୍ନୁର୍ଯାନ୍ସୁରାନ୍ସମରମୂର୍ଧନି।
ନ ତାନ୍ସଞ୍ଜୀବଯାମାସ ବୃହସ୍ପତିରୁଦାରଧୀଃ॥ 1-70-9 (3188)
ନ ହି ବେଦ ସ ତାଂ ବିଦ୍ଯାଂ ଯାଂ କାବ୍ଯୋବେତ୍ତି ବୀର୍ଯବାନ୍।
ସଞ୍ଜୀବିନୀଂ ତତୋ ଦେବା ବିଷାଦମଗମନ୍ପରମ୍॥ 1-70-10 (3189)
ତେ ତୁ ଦେବା ଭଯୋଦ୍ବିଗ୍ନାଃ କାବ୍ଯାଦୁଶନସସ୍ତଦା।
ଊଚୁଃ କଚମୁପାଗମ୍ଯ ଜ୍ଯେଷ୍ଠଂ ପୁତ୍ରଂ ବୃହସ୍ପତେଃ॥ 1-70-11 (3190)
ଭଜମାନାନ୍ଭଜସ୍ବାସ୍ମାନ୍କୁରୁ ନଃ ସାହ୍ଯମୁତ୍ତମମ୍।
ଯା ସା ବିଦ୍ଯା ନିବସତି ବ୍ରାହ୍ମଣେଽମିତତେଜସି॥ 1-70-12 (3191)
ଶୁକ୍ରେ ତାମାହର କ୍ଷିପ୍ରଂ ଭାଗଭାଙ୍ଗୋ ଭବିଷ୍ଯସି।
ବୃଷପର୍ବସମୀପେ ହି ଶକ୍ଯୋ ଦ୍ରଷ୍ଟୁଂ ତ୍ବଯା ଦ୍ବିଜଃ॥ 1-70-13 (3192)
ରକ୍ଷତେ ଦାନବାଂସ୍ତତ୍ର ନ ସ ରକ୍ଷତ୍ଯଦାନବାନ୍।
ତମାରାଧଯିତୁଂ ଶକ୍ତୋ ଭବାନ୍ପୂର୍ବବଯାଃ କବିମ୍॥ 1-70-14 (3193)
ଦେବଯାନୀଂ ଚ ଦଯିତାଂ ସୁତାଂ ତସ୍ଯ ମହାତ୍ମନଃ।
ତ୍ବମାରାଧଯିତୁଂ ଶକ୍ତୋ ନାନ୍ଯଃ କଶ୍ଚନ ବିଦ୍ଯତେ॥ 1-70-15 (3194)
ଶୀଲଦାକ୍ଷିଣ୍ଯମାଧୁର୍ଯୈରାଚାରେଣ ଦମେନ ଚ।
ଦେବଯାନ୍ଯାଂ ହି ତୁଷ୍ଟାଯାଂ ବିଦ୍ଯାଂ ତାଂ ପ୍ରାପ୍ସ୍ଯସି ଧ୍ରୁବମ୍॥ 1-70-16 (3195)
ବୈଶମ୍ପାଯନ ଉବାଚ। 1-70-17x (336)
ତଥେତ୍ଯୁକ୍ତ୍ବା ତତଃ ପ୍ରାଯାଦ୍ବୃହସ୍ପତିସୁତଃ କଚଃ।
ତଦାଽଭିପୂଜିତୋ ଦେବୈଃ ସମୀପେ ବୃଷପର୍ବଣଃ॥ 1-70-17 (3196)
ସ ଗତ୍ବା ତ୍ବରିତୋ ରାଜନ୍ଦେବୈଃ ସଂପ୍ରେଷିତଃ କଚଃ।
ଅସୁରେନ୍ଦ୍ରପୁରେ ଶୁକ୍ରଂ ଦୃଷ୍ଟ୍ବା ବାକ୍ଯମୁବାଚ ହ॥ 1-70-18 (3197)
ଋଷେରଙ୍ଗିରସଃ ପୌତ୍ରଂ ପୁତ୍ରଂ ସାକ୍ଷାଦ୍ବୃହସ୍ପତେଃ।
ନାମ୍ନା କଚ ଇତି ଖ୍ଯାତଂ ଶିଷ୍ଯଂ ଗୃହ୍ଣାତ୍ ମାଂ ଭବାନ୍॥ 1-70-19 (3198)
ବ୍ରହ୍ମଚର୍ଯଂ ଚରିଷ୍ଯାମି ତ୍ବଯ୍ଯହଂ ପରମଂ ଗୁରୌ।
ଅନୁମନ୍ଯସ୍ବ ମାଂ ବ୍ରହ୍ମନ୍ସହସ୍ରଂ ପରିବତ୍ସରାନ୍॥ 1-70-20 (3199)
ଶୁକ୍ର ଉବାଚ। 1-70-21x (337)
କଚ ସୁସ୍ବାଗତଂ ତେଽସ୍ତୁ ପ୍ରତିଗୃହ୍ଣାମି ତେ ବଚଃ।
ଅର୍ଚଯିଷ୍ଯେଽହମର୍ଚ୍ଯଂ ତ୍ବାମର୍ଚିତୋଽସ୍ତୁ ବୃହସ୍ପତିଃ॥ 1-70-21 (3200)
ବୈଶମ୍ପାଯନ ଉବାଚ। 1-70-22x (338)
କଚସ୍ତୁ ତଂ ତଥେତ୍ଯୁକ୍ତ୍ବା ପ୍ରତିଜଗ୍ରାହ ତଦ୍ବ୍ରତମ୍।
ଆଦିଷ୍ଟଂ କବିପୁତ୍ରେଣ ଶୁକ୍ରେଣୋଶନସା ସ୍ବଯମ୍॥ 1-70-22 (3201)
ବ୍ରତସ୍ଯ ପ୍ରାପ୍ତକାଲଂ ସ ଯଥୋକ୍ତଂ ପ୍ରତ୍ଯଗୃହ୍ଣତ।
ଆରାଧଯନ୍ନୁପାଧ୍ଯାଯଂ ଦେବଯାନୀଂ ଚ ଭାରତ॥ 1-70-23 (3202)
ନିତ୍ଯମାରାଧଯିଷ୍ଯଂସ୍ତାଂ ଯୁବା ଯୌବନଗାଂ ମୁନିଃ।
ଗାଯନ୍ନୃତ୍ଯନ୍ବାଦଯଂଶ୍ଚ ଦେବଯାନୀମତୋଷଯତ୍॥ 1-70-24 (3203)
ସ ଶୀଲଯନ୍ଦେବଯାନୀଂ କନ୍ଯାଂ ସଂପ୍ରାପ୍ତଯୌବନାମ୍।
ପୁଷ୍ପୈଃ ଫଲୈଃ ପ୍ରେଷଣୈଶ୍ଚ ତୋଷଯାମାସ ଭାରତ॥ 1-70-25 (3204)
ଦେବଯାନ୍ଯପି ତଂ ବିପ୍ରଂ ନିଯମବ୍ରତଧାରିଣମ୍।
ଗାଯନ୍ତୀ ଚ ଲଲନ୍ତୀ ଚ ରହଃ ପର୍ଯଚରତ୍ତଥା॥ 1-70-26 (3205)
`ଗାଯନ୍ତଂ ଚୈବ ଶୁଲ୍କଂ ଚ ଦାତାରଂ ପ୍ରିଯବାଦିନମ୍।
ନାର୍ଯୋ ନରଂ କାମଯନ୍ତେ ରୂପିଣଂ ସ୍ରଗ୍ବିଣଂ ତଥା॥' 1-70-27 (3206)
ପଞ୍ଚବର୍ଷଶତାନ୍ଯେବଂ କଚସ୍ଯ ଚରତୋ ବ୍ରତମ୍।
ତତ୍ରାତୀଯୁରଥୋ ବୁଦ୍ଧ୍ବା ଦାନବାସ୍ତଂ ତତଃ କଚମ୍॥ 1-70-28 (3207)
ଗା ରକ୍ଷନ୍ତଂ ବନେ ଦୃଷ୍ଟ୍ବା ରହସ୍ଯେକମମର୍ଷିତାଃ।
ଜଘ୍ନୁର୍ବୃହସ୍ପତେର୍ଦ୍ବେଷାଦ୍ବିଦ୍ଯାରକ୍ଷାର୍ଥମେବ ଚ॥ 1-70-29 (3208)
ହତ୍ବା ଶାଲାବୃକେଭ୍ଯଶ୍ଚ ପ୍ରାଯଚ୍ଛଁଲ୍ଲବଶଃ କୃତମ୍।
ତତୋ ଗାବୋ ନିବୃତ୍ତାସ୍ତା ଅଗୋପାଃ ସ୍ବଂ ନିବେଶନମ୍॥ 1-70-30 (3209)
ସା ଦୃଷ୍ଟ୍ବା ରହିତା ଗାଶ୍ଚ କଚେନାଭ୍ଯାଗତା ବନାତ୍।
ଉବାଚ ବଚନଂ କାଲେ ଦେବଯାନ୍ଯଥ ଭାରତ॥ 1-70-31 (3210)
ଦେବଯାନ୍ଯୁବାଚ। 1-70-32x (339)
ଆହୁତଂ ଚାଗ୍ନିହୋତ୍ରଂ ତେ ସୂର୍ଯଶ୍ଚାସ୍ତଂ ଗତଃ ପ୍ରଭୋ।
ଅଗୋପାଶ୍ଚାଗତା ଗାବଃ କଚସ୍ତାତ ନ ଦୃଶ୍ଯତେ॥ 1-70-32 (3211)
ବ୍ଯକ୍ତଂ ହତୋ ମୃତୋ ବାପି କଚସ୍ତାତ ଭବିଷ୍ଯତି।
ତଂ ବିନା ନ ଚ ଜୀବେଯମିତି ସତ୍ଯଂ ବ୍ରବୀମି ତେ॥ 1-70-33 (3212)
ଶୁକ୍ର ଉବାଚ। 1-70-34x (340)
ଅଯମେହୀତି ସଂଶବ୍ଦ୍ଯ ମୃତଂ ସଂଜୀବଯାମ୍ଯହମ୍। 1-70-34 (3213)
ବୈଶମ୍ପାଯନ ଉବାଚ।
ତତଃ ସଂଜୀବିନୀଂ ବିଦ୍ଯାଂ ପ୍ରଯୁଜ୍ଯ କଚମାହ୍ବଯତ୍॥ 1-70-34x (341)
ଭିତ୍ତ୍ବା ଭିତ୍ତ୍ବା ଶରୀରାଣି ବୃକାଣାଂ ସ ବିନିର୍ଗତଃ।
ଆହୂତଃ ପ୍ରାଦୁରଭବତ୍କଚୋ ହୃଷ୍ଟୋଽଥ ବିଦ୍ଯଯା॥ 1-70-35 (3214)
କସ୍ମାଚ୍ଚିରାଯିତୋଽସୀତି ପୃଷ୍ଟସ୍ତାମାହ ଭାର୍ଗବୀମ୍। 1-70-36 (3215)
କଚ ଉବାଚ।
ସମିଧଶ୍ଚ କୁଶାଦୀନି କାଷ୍ଠଭାରଂ ଚ ଭାମିନି॥ 1-70-36x (342)
ଗୃହୀତ୍ବା ଶ୍ରମଭାରାର୍ତୋ ବଟବୃକ୍ଷଂ ସମାଶ୍ରିତଃ।
ଗାବଶ୍ଚ ସହିତାଃ ସର୍ବା ବୃକ୍ଷଚ୍ଛାଯାମୁପାଶ୍ରିତାଃ॥ 1-70-37 (3216)
ଅସୁରାସ୍ତତ୍ର ମାଂ ଦୃଷ୍ଟ୍ବା କସ୍ତ୍ବମିତ୍ଯଭ୍ଯଚୋଦଯନ୍।
ବୃହସ୍ପତିସୁତଶ୍ଚାହଂ କଚ ଇତ୍ଯଭିବିଶ୍ରୁତଃ॥ 1-70-38 (3217)
ଇତ୍ଯୁକ୍ତମାତ୍ରେ ମାଂ ହତ୍ବା ପେଷୀକୃତ୍ବା ତୁ ଦାନବାଃ।
ଦତ୍ତ୍ବା ଶାଲାବୃକେଭ୍ଯସ୍ତୁ ସୁଖଂ ଜଗ୍ମୁଃ ସ୍ବମାଲଯଂ॥ 1-70-39 (3218)
ଆହୂତୋ ବିଦ୍ଯଯା ଭଦ୍ରେ ଭାର୍ଗବେଣ ମହାତ୍ମନା।
ତ୍ବତ୍ସମୀପମିହାଯାତଃ କଥଂଚିତ୍ପ୍ରାପ୍ତଜୀବିତଃ॥ 1-70-40 (3219)
ହତୋଽହମିତି ଚାଚଖ୍ଯୌ ପୃଷ୍ଟୋ ବ୍ରାହ୍ମଣକନ୍ଯଯା।
ସ ପୁନର୍ଦେବଯାନ୍ଯୋକ୍ତଃ ପୁଷ୍ପାଣ୍ଯାହର ମେ ଦ୍ବିଜ॥ 1-70-41 (3220)
ବନଂ ଯଯୌ କଚୋ ବିପ୍ରୋ ଦଦୃଶୁର୍ଦାନବାଶ୍ଚ ତମ୍।
ପୁନସ୍ତଂ ପେଷଯିତ୍ବା ତୁ ସମୁଦ୍ରାମ୍ଭସ୍ଯମିଶ୍ରଯନ୍॥ 1-70-42 (3221)
ଚିରଂ ଗତଂ ପୁନଃ କନ୍ଯା ପିତ୍ରେ ତଂ ସଂନ୍ଯବେଦଯତ୍।
ବିପ୍ରେଣ ପୁନରାହୂତୋ ବିଦ୍ଯଯା ଗୁରୁଦେହଜଃ।
ପୁନରାବୃତ୍ଯ ତଦ୍ବୃତ୍ତଂ ନ୍ଯବେଦଯତ ତଦ୍ଯଥା॥ 1-70-43 (3222)
ତତସ୍ତୃତୀଯଂ ହତ୍ବା ତଂ ଦଗ୍ଧ୍ବା କୃତ୍ବା ଚ ଚୂର୍ଣଶଃ।
ପ୍ରାଯଚ୍ଛନ୍ବ୍ରାହ୍ମଣାଯୈବ ସୁରାଯାମସୁରାସ୍ତଥା॥ 1-70-44 (3223)
`ଅପିବତ୍ସୁରଯା ସାର୍ଧଂ କଚଭସ୍ମ ଭୃଗୂଦ୍ବହଃ।
ସା ସାଯନ୍ତନବେଲାଯାମଗୋପା ଗାଃ ସମାଗତାଃ॥ 1-70-45 (3224)
ଦେବଯାନୀ ଶଙ୍କମାନା ଦୃଷ୍ଟ୍ବା ପିତରମବ୍ରବୀତ୍।'
ପୁଷ୍ପାହାରଃ ପ୍ରେଷଣକୃତ୍କଚସ୍ତାତ ନ ଦୃଶ୍ଯତେ॥ 1-70-46 (3225)
ବ୍ଯକ୍ତଂ ହତୋ ମୃତୋ ବାପି କଚସ୍ତାତ ଭବିଷ୍ଯତି।
ତଂ ବିନା ନ ଚ ଜୀବେଯଂ କଚଂ ସତ୍ଯଂ ବ୍ରବୀମି ତେ॥ 1-70-47 (3226)
`ବୈଶମ୍ପାଯନ ଉବାଚ। 1-70-48x (343)
ଶ୍ରୁତ୍ବା ପୁତ୍ରୀବଚଃ କାବ୍ଯୋ ମନ୍ତ୍ରେଣାହୂତବାନ୍କଚମ୍।
ଜ୍ଞାତ୍ବା ବହିଷ୍ଠମଜ୍ଞାତ୍ବା ସ୍ବକୁକ୍ଷିସ୍ଥଂ କଚଂ ନୃପ'॥ 1-70-48 (3227)
ଶୁକ୍ର ଉବାଚ। 1-70-49x (344)
ବୃହସ୍ପତେଃ ସୁତଃ ପୁତ୍ରି କଚଃ ପ୍ରେତଗତିଂ ଗତଃ।
ବିଦ୍ଯଯା ଜୀବିତୋଽପ୍ଯେବଂ ହନ୍ଯତେ କରବାମ କିମ୍॥ 1-70-49 (3228)
ମୈବଂ ଶୁଚୋ ମା ରୁଦ ଦେବଯାନି
ନ ତ୍ବାଦୃଶୀ ମର୍ତ୍ଯମନୁପ୍ରଶୋଚତେ।
ଯସ୍ଯାସ୍ତବ ବ୍ରହ୍ମ ଚ ବ୍ରାହ୍ମଣାଶ୍ଚ
ସେନ୍ଦ୍ରା ଦେବା ବସବୋଽଥାଶ୍ବିନୌ ଚ॥ 1-70-50 (3229)
ସୁରଦ୍ବିଷଶ୍ଚୈବ ଜଗଚ୍ଚ ସର୍ବ-
ମୁପସ୍ଥାନେ ସନ୍ନମନ୍ତି ପ୍ରଭାବାତ୍।
ଅଶକ୍ଯୋଽସୌ ଜୀବଯିତୁଂ ଦ୍ବିଜାତିଃ
ସଂଜୀବିତୋ ବଧ୍ଯତେ ଚୈବ ଭୂଯଃ॥ 1-70-51 (3230)
ଦେବଯାନ୍ଯୁବାଚ। 1-70-52x (345)
ଯସ୍ଯାଙ୍ଗିରା ବୃଦ୍ଧତମଃ ପିତାମହୋ
ବୃହସ୍ପତିଶ୍ଚାପି ପିତା ତପୋନିଧିଃ।
ଋଷେଃ ପୁତ୍ରଂ ତମଥୋ ବାପି ପୌତ୍ରଂ
କଥଂ ନ ଶୋଚେଯମହଂ ନ ରୁଦ୍ଯାମ୍॥ 1-70-52 (3231)
ସ ବ୍ରହ୍ମଚାରୀ ଚ ତପୋଧନଶ୍ଚ
ସଦୋତ୍ଥିତଃ କର୍ମସୁ ଚୈବ ଦକ୍ଷଃ।
କଚସ୍ଯ ମାର୍ଗଂ ପ୍ରତିପତ୍ସ୍ଯେ ନ ଭୋକ୍ଷ୍ଯେ
ପ୍ରିଯୋ ହି ମେ ତାତ କଚୋଽଭିରୂପଃ॥ 1-70-53 (3232)
ଶୁକ୍ର ଉବାଚ। 1-70-54x (346)
ଅସଂଶଯଂ ମାମସୁରା ଦ୍ବିଷନ୍ତି
ଯେ ଶିଷ୍ଯଂ ମେଽନାଗସଂ ସୂଦଯନ୍ତି।
ଅବ୍ରାହ୍ମଣଂ କର୍ତୁମିଚ୍ଛ୍ତି ରୌଦ୍ରା-
ସ୍ତେ ମାଂ ଯଥା ବ୍ଯଭିଚରନ୍ତି ନିତ୍ଯମ୍।
ଅପ୍ଯସ୍ଯ ପାପସ୍ଯ ଭବେଦିହାନ୍ତଃ
କଂ ବ୍ରହ୍ମହତ୍ଯା ନ ଦହେଦପୀନ୍ଦ୍ରମ୍॥ 1-70-54 (3233)
`ବୈଶମ୍ପାଯନ ଉବାଚ। 1-70-55x (347)
ସଂଚୋଦିତୋ ଦେବଯାନ୍ଯା ମହର୍ଷିଃ ପୁନରାହ୍ବଯତ୍।
ସଂରମ୍ଭେଣୈବ କାବ୍ଯୋ ହି ବୃହସ୍ପତିସୁତଂ କଚମ୍॥ 1-70-55 (3234)
କଚୋଽପି ରାଜନ୍ସ ମହାନୁଭାବୋ
ବିଦ୍ଯାବଲାଲ୍ଲବ୍ଧମତିର୍ମହାତ୍ମା।'
ଗୁରୋର୍ହି ଭୀତୋ ବିଦ୍ଯଯା ଚୋପହୂତଃ।
ଶନୈର୍ବାକ୍ଯଂ ଜଠରେ ବ୍ଯାଜହାର॥ 1-70-56 (3235)
`ପ୍ରସୀଦ ଭଗବନ୍ମହ୍ଯଂ କଚୋଽହମଭିବାଦଯେ।
ଯଥା ବହୁମତଃ ପୁତ୍ରସ୍ତଥା ମନ୍ଯତୁ ମାଂ ଭବାନ୍॥' 1-70-57 (3236)
ବୈଶମ୍ପାଯନ ଉବାଚ। 1-70-58x (348)
ତମବ୍ରବୀତ୍କେନ ପଥୋପନୀତ-
ସ୍ତ୍ବଂ ଚୋଦରେ ତିଷ୍ଠସି ବ୍ରୂହି ବିପ୍ର।
ଅସ୍ମିନ୍ମୁହୂର୍ତେ ହ୍ଯସୁରାନ୍ବିନାଶ୍ଯ
ଗଚ୍ଛାମି ଦେବାନହମଦ୍ଯ ବିପ୍ର॥ 1-70-58 (3237)
କଚ ଉବାଚ। 1-70-59x (349)
ତବ ପ୍ରସାଦାନ୍ନ ଜହାତି ମାଂ ସ୍ମୃତିଃ
ସ୍ମରାମି ସର୍ବଂ ଯଚ୍ଚ ଯଥା ଚ ବୃତ୍ତମ୍।
ନତ୍ବେବଂ ସ୍ଯାତ୍ତପସଃ ସଂକ୍ଷଯୋ ମେ
ତତଃ କ୍ଲେଶଂ ଘୋରମିମଂ ସହାମି॥ 1-70-59 (3238)
ଅସୁରୈଃ ସୁରାଯାଂ ଭବତୋଽସ୍ମି ଦତ୍ତୋ
ହତ୍ବା ଦଗ୍ଧ୍ବା ଚୂର୍ଣଯିତ୍ବା ଚ କାବ୍ଯ।
ବ୍ରାହ୍ମୀଂ ମାଯାଂ ଚାସୁରୀଂ ବିପ୍ର ମାଯାଂ
ତ୍ବଯି ସ୍ଥିତେ କଥମେବାତିବର୍ତେତ୍॥ 1-70-60 (3239)
ଶୁକ୍ର ଉବାଚ। 1-70-61x (350)
କିଂ ତେ ପ୍ରିଯଂ କରବାଣ୍ଯଦ୍ଯ ବତ୍ସେ
ବଧେନ ମେ ଜୀବିତଂ ସ୍ଯାତ୍କଚସ୍ଯ।
ନାନ୍ଯତ୍ର କୁକ୍ଷେର୍ମମ ଭେଦନେନ
ଦୃଶ୍ଯେତ୍କଚୋ ମଦ୍ଗତୋ ଦେବଯାନି॥ 1-70-61 (3240)
ଦେବଯାନ୍ଯୁବାଚ। 1-70-62x (351)
ଦ୍ବୌ ମାଂ ଶୋକାବଗ୍ନିକଲ୍ପୌ ଦହେତାଂ
କଚସ୍ଯ ନାଶସ୍ତବ ଚୈବୋପଘାତଃ।
କଚସ୍ଯ ନାଶେ ମମ ଶର୍ମ ନାସ୍ତି
ତବୋପଘାତେ ଜୀବିତୁଂ ନାସ୍ମି ଶକ୍ତା॥ 1-70-62 (3241)
ଶୁକ୍ର ଉବାଚ। 1-70-63x (352)
ସଂସିଦ୍ଧରୂପୋଽସି ବୃହସ୍ପତେଃ ସୁତ
ଯତ୍ତ୍ବାଂ ଭକ୍ତଂ ଭଜତେ ଦେବଯାନୀ।
ବିଦ୍ଯାମିମାଂ ପ୍ରାପ୍ନୁହି ଜୀବନୀଂ ତ୍ବଂ
ନ ଚେଦିନ୍ଦ୍ରଃ କଚରୂପୀ ତ୍ବମଦ୍ଯ॥ 1-70-63 (3242)
ନ ନିବର୍ତେତ୍ପୁନର୍ଜୀବନ୍କଶ୍ଚିଦନ୍ଯୋ ମମୋଦରାତ୍।
ବ୍ରାହ୍ମଣଂ ବର୍ଜଯିତ୍ବୈକଂ ତସ୍ମାଦ୍ବିଦ୍ଯାମବାପ୍ନୁହି॥ 1-70-64 (3243)
ପୁତ୍ରୋ ଭୂତ୍ବା ଭାବଯ ଭାବିତୋ ମା-
ମସ୍ମଦ୍ଦେହାଦୁପନିଷ୍କ୍ରମ୍ଯ ତାତ।
ସମୀକ୍ଷେଥା ଧର୍ମବତୀମବେକ୍ଷାଂ
ଗୁରୋଃ ସକାଶାତ୍ପ୍ରାପ୍ଯ ବିଦ୍ଯାଂ ସବିଦ୍ଯଃ॥ 1-70-65 (3244)
ବୈଶମ୍ପାଯନ ଉବାଚ। 1-70-66x (353)
ଗୁରୋଃ ସକାଶାତ୍ସମବାପ୍ଯ ବିଦ୍ଯାଂ
ଭିତ୍ତ୍ବା କୁକ୍ଷିଂ ନିର୍ବିଚକ୍ରାମ ବିପ୍ରଃ।
କଚୋଽଭିରୂପସ୍ତତ୍କ୍ଷଣାଦ୍ବ୍ରାହ୍ମଣସ୍ଯ
ଶୁକ୍ଲାତ୍ଯଯେ ପୌର୍ଣମାସ୍ଯାମିବେନ୍ଦୁଃ॥ 1-70-66 (3245)
ଦୃଷ୍ଟ୍ବା ଚ ତଂ ପତିତଂ ବ୍ରହ୍ମରାଶି-
ମୁତ୍ଥାପଯାମାସ ମୃତଂ କଚୋଽପି।
ବିଦ୍ଯାଂ ସିଦ୍ଧାଂ ତାମବାପ୍ଯାଭିବାଦ୍ଯ
ତତଃ କଚସ୍ତଂ ଗୁରୁମିତ୍ଯୁବାଚ॥ 1-70-67 (3246)
ଯଃ ଶ୍ରୋତ୍ରଯୋରମୃତଂ ସନ୍ନିଷିଞ୍ଚେ-
ଦ୍ବିଦ୍ଯାମବିଦ୍ଯସ୍ଯ ଯଥା ତ୍ବମାର୍ଯଃ।
ତଂ ମନ୍ଯେଽହଂ ପିତରଂ ମାତରଂ ଚ
ତସ୍ମୈ ନ ଦ୍ରୁହ୍ଯେତ୍କୃତମସ୍ଯ ଜାନନ୍॥ 1-70-68 (3247)
ଋତସ୍ଯ ଦାତାରମନୁତ୍ତମସ୍ଯ
ନିଧିଂ ନିଧୀନାମପି ଲବ୍ଧବିଦ୍ଯାଃ।
ଯେ ନାଦ୍ରିଯନ୍ତେ ଗୁରୁମର୍ଚନୀଯଂ
ପାପାଁଲ୍ଲୋକାଂସ୍ତେ ବ୍ରଜନ୍ତ୍ଯପ୍ରତିଷ୍ଠାଃ॥ 1-70-69 (3248)
ବୈଶମ୍ପାଯନ ଉବାଚ। 1-70-70x (354)
ସୁରାପାନାଦ୍ବଞ୍ଚନାଂ ପ୍ରାପ୍ଯ ବିଦ୍ବା-
ନ୍ସଂଜ୍ଞାନାଶଂ ଚୈବ ମହାତିଘୋରମ୍।
ଦୃଷ୍ଟ୍ବା କଚଂ ଚାପି ତଥାଭିରୂପଂ
ପୀତଂ ତଦା ସୁରଯା ମୋହିତେନ॥ 1-70-70 (3249)
ସମନ୍ଯୁରୁତ୍ଥାଯ ମହାନୁଭାବ-
ସ୍ତଦୋଶନା ବିପ୍ରହିତଂ ଚିକୀର୍ଷୁଃ।
ସୁରାପାନଂ ପ୍ରତି ସଂଜାତମନ୍ଯୁଃ
କାବ୍ଯଃ ସ୍ବଯଂ ବାକ୍ଯମିଦଂ ଜଗାଦ॥ 1-70-71 (3250)
ଯୋ ବ୍ରାହ୍ମଣୋଽଦ୍ଯପ୍ରଭୃତୀହ କଶ୍ଚି-
ନ୍ମୋହାତ୍ସୁରାଂ ପାସ୍ଯତି ମନ୍ଦବୁଦ୍ଧିଃ।
ଅପେତଧର୍ମା ବ୍ର୍ହମହା ଚୈବ ସ ସ୍ଯା-
ଦସ୍ମିଂଲ୍ଲୋକେ ଗର୍ହିତଃ ସ୍ଯାତ୍ପରେ ଚ॥ 1-70-72 (3251)
ମଯା ଚୈତାଂ ବିପ୍ରଧର୍ମୋକ୍ତିସୀମାଂ
ମର୍ଯାଦାଂ ବୈ ସ୍ଥାପିତାଂ ସର୍ବଲୋକେ।
ସନ୍ତୋ ବିପ୍ରାଃ ଶୁଶ୍ରୁବାଂସୋ ଗୁରୂଣାଂ
ଦେବା ଲୋକାଶ୍ଚୋପଶୃଣ୍ବନ୍ତୁ ସର୍ବେ॥ 1-70-73 (3252)
ବୈଶମ୍ପାଯନ ଉବାଚ। 1-70-74x (355)
ଇତୀଦମୁକ୍ତ୍ବା ସ ମହାନୁଭାବ-
ସ୍ତପୋନିଧୀନାଂ ନିଧିରପ୍ରମେଯଃ।
ତାନ୍ଦାନବାନ୍ଦୈବବିମୂଢବୁଦ୍ଧୀ-
ନିଦଂ ସମାହୂଯ ବଚୋଽଭ୍ଯୁବାଚ॥ 1-70-74 (3253)
ଆଚକ୍ଷେ ବୋ ଦାନବା ବାଲିଶାଃ ସ୍ଥ
ସିଦ୍ଧଃ କଚୋ ବତ୍ସ୍ଯତି ମତ୍ସକାଶେ।
ସଞ୍ଜୀବିନୀଂ ପ୍ରାପ୍ଯ ବିଦ୍ଯାଂ ମହାତ୍ମା
ତୁଲ୍ଯପ୍ରଭାବୋ ବ୍ରାହ୍ମଣୋ ବ୍ରହ୍ମଭୂତଃ॥ 1-70-75 (3254)
`ଯୋଽକାର୍ଷୀଦ୍ଦୁଷ୍କରଂ କର୍ମ ଦେବାନାଂ କାରଣାତ୍କଚଃ।
ନ ତତ୍କିର୍ତିର୍ଜରାଂ ଗଚ୍ଛେଦ୍ଯାଜ୍ଞୀଯଶ୍ଚ ଭବିଷ୍ଯତି॥ 1-70-76 (3255)
ବୈଶମ୍ପାଯନ ଉବାଚ।' 1-70-77x (356)
ଏତାବଦୁକ୍ତ୍ବା ବଚନଂ ବିରରାମ ସ ଭାର୍ଗବଃ।
ଦାନବା ବିସ୍ମଯାବିଷ୍ଟାଃ ପ୍ରଯଯୁଃ ସ୍ବଂ ନିବେଶନମ୍॥ 1-70-77 (3256)
ଗୁରୋରୁଷ୍ଯ ସକାଶେ ତୁ ଦଶ ବର୍ଷଶତାନି ସଃ।
ଅନୁଜ୍ଞାତଃ କଚୋ ଗନ୍ତୁମିଯେଷ ତ୍ରିଦଶାଲଯମ୍॥ ॥ 1-70-78 (3257)
ଇତି ଶ୍ରୀମନ୍ମେହାଭାରତେ ଆଦିପର୍ବଣି ସଂଭବପର୍ବଣି ସପ୍ତତିତମୋଽଧ୍ଯାଯଃ॥ 70 ॥
Mahabharata - Adi Parva - Chapter Footnotes
1-70-3 ବିପ୍ରଦାନବୌ ବବ୍ରାତେ ଜାମାତୃତ୍ବେନେତି ଶେଷଃ॥ 1-70-25 ପ୍ରେଷଣୈଃ ପ୍ରେଷ୍ଯତ୍ବାଦିଭିଃ॥ 1-70-31 ଉବାଚ ଶୁକ୍ରଂ ପ୍ରତି॥ 1-70-39 ପେଷଃ ପିଷ୍ଟମ୍। ପିଷ୍ଟୀକୃତ୍ଯେତ୍ଯର୍ଥଃ॥ 1-70-43 ଗୁରୁଦେହଜଃ କଚଃ। ଆବୃତ୍ଯ ଆଗତ୍ଯ। ତଦ୍ବୃତ୍ତମସୁରଚେଷ୍ଟିତମ୍॥ 1-70-44 ବ୍ରାହ୍ମଣାଯ ଶୁକ୍ରାଯ॥ 1-70-50 ମର୍ତ୍ଯଂ ତ୍ବଂ ତୁ ମତ୍ପ୍ରଭାବାଦମରକଲ୍ପାସି। ବ୍ରହ୍ମ ବେଦଃ ତସ୍ଯ ନମନଂ ସ୍ବାର୍ଥପ୍ରକାଶେନ॥ 1-70-60 ଚାଦ୍ଦୈବୀଂ ମାଯାଂ। ମାଯାତ୍ରଯବିଦି ତ୍ବଯି ସତି କୋ ଦେବୋଽସୁରୋ ବ୍ରାହ୍ମଣୋ ବାଽତିକ୍ରାମେଦତସ୍ତ୍ବଦୁଦରଭେଦନଂ ମମ ଦୁଃସାଧ୍ଯମେବେତି ଭାବଃ॥ 1-70-65 ଭାବଯ ଜୀବଯ ଭାବିତୋ ମଯା ଜୀବିତଃ। କୃତଘ୍ନୋ ମା ଭୂରିତି ଭାବଃ॥ 1-70-66 ଶୁକ୍ଲସ୍ଯାହ୍ନୋ ରବେର୍ବା ଅତ୍ଯଯେ ଶୁକ୍ଲାତ୍ଯଯେ॥ 1-70-69 ଋତସ୍ଯ ବେଦସ୍ଯ। ନିଧୀନାଂ ବିଦ୍ଯାନାଂ ନିଧିମାଶ୍ରଯମ୍। ପ୍ରତିଷ୍ଠା ବିଦ୍ଯାଫଲଂ ତଚ୍ଛୂନ୍ଯା ଅପ୍ରତିଷ୍ଠାଃ॥ ସପ୍ତତିତମୋଽଧ୍ଯାଯଃ॥ 70 ॥ଆଦିପର୍ବ - ଅଧ୍ଯାଯ 071
॥ ଶ୍ରୀଃ ॥
1.71. ଅଧ୍ଯାଯଃ 071
Mahabharata - Adi Parva - Chapter Topics
ସ୍ବପାଣିଗ୍ରହଣାର୍ଥଂ ପ୍ରାର୍ଥିତବତ୍ଯା ଦେବଯାନ୍ଯା କଚସ୍ଯ ବିବାଦଃ॥ 1 ॥ କଚଦେବଯାନ୍ଯୋଃ ପରସ୍ପରଶାପଦାନମ୍॥ 2 ॥Mahabharata - Adi Parva - Chapter Text
1-71-0 (3258)
ବୈଶମ୍ପାଯନ ଉବାଚ। 1-71-0x (357)
ସମାବୃତବ୍ରତଂ ତଂ ତୁ ବିସୃଷ୍ଟଂ ଗୁରୁଣା କଚମ୍।
ପ୍ରସ୍ଥିତଂ ତ୍ରିଦଶାବାସଂ ଦେବଯାନ୍ଯବ୍ରବୀଦିଦମ୍॥ 1-71-1 (3259)
ଋଷେରଙ୍ଗିରସଃ ପୌତ୍ର ବୃତ୍ତେନାଭିଜନେନ ଚ।
ଭ୍ରାଜସେ ବିଦ୍ଯଯା ଚୈବ ତପସା ଚ ଦମେନ ଚ॥ 1-71-2 (3260)
ଋଷିର୍ଯଥାଙ୍ଗିରା ମାନ୍ଯଃ ପିତୁର୍ମମ ମହାଯଶାଃ।
ତଥା ପ୍ରାନ୍ଯଶ୍ଚ ପୂଜ୍ଯଶ୍ଚ ମମ ଭୂଯୋ ବୃହସ୍ପତିଃ॥ 1-71-3 (3261)
ଏବଂ ଜ୍ଞାତ୍ବା ବିଜାନୀହି ଯଦ୍ବ୍ରବୀମି ତପୋଧନ।
ବ୍ରତସ୍ଥେ ନିଯମୋପେତେ ଯଥା ବର୍ତାମ୍ଯହଂ ତ୍ବଯି॥ 1-71-4 (3262)
ସ ସମାବୃତବିଦ୍ଯୋ ମାଂ ଭକ୍ତାଂ ଭଜିତୁମର୍ହସି।
ଗୃହାଣ ପାଣିଂ ବିଧିବନ୍ମମ ମନ୍ତ୍ରପୁରସ୍କୃତମ୍॥
କଚ ଉବାଚ। 1-71-5 (3263)
ପୂଜ୍ଯୋ ମାନ୍ଯଶ୍ଚ ଭଗବାନ୍ଯଥା ତବ ପିତା ମମ।
ତଥା ତ୍ବମନବଦ୍ଯାଙ୍ଗି ପୂଜନୀଯତରା ମମ॥ 1-71-6 (3264)
ପ୍ରାଣେଭ୍ଯୋଽପି ପ୍ରିଯତରା ଭାର୍ଗବସ୍ଯ ମହାତ୍ମନଃ।
ତ୍ବଂ ଭତ୍ରେ ଧର୍ମତଃ ପୂଜ୍ଯା ଗୁରୁପୁତ୍ରୀ ସଦା ମମ॥ 1-71-7 (3265)
ଯଥା ମମ ଗୁରୁର୍ନିତ୍ଯଂ ମାନ୍ଯଃ ଶୁକ୍ରଃ ପିତା ତବ।
ଦେବଯାନି ତଥୈବ ତ୍ବଂ ନୈବଂ ମାଂ ବକ୍ତୁମର୍ହସି॥ 1-71-8 (3266)
ଦେବଯାନ୍ଯୁବାଚ। 1-71-9x (358)
ଗୁରୁପୁତ୍ରସ୍ଯ ପୁତ୍ରୋ ବୈ ନ ତ୍ବଂ ପୁତ୍ରଶ୍ଚ ମେ ପିତୁଃ।
ତସ୍ମାତ୍ପୂଜ୍ଯଶ୍ଚ ମାନ୍ଯଶ୍ଚ ମମାପି ତ୍ବଂ ଦ୍ବିଜୋତ୍ତମ॥ 1-71-9 (3267)
ଅସୁରୈର୍ହନ୍ଯମାନେ ଚ କଚ ତ୍ବଯି ପୁନଃପୁନଃ।
ତଦାପ୍ରଭୃତି ଯା ପ୍ରୀତିସ୍ତାଂ ତ୍ବମଦ୍ଯ ସ୍ମରସ୍ବ ମେ॥ 1-71-10 (3268)
ସୌହାର୍ଦେ ଚାନୁରାଗେ ଚ ବେତ୍ଥ ମେ ଭକ୍ତିମୁତ୍ତମାମ୍।
ନ ମାମର୍ହସି ଧର୍ମଜ୍ଞ ତ୍ଯକ୍ତୁଂ ଭକ୍ତାମନାଗସମ୍॥ 1-71-11 (3269)
କଚ ଉବାଚ। 1-71-12x (359)
ଅନିଯୋଜ୍ଯେ ନିଯୋକ୍ତୁଂ ମାଂ ଦେବଯାନି ନ ଚାର୍ହସି।
ପ୍ରସୀଦ ସୁଭ୍ରୁ ତ୍ବଂ ମହ୍ଯଂ ଗୁରୋର୍ଗୁରୁତରା ଶୁଭେ॥ 1-71-12 (3270)
ଯତ୍ରୋଷିତଂ ବିଶାଲାକ୍ଷି ତ୍ବଯା ଚନ୍ଦ୍ରନିଭାନନେ।
ତତ୍ରାହମୁଷିତୋ ଭଦ୍ରେ କୁକ୍ଷୌ କାବ୍ଯସ୍ଯ ଭାମିନି॥ 1-71-13 (3271)
ଭଗିନୀ ଧର୍ମତୋ ମେ ତ୍ବଂ ମୈବଂ ବୋଚଃ ସୁମଧ୍ଯମେ।
ସୁଖମସ୍ମ୍ଯୁଷିତୋ ଭଦ୍ରେ ନ ମନ୍ଯୁର୍ବିଦ୍ଯତେ ମମ॥ 1-71-14 (3272)
ଆପୃଚ୍ଛେ ତ୍ବାଂ ଗମିଷ୍ଯାମି ଶିବମାଶଂସ ମେ ପଥି।
ଅବିରୋଧେନ ଧର୍ମସ୍ଯ ସ୍ମର୍ତବ୍ଯୋଽସ୍ମି କଥାନ୍ତରେ।
ଅପ୍ରମତ୍ତୋତ୍ଥିତା ନିତ୍ଯମାରାଧଯ ଗୁରୁଂ ମମ॥ 1-71-15 (3273)
ଦେବଯାନ୍ଯୁବାଚ। 1-71-16x (360)
ଯଦି ମାଂ ଧର୍ମକାମାର୍ଥେ ପ୍ରତ୍ଯାଖ୍ଯାସ୍ଯସି ଯାଚିତଃ।
ତତଃ କଚ ନ ତେ ବିଦ୍ଯା ସିଦ୍ଧିମେଷା ଗମିଷ୍ଯତି॥ 1-71-16 (3274)
କଚ ଉବାଚ। 1-71-17x (361)
ଗୁରୁପୁତ୍ରୀତି କୃତ୍ବାଽହଂ ପ୍ରତ୍ଯାଚକ୍ଷେ ନ ଦୋଷତଃ।
ଗୁରୁଣା ଚାନନୁଜ୍ଞାତଃ କାମମେବଂ ଶପସ୍ବ ମାମ୍॥ 1-71-17 (3275)
ଆର୍ଷଂ ଧର୍ମଂ ବ୍ରୁବାଣୋଽହଂ ଦେବଯାନି ଯଥା ତ୍ବଯା।
ଶପ୍ତୋ ହ୍ଯନର୍ହଃ ଶାପସ୍ଯ କାମତୋଽଦ୍ଯ ନ ଧର୍ମତଃ॥ 1-71-18 (3276)
ତସ୍ମାଦ୍ଭବତ୍ଯା ଯଃ କାମୋ ନ ତଥା ସ ଭବିଷ୍ଯତି।
ଋଷିପୁତ୍ରୋ ନ ତେ କଶ୍ଚିଜ୍ଜାତୁ ପାଣିଂ ଗ୍ରହୀଷ୍ଯତି॥ 1-71-19 (3277)
ଫଲିଷ୍ଯତି ନ ତେ ବିଦ୍ଯା ଯତ୍ତ୍ବଂ ମାମାତ୍ଥ ତତ୍ତଥା।
ଅଧ୍ଯାପଯିଷ୍ଯାମି ତୁ ଯଂ ତସ୍ଯ ବିଦ୍ଯା ଫଲିଷ୍ଯତି॥ 1-71-20 (3278)
ବୈଶମ୍ପାଯନ ଉବାଚ। 1-71-21x (362)
ଏବମୁକ୍ତ୍ବା ଦ୍ବିଜଶ୍ରେଷ୍ଠୋ ଦେବଯାନୀଂ କଚସ୍ତଦା।
ତ୍ରିଦଶେଶାଲଯଂ ଶୀଘ୍ରଂ ଜଗାମ ଦ୍ବିଜସତ୍ତମଃ॥ 1-71-21 (3279)
ତମାଗତମଭିପ୍ରେକ୍ଷ୍ଯ ଦେବା ଇନ୍ଦ୍ରପୁରୋଗମାଃ।
ବୃହସ୍ପତିଂ ସଭାଜ୍ଯେଦଂ କଚଂ ବଚନମବ୍ରୁବନ୍॥ 1-71-22 (3280)
ଦେବା ଊଚୁଃ। 1-71-23x (363)
ଯତ୍ତ୍ବଯାସ୍ମଦ୍ଧିତଂ କର୍ମ କୃତଂ ବୈ ପରମାଦ୍ଭୁତମ୍।
ନ ତେ ଯଶଃ ପ୍ରଣଶିତା ଭାଗଭାକ୍ବ ଭବିଷ୍ଯସି॥ ॥ 1-71-23 (3281)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଏକସପ୍ତତିତମୋଽଧ୍ଯାଯଃ॥ 71 ॥
Mahabharata - Adi Parva - Chapter Footnotes
1-71-1 ସମାବୃତବ୍ରତଂ ସମାପ୍ତବ୍ରତମ୍॥ 1-71-9 ଗୁରୁଃ ପୁତ୍ରୋ ଯସ୍ଯ ଅଙ୍ଗିରସଃ ପୁତ୍ରଃ ପୌତ୍ରଃ॥ 1-71-15 ଉତ୍ଥିତା ଅନଲସା॥ 1-71-17 ଅନନୁଜ୍ଞାତସ୍ତ୍ବଦୁକ୍ତକାର୍ଯେ॥ 1-71-23 ପ୍ରଣଶିତା ପ୍ରଣଙ୍କ୍ଷ୍ଯତି॥ ଏକସପ୍ତତିତମୋଽଧ୍ଯାଯଃ॥ 71 ॥ଆଦିପର୍ବ - ଅଧ୍ଯାଯ 072
॥ ଶ୍ରୀଃ ॥
1.72. ଅଧ୍ଯାଯଃ 072
Mahabharata - Adi Parva - Chapter Topics
ସ୍ବର୍ଗଂପ୍ରତ୍ଯାଗତାତ୍କଚାତ୍ସଂଜୀବିନ୍ଯଧ୍ଯଯନେନ ଦେବାନାଂ କୃତାର୍ଥତା॥ 1 ॥ ଶୁକ୍ରବୃଷପର୍ବଣୋର୍ବିରୋଧୋତ୍ପାଦନାର୍ଥମିନ୍ଦ୍ରକୃତଂ କନ୍ଯାନାଂ ବସ୍ତ୍ରମିଶ୍ରଣମ୍॥ 2 ॥ ବସ୍ତ୍ରମିଶ୍ରଣେନ ଶର୍ମିଷ୍ଠାଦେବଯାନ୍ଯୋର୍ବିରୋଧଃ॥ 3 ॥ ଶର୍ମିଷ୍ଠଯା କୂପେ ପ୍ରକ୍ଷିପ୍ତାଯା ଦେବଯାନ୍ଯା ଯଯାତିନା କୂପାଦୁଦ୍ଧରଣମ୍॥ 4 ॥ ଶୁକ୍ରସ୍ଯ କୂପସମୀପାଗମନଂ ଦେବଯାନୀସାନ୍ତ୍ବନଂ ଚ॥ 5 ॥Mahabharata - Adi Parva - Chapter Text
1-72-0 (3282)
ବୈଶମ୍ପାଯନ ଉବାଚ। 1-72-0x (364)
କୃତବିଦ୍ଯେ କଚେ ପ୍ରାପ୍ତେ ହୃଷ୍ଟରୂପା ଦିବୌକସଃ।
କଚାଦଧୀତ୍ଯ ତାଂ ବିଦ୍ଯାଂ କୃତାର୍ଥା ଭରତର୍ଷଭ॥ 1-72-1 (3283)
ସର୍ବ ଏବ ସମାଗମ୍ଯ ଶତକ୍ରତୁମଥାବ୍ରୁବନ୍।
କାଲସ୍ତେ ବିକ୍ରମସ୍ଯାଦ୍ଯ ଜହି ଶତ୍ରୂନ୍ପୁରନ୍ଦର॥ 1-72-2 (3284)
ବୈଶମ୍ପାଯନ ଉବାଚ। 1-72-3x (365)
ଏବମୁକ୍ତସ୍ତୁ ସହିତୈସ୍ତ୍ରିଦଶୈର୍ମଘବାଂସ୍ତଦା।
ତଥେତ୍ଯୁକ୍ତ୍ବା ପ୍ରଚକ୍ରାମ ସୋଽପଶ୍ଯତ ବନେ ସ୍ତ୍ରିଯଃ॥ 1-72-3 (3285)
କ୍ରୀଡନ୍ତୀନାଂ ତୁ କନ୍ଯାନାଂ ବନେ ଚୈତ୍ରରଥୋପମେ।
ବାଯୁଭୂତଃ ସ ବସ୍ତ୍ରାଣି ସର୍ବାଣ୍ଯେବ ବ୍ଯମିଶ୍ରଯତ୍॥ 1-72-4 (3286)
ତତୋ ଜଲାତ୍ସମୁତ୍ତୀର୍ଯ କନ୍ଯାସ୍ତାଃ ସହିତାସ୍ତଦା।
ବସ୍ତ୍ରାଣି ଜଗୃହୁସ୍ତାନି ଯଥାଽଽସନ୍ନାନ୍ଯନେକଶଃ॥ 1-72-5 (3287)
ତତ୍ର ବାସୋ ଦେବଯାନଯାଃ ଶର୍ମିଷ୍ଠା ଜଗୃହେ ତଦା।
ବ୍ଯତିମିଶ୍ରମଜାନନ୍ତୀ ଦୁହିତା ବୃଷପର୍ବଣଃ॥ 1-72-6 (3288)
ତତସ୍ତଯୋର୍ମିଥସ୍ତତ୍ର ବିରୋଧଃ ସମଜାଯତ।
ଦେବଯାନ୍ଯାଶ୍ଚ ରାଜେନ୍ଦ୍ର ଶର୍ମିଷ୍ଠାଯାଶ୍ଚ ତତ୍କୃତେ॥ 1-72-7 (3289)
ଦେବଯାନ୍ଯୁବାଚ। 1-72-8x (366)
କସ୍ମାଦ୍ଗୃହ୍ଣାସି ମେ ବସ୍ତ୍ରଂ ଶିଷ୍ଯା ଭୂତ୍ବା ମମାସୁରି।
ସମୁଦାଚାରହୀନାଯା ନ ତେ ସାଧୁ ଭବିଷ୍ଯତି॥ 1-72-8 (3290)
ସର୍ମିଷ୍ଠୋବାଚ। 1-72-9x (367)
ଆସୀନଂ ଚ ଶଯାନଂ ଚ ପିତା ତେ ପିତରଂ ମମ।
ସ୍ତୌତିବନ୍ଦୀବ ଚାଭୀକ୍ଷ୍ଣଂ ନୀଚୈଃ ସ୍ଥିତ୍ବା ବିନୀତବତ୍॥ 1-72-9 (3291)
ଯାଚତସ୍ତ୍ବଂ ହି ଦୁହିତା ସ୍ତୁବତଃ ପ୍ରତିଗୃହ୍ଣତଃ।
ସୁତାହଂ ସ୍ତୂଯମାନସ୍ଯ ଦଦତୋଽପ୍ରତିଗୃହ୍ଣତଃ॥ 1-72-10 (3292)
ଆଦୁନ୍ବସ୍ବ ବିଦୁନ୍ବସ୍ବ ଦ୍ରୁହ୍ଯ କୁପ୍ଯସ୍ବ ଯାଚକି।
ଅନାଯୁଧା ସାଯୁଧାଯା ରିକ୍ତା କ୍ଷୁଭ୍ଯସି ଭିକ୍ଷୁକି॥ 1-72-11 (3293)
ଲପ୍ସ୍ଯସେ ପ୍ରତିଯୋଦ୍ଧାରଂ ନ ହି ତ୍ବାଂ ଗଣଯାମ୍ଯହମ୍।
`ପ୍ରତିକୂଲଂ ବଦସି ଚେଦିତଃପ୍ରଭୃତି ଯାଚକି॥' 1-72-12 (3294)
ବୈଶମ୍ପାଯନ ଉବାଚ। 1-72-13x (368)
ସମୁଚ୍ଛ୍ରଯଂ ଦେବଯାନୀଂ ଗତାଂ ସକ୍ତାଂ ଚ ବାସସି।
ଶର୍ମିଷ୍ଠା ପ୍ରାକ୍ଷିପତ୍କୂପେ ତତଃ ସ୍ବପୁରମାଗମତ୍।
ହତେଯମିତି ବିଜ୍ଞାଯ ଶର୍ମିଷ୍ଠା ପାପନିଶ୍ଚଯା॥ 1-72-13 (3295)
ଅନବେକ୍ଷ୍ଯ ଯଯୌ ବେଶ୍ମ କ୍ରୋଧବେଗପରାଯଣା।
`ପ୍ରବିଶ୍ଯ ସ୍ବଗୃହଂ ସ୍ବସ୍ଥା ଧର୍ମମାସୁରମାସ୍ଥିତା।'
ଅଥ ତଂ ଦେଶମଭ୍ଯାଗାଦ୍ଯଯାତିର୍ନହୁଷାତ୍ମଜଃ॥ 1-72-14 (3296)
ଶ୍ରାନ୍ତଯୁଗ୍ଯଃ ଶ୍ରାନ୍ତହଯୋ ମୃଗଲିପ୍ସୁଃ ପିପାସିତଃ।
ସ ନାହୁଷଃ ପ୍ରେକ୍ଷମାଣ ଉଦପାନଂ ଗତୋଦକମ୍॥ 1-72-15 (3297)
ଦଦର୍ଶ ରାଜା ତାଂ ତତ୍ର କନ୍ଯାମଗ୍ନିଶିଖାମିବ।
ତାମପୃଚ୍ଛତ୍ସ ଦୃଷ୍ଟ୍ବୈବ କନ୍ଯାମମରବର୍ଣିନୀମ୍॥ 1-72-16 (3298)
ସାନ୍ତ୍ବଯିତ୍ବା ନୃପଶ୍ରେଷ୍ଠଃ ସାମ୍ନା ପରମବଲ୍ଗୁନା।
କା ତ୍ବଂ ତାମ୍ରନଖୀ ଶ୍ଯାମା ସୁମୃଷ୍ଟମଣିକୁଣ୍ଡଲା॥ 1-72-17 (3299)
ଦୀର୍ଘଂ ଧ୍ଯାଯସି ଚାତ୍ଯର୍ଥଂ କସ୍ମାଚ୍ଛ୍ବସିଷି ଚାତୁରା।
କଥଂ ଚ ପତିତାଽସ୍ଯସ୍ମିନ୍କୂପେ ବୀରୁତ୍ତୃଣାବୃତେ॥ 1-72-18 (3300)
ଦୁହିତା ଚୈବ କସ୍ଯ ତ୍ବଂ ବଦ ସତ୍ଯଂ ସୁମଧ୍ଯମେ। 1-72-19 (3301)
ଦେବଯାନ୍ଯୁବାଚ।
ଯୋଽସୌ ଦେବୈର୍ହତାନ୍ଦୈତ୍ଯାନୁତ୍ଥାପଯତି ବିଦ୍ଯଯା॥ 1-72-20x (369)
ତସ୍ଯ ଶୁକ୍ରସ୍ଯ କନ୍ଯାହଂ ସ ମାଂ ନୂନଂ ନ ବୁଧ୍ଯତେ।
ଏଷ ମେ ଦକ୍ଷିଣୋ ରାଜନ୍ପାଣିସ୍ତାମ୍ରନଖାଙ୍ଗୁଲିଃ॥ 1-72-20 (3302)
ସମୁଦ୍ଧର ଗୃହୀତ୍ବା ମାଂ କୁଲୀନସ୍ତ୍ବଂ ହି ମେ ମତଃ।
ଜାନାମି ହି ତ୍ବାଂ ସଂଶାନ୍ତଂ ବୀର୍ଯବନ୍ତଂ ଯଶସ୍ବିନମ୍॥ 1-72-21 (3303)
ତସ୍ମାନ୍ମାଂ ପତିତାମସ୍ମାତ୍କୂପାଦୁଦ୍ଧର୍ତୁମର୍ହସି। 1-72-22 (3304)
ବୈଶମ୍ପାଯନ ଉବାଚ।
ତାମଥୋ ବ୍ରାହ୍ମଣୀଂ କନ୍ଯାଂ ବିଜ୍ଞାଯନହୁଷାତ୍ମଜଃ॥ 1-72-22x (370)
ଗୃହୀତ୍ବା ଦକ୍ଷିଣେ ପାଣାବୁଜ୍ଜହାର ତତୋଽବଟାତ୍।
ଉଦ୍ଧୃତ୍ଯ ଚୈନାଂ ତରସା ତସ୍ମାତ୍କୂପାନ୍ନରାଧିପଃ॥ 1-72-23 (3305)
`ଯଯାତିରୁବାଚ। 1-72-24x (371)
ଗଚ୍ଛ ଭଦ୍ରେ ଯଥାକାମଂ ନ ଭଯଂ ବିଦ୍ଯତେ ତବ।
ଇତ୍ଯୁଚ୍ଯମାନା ନୃପତିଂ ଦେବଯାନୀଦମୁତ୍ତରମ୍॥ 1-72-24 (3306)
ଉବାଚ ମାମୁପାଦାଯ ଗଚ୍ଛ ଶୀଘ୍ରଂ ପ୍ରିଯୋ ହି ମେ।
ଗୃହୀତାହଂ ତ୍ବଯା ପାଣୌ ତସ୍ମାଦ୍ଭର୍ତା ଭବିଷ୍ଯସି॥ 1-72-25 (3307)
ଇତ୍ଯେବମୁକ୍ତୋ ନୃପତିରାହ କ୍ଷତ୍ରକୁଲୋଦ୍ଭବଃ।
ତ୍ବଂ ଭଦ୍ରେ ବ୍ରାହ୍ମଣୀ ତସ୍ମାନ୍ମଯା ନାର୍ହସି ସଙ୍ଗମମ୍॥ 1-72-26 (3308)
ସର୍ବଲୋକଗୁରୁଃ କାବ୍ଯସ୍ତ୍ବଂ ତସ୍ଯ ଦୁହିତା ଶୁଭେ।
ତସ୍ମାଦପି ଭଯଂ ମେଽଦ୍ଯ ତତଃ କଲ୍ଯାଣି ନାର୍ହସି॥ 1-72-27 (3309)
ଦେବଯାନ୍ଯୁବାଚ। 1-72-28x (372)
ଯଦି ମଦ୍ବଚନାନ୍ନାଦ୍ଯ ମାଂ ନେଚ୍ଛସି ନରାଧିପ।
ତ୍ବାମେବ ବରଯେ ପିତ୍ରା ତସ୍ମାଲ୍ଲପ୍ସ୍ଯସି ଗଚ୍ଛ ହି॥ 1-72-28 (3310)
ବୈଶମ୍ପାଯନ ଉବାଚ। 1-72-29x (373)
ଆମନ୍ତ୍ରଯିତ୍ବା ସୁଶ୍ରୋଣୀଂ ଯଯାତିଃ ସ୍ବପୁରଂ ଯଯୌ।
ଗତେ ତୁ ନାହୁଷେ ତସ୍ମିନ୍ଦେବଯାନ୍ଯପ୍ଯନିନ୍ଦିତା॥ 1-72-29 (3311)
କ୍ବଚିଦ୍ଗତ୍ବା ଚ ରୁଦତୀ ବୃକ୍ଷମାଶ୍ରିତ୍ଯ ଧିଷ୍ଠିତା।
ତତଶ୍ଚିରାଯମାଣାଯାଂ ଦୁହିତର୍ଯଥ ଭାର୍ଗବଃ॥ 1-72-30 (3312)
ସଂସ୍ମୃତ୍ଯୋବାଚ ଧାତ୍ରୀଂ ତାଂ ଦୁହିତୁଃ ସ୍ନେହବିକ୍ଲବଃ।
ଧାତ୍ରି ତ୍ବମାନଯ କ୍ଷିପ୍ରଂ ଦେବଯାନୀଂ ସମୁଧ୍ଯମାମ୍॥ 1-72-31 (3313)
ଇତ୍ଯୁକ୍ତମାତ୍ରେ ସା ଧାତ୍ରୀ ତ୍ବରିତାଽଽନଯିତୁଂ ଗତା।
ଯତ୍ରଯତ୍ର ସଶୀଭିଃ ସା ଗତା ପଦମମାର୍ଗତ॥ 1-72-32 (3314)
ସା ଦଦର୍ଶ ତଥା ଦୀନାଂ ଶ୍ରମାର୍ତାଂ ରୁଦତୀଂ ସ୍ଥିତାମ୍।
ବୃତ୍ତାନ୍ତଂ କିମିଦଂ ଭଦ୍ରେ ଶୀଘ୍ରଂ ବଦ ପିତାହ୍ବଯତ୍॥ 1-72-33 (3315)
ଏବମୁକ୍ତାହ ଧାତ୍ରୀଂ ତାଂ ଶର୍ମିଷ୍ଠାବୃଜିନଂ କୃତମ୍।
ଉବାଚ ଶୋକସଂତପ୍ତା ଘୂର୍ଣିକାମାଗତାଂ ପୁରଃ'॥ 1-72-34 (3316)
ଦେବଯାନ୍ଯୁବାଚ। 1-72-35x (374)
ତ୍ବରିତଂ ଘୂର୍ଣିକେ ଗଚ୍ଛ ଶୀଘ୍ରମାଚକ୍ଷ୍ବ ମେ ପିତୁଃ॥ 1-72-35 (3317)
ନେଦାନୀଂ ସଂପ୍ରବେକ୍ଷ୍ଯାମି ନଗରଂ ବୃଷପର୍ବଣଃ। 1-72-36 (3318)
ବୈଶମ୍ପାଯନ ଉବାଚ।
ସା ତତ୍ର ତ୍ବରିତଂ ଗତ୍ବା ଘୂର୍ଣିକାଽସୁରମନ୍ଦିରମ୍॥ 1-72-36x (375)
ଦୃଷ୍ଟ୍ବା କାବ୍ଯମୁବାଚେଦଂ ସଂଭ୍ରମାବିଷ୍ଟଚେତନା।
ଆଚଚକ୍ଷେ ମହାପ୍ରାଜ୍ଞଂ ଦେବଯାନୀଂ ବନେ ହତାମ୍॥ 1-72-37 (3319)
ଶର୍ମିଷ୍ଠଯା ମହାଭାଗ ଦୁହିତ୍ରା ବୃଷପର୍ବଣଃ।
ଶ୍ରୁତ୍ବା ଦୁହିତରଂ କାବ୍ଯସ୍ତତ୍ର ଶର୍ମିଷ୍ଠଯା ହତାମ୍॥ 1-72-38 (3320)
ତ୍ବରଯା ନିର୍ଯଯୌ ଦୁଃଖାନ୍ମାର୍ଗମାଣଃ ସୁତାଂ ବନେ।
ଦୃଷ୍ଟ୍ବା ଦୁହିତରଂ କାବ୍ଯୋ ଦେବଯାନୀଂ ତତୋ ବନେ॥ 1-72-39 (3321)
ବାହୁଭ୍ଯାଂ ସଂପରିଷ୍ବଜ୍ଯ ଦୁଃଖିତୋ ବାକ୍ଯମବ୍ରବୀତ୍।
ଆତ୍ମଦୋଷୈର୍ନିଯଚ୍ଛନ୍ତି ସର୍ବେ ଦୁଃଖସୁଖେ ଜନାଃ॥ 1-72-40 (3322)
ମନ୍ଯେ ଦୁଶ୍ଚରିତଂ ତେଽସ୍ତି ଯସ୍ଯେଯଂ ନିଷ୍କୃତିଃ କୃତା। 1-72-41 (3323)
ଦେବଯାନ୍ଯୁବାଚ।
ନିଷ୍କୃତିର୍ମେଽସ୍ତୁ ବା ମାସ୍ତୁ ଶୃଣୁଷ୍ବାବହିତୋ ମମ॥ 1-72-41x (376)
ଶର୍ମିଷ୍ଠଯା ଯଦୁକ୍ତାଽସ୍ମି ଦୁହିତ୍ରା ବୃଷପର୍ବଣଃ॥
ସତ୍ଯଂ କିଲୈତତ୍ସା ପ୍ରାହ ଦୈତ୍ଯାନାମସି ଗାଯନଃ॥ 1-72-42 (3324)
ଏବଂ ହି ମେ କଥଯତି ଶର୍ମିଷ୍ଠା ବାର୍ଷପର୍ବଣୀ।
ବଚନଂ ତୀକ୍ଷ୍ଣପରୁଷଂ କ୍ରୋଧରକ୍ତେକ୍ଷଣା ଭୃଶମ୍॥ 1-72-43 (3325)
ସ୍ତୁବତୋ ଦୁହିତା ନିତ୍ଯଂ ଯାଚତଃ ପ୍ରତିଗୃହ୍ଣତଃ।
ଅହଂ ତୁ ସ୍ତୂଯମାନସ୍ଯ ଦଦତୋଽପ୍ରତିଗୃହ୍ଣତଃ॥ 1-72-44 (3326)
ଇଦଂ ମାମାହ ଶର୍ମିଷ୍ଠା ଦୁହିତା ବୃଷପର୍ବଣଃ।
କ୍ରୋଧସଂରକ୍ତନଯନା ଦର୍ପପୂର୍ଣା ପୁନଃ ପୁନଃ॥ 1-72-45 (3327)
ଯଦ୍ଯହ ସ୍ତୁବତସ୍ତାତ ଦୁହିତା ପ୍ରତିଗୃହ୍ଣତଃ।
ପ୍ରସାଦଯିଷ୍ଯେ ଶର୍ମିଷ୍ଠାମିତ୍ଯୁକ୍ତା ତୁ ସଖୀ ମଯା॥ 1-72-46 (3328)
`ଉକ୍ତାପ୍ଯେବଂ ଭୃଶଂ ମାଂ ସା ନିଗୃହ୍ଯ ବିଜନେ ବନେ।
କୂପେ ପ୍ରକ୍ଷେପଯାମାସ ପ୍ରକ୍ଷିପ୍ଯ ଗୃହମାଗମତ୍॥' 1-72-47 (3329)
ଶୁକ୍ର ଉବାଚ। 1-72-48x (377)
ସ୍ତୁବତୋ ଦୁହିତା ନ ତ୍ବଂ ଯାଚତଃ ପ୍ରତିଗୃହ୍ଣତଃ।
ଅସ୍ତୋତୁଃ ସ୍ତୂଯମାନସ୍ଯ ଦୁହିତା ଦେବଯାନ୍ଯସି॥ 1-72-48 (3330)
ବୃଷପର୍ବୈବ ତଦ୍ବେଦ ଶକ୍ରୋ ରାଜା ଚ ନାହୁଷଃ।
ଅଚିନ୍ତ୍ଯଂ ବ୍ରହ୍ମ ନିର୍ଦ୍ବନ୍ଦ୍ବମୈଶ୍ବରଂ ହି ବଲଂ ମମ॥ 1-72-49 (3331)
`ଜାନାମି ଜୀବିନୀଂ ବିଦ୍ଯାଂ ଲୋକେସ୍ମିଞ୍ଶାଶ୍ବତୀଂ ଧ୍ରୁବମ୍।
ମୃତଃ ସଂଜୀବତେ ଜନ୍ତୁର୍ଯଯା କମଲଲୋଚନେ॥ 1-72-50 (3332)
କତ୍ଥନଂ ସ୍ବଗୁଣାନାଂ ଚ କୃତ୍ବା ତପ୍ଯତି ସଜ୍ଜନଃ।
ତତୋ ବକ୍ତୁମଶକ୍ତୋଽସ୍ମିତ୍ବଂ ମେ ଜାନାସି ଯଦ୍ବଲମ୍॥ 1-72-51 (3333)
ତସମାଦୁତ୍ତିଷ୍ଠ ଗଚ୍ଛାମଃ ସ୍ବଗୃହଂ କୁଲନନ୍ଦିନି।
କ୍ଷମାଂ କୃତ୍ବା ବିଶାଲାକ୍ଷି କ୍ଷମାସାରା ହି ସାଧବଃ'॥ 1-72-52 (3334)
ଯଚ୍ଚ କିଂଚିତ୍ସର୍ବଗତଂ ଭୂମୌ ବା ଯଦି ବା ଦିବି।
ତସ୍ଯାହମୀଶ୍ବରୋ ନିତ୍ଯଂ ତୁଷ୍ଟେନୋକ୍ତଃ ସ୍ବଯଂଭୁବା॥ 1-72-53 (3335)
ଅହଂ ଜଲଂ ବିମୁଞ୍ଚାମି ପ୍ରଜାନାଂ ହିତକାମ୍ଯଯା।
ପୁଷ୍ଣାମ୍ଯୌଷଧଯଃ ସର୍ବା ଇତି ସତ୍ଯଂ ବ୍ରବୀମି ତେ॥ 1-72-54 (3336)
ବୈଶମ୍ପାଯନ ଉବାଚ। 1-72-55x (378)
ଏବଂ ବିଷାଦମାପନ୍ନାଂ ମନ୍ଯୁନା ସଂପ୍ରପୀଡିତାମ୍।
ବଚନୈର୍ମଧୁରୈଃ ଶ୍ଲକ୍ଷ୍ଣୈଃ ସାନ୍ତ୍ବଯାମାସ ତାଂ ପିତା॥ ॥ 1-72-55 (3337)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଦ୍ବିସପ୍ତତିତମୋଽଧ୍ଯାଯଃ॥ 72 ॥
Mahabharata - Adi Parva - Chapter Footnotes
1-72-3 ପ୍ରଚକ୍ରାମ ଭୂତଲଂ ପ୍ରତୀତି ଶେଷଃ॥ 1-72-8 ସମୁଦାଚାରଃ ସଦାଚାରଃ॥ 1-72-11 ଆଦୁନ୍ବସ୍ବ ଆଭିମୁଖ୍ଯେନ ବକ୍ଷସ୍ତାଡନାଦିନା ସଂତାପଂ ପ୍ରାପ୍ନୁହି। ବିଦୁନ୍ବସ୍ବ ପାଂସୁଷୁ ଲୁଣ୍ଠନାଦିନା। ଦ୍ରୁହ୍ଯ ଦ୍ରୋହଂ ଚିରକାଲିକଂ କ୍ରୋଧଂ କୁରୁ। କୁପ୍ଯସ୍ବ ସଦ୍ଯଃ ପରାନିଷ୍ଟଫଲୋ ଯତ୍ନଃ କୋପସ୍ତଂ କୁରୁ। ରିକ୍ତା ଦରିଦ୍ରା॥ 1-72-12 ପ୍ରତିଯୋଦ୍ଧାରଂ ପ୍ରହର୍ତାରମ୍॥ 1-72-15 ଯୁଗ୍ଯା ରଥବାହକାଃ। ହଯାଃ କେବଲାଶ୍ବାଃ। ଉଦକଂ ପୀଯତେସ୍ମାଦିତ୍ଯୁଦପାନଂ କୂପଃ॥ 1-72-23 ଅବଟାଦ୍ଗର୍ତାତ୍॥ 1-72-34 ଘୂର୍ଣିକାଂ ଦାସୀମ୍॥ 1-72-37 ହତାଂ ତାଡିତାମ୍॥ 1-72-40 ନିଯଚ୍ଛନ୍ତି ପ୍ରଯଚ୍ଛନ୍ତି ପ୍ରାପ୍ନୁବନ୍ତୀତି ଭାବଃ॥ 1-72-41 ଏତଦେବାହ ମନ୍ଯେ ଇତି। ନିଷ୍କୃତିଃ ଫଲଭୋଗେନ ନିରସନମ୍॥ 1-72-45 ଇଦଂ ପୂର୍ବୋକ୍ତମ୍॥ 1-72-49 ନାହୁଷୋ ଯଯାତିଃ। ମମ ଐଶ୍ବରଂ ନିର୍ଦ୍ବନ୍ଦ୍ବମପ୍ରତିପକ୍ଷଂ ବଲମସ୍ତି॥ ଦ୍ବିସପ୍ତତିତମୋଽଧ୍ଯାଯଃ॥ 72 ॥ଆଦିପର୍ବ - ଅଧ୍ଯାଯ 073
॥ ଶ୍ରୀଃ ॥
1.73. ଅଧ୍ଯାଯଃ 073
Mahabharata - Adi Parva - Chapter Topics
ଶୁକ୍ରଦେବଯାନୀସଂବାଦଃ॥ 1 ॥Mahabharata - Adi Parva - Chapter Text
1-73-0 (3338)
ଶୁକ୍ର ଉବାଚ। 1-73-0x (379)
ଯଃ ପରେଷାଂ ନରୋ ନିତ୍ଯମତିବାଦାଂସ୍ତିତିକ୍ଷତେ।
ଦେବଯାନି ବିଜାନୀହି ତେନ ସର୍ବମିଦଂ ଜିତମ୍॥ 1-73-1 (3339)
ଯଃ ସମୁତ୍ପତିତଂ କ୍ରୋଧଂ ନିଗୃହ୍ଣାତି ଇଯଂ ଯଥା।
ସ ଯନ୍ତେତ୍ଯୁଚ୍ଯତେ ସଦ୍ଭିର୍ନ ଯୋ ରଶ୍ମିଷୁ ଲମ୍ବତେ॥ 1-73-2 (3340)
ଯଃ ସମୁତ୍ପତିତଂ କ୍ରୋଧମକ୍ରୋଧେନ ନିରସ୍ଯତି।
ଦେବଯାନି ବିଜାନୀହି ତେନ ସର୍ବମିଦଂ ଜିତମ୍॥ 1-73-3 (3341)
ଯଃ ସମୁତ୍ପତିତଂ କ୍ରୋଧଂ କ୍ଷମଯେହ ନିରସ୍ଯତି।
ଯଥୋରଗସ୍ତ୍ବଚଂ ଜୀର୍ଣାଂ ସ ବୈ ପୁରୁଷ ଉଚ୍ଯତେ॥ 1-73-4 (3342)
ଯଃ ସଂଧାରଯତେ ମନ୍ଯୁଂ ଯୋଽତିବାଦାଂସ୍ତିତିକ୍ଷତେ।
ଯଶ୍ଚ ତପ୍ତୋ ନ ତପତି ଦୃଢଂ ସୋଽର୍ଥସ୍ଯ ଭାଜନମ୍॥ 1-73-5 (3343)
ଯୋ ଯଜେଦପରିଶ୍ରାନ୍ତୋ ମାସିମାସି ଶତଂ ସମାଃ।
ନ କ୍ରୁଦ୍ଧ୍ଯେଦ୍ଯଶ୍ଚ ସର୍ବସ୍ଯ ତଯୋରକ୍ରୋଧନୋଽଧିକଃ॥ 1-73-6 (3344)
`ତସ୍ମାଦକ୍ରୋଧନଃ ଶ୍ରେଷ୍ଠଃ କାମକ୍ରୋଧୌ ବିଗର୍ହିତୌ।
କ୍ରୁଦ୍ଧସ୍ଯ ନିଷ୍ଫଲାନ୍ଯେବ ଦାନଯଜ୍ଞତପାଂସି ଚ॥ 1-73-7 (3345)
ତସ୍ମାଦକ୍ରୋଧନେ ଯଜ୍ଞତପୋଦାନଫଲଂ ମହତ୍।
ଭବେଦସଂଶଯଂ ଭଦ୍ରେ ନେତରସ୍ମିନ୍କଦାଚନ॥ 1-73-8 (3346)
ନ ଯତିର୍ନ ତପସ୍ବୀ ଚ ନ ଯଜ୍ବା ନ ଚ ଧର୍ମଭାକ୍।
କ୍ରୋଧସ୍ଯ ଯୋ ବଶଂ ଗଚ୍ଛେତ୍ତସ୍ଯ ଲୋକଦ୍ବଯଂ ନ ଚ॥ 1-73-9 (3347)
ପୁତ୍ରୋ ଭୃତ୍ଯଃ ସୁହୃଦ୍ଭ୍ରାତା ଭାର୍ଯା ଧର୍ମଶ୍ଚ ସତ୍ଯତା।
ତସ୍ଯୈତାନ୍ଯପଯାସ୍ଯନ୍ତି କ୍ରୋଧଶୀଲସ୍ଯ ନିଶ୍ଚିତମ୍॥ 1-73-10 (3348)
ଯତ୍କୁମାରାଃ କୁମାର୍ଯଶ୍ଚ ବୈରଂ କୁର୍ଯୁରଚେତସଃ।
ନ ତତ୍ପ୍ରାଜ୍ଞୋଽନୁକୁର୍ବୀତ ନ ବିଦୁସ୍ତେ ବଲାବଲମ୍॥ 1-73-11 (3349)
ଦେବଯାନ୍ଯୁବାଚ। 1-73-12x (380)
ବେଦାହଂ ତାତ ବାଲାଽପି ଧର୍ମାଣାଂ ଯଦିହାନ୍ତରମ୍।
ଅକ୍ରୋଧେ ଚାତିବାଦେ ଚ ବେଦ ଚାପି ବଲାବଲମ୍॥ 1-73-12 (3350)
`ସ୍ବବୃତ୍ତିମନନୁଷ୍ଠାଯ ଧର୍ମମୁତ୍ସୃଜ୍ଯ ତତ୍ତ୍ବତଃ।'
ଶିଷ୍ଯସ୍ଯାଶିଷ୍ଯବୃତ୍ତେସ୍ତୁ ନ କ୍ଷନ୍ତବ୍ଯଂ ବୁଭୂଷତା॥ 1-73-13 (3351)
`ପ୍ରେଷ୍ଯଃ ଶିଷ୍ଯଃ ସ୍ବବୃତ୍ତିଂ ହି ବିସୃଜ୍ଯ ବିଫଲଂ ଗତଃ।'
ତସ୍ମାତ୍ସଂକୀର୍ଣବୃତ୍ତେଷୁ ବାସୋ ମମ ନ ରୋଚତେ॥ 1-73-14 (3352)
ପୁମାଂସୋ ଯେ ହି ନିନ୍ଦନ୍ତି ବୃତ୍ତେନାଭିଜନେନ ଚ।
ନ ତେଷୁ ନିବସେତ୍ପ୍ରାଜ୍ଞଃ ଶ୍ରେଯୋଽର୍ଥୀ ପାପବୁଦ୍ଧିଷୁ॥ 1-73-15 (3353)
ଯେ ତ୍ବେନମଭିଜାନନ୍ତି ବୃତ୍ତେନାଭିଜନେନ ବା।
ତେଷୁ ସାଧୁଷୁ ବସ୍ତବ୍ଯଂ ସ ବାସଃ ଶ୍ରେଷ୍ଠ ଉଚ୍ଯତେ॥ 1-73-16 (3354)
`ସୁଯନ୍ତ୍ରିତପରା ନିତ୍ଯଂ ବିହୀନାଶ୍ଚ ଧନୈର୍ବରାଃ।
ଦୁର୍ବୃତ୍ତାଃ ପାପକର୍ମାଣଶ୍ଚଣ୍ଡାଲା ଧନିନୋପି ଚ॥ 1-73-17 (3355)
ନୈବ ଜାତ୍ଯା ହି ଚଣ୍ଡାଲାଃ ସ୍ବକର୍ମବିହିତୈର୍ବିନା।
ଧନାଭିଜନବିଦ୍ଯାସୁ ସକ୍ତାଶ୍ଚଣ୍ଡାଲଧର୍ମିଣଃ॥ 1-73-18 (3356)
ଅକାରଣାଶ୍ଚ ଦ୍ବେଷ୍ଯନ୍ତି ପରିବାଦଂ ବଦନ୍ତି ତେ।
ସାଧୋସ୍ତତ୍ର ନ ବାସୋସ୍ତି ପାପିଭିଃ ପାପତାଂ ବ୍ରଜେତ୍॥ 1-73-19 (3357)
ସୁକୃତେ ଦୁଷ୍କୃତେ ବାପି ଯତ୍ର ସଜ୍ଜତି ଯୋ ନରଃ।
ଧ୍ରୁବଂ ରତିର୍ଭବେତ୍ତସ୍ଯ ତସ୍ମାଦ୍ଦ୍ବେଷଂ ନ ରୋଚଯେତ୍॥' 1-73-20 (3358)
ବାଗ୍ଦୁରୁକ୍ତଂ ମହାଘୋରଂ ଦୁହିତୁର୍ବୃଷପର୍ବଣଃ।
ମମ ମଥ୍ନାତି ହୃଦଯମଗ୍ନିକାମ ଇବାରଣିମ୍॥ 1-73-21 (3359)
ନ ହ୍ଯତୋ ଦୁଷ୍କରତରଂ ମନ୍ଯେ ଲୋକେଷ୍ବପି ତ୍ରିଷୁ।
ଯଃ ସପତ୍ନଶ୍ରିଯଂ ଦୀପ୍ତାଂ ହୀନଶ୍ରୀଃ ପର୍ଯୁପାସତେ॥ 1-73-22 (3360)
ମରଣଂ ଶୋଭନଂ ତସ୍ଯ ଇତି ବିଦ୍ବଜ୍ଜନା ବିଦୁଃ।
`ଅବମାନମବାପ୍ନୋତି ଶନୈର୍ନୀଚସମାଗମାତ୍॥ 1-73-23 (3361)
ଅତିବାଦା ବକ୍ତ୍ରତୋ ନିଃସରନ୍ତି
ଯୈରାହତଃ ଶୋଚତି ରାତ୍ର୍ଯହାନି।
ପରସ୍ଯ ବୈ ମର୍ମସୁ ତେ ପତନ୍ତି
ତସ୍ମାଦ୍ଧୀରୋ ନୈବ ମୁଚ୍ଯେତ୍ପରେଷୁ॥ 1-73-24 (3362)
ନିରୋହେଦାଯୁଧୈଶ୍ଛିନ୍ନଂ ସଂରୋହେଦ୍ଦଗ୍ଧମାଗ୍ନିନା।
ବାକ୍କ୍ଷତଂ ଚ ନ ସଂରୋହେଦାଶରୀରଂ ଶରୀରିଣାମ୍॥ 1-73-25 (3363)
ସଂରୋହିତ ଶରୈର୍ବିଦ୍ଧଂ ନବଂ ପରଶୁନା ହତମ୍।
ବାଚା ଦୁରୁକ୍ତଂ ବୀଭତ୍ସଂ ନ ସଂରୋହେତ ବାକ୍କ୍ଷତମ୍'॥ ॥ 1-73-26 (3364)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ତ୍ରିସପ୍ତତିତମୋଽଧ୍ଯାଯଃ॥ 73 ॥
Mahabharata - Adi Parva - Chapter Footnotes
1-73-2 ରଶ୍ମିଷୁ କ୍ରୋଧଫଲଭୂତାସ୍ବାପତ୍ସୁ। ପକ୍ଷେ ସ୍ପଷ୍ଟୋଽର୍ଥଃ॥ 1-73-3 ଅକ୍ରୋଧେନ କ୍ରୋଧବିରୋଧିନା ସହନେନ॥ ତ୍ରିସପ୍ତତିତମୋଽଧ୍ଯାଯଃ॥ 73 ॥ଆଦିପର୍ବ - ଅଧ୍ଯାଯ 074
॥ ଶ୍ରୀଃ ॥
1.74. ଅଧ୍ଯାଯଃ 074
Mahabharata - Adi Parva - Chapter Topics
ଶୁକ୍ରବୃଷପର୍ବଣୋଃ ସଂବାଦଃ॥ 1 ॥ ଶୁକ୍ରକୋପଶାନ୍ତଯେ ବୃଷପର୍ବନିଯୋଗାତ୍ ଶର୍ମିଷ୍ଠଯା ଦେବଯାନୀଦାସ୍ଯାଙ୍ଗୀକାରଃ॥ 2 ॥ ପ୍ରସନ୍ନଯା ଦେବଯାନ୍ଯା ସହ ଶୁକ୍ରସ୍ଯ ପୁରପ୍ରବେଶନମ୍॥ 3 ॥Mahabharata - Adi Parva - Chapter Text
1-74-0 (3365)
ବୈଶମ୍ପାଯନ ଉବାଚ। 1-74-0x (381)
ତତଃ କାବ୍ଯୋ ଭୃଗୁଶ୍ରେଷ୍ଠଃ ସମନ୍ଯୁରୁପଗମ୍ଯ ହ।
ବୃଷପର୍ବାଣମାସୀନମିତ୍ଯୁବାଚାବିଚାରଯନ୍॥ 1-74-1 (3366)
ନାଧର୍ମଶ୍ଚରିତୋ ରାଜନ୍ସଦ୍ଯଃ ଫଲତି ଗୌରିବ।
ଶନୈରାବର୍ତ୍ଯମାନୋ ହି କର୍ତୁର୍ମୂଲାନି କୃନ୍ତତି॥ 1-74-2 (3367)
ପୁତ୍ରେଷୁ ବା ନପ୍ତୃଷୁ ବା ନ ଚେଦାତ୍ମନି ପଶ୍ଯତି।
ଫଲତ୍ଯେବ ଧ୍ରୁବଂ ପାଯଂ ଗୁରୁଭୁକ୍ତମିବୋଦରେ॥ 1-74-3 (3368)
`ଅଧୀଯାନଂ ହିତଂ ରାଜନ୍କ୍ଷମାବନ୍ତଂ ଜିତେନ୍ଦ୍ରିଯମ୍।'
ଯଦଘାତଯଥା ବିପ୍ରଂ କଚମାଙ୍ଗିରସଂ ତଦା।
ଅପାପଶୀଲଂ ଧର୍ମଜ୍ଞଂ ଶୁଶ୍ରୂଷୁଂ ମଦ୍ଗୃହେ ରତମ୍॥ 1-74-4 (3369)
`ଶର୍ମିଷ୍ଠଯା ଦେବଯାନୀ କ୍ରୂରମୁକ୍ତା ବହୁ ପ୍ରଭୋ।
ବିପ୍ରକୃତ୍ଯ ଚ ସଂରମ୍ଭାତ୍କୂପେ କ୍ଷିପ୍ତା ମନସ୍ବିନୀ॥ 1-74-5 (3370)
ସା ନ କଲ୍ପେତ ବାସାଯ ତଯାହଂ ରହିତଃ କଥମ୍।
ବସେଯମିହ ତସ୍ମାତ୍ତେ ତ୍ଯଜାମି ବିଷଯଂ ନୃପ॥' 1-74-6 (3371)
ବଧାଦନର୍ହତସ୍ତସ୍ଯ ବଧାଚ୍ଚ ଦୁହିତୁର୍ମମ।
ବଷପର୍ବନ୍ନିବୋଧେଯଂ ତ୍ଯକ୍ଷ୍ଯାମି ତ୍ବାଂ ସବାନ୍ଧବମ୍।
ସ୍ଥାତୁଂ ତ୍ବଦ୍ବିଷଯେ ରାଜନ୍ନ ଶକ୍ଷ୍ଯାମି ତ୍ବଯା ସହ॥ 1-74-7 (3372)
`ମା ଶୋଚ ବୃଷପର୍ବଂସ୍ତ୍ବଂ ମା କ୍ରୁଧ୍ଯସ୍ବ ବିଶାଂପତେ।
ସ୍ଥାତୁଂ ତେ ବିଷଯେ ରାଜନ୍ନ ଶକ୍ଷ୍ଯାମି ତଯା ବିନା।
ଅସ୍ଯା ଗତିର୍ଗତିର୍ମହ୍ଯଂ ପ୍ରିଯମସ୍ଯାଃ ପ୍ରିଯଂ ମମ॥ 1-74-8 (3373)
ବୃଷପର୍ବୋବାଚ। 1-74-9x (382)
ଯଦି ବ୍ରହ୍ମନ୍ଘାତଯାମି ଯଦି ବା କ୍ରୋଶଯାମ୍ଯହମ୍।
ଶର୍ମିଷ୍ଠଯା ଦେବଯାନୀଂ ତେନ ଗଚ୍ଛାମ୍ଯସଦ୍ଗତିମ୍॥ 1-74-9 (3374)
ଶୁକ୍ର ଉବାଚ।' 1-74-10x (383)
ଅହୋ ମାମଭିଜାନାସି ଦୈତ୍ଯ ମିଥ୍ଯାପ୍ରଲାପିନମ୍।
ଯଥେମମାତ୍ମନୋ ଦୋଷଂ ନ ନିଯଚ୍ଛସ୍ପୁପେକ୍ଷସେ॥ 1-74-10 (3375)
ବୃଷପର୍ବୋବାଚ। 1-74-11x (384)
ନାଧର୍ମଂ ନ ମୃଷାବାଦଂ ତ୍ବଯି ଜାନାମି ଭାର୍ଗବ।
ତ୍ବଯି ଧର୍ମଶ୍ଚ ସତ୍ଯଂ ଚ ତତ୍ପ୍ରସୀଦତୁ ନୋ ଭବାନ୍॥ 1-74-11 (3376)
ଯଦ୍ଯସ୍ମାନପହାଯ ତ୍ବମିତୋ ଗଚ୍ଛସି ଭାର୍ଗବ।
ସମୁଦ୍ରଂ ସଂପ୍ରବେକ୍ଷ୍ଯାମି ପୂର୍ବଂ ମଦ୍ବାନ୍ଧବୈଃ ସହ॥ 1-74-12 (3377)
ପାତାଲମଥବା ଚାଗ୍ନିଂ ନାନ୍ଯଦସ୍ତି ପରାଯଣମ୍।
ଯଦ୍ଯେବ ଦେବାନ୍ଗଚ୍ଛେସ୍ତ୍ବଂ ମାଂ ଚ ତ୍ଯକ୍ତ୍ବା ଗ୍ରହାଧିପ।
ସର୍ବତ୍ଯାଗଂ ତତଃ କୃତ୍ବା ପ୍ରବିଶାମି ହୁତାଶନମ୍'॥ 1-74-13 (3378)
ଶୁକ୍ର ଉବାଚ। 1-74-14x (385)
ସମୁଦ୍ରଂ ପ୍ରବିଶଧ୍ବଂ ବା ଦିଶୋ ବା ଦ୍ରବତାସୁରାଃ।
ଦୁହିତୁର୍ନାପ୍ରିଯଂ ସୋହୁଂ ଶକ୍ତୋଽହଂ ଦଯିତା ହି ମେ॥ 1-74-14 (3379)
ପ୍ରସାଦ୍ଯତାଂ ଦେବଯାନୀ ଜୀବିତଂ ଯତ୍ର ମେ ସ୍ଥିତମ୍।
ଯୋଗକ୍ଷେମକରସ୍ତେଽହମିନ୍ଦ୍ରସ୍ଯେବ ବୃହସ୍ପତିଃ॥ 1-74-15 (3380)
ବୃଷପର୍ବୋବାଚ। 1-74-16x (386)
ଯତ୍କିଂଚିଦସୁରେନ୍ଦ୍ରାଣାଂ ବିଦ୍ଯତେ ବସୁ ଭାର୍ଗବ।
ଭୁବି ହସ୍ତିଗବାଶ୍ବଂ ଚ ତସ୍ଯ ତ୍ବଂ ମମ ଚେଶ୍ଚରଃ॥ 1-74-16 (3381)
ଶୁକ୍ର ଉବାଚ। 1-74-17x (387)
ଯତ୍କିଂଚିଦସ୍ତି ଦ୍ରବିଣଂ ଦୈତ୍ଯେନ୍ଦ୍ରାଣାଂ ମହାସୁର।
ତସ୍ଯେଶ୍ବରୋସ୍ମି ଯଦ୍ଯେଷା ଦେବଯାନୀ ପ୍ରସାଦ୍ଯତାମ୍॥ 1-74-17 (3382)
ବୈଶମ୍ପାଯନ ଉବାଚ। 1-74-18x (388)
ଏବମୁକ୍ତସ୍ତଥେତ୍ଯାହ ବୃଷପର୍ବା ମହାକବିମ୍।
ଦେବଯାନ୍ଯନ୍ତିକଂ ଗତ୍ବା ତମର୍ଥଂ ପ୍ରାହ ଭାର୍ଗବଃ॥ 1-74-18 (3383)
ଦେବଯାନ୍ଯୁବାଚ। 1-74-19x (389)
ଯଦି ତ୍ବମୀଶ୍ବରସ୍ତାତ ରାଜ୍ଞୋ ବିତ୍ତସ୍ଯ ଭାର୍ଗବ।
ନାଭିଜାନାମି ତତ୍ତେଽହଂ ରାଜା ତୁ ବଦତୁ ସ୍ବଯମ୍॥ 1-74-19 (3384)
`ବୈଶମ୍ପାଯନ ଉବାଚ। 1-74-20x (390)
ଶୁକ୍ରସ୍ଯ ବଚନଂ ଶ୍ରୁତ୍ବା ବୃଷପର୍ବା ସବାନ୍ଧବଃ।
ଦେବଯାନି ପ୍ରସୀଦେତି ପପାତ ଭୁବି ପାଦଯୋଃ॥ 1-74-20 (3385)
ବୃଷପର୍ବୋବାଚ। 1-74-21x (391)
ସ୍ତୁତ୍ଯୋ ବନ୍ଦ୍ଯଶ୍ଚ ସତତଂ ମଯା ତାତଶ୍ଚ ତେ ଶୁଭେ।'
ଯଂ କାମମଭିକାମାଽସି ଦେବଯାନି ଶୁଚିସ୍ମିତେ।
ତତ୍ତେଽହଂ ସଂପ୍ରଦାସ୍ଯାମି ଯଦି ବାପି ହି ଦୁର୍ଲଭମ୍॥ 1-74-21 (3386)
ଦେବଯାନ୍ଯୁବାଚ। 1-74-22x (392)
ଦାସୀଂ କନ୍ଯାସହସ୍ରେଣ ଶର୍ମିଷ୍ଠାମଭିକାମଯେ।
ଅନୁ ମାଂ ତତ୍ର ଗଚ୍ଛେତ୍ସା ଯତ୍ର ଦଦ୍ଯାଚ୍ଚ ମେ ପିତା॥ 1-74-22 (3387)
ବୃଷପର୍ବୋବାଚ। 1-74-23x (393)
ଉତ୍ତିଷ୍ଠ ତ୍ବଂ ଗଚ୍ଛ ଧାତ୍ରି ଶର୍ମିଷ୍ଠାଂ ଶୀଘ୍ରମାନଯ।
ଯଂ ଚ କାମଯତେ କାମଂ ଦେବଯାନୀ କରୋତୁ ତମ୍॥ 1-74-23 (3388)
`ତ୍ଯଜେଦେକଂ କୁଲସ୍ଯାର୍ଥେ ଗ୍ରାମାର୍ଥେ ଚ କୁଲଂ ତ୍ଯଜେତ୍।
ଗ୍ରାମଂ ଜନପଦସ୍ଯାର୍ଥେ ଆତ୍ମାର୍ଥେ ପୃଥିବୀଂ ତ୍ଯଜେତ୍'॥ 1-74-24 (3389)
ବୈଶମ୍ପାଯନ ଉବାଚ। 1-74-25x (394)
ତତୋ ଧାତ୍ରୀ ତତ୍ର ଗତ୍ବା ଶର୍ମିଷ୍ଠାଂ ବାକ୍ଯମବ୍ରବୀତ୍।
ଉତ୍ତିଷ୍ଠ ଭଦ୍ରେ ଶର୍ମିଷ୍ଠେ ଜ୍ଞାତୀନାଂ ସୁଖମାବହ॥ 1-74-25 (3390)
ତ୍ଯଜତି ବ୍ରାହ୍ମଣଃ ଶିଷ୍ଯାନ୍ଦେବଯାନ୍ଯା ପ୍ରଚୋଦିତଃ।
ସାଯଂ କାମଯତେ କାଂ ସ କାର୍ଯୋଽଦ୍ଯ ତ୍ବଯାଽନଘେ॥ 1-74-26 (3391)
ଶର୍ମିଷ୍ଠୋବାଚ। 1-74-27x (395)
ଯଂ ସା କାମଯତେ କାଂ କରବାଣ୍ଯହମଦ୍ଯ ତମ୍।
ଯଦ୍ଯେବମାହ୍ବଯେଚ୍ଛୁକ୍ରୋ ଦେବଯାନୀକୃତେ ହି ମାମ୍।
ମଦ୍ଦୋଷାନ୍ମାଗମଚ୍ଛୁକ୍ରୋ ଦେବଯାନୀ ଚ ମତ୍କୃତେ॥ 1-74-27 (3392)
ବୈଶମ୍ପାଯନ ଉବାଚ। 1-74-28x (396)
ତତଃ କନ୍ଯାସହସ୍ରେଣ ବୃତା ଶିବିକଯା ତଦା।
ପିତୁର୍ନିଯୋଗାତ୍ତ୍ବରିତା ନିଶ୍ଚକ୍ରାମ ପୁରୋତ୍ତମାତ୍॥ 1-74-28 (3393)
ଶର୍ମିଷ୍ଠୋବାଚ। 1-74-29x (397)
ଅହଂ ଦାସୀସହସ୍ରେଣ ଦାସୀ ତେ ପରିଚାରିକା।
ଅନୁ ତ୍ବାଂ ତତ୍ର ଯାସ୍ଯାମି ଯତ୍ର ଦାସ୍ଯତି ତେ ପିତା॥ 1-74-29 (3394)
ଦେବଯାନ୍ଯୁବାଚ। 1-74-30x (398)
ସ୍ତୁବତୋ ଦୁହିତାଽହଂ ତେ ଯାଚତଃ ପ୍ରତିଗୃହ୍ଣତଃ।
ସ୍ତୂଯମାନସ୍ଯ ଦୁହିତା କଥଂ ଦାସୀ ଭବିଷ୍ଯସି॥ 1-74-30 (3395)
ଶର୍ମିଷ୍ଠୋବାଚ। 1-74-31x (399)
ଯେନକେନଚିଦାର୍ତାନାଂ ଜ୍ଞାତୀନାଂ ସୁଖମାବହେତ୍।
ଅତସ୍ତ୍ବାମନୁଯାସ୍ଯାମି ତତ୍ର ଦାସ୍ଯତି ତେ ପିତା॥ 1-74-31 (3396)
ବୈଶମ୍ପାଯନ ଉବାଚ। 1-74-32x (400)
ପ୍ରତିଶ୍ରୁତେ ଦାସଭାବେ ଦୁହିତ୍ରା ବୃଷପର୍ବଣଃ।
ଦେବଯାନୀ ନୃପଶ୍ରେଷ୍ଠ ପିତରଂ ବାକ୍ଯମବ୍ରବୀତ୍॥ 1-74-32 (3397)
ଦେବଯାନ୍ଯୁବାଚ। 1-74-33x (401)
ପ୍ରବିଶାମି ପୁରଂ ତାତ ତୁଷ୍ଟାଽସ୍ମି ଦ୍ବିଜସତ୍ତମ।
ଅମୋଘଂ ତବ ବିଜ୍ଞାନମସ୍ତି ବିଦ୍ଯାବଲଂ ଚ ତେ॥ 1-74-33 (3398)
ବୈଶମ୍ପାଯନ ଉବାଚ। 1-74-34x (402)
ଏବମୁକ୍ତୋ ଦୁହିତ୍ରା ସ ଦ୍ବିଜଶ୍ରେଷ୍ଠୋ ମହାଯଶାଃ।
ପ୍ରବିବେଶ ପୁରଂ ହୃଷ୍ଟଃ ପୂଜିତଃ ସର୍ବଦାନୈବଃ॥ ॥ 1-74-34 (3399)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଚତୁଃସପ୍ତତିତମୋଽଧ୍ଯାଯଃ॥ 74 ॥
ଆଦିପର୍ବ - ଅଧ୍ଯାଯ 075
॥ ଶ୍ରୀଃ ॥
1.75. ଅଧ୍ଯାଯଃ 075
Mahabharata - Adi Parva - Chapter Topics
ମୃଗଯାର୍ଥଂ ଗତସ୍ଯ ଯଯାତେଃ ପୁନର୍ଦେବଯାନୀସମାଗମଃ॥ 1 ॥ ଶୁକ୍ରାଜ୍ଞଯା ତଯୋର୍ବିବାହଃ॥ 2 ॥ ଦେବଯାନୀଶର୍ମିଷ୍ଠାଯାଂ ସହ ଯଯାତେଃ ସ୍ବପୁରପ୍ରବେଶଃ॥ 3 ॥Mahabharata - Adi Parva - Chapter Text
1-75-0 (3400)
ବୈଶମ୍ପାଯନ ଉବାଚ। 1-75-0x (403)
ଅଥ ଦୀର୍ଘସ୍ଯ କାଲସ୍ଯ ଦେବଯାନୀ ନୃପୋତ୍ତମ।
ବନଂ ତଦେବ ନିର୍ଯାତା କ୍ରୀଡାର୍ଥଂ ବରବର୍ଣିନୀ॥ 1-75-1 (3401)
ତେନ ଦାସୀସହସ୍ରେଣ ସାର୍ଧଂ ଶର୍ମିଷ୍ଠଯା ତଦା।
ତମେବ ଦେଶଂ ସଂପ୍ରାପ୍ତା ଯଥାକାମଂ ଚଚାର ସା॥ 1-75-2 (3402)
ତାଭିଃ ସଖୀଭିଃ ସହିତା ସର୍ବାଭିର୍ମୁଦିତା ଭୃଶମ୍।
କ୍ରୀଡନ୍ତ୍ଯୋଽଭିରତାଃ ସର୍ବାଃ ପିବନ୍ତ୍ଯୋ ମଧୁମାଧବୀଂ॥ 1-75-3 (3403)
ଖାଦନ୍ତ୍ଯୋ ବିବିଧାନ୍ଭକ୍ଷ୍ଯାନ୍ବିଦଶନ୍ତ୍ଯଃ ଫଲାନି ଚ।
ପୁନଶ୍ଚ ନାଡୁଷୋ ରାଜା ମୃଗଲିପ୍ସୁର୍ଯଦୃଚ୍ଛଯା॥ 1-75-4 (3404)
ତମେବ ଦେଶଂ ସଂପ୍ରାପ୍ତୋ ଜଲାର୍ଥୀ ଶ୍ରମକର୍ଶିତଃ।
ଦଦର୍ଶ ଦେବଯାନୀଂ ସ ଶର୍ମିଷ୍ଠାଂ ତାଶ୍ଚ ଯୋଷିତଃ॥ 1-75-5 (3405)
ପିବନ୍ତୀର୍ଲଲମାନାଶ୍ଚ ଦିବ୍ଯାଭରଣଭୂଷିତାଃ।
ଆସନପ୍ରବରେ ଦିବ୍ଯେ ସର୍ବରତ୍ନବିଭୂଷିତେ।
ଉପବିଷ୍ଟାଂ ଚ ଦଦୃଶେ ଦେବଯାନୀଂ ଶୁଚିସ୍ମିତାମ୍॥ 1-75-6 (3406)
ରୂପେଣାପ୍ରତିମାଂ ତାସାଂ ସ୍ତ୍ରୀଣାଂ ମଧ୍ଯେ ବରାଙ୍ଗନମ୍।
`ଆସନାଚ୍ଚ ତତଃ କିଂଚିଦ୍ବିହୀନାଂ ହେମଭୀଷିତାମ୍॥ 1-75-7 (3407)
ଅସୁରେନ୍ଦ୍ରସୁତାଂ ଚାପି ନିଷଣ୍ଣାଂ ଚାରୁହାସିନୀମ୍।
ଦଦର୍ଶ ପାଦୌ ବିପ୍ରାଯାଃ ସଂବହନ୍ତୀମନିନ୍ଦିତାମ୍॥ 1-75-8 (3408)
ଗାଯନ୍ତ୍ଯୋଽଥ ପ୍ରନୃତ୍ଯନ୍ତ୍ଯୋ ବାଦଯନ୍ତ୍ଯୋଽଥ ଭାରତ।
ଦୃଷ୍ଟ୍ବା ଯଯାତିମତୁଲଂ ଲଜ୍ଜଯାଽବନତାଃ ସ୍ଥିତାଃ॥' 1-75-9 (3409)
ଯଯାତିରୁବାଚ। 1-75-10x (404)
ଦ୍ବାଭ୍ଯାଂ କନ୍ଯାସହସ୍ରାଭ୍ଯାଂ ଦ୍ବେ କନ୍ଯେ ପରିବାରିତେ।
ଗୋତ୍ରେ ଚ ନାମନୀ ଚୈବ ଦ୍ବଯୋଃ ପୃଚ୍ଛାମ୍ଯହଂ ଶୁଭେ। 1-75-10 (3410)
ଦେବଯାନ୍ଯୁବାଚ। 1-75-11x (405)
ଆଖ୍ଯାସ୍ଯାମ୍ଯହମାଦତ୍ସ୍ବ ବଚନଂ ମେ ନରାଧିପ।
ଶୁକ୍ରୋ ନାମାସୁରଗୁରୁଃ ସୁତାଂ ଜାନୀହି ତସ୍ଯ ମାମ୍॥ 1-75-11 (3411)
ଇଯଂ ଚ ମେ ସଖୀ ଦାସୀ ଯତ୍ରାହଂ ତତ୍ର ଗାମିନୀ।
ଦୁହିତା ଦାନବେନ୍ଦ୍ରସ୍ଯ ଶର୍ମିଷ୍ଠା ବୃଷପର୍ବଣଃ॥ 1-75-12 (3412)
ଯଯାତିରୁବାଚ। 1-75-13x (406)
କଥଂ ତୁ ତେ ସଖୀ ଦାସୀ କନ୍ଯେଯଂ ବରବର୍ଣିନୀ।
ଅସୁରେନ୍ଦ୍ରସୁତା ସୁଭ୍ରୂଃ ପରଂ କୌତୂହଲଂ ହି ମେ॥ 1-75-13 (3413)
`ନୈବ ଦେବୀ ନ ଗନ୍ଧର୍ବୀ ନ ଯକ୍ଷୀ ନ ଚ କିନ୍ନରୀ।
ନୈବଂରୂପା ମଯା ନାରୀ ଦୃଷ୍ଟପୂର୍ବା ମହୀତଲେ॥ 1-75-14 (3414)
ଶ୍ରୀରିବାଯତପଦ୍ମାକ୍ଷୀ ସର୍ବଲକ୍ଷଣଶୋଭନା।
ଅସୁରେନ୍ଦ୍ରସୁତା କନ୍ଯା ସର୍ବାଲଙ୍କାରଭୂଷିତା॥ 1-75-15 (3415)
ଦୈବେନୋପହତା ସୁଭ୍ରୂରୁତାହୋ ତପସାପି ବା।
ଅନ୍ଯଥୈଷାଽନବଦ୍ଯାଙ୍ଗୀ ଦାସୀ ନେହ ଭବିଷ୍ଯତି॥ 1-75-16 (3416)
ଅସ୍ଯା ରୂପେଣ ତେ ରୂପଂ ନ କିଂଚିତ୍ସଦୃଶଂ ଭବେତ୍।
ପୁରା ଦୁଶ୍ଚରିତେନେଯଂ ତବ ଦାସୀ ଭବତ୍ଯହୋ॥' 1-75-17 (3417)
ଦେବଯାନ୍ଯୁବାଚ। 1-75-18x (407)
ସର୍ବ ଏବ ନରଶ୍ରେଷ୍ଠ ବିଧାନମନୁବର୍ତତେ।
ବିଧାନବିହିତଂ ମତ୍ବା ମା ବିଚିତ୍ରାଃ କଥାଃକୃଥାଃ॥ 1-75-18 (3418)
ରାଜବଦ୍ରୂପବେଷୌ ତେ ବ୍ରାହ୍ମୀଂ ବାଚଂ ବିଭର୍ଷି ଚ।
କୋ ନାମ ତ୍ବଂ କୁତଶ୍ଚାସି କସ୍ଯ ପୁତ୍ରଶ୍ଚ ଶସ ମେ॥ 1-75-19 (3419)
ଯଯାତିରୁବାଚ। 1-75-20x (408)
ବ୍ରହମଚର୍ଯେଣ ବେଦୋ ମେ କୃତ୍ସ୍ରଃ ଶ୍ରୁତିପଥଂ ଗତଃ।
ରାଜାହଂ ରାଜପୁତ୍ରଶ୍ଚ ଯଯାତିରିତି ବିଶ୍ରୁତଃ॥ 1-75-20 (3420)
ଦେବଯାନ୍ଯୁବାଚ। 1-75-21x (409)
କେନାସ୍ଯର୍ଥେନ ନୃପତେ ଇମଂ ଦେଶମୁପାଗତଃ।
ଜିଘୃକ୍ଷୁର୍ବାରିଜଂ କିଂଚିଦଥବା ମୃଗଲିପ୍ସଯା॥ 1-75-21 (3421)
ଯଯାତିରୁବାଚ। 1-75-22x (410)
ମୃଗଲିପ୍ସୁରହଂ ଭଦ୍ରେ ପାନୀଯାର୍ଥମୁପାଗତଃ।
ବହୁଧାଽପ୍ଯନୁଯୁକ୍ତୋଽସ୍ମି ତଦନୁଜ୍ଞାତୁମର୍ହସି॥ 1-75-22 (3422)
ଦେବଯାନ୍ଯୁବାଚ। 1-75-23x (411)
ଦ୍ବାଭ୍ଯାଂ କନ୍ଯାସହସ୍ରାଭ୍ଯାଂ ଦାସ୍ଯା ଶର୍ମିଷ୍ଠଯା ସହ।
ତ୍ବଦଧୀନାଽସ୍ମି ଭଦ୍ରଂ ତେ ସଖା ଭର୍ତା ଚ ମେ ଭବ॥ 1-75-23 (3423)
`ବୈଶମ୍ପାଯନ ଉବାଚ। 1-75-24x (412)
ଅସୁରେନ୍ଦ୍ରସୁତାମୀକ୍ଷ୍ଯ ତସ୍ଯାଂ ସକ୍ତେନ ଚେତସା।
ଶର୍ମିଷ୍ଠା ମହିଷୀ ମହ୍ଯମିତି ମତ୍ବା ବଚୋଽବ୍ରବୀତ୍'॥ 1-75-24 (3424)
ଯଯାତିରୁବାଚ। 1-75-25x (413)
ବିଦ୍ଧ୍ଯୌଶନସି ଭଦ୍ରଂ ତେ ନ ତ୍ବାମର୍ହୋଽସ୍ମି ଭାମିନି।
ଅବିବାହ୍ଯା ହି ରାଜାନୋ ଦେବଯାନି ପିତୁସ୍ତବ॥ 1-75-25 (3425)
`ପରଭାର୍ଯା ସ୍ବସା ଶ୍ରେଷ୍ଠା ସଗୋତ୍ରା ପତିତା ସ୍ନୁଷା।
ଅବରା ଭିକ୍ଷୁକାଽସ୍ବସ୍ଥା ଅଗମ୍ଯାଃ କୀର୍ତିତା ବୁଧୈଃ॥ 1-75-26 (3426)
ଦେବଯାନ୍ଯୁବାଚ। 1-75-27x (414)
ସଂସୃଷ୍ଟଂ ବ୍ରହ୍ମଣା କ୍ଷତ୍ରଂ କ୍ଷତ୍ରେଣ ବ୍ରହ୍ମ ସଂହିତମ୍।
`ଅନ୍ଯତ୍ବମସ୍ତି ନ ତଯୋରେକାନ୍ତତରମାସ୍ଥିତେ।'
ଋଷିଶ୍ଚାପ୍ଯୃଷିପୁତ୍ରଶ୍ଚ ନାହୁଷାଙ୍ଗ ବହସ୍ବ ମାମ୍॥ 1-75-27 (3427)
ଯଯାତିରୁବାଚ। 1-75-28x (415)
ଏକଦେହୋଦ୍ଭବା ବର୍ଣାଶ୍ଚତ୍ବାରୋଽପି ବରାଙ୍ଗନେ।
ପୃଥଗ୍ଧର୍ମାଃ ପୃଥକ୍ଶୌଚାସ୍ତେଷାଂ ତୁ ବ୍ରାହ୍ମଣୋ ବରଃ॥ 1-75-28 (3428)
ଦେବଯାନ୍ଯୁବାଚ। 1-75-29x (416)
ପାଣି ଧର୍ମୋ ନାହୁଷାଽଯଂ ନ ପୁଂଭିଃ ସେବିତଃ ପୁରା।
ତଂ ମେ ତ୍ବମଗ୍ରହୀରଗ୍ରେ ବୃଣୋମି ତ୍ବାମହଂ ତତଃ॥ 1-75-29 (3429)
କଥଂ ନୁ ମେ ମନସ୍ବିନ୍ଯାଃ ପାଣିମନ୍ଯଃ ପୁମାନ୍ସ୍ପୃଶେତ୍।
ଗୃହୀତମୃଷିପୁତ୍ରେଣ ସ୍ବଯଂ ବାପ୍ଯୃଷିଣା ତ୍ବଯା॥ 1-75-30 (3430)
ଯଯାତିରୁବାଚ। 1-75-31x (417)
କ୍ରୁଦ୍ଧାଦାଶୀବିଷାତ୍ସର୍ପାଜ୍ଜ୍ବଲନାତ୍ସର୍ବତୋମୁଖାତ୍।
ଦୁରାଧର୍ଷତରୋ ବିପ୍ରୋ ଜ୍ଞେଯଃ ପୁଂସା ବିଜାନତା॥ 1-75-31 (3431)
ଦେବଯାନ୍ଯୁବାଚ। 1-75-32x (418)
କଥମାଶୀବିଷାତ୍ସର୍ପାଜ୍ଜ୍ବଲନାତ୍ସର୍ବତୋମୁଖାତ୍।
ଦୁରାଧର୍ଷତରୋ ବିପ୍ର ଇତ୍ଯାତ୍ଥ ପୁରୁଷର୍ଷଭ॥ 1-75-32 (3432)
ଯଯାତିରୁବାଚ। 1-75-33x (419)
ଏକମାଶୀବିଷୋ ହନ୍ତି ଶସ୍ତ୍ରେଣୈକଶ୍ଚ ବଧ୍ଯତେ।
ହନ୍ତି ବିପ୍ରଃ ସରାଷ୍ଟ୍ରାଣି ପୁରାଣ୍ଯପି ହି କୋପିତଃ॥ 1-75-33 (3433)
ଦୁରାଧର୍ଷତରୋ ବିପ୍ରସ୍ତସ୍ମାଦ୍ଭୀରୁ ମତୋ ମମ।
ଅତୋଽଦତ୍ତାଂ ଚ ପିତ୍ରା ତ୍ବାଂ ଭଦ୍ରେ ନ ବିବହାମ୍ଯହମ୍॥ 1-75-34 (3434)
ଦେବଯାନ୍ଯୁବାଚ। 1-75-35x (420)
ଦତ୍ତାଂ ବହସ୍ବ ତନ୍ମା ତ୍ବଂ ପିତ୍ରା ରାଜନ୍ବୃତୋ ମଯା।
ଆଯଚତୋ ଭଯଂ ନାସ୍ତି ଦତ୍ତାଂ ଚ ପ୍ରତିଗୃହ୍ଣତଃ॥ 1-75-35 (3435)
`ତିଷ୍ଠ ରାଜନ୍ମୁହୂର୍ତଂ ଚ ପ୍ରେଷଯିଷ୍ଯାମ୍ଯହଂ ପିତୁଃ।
ଗଚ୍ଛ ତ୍ବଂ ଧାତ୍ରିକେ ଶୀଘ୍ରଂ ବ୍ରହ୍ମକଲ୍ପମିହାନଯ।
ସ୍ବଯଂବରେ ବୃତଂ ଶୀଘ୍ରଂ ନିବେଦଯ ଚ ନାହୁଷମ୍'॥ 1-75-36 (3436)
ବୈଶମ୍ପାଯନ ଉବାଚ। 1-75-37x (421)
ତ୍ବରିତଂ ଦେବଯାନ୍ଯାଥ ସଂଦିଷ୍ଟଂ ପିତୁରାତ୍ମନଃ।
ସର୍ବଂ ନିବେଦଯାମାସ ଧାତ୍ରୀ ତସ୍ମୈ ଯଥାତଥମ୍॥ 1-75-37 (3437)
ଶ୍ରୁତ୍ବୈବ ଚ ସ ରାଜାନଂ ଦର୍ଶଯାମାସ ଭାର୍ଗବଃ।
ଦୃଷ୍ଟ୍ବୈବ ଚାଗତଂ ଶୁକ୍ରଂ ଯଯାତିଃ ପୃଥିବୀପତିଃ।
ବବନ୍ଦେ ବ୍ରାହ୍ମଣଂ କାବ୍ଯଂ ପ୍ରାଞ୍ଜଲିଃ ପ୍ରଣତଃ ସ୍ଥିତଃ॥ 1-75-38 (3438)
ଦେବଯାନ୍ଯୁବାଚ। 1-75-39x (422)
ରାଜାଯଂ ନାହୁଷସ୍ତାତ ଦୁର୍ଗମେ ପାଣିମଗ୍ରହୀତ୍।
ନାନ୍ଯପୂର୍ବଗୃହୀତଂ ମେ ତେନାହମଭଯା କୃତା।
ନମସ୍ତେ ଦେହି ମାମସ୍ମୈ ଲୋକେ ନାନ୍ଯଂ ପତିଂ ବୃଣେ॥ 1-75-39 (3439)
ଶୁକ୍ର ଉବାଚ। 1-75-40x (423)
ଅନ୍ଯୋ ଧର୍ମଃ ପ୍ରିଯସ୍ତ୍ବନ୍ଯୋ ବୃତସ୍ତେ ନାହୁଷଃ ପତିଃ।
କଚଶାପାତ୍ତ୍ବଯା ପୂର୍ବଂ ନାନ୍ଯଦ୍ଭବିତୁମର୍ହତି॥ 1-75-40 (3440)
ବୃତୋଽନଯା ପତିର୍ବୀର ସୁତଯା ତ୍ବଂ ମମେଷ୍ଟଯା।
ସ୍ବଯଂ ଗ୍ରହେ ମହାନ୍ଦୋଷୋ ବ୍ରାହ୍ମଣ୍ଯା ବର୍ଣସଂକରାତ୍।
ଗୃହାଣେମାଂ ମଯା ଦତ୍ତାଂ ମହିଷୀଂ ନହୁଷାତ୍ମଜ॥ 1-75-41 (3441)
ଯଯାତିରୁବାଚ। 1-75-42x (424)
ଅଧର୍ମୋ ନ ସ୍ପୃଶେଦେଷ ମହାନ୍ମାମିହ ଭାର୍ଗବ।
ବର୍ଣସଂକରଜୋ ବ୍ରହ୍ମନ୍ନିତି ତ୍ବାଂ ପ୍ରବୃଣୋମ୍ଯହମ୍॥ 1-75-42 (3442)
ଶୁକ୍ର ଉବାଚ। 1-75-43x (425)
ଅଧର୍ମାତ୍ତ୍ବାଂ ବିମୁଞ୍ଚାମି ଶୃଣୁ ତ୍ବଂ ବରମୀପ୍ସିତମ୍।
ଅସ୍ମିନ୍ବିବାହେ ମା ମ୍ଲାସୀରହଂ ପାପଂ ନୁଦାମି ତେ॥ 1-75-43 (3443)
ବହସ୍ବ ଭାର୍ଯାଂ ଧର୍ମେଣ ଦେବଯାନୀଂ ସୁମଧ୍ଯମାମ୍।
ଅନଯା ସହ ସଂପ୍ରୀତିମତୁଲାଂ ସମବାପ୍ନୁହି॥ 1-75-44 (3444)
ଇଯଂ ଚାପି କୁମାରୀ ତେ ଶର୍ମିଷ୍ଠା ବାର୍ଷପର୍ବଣୀ।
ସଂପୂଜ୍ଯା ସତତଂ ରାଜନ୍ମା ଚୈନାଂ ଶଯନେ ହ୍ବଯେଃ॥ 1-75-45 (3445)
ରହସ୍ଯେନାଂ ସମାହୂଯ ନ ବଦେର୍ନ ଚ ସଂସ୍ପୃଶେଃ।
ବହସ୍ବ ଭାର୍ଯାଂ ଭଦ୍ରଂ ତେ ଯଥା କାମମବାପ୍ସ୍ଯସି॥ 1-75-46 (3446)
ବୈଶମ୍ପାଯନ ଉବାଚ। 1-75-47x (426)
ଏବମୁକ୍ତୋ ଯଯାତିସ୍ତୁ ଶୁକ୍ରଂ କୃତ୍ବା ପ୍ରଦକ୍ଷିଣମ୍।
ଶାସ୍ତ୍ରୋକ୍ତବିଧିନା ରାଜା ବିବାହମକରୋଚ୍ଛୁଭମ୍॥ 1-75-47 (3447)
ଲବ୍ଧ୍ବା ଶୁକ୍ରାନ୍ମହଦ୍ବିତ୍ତଂ ଦେବଯାନୀଂ ତଦୋତ୍ତମାମ୍।
ଦ୍ବିସହସ୍ରେଣ କନ୍ଯାନାଂ ତଥା ଶର୍ମିଷ୍ଠଯା ସହ॥ 1-75-48 (3448)
ସଂପୂଜିତଶ୍ଚ ଶୁକ୍ରେଣ ଦୈତ୍ଯୈଶ୍ଚ ନୃପସତ୍ତମଃ।
ଜଗାମ ସ୍ବପୁରଂ ହୃଷ୍ଟୋଽନୁଜ୍ଞାତୋଽଥ ମହାତ୍ମନା॥ ॥ 1-75-49 (3449)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ପଞ୍ଚସପ୍ତତିତମୋଽଧ୍ଯାଯଃ॥ 75 ॥
Mahabharata - Adi Parva - Chapter Footnotes
1-75-3 ମଧୁମାଧବୀଂ ମଧୁବୃକ୍ଷମଦିରାମ୍॥ 1-75-18 ବିଧାନଂ ଦୈବଂ ଅନୁବର୍ତତେ ଅନୁସୃତ୍ଯାସ୍ତି॥ 1-75-21 ଅର୍ଥେନ କାର୍ଯେଣ। ବାରିଜଂ ମୀନଂ ପଦ୍ମାଦି ବା॥ 1-75-22 ଅନୁଯୁକ୍ତୋସ୍ମି ପଲାଯିତେ ମୃଗେ ଶ୍ରାନ୍ତୋସ୍ମି॥ 1-75-27 ସଂସୃଷ୍ଟଂ ଉଚ୍ଛିନ୍ନସ୍ଯ କ୍ଷତ୍ରସ୍ଯ ବ୍ରାହ୍ମଣବୀର୍ଯାଦେବ ପୁନରୁଦ୍ଭବାଦ୍ବ୍ରହ୍ମଣା କ୍ଷତ୍ରଂ ସଂସୃଷ୍ଟମ୍। କ୍ଷତ୍ରିଯକନ୍ଯାସୁ ଲୋପାମୁଦ୍ରାଦିଷୁ ବ୍ରାହ୍ମଣାନାମୁତ୍ପତ୍ତିଦର୍ଶନାତ୍କ୍ଷତ୍ରେଣ ବ୍ରହ୍ମ ସଂହିତଂ ମିଶ୍ରମ୍॥ 1-75-28 ଏକସ୍ଯେଶ୍ବରସ୍ଯ ଦେହୋ ଦେହାବଯବାଃ ମୁଖବାହୂରୁପାଦାସ୍ତଦୁଦ୍ଭବାଃ॥ 1-75-35 ମା ମାଂ ଭଯଂ କ୍ଷତ୍ରିଯେଣ ବ୍ରାହ୍ମଣୀପରିଣଯନଦୋଷଜମ୍॥ 1-75-39 ଦୁର୍ଗମେ ସଂକଟେ॥ 1-75-43 ଈପ୍ସିତଂ ବରଂ ଚ ବୃଣୀଧ୍ବେତ୍ଯୁକ୍ତୋଽପୀଦାନୀଂ ନ ବୃତବାନ୍ ପଶ୍ଚାତ୍ତ୍ବନ୍ଯତ୍ର ଜରାସଂକ୍ରମଣସାମର୍ଥ୍ଯରୂପଃ ଶୁକ୍ରେଣୈବ ସ୍ବପ୍ରତିଜ୍ଞାସିଦ୍ଧଯେ ଦତ୍ତ ଇତି ଧ୍ଯେଯମ୍॥ ପଞ୍ଚସପ୍ତତିତମୋଽଧ୍ଯାଯଃ॥ 75 ॥ଆଦିପର୍ବ - ଅଧ୍ଯାଯ 076
॥ ଶ୍ରୀଃ ॥
1.76. ଅଧ୍ଯାଯଃ 076
Mahabharata - Adi Parva - Chapter Topics
ଦେବଯାନ୍ଯାଃ ପୁତ୍ରୋତ୍ପତ୍ତିଃ॥ 1 ॥ ଅଶୋକବନିକାଯାଂ ଶର୍ମିଷ୍ଠାଯା ଯଯାତିସମାଗମାତ୍ପୁତ୍ରୋତ୍ପତ୍ତିଃ॥ 2 ॥Mahabharata - Adi Parva - Chapter Text
1-76-0 (3450)
ବୈଶମ୍ପାଯନ ଉବାଚ। 1-76-0x (427)
ଯଯାତିଃ ସ୍ବପୁରଂ ପ୍ରାପ୍ଯ ମହେନ୍ଦ୍ରପୁରସଂନିଭମ୍।
ପ୍ରବିଶ୍ଯାନ୍ତଃପୁରଂ ତତ୍ର ଦେବଯାନୀଂ ନ୍ଯବେଶଯତ୍॥ 1-76-1 (3451)
ଦେବଯାନ୍ଯାଶ୍ଚାନୁମତେ ସୁତାଂ ତାଂ ବୃଷପର୍ବଣଃ।
ଅଶୋକବନିକାଭ୍ଯାଶେ ଗୃହଂ କୃତ୍ବା ନ୍ଯବେଶଯତ୍॥ 1-76-2 (3452)
ବୃତାଂ ଦାସୀସହସ୍ରେଣ ଶର୍ମିଷ୍ଠାଂ ବାର୍ଷପର୍ବଣୀମ୍।
ବାସୋଭରନ୍ନପାନୈଶ୍ଚ ସଂବିଭଜ୍ଯ ସୁସତ୍କୃତାମ୍॥ 1-76-3 (3453)
ଦେବଯାନ୍ଯା ତୁ ସହିତଃ ସ ନୃପୋ ନହୁଷାତ୍ମଜଃ।
`ପ୍ରୀତ୍ଯା ପରମଯା ଯୁକ୍ତୋ ମୁମୁଦେ ଶାଶ୍ବତୀଃ ସମାଃ॥ 1-76-4 (3454)
ଅଶୋକବନିକାମଧ୍ଯେ ଦେବଯାନୀ ସମାଗତା।
ଶର୍ମିଷ୍ଠଯା ସା କ୍ରୀଡିତ୍ବା ରମଣୀଯେ ମନୋରମେ॥ 1-76-5 (3455)
ତତ୍ରୈବ ତାଂ ତୁ ନିର୍ଦିଶ୍ଯ ରାଜ୍ଞା ସହ ଯଯୌ ଗୃହମ୍।
ଏବମେବ ସହ ପ୍ରୀତ୍ଯା ବହୁ କାଲଂ ମୁମୋଦ ଚ॥' 1-76-6 (3456)
ବିଜହାର ବହୂନବ୍ଦାନ୍ଦେବବନ୍ମୁଦିତଃ ସୁଖୀ॥ 1-76-7 (3457)
ଋତୁକାଲେ ତୁ ସଂପ୍ରାପ୍ତେ ଦେବଯାନୀ ବରାଙ୍ଗନା।
ଲେଭେ ଗର୍ଭଂ ପ୍ରଥମତଃ କୁମାରଂ ଚ ବ୍ଯଜାଯତ॥ 1-76-8 (3458)
ଗତେ ବର୍ଷସହସ୍ରେ ତୁ ଶର୍ମିଷ୍ଠା ବାର୍ଷପର୍ବଣୀ।
ଦଦର୍ଶ ଯୌବନଂ ପ୍ରାପ୍ତା ଋତୁଂ ସା ଚାନ୍ବଚିନ୍ତଯତ୍॥ 1-76-9 (3459)
`ଶୁଦ୍ଧା ସ୍ନାତା ତୁ ଶର୍ମିଷ୍ଠା ସର୍ବାଲଙ୍କାରଶୋଭିତା।
ଅଶୋକଶାଖାମାଲମ୍ବ୍ଯ ସୁପୁଷ୍ପସ୍ତବକୈର୍ବୃତାମ୍॥ 1-76-10 (3460)
ଆଦର୍ଶେ ମୁଖମୁଦ୍ବୀକ୍ଷ୍ଯ ଭର୍ତୁର୍ଦର୍ଶନଲାଲସା।
ଶୋକମୋହସମାବିଷ୍ଟା ବଚନଂ ଚେଦମବ୍ରବୀତ୍॥ 1-76-11 (3461)
ଅଶୋକ ଶୋକାପନୁଦ ଶୋକୋପହତଚେତସାମ୍।
ତ୍ବନ୍ନାମାନଂ କୁରୁଷ୍ବାଦ୍ଯ ପ୍ରିଯସଂଦର୍ଶନେନ ମାମ୍।
ଏବମୁକ୍ତବତୀ ସା ତୁ ଶର୍ମିଷ୍ଠା ପୁନରବ୍ରବୀତ୍॥' 1-76-12 (3462)
ଋତୁକାଲଶ୍ଚ ସଂପ୍ରାପ୍ତୋ ନ ଚ ମେଽସ୍ତି ବୃତଃ ପତିଃ।
କିଂ ପ୍ରାପ୍ତଂ କିଂ ନୁ କର୍ତବ୍ଯଂ କିଂ ବା କୃତ୍ବା ସୁଖଂ ଭବେତ୍॥ 1-76-13 (3463)
ଦେବଯାନୀ ପ୍ରଜାତାଽସୌ ବୃଥାଽହଂ ପ୍ରାପ୍ତଯୌବନା।
ଯଥା ତଯା ବୃତୋ ଭର୍ତା ତଥୈବାହଂ ବୃଣୋମି ତମ୍॥ 1-76-14 (3464)
ରାଜ୍ଞା ପୁତ୍ରଫଲଂ ଦେଯମିତି ମେ ନିଶ୍ଚିତା ମତିଃ।
ଅପୀଦାନୀଂ ସ ଧର୍ମାତ୍ମା ଈଯାନ୍ମେ ଦର୍ଶନଂ ରହଃ॥ 1-76-15 (3465)
`କେଶୈର୍ବଧ୍ଯା ତୁ ରାଜାନଂ ଯାଚେଽହଂ ସଦୃଶଂ ପତିମ୍।
ସ୍ପୃହେଦିଦଂ ଦେବଯାନୀ ପୁତ୍ରମୀକ୍ଷ୍ଯ ପୁନଃପୁନଃ।
କ୍ରୀଡନ୍ନନ୍ତଃପୁରେ ତସ୍ଯାଃ କ୍ବଚିତ୍କ୍ଷଣମବାପ୍ଯ ଚ॥ 1-76-16 (3466)
ବୈଶମ୍ପାଯନ ଉବାଚ।' 1-76-17x (428)
ଅଥ ନିଷ୍କ୍ରମ୍ଯ ରାଜାଽସୌ ତସ୍ମିନ୍କାଲେ ଯଦୃଚ୍ଛଯା।
ଅଶୋକବନିକାଭ୍ଯାଶେ ଶର୍ମିଷ୍ଠାଂ ପ୍ରାପ ତିଷ୍ଠତୀମ୍॥ 1-76-17 (3467)
ତମେକଂ ରହିତେ ଦୃଷ୍ଟ୍ବା ଶର୍ମିଷ୍ଠା ଚାରୁହାସିନୀ।
ପ୍ରତ୍ଯୁଦ୍ଗମ୍ଯାଞ୍ଜଲିଂ କୃତ୍ବା ରାଜାନଂ ବାକ୍ଯମବ୍ରବୀତ୍॥ 1-76-18 (3468)
ଶର୍ମିଷ୍ଠୋବାଚ। 1-76-19x (429)
ସୋମସ୍ଯେନ୍ଦ୍ରସ୍ଯ ବିଷ୍ଣୋର୍ବା ଯମସ୍ଯ ବରୁଣସ୍ଯ ବା।
ତବ ବା ନାହୁଷ ଗୃହେ କଃ ସ୍ତ୍ରିଯଂ ଦ୍ରଷ୍ଟୁମର୍ହତି॥ 1-76-19 (3469)
ରୂପାଭିଜନଶୀଲୈର୍ହି ତ୍ବଂ ରାଜନ୍ବେତ୍ଥ ମାଂ ସଦା।
ସା ତ୍ବାଂ ଯାଚେ ପ୍ରସାଦ୍ଯାହମୃତୁଂ ଦେହି ନରାଧିପ॥ 1-76-20 (3470)
ଯଯାତିରୁବାଚ। 1-76-21x (430)
ବେଦ୍ମି ତ୍ବାଂ ଶୀଲସଂପନ୍ନାଂ ଦୈତ୍ଯକନ୍ଯାମନିନ୍ଦିତାମ୍।
ରୂପଂ ଚ ତେ ନ ପଶ୍ଯାମି ସୂଚ୍ଯଗ୍ରମପି ନିନ୍ଦିତମ୍॥ 1-76-21 (3471)
`ତଦାପ୍ରଭୃତି ଦୃଷ୍ଟ୍ବା ତ୍ବାଂ ସ୍ମରାମ୍ଯନିଶମୁତ୍ତମେ'।
ଅବ୍ରବୀଦୁଶନା କାବ୍ଯୋ ଦେବଯାନୀଂ ଯଦାଽବହମ୍।
ନେଯମାହ୍ବଯିତବ୍ଯା ତେ ଶଯନେ ବାର୍ଷପର୍ବଣୀ॥ 1-76-22 (3472)
`ଦେବଯାନ୍ଯାଃ ପ୍ରିଯଂ କୃତ୍ବା ଶର୍ମିଷ୍ଠାମପି ପୋଷଯ॥' 1-76-23 (3473)
ଶର୍ମିଷ୍ଠୋବାଚ। 1-76-24x (431)
ନ ନର୍ମଯୁକ୍ତମନୃତଂ ହିନସ୍ତି
ନ ସ୍ତ୍ରୀଷୁ ରାଜନ୍ନ ବିବାହକାଲେ।
ପ୍ରାଣାତ୍ଯଯେ ସର୍ବଧନାପହାରେ
ପଞ୍ଚାନୃତାନ୍ଯାହୁରପାତକାନି॥ 1-76-24 (3474)
ପୃଷ୍ଟଂ ତୁ ସାକ୍ଷ୍ଯେ ପ୍ରବଦନ୍ତମନ୍ଯଥା
ବଦନ୍ତି ମିଥ୍ଯା ପତିତଂ ନରେନ୍ଦ୍ର।
ଏକାର୍ଥତାଯାଂ ତୁ ସମାହିତାଯାଂ
ମିଥ୍ଯା ବଦନ୍ତଂ ହ୍ଯନୃତଂ ହିନସ୍ତି॥ 1-76-25 (3475)
`ଅନୃତଂ ନାନୃତଂ ସ୍ତ୍ରୀଷୁ ପରିହାସବିବାହଯୋଃ।
ଆତ୍ମପ୍ରାଣାର୍ଥଘାତେ ଚ ତଦେବୋତ୍ତମତାଂ ବ୍ରଜେତ୍॥' 1-76-26 (3476)
ଯଯାତିରୁବାଚ। 1-76-27x (432)
ରାଜା ପ୍ରମାଣଂ ଭୂତାନାଂ ସ ନଶ୍ଯେତ ମୃଷା ବଦନ୍।
ଅର୍ଥକୃଚ୍ଛ୍ରମପି ପ୍ରାପ୍ଯ ନ ମିଥ୍ଯା କର୍ତୁମୁତ୍ସହେ॥ 1-76-27 (3477)
ଶର୍ମିଷ୍ଠୋବାଚ। 1-76-28x (433)
ସମାବେତୌ ମତୋ ରାଜନ୍ପତିଃ ସଖ୍ଯାଶ୍ଚ ଯଃ ପତିଃ।
ସମଂ ବିବାହମିତ୍ଯାହୁଃ ସଖ୍ଯା ମେଽସି ବୃତଃ ପତିଃ॥ 1-76-28 (3478)
`ସହ ଦତ୍ତାସ୍ମି କାବ୍ଯେନ ଦେବଯାନ୍ଯା ମନୀଷିଣା।
ପୂଜ୍ଯା ପୋଷଯିତବ୍ଯେତି ନ ମୃଷା କର୍ତୁମର୍ହସି॥' 1-76-29 (3479)
ସୁବର୍ଣମଣିମୁକ୍ତାନି ବସ୍ତ୍ରାଣ୍ଯାଭରଣାନି ଚ।
ଯାଚିତୄଣାଂ ଦଦାସି ତ୍ବଂ ଗୋଭୂମ୍ଯାଦୀନି ଯାନି ଚ॥ 1-76-30 (3480)
ବହିଃସ୍ଥଂ ଦାନମିତ୍ଯୁକ୍ତଂ ନ ଶରୀରାଶ୍ରିତଂ ନୃପ।
ଦୁଷ୍କରଂ ପୁତ୍ରଦାନଂ ଚ ଆତ୍ମଦାନଂ ଚ ଦୁଷ୍କରମ୍॥ 1-76-31 (3481)
ଶରୀରଦାନାତ୍ତତ୍ସର୍ବଂ ଦତ୍ତଂ ଭବତି ମାରିଷ।
ଯସ୍ଯ ଯସ୍ଯ ଯଥା କାମସ୍ତସ୍ଯ ତସ୍ଯ ଦଦାମ୍ଯହମ୍॥ 1-76-32 (3482)
ଇତ୍ଯୁକ୍ତ୍ବା ନଗରେ ରାଜଂସ୍ତ୍ରିକାଲଂ ଘୋଷିତଂ ତ୍ବଯା।
ତ୍ବଯୋକ୍ତମନୃତଂ ରାଜନ୍ବୃଥା ଘୋଷିତମେବ ବା।
ତତ୍ସତ୍ଯଂ କୁରୁ ରାଜେନ୍ଦ୍ର ଯଥା ବୈଶ୍ରବଣସ୍ତଥା॥ 1-76-33 (3483)
ଯଯାତିରୁବାଚ। 1-76-34x (434)
ଦାତବ୍ଯଂ ଯାଚମାନେଭ୍ଯ ଇତି ମେ ବ୍ରତମାହିତମ୍।
ତ୍ବଂ ଚ ଯାଚସି ମାଂ କାମଂ ବ୍ରୂହି କିଂ କରବାଣି ତେ॥ 1-76-34 (3484)
`ଧନଂ ବା ଯଦି ବା କିଂଚିଦ୍ରାଜ୍ଯଂ ବାଽପି ଶୁଚିସ୍ମିତେ।' 1-76-35 (3485)
ଶର୍ମିଷ୍ଠୋବାଚ।
ଅଧର୍ମାତ୍ପାହି ମାଂ ରାଜନ୍ଧର୍ମଂ ଚ ପ୍ରତିପାଦଯ॥ 1-76-35x (435)
`ନାନ୍ଯଂ ବୃଣେ ପୁତ୍ରକାମା ପୁତ୍ରାତ୍ପରତରଂ ନ ଚ।'
ତ୍ବତ୍ତୋଽପତ୍ଯବତୀ ଲୋକେ ଚରେଯଂ ଧର୍ମମୁତ୍ତମମ୍॥ 1-76-36 (3486)
ତ୍ରଯ ଏବାଧନା ରାଜନ୍ଭାର୍ଯା ଦାସସ୍ତଥା ସୁତଃ।
ଯତ୍ତେ ସମଧିଗଚ୍ଛନ୍ତି ଯସ୍ଯୈତେ ତସ୍ଯ ତଦ୍ଧନମ୍॥ 1-76-37 (3487)
`ପୁତ୍ରାର୍ଥଂ ଭର୍ତୃପୋଷାର୍ଥଂ ସ୍ତ୍ରିଯଃ ସୃଷ୍ଟାଃ ସ୍ବଯଂଭୁବା।
ଅପତିର୍ବାପି ଯା କନ୍ଯା ଅନପତ୍ଯା ଚ ଯା ଭବେତ୍।
ତାସାଂ ଜନ୍ମ ବୃଥା ଲୋକେ ଗତିସ୍ତାସାଂ ନ ବିଦ୍ଯତେ॥' 1-76-38 (3488)
ଦେବଯାନ୍ଯା ଭୁଜିଷ୍ଯାଽସ୍ମି ବଶ୍ଯା ଚ ତବ ଭାର୍ଗବୀ।
ସା ଚାହଂ ଚ ତ୍ବଯା ରାଜନ୍ଭଜନୀଯେ ଭଜସ୍ବ ମାମ୍॥ 1-76-39 (3489)
ବୈଶମ୍ପାଯନ ଉବାଚ। 1-76-40x (436)
ଏବମୁକ୍ତସ୍ତୁ ରାଜା ସ ତଥ୍ଯମିତ୍ଯଭିଜଜ୍ଞିବାନ୍।
ପୂଜଯାମାସ ଶର୍ମିଷ୍ଠାଂ ଧର୍ମଂ ଚ ପ୍ରତ୍ଯପାଦଯତ୍॥ 1-76-40 (3490)
ସ ସମାଗମ୍ଯ ଶର୍ମିଷ୍ଠାଂ ଯଥା କାମମବାପ୍ଯ ଚ।
ଅନ୍ଯୋନ୍ଯଂ ଚାଭିସଂପୂଜ୍ଯ ଜଗ୍ମତୁସ୍ତୌ ଯଥାଗତମ୍॥ 1-76-41 (3491)
ତସ୍ମିନ୍ସମାଗମେ ସୁଭ୍ରୂଃ ଶର୍ମିଷ୍ଠା ଚାରୁହାସିନୀ।
ଲେଭେ ଗର୍ଭଂ ପ୍ରଥମତସ୍ତସ୍ମାନ୍ନୃପତିସତ୍ତମାତ୍॥ 1-76-42 (3492)
ପ୍ରଯଜ୍ଞେ ଚ ତତଃ କାଲେ ରାଜନ୍ରାଜୀବଲୋଚନା।
କୁମାରଂ ଦେବଗର୍ଭାଭଂ ରାଜୀବନିଭଲୋଚନମ୍॥ ॥ 1-76-43 (3493)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଷଟ୍ସପ୍ତତିତମୋଽଧ୍ଯାଯଃ॥ 76 ॥
ଆଦିପର୍ବ - ଅଧ୍ଯାଯ 077
॥ ଶ୍ରୀଃ ॥
1.77. ଅଧ୍ଯାଯଃ 077
Mahabharata - Adi Parva - Chapter Topics
ଶର୍ମିଷ୍ଠାପୁତ୍ରଦର୍ଶନେନ ଦେବଯାନ୍ଯାଃ ଶର୍ମିଷ୍ଠଯା ସହ ସଂବାଦଃ॥ 1 ॥ ଦେବଯାନୀଶର୍ମିଷ୍ଠଯୋଃ ପୁତ୍ରାନ୍ତରୋତ୍ପତ୍ତିଃ॥ 2 ॥ ଶର୍ମିଷ୍ଠାପୁତ୍ରାନ୍ଯଯାତିଜାଞ୍ଜ୍ଞାତ୍ବା କୁପିତାଯାଃ ଦେବଯାନ୍ଯାଃ ଶୁକ୍ରସମୀପେ ଗମନମ୍॥ 3 ॥ ଯଯାତେଃ ଶୁକ୍ରଶାପାଜ୍ଜରାପ୍ରାପ୍ତିଃ॥ 4 ॥ ତସ୍ଯା ଅନ୍ଯସ୍ମିନ୍ସଂକ୍ରମଣରୂପବରପ୍ରାପ୍ତିଃ॥ 5 ॥Mahabharata - Adi Parva - Chapter Text
1-77-0 (3494)
ବୈଶମ୍ପାଯନ ଉବାଚ। 1-77-0x (437)
`ତସ୍ମିନ୍ନକ୍ଷତ୍ରସଂଯୋଗେ ଶୁକ୍ଲେ ପୁଣ୍ଯର୍କ୍ଷଗେନ୍ଦୁନା।
ସ ରାଜା ମୁମୁଦେ ସମ୍ରାଟ୍ ତଯା ଶର୍ମିଷ୍ଠଯା ସହ॥ 1-77-1 (3495)
ପ୍ରଜାନାଂ ଶ୍ରୀରିବାଭ୍ଯାଶେ ଶର୍ମିଷ୍ଠା ହ୍ଯଭବଦ୍ବଧୂଃ।
ପନ୍ନଗୀବୋଗ୍ରରୂପା ବୈ ଦେବଯାନୀ ମମାପ୍ଯଭୂତ୍॥ 1-77-2 (3496)
ପର୍ଜନ୍ଯ ଇବ ସସ୍ଯାନାଂ ଦେବାନାମମୃତଂ ଯଥା।
ତଦ୍ବନ୍ମମାପି ସଂଭୂତା ଶର୍ମିଷ୍ଠା ବାର୍ଷପର୍ବଣୀ।
ଇତ୍ଯେବଂ ମନସା ଜ୍ଞାତ୍ବା ଦେବଯାନୀମବର୍ଜଯତ୍॥' 1-77-3 (3497)
ଶ୍ରୁତ୍ବା କୁମାରଂ ଜାତଂ ତୁ ଦେବଯାନୀ ଶୁଚିସ୍ମିତା।
ଚିନ୍ତଯାମାସ ଦୁଃଖାର୍ତା ଶର୍ମିଷ୍ଠାଂ ପ୍ରତି ଭାରତ॥ 1-77-4 (3498)
ଅଭିଗମ୍ଯ ଚ ଶର୍ମିଷ୍ଠାଂ ଦେବଯାନ୍ଯବ୍ରବୀଦିଦମ୍। 1-77-5 (3499)
ଦେବଯାନ୍ବୁବାଚ।
କିମିଦଂ ବୃଜିନଂ ସୁଭ୍ରୁ କୃତଂ ବୈ କାମଲୁବ୍ଧଯା॥ 1-77-5x (438)
ଶର୍ମିଷ୍ଠୋବାଚ। 1-77-6x (439)
ଋଷିରଭ୍ଯାଗତଃ କଶ୍ଚିଦ୍ଧର୍ମାତ୍ମା ବେଦପାରଗଃ।
ସ ମଯା ବରଦଃ କାମଂ ଯାଚିତୋ ଧର୍ମସଂହିତମ୍॥ 1-77-6 (3500)
`ଅପତ୍ଯାର୍ଥେ ସ ତୁ ମଯା ବୃତୋ ବୈ ଚାରୁହାସିନି'।
ନାହମନ୍ଯାଯତଃ କାମମାଚରାମି ଶୁଚିସ୍ମିତେ।
ତସ୍ମାଦୃଷେର୍ମମାପତ୍ଯମିତି ସତ୍ଯଂ ବ୍ରବୀମି ତେ॥ 1-77-7 (3501)
ଦେବଯାନ୍ଯୁବାଚ। 1-77-8x (440)
ଶୋଭନଂ ଭୀରୁ ଯଦ୍ଯେବମଥ ସ ଜ୍ଞାଯତେ ଦ୍ବିଜଃ।
ଗୋତ୍ରନାମାଭିଜନତୋ ବେତ୍ତୁମିଚ୍ଛାମି ତଂ ଦ୍ବିଜମ୍॥ 1-77-8 (3502)
ଶର୍ମିଷ୍ଠୋବାଚ। 1-77-9x (441)
ତପସା ତେଜସା ଚୈବ ଦୀପ୍ଯମାନଂ ଯଥା ରବିମ୍।
ତଂ ଦୃଷ୍ଟ୍ବା ମମ ସଂପ୍ରଷ୍ଟୁଂ ଶକ୍ତିର୍ନାସୀଚ୍ଛୁଚିସ୍ମିତେ॥ 1-77-9 (3503)
ଦେବଯାନ୍ଯୁବାଚ। 1-77-10x (442)
ଯଦ୍ଯେତଦେବଂ ଶର୍ମିଷ୍ଠେ ନ ମନ୍ଯୁର୍ବିଦ୍ଯତେ ମମ।
ଅପତ୍ଯଂ ଯଦି ତେ ଲବ୍ଧଂ ଜ୍ଯେଷ୍ଠାଚ୍ଛ୍ରେଷ୍ଠାଚ୍ଚ ବୈ ଦ୍ବିଜାତ୍॥ 1-77-10 (3504)
ବୈଶମ୍ପାଯନ ଉବାଚ। 1-77-11x (443)
ଅନ୍ଯୋନ୍ଯମେବମୁକ୍ତ୍ବା ତୁ ସଂପ୍ରହସ୍ଯ ଚ ତେ ମିଥଃ।
ଜଗାମ ଭାର୍ଗବୀ ବେଶ୍ମ ତଥ୍ଯମିତ୍ଯବଜଗ୍ମୁଷୀ॥ 1-77-11 (3505)
ଯଯାତିର୍ଦେବଯାନ୍ଯାଂ ତୁ ପୁତ୍ରାବଜନଯନ୍ନୃପଃ।
ଯଦୁଂ ଚ ତୁର୍ବସୁଂ ଚୈବ ଶକ୍ରବିଷ୍ଣୂ ଇବାପରୌ॥ 1-77-12 (3506)
`ତସ୍ମିନ୍କାଲେ ତୁ ରାଜର୍ଷିର୍ଯଯାତିଃ ପୃଥିବୀପତିଃ।
ମାଧ୍ବୀକରସସଂଯୁକ୍ତାଂ ମଦିରାଂ ମଦବର୍ଧନୀମ୍॥ 1-77-13 (3507)
ପାଯଯାମାସ ଶୁକ୍ରସ୍ଯ ତନଯାଂ ରକ୍ତପିଙ୍ଗଲାମ୍।
ପୀତ୍ବା ପୀତ୍ବା ଚ ମଦିରାଂ ଦେବଯାନୀ ମୁମୋହ ସା॥ 1-77-14 (3508)
ରୁଦତୀ ଗାଯମାନା ଚ ନୃତ୍ଯନ୍ତୀ ଚ ମୁହୁର୍ମୁହୁଃ।
ବହୁ ପ୍ରଲପତୀ ଦେବୀ ରାଜାନମିଦମବ୍ରବୀତ୍॥ 1-77-15 (3509)
ରାଜବଦ୍ରୂପବେଷୌ ତେ କିମର୍ଥଂ ତ୍ବମିହାଗତଃ।
କେନ କାର୍ଯେଣ ସଂପ୍ରାପ୍ତୋ ନିର୍ଜନଂ ଗହନଂ ବନମ୍॥ 1-77-16 (3510)
ଦ୍ବିଜଶ୍ରେଷ୍ଠ ନୃପଶ୍ରେଷ୍ଠୋ ଯଯାତିଶ୍ଚୋଗ୍ରଦର୍ଶନଃ।
ତସ୍ମାଦିତଃ ପଲାଯସ୍ବ ହିତମିଚ୍ଛସି ଚେଦ୍ଦ୍ବିଜ॥ 1-77-17 (3511)
ଇତ୍ଯେବଂ ପ୍ରଲପନ୍ତୀଂ ତାଂ ଦେବଯାନୀଂ ତୁ ନାହୁଷଃ।
ଭର୍ତ୍ସଯାମାସ ବଚନୈରନର୍ହାଂ ପାପବର୍ଧନୀମ୍॥ 1-77-18 (3512)
ତତୋ ବର୍ଷବରାନ୍ମୂକାନ୍ବ୍ଯଙ୍ଗାନ୍ବୃଦ୍ଧାଂଶ୍ଚ ପଙ୍ଗୁକାନ୍।
ରକ୍ଷଣେ ଦେବଯାନ୍ଯାଃ ସ ପୋଷଣେ ଚ ଶଶାସ ତାନ୍॥ 1-77-19 (3513)
ତତସ୍ତୁ ନାହୁଷୋ ରାଜା ଶର୍ମିଷ୍ଠାଂ ପ୍ରାପ୍ଯ ବୁଦ୍ଧିମାନ୍।
ରେମେ ଚ ସୁଚିରଂ କାଲଂ ତଯା ଶର୍ମିଷ୍ଠଯା ସହ॥' 1-77-20 (3514)
ତସ୍ମାଦେବ ତୁ ରାଜର୍ଷେଃ ଶର୍ମିଷ୍ଠା ବାର୍ଷପର୍ବଣୀ।
ଦ୍ରୁହ୍ଯୁଂ ଚାନୁଂ ଚ ପୂରୁଂ ଚ ତ୍ରୀନ୍କୁମାରାନଜୀଜନତ୍॥ 1-77-21 (3515)
ତତଃ କାଲେ ତୁ କସ୍ମିଂଶ୍ଚିଦ୍ଦେବଯାନୀ ଶୁଚିସ୍ମିତା।
ଯଯାତିସହିତା ରାଜଞ୍ଜଗାମ ରହିତଂ ବନମ୍॥ 1-77-22 (3516)
ଦଦର୍ଶ ଚ ତଦା ତତ୍ର କୁମାରାନ୍ଦେବରୂପିଣଃ।
କ୍ରୀଡମାନାନ୍ସୁବିଶ୍ରବ୍ଧାନ୍ବିସ୍ମିତା ଚେଦମବ୍ରବୀତ୍॥ 1-77-23 (3517)
ଦେବଯାନ୍ଯୁବାଚ। 1-77-24x (444)
`କସ୍ଯୈତେ ଦାରକା ରାଜନ୍ଦେବପୁତ୍ରୋପମାଃ ଶୁଭାଃ।
ବର୍ଚସା ରୂପତଶ୍ଚୈବ ସଦୃଶା ମେ ମତାସ୍ତବ॥ 1-77-24 (3518)
ବୈଶମ୍ପାଯନ ଉବାଚ। 1-77-25x (445)
ଏବଂ ପୃଷ୍ଟ୍ବା ତୁ ରାଜାନଂ କୁମାରାନ୍ପର୍ଯପୃଚ୍ଛତ॥ 1-77-25 (3519)
ତସ୍ମିନ୍କାଲେ ତୁ ତଚ୍ଛ୍ରୁତ୍ବା ଧାତ୍ରୀ ତେଷାଂ ବଚୋଽବ୍ରବୀତ୍।
କିଂ ନ ବ୍ରୂତ କୁମାରା ବଃ ପିତରଂ ବୈ ଦ୍ବିଜର୍ଷଭମ୍॥ 1-77-26 (3520)
କୁମାରା ଊଚୁଃ। 1-77-27x (446)
ଋଷିଶ୍ଚ ବ୍ରାହ୍ମଣଶ୍ଚୈବ ଦ୍ବିଜାତିଶ୍ଚୈବ ନଃ ପିତା।
ଶର୍ମିଷ୍ଠା ନାନୃତଂ ବ୍ରୂତେ ଦେବଯାନି କ୍ଷମସ୍ବ ନଃ॥' 1-77-27 (3521)
ଦେବଯାନ୍ଯୁବାଚ। 1-77-28x (447)
କିଂନାମଧେଯଗୋତ୍ରୋ ବଃ ପୁତ୍ରକା ବ୍ରାହ୍ମଣଃ ପିତା।
ପ୍ରବ୍ରୂତ ତତ୍ତ୍ବତଃ କ୍ଷିପ୍ରଂ କଶ୍ଚାସୌ କ୍ବ ଚ ବର୍ତତେ॥ 1-77-28 (3522)
ପ୍ରବ୍ରୂତ ମେ ଯଥା ତଥ୍ଯଂ ଶ୍ରୋତୁମିଚ୍ଛାମି ତଂ ହ୍ଯହମ୍।
ଏବମୁକ୍ତାଃ କୁମାରସ୍ତେ ଦେବଯାନ୍ଯା ସୁମଧ୍ଯଯା॥ 1-77-29 (3523)
ତେଽଦର୍ଶଯନ୍ପ୍ରଦେଶିନ୍ଯା ତମେବ ନୃପସତ୍ତମମ୍।
ଶର୍ମିଷ୍ଠାଂ ମାତରଂ ଚୈବ ତଥାଽଽଚଖ୍ଯୁଶ୍ଚ ଦାରକାଃ॥ 1-77-30 (3524)
ବୈଶମ୍ପାଯନ ଉବାଚ। 1-77-31x (448)
ଇତ୍ଯୁକ୍ତ୍ବା ସହିତାସ୍ତେ ତୁ ରାଜାନମୁପଚକ୍ରମୁଃ।
ନାଭ୍ଯନନ୍ଦତ ତାନ୍ରାଜା ଦେବଯାନ୍ଯାସ୍ତଦାନ୍ତିକେ॥ 1-77-31 (3525)
ରୁଦନ୍ତସ୍ତେଽଥ ଶର୍ମିଷ୍ଠାମଭ୍ଯଯୁର୍ବାଲକାସ୍ତତଃ।
`ଅବିବ୍ରୁବନ୍ତୀ କିଂଚିଚ୍ଚ ରାଜାନଂ ଚାରୁଲୋଚନା॥ 1-77-32 (3526)
ନାତିଦୂରାଚ୍ଚ ରାଜାନଂ ସା ଚାତିଷ୍ଠଦବାଙ୍ମୁଖୀ।
ଶ୍ରୁତ୍ବା ତେଷାଂ ତୁ ବାଲାନାଂ ସବ୍ରୀଡ ଇବ ପାର୍ଥିବଃ॥ 1-77-33 (3527)
ପ୍ରତିବକ୍ତୁମଶକ୍ତୋଽଭୂତ୍ତୂଷ୍ଣୀଂଭୂତୋଽଭବନ୍ନୃପଃ।
ଦୃଷ୍ଟ୍ବା ତୁ ତେଷାଂ ବାଲାନାଂ ପ୍ରଣଯଂ ପାର୍ଥିବଂ ପ୍ରତି॥ 1-77-34 (3528)
ବୁଦ୍ଧ୍ବା ତୁ ତତ୍ତ୍ବତୋ ଦେବୀ ଶର୍ମିଷ୍ଠାପିଦମବ୍ରବୀତ୍।
ଅଭ୍ଯାଗଚ୍ଛତି ମାଂ କଶ୍ଚିଦୃଷିରିତ୍ଯେବମବ୍ରବୀଃ॥ 1-77-35 (3529)
ଯଯାତିମେବଂ ରାଜାନଂ ତ୍ବଂ ଗୋପାଯସି ଭାମିନି।
ପୂର୍ବମେବ ମଯା ପ୍ରୋକ୍ତଂ ତ୍ବଯା ତୁ ବୃଜିନଂ କୃତମ୍॥ 1-77-36 (3530)
ମଦଧୀନା ସତୀ କସ୍ମାଦକାର୍ଷୀର୍ବିପ୍ରିଯଂ ମମ।
ତମେବାଽଽସୁରଧର୍ମଂ ତ୍ବମାସ୍ଥିତା ନ ବିଭେଷି ମେ॥' 1-77-37 (3531)
ଶର୍ମିଷ୍ଠୋବାଚ। 1-77-38x (449)
ଯଦୁକ୍ତମୃଷିରିତ୍ଯେବ ତତ୍ସତ୍ଯଂ ଚାରୁହାସିନି।
ନ୍ଯାଯତୋ ଧର୍ମତଶ୍ଚୈବ ଚରନ୍ତୀ ନ ବିଭେମି ତେ॥ 1-77-38 (3532)
ଯଦା ତ୍ବଯା ବୃତୋ ଭର୍ତା ବୃତ ଏବ ତଦା ମଯା।
ସଖୀଭର୍ତା ହି ଧର୍ମେଣ ଭର୍ତା ଭବତି ଶୋଭନେ॥ 1-77-39 (3533)
ପୂଜ୍ଯାସି ମମ ମାନ୍ଯା ଚ ଜ୍ଯେଷ୍ଠା ଚ ବ୍ରାହ୍ମଣୀ ହ୍ଯସି।
ତ୍ବତ୍ତୋପି ମେ ପୂଜ୍ଯତମୋ ରାଜର୍ଷିଃ କିଂ ନ ବେତ୍ଥ ତତ୍॥ 1-77-40 (3534)
`ତ୍ବତ୍ପିତ୍ରା ମମ ଗୁରୁଣା ସହ ଦତ୍ତେ ଉଭେ ଶୁଭେ।
ତତୋ ଭର୍ତା ଚ ପୂଜ୍ଯଶ୍ଚ ପୋଷ୍ଯାଂ ପୋଷଯତୀହ ମାମ୍॥ 1-77-41 (3535)
ବୈଶମ୍ପାଯନ ଉବାଚ। 1-77-42x (450)
ଶ୍ରୁତ୍ବା ତସ୍ଯାସ୍ତତୋ ବାକ୍ଯଂ ଦେବଯାନ୍ଯବ୍ରବୀଦିଦମ୍।
ରମସ୍ବେହ ଯଥାକାମଂ ଦେବ୍ଯା ଶର୍ମିଷ୍ଠଯା ସହ॥ 1-77-42 (3536)
ରାଜନ୍ନାଦ୍ଯେହ ବତ୍ସ୍ଯାମି ବିପ୍ରିଯଂ ମେ କୃତଂ ତ୍ବଯା।
ଇତି ଜଜ୍ବାଲ କୋପେନ ଦେବଯାନୀ ତତୋ ଭୃଶମ୍॥ 1-77-43 (3537)
ନିର୍ଦହନ୍ତୀବ ସବ୍ରୀଡାଂ ଶର୍ମିଷ୍ଠାଂ ସମୁଦୀକ୍ଷ୍ଯ ଚ।
ଅପବିଧ୍ଯ ଚ ସର୍ବାଣି ଭୂଷଣାନ୍ଯସିତେକ୍ଷଣା॥' 1-77-44 (3538)
ସହସୋତ୍ପତିତାଂ ଶ୍ଯାମାଂ ଦୃଷ୍ଟ୍ବା ତାଂ ସାଶ୍ରୁଲୋଚନାମ୍।
ତୂର୍ଣଂ ସକାଶଂ କାବ୍ଯସ୍ଯ ପ୍ରସ୍ଥିତାଂ ବ୍ଯଥିତସ୍ତଦା॥ 1-77-45 (3539)
ଅନୁବବ୍ରାଜ ସଂଭ୍ରାନ୍ତଃ ପୃଷ୍ଠତଃ ସାନ୍ତ୍ବଯନ୍ନୃପଃ।
ନ୍ଯବର୍ତତ ନଚୈବ ସ୍ମ କ୍ରୋଧସଂରକ୍ତଲୋଚନା॥ 1-77-46 (3540)
ଅବିବ୍ରୁବନ୍ତୀ କିଂଚିତ୍ସା ରାଜାନଂ ସାଶ୍ରୁଲୋଚନା।
ଅଚିରାଦେବ ସଂପ୍ରାପ୍ତା କାବ୍ଯସ୍ଯୋଶନସୋଽନ୍ତିକମ୍॥ 1-77-47 (3541)
ସା ତୁ ଦୃଷ୍ଟ୍ବୈ ପିତରମଭିବାଦ୍ଯାଗ୍ରତଃ ସ୍ଥିତା।
ଅନନ୍ତରଂ ଯାଯାତିସ୍ତୁ ପୂଜଯାମାସ ଭାର୍ଗବମ୍॥ 1-77-48 (3542)
ଦେବଯାନ୍ଯୁବାଚ। 1-77-49x (451)
ଅଧର୍ମେଣ ଜିତୋ ଧର୍ମଃ ପ୍ରବୃତ୍ତମଧରୋତ୍ତରମ୍।
ଶର୍ମିଷ୍ଠଯାଽତିବୃତ୍ତାଽସ୍ମି ଦୁହିତ୍ରା ବୃଷପର୍ବଣଃ॥ 1-77-49 (3543)
ତ୍ରଯୋଽସ୍ଯାଂ ଜନିତାଃ ପୁତ୍ରା ରାଜ୍ଞାଽନେନ ଯଯାତିନା।
ଦୁର୍ଭଗାଯା ମମ ଦ୍ବୌ ତୁ ପୁତ୍ରୌ ତାତ ବ୍ରବୀମି ତେ॥ 1-77-50 (3544)
ଧର୍ମଜ୍ଞ ଇତି ବିଖ୍ଯାତ ଏଷ ରାଜା ଭୃଗୂଦ୍ବହ।
ଅତିକ୍ରାନ୍ତଶ୍ଚ ମର୍ଯାଦାଂ କାବ୍ଯୈତତ୍କଥଯାମି ତେ॥ 1-77-51 (3545)
ଶୁକ୍ର ଉବାଚ। 1-77-52x (452)
ଧର୍ମଜ୍ଞଃ ସନ୍ମହାରାଜ ଯୋଽଧର୍ମମକୃଥାଃ ପ୍ରିଯମ୍।
ତସ୍ମାଜ୍ଜରା ତ୍ବାମଚିରାଦ୍ଧର୍ଷଯିଷ୍ଯତି ଦୁର୍ଜଯା॥ 1-77-52 (3546)
ଯଯାତିରୁବାଚ। 1-77-53x (453)
ଋତୁଂ ବୈ ଯାଚମାନାଯା ଭଗବନ୍ନାନ୍ଯଚେତସା।
ଦୁହିତୁର୍ଦାନବେନ୍ଦ୍ରସ୍ଯ ଧର୍ମ୍ଯମେତତ୍କୃତଂ ମଯା॥ 1-77-53 (3547)
ଋତୁଂ ବୈ ଯାଚମାନାଯା ନ ଦଦାତି ପୁମାନୃତୁମ୍।
ଭ୍ରୂଣହେତ୍ଯୁଚ୍ଯତେ ବ୍ରହ୍ମନ୍ ସ ଇହ ବ୍ରହ୍ମବାଦିଭିଃ॥ 1-77-54 (3548)
ଅଭିକାମାଂ ସ୍ତ୍ରିଯଂ ଯଶ୍ଚ ଗମ୍ଯାଂ ରହସି ଯାଚିତଃ।
ନୋପୈତି ସ ଚ ଧର୍ମେଷୁ ଭ୍ରୂଣହେତ୍ଯୁଚ୍ଯତେ ବୁଧୈଃ॥ 1-77-55 (3549)
`ଯଦ୍ଯଦ୍ବୃଣୋତି ମାଂ କଶ୍ଚିତ୍ତତ୍ତଦ୍ଦେଯମିତି ବ୍ରତମ୍।
ତ୍ବଯା ଚ ସାପି ଦତ୍ତା ମେ ନାନ୍ଯଂ ନାଥମିହେଚ୍ଛତି'॥ 1-77-56 (3550)
ଇତ୍ଯେତାନି ସମୀକ୍ଷ୍ଯାହଂ କାରଣାନି ଭୃଗୂଦ୍ବହ।
ଅଧର୍ମଭଯସଂବିଗ୍ନଃ ଶର୍ମିଷ୍ଠାମୁପଜଗ୍ମିବାନ୍।
`ମତ୍ବୈତନ୍ମେ ଧର୍ମ ଇତି କୃତଂ ବ୍ରହ୍ମନ୍କ୍ଷମସ୍ବ ମାମ୍॥' 1-77-57 (3551)
ଶୁକ୍ର ଉବାଚ। 1-77-58x (454)
ନନ୍ବହଂ ପ୍ରତ୍ଯବେକ୍ଷ୍ଯସ୍ତେ ମଦଧୀନୋଽସି ପାର୍ଥିବ।
ମିଥ୍ଯାଚାରସ୍ଯ ଧର୍ମେଷୁ ଚୌର୍ଯଂ ଭବତି ନାହୁଷ॥ 1-77-58 (3552)
ବୈଶମ୍ପାଯନ ଉବାଚ। 1-77-59x (455)
କ୍ରୁଦ୍ଧେନୋଶନସା ଶପ୍ତୋ ଯଯାତିର୍ନାହୁଷସ୍ତଦା।
ପୂର୍ବଂ ବଯଃ ପରିତ୍ଯଜ୍ଯ ଜରାଂ ସଦ୍ଯୋଽନ୍ବପଦ୍ଯତ॥ 1-77-59 (3553)
ଯଯାତିରୁବାଚ। 1-77-60x (456)
ଅତୃପ୍ତୋ ଯୌବନସ୍ଯାହଂ ଦେବଯାନ୍ଯାଂ ଭୃଗୂଦ୍ବହ।
ପ୍ରସାଦଂ କୁରୁ ମେ ବ୍ରହ୍ମଞ୍ଜରେଯଂ ନ ବିଶେଚ୍ଚ ମାମ୍॥ 1-77-60 (3554)
ଶୁକ୍ର ଉବାଚ। 1-77-61x (457)
ନାହଂ ମୃଷା ବ୍ରବୀମ୍ଯେତଜ୍ଜରାଂ ପ୍ରାପ୍ତୋଽସି ଭୂମିପ।
ଜରାଂ ତ୍ବେତାଂ ତ୍ବମନ୍ଯସ୍ମିନ୍ସଂକ୍ରାମଯ ଯଦୀଚ୍ଛସି॥ 1-77-61 (3555)
ଯଯାତିରୁବାଚ। 1-77-62x (458)
ରାଜ୍ଯଭାକ୍ସ ଭବେଦ୍ବ୍ରହ୍ମନ୍ପୁଣ୍ଯଭାକ୍କୀର୍ତିଭାକ୍ତଥା।
ଯୋ ମେ ଦଦ୍ଯାଦ୍ବଯଃ ପୁତ୍ରସ୍ତଦ୍ଭବାନନୁମନ୍ଯତାମ୍॥ 1-77-62 (3556)
ଶୁକ୍ର ଉବାଚ। 1-77-63x (459)
ସଂକ୍ରାମଯିଷ୍ଯସି ଜରାଂ ଯେଥେଷ୍ଟଂ ନହୁଷାତ୍ମଜ।
ମାମନୁଧ୍ଯାଯ ଭାବେନ ନ ଚ ପାପମବାପ୍ସ୍ଯସି॥ 1-77-63 (3557)
ବଯୋ ଦାସ୍ଯତି ତେ ପୁତ୍ରୋ ଯଃ ସ ରାଜା ଭବିଷ୍ଯତି।
ଆଯୁଷ୍ମାନ୍କୀର୍ତିମାଂଶ୍ଚୈବ ବହ୍ବପତ୍ଯସ୍ତଥୈବ ଚ॥ ॥ 1-77-64 (3558)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ସପ୍ତସପ୍ତତିତମୋଽଧ୍ଯାଯଃ॥ 77 ॥
Mahabharata - Adi Parva - Chapter Footnotes
1-77-49 ଅଧରୋତ୍ତରଂ ନୀଚସ୍ଯାଭିବୃଦ୍ଧିରୁତ୍ତମସ୍ଯ ହ୍ରାସଃ। ଅତିବୃତ୍ତାସ୍ମି ରାଜ୍ଞଃ ସକାଶାଦପତ୍ଯତ୍ରଯାଧିଗମନେତିକ୍ରାନ୍ତୋଲ୍ଲଙ୍ଘିତାଽସ୍ମି॥ 1-77-52 ଅଧର୍ମମେବ ପ୍ରିଯମକୃଥାଃ॥ 1-77-53 ନାନ୍ଯଚେତସା ନ କାମଲୋଭେନ॥ 1-77-58 ପ୍ରତ୍ଯବେକ୍ଷ୍ଯଃ ଅସ୍ମିନ୍ମକର୍ମଣି ମଦାଜ୍ଞାପି ତ୍ବଯା ପ୍ରାର୍ଥନୀଯେତି ଭାବଃ॥ 1-77-62 ଜ୍ଯେଷ୍ଠସ୍ଯ ରାଜ୍ଯାପ୍ରଦାନଜଂ ପାପମ୍॥ ସପ୍ତସପ୍ତତିତମୋଽଧ୍ଯାଯଃ॥ 77 ॥ଆଦିପର୍ବ - ଅଧ୍ଯାଯ 078
॥ ଶ୍ରୀଃ ॥
1.78. ଅଧ୍ଯାଯଃ 078
Mahabharata - Adi Parva - Chapter Topics
ସ୍ବଜରାମନଙ୍ଗୀକୁର୍ବତାଂ ଯଦୁପ୍ରଭୃତୀନାଂ ଯଯାତିନା ଶାପଃ॥ 1 ॥ ତାମଙ୍ଗୀକୁର୍ବତଃ ପୂରୋର୍ବରଦାନମ୍॥ 2 ॥Mahabharata - Adi Parva - Chapter Text
1-78-0 (3559)
ବୈଶମ୍ପାଯନ ଉବାଚ। 1-78-0x (460)
ଜରାଂ ପ୍ରାପ୍ଯ ଯଯାତିସ୍ତୁ ସ୍ବପୁରଂ ପ୍ରାପ୍ଯ ଚୈବ ହି।
ପୁତ୍ରଂ ଜ୍ଯେଷ୍ଠଂ ବରିଷ୍ଠଂ ଚ ଯଦୁମିତ୍ଯବ୍ରବୀଦ୍ବଚଃ॥ 1-78-1 (3560)
ଯଯାତିରୁବାଚ। 1-78-2x (461)
ଜରାବଲୀ ଚ ମାଂ ତାତ ପଲିତାନି ଚ ପର୍ଯଗୁଃ।
କାବ୍ଯସ୍ଯୋଶନସଃ ଶାପାନ୍ନ ଚ ତୃପ୍ତୋଽସ୍ମି ଯୌବନେ॥ 1-78-2 (3561)
ତ୍ବଂ ଯଦୋ ପ୍ରତିପଦ୍ଯସ୍ବ ପାପ୍ମାନଂ ଜରଯା ସହ।
ଯୌବନେନ ତ୍ବଦୀଯେନ ଚରେଯଂ ବିଷଯାନହମ୍॥ 1-78-3 (3562)
ପୂର୍ଣେ ବର୍ଷସହସ୍ରେ ତୁ ପୁନସ୍ତେ ଯୌବନଂ ତ୍ବହମ୍।
ଦତ୍ତ୍ବା ସ୍ବଂ ପ୍ରତିପତ୍ସ୍ଯାମି ପାପ୍ମାନଂ ଜରଯା ସହ॥ 1-78-4 (3563)
ଯଦୁରୁବାଚ। 1-78-5x (462)
ଜରାଯାଂ ବହବୋ ଦୋଷାଃ ପାନଭୋଜନକାରିତାଃ।
ତସ୍ମାଜ୍ଜରାଂ ନ ତେ ରାଜନ୍ଗ୍ରହୀଷ୍ଯ ଇତି ମେ ମତିଃ॥ 1-78-5 (3564)
ସିତଶ୍ମଶ୍ରୁର୍ନିରାନନ୍ଦୋ ଜରଯା ଶିଥିଲୀକୃତଃ।
ବଲୀସଙ୍ଗତଗାତ୍ରସ୍ତୁ ଦୁର୍ଦର୍ଶୋ ଦୁର୍ବଲଃ କୃଶଃ॥ 1-78-6 (3565)
ଅଶକ୍ତଃ କାର୍ଯକରଣେ ପରିଭୂତଃ ସ ଯୌବତୈଃ।
ସହୋପଜୀବିଭିଶ୍ଚୈବ ତାଂ ଜରାଂ ନାଭିକାମଯେ॥ 1-78-7 (3566)
ସନ୍ତି ତେ ବହବଃ ପୁତ୍ରା ମତ୍ତଃ ପ୍ରିଯତରା ନୃପ।
ଜରାଂ ଗ୍ରହୀତୁଂ ଧର୍ମଜ୍ଞ ତସ୍ମାଦନ୍ଯଂ ବୃଣୀଷ୍ବ ବୈ॥ 1-78-8 (3567)
ଯଯାତିରୁବାଚ। 1-78-9x (463)
ଯତ୍ତ୍ବଂ ମେ ହୃଦଯାଜ୍ଜାତୋ ବଯଃ ସ୍ବଂ ନ ପ୍ରଯଚ୍ଛସି।
ତସ୍ମାଦରାଜ୍ଯଭାକ୍ତାତ ପ୍ରଜା ତବ ଭବିଷ୍ଯତି॥ 1-78-9 (3568)
`ପ୍ରତ୍ଯାଖ୍ଯାତସ୍ତୁ ରାଜା ସ ତୁର୍ବସୁଂ ପ୍ରତ୍ଯୁବାଚ ହ।'
ତୁର୍ବସୋ ପ୍ରତିପଦ୍ଯସ୍ବ ପାପ୍ମାନଂ ଜରଯା ସହ।
ଯୌବନେନ ଚରେଯଂ ବୈ ବିଷଯାଂସ୍ତବ ପୁତ୍ରକ॥ 1-78-10 (3569)
ପୂର୍ଣେ ବର୍ଷସହସ୍ରେ ତୁ ପୁନର୍ଦାସ୍ଯାମି ଯୌବନମ୍।
ସ୍ବଂ ଚୈବ ପ୍ରତିପତ୍ସ୍ଯାମି ପାପ୍ମାନଂ ଜରଯା ସହ॥ 1-78-11 (3570)
ତୁର୍ବସୁରୁବାଚ। 1-78-12x (464)
ନ କାମଯେ ଜରାଂ ତାତ କାମଭୋଗପ୍ରଣାଶିନୀମ୍।
ବଲରୂପାନ୍ତକରଣୀଂ ବୁଦ୍ଧିପ୍ରାଣପ୍ରଣାଶିନୀମ୍॥ 1-78-12 (3571)
ଯଯାତିରୁବାଚ। 1-78-13x (465)
ଯତ୍ତ୍ବଂ ମେ ହୃଦଯାଜ୍ଜାତୋ ବଯଃ ସ୍ବଂ ନ ପ୍ରଯଚ୍ଛସି।
ତସ୍ମାତ୍ପ୍ରଜା ସମୁଚ୍ଛେଦଂ ତୁର୍ବସୋ ତବ ଯାସ୍ଯତି॥ 1-78-13 (3572)
ସଂକୀର୍ଣାଚାରଧର୍ମେଷୁ ପ୍ରତିଲୋମଚରେଷୁ ଚ।
ପିଶିତାଶିଷୁ ଚାନ୍ତ୍ଯେଷୁ ମୂଢ ରାଜା ଭବିଷ୍ଯସି॥ 1-78-14 (3573)
ଗୁରୁଦାରପ୍ରସକ୍ତେଷୁ ତିର୍ଯଗ୍ଯୋନିଗତେଷୁ ଚ।
ପଶୁଧର୍ମେଷୁ ପାପେଷୁ ମ୍ଲେଚ୍ଛେଷୁ ତ୍ବଂ ଭବିଷ୍ଯସି॥ 1-78-15 (3574)
ବୈଶମ୍ପାଯନ ଉବାଚ। 1-78-16x (466)
ଏବଂ ସ ତୁର୍ବସୁଂ ଶପ୍ତ୍ବା ଯଯାତିଃ ସୁତମାତ୍ମନଃ।
ଶର୍ମିଷ୍ଠାଯାଃ ସୁତଂ ଦ୍ରୁହ୍ଯୁମିଦଂ ବଚନମବ୍ରବୀତ୍॥ 1-78-16 (3575)
ଯଯାତିରୁବାଚ। 1-78-17x (467)
ଦ୍ରୁହ୍ଯୋ ତ୍ବଂ ପ୍ରତିପଦ୍ଯସ୍ବ ବର୍ଣରୂପବିନାଶିନୀମ୍।
ଜରାଂ ବର୍ଷସହସ୍ରଂ ମେ ଯୌବନଂ ସ୍ବଂ ଦଦସ୍ବ ଚ॥ 1-78-17 (3576)
ପୂର୍ଣେ ବର୍ଷସହସ୍ରେ ତୁ ପୁନର୍ଦାସ୍ଯାମି ଯୌବନମ୍।
ସ୍ବଂ ଚାଦାସ୍ଯାମି ଭୂଯୋଽହଂ ପାପ୍ମାନଂ ଜରଯା ସହ॥ 1-78-18 (3577)
ଦ୍ରୁହ୍ଯୁରୁବାଚ। 1-78-19x (468)
ନ ଗଜଂ ନ ରଥଂ ନାଶ୍ବଂ ଜୀର୍ଣୋ ଭୁଙ୍କ୍ତେ ନ ଚ ସ୍ତ୍ରିଯମ୍।
ବାଗ୍ଭଙ୍ଗଶ୍ଚାସ୍ଯ ଭବତି ତାଂ ଜରାଂ ନାଭିକାମଯେ॥ 1-78-19 (3578)
ଯଯାତିରୁବାଚ। 1-78-20x (469)
ଯତ୍ତ୍ବଂ ମେ ହୃଦଯାଜ୍ଜାତୋ ବଯଃ ସ୍ବଂ ନ ପ୍ରଯଚ୍ଛସି।
ତସ୍ମାଦ୍ଦ୍ରୁହ୍ଯୋ ପ୍ରିଯଃ କାମୋ ନ ତେ ସଂପତ୍ସ୍ଯତେ କ୍ବଚିତ୍॥ 1-78-20 (3579)
ଯତ୍ରାଶ୍ବରଥମୁଖ୍ଯାନାମଶ୍ବାନାଂ ସ୍ଯାଦ୍ଗତଂ ନ ଚ।
ହସ୍ତିନାଂ ପୀଠକାନାଂ ଚ ଗର୍ଦଭାନାଂ ତଥୈବ ଚ॥ 1-78-21 (3580)
ବସ୍ତାନାଂ ଚ ଗବାଂ ଚୈବ ଶିବିକାଯାସ୍ତଥୈବ ଚ।
ଉଡୁପପ୍ଲବସଂତାରୋ ଯତ୍ର ନିତ୍ଯଂ ଭବିଷ୍ଯତି। 1-78-22 (3581)
ଯଯାତିରୁବାଚ। 1-78-23x (470)
ଅନୋ ତ୍ବଂ ପ୍ରତିପଦ୍ଯସ୍ବ ପାପ୍ମାନଂ ଜରଯା ସହ।
ଏକଂ ବର୍ଷସହସ୍ରଂ ତୁ ଚରେଯଂ ଯୌବନେନ ତେ॥ 1-78-23 (3582)
ଅନୁରୁବାଚ। 1-78-24x (471)
ଜୀର୍ଣଃ ଶିଶୁବଦାଦତ୍ତେ କାଲେଽନ୍ନମଶୁଚିର୍ଯଥା।
ନ ଜୁହୋତି ଚ କାଲେଽଗ୍ନିଂ ତାଂ ଜରାଂ ନାଭିକାମଯେ॥ 1-78-24 (3583)
ଯଯାତିରୁବାଚ। 1-78-25x (472)
ଯତ୍ତ୍ବଂ ମେ ହୃଦଯାଜ୍ଜାତୋ ବଯଃ ସ୍ବଂ ନ ପ୍ରଯଚ୍ଛସି।
ଜରାଦୋଷସ୍ତ୍ବଯା ପ୍ରୋକ୍ତସ୍ତସ୍ମାତ୍ତ୍ବଂ ପ୍ରତିଲପ୍ସ୍ଯସେ॥ 1-78-25 (3584)
ପ୍ରଜାଶ୍ଚ ଯୌବନପ୍ରାପ୍ତା ବିନଶିଷ୍ଯନ୍ତ୍ଯନୋ ତବ।
ଅଗ୍ନିପ୍ରସ୍କନ୍ଦନପରସ୍ତ୍ବଂ ଚାପ୍ଯେବଂ ଭବିଷ୍ଯସି॥ 1-78-26 (3585)
ବୈଶମ୍ପାଯନ ଉବାଚ। 1-78-27x (473)
ପ୍ରତ୍ଯାଖ୍ଯାତଶ୍ଚତୁର୍ଭିଶ୍ଚ ଶପ୍ତ୍ବା ତାନ୍ଯଦୁପୂର୍ବକାନ୍।
ପୂରୋଃ ସକାଶମଗମନ୍ମତ୍ତ୍ବା ପୂରୁମଲଙ୍ଘନମ୍॥ 1-78-27 (3586)
ଯଯାତିରୁବାଚ। 1-78-28x (474)
ପୂରୋ ତ୍ବଂ ମେ ପ୍ରିଯଃ ପୁତ୍ରସ୍ତ୍ବଂ ବରୀଯାନ୍ଭବିଷ୍ଯସି।
ଜରା ବଲୀ ଚ ମାଂତାତ ପଲିତାନି ଚ ପର୍ଯଗୁଃ॥ 1-78-28 (3587)
କାବ୍ଯସ୍ଯୋଶନସଃ ଶାପାନ୍ନ ଚ ତୃପ୍ତୋଽସ୍ମି ଯୌବନେ।
ପୂରୋ ତ୍ବଂ ପ୍ରତିପଦ୍ଯସ୍ବ ପାପ୍ମାନଂ ଜରଯା ସହ।
କଂଚିତ୍କାଲଂ ଚରେଯଂ ବୈ ବିଷଯାନ୍ବଯସାତବ॥ 1-78-29 (3588)
ପୂର୍ଣେ ବର୍ଷସହସ୍ରେ ତୁ ପୁନର୍ଦାସ୍ଯାମି ଯୌବନମ୍।
ସ୍ବଂ ଚୈବ ପ୍ରତିପତ୍ସ୍ଯାମି ପାପ୍ମାନଂ ଜରଯା ସହ॥ 1-78-30 (3589)
ବୈଶମ୍ପାଯନ ଉବାଚ। 1-78-31x (475)
ଏବମୁକ୍ତଃ ପ୍ରତ୍ଯୁବାଚ ପୂରୁଃ ପିତରମଜ୍ଜସା।
ଯଦାତ୍ଥ ମାଂ ମହାରାଜ ତତ୍କରିଷ୍ଯାମି ତେ ବଚଃ॥ 1-78-31 (3590)
`ଗୁରୋର୍ବୈ ବଚନଂ ପୁଣ୍ଯଂ ସ୍ବର୍ଗ୍ଯମାଯୁଷ୍କରଂ ନୃଣାମ୍।
ଗୁରୁପ୍ରସାଦାତ୍ତ୍ରୈଲୋକ୍ଯମନ୍ବଶାସଚ୍ଛତକ୍ରତୁଃ॥ 1-78-32 (3591)
ଗୁରୋରନୁମତଂ ପ୍ରାପ୍ଯ ସର୍ବାନ୍କାମାନମାପ୍ନୁଯାତ୍।
ଯାବଦିଚ୍ଛସି ତାବଚ୍ଚ ଧାରଯିଷ୍ଯାମି ତେ ଜରାମ୍'॥ 1-78-33 (3592)
ପ୍ରତିପତ୍ସ୍ଯାମି ତେ ରାଜନ୍ପାପ୍ମାନଂ ଜରଯା ସହ।
ଗୃହାଣ ଯୌବନଂ ମତ୍ତଶ୍ଚର କାମାନ୍ଯଥେପ୍ସିତାନ୍॥ 1-78-34 (3593)
ଜରଯାହଂ ପ୍ରତିଚ୍ଛନ୍ନୋ ବଯୋରୂପଧରସ୍ତବ।
ଯୌବନଂ ଭବତେ ଦତ୍ତ୍ବା ଚରିଷ୍ଯାମି ଯଥାତ୍ଥମାମ୍॥ 1-78-35 (3594)
ଯଯାତିରୁବାଚ। 1-78-36x (476)
ପୂରୋ ପ୍ରୀତୋଽସ୍ମି ତେ ବତ୍ସ ପ୍ରୀତଶ୍ଚେଦଂ ଦଦାମି ତେ।
ସର୍ବକାମସମୃଦ୍ଧା ତେ ପ୍ରଜା ରାଜ୍ଯେ ଭବିଷ୍ଯତି॥ 1-78-36 (3595)
ବୈଶମ୍ପାଯନ ଉବାଚ। 1-78-37x (477)
ଏବମୁକ୍ତ୍ବା ଯଯାତିସ୍ତୁ ସ୍ମୃତ୍ବା କାବ୍ଯଂ ମହାତପାଃ।
ସଂକ୍ରାମଯାମାସ ଜରାଂ ତଦା ପୂରୌ ମହାତ୍ମନି॥ ॥ 1-78-37 (3596)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଅଷ୍ଟସପ୍ତତିତମୋଽଧ୍ଯାଯଃ॥ 78 ॥
Mahabharata - Adi Parva - Chapter Footnotes
1-78-2 ବଲୀ ତ୍ବଚଃସଂବଲନମ୍। ପଲିତାନି କେଶରୋମ୍ଣାଂ ଶୌକ୍ଲ୍ଯମ୍। ପର୍ଯଗୁଃ ପରିତଃ ଶରୀରେ ଗତାନି ପ୍ରାପ୍ତାନିଯୌବନେ ଯୌବନସାଧ୍ଯେ କାମଭୋଗେ॥ 1-78-3 ପାପ୍ମାନଂ ଭୋଗସାମର୍ଥ୍ଯେଽପି ତଦିଚ୍ଛାରୂପଂ ଚିତ୍ତସ୍ଯ ଦୌସ୍ଥ୍ଯମ୍। ଚରେଯଂ ଭୁଜ୍ଜୀଯ॥ 1-78-5 ଦୋଷାଃ କଫାଦ୍ଯାଧିକ୍ଯାଦ୍ବମନାଦଯଃ॥ 1-78-15 ତିର୍ଯଗ୍ଯୋନୀନାମିବ ଗତଂ ପ୍ରକାଶଂ ମୈଥୁନାଦ୍ଯାଚରଣଂ ଯେପ ତେଷୁ॥ 1-78-21 ପୀଠକାନାଂ ରାଜଯୋଗ୍ଯାନାଂ ନରଯାନବିଶେଷାଣାଂ ତଖତରାବା ଇତି ମ୍ଲେଚ୍ଛେଷୁ ପ୍ରସିଦ୍ଧାନାମ୍॥ 1-78-26 ଅଗ୍ନିପ୍ରସ୍କନ୍ଦନଂ ଶ୍ରୌତସ୍ମାର୍ତାଦ୍ଯଗ୍ନିସାଧ୍ଯକର୍ମତ୍ଯାଗସ୍ତତ୍ପରଃ॥ 1-78-28 ବରୀଯାନ୍ସ୍ବଭ୍ରାତୃଭ୍ଯୋ ମହାନ୍। ଜରୋ ଦେହେନ୍ଦ୍ରିଯଶକ୍ତିଘାତଃ॥ 1-78-31 ଅଞ୍ଜସା ଆର୍ଜବେନ॥ 1-78-34 ଯଥେପ୍ସିତାନ୍ ଯାବଜ୍ଜୀବମ୍॥ ଅଷ୍ଟସପ୍ତତିତମୋଽଧ୍ଯାଯଃ॥ 78 ॥ଆଦିପର୍ବ - ଅଧ୍ଯାଯ 079
॥ ଶ୍ରୀଃ ॥
1.79. ଅଧ୍ଯାଯଃ 079
Mahabharata - Adi Parva - Chapter Topics
ବିଷଯାନୁଭବେନ ଯଯାତେର୍ବୈରାଗ୍ଯପ୍ରାପ୍ତିଃ॥ 1 ॥ ପୂରୋଃ ଯଯାତିନା ଯୌବନପ୍ରତ୍ଯର୍ପଣମ୍॥ 2 ॥ ତସ୍ଯ ରାଜ୍ଯାଭିଷେକଃ॥ 3 ॥ ଯଯାତେର୍ବନଂ ପ୍ରତି ଗମନମ୍॥ 4 ॥ ଯଦୁପ୍ରଭୃତୀନାଂ ବଂଶକଥନମ୍॥ 5 ॥Mahabharata - Adi Parva - Chapter Text
1-79-0 (3597)
ବୈଶମ୍ପାଯନ ଉବାଚ। 1-79-0x (478)
ପୌରବେଣାଥ ବଯସା ଯଯାତିର୍ନହୁଷାତ୍ମଜଃ।
`ରୂପଯୌବନସଂପନ୍ନଃ କୁମାରଃ ସମପଦ୍ଯତ।'
ପ୍ରୀତିଯୁକ୍ତୋ ନୃପଶ୍ରେଷ୍ଠଶ୍ଚରା ବିଷଯାନ୍ପ୍ରିଯାନ୍॥ 1-79-1 (3598)
ଯଥାକାମଂ ଯଥୋତ୍ସାହଂ ଯଥାକାଲଂ ଯଥାସୁଖମ୍।
ଧର୍ମାବିରୁଦ୍ଧଂ ରାଜେନ୍ଦ୍ରୋ ଯଥା ଭବତି ସୋଽନ୍ବଭୂତ୍॥ 1-79-2 (3599)
ଦେବାନତର୍ପଯଦ୍ଯଜ୍ଞୈଃ ଶ୍ରାଦ୍ଧୈସ୍ତଦ୍ବିତ୍ପିତୄନପି।
ଦୀନାନନୁଗ୍ରହୈରିଷ୍ଟୈଃ କାମୈଶ୍ଚ ଦ୍ବିଜସତ୍ତମାନ୍॥ 1-79-3 (3600)
ଅତିଥୀନନ୍ନପାନୈଶ୍ଚ ବିଶଶ୍ଚ ପରିପାଲନୈଃ।
ଆନୃଶଂସ୍ଯେନ ଶୂଦ୍ରାଂଶ୍ଚ ଦସ୍ଯୂନ୍ସନ୍ନିଗ୍ରହେଣ ଚ॥ 1-79-4 (3601)
ଧର୍ମେଣ ଚ ପ୍ରଜାଃ ସର୍ବା ଯଥାବଦନୁରଞ୍ଜଯନ୍।
ଯଯାତିଃ ପାଲଯାମାସ ସାକ୍ଷାଦିନ୍ଦ୍ର ଇବାପରଃ॥ 1-79-5 (3602)
ସ ରାଜା ସିଂହବିକ୍ରାନ୍ତୋ ଯୁବା ବିଷଯଗୋଚରଃ।
ଅବିରୋଧେନ ଧର୍ମସ୍ଯ ଚଚାର ସୁଖମୁତ୍ତମମ୍॥ 1-79-6 (3603)
ସ ସଂପ୍ରାପ୍ଯ ଶୁଭାନ୍କାମାଂସ୍ତୃପ୍ତଃ ଖିନ୍ନଶ୍ଚ ପାର୍ଥିବଃ।
କାଲଂ ବର୍ଷସହସ୍ରାନ୍ତଂ ସସ୍ମାର ମନୁଜାଧିପଃ॥ 1-79-7 (3604)
ପରିସଂଖ୍ଯାଯ କାଲଜ୍ଞଃ କଲାଃ କାଷ୍ଠାଶ୍ଚ ବୀର୍ଯବାନ୍।
ଯୌବନଂ ପ୍ରାପ୍ଯ ରାଜର୍ଷିଃ ସହସ୍ରପରିବତ୍ସରାନ୍॥ 1-79-8 (3605)
ବିଶ୍ବାଚ୍ଯା ସହିତୋ ରେମେ ବ୍ଯଭ୍ରାଜନ୍ନନ୍ଦନେ ବନେ।
ଅଲକାଯାଂ ସ କାଲଂ ତୁ ମେରୁଶୃଙ୍ଗେ ତଥୋତ୍ତରେ॥ 1-79-9 (3606)
ଯଦା ସ ପଶ୍ଯତେ କାଲଂ ଧର୍ମାତ୍ମା ତଂ ମହୀପତିଃ।
ପୂର୍ଣଂ ମତ୍ବା ତତଃ କାଲଂ ପୂରୁଂ ପୁତ୍ରମୁବାଚ ହ॥ 1-79-10 (3607)
ଯଥାକାମଂ ଯଥୋତ୍ସାହଂ ଯଥାକାଲମରିନ୍ଦମ।
ସେବିତା ବିଷଯାଃ ପୁତ୍ର ଯୌବନେନ ମଯା ତବ॥ 1-79-11 (3608)
ନ ଜାତୁ କାମଃ କାମାନାମୁପଭୋଗେନ ଶାମ୍ଯତି।
ହବିଷା କୃଷ୍ଣବର୍ତ୍ମେବ ଭୂଯ ଏବାଭିବର୍ଧତେ॥ 1-79-12 (3609)
ଯତ୍ପୃଥିବ୍ଯାଂ ବ୍ରୀହିଯବଂ ହିରଣ୍ଯଂ ପଶବଃ ସ୍ତ୍ରିଯଃ।
ଏକସ୍ଯାପି ନ ପର୍ଯାପ୍ତଂ ତସ୍ମାନ୍ନୃଷ୍ଣାଂ ପରିତ୍ଯଜେତ୍॥ 1-79-13 (3610)
ଯା ଦୁସ୍ତ୍ଯଜା ଦୁର୍ମତିଭିର୍ଯା ନ ଜୀର୍ଯତି ଜୀର୍ଯତଃ।
ଯୋଽସୌ ପ୍ରାଣାନ୍ତିକୋ ରୋଗସ୍ତାଂତୃଷ୍ଣାଂ ତ୍ଯଜତଃ ସୁଖମ୍॥ 1-79-14 (3611)
ପୂର୍ଣଂ ବର୍ଷସହସ୍ରଂ ମେ ବିଷଯାସକ୍ତଚେତସଃ।
ତଥାପ୍ଯନୁଦିନଂ ତୃଷ୍ଣା ମମୈତେଷ୍ବଭିଜାଯତେ॥ 1-79-15 (3612)
ତସ୍ମାଦେନାମହଂ ତ୍ଯକ୍ତ୍ବା ବ୍ରହ୍ମଣ୍ଯାଧାଯ ମାନସମ୍।
ନିର୍ଦ୍ବନ୍ଦ୍ବୋ ନିର୍ମମୋ ଭୂତ୍ବା ଚରିଷ୍ଯାମି ମୃଗୈଃ ସହ॥ 1-79-16 (3613)
ପୂରୋ ପ୍ରୀତୋଽସ୍ମି ଭଦ୍ରଂ ତେ ଗୃହାଣେଦଂ ସ୍ବଯୌବନମ୍।
ରାଜ୍ଯଂ ଚେଦଂ ଗୃହାଣ ତ୍ବଂ `ଯାବଦିଚ୍ଛସି ଯୌବନମ୍।
ତାବଦ୍ଦୀର୍ଘାଯୁଷା ଭୁଙ୍ଖ' ତ୍ବଂ ହି ମେ ପ୍ରିଯକୃତ୍ସୁତଃ॥ 1-79-17 (3614)
ବୈଶମ୍ପାଯନ ଉବାଚ।' 1-79-18x (479)
ପ୍ରତିପେଦେ ଜରାଂ ରାଜା ଯଯାତିର୍ନାହୁଷସ୍ତଦା।
ଯୌବନଂ ପ୍ରତିପେଦେ ଚ ପୂରୁଃ ସ୍ବଂ ପୁନରାତ୍ମବାନ୍॥ 1-79-18 (3615)
ଅଭିଷେକ୍ତୁକାମଂ ନୃପତିଂ ପୂରୁଂ ପୁତ୍ରଂ କନୀଯସମ୍।
ବ୍ରାହ୍ମଣପ୍ରମୁଖା ବର୍ଣା ଇଦଂ ବଚନମବ୍ରୁବନ୍॥ 1-79-19 (3616)
କଥଂ ଶୁକ୍ରସ୍ଯ ନପ୍ତାରଂ ଦେବଯାନ୍ଯାଃ ସୁତଂ ପ୍ରଭୋ।
ଜ୍ଯେଷ୍ଠଂ ଯଦୁମତିକ୍ରମ୍ଯ ରାଜ୍ଯଂ ପୂରୋଃ ପ୍ରଯଚ୍ଛସି॥ 1-79-20 (3617)
ଯଦୁର୍ଜ୍ଯେଷ୍ଠସ୍ତବ ସୁତୋ ଜାତସ୍ତମନୁ ତୁର୍ବସୁଃ।
ଶର୍ମିଷ୍ଠାଯାଃ ସୁତୋ ଦ୍ରୁହ୍ଯୁସ୍ତତୋଽନୁଃ ପୂରୁରେବ ଚ॥ 1-79-21 (3618)
କଥଂ ଜ୍ଯେଷ୍ଠାନତିକ୍ରମ୍ଯ କନୀଯାନ୍ରାଜ୍ଯମର୍ହତି।
ଏତତ୍ସଂବୋଧଯାମସ୍ତ୍ବାଂ ଧର୍ମଂ ତ୍ବଂ ପ୍ରତିପାଲଯ॥ 1-79-22 (3619)
ଯଯାତିରୁବାଚ। 1-79-23x (480)
ବ୍ରାହ୍ମଣପ୍ରମୁଖା ବର୍ଣାଃ ସର୍ବେ ଶୃଣ୍ବନ୍ତୁ ମେ ବଚଃ।
ଜ୍ଯେଷ୍ଠଂ ପ୍ରତି ଯଥା ରାଜ୍ଯଂ ନ ଦେଯଂ ମେ କଥଂଚନ॥ 1-79-23 (3620)
ମମ ଜ୍ଯେଷ୍ଠେନ ଯଦୁନା ନିଯୋଗୋ ନାନୁପାଲିତଃ।
ପ୍ରତିକୂଲଃ ପିତୁର୍ଯଶ୍ଚ ନ ସ ପୁତ୍ରଃ ସତାଂ ମତଃ॥ 1-79-24 (3621)
ମାତାପିତ୍ରୋର୍ବଚନକୃଦ୍ଧିତଃ ପଥ୍ଯଶ୍ଚ ଯଃ ସୁତଃ।
ସ ପୁତ୍ରଃ ପୁତ୍ରବଦ୍ଯଶ୍ଚ ବର୍ତତେ ପିତୃମାତୃଷୁ॥ 1-79-25 (3622)
`ପୁଦିତି ନରକସ୍ଯାଖ୍ଯା ଦୁଃଖଂ ଚ ନରକଂ ବିଦୁଃ।
ପୁତସ୍ତ୍ରାଣାତ୍ତତଃ ପୁତ୍ତ୍ରମିହେଚ୍ଛନ୍ତି ପରତ୍ର ଚ॥ 1-79-26 (3623)
ଆତ୍ମନଃ ସଦୃଶଃ ପୁତ୍ରଃ ପିତୃଦେବର୍ଷିପୂଜନେ।
ଯୋ ବହୂନାଂ ଗୁଣକରଃ ସ ପୁତ୍ରୋ ଜ୍ଯେଷ୍ଠ ଉଚ୍ଯତେ॥ 1-79-27 (3624)
ମୂକୋଽନ୍ଧୋ ବଧିରଃ ଶ୍ବିତ୍ରୀ ସ୍ବଧର୍ମଂ ନାନୁତିଷ୍ଠତି।
ଚୋରଃ କିଲ୍ବିଷିକଃ ପୁତ୍ରୋ ଜ୍ଯେଷ୍ଠୋ ନ ଜ୍ଯେଷ୍ଠ ଉଚ୍ଯତେ॥ 1-79-28 (3625)
ଜ୍ଯେଷ୍ଠାଂଶହାରୀ ଗୁଣକୃଦିହ ଲୋକେ ପରତ୍ର ଚ।
ଶ୍ରେଯାନ୍ପୁତ୍ରୋ ଗୁଣୋପେତଃ ସ ପୁତ୍ରୋ ନେତରୋ ବୃଥା।
ବଦନ୍ତି ଧର୍ମଂ ଧର୍ମଜ୍ଞାଃ ପିତୄଣାଂ ପୁତ୍ରକାରଣାତ୍॥ 1-79-29 (3626)
ବେଦୋକ୍ତଂ ସଂଭବଂ ମହ୍ଯମନେନ ହୃଦଯୋଦ୍ଭବମ୍।
ତସ୍ଯ ଜାତମିଦଂ କୃତ୍ସ୍ନମାତ୍ମା ପୁତ୍ର ଇତି ଶ୍ରୁତିଃ'॥ 1-79-30 (3627)
ଯଦୁନାଽହମବଜ୍ଞାତସ୍ତଥା ତୁର୍ବସୁନାପି ଚ।
ଦ୍ରୁହ୍ଯୁନା ଚାନୁନା ଚୈବ ମଯ୍ଯବଜ୍ଞ କୃତା ଭୃଶମ୍॥ 1-79-31 (3628)
ପୂରୁଣା ତୁ କୃତଂ ବାକ୍ଯଂ ମାନିତଂ ଚ ବିଶେଷତଃ।
କନୀଯାନ୍ମମ ଦାଯାଦୋ ଧୃତା ଯେନ ଜରା ମମ॥ 1-79-32 (3629)
ମମ କାମଃ ସ ଚ କୃତଃ ପୂରୁଣା ମିତ୍ରରୂପିଣା।
ଶୁକ୍ରେଣ ଚ ବରୋଦତ୍ତଃ କାବ୍ଯେନୋଶନସା ସ୍ବଯମ୍॥ 1-79-33 (3630)
ପୁତ୍ରୋ ଯସ୍ତ୍ବାଽନୁବର୍ତେତ ସ ରାଜା ପୃଥିବୀପତିଃ।
`ଯୋ ବାନୁବର୍ତୀ ପୁତ୍ରାଣାଂ ସ ପୁତ୍ରୋ ଦାଯଭାଗ୍ଭବେତ୍'॥ 1-79-34 (3631)
ଭବତୋଽନୁନଯାମ୍ଯେବଂ ପୂରୂ ରାଜ୍ଯେଽଭିଷିଚ୍ଯତାମ୍। 1-79-35 (3632)
ପ୍ରକୃତଯ ଊଚୁଃ।
ଯଃ ପୁତ୍ରୋ ଗୁଣସଂପନ୍ନୋ ମାତାପିତ୍ରୋର୍ହିତଃ ସଦା॥ 1-79-36x (481)
ସର୍ବମର୍ହତି କଲ୍ଯାଣଂ କନୀଯାନପି ସତ୍ତମଃ।
`ବେଦ ଧମାର୍ଥଶାସ୍ତ୍ରେଷୁ ମୁନିଭିଃ କଥିତଂ ପୁରା'॥ 1-79-36 (3633)
ଅର୍ହଃ ପୂରୁରିଦଂ ରାଜ୍ଯଂ ଯଃ ସୁତଃ ପ୍ରିଯକୃତ୍ତବ।
ବରଦାନେନ ଶୁକ୍ରସ୍ଯ ନ ଶକ୍ଯଂ ବକ୍ତୁମୁତ୍ତରମ୍॥ 1-79-37 (3634)
ବୈଶମ୍ପାଯନ ଉବାଚ। 1-79-38x (482)
ପୌରଜାନପଦୈସ୍ତୁଷ୍ଟୈରିତ୍ଯୁକ୍ତୋ ନାହୁଷସ୍ତଦା।
ଅଭ୍ଯଷିଞ୍ଚତ୍ତତଃ ପୂରୁଂ ରାଜ୍ଯେ ସ୍ବେ ସୁତମାତ୍ମନଃ॥ 1-79-38 (3635)
`ଯଦୁଂ ଚ ତୁର୍ବସୁଂ ଚୋଭୌ ଦ୍ରୁହ୍ଯୁଂ ଚୈବ ସହାନୁଜମ୍।
ଅନ୍ତେଷୁ ସ ବିନିକ୍ଷିପ୍ଯ ନାହୁଷଃ ସ୍ବାତ୍ମଜାନ୍ସୁତାନ୍'॥ 1-79-39 (3636)
ଦତ୍ତ୍ବା ଚ ପୂରବେ ରାଜ୍ଯଂ ବନବାସାଯ ଦୀକ୍ଷିତଃ।
ପୁରାତ୍ସ ନିର୍ଯଯୌ ରାଜା ବ୍ରାହ୍ମଣୈସ୍ତାପସୈଃ ସହ॥ 1-79-40 (3637)
`ଦେବଯାନ୍ଯା ଚ ସହିତଃ ଶର୍ମିଷ୍ଠଯା ଚ ଭାରତ।
ଅକରୋତ୍ସ ବନେ ରାଜା ସଭାର୍ଯସ୍ତପ ଉତ୍ତମମ୍'॥ 1-79-41 (3638)
ଯଦୋସ୍ତୁ ଯାଦବା ଜାତାସ୍ତୁର୍ବସୋର୍ଯବନାଃ ସ୍ମୃତାଃ।
ଦ୍ରୁହ୍ଯୋଃ ସୁତାସ୍ତୁ ବୈ ଭୋଜା ଅନୋସ୍ତୁ ମ୍ଲେଚ୍ଛଜାତଯଃ॥ 1-79-42 (3639)
ପୂରୋସ୍ତୁ ପୌରବୋ ବଂଶୋ ଯତ୍ର ଜାତୋଽସି ପାର୍ଥିବ।
ଇଦଂ ବର୍ଷସହସ୍ରାଣି ରାଜ୍ଯଂ କାରଯିତୁଂ ବଶୀ॥ ॥ 1-79-43 (3640)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଊନାଶୀତିତମୋଽଧ୍ଯାଯଃ॥ 79 ॥
Mahabharata - Adi Parva - Chapter Footnotes
1-79-1 ଚଚାର ବୁଭୋଜ॥ 1-79-6 ବିଷଯା ଦିବ୍ଯଗନ୍ଧାଦଯୋ ଗୋଚରେ ବଶେ ଯସ୍ଯ ସ ବିଷଯଗୋଚରଃ॥ 1-79-19 କନୀଯସଂ କନୀଯାଂସମ୍॥ଆଦିପର୍ବ - ଅଧ୍ଯାଯ 080
॥ ଶ୍ରୀଃ ॥
1.80. ଅଧ୍ଯାଯଃ 080
॥ ଉତ୍ତରଯାଯାତାରଭ୍ଯଃ ॥Mahabharata - Adi Parva - Chapter Topics
ଯଯାତେଃ ସ୍ବର୍ଗଗମନମ୍॥ 1 ॥Mahabharata - Adi Parva - Chapter Text
1-80-0 (3641)
ବୈଶମ୍ପାଯନ ଉବାଚ। 1-80-0x (483)
ଏବଂ ସ ନାହୁଷୋ ରାଜା ଯଯାତିଃ ପୁତ୍ରମୀପ୍ସିତମ୍।
ରାଜ୍ଯେଽଭିଷିଚ୍ଯ ମୁଦିତୋ ବାନପ୍ରସ୍ଥୋଽଭବନ୍ମୁନିଃ॥ 1-80-1 (3642)
ଉଷିତ୍ବା ଚ ବନେ ବାସଂ ବ୍ରାହ୍ମଣୈଃ ସଂଶିତବ୍ରତଃ।
ଫଲମୂଲାଶନୋ ଦାନ୍ତସ୍ତତଃ ସ୍ବର୍ଗମିତୋ ଗତଃ॥ 1-80-2 (3643)
ସ ଗତଃ ସ୍ବର୍ନିବାସଂ ତଂ ନିବସନ୍ମୁଦିତଃ ସୁଖୀ।
କାଲେନ ନାତିମହତା ପୁନଃ ଶକ୍ରେଣ ପାତିତଃ॥ 1-80-3 (3644)
`ସାଧୁଭିଃ ସଂଗତିଂ ଲବ୍ଧ୍ବା ପୁନଃ ସ୍ବର୍ଗମୁପେଯିବାନ୍। 1-80-4 (3645)
ଜନମେଜଯ ଉବାଚ।
ସ୍ବର୍ଗତଶ୍ଚ ପୁନର୍ବ୍ରହ୍ମନ୍ନିବସନ୍ଦେବବେଶ୍ମନି।
କାଲେନ ନାତିମହତା କଥଂ ଶକ୍ରେଣ ପାତିତଃ'॥ 1-80-4x (484)
ନିପତନ୍ପ୍ରଚ୍ଯୁତଃ ସ୍ବର୍ଗାଦପ୍ରାପ୍ତୋ ମେଦିନୀତଲମ୍।
ସ୍ଥିତ ଆସୀଦନ୍ତରିକ୍ଷେ ସ ତଦେତି ଶ୍ରୁତଂ ମଯା॥ 1-80-5 (3646)
ତତ ଏବ ପୁନଶ୍ଚାପି ଗତଃ ସ୍ବର୍ଗମିତି ଶ୍ରୁତମ୍।
ରାଜ୍ଞା ବସୁମତା ସାର୍ଧମଷ୍ଟକେନ ଚ ବୀର୍ଯବାନ୍॥ 1-80-6 (3647)
ପ୍ରତର୍ଦନେନ ଶିବିନା ସମେତ୍ଯ କିଲ ସଂସଦି।
କର୍ମଣା କେନ ସ ଦିବଂ ପୁନଃ ପ୍ରାପ୍ତୋ ମହୀପତିଃ॥ 1-80-7 (3648)
ସର୍ବମେତଦଶେଷେଣ ଶ୍ରୋତୁମିଚ୍ଛାମି ତତ୍ତ୍ବତଃ।
କଥ୍ଯମାନଂ ତ୍ବଯା ବିପ୍ର ବିପ୍ରର୍ଷିଗଣସଂନିଧୌ॥ 1-80-8 (3649)
ଦେବରାଜସମୋ ହ୍ଯାସୀଦ୍ଯଯାତିଃ ପୃଥିବୀପତିଃ।
ବର୍ଧନଃ କୁରୁବଂଶସ୍ଯ ବିଭାବସୁସମଦ୍ଯୁତିଃ॥ 1-80-9 (3650)
ତସ୍ଯ ବିସ୍ତୀର୍ଣଯଶସଃ ସତ୍ଯକୀର୍ତେର୍ମହାତ୍ମନଃ।
ଚରିତଂ ଶ୍ରୋତୁମିଚ୍ଛାମି ଦିବି ଚେହ ଚ ସର୍ବଶଃ॥ 1-80-10 (3651)
ବୈଶମ୍ପାଯନ ଉବାଚ। 1-80-11x (485)
ହନ୍ତ ତେ କଥଯିଷ୍ଯାମି ଯଯାତେରୁତ୍ତରାଂ କଥାମ୍।
ଦିବି ଚେହ ଚ ପୁଣ୍ଯାର୍ଥାଂ ସର୍ବପାପପ୍ରଣାଶିନୀମ୍॥ 1-80-11 (3652)
ଯଯାତିର୍ନାହୁଷୋ ରାଜା ପୂରୁଂ ପୁତ୍ରଂ କନୀଯସମ୍।
ରାଜ୍ଯେଽଭିଷିଚ୍ଯ ମୁଦିତଃ ପ୍ରାବବ୍ରାଜ ବନଂ ତଦା॥ 1-80-12 (3653)
ଅନ୍ତ୍ଯୁଷେ ସ ବିନିକ୍ଷିପ୍ଯ ପୁତ୍ରାନ୍ଯଦୁପୁରୋଗମାନ୍।
ଫଲମୂଲାଶନୋ ରାଜା ବନେ ସଂନ୍ଯବସଚ୍ଚିରମ୍॥ 1-80-13 (3654)
ଶଂସିତାତ୍ମା ଜିତକ୍ରୋଧସ୍ତର୍ପଯନ୍ପିତୃଦେବତାଃ।
ଅଗ୍ନୀଂଶ୍ଚ ବିଧିବଜ୍ଜୁହ୍ବନ୍ବାନପ୍ରସ୍ଥବିଧାନତଃ॥ 1-80-14 (3655)
ଅଥିତୀନ୍ପୂଜଯାମାସ ବନ୍ଯେନ ହବିଷା ବିଭୁଃ।
ଶିଲୋଞ୍ଛବୃତ୍ତିମାସ୍ଥାଯ ଶେଷାନ୍ନକୃତଭୋଜନଃ॥ 1-80-15 (3656)
ପୂର୍ଣଂ ବର୍ଷସହସ୍ରଂ ଚ ଏବଂବୃତ୍ତିରଭୂନ୍ନୃପଃ।
ଅବ୍ଭକ୍ଷଃ ଶରଦସ୍ତ୍ରିଂଶଦାସୀନ୍ନିଯତବାଙ୍ମନାଃ॥ 1-80-16 (3657)
ତତଶ୍ଚ ବାଯୁଭକ୍ଷୋଽଭୂତ୍ସଂବତ୍ସରମତନ୍ଦ୍ରିତଃ।
ତଥା ପଞ୍ଚାଗ୍ନିମଧ୍ଯେ ଚ ତପସ୍ତେପେ ସ ବତ୍ସରମ୍॥ 1-80-17 (3658)
ଏକପାଦଃ ସ୍ତିତଶ୍ଚାସୀତ୍ଷଣ୍ମାସାନନିଲାଶନଃ।
ପୁଣ୍ଯକୀର୍ତିସ୍ତତଃ ସ୍ବର୍ଗେ ଜଗାମାବୃତ୍ଯ ରୋଦସୀ॥ ॥ 1-80-18 (3659)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଅଶୀତିତମୋଽଧ୍ଯାଯଃ॥ 80 ॥
Mahabharata - Adi Parva - Chapter Footnotes
1-80-13 ଅନ୍ତ୍ଯେଷୁ ମ୍ଲେଚ୍ଛେଷୁ॥ 1-80-17 ପଞ୍ଚାଗ୍ନଯଶ୍ଚତ୍ବାରୋଽଗ୍ନଯଃ ପଞ୍ଚମଃ ସୂର୍ଯଃ॥ 1-80-18 ଆବୃତ୍ଯ ବ୍ଯାପ୍ଯ। ରୋଦସୀ ଦ୍ଯାବଭୂମୀ। ପୃଥିବ୍ଯାମିବ ସ୍ବର୍ଗେପି ମୁଖ୍ଯୋଽଭୂଦିତ୍ଯର୍ଥଃ॥ ଅଶୀତିତମୋଽଧ୍ଯାଯଃ॥ 80 ॥ଆଦିପର୍ବ - ଅଧ୍ଯାଯ 081
॥ ଶ୍ରୀଃ ॥
1.81. ଅଧ୍ଯାଯଃ 081
Mahabharata - Adi Parva - Chapter Topics
ଇନ୍ଦ୍ରଯଯାତିସଂବାଦଃ॥ 1 ॥Mahabharata - Adi Parva - Chapter Text
1-81-0 (3660)
ବୈଶମ୍ପାଯନ ଉବାଚ। 1-81-0x (486)
ସ୍ବର୍ଗତଃ ସ ତୁ ରାଜେନ୍ଦ୍ରୋ ନିବସନ୍ଦେବବେଶ୍ମନି।
ପୂଜିତସ୍ତ୍ରିଦଶୈଃ ସାଧ୍ଯୈର୍ମରୁଦ୍ଭିର୍ବସୁଭିସ୍ତଥା॥ 1-81-1 (3661)
ଦେବଲୋକଂ ବ୍ରହ୍ମଲୋକଂ ସଂଚରନ୍ପୁଣ୍ଯକୃଦ୍ବଶୀ।
ଅବସତ୍ପୃଥିବୀପାଲୋ ଦୀର୍ଘକାଲମିତି ଶ୍ରୁତିଃ॥ 1-81-2 (3662)
ସ କଦାଚିନ୍ନୃପଶ୍ରେଷ୍ଠୋ ଯଯାତିଃ ଶକ୍ରମାଗମତ୍।
କଥାନ୍ତେ ତତ୍ର ଶକ୍ରେଣ ସ ପୃଷ୍ଟଃ ପୃଥିବୀପତିଃ॥ 1-81-3 (3663)
ଶକ୍ର ଉବାଚ। 1-81-4x (487)
ଯଦା ସ ପୂରୁସ୍ତବ ରୂପେଣ ରାଜ-
ଞ୍ଜରାଂ ଗୃହୀତ୍ବା ପ୍ରଚଚାର ଭୂମୌ।
ତଦା ଚ ରାଜ୍ଯଂ ସଂପ୍ରଦାଯୈବ ତସ୍ମୈ
ତ୍ବଯା କିମୁକ୍ତଃ କଥଯେହ ସତ୍ଯମ୍॥ 1-81-4 (3664)
ଯଯାତିରୁବାଚ। 1-81-5x (488)
ଗଙ୍ଗାଯମୁନଯୋର୍ମଧ୍ଯେ କୃତ୍ସ୍ନୋଯଂ ବିଷଯସ୍ତବ।
ମଧ୍ଯେ ପୃଥିବ୍ଯାସ୍ତ୍ବଂ ରାଜା ଭ୍ରାତରୋଽନ୍ତ୍ଯାଧିପାସ୍ତବ॥ 1-81-5 (3665)
`ନ ଚ କୁର୍ଯାନ୍ନରୋ ଦୈନ୍ଯଂ ଶାଠ୍ଯଂ କ୍ରୋଧଂ ତଥୈବ ଚ।
ଜୈହଯଂ ଚ ମତ୍ସରଂ ବୈରଂ ସର୍ବତ୍ରେଦଂ ନ କାରଯେତ୍॥ 1-81-6 (3666)
ମାତରଂ ପିତରଂ ଜ୍ଯେଷ୍ଠଂ ବିଦ୍ବାଂସଂ ଚ ତପୋଧନମ୍।
କ୍ଷମାବନ୍ତଂ ଚ ରାଜେନ୍ଦ୍ର ନାବମନ୍ଯେତ ବୁଦ୍ଧିମାନ୍॥ 1-81-7 (3667)
ଳଶକ୍ତସ୍ତୁ କ୍ଷମତେ ନିତ୍ଯମଶକ୍ତଃ କ୍ରୁଧ୍ଯତେ ନରଃ।
ଦୁର୍ଜନଃ ସୁଜନଂ ଦ୍ବେଷ୍ଟି ଦୁର୍ବଲୋ ବଲବତ୍ତରମ୍॥ 1-81-8 (3668)
ରୂପବନ୍ତମରୂପୀ ଚ ଧନବନ୍ତଂ ଚ ନିର୍ଧନଃ।
ଅକର୍ମୀ କର୍ମିଣଂ ଦ୍ବେଷ୍ଟି ଧାର୍ମିକଂ ଚ ନଧାର୍ମିକଃ॥ 1-81-9 (3669)
ନିର୍ଗୁଣୋ ଗୁଣବନ୍ତଂ ଚ ପୁତ୍ରୈତତ୍କଲିଲକ୍ଷଣମ୍।
ବିପରୀତଂ ଚ ରାଜେନ୍ଦ୍ର ଏତେଷୁ କୃତଲକ୍ଷଣମ୍॥ 1-81-10 (3670)
ବ୍ରାହ୍ମଣୋ ବାଥ ବା ରାଜା ବୈଶ୍ଯୋ ବା ଶୂଦ୍ର ଏବ ବା।
ପ୍ରଶସ୍ତେଷୁ ପ୍ରସକ୍ତାଶ୍ଚେତ୍ପ୍ରଶସ୍ଯନ୍ତେ ଯଶସ୍ବିନଃ॥ 1-81-11 (3671)
ତସ୍ମାତ୍ପ୍ରଶସ୍ତେ ରାଜେନ୍ଦ୍ର ନରଃ ସକ୍ତମନା ଭବେତ୍।
ଅଲୋକଜ୍ଞା ହ୍ଯପ୍ରଶସ୍ତା ଭ୍ରାତରସ୍ତେ ହ୍ଯବୁଦ୍ଧଯଃ॥ 1-81-12 (3672)
ଅନ୍ତ୍ଯାଧିପତଯଃ ସର୍ବେ ହ୍ଯଭବନ୍ଗୁରୁଶାସନାତ୍। 1-81-13 (3673)
ଇନ୍ଦ୍ର ଉବାଚ।
ତ୍ବଂ ହି ଧର୍ମବିଦୋ ରାଜନ୍କତ୍ଥସେ ଧର୍ମସୁତ୍ତମମ୍।
କଥଯସ୍ବ ପୁନର୍ମେଽଦ୍ଯ ଲୋକବୃତ୍ତାନ୍ତମୁତ୍ତମମ୍॥ 1-81-13x (489)
ଯଯାତିରୁବାଚ' 1-81-14x (490)
ଅକ୍ରୋଧନଃ କ୍ରୋଧନେଭ୍ଯୋ ବିଶିଷ୍ଟ-
ସ୍ତଥା ତିତିକ୍ଷୁରତିତିକ୍ଷୋର୍ବିଶିଷ୍ଟଃ।
ଅମାନୁଷେଭ୍ଯୋ ମାନୁଷାଶ୍ଚ ପ୍ରଧାନା
ବିଦ୍ବାଂସ୍ତଥୈବାବିଦୁଷଃ ପ୍ରଧାନଃ॥ 1-81-14 (3674)
ଆକ୍ରୁଶ୍ଯମାନୋ ନାକୋଶେନ୍ମନ୍ଯୁରେବ ତିତିକ୍ଷତଃ।
ଆକ୍ରୋଷ୍ଟାରଂ ନିର୍ଦହତି ସୁକୃତଂ ଚାସ୍ଯ ବିନ୍ଦତି॥ 1-81-15 (3675)
ନାରୁନ୍ତୁଦଃ ସ୍ଯାନ୍ନ ନୃଶଂସବାଦୀ
ନ ହୀନତଃ ପରମଭ୍ଯାଦଦୀତ।
ଯଯାଽସ୍ଯ ବାଚା ପର ଉଦ୍ବିଜେତ
ନ ତାଂ ବଦେଦ୍ରୁଶତୀଂ ପାପଲୋକ୍ଯାମ୍॥ 1-81-16 (3676)
ଅରୁନ୍ତୁଦଂ ପୁରୁଷଂ ତୀକ୍ଷ୍ଣବାଚଂ
ବାକ୍କଣ୍ଟକୈର୍ବିତୁଦନ୍ତଂ ମନୁଷ୍ଯନ୍।
ବିଦ୍ଯାଦଲକ୍ଷ୍ମୀକତମଂ ଜନାନାଂ
ମୁଖେ ନିବଦ୍ଧାଂ ନିର୍ଋତିଂ ବହନ୍ତମ୍॥ 1-81-17 (3677)
ସଦ୍ଭିଃ ପୁରସ୍ତାଦଭିପୂଜିତଃ ସ୍ଯା-
ତ୍ସଦ୍ଭିସ୍ତଥା ପୃଷ୍ଠତୋ ରକ୍ଷିତଃ ସ୍ଯାତ୍।
ସଦାଽସତାମତିବାଦାଂସ୍ତିତିକ୍ଷେ-
ତ୍ସତାଂ ବୃତ୍ତଂ ଚାଦଦୀତାର୍ଯବୃତ୍ତଃ॥ 1-81-18 (3678)
ବାକ୍ସାଯକା ବଦନାନ୍ନିଷ୍ପତନ୍ତି
ଯୈରାହତଃ ଶୋଚତି ରାତ୍ର୍ଯହାନି।
ପରସ୍ଯ ଯେ ମର୍ମସୁ ସଂପତନ୍ତି
ତାନ୍ପଣ୍ଡିତୋ ନାବସୃଜେତ୍ପରେଷୁ॥ 1-81-19 (3679)
ନହୀଦୃଶଂ ସଂବନନଂ ତ୍ରିଷୁ ଲୋକେଷୁ ବିଦ୍ଯତେ।
ଦଯା ମୈତ୍ରୀ ଚ ଭୂତେଷୁ ଦାନଂ ଚ ମଧୁରା ଚ ବାକ୍॥ 1-81-20 (3680)
ତସ୍ମାତ୍ସାନ୍ତ୍ବଂ ସଦା ବାଚ୍ଯଂ ନ ବାଚ୍ଯଂ ପରୁଷଂ କ୍ବଚିତ୍।
ପୂଜ୍ଯାନ୍ସଂପୂଜଯେଦ୍ଦଦ୍ଯାନ୍ନ ଚ ଯାଚେତ୍କଦାଚନ॥ ॥ 1-81-21 (3681)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଏକାଶୀତିତମୋଽଧ୍ଯାଯଃ॥ 81 ॥
Mahabharata - Adi Parva - Chapter Footnotes
1-81-16 ଅସ୍ଯ ଆକ୍ରୋଷ୍ଟୁଃ ସୁକୃତଂ ତିତିକ୍ଷୁର୍ବିନ୍ଦତି। ରୁଶତୀଂ ଅକଲ୍ଯାଣୀ॥ 1-81-17 ନିର୍ଋତି ଦୁର୍ଦେବତାମ୍॥ 1-81-20 ସଂବନନଂ ବଶୀକରଣମ୍॥ ଏକାଶୀତିତମୋଽଧ୍ଯାଯଃ॥ 81 ॥ଆଦିପର୍ବ - ଅଧ୍ଯାଯ 082
॥ ଶ୍ରୀଃ ॥
1.82. ଅଧ୍ଯାଯଃ 082
Mahabharata - Adi Parva - Chapter Topics
ସ୍ବର୍ଗତୋ ଯଯାତେଃ ପତନଂ। ଅଷ୍ଟକପ୍ରଶ୍ନଶ୍ଚ॥ 1 ॥Mahabharata - Adi Parva - Chapter Text
1-82-0 (3682)
ଇନ୍ଦ୍ର ଉବାଚ। 1-82-0x (491)
ସର୍ବାଣି କର୍ମାଣି ସମାପ୍ଯ ରାଜନ୍
ଗୃହଂ ପରିତ୍ଯଜ୍ଯ ବନଂ ଗତୋଽସି।
ତତ୍ତ୍ବାଂ ପୃଚ୍ଛାମି ନହୁଷସ୍ଯ ପୁତ୍ର
କେନାସି ତୁଲ୍ଯସ୍ତପସା ଯଯାତେ॥ 1-82-1 (3683)
ଯଯାତିରୁବାଚ। 1-82-2x (492)
ନାହଂ ଦେବମନୁଷ୍ଯେଷୁ ଗନ୍ଧର୍ବେଷୁ ମହର୍ଷିଷୁ।
ଆତ୍ମନସ୍ତପସା ତୁଲ୍ଯଂ କଂଚିତ୍ପଶ୍ଯାମି ବାସବ॥ 1-82-2 (3684)
ଇନ୍ଦ୍ର ଉବାଚ। 1-82-3x (493)
ଯଦାଽବମଂସ୍ଥାଃ ସଦୃଶଃ ଶ୍ରେଯସଶ୍ଚ
ଅଲ୍ପୀଯସଶ୍ଚାବିଦିତପ୍ରଭାବଃ।
ତସ୍ମାଲ୍ଲୋକାସ୍ତ୍ବନ୍ତବନ୍ତସ୍ତବେ ମେ
କ୍ଷୀଣେ ପୁଣ୍ଯେ ପତିତାଽସ୍ଯଦ୍ଯ ରାଜନ୍॥ 1-82-3 (3685)
ଯଯାତିରୁବାଚ। 1-82-4x (494)
ସୁରର୍ଷିଗନ୍ଧର୍ବନରାବମାନା-
ତ୍କ୍ଷଯଂ ଗତା ମେ ଯଦି ଶକ୍ରଲୋକାଃ।
ଇଚ୍ଛାମ୍ଯହଂ ସୁରଲୋକାଦ୍ବିହୀନଃ
ସତାଂ ମଧ୍ଯେ ପତିତୁଂ ଦେବରାଜ॥ 1-82-4 (3686)
ଇନ୍ଦ୍ର ଉବାଚ। 1-82-5x (495)
ସତାଂ ସକାଶେ ପତିତାଽସି ରାଜଂ-
ଶ୍ଚ୍ଯୁତଃ ପ୍ରତିଷ୍ଠାଂ ଯତ୍ର ଲବ୍ଧାସି ଭୂଯଃ।
ଏତଦ୍ବିଦିତ୍ବା ଚ ପୁନର୍ଯଯାତେ
ତ୍ବଂ ମାଽବମଂସ୍ଥାଃ ସଦୃଶଃ ଶ୍ରେଯସଶ୍ଚ॥ 1-82-5 (3687)
ବୈଶମ୍ପାଯନ ଉବାଚ। 1-82-6x (496)
ତତଃ ପ୍ରହାଯାମରରାଜଜୁଷ୍ଟା-
ନ୍ପୁଣ୍ଯାଁଲ୍ଲୋକାନ୍ପତମାନଂ ଯଯାତିମ୍।
ସଂପ୍ରେକ୍ଷ୍ଯ ରାଜର୍ଷିବରୋଽଷ୍ଟକସ୍ତ-
ମୁବାଚ ସଦ୍ଧର୍ମବିଧାନଗୋପ୍ତା॥ 1-82-6 (3688)
ଅଷ୍ଟକ ଉବାଚ। 1-82-7x (497)
କସ୍ତ୍ବଂ ଯୁବା ବାସବତୁଲ୍ଯରୂପଃ
ସ୍ବତେଜସା ଦୀପ୍ଯମାନୋ ଯଥାଽଗ୍ନିଃ।
ପତସ୍ଯୁଦୀର୍ଣାମ୍ବୁଧରାନ୍ଧକାରା-
ତ୍ଖାତ୍ଖେଚରାଣାଂ ପ୍ରବରୋ ଯଥାଽର୍କଃ॥ 1-82-7 (3689)
ଦୃଷ୍ଟ୍ବା ଚ ତ୍ବାଂ ସୂର୍ଯପଥାତ୍ପତନ୍ତଂ
ବୈଶ୍ବାନରାର୍କଦ୍ଯୁତିମପ୍ରମେଯମ୍।
କିଂ ନୁ ସ୍ବିଦେତତ୍ପତତୀତି ସର୍ବେ
ବିତର୍କଯନ୍ତଃ ପରିମୋହିତାଃ ସ୍ମଃ॥ 1-82-8 (3690)
ଦୃଷ୍ଟ୍ବା ଚ ତ୍ବାଂ ଧିଷ୍ଠିତଂ ଦେବମାର୍ଗେ
ଶକ୍ରାର୍କବିଷ୍ଣୁପ୍ରତିମପ୍ରଭାବମ୍।
ଅଭ୍ଯୁଦ୍ଗତାସ୍ତ୍ବାଂ ବଯମଦ୍ଯ ସର୍ବେ
ତତ୍ତ୍ବଂ ପ୍ରପାତେ ତବ ଜିଜ୍ଞାସମାନାଃ॥ 1-82-9 (3691)
ନ ଚାପି ତ୍ବାଂ ଧୃଷ୍ଣୁମଃ ପ୍ରଷ୍ଟୁମଗ୍ରେ
ନ ଚ ତ୍ବମସ୍ମାନ୍ପୃଚ୍ଛସି ଯେ ବଯଂ ସ୍ମଃ।
ତତ୍ତ୍ବାଂ ପୃଚ୍ଛାମି ସ୍ପୃହଣୀଯରୂପ
କସ୍ଯ ତ୍ବଂ ବା କିଂନିମିତ୍ତଂ ତ୍ବମାଗାଃ॥ 1-82-10 (3692)
ଭଯଂ ତୁ ତେ ବ୍ଯେତୁ ବିଷାଦମୋହୌ
ତ୍ଯଜାଶୁ ଚୈବେନ୍ଦ୍ରସମପ୍ରଭାବ।
ତ୍ବାଂ ବର୍ତମାନଂ ହି ସତାଂ ସକାଶେ
ନାଲଂ ପ୍ରସୋଢୁଂ ବଲହାଽପି ଶକ୍ରଃ॥ 1-82-11 (3693)
ସନ୍ତଃ ପ୍ରତିଷ୍ଠା ହି ସୁଖଚ୍ଯୁତାନାଂ
ସତାଂ ସଦୈବାମରରାଜକଲ୍ପ।
ତେ ସଙ୍ଗତାଃ ସ୍ଥାବରଜଙ୍ଗମେଶାଃ
ପ୍ରତିଷ୍ଠିତସ୍ତ୍ବଂ ସଦୃଶେଷୁ ସତ୍ସୁ॥ 1-82-12 (3694)
ପ୍ରଭୁରଗ୍ନିଃ ପ୍ରତପନେ ଭୂମିରାବପନେ ପ୍ରଭୁଃ।
ପ୍ରଭୁଃ ସୂର୍ଯଃ ପ୍ରକାଶିତ୍ବେ ସତାଂ ଚାଭ୍ଯାଗତଃ ପ୍ରଭୁଃ॥ ॥ 1-82-13 (3695)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଦ୍ବ୍ଯଶୀତିତମୋଽଧ୍ଯାଯଃ॥ 82 ॥
Mahabharata - Adi Parva - Chapter Footnotes
1-82-3 ଅବମଂସ୍ଥାଃ ସର୍ବେଭ୍ଯ ଆତ୍ମନ ଆଧିକ୍ଯୋକ୍ତ୍ଯା। ସଦୃଶଃ ସଦୃଶାନ୍॥ 1-82-5 ଯତ୍ର ପତିତା ପ୍ରତିଷ୍ଠାଂ ଲବ୍ଧାସି ଲପ୍ସ୍ଯସି॥ 1-82-10 ଧୁଷ୍ଣୁମଃ ପ୍ରଗଲ୍ଭାମହେ॥ 1-82-13 ଆବପନେ ସଂଗ୍ରହେ ବୀଜାବାପେ ବା॥ ଦ୍ବ୍ଯଶୀତିତମୋଽଧ୍ଯାଯଃ॥ 82 ॥ଆଦିପର୍ବ - ଅଧ୍ଯାଯ 083
॥ ଶ୍ରୀଃ ॥
1.83. ଅଧ୍ଯାଯଃ 083
Mahabharata - Adi Parva - Chapter Topics
ଯଯାତେଃ ସ୍ବନାମକଥନପୂର୍ବକଂ ଅଷ୍ଟକେନ ସହ ସଂବାଦଃ॥ 1 ॥ ତତ୍ର ଯଯାତିନା ସ୍ବସ୍ଯ ସ୍ବର୍ଗାଦଧଃପତନକାରଣକଥନମ୍॥ 2 ॥Mahabharata - Adi Parva - Chapter Text
1-83-0 (3696)
ଯଯାତିରୁବାଚ। 1-83-0x (498)
ଅହଂ ଯଯାତିର୍ନହୁଷସ୍ଯ ପୁତ୍ରଃ
ପୂରୋଃ ପିତା ସର୍ବଭୂତାବମାନାତ୍।
ପ୍ରଭ୍ରଂଶିତଃ ସୁରସିଦ୍ଧର୍ଷିଲୋକା-
ତ୍ପରିଚ୍ଯୁତଃ ପ୍ରପତାମ୍ଯଲ୍ପପୁଣ୍ଯଃ॥ 1-83-1 (3697)
ଅହଂ ହି ପୂର୍ବୋ ବଯସା ଭବଦ୍ଭ୍ଯ-
ସ୍ତେନାଭିବାଦଂ ଭବତାଂ ନ ପ୍ରଯୁଞ୍ଜେ।
ଯୋ ବିଦ୍ଯଯା ତପସା ଜନ୍ମନା ବା
ବୃଦ୍ଧଃ ସ ପୂଜ୍ଯୋ ଭବତି ଦ୍ବିଜାନାମ୍॥ 1-83-2 (3698)
ଅଷ୍ଟକ ଉବାଚ। 1-83-3x (499)
ଅବାଦୀସ୍ତ୍ବଂ ବଯସା ଯଃ ପ୍ରବୃଦ୍ଧଃ
ସ ବୈ ରାଜନ୍ନାଭ୍ଯଧିକଃ କଥ୍ଯତେ ଚ।
ଯୋ ବିଦ୍ଯଯା ତପସା ସଂପ୍ରବୃଦ୍ଧଃ
ସ ଏବ ପୂଜ୍ଯୋ ଭବତି ଦ୍ବିଜାନାମ୍॥ 1-83-3 (3699)
ଯଯାତିରୁବାଚ। 1-83-4x (500)
ପ୍ରତିକୂଲଂ କର୍ମଣାଂ ପାପମାହୁ-
ସ୍ତଦ୍ବର୍ତତେଽପ୍ରବଣେ ପାପଲୋକ୍ଯମ୍।
ସନ୍ତୋଽସତାଂ ନାନୁବର୍ତନ୍ତି ଚୈତ-
ଦ୍ଯଥା ଚୈଷାମନୁକୂଲାସ୍ତଥାଽଽସନ୍॥ 1-83-4 (3700)
ଅଭୂଦ୍ଧନଂ ମେ ବିପୁଲଂ ଗତଂ ତ-
ଦ୍ବିଚେଷ୍ଟମାନୋ ନାଧିଗନ୍ତା ତଦସ୍ମି।
ଏବଂ ପ୍ରଧାର୍ଯାତ୍ମହିତେ ନିବିଷ୍ଟୋ
ଯୋ ବର୍ତତେ ସ ବିଜାନାତି ଜୀବଃ॥ 1-83-5 (3701)
ମହାଧନୋ ଯୋ ଯଜତେ ସୁଯଜ୍ଞୈ-
ର୍ଯଃ ସର୍ବବିଦ୍ଯାସୁ ବିନୀତବୁଦ୍ଧିଃ।
ବେଦାନଧୀତ୍ଯ ତପସା ଯୋଜ୍ଯ ଦେହଂ
ଦିବଂ ସ ଯାଯାତ୍ପୁରୁଷୋ ବୀତମୋହଃ॥ 1-83-6 (3702)
ନ ଜାତୁ ହୃଷ୍ଯେନ୍ମହତା ଧନେନ
ବେଦାନଧୀଯୀତାନହଂକୃତଃ ସ୍ଯାତ୍।
ନାନାଭାବା ବହବୋ ଜୀବଲୋକେ
ଦୈବାଧୀନା ନଷ୍ଟଚେଷ୍ଟାଧିକାରାଃ।
ତତ୍ତତ୍ପ୍ରାପ୍ଯ ନ ବିହନ୍ଯେତ ଧୀରୋ
ଦିଷ୍ଟଂ ବଲୀଯ ଇତି ମତ୍ବାଽଽତ୍ମବୁଦ୍ଧ୍ଯା॥ 1-83-7 (3703)
ସୁଖଂ ହି ଜନ୍ତୁର୍ଯଦି ବାଽପି ଦୁଃଖଂ
ଦୈବାଧୀନଂ ବିନ୍ଦତେ ନାତ୍ମଶକ୍ତ୍ଯା।
ତସ୍ମାଦ୍ଦିଷ୍ଟଂ ବଲବନ୍ମନ୍ଯମାନୋ
ନ ସଂଜ୍ବରେନ୍ନାପି ହୃଷ୍ଯେତ୍କଥଂଚିତ୍॥ 1-83-8 (3704)
ଦୁଃଖୈର୍ନ ତପ୍ଯେନ୍ନ ସୁଖୈଃ ପ୍ରହୃଷ୍ଯେ-
ତ୍ସମେନ ବର୍ତେତ ସଦୈବ ଧୀରଃ।
ଦିଷ୍ଟଂ ବଲୀଯ ଇତି ମନ୍ଯମାନୋ
ନ ସଂଜ୍ବରେନ୍ନାପି ହୃଷ୍ଯେତ୍କଥଂଚିତ୍॥ 1-83-9 (3705)
ଭଯେ ନ ମୁହ୍ଯାମ୍ଯଷ୍ଟକାହଂ କଦାଚି-
ତ୍ସନ୍ତାପୋ ମେ ମାନସୋ ନାସ୍ତି କଶ୍ଚିତ୍।
ଧାତା ଯଥା ମାଂ ବିଦଧୀତ ଲୋକେ
ଧ୍ରୁବଂ ତଥାଽହଂ ଭବିତେତି ମତ୍ବା॥ 1-83-10 (3706)
ସଂସ୍ବେଦଜା ଅଣ୍ଡଜାଶ୍ଚୋଦ୍ଭିଦଶ୍ଚ
ସରୀସୃପାଃ କୃମଯୋଽଥାପ୍ସୁ ମତ୍ସ୍ଯାଃ।
ତଥାଶ୍ମନସ୍ତୃଣକାଷ୍ଠଂ ଚ ସର୍ବେ
ଦିଷ୍ଟକ୍ଷଯେ ସ୍ବାଂ ପ୍ରକୃତିଂ ଭଜନ୍ତି॥ 1-83-11 (3707)
ଅନିତ୍ଯତାଂ ସୁଖଦୁଃସ୍ବସ୍ଯ ବୁଦ୍ଧ୍ବା
କସ୍ମାତ୍ସଂତାପମଷ୍ଟକାହଂ ଭଜେଯମ୍।
କିଂ କୁର୍ଯାଂ ବୈ କିଂ ଚ କୃତ୍ବା ନ ତପ୍ଯେ
ତସ୍ମାତ୍ସନ୍ତାପଂ ବର୍ଜଯାମ୍ଯପ୍ରମତ୍ତଃ॥ 1-83-12 (3708)
ବୈଶମ୍ପାଯନ ଉବାଚ। 1-83-13x (501)
ଏବଂ ବ୍ରୁବାଣଂ ନୃପତିଂ ଯଯାତି-
ମଥାଷ୍ଟକଃ ପୁନରେବାନ୍ବପୃଚ୍ଛତ୍।
ମାତାମହଂ ସର୍ବଗୁଣୋପପନ୍ନଂ
ତତ୍ରସ୍ଥିତଂ ସ୍ବର୍ଗଲୋକେ ଯଥାବତ୍॥ 1-83-13 (3709)
ଅଷ୍ଟକ ଉବାଚ। 1-83-14x (502)
ଯେ ଯେ ଲୋକାଃ ପାର୍ଥିବେନ୍ଦ୍ରପ୍ରଧାନା-
ସ୍ତ୍ବଯା ଭୁକ୍ତା ଯଂ ଚ କାଲଂ ଯଥାବତ୍।
ତାନ୍ମେ ରାଜନ୍ବ୍ରୂହି ସର୍ବାନ୍ଯଥାବ-
ତ୍କ୍ଷେତ୍ରଜ୍ଞବଦ୍ଭାଷସେ ତ୍ବଂ ହି ଧର୍ମାନ୍॥ 1-83-14 (3710)
ଯଯାତିରୁବାଚ। 1-83-15x (503)
ରାଜାଽହମାସମିହ ସାର୍ବଭୌମ-
ସ୍ତତୋ ଲୋକାନ୍ମହତଶ୍ଚାଜଯଂ ବୈ।
ତତ୍ରାବସଂ ବର୍ଷସହସ୍ରମାତ୍ରଂ
ତତୋ ଲୋକଂ ପରମସ୍ମ୍ଯଭ୍ଯୁପେତଃ॥ 1-83-15 (3711)
ତତଃ ପୁରୀଂ ପୁରୁହୂତସ୍ଯ ରମ୍ଯାଂ
ସହସ୍ରଦ୍ବାରାଂ ଶତଯୋଜନାଯତାମ୍।
ଅଧ୍ଯାବସଂ ବର୍ଷସହସ୍ରମାତ୍ରଂ
ତତୋ ଲୋକଂ ପରମସ୍ମ୍ଯଭ୍ଯୁପେତଃ॥ 1-83-16 (3712)
ତତୋ ଦିବ୍ଯମଜରଂ ପ୍ରାପ୍ଯ ଲୋକଂ
ପ୍ରଜାପତେର୍ଲୋକପତେର୍ଦୁରାପମ୍।
ତତ୍ରାବସଂ ବର୍ଷସହସ୍ରମାତ୍ରଂ
ତତୋ ଲୋକଂ ପରମସ୍ମ୍ଯଭ୍ଯୁପେତଃ॥ 1-83-17 (3713)
ସ ଦେବଦେବସ୍ଯ ନିବେଶନେ ଚ
ବିହୃତ୍ଯ ଲୋକାନବସଂ ଯଥେଷ୍ଟମ୍।
ସଂପୂଜ୍ଯମାନସ୍ତ୍ରିଦଶୈଃ ସମସ୍ତୈ-
ସ୍ତୁଲ୍ଯପ୍ରଭାବଦ୍ଯୁତିରୀଶ୍ବରାଣାମ୍॥ 1-83-18 (3714)
ତଥାଽଽବସଂ ନନ୍ଦନେ କାମରୂପୀ
ସଂବତ୍ସରାଣାମଯୁତଂ ଶତାନାମ୍।
ସହାପ୍ସରୋଭିର୍ବିହରନ୍ପୁଣ୍ଯଗନ୍ଧା-
ନ୍ପଶ୍ଯନ୍ନଗାନ୍ପୁଷ୍ପିତାଂଶ୍ଚାରୁରୂପାନ୍॥ 1-83-19 (3715)
ତତ୍ର ସ୍ଥିତଂ ମାଂ ଦେବ ସୁଖେଷୁ ସକ୍ତଂ
କାଲେଽତୀତେ ମହତି ତତୋଽତିମାତ୍ରମ୍।
ଦୂତୋ ଦେବାନାମବ୍ରବୀଦୁଗ୍ରରୂପୋ
ଧ୍ବଂସେତ୍ଯୁଚ୍ଚୈସ୍ତ୍ରିଃ ପ୍ଲୁତେନ ସ୍ବରେଣ॥ 1-83-20 (3716)
ଏତାବନ୍ମେ ବିଦିତଂ ରାଜସିଂହ
ତତୋ ଭ୍ରଷ୍ଟୋଽହଂ ନନ୍ଦନାତ୍କ୍ଷୀଣପୁଣ୍ଯଃ।
ବାଚୋଽଶ୍ରୌଷଂ ଚାନ୍ତରିକ୍ଷେ ସୁରାଣାଂ
ସାନୁକ୍ରୋଂଶାଃ ଶୋଚତାଂ ମାଂ ନରେନ୍ଦ୍ର॥ 1-83-21 (3717)
ଅହୋ କଷ୍ଟଂ କ୍ଷୀଣପୁଣ୍ଯୋ ଯଯାତିଃ
ପତତ୍ଯସୌ ପୁଣ୍ଯକୃତ୍ପୁଣ୍ଯକୀର୍ତିଃ।
ତାନବ୍ରୁବଂ ପତମାନସ୍ତତୋଽହଂ
ସତାଂ ମଧ୍ଯେ ନିପତେଯଂ କଥଂ ନୁ॥ 1-83-22 (3718)
ତୈରାଖ୍ଯାତା ଭବତାଂ ଯଜ୍ଞଭୂମିଃ
ସମୀକ୍ଷ୍ଯ ଚେମାଂ ତ୍ବରିତମୁପାଗତୋଽସ୍ମି।
ହବିର୍ଗନ୍ଧଂ ଦେଶିକଂ ଯଜ୍ଞଭୂମେ-
ର୍ଧୂମାପାଙ୍ଗଂ ପ୍ରତିଗୃହ୍ଯ ପ୍ରତୀତଃ॥ ॥ 1-83-23 (3719)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ତ୍ର୍ଯଶୀତିତମୋଽଧ୍ଯାଯଃ॥ 83 ॥
Mahabharata - Adi Parva - Chapter Footnotes
1-83-2 ଯଯାତିରପନୀତତପୋବିଦ୍ଯାଗର୍ବତ୍ବାଦ୍ବଯୋଜ୍ଯୈଷ୍ଠ୍ଯମେବ ପୁରସ୍କୃତ୍ଯାହ। ଅହଂ ହୀତି। ତଦେବୋପପାଦଯତ୍ଯୁତ୍ତରାର୍ଧେନ॥ 1-83-3 ତଦସହମାନୋଽଷ୍ଟକ ଆହ। ଅବାଦୀରିତି। ତ୍ବଂ ଚ ବିଦ୍ଯାତପଃସଂପ୍ରବୃଦ୍ଧ ଇତି ଭାବଃ॥ 1-83-4 ବିଦ୍ଯାତପସୋଃ ଶ୍ରୈଷ୍ଠ୍ଯେ ଅଷ୍ଟକେନ ସ୍ତୁତେ ତତ୍ର ସ୍ବାନୁଭୂତଂ ବିଘ୍ନଂ ଦର୍ଶଯନ୍ଯଯାତିରୁବାଚ। ପ୍ରତିକୂଲମିତି। କର୍ମଣାଂ ପୁଣ୍ଯାନାଂ ପ୍ରତିକୂଲଂ ନାଶକଂ ପାପଂ ଗର୍ବସ୍ତଚ୍ଚାପ୍ରବଣେଽନମ୍ରେ ଦର୍ପବତି ବର୍ତତେ। ପାପଲୋକ୍ଯଂ ନରକପ୍ରଦମ୍। ଏତତ୍ପାପମସତାଂ ସଂବନ୍ଧି ସନ୍ତୋ ନାନୁବର୍ତନ୍ତେ ଇଦାନୀମପି। କିଂଚ ପ୍ରାଞ୍ଚୋପି ସନ୍ତୋ ଯଥୈଷାଂ କର୍ମଣାମନୁକୂଲା ଉପବୃଂହକାଃ ସ୍ଯୁସ୍ତଥା ତେନ ପ୍ରକାରେଣ ଦମ୍ଭଦର୍ପାଦିରାହିତ୍ଯେନ ଆସନ୍। ଅହଂ ତ୍ବତ ଦ୍ବିଧତ୍ବାତ୍ସ୍ବର୍ଗାଦିନ୍ଦ୍ରେଣ ଚ୍ଯାବିତ ଇତ୍ଯାଶଯଃ॥ 1-83-5 ତଦ୍ଦମ୍ଭାଦିରାହିତ୍ଯେନ ପ୍ରସିଦ୍ଧଂ ଧନଂ ପୁଣ୍ଯଂ ମେ ମମ ବିପୁଲଂ ଯଦଭୂତ୍ତଦ୍ଗତଂ ନଷ୍ଟଂ ଦର୍ପାଦିତ୍ଯର୍ଥଃ। ପୁନରିଦାନୀଂ ତଚ୍ଚେଷ୍ଟମାନୋଽପି ତତ୍ପୁନର୍ନାଧିଗନ୍ତାସ୍ମି। ଏବଂ ପ୍ରଧାର୍ଯ ମାମିକାଂ ଗତିଂ ଜ୍ଞାତ୍ବା ଯ ଆତ୍ମହିତେ ନିବିଷ୍ଟୋ ଯୋ ବର୍ତତେ ସ ଧୀରୋ ଜାନାତି ନାନ୍ଯ ଇତ୍ଯର୍ଥଃ॥ 1-83-7 ଏତଦେବାହ। ନ ଜାତ୍ବିତି ଧନେନ ତପସା ତର୍ହି ତ୍ବମେ କୁତୋଽହଂକାରଂ କୃତବାନିତ୍ଯତ ଆହ। ନାନେତି। ଜୀବଲୋକେଽସ୍ମିନ୍ ଜୀବା ନାନାଭାବାଃ ପୃଥକ୍ସ୍ବଭାବାଃ କେଚିଦ୍ଧର୍ମରୁଚଯଃ କେଚିଦ୍ବିପରୀତାଃ। ଯତୋ ଦୈବାଧୀନାଃ। ଅତଏବ ନଷ୍ଟା ବୃଥାଭୂତା ଚେଷ୍ଟା ଉଦ୍ଯୋଗୋଽଧିକାରଃ ସାମର୍ଥ୍ଯଂ ଚ ଯେଷାଂ ତେ ତଥା। ଦୃଷ୍ଟା ଇତି ଶେଷଃ। ମୂଢାନାଂ ପୁଣ୍ଯେ ପଣ୍ଡିତାନାଂ ପାପେ ଚ ପ୍ରବୃତ୍ତିକରଂ ଦୈବମେବ ବଲବଦିତ୍ଯର୍ଥଃ। ଏବଂ ବିଦ୍ବାଂସ୍ତତ୍ତପ୍ରାପ୍ଯ ତତ୍ସୁଖଂ ଦୁଃଖଂ ବା ପ୍ରାପ୍ଯ ନ ବିହନ୍ଯେତ। ହର୍ଷବିଷାଦାଭ୍ଯାମାତ୍ମାନଂ ନ ହିଂସ୍ଯାଦିତ୍ଯର୍ଥଃ॥ 1-83-8 ଏତଦେବ ବିବୃଣୋତି। ସୁଖଂ ହୀତି ଦ୍ବାଭ୍ଯାମ୍॥ 1-83-10 ଭଯଂ ତୁ ତେ ବ୍ଯେତୁ ବିଷାଦମୋହାବିତି ଯଦଷ୍ଟକେନୋକ୍ତଂ ତତ୍ରୋତ୍ତରମାହ। ଭଯେ ଇତି। ଧାତା ଦିଷ୍ଟଂ॥ 1-83-11 ଅହମିବାନ୍ଯେଽପି ଦିଷ୍ଟାଧୀନା ଏବେତ୍ଯାହ। ସଂସ୍ବେଦଜା ଇତି। ଏତେପି ଦିଷ୍ଟକ୍ଷଯେ ପୁଣ୍ଯପାପାନୁଭବାନନ୍ତରମ୍। ସ୍ବାଂ ପ୍ରକୃତିଂ ସ୍ବକର୍ମଶେଷାନୁଗୁଣାଂ ଯୋନିଂ ଭଜନ୍ତି ପ୍ରାପ୍ନୁବନ୍ତି॥ 1-83-12 ଅହଂ ତୁ ଦିଷ୍ଟକ୍ଷଯାଭାବାତ୍ପ୍ରାପ୍ତେପି ଦୁଃଖେ ନ ତପ୍ଯେ ଇତ୍ଯାହ। ଅନିତ୍ଯତାମିତି॥ 1-83-14 କ୍ଷେତ୍ରଜ୍ଞବତ୍ ଜ୍ଞାନିବତ୍॥ 1-83-23 ତୈରିତି। ଦେଶିକମୁପଦେଷ୍ଟାରମିବ ସ୍ଥିତଂ। ହବିଷାଂ ଗନ୍ଧୋ ଯତ୍ର ତଂ ଧୂମାପାଙ୍ଗଂ ଧୂମପ୍ରାନ୍ତଂ ପ୍ରତିଗୃହ୍ଯ ଆଘ୍ରାଯ ପ୍ରତୀତଃ ଜାତପ୍ରତ୍ଯଯଃ॥ ତ୍ର୍ଯଶୀତିତମୋଽଧ୍ଯାଯଃ॥ 83 ॥ଆଦିପର୍ବ - ଅଧ୍ଯାଯ 084
॥ ଶ୍ରୀଃ ॥
1.84. ଅଧ୍ଯାଯଃ 084
Mahabharata - Adi Parva - Chapter Topics
ମୃତସ୍ଯ ସ୍ବର୍ଗାଦିଭୋଗାନନ୍ତରଂ ପୁନର୍ଜନନପ୍ରକାରକଥନମ୍॥1 ॥Mahabharata - Adi Parva - Chapter Text
1-84-0 (3720)
ଅଷ୍ଟକ ଉବାଚ। 1-84-0x (504)
ଯଦାଽବସୋ ନନ୍ଦନେ କାମରୂପୀ
ସଂବତ୍ସରାଣାମଯୁତଂ ଶତାନାମ୍।
କିଂ କାରଣଂ କାର୍ତଯୁଗପ୍ରଧାନ
ହିତ୍ବା ଚ ତ୍ବଂ ବସୁଧାମନ୍ବପଦ୍ଯଃ॥ 1-84-1 (3721)
ଯଯାତିରୁବାଚ। 1-84-2x (505)
ଜ୍ଞାତିଃ ସୁହୃତ୍ସ୍ବଜନୋ ବା ଯଥେହ
କ୍ଷୀଣେ ବିତ୍ତେ ତ୍ଯଜ୍ଯତେ ମାନବୈର୍ହି।
ତଥା ତତ୍ର କ୍ଷୀଣପୁଣ୍ଯଂ ମନୁଷ୍ଯଂ
ତ୍ଯଜନ୍ତି ସଦ୍ଯଃ ସେଶ୍ବରା ଦେବସଙ୍ଘାଃ॥ 1-84-2 (3722)
ଅଷ୍ଟକ ଉବାଚ। 1-84-3x (506)
ତସ୍ମିନ୍କଥଂ କ୍ଷୀଣପୁଣ୍ଯା ଭବନ୍ତି
ସଂମୁହ୍ଯତେ ମେଽତ୍ର ମନୋଽତିମାତ୍ରମ୍।
କିଂ ବା ବିଶିଷ୍ଟାଃ କସ୍ଯ ଧାମୋପଯାନ୍ତି
ତଦ୍ବୈ ବ୍ରୂହି କ୍ଷେତ୍ରବିତ୍ତ୍ବଂ ମତୋ ମେ॥ 1-84-3 (3723)
ଯଯାତିରୁବାଚ। 1-84-4x (507)
ଇମଂ ଭୌମଂ ନରକଂ ତେ ପତନ୍ତି
ଲଲାପ୍ଯମାନା ନରଦେବ ସର୍ବେ।
ତେ କଙ୍କଗୋମାଯୁବଲାଶନାର୍ଥେ
କ୍ଷୀଣେ ପୁଣ୍ଯେ ବହୁଧା ପ୍ରବ୍ରଜନ୍ତି॥ 1-84-4 (3724)
ତସ୍ମାଦେତଦ୍ବର୍ଜନୀଯଂ ନରେନ୍ଦ୍ର
ଦୁଷ୍ଟଂ ଲୋକେ ଗର୍ହଣୀଯଂ ଚ କର୍ମ।
ଆଖ୍ଯାତଂ ତେ ପାର୍ଥିବ ସର୍ବମେବ
ଭୂଯଶ୍ଚେଦାନୀଂ ବଦ କିଂ ତେ ବଦାମି॥ 1-84-5 (3725)
ଅଷ୍ଟକ ଉବାଚ। 1-84-6x (508)
ଯଦା ତୁ ତାନ୍ବିତୁଦନ୍ତେ ବଯାଂସି
ତଥା ଗୃଧ୍ରାଃ ଶିତିକଣ୍ଠାଃ ପତଙ୍ଗାଃ।
କଥଂ ଭବନ୍ତି କଥମାଭବନ୍ତି
ନ ଭୌମମନ୍ଯଂ ନରକଂ ଶୃଣୋମି॥ 1-84-6 (3726)
ଯଯାତିରୁବାଚ। 1-84-7x (509)
ଊର୍ଧ୍ବଂ ଦେହାତ୍କର୍ମଣୋ ଜୃମ୍ଭମାଣା-
ଦ୍ବ୍ଯକ୍ତଂ ପୃଥିବ୍ଯାମନୁସଂଚରନ୍ତି।
ଇମଂ ଭୌମଂ ନରକଂ ତେ ପତନ୍ତି
ନାବେକ୍ଷନ୍ତେ ବର୍ଷପୂଗାନନେକାନ୍॥ 1-84-7 (3727)
ଷଷ୍ଟିଂ ସହସ୍ରାଣି ପତନ୍ତି ବ୍ଯୋମ୍ନି
ତଥା ଅଶୀତିଂ ପରିବତ୍ସରାଣି।
ତାନ୍ବୈ ତୁଦନ୍ତି ପତତଃ ପ୍ରପାତଂ
ଭୀମା ଭୌମା ରାକ୍ଷସାସ୍ତୀକ୍ଷ୍ଣଦଂଷ୍ଟ୍ରାଃ॥ 1-84-8 (3728)
ଅଷ୍ଟକ ଉବାଚ। 1-84-9x (510)
ଯଦେନସସ୍ତେ ପତତସ୍ତୁଦନ୍ତି
ଭୀମା ଭୌମା ରାକ୍ଷସାସ୍ତୀକ୍ଷ୍ଣଦଂଷ୍ଟ୍ରାଃ।
କଥଂ ଭବନ୍ତି କଥମାଭବନ୍ତି
କଥଂଭୂତା ଗର୍ଭଭୂତା ଭବନ୍ତି॥ 1-84-9 (3729)
ଯଯାତିରୁବାଚ। 1-84-10x (511)
ଅସ୍ରଂ ରେତଃ ପୁଷ୍ପଫଲାନୁପୃକ୍ତ-
ମନ୍ବେତି ତଦ୍ବୈ ପୁରୁଷେଣ ସୃଷ୍ଟମ୍।
ସ ବୈ ତସ୍ଯା ରଜ ଆପଦ୍ଯତେ ବୈ
ସ ଗର୍ଭଭୂତଃ ସମୁପୈତି ତତ୍ର॥ 1-84-10 (3730)
ବନସ୍ପତୀନୋଷଧୀଶ୍ଚାବିଶନ୍ତି
ଆପୋ ବାଯୁଂ ପୃଥିବୀଂ ଚାନ୍ତରିକ୍ଷମ୍।
ଚତୁଷ୍ପଦଂ ଦ୍ବିପଦଂ ଚାତି ସର୍ବ-
ମେବଂଭୂତା ଗର୍ଭଭୂତା ଭବନ୍ତି॥ 1-84-11 (3731)
ଅଷ୍ଟକ ଉବାଚ। 1-84-12x (512)
ଅନ୍ଯଦ୍ବପୁର୍ବିଦଧାତୀହ ଗର୍ଭ-
ମୁତାହୋସ୍ବିତ୍ସ୍ବେନ କାଯେନ ଯାତି।
ଆପଦ୍ଯମାନୋ ନରଯୋନିମେତା-
ମାଚକ୍ଷ୍ବ ମେ ସଂଶଯାତ୍ପ୍ରବ୍ରବୀମି॥ 1-84-12 (3732)
ଶରୀରଦେହାତିସମୁଚ୍ଛ୍ରଯଂ ଚ
ଚକ୍ଷୁଃଶ୍ରୋତ୍ରେ ଲଭତେ କେନ ସଂଜ୍ଞାମ୍।
ଏତତ୍ତତ୍ତ୍ବଂ ସର୍ବମାଚକ୍ଷ୍ବ ପୃଷ୍ଟଃ
କ୍ଷେତ୍ରଜ୍ଞଂ ତ୍ବାଂ ତାତ ମନ୍ଯାମ ସର୍ବେ॥ 1-84-13 (3733)
ଯଯାତିରୁବାଚ। 1-84-14x (513)
ବାଯୁଃ ସମୁତ୍କର୍ଷତି ଗର୍ଭଯୋନି-
ମୃତୌ ରେତଃ ପୁଷ୍ପଫଲାନୁପୃକ୍ତମ୍।
ସ ତତ୍ର ତନ୍ମାତ୍ରକୃତାଧିକାରଃ
କ୍ରମେଣ ସଂବର୍ଧଯତୀହ ଗର୍ଭମ୍॥ 1-84-14 (3734)
ସ ଜାଯମାନୋ ବିଗୃହୀତମାତ୍ରଃ
ସଂଜ୍ଞାମଧିଷ୍ଠାଯ ତତୋ ମନୁଷ୍ଯଃ।
ସ ଶ୍ରୋତ୍ରାଭ୍ଯାଂ ବେଦଯତୀହ ଶବ୍ଦଂ
ସ ବୈ ରୂପଂ ପଶ୍ଯତି ଚକ୍ଷୁଷା ଚ॥ 1-84-15 (3735)
ଘ୍ରାଣେନ ଗନ୍ଧଂ ଜିହ୍ବଯାଽଥୋ ରସଂ ଚ
ତ୍ବଚା ସ୍ପର୍ଶଂ ମନସା ବେଦଭାବମ୍।
ଇତ୍ଯଷ୍ଟକେହୋପହିତଂ ହି ବିଦ୍ଧି
ମହାତ୍ମନଃ ପ୍ରାଣଭୃତଃ ଶରୀରେ॥ 1-84-16 (3736)
ଅଷ୍ଟକ ଉବାଚ। 1-84-17x (514)
ଯଃ ସଂସ୍ଥିତଃ ପୁରୁଷୋ ଦହ୍ଯତେ ବା
ନିଖନ୍ଯତେ ବାପି ନିକୃଷ୍ଯତେ ବା।
ଅଭାବଭୂତଃ ସ ବିନାଶମେତ୍ଯ
କେନାତ୍ମାନଂ ଚେତଯତେ ପରସ୍ତାତ୍॥ 1-84-17 (3737)
ଯଯାତିରୁବାଚ। 1-84-18x (515)
ହିତ୍ବା ସୋଽସୂନ୍ସୁପ୍ତବନ୍ନିଷ୍ଟନିତ୍ବା
ପୁରୋଧାଯ ସୁକୃତଂ ଦୁଷ୍କୃତଂ ବା।
ଅନ୍ଯାଂ ଯୋନିଂ ପବନାଗ୍ରାନୁସାରୀ
ହିତ୍ବା ଦେହଂ ଭଜତେ ରାଜସିଂହ॥ 1-84-18 (3738)
ପୁଣ୍ଯାଂ ଯୋନିଂ ପୁଣ୍ଯକୃତୋ ବ୍ରଜନ୍ତି
ପାପାଂ ଯୋନିଂ ପାପକୃତୋ ବ୍ରଜନ୍ତି।
କୀଟାଃ ପତଙ୍ଗାଶ୍ଚ ଭବନ୍ତି ପାପା
ନ ମେ ବିବକ୍ଷାସ୍ତି ମହାନୁଭାବ॥ 1-84-19 (3739)
ଚତୁଷ୍ପଦା ଦ୍ବିପଦାଃ ଷଟ୍ପଦାଶ୍ଚ
ତଥାଭୂତା ଗର୍ଭଭୂତା ଭବନ୍ତି।
ଆଖ୍ଯାତମେତନ୍ନିଖିଲେନ ସର୍ବଂ
ଭୂଯସ୍ତୁ କିଂ ପୃଚ୍ଛସି ରାଜସିଂହ॥ 1-84-20 (3740)
ଅଷ୍ଟକ ଉବାଚ। 1-84-21x (516)
କିଂସ୍ବିତ୍କୃତ୍ବା ଲଭତେ ତାତ ଲୋକା-
ନ୍ମର୍ତ୍ଯଃ ଶ୍ରେଷ୍ଠାଂସ୍ତପସା ବିଦ୍ଯଯା ଚ।
ତନ୍ମେ ପୃଷ୍ଟଃ ଶଂସ ସର୍ବଂ ଯଥାବ-
ଚ୍ଛୁଭାଁଲ୍ଲୋକାନ୍ଯେନ ଗଚ୍ଛେତ୍କ୍ରମେଣ॥ 1-84-21 (3741)
ଯଯାତିରୁବାଚ। 1-84-22x (517)
ତପଶ୍ଚ ଦାନଂ ଚ ଶମୋ ଦମଶ୍ଚ
ହ୍ରୀରାର୍ଜବଂ ସର୍ବଭୂତାନୁକମ୍ପା।
ସ୍ବର୍ଗସ୍ଯ ଲୋକସ୍ଯ ବଦନ୍ତି ସନ୍ତୋ
ଦ୍ବାରାଣି ସପ୍ତୈବ ମହାନ୍ତି ପୁଂସାମ୍।
ନଶ୍ଯନ୍ତି ମାନେନ ତମୋଽଭିଭୂତାଃ
ପୁଂସଃ ସଦୈବେତି ବଦନ୍ତି ସନ୍ତଃ॥ 1-84-22 (3742)
ଅଧୀଯାନଃ ପଣ୍ଡିତଂମନ୍ଯମାନୋ
ଯୋ ବିଦ୍ଯଯା ହନ୍ତି ଯଶଃ ପରେଷାମ୍।
ତସ୍ଯାନ୍ତବନ୍ତଶ୍ଚ ଭବନ୍ତି ଲୋକା
ନ ଚାସ୍ଯ ତଦ୍ବ୍ରହ୍ମ ଫଲଂ ଦଦାତି॥ 1-84-23 (3743)
ଚତ୍ବାରି କର୍ମାଣ୍ଯଭଯଙ୍କରାଣି
ଭଯଂ ପ୍ରଯଚ୍ଛନ୍ତ୍ଯଯଥାକୃତାନି।
ମାନାଗ୍ନିହୋତ୍ରମୁତ ମାନମୌନଂ
ମାନେନାଧୀତମୁତ ମାନଯଜ୍ଞଃ॥ 1-84-24 (3744)
ନ ମାନମାନ୍ଯୋ ମୁଦମାଦଦୀତ
ନ ସନ୍ତାପଂ ପ୍ରାପ୍ନୁଯାଚ୍ଚାବମାନାତ୍।
ସନ୍ତଃ ସତଃ ପୂଜଯନ୍ତୀହ ଲୋକେ
ନାସାଧବଃ ସାଧୁବୁଦ୍ଧିଂ ଲଭନ୍ତେ॥ 1-84-25 (3745)
ଇତି ଦଦ୍ଯାମିତି ଯଜ ଇତ୍ଯଦୀଯ ଇତି ବ୍ରତମ୍।
ଇତ୍ଯେତାନି ଭଯାନ୍ଯାହୁସ୍ତାନି ବର୍ଜ୍ଯାନି ସର୍ବଶଃ॥ 1-84-26 (3746)
ଯେ ଚାଶ୍ରଯଂ ବେଦଯନ୍ତେ ପୁରାଣଂ
ମନୀଷିଣୋ ମାନସମାର୍ଗରୁଦ୍ଧମ୍।
ତନ୍ନିଃଶ୍ରେଯସ୍ତେନ ସଂଯୋଗମେତ୍ଯ
ପରାଂ ଶାନ୍ତିଂ ପ୍ରତ୍ଯୁଃ ପ୍ରେତ୍ଯ ଚେହ॥ ॥ 1-84-27 (3747)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଚତୁରଶୀତିତମୋଽଧ୍ଯାଯଃ॥ 84 ॥
Mahabharata - Adi Parva - Chapter Footnotes
1-84-1 କାର୍ତଯୁଗପ୍ରଧାନା କୃତଯୁଗେ ଭବାଃ କାର୍ତଯୁଗା ଅତ୍ଯନ୍ତନିଷ୍ପାପାସ୍ତେଷାଂ ମୁଖ୍ଯତମେତ୍ଯର୍ଥଃ॥ 1-84-3 ତତ୍ର କ୍ଷୀଣପୁଣ୍ଯାଃ କଥଂ କିଂପ୍ରକାରା ଭବନ୍ତି। ତତଶ୍ଚ କିଂବିଶିଷ୍ଟାଃ କୀଦୃସାଃ ସନ୍ତଃ କସ୍ଯ ଧାମ ସ୍ଥାନଂ ଯାନ୍ତି କଂ ଲୋକଂ ଯାନ୍ତୀତ୍ଯର୍ଥଃ॥ 1-84-4 ତତ୍ର କସ୍ଯ ଧାମେତ୍ଯସ୍ଯୋତ୍ତରଂ ଇମଂ ଭୌମମିତି। ପୁଣ୍ଯେ କ୍ଷୀଣେ ସତି ନରକଂ ନରକୋପମଂ ବୌମଂ ଭୂସମ୍ବନ୍ଧିନଂ ଇମଂ ଲୋକଂ ପ୍ରତି ପତନ୍ତି। କଥଂ ଭବନ୍ତୀତ୍ଯସ୍ଯୋତ୍ତରଂ ତେ କଙ୍କେତି। କଙ୍କାଶ୍ଚ ଗୋମାଯବଶ୍ଚ ତେଷାଂ ବଲଂ ସଙ୍ଘଃ ତସ୍ଯା ଶନାର୍ଥେ ଅଶନବିଷଯୀଭୂତୈତଦ୍ଦେହରକ୍ଷଣାର୍ଥେ ବହୁଧା ପ୍ରବ୍ରଜନ୍ତି ପର୍ଯଟନ୍ତି॥ 1-84-5 ତସ୍ମାଦେତତ୍କାମ୍ଯକର୍ମ ଦୁଷ୍ଟଂ ବିଷିଦ୍ଧଂ ଗର୍ହଣୀଯମ୍॥ 1-84-6 ନନୁ କଙ୍କାଦିଭକ୍ଷିତସ୍ଯ କଥଂ ସ୍ବରୂପସତ୍ତା କଥଂ ବା ଶରୀରାନ୍ତରେଣାବିର୍ଭାବ ଇତି ଦେହାତ୍ମବାଦମାଶ୍ରିତ୍ଯ ଶଙ୍କତେ। ଭୌମୋ ନରକଶ୍ଚ କ ଇତି ପୃଚ୍ଛତି ଚ। ଯଦା ତୁ ତାନିତି॥ 1-84-7 ଊର୍ଧ୍ବଂ ଦେହାତ୍ ଦେହକ୍ଷଯାନନ୍ତରମ୍। ଜୃମ୍ଭମାଣାତ୍ପ୍ରବୁଦ୍ଧାତ୍କର୍ମଣୋ ହେତୋଃ ବ୍ଯକ୍ତଂ ସ୍ଥୂଲଂ ଶରୀରଂ ଅନୁ ଅନୁପ୍ରବିଶ୍ଯ ଜୀବାଃ ସଂଚରନ୍ତି କର୍ମଫଲାନି ଭୁଞ୍ଜତେ ଇତି ଯତ୍ ତଦେବ ଭୌମୋ ନରକଃ। କୁତୋଽସ୍ଯ ନରକତ୍ବମତ ଆହ। ନାବେକ୍ଷନ୍ତେ ବର୍ଷପୂଗାନନେକାନ୍ ଯସ୍ମାଦତ୍ର ପତିତା ଗତଂ ବଯୋ ନ ବୁଧ୍ଯନ୍ତେ କର୍ମଭୂମିଂ ପ୍ରାପ୍ଯାପି ସ୍ବହିତାଯ ନ ଯତନ୍ତେଽତ ଇତ୍ଯର୍ଥଃ। ଏତେନ କଙ୍କାଦିଭକ୍ଷିତସ୍ଯାପି ସତ୍ବଂ ଦେହଯୋଗଶ୍ଚାସ୍ତୀତ୍ଯୁକ୍ତମ୍॥ 1-84-8 ଷଷ୍ଟିଂ ସହସ୍ରାଣ୍ଯଶୀତିଂ ଚ ସହସ୍ରାଣି ପରିବତ୍ସରାଣି ବ୍ଯୋମ୍ନି ସ୍ବର୍ଗେ ସ୍ଥିତ୍ବା ପତନ୍ତି। ଦାରାଦଯୋ ଭୌମା ରାକ୍ଷସାଃ। ପାତଂ ଭୂମିସ୍ଥିତିଂ ପ୍ରପତତଃ ଅନୁଭବତଃ॥ 1-84-9 ଯତ୍ ଯାନ୍ ଏନସଃ ପାପାଦ୍ଧେତୋଃ ପତତଃ ସ୍ବର୍ଗାହ୍ଯବମାନାନ୍ ତେ ରାକ୍ଷସାସ୍ତୁଦନ୍ତି ତେ ପୁରୁଷାଃ କଥଂ ଭବନ୍ତି ପ୍ରପାତଭ୍ରଷ୍ଟା ଇବ କଥଂ ନ ଶୀର୍ଯନ୍ତେ। କଥଂ ବା ଆଭବନ୍ତି ଇନ୍ଦ୍ରିଯାଦିମନ୍ତୋ ଭବନ୍ତି। କଥଂ ବା ଗର୍ଭତ୍ବଂ ପ୍ରାପ୍ନୁବନ୍ତୀତି ପ୍ରଶ୍ନତ୍ରଯମ୍॥ 1-84-10 ରେତଃ କର୍ତୃ। ଅସ୍ରଂ ସ୍ତ୍ରୀରଜଃ କର୍ମଭୂତଂ ଅନ୍ବେତି। ତଦ୍ଦ୍ବଯଂ ପୁଷ୍ପଫଲାଦିଭାବେନାନୁପୃକ୍ତଂ କଲଲାଦିରୂପଂ ଭବତି। ତତ୍ ଆହାରାଦିବତ୍କଥଂ ନ ଜୀର୍ଯତ ଇତ୍ଯତ ଆହ। ପୁରୁଷେଣେତି। ଈଶ୍ବରେଣେତ୍ଯର୍ଥଃ। ରଜଃ ତଦୁପଲକ୍ଷିତାନ୍ ଧାତୂନ୍। ସମୁପୈତି ଦୁଃଖାଦୀନୀତି ଶେଷଃ॥ 1-84-11 ମାତ୍ରୁଦରପର୍ଯନ୍ତଂ ପ୍ରବେଶକ୍ରମମାହ। ବନସ୍ପତୀତି॥ 1-84-12 ନରଯୋନିମାପଦ୍ଯମାନୋ ଜୀବଃ ସ୍ବେନ କାଯେନ ଜୈବେନୈବ ରୂପେଣ ଗର୍ଭଂ ମାତୁରୁଦରଂ ଯାତି ଉତ ତତ୍ର ପ୍ରବେଷ୍ଟୁମନ୍ଯଦ୍ବପୁର୍ବିଦଧାତି॥ 1-84-13 ଶରୀରଦେହାତିସମୁଚ୍ଛ୍ରଯଂ ମାତୁଃ ଶରୀରେ ଗର୍ଭଦେହସ୍ଯାତିସମୁଚ୍ଛ୍ରଯଂ ବୃଦ୍ଧିମ୍। ଚକ୍ଷୁଃଶ୍ରୋତ୍ରେ ଇତୀନ୍ଦ୍ରିଯମାତ୍ରୋପଲକ୍ଷଣମ୍॥ 1-84-14 ଦେହସମୁଚ୍ଛ୍ରଯକ୍ରମମାହ। ବାଯୁରିତି। ଋତୌ ତତ୍କାଲେ ବାଯୁଃ ଗର୍ଭଯୋନିଂ ଅସ୍ରଂ ପ୍ରତି ରେତଃ ସମୁତ୍କର୍ଷତି ପ୍ରାପଯତି। ତତଶ୍ଚ ପୁଷ୍ପଫଲାନୁପୃକ୍ତଂ କଲଲାଦିରୂପଗର୍ଭଂ ସଏବ ତତ୍ର ଗର୍ଭାଶଯେ କ୍ରମେଣ ସଂବର୍ଧଯତି। କଥଂଭୂତଃ ତନ୍ମାତ୍ରେ ବୃଦ୍ଧିମାତ୍ରଏବ କୃତାଧିକାରଃ ସମର୍ଥଃ॥ 1-84-15 ସ ଜୀବଃ ବିଗୃହୀତା ମାତ୍ରା ସୂକ୍ଷ୍ମଶରୀରଂ ଯେନ ସଃ॥ 1-84-16 ଶ୍ରୋତ୍ରାଦିକଂ ଇତ୍ଯୁପହିତଂ ସଂବଦ୍ଧଂ ବିଦ୍ଧି॥ 1-84-17 ଦେହାତ୍ମବାଦେନ ପୁନଃ ଶଙ୍କତେ। ଯଃ ସଂସ୍ଥିତ ଇତି। ପରସ୍ତାତ୍ ଆତ୍ମାନଂ କେନ କାରଣେନ ଚେତଯତେ ଜାନାତି। ଦେହାତିରିକ୍ତଜୀବାଭାବାଦିତି ବାବଃ॥ 1-84-18 ଜୀବୋ ଦେହାଦ୍ଭିନ୍ନଃ ପୂର୍ବଦେହଂ ତ୍ଯକ୍ତ୍ବା ସୂକ୍ଷ୍ମଦେହେନ ଦେହାନ୍ତରଂ ପ୍ରାପ୍ନୋତୀତ୍ଯାହ। ହିତ୍ବେତି। ପବନାଗ୍ରାନୁସାରୀ ଆତିବାହିକପବନାନୁସାରୀ॥ 1-84-19 କର୍ମାନୁସାରେଣ ଯୋନିପ୍ରାପ୍ତିମାହ। ପୁଣ୍ଯାମିତି॥ 1-84-21 କିଂସ୍ବିତ୍କୃତ୍ବେତି ସାମାନ୍ଯପ୍ରଶ୍ନଃ। ତପସା ବିଦ୍ଯଯେତି ବିଶେଷପ୍ରଶ୍ନଃ। ଚୋ ବାର୍ଥେ॥ 1-84-22 ପୁଂସଃ ପୁମାଂସଃ॥ 1-84-23 ଦର୍ପବତା କୃତମଧ୍ଯଯନାଦି ନ ମୋକ୍ଷୋପଯୋଗି ନାପି ସ୍ବର୍ଗଦଂ ପ୍ରତ୍ଯୁତ ଭଯାବହମିତ୍ଯାହ ଦ୍ବାଭ୍ଯାମ୍। ଅଧୀଯାନ ଇତି॥ 1-84-25 ଅତୋ ମାନାପମାନାଦିଦ୍ବନ୍ଦ୍ବସହିଷ୍ଣୁର୍ଭବେଦିତ୍ଯାହ। ନ ମାନମାନ୍ଯ ଇତି॥ 1-84-26 ଇତି ଦଦ୍ଯାମିତି ଦାମ୍ଭିକସ୍ଯ ସ୍ବଧର୍ମପ୍ରକାଶନାଭିନଯଃ॥ 1-84-27 ମାନସମାର୍ଗରୁଦ୍ଧଂ ଧ୍ଯାନବିଷଯୀଭୂତଂ। ବେଦଯନ୍ତେ ଜାନନ୍ତି। ତଦ୍ବେଦନଂ ନିଃଶ୍ରେଯଃ ସୁଖସାଧନମ୍॥ ଚତୁରଶୀତିତମୋଽଧ୍ଯାଯଃ॥ 84 ॥ଆଦିପର୍ବ - ଅଧ୍ଯାଯ 085
॥ ଶ୍ରୀଃ ॥
1.85. ଅଧ୍ଯାଯଃ 085
Mahabharata - Adi Parva - Chapter Topics
ବ୍ରହ୍ମଚର୍ଯାଦ୍ଯାଶ୍ରମବିଷଯକାଷ୍ଟକଯଯାତିପ୍ରଶ୍ନପ୍ରତିବଚନମ୍॥ 1 ॥Mahabharata - Adi Parva - Chapter Text
1-85-0 (3748)
ଅଷ୍ଟକ ଉବାଚ। 1-85-0x (518)
ଚରନ୍ଗୃହସ୍ଥଃ କଥମେତି ଧର୍ମା-
ନ୍କଥଂ ଭିକ୍ଷୁଃ କଥମାଚାର୍ଯକର୍ମା।
ବାନପ୍ରସ୍ଥଃ ସତ୍ପଥେ ସନ୍ନିବିଷ୍ଟୋ
ବହୂନ୍ଯସ୍ମିନ୍ସଂପ୍ରତି ବେଦଯନ୍ତି॥ 1-85-1 (3749)
ଯଯାତିରୁବାଚ। 1-85-2x (519)
ଆହୂତାଧ୍ଯାଯୀ ଗୁରୁକର୍ମସ୍ବଚୋଦ୍ଯଃ
ପୂର୍ବୋତ୍ଥାଯୀ ଚରମଂ ଚୋପଶାଯୀ।
ମୃଦୁର୍ଦାନ୍ତୋ ଧୃତିମାନପ୍ରମତ୍ତଃ
ସ୍ବାଧ୍ଯାଶୀଲଃ ସିଧ୍ଯତି ବ୍ରହ୍ମଚାରୀ॥ 1-85-2 (3750)
ଧର୍ମାଗତଂ ପ୍ରାପ୍ଯ ଧନଂ ଯଜେତ
ଦଦ୍ଯାତ୍ସଦୈବାତିଥୀନ୍ଭୋଜଯେଚ୍ଚ।
ଅନାଦଦାନଶ୍ଚ ପରୈରଦତ୍ତଂ
ସୈଷା ଗୃହସ୍ଥୋପନିଷତ୍ପୁରାଣୀ॥ 1-85-3 (3751)
ସ୍ବବୀର୍ଯଜୀବୀ ବୃଜିନାନ୍ନିବୃତ୍ତୋ
ଦାତା ପରେଭ୍ଯୋ ନ ପରୋପତାପୀ।
ତାଦୃଙ୍ମୁନିଃ ସିଦ୍ଧିମୁପୈତି ମୁଖ୍ଯାଂ
ବସନ୍ନରଣ୍ଯେ ନିଯତାହାରଚେଷ୍ଟଃ॥ 1-85-4 (3752)
ଅଶିଲ୍ପଜୀବୀ ଗୁଣବାଂଶ୍ଚୈବ ନିତ୍ଯଂ
ଜିତେନ୍ଦ୍ରିଯଃ ସର୍ବତୋ ବିପ୍ରଯୁକ୍ତଃ।
ଅନୋକଶାଯୀ ଲଘୁରଲ୍ପପ୍ରସାର-
ଶ୍ଚରନ୍ଦେଶାନେକଚରଃ ସ ଭିକ୍ଷୁଃ॥ 1-85-5 (3753)
ରାତ୍ର୍ଯା ଯଯା ବାଽଭିଜିତାଶ୍ଚ ଲୋକା
ଭବନ୍ତି କାମାଭିଜିତାଃ ସୁଖାଶ୍ଚ।
ତାମେବ ରାତ୍ରିଂ ପ୍ରଯତେତ ବିଦ୍ବା-
ନରଣ୍ଯସଂସ୍ଥୋ ଭବିତୁଂ ଯତାତ୍ମା॥ 1-85-6 (3754)
ଦଶୈବ ପୂର୍ବାନ୍ଦଶ ଚାପରାଂଶ୍ଚ
ଜ୍ଞାତୀନଥାତ୍ମାନମଥୈକବିଂଶମ୍।
ଅରଣ୍ଯବାସୀ ସୁକୃତେ ଦଧାତି
ବିମୁଚ୍ଯାରଣ୍ଯେ ସ୍ବଶରୀରଧାତୂନ୍॥ 1-85-7 (3755)
ଅଷ୍ଟକ ଉବାଚ। 1-85-8x (520)
କତିସ୍ବିଦେବ ମୁନଯଃ କତି ମୌନାନି ଚାପ୍ଯୁତ।
ଭବନ୍ତୀତି ତଦାଚକ୍ଷ୍ବ ଶ୍ରୋତୁମିଚ୍ଛାମହେ ବଯମ୍॥ 1-85-8 (3756)
ଯଯାତିରୁବାଚ। 1-85-9x (521)
ଅରଣ୍ଯେ ବସତୋ ଯସ୍ଯ ଗ୍ରାମୋ ଭବତି ପୃଷ୍ଠତଃ।
ଗ୍ରାମେ ବା ବସତୋଽରଣ୍ଯଂ ସ ମୁନିଃ ସ୍ଯାଜ୍ଜନାଧିପ॥ 1-85-9 (3757)
ଅଷ୍ଟକ ଉବାଚ। 1-85-10x (522)
କଥଂସ୍ବିଦ୍ବସତୋଽରଣ୍ଯେ ଗ୍ରାମୋ ଭବତି ପୃଷ୍ଠତଃ।
ଗ୍ରାମେ ବା ବସତୋଽରଣ୍ଯଂ କଥଂ ଭବତି ପୃଷ୍ଠତଃ॥ 1-85-10 (3758)
ଯଯାତିରୁବାଚ। 1-85-11x (523)
ନ ଗ୍ରାମ୍ଯମୁପଯୁଞ୍ଜୀତ ଯ ଆରଣ୍ଯୋ ମୁନିର୍ଭବେତ୍।
ତଥାସ୍ଯ ବସତୋଽରଣ୍ଯେ ଗ୍ରାମୋ ଭବତି ପୃଷ୍ଠତଃ॥ 1-85-11 (3759)
ଅନଗ୍ନିରନିକେତଶ୍ଚାପ୍ଯଗୋତ୍ରଚରଣୋ ମୁନିଃ।
କୌପୀନାଚ୍ଛାଦନଂ ଯାବତ୍ତାବଦିଚ୍ଛେଚ୍ଚ ଚୀବରମ୍॥ 1-85-12 (3760)
ଯାବତ୍ପ୍ରାଣାଭିସନ୍ଧାନଂ ତାବଦିଚ୍ଛେଚ୍ଚ ଭୋଜନମ୍।
ତଥାଽସ୍ଯ ବସତୋ ଗ୍ରାମେଽରଣ୍ଯଂ ଭବତି ପୃଷ୍ଠତଃ॥ 1-85-13 (3761)
ଯସ୍ତୁ କାମାନ୍ପରିତ୍ଯଜ୍ଯ ତ୍ଯକ୍ତକର୍ମା ଜିତେନ୍ଦ୍ରିଯଃ।
ଆତିଷ୍ଠେଚ୍ଚ ମୁନିର୍ମୌନଂ ସ ଲୋକେ ସିଦ୍ଧିମାପ୍ନୁଯାତ୍॥ 1-85-14 (3762)
ଧୌତଦନ୍ତଂ କୃତ୍ତନଖଂ ସଦା ସ୍ନାତମଲଙ୍କୃତମ୍।
ଅସିତଂ ସିତକର୍ମାଣଂ କସ୍ତମର୍ହତି ନାର୍ଚିତୁମ୍॥ 1-85-15 (3763)
ତପସା କର୍ଶିତଃ କ୍ଷାମଃ କ୍ଷୀଣମାଂସାସ୍ଥିଶୋଣିତଃ।
ସ ଚ ଲୋକମିମଂ ଜିତ୍ବା ଲୋକଂ ବିଜଯତେ ପରମ୍॥ 1-85-16 (3764)
ଯଦା ଭବତି ନିର୍ଦ୍ବନ୍ଦ୍ବୋ ମୁନିର୍ମୌନଂ ସମାସ୍ଥିତଃ।
ଅଥ ଲୋକମିମଂ ଜିତ୍ବା ଲୋକଂ ବିଜଯତେ ପରମ୍॥ 1-85-17 (3765)
ଆସ୍ଯେନ ତୁ ଯଦାଽହାରଂ ଗୋବନ୍ମୃଗଯତେ ମୁନିଃ।
ଅଥାସ୍ଯ ଲୋକଃ ସର୍ବୋଽଯଂ ସୋଽମୃତତ୍ବାଯ କଲ୍ପତେ॥ 1-85-18 (3766)
ସାମାନ୍ଯଧର୍ମଃ ସର୍ବେଷାଂ କ୍ରୋଧୋ ଲୋଭୋ ଦ୍ରୁହାଽକ୍ଷମା।
ବିହାଯ ମତ୍ସରଂ ଶାଠ୍ଯଂ ଦର୍ପଂ ଦମ୍ଭଂ ଚ ପୈଶୁନମ୍।
କ୍ରୋଧଂ ଲୋଭଂ ମମତ୍ବଂ ଚ ଯସ୍ଯ ନାସ୍ତି ସ ଧର୍ମବିତ୍॥ 1-85-19 (3767)
ଅଷ୍ଟକ ଉବାଚ। 1-85-20x (524)
ନିତ୍ଯାଶନୋ ବ୍ରହ୍ମଚାରୀ ଗୃହସ୍ଥୋ ବନଗୋ ମୁନିଃ।
ନାଧର୍ମମଶନାତ୍ପ୍ରାପ୍ଯେତ୍କଥଂ ବ୍ରୂହୀହ ପୃଚ୍ଛତେ॥ 1-85-20 (3768)
ଯଯାତିରୁବାଚ। 1-85-21x (525)
ଅଷ୍ଟୌ ଗ୍ରାସା ମୁନେଃ ପ୍ରୋକ୍ତାଃ ଷୋଡଶାରଣ୍ଯବାସିନଃ।
ଦ୍ବାତ୍ରିଂଶତ୍ତୁ ଗୃହସ୍ଥସ୍ଯ ଅମିତଂ ବ୍ରହ୍ମଚାରିଣଃ॥ 1-85-21 (3769)
ଇତ୍ଯେବଂ କାରଣୈର୍ଜ୍ଞେଯମଷ୍ଟକୈତଚ୍ଛୁଭାଶୁଭମ୍॥ ॥ 1-85-22 (3770)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ପଞ୍ଚାଶୀତିତମୋଽଧ୍ଯାଯଃ॥ 85 ॥
Mahabharata - Adi Parva - Chapter Footnotes
1-85-1 ଅସ୍ମିନ୍ଧର୍ମେ ବିଷଯେ ବହୂନି ପ୍ରାପ୍ତିଦ୍ବାରାଣି ବେଦଯନ୍ତି ବୈଦିକାଃ॥ 1-85-4 ସ୍ବବୀର୍ଯଜୀବୀ ସ୍ବପ୍ରଯତ୍ନଲବ୍ଧଜୀବିକଃ॥ 1-85-5 ଅନୋକଶାଯୀ ଯତ୍ର କ୍ବଚନଶାଯୀ। ଲଘୁଃ ପରିଗ୍ରହଶୂନ୍ଯଃ॥ 1-85-6 ତାମେବ ରାତ୍ରିଂ ତଦୈବ ସର୍ବପରିଗ୍ରହଂ ସଂନ୍ଯସ୍ଯ ଅରଣ୍ଯସଂସ୍ଥୋ ଭବିତୁଂ ପ୍ରଯତେତ॥ 1-85-8 ସଂନ୍ଯାସଃ କତିଧେତି ପୃଚ୍ଛତି। କତିସ୍ବିଦିତି॥ 1-85-9 ସଂନ୍ଯାସଂ ଚତୁଷ୍ପ୍ରକାରମଭିପ୍ରେତ୍ଯ ପ୍ରଥମଂ କୁଟୀଚକବହୂଦକରୂପଂ ଭେଦଦ୍ବଯମାହ। ଅରଣ୍ଯେତି॥ 1-85-10 ଗ୍ରାମାରଣ୍ଯଯୋଃ ପୃଷ୍ଠତଃକରଣଂ କଥମିତି ପୃଚ୍ଛତି। କଥମିତି॥ 1-85-11 କୃଟୀଚକଂ ବିଶିନଷ୍ଟି। ନ ଗ୍ରାମ୍ଯମିତି॥ 1-85-12 ବହୂଦକଂ ବିଶିନଷ୍ଟି। ଅନଗ୍ନିରିତି॥ 1-85-14 ହଂସପରମହଂସୌ ପ୍ରସ୍ତୌତି। ଯସ୍ତ୍ବିତି॥ 1-85-15 ଧୌତଦନ୍ତଂ ଶୁଦ୍ଧାହାରମ୍। କୃତ୍ତନଖଂ ତ୍ଯକ୍ତହିଂସାସାଧନମ୍। ସଦା ସ୍ନାତଂ ନିତ୍ଯଂ ଶୁଦ୍ଧଚିତ୍ତମ୍। ଅଲଂକୃତଂ ଶମାଦିନା। ଅସିତଂ ବନ୍ଧରହିତମ୍। ସିତକର୍ମାଣଂ ଶୁଦ୍ଧକର୍ମାଣମ୍॥ 1-85-18 ଆସ୍ଯସ୍ଯ ଯାବଦପେକ୍ଷିତଂ ତାବଦେବ ମୃଗଯତେ ନତୁ ପରଦିନାର୍ଥଣାର୍ଜଯତୀତ୍ଯର୍ଥଃ॥ ପଞ୍ଚାଶୀତିତମୋଽଧ୍ଯାଯଃ॥ 85 ॥ଆଦିପର୍ବ - ଅଧ୍ଯାଯ 086
॥ ଶ୍ରୀଃ ॥
1.86. ଅଧ୍ଯାଯଃ 086
Mahabharata - Adi Parva - Chapter Topics
ସ୍ବର୍ଗାଚ୍ଚ୍ଯୁତସ୍ଯ ଯଯାତେରଷ୍ଟକାଦିଯଜ୍ଞଭୂମିଂ ପ୍ରତ୍ଯାଗମନନିମିତ୍ତକଥନମ୍॥ 1 ॥ ଅଷ୍ଟକପ୍ରତର୍ଦନଯୋର୍ଯଯାତିନା ସଂବାଦଃ॥ 2 ॥Mahabharata - Adi Parva - Chapter Text
1-86-0 (3771)
ଅଷ୍ଟକ ଉବାଚ। 1-86-0x (526)
କତରସ୍ତ୍ବନଯୋଃ ପୂର୍ବଂ ଦେବାନାମେତି ସାମ୍ଯତାମ୍।
ଉଭଯୋର୍ଧାବତୋ ରାଜନ୍ସୂର୍ଯାଚନ୍ଦ୍ରମସୋରିବ॥ 1-86-1 (3772)
ଯଯାତିରୁବାଚ। 1-86-2x (527)
ଅନିକେତୋ ଗୃହସ୍ଥେଷୁ କାମବୃତ୍ତେଷୁ ସଂଯତଃ।
ଗ୍ରାମ ଏବ ବସନ୍ଭିକ୍ଷୁସ୍ତଯୋଃ ପୂର୍ବତରଂ ଗତଃ॥ 1-86-2 (3773)
ଅପ୍ରାପ୍ଯ ଦୀର୍ଘମାଯୁସ୍ତୁ ଯଃ ପ୍ରାପ୍ତୋ ବିକୃତିଂ ଚରେତ୍।
ତପ୍ଯତେ ଯଦି ତତ୍କୃତ୍ବା ଚରେତ୍ସୋଽନ୍ଯତ୍ତପସ୍ତତଃ॥ 1-86-3 (3774)
ପାପାନାଂ କର୍ମଣାଂ ନିତ୍ଯଂ ବିଭୀଯାଦ୍ଯସ୍ତୁ ମାନବଃ।
ସୁଖମପ୍ଯାଚରନ୍ନିତ୍ଯଂ ସୋଽତ୍ଯନ୍ତଂ ସୁଖମେଧତେ॥ 1-86-4 (3775)
ଯଦ୍ବୈ ନୃଶଂସଂ ତଦସତ୍ଯମାହୁ-
ର୍ଯଃ ସେବତେ ଧର୍ମମନର୍ଥବୁଦ୍ଧିଃ।
ଅସ୍ବୋଽପ୍ଯନୀଶଶ୍ଚ ତଥୈବ ରାଜଂ-
ସ୍ତଦାର୍ଜବଂ ସ ସମାଧିସ୍ତଦାର୍ଯମ୍॥ 1-86-5 (3776)
ଅଷ୍ଟକ ଉବାଚ। 1-86-6x (528)
କେନାସି ହୂତଃ ପ୍ରହିତୋଽସି ରାଜ-
ନ୍ଯୁବା ସ୍ରଗ୍ବୀ ଦର୍ଶନୀଯଃ ସୁବର୍ଚାଃ।
କୁତଋ ଆଯାତଃ କତରସ୍ଯାଂ ଦିଶି ତ୍ବ-
ମୁତାହୋସ୍ବିତ୍ପାର୍ଥିବଂ ସ୍ଥାନମସ୍ତି॥ 1-86-6 (3777)
ଯଯାତିରୁବାଚ। 1-86-7x (529)
ଇମଂ ଭୌମଂ ନରକଂ କ୍ଷୀଣପୁଣ୍ଯଃ
ପ୍ରବେଷ୍ଟୁମୁର୍ବୀଂ ଗଗନାଦ୍ବିପ୍ରହୀଣଃ।
`ବିଦ୍ବାଂଶ୍ଚୈବଂ ମତିମାନାର୍ଯବୁଦ୍ଧି-
ର୍ମମାଭବତ୍କର୍ମଲୋକ୍ଯଂ ଚ ସର୍ବମ୍'।
ଉକ୍ତ୍ବାଽହଂ ବଃ ପ୍ରପତିଷ୍ଯାମ୍ଯନନ୍ତରଂ
ତ୍ବରନ୍ତି ମାଂ ଲୋକପା ବ୍ରାହ୍ମଣା ଯେ॥ 1-86-7 (3778)
ସତାଂ ସକାଶେ ତୁ ବୃତଃ ପ୍ରପାତ-
ସ୍ତେ ସଙ୍ଗତା ଗୁଣବନ୍ତଶ୍ଚ ସର୍ବେ।
ଶକ୍ରାଚ୍ଚ ଲବ୍ଧୋ ହି ବରୋ ମଯୈଷ
ପତିଷ୍ଯତା ଭୂମିତଲଂ ନରେନ୍ଦ୍ର॥ 1-86-8 (3779)
ଅଷ୍ଟକ ଉବାଚ। 1-86-9x (530)
ପୃଚ୍ଛାମି ତ୍ବାଂ ମା ପ୍ରପତ ପ୍ରପାତଂ
ଯଦି ଲୋକାଃ ପାର୍ଥିବ ସନ୍ତି ମେଽତ୍ର।
ଯଦ୍ଯନ୍ତରିକ୍ଷେ ଯଦି ବା ଦିବି ସ୍ଥିତାଃ
କ୍ଷେତ୍ରଜ୍ଞଂ ତ୍ବାଂ ତସ୍ଯ ଧର୍ମସ୍ଯ ମନ୍ଯେ॥ 1-86-9 (3780)
ଯଯାତିରୁବାଚ। 1-86-10x (531)
ଯାବତ୍ପୃଥିବ୍ଯାଂ ବିହିତଂ ଗବାଶ୍ବଂ
ସହାରଣ୍ଯୈଃ ପଶୁଭିଃ ପାର୍ବତୈଶ୍ଚ।
ତାବଲ୍ଲୋକା ଦିବି ତେ ସଂସ୍ଥିତା ବୈ
ତଥା ବିଜାନୀହି ନରେନ୍ଦ୍ରସିଂହ॥ 1-86-10 (3781)
ଅଷ୍ଟକ ଉବାଚ। 1-86-11x (532)
ତାଂସ୍ତେ ଦଦାମି ମା ପ୍ରପତ ପ୍ରପାତଂ
ଯେ ମେ ଲୋକା ଦିବି ରାଜେନ୍ଦ୍ର ସନ୍ତି।
ଯଦ୍ଯନ୍ତରିକ୍ଷେ ଯଦି ବା ଦିବି ଶ୍ରିତା-
ସ୍ତାନାକ୍ରମ କ୍ଷିପ୍ରମପେତମୋହଃ॥ 1-86-11 (3782)
ଯଯାତିରୁବାଚ। 1-86-12x (533)
ନାସ୍ମଦ୍ବିଧୋଽବ୍ରାହ୍ମଣୋ ବ୍ରହ୍ମବିଚ୍ଚ
ପ୍ରତିଗ୍ରହେ ବର୍ତତେ ରାଜମୁଖ୍ଯ।
ଯଥା ପ୍ରଦେଯଂ ସତତଂ ଦ୍ବିଜେଭ୍ଯ-
ସ୍ତଥାଽଦଦଂ ପୂର୍ବମହଂ ନରେନ୍ଦ୍ର॥ 1-86-12 (3783)
ନାବ୍ରାହ୍ମଣଃ କୃପଣୋ ଜାତୁ ଜୀବେ-
ଦ୍ଯା ଚାପ୍ଯସ୍ଯାଽବ୍ରାହ୍ମଣୀ ବୀରପତ୍ନୀ।
ସୋଽହଂ ନୈବାକୃତପୂର୍ବଂ ଚରେଯଂ
ବିଧିତ୍ସମାନଃ କିମୁ ତତ୍ର ସାଧୁଃ॥ 1-86-13 (3784)
ପ୍ରତର୍ଦନ ଉବାଚ। 1-86-14x (534)
ପୃଚ୍ଛାମି ତ୍ବାଂ ସ୍ପୃହଣୀଯରୂପ
ପ୍ରତର୍ଦନୋଽହଂ ଯଦି ମେ ସନ୍ତି ଲୋକାଃ।
ଯଦ୍ଯନ୍ତରିକ୍ଷେ ଯଦି ବା ଦିବି ଶ୍ରିତାଃ
କ୍ଷେତ୍ରଜ୍ଞଂ ତ୍ବାଂ ତସ୍ଯ ଧର୍ମସ୍ଯ ମନ୍ଯେ॥ 1-86-14 (3785)
ଯଯାତିରୁବାଚ। 1-86-15x (535)
ସନ୍ତି ଲୋକା ବହବସ୍ତେ ନରେନ୍ଦ୍ର
ଅପ୍ଯେକୈକଃ ସପ୍ତସପ୍ତାପ୍ଯହାନି।
ମଧୁଚ୍ଯୁତୋ ଘୃତପୃକ୍ତା ବିଶୋକା-
ସ୍ତେ ନାନ୍ତବନ୍ତଃ ପ୍ରତିପାଲଯନ୍ତି॥ 1-86-15 (3786)
ପ୍ରତର୍ଦନ ଉବାଚ। 1-86-16x (536)
ତାଂସ୍ତେ ଦଦାନି ମା ପ୍ରପତ ପ୍ରପାତଂ
ଯେ ମେ ଲୋକାସ୍ତବ ତେ ବୈ ଭବନ୍ତୁ।
ଯଦ୍ଯନ୍ତରିକ୍ଷେ ଯଦି ବା ଦିବି ଶ୍ରିତା-
ସ୍ତାନାକ୍ରମ କ୍ଷିପ୍ରମପେତମୋହଃ॥ 1-86-16 (3787)
ଯଯାତିରୁବାଚ। 1-86-17x (537)
ନ ତୁଲ୍ଯତେଜାଃ ସୁକୃତଂ କାମଯେତ
ଯୋଗକ୍ଷେମଂ ପାର୍ଥିବ ପାର୍ଥିବଃ ସନ୍।
ଦୈବାଦେଶାଦାପଦଂ ପ୍ରାପ୍ଯ ବିଦ୍ବାଂ-
ଶ୍ଚରେନ୍ନୃଶଂସଂ ନ ହି ଜାତୁ ରାଜା॥ 1-86-17 (3788)
ଧର୍ମ୍ଯଂ ମାର୍ଗଂ ଯତମାନୋ ଯଶସ୍ଯଂ
କୁର୍ଯାନ୍ନୃପୋ ଧର୍ମମବେକ୍ଷମାଣଃ।
ନ ମଦ୍ବିଧୋ ଧର୍ମବୁଦ୍ଧିଃ ପ୍ରଜାନ-
ନ୍କୁର୍ଯାଦେବଂ କୃପଣଂ ମାଂ ଯଥାଽତ୍ଥ॥ 1-86-18 (3789)
କୁର୍ଯାଦପୂର୍ବଂ ନ କୃତଂ ଯଦନ୍ଯୈ-
ର୍ବିଧିତ୍ସମାନଃ କିମୁ ତତ୍ର ସାଧୁ।
`ଧର୍ମାଧର୍ମୌ ସୁବିନିଶ୍ଚିତ୍ଯ ସମ୍ଯ-
କ୍କାର୍ଯାକାର୍ଯେଷ୍ବପ୍ରମତ୍ତଶ୍ଚରେଦ୍ଯଃ॥ 1-86-19 (3790)
ସ ବୈ ଧୀମାନ୍ସତ୍ଯସନ୍ଧଃ କୃତାତ୍ମା
ରାଜା ଭବେଲ୍ଲୋକପାଲୋ ମହିମ୍ନା।
ଯଦା ଭବେତ୍ସଂଶଯୋ ଧର୍ମକାର୍ଯେ
କାମାର୍ଥୌ ବା ଯତ୍ର ବିନ୍ଦନ୍ତି ସମ୍ଯକ୍॥ 1-86-20 (3791)
କାର୍ଯଂ ତତ୍ର ପ୍ରଥମଂ ଧର୍ମକାର୍ଯଂ
ଯନ୍ନୋ ବିରୁଧ୍ଯାଦର୍ଥକାମୌ ସ ଧର୍ମଃ 1-86-21 (3792)
ବୈଶମ୍ପାଯନ ଉବାଚ।'
ବ୍ରୁବାଣମେବଂ ନୃପତିଂ ଯଯାତିଂ
ନୃପୋତ୍ତମୋ ବସୁମାନବ୍ରବୀତ୍ତମ୍॥ ॥ 1-86-21x (538)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଷଡଶୀତିତମୋଽଧ୍ଯାଯଃ॥ 86 ॥
Mahabharata - Adi Parva - Chapter Footnotes
1-86-1 ଅନଯୋଃ କୁଟୀଚକବହୂଦକଯୋଃ॥ 1-86-2 ଗୃହସ୍ଥେଷୁ ଶରୀରସ୍ଥେଷ୍ବିନ୍ଦ୍ରିଯେଷୁ॥ 1-86-3 ଦୀର୍ଘମାଯୁଃ ପ୍ରାପ୍ତଃ ସିଦ୍ଧିମପ୍ରାପ୍ଯ ଯୋ ବିକୃତିଂ ପାପଂ ଚରେତ୍। ତତ୍କୃତ୍ବା ତପ୍ଯେତ ଯଦି ସୋନ୍ଯତ୍ତପଃ ପ୍ରାଯଶ୍ଚିତ୍ତଂ ଚରେତ୍॥ 1-86-4 କର୍ମଣାଂ ସକାଶାତ୍ ବିଭୀଯାତ୍। ସୁଖଂ ଯଥେଚ୍ଛମ୍॥ 1-86-5 ନୃଶଂସଂ ହିଂସ୍ରଂ ଯତ୍କର୍ମ ତଦସତ୍ଯଂ ଅସତ୍ସଂବନ୍ଧି। ଅନର୍ଥବୁଦ୍ଧିଃ ଫଲେଚ୍ଛାରହିତଃ। ଅନୀଶଃ ଈଶତ୍ବବୁଦ୍ଧିରହିତଃ॥ 1-86-6 କେନ କତରସ୍ଯାଂ ଦିଶି ପ୍ରହିହିତୋସୀତ୍ଯନ୍ବଯଃ॥ 1-86-7 ବିପ୍ରହୀଣଶ୍ଚ୍ଯୁତଃ। ଉକ୍ତ୍ବା ଆପୃଚ୍ଛ୍ଯ। ବୋ ଯୁଷ୍ମାନ୍। ବ୍ରାହ୍ମଣାଃ ବ୍ରହ୍ମନିଯୁକ୍ତାଃ॥ 1-86-12 ଅବ୍ରାହ୍ମଣଃ ବ୍ରାହ୍ମଣେତରଃ ବ୍ରାହ୍ମଣସ୍ଯୈବ ଭିକ୍ଷାବୃତ୍ତିତ୍ବାତ୍। ବ୍ରହ୍ମବିଦ୍ବେଦାର୍ଥବେତ୍। ନ ବର୍ତତେ ନ ପ୍ରବର୍ତତେ। ପ୍ରତ୍ଯୁତ ପୂର୍ବମଦଦମେବ॥ 1-86-13 କୃପଣୋ ଯାଚକଃ। ଯା ଚାପ୍ଯସ୍ଯ କ୍ଷତ୍ରିଯସ୍ଯ ଅବ୍ରାହ୍ମଣୀ କ୍ଷତ୍ରିଯା ସାପି କୃପଣା ନଜୀବେତ୍। ତଦ୍ବିଧିତ୍ସମାନଃ କର୍ତୁମିଚ୍ଛୁଃ ତତ୍ର ତଦା କିମୁ ସାଧୁଃ ସ୍ଯାଂ ଅପିତୁ ନୈବେତ୍ଯର୍ଥଃ॥ 1-86-15 ପ୍ରତ୍ଯେକଂ ସପ୍ତସପ୍ତାପ୍ଯହାନି ସେବିତାଃ ସନ୍ତୋ ନାନ୍ତବନ୍ତଃ। ମଧୁଚ୍ଯୁତଃ ସୁଖସ୍ରବଃ। ଘୃତପୃକ୍ତାସ୍ତେଜୋଯୁକ୍ତାଃ। ତେ ତ୍ବାଂ ପ୍ରତିପାଲଯନ୍ତି ପ୍ରତୀକ୍ଷନ୍ତେ॥ 1-86-17 ନୃଶଂସଂ ନିନ୍ଦ୍ଯଂ॥ 1-86-19 ଅନ୍ଯୈ ରାଜଭିର୍ଯତ୍ପ୍ରତିଗ୍ରହାଖ୍ଯଂ ନ କୃତଂ ତଦପୂର୍ବମ୍॥ ଷଡଶୀତିତମୋଽଧ୍ଯାଯଃ॥ 86 ॥ଆଦିପର୍ବ - ଅଧ୍ଯାଯ 087
॥ ଶ୍ରୀଃ ॥
1.87. ଅଧ୍ଯାଯଃ 087
Mahabharata - Adi Parva - Chapter Topics
ବସୁମତଃ ଶିବେଶ୍ଚ ଯଯାତିନା ସଂବାଦଃ॥ 1 ॥ ପୁନରଷ୍ଟକଯଯାତିସଂବାଦଃ॥ 2 ॥ ତତ୍ରାଗତଯା ମାଧବ୍ଯା ସ୍ବପୁତ୍ରାନ୍ପ୍ରତି ଯଯା ତେର୍ମାତାମହତ୍ବକଥନମ୍॥ 3 ॥ ତଦ୍ବଚନେନ ଯଯାତେରଷ୍ଟକାଦିଦତ୍ତପୁଣ୍ଯସ୍ବୀକାରପୂର୍ବକମଷ୍ଟକାଦିଭିଃ ସହ ସ୍ବର୍ଗଗମନମ୍॥ 4 ॥ ଯଯାତିନା ମାର୍ଗେ ଅଷ୍ଟକାଦୀନ୍ପ୍ରତି ବିସ୍ତରେଣ ସ୍ବବୃତ୍ତାନ୍ତକଥନମ୍॥ 5 ॥ ଯଯାତ୍ଯୁପାଖ୍ଯାନଶ୍ରବଣାଦିଫଲକଥନମ୍॥ 6 ॥Mahabharata - Adi Parva - Chapter Text
1-87-0 (3793)
ବସୁମାନୁବାଚ। 1-87-0x (539)
ପୃଚ୍ଛାମି ତ୍ବାଂ ବସୁମାନୌଷଦଶ୍ବି-
ର୍ଯଦ୍ଯସ୍ତି ଲୋକୋ ଦିବି ମେ ନରେନ୍ଦ୍ର।
ଯଦ୍ଯନ୍ତରିକ୍ଷେ ପ୍ରଥିତୋ ମହାତ୍ମନ୍
କ୍ଷେତ୍ରଜ୍ଞଂ ତ୍ବାଂ ତସ୍ଯ ଧର୍ମସ୍ଯ ମନ୍ଯେ॥ 1-87-1 (3794)
ଯଯାତିରୁବାଚ। 1-87-2x (540)
ଯଦନ୍ତରିକ୍ଷଂ ପୃଥିବୀ ଦିଶଶ୍ଚ
ଯତ୍ତେଜସା ତପତେ ଭାନୁମାଂଶ୍ଚ।
ଲୋକାସ୍ତାବନ୍ତୋ ଦିବି ସଂସ୍ଥିତା ବୈ
ତେନାନ୍ତବନ୍ତଃ ପ୍ରତିପାଲଯନ୍ତି॥ 1-87-2 (3795)
ବସୁମାନୁବାଚ। 1-87-3x (541)
ତାଂସ୍ତେ ଦଦାନି ମା ପ୍ରପତ ପ୍ରପାତଂ
ଯେ ମେ ଲୋକାସ୍ତବ ତେ ବୈ ଭବନ୍ତୁ।
କ୍ରୀଣୀଷ୍ବୈତାଂସ୍ତୃଣକେନାପି ରାଜ-
ନ୍ପ୍ରତିଗ୍ରହସ୍ତେ ଯଦି ଧୀମନ୍ପ୍ରଦୁଷ୍ଟଃ॥ 1-87-3 (3796)
ଯଯାତିରୁବାଚ। 1-87-4x (542)
ନ ମିଥ୍ଯାଽହଂ ବିକ୍ରଯଂ ବୈ ସ୍ମରାମି
ବୃଥା ଗୃହୀତଂ ଶିଶୁକାଚ୍ଛଙ୍କମାନଃ।
କୁର୍ଯାଂ ନ ଚୈବାକୃତପୂର୍ବମନ୍ଯୈ-
ର୍ବିଧିତ୍ସମାନଃ କିମୁ ତତ୍ର ସାଧୁଃ॥ 1-87-4 (3797)
ବସୁମାନୁବାଚ। 1-87-5x (543)
ତାଂସ୍ତ୍ବଂ ଲୋକାନ୍ପ୍ରତିପଦ୍ଯସ୍ବ ରାଜ-
ନ୍ମଯା ଦତ୍ତାନ୍ଯଦି ନେଷ୍ଟଃ କ୍ରଯସ୍ତେ।
ଅହଂ ନ ତାନ୍ବୈ ପ୍ରତିଗନ୍ତା ନରେନ୍ଦ୍ର
ସର୍ବେ ଲୋକାସ୍ତବ ତେ ବୈ ଭବନ୍ତୁ॥ 1-87-5 (3798)
ଶିବିରୁବାଚ। 1-87-6x (544)
ପୃଚ୍ଛାମି ତ୍ବାଂ ଶିବିରୌଶୀନରୋଽହଂ
ମମାପି ଲୋକା ଯଦି ସନ୍ତୀହ ତାତ।
ଯଦ୍ଯନ୍ତରିକ୍ଷେ ଯଦି ବା ଦିବି ଶ୍ରିତାଃ
କ୍ଷେତ୍ରଜ୍ଞଂ ତ୍ବାଂ ତସ୍ଯ ଧର୍ମସ୍ଯ ମନ୍ଯେ॥ 1-87-6 (3799)
ଯଯାତିରୁବାଚ। 1-87-7x (545)
ଯତ୍ତ୍ବଂ ବାଚା ହୃଦଯେନାପି ସାଧୂ-
ନ୍ପରୀପ୍ସମାନାନ୍ନାବମଂସ୍ଥା ନରେନ୍ଦ୍ର।
ତେନାନନ୍ତା ଦିବି ଲୋକାଃ ଶ୍ରିତାସ୍ତେ
ବିଦ୍ଯୁଦ୍ରୂପାଃ ସ୍ବନବନ୍ତୋ ମହାନ୍ତଃ॥ 1-87-7 (3800)
ଶିବିରୁବାଚ। 1-87-8x (546)
ତାଂସ୍ତ୍ବଂ ଲୋକାନ୍ପ୍ରତିପଦ୍ଯସ୍ବ ରାଜ-
ନ୍ମଯା ଦତ୍ତାନ୍ଯଦି ନେଷ୍ଟଃ କ୍ରଯସ୍ତେ।
ନ ଚାହଂ ତାନ୍ପ୍ରତିପତ୍ସ୍ଯେ ହ ଦତ୍ତ୍ବା
ଯତ୍ର ଗତ୍ବା ନାନୁଶୋଚନ୍ତି ଧୀରାଃ॥ 1-87-8 (3801)
ଯଯାତିରୁବାଚ। 1-87-9x (547)
ଯଥା ତ୍ବମିନ୍ଦ୍ରପ୍ରତିମପ୍ରଭାବ-
ସ୍ତେ ଚାପ୍ଯନନ୍ତା ନରଦେବ ଲୋକାଃ।
ତଥାଽଦ୍ଯ ଲୋକେ ନ ରମେଽନ୍ଯଦତ୍ତେ
ତସ୍ମାଚ୍ଛିବେ ନାଭିନନ୍ଦାମି ଦାଯମ୍॥ 1-87-9 (3802)
ଅଷ୍ଟକ ଉବାଚ। 1-87-10x (548)
ନ ଚେଦେକୈକଶୋ ରାଜଁଲ୍ଲୋକାନ୍ନଃ ପ୍ରତିନନ୍ଦସି।
ସର୍ବେ ପ୍ରଦାଯ ଭବତେ ଗନ୍ତାରୋ ନରକଂ ବଯମ୍॥ 1-87-10 (3803)
ଯଯାତିରୁବାଚ। 1-87-11x (549)
ଯଦର୍ହୋଽହଂ ତଦ୍ଯତଧ୍ବଂ ସନ୍ତଃ ସତ୍ଯାଭିନନ୍ଦିନଃ।
ଅହଂ ତନ୍ନାଭିଜାନାମି ଯତ୍କୃତଂ ନ ମଯା ପୁରା॥ 1-87-11 (3804)
ଅଷ୍ଟକ ଉବାଚ। 1-87-12x (550)
କସ୍ଯୈତେ ପ୍ରତିଦୃଶ୍ଯନ୍ତେ ରଥାଃ ପଞ୍ଚ ହିରଣ୍ମଯାଃ।
ଯାନାରୁହ୍ଯ ନରୋ ଲୋକାନଭିବାଞ୍ଛତି ଶାଶ୍ବତାନ୍॥ 1-87-12 (3805)
ଯଯାତିରୁବାଚ। 1-87-13x (551)
ଯୁଷ୍ମାନେତେ ବହିଷ୍ଯନ୍ତି ରଥାଃ ପଞ୍ଚ ହିରଣ୍ମଯାଃ।
ଉଚ୍ଚୈଃ ସନ୍ତଃ ପ୍ରକାଶନ୍ତେ ଜ୍ବଲନ୍ତୋଽଗ୍ନିଶିଖା ଇବ॥ 1-87-13 (3806)
`ବୈଶମ୍ପାଯନ ଉବାଚ। 1-87-14x (552)
ଅଶ୍ବମେଧେ ମହାଯଜ୍ଞେ ସ୍ବଯଂଭୁବିହିତେ ପୁରା।
ହଯସ୍ଯ ଯାନି ଚାଙ୍ଗାନି ସଂନିକୃତ୍ଯ ଯଥାକ୍ରମମ୍॥ 1-87-14 (3807)
ହୋତାଽଧ୍ବର୍ଯୁରଥୋଦ୍ଗାତା ବ୍ରହ୍ମଣା ସହ ଭାରତ।
ଅଗ୍ନୌ ପ୍ରାସ୍ଯନ୍ତି ବିଧିବତ୍ସମସ୍ତାଃ ଷୋଡଶର୍ତ୍ବିଜଃ॥ 1-87-15 (3808)
ଧୂମଗନ୍ଧଂ ଚ ପାପିଷ୍ଠା ଯେ ଜିଘ୍ରନ୍ତି ନରା ଭୁବି।
ବିମୁକ୍ତପାପାଃ ପୂତାସ୍ତେ ତତ୍କ୍ଷଣେନାଭବନ୍ନରାଃ॥ 1-87-16 (3809)
ଏତସ୍ମିନ୍ନନ୍ତରେ ଚୈବ ମାଧବୀ ସା ତପୋଧନା।
ମୃଗଚର୍ମପରୀତାଙ୍ଗୀ ପରିଧାଯ ମୃଗତ୍ବଚମ୍॥ 1-87-17 (3810)
ମୃଗୈଃ ପରିଚରନ୍ତୀ ସା ମୃଗାହାରବିଚେଷ୍ଟିତା।
ଯଜ୍ଞବାଟଂ ମୃଗଗଣୈଃ ପ୍ରବିଶ୍ଯ ଭୃଶବିସ୍ମିତା॥ 1-87-18 (3811)
ଆଘ୍ରାଯନ୍ତୀ ଧୂମଗନ୍ଧଂ ମୃଗୈରେବ ଚଚାର ସା।
ଯଜ୍ଞବାଟମଟନ୍ତୀ ସା ପୁତ୍ରାଂସ୍ତାନପରାଜିତାନ୍॥ 1-87-19 (3812)
ପଶ୍ଯନ୍ତୀ ଯଜ୍ଞମାହାତ୍ମ୍ଯଂ ମୁଦଂ ଲେଭେ ଚ ମାଧବୀ।
ଅସଂସ୍ପୃଶନ୍ତଂ ବସୁଧାଂ ଯଯାତିଂ ନାହୁଷଂ ଯଦା॥ 1-87-20 (3813)
ଦିବିଷ୍ଠଂ ପ୍ରାପ୍ତମାଜ୍ଞାଯ ବବନ୍ଦେ ପିତରଂ ତଦା।
ତଦା ବସୁମନାପୃଚ୍ଛନ୍ମାତରଂ ବୈ ତପସ୍ବିନୀମ୍॥ 1-87-21 (3814)
ଭବତ୍ଯା ଯତ୍କୃତମିଦଂ ବନ୍ଦନଂ ପାଦଯୋରିହ।
କୋଯଂ ଦେବୋପମୋ ରାଜା ଯାଽଭିବନ୍ଦସି ମେ ବଦ॥ 1-87-22 (3815)
ମାଧବ୍ଯୁବାଚ। 1-87-23x (553)
ଶୃଣୁଧ୍ବଂ ସହିତାଃ ପୁତ୍ରା ନାହୁଷୋଯଂ ପିତା ମମ।
ଯଯାତିର୍ମମ ପୁତ୍ରାଣାଂ ମାତାମହ ଇତି ସ୍ମୃତଃ॥ 1-87-23 (3816)
ପୂରୁଂ ମେ ଭ୍ରାତରଂ ରାଜ୍ଯେ ସମାବେଶ୍ଯ ଦିବଂ ଗତଃ।
କେନ ବା କାରଣେନୈବମିହ ପ୍ରାପ୍ତୋ ମହାଯଶାଃ॥ 1-87-24 (3817)
ବୈଶମ୍ପାଯନ ଉବାଚ। 1-87-25x (554)
ତସ୍ଯାସ୍ତଦ୍ବଚନଂ ଶ୍ରୁତ୍ବା ସ୍ବର୍ଗାଦ୍ଭ୍ରଷ୍ଟେତି ଚାବ୍ରବୀତ୍।
ସା ପୁତ୍ରସ୍ଯ ବଚଃ ଶ୍ରୁତ୍ବା ସଂଭ୍ରମାବିଷ୍ଟଚେତନା॥ 1-87-25 (3818)
ମାଧବୀ ପିତରଂ ପ୍ରାହ ଦୌହିତ୍ରପରିବାରିତମ୍।
ତପସା ନିର୍ଜିତାଁଲ୍ଲୋକାନ୍ପ୍ରତିଗୃହ୍ଣୀଷ୍ବ ମାମକାନ୍॥ 1-87-26 (3819)
ପୁତ୍ରାଣାମିବ ପୌତ୍ରାଣାଂ ଧର୍ମାଦଧିଗତଂ ଧନମ୍।
ସ୍ବାର୍ଥଣେବ ବଦନ୍ତୀହ ଋଷଯୋ ଧର୍ମପାଠକାଃ।
ତସ୍ମାଦ୍ଦାନେନ ତପସା ଚାସ୍ମାକଂ ଦିବମାବ୍ରଜ॥ 1-87-27 (3820)
ଯଯାତିରୁବାଚ। 1-87-28x (555)
ଯଦି ଧର୍ମଫଲଂ ହ୍ଯେତଚ୍ଛୋଭନଂ ଭବିତା ତବ।
ଦୁହିତ୍ରା ଚୈବ ଦୌହିତ୍ରୈସ୍ତାରିତୋଽହଂ ମହାତ୍ମଭିଃ॥ 1-87-28 (3821)
ତସ୍ମାତ୍ପବିତ୍ରଂ ଦୌହିତ୍ରମଦ୍ଯପ୍ରଭୃତି ପୈତୃକେ।
ତ୍ରୀଣି ଶ୍ରାଦ୍ଧେ ପବିତ୍ରାଣି ଦୌହିତ୍ରଃ କୁତପସ୍ତିଲାଃ॥ 1-87-29 (3822)
ତ୍ରୀଣି ଚାତ୍ର ପ୍ରଶଂସନ୍ତି ଶୌଚମକ୍ରୋଧମତ୍ବରାମ୍।
ଭୋକ୍ତାରଃ ପରିବେଷ୍ଟାରଃ ଶ୍ରାବିତାରଃ ପବିତ୍ରକାଃ॥ 1-87-30 (3823)
ଦିବସସ୍ଯାଷ୍ଟମେ ଭାଗେ ମନ୍ଦୀଭବତି ଭାସ୍କରେ।
ସ କାଲଃ କୁତପୋ ନାମ ପିତୄଣାଂ ଦତ୍ତମକ୍ଷଯମ୍॥ 1-87-31 (3824)
ତିଲାଃ ପିଶାଚାଦ୍ରକ୍ଷନ୍ତି ଦର୍ଭା ରକ୍ଷନ୍ତି ରାକ୍ଷସାତ୍।
ରକ୍ଷନ୍ତି ଶ୍ରୋତ୍ରିଯାଃ ପଙ୍କ୍ତିଂ ଯତିଭିର୍ଭୁକ୍ତମକ୍ଷଯମ୍॥ 1-87-32 (3825)
ଲବ୍ଧ୍ବା ପାତ୍ରଂ ତୁ ବିଦ୍ବାଂସଂ ଶ୍ରୋତ୍ରିଯଂ ସୁବ୍ରତଂ ଶୁଚିମ୍।
ସ କାଲଃ କାଲତୋ ଦତ୍ତଂ ନାନ୍ଯଥା କାଲ ଇଷ୍ଯତେ॥ 1-87-33 (3826)
ବୈଶମ୍ପାଯନ ଉବାଚ। 1-87-34x (556)
ଏବମୁକ୍ତ୍ବା ଯଯାତିସ୍ତୁ ପୁନଃ ପ୍ରୋବାଚ ବୁଦ୍ଧିମାନ୍।
ସର୍ବେ ହ୍ଯବଭୃଥସ୍ନାତାସ୍ତ୍ବରଧ୍ବଂ କାର୍ଯଗୌରବାତ୍॥' 1-87-34 (3827)
ଅଷ୍ଟକ ଉବାଚ। 1-87-35x (557)
ଆତିଷ୍ଠ ସ୍ବରଥଂ ରାଜନ୍ବିକ୍ରମସ୍ବ ବିହାଯସମ୍।
ବଯମପ୍ଯନୁଯାସ୍ଯାମୋ ଯଦା କାଲୋ ଭବିଷ୍ଯତି॥ 1-87-35 (3828)
ଯଯାତିରୁବାଚ। 1-87-36x (558)
ସର୍ବୈରିଦାନୀଂ ଗନ୍ତବ୍ଯଂ ସହ ସ୍ବର୍ଗଜିତୋ ବଯମ୍।
ଏଷ ନୋ ବିରଜାଃ ପନ୍ଥା ଦୃଶ୍ଯତେ ଦେବସଦ୍ମନଃ॥ 1-87-36 (3829)
ବୈଶମ୍ପାଯନ ଉବାଚ। 1-87-37x (559)
`ଅଷ୍ଟକଶ୍ଚ ଶିବିଶ୍ଚୈବ କାଶେଯଶ୍ଚ ପ୍ରତର୍ଦନଃ।
ଐକ୍ଷ୍ବାକବୋ ବସୁମନାଶ୍ଚତ୍ବାରୋ ଭୂମିପାସ୍ତଦା।
ସର୍ବେ ହ୍ଯବଭୃଥସ୍ନାତାଃ ସ୍ବର୍ଗତାଃ ସାଧବଃ ସହ॥' 1-87-37 (3830)
ତେଽଧିରୁହ୍ଯ ରଥାନ୍ସର୍ବେ ପ୍ରଯାତା ନୃପସ୍ତମାଃ।
ଆକ୍ରମନ୍ତୋ ଦିବଂ ଭାଭିର୍ଧର୍ମେଣାବୃତ୍ଯ ରୋଦସୀ॥ 1-87-38 (3831)
ଅଷ୍ଟକ ଉବାଚ। 1-87-39x (560)
ଅହଂ ମନ୍ଯେ ପୂର୍ବମେକୋଽସ୍ମି ଗନ୍ତା
ସଖା ଚେନ୍ଦ୍ରଃ ସର୍ବଥା ମେ ମହାତ୍ମା।
କସ୍ମାଦେବଂ ଶିବିରୌଶୀନରୋଽଯ-
ମେକୋଽତ୍ଯଗାତ୍ସର୍ବବେଗେନ ବାହାନ୍॥ 1-87-39 (3832)
ଯଯାତିରୁବାଚ। 1-87-40x (561)
ଅଦଦଦ୍ଯାଚମାନାଯ ଯାବଦ୍ବିତ୍ତମବିନ୍ଦତ।
ଉଶୀନରସ୍ଯ ପୁତ୍ରୋଽଯଂ ତସ୍ମାଚ୍ଛ୍ରେଷ୍ଠୋହି ବଃ ଶିବିଃ॥ 1-87-40 (3833)
ଦାନଂ ତପଃ ସଂତ୍ଯମଥାଽପି ଧର୍ମୋ
ହ୍ରୀଃ ଶ୍ରୀଃ କ୍ଷମା ସୌମ୍ଯମଥୋ ବିଧିତ୍ସା।
ରାଜନ୍ନେତାନ୍ଯପ୍ରମେଯାଣି ରାଜ୍ଞଃ
ଶିବେଃ ସ୍ଥିତାନ୍ଯପ୍ରତିମସ୍ଯ ବୁଦ୍ଧ୍ଯା॥ 1-87-41 (3834)
ଏବଂ ବୃତ୍ତୋ ହ୍ରୀନିଷେବଶ୍ଚ ଯସ୍ମା-
ତ୍ତସ୍ମାଚ୍ଛିବିରତ୍ଯଗାଦ୍ବୈ ରଥେନ। 1-87-42 (3835)
ବୈଶମ୍ପାଯନ ଉବାଚ।
ଅଥାଷ୍ଟକଃ ପୁନରେବାନ୍ବପୃଚ୍ଛ-
ନ୍ମାତାମହଂ କୌତୁକେନେନ୍ଦ୍ରକଲ୍ପମ୍॥ 1-87-42x (562)
ପୃଚ୍ଛାମି ତ୍ବାଂ ନୃପତେ ବ୍ରୂହି ସତ୍ଯଂ
କୁତଶ୍ଚ କଶ୍ଚାସି ସୁତଶ୍ଚ କସ୍ଯ।
କୃତଂ ତ୍ବଯା ଯଦ୍ଧି ନ ତସ୍ଯ କର୍ତା
ଲୋକେ ତ୍ବଦନ୍ଯଃ କ୍ଷତ୍ରିଯୋ ବ୍ରାହ୍ମଣୋ ବା॥ 1-87-43 (3836)
ଯଯାତିରୁବାଚ। 1-87-44x (563)
ଯଯାତିରସ୍ମି ନହୁଷସ୍ଯ ପୁତ୍ରଃ
ପୂରୋଃ ପିତା ସାର୍ବବୌମସ୍ତ୍ବିହାସମ୍।
ଗୁହ୍ଯଂ ଚାର୍ଥଂ ମାମକେଭ୍ଯୋ ବ୍ରବୀମି
ମାତାମହୋଽହଂ ଭବତାଂ ପ୍ରକାଶମ୍॥ 1-87-44 (3837)
ସର୍ବାମିମାଂ ପୃଥିବୀଂ ନିର୍ଜିଗାଯ
ଦତ୍ତ୍ବା ପ୍ରତସ୍ଥେ ବିପିନଂ ବ୍ରାହ୍ମଣେଭ୍ଯଃ।
ମେଧ୍ଯାନଶ୍ବାନେକଶତାନ୍ସୁରୂପାଂ-
ସ୍ତଦା ଦେବାଃ ପୁଣ୍ଯଭାଜୋ ଭବନ୍ତି॥ 1-87-45 (3838)
ଅଦାମହଂ ପୃଥିବୀଂ ବ୍ରାହ୍ମଣେଭ୍ଯଃ
ପୂର୍ଣାମିମାମଖିଲାଂ ବାହନେନ।
ଗୋଭିଃ ସୁବର୍ଣେନ ଧନୈଶ୍ଚ ମୁଖ୍ଯୈ-
ସ୍ତଦାଽଦଦଂ ଗାଃ ଶଥମର୍ବୁଦାନି॥ 1-87-46 (3839)
ସତ୍ଯେନ ମେ ଦ୍ଯୌଶ୍ଚ ବସୁନ୍ଧରା ଚ
ତଥୈବାଗ୍ନିଜ୍ବର୍ଲତେ ମାନୁଷେଷୁ।
ନ ମେ ବୃଥା ବ୍ଯାହୃତମେବ ବାକ୍ଯଂ
ସତ୍ଯଂ ହି ସନ୍ତଃ ପ୍ରତିପୂଜଯନ୍ତି॥ 1-87-47 (3840)
ଯଦଷ୍ଟକ ପ୍ରବ୍ରବୀମୀହ ସତ୍ଯଂ
ପ୍ରତର୍ଦନଂ ଚୌଷଦଶ୍ବିଂ ତଥୈବ।
ସର୍ବେ ଚ ଲୋକା ମୁନଯଶ୍ଚ ଦେବାଃ
ସତ୍ଯେନ ପୂଜ୍ଯା ଇତି ମେ ମନୋଗତମ୍॥ 1-87-48 (3841)
ଯୋ ନଃ ସ୍ବର୍ଗଜିତଃ ସର୍ବାନ୍ଯଥାବୃତ୍ତଂ ନିବେଦଯେତ୍।
ଅନସୂଯୁର୍ଦ୍ବିଜାଗ୍ର୍ଯେଭ୍ଯଃ ସ ଲଭେନ୍ନଃ ସଲୋକତାମ୍॥ 1-87-49 (3842)
ବୈଶମ୍ପାଯନ ଉବାଚ। 1-87-50x (564)
ଏବଂ ରାଜା ସ ମହାତ୍ମା ହ୍ଯତୀବ
ସ୍ବୈର୍ଦୌହିତ୍ରୈସ୍ତାରିତୋଽମିତ୍ରସାହ।
ତ୍ଯକ୍ତ୍ବା ମହୀଂ ପରମୋଦାରକର୍ମା
ସ୍ବର୍ଗଂ ଗତଃ କର୍ମଭିର୍ବ୍ଯାପ୍ଯ ପୃଥ୍ବୀମ୍॥ ॥ 1-87-50 (3843)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ସପ୍ତାଶୀତିତମୋଽଧ୍ଯାଯଃ॥ 87 ॥
Mahabharata - Adi Parva - Chapter Footnotes
1-87-2 ଯତ୍ ଯତ୍ ତପତେ ପ୍ରକାଶଯତି॥ 1-87-4 ଶିଶୁକାତ୍ ଶୈଶବମାରଭ୍ଯ॥ 1-87-7 ପରୀପ୍ସମାନାନ୍ ଯାଚକାନ୍। ନାବମଂସ୍ଥା ନାବମାନଂ କୃତବାନସି। ସ୍ବନବନ୍ତଃ ସଂଗୀତାଦିଧ୍ବନିଯୁକ୍ତାଃ॥ 1-87-10 ଗନ୍ତାରୋ ମୃତ୍ବା ପ୍ରାପ୍ସ୍ଯାମଃ। ନରକଂ ଭୂଲୋକମ୍॥ 1-87-11 ଯତଧ୍ବଂ କର୍ତୁମ୍। ନାଭିଜାନାମି ନାଙ୍ଗୀକରୋମି॥ 1-87-13 ପ୍ରକାଶନ୍ତେ ଦୃଶ୍ଯନ୍ତେ। ଜ୍ବଲନ୍ତୋ ଦୀପ୍ଯମାନାଃ॥ 1-87-14 ଅକୃତହୋମସମାପ୍ତୀନାମବଭୃଥାଯୋଗାତ୍ ହୋମୋପି ସମାପିତ ଇତ୍ଯାହ। ଅଶ୍ବମେଧ ଇତି। ପୁରା ସ୍ବଯଂଭୁବିହିତେ କର୍ତବ୍ଯତଯା ବିହିତେ ଅଶ୍ବମେଧେ ଅଷ୍ଟକାଦିଭିଃ କ୍ରିଯମାଣେ॥ 1-87-41 ସୌମ୍ଯମକ୍ରୂରତ୍ବମ୍। ବିଧିତ୍ସା ପାଲନେଚ୍ଛା॥ 1-87-42 ସତ୍ଯମେବ ଶ୍ରେଯଃସାଧନମିତି ବିଧାତୁଂ ପୂର୍ବୋକ୍ତପ୍ରଶ୍ନୋତ୍ତରେ ଅନୁବଦତି। ଅଥାଷ୍ଟକ ଇତ୍ଯାଦିନା॥ 1-87-44 ପ୍ରକାଶଂ ପ୍ରାଗୁକ୍ତମପି ସ୍ପଷ୍ଟତରମ୍॥ 1-87-45 ଏବଂ କୃତେ ସତି ପୁଣ୍ଯଭାଜଃ ସନ୍ତଃ ଦେବା ଭବନ୍ତି॥ ସପ୍ତାଶୀତିତମୋଽଧ୍ଯାଯଃ॥ 87 ॥ଆଦିପର୍ବ - ଅଧ୍ଯାଯ 088
॥ ଶ୍ରୀଃ ॥
1.88. ଅଧ୍ଯାଯଃ 088
Mahabharata - Adi Parva - Chapter Topics
ପୂରୁବଂଶକଥନମ୍॥ 1 ॥Mahabharata - Adi Parva - Chapter Text
1-88-0 (3844)
ଜନମେଜଯ ଉବାଚ। 1-88-0x (565)
ପୁତ୍ରଂ ଯଯାତେଃ ପ୍ରବୂହି ପୂରୁଂ ଧର୍ମଭୃତାଂ ବରମ୍।
ଆନୁପୂର୍ବ୍ଯେଣ ଯେ ଚାନ୍ଯେ ପୂରୋର୍ବଂଶବିବର୍ଧନାଃ॥ 1-88-1 (3845)
ବିସ୍ତରେଣ ପୁନର୍ବ୍ରୂହି ଦୌଷ୍ଯନ୍ତେର୍ଜନମେଜଯାତ୍।
ସଂବଭୂବ ଯଥା ରାଜା ଭରତୋ ଦ୍ବିଜସତ୍ତମ॥ 1-88-2 (3846)
ବୈଶମ୍ପାଯନ ଉବାଚ। 1-88-3x (566)
ପୂରୁର୍ନୃପତିଶାର୍ଦୂଲୋ ଯଥୈବାସ୍ଯ ପିତା ନୃପ।
ଧର୍ମନିତ୍ଯଃ ସ୍ଥିତୋ ରାଜ୍ଯେ ଶକ୍ରତୁଲ୍ଯପରାକ୍ରମଃ॥ 1-88-3 (3847)
ପ୍ରବୀରେଶ୍ବରରୌଦ୍ରାଶ୍ବାସ୍ତ୍ରଯଃ ପୁତ୍ରା ମହାରଥାଃ।
ପୂରୋଃ ପୌଷ୍ଟ୍ଯାମଜାଯନ୍ତ ପ୍ରବୀରୋ ବଂଶକୃତ୍ତତଃ॥ 1-88-4 (3848)
ମନସ୍ଯୁରଭବତ୍ତସ୍ମାଚ୍ଛୂରସେନୀସୁତଃ ପ୍ରଭୁଃ।
ପୃଥିବ୍ଯାଶ୍ଚତୁରନ୍ତାଯା ଗୋପ୍ତା ରାଜୀବଲୋଚନଃ॥ 1-88-5 (3849)
ଶକ୍ତଃ ସଂହନନୋ ବାଗ୍ମୀ ସୌବୀରୀତନଯାସ୍ତ୍ରଯଃ।
ମନସ୍ଯୋରଭବନ୍ପୁତ୍ରାଃ ଶୂରାଃ ସର୍ବେ ମହାରଥାଃ॥ 1-88-6 (3850)
ଅନ୍ବଗ୍ଭାନୁପ୍ରଭୃତଯୋ ମିଶ୍ରକେଶ୍ଯାଂ ମନସ୍ବିନଃ।
ରୌଦ୍ରାଶ୍ବସ୍ଯ ମହେଷ୍ବାସା ଦଶାପ୍ସରସି ସୂନବଃ॥ 1-88-7 (3851)
ଯଜ୍ବାନୋ ଜଜ୍ଞିରେ ଶୂରାଃ ପ୍ରଜାବନ୍ତୋ ବହୁଶ୍ରୁତାଃ।
ସର୍ବେ ସର୍ବାସ୍ତ୍ରବିଦ୍ବାସଃ ସର୍ବେ ଧର୍ମପରାଯଣାଃ॥ 1-88-8 (3852)
ଋଚେଯୁରଥ କକ୍ଷେଯୁଃ କୃକଣେଯୁଶ୍ଚ ବୀର୍ଯବାନ୍।
ସ୍ଥଣ୍ଡିଲେଯୁର୍ବନେଯୁଶ୍ଚ ଜଲେଯୁଶ୍ଚ ମହାଯଶାଃ॥ 1-88-9 (3853)
ତେଜେଯୁର୍ବଲାବାନ୍ଧୀମାନ୍ସତ୍ଯେଯୁଶ୍ଚନ୍ଦ୍ରବିକ୍ରମଃ।
ଧର୍ମେଯୁଃ ସନ୍ନତେଯୁଶ୍ଚ ଦଶମୋ ଦେବବିକ୍ରମଃ॥ 1-88-10 (3854)
ଅନାଧୃଷ୍ଟିରଭୂତ୍ତେଷାଂ ବିଦ୍ବାନ୍ଭୁବି ତଥୈକରାଟ୍।
ଋଚେଯୁରଥ ବିକ୍ରାନ୍ତୋ ଦେବାନାମିବ ବାସବଃ॥ 1-88-11 (3855)
ଅନାଧୃଷ୍ଟିସୁତସ୍ତ୍ବାସୀଦ୍ରାଜସୂଯାଶ୍ବମେଧକୃତ୍।
ମତିନାର ଇତି ଖ୍ଯାତୋ ରାଜା ପରମଧାର୍ମିକଃ॥ 1-88-12 (3856)
ମତିନାରସୁତା ରାଜଂଶ୍ଚତ୍ବାରୋଽମିତବିକ୍ରମାଃ।
ତଂସୁର୍ମହାନତିରଥୋ ଦ୍ରୁହ୍ଯୁଶ୍ଚାପ୍ରତିମଦ୍ଯୁତିଃ॥ 1-88-13 (3857)
ତେଷାଂ ତଂସୁର୍ମହାବୀର୍ଯଃ ପୌରବଂ ବଂଶମୁଦ୍ବହନ୍।
ଆଜହାର ଯଶୋ ଦୀପ୍ତଂ ଜିଗାଯ ଚ ବସୁଂଧରାମ୍॥ 1-88-14 (3858)
ଈଲିନଂ ତୁ ସୁତଂ ତଂସୁର୍ଜନଯାମାସ ବୀର୍ଯବାନ୍।
ସୋଽପି କୃତ୍ସ୍ନାମିମାଂ ଭୂମିଂ ବିଜିଗ୍ଯେ ଜଯତାଂ ବରଃ॥ 1-88-15 (3859)
ରଥନ୍ତର୍ଯାଂ ସୁତାନ୍ପଞ୍ଚ ପଞ୍ଚଭୂତୋପମାଂସ୍ତତଃ।
ଈଲିନୋ ଜନଯାମାସ ଦୁଷ୍ଯନ୍ତପ୍ରଭୃତୀନ୍ନୃପାନ୍॥ 1-88-16 (3860)
ଦୁଷ୍ଯନ୍ତଂ ଶୂରଭୀମୌ ଚ ପ୍ରବସୁଂ ବସୁମେବ ଚ।
ତେଷାଂ ଶ୍ରେଷ୍ଠୋଽଭବଦ୍ରାଜା ଦୁଷ୍ଯନ୍ତୋ ଦୁର୍ଜଯୋ ଯୁଧି॥ 1-88-17 (3861)
ଦୁଷ୍ଯନ୍ତାଲ୍ଲକ୍ଷଣାଯାଂ ତୁ ଜଜ୍ଞେ ବୈ ଜନମେଜଯଃ।
ଶକୁନ୍ତଲାଯାଂ ଭରତୋ ଦୌଷ୍ଯନ୍ତିରଭବତ୍ସୁତଃ॥ 1-88-18 (3862)
ତସ୍ମାଦ୍ଭରତବଂଶସ୍ଯ ବିପ୍ରତସ୍ଥେ ମହଦ୍ଯଶଃ॥ ॥ 1-88-19 (3863)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଅଷ୍ଟାଶୀତିତମୋଽଧ୍ଯାଯଃ॥ 88 ॥
ଆଦିପର୍ବ - ଅଧ୍ଯାଯ 089
॥ ଶ୍ରୀଃ ॥
1.89. ଅଧ୍ଯାଯଃ 089
Mahabharata - Adi Parva - Chapter Topics
ଶକୁନ୍ତଲୋପାଖ୍ଯାନାରମ୍ଭଃ॥ 1 ॥Mahabharata - Adi Parva - Chapter Text
1-89-0 (3864)
ଜନମେଜଯ ଉବାଚ। 1-89-0x (567)
ଭଗବନ୍ବିସ୍ତରେଣେହ ଭରତସ୍ଯ ମହାତ୍ମନଃ।
ଜନ୍ମ କର୍ମ ଚ ସୁଶ୍ରୂଷୋସ୍ତନ୍ମେ ଶଂସିତୁମର୍ହସି॥ 1-89-1 (3865)
ବୈଶମ୍ପାଯନ ଉବାଚ। 1-89-2x (568)
ପୌରବାଣାଂ ବଂଶକରୋ ଦୁଷ୍ଯନ୍ତୋ ନାମ ବୀର୍ଯବାନ୍।
ପୃଥିବ୍ଯାଶ୍ଚତୁରନ୍ତାଯା ଗୋପ୍ତା ଭରତସତ୍ତମ॥ 1-89-2 (3866)
ଚତୁର୍ଭାଗଂ ଭୁବଃ କୃତ୍ସ୍ନଂ ଯୋ ଭୁଙ୍କ୍ତେ ମନୁଜେଶ୍ବରଃ।
ସମୁଦ୍ରାବରଣାଂଶ୍ଚାପି ଦେଶାନ୍ସ ସମିତିଂଜଯଃ॥ 1-89-3 (3867)
ଆମ୍ଲେଚ୍ଛାବଧିକାନ୍ସର୍ବାନ୍ସ ଭୁଙ୍କ୍ତେ ରିପୁମର୍ଦନଃ।
ରତ୍ନାକରସମୁଦ୍ରାନ୍ତାଂଶ୍ଚାତୁର୍ବର୍ଣ୍ଯଜନାବୃତାନ୍॥ 1-89-4 (3868)
ନ ବର୍ଣସଙ୍କରକରୋ ନ କୃଷ୍ଯାକରକୃଜ୍ଜନଃ।
ନ ପାପକୃତ୍କଶ୍ଚିଦାସୀତ୍ତସ୍ମିନ୍ରାଜନି ଶାସତି॥ 1-89-5 (3869)
ଧର୍ମେ ରତିଂ ସେବମାନା ଧର୍ମାର୍ଥାବଭିପେଦିରେ।
ତଦା ନରା ନରବ୍ଯାଘ୍ର ତସ୍ମିଞ୍ଜନପଦେଶ୍ବରେ॥ 1-89-6 (3870)
ନାସୀଚ୍ଚୋରଭଯଂ ତାତ ନ କ୍ଷୁଧାଭଯମଣ୍ବପି।
ନାସୀଦ୍ବ୍ଯାଧିଭଯଂ ଚାପି ତସ୍ମିଞ୍ଜନପଦେଶ୍ବରେ॥ 1-89-7 (3871)
ସ୍ବଧର୍ମୈ ରେମିରେ ବର୍ଣା ଦୈବେ କର୍ମଣି ନିଃସ୍ପୃହାଃ।
ତମାଶ୍ରିତ୍ଯ ମହୀପାଲମାସଂଶ୍ଚୈବାକୁତୋଭଯାଃ॥ 1-89-8 (3872)
କାଲବର୍ଷୀ ଚ ପର୍ଜନ୍ଯଃ ସସ୍ଯାନି ରସବନ୍ତି ଚ।
ସର୍ବରତ୍ନସମୃଦ୍ଧା ଚ ମହୀ ପଶୁମତୀ ତଥା॥ 1-89-9 (3873)
ସ୍ବକର୍ମନିରତା ବିପ୍ରା ନାନୃତଂ ତେଷୁ ବିଦ୍ଯତେ।
ସ ଚାଦ୍ଭୁତମହାବୀର୍ଯୋ ବଜ୍ରସଂହନନୋ ଯୁବା॥ 1-89-10 (3874)
ଉଦ୍ଯମ୍ଯ ମନ୍ଦରଂ ଦୋର୍ଭ୍ଯାଂ ବହେତ୍ସବନକାନନମ୍।
ଚତୁଷ୍ପଥଗଦାଯୁଦ୍ଧେ ସର୍ବପ୍ରହରଣେଷୁ ଚ॥ 1-89-11 (3875)
ନାଗପୃଷ୍ଠେଽଶ୍ବପୃଷ୍ଠେ ଚ ବଭୂବ ପରିନିଷ୍ଠତଃ।
ବଲେ ବିଷ୍ଣୁସମଶ୍ଚାସୀତ୍ତେଜସା ଭାସ୍କରୋପମଃ॥ 1-89-12 (3876)
ଅକ୍ଷୋଭ୍ଯତ୍ବେଽର୍ଣବସମଃ ସହିଷ୍ଣୁତ୍ବେ ଧରାସମଃ।
ସଂମତଃ ସ ମହୀପାଲଃ ପ୍ରସନ୍ନପୁରରାଷ୍ଟ୍ରବାନ୍॥ 1-89-13 (3877)
ଭୂଯୋ ଧର୍ମପରୈର୍ଭାବୈର୍ମୁଦିତଂ ଜନମାଦିଶତ୍॥ ॥ 1-89-14 (3878)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଏକୋନନବତିତମୋଽଧ୍ଯାଯଃ॥ 89 ॥
Mahabharata - Adi Parva - Chapter Footnotes
1-89-5 ନ କୃଷ୍ଯାକରକୃତ୍ କୃଷିକୃନ୍ନ ଭୁବୋଽକୃଷ୍ଟପଚ୍ଯତ୍ବାତ୍। ଆକରଃ ସୁବର୍ଣାଦିଧାତୂତ୍ପତ୍ତିସ୍ଥାନଂ ତତ୍ରାପି ଯତ୍ନଂ ନ କରୋତି ପୃଥିବ୍ଯା ରତ୍ନୈର୍ଧାତୁଭିଶ୍ଚ ପୂର୍ଣତ୍ବାତ୍॥ 1-89-8 ଦୈବେ କର୍ମଣି ବୃଷ୍ଟ୍ଯାଦ୍ଯର୍ଥେ କାରୀର୍ଯାଦିକାମ୍ଯକର୍ମଣି॥ 1-89-9 ତଦେବାହ କାଲେତି॥ 1-89-10 ବଜ୍ରସଂହନନୋ ଦୃଢଦେହଃ॥ 1-89-11 ସବନକାନନଂ ବନଂ ଜଲମୁପବନଂ ବା॥ 1-89-14 ଆଦିଶତ୍ ଶଶାସ॥ ଏକୋନନବତିତମୋଽଧ୍ଯାଯଃ॥ 89 ॥ଆଦିପର୍ବ - ଅଧ୍ଯାଯ 090
॥ ଶ୍ରୀଃ ॥
1.90. ଅଧ୍ଯାଯଃ 090
Mahabharata - Adi Parva - Chapter Topics
ମୃଗଯାର୍ଥଂ ଦୁଷ୍ଯନ୍ତସ୍ଯାରଣ୍ଯଗମନମ୍॥ 1 ॥Mahabharata - Adi Parva - Chapter Text
1-90-0 (3879)
ଜନମେଜଯ ଉବାଚ। 1-90-0x (569)
ସଂଭବଂ ଭରତସ୍ଯାହଂ ଚରିତଂ ଚ ମହାମତେଃ।
ଶକୁନ୍ତଲାଯାଶ୍ଚୋତ୍ପତ୍ତିଂ ଶ୍ରୋତୁମିଚ୍ଛାମି ତତ୍ତ୍ବତଃ॥ 1-90-1 (3880)
ଦୁଷ୍ଯନ୍ତେନ ଚ ବୀରେଣ ଯଥା ପ୍ରାପ୍ତା ଶକୁନ୍ତଲା।
ତଂ ବୈ ପୁରୁଷସିଂହସ୍ଯ ଭଗବନ୍ବିସ୍ତରଂ ତ୍ବହମ୍॥ 1-90-2 (3881)
ଶ୍ରୋତୁମିଚ୍ଛାମି ତତ୍ତ୍ବଜ୍ଞ ସର୍ବଂ ମତିମତାଂ ବର। 1-90-3 (3882)
ବୈଶମ୍ପାଯନ ଉବାଚ।
ସ କଦାଚିନ୍ମହାବାହୁଃ ପ୍ରଭୂତବଲବାହନଃ॥ 1-90-3x (570)
ବନଂ ଜଗାମ ଗହନଂ ହଯନାଗଶତୈର୍ବୃତଃ।
ବଲେନ ଚତୁରଙ୍ଗେଣ ବୃତଃ ପରମବଲ୍ଗୁନା॥ 1-90-4 (3883)
ଖଡ୍ଗଶକ୍ତିଧରୈର୍ବୀରୈର୍ଗଦାମୁସଲପାଣିଭିଃ।
ପ୍ରାସତୋମରହସ୍ତୈଶ୍ଚ ଯଯୌ ଯୋଧଶତୈର୍ବୃତଃ॥ 1-90-5 (3884)
ସିଂହନାଦୈଶ୍ଚ ଯୋଧାନାଂ ଶଙ୍ଖଦୁନଦୁଭିନିଃସ୍ବନୈଃ।
ରଥନେମିସ୍ବନୈଶ୍ଚୈବ ସନାଗବରବୃଂହିତୈଃ॥ 1-90-6 (3885)
ନାନାଯୁଧଧରୈଶ୍ଚାପି ନାନାବେଷଧରୈସ୍ତଥା।
ହ୍ରେଷିତସ୍ବନମିଶ୍ରୈଶ୍ଚ କ୍ଷ୍ବେଡିତାସ୍ଫୋଟିତସ୍ବନୈଃ॥ 1-90-7 (3886)
ଆସୀତ୍କିଲକିଲାଶବ୍ଦସ୍ତସ୍ମିନ୍ଗଚ୍ଛତି ପାର୍ଥିବେ।
ପ୍ରାସାଦବରଶୃଙ୍ଗସ୍ଥାଃ ପରଯା ନୃପଶୋଭଯା॥ 1-90-8 (3887)
ଦଦୃଶୁସ୍ତଂ ସ୍ତ୍ରିଯସ୍ତତ୍ର ଶୂରମାତ୍ମଯଶସ୍କରମ୍।
ଶକ୍ରୋପମମମିତ୍ରଘ୍ନଂ ପରବାରଣବାରଣମ୍॥ 1-90-9 (3888)
ପଶ୍ଯନ୍ତଃ ସ୍ତ୍ରୀଗଣାସ୍ତତ୍ର ବଜ୍ରପାଣିଂ ସ୍ମ ମେନିରେ।
ଅଯଂ ସ ପୁରୁଷବ୍ଯାଘ୍ରୋ ରଣେ ବସୁପରାକ୍ରମଃ॥ 1-90-10 (3889)
ଯସ୍ଯ ବାହୁବଲଂ ପ୍ରାପ୍ଯ ନ ଭବନ୍ତ୍ଯସୁହୃଦ୍ଗଣାଃ।
ଇତି ବାଚୋ ବ୍ରୁବନ୍ତ୍ଯସ୍ତାଃ ସ୍ତ୍ରିଯଃ ପ୍ରେମ୍ଣା ନରାଧିପଂ॥ 1-90-11 (3890)
ତୁଷ୍ଟୁବୁଃ ପୁଷ୍ପବୃଷ୍ଟୀଶ୍ଚ ସସୃଜୁସ୍ତସ୍ଯ ମୂର୍ଧନି।
ତତ୍ରତତ୍ର ଚ ବିପ୍ରେନ୍ଦ୍ରୈଃ ସ୍ତୂଯମାନଃ ସମନ୍ତତଃ॥ 1-90-12 (3891)
ନିର୍ଯଯୌ ପରମପ୍ରୀତ୍ଯା ବନଂ ମୃଗଜିଘାଂସଯା।
ତଂ ଦେବରାଜପ୍ରତିମଂ ମତ୍ତବାରଣଧୂର୍ଗତମ୍॥ 1-90-13 (3892)
ଦ୍ବିଜକ୍ଷତ୍ରିଯବିଟ୍ଶୂଦ୍ରା ନିର୍ଯାନ୍ତମନୁଜଗ୍ମିରେ।
ଦଦୃଶୁର୍ବର୍ଧମାନାସ୍ତେ ଆଶୀର୍ଭିଶ୍ଚ ଜଯେନ ଚ॥ 1-90-14 (3893)
ସୁଦୂରମନୁଜଗ୍ମୁସ୍ତଂ ପୌରଜାନପଦାସ୍ତଥା।
ନ୍ଯବର୍ତନ୍ତ ତତଃ ପଶ୍ଚାଦନୁଜ୍ଞାତା ନୃପେଣ ହ॥ 1-90-15 (3894)
ସୁପର୍ଣପ୍ରତିମେନାଥ ରଥେନ ବସୁଧାଧିପଃ।
ମହୀମାପୂରଯାମାସ ଘୋଷେଣ ତ୍ରିଦିବଂ ତଥା॥ 1-90-16 (3895)
ସ ଗଚ୍ଛନ୍ଦଦୃଶେ ଧୀମାନ୍ନନ୍ଦନପ୍ରତିମଂ ବନମ୍।
ବିଲ୍ବାର୍କଖଦିରାକୀର୍ଣଂ କପିତ୍ଥଧବସଂକୁଲମ୍॥ 1-90-17 (3896)
ବିଷମଂ ପର୍ବତସ୍ରସ୍ତୈ ରଶ୍ମଭିଶ୍ଚ ସମାବୃତମ୍।
ନିର୍ଜଲଂ ନିର୍ମନୁଷ୍ଯଂ ଚ ବହୁଯୋଜନମାଯତମ୍॥ 1-90-18 (3897)
ମୃଗସିଂହୈର୍ବୃତଂ ଘୋରୈରନ୍ଯୈଶ୍ଚାପି ବନେଚରୈଃ।
ତଦ୍ବନଂ ମନୁଜବ୍ଯାଘ୍ରଃ ସଭୃତ୍ଯବଲବାହନଃ॥ 1-90-19 (3898)
ଲୋଡଯାମାସ ଦୁଷ୍ଯନ୍ତଃ ସୂଦଯନ୍ବିବିଧାନ୍ମୃଗାନ୍।
ବାଣଗୋଚରସଂପ୍ରାପ୍ତାଂସ୍ତତ୍ର ବ୍ଯାଘ୍ରଗଣାନ୍ବହୂନ୍॥ 1-90-20 (3899)
ପାତଯାମାସ ଦୁଷ୍ଯନ୍ତୋ ନିର୍ବିଭେଦ ଚ ସାଯକୈଃ।
ଦୂରସ୍ଥାନ୍ସାଯକୈଃ କାଂଶ୍ଚିଦଭିନତ୍ସ ନରାଧିପଃ॥ 1-90-21 (3900)
ଅଭ୍ଯାଶମାଗତାଂଶ୍ଚାନ୍ଯାନ୍ଖଡ୍ଗେନ ନିରକୃନ୍ତତ।
କାଂଶ୍ଚିଦେଣାନ୍ସମାଜଘ୍ନେ ଶକ୍ତ୍ଯା ଶକ୍ତିମତାଂ ବରଃ॥ 1-90-22 (3901)
ଗଦାମଣ୍ଡଲତତ୍ତ୍ବଜ୍ଞଶ୍ଚଚାରାମିତବିକ୍ରମଃ।
ତୋମରୈରସିଭିଶ୍ଚାପି ଗଦାମୁସଲକମ୍ପନୈଃ॥ 1-90-23 (3902)
ଚଚାର ସ ବିନିଘ୍ନନ୍ବୈ ବନ୍ଯାଂସ୍ତତ୍ର ମୃଗଦ୍ବିଜାନ୍।
ରାଜ୍ଞା ଚାଦ୍ଭୁତବୀର୍ଯେଣ ଯୋଧୈଶ୍ଚ ସମରପ୍ରିଯୈଃ॥ 1-90-24 (3903)
ଲୋଡ୍ଯମାନଂ ମହାରଣ୍ଯଂ ତତ୍ଯଜୁଃ ସ୍ମ ମୃଗାଧିପାଃ।
ତତ୍ର ବିଦ୍ରୁତଯୂଥାନି ହତଯୂଥପତୀନି ଚ॥ 1-90-25 (3904)
ମୃଗଯୂଥାନ୍ଯଥୌତ୍ସୁକ୍ଯାଚ୍ଛବ୍ଦଂ ଚକ୍ରୁସ୍ତତସ୍ତତଃ।
ଶୁଷ୍କାଶ୍ଚାପି ନଦୀର୍ଗତ୍ବା ଜଲନୈରାଶ୍ଯକର୍ଶିତାଃ॥ 1-90-26 (3905)
ବ୍ଯାଯାମକ୍ଲାନ୍ତହୃଦଯାଃ ପତନ୍ତି ସ୍ମ ବିଚେତସଃ।
କ୍ଷୁତ୍ପିପାସାପରୀତାଶ୍ଚ ଶ୍ରାନ୍ତାଶ୍ଚ ପତିତା ଭୁବି॥ 1-90-27 (3906)
କେଚିତ୍ତତ୍ର ନରବ୍ଯାଘ୍ରୈରଭକ୍ଷ୍ଯନ୍ତ ବୁଭୁକ୍ଷିତୈଃ।
କେଚିଦଗ୍ନିମଥୋତ୍ପାଦ୍ଯ ସଂସାଧ୍ଯ ଚ ବନେଚରାଃ॥ 1-90-28 (3907)
ଭକ୍ଷଯନ୍ତି ସ୍ମ ମାଂସାନି ପ୍ରକୁଟ୍ଯ ବିଧିବତ୍ତଦା।
ତତ୍ର କେଚିଦ୍ଗଜା ମତ୍ତା ବଲିନଃ ଶସ୍ତ୍ରବିକ୍ଷତାଃ॥ 1-90-29 (3908)
ସଂକୋଚ୍ଯାଗ୍ରକରାନ୍ଭୀତାଃ ପ୍ରାଦ୍ରବନ୍ତି ସ୍ମ ବେଗିତାଃ।
ଶକୃନ୍ମୂତ୍ରଂ ସୃଜନ୍ତଶ୍ଚ କ୍ଷରନ୍ତଃ ଶୋଣିତଂ ବହୁ॥ 1-90-30 (3909)
ବନ୍ଯା ଗଜବରାସ୍ତତ୍ର ମମୃଦୁର୍ମନୁଜାନ୍ବହୂନ୍।
ତଦ୍ବନଂ ବଲମେଘେନ ଶରଧାରେଣ ସଂବୃତମ୍।
ବ୍ଯରୋଚତ ମୃଗାକୀର୍ଣଂ ରାଜ୍ଞା ହତମୃଗାଧିପମ୍॥ ॥ 1-90-31 (3910)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ନବତିତମୋଽଧ୍ଯାଯଃ॥ 90 ॥
Mahabharata - Adi Parva - Chapter Footnotes
1-90-9 ପରବାରଣବାରଣଂ ଶତ୍ରଗଜାନାଂ ନିବାରକମ୍॥ 1-90-13 ଧର୍ଗତଂ ସ୍କନ୍ଧାରୂଢମ୍॥ 1-90-28 ସଂସାଧ୍ଯ ପାକାଦିନା ସଂସ୍କୃତ୍ଯ॥ 1-90-29 ପ୍ରକୁଟ୍ଯ ଚୂର୍ଣୀକୃତ୍ଯ। ଗଜା ବନଗଜାଃ॥ ନବତିତମୋଽଧ୍ଯାଯଃ॥ 90 ॥ଆଦିପର୍ବ - ଅଧ୍ଯାଯ 091
॥ ଶ୍ରୀଃ ॥
1.91. ଅଧ୍ଯାଯଃ 091
Mahabharata - Adi Parva - Chapter Topics
ମୃଗଯାପ୍ରସଙ୍ଗେନ ଦୁଷ୍ଯନ୍ତସ୍ଯ କଣ୍ବାଶ୍ରମଗମନମ୍॥ 1 ॥Mahabharata - Adi Parva - Chapter Text
1-91-0 (3911)
ବୈଶମ୍ପାଯନ ଉବାଚ। 1-91-0x (571)
ତତୋ ମୃଗସହସ୍ରାଣି ହତ୍ବା ସବଲବାହନଃ।
ତତ୍ର ମେଘଘନପ୍ରଖ୍ଯଂ ସିଦ୍ଧଚାରଣସେବିତମ୍॥ 1-91-1 (3912)
ବନମାଲୋକଯାମାସ ନଗରାଦ୍ଯୋଜନଦ୍ବଯେ।
ମୃଗାନନୁଚରନ୍ବନ୍ଯାଞ୍ଶ୍ରମେଣ ପରିପୀଡିତଃ॥ 1-91-2 (3913)
ମୃଗାନନୁଚରନ୍ରାଜା ବେଗେନାଶ୍ବାନଚୋଦଯତ୍।
ରାଜା ମୃଗପ୍ରସଙ୍ଗେନ ବନମନ୍ଯଦ୍ବିବେଶ ହ॥ 1-91-3 (3914)
ଏକ ଏବୋତ୍ତମବଲଃ କ୍ଷୁତ୍ପିପାସାଶ୍ରମାନ୍ବିତଃ।
ସ ବନସ୍ଯାନ୍ତମାସାଦ୍ଯ ମହଚ୍ଛୂନ୍ଯଂ ସମାସଦତ୍॥ 1-91-4 (3915)
ତଚ୍ଚାପ୍ଯତୀତ୍ଯ ନୃପତିରୁତ୍ତମାଶ୍ରମସଂଯୁତମ୍।
ମନଃପ୍ରହ୍ଲାଦଜନନଂ ଦୃଷ୍ଟିକାନ୍ତମତୀବ ଚ॥ 1-91-5 (3916)
ସୀତମାରୁତସଂଯୁକ୍ତଂ ଜଗାମାନ୍ଯନ୍ମହଦ୍ବନମ୍।
ପୁଷ୍ପିତୈଃ ପାଦପୈଃ କୀର୍ଣମତୀବ ସୁଖଶାଦ୍ବଲମ୍॥ 1-91-6 (3917)
ବିପୁଲଂ ମଧୁରାରାବୈର୍ନାଦିତଂ ବିହଗୈସ୍ତଥା।
ପୁଂସ୍କୋକିଲନିନାଦୈଶ୍ଚ ଝିଲ୍ଲୀକଗଣନାଦିତମ୍॥ 1-91-7 (3918)
ପ୍ରବୃଦ୍ଧବିଟପୈର୍ବୃକ୍ଷୈଃ ସୁଖଚ୍ଛାଯୈଃ ସମାବୃତମ୍।
ଷଟ୍ପଦାଘୂର୍ଣିତତଲଂ ଲକ୍ଷ୍ମ୍ଯା ପରମଯା ଯୁତମ୍॥ 1-91-8 (3919)
ନାପୁଷ୍ପଃ ପାଦପଃ କଶ୍ଚିନ୍ନାଫଲୋ ନାପି କଣ୍ଟକୀ।
ଷଟ୍ପଦୈର୍ନାପ୍ଯପାକୀର୍ଣସ୍ତସ୍ମିନ୍ବୈ କାନନେଽଭବତ୍॥ 1-91-9 (3920)
ବିଗହୈର୍ନାଦିତଂ ପୁଷ୍ପୈରଲଙ୍କୃତମତୀବ ଚ।
ସର୍ବର୍ତୁକୁସୁମୈର୍ବୃକ୍ଷୈଃ ସୁଖଚ୍ଛାଯୈଃ ସମାବୃତମ୍॥ 1-91-10 (3921)
ମନୋରମଂ ସହେଷ୍ବାସୋ ବିବେଶ ବନମୁତ୍ତମମ୍।
ମାରୁତା କଲିତାସ୍ତତ୍ର ଦ୍ରୁମାଃ କୁସୁମଶାଖିନଃ॥ 1-91-11 (3922)
ପୁଷ୍ପବୃଷ୍ଟିଂ ବିଚିତ୍ରାଂ ତୁ ବ୍ଯସଜଂସ୍ତେ ପୁନଃ ପୁନଃ।
ଦିବସ୍ପୃଶୋଽଥ ସଂଘୁଷ୍ଟାଃ ପକ୍ଷିଭିର୍ମଧୁରସ୍ବନୈଃ॥ 1-91-12 (3923)
ବିରେଜୁଃ ପାଦପାସ୍ତତ୍ର ବିଚିତ୍ରକୁସୁମାମ୍ବରାଃ।
ତେଷାଂ ତତ୍ର ପ୍ରବାଲେଷୁ ପୁଷ୍ପଭାରାବନାମିଷୁ॥ 1-91-13 (3924)
ରୁବନ୍ତି ରାବାନ୍ମଧୁରାନ୍ଷଟ୍ପଦା ମଧୁଲିପ୍ସବଃ।
ତତ୍ର ପ୍ରଦେଶାଂଶ୍ଚ ବହୂନ୍କୁସୁମୋତ୍କରମଣ୍ଡିତାନ୍॥ 1-91-14 (3925)
ଲତାଗୃହପରିକ୍ଷିପ୍ତାନ୍ମନସଃ ପ୍ରୀତିବର୍ଧନାନ୍।
ସଂପଶ୍ଯନ୍ସୁମହାତେଜା ବଭୂବ ମୁଦିତସ୍ତଦା॥ 1-91-15 (3926)
ପରସ୍ପରାଶ୍ଲିଷ୍ଟଶାଖୈଃ ପାଦପୈଃ କୁସୁମାନ୍ବିତୈଃ।
ଅଶୋଭତ ବନଂ ତତ୍ତୁ ମହେନ୍ଦ୍ରଧ୍ବଜସନ୍ନିଭୈଃ॥ 1-91-16 (3927)
ସିଦ୍ଧଚାରଣସଙ୍ଘୈଶ୍ଚ ଗନ୍ଧର୍ବାପ୍ସରସାଂ ଗଣୈଃ।
ସେବିତଂ ବନମତ୍ଯର୍ଥଂ ମତ୍ତବାନରକିନ୍ନରୈଃ॥ 1-91-17 (3928)
ସୁଖଃ ଶୀତଃ ସୁଗନ୍ଧୀ ଚ ପୁଷ୍ପରେଣୁବହୋଽନିଲଃ।
ପରିକ୍ରାମନ୍ବନେ ବୃକ୍ଷାନୁପୈତୀବ ରିରଂସଯା॥ 1-91-18 (3929)
ଏବଂଗୁଣସମାଯୁକ୍ତଂ ଦଦର୍ଶ ସ ବନଂ ନୃପଃ।
ନଦୀକଚ୍ଛୋଦ୍ଭଂ କାନ୍ତମୁଚ୍ଛ୍ରିତଧ୍ବଜସନ୍ନିଭମ୍॥ 1-91-19 (3930)
ପ୍ରେକ୍ଷମାଣୋ ବନଂ ତତ୍ତୁ ସୁପ୍ରହୃଷ୍ଟବିହଙ୍ଗମମ୍।
ଆଶ୍ରମପ୍ରବରଂ ରମ୍ଯଂ ଦଦର୍ଶ ଚ ମନୋରମମ୍॥ 1-91-20 (3931)
ନାନାବୃକ୍ଷସମାକୀର୍ଣଂ ସଂପ୍ରଜ୍ବଲିତପାବକମ୍।
ତଂ ତଦାଽପ୍ରତିମଂ ଶ୍ରୀମାନାଶ୍ରମଂ ପ୍ରତ୍ଯପୂଜଯତ୍॥ 1-91-21 (3932)
ଯତିଭିର୍ବାଲଖିଲ୍ଯୈଶ୍ଚ ବୃତଂ ମୁନିଗଣାନ୍ବିତମ୍।
ଅଗ୍ନ୍ଯଗାରୈଶ୍ଚ ବହୁଭିଃ ପୁଷ୍ପସଂସ୍ତରସଂସ୍ତୃତମ୍॥ 1-91-22 (3933)
ମହାକଚ୍ଛୈର୍ବୃହଦ୍ଭିଶ୍ଚ ବିଭ୍ରାଜିତମତୀବ ଚ।
ମାଲିନୀମଭିତୋ ରାଜନ୍ନଦୀଂ ପୁଣ୍ଯାଂ ସୁଖୋଦକାମ୍॥ 1-91-23 (3934)
ନୈକପକ୍ଷିଗଣାକୀର୍ଣାଂ ତପୋବନମନୋରମାମ୍।
ତତ୍ରବ୍ଯାଲମୃଗାନ୍ସୈମ୍ଯାନ୍ପଶ୍ଯନ୍ପ୍ରୀତିମବାପ ସଃ॥ 1-91-24 (3935)
ତଂ ଚାପ୍ରତିରଥଃ ଶ୍ରୀମାନାଶ୍ରମଂ ପ୍ରତ୍ଯପଦ୍ଯତ।
ଦେବଲୋକପ୍ରତୀକାଶଂ ସର୍ବତଃ ସୁମନୋହରମ୍॥ 1-91-25 (3936)
ନଦୀଂ ଚାଶ୍ରମସଂଶ୍ଲିଷ୍ଟାଂ ପୁଣ୍ଯତୋଯାଂ ଦଦର୍ଶ ସଃ।
ସର୍ବପ୍ରାଣଭୃତାଂ ତତ୍ର ଜନନୀମିବ ଧିଷ୍ଠିତାମ୍॥ 1-91-26 (3937)
ସଚକ୍ରବାକପୁଲିନାଂ ପୁଷ୍ପଫେନପ୍ରବାହିନୀମ୍।
ସକିନ୍ନରଗଣାବାସାଂ ବାରନର୍କ୍ଷନିଷେବିତାମ୍॥ 1-91-27 (3938)
ପୁଣ୍ଯସ୍ବାଧ୍ଯାଯସଂଘୁଷ୍ଟା ପୁଲିନୈରୁପଶୋଭିତାମ୍।
ମତ୍ତବାରଣଶାର୍ଦୂଲଭୁଜଗେନ୍ଦ୍ରନିଷେବିତାମ୍॥ 1-91-28 (3939)
ତସ୍ଯାସ୍ତୀରେ ଭଗବତଃ କାଶ୍ଯପସ୍ଯ ମହାତ୍ମନଃ।
ଆଶ୍ରମପ୍ରବରଂ ରମ୍ଯଂ ମହର୍ଷିଗଣସେବିତମ୍॥ 1-91-29 (3940)
ନଦୀମାଶ୍ରମସଂବଦ୍ଧାଂ ଦୃଷ୍ଟ୍ବାଶ୍ରମପଦଂ ତଥା।
ଚକାରାଭିପ୍ରବେଶାଯ ମତିଂ ସ ନୃପତିସ୍ତଦା॥ 1-91-30 (3941)
ଅଲଙ୍କୃତଂ ଦ୍ବୀପବତ୍ଯା ମାଲିନ୍ଯା ରମ୍ଯତୀରଯା।
ନରନାରାଯଣସ୍ଥାନଂ ଗଙ୍ଗଯେବୋପଶୋଭିତମ୍॥ 1-91-31 (3942)
ମତ୍ତବର୍ହିଣସଂଘୁଷ୍ଟଂ ପ୍ରବିବେଶ ମହଦ୍ବନମ୍।
ତତ୍ସ ଚୈତ୍ରରଥପ୍ରଖ୍ଯଂ ସମୁପେତ୍ଯ ନରର୍ଷଭଃ॥ 1-91-32 (3943)
ଅତୀବ ଗୁଣସଂପନ୍ନମନିର୍ଦେଶ୍ଯଂ ଚ ବର୍ଚସା।
ମହର୍ଷିଂ କାଶ୍ଯପଂ ଦ୍ରଷ୍ଟୁମଥ କଣ୍ବଂ ତପୋଧନମ୍॥ 1-91-33 (3944)
ଧ୍ବଜିନୀମଶ୍ବସଂବାଧାଂ ପଦାତିଗଜସଙ୍କୁଲାମ୍।
ଅବସ୍ଥାପ୍ଯ ବନଦ୍ବାରି ସେନାମିଦମୁବାଚ ସଃ॥ 1-91-34 (3945)
ମୁନିଂ ବିରଜସଂ ଦ୍ରଷ୍ଟୁଂ ଗମିଷ୍ଯାମି ତପୋଧନମ୍।
କାଶ୍ଯପଂ ସ୍ଥୀଯତାମତ୍ର ଯାବଦାଗମନଂ ମମ॥ 1-91-35 (3946)
ତଦ୍ବନଂ ନନ୍ଦନପ୍ରଖ୍ଯମାସାଦ୍ଯ ମନୁଜେଶ୍ବରଃ॥
କ୍ଷୁତ୍ପିପାସେ ଜହୌ ରାଜା ମୁଦଂ ଚାବାପ ପୁଷ୍କଲାମ୍॥ 1-91-36 (3947)
ସାମାତ୍ଯୋ ରାଜଲିଙ୍ଗାନି ସୋପନୀଯ ନରାଧିପଃ।
ପୁରୋହିତସହାଯଶ୍ଚ ଜଗାମାଶ୍ରମମୁତ୍ତମମ୍॥ 1-91-37 (3948)
ଦିଦୃକ୍ଷୁସ୍ତତ୍ର ତମୃଷିଂ ତପୋରାଶିମଥାବ୍ଯଯମ୍।
ବ୍ରହ୍ମଲୋକପ୍ରତୀକାଶମାଶ୍ରମଂ ସୋଽଭିବୀକ୍ଷ୍ଯ ହ।
ଷଟ୍ପଦୋଦ୍ଗୀତସଂଘୁଷ୍ଟଂ ନାନାଦ୍ବିଜଗଣାଯୁତମ୍॥ 1-91-38 (3949)
ବିସ୍ମଯୋତ୍ଫୁଲ୍ଲନଯନୋ ରାଜା ପ୍ରୀତୋ ବଭୂବହ।
ଋଚୋ ବହ୍ବୃଚମୁଖ୍ଯୈଶ୍ଚ ପ୍ରେର୍ଯମାଣାଃ ପଦକ୍ରମୈଃ।
ଶୁଶ୍ରାବ ମନୁଜବ୍ଯାଘ୍ରୋ ବିତତେଷ୍ବିହ କର୍ମସୁ॥ 1-91-39 (3950)
ଯଜ୍ଞବିଦ୍ଯାଙ୍ଗବିଦ୍ଭିଶ୍ଚ ଯଜୁର୍ବିଦ୍ଭିଶ୍ଚ ଶୋଭିତମ୍।
ମଧୁରୈଃ ସାମଗୀତୈଶ୍ଚ ଋଷିଭିର୍ନିଯତବ୍ରତୈଃ॥ 1-91-40 (3951)
ଭାରୁଣ୍ଡସାମଗୀତାଭିରଥର୍ବଶିରସୋଦ୍ଗତୈଃ।
ଯତାତ୍ମଭିଃ ସୁନିଯତୈଃ ଶୁଶୁଭେ ସ ତଦାଶ୍ରମଃ॥ 1-91-41 (3952)
ଅଥର୍ବବେଦପ୍ରବରାଃ ପୂଗଯଜ୍ଞିଯସାମଗାଃ।
ସଂହିତାମୀରଯନ୍ତି ସ୍ମ ପଦକ୍ରମଯୁତାଂ ତୁ ତେ॥ 1-91-42 (3953)
ଶବ୍ଦସଂସ୍କାରସଂଯୁକ୍ତର୍ବ୍ରୁବଦ୍ଭିଶ୍ଚାପରୈର୍ଦ୍ବିଜୈଃ।
ନାଦିତଃ ସ ବଭୌ ଶ୍ରୀମାନ୍ବ୍ରହ୍ମଲୋକ ଇବାପରଃ॥ 1-91-43 (3954)
ଯଜ୍ଞସଂସ୍ତରବିଦ୍ଭିଶ୍ଚ କ୍ରମଶିକ୍ଷାବିଶାରଦୈଃ।
ନ୍ଯାଯତତ୍ତ୍ବାତ୍ମବିଜ୍ଞାନସଂପନ୍ନୈର୍ବେଦପାରଗୈଃ॥ 1-91-44 (3955)
ନାନାବାକ୍ଯସମାହାରସମବାଯବିଶାରଦୈଃ।
ବିଶେଷକାର୍ଯବିଦ୍ଭିଶ୍ଚ ମୋକ୍ଷଧର୍ମପରାଯଣୈଃ॥ 1-91-45 (3956)
ସ୍ତାପନାକ୍ଷେପସିଦ୍ଧାନ୍ତପରମାର୍ଥଜ୍ଞତାଂ ଗତୈଃ।
ଶବ୍ଦଚ୍ଛନ୍ଦୋନିରୁକ୍ତଜ୍ଞୈଃ କାଲଜ୍ଞାନବିଶାରଦୈଃ॥ 1-91-46 (3957)
ଦ୍ରବ୍ଯକର୍ମଗୁଣଜ୍ଞୈଶ୍ଚ କାର୍ଯକାରଣବେଦିଭିଃ।
ପକ୍ଷିବାନରରୁତଜ୍ଞୈଶ୍ଚ ବ୍ଯାସଗ୍ରନ୍ଥସମାଶ୍ରିତୈଃ॥ 1-91-47 (3958)
ନାନାଶାସ୍ତ୍ରେଷୁ ମୁଖ୍ଯୈଶ୍ଚ ଶୁଶ୍ରାବ ସ୍ବନମୀରିତମ୍।
ଲୋକାଯତିକମୁଖ୍ଯୈଶ୍ଚ ସମନ୍ତାଦନୁନାଦିତମ୍॥ 1-91-48 (3959)
ତତ୍ରତତ୍ର ଚ ବିପ୍ରେନ୍ଦ୍ରାନ୍ନିଯତାନ୍ସଂଶିତବ୍ରତାନ୍।
ଜପହୋମପରାନ୍ବିପ୍ରାନ୍ଦଦର୍ଶ ପରବୀରହା॥ 1-91-49 (3960)
ଆସନାନି ବିଚିତ୍ରାଣି ରୁଚିରାଣି ମହୀପତିଃ।
ପ୍ରଯତ୍ନୋପହିତାନି ସ୍ମ ଦୃଷ୍ଟ୍ବା ବିସ୍ମଯମାଗମତ୍॥ 1-91-50 (3961)
ଦେବତାଯତନାନାଂ ଚ ପ୍ରେକ୍ଷ୍ଯ ପୂଜାଂ କୃତାଂ ଦ୍ବିଜୈଃ।
ବ୍ରହ୍ମଲୋକସ୍ଥମାତ୍ମାନଂ ମେନେ ସ ନୃପସତ୍ତମଃ॥ 1-91-51 (3962)
ସ କାଶ୍ଯପତପୋଗୁପ୍ତମାଶ୍ରମପ୍ରବରଂ ଶୁଭମ୍।
ନାତୃପ୍ଯତ୍ପ୍ରେକ୍ଷମାଣୋ ବୈ ତପୋବନଗୁଣୈର୍ଯୁତମ୍॥ 1-91-52 (3963)
ସ କାଶ୍ଯପସ୍ଯାଯତନଂ ମହାବ୍ରତୈ-
ର୍ବୃତଂ ସମାନ୍ତାଦୃଷିଭିସ୍ତପୋଧନୈଃ।
ବିବେଶ ସାମାତ୍ଯପୁରୋହିତୋଽରିହା
ବିବିକ୍ତମତ୍ଯର୍ଥମନୋହରଂ ଶୁଭମ୍॥ ॥ 1-91-53 (3964)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଏକନବତିତମୋଽଧ୍ଯାଯଃ॥ 91 ॥
Mahabharata - Adi Parva - Chapter Footnotes
1-91-4 ଶୂନ୍ଯଂ ବୃକ୍ଷାଦିରହିତମୂଷରମ୍॥ 1-91-18 ରିରଂସଯା ରମଯିତୁମିଚ୍ଛଯା॥ 1-91-19 ନଦୀକଚ୍ଛୋଦ୍ଭବଂ କଚ୍ଛଃ ସଜଲୋଽନୂପପ୍ରଦେଶଃ॥ 1-91-29 କାଶ୍ଯପସ୍ଯ କଶ୍ଯପଗୋତ୍ରସ୍ଯ କଣ୍ବସ୍ଯ॥ 1-91-39 ବିତତେଷୁ ବୈତାନିକେଷୁ ଇଷ୍ଟିପଶୁସୋମାଦିଷୁ ପ୍ରବର୍ତମାନେଷୁ॥ 1-91-40 ଯଜ୍ଞବିଦ୍ଯାଯାମଙ୍ଗଭୂତାନି କଲ୍ପସୂତ୍ରାଦୀନି॥ 1-91-41 ଭାରୁଣ୍ଡସାମାନି ପୂଗଯଜ୍ଞିଯସାମାନି ଚ ସାମ୍ନାମବାନ୍ତରଭେଦାଃ॥ 1-91-46 ସ୍ଥାପନଂ ପ୍ରଥମଂ ସ୍ବସିଦ୍ଧାନ୍ତବ୍ଯବସ୍ଥା ତତସ୍ତତ୍ର ଶଙ୍କାଽଽକ୍ଷେପଃ ତସ୍ଯାଃ ପରିହାରଃ ସିଦ୍ଧାନ୍ତସ୍ତୈର୍ଯା ପରମାର୍ଥଜ୍ଞତା ତାଂ ଗତୈଃ॥ 1-91-48 ଲୋକେ ଏବ ଆଯତନ୍ତେ ତେ ଲୋକାଯତିକାଃ ତେଷୁ ଲୋକରଞ୍ଜନପରେଷୁ ମୁଖ୍ଯୈଃ॥ ଏକନବତିତମୋଽଧ୍ଯାଯଃ॥ 91 ॥ଆଦିପର୍ବ - ଅଧ୍ଯାଯ 092
॥ ଶ୍ରୀଃ ॥
1.92. ଅଧ୍ଯାଯଃ 092
Mahabharata - Adi Parva - Chapter Topics
କଣ୍ବାଶ୍ରମେ ଦୁଷ୍ଯନ୍ତଶକୁନ୍ତଲାସଂବାଦଃ॥ 1 ॥ ଶକୁନ୍ତଲାଯାଃ ସ୍ବଜନ୍ମବୃତ୍ତାନ୍ତକଥନାରମ୍ଭଃ॥ 2 ॥Mahabharata - Adi Parva - Chapter Text
1-92-0 (3965)
ବୈଶମ୍ପାଯନ ଉବାଚ। 1-92-0x (572)
ତତୋ ଗଚ୍ଛନ୍ମହାବାହୁରେକୋଽମାତ୍ଯାନ୍ବିସୃଜ୍ଯ ତାନ୍।
ନାପଶ୍ଯଚ୍ଚାଶ୍ରମେ ତସ୍ମିଂସ୍ତମୃଷିଂ ସଂଶିତବ୍ରତମ୍॥ 1-92-1 (3966)
ସୋଽପଶ୍ଯମାନସ୍ତମୃଷିଂ ଶୂନ୍ଯଂ ଦୃଷ୍ଟ୍ବା ତଥାଽଽଶ୍ରମମ୍।
ଉବାଚ କ ଇହେତ୍ଯୁଚ୍ଚୈର୍ବନଂ ସନ୍ନାଦଯନ୍ନିବ॥ 1-92-2 (3967)
ଶ୍ରୁତ୍ବାଽଥ ତସ୍ଯ ତଂ ଶବ୍ଦଂ କନ୍ଯା ଶ୍ରୀରିବ ରୂପିଣୀ।
ନିଶ୍ଚକ୍ରାମାଶ୍ରମାତ୍ତସ୍ମାତ୍ତାପସୀବେଷଧାରିଣୀ॥ 1-92-3 (3968)
ସା ତଂ ଦୃଷ୍ଟ୍ବୈବ ରାଜାନଂ ଦୁଷ୍ଯନ୍ତମସିତେକ୍ଷଣା।
`ସୁପ୍ରୀତାଽଭ୍ଯାଗତଂ ତଂ ତୁ ପୂଜ୍ଯଂ ପ୍ରାପ୍ତମଥେଶ୍ବରମ୍॥ 1-92-4 (3969)
ରୂପଯୌବନସଂପନ୍ନା ଶୀଲାଚାରବତୀ ଶୁଭା।
ସା ତମାଯତପଦ୍ମାକ୍ଷଂ ବ୍ଯୂଢୋରସ୍କଂ ମହାଭୁଜମ୍॥ 1-92-5 (3970)
ସିଂହସ୍କନ୍ଧଂ ଦୀର୍ଘବାହୁଂ ସର୍ବଲକ୍ଷଣପୂଜିତମ୍।
ସ୍ପୃଷ୍ଟଂ ମଧୁରଯା ବାଚା ସାଽବ୍ରବୀଜ୍ଜନମେଜଯା॥' 1-92-6 (3971)
ସ୍ବାଗତଂ ତ ଇତି କ୍ଷିପ୍ରମୁବାଚ ପ୍ରତିପୂଜ୍ଯ ଚ।
ଆସନେନାର୍ଚଯିତ୍ବା ଚ ପାଦ୍ଯେନାର୍ଘ୍ଯେଣ ଚୈବ ହି॥ 1-92-7 (3972)
ପପ୍ରଚ୍ଛାନାମଯଂ ରାଜନ୍କୁଶଲଂ ଚ ନରାଧିପମ୍।
ଯଥାବଦର୍ଚଯିତ୍ବାଽଥ ପୃଷ୍ଟ୍ବା ଚାନାମଯଂ ତଦା॥ 1-92-8 (3973)
ଉବାଚ ସ୍ମଯମାନେବ କିଂ କାର୍ଯଂ କ୍ରିଯତାମିତି।
`ଆଶ୍ରମସ୍ଯାଭିଗମନେ କିଂ ତ୍ବଂ କାର୍ଯଂ ଚିକୀର୍ଷସି॥ 1-92-9 (3974)
କସ୍ତ୍ବମଦ୍ଯେହ ସଂପ୍ରାପ୍ତୋ ମହର୍ଷେରାଶ୍ରମଂ ଶୁଭମ୍।'
ତାମବ୍ରବୀତ୍ତତୋ ରାଜା କନ୍ଯାଂ ମଧୁରଭାଷିଣୀମ୍॥ 1-92-10 (3975)
ଦୃଷ୍ଟ୍ବା ସର୍ବାନବଦ୍ଯାଙ୍ଗୀଂ ଯଥାବତ୍ପ୍ରତିପୂଜିତଃ।
`ରାଜର୍ଷେସ୍ତସ୍ଯ ପୁତ୍ରୋଽହମିଲିନସ୍ଯ ମହାତ୍ମନଃ॥ 1-92-11 (3976)
ଦୁଷ୍ଯନ୍ତ ଇତି ମେ ନାମ ସତ୍ଯଂ ପୁଷ୍କରଲୋଚନେ।'
ଆଗତୋଽହଂ ମହାଭାଗମୃଷିଂ କଣ୍ବମୁପାସିତୁମ୍॥ 1-92-12 (3977)
କ୍ବ ଗତୋ ଭଗବାନ୍ଭଦ୍ରେ ଗନ୍ମମାଚକ୍ଷ୍ବ ଶୋଭନେ। 1-92-13 (3978)
ଶକୁନ୍ତଲୋବାଚ।
ଗତଃ ପିତା ମେ ଭଗବାନ୍ଫଲାନ୍ଯାହର୍ତୁମାଶ୍ରମାତ୍।
ମୁହୂର୍ତଂ ସଂପ୍ରତୀକ୍ଷସ୍ବ ଦ୍ରଷ୍ଟାସ୍ଯେନମୁପାଗତମ୍॥ 1-92-13x (573)
ବୈଶମ୍ପାଯନ ଉବାଚ। 1-92-14x (574)
ଅପଶ୍ଯମାନସ୍ତମୃଷିଂ ତଥା ଚୋକ୍ତସ୍ତଯା ଚ ସଃ।
ତାଂ ଦୃଷ୍ଟ୍ବା ଚ ବରାରୋହାଂ ଶ୍ରୀମତୀଂ ଚାରୁହାସିନୀମ୍॥ 1-92-14 (3979)
ବିଭ୍ରାଜମାନାଂ ବପୁଷା ତପସା ଚ ଦମେନ ଚ।
ରୂପଯୌବନସଂପନ୍ନାମିତ୍ଯୁବାଚ ମହୀପତିଃ॥ 1-92-15 (3980)
କା ତ୍ବଂ କସ୍ଯାସି ସୁଶ୍ରୋଣି କିମର୍ଥଂ ଚାଗତା ବନମ୍।
ଏବଂରୂପଗୁଣୋପେତା କୁତସ୍ତ୍ବମସି ଶୋଭନେ॥ 1-92-16 (3981)
ଦର୍ଶନାଦେବ ହି ଶୁଭେ ତ୍ବଯା ମେଽପହୃତଂ ମନଃ।
ଇଚ୍ଛାମି ତ୍ବାମହଂ ଜ୍ଞାତୁଂ ତନ୍ମମାଚକ୍ଷ୍ବ ଶୋଭନେ॥ 1-92-17 (3982)
`ସ୍ଥିତୋସ୍ମ୍ଯମିତସୌଭାଗ୍ଯେ ବିବକ୍ଷୁଶ୍ଚାସ୍ମି କିଂଚନ।
ଶୃଣୁ ମେ ନାଗନାସୋରୁ ବଚନଂ ମତ୍ତକାଶିନି॥ 1-92-18 (3983)
ରାଜର୍ଷେରନ୍ବଯେ ଜାତଃ ପୂରୋରସ୍ମି ବିଶେଷତଃ।
ବୃଣ୍ବେ ତ୍ବାମଦ୍ଯ ସୁଶ୍ରୋଣି ଦୁଷ୍ଯନ୍ତୋ ବରବର୍ଣିନି॥ 1-92-19 (3984)
ନ ମେଽନ୍ଯତ୍ର କ୍ଷତ୍ରିଯାଯା ମନୋ ଜାତୁ ପ୍ରବର୍ତତେ।
ଋଷିପୁତ୍ରୀଷୁ ଚାନ୍ଯାସୁ ନାବରାସୁ ପରାସୁ ଚ॥ 1-92-20 (3985)
ତସ୍ମାତ୍ପ୍ରଣିହିତାତ୍ମାନଂ ବିଦ୍ଦି ମାଂ କଲଭାଷିଣି।
ଯସ୍ଯାଂ ମେ ତ୍ବଯି ଭାବୋଽସ୍ତି କ୍ଷତ୍ରିଯା ହ୍ଯସି କା ବଦା॥ 1-92-21 (3986)
ନ ହି ମେ ଭୀରୁ ବିପ୍ରାଯାଂ ମନଃ ପ୍ରସହତେ ଗତିମ୍।
ଭଜେ ତ୍ବାମାଯତାପାଙ୍ଗେ ଭକ୍ତଂ ଭଜିତୁମର୍ହସି।
ଭୁଙ୍କ୍ଷ ରାଜ୍ଯଂ ବିଶାଲାକ୍ଷି ବୁଦ୍ଧିଂ ମାତ୍ବନ୍ଯଥା କୃଥାଃ'॥ 1-92-22 (3987)
ଏବମୁକ୍ତା ତୁ ସା କନ୍ଯା ତେନ ରାଜ୍ଞା ତମାଶ୍ରମେ।
ଉବାଚ ହସତୀ ବାକ୍ଯମିଦଂ ସୁମଧୁରାକ୍ଷରମ୍॥ 1-92-23 (3988)
କଣ୍ବସ୍ଯାହଂ ଭଗବତୋ ଦୁଷ୍ଯନ୍ତ ଦୁହିତା ମତା।
ତପସ୍ବିନୋ ଧୃତିମତୋ ଧର୍ମଜ୍ଞସ୍ଯ ମହାତ୍ମନଃ॥ 1-92-24 (3989)
`ଅସ୍ବତନ୍ତ୍ରାସ୍ମି ରାଜେନ୍ଦ୍ର କାଶ୍ଯପୋ ମେ ଗୁରୁଃ ପିତା।
ତମେବ ପ୍ରାର୍ଥଯ ସ୍ବାର୍ଥଂ ନାଯୁକ୍ତଂ କର୍ତୁମର୍ହସି॥' 1-92-25 (3990)
ଦୁଷ୍ଯନ୍ତ ଉବାଚ। 1-92-26x (575)
ଊର୍ଧ୍ବରେତା ମହାଭାଗେ ଭଗବାଁଲ୍ଲୋକପୂଜିତଃ।
ଚଲେଦ୍ଧି ବୃତ୍ତାଦ୍ଧର୍ମୋପି ନ ଚଲେତ୍ସଂଶିତବ୍ରତଃ॥ 1-92-26 (3991)
କଥଂ ତ୍ବଂ ତସ୍ଯ ଦୁହିତା ସଂଭୂତା ବରବର୍ଣିନୀ।
ସଂଶଯୋ ମେ ମହାନତ୍ର ତନ୍ମେ ଛେତ୍ତୁମିହାର୍ହସି॥ 1-92-27 (3992)
ଶକୁନ୍ତଲୋବାଚ। 1-92-28x (576)
ଯଥାଽଯମାଗମୋ ମହ୍ଯଂ ଯଥା ଚେଦମଭୂତ୍ପୁରା।
`ଅନ୍ଯଥା ସନ୍ତମାତ୍ମାନମନ୍ଯଥା ସତ୍ସୁ ଭାଷତେ॥ 1-92-28 (3993)
ସ ପାପେନାବୃତୋ ମୂର୍ଖସ୍ତେନ ଆତ୍ମାପହାରକଃ।'
ଶୃଣୁ ରାଜନ୍ଯଥାତତ୍ତ୍ବଂ ଯଥାଽସ୍ମି ଦୁହିତା ମୁନେଃ॥ 1-92-29 (3994)
ଋଷିଃ କଶ୍ଚିଦିହାଗମ୍ଯ ମମ ଜନ୍ମାଭ୍ଯଚୋଦଯତ୍।
`ଊର୍ଧ୍ବରେତା ଯଥାସି ତ୍ବଂ କୁତସ୍ତ୍ବେଯଂ ଶକୁନ୍ତଲା॥ 1-92-30 (3995)
ପୁତ୍ରୀ ତ୍ବତ୍ତଃ କଥଂ ଜାତା ତତ୍ତ୍ବଂ ମେ ବ୍ରୂହି କାଶ୍ଯପ।'
ତସ୍ମୈ ପ୍ରୋବାଚ ଭଗବାନ୍ଯଥା ତଚ୍ଛୃଣୁ ପାର୍ଥିବା॥ 1-92-31 (3996)
କଣ୍ବ ଉବାଚ। 1-92-32x (577)
ତପ୍ଯମାନଃ କିଲ ପୁରା ବିଶ୍ବାମିତ୍ରୋ ମହତ୍ତପଃ।
ସୁଭୃଶଂ ତାପଯାମାସ ଶକ୍ରଂ ସୁରଗଣେଶ୍ବରମ୍॥ 1-92-32 (3997)
ତପସା ଦୀପ୍ତବୀର୍ଯୋଽଯଂ ସ୍ଥାନାନ୍ମାଂ ଚ୍ଯାବଯେଦିତି।
ଭୀତଃ ପୁରନ୍ଦରସ୍ତସ୍ମାନ୍ମେନକାମିଦମବ୍ରବୀତ୍॥ 1-92-33 (3998)
ଗୁଣୈରପ୍ସରସାଂ ଦିବ୍ଯୈର୍ମେନକେ ତ୍ବଂ ବିଶିଷ୍ଯସେ।
ଶ୍ରେଯୋ ମେ କୁରୁ କଲ୍ଯାଣି ଯତ୍ତ୍ବାଂ ବକ୍ଷ୍ଯାମି ତଚ୍ଛୃଣୁ॥ 1-92-34 (3999)
ଅସାବାଦିତ୍ଯଶଙ୍କାଶୋ ବିଶ୍ବାମିତ୍ରୋ ମହାତପାଃ।
ତପ୍ଯମାନସ୍ତପୋ ଘୋରଂ ମମ କମ୍ପଯତେ ମନଃ॥ 1-92-35 (4000)
ମେନକେ ତବ ଭାରୋଽଯଂ ବିଶ୍ବାମିତ୍ରଃ ସୁମଧ୍ଯମେ।
ଶଂସିତାତ୍ମା ସୁଦୁର୍ଧର୍ଷ ଉଗ୍ରେ ତପସି ବର୍ତତେ॥ 1-92-36 (4001)
ସ ମାଂ ନ ଚ୍ଯାବଯେତ୍ସ୍ଥାନାତ୍ତଂ ବୈ ଗତ୍ବା ପ୍ରଲୋଭଯ।
ଚର ତସ୍ଯ ତପୋବିଘ୍ନଂ କୁରୁ ମେ ପ୍ରିଯମୁତ୍ତମମ୍॥ 1-92-37 (4002)
ରୂପଯୌବନମାଧୁର୍ଯଚେଷ୍ଟିତସ୍ମିତଭାଷଣୈଃ।
ଲୋଭଯିତ୍ବା ବରାରୋହେ ତପସସ୍ତଂ ନିବର୍ତଯ॥ 1-92-38 (4003)
ମେନକୋବାଚ। 1-92-39x (578)
ମହାତେଜାଃ ସ ଭଗବାଂସ୍ତଥୈବ ଚ ମହାତପାଃ।
କୋପନଶ୍ଚ ତଥା ହ୍ଯେନଂ ଜାନାତି ଭଗବାନପି॥ 1-92-39 (4004)
ତେଜସ୍ତପସଶ୍ଚୈବ କୋପସ୍ଯ ଚ ମହାତ୍ମନଃ।
ତ୍ବମପ୍ଯୁଦ୍ବିଜସେ ଯସ୍ଯ ନୋଦ୍ବିଜେଯମହଂ କଥମ୍॥ 1-92-40 (4005)
ମହାଭାଗଂ ବସିଷ୍ଠଂ ଯଃ ପୁତ୍ରୈରିଷ୍ଟୈର୍ବ୍ଯଯୋଜଯତ୍।
କ୍ଷତ୍ରଜାତଶ୍ଚ ଯଃ ପୂର୍ବମଭବଦ୍ବ୍ରାହ୍ମଣୋ ବଲାତ୍॥ 1-92-41 (4006)
ଶୌଚାର୍ଥଂ ଯୋ ନଦୀଂ ଚକ୍ରେ ଦୁର୍ଗମାଂ ବହୁଭିର୍ଜଲୈଃ।
ଯାଂ ତାଂ ପୁଣ୍ଯତମାଂ ଲୋକେ କୌଶିକୀତି ବିଦୁର୍ଜନାଃ॥ 1-92-42 (4007)
ବଭାର ଯତ୍ରାସ୍ଯ ପୁରା କାଲେ ଦୁର୍ଗେ ମହାତ୍ମନଃ।
ଦାରାନ୍ମତଙ୍ଗୋ ଧର୍ମାତ୍ମା ରାଜର୍ଷିର୍ବ୍ଯାଧତାଂ ଗତଃ॥ 1-92-43 (4008)
ଅତୀତକାଲେ ଦୁର୍ଭିକ୍ଷେ ଅଭ୍ଯେତ୍ଯ ପୁନରାକ୍ଷମମ୍।
ମୁନିଃ ପାରେତି ନଦ୍ଯା ବୈ ନାମ ଚକ୍ରେ ତଦା ପ୍ରଭୁଃ॥ 1-92-44 (4009)
ମତଙ୍ଗଂ ଯାଜଯାଞ୍ଚକ୍ରେ ଯତ୍ର ପ୍ରୀତମନାଃ ସ୍ବଯମ୍।
ତ୍ବଂ ଚ ସୋମଂ ଭଯାଦ୍ଯସ୍ଯ ଗତଃ ପାତୁଂ ସୁରେଶ୍ବର॥ 1-92-45 (4010)
ଚକାରାନ୍ଯଂ ଚ ଲୋକଂ ବୈ କ୍ରୁଦ୍ଧୋ ନକ୍ଷତ୍ରସଂପଦା।
ପ୍ରତିଶ୍ରବଣପୂର୍ବାଣି ନକ୍ଷତ୍ରାଣି ଚକାର ଯଃ।
ଗୁରୁଶାପହତସ୍ଯାପି ତ୍ରିଶଙ୍କୋଃ ଶରଣଂ ଦଦୌ॥ 1-92-46 (4011)
ବ୍ରହ୍ମର୍ଷିଶାପଂ ରାଜର୍ଷିଃ କଥଂ ମୋକ୍ଷ୍ଯତି କୌଶିକଃ।
ଅବମତ୍ଯ ତଦା ଦେବୈର୍ଯଜ୍ଞାଙ୍ଗଂ ତଦ୍ବିନାଶିତମ୍॥ 1-92-47 (4012)
ଅନ୍ଯାନି ଚ ମହାତେଜା ଯଜ୍ଞାଙ୍ଗାନ୍ଯସୃଜତ୍ପ୍ରଭୁଃ।
ନିନାଯ ଚ ତଦା ସ୍ବର୍ଗଂ ତ୍ରିଶଙ୍କୁଂ ସ ମହାତପାଃ॥ 1-92-48 (4013)
ଏତାନି ଯସ୍ଯ କର୍ମାଣି ତସ୍ଯାହଂ ଭୃଶମୁଦ୍ବିଜେ।
ଯଥାଽସୌ ନ ଦହେତ୍କ୍ରୁଦ୍ଧସ୍ତଥାଽଽଜ୍ଞାପଯ ମାଂ ବିଭୋ॥ 1-92-49 (4014)
ତେଜସା ନିର୍ଦହେଲ୍ଲୋକାନ୍କମ୍ପଯେଦ୍ଧରଣୀଂ ପଦା।
ସଂକ୍ଷିପେଚ୍ଚ ମହାମେରୁଂ ତୂର୍ଣମାବର୍ତଯେଦ୍ଦିଶଃ॥ 1-92-50 (4015)
ତାଦୃଶଂ ତପସା ଯୁକ୍ତଂ ପ୍ରଦୀପ୍ତମିବ ପାବକମ୍।
କଥମସ୍ମଦ୍ବିଧା ନାରୀ ଜିତେନ୍ଦ୍ରିଯମଭିସ୍ପୃଶେତ୍॥ 1-92-51 (4016)
ହୁତାଶନମୁଖଂ ଦୀପ୍ତଂ ସୂର୍ଯଚନ୍ଦ୍ରାକ୍ଷିତାରକମ୍।
କାଲଜିହ୍ବଂ ସୁରଶ୍ରେଷ୍ଠ କଥମସ୍ମଦ୍ବିଧା ସ୍ପୃଶେତ୍॥ 1-92-52 (4017)
ଯମଶ୍ଚ ସୋମଶ୍ଚ ମହର୍ଷଯଶ୍ଚ
ସାଧ୍ଯା ବିଶ୍ବେ ବାଲସ୍ବିଲ୍ଯାଶ୍ଚ ସର୍ବେ।
ଏତେଽପି ଯସ୍ଯୋଦ୍ବିଜନ୍ତେ ପ୍ରଭାବା-
ତ୍ତସ୍ମାତ୍କସ୍ମାନ୍ମାଦୃଶୀ ନୋଦ୍ବିଜେତ॥ 1-92-53 (4018)
ତ୍ବଯୈବମୁକ୍ତା ଚ କଥଂ ସମୀପ-
ମୃଷେର୍ନ ଗଚ୍ଛେଯମହଂ ସୁରେନ୍ଦ୍ର।
ରକ୍ଷାଂ ଚ ମେ ଚିନ୍ତଯ ଦେବରାଜ
ଯଥା ତ୍ବଦର୍ଥଂ ରକ୍ଷିତାଽହଂ ଚରେଯମ୍॥ 1-92-54 (4019)
କାମଂ ତୁ ମେ ମାରୁତସ୍ତତ୍ର ବାସଃ
ପ୍ରକ୍ରୀଡିତାଯା ବିବୃଣୋତୁ ଦେବ।
ଭବେଚ୍ଚ ମେ ମନ୍ମଥସ୍ତତ୍ର କାର୍ଯେ
ସହାଯଭୂତସ୍ତୁ ତବ ପ୍ରସାଦାତ୍॥ 1-92-55 (4020)
ବନାଚ୍ଚ ବାଯୁଃ ସୁରଭିଃ ପ୍ରବାଯା-
ତ୍ତସ୍ମିନ୍କାଲେ ତମୃଷିଂ ଲୋଭଯନ୍ତ୍ଯାଃ।
ତଥେତ୍ଯୁକ୍ତ୍ବା ବିହିତେ ଚୈବ ତସ୍ମିଂ-
ସ୍ତତୋ ଯଯୌ ସାଽଽଶ୍ରମଂ କୌଶିକସ୍ଯ॥ ॥ 1-92-56 (4021)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଦ୍ବିନବତିତମୋଽଧ୍ଯାଯଃ॥ 92 ॥
Mahabharata - Adi Parva - Chapter Footnotes
1-92-23 ହସତୀ ହସନ୍ତୀ॥ 1-92-30 ଅଭ୍ଯଚୋଦଯତ୍ ପୃଷ୍ଟବାନ୍॥ 1-92-43 ବଭାର ପୋଷିତବାନ୍। ମତଙ୍ଗସ୍ତ୍ରିଶଙ୍କୁଃ॥ 1-92-44 ଆଶ୍ରମମଭ୍ଯେତ୍ଯ ତପସ୍ତପ୍ତ୍ବେତି ଶେଷଃ। ନଦ୍ଯାଃ କୌଶିକ୍ଯାଃ॥ 1-92-49 ତସ୍ଯ ତସ୍ମାତ୍॥ 1-92-50 ଆବର୍ତଯେଦେକୀକୁର୍ଯାତ୍॥ 1-92-52 ସୂର୍ଯଚନ୍ଦ୍ରାବେବାକ୍ଷ୍ଣୋଃ ସଂବନ୍ଧିନୀ ତାରକେ ଯସ୍ଯ ତାବପି ଭ୍ରୂଭଙ୍ଗମାତ୍ରେଣ ସ୍ରଷ୍ଟୁଂ ସମର୍ଥ ଇତ୍ଯର୍ଥଃ॥ 1-92-55 ପ୍ରକ୍ରୀଡିତାଯାଃ ପ୍ରକୃଷ୍ଟଂ କ୍ରୀଡିତଂ ଯସ୍ଯାଃ। ବିବୃଣୋତୁ ଅପସାରଯତୁ॥ ଦ୍ବିନବତିତମୋଽଧ୍ଯାଯଃ॥ 92 ॥ଆଦିପର୍ବ - ଅଧ୍ଯାଯ 093
॥ ଶ୍ରୀଃ ॥
1.93. ଅଧ୍ଯାଯଃ 093
Mahabharata - Adi Parva - Chapter Topics
ବିଶ୍ବାମିତ୍ରାନ୍ମେନକାଯାଂ ଶକୁନ୍ତଲାଯା ଜନ୍ମକଥନମ୍॥ 1 ॥Mahabharata - Adi Parva - Chapter Text
1-93-0 (4022)
କଣ୍ବ ଉବାଚ। 1-93-0x (579)
ଏବମୁକ୍ତସ୍ତଯା ଶକ୍ରଃ ସଂଦିଦେଶ ସଦାଗତିମ୍।
ପ୍ରାତିଷ୍ଠତ ତଦା କାଲେ ମେନକା ବାଯୁନା ସହ॥ 1-93-1 (4023)
ଅଥାପଶ୍ଯଦ୍ବରାରୋହା ତପସା ଦଗ୍ଧକିଲ୍ବିଷମ୍।
ମିଶ୍ବାମିତ୍ରଂ ତପ୍ଯମାନଂ ମେନକା ଭୀରୁରାଶ୍ରମେ॥ 1-93-2 (4024)
ଅଭିବାଦ୍ଯ ତତଃ ସା ତଂ ପ୍ରାକ୍ରୀଡଦୃଷିସନ୍ନିଧୌ।
ଅପୋବାହ ଚ ବାସୋଽସ୍ଯା ମାରୁତଃ ଶଶିସଂନିଭମ୍॥ 1-93-3 (4025)
ସାଗଚ୍ଛତ୍ତ୍ବରିତା ଭୂମିଂ ବାସସ୍ତଦଭିଲିପ୍ସତୀ।
କୁତ୍ସଯନ୍ତୀବ ସବ୍ରୀଡଂ ମାରୁତଂ ବରବର୍ଣିନୀ॥ 1-93-4 (4026)
ପଶ୍ଯତସ୍ତସ୍ଯ ରାଜର୍ଷେରପ୍ଯଗ୍ନିସମତେଜସଃ।
ବିଶ୍ବାମିତ୍ରସ୍ତତସ୍ତାଂ ତୁ ବିଷମସ୍ଥାମନିନ୍ଦିତାମ୍॥ 1-93-5 (4027)
ଗୃଦ୍ଧାଂ ବାସସି ସଂଭ୍ରାନ୍ତାଂ ମେନକାଂ ମୁନିସତ୍ତମଃ।
ଅନିର୍ଦେଶ୍ଯବଯୋରୂପାମପଶ୍ଯଦ୍ବିବୃତାଂ ତଦା॥ 1-93-6 (4028)
ତସ୍ଯା ରୂପଗୁଣାନ୍ଦୃଷ୍ଟ୍ବା ସ ତୁ ବିପ୍ରର୍ଷଭସ୍ତଦା।
ଚକାର ଭାବଂ ସଂସର୍ଗେ ତଯା କାମବଶଂ ଗତଃ॥ 1-93-7 (4029)
ନ୍ଯମନ୍ତ୍ରଯତ ଚାପ୍ଯେନାଂ ସା ଚାପ୍ଯୈଚ୍ଛଦନିନ୍ଦିତା।
ତୌ ତତ୍ର ସୁଚିରଂ କାଲମୁଭୌ ବ୍ଯବହରତାଂ ତଦା॥ 1-93-8 (4030)
ରମମାଣୌ ଯଥାକାମଂ ଯତୈକଦିବସଂ ତଥା।
`ଏବଂ ବର୍ଷସହସ୍ରାଣାମତୀତଂ ନାନ୍ବଚିନ୍ତଯତ୍॥ 1-93-9 (4031)
କାମକ୍ରୋଧାବଜିତବାନ୍ମୁନିର୍ନିତ୍ଯଂ ସମାହିତଃ।
ଚିରାର୍ଜିତସ୍ଯ ତପସଃ କ୍ଷଯଂ ସ କୃତବାନ୍ମୁନିଃ॥ 1-93-10 (4032)
ତପସଃ ସଂକ୍ଷଯାଦେବ ମୁନିର୍ମୋହଂ ସମାବିଶତ୍।
ମୋହାଭିଭୂତଃ କ୍ରୋଧାତ୍ମା ଗ୍ରସନ୍ମୂଲଫଲାନ୍ମୁନିଃ॥ 1-93-11 (4033)
ପାଦୈର୍ଜଲରବଂ କୃତ୍ବା ଅନ୍ତର୍ଦ୍ବୀପେ କୁଟୀଂ ଗତଃ।
ମେନକା ଗନ୍ତୁକାମା ତୁ ଶୁଶ୍ରାବ ଜଲନିସ୍ବନମ୍॥ 1-93-12 (4034)
ତପସା ଦୀପ୍ତବୀର୍ଯୋଽସାବାକାଶାଦେତି ଯାତି ଚ।
ଅଦ୍ଯ ସଂଜ୍ଞାଂ ବିଜାନାମି ଯଯାଽଦ୍ଯ ତପସଃ କ୍ଷଯଃ॥ 1-93-13 (4035)
ଗନ୍ତୁଂ ନ ଯୁକ୍ତମିତ୍ଯୁକ୍ତ୍ବା ଋତୁସ୍ନାତାଥ ମେନକା।
କାମରାଗାଭିଭୂତସ୍ଯ ମୁନେଃ ପାର୍ସ୍ବଂ ଜଗାମ ହ॥' 1-93-14 (4036)
ଜନଯାମାସ ସ ମୁନିର୍ମେନକାଯାଂ ଶକୁନ୍ତଲାମ୍।
ପ୍ରସ୍ଥେ ହିମବତୋ ରମ୍ଯେ ମାଲିନୀମଭିତୋ ନଦୀମ୍॥ 1-93-15 (4037)
`ଦେବଗର୍ଭୋପମାଂ ବାଲାଂ ସର୍ବାଭରଣଭୂଷିତାମ୍।
ଶଯାନାଂ ଶଯନେ ରମ୍ଯେ ମେନକା ବାକ୍ଯମବ୍ରବୀତ୍॥ 1-93-16 (4038)
ମହର୍ଷେରୁଗ୍ରତପସସ୍ତେଜସ୍ତ୍ବମସି ଭାମିନି।
ତସ୍ମାତ୍ସ୍ବର୍ଗଂ ଗମିଷ୍ଯାମି ଦେବକାର୍ଯାର୍ଥମାଗତା॥' 1-93-17 (4039)
ଜାତମୁତ୍ସୃଜ୍ଯ ତଂ ଗର୍ଭଂ ମେନକା ମାଲିନୀମନୁ।
କୃତକାର୍ଯା ତତସ୍ତୂର୍ଣମଗଚ୍ଛଚ୍ଛକ୍ରସଂସଦମ୍॥ 1-93-18 (4040)
ତଂ ବନେ ବିଜନେ ଗର୍ଭଂ ସିଂହବ୍ଯାଘ୍ରସମାକୁଲେ।
ଦୃଷ୍ଟ୍ବା ଶଯାନଂ ଶକୁନାଃ ସମନ୍ତାତ୍ପର୍ଯବାରଯନ୍।
ନେମାଂ ହିଂସ୍ଯୁର୍ବନେ ବାଲାଂ କ୍ରବ୍ଯାଦା ମାଂସଗୃଦ୍ଧିନଃ॥ 1-93-19 (4041)
ପର୍ଯରକ୍ଷନ୍ତ ତାଂ ତତ୍ର ଶକୁନ୍ତା ମେନକାତ୍ମଜାମ୍।
ଉପସ୍ପ୍ରଷ୍ଟୁଂ ଗତଶ୍ଚାହମପଶ୍ଯଂ ଶଯିତାମିମାମ୍॥ 1-93-20 (4042)
ନିର୍ଜନେ ବିପିନେ ରମ୍ଯେ ଶକୁନ୍ତୈଃ ପରିବାରିତାମ୍।
`ମାଂ ଦୃଷ୍ଟ୍ବୈବାଭ୍ଯପଦ୍ଯନ୍ତ ପାଦଯୋଃ ପତିତା ଦ୍ବିଜାଃ।
ଅବ୍ରୁଞ୍ଶକୁନାଃ ସର୍ବେ କଲଂ ମଧୁରଭାଷିଣଃ॥ 1-93-21 (4043)
ବିଶ୍ବାମିତ୍ରସୁତାଂ ବ୍ରହ୍ମନ୍ନ୍ଯାସଭୂତାଂ ଭରସ୍ବ ବୈ।
କାମକ୍ରୋଧାବଜିତବାନ୍ସଖା ତେ କୌଶିକୀଂ ଗତଃ॥ 1-93-22 (4044)
ତସ୍ମାତ୍ପୋଷଯ ତତ୍ପୁତ୍ରୀଂ ଦଯାବାନିତି ତେଽବ୍ରୁବନ୍।
ସର୍ବଭୂତରୁତଜ୍ଞୋଽହଂ ଦଯାବାନ୍ସର୍ବଜନ୍ତୁଷୁ॥' 1-93-23 (4045)
ଆନଯିତ୍ବା ତତଶ୍ଚୈନାଂ ଦୁହିତୃତ୍ବେ ନ୍ଯବେଶଯମ୍॥ 1-93-24 (4046)
ଶରୀରକୃତ୍ପ୍ରାଣଦାତା ଯସ୍ଯ ଚାନ୍ନାନି ଭୁଞ୍ଜତେ।
କ୍ରମେଣୈତେ ତ୍ରଯୋଽପ୍ଯୁକ୍ତାଃ ପିତରୋ ଧର୍ମଶାସନେ॥ 1-93-25 (4047)
ନିର୍ଜନେ ତୁ ବନେ ଯସ୍ମାଚ୍ଛକୁନ୍ତୈଃ ପରିବାରିତା।
ଶକୁନ୍ତଲେତି ନାମାସ୍ଯାଃ କୃତଂ ଚାପି ତତୋ ମଯା॥ 1-93-26 (4048)
ଏବଂ ଦୁହିତରଂ ବିଦ୍ଧି ମମ ବିପ୍ର ଶକୁନ୍ତଲାମ୍।
ଶକୁନ୍ତଲା ଚ ପିତରଂ ମନ୍ଯତେ ମାମନିନ୍ଦିତା॥ 1-93-27 (4049)
ଶକୁନ୍ତଲୋବାଚ। 1-93-28x (580)
ଏତଦାଚଷ୍ଟ ପୃଷ୍ଟଃ ସନ୍ମମ ଜନ୍ମ ମହର୍ଷଯେ।
ସୁତାଂ କଣ୍ବସ୍ଯ ମାମେବଂ ବିଦ୍ଧି ତ୍ବଂ ମନୁଜାଧିପ॥ 1-93-28 (4050)
କଣ୍ବଂ ହି ପିତରଂ ମନ୍ଯେ ପିତରଂ ସ୍ବମଜାନତୀ।
ଇତି ତେ କଥିତଂ ରାଜନ୍ଯଥାବୃତ୍ତଂ ଶ୍ରୁତଂ ମଯା॥ ॥ 1-93-29 (4051)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ତ୍ରିନବତିତମୋଽଧ୍ଯାଯଃ॥ 93 ॥
Mahabharata - Adi Parva - Chapter Footnotes
1-93-1 ସଦାଗତିମ୍ ବାଯୁମ୍॥ 1-93-6 ଗୃଦ୍ଧାଂ ସକ୍ତାମ୍। ବିବୃତାମନାଚ୍ଛାଦିତାମ୍॥ 1-93-8 ନ୍ଯମନ୍ତ୍ରଯତ ଏହୀତ୍ଯାକାରିତବାନ୍। ବ୍ଯହରତାଂ ବିହାରଂ ଚକ୍ରତୁଃ॥ 1-93-20 ଉପସ୍ପ୍ରଷ୍ଟୁଂ ଆଚମନାଦିକଂ କର୍ତୁମ୍॥ 1-93-25 ଶରୀରକୃନ୍ନିଷେକ୍ତା। ପ୍ରାଣଦାତାଽଭଯପ୍ରଦଃ॥ ତ୍ରିନବତିତମୋଽଧ୍ଯାଯଃ॥ 93 ॥ଆଦିପର୍ବ - ଅଧ୍ଯାଯ 094
॥ ଶ୍ରୀଃ ॥
1.94. ଅଧ୍ଯାଯଃ 094
Mahabharata - Adi Parva - Chapter Topics
ସମଯବନ୍ଧପୂର୍ବକଂ ଗାନ୍ଧର୍ବେଣ ବିବାହେନ ଶକୁନ୍ତଲାପାଣିଗ୍ରହଣମ୍॥ 1 ॥ କଣ୍ବସ୍ଯ ସ୍ବାଶ୍ରମଂ ପ୍ରତି ପ୍ରତ୍ଯାଗମନମ୍॥ 2 ॥ କଣ୍ବଶକୁନ୍ତଲାସଂବାଦଃ॥ 3 ॥ କଣ୍ବାଚ୍ଛକୁନ୍ତଲାଯା ବରଲାଭଃ॥ 4 ॥Mahabharata - Adi Parva - Chapter Text
1-94-0 (4052)
ଦୁଷ୍ଯନ୍ତ ଉବାଚ। 1-94-0x (581)
ସୁବ୍ଯକ୍ତଂ ରାଜପୁତ୍ରୀ ତ୍ବଂ ଯଥା କଲ୍ଯାଣି ଭାଷସେ।
ଭାର୍ଯା ମେ ଭବ ସୁଶ୍ରୋଣି ବ୍ରୂହି କିଂ କରବାଣି ତେ॥ 1-94-1 (4053)
ସୁବର୍ଣମାଲାଂ ବାସାଂସି କୁଣ୍ଡଲେ ପରିହାଟକେ।
ନାନାପତ୍ତନଜେ ଶୁଭ୍ରେ ମଣିରତ୍ନେ ଚ ଶୋଭନେ॥ 1-94-2 (4054)
ଆହରାମି ତବାଦ୍ଯାହଂ ନିଷ୍କାଦୀନ୍ଯଜିନାନି ଚ।
ସର୍ବଂ ରାଜ୍ଯଂ ତବାଦ୍ଯାସ୍ତୁ ଭାର୍ଯା ମେ ଭବ ଶୋଭନେ॥ 1-94-3 (4055)
ଗାନ୍ଧର୍ବେଣ ଚ ମାଂ ଭୀରୁ ବିବାହେନୈହି ସୁନ୍ଦରି।
ବିବାହାନାଂ ହି ରମ୍ଭୋରୁ ଗାନ୍ଧର୍ବଃ ଶ୍ରେଷ୍ଠ ଉଚ୍ଯତେ॥ 1-94-4 (4056)
ଶକୁନ୍ତଲୋବାଚ। 1-94-5x (582)
ଫଲାହାରୋ ଗତୋ ରାଜନ୍ପିତା ମେ ଇତ ଆଶ୍ରମାତ୍।
ମୁହୂର୍ତଂ ସଂପ୍ରତୀକ୍ଷସ୍ବ ସ ମାଂ ତୁଭ୍ଯଂ ପ୍ରଦାସ୍ଯତି॥ 1-94-5 (4057)
`ପିତା ହି ମେ ପ୍ରଭୁର୍ନିତ୍ଯଂ ଦୈବତଂ ପରମଂ ମମ।
ଯସ୍ମୈ ମାଂ ଦାସ୍ଯତି ପିତା ସ ମେ ଭର୍ତା ଭବିଷ୍ଯତି॥ 1-94-6 (4058)
ପିତା ରକ୍ଷତି କୌମାରେ ଭର୍ତା ରକ୍ଷତି ଯୌବନେ।
ପୁତ୍ରସ୍ତୁ ସ୍ଥାବିରେ ଭାବେ ନ ସ୍ତ୍ରୀ ସ୍ବାତନ୍ତ୍ର୍ଯମର୍ହତି॥ 1-94-7 (4059)
ସମନ୍ଯମାନା ରାଜେନ୍ଦ୍ର ପିତରଂ ମେ ତପସ୍ବିନମ୍।
ଅଧର୍ମେଣ ହି ଧର୍ମିଷ୍ଠ କଥଂ ବରମୁପାସ୍ମହେ॥ 1-94-8 (4060)
ଦୁଷ୍ଯନ୍ତ ଉବାଚ। 1-94-9x (583)
ମାମୈବଂ ବଦ କଲ୍ଯାଣି ତପୋରାଶିଂ ଦମାତ୍ମକମ୍। 1-94-9 (4061)
ଶକୁନ୍ତଲୋବାଚ।
ମନ୍ଯୁପ୍ରହରଣା ବିପ୍ରା ନ ବିପ୍ରାଃ ଶସ୍ତ୍ରପାଣଯଃ॥ 1-94-9x (584)
ମନ୍ଯୁନା ଘ୍ନନ୍ତି ତେ ଶତ୍ରୂନ୍ବଜ୍ରେଣେନ୍ଦ୍ର ଇବାସୁରାନ୍।
ଅଗ୍ନିର୍ଦହତି ତେଜୋଭିଃ ସୂର୍ଯୋ ଦହତି ରଶ୍ମିଭିଃ॥ 1-94-10 (4062)
ରାଜା ଦହତି ଦଣ୍ଡେନ ବ୍ରାହ୍ମଣୋ ମନ୍ଯୁନା ଦହେତ୍।
କ୍ରୋଧିତା ମନ୍ଯୁନା ଘ୍ନନ୍ତି ବଜ୍ରପାଣିରିବାସୁରାନ୍॥ 1-94-11 (4063)
ଦୁଷ୍ଯନ୍ତ ଉବାଚ। 1-94-12x (585)
ଜାନେ ଭଦ୍ରେ ମହର୍ଷିଂ ତଂ ତସ୍ଯ ମନ୍ଯୁର୍ନ ବିଦ୍ଯତେ।'
ଇଚ୍ଛାମି ତ୍ବାଂ ବରାରୋହେ ଭଜମାନାମନିନ୍ଦିତେ।
ତ୍ବଦର୍ଥଂ ମାଂ ସ୍ଥିତଂ ବିଦ୍ଧି ତ୍ବଦ୍ଗତଂ ହି ମନୋ ମମ॥ 1-94-12 (4064)
ଆତ୍ମନୋ ବନ୍ଧୁରାତ୍ମୈବ ଗତିରାତ୍ମୈବ ଚାତ୍ମନଃ।
ଆତ୍ମନୈବାତ୍ମନୋ ଦାନଂ କର୍ତୁମର୍ହସି ଧର୍ମତଃ॥ 1-94-13 (4065)
ଅଷ୍ଟାବେବ ସମାସେନ ବିବାହା ଧର୍ମତଃ ସ୍ମୃତାଃ।
ବ୍ରାହ୍ମୋ ଦୈବସ୍ତଥୈବାର୍ଷଃ ପ୍ରାଜାପତ୍ଯସ୍ତଥାଽଽସୁରଃ॥ 1-94-14 (4066)
ଗାନ୍ଧର୍ବୋ ରାକ୍ଷସଶ୍ଚୈବ ପୈଶାଚଶ୍ଚାଷ୍ଟମଃ ସ୍ମୃତଃ।
ତେଷାଂ ଧର୍ମ୍ଯାନ୍ଯଥାପୂର୍ବଂ ମନୁଃ ସ୍ବାଯଂଭୁବୋଽବ୍ରବୀତ୍॥ 1-94-15 (4067)
ପ୍ରଶସ୍ତାଂଶ୍ଚତୁରଃ ପୂର୍ବାନ୍ବ୍ରାହ୍ମଣସ୍ଯୋପଧାରଯ।
ଷଡାନୁପୂର୍ବ୍ଯା କ୍ଷତ୍ରସ୍ଯ ବିଦ୍ଧି ଧର୍ମ୍ଯାନନିନ୍ଦିତେ॥ 1-94-16 (4068)
ରାଜ୍ଞାଂ ତୁ ରାକ୍ଷସୋଽପ୍ଯୁକ୍ତୋ ବିଟ୍ଶୂଦ୍ରେଷ୍ବାସୁରଃ ସ୍ମୃତଃ।
ପଞ୍ଚାନାଂ ତୁ ତ୍ରଯୋ ଧର୍ମ୍ଯା ଅଧର୍ମ୍ଯୌ ଦ୍ବୌ ସ୍ମୃତାବିହ॥ 1-94-17 (4069)
ପୈଶାଚ ଆସୁରଶ୍ଚୈବ ନ କର୍ତବ୍ଯୌ କଦାଚନ।
ଅନେନ ବିଧିନା କାର୍ଯୋ ଧର୍ମସ୍ଯୈଷା ଗତିଃ ସ୍ମୃତା॥ 1-94-18 (4070)
ଗାନ୍ଧର୍ବରାକ୍ଷସୌ କ୍ଷତ୍ରେ ଧର୍ମ୍ଯୌ ତୌ ମା ବିଶଙ୍କିଥାଃ।
ପୃଥଗ୍ବା ଯଦି ବା ମିଶ୍ରୌ କର୍ତବ୍ଯୌ ନାତ୍ର ସଂଶଯଃ॥ 1-94-19 (4071)
ସା ତ୍ବଂ ମମ ସକାମସ୍ଯ ସକାମା ବରବର୍ଣିନୀ।
ଗାନ୍ଧର୍ବେଣ ବିବାହେନ ଭାର୍ଯା ଭବିତୁମର୍ହସି॥ 1-94-20 (4072)
ଶକୁନ୍ତଲୋବାଚ। 1-94-21x (586)
ଯଦି ଧର୍ମପଥସ୍ତ୍ବେବ ଯଦି ଚାତ୍ମା ପ୍ରଭୁର୍ମମ।
ପ୍ରଦାନେ ପୌରବଶ୍ରେଷ୍ଠ ଶୃଣୁ ମେ ସମଯଂ ପ୍ରଭୋ॥ 1-94-21 (4073)
ସତ୍ଯଂ ମେ ପ୍ରତିଜାନୀହି ଯଥା ବକ୍ଷ୍ଯାମ୍ଯହଂ ରହଃ।
ମଯି ଜାଯେତ ଯଃ ପୁତ୍ରଃ ସ ଭବେତ୍ତ୍ବଦନନ୍ତରଃ॥ 1-94-22 (4074)
ଯୁବରାଜୋ ମହାରାଜ ସତ୍ଯମେତଦ୍ବ୍ରବୀମି ତେ।
ଯଦ୍ଯେତଦେବଂ ଦୁଷ୍ଯନ୍ତ ଅସ୍ତୁ ମେ ସଙ୍ଗମସ୍ତ୍ବଯା॥ 1-94-23 (4075)
ବୈଶମ୍ପାଯନ ଉବାଚ। 1-94-24x (587)
`ତସ୍ଯାସ୍ତୁ ସର୍ବଂ ସଂଶ୍ରୁତ୍ଯ ଯଥୋକ୍ତଂ ସ ବିଶାଂପତିଃ।
ଦୁଷ୍ଯନ୍ତଃ ପୁନରେବାହ ଯଦ୍ଯଦିଚ୍ଛସି ତଦ୍ବଦ॥ 1-94-24 (4076)
ଶକୁନ୍ତଲୋବାଚ। 1-94-25x (588)
ଖ୍ଯାତୋ ଲୋକପ୍ରବାଦୋଯଂ ବିବାହ ଇତି ଶାସ୍ତ୍ରତଃ।
ବୈବାହିକୀଂ କ୍ରିଯାଂ ସନ୍ତଃ ପ୍ରଶଂସନ୍ତି ପ୍ରଜାହିତାମ୍॥ 1-94-25 (4077)
ଲୋକପ୍ରବାଦଶାନ୍ତ୍ଯର୍ଥଂ ବିବାହଂ ବିଧିନା କୁରୁ।
ସନ୍ତ୍ଯତ୍ର ଯଜ୍ଞପାତ୍ରାଣି ଦର୍ଭାଃ ସୁମନସୋଽକ୍ଷତାଃ॥ 1-94-26 (4078)
ଯଥା ଯୁକ୍ତୋ ବିବାହଃ ସ୍ଯାତ୍ତଥା ଯୁକ୍ତା ପ୍ରଜା ଭବେତ୍।
ତସ୍ମାଦାଜ୍ଯଂ ହବିର୍ଲାଜାଃ ସିକତା ବ୍ରାହ୍ମଣାସ୍ତବ॥ 1-94-27 (4079)
ବୈବାହିକାନି ଚାନ୍ଯାନି ସମସ୍ତାନୀହ ପାର୍ଥିବ।
ଦୁରୁକ୍ତମପି ରାଜେନ୍ଦ୍ର କ୍ଷନ୍ତବ୍ଯଂ ଧର୍ମକାରଣାତ୍॥ 1-94-28 (4080)
ବୈଶମ୍ପାଯନ ଉବାଚ।' 1-94-29x (589)
ଏବମସ୍ତ୍ବିତି ତାଂ ରାଜା ପ୍ରତ୍ଯୁବାଚାବିଚାରଯନ୍।
ଅପି ଚ ତ୍ବାଂ ହି ନେଷ୍ଯାମି ନଗରଂ ସ୍ବଂ ଶୁଚିସ୍ମିତେ॥ 1-94-29 (4081)
ଯଥା ତ୍ବମର୍ହା ସୁଶ୍ରୋଣି ମନ୍ଯସେ ତଦ୍ବ୍ରବୀମି ତେ।
ଏବମୁକ୍ତ୍ବା ସ ରାଜର୍ଷିସ୍ତାମନିନ୍ଦିତଗାମିନୀମ୍॥ 1-94-30 (4082)
`ପୁରୋହିତଂ ସମାହୂଯ ବଚନଂ ଯୁକ୍ତମବ୍ରବୀତ୍।
ରାଜପୁତ୍ର୍ଯା ଯଦୁକ୍ତଂ ବୈ ନ ବୃଥା କର୍ତୁମୁତ୍ସହେ॥ 1-94-31 (4083)
କ୍ରିଯାହୀନୋ ହି ନ ଭବେନ୍ମମ ପୁତ୍ରୋ ମହାଦ୍ଯୁତିଃ।
ତଥା କୁରୁଷ୍ବ ଶାସ୍ତ୍ରୋକ୍ତଂ ବିବାହଂ ମା ଚିରଂକୁରୁ॥ 1-94-32 (4084)
ଏବମୁକ୍ତୋ ନୃପତିନା ଦ୍ବିଜଃ ପରମଯନ୍ତ୍ରିତଃ।
ଶୋଭନଂ ରାଜରାଜେତି ବିଧିନା କୃତବାନ୍ଦ୍ବିଜଃ॥ 1-94-33 (4085)
ଶାସନାଦ୍ବିପ୍ରମୁଖ୍ଯସ୍ଯ କୃତକୌତୁକମଙ୍ଗଲଃ।'
ଜଗ୍ରାହ ବିଧିବତ୍ପାଣାବୁବାସ ଚ ତଯା ସହ॥ 1-94-34 (4086)
ବିଶ୍ବାସ୍ଯ ଚୈନାଂ ସ ପ୍ରାଯାଦବ୍ରବୀଚ୍ଚ ପୁନଃ ପୁନଃ।
ପ୍ରେଷଯିଷ୍ଯେ ତବାର୍ଥାଯ ବାହିନୀଂ ଚତୁରଙ୍ଗିଣୀମ୍॥ 1-94-35 (4087)
`ତ୍ରୈବିଦ୍ଯବୃଦ୍ଧୈଃ ସହିତାଂ ନାନାରାଜଜନୈଃ ସହ।
ଶିବିକାସହସ୍ରୈଃ ସହିତା ବଯମାଯାନ୍ତି ବାନ୍ଧବାଃ॥ 1-94-36 (4088)
ମୂକାଶ୍ଚୈବ କିରାତାଶ୍ଚ କୁବ୍ଜା ବାମନକୈଃ ସହ।
ସହିତାଃ କଞ୍ଚୁକିବରୈର୍ବାହିନୀ ସୂତମାଗଧୈଃ॥ 1-94-37 (4089)
ଶଙ୍ଖଦୁନ୍ଦୁଭିନିର୍ଘୋଷୈର୍ବନଂ ଚ ସମୁପୈଷ୍ଯତି।
ତଥା ତ୍ବାମାନଯିଷ୍ଯାମି ନଗରଂ ସ୍ବଂ ଶୁଚିସ୍ମିତେ॥ 1-94-38 (4090)
ଅନ୍ଯଥା ତ୍ବାଂ ନ ନେଷ୍ଯାମି ସ୍ବନିବେଶମସତ୍କୃତାମ୍।
ସର୍ବମଙ୍ଗଲସତ୍କାରୈଃ ସୁଭ୍ରୁ ସତ୍ଯଂ କରୋମି ତେ॥ 1-94-39 (4091)
ବୈଶମ୍ପାଯନ ଉବାଚ। 1-94-40x (590)
ଏବମୁକ୍ତ୍ବା ସ ରାଜର୍ଷିସ୍ତାମନିନ୍ଦିତଗାମିନୀମ୍।
ପରିଷ୍ବଜ୍ଯ ଚ ବାହୁଭ୍ଯାଂ ସ୍ମିତପୂର୍ବମୁଦୈକ୍ଷତ॥ 1-94-40 (4092)
ପ୍ରଦକ୍ଷିଣୀକୃତାଂ ଦେବୀଂ ପୁନସ୍ତାଂ ପରିଷସ୍ବଜେ।
ଶକୁନ୍ତଲା ସା ସୁମୁଖୀ ପପାତ ନୃପପାଦଯୋଃ॥ 1-94-41 (4093)
ତାଂ ଦେବୀଂ ପୁନରୁତ୍ଥାପ୍ଯ ମା ଶୁଚେତି ପୁନଃ ପୁନଃ।
ଶପେଯଂ ସୁକୃତେନୈବ ପ୍ରାପଯିଷ୍ଯେ ନୃପାତ୍ମଜେ॥' 1-94-42 (4094)
ଇତି ତସ୍ଯାଃ ପ୍ରତିଶ୍ରୁତ୍ଯ ସ ନୃପୋ ଜନମେଜଯ।
ମନସା ଚିନ୍ତଯନ୍ପ୍ରାଯାତ୍କାଶ୍ଯପଂ ପ୍ରତି ପାର୍ଥିବ॥ 1-94-43 (4095)
ଭଗବାଂସ୍ତପସା ଯୁକ୍ତଃ ଶ୍ରୁତ୍ବା କିଂ ନୁ କରିଷ୍ଯତି।
ତଂ ନ ପ୍ରସାଦ୍ଯାଗତୋଽହଂ ପ୍ରସୀଦେତି ଦ୍ବିଜୋତ୍ତମମ୍।
ଏବଂ ସଂଚିନ୍ତଯନ୍ନେବ ପ୍ରବିବେଶ ସ୍ବକଂ ପୁରମ୍॥ 1-94-44 (4096)
ତତୋ ମୁହୂର୍ତେ ଯାତେ ତୁ କଣ୍ବୋଽପ୍ଯାଶ୍ରମମାଗମତ୍।
ଶକୁନ୍ତଲା ଚ ପିତରଂ ହ୍ରିଯା ନୋପଜଗାମ ତମ୍॥ 1-94-45 (4097)
`ଶଙ୍କିତେବ ଚ ବିପ୍ରର୍ଷିମୁପଚକ୍ରାମ ସା ଶନୈଃ।
ତତୋଽସ୍ଯ ଭାରଂ ଜଗ୍ରାହ ଆସନଂ ଚାପ୍ଯକଲ୍ପଯତ୍॥ 1-94-46 (4098)
ପ୍ରାକ୍ଷାଲଯଚ୍ଚ ସା ପାଦୌ କାଶ୍ଯପସ୍ଯ ମହାତ୍ମନଃ।
ନ ଚୈନଂ ଲଜ୍ଜଯାଽଶକ୍ନୋଦକ୍ଷିଭ୍ଯାମଭିବୀକ୍ଷିତୁମ୍॥ 1-94-47 (4099)
ଶକୁନ୍ତଲା ଚ ସବ୍ରୀଡା ତମୃଷିଂ ନାଭ୍ଯଭାଷତ।
ତସ୍ମାତ୍ସ୍ବଧର୍ମାତ୍ସ୍ଖଲିତା ଭୀତା ସା ଭରତର୍ଷଭ॥ 1-94-48 (4100)
ଅଭବଦ୍ଦୋଷଦର୍ଶିତ୍ବାଦ୍ବ୍ରହ୍ମଚାରିଣ୍ଯଯନ୍ତ୍ରିତା।
ସ ତଦା ବ୍ରୀଡିତାଂ ଦୃଷ୍ଟ୍ବା ଋଷିସ୍ତାଂ ପ୍ରତ୍ଯଭାଷତ॥ 1-94-49 (4101)
କଣ୍ବ ଉବାଚ। 1-95-50x (591)
ସବ୍ରୀଡୈବ ଚ ଦୀର୍ଘାଯୁଃ ପୁରେବ ଭବିତା ନ ଚ।
ବୃତ୍ତଂ କଥଯ ରମ୍ଭୋରୁ ମା ତ୍ରାସଂ ଚ ପ୍ରକଲ୍ପଯ॥ 1-94-50 (4102)
ବୈଶମ୍ପାଯନ ଉବାଚ। 1-94-51x (592)
ତତଃ ପ୍ରକ୍ଷାଲ୍ଯ ପାଦୌ ସା ବିଶ୍ରାନ୍ତଂ ପୁନରବ୍ରବୀତ୍।
ନିଧାଯ କାମଂ ତସ୍ଯର୍ଷେଃ କନ୍ଦାନି ଚ ଫଲାନି ଚ॥ 1-94-51 (4103)
ତତଃ ସଂବାହ୍ଯ ପାଦୌ ସା ବିଶ୍ରାନ୍ତଂ ବେଦିମଧ୍ଯମା।
ଶକୁନ୍ତଲା ପୌରବାଣାଂ ଦୁଷ୍ଯନ୍ତଂ ଜଗ୍ମୁଷୀ ପତିମ୍॥ 1-94-52 (4104)
ତତଃ କୃଚ୍ଛ୍ରାଦତିଶୁଭା ସବ୍ରୀଡା ଶ୍ରମତୀ ତଦା।
ସଗଦ୍ଗଦମୁବାଚେଦଂ କାଶ୍ଯପଂ ସା ଶୁଚିସ୍ମିତା॥ 1-94-53 (4105)
ଶକୁନ୍ତଲୋବାଚ। 1-94-54x (593)
ରାଜା ତାତାଜଗାମେହ ଦୁଷ୍ଯନ୍ତ ଇଲିଲାତ୍ମଜଃ।
ମଯା ପତିର୍ବୃତୋ ଯୋଽସୌ ଦୈବଯୋଗାଦିହାଗତଃ॥ 1-94-54 (4106)
ତସ୍ଯ ତାତ ପ୍ରସୀଦ ତ୍ବଂ ଭର୍ତା ମେ ସୁମହାଯଶାଃ।
ଅତଃ ସର୍ବଂ ତୁ ଯଦ୍ବୃତ୍ତଂ ଦିବ୍ଯଜ୍ଞାନେନ ପଶ୍ଯସି॥ 1-94-55 (4107)
ଅଭଯଂ କ୍ଷତ୍ରିଯକୁଲେ ପ୍ରସାଦଂ କର୍ତୁମର୍ହସି। 1-94-56 (4108)
ବୈଶମ୍ପାଯନ ଉବାଚ।
ଚକ୍ଷୁଷା ସ ତୁ ଦିବ୍ଯେନ ସର୍ବଂ ବିଜ୍ଞାଯ କାଶ୍ଯପଃ॥ 1-94-56x (594)
ତତୋ ଧର୍ମିଷ୍ଠତାଂ ମତ୍ବା ଧର୍ମେ ଚାସ୍ଖଲିତଂ ମନଃ।
ଉବାଚ ଭଗବାନ୍ପ୍ରୀତସ୍ତଦ୍ବୃତ୍ତଂ ସୁମହାତପାଃ॥ 1-94-57 (4109)
କଣ୍ବ ଉବାଚ। 1-94-58x (595)
ଏବମେତନ୍ମଯା ଜ୍ଞାତଂ ଦୃଷ୍ଟଂ ଦିବ୍ଯେନ ଚକ୍ଷୁଷା।
ତ୍ବଯାଽଦ୍ଯ ରାଜାନ୍ବଯଯା ମାମନାଦୃତ୍ଯ ଯତ୍କୃତମ୍'॥ 1-94-58 (4110)
ପୁଂସା ସହ ସମାଯୋଗୋ ନ ସ ଧର୍ମୋପଘାତକଃ।
ନ ଭଯଂ ବିଦ୍ଯତେ ଭଦ୍ରେ ମା ଶୁଚଃ ସୁକୃତଂ କୃତମ୍॥ 1-94-59 (4111)
କ୍ଷତ୍ରିଯସ୍ଯ ତୁ ଗାନ୍ଧର୍ବୋ ବିବାହଃ ଶ୍ରେଷ୍ଠ ଉଚ୍ଯତେ।
ସକାମାଯାଃ ସକାମେନ ନିମନ୍ତ୍ରଃ ଶ୍ରେଷ୍ଠ ଉଚ୍ଯତେ॥ 1-94-60 (4112)
`କିଂ ପୁନର୍ବିଧିବତ୍କୃତ୍ବା ସୁପ୍ରଜସ୍ତ୍ବମବାପ୍ସ୍ଯସି।'
ଧର୍ମାତ୍ମା ଚ ମହାତ୍ମା ଚ ଦୁଷ୍ଯନ୍ତଃ ପୁରୁଷୋତ୍ତମଃ॥ 1-94-61 (4113)
ଅଭ୍ଯାଗଚ୍ଛତ୍ପତିର୍ଯସ୍ତ୍ବାଂ ଭଜମାନାଂ ଶକୁନ୍ତଲେ।
ମହାତ୍ମା ଜନିତା ଲୋକେ ପୁତ୍ରସ୍ତବ ମହାଯଶାଃ॥ 1-94-62 (4114)
ସ ଚ ସର୍ବାଂ ସମୁଦ୍ରାନ୍ତାଂ କୃତ୍ସ୍ନାଂ ଭୋକ୍ଷ୍ଯତି ମେଦିନୀମ୍।
ପରଂ ଚାଭିପ୍ରଯାତସ୍ଯ ଚକ୍ରଂ ତସ୍ଯ ମହାତ୍ମନଃ॥ 1-94-63 (4115)
ଭବିଷ୍ଯତ୍ଯପ୍ରତିହତଂ ସତତଂ ଚକ୍ରବର୍ତିନଃ।
ପ୍ରସନ୍ନ ଏବ ତସ୍ଯାହଂ ତ୍ବକୃତେ ବରବର୍ଣିନି॥ 1-94-64 (4116)
ଋତବୋ ବହବସ୍ତେ ବୈ ଗତା ବ୍ଯର୍ଥାଃ ଶୁଚିସ୍ମିତେ।
ସାର୍ଥକଂ ସାଂପ୍ରତଂ ହ୍ଯେତନ୍ନ ଚ ପାପ୍ମାସ୍ତି ତେଽନଘେ।
ଗୃହାଣ ଚ ବରଂ ମତ୍ତସ୍ତତ୍କୃତେ ଯଦଭୀପ୍ସିତମ୍॥ 1-94-65 (4117)
ଶକୁନ୍ତଲୋବାଚ। 1-94-66x (596)
ମଯା ପତିର୍ବୃତୋ ଯୋଽସୌ ଦୁଷ୍ଯନ୍ତଃ ପୁରୁଷୋତ୍ତମଃ।
ମମ ଚୈବ ପତିର୍ଦୃଷ୍ଟୋ ଦେବତାନାଂ ସମକ୍ଷତଃ।
ତସ୍ମୈ ସସଚିବାଯ ତ୍ବଂ ପ୍ରସାଦଂ କର୍ତୁମର୍ହସି॥ 1-94-66 (4118)
ବୈଶମ୍ପାଯନ ଉବାଚ। 1-94-67x (597)
ଇତ୍ଯେବମୁକ୍ତ୍ବା ମନସା ପ୍ରଣିଧାଯ ମନସ୍ବିନୀ।
ତତୋ ଧର୍ମିଷ୍ଠତାଂ ବବ୍ରେ ରାଜ୍ଯେ ଚାସ୍ଖଲନଂ ତଥା॥ 1-94-67 (4119)
ଶକୁନ୍ତଲାଂ ପୌରବାଣାଂ ଦୁଷ୍ଯନ୍ତହିତକାମ୍ଯଯା।
`ଏବମସ୍ତ୍ବିତି ତାଂ ପ୍ରାହ କଣ୍ବୋ ଧର୍ମଭୃତାଂ ବରଃ॥ 1-94-68 (4120)
ପସ୍ପର୍ଶ ଚାପି ପାଣିଭ୍ଯାଂ ସୁତାଂ ଶ୍ରୀମିବରୂପିଣୀମ୍॥ 1-94-69 (4121)
କଣ୍ବ ଉବାଚ। 1-94-70x (598)
ଅଦ୍ଯପ୍ରଭୃତି ଦେବୀ ତ୍ବଂ ଦୁଷ୍ଯନ୍ତସ୍ଯ ମହାତ୍ମନଃ।
ପତିବ୍ରତାନାଂ ଯା ବୃତ୍ତିସ୍ତାଂ ବୃତ୍ତିମନୁପାଲଯ॥ 1-94-70 (4122)
ବୈଶମ୍ପାଯନ ଉବାଚ। 1-94-71x (599)
ଇତ୍ଯେବମୁକ୍ତ୍ବା ଧର୍ମାତ୍ମା ତାଂ ବିଶୁଦ୍ଧ୍ଯର୍ଥମସ୍ପୃଶତ୍।
ସ୍ପୃଷ୍ଟମାତ୍ରେ ଶରୀରେ ତୁ ପରଂ ହର୍ଷମବାପ ସା॥' ॥ 1-94-71 (4123)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଚତୁର୍ନବତିତମୋଽଧ୍ଯାଯଃ॥ 94 ॥
Mahabharata - Adi Parva - Chapter Footnotes
1-94-4 ଗାନ୍ଧର୍ବୋ ବରବଧ୍ବୋରୈକମତ୍ଯେନ କୃତଃ॥ 1-94-5 ଫଲାହାରଃ ଫଳନ୍ଯାହର୍ତୁଂ ଗତଃ॥ 1-94-17 ପଞ୍ଚାନାଂ ବ୍ରାହ୍ମାଦୀନାଂ ତ୍ରଯୋ ବ୍ରାହ୍ମଦୈବପ୍ରାଜାପତ୍ଯା ଧର୍ମ୍ଯାଃ। ଦ୍ବାବର୍ଷାସୁରୋ କନ୍ଯାଶୁଲ୍କଗ୍ରହଣାଦଧର୍ମ୍ଯୌ॥ 1-94-18 ତଯୋରପ୍ଯାସୁରଃ ପୈଶାଚବଦତ୍ଯନ୍ତଂ ହେଯ ଇତ୍ଯାହ। ପୈଶାଚ ଇତି॥ 1-94-19 ପରିଶେଷାଦ୍ଗନ୍ଧର୍ବରାକ୍ଷସୌ କ୍ଷତ୍ରିଯସ୍ଯ ଧର୍ମ୍ଯାବିତ୍ଯାହ ଗାନ୍ଧର୍ବେତି॥ 1-94-42 ଶପେଯଂ ଶପଥଂ କୁର୍ଯାମ୍॥ ଚତୁର୍ନବତିତମୋଽଧ୍ଯାଯଃ॥ 94 ॥ଆଦିପର୍ବ - ଅଧ୍ଯାଯ 095
॥ ଶ୍ରୀଃ ॥
1.95. ଅଧ୍ଯାଯଃ 095
Mahabharata - Adi Parva - Chapter Topics
ଶକୁନ୍ତଲାଯାଃ ପୁତ୍ରୋତ୍ପତ୍ତିଃ॥ 1 ॥ ତସ୍ଯ ସର୍ବଦମନେତିନାମପ୍ରାପ୍ତିଃ॥ 2 ॥Mahabharata - Adi Parva - Chapter Text
1-95-0 (4124)
ବୈଶମ୍ପାଯନ ଉବାଚ। 1-95-0x (600)
ପ୍ରତିଜ୍ଞାଯ ଚ ଦୁଷ୍ଯନ୍ତେ ପ୍ରତିଯାତେ ଦିନେ ଦିନେ।
`ଗର୍ଭଶ୍ଚ ବବୃଧେ ତସ୍ଯାଂ ରାଜପୁତ୍ର୍ଯାଂ ମହାତ୍ମନଃ॥' 1-95-1 (4125)
ଶକୁନ୍ତଲା ଚିନ୍ତଯନ୍ତୀ ରାଜାନଂ କାର୍ଯଗୌରବାତ୍।
ଦିବାରାତ୍ରମନିଦ୍ରୈବ ସ୍ନାନଭୋଜନବର୍ଜିତା॥ 1-95-2 (4126)
ରାଜପ୍ରେଷଣିକା ବିପ୍ରାଶ୍ଚତୁରଙ୍ଗବଲାନ୍ବିତାଃ।
ଅଦ୍ଯ ଶ୍ବୋ ବା ପରଶ୍ବୋ ବା ସମାଯାନ୍ତୀତି ନିସ୍ଚିତା॥ 1-95-3 (4127)
ଦିନାନ୍ପକ୍ଷାନୃତୂନ୍ମାସାନଯନାନି ଚ ସର୍ବଶଃ।
ଗଣ୍ଯମାନାନି ବର୍ଷାଣି ବ୍ଯତୀଯୁସ୍ତ୍ରୀଣି ଭାରତ॥ 1-95-4 (4128)
ତ୍ରିଷୁ ବର୍ଷେଷୁ ପୂର୍ଣେଷୁ ଋଷେର୍ବଚନଗୌରବାତ୍।
ଋଷିପତ୍ନ୍ଯଃ ସୁବହୁଶୋ ହେତୁମଦ୍ବାକ୍ଯମବ୍ରୁବନ୍॥ 1-95-5 (4129)
ଋଷିପତ୍ନ୍ଯ ଊଚୁଃ। 1-95-6x (601)
ଶୃଣୁ ଭଦ୍ରେ ଲୋକବୃତ୍ତଂ ଶ୍ରୁତ୍ବା ଯଦ୍ରୋଚତେ ତବ।
ତତ୍କୁରୁଷ୍ବ ହିତଂ ଦେବି ନାବମାନ୍ଯଂ ଗୁରୋର୍ବଚଃ॥ 1-95-6 (4130)
ଦେବାନାଂ ଦୈବତଂ ବିଷ୍ଣୁର୍ବିପ୍ରାଣାମଗ୍ନିର୍ବ୍ରହ୍ମ ଚ।
ନାରୀଣାଂ ଦୈବତଂ ଭର୍ତା ଲୋକାନାଂ ବ୍ରାହ୍ମଣୋ ଗୁରୁଃ॥ 1-95-7 (4131)
ସୂତିକାଲେ ପ୍ରସୂଷ୍ବେତି ଭଗବାଂସ୍ତେ ପିତାଽବ୍ରବୀତ୍।
କରିଷ୍ଯାମୀତି କର୍ତବ୍ଯଂ ତଦା ତେ ସୁକୃତଂ ଭବେତ୍॥ 1-95-8 (4132)
ବୈଶମ୍ପାଯନ ଉବାଚ। 1-95-9x (602)
ପତ୍ନୀନାଂ ବଚନଂ ଶ୍ରୁତ୍ବା ସାଧୁ ସାଧ୍ବିତ୍ଯଚିନ୍ତଯତ୍।'
ଗର୍ଭଂ ସୁଷାବ ବାମୋରୂଃ କୁମାରମମିତୌଜସମ୍॥ 1-95-9 (4133)
ତ୍ରିଷୁ ବର୍ଷେଷୁ ପୂର୍ଣେଷୁ ପ୍ରାଜାଯତ ଶକୁନ୍ତଲା।
ରୂପୌଦାର୍ଯଗୁଣୋପେତଂ ଦୌଷ୍ଯନ୍ତିଂ ଜନମେଜଯ॥ 1-95-10 (4134)
`ଜାତେ' ତସ୍ମିନ୍ନନ୍ତରିକ୍ଷାତ୍ପୁଷ୍ପବୃଷ୍ଟିଃ ପପାତ ହ।
ଦେବଦୁନ୍ଦୁଭଯୋ ନେଦୁର୍ନନୃତୁଶ୍ଚାପ୍ସରୋଗଣାଃ॥ 1-95-11 (4135)
ଗାଯଦ୍ଭିର୍ମଧୁରଂ ତତ୍ର ଦେବୈଃ ଶକ୍ରୋଽଭ୍ଯୁବାଚ ହ।
ଶକୁନ୍ତଲେ ତବ ସୁତଶ୍ଚକ୍ରବର୍ତୀ ଭବିଷ୍ଯତି॥ 1-95-12 (4136)
ବଲଂ ତେଜଶ୍ଚ ରୂପଂ ଚ ନ ସମଂ ଭୁବି କେନଚିତ୍।
ଆହର୍ତା ବାଜିମେଧସ୍ଯ ଶତସଙ୍ଖ୍ଯସ୍ଯ ପୌରବଃ॥ 1-95-13 (4137)
ଅନେକାରପି ସାହସ୍ରୈ ରାଜସୂଯାଦିଭିର୍ମଖୈଃ।
ସ୍ବାର୍ଥଂ ବ୍ରାହ୍ମଣସାତ୍କୃତ୍ବା ଦକ୍ଷିଣାମମିତାଂ ଦଦତ୍॥ 1-95-14 (4138)
ଦେବତାନାଂ ବଚଃ ଶ୍ରୁତ୍ବା କଣ୍ବାଶ୍ରମନିବାସିନଃ।
ସଭାଜଯନ୍ତଃ କଣ୍ବସ୍ଯ ସୁତାଂ ସର୍ବେ ମହର୍ଷଯଃ॥ 1-95-15 (4139)
ଶକୁନ୍ତଲା ଚ ତଚ୍ଛ୍ରୁତ୍ବା ପରଂ ହର୍ଷମବାପ ସା।
ଦ୍ବିଜାନାହୂଯ ମୁନିଭିଃ ସତ୍କୃତ୍ଯ ଚ ମହାଯଶାଃ।' 1-95-16 (4140)
ଜାତକର୍ମାଦିସଂସ୍କାରଂ କଣ୍ବଃ ପୁଣ୍ଯବତାଂ ବରଃ।
ତସ୍ଯାଥ କାରଯାମାସ ବର୍ଧମାନସ୍ଯ ଚାସକୃତ୍॥ 1-95-17 (4141)
ଯଥାବିଧି ଯଥାନ୍ଯାଯଂ କ୍ରିଯାଃ ସର୍ବାସ୍ତ୍ବକାରଯତ୍।
ଦନ୍ତୈଃ ଶୁକ୍ଲୈଃ ଶିଖରିଭିଃସିଂହସଂହନନୋଽଭବତ୍॥ 1-95-18 (4142)
ଚକ୍ରାଙ୍କିତକରଃ ଶ୍ରୀମାନ୍ସ୍ବଯଂ ବିଷ୍ଣୁରିବାପରଃ।
`ଚତୁଷ୍କିଷ୍କୁର୍ମହାତେଜା ମହାମୂର୍ଧା ମହାବଲଃ॥' 1-95-19 (4143)
କୁମାରୋ ଦେବଗର୍ଭାଭଃ ସ ତତ୍ରାଶୁ ବ୍ଯବର୍ଧତ।
`ଋଷେର୍ଭଯାତ୍ତୁ ଦୁଷ୍ଯନ୍ତଃ ସ୍ମରନ୍ନୈବାହ୍ବଯତ୍ତଦା॥ 1-95-20 (4144)
ଗତେ କାଲେ ତୁ ମହତି ନ ସସ୍ମାର ତପୋଧନାମ୍।'
ଷଡ୍ବର୍ଷେଷୁ ତତୋ ବାଲଃ କଣ୍ବାଶ୍ରମପଦଂ ପ୍ରତି॥ 1-95-21 (4145)
ବ୍ଯାଘ୍ରାନ୍ସିଂହାନ୍ବରାହାଂଶ୍ଚ ବୃକାଂଶ୍ଚ ମହିଷାଂସ୍ତଥା।
`ଋକ୍ଷାଂଶ୍ଚାଭ୍ଯହନଦ୍ବ୍ଯାଲାନ୍ପଦ୍ଭ୍ଯାମାଶ୍ରମପୀଡକାନ୍॥ 1-95-22 (4146)
ବଲାଦ୍ଭୁଜାଭ୍ଯାଂ ସଂଗୃହ୍ଯ ବଲବାନ୍ସଂନିଯମ୍ଯ ଚ।'
ବଦ୍ଧ୍ବା ବୃକ୍ଷେଷୁ ଦୌଷ୍ଯନ୍ତିରାଶ୍ରମସ୍ଯ ସମନ୍ତତଃ॥ 1-95-23 (4147)
ଆରୁରୋହ ଦ୍ରୁମାଂଶ୍ଚୈବ କ୍ରୀଡନ୍ସ୍ମ ପରିଧାବତି।
`ବନଂ ଚ ଲୋଡଯାମାସ ସିଂହବ୍ଯାଘ୍ରଗଣୈର୍ବୃତମ୍॥ 1-95-24 (4148)
ତତଶ୍ଚ ରାକ୍ଷସାନ୍ସର୍ବାନ୍ପିଶାଚାଂଶ୍ଚ ରିପୂନ୍ରଣେ।
ମୁଷ୍ଟିଯୁଦ୍ଧେନ ତାନ୍ହତ୍ବା ଋଷୀନାରାଧଯତ୍ତଦା॥ 1-95-25 (4149)
କଶ୍ଚିଦ୍ଦିତିସୁତସ୍ତଂ ତୁ ହନ୍ତୁକାମୋ ମହାବଲଃ।
ବଧ୍ଯମାନାଂସ୍ତୁ ଦୈତେଯାନମର୍ଷୀ ତଂ ସମଭ୍ଯଯାତ୍॥ 1-95-26 (4150)
ତମାଗତଂ ପ୍ରହସ୍ଯୈବ ବାହୁଭ୍ଯାଂ ପରିଗୃହ୍ଯ ଚ।
ଦୃଢଂ ଚାବଧ୍ଯ ବାହୁଭ୍ଯାଂ ପୀଡଯାମାସ ତଂ ତଦା॥ 1-95-27 (4151)
ମର୍ଦିତୋ ନ ଶଶାକାସ୍ମାନ୍ମୋଚିତୁଂ ବଲବତ୍ତଯା।
ପ୍ରାକ୍ରୋଶଦ୍ଭୈରବଂ ତତ୍ର ଦ୍ବାରେଭ୍ଯୋ ନିଃସୃତଂ ତ୍ବସୃକ୍॥ 1-95-28 (4152)
ତେନ ଶବ୍ଦେନ ବିତ୍ରସ୍ତା ମୃଗାଃ ସିଂହାଦଯୋ ଗଣାଃ।
ସୁସ୍ରୁବୁଶ୍ଚ ଶକୃନ୍ମୂତ୍ରମାଶ୍ରମସ୍ଥାଶ୍ଚ ସୁସ୍ରୁବୁଃ॥ 1-95-29 (4153)
ନିରସୁଂ ଜାନୁଭିଃ କୃତ୍ବା ବିସସର୍ଜ ଚ ସୋଽପତତ୍।
ତଦ୍ଦୃଷ୍ଟ୍ବା ବିସ୍ମଯଂ ଜଗ୍ମୁଃ କୁମାରସ୍ଯ ବିଚେଷ୍ଟିତମ୍॥ 1-95-30 (4154)
ନିତ୍ଯକାଲଂ ବଧ୍ଯମାନା ଦୈତେଯା ରାକ୍ଷସୈଃ ସହ।
କୁମାରସ୍ଯ ଭଯାଦେବ ନୈବ ଜଗ୍ମୁସ୍ତଦାଶ୍ରମମ୍॥' 1-95-31 (4155)
ତତୋଽସ୍ଯ ନାମ ଚକ୍ରୁସ୍ତେ କଣ୍ବାଶ୍ରମନିବାସିନଃ।
କଣ୍ବେନ ସହିତାଃ ସର୍ବେ ଦୃଷ୍ଟ୍ବା କର୍ମାତିମାନୁଷମ୍॥ 1-95-32 (4156)
ଅସ୍ତ୍ବଯଂ ସର୍ବଦମନଃ ସର୍ବଂ ହି ଦମଯତ୍ଯସୌ।
ସ ସର୍ବଦମନୋ ନାମ କୁମାରଃ ସମପଦ୍ଯତ॥ 1-95-33 (4157)
ବିକ୍ରମେଣୌଜସା ଚୈବ ବଲେନ ଚ ସମନ୍ବିତଃ।
`ଅପ୍ରେଷଯତି ଦୁଷ୍ଯନ୍ତେ ମହିଷ୍ଯାସ୍ତନଯସ୍ଯ ଚ॥ 1-95-34 (4158)
ପାଣ୍ଡୁଭାବପରୀତାଙ୍ଗୀଂ ଚିନ୍ତଯା ସମଭିପ୍ଲୁତାମ୍।
ଲମ୍ବାଲକାଂ କୃଶାଂ ଦୀନାଂ ତଥା ମଲିନବାସସମ୍॥ 1-95-35 (4159)
`ଶକୁନ୍ତଲାଂ ଚ ସଂପ୍ରେକ୍ଷ୍ଯ ପ୍ରଦଧ୍ଯୌ ସ ମୁନିସ୍ତଦା।
ଶାସ୍ତ୍ରାଣି ସର୍ବବେଦାଶ୍ଚ ଦ୍ବାଦଶାବ୍ଦସ୍ଯ ଚାଭବନ୍'॥ ॥ 1-95-36 (4160)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ପଞ୍ଚନବତିତମୋଽଧ୍ଯାଯଃ॥ 95 ॥
ଆଦିପର୍ବ - ଅଧ୍ଯାଯ 096
॥ ଶ୍ରୀଃ ॥
1.96. ଅଧ୍ଯାଯଃ 096
Mahabharata - Adi Parva - Chapter Topics
ଶକୁନ୍ତଲାଯା ଦୁଷ୍ଯନ୍ତଂ ପ୍ରତି ପ୍ରେଷଯିତୁଂ କଣ୍ବକୃତ ଉପଦେଶଃ॥ 1 ॥ ହାସ୍ତିନପୁରଗମନବିଷଯେକଣ୍ବଶକୁନ୍ତଲାସର୍ବଦମନାନାଂ ବିବାଦଃ॥ 2 ॥ କଣ୍ବେନ ସ୍ବଶିଷ୍ଯଦ୍ବାରା ଶକୁନ୍ତଲାସର୍ବଦମନଯୋର୍ହାସ୍ତିନପୁରପ୍ରେଷଣମ୍॥ 3 ॥ ପୁରପ୍ରବେଶାନ୍ନିର୍ବିଣ୍ଣୈଃ ଶିଷ୍ଯୈଃ କଣ୍ବାଶ୍ରମଂ ପ୍ରତି ନିବର୍ତନମ୍॥ 4 ॥Mahabharata - Adi Parva - Chapter Text
1-96-0 (4161)
ବୈଶମ୍ପାଯନ ଉବାଚ। 1-96-0x (603)
ତଂ କୁମାରମୃଷିର୍ଦୃଷ୍ଟ୍ବା କର୍ମ ଚାସ୍ଯାତିମାନୁଷମ୍।
ସମଯୋ ଯୌବରାଜ୍ଯାଯ ଇତ୍ଯନୁଧ୍ଯାଯ ସ ଦ୍ବିଜଃ॥ 1-96-1 (4162)
`ଶକୁନ୍ତଲାଂ ସମାହୂଯ କଣ୍ବୋ ବଚନମବ୍ରବୀତ୍। 1-96-2 (4163)
କଣ୍ବ ଉବାଚ।
ଶୃଣୁ ଭଦ୍ରେ ମମ ସୁତେ ମମ ବାକ୍ଯଂ ଶୁଚିସ୍ମିତେ॥ 1-96-2x (604)
ପତିବ୍ରତାନାଂ ନାରୀଣାଂ ବିଶିଷ୍ଟମିତି ଚୋଚ୍ଯତେ।
ପତିଶୁଶ୍ରୂଷଣଂ ପୂର୍ବଂ ମନୋବାକ୍କାଯଚେଷ୍ଟିତୈଃ॥ 1-96-3 (4164)
ଅନୁଜ୍ଞାତା ମଯା ପୂର୍ବଂ ପୂଜଯୈତଦ୍ବ୍ରତଂ ତବ।
ଏତେନୈବ ଚ ବୃତ୍ତେନ ପୁଣ୍ଯାଁଲ୍ଲୋକାନବାପ୍ଯ ଚ॥ 1-96-4 (4165)
ତସ୍ଯାନ୍ତେ ମାନୁଷେ ଲୋକେ ବିଶିଷ୍ଟାଂ ତପ୍ସ୍ଯସେ ଶ୍ରିଯମ୍।
ତସ୍ମାଦ୍ଭଦ୍ରେଽଦ୍ଯ ଯାତବ୍ଯଂ ସମୀପଂ ପୌରବସ୍ଯ ହ॥ 1-96-5 (4166)
ସ୍ବଯଂ ନାଯାତି ମତ୍ବା ତେ ଗତଂ କାଲଂ ଶୁଚିସ୍ମିତେ।
ଗତ୍ବାଽଽରାଧଯ ରାଜାନଂ ଦୁଷ୍ଯନ୍ତଂ ହିତକାମ୍ଯଯା॥ 1-96-6 (4167)
ଦୌଷ୍ଯନ୍ତିଂ ଯୌବରାଜ୍ଯସ୍ଥଂ ଦୃଷ୍ଟ୍ବା ପ୍ରୀତିମବାପ୍ସ୍ଯସି।
ଦେବତାନାଂ ଗୁରୂଣାଂ ଚ କ୍ଷତ୍ରିଯାଣାଂ ଚ ଭାମିନି॥ 1-96-7 (4168)
ଭର୍ତୄଣାଂ ଚ ବିଶେଷେମ ହିତଂ ସଂଗମନଂ ଭବେତ୍।
ତସ୍ମାତ୍ପୁତ୍ରି କୁମାରେଣ ଗନ୍ତବ୍ଯଂ ମତ୍ପ୍ରିଯେପ୍ସଯା॥ 1-96-8 (4169)
ପ୍ରତିବାକ୍ଯଂ ନ ଦଦ୍ଯାସ୍ତ୍ବଂ ଶପିତା ମମ ପାଦଯୋଃ॥ 1-96-9 (4170)
ବୈଶମ୍ପାଯନ ଉବାଚ। 1-96-10x (605)
ଏବମୁକ୍ତ୍ବା ସୁତାଂ ତତ୍ର ପୌତ୍ରଂ କଣ୍ବୋଽଭ୍ଯଭାଷତ।
ପରିଷ୍ବଜ୍ଯ ଚ ବାହୁଭ୍ଯାଂ ମୂର୍ଧ୍ନ୍ଯୁପାଘ୍ରାଯ ପୌରବମ୍॥ 1-96-10 (4171)
ସୋମବଂଶୋଦ୍ଭବୋ ରାଜା ଦୁଷ୍ଯନ୍ତ ଇତି ବିଶ୍ରୁତଃ।
ତସ୍ଯାଗ୍ରମହିଷୀ ଚୈଷା ତବ ମାତା ଶୁଚିବ୍ରତା॥ 1-96-11 (4172)
ଗନ୍ତୁକାମା ଭର୍ତୃପାର୍ଶ୍ବଂ ତ୍ବଯା ସହ ସୁମଧ୍ଯମା।
ଗତ୍ବାଽଭିବାଦ୍ଯ ରାଜନଂ ଯୌବରାଜ୍ଯମବାପ୍ସ୍ଯସି॥ 1-96-12 (4173)
ସ ପିତା ତବ ରାଜେନ୍ଦ୍ରସ୍ତସ୍ଯ ତ୍ବଂ ବଶଗୋ ଭବ।
ପିତୃପୈତାମହଂ ରାଜ୍ଯମାତିଷ୍ଠସ୍ବ ସ୍ବଭାବତଃ॥ 1-96-13 (4174)
ତସ୍ମିନ୍କାଲେ ସ୍ବରାଜ୍ଯସ୍ଥୋ ମାମନୁସ୍ମର ପୌରବ॥ 1-96-14 (4175)
ବୈଶମ୍ପାଯନ ଉବାଚ। 1-96-15x (606)
ଅଭିବାଦ୍ଯ ମୁନେଃ ପାଦୌ ପୌରବୋ ବାକ୍ଯମବ୍ରବୀତ୍।
ତ୍ବଂ ପିତା ମମ ବିପ୍ରର୍ଷେ ତ୍ବଂ ମାତା ତ୍ବଂ ଗତିଶ୍ଚ ମେ॥ 1-96-15 (4176)
ନ ଚାନ୍ଯଂ ପିତରଂ ମନ୍ଯେ ତ୍ବାମୃତେ ତୁ ମହାତପଃ।
ତବ ଶୁଶ୍ରୂଷଣଂ ପୁଣ୍ଯମିହ ଲୋକେ ପରତ୍ର ଚ॥ 1-96-16 (4177)
ଶକୁନ୍ତଲା ଭର୍ତୃକାମା ସ୍ବଯଂ ଯାତୁ ଯଥେଷ୍ଟତଃ।
ଅହଂ ସୁଶ୍ରୂଷଣପରଃ ପାଦମୂଲେ ବସାମି ବଃ॥ 1-96-17 (4178)
କ୍ରୀଡାଂ ବ୍ଯାଲମୃଗୈଃ ସାର୍ଧଂ କରିଷ୍ଯେ ନ ପୁରା ଯଥା।
ତ୍ବଚ୍ଛାସନପରୋ ନିତ୍ଯଂ ସ୍ବାଧ୍ଯାଯଂ ଚ କରୋମ୍ଯହମ୍॥ 1-96-18 (4179)
ଏବମୁକ୍ତ୍ବା ତୁ ସଂଶ୍ଲିଷ୍ଯ ପାଦୌ କଣ୍ବସ୍ଯ ତିଷ୍ଠତଃ।
ତସ୍ଯ ତଦ୍ବଚନଂ ଶ୍ରୁତ୍ବା ପ୍ରରୁରୋଦ ଶକୁନ୍ତଲା॥ 1-96-19 (4180)
ସ୍ନେହାତ୍ପିତୁଶ୍ଚ ପୁତ୍ରସ୍ଯ ହର୍ଷଶୋକସମନ୍ବିତା।
ନିଶାମ୍ଯ ରୁଦତୀମାର୍ତାଂ ଦୌଷ୍ଯନ୍ତିର୍ବାକ୍ଯମବ୍ରବୀତ୍॥ 1-96-20 (4181)
ଶ୍ରୁତ୍ବା ଭଗବତୋ ବାକ୍ଯଂ କିଂ ରୋଦିଷି ଶକୁନ୍ତଲେ।
ଗନ୍ତବ୍ଯଂ କାଲ୍ଯ ଉତ୍ଥାଯ ଭର୍ତୃପ୍ରୀତିସ୍ବବାସ୍ତି ଚେତ୍॥ 1-96-21 (4182)
ଶକୁନ୍ତଲୋବାଚ। 1-96-22x (607)
ଏକସ୍ତୁ କୁରୁତେ ପାପଂ ଫଲଂ ଭୁଙ୍କ୍ତେ ମହାଜନଃ।
ମଯା ନିବାରିତୋ ନିତ୍ଯଂ ନ କରୋଷି ବଚୋ ମମ॥ 1-96-22 (4183)
ନିଃସୃତାନ୍କୁଞ୍ଜରାନ୍ନିତ୍ଯଂ ବାହୁଭ୍ଯାଂ ସଂପ୍ରମଥ୍ଯ ବୈ।
ବନଂ ଚ ଲୋଡଯନ୍ନିତ୍ଯଂ ସିଂହବ୍ଯାଘ୍ରଗଣୈର୍ବୃତମ୍॥ 1-96-23 (4184)
ଏବଂବିଧାନି ଚାନ୍ଯାନି କୃତ୍ବା ବୈ ପୁରୁନନ୍ଦନ।
ରୁଷିତୋ ଭଗବାଂସ୍ତାତ ତସ୍ମାଦାବାଂ ବିବାସିତୌ॥ 1-96-24 (4185)
ନାହଂ ଗଚ୍ଛାମି ଦୁଷ୍ଯନ୍ତଂ ନାସ୍ମି ପୁତ୍ର ହିତୈଷିଣୀ।
ପାଦମୂଲେ ବସିଷ୍ଯାମି ମହର୍ଷେର୍ଭାବିତାତ୍ମନଃ॥ 1-96-25 (4186)
ବୈଶମ୍ପାଯନ ଉବାଚ। 1-96-26x (608)
ଏବମୁକ୍ତ୍ବା ତୁ ରୁଦତୀ ପପାତ ମୁନିପାଦଯୋଃ।
ଏବଂ ବିଲପତୀଂ କଣ୍ବଶ୍ଚାନୁନୀଯ ଚ ହେତୁଭିଃ।
ପୁନଃ ପ୍ରୋବାଚ ଭଗବାନାନୃଶଂସ୍ଯାଦ୍ଧିତଂ ବଚଃ॥ 1-96-26 (4187)
କଣ୍ବ ଉବାଚ। 1-96-27x (609)
ଶକୁନ୍ତଲେ ଶୃଣୁଷ୍ବେଦଂ ହିତଂ ପଥ୍ଯଂ ଚ ଭାମିନି।
ପତିବ୍ରତାଭାବଗୁଣାନ୍ହିତ୍ବା ସାଧ୍ଯଂ ନ କିଂଚନ॥ 1-96-27 (4188)
ପ୍ରତିବ୍ରତାନାଂ ଦେବା ବୈ ତୁଷ୍ଟାଃ ସର୍ବରପ୍ରଦାଃ।
ପ୍ରସାଦଂ ଚ କରିଷ୍ଯନ୍ତି ଆପଦୋ ମୋକ୍ଷଯନ୍ତି ଚ॥ 1-96-28 (4189)
ପତିପ୍ରସାଦାତ୍ପୁଣ୍ଯଂ ଚ ପ୍ରାପ୍ନୁବନ୍ତି ନ ଚାଶୁଭମ୍।
ତସ୍ମାଦ୍ଗତ୍ବା ତୁ ରାଜାନମାରାଧଯ ଶୁଚିସ୍ମିତେ॥ 1-96-29 (4190)
ବୈଶମ୍ପାଯନ ଉବାଚ। 1-96-30x (610)
ଶକୁନ୍ତଲାଂ ତଥୋକ୍ତ୍ବା ବୈ ଶାକୁନ୍ତଲମଥାବ୍ରବୀତ୍।
ଦୌହିତ୍ରୋ ମମ ପୌତ୍ରସ୍ତ୍ବମିଲିଲସ୍ଯ ମହାତ୍ମନଃ॥ 1-96-30 (4191)
ଶୃଣୁଷ୍ବ ବଚନଂ ସତ୍ଯଂ ପ୍ରବ୍ରବୀମି ତବାନଘ।
ମନସା ଭର୍ତୃକାମା ବୈ ବାଗ୍ଭିରୁକ୍ତ୍ବା ପୃଥଗ୍ବିଧମ୍॥ 1-96-31 (4192)
ଗନ୍ତୁଂ ନେଚ୍ଛତି କଲ୍ଯାଣୀ ତସ୍ମାତ୍ତାତ ବହସ୍ବ ବୈ।
ଶକ୍ତସ୍ତ୍ବଂ ପ୍ରତିଗନ୍ତୁଂ ଚ ମୁନିଭିଃ ସହ ପୌରବ॥' 1-96-32 (4193)
ଇତ୍ଯୁକ୍ତ୍ବା ସର୍ବଦମନଂ କଣ୍ବଃ ଶିଷ୍ଯାନଥାବ୍ରବୀତ୍।
ଶକୁନ୍ତଲାମିମାଂ ଶୀଗ୍ରଂ ସପୁତ୍ରାମାଶ୍ରମାଦିତଃ॥ 1-96-33 (4194)
ଭର୍ତୁଃ ପ୍ରାପଯତାଭ୍ଯାଶଂ ସର୍ବଲକ୍ଷଣପୂଜିତାମ୍।
ନାରୀଣାଂ ଚିରବାସୋ ହି ବାନ୍ଧବେଷୁ ନ ରୋଚତେ॥ 1-96-34 (4195)
କୀର୍ତିଚାରିତ୍ରଧର୍ମ୍ନସ୍ତସ୍ମାନ୍ନଯତ ମା ଚିରମ୍॥ 1-96-35 (4196)
`ବୈଶମ୍ପାଯନ ଉବାଚ। 1-96-36x (611)
ଧର୍ମାଭିପୂଜିତଂ ପୁତ୍ରଂ କାଶ୍ଯପେନ ନିଶାମ୍ଯ ତୁ।
କାଶ୍ଯପାତ୍ପ୍ରାପ୍ଯ ଚାନୁଜ୍ଞାଂ ମୁମୁଦେ ଚ ଶକୁନ୍ତଲା॥ 1-96-36 (4197)
କଣ୍ବସ୍ଯ ବଚନଂ ଶ୍ରୁତ୍ବା ପ୍ରତିଗଚ୍ଛେତି ଚାସକୃତ୍।
ତଥେତ୍ଯୁକ୍ତ୍ବା ତୁ କଣ୍ବଂ ଚ ମାତରଂ ପୌରବୋଽବ୍ରବୀତ୍।
କିଂ ଚିରାଯସି ମାତସ୍ତ୍ବଂ ଗମିଷ୍ଯାମୋ ନୃପାଲଯମ୍॥ 1-96-37 (4198)
ଏବମୁକ୍ତ୍ବା ତୁ ତାଂ ଦେବୀଂ ଦୁଷ୍ଯନ୍ତସ୍ଯ ମହାତ୍ମନଃ।
ଅଭିବାଦ୍ଯ ମୁନେଃ ପାଦୌ ଗନ୍ତୁମୈଚ୍ଛତ୍ସ ପୌରବଃ॥ 1-96-38 (4199)
ଶକୁନ୍ତଲା ଚ ପିତରମଭିବାଦ୍ଯ କୃତାଞ୍ଜଲିଃ।
ପ୍ରଦକ୍ଷିଣୀକୃତ୍ଯ ତଦା ପିତରଂ ବାକ୍ଯମବ୍ରବୀତ୍॥ 1-96-39 (4200)
ଅଜ୍ଞାନାନ୍ମେ ପିତା ଚେତି ଦୁରୁକ୍ତଂ ବାପି ଚାନୃତମ୍।
ଅକାର୍ଯଂ ବାପ୍ଯନିଷ୍ଟଂ ବା କ୍ଷନ୍ତୁମର୍ହତି ତଦ୍ଭବାନ୍॥ 1-96-40 (4201)
ଏବମୁକ୍ତୋ ନତଶିରା ମୁନିର୍ନୋବାଚ କିଂଚନ।
ମନୁଷ୍ଯଭାବାତ୍କଣ୍ବୋଽପି ମୁନିରଶ୍ରୂଣ୍ଯବର୍ତଯତ୍॥ 1-96-41 (4202)
ଅବ୍ଭକ୍ଷାନ୍ବାଯୁଭକ୍ଷାଂଶ୍ଚ ଶୀର୍ଣପର୍ଣାଶନାନ୍ମୁନୀନ୍।
ଫଲମୂଲାଶିନୋ ଦାନ୍ତାନ୍କୃଶାନ୍ଧମନିସଂତତାନ୍॥ 1-96-42 (4203)
ବ୍ରତିନୋ ଜଟିଲାନ୍ମୁଣ୍ଡାନ୍ବଲ୍କଲାଜିନସଂବୃତାନ୍।
ସମାହୂଯ ମୁନିଃ କଣ୍ବଃ କାରୁଣ୍ଯାଦିଦମବ୍ରବୀତ୍॥ 1-96-43 (4204)
ମଯା ତୁ ଲାଲିତା ନିତ୍ଯଂ ମମ ପୁତ୍ରୀ ଯଶସ୍ବିନୀ।
ବନେ ଜାତା ବିବୃଦ୍ଧା ଚ ନ ଚ ଜାନାତି କିଂଚନ॥ 1-96-44 (4205)
ଆଶ୍ରମାତ୍ତୁ ପଥା ସର୍ବୈର୍ନୀଯତାଂ କ୍ଷତ୍ରିଯାଲଯମ୍।
ଦ୍ବିତୀଯଯୋଜନେ ବିପ୍ରାଃ ପ୍ରତିଷ୍ଠାନଂ ପ୍ରତିଷ୍ଠିତମ୍॥ 1-96-45 (4206)
ପ୍ରତିଷ୍ଠାନେ ପୁରେ ରାଜା ଶାକୁନ୍ତଲପିତାମହଃ।
ଅଧ୍ଯୁବାସ ଚିରଂ କାଲମୁର୍ବଶ୍ଯା ସହିତଃ ପୁରା॥ 1-96-46 (4207)
ଅନୂପଜାଙ୍ଗଲଯୁତଂ ଧନଧାନ୍ଯସମାକୁଲମ୍।
ପ୍ରତିଷ୍ଠିତଂ ପୁରବରଂ ଗଙ୍ଗାଯାମୁନସଙ୍ଗମେ॥ 1-96-47 (4208)
ତତ୍ର ସଙ୍ଗମମାସାଦ୍ଯ ସ୍ନାତ୍ବା ହୁତହୁତାଶନାଃ।
ଶାକମୂଲଫଲାହାରା ନିବର୍ତଧ୍ବଂ ତପୋଧନାଃ।
ଅନ୍ଯଥା ତୁ ଭବେଦ୍ବିପ୍ରା ଅଧ୍ବନୋ ଗମନେ ଶ୍ରମଃ॥' 1-96-48 (4209)
ତଥେତ୍ଯୁକ୍ତ୍ବା ଚ ତେ ସର୍ବେ ପ୍ରାତିଷ୍ଠନ୍ତ ମହୌଜସଃ।
`ଶକୁନ୍ତଲାଂ ପୁରସ୍କୃତ୍ଯ ଦୁଷ୍ଯନ୍ତସ୍ଯ ପୁରଂ ପ୍ରତି॥ 1-96-49 (4210)
ଗୃହୀତ୍ବା ଚାମରପ୍ରଖ୍ଯଂ ପୁତ୍ରଂ କମଲଲୋଚନମ୍।
ଆଜଗ୍ମୁଶ୍ଚ ପୁରଂ ରମ୍ଯଂ ଦୁଷ୍ଯନ୍ତାଧ୍ଯୁଷିତଂ ବନାତ୍॥ 1-96-50 (4211)
ଶକୁନ୍ତଲାଂ ସମାଦାଯ ମୁନଯୋ ଧର୍ମବତ୍ସଲାଃ।
ତେ ବନାନି ନଦୀଃ ଶୈଲାନ୍ଗିରିପ୍ରସ୍ରବଣାନି ଚ॥ 1-96-51 (4212)
କନ୍ଦରାଣି ନିତମ୍ବାଂଶ୍ଚ ରାଷ୍ଟ୍ରାଣି ନଗରାଣି ଚ।
ଆଶ୍ରମାଣି ଚ ପୁଣ୍ଯାନି ଗତ୍ବା ଚୈବ ଗତଶ୍ରମାଃ॥ 1-96-52 (4213)
ଶନୈର୍ମଧ୍ଯାହ୍ନବେଲାଯାଂ ପ୍ରତିଷ୍ଠାନଂ ସମାଯଯୁଃ।
ତାଂ ପୁରୀଂ ପୁରୁହୂତେନ ଐଲସ୍ଯାର୍ଥେ ବିନିର୍ମିତାମ୍॥ 1-96-53 (4214)
ପରିଘାଟ୍ଟାଲକୈର୍ମୁଖ୍ଯୈରୁପକଲ୍ପଶତୈରପି।
ଶତଘ୍ନୀଚକ୍ରଯନ୍ତ୍ରୈଶ୍ଚ ଗୁପ୍ତାମନ୍ଯୈର୍ଦୁରାସଦାମ୍॥ 1-96-54 (4215)
ହର୍ମ୍ଯପ୍ରସାଦସଂବାଧାଂ ନାନାପଣ୍ଯବିଭୂଷିତାମ୍।
ମଣ୍ଟପୈଃ ସସଭୈ ରମ୍ଯୈଃ ପ୍ରପାଭିଶ୍ଚ ସମାବୃତାମ୍॥ 1-96-55 (4216)
ରାଜମାର୍ଗେଣ ମହତା ସୁବିଭକ୍ତେନ ଶୋଭିତାମ୍।
କୈଲାସଶିଖରାକାରୈର୍ଗୋପୁରୈଃ ସମଲଙ୍କୃତାମ୍॥ 1-96-56 (4217)
ଦ୍ବାରତୋରଣନିର୍ଯୂହୈର୍ମଙ୍ଗଲୈରୁପଶୋଭିତାମ୍।
ଉଦ୍ଯାନାମ୍ରବଣୋପେତାଂ ମହତୀଂ ସାଲମେଖଲାମ୍॥ 1-96-57 (4218)
ସର୍ବପୁଷ୍କରିଣୀଭିଶ୍ଚ ଉଦ୍ଯାନୈଶ୍ଚ ସମାବୃତାମ୍।
ବର୍ଣାଶ୍ରମୈଃ ସ୍ବଧର୍ମସ୍ଥୈର୍ନିତ୍ଯୋତ୍ସବସମାହିତୈଃ॥ 1-96-58 (4219)
ଧନଧାନ୍ଯସମୃଦ୍ଧୈଶ୍ଚ ସଂତୁଷ୍ଟୈ ରତ୍ନପୂଜିତୈଃ।
କୃତଯଜ୍ଞୈଶ୍ଚ ବିଦ୍ବଦ୍ଭିରଗ୍ନିହୋତ୍ରପରୈଃ ସଦା॥ 1-96-59 (4220)
ବର୍ଜିତା କାର୍ଯକରଣୈର୍ଦାନଶୀଲୈର୍ଦଯାପରୈଃ।
ଅଧର୍ମଭୀରୁଭିଃ ସର୍ବୈଃ ସ୍ବର୍ଗଲୋକଜିଗୀଷୁଭିଃ॥ 1-96-60 (4221)
ଏବଂବିଧଜନୋପେତମିନ୍ଦ୍ରଲୋକମିବାପରମ୍।
ତସ୍ମିନ୍ନଗରମଧ୍ଯେ ତୁ ରାଜବେଶ୍ମ ପ୍ରତିଷ୍ଠିତମ୍॥ 1-96-61 (4222)
ଇନ୍ଦ୍ରସଦ୍ମପ୍ରତୀକାଶଂ ସଂପୂର୍ଣଂ ବିତ୍ତସଂଚଯୈଃ।
ତସ୍ଯ ମଧ୍ଯେ ସଭା ଦିବ୍ଯା ନାନାରତ୍ନବିଭୂଷିତା॥ 1-96-62 (4223)
ତସ୍ଯାଂ ସଭାଯାଂ ରାଜର୍ଷିଃ ସର୍ବାଲଙ୍କାରଭୂଷିତଃ।
ବ୍ରାହ୍ମଣୈଃ କ୍ଷତ୍ରିଯୈଶ୍ଚାପି ମନ୍ତ୍ରିଭିଶ୍ଚାପି ସଂବୃତଃ॥ 1-96-63 (4224)
ସଂସ୍ତୂଯମାନୋ ରାଜେନ୍ଦ୍ରଃ ସୂତମାଗଧବନ୍ଦିଭିଃ।
କାର୍ଯାର୍ଥିଷୁ ତଦାଽଭ୍ଯେତ୍ଯ କୃତ୍ବା କାର୍ଯଂ ଗତେଷୁ ସଃ॥ 1-96-64 (4225)
ସୁଖାସୀନୋଽଭବଦ୍ରାଜା ତସ୍ମିନ୍କାଲେ ମହର୍ଷଯଃ।
ଶକୁନ୍ତାନାଂ ସ୍ବନଂ ଶ୍ରୁତ୍ବା ନିମିତ୍ତଜ୍ଞାସ୍ତ୍ବଲକ୍ଷଯନ୍॥ 1-96-65 (4226)
ଶକୁନ୍ତଲେ ନିମିତ୍ତାନି ଶୋଭନାନି ଭବନ୍ତି ନଃ।
କାର୍ଯସିଦ୍ଧିଂ ବଦନ୍ତ୍ଯେତେ ଧ୍ରୁବଂ ରାଜ୍ଞୀ ଭବିଷ୍ଯସି।
ଅସ୍ମିଂସ୍ତୁ ଦିବସେ ପୁତ୍ରୋ ଯୁବରାଜୋ ଭବିଷ୍ଯତି॥ 1-96-66 (4227)
ବୈଶମ୍ପାଯନ ଉବାଚ। 1-96-67x (612)
ବର୍ଧମାନପୁରଦ୍ବାରଂ ତୂର୍ଯଘୋଷନିନାଦିତମ୍।
ଶକୁନ୍ତଲାଂ ପୁରସ୍କୃତ୍ଯ ବିବିଶୁସ୍ତେ ମହର୍ଷଯଃ॥ 1-96-67 (4228)
ପ୍ରବିଶନ୍ତଂ ନୃପସୁତଂ ପ୍ରଶଶଂସୁଶ୍ଚ ବୀକ୍ଷକାଃ।
ବର୍ଧମାନପୁରଦ୍ବାରଂ ପ୍ରବିଶନ୍ନେବ ପୌରବଃ॥ 1-96-68 (4229)
ଇନ୍ଦ୍ରଲୋକସ୍ଥମାତ୍ମାନଂ ମେନେ ହର୍ଷସମନ୍ବିତଃ॥ 1-96-69 (4230)
ତତୋ ବୈ ନାଗରାଃ ସର୍ବେ ସମାହୂଯ ପରସ୍ପରମ୍।
ଦ୍ରଷ୍ଟୁକାମା ନୃପସୁତଂ ସମପଦ୍ଯନ୍ତ ଭାରତ॥ 1-96-70 (4231)
ନାଗରା ଊଚୁଃ। 1-96-71x (613)
ଦେବତେବ ଜନସ୍ଯାଗ୍ରେ ଭ୍ରାଜତେ ଶ୍ରୀରିବାଗତା।
ଜଯନ୍ତେନେବ ପୌଲୋମୀ ଇନ୍ଦ୍ରଲୋକାଦିହାଗତା॥ 1-96-71 (4232)
ଇତି ବ୍ରୁବନ୍ତସ୍ତେ ସର୍ବେ ମହର୍ଷୀନିଦମବ୍ରୁବନ୍।
ଅଭିବାଦଯନ୍ତଃ ସହିତା ମହର୍ଷୀନ୍ଦେବବର୍ଚସଃ॥ 1-96-72 (4233)
ଅଦ୍ଯ ନଃ ସଫଲଂ ଜନ୍ମ କୃତାର୍ଥାଶ୍ଚ ତତୋ ବଯମ୍।
ଏବଂ ଯେ ସ୍ମ ପ୍ରପଶ୍ଯାମୋ ମହର୍ଷୀନ୍ସୂର୍ଯବର୍ଚସଃ॥ 1-96-73 (4234)
ବୈଶମ୍ପାଯନ ଉବାଚ। 1-96-74x (614)
ଇତ୍ଯୁକ୍ତ୍ବା ସହିତାଃ କେଚିଦନ୍ବଗଚ୍ଛନ୍ତ ପୌରବମ୍।
ହୈମବତ୍ଯାଃ ସୁତମିବ କୁମାରଂ ପୁଷ୍କରେକ୍ଷଣମ୍॥ 1-96-74 (4235)
ଯେ କେଚିଦବ୍ରୁବନ୍ମୂଢାଃ ଶାକୁନ୍ତଲଦିଦୃକ୍ଷବଃ।
କୃଷ୍ଣାଜିନେନ ସଂଛନ୍ନାନନିଚ୍ଛନ୍ତୋ ହ୍ଯବେକ୍ଷିତୁମ୍॥ 1-96-75 (4236)
ପିଶାଚା ଇବ ଦୃଶ୍ଯନ୍ତେ ନାଗରାଣାଂ ବିରୂପିଣଃ।
ବିନା ସନ୍ଧ୍ଯାଂ ପିଶାଚାସ୍ତେ ପ୍ରବିଶନ୍ତି ପୁରୋତ୍ତମମ୍॥ 1-96-76 (4237)
କ୍ଷୁତ୍ପିପାସାର୍ଦିତାନ୍ଦୀନାନ୍ବଲ୍କଲାଜିନବାସସଃ।
ତ୍ବଗସ୍ଥିଭୂତାନ୍ନିର୍ମାଂସାନ୍ଧମନୀସନ୍ତତାନପି॥ 1-96-77 (4238)
ପିଙ୍ଗଲାକ୍ଷାନ୍ପିଙ୍ଗଜଟାନ୍ଦୀର୍ଘଦନ୍ତାନ୍ନିରୂଦରାନ୍।
ବିଶୀର୍ଷକାନୂର୍ଧ୍ବହସ୍ତାନ୍ଦୃଷ୍ଟ୍ବା ହାସ୍ଯନ୍ତି ନାଗରାଃ॥ 1-96-78 (4239)
ଏବମୁକ୍ତବତାଂ ତେଷାଂ ଗିରଂ ଶ୍ରୁତ୍ବା ମହର୍ଷଯଃ।
ଅନ୍ଯୋନ୍ଯଂ ତେ ସମାହୂଯ ଇଦଂ ବଚନମବ୍ରୁବନ୍॥ 1-96-79 (4240)
ଉକ୍ତଂ ଭଗବତା ବାକ୍ଯଂ ନ କୃତଂ ସତ୍ଯବାଦିନା।
ପୁରପ୍ରବେଶନଂ ନାତ୍ର କର୍ତବ୍ଯମିତି ଶାସନମ୍॥ 1-96-80 (4241)
କିଂ କାରଣଂ ପ୍ରବେକ୍ଷ୍ଯାମୋ ନଗରଂ ଦୁର୍ଜନୈର୍ବୃତମ୍।
ତ୍ଯକ୍ତସଙ୍ଗସ୍ଯ ଚ ମୁନେର୍ନଗରେ କିଂ ପ୍ରଯୋଜନମ୍॥ 1-96-81 (4242)
ଗମିଷ୍ଯାମୋ ବନଂ ତସ୍ମାଦ୍ଗଙ୍ଗାଯାମୁନସଙ୍ଗମମ୍।
ଏବମୁକ୍ତ୍ବା ମୁନିଗଣାଃ ପ୍ରତିଜଗ୍ମୁର୍ଯଥାଗତମ୍॥ ॥ 1-96-82 (4243)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଷଣ୍ଣବତିତମୋଽଧ୍ଯାଯଃ॥ 96 ॥
Mahabharata - Adi Parva - Chapter Footnotes
1-96-10 ପୁତ୍ର୍ଯାଃ ପୁତ୍ରଃ ପୌତ୍ରଃ ଦୌହିତ୍ର ଇତ୍ଯର୍ଥଃ॥ଆଦିପର୍ବ - ଅଧ୍ଯାଯ 097
॥ ଶ୍ରୀଃ ॥
1.97. ଅଧ୍ଯାଯଃ 097
Mahabharata - Adi Parva - Chapter Topics
ସପୁତ୍ରାଯାଃ ଶକୁନ୍ତଲାଯା ଦୁପ୍ଯନ୍ତସମୀପଗମନଂ॥ 1 ॥ ତଯୋଃ ସଂବାଦଶ୍ଚ॥ 2 ॥Mahabharata - Adi Parva - Chapter Text
1-97-0 (4244)
ବୈଶମ୍ପାଯନ ଉବାଚ। 1-97-0x (615)
ଗତାନ୍ମୁନିଗଣାନ୍ଦୃଷ୍ଟ୍ବା ପୁତ୍ରଂ ସଂଗୃହ୍ଯ ପାଣିନା।
ମାତାପିତୃଭ୍ଯାଂ ରହିତା ଯଥା ଶୋଚନ୍ତି ଦାରକାଃ॥ 1-97-1 (4245)
ତଥା ଶୋକପରୀତାଙ୍ଗୀ ଧୃତିମାଲମ୍ବ୍ଯ ଦୁଃଖିତା।
ଗତେଷୁ ତେଷୁ ବିପ୍ରେଷୁ ରାଜମାର୍ଗେଣ ଭାମିନୀ॥ 1-97-2 (4246)
ପୁତ୍ରେଣୈବ ସହାଯେନ ସା ଜଗାମ ଶନୈଃ ଶନୈଃ।
ଅଦୃଷ୍ଟପୂର୍ବାନ୍ପଶ୍ଯନ୍ବୈ ରାଜମାର୍ଗେଣ ପୌରବଃ॥ 1-97-3 (4247)
ହର୍ମ୍ଯପ୍ରସାଦଚୈତ୍ଯାଂଶ୍ଚ ସଭା ଦିବ୍ଯା ବିଚିତ୍ରିତାଃ।
କୌତୂହଲସମାବିଷ୍ଟୋ ଦୃଷ୍ଟ୍ବା ବିସ୍ମଯମାଗତଃ॥ 1-97-4 (4248)
ସର୍ବେ ବ୍ରୁବନ୍ତି ତାଂ ଦୃଷ୍ଟ୍ବା ପଦ୍ମହୀନାମିବ ଶ୍ରିଯମ୍।
ଗତ୍ଯା ଚ ସଂହୀସଦୃଶୀଂ କୋକିଲେନ ସ୍ବରେ ସମାମ୍॥ 1-97-5 (4249)
ମୁଖେନ ଚନ୍ଦ୍ରସଦୃଶୀଂ ଶ୍ରିଯା ପଦ୍ମାଲଯାସମାମ୍।
ସ୍ମିତେନ କୁନ୍ଦସଦୃଶୀଂ ପଦ୍ମଗର୍ଭସମତ୍ବଚମ୍॥ 1-97-6 (4250)
ପଦ୍ମପତ୍ରବିଶାଲାକ୍ଷୀଂ ତପ୍ତଜାମ୍ବୂନଦପ୍ରଭାମ୍।
କରାନ୍ତମିତମଧ୍ଯୈଷା ସୁକେଶୀ ସଂହତସ୍ତନୀ॥ 1-97-7 (4251)
ଜଘନଂ ସୁବିଶାଲଂ ବୈ ଊରୂ କରିକରୋପମୌ।
ରକ୍ତତୁଙ୍ଗତଲୌ ପାଦୌ ଧରଣ୍ଯାଂ ସୁପ୍ରତିଷ୍ଠିତୌ॥ 1-97-8 (4252)
ଏବଂ ରୂପସମାଯୁକ୍ତା ସ୍ବର୍ଗଲୋକାଦିବାଗତା।
ଇତି ସ୍ମ ସର୍ବେଽମନ୍ଯନ୍ତ ଦୁଷ୍ଯନ୍ତନଗରେ ଜନାଃ॥ 1-97-9 (4253)
ପୁନଃ ପୁନରବୋଚଂସ୍ତେ ଶାକୁନ୍ତଲଗୁଣାନପି।
ସିଂହେକ୍ଷଣଃ ସିଂହଦଂଷ୍ଟ୍ରଃ ସିଂହସ୍କନ୍ଧୋ ମହାଭୁଜଃ॥ 1-97-10 (4254)
ସିଂହୋରସ୍କଃ ସିଂହବଲଃ ସିଂହବିକ୍ରାନ୍ତଗାମ୍ଯଯମ୍।
ପୃଥ୍ବଂସଃ ପୃଥୁବକ୍ଷାଶ୍ଚ ଛତ୍ରାକାରଶିରା ମହାନ୍॥ 1-97-11 (4255)
ପାଣିପାଦତଲେ ରକ୍ତୋ ରକ୍ତାସ୍ଯୋ ଦୁନ୍ଦୁଭିସ୍ବନଃ।
ରାଜଲକ୍ଷଣଯୁକ୍ତଶ୍ଚ ରାଜଶ୍ରୀଶ୍ଚାସ୍ଯ ଲକ୍ଷ୍ଯତେ॥ 1-97-12 (4256)
ଆକାରେଣ ଚ ରୂପେଣ ଶରୀରେଣାପି ତେଜସା।
ଦୁଷ୍ଯନ୍ତେନ ସମୋ ହ୍ଯେଷ କସ୍ଯ ପୁତ୍ରୋ ଭବିଷ୍ଯତି॥ 1-97-13 (4257)
ଏବଂ ବ୍ରୁବନ୍ତସ୍ତେ ସର୍ବେ ପ୍ରଶଶଂସୁଃ ସହସ୍ରଶଃ।
ଯୁକ୍ତିବାଦାନବୋଚନ୍ତ ସର୍ବାଃ ପ୍ରାଣଭୃତଃ ସ୍ତ୍ରିଯଃ॥ 1-97-14 (4258)
ବାନ୍ଧବା ଇବ ସସ୍ନେହା ଅନୁଜଗ୍ମୁଃ ଶକୁନ୍ତଲାମ୍।
ପୌରାଣାଂ ତଦ୍ବଚଃ ଶ୍ରୁତ୍ବା ତୂଷ୍ଣୀଂଭୂତା ଶକୁନ୍ତଲା॥ 1-97-15 (4259)
ବେଶ୍ମଦ୍ବାରଂ ସମାସାଦ୍ଯ ବିହ୍ବଲା ସା ନୃପାତ୍ମଜା।
ଚିନ୍ତଯାମାସ ସହସା କାର୍ଯଗୌରବକାରଣାତ୍॥ 1-97-16 (4260)
ଲଜ୍ଜଯା ଚ ପରୀତାଙ୍ଗୀ ରାଜନ୍ରାଜସମକ୍ଷତଃ।
ଅଘୃଣା କିଂ ନୁ ବକ୍ଷ୍ଯାମି ଦୁଷ୍ଯନ୍ତଂ ମମ କାରଣାତ୍॥ 1-97-17 (4261)
ଏବମୁକ୍ତ୍ବା ତୁ କୃପଣା ଚିନ୍ତଯନ୍ତୀ ଶକୁନ୍ତଲା।'
ଅଭିସୃତ୍ଯ ଚ ରାଜାନଂ ବେଦିତା ସା ପ୍ରବେଶିତା॥ 1-97-18 (4262)
ସହ ତେନ କୁମାରେଣ ତରୁଣାଦିତ୍ଯବର୍ଚସା।
`ସିଂହାସନସ୍ଥଂ ରାଜାନଂ ମହେନ୍ଦ୍ରସଦୃଶଦ୍ଯୁତିମ୍॥ 1-97-19 (4263)
ଶକୁନ୍ତଲା ନତଶିରାଃ ପରଂ ହର୍ଷମବାପ୍ଯ ଚ।'
ପୂଜଯିତ୍ବା ଯଥାନ୍ଯାଯମବ୍ରବୀତ୍ତଂ ଶକୁନ୍ତଲା॥ 1-97-20 (4264)
`ଅଭିବାଦଯ ରାଜାନଂ ପିତରଂ ତେ ଦୃଢବ୍ରତମ୍।
ଏବମୁକ୍ତ୍ବା ସୁତଂ ତତ୍ର ଲଜ୍ଜାନତମୁଖୀ ସ୍ଥିତା॥ 1-97-21 (4265)
ସ୍ତମ୍ଭମାଲିଙ୍ଗ୍ଯ ରାଜାନଂ ପ୍ରସୀଦସ୍ବେତ୍ଯୁବାଚ ସା।
ଶାକୁନ୍ତଲୋପି ରାଜାନମଭିବାଦ୍ଯ କୃତାଞ୍ଜଲିଃ॥ 1-97-22 (4266)
ହର୍ଷେଣୋତ୍ଫୁଲ୍ଲନଯନୋ ରାଜାନଂ ଚାନ୍ବବୈକ୍ଷତ।
ଦୁଷ୍ଯନ୍ତୋ ଧର୍ମବୁଦ୍ଧ୍ଯା ତୁ ଚିନ୍ତଯନ୍ନେବ ସୋବ୍ରବୀତ୍॥ 1-97-23 (4267)
କିମାଗମନକାର୍ଯଂ ତେ ବ୍ରୂହି ତ୍ବଂ ବରବର୍ଣିନି।
କରିଷ୍ଯାମି ନ ସଂଦେହଃ ସପୁତ୍ରାଯା ବିଶେଷତଃ॥ 1-97-24 (4268)
ଶକୁନ୍ତଲୋବାଚ। 1-97-25x (616)
ପ୍ରସୀଦସ୍ବ ମହାରାଜ ବକ୍ଷ୍ଯାମି ପୁରୁଷୋତ୍ତମ।
ଏଷ ପୁତ୍ରୋ ହି ତେ ରାଜନ୍ମଯ୍ଯୁତ୍ପନ୍ନଃ ପରଂତପ॥ 1-97-25 (4269)
ତସ୍ମାତ୍ପୁତ୍ରସ୍ତ୍ବଯା ରାଜନ୍ଯୌବରାଜ୍ଯେଽଭିଷିଚ୍ଯତାମ୍।
ଯଥୋକ୍ତମାଶ୍ରମେ ତସ୍ମିନ୍ବର୍ତସ୍ବ ପୁରୁଷୋତ୍ତମ॥ 1-97-26 (4270)
ମଯା ସମାଗମେ ପୂର୍ବଂ କୃତଃ ସ ସମଯସ୍ତ୍ବଯା।
ତତ୍ତ୍ବଂ ସ୍ମର ମହାବାହୋ କଣ୍ବାଶ୍ରମପଦଂ ପ୍ରତି॥ 1-97-27 (4271)
ବୈଶମ୍ପାଯନ ଉବାଚ। 1-97-28x (617)
ତସ୍ଯୋପଭୋଗସକ୍ତସ୍ଯ ସ୍ତ୍ରୀଷୁ ଚାନ୍ଯାସୁ ଭାରତ।
ଶକୁନ୍ତଲା ସପୁତ୍ରା ଚ ମନସ୍ଯନ୍ତରଧୀଯତ॥ 1-97-28 (4272)
ସ ଧାରଯନ୍ମନସ୍ଯେନାଂ ସପୁତ୍ରାଂ ସସ୍ମିତାଂ ତଦା।
ତଦୋପଗୃହ୍ଯ ମନସା ଚିରଂ ସୁଖମବାପ ସଃ॥ 1-97-29 (4273)
ସୋଽଥ ଶ୍ରୁତ୍ବାପି ତଦ୍ବାକ୍ଯଂ ତସ୍ଯା ରାଜା ସ୍ମରନ୍ନପି।
ଅବ୍ରବୀନ୍ନ ସ୍ମରାମୀତି ତ୍ବଯା ଭଦ୍ରେ ସମାଗମମ୍॥ 1-97-30 (4274)
ମୈଥୁନଂ ଚ ବୃଥା ନାହଂ ଗଚ୍ଛେଯମିତି ମେ ମତିଃ।
ନାଭିଜାନାମି କଲ୍ଯାଣି ତ୍ବଯା ସହ ସମାଗମମ୍'॥ 1-97-31 (4275)
ଧର୍ମାର୍ଥକାମସଂବନ୍ଧଂ ନ ସ୍ମରାମି ତ୍ବଯା ସହ।
ଗଚ୍ଛ ବା ତିଷ୍ଠ ବା କାମଂ ଯଦ୍ବାପୀଚ୍ଛସି ତତ୍କୁରୁ॥ ॥ 1-97-32 (4276)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ସପ୍ତନବତିତମୋଽଧ୍ଯାଯଃ॥ 97 ॥
ଆଦିପର୍ବ - ଅଧ୍ଯାଯ 098
॥ ଶ୍ରୀଃ ॥
1.98. ଅଧ୍ଯାଯଃ 098
Mahabharata - Adi Parva - Chapter Topics
ଶକୁନ୍ତଲାଯାଃ ସ୍ବପାଣିଗ୍ରହଣମନଙ୍କୀକୁର୍ବତା ଦୁଷ୍ଯନ୍ତେନ ସହ ବିବାଦଃ॥ 1 ॥Mahabharata - Adi Parva - Chapter Text
ଏବମୁକ୍ତା ବରାରୋହା ବ୍ରୀଡିତେବ ମନସ୍ବିନୀ।
ବିସଂଜ୍ଞେବ ଚ ଦୁଃଖେନ ତସ୍ଥୌ ସ୍ଥୂଣେବ ନିଶ୍ଚଲା॥ 1-98-1 (4277)
ସଂରମ୍ଭାମର୍ଷତାମ୍ରାକ୍ଷୀ ସ୍ଫୁରମାଣୋଷ୍ଠସଂପୁଟା।
କଟାକ୍ଷୈର୍ନିର୍ଦହନ୍ତୀବ ତିର୍ଯଗ୍ରାଜାନମୈକ୍ଷତ॥ 1-98-2 (4278)
ଆକାରଂ ଗୂହମାନା ଚ ମନ୍ଯୁନା ଚ ସମୀରିତମ୍।
ତପସା ସଂଭୃତଂ ତେଜୋ ଧାରଯାମାସ ବୈ ତଦା॥ 1-98-3 (4279)
ସା ମୁହୂର୍ତମିବ ଧ୍ଯାତ୍ବା ଦୁଃଖାମର୍ଷସମନ୍ବିତା।
ଭର୍ତାରମଭିସଂପ୍ରେକ୍ଷ୍ଯ ଯଥାନ୍ଯାଯଂ ବଚୋଽବ୍ରବୀତ୍॥ 1-98-4 (4280)
ଜାନନ୍ନପି ମହାରାଜ କସ୍ମାଦେବଂ ପ୍ରଭାଷସେ।
ନ ଜାନାମୀତି ନିଃଶଙ୍କଂ ଯଥାନ୍ଯଃ ପ୍ରାକୃତସ୍ତଥା॥ 1-98-5 (4281)
ତସ୍ଯ ତେ ହୃଦଯଂ ବେଦ ସତ୍ଯସ୍ଯୈବାନୃତସ୍ଯ ଚ।
ସାକ୍ଷିଣଂ ବତ କଲ୍ଯାଣମାତ୍ମାନମବମନ୍ଯସେ॥ 1-98-6 (4282)
ଯୋଽନ୍ଯଥା ସନ୍ତମାତ୍ମାନନ୍ଯଥା ପ୍ରତିପଦ୍ଯତେ।
କିଂ ତେନ ନ କୃତଂ ପାପଂ ଚୋରେଣାତ୍ମାପହାରିଣା॥ 1-98-7 (4283)
ଏକୋଽହମସ୍ମୀତି ଚ ମନ୍ଯସେ ତ୍ବଂ
ନ ହୃଚ୍ଛଯଂ ବେତ୍ସି ମୁନିଂ ପୁରାଣମ୍।
ଯୋ ବେଦିତା କର୍ମଣଃ ପାପକସ୍ଯ
ତସ୍ଯାନ୍ତିକେ ତ୍ବଂ ବୃଜିନଂ କରୋଷି॥ 1-98-8 (4284)
`ଧର୍ମ ଏବ ହି ସାଧୂନାଂ ସର୍ବେଷାଂ ହିତକାରଣମ୍।
ନିତ୍ଯଂ ମିଥ୍ଯାବିହୀନାନାଂ ନ ଚ ଦୁଃଖାବହୋ ଭବେତ୍'॥ 1-98-9 (4285)
ମନ୍ଯତେ ପାପକଂ କୃତ୍ବା ନ କଶ୍ଚିଦ୍ବେତ୍ତି ମାମିତି।
ବିଦନ୍ତି ଚୈନଂ ଦେବାଶ୍ଚ ଯଶ୍ଚୈବାନ୍ତରପୂରୁଷଃ॥ 1-98-10 (4286)
ଆଦିତ୍ଯଚନ୍ଦ୍ରାବନିଲୋଽନଲଶ୍ଚ
ଦ୍ଯୌର୍ଭୂମିରାପୋ ହୃଦଯଂ ଯମଶ୍ଚ।
ଅହଶ୍ଚ ରାତ୍ରିଶ୍ଚ ଉଭେ ଚ ସନ୍ଧ୍ଯେ
ଧର୍ମଶ୍ଚ ଜାନାତି ନରସ୍ଯ ବୃତ୍ତମ୍॥ 1-98-11 (4287)
ଯମୋ ବୈବସ୍ବତସ୍ତସ୍ଯ ନିର୍ଯାତଯତି ଦୁଷ୍କୃତମ୍।
ହୃଦି ସ୍ଥିତଃ କର୍ମସାକ୍ଷୀ କ୍ଷେତ୍ରଜ୍ଞୋ ଯସ୍ଯ ତୁଷ୍ଯତି॥ 1-98-12 (4288)
ନ ତୁଷ୍ଯତି ଚ ଯସ୍ଯୈଷ ପୁରୁଷସ୍ଯ ଦୁରାତ୍ମନଃ।
ତଂ ଯମଃ ପାପକର୍ମାଣଂ ନିର୍ଭର୍ତ୍ସଯତି ଦୁଷ୍କୃତମ୍॥ 1-98-13 (4289)
ଯୋଽବମତ୍ଯାତ୍ମନାତ୍ମାନମନ୍ଯଥା ପ୍ରତିପଦ୍ଯତେ।
ନ ତସ୍ଯ ଦେବାଃ ଶ୍ରେଯାଂସୋ ଯସ୍ଯାତ୍ମାପି ନ କାରଣମ୍॥ 1-98-14 (4290)
ସ୍ବଯଂ ପ୍ରାପ୍ତେତି ମାମେବଂ ମାବମଂସ୍ଥା ପତିବ୍ରତାମ୍।
ଅର୍ଚାର୍ହାଂ ନାର୍ଚଯସି ମାଂ ସ୍ବଯଂ ଭାର୍ଯାମୁପସ୍ଥିତାମ୍॥ 1-98-15 (4291)
କିମର୍ଥଂ ମାଂ ପ୍ରାକୃତବଦୁପପ୍ରେକ୍ଷସି ସଂସଦି।
ନଖଲ୍ବହମିଦଂ ଶୂନ୍ଯେ ରୌମି କିଂ ନ ଶୃଣୋଷି ମେ॥ 1-98-16 (4292)
ଯଦି ମେ ଯାଚମାନାଯା ବଚନଂ ନ କରିଷ୍ଯସି।
ଦୁଷ୍ଯନ୍ତ ଶତଧା ତ୍ବଦ୍ଯ ମୂର୍ଧା ତେ ବିଫଲିଷ୍ଯତି॥ 1-98-17 (4293)
ଜାଯାଂ ପତିଃ ସଂପ୍ରବିଶ୍ଯ ଯଦସ୍ଯାଂ ଜାଯତେ ପୁନଃ।
ଜାଯାଯାସ୍ତଦ୍ଧି ଜାଯାତ୍ବଂ ପୌରାଣାଃ କବଯୋ ବିଦୁଃ॥ 1-98-18 (4294)
ଯଦାଗମବତଃ ପୁଂସସ୍ତଦପତ୍ଯଂ ପ୍ରଜାଯତେ।
ତତ୍ତାରଯତି ସଂତତ୍ଯା ପୂର୍ବପ୍ରେତାନ୍ପିତାମହାନ୍॥ 1-98-19 (4295)
ପୁନ୍ନାମ୍ନୋ ନରକାଦ୍ଯସ୍ମାତ୍ପିତରଂ ତ୍ରାଯତେ ସୁତଃ।
ତସ୍ମାତ୍ପୁତ୍ର ଇତି ପ୍ରୋକ୍ତଃ ପୂର୍ବମେବ ସ୍ବଯଂଭୁବା॥ 1-98-20 (4296)
`ପୁତ୍ରେଣ ଲୋକାଞ୍ଜଯନ୍ତି ପୌତ୍ରେଣାନନ୍ତ୍ଯମଶ୍ନୁତେ।
ଅଥ ପୌତ୍ରସ୍ଯ ପୁତ୍ରେଣ ମୋଦନ୍ତେ ପ୍ରପିତାମହାଃ॥' 1-98-21 (4297)
ସା ଭାର୍ଯା ଯା ଗୃହେ ଦକ୍ଷା ସା ଭାର୍ଯା ଯା ପ୍ରଜାବତୀ।
ସା ଭାର୍ଯା ଯା ପତିପ୍ରାଣା ସା ଭାର୍ଯା ଯା ପତିବ୍ରତା॥ 1-98-22 (4298)
ଅର୍ଧଂ ଭାର୍ଯା ମନୁଷ୍ଯସ୍ଯ ଭାର୍ଯା ଶ୍ରେଷ୍ଠତମଃ ସଖା।
ଭାର୍ଯା ମୂଲଂ ତ୍ରିବର୍ଗସ୍ଯ ଯଃ ସଭାର୍ଯଃ ସ ବନ୍ଧୁମାନ୍॥ 1-98-23 (4299)
ଭାର୍ଯାବନ୍ତଃ କ୍ରିଯାବନ୍ତଃ ସଭାର୍ଯା ଗୃହମେଧିନଃ।
ଭାର୍ଯାବନ୍ତଃ ପ୍ରମୋଦନ୍ତେ ଭାର୍ଯାବନ୍ତଃ ଶ୍ରିଯାବୃତାଃ॥ 1-98-24 (4300)
ସଖାଯଃ ପ୍ରବିବିକ୍ତେଷୁ ଭବନ୍ତ୍ଯେତାଃ ପ୍ରିଯଂବଦାଃ।
ପିତରୋ ଧର୍ମକାର୍ଯେଷୁ ଭବନ୍ତ୍ଯାର୍ତସ୍ଯ ମାତରଃ॥ 1-98-25 (4301)
କାନ୍ତାରେଷ୍ବପି ବିଶ୍ରାମୋ ଜନସ୍ଯାଧ୍ବନି କସ୍ଯ ବୈ।
ଯଃ ସଦାରଃ ସ ବିଶ୍ବାସ୍ଯସ୍ତସ୍ମାଦ୍ଦାରାଃ ପରା ଗତିଃ। 1-98-26 (4302)
ସଂସରନ୍ତମଭିପ୍ରେତଂ ବିଷମେଷ୍ବେକପାତିନମ୍।
ଭାର୍ଯୈବାନ୍ବେତି ଭର୍ତାରଂ ସତତଂ ଯା ପତିବ୍ରତା॥ 1-98-27 (4303)
ପ୍ରଥମଂ ସଂସ୍ଥିତା ଭାର୍ଯା ପତିଂ ପ୍ରେତ୍ଯ ପ୍ରତୀକ୍ଷତେ।
ପୂର୍ବପ୍ରେତଂ ତୁ ଭର୍ତାରଂ ପଶ୍ଚାତ୍ସାପ୍ଯନୁଗଚ୍ଛତି॥ 1-98-28 (4304)
ଏତସ୍ମାତ୍କାରଣାଦ୍ରାଜନ୍ପାଣିଗ୍ରହଣମିଷ୍ଯତେ।
ଯଦାପ୍ନୋତି ପତିର୍ଭାର୍ଯାମିହ ଲୋକେ ପରତ୍ର ଚ॥ 1-98-29 (4305)
`ପୋଷଣାର୍ଥଂ ଶରୀରସ୍ଯ ପାଥେଯଂ ସ୍ବର୍ଗତସ୍ଯ ବୈ।'
ଆତ୍ମାଽଽତ୍ମନୈବ ଜନିତଃ ପୁତ୍ର ଇତ୍ଯୁଚ୍ଯତେ ବୁଧୈଃ॥ 1-98-30 (4306)
ତସ୍ମାଦ୍ଭାର୍ଯାଂ ପତିଃ ପଶ୍ଯେନ୍ମାତୃବତ୍ପୁତ୍ରମାତରମ୍।
`ଅନ୍ତରାତ୍ମୈବ ସର୍ବସ୍ଯ ପୁତ୍ରୋ ନାମୋଚ୍ଯତେ ସଦା॥ 1-98-31 (4307)
ଗତୀ ରୂପଂ ଚ ଚେଷ୍ଟା ଚ ଆବର୍ତା ଲକ୍ଷଣାନି ଚ।
ପିତୄଣାଂ ଯାନି ଦୃଶ୍ଯନ୍ତେ ପୁତ୍ରାଣାଂ ସନ୍ତି ତାନି ଚ॥ 1-98-32 (4308)
ତେଷାଂ ଶୀଲଗୁଣାଚାରାସ୍ତତ୍ସଂପର୍କାଚ୍ଛୁଭାଶୁଭାତ୍।'
ଭାର୍ଯାଯାଂ ଜନିତଂ ପୁତ୍ରମାଦର୍ଶେ ସ୍ବମିବାନନମ୍॥ 1-98-33 (4309)
ଜନିତା ମୋଦତେ ପ୍ରେକ୍ଷ୍ଯ ସ୍ବର୍ଗଂ ପ୍ରାପ୍ଯେବ ପୁଣ୍ଯକୃତ୍।
`ପତିବ୍ରତାରୂପଧରାଃ ପରବୀଜସ୍ଯ ସଂଗ୍ରହାତ୍॥ 1-98-34 (4310)
କୁଲଂ ବିନାଶ୍ଯ ଭର୍ତୄଣାଂ ନରକଂ ଯାନ୍ତି ଦାରୁଣମ୍।
ପରେଣ ଜନିତାଃ ପୁତ୍ରାଃ ସ୍ବଭାର୍ଯାଯାଂ ଯଥେଷ୍ଟତଃ॥ 1-98-35 (4311)
ମମ ପୁତ୍ରା ଇତି ମତାସ୍ତେ ପୁତ୍ରା ଅପି ଶତ୍ରବଃ।
ଦ୍ବିଷନ୍ତି ପ୍ରତିକୁର୍ବନ୍ତି ନ ତେ ବଚନଂକାରିଣଃ॥ 1-98-36 (4312)
ଦ୍ବେଷ୍ଟି ତାଂଶ୍ଚ ପିତା ଚାପି ସ୍ବବୀଜେ ନ ତଥା ନୃପ।
ନ ଦ୍ବେଷ୍ଟି ପିତରଂ ପୁତ୍ରୋ ଜନିତାରମଥାପି ବା॥ 1-98-37 (4313)
ନ ଦ୍ବେଷ୍ଟି ଜନିତା ପୁତ୍ରଂ ତସ୍ମାଦାତ୍ମା ସୁତୋ ଭବେତ୍।'
ଦହ୍ଯମାନା ମନୋଦୁଃଖୈର୍ବ୍ଯାଧିଭିସ୍ତୁମୁଲୈର୍ଜନଃ॥ 1-98-38 (4314)
ହ୍ଲାଦନ୍ତେ ସ୍ବେଷୁ ଦାରେଷୁ ଘର୍ମାର୍ତାଃ ସଲିଲେଷ୍ବିବ।
`ବିପ୍ରବାସକୃଶା ଦୀନା ନରା ମଲିନବାସସଃ॥ 1-98-39 (4315)
ତେଽପି ସ୍ବଦାରାଂସ୍ତୁଷ୍ଯନ୍ତି ଦରିଦ୍ରା ଧନଲାଭବତ୍।'
ଅପ୍ରିଯୋକ୍ତୋପି ଦାରାଣାଂ ନ ବ୍ରୂଯାଦପ୍ରିଯଂ ବୁଧଃ॥ 1-98-40 (4316)
ରତିଂ ପ୍ରୀତିଂ ଚ ଧର୍ମଂ ଚ ତଦାଯତ୍ତମବେକ୍ଷ୍ଯ ଚ।
`ଆତ୍ମନୋଽର୍ଧମିତି ଶ୍ରୌତଂ ସା ରକ୍ଷତି ଧନଂ ପ୍ରଜାଃ॥ 1-98-41 (4317)
ଶରୀରଂ ଲୋକଯାତ୍ରାଂ ବୈ ଧର୍ମଂ ସ୍ବର୍ଗମୃଷୀନ୍ପିତୄନ୍।'
ଆତ୍ମନୋ ଜନ୍ମନଃ କ୍ଷେତ୍ରଂ ପୁଣ୍ଯା ରାମାଃ ସନାତନାଃ॥ 1-98-42 (4318)
ଋଷୀଣାମପି କା ଶକ୍ତିଃ ସ୍ରଷ୍ଟୁଂ ରାମାମୃତେ ପ୍ରଜା-।
`ଦେବାନାମପି କା ଶକ୍ତିଃ କର୍ତୁଂ ସଂଭବମାତ୍ମନଃ॥ 1-98-43 (4319)
ପଣ୍ଡିତସ୍ଯାପି ଲୋକେଷୁ ସ୍ତ୍ରୀଷୁ ସୃଷ୍ଟିଃ ପ୍ରତିଷ୍ଠିତା।
ଋଷିଭ୍ଯୋ ହ୍ଯୃଷଯଃ କେଚିଚ୍ଚଣ୍ଡାଲୀଷ୍ବପି ଜଜ୍ଞିରେ'॥ 1-98-44 (4320)
ପରିସୃତ୍ଯ ଯଥା ସୂନୁର୍ଧରଣୀରେଣୁକୁଣ୍ଠିତଃ।
ପିତୁରାଲିଙ୍ଗତେଽଙ୍ଗାନି କିମସ୍ତ୍ଯଭ୍ଯଧିକଂ ତତଃ॥ 1-98-45 (4321)
ସ ତ୍ବଂ ସୂନୁମନୁପ୍ରାପ୍ତଂ ସାଭିଲାଷଂ ମନସ୍ବିନମ୍।
ପ୍ରେକ୍ଷମାଣଂ କଟାକ୍ଷେଣ କିମର୍ଥମବମନ୍ଯସେ॥ 1-98-46 (4322)
ଅଣ୍ଡାନି ବିଭ୍ରତି ସ୍ବାନି ନ ତ୍ଯଜନ୍ତି ପିପୀଲିକାଃ।
କିଂ ପୁନସ୍ତ୍ବଂ ନ ମନ୍ଯେଥାଃ ସର୍ବଥା ପୁତ୍ରମୀଦୃଶମ୍॥ 1-98-47 (4323)
ନ ଭରେଥାଃ କଥଂ ନୁ ତ୍ବଂ ମଯି ଜାତଂ ସ୍ବମାତ୍ମଜମ୍।
`ମମାଣ୍ଡାନୀତି ବର୍ଧ୍ତେ କୋକିଲାଣ୍ଡାନି ବାଯସାଃ॥ 1-98-48 (4324)
କିଂ ପୁନସ୍ତ୍ବଂ ନ ମନ୍ଯେଥାଃ ସର୍ବଜ୍ଞଃ ପୁତ୍ରମୀଦୃଶମ୍।
ମଲଯାଚ୍ଚନ୍ଦନଂ ଜାତମତିଶୀତଂ ବଦନ୍ତି ବୈ॥ 1-98-49 (4325)
ଶିଶୋରାଲିଙ୍ଗନଂ ତସ୍ମାଚ୍ଚନ୍ଦନାଦଧିକଂ ଭବେତ୍।'
ନ ବାସସାଂ ନ ରାମାଣାଂ ନାପାଂ ସ୍ପର୍ଶସ୍ତଥାବିଧଃ॥ 1-98-50 (4326)
ଶିଶୁନାଲିଙ୍ଗ୍ଯମାନସ୍ଯ ସ୍ପର୍ଶଃ ସୂନୋର୍ଯଥା ସୁଖଃ।
ପୁତ୍ରସ୍ପର୍ଶାତ୍ପ୍ରିଯତରଃ ସ୍ପର୍ଶୋ ଲୋକେ ନ ବିଦ୍ଯତେ॥ 1-98-51 (4327)
ସ୍ପୃଶତୁ ତ୍ବାଂ ସମାଲିଙ୍ଗ୍ଯ ପୁତ୍ରୋଽଯଂ ପ୍ରିଯଦର୍ଶନଃ।
ବ୍ରାହ୍ମଣୋ ଦ୍ବିପଦାଂ ଶ୍ରେଷ୍ଠୋ ଗୌର୍ବରିଷ୍ଠା ଚତୁଷ୍ପଦାମ୍॥ 1-98-52 (4328)
ମୁରୁର୍ଗରୀଯସାଂ ଶ୍ରେଷ୍ଠଃ ପୁତ୍ରଃ ସ୍ପର୍ଶବତାଂ ବରଃ॥
ତ୍ରିଷୁ ବର୍ଷେଷୁ ପୂର୍ଣେଷୁ ପ୍ରଜାତୋଽଯମରିନ୍ଦମଃ॥ 1-98-53 (4329)
`ଅଦ୍ଯାଯଂ ମନ୍ନିଯୋଗାତ୍ତୁ ତବାହ୍ବାନଂ ପ୍ରତୀକ୍ଷତେ।
କୁମାରୋ ରାଜଶାର୍ଦୂଲ ତବ ଶୋକପ୍ରଣାଶନଃ॥' 1-98-54 (4330)
ଆହର୍ତା ବାଜିମେଧସ୍ଯ ଶତସଙ୍ଖ୍ଯସ୍ଯ ପୌରବଃ।
`ରାଜସୂଯାଦିକାନନ୍ଯାନ୍କ୍ରତୂନମିତଦକ୍ଷିଣାନ୍॥ 1-98-55 (4331)
ଇତି ଗୌରନ୍ତରିକ୍ଷେ ମାଂ ସୂତକେ ହ୍ଯବଦତ୍ପୁରା।
ହନ୍ତ ସ୍ବମଙ୍କମାରୋପ୍ଯ ସ୍ନେହାଦ୍ଗ୍ରାମାନ୍ତରଂ ଗତାଃ॥ 1-98-56 (4332)
ମୂର୍ଧ୍ନି ପୁତ୍ରାନୁପାଘ୍ରାଯ ପ୍ରତିନନ୍ଦନ୍ତି ମାନବାଃ।
ବେଦେଷ୍ବପି ବଦନ୍ତୀମଂ ମନ୍ତ୍ରଗ୍ରାମଂ ଦ୍ବିଜାତଯଃ॥ 1-98-57 (4333)
ଜାତକର୍ମଣି ପୁତ୍ରାଣାଂ ତବାପି ବିଦିତଂ ଧ୍ରୁବମ୍।
ଅଙ୍ଗାଦଙ୍ଗାତ୍ସଂଭବସି ହୃଦଯାଦଧିଜାଯସେ॥ 1-98-58 (4334)
ଆତ୍ମା ବୈ ପୁତ୍ରନାମାସି ସ ଜୀବ ଶରଦଃ ଶତମ୍।
ଉପଜିଘ୍ରନ୍ତି ପିତରୋ ମନ୍ତ୍ରେଣାନେନ ମୂର୍ଧନି॥ 1-98-59 (4335)
ପୋଷଣଂ ତ୍ବଦଧୀନଂ ମେ ସନ୍ତାନମପି ଚାକ୍ଷଯମ୍।
ତସ୍ମାତ୍ତ୍ବଂ ଜୀବ ମେ ପୁତ୍ର ସ ସୁଖୀ ଶରଦାଂ ଶତମ୍॥ 1-98-60 (4336)
ଏକୋ ଭୂତ୍ବା ଦ୍ବିଧା ଭୂତ ଇତି ବାଦଃ ପ୍ରବର୍ତତେ।
ତ୍ବଦଙ୍ଗେଭ୍ଯଃ ପ୍ରସୂତୋଽଯଂ ପୁରୁଷାତ୍ପୁରୁଷଃ ପରଃ॥ 1-98-61 (4337)
ସରସୀବାମଲେଽଽତ୍ମାନଂ ଦ୍ବିତୀଯଂ ପଶ୍ଯ ତେ ସୁତମ୍।
`ସରସୀବାମଲେ ସୋମଂ ପ୍ରେକ୍ଷାତ୍ମାନଂ ତ୍ବମାତ୍ମନି'॥ 1-98-62 (4338)
ଯଥାଚାହବନୀଯୋଽଗ୍ନିର୍ବର୍ହପତ୍ଯାତ୍ପ୍ରଣୀଯତେ।
ଏବଂ ତ୍ବତ୍ତଃ ପ୍ରଣୀତୋଽଯଂ ତ୍ବମେକଃ ସନ୍ଦ୍ବିଧା କୃତଃ॥ 1-98-63 (4339)
ମୃଗାପକୃଷ୍ଟେନ ହି ବୈ ମୃଗଯାଂ ପରିଧାବତା।
ଅହମାସାଦିତା ରାଜନ୍କୁମାରୀ ପିତୁରାଶ୍ରମେ॥ 1-98-64 (4340)
ଉର୍ବଶୀ ପୂର୍ବଚିତ୍ତିଶ୍ଚ ସହଜନ୍ଯା ଚ ମେନକା।
ବିଶ୍ବାଚୀ ଚ ଘୃତାଚୀ ଚ ଷଡେବାପ୍ସରସାଂ ବରାଃ॥ 1-98-65 (4341)
ତାସାଂ ବୈ ମେନକା ନାମ ବ୍ରହ୍ମଯୋନିର୍ବରାପ୍ସରାଃ।
ଦିବଃ ସଂପ୍ରାପ୍ଯ ଜଗତୀଂ ବିଶ୍ବାମିତ୍ରାଦଜୀଜନତ୍॥ 1-98-66 (4342)
`ଶ୍ରୀମାନୃଷିର୍ଧର୍ମପରୋ ବୈଶ୍ବାନର ଇବାପରଃ।
ବ୍ରହ୍ମଯୋନିଃ କୁଶୋ ନାମ ବିଶ୍ବାମିତ୍ରପିତାମହଃ॥ 1-98-67 (4343)
କୁଶସ୍ଯ ପୁତ୍ରୋ ବଲବାନ୍କୁଶନାଭଶ୍ଚ ଧାର୍ମିକଃ।
ଗାଧିସ୍ତସ୍ଯ ସୁତୋ ରାଜନ୍ବିଶ୍ବାମିତ୍ରସ୍ତୁ ଗାଧିଜଃ॥ 1-98-68 (4344)
ଏବଂବିଧୋ ମମ ପିତା ମେନକା ଜନନୀ ବରା।'
ସା ମାଂ ହିମବତଃ ପୃଷ୍ଠେ ସୁଷୁବେ ମେନକାଽପ୍ସରାଃ॥ 1-98-69 (4345)
ପରିତ୍ଯଜ୍ଯ ଚ ମାଂ ଯାତା ପରାତ୍ମଜମିବାସତୀ।
`ପକ୍ଷିଣଃ ପୁମ୍ଯବନ୍ତସ୍ତେ ସହିତା ଧର୍ମତସ୍ତଦା॥ 1-98-70 (4346)
ପକ୍ଷୈସ୍ତୈରଭିଗୁପ୍ତା ଚ ତସ୍ମାଦସ୍ମି ଶକୁନ୍ତଲା।
ତତୋଽହମୃଷିଣା ଦୃଷ୍ଟା କାଶ୍ଯପେନ ମହାତ୍ମନା॥ 1-98-71 (4347)
ଜଲାର୍ଥମଗ୍ନିହୋତ୍ରସ୍ଯ ଗତଂ ଦୃଷ୍ଟ୍ବା ତୁ ପକ୍ଷିଣଃ।
ନ୍ଯାସଭୂତାମିବ ମୁନେଃ ପ୍ରଦଦୁର୍ମାଂ ଦଯାବତଃ॥ 1-98-72 (4348)
କଣ୍ବସ୍ତ୍ବାଲୋକ୍ଯ ମାଂ ପ୍ରୀତୋ ହସନ୍ତୀତି ହବିର୍ଭୁଜଃ।
ସ ମାଽରଣିମିବାଦାଯ ସ୍ବମାଶ୍ରମମୁପାଗମତ୍॥ 1-98-73 (4349)
ସା ବୈ ସଂଭାବିତା ରାଜନ୍ନନୁକ୍ରୋଶାନ୍ମହର୍ଷିଣା।
ତେନୈବ ସ୍ବସୁତେବାହଂ ରାଜନ୍ବୈ ବରବର୍ଣିନୀ॥ 1-98-74 (4350)
ବିଶ୍ବାମିତ୍ରସୁତା ଚାହଂ ବର୍ଧିତା ମୁନିନା ନୃପ।
ଯୌବନେ ବର୍ତମାନାଂ ଚ ଦୃଷ୍ଟବାନସି ମାଂ ନୃପ॥ 1-98-75 (4351)
ଆଶ୍ରମେ ପର୍ଣଶାଲାଯାଂ କୁମାରୀଂ ବିଜନେ ତଦା।
ଧାତ୍ରା ପ୍ରଚୋଦିତାଂ ଶୂନ୍ଯେ ପିତ୍ରା ବିରହିତାଂ ମିଥଃ॥ 1-98-76 (4352)
ବାଗ୍ଭିସ୍ତ୍ବଂ ସୂନୃତାଭିର୍ମାମପତ୍ଯାର୍ଥମଚୂଚୁଦଃ।
ଅକାର୍ଷୀସ୍ତ୍ବାଶ୍ରମେ ବାସଂ ଧର୍ମକାମାର୍ଥନିଶ୍ଚିତମ୍॥ 1-98-77 (4353)
ଗାନ୍ଧର୍ବେଣ ବିବାହେନ ବିଧିନା ପାଣିମଗ୍ରହୀଃ।
ସାଽହଂ କୁଲଂ ଚ ଶୀଲଂ ଚ ସତ୍ଯବାଦିତ୍ବମାତ୍ମନଃ॥ 1-98-78 (4354)
ସ୍ବଧର୍ମଂ ଚ ପୁରସ୍କୃତ୍ଯ ତ୍ବାମଦ୍ଯ ଶରଣଂ ଗତା।
ତସ୍ମାନ୍ନର୍ହସି ସଂଶ୍ରୁତ୍ଯ ତଥେତି ବିତଥଂ ବଚଃ॥ 1-98-79 (4355)
ସ୍ବଧର୍ମଂ ପୃଷ୍ଠତଃ କୃତ୍ବା ପରିତ୍ଯକ୍ତୁମୁପସ୍ଥିତାମ୍।
ତ୍ବନ୍ନାଥାଂ ଲୋକନାଥସ୍ତ୍ବଂ ନାର୍ହସି ତ୍ବମନାଗସମ୍'॥ 1-98-80 (4356)
କିଂ ନୁ କର୍ମାଶୁଭଂ ପୂର୍ବଂ କୃତବତ୍ଯସ୍ମି ପାର୍ଥିବ।
ଯଦହଂ ବାନ୍ଧବୈସ୍ତ୍ଯକ୍ତା ବାଲ୍ଯେ ସଂପ୍ରତି ବୈ ତ୍ବଯା॥ 1-98-81 (4357)
କାମଂ ତ୍ବଯା ପରିତ୍ଯକ୍ତା ଗମିଷ୍ଯାମ୍ଯହମାଶ୍ରମମ୍।
ଇମଂ ବାଲଂ ତୁ ସଂତ୍ଯୁକ୍ତଂ ନାର୍ହସ୍ଯାତ୍ମଜମାତ୍ମନା॥ 1-98-82 (4358)
ଦୁଷ୍ଯନ୍ତ ଉବାଚ। 1-98-83x (618)
ନ ପୁତ୍ରମଭିଜାନାମି ତ୍ବଯି ଜାତଂ ଶକୁନ୍ତଲେ।
ଅସତ୍ବଚନା ନାର୍ଯଃ କସ୍ତେ ଶ୍ରଦ୍ଧାସ୍ଯତେ ବଚଃ॥ 1-98-83 (4359)
`ଅଶ୍ରଦ୍ଧେଯମିଦଂ ବାକ୍ଯଂ କଥଯନ୍ତୀ ନ ଲଜ୍ଜସେ।
ବିଶେଷତୋ ମତ୍ସକାଶେ ଦୁଷ୍ଟତାପସି ଗମ୍ଯତାମ୍'॥ 1-98-84 (4360)
କ୍ବ ମହର୍ଷିସ୍ତପସ୍ଯୁଗ୍ରଃ କ୍ବାପ୍ସରାଃ ସା ଚ ମେନକା।
କ୍ବ ଚ ତ୍ବମେବଂ କୃପଣା ତାପସୀବେଷଧାରିଣୀ॥ 1-98-85 (4361)
ଅତିକାଯଶ୍ଚ ପୁତ୍ରସ୍ତେ ବାଲୋଽତିବଲବାନଯମ୍।
କଥମଲ୍ପେନ କାଲେନ ସାଲସ୍କନ୍ଧ ଇବୋଦ୍ଗତଃ॥ 1-98-86 (4362)
ସୁନିକୃଷ୍ଟା ଚ ଯୋନିସ୍ତେ ପୁଂଶ୍ଚଲୀ ପ୍ରତିଭାସି ମେ।
ଯଦୃଚ୍ଛଯା କାମରାଗାଜ୍ଜାତା ମେନକଯା ହ୍ଯସି॥ 1-98-87 (4363)
ସର୍ବମେବ ପରୋକ୍ଷଂ ମେ ଯତ୍ତ୍ବଂ ବଦସି ତାପସି।
`ସର୍ବା ବାମାଃ ସ୍ତ୍ରିଯୋ ଲୋକେ ସର୍ବାଃ କାମପରାଯଣାଃ॥ 1-98-88 (4364)
ସର୍ବାଃ ସ୍ତ୍ରିଯଃ ପରବଶାଃ ସର୍ବାଃ କ୍ରୋଧସମାକୁଲାଃ।
ଅସତ୍ଯୋକ୍ତାଃ ସ୍ତ୍ରିଯଃ ସର୍ବା ନ କଣ୍ବଂ ବକ୍ତୁମର୍ହସି'॥ 1-98-89 (4365)
ମେନକା ନିରନୁକ୍ରୋଶା ବର୍ଧକୀ ଜନନୀ ତବ।
ଯଯା ହିମବତଃ ପାଦେ ନିର୍ମାଲ୍ଯବଦୁପେକ୍ଷିତା॥ 1-98-90 (4366)
ସ ଚାପି ନିରନୁକ୍ରୋଶଃ କ୍ଷତ୍ରଯୋନିଃ ପିତା ତବ।
ବିଶ୍ବାମିତ୍ରୋ ବ୍ରାହ୍ମଣତ୍ବେ ଲୁବ୍ଧଃ କାମପରାଯଣଃ॥ 1-98-91 (4367)
ସୁଷାବ ସୁରନାରୀ ମାଂ ବିଶ୍ବାମିତ୍ରାଦ୍ଯଥେଷ୍ଟତଃ।
ଅହୋ ଜାନାମି ତେ ଜନ୍ମ କୁତ୍ସିତଂ କୁଲଟେ ଜନୈଃ॥ 1-98-92 (4368)
ମେନକାଽପ୍ସରସାଂ ଶ୍ରେଷ୍ଠା ମହର୍ଷିଶ୍ଚାପି ତେ ପିତା।
ତଯୋରପତ୍ଯଂ କସ୍ମାତ୍ତ୍ବଂ ପୁଂଶ୍ଚଲୀବାଭିଭାଷସେ॥ 1-98-93 (4369)
ଜାତିଶ୍ଚାପି ନିକୃଷ୍ଟୋ ତେ କୁଲୀନେତି ବିଜଲ୍ପସେ।
ଜନଯିତ୍ବା ତ୍ବମୁତ୍ସୃଷ୍ଟା କୋକିଲେନ ପରୈର୍ଭୃତା॥ 1-98-94 (4370)
ଅରିଷ୍ଟୈରିବ ଦୁର୍ବଦ୍ଧିଃ କଣ୍ବୋ ବର୍ଧଯିତା ପିତା।
ଅଶ୍ରଦ୍ଧେଯମିଦଂ ବାକ୍ଯଂ ଯତ୍ତ୍ବଂ ଜଲ୍ପସି ତାପସି॥ 1-98-95 (4371)
ବ୍ରୁବନ୍ତୀ ରାଜସାନ୍ନିଧ୍ଯେ ଗମ୍ଯତାଂ ଯତ୍ର ଚେଚ୍ଛସି।
`ସୁବର୍ଣମଣିମୁକ୍ତାନି ବସ୍ତ୍ରାଣ୍ଯାଭରଣାନି ଚ॥ 1-98-96 (4372)
ଯଦିହେଚ୍ଛସି ଭୋଗାର୍ଥଂ ତାପସି ପ୍ରତିଗୃହ୍ଯତାମ୍।
ନାହଂ ତ୍ବାଂ ଦ୍ରଷ୍ଟୁମିଚ୍ଛାମି ଯଥେଷ୍ଟଂ ଗମ୍ଯତାମିତଃ'॥ ॥ 1-98-97 (4373)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଅଷ୍ଟନବତିତମୋଽଧ୍ଯାଯଃ॥ 98 ॥
ଆଦିପର୍ବ - ଅଧ୍ଯାଯ 099
॥ ଶ୍ରୀଃ ॥
1.99. ଅଧ୍ଯାଯଃ 099
Mahabharata - Adi Parva - Chapter Topics
ଦୁଷ୍ଯନ୍ତଶକୁନ୍ତଲାବିବାଦଃ॥ 1 ॥Mahabharata - Adi Parva - Chapter Text
1-99-0 (4374)
ଶକୁନ୍ତଲୋବାଚ। 1-99-0x (619)
ରାଜନ୍ସର୍ଷପମାତ୍ରାଣି ପରଚ୍ଛିଦ୍ରାଣି ପଶ୍ଯସି।
ଆତ୍ମନୋ ବିଲ୍ବମାତ୍ରାଣି ପଶ୍ଯନ୍ନପି ନ ପଶ୍ଯସି॥ 1-99-1 (4375)
ମେନକା ତ୍ରିଦଶେଷ୍ବେବ ତ୍ରିଦଶାଶ୍ଚାନୁ ମେନକାମ୍।
ମମୈବୋଦ୍ରିଚ୍ଯତେ ଜନ୍ମ ଦୁଷ୍ଯନ୍ତ ତବ ଜନ୍ମତଃ॥ 1-99-2 (4376)
କ୍ଷିତୌ ଚରସି ରାଜଂସ୍ତ୍ବମନ୍ତରିକ୍ଷେ ଚରାମ୍ଯହମ୍।
ଆବଯୋରନ୍ତରଂ ପଶ୍ଯ ମେରୁସର୍ଷପଯୋରିବ॥ 1-99-3 (4377)
ମହେନ୍ଦ୍ରସ୍ଯ କୁବେରସ୍ଯ ଯମସ୍ଯ ବରୁଣସ୍ଯ ଚ।
ଭବନାନ୍ଯନୁସଂଯାମି ପ୍ରଭାବଂ ପଶ୍ଯ ମେ ନୃପ॥ 1-99-4 (4378)
`ପୁରା ନରବରଃ ପୁତ୍ର ଉର୍ବଶ୍ଯାଂ ଜନିତସ୍ତଦା।
ଆଯୁର୍ନାମ ମହାରାଜ ତବ ପୂର୍ବପିତାମହଃ॥ 1-99-5 (4379)
ମହର୍ଷଯଶ୍ଚ ବହବଃ କ୍ଷତ୍ରିଯାଶ୍ଚ ପରନ୍ତପାଃ।
ଅପ୍ସରଃସୁ ଋଷୀଣାଂ ଚ ମାତୃଦୋଷୋ ନ ବିଦ୍ଯତେ॥' 1-99-6 (4380)
ସତ୍ଯଶ୍ଚାପି ପ୍ରବାଦୋଽଯଂ ପ୍ରବକ୍ଷ୍ଯାମି ଚ ତେ ନୃପ।
ନିଦର୍ଶନାର୍ଥଂ ନ ଦ୍ବେଷାଚ୍ଛ୍ରୁତ୍ବା ତତ୍କ୍ଷନ୍ତୁମର୍ହସି॥ 1-99-7 (4381)
ବିରୂପୋ ଯାବଦାଦର୍ଶେ ନାତ୍ମନୋ ବୀକ୍ଷତେ ମୁଖମ୍।
ମନ୍ଯତେ ତାବଦାତ୍ମାନମନ୍ଯେଭ୍ଯୋ ରୂପବତ୍ତରମ୍॥ 1-99-8 (4382)
ଯଦା ତୁ ରୂପମାଦର୍ଶେ ବିରୂପଂ ସୋଽଭିବୀକ୍ଷତେ।
ତଦା ହ୍ରୀମାଂସ୍ତୁ ଜାନୀଯାଦନ୍ତରଂ ନେତରଂ ଜନମ୍॥ 1-99-9 (4383)
ଅତୀବ ରୂପସଂପନ୍ନୋ ନ କଂଚିଦବମନ୍ଯତେ।
ଅତୀବ ଜଲ୍ପନ୍ଦୁର୍ବାଚୋ ଭବତୀହ ବିହେତୁକଃ॥ 1-99-10 (4384)
`ପାଂସୁପାତେନ ହୃଷ୍ଯନ୍ତି କୁଞ୍ଜରା ମଦଶାଲିନଃ।
ତଥା ପରିବଦନ୍ନନ୍ଯାନ୍ହୃଷ୍ଟୋ ଭବତି ଦୁର୍ମତିଃ॥ 1-99-11 (4385)
ସତ୍ଯଧର୍ମଚ୍ଯୁତାତ୍ପୁଂସଃ କ୍ରୁଦ୍ଧାଦାଶୀବିଷାଦିବ।
ସୁନାସ୍ତିକୋପ୍ଯୁଦ୍ବିଜତେ ଜନଃ କିଂ ପୁନରାସ୍ତିକଃ॥ 1-99-12 (4386)
ସ୍ବଯମୁତ୍ପାଦ୍ଯ ପୁତ୍ରଂ ବୈ ସଦୃଶଂ ଯୋଽବମନ୍ଯତେ।
ତସ୍ଯ ଦେବାଃ ଶ୍ରିଯଂ ଘ୍ନନ୍ତି ତତ୍ରୈନଂ କଲିରାବିଶେତ୍॥ 1-99-13 (4387)
ଅଭବ୍ଯେଽପ୍ଯନୃତେଽଶୁଦ୍ଧେ ନାସ୍ତିକେ ପାପକର୍ମଣି।
ଦୁରାଚାରେ କଲିର୍ହ୍ଯାଶୁ ନ କଲିର୍ଧର୍ମଚାରିଷୁ॥' 1-99-14 (4388)
ମୂର୍ଖୋ ହି ଜଲ୍ପତାଂ ପୁଂସାଂ ଶ୍ରୁତ୍ବା ବାଚଃ ଶୁଭାଶୁଭାଃ।
ଅଶୁଭଂ ବାକ୍ଯମାଦତ୍ତେ ପୁରୀଷମିବ ସୂକରଃ॥ 1-99-15 (4389)
ପ୍ରାଜ୍ଞସ୍ତୁ ଜଲ୍ପତାଂ ପୁଂସାଂ ଶ୍ରୁତ୍ବା ବାଚଃ ଶୁଭାଶୁଭାଃ।
ଗୁଣବଦ୍ବାକ୍ଯମାଦତ୍ତେ ହଂସଃ କ୍ଷୀରମିବାମ୍ଭସି॥ 1-99-16 (4390)
`ଆତ୍ମନୋ ଦୁଷ୍ଟଭାବତ୍ବଂ ଜାନନ୍ନୀଚୋଽପ୍ରସନ୍ନଧୀଃ।
ପରେଷାମପି ଜାନାତି ସ୍ବଧର୍ମସଦୃଶାନ୍ଗୁଣାନ୍॥ 1-99-17 (4391)
ଦହ୍ଯମାନାସ୍ତୁ ତୀବ୍ରେଣ ନୀଚାଃ ପରଯଶୋଗ୍ନିନା।
ଅଶକ୍ତାସ୍ତଦ୍ଗତିଂ ଗନ୍ତୁଂ ତତୋ ନିନ୍ଦାଂ ପ୍ରକୁର୍ବତେ॥' 1-99-18 (4392)
ଅନ୍ଯାନ୍ପରିବଦନ୍ସାଧୁର୍ଯଥା ହି ପରିତପ୍ଯତେ।
ତଥା ପରିବଦନ୍ନନ୍ଯାନ୍ହୃଷ୍ଟୋ ଭବତି ଦୁର୍ଜନଃ॥ 1-99-19 (4393)
`ଅପବାଦରତା ମୂର୍ଖା ଭବନ୍ତି ହି ବିଶେଷତଃ।
ନାପବାଦରତାଃ ସନ୍ତୋ ଭବନ୍ତି ସ୍ମ ବିଶେଷତଃ॥' 1-99-20 (4394)
ଅଭିବାଦ୍ଯ ଯଥା ବୃଦ୍ଧାନ୍ସାଧୁର୍ଗଚ୍ଛତି ନିର୍ବୃତିମ୍।
ଏବଂ ସଜ୍ଜନମାକ୍ରୁଶ୍ଯ ମୂର୍ଖୋ ଭବତି ନିର୍ବୃତଃ॥ 1-99-21 (4395)
ସୁଖଂ ଜୀବନ୍ତ୍ଯଦୋଷଜ୍ଞା ମୂର୍ଖା ଦୋଷାନୁଦର୍ଶିନଃ।
ଯଥା ବାଚ୍ଯାଃ ପରୈଃ ସନ୍ତଃ ପରାନାହୁସ୍ତଥାବିଧାନ୍॥ 1-99-22 (4396)
ଅତୋ ହାସ୍ଯତରଂ ଲୋକେ କିଂଚିଦନ୍ଯନ୍ନ ବିଦ୍ଯତେ।
ଯଦି ଦୁର୍ଜନ ଇତ୍ଯାହୁଃ ସଜ୍ଜନଂ ଦୁର୍ଜନାଃ ସ୍ବଯମ୍॥ 1-99-23 (4397)
`ଦାରୁଣାଲ୍ଲୋକସଂକ୍ଲେଶାଦ୍ଦୁଃଖମାପ୍ନୋତ୍ଯସଂଶଯମ୍॥'
କୁଲବଂଶପ୍ରତିଷ୍ଠାଂ ହି ପିତରଃ ପୁତ୍ରମବ୍ରୁବନ୍॥ 1-99-24 (4398)
ଉତ୍ତମଂ ସର୍ବଧର୍ମାଣାଂ ତସ୍ମାତ୍ପୁତ୍ରଂ ତୁ ନ ତ୍ଯଜେତ୍।
ସ୍ବପତ୍ନୀପ୍ରଭବାଁଲ୍ଲବ୍ଧାନ୍କୃତାନ୍ସମଯବର୍ଧିତାନ୍॥ 1-99-25 (4399)
କ୍ରୀତାନ୍କନ୍ଯାସୁ ଚୋତ୍ପନ୍ନାନ୍ପୁତ୍ରାନ୍ବୈ ମନୁରବ୍ରବୀତ୍।
`ତେ ଚ ଷଡ୍ବନ୍ଧୁଦାଯାଦାଃ ଷଡଦାଯାଦବାନ୍ଧବାଃ॥ 1-99-26 (4400)
ଧର୍ମକୃତ୍ଯବହା ନୄଣାଂ ମନସଃ ପ୍ରୀତିବର୍ଧନାଃ।
ତ୍ରାଯନ୍ତେ ନରକାଜ୍ଜାତାଃ ପୁତ୍ରା ଧର୍ମପ୍ଲବାଃ ପିତୄନ୍॥ 1-99-27 (4401)
ସ ତ୍ବଂ ନୃପତିଶାର୍ଦୂଲ ନ ପୁତ୍ରଂ ତ୍ଯକ୍ତୁମର୍ହସି।
ତସ୍ମାତ୍ପୁତ୍ରଂ ଚ ସତ୍ଯଂ ଚ ପାଲଯସ୍ବ ମହୀପତେ॥ 1-99-28 (4402)
ଉଭଯଂ ପାଲଯସ୍ବୈତନ୍ନାନୃତଂ ବକ୍ତୁମର୍ହସି।'
ଆତ୍ମାନଂ ସତ୍ଯଧର୍ମୌ ଚ ପାଲଯେଥା ମହୀପତେ।
ନରେନ୍ଦ୍ରସିଂହ କପଟଂ ନ ହି ବୋଢୁଂ ତ୍ବମର୍ହସି॥ 1-99-29 (4403)
ବରଂ କୂପଶତାଦ୍ବାପୀ ବରଂ ବାପୀଶତାତ୍କ୍ରତୁଃ।
ବରଂ କ୍ରତୁଶତାତ୍ପୁତ୍ରଃ ସତ୍ଯଂ ପୁତ୍ରଶତାଦ୍ବରମ୍॥ 1-99-30 (4404)
ଅଶ୍ବମେଧସହସ୍ରଂ ଚ ସତ୍ଯଂ ଚ ତୁଲଯା ଧୃତମ୍।
ଅଶ୍ବମେଧସହସ୍ରାଦ୍ଧି ସତ୍ଯମେବ ବିଶିଷ୍ଯତେ॥ 1-99-31 (4405)
ସର୍ବବେଦାଧିଗମନଂ ସର୍ବତୀର୍ଥାବଗାହନମ୍।
ସତ୍ଯସ୍ଯୈବ ଚ ରାଜେନ୍ଦ୍ର କଲାଂ ନାର୍ହତି ଷୋଡଶୀମ୍॥ 1-99-32 (4406)
ନାସ୍ତି ସତ୍ଯସମୋ ଧର୍ମୋ ନ ସତ୍ଯାଦ୍ବିଦ୍ଯତେ ପରମ୍।
ନ ହି ତୀବ୍ରତରଂ ପାପମନୃତାଦିହ ବିଦ୍ଯତେ॥ 1-99-33 (4407)
ରାଜନ୍ସତ୍ଯଂ ପରୋ ଧର୍ମଃ ସତ୍ଯାଚ୍ଚ ସମଯଃ ପରଃ।
ମାତ୍ଯାକ୍ଷୀଃ ସମଯଂ ରାଜନ୍ସତ୍ଯଂ ସଙ୍ଗତମସ୍ତୁ ତେ॥ 1-99-34 (4408)
`ଯଃ ପାପୋ ନ ବିଜାନୀଯାତ୍କର୍ମ କୃତ୍ବା ନରାଧିପ।
ନ ହି ତାଦୃକ୍ପରଂ ପାପମନୃତାଦିହ ବିଦ୍ଯତେ॥ 1-99-35 (4409)
ଯସ୍ଯ ତେ ହୃଦଯଂ ବେଦ ସତ୍ଯସ୍ଯୈବାନୃତସ୍ଯ ଚ।
କଲ୍ଯାଣାବେକ୍ଷଣଂ ତସ୍ମାତ୍କର୍ତୁମର୍ହସି ଧର୍ମତଃ॥ 1-99-36 (4410)
ଯୋ ନ କାମାନ୍ନ ଚ କ୍ରୋଧାନ୍ନ ଦ୍ରୋହାଦତିବର୍ତତେ।
ଅମିତ୍ରଂ ବାପି ମିତ୍ରଂ ବା ସ ଏବୋତ୍ତମପୂରୁଷଃ॥' 1-99-37 (4411)
ଅନୃତଶ୍ଚେତ୍ପ୍ରସଙ୍ଗସ୍ତେ ଶ୍ରଦ୍ଦଧାସି ନ ଚେତ୍ସ୍ବଯମ୍।
ଆଶ୍ରମଂ ଗନ୍ତୁମିଚ୍ଛାମି ତ୍ବାଦୃଶୋ ନାସ୍ତି ସଙ୍ଗତଂ॥ 1-99-38 (4412)
`ପୁତ୍ରତ୍ବେ ଶଙ୍କମାନସ୍ଯ ତ୍ବଂ ବୁଦ୍ଧ୍ଯା ନିଶ୍ଚଯଂ କୁରୁ।
ଗତିଃ ସ୍ବରଃ ସ୍ମୃତିଃ ସତ୍ବଂ ଶୀଲଂ ବିଦ୍ଯା ଚ ବିକ୍ରମଃ॥ 1-99-39 (4413)
ଧୃଷ୍ଣୁପ୍ରକୃତିଭାବୌ ଚ ଆବର୍ତା ରୋମରାଜଯଃ।
ସମା ଯସ୍ଯ ଯଦା ସ୍ଯୁସ୍ତେ ତସ୍ଯ ପୁତ୍ରୋ ନ ସଂଶଯଃ॥ 1-99-40 (4414)
ସାଦୃଶ୍ଯେନୋଦ୍ଧଋତଂ ବିମ୍ବଂ ତବ ଦେହାଦ୍ବିଶାଂପତେ।
ତାତେତି ଭାଷମାଣଂ ବୈ ମା ସ୍ମ ରାଜନ୍ବୃଥା କୃଥାଃ॥ 1-99-41 (4415)
ଋତେ ଚ ଗର୍ଦଭୀକ୍ଷୀରାତ୍ପଯଃ ପାସ୍ଯତି ମେ ସୁତଃ।'
ଋତେପି ତ୍ବାଂ ଚ ଦୁଷ୍ଯନ୍ତ ଶୈଲରାଜାବତଂସିକାମ୍।
ଚତୁରନ୍ତାମିମାମୁର୍ବୀଂ ପୁତ୍ରୋ ମେ ପାଲଯିଷ୍ଯତି॥ 1-99-42 (4416)
`ଶକୁନ୍ତଲେ ତବ ସୁତଶ୍ଚକ୍ରବର୍ତୀ ଭବିଷ୍ଯତି।
ଏବମୁକ୍ତଂ ମହେନ୍ଦ୍ରେଣ ଭବିଷ୍ଯତି ନ ଚାନ୍ଯଥା॥ 1-99-43 (4417)
ସାକ୍ଷିତ୍ବେ ବହବୋ ହ୍ଯୁକ୍ତା ଦେବଦୂତାଦଯୋ ମଯା।
ନ ବ୍ରୁବନ୍ତି ତଥା ସତ୍ଯମୁତାହୋ ନାନୃତଂ କିଲ॥ 1-99-44 (4418)
ଅସାକ୍ଷିଣୀ ମନ୍ଦବାଗ୍ଯା ଗମିଷ୍ଯାମି ଯଥାଗତମ୍॥' 1-99-45 (4419)
ବୈଶମ୍ପାଯନ ଉବାଚ। 1-99-46x (620)
ଏତାବଦୁକ୍ତ୍ବା ବଚନଂ ପ୍ରାତିଷ୍ଠତ ଶକୁନ୍ତଲା।
`ତସ୍ଯାଃ କ୍ରୋଧସମୁତ୍ଥୋଗ୍ନିଃ ସଧୂମୋ ମୂର୍ଧ୍ନ୍ଯଦୃଶ୍ଯତ॥ 1-99-46 (4420)
ସଂନିଯମ୍ଯାତ୍ମନୋଽଙ୍ଗେଷୁ ତତଃ କ୍ରୋଧାଗ୍ନିମାତ୍ମଜମ୍।
ପ୍ରସ୍ଥିତୈବାନବଦ୍ଯାଙ୍ଗୀ ସହ ପୁତ୍ରେଣ ବୈ ବନମ୍'॥ ॥ 1-99-47 (4421)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଏକୋନଶତତମୋଽଧ୍ଯାଯଃ॥ 99 ॥
ଆଦିପର୍ବ - ଅଧ୍ଯାଯ 100
॥ ଶ୍ରୀଃ ॥
1.100. ଅଧ୍ଯାଯଃ 100
Mahabharata - Adi Parva - Chapter Topics
ଆକାଶବାଣୀଶ୍ରବଣାନନ୍ତରଂ ସପୁତ୍ରାଯାଃ ଶକୁନ୍ତଲାଯା ରାଜ୍ଞାଙ୍ଗୀକାରଃ॥ 1 ॥ ଭରତେତିନାମକରଣପୂର୍ବକଂ ପୁତ୍ରସ୍ଯ ରାଜ୍ଯେଽଭିଷେକଃ॥ 2 ॥Mahabharata - Adi Parva - Chapter Text
1-100-0 (4422)
ବୈଶମ୍ପାଯନ ଉବାଚ। 1-100-0x (621)
ଅଥାନ୍ତରିକ୍ଷେ ଦୁଷ୍ଯନ୍ତଂ ବାଗୁବାଚାଶରୀରିଣୀ।
ଋତ୍ବିକ୍ପୁରୋହିତାଚାର୍ଯୈର୍ମନ୍ତ୍ରିଭିଶ୍ଚାଭିସଂବୃତମ୍॥ 1-100-1 (4423)
ମାତା ଭସ୍ତ୍ରା ପିତୁଃ ପୁତ୍ରୋ ଯସ୍ମାଜ୍ଜାତଃ ସ ଏବ ସଃ।
ଭରସ୍ବ ପୁତ୍ରଂ ଦୌଷ୍ଯନ୍ତିଂ ସତ୍ଯମାହ ଶକୁନ୍ତଲା॥ 1-100-2 (4424)
`ସର୍ବେଭ୍ଯୋ ହ୍ଯଙ୍ଗମଙ୍ଗେଭ୍ଯଃ ସାକ୍ଷାଦୁତ୍ପଦ୍ଯତେ ସୁତଃ।
ଆତ୍ମା ଚୈବ ସୁତୋ ନାମ ତେନୈବ ତବ ପୌରବ॥ 1-100-3 (4425)
ଆହିତଂ ହ୍ଯାତ୍ମନାଽଽତ୍ମାନଂ ପରିରକ୍ଷ ଇମଂ ସୁତମ୍।
ଅନନ୍ଯାଂ ତ୍ବଂ ପ୍ରତୀକ୍ଷସ୍ବ ମାବମଂସ୍ଥାଃ ଶକୁନ୍ତଲାମ୍॥ 1-100-4 (4426)
ସ୍ତ୍ରିଯଃ ପବିତ୍ରମତୁଲମେତଦ୍ଦୁଷ୍ଯନ୍ତ ଧର୍ମତଃ।
ମାସି ମାସି ରଜୋ ହ୍ଯାସାଂ ଦୁରିତାନ୍ଯପକର୍ଷତି॥ 1-100-5 (4427)
ତତଃ ସର୍ବାଣି ଭୂତାନି ବ୍ଯାଜହ୍ରସ୍ତଂ ସମନ୍ତତଃ। 1-100-6 (4428)
ଦେବା ଊଚୁଃ।
ଆହିତସ୍ତ୍ବତ୍ତନୋରେଷ ମାବମଂସ୍ଥାଃ ଶକୁନ୍ତଲାମ୍'॥ 1-100-6x (622)
ରେତୋଧାଃ ପୁତ୍ର ଉନ୍ନଯତି ନରଦେବ ଯମକ୍ଷଯାତ୍।
ତ୍ବଂ ଚାସ୍ଯ ଧାତା ଗର୍ଭସ୍ଯ ସତ୍ଯମାହ ଶକୁନ୍ତଲା॥ 1-100-7 (4429)
`ପତିର୍ଜାଯାଂ ପ୍ରବିଶତି ସ ତସ୍ଯାଂ ଜାଯତେ ପୁନଃ।
ଅନ୍ଯୋନ୍ଯପ୍ରକୃତିର୍ହ୍ଯେଷା ମାବମଂସ୍ଥାଃ ଶକୁନ୍ତଲାମ୍॥' 1-100-8 (4430)
ଜାଯା ଜନଯତେ ପୁତ୍ରମାତ୍ମନୋଽଙ୍ଗାଦ୍ଦ୍ବିଧା କୃତମ୍।
ତସ୍ମାଦ୍ଭରସ୍ବ ଦୁଷ୍ଯନ୍ତ ପୁତ୍ରଂ ଶାକୁନ୍ତଲଂ ନୃପ॥ 1-100-9 (4431)
ସୁଭୂତିରେଷା ନ ତ୍ଯାଜ୍ଯା ଜୀବିତଂ ଜୀବଯାତ୍ମଜମ୍।
ଶାକୁନ୍ତଲଂ ମହାତ୍ମାନଂ ଦୁଷ୍ଯନ୍ତ ଭର ପୌରବମ୍॥ 1-100-10 (4432)
ଭର୍ତବ୍ଯୋଽଯଂ ତ୍ବଯା ଯସ୍ମାଦସ୍ମାକଂ ବଚନାଦପି।
ତସ୍ମାଦ୍ଭବତ୍ବଯଂ ନାମ୍ନା ଭରତୋ ନାମ ତେ ସୁତଃ॥ 1-100-11 (4433)
`ଭରତାଦ୍ଭାରତୀ କୀର୍ତିର୍ଯେନେଦଂ ଭାରତଂ କୁଲମ୍।
ଅପରେ ଯେ ଚ ପୂର୍ବେ ଚ ଭାରତା ଇତି ତେଽଭବନ୍॥ 1-100-12 (4434)
ବୈଶମ୍ପାଯନ ଉବାଚ। 1-100-13x (623)
ଏବମୁକ୍ତ୍ବା ତତୋ ଦେବା ଋଷଯଶ୍ଚ ତପୋଧନାଃ।
ପତିବ୍ରତେତି ସଂହୃଷ୍ଟାଃ ପୁଷ୍ପବୃଷ୍ଟିଂ ବବର୍ଷିରେ॥' 1-100-13 (4435)
ତଚ୍ଛ୍ରୁତ୍ବା ପୌରବୋ ବାକ୍ଯଂ ବ୍ଯାହୃତଂ ବେ ଦିବୌକସାମ୍।
`ସିଂହାସନାତ୍ସମୁତ୍ଥାଯ ପ୍ରଣମ୍ଯ ଚ ଦିବୌକସଃ॥' 1-100-14 (4436)
ପୁରୋହିତମମାତ୍ଯାଂଶ୍ଚ ସଂପ୍ରହୃଷ୍ଟୋଽବ୍ରବୀଦିଦମ୍।
ଶୃଣ୍ବନ୍ତ୍ବେତଦ୍ଭବନ୍ତୋଽପି ଦେବଦୂତସ୍ଯ ଭାଷିତମ୍॥ 1-100-15 (4437)
`ଶୃଣ୍ବନ୍ତୁ ଦେବତାନାଂ ଚ ମହର୍ଷୀଣାଂ ଚ ଭାଷିତମ୍'।
ଅହମପ୍ଯେବମେବୈନଂ ଜାନାମି ସୁତମାତ୍ମଜମ୍॥ 1-100-16 (4438)
ଯଦ୍ଯହଂ ବଚନାଦସ୍ଯା ଗୃହ୍ଣୀଯାମିମମାତ୍ମଜମ୍।
ଭବେଦ୍ଧି ଶଙ୍କା ଲୋକସ୍ଯ ନୈବଂ ଶୁଦ୍ଧୋ ଭବେଦଯମ୍॥ 1-100-17 (4439)
ବୈଶମ୍ପାଯନ ଉବାଚ। 1-100-18x (624)
ତାଂ ବିଶୋଧ୍ଯ ତଦା ରାଜା ଦେବୈଃ ସହ ମହର୍ଷିଭିଃ।
ହୃଷ୍ଟଃ ପ୍ରମୁଦିତଶ୍ଚାପି ପ୍ରତିଜଗ୍ରାହ ତଂ ସୁତମ୍॥ 1-100-18 (4440)
ତତସ୍ତସ୍ଯ ତଦା ରାଜା ପିତୃକର୍ମାଣି ସର୍ବଶଃ।
କାରଯାମାସ ମୁଦିତଃ ପ୍ରୀତିମାନାତ୍ମଜସ୍ଯ ହ।
ମୂର୍ଧ୍ନି ଚୈନଂ ସମାଘ୍ରାଯ ସସ୍ନେହଂ ପରିଷସ୍ବଜେ॥ 1-100-19 (4441)
ସଭାଜ୍ଯମାନୋ ବିପ୍ରୈଶ୍ଚ ସ୍ତୂଯମାନଶ୍ଚ ବନ୍ଦିଭିଃ।
ମୁଦଂ ସ ପରମାଂ ଲେଭେ ପୁତ୍ରସ୍ପର୍ଶନଜାଂ ନୃପଃ॥ 1-100-20 (4442)
ସ୍ବାଂ ଚୈବ ଭାର୍ଯାଂ ଧର୍ମଜ୍ଞଃ ପୂଜଯାମାସ ଧର୍ମତଃ।
ଅବ୍ରବୀଚ୍ଚୈବ ତାଂ ରାଜା ସାନ୍ତ୍ବପୂର୍ବମିଦଂ ବଚଃ॥ 1-100-21 (4443)
ଲୋକସ୍ଯାଯଂ ପରୋକ୍ଷସ୍ତୁ ସଂବନ୍ଧୋ ନୌ ପୁରାଽଭବତ୍।
କୃତୋ ଲୋକସମକ୍ଷୋଽଦ୍ଯ ସଂବନ୍ଧୋ ବୈ ପୁନଃ କୃତଃ॥ 1-100-22 (4444)
ତସ୍ମାଦେତନ୍ମଯା ତସ୍ଯ ତନ୍ନିମିତ୍ତଂ ପ୍ରଭାଷିତମ୍॥ 1-100-23 (4445)
ଶଙ୍କେତ ବାଽଯଂ ଲୋକୋଽଥ ସ୍ତ୍ରୀଭାବାନ୍ମଯି ସଂଗତମ୍।
ତସ୍ମାଦେତନ୍ମଯା ଚାପି ତଚ୍ଛୁଦ୍ଧ୍ଯର୍ଥଂ ବିଚାରିତମ୍॥ 1-100-24 (4446)
`ବ୍ରାହ୍ମଣାଃ କ୍ଷତ୍ରିଯା ବୈଶ୍ଯାଃ ଶୂଦ୍ରାଶ୍ଚୈବ ପୃଥଗ୍ବିଧାଃ।
ତ୍ବାଂ ଦେବି ବୂଜଯିଷ୍ଯନ୍ତି ନିର୍ବିଶଙ୍କାଂ ପତିବ୍ରତାମ୍'॥ 1-100-25 (4447)
ପୁତ୍ରଶ୍ଚାଯଂ ବୃତୋ ରାଜ୍ଯେ ତ୍ବମଗ୍ରମହିଷୀ ଭବ॥ 1-100-26 (4448)
ଯଚ୍ଚ କୋପନଯାତ୍ଯର୍ଥଂ ତ୍ବଯୋକ୍ତୋଽସ୍ମ୍ଯପ୍ରିଯଂ ପ୍ରିଯେ।
ପ୍ରଣଯିନ୍ଯା ବିଶାଲାକ୍ଷିତତ୍କ୍ଷାନ୍ତଂ ତେ ମଯା ଶୁଭେ॥ 1-100-27 (4449)
`ଅନୃତଂ ବାପ୍ଯନିଷ୍ଟଂ ବା ଦୁରୁକ୍ତଂ ବାତିଦୁଷ୍କୃତମ୍।
ତ୍ବଯାପ୍ଯେବଂ ବିଶାଲାକ୍ଷି କ୍ଷନ୍ତବ୍ଯଂ ମମ ଦୁର୍ବଚଃ।
କ୍ଷାନ୍ତ୍ଯା ପତିକୃତେ ନାର୍ଯଃ ପାତିବ୍ରତ୍ଯଂ ବ୍ରଜନ୍ତି ତାଃ॥ 1-100-28 (4450)
ଏବମୁକ୍ତ୍ବା ତୁ ରାଜର୍ଷିସ୍ତାମନିନ୍ଦିତଗାମିନୀମ୍।
ଅନ୍ତଃପୁରଂ ପ୍ରବେଶ୍ଯାଥ ଦୁଷ୍ଯନ୍ତୋ ମହିଷୀଂ ପ୍ରିଯାମ୍॥ 1-100-29 (4451)
ବାସୋଭିରନ୍ନପାନୈଶ୍ଚ ପୂଜଯିତ୍ବା ତୁ ଭାରତ।
`ସ ମାତରମୁପସ୍ଥାଯ ରଥନ୍ତର୍ଯାମଭାଷତ॥ 1-100-30 (4452)
ମମ ପୁତ୍ରୋ ବନେ ଜାତସ୍ତବ ଶୋକପ୍ରଣଶନଃ।
ଋଣାଦଦ୍ଯ ବିମୁକ୍ତୋଽହଂ ତବ ପୌତ୍ରେଣ ଶୋଭନେ॥ 1-100-31 (4453)
ବିଶ୍ବାମିତ୍ରସୁତା ଚେଯଂ କଣ୍ବେନ ଚ ବିବର୍ଧିତା।
ସ୍ନୁଷା ତବ ମହାଭାଗେ ପ୍ରସୀଦସ୍ବ ଶକୁନ୍ତଲାମ୍॥ 1-100-32 (4454)
ପୁତ୍ରସ୍ଯ ବଚନଂ ଶ୍ରୁତ୍ବା ପୌତ୍ରଂ ସା ପରିଷସ୍ବଜେ।
ପାଦଯୋଃ ପତିତାଂ ତତ୍ର ରଥନ୍ତର୍ଯା ଶକୁନ୍ତଲାମ୍॥ 1-100-33 (4455)
ପରିଷ୍ବଜ୍ଯ ଚ ବାହୁଭ୍ଯାଂ ହର୍ଷାଦଶ୍ରୁଣ୍ଯବର୍ତଯତ୍।
ଉବାଚ ବଚନଂ ସତ୍ଯଂ ଲକ୍ଷଯେ ଲକ୍ଷଣାନି ଚ॥ 1-100-34 (4456)
ତବ ପୁତ୍ରୋ ବିଶାଲାକ୍ଷି ଚକ୍ରବର୍ତୀ ଭବିଷ୍ଯତି।
ତବ ଭର୍ତା ବିଶାଲାକ୍ଷି ତ୍ରୈଲୋକ୍ଯବିଜଯୀ ଭବେତ୍॥ 1-100-35 (4457)
ଦିବ୍ଯାନ୍ଭୋଗାନନୁପ୍ରାପ୍ତା ଭବ ତ୍ବଂ ବରବର୍ଣିନି।
ଏବମୁକ୍ତା ରଥ୍ତର୍ଯା ପରଂ ହର୍ଷମବାପ ସା॥ 1-100-36 (4458)
ଶକୁନ୍ତଲାଂ ତଦା ରାଜା ଶାସ୍ତ୍ରୋକ୍ତେନୈବ କର୍ମଣା।
ତତୋଽଗ୍ରମହିଷୀଂ କୃତ୍ବା ସର୍ବାଭରଣଭୂଷିତାମ୍॥ 1-100-37 (4459)
ବ୍ରାହ୍ମଣେଭ୍ଯୋ ଧନଂ ଦତ୍ତ୍ବା ସୈନିକାନାଂ ଚ ଭୂପତିଃ।
ଦୌଷ୍ଯନ୍ତିଂ ଚ ତତୋ ରାଜା ପୁତ୍ରଂ ଶାକୁନ୍ତଲଂ ତଦା'॥ 1-100-38 (4460)
ଭରତଂ ନାମତଃ କୃତ୍ବା ଯୌବରାଜ୍ଯେଽଭ୍ଯଷେଚଯତ୍।
`ଭରତେ ଭାରମାବେଶ୍ଯ କୃତକୃତ୍ଯୋଽଭବନ୍ନୃପଃ॥ 1-100-39 (4461)
ତତୋ ବର୍ଷଶତଂ ପୂର୍ଣଂ ରାଜ୍ଯଂ କୃତ୍ବା ନରାଧିପଃ।
ଗତ୍ବା ବନାନି ଦୁଷ୍ଯନ୍ତଃ ସ୍ବର୍ଗଲୋକମୁପେଯିବାନ୍॥' ॥ 1-100-40 (4462)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଶତତମୋଽଧ୍ଯାଯଃ॥ 100 ॥
ଆଦିପର୍ବ - ଅଧ୍ଯାଯ 101
॥ ଶ୍ରୀଃ ॥
1.101. ଅଧ୍ଯାଯଃ 101
Mahabharata - Adi Parva - Chapter Topics
ଭରତଚରିତ୍ରକଥନମ୍॥ 1 ॥ ତଦ୍ବଂଶକଥନଂ ଚ॥ 2 ॥Mahabharata - Adi Parva - Chapter Text
1-101-0 (4463)
`ବୈଶମ୍ପାଯନ ଉବାଚ। 1-101-0x (625)
ଦୁଷ୍ଯନ୍ତାଦ୍ଭରତୋ ରାଜ୍ଯଂ ଯଥାନ୍ଯାଯମବାପ ସଃ।'
ତସ୍ଯ ତତ୍ପ୍ରଥିତଂ କର୍ମ ପ୍ରାବର୍ତତ ମହାତ୍ମନଃ॥ 1-101-1 (4464)
ଭାସ୍ବରଂ ଦିବ୍ଯମଜିତଂ ଲୋକସଂନାଦନଂ ମହତ୍।
ସ ବିଜିତ୍ଯ ମହୀପାଲାଂଶ୍ଚକାର ବଶବର୍ତିନଃ॥ 1-101-2 (4465)
ଚଚାର ଚ ସତାଂ ଧର୍ମଂ ପ୍ରାପ୍ଯ ଚାନୁତ୍ତମଂ ଯଶଃ।
ସ ରାଜା ଚକ୍ରବର୍ତ୍ଯାସୀତ୍ସାର୍ବଭୌମଃ ପ୍ରତାପବାନ୍॥ 1-101-3 (4466)
ଈଜେ ଚ ବହୁଭିର୍ଯଜ୍ଞୈର୍ଯଥା ଶକ୍ରୋ ମରୁତ୍ପତିଃ।
ଯାଜଯାମାସ ତଂ କଣ୍ବୋ ଦକ୍ଷବଦ୍ଭୂରିଦକ୍ଷିଣମ୍॥ 1-101-4 (4467)
ଶ୍ରୀମଦ୍ଗୋବିତତଂ ନାମ ବାଜିମେଧମବାପ ସଃ।
ଯସ୍ମିନ୍ସହସ୍ରଂ ପଦ୍ମାନାଂ କଣ୍ବାଯ ଭରତୋ ଦଦୌ॥ 1-101-5 (4468)
ସୋଽଶ୍ବମେଧଶତୈରୀଜେ ଯମୁନାମନୁ ତୀରଗଃ।
ତ୍ରିଶତୈଶ୍ଚ ସରସ୍ବତ୍ଯାଂ ଗଙ୍ଗାମନୁ ଚତୁଃଶତୈଃ॥ 1-101-6 (4469)
ଦୌଷ୍ଯନ୍ତିର୍ଭରତୋ ଯଜ୍ଞୈରୀଜେ ଶାକୁନ୍ତଲୋ ନୃପଃ।
ତସ୍ମାଦ୍ଭରତବଂଶସ୍ଯ ବିପ୍ରତସ୍ଥେ ମହଦ୍ଯଶଃ॥ 1-101-7 (4470)
ଭରତସ୍ଯ ବରସ୍ତ୍ରୀଷୁ ପୁତ୍ରାଃ ସଂଜଜ୍ଞିରେ ପୃଥକ୍।
ନାଭ୍ଯନନ୍ଦତ୍ତଦା ରାଜା ନାନୁରୂପା ମମେତି ତାନ୍॥ 1-101-8 (4471)
ତତସ୍ତାନ୍ମାତରଃ କ୍ରୁଦ୍ଧାଃ ପୁତ୍ରାନ୍ନିନ୍ଯୁର୍ଯମକ୍ଷଯମ୍।
ତତସ୍ତସ୍ଯ ନରେନ୍ଦ୍ରସ୍ଯ ବିତଥଂ ପୁତ୍ରଜନ୍ମ ତତ୍॥ 1-101-9 (4472)
ତତୋ ମହଦ୍ଭିଃ କ୍ରତୁଭିରୀଜାନୋ ଭରତସ୍ତଦା।
ଲେଭେ ପୁତ୍ରଂ ଭରଦ୍ପାଜାଦ୍ଭୁମନ୍ଯୁଂ ନାମ ଭାରତ॥ 1-101-10 (4473)
ତତଃ ପୁତ୍ରିଣମାତ୍ମାନଂ ଜ୍ଞାତ୍ବା ପୌରବନନ୍ଦନଃ।
ଭୁମନ୍ଯୁଂ ଭରତଶ୍ରେଷ୍ଠ ଯୌବରାଜ୍ଯେଽଭ୍ଯଷେଚଯତ୍॥ 1-101-11 (4474)
ତତୋ ଦିବିରଥୋ ନାମ ଭୁମନ୍ଯୋରଭବତ୍ସୁତଃ।
ସୁହୋତ୍ରଶ୍ଚ ସୁହୋତା ଚ ସୁହବିଃ ସୁଯଜୁସ୍ତଥା॥ 1-101-12 (4475)
ପୁଷ୍କରିଣ୍ଯାମୃଚୀକଶ୍ଚ ଭୁମନ୍ଯୋରଭବନ୍ସୁତାଃ।
ତେଷାଂ ଜ୍ଯେଷ୍ଠଃ ସୁହୋତ୍ରସ୍ତୁ ରାଜ୍ଯମାପ ମହୀକ୍ଷିତାମ୍॥ 1-101-13 (4476)
ରାଜସୂଯାଶ୍ବମେଧାଦ୍ଯୈଃ ସୋଽଯଜଦ୍ବହୁଭିଃ ସବୈଃ।
ସୁହୋତ୍ରଃ ପୃଥିବୀଂ କୃତ୍ସ୍ନାଂ ବୁଭୁଜେ ସାଗରାମ୍ବରାମ୍॥ 1-101-14 (4477)
ପୂର୍ଣାଂ ହସ୍ତିଗବାଶ୍ବୈଶ୍ଚ ବହୁରତ୍ନସମାକୁଲାମ୍।
ମମଜ୍ଜେବ ମହୀ ତସ୍ଯ ଭୂରିଭାରାବପୀଡିତା॥ 1-101-15 (4478)
ହସ୍ତ୍ଯଶ୍ବରଥସଂପୂର୍ଣା ମନୁଷ୍ଯକଲିଲା ଭୃଶମ୍।
ସୁହୋତ୍ରେ ରାଜନି ତଦା ଧର୍ମତଃ ଶାସତି ପ୍ରଜାଃ॥ 1-101-16 (4479)
ଚୈତ୍ଯଯୂପାଙ୍କିତା ଚାସୀଦ୍ଭୂମିଃ ଶତସହସ୍ରଶଃ।
ପ୍ରବୃଦ୍ଧଜନସସ୍ଯା ଚ ସର୍ବଦୈବ ବ୍ଯରୋଚତ॥ 1-101-17 (4480)
ଐକ୍ଷ୍ବାକୀ ଜନଯାମାସ ସୁହୋତ୍ରାତ୍ପୃଥିବୀପତେଃ।
ଅଜମୀଢଂ ସୁମୀଢଂ ଚ ପୁରୁମୀଢଂ ଚ ଭାରତ॥ 1-101-18 (4481)
ଅଜମୀଢୋ ବରସ୍ତେଷାଂ ତସ୍ମିନ୍ବଂଶଃ ପ୍ରତିଷ୍ଠିତଃ।
ଷଟ୍ ପୁତ୍ରାନ୍ସୋପ୍ଯଜନଯତ୍ତିସୃଷୁ ସ୍ତ୍ରୀଷୁ ଭାରତ॥ 1-101-19 (4482)
ଋକ୍ଷଂ ଧୂମିନ୍ଯଥୋ ନୀଲୀ ଦୁଷ୍ଯନ୍ତପରମେଷ୍ଠଇନୌ।
କେଶିନ୍ଯଜନଯଜ୍ଜହ୍ନୁଂ ସୁତୌ ଚ ଜନରୂଷିଣୌ॥ 1-101-20 (4483)
ବିଦୁଃ ସଂବରଣଂ ବୀରମୃକ୍ଷାଦ୍ରାଥନ୍ତରୀସୁତମ୍।
ତଥେମେ ସର୍ବପଞ୍ଚାଲା ଦୁଷ୍ଯନ୍ତପରମେଷ୍ଠିନୋଃ।
ଅନ୍ବଯାଃ କୁଶିକା ରାଜଞ୍ଜନ୍ହୋରମିତତେଜସଃ॥ 1-101-21 (4484)
ଜନରୂଷଣଯୋର୍ଜ୍ଯେଷ୍ଠମୃକ୍ଷମାହୁର୍ଜନାଧିପମ୍।
ଋକ୍ଷାତ୍ସଂବରଣୋ ଜଜ୍ଞେ ରାଜନ୍ବଂଶକରସ୍ତବ॥ 1-101-22 (4485)
ଆର୍କ୍ଷେ ସଂବରଣେ ରାଜନ୍ପ୍ରଶାସତି ବସୁନ୍ଧରାମ୍।
ସଂକ୍ଷଯଃ ସୁମହାନାସୀତ୍ପ୍ରଜାନାମିତି ନଃ ଶ୍ରୁତମ୍॥ 1-101-23 (4486)
ବ୍ଯଶୀର୍ଯତ ତତୋ ରାଷ୍ଟ୍ରଂ କ୍ଷଯୈର୍ନାନାବିଧୈସ୍ତଦା।
କ୍ଷୁନ୍ମୃତ୍ଯୁଭ୍ଯାମନାବୃଷ୍ଟ୍ଯା ବ୍ଯାଧିଭିଶ୍ଚ ସମାହତମ୍॥ 1-101-24 (4487)
ଅଭ୍ଯଘ୍ନନ୍ଭାରତାଂଶ୍ଚୈବ ସପତ୍ନାନାଂ ବଲାନି ଚ।
ଚାଲଯନ୍ବସୁଧାଂ ଚେମାଂ ବଲେନ ଚତୁରଙ୍ଗିଣା॥ 1-101-25 (4488)
ଅଭ୍ଯଯାତ୍ତଂ ଚ ପାଞ୍ଚଲ୍ଯୋ ବିଜିତ୍ଯ ତରସା ମହୀମ୍।
ଅକ୍ଷୌହିଣୀଭିର୍ଦଶଭିଃ ସ ଏନଂ ସମରେଽଜଯତ୍॥ 1-101-26 (4489)
ତତଃ ସଦାରଃ ସାମାତ୍ଯଃ ସପୁତ୍ରଃ ସସୁହୃଜ୍ଜନଃ।
ରାଜା ସଂବରଣସ୍ତସ୍ମାତ୍ପଲାଯତ ମହାଭଯାତ୍॥ 1-101-27 (4490)
`ତେ ପ୍ରତୀଚୀଂ ପରାଭୂତାଃ ପ୍ରପନ୍ନା ଭାରତା ଦିଶମ୍'।
ସିନ୍ଧୋର୍ନଦସ୍ଯ ମହତୋ ନିକୁଞ୍ଜେ ନ୍ଯବସଂସ୍ତଦା।
ନଦୀବିପଯପର୍ଯନ୍ତେ ପର୍ବତସ୍ଯ ସମୀପତଃ॥ 1-101-28 (4491)
ତତ୍ରାବସନ୍ବହୂନ୍କାଲାନ୍ଭାରତା ଦୁର୍ଗମାଶ୍ରିତାଃ।
ତେଷାଂ ନିବସତାଂ ତତ୍ର ସହସ୍ରଂ ପରିବତ୍ସରାନ୍॥ 1-101-29 (4492)
ଅଥାଭ୍ଯଗଚ୍ଛଦ୍ଭରତାନ୍ବସିଷ୍ଠୋ ଭଗବାନୃଷିଃ।
ତମାଗତଂ ପ୍ରଯତ୍ନେନ ପ୍ରତ୍ଯୁଦ୍ଗମ୍ଯାଭିବାଦ୍ଯ ଚ॥ 1-101-30 (4493)
ଅର୍ଘ୍ଯମଭ୍ଯାହରଂସ୍ତସ୍ମୈ ତେ ସର୍ବେ ଭାରତାସ୍ତଦା।
ନିବେଦ୍ଯ ସର୍ବମୃଷଯେ ସତ୍କାରେଣ ସୁବର୍ଚସେ॥ 1-101-31 (4494)
ତମାସନେ ଚୋପବିଷ୍ଟଂ ରାଜା ବବ୍ରେ ସ୍ବଯଂ ତଦା।
ପୁରୋହିତୋ ଭବାନ୍ନୋଽସ୍ତୁ ରାଜ୍ଯାଯ ପ୍ରଯତେମହି॥ 1-101-32 (4495)
ଓମିତ୍ଯେବଂ ବସିଷ୍ଠୋଽପି ଭାରତାନ୍ପ୍ରତ୍ଯପଦ୍ଯତ।
ଅଥାଭ୍ଯଷିଞ୍ଚତ୍ସାମ୍ରାଜ୍ଯେ ସର୍ବକ୍ଷତ୍ରସ୍ଯ ପୌରବମ୍॥ 1-101-33 (4496)
ବିଷାଣଭୂତଂ ସର୍ବସ୍ଯାଂ ପୃଥିବ୍ଯାମିତି ନଃ ଶ୍ରୁତମ୍।
ଭରତାଧ୍ଯୁଷିତଂ ପୂର୍ବଂ ସୋଽଧ୍ଯତିଷ୍ଠତ୍ପୁରୋତୋତମମ୍॥ 1-101-34 (4497)
ପୁନର୍ବଲିଭୃତଶ୍ଚୈବ ଚକ୍ରେ ସର୍ବମହୀକ୍ଷିତଃ।
ତତଃ ସ ପୃଥିବୀଂ ପ୍ରାପ୍ଯ ପୁନରୀଜେ ମହାବଲଃ॥ 1-101-35 (4498)
ଆଜମୀଢୋ ମହାଯଜ୍ଞୈର୍ବହୁଭିର୍ଭୂରିଦକ୍ଷିଣୈଃ।
ତତଃ ସଂବରଣାତ୍ସୌରୀ ତପତୀ ସୁଷୁବେ କୁରୁମ୍॥ 1-101-36 (4499)
ରାଜତ୍ବେ ତଂ ପ୍ରଜାଃ ସର୍ବା ଧର୍ମଜ୍ଞ ଇତି ବବ୍ରିରେ।
`ମହିମ୍ନା ତସ୍ଯ କୁରବୋ ଲେଭିରେ ପ୍ରତ୍ଯଯଂ ଭୃଶମ୍।'
ତସ୍ଯ ନାମ୍ନାଽଭିବିଖ୍ଯାତଂ ପୃଥିବ୍ଯାଂ କୁରୁଜାଙ୍ଗଲଂ॥ 1-101-37 (4500)
କୁରୁକ୍ଷେତ୍ରଂ ସ ତପସା ପୁଣ୍ଯଂ ଚକ୍ରେ ମହାତପାଃ।
ଅଶ୍ବବନ୍ତମଭିଷ୍ଯନ୍ତଂ ତଥା ଚୈତ୍ରରଥଂ ମୁନିମ୍॥ 1-101-38 (4501)
ଜନମେଜଯଂ ଚ ବିଖ୍ଯାତଂ ପୁତ୍ରାଂଶ୍ଚାସ୍ଯାନୁଶୁଶ୍ରୁମ।
ପଞ୍ଚୈତାନ୍ବାହିନୀ ପୁତ୍ରାନ୍ବ୍ଯଜାଯତ ମନସ୍ବିନୀ॥ 1-101-39 (4502)
ଅବିକ୍ଷିତଃ ପରିକ୍ଷିତ୍ତୁ ଶବଲାଶ୍ବସ୍ତୁ ବୀର୍ଯବାନ୍।
ଆଦିରାଜୋ ବିରାଜଶ୍ଚ ଶାଲ୍ମଲିଶ୍ଚ ମହାବଲଃ॥ 1-101-40 (4503)
ଉଚ୍ଚୈଃଶ୍ରବା ଭଙ୍ଗକାରୋ ଜିତାରିଶ୍ଚାଷ୍ଟମଃ ସ୍ମୃତଃ।
ଏତେଷାମନ୍ବବାଯେ ତୁ ଖ୍ଯାତାସ୍ତେ କର୍ମଜୈର୍ଗୁଣୈଃ।
ଜନମେଜଯାଦଯଃ ସପ୍ତ ତଥୈବାନ୍ଯେ ମହାରଥାଃ॥ 1-101-41 (4504)
ପରୀକ୍ଷିତୋଽଭବନ୍ପୁତ୍ରାଃ ସର୍ବେ ଧର୍ମାର୍ଥକୋବିଦାଃ।
କକ୍ଷସେନୋଗ୍ରସେନୌ ତୁ ଚିତ୍ରସେନଶ୍ଚ ବୀର୍ଯବାନ୍॥ 1-101-42 (4505)
ଇନ୍ଦ୍ରସେନଃ ସୁଷେଣଶ୍ଚ ଭୀମସେନଶ୍ଚ ନାମତଃ।
ଜନମେଜଯସ୍ଯ ତନଯା ଭୁବି ଖ୍ଯାତା ମହାବଲାଃ॥ 1-101-43 (4506)
ଧୃତରାଷ୍ଟ୍ରଃ ପ୍ରଥମଜଃ ପାଣ୍ଡୁର୍ବାହ୍ଲୀକ ଏବ ଚ।
ନିଷଧଶ୍ଚ ମହାତେଜାସ୍ତଥା ଜାମ୍ବୂନଦୋ ବଲୀ॥ 1-101-44 (4507)
କୁଣ୍ଡୋଦରଃ ପଦାତିଶ୍ଚ ବସାତିଶ୍ଚାଷ୍ଟମଃ ସ୍ମୃତଃ।
ସର୍ବେ ଧର୍ମାର୍ଥକୁଶଲାଃ ସର୍ବଭୂତହିତେ ରତାଃ॥ 1-101-45 (4508)
ଧୃତରାଷ୍ଟ୍ରୋଽଥ ରାଜାସୀତ୍ତସ୍ଯ ପୁତ୍ରୋଽଥ କୁଣ୍ଡିକଃ।
ହସ୍ତୀ ବିତର୍କଃ କ୍ରାଥଶ୍ଚ କୁଣ୍ଡିନଶ୍ଚାପି ପଞ୍ଚମଃ॥ 1-101-46 (4509)
ହବିଶ୍ରବାସ୍ତଥେନ୍ଦ୍ରାଭୋ ଭୁମନ୍ଯୁଶ୍ଚାପରାଜିତଃ।
ଧୃତରାଷ୍ଟ୍ରସୁତାନାଂ ତୁ ତ୍ରୀନେତାନ୍ପ୍ରଥିତାନ୍ଭୁବି॥ 1-101-47 (4510)
ପ୍ରତୀପଂ ଧର୍ମନେତ୍ରଂ ଚ ସୁନେତ୍ରଂ ଚାପି ଭାରତ।
ପ୍ରତୀପଃ ପ୍ରଥିତସ୍ତେଷାଂ ବଭୂବାପ୍ରତିମୋ ଭୁବି॥ 1-101-48 (4511)
ପ୍ରତୀପସ୍ଯ ତ୍ରଯଃ ପୁତ୍ରା ଜଜ୍ଞିରେ ଭରତର୍ଷଭ।
ଦେବାପିଃ ଶନ୍ତନୁଶ୍ଚୈବ ବାହ୍ଲୀକଶ୍ଚ ମହାରଥଃ॥ 1-101-49 (4512)
ଦେବାପିସ୍ତୁ ପ୍ରବବ୍ରାଜ ତେଷାଂ ଧର୍ମହିତେପ୍ସଯା।
ଶନ୍ତନୁଶ୍ଚ ମହୀଂ ଲେଭେ ବାହ୍ଲୀକଶ୍ଚ ମହାରଥଃ॥ 1-101-50 (4513)
ଭରତସ୍ଯାନ୍ବଯାସ୍ତ୍ବେତେ ଦେବକଲ୍ପା ମହାରଥାଃ।
ବଭୂବୁର୍ବ୍ରହ୍ମକଲ୍ପାଶ୍ଚ ବହବୋ ରାଜସତ୍ତମାଃ॥ 1-101-51 (4514)
ଏବଂବିଧା ମହାଭାଗା ଦେବରୂପାଃ ପ୍ରହାରିଣଃ।
ଅନ୍ବବାଯେ ମହାରାଜ ଐଲବଂଶବିବର୍ଧନାଃ॥ 1-101-52 (4515)
`ଗଙ୍ଗାତୀରଂ ସମାଗମ୍ଯ ଦୀକ୍ଷିତୋ ଜନମେଜଯ।
ଅଶ୍ବମେଧସହସ୍ରାଣି ବାଜପେଯଶତାନି ଚ॥ 1-101-53 (4516)
ପୁନରୀଜେ ମହାଯଜ୍ଞୈଃ ସମାପ୍ତବରଦକ୍ଷିଣୈଃ।
ଅଗ୍ନିଷ୍ଟୋମାତିରାତ୍ରାଣାମୁକ୍ଥାନାଂ ସୋମବତ୍ପୁନଃ॥ 1-101-54 (4517)
ବାଜପେଯେଷ୍ଟିସତ୍ରାଣାଂ ସହସ୍ରୈଶ୍ଚ ସୁସଂଭୃତୈଃ।
ଦୃଷ୍ଟ୍ବା ଶାକୁନ୍ତଲୋ ରାଜା ତର୍ପଯିତ୍ବା ଦ୍ବିଜାନ୍ଧନୈଃ॥ 1-101-55 (4518)
ପୁନଃ ସହସ୍ରଂ ପଦ୍ମାନାଂ କଣ୍ବାଯ ଭରତୋ ଦଦୌ।
ଜମ୍ବୂନଦସ୍ଯ ଶୁଦ୍ଧସ୍ଯ କନକସ୍ଯ ମହାଯଶାଃ॥ 1-101-56 (4519)
ଯସ୍ଯ ଯୂପାଃ ଶତବ୍ଯାମାଃ ପରିଣାହେଽଥ କାଞ୍ଚନାଃ।
ସହସ୍ରବ୍ଯାମମୁଦ୍ବୃଦ୍ଧାଃ ସେନ୍ଦ୍ରୈର୍ଦେବୈଃ ସମୁଚ୍ଛ୍ରିତାଃ॥ 1-101-57 (4520)
ସ୍ବଲଙ୍କୃତା ଭ୍ରାଜମାନାଃ ସର୍ବରତ୍ନୈର୍ମନୋରମୈଃ।
ହିରଣ୍ଯଂ ଦ୍ବିରଦାନଶ୍ବାନ୍ମହିଷୋଷ୍ଟ୍ରଗଜାବିକମ୍॥ 1-101-58 (4521)
ଦାସୀଦାସଂ ଧନଂ ଧାନ୍ଯଂ ଗାଃ ସୁଶୀଲାଃ ସବତ୍ସକାଃ।
ଭୂମିଂ ଯୂପସହସ୍ରାଙ୍କାଂ କଣ୍ବାଯ ବହୁଦକ୍ଷିଣାମ୍॥ 1-101-59 (4522)
ବହୂନାଂ ବ୍ରହ୍ମକଲ୍ପାନାଂ ଧନଂ ଦତ୍ତ୍ବା କ୍ରତୂନ୍ବହୂନ୍।
ଗ୍ରାମାନ୍ଗୃହାଣି ଶୁଭ୍ରାଣି କୋଟିଶୋଥାଦଦତ୍ତଦା॥ 1-101-60 (4523)
ଭରତାଦ୍ଭାରତୀ କୀର୍ତିର୍ଯେନେଦଂ ଭାରତଂ କୁଲମ୍।'
ଭରତସ୍ଯାନ୍ବଯେ ଜାତା ଦେବକଲ୍ପା ମହାରଥାଃ॥ 1-101-61 (4524)
ବହବୋ ବ୍ରହ୍ମକଲ୍ପାଶ୍ଚ ବଭୂବୁଃ କ୍ଷତ୍ରସତ୍ତମାଃ।
ତେଷାମପରିମେଯାନି ନାମଧେଯାନି ସନ୍ତ୍ଯୁତ॥ 1-101-62 (4525)
ତେଷାଂ କୁଲେ ଯଥା ମୁଖ୍ଯାନ୍କୀର୍ତଯିଷ୍ଯାମି ଭାରତ।
ମହାଭାଗାନ୍ଦେବକଲ୍ପାନ୍ସତ୍ଯାର୍ଜବପରାଯଣାନ୍॥ ॥ 1-101-63 (4526)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଏକୋତ୍ତରଶତତମୋଽଧ୍ଯାଯଃ॥ 101 ॥
Mahabharata - Adi Parva - Chapter Footnotes
1-101-9 ବିତଥଂ ବିଗତସ୍ତଥାଭାବୋ ଜନକସାଦୃଶ୍ଯଂ ଯତ୍ର ତତ୍ତାଦୃଶଂ ପୁତ୍ରଜନ୍ମ॥ 1-101-23 ଆର୍କ୍ଷେ ଋକ୍ଷପୁତ୍ରେ॥ 1-101-24 କ୍ଷଯୈର୍ନାଶହେତୁଭିଃ କ୍ଷୁତ୍ପ୍ରଭୃତିଭିଃ॥ 1-101-26 ଅଭ୍ଯଯାତ୍ତଂ ସଂବରଣମ୍। ଏନଂ ସଂବରଣମେବ॥ 1-101-35 ବଲିଭୃତଃ କରଦାନ୍॥ 1-101-36 ସୌରୀ ସୂର୍ଯକନ୍ଯା॥ 1-101-40 ଅଶ୍ବବତ ଏବାବିକ୍ଷିଦିତି ସଂଜ୍ଞାନ୍ତରମ୍॥ ଏକୋତ୍ତରଶତ୍ତତମୋଽଧ୍ଯାଯଃ॥ 101 ॥ଆଦିପର୍ବ - ଅଧ୍ଯାଯ 102
॥ ଶ୍ରୀଃ ॥
1.102. ଅଧ୍ଯାଯଃ 102
Mahabharata - Adi Parva - Chapter Topics
ମହାଭିଷଗୁପାଖ୍ଯାନମ୍॥ 1 ॥ ମହାଭିଷଗ୍ଗଙ୍ଗଯୋଃ ଶାପଃ॥ 2 ॥ ଅଷ୍ଟବସୂନାଂ ଗଙ୍ଗାଯାଶ୍ଚ ସଂବାଦଃ॥ 3 ॥Mahabharata - Adi Parva - Chapter Text
1-102-0 (4527)
ବୈଶମ୍ପାଯନ ଉବାଚ। 1-102-0x (626)
ଇକ୍ଷ୍ବାକୁବଂଶପ୍ରଭୋ ରାଜାସୀତ୍ପୃଥିବୀପତିଃ।
ମହାଭିଷଗିତି ଖ୍ଯାତଃ ସତ୍ଯବାକ୍ସତ୍ଯବିକ୍ରମଃ॥ 1-102-1 (4528)
ସୋଽଶ୍ବମେଧସହସ୍ରେଣ ରାଜସୂଯଶତେନ ଚ।
ତୋଷଯାମାସ ଦେବେଶଂ ସ୍ବର୍ଗଂ ଲେଭେ ତତଃ ପ୍ରଭୁଃ॥ 1-102-2 (4529)
ତତଃ କଦାଚିଦ୍ବ୍ରହ୍ମାଣମୁପାସାଂଚକ୍ରିରେ ସୁରାଃ।
ତତ୍ର ରାଜର୍ଷଯୋ ହ୍ଯାସନ୍ସ ଚ ରାଜା ମହାଭିଷକ୍॥ 1-102-3 (4530)
ଅଥ ଗଙ୍ଗା ସରିଚ୍ଛ୍ରେଷ୍ଠା ସମୁପାଯାତ୍ପିତାମହମ୍।
ତସ୍ଯା ବାସଃ ସମୁଦ୍ଧୂତଂ ମାରୁତେନ ଶଶିପ୍ରଭମ୍॥ 1-102-4 (4531)
ତତୋଽଭବନ୍ସୁରଗଣାଃ ସହସାଽବାଙ୍ମୁଖାସ୍ତଦା।
ମହାଭିଷକ୍ତୁ ରାଜର୍ଷିରଶଙ୍କୋ ଦୃଷ୍ଟବାନ୍ନଦୀମ୍॥ 1-102-5 (4532)
ସୋପଧ୍ଯାତୋ ଭଗବତା ବ୍ରହ୍ମଣା ତୁ ମହାଭିଷକ୍।
ଉକ୍ତଶ୍ଚ ଜାତୋ ମର୍ତ୍ଯେଷୁ ପୁନର୍ଲୋକାନବାପ୍ସ୍ଯସି॥ 1-102-6 (4533)
ଯଯା ହୃତମନାଶ୍ଚାସି ଗଙ୍ଗଯା ତ୍ବଂ ହି ଦୁର୍ମତେ।
ସା ତେ ବୈ ମାନୁଷେ ଲୋକେ ବିପ୍ରିଯାଣ୍ଯାଚରିଷ୍ଯତି॥ 1-102-7 (4534)
ଯଦା ତେ ଭବିତା ମନ୍ଯୁସ୍ତଦା ଶାପାଦ୍ବିମୋକ୍ଷ୍ଯତେ। 1-102-8 (4535)
ବୈଶମ୍ପାଯନ ଉବାଚ।
ସ ଚିନ୍ତଯିତ୍ବା ନୃପତିର୍ନୃପାନନ୍ଯାଂସ୍ତପୋଧନାନ୍॥ 1-102-8x (627)
ପ୍ରତୀପଂ ରୋଚଯାମାସ ପିତରଂ ଭୂରିତେଜସମ୍।
ସା ମହାଭିଷଜଂ ଦୃଷ୍ଟ୍ବା ନଦୀ ଦୈର୍ଯାଚ୍ଚ୍ଯୁତଂ ନୃପମ୍॥ 1-102-9 (4536)
ତମେବ ମନସା ଧ୍ଯାଯନ୍ତ୍ଯୁପାବୃତ୍ତା ସରିଦ୍ବରା।
ସା ତୁ ବିଧ୍ବସ୍ତବପୁଷଃ କଶ୍ମଲାଭିହତାନ୍ନୃପ॥ 1-102-10 (4537)
ଦଦର୍ଶ ପଥି ଗଚ୍ଛନ୍ତୀ ବସୂନ୍ଦେବାନ୍ଦିବୌକସଃ।
ତଥାରୂପାଂଶ୍ଚ ତାନ୍ଦୃଷ୍ଟ୍ବା ପ୍ରପଚ୍ଛ ସରିତାଂ ବରା॥ 1-102-11 (4538)
କିମିଦଂ ନଷ୍ଟରୂପାଃ ସ୍ଥ କଚ୍ଚିତ୍କ୍ଷେମଂ ଦିବୌକସାମ୍।
ତାମୂଚୁର୍ବସବୋ ଦେବାଃ ଶପ୍ତାଃ ସ୍ମୋ ବୈ ମହାନଦି॥ 1-102-12 (4539)
ଅଲ୍ପେଽପରାଧେ ସଂରମ୍ଭାଦ୍ବସିଷ୍ଠେନ ମହାତ୍ମନା।
ବିମୂଢା ହି ବଯଂ ସର୍ବେ ପ୍ରଚ୍ଛନ୍ନମୃଷିସତ୍ତମମ୍॥ 1-102-13 (4540)
ସନ୍ଧ୍ଯାଂ ବସିଷ୍ଠମାସୀନଂ ତମତ୍ଯଭିସୃତାଃ ପୁରା।
ତେନ କୋପାଦ୍ବଯଂ ଶପ୍ତା ଯୋନୌ ସଂଭବତେତି ହ॥ 1-102-14 (4541)
ନ ତଚ୍ଛକ୍ଯଂ ନିବର୍ତଯିତୁଂ ଯଦୁକ୍ତଂ ବ୍ରହ୍ମବାଦିନା।
ତ୍ବମସ୍ମାନ୍ମାନୁଷୀ ଭୂତ୍ବା ସୂଷ୍ବ ପୁତ୍ରାନ୍ବସୂନ୍ଭୁବି॥ 1-102-15 (4542)
ନ ମାନୁଷୀଣାଂ ଜଠରଂ ପ୍ରବିଶେମ ବଯଂ ଶୁଭେ।
ଇତ୍ଯୁକ୍ତା ତୈଶ୍ଚ ବସୁଭିସ୍ତଥେତ୍ଯୁକ୍ତ୍ବାଽବ୍ରବୀଦିଦମ୍॥ 1-102-16 (4543)
ଗଙ୍ଗୋବାଚ। 1-102-17x (628)
ମର୍ତ୍ଯେଷୁ ପୁରୁଷଶ୍ରେଷ୍ଠଃ କୋ ବଃ କର୍ତା ଭବିଷ୍ଯତି। 1-102-17 (4544)
ବସବ ଊଚୁଃ।
ପ୍ରତୀପସ୍ଯ ସୁତୋ ରାଜା ଶାନ୍ତନୁର୍ଲୋକବିଶ୍ରୁତଃ।
ଭବିତା ମାନୁଷେ ଲୋକେ ସ ନଃ କର୍ତା ଭବିଷ୍ଯତି॥ 1-102-17x (629)
ଗଙ୍ଗୋବାଚ। 1-102-18x (630)
ମମାପ୍ଯେବଂ ମତଂ ଦେବା ଯଥା ମାଂ ବଦଥାନଘାଃ।
ପ୍ରିଯଂ ତସ୍ଯ କରିଷ୍ଯାମି ଯୁଷ୍ମାକଂ ଚେତଦୀପ୍ସିତମ୍॥ 1-102-18 (4545)
ବସବ ଊଚୁଃ। 1-102-19x (631)
ଜାତାନ୍କୁମାରାନ୍ସ୍ବାନପ୍ସୁ ପ୍ରକ୍ଷେପ୍ତୁଂ ବୈ ତ୍ବମର୍ହସି।
ଯଥା ନଚିରକାଲଂ ନୋ ନିଷ୍କୃତିଃ ସ୍ଯାତ୍ତ୍ରିଲୋକଗେ॥ 1-102-19 (4546)
ଜିଘୃକ୍ଷବୋ ବଯଂ ସର୍ବେ ସୁରଭିଂ ମନ୍ଦବୁଦ୍ଧଯଃ।
ଶପ୍ତା ବ୍ରହ୍ମର୍ଷିଣା ତେନ ତାଂସ୍ତ୍ବଂ ମୋଚଯ ଚାଶୁ ନଃ॥ 1-102-20 (4547)
ଗଙ୍ଗୋବାଚ। 1-102-21x (632)
ଏବମେତତ୍କରିଷ୍ଯାମି ପୁତ୍ରସ୍ତସ୍ଯ ବିଧୀଯତାମ୍।
ନାସ୍ଯ ମୋଘଃ ସଙ୍ଗମଃ ସ୍ଯାତ୍ପୁତ୍ରହେତୋର୍ମଯା ସହ॥ 1-102-21 (4548)
ବସବ ଊଚୁଃ। 1-102-22x (633)
ତୁରୀଯାର୍ଧଂ ପ୍ରଦାସ୍ଯାମୋ ବୀର୍ଯସ୍ଯୈକୈକଶୋ ବଯମ୍।
ତେନ ବୀର୍ଯେଣ ପୁତ୍ରସ୍ତେ ଭବିତା ତସ୍ଯ ଚେପ୍ସିତଃ॥ 1-102-22 (4549)
ନ ସଂପତ୍ସ୍ଯତି ମର୍ତ୍ଯେଷୁ ପୁନସ୍ତସ୍ଯ ତୁ ସନ୍ତତିଃ।
ତସ୍ମାଦପୁତ୍ରଃ ପୁତ୍ରସ୍ତେ ଭବିଷ୍ଯତି ସ ବୀର୍ଯବାନ୍॥ 1-102-23 (4550)
ଏବଂ ତେ ସମଯଂ କୃତ୍ବା ଗଙ୍ଗଯା ବସବଃ ସହ।
ଜଗ୍ମୁଃ ସଂହୃଷ୍ଟମନସୋ ଯଥାସଂକଲ୍ପମଞ୍ଜସା॥ ॥ 1-102-24 (4551)
ଇତି ଶ୍ରୀମନ୍ମହାଭାରତେ ଆଦିପ୍ରବମି ସଂଭବପର୍ବଣି ଦ୍ବ୍ଯଧିକଶତତମୋଽଧ୍ଯାଯଃ॥ 102 ॥
Mahabharata - Adi Parva - Chapter Footnotes
1-102-6 ଅପଧ୍ଯାତଃ ଶପ୍ତଃ॥ 1-102-10 ବିଧ୍ବସ୍ତବପୁଷୋ ଦିବଶ୍ଚ୍ଯୁତତ୍ବାତ୍॥ 1-102-14 ଅତ୍ଯଭିସୃତା ଅତିକ୍ରାନ୍ତବନ୍ତଃ। ବକ୍ଷ୍ଯମାଣେନ ତଦ୍ଧେନୁହରଣେନେତି ଶେଷଃ॥ 1-102-19 ନଚିରକାଲଂ ଶୀଘ୍ରମ୍। ନୋଽସ୍ମାକମ୍॥ 1-102-22 ତୁରୀଯାର୍ଧମଷ୍ଟମାଂଶମ୍॥ ଦ୍ବ୍ଯଧିକଶତତମୋଽଧ୍ଯାଯଃ॥ 102 ॥ଆଦିପର୍ବ - ଅଧ୍ଯାଯ 103
॥ ଶ୍ରୀଃ ॥
1.103. ଅଧ୍ଯାଯଃ 103
Mahabharata - Adi Parva - Chapter Topics
ପ୍ରତୀପେନ ଗଙ୍ଗାଯାଃ ସ୍ନୁଷାତ୍ବେନ ପରିଗ୍ରହଃ॥ 1 ॥ ଶାନ୍ତନୂତ୍ପତ୍ତିଃ॥ 2 ॥ ତସ୍ଯ ରାଜ୍ଯେଽଭିଷେକଃ॥ 3 ॥ ମୃଗଯାର୍ଥଂ ଗତସ୍ଯ ଶାନ୍ତ ନୋର୍ଗଙ୍ଗଯା ସଂବାଦଃ॥ 4 ॥Mahabharata - Adi Parva - Chapter Text
1-103-0 (4552)
ବୈଶମ୍ପାଯନ ଉବାଚ। 1-103-0x (634)
ତତଃ ପ୍ରତୀପୋ ରାଜାଽଽସୀତ୍ସର୍ବଭୂତହିତଃ ସଦା।
ନିଷସାଦ ସମା ବହ୍ବୀର୍ଗଙ୍ଗାଦ୍ବାରଗତୋ ଜପନ୍॥ 1-103-1 (4553)
ତସ୍ଯ ରୂପଗୁଣୋପେତା ଗଙ୍ଗା ସ୍ତ୍ରୀରୂପଧାରିଣୀ।
ଉତ୍ତୀର୍ଯ ସଲିଲାତ୍ତସ୍ମାଲ୍ଲୋଭନୀଯତମାକୃତିଃ॥ 1-103-2 (4554)
ଅଧୀଯାନସ୍ଯ ରାଜର୍ଷେର୍ଦିବ୍ଯରୂପା ମନସ୍ବିନୀ।
ଦକ୍ଷିଣଂ ଶାଲସଙ୍କାଶମୂରୁଂ ଭେଜେ ଶୁଭାନନା॥ 1-103-3 (4555)
ପ୍ରତୀପସ୍ତୁ ମହୀପାଲସ୍ତାମୁବାଚ ଯଶସ୍ବିନୀମ୍।
`ବାକ୍ଯଂ ବାକ୍ଯବିଦାଂ ଶ୍ରେଷ୍ଠୋ ଧର୍ମନିଶ୍ଚଯତତ୍ତ୍ବବିତ୍।'
କରୋମି କିଂ ତେ କଲ୍ଯାଣି ପ୍ରିଯଂ ଯତ୍ତେଽଭିକାଙ୍କ୍ଷିତମ୍॥ 1-103-4 (4556)
ସ୍ତ୍ର୍ଯୁବାଚ। 1-103-5x (635)
ତ୍ବାମହଂ କାମଯେ ରାଜନ୍ଭଜମାନାଂ ଭଜସ୍ବ ମାମ୍।
ତ୍ଯାଗଃ କାମବତୀନାଂ ହି ସ୍ତ୍ରୀଣାଂ ସଦ୍ଭିର୍ବିଗର୍ହିତଃ॥ 1-103-5 (4557)
ପ୍ରତୀପ ଉବାଚ। 1-103-6x (636)
ନାହଂ ପରସ୍ତ୍ରିଯଂ କାମାଦ୍ଗଚ୍ଛେଦଂ ବରବର୍ଣିନି।
ନ ଚାସବର୍ଣାଂ କଲ୍ଯାଣି ଧର୍ମ୍ଯମେତଦ୍ଧି ମେ ବ୍ରତମ୍॥ 1-103-6 (4558)
`ଯଃ ସ୍ବଦାରାନ୍ପରିତ୍ଯଜ୍ଯ ପାରକ୍ଯାଂ ସେବତେ ସ୍ତ୍ରିଯମ୍।
ନିରଯାନ୍ନୈବ ମୁଚ୍ଯତେ ଯାବଦାଭୂତସଂପ୍ଲବମ୍॥' 1-103-7 (4559)
ସ୍ତ୍ର୍ଯୁବାଚ। 1-103-8x (637)
ନାଶ୍ରେଯସ୍ଯସ୍ମି ନାଗମ୍ଯା ନ ବକ୍ତବ୍ଯା ଚ କର୍ହିଚିତ୍।
ଭଜନ୍ତୀଂ ଭଜ ମାଂ ରାଜନ୍ଦିବ୍ଯାଂ କନ୍ଯାଂ ବରସ୍ତ୍ରିଯମ୍॥ 1-103-8 (4560)
ପ୍ରତୀପ ଉବାଚ। 1-103-9x (638)
ତ୍ବଯା ନିବୃତ୍ତମେତତ୍ତୁ ଯନ୍ମାଂ ଚୋଦଯସି ପ୍ରିଯମ୍।
ଅନ୍ଯଥା ପ୍ରତିପନ୍ନଂ ମାଂ ନାଶଯେଦ୍ଧର୍ମବିପ୍ଲବଃ॥ 1-103-9 (4561)
ପ୍ରାପ୍ଯ ଦକ୍ଷିଣମୂରୁଂ ମେ ତ୍ବମାଶ୍ଲିଷ୍ଟା ବରାଙ୍ଗନେ।
ଅପତ୍ଯାନାଂ ସ୍ନୁଷାଣାଂ ଚ ଭୀରୁ ବିଦ୍ଧ୍ଯେତଦାସନମ୍॥ 1-103-10 (4562)
ସବ୍ଯୋରୁଃ କାମିନୀଭୋଗ୍ଯସ୍ତ୍ବଯା ସ ଚ ବିବର୍ଜିତଃ।
ତସ୍ମାଦହଂ ନାଚରିଷ୍ଯେ ତ୍ବଯି କାମଂ ବରାଙ୍ଗନେ॥ 1-103-11 (4563)
ସ୍ନୁଷା ମେ ଭବ ସୁଶ୍ରୋଣି ପୁତ୍ରାର୍ଥଂ ତ୍ବାଂ ବୃଣୋମ୍ଯହମ୍।
ସ୍ନୁଷାପକ୍ଷଂ ହି ବାମୋରୁ ତ୍ବମାଗମ୍ଯ ସମାଶ୍ରିତା॥ 1-103-12 (4564)
ସ୍ତ୍ର୍ଯୁବାଚ। 1-103-13x (639)
ଏବମପ୍ଯସ୍ତୁ ଧର୍ମଜ୍ଞ ସଂଯୁଜ୍ଯେଯଂ ସୁତେନ ତେ।
ତ୍ବଦ୍ଭକ୍ତ୍ଯା ତୁ ଭଜିଷ୍ଯାମି ପ୍ରଖ୍ଯାତଂ ଭାରତଂ କୁଲମ୍॥ 1-103-13 (4565)
ପୃଥିବ୍ଯାଂ ପାର୍ଥିବା ଯେ ଚ ତେଷାଂ ଯୂଯଂ ପରାଯଣମ୍।
ଗୁଣା ନ ହି ମଯା ଶକ୍ଯା ବକ୍ତୁଂ ବର୍ଷଶତୈରପି॥ 1-103-14 (4566)
କୁଲସ୍ଯ ଯେ ବଃ ପ୍ରଥିତାସ୍ତତ୍ସାଧୁତ୍ବମଥୋତ୍ତମମ୍।
ସମଯେନେହ ଧର୍ମଜ୍ଞ ଆଚରେଯଂ ଚ ଯଦ୍ବିଭୋ॥ 1-103-15 (4567)
ତତ୍ସର୍ବମେବ ପୁତ୍ରସ୍ତେ ନ ମୀମାଂସେତ କର୍ହିଚିତ୍।
ଏବଂ ବସନ୍ତୀ ପୁତ୍ରେ ତେ ବର୍ଧଯିଷ୍ଯାମ୍ଯହଂ ରତିମ୍॥ 1-103-16 (4568)
ପୁତ୍ରୈଃ ପୁଣ୍ଯୈଃ ପ୍ରିଯୈଶ୍ଚୈବ ସ୍ବର୍ଗଂ ପ୍ରାପ୍ସ୍ଯତି ତେ ସୁତଃ। 1-103-17 (4569)
ବୈଶମ୍ପାଯନ ଉବାଚ।
ତଥେତ୍ଯୁକ୍ତ୍ବା ତୁ ସା ରାଜଂସ୍ତତ୍ରୈବାନ୍ତରଧୀଯତ।
`ଅଦୃଶ୍ଯା ରାଜସିଂହସ୍ଯ ପଶ୍ଯତଃ ସାଽଭବତ୍ତଦା॥' 1-103-17x (640)
ପୁତ୍ରଜନ୍ମ ପ୍ରତୀକ୍ଷନ୍ବୈ ସ ରାଜା ତଦଧାରଯତ୍।
ଏତସ୍ମିନ୍ନେବ କାଲେ ତୁ ପ୍ରତୀପଃ କ୍ଷତ୍ରିଯର୍ଷଭଃ॥ 1-103-18 (4570)
ତପସ୍ତେପେ ସୁତସ୍ଯାର୍ଥେ ସଭାର୍ଯଃ କୁରୁନନ୍ଦନ।
`ପ୍ରତୀପସ୍ଯ ତୁ ଭାର୍ଯାଯାଂ ଗର୍ଭଃ ଶ୍ରୀମାନବର୍ଧତ॥ 1-103-19 (4571)
ଶ୍ରିଯା ପରମଯା ଯୁକ୍ତଃ ଶରଚ୍ଛୁକ୍ଲେ ଯଥା ଶଶୀ।
ତତସ୍ତୁ ଦଶମେ ମାସି ପ୍ରାଜାଯତ ରବିପ୍ରଭମ୍॥ 1-103-20 (4572)
କୁମାରଂ ଦେବଗର୍ଭାଭଂ ପ୍ରତୀପମହିଷୀ ତଦା।'
ତଯୋଃ ସମଭବତ୍ପୁତ୍ରୋ ବୃଦ୍ଧଯୋଃ ସ ମହାଭିଷକ୍॥ 1-103-21 (4573)
ଶାନ୍ତସ୍ଯ ଜଜ୍ଞେ ସନ୍ତାନସ୍ତସ୍ମାଦାସୀତ୍ସ ଶାନ୍ତନୁଃ।
`ତସ୍ଯ ଜାତସ୍ଯ କୃତ୍ଯାନି ପ୍ରତୀପୋଽକାରଯତ୍ପ୍ରଭୁଃ॥ 1-103-22 (4574)
ଜାତକର୍ମାଦି ବିପ୍ରେଣ ବେଦୋକ୍ତୈଃ କର୍ମଭିସ୍ତଦା।
ନାମକର୍ମ ଚ ବିପ୍ରାସ୍ତୁ ଚକ୍ରୁଃ ପରମସତ୍କୃତମ୍॥ 1-103-23 (4575)
ଶାନ୍ତନୋରବନୀପାଲ ବେଦୋକ୍ତୈଃ କର୍ମଭିସ୍ତଦା।
ତତଃ ସଂବର୍ଧିତୋ ରାଜା ଶାନ୍ତନୁର୍ଲୋକଧାର୍ମିକଃ॥ 1-103-24 (4576)
ସ ତୁ ଲେଭେ ପରାଂ ନିଷ୍ଠାଂ ପ୍ରାପ୍ଯ ଧର୍ମଭୃତାଂ ବରଃ।
ଧନୁର୍ବେଦେ ଚ ବେଦେ ଚ ଗତିଂ ସ ପରମା ଗତଃ॥ 1-103-25 (4577)
ଯୌବନଂ ଚାପି ସଂପ୍ରାପ୍ତଃ କୁମାରୋ ବଦତାଂ ବରଃ।'
ସଂସ୍ମରଂଶ୍ଚାକ୍ଷଯାଁଲ୍ଲୋକାନ୍ବିଜାତାନ୍ସ୍ବେନ କର୍ମଣା॥ 1-103-26 (4578)
ପୁଣ୍ଯକର୍ମକୃଦେବାସୀଚ୍ଛାନ୍ତନୁଃ କୁରୁସତ୍ତମଃ।
ପ୍ରତୀପଃ ଶାନ୍ତନୁଂ ପୁତ୍ରଂ ଯୌବନସ୍ଥଂ ତତୋଽନ୍ବଶାତ୍॥ 1-103-27 (4579)
ପୁରା ସ୍ତ୍ରୀ ମାଂ ସମଭ୍ଯାଗାଚ୍ଛାନ୍ତନୋ ଭୂତଯେ ତବ।
ତ୍ବାମାବ୍ରଜେଦ୍ଯଦି ରହଃ ସା ପୁତ୍ର ବରବର୍ଣିନୀ॥ 1-103-28 (4580)
କାମଯାନାଽଭିରୂପାଢ୍ଯା ଦିବ୍ଯସ୍ତ୍ରୀ ପୁତ୍ରକାମ୍ଯଯା।
ସା ତ୍ବଯା ନାନୁଯୋକ୍ତବ୍ଯା କାସି କସ୍ଯାସି ଚାଙ୍ଗନେ॥ 1-103-29 (4581)
ଯଚ୍ଚ କୁର୍ଯାନ୍ନ ତତ୍କର୍ମ ସା ପ୍ରଷ୍ଟବ୍ଯା ତ୍ବଯାଽନଘ।
ସନ୍ନିଯୋଗାଦ୍ଭଜନ୍ତୀଂ ତାଂ ଭଜେଥା ଇତ୍ଯୁବାଚ ତମ୍॥ 1-103-30 (4582)
ଏବଂ ସଂଦିଶ୍ଯ ତନଯଂ ପ୍ରତୀପଃ ଶାନ୍ତନୁଂ ତଦା।
ସ୍ବେ ଚ ରାଜ୍ଯେଽଭିଷିଚ୍ଯୈନଂ ବନଂ ରାଜା ବିବେଶ ହ॥ 1-103-31 (4583)
ସ ରାଜା ଶାନ୍ତନୁର୍ଧୀମାନ୍ଦେବରାଜସମଦ୍ଯୁତିଃ।
`ବଭୂବ ସର୍ବଲୋକସ୍ଯ ସତ୍ଯବାଗିତି ସଂମତଃ॥ 1-103-32 (4584)
ପୀନସ୍କନ୍ଧୋ ମହାବାହୁର୍ମତ୍ତବାରଣବିକ୍ରମଃ।
ଅନ୍ବିତଃ ପରିପୂର୍ଣାର୍ଥୈଃ ସର୍ବୈର୍ନୃପତିଲକ୍ଷଣୈଃ॥ 1-103-33 (4585)
ଅମାତ୍ଯଲକ୍ଷଣୋପେତଃ କ୍ଷତ୍ରଧର୍ମବିଶେଷବିତ୍।
ବଶେ ଚକ୍ରେ ମହୀମେକୋ ବିଜିତ୍ଯ ବସୁଧାଧିପାନ୍॥ 1-103-34 (4586)
ବେଦାନାଗମଯତ୍କୃତ୍ସ୍ନାନ୍ରାଜଧର୍ମାଂଶ୍ଚ ସର୍ବଶଃ।
ଈଜେ ଚ ବହୁଭିଃ ସତ୍ରୈଃ କ୍ରତୁଭିର୍ଭୂରିଦକ୍ଷିଣୈଃ॥ 1-103-35 (4587)
ତର୍ପଯାମାସ ବିପ୍ରାଂଶ୍ଚ ବେଦାଧ୍ଯଯନକୋବିଦାନ୍।
ରତ୍ନୈରୁଚ୍ଚାବଚୈର୍ଗୋଭିର୍ଗ୍ରାମୈରଶ୍ବୈର୍ଧନୈରପି॥ 1-103-36 (4588)
ବଯୋରୂପେଣ ସଂପନ୍ନଃ ପୌରୁଷେଣ ବଲେନ ଚ।
ଐଶ୍ବର୍ଯେଣ ପ୍ରତାପେନ ବିକ୍ରମେଣ ଧନେନ ଚ॥ 1-103-37 (4589)
ବର୍ତମାନଶ୍ଚ ସତ୍ଯେନ ସର୍ବଧର୍ମବିଶାରଦଃ।
ତଂ ମହୀପଂ ମହୀପାଲା ରାଜରାଜମକୁର୍ବତ॥ 1-103-38 (4590)
ବୀତଶୋକଭଯାବାଧାଃ ସୁଖସ୍ବପ୍ନପ୍ରବୋଧାଃ।
ଶ୍ରିଯା ଭରତଶାର୍ଦୂଲ ସମପଦ୍ଯନ୍ତ ଭୂମିପାଃ॥ 1-103-39 (4591)
ନିଯମୈଃ ସର୍ବବର୍ଣାନାଂ ବ୍ରହ୍ମୋତ୍ତରମବର୍ତତ।
ବ୍ରାହ୍ମଣାଭିମୁଖଂ କ୍ଷତ୍ରଂ କ୍ଷତ୍ରିଯାଭିମୁଖା ବିଶଃ॥ 1-103-40 (4592)
ବ୍ରହ୍ମକ୍ଷତ୍ରାନୁକୂଲାଂଶ୍ଚ ଶୂଦ୍ରାଃ ପର୍ଯଚରନ୍ବିଶଃ।
ଏବଂ ପଶୁବରାହାଣାଂ ତଥୈବ ମୃଗପକ୍ଷିଣାମ୍॥ 1-103-41 (4593)
ଶାନ୍ତନାବଥ ରାଜ୍ଯସ୍ଥେ ନାବର୍ତତ ବୃଥା ବଧଃ।
ଅସୁଖାନାମନାଥାନାଂ ତିର୍ଯଗ୍ଯୋନିଷୁ ବର୍ତତାମ୍॥ 1-103-42 (4594)
ସ ଏବ ରାଜା ସର୍ବେଷାଂ ଭୂତାନାମଭବତ୍ପିତା।
ସ ହସ୍ତିନାମ୍ନି ଧର୍ମାତ୍ମା ବିହରନ୍କୁରୁନନ୍ଦନଃ॥ 1-103-43 (4595)
ତେଜସା ସୂର୍ଯକଲ୍ପୋଽଭୂଦ୍ବାଯୁନା ଚ ସମୋ ବଲେ।
ଅନ୍ତକପ୍ରତିମଃ କୋପେ କ୍ଷମଯା ପୃଥିବୀସମଃ॥ 1-103-44 (4596)
ବଭୂବ ରାଜା ସୁମତିଃ ପ୍ରଜାନାଂ ସତ୍ଯବିକ୍ରମଃ।
ସ ବନେଷୁ ଚ ରମ୍ଯେଷୁ ଶୈଲପ୍ରସ୍ରବଣେଷୁ ଚ॥' 1-103-45 (4597)
ଚଚାର ମୃଗଯାଶୀଲଃ ଶାନ୍ତନୁର୍ବନଗୋଚରଃ।
ସ ମୃଗାନ୍ମହିଷାଂଶ୍ଚୈବ ବିନିଘ୍ନନ୍ରାଜସତ୍ତମଃ॥ 1-103-46 (4598)
ଗଙ୍ଗାମନୁ ଚଚାରୈକଃ ସିଦ୍ଧଚାରଣସେବିତାମ୍।
ସ କଦାଚିନ୍ମହାରାଜ ଦଦର୍ଶ ପରମାଂ ସ୍ତ୍ରିଯମ୍॥ 1-103-47 (4599)
ଜାଜ୍ବଲ୍ଯମାନାଂ ବପୁଷା ସାକ୍ଷାଚ୍ଛ୍ରିଯମିବାପରାମ୍।
ସର୍ବାନବଦ୍ଯାଂ ସୁଦତୀଂ ଦିବ୍ଯାଭରଣଭୂଷିତାମ୍॥ 1-103-48 (4600)
ସୂକ୍ଷ୍ମାମ୍ବରଧରାମେକାଂ ପଦ୍ମୋଦରସମପ୍ରଭାମ୍।
`ସ୍ନାତଗାତ୍ରାଂ ଧୌତବସ୍ତ୍ରାଂ ଗଙ୍ଗାତୀରରୁହେ ବନେ॥ 1-103-49 (4601)
ପ୍ରକୀର୍ଣକେଶୀଂ ପାଣିଭ୍ଯାଂ ସଂସ୍ପୃଶନ୍ତୀଂ ଶିରୋରୁହାନ୍।
ରୂପେଣ ବଯସା କାନ୍ତ୍ଯା ଶରୀରାବଯବୈସ୍ତଥା॥ 1-103-50 (4602)
ହାବଭାବବିଲାସୈଶ୍ଚ ଲୋଚନାଞ୍ଚଲବିକ୍ରିଯୈଃ।
ଶ୍ରୋଣୀଭାରେଣ ମଧ୍ଯେନ ସ୍ତନାଭ୍ଯାମୁରସା ଦୃଶା॥ 1-103-51 (4603)
କବରୀଭରେଣ ପାଦାଭ୍ଯାମିଙ୍ଗିତେନ ସ୍ମିତେନ ଚ।
କୋକିଲାଲାପସଂଲ୍ଲାପୈର୍ନ୍ଯକ୍କୁର୍ବନ୍ତୀଂ ତ୍ରିଲୋକଗାମ୍॥ 1-103-52 (4604)
ବାଣୀଂ ଚ ଗିରିଜାଂ ଲକ୍ଷ୍ମୀଂ ଯୋଷିତୋନ୍ଯାଃ ସୁରାଙ୍ଗନାଃ।
ସା ଚ ଶାନ୍ତନୁମବ୍ଯାଗାଦଲକ୍ଷ୍ମୀମପକର୍ଷତୀ॥' 1-103-53 (4605)
ତାଂ ଦୃଷ୍ଟ୍ବା ହୃଷ୍ଟରୋମାଽଭୂଦ୍ବିସ୍ମିତୋ ରୂପସଂପଦା।
ପିବନ୍ନିବ ଚ ନେତ୍ରାଭ୍ଯାଂ ନାତୃପ୍ଯତ ନରାଧିପଃ॥ 1-103-54 (4606)
ସା ଚ ଦୃଷ୍ଟ୍ବୈବ ରାଜାନଂ ବିଚରନ୍ତଂ ମହାଦ୍ଯୁତିମ୍।
ସ୍ନେହାଦାଗତସୌହାର୍ଦା ନାତୃପ୍ଯତ ବିଲାସିନୀ॥ 1-103-55 (4607)
`ଗଙ୍ଗା କାମେନ ରାଜାନଂ ପ୍ରେକ୍ଷମାଣା ବିଲାସିନୀ।
ଚଞ୍ଚୂର୍ଯତାଗ୍ରତସ୍ତସ୍ଯ କିନ୍ନରୀବାପ୍ସରୋପମା॥ 1-103-56 (4608)
ଦୃଷ୍ଟ୍ବା ପ୍ରହୃଷ୍ଟରୂପୋଽଭୂଦ୍ଦର୍ଶନାଦେବ ଶାନ୍ତନୁଃ।
ରୂପେଣାତୀତ୍ଯ ତିଷ୍ଠନ୍ତୀଂ ସର୍ବା ରାଜନ୍ଯଯୋଷିତଃ॥' 1-103-57 (4609)
ତାମୁବାଚ ତତୋ ରାଜା ସାନ୍ତ୍ବଯଞ୍ଶ୍ଲକ୍ଷ୍ଣଯା ଗିରା।
ଦେବୀ ବା ଦାନବୀ ବା ତ୍ବଂ ଗନ୍ଧର୍ବୀ ଚାଥବାଽପ୍ସରାଃ॥ 1-103-58 (4610)
ଯକ୍ଷୀ ବା ପନ୍ନଗୀ ବାଽପି ମାନୁଷୀ ବା ସୁମଧ୍ଯମେ।
`ଯାଽସି କାଽସି ସୁରପ୍ରଖ୍ଯେ ମହିଷୀ ମେ ଭବାନଘେ॥ 1-103-59 (4611)
ତ୍ବାଂ ଗତା ହି ମମ ପ୍ରାମା ବସୁ ଯନ୍ମେଽସ୍ତି କିଂଚନ।'
ଯାଚେ ତ୍ବାଂ ସୁରଗର୍ଭାଭେ ଭାର୍ଯା ମେ ଭବ ଶୋଭନେ॥ ॥ 1-103-60 (4612)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ତ୍ର୍ଯଧିକଶତତମୋଽଧ୍ଯାଯଃ॥ 103 ॥
Mahabharata - Adi Parva - Chapter Footnotes
1-103-1 ତତ ଇତି॥ 1-103-8 ଦିବ୍ଯାଂ ଦିବି ଭବାମ୍॥ 1-103-9 ନିବୃତ୍ତଂ ନିରସ୍ତମ୍॥ 1-103-10 ଆଶ୍ଲିଷ୍ଟା ସଂଗତା॥ 1-103-15 ସମଯେନ ନିଯମେନ॥ 1-103-16 ନ ମୀମାଂସେତ ନ ବିଚାରଯେତ୍॥ 1-103-22 ଶାନ୍ତସ୍ଯୋପରତସ୍ଯ ବଂଶସ୍ଯ ସଂତାନୋ ବିସ୍ତାର ଇତି ଶାନ୍ତତନୁଃ। ତକାରଲୋପେନ ଶାନ୍ତନୁରିତି ନାମ॥ 1-103-26 ସଂସ୍ମରନ୍ନିତି ବ୍ଯବହିତମପି ଜ୍ଞାନବଲେନ ଜାନାତୀତ୍ଯର୍ଥଃ॥ 1-103-29 ନାନୁଯୋକ୍ତବ୍ଯା ନ ପ୍ରଷ୍ଟବ୍ଯା॥ ତ୍ର୍ଯଧିକଶତତମୋଽଧ୍ଯାଯଃ॥ 103 ॥ଆଦିପର୍ବ - ଅଧ୍ଯାଯ 104
॥ ଶ୍ରୀଃ ॥
1.104. ଅଧ୍ଯାଯଃ 104
Mahabharata - Adi Parva - Chapter Topics
ସମଯବନ୍ଧପୂର୍ବକଂ ଗଙ୍ଗାଶାନ୍ତନ୍ବୋର୍ବିବାହଃ॥ 1 ॥Mahabharata - Adi Parva - Chapter Text
1-104-0 (4613)
ବୈଶମ୍ପାଯନ ଉବାଚ। 1-104-0x (641)
ଏତଚ୍ଛ୍ରୁତ୍ବା ବଚୋ ରାଜ୍ଞଃ ସସ୍ମିତଂ ମୃଦୁ ବଲ୍ଗୁ ଚ।
ଯଶସ୍ବିନୀ ଚ ସାଽଗଚ୍ଛଚ୍ଛାନ୍ତନୋର୍ଭୂତଯେ ତଦା॥ 1-104-1 (4614)
ସା ତୁ ଦୃଷ୍ଟ୍ବା ନୃପଶ୍ରେଷ୍ଠଂ ଚରନ୍ତଂ ତୀରମାଶ୍ରିତମ୍।
ବସୂନାଂ ସମଯଂ ସ୍ମୃତ୍ବାଽଥାଭ୍ଯଗଚ୍ଛଦନିନ୍ଦିତା॥ 1-104-2 (4615)
ପ୍ରଜାର୍ଥିନୀ ରାଜପୁତ୍ରଂ ଶାନ୍ତନୁଂ ପୃଥିବୀପତିମ୍।
ପ୍ରତୀପବଚନଂ ଚାପି ସଂସ୍ମୃତ୍ଯୈବ ସ୍ବଯଂ ନୃପମ୍॥ 1-104-3 (4616)
କାଲୋଽଯମିତି ମତ୍ବା ସା ବସୂନାଂ ଶାପଚୋଦିତା।
ଉବାଚ ଚୈବ ରାଜ୍ଞଃ ସା ହ୍ଲାଦଯନ୍ତୀ ମନୋ ଗିରା॥ 1-104-4 (4617)
ଗଙ୍ଗୋବାଚ। 1-104-5x (642)
ଭବିଷ୍ଯାମି ମହୀପାଲ ମହିଷୀ ତେ ବଶାନୁଗା।
ନ ତୁ ତ୍ବଂ ବା ଦ୍ବିତୀଯୋ ବା ଜ୍ଞାତୁମିଚ୍ଛେତ୍କଥଂଚନ॥ 1-104-5 (4618)
ଯତ୍ତୁ କୁର୍ଯାମହଂ ରାଜଞ୍ଶୁଭଂ ବା ଯଦି ବାଽଶୁଭମ୍।
ନ ତଦ୍ବାରଯିତବ୍ଯାଽସ୍ମି ନ ବକ୍ତବ୍ଯା ତଥାଽପ୍ରିଯମ୍॥ 1-104-6 (4619)
ଏବଂ ହି ବର୍ତମାନେଽହଂ ତ୍ବଯି ବତ୍ସ୍ଯାମି ପାର୍ଥିବ।
ବାରିତା ବିପ୍ରିଯଂ ଚୋକ୍ତା ତ୍ଯଜେଯଂ ତ୍ବାମସଂଶଯମ୍॥ 1-104-7 (4620)
ଏଷ ମେ ସମଯୋ ରାଜନ୍ଭଜ ମାଂ ତ୍ବଂ ଯଥେପ୍ସିତମ୍।
ଅନୁନୀତାଽସ୍ମି ତେ ପିତ୍ରା ଭର୍ତା ମେ ତ୍ବଂ ଭବ ପ୍ରଭୋ॥ 1-104-8 (4621)
ବୈଶମ୍ପାଯନ ଉବାଚ। 1-104-9x (643)
ତଥେତି ସା ଯଦା ତୂକ୍ତା ତଦା ଭରତସତ୍ତମ।
ପ୍ରହର୍ଷମତୁଲଂ ଲେଭେ ପ୍ରାପ୍ଯ ତଂ ପାର୍ଥିବୋତ୍ତମମ୍॥ 1-104-9 (4622)
ପ୍ରତିଜ୍ଞାଯ ତୁ ତତ୍ତସ୍ଯାସ୍ତଥେତି ମନୁଜାଧିପଃ।
ରଥମାରୋପ୍ଯ ତାଂ ଦେବୀଂ ଜଗାମ ସ ତଯା ସହ॥ 1-104-10 (4623)
ସା ଚ ଶାନ୍ତନୁମଭ୍ଯାଗାତ୍ସାକ୍ଷାଲ୍ଲକ୍ଷ୍ମୀରିବାପରା।
ଆସାଦ୍ଯ ଶାନ୍ତନୁସ୍ତାଂ ଚ ବୁଭୁଜେ କାମତୋ ବଶୀ॥ 1-104-11 (4624)
ନ ପ୍ରଷ୍ଟବ୍ଯେତି ମନ୍ବାନୋ ନ ସ ତାଂ କିଂଚିଦୂଚିବାନ୍।
ସ ତସ୍ଯାଃ ଶୀଲବୃତ୍ତେନ ରୂପୌଦାର୍ଯଗୁଣେନ ଚ॥ 1-104-12 (4625)
ଉପଚାରେଣ ଚ ରହସ୍ତୁତୋଷ ଜଗତୀପତିଃ।
ସ ରାଜା ପରମପ୍ରୀତଃ ପରମସ୍ତ୍ରୀପ୍ରଲାଲିତଃ॥ 1-104-13 (4626)
ଦିବ୍ଯରୂପା ହି ସା ଦେବୀ ଗଙ୍ଗା ତ୍ରିପଥଗାମିନୀ।
ମାନୁଷଂ ବିଗ୍ରହଂ କୃତ୍ବା ଶ୍ରୀମନ୍ତଂ ବରବର୍ଣିନୀ॥ 1-104-14 (4627)
ଭାଗ୍ଯୋପନତକାମସ୍ଯ ଭାର୍ଯା ଚୋପନତାଽଭବତ୍।
ଶନ୍ତନୋର୍ନୃପସିଂହସ୍ଯ ଦେବରାଜସମଦ୍ଯୁତେଃ॥ 1-104-15 (4628)
ସଂଭୋଗସ୍ନେହଚାତୁର୍ଯୈର୍ହାବଲାସ୍ଯୈର୍ମନୋହରୈଃ।
ରାଜାନଂ ରମଯାମାସ ଯଥା ରଜ୍ଯେତ ସ ପ୍ରଭୁଃ॥ 1-104-16 (4629)
ସ ରାଜା ରତିସକ୍ତୋଽଭୂଦୁତ୍ତମସ୍ତ୍ରୀଗୁଣୈର୍ହୃତଃ॥ ॥ 1-104-17 (4630)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଚତୁରଧିକଶତତମୋଽଧ୍ଯାଯଃ॥ 104 ॥
ଆଦିପର୍ବ - ଅଧ୍ଯାଯ 105
॥ ଶ୍ରୀଃ ॥
1.105. ଅଧ୍ଯାଯଃ 105
Mahabharata - Adi Parva - Chapter Topics
ଗଙ୍ଗଯା ଜାତମାତ୍ରସ୍ଯ ପୁତ୍ରସପ୍ତକସ୍ଯ ହନନମ୍॥ 1 ॥ ଅଷ୍ଟମପୁତ୍ରହନନୋଦ୍ଯୁକ୍ତାଂ ସ୍ବଭାର୍ଯାଂ ପ୍ରତି ଶାଂନ୍ତନୁପ୍ରଶ୍ନାଃ॥ 2 ॥ ପୂର୍ବବୃତ୍ତକଥନପୂର୍ବକଂ ଗଙ୍ଗାଯାଃ ପ୍ରତିବଚନମ୍॥ 3 ॥Mahabharata - Adi Parva - Chapter Text
1-105-0 (4631)
ବୈଶମ୍ପାଯନ ଉବାଚ। 1-105-0x (644)
ସଂବତ୍ସରାନୃତୂନ୍ମାସାନ୍ବୁବୁଧେ ନ ବହୂନ୍ଗତାନ୍।
ରମମାଣସ୍ତଯା ସାର୍ଧଂ ଯଥାକାମଂ ନରେଶ୍ବରଃ॥ 1-105-1 (4632)
`ଦିବିଷ୍ଠାନ୍ମାନୁଷାଂଶ୍ଚୈବ ଭୋଗାନ୍ଭୁଙ୍କ୍ତେ ସ ବୈ ନୃପଃ।'
ଆସାଦ୍ଯ ଶାନ୍ତନୁଃ ଶ୍ରୀମାନ୍ମୁମୁଦେ ଯୋଷିତାଂ ବରାମ୍॥ 1-105-2 (4633)
ଋତୁକାଲେ ତୁ ସା ଦେବୀ ଦିବ୍ଯଂ ଗର୍ଭମଧାରଯତ୍।
ଅଷ୍ଟାବଜନଯତ୍ପୁତ୍ରାଂସ୍ତସ୍ମାଦମରସନ୍ନିଭାନ୍॥ 1-105-3 (4634)
ଜାତଂ ଜାତଂ ଚ ସା ପୁତ୍ରଂ କ୍ଷିପତ୍ଯମ୍ଯସି ଭାରତ।
ସୂତକେ କଣ୍ଠମାକ୍ରମ୍ଯ ତାନ୍ନିନାଯ ଯମକ୍ଷଯମ୍॥ 1-105-4 (4635)
ପ୍ରୀଣାମ୍ଯହଂ ତ୍ବାମିତ୍ଯୁକ୍ତ୍ବା ଗଙ୍ଗାସ୍ରୋତସ୍ଯମଜ୍ଜଯତ୍।
ତସ୍ଯ ତନ୍ନ ପ୍ରିଯଂ ରାଜ୍ଞଃ ଶାନ୍ତନୋରଭବତ୍ତଦା॥ 1-105-5 (4636)
ନ ଚ ତାଂ କିଂଚନୋବାଚ ତ୍ଯାଗାଦ୍ଭୀତୋ ମହୀପତିଃ।
`ଅମୀମାଂସ୍ଯା କର୍ମଯୋନିରାଗମଶ୍ଚେତି ଶାନ୍ତନୁଃ॥ 1-105-6 (4637)
ସ୍ମରନ୍ପିତୃବଚଶ୍ଚୈବ ନାପୃଚ୍ଛତ୍ପୁତ୍ରକିଲ୍ବିଷମ୍।
ଜାତାଞ୍ଜାତାଂଶ୍ଚ ବୈ ହନ୍ତି ସା ସ୍ତ୍ରୀ ସପ୍ତ ବରାନ୍ସୁତାନ୍॥ 1-105-7 (4638)
ଶାନ୍ତନୁର୍ଧର୍ମଭଙ୍ଗାଚ୍ଚ ନାପୃଚ୍ଛତ୍ତାଂ କଥଂଚନ।
ଅଷ୍ଟମଂ ତୁ ଜିଘାଂସନ୍ତ୍ଯାଂ ଚୁକ୍ଷୁଭେ ଶାନ୍ତନୋର୍ଧୃତିଃ॥' 1-105-8 (4639)
ଅଥୈନାମଷ୍ଟମେ ପୁତ୍ରେ ଜାତେ ପ୍ରହସତୀମିବ।
ଉବାଚ ରାଜା ଦୁଃଖାର୍ତଃ ପରୀପ୍ସନ୍ପୁତ୍ରମାତ୍ମନଃ॥ 1-105-9 (4640)
`ଆଲଭନ୍ତୀଂ ତଦା ଦୃଷ୍ଟ୍ବା ତାଂ ସ କୌରବନନ୍ଦନଃ।
ଅବ୍ରବୀଦ୍ଭରତଶ୍ରେଷ୍ଠୋ ବାକ୍ଯଂ ପରମଦୁଃଖିତଃ॥' 1-105-10 (4641)
ମାବଧୀଃ କସ୍ଯ କାଽସୀତି କିଂ ହିନତ୍ସି ସୁତାନିତି।
ପୁତ୍ରଘ୍ନି ସୁମହତ୍ପାପଂ ସଂପ୍ରାପ୍ତଂ ତେ ସୁଗର୍ହିତମ୍॥ 1-105-11 (4642)
ଗଙ୍ଗୋବାଚ। 1-105-12x (645)
ପୁତ୍ରକାମ ନ ତେ ହନ୍ମି ପୁତ୍ରଂ ପୁତ୍ରବତାଂ ବର।
ଜୀର୍ଣସ୍ତୁ ମମ ବାସୋଽଯଂ ଯଥା ସ ସମଯଃ କୃତଃ॥ 1-105-12 (4643)
ଅହଂ ଗଙ୍ଗା ଜହ୍ନୁସୁତା ମହର୍ଷିଗଣସେବିତା।
ଦେବକାର୍ଯାର୍ଥସିଦ୍ଧ୍ଯର୍ଥମୁଷିତାଽହଂ ତ୍ବଯା ସହ॥ 1-105-13 (4644)
ଇମେଽଷ୍ଟୌ ବସବୋ ଦେବା ମହାଭାଗା ମହୌଜସଃ।
ବସିଷ୍ଠଶାପଦୋଷେଣ ମାନୁଷତ୍ବମୁପାଗତାଃ॥ 1-105-14 (4645)
ତେଷାଂ ଜନଯିତା ନାନ୍ଯସ୍ତ୍ବଦୃତେ ଭୁବି ବିଦ୍ଯତେ।
ମଦ୍ବିଧା ମାନୁଷୀ ଧାତ୍ରୀ ଲୋକେ ନାସ୍ତୀହ କାଚନ॥ 1-105-15 (4646)
ତସ୍ମାତ୍ତଜ୍ଜନନୀହେତୋର୍ମାନୁଷତ୍ବମୁପାଗତା।
ଜନଯିତ୍ବା ବସୂନଷ୍ଟୌ ଜିତା ଲୋକାସ୍ତ୍ବଯାଽକ୍ଷଯାଃ॥ 1-105-16 (4647)
ଦେବାନାଂ ସମଯସ୍ତ୍ବେଷ ବସୂନାଂ ସଂଶ୍ରୁତୋ ମଯା।
ଜାତଂ ଜାତଂ ମୋକ୍ଷଯିଷ୍ଯେ ଜନ୍ମତୋ ମାନୁଷାଦିତି॥ 1-105-17 (4648)
ତତ୍ତେ ଶାପାଦ୍ବିନିର୍ମୁକ୍ତା ଆପବସ୍ଯ ମହାତ୍ମନଃ।
ସ୍ବସ୍ତି ତେସ୍ତୁ ଗମିଷ୍ଯାମି ପୁତ୍ରଂ ପାହି ମହାବ୍ରତମ୍॥ 1-105-18 (4649)
`ଅଯଂ ତବ ସୁତସ୍ତେଷାଂ ବୀର୍ଯେଣ କୁଲନନ୍ଦନଃ।
ସଂଭୂତୋତିଜନଂ କର୍ମ କରିଷ୍ଯତି ନ ସଂଶଯଃ॥' 1-105-19 (4650)
ଏଷ ପର୍ଯାଯବାସୋ ମେ ବସୂନାଂ ସନ୍ନିଧୌ କୃତଃ।
ମତ୍ପ୍ରସୂତିଂ ବିଜାନୀହି ଗଙ୍ଗାଦତ୍ତମିମଂ ସୁତମ୍॥ ॥ 1-105-20 (4651)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ପଞ୍ଚାଧିକଶତତମୋଽଧ୍ଯାଯଃ॥ 105 ॥
Mahabharata - Adi Parva - Chapter Footnotes
1-105-11 ତେତ୍ବଯା॥ 1-105-15 ଧାତ୍ରୀ ଗର୍ଭଧାରିଣୀ॥ 1-105-17 ସଂଶ୍ରୁତୋଽଙ୍ଗୀକୃତଃ॥ 1-105-18 ଆପବସ୍ଯ ବସିଷ୍ଠସ୍ଯ॥ ପଞ୍ଚାଧିକଶତତମୋଽଧ୍ଯାଯଃ॥ 105 ॥ଆଦିପର୍ବ - ଅଧ୍ଯାଯ 106
॥ ଶ୍ରୀଃ ॥
1.106. ଅଧ୍ଯାଯଃ 106
Mahabharata - Adi Parva - Chapter Topics
ସ୍ବଗୋହର୍ତୄଣାଂ ବସୂନାଂ ବସିଷ୍ଠେନ ଶାପଃ॥ 1 ॥ ପୁନସ୍ତତ୍ପ୍ରାର୍ଥନଯା ତୁଷ୍ଟନେ ବସିଷ୍ଟେନ ଶାପସଂକୋଚଃ॥ 2 ॥ ଗଙ୍ଗାଯା ଭୀଷ୍ମେଣ ସହ ସ୍ବଲୋକଗମନମ୍॥ 3 ॥Mahabharata - Adi Parva - Chapter Text
1-106-0 (4652)
ଶାନ୍ତନୁରୁବାଚ। 1-106-0x (646)
ଆପବୋ ନାମ କୋନ୍ବେଷ ବସୂନାଂ କିଂ ଚ ଦୁଷ୍କୃତମ୍।
`ଶଶାପ ଯସ୍ମାତ୍କଲ୍ଯାଣି ସ ବସୂଂଶ୍ଚାରୁଦର୍ଶନେ।'
ଯସ୍ଯାଭିଶାପାତ୍ତେ ସର୍ବେ ମାନୁଷୀଂ ଯୋନିମାଗତାଃ॥ 1-106-1 (4653)
ଅନେନ ଚ କୁମାରେଣ ତ୍ବଯା ଦତ୍ତେନ କିଂ କୃତମ୍।
ଯସ୍ଯ ଚୈବ କୃତେନାଯଂ ମାନୁଷେଷୁ ନିବତ୍ସ୍ଯତି॥ 1-106-2 (4654)
ଈଶା ବୈ ସର୍ବଲୋକସ୍ଯ ବସବସ୍ତେ ଚ ବୈ କଥମ୍।
ମାନୁଷେଷୂଦପଦ୍ଯନ୍ତ ତନ୍ମମାଚକ୍ଷ୍ବ ଜାହ୍ନବି॥ 1-106-3 (4655)
ବୈଶମ୍ପାଯନ ଉବାଚ। 1-106-4x (647)
ଏବମୁକ୍ତା ତଦା ଗଙ୍ଗା ରାଜାନମିଦମବ୍ରବୀତ୍।
ଭର୍ତାରଂ ଜାହ୍ନବୀ ଦେବୀ ଶାନ୍ତନୁଂ ପୁରୁଷର୍ଷଭ॥ 1-106-4 (4656)
ଗଙ୍ଗୋବାଚ। 1-106-5x (648)
ଯଂ ଲେଭେ ବରୁଣଃ ପୁତ୍ରଂ ପୁରା ଭରତସତ୍ତମ।
ବସିଷ୍ଠନାମା ସ ମୁନିଃ ଖ୍ଯାତ ଆପବ ଇତ୍ଯୁତ॥ 1-106-5 (4657)
ତସ୍ଯାଶ୍ରମପଦଂ ପୁଣ୍ଯଂ ମୃଗପକ୍ଷିସମନ୍ବିତମ୍।
ମେରୋଃ ପାର୍ଶ୍ବେ ନଗେନ୍ଦ୍ରସ୍ଯ ସର୍ବର୍ତୁକୁସୁମାବୃତମ୍॥ 1-106-6 (4658)
ସ ବାରୁଣିସ୍ତପସ୍ତେପେ ତସ୍ମିନ୍ଭରତସତ୍ତମ।
ବନେ ପୁଣ୍ଯକୃତାଂ ଶ୍ରେଷ୍ଠଃ ସ୍ବାଦୁମୂଲଫଲୋଦକେ॥ 1-106-7 (4659)
ଦକ୍ଷସ୍ଯ ଦୁହିତା ଯା ତୁ ସୁରଭୀତ୍ଯଭିଶବ୍ଦିତା।
ଗାଂ ପ୍ରଜାତା ତୁ ସା ଦେବୀ କଶ୍ଯପାଦ୍ଭରତର୍ଷଭ॥ 1-106-8 (4660)
ଅନୁଗ୍ରହାର୍ଥଂ ଜଗତଃ ସର୍ବକାମଦୁହାଂ ବରାମ୍।
ତାଂ ଲେଭେ ଗାଂ ତୁ ଧର୍ମାତ୍ମା ହୋମଧେନୁଂ ସ ବାରୁଣିଃ॥ 1-106-9 (4661)
ସା ତସ୍ମିଂସ୍ତାପସାରଣ୍ଯେ ବସନ୍ତୀ ମୁନିସେବିତେ।
ଚଚାର ପୁଣ୍ଯେ ରମ୍ଯେ ଚ ଗୌରପେତଭଯା ତଦା॥ 1-106-10 (4662)
ଅଥ ତଦ୍ବନମାଜଗ୍ମୁଃ କଦାଚିଦ୍ଭରତର୍ଷଭ।
ପୃଥ୍ବାଦ୍ଯା ବସବଃ ସର୍ବେ ଦେବା ଦେବର୍ଷିସେବିତମ୍॥ 1-106-11 (4663)
ତେ ସଦାରା ବନଂ ତଚ୍ଚ ବ୍ଯଚରନ୍ତ ସମନ୍ତତଃ।
ରେମିରେ ରମଣୀଯେଷୁ ପର୍ବତେଷୁ ବନେଷୁ ଚ॥ 1-106-12 (4664)
ତତ୍ରୈକସ୍ଯାଥ ଭାର୍ଯା ତୁ ବସୋର୍ବାସବବିକ୍ରମ।
ସଂଚରନ୍ତୀ ବନେ ତସ୍ମିନ୍ଗାଂ ଦଦର୍ଶ ସୁମଧ୍ଯମା॥ 1-106-13 (4665)
ନନ୍ଦିନୀଂ ନାମ ରାଜେନ୍ଦ୍ର ସର୍ବକାମଧୁଗୁତ୍ତମାମ୍।
ସା ବିସ୍ମଯସମାବିଷ୍ଟା ଶୀଲଦ୍ରବିଣସଂପଦା॥ 1-106-14 (4666)
ଦ୍ଯବେ ବୈ ଦର୍ଶଯାମାସ ତାଂ ଗାଂ ଗୋବୃଷଭେକ୍ଷଣ।
ଆପୀନାଂ ଚ ସୁଦୋଗ୍ଧ୍ରୀଂ ଚ ସୁବାଲଧିଖୁରାଂ ଶୁଭାଂ॥ 1-106-15 (4667)
ଉପପନ୍ନାଂ ଗୁଣୈଃ ସର୍ବୈଃ ଶୀଲେନାନୁତ୍ତମେନ ଚ।
ଏବଂଗୁଣସମାଯୁକ୍ତାଂ ବସବେ ବସୁନନ୍ଦିନୀ॥ 1-106-16 (4668)
ଦର୍ଶଯାମାସ ରାଜେନ୍ଦ୍ର ପୁରା ପୌରବନନ୍ଦନ।
ଦ୍ଯୌସ୍ତଦା ତାଂ ତୁ ଦୃଷ୍ଟ୍ବୈବ ଗାଂ ଗଜେନ୍ଦ୍ରେନ୍ଦ୍ରବିକ୍ରମ॥ 1-106-17 (4669)
ଉବାଚ ରାଜଂସ୍ତାଂ ଦେବୀଂ ତସ୍ଯା ରୂପଗୁଣାନ୍ବଦନ୍।
ଏଷା ଗୌରୁତ୍ତମା ଦେବୀ ବାରୁଣେରସିତେକ୍ଷଣା॥ 1-106-18 (4670)
ଋଷେସ୍ତସ୍ଯ ବରାରୋହେ ଯସ୍ଯେଦଂ ବନମୁତ୍ତମମ୍।
ଅସ୍ଯାଃ କ୍ଷୀରଂ ପିବେନ୍ମର୍ତ୍ଯଃ ସ୍ବାଦୁ ଯୋ ବୈ ସୁମଧ୍ଯମେ॥ 1-106-19 (4671)
ଦଶବର୍ଷସହସ୍ରାଣି ସ ଜୀବେତ୍ସ୍ଥିରଯୌବନଃ। 1-106-20 (4672)
ବୈଶମ୍ପାଯନ ଉବାଚ।
ଏତଚ୍ଛ୍ରୁତ୍ବା ତୁ ସା ଦେବୀ ନୃପୋତ୍ତମ ସୁମଧ୍ଯମା॥ 1-106-20x (649)
ତମୁବାଚାନବଦ୍ଯାଙ୍ଗୀ ଭର୍ତାରଂ ଦୀପ୍ତତେଜସମ୍।
ଅସ୍ତି ମେ ମାନୁଷେ ଲୋକେ ନରଦେବାତ୍ମଜା ସଖୀ॥ 1-106-21 (4673)
ନାମ୍ନାଜିତବତୀ ନାମ ରୂପଯୌବନଶାଲିନୀ।
ଉଶୀନରସ୍ଯ ରାଜର୍ଷେଃ ସତ୍ଯସନ୍ଧସ୍ଯ ଧୀମତଃ॥ 1-106-22 (4674)
ଦୁହିତା ପ୍ରଥିତା ଲୋକେ ମାନୁଷେ ରୂପସଂପଦା।
ତସ୍ଯା ହେତୋର୍ମହାଭାଗ ସବତ୍ସାଂ ଗାଂ ମମେପ୍ସିତାମ୍॥ 1-106-23 (4675)
ଆନଯସ୍ବାମରଶ୍ରେଷ୍ଠ ତ୍ବରିତଂ ପୁଣ୍ଯବର୍ଧନ।
ଯାବଦସ୍ଯାଃ ପଯଃ ପୀତ୍ବା ସା ସଖୀ ମମ ମାନଦ॥ 1-106-24 (4676)
ମାନୁଷେଷୁ ଭବତ୍ବେକା ଜରାରୋଗବିବର୍ଜିତା।
ଏତନ୍ମମ ମହାଭାଗ କର୍ତୁମର୍ହସ୍ଯନିନ୍ଦିତ॥ 1-106-25 (4677)
ପ୍ରିଯାତ୍ପ୍ରିଯତରଂ ହ୍ଯସ୍ମାନ୍ନାସ୍ତି ମେଽନ୍ଯତ୍କଥଂଚନ।
ଏତଚ୍ଛ୍ରୁତ୍ବା ବଚସ୍ତସ୍ଯା ଦେବ୍ଯାଃ ପ୍ରିଯଚିକୀର୍ଷଯା॥ 1-106-26 (4678)
ପୃଥ୍ବାଦ୍ଯୈର୍ଭ୍ରାତୃଭିଃ ସାର୍ଧଂ ଦ୍ଯୌସ୍ତଦା ତାଂ ଜହାର ଗାମ୍।
ତଯା କମଲପତ୍ରାକ୍ଷ୍ଯା ନିଯୁକ୍ତୋ ଦ୍ଯୌସ୍ତଦା ନୃପ॥ 1-106-27 (4679)
ଋଷେସ୍ତସ୍ଯ ତପସ୍ବୀବ୍ରଂ ନ ଶଶାକ ନିରୀକ୍ଷିତୁମ୍।
ହୃତା ଗୌଃ ସା ତଦା ତେନ ପ୍ରପାତସ୍ତୁ ନ ତର୍କିତଃ॥ 1-106-28 (4680)
ଅଥାଶ୍ରମପଦଂ ପ୍ରାପ୍ତଃ ଫଲାନ୍ଯାଦାଯ ବାରୁଣିଃ।
ନ ଚାପଶ୍ଯତ୍ସ ଗାଂ ତତ୍ର ସବତ୍ସାଂ କାନନୋତ୍ତମେ॥ 1-106-29 (4681)
ତତଃ ସ ମୃଗଯାମାସ ବନେ ତସ୍ମିଂସ୍ତପୋଧନଃ।
ନାଧ୍ଯାଗମଚ୍ଚ ମୃଗଯଂସ୍ତାଂ ଗାଂ ମୁନିରୁଦାରଧୀଃ॥ 1-106-30 (4682)
ଜ୍ଞାତ୍ବା ତଥାଽପନୀତାଂ ତାଂ ବସୁଭିର୍ଦିବ୍ଯଦର୍ଶନଃ।
ଯଯୌ କ୍ରୋଧବଶଂ ସଦ୍ଯଃ ଶଶାପ ଚ ବସୂଂସ୍ତଦା॥ 1-106-31 (4683)
ଯସ୍ମାନ୍ମେ ବସବୋ ଜହ୍ରୁର୍ଗାଂ ବୈ ଦୋଗ୍ଧ୍ରୀଂ ସୁବାଲଧିମ୍।
ତସ୍ମାତ୍ସର୍ବେ ଜନିଷ୍ଯନ୍ତି ମାନୁଷେଷୁ ନ ସଂଶଯଃ॥ 1-106-32 (4684)
ଏବଂ ଶଶାପ ଭଗବାନ୍ବସୂଂସ୍ତାନ୍ଭରତର୍ଷଭ।
ବଶଂ କ୍ରୋଧସ୍ଯ ସଂପ୍ରାପ୍ତ ଆପବୋ ମୁନିସତ୍ତମଃ॥ 1-106-33 (4685)
ଶପ୍ତ୍ବା ଚ ତାନ୍ମହାଭାଗସ୍ତପସ୍ଯେବ ମନୋ ଦଧେ।
ଏବଂ ସ ଶପ୍ତବାନ୍ରାଜନ୍ବସୂନଷ୍ଟୌ ତପୋଧନଃ॥ 1-106-34 (4686)
ମହାପ୍ରଭାବୋ ବ୍ରହ୍ମର୍ଷିର୍ଦେବାନ୍କ୍ରୋଧସମନ୍ବିତଃ।
`ଏବଂ ଶପ୍ତାସ୍ତତସ୍ତେନ ମୁନିନା ଯାମୁନେନ ବୈ॥ 1-106-35 (4687)
ଅଷ୍ଟୌ ସମସ୍ତା ବଂସବୋ ଦିବୋ ଦୋଷେଣ ସତ୍ତମ।'
ଅଥାଶ୍ରମପଦଂ ପ୍ରାପ୍ତାସ୍ତେ ବୈ ଭୂଯୋ ମହାତ୍ମନଃ॥ 1-106-36 (4688)
ଶପ୍ତାଃ ସ୍ମ ଇତି ଜାନନ୍ତ ଋଷିଂ ତମୁପଚକ୍ରମୁଃ।
ପ୍ରସାଦଯନ୍ତସ୍ତମୃଷିଂ ବସବଃ ପାର୍ଥିବର୍ଷଭ॥ 1-106-37 (4689)
ଲେଭିରେ ନ ଚ ତସ୍ମାତ୍ତେ ପ୍ରସାଦମୃଷିସତ୍ତମାତ୍।
ଆପବାତ୍ପୁରୁଷବ୍ଯାଘ୍ର ସର୍ବଧର୍ମବିଶାରଦାତ୍॥ 1-106-38 (4690)
ଉବାଚ ଚ ସ ଧର୍ମାତ୍ମା ଶପ୍ତା ଯୂଯଂ ଧରାଦଯଃ।
ଅନୁସଂବତ୍ସରାତ୍ସର୍ବେ ଶାପମୋକ୍ଷମବାପ୍ସ୍ଯଥ॥ 1-106-39 (4691)
ଅଯଂ ତୁ ଯତ୍କୃତେ ଯୂଯଂ ମଯା ଶପ୍ତାଃ ସ ବତ୍ସ୍ଯତି।
ଦ୍ଯୌସ୍ତଦା ମାନୁଷେ ଲୋକେ ଦୀର୍ଘକାଲଂ ସ୍ବକର୍ମଣଃ॥ 1-106-40 (4692)
ନାନୃତଂ ତଚ୍ଚିକୀର୍ଷାମି କ୍ରୁଦ୍ଧୋ ଯୁଷ୍ମାନ୍ଯଦବ୍ରୁବମ୍।
ନ ପ୍ରଜାସ୍ଯତି ଚାପ୍ଯେଷ ମାନୁଷେଷୁ ମହାମନାଃ॥ 1-106-41 (4693)
ଭବିଷ୍ଯତି ଚ ଧର୍ମାତ୍ମା ସର୍ବଶାସ୍ତ୍ରବିଶାରଦଃ।
ପିତୁଃ ପ୍ରିଯହିତେ ଯୁକ୍ତଃ ସ୍ତ୍ରୀଭୋଗାନ୍ବର୍ଜଯିଷ୍ଯତି॥ 1-106-42 (4694)
ଏବମୁକ୍ତ୍ବା ବସୂନ୍ସର୍ବାନ୍ସଜଗାମ ମହାନୃଷିଃ।
ତତୋ ମାମୁପଜଗ୍ମୁସ୍ତେ ସମେତା ବସବସ୍ତଦା॥ 1-106-43 (4695)
ଅଯାଚନ୍ତ ଚ ମାଂ ରାଜନ୍ବରଂ ତଚ୍ଚ ମଯା କୃତମ୍।
ଜାତାଞ୍ଜାତାନ୍ପ୍ରକ୍ଷିପାସ୍ମାନ୍ସ୍ବଯଂ ଗଙ୍ଗେ ତ୍ବମମ୍ଭସି॥ 1-106-44 (4696)
ଏବଂ ତେଷାମହଂ ସମ୍ଯକ୍ ଶପ୍ତାନାଂ ରାଜସତ୍ତମ।
ମୋକ୍ଷାର୍ଥଂ ମାନୁଷାଲ୍ଲୋକାଦ୍ଯଥାବତ୍କୃତବତ୍ଯହମ୍॥ 1-106-45 (4697)
ଅଯଂ ଶାପାଦୃଷେସ୍ତସ୍ଯ ଏକ ଏବ ନୃପୋତ୍ତମ।
ଦ୍ଯୌ ରାଜନ୍ମାନୁଷେ ଲୋକେ ଚିରଂ ବତ୍ସ୍ଯତି ଭାରତ॥ 1-106-46 (4698)
ଅଯଂ କୁମାରଃ ପୁତ୍ରସ୍ତେ ବିବୃଦ୍ଧଃ ପୁନରେଷ୍ଯତି।
ଅହଂ ଚ ତେ ଭବିଷ୍ଯାମି ଆହ୍ବାନୋପଗତା ନୃପ॥ 1-106-47 (4699)
ବୈଶମ୍ପାଯନ ଉବାଚ। 1-106-48x (650)
ଏତଦାଖ୍ଯାଯ ସା ଦେବୀ ତତ୍ରୈବାନ୍ତରଧୀଯତ।
ଆଦାଯ ଚ କୁମାରଂ ତଂ ଜଗାମାଥ ଯଥେପ୍ସିତମ୍॥ 1-106-48 (4700)
ସ ତୁ ଦେବବ୍ରତୋ ନାମ ଗାଙ୍ଗେଯ ଇତି ଚାଭବତ୍।
ଦ୍ଯୁନାମା ଶାନ୍ତନୋଃ ପୁତ୍ରଃ ଶାନ୍ତନୋରଧିକୋ ଗୁଣୈଃ॥ 1-106-49 (4701)
ଶାନ୍ତନୁଶ୍ଚାପି ଶୋକାର୍ତୋ ଜଗାମ ସ୍ବପୁରଂ ତତଃ।
ତସ୍ଯାହଂ କୀର୍ତଯିଷ୍ଯାମି ଶାନ୍ତନୋରଧିକାନ୍ଗୁଣାନ୍॥ 1-106-50 (4702)
ମହାଭାଗ୍ଯଂ ଚ ନୃପତେର୍ଭାରତସ୍ଯ ମହାତ୍ମନଃ।
ଯସ୍ଯେତିହାସୋ ଦ୍ଯୁତିମାନ୍ମହାଭାରତମୁଚ୍ଯତେ॥ ॥ 1-106-51 (4703)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଷଡଧିକଶତତମୋଽଧ୍ଯାଯଃ॥ 106 ॥
Mahabharata - Adi Parva - Chapter Footnotes
1-106-8 ଗାଂ ପ୍ରଜାତା ନନ୍ଦିନୀଂ ଜନିତବତୀ॥ 1-106-15 ଦ୍ଯବେ ଦ୍ଯୁସଂଜ୍ଞାଯ ବସବେ। ବାଲଧିଃ ପୁଚ୍ଛମ୍॥ 1-106-16 ବସୁନନ୍ଦିନୀ ବସୁପ୍ରିଯା॥ 1-106-28 ପ୍ରପାତୋ ବସିଷ୍ଠଶାପରୂପଃ॥ 1-106-41 ନ ପ୍ରଜାସ୍ଯତ୍ଯାତ୍ମନଃ ପ୍ରଜେଚ୍ଛାଂ ନ କରିଷ୍ଯତି। କ୍ଯଜନ୍ତୋଯମ୍॥ ଷଡଧିକଶତତମୋଽଧ୍ଯାଯଃ॥ 106 ॥ଆଦିପର୍ବ - ଅଧ୍ଯାଯ 107
॥ ଶ୍ରୀଃ ॥
1.107. ଅଧ୍ଯାଯଃ 107
Mahabharata - Adi Parva - Chapter Topics
ଶାନ୍ତନୁଭୀଷ୍ମଯୋଶ୍ଚରିତମ୍॥ 1 ॥ ଶାନ୍ତନୋଃ ପୁନର୍ଗଙ୍ଗାଦର୍ଶନଂ ତଯା ସହ ସଂବାଦଶ୍ଚ॥ 2 ॥ ଗଙ୍ଗାଦତ୍ତେନ ଭୀଷ୍ମେଣ ସହ ଶାନ୍ତନୋଃ ସ୍ବପୁରପ୍ରବେଶଃ॥ 3 ॥ ଭୀଷ୍ମସ୍ଯ ଯୌବରାଜ୍ଯେଭିଷେକଃ॥ 4 ॥ ଶାନ୍ତନୁଭାବଂ ଜ୍ଞାତ୍ବା ଦାଶାଶଯାନୁସାରେଣ ପ୍ରତିଜ୍ଞାପୂର୍ବକଂ ଭୀଷ୍ମେଣ ଦାଶକନ୍ଯାନଯନମ୍॥ 5 ॥ ତୁଷ୍ଟେନ ଶାନ୍ତନୁନା ଭୀଷ୍ମାଯ ସ୍ବଚ୍ଛନ୍ଦମରଣବରଦାନମ୍॥ 6 ॥Mahabharata - Adi Parva - Chapter Text
1-107-0 (4704)
ବୈଶମ୍ପାଯନ ଉବାଚ। 1-107-0x (651)
ସ ରାଜା ଶାନ୍ତନୁର୍ଧୀମାନ୍ଦେବରାଜର୍ଷିସତ୍କୃତଃ।
ଧର୍ମାତ୍ମା ସର୍ବଲୋକେଷୁ ସତ୍ଯବାଗିତି ବିଶ୍ରୁତଃ॥ 1-107-1 (4705)
ଶାନ୍ତନୋଃ କୀର୍ତଯିଷ୍ଯାମି ସର୍ବାନେବ ଗୁଣାନହମ୍।
ଦମୋ ଦାନଂ କ୍ଷମା ବୁଦ୍ଧିର୍ହ୍ରୀର୍ଧୃତିସ୍ତେଜ ଉତ୍ତମମ୍।
ନିତ୍ଯାନ୍ଯାସନ୍ମହାସତ୍ବେ ଶାନ୍ତନୌ ପୁରୁଷର୍ଷଭେ॥ 1-107-2 (4706)
ଏବଂ ସ ଗୁଣସଂପନ୍ନୋ ଧର୍ମାର୍ଥକୁଶଲୋ ନୃପଃ।
ଆସୀଦ୍ଭରତବଂଶସ୍ଯ ଗୋପ୍ତା ସର୍ବଜନସ୍ଯ ଚ॥ 1-107-3 (4707)
କମ୍ବୁଗ୍ରୀବଃ ପୃଥୁବ୍ଯଂସୋ ମତ୍ତବାରଣବିକ୍ରମଃ।
ଅନ୍ବିତଃ ପରିପୂର୍ଣାର୍ଥୈଃ ସର୍ବୈର୍ନୃପତିଲକ୍ଷଣୈଃ॥ 1-107-4 (4708)
ତସ୍ଯ କୀର୍ତିମତୋ ବୃତ୍ତମବେକ୍ଷ୍ଯ ସତତଂ ନରାଃ।
ଧର୍ମ ଏବ ପରଃ କାମାଦର୍ଥାଚ୍ଚେତି ବ୍ଯବସ୍ଥିତଃ॥ 1-107-5 (4709)
ଏବମାସୀନ୍ମହାସତ୍ବଃ ଶାନ୍ତନୁର୍ଭରତର୍ଷଭ।
ନ ଚାସ୍ଯ ସଦୃଶଃ କଶ୍ଚିଦ୍ଧର୍ମତଃ ପାର୍ଥିବୋଽଭବତ୍॥ 1-107-6 (4710)
ବର୍ତମାନଂ ହି ଧର୍ମେଷୁ ସର୍ବଧର୍ମଭୃତାଂ ବରମ୍।
ତଂ ମହୀପା ମହୀପାଲଂ ରାଜରାଜ୍ଯେଽଭ୍ଯଷେଚଯନ୍॥ 1-107-7 (4711)
ବୀତଶୋକଭଯାବାଧାଃ ସୁଖସ୍ବପ୍ନନିବୋଧନାଃ।
ପତିଂ ଭାରତଗୋପ୍ତାରଂ ସମପଦ୍ଯନ୍ତ ଭୂମିପାଃ॥ 1-107-8 (4712)
ତେନ କୀର୍ତିମତା ଶିଷ୍ଟାଃ ଶକ୍ରପ୍ରତିମତେଜସା।
ଯଜ୍ଞଦାନକ୍ରିଯାଶୀଲାଃ ସମପଦ୍ଯନ୍ତ ଭୂମିପାଃ॥ 1-107-9 (4713)
ଶାନ୍ତନୁପ୍ରମୁଖୈର୍ଗୁପ୍ତେ ଲୋକେ ନୃପତିଭିସ୍ତଦା।
ନିଯମାତ୍ସର୍ବବର୍ଣାନାଂ ଧର୍ମୋତ୍ତରମବର୍ତତ॥ 1-107-10 (4714)
ବ୍ରହ୍ମ ପର୍ଯଚରତ୍କ୍ଷତ୍ରଂ ବିଶଃ କ୍ଷତ୍ରମନୁବ୍ରତାଃ।
ବ୍ରହ୍ମକ୍ଷତ୍ରାନୁରକ୍ତାଶ୍ଚ ଶୂଦ୍ରାଃ ପର୍ଯଚରନ୍ବିଶଃ॥ 1-107-11 (4715)
ସ ହାସ୍ତିନପୁରେ ରମ୍ଯେ କୁରୂଣାଂ ପୁଟଭେଦନେ।
ବସନ୍ସାଗରପର୍ଯନ୍ତାମନ୍ବଶାସଦ୍ବସୁନ୍ଧରାମ୍॥ 1-107-12 (4716)
ସ ଦେବରାଜସଦୃଶୋ ଧର୍ମଜ୍ଞଃ ସତ୍ଯବାଗୃଜୁଃ।
ଦାନଧର୍ମତପୋଯୋଗାଚ୍ଛ୍ରିଯା ପରମଯା ଯୁତଃ॥ 1-107-13 (4717)
ଅରାଗଦ୍ବେଷସଂଯୁକ୍ତଃ ସୋମବତ୍ପ୍ରିଯଦର୍ଶନଃ॥
ତେଜସା ସୂର୍ଯକଲ୍ପୋଽଭୂଦ୍ବାଯୁବେଗସମୋ ଜବେ।
ଅନ୍ତକପ୍ରତିମଃ କୋପେ କ୍ଷମଯା ପୃଥିବୀସମଃ॥ 1-107-14 (4718)
ବଧଃ ପଶୁବରାହାଣାଂ ତଥୈବ ମୃଗପକ୍ଷିଣାମ୍।
ଶାନ୍ତନୌ ପୃଥିବୀପାଲେ ନାବର୍ତତ ତଥା ନୃପ॥ 1-107-15 (4719)
ବ୍ରହ୍ମଧର୍ମୋତ୍ତରେ ରାଜ୍ଯେ ଶାନ୍ତନୁର୍ବିନଯାତ୍ମବାନ୍।
ସମଂ ଶଶାସ ଭୂତାନି କାମରାଗବିବର୍ଜିତଃ॥ 1-107-16 (4720)
`ଚକୋରନେତ୍ରସ୍ତାମ୍ରାସ୍ଯଃ ସିଂହର୍ଷଭଗତିର୍ଯୁବା।
ଗୁଣୈରନୁପମୈର୍ଯୁକ୍ତଃ ସମସ୍ତୈରାଭିଗାମିକୈଃ।
ଗମ୍ଭୀରଃ ସତ୍ବସଂପନ୍ନଃ ପୂର୍ଣଚନ୍ଦ୍ରନିଭାନନଃ॥' 1-107-17 (4721)
ଦେବର୍ଷିପିତୃଯଜ୍ଞାର୍ଥମାରଭ୍ଯନ୍ତ ତଦା କ୍ରିଯାଃ।
ନ ଚାଧର୍ମେଣ କେଷାଂଚିତ୍ପ୍ରାଣିନାମଭବଦ୍ବଧଃ॥ 1-107-18 (4722)
ଅସୁଖାନାମନାଥାନାଂ ତିର୍ଯଗ୍ଯୋନିଷୁ ବର୍ତତାମ୍।
ସ ଏବ ରାଜା ସର୍ବେଷାଂ ଭୂତାନାମଭବତ୍ପିତା॥ 1-107-19 (4723)
ତସ୍ମିନ୍କୁରୁପତିଶ୍ରେଷ୍ଠେ ରାଜରାଜେଶ୍ବରେ ସତି।
ଶ୍ରିତା ବାଗଭବତ୍ସତ୍ଯଂ ଦାନଧର୍ମାଶ୍ରିତଂ ମନଃ॥ 1-107-20 (4724)
`ଯଜ୍ଞାର୍ଥଂ ପଶବଃ ସୃଷ୍ଟାଃ ସଂତାନାର୍ଥଂ ଚ ମୈଥୁନମ୍।'
ସ ସମାଃ ଷୋଡଶାଷ୍ଟୌ ଚ ଚତସ୍ରୋଽଷ୍ଟୌ ତଥାଽପରାଃ।
ରତିମପ୍ରାପ୍ନୁବନ୍ସ୍ତ୍ରୀଷୁ ବଭୂବ ବନଗୋଚରଃ॥ 1-107-21 (4725)
ତଥାରୂପସ୍ତଥାଚାରସ୍ତଥାବୃତ୍ତସ୍ତଥାଶ୍ରୁତଃ।
ଗାଙ୍ଗେଯସ୍ତସ୍ଯ ପୁତ୍ରୋଽଭୂନ୍ନାମ୍ନା ଦେବବ୍ରତୋ ବସୁଃ॥ 1-107-22 (4726)
ସର୍ବାସ୍ତ୍ରେଷୁ ସ ନିଷ୍ଣାତଃ ପାର୍ଥିବେଷ୍ବିତରେଷୁ ଚ।
ମହାବଲୋ ମହାସତ୍ବୋ ମହାବୀର୍ଯୋ ମହାରଥଃ॥ 1-107-23 (4727)
ସ କଦାଚିନ୍ମୃଗଂ ବିଦ୍ଧ୍ବା ଗଙ୍ଗାମନୁସରନ୍ନଦୀମ୍।
ଭାଗୀରଥୀମଲ୍ପଜଲାଂ ଶାନ୍ତନୁର୍ଦୃଷ୍ଟବାନ୍ନୃପଃ॥ 1-107-24 (4728)
ତାଂ ଦୃଷ୍ଟ୍ବା ଚିନ୍ତଯାମାସ ଶାନ୍ତନୁଃ ପୁରୁଷର୍ଷଭଃ।
ସ୍ଯନ୍ଦତେ କିଂ ନ୍ବିଯଂ ନାଦ୍ଯ ସରିଚ୍ଛ୍ରେଷ୍ଠା ଯଥା ପୁରା॥ 1-107-25 (4729)
ତତୋ ନିମିତ୍ତମନ୍ବିଚ୍ଛନ୍ଦଦର୍ଶ ସ ମହାମନାଃ।
କୁମାରଂ ରୂପସଂପନ୍ନଂ ବୃହନ୍ତଂ ଚାରୁଦର୍ଶନମ୍॥ 1-107-26 (4730)
ଦିବ୍ଯମସ୍ତ୍ରଂ ବିକୁର୍ବାଣଂ ଯଥା ଦେବଂ ପୁରନ୍ଦରମ୍।
କୃତ୍ସ୍ନାଂ ଗଙ୍ଗାଂ ସମାବୃତ୍ଯ ଶରୈସ୍ତୀକ୍ଷ୍ଣୈରବସ୍ଥିତମ୍॥ 1-107-27 (4731)
ତାଂ ଶରୈରାଚିତାଂ ଦୃଷ୍ଟ୍ବା ନଦୀଂ ଗଙ୍ଗାଂ ତଦନ୍ତିକେ।
ଅଭବଦ୍ବିସ୍ମିତୋ ରାଜା ଦୃଷ୍ଟ୍ବା କର୍ମାତିମାନୁଷମ୍॥ 1-107-28 (4732)
ଜାତମାତ୍ରଂ ପୁରା ଦୃଷ୍ଟଂ ତଂ ପୁତ୍ରଂ ଶାନ୍ତନୁସ୍ତଦା।
ନୋପଲେଭେ ସ୍ମୃତିଂ ଧୀମାନଭିଜ୍ଞାତୁଂ ତମାତ୍ମଜମ୍॥ 1-107-29 (4733)
ସ ତୁ ତଂ ପିତରଂ ଦୃଷ୍ଟ୍ବା ମୋହଯାମାସ ମାଯଯା।
ସଂମୋହ୍ଯ ତୁ ତତଃ କ୍ଷିପ୍ରଂ ତତ୍ରୈବାନ୍ତରଧୀଯତ॥ 1-107-30 (4734)
ତଦଦ୍ବୁତଂ ତତୋ ଦୃଷ୍ଟ୍ବା ତତ୍ର ରାଜା ସ ଶାନ୍ତନୁଃ।
ସଙ୍କମାନଃ ସୁତଂ ଗଙ୍ଗାମବ୍ରବୀଦ୍ଦର୍ଶଯେତି ହ॥ 1-107-31 (4735)
ଦର୍ଶଯାମାସ ତଂ ଗଙ୍ଗା ବିଭ୍ରତୀ ରୂପମୁତ୍ତମମ୍।
ଗୃହୀତ୍ବା ଦକ୍ଷିଣେ ପାଣୌ ତଂ କୁମାରମଲଙ୍କୃତମ୍॥ 1-107-32 (4736)
ଅଲଙ୍କୃତାମାଭରଣୈର୍ବିରଜୋମ୍ବରଧାରିଣୀମ୍।
ଦୃଷ୍ଟପୂର୍ବାମପି ସ ତାଂ ନାଭ୍ଯଜାନାତ୍ସ ଶାନ୍ତନୁଃ॥ 1-107-33 (4737)
ଗଙ୍ଗୋବାଚ। 1-107-34x (652)
ଯଂ ପୁତ୍ରମଷ୍ଟମଂ ରାଜଂସ୍ତ୍ବଂ ପୁରା ମଯ୍ଯବିନ୍ଦଥାଃ।
ସ ଚାଯଂ ପୁରୁଷବ୍ଯାଘ୍ର ସର୍ବାସ୍ତ୍ରବିଦନୁତ୍ତମଃ॥ 1-107-34 (4738)
ଗୃହାଣେମଂ ମହାରାଜ ମଯା ସଂବର୍ଧିତଂ ସୁତମ୍।
ଆଦାଯ ପୁରୁଷବ୍ଯାଘ୍ର ନଯସ୍ବୈନଂ ଗୃହଂ ବିଭୋ॥ 1-107-35 (4739)
ବେଦାନଧିଜଗେ ସାଙ୍ଗାନ୍ବସିଷ୍ଠାଦେଷ ବୀର୍ଯବାନ୍।
କୃତାସ୍ତ୍ରଃ ପରମେଷ୍ବାସୋ ଦେବରାଜସମୋ ଯୁଧି॥ 1-107-36 (4740)
ସୁରାଣାଂ ସଂମତୋ ନିତ୍ଯମସୁରାଣାଂ ଚ ଭାରତ।
ଉଶା ବେଦ ଯଚ୍ଛାସ୍ତ୍ରମଯଂ ତଦ୍ବେଦ ସର୍ବଶଃ॥ 1-107-37 (4741)
ତଥୈବାଙ୍ଗିରସଃ ପୁତ୍ରଃ ସୁରସୁରନମସ୍କୃତଃ।
ଯଦ୍ବେଦ ଶାସ୍ତ୍ରଂ ତଚ୍ଚାପି କୃତ୍ସ୍ନମସ୍ମିନ୍ପ୍ରତିଷ୍ଠିତମ୍॥ 1-107-38 (4742)
ତବ ପୁତ୍ରେ ମହାବାହୌ ସାଙ୍ଗୋପାଙ୍ଗଂ ମହାତ୍ମନି।
ଋଷିଃ ପରୈରନାଧୃଷ୍ଯୋ ଜାମଦଗ୍ନ୍ଯଃ ପ୍ରତାପବାନ୍॥ 1-107-39 (4743)
ଯଦସ୍ତ୍ରଂ ବେଦ ରାଭଶ୍ଚ ତଦେତସ୍ମିନ୍ପ୍ରତିଷ୍ଠିତମ୍।
ମହେଷ୍ବାସମିମଂ ରାଜନ୍ରାଜଧର୍ମାର୍ଥକୋବିଦମ୍॥ 1-107-40 (4744)
ମଯା ଦତ୍ତଂ ନିଜଂ ପୁତ୍ରଂ ବୀରଂ ବୀର ଗୃହଂ ନଯ। 1-107-41 (4745)
ବୈଶମ୍ପାଯନ ଉବାଚ।
`ଇତ୍ଯୁକ୍ତ୍ବା ସା ମହାଭାଗା ତତ୍ରୈବାନ୍ତରଧୀଯତ।'
ତଯୈବଂ ସମନୁଜ୍ଞାତଃ ପୁତ୍ରମାଦାଯ ଶାନ୍ତନୁଃ॥ 1-107-41x (653)
ଭ୍ରାଜମାନଂ ଯଥାଽଦିତ୍ଯମାଯଯୌ ସ୍ବପୁରଂ ପ୍ରତି।
ପୌରବସ୍ତୁ ପୁରୀଂ ଗତ୍ବା ପୁରନ୍ଦରପୁରୋପମାମ୍॥ 1-107-42 (4746)
ସର୍ବକାମସମୃଦ୍ଧାର୍ଥଂ ମେନେ ସୋତ୍ମାନମାତ୍ମନା।
ପୌରବେଷୁ ତତଃ ପୁତ୍ରଂ ରାଜ୍ଯାର୍ଥମଭଯପ୍ରଦମ୍॥ 1-107-43 (4747)
ଗୁଣବନ୍ତଂ ମହାତ୍ମାନଂ ଯୌବରାଜ୍ଯେଽଭ୍ଯଷେଚଯତ୍।
ପୌରବାଞ୍ଶାନ୍ତନୋଃ ପୁତ୍ରଃ ପିତରଂ ଚ ମହାଯଶାଃ॥ 1-107-44 (4748)
ରାଷ୍ଟ୍ରଂ ଚ ରଞ୍ଜଯାମାସ ବୃତ୍ତେନ ଭରତର୍ଷଭ।
ସ ତଥା ସହ ପୁତ୍ରେଣ ରମମାଣୋ ମହୀପତିଃ॥ 1-107-45 (4749)
ବର୍ତଯାମାସ ବର୍ଷାଣି ଚତ୍ବାର୍ଯମିତବିକ୍ରମଃ।
ସ କଦାଚିଦ୍ବନଂ ଯାତୋ ଯମୁନାମଭିତୋ ନଦୀମ୍॥ 1-107-46 (4750)
ମହୀପତିରନିର୍ଦେଶ୍ଯମାଜିଘ୍ରଦ୍ଗନ୍ଧମୁତ୍ତମମ୍।
ତସ୍ଯ ପ୍ରଭବମନ୍ବିଚ୍ଛନ୍ବିଚଚାର ସମନ୍ତତଃ॥ 1-107-47 (4751)
ସ ଦଦର୍ଶ ତଦା କନ୍ଯାଂ ଦାଶାନାଂ ଦେବରୂପିଣୀମ୍।
ତାମପୃଚ୍ଛତ୍ସ ଦୃଷ୍ଟ୍ବୈବ କନ୍ଯାମସିତଲୋଚନାମ୍॥ 1-107-48 (4752)
କସ୍ଯ ତ୍ବମସି କା ଚାସି କିଂ ଚ ଭୀରୁ ଚିକୀର୍ଷସି।
ସାଽବ୍ରବୀଦ୍ଦାଶକନ୍ଯାଽସ୍ମି ଧର୍ମାର୍ଥଂ ବାହଯେ ତରିମ୍॥ 1-107-49 (4753)
ପିତୁର୍ନିଯୋଗାଦ୍ଭଦ୍ରଂ ତେ ଦାଶରାଜ୍ଞୋ ମହାତ୍ମନଃ।
ରୂପମାଧୁର୍ଯଗନ୍ଧୈସ୍ତାଂ ସଂଯୁକ୍ତାଂ ଦେବରୂପିଣୀମ୍॥ 1-107-50 (4754)
ସମୀକ୍ଷ୍ଯ ରାଜା ଦାଶେଯୀଂ କାମଯାମାସ ଶାନ୍ତନୁଃ।
ସ ଗତ୍ବା ପିତରଂ ତସ୍ଯା ବରଯାମାସ ତାଂ ତଦା॥ 1-107-51 (4755)
ପର୍ଯପୃଚ୍ଛତ୍ତତସ୍ତସ୍ଯାଃ ପିତରଂ ସୋତ୍ମକାରଣାତ୍।
ସ ଚ ତଂ ପ୍ରତ୍ଯୁବାଚେଦଂ ଦାଶରାଜୋ ମହୀପତିମ୍॥ 1-107-52 (4756)
ଜାତମାତ୍ରୈବ ମେ ଦେଯା ବରାଯ ବରବର୍ଣିନୀ।
ହୃଦି କାମସ୍ତୁ ମେ କଶ୍ଚିତ୍ତଂ ନିବୋଧ ଜନେଶ୍ବର॥ 1-107-53 (4757)
ଯଦୀମାଂ ଧର୍ମପତ୍ନୀଂ ତ୍ବଂ ମତ୍ତଃ ପ୍ରାର୍ଥଯସେଽନଘ।
ସତ୍ଯବାଗସି ସତ୍ଯେନ ସମଯଂ କୁରୁ ମେ ତତଃ॥ 1-107-54 (4758)
ସମଯେନ ପ୍ରଦଦ୍ଯାଂ ତେ କନ୍ଯାମହମିମାଂ ନୃପ।
ନ ହି ମେ ତ୍ବତ୍ସମଃ କଶ୍ଚିଦ୍ବରୋ ଜାତୁ ଭବିଷ୍ଯତି॥ 1-107-55 (4759)
ଶାନ୍ତନୁରୁବାଚ। 1-107-56x (654)
ଶ୍ରୁତ୍ବା ତବ ବରଂ ଦାଶ ବ୍ଯବସ୍ଯେଯମହଂ ତବ।
ଦାତବ୍ଯଂ ଚେତ୍ପ୍ରଦାସ୍ଯାମି ନ ତ୍ବଦେଯଂ କଥଂଚନ॥ 1-107-56 (4760)
ଦାଶ ଉବାଚ। 1-107-57x (655)
ଅସ୍ଯାଂ ଜାଯେତ ଯଃ ପୁତ୍ରଃ ସ ରାଜା ପୃଥିବୀପତେ।
ତ୍ବଦୂର୍ଧ୍ବମଭିଷେକ୍ତବ୍ଯୋ ନାନ୍ଯଃ କଶ୍ଚନ ପାର୍ଥିବ॥ 1-107-57 (4761)
ବୈଶମ୍ପାଯନ ଉବାଚ। 1-107-58x (656)
ନାକାମଯତ ତଂ ଦାତୁଂ ବରଂ ଦାଶାଯ ଶାନ୍ତନୁଃ।
ଶରୀରଜେନ ତୀବ୍ରେଣ ଦହ୍ଯମାନୋଽପି ଭାରତ॥ 1-107-58 (4762)
ସ ଚିନ୍ତଯନ୍ନେବ ତଦା ଦାଶକନ୍ଯାଂ ମହୀପତିଃ।
ପ୍ରତ୍ଯଯାଦ୍ଧାସ୍ତିନପୁରଂ କାମୋପହତଚେତନଃ॥ 1-107-59 (4763)
ତତଃ କଦାଚିଚ୍ଛୋଚନ୍ତଂ ଶାନ୍ତନୁଂ ଧ୍ଯାନମାସ୍ଥିତମ୍।
ପୁତ୍ରୋ ଦେବବ୍ରତୋଽଭ୍ଯେତ୍ଯ ପିତରଂ ବାକ୍ଯମବ୍ରବୀତ୍॥ 1-107-60 (4764)
ସର୍ବତୋ ଭବତଃ କ୍ଷେମଂ ବିଧେଯାଃ ସର୍ବପାର୍ଥିବାଃ।
ତତ୍କିମର୍ଥମିହାଭୀକ୍ଷ୍ଣଂ ପରିଶୋଚସି ଦୁଃଖିତଃ॥ 1-107-61 (4765)
ଧ୍ଯାଯନ୍ନିବ ଚ ମାଂ ରାଜନ୍ନାଭିଭାଷସି କିଂଚନ।
ନ ଚାଶ୍ବେନ ବିନିର୍ଯାସି ବିବର୍ଣୋ ହରିଣଃ କୃଶଃ॥ 1-107-62 (4766)
ବ୍ଯାଧିମିଚ୍ଛାମି ତେ ଜ୍ଞାତୁଂ ପ୍ରତିକୁର୍ଯାଂ ହି ତତ୍ର ବୈ। 1-107-63 (4767)
`ବୈଶମ୍ପାଯନ ଉବାଚ।
ସ ତଂ କାମମବାଚ୍ଯଂ ବୈ ଦାଶକନ୍ଯାଂ ପ୍ରତୀଦୃଶମ୍॥ 1-107-63x (657)
ବିବର୍ତୁଂ ନାଶକତ୍ତସ୍ମୈ ପିତା ପୁତ୍ରସ୍ଯ ଶାନ୍ତନୁଃ।'
ଏବମୁକ୍ତଃ ସ ପୁତ୍ରେଣ ଶାନ୍ତନୁଃ ପ୍ରତ୍ଯଭାଷତ॥ 1-107-64 (4768)
ଅସଂଶଯଂ ଧ୍ଯାନପରୋ ଯଥା ବତ୍ସ ତଥା ଶୃଣୁ।
ଅପତ୍ଯଂ ନସ୍ତ୍ବମେବୈକଃ କୁଲେ ମହତି ଭାରତ॥ 1-107-65 (4769)
ଶସ୍ତ୍ରନିତ୍ଯଶ୍ଚ ସତତଂ ପୌରୁଷେ ପର୍ଯବସ୍ଥିତଃ।
ଅନିତ୍ଯତାଂ ଚ ଲୋକାନାମନୁଶୋଚାମି ପୁତ୍ରକ॥ 1-107-66 (4770)
କଥଂଚିତ୍ତବ ଗାଙ୍ଗେଯ ବିପତ୍ତୌ ନାସ୍ତି ନଃ କୁଲମ୍।
ଅସଂଶଯଂ ତ୍ବମେବୈକଃ ଶତାଦପି ବରଃ ସୁତଃ॥ 1-107-67 (4771)
ନ ଚାପ୍ଯହଂ ବୃଥା ଭୂଯୋ ଦାରାନ୍କର୍ତୁମିହୋତ୍ସହେ।
ସଂତାନସ୍ଯାବିନାଶାଯ କାମଯେ ଭଦ୍ରମସ୍ତୁ ତେ॥ 1-107-68 (4772)
ଅନପତ୍ଯତୈକପୁତ୍ରତ୍ବମିତ୍ଯାହୁର୍ଧର୍ମବାଦିନଃ।
`ଚକ୍ଷୁରେକଂ ଚ ପୁତ୍ରଶ୍ଚ ଅସ୍ତି ନାସ୍ତି ଚ ଭାରତ।
ଚକ୍ଷୁର୍ନାଶେ ତନୋର୍ନାଶଃ ପୁତ୍ରନାଶେ କୁଲକ୍ଷଯଃ॥' 1-107-69 (4773)
ଅଗ୍ନିହୋତ୍ରଂ ତ୍ରଯୀ ବିଦ୍ଯା ଯଜ୍ଞାଶ୍ଚ ସହଦକ୍ଷିଣାଃ।
ସର୍ବାଣ୍ଯେତାନ୍ଯପତ୍ଯସ୍ଯ କଲାଂ ନାର୍ହନ୍ତି ଷୋଡଶୀମ୍॥ 1-107-70 (4774)
ଏବମେତନ୍ମନୁଷ୍ଯେଷୁ ତଚ୍ଚ ସର୍ବଂ ପ୍ରଜାସ୍ବିତି।
ଯଦପତ୍ଯଂ ମହାପ୍ରାଜ୍ଞ ତତ୍ର ମେ ନାସ୍ତି ସଂଶଯଃ॥ 1-107-71 (4775)
`ଅପତ୍ଯେନାନୃଣୋ ଲୋକେ ପିତୄଣାଂ ନାସ୍ତି ସଂଶଯଃ।'
ଏଷା ତ୍ରଯୀ ପୁରାଣାନାଂ ଦେବତାନାଂ ଚ ଶାଶ୍ବତୀ॥ 1-107-72 (4776)
`ଅପତ୍ଯଂ କର୍ମ ବିଦ୍ଯା ଚ ତ୍ରୀଣି ଜ୍ଯୋତୀଂଷି ଭାରତ॥' 1-107-73 (4777)
ତ୍ବଂ ଚ ଶୂରଃ ସଦାଽମର୍ଷୀ ଶସ୍ତ୍ରନିତ୍ଯଶ୍ଚ ଭାରତ।
ନାନ୍ଯତ୍ର ଯୁଦ୍ଧାତ୍ତସ୍ମାତ୍ତେ ନିଧନଂ ବିଦ୍ଯତେ କ୍ବଚିତ୍॥ 1-107-74 (4778)
ସୋଽସ୍ମି ସଂଶଯମାପନ୍ନସ୍ତ୍ବଯି ଶାନ୍ତେ କଥଂ ଭବେତ୍।
ଇତି ତେ କାରଣଂ ତାତ ଦୁଃଖସ୍ଯୋକ୍ତମଶେଷତଃ॥ 1-107-75 (4779)
ବୈଶମ୍ପାଯନ ଉବାଚ। 1-107-76x (658)
ତତସ୍ତତ୍କାରଣଂ ରାଜ୍ଞୋ ଜ୍ଞାତ୍ବା ସର୍ବମଶେଷତଃ।
ଦେବବ୍ରତୋ ମହାବୁଦ୍ଧିଃ ପ୍ରଜ୍ଞଯା ଚାନ୍ବଚିନ୍ତଯତ୍॥ 1-107-76 (4780)
ଅପତ୍ଯଫଲସଂଯୁକ୍ତମେତଚ୍ଛ୍ରୁତ୍ବା ପିତୁର୍ବଚଃ।
ସୂତଂ ଭୂଯୋଽପି ସଂତପ୍ତ ଆହ୍ବଯାମାସ ବୈ ପିତୁଃ॥ 1-107-77 (4781)
ସୂତସ୍ତୁ କୁରୁମୁଖ୍ଯସ୍ଯ ଉପଯାତସ୍ତଦାଜ୍ଞଯା।
ତମୁବାଚ ମହାପ୍ରାଜ୍ଞୋ ଭୀଷ୍ମୋ ବୈ ସାରଥିଂ ପିତୁଃ॥ 1-107-78 (4782)
ତ୍ବଂ ସାରଥେ ପିତୁର୍ମହ୍ଯଂ ସଖାସି ରଥଧୂର୍ଗତଃ।
ଅପି ଜାନାସି ଯଦି ବୈ କସ୍ଯାଂ ଭାବୋ ନୃପସ୍ଯ ତୁ॥ 1-107-79 (4783)
ତଦାଚକ୍ଷ୍ବ ଭବାନ୍ପୃଷ୍ଟଃ କରିଷ୍ଯେ ନ ତଦନ୍ଯଥା। 1-107-80 (4784)
ସୂତ ଉବାଚ।
ଦାଶକନ୍ଯା କୁରୁଶ୍ରେଷ୍ଠ ତତ୍ର ଭାବଃ ପିତୁର୍ଗତଃ॥ 1-107-80x (659)
ବୃତଃ ସ ନରଦେବେନ ତଦା ବଚନମବ୍ରବୀତ୍।
ଯୋଽସ୍ଯାଂ ପୁମାନ୍ଭବେଜ୍ଜାତଃ ସ ରାଜା ତ୍ବଦନନ୍ତରମ୍॥ 1-107-81 (4785)
ନାକାମଯତ ତଂ ଦାତୁଂ ପିତା ତବ ବରଂ ତଦା।
ସ ଚାପି ନିଶ୍ଚଯସ୍ତସ୍ଯ ନ ଚ ଦଦ୍ଯାଂ ତତୋଽନ୍ଯଥା॥ 1-107-82 (4786)
ଏତତ୍ତେ କଥିତଂ ବୀର କୁରୁଷ୍ବ ଯଦନନ୍ତରମ୍। 1-107-83 (4787)
ବୈଶମ୍ପାଯନ ଉବାଚ।
ତତଃ ସ ପିତୁରାଜ୍ଞାଯ ମତଂ ସମ୍ଯଗବେକ୍ଷ୍ଯ ଚ।
ଜ୍ଞାତ୍ବା ଚ ମାନସଂ ପୁତ୍ରଃ ପ୍ରଯଯୌ ଯମୁନାଂ ପ୍ରତି॥ 1-107-83x (660)
କ୍ଷତ୍ରିଯୈଃ ସହ ଧର୍ମାତ୍ମା ପୁରାଣୈର୍ଧର୍ମଚାରିଭିଃ।
ଉଚ୍ଚୈଶ୍ଶ୍ରବସମାଗମ୍ଯ କନ୍ଯାଂ ବବ୍ରେ ପିତୁଃ ସ୍ବଯମ୍'॥ 1-107-84 (4788)
ତଂ ଦାଶଃ ପ୍ରତିଜଗ୍ରାହ ବିଧିବତ୍ପ୍ରତିପୂଜ୍ଯ ଚ।
ଅବ୍ରବୀଚ୍ଚୈନମାସୀନଂ ରାଜସଂସଦି ଭାରତ॥ 1-107-85 (4789)
`ରାଜ୍ଯଶୁଲ୍କା ପ୍ରଦାତବ୍ଯା କନ୍ଯେଯଂ ଯାଚତାଂ ବର।
ଅପତ୍ଯଂ ଯଦ୍ଭବେଦସ୍ଯାଃ ସ ରାଜାଽସ୍ତୁ ପିତୁଃ ପରମ୍॥' 1-107-86 (4790)
ତ୍ବମେବାତ୍ର ମହାବାହୋ ଶାନ୍ତନୋର୍ବଂଶବର୍ଧନଃ।
ପୁତ୍ରଃ ଶସ୍ତ୍ରଭୃତାଂ ଶ୍ରେଷ୍ଠଃ କିଂ ନୁ ବକ୍ଷ୍ଯାମି ତେ ବଚଃ॥ 1-107-87 (4791)
`କୁମାରିକାଯାଃ ଶୁଲ୍କାର୍ଥଂ କିଂଚିଦ୍ବକ୍ଷ୍ଯାମି ଭାରତ।'
କୋହି ସଂବନ୍ଧଖଂ ଶ୍ଲାଘ୍ଯମୀପ୍ସିତଂ ଯୌନମୀଦୃଶମ୍।
ଅତିକ୍ରାମନ୍ନ ତପ୍ଯେତ ସାକ୍ଷାଦପି ଶତକ୍ରତୁଃ॥ 1-107-88 (4792)
ଅପତ୍ଯଂ ଚୈତଦାର୍ଯସ୍ଯ ଯୋ ଯୁଷ୍ମାକଂ ସମୋ ଗୁଣୈଃ।
ଯସ୍ଯ ଶୁକ୍ରାତ୍ସତ୍ଯବତୀ ସଂଭୂତା ବରବର୍ଣିନୀ॥ 1-107-89 (4793)
ତେନ ମେ ବହୁଶସ୍ତାତ ପିତା ତେ ପରିକୀର୍ତିତଃ।
ଅର୍ହଃ ସତ୍ଯବତୀଂ ବୋଢୁଂ ଧର୍ମଜ୍ଞଃ ସ ନରାଧିପଃ॥ 1-107-90 (4794)
`ଇଯଂ ସତ୍ଯବତୀ ଦେବୀ ପିତରଂ ତେଽବ୍ରବୀତ୍ତଥା।
ଅର୍ଥିତଶ୍ଚାପିରାଜର୍ଷିଃ ପ୍ରତ୍ଯାଖ୍ଯାତଃ ପୁରା ମଯା'॥ 1-107-91 (4795)
କନ୍ଯାପିତୃତ୍ବାତ୍କିଂଚିତ୍ତୁ ବକ୍ଷ୍ଯାମି ତ୍ବାଂ ନରାଧିପ।
ବଲବତ୍ସପତ୍ନତାମତ୍ର ଦୋଷଂ ପଶ୍ଯାମି କେବଲମ୍॥ 1-107-92 (4796)
`ଭୂଯାଂସଂ ତ୍ବଯି ପଶ୍ଯାମି ତଦ୍ଦୋଷମପରାଜିତ।'
ଯସ୍ଯ ହି ତ୍ବଂ ସପତ୍ନଃ ସ୍ଯା ଗନ୍ଧର୍ବସ୍ଯାସୁରସ୍ଯ ବା॥ 1-107-93 (4797)
ନ ସ ଜାତୁ ଚିରଂ ଜୀବେତ୍ତ୍ବଯି କ୍ରୁଦ୍ଧେ ପରନ୍ତପ।
ଏତାବାନତ୍ର ଦୋଷୋ ହି ନାନ୍ଯଃ କଶ୍ଚନ ପାର୍ଥିବ॥ 1-107-94 (4798)
ଏତଜ୍ଜାନୀହି ଭଦ୍ରଂ ତେ ଦାନାଦାନେ ପରନ୍ତପ॥ 1-107-95 (4799)
ବୈଶମ୍ପାଯନ ଉବାଚ। 1-107-96x (661)
ଏବମୁକ୍ତସ୍ତୁ ଗାଙ୍ଗେଯସ୍ତଦ୍ଯୁକ୍ତଂ ପ୍ରତ୍ଯଭାଷତ।
ଶୃଣ୍ବତାଂ ଭୂମିପାଲାନାଂ ପିତୁରର୍ଥାଯ ଭାରତ॥ 1-107-96 (4800)
`ଇଦଂ ବଚନମାଧତ୍ସ୍ବ ନାସ୍ତି ବକ୍ତାସ୍ଯ ମତ୍ସମଃ।
ଅନ୍ଯୋ ଜାତୋ ନ ଜନିତା ନ ଚ କଶ୍ଚନ ସଂପ୍ରତି'॥ 1-107-97 (4801)
ଏବମେତତ୍କରିଷ୍ଯାମି ଯଥା ତ୍ବମନୁଭାଷସେ।
ଯୋଽସ୍ଯାଂ ଜନିଷ୍ଯତେ ପୁତ୍ରଃ ସ ନୋ ରାଜା ଭବିଷ୍ଯତି॥ 1-107-98 (4802)
ଇତ୍ଯୁକ୍ତଃ ପୁନରେବ ସ୍ମ ତଂ ଦାଶଃ ପ୍ରତ୍ଯଭାଷତ।
ଚିକୀର୍ଷୁର୍ଦୁଷ୍କରଂ କର୍ମ ରାଜ୍ଯାର୍ଥେ ଭରତର୍ଷଭ॥ 1-107-99 (4803)
ତ୍ବମେବ ନାଥଃ ସଂପ୍ରାପ୍ତଃ ଶାନ୍ତନୋରମିତଦ୍ଯୁତେ।
କନ୍ଯାଯାଶ୍ଚୈବ ଧର୍ମାତ୍ମନ୍ପ୍ରଭୁର୍ଦାନାଯ ଚେଶ୍ବରଃ॥ 1-107-100 (4804)
ଇଦଂ ତୁ ବଚନଂ ସୌମ୍ଯ କାର୍ଯଂ ଚୈବ ନିବୋଧ ମେ।
କୌମାରିକାଣାଂ ଶୀଲେନ ବକ୍ଷ୍ଯାମ୍ଯହମରିନ୍ଦମ॥ 1-107-101 (4805)
ଯତ୍ତ୍ବଯା ସତ୍ଯବତ୍ଯର୍ଥେ ସତ୍ଯଧର୍ମପରାଯଣ।
ରାଜମଧ୍ଯେ ପ୍ରତିଜ୍ଞାତମନୁରୂପଂ ତବୈବ ତତ୍॥ 1-107-102 (4806)
ନାନ୍ଯଥା ତନ୍ମହାବାହୋ ସଂଶଯୋଽତ୍ର ନ କଶ୍ଚନ।
ତବାପତ୍ଯଂ ଭବେଦ୍ଯତ୍ତୁ ତତ୍ର ନଃ ସଂଶଯୋ ମହାନ୍॥ 1-107-103 (4807)
ବୈଶମ୍ପାଯନ ଉବାଚ। 1-107-104x (662)
ତସ୍ଯୈତନ୍ମତମାଜ୍ଞାଯ ସତ୍ଯଧର୍ମପରାଯଣଃ।
ପ୍ରତ୍ଯଜାନାତ୍ତଦା ରାଜନ୍ପିତୁଃ ପ୍ରିଯଚିକୀର୍ଷଯା॥ 1-107-104 (4808)
ଗାଙ୍ଗେଯ ଉବାଚ। 1-107-105x (663)
`ଉଚ୍ଚୈଶ୍ଶ୍ରବଃ ସମାଧତ୍ସ୍ବ ପ୍ରତିଜ୍ଞାଂ ଜନସଂସଦି।
ଋଷଯୋ ବାଥ ବା ଦେବା ଭୂତାନ୍ଯନ୍ତର୍ହିତାନି ଚ॥ 1-107-105 (4809)
ଯାନି ଯାନୀହ ଶୃଣ୍ବନ୍ତୁ ନାସ୍ତି ବକ୍ତାସ୍ଯ ମତ୍ସମଃ।'
ଦାଶରାଜ ନିବୋଧେଦଂ ବଚନଂ ମେ ନୃପୋତ୍ତମ॥ 1-107-106 (4810)
ଶୃଣ୍ବତାଂ ଭୂମିପାଲାନାଂ ଯଦ୍ବ୍ରବୀମି ପିତୁଃ କୃତେ।
ରାଜ୍ଯଂ ତାବତ୍ପୂର୍ବମେବ ମଯା ତ୍ଯକ୍ତଂ ନରାଧିପାଃ॥ 1-107-107 (4811)
ଅପତ୍ଯହେତୋରପି ଚ କରିଷ୍ଯେଽଦ୍ଯ ବିନିଶ୍ଚଯମ୍।
ଅଦ୍ଯପ୍ରଭୃତି ମେ ଦାଶ ବ୍ରହ୍ମଚର୍ଯଂ ଭବିଷ୍ଯତି॥ 1-107-108 (4812)
ଅପୁତ୍ରସ୍ଯାପି ମେ ଲୋକା ଭବିଷ୍ଯନ୍ତ୍ଯକ୍ଷଯା ଦିବି।
`ନ ହି ଜନ୍ମପ୍ରଭୃତ୍ଯୁକ୍ତଂ ମଯା କିଂଚିଦିହାନୃତମ୍॥ 1-107-109 (4813)
ଯାବତ୍ପ୍ରାଣା ଧ୍ରିଯନ୍ତେ ବୈ ମମ ଦେହଂ ସମାଶ୍ରିତାଃ।
ତାବନ୍ନ ଜନଯିଷ୍ଯାମି ପିତ୍ରେ କନ୍ଯାଂ ପ୍ରଯଚ୍ଛ ମେ॥ 1-107-110 (4814)
ପରିତ୍ଯଜାମ୍ଯହଂ ରାଜ୍ଯଂ ମୈଥୁନଂ ଚାପି ସର୍ବଶଃ।
ଊର୍ଧ୍ବରେତା ଭବିଷ୍ଯାମି ଦାଶ ସତ୍ଯଂ ବ୍ରବୀମି ତେ॥' 1-107-111 (4815)
ବୈଶମ୍ପାଯନ ଉବାଚ। 1-107-112x (664)
ତସ୍ଯ ତଦ୍ବଚନଂ ଶ୍ରୁତ୍ବା ସଂପ୍ରହୃଷ୍ଟତନୂରୁହଃ।
ଦଦାନୀତ୍ଯେବ ତଂ ଦାଶୋ ଧର୍ମାତ୍ମା ପ୍ରତ୍ଯଭାଷତ॥ 1-107-112 (4816)
ତତୋନ୍ତରିକ୍ଷେଽପ୍ସରସୋ ଦେବାଃ ସର୍ଷିଗଣାସ୍ତଦା।
`ତଦ୍ଦୃଷ୍ଟା ଦୁଷ୍କରଂ କର୍ମ ପ୍ରଶଶଂସୁଶ୍ଚ ପାର୍ଥିବାଃ॥' 1-107-113 (4817)
ଅଭ୍ଯବର୍ଷନ୍ତ କୁସୁମୈର୍ଭୀଷ୍ମୋଽଯମିତି ଚାବ୍ରୁବନ୍।
ତତଃ ସ ପିତୁରର୍ଥାଯ ତାମୁବାଚ ଯଶସ୍ବିନୀମ୍॥ 1-107-114 (4818)
ଅଧିରୋହ ରଥଂ ମାତର୍ଗଚ୍ଛାବଃ ସ୍ବଗୃହାନିତି।
ଏବମୁକ୍ତ୍ବା ତୁ ଭୀଷ୍ମସ୍ତାଂ ରଥମାରୋପ୍ଯ ଭାମିନୀଂ॥ 1-107-115 (4819)
ଆଗମ୍ଯ ହାସ୍ତିନପୁରଂ ଶାନ୍ତନୋଃ ସଂନ୍ଯବେଦଯତ୍।
ତସ୍ଯ ତଦ୍ଦୁଷ୍କରଂ କର୍ମ ପ୍ରଶଶଂସୁର୍ନାରାଧିପାଃ॥ 1-107-116 (4820)
ସମେତାଶ୍ଚ ପୃଥକ୍ଚୈବ ଭୀଷ୍ମୋଯମିତି ଚାବ୍ରୁବନ୍।
ତଚ୍ଛ୍ରୁତ୍ବା ଦୁଷ୍କରଂ କର୍ମ କୃତଂ ଭୀଷ୍ମେଣ ଶାନ୍ତନୁଃ॥ 1-107-117 (4821)
ବଭୂବ ଦୁଃଖିତୋ ରାଜା ଚିରରାତ୍ରାଯ ଭାରତ।
ସ ତେନ କର୍ମଣା ସୂନୋଃ ପ୍ରୀତସ୍ତସ୍ମୈ ବରଂ ଦଦୌ॥' 1-107-118 (4822)
ସ୍ବଚ୍ଛନ୍ଦମରଣଂ ତୁଷ୍ଟୋ ଦଦୌ ତସ୍ମୈ ମହାତ୍ମନେ।
ନ ତେ ମୃତ୍ଯୁଃ ପ୍ରଭବିତା ଯାବଜ୍ଜୀବିତୁମିଚ୍ଛସି॥ 1-107-119 (4823)
ତ୍ବତ୍ତୋ ହ୍ଯନୁଜ୍ଞାଂ ସଂପ୍ରାପ୍ଯ ମୃତ୍ଯୁଃ ପ୍ରଭବିତାଽନଘ॥ 1-107-120 (4824)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ସପ୍ତାଧିକଶତତମୋଽଧ୍ଯାଯଃ॥ 107 ॥
Mahabharata - Adi Parva - Chapter Footnotes
1-107-12 ପୁଟଭେଦନେ ପତ୍ତନେ॥ 1-107-16 ବ୍ରହ୍ମଧର୍ମୋତ୍ତରେ ଅହିଂସାଧର୍ମପ୍ରଧାନେ॥ 1-107-20 ବାକ୍ ସତ୍ଯଂ ଶ୍ରିତାଭବତ୍॥ 1-107-36 ଅଧିଜଗେ ଅଧୀତବାନ୍॥ 1-107-49 ତରିଂ ନାବମ୍॥ 1-107-56 ବ୍ଯବସ୍ଯେଯଂ ବିନିଶ୍ଚିନୁଯମ୍॥ 1-107-58 ଶରୀରଜେନ କାମେନ॥ 1-107-62 ହରିଣଃ ପାଣ୍ଡୁଗାତ୍ରଃ॥ 1-107-72 ପୁରାଣାନାଂ ପୁରାତନାନାମ୍॥ 1-107-95 ଦାନେ ବସୁବଚନଂ ଅଦାନେ ବଲବତ୍ସପତ୍ନତା ଅତ୍ର କାରଣମିତି ଶେଷଃ॥ ସପ୍ତୋତ୍ତରଶତତମୋଽଧ୍ଯାଯଃ॥ 107 ॥ଆଦିପର୍ବ - ଅଧ୍ଯାଯ 108
॥ ଶ୍ରୀଃ ॥
1.108. ଅଧ୍ଯାଯଃ 108
Mahabharata - Adi Parva - Chapter Topics
ଶାନ୍ତନୁସତ୍ଯବତୀବିବାହଃ॥ 1 ॥ ଚିତ୍ରାଙ୍ଗଦବିଚିତ୍ରବୀର୍ଯଯୋରୁତ୍ପତ୍ତିଃ॥ 2 ॥ ଶାନ୍ତନୁମରଣମ୍॥ 3 ॥ ଚିତ୍ରାଙ୍ଗଦମରଣମ୍॥ 4 ॥ ବିଚିତ୍ରବୀର୍ଯସ୍ଯ ରାଜ୍ଯେଽଭିଷେକଃ॥ 5 ॥Mahabharata - Adi Parva - Chapter Text
1-108-0 (4825)
ବୈଶମ୍ପାଯନ ଉବାଚ। 1-108-0x (665)
`ଚେଦିରାଜସୁତାଂ ଜ୍ଞାତ୍ବା ଦାଶରାଜେନ ବର୍ଧିତାମ୍।
ବିବାହଂ କାରଯାମାସ ଶାସ୍ତ୍ରଦୃଷ୍ଟେନ କର୍ମଣା॥' 1-108-1 (4826)
ତତୋ ବିବାହେ ନିର୍ବୃତ୍ତେ ସ ରାଜା ଶାନ୍ତନୁର୍ନୃପଃ।
ତାଂ କନ୍ଯାଂ ରୂପସଂପନ୍ନାଂ ସ୍ବଗୃହେ ସଂନ୍ଯବେଶଯତ୍॥ 1-108-2 (4827)
ତତଃ ଶାନ୍ତନବୋ ଧୀମାନ୍ସତ୍ଯବତ୍ଯାମଜାଯତ।
ବୀରଶ୍ଚିତ୍ରାଙ୍ଗଦୋ ନାମ ବୀର୍ଯବାନ୍ପୁରୁଷେଶ୍ବରଃ॥ 1-108-3 (4828)
ଅଥାପରଂ ମହେଷ୍ବାସଂ ସତ୍ଯବତ୍ଯାଂ ସୁତଂ ପ୍ରଭୁଃ।
ବିଚିତ୍ରବୀର୍ଯଂ ରାଜାନଂ ଜନଯାମାସ ବୀର୍ଯବାନ୍॥ 1-108-4 (4829)
ଅପ୍ରାପ୍ତବତି ତସ୍ମିଂସ୍ତୁ ଯୌବନଂ ପୁରୁଷର୍ଷଭେ।
ସ ରାଜା ଶାନ୍ତନୁର୍ଧୀମାନ୍କାଲଧର୍ମମୁପେଯିବାନ୍॥ 1-108-5 (4830)
ସ୍ବର୍ଗତେ ଶାନ୍ତନୌ ଭୀଷ୍ମଶ୍ଚିତ୍ରାଙ୍ଗଦମରିନ୍ଦନମ୍।
ସ୍ଥାପଯାମାସ ବୈ ରାଜ୍ଯେ ସତ୍ଯବତ୍ଯା ମତେ ସ୍ଥିତଃ॥ 1-108-6 (4831)
ସ ତୁ ଚିତ୍ରାଙ୍ଗଦଃ ଶୌର୍ଯାତ୍ସର୍ବାଂଶ୍ଚିକ୍ଷେପ ପାର୍ଥିବାନ୍।
ମନୁଷ୍ଯଂ ନ ହି ମେନ ସ କଂଚିତ୍ସଦୃଶମାତ୍ମନଃ॥ 1-108-7 (4832)
ତଂ କ୍ଷିପନ୍ତଂ ସୁରାଂଶ୍ଚୈବ ମନୁଷ୍ଯାନସୁରାଂସ୍ତଥା।
ଗନ୍ଧର୍ବରାଜୋ ବଲବାଂସ୍ତୁଲ୍ଯନାମାଽଭ୍ଯଯାତ୍ତଦା॥ 1-108-8 (4833)
ଗନ୍ଧର୍ବ ଉବାଚ। 1-108-9x (666)
`ତ୍ବଂ ବୈ ସଦୃଶନାମାସି ଯୁଦ୍ଧଂ ଦେହି ନୃପାତ୍ମଜ।
ନାମ ବାଽନ୍ଯତ୍ପ୍ରଗୃହ୍ଣୀଷ୍ବ ଯଦି ଯୁଦ୍ଧଂ ନ ଦାସ୍ଯସି॥ 1-108-9 (4834)
ତ୍ବଯାହଂ ଯୁଦ୍ଧମିଚ୍ଛାମି ତ୍ବତ୍ସକାଶଂ ତୁ ନାମତଃ।
ଆଗତୋସ୍ମି ବୃଥାଽଽଭାଷ୍ଯ ନ ଗଚ୍ଛେନ୍ନାମ ତେ ମମ॥ 1-108-10 (4835)
ଇତ୍ଯୁକ୍ତ୍ବା ଗର୍ଜମାନୌ ତୌ ହିରଣ୍ବତ୍ଯାସ୍ତଟଂ ଗତୌ'।
ତେନାସ୍ଯ ସୁମହଦ୍ଯୁଦ୍ଧଂ କୁରୁକ୍ଷେତ୍ରେ ବଭୂବ ହ॥ 1-108-11 (4836)
ତଯୋର୍ବଲବତୋସ୍ତତ୍ର ଗନ୍ଧର୍ବକୁରୁମୁଖ୍ଯଯୋଃ।
ନଦ୍ଯାସ୍ତୀରେ ହିରଣ୍ବତ୍ଯାଃ ସମାସ୍ତିସ୍ରୋଽଭବଦ୍ରଣଃ॥ 1-108-12 (4837)
ତସ୍ମିନ୍ବିମର୍ଦେ ତୁମୁଲେ ଶସ୍ତ୍ରବର୍ଷସମାକୁଲେ।
ମାଯାଧିକୋଽବଧୀଦ୍ବୀରଂ ଗନ୍ଧର୍ବଃ କୁରୁସତ୍ତମମ୍॥ 1-108-13 (4838)
ସ ହତ୍ବା ତୁ ନରଶ୍ରେଷ୍ଠଂ ଚିତ୍ରାଙ୍ଗଦମରିନ୍ଦମମ୍।
ଅନ୍ତାଯ କୃତ୍ବା ଗନ୍ଧର୍ବୋ ଦିବମାଚକ୍ରମେ ତତଃ॥ 1-108-14 (4839)
ତସ୍ମିନ୍ପୁରୁଷଶାର୍ଦୂଲେ ନିହତେ ଭୂରିତେଜସି।
ଭୀଷ୍ମଃ ଶାନ୍ତନବୋ ରାଜା ପ୍ରେତକାର୍ଯାଣ୍ଯକାରଯତ୍॥ 1-108-15 (4840)
ବିଚିତ୍ରବୀର୍ଯଂ ଚ ତଦା ବାଲମପ୍ରାପ୍ତଯୌବନମ୍।
କୁରୁରାଜ୍ଯେ ମହାବାହୁରଭ୍ଯଷିଞ୍ଚଦନନ୍ତରମ୍॥ 1-108-16 (4841)
ବିଚିତ୍ରବୀର୍ଯଃ ସ ତଦା ଭୀଷ୍ମସ୍ଯ ବଚନେ ସ୍ଥିତଃ।
ଅନ୍ବଶାସନ୍ମହାରାଜ ପିତୃପୈତାମହଂ ପଦମ୍॥ 1-108-17 (4842)
ସ ଧର୍ମଶାସ୍ତ୍ରକୁଶଲଂ ଭୀଷ୍ମଂ ଶାନ୍ତନବଂ ନୃପଃ।
ପୂଜଯାମାସ ଧର୍ମେଣ ସ ଚୈନଂ ପ୍ରତ୍ଯପାଲଯତ୍॥ ॥ 1-108-18 (4843)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଅଷ୍ଟାଧିକଶତତମୋଽଧ୍ଯାଯଃ॥ 108 ॥
ଆଦିପର୍ବ - ଅଧ୍ଯାଯ 109
॥ ଶ୍ରୀଃ ॥
1.109. ଅଧ୍ଯାଯଃ 109
Mahabharata - Adi Parva - Chapter Topics
ଭୀଷ୍ମସ୍ଯ କାଶିପତିକନ୍ଯାହରଣାର୍ଥଂ ବାରାଣସୀଗମନମ୍॥ 1 ॥ କନ୍ଯାଂ ହୃତବତା ଭୀଷ୍ମେଣ ଯୁଦ୍ଧେ ରାଜ୍ଞାଂ ପରାଜଯଃ॥ 2 ॥ ମଧ୍ଯେମାର୍ଗଂ ସାଲ୍ବପରାଜଯଃ॥ 3 ॥ ବିଚିତ୍ରବୀର୍ଯବିବାହୋପକ୍ରମେ ତମନିଚ୍ଛନ୍ତ୍ଯା ଜ୍ଯେଷ୍ଠାଯା ଅମ୍ବଯାଃ ସାଲ୍ବଂ ପ୍ରତି ଗମନମ୍॥ 4 ॥ ତେନ ପ୍ରତ୍ଯାଖ୍ଯାତାଯାଃ ପୁନର୍ଭୀଷ୍ମଂ ପ୍ରାପ୍ତାଯ ଅମ୍ବ୍ରାଯାଃ ଭୀଷ୍ମେଣ ନିରାକରଣମ୍॥ 5 ॥ ଭୀଷ୍ମଜିଘାଂସଯା ତପସ୍ଯନ୍ତ୍ଯା ଅମ୍ବାଯାଃ ପ୍ରସନ୍ନାତ୍କୁମାରାନ୍ମାଲାପ୍ରାପ୍ତିଃ॥ 6 ॥Mahabharata - Adi Parva - Chapter Text
1-109-0 (4844)
ବୈଶମ୍ପାଯନ ଉବାଚ। 1-109-0x (667)
ହତେ ଚିତ୍ରାଙ୍ଗଦେ ଭୀଷ୍ମୋ ବାଲେ ଭ୍ରାତରି କୌରବ।
ପାଲଯାମାସ ତଦ୍ରାଜ୍ଯଂ ସତ୍ଯବତ୍ଯା ମତେ ସ୍ଥିତଃ॥ 1-109-1 (4845)
`ତଥା ବିଚିତ୍ରବୀର୍ଯଂ ତୁ ବର୍ତମାନଂ ସୁଖେଽତୁଲେ।'
ସଂପ୍ରାପ୍ତଯୌବନଂ ଦୃଷ୍ଟ୍ବା ଭ୍ରାତରଂ ଧୀମତାଂ ବରଃ।
ଭୀଷ୍ମୋ ବିଚିତ୍ରବୀର୍ଯସ୍ଯ ବିବାହାଯାକରୋନ୍ମତିମ୍॥ 1-109-2 (4846)
ଅଥ କାଶିପତେର୍ଭୀଷ୍ମଃ କନ୍ଯାସ୍ତିସ୍ରୋଽପ୍ସରୋପମାଃ।
ଶୁଶ୍ରାବ ସହିତା ରାଜନ୍ବୃଣ୍ବାନା ବୈ ସ୍ବଯଂବରମ୍॥ 1-109-3 (4847)
ତତଃ ସ ରଥିନାଂ ଶ୍ରେଷ୍ଠୋ ରଥେନୈକେନ ଶତ୍ରୁଜିତ୍।
ଜଗାମାନୁମତେ ମାତୁଃ ପୁରୀଂ ବାରାଣସୀଂ ପ୍ରଭୁଃ॥ 1-109-4 (4848)
ତତ୍ର ରାଜ୍ଞଃ ସମୁଦିତାନ୍ସର୍ବତଃ ସମୁପାଗତାନ୍।
ଦଦର୍ଶ କନ୍ଯାସ୍ତାଶ୍ବୈ ଭୀଷ୍ମଃ ଶାନ୍ତନୁନନ୍ଦନଃ॥ 1-109-5 (4849)
`ତାସାଂ କାମେନ ସଂମତ୍ତାଃ ସହିତାଃ କାଶିକୋସଲାଃ।
ବଙ୍ଗାଃ ପୁଣ୍ଡ୍ରାଃ କଲିଙ୍ଗାଶ୍ଚ ତେ ଜଗ୍ମୁସ୍ତାଂ ପୁରୀଂ ପ୍ରତି॥' 1-109-6 (4850)
କୀର୍ତ୍ଯମାନେଷୁ ରାଜ୍ଞାଂ ତୁ ତଦା ନାମସୁ ସର୍ବଶଃ।
ଏକାକିନଂ ତଦା ଭୀଷ୍ମଂ ବୃଦ୍ଧଂ ଶାନ୍ତନୁନନ୍ଦନମ୍॥ 1-109-7 (4851)
ସୋଦ୍ବେଗା ଇବ ତଂ ଦୃଷ୍ଟ୍ବା କନ୍ଯାଃ ପରମଶୋଭନାଃ।
ଅପାକ୍ରାମନ୍ତ ତାଃ ସର୍ବା ବୃଦ୍ଧ ଇତ୍ଯେବ ଚିନ୍ତଯା॥ 1-109-8 (4852)
ବୃଦ୍ଧଃ ପରମଧର୍ମାତ୍ମା ବଲୀପଲିତଧାରଣଃ।
କିକାରଣମିହାଯାତୋ ନିର୍ଲଜ୍ଜୋ ଭରତର୍ଷଭଃ॥ 1-109-9 (4853)
ମିଥ୍ଯାପ୍ରତିଜ୍ଞୋ ଲୋକେଷୁ କିଂ ବଦିଷ୍ଯତି ଭାରତ।
ବ୍ରହ୍ମଚାରୀତି ଭୀଷ୍ମୋ ହି ବୃଥୈବ ପ୍ରଥିତୋ ଭୁବି॥ 1-109-10 (4854)
ଇତ୍ଯେବଂ ପ୍ରବୁବନ୍ତସ୍ତେ ହସନ୍ତି ସ୍ମ ନୃପାଧମାଃ। 1-109-11 (4855)
ବୈଶମ୍ପାଯନ ଉବାଚ।
କ୍ଷତ୍ରିଯାଣାଂ ବଚଃ ଶ୍ରୁତ୍ବା ଭୀଷ୍ମଶ୍ଚୁକ୍ରୋଧ ଭାରତ॥ 1-109-11x (668)
ଭୀଷ୍ମସ୍ତଦା ସ୍ବଯଂ କନ୍ଯା ବରଯାମାସ ତାଃ ପ୍ରଭୁଃ।
ଉବାଚ ଚ ମହୀପାଲାନ୍ରାଜଞ୍ଜଲଦନିଃସ୍ବନଃ॥ 1-109-12 (4856)
ରଥମାରୋପ୍ଯ ତାଃ କନ୍ଯା ଭୀଷ୍ମଃ ପ୍ରହରତାଂ ବରଃ।
ଆହୂଯ ଦାନଂ କନ୍ଯାନାଂ ଗୁଣବଦ୍ଭ୍ଯଃ ସ୍ମୃତଂ ବୁଧୈଃ॥ 1-109-13 (4857)
ଅଲଙ୍କୃତ୍ଯ ଯଥାଶକ୍ତି ପ୍ରଦାଯ ଚ ଧନାନ୍ଯପି।
ପ୍ରଯଚ୍ଛନ୍ତ୍ଯପରେ କନ୍ଯାଂ ମିଥୁନେନ ଗବାମପି॥ 1-109-14 (4858)
ବିତ୍ତେନ କଥିତେନାନ୍ଯେ ବଲେନାନ୍ଯେଽନୁମାନ୍ଯ ଚ।
ପ୍ରମତ୍ତାମୁପଯନ୍ତ୍ଯନ୍ଯେ ସ୍ବଯମନ୍ଯେ ଚ ବିନ୍ଦତେ॥ 1-109-15 (4859)
ଆର୍ଷଂ ବିଧିଂ ପୁରସ୍କୃତ୍ଯ ଦାରାନ୍ବିନ୍ଦନ୍ତି ଚାପରେ।
ଅଷ୍ଟମଂ ତମଥୋ ବିତ୍ତ ବିବାହଂ କବିଭିର୍ବୃତମ୍॥ 1-109-16 (4860)
ସ୍ବଯଂବରଂ ତୁ ରାଜନ୍ଯାଃ ପ୍ରଶଂସନ୍ତ୍ଯୁପଯାନ୍ତି ଚ।
ପ୍ରମଥ୍ଯ ତୁ ହୃତାମାହୁର୍ଜ୍ଯାଯସୀଂ ଧର୍ମବାଦିନଃ॥ 1-109-17 (4861)
ତା ଇମାଃ ପୃଥିବୀପାଲା ଜିହୀର୍ଷାମି ବଲାଦିତଃ।
ତେ ଯତଧ୍ବଂ ପରଂ ଶକ୍ତ୍ଯା ବିଜଯାଯେତରାଯ ବା॥ 1-109-18 (4862)
ସ୍ଥିତୋଽହଂ ପୃଥିବୀପାଲା ଯୁଦ୍ଧାଯ କୃତନିଶ୍ଚଯଃ। 1-109-19 (4863)
ବୈଶମ୍ପାଯନ ଉବାଚ।
ଏବମୁକ୍ତ୍ବା ମହୀପାଲାନ୍କାଶିରାଜଂ ଚ ବୀର୍ଯବାନ୍॥ 1-109-19x (669)
ସର୍ବାଃ କନ୍ଯାଃ ସ କୌରବ୍ଯୋ ରଥମାରୋପ୍ଯ ଚ ସ୍ବକମ୍।
ଆମନ୍ତ୍ର୍ଯ ଚ ସ ତାନ୍ପ୍ରାଯାଚ୍ଛୀଘ୍ରଂ କନ୍ଯାଃ ପ୍ରଗୃହ୍ଯ ତାଃ॥ 1-109-20 (4864)
ତତସ୍ତେ ପାର୍ଥିବାଃ ସର୍ବେ ସମୁତ୍ପେତୁରମର୍ଷିତାଃ।
ସଂସ୍ପୃଶନ୍ତଃ ସ୍ବକାନ୍ବାହୂନ୍ଦଶନ୍ତୋ ଦଶନଚ୍ଛଦାନ୍॥ 1-109-21 (4865)
ତେଷାମାଭରଣାନ୍ଯାଶୁ ତ୍ବରିତାନାଂ ବିମୁଞ୍ଚତାମ୍।
ଆମୁଞ୍ଚତାଂ ଚ ବର୍ମାଣି ସଂଭ୍ରମଃ ସୁମହାନଭୂତ୍॥ 1-109-22 (4866)
ତାରାଣାମିବ ସଂପାତୋ ବଭୂବ ଜନମେଜଯ।
ଭୂଷଣାନାଂ ଚ ସର୍ବେଷାଂ କବଚାନାଂ ଚ ସର୍ବଶଃ॥ 1-109-23 (4867)
ସବର୍ମଭିର୍ଭୂଷଣୈଶ୍ଚ ପ୍ରକୀର୍ଯଦ୍ବିରିତସ୍ତତଃ।
ସକ୍ରୋଧାମର୍ଷଜିହ୍ମଭ୍ରୂକଷାଯୀକୃତଲୋଚନାଃ॥ 1-109-24 (4868)
ସୂତୋପକ୍ଲୃପ୍ତାନ୍ ରୁଚିରାନ୍ସଦଶ୍ବୈରୁପକଲ୍ପିତାନ୍।
ରଥାନାସ୍ଥାଯ ତେ ବୀରାଃ ସର୍ବପ୍ରହରଣାନ୍ବିତାଃ॥ 1-109-25 (4869)
ପ୍ରଯାନ୍ତମଥ କୌରବ୍ଯମନୁସସ୍ରୁରୁଦାଯୁଧାଃ।
ତତଃ ସମଭବଦ୍ଯୁଦ୍ଧଂ ତେଷାଂ ତସ୍ଯ ଚ ଭାରତ।
ଏକସ୍ଯ ଚ ବହୂନାଂ ଚ ତୁମୁଲଂ ରୋମହର୍ଷଣମ୍॥ 1-109-26 (4870)
ତେ ତ୍ବିଷୂନ୍ଦଶସାହସ୍ରାଂସ୍ତସ୍ମିନ୍ଯୁଗପଦାକ୍ଷିପନ୍।
ଅପ୍ରାପ୍ତାଂଶ୍ଚୈବ ତାନାଶୁ ଭୀଷ୍ମଃ ସର୍ବାଂସ୍ତଥାଽନ୍ତରା॥ 1-109-27 (4871)
ଅଚ୍ଛିନଚ୍ଛରବର୍ଷେଣ ମହତା ଲୋମବାହିନା।
ତତସ୍ତେ ପାର୍ଥିବାଃ ସର୍ବେ ସର୍ବତଃ ପରିବାର୍ଯ ତମ୍॥ 1-109-28 (4872)
ବବୃଷୁଃ ଶରବର୍ଷେଣ ବର୍ଷେଣେବାଦ୍ରିମମ୍ବୁଦାଃ।
ସ ତଂ ବାଣମଯଂ ବର୍ଷଂ ଶରୈରାବାର୍ଯ ସର୍ବତଃ॥ 1-109-29 (4873)
ତତଃ ସର୍ବାନ୍ମହୀପାଲାନ୍ପର୍ଯବିଧ୍ଯତ୍ତ୍ରିଭିସ୍ତ୍ରିଭିଃ।
ଏକୈକସ୍ତୁ ତତୋ ଭୀଷ୍ମଂ ରାଜନ୍ବିବ୍ଯାଧ ପଞ୍ଚଭିଃ॥ 1-109-30 (4874)
ସ ଚ ତାନ୍ପ୍ରତିବିବ୍ଯାଧ ଦ୍ବାଭ୍ଯାଂ ଦ୍ବାଭ୍ଯାଂ ପରାକ୍ରମନ୍।
ତଦ୍ଯୁଦ୍ଧମାସୀତ୍ତୁମୁଲଂ ଘୋରଂ ଦେବାସୁରୋପମମ୍॥ 1-109-31 (4875)
ପଶ୍ଯତାଂ ଲୋକବୀରାଣାଂ ଶରଶକ୍ତିସମାକୁଲମ୍।
ସ ଧନୂଂଷି ଧ୍ବଜାଗ୍ରାଣି ବର୍ମାଣି ଚ ଶିରାଂସି॥ 1-109-32 (4876)
ଚିଚ୍ଛେଦ ସମରେ ଭୀଷ୍ମଃ ଶତଶୋଥ ସହସ୍ରଶଃ।
ତସ୍ଯାତିପୁରୁଷଂ କର୍ମ ଲାଘବଂ ରଥଚାରିଣଃ॥ 1-109-33 (4877)
ରକ୍ଷଣଂ ଚାତ୍ମନଃ ସଂଖ୍ଯେ ଶତ୍ରବୋଽପ୍ଯଭ୍ଯପୂଜଯନ୍।
`ଅକ୍ଷତଃ କ୍ଷପଯିତ୍ବାନ୍ଯାନସଙ୍ଖ୍ଯେଯପରାକ୍ରମଃ॥ 1-109-34 (4878)
ଆନିନାଯ ସ କାଶ୍ଯସ୍ଯ ସୁତାଃ ସାଗରଗାସୁତଃ।'
ତାନ୍ବିନିର୍ଜିତ୍ଯ ତୁ ରଣେ ସର୍ବଶସ୍ତ୍ରଭୃତାଂ ବରଃ॥ 1-109-35 (4879)
କନ୍ଯାଭିଃ ସହିତଃ ପ୍ରାଯାଦ୍ଭାରତୋ ଭାରତାନ୍ପ୍ରତି।
ତତସ୍ତଂ ପୃଷ୍ଠତୋ ରାଜଞ୍ଶାଲ୍ବରାଜୋ ମହାରଥଃ॥ 1-109-36 (4880)
ଅଭ୍ଯଗଚ୍ଛଦମେଯାତ୍ମା ଭୀଷ୍ମଂ ଶାନ୍ତନବଂ ରଣେ।
ବାରଣଂ ଜଘନେ ଭିନ୍ଦନ୍ଦନ୍ତାଭ୍ଯାମପରୋ ଯଥା॥ 1-109-37 (4881)
ବାସିତାମନୁସଂପ୍ରାପ୍ତୋ ଯୂଥପୋ ବଲିନାଂ ବରଃ।
ସ୍ତ୍ରୀକାମସ୍ତିଷ୍ଠତିଷ୍ଠେତି ଭୀଷ୍ମମାହ ସ ପାର୍ଥିବଃ॥ 1-109-38 (4882)
ସାଲ୍ବରାଜୋ ମହାବାହୁରମର୍ଷେଣ ପ୍ରଚୋଦିତଃ।
ତତଃ ସ ପୁରୁଷବ୍ଯାଘ୍ରୋ ଭୀଷ୍ମଃ ପରବଲାର୍ଦନଃ॥ 1-109-39 (4883)
ତଦ୍ବାକ୍ଯାକୁଲିତଃ କ୍ରୋଧାଦ୍ବିଧୂମୋଗ୍ନିରିବ ଜ୍ବଲନ୍।
ବିତତେଷୁଧନୁଷ୍ପାଣିର୍ବିକୁଞ୍ଚିତଲଲାଟଭୃତ୍॥ 1-109-40 (4884)
କ୍ଷତ୍ରଧର୍ମଂ ସମାସ୍ଥାଯ ବ୍ଯପେତଭଯସଂଭ୍ରମଃ।
ନିବର୍ତଯାମାସ ରଥଂ ସାଲ୍ବଂ ପ୍ରତି ମହାରଥଃ॥ 1-109-41 (4885)
ନିବର୍ତମାନଂ ତଂ ଦୃଷ୍ଟ୍ବା ରାଜାନଃ ସର୍ବ ଏବ ତେ।
ପ୍ରେକ୍ଷକାଃ ସମପଦ୍ଯନ୍ତ ଭୀଷ୍ମସାଲ୍ବସମାଗମେ॥ 1-109-42 (4886)
ତୌ ବୃଷାବିବ ନର୍ଦନ୍ତୌ ବଲିନୌ ବାସିତାନ୍ତରେ।
ଅନ୍ଯୋନ୍ଯମଭିବର୍ତେତାଂ ବଲବିକ୍ରମଶାଲିନୌ॥ 1-109-43 (4887)
ତତୋ ଭୀଷ୍ମଂ ଶାନ୍ତନବଂ ଶରୈଃ ଶତସହସ୍ରଶଃ।
ସାଲ୍ବରାଜୋ ନରଶ୍ରେଷ୍ଠଃ ସମବାକିରଦାଶୁଗୈଃ॥ 1-109-44 (4888)
ପୂର୍ବମଭ୍ଯର୍ଦିତଂ ଦୃଷ୍ଟ୍ବା ଭୀଷ୍ମଂ ସାଲ୍ବେନ ତେ ନୃପାଃ।
ବିସ୍ମିତାଃ ସମପଦ୍ଯନ୍ତ ସାଧୁସାଧ୍ବିତି ଚାବ୍ରୁବନ୍॥ 1-109-45 (4889)
ଲାଘବଂ ତସ୍ଯ ତେ ଦୃଷ୍ଟ୍ବା ସମରେ ସର୍ବପାର୍ଥିବାଃ।
ଅପୂଜଯନ୍ତ ସଂହୃଷ୍ଟା ବାଗ୍ଭିଃ ସାଲ୍ବଂ ନରାଧିପମ୍॥ 1-109-46 (4890)
କ୍ଷତ୍ରିଯାଣାଂ ତତୋ ବାଚଃ ଶ୍ରୁତ୍ବା ପରପୁଞ୍ଜଯଃ।
କ୍ରୁଦ୍ଧଃ ଶାନ୍ତନବୋ ଭୀଷ୍ମସ୍ତିଷ୍ଠତିଷ୍ଠେତ୍ଯଭାଷତ॥ 1-109-47 (4891)
ସାରଥିଂ ଚାବ୍ରବୀତ୍କ୍ରୁଦ୍ଧୋ ଯାହି ଯତ୍ରୈଷ ପାର୍ଥିବଃ।
ଯାବଦେନଂ ନିହନ୍ମ୍ଯଦ୍ଯ ଭୁଜଙ୍ଗମିବ ପକ୍ଷିରାଟ୍॥ 1-109-48 (4892)
ତତୋଽସ୍ତ୍ରଂ ବାରୁଣଂ ସମ୍ଯଗ୍ଯୋଜଯାମାସ କୌରବଃ।
ତେନାଶ୍ବାଂଶ୍ଚତୁରୋଽମୃଦ୍ଗାତ୍ସାଲ୍ବରାଜସ୍ଯ ଭୂପତେ॥ 1-109-49 (4893)
ଅସ୍ତ୍ରୈରସ୍ତ୍ରାଣି ସଂବାର୍ଯ ସାଲ୍ବରାଜସ୍ଯ କୌରବଃ।
ଭୀଷ୍ମୋ ନୃପତିଶାର୍ଦୂଲ ନ୍ଯବଧୀତ୍ତସ୍ଯ ସାରଥିମ୍॥ 1-109-50 (4894)
ଅସ୍ତ୍ରେଣ ଚାସ୍ଯାଥୈନ୍ଦ୍ରେଣ ନ୍ଯବଧୀତ୍ତୁରଗୋତ୍ତମାନ୍।
କନ୍ଯାହେତୋର୍ନରଶ୍ରେଷ୍ଠ ଭୀଷ୍ମଃ ଶାନ୍ତନବସ୍ତଦା॥ 1-109-51 (4895)
ଜିତ୍ବା ବିସର୍ଜଯାମାସ ଜୀବନ୍ତଂ ନୃପସତ୍ତମମ୍।
ତତଃ ସାଲ୍ବଃ ସ୍ବନଗରଂ ପ୍ରଯଯୌ ଭରତର୍ଷଭ॥ 1-109-52 (4896)
ସ୍ବରାଜ୍ଯମନ୍ବଶାଚ୍ଚୈବ ଧର୍ମେଣ ନୃପତିସ୍ତଦା।
ରାଜାନୋ ଯେ ଚ ତତ୍ରାସନ୍ସ୍ବଯଂବରଦିଦୃକ୍ଷବଃ॥ 1-109-53 (4897)
ସ୍ବାନ୍ଯେବ ତେଽପି ରାଷ୍ଟ୍ରାଣି ଜଗ୍ମୁଃ ପରପୁରଞ୍ଜଯାଃ।
ଏବଂ ବିଜିତ୍ଯ ତାଃ କନ୍ଯା ଭୀଷ୍ମଃ ପ୍ରହରତାଂ ବରଃ॥ 1-109-54 (4898)
ପ୍ରଯଯୌ ହାସ୍ତିନପୁରଂ ଯତ୍ର ରାଜା ସ କୌରବଃ।
ବିଚିତ୍ରବୀର୍ଯୋ ଧର୍ମାତ୍ମା ପ୍ରଶାସ୍ତି ବସୁଧାମିମାମ୍॥ 1-109-55 (4899)
ଯଥା ପିତାସ୍ଯ କୌରବ୍ଯଃ ଶାନ୍ତନୁର୍ନୃପସତ୍ତମଃ।
ସୋଽଚିରେଣୈବ କାଲେନ ଅତ୍ଯକ୍ରାମନ୍ନରାଧିପ॥ 1-109-56 (4900)
ବନାନି ସରିତଶ୍ଚୈବ ଶୈଲାଂଶ୍ଚ ବିନିଧାନ୍ଦ୍ରୁମାନ୍।
ଅକ୍ଷତଃ କ୍ଷପଯିତ୍ବାଽରୀନ୍ସଙ୍ଖ୍ଯେଽସଙ୍ଖ୍ଯେଯବିକ୍ରମଃ॥ 1-109-57 (4901)
ଆନଯାମାସ କାଶ୍ଯସ୍ଯ ସୁତାଃ ସାଗରଗାସୁତଃ।
ସ୍ନୁଷା ଇବ ସ ଧର୍ମାତ୍ମା ଭଗିନୀରିବ ଚାନୁଜାଃ॥ 1-109-58 (4902)
ଯଥା ଦୁହିତଶ୍ଚୈବ ପରିଗୃହ୍ଯ ଯଯୌ କୁରୂନ୍।
ଆନିନ୍ଯେ ସ ମହାବାହୁର୍ଭ୍ରାତୁଃ ପ୍ରିଯଚିକୀର୍ଷଯା॥ 1-109-59 (4903)
ତାଃ ସର୍ବଗୁଣସଂପନ୍ନା ଭ୍ରାତା ଭ୍ରାତ୍ରେ ଯବୀଯସେ।
ଭୀଷ୍ମୋ ବିଚିତ୍ରବୀର୍ଯାଯ ପ୍ରଦଦୌ ବିକ୍ରମାହୃତାଃ॥ 1-109-60 (4904)
ଏବଂ ଧର୍ମେଣ ଧର୍ମଜ୍ଞଃ କୃତ୍ବା କର୍ମାତିମାନୁଷମ୍।
ଭ୍ରାତୁର୍ବିଚିତ୍ରବୀର୍ଯସ୍ଯ ବିବାହାଯୋପଚକ୍ରମେ॥ 1-109-61 (4905)
ସତ୍ଯବତ୍ଯା ସହ ମିଥଃ କୃତ୍ବା ନିଶ୍ଚଯମାତ୍ମବାନ୍।
ବିବାହଂ କାରଯିଷ୍ଯନ୍ତଂ ଭୀଷ୍ମଂ କାଶିପତେଃ ସୁତା।
ଜ୍ଯେଷ୍ଠା ତାସାମିଦଂ ବାକ୍ଯମବ୍ରବୀଦ୍ଧସତୀ ତଦା॥ 1-109-62 (4906)
ମଯା ସୌଭପତିଃ ପୂର୍ବଂ ମନସା ହି ବୃତଃ ପତିଃ।
ତେନ ଚାସ୍ମି ବୃତା ପୂର୍ବମେଷ କାମଶ୍ଚ ମେ ପିତୁଃ॥ 1-109-63 (4907)
ମଯା ବରଯିତବ୍ଯୋଽଭୂତ୍ସାଲ୍ବସ୍ତସ୍ମିନ୍ସ୍ବଯଂବରେ।
ଏତଦ୍ବିଜ୍ଞାଯ ଧର୍ମଜ୍ଞ ଧର୍ମତତ୍ତ୍ବଂ ସମାଚର॥ 1-109-64 (4908)
ଏବମୁକ୍ତସ୍ତଯା ଭୀଷ୍ମଃ କନ୍ଯଯା ବିପ୍ରସଂସଦି।
ଚିନ୍ତାମଭ୍ଯଗମଦ୍ବୀରୋ ଯୁକ୍ତାଂ ତସ୍ଯୈବ କର୍ମଣଃ॥ 1-109-65 (4909)
`ଅନ୍ଯସକ୍ତା ତ୍ବିଯଂ କନ୍ଯା ଜ୍ଯେଷ୍ଠା ତ୍ବମ୍ବା ମଯା ଜିତା।
ବାଚା ଦତ୍ତା ମନୋଦତ୍ତା କୃତମଙ୍ଗଲବାଚନା॥ 1-109-66 (4910)
ନିର୍ଦିଷ୍ଟା ତୁ ପରସ୍ଯୈବ ସା ତ୍ଯାଜ୍ଯା ପରଚିନ୍ତିନୀ।
ଇତ୍ଯୁକ୍ତ୍ବା ଚାନୁମାନ୍ଯୈବ ଭ୍ରାତରଂ ସ୍ବବଶାନୁଗମ୍॥' 1-109-67 (4911)
ବିନିଶ୍ଚିତ୍ଯ ସ ଧର୍ମଜ୍ଞୋ ବ୍ରାହ୍ମଣୈର୍ବେଦପାରଗୈଃ।
ଅନୁଜଜ୍ଞେ ତଦା ଜ୍ଯେଷ୍ଠାମମ୍ବାଂ କାଶିପତେଃ ସୁତାମ୍॥ 1-109-68 (4912)
ଅମ୍ବିକାମ୍ବାଲିକେ ଭାର୍ଯେ ପ୍ରାଦାଦ୍ଭ୍ରାତ୍ରେ ଯବୀଯସେ।
ଭୀଷ୍ମୋ ବିଚିତ୍ରବୀର୍ଯାଯ ବିଧିଦୃଷ୍ଟେନ କର୍ମଣା॥ 1-109-69 (4913)
ତଯୋଃ ପାଣୀ ଗୃହୀତ୍ବା ତୁ ରୂପଯୌବନଦର୍ପିତଃ।
ବିଚିତ୍ରବୀର୍ଯୋ ଧର୍ମାତ୍ମା ନାମ୍ବାମୈଚ୍ଛତ୍କଥଂଚନ॥ 1-109-70 (4914)
`ଅମ୍ବାମନ୍ଯସ୍ଯ କୀର୍ତ୍ଯନ୍ତୀମବ୍ରବୀଚ୍ଚାରୁଦର୍ଶନାମ୍। 1-109-71 (4915)
ବିଚିତ୍ରବୀର୍ଯ ଉବାଚ।
ପାପସ୍ଯ ଫଲମେବୈଷ କାମୋଽସାଧୁର୍ନିରର୍ଥକଃ।
ପରତନ୍ତ୍ରୋପଭୋଗୋ ମାମାର୍ଯ ନାଽଽଯୋକ୍ତୁମର୍ହସି॥ 1-109-71x (670)
ଭୀଷ୍ମ ଉବାଚ। 1-109-72x (671)
ପ୍ରାତିଷ୍ଠଚ୍ଛାନ୍ତନୋର୍ବଂଶସ୍ତାତ ଯସ୍ଯ ତ୍ବମନ୍ବଯଃ।
ଅକାମବୃତ୍ତୋ ଧର୍ମାତ୍ମନ୍ସାଧୁ ମନ୍ଯେ ମତଂ ତବ॥ 1-109-72 (4916)
ଇତ୍ଯୁକ୍ତ୍ବାମ୍ବାଂ ସମାଲୋକ୍ଯ ବିଧିବଦ୍ବାକ୍ଯମବ୍ରବୀତ୍।
ବିସୃଷ୍ଟା ହ୍ଯସି ଗଚ୍ଛ ତ୍ବଂ ଯଥାକାମମନିନ୍ଦିତେ॥ 1-109-73 (4917)
ନାନିଯୋଜ୍ଯେ ସମର୍ଥୋଽହଂ ନିଯୋକ୍ତୁଂ ଭ୍ରାତରଂ ପ୍ରିଯମ୍।
ଅନ୍ଯବାବଗତାଂ ଚାପି କୋ ନାରୀଂ ବାସଯେଦ୍ଗୃହେ॥ 1-109-74 (4918)
ଅତସ୍ତ୍ବାଂ ନ ନିଯୋକ୍ଷ୍ଯାମି ଅନ୍ଯକାମାସି ଗମ୍ଯତାମ୍।
ଅହମପ୍ଯୂର୍ଧ୍ବରେତା ବୈ ନିବୃତ୍ତୋ ଦାରକର୍ମଣି॥ 1-109-75 (4919)
ନ ସଂବନ୍ଧସ୍ତଦାବାଭ୍ଯାଂ ଭବିତା ବୈ କଥଂଚନ। 1-109-76 (4920)
ବୈଶମ୍ପାଯନ ଉବାଚ।
ଇତ୍ଯୁକ୍ତା ସା ଗତା ତତ୍ର ସଖୀଭିଃ ପରିବାରିତା॥ 1-109-76x (672)
ନିର୍ଦିଷ୍ଟା ହି ଶନୈ ରାଜନ୍ସାଲ୍ବରାଜପୁରଂ ପ୍ରତି।
ଅଥାମ୍ବା ସାଲ୍ବଂମାଗମ୍ଯ ସାଽବ୍ରବୀତ୍ପ୍ରତିପୂଜ୍ଯ ତଂ॥ 1-109-77 (4921)
ପୁରା ନିର୍ଦିଷ୍ଟଭାବା ତ୍ବାମାଗତାସ୍ମି ବରାନନ।
ଦେବବ୍ରତଂ ସମୁତ୍ସୃଜ୍ଯ ସାନୁଜଂ ଭରତର୍ଷଭମ୍॥ 1-109-78 (4922)
ପ୍ରତିଗୃହ୍ଣୀଷ୍ବ ଭଦ୍ରଂ ତେ ବିଧିବନ୍ମାଂ ସମୁଦ୍ଯତାମ୍॥ 1-109-79 (4923)
ବୈଶମ୍ପାଯନ ଉବାଚ। 1-109-80x (673)
ତଯୈବମୁକ୍ତଃ ସାଲ୍ବୋପି ପ୍ରହସନ୍ନିଦମବ୍ରବୀତ୍।
ନିର୍ଜିତାଽସୀହ ଭୀଷ୍ମେଣ ମାଂ ବିନିର୍ଜିତ୍ଯ ରାଜସୁ॥ 1-109-80 (4924)
ଅନ୍ଯେନ ନିର୍ଜିତାଂ ଭଦ୍ରେ ବିସୃଷ୍ଟାଂ ତେନ ଚାଲଯାତ୍।
ନ ଗୃହ୍ଣାମି ବରାରୋହେ ତତ୍ର ଚୈବ ତୁ ଗମ୍ଯତାମ୍॥ 1-109-81 (4925)
ବୈଶମ୍ପାଯନ ଉବାଚ। 1-109-82x (674)
ଇତ୍ଯୁକ୍ତା ସା ସମାଗମ୍ଯ କୁରୁରାଜ୍ଯମନୁତ୍ତମମ୍।
ଅମ୍ବାବ୍ରବୀତ୍ତତୋ ଭୀଷ୍ମଂ ତ୍ବଯାଽହଂ ସହସା ହୃତା॥ 1-109-82 (4926)
କ୍ଷତ୍ରଧର୍ମମବେକ୍ଷସ୍ବ ତ୍ବଂ ଭର୍ତା ମମ ଧର୍ମତଃ।
ଯାଂ ଯଃ ସ୍ବଯଂବରେ କନ୍ଯାଂ ନିର୍ଜଯେଚ୍ଛୌର୍ଯସଂପଦା॥ 1-109-83 (4927)
ରାଜ୍ଞଃ ସର୍ବାନ୍ବିନିର୍ଜିତ୍ଯ ସ ତାମୁଦ୍ବାହଯେଦ୍ଧ୍ରୁବମ୍।
ଅତସ୍ତ୍ବମେବ ଭର୍ତା ମେ ତ୍ବଯାଽହଂ ନିର୍ଜିତା ଯତଃ॥ 1-109-84 (4928)
ତସ୍ମାଦ୍ବହସ୍ବ ମାଂ ଭୀଷ୍ମ ନିର୍ଜିତାଂ ସଂସଦି ତ୍ବଯା।
ଊର୍ଧ୍ବରେତା ହ୍ଯହମିତି ପ୍ରତ୍ଯୁବାଚ ପୁନଃପୁନଃ॥ 1-109-85 (4929)
ଭୀଷ୍ମଂ ସା ଚାବ୍ରବୀଦମ୍ବା ଯଥାଜୈଷୀସ୍ତଥା କୁରୁ।
ଏବମନ୍ବଗମଦ୍ଭୀଷ୍ମଂ ଷଟ୍ସମାଃ ପୁଷ୍କରେକ୍ଷଣା॥ 1-109-86 (4930)
ଊର୍ଧ୍ବରେତାସ୍ତ୍ବହଂ ଭଦ୍ରେ ବିବାହବିମୁଖୋଽଭବମ୍।
ତମେବ ସାଲ୍ବଂ ଗଚ୍ଛ ତ୍ବଂ ଯଃ ପୁରା ମନସା ବୃତଃ॥ 1-109-87 (4931)
ଅନ୍ଯସକ୍ତଂ କିମର୍ଥଂ ତ୍ବମାତ୍ମାନମବଦଃ ପୁରା।
ଅନ୍ଯସକ୍ତାଂ ବଧୂଂ କନ୍ଯାଂ ବାସଯେତ୍ସ୍ବଗୃହେ ନ ହି॥ 1-109-88 (4932)
ନାହମୁଦ୍ବାହଯିଷ୍ଯେ ତ୍ବାଂ ମମ ଭ୍ରାତ୍ରେ ଯବୀଯସେ।
ବିଚିତ୍ରବୀର୍ଯାଯ ଶୁଭେ ଯଥେଷ୍ଟଂ ଗମ୍ଯତାମିତି॥ 1-109-89 (4933)
ଭୂଯଃ ସାଲ୍ବଂ ସମଭ୍ଯେତ୍ଯ ରାଜନ୍ଗୃହ୍ଣୀଷ୍ବ ମାମିତି।
ନାହଂ ଗୃହ୍ଣାମ୍ଯନ୍ଯଜିତାମିତି ସାଲ୍ବନିରାକୃତା॥ 1-109-90 (4934)
ଊର୍ଧ୍ବରେତାସ୍ତ୍ବହମିତି ଭୀଷ୍ମେଣ ଚ ନିରାକୃତା।
ଅମ୍ବା ଭୀଷ୍ମଂ ପୁନଃ ସାଲ୍ବଂ ଭୀଷ୍ମଂ ସାଲ୍ବଂ ପୁନଃ ପୁନଃ॥ 1-109-91 (4935)
ଗମନାଗମନେନୈବମନୈଷୀତ୍ଷଟ୍ ସମା ନୃପ।
ଅଶ୍ରୁଭିର୍ଭୂମିମୁକ୍ଷନ୍ତୀ ଶୋଚନ୍ତୀ ସା ମନସ୍ବିନୀ॥ 1-109-92 (4936)
ପୀନୋନ୍ନତକୁଚଦ୍ବନ୍ଦ୍ବା ବିଶାଲଜଘନେକ୍ଷଣା।
ଶ୍ରୋଣୀଭରାଲସଗମା ରାକାଚନ୍ଦ୍ରନିଭାନନା॥ 1-109-93 (4937)
ବର୍ଷତ୍କାଦମ୍ବିନୀମୂର୍ଧ୍ନି ସ୍ଫୁରନ୍ତୀ ଚଞ୍ଚଲେବ ସା।
ସା ତତୋ ଦ୍ବାଦଶ ସମା ବାହୁଦାମଭିତୋ ନଦୀମ୍।
ପାର୍ଶ୍ବେ ହିମବତୋ ରମ୍ଯେ ତପୋ ଘୋରଂ ସମାଦଦେ॥ 1-109-94 (4938)
ସଂକ୍ଷିପ୍ତକରଣା ତତ୍ର ତପ ଆସ୍ଥାଯ ସୁବ୍ରତା।
ପାଦାଙ୍ଗୁଷ୍ଠେନ ସାଽତିଷ୍ଠଦକମ୍ପନ୍ତ ତତଃ ସୁରାଃ॥ 1-109-95 (4939)
ତସ୍ଯାସ୍ତତ୍ତୁ ତପୋ ଦୃଷ୍ଟ୍ବା ସୁରାଣାଂ କ୍ଷୋଭକାରକମ୍।
ବିସ୍ମିତଶ୍ଚୈବ ହୃଷ୍ଟଶ୍ଚ ତସ୍ଯାନୁଗ୍ରହବୁଦ୍ଧିମାନ୍॥ 1-109-96 (4940)
ଅନନ୍ତସେନୋ ଭଗବାନ୍କୁମାରୋ ବରଦଃ ପ୍ରଭୁଃ।
ମାନଯନ୍ରାଜପୁତ୍ରୀଂ ତାଂ ଦଦୌ ତସ୍ଯୈ ଶୁଭାଂ ସ୍ରଜମ୍॥ 1-109-97 (4941)
ଏଷା ପୁଷ୍କରିଣୀ ଦିବ୍ଯା ଯଥାବତ୍ସମୁପସ୍ଥିତା।
ଅମ୍ବେ ତ୍ବଚ୍ଛୋକଶମନୀ ମାଲା ଭୁବି ଭବିଷ୍ଯତି॥ 1-109-98 (4942)
ଏତାଂ ଚୈବ ମଯା ଦତ୍ତାଂ ମାଲାଂ ଯୋ ଧାରଯିଷ୍ଯତି।
ସୋଽସ୍ଯ ଭୀଷ୍ମସ୍ଯ ନିଧନେ କାରଣଂ ବୈ ଭବିଷ୍ଯତି॥ ॥ 1-109-99 (4943)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ନବାଧିକଶତତମୋଽଧ୍ଯାଯଃ॥ 109 ॥
Mahabharata - Adi Parva - Chapter Footnotes
1-109-13 ଆହୂଯେତି ବ୍ରାହ୍ମଃ॥ 1-109-14 ମିଥୁନେନ ଗୃହୀତେନେତ୍ଯାର୍ଷଃ॥ 1-109-15 ବିତ୍ତେନେତ୍ଯାସୁରଃ। ବଲେନେତି ରାକ୍ଷସଃ। ଅନୁମାନ୍ଯେତି ଗାନ୍ଧର୍ବଃ। ପ୍ରମତ୍ତାମିତି ପୈଶାଚଃ। ସ୍ବଯମନ୍ଯେ ଇତି ପ୍ରାଜାପତ୍ଯଃ॥ 1-109-16 ଆର୍ଷଂ ବିଧିଂ ଯଜ୍ଞମ୍। ତେନ ଦୈବ ଉକ୍ତଃ। ଅଷ୍ଟମଂ ରାକ୍ଷସଂ ବିବାହମ୍॥ 1-109-17 ପ୍ରଶଂସତି। ସ୍ବଯଂବରମିତି॥ 1-109-24 ପ୍ରକୀର୍ଯଦ୍ଭିର୍ଭଊଷଣୈରୁପଲକ୍ଷିତା ଅନୁସସ୍ରୁରିତି ତୃତୀଯେନାନ୍ବଯଃ॥ 1-109-43 ବୃଷୌ ରେତଃସେକକାମୌ ଗଜୌ ଗୋବୃଷାବେବ ବା ତତ୍ସାହଚର୍ଯାଦ୍ବାସିତା ପୁଷ୍ପିଣୀ ଗୌସ୍ତଦନ୍ତରେ ବନ୍ନିମିତ୍ତମ୍॥ 1-109-52 ଜୀବନ୍ତଂ ପ୍ରାଣମାତ୍ରାବଶେଷିତମ୍॥ 1-109-58 କାଶ୍ଯସ୍ଯ କାଶିରାଜସ୍ଯ। ଅନୁଜାଃ କନିଷ୍ଠାଃ॥ 1-109-71 ଅମ୍ବାଂ ଦୃଷ୍ଟ୍ବେତି ଶେଷଃ। ଅବ୍ରବୀତ୍ ଭୀଷ୍ମମିତି ଶେଷଃ॥ ନବାଧିକଶତତମଃ॥ 109 ॥ଆଦିପର୍ବ - ଅଧ୍ଯାଯ 110
॥ ଶ୍ରୀଃ ॥
1.110. ଅଧ୍ଯାଯଃ 110
Mahabharata - Adi Parva - Chapter Topics
ସଂଗ୍ରହେଣ ଅମ୍ବାଚରିତ୍ରକଥନମ୍॥ 1 ॥Mahabharata - Adi Parva - Chapter Text
1-110-0 (4944)
ଅମ୍ବୋବାଚ। 1-110-0x (675)
ଅନ୍ଯପୂର୍ବେତି ମାଂ ସାଲ୍ବୋ ନାଭିନନ୍ଦତି ବାଲିଶଃ।
ସାହଂ ଧର୍ମାଚ୍ଚ କାମାଚ୍ଚ ବିହୀନା ଶୋକଧାରିଣୀ॥ 1-110-1 (4945)
ଅପତିଃ କ୍ଷତ୍ରିଯାନ୍ସର୍ବାନାକ୍ରନ୍ଦାମି ସମନ୍ତତଃ।
ଇଯଂ ବଃ କ୍ଷତ୍ରିଯା ମାଲା ଯା ଭୀଷ୍ମଂ ନିହନିଷ୍ଯତି॥ 1-110-2 (4946)
ଅହଂ ଚ ଭାର୍ଯା ତସ୍ଯ ସ୍ଯାଂ ଯୋ ଭୀଷ୍ମଂ ଘାତଯିଷ୍ଯତି।
ତସ୍ଯାଶ୍ଚଙ୍କ୍ରମ୍ଯମାଣାଯାଃ ସମାଃ ପଞ୍ଚ ଗତାଃ ପରାଃ॥ 1-110-3 (4947)
ନାଭବଚ୍ଛରଣଂ କଶ୍ଚିତ୍କ୍ଷତ୍ରିଯୋ ଭୀଷ୍ମଜାଦ୍ଭଯାତ୍।
ଅଗଚ୍ଛତ୍ସୋମକଂ ସାଽମ୍ବା ପାଞ୍ଚାଲେଷୁ ଯଶସ୍ବିନମ୍॥ 1-110-4 (4948)
ସତ୍ଯସନ୍ଧଂ ମହେଷ୍ବାସଂ ସତ୍ଯଧର୍ମପରାଯଣମ୍।
ସା ସଭାଦ୍ବାରମାଗମ୍ଯ ପାଞ୍ଚାଲୈରଭିରକ୍ଷିତମ୍॥ 1-110-5 (4949)
ପାଞ୍ଚାଲରାଜମାକ୍ରନ୍ଦତ୍ପ୍ରଗୃହ୍ଯ ସୁଭୁଜା ଭୁଜୌ।
ଭୀଷ୍ମେଣ ହନ୍ଯମାନାଂ ମାଂ ମଜ୍ଜନ୍ତୀମିବ ଚ ହ୍ରଦେ॥ 1-110-6 (4950)
ଯଜ୍ଞସେନାଭିଧାବେହ ପାଣିମାଲମ୍ବ୍ଯ ଚୋଦ୍ଧର।
ତେନ ମେ ସର୍ବଧର୍ମାଶ୍ଚ ରତିଭୋଗାଶ୍ଚ କେବଲାଃ॥ 1-110-7 (4951)
ଉଭୌ ଚ ଲୋକୌ କୀର୍ତିଶ୍ଚ ସମୂଲୌ ସଫଲୌ ହୃତୌ।
***ନ୍ତ୍ଯେବଂ ନ ବିନ୍ଦାମି ରାଜନ୍ଯଂ ଶରଣଂ କ୍ବଚିତ୍॥ 1-110-8 (4952)
କିଂ ନୁ ନିଃକ୍ଷତ୍ରିଯୋ ଲୋକୋ ଯତ୍ରାନାଥୋଽବସୀଦତି।
ସମାଗମ୍ଯ ତୁ ରାଜାନୋ ମଯୋକ୍ତା ରାଜସତ୍ତମାଃ॥ 1-110-9 (4953)
ଶୃଣ୍ବନ୍ତୁ ସର୍ବେ ରାଜାନୋ ମଯୋକ୍ତଂ ରାଜସତ୍ତମାଃ।
ଇକ୍ଷ୍ବାକୂଣାଂ ତୁ ଯେ ବୃଦ୍ଧାଃ ପାଞ୍ଚାଲାନାଂ ଚ ଯେ ବରାଃ॥ 1-110-10 (4954)
ତ୍ବତ୍ପ୍ରସାଦାଦ୍ବିବାହେଽସ୍ମିନ୍ମା ଧର୍ମୋ ମା ପରାଜଯେତ୍।
ପ୍ରସୀଦ ଯଜ୍ଞସେନେହ ଗତିର୍ମେ ଭବ ସୋମକ॥ 1-110-11 (4955)
ଯଜ୍ଞସେନ ଉବାଚ। 1-110-12x (676)
ଜାନାମି ତ୍ବାଂ ବୋଧଯାମି ରାଜପୁତ୍ରି ବିଶେଷତଃ।
ଯଥାଶକ୍ତି ଯଥାଧର୍ମଂ ବଲଂ ସଂଧାରଯାମ୍ଯହମ୍॥ 1-110-12 (4956)
ଅନ୍ଯସ୍ମାତ୍ପାର୍ଥିବାଦ୍ଯତ୍ତେ ଭଯଂ ସ୍ଯାତ୍ପାର୍ଥିବାତ୍ମଜେ।
ତସ୍ଯାପନଯନେ ହେତୁଂ ସଂବିଧାତୁମହଂ ପ୍ରଭୁଃ॥ 1-110-13 (4957)
ନହି ଶାନ୍ତନବସ୍ଯାହଂ ମହାସ୍ତ୍ରସ୍ଯ ପ୍ରହାରିଣଃ।
ଈଶ୍ବରଃ କ୍ଷତ୍ରିଯାଣାଂ ହି ବଲଂ ଧର୍ମୋଽନୁବର୍ତତେ॥ 1-110-14 (4958)
ସା ସାଧୁ ବ୍ରଜ କଲ୍ଯାଣି ନ ମାଂ ଭୀଷ୍ମୋ ଦହେଦ୍ବଲାତ୍।
ନ ପ୍ରତ୍ଯଗୃହ୍ଣଂସ୍ତେ ସର୍ବେ କିମିତ୍ଯେବ ନ ବେଦ୍ମ୍ଯହମ୍॥ 1-110-15 (4959)
ନ ହି ଭୀଷ୍ମାଦହଂ ଧର୍ମଂ ଶକ୍ତୋ ଦାତୁଂ କଥଂଚନ। 1-110-16 (4960)
ବୈଶମ୍ପାଯନ ଉବାଚ।
ଇତ୍ଯୁକ୍ତା ସ୍ରଜମାସଜ୍ଯ ଦ୍ବାରି ରାଜ୍ଞୋ ବ୍ଯପାଦ୍ରବତ୍॥ 1-110-16x (677)
ବ୍ଯୁଦସ୍ତାଂ ସର୍ବଲୋକେଷୁ ତପସା ସଂଶିତବ୍ରତାମ୍।
ତାମନ୍ବଗଚ୍ଛଦ୍ଦ୍ରୁପଦଃ ସାନ୍ତ୍ବଂ ଜଲ୍ପନ୍ପୁନଃ ପୁନଃ॥ 1-110-17 (4961)
ସ୍ରଜଂ ଗୃହାଣ କଲ୍ଯାଣି ନ ନୋ ବୈରଂ ପ୍ରସଞ୍ଜଯ॥ 1-110-18 (4962)
ଅମ୍ବୋବାଚ। 1-110-19x (678)
ଏବମେବ ତ୍ବଯା କାର୍ଯମିତି ସ୍ମ ପ୍ରତିକାଙ୍କ୍ଷତେ।
ନ ତୁ ତସ୍ଯାନ୍ଯଥା ଭାବୋ ଦୈବମେତଦମାନୁଷମ୍॥ 1-110-19 (4963)
ଯଶ୍ଚୈନାଂ ସ୍ରଜମାଦାଯ ସ୍ବଯଂ ବୈ ପ୍ରତିମୋକ୍ଷତେ।
ସ ଭୀଷ୍ମଂ ସମରେ ହନ୍ତା ମମ ଧର୍ମପ୍ରଣାଶନମ୍॥ 1-110-20 (4964)
ବୈଶମ୍ପାଯନ ଉବାଚ। 1-110-21x (679)
ତାଂ ସ୍ରଜଂ ଦ୍ରୁପଦୋ ରାଜା କଂଚିତ୍କାଲଂ ରରକ୍ଷ ସଃ।
ତତୋ ବିସ୍ରମ୍ଭମାସ୍ଥାଯ ତୂଷ୍ଣୀମେତାମୁପୈକ୍ଷତ॥ 1-110-21 (4965)
ତାଂ ଶିଖଣ୍ଡିନ୍ଯବଧ୍ନାତ୍ତୁ ବାଲା ପିତୁରବଜ୍ଞଯା।
ତାଂ ପିତା ତ୍ବତ୍ଯଜଚ୍ଛୀଘ୍ରଂ ତ୍ରସ୍ତୋ ଭୀଷ୍ମସ୍ଯ କିଲ୍ବିଷାତ୍॥ 1-110-22 (4966)
ଇଷୀକଂ ବ୍ରାହ୍ମଣଂ ଭୀତା ସାଭ୍ଯଗଚ୍ଛତ୍ତପସ୍ବିନମ୍।
ଗଙ୍ଗାଦ୍ବାରି ତପସ୍ଯନ୍ତଂ ତୁଷ୍ଟିହେତୋସ୍ତପସ୍ବିନୀ॥ 1-110-23 (4967)
ଉପଚାରାଭିତୁଷ୍ଟସ୍ତାମବ୍ରବୀଦୃଷିସତ୍ତମଃ।
ଗଙ୍ଗାଦ୍ବାରେ ବିଭଜନଂ ଭବିତା ନଚିରାଦିବ॥ 1-110-24 (4968)
ତତ୍ର ଗନ୍ଧର୍ବରାଜାନଂ ତୁମ୍ବୁରୁଂ ପ୍ରିଯଦର୍ଶନମ୍।
ଆରାଧଯିତୁମୀହସ୍ବ ସମ୍ଯକ୍ପରିଚରସ୍ବ ତମ୍॥ 1-110-25 (4969)
ଅହମପ୍ଯତ୍ର ସାଚିବ୍ଯଂ କର୍ତାସ୍ମି ତବ ଶୋଭନେ।
ତଂ ତଦାଚର ଭଦ୍ରଂ ତେ ସ ତେ ଶ୍ରେଯୋ ବିଧାସ୍ଯତି॥ 1-110-26 (4970)
ତତୋ ବିଭଜନଂ ତତ୍ର ଗନ୍ଧର୍ବାଣାମବର୍ତତ।
ତତ୍ର ଦ୍ବାବବଶିଷ୍ଯେତାଂ ଗନ୍ଧର୍ବାବମିତୌ ଜସୌ॥ 1-110-27 (4971)
ତଯୋରେକଃ ସମୀକ୍ଷ୍ଯୈନାଂ ସ୍ତ୍ରୀବୁଭୂଷୁରୁବାଚ ହ।
ଇଦଂ ଗୃହ୍ଣୀଷ୍ବ ପୁଂଲିଙ୍ଗଂ ବୃଣେ ସ୍ତ୍ରୀଲିଙ୍ଗମେବ ତେ॥ 1-110-28 (4972)
ନିଯମଂ ଚକ୍ରତୁସ୍ତତ୍ର ସ୍ତ୍ରୀ ପୁମାଂଶ୍ଚୈବ ତାବୁଭୌ।
ତତଃ ପୁମାନ୍ସମଭବଚ୍ଛିଖଣ୍ଡୀ ପରବୀରହା॥ 1-110-29 (4973)
ସ୍ତ୍ରୀ ଭୂତ୍ବା ହ୍ଯପଚକ୍ରାମ ସ ଗନ୍ଧର୍ବୋ ମୁଦାନ୍ବିତଃ।
ଲବ୍ଧ୍ବା ତୁ ମହତୀଂ ପ୍ରୀତିଂ ଯାଜ୍ଞସେନିର୍ମହାଯଶାଃ॥ 1-110-30 (4974)
ତତୋ ବୁଦ୍ବୁଦକଂ ଗତ୍ବା ପୁନରସ୍ତ୍ରାଣି ସୋଽକରୋତ୍।
ତତ୍ର ଚାସ୍ତ୍ରାଣି ଦିବ୍ଯାନି କୃତ୍ବା ସ ସୁମହାଦ୍ଯୁତିଃ॥ 1-110-31 (4975)
ସ୍ବଦେଶମଭିସଂପଦେ ପାଞ୍ଚାଲଂ କୁରୁନନ୍ଦନ।
ସୋଽଭିବାଦ୍ଯ ପିତୁଃ ପାଦୌ ମହେଷ୍ବାସଃ କୃତାଞ୍ଜଲିଃ॥ 1-110-32 (4976)
ଉବାଚ ଭବତା ଭୀଷ୍ମାନ୍ନ ଭେତବ୍ଯଂ କଥଂଚନ॥ ॥ 1-110-33 (4977)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଦଶାଧିକଶତତମୋଽଧ୍ଯାଯଃ॥ 110 ॥
Mahabharata - Adi Parva - Chapter Footnotes
1-110-10 ପାଞ୍ଚାଲାନାଂ ଚ ଯେ ବରାଃ ତେ ରାଜାନଃ ମଯୋକ୍ତା ଇତି ପୂର୍ବେଣ ସଂବନ୍ଧଃ॥ 1-110-14 ଈଶ୍ବରୋ ନହି॥ 1-110-16 ଭୀଷ୍ମାତ୍ ଭୀଷ୍ମମପେକ୍ଷ୍ଯ॥ 1-110-24 ବିଭଜନଂ ଉତ୍ସବବିଶେଷଃ॥ ଦଶାଧିକଶତତମୋଽଧ୍ଯାଯଃ॥ 110 ॥ଆଦିପର୍ବ - ଅଧ୍ଯାଯ 111
॥ ଶ୍ରୀଃ ॥
1.111. ଅଧ୍ଯାଯଃ 111
Mahabharata - Adi Parva - Chapter Topics
ବିଚିତ୍ରବୀର୍ଯସ୍ଯ ଅମ୍ବିକାମ୍ବାଲିକାଶ୍ଯାଂ ବିବାହଃ॥ 1 ॥ ବିଚିତ୍ରବୀର୍ଯମରଣମ୍॥ 2 ॥Mahabharata - Adi Parva - Chapter Text
1-111-0 (4978)
ବୈଶମ୍ପାଯନ ଉବାଚ। 1-111-0x (680)
ଅମ୍ବାଯାଂ ନିର୍ଗତାଯାଂ ତୁ ଭୀଷ୍ମଃ ଶାନ୍ତନବସ୍ତଦା।
ନ୍ଯାଯେନ କାରଯାମାସ ରାଜ୍ଞୋ ବୈବାହିକୀଂ କ୍ରିଯାମ୍॥ 1-111-1 (4979)
ଅମ୍ବିକାମ୍ବାଲିକେ ଚୈବ ପରିଣୀଯାଗ୍ନିସଂନିଧୌ।
`ତଯୋଃ ପାଣୀ ଗୃହୀତ୍ବା ତୁ କୌରବ୍ଯୋ ରୂପଦର୍ପିତଃ।'
ବିଚିତ୍ରବୀର୍ଯୋ ଧର୍ମାତ୍ମା କାମାତ୍ମା ସମପଦ୍ଯତ॥ 1-111-2 (4980)
ତେ ଚାପି ବୃହତୀଶ୍ଯାମେ ନୀଲକୁଞ୍ଚିତମୂର୍ଧଜେ।
ରକ୍ତତୁଙ୍ଗନଖୋପେତେ ପୀନଶ୍ରୋଣିପଯୋଧର଼େ॥ 1-111-3 (4981)
ଆତ୍ମନଃ ପ୍ରତିରୂପୋଽସୌ ଲବ୍ଧଃ ପତିରିତି ସ୍ଥିତେ।
ବିଚିତ୍ରବୀର୍ଯଂ କଲ୍ଯାଣ୍ଯୌ ପୂଜଯାମାସତୁଃ ଶୁଭେ॥ 1-111-4 (4982)
`ଅନ୍ଯୋନ୍ଯଂ ପ୍ରତି ସକ୍ତେ ଚ ଏକଭାବେ ଇବ ସ୍ଥିତେ।'
ସ ଚାଶ୍ବିରୂପସଦୃଶୋ ଦେବତୁଲ୍ଯପରାକ୍ରମଃ।
ସର୍ବାସାମେବ ନାରୀଣାଂ ଚିତ୍ତପ୍ରମଥନୋ ରହଃ॥ 1-111-5 (4983)
ତାଭ୍ଯାଂ ସହ ସମାଃ ସପ୍ତ ବିହରନ୍ପୃଥିବୀପତିଃ।
ବିଚିତ୍ରବୀର୍ଯସ୍ତରୁଣୋ ଯକ୍ଷ୍ମଣା ସମଗୃହ୍ଯତ॥ 1-111-6 (4984)
ସୁହୃଦାଂ ଯତମାନାନାମାପ୍ତୈଃ ସହ ଚିକିତ୍ସକୈଃ।
ଜଗାମାସ୍ତମିବାଦିତ୍ଯଃ କୌରବ୍ଯୋ ଯମସାଦନମ୍॥ 1-111-7 (4985)
ଧର୍ମାତ୍ମା ସ ତୁ ଗାଙ୍ଗେଯଃ ଚିନ୍ତାଶୋକପରାଯଣଃ।
ପ୍ରେତକାର୍ଯାଣି ସର୍ବାଣି ତସ୍ଯ ସମ୍ଯଗକାରଯତ୍॥ 1-111-8 (4986)
1-111-9 (4987)
ରାଜ୍ଞୋ ବିଚିତ୍ରବୀର୍ଯସ୍ଯ ସତ୍ଯବତ୍ଯା ମତେ ସ୍ଥିତଃ।
ଋତ୍ବିଗ୍ବିଃ ସହିତୋ ଭୀଷ୍ମଃ ସର୍ବୈଶ୍ଚ କୁରୁପୁଙ୍ଗବୈଃ॥
Mahabharata - Adi Parva - Chapter Footnotes
1-111-3 ବୃହତୀଶ୍ଯାମେ ବୃହତୀପୁଷ୍ପଦ୍ରକ୍ତଶ୍ଯାମେ॥ 1-111-4 ପ୍ରତିରୂପଃ ଅନୁରୂପଃ॥ ଏକାଦଶାଧିକଶତତମୋଽଧ୍ଯାଯଃ॥ 111 ॥ଆଦିପର୍ବ - ଅଧ୍ଯାଯ 112
॥ ଶ୍ରୀଃ ॥
1.112. ଅଧ୍ଯାଯଃ 112
Mahabharata - Adi Parva - Chapter Topics
ବିଚିତ୍ରବୀର୍ଯଭାର୍ଯଯୋରମ୍ବିକାମ୍ବାଲିକଯୋଃ ପୁତ୍ରୋତ୍ପାଦନାଯ ସତ୍ଯବତ୍ଯା ନିଯୁକ୍ତେନ ଭୀଷ୍ମେଣ ତଦନଙ୍ଗୀକାରଃ॥ 1 ॥Mahabharata - Adi Parva - Chapter Text
1-112-0 (4988)
ବୈଶମ୍ପାଯନ ଉବାଚ। 1-112-0x (681)
ତତଃ ସତ୍ଯବତୀ ଦୀନା କୃପଣା ପୁତ୍ରଗୃଦ୍ଧିନୀ।
ପୁତ୍ରସ୍ଯ କୃତ୍ବା କାର୍ଯାଣି ସ୍ନୁଷାଭ୍ଯାଂ ସହ ଭାରତ॥ 1-112-1 (4989)
ସମାଶ୍ବାସ୍ଯ ସ୍ନୁଷେ ତେ ଚ ଭର୍ତୃଶୋକନିପୀଡିତେ।
ଧର୍ମଂ ଚ ପିତୃବଂଶଂ ଚ ମାତୃବଂଶଂ ଚ ଭାମିନୀ।
ପ୍ରସମୀକ୍ଷ୍ଯ ମହାଭାଗା ଗାଙ୍ଗେଯଂ ବାକ୍ଯମବ୍ରବୀତ୍॥ 1-112-2 (4990)
`ଦୁଃଖାର୍ଦିତା ତୁ ସା ଦେବୀ ମଜ୍ଜନ୍ତୀ ଶୋକସାଗରେ।
ଶନ୍ତନୋର୍ଧର୍ମନିତ୍ଯସ୍ଯ କୌରବ୍ଯସ୍ଯ ଯଶସ୍ବିନଃ।'
ତ୍ବଯି ପିଣ୍ଡଶ୍ଚ କୀର୍ତିଶ୍ଚ ସଂତାନଶ୍ଚ ପ୍ରତିଷ୍ଠିତଃ॥ 1-112-3 (4991)
`ଭ୍ରାତା ବିଚିତ୍ରବୀର୍ଯସ୍ତେ ଭୂତାନାମନ୍ତମେଯିବାନ୍।'
ଯଥାକର୍ମ ଶୁଭଂ କୃତ୍ବା ସ୍ବର୍ଗୋପଗମନଂ ଧ୍ରୁବମ୍।
ଯଥା ଚାଯୁର୍ଧ୍ରୁବଂ ସତ୍ଯେ ତ୍ବଯି ଧର୍ମସ୍ତଥା ଧ୍ରୁବଃ॥ 1-112-4 (4992)
ବେତ୍ଥ ଧର୍ମାଂଶ୍ଚ ଧର୍ମଜ୍ଞ ସମାସେନେତରେଣ ଚ।
ବିବିଧାସ୍ତ୍ବଂ ଶ୍ରୁତୀର୍ବେତ୍ଥ ବେଦାଙ୍ଗାନି ଚ ସର୍ବଶଃ॥ 1-112-5 (4993)
ବ୍ଯବସ୍ଥାନଂ ଚ ତେ ଧର୍ମେ କୁଲାଚାରଂ ଚ ଲକ୍ଷଯେ।
ପ୍ରତିପତ୍ତିଂ ଚ କୃଚ୍ଛ୍ରେଷୁ ଶୁକ୍ରାଙ୍ଗିରସଯୋରିବ॥ 1-112-6 (4994)
ତସ୍ମାତ୍ସୁଭୃଶମାଶ୍ବସ୍ଯ ତ୍ବଯି ଧର୍ମଭୃତାଂ ବର।
କାର୍ଯେ ତ୍ବାଂ ବିନିଯୋକ୍ଷ୍ଯାମି ତଚ୍ଛ୍ରୁତ୍ବା କର୍ତୁମର୍ହସି॥ 1-112-7 (4995)
ମମ ପୁତ୍ରସ୍ତବ ଭ୍ରାତା ବୀର୍ଯବାନ୍ସୁପ୍ରିଯଶ୍ଚ ତେ।
ବାଲ ଏବ ଗତଃ ସ୍ବର୍ଗମପୁତ୍ରଃ ପୁରୁଷର୍ଷଭ॥ 1-112-8 (4996)
ଇମେ ମହିଷ୍ଯୌ ଭ୍ରାତୁସ୍ତେ କାଶିରାଜସୁତେ ଶୁଭେ।
ରୂପଯୌବନସଂପନ୍ନେ ପୁତ୍ରକାମେ ଚ ଭାରତ॥ 1-112-9 (4997)
ତଯୋରୁତ୍ପାଦଯାପତ୍ଯଂ ସନ୍ତାନାଯ କୁଲସ୍ଯ ନଃ।
ମନ୍ନିଯୋଗାନ୍ମହାବାହୋ ଧର୍ମଂ କର୍ତୁମିହାର୍ହସି॥ 1-112-10 (4998)
ରାଜ୍ଯେ ଚୈବାଭିଷିଚ୍ଯସ୍ବ ଭାରତାନନୁଶାଧି ଚ।
ଦାରାଂଶ୍ଚ କୁରୁ ଧର୍ମେଣ ମା ନିମଜ୍ଜୀଃ ପିତାମହାନ୍॥ 1-112-11 (4999)
ବୈଶମ୍ପାଯନ ଉବାଚ। 1-112-12x (682)
ତଥୋଚ୍ଯମାନୋ ମାତ୍ରା ସ ସୁହୃଦ୍ଭିଶ୍ଚ ପରନ୍ତପଃ।
ଇତ୍ଯୁବାଚାଥ ଧର୍ମାତ୍ମା ଧର୍ମ୍ଯମେବୋତ୍ତରଂ ବଚଃ॥ 1-112-12 (5000)
ଅସଂଶଯଂ ପରୋ ଧର୍ମସ୍ତ୍ବଯା ମାତରୁଦାହୃତଃ।
ତ୍ବମପତ୍ଯଂ ପ୍ରତି ଚ ମେ ପ୍ରତିଜ୍ଞାଂ ବେତ୍ଥ ବୈ ପରାଂ॥ 1-112-13 (5001)
ଜାନାସି ଚ ଯଥାବୃତ୍ତଂ ଶୁଲ୍କହେତୋସ୍ତ୍ବଦନ୍ତରେ।
ସ ସତ୍ଯବତି ସତ୍ଯଂ ତେ ପ୍ରତିଜାନାମ୍ଯହଂ ପୁନଃ॥ 1-112-14 (5002)
ପରିତ୍ଯଜେଯଂ ତ୍ରୈଲୋକ୍ଯଂ ରାଜ୍ଯଂ ଦେବେଷୁ ବା ପୁନଃ।
ଯଦ୍ବାଽପ୍ଯଧିକମେତାଭ୍ଯାଂ ନ ତୁ ସତ୍ଯଂ କଥଂଚନ॥ 1-112-15 (5003)
ତ୍ଯଜେଚ୍ଚ ପୃଥିବୀ ଗନ୍ଧମାପଶ୍ଚ ରସମାତ୍ମନଃ।
ଜ୍ଯୋତିସ୍ତଥା ତ୍ଯଜେଦ୍ରୂପଂ ବାଯୁଃ ସ୍ପର୍ଶଗୁଣଂ ତ୍ଯଜେତ୍॥ 1-112-16 (5004)
ପ୍ରଭାଂ ସମୁତ୍ସୃଜେଦର୍କୋ ଧୂମକେତୁସ୍ତଥୋଷ୍ମତାମ୍।
ତ୍ଯଜେଚ୍ଛବ୍ଦଂ ତଥାଽଽକାଶଂ ସୋମଃ ଶୀତାଂଶୁତାଂ ତ୍ଯଜେତ୍॥ 1-112-17 (5005)
ବିକ୍ରମଂ ବୃତ୍ରହା ଜହ୍ଯାଦ୍ଧର୍ମଂ ଜହ୍ଯାଚ୍ଚ ଧର୍ମରାଟ୍।
ନ ତ୍ବହଂ ସତ୍ଯମୁତ୍ସ୍ରଷ୍ଟୁଂ ବ୍ଯବସେଯଂ କଥଂଚନ॥ 1-112-18 (5006)
`ତନ୍ନ ଜାତ୍ବନ୍ଯଥା କୁର୍ଯାଂ ଲୋକାନାମପି ସଂକ୍ଷଯେ।
ଅମରତ୍ବସ୍ଯ ବା ହେତୋସ୍ତ୍ରୈଲୋକ୍ଯସ୍ଯ ଧନସ୍ଯ ଚ॥' 1-112-19 (5007)
ଏବମୁକ୍ତା ତୁ ପୁତ୍ରେଣ ଭୂରିଦ୍ରବିଣତେଜସା।
ମାତା ସତ୍ଯବତୀ ଭୀଷ୍ମମୁବାଚ ତଦନନ୍ତରମ୍॥ 1-112-20 (5008)
ଜାନାମି ତେ ସ୍ଥିତିଂ ସତ୍ଯେ ପରାଂ ସତ୍ଯପରାକ୍ରମ।
ଇଚ୍ଛନ୍ସୃଜେଥାସ୍ତ୍ରୀଂଲ୍ଲୋକାନନ୍ଯାଂସ୍ତ୍ବଂ ସ୍ବେନ ତେଜସା॥ 1-112-21 (5009)
ଜାନାମି ଚୈବଂ ସତ୍ଯଂ ତନ୍ମଦର୍ଥେ ଯଚ୍ଚ ଭାଷିତମ୍।
ଆପଦ୍ଧର୍ମଂ ତ୍ବମାବେକ୍ଷ୍ଯ ବହ ପୈତାମହୀଂ ଧୁରମ୍॥ 1-112-22 (5010)
ଯଥା ତେ କୁଲତନ୍ତୁଶ୍ଚ ଧର୍ମଶ୍ଚ ନ ପରାଭବେତ୍।
ସୁହୃଦଶ୍ଚ ପ୍ରହୃଷ୍ଯେରଂସ୍ତଥା କୁରୁ ପରନ୍ତପ॥ 1-112-23 (5011)
`ଆତ୍ମନଶ୍ଚ ହିତଂ ତାତ ପ୍ରିଯଂ ଚ ମମ ଭାରତ।'
ଲାଲପ୍ଯମାନାଂ ତାମେବଂ କୃପଣାଂ ପୁତ୍ରଗୃଦ୍ଧିନୀମ୍।
ଧର୍ମାଦପେତଂ ବ୍ରୁବତୀଂ ଭୀଷ୍ମୋ ଭୂଯୋଽବ୍ରବୀଦିଦମ୍॥ 1-112-24 (5012)
ରାଜ୍ଞି ଧର୍ମାନବେକ୍ଷସ୍ବ ମା ନଃ ସର୍ବାନ୍ବ୍ଯନୀନଶଃ।
ସତ୍ଯାଚ୍ଚ୍ଯୁତିଃ କ୍ଷତ୍ରିଯସ୍ଯ ନ ଧର୍ମେଷୁ ପ୍ରଶସ୍ଯତେ॥ 1-112-25 (5013)
ଶାନ୍ତନୋରପି ସଂତାନଂ ଯଥା ସ୍ଯାଦକ୍ଷଯଂ ଭୁବି।
ତତ୍ତେ ଧର୍ମଂ ପ୍ରବକ୍ଷ୍ଯାମି କ୍ଷାତ୍ରଂ ରାଜ୍ଞି ସନାତନମ୍॥ 1-112-26 (5014)
ଶ୍ରୁତ୍ବା ତଂ ପ୍ରତିପଦ୍ଯସ୍ବ ପ୍ରାଜ୍ଞୈଃ ସହ ପୁରୋହିତୈଃ।
ଆପଦ୍ଧର୍ମାର୍ଥକୁଶଲୈର୍ଲୋକତନ୍ତ୍ରମବେକ୍ଷ୍ଯ ଚ॥ ॥ 1-112-27 (5015)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଦ୍ବାଦଶାଧିକଶତତମୋଽଧ୍ଯାଯଃ॥ 112 ॥
Mahabharata - Adi Parva - Chapter Footnotes
1-112-11 ଅଭିଷିଚ୍ଯସ୍ବ ଅଭିଷେଚଯ। ଆତ୍ମାନମିତି ଶେଷଃ। କୁରୁ ଅଙ୍ଗୀକୁରୁ। ମା ନିମଜ୍ଜୀର୍ମା ନିମଜ୍ଜଯ॥ 1-112-14 ତ୍ବଦନ୍ତରେତ୍ବନ୍ନିମିତ୍ତମ୍॥ 1-112-20 ଭୂରିଦ୍ରବିଣତେଜସା ବହୁବଲୋତ୍ସାହବତା॥ ଦ୍ବାଦଶାଧିକଶତତମୋଽଧ୍ଯାଯଃ॥ 112 ॥ଆଦିପର୍ବ - ଅଧ୍ଯାଯ 113
॥ ଶ୍ରୀଃ ॥
1.113. ଅଧ୍ଯାଯଃ 113
Mahabharata - Adi Parva - Chapter Topics
ଦୀର୍ଘତମସୋ ଋଷେରୁପାଖ୍ଯାନମ୍॥ 1 ॥Mahabharata - Adi Parva - Chapter Text
1-113-0 (5016)
ଭୀଷ୍ମ ଉବାଚ। 1-113-0x (683)
ଜାମଦଗ୍ନ୍ଯେନ ରାମେଣ ପିତୁର୍ବଧମମୃଷ୍ଯତା।
ରାଜା ପରଶୁନା ପୂର୍ବଂ ହୈହଯାଧିପତିର୍ହତଃ॥ 1-113-1 (5017)
ଶତାନି ଦଶବାହୂନାଂ ନିକୃତ୍ତାନ୍ଯର୍ଜୁନସ୍ଯ ବୈ।
ଲୋକସ୍ଯାଚରିତୋ ଧର୍ମସ୍ତେନାତି କିଲ ଦୁଶ୍ଚରଃ॥ 1-113-2 (5018)
ପୁନଶ୍ଚ ଧନୁରାଦାଯ ମହାସ୍ତ୍ରାଣି ପ୍ରମୁଞ୍ଚତା।
ନିର୍ଦଗ୍ଧଂ କ୍ଷତ୍ରମସକୃଦ୍ରଥେନ ଜଯତା ମହୀମ୍॥ 1-113-3 (5019)
ଏବମୁଚ୍ଚାବଚୈରସ୍ତ୍ରୈର୍ଭାର୍ଗବେଣ ମହାତ୍ମନା।
ତ୍ରିଃସପ୍ତକୃତ୍ବଃ ପୃଥିବୀ କୃତା ନିଃକ୍ଷତ୍ରିଯା ପୁରା॥ 1-113-4 (5020)
ଏବଂ ନିଃକ୍ଷତ୍ରିଯେ ଲୋକେ କୃତେ ତେନ ମହର୍ଷିଣା।
ତତଃ ସଂଭୂଯ ସର୍ବାଭିଃ କ୍ଷତ୍ରିଯାଭିଃ ସମନ୍ତତଃ॥ 1-113-5 (5021)
ଉତ୍ପାଦିତାନ୍ଯପତ୍ଯାନି ବ୍ରାହ୍ମଣୈର୍ବେଦପାରଗୈଃ।
ପାଣିଗ୍ରାହସ୍ଯ ତନଯ ଇତି ବେଦେଷୁ ନିଶ୍ଚିତମ୍॥ 1-113-6 (5022)
ଧର୍ମଂ ମନସି ସଂସ୍ଥାପ୍ଯ ବ୍ରାହ୍ମଣାଂସ୍ତାଃ ସମଭ୍ଯଯୁଃ।
ଲୋକେଽପ୍ଯାଚରିତୋ ଦୃଷ୍ଟଃ କ୍ଷତ୍ରିଯାଣାଂ ପୁନର୍ଭବଃ॥ 1-113-7 (5023)
ତତଃ ପୁନଃ ସମୁଦିତଂ କ୍ଷତ୍ରଂ ସମଭବତ୍ତଦା।
ଇମଂ ଚୈବାତ୍ର ବକ୍ଷ୍ଯେଽହମିତିହାସଂ ପୁରାତନମ୍॥ 1-113-8 (5024)
ଅଥୋଚଥ୍ଯ ଇତି ଖ୍ଯାତ ଆସୀଦ୍ଧୀମାନୃଷିଃ ପୁରା।
ମମତା ନାମ ତସ୍ଯାସୀଦ୍ଭାର୍ଯା ପରମସଂମତା॥ 1-113-9 (5025)
ଉଚଥ୍ଯସ୍ଯ ଯବୀଯାଂସ୍ତୁ ପୁରୋଧାସ୍ତ୍ରିଦିବୌକସାମ୍।
ବୃହସ୍ପତିର୍ବୃହତ୍ତେଜା ମମତାମନ୍ବପଦ୍ଯତ॥ 1-113-10 (5026)
ଉବାଚ ମମତା ତଂ ତୁ ଦେବରଂ ବଦତାଂ ବରମ୍।
ଅନ୍ତର୍ବତ୍ନୀ ତ୍ବହଂ ଭ୍ରାତ୍ରା ଜ୍ଯେଷ୍ଠେନାରମ୍ଯତାମିତି॥ 1-113-11 (5027)
ଅଯଂ ଚ ମେ ମହାଭାଗ କୁକ୍ଷାବେବ ବୃହସ୍ପତେ।
ଔଚଥ୍ଯୋ ଦେବମତ୍ରାପି ଷଡଙ୍ଗଂ ପ୍ରତ୍ଯଧୀଯତ॥ 1-113-12 (5028)
ଅମୋଘରେତାସ୍ତ୍ବଂ ଚାପି ଦ୍ବଯୋର୍ନାସ୍ତ୍ଯତ୍ର ସଂଭବଃ।
ତସ୍ମାଦେବଂ ଗତେ ତ୍ବଦ୍ଯ ଉପାରମିତୁମର୍ହସି॥ 1-113-13 (5029)
ବୈଶମ୍ପାଯନ ଉବାଚ। 1-113-14x (684)
ଏବମୁକ୍ତସ୍ତଦା ସମ୍ଯକ୍ ବୃହସ୍ପତିରୁଦାରଧୀଃ।
କାମାତ୍ମାନଂ ତଦାତ୍ମାନଂ ନ ଶଶାକ ନିଯଚ୍ଛିତୁମ୍॥ 1-113-14 (5030)
ସ ବଭୂବ ତତଃ କାମୀ ତଯା ସାର୍ଧମକାମଯା।
ଉତ୍ସୃଜନ୍ତଂ ତୁ ତଂ ରେତଃ ସ ଗର୍ଭସ୍ଥୋଽଭ୍ଯଭାଷତ॥ 1-113-15 (5031)
ଭୋସ୍ତାତ ମା ଗମଃ କାମଂ ଦ୍ବଯୋର୍ନାସ୍ତୀହ ସଂଭବଃ।
ଅଲ୍ପାବକାଶୋ ଭଗବନ୍ପୂର୍ବଂ ଚାହମିହାଗତଃ॥ 1-113-16 (5032)
ଅମୋଘରେତାଶ୍ଚ ଭବାନ୍ନ ପୀଡାଂ କର୍ତୁମର୍ହତି।
ଅଶ୍ରୁତ୍ବୈବ ତୁ ତଦ୍ବାକ୍ଯଂ ଗର୍ଭସ୍ଥସ୍ଯ ବୃହସ୍ପତିଃ॥ 1-113-17 (5033)
ଜଗାମ ମୈଥୁନାଯୈବ ମମତାଂ ଚାରୁଲୋଚନାମ୍।
ଶୁକ୍ରୋତ୍ସର୍ଗଂ ତତୋ ବୁଦ୍ଧ୍ବା ତସ୍ଯା ଗର୍ଭଗତୋ ମୁନିଃ॥ 1-113-18 (5034)
ପଦ୍ଭ୍ଯାମାରୋଧଯନ୍ମାର୍ଗଂ ଶୁକ୍ରସ୍ଯ ଚ ବୃହସ୍ପତେଃ।
ସ୍ଥାନମପ୍ରାପ୍ତମଥ ତଚ୍ଛୁକ୍ରଂ ପ୍ରତିହତଂ ତଦା॥ 1-113-19 (5035)
ପପାତ ସହସା ଭୂମୌ ତତଃ କ୍ରୁଦ୍ଧୋ ବୃହସ୍ପତିଃ।
ତଂ ଦୃଷ୍ଟ୍ବା ପତିତଂ ଶୁକ୍ରଂ ଶଶାପ ସ ରୁଷାନ୍ବିତଃ॥ 1-113-20 (5036)
ଉଚଥ୍ଯପୁତ୍ରଂ ଗର୍ଭସ୍ଥଂ ନିର୍ଭର୍ତ୍ସ୍ଯ ଭଗବାନୃଷିଃ।
ଯନ୍ମାଂ ତ୍ବମୀଦୃଶେ କାଲେ ସର୍ବଭୂତେପ୍ସିତେ ସତି॥ 1-113-21 (5037)
ଏବମାତ୍ଥ ବଚସ୍ତସ୍ମାତ୍ତମୋ ଦୀର୍ଘଂ ପ୍ରବେକ୍ଷ୍ଯସି।
ସ ବୈ ଦୀର୍ଘତମା ନାମ ଶାପାଦୃଷିରଜାଯତ॥ 1-113-22 (5038)
ବୃହସ୍ପତେର୍ବୃହତ୍କୀର୍ତେର୍ବୃହସ୍ପତିରିବୌଜସା।
ଜାତ୍ଯନ୍ଧୋ ବେଦବିତ୍ପ୍ରାଜ୍ଞଃ ପତ୍ନୀଂ ଲେଭେ ସ ବିଦ୍ଯଯା॥ 1-113-23 (5039)
ତରୁଣୀଂ ରୁପସଂପନ୍ନାଂ ପ୍ରଦ୍ବେଷୀଂ ନାମ ବ୍ରାହ୍ମଣୀମ୍।
ସ ପୁତ୍ରାଞ୍ଜନଯାମାସ ଗୌତମାଦୀନ୍ମହାଯଶାଃ॥ 1-113-24 (5040)
ଋଷେରୁଚଥ୍ଯସ୍ଯ ତଦା ସନ୍ତାନକୁଲବୃଦ୍ଧଯେ।
ଧର୍ମାତ୍ମା ଚ ମହାତ୍ମା ଚ ବେଦବେଦାଙ୍ଗପାରଗଃ॥ 1-113-25 (5041)
ଗୋଧର୍ମଂ ସୌରଭେଯାଚ୍ଚ ସୋଽଧୀତ୍ଯ ନିଖିଲଂ ମୁନିଃ।
ପ୍ରାବର୍ତତ ତଦା କର୍ତୁଂ ଶ୍ରଦ୍ଧାବାଂସ୍ତମଶଙ୍କଯା॥ 1-113-26 (5042)
ତତୋ ବିତଥମର୍ଯାଦଂ ତଂ ଦୃଷ୍ଟ୍ବା ମୁନିସତ୍ତମାଃ।
କ୍ରୁଦ୍ଧା ମୋହାଭିଭୂତାସ୍ତେ ସର୍ବେ ତତ୍ରାଶ୍ରମୌକସଃ॥ 1-113-27 (5043)
ଅହୋଽଯଂ ଭିନ୍ନମର୍ଯାଦୋ ନାଶ୍ରମେ ବସ୍ତୁମର୍ହତି।
ତସ୍ମାଦେନଂ ବଯଂ ସର୍ବେ ପାପାତ୍ମାନଂ ତ୍ଯଜାମହେ॥ 1-113-28 (5044)
ଇତ୍ଯନ୍ଯୋନ୍ଯଂ ସମାଭାଷ୍ଯ ତେ ଦୀର୍ଘତମସଂ ମୁନିମ୍।
ପୁତ୍ରଲାଭାଚ୍ଚ ସା ପତ୍ନୀ ନ ତୁତୋଷ ପତିଂ ତଦା॥ 1-113-29 (5045)
ପ୍ରଦ୍ବିଷନ୍ତୀଂ ପତିର୍ଭାର୍ଯାଂ କିଂ ମାଂ ଦ୍ବେକ୍ଷୀତି ଚାବ୍ରବୀତ୍। 1-113-30 (5046)
ପ୍ରଦ୍ବେଷ୍ଯୁବାଚ।
ଭାର୍ଯାଯା ଭରଣାଦ୍ଭର୍ତା ପାଲନାଚ୍ଚ ପତିଃ ସ୍ମୃତଃ॥ 1-113-30x (685)
ଅହଂ ତ୍ବଦ୍ଭରଣାଶକ୍ତା ଜାତ୍ଯନ୍ଧଂ ସସୁତଂ ତଦା।
ନିତ୍ଯକାଲଂ ଶ୍ରମେଣାର୍ତା ନ ଭରେଯଂ ମହାତପଃ॥ 1-113-31 (5047)
ଭୀଷ୍ମ ଉବାଚ। 1-113-32x (686)
ତସ୍ମାସ୍ତଦ୍ବଚନଂ ଶ୍ରୁତ୍ବା ଋଷିଃ କୋପସମନ୍ବିତଃ।
ପ୍ରତ୍ଯୁବାଚ ତତଃ ପତ୍ନୀଂ ପ୍ରଦ୍ବେଷୀଂ ସସୁତାଂ ତଦା॥ 1-113-32 (5048)
ନୀଯତାଂ କ୍ଷତ୍ରିଯକୁଲେ ଧନାର୍ଥଶ୍ଚ ଭବିଷ୍ଯତି। 1-113-33 (5049)
ପ୍ରଦ୍ବେଷ୍ଯୁବାଚ।
ତ୍ବଯା ଦତ୍ତଂ ଧନଂ ବିପ୍ର ନେଚ୍ଛେଯଂ ଦୁଃଖକାରଣମ୍॥ 1-113-33x (687)
ଯଥେଷ୍ଟଂ କୁରୁ ବିପ୍ରେନ୍ଦ୍ର ନ ଭେରଯଂ ପୁରା ଯଥା। 1-113-34 (5050)
ଦୀର୍ଘତମା ଉବାଚ।
ଅଦ୍ଯପ୍ରଭୃତି ମର୍ଯାଦା ମଯା ଲୋକେ ପ୍ରତିଷ୍ଠିତା॥ 1-113-34x (688)
ଏକ ଏବ ପତିର୍ନାର୍ଯା ଯାବଜ୍ଜୀବଂ ପରାଯଣମ୍।
ମୃତେ ଜୀବତି ବା ତସ୍ମିନ୍ନାପରଂ ପ୍ରାପ୍ନୁଯାନ୍ନରମ୍॥ 1-113-35 (5051)
ଅଭିଗମ୍ଯ ପରଂ ନାରୀ ପତିଷ୍ଯତି ନ ସଂଶଯଃ।
ଅପତୀନାଂ ତୁ ନାରୀଣାମଦ୍ଯପ୍ରଭୃତି ପାତକମ୍॥ 1-113-36 (5052)
ଯଦ୍ଯସ୍ତି ଚେଦ୍ଧନଂ ସର୍ବଂ ବୃଥାଭୋଗା ଭବନ୍ତୁ ତାଃ।
ଅକୀର୍ତିଃ ପରିବାଦାଶ୍ଚ ନିତ୍ଯଂ ତାସାଂ ଭବନ୍ତୁ ବୈ॥ 1-113-37 (5053)
ଇତି ତଦ୍ବଚନଂ ଶ୍ରୁତ୍ବା ବ୍ରାହ୍ମଣୀ ଭୃଶକୋପିତା।
ଗଙ୍ଗାଯାଂ ନୀଯତାମେଷ ପୁତ୍ରା ଇତ୍ଯେବମବ୍ରବୀତ୍॥ 1-113-38 (5054)
ଲୋଭମୋହାଭିଭୂତାସ୍ତେ ପୁତ୍ରାସ୍ତଂ ଗୌତମାଦଯଃ।
ବଦ୍ଧ୍ବୋଡୁପେ ପରିକ୍ଷିପ୍ଯ ଗଙ୍ଗାଯାଂ ସମବାସୃଜନ୍॥ 1-113-39 (5055)
କସ୍ମାଦନ୍ଧଶ୍ଚ ବୃଦ୍ଧଶ୍ଚ ଭର୍ତବ୍ଯୋଽଯମିତି ସ୍ମ ତେ।
ଚିନ୍ତଯିତ୍ବା ତତଃ କ୍ରୂରାଃ ପ୍ରତିଜଗ୍ମୁରଥୋ ଗୃହାନ୍॥ 1-113-40 (5056)
ସୋଽନୁସ୍ରୋତସ୍ତଦା ବିପ୍ରଃ ପ୍ଲବମାନୋ ଯଦୃଚ୍ଛଯା।
ଜଗାମ ସୁବହୂନ୍ଦେଶାନନ୍ଧସ୍ତେନୋଡୁପେନ ହ॥ 1-113-41 (5057)
ତଂ ତୁ ରାଜା ବଲିର୍ନାମ ସର୍ବଧର୍ମବିଦାଂ ବରଃ।
ଅପଶ୍ଯନ୍ମଜ୍ଜନଗତଃ ସ୍ରୋତସାଽଭ୍ଯାଶମାଗତମ୍॥ 1-113-42 (5058)
ଜଗ୍ରାହ ଚୈନଂ ଧର୍ମାତ୍ମା ବଲିଃ ସତ୍ଯପରାକ୍ରମଃ।
ଜ୍ଞାତ୍ବା ଚୈବଂ ସ ବବ୍ରେଽଥ ପୁତ୍ରାର୍ଥେ ଭରତର୍ଷଭ॥ 1-113-43 (5059)
`ତଂ ପୂଜଯିତ୍ବା ରାଜର୍ଷିର୍ବିଶ୍ରାନ୍ତଂ ମୁନିମବ୍ରବୀତ୍।'
ସନ୍ତାନାର୍ଥଂ ମହାଭାଗ ଭାର୍ଯାସୁ ମମ ମାନଦ।
ପୁତ୍ରାନ୍ଧର୍ମାର୍ଥକୁଶଲାନୁତ୍ପାଦଯିତୁମର୍ହସି॥ 1-113-44 (5060)
ଭୀଷ୍ମ ଉବାଚ। 1-113-45x (689)
ଏବମୁକ୍ତଃ ସ ତେଜସ୍ବୀ ତଂ ତଥେତ୍ଯୁକ୍ତବାନୃଷିଃ।
ତସ୍ମୈସ ରାଜା ସ୍ବାଂ ଭାର୍ଯାଂ ସୁଦେଷ୍ଣାଂ ପ୍ରାହିଣୋତ୍ତଦା॥ 1-113-46 (5061)
ଅନ୍ଧଂ ବୃଦ୍ଧଂ ଚ ତଂ ମତ୍ବା ନ ସା ଦେବୀ ଜଗାମ ହ।
ସ୍ବାଂ ତୁ ଧାତ୍ରେଯିକାଂ ତସ୍ମୈ ବୃଦ୍ଧାଯ ପ୍ରାହିଣୋତ୍ତଦା॥ 1-113-46 (5062)
ତସ୍ଯାଂ କାକ୍ଷୀବଦାଦୀନ୍ସ ଶୂଦ୍ରଯୋନାବୃଷିସ୍ତଦା।
ଜନଯାମାସ ଧର୍ମାତ୍ମା ପୁତ୍ରାନେକାଦଶୈବ ତୁ॥ 1-113-47 (5063)
କାକ୍ଷୀବଦାଦୀନ୍ପୁତ୍ରାଂସ୍ତାନ୍ଦୃଷ୍ଟ୍ବା ସର୍ବାନଧୀଯତଃ।
ଉବାଚ ତମୃଷିଂ ରାଜା ମମେମ ଇତି ଭାରତ॥ 1-113-48 (5064)
ନେତ୍ଯୁବାଚ ମହର୍ଷିସ୍ତଂ ମମେମ ଇତି ଚାବ୍ରବୀତ୍।
ଶୂଦ୍ରଯୋନୌ ମଯା ହୀମେ ଜାତାଃ କାକ୍ଷୀବଦାଦଯଃ॥ 1-113-49 (5065)
ଅନ୍ଧଂ ବୃଦ୍ଧଂ ଚ ମାଂ ଦୃଷ୍ଟ୍ବା ସୁଦେଷ୍ଣା ମହିଷୀ ତବ।
ଅବମନ୍ଯ ଦଦୌ ମୂଢା ଶୂଦ୍ରାଂ ଧାତ୍ରେଯିକାଂ ମମ॥ 1-113-50 (5066)
ଭୀଷ୍ମ ଉବାଚ। 1-113-51x (690)
ତତଃ ପ୍ରସାଦଯାମାସ ପୁନସ୍ତମୃଷିସତ୍ତମମ୍।
ବଲିଃ ସୁଦେଷ୍ଣାଂ ସ୍ବାଂ ଭାର୍ଯାଂ ତସ୍ମୈ ସ ପ୍ରାହିଣୋତ୍ପୁନଃ॥ 1-113-51 (5067)
ତାଂ ସ ଦୀର୍ଘତମାଙ୍ଗେଷୁ ସ୍ପୃଷ୍ଟ୍ବା ଦେବୀମଥାବ୍ରବୀତ୍।
ଭବିଷ୍ଯନ୍ତି କୁମାରାସ୍ତେ ତେଜସାଽଽଦିତ୍ଯବର୍ଚସଃ॥ 1-113-52 (5068)
ଅଙ୍ଗୋ ବଙ୍ଗଃ କଲିଙ୍ଗଶ୍ଚ ପୁଣ୍ଡ୍ରଃ ସୁହ୍ମଶ୍ଚ ତେ ସୁତାଃ।
ତେଷାଂ ଦେଶାଃ ସମାଖ୍ଯାତାଃ ସ୍ବନାମକଥିତା ଭୁବି॥ 1-113-53 (5069)
ଅଙ୍ଗସ୍ଯାଙ୍ଗୋଽଭବଦ୍ଦେଶୋ ବଙ୍ଗୋ ବଙ୍ଗସ୍ଯ ଚ ସ୍ମୃତଃ।
କଲିଙ୍ଗବିଷଯଶ୍ଚୈବ କଲିଙ୍ଗସ୍ଯ ଚ ସ ସ୍ମୃତଃ॥ 1-113-54 (5070)
ପୁଣ୍ଡ୍ରସ୍ଯ ପୁଣ୍ଡ୍ରାଃ ପ୍ରଖ୍ଯାତାଃ ସୁହ୍ମାଃ ସୁହ୍ମସ୍ଯ ଚ ସ୍ମୃତାଃ।
ଏବଂ ବଲେଃ ପୁରା ବଂଶଃ ପ୍ରଖ୍ଯାତୋ ବୈ ମହର୍ଷିଜଃ॥ 1-113-55 (5071)
ଏବମନ୍ଯେ ମହେଷ୍ବାସା ବ୍ରାହ୍ମଣୈଃ କ୍ଷତ୍ରିଯା ଭୁବି।
ଜାତାଃ ପରମଧର୍ମଜ୍ଞା ବୀର୍ଯବନ୍ତୋ ମହାବଲାଃ।
ଏତଚ୍ଛ୍ରୁତ୍ବା ତ୍ବମପ୍ଯତ୍ର ମାତଃ କୁରୁ ଯଥେପ୍ସିତମ୍॥ ॥ 1-113-56 (5072)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ତ୍ରଯୋଦଶାଧିକଶତତମୋଽଧ୍ଯାଯଃ॥ 113 ॥
Mahabharata - Adi Parva - Chapter Footnotes
1-113-10 ଅନ୍ବପଦ୍ଯତ ଉପଗତବାନ୍॥ 1-113-11 ଆରମ୍ଯତାମୁପରମ୍ଯତାମ୍॥ 1-113-14 ଆତ୍ମାନଂ ଚିତ୍ତମ୍। ନିଯଚ୍ଛିତୁଂ ନିଯନ୍ତୁମ୍॥ 1-113-16 କାମଂ ମୈଥୁନଂ ମା ଗମଃ॥ 1-113-20 ତଂ ଶଶାପେତି ସଂବନ୍ଧଃ॥ 1-113-22 ଦୀର୍ଘଂ ତମଃ ଅନ୍ଧତ୍ବମ୍॥ 1-113-25 ସମ୍ଯକ୍ ତାନଂ ବିସ୍ତାରୋ ଯସ୍ଯ ତସ୍ଯ କୁଲସ୍ଯ ବୃଦ୍ଧଯେ ବିସ୍ତୀର୍ଣସ୍ଯାପି ବୃଦ୍ଧଯେ ଇତ୍ଯର୍ଥଃ॥ 1-113-26 ଗୋଧର୍ମଂ ପ୍ରକାଶମୈଥୁନମ୍। ସୌରଭେଯାତ୍ କାମଧେନୁପୁତ୍ରାଦଧୀତ୍ଯାଧିଗମ୍ଯ॥ 1-113-27 ମୋହାଭିଭୂତତ୍ବମପାପେ ପାପଦର୍ଶିତ୍ବାତ୍॥ 1-113-29 ସମାଭା ଯ କ୍ରୁଦ୍ଧା ଇତି ପୂର୍ବେଣାନ୍ବଯଃ॥ 1-113-30 ଦ୍ବେକ୍ଷି ଦ୍ବେଷଂ କରୋଷି। ପତିଃ ପାଲନାଦୁପସର୍ଗେଭ୍ଯଃ। ଭରଣାଦନ୍ନାଦିନା ଭର୍ତା ଚ॥ 1-113-31 ଅହଂ ତୁ ପ୍ରତ୍ଯୁତ ତ୍ବଦ୍ଭରଣାଶକ୍ତା ସତୀ ନ ଭରେଯମ୍। ତଦା ତଦେବ। ଲୁପ୍ତୋପମା। ପୂର୍ବବଦିତ୍ଯର୍ଥଃ॥ 1-113-33 ଧନମର୍ଥଶ୍ଚୋପଭୋଗାଦିଃ॥ 1-113-34 ନ ଭରେଯଂ ଯଥା ପୁରା ଭର୍ତ୍ରନ୍ତରଂ କରିଷ୍ଯାମୀତ୍ଯାଶଯଃ॥ 1-113-42 ମଜ୍ଜନଗତଃ ସ୍ନାନାର୍ଥଂ ଗତଃ। ସ୍ରୋତସା ପ୍ରବାହେଣ। ଅଭ୍ଯାଶଂ ସମୀପମ୍॥ 1-113-46 ଧାତ୍ରେଯିକାଂ ଦାସୀମ୍॥ 1-113-52 ଅଙ୍ଗେଷୁ ସ୍ପୃଷ୍ଟ୍ବା ସ୍ବରୂପଜ୍ଞାନାର୍ଥମିତି ଭାବଃ। ସଂଧିରାର୍ଷଃ॥ 1-113-56 ଯଥେପ୍ସିତଂ ବ୍ରାହ୍ମଣେଭ୍ଯୋ ବଂଶବୃଦ୍ଧିମିତ୍ଯର୍ଥଃ॥ ତ୍ରଯୋଦଶାଧିକଶତତମୋଽଧ୍ଯାଯଃ॥ 113 ॥ଆଦିପର୍ବ - ଅଧ୍ଯାଯ 114
॥ ଶ୍ରୀଃ ॥
1.114. ଅଧ୍ଯାଯଃ 114
Mahabharata - Adi Parva - Chapter Topics
ସତ୍ଯବତ୍ଯା ସ୍ବସ୍ମିନ୍କନ୍ଯାତ୍ବାବସ୍ଥାଯାଂ ବ୍ଯାସୋତ୍ପତ୍ତିକଥନମ୍॥ 1 ॥ ସ୍ମରଣମାତ୍ରାଦାଗତେନ ବ୍ଯାସେନ ସହ ସତ୍ଯବତ୍ଯାଃ ସଂବାଦଃ॥ 2 ॥ ବ୍ଯାସେନ ଅମ୍ବିକାମ୍ବାଲିକଲୋଃ ପୁତ୍ରୋତ୍ପାଦନାଙ୍ଗୀକାରଃ॥ 3 ॥Mahabharata - Adi Parva - Chapter Text
1-114-0 (5073)
ଭୀଷ୍ମ ଉବାଚ। 1-114-0x (691)
ପୁନର୍ଭରତବଂଶସ୍ଯ ହେତୁଂ ସନ୍ତାନବୃଦ୍ଧଯେ।
ବକ୍ଷ୍ଯାମି ନିଯତଂ ମାତସ୍ତନ୍ମେ ନିଗଦତଃ ଶୃଣୁ॥ 1-114-1 (5074)
ବ୍ରାହ୍ମଣୋ ଗୁଣବାନ୍କଶ୍ଚିଦ୍ଧନେନୋପନିମନ୍ତ୍ର୍ଯତାମ୍।
ବିଚିତ୍ରବୀର୍ଯକ୍ଷେତ୍ରେଷୁ ଯଃ ସମୁତ୍ପାଦଯେତ୍ପ୍ରଜାଃ॥ 1-114-2 (5075)
`ବୈଶମ୍ପାଯନ ଉବାଚ। 1-114-3x (692)
ଭୀଷ୍ମସ୍ଯ ତୁ ବଚଃ ଶ୍ରୁତ୍ବା ଧର୍ମହେତ୍ବର୍ଥସଂହିତମ୍।
ମାତା ସତ୍ଯବତୀ ଭୀଷ୍ମଂ ପୁନରେବାଭ୍ଯଭାଷତ॥ 1-114-3 (5076)
ଔଚଥ୍ଯମଧିକୃତ୍ଯେଦମଙ୍ଗଂ ଚ ଯଦୁଦାହୃତମ୍।
ପୌରାଣୀ ଶ୍ରୁତିରିତ୍ଯେଷା ପ୍ରାପ୍ତକାଲମିଦଂ କୁରୁ॥ 1-114-4 (5077)
ତ୍ବଂ ହି ପୁତ୍ର କୁଲସ୍ଯାସ୍ଯ ଜ୍ଯେଷ୍ଠଃ ଶ୍ରେଷ୍ଠଶ୍ଚ ଭାରତ।
ଯଥା ଚ ତେ ପିତୁର୍ବାକ୍ଯଂ ମମ କାର୍ଯଂ ତଥାଽନଘ॥ 1-114-5 (5078)
ମମ ପୁତ୍ରସ୍ତବ ଭ୍ରାତା ଯବୀଯାନ୍ସୁପ୍ରିଯଶ୍ଚ ତେ।
ବାଲ ଏବ ଗତଃ ସ୍ବର୍ଗଂ ଭାରତୋ ଭରତର୍ଷଭ॥ 1-114-6 (5079)
ଇମେ ମହିଷ୍ଯୌ ତସ୍ଯେହ କାଶିରାଜସୁତେ ଉଭେ।
ରୂପଯୌବନସଂପନ୍ନେ ପୁତ୍ରକାମେ ଚ ଭାରତ॥ 1-114-7 (5080)
ଧର୍ମ୍ଯମେତତ୍ପରଂ ଜ୍ଞାତ୍ବା ସନ୍ତାନାଯ କୁଲସ୍ଯ ଚ।
ଆଭ୍ଯାଂ ମମ ନିଯୋଗାତ୍ତୁ ଧର୍ମଂ ଚରିତୁମର୍ହସି॥ 1-114-8 (5081)
ଭୀଷ୍ମ ଉବାଚ। 1-114-9x (693)
ଅସଂଶଯଂ ପରୋ ଧର୍ମସ୍ତ୍ବଯାଃ ମାତଃ ପ୍ରକୀର୍ତିତଃ।
ତ୍ବମପ୍ଯେତାଂ ପ୍ରତିଜ୍ଞାଂ ତୁ ବେତ୍ଥ ଯା ମଯି ବର୍ତତେ॥ 1-114-9 (5082)
ଅମରତ୍ବସ୍ଯ ବା ହେତୋସ୍ତ୍ରୈଲୋକ୍ଯସଦନସ୍ଯ ବା।
ଉତ୍ସୃଜେଯମହଂ ପ୍ରାଣାନ୍ନ ତୁ ସତ୍ଯଂ କଥଂଚନ॥ 1-114-10 (5083)
ସତ୍ଯବତ୍ଯୁବାଚ। 1-114-11x (694)
ଜାନାମି ତ୍ବଯି ଧର୍ମଜ୍ଞ ସତ୍ଯଂ ସତ୍ଯପରାକ୍ରମ।
ଇଚ୍ଛଂସ୍ତ୍ବମିହ ଲୋକାଂସ୍ତ୍ରୀନ୍ସୃଜେରନ୍ଯାନରିନ୍ଦମ॥ 1-114-11 (5084)
ଯଥା ତୁ ନଃ କୁଲଂ ଚୈବ ଧର୍ମଶ୍ଚ ନ ପରାଭବେତ୍।
ସୁହୃଦଶ୍ଚ ପ୍ରହୃଷ୍ଟାଃ ସ୍ଯୁସ୍ତଥା ତ୍ବଂ କର୍ତୁମର୍ହସି॥ 1-114-12 (5085)
ଭୀଷ୍ମ ଉବାଚ। 1-114-13x (695)
ତ୍ବମେବ କୁଲବୃଦ୍ଧାସି ଗୌରବଂ ତୁ ପରଂ ତ୍ବଯି।
ସୋପାଯଂ କୁଲସନ୍ତାନେ ବକ୍ତୁମର୍ହସି ନଃ ପରମ୍॥ 1-114-13 (5086)
ସ୍ତ୍ରିଯୋ ହି ପରମଂ ଗୁହ୍ଯଂ ଧାରଯନ୍ତି ସଦା କୁଲେ।
ପୁରୁଷାଂଶ୍ଚୈବ ମାଯାଭିର୍ବହ୍ବୀଭିରୁପଗୃହ୍ଣତେ॥ 1-114-14 (5087)
ସା ସତ୍ଯବତି ସଂପଶ୍ଯ ଧର୍ମଂ ସତ୍ଯପରାଯଣେ।
ଯଥା ନ ଜହ୍ଯାଂ ସତ୍ଯଂ ଚ ନ ସୀଦେଚ୍ଚ କୁଲଂ ହି ନଃ॥' 1-114-15 (5088)
ବୈଶମ୍ପାଯନ ଉବାଚ। 1-114-16x (696)
ତତଃ ସତ୍ଯବତୀ ଭୀଷ୍ମଂ ବାଚା ସଂସଜ୍ଜମାନଯା।
ବିହସନ୍ତୀବ ସବ୍ରୀଡମିଦଂ ବଚନମବ୍ରବୀତ୍॥ 1-114-16 (5089)
ସତ୍ଯମେତନ୍ମହାବାହୋ ଯଥା ବଦସି ଭାରତ।
ବିଶ୍ବାସାତ୍ତେ ପ୍ରବକ୍ଷ୍ଯାମି ସନ୍ତାନାଯ କୁଲସ୍ଯ ନଃ॥ 1-114-17 (5090)
ନ ତେ ଶକ୍ଯମନାଖ୍ଯାତୁମାପଦ୍ଧର୍ମଂ ତଥାବିଧମ୍।
ତ୍ବମେବ ନଃ କୁଲେ ଧର୍ମସ୍ତ୍ବଂ ସତ୍ଯଂ ତ୍ବଂ ପରା ଗତିଃ॥ 1-114-18 (5091)
`ଯତ୍ତ୍ବଂ ବକ୍ଷ୍ଯସି ତତ୍କାର୍ଯମସ୍ମାଭିରିତି ମେ ମତିଃ।'
ତସ୍ମାନ୍ନିଶମ୍ଯ ସତ୍ଯଂ ମେ କୁରୁଷ୍ବ ଯଦନନ୍ତରମ୍।
`ଶୃଣୁ ଭୀଷ୍ମ ବଚୋ ମହ୍ଯଂ ଧର୍ମାର୍ଥସହିତଂ ହିତମ୍॥ 1-114-19 (5092)
ନ ଚ ବିସ୍ରମ୍ଭକଥିତଂ ଭବାନ୍ସୂଚିତୁମର୍ହତି।
ଯସ୍ତୁ ରାଜା ବସୁର୍ନାମ ଶ୍ରୁତସ୍ତେ ଭରତର୍ଷଭ॥ 1-114-20 (5093)
ତସ୍ଯ ଶୁକ୍ଲାଦହଂ ମତ୍ସ୍ଯା ଧୃତା କୁକ୍ଷୌ ପୁରା କିଲ।
ମାତରଂ ମେ ଜଲାଦ୍ଧୃତ୍ବା ଦାଶଃ ପରମଧର୍ମବିତ୍॥ 1-114-21 (5094)
ମାଂ ତୁ ସ୍ବଗୃହମାନୀଯ ଦୁହିତୃତ୍ବେଽଭ୍ଯକଲ୍ପଯତ୍।
ଧର୍ମଯୁକ୍ତଃ ସ ଧର୍ମେଣ ପିତା ଚାସୀତ୍ତତୋ ମମ॥' 1-114-22 (5095)
ଧର୍ମଯୁକ୍ତସ୍ଯ ଧର୍ମାର୍ଥଂ ପିତୁରାସୀତ୍ତରୀ ମମ।
ସା କଦାଚିଦହଂ ତତ୍ର ଗତା ପ୍ରଥମଯୌବନମ୍॥ 1-114-23 (5096)
ଅଥ ଧର୍ମବିଦାଂ ଶ୍ରେଷ୍ଠଃ ପରମର୍ଷିଃ ପରାଶରଃ।
ଆଜଗାମ ତରୀଂ ଧୀମାଂସ୍ତରିଷ୍ଯନ୍ଯମୁନାଂ ନଦୀମ୍॥ 1-114-24 (5097)
ସ ତାର୍ଯମାଣୋ ଯମୁନାଂ ମାମୁପେତ୍ଯାବ୍ରବୀତ୍ତଦା।
ସାନ୍ତ୍ବପୂର୍ବଂ ମୁନିଶ୍ରେଷ୍ଠଃ କାମାର୍ତୋ ମଧୁରଂ ବଚଃ।
ଉକ୍ତ୍ବା ଜନ୍ମ କୁଲଂ ମହ୍ଯଂ ନାସି ଦାଶସୁତେତି ଚ॥ 1-114-25 (5098)
ତମହଂ ଶାପଭୀତା ଚ ପିତୁର୍ଭୀତା ଚ ଭାରତ।
ବରୈରସୁଲଭୈରୁକ୍ତା ନ ପ୍ରତ୍ଯାଖ୍ଯାତୁମୁତ୍ସହେ॥ 1-114-26 (5099)
`ପ୍ରେକ୍ଷ୍ଯ ତାଂସ୍ତୁ ମହାଭାଗାନ୍ପାରାବାରେ ଋଷୀନ୍ସ୍ଥିତାନ୍।
ଯମୁନାତୀରବିନ୍ଯସ୍ତାନ୍ପ୍ରଦୀପ୍ତାନିବ ପାବକାନ୍॥ 1-114-27 (5100)
ପୁରସ୍ତାଦରୁଣଶ୍ଚୈବ ତରୁଣଃ ସଂପ୍ରକାଶତେ।
ଯେନୈଷା ତାମ୍ରବସ୍ତ୍ରେବ ଦ୍ଯୌଃ କୃତା ପ୍ରବିଜୃମ୍ଭିତା॥ 1-114-28 (5101)
ଉକ୍ତମାତ୍ରୋ ମଯା ତତ୍ର ନୀହାରମସୃଜତ୍ପ୍ରଭୁଃ।
ପରାଶରଃ ସତ୍ଯଧୃତିର୍ଦ୍ବୀପେ ଚ ଯମୁନାମ୍ଭସି॥' 1-114-29 (5102)
ଅଭିଭୂଯ ସ ମାଂ ବାଲାଂ ତେଜସା ବଶମାନଯତ୍।
ତମସା ଲୋକମାବୃତ୍ଯ ନୌଗତାମେବ ଭାରତ॥ 1-114-30 (5103)
ମତ୍ସ୍ଯଗନ୍ଧୋ ମହାନାସୀତ୍ପୁରା ମମ ଜୁଗୁପ୍ସିତଃ।
ତମପାସ୍ଯ ଶୁଭଂ ଗନ୍ଧମିମଂ ପ୍ରାଦାତ୍ସ ମେ ମୁନିଃ॥ 1-114-31 (5104)
ତତୋ ମାମାହ ସ ମୁନିର୍ଗର୍ଭମୁତ୍ସୃଜ୍ଯ ମାମକମ୍।
ଦ୍ବୋପେଽସ୍ଯା ଏବ ସରିତଃ କନ୍ଯୈବ ତ୍ବଂ ଭବିଷ୍ଯସି॥ 1-114-32 (5105)
କନ୍ଯାତ୍ବଂ ଚ ଦଦୌ ପ୍ରୀତଃ ପୁନର୍ବିଦ୍ବାଂସ୍ତପୋଧନଃ।
ତସ୍ଯ ବୀର୍ଯମହଂ ଦୃଷ୍ଟ୍ବା ତଥା ଯୁକ୍ତଂ ମହାତ୍ମନଃ॥ 1-114-33 (5106)
ବିସ୍ମିତା ବ୍ଯଥିତା ଚୈବ ପ୍ରାଦାମାତ୍ମାନମେବ ଚ।
ତତସ୍ତଦା ମହାତ୍ମା ସ କନ୍ଯାଯାଂ ମଯି ଭାରତ।
ପ୍ରହୃଷ୍ଟୋଽଜନଯତ୍ପୁତ୍ରଂ ଦ୍ବୀପ ଏବ ପରାଶରଃ॥' 1-114-34 (5107)
ପାରାଶର୍ଯୋ ମହାଯୋଗୀ ସ ବଭୂବ ମହାନୃଷିଃ।
କନ୍ଯାପୁତ୍ରୋ ମମ ପୁରା ଦ୍ବୈପାଯନ ଇତି ଶ୍ରୁତଃ॥ 1-114-35 (5108)
ଯୋ ବ୍ଯସ୍ଯ ବେଦାଂଶ୍ଚତୁରସ୍ତପସା ଭଗବାନୃଷିଃ।
ଲୋକେ ବ୍ଯାସତ୍ବମାପେଦେ କାର୍ଷ୍ଣ୍ଯାତ୍କୃଷ୍ଣତ୍ବମେବ ଚ॥ 1-114-36 (5109)
ସତ୍ଯବାଦୀ ଶମପରସ୍ତପସ୍ବୀ ଦଗ୍ଧକିଲ୍ବିଷଃ।
ସଦ୍ଯୋତ୍ପନ୍ନଃ ସ ତୁ ମହାନ୍ସହ ପିତ୍ରା ତତୋ ଗତଃ॥ 1-114-37 (5110)
ସ ନିଯୁକ୍ତୋ ମଯା ବ୍ଯକ୍ତଂ ତ୍ବଯା ଚାପ୍ରତିମଦ୍ଯୁତିଃ।
ଭ୍ରାତୁଃ କ୍ଷେତ୍ରେଷୁ କଲ୍ଯାଣମପତ୍ଯଂ ଜନଯିଷ୍ଯତି॥ 1-114-38 (5111)
ସ ହି ମାମୁକ୍ତବାଂସ୍ତତ୍ର ସ୍ମରେଃ କୃଚ୍ଛ୍ରେଷୁ ମାମିତି।
ତଂ ସ୍ମରିଷ୍ଯେ ମହାବାହୋ ଯଦି ଭୀଷ୍ମ ତ୍ବମିଚ୍ଛସି॥ 1-114-39 (5112)
ତବ ହ୍ଯନୁମତେ ଭୀଷ୍ମ ନିଯତଂ ସ ମହାତପାଃ।
ବିଚିତ୍ରବୀର୍ଯକ୍ଷେତ୍ରେଷୁ ପୁତ୍ରାନୁତ୍ପାଦଯିଷ୍ଯତି॥ 1-114-40 (5113)
ବୈଶମ୍ପାଯନ ଉବାଚ। 1-114-41x (697)
ମହର୍ଷେଃ କୀର୍ତନେ ତସ୍ଯ ଭୀଷ୍ମଃ ପ୍ରାଞ୍ଜଲିରବ୍ରବୀତ୍।
`ଦେଶକାଲୌ ଚ ଜାନାସି କ୍ରିଯତାମର୍ଥସିଦ୍ଧଯେ।' 1-114-41 (5114)
ଧର୍ମମର୍ଥଂ ଚ କାମଂ ଚ ତ୍ରୀନେତାନ୍ଯୋନୁପଶ୍ଯତି॥ 1-114-41x (698)
ଅର୍ଥମର୍ଥାନୁବନ୍ଧଂ ଚ ଧର୍ମଂ ଧର୍ମାନୁବନ୍ଧନମ୍।
କାମଂ କାମାନୁବନ୍ଧଂ ଚ ବିପରୀତାନ୍ପୃଥକ୍ପୃଥକ୍॥ 1-114-42 (5115)
ଯୋ ବିଚିନ୍ତ୍ଯ ଧିଯା ଧୀରୋ ବ୍ଯବସ୍ଯତି ସ ବୁଦ୍ଧିମାନ୍।
ତଦିଦଂ ଧର୍ମଯୁକ୍ତଂ ଚ ହିତଂ ଚୈବ କୁଲସ୍ଯ ନଃ॥ 1-114-43 (5116)
ଉକ୍ତଂ ଭବତ୍ଯା ଯଚ୍ଛ୍ରେଯସ୍ତନ୍ମହ୍ଯଂ ରୋଚତେ ଭୃଶମ୍। 1-114-44 (5117)
ବୈଶମ୍ପାଯନ ଉବାଚ।
ତତସ୍ତସ୍ମିନ୍ପ୍ରତିଜ୍ଞାତେ ଭୀଷ୍ମେଣ କୁରୁନନ୍ଦନ॥ 1-114-44x (699)
କୃଷ୍ଣଦ୍ବୈପାଯନଂ କାଲୀ ଚିନ୍ତଯାମାସ ବୈ ମୁନିମ୍।
ସ ବେଦାନ୍ବିବ୍ରୁବନ୍ଧୀମାନ୍ମାତୁର୍ବିଜ୍ଞାଯ ଚିନ୍ତିତମ୍॥ 1-114-45 (5118)
ପ୍ରାଦୁର୍ବଭୂବାବିଦିତଃ କ୍ଷଣେନ କୁରୁନନ୍ଦନ।
ତସ୍ମୈ ପୂଜାଂ ତତଃ କୃତ୍ବା ସୁତାଯ ବିଧିପୂର୍ବକମ୍॥ 1-114-46 (5119)
ପରିଷ୍ବଜ୍ଯ ଚ ବାହୁଭ୍ଯାଂ ପ୍ରସ୍ରବୈରଭ୍ଯଷିଞ୍ଚତ।
ମୁମୋଚ ବାଷ୍ପଂ ଦାଶେଯୀ ପୁତ୍ରଂ ଦୃଷ୍ଟ୍ବା ଚିରସ୍ଯ ତୁ॥ 1-114-47 (5120)
ତାମଦ୍ଭିଃ ପରିଷିଚ୍ଯାର୍ତାଂ ମହର୍ଷିରଭିବାଦ୍ଯ ଚ।
ମାତରଂ ପୂର୍ବଜଃ ପୁତ୍ରୋ ବ୍ଯାସୋ ବଚନମବ୍ରବୀତ୍॥ 1-114-48 (5121)
ଭବତ୍ଯା ଯଦଭିପ୍ରେତଂ ତଦହଂ କର୍ତୁମାଗତଃ।
ଶାଧି ମାଂ ଧର୍ମତତ୍ତ୍ବଜ୍ଞେ କରବାଣି ପ୍ରିଯଂ ତବ॥ 1-114-49 (5122)
ତସ୍ମୈ ପୂଜାଂ ତତୋଽକାର୍ଷୀତ୍ପୁରୋଧାଃ ପରମର୍ଷଯେ।
ସ ଚ ତାଂ ପ୍ରତିଜଗ୍ରାହ ବିଧିମନ୍ମନ୍ତ୍ରପୂର୍ବକମ୍॥ 1-114-50 (5123)
ପୂଜିତୋ ମନ୍ତ୍ରପୂର୍ବଂ ତୁ ବିଧିବତ୍ପ୍ରୀତିମାପ ସଃ।
ତମାସନଗତଂ ମାତା ପୃଷ୍ଟ୍ବା କୁଶଲମବ୍ଯଯମ୍॥ 1-114-51 (5124)
ସତ୍ଯବତ୍ଯଥ ବୀକ୍ଷ୍ଯୈନମୁବାଚେଦମନନ୍ତରମ୍।
ମାତାପିତ୍ରୋଃ ପ୍ରଜାଯନ୍ତେ ପୁତ୍ରାଃ ସାଧାରଣାଃ କବେ॥ 1-114-52 (5125)
ତେଷାଂ ପିତା ଯଥା ସ୍ବୀମୀ ତଥା ମାତା ନ ସଂଶଯଃ।
ବିଧାନବିହିତଃ ସ ତ୍ବଂ ଯଥା ମେ ପ୍ରଥମଃ ସୁତଃ॥ 1-114-53 (5126)
ବିଚିତ୍ରବୀର୍ଯୋ ବ୍ରହ୍ମର୍ଷେ ତଥା ମେଽବରଜଃ ସୁତଃ।
ଯଥୈବ ପିତୃତୋ ଭୀଷ୍ମସ୍ତଥା ତ୍ବମପି ମାତୃତଃ॥ 1-114-54 (5127)
ଭ୍ରାତା ବିଚିତ୍ରବୀର୍ଯସ୍ଯ ଯଥା ବା ପୁତ୍ର ମନ୍ଯସେ।
ଅଯଂ ଶାନ୍ତନବଃ ସତ୍ଯଂ ପାଲଯନ୍ସତ୍ଯବିକ୍ରମଃ॥ 1-114-55 (5128)
ବୁଦ୍ଧିଂ ନ କୁରୁତେଽପତ୍ଯେ ତଥା ରାଜ୍ଯାଽନୁଶାସନେ।
ସ ତ୍ବଂ ବ୍ଯପେକ୍ଷଯା ଭ୍ରାତୁଃ ସନ୍ତାନାଯ କୁଲସ୍ଯ ଚ॥ 1-114-56 (5129)
ଭୀଷ୍ମସ୍ଯ ଚାସ୍ଯ ବଚନାନ୍ନିଯୋଗାଚ୍ଚ ମମାନଘ।
ଅନୁକ୍ରୋଶାଚ୍ଚ ଭୂତାନାଂ ସର୍ବେଷାଂ ରକ୍ଷଣାଯ ଚ॥ 1-114-57 (5130)
ଆନୃଶଂସ୍ଯାଚ୍ଚ ଯଦ୍ବ୍ରୂଯାଂ ତଚ୍ଛ୍ରୁତ୍ବା କର୍ତୁମର୍ହସି।
ଯବୀଯସସ୍ବ ଭ୍ରାତୁର୍ଭାର୍ଯେ ସୁରସୁତୋପମେ॥ 1-114-58 (5131)
ରୂପଯୌବନସଂପନ୍ନେ ପୁତ୍ରକାମେ ଚ ଧର୍ମତଃ।
ତଯୋରୁତ୍ପାଦଯାପତ୍ଯଂ ସମର୍ଥୋ ହ୍ଯସି ପୁତ୍ରକ॥ 1-114-59 (5132)
ଅନୁରୂପଂ କୁଲସ୍ଯାସ୍ଯ ସଂତତ୍ଯାଃ ପ୍ରସବସ୍ଯ ଚ। 1-114-60 (5133)
ବ୍ଯାସ ଉବାଚ।
ବେତ୍ଥ ଧର୍ମଂ ସତ୍ଯବତି ପରଂ ଚାପରମେବ ଚ॥ 1-114-60x (700)
ତଥା ତବ ମହାପ୍ରାଜ୍ଞେ ଧର୍ମେ ପ୍ରଣିହିତା ମତିଃ।
ତସ୍ମାଦହଂ ତ୍ବନ୍ନିଯୋଗାଦ୍ଧର୍ମମୁଦ୍ଦିଶ୍ଯ କାରଣମ୍॥ 1-114-61 (5134)
ଈପ୍ସିତଂ ତେ କରିଷ୍ଯାମି ଦୃଷ୍ଟଂ ହ୍ଯେତତ୍ସନାତନମ୍।
ଭ୍ରାତୁଃ ପୁତ୍ରାନ୍ପ୍ରଦାସ୍ଯାମି ମିତ୍ରାବରୁଣଯୋଃ ସମାନ୍॥ 1-114-62 (5135)
ବ୍ରତଂ ଚରେତାଂ ତେ ଦେବ୍ଯୌ ନିର୍ଦିଷ୍ଟମିହ ଯନ୍ମଯା।
ସଂବତ୍ସରଂ ଯଥାନ୍ଯାଯଂ ତତଃ ଶୁଦ୍ଧେ ଭବିଷ୍ଯତଃ॥ 1-114-63 (5136)
ନହି ମାମବ୍ରତୋପେତା ଉପେଯାତ୍କାଚିଦଙ୍ଗନା। 1-114-64 (5137)
ସତ୍ଯବତ୍ଯୁବାଚ।
ସଦ୍ଯୋ ଯଥା ପ୍ରପଦ୍ଯେତେ ଦେବ୍ଯୌ ଗର୍ଭଂ ତଥା କୁରୁ॥ 1-114-64x (701)
ଅରାଜକେଷୁ ରାଷ୍ଟ୍ରେଷୁ ପ୍ରଜାଽନାଥା ବିନଶ୍ଯତି।
ନଶ୍ଯନ୍ତି ଚ କ୍ରିଯାଃ ସର୍ବା ନାସ୍ତି ବୃଷ୍ଟିର୍ନ ଦେବତା॥ 1-114-65 (5138)
କଥଂ ଚାରାଜକଂ ରାଷ୍ଟ୍ରଂ ଶକ୍ଯଂ ଧାରଯିତୁଂ ପ୍ରଭୋ।
ତସ୍ମାଦ୍ଗର୍ଭଂ ସମାଧତ୍ସ୍ବ ଭୀଷ୍ମଃ ସଂବର୍ଧଯିଷ୍ଯତି॥ 1-114-66 (5139)
ବ୍ଯାସ ଉବାଚ। 1-114-67x (702)
ଯଦି ପୁତ୍ରଃ ପ୍ରଦାତବ୍ଯୋ ମଯା ଭ୍ରାତୁରକାଲିକଃ।
ବିରୂପତାଂ ମେ ସହତାଂ ତଯୋରେତତ୍ପରଂ ବ୍ରତମ୍॥ 1-114-67 (5140)
ଯଦି ମେ ସହତେ ଗନ୍ଧଂ ରୂପଂ ବେଷଂ ତଥା ବପୁଃ।
ଅଦ୍ଯୈବ ଗର୍ଭଂ କୌସଲ୍ଯା ବିଶିଷ୍ଟଂ ପ୍ରତିପଦ୍ଯତାମ୍॥ 1-114-68 (5141)
`ତସ୍ଯାପି ଚ ଶତଂ ପୁତ୍ରା ଭବିତାରୋ ନ ସଂଶଯଃ।
ଗୋପ୍ତାରଃ କୁରୁବଂଶସ୍ଯ ଭବତ୍ଯାଃ ଶୋକନାଶନାଃ॥' 1-114-69 (5142)
ବୈଶମ୍ପାଯନ ଉବାଚ। 1-114-70x (703)
ଏବମୁକ୍ତ୍ବା ମହାତେଜା ବ୍ଯାସଃ ସତ୍ଯବତୀଂ ତଦା।
ଶଯନେ ସା ଚ କୌସଲ୍ଯା ଶୁଚିବସ୍ତ୍ରା ହ୍ଯଲଙ୍କୃତା॥ 1-114-70 (5143)
ସମାଗମନମାକାଙ୍କ୍ଷେଦିତି ସୋଽନ୍ତର୍ହିତୋ ମୁନିଃ।
ତତୋଽଭିଗମ୍ଯ ସା ଦେବୀ ସ୍ନୁଷାଂ ରହସି ସଂଗତାମ୍॥ 1-114-71 (5144)
ଧର୍ମ୍ଯମର୍ଥସମାଯୁକ୍ତମୁବାଚ ବଚନଂ ହିତମ୍।
କୌସଲ୍ଯେ ଧର୍ମତନ୍ତ୍ରଂ ତ୍ବାଂ ଯଦ୍ବ୍ରବୀମି ନିବୋଧ ତତ୍॥ 1-114-72 (5145)
ଭରତାନାଂ ସମୁଚ୍ଛେଦୋ ବ୍ଯକ୍ତଂ ମଦ୍ଭାଗ୍ଯସଂକ୍ଷଯାତ୍।
ବ୍ଯଥିତାଂ ମାଂ ଚ ସଂପ୍ରେକ୍ଷ୍ଯ ପିତୃବଂଶଂ ଚ ପୀଡିତମ୍॥ 1-114-73 (5146)
ଭୀଷ୍ମୋ ବୁଦ୍ଧିମଦାନ୍ମହ୍ଯଂ କୁଲସ୍ଯାସ୍ଯ ବିବୃଦ୍ଧଯେ।
ସା ଚ ବୁଦ୍ଧିସ୍ତ୍ବଯ୍ଯଧୀନା ପୁତ୍ରି ପ୍ରାପଯ ମାଂ ତଥା॥ 1-114-74 (5147)
ନଷ୍ଟଂ ଚ ଭାରତଂ ବଂଶଂ ପୁନରେବ ସମୁଦ୍ଧର଼।
ପୁତ୍ରଂ ଜନଯ ସୁଶ୍ରୋଣି ଦେବରାଜସମପ୍ରଭମ୍॥ 1-114-75 (5148)
ସ ହି ରାଜ୍ଯଧୁରଂ ଗୁର୍ବୀମୁଦ୍ବକ୍ଷ୍ଯତି କୁଲସ୍ଯ ନଃ।
`ଏବମୁକ୍ତ୍ବା ତୁ ସା ଦେବୀ ସ୍ନୁଷାଂ ସତ୍ଯବତୀ ତଦା॥' 1-114-76 (5149)
ସା ଧର୍ମତୋଽନୁନୀଯୈନାଂ କଥଂଚିଦ୍ଧର୍ମଚାରିଣୀମ୍।
ଭୋଜଯାମାସ ବିପ୍ରାଂଶ୍ଚ ଦେବର୍ଷୀନତିଥୀଂସ୍ତଥା॥ ॥ 1-114-77 (5150)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଚତୁର୍ଦଶାଧିକଶତତମୋଽଧ୍ଯାଯଃ॥ 114 ॥
Mahabharata - Adi Parva - Chapter Footnotes
1-114-16 ସଂସଜ୍ଜମାନଯା ସ୍ଖଲନବତ୍ଯା॥ 1-114-17 ବିଶ୍ବାସାଦନ୍ତରଙ୍ଗତ୍ବବୁଦ୍ଧେଃ। ସଂତାନାଯ ବିସ୍ତାରାଯ॥ 1-114-18 ଆପଦ୍ଧର୍ମମବେକ୍ଷ୍ଯେତି ଶେଷଃ॥ 1-114-38 ବ୍ଯକ୍ତଂ ନିଃସଂଶଯମ୍॥ 1-114-42 ଅନୁବଧ୍ଯତେଽନେନେତ୍ଯନୁବନ୍ଧଃ ଫଲଂ॥ 1-114-45 କାଲୀ ସତ୍ଯବତୀ॥ 1-114-47 ପ୍ରସ୍ରବୈଃ ସ୍ନେହସ୍ରୁତସ୍ତନୈଃ॥ 1-114-53 ବିଧାନବିହିତଃ ପୂର୍ବପୁଣ୍ଯପ୍ରସୂତଃ॥ 1-114-56 ବ୍ଯପେକ୍ଷଯା ସ୍ନେହାନୁବନ୍ଧେନ॥ 1-114-58 ଆନୃଶଂସ୍ଯାଦନୈଷ୍ଠୁର୍ଯାତ୍॥ 1-114-63 ଦେବ୍ଯୌ ରାଜଭାର୍ଯେ॥ 1-114-74 ଯଥା ଭୀଷ୍ମେଣୋକ୍ତଂ ତଥା ମାଂ ପ୍ରାପଯ ଇଷ୍ଟାର୍ଥେନ ଯୋଜଯ॥ 1-114-76 ଉଦ୍ବକ୍ଷ୍ଯତି ଧୁରଂ ଧୁର ଉଦ୍ବହନଂମ କରିଷ୍ଯତି॥ ଚତୁର୍ଦଶାଧିକଶତତମୋଽଧ୍ଯାଯଃ॥ 114 ॥ଆଦିପର୍ବ - ଅଧ୍ଯାଯ 115
॥ ଶ୍ରୀଃ ॥
1.115. ଅଧ୍ଯାଯଃ 115
Mahabharata - Adi Parva - Chapter Topics
ଅମ୍ବିକାଯାଂ ବ୍ଯାସାଦ୍ଧୃତରାଷ୍ଟ୍ରସ୍ଯୋତ୍ପତ୍ତିଃ॥ 1 ॥ ଅମ୍ବାଲିକାଯାଂ ପାଣ୍ଡୋରୁତ୍ପତ୍ତିଃ॥ 2 ॥ ଅମ୍ବିକାଦାସ୍ଯାଂ ବିଦୁରସ୍ଯୋତ୍ପତ୍ତିଃ॥ 3 ॥Mahabharata - Adi Parva - Chapter Text
1-115-0 (5151)
ବୈଶମ୍ପାଯନ ଉବାଚ। 1-115-0x (704)
ତତଃ ସତ୍ଯବତୀ କାଲେ ବଧୂଂ ସ୍ନାତାମୃତୌ ତଦା।
ସଂବେଶଯନ୍ତୀ ଶଯନେ ଶନୈର୍ବଚନମବ୍ରବୀତ୍॥ 1-115-1 (5152)
କୌସଲ୍ଯେ ଦେବରସ୍ତେଽସ୍ତି ସୋଽଦ୍ଯ ତ୍ବାଽନୁପ୍ରବେକ୍ଷ୍ଯତି।
ଅପ୍ରମତ୍ତା ପ୍ରତୀକ୍ଷୈନଂ ନିଶୀଥେ ହ୍ଯାଗମିଷ୍ଯତି॥ 1-115-2 (5153)
ଶ୍ବଶ୍ର୍ବାସ୍ତଦ୍ବଚନଂ ଶ୍ରୁତ୍ବା ଶଯାନା ଶଯନେ ଶୁଭେ।
ସାଽଚିନ୍ତଯତ୍ତଦା ଭୀଷ୍ମମନ୍ଯାଂଶ୍ଚ କୁରୁପୁଙ୍ଗବାନ୍॥ 1-115-3 (5154)
`ତତଃ ସୁପ୍ତଜନପ୍ରାଯେଽର୍ଧରାତ୍ରେ ଭଗବାନୃଷିଃ।
ଦୀପ୍ଯମାନେଷୁ ଦୀପେଷୁ ଶରଣଂ ପ୍ରବିବେଶ ହ॥ 1-115-4 (5155)
ତତୋଽମ୍ବିକାଯାଂ ପ୍ରଥମଂ ନିଯୁକ୍ତଃ ସତ୍ଯବାଗୃଷିଃ।
ଜଗାମ ତସ୍ଯାଃ ଶଯନଂ ବିପୁଲେ ତପସି ସ୍ଥିତଃ॥ 1-115-5 (5156)
ତଂ ସମୀକ୍ଷ୍ଯ ତୁ କୌସଲ୍ଯା ଦୁଷ୍ପ୍ରେକ୍ଷମତଥୋଚିତା।
ବିରୂପ ଇତି ବିତ୍ରସ୍ତା ସଂକୁଚ୍ଯାସୀନ୍ନିମୀଲିତା॥ 1-115-6 (5157)
ବିରୂପୋ ହି ଜଟୀ ଚାପି ଦୁର୍ବର୍ଣଃ ପରୁଷଃ କୃଶଃ।
ସୁଗନ୍ଧେତରଗନ୍ଧଶ୍ଚ ସର୍ବଥା ଦୁଷ୍ପ୍ରଧର୍ଷଣଃ॥' 1-115-7 (5158)
ତସ୍ଯ କୃଷ୍ଣସ୍ଯ କପିଲାଂ ଜଟାଂ ଦୀପ୍ତେ ଚ ଲୋଚନେ।
ବବ୍ରୂଣି ଚୈବ ଶ୍ମଶ୍ରୂମି ଦୃଷ୍ଟ୍ବା ଦେବୀ ନ୍ଯମୀଲଯତ୍॥ 1-115-8 (5159)
ସଂଭୂବ ତଯା ସାର୍ଧଂ ମାତୁଃ ପ୍ରିଯଚିକୀର୍ଷଯା।
ଭଯାତ୍କାଶିସୁତା ତଂ ତୁ ନାଶକ୍ନୋଦଭିବୀକ୍ଷିତୁମ୍॥ 1-115-9 (5160)
ତତୋ ନିଷ୍କ୍ରାନ୍ତମାଗମ୍ଯ ମାତା ପୁତ୍ରମୁବାଚ ହ।
ଅପ୍ଯସ୍ଯାଂ ଗୁଣବାନ୍ପୁତ୍ର ରାଜପୁତ୍ରୋ ଭବିଷ୍ଯତି॥ 1-115-10 (5161)
ନିଶମ୍ଯ ତଦ୍ବଚୋ ମାତୁର୍ବ୍ଯାସଃ ସତ୍ଯବତୀସୁତଃ।
`ପ୍ରୋବାଚାତୀନ୍ଦ୍ରିଯଜ୍ଞାନୋ ବିଧିନା ସଂପ୍ରଚୋଦିତଃ॥' 1-115-11 (5162)
ନାଗାଯୁତସମପ୍ରାଣୋ ବିଦ୍ବାନ୍ରାଜର୍ଷିସତ୍ତମଃ।
ମହାଭାଗୋ ମହାବୀର୍ଯୋ ମହାବୁଦ୍ଧିର୍ଭବିଷ୍ଯତି॥ 1-115-12 (5163)
ତସ୍ଯ ଚାପି ଶତଂ ପୁତ୍ରା ଭବିଷ୍ଯନ୍ତି ମହାତ୍ମନଃ।
କିଂତୁ ମାତୁଃ ସ ବୈଗୁଣ୍ଯାଦନ୍ଧ ଏବ ଭବିଷ୍ଯତି॥ 1-115-13 (5164)
ତସ୍ଯ ତଦ୍ବଚନଂ ଶ୍ରୁତ୍ବା ମାତା ପୁତ୍ରମଥାଽବ୍ରବୀତ୍।
ନାନ୍ଧଃ କୁରୂଣାଂ ନୃପତିରନୁରୂପସ୍ତପୋଧନ॥ 1-115-14 (5165)
ଜ୍ଞାତିବଂଶସ୍ଯ ଗୋପ୍ତାରଂ ପିତୄଣାଂ ବଂଶବର୍ଧନମ୍।
`ଅପରସ୍ଯାମପି ପୁନର୍ମମ ଶୋକବିନାଶନମ୍॥ 1-115-15 (5166)
ତସ୍ମାଦବରଜଂ ପୁତ୍ରଂ ଜନଯାନ୍ଯଂ ନରାଧିପମ୍।
ଭ୍ରାତୁର୍ଭାର୍ଯାଽବରା ଚେଯଂ ରୂପଯୌବନଶାଲିନୀ॥ 1-115-16 (5167)
ଅସ୍ଯାମୁତ୍ପାଦଯାଽପତ୍ଯଂ ମନ୍ନିଯୋଗାଦ୍ଗୁଣାଧିକମ୍।'
ଦ୍ବିତୀଯଂ କୁରୁବଂଶସ୍ଯ ରାଜାନଂ ଦାତୁମର୍ହସି॥ 1-115-17 (5168)
ସ ତଥେତି ପ୍ରତିଜ୍ଞାଯ ନିଶ୍ଚକ୍ରାମ ମହାଯଶାଃ।
ସାଽପି କାଲେନ କୌସଲ୍ଯା ସୁଷୁବେଽନ୍ଧଂ ତମାତ୍ମଜମ୍॥ 1-115-18 (5169)
ପୁନରେବ ତୁ ସା ଦେବୀ ପରିଭାଷ୍ଯ ସ୍ନୁଷାଂ ତତଃ।
ଋଷିମାବାହଯତ୍ସତ୍ଯା ଯଥାପୂର୍ବମରିନ୍ଦମ॥ 1-115-19 (5170)
`ଅମ୍ବାଲିକାଂ ସମାହୂଯ ତସ୍ଯାଂ ସତ୍ଯବତୀ ସୁତମ୍।
ଭୂଯୋ ନିଯୋଜଯାମାସ ସନ୍ତାନାଯ କୁଲସ୍ଯ ବୈ॥ 1-115-20 (5171)
ବିଷଣ୍ଣାମ୍ବାଲିକା ସାଧ୍ବୀ ନିଷଣ୍ଣା ଶଯନୋତ୍ତମେ।
କୋନ୍ବେଷ୍ଯତୀତି ଧ୍ଯାଯନ୍ତୀ ନିଯତାଂ ସଂପ୍ରତୀକ୍ଷତେ'॥ 1-115-21 (5172)
ତତସ୍ତେନୈବ ବିଧିନା ମହର୍ଷିସ୍ତାମପଦ୍ଯତ।
ଅମ୍ବାଲିକାମଥାଽଭ୍ଯାଗାଦୃଷିଂ ଦୃଷ୍ଟ୍ବା ଚ ସାଽପି ତମ୍॥ 1-115-22 (5173)
ବିବର୍ଣା ପାଣ୍ଡୁସଂକାଶା ସମପଦ୍ଯତ ଭାରତ।
ତାଂ ଭୀତାଂ ପାଣ୍ଡୁସଂକାଶାଂ ବିଷଣ୍ଣାଂ ପ୍ରେକ୍ଷ୍ଯ ଭାରତ॥ 1-115-23 (5174)
ବ୍ଯାସଃ ସତ୍ଯବତୀପୁତ୍ର ଇଦଂ ବଚନମବ୍ରବୀତ୍।
ଯସ୍ମାତ୍ପାଣ୍ଡୁତ୍ବମାପନ୍ନା ବିରୂପଂ ପ୍ରେକ୍ଷ୍ଯ ମାମିହ॥ 1-115-24 (5175)
ତସ୍ମାଦେଷ ସୁତସ୍ତେ ବୈ ପାଣ୍ଡୁରେବ ଭବିଷ୍ଯତି।
ନାମ ଚାସ୍ଯୈତଦେବେହ ଭବିଷ୍ଯତି ଶୁଭାନନେ॥ 1-115-25 (5176)
ଇତ୍ଯୁକ୍ତ୍ବା ସ ନିରାକ୍ରାମଦ୍ଭଗବାନୃଷିସତ୍ତମଃ।
ତତୋ ନିଷ୍କ୍ରାନ୍ତମାଲୋକ୍ଯ ସତ୍ଯା ପୁତ୍ରମଥାଽବ୍ରବୀତ୍॥ 1-115-26 (5177)
`କୁମାରୋ ବ୍ରୂହି ମେ ପୁତ୍ର ଅପ୍ଯତ୍ର ଭବିତା ଶୁଭଃ।'
ଶଶଂସ ସ ପୁନର୍ମାତ୍ରେ ତସ୍ଯ ବାଲସ୍ଯ ପାଣ୍ଡୁତାମ୍॥ 1-115-27 (5178)
`ଭବିଷ୍ଯତି ସୁବିକ୍ରାନ୍ତଃ କୁମାରୋ ଦିକ୍ଷୁ ବିଶ୍ରୁତଃ।
ପାଣ୍ଡୁତ୍ବଂ ବର୍ଣତସ୍ତସ୍ଯ ମାତୃଦୋଷାଦ୍ଭବିଷ୍ଯତି॥ 1-115-28 (5179)
ତସ୍ଯ ପୁତ୍ରା ମହେଷ୍ବାସା ଭବିଷ୍ଯନ୍ତୀହ ପଞ୍ଚ ବୈ।
ଇତ୍ଯୁକ୍ତ୍ବା ମାତରଂ ତତ୍ର ସୋଽଭିବାଦ୍ଯ ଜଗାମ ହ॥' 1-115-29 (5180)
ତଂ ମାତା ପୁନରେବାନ୍ଯମେକଂ ପୁତ୍ରମଯାଚତ।
ତଥେତି ଚ ମହର୍ଷିସ୍ତାଂ ମାତରଂ ପ୍ରତ୍ଯଭାଷତ॥ 1-115-30 (5181)
ତତଃ କୁମାରଂ ସା ଦେବୀ ପ୍ରାପ୍ତକାଲମଜୀଜନତ୍।
ପାଣ୍ଡୁଲକ୍ଷଣସଂପନ୍ନଂ ଦୀପ୍ଯମାନମିବ ଶ୍ରିଯା॥ 1-115-31 (5182)
ଯସ୍ଯ ପୁତ୍ରା ମହେଷ୍ବାସା ଜଜ୍ଞିରେ ପଞ୍ଚ ପାଣ୍ଡବାଃ।
`ତଯୋର୍ଜନ୍ମକ୍ରିଯାଃ ସର୍ବା ଯଥାବଦନୁପୂର୍ବଶଃ॥ 1-115-32 (5183)
କାରଯାମାସ ବୈ ଭୀଷ୍ମୋ ବ୍ରାହ୍ମଣୈର୍ବେଦପାରଗୈଃ।
ଅନ୍ଧଂ ଦୃଷ୍ଟ୍ବାଽମ୍ବିକାପୁତ୍ରଂ ଜାତଂ ସତ୍ଯବତୀ ସୁତମ୍॥ 1-115-33 (5184)
କୌସଲ୍ଯାର୍ଥେ ସମାହୂଯ ପୁତ୍ରମନ୍ଯମଯାଚତ।
ଅନ୍ଧୋଯମନ୍ଯମିଚ୍ଛାମି କୌସଲ୍ଯାତନଯଂ ଶୁଭମ୍॥ 1-115-34 (5185)
ଏବମୁକ୍ତୋ ମହର୍ଷିସ୍ତାଂ ମାତରଂ ପ୍ରତ୍ଯଭାଷତ।
ନିଯତା ଯଦି କୌସଲ୍ଯା ଭବିଷ୍ଯତି ପୁନଃଶୁଭା॥ 1-115-35 (5186)
ଭବିଷ୍ଯତି କୁମାରୋଽସ୍ଯା ଧର୍ମଶାସ୍ତ୍ରାର୍ଥତତ୍ବବିତ୍।
ତାଂ ସମାଧାଯ ବୈ ଭୂଯଃ ସ୍ନୁଷାଂ ସତ୍ଯବତୀ ପୁନଃ॥' 1-115-36 (5187)
ଋତୁକାଲେ ତତୋ ଜ୍ଯେଷ୍ଠାଂ ବଧୂଂ ତସ୍ମୈ ନ୍ଯଯୋଜଯତ୍।
ସା ତୁ ରୂପଂ ଚ ଗନ୍ଧଂ ଚ ମହର୍ଷେଃ ପ୍ରବିଚିନ୍ତ୍ଯ ତଂ॥ 1-115-37 (5188)
ନାକରୋଦ୍ବଚନଂ ଦେବ୍ଯା ଭଯାତ୍ସୁରସୁତୋପମା।
ତତଃସ୍ବୈର୍ଭୂଷଣୈର୍ଦାସୀଂ ଭୂଷଯିତ୍ବାଽପ୍ସରୋପମାମ୍॥ 1-115-38 (5189)
ପ୍ରେଷଯାମାସ କୃଷ୍ଣାଯ ତତଃ କାଶିପତେଃ ସୁତା।
ସା ତଂ ତ୍ବୃଷିମନୁପ୍ରାପ୍ତଂ ପ୍ରତ୍ଯୁଦ୍ଗମ୍ଯାଭିବାଦ୍ଯ ଚ॥ 1-115-39 (5190)
ସଂବିବେଶାଭ୍ଯନୁଜ୍ଞାତା ସତ୍କୃତ୍ଯୋପଚଚାର ହ।
`ବାଗ୍ଭାବୋପପ୍ରଦାନେନ ଗାତ୍ରସଂସ୍ପର୍ଶନେନ ଚ॥' 1-115-40 (5191)
କାମୋପଭୋଗେନ ରହସ୍ତସ୍ଯାଂ ତୁଷ୍ଟିମଗାଦୃଷିଃ।
ତଯା ସହୋଷିତୋ ରାଜନ୍ମହର୍ଷିଃ ସଂଶିତବ୍ରତଃ॥ 1-115-41 (5192)
ଉତ୍ତିଷ୍ଠନ୍ନବ୍ରବୀଦେନାମଭୁଜିଷ୍ଯା ଭବିଷ୍ଯସି।
ଅଯଂ ଚ ତେ ଶୁଭେ ଗର୍ଭଃ ଶ୍ରେଯାନୁଦରମାଗତଃ।
ଧର୍ମାତ୍ମା ଭବିତା ଲୋକେ ସର୍ବବୁଦ୍ଧିମତାଂ ବରଃ॥ 1-115-42 (5193)
ସ ଜଜ୍ଞେ ବିଦୁରୋ ନାମ କୃଷ୍ଣଦ୍ବୈପାଯନାତ୍ମଜଃ।
ଧୃତରାଷ୍ଟ୍ରସ୍ଯ ବୈ ଭ୍ରାତା ପାଣ୍ଡୋଶ୍ଚୈବ ମହାତ୍ମନଃ॥ 1-115-43 (5194)
ଧର୍ମୋ ବିଦୁରରୂପେଣ ଶାପାତ୍ତସ୍ଯ ମହାତ୍ମନଃ।
ମାଣ୍ଡବ୍ଯସ୍ଯାର୍ଥତତ୍ତ୍ବଜ୍ଞଃ କାମକ୍ରୋଧବିବର୍ଜିତଃ॥ 1-115-44 (5195)
କୃଷ୍ଣଦ୍ବୈପାଯନୋଽପ୍ଯେତତ୍ସତ୍ଯବତ୍ଯୈ ନ୍ଯବେଦଯତ୍।
ପ୍ରଲମ୍ଭମାତ୍ମନଶ୍ଚୈବ ଶୂଦ୍ରାଯାଃ ପୁତ୍ରଜନ୍ମ ଚ॥ 1-115-45 (5196)
ସ ଧର୍ମସ୍ଯାନୃଣୋ ଭୂତ୍ବା ପୁନର୍ମାତ୍ରା ସମେତ୍ଯ ଚ।
ତସ୍ଯୈ ଗର୍ଭଂ ସମାବେଦ୍ଯ ତତ୍ରୈବାନ୍ତରଧୀଯତ॥ 1-115-46 (5197)
ଏତେ ବିଚିତ୍ରବୀର୍ଯସ୍ଯ କ୍ଷେତ୍ରେ ଦ୍ବୈପାଯନାଦପି।
ଜଜ୍ଞିରେ ଦେବଗର୍ଭାଭାଃ କୁରୁବଂଶବିବର୍ଧନାଃ॥ ॥ 1-115-47 (5198)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ପଞ୍ଚାଦଶାଧିକଶତତମୋଽଧ୍ଯାଯଃ॥ 115 ॥
Mahabharata - Adi Parva - Chapter Footnotes
1-115-42 ଅଭୁଜିଷ୍ଯା ଅଦାସୀ॥ 1-115-45 ପ୍ରଲମ୍ଭମାତ୍ମସ୍ଥୋନେ ଦାସୀନିଯୋଜନମ୍॥ ପଞ୍ଚାଦଶାଧିକଶତତମୋଽଧ୍ଯାଯଃ॥ 115 ॥ଆଦିପର୍ବ - ଅଧ୍ଯାଯ 116
॥ ଶ୍ରୀଃ ॥
1.116. ଅଧ୍ଯାଯଃ 116
Mahabharata - Adi Parva - Chapter Topics
ମାଣ୍ଡବ୍ଯୋପାଖ୍ଯାନମ୍॥ 1 ॥ ରାଜାଜ୍ଞଯା ମାଣ୍ଡବ୍ଯସ୍ଯ ଶୂଲାରୋପଣମ୍॥ 2 ॥Mahabharata - Adi Parva - Chapter Text
1-116-0 (5199)
ଜନମେଜଯ ଉବାଚ। 1-116-0x (705)
କିଂ କୃତଂ କର୍ମ ଧର୍ମେଣ ଯେନ ଶାପମୁପେଯିବାନ୍।
କସ୍ଯ ଶାପାଚ୍ଚ ବ୍ରହ୍ମର୍ଷେଃ ଶୂଦ୍ରଯୋନାବଜାଯତ॥ 1-116-1 (5200)
ବୈଶମ୍ପାଯନ ଉବାଚ। 1-116-2x (706)
ବଭୂବ ବ୍ରାହ୍ମଣଃ କଶ୍ଚିନ୍ମାଣ୍ଡବ୍ଯ ଇତି ବିଶ୍ରୁତଃ।
ଧୃତିମାନ୍ସର୍ବଧର୍ମଜ୍ଞଃ ସତ୍ଯେ ତପସି ଚ ସ୍ଥିତଃ॥ 1-116-2 (5201)
`ସ ତୀର୍ଥଯାତ୍ରାଂ ବିଚରନ୍ନାଜଗାମ ଯଦୃଚ୍ଛଯା।
ସଂନିକୃଷ୍ଟାନି ତୀର୍ଥାନି ଗ୍ରାମାଣାଂ ଯାନି କାନି ଚ।
ତତ୍ରାଶ୍ରମପଦଂ କୃତ୍ବା ବସତି ସ୍ମ ମହାମୁନିଃ॥' 1-116-3 (5202)
ସ ଆଶ୍ରମପଦଦ୍ବାରି ବୃକ୍ଷମୂଲେ ମହାତପାଃ।
ଊର୍ଧ୍ବବାହୁର୍ମହାଯୋଗୀ ତସ୍ଥୌ ମୌନବ୍ରତାନ୍ବିତଃ॥ 1-116-4 (5203)
ତସ୍ଯ କାଲେନ ମହତା ତସ୍ମିଂସ୍ତପସି ବର୍ତତଃ।
ତମାଶ୍ରମମନୁପ୍ରାପ୍ତା ଦସ୍ଯବୋ ଲୋପ୍ତ୍ରହାରିଣଃ॥ 1-116-5 (5204)
ଅନୁସାର୍ଯମାଣା ବହୁଭୀ ରକ୍ଷିଭିର୍ଭରତର୍ଷଭ।
`ତାମେବ ବସତିଂ ଜଗ୍ମୁସ୍ତେ ଗ୍ରାମାଲ୍ଲୋପ୍ତ୍ରହାରିଣଃ॥ 1-116-6 (5205)
ଯସ୍ମିନ୍ନାବସଥେ ଶେତେ ସ ମୁନିଃ ସଂଶିତବ୍ରତଃ।'
ତେ ତସ୍ଯାବସଥେ ଲୋପ୍ତ୍ରଂ ଦସ୍ଯବଃ କୁରୁସତ୍ତମ॥ 1-116-7 (5206)
ନିଧାଯ ଚ ଭଯାଲ୍ଲୀନାସ୍ତତ୍ରୈବାନାଗତେ ବଲେ।
ତେଷୁ ଲୀନେଷ୍ବଥୋ ଶୀଘ୍ରଂ ତତସ୍ତଦ୍ରକ୍ଷିଣାଂ ବଲମ୍॥ 1-116-8 (5207)
ଆଜଗାମ ତତୋଽପଶ୍ଯଂସ୍ତମୃଷିଂ ତସ୍କରାନୁଗାଃ।
ତମପୃଚ୍ଛଂସ୍ତତୋ ରାଜଂସ୍ତଥାବୃତ୍ତଂ ତପୋଧନମ୍॥ 1-116-9 (5208)
କତରେଣ ପଥା ଯାତା ଦସ୍ଯବୋ ଦ୍ବିଜସତ୍ତମ।
ତେନ ଗଚ୍ଛାମହେ ବ୍ରହ୍ମନ୍ଯଥା ଶୀଘ୍ରତରଂ ବଯମ୍॥ 1-116-10 (5209)
ତଥା ତୁ ରକ୍ଷିମାଂ ତେଷାଂ ବ୍ରୁବତାଂ ସ ତପୋଧନଃ।
ନ କିଂଚିଦ୍ବଚନଂ ରାଜନ୍ନବ୍ରବୀତ୍ସାଧ୍ବସାଧୁ ବା॥ 1-116-11 (5210)
ତତସ୍ତେ ରାଜପୁରୁଷା ବିଚିନ୍ବାନାସ୍ତମାଶ୍ରମମ୍।
ଦଦୃଶୁସ୍ତତ୍ର ଲୀନାଂସ୍ତାଂଶ୍ଚୋରାଂସ୍ତଦ୍ଦ୍ରବ୍ଯମେବ ଚ॥ 1-116-12 (5211)
ତତଃ ଶଙ୍କା ସମଭବଦ୍ରକ୍ଷିଣାଂ ତଂ ମୁନିଂ ପ୍ରତି।
ସଂଯମ୍ଯୈନଂ ତତୋ ରାଜ୍ଞେ ଦସ୍ଯୂଂଶ୍ଚୈବ ନ୍ଯବେଦଯନ୍॥ 1-116-13 (5212)
ତଂ ରାଜା ସହ ତୈଶ୍ଚୋରୈରନ୍ବଶାଦ୍ବଧ୍ଯତାମିତି।
ସ ରକ୍ଷିଭିସ୍ତୈରଜ୍ଞାତଃ ଶୂଲେ ପ୍ରୋତୋ ମହାତପାଃ॥ 1-116-14 (5213)
ତତସ୍ତେ ଶୂଲମାରୋପ୍ଯ ତଂ ମୁନିଂ ରକ୍ଷିଣସ୍ତଦା।
ପ୍ରତିଜଗ୍ମୁର୍ମହୀପାଲଂ ଧନାନ୍ଯାଦାଯ ତାନ୍ଯଥ॥ 1-116-15 (5214)
ଶୂଲସ୍ଥଃ ସ ତୁ ଧର୍ମାତ୍ମା କାଲେନ ମହତା ତତଃ।
ନିରାହାରୋଽପି ବିପ୍ରର୍ଷିର୍ମରଣଂ ନାଭ୍ଯପଦ୍ଯତ॥ 1-116-16 (5215)
ଧାରଯାମାସ ଚ ପ୍ରାଣାନୃଷୀଂଶ୍ଚ ସମୁପାନଯତ୍।
ଶୂଲାଗ୍ରେ ତପ୍ଯମାନେନ ତପସ୍ତେନ ମହାତ୍ମନା॥ 1-116-17 (5216)
ସନ୍ତାପଂ ପରମଂ ଜଗ୍ମୁର୍ମୁନଯସ୍ତପସାଽନ୍ବିତାଃ।
ତେ ରାତ୍ରୌ ଶକୁନା ଭୂତ୍ବା ସନ୍ନିପତ୍ତ୍ଯ ତୁ ଭାରତ।
ଦର୍ଶନ୍ତୋ ଯଥାଶକ୍ତି ତମପୃଚ୍ଛନ୍ଦ୍ବିଜୋତ୍ତମମ୍॥ 1-116-18 (5217)
ଶ୍ରୋତୁମିଚ୍ଛାମହେ ବ୍ରହ୍ମନ୍କିଂ ପାପଂ କୃତବାନସି।
ଯେନେହ ସମନୁପ୍ରାପ୍ତଂ ଶୂଲେ ଦୁଃଖଭଯଂ ମହତ୍॥ ॥ 1-116-19 (5218)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଷୋଡଶାଧିକଶତତମୋଽଧ୍ଯାଯଃ॥ 116 ॥
Mahabharata - Adi Parva - Chapter Footnotes
1-116-1 କସ୍ଯ କୀଦୃଶସ୍ଯ॥ 1-116-6 ଲୋପ୍ତ୍ରଂ ଲୁପ୍ଯତ ଇତି ବ୍ଯୁତ୍ପତ୍ତ୍ଯା ଚୋରାପହୃତଂ ଧନମ୍॥ 1-116-8 ବଲେ ରାଜସୈନ୍ଯେ॥ 1-116-13 ସଂଯମ୍ଯ ଚୋରବନ୍ନିଗୃହ୍ଯ॥ 1-116-14 ପ୍ରୋତୋଽର୍ପିତଃ॥ 1-116-17 ସମୁପାନଯାତ୍ ସ୍ବସମୀପମିତି ଶେଷଃ॥ 1-116-18 ଦର୍ଶଯନ୍ତଃ ସ୍ବାନି ରୂପାମି ପ୍ରକାଶଯନ୍ତଃ॥ ଷୋଡଶାଧିକଶତତମୋଽଧ୍ଯାଯଃ॥ 116 ॥ଆଦିପର୍ବ - ଅଧ୍ଯାଯ 117
॥ ଶ୍ରୀଃ ॥
1.117. ଅଧ୍ଯାଯଃ 117
Mahabharata - Adi Parva - Chapter Topics
ମାଣ୍ଡବ୍ଯଂ ଋଷିଂ ଜ୍ଞାତ୍ବା ଭୀତେନ ରାଜ୍ଞା ତସ୍ଯ ଶୂଲାଦ୍ବିମୋକ୍ଷଣମ୍॥ 1 ॥ ଅଣୀମାଣ୍ଡବ୍ଯସ୍ଯ ଯମେନ ବିବାଦଃ॥ 2 ॥ ମାଣ୍ଡବ୍ଯଂ ନ ଯମସ୍ଯ ଶାପଃ॥ 3 ॥Mahabharata - Adi Parva - Chapter Text
1-117-0 (5219)
ବୈଶମ୍ପାଯନ ଉବାଚ। 1-117-0x (707)
ତତଃ ସ ମୁନିଶାର୍ଦୂଲସ୍ତାନୁବାଚ ତପୋଧନାନ୍।
ଦୋଷତଃ କଂ ଗମିଷ୍ଯାମି ନ ହି ମେଽନ୍ଯୋପରାଧ୍ଯତି॥ 1-117-1 (5220)
ତଂ ଦୃଷ୍ଟ୍ବା ରକ୍ଷିଣସ୍ତତ୍ର ତଥା ବହୁତିଥେଽହନି।
ନ୍ଯବେଦଯଂସ୍ତଥା ରାଜ୍ଞେ ଯଥାବୃତ୍ତଂ ନରାଧିପ॥ 1-117-2 (5221)
ରାଜା ଚ ତମୃଷିଂ ଶ୍ରୁତ୍ବା ନିଷ୍କ୍ରମ୍ଯ ସହ ମନ୍ତ୍ରିଭିଃ।
ପ୍ରସାଦଯାମାସ ତଦା ଶୂଲସ୍ଥମୃଷିସତ୍ତମମ୍॥ 1-117-3 (5222)
ପ୍ରଜୋବାଚ। 1-117-4x (708)
ଯନ୍ମଯାଽପକୃତଂ ମୋହାଦଜ୍ଞାନାଦୃଷିସତ୍ତମ।
ପ୍ରସାଦଯେ ତ୍ବାଂ ତତ୍ରାହଂ ନ ମେ ତ୍ବଂ କ୍ରୋଦ୍ଧୁମର୍ହସି॥ 1-117-4 (5223)
ବୈଶମ୍ପାଯନ ଉବାଚ। 1-117-5x (709)
ଏବମୁକ୍ତସ୍ତତୋ ରାଜ୍ଞା ପ୍ରସାଦମକରୋନ୍ମୁନିଃ।
କୃତପ୍ରସାଦଂ ରାଜା ତଂ ତତଃ ସମବତାରଯତ୍॥ 1-117-5 (5224)
ଅବତାର୍ଯ ଚ ଶୂଲାଗ୍ରାତ୍ତଚ୍ଛୂଲଂ ନିଶ୍ଚକର୍ଷ ହ।
ଅଶକ୍ନୁବଂଶ୍ଚ ନିଷ୍କ୍ରଷ୍ଟୁଂ ଶୂଲଂ ମୂଲେ ସ ଚିଚ୍ଛିଦେ॥ 1-117-6 (5225)
ସ ତଥାନ୍ତର୍ଗତେନୈବ ଶୂଲେନ ବ୍ଯଚରନ୍ମୁନିଃ।
କଣ୍ଠପାର୍ଶ୍ବାନ୍ତରସ୍ଥେନ ଶଙ୍କୁନା ମୁନିରାଚତ୍।
ପୁଷ୍ପଭାଜନଧାରୀ ସ୍ଯାଦିତି ଚିନ୍ତାପରୋଽଭବତ୍॥' 1-117-7 (5226)
ସ ଚାତିତପସା ଲୋକାନ୍ବିଜିଗ୍ଯେ ଦୁର୍ଲଭାନ୍ପରୈଃ॥ 1-117-8 (5227)
ଅଣୀମାଣ୍ଡବ୍ଯ ଇତି ଚ ତତୋ ଲୋକେଷୁ ଗୀଯତେ।
ସ ଗତ୍ବା ସଦନଂ ବିପ୍ରୋ ଧର୍ମସ୍ଯ ପରମାର୍ଥବିତ୍॥ 1-117-9 (5228)
ଆସନସ୍ଥଂ ତତୋ ଧର୍ମଂ ଦୃଷ୍ଟ୍ବୋପାଲଭତ ପ୍ରଭୁମ୍।
କିଂ ନୁ ତଦ୍ଦୁଷ୍କୃତଂ କର୍ମ ମଯା କୃତମଜାନତା॥ 1-117-10 (5229)
ଯସ୍ଯେଯଂ ଫଲନିର୍ବୃତ୍ତିରୀଦୃଶ୍ଯାସାଦିତା ମଯା।
ଶୀଘ୍ରମାଚକ୍ଷ୍ବ ମେ ତତ୍ତ୍ବଂ ପଶ୍ଯ ମେ ତପସୋ ବଲମ୍॥ 1-117-11 (5230)
ଧର୍ମ ଉବାଚ। 1-117-12x (710)
ପତଙ୍ଗିକାନାଂ ପୁଚ୍ଛେଷୁ ତ୍ବଯେଷୀକା ପ୍ରବେଶିତା।
କର୍ମଣସ୍ତସ୍ଯ ତେ ପ୍ରାପ୍ତଂ ଫଲମେତତ୍ତପୋଧନ॥ 1-117-12 (5231)
ସ୍ବଲ୍ପମେବ ଯଥା ଦତ୍ତଂ ଦାନଂ ବହୁଗୁଣଂ ଭବେତ୍।
ଅଧର୍ମ ଏବଂ ବିପ୍ରର୍ଷେ ବହୁଦୁଃଖଫଲପ୍ରଦଃ॥ 1-117-13 (5232)
ଅଣୀମାଣ୍ଡବ୍ଯ ଉବାଚ। 1-117-14x (711)
କସ୍ମିନ୍କାଲେ ମଯା ତତ୍ତୁ କୃତଂ ବ୍ରୂହି ଯଥାତଥମ୍।
ତେନୋକ୍ତଂ ଧର୍ମରାଜେନ ବାଲଭାବେ ତ୍ବଯା କୃତମ୍॥ 1-117-14 (5233)
ଅଣୀମାଣ୍ଡବ୍ଯ ଉବାଚ। 1-117-15x (712)
ବାଲୋ ହି ଦ୍ବାଦଶାଦ୍ବର୍ଷାଜ୍ଜନ୍ମତୋ ଯତ୍କରିଷ୍ଯତି।
ନ ଭବିଷ୍ଯତ୍ଯଧର୍ମୋଽତ୍ର ନ ପ୍ରଜ୍ଞାସ୍ଯତି ବୈ ଦିଶଃ॥ 1-117-15 (5234)
ଅଲ୍ପେଽପରାଧେଽପି ମହାନ୍ମମ ଦଣ୍ଡସ୍ତ୍ବଯା ଧୃତଃ।
ଗରୀଯାନ୍ବ୍ରାହ୍ମଣବଧଃ ସର୍ବଭୂତବଧାଦପି॥ 1-117-16 (5235)
ଶୂଦ୍ରଯୋନାବତୋ ଧର୍ମ ମାନୁଷଃ ସଂଭବିଷ୍ଯସି।
ମର୍ଯାଦାଂ ସ୍ଥାପଯାମ୍ଯଦ୍ଯ ଲୋକେ କର୍ମଫଲୋଦଯାମ୍॥ 1-117-17 (5236)
ଆ ଚତୁର୍ଦଶକାଦ୍ବର୍ଷାନ୍ନ ଭବିଷ୍ଯତି ପାତକମ୍।
ପରତଃ କୁର୍ବତାମେବ ଦୋଷ ଏବ ଭବିଷ୍ଯତି॥ 1-117-18 (5237)
ବୈଶମ୍ପାଯନ ଉବାଚ। 1-117-19x (713)
ଏତେନ ତ୍ବପରାଧେନ ଶାପାତ୍ତସ୍ଯ ମହାତ୍ମନଃ।
ଧର୍ମୋ ବିଦୁରରୂପେଣ ଶୂଦ୍ରଯୋନାବଜାଯତ॥ 1-117-19 (5238)
ଧର୍ମେ ଚାର୍ଥେ ଚ କୁଶଲୋ ଲୋଭକ୍ରୋଧବିବର୍ଜିତଃ।
ଦୀର୍ଘଦର୍ଶୀ ଶମପରଃ କୁରୂଣାଂ ଚ ହିତେ ରତଃ॥ ॥ 1-117-20 (5239)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ସପ୍ତଦଶାଧିକଶତତମୋଽଧ୍ଯାଯଃ॥ 117 ॥
Mahabharata - Adi Parva - Chapter Footnotes
1-117-1 ଦୋଷତଃ କଂଗମିଷ୍ଯାମି ନ କମପି ଦୋଷିଣଂ କଥଯାମି। ସ୍ବକୃତମେ ଭୁଞ୍ଜେ ଇତ୍ଯର୍ଥଃ॥ 1-117-9 ଅଣୀ ଶୂଲାଗ୍ରଂ ତଦ୍ଯୁକ୍ତୋ ମାଣ୍ଡବ୍ଯଃ॥ 1-117-10 ଉପାଲଭତ ଗର୍ହିତବାନ୍॥ 1-117-15 ଦିଶୋ ଦେଶନାଃ ଧର୍ମଶାସ୍ତ୍ରାଣି ଯତୋ ନ ପ୍ରଜ୍ଞାସ୍ଯତି ବାଲତ୍ବାତ୍॥ 1-117-16 ବ୍ରାହ୍ମଣବଧୋ ବ୍ରାହ୍ମଣପୀଡନମ୍॥ 1-117-20 ଦୀର୍ଘଦର୍ଶୀ ସର୍ବକାଲପରାମର୍ଶୀ। ଶମପରୋ ନିର୍ବୈରଃ॥ ସପ୍ତଦଶାଧିକଶତତମୋଽଧ୍ଯାଯଃ॥ 117 ॥ଆଦିପର୍ବ - ଅଧ୍ଯାଯ 118
॥ ଶ୍ରୀଃ ॥
1.118. ଅଧ୍ଯାଯଃ 118
Mahabharata - Adi Parva - Chapter Topics
କଂଚିତ୍କାଲଂ ଭୀଷ୍ମେଣ ରାଜ୍ଯପରିପାଲନାନନ୍ତରଂ ପାଣ୍ଡୋ ରାଜ୍ଯେଽଭିଷେକଃ॥ 1 ॥Mahabharata - Adi Parva - Chapter Text
1-118-0 (5240)
ବୈଶମ୍ପାଯନ ଉବାଚ। 1-118-0x (714)
`ଧୃତରାଷ୍ଟ୍ରେ ଚ ପାଣ୍ଡୌ ଚ ବିଦୁରେ ଚ ମହାତ୍ମନି।'
ଏଷୁ ତ୍ରିଷୁ କୁମାରେଷୁ ଜାତେଷୁ କୁରୁଜାଙ୍ଗଲମ୍।
କୁରବୋଽଥ କୁରୁକ୍ଷେତ୍ରଂ ତ୍ରଯମେତଦବର୍ଧତ॥ 1-118-1 (5241)
ଊର୍ଧ୍ବସସ୍ଯାଽଭବଦ୍ଭୂମିଃ ସସ୍ଯାନି ଫଲବନ୍ତି ଚ।
ଯଥର୍ତୁବର୍ଷୀ ପର୍ଜନ୍ଯୋ ବହୁପୁଷ୍ପଫଲା ଦ୍ରୁମାଃ॥ 1-118-2 (5242)
ବାହନାନି ପ୍ରହୃଷ୍ଟାନି ମୁଦିତା ମୃଗପକ୍ଷିଣଃ।
ଗନ୍ଧବନ୍ତି ଚ ମାଲ୍ଯାନି ରସବନ୍ତି ଫଲାନି ଚ॥ 1-118-3 (5243)
ବଣିଗ୍ଭିଶ୍ଚାନ୍ବକୀର୍ଯନ୍ତ ନଗରାଣ୍ଯଥ ଶିଲ୍ପିଭିଃ।
ଶୂରାଶ୍ଚ କୃତବିଦ୍ଯାଶ୍ଚ ସନ୍ତଶ୍ଚ ସୁଖିନୋଽଭବନ୍॥ 1-118-4 (5244)
ନାଭବନ୍ଦସ୍ଯବଃ କେଚିନ୍ନାଧର୍ମରୁଚଯୋ ଜନାଃ।
ପ୍ରଦେଶେଷ୍ବପି ରାଷ୍ଟ୍ରାଣାଂ କୃତଂ ଯୁଗମବର୍ତତ॥ 1-118-5 (5245)
ଧର୍ମକ୍ରିଯା ଯଜ୍ଞଶୀଲାଃ ସତ୍ଯବ୍ରତପରାଯଣାଃ।
ଅନ୍ଯୋନ୍ଯପ୍ରୀତିସଂଯୁକ୍ତା ବ୍ଯବର୍ଧନ୍ତ ପ୍ରଜାସ୍ତଦା॥ 1-118-6 (5246)
ମାନକ୍ରୋଧବିହୀନାଶ୍ଚ ନରା ଲୋଭବିବର୍ଜିତାଃ।
ଅନ୍ଯୋନ୍ଯମଭ୍ଯନନ୍ଦନ୍ତ ଧର୍ମୋତ୍ତରମବର୍ତତ॥ 1-118-7 (5247)
ତନ୍ମହୋଦଧିବତ୍ପୂର୍ଣଂ ନଗରଂ ବୈ ବ୍ଯରୋଚତ।
ଦ୍ବାରତୋରଣନିର୍ଯୂହୈର୍ଯୁକ୍ତମଭ୍ରଚଯୋପମୈଃ॥ 1-118-8 (5248)
ପ୍ରସାଦଶତସଂବାଧଂ ମହେନ୍ଦ୍ରପୁରସନ୍ନିଭମ୍।
ନଦୀଷୁ ବନଖଣ୍ଡେଷୁ ବାପୀପଲ୍ବଲସାନୁଷୁ।
କାନନେଷୁ ଚ ରମ୍ଯେଷୁ ବିଜହ୍ରୁର୍ମୁଦିତା ଜନାଃ॥ 1-118-9 (5249)
ଉତ୍ତରୈଃ କୁରୁଭିଃ ସାର୍ଧଂ ଦକ୍ଷିଣାଃ କୁରବସ୍ତଥା।
ବିସ୍ପର୍ଧମାନା ବ୍ଯଚରଂସ୍ତଥା ଦେବର୍ଷିଚାରଣୈଃ॥ 1-118-10 (5250)
ନାଭବତ୍କୃପଣଃ କଶ୍ଚିନ୍ନାଭବନ୍ବିଧବାଃ ସ୍ତ୍ରିଯଃ।
ତସ୍ମିଞ୍ଜନପଦେ ରମ୍ଯେ କୁରୁଭିର୍ବହୁଲୀକୃତେ॥ 1-118-11 (5251)
କୂପାରାମସଭାବାପ୍ଯୋ ବ୍ରାହ୍ମଣାବସଥାସ୍ତଥା।
ବଭୂବୁଃ ସର୍ବର୍ଦ୍ଧିଯୁତାସ୍ତସ୍ମିନ୍ରାଷ୍ଟ୍ରେ ସଦୋତ୍ସବାଃ॥ 1-118-12 (5252)
ଭୀଷ୍ମେଣ ଧର୍ମତୋ ରାଜନ୍ସର୍ବତଃ ପରିରକ୍ଷିତେ।
ବଭୂବ ରମଣୀଯଶ୍ଚ ଚୈତ୍ଯଯୂପଶତାଙ୍କିତଃ॥ 1-118-13 (5253)
ସ ଦେଶଃ ପରରାଷ୍ଟ୍ରାଣି ବିମୃଜ୍ଯାଭିପ୍ରବର୍ଧିତଃ।
ଭୀଷ୍ମେଣ ବିହିତଂ ରାଷ୍ଟ୍ରେ ଧର୍ମଚକ୍ରମବର୍ତତ॥ 1-118-14 (5254)
କ୍ରିଯମାଣେଷୁ କୃତ୍ଯେଷୁ କୁମାରାଣାଂ ମହାତ୍ମନାମ୍।
ପୌରଜାନପଦାଃ ସର୍ବେ ବଭୂବୁଃ ପରମୋତ୍ସୁକାଃ॥ 1-118-15 (5255)
ଗୃହେଷୁ କୁରୁମୁଖ୍ଯାନାଂ ପୌରାଣାଂ ଚ ନରାଧିପ।
ଦୀଯତାଂ ଭୁଜ୍ଯତାଂ ଚେତି ବାଚୋଽଶ୍ରୂଯନ୍ତ ସର୍ବଶଃ॥ 1-118-16 (5256)
ଧୃତରାଷ୍ଟ୍ରଶ୍ଚ ପାଣ୍ଡୁଶ୍ଚ ବିଦୁରଶ୍ଚ ମହାମତିଃ।
ଜନ୍ମପ୍ରଭୃତି ଭୀଷ୍ମେଣ ପୁତ୍ରବତ୍ପରିପାଲିତାଃ॥ 1-118-17 (5257)
ସଂସ୍କାରୈଃ ସଂସ୍କୃତାସ୍ତେ ତୁ ବ୍ରତାଧ୍ଯଯନସଂଯୁତାଃ।
ଶ୍ରମବ୍ଯାଯାମକୁଶଲାଃ ସମପଦ୍ଯନ୍ତ ଯୌବନମ୍॥ 1-118-18 (5258)
ଧନୁର୍ବେଦେ ଚ ବେଦେ ଚ ଗଦାଯୁଦ୍ଧେଽସିଚର୍ମଣି।
ତଥୈବ ଗଜଶିକ୍ଷାଯାଂ ନୀତିଶାସ୍ତ୍ରେଷୁ ପାରଗାଃ॥ 1-118-19 (5259)
ଇତିହାସପୁରାଣେଷୁ ନାନାଶିକ୍ଷାସୁ ବୋଧିତାଃ।
ବେଦବେଦାଙ୍ଗତତ୍ତ୍ବଜ୍ଞାଃ ସର୍ବତ୍ର କୃତନିଶ୍ଚଯାଃ॥ 1-118-20 (5260)
`ବୈଦିକାଧ୍ଯଯନେ ଯୁକ୍ତୋ ନୀତିଶାସ୍ତ୍ରେଷୁ ପାରଗଃ।
ଭୀଷ୍ମେଣ ରାଜା କୌରବ୍ଯୋ ଧୃତରାଷ୍ଟ୍ରୋଽଭିଷେଚିତଃ॥ 1-118-21 (5261)
ଧନୁର୍ବେଦେଽଶ୍ବପୃଷ୍ଠେ ଚ ଗଦାଯୁଦ୍ଧେଽସିଚର୍ମଣି।
ତଥୈବ ଗଜଶିକ୍ଷାଯାମସ୍ତ୍ରେଷୁ ବିବିଧେଷୁ ଚ॥ 1-118-22 (5262)
ଅର୍ଥଧର୍ମପ୍ରଧାନାସୁ ବିଦ୍ଯାସୁ ବିବିଧାସୁ ଚ।
ଗତଃ ପାରଂ ଯଦା ପାଣ୍ଡୁସ୍ତଦା ସେନାପତିଃ କୃତଃ॥' 1-118-23 (5263)
ପାଣ୍ଡୁର୍ଧନୁଷି ବିକ୍ରାନ୍ତୋ ନରେଷ୍ବଭ୍ଯଦିକୋଽଭବତ୍।
ଅନ୍ଯେଭ୍ଯୋ ବଲବାନାସୀଦ୍ଧୃତରାଷ୍ଟ୍ରୋ ମହୀପତିଃ॥ 1-118-24 (5264)
ଅମାତ୍ଯୋ ମନୁଜେନ୍ଦ୍ରସ୍ଯ ବାଲ ଏବ ଯଶସ୍ବିନଃ।
ଭୀଷ୍ମେଣ ସର୍ବଧର୍ମାଣାଂ ପ୍ରଣେତା ବିଦୁରଃ କୃତଃ॥ 1-118-25 (5265)
`ସର୍ବଶାସ୍ତ୍ରାର୍ଥତତ୍ତ୍ବଜ୍ଞୋ ବୁଦ୍ଧିମେଧାପଟୁର୍ଯୁବା।
ଭାବେନାଗମଯୁକ୍ତେନ ସର୍ବଂ ବେଦଯତେ ଜଗତ୍॥' 1-118-26 (5266)
ତ୍ରିଷୁ ଲୋକେଷୁ ନ ତ୍ବାସୀତ୍କଶ୍ଚିଦ୍ବିଦୁରସଂମିତଃ।
ଧର୍ମନିତ୍ଯସ୍ତଥା ରାଜନ୍ଧର୍ମଂ ଚ ପରମଂ ଗତଃ॥ 1-118-27 (5267)
ପ୍ରନଷ୍ଟଂ ଶାନ୍ତନୋର୍ବଂଶଂ ସମୀକ୍ଷ୍ଯ ପୁନରୁଦ୍ଧୃତମ୍।
ତତୋ ନିର୍ବଚନଂ ଲୋକେ ସର୍ବରାଷ୍ଟ୍ରେଷ୍ବବର୍ତତ॥ 1-118-28 (5268)
ବୀରସୂନାଂ କାଶିସୁତେ ଦେଶାନାଂ କୁରୁଜାଙ୍ଗଲମ୍।
ସର୍ବଧ୍ରମବିଦାଂ ଭୀଷ୍ମଃ ପୁରାଣାଂ ଗଜସାହ୍ବଯମ୍॥ 1-118-29 (5269)
ଧୃତରାଷ୍ଟ୍ରସ୍ତ୍ବଚକ୍ଷୁଷ୍ଟ୍ବାଦ୍ରଜ୍ଯଂ ନ ପ୍ରତ୍ଯପଦ୍ଯତ।
ପାରସବତ୍ବାଦ୍ବିଦୁରୋ ରାଜା ପାଣ୍ଡୁର୍ବଭୂବ ହ॥ 1-118-30 (5270)
`ଅଥ ଶୁଶ୍ରାବ ବିପ୍ରେଭ୍ଯଃ କୁନ୍ତିଭୋଜମହୀପତେଃ।
ରୂପଯୌବନସଂପନ୍ନାଂ ସୁତାଂ ସାଗରଗାସୁତଃ॥ 1-118-31 (5271)
ସୁବଲସ୍ଯ ଚ କଲ୍ଯାଣୀଂ ଗାନ୍ଧାରାଧିପତେଃ ସୁତାମ୍।
ସୁତାଂ ଚ ମଦ୍ରରାଜସ୍ଯ ରୂପେଣାପ୍ରତିମାଂ ଭୁବି॥' 1-118-32 (5272)
କଦାଚିଦଥ ଗାଙ୍ଗେଯଃ ସର୍ବନୀତିମତାଂ ବରଃ।
ବିଦୁରଂ ଧର୍ମତତ୍ତ୍ବଜ୍ଞଂ ବାକ୍ଯମାହ ଯଥୋଚିତମ୍॥ ॥ 1-118-33 (5273)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଅଷ୍ଟାଦଶାଧିକଶତତମୋଽଧ୍ଯାଯଃ॥ 118 ॥
Mahabharata - Adi Parva - Chapter Footnotes
1-118-2 ଊର୍ଧ୍ବସସ୍ଯା ପ୍ରଚୁରସସ୍ଯା॥ 1-118-18 ଶ୍ରମଃ ଶାସ୍ତ୍ରାଭ୍ଯାସଃ। ବ୍ଯାଯାମୋ ବାହୁଯୁଦ୍ଧାଦ୍ଯଭ୍ଯାସଃ॥ 1-118-28 ନିର୍ବଚନଂ ପ୍ରଶଂସା॥ 1-118-30 ପାରସବତ୍ବାଚ୍ଛୂଦ୍ରାଯାଂ ବ୍ରାହ୍ମଣାଜ୍ଜାତତ୍ବାତ୍॥ ଅଷ୍ଟାଦଶାଧିକଶତତମୋଽଧ୍ଯାଯଃ॥ 118 ॥ଆଦିପର୍ବ - ଅଧ୍ଯାଯ 119
॥ ଶ୍ରୀଃ ॥
1.119. ଅଧ୍ଯାଯଃ 119
Mahabharata - Adi Parva - Chapter Topics
ଧୃତରାଷ୍ଟ୍ରବିବାହାର୍ଥଂ ଭୀଷ୍ମବିଦୁରସଂବାଦଃ॥ 1 ॥ ଧୃତରାଷ୍ଟ୍ରସ୍ଯ ଗାନ୍ଧାର୍ଯା ବିବାହଃ॥ 2 ॥Mahabharata - Adi Parva - Chapter Text
1-119-0 (5274)
ଭୀଷ୍ମ ଉବାଚ। 1-119-0x (715)
ଗୁଣୈଃ ସମୁଦିତଂ ସମ୍ଯଗିଦଂ ନଃ ପ୍ରଥିତଂ କୁଲମ୍।
ଅତ୍ଯନ୍ଯାନ୍ପୃଥିବୀପାଲାନ୍ପୃଥିବ୍ଯାମଧିରାଜ୍ଯଭାକ୍॥ 1-119-1 (5275)
ରକ୍ଷିତଂ ରାଜଭିଃ ପୂର୍ବଂ ଧର୍ମବିଦ୍ଭିର୍ମହାତ୍ମଭିଃ।
ନୋତ୍ସାଦମଗମଚ୍ଚେଦଂ କଦାଚିଦିହ ନଃ କୁଲମ୍॥ 1-119-2 (5276)
ମଯା ଚ ସତ୍ଯବତ୍ଯା ଚ କୃଷ୍ଣେନ ଚ ମହାତ୍ମନା।
ସମବସ୍ଥାପିତ ଭୂଯୋ ଯୁଷ୍ମାସୁ କୁଲତନ୍ତୁଷୁ॥ 1-119-3 (5277)
ତଚ୍ଚୈତଦ୍ବର୍ଧତେ ଭୂଯଃ କୁଲଂ ସାଗରବଦ୍ଯଥା।
ତଥା ମଯା ବିଧାତବ୍ଯଂ ତ୍ବଯା ଚୈବ ନ ସଂଶଯଃ॥ 1-119-4 (5278)
ଶ୍ରୂଯତେ ଯାଦବୀ କନ୍ଯା ସ୍ବନୁରୂପା କୁଲସ୍ଯ ନଃ।
ସୁବଲସ୍ଯାତ୍ମଜା ଚୈବ ତଥା ମଦ୍ରେଶ୍ବରସ୍ଯ ଚ॥ 1-119-5 (5279)
କୁଲୀନା ରୂପବତ୍ଯଶ୍ଚ ତାଃ କନ୍ଯାଃ ପୁତ୍ର ସର୍ବଶଃ।
ଉଚିତାଶ୍ଚୈବ ସଂବନ୍ଧେ ତେଽସ୍ମାକଂ କ୍ଷତ୍ରିଯର୍ଷଭାଃ॥ 1-119-6 (5280)
ମନ୍ଯେ ବରଯିତବ୍ଯାସ୍ତା ଇତ୍ଯହଂ ଧୀମତାଂ ବର।
ସନ୍ତାନାର୍ଥଂ କୁଲସ୍ଯାସ୍ଯ ଯଦ୍ବା ବିଦୁର ମନ୍ଯସେ॥ 1-119-7 (5281)
ବିଦୁର ଉବାଚ। 1-119-8x (716)
ଭବାନ୍ପିତା ଭାବନ୍ମାତା ଭବାନ୍ନଃ ପରମୋ ଗୁରୁଃ।
ତସ୍ମାତ୍ସ୍ବଯଂ କୁଲସ୍ଯାସ୍ଯ ବିଚାର୍ଯ କୁରୁ ଯଦ୍ଧିତମ୍॥ 1-119-8 (5282)
ବୈଶମ୍ପାଯନ ଉବାଚ। 1-119-9x (717)
ଅଥ ଶୁଶ୍ରାବ ବିପ୍ରେଭ୍ଯୋ ଗାନ୍ଧାରୀଂ ସୁବଲାତ୍ମଜାମ୍।
ଆରାଧ୍ଯ ବରଦଂ ଦେବଂ ଭଗନେତ୍ରହରଂ ହରମ୍॥ 1-119-9 (5283)
ଗାନ୍ଧାରୀ କିଲ ପୁତ୍ରାଣାଂ ଶତଂ ଲେଭେ ବରଂ ଶୁଭା।
ଇତି ଶୁଶ୍ରାବ ତତ୍ତ୍ବେନ ଭୀଷ୍ମଃ କୁରୁପିତାମହଃ॥ 1-119-10 (5284)
ତତୋ ଗାନ୍ଧାରରାଜସ୍ଯ ପ୍ରେଷଯାମାସ ଭାରତ।
ଅଚକ୍ଷୁରିତି ତତ୍ରାସୀତ୍ସୁବଲସ୍ଯ ବିଚାରଣା॥ 1-119-11 (5285)
କୁଲଂ ଖ୍ଯାତିଂ ଚ ବୃତ୍ତଂ ଚ ବୁଦ୍ଧ୍ଯା ତୁ ପ୍ରସମୀକ୍ଷ୍ଯ ସଃ।
ଦଦୈ ତାଂ ଧୃତରାଷ୍ଟ୍ରାଯ ଗାନ୍ଧାରୀଂ ଧର୍ମଚାରିଣୀମ୍॥ 1-119-12 (5286)
ଗାନ୍ଧାରୀ ତ୍ବଥ ଶୁଶ୍ରାବ ଧୃତରାଷ୍ଟ୍ରମଚକ୍ଷୁଷମ୍।
ଆତ୍ମାନଂ ଦିପ୍ସିତଂ ଚାସ୍ମୈ ପିତ୍ରା ମାତ୍ରା ଚ ଭାରତ॥ 1-119-13 (5287)
ତତଃ ସା ପଟମାଦାଯ କୃତ୍ବା ବହୁଗୁଣଂ ତଦା।
ବବନ୍ଧ ନେତ୍ରେ ସ୍ବେ ରାଜନ୍ପତିବ୍ରତପରାଯଣା॥ 1-119-14 (5288)
ନାଭ୍ଯସୂଯାଂ ପତିମହମିତ୍ଯେବଂ କୃତନିଶ୍ଚଯା।
ତତୋ ଗାନ୍ଧାରରାଜସ୍ଯ ପୁତ୍ରଃ ଶକୁନିରଭ୍ଯଯାତ୍॥ 1-119-15 (5289)
ସ୍ବସାରଂ ପରଯା ଲକ୍ଷ୍ମ୍ଯା ଯୁକ୍ତାମାଦାଯ କୌରବାନ୍।
ତାଂ ତଦା ଧୃତରାଷ୍ଟ୍ରାଯ ଦଦୌ ପରମସତ୍କୃତାମ୍।
ଭୀଷ୍ମସ୍ଯାନୁମତେ ଚୈବ ବିବାହଂ ସମକାରଯତ୍॥ 1-119-16 (5290)
ଦତ୍ତ୍ବା ସ ଭଗିନୀଂ ବୀରୋ ଯଥାର୍ହଂ ଚ ପରିଚ୍ଛଦମ୍।
ପୁନରାଯାତ୍ସ୍ବନଗରଂ ଭୀଷ୍ମେଣ ପ୍ରତିପୂଜିତଃ॥ 1-119-17 (5291)
ଗାନ୍ଧାର୍ଯପି ବରାରୋହା ଶୀଲାଚାରବିଚିଷେଟିତୈଃ।
ତୁଷ୍ଟିଂ କୁରୂଣାଂ ସର୍ବେଷାଂ ଜନଯାମାସ ଭାରତ॥ 1-119-18 (5292)
`ଗାନ୍ଧାରୀ ସା ପତିଂ ଦୃଷ୍ଟ୍ବା ପ୍ରଜ୍ଞାଚକ୍ଷୁଷମୀଶ୍ବରମ୍।
ଅତିଚାରାଦ୍ଭୃଶଂ ଭୀତା ଭର୍ତୁଃ ସା ସମଚିନ୍ତଯତ୍॥ 1-119-19 (5293)
ସା ଦୃଷ୍ଟିବିନିବୃତ୍ତ୍ଯା ହି ଭର୍ତୁଶ୍ଚ ସମତାଂ ଯଯୌ।
ନହି ସୂକ୍ଷ୍ମେପ୍ଯତୀଚାରେ ଭର୍ତୁଃ ସା ବବୃତେ ତଦା॥ 1-119-20 (5294)
ବୃତ୍ତେନାରାଧ୍ଯ ତାନ୍ସର୍ବାନ୍ଗୁରୂନ୍ପତିପରାଯଣା।
ବାଚାପି ପୁରୁଷାନନ୍ଯାନ୍ସୁବ୍ରତା ନାନ୍ବକୀର୍ତଯତ୍॥ 1-119-21 (5295)
ତସ୍ଯାଃ ସହୋଦରୀଃ କନ୍ଯାଃ ପୁନରେବ ଦଦୌ ଦଶ।
ଗାନ୍ଧାରରାଜଃ ସୁବଲୋ ଭୀଷ୍ମେଣ ଚ ବୃତସ୍ତଦା॥ 1-119-22 (5296)
ସତ୍ଯବ୍ରତାଂ ସତ୍ଯସେନାଂ ସୁଦେଷ୍ଣାଂ ଚାପି ସଂହିତାମ୍।
ତେଜଶ୍ଶ୍ର୍ବାଂ ସୁଶ୍ରବାଂ ଚ ତଥୈବ ନିକୃତିଂ ଶୁଭାମ୍॥ 1-119-23 (5297)
ଶଂଭ୍ବଠାଂ ଚ ଦଶାର୍ଣାଂ ଚ ଗାନ୍ଧାରୀର୍ଦଶ ବିଶ୍ରୁତାଃ।
ଏକାହ୍ନା ପ୍ରତିଜଗ୍ରାହ ଧୃତରାଷ୍ଟ୍ରୋ ଜନେଶ୍ବରଃ॥ 1-119-24 (5298)
ତତଃ ଶାନ୍ତନବୋ ଭୀଷ୍ମୋ ଧାନୁଷ୍କସ୍ତାସ୍ତତସ୍ତତଃ।
ଅଦଦାଦ୍ଧୃତରାଷ୍ଟ୍ରସ୍ଯ ରାଜପୁତ୍ରୀଃ ପରଶ୍ଶତମ୍॥' ॥ 1-119-25 (5299)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଏକୋନବିଂଶତ୍ଯଧିକଶତତମୋଽଧ୍ଯାଯଃ॥ 119 ॥
Mahabharata - Adi Parva - Chapter Footnotes
1-119-5 ଯାଦବୀ ଯାଦବସ୍ଯ କୁନ୍ତିଭୋଜସ୍ଯ ଅପତ୍ଯମ୍॥ 1-119-11 ପ୍ରେଷଯାମାସ ଦୂତମିତି ଶେଷଃ॥ 1-119-13 ଦିତ୍ସିତଂ ଦାତୁମିଷ୍ଟମ୍॥ 1-119-14 ବହୁଗୁଣଂ ବହୁଧାଗୁଣିତମ୍॥ 1-119-15 ନାଭ୍ଯସୂଯାଂ ପତ୍ଯୁରଭିଭବଂ ନ କୁର୍ଯାମ୍॥ ଏକୋନବିଂଶତ୍ଯଧିକଶତତମୋଽଧ୍ଯାଯଃ॥ 119 ॥ଆଦିପର୍ବ - ଅଧ୍ଯାଯ 120
॥ ଶ୍ରୀଃ ॥
1.120. ଅଧ୍ଯାଯଃ 120
Mahabharata - Adi Parva - Chapter Topics
ପୃଥାଯା ବାଲ୍ଯଚରିତ୍ରକଥନମ୍॥ 1 ॥ ତସ୍ଯା ଦୁର୍ବାସସୋ ମନ୍ତ୍ରପ୍ରାପ୍ତିଃ॥ 2 ॥ ମନ୍ତ୍ରପ୍ରଭାବଜିଜ୍ଞାସଯାଽଽହୂତାତ୍ସୂର୍ଯାତ୍କୁନ୍ତ୍ଯାଂ କର୍ଣସ୍ଯୋତ୍ପତ୍ତିଃ॥ 3 ॥ ଲୋକଭଯାତ୍କୁନ୍ତ୍ଯା ଯମୁନାଯାଂ ବିସୃଷ୍ଟସ୍ଯ ରାଧାଭର୍ତ୍ରା ସ୍ବୀକାରୋ ବସୁଷେଣେତି ନାମକରମଂ ଚ॥ 4 ॥ ସଂଗ୍ରହେଣ କର୍ଣଚରିତ୍ରକଥନମ୍॥ 5 ॥Mahabharata - Adi Parva - Chapter Text
1-120-0 (5300)
ବୈଶମ୍ପାଯନ ଉବାଚ। 1-120-0x (718)
ଶୂରୋ ନାମ ଯଦୁଶ୍ରେଷ୍ଠୋ ବସୁଦେବପିତାଽଭବତ୍।
ତସ୍ଯ କନ୍ଯା ପୃଥା ନାମ ରୂପେଣାପ୍ରତିମା ଭୁବି॥ 1-120-1 (5301)
ପିତୃଷ୍ବସ୍ରୀଯାଯ ସ ତାମନପତ୍ଯାଯ ଭାରତ।
ଅଗ୍ର୍ଯମଗ୍ରେ ପ୍ରତିଜ୍ଞାଯ ସ୍ବସ୍ଯାପତ୍ଯଂ ସ ସତ୍ଯବାକ୍॥ 1-120-2 (5302)
ଅଗ୍ରଜାମଥ ତାଂ କନ୍ଯାଂ ଶୂରୋଽନୁଗ୍ରହକାଙ୍କ୍ଷିଣେ।
ପ୍ରଦଦୌ କୁନ୍ତିଭୋଜାଯ ସଖା ସଖ୍ଯେ ମହାତ୍ମନେ॥ 1-120-3 (5303)
ନିଯୁକ୍ତା ସା ପିତୁର୍ଗେହେ ବ୍ରାହ୍ମଣାତିଥିପୂଜନେ।
ଉଗ୍ରଂ ପର୍ଯଚରତ୍ତତ୍ର ବ୍ରାହ୍ମଣଂ ସଂଶିତବ୍ରତମ୍॥ 1-120-4 (5304)
ନିଗୂଢନିଶ୍ଚଯଂ ଧର୍ମେ ଯଂ ତଂ ଦୁର୍ବାସସଂ ବିଦୁଃ।
ତମୁଗ୍ରଂ ସଂଶିତାତ୍ମାନଂ ସର୍ବଯତ୍ନୈରତୋଷଯତ୍॥ 1-120-5 (5305)
`ଦଧ୍ଯାଜ୍ଯକାଦିଭିର୍ନିତ୍ଯଂ ବ୍ଯଞ୍ଜନୈଃ ପ୍ରତ୍ଯହଂ ଶୁଭା।
ସହସ୍ରସଙ୍ଖ୍ଯୈର୍ଯୋଗୀନ୍ଦ୍ରମୁପଚାରଦନୁତ୍ତମା॥ 1-120-6 (5306)
ଦୁର୍ବାସା ବତ୍ସରସ୍ଯାନ୍ତେ ଦଦୌ ମନ୍ତ୍ରମନୁତ୍ତମମ୍'।
ଯଶସ୍ବିନ୍ଯୈ ପୃଥାଯୈ ତଦାପଦ୍ଧର୍ମାନ୍ବବେକ୍ଷଯା।
ଅଭିଚାରାଭିସଂଯୁକ୍ତମବ୍ରବୀଚ୍ଚୈବ ତାଂ ମୁନିଃ॥ 1-120-7 (5307)
ଯଂ ଯଂ ଦେବଂ ତ୍ବମେତେନ ମନ୍ତ୍ରେଣାବାହଯିଷ୍ଯସି।
ତସ୍ଯ ତସ୍ଯ ପ୍ରଭାବେଣ ତବ ପୁତ୍ରୋ ଭବିଷ୍ଯତି॥ 1-120-8 (5308)
ତଥୋକ୍ତା ସା ତୁ ବିପ୍ରେଣ କୁନ୍ତୀ କୌତୂହଲାନ୍ବିତା।
କନ୍ଯା ସତୀ ଦେବମର୍କମାଜୁହାବ ଯଶସ୍ବିନୀ॥ 1-120-9 (5309)
ତତୋ ଘନାନ୍ତରଂ କୃତ୍ବା ସ୍ବମାର୍ଗଂ ତପନସ୍ତଦା।
ଉପତସ୍ଥେ ସ ତାଂ କନ୍ଯାଂ ପୃଥାଂ ପୃଥୁଲଲୋଚନାମ୍॥ 1-120-10 (5310)
ସା ଦଦର୍ଶ ତମାଯାନ୍ତଂ ଭାସ୍କରଂ ଲୋକଭାବନମ୍।
ବିସ୍ମିତା ଚାନବଦ୍ଯାଙ୍ଗୀ ଦୃଷ୍ଟ୍ବା ତନ୍ମହଦଦ୍ଭୁତମ୍॥ 1-120-11 (5311)
`ସାବ୍ରବୀଦ୍ଭଗବନ୍କସ୍ତ୍ବମାବିର୍ଭୂତୋ ମମାଗ୍ରତଃ। 1-120-12 (5312)
ଆଦିତ୍ଯ ଉବାଚ।
ଆହୂତୋପସ୍ଥିତଂ ଭଦ୍ରେ ଋଷିମନ୍ତ୍ରେଣ ଚୋଦିତମ୍।
ବିଦ୍ଧି ମାଂ ପୁତ୍ରଲାଭାଯ ଦେବମର୍କଂ ଶୁଚିସ୍ମିତେ॥ 1-120-12x (719)
ପୁତ୍ରସ୍ତେ ନିର୍ମିତଃ ସୁଭ୍ରୁ ଶୃଣୁ ମହାଦୃକ୍ଛୁଭାନନେ।
ଆଦିତ୍ଯେ କୁଣ୍ଡଲେ ବିଭ୍ରତ୍କବଚଂ ଚୈବ ମାମକମ୍॥ 1-120-13 (5313)
ଶସ୍ତ୍ରାସ୍ତ୍ରାଣାମଭେଦ୍ଯଶ୍ଚ ଭବିଷ୍ଯତି ଶୁଚିସ୍ମିତେ।
ନାସ୍ଯ କିଂଚିଦଦେଯଂ ଚ ବ୍ରାହ୍ମଣେଭ୍ଯୋ ଭବିଷ୍ଯତି॥ 1-120-14 (5314)
ଚୋଦ୍ଯମାନୋ ମଯା ଚାପି ନ କ୍ଷମଂ ଚିନ୍ତଯିଷ୍ଯତି।
ଦାସ୍ଯତ୍ଯେବ ହି ବିପ୍ରେଭ୍ଯୋ ମାନୀ ଚୈବ ଭବିଷ୍ଯତି॥ 1-120-15 (5315)
ବୈଶମ୍ପାଯନ ଉବାଚ। 1-120-16x (720)
ଏବମୁକ୍ତା ତତଃ କୁନ୍ତୀ ଗୋପତିଂ ପ୍ରତ୍ଯୁବାଚ ହ।
କନ୍ଯା ପିତୃସା ଚାହଂ ପୁରୁଷାର୍ଥୋ ନ ଚୈବ ମେ॥' 1-120-16 (5316)
କଶ୍ଚିନ୍ମେ ବ୍ରାହ୍ମଣଃ ପ୍ରାଦାଦ୍ବରଂ ବିଦ୍ଯାଂ ଚ ଶତ୍ରୁହନ୍।
ତଦ୍ବିଜିଜ୍ଞାସଯାଽଽହ୍ବାନଂ କୃତବତ୍ଯସ୍ମି ତେ ବିଭୋ॥ 1-120-17 (5317)
ଏତସ୍ମିନ୍ନପରାଧେ ତ୍ବାଂ ଶିରସାଽହଂ ପ୍ରସାଦଯେ।
ଯୋଷିତୋ ହି ସଦା ରକ୍ଷ୍ଯାସ୍ତ୍ବପରାଧେଽପି ନିତ୍ଯଶଃ॥ 1-120-18 (5318)
ସୂର୍ଯ ଉବାଚ। 1-120-19x (721)
ବେଦାହଂ ସର୍ବମେବୈତଦ୍ଯଦ୍ଦୁର୍ବାସା ବରଂ ଦଦୌ।
ସଂତ୍ଯଜ୍ଯ ଭଯମେବେହ କ୍ରିଯତାଂ ସଙ୍ଗମୋ ମମ॥ 1-120-19 (5319)
ଅମୋଘଂ ଦର୍ଶନଂ ମହ୍ଯମାହୂତଶ୍ଚାସ୍ମି ତେ ଶୁଭେ।
ବୃଥାଽଽହ୍ବାନେଽପି ତେ ଭୀରୁ ଦୋଷଃ ସ୍ଯାନ୍ନାତ୍ର ସଂଶଯଃ॥ 1-120-20 (5320)
`ଯଦ୍ଯେବଂ ମନ୍ଯସେ ଭୀରୁ କିମାହ୍ବଯସି ଭାସ୍କରମ୍।
ଯଦି ମାମବଜାନାସି ଋଷିଃ ସ ନ ଭବିଷ୍ଯତି॥ 1-120-21 (5321)
ମନ୍ତ୍ରଦାନେନ ଯସ୍ମାତ୍ତ୍ବମବଲେପେନ ଦର୍ପିତା।
କୁଲଂ ଚ ତେଽଦ୍ଯ ଧକ୍ଷ୍ଯାମି କ୍ରୋଧଦୀପ୍ତେନ ଚକ୍ଷୁଷା'॥ 1-120-22 (5322)
ବୈଶମ୍ପାଯନ ଉବାଚ। 1-120-23x (722)
ଏବମୁକ୍ତା ବହୁବିଧଂ ସାନ୍ତ୍ବପୂର୍ବଂ ବିବସ୍ବତା।
ସା ତୁ ନୈଚ୍ଛଦ୍ବରାରୋହା କନ୍ଯାହମିତି ଭାରତ॥ 1-120-23 (5323)
ବନ୍ଧୁପକ୍ଷଭଯାଦ୍ଭୀତା ଲଜ୍ଜଯା ଚ ଯଶସ୍ବିନୀ।
ତାମର୍କଃ ପୁନରେବେଦବ୍ରବୀଦ୍ଭରତର୍ଷଭ॥ 1-120-24 (5324)
ମତ୍ପ୍ରସାଦାନ୍ନ ତେ ରାଜ୍ଞି ଭବିତା ଦୋଷ ଇତ୍ଯୁତ॥ 1-120-25 (5325)
`କୁନ୍ତ୍ଯୁବାଚ। 1-120-26x (723)
ପ୍ରସୀଦ ଭଗବନ୍ମହ୍ଯମବଲେପୋ ହି ନାସ୍ତି ମେ।
ତ୍ବଯୈବ ପରିହାର୍ଯଂ ସ୍ଯାତ୍କନ୍ଯାଭାବସ୍ଯ ଦୂଷଣମ୍॥ 1-120-26 (5326)
ଆଦିତ୍ଯ ଉବାଚ। 1-120-27x (724)
ବ୍ଯପଯାତୁ ଭଯଂ ତେଽଦ୍ଯ କୁମାରଂ ପ୍ରସମୀକ୍ଷସେ।
ମଯା ତ୍ବଂ ଚାପ୍ଯନୁଜ୍ଞାତା ପୁନଃ କନ୍ଯା ଭବିଷ୍ଯସି॥ 1-120-27 (5327)
ବୈଶମ୍ପାଯନ ଉବାଚ। 1-120-28x (725)
ଏବମୁକ୍ତା ତତଃ କୁନ୍ତୀ ସଂପ୍ରହୃଷ୍ଟତନୂରୁହା।
ସଙ୍ଗତାଽଭୂତ୍ତଦା ସୁଭ୍ରୂରାଦିତ୍ଯେନ ମହାତ୍ମନା॥ 1-120-28 (5328)
ପ୍ରକାଶକର୍ମା ତପନଃ କନ୍ଯାଗର୍ଭଂ ଦଦୌ ପୁନଃ।'
ତତ୍ର ବୀରଃ ସମଭବତ୍ସର୍ବଶସ୍ତ୍ରଭୃତାଂ ବରଃ॥ 1-120-29 (5329)
ଆମୁକ୍ତକବଚଃ ଶ୍ରୀମାନ୍ଦେବଗର୍ଭଃ ଶ୍ରିଯାନ୍ବିତଃ।
ସହଜଂ କବଚଂ ବିଭ୍ରତ୍କୁଣ୍ଡଲୋଦ୍ଦ୍ଯୋତିତାନନଃ॥ 1-120-30 (5330)
ଅଜାଯତ ସୁତଃ କର୍ଣଃ ସର୍ବଲୋକେଷୁ ବିଶ୍ରୁତଃ।
ପ୍ରାଦାଚ୍ଚ ତସ୍ଯୈ କନ୍ଯାତ୍ବଂ ପୁନଃ ସ ପରମଦ୍ଯୁତିଃ॥ 1-120-31 (5331)
ଦତ୍ତ୍ବା ଚ ତପତାଂ ଶ୍ରେଷ୍ଠୋ ଦିବମାଚକ୍ରମେ ତତଃ।
ଦୃଷ୍ଟ୍ବା କୁମାରଂ ଜାତଂ ସା ବାର୍ଷ୍ଣେଯୀ ଦୀନମାନସା॥ 1-120-32 (5332)
ଏକାଗ୍ରଂ ଚିନ୍ତଯାମାସ କିଂ କୃତ୍ବା ସୁକୃତଂ ଭବେତ୍।
ଗୂହମାନାପଚାରଂ ସା ବନ୍ଧୁପକ୍ଷଭଯାତ୍ତଦା॥ 1-120-33 (5333)
ମଞ୍ଜୂଷାଂ ରତ୍ନସଂପୂର୍ଣାଂ କୃତ୍ବା ବାଲସମାଶ୍ରିତାମ୍।
ଉତ୍ସସର୍ଜ କୁମାରଂ ତଂ ଜଲେ କୁନ୍ତୀ ମହାବଲମ୍॥ 1-120-34 (5334)
ତମୁତ୍ସୃଷ୍ଟଂ ଜଲେ ଗର୍ଭଂ ରାଧାଭର୍ତା ମହାଯଶାଃ।
ପୁତ୍ରତ୍ବେ କଲ୍ପଯାମାସ ସଭାର୍ଯଃ ସୂତନନ୍ଦନଃ॥ 1-120-35 (5335)
ନାମଧେଯଂ ଚ ଚକ୍ରାତେ ତସ୍ଯ ବାଲସ୍ଯ ତାବୁଭୌ।
ବସୁନା ସହ ଜାତୋଽଯଂ ବସୁଷେଣୋ ଭବତ୍ବିତି॥ 1-120-36 (5336)
ସ ବର୍ଧମାନୋ ବଲବାନ୍ସର୍ବାସ୍ତ୍ରେଷୂଦ୍ଯତୋଽଭବତ୍।
ଆପୃଷ୍ଠତାପାଦାଦିତ୍ଯମୁପାତିଷ୍ଠତ ବୀର୍ଯବାନ୍॥ 1-120-37 (5337)
ତସ୍ମିନ୍କାଲେ ତୁ ଜପତସ୍ତସ୍ଯ ବୀରସ୍ଯ ଧୀମତଃ।
ନାଦେଯଂ ବ୍ରାହ୍ମଣେଷ୍ବାସୀତ୍କିଂଚିଦ୍ବସୁ ମହୀତଲେ॥ 1-120-38 (5338)
`ତତଃ କାଲେ ତୁ କସ୍ମିଂଶ୍ଚିତ୍ସ୍ବପ୍ନାନ୍ତେ କର୍ଣମବ୍ରବୀତ୍।
ଆଦିତ୍ଯୋ ବ୍ରାହ୍ମଣୋ ଭୂତ୍ବା ଶୃଣୁ ବୀର ବଚୋ ମମ॥ 1-120-39 (5339)
ପ୍ରଭାତାଯାଂ ରଜନ୍ଯାଂ ତ୍ବାମାଗମିଷ୍ଯତି ବାସବଃ।
ନ ତସ୍ଯ ଭିକ୍ଷା ଦାତବ୍ଯା ବିପ୍ରରୂପୀ ଭବିଷ୍ଯତି॥ 1-120-40 (5340)
ନିଶ୍ଚଯୋଽସ୍ଯାପହର୍ତୁଂ ତେ କବଚଂ କୁଣ୍ଡଲେ ତଥା।
ଅତସ୍ତ୍ବାଂ ବୋଧଯାମ୍ଯେଷ ସ୍ମର୍ତାସି ବଚନଂ ମମ॥ 1-120-41 (5341)
କର୍ଣ ଉବାଚ। 1-120-42x (726)
ଶକ୍ରୋ ମାଂ ବିପ୍ରରୂପେଣ ଯଦି ବୈ ଯାଚତେ ଦ୍ବିଜ।
କଥଂ ତସ୍ମୈ ନ ଦାସ୍ଯାମି ଯଥା ଚାସ୍ମ୍ଯବବୋଧିତଃ॥ 1-120-42 (5342)
ବିପ୍ରାଃ ପୂଜ୍ଯାସ୍ତୁ ଦେବାନାଂ ସତତଂ ପ୍ରିଯମିଚ୍ଛତାମ୍।
ତଂ ଦେବଦେବଂ ଜାନନ୍ବୈ ନ ଶକ୍ତୋଽସ୍ମ୍ଯବମନ୍ତ୍ରଣେ॥ 1-120-43 (5343)
ସୂର୍ଯ ଉବାଚ। 1-120-44x (727)
ଯଦ୍ଯେବଂ ଶୃଣୁ ମେ ବୀର ବରଂ ତେ ସୋଽପି ଦାସ୍ଯତି।
ଶକ୍ତିଂ ତ୍ବମପି ଯାଚେଥାଃ ସର୍ବଶତ୍ରୁବିବାଧିନୀମ୍॥ 1-120-44 (5344)
ବୈଶମ୍ପାଯନ ଉବାଚ। 1-120-45x (728)
ଏବମୁକ୍ତ୍ବା ଦ୍ବିଜଃ ସ୍ବପ୍ନେ ତତ୍ରୈବାନ୍ତରଧୀଯତ।
କର୍ଣଃ ପ୍ରବୁଦ୍ଧସ୍ତଂ ସ୍ବପ୍ନଂ ଚିନ୍ତଯାନୋଽଭବତ୍ତଦା॥ 1-120-45 (5345)
ତମିନ୍ଦ୍ରୋ ବ୍ରାହ୍ମଣୋ ଭୂତ୍ବା ପୁତ୍ରାର୍ଥଂ ଭୂତଭାବନଃ।
କୁଣ୍ଡଲେ ପ୍ରାର୍ଥଯାମାସ କବଚଂ ଚ ମହାଦ୍ଯୁତିଃ॥ 1-120-46 (5346)
ଉତ୍କୃତ୍ଯାବିମନାଃ ସ୍ବାଙ୍ଗାତ୍କବଚଂ ରୁଧିରସ୍ରବମ୍।
କର୍ଣୌ ପାର୍ଶ୍ବେ ଚ ଦ୍ବେ ଛିତ୍ତ୍ବା ପ୍ରାଯଚ୍ଛତ୍ସ କୃତାଞ୍ଜଲିଃ॥ 1-120-47 (5347)
ପ୍ରତିଗୃହ୍ଯ ତୁ ଦେବେଶସ୍ତୁଷ୍ଟସ୍ତେନାସ୍ଯ କର୍ମଣା।
ଅହୋ ସାହସମିତ୍ଯାହ ମନସା ବାସବୋ ହସନ୍॥ 1-120-48 (5348)
ଦେବଦାନବଯକ୍ଷାଣାଂ ଗନ୍ଧର୍ବୋରଗରକ୍ଷସାମ୍।
ନ ତଂ ପଶ୍ଯାମି ଯୋ ହ୍ଯେତତ୍କର୍ମ କର୍ତା ଭବିଷ୍ଯତି॥ 1-120-49 (5349)
ପ୍ରୀତୋଽସ୍ମି କର୍ମଣା ତେନ ବରଂ ବ୍ରୂହି ଯଦିଚ୍ଛସି। 1-120-50 (5350)
କର୍ଣ ଉବାଚ।
ଇଚ୍ଛାମି ଭଗବଦ୍ଦତ୍ତାଂ ଶକ୍ତିଂ ଶତ୍ରୁନିବର୍ହଣୀମ୍॥ 1-120-50x (729)
ବୈଶମ୍ପାଯନ ଉବାଚ। 1-120-51x (730)
ଶକ୍ତିଂ ତସ୍ମୈ ଦଦୌ ଶକ୍ରୋ ବିସ୍ମଯାଦ୍ବାକ୍ଯମବ୍ରବୀତ୍।
ଦେବଦାନବଯକ୍ଷାଣାଂ ଗନ୍ଧର୍ବୋରଗରକ୍ଷସାମ୍॥ 1-120-51 (5351)
ଯସ୍ମୈ କ୍ଷେପ୍ସ୍ଯସି ରୁଷ୍ଟଃ ସନ୍ସୋଽନଯା ନ ଭବିଷ୍ଯତି।
ହତ୍ବୈକଂ ସମରେ ଶତ୍ରୁଂ ତତୋ ମାମାଗମିଷ୍ଯତି।
ଇତ୍ଯୁକ୍ତ୍ବାନ୍ତର୍ଦଧେ ଶକ୍ରୋ ବରଂ ଦତ୍ତ୍ବା ତୁ ତସ୍ଯ ବୈ॥ 1-120-52 (5352)
ପ୍ରାଙ୍ନାମ ତସ୍ଯ କଥିତଂ ବସୁଷେଣ ଇତି କ୍ଷିତୌ।
କର୍ଣୋ ବୈକର୍ତନଶ୍ଚୈବ କର୍ମଣା ତେନ ସୋଽଭବତ୍॥ ॥ 1-120-53 (5353)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ବିଂଶତ୍ଯଧିକଶତତମୋଽଧ୍ଯାଯଃ॥ 120 ॥
Mahabharata - Adi Parva - Chapter Footnotes
1-120-2 ଅଗ୍ର୍ଯଂ ପ୍ରଥମମ୍। ଅଗ୍ରେ ଜନ୍ମତଃ ପୂର୍ବଂ ପ୍ରତିଜ୍ଞାଯ ମଯା ପ୍ରଥମମପତ୍ଯଂ ତୁଭ୍ଯଂ ଦେଯମିତି ପ୍ରତିଶ୍ରୁତ୍ଯ॥ 1-120-7 ଅଭିଚାରୋ ବଶ୍ଯାକର୍ଷଣାଦିଦୃଷ୍ଟଫଲଂ ତଦ୍ଯୁକ୍ତମ୍॥ 1-120-36 ବସୁନା କବଚକୁଣ୍ଡଲାଦିଦ୍ରବ୍ଯେଣ ବଦ୍ଧ ଇତି ବସୁଷେଣଃ॥ 1-120-37 ଆପୃଷ୍ଠତାପାତ୍ ମଧ୍ଯାହ୍ନାତ୍ପରତ ଇତ୍ଯର୍ଥଃ॥ 1-120-53 ସହଜକବଚକର୍ତନାତ୍ କର୍ଣଃ ବିଶେଷତଃ କର୍ତନେନ ବୈକର୍ତନଃ। ସ୍ବାର୍ଥେ ତଦ୍ଧିତଃ॥ ବିଂଶତ୍ଯଧିକଶତତମୋଽଧ୍ଯାଯଃ॥ 120 ॥ଆଦିପର୍ବ - ଅଧ୍ଯାଯ 121
॥ ଶ୍ରୀଃ ॥
1.121. ଅଧ୍ଯାଯଃ 121
Mahabharata - Adi Parva - Chapter Topics
ପାଣ୍ଡୋଃ କୁନ୍ତ୍ଯା ବିବାହଃ॥ 1 ॥Mahabharata - Adi Parva - Chapter Text
1-121-0 (5354)
ବୈଶମ୍ପାଯନ ଉବାଚ। 1-121-0x (731)
ସତ୍ବରୂପଗୁଣୋପେତା ଧର୍ମାରାମା ମହାବ୍ରତା।
ଦୁହିତା କୁନ୍ତିଭୋଜସ୍ଯ ପୃଥା ପୃଥୁଲଲୋଚନା॥ 1-121-1 (5355)
ତାଂ ତୁ ତେଜସ୍ବିନୀଂ କନ୍ଯାଂ ରୂପଯୌବନଶାଲିନୀମ୍।
ବ୍ଯାବୃଣ୍ବନ୍ପାର୍ଥିବାଃ କେଚିଦତୀବ ସ୍ତ୍ରୀଗୁଣୈର୍ଯୁତାମ୍॥ 1-121-2 (5356)
ତତଃ ସା କୁନ୍ତିଭୋଜେନ ରାଜ୍ଞାହୂଯ ନରାଧିପାନ୍।
ପିତ୍ରା ସ୍ବଯଂବରେ ଦତ୍ତା ଦୁହିତା ରାଜସତ୍ତମ॥ 1-121-3 (5357)
ତତଃ ସା ରଙ୍ଗମଧ୍ଯସ୍ଥଂ ତେଷାଂ ରାଜ୍ଞାଂ ମନସ୍ବିନୀ।
ଦଦର୍ଶ ରାଜଶାର୍ଦୂଲଂ ପାଣ୍ଡୁଂ ଭରତସତ୍ତମମ୍॥ 1-121-4 (5358)
ସିଂହଦର୍ପଂ ମହୋରସ୍କଂ ବୃଷଭାକ୍ଷଂ ମହାବଲମ୍।
ଆଦିତ୍ଯମିବ ସର୍ବେଷାଂ ରାଜ୍ଞାଂ ପ୍ରଚ୍ଛାଦ୍ଯ ବୈ ପ୍ରଭାଃ॥ 1-121-5 (5359)
ତିଷ୍ଠନ୍ତଂ ରାଜସମିତୌ ପୁରନ୍ଦରମିବାପରମ୍।
ତଂ ଦୃଷ୍ଟ୍ବା ସାଽନବଦ୍ଯାଙ୍ଗୀ କୁନ୍ତିଭୋଜସୁତା ଶୁଭା॥ 1-121-6 (5360)
ପାଣ୍ଡୁଂ ନରବରଂ ରଙ୍ଗେ ହୃଦଯେନାକୁଲାଽଭବତ୍।
ତତଃ କାମପରୀତାଙ୍ଗୀ ସକୃତ୍ପ୍ରଚଲମାନସା॥ 1-121-7 (5361)
ବ୍ରୀଡମାନ ସ୍ରଜଂ କୁନ୍ତୀ ରାଜ୍ଞଃ ସ୍କନ୍ଧେ ସମାସଜତ୍।
ତଂ ନିଶମ୍ଯ ବୃତଂ ପାଣ୍ଡୁଂ କୁନ୍ତ୍ଯା ସର୍ବେ ନରାଧିପାଃ॥ 1-121-8 (5362)
ଯଥାଗତଂ ସମାଜଗ୍ମୁର୍ଗଜୈରଶ୍ବୈ ରଥୈସ୍ତଥା।
ତତସ୍ତସ୍ଯାଃ ପିତା ରାଜନ୍ବିବାହମକରୋତ୍ପ୍ରଭୁଃ॥ 1-121-9 (5363)
ସ ତଯା କୁନ୍ତିଭୋଜସ୍ଯ ଦୁହିତ୍ରା କୁରୁନନ୍ଦନଃ।
ଯୁଯୁଜେଽମିତସୌଭାଗ୍ଯଃ ପୌଲୋମ୍ଯା ମଘବାନିବ॥ 1-121-10 (5364)
କୁନ୍ତ୍ଯାଃ ପାଣ୍ଡୋଶ୍ଚ ରାଜେନ୍ଦ୍ର କୁନ୍ତିଭୋଜୋ ମହୀପତିଃ।
କୃତ୍ବୋଦ୍ବାହଂ ତଦା ତଂ ତୁ ନାନାବସୁଭିରର୍ଚିତମ୍।
ସ୍ବପୁରଂ ପ୍ରେଷଯାମାସ ସ ରାଜା କୁରୁସତ୍ତମ॥ 1-121-11 (5365)
ତତୋ ବଲେନ ମହତା ନାନାଧ୍ବଜପତାକିନା।
ସ୍ତୂଯମାନଃ ସ ଚାଶୀର୍ଭିର୍ବ୍ରାହ୍ମଣୈଶ୍ଚ ମହର୍ଷିଭିଃ॥ 1-121-12 (5366)
ସଂପ୍ରାପ୍ଯ ନଗରଂ ରାଜା ପାଣ୍ଡୁଃ କୌରବନନ୍ଦନଃ।
ନ୍ଯବେଶତ ତାଂ ଭାର୍ଯାଂ କୁନ୍ତୀଂ ସ୍ବଭବନେ ପ୍ରଭୁଃ॥ ॥ 1-121-13 (5367)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଏକବିଂଶତ୍ଯଧିକଶତତମୋଽଧ୍ଯାଯଃ॥ 121 ॥
ଆଦିପର୍ବ - ଅଧ୍ଯାଯ 122
॥ ଶ୍ରୀଃ ॥
1.122. ଅଧ୍ଯାଯଃ 122
Mahabharata - Adi Parva - Chapter Topics
ପାଣ୍ଡୋର୍ମାଦ୍ର୍ଯା ବିବାହଃ। ଦିଗ୍ବିଜଯଶ୍ଚ॥ 1 ॥Mahabharata - Adi Parva - Chapter Text
1-122-0 (5368)
ବୈଶମ୍ପାଯନ ଉବାଚ। 1-122-0x (732)
ତତଃ ଶାନ୍ତନବୋ ଭୀଷ୍ମୋ ରାଜ୍ଞଃ ପାଣ୍ଡୋର୍ଯଶସ୍ବିନଃ।
ବିବାହସ୍ଯାପରସ୍ଯାର୍ଥେ ଚକାର ମତିମାନ୍ମତିମ୍॥ 1-122-1 (5369)
ସୋଽମାତ୍ଯୈଃ ସ୍ଥବିରୈଃ ସାର୍ଧଂ ବ୍ରାହ୍ମଣୈଶ୍ଚ ମହର୍ଷିଭିଃ।
ବଲେନ ଚତୁରଙ୍ଗେଣ ଯଯୌ ମଦ୍ରପତେଃ ପୁରମ୍॥ 1-122-2 (5370)
ତମାଗତମଭିଶ୍ରୁତ୍ଯ ଭୀଷ୍ମଂ ବାହୀକପୁଙ୍ଗବଃ।
ପ୍ରତ୍ଯୁଦ୍ଗମ୍ଯାର୍ଚଯିତ୍ବା ଚ ପୁରଂ ପ୍ରାବେଶଯନ୍ନୃପଃ॥ 1-122-3 (5371)
ଦତ୍ତ୍ବା ତସ୍ଯାସନଂ ଶୁଭ୍ରଂ ପାଦ୍ଯମର୍ଘ୍ଯଂ ତଥୈବ ଚ।
ମଧୁପର୍କଂ ଚ ମଦ୍ରେଶଃ ପପ୍ରଚ୍ଛାଗମନେଽର୍ଥିତାମ୍॥ 1-122-4 (5372)
ତଂ ଭୀଷ୍ମଃ ପ୍ରତ୍ଯୁବାଚେଦଂ ମଦ୍ରରାଜଂ କୁରୂଦ୍ବହଃ।
ଆଗତଂ ମାଂ ବିଜାନୀହି କନ୍ଯାର୍ଥିନମରିନ୍ଦମ॥ 1-122-5 (5373)
ଶ୍ରୂଯତେ ଭବତଃ ସାଧ୍ବୀ ସ୍ବସା ମାଦ୍ରୀ ଯଶସ୍ବିନୀ।
ତାମହଂ ବରଯିଷ୍ଯାମି ପାଣ୍ଡୋରର୍ଥେ ଯଶସ୍ବିନୀମ୍॥ 1-122-6 (5374)
ଯୁକ୍ତରୂପୋ ହି ସଂବନ୍ଧେ ତ୍ବଂ ନୋ ରାଜନ୍ବଯଂ ତବ।
ଏତତ୍ସଂଚିନ୍ତ୍ଯ ମଦ୍ରେଶ ଗୃହାଣାସ୍ମାନ୍ଯଥାବିଧି॥ 1-122-7 (5375)
ତମେବଂବାଦିନଂ ଭୀଷ୍ମଂ ପ୍ରତ୍ଯଭାଷତ ମଦ୍ରପଃ।
ନ ହି ମେଽନ୍ଯୋ ବରସ୍ତ୍ବତ୍ତଃ ଶ୍ରେଯାନିତି ମତିର୍ମମ॥ 1-122-8 (5376)
ପୂର୍ବୈଃ ପ୍ରବର୍ତିତଂ କିଂଚିତ୍କୁଲେଽସ୍ମିନ୍ନୃପସତ୍ତମୈଃ।
ସାଧୁ ବା ଯଦି ବାଽସାଧୁ ତନ୍ନାତିକ୍ରାନ୍ତୁମୁତ୍ସହେ॥ 1-122-9 (5377)
ବ୍ଯକ୍ତଂ ତଦ୍ଭବତଶ୍ଚାପି ବିଦିତଂ ନାତ୍ର ସଂଶଯଃ।
ନ ଚ ଯୁକ୍ତଂ ତଥା ବକ୍ତୁଂ ଭବାନ୍ଦେହୀତି ସତ୍ତମ॥ 1-122-10 (5378)
କୁଲଧର୍ମଃ ସ ନୋ ବୀର ପ୍ରମାଣଂ ପରମଂ ଚ ତତ୍।
ତେନ ତ୍ବାଂ ନ ବ୍ରବୀମ୍ଯେତଦସଂଦିଗ୍ଧଂ ବଚୋଽରିହନ୍॥ 1-122-11 (5379)
ତଂ ଭୀଷ୍ମଃ ପ୍ରତ୍ଯୁବାଚେଦଂ ମଦ୍ରରାଜଂ ଜନାଧିପଃ।
ଧର୍ମ ଏଷ ପରୋ ରାଜନ୍ସ୍ବଯମୁକ୍ତଃ ସ୍ବଯଂଭୁବା॥ 1-122-12 (5380)
ନାତ୍ର କଶ୍ଚନ ଦୋଷୋଽସ୍ତି ପୂର୍ବୈର୍ବିଧିରଯଂ କୃତଃ।
ବିଦିତେଯଂ ଚ ତେ ଶଲ୍ଯ ମର୍ଯାଦା ସାଧୁସଂମତା॥ 1-122-13 (5381)
ଇତ୍ଯୁକ୍ତ୍ବା ସ ମହାତେଜାଃ ଶାତକୁମ୍ଭଂ କୃତାକୃତମ୍।
ରତ୍ନାନି ଚ ବିଚିତ୍ରାଣି ଶଲ୍ଯାଯାଦାତ୍ସହସ୍ରଶଃ॥ 1-122-14 (5382)
ଗଜାନଶ୍ବାନ୍ରଥାଂଶ୍ଚୈବ ବାସାଂସ୍ଯାଭରଣାନି ଚ।
ମଣିମୁକ୍ତାପ୍ରବାଲଂ ଚ ଗାଙ୍ଗେଯୋ ବ୍ଯସୃଜଚ୍ଛୁଭମ୍॥ 1-122-15 (5383)
ତତ୍ପ୍ରଗୃହ୍ଯ ଧନଂ ସର୍ବଂ ଶଲ୍ଯଃ ସଂପ୍ରତୀମାନସଃ।
ଦଦୌ ତାଂ ସମଲଙ୍କୃତ୍ଯ ସ୍ବସାରଂ କୌରବର୍ଷଭେ॥ 1-122-16 (5384)
ସ ତାଂ ମାଦ୍ରୀମୁପାଦାଯ ଭୀଷ୍ମଃ ସାଗରଗାସୁତଃ।
ଆଜଗାମ ପୁରୀଂ ଧୀମାନ୍ପ୍ରବିଷ୍ଟୋ ଗଜସାହ୍ବଯମ୍॥ 1-122-17 (5385)
ତତ ଇଷ୍ଟେଽହନି ପ୍ରାପ୍ତେ ମୁହୂର୍ତେ ସାଧୁସଂମତେ।
`ବିବାହଂ କାରାଯାମାସ ଭୀଷ୍ମଃ ପାଣ୍ଡୋର୍ମହାତ୍ମନଃ।'
ଜଗ୍ରାହ ବିଧିବତ୍ପାଣିଂ ମାଦ୍ର୍ଯାଃ ପାଣ୍ଡୁର୍ନରାଧିପଃ॥ 1-122-18 (5386)
ତତୋ ବିବାହେ ନିର୍ବୃତ୍ତେ ସ ରାଜା କୁରୁନନ୍ଦନଃ।
ସ୍ଥାପଯାମାସ ତାଂ ଭାର୍ଯାଂ ଶୁଭେ ବେଶ୍ମନି ଭାମିନୀଂ॥ 1-122-19 (5387)
ସ ତାଭ୍ଯାଂ ବ୍ଯଚରତ୍ସାର୍ଧଂ ଭାର୍ଯାଭ୍ଯାଂ ରାଜସତ୍ତମଃ।
କୁନ୍ତ୍ଯା ମାଦ୍ର୍ଯା ଚ ରାଜେନ୍ଦ୍ରୋ ଯଥାକାମଂ ଯଥାସୁଖମ୍॥ 1-122-20 (5388)
ତତଃ ସ କୌରବୋ ରାଜା ବିହୃତ୍ଯ ତ୍ରିଦଶା ନିଶାଃ।
ଜିଗୀଷଯା ମହୀଂ ପାଣ୍ଡୁର୍ନିରକ୍ରାମତ୍ପୁରାତ୍ପ୍ରଭୋ॥ 1-122-21 (5389)
ସ ଭୀଷ୍ମପ୍ରମୁଖାନ୍ବୃଦ୍ଧାନଭିବାଦ୍ଯ ପ୍ରଣମ୍ଯ ଚ।
ଧୃତରାଷ୍ଟ୍ରଂ ଚ କୌରବ୍ଯଂ ତଥାନ୍ଯାନ୍କୁରୁସତ୍ତମାନ୍।
ଆମନ୍ତ୍ର୍ଯ ପ୍ରଯଯୌ ରାଜା ତୈଶ୍ଚୈବାପ୍ଯନୁମୋଜିତଃ॥ 1-122-22 (5390)
ମଙ୍ଗଲାଚାରଯୁକ୍ତାଭିରାଶୀର୍ଭିରଭିନନ୍ଦିତଃ।
ଗଜବାଜିରଥୌଘେନ ବଲେନ ମହତାଽଗମତ୍॥ 1-122-23 (5391)
ସ ରାଜା ଦେବଗର୍ଭାଭୋ ବିଜିଗୀଷୁର୍ବସୁନ୍ଧରାମ୍।
ହୃଷ୍ଟପୁଷ୍ଟବଲୈଃ ପ୍ରାଯାତ୍ପାଣ୍ଡୁଃ ଶତ୍ରୂନନେକଶଃ॥ 1-122-24 (5392)
ପୂର୍ବମାଗସ୍କୃତୋ ଗତ୍ବା ଦଶାର୍ଣାଃ ସମରେ ଜିତାଃ।
ପାଣ୍ଡୁନା ନରସିଂହେନ କୌରବାଣାଂ ଯଶୋଭୃତା॥ 1-122-25 (5393)
ତତଃ ସେନାମୁପାଦାଯ ପାଣ୍ଡୁର୍ନାନାବିଧଧ୍ବଜାମ୍।
ପ୍ରଭୂତହସ୍ତ୍ଯଶ୍ବଯୁତାଂ ପଦାତିରଥସଂକୁଲାମ୍॥ 1-122-26 (5394)
ଆଗସ୍କାରୀ ମହୀପାନାଂ ବହୂନାଂ ବଲଦର୍ପିତଃ।
ଗୋପ୍ତା ମଗଧରାଷ୍ଟ୍ରସ୍ଯ ଦୀର୍ଘୋ ରାଜଗୃହେ ହତଃ॥ 1-122-27 (5395)
ତତଃ କୋଶଂ ସମାଦାଯ ବାହନାନି ଚ ଭୂରିଶଃ।
ପାଣ୍ଡୁନା ମିଥିଲାଂ ଗତ୍ବା ବିଦେହାଃ ସମରେ ଜିତାଃ॥ 1-122-28 (5396)
ତଥା କାଶିଷୁ ସୁହ୍ମେଷୁ ପୁଣ୍ଡ୍ରେଷୁ ଚ ନରର୍ଷଭ।
ସ୍ବବାହୁବଲବୀର୍ଯେଣ କୁରୂଣାମକରୋଦ୍ଯଶଃ॥ 1-122-29 (5397)
ତଂ ଶରୌଘମହାଜ୍ବାଲଂ ଶସ୍ତ୍ରାର୍ଚିଷମରିନ୍ଦମମ୍।
ପାଣ୍ଡୁପାବକମାସାଦ୍ଯ ବ୍ଯବହ୍ଯନ୍ତ ନରାଧିପାଃ॥ 1-122-30 (5398)
ତେ ସସେନାଃ ସସେନେନ ବିଧ୍ବଂସିତବଲା ନୃପାଃ।
ପାଣ୍ଡୁନା ବଶଗାଃ କୃତ୍ବା କୁରୁକର୍ମସୁ ଯୋଜିତାଃ॥ 1-122-31 (5399)
ତେନ ତେ ନିର୍ଜିତାଃ ସର୍ବେ ପୃଥିବ୍ଯାଂ ସର୍ବପାର୍ଥିବାଃ।
ତମେକଂ ମେନିରେ ଶୂରଂ ଦେବେଷ୍ବିବ ପୁରନ୍ଦରମ୍॥ 1-122-32 (5400)
ତଂ କୃତାଞ୍ଜଲଯଃ ସର୍ବେ ପ୍ରଣତା ବସୁଧାଧିପାଃ।
ଉପାଜଗ୍ମୁର୍ଧନଂ ଗୃହ୍ଯ ରତ୍ନାନି ବିବିଧାନି ଚ॥ 1-122-33 (5401)
ମଣିମୁକ୍ତାପ୍ରବାଲଂ ଚ ସୁବର୍ଣଂ ରଜତଂ ବହୁ।
ଗୋରତ୍ନାନ୍ଯଶ୍ବରତ୍ନାନି ରଥରତ୍ନାନି କୁଞ୍ଜରାନ୍॥ 1-122-34 (5402)
ଖରୋଷ୍ଟ୍ରମହିଷାଂଶ୍ଚୈବ ଯଚ୍ଚ କିଂଚିଦଜାବିକମ୍।
କମ୍ଲାଜିନରତ୍ନାନି ରାଙ୍କବାସ୍ତରଣାନି ଚ।
ତତ୍ସର୍ବଂ ପ୍ରତିଜଗ୍ରାହ ରାଜା ନାଗପୁରାଧିପଃ॥ 1-122-35 (5403)
ତଦାଦାଯ ଯଯୌ ପାଣ୍ଡୁଃ ପୁନର୍ମଦିତବାହନଃ।
ହର୍ଷଯିଷ୍ଯନ୍ସ୍ବରାଷ୍ଟ୍ରାଣି ପୁରଂ ଚ ଗଜସାହ୍ବଯମ୍॥ 1-122-36 (5404)
ଶାନ୍ତନୋ ରାଜସିଂହସ୍ଯ ଭରତସ୍ଯ ଚ ଧୀମତଃ।
ପ୍ରନଷ୍ଟଃ କୀର୍ତିଜଃ ଶବ୍ଦଃ ପାଣ୍ଡୁନା ପୁନରାହୃତଃ॥ 1-122-37 (5405)
ଯେ ପୁରା କୁରୁରାଷ୍ଟ୍ରାଣି ଜହ୍ରୁଃ କୁରୁଧନାନି ଚ।
ତେ ନାଗପୁରସିଂହେନ ପାଣ୍ଡୁନା କରଦୀକୃତାଃ॥ 1-122-38 (5406)
ଇତ୍ଯଭାଷନ୍ତ ରାଜାନୋ ରାଜାମାତ୍ଯାଶ୍ଚ ସଙ୍ଗତାଃ।
ପ୍ରତୀତମନସୋ ହୃଷ୍ଟାଃ ପୌରଜାନପଦୈଃ ସହ॥ 1-122-39 (5407)
ପ୍ରତ୍ଯୁଦ୍ଯଯୁଶ୍ଚ ତଂ ପ୍ରାପ୍ତଂ ସର୍ବେ ଭୀଷ୍ମପୁରୋଗମାଃ।
ତେ ନଦୂରମିବାଧ୍ବାନଂ ଗତ୍ବା ନାଗପୁରାଲଯାଃ॥ 1-122-40 (5408)
ଆବୃତଂ ଦଦୃଶୁର୍ହୃଷ୍ଟା ଲୋକଂ ବହୁବିଧୈର୍ଧନୈଃ।
ନାନାଯାନସମାନୀତୈ ରତ୍ନୈରୁଚ୍ଚାବଚୈସ୍ତଦା॥ 1-122-41 (5409)
ହସ୍ତ୍ଯଶ୍ବରଥରତ୍ନୈଶ୍ଚ ଗୋଭିରୁଷ୍ଟ୍ରୈସ୍ତଥାଽଽବିଭିଃ।
ନାନ୍ତଂ ଦଦୃଶୁରାସାଦ୍ଯ ଭୀଷ୍ମେଣ ସହ କୌରବାଃ॥ 1-122-42 (5410)
ସୋଽଭିବାଦ୍ଯ ପିତୁଃ ପାଦୌ କୌସଲ୍ଯାନନ୍ଦବର୍ଧନଃ।
ଯଥାଽର୍ହଂ ମାନଯାମାସ ପୌରଜାନପଦାନପି॥ 1-122-43 (5411)
ପ୍ରମୃଦ୍ଯ ପରରାଷ୍ଟ୍ରାଣି କୃତାର୍ଥଂ ପୁନରାଗତମ୍।
ପୁତ୍ରମାଶ୍ଲିଷ୍ଯ ଭୀଷ୍ମସ୍ତୁ ହର୍ଷାଦଶ୍ରୂଣ୍ଯବର୍ତଯତ୍॥ 1-122-44 (5412)
ସ ତୂର୍ଯଶତଶଙ୍ଖାନାଂ ଭେରୀଣାଂ ଚ ମହାସ୍ବନୈଃ।
ହର୍ଷଯନ୍ସର୍ବଶଃ ପୌରାନ୍ବିବେଶ ଗଜସାହ୍ବଯମ୍॥ ॥ 1-122-45 (5413)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଦ୍ବାବିଂଶତ୍ଯଧିକଶତତମୋଽଧ୍ଯାଯଃ॥ 122 ॥
Mahabharata - Adi Parva - Chapter Footnotes
1-122-8 ମେ ବରଃ ମମ ଜାମାତା॥ 1-122-14 ଶାତକୁମ୍ଭଂ କାଞ୍ଚନମ୍। କୃତାକୃତଂ ଘଟିତମଘଟିତଂ ଚ॥ 1-122-15 ବ୍ଯସୃଦତ୍ ପ୍ରାଦାତ୍॥ 1-122-21 ତ୍ରିଦଶାଃ ତ୍ରିଂଶତ୍॥ 1-122-40 ନଦୂରମିବ ଅଦୂରମିବ। ଜଯୋତ୍ସାହେନ ମାର୍ଗଶ୍ରମାଭାବାତ୍॥ ଦ୍ବାବିଂଶତ୍ଯଧିକଶତତମୋଽଧ୍ଯାଯଃ॥ 122 ॥ଆଦିପର୍ବ - ଅଧ୍ଯାଯ 123
॥ ଶ୍ରୀଃ ॥
1.123. ଅଧ୍ଯାଯଃ 123
Mahabharata - Adi Parva - Chapter Topics
ସଭାର୍ଯସ୍ଯ ପାଣ୍ଡୋର୍ମୃଗଯାର୍ଥଂ ବନଗମନମ୍॥ 1 ॥ ତତ୍ର ମୃଗରୂପସ୍ଯ ମୃଗ୍ଯା ମୈଥୁନଂ ଚରତଃ କିନ୍ଦମସ୍ଯ ମୁନେର୍ହନନମ୍॥ 2 ॥ ମୈଥୁନକାଲେ ତ୍ବଂ ମରିଷ୍ଯସୀତି କିନ୍ଦମେନ ପାଣ୍ଡୁଂ ପ୍ରତି ଶାପଃ॥ 3 ॥Mahabharata - Adi Parva - Chapter Text
1-123-0 (5414)
ବୈଶମ୍ପାଯନ ଉବାଚ। 1-123-0x (733)
ଧୃତରାଷ୍ଟ୍ରାଭ୍ଯନୁଜ୍ଞାତଃ ସ୍ବବାହୁବିଜିତଂ ଧନମ୍।
ଭୀଷ୍ମାଯ ସତ୍ଯବତ୍ଯୈ ଚ ମାତ୍ରେ ଚୋପଜହାର ସଃ॥ 1-123-1 (5415)
ବିଦୁରାଯ ଚ ବୈ ପାଣ୍ଡୁଃ ପ୍ରେଷଯାମାସ ତଦ୍ଧନମ୍।
ସୁହୃଦଶ୍ଚାପି ଧର୍ମାତ୍ମା ଧନେନ ସମତର୍ପଯତ୍॥ 1-123-2 (5416)
ତତଃ ସତ୍ଯବତୀଂ ଭୀଷ୍ମଂ କୌସଲ୍ଯାଂ ଚ ଯଶସ୍ବିନୀମ୍।
ଶୁଭୈଃ ପାଣ୍ଡୁର୍ଜିତୈରର୍ଥୈସ୍ତୋଷଯାମାସ ଭାରତ॥ 1-123-3 (5417)
ନନନ୍ଦ ମାତା କୌସଲ୍ଯା ତମପ୍ରତିମତେଜସମ୍।
ଜଯନ୍ତମିବ ପୌଲୋମୀ ପରିଷ୍ବଜ୍ଯ ନର୍ଷଭମ୍॥ 1-123-4 (5418)
ତସ୍ଯ ବୀରସ୍ଯ ବିକ୍ରାନ୍ତୈଃ ସହସ୍ରଶତଦକ୍ଷିଣୈଃ।
ଅଶ୍ବମେଧଶତୈରୀଜେ ଧୃତରାଷ୍ଟ୍ରୋ ମହାମଖୈଃ॥ 1-123-5 (5419)
ସଂପ୍ରଯୁକ୍ତସ୍ତୁ କୁନ୍ତ୍ଯା ଚ ମାଦ୍ର୍ଯା ଚ ଭରତର୍ଷଭ।
ଜିତତନ୍ଦ୍ରିସ୍ତଦା ପାଣ୍ଡୁର୍ବଭୂବ ବନଗୋଚରଃ॥ 1-123-6 (5420)
ହିତ୍ବା ପ୍ରାସାଦନିଲଯଂ ଶୁଭାନି ଶଯନାନି ଚ।
ଅରଣ୍ଯନିତ୍ଯଃ ସତତଂ ବଭୂବ ମୃଗଯାପରଃ॥ 1-123-7 (5421)
ସ ଚରନ୍ଦକ୍ଷିଣଂ ପାର୍ଶ୍ବଂ ରମ୍ଯଂ ହିମବତୋ ଗିରଃ।
ଉବାସ ଗିରିପୃଷ୍ଠେଷୁ ମହାଶାଲବନେଷୁ ଚ॥ 1-123-8 (5422)
ରରାଜ କୁନ୍ତ୍ଯା ମାଦ୍ର୍ଯା ଚ ପାଣ୍ଡୁଃ ସହ ବନେ ଚରନ୍।
କରେଣ୍ବୋରିବ ମଧ୍ଯସ୍ଥଃ ଶ୍ରୀମାନ୍ପୌରନ୍ଦରୋ ଗଜଃ॥ 1-123-9 (5423)
ଭାରତଂ ସହ ଭାର୍ଯାଭ୍ଯାଂ ଖଙ୍ଗବାଣଧନୁର୍ଧରମ୍।
ବିଚିତ୍ରକବଚଂ ବୀରଂ ପରମାସ୍ତ୍ରବିଦଂ ନୃପମ୍।
ଦେବୋଽଯମିତ୍ଯମନ୍ଯନ୍ତ ଚରନ୍ତଂ ବନବାସିନଃ॥ 1-123-10 (5424)
ତସ୍ଯ କାମାଂଶ୍ଚ ଭୋଗାଂଶ୍ଚ ନରା ନିତ୍ଯମତନ୍ଦ୍ରିତାଃ।
ଉପଜହ୍ରୁର୍ବନାନ୍ତେଷୁ ଧୃତରାଷ୍ଟ୍ରେଣ ଚୋଦିତାଃ॥ 1-123-11 (5425)
ତଦାସାଦ୍ଯ ମହାରଣ୍ଯଂ ମୃଗବ୍ଯାଲନିଷେବିତମ୍।
ତତ୍ର ମୈଥୁନକାଲସ୍ଥଂ ଦଦର୍ଶ ମୃଗଯୂଥପମ୍॥ 1-123-12 (5426)
ତତସ୍ତଂ ଚ ମୃଗୀଂ ଚୈବ ରୁକ୍ମପୁଙ୍ଖୈଃ ସୁପତ୍ରିଭିଃ।
ନିର୍ବିଭେଦ ଶରୈସ୍ତୀକ୍ଷ୍ଣୈଃ ପାଣ୍ଡୁଃ ପଞ୍ଚଭିରାଶୁଗୈଃ॥ 1-123-13 (5427)
ସ ଚ ରାଜନ୍ମହାତେଜା ଋଷିପୁତ୍ରସ୍ତପୋଧନଃ।
ଭାର୍ଯଯା ସହ ତେଜସ୍ବୀ ମୃଗରୂପେଣ ସଙ୍ଗତଃ॥ 1-123-14 (5428)
ସ ସଂଯୁକ୍ତସ୍ତଯା ମୃଗ୍ଯା ମାନୁଷୀଂ ବାଚମୀରଯନ୍।
କ୍ଷଣେନ ପତିତୋ ଭୂମୌ ବିଲଲାପାତୁରୋ ମୃଗଃ॥ 1-123-15 (5429)
ମୃଗ ଉବାଚ। 1-123-16x (734)
କାମମନ୍ଯୁବଶଂ ପ୍ରାପ୍ତା ବୁଦ୍ଧ୍ଯନ୍ତରଗତା ଅପି।
ବର୍ଜଯନ୍ତି ନୃଶଂସାନି ପାପେଷ୍ବପି ରତା ନରାଃ॥ 1-123-16 (5430)
ନ ବିଧିଂ ଗ୍ରସତେ ପ୍ରଜ୍ଞା ପ୍ରଜ୍ଞାଂ ତୁ ଗ୍ରସତେ ବିଧିଃ।
ବିଧିପର୍ଯାଗତାନର୍ଥାନ୍ପ୍ରଜ୍ଞାବାନ୍ପ୍ରତିପଦ୍ଯତେ॥ 1-123-17 (5431)
ଶସ୍ବଦ୍ଧର୍ମାତ୍ମନାଂ ମୁଖ୍ଯେ କୁଲେ ଜାତସ୍ଯ ଭାରତ।
କାମଲୋଭାଭିଭୂତସ୍ଯ କଥଂ ତେ ଚଲିତା ମତିଃ॥ 1-123-18 (5432)
ପାଣ୍ଡୁରୁବାଚ। 1-123-19x (735)
ଶତ୍ରୂଣାଂ ଯା ବଧେ ବୃତ୍ତିଃ ସା ମୃଗାଣାଂ ବଧେ ସ୍ମୃତା।
ରାଜ୍ଞାଂ ମୃଗ ନ ମାଂ ମୋହାତ୍ତ୍ବଂ ଗର୍ହଯିତୁମର୍ହସି॥ 1-123-19 (5433)
ଅଚ୍ଛଦ୍ମନାଽମାଯଯା ଚ ମୃଗାଣାଂ ବଧ ଇଷ୍ଯତେ।
ସ ଏବ ଧର୍ମୋ ରାଜ୍ଞାଂ ତୁ ତଦ୍ଧି ତ୍ବଂ କିଂ ନୁ ଗର୍ହସେ॥ 1-123-20 (5434)
ଅଗସ୍ତ୍ଯଃ ସତ୍ରମାସୀନଶ୍ଚକାର ମୃଗଯାମୃଷିଃ।
ଆରଣ୍ଯାନ୍ସର୍ବଦୈବତ୍ଯାନ୍ମୃଗାନ୍ପ୍ରୋକ୍ଷ୍ଯ ମହାବନେ॥ 1-123-21 (5435)
ପ୍ରମାଣଦୃଷ୍ଟଧର୍ମେଣ କଥମସ୍ମାନ୍ବିଗର୍ହସେ।
ଅଗସ୍ତ୍ଯସ୍ଯାଭିଚାରେଣ ଯୁଷ୍ମାକଂ ବିହିତୋ ବଧଃ॥ 1-123-22 (5436)
ନ ରିପୂନ୍ବୈ ସମୁଦ୍ଦିଶ୍ଯ ବିମୁଞ୍ଚନ୍ତି ନରାଃ ଶରାନ୍।
ରନ୍ଧ୍ର ଏଷାଂ ବିଶେଷେଣ ବଧକାଲଃ ପ୍ରଶସ୍ଯତେ॥ 1-123-23 (5437)
ପ୍ରମତ୍ତମପ୍ରମତ୍ତଂ ବା ବିବୃତଂ ଘ୍ନନ୍ତି ଚୌଜସା।
ଉପାଯୈର୍ବିବିଧୈସ୍ତୀକ୍ଷ୍ଣୈଃ କସ୍ମାନ୍ମୃଗ ବିଗର୍ହସେ॥ 1-123-24 (5438)
ମୃଗ ଉବାଚ। 1-123-25x (736)
ନାହଂ ଘ୍ନ୍ତଂ ମୃଗନ୍ରାଜନ୍ବିଗର୍ହେ ଚାତ୍ମକାରଣାତ୍।
ମୈଥୁନଂ ତୁ ପ୍ରତୀକ୍ଷ୍ଯଂ ମେ ତ୍ବଯେହାଦ୍ଯାନୃଶଂସ୍ଯତଃ॥ 1-123-25 (5439)
ସର୍ବଭୂତହିତେ କାଲେ ସର୍ବଭୂତେପ୍ସିତେ ତଥା।
କୋ ହି ବିଦ୍ବାନ୍ମୃଗଂ ହନ୍ଯାଚ୍ଚରନ୍ତଂ ମୈଥୁନଂ ବନେ॥ 1-123-26 (5440)
ଅସ୍ଯାଂ ମୃଗ୍ଯାଂ ଚ ରାଜେନ୍ଦ୍ର ହର୍ଷାନ୍ମୈଥୁନମାଚରମ୍।
ପୁରୁଷାର୍ଥଫଲଂ କର୍ତୁଂ ତତ୍ତ୍ବଯା ବିଫଲୀକୃତମ୍॥ 1-123-27 (5441)
ପୌରବାଣାଂ ମହାରାଜ ତେଷାମକ୍ଲିଷ୍ଟକର୍ମଣାମ୍।
ବଂଶେ ଜାତସ୍ଯ କୌରବ୍ଯ ନାନୁରୂପମିଦଂ ତବ॥ 1-123-28 (5442)
ନୃଶଂସଂ କର୍ମ ସୁମହତ୍ସର୍ବଲୋକବିଗର୍ହିତମ୍।
ଅସ୍ବର୍ଗ୍ଯମଯଶସ୍ଯଂ ଚାପ୍ଯଧର୍ମିଷ୍ଠଂ ଚ ଭାରତ॥ 1-123-29 (5443)
ସ୍ତ୍ରୀଭୋଗାନାଂ ବିଶେଷଜ୍ଞଃ ଶାସ୍ତ୍ରଧର୍ମାର୍ଥତତ୍ତ୍ବବିତ୍।
ନାର୍ହସ୍ତ୍ବଂ ସୁରସଙ୍କାଶ କର୍ତୁମସ୍ବର୍ଗ୍ଯମୀଦୃଶମ୍॥ 1-123-30 (5444)
ତ୍ବଯା ନୃଶଂସକର୍ତାରଃ ପାପାଚାରାଶ୍ଚ ମାନବାଃ।
ନିଗ୍ରାହ୍ଯାଃ ପାର୍ଥିବଶ୍ରେଷ୍ଠ ତ୍ରିବର୍ଗପରିବର୍ଜିତାଃ॥ 1-123-31 (5445)
କିଂ କୃତଂ ତେ ନରଶ୍ରେଷ୍ଠ ମାମିହାନାଗସଂ ଘ୍ନତଃ।
ମୁନିଂ ମୂଲଫଲାହାରଂ ମୃଗବେଷଧରଂ ନୃପ॥ 1-123-32 (5446)
ବସମାନମରଣ୍ଯେଷୁ ନିତ୍ଯଂ ଶମପରାଯଣମ୍।
ତ୍ବଯାଽହଂ ହିଂସିତୋ ଯସ୍ମାତ୍ତସ୍ମାତ୍ତ୍ବାମପ୍ଯନାଗସଃ॥ 1-123-33 (5447)
ଦ୍ବଯୋର୍ନୃଶଂସକର୍ତାରମବଶଂ କାମମୋହିତମ୍।
ଜୀବିତାନ୍ତକରୋ ଭାବୋ ମୈଥୁନେ ସମୁପୈଷ୍ଯତି॥ 1-123-34 (5448)
ଅହଂ ହି କିଂଦମୋ ନାମ ତପସା ଭାବିତୋ ମୁନିଃ।
ବ୍ଯପତ୍ରପନ୍ମନୁଷ୍ଯାଣାଂ ମୃଗ୍ଯାଂ ମୈଥୁନମାଚରମ୍॥ 1-123-35 (5449)
ମୃଗୋ ଭତ୍ବା ମୃଗୈଃ ସାର୍ଧଂ ଚରାମି ଗହନେ ବନେ।
ନ ତୁ ତେ ବ୍ରହ୍ମହତ୍ଯେଯଂ ଭବିଷ୍ଯତ୍ଯବିଜାନତଃ॥ 1-123-36 (5450)
ମୃଗରୂପଧରଂ ହତ୍ବା ମାମେବଂ କାମମୋହିତମ୍।
ଅସ୍ଯ ତୁ ତ୍ବଂ ଫଲଂ ମୂଢ ପ୍ରାପ୍ସ୍ଯସୀଦୃଶମେବ ହି॥ 1-123-37 (5451)
ପ୍ରିଯଯା ସହ ସଂବାସଂ ପ୍ରାପ୍ଯ କାମବିମୋହିତଃ।
ତ୍ବମପ୍ଯସ୍ଯାମବସ୍ଥାଯାଂ ପ୍ରେତଲୋକଂ ଗମିଷ୍ଯସି॥ 1-123-38 (5452)
ଅନ୍ତକାଲେ ହି ସଂବାସଂ ଯଯା ଗନ୍ତାସି କାନ୍ତଯା।
ପ୍ରେତରାଜପୁରଂ ପ୍ରାପ୍ତଂ ସର୍ବଭୂତଦୁରତ୍ଯଯମ୍।
ଭକ୍ତ୍ଯା ମତିମତାଂ ଶ୍ରେଷ୍ଠ ସୈବ ତ୍ବାଽନୁଗମିଷ୍ଯତି॥ 1-123-39 (5453)
ବର୍ତମାନଃ ସୁଖେ ଦୁଃଖଂ ଯଥାଽହଂ ପ୍ରାପିତସ୍ତ୍ବଯା।
ତଥା ତ୍ବାଂ ଚ ସୁଖଂ ପ୍ରାପ୍ତଂ ଦୁଃଖମଭ୍ଯାଗମିଷ୍ଯତି॥ 1-123-40 (5454)
ବୈଶମ୍ପାଯନ ଉବାଚ। 1-123-41x (737)
ଏବମୁକ୍ତ୍ବା ସୁଦୁଃଖାର୍ତୋ ଜୀବିତାତ୍ସ ବ୍ଯମୁଚ୍ଯତ।
ମୃଗଃ ପାଣ୍ଡୁଶ୍ଚ ଦୁଃଖାର୍ତଃ କ୍ଷଣେନ ସମପଦ୍ଯତ॥ ॥ 1-123-41 (5455)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ତ୍ରଯୋବିଂଶତ୍ଯଧିକଶତତମୋଽଧ୍ଯାଯଃ॥ 123 ॥
Mahabharata - Adi Parva - Chapter Footnotes
1-123-23 ରନ୍ଧ୍ରେ ବିଶସ୍ତ୍ରତ୍ବବ୍ଯସନାକ୍ରାନ୍ତତ୍ବାଦିସମଯେ ଶରାନ୍ନ ବିମୁଞ୍ଚନ୍ତୀତି ସଂବନ୍ଧଃ। କିଂତ୍ବେଷାଂ ଶତ୍ରୂଣାଂ ବଧକାଲଃ ସର୍ବଲୋକପ୍ରସିଦ୍ଧଃ ସଙ୍ଗ୍ରାମ ଆଭିମୁଖ୍ଯାଦିମାନ୍ସ ଏବ ପ୍ରଶଶ୍ଯତେଽନ୍ଯୋ ନିନ୍ଦ୍ଯତ ଇତ୍ଯର୍ଥଃ॥ 1-123-24 ପ୍ରମତ୍ତମସାବଧାନମ୍॥ 1-123-32 ତେ ତ୍ବଯା॥ 1-123-34 ଦ୍ବଯୋଃ ସ୍ତ୍ରୀପୁଂସଯୋର୍ନୃଶଂସଂ ନିନ୍ଦ୍ଯଂ ମୈଥୁନାସକ୍ତଯୋର୍ବଧସ୍ତସ୍ଯ କର୍ତାରମ୍॥ 1-123-39 ପ୍ରାପ୍ତଂ ତ୍ବା ତ୍ବାମ୍॥ ତ୍ରଯୋବିଂଶତ୍ଯଧିକଶତତମୋଽଧ୍ଯାଯଃ॥ 123 ॥ଆଦିପର୍ବ - ଅଧ୍ଯାଯ 124
॥ ଶ୍ରୀଃ ॥
1.124. ଅଧ୍ଯାଯଃ 124
Mahabharata - Adi Parva - Chapter Topics
କିନ୍ଦମଶାପାତ୍ଖିନ୍ନସ୍ଯ ପାଣ୍ଡୋଃ ପତ୍ନୀଭ୍ଯାଂ ବନେ ବାସଃ॥ 1 ॥ ପାଣ୍ଡୋଃ ଶତଶୃଙ୍ଗେ ତପଶ୍ଚରଣମ୍॥ 2 ॥Mahabharata - Adi Parva - Chapter Text
1-124-0 (5456)
ବୈଶମ୍ପାଯନ ଉବାଚ। 1-124-0x (738)
ତଂ ବ୍ଯତୀତମୁପକ୍ରମ୍ଯ ରାଜା ସ୍ବମିବ ବାନ୍ଧବମ୍।
ସଭାର୍ଯଃ ଶୋକଦୁଃଖାର୍ତଃ ପର୍ଯଦେବଯଦାତୁରଃ॥ 1-124-1 (5457)
ପାଣ୍ଡୁରୁବାଚ। 1-124-2x (739)
ସତାମପି କୁଲେ ଜାତାଃ କର୍ମଣା ବତ ଦୁର୍ଗତିମ୍।
ପ୍ରାପ୍ନୁବନ୍ତ୍ଯକୃତାତ୍ମାନଃ କାମଜାଲବିମୋହିତାଃ॥ 1-124-2 (5458)
ଶଶ୍ବଦ୍ଧର୍ମାତ୍ମନା ଜାତୋ ବାଲ ଏବ ପିତା ମମ।
ଜୀବିତାନ୍ତମନୁପ୍ରାପ୍ତଃ କାମାତ୍ମୈବେତି ନଃ ଶ୍ରୁତମ୍॥ 1-124-3 (5459)
ତସ୍ଯ କାମାତ୍ମନଃ କ୍ଷେତ୍ରେ ରାଜ୍ଞଃ ସଂଯତବାଗୃଷିଃ।
କୃଷ୍ଣଦ୍ବୈପାଯନଃ ସାକ୍ଷାଦ୍ଭଗବାନ୍ମାମଜୀଜନତ୍॥ 1-124-4 (5460)
ତସ୍ଯାଦ୍ଯ ବ୍ଯସନେ ବୁଦ୍ଧିଃ ସଂଜାତେଯଂ ମମାଧମା।
ତ୍ଯକ୍ତସ୍ଯ ଦେବୈରନଯାନ୍ମୃଗଯାଂ ପରିଧାବତଃ॥ 1-124-5 (5461)
ମୋକ୍ଷମେବ ବ୍ଯବସ୍ଯାମି ବନ୍ଧୋ ହି ବ୍ଯସନଂ ମହତ୍।
ସୁବୃତ୍ତିମନୁବର୍ତିଷ୍ଯେ ତାମହଂ ପିତୁରବ୍ଯଯାମ୍॥ 1-124-6 (5462)
ଅତୀବ ତପସାତ୍ମାନଂ ଯୋଜଯିଷ୍ଯାମ୍ଯସଂଶଯମ୍।
ତସ୍ମାଦେକାହମେକାହମେକୈକସ୍ମିନ୍ବନସ୍ପତୌ॥ 1-124-7 (5463)
ଚରନ୍ଭୈକ୍ଷଂ ମୁନିର୍ମୁଣ୍ଡଶ୍ଚରିଷ୍ଯାମ୍ଯାଶ୍ରମାନିମାନ୍।
ପାଂସୁନା ସମବଚ୍ଛନ୍ନଃ ଶୂନ୍ଯାଗାରକୃତାଲଯଃ॥ 1-124-8 (5464)
ବୃକ୍ଷମୂଲନିକେତୋ ବା ତ୍ଯକ୍ତସର୍ବପ୍ରିଯାପ୍ରିଯଃ।
ନ ଶୋଚନ୍ନ ପ୍ରହୃଷ୍ଯଂଶ୍ଚ ତୁଲ୍ଯନିନ୍ଦାତ୍ମସଂସ୍ତୁତିଃ॥ 1-124-9 (5465)
ନିରାଶୀର୍ନିର୍ନମସ୍କାରୋ ନିର୍ଦ୍ବନ୍ଦ୍ବୋ ନିଷ୍ପରିଗ୍ରହଃ।
ନ ଚାପ୍ଯବହସନ୍କଂଚିନ୍ନ କୁର୍ବନ୍ଭ୍ରୁକୁଟୀଂ କ୍ବଚିତ୍॥ 1-124-10 (5466)
ପ୍ରସନ୍ନବଦନୋ ନିତ୍ଯଂ ସର୍ବଭୂତହିତେ ରତଃ।
ଜଙ୍ଗମାଜଙ୍ଗମଂ ସର୍ବମବିହିଂସଂଶ୍ଚତୁର୍ବିଧମ୍॥ 1-124-11 (5467)
ସ୍ବାସୁ ପ୍ରଜାସ୍ବିବ ସଦା ସମଃ ପ୍ରାଣଭୃତଃ ପ୍ରତି।
ଏକକାଲଂ ଚରନ୍ଭୈକ୍ଷଂ କୁଲାନି ଦଶ ପଞ୍ଚ ଚ॥ 1-124-12 (5468)
ଅସଂଭବେ ବା ଭୈକ୍ଷସ୍ଯ ଚରନ୍ନନଶନାନ୍ଯପି।
ଅଲ୍ପମଲ୍ପଂ ଚ ଭୁଞ୍ଜାନଃ ପୂର୍ବାଲାଭେ ନ ଜାତୁଚିତ୍॥ 1-124-13 (5469)
ଅନ୍ଯାନ୍ଯପି ଚରଁଲ୍ଲୋଭାଦଲାଭେ ସପ୍ତ ପୂରଯନ୍।
ଅଲାଭେ ଯଦି ବା ଲାଭେ ସମଦର୍ଶୀ ମହାତପାଃ॥ 1-124-14 (5470)
ବାସ୍ଯୈକଂ ତକ୍ଷତୋ ବାହୁଂ ଚନ୍ଦନେନୈକମୁକ୍ଷତଃ।
ନାକଲ୍ଯାଣଂ ନ କଲ୍ଯାଣଂ ଚିନ୍ତଯନ୍ନୁଭଯୋସ୍ତଯୋଃ॥ 1-124-15 (5471)
ନ ଜିଜୀବିଷୁବତ୍କିଂଚିନ୍ନ ମୁମୂର୍ଷୁବଦାଚରନ୍।
ଜୀବିତଂ ମରଣଂ ଚୈବ ନାଭିନ୍ଦନ୍ନ ଚ ଦ୍ବିଷନ୍॥ 1-124-16 (5472)
ଯାଃ କାଶ୍ଚିଜ୍ଜୀବତା ଶକ୍ଯାଃ କର୍ତୁମଭ୍ଯୁଦଯକ୍ରିଯାଃ।
ତାଃ ସର୍ବାଃ ସମତିକ୍ରମ୍ଯ ନିମେଷାଦିବ୍ଯବସ୍ଥିତଃ॥ 1-124-17 (5473)
ତାସୁ ଚାପ୍ଯନବସ୍ଥାସୁ ତ୍ଯକ୍ତସର୍ବେନ୍ଦ୍ରିଯକ୍ରିଯଃ।
ସଂପରିତ୍ଯକ୍ତଧର୍ମାର୍ଥଃ ସୁନିର୍ଣିକ୍ତାତ୍ମକଲ୍ମଷଃ॥ 1-124-18 (5474)
ନିର୍ମୁକ୍ତଃ ସର୍ବପାପେଭ୍ଯୋ ବ୍ଯତୀତଃ ସର୍ବବାଗୁରାଃ।
ନ ବଶେ କସ୍ଯଚିତ୍ତିଷ୍ଠନ୍ସଧର୍ମା ମାତରିଶ୍ବନଃ॥ 1-124-19 (5475)
ଏତଯା ସତତଂ ବୃତ୍ତ୍ଯା ଚରନ୍ନେବଂପ୍ରକାରଯା।
ଦେହଂ ସଂସ୍ଥାପଯିଷ୍ଯାମି ନିର୍ଭଯଂ ମାର୍ଗମାସ୍ଥିତଃ॥ 1-124-20 (5476)
ନାହଂ ସୁକୃପଣେ ମାର୍ଗେ ସ୍ବବୀର୍ଯକ୍ଷଯଶୋଚିତେ।
ସ୍ବଧର୍ମାତ୍ସତତାପେତେ ଚରେଯଂ ବୀର୍ଯବର୍ଜିତଃ॥ 1-124-21 (5477)
ସତ୍କୃତୋଽସତ୍କୃତୋ ବାଽପି ଯୋଽନ୍ଯାଂ କୃପଣଚକ୍ଷୁଷା।
ଉପୈତି ବୃତ୍ତିଂ କାମାତ୍ମା ସ ଶୁନାଂ ବର୍ତତେ ପଥି॥ 1-124-22 (5478)
ବୈଶମ୍ପାଯନ ଉବାଚ। 1-124-23x (740)
ଏବମୁକ୍ତ୍ବା ସୁଦୁଃଖାର୍ତୋ ନିଃଶ୍ବାସପରମୋ ନୃପଃ।
ଅବେକ୍ଷମାଣଃ କୁନ୍ତୀଂ ଚ ମାନ୍ଦ୍ରୀଂ ଚ ସମଭାଷତ॥ 1-124-23 (5479)
କୌସଲ୍ଯା ବିଦୁରଃ କ୍ଷତ୍ତା ରାଜା ଚ ସହ ବନ୍ଧୁଭିଃ।
ଆର୍ଯା ସତ୍ଯବତୀ ଭୀଷ୍ମସ୍ତେ ଚ ରାଜପୁରୋହିତାଃ॥ 1-124-24 (5480)
ବ୍ରାହ୍ମଣାଶ୍ଚ ମହାତ୍ମାନଃ ସୋମପାଃ ସଂଶିତବ୍ରତାଃ।
ପୌରବୃଦ୍ଧାଶ୍ଚ ଯେ ତତ୍ର ନିବସନ୍ତ୍ଯସ୍ମଦାଶ୍ରଯାଃ।
ପ୍ରସାଦ୍ଯ ସର୍ବେ ବକ୍ତବ୍ଯାଃ ପାଣ୍ଡୁଃ ପ୍ରବ୍ରାଜିତୋ ବନେ॥ 1-124-25 (5481)
ନିଶମ୍ଯ ବଚନଂ ଭର୍ତୁସ୍ତ୍ଯାଗଧର୍ମକୃତାତ୍ମନଃ।
ତତ୍ସମଂ ବଚନଂ କୁନ୍ତୀ ମାଦ୍ରୀ ଚ ସମଭାଷତାମ୍॥ 1-124-26 (5482)
ଅନ୍ଯେଽପି ହ୍ଯାଶ୍ରମାଃ ସନ୍ତି ଯେ ଶକ୍ଯା ଭରତର୍ଷଭ।
`ଆବାଭ୍ଯାଂ ସହ ବସ୍ତୁଂ ବୈ ଧର୍ମମାଶ୍ରିତ୍ଯ ଚିନ୍ତ୍ଯତାମ୍।'
ଆବାଭ୍ଯାଂ ଧର୍ମପତ୍ନୀଭ୍ଯାଂ ସହ ତପ୍ତୁଂ ତପୋ ମହତ୍॥ 1-124-27 (5483)
ଶରୀରସ୍ଯାପି ମୋକ୍ଷାଯ ଧର୍ମଂ ପ୍ରାପ୍ଯ ମହାଫଲମ୍।
ତ୍ବମେବ ଭବିତା ଭର୍ତା ସ୍ବର୍ଗସ୍ଯାପି ନ ସଂଶଯଃ॥ 1-124-28 (5484)
ପ୍ରଣିଧାଯେନ୍ଦ୍ରିଯଗ୍ରାମଂ ଭର୍ତୃଲୋକପରାଯଣେ।
ତ୍ଯକ୍ତ୍ବା କାମସୁଖେ ହ୍ଯାବାଂ ତପ୍ସ୍ଯବୋ ବିପୁଲଂ ତପଃ॥ 1-124-29 (5485)
ଯଦି ଚାବାଂ ମହାପ୍ରାଜ୍ଞ ତ୍ଯକ୍ଷ୍ଯସି ତ୍ବଂ ବିଶାଂପତେ।
ଅଦ୍ଯୈବାବାଂ ପ୍ରହାସ୍ଯାବୋ ଜୀବିତଂ ନାତ୍ର ସଂଶଯଃ॥ 1-124-30 (5486)
ପାଣ୍ଡୁରୁବାଚ। 1-124-31x (741)
ଯଦି ବ୍ଯବସିତଂ ହ୍ଯେତଦ୍ଯୁବଯୋର୍ଧର୍ମସଂହିତମ୍।
ସ୍ବବୃତ୍ତିମନୁବର୍ତିଷ୍ଯେ ତାମହଂ ପିତୁରବ୍ଯଯାମ୍॥ 1-124-31 (5487)
ତ୍ଯକ୍ତ୍ବା ଗ୍ରାମ୍ଯସୁଖାହାରଂ ତପ୍ଯମାନୋ ମହତ୍ତପଃ।
ବଲ୍କଲୀ ଫଲମୂଲାଶୀ ଚରିଷ୍ଯାମି ମହାବନେ॥ 1-124-32 (5488)
ଅଗ୍ନୌ ଜୁହ୍ବନ୍ନୁଭୌ କାଲାବୁଭୌ କାଲାବୁପସ୍ପୃଶନ୍।
କୃଶଃ ପରିମିତାହାରଶ୍ଚୀରଚର୍ମଜଟାଧରଃ॥ 1-124-33 (5489)
ଶୀତବାତାତପସହଃ କ୍ଷୁତ୍ପିପାସାନବେକ୍ଷକଃ।
ତପସା ଦୁଶ୍ଚରେଣେଦଂ ଶରୀରମୁପଶୋଷଯନ୍॥ 1-124-34 (5490)
ଏକାନ୍ତଶୀଲୀ ବିମୃଶନ୍ପକ୍ବାପକ୍ବେନ ବର୍ତଯନ୍।
ପିତୃନ୍ଦେବାଂଶ୍ଚ ବନ୍ଯେନ ବାଗ୍ଭିରଦ୍ଭିଶ୍ଚ ତର୍ପଯନ୍॥ 1-124-35 (5491)
ବାନପ୍ରସ୍ଥଜନସ୍ଯାପି ଦର୍ଶନଂ କୁଲବାସିନଃ।
ନାପ୍ରିଯାଣ୍ଯାଚରିଷ୍ଯାମି କିଂ ପୁନର୍ଗ୍ରାମବାସିନାମ୍॥ 1-124-36 (5492)
ଏବମାରଣ୍ଯଶାସ୍ତ୍ରାଣାମୁଗ୍ରମୁଗ୍ରତରଂ ବିଧିମ୍।
କାଙ୍କ୍ଷମାଣୋଽହମାସ୍ଥାସ୍ଯେ ଦେହସ୍ଯାସ୍ଯାଽଽସମାପନାତ୍॥ 1-124-37 (5493)
ବୈଶମ୍ପାଯନ ଉବାଚ। 1-124-38x (742)
ଇତ୍ଯେବମୁକ୍ତ୍ବା ଭାର୍ଯେ ତେ ରାଜା କୌରବନନ୍ଦନଃ।
ତତଶ୍ଚୂଡାମଣିଂ ନିଷ୍କମଙ୍ଗଦେ କୁଣ୍ଡଲାନି ଚ॥ 1-124-38 (5494)
ବାସାଂସି ଚ ମହାର୍ହାଣି ସ୍ତ୍ରୀଣାମାଭରଣାନି ଚ।
`ବାହନାନି ଚ ମୁଖ୍ଯାନି ଶସ୍ତ୍ରାଣି କବଚାନି ଚ॥ 1-124-39 (5495)
ହେମଭାଣ୍ଡାନି ଦିବ୍ଯାନି ପର୍ଯଙ୍କାସ୍ତରଣାନି ଚ।
ମଣିମୁକ୍ତାପ୍ରବାଲାନି ରତ୍ନାନି ବିବିଧାନି ଚ॥' 1-124-40 (5496)
ପ୍ରଦାଯ ସର୍ବଂ ବିପ୍ରେଭ୍ଯଃ ପାଣ୍ଡୁର୍ଭୃତ୍ଯାନଭାଷତ।
ଗତ୍ବା ନାଗପୁରଂ ବାଚ୍ଯଂ ପାଣ୍ଡୁଃ ପ୍ରବ୍ରାଜିତୋ ବନେ।
ଅର୍ଥଂ କାମଂ ସୁଖଂ ଚୈବ ରତିଂ ଚ ପରମାତ୍ମିକାମ୍॥ 1-124-41 (5497)
ପ୍ରତସ୍ଥେ ସର୍ବମୁତ୍ସୃଜ୍ଯ ସଭାର୍ଯଃ କୁରୁନନ୍ଦନଃ।
ତତସ୍ତସ୍ଯାନୁଯାତାରସ୍ତେ ଚୈବ ପରିଚାରକାଃ॥ 1-124-42 (5498)
ଶ୍ରୁତ୍ବା ଭରତସିଂହସ୍ଯ ବିଧିଧାଃ କରୁଣା ଗିରଃ।
ଭମମାର୍ତସ୍ବରଂ କୃତ୍ବା ହାହେତି ପରିଚୁକ୍ରୁଶୁଃ॥ 1-124-43 (5499)
ଉଷ୍ଣମଶ୍ରୁ ବିମୁଞ୍ଚନ୍ତସ୍ତଂ ବିହାଯ ମହୀପତିମ୍।
ଯଯୁର୍ନାଗପୁରଂ ତୂର୍ଣଂ ସର୍ବମାଦାଯ ତଦ୍ଧନମ୍॥ 1-124-44 (5500)
ତେ ଗତ୍ବା ନଗରଂ ରାଜ୍ଞୋ ଯଥାବୃତ୍ତଂ ମହାତ୍ମନଃ।
କଥଯାଂଚକ୍ରିରେ ରାଜ୍ଞସ୍ତଦ୍ଧନଂ ବିବିଧଂ ଦଦୁଃ॥ 1-124-45 (5501)
ଶ୍ରୁତ୍ବା ତେଭ୍ଯସ୍ତତଃ ସର୍ବଂ ଯଥାବୃତ୍ତଂ ମହାବନେ।
ଧୃତରାଷ୍ଟ୍ରୋ ନରଶ୍ରେଷ୍ଠଃ ପାଣ୍ଡୁମେବାନ୍ବଶୋଚତ॥ 1-124-46 (5502)
ନ ଶଯ୍ଯାସନଭୋଗେଷୁ ରତିଂ ବିନ୍ଦତି କର୍ହିଚିତ୍।
ଭ୍ରାତୃଶୋକସମାବିଷ୍ଟସ୍ତମେବାର୍ଥଂ ବିଚିନ୍ତଯନ୍॥ 1-124-47 (5503)
ରାଜପୁତ୍ରସ୍ତୁ କୌରବ୍ଯ ପାଣ୍ଡୁର୍ମୂଲଫଲାଶନଃ।
ଜଗାମ ସହ ପତ୍ନୀଭ୍ଯାଂ ତତୋ ନାଗଶତଂ ଗିରିମ୍॥ 1-124-48 (5504)
ସ ଚୈତ୍ରରଥମାସାଦ୍ଯ କାଲକୂଟମତୀତ୍ଯ ଚ।
ହିମବନ୍ତମତିକ୍ରମ୍ଯ ପ୍ରଯଯୌ ଗନ୍ଧମାଦନମ୍॥ 1-124-49 (5505)
ରକ୍ଷ୍ଯମାଣୋ ମହାଭୂତୈଃ ସିଦ୍ଧୈଶ୍ଚ ପରମର୍ଷିଭିଃ।
ଉବାସ ସ ମହାରାଜ ସମେଷୁ ବିଷମେଷୁ ଚ॥ 1-124-50 (5506)
ଇନ୍ଦ୍ରଦ୍ଯୁମ୍ନସରଃ ପ୍ରାପ୍ଯ ହଂସକୂଟମତୀତ୍ଯ ଚ।
ଶତଶୃଙ୍ଗେ ମହାରାଜ ତାପସଃ ସମତପ୍ଯତ॥ ॥ 1-124-51 (5507)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଚତୁର୍ବିଂଶତ୍ଯଧିକଶତତମୋଽଧ୍ଯାଯଃ॥ 124 ॥
Mahabharata - Adi Parva - Chapter Footnotes
1-124-1 ବ୍ଯତୀତଂ ମାରିତମ୍॥ 1-124-5 ଦେବୈସ୍ତ୍ଯକ୍ତସ୍ଯ ଅପୁତ୍ରତଯା ସ୍ବର୍ଗମନାନର୍ହତ୍ବାତ୍॥ 1-124-6 ମୋକ୍ଷଂ ମୋକ୍ଷମାର୍ଗଂ ବ୍ଯବସ୍ଯାମି ନିଶ୍ଚିନୋମି ଶ୍ରେଯସ୍କରତ୍ବେନ। ତତ୍ର ହି ପୁତ୍ରାଦ୍ଯନପେକ୍ଷା ଦୃଷ୍ଟା। ଇଷ୍ଟମେବୈତଜ୍ଜାତମିତ୍ଯାହ ବନ୍ଧୋ ହୀତି। ବନ୍ଧଃ ପୁତ୍ରୈଷଣାଦିଃ। ସୁବୃତ୍ତିଂ ବ୍ରହ୍ମଚର୍ଯାଖ୍ଯାଂ ବୃତ୍ତିମ୍। ପିତୁର୍ବ୍ଯାସସ୍ଯ॥ 1-124-10 ନିରାଶୀର୍ନିର୍ନମସ୍କାରଃ। ଆଶିଷଂ ନମସ୍କାରଂ ବା ନେଚ୍ଛାମୀତ୍ଯର୍ଥଃ। ନିର୍ଦ୍ବନ୍ଦ୍ବଃ ସୁଖଦୁଃଖାଦିହୀନଃ। ନିଷ୍ପରିଗ୍ରହଃ କନ୍ଥାପାଦୁକାଦିହୀନଃ॥ 1-124-11 ଚତୁର୍ବିଧଂ ଜରାଯୁଜାଦିକମ୍॥ 1-124-12 କୁଲାନି ଗୃହାଣି॥ 1-124-15 ବାସ୍ଯା ବାସ୍ଯେନ କାଷ୍ଠତକ୍ଷଣେନ॥ 1-124-17 ଅଭ୍ଯୁଦଯକ୍ରିଯାଃ ଇଷ୍ଟସାଧନକ୍ରିଯାଃ। ନିମେଷାଦିବ୍ଯବସ୍ଥିତଃ ଜୀବନସାଧନକର୍ମସୁ ବ୍ଯବସ୍ଥିତଃ॥ 1-124-18 ଅନବସ୍ଥାସୁ ପ୍ରବାହରୂପାସୁ ତାସୁ ଜୀବନସାଧନକ୍ରିଯାସୁ॥ 1-124-20 ସଂସ୍ଥାପଯିଷ୍ଯାମି ନାଶଯିଷ୍ଯାମି। ନିର୍ଭଯଂ ମାର୍ଗଂ ସଂସାରଭଯରହିତମ୍॥ 1-124-25 ପ୍ରବ୍ରାଜିତଃ ସଂନ୍ଯାସଂ ପ୍ରାପ୍ତଃ॥ 1-124-26 ତ୍ଯାଗଧର୍ମଃ ସଂନ୍ଯାସଃ॥ 1-124-35 ବିମୃଶନ୍ ହିଂସାଦିଦୋଷମ୍॥ 1-124-38 ନିଷ୍କଂ ଗ୍ରୈବେଯକମ୍॥ ଚତୁର୍ବିଂଶତ୍ଯଧିକଶତତମୋଽଧ୍ଯାଯଃ॥ 124 ॥ଆଦିପର୍ବ - ଅଧ୍ଯାଯ 125
॥ ଶ୍ରୀଃ ॥
1.125. ଅଧ୍ଯାଯଃ 125
Mahabharata - Adi Parva - Chapter Topics
ବ୍ରହ୍ମଲୋକଂ ଜିଗମିଷୋଃ ପାଣ୍ଡୋଃ ତବ ପୁତ୍ରା ଭବିଷ୍ଯନ୍ତୀତ୍ଯୁକ୍ତ୍ବା ଋଷିଭିଃ ପ୍ରତିନିବର୍ତନମ୍॥ 1 ॥Mahabharata - Adi Parva - Chapter Text
1-125-0 (5508)
ବୈଶମ୍ପାଯନ ଉବାଚ। 1-125-0x (743)
ତତ୍ରାପି ତପସି ଶ୍ରେଷ୍ଠେ ବର୍ତମାନଃ ସ ବୀର୍ଯବାନ୍।
ସିଦ୍ଧଚାରଣସଙ୍ଘାନାଂ ବଭୂବ ପ୍ରିଯଦର୍ଶନଃ॥ 1-125-1 (5509)
ସୁଶ୍ରୂଷୁରନହଂବାଦୀ ସଂଯତାତ୍ମା ଜିତେନ୍ଦ୍ରିଯଃ।
ସ୍ବର୍ଗଂ ଗନ୍ତୁଂ ପରାକ୍ରାନ୍ତଃ ସ୍ବେନ ବୀର୍ଯେଣ ଭାରତ॥ 1-125-2 (5510)
କେଷାଂଚିଦଭବଦ୍ଭ୍ରାତା କେଷାଂଚିଦଭବତ୍ସଖା।
ଋଷଯସ୍ତ୍ବପରେ ଚୈନଂ ପୁତ୍ରବତ୍ପର୍ଯପାଲଯନ୍॥ 1-125-3 (5511)
ସ ତୁ କାଲେନ ମହତା ପ୍ରାପ୍ଯ ନିଷ୍କଲ୍ମଷଂ ତପଃ।
ବ୍ରହ୍ମର୍ଷିସଦୃଶଃ ପାଣ୍ଡୁର୍ବଭୂବ ଭରତର୍ଷଭ॥ 1-125-4 (5512)
ଅମାବାସ୍ଯାଂ ତୁ ସହିତା ଋଷଯଃ ସଂଶିତବ୍ରତାଃ।
ବ୍ରହ୍ମାଣଂ ଦ୍ରଷ୍ଟୁକାମାସ୍ତେ ସଂପ୍ରତସ୍ଥୁର୍ମହର୍ଷଯଃ॥ 1-125-5 (5513)
ସଂପ୍ରଯାତାନୃଷୀନ୍ଦୃଷ୍ଟ୍ବା ପାଣ୍ଡୁର୍ବଚନମବ୍ରବୀତ୍।
ଭବନ୍ତଃ କ୍ବ ଗମିଷ୍ଯନ୍ତି ବ୍ରୂତ ମେ ବଦତାଂ ବରାଃ॥ 1-125-6 (5514)
ଋଷଯ ଊଚୁଃ। 1-125-7x (744)
ସମାବାଯୋ ମହାନଦ୍ଯ ବ୍ରହ୍ମଲୋକେ ମହାତ୍ମନାମ୍।
ଦେବାନାଂ ଚ ଋଷୀଣାଂ ଚ ପିତୄଣାଂ ଚ ମହାତ୍ମନାମ୍।
ବଯଂ ତତ୍ର ଗମିଷ୍ଯାମୋ ଦ୍ରଷ୍ଟୁକାମାଃ ସ୍ବଯଂଭୁବମ୍॥ 1-125-7 (5515)
ବୈଶମ୍ପାଯନ ଉବାଚ। 1-125-8x (745)
ପାଣ୍ଡୁରୁତ୍ଥାଯ ସହସା ଗନ୍ତୁକାମୋ ମହର୍ଷିଭିଃ।
ସ୍ବର୍ଗପାରଂ ତିତୀର୍ଷୁଃ ସ ଶତଶୃଙ୍ଗାଦୁଦଙ୍ମୁଖଃ॥ 1-125-8 (5516)
ପ୍ରତସ୍ଥେ ସହ ପତ୍ନୀଭ୍ଯାମବ୍ରୁବଂସ୍ତଂ ଚ ତାପସାଃ।
ଉପର୍ଯୁପରି ଗଚ୍ଛନ୍ତଃ ଶୈଲରାଜମୁଦଙ୍ମୁଖାଃ॥ 1-125-9 (5517)
ଦୃଷ୍ଟବନ୍ତୋ ଗିରୌ ରମ୍ଯେ ଦୁର୍ଗାନ୍ଦେଶାନ୍ବହୂନ୍ବଯମ୍।
ବିମାନଶତସଂବାଧାଂ ଗୀତସ୍ବରନିନାଦିତାମ୍॥ 1-125-10 (5518)
ଆକ୍ରୀଡଭୂମିଂ ଦେବାନାଂ ଗନ୍ଧର୍ବାପ୍ସରସାଂ ତଥା।
ଉଦ୍ଯାନାନି କୁବେରସ୍ଯ ସମାନି ବିଷମାଣି ଚ॥ 1-125-11 (5519)
ମହାନଦୀନିତମ୍ବାଂଶ୍ଚ ଗହନାନ୍ଗିରିଗହ୍ବରାନ୍।
ସନ୍ତି ନିତ୍ଯହିମା ଦେଶା ନିର୍ବୃକ୍ଷମୃଗପକ୍ଷିଣଃ॥ 1-125-12 (5520)
ସନ୍ତି କ୍ବଚିନ୍ମହାଦର୍ଯୋ ଦୁର୍ଗାଃ କାଶ୍ଚିଦ୍ଦୁରାସଦାଃ।
ନାତିକ୍ରାମେତ ପକ୍ଷୀ ଯାନ୍କୁତ ଏବେତରେ ମୃଗାଃ॥ 1-125-13 (5521)
ବାଯୁରେକୋ ହି ଯାତ୍ଯତ୍ର ସିଦ୍ଧାଶ୍ଚ ପରମର୍ଷଯଃ।
ଗଚ୍ଛନ୍ତ୍ଯୌ ଶୈଲରାଜେଽସ୍ମିନ୍ରାଜପୁତ୍ର୍ଯୌ କଥଂ ନ୍ବିମେ॥ 1-125-14 (5522)
ନ ସୀଦେତାମଦୁଃଖାର୍ହେ ମା ଗମୋ ଭରତର୍ଷଭ। 1-125-15 (5523)
ପାଣ୍ଡୁରୁବାଚ।
ଅପ୍ରଜସ୍ଯ ମହାଭାଗା ନ ଦ୍ବାରଂ ପରିଚକ୍ଷତେ॥ 1-125-15x (746)
ସ୍ବର୍ଗେ ତେନାଭିତପ୍ତୋଽହମପ୍ରଜସ୍ତୁ ବ୍ରବୀମି ବଃ।
ସୋଽହମୁଗ୍ରେଣ ତପସା ସଭାର୍ଯସ୍ତ୍ଯକ୍ତଜୀବିତଃ॥ 1-125-16 (5524)
ଅନପତ୍ଯୋଽପି ବିନ୍ଦେଯଂ ସ୍ବର୍ଗମୁଗ୍ରେଣ କର୍ମଣା। 1-125-17 (5525)
ଋଷଯ ଊଚୁଃ।
ଅସ୍ତି ବୈ ତବ ଧର୍ମାତ୍ମନ୍ବିଦ୍ମ ଦେବୋପମ ଶୁଭମ୍॥ 1-125-17x (747)
ଅପତ୍ଯମନଘଂ ରାଜନ୍ବଯଂ ଦିବ୍ଯେନ ଚକ୍ଷୁଷା।
ଦୈବୋଦ୍ଦିଷ୍ଟଂ ନରବ୍ଯାଘ୍ର କର୍ମଣେହୋପପାଦଯ॥ 1-125-18 (5526)
ଅକ୍ଲିଷ୍ଟଂ ଫଲମବ୍ଯଗ୍ରୋ ବିନ୍ଦତେ ବୁଦ୍ଧିମାନ୍ନରଃ।
ତସ୍ମିନ୍ଦୃଷ୍ଟେ ଫଲେ ରାଜନ୍ପ୍ରଯତ୍ନଂ କର୍ତୁମର୍ହସି॥ 1-125-19 (5527)
ଅପତ୍ଯଂ ଗୁଣସଂପନ୍ନଂ ଲବ୍ଧା ପ୍ରୀତିକରଂ ହ୍ଯସି। 1-125-20 (5528)
ବୈଶମ୍ପାଯନ ଉବାଚ।
ତଚ୍ଛ୍ରୁତ୍ବା ତାପସବଚଃ ପାଣ୍ଡୁସ୍ଚିନ୍ତାପରୋଽଭବତ୍॥ 1-125-20x (748)
ଆତ୍ମନୋ ମୃଗଶାପେନ ଜାନନ୍ନୁପହତାଂ କ୍ରିଯାମ୍॥ ॥ 1-125-21 (5529)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ସଂଭବପର୍ବଣି ପଞ୍ଚବିଂଶତ୍ଯଧିକଶତତମୋଽଧ୍ଯାଯଃ॥ 125 ॥
Mahabharata - Adi Parva - Chapter Footnotes
1-125-5 ଅମାବାସ୍ଯାଂ ପ୍ରାପ୍ଯ॥ 1-125-10 ବିମାନଶତେନ ସଂବାଧଂ ସଂକଟଂ ଯସ୍ଯାଂ ସା॥ 1-125-19 ଅବ୍ଯଗ୍ରୋ ବିନ୍ଦତେଽତୋ ବ୍ଯଗ୍ରୋ ମାଭୂରିତ୍ଯର୍ଥଃ॥ 1-125-20 ଲଭତେ ଇତି ଲବ୍ଧା ତାଦୃଶୋଽସି ଲପ୍ସ୍ଯସୀତ୍ଯର୍ଥଃ॥ ପଞ୍ଚବିଂଶତ୍ଯଧିକଶତତମୋଽଧ୍ଯାଯଃ॥ 125 ॥ଆଦିପର୍ବ - ଅଧ୍ଯାଯ 126
॥ ଶ୍ରୀଃ ॥
1.126. ଅଧ୍ଯାଯଃ 126
Mahabharata - Adi Parva - Chapter Topics
ବିଦୁରସ୍ଯ ବିବାହଃ ପୁତ୍ରୋତ୍ପତ୍ତିଶ୍ଚ॥ 1 ॥ ବ୍ଯାସସ୍ଯ ବରେଣ ଗାନ୍ଧାର୍ଯାଂ ଧୃତରାଷ୍ଟ୍ରାଦ୍ଗର୍ଭୋତ୍ପତ୍ତିଃ॥ 2 ॥ ପାଣ୍ଡୋଃ ପୁତ୍ରୋତ୍ପତ୍ତୌ ଚିନ୍ତା॥ 3 ॥Mahabharata - Adi Parva - Chapter Text
1-126-0 (5530)
ବୈଶମ୍ପାଯନ ଉବାଚ। 1-126-0x (749)
ଅଥ ପାରସବୀଂ କନ୍ଯାଂ ଦେବକସ୍ଯ ମହୀପତେଃ।
ରୂପଯୌବନସଂପନ୍ନାଂ ସ ସୁଶ୍ରାବାପଗାସୁତଃ॥ 1-126-1 (5531)
ତତସ୍ତୁ ବରଯିତ୍ବା ତାମାନୀଯ ଭରତର୍ଷଭଃ।
ବିବାହଂ କାରଯାମାସ ବିଦୁରସ୍ଯ ମହାମତେଃ॥ 1-126-2 (5532)
ତସ୍ଯାଂ ଚୋତ୍ପାଦଯାମାସ ବିଦୁରଃ କୁରୁନନ୍ଦନ।
ପୁତ୍ରାନ୍ବିନଯସଂପନ୍ନାନାତ୍ମନଃ ସଦୃଶାନ୍ଗୁଣୈଃ॥ 1-126-3 (5533)
ତତଃ ପୁତ୍ରଶତଂ ଜଜ୍ଞେ ଗାନ୍ଧାର୍ଯା ଜନମେଜଯ।
ଧୃତରାଷ୍ଟ୍ରସ୍ଯ ବୈଶ୍ଯାଯାମେକଶ୍ଚାପି ଶତାତ୍ପରଃ॥ 1-126-4 (5534)
ପାଣ୍ଡୋଃ କୃନ୍ତ୍ଯାଂ ଚ ମାଦ୍ର୍ଯାଂ ଚ ପୁତ୍ରାଃ ପଞ୍ଚ ମହାରଥାଃ।
ଦେବେଭ୍ଯଃ ସମପଦ୍ଯନ୍ତ ସନ୍ତାନାଯ କୁଲସ୍ଯ ବୈ॥ 1-126-5 (5535)
ଜନମେଜଯ ଉବାଚ। 1-126-6x (750)
କଥଂ ପୁତ୍ରଶତଂ ଜଜ୍ଞେ ଗାନ୍ଧାର୍ଯାଂ ଦ୍ବିଜସତ୍ତମ।
କିଯତା ଚୈବ କାଲେନ ତେଷାମାଯୁଶ୍ଚ କିଂ ପରମ୍॥ 1-126-6 (5536)
କଥଂ ଚୈକଃ ସ ବୈଶ୍ଯାଯାଂ ଧୃତରାଷ୍ଟ୍ରସୁତୋଽଭବତ୍।
କଥଂ ଚ ସଦୃଶୀଂ ଭାର୍ଯାଂ ଗାନ୍ଧାରୀଂ ଧର୍ମଚାରିଣୀମ୍॥ 1-126-7 (5537)
ଆନୁକୂଲ୍ଯେ ବର୍ତମାନାଂ ଧୃତରାଷ୍ଟ୍ରୋଽତ୍ଯବର୍ତତ।
କଥଂ ଚ ଶପ୍ତସ୍ଯ ସତଃ ପାଣ୍ଡୋସ୍ତେନ ମହାତ୍ମନା॥ 1-126-8 (5538)
ସମୁତ୍ପନ୍ନା ଦୈବତେଭ୍ଯଃ ପୁତ୍ରାଃ ପଞ୍ଚ ମହାରଥାଃ।
ଏତଦ୍ବିଦ୍ବନ୍ଯଥାନ୍ଯାଯଂ ବିସ୍ତରେଣ ତପୋଧନ॥ 1-126-9 (5539)
କଥଯସ୍ବ ନ ମେ ତୃପ୍ତିଃ କଥ୍ଯମାନେଷୁ ବନ୍ଧୁଷୁ। 1-126-10 (5540)
ବୈଶମ୍ପାଯନ ଉବାଚ।
ଋଷିଂ ବୁଭୁକ୍ଷିତଂ ଶ୍ରାନ୍ତଂ ଦ୍ବୈପାଯନମୁପସ୍ଥିତମ୍॥ 1-126-10x (751)
ତୋଷଯାମାସ ଗାନ୍ଧାରୀ ବ୍ଯାସସ୍ତସ୍ଯୈ ବରଂ ଦଦୌ।
ସା ବବ୍ରେ ସଦୃଶଂ ଭର୍ତୁଃ ପୁତ୍ରାଣାଂ ଶତମାତ୍ମନଃ॥ 1-126-11 (5541)
ତତଃ କାଲେନ ସା ଗର୍ଭମଗୃହ୍ଣାଜ୍ଜ୍ଞାନଚକ୍ଷୁଷଃ॥ 1-126-12 (5542)
ଗାନ୍ଧାର୍ଯାମାହିତେ ଗର୍ଭେ ପାଣ୍ଡୁରମ୍ବାଲିକାସୁତଃ।
ଅଗଚ୍ଛତ୍ପରମଂ ଦୁଃଖମପତ୍ଯାର୍ଥମରିନ୍ଦମ॥ 1-126-13 (5543)
ଗର୍ଭିଣ୍ଯାମଥ ଗାନ୍ଧାର୍ଯାଂ ପାଣ୍ଡୁଃ ପରମଦୁଃଖିତଃ।
ମୃଗାଭିଶାପାଦାତ୍ମାନଂ ଶୋଚନ୍ନୁପରତକ୍ରିଯଃ॥ 1-126-14 (5544)
ସ ଗତ୍ବା ତପସା ସିଦ୍ଧିଂ ବିଶ୍ବାମିତ୍ରୋ ଯଥା ଭୁବି।
ଦେହାନ୍ଯାସେ କୃତମନା ଇଦଂ ବଚନମବ୍ରବୀତ୍॥ 1-126-15 (5545)
ପାଣ୍ଡୁରୁବାଚ। 1-126-16x (752)
ଚତୁର୍ଭିର୍ଋଣବାନିତ୍ଥଂ ଜାଯତେ ମନୁଜୋ ଭୁବି।
ପିତୃଦେବମନୁଷ୍ଯାଣାମୃଷୀଣାମଥ ଭାମିନି॥ 1-126-16 (5546)
ଏତେଭ୍ଯସ୍ତୁ ଯଥାକାଲଂ ଯୋ ନ ମୁଚ୍ଯେତ ଧର୍ମବିତ୍।
ନ ତସ୍ଯ ଲୋକାଃ ସନ୍ତୀତି ତତା ଲୋକବିଦୋ ବିଦୁଃ॥ 1-126-17 (5547)
ଯଜ୍ଞେନ ଦେବାନ୍ପ୍ରୀଣାତି ସ୍ବାଧ୍ଯାଯାତ୍ତପସା ଋଷୀନ୍।
ପୁତ୍ରୈଃ ଶ୍ରାଦ୍ଧୈରପି ପିତୄନାନୃଶଂସ୍ଯେନ ମାନବାନ୍॥ 1-126-18 (5548)
ଋଷିଦେବମନୁଷ୍ଯାଣାମୃଣାନ୍ମୁକ୍ତୋଽସ୍ମି ଧର୍ମତଃ।
ପିତୄଣାଂ ତୁ ନ ମୁକ୍ତୋଽସ୍ମି ତଚ୍ଚ ତେଭ୍ଯୋ ବିଶିଷ୍ଯତେ॥ 1-126-19 (5549)
ଦେହନାଶେ ଭବେନ୍ନାଶଃ ପିତୄଣାମେଷ ନିଶ୍ଚଯଃ।
ଇତରେଷାଂ ତ୍ରଯାଣାଂ ତୁ ନାଶେ ହ୍ଯାତ୍ମା ବିନଶ୍ଯତି॥ 1-126-20 (5550)
ଇହ ତସ୍ମାତ୍ପ୍ରଜାଲାଭେ ପ୍ରଯତନ୍ତେ ଦ୍ବିଜୋତ୍ତମାଃ।
ଯଥୈବାହଂ ପିତୁଃ କ୍ଷେତ୍ରେ ସୃଷ୍ଟସ୍ତେନ ମହାତ୍ମନା॥ 1-126-21 (5551)
ତଥୈବାସ୍ମିନ୍ମମ କ୍ଷେତ୍ରେ କଥଂ ସୃଜ୍ଯେତ ବୈ ପ୍ରଜା। 1-126-22 (5552)
ବୈଶମ୍ପାଯନ ଉବାଚ।
ସ ସମାନୀଯ କୁନ୍ତୀଂ ଚ ମାଦ୍ରୀଂ ଚ ଭରତର୍ଷଭଃ॥ 1-126-22x (753)
ଆଚଷ୍ଟ ପୁତ୍ରଲାଭସ୍ଯ ବ୍ଯୁଷ୍ଟିଂ ସର୍ବକ୍ରିଯାଧିକାମ୍।
ଉତ୍ତମାଦବରାଃ ପୁଂସଃ କାଙ୍କ୍ଷନ୍ତୋ ପୁତ୍ରମାପଦି॥ 1-126-23 (5553)
ଅପତ୍ଯଂ ଧର୍ମଫଲଦଂ ଶ୍ରେଷ୍ଠାଦିଚ୍ଛନ୍ତି ସାଧବଃ।
ଅନୁନୀଯ ତୁ ତେ ସମ୍ଯଙ୍ମହାବ୍ରାହ୍ମଣସଂସଦି।
ବ୍ରାହ୍ମଣଂ ଗୁଣବନ୍ତଂ ହି ଚିନ୍ତଯାମାସ ଧର୍ମବିତ୍॥ 1-126-24 (5554)
ସୋଽବ୍ରବୀଦ୍ବିଜନେ କୁନ୍ତୀଂ ଧର୍ମପତ୍ନୀଂ ଯଶସ୍ବିନୀମ୍।
ଅପତ୍ଯୋତ୍ପାଦନେ ଯତ୍ନମାପଦି ତ୍ବଂ ସମର୍ଥଯ॥ 1-126-25 (5555)
ଅପତ୍ଯଂ ନାମ ଲୋକେଷୁ ପ୍ରତିଷ୍ଠା ଧର୍ମସଂହିତା।
ଇତି କୁନ୍ତି ବିଦୁର୍ଧୀରାଃ ଶାଶ୍ବତଂ ଧର୍ମବାଦିନଃ॥ 1-126-26 (5556)
ଇଷ୍ଟଂ ଦତ୍ତଂ ତପସ୍ତପ୍ତଂ ନିଯମଶ୍ଚ ସ୍ବନୁଷ୍ଠିତଃ।
ସର୍ବମେବାନପତ୍ଯସ୍ଯ ନ ପାବନମିହୋଚ୍ଯତେ॥ 1-126-27 (5557)
ସୋଽହମେବଂ ବିଦିତ୍ବୈତତ୍ପ୍ରପଶ୍ଯାମି ଶୁଚିସ୍ମିତେ।
ଅନପତ୍ଯଃ ଶୁଭାଁଲ୍ଲୋକାନ୍ନପ୍ରାପ୍ସ୍ଯାମୀତି ଚିନ୍ତଯନ୍॥ 1-126-28 (5558)
`ଅନପତ୍ଯୋ ହି ମରଣଂ କାମଯେ ନୈବ ଜୀବିତମ୍।'
ମୃଗାଭିଶାପଂ ଜାନାସି ବିଜନେ ମମ କେବଲମ୍।
ନୃଶଂସକର୍ମଣା କୃତ୍ସ୍ନଂ ଯଥା ହ୍ଯୁପହତଂ ତଥା॥ 1-126-29 (5559)
ଇମେ ବୈ ବନ୍ଧୁଦାଯାଦାଃ ଷଟ୍ ପୁତ୍ରା ଧର୍ମଦର୍ଶନେ।
ଷଡେବାବନ୍ଧୁଦାଯାଦାଃ ପୁତ୍ରାସ୍ତାଞ୍ଛୃଣୁ ମେ ପୃଥେ॥ 1-126-30 (5560)
ସ୍ବଯଂଜାତଃ ପ୍ରଣୀତଶ୍ଚ ପରିକ୍ରୀତଶ୍ଚ ଯଃ ସୁତଃ।
ପୌନର୍ଭବଶ୍ଚ କାନୀନଃ ସ୍ବୈରିଣ୍ଯାଂ ଯଶ୍ଚ ଜାଯତେ॥ 1-126-31 (5561)
ଦତ୍ତଃ କ୍ରୀତଃ କୃତ୍ରିମଶ୍ଚ ଉପଗଚ୍ଛେତ୍ସ୍ବଯଂ ଚ ଯଃ।
ସହୋଢୋ ଜ୍ଞାତିରେତାଶ୍ଚ ହୀନଯୋନିଧୃତଶ୍ଚ ଯଃ॥ 1-126-32 (5562)
ପୂର୍ବପୂର୍ବତମାଭାବଂ ମତ୍ତ୍ବା ଲିପ୍ସେତ ବୈ ସୁତମ୍।
ଉତ୍ତମାଦ୍ଦେବରାତ୍ପୁଂସଃ କାଙ୍କ୍ଷନ୍ତେ ପୁତ୍ରମାପଦି॥ 1-126-33 (5563)
ଅପତ୍ଯଂ ଧର୍ମଫଲଦଂ ଶ୍ରେଷ୍ଠଂ ବିନ୍ଦନ୍ତି ମାନବାଃ।
ଆତ୍ମଶୁକ୍ରାଦପି ପୃଥେ ମନୁଃ ସ୍ବାଯଂଭୁବୋଽବ୍ରବୀତ୍॥ 1-126-34 (5564)
ତସ୍ମାତ୍ପ୍ରହେଷ୍ଯାମ୍ଯଦ୍ଯ ତ୍ବାଂ ହୀନଃ ପ୍ରଜନନାତ୍ସ୍ବଯମ୍॥ 1-126-35 (5565)
ସଦୃଶାଚ୍ଛ୍ରେଯସୋ ବା ତ୍ବଂ ବିଦ୍ଧ୍ଯପତ୍ଯଂ ଯଶସ୍ବିନି।
ଶୃଣୁ କୁନ୍ତି କଥାମେତାଂ ଶାରଦଣ୍ଡାଯିନୀଂ ପ୍ରତି॥ 1-126-36 (5566)
`ଯା ହି ତେ ଭଗିନୀ ସାଧ୍ବୀ ଶ୍ରୁତସେନା ଯଶସ୍ବିନୀ।
ଅବାହ ତାଂ ତୁ କୈକେଯଃ ଶାରଦାଣ୍ଡାଯନିର୍ମହାନ୍॥' 1-126-37 (5567)
ସା ବୀରପତ୍ନୀ ଗୁରୁଣା ନିଯୁକ୍ତା ପୁତ୍ରଜନ୍ମନି।
ପୁଷ୍ପେଣ ପ୍ରଯତା ସ୍ନାତା ନିଶି କୁନ୍ତି ଚତୁଷ୍ପଥେ॥ 1-126-38 (5568)
ବରଯିତ୍ବା ଦ୍ବିଜଂ ସିଦ୍ଧଂ ହୁତ୍ବା ପୁଂସବନେଽନଲମ୍।
କର୍ମଣ୍ଯବସିତେ ତସ୍ମିନ୍ସା ତେନୈବ ସହାବସତ୍॥ 1-126-39 (5569)
ତତ୍ର ତ୍ରୀଞ୍ଜନଯାମାସ ଦୁର୍ଜଯାଦୀନ୍ମହାରଥାନ୍।
ତଥା ତ୍ବମପି କଲ୍ଯାଣି ବ୍ରାହ୍ମଣାତ୍ତପସାଧିକାତ୍।
ମନ୍ନିଯୋଗାଦ୍ଯତ କ୍ଷିପ୍ରମପତ୍ଯୋତ୍ପାଦନଂ ପ୍ରତି॥ ॥ 1-126-40 (5570)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଷଡ୍ବିଂଶତ୍ଯଧିକଶତତମୋଽଧ୍ଯାଯଃ॥ 126 ॥
Mahabharata - Adi Parva - Chapter Footnotes
1-126-26 ଧର୍ମସଂହିତା ଧର୍ମମଯୀ॥ 1-126-30 ଧର୍ମଦର୍ଶନେ ଧର୍ମଶାସ୍ତ୍ରେ ଉକ୍ତା ଇତି ଶେଷଃ। ବନ୍ଧୁଦାଯାଦାରିକ୍ଥହରାଃ। ଅବନ୍ଧୁଦାଯାଦାସ୍ତଦନ୍ଯେ॥ 1-126-35 ପ୍ରହେଷ୍ଯାମି ଗତିବୃଦ୍ଧିକର୍ମଣୋ ହିନୋତେ ରୂପମ୍। ଅଦ୍ଯେତି କ୍ଷିପ୍ରବଚନସଂଯୋଗାଲ୍ଲୃଟ୍। ତ୍ବାଂ ଶରଣଂ ଗତୋଽସ୍ମି ବର୍ଧଯାମି ବେତି ଚାର୍ଥଃ॥ 1-126-36 ବିଦ୍ଧି ଲଭସ୍ବ। ଶାରଦଣ୍ଡାଯନେର୍ଭାର୍ଯାମ୍॥ 1-126-38 ଗୁରୁଣା ଭର୍ତ୍ରା। ପୁଷ୍ପେଣ ଆର୍ତବେନ ନିମିତ୍ତେନ ସ୍ନାତା॥ 1-126-40 ଯତ ଯତସ୍ବ॥ ଷଡ୍ବିଂଶତ୍ଯଧିକଶତତମୋଽଧ୍ଯାଯଃ॥ 126 ॥ଆଦିପର୍ବ - ଅଧ୍ଯାଯ 127
॥ ଶ୍ରୀଃ ॥
1.127. ଅଧ୍ଯାଯଃ 127
Mahabharata - Adi Parva - Chapter Topics
କୁନ୍ତ୍ଯା ପାଣ୍ଡୁଂ ପ୍ରତି ବ୍ଯୁଷିତାଶ୍ବକଥାକଥନମ୍॥ 1 ॥Mahabharata - Adi Parva - Chapter Text
1-127-0 (5571)
ବୈଶମ୍ପାଯନ ଉବାଚ। 1-127-0x (754)
ଏବମୁକ୍ତା ମହାରାଜ କୁନ୍ତୀ ପାଣ୍ଡୁମଭାଷତ।
କୁରୂଣାମୃଷଭଂ ବୀରଂ ତଦା ଭୂମିପତିଂ ପତିମ୍॥ 1-127-1 (5572)
କୁନ୍ତ୍ଯୁବାଚ। 1-127-2x (755)
ନ ମାମର୍ହସି ଧର୍ମଜ୍ଞ ବକ୍ତୁମେବଂ କଥଂଚନ।
ଧର୍ମପତ୍ନୀମଭିରତାଂ ତ୍ବଯି ରାଜୀବଲୋଚନେ॥ 1-127-2 (5573)
ତ୍ବମେବ ତୁ ମହାବାହୋ ମଯ୍ଯପତ୍ଯାନି ଭାରତ।
ବୀର ବୀର୍ଯୋପପନ୍ନାନି ଧର୍ମତୋ ଜନଯିଷ୍ଯସି॥ 1-127-3 (5574)
ସ୍ବର୍ଗଂ ମନୁଜଶାର୍ଦୂଲ ଗଚ୍ଛେଯଂ ସହିତା ତ୍ବଯା।
ଅପତ୍ଯାଯ ଚ ମାଂ ଗଚ୍ଛ ତ୍ବମେବ କୁରୁନନ୍ଦନ॥ 1-127-4 (5575)
ନ ହ୍ଯହଂ ମନସାପ୍ଯନ୍ଯଂ ଗଚ୍ଛେଯଂ ତ୍ବଦୃତେ ନରମ୍।
ତ୍ବତ୍ତଃ ପ୍ରତି ବିଶିଷ୍ଟଶ୍ଚ କୋଽନ୍ଯୋଽସ୍ତି ଭୁବି ମାନବଃ॥ 1-127-5 (5576)
ଇମାଂ ଚ ତାବଦ୍ଧର୍ମାତ୍ମନ୍ପୌରାଣୀଂ ଶୃଣୁ ମେ କଥାମ୍।
ପରିଶ୍ରୁତାଂ ବିଶାଲାକ୍ଷ କୀର୍ତଯିଷ୍ଯାମି ଯାମହମ୍॥ 1-127-6 (5577)
ବ୍ଯୁଷଇତାଶ୍ବ ଇତି ଖ୍ଯାତୋ ବଭୂବ କିଲ ପାର୍ଥିବଃ।
ପୁରା ପରମଧର୍ମିଷ୍ଠଃ ପୂରୋର୍ବଂଶବିବର୍ଧନଃ॥ 1-127-7 (5578)
ତସ୍ମିଂଶ୍ଚ ଯଜମାନେ ବୈ ଧର୍ମାତ୍ମନି ମହାଭୁଜେ।
ଉପାଗମଂସ୍ତତୋ ଦେବାଃ ସେନ୍ଦ୍ରା ଦେବର୍ଷିଭିଃ ସହ॥ 1-127-8 (5579)
ଅମାଦ୍ଯଦିନ୍ଦ୍ରଃ ସୋମେନ ଦକ୍ଷିଣାଭିର୍ଦ୍ବିଜାତଯଃ।
ବ୍ଯୁଷିତାଶ୍ବସ୍ଯ ରାଜର୍ଷେସ୍ତତୋ ଯଜ୍ଞେ ମହାତ୍ମନଃ॥ 1-127-9 (5580)
ଦେବା ବ୍ରହ୍ମର୍ଷଯଶ୍ଚୈବ ଚକ୍ରୁଃ କର୍ମ ସ୍ବଯଂ ତଦା।
ବ୍ଯୁଷିତାଶ୍ବସ୍ତତୋ ରାଜନ୍ନତି ମର୍ତ୍ଯାନ୍ବ୍ଯରୋଚତ॥ 1-127-10 (5581)
ସର୍ବଭୂତାନ୍ପ୍ରତି ଯଥା ତପନଃ ଶିଶିରାତ୍ଯଯେ।
ସ ବିଜିତ୍ଯ ଗୃହୀତ୍ବା ଚ ନୃପତୀନ୍ରାଜସତ୍ତମଃ॥ 1-127-11 (5582)
ପ୍ରାଚ୍ଯାନୁଦିଚ୍ଯାନ୍ପାଶ୍ଚାତ୍ଯାନ୍ଦାକ୍ଷିଣାତ୍ଯାନକାଲଯତ୍।
ଅଶ୍ବମେଧେ ମହାଯଜ୍ଞେ ବ୍ଯୁଷିତାଶ୍ବଃ ପ୍ରତାପବାନ୍॥ 1-127-12 (5583)
ବଭୂବ ସ ହି ରାଜେନ୍ଦ୍ରୋ ଦଶନାଗବଲାନ୍ବିତଃ।
ଅପ୍ଯତ୍ର ଗାଥାଂ ଗାଯନ୍ତି ଯେ ପୁରାଣବିଦୋ ଜନାଃ॥ 1-127-13 (5584)
ବ୍ଯୁଷିତାଶ୍ବେ ଯଶୋବୃଦ୍ଧେ ମନୁଷ୍ଯେନ୍ଦ୍ରେ କୁରୂତ୍ତମ।
ବ୍ଯୁଷିତାଶ୍ବଃ ସମୁଦ୍ରାନ୍ତାଂ ବିଜିତ୍ଯେମାଂ ବସୁନ୍ଧରାମ୍॥ 1-127-14 (5585)
ଅପାଲଯତ୍ସର୍ବବର୍ଣାନ୍ପିତା ପୁତ୍ରାନିବୌରସାନ୍।
ଯଜମାନୋ ମହାଯଜ୍ଞୈର୍ବ୍ରାହ୍ମଣେଭ୍ଯୋ ଧନଂ ଦଦୌ॥ 1-127-15 (5586)
ଅନନ୍ତରତ୍ନାନ୍ଯାଦାଯ ସ ଜହାର ମହାକ୍ରତୂନ୍।
ସୁଷାବ ଚ ବହୂନ୍ସୋମାନ୍ସୋମସଂସ୍ଥାସ୍ତତାନ ଚ॥ 1-127-16 (5587)
ଆସୀତ୍କାକ୍ଷୀବତୀ ଚାସ୍ଯ ଭାର୍ଯା ପରମସଂମତା।
ଭଦ୍ରା ନାମ ମନୁଷ୍ଯେନ୍ଦ୍ର ରୂପେଣାସଦୃଶୀ ଭୁବି॥ 1-127-17 (5588)
କାମଯାମାସତୁସ୍ତୌ ଚ ପରସ୍ପରମିତି ଶ୍ରୁତମ୍।
ସ ତସ୍ଯାଂ କାମସଂପନ୍ନୋ ଯକ୍ଷ୍ମଣା ସମପଦ୍ଯତ॥ 1-127-18 (5589)
ତେନାଚିରେଣ କାଲେନ ଜଗାମାସ୍ତମିବାଂଶୁମାନ୍।
ତସ୍ମିନ୍ପ୍ରେତେ ମନୁଷ୍ଯେନ୍ଦ୍ରେ ଭାର୍ଯାଽସ୍ଯ ଭୃଶଦୁଃଖିତା॥ 1-127-19 (5590)
ଅପୁତ୍ରା ପୁରୁଷବ୍ଯାଘ୍ର ବିଲଲାପେତି ନଃ ଶ୍ରୁତମ୍।
ଭଦ୍ରା ପରମଦୁଃଖାର୍ତା ତନ୍ନିବୋଧ ଜନାଧିପ॥ 1-127-20 (5591)
ଭଦ୍ରୋବାଚ। 1-127-21x (756)
ନାରୀ ପରମଧର୍ମଜ୍ଞ ସର୍ବା ଭର୍ତୃବିନାକୃତା।
ପତିଂ ବିନା ଜୀବତି ଯା ନ ସା ଜୀବତି ଦୁଃଖିତା॥ 1-127-21 (5592)
ପତିଂ ବିନା ମୃତଂ ଶ୍ରେଯୋ ନାର୍ଯାଃ କ୍ଷତ୍ରିଯପୁଂଗବ॥
ତ୍ବଦ୍ଗତିଂ ଗନ୍ତୁମିଚ୍ଛାମି ପ୍ରସୀଦସ୍ବନଯସ୍ବମାମ୍॥ 1-127-22 (5593)
ତ୍ବଯା ହୀନା କ୍ଷଣମପି ନାହଂ ଜୀବିତୁମୁତ୍ସହେ।
ପ୍ରସାଦଂ କୁରୁ ମେ ରାଜନ୍ନିତସ୍ତୂର୍ଣଂ ନଯସ୍ବ ମାମ୍॥ 1-127-23 (5594)
ପୃଷ୍ଠତୋଽନୁଗମିଷ୍ଯାମି ସମେଷୁ ବିଷମେଷୁ ଚ।
ତ୍ବାମହଂ ନରଶାର୍ଦୂଲ ଗଚ୍ଛନ୍ତମନିବର୍ତିତୁମ୍॥ 1-127-24 (5595)
ଛାଯେବାନୁଗତା ରାଜନ୍ସତତଂ ବଶବର୍ତିନୀ।
ଭବିଷ୍ଯାମି ନରବ୍ଯାଘ୍ର ନିତ୍ଯଂ ପ୍ରିଯହିତେ ରତା॥ 1-127-25 (5596)
ଅଦ୍ଯପ୍ରଭୃତି ମାଂ ରାଜନ୍କଷ୍ଟା ହୃଦଯଶୋଷଣାଃ।
ଆଧଯୋଽଭିଭବିଷ୍ଯନ୍ତି ତ୍ବାମୃତେ ପୁଷ୍କରେକ୍ଷଣ॥ 1-127-26 (5597)
ଅଭାଗ୍ଯଯା ମଯା ନୂନଂ ବିଯୁକ୍ତାଃ ସହଚାରିଣଃ।
ତେନ ମେ ବିପ୍ରଯୋଗୋଽଯମୁପପନ୍ନସ୍ତ୍ବଯା ସହ॥ 1-127-27 (5598)
ବିପ୍ରଯୁକ୍ତା ତୁ ଯା ପତ୍ଯା ମୁହୂର୍ତମପି ଜୀବତି।
ଦୁଃଖଂ ଜୀବତି ସା ପାପା ନରକସ୍ଥେବ ପାର୍ଥିବ॥ 1-127-28 (5599)
ସଂଯୁକ୍ତା ବିପ୍ରଯୁକ୍ତାଶ୍ଚ ପୂର୍ବଦେହେ କୃତା ମଯା।
ତଦିଦଂ କର୍ମଭିଃ ପାପୈଃ ପୂର୍ବଦେହେଷୁ ସଂଚିତମ୍॥ 1-127-29 (5600)
ଦୁଃଖଂ ମାମନୁସଂପ୍ରାପ୍ତଂ ରାଜଂସ୍ତ୍ବଦ୍ବିପ୍ରଯୋଗଜମ୍।
ଅଦ୍ଯପ୍ରଭୃତ୍ଯହଂ ରାଜନ୍କୁଶସଂସ୍ତରଶାଯିନୀ।
ଭବିଷ୍ଯାମ୍ଯସୁଖାବିଷ୍ଟା ତ୍ବଦ୍ଦର୍ଶନପରାଯଣା॥ 1-127-30 (5601)
ଦର୍ଶଯସ୍ବ ନରବ୍ଯାଘ୍ର ଶାଧି ମାମସୁଖାନ୍ବିତାମ୍।
କୃପଣାଂ ଚାଥ କରୁଣଂ ବିଲପତ୍ନୀଂ ନରେଶ୍ବର॥ 1-127-31 (5602)
କନ୍ତ୍ଯୁବାଚ। 1-127-32x (757)
ଏବଂ ବହୁବିଧଂ ତସ୍ଯାଂ ବିଲପନ୍ତ୍ଯାଂ ପୁନଃପୁନଃ।
ତଂ ଶବଂ ସଂପରିଷ୍ବଜ୍ଯ ବାକ୍କିଲାଽନ୍ତର୍ହିତାଽବ୍ରବୀତ୍॥ 1-127-32 (5603)
ଉତ୍ତିଷ୍ଠ ଭଦ୍ରେ ଗଚ୍ଛ ତ୍ବଂ ଦଦାନୀହ ବରଂ ତବ।
ଜନଯିଷ୍ଯାମ୍ଯପତ୍ଯାନି ତ୍ବଯ୍ଯହଂ ଚାରୁହାସିନି॥ 1-127-33 (5604)
ଆତ୍ମକୀଯେ ବରାରୋହେ ଶଯନୀଯେ ଚତୁର୍ଦଶୀମ୍।
ଅଷ୍ଟମୀଂ ବା ଋତୁସ୍ନାତା ସଂବିଶେଥା ମଯା ସହ॥ 1-127-34 (5605)
ଏବମୁକ୍ତା ତୁ ସା ଦେବୀ ତଥା ଚକ୍ରେ ପତିବ୍ରତା।
ଯଥୋକ୍ତମେବ ତଦ୍ବାକ୍ଯଂ ଭଦ୍ରା ପୁତ୍ରାର୍ଥିନୀ ତଦା॥ 1-127-35 (5606)
ସା ତେନ ସୁଷୁବେ ଦେବୀ ଶବେନ ଭରତର୍ଷଭ।
ତ୍ରୀଞ୍ଶାଲ୍ବାଂଶ୍ଚତୁରୋ ମଦ୍ରାନ୍ସୁତାନ୍ଭରତସତ୍ତମ॥ 1-127-36 (5607)
ତଥା ତ୍ବମପି ମଯ୍ଯେବଂ ମନସା ଭରତର୍ଷଭ।
ଶକ୍ତୋ ଜନଯିତୁଂ ପୁତ୍ରାଂସ୍ତପୋଯୋଗବଲାନ୍ବିତଃ॥ ॥ 1-127-37 (5608)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ସପ୍ତବିଂଶତ୍ଯଧିକଶତତମୋଽଧ୍ଯାଯଃ॥ 127 ॥
Mahabharata - Adi Parva - Chapter Footnotes
1-127-12 ଅକାଲଯଦ୍ବଶୀକୃତବାନ୍॥ 1-127-16 ଜହାର ଆହୃତବାନ୍ ଚକାରେତ୍ଯର୍ଥଃ। ସୋମସଂସ୍ଥାଃ ଅଗ୍ନିଷ୍ଟୋମାତ୍ଯଗ୍ନିଷ୍ଟୋମାଦଯଃ ସପ୍ତ॥ 1-127-22 ମୃତଂ ମରା॥ 1-127-32 ଶବଂ ପ୍ରେବଶରୀରଂ ସଂପରିଷ୍ବଜ୍ଯ ବିଲପନ୍ତ୍ଯାମିତ୍ଯନ୍ବଯଃ॥ ସପ୍ତବିଂଶତ୍ଯଧିକଶତତମୋଽଧ୍ଯାଯଃ॥ 127 ॥ଆଦିପର୍ବ - ଅଧ୍ଯାଯ 128
॥ ଶ୍ରୀଃ ॥
1.128. ଅଧ୍ଯାଯଃ 128
Mahabharata - Adi Parva - Chapter Topics
ଉଦ୍ଦାଲକକଥା॥ 1 ॥ ଉଦ୍ଦାଲକପୁତ୍ରେଣ ଶ୍ବେତକେତୁନା କୃତା ସ୍ତ୍ରୀପୁରୁଷମର୍ଯାଦା॥ 2 ॥ ଗୁଣାଧିକାତ୍ ଦ୍ବିଜାତେଃ ପୁତ୍ରୋତ୍ପାଦନାର୍ଥଂ ପ୍ରତି ପାଣ୍ଡୋରାଜ୍ଞା॥ 3 ॥ କୁନ୍ତ୍ଯା ଦୁର୍ବାସସଃ ସ୍ବସ୍ଯ ମନ୍ତ୍ରପ୍ରାପ୍ତିକଥନମ୍॥ 4 ॥Mahabharata - Adi Parva - Chapter Text
1-128-0 (5609)
ବୈଶମ୍ପାଯନ ଉବାଚ। 1-128-0x (758)
ଏବମୁକ୍ତସ୍ତଯା ରାଜା ତାଂ ଦେବୀଂ ପୁନରବ୍ରବୀତ୍।
ଧର୍ମବିଦ୍ଧର୍ମସଂଯୁକ୍ତମିଦଂ ବଚନମୁତ୍ତମମ୍॥ 1-128-1 (5610)
ପାଣ୍ଡୁରୁବାଚ। 1-128-2x (759)
ଏବମେତତ୍ପୁରା କୁନ୍ତି ବ୍ଯୁଷିତାଶ୍ବଶ୍ଚକାର ହ।
ଯଥା ତ୍ବଯୋକ୍ତଂ କଲ୍ଯାଣି ସ ହ୍ଯାସୀଦମରୋପମଃ॥ 1-128-2 (5611)
ଅଥ ତ୍ବିଦଂ ପ୍ରବକ୍ଷ୍ଯାମି ଧର୍ମତତ୍ତ୍ବଂ ନିବୋଧ ମେ।
ପୁରାଣମୃଷିଭିର୍ଦୃଷ୍ଟଂ ଧର୍ମବିଦ୍ଭିର୍ମହାତ୍ମଭିଃ॥ 1-128-3 (5612)
ଅନାବୃତାଃ କିଲ ପୁରା ସ୍ତ୍ରିଯ ଆସନ୍ବରାନନେ।
କାମଚାରବିହାରିଣ୍ଯଃ ସ୍ବତନ୍ତ୍ରାଶ୍ଚାରୁହାସିନି॥ 1-128-4 (5613)
ତାସାଂ ବ୍ଯୁଚ୍ଚରମାଣାନାଂ କୌମାରାତ୍ସୁଭଗେ ପତୀନ୍।
ନାଧର୍ମୋଽଭୂଦ୍ବରାରୋହେ ସ ହି ଧର୍ମଃ ପୁରାଽଭବତ୍॥ 1-128-5 (5614)
ତଂ ଚୈବ ଧର୍ମଂ ପୌରାଣଂ ତିର୍ଯଗ୍ଯୋନିଗତାଃ ପ୍ରଜାଃ।
ଅଦ୍ଯାପ୍ଯନୁବିଧୀଯନ୍ତେ କାମକ୍ରୋଧବିବର୍ଜିତାଃ॥ 1-128-6 (5615)
ପ୍ରମାଣଦୃଷ୍ଟୋ ଧର୍ମୋଽଯଂ ପୂଜ୍ଯତେ ଚ ମହର୍ଷିଭିଃ।
ଉତ୍ତରେଷୁ ଚ ରମ୍ଭୋରୁ କୁରୁଷ୍ବଦ୍ଯାପି ପୂଜ୍ଯତେ।
ସ୍ତ୍ରୀଣାମନୁଗ୍ରହକରଃ ସ ହି ଧର୍ମଃ ସନାତନଃ॥ 1-128-7 (5616)
`ନାଗ୍ନିସ୍ତୃପ୍ଯତି କାଷ୍ଠାନାଂ ନାପଗାନାଂ ମହୋଦଧିଃ।
ନାନ୍ତକଃ ସର୍ବଭୂତାନାଂ ନ ପୁଂସାଂ ବାମଲୋଚନାଃ॥ 1-128-8 (5617)
ଏବଂ ତୃଷ୍ଣା ତୁ ନାରୀଣାଂ ପୁରୁଷଂ ପୁରୁଷଂ ପ୍ରତି।
ଅଗମ୍ଯାଗମନଂ ସ୍ତ୍ରୀଣାଂ ନାସ୍ତି ନିତ୍ଯଂ ଶୁଚିସ୍ମିତେ॥ 1-128-9 (5618)
ପୁତ୍ରଂ ବା କିଲ ପୌତ୍ରଂ ବା କାସାଂଚିଦ୍ଧାତରଂ ତଥା।
ରହସୀହ ନରଂ ଦୃଷ୍ଟ୍ବା ଯୋନିରୁତ୍କ୍ଲିଦ୍ଯତେ ତଦା॥ 1-128-10 (5619)
ଏତତ୍ସ୍ବାଭାବିକଂ ସ୍ତ୍ରୀଣାଂ ନ ନିମିତ୍ତକୃତଂ ଶୁଭେ।'
ଅସ୍ମିଂସ୍ତୁ ଲୋକେ ନଚିରାନ୍ମର୍ଯାଦେଯଂ ଶୁଚିସ୍ମିତେ॥ 1-128-11 (5620)
ସ୍ଥାପିତା ଯେନ ଯସ୍ମାଚ୍ଚ ତନ୍ମେ ବିସ୍ତରତଃ ଶୃଣୁ।
ବଭୂବୋଦ୍ଦାଲକୋ ନାମ ମହର୍ଷିରିତି ନଃ ଶ୍ରୁତମ୍॥ 1-128-12 (5621)
ଶ୍ବେତକେତୁରିତି ଖ୍ଯାତଃ ପୁତ୍ରସ୍ତସ୍ଯାଭବନ୍ମୁନିଃ।
ମର୍ଯାଦେଯଂ କୃତା ତେନ ଧର୍ମ୍ଯା ବୈ ଶ୍ବେତକେତୁନା॥ 1-128-13 (5622)
କୋପାତ୍କମଲପତ୍ରାକ୍ଷି ଯଦର୍ଥଂ ତନ୍ନିବୋଧ ମେ॥ 1-128-14 (5623)
`ଶ୍ବେତକେତୋଃ ପିତା ଦେବି ତପ ଉଗ୍ରଂ ସମାସ୍ଥିତଃ।
ଗ୍ରୀଷ୍ମେ ପଞ୍ଚତପା ଭୂତ୍ବା ବର୍ଷାସ୍ବାକାଶଗୋଽଭବତ୍॥ 1-128-15 (5624)
ଶିଶଇରେ ସଲିଲସ୍ଥାଯୀ ସହ ପତ୍ନ୍ଯା ମହାତପାଃ।
ଉଦ୍ଦାଲକଂ ତପସ୍ଯନ୍ତଂ ନିଯମେନ ସମାହିତମ୍॥ 1-128-16 (5625)
ତସ୍ଯ ପୁତ୍ରଃ ଶ୍ବେତକେତୁଃ ପରିଚର୍ଯାଂ ଚକାର ହ।
ଅଭ୍ଯାଗଚ୍ଛଦ୍ଦ୍ବିଜଃ କଶ୍ଚିଦ୍ବଲୀପଲିତସଂତତଃ॥ 1-128-17 (5626)
ତଂ ଦୃଷ୍ଟ୍ବୈବ ମୁନିଃ ପ୍ରୀତଃ ପୂଜଯାମାସ ଶାସ୍ତ୍ରତଃ।
ସ୍ବାଗତେନ ଚ ପାଦ୍ଯେନ ମୃଦୁବାକ୍ଯୈଶ୍ଚ ଭାରତ॥ 1-128-18 (5627)
ଶାକମୂଲଫଲାଦ୍ଯୈଶ୍ଚ ବନ୍ଯୈରନ୍ଯୈରପୂଜଯତ୍।
କ୍ଷୁତ୍ପିପାସାଶ୍ରମେଂଣାର୍ତଃ ପୂଜିତଶ୍ଚ ମହର୍ଷିଣା॥ 1-128-19 (5628)
ବିଶ୍ରାନ୍ତୋ ମୁନିମାସାଦ୍ଯ ପର୍ଯପୃଚ୍ଛଦ୍ଦ୍ବିଜସ୍ତଦା।
ଉଦ୍ଦାଲକ ମହର୍ଷେ ତ୍ବଂ ସତ୍ଯଂ ମେ ବ୍ରୂହି ମାଽନୃତମ୍॥ 1-128-20 (5629)
ଋଷିପୁତ୍ରଃ କୁମାରୋଽଯଂ ଦର୍ଶନୀଯୋ ବିଶେଷତଃ।
ତବ ପୁତ୍ରମିମଂ ମନ୍ଯେ କୃତକୃତ୍ଯୋଽସି ତଦ୍ବଦ॥ 1-128-21 (5630)
ଉଦ୍ଦାଲକ ଉବାଚ। 1-128-22x (760)
ମମ ପତ୍ନୀ ମହାପ୍ରାଜ୍ଞ କୁଶିକସ୍ଯ ସୁତା ମତା।
ମାମେବାନୁଗତା ପତ୍ନୀ ମମ ନିତ୍ଯମନୁବ୍ରତା॥ 1-128-22 (5631)
ଅରୁନ୍ଧତୀବ ପତ୍ନୀନାଂ ତପସା କର୍ଶିତସ୍ତନୀ।
ଅସ୍ଯାଂ ଜାତଃ ଶ୍ବେତକେତୁର୍ମମ ପୁତ୍ରୋ ମହାତପାଃ॥ 1-128-23 (5632)
ବେଦବେଦାଙ୍ଗବିଦ୍ବିପ୍ର ମଚ୍ଛାସନପରାଯଣଃ।
ଲୋକଜ୍ଞଃ ସର୍ବଲୋକେଷୁ ବିଶ୍ରୁତଃ ସତ୍ଯବାଗ୍ଘୃଣୀ॥ 1-128-24 (5633)
ବ୍ରାହ୍ମଣ ଉବାଚ। 1-128-25x (761)
ଅପୁତ୍ରୀ ଭାର୍ଯଯା ଚାର୍ଥୀ ବୃଦ୍ଧୋଽହଂ ମନ୍ଦଚାକ୍ଷୁଷଃ।
ପିତ୍ର୍ଯାଦୃଣାଦନିର୍ମୁକ୍ତଃ ପୂର୍ବମେବାକୃତସ୍ତ୍ରିଯଃ॥ 1-128-25 (5634)
ପ୍ରଜାରଣିସ୍ତୁ ପତ୍ନୀ ତେ କୁଲଶୀଲସମନ୍ବିତା।
ସଦୃଶୀ ମମ ଗୋତ୍ରେଣ ବହାମ୍ଯେନାଂ କ୍ଷମସ୍ବ ମେ॥ 1-128-26 (5635)
ପାଣ୍ଡୁରୁବାଚ। 1-128-27x (762)
ଇତ୍ଯୁକ୍ତ୍ବା ମୃଗଶାବାକ୍ଷୀଂ ଚୀରକୃଷ୍ଣାଜିନାମ୍ବରାମ୍।
ଯଷ୍ଟ୍ଯାଧାରଃ ସ୍ରସ୍ତଗାତ୍ରୋ ମନ୍ଦଚକ୍ଷୁରବୁଦ୍ଧିମାନ୍॥ 1-128-27 (5636)
ସ୍ବବ୍ଯାପାରାକ୍ଷମାଂ ଶ୍ରେଷ୍ଠମଚିତ୍ତାମାତ୍ମନି ଦ୍ବିଜଃ।'
ଶ୍ବେତକେତୋଃ କିଲ ପୁରା ସମକ୍ଷଂ ମାତରଂ ପିତୁଃ॥ 1-128-28 (5637)
ଜଗ୍ରାହ ବ୍ରାହ୍ମଣଃ ପାପୌ ଗଚ୍ଛାବ ଇତି ଚାବ୍ରବୀତ୍।
ଋଷିପୁତ୍ରସ୍ତଦା କୋପଂ ଚକାରାମର୍ଷିତସ୍ତଦା॥ 1-128-29 (5638)
ମାତରଂ ତାଂ ତଥା ଦୃଷ୍ଟ୍ବା ନୀଯମାନାଂ ବଲାଦିବ।
`ତପସା ଦୀପ୍ତବୀର୍ଯୋ ହି ଶ୍ବେତକେତୁର୍ନ ଚକ୍ଷମେ॥ 1-128-30 (5639)
ସଂଗୃହ୍ଯ ମାତରଂ ହସ୍ତେ ଶ୍ବେତକେତୁରଭାଷତ।
ଦୁର୍ବ୍ରାହ୍ମଣ ବିମୁଞ୍ଚ ତ୍ବଂ ମାତରଂ ମେ ପତିବ୍ରତାମ୍॥ 1-128-31 (5640)
ସ୍ବଯଂ ପିତା ମେ ବ୍ରହ୍ମର୍ଷିଃ କ୍ଷମାବାନ୍ବ୍ରହ୍ମବିତ୍ତମଃ।
ଶାପାନୁଗ୍ରହଯୋଃ ଶକ୍ତଃ ତୂଷ୍ଣୀଂଭୂତୋ ମହାବ୍ରତଃ॥ 1-128-32 (5641)
ତସ୍ଯ ପତ୍ନୀ ଦମୋପେତା ମମ ମାତା ବିଶେଷତଃ।
ପତିବ୍ରତାଂ ତପୋବୃଦ୍ଧାଂ ସାଧ୍ବାଚାରୈରଲଙ୍କୃତାମ୍॥ 1-128-33 (5642)
ଅପ୍ରମାଦେନ ତେ ବ୍ରହ୍ମନ୍ମାତୃଭୂତାଂ ବିମୁଞ୍ଚ ବୈ॥ 1-128-34 (5643)
ଏବମୁକ୍ତ୍ବା ତୁ ଯାଚନ୍ତଂ ବିମୁଞ୍ଚେତି ମୁହୁର୍ମୁହୁଃ।
ପ୍ରତ୍ଯବୋଚଦ୍ଦ୍ବିଜୋ ରାଜନ୍ନପ୍ରଗଲ୍ଭମିଦଂ ବଚଃ॥ 1-128-35 (5644)
ବ୍ରାହ୍ମଣ ଉବାଚ। 1-128-36x (763)
ଅପତ୍ଯାର୍ଥୀ ଶ୍ବେତକେତୋ ବୃଦ୍ଧୋଽହଂ ମନ୍ଦଚାକ୍ଷୁଷଃ।
ପିତା ତେ ଋଣନିର୍ମୁକ୍ତସ୍ତ୍ବଯା ପୁତ୍ରେଣ କାଶ୍ଯପ॥ 1-128-36 (5645)
ଋଣାଦହମନିର୍ମୁକ୍ତୋ ବୃଦ୍ଧୋଽହଂ ବିଗତସ୍ପୃହଃ।
ମମ କୋ ଦାସ୍ଯତି ସୁତାଂ କନ୍ଯାଂ ସଂପ୍ରାପ୍ତଯୌବନାମ୍॥ 1-128-37 (5646)
ପ୍ରଜାରଣିମିମାଂ ପତ୍ନୀଂ ବିମୁଞ୍ଚ ତ୍ବଂ ମହାତପଃ।
ଏକଯା ପ୍ରଜଯା ପ୍ରୀତୋ ମାତରଂ ତେ ଦଦାମ୍ଯହମ୍॥ 1-128-38 (5647)
ଏବମୁକ୍ତଃ ଶ୍ବେତକେତୁର୍ଲଜ୍ଜଯା କ୍ରୋଧମେଯିବାନ୍।'
କ୍ରୁଦ୍ଧଂ ତଂ ତୁ ପିତା ଦୃଷ୍ଟ୍ବା ଶ୍ବେତକେତୁମୁବାଚ ହ॥ 1-128-39 (5648)
ମା ତାତ କୋପଂ କାର୍ଷୀସ୍ତ୍ବମେଷ ଧର୍ମଃ ସନାତନଃ।
ଅନାବୃତା ହି ସର୍ବେଷାଂ ବର୍ଣାନାମଙ୍ଗନା ଭୁବି॥ 1-128-40 (5649)
ଯଥା ଗାବଃ ସ୍ଥିତାଃ ପୁତ୍ର ସ୍ବେସ୍ବେ ବର୍ଣେ ତଥା ପ୍ରଜାଃ।
`ତଥୈବ ଚ କୁଟୁମ୍ବେଷୁ ନ ପ୍ରମାଦ୍ଯନ୍ତି କର୍ହିଚିତ୍॥ 1-128-41 (5650)
ଋତୁକାଲେ ତୁ ସଂପ୍ରାପ୍ତେ ଭର୍ତାରଂ ନ ଜହୁସ୍ତଦା।'
ଋଷିପୁତ୍ରୋଽଥ ତଂ ଧର୍ମଂ ଶ୍ବେତକେତୁର୍ନ ଚକ୍ଷମେ॥ 1-128-42 (5651)
ଚକାର ଚୈବ ମର୍ଯାଦାମିମାଂ ସ୍ତ୍ରୀପୁଂସଯୋର୍ଭୁବି।
ମାନୁଷେଷୁ ମହାଭାଗେ ନ ତ୍ବେବାନ୍ଯେଷୁ ଜନ୍ତୁଷୁ॥ 1-128-43 (5652)
ତଦାପ୍ରଭୃତି ମର୍ଯାଦା ସ୍ଥିତେଯମିତି ନଃ ଶ୍ରୁତମ୍।
ବ୍ଯୁଚ୍ଚରନ୍ତ୍ଯାଃ ପତିଂ ନାର୍ଯା ଅଦ୍ଯପ୍ରଭୃତି ପାତକମ୍॥ 1-128-44 (5653)
ଭ୍ରୂଣହତ୍ଯାସମଂ ଘୋରଂ ଭବିଷ୍ଯତ୍ଯସୁଖାବହମ୍।
`ଅଦ୍ଯାପ୍ଯନୁବିଧୀଯନ୍ତେ କାମକ୍ରୋଧବିବର୍ଜିତାଃ॥ 1-128-45 (5654)
ଉତ୍ତରେଷୁ ମହାଭାଗେ କୁରୁଷ୍ବେବଂ ଯଶସ୍ବିନି।
ପୁରାଣଦୃଷ୍ଟୋ ଧର୍ମୋଽଯଂ ପୂଜ୍ଯତେ ଚ ମହର୍ଷିଭିଃ॥' 1-128-46 (5655)
ଭାର୍ଯାଂ ତଥା ବ୍ଯୁଚ୍ଚରତଃ କୌମାରବ୍ରହ୍ମଚାରିଣୀମ୍।
ପତିବ୍ରତାମେତଦେବ ଭବିତା ପାତକଂ ଭୁବି॥ 1-128-47 (5656)
ନିଯୁକ୍ତା ପତିନା ଭାର୍ଯା ଯଦ୍ଯପତ୍ଯସ୍ଯ କାରଣାତ୍।
ନ କୁର୍ଯାତ୍ତତ୍ତଥା ଭୀରୁ ସୈନଃ ସୁମହଦାପ୍ନୁଯାତ୍।
ଇତି ତେନ ପୁରା ଭୀରୁ ମର୍ଯାଦା ସ୍ଥାପିତା ବଲାତ୍॥ 1-128-48 (5657)
ଉଦ୍ଦାଲକସ୍ଯ ପୁତ୍ରେଣ ଧର୍ମ୍ଯା ବୈ ଶ୍ବେତକେତୁନା।
ସୌଦାସେନ ଚ ରମ୍ଭୋରୁ ନିଯୁକ୍ତା ପୁତ୍ରଜନ୍ମନି॥ 1-128-49 (5658)
ମଦଯନ୍ତୀ ଜଗାମର୍ଷିଂ ବସିଷ୍ଠମିତି ନଃ ଶ୍ରୁତମ୍।
ତସ୍ମାଲ୍ଲେଭେ ଚ ସା ପୁତ୍ରମଶ୍ମକଂ ନାମ ଭାମିନୀ॥ 1-128-50 (5659)
ଏବଂ କୃତବତୀ ସାପି ଭର୍ତୁଃ ପ୍ରିଯଚିକୀର୍ଷଯା।
ଅସ୍ମାକମପି ତେ ଜନ୍ମ ବିଦିତଂ କମଲେକ୍ଷଣେ॥ 1-128-51 (5660)
କୃଷ୍ଣଦ୍ବୈପାଯନାଦ୍ଭୀରୁ କୁରୂଣାଂ ବଂଶବୃଦ୍ଧଯେ।
ଅତ ଏତାନି ସର୍ବାଣି କାରଣାନି ସମୀକ୍ଷ୍ଯ ବୈ॥ 1-128-52 (5661)
ମମୈତଦ୍ବଚନଂ ଧର୍ମ୍ଯଂ କର୍ତୁମର୍ହସ୍ଯନିନ୍ଦିତେ।
ଋତାବୃତୌ ରାଜପୁତ୍ରି ସ୍ତ୍ରିଯା ଭର୍ତା ପତିବ୍ରତେ॥ 1-128-53 (5662)
ନାତିବର୍ତବ୍ଯ ଇତ୍ଯେବଂ ଧର୍ମଂ ଧର୍ମବିଦୋ ବିଦୁଃ।
ଶେଷେଷ୍ବନ୍ଯେଷୁ କାଲେଷୁ ସ୍ବାତନ୍ତ୍ର୍ଯଂ ସ୍ତ୍ରୀ କିଲାର୍ହତି॥ 1-128-54 (5663)
ଧର୍ମମେବଂ ଜନାଃ ସନ୍ତଃ ପୁରାଣଂ ପରିଚକ୍ଷତେ।
ଭର୍ତା ଭାର୍ଯାଂ ରାଜପୁତ୍ରି ଧର୍ମ୍ଯଂ ବାଽଧର୍ମ୍ଯମେବ ବା॥ 1-128-55 (5664)
ଯଦ୍ବ୍ରୂଯାତ୍ତତ୍ତଥା କାର୍ଯମିତି ବେଦବିଦୋ ବିଦୁଃ।
ବିଶେଷତଃ ପୁତ୍ରଗୃଦ୍ଧୀ ହୀନଃ ପ୍ରଜନନାତ୍ସ୍ବଯମ୍॥ 1-128-56 (5665)
ଯଥାଽହମନବଦ୍ଯାଙ୍ଗି ପୁତ୍ରଦର୍ଶନଲାଲସଃ।
ଅଯଂ ରକ୍ତାଙ୍ଗୁଲିନଖଃ ପଦ୍ମପତ୍ରନିଭଃ ଶୁଭେ॥ 1-128-57 (5666)
ପ୍ରସାଦନାର୍ଥଂ ସୁଶ୍ରୋଣି ଶିରସ୍ଯଭ୍ଯୁଦ୍ଯତୋଽଞ୍ଜଲିଃ।
ମନ୍ନିଯୋଗାତ୍ସୁକେଶାନ୍ତେ ଦ୍ବିଜାତେସ୍ତପସାଽଧିକାତ୍॥ 1-128-58 (5667)
ପୁତ୍ରାନ୍ଗୁଣସମାଯୁକ୍ତାନୁତ୍ପାଦଯିତୁମର୍ହସି।
ତ୍ବତ୍କୃତେଽହଂ ପୃଥୁଶ୍ରୋଣି ଗଚ୍ଛେଯଂ ପୁତ୍ରିଣାଂ ଗତିମ୍॥ 1-128-59 (5668)
ବୈଶମ୍ପାଯନ ଉବାଚ। 1-128-60x (764)
ଏବମୁକ୍ତା ତତଃ କୁନ୍ତୀ ପାଣ୍ଡୁଂ ପରପୁରଞ୍ଜଯମ୍।
ପ୍ରତ୍ଯୁବାଚ ବରାରୋହା ଭର୍ତୁଃ ପ୍ରିଯହିତେ ରତା॥ 1-128-60 (5669)
`ଅଧର୍ମଃ ସୁମହାନେଷୁ ସ୍ତ୍ରୀଣାଂ ଭରତସତ୍ତମ।
ଯତ୍ପ୍ରସାଦଯତେ ଭର୍ତା ପ୍ରସାଦ୍ଯଃ କ୍ଷତ୍ରିଯର୍ଷଭ।
ଶୃଣୁ ଚେଦଂ ମହାବାହୋ ମମ ପ୍ରୀତିକରଂ ଚଃ॥' 1-128-61 (5670)
ପିତୃବେଶ୍ମନ୍ଯହଂ ବାଲା ନିଯୁକ୍ତାଽତିଥିପୂଜନେ।
ଉଗ୍ରଂ ପର୍ଯଚରଂ ତତ୍ର ବ୍ରାହ୍ମଣଂ ସଂଶିତବ୍ରତମ୍॥ 1-128-62 (5671)
ନିଗୂଢନିଶ୍ଚଯଂ ଧର୍ମେ ଯଂ ତଂ ଦୁର୍ବାସସଂ ବିଦୁଃ।
ତମହଂ ସଂଶିତାତ୍ମାନଂ ସର୍ବଯତ୍ନୈରତୋଷଯମ୍॥ 1-128-63 (5672)
ସ ମେଽଭିଚାରସଂଯୁକ୍ତମାଚଷ୍ଟ ଭଗବାନ୍ବରମ୍।
ମନ୍ତ୍ରଂ ତ୍ବିମଂ ଚ ମେ ପ୍ରାଦାଦବ୍ରବୀଚ୍ଚୈବ ମାମିଦମ୍॥ 1-128-64 (5673)
ଯଂ ଯଂ ଦେବଂ ତ୍ବମେତେନ ମନ୍ତ୍ରେଣାବାହଯିଷ୍ଯସି।
ଅକାମୋ ବା ସକାମୋ ବା ବଶଂ ତେ ସମୁପୈଷ୍ଯତି॥ 1-128-65 (5674)
ତସ୍ଯ ତସ୍ଯ ପ୍ରସାଦାତ୍ତେ ରାଜ୍ଞି ପୁତ୍ରୋ ଭବିଷ୍ଯତି।
ଇତ୍ଯୁକ୍ତାଽହଂ ତଦା ତେନ ପିତୃବେଶ୍ମନି ଭାରତ॥ 1-128-66 (5675)
ବ୍ରାହ୍ମଣସ୍ଯ ବଚସ୍ତଥ୍ଯଂ ତସ୍ଯ କାଲୋଽଯମାଗତଃ।
ଅନୁଜ୍ଞାତା ତ୍ବଯା ଦେବମାହ୍ବଯେଯମହଂ ନୃପ॥ 1-128-67 (5676)
`ଯାଂ ମେ ବିଦ୍ଯାଂ ମହାରାଜ ଅଦଦାତ୍ସ ମହାଯଶାଃ।
ତଯାଽଽହୂତଃ ସୁରଃ ପୁତ୍ରଂ ପ୍ରଦାସ୍ଯତି ସୁରୋପମମ୍।
ଅନପତ୍ଯକୃତଂ ଯସ୍ତେ ଶୋକଂ ବୀର ବିନେଷ୍ଯତି॥' ॥ 1-128-68 (5677)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଅଷ୍ଟାବିଂଶତ୍ଯଧିକଶତତମୋଽଧ୍ଯାଯଃ॥ 128 ॥
Mahabharata - Adi Parva - Chapter Footnotes
1-128-4 ଅନାବୃତାଃ ସର୍ବୈର୍ଦ୍ରଷ୍ଟୁଂ ଯୋଗ୍ଯାଃ। କାମଚାରୋ ରତିସୁଖଂ ତଦର୍ଥଂ ବିହାରିଣ୍ଯଃ ପର୍ଯଟନଶୀଲାଃ। ସ୍ବତନ୍ତ୍ରା ଭର୍ତ୍ରାଦିଭିରନିବାର୍ଯାଃ॥ 1-128-5 ପତୀନ୍ବ୍ଯୁଚ୍ଚରମାଣାନାଂ ବ୍ଯଭିଚରନ୍ତୀନାମ୍॥ 1-128-6 ଅନୁବିଧୀଯନ୍ତେ ଅନୁସାର୍ଯନ୍ତେ ଈଶ୍ବରେଣ॥ 1-128-11 ନଚିରାଦଲ୍ପକାଲତଃ॥ 1-128-55 ପୁରାଣଂ ଯୁଗାନ୍ତରୀଯମ୍॥ 1-128-59 ତ୍ବତ୍କୃତେ ତ୍ବଯା॥ 1-128-64 ଅଭିଚାରୋ ଦେବତାକର୍ଷଣଶକ୍ତିଃ॥ ଅଷ୍ଟବିଂଶତ୍ଯଧିକଶତତମୋଽଧ୍ଯାଯଃ॥ 128 ॥ଆଦିପର୍ବ - ଅଧ୍ଯାଯ 129
॥ ଶ୍ରୀଃ ॥
1.129. ଅଧ୍ଯାଯଃ 129
Mahabharata - Adi Parva - Chapter Topics
ଧର୍ମାତ୍କୁନ୍ତ୍ଯାଂ ଯୁଧିଷ୍ଠିରୋତ୍ପତ୍ତିଃ॥ 1 ॥ କୁନ୍ତ୍ଯାଃ ପୁତ୍ରୋତ୍ପତ୍ତିଶ୍ରବଣେନ ଦୁଃଖିତଯା ଗାନ୍ଧାର୍ଯାଂ ଘାତିତାତ୍ସ୍ବୋଦରାନ୍ମାଂସପେଶୀଜନନମ୍॥ 2 ॥ ମାଂସପେଶୀଂ ଏକୋତ୍ତରଶତଧା ବିଭଜ୍ଯ ପୃଥକ୍ପୃଥକ୍କୁଣ୍ଡେଷୁ ନିଧାଯ ରକ୍ଷଣମ୍॥ 3 ॥ ବନେ ସ୍ଥିତସ୍ଯ ପାଣ୍ଡୋଃ କୁନ୍ତ୍ଯାଂ ବାଯୋର୍ଭୀମସେନ୍ନୋତ୍ପତ୍ତିଃ॥ 4 ॥ ମାତୁରଙ୍କାତ୍ପତିତେନ ଭୀମେନ ଶୈଲଶିଲାସଂଚୂର୍ଣନମ୍॥ 5 ॥ ଦୁର୍ଯୋଧନୋତ୍ପତ୍ତିଃ॥ 6 ॥ ତତୋ ମାସେନ ଧୃତରାଷ୍ଟ୍ରସ୍ଯ ପୁତ୍ରଶତୋତ୍ପତ୍ତିଃ। ଦୁଃଶଲାଜନନଂ ଚ॥ 7 ॥Mahabharata - Adi Parva - Chapter Text
1-129-0 (5678)
`କୁନ୍ତ୍ଯୁବାଚ। 1-129-0x (765)
ଅପତ୍ଯକାମ ଏବଂ ସ୍ଯାନ୍ମମାପତ୍ଯଂ ଭବେଦିତି।
ବିପ୍ରଂ ବା ଗୁଣସଂପନ୍ନଂ ସର୍ବଭୂତହିତେ ରତମ୍॥ 1-129-1 (5679)
ଅନୁଜାନୀହି ଭଦ୍ରଂ ତେ ଦୈବତଂ ହି ପତିଃ ସ୍ତ୍ରିଯଃ।
ଯଂ ତ୍ବଂ ବକ୍ଷ୍ଯସି ଧର୍ମଜ୍ଞ ଦେବଂ ବ୍ରାହ୍ମଣମେବ ଚ॥ 1-129-2 (5680)
ଯଥୋଦ୍ଦିଷ୍ଟଂ ତ୍ବଯା ବୀର ତତ୍କର୍ତାସ୍ମି ମହାଭୁଜ।
ଦେବାତ୍ପୁତ୍ରଫଲଂ ସଦ୍ଯୋ ବିପ୍ରାତ୍କାଲାନ୍ତରେ ଭବେତ୍॥ 1-129-3 (5681)
ଆବାହଯାମି କଂ ଦେବଂ କଦା ବା ଭରତର୍ଷଭ।
ତ୍ବତ୍ତ ଆଜ୍ଞାଂ ପ୍ରତୀକ୍ଷନ୍ତୀଂ ବିଦ୍ଧ୍ଯସ୍ମିନ୍କର୍ମଣୀପ୍ସିତେ॥ 1-129-4 (5682)
ପାଣ୍ଡୁରୁବାଚ। 1-129-5x (766)
ଧନ୍ଯୋଽଞସ୍ମ୍ଯନୁଗୃହୀତୋଽସ୍ମି ତ୍ବଂ ନୋ ଧାତ୍ରୀ କୁଲସ୍ଯ ହି।
ନମୋ ମହର୍ଷଯେ ତସ୍ମୈ ଯେନ ଦତ୍ତୋ ବରସ୍ତବ॥ 1-129-5 (5683)
ନ ଚାଧର୍ମେଣ ଧର୍ମଜ୍ଞେ ଶକ୍ଯାଃ ପାଲଯିତୁଂ ପ୍ରଜାଃ।
ତସ୍ମାତ୍ତ୍ବଂ ପୁତ୍ରଲାଭାଯ ସନ୍ତାନାଯ ମମୈବ ଚ॥ 1-129-6 (5684)
ପ୍ରବରଂ ସର୍ବଦେବାନାଂ ଧର୍ମମାବାହଯାବଲେ। 1-129-7 (5685)
ବୈଶମ୍ପାଯନ ଉବାଚ।
ପାଣ୍ଡୁନା ସମନୁଜ୍ଞାତା ଭାରତେନ ଯଶସ୍ବିନା।
ମତିଂ ଚକ୍ରେ ମହାରାଜ ଧର୍ମସ୍ଯାବାହନେ ତଦା॥' 1-129-7x (767)
ପାଣ୍ଡୁରୁବାଚ। 1-129-8x (768)
ଅଦ୍ଯୈବ ତ୍ବଂ ବରାରୋହେ ପ୍ରଯତସ୍ବ ଯଥାବିଧି।
ଧାର୍ମିକଶ୍ଚ କୁରୂଣାଂ ହି ଭବିଷ୍ଯତି ନ ସଂଶଯଃ॥ 1-129-8 (5686)
ଦତ୍ତସ୍ଯ ତସ୍ଯ ଧର୍ମେଣ ନାଧର୍ମେ ରଂସ୍ଯତେ ମନଃ।
ଧର୍ମାଦିକଂ ହି ଧର୍ମଜ୍ଞେ ଧର୍ମାନ୍ତଂ ଧର୍ମମଧ୍ଯମମ୍॥ 1-129-9 (5687)
ଅପତ୍ଯମିଷ୍ଟଂ ଲୋକେଷୁ ଯଶଃକୀର୍ତିବିବର୍ଧନମ୍।
ତସ୍ମାଦ୍ଧର୍ମଂ ପୁରସ୍କୃତ୍ଯ ନିଯତା ତ୍ବଂ ଶୁଚିସ୍ମିତେ॥ 1-129-10 (5688)
ଆକାରାଚାରସଂପନ୍ନା ଭଜସ୍ବାରାଧଯ ସ୍ବଯମ୍॥ 1-129-11 (5689)
ବୈଶମ୍ପାଯନ ଉବାଚ। 1-129-12x (769)
ସା ତଥୋକ୍ତା ତଥେତ୍ଯୁକ୍ତ୍ବା ତେନ ଭର୍ତ୍ରା ବରାଙ୍ଗନା।
ଅଭିବାଦ୍ଯାଭ୍ଯନୁଜ୍ଞାତା ପ୍ରଦକ୍ଷିଣମଥାକରୋତ୍॥ 1-129-12 (5690)
ସଂବତ୍ସରୋଷିତେ ଗର୍ଭେ ଗାନ୍ଧାର୍ଯା ଜନମେଜଯ।
ଆଜୁବହାବ ତତୋ ଧର୍ମଂ କୁନ୍ତୀ ଗର୍ଭାର୍ଥମଚ୍ଯୁତମ୍॥ 1-129-13 (5691)
ସା ବଲିଂ ତ୍ବରିତା ଦେବୀ ଧର୍ମାଯୋପଜହାର ହ।
ଜଜାପ ବିଧିବଜ୍ଜପ୍ଯଂ ଦତ୍ତଂ ଦୁର୍ବାସସା ପୁରା॥ 1-129-14 (5692)
`ଜାନନ୍ତୀ ଧର୍ମମଗ୍ର୍ଯଂ ବୈ ଧର୍ମଂ ବଶମୁପାନଯତ୍।
ଆହୂତୋ ନିଯମାତ୍କୁନ୍ତ୍ଯା ସର୍ବଭୂତନମସ୍କୃତଃ॥' 1-129-15 (5693)
ଆଜଗାମ ତତୋ ଦେବୀଂ ଧର୍ମୋ ମନ୍ତ୍ରବଲାତ୍ତତଃ।
ବିମାନେ ସୂର୍ଯସଙ୍କାଶେ କୁନ୍ତୀ ଯତ୍ର ଜପସ୍ଥିତା॥ 1-129-16 (5694)
`ଦଦୃଶେ ଭଗବାନ୍ଧର୍ମଃ ସନ୍ତାନାର୍ଥାଯ ପାଣ୍ଡବେ।'
ବିହସ୍ଯ ତାଂ ତତୋ ବ୍ରୂଯାଃ କୁନ୍ତି କିଂ ତେ ଦଦାମ୍ଯହମ୍।
ସା ତଂ ବିହସ୍ଯମାନାପି ପୁତ୍ରଂ ଦେହ୍ଯବ୍ରବୀଦିଦମ୍॥ 1-129-17 (5695)
`ତସ୍ମିନ୍ବହୁମୃଗେଽରଣ୍ଯେ ଶତଶୃଙ୍ଗେ ନଗୋତ୍ତମେ।
ପାଣ୍ଡୋରର୍ଥେ ମହାଭାଗା କୁନ୍ତୀ ଧର୍ମମୁପାଗମତ୍॥ 1-129-18 (5696)
ଋତୁକାଲେ ଶୁଚିଃ ସ୍ନାତା ଶୁକ୍ଲବସ୍ତ୍ରା ଯଶସ୍ବିନୀ।
ଶଯ୍ଯାଂ ଜଗ୍ରାହ ସୁଶ୍ରୋଣୀ ସହ ଧର୍ମେଣ ସୁବ୍ରତା॥' 1-129-19 (5697)
ଧର୍ମେଣ ସହ ସଂଗମ୍ଯ ଯୋଗମୂର୍ତିଧରେଣ ସା।
ଲେଭେ ପୁତ୍ରଂ ମହାବାହୁଂ ସର୍ବପ୍ରାଣଭୃତାଂ ବରମ୍॥ 1-129-20 (5698)
ଐନ୍ଦ୍ରେ ଚନ୍ଦ୍ରମସା ଯୁକ୍ତେ ମୁହୂର୍ତେଽଭିଜିତେଽଷ୍ଟମେ।
ଦିବା ମଧ୍ଯଗତେ ସୂର୍ଯେ ତିଥୌ ପୂର୍ଣେ ହି ପୂଜିତେ॥ 1-129-21 (5699)
ସମୃଦ୍ଧଯସଶଂ କୁନ୍ତୀ ସୁଷାବ ପ୍ରବରଂ ସୁତମ୍।
ଜାତମାତ୍ରେ ସୁତେ ତସ୍ମିନ୍ବାଗୁବାଚାଶରୀରିଣୀ॥ 1-129-22 (5700)
ଏଷ ଧର୍ମଭୃତାଂ ଶ୍ରେଷ୍ଠୋ ଭବିଷ୍ଯତି ନରୋତ୍ତମଃ।
ବିକ୍ରାନ୍ତଃ ସତ୍ଯବାକ୍ଚୈବ ରାଜା ପୃଥ୍ବ୍ଯାଂ ଭବିଷ୍ଯତି॥ 1-129-23 (5701)
ଯୁଧିଷ୍ଠିର ଇତି ଖ୍ଯାତଃ ପାଣ୍ଡୋଃ ପ୍ରଥମଜଃ ସୁତଃ।
ଭବିତା ପ୍ରଥିତୋ ରାଜା ତ୍ରିଷୁ ଲୋକେଷୁ ବିଶ୍ରୁତଃ।
ଯଶସା ତେଜସା ଚୈବ ବୃତ୍ତେନ ଚ ସମନ୍ବିତଃ॥ 1-129-24 (5702)
ସଂବତ୍ସରେ ଦ୍ବିତୀଯେ ତୁ ଗାନ୍ଧାର୍ଯା ଉଦରଂ ମହତ୍।
ନ ଚ ପ୍ରାଜାଯତ ତଦା ତତସ୍ତାଂ ଦୁଃଖମାବିଶତ୍॥ 1-129-25 (5703)
ଶ୍ରୁତ୍ବା କୁନ୍ତୀସୁତଂ ଜାତଂ ବାଲାର୍କସମତେଜସମ୍।
ଉଦସ୍ଯାତ୍ମନଃ ସ୍ଥୈର୍ଯମୁପାଲଭ୍ଯ ଚ ସୌବଲୀ॥ 1-129-26 (5704)
କୌରବସ୍ଯାପରିଜ୍ଞାତଂ ଯତ୍ନେନ ମହତା ସ୍ବଯମ୍।
ଉଦରଂ ଘାତଯାମାସ ଗାନ୍ଧାରୀ ଶୋକମୂର୍ଛିତା॥ 1-129-27 (5705)
ତତୋ ଜଜ୍ଞେ ମାଂସପେଶୀ ଲୋହାଷ୍ଠୀଲେବ ସଂହତା।
ଦ୍ବିବର୍ଷସଂଭୃତା କୁକ୍ଷୌ ତାମୁତ୍ସ୍ରଷ୍ଟୁଂ ପ୍ରଚକ୍ରମେ॥ 1-129-28 (5706)
ଅଥ ଦ୍ବୈପାଯନୋ ଜ୍ଞାତ୍ବା ତ୍ବରିତଃ ସମୁପାଗମତ୍।
ତାଂ ସ ମାଂସମଯୀଂ ପେଶୀଂ ଦଦର୍ଶ ଜପତାଂ ବରଃ॥ 1-129-29 (5707)
ତତୋଽବଦତ୍ସୌବଲେଯୀଂ କିମିଦଂ ତେ ଚିକୀର୍ଷିତମ୍।
ସା ଚାତ୍ମନୋ ମତଂ ସର୍ବଂ ଶଶଂସ ପରମର୍ଷଯେ॥ 1-129-30 (5708)
ଗାନ୍ଧାର୍ଯୁବାଚ। 1-129-31x (770)
ଜ୍ଯେଷ୍ଠଂ କୁନ୍ତୀସୁତଂ ଜାତଂ ଶ୍ରୁତ୍ବା ରବିସମପ୍ରଭମ୍।
ଦୁଃଖେନ ପରମେଣେଦମୁଦରଂ ଘାତିତଂ ମଯା॥ 1-129-31 (5709)
ଶତଂ ଚ କିଲ ପୁତ୍ରାଣାଂ ବିତୀର୍ଣଂ ମେ ତ୍ବଯା ପୁରା।
ଇଯଂ ଚ ମେ ମାଂସପେଶୀ ଜାତା ପୁତ୍ରଶତାଯ ବୈ॥ 1-129-32 (5710)
ବ୍ଯାସ ଉବାଚ। 1-129-33x (771)
ଏବମେତତ୍ସୌବଲେଯି ନୈତଜ୍ଜାତ୍ବନ୍ଯଥା ଭବେତ୍।
ବିତଥଂ ନୋକ୍ତପୂର୍ବଂ ମେ ସ୍ବୈରେଷ୍ବପି କୁତୋଽନ୍ଯଥା॥ 1-129-33 (5711)
ଘୃତପୂର୍ଣଂ କୁଣ୍ଡଶତଂ କ୍ଷିପ୍ରମେବ ବିଧୀଯତାମ୍।
ସୁଗୁପ୍ତେଷୁ ଚ ଦେଶେଷୁ ରକ୍ଷା ଚୈବ ବିଧୀଯତାମ୍॥ 1-129-34 (5712)
ଶୀତାଭିରଦ୍ଭିରଷ୍ଠୀଲାମିମାଂ ଚ ପରିଷିଞ୍ଚଯ॥ 1-129-35 (5713)
ବୈଶମ୍ପାଯନ ଉବାଚ। 1-129-36x (772)
ସା ସିଚ୍ଯମାନା ହ୍ଯଷ୍ଠୀଲା ହ୍ଯଭବଚ୍ଛତଧା ତଦା।
ଅଙ୍ଗୁଷ୍ଠପର୍ବଭାତ୍ରାଣାଂ ଗର୍ଭାଣାଂ ତତ୍କ୍ଷଣଂ ତଥା॥ 1-129-36 (5714)
ଏକାଧିକଶତଂ ପୂର୍ଣଂ ଯଥାଯୋଗଂ ବିଶାଂପତେ।
ତତଃ କୁଣ୍ଡଶତଂ ତତ୍ର ଆନାଯ୍ଯ ତୁ ମହାନୃଷିଃ॥ 1-129-37 (5715)
ମାଂସପେଶ୍ଯାସ୍ତଦା ରାଜନ୍କ୍ରମଶଃ କାଲପର୍ଯଯାତ୍।
ତତସ୍ତାଂସ୍ତେଷୁ କୁଣ୍ଡେଷୁ ଗର୍ଭାନ୍ସର୍ବାନ୍ସମାଦଧତ୍॥ 1-129-38 (5716)
ସ୍ବନୁଗୁପ୍ତେଷୁ ଦେଶେଷୁ ରକ୍ଷାଂ ଚୈଷାଂ ବ୍ଯଧାପଯତ୍।
ଶଶାସ ଚୈବ କୃଷ୍ଣୋ ବୈ ଗର୍ଭାଣାଂ ରକ୍ଷଣଂ ତଥା॥ 1-129-39 (5717)
ଉବାଚ ଚୈନାଂ ଭଗବାନ୍କାଲେନୈତାବତା ପୁନଃ।
ସ୍ଫୁଟମାନେଷୁ କୁଣ୍ଡେଷୁ ଜାତାଞ୍ଜାନୀହି ଶୋଭନେ॥ 1-129-40 (5718)
ଉଦ୍ଧାଟନୀଯାନ୍ଯେତାନି କୁଣ୍ଡାନୀତି ଚ ସୌବଲୀମ୍।
ଇତ୍ଯୁକ୍ତ୍ବା ଭଗବାନ୍ବ୍ଯାସସ୍ତଥା ପ୍ରତିବିଧାଯ ଚ॥ 1-129-41 (5719)
ଜଗାମ ତପସେ ଧୀମାନ୍ହିମବନ୍ତଂ ଶିଲୋଚ୍ଚଯମ୍।
ଅହ୍ନୋତ୍ତରାଃ କୁମାରସ୍ତେ କୁଣ୍ଡେଭ୍ଯସ୍ତୁ ସମୁତ୍ଥିତାଃ॥ 1-129-42 (5720)
ତେନୈବୈଷାଂ କ୍ରମେଣାସୀଜ୍ଜ୍ଯୋଷ୍ଠାନୁଜ୍ଯେଷ୍ଠତା ତଦା।
ଜନ୍ମତଶ୍ଚ ପ୍ରମାଣେନ ଜ୍ଯେଷ୍ଠଃ କୁନ୍ତୀସୁତୋଽଭବତ୍॥ 1-129-43 (5721)
ଧାର୍ମିକଂ ଚ ସୁତଂ ଦୃଷ୍ଟ୍ବା ପାଣ୍ଡୁଃ କୁନ୍ତୀମଥାଽବ୍ରବୀତ୍।
ପ୍ରାହୁଃ କ୍ଷତ୍ରଂ ବଲଜ୍ଯେଷ୍ଠଂ ବଲଜ୍ଯେଷ୍ଠଂ ସୁତଂ ବୃଣୁ॥ 1-129-44 (5722)
ତତଃ କୁନ୍ତୀମଭିକ୍ରମ୍ଯ ଶଶାସାତୀବ ଭାରତ।
ବାଯୁମାବାହଯସ୍ବେତି ସ ଦେବୋ ବଲବତ୍ତରଃ॥ 1-129-45 (5723)
ଅଶ୍ବମେଧଃ କ୍ରତୁଶ୍ରେଷ୍ଠୋ ଜ୍ଯୋତିଃଶ୍ରେଷ୍ଠୋ ଦିବାକରଃ।
ବ୍ରାହ୍ମଣୋ ଦ୍ବିପଦାଂ ଶ୍ରେଷ୍ଠୋ ଦେବଶ୍ରେଷ୍ଠଶ୍ଚ ମାରୁତଃ॥ 1-129-46 (5724)
ମାରୁତଂ ମରୁତାଂ ଶ୍ରେଷ୍ଠଂ ସର୍ବପ୍ରାଣିଭିରୀଡିତମ୍।
ଆବାହଯ ତ୍ବଂ ନିଯମାତ୍ପୁତ୍ରାର୍ଥଂ ବରବର୍ଣିନି॥ 1-129-47 (5725)
ସ ନୋ ଯଂ ଦାସ୍ଯତି ସୁତଂ ସ ପ୍ରାଣବଲବାନ୍ନୃଷୁ।
ଭବିଷ୍ଯତି ବରାରୋହେ ବଲଜ୍ଯେଷ୍ଠା ହି ଭୂମିପାଃ॥ 1-129-48 (5726)
ବୈଶମ୍ପାଯନ ଉବାଚ। 1-129-49x (773)
ତଥୋକ୍ତବତି ସା କାଲେ ବାଯୁମେବାଜୁହାବ ହ।
ଦ୍ବିତୀଯେନୋପହାରେଣ ତେନୋକ୍ତବିଧିନା ପୁନଃ॥ 1-129-49 (5727)
ତୈରେବ ନିଯମୈଃ ସ୍ଥିତ୍ବା ମନ୍ତ୍ରଗ୍ରାମମୁଦୈରଯତ୍।
ଆଜଗାମ ତତୋ ବାଯୁଃ କିଂ କରୋମୀତି ଚାବ୍ରବୀତ୍॥ 1-129-50 (5728)
ଲଜ୍ଜାନ୍ବିତା ତତଃ କୁନ୍ତୀ ପୁତ୍ରମୈଚ୍ଛନ୍ମହାବଲମ୍।
ତଥାସ୍ତ୍ବିତି ଚ ତାଂ ବାଯୁଃ ସମାଲଭ୍ଯ ଦିବଂ ଗତଃ॥ 1-129-51 (5729)
ତସ୍ଯାଂ ଜଜ୍ଞେ ମହାବୀର୍ଯୋ ଭୀମୋ ଭୀମପରାକ୍ରମଃ।
ତମପ୍ଯତିବଲଂ ଜାତଂ ବାଗୁବାଚାଶରୀରିଣୀ॥ 1-129-52 (5730)
ସର୍ବେଷାଂ ବଲିନାଂ ଶ୍ରେଷ୍ଠୋ ଜାତୋଽଯମିତି ଭାରତ।
ଜାତମାତ୍ରେ କୁମାରେ ତୁ ସର୍ବଲୋକସ୍ଯ ପାର୍ଥିବାଃ॥ 1-129-53 (5731)
ମୂତ୍ରଂ ପ୍ରସୁସ୍ରୁବୁଃ ସର୍ବେ ବ୍ଯଥାଂ ଚାପି ପ୍ରପେଦିରେ।
ବାହନାନି ବ୍ଯଶୀର୍ଯନ୍ତ ବ୍ଯମୁଞ୍ଚନ୍ନଶ୍ରୁବିନ୍ଦବଃ॥ 1-129-54 (5732)
ଯଥାଽନିଲଃ ସମୁଦ୍ଭୂତଃ ସମର୍ଥଃ କମ୍ପନେ ଭୁବଃ।
ତଥା ହ୍ଯୁପଚିତାଙ୍ଗୋ ବୈ ଭୀମୋ ଭୀମପରାକ୍ରମଃ॥ 1-129-55 (5733)
ଇଦଂ ଚାଦ୍ଭୁତମତ୍ରାସୀଜ୍ଜାତମାତ୍ରେ ବୃକୋଦରେ।
ଯଦର଼୍କାତ୍ପତିତୋ ମାତୁଃ ଶିଲାଂ ଗାତ୍ରୈରଚୂର୍ଣଯତ୍॥ 1-129-56 (5734)
କୁନ୍ତୀ ତୁ ସହ ପୁତ୍ରେଣ ଯାତା ସୁରୁଚିରଂ ସରଃ।
ସ୍ନାତ୍ବା ଚ ସୁତମାଦାଯ ଦଶମେଽହନି ଯାଦବୀ॥ 1-129-57 (5735)
ଦୈବତାନ୍ଯର୍ଚଯିଷ୍ଯନ୍ତୀ ନିର୍ଜଗାମାଶ୍ରମାତ୍ପୃଥା।
ଶୈଲାଭ୍ଯାଶେନ ଗଚ୍ଛନ୍ତ୍ଯାସ୍ତଦା ଭରତସତ୍ତମ॥ 1-129-58 (5736)
ନିଶ୍ଚକ୍ରାମ ମହାବ୍ଯାଘ୍ରୋ ଜିଘାଂସୁର୍ଗିରିଗହ୍ବରାତ୍।
ତମାପତନ୍ତଂ ଶାର୍ଦୂଲଂ ବିକୃଷ୍ଯ ଧନୁରୁତ୍ତମମ୍॥ 1-129-59 (5737)
ନିର୍ବିଭେଦ ଶରୈଃ ପାଣ୍ଡୁସ୍ତ୍ରିଭିସ୍ତିରଦଶବିକ୍ରମଃ।
ନାଦେନ ମହତା ତାଂ ତୁ ପୂରଯନ୍ତଂ ଗିରେର୍ଗୁହାମ୍॥ 1-129-60 (5738)
ଦୃଷ୍ଟ୍ବା ଶୈଲମୁପାରୋଢୁମୈଚ୍ଛତ୍କୁନ୍ତୀ ଭଯାତ୍ତଦା।
ତ୍ରାସାତ୍ତସ୍ଯାଃ ସୁତସ୍ତ୍ବଙ୍କାତ୍ପପାତ ଭରତର୍ଷଭ॥ 1-129-61 (5739)
ପର୍ବତସ୍ଯୋପରିସ୍ଥାଯାମଧସ୍ତାଦପତଚ୍ଛିଶୁଃ।
ସ ଶିଲାଂ ଚୂର୍ଣଯାମାସ ବଜ୍ରବଦ୍ବଜ୍ରିଚୋଦିତଃ॥ 1-129-62 (5740)
ପୁତ୍ରସ୍ନେହାତ୍ତତଃ ପାଣ୍ଡୁରଭ୍ଯଧାବଦ୍ଗିରେସ୍ତଟମ୍।
ପତତା ତେନ ଶତଧା ଶିଲା ଗାତ୍ରୈର୍ବିଚୂର୍ଣିତା॥ 1-129-63 (5741)
ଶିଲାଂ ଚ ଚୂର୍ଣିତାଂ ଦୃଷ୍ଟ୍ବା ପରଂ ବିସ୍ମଯମାଗମତ୍।
ସ ତୁ ଜନ୍ମନି ଭୀମସ୍ଯ ବିନଦନ୍ତଂ ବିନାଦିତମ୍॥ 1-129-64 (5742)
ଦଦର୍ଶ ଗିରିଶୃଙ୍ଗସ୍ଥଂ ବ୍ଯାଘ୍ରଂ ବ୍ଯାଘ୍ରପରାକ୍ରମଃ।
ଦାରସଂରକ୍ଷଣାର୍ଥାଯ ପୁତ୍ରସଂରକ୍ଷଣାଯ ଚ॥ 1-129-65 (5743)
ସଦା ବାଣଧନୁଷ୍ପାଣିରଭବତ୍କୁରୁନନ୍ଦନଃ।
ମଘେ ଚନ୍ଦ୍ରମସା ଯୁକ୍ତେ ସିଂହେ ଚାଭ୍ଯୁଦିତେ ଗୁରୌ॥ 1-129-66 (5744)
ଦିବା ମଧ୍ଯଗତେ ସୂର୍ଯେ ତିଥୌ ପୁଣ୍ଯେ ତ୍ରଯୋଦଶେ।
ପିତ୍ର୍ଯେ ମୁହୂର୍ତେ ସା କୁନ୍ତୀ ସୁଷୁବେ ଭୀମମଚ୍ଯୁତମ୍॥ 1-129-67 (5745)
ଯସ୍ମିନ୍ନହନି ଭମସ୍ତୁ ଜଜ୍ଞେ ଭୀମପରାକ୍ରମଃ।
ତାମେବ ରାତ୍ରିଂ ପୂର୍ବାଂ ତୁ ଜଜ୍ଞେ ଦୁର୍ଯୋଧନୋ ନୃପଃ॥ 1-129-68 (5746)
ସ ଜାତମାତ୍ର ଏବାଥ ଧୃତରାଷ୍ଟ୍ରସୁତୋ ନୃପ।
ରାସଭାରାବସଦୃଶଂ ରୁରାବ ଚ ନନାଦ ଚ॥ 1-129-69 (5747)
ତଂ ଖରାଃ ପ୍ରତ୍ଯଭାଷନ୍ତ ଗୃଧ୍ରଗୋମାଯୁବାଯସାଃ।
କ୍ରବ୍ଯାଦାଃ ପ୍ରାଣଦନ୍ଘୋରାଃ ଶିବାଶ୍ଚାଶିବନିସ୍ବନାଃ॥ 1-129-70 (5748)
ବାତାଶ୍ଚ ପ୍ରବବୁଶ୍ଚାପି ଦିଗ୍ଦାହଶ୍ଚାଭବତ୍ତଦା।
ତତସ୍ତୁ ଭୀତବଦ୍ରାଜା ଧୃତରାଷ୍ଟ୍ରୋଽବ୍ରବୀଦିଦମ୍॥ 1-129-71 (5749)
ସମାନୀଯ ବହୂନ୍ବିପ୍ରାନ୍ଭୀଷ୍ମଂ ବିଦୁରମେବ ଚ।
ଅନ୍ଯାଂଶ୍ଚ ସୁହୃଦୋ ରାଜନ୍କୁରୂନ୍ସର୍ବାଂସ୍ତଥୈବ ଚ॥ 1-129-72 (5750)
ଯୁଧିଷ୍ଠିରୋ ରାଜପୁତ୍ରୋ ଜ୍ଯେଷ୍ଠୋ ନଃ କୁଲବର୍ଧନଃ।
ପ୍ରାପ୍ତଃ ସ୍ବଗୁଣତୋ ରାଜ୍ଯଂ ନ ତସ୍ମିନ୍ବାଚ୍ଯମସ୍ତିନଃ॥ 1-129-73 (5751)
ଅଯଂ ତ୍ବନନ୍ତରସ୍ତସ୍ମାଦପି ରାଜା ଭବିଷ୍ଯତି।
ଏତଦ୍ବିବ୍ରୂତ ମେ ତଥ୍ଯଂ ଯଦତ୍ର ଭବିତା ଧ୍ରୁବମ୍॥ 1-129-74 (5752)
`ଅସ୍ମିଞ୍ଜାତେ ନିମିତ୍ତାନି ଶଂସନ୍ତୀ ହାଶିବଂ ମହତ୍।
ଅତୋ ବ୍ରବୀମି ବିଦୁର ଦ୍ରୁତଂ ମାଂ ଭଯମାବିଶତ୍॥' 1-129-75 (5753)
ବାକ୍ଯସ୍ଯୈତସ୍ଯ ନିଧେନ ଦିକ୍ଷୁ ସର୍ବାସୁ ଭାରତ।
କ୍ରବ୍ଯାଦାଃ ପ୍ରାଣଦନ୍ଘୋରାଃ ଶିବାଶ୍ଚାଶିବନିସ୍ବନାଃ॥ 1-129-76 (5754)
ଲକ୍ଷଯିତ୍ବା ନିମିତ୍ତାନି ତାନି ଘୋରାଣି ସର୍ବଶଃ।
ତେଽବ୍ରୁବନ୍ବ୍ରାହ୍ମଣା ରାଜନ୍ବିଦୁରଶ୍ଚ ମହାମତିଃ॥ 1-129-77 (5755)
ଯଥେମାନି ନିମିତ୍ତାନି ଘୋରାଣି ମନୁଜାଧିପ।
ଉତ୍ଥିତାନି ସୁତେ ଜାତେ ଜ୍ଯେଷ୍ଠେ ତେ ପୁରୁଷର୍ଷଭ॥ 1-129-78 (5756)
ବ୍ଯକ୍ତଂ କୁଲାନ୍ତକରଣୋ ଭବିତୈଷ ସୁତସ୍ତବ।
ତସ୍ଯ ଶାନ୍ତିଃ ପରିତ୍ଯାଗେ ଗୁପ୍ତାବପନଯୋ ମହାନ୍॥ 1-129-79 (5757)
`ଏଷ ଦୁର୍ଯୋଧନୋ ରାଜା ମଧୁପିଙ୍ଗଲଲୋଚନଃ।
ନ କେବଲଂ କୁଲସ୍ଯାନ୍ତଂ କ୍ଷତ୍ରିଯାନ୍ତଂ କରିଷ୍ଯତି॥' 1-129-80 (5758)
ଶତମେକୋନମପ୍ଯସ୍ତୁ ପୁତ୍ରାଣାଂ ତେ ମହୀପତେ।
ତ୍ଯଜୈନମେକଂ ଶାନ୍ତିଂ ଚେତ୍କୁଲସ୍ଯେଚ୍ଛସି ଭାରତ॥ 1-129-81 (5759)
ଏକେନ କୁରୁ ବୈ କ୍ଷେମଂ କୁଲସ୍ଯ ଜଗତସ୍ତଥା।
ତ୍ଯଜେଦେକଂ କୁଲସ୍ଯାର୍ଥେ ଗ୍ରାମସ୍ଯାର୍ଥେ କୁଲଂ ତ୍ଯଜେତ୍॥ 1-129-82 (5760)
ଗ୍ରାମଂ ଜନପଦସ୍ଯାର୍ଥେ ଆତ୍ମାର୍ଥେ ପୃଥିବୀଂ ତ୍ଯଜେତ୍।
ସ ତଥା ବିଦୁରେଣୋକ୍ତସ୍ତୈଶ୍ଚ ସର୍ବୈର୍ଦ୍ବିଜୋତ୍ତମୈଃ॥ 1-129-83 (5761)
ନ ଚକାର ତଥା ରାଜା ପୁତ୍ରସ୍ନେହସମନ୍ବିତଃ।
ତତଃ ପୁତ୍ରଶତଂ ପୂର୍ଣ ଧୃତରାଷ୍ଟ୍ରସ୍ଯ ପାର୍ଥିବ॥ 1-129-84 (5762)
ଅହ୍ନାଂଶତେନ ସଂଜଜ୍ଞେ କନ୍ଯା ଚୈକା ଶତାଧିକା।
ଗାନ୍ଧାର୍ଯାଂ କ୍ଲିଶ୍ଯମାନାଯାମୁଦରେଣ ବିବର୍ଧତା॥ 1-129-85 (5763)
`ବୈଶ୍ଯା ସା ତ୍ବମ୍ବିକାପୁତ୍ରଂ କନ୍ଯା ପରିଚଚାର ହ।
ତଯା ସମଭବଦ୍ରାଜା ଧୃତରାଷ୍ଟ୍ରୋ ଯଦୃଚ୍ଛଯା॥' 1-129-86 (5764)
ତସ୍ମିନ୍ସଂବତ୍ସରେ ରାଜନ୍ଧୃତରାଷ୍ଟ୍ରାନ୍ମହାଯଶାଃ।
ଜଜ୍ଞେ ଧୀମାଂସ୍ତତସ୍ତସ୍ଯାଂ ଯୁଯୁତ୍ସୁଃ କରମୋ ନୃପ।
ଏବଂ ପୁତ୍ରଶତଂ ଜଜ୍ଞେ ଧୃତରାଷ୍ଟ୍ରସ୍ଯ ଧୀମତଃ॥ 1-129-87 (5765)
ମହାରଥାନାଂ ବୀରାଣାଂ କନ୍ଯା ଚୈକା ଶତାଧିକା।
ଯୁଯୁତ୍ସୁଶ୍ଚ ମହାତେଜା ବୈଶ୍ଯାପୁତ୍ରଃ ପ୍ରତାପବାନ୍॥ ॥ 1-129-88 (5766)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଏକୋନତ୍ରିଂଶଦଧିକଶତତମୋଽଧ୍ଯାଯଃ॥ 129 ॥
Mahabharata - Adi Parva - Chapter Footnotes
1-129-21 ଐନ୍ଦ୍ରେ ଜ୍ଯେଷ୍ଠାନକ୍ଷତ୍ରେ। ଅଷ୍ଟମେ ଅଭିଜିତେଽଭିଜିତି ତ୍ରିଂଶନ୍ମୁହୂର୍ତସ୍ଯାହ୍ନୋଽଷ୍ଟମେ ମୁହୂର୍ତେ। ଦିବା ଶୁକ୍ଲପକ୍ଷେ। ମଧ୍ଯଗତେ ତୁଲାଯନଗତେ। ତିଥୌ ପୂର୍ଣେ ପୂର୍ଣାଯାଂ ପଞ୍ଚମ୍ଯାମ୍। ଅଯଂ ଯୋଗଃ ପ୍ରାଯେଣାସ୍ବିନଶୁକ୍ଲପଞ୍ଚମ୍ଯାମ୍॥ 1-129-28 ଲୋହାଷ୍ଠୀଲା ଲୋହପିଣ୍ଡିକା॥ 1-129-62 ବଜ୍ରବଦ୍ବଜ୍ରିଚୋଦିତଃ ବଜ୍ରିଚୋଦିତବଜ୍ରବଦିତ୍ଯର୍ଥଃ॥ 1-129-64 ବିନାଦିତଂ ନାଦଂ। ବିନନ୍ଦଂ କୁର୍ବାଣମ୍॥ 1-129-69 ରୁରାବ ଚ ନନାଦ ଚ ବ୍ଯକ୍ତମବ୍ଯକ୍ତଂ ଚ ଶବ୍ଦଂ ଖରସଦୃଶମେବାକରୋତ୍॥ 1-129-87 କରଣ ଇବ କରଣଃ କ୍ଷତ୍ରିଯାଦ୍ବୈଶ୍ଯାଯାଂ ଜାତତ୍ବାନ୍ନ ତୁ ବୈଶ୍ଯାଚ୍ଛୂଦ୍ରାଯାମ୍॥ ଏକୋନତ୍ରିଂଶଦଧିକଶତତମୋଽଧ୍ଯାଯଃ॥ 129 ॥ଆଦିପର୍ବ - ଅଧ୍ଯାଯ 130
॥ ଶ୍ରୀଃ ॥
1.130. ଅଧ୍ଯାଯଃ 130
Mahabharata - Adi Parva - Chapter Topics
ଦୁଃଶଲାଜନନପ୍ରକାରକଥନମ୍॥ 1 ॥Mahabharata - Adi Parva - Chapter Text
1-130-0 (5767)
ଜନମେଜଯ ଉବାଚ। 1-130-0x (774)
ଧୃତରାଷ୍ଟ୍ରସ୍ଯ ପୁତ୍ରାଣାମାଦିତଃ କଥିତଂ ତ୍ବଯା।
ଋଷେଃ ପ୍ରସାଦାତ୍ତୁ ଶତଂ ନ ଚ କନ୍ଯା ପ୍ରକୀର୍ତିତା॥ 1-130-1 (5768)
ବୈଶ୍ଯାପୁତ୍ରୋ ଯୁଯୁତ୍ସୁଶ୍ଚ କନ୍ଯା ଚୈକା ଶତାଧିକା।
ଗାନ୍ଧାରରାଜଦୁହିତା ଶତପୁତ୍ରେତି ଚାନଘ॥ 1-130-2 (5769)
ଉକ୍ତା ମହର୍ଷିଣା ତେନ ବ୍ଯାସେନାମିତତେଜସା।
କଥଂ ତ୍ବିଦାନୀଂ ଭଗବନ୍କନ୍ଯାଂ ତ୍ବଂ ତୁ ବ୍ରବୀଷି ମେ॥ 1-130-3 (5770)
ଯଦି ଭାଗଶତଂ ପେଶୀ କୃତା ତେନ ମହର୍ଷିଣା।
ନ ପ୍ରଜାସ୍ଯତି ଚେଦ୍ଭୂଯଃ ସୌବଲେଯୀ କଥଂଚନ॥ 1-130-4 (5771)
କଥଂ ତୁ ସଂଭବସ୍ତସ୍ଯା ଦୁଃଶଲାଯା ବଦସ୍ବ ମେ।
ଯଥାବଦିହ ବିପ୍ରର୍ଷେ ପରଂ ମେଽତ୍ର କୁତୂହଲମ୍॥ 1-130-5 (5772)
ବୈଶମ୍ପାଯନ ଉବାଚ। 1-130-6x (775)
ସାଧ୍ବଯଂ ପ୍ରଶ୍ନ ଉଦ୍ଦିଷ୍ଟଃ ପାଣ୍ଡବେଯ ବ୍ରବୀମି ତେ।
ତାଂ ମାଂସପେଶୀଂ ଭଗବାନ୍ସ୍ବଯମେବ ମହାତପାଃ॥ 1-130-6 (5773)
ଶୀତାଭିରଦ୍ଭିରାସିଚ୍ଯ ଭାଗଂ ଭାଗମକଲ୍ପଯତ୍।
ଯୋ ଯଥା କଲ୍ପିତୋ ଭାଗସ୍ତଂତ ଧାତ୍ର୍ଯା ତଥା ନୃପ॥ 1-130-7 (5774)
ଘୃତପୂର୍ଣେଷୁ କୁଣ୍ଡେଷୁ ଏକୈକଂ ପ୍ରାକ୍ଷିପତ୍ତଦା।
ଏତସ୍ମିନ୍ନନ୍ତରେ ସାଧ୍ବୀ ଗାନ୍ଧାରୀ ସୁଦୃଢବ୍ରତା॥ 1-130-8 (5775)
ଦୁହିତୁଃ ସ୍ନେହସଂଯୋଗମନୁଧ୍ଯାଯ ବରାଙ୍ଗନା।
`ନାବ୍ରବୀତ୍ତମୃଷିଂ କିଂଚିଦ୍ଗୌରବାଚ୍ଚ ଯଶସ୍ବିନୀ।'
ମନସା ଚିନ୍ତଯଦ୍ଦେବୀ ଏତତ୍ପୁତ୍ରଶତଂ ମମ॥ 1-130-9 (5776)
ଭବିଷ୍ଯତି ନ ସଂଦେହୋ ନ ବ୍ରବୀତ୍ଯନ୍ଯଥା ମୁନିଃ।
ମମେଯଂ ପରମା ତୁଷ୍ଟିର୍ଦୁହିତା ମେ ଭବେଦ୍ଯଦି॥ 1-130-10 (5777)
ଏକା ଶତାଧିକା ବାଲା ଭବିଷ୍ଯତି କନୀଯସୀ।
ତତୋ ଦୌହିତ୍ରଜାଲ୍ଲୋକାଦବାହ୍ଯୋଽସୌ ପତିର୍ମମ॥ 1-130-11 (5778)
ଅଧିକା କିଲ ନାରୀଣାଂ ପ୍ରୀତିର୍ଜାମାତୃଜା ଭବେତ୍।
ଯଦି ନାମ ମମାପି ସ୍ଯାଦ୍ଦୁହିତୈକା ଶତାଧିକା॥ 1-130-12 (5779)
କୃତକୃତ୍ଯା ଭବେଯଂ ବୈ ପୁତ୍ରଦୌହିତ୍ରସଂବୃତା।
ଯଦି ସତ୍ଯଂ ତପସ୍ତପ୍ତଂ ଦତ୍ତଂ ବାଽପ୍ଯଥବା ହୁତମ୍॥ 1-130-13 (5780)
ଗୁରବସ୍ତୋଷିତା ବାପି ତଥାଽସ୍ତୁ ଦୁହିତା ମମ।
ଏତସ୍ମିନ୍ନେବ କାଲେ ତୁ କୃଷ୍ଣଦ୍ବୈପାଯନଃ ସ୍ବଯମ୍॥ 1-130-14 (5781)
ବ୍ଯଭଜତ୍ସ ତଦା ପେଶୀଂ ଭଗବାନୃଷିସତ୍ତମଃ।
`ଗଣ୍ଯମାନେଷୁ କୁଣ୍ଡେଷୁ ଶତେ ପୂର୍ଣେ ମହାତ୍ମନା॥ 1-130-15 (5782)
ଅଭବଚ୍ଚାପରଂ ଖଣ୍ଡଂ ବାମହସ୍ତେ ତଦା କିଲ।'
ଗଣଯିତ୍ବା ଶତଂ ପୂର୍ଣମଂଶାନାମାହ ସୌବଲୀମ୍॥ 1-130-16 (5783)
ବ୍ଯାସ ଉବାଚ। 1-130-17x (776)
ପୂର୍ଣଂ ପୁତ୍ରଶତଂ ତ୍ବେତନ୍ନ ମିଥ୍ଯା ବାଗୁଦାହୃତା।
ଦୈବଯୋଗାଚ୍ଚ ଭାଗୈକଃ ପରିଶିଷ୍ଟଃ ଶତାତ୍ପରଃ॥ 1-130-17 (5784)
ଏଷା ତେ ସୁଭଗା କନ୍ଯା ଭବିଷ୍ଯତି ଯତେପ୍ସିତା। 1-130-18 (5785)
ବୈଶମ୍ପାଯନ ଉବାଚ।
ତତୋଽନ୍ଯଂ ଘୃତକୁମ୍ଭଂ ଚ ସମାନାଯ୍ଯ ମହାତପାଃ॥ 1-130-18x (777)
ତଂ ଚାପି ପ୍ରାକ୍ଷିପତ୍ତତ୍ର କନ୍ଯାଭାଗଂ ତପୋଧନଃ।
`ସଂଭୂତା ଚୈବ କାଲେନ ସର୍ବେଷାଂ ଚ ଯବୀଯସୀ॥ 1-130-19 (5786)
ଐତତ୍ତେ କଥିତଂ ରାଜନ୍ଦୁଃଶଲାଜନ୍ମ ଭାରତ।
ବ୍ରୂହି ରାଜେନ୍ଦ୍ର କିଂ ଭୂଯୋ ବର୍ତଯିଷ୍ଯାମି ତେଽନଘ॥ ॥ 1-130-20 (5787)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ତ୍ରିଂଶଦଧିକଶତତମୋଽଧ୍ଯାଯଃ॥ 130 ॥
Mahabharata - Adi Parva - Chapter Footnotes
1-130-4 ନ ପ୍ରଜାସ୍ଯତି ପ୍ରଜାମାତ୍ମନୋ ନେଚ୍ଛତି॥ ତ୍ରିଂଶଦଧିକଶତତମୋଽଧ୍ଯାଯଃ॥ 130 ॥ଆଦିପର୍ବ - ଅଧ୍ଯାଯ 131
॥ ଶ୍ରୀଃ ॥
1.131. ଅଧ୍ଯାଯଃ 131
Mahabharata - Adi Parva - Chapter Topics
ଦୁର୍ଯୋଧନାଦୀନାଂ ନାମକଥନମ୍॥ 1 ॥ ଦୁଃଶଲାବିବାହଃ॥ 2 ॥Mahabharata - Adi Parva - Chapter Text
1-131-0 (5788)
ଜନମେଜଯ ଉବାଚ। 1-131-0x (778)
ଜ୍ଯେଷ୍ଠାଽନୁଜ୍ଯେଷ୍ଠତାଂ ତେଷାଂ ନାମାନି ଚ ପୃଥକ୍ପୃଥକ୍।
ଧୃତରାଷ୍ଟ୍ରସ୍ଯ ପୁତ୍ରାଣାମାନୁପୂର୍ବ୍ଯାତ୍ପ୍ରକୀର୍ତଯ॥ 1-131-1 (5789)
ବୈଶମ୍ପାଯନ ଉବାଚ। 1-131-2x (779)
ଦୁର୍ଯୋଧନୋ ଯୁଯୁତ୍ସୁଶ୍ଚ ରାଜନ୍ଦୁଃଶାସନସ୍ତଥା।
ଦୁଃସହୋ ଦୁଃଶଲଶ୍ଚୈବ ଜଲସନ୍ଧଃ ସମଃ ସହଃ॥ 1-131-2 (5790)
ବିନ୍ଦାନୁବିନ୍ଦୌ ଦୁର୍ଧର୍ଷଃ ସୁବାହୁର୍ଦୁଷ୍ପ୍ରଧର୍ଷଣଃ।
ଦୁର୍ମର୍ଷଣୋ ଦୁର୍ମୁଖଶ୍ଚ ଦୁଷ୍କର୍ଣଃ କର୍ଣ ଏବ ଚ॥ 1-131-3 (5791)
ବିବିଂଶତିର୍ବିକର୍ଣଶ୍ଚ ଶଲଃ ସତ୍ବଃ ସୁଲୋଚନଃ।
ଚିତ୍ରୋପଚିତ୍ରୌ ଚିତ୍ରାକ୍ଷଶ୍ଚାରୁଚିତ୍ରଃ ଶରାସନଃ॥ 1-131-4 (5792)
ଦୁର୍ମଦୋ ଦୁର୍ବିଗାହଶ୍ଚ ବିବିତ୍ସୁର୍ବିକଟାନନଃ।
ଊର୍ଣନାଭଃ ସୁନାଭଶ୍ଚ ତଥା ନନ୍ଦୋପନନ୍ଦକୌ॥ 1-131-5 (5793)
ଚିତ୍ରବାଣଶ୍ଚିତ୍ରବର୍ମା ସୁବର୍ମା ଦୁର୍ବିମୋଚନଃ।
ଅଯୋବାହୁର୍ମହାବାହୁଶ୍ଚିତ୍ରାଙ୍ଗଶ୍ଚିତ୍ରକୁଣ୍ଡଲଃ॥ 1-131-6 (5794)
ଭୀମବେଗୋ ଭୀମବଲୋ ବଲାକୀ ବଲବର୍ଧନଃ।
ଉଗ୍ରାଯୁଧଃ ସୁଷେଣଶ୍ଚ କୁଣ୍ଡଧାରୋ ମହୋଦରଃ॥ 1-131-7 (5795)
ଚିତ୍ରାଯୁଧୋ ନିଷଙ୍ଗୀ ଚ ପାଶୀ ବୃନ୍ଦାରକସ୍ତଥା।
ଦୃଢବର୍ମା ଦୃଢକ୍ଷତ୍ରଃ ସୋମକୀର୍ତିରନୂଦରଃ॥ 1-131-8 (5796)
ଦୃଢସନ୍ଧୋ ଜରାସନ୍ଧଃ ସତ୍ଯସନ୍ଧଃ ସଦଃ ସୁବାକ୍।
ଉଗ୍ରଶ୍ରବା ଉଗ୍ରସେନଃ ସେନାନୀର୍ଦୁଷ୍ପରାଜଯଃ॥ 1-131-9 (5797)
ଅପରାଜିତଃ କୁଣ୍ଡଶାଯୀ ବିଶାଲାକ୍ଷୋ ଦୁରାଧରଃ।
ଦୃଢହସ୍ତଃ ସୁହସ୍ତଶ୍ଚ ବାତବେଗସୁବର୍ଚସୌ॥ 1-131-10 (5798)
ଆଦିତ୍ଯକେତୁର୍ବହ୍ବାଶୀ ନାଗଦତ୍ତୋଽଗ୍ରଯାଯ୍ଯପି।
କବଚୀ କ୍ରଥନଃ କୁଣ୍ଡୀ କୁଣ୍ଡଧାରୋ ଧନୁର୍ଧରଃ॥ 1-131-11 (5799)
ଉଗ୍ରଭୀମରଥୌ ବୀରୌ ବୀରବାହୁରଲୋଲୁପଃ।
ଅଭଯୋ ରୌଦ୍ରକର୍ମା ଚ ତଥା ଦୃଢରଥାଶ୍ରଯଃ॥ 1-131-12 (5800)
ଅନାଧୃଷ୍ଯଃ କୁଣ୍ଡଭେଦୀ ବିରାବୀ ଚିତ୍ରକୁଣ୍ଡଲଃ।
ପ୍ରମଥଶ୍ଚ ପ୍ରମାଥୀ ଚ ଦୀର୍ଘରୋମଶ୍ଚ ବୀର୍ଯବାନ୍॥ 1-131-13 (5801)
ଦୀର୍ଘବାହୁର୍ମହାବାହୁର୍ବ୍ଯୂଢୋରାଃ କନକଧ୍ବଜଃ।
କୁଣ୍ଡାଶୀ ବିରାଜାଶ୍ଚୈବ ଦୁଃଶଲା ଚ ଶତାଧିକା॥ 1-131-14 (5802)
ଇତି ପୁତ୍ରଶତଂ ରାଜନ୍କନ୍ଯା ଚୈବ ଶତାଧିକା।
ନାମଧେଯାନୁପୂର୍ବ୍ଯେଣ ବିଦ୍ଧି ଜନ୍ମକ୍ରମଂ ନୃପ॥ 1-131-15 (5803)
ସର୍ବେ ତ୍ବତିରଥାଃ ଶୂରାଃ ସର୍ବେ ଯୁଦ୍ଧବିଶାରଦାଃ।
ସର୍ବେ ବେଦବିଦଶ୍ଚୈବ ସର୍ବେ ସର୍ବାସ୍ତ୍ରକୋବିଦାଃ॥ 1-131-16 (5804)
ସର୍ବେଷାମନୁରୂପାଶ୍ଚ କୃତା ଦାରା ମହୀପତେ।
ଧୃତରାଷ୍ଟ୍ରେଣ ସମଯେ ପରୀକ୍ଷ୍ଯ ବିବିବନ୍ନୃପ॥ 1-131-17 (5805)
ଦୁଃଶଲାଂ ଚାପି ସମଯେ ଧୃତରାଷ୍ଟ୍ରୋ ନରାଧିପଃ।
ଜଯଦ୍ରଥାଯ ପ୍ରଦଦୌ ବିଧିନା ଭରତର୍ଷଭ॥ 1-131-18 (5806)
`ଇତି ପୁତ୍ରଶତଂ ରାଜନ୍ଯୁଯୁତ୍ସୁଶ୍ଚ ଶତାଧିକଃ।
କନ୍ଯକା ଦୁଃଶଲା ଚୈବ ଯଥାବତ୍କୀର୍ତିତଂ ମଯା'॥ ॥ 1-131-19 (5807)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଏକତ୍ରିଂଶଦଧିକଶତତମୋଽଧ୍ଯାଯଃ॥ 131 ॥
ଆଦିପର୍ବ - ଅଧ୍ଯାଯ 132
॥ ଶ୍ରୀଃ ॥
1.132. ଅଧ୍ଯାଯଃ 132
Mahabharata - Adi Parva - Chapter Topics
କୁନ୍ତ୍ଯାଂ ଇନ୍ଦ୍ରାଦର୍ଜୁନୋତ୍ପତ୍ତିଃ॥ 1 ॥ ତଦ୍ବେଲାଯାଂ ଆକାଶବାଣ୍ଯାଦି॥ 2 ॥Mahabharata - Adi Parva - Chapter Text
1-132-0 (5808)
ବୈଶମ୍ପାଯନ ଉବାଚ। 1-132-0x (780)
ଜାତେ ବଲବତାଂ ଶ୍ରେଷ୍ଠେ ପାଣ୍ଡୁଶ୍ଚିନ୍ତାପରୋଽଭବତ୍।
କଥମନ୍ଯୋ ମମ ସୁତୋ ଲୋକେ ଶ୍ରେଷ୍ଠୋ ଭବେଦିତି॥ 1-132-1 (5809)
ଦୈବେ ପୁରୁଷକାରେ ଚ ଲୋକୋଽଯଂ ସଂପ୍ରତିଷ୍ଠିତଃ।
ତତ୍ର ଦୈବଂ ତୁ ବିଧିନା କାଲଯୁକ୍ତେନ ଲଭ୍ଯତେ॥ 1-132-2 (5810)
ଇନ୍ଦ୍ରୋ ହି ରାଜା ଦେବାନାଂ ପ୍ରଧାନ ଇତି ନଃ ଶ୍ରୁତମ୍।
ଅପ୍ରମେଯବଲୋତ୍ସାହୋ ବୀର୍ଯବାନମିତଦ୍ଯୁତିଃ॥ 1-132-3 (5811)
ତଂ ତୋଷଯିତ୍ବା ତପସା ପୁତ୍ରଂ ଲପ୍ସ୍ଯେ ମହାବଲମ୍।
ଯଂ ଦାସ୍ଯତି ସ ମେ ପୁତ୍ରଂ ସ ବୀରଯାନ୍ଭବିଷ୍ଯତି॥ 1-132-4 (5812)
ଅମାନୁଷାନ୍ମାନୁଷାଂଶ୍ଚ ସଂଗ୍ରାମେ ସ ହନିଷ୍ଯତି।
କର୍ମଣା ମନସା ବାଚା ତସ୍ମାତ୍ତପ୍ସ୍ଯେ ମହତ୍ତପଃ॥ 1-132-5 (5813)
ତତଃ ପାଣ୍ଡୁର୍ମହାରାଜୋ ମନ୍ତ୍ରଯିତ୍ବା ମହର୍ଷିଭିଃ।
ଦିଦେଶ କୁନ୍ତ୍ଯାଃ କୌରବ୍ଯୋ ବ୍ରତଂ ସାଂବତ୍ସରଂ ଶୁଭମ୍॥ 1-132-6 (5814)
ଆତ୍ମନା ଚ ମହାବାହୁରେକପାଦସ୍ଥିତୋଽଭବତ୍।
ଉଗ୍ରଂ ସ ତପ ଆସ୍ଥାଯ ପରମେଣ ସମାଧିନା॥ 1-132-7 (5815)
ଆରିରାଧଯିଷୁର୍ଦେବଂ ତ୍ରିଦଶାନାଂ ତମୀଶ୍ବରମ୍।
ସୂର୍ଯେଣ ସହ ଧର୍ମାତ୍ମା ପର୍ଯତପ୍ଯତ ଭାରତ॥ 1-132-8 (5816)
ତଂ ତୁ କାଲେନ ମହତା ବାସବଃ ପ୍ରତ୍ଯପଦ୍ଯତ। 1-132-9 (5817)
ଶକ୍ର ଉବାଚ।
ପୁତ୍ରଂ ତବ ପ୍ରଦାସ୍ଯାମି ତ୍ରିଷୁ ଲୋକେଷୁ ବିଶ୍ରୁତମ୍॥ 1-132-9x (781)
ବ୍ରାହ୍ମଣାନାଂ ଗବାଂ ଚୈବ ସୁହୃଦାଂ ଚାର୍ଥସାଧକମ୍।
ଦୁର୍ହୃଦାଂ ଶୋକଜନନଂ ସର୍ବବାନ୍ଧବନନ୍ଦନମ୍॥ 1-132-10 (5818)
ସୁତଂ ତେଽଗ୍ର୍ଯଂ ପ୍ରଦାସ୍ଯାମି ସର୍ବାମିତ୍ରବିନାଶନମ୍।
ଇତ୍ଯୁକ୍ତଃ କାରୈବୋ ରାଜା ବାସବେନ ମହାତ୍ମନା॥ 1-132-11 (5819)
ଉବାଚ କୁନ୍ତୀଂ ଧର୍ମାତ୍ମା ଦେବରାଜବଚଃ ସ୍ମରନ୍।
ଉଦର୍କସ୍ତବ କଲ୍ଯାଣି ତୁଷ୍ଟୋ ଦେବଗଣେଶ୍ବରଃ॥ 1-132-12 (5820)
ଦାତୁମିଚ୍ଛତି ତେ ପୁତ୍ରଂ ଯଥା ସଂକଲ୍ପିତଂ ତ୍ବଯା।
ଅତିମାନୁଷକର୍ମାଣଂ ଯଶସ୍ବିନମରିନ୍ଦମମ୍॥ 1-132-13 (5821)
ନୀତିମନ୍ତଂ ମହାତ୍ମାନମାଦିତ୍ଯସମତେଜସମ୍।
ଦୁରାଧର୍ଷଂ କ୍ରିଯାବନ୍ତମତୀବାଦ୍ଭୁତଦର୍ଶନମ୍॥ 1-132-14 (5822)
ପୁତ୍ରଂ ଜନଯ ସୁଶ୍ରୋଣି ଧାମ କ୍ଷତ୍ରିଯତେଜସାମ୍।
ଲବ୍ଧଃ ପ୍ରସାଦୋ ଦେବେନ୍ଦ୍ରାତ୍ତମାହ୍ବଯ ଶୁଚିସ୍ମିତେ॥ 1-132-15 (5823)
ବୈଶମ୍ପାଯନ ଉବାଚ। 1-132-16x (782)
ଏବମୁକ୍ତା ତତଃ ଶକ୍ରମାଜୁହାବ ଯଶସ୍ବିନୀ।
ଅଥାଜଗାମ ଦେବେନ୍ଦ୍ରୋ ଜନଯାମାସ ଚାର୍ଜୁନମ୍॥ 1-132-16 (5824)
`ଉତ୍ତରାଭ୍ଯାଂ ତୁ ପୂର୍ବାଭ୍ଯାଂ ଫଲ୍ଗୁନୀଭ୍ଯାଂ ତତୋ ଦିବା।
ଜାତସ୍ତୁ ଫାଲ୍ଗୁନେ ମାସି ତେନାସୌ ଫଲ୍ଗୁନଃସ୍ମୃତଃ'॥ 1-132-17 (5825)
ଜାତମାତ୍ରେ କୁମାରେ ତୁ `ସର୍ବଭୂତପ୍ରହର୍ଷିଣୀ।
ସୂତକେ ବର୍ତମାନାଂ ତାଂ' ବାଗୁବାଚାଶରୀରିଣୀ।
ମହାଗମ୍ଭୀରନିର୍ଘୋଷା ନଭୋ ନାଦଯତୀ ତଦା॥ 1-132-18 (5826)
ଶୃଣ୍ବତାଂ ସର୍ବଭୂତାନାଂ ତେଷାଂ ଚାଶ୍ରମବାସିନାମ୍।
କୁନ୍ତୀମାଭାଷ୍ଯ ବିସ୍ପଷ୍ଟମୁବାଚେଦଂ ଶୁଚିସ୍ମିତାମ୍॥ 1-132-19 (5827)
କାର୍ତବୀର୍ଯସମଃ କୁନ୍ତି ଶିବତୁଲ୍ଯପରାକ୍ରମଃ।
ଏଷ ଶକ୍ର ଇବାଜଯ୍ଯୋ ଯଶସ୍ତେ ପ୍ରଥଯିଷ୍ଯତି॥ 1-132-20 (5828)
ଅଦିତ୍ଯା ବିଷ୍ଣୁନା ପ୍ରୀତିର୍ଯଥାଽଭୂଦଭିବର୍ଧିତା।
ତଥା ବିଷ୍ଣୁସମଃ ପ୍ରୀତିଂ ବର୍ଧଯିଷ୍ଯତି ତେଽର୍ଜୁନଃ॥ 1-132-21 (5829)
ଏଷ ମଦ୍ରାନ୍ବଶେ କୃତ୍ବା କୁରୂଂଶ୍ଚ ସହ ସୋମକୈଃ।
ଚେଦିକାଶିକରୂଷାଂଶ୍ଚ କୁରୁଲକ୍ଷ୍ମୀଂ ବହିଷ୍ଯତି॥ 1-132-22 (5830)
ଏତସ୍ଯ ଭୁଜବୀର୍ଯେଣ ଖାଣ୍ଡବେ ହବ୍ଯବାହନଃ।
ମେଦସା ସର୍ବଭୂତାନାଂ ତୃପ୍ତିଂ ଯାସ୍ଯତି ବୈ ପରାମ୍॥ 1-132-23 (5831)
ଗ୍ରାମଣୀଶ୍ଚ ମହୀପାଲାନେଷ ଜିତ୍ବା ମହାବଲଃ।
ଭ୍ରାତୃଭିଃ ସହିତୋ ବୀରସ୍ତ୍ରୀନ୍ମେଧାନାହରିଷ୍ଯତି॥ 1-132-24 (5832)
ଜାମଦଗ୍ନ୍ଯସମଃ କୁନ୍ତି ବିଷ୍ଣୁତୁଲ୍ଯପରାକ୍ରମଃ।
ଏଷ ବୀର୍ଯବତାଂ ଶ୍ରେଷ୍ଠୋ ଭବିଷ୍ଯତି ମହାଯଶାଃ॥ 1-132-25 (5833)
ଏଷ ଯୁଦ୍ଧେ ମହାଦେବଂ ତୋଷଯିଷ୍ଯତି ଶଙ୍କରମ୍।
ଅସ୍ତ୍ରଂ ପାଶୁପତଂ ନାମ ତସ୍ମାତ୍ତୁଷ୍ଟାଦବାପ୍ସ୍ଯତି॥ 1-132-26 (5834)
ନିବାତକବଚା ନାମ ଦୈତ୍ଯା ବିବୁଧବିଦ୍ବିଷଃ।
ଶକ୍ରାଜ୍ଞଯା ମହାବାହୁସ୍ତାନ୍ବଧିଷ୍ଯତି ତେ ସୁତଃ॥ 1-132-27 (5835)
ତଥା ଦିବ୍ଯାନି ଚାସ୍ତ୍ରାଣି ନିଖିଲେନାହରିଷ୍ଯତି।
ବିପ୍ରନଷ୍ଟାଂ ଶ୍ରିଯଂ ଚାଯମାହର୍ତା ପୁରୁଷର୍ଷଭଃ॥ 1-132-28 (5836)
ଏତାମତ୍ଯଦ୍ଭୁତାଂ ବାଚଂ କୁନ୍ତୀ ଶୁଶ୍ରାବ ସୂତକେ।
ବାଚମୁଚ୍ଚରିତାମୁଚ୍ଚୈସ୍ତାଂ ନିଶମ୍ଯ ତପସ୍ବିନାମ୍॥ 1-132-29 (5837)
ବଭୂବ ପମୋ ହର୍ଷଃ ଶତଶୃଙ୍ଗନିବାସିନାମ୍।
ତଥା ଦେବମହର୍ଷୀଣାଂ ସେନ୍ଦ୍ରାଣାଂ ଚ ଦିବୌକସାମ୍॥ 1-132-30 (5838)
ଆକାଶେ ଦୁନ୍ଦୁଭୀନାଂ ଚ ବଭୂବ ତୁମୁଲଃ ସ୍ବନଃ।
ଉଦତିଷ୍ଠନ୍ମହାଘୋରଃ ପୁଷ୍ପବୃଷ୍ଟିଭିରାବୃତଃ॥ 1-132-31 (5839)
ସମବେତ୍ଯ ଚ ଦେବାନାଂ ଗଣାଃ ପାର୍ଥମପୂଜଯନ୍।
କାଦ୍ରବେଯା ବୈନତେଯା ଗନ୍ଧର୍ବାପ୍ସରସସ୍ତଥା।
ପ୍ରଜାନାଂ ପତଯଃ ସର୍ବେ ସପ୍ତ ଚୈବ ମହର୍ଷଯଃ॥ 1-132-32 (5840)
ଭରଦ୍ବାଜଃ ଖସ୍ଯପୋ ଗୌତମଶ୍ଚ
ବିଶ୍ବାମିତ୍ରୋ ଜମଦଗ୍ନିର୍ବସିଷ୍ଠଃ।
ଯଶ୍ଚୋଦିତୋ ଭାସ୍କରେଽଭୂତ୍ପ୍ରନଷ୍ଟେ
ସୋଽପ୍ଯତ୍ରାତ୍ରିର୍ଭଗବାନାଜଗାମ॥ 1-132-33 (5841)
ମରୀଚିରଙ୍ଗିରାଶ୍ଚୈବ ପୁଲସ୍ତ୍ଯଃ ପୁଲହଃ କ୍ରତୁଃ।
ଦକ୍ଷଃ ପ୍ରଜାପତିଶ୍ଚୈବ ଗନ୍ଧର୍ବାପ୍ସରସସ୍ତଥା॥ 1-132-34 (5842)
ଦିବ୍ଯମାଲ୍ଯାମ୍ବରଧରାଃ ସର୍ବାଲଙ୍କାରଭୂଷିତାଃ।
ଉପଗାଯନ୍ତି ବୀଭତ୍ସୁଂ ନୃତ୍ଯନ୍ତେଽପ୍ସରସାଂ ଗଣାଃ॥ 1-132-35 (5843)
ତଥା ମହର୍ଷଯଶ୍ଚାପି ଜେପୁସ୍ତତ୍ର ସମନ୍ତତଃ।
ଗନ୍ଧର୍ବୈଃ ସହିତଃ ଶ୍ରୀମାନ୍ପ୍ରାଗାଯତ ଚ ତୁମ୍ବୁରୁଃ॥ 1-132-36 (5844)
ଭୀମସେନୋଗ୍ରସେନୌ ଚ ଊର୍ଣାଯୁରନଘସ୍ତଥା।
ଗୋପତିର୍ଧୃତରାଷ୍ଟ୍ରଶ୍ଚ ସୂର୍ଯବର୍ଚାସ୍ତଥାଷ୍ଟମଃ॥ 1-132-37 (5845)
ଯୁଗପସ୍ତୃଣପଃ କାର୍ଷ୍ଣିର୍ନନ୍ଦିଶ୍ଚିତ୍ରରଥସ୍ତଥା।
ତ୍ରଯୋଦଶଃ ଶାଲିଶିରାଃ ପର୍ଜନ୍ଯଶ୍ଚ ଚତୁର୍ଦଶଃ॥ 1-132-38 (5846)
କଲିଃ ପଞ୍ଚଦଶଶ୍ଚୈବ ନାରଦଶ୍ଚାତ୍ର ଷୋଡଶଃ।
ଋତ୍ବା ବୃହତ୍ତ୍ବା ବୃହକଃ କରାଲଶ୍ଚ ମହାମନାଃ॥ 1-132-39 (5847)
ବ୍ରହ୍ମଚାରୀ ବହୁଗୁଣଃ ସୁବର୍ଣଶ୍ଚେତି ବିଶ୍ରୁତଃ।
ବିଶ୍ବାବସୁର୍ଭୁମନ୍ଯୁଶ୍ଚ ସୁଚନ୍ଦ୍ରଶ୍ଚ ଶରୁସ୍ତଥା॥ 1-132-40 (5848)
ଗୀତମାଧୁର୍ଯସଂପନ୍ନୌ ବିଖ୍ଯାତୌ ଚ ହହାହୁହୂ।
ଇତ୍ଯେତେ ଦେବଗନ୍ଧର୍ବା ଜଗ୍ମୁସ୍ତତ୍ର ନରାଧିପ॥ 1-132-41 (5849)
ତଥୈବାପ୍ସରସୋ ହୃଷ୍ଟାଃ ସର୍ବାଲଙ୍କାରଭୂଷିତାଃ।
ନନୃତୁର୍ବୈ ମହାଭାଗା ଜଗୁଶ୍ଚାଯତଲୋଚନାଃ॥ 1-132-42 (5850)
ଅନୂଚାନାଽନବଦ୍ଯା ଚ ଗୁଣମୁଖ୍ଯା ଗୁଣାବରା।
ଅଦ୍ରିକା ଚ ତଥା ସୋମା ମିଶ୍ରକେଶୀ ତ୍ବଲମ୍ବୁଷା॥ 1-132-43 (5851)
ମରୀଚିଃ ଶୁଚିକା ଚୈବ ବିଦ୍ଯୁତ୍ପର୍ଣା ତିଲୋତ୍ତମା।
ଅମ୍ବିକା ଲକ୍ଷଣା କ୍ଷେମା ଦେବୀ ରମ୍ଭା ମନୋରମା॥ 1-132-44 (5852)
ଅସିତା ଚ ସୁବାହୁଶ୍ଚ ସୁପ୍ରିଯା ଚ ବପୁସ୍ତଥା।
ପୁଣ୍ଡରୀକା ସୁଗନ୍ଧା ଚ ସୁରସା ଚ ପ୍ରମାଥିନୀ॥ 1-132-45 (5853)
କାମ୍ଯା ଶାରଦ୍ବତୀ ଚୈବ ନନୃତୁସ୍ତତ୍ର ସଂଘଶଃ।
ମେନକା ସହଜନ୍ଯା ଚ କର୍ଣିକା ପୁଞ୍ଜିକସ୍ଥଲା॥ 1-132-46 (5854)
ଋତୁସ୍ଥଲା ଘୃତାଚୀ ଚ ବିଶ୍ବାଚୀ ପୂର୍ବଚିତ୍ତ୍ଯପି।
ଉମ୍ଲୋଚେତି ଚ ବିଖ୍ଯାତା ପ୍ରମ୍ଲୋଚେତି ଚ ତା ଦଶ॥ 1-132-47 (5855)
ଉର୍ବଶ୍ଯେକାଦଶୀ ତାସାଂ ଜଗୁଶ୍ଚାଯତଲୋଚନାଃ।
ଧାତାଽର୍ଯମା ଚ ମିତ୍ରଶ୍ଚ ବରୁଣୋଂଽଶୋ ଭଗସ୍ତଥା॥ 1-132-48 (5856)
ଇନ୍ଦ୍ରୋ ବିବସ୍ବାନ୍ପୂଷା ଚ ପର୍ଜନ୍ଯୋ ଦଶମଃ ସ୍ମୃତଃ।
ତତସ୍ତ୍ବଷ୍ଟା ତତୋ ବିଷ୍ଣୁରଜଘନ୍ଯୋ ଜଘନ୍ଯଜଃ॥ 1-132-49 (5857)
ଇତ୍ଯେତେ ଦ୍ବାଦଶାଦିତ୍ଯା ଜ୍ବଲନ୍ତଃ ସୂର୍ଯବର୍ଚସଃ॥ 1-132-50 (5858)
ମୃଗବ୍ଯାଧଶ୍ଚ ସର୍ପଶ୍ଚ ନିର୍ଋତିଶ୍ଚ ମହାଯଶାଃ।
ଅଜୈକପାଦହିର୍ବୁଧ୍ନ୍ଯଃ ପିନାକୀ ଚ ପରଂତପ॥ 1-132-51 (5859)
ଦହନୋଽଥେଶ୍ବରଶ୍ଚୈବ କପାଲୀ ଚ ବିଶାଂପତେ।
ସ୍ଥାଣୁର୍ଭଗଶ୍ଚ ଭଗବାନ୍ରୁଦ୍ରାସ୍ତତ୍ରାବତସ୍ଥିରେ॥ 1-132-52 (5860)
ଅଶ୍ବିନୌ ବସବଶ୍ଚାଷ୍ଟୌ ମରୁତଶ୍ଚ ମହାବଲାଃ।
ବିଶ୍ବେଦେବାସ୍ତଥା ସାଧ୍ଯାସ୍ତତ୍ରାସନ୍ପରିତଃ ସ୍ଥିତାଃ॥ 1-132-53 (5861)
କର୍କୋଟକୋଽଥ ସର୍ପଶ୍ଚ ବାସୁକିଶ୍ଚ ଭୁଜଙ୍ଗମଃ।
କଚ୍ଛପଶ୍ଚାଥ କୁଣ୍ଡଶ୍ଚ ତକ୍ଷକଶ୍ଚ ମହୋରଗଃ॥ 1-132-54 (5862)
ଆଯଯୁସ୍ତପସା ଯୁକ୍ତା ମହାକ୍ରୋଧା ମହାବଲାଃ।
ଏତେ ଚାନ୍ଯେ ଚ ବହବସ୍ତତ୍ର ନାଗା ବ୍ଯବସ୍ଥିତାଃ॥ 1-132-55 (5863)
ତାର୍କ୍ଷ୍ଯଶ୍ଚାରିଷ୍ଟନେମିଶ୍ଚ ଗରୁଡଶ୍ଚାସିତଧ୍ବଜଃ।
ଅରୁଣଶ୍ଚାରୁଣିଶ୍ଚୈବ ବୈନତେଯା ବ୍ଯବସ୍ଥିତାଃ॥ 1-132-56 (5864)
ତାଂଶ୍ଚ ଦେବଗଣାନ୍ସର୍ବାଂସ୍ତପଃସିଦ୍ଧା ମହର୍ଷଯଃ।
ବିମାନଗିର୍ଯଗ୍ରଗତାନ୍ଦଦୃଶୁର୍ନେତରେ ଜନାଃ॥ 1-132-57 (5865)
ତଦ୍ଦୃଷ୍ଟ୍ବା ମହଦାଶ୍ଚର୍ଯଂ ବିସ୍ମିତା ମୁନିସତ୍ତମାଃ।
ଅଧିକାଂ ସ୍ମ ତତୋ ବୃତ୍ତିମବର୍ତନ୍ପାଣ୍ଡବଂ ପ୍ରତି॥ 1-132-58 (5866)
ପାଣ୍ଡୁଃ ପ୍ରୀତେନ ମନସା ଦେବତାଦୀନପୂଜଯତ୍।
ପାଣ୍ଡୁନା ପୂଜିତା ଦେବାଃ ପ୍ରତ୍ଯୂଚୁର୍ନରସତ୍ତମମ୍॥ 1-132-59 (5867)
ପ୍ରାଦୁର୍ବୂତୋ ହ୍ଯଯଂ ଧର୍ମୋ ଦେବତାନାଂ ପ୍ରସାଦତଃ।
ମାତରିଶ୍ବା ହ୍ଯଯଂ ଭୀମୋ ବଲବାନରିମର୍ଦନଃ॥ 1-132-60 (5868)
ସାକ୍ଷାଦିନ୍ଦ୍ରଃ ସ୍ବଯଂ ଜାତଃ ପ୍ରସାଦାଚ୍ଚ ଶତକ୍ରତୋଃ।
ପିତୃତ୍ବାଦ୍ଦେବତାନାଂ ହି ନାସ୍ତି ପୁଣ୍ଯତରସ୍ତ୍ବଯା॥ 1-132-61 (5869)
ପିତୄଣାମୃଣନିର୍ମୁକ୍ତଃ ସ୍ବର୍ଗଂ ପ୍ରାପ୍ସ୍ଯସି ପୁଣ୍ଯଭାକ୍।
ଇତ୍ଯୁକ୍ତ୍ବା ଦେବତାଃ ସର୍ବା ବିପ୍ରଜଗ୍ମୁର୍ଯଥାଗତମ୍॥ 1-132-62 (5870)
ପାଣ୍ଡୁସ୍ତୁ ପୁନରେବୈନାଂ ପୁତ୍ରଲୋଭାନ୍ମହାଯଶାଃ।
ପ୍ରାଦିଶଦ୍ଦର୍ଶନୀଯାର୍ଥୀ କୁନ୍ତୀ ତ୍ବେନମଥାବ୍ରବୀତ୍॥ 1-132-63 (5871)
ନାତଶ୍ଚତୁର୍ଥଂ ପ୍ରସବମାପସ୍ତ୍ବପି ବଦନ୍ତ୍ଯୁତ।
ଅତଃପରଂ ସ୍ବୈରିଣୀ ସ୍ଯାଦ୍ବନ୍ଧକୀ ପଞ୍ଚମେ ଭବେତ୍॥ 1-132-64 (5872)
ସ ତ୍ବଂ ବିଦ୍ବନ୍ଧର୍ମମିମମଧିଗମ୍ଯ କଥଂ ନୁ ମାମ୍।
ଅପତ୍ଯାର୍ଥଂ ସମୁତ୍କ୍ରମ୍ଯ ପ୍ରମାଦାଦିବ ଭାଷସେ॥ ॥ 1-132-65 (5873)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଦ୍ବାତ୍ରିଂଶଦଧିକଶତତମୋଽଧ୍ଯାଯଃ॥ 132 ॥
Mahabharata - Adi Parva - Chapter Footnotes
1-132-8 ସୂର୍ଯେଣ ସହ ଉଦଯାଦସ୍ତମଯାବଧି॥ ଦ୍ବାତ୍ରିଂଶଦଧିକଶତତମୋଽଧ୍ଯାଯଃ॥ 132 ॥ଆଦିପର୍ବ - ଅଧ୍ଯାଯ 133
॥ ଶ୍ରୀଃ ॥
1.133. ଅଧ୍ଯାଯଃ 133
Mahabharata - Adi Parva - Chapter Topics
ଅଶ୍ବିଭ୍ଯାଂ ମାଦ୍ର୍ଯାଂ ନକୁଲସହଦେବଯୋରୁତ୍ପତ୍ତିଃ॥ 1 ॥ ଯୁଧିଷ୍ଠିରାଦୀନାଂ ନାମକରଣମ୍॥ 2 ॥ ବସୁଦେବପ୍ରେଷିତେନ ପୁରୋହିତେନ ପାଣ୍ଡବାନାମୁପନଯନାଦିସଂସ୍କାରକରଣମ୍॥ 3 ॥ ପାଣ୍ଡବାନାଂ ଶୁକ୍ରାଦ୍ଧନୁର୍ବେଦଶିକ୍ଷଣମ୍॥ 4 ॥Mahabharata - Adi Parva - Chapter Text
1-133-0 (5874)
ବୈଶମ୍ପାଯନ ଉବାଚ। 1-133-0x (783)
କୁନ୍ତୀପୁତ୍ରେଷୁ ଜାତେଷୁ ଧୃତରାଷ୍ଟ୍ରାତ୍ମଜେଷୁ ଚ।
ମଦ୍ରରାଜସୁତା ପାଣ୍ଡୁଂ ରହୋ ବଚନମବ୍ରବୀତ୍॥ 1-133-1 (5875)
ନ ମେଽସ୍ତି ତ୍ବଯି ସନ୍ତାପୋ ବିଗୁଣେଽପି ପରନ୍ତପ।
ନାବରତ୍ବେ ବରାର୍ହାଯାଃ ସ୍ଥିତ୍ବା ଚାନଘ ନିତ୍ଯଦା॥ 1-133-2 (5876)
ଗାନ୍ଧାର୍ଯାଶ୍ଚୈବ ନୃପତେ ଜାତଂ ପୁତ୍ରଶତଂ ତଥା।
ଶ୍ରୁତ୍ବା ନ ମେ ତଥା ଦୁଃଖମଭବତ୍କୁରୁନନ୍ଦନ॥ 1-133-3 (5877)
ଇଦଂ ତୁ ମେ ମହଦ୍ଦୁଃଖଂ ତୁଲ୍ଯତାଯାମପୁତ୍ରତା।
ଦିଷ୍ଟ୍ଯା ତ୍ବିଦାନୀଂ ଭର୍ତୁର୍ମେ କୁନ୍ତ୍ଯାମପ୍ଯସ୍ତି ସନ୍ତତିଃ॥ 1-133-4 (5878)
ଯଦି ତ୍ବପତ୍ଯସନ୍ତାନଂ କୁନ୍ତିରାଜସୁତା ମଯି।
କୁର୍ଯାଦନୁଗ୍ରହୋ ମେ ସ୍ଯାତ୍ତବ ଚାପି ହିତଂ ଭବେତ୍॥ 1-133-5 (5879)
ସଂରମ୍ଭୋ ହି ସପତ୍ନୀତ୍ବାଦ୍ବକ୍ତୁଂ କୁନ୍ତିସୁତାଂ ପ୍ରତି।
ଯଦି ତୁ ତ୍ବଂ ପ୍ରସନ୍ନୋ ମେ ସ୍ବଯମେନାଂ ପ୍ରଚୋଦଯ॥ 1-133-6 (5880)
ପାଣ୍ଡୁରୁବାଚ। 1-133-7x (784)
ମମାପ୍ଯେଷ ସଦା ମାଦ୍ରି ହୃଦ୍ଯର୍ଥଃ ପରିବର୍ତତେ।
ନ ତୁ ତ୍ବାଂ ପ୍ରସହେ ବକ୍ତୁମିଷ୍ଟାନିଷ୍ଟବିବକ୍ଷଯା॥ 1-133-7 (5881)
ତବ ତ୍ବିଦଂ ମତଂ ମତ୍ବା ପ୍ରଯତିଷ୍ଯାମ୍ଯତଃ ପରମ୍।
ମନ୍ଯେ ଧ୍ରୁବଂ ମଯୋକ୍ତା ସା ବଚନଂ ପ୍ରତିପତ୍ସ୍ଯତେ॥ 1-133-8 (5882)
ବୈଶମ୍ପାଯନ ଉବାଚ। 1-133-9x (785)
ତତଃ କୁନ୍ତୀଂ ପୁନଃ ପାଣ୍ଡୁର୍ବିବିକ୍ତ ଇଦମବ୍ରବୀତ୍।
`ଅନୁଗୃହ୍ଣୀଷ୍ବ କଲ୍ଯାଣି ମଦ୍ରରାଜସୁତାମପି।'
କୁଲସ୍ଯ ମମ ସନ୍ତାନଂ ଲୋକସ୍ଯ ଚ କୁରୁ ପ୍ରିଯମ୍॥ 1-133-9 (5883)
ମମ ଚାପିଣ୍ଡନାଶାଯ ପୂର୍ବେଷାଂ ଚ ମହାତ୍ମନାମ୍।
ମତ୍ପ୍ରିଯାର୍ଥଂ ଚ କଲ୍ଯାଣି କୁରୁ କଲ୍ଯାଣମୁତ୍ତମମ୍॥ 1-133-10 (5884)
ଯଶସୋଽର୍ଥାଯ ଚୈବ ତ୍ବଂ କୁରୁ କର୍ମ ସୁଦୁଷ୍କରମ୍।
ପ୍ରାପ୍ଯାଧିପତ୍ଯମିନ୍ଦ୍ରେଣ ଯଜ୍ଞୈରିଷ୍ଟଂ ଯଶୋଽର୍ଥିନା॥ 1-133-11 (5885)
ତଥା ମନ୍ତ୍ରବିଦୋ ବିପ୍ରାସ୍ତପସ୍ତପ୍ତ୍ବା ସୁଦୁଷ୍କରମ୍।
ଗୁରୂନଭ୍ଯୁପଗଚ୍ଛନ୍ତି ଯଶସୋଽର୍ଥାଯ ଭାମିନି॥ 1-133-12 (5886)
ତଥା ରାଜର୍ଷଯଃ ସର୍ବେ ବ୍ରାହ୍ମଣାଶ୍ଚ ତପୋଧନାଃ।
ଚକ୍ରୁରୁଚ୍ଚାବଚଂ କର୍ମ ଯଶସୋଽର୍ଥାଯ ଦୁଷ୍କରମ୍॥ 1-133-13 (5887)
ସା ତ୍ବଂ ମାଦ୍ରୀଂ ପ୍ଲବେନୈବ ତାରଯୈନାମନିନ୍ଦିତେ।
ଅପତ୍ଯସଂବିଧାନେନ ପରାଂ କୀର୍ତିମବାପ୍ନୁହି॥ 1-133-14 (5888)
`କୁନ୍ତ୍ଯୁବାଚ। 1-133-15x (786)
ଧର୍ମଂ ବୈ ଧର୍ମଶାସ୍ତ୍ରୋକ୍ତଂ ଯଥା ବଦସି ତତ୍ତଥା।
ତସ୍ମାଦନୁଗ୍ରହଂ ତସ୍ଯାଃ କରୋମି କୁରୁନନ୍ଦନ॥' 1-133-15 (5889)
ବୈଶମ୍ପାଯନ ଉବାଚ। 1-133-16x (787)
ଏବମୁକ୍ତାଽବ୍ରବୀନ୍ମାର୍ଦ୍ରୀଂ ସକୃଚ୍ଚିନ୍ତଯ ଦୈବତମ୍।
ତସ୍ମାତ୍ତେ ଭବିତାଽପତ୍ଯମନୁରୂପମସଂଶଯମ୍॥ 1-133-16 (5890)
`ତତୋ ମନ୍ତ୍ରେ କୃତେ ତସ୍ମିନ୍ବିଧିଦୃଷ୍ଟେନ କର୍ମଣା।
ତତୋ ରାଜସୁତା ସ୍ନାତା ଶଯନେ ସଂବିବେଶ ହ॥' 1-133-17 (5891)
ତତୋ ମାଦ୍ରୀ ବିଚାର୍ଯୈକା ଜଗାମ ମନସାଽଶ୍ବିନୌ।
ତାବାଗମ୍ଯ ସୁତୌ ତସ୍ଯାଂ ଜନଯାମାସତୁର୍ଯମୌ।
ନକୁଲଂ ସହଦେବଂ ଚ ରୂପେଣାପ୍ରତିମୌ ଭୁବି॥ 1-133-18 (5892)
ତଥୈବ ତାବପି ଯମୌ ବାଗୁବାଚାଶରୀରିଣୀ।
`ଧର୍ମତୋ ଭକ୍ତିତଶ୍ଚୈବ ଶୀଲତୋ ବିନଯୈସ୍ତଥା॥ 1-133-19 (5893)
ସତ୍ବରୂପଗୁଣୋପେତୌ ଭବତୋଽତ୍ଯଶ୍ବିନାବିତି।
ମାସତେ ତେଜସାଽତ୍ଯର୍ଥଂ ରୂପଦ୍ରବିଣସଂପଦା॥ 1-133-20 (5894)
ନାମାନି ଚକ୍ରିରେ ତେଷାଂ ଶତଶୃଙ୍ଗନିବାସିନଃ।
ଭକ୍ତ୍ଯା ଚ କର୍ମଣା ଚୈବ ତଥାଽଽଶୀର୍ଭିର୍ବିଶାଂପତେ॥ 1-133-21 (5895)
ଜ୍ଯେଷ୍ଠଂ ଯୁଧିଷ୍ଠିରେତ୍ଯେବଂ ଭୀମସେନେତି ମଧ୍ଯମମ୍।
ଅର୍ଜୁନେତି ତୃତୀଯଂ ଚ କୁନ୍ତୀପୁତ୍ରାନକଲ୍ପଯନ୍॥ 1-133-22 (5896)
ପୂର୍ବଜଂ ନକୁଲେତ୍ଯେବଂ ସହଦେବେତି ଚାପରମ୍।
ମାଦ୍ରୀପୁତ୍ରାବକଥଯଂସ୍ତେ ବିପ୍ରାଃ ପ୍ରୀତମାନସାଃ॥ 1-133-23 (5897)
ଅନୁସଂବତ୍ସରଂ ଜାତା ଅପି ତେ କୁରୁସତ୍ତମାଃ।
ପାଣ୍ଡୁପୁତ୍ରା ବ୍ଯରାଜନ୍ତ ପଞ୍ଚସଂବତ୍ସରା ଇବ॥ 1-133-24 (5898)
ମହାସତ୍ତ୍ବା ମହାବୀର୍ଯା ମହାବଲପରାକ୍ରମାଃ।
ପାଣ୍ଡୁର୍ଦୃଷ୍ଟ୍ବା ସୁତାଂସ୍ତାଂସ୍ତୁ ଦେବରୂପାନ୍ମହୌଜସଃ॥ 1-133-25 (5899)
ମୁଦଂ ପରମିକାଂ ଲେଭେ ନନନ୍ଦ ଚ ନରାଧିପଃ।
ଋଷୀଣାମପି ସର୍ବେଷାଂ ଶତଶୃଙ୍ଗନିବାସିନାମ୍॥ 1-133-26 (5900)
ପ୍ରିଯା ବଭୂବୁସ୍ତାସାଂ ଚ ତଥୈବ ମୁନିଯୋଷିତାମ୍।
କୁନ୍ତୀମଥ ପୁନଃ ପାଣ୍ଡୁର୍ମାଦ୍ର୍ଯର୍ଥେ ସମଚୋଦଯତ୍॥ 1-133-27 (5901)
ତମୁବାଚ ପୃଥା ରାଜନ୍ ରହସ୍ଯୁକ୍ତା ତଦା ସତୀ।
ଉକ୍ତା ସକ୍ବଦ୍ଦ୍ବନ୍ଦ୍ବମେଷା ଲେଭେ ତେନାସ୍ମି ବଞ୍ଚିତା॥ 1-133-28 (5902)
ବିଭେମ୍ଯସ୍ଯାଃ ପରିଭବାତ୍କୁସ୍ତ୍ରୀଣାଂ ଗତିରିଦୃଶୀ।
ନାଜ୍ଞାସିଷମହଂ ମୂଢା ଦ୍ବନ୍ଦ୍ବାହ୍ବାନେ ଫଲଦ୍ବଯମ୍॥ 1-133-29 (5903)
ତସ୍ମାନ୍ନାହଂ ନିଯୋକ୍ତବ୍ଯା ତ୍ବଯୈଷୋଽସ୍ତୁ ବରୋ ମମ।
ଏବଂ ପାଣ୍ଡୋଃ ସୁତାଃ ପଞ୍ଚ ଦେବଦତ୍ତା ମହାବଲାଃ॥ 1-133-30 (5904)
ସଂଭୂତାଃ କୀର୍ତିମନ୍ତଶ୍ଚ କୁରୁବଂଶବିବର୍ଧନାଃ।
ଶୁଭଲକ୍ଷଣସଂପନ୍ନାଃ ସୋମବତ୍ପ୍ରିଯଦର୍ଶନାଃ॥ 1-133-31 (5905)
ସିଂହଦର୍ପା ମହେଷ୍ବାସାଃ ସିଂହବିକ୍ରାନ୍ତଗାମିନଃ।
ସିଂହଗ୍ରୀବା ମନୁଷ୍ଯେନ୍ଦ୍ରା ବବୃଧୁର୍ଦେବବିକ୍ରମାଃ॥ 1-133-32 (5906)
ବିବର୍ଧମାନାସ୍ତେ ତତ୍ର ପୁଣ୍ଯେ ହୈମବତେ ଗିରୌ।
ବିସ୍ମଯଂ ଜନଯାମାସୁର୍ମହର୍ଷୀଣାଂ ସମେଯୁଷାମ୍॥ 1-133-33 (5907)
`ଜାତମାତ୍ରାନୁପାଦାଯ ଶତଶୃଙ୍ଗନିବାସିନଃ।
ପାଣ୍ଡୋଃ ପୁତ୍ରାନମନ୍ଯନ୍ତ ତାପସାଃ ସ୍ବାନିବାତ୍ମଜାନ୍॥ 1-133-34 (5908)
ବୈଶମ୍ପାଯନ ଉବାଚ। 1-133-35x (788)
ତତସ୍ତୁ ବୃଷ୍ଣଯଃ ସର୍ବେ ବସୁଦେବପୁରୋଗମାଃ॥ 1-133-35 (5909)
ପାଣ୍ଡୁଃ ଶାପଭଯାଦ୍ଭୀତଃ ଶତଶୃଙ୍ଗମୁପେଯିବାନ୍।
ତତ୍ରୈବ ମୁନିଭିଃ ସାର୍ଧଂ ତାପସୋଽଭୂତ୍ତପସ୍ବିଭିଃ॥ 1-133-36 (5910)
ଶାକମୂଲଫଲାହାରସ୍ତପସ୍ବୀ ନିଯତେନ୍ଦ୍ରିଯଃ।
ଯୋଗଧ୍ଯାନପରୋ ରାଜା ବଭୂବେତି ଚ ବାଦକାଃ॥ 1-133-37 (5911)
ପ୍ରବୁବନ୍ତି ସ୍ମ ବହବସ୍ତଚ୍ଛ୍ରୁତ୍ବା ଶୋକକର୍ଶିତାଃ।
ପାଣ୍ଡୋଃ ପ୍ରୀତିସମାଯୁକ୍ତାଃ କଦା ଶ୍ରୋଷ୍ଯାମ ସଂକଥାଃ॥ 1-133-38 (5912)
ଇତ୍ଯେବଂ କଥଯନ୍ତସ୍ତେ ବୃଷ୍ଣଯଃ ସହ ବାନ୍ଧବୈଃ।
ପାଣ୍ଡୋଃ ପୁତ୍ରାଗମଂ ଶ୍ରୁତ୍ବା ସର୍ବେ ହର୍ଷସମନ୍ବିତାଃ॥ 1-133-39 (5913)
ସଭାଜଯନ୍ତସ୍ତେଽନ୍ଯୋନ୍ଯଂ ବସୁଦେବଂ ବଚୋଽବ୍ରୁବନ୍।
ନ ଭବେରନ୍କ୍ରିଯାହୀନାଃ ପାଣ୍ଡୁପୁତ୍ରା ମହାବଲାଃ॥ 1-133-40 (5914)
ପାଣ୍ଡୋଃ ପ୍ରିଯହିତାନ୍ବେଷୀ ପ୍ରେଷଯ ତ୍ବଂ ପୁରୋହିତମ୍।
ବସୁଦେବସ୍ତଥେତ୍ଯୁକ୍ତ୍ବା ବିସସର୍ଜ ପୁରୋହିତମ୍॥ 1-133-41 (5915)
ଯୁକ୍ତାନି ଚ କୁମାରାଣାଂ ପାରବର୍ହାଣ୍ଯନେକଶଃ।
କୁନ୍ତୀଂ ମାଦ୍ରୀଂ ଚ ସଂଦିଶ୍ଯ ଦାସୀଦାସପରିଚ୍ଛଦମ୍॥ 1-133-42 (5916)
ଗାବୋ ହିରଣ୍ଯଂ ରୌପ୍ଯଂ ଚ ପ୍ରେଷଯାମାସ ଭାରତ।
ତାନି ସର୍ବାଣି ସଂଗୃହ୍ଯ ପ୍ରଯଯୌ ସ ପୁରୋହିତଃ॥ 1-133-43 (5917)
ତମାଗତଂ ଦ୍ବିଜଶ୍ରେଷ୍ଠଂ କାଶ୍ଯପଂ ବୈ ପୁରୋହିତମ୍।
ପୂଜଯାମାସ ବିଧିବତ୍ପାଣ୍ଡୁଃ ପରପୁରଞ୍ଜଯଃ॥ 1-133-44 (5918)
ପୃଥା ମାଦ୍ରୀ ଚ ସଂହୃଷ୍ଟେ ବସୁଦେବଂ ପ୍ରଶଂସତାମ୍।
ତତଃ ପାଣ୍ଡୁଃ କ୍ରିଯାଃ ସର୍ବାଃ ପାଣ୍ଡବାନାମକାରଯତ୍॥ 1-133-45 (5919)
ଗର୍ଭାଧାନାଦିକୃତ୍ଯାନି ଚୌଲୋପନଯନାନି ଚ।
କାଶ୍ଯପଃ କୃତବାନ୍ସର୍ବମୁପାକର୍ମ ଚ ଭାରତ॥ 1-133-46 (5920)
ଚୌଲୋପନଯନାଦୂର୍ଧ୍ବମୃଷଭାକ୍ଷା ଯଶସ୍ବିନଃ।
ବୈଦିକାଧ୍ଯଯନେ ସର୍ବେ ସମପଦ୍ଯନ୍ତ ପାରଗାଃ॥ 1-133-47 (5921)
ଶର୍ଯାତେଃ ପ୍ରଥମଃ ପୁତ୍ରଃ ଶୁକ୍ରୋ ନାମ ପରନ୍ତପଃ।
ଯେନ ସାଗରପର୍ଯନ୍ତା ଧୁଷା ନିର୍ଜିତା ମହୀ॥ 1-133-48 (5922)
ଅଶ୍ବମେଧଶତୈରିଷ୍ଟ୍ବା ସ ମହାତ୍ମା ମହାମଖୈଃ।
ଆରାଧ୍ଯ ଦେବତାଃ ସର୍ବାଃ ପିତୄନପି ମହାମତିଃ॥ 1-133-49 (5923)
ଶତଶୃହ୍ଗେ ତପସ୍ତେପେ ଶାକମୂଲଫଲାଶନଃ।
ତେନୋପକରଣଶ୍ରେଷ୍ଠୈଃ ଶିକ୍ଷଯା ଚୋପବୃଂହିତାଃ॥ 1-133-50 (5924)
ତତ୍ପ୍ରସାଦାଦ୍ଧନୁର୍ବେଦେ ସମପଦ୍ଯନ୍ତ ପାରଗାଃ।
ଗଦାଯାଂ ପାରଗୋ ଭୀମସ୍ତୋମରେଷୁ ଯୁଧିଷ୍ଠିରଃ॥ 1-133-51 (5925)
ଅସିଚର୍ମଣି ନିଷ୍ଣାତୌ ଯମୌ ସତ୍ତ୍ବବତାଂ ବରୌ।
ଧନୁର୍ବେଦେ ଗତଃ ପାରଂ ସବ୍ଯସାଚୀ ପରନ୍ତପଃ॥ 1-133-52 (5926)
ଶୁକ୍ରେଣ ସମନୁଜ୍ଞାତୋ ମତ୍ସମୋଽଯମିତି ପ୍ରଭୋ।
ଅନୁଜ୍ଞାଯ ତତୋ ରାଜା ଶକ୍ତିଂ ଖଙ୍ଗଂ ତତଃ ଶରାନ୍॥ 1-133-53 (5927)
ଧନୁଶ୍ଚ ଦମତାଂ ଶ୍ରେଷ୍ଠସ୍ତାଲମାତ୍ରଂ ମହାପ୍ରଭମ୍।
ବିପାଠକ୍ଷୁରନାରାଚାନ୍ଗୃଧ୍ରପକ୍ଷୈରଲଙ୍କୃତାନ୍॥ 1-133-54 (5928)
ଦଦୌ ପାର୍ଥାଯ ସଂହୃଷ୍ଟୋ ମହୋରଗସମପ୍ରଭାନ୍।
ଅବାପ୍ଯ ସର୍ବଶସ୍ତ୍ରାଣି ମୁଦିତୋ ବାସବାତ୍ମଜଃ॥ 1-133-55 (5929)
ମେନେ ସର୍ବାନ୍ମହୀପାଲାନପର୍ଯାପ୍ତାନ୍ସ୍ବତେଜସଃ॥ 1-133-56 (5930)
ଏକବର୍ଷାନ୍ତରାସ୍ତ୍ବେବଂ ପରସ୍ପରମରିନ୍ଦମାଃ।
ଅନ୍ବବର୍ତନ୍ତ ପାର୍ଥାଶ୍ଚ ମାଦ୍ରୀପୁତ୍ରୌ ତଥୈବ ଚ॥' 1-133-57 (5931)
ତେ ଚ ପଞ୍ଚ ଶତଂ ଚୈବ କୁରୁବଂଶବିବର୍ଧନାଃ।
ସର୍ବେ ବବୃଧିରେଽଲ୍ପେନ କାଲେନାପ୍ସ୍ବିବ ପଙ୍କଜାଃ॥ ॥ 1-133-58 (5932)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ତ୍ରଯସ୍ତ୍ରିଂଶଦଧିକଶତତମୋଽଧ୍ଯାଯଃ॥ 133 ॥
Mahabharata - Adi Parva - Chapter Footnotes
1-133-2 ବିଗୁଣେ ପ୍ରଜୋତ୍ପାଦନାନଧିକୃତେ। ଅବରତ୍ବେ କନିଷ୍ଠାତ୍ବେ। ବରାର୍ହାଯାଃ କୃନ୍ତ୍ଯା ଅପେକ୍ଷଯା॥ 1-133-6 ସଂରମ୍ଭୋଽଭିମାନଃ॥ 1-133-7 ଇଷ୍ଟମନିଷ୍ଟଂ ବା ବକ୍ଷ୍ଯସୀତି ସଂଦେହେନ॥ 1-133-8 ପ୍ରତିପତ୍ସ୍ଯତେ ଅଙ୍ଗୀକରିଷ୍ଯତି॥ 1-133-9 ସତାନମବିଚ୍ଛେଦମ୍॥ 1-133-10 ମମ ପୂର୍ବେଷାଂ ଚାପିଣ୍ଡନାଶାଯ ପିଣ୍ଡବିନାଶାଭାବାଯ। ବହୁଷୁ ପୁତ୍ରେଷୁ କସ୍ଯଚିଦପି ପୁତ୍ରସ୍ଯ ସଂତତେରବିଚ୍ଛେଦସଂଭବାଦିତ୍ଯର୍ଥଃ॥ 1-133-11 ଯଶସ ଇତି କୃତକୃତ୍ଯା ଅପି ଯଶୋର୍ଥଂ ଦେବଗୁର୍ବାଦ୍ଯାରାଧନଂ କୁର୍ବନ୍ତୀତ୍ଯର୍ଥଃ॥ 1-133-20 ଅତ୍ଯଶ୍ବିନୌ ଅଶ୍ବିଭ୍ଯାମଧିକୌ॥ 1-133-24 ଅନୁସଂବତ୍ସରଂ ସଂବତ୍ସରମନୁ ପଶ୍ଚାଜ୍ଜାତା ଅପି ଦେବତାଭାବାତ୍ସର୍ବେ ପଞ୍ଚସଂବତ୍ସରା ଇବାଦୃଶ୍ଯନ୍ତେତ୍ଯର୍ଥଃ॥ ତ୍ରଯସ୍ତ୍ରିଂଶଦଧିକଶତତମୋଽଧ୍ଯାଯଃ॥ 133 ॥ଆଦିପର୍ବ - ଅଧ୍ଯାଯ 134
॥ ଶ୍ରୀଃ ॥
1.134. ଅଧ୍ଯାଯଃ 134
Mahabharata - Adi Parva - Chapter Topics
ପାଣ୍ଡବାନାମାଯୁଷ୍ଯକଥନମ୍॥ 1 ॥ ମାଦ୍ର୍ଯା ମୈଥୁନପ୍ରବୃତ୍ତସ୍ଯ ପାଣ୍ଡୋର୍ମରଣମ୍॥ 2 ॥ ପାଣ୍ଡବପ୍ରଲାପଃ॥ 3 ॥ ମାଦ୍ର୍ଯାଃ ସହଗମନମ୍॥ 4 ॥ ମୃତସ୍ଯ ପାଣ୍ଡୋର୍ଦହନାଦିସଂସ୍କାରଃ॥ 5 ॥Mahabharata - Adi Parva - Chapter Text
1-134-0 (5933)
`ଜନମେଜଯ ଉବାଚ। 1-134-0x (789)
କସ୍ମିନ୍ବଯସି ସଂପ୍ରାପ୍ତାଃ ପାଣ୍ଡବା ଗଜସାହ୍ବଯମ୍।
ସମପଦ୍ଯନ୍ତ ଦେବେଭ୍ଯସ୍ତେଷାମାଯୁଶ୍ଚ କିଂ ପରମ୍॥ 1-134-1 (5934)
ବୈଶମ୍ପାଯନ ଉବାଚ। 1-134-2x (790)
ପାଣ୍ଡବାନାମିହାଯୁଷ୍ଯଂ ଶୃଣୁ କୌରବନନ୍ଦନ।
ଜଗାମ ହାସ୍ତିନପୁରଂ ଷୋଡଶାବ୍ଦୋ ଯୁଧିଷ୍ଠିରଃ॥ 1-134-2 (5935)
ଭୀମସେନଃ ପଞ୍ଚଦଶୋ ବୀଭତ୍ସୁର୍ବୈ ଚତୁର୍ଦଶଃ।
ତ୍ରଯୋଦଶାବ୍ଦୌ ଚ ଯମୌ ଜଗ୍ମତୁର୍ନାଗସାହ୍ବଯମ୍॥ 1-134-3 (5936)
ତତ୍ର ତ୍ରଯୋଦଶାବ୍ଦାନି ଧାର୍ତରାଷ୍ଟ୍ରୈଃ ସହୋଷିତାଃ।
ଷଣ୍ମାସାଞ୍ଜାତୁଷଗୃହାନ୍ମୁକ୍ତା ଜାତୋ ଘଟୋତ୍କଚଃ॥ 1-134-4 (5937)
ଷଣ୍ମାସାନେକଚକ୍ରାଯାଂ ବର୍ଷଂ ପାଞ୍ଚାଲକେ ଗୃହେ।
ଧାର୍ତରାଷ୍ଟ୍ରୈଃ ସହୋଷିତ୍ବା ପଞ୍ଚ ବର୍ଷାଣି ଭାରତ॥ 1-134-5 (5938)
ଇନ୍ଦ୍ରପ୍ରସ୍ଥେ ବସନ୍ତସ୍ତେ ତ୍ରୀଣି ବର୍ଷାଣି ବିଂଶତିମ୍।
ଦ୍ବାଦଶାବ୍ଦାନଥୈକଂ ଚ ବଭୂବୁର୍ଦ୍ଯୂତନିର୍ଜିତାଃ॥ 1-134-6 (5939)
ଭୁକ୍ତ୍ବା ଷଟ୍ତ୍ରିଂଶତଂ ରାଜନ୍ସାଗରାନ୍ତାଂ ବସୁନ୍ଧରାମ୍।
ମାସୈଃ ଷଡ୍ଭିର୍ମହାତ୍ମାନଃ ସର୍ବେ କୃଷ୍ଣପରାଯଣାଃ॥ 1-134-7 (5940)
ରାଜ୍ଯେ ପରୀକ୍ଷିତଂ ସ୍ଥାପ୍ଯ ଦିଷ୍ଟାଂ ଗତିମବାପ୍ନୁବନ୍।
ଏବଂ ଯୁଧିଷ୍ଠିରସ୍ଯାସୀଦାଯୁରଷ୍ଟୋତ୍ତରଂ ଶତମ୍॥ 1-134-8 (5941)
ଅର୍ଜୁନାତ୍କେଶବୋ ଜ୍ଯେଷ୍ଠସ୍ତ୍ରିଭିର୍ମାସୈର୍ମହାଦ୍ଯୁତିଃ।
କୃଷ୍ଣାତ୍ସଂକର୍ଷଣୋ ଜ୍ଯେଷ୍ଠସ୍ତ୍ରିଭିର୍ମାସୈର୍ମହାବଲଃ॥ 1-134-9 (5942)
ପାଣ୍ଡୁଃ ପଞ୍ଚମହାତେଜାସ୍ତାନ୍ପଶ୍ଯନ୍ପର୍ବତେ ସୁତାନ୍।
ରେମେ ସ କାଶ୍ଯପଯୁତଃ ପତ୍ନୀଭ୍ଯାଂ ସୁଭୃଶଂ ତଦା॥ 1-134-10 (5943)
ସୁପୁଷ୍ପିତବନେ କାଲେ ପ୍ରବୃତ୍ତେ ମଧୁମାଧବେ।
ପୂର୍ଣେ ଚତୁର୍ଦଶେ ବର୍ଷେ ଫଲ୍ଗୁନସ୍ଯ ଚ ଧୀମତଃ॥ 1-134-11 (5944)
ଯସ୍ମିନ୍ନୃକ୍ଷେ ସମୁତ୍ପନ୍ନଃ ପାର୍ଥସ୍ତସ୍ଯ ଚ ଧୀମତଃ।
ତସ୍ମିନ୍ନୁତ୍ତରଫଲ୍ଗୁନ୍ଯାଂ ପ୍ରବୃତ୍ତେ ସ୍ବସ୍ତିବାଚନେ॥ 1-134-12 (5945)
ରକ୍ଷଣେ ବିସ୍ମୃତା କୁନ୍ତୀ ବ୍ଯଗ୍ରା ବ୍ରାହ୍ମଣଭୋଜନେ।
ପୁରୋହିତେନ ସହିତାନ୍ବ୍ରାହ୍ମଣାନ୍ପର୍ଯବେଷଯତ୍॥' 1-134-13 (5946)
ବୈଶମ୍ପାଯନ ଉବାଚ। 1-134-14x (791)
ଦର୍ଶନୀଯାଂସ୍ତତଃ ପୁତ୍ରାନ୍ପାଣ୍ଡୁଃ ପଞ୍ଚ ମହାବନେ।
ତାନ୍ପଶ୍ଯନ୍ପର୍ବତେ ରମ୍ଯେ ସ୍ବବାହୁବଲମାଶ୍ରିତଃ॥ 1-134-14 (5947)
ସୁପୁଷ୍ପିତବନେ କାଲେ କଦାଚିନ୍ମଧୁମାଧବେ।
ଭୂତସଂମୋହନେ ରାଜା ସଭାର୍ଯୋ ବ୍ଯଚରଦ୍ବନମ୍॥ 1-134-15 (5948)
ପଲାଶୈସ୍ତିଲକୈଶ୍ଚୂତୈଶ୍ଚମ୍ପକୈଃ ପାରିଭଦ୍ରକୈଃ।
ଅନ୍ଯୈଶ୍ଚ ବହୁଭିର୍ବୃକ୍ଷୈଃ ଫଲପୁଷ୍ପସମୃଦ୍ଧିଭିଃ॥ 1-134-16 (5949)
ଜଲସ୍ଥାନୈଶ୍ଚ ବିବିଧୈଃ ପଦ୍ମିନୀଭିଶ୍ଚ ଶୋଭିତମ୍।
ପାଣ୍ଡୋର୍ବନଂ ତତ୍ସଂପ୍ରେକ୍ଷ୍ଯ ପ୍ରଜଜ୍ଞେ ହୃଦି ମନ୍ମଥଃ॥ 1-134-17 (5950)
ପ୍ରହୃଷ୍ଟମନସଂ ତତ୍ର ବିଚରନ୍ତଂ ଯଥାଽମରମ୍।
ତଂ ମାଦ୍ର୍ଯନୁଜଗାମୈକା ବସନଂ ବିଭ୍ରତୀ ଶୁଭମ୍॥ 1-134-18 (5951)
ସମୀକ୍ଷମାଣଃ ସ ତୁ ତାଂ ବଯଃସ୍ଥାଂ ତନୁବାସସମ୍।
ତସ୍ଯ କାମଃ ପ୍ରବୃତେ ଗହନେଽଗ୍ନିରିବୋଦ୍ଗତଃ॥ 1-134-19 (5952)
ରହସ୍ଯେକାଂ ତୁ ତାଂ ଦୃଷ୍ଟ୍ବା ରାଜା ରାଜୀବଲୋଚନାମ୍।
ନ ଶଶାକ ନିଯନ୍ତୁଂ ତଂ କାମଂ କାମବଶୀକୃତଃ॥ 1-134-20 (5953)
`ଅଥ ସୋଽଷ୍ଟାଦଶେ ବର୍ଷେ ଋତୌ ମାଦ୍ରମଲଙ୍କୃତାମ୍।
ଆଜୁହାବ ତତଃ ପାଣ୍ଡୁଃ ପରୀତାତ୍ମା ଯଶସ୍ବିନୀମ୍॥' 1-134-21 (5954)
ତତ ଏନାଂ ବଲାଦ୍ରାଜା ନିଜଗ୍ରାହ ରହୋଗତାମ୍।
ବାର୍ଯମାଣସ୍ତଯା ଦେବ୍ଯା ବିସ୍ଫୁରନ୍ତ୍ଯା ଯଥାବଲମ୍॥ 1-134-22 (5955)
ସ ତୁ କାମପରୀତାତ୍ମା ତଂ ଶାପଂ ନାନ୍ବବୁଧ୍ଯତ।
ମାଦ୍ରୀଂ ମୈଥୁନଧର୍ମେଣ ସୋଽନ୍ବଗଚ୍ଛଦ୍ବଲାଦିବ॥ 1-134-23 (5956)
ଜୀବିତାନ୍ତାଯ କୌରବ୍ଯ ମନ୍ମଥସ୍ଯ ବଶଂ ଗତଃ।
ଶାପଜଂ ଭଯମୁତ୍ସୃଜ୍ଯ ବିଧିନା ସଂପ୍ରଚୋଦିତଃ॥ 1-134-24 (5957)
ତସ୍ଯ କାମାତ୍ମନୋ ବୁଦ୍ଧିଃ ସାକ୍ଷାତ୍କାଲେନ ମୋହିତା।
ସଂପ୍ରମଥ୍ଯେନ୍ଦ୍ରିଯଗ୍ରାମଂ ପ୍ରନଷ୍ଟା ସହ ଚେତସା॥ 1-134-25 (5958)
ସ ତଯା ସହ ସଂଗମ୍ଯ ଭାର୍ଯଯା କୁରୁନନ୍ଦନଃ।
ପାଣ୍ଡୁଃ ପରମଧର୍ମାତ୍ମା ଯୁଯୁଜେ କାଲଧର୍ମଣା॥ 1-134-26 (5959)
ତତୋ ମାଦ୍ରୀ ସମାଲିଙ୍ଗ୍ଯ ରାଜାନଂ ଗତଚେତସମ୍।
ମୁମୋଚ ଦୁଃଖଜଂ ଶବ୍ଦଂ ପୁନଃ ପୁନରତୀବ ହି॥ 1-134-27 (5960)
ସହ ପୁତ୍ରୈସ୍ତତଃ କୁନ୍ତୀ ମାଦ୍ରୀପୁତ୍ରୌ ଚ ପାଣ୍ଡବୌ।
ଆଜଗ୍ମୁଃ ସହିତାସ୍ତତ୍ର ଯତ୍ର ରାଜା ତଥାଗତଃ॥ 1-134-28 (5961)
ତତୋ ମାଦ୍ର୍ଯବ୍ରବୀଦ୍ରାଜନ୍ନାର୍ତା କୁନ୍ତୀମିଦଂ ବଚଃ।
ଏକୈବ ତ୍ବମିହାଗଚ୍ଛ ତିଷ୍ଠନ୍ତ୍ବତ୍ରୈବ ଦାରକାଃ॥ 1-134-29 (5962)
ତଚ୍ଛ୍ରୁତ୍ବା ବଚନଂ ତସ୍ଯାସ୍ତତ୍ରୈବାଧାଯ ଦରକାନ୍।
ହତା।ହମିତି ବିକ୍ରୁଶ୍ଚ ସହସୈବାଜଗାମ ସା॥ 1-134-30 (5963)
ଦୃଷ୍ଟ୍ବା ପାଣ୍ଡୁଂ ଚ ମାଦ୍ରୀଂ ଚ ଶଯାନୌ ଧରଣୀତଲେ।
କୁନ୍ତୀ ଶୋକପରୀତାଙ୍ଗୀ ବିଲଲାପ ସୁଦୁଃଖିତା॥ 1-134-31 (5964)
ରକ୍ଷ୍ଯମାଣୋ ମଯା ନିତ୍ଯଂ ବୀରଃ ସତତମାତ୍ମବାନ୍।
କଥଂ ତ୍ବାମତ୍ଯତିକ୍ରାନ୍ତଃ ଶାପଂ ଜାନନ୍ବନୌକସଃ॥ 1-134-32 (5965)
ନନୁ ନାମ ତ୍ବଯା ମାଦ୍ରି ରକ୍ଷିତବ୍ଯୋ ନରାଧିପଃ।
ସା କଥଂ ଲୋଭିତବତୀ ବିଜନେ ତ୍ବଂ ନରାଧିପମ୍॥ 1-134-33 (5966)
କଥଂ ଦୀନସ୍ଯ ସତତଂ ତ୍ବାମାସାଦ୍ଯ ରହୋଗତାମ୍।
ତଂ ବିଚିନ୍ତଯତଃ ଶାପଂ ପ୍ରହର୍ଷଃ ସମଜାଯତ॥ 1-134-34 (5967)
ଧନ୍ଯା ତ୍ବମସି ବାହ୍ଲୀକି ମତ୍ତୋ ଭାଗ୍ଯତରା ତଥା।
ଦୃଷ୍ଟବତ୍ଯସି ଯଦ୍ବକ୍ତ୍ରଂ ପ୍ରହୃଷ୍ଟସ୍ଯ ମହୀପତେଃ॥ 1-134-35 (5968)
ମାଦ୍ର୍ଯୁବାଚ। 1-134-36x (792)
ବିଲପନ୍ତ୍ଯା ମଯା ଦେବି ବାର୍ଯମାଣେନ ଚାସକୃତ୍।
ଆତ୍ମା ନ ବାରିତୋଽନେନ ସତ୍ଯଂ ଦିଷ୍ଟଂ ଚିକୀର୍ଷୁଣା॥ 1-134-36 (5969)
`ବୈଶଂପାଯାନ ଉବାଚ। 1-134-37x (793)
ତସ୍ଯାସ୍ତଦ୍ବଚନଂ ଶ୍ରୁତ୍ବା କୁନ୍ତୀ ଶୋକାଗ୍ନିଦୀପିତା।
ପପାତ ସହସା ଭୂମୌ ଛିନ୍ନମୂଲ ଇବ ଦ୍ରୁମଃ॥ 1-134-37 (5970)
ନିଶ୍ଚେଷ୍ଟା ପତିତା ଭୂମୌ ମୋହେନ ନ ଚଚାଲ ସା।
ତସ୍ମିନ୍କ୍ଷଣେ କୃତସ୍ନାନମହତାମ୍ବରସଂବୃତମ୍॥ 1-134-38 (5971)
ଅଲଙ୍କାରକୃତଂ ପାଣ୍ଡୁଂ ଶଯାନଂ ଶଯନେ ଶୁଭେ।
କୁନ୍ତୀମୁତ୍ଥାପ୍ଯ ମାଦ୍ରୀ ତୁ ମୋହେନାବିଷ୍ଟଚେତନାମ୍॥ 1-134-39 (5972)
ଆର୍ଯେ ଏହୀତି ତାଂ କୁନ୍ତୀଂ ଦର୍ଶଯାମାସ କୌରବ।
ପାଦଯୋଃ ପତିତା କୁନ୍ତୀ ପୁନରୁତ୍ଥାଯ ଭୂମିପମ୍॥ 1-134-40 (5973)
ରକ୍ତଚନ୍ଦନଦିଗ୍ଧାଂଙ୍ଗଂ ମହାରଜନବାସସମ୍।
ସସ୍ମିତେନ ଚ ବକ୍ତ୍ରେଣ ବଦନ୍ତମିବ ଭାରତମ୍॥ 1-134-41 (5974)
ପରିରଭ୍ଯ ତତୋ ମୋହାଦ୍ବିଲଲାପାକୁଲେନ୍ଦ୍ରିଯା।
ମାଦ୍ରୀ ଚାପି ସମାଲିଙ୍ଗ୍ଯ ରାଜାନଂ ବିଲଲାପ ସା॥ 1-134-42 (5975)
ତଂ ତଥା ଶାଯିନଂ ପୁତ୍ରା ଋଷଯଃ ସହ ଚାରଣୈଃ।
ଅଭ୍ଯେତ୍ଯ ସହିତାଃ ସର୍ବେ ଶୋକାଦଶ୍ରୂଣ୍ଯବର୍ତଯନ୍॥ 1-134-43 (5976)
ଅସ୍ତଂ ଗତମିବାଦିତ୍ଯଂ ସଂଶୁଷ୍କମିବ ସାଗରମ୍।
ଦୃଷ୍ଟ୍ବା ପାଣ୍ଡୁଂ ନରବ୍ଯାଘ୍ରଂ ଶୋଚନ୍ତି ସ୍ମ ମହର୍ଷଯଃ॥ 1-134-44 (5977)
ସମାନଶୋକା ଋଷଯଃ ପାଣ୍ଡବାଶ୍ଚ ବଭୂବିରେ।
ତେ ସମାଶ୍ବାସିତେ ବିପ୍ରୈର୍ବିଲେପତୁରନିନ୍ଦିତେ॥ 1-134-45 (5978)
କୁନ୍ତ୍ଯୁବାଚ। 1-134-46x (794)
ହା ରାଜନ୍କସ୍ଯ ନୋ ହିତ୍ବା ଗଚ୍ଛସି ତ୍ରିଦଶାଲଯମ୍।
ହା ରାଜନ୍ମମ ମନ୍ଦାଯାଃ କଥଂ ମାଦ୍ରୀଂ ସମେତ୍ଯ ବୈ॥ 1-134-46 (5979)
ନିଧନଂ ପ୍ରାପ୍ତବାନ୍ରାଜନ୍ମଦ୍ଭାଗ୍ଯପରିସଂକ୍ଷଯାତ୍।
ଯୁଧିଷ୍ଠିରଂ ଭୀମସେନମର୍ଜୁନଂ ଚ ଯମାବୁଭୌ॥ 1-134-47 (5980)
କସ୍ଯ ହିତ୍ବା ପ୍ରିଯାନ୍ପୁତ୍ରାନ୍ପ୍ରଯାତୋଽସି ବିଶାଂପତେ।
ନୂନଂ ତ୍ବାଂ ତ୍ରିଦଶା ଦେବାଃ ପ୍ରତିନନ୍ଦନ୍ତି ଭାରତ॥ 1-134-48 (5981)
ଯତୋ ହି ତପ ଉଗ୍ରଂ ବୈ ଚରିତଂ ବ୍ରହ୍ମସଂସଦି।
ଆବାଭ୍ଯାଂ ସହିତୋ ରାଜନ୍ଗମିଷ୍ଯସି ଦିବଂ ଶୁଭମ୍॥ 1-134-49 (5982)
ଆଜମୀଢାଜମୀଢାନାଂ କର୍ମଣା ଚରତାଂ ଗତିମ୍।
ନନୁ ନାମ ସହାବାଭ୍ଯାଂ ଗମିଷ୍ଯାମୀତି ଯତ୍ତ୍ବଯା॥ 1-134-50 (5983)
ପ୍ରତିଜ୍ଞାତା କୁରୁଶ୍ରେଷ୍ଠ ଯଦାଽସ୍ମି ବନମାଗତା।
ଆବାଭ୍ଯାଂ ଚୈବ ସହିତୋ ଗମିଷ୍ଯସି ବିଶାଂପତେ।
ମୁହୂର୍ତଂ କ୍ଷମ୍ଯତାଂ ରାଜନ୍ଦ୍ରକ୍ଷ୍ଯେଽହଂ ଚ ମୁଖଂ ତବ॥ 1-134-51 (5984)
ବୈଶମ୍ପାଯନ ଉବାଚ। 1-134-52x (795)
ବିଲପିତ୍ବା ଭୃଶଂ ଚୈବ ନିଃସଂଜ୍ଞେ ପତିତେ ଭୁବି।
ଯଥା ହତେ ମୃଗେ ମୃଗ୍ଯୌ ଲୁବ୍ଧୈର୍ବନଗତେ ତଥା॥ 1-134-52 (5985)
ଯୁଧିଷ୍ଠିରମୁଖାଃ ସର୍ବେ ପାଣ୍ଡବା ବେଦପରାଗାଃ।
ତେଽଭ୍ଯାଗତ୍ଯ ପିତୁର୍ମୂଲେ ନିଃସଂଜ୍ଞାଃ ପତିତା ଭୁବି॥ 1-134-53 (5986)
ପାଣ୍ଡୋଃ ପାଦୌ ପରିଷ୍ବଜ୍ଯ ବିଲପନ୍ତି ସ୍ମ ପାଣ୍ଡବାଃ।
ହା ବିନଷ୍ଟାଃ ସ୍ମ ତାତେତି ହା ଅନାଥା ଭବାମହେ॥ 1-134-54 (5987)
ତ୍ବଦ୍ବିହୀନା ମହାପ୍ରାଜ୍ଞ କଥଂ ଜୀବାମ ବାଲକାଃ।
ଲୋକନାଥସ୍ଯ ପୁତ୍ରାଃ ସ୍ମୋ ନ ସନାଥା ଭବାମହେ॥ 1-134-55 (5988)
କ୍ଷଣେନୈବ ମହାରାଜ ଅହୋ ଲୋକସ୍ଯ ଚିତ୍ରତା।
ନାସ୍ମଦ୍ବିଧା ରାଜପୁତ୍ରା ଅଧନ୍ଯାଃ ସନ୍ତି ଭାରତ॥ 1-134-56 (5989)
ତ୍ବଦ୍ବିନାଶାଚ୍ଚ ରାଜେନ୍ଦ୍ର ରାଜ୍ଯପ୍ରସ୍ଖଲନାତ୍ତଦା।
ପାଣ୍ଡବାଶ୍ଚ ବଯଂ ସର୍ବେ ପ୍ରାପ୍ତାଃ ସ୍ମ ବ୍ଯସନଂ ମହତ୍॥ 1-134-57 (5990)
କିଂ କରିଷ୍ଯାମହେ ରାଜନ୍କର୍ତବ୍ଯଂ ଚ ପ୍ରସୀଦତାମ୍। 1-134-58 (5991)
ଭୀମସେନ ଉବାଚ।
ହିତ୍ବା ରାଜ୍ଯଂ ଚ ଭୋଗାଂଶ୍ଚ ଶତଶୃଙ୍ଗନିବାସିନା॥ 1-134-58x (796)
ତ୍ବଯା ଲବ୍ଧାଃ ସ୍ମ ରାଜେନ୍ଦ୍ର ମହତା ତପସା ବଯମ୍।
ହିତ୍ବା ମାନଂ ବନଂ ଗତ୍ବା ସ୍ବଯମାହୃତ୍ଯ ଭକ୍ଷଣମ୍॥ 1-134-59 (5992)
ଶାକମୂଲଫଲୈର୍ବନ୍ଯୈର୍ଭରଣଂ ବୈ ତ୍ବଯା କୃତମ୍।
ପୁତ୍ରାନୁତ୍ପାଦ୍ଯ ପିତରୋ ଯମିଚ୍ଛ୍ତି ମହାତମ୍ନଃ॥ 1-134-60 (5993)
ତ୍ରିବର୍ଗଫଲମିଚ୍ଛନ୍ତସ୍ତସ୍ଯ କାଲୋଽଯମାଗତଃ।
ଅଭୁକ୍ତ୍ବୈବ ଫଲଂ ରାଜନ୍ଗନ୍ତୁଂ ନାର୍ହସି ଭାରତ॥ 1-134-61 (5994)
ଇତ୍ଯେବମୁକ୍ତ୍ବା ପିତରଂ ଭୀମୋଽପି ବିଲଲାପ॥ 1-134-62 (5995)
ଅର୍ଜୁନ ଉବାଚ। 1-134-63x (797)
ପ୍ରନଷ୍ଟଂ ଭାରତଂ ବଂଶଂ ପାଣ୍ଡୁନା ପୁନରୁଦ୍ଧୃତମ୍।
ତସ୍ମିଂସ୍ତଦା ବନଗତେ ନଷ୍ଟଂ ରାଜ୍ଯମରାଜକମ୍॥ 1-134-63 (5996)
ପୁନର୍ନିଃସାରିତଂ କ୍ଷତ୍ରଂ ପାଣ୍ଡୁପୁତ୍ରୈଶ୍ଚ ପଞ୍ଚଭିଃ।
ଏତଚ୍ଛ୍ରୁତ୍ବାଽନୁମୋଦିତ୍ବା ଗନ୍ତୁମର୍ହସି ଶଙ୍କର॥ 1-134-64 (5997)
ଇତ୍ଯେବମୁକ୍ତ୍ବା ପିତରଂ ବିଲଲାପ ଧନଞ୍ଜଯଃ। 1-134-65 (5998)
ଯମାବୂଚତୁଃ।
ଦୁଃସହଂ ଚ ତପଃ କୃତ୍ବା ଲବ୍ଧ୍ବା ନୋ ଭରତର୍ଷଭ॥ 1-134-65x (798)
ପୁତ୍ରଲାଭସ୍ଯ ମହତଃ ଶୁଶ୍ରୂଷାଦିଫଲଂ ତ୍ବଯା।
ନ ଚାବାପ୍ତଂ କିଂଚିଦେବ ପୁରା ଦଶରଥୋ ଯଥା॥ 1-134-66 (5999)
ଏବମୁକ୍ତ୍ବା ଯମୌ ଚାପି ବିଲେପତୁରଥାତୁରୌ॥' 1-134-67 (6000)
କୁନ୍ତ୍ଯୁବାଚ। 1-134-68x (799)
ଅହଂ ଜ୍ଯେଷ୍ଠା ଧର୍ମପତ୍ନୀ ଜ୍ଯେଷ୍ଠଂ ଧର୍ମଫଲଂ ମମ।
ଅବଶ୍ଯଂ ଭାବିନୋ ଭାବାନ୍ମା ମାଂ ମାଦ୍ରି ନିବର୍ତଯ॥ 1-134-68 (6001)
ଅନ୍ବିଷ୍ଯାମୀହ ଭର୍ତାରମହଂ ପ୍ରେତବଶଂ ଗତମ୍।
ଉତ୍ତିଷ୍ଠ ତ୍ବଂ ବିସୃଜ୍ଯୈନମିମାନ୍ରକ୍ଷସ୍ବ ଦାରକାନ୍॥ 1-134-69 (6002)
`ଅବାପ୍ଯ ପୁତ୍ରାଂଲ୍ଲବ୍ଧାର୍ଥାନ୍ବୀରପତ୍ନୀତ୍ବମର୍ଥଯେ। 1-134-70 (6003)
ବୈଶମ୍ପାଯନ ଉବାଚ।
ମଦ୍ରରାଜସୁତା କୁନ୍ତୀମିଦଂ ବଚନମବ୍ରବୀତ୍॥' 1-134-70x (800)
ଅହମେବାନୁଯାସ୍ଯାମି ଭର୍ତାରମପଲାପିନମ୍।
ନ ହି ତୃପ୍ତାଽସ୍ମି କାମାନାଂ ଜ୍ଯେଷ୍ଠା ମାମନୁମନ୍ଯତାମ୍॥ 1-134-71 (6004)
ମାଂ ଚାଭିଗମ୍ଯ କ୍ଷୀଣୋଽଯଂ କାମାଦ୍ଭରତସତ୍ତମଃ।
ସମୁଚ୍ଛିଦ୍ଯାମି ତତ୍କାମଂ କଥଂ ନୁ ଯମସାଦନେ॥ 1-134-72 (6005)
`ମମ ହତୋର୍ହି ରାଜାଽଯଂ ଦିବଂ ରାଜର୍ପିସତ୍ତମଃ।
ନ ଚୈବ ତାଦୃଶୀ ବୁଦ୍ଧିର୍ବାନ୍ଧବାଶ୍ଚ ନ ତାଦୃଶାଃ॥ 1-134-73 (6006)
ନ ଚୋତ୍ସହେ ଧାରଯିତୁଂ ପ୍ରାଣାନ୍ଭର୍ତ୍ରା ବିନା କୃତା।
ତସ୍ମାତ୍ତମନୁଯାସ୍ଯାମି ଯାନ୍ତଂ ବୈବସ୍ବତକ୍ଷଯମ୍॥ 1-134-74 (6007)
ବର୍ତେଯଂ ନ ସମାଂ ବୃତ୍ତିଂ ଜାତ୍ବହଂ ନ ସୁତେଷୁ ତେ।
ତଥାହି ବର୍ତମାନାଂ ମାମଧର୍ମଃ ସଂସ୍ପୃଶେନ୍ମହାନ୍॥ 1-134-75 (6008)
ତସ୍ମାନ୍ମେ ସୁତଯୋର୍ଦେବି ବର୍ତିତବ୍ଯଂ ସ୍ବପୁତ୍ରବତ୍।
ଅନ୍ବେଷ୍ଯାମି ଚ ଭର୍ତାରଂ ବ୍ରଜନ୍ତଂ ଯମସାଦନମ୍॥' 1-134-76 (6009)
ମାଂ ହି କାମଯମାନୋଽଯଂ ରାଜା ପ୍ରେତବଶଂ ଗତଃ।
ରାଜ୍ଞଃ ଶରୀରେଣ ସହ ମାମପୀଦଂ କଲେବରମ୍॥ 1-134-77 (6010)
ଦଗ୍ଧବ୍ଯଂ ସୁପ୍ରତିଚ୍ଛନ୍ନଂ ତ୍ବେତଦାର୍ଯେ ପ୍ରିଯଂ କୁରୁ।
ଦାରକେଷ୍ବପ୍ରମତ୍ତା ତ୍ବଂ ଭବେଶ୍ଚାଭିହିତା ମଯା।
ଅତୋଽହଂ ନ ପ୍ରପଶ୍ଯାମି ସଂଦେଷ୍ଟବ୍ଯଂ ହିତଂ ତବ॥ 1-134-78 (6011)
`ବୈଶମ୍ପାଯନ ଉବାଚ। 1-134-79x (801)
ଋଷଯସ୍ତାନ୍ସମାଶ୍ବାସ୍ଯ ପାଣ୍ଡବାନ୍ସତ୍ଯବିକ୍ରମାନ୍।
ଊଚୁଃ କୁନ୍ତୀଂ ଚ ମାଦ୍ରୀଂ ଚ ସମାଶ୍ବାସ୍ଯ ତପସ୍ବିନଃ॥ 1-134-79 (6012)
ସୁଭଗେ ବାଲପୁତ୍ରା ତୁ ନ ମର୍ତବ୍ଯଂ ତଥଂଚନ।
ପାଣ୍ଡବାଂଶ୍ଚାପି ନେଷ୍ଯାମଃ କୁରୁରାଷ୍ଟ୍ରଂ ପରନ୍ତପାନ୍॥ 1-134-80 (6013)
ଅଧର୍ମେଷ୍ବର୍ଥଜାତେଷୁ ଧୃତରାଷ୍ଟ୍ରଶ୍ଚ ଲୋଭବାନ୍।
ସ କଦାଚିନ୍ନ ବର୍ତେତ ପାଣ୍ଡବେଷୁ ଯଥାବିଧି॥ 1-134-81 (6014)
କୁନ୍ତ୍ଯାଶ୍ଚ ବୃଷ୍ଣଯୋ ନାଥାଃ କୁନ୍ତିଭୋଜସ୍ତଥୈବ ଚ।
ମାଦ୍ର୍ଯାଶ୍ଚ ବଲିନାଂଶ୍ରେଷ୍ଠଃ ଶଲ୍ଯୋ ଭ୍ରାତା ମହାରଥଃ॥ 1-134-82 (6015)
ଭର୍ତ୍ରା ତୁ ମରଣଂ ସାର୍ଧଂ ଫଲବନ୍ନାତ୍ର ସଂଶଯଃ।
ଯୁବାଭ୍ଯାଂ ଦୁଷ୍କରଂ ଚୈତଦ୍ବଦନ୍ତି ଦ୍ବିଜପୁଙ୍ଗବାଃ॥ 1-134-83 (6016)
ମୃତେ ଭର୍ତରି ସାଧ୍ବୀ ସ୍ତ୍ରୀ ବ୍ରହ୍ମଚର୍ଯବ୍ରତେ ସ୍ଥିତା।
ଯମୈଶ୍ଚ ନିଯମୈଃ ପୂତା ମନୋବାକ୍କାଯଜୈଃ ଶୁଭା॥ 1-134-84 (6017)
ଭର୍ତାରଂ ଚିନ୍ତଯନ୍ତୀ ସା ଭର୍ତାରଂ ନିସ୍ତରେଚ୍ଛୁଭା।
ତାରିତଶ୍ଚାପି ଭର୍ତା ସ୍ଯାଦାତ୍ମା ପୁତ୍ରସ୍ତଥୈବ ଚ॥ 1-134-85 (6018)
ତସ୍ମାଞ୍ଜୀବିତମେବୈତଦ୍ଯୁବଯୋର୍ବିଦ୍ମ ଶୋଭନମ୍॥ 1-134-86 (6019)
କୁନ୍ତ୍ଯୁବାଚ। 1-134-87x (802)
ଯଥା ପାଣ୍ଡୋସ୍ତୁ ନିର୍ଦେଶସ୍ତଥା ବିପ୍ରଗଣସ୍ଯ ଚ।
ଆଜ୍ଞା ଶିରସି ନିକ୍ଷିପ୍ତା କରିଷ୍ଯାମି ଚ ତତ୍ତଥା॥ 1-134-87 (6020)
ଯଦାଦ୍ଦୁର୍ଭଗବନ୍ତୋଽପି ତନ୍ମନ୍ଯେ ଶୋଭନଂ ପରମ୍।
ଭର୍ତୁଶ୍ଚ ମମ ପୁତ୍ରାଣାମାତ୍ମନଶ୍ଚ ନ ସଂଶଯଃ॥ 1-134-88 (6021)
ମାଦ୍ର୍ଯୁବାଚ। 1-134-89x (803)
କୁନ୍ତୀ ସମର୍ଥା ପୁତ୍ରାଣାଂ ଯୋଗକ୍ଷେମସ୍ଯ ଧାରଣେ।
ଅସ୍ଯା ହି ନ ସମା ବୁଦ୍ଧ୍ଯା ଯଦ୍ଯପି ସ୍ଯାଦରୁନ୍ଧତୀ॥ 1-134-89 (6022)
କୁନ୍ତ୍ଯାଶ୍ଚ ବୃଷ୍ଣଯୋ ନାଥାଃ କୁନ୍ତିଭୋଜସ୍ତଥୈବ ଚ।
ନାହଂ ତ୍ବମିବ ପୁତ୍ରାଣାଂ ସମର୍ଥା ଧାରଣେ ତଥା॥ 1-134-90 (6023)
ସାଽହଂ ଭର୍ତାରମନ୍ବିଷ୍ଯେ ସଂତୃପ୍ତା ନାପି ଭୋଗତଃ।
ଭର୍ତୃଲୋକସ୍ଯ ତୁ ଜ୍ଯେଷ୍ଠା ଦେବୀ ମାମନୁମନ୍ଯତାମ୍॥ 1-134-91 (6024)
ଧର୍ମଜ୍ଞସ୍ଯ କୃତଜ୍ଞସ୍ଯ ସତ୍ଯସନ୍ଧସ୍ଯ ଧୀମତଃ।
ପାଦୌ ପରିଚରିଷ୍ଯାମି ତଥାର୍ଯାଽଦ୍ଯାନୁମନ୍ଯତାମ୍॥ 1-134-92 (6025)
ବୈଶମ୍ପାଯନ ଉବାଚ। 1-134-93x (804)
ଏବମୁକ୍ତ୍ବା ତଦା ରାଜନ୍ମଦ୍ରରାଜସୁତା ଶୁଭା।
ଦଦୌ କୁନ୍ତ୍ଯୈ ଯମୌ ମାଦ୍ରୀ ଶିରସାଽଭିପ୍ରଣମ୍ଯ ଚ॥ 1-134-93 (6026)
ଅଭିବାଦ୍ଯ ମହର୍ଷୀନ୍ସା ପରିଷ୍ବଜ୍ଯ ଚ ପାଣ୍ଡବାନ୍।
ମୂର୍ଧ୍ନ୍ଯୁପାଘ୍ରାଯ ବହୁଶଃ ପାର୍ଥାନାତ୍ମସୁତୌ ତଦା॥ 1-134-94 (6027)
ହସ୍ତେ ଯୁଧିଷ୍ଠିରଂ ଗୃହ୍ଯ ମାଦ୍ରୀ ବାକ୍ଯମଭାଷତ।
କୁନ୍ତୀ ମାତା ଅହଂ ଧାତ୍ରୀ ଯୁଷ୍ମାକଂ ତୁ ପିତା ମୃତଃ॥ 1-134-95 (6028)
ଯୁଧିଷ୍ଠିରଃ ପିତା ଜ୍ଯେଷ୍ଠଶ୍ଚତୁର୍ଣାଂ ଧର୍ମତଃ ସଦା।
ବୃଦ୍ଧାଦ୍ଯୁପାସନାସକ୍ତାଃ ସତ୍ଯଧର୍ମପରାଯଣାଃ॥ 1-134-96 (6029)
ତାଦୃଶା ନ ବିନଶ୍ଯନ୍ତି ନୈବ ଯାନ୍ତି ପରାଭବମ୍।
ତସ୍ମାତ୍ସର୍ବେ କୁରୁଧ୍ବଂ ବୈ ଗୁରୁବୃତ୍ତିମତନ୍ଦ୍ରିତାଃ॥ 1-134-97 (6030)
ବୈଶମ୍ପାଯନ ଉବାଚ। 1-134-98x (805)
ଋଷୀଣାଂ ଚ ପୃଥାଯାଶ୍ଚ ନମସ୍କୃତ୍ଯ ପୁନଃପୁନଃ।
ଆଯାସକୃପଣା ମାଦ୍ରୀ ପ୍ରତ୍ଯୁବାଚ ପୃଥାଂ ତଦା॥ 1-134-98 (6031)
ମାଦ୍ର୍ଯୁବାଚ। 1-134-99x (806)
ଋଷୀଣାଂ ସଂନିଧାବେଷାଂ ଯଥା ବାଗଭ୍ଯୁଦୀରିତା।
ଦିଦୃକ୍ଷମାଣାଯାଃ ସ୍ବର୍ଗଂ ନ ମମୈଷା ବୃଥା ଭବେତ୍॥ 1-134-99 (6032)
ଧନ୍ଯା ତ୍ବମସି ବାର୍ଷ୍ଣେଯି ନାସ୍ତି ସ୍ତ୍ରୀ ସଦୃଶୀ ତ୍ବଯା।
ବୀର୍ଯଂ ତେଜଶ୍ଚ ଯୋଗଂ ଚ ମାହାତ୍ମ୍ଯଂ ଚ ଯଶସ୍ବିନାମ୍॥ 1-134-100 (6033)
କୁନ୍ତି ଦ୍ରକ୍ଷ୍ଯସି ପୁତ୍ରାଣାଂ ପଞ୍ଚାନାମମିତୌଜସାମ୍।
ଆର୍ଯା ଚାପ୍ଯଭିବାଦ୍ଯା ଚ ମମ ପୂଜ୍ଯା ଚ ସର୍ବତଃ॥ 1-134-101 (6034)
ଜ୍ଯେଷ୍ଠା ବରିଷ୍ଠା ତ୍ବଂ ଦେବି ଭୂଷିତା ସ୍ବଗୁଣୈଃ ଶୁଭୈଃ।
ଅଭ୍ଯନୁଜ୍ଞାତୁମିଚ୍ଛାମି ତ୍ବଯା ଯାବନନ୍ଦିନି॥ 1-134-102 (6035)
ଧର୍ମଂ ସ୍ବର୍ଗଂ ଚ କୀର୍ତିଂ ଚ ତ୍ବତ୍କୃତେଽହମବାପ୍ନୁଯାମ୍।
ଯଥା ତଥା ବିଧତ୍ସ୍ବେହ ମା ଚ କାର୍ଷୀର୍ବିଚାରଣାଂ॥ 1-134-103 (6036)
ବୈଶମ୍ପାଯନ ଉବାଚ। 1-134-104x (807)
ବାଷ୍ପସଂଦିଗ୍ଧଯା ବାଚା କୁନ୍ତ୍ଯୁବାଚ ଯଶସ୍ବିନୀ।
ଅନୁଜ୍ଞାତାଽସି କଲ୍ଯାଣି ତ୍ରିଦିବେ ସଙ୍ଗମୋଽସ୍ତୁ ତେ॥ 1-134-104 (6037)
ଭର୍ତ୍ରା ସହ ବିଶାଲିକ୍ଷି କ୍ଷିପ୍ରମଦ୍ଯୈବ ଭାମିନି।
ସଂଗତାସ୍ବର୍ଗଲୋକେ ତ୍ବଂ ରମେଥାଃ ଶାଶ୍ବତୀଃ ସମାଃ॥ 1-134-105 (6038)
ବୈଶମ୍ପାଯନ ଉବାଚ। 1-134-106x (808)
ତତଃ ପୁରୋହିତଃ ସ୍ନାତ୍ବା ପ୍ରେତକର୍ମଣି ପାରଗଃ।
ହିରଣ୍ଯଶକଲାନାଜ୍ଯଂ ତିଲଂ ଦଧି ଚ ତଣ୍ଡୁଲାନ୍॥ 1-134-106 (6039)
ଉଦକୁମ୍ଭାଂଶ୍ଚ ପରଶୁଂ ସମାନୀଯ ତପସ୍ବିଭିଃ।
ଅଶ୍ବମେଧାଗ୍ନିମାହୃତ୍ଯ ଯଥାନ୍ଯାଯଂ ସମନ୍ତତଃ॥ 1-134-107 (6040)
କାଶ୍ଯପଃ କାରଯାମାସ ପାଣ୍ଡୋଃ ପ୍ରେତସ୍ଯ ତାଂ କ୍ରିଯାମ୍।
ପୁରୋହିତୋକ୍ତବିଧିନା ପାଣ୍ଡୋଃ ପୁତ୍ରୋ ଯୁଧିଷ୍ଠିରଃ॥ 1-134-108 (6041)
ତେନାଗ୍ନିନାଽଦହତ୍ପାଣ୍ଡୁଂ କୃତ୍ବା ଚାପି କ୍ରିଯାସ୍ତଦା।
ରୁଦଞ୍ଛୋକାଭିସଂତପ୍ତଃ ପପାତ ଭୁବି ପାଣ୍ଡବଃ॥ 1-134-109 (6042)
ଋଷୀନ୍ପୁତ୍ରାନ୍ପୃଥାଂ ଚୈବ ବିସୃଜ୍ଯ ଚ ନୃପାତ୍ମଜ।'
ନମସ୍କୃତ୍ଯ ଚିତାଗ୍ନିସ୍ଥଂ ଧର୍ମପତ୍ନୀ ନରର୍ଷଭମ୍॥ 1-134-110 (6043)
ମଦ୍ରରାଜସୁତା ତୂର୍ଣମନ୍ବାରୋହଦ୍ଯଶସ୍ବିନୀ॥ 1-134-111 (6044)
`ଅହତାମ୍ବରସଂବୀତୋ ଭ୍ରାତୃଭିଃ ସହିତୋଽନଘଃ।
ଉଦକଂ କୃତବାଂସ୍ତତ୍ର ପୁରୋହିତମତେ ସ୍ଥିତଃ॥ 1-134-112 (6045)
ଅର୍ହତସ୍ତସ୍ଯ କୃତ୍ଯାନି ଶତଶୃଙ୍ଗନିବାସିନଃ।
ତାପସା ବିଧିବଚ୍ଚକ୍ରୁଶ୍ଚାରଣା ଋଷିଭିଃ ସହ॥ ॥ 1-134-113 (6046)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଚତୁସ୍ତ୍ରିଂଶଦଧିକଶତତମୋଽଧ୍ଯାଯଃ॥ 134 ॥
Mahabharata - Adi Parva - Chapter Footnotes
1-134-15 ମଧୁଭାଧବେ ଚୈତ୍ରବୈଶାଖଯୋଃ ସଂଧୌ ତଦାତ୍ମକେ ବସନ୍ତେ॥ 1-134-19 ବଯଃ ସ୍ଥାଂ ଯୁବତୀମ୍। ତନୁବାସସଂ ସୂକ୍ଷ୍ମବସ୍ତ୍ରାଂ କିଂଚିଦ୍ବିବୃତାଙ୍ଗାମିତ୍ଯର୍ଥଃ॥ 1-134-23 କାମପରୀତାତ୍ମା କାମେନ ବ୍ଯାପ୍ତଚିତ୍ତଃ॥ 1-134-25 ବୁଦ୍ଦିର୍ଭଯନିଶ୍ଚଯଃ। ଚେତସା ବିଚାରେଣ॥ 1-134-26 କାଲଧର୍ମଣା ମୃତ୍ଯୁନା॥ 1-134-28 ତଥାଗତଃ ମୃତଃ॥ 1-134-32 ତ୍ବାମତ୍ଯତିକ୍ରାନ୍ତୋ ବଲାଦାକ୍ରାନ୍ତବାନ୍। ଶୋକାକୁଲତ୍ବାଦତିଶବ୍ଦସ୍ଯାଭ୍ଯାସଃ॥ 1-134-34 ପ୍ରହର୍ଷଃ କାମଃ॥ 1-134-36 ଆତ୍ମା ଚିତ୍ତମ୍। ଦିଷ୍ଟଂ ଶାପଜଂ ଦୁରଦୃଷ୍ଟମ୍॥ 1-134-69 ପ୍ରେତବଶଂ ପ୍ରେତରାଜବଶମ୍। ଅନ୍ବିଷ୍ଯାମ୍ଯନୁଗମିଷ୍ଯାମି॥ ଚତୁସ୍ତ୍ରିଂଶଦଧିକଶତତମୋଽଧ୍ଯାଯଃ॥ 134 ॥ଆଦିପର୍ବ - ଅଧ୍ଯାଯ 135
॥ ଶ୍ରୀଃ ॥
1.135. ଅଧ୍ଯାଯଃ 135
Mahabharata - Adi Parva - Chapter Topics
ପାଣ୍ଡବୈଃ ସହ ଋଷୀଣାଂ ହସ୍ତିନାପୁରଗମନମ୍॥ 1 ॥ ପାଣ୍ଡୁବୃତ୍ତାନ୍ତକଥନପୂର୍ବକଂ ପାଣ୍ଡବାନ୍ଭୀଷ୍ମାଯ ସମର୍ପ୍ଯ ଋଷୀଣାଂ ପ୍ରତିନିବର୍ତନମ୍॥ 2 ॥Mahabharata - Adi Parva - Chapter Text
1-135-0 (6047)
ବୈଶମ୍ପାଯନ ଉବାଚ। 1-135-0x (809)
ପାଣ୍ଡୋରୁପରମଂ ଦୃଷ୍ଟ୍ବା ଦେବକଲ୍ପା ମହର୍ଷଯଃ।
ତତୋ ମନ୍ତ୍ରବିଦଃ ସର୍ବେ ମନ୍ତ୍ରଯାଂଚକ୍ରିରେ ମିଥଃ॥ 1-135-1 (6048)
ତାପସା ଊଚୁଃ। 1-135-2x (810)
ହିତ୍ବା ରାଜ୍ଯଂ ଚ ରାଷ୍ଟ୍ରଂ ଚ ସ ମହାତ୍ମା ମହାଯଶାଃ।
ଅସ୍ମିଂସ୍ଥାନେ ତପସ୍ତପ୍ତ୍ବା ତାପସାଞ୍ଶରଣଂ ଗତଃ॥ 1-135-2 (6049)
ସ ଜାତମାତ୍ରାନ୍ପୁତ୍ରାଂଶ୍ଚ ଦାରାଂଶ୍ଚ ଭବତାମିହ।
ପ୍ରାଦାଯୋପନିଧିଂ ରାଜା ପାଣ୍ଡୁଃ ସ୍ବର୍ଗମିତୋ ଗତଃ॥ 1-135-3 (6050)
ତସ୍ଯେମାନାତ୍ମଜାନ୍ଦେହଂ ଭାର୍ଯାଂ ଚ ସୁମହାତ୍ମନଃ।
ସ୍ବରାଷ୍ଟ୍ରଂ ଗୃହ୍ଯ ଗଚ୍ଛାମୋ ଧର୍ମ ଏଷ ହି ନଃ ସ୍ମୃତଃ॥ 1-135-4 (6051)
ବୈଶମ୍ପାଯନ ଉବାଚ। 1-135-5x (811)
ତେ ପରସ୍ପରମାମନ୍ତ୍ର୍ଯ ଦେବକଲ୍ପା ମହର୍ଷଯଃ।
ପାଣ୍ଡୋଃ ପୁତ୍ରାନ୍ପୁରସ୍କୃତ୍ଯ ନଗରଂ ନାଗସାହ୍ବଯମ୍॥ 1-135-5 (6052)
ଉଦାରମନସଃ ସିଦ୍ଧା ଗମନେ ଚକ୍ରିରେ ମନଃ।
ଭୀଷ୍ମାଯ ପଣ୍ଡବାନ୍ଦାତୁଂ ଧୃତରାଷ୍ଟ୍ରାଯ ଚୈବ ହି॥ 1-135-6 (6053)
ତସ୍ମିନ୍ନେବ କ୍ଷଣେ ସର୍ବେ ତାନାଦାଯ ପ୍ରତସ୍ଥିରେ।
ପାଣ୍ଡୋର୍ଦାରାଂଶ୍ଚ ପୁତ୍ରାଂଶ୍ଚ ଶରୀରେ ତେ ଚ ତାପସାଃ॥ 1-135-7 (6054)
ସୁଖିନୀ ସା ପୁରା ଭୂତ୍ବା ସତତଂ ପୁତ୍ରବତ୍ସଲା।
ପ୍ରପନ୍ନା ଦୀର୍ଘମଧ୍ବାନଂ ସଂକ୍ଷିପ୍ତଂ ତଦମନ୍ଯତ॥ 1-135-8 (6055)
ସା ତ୍ବଦୀର୍ଘେଣ କାଲେନ ସଂପ୍ରାପ୍ତା କୁରୁଜାଙ୍ଗଲମ୍।
ବର୍ଧମାନପୁରଦ୍ବାରମାସସାଦ ଯଶସ୍ବିନୀ॥ 1-135-9 (6056)
ଦ୍ବାରିଣଂ ତାପସା ଊଚୂ ରାଜାନଂ ଚ ପ୍ରକାଶଯ।
ତେ ତୁ ଗତ୍ବା କ୍ଷଣେନୈବ ସଭାଯାଂ ବିନିବେଦିତାଃ॥ 1-135-10 (6057)
ତଂ ଚାରଣସହସ୍ରାଣାଂ ମୁନୀନାମାଗମଂ ତଦା।
ଶ୍ରୁତ୍ବା ନାଗପୁରେ ନୄଣାଂ ବିସ୍ମଯଃ ସମପଦ୍ଯତ॥ 1-135-11 (6058)
ମୁହୂର୍ତୋଦିତ ଆଦିତ୍ଯେ ସର୍ବେ ବାଲପୁରସ୍କୃତାଃ।
ସଦାରାସ୍ତାପସାନ୍ଦ୍ରଷ୍ଟୁଂ ନିର୍ଯଯୁଃ ପୁରବାସିନଃ॥ 1-135-12 (6059)
ସ୍ତ୍ରୀସଙ୍ଘାଃ କ୍ଷତ୍ରସଙ୍ଘାଶ୍ଚ ଯାନସଙ୍ଘସମାସ୍ଥିତାଃ।
ବ୍ରାହ୍ମଣୈଃ ସହ ନିର୍ଜଗ୍ମୁର୍ବ୍ରାହ୍ମଣାନାଂ ଚ ଯୋଷିତଃ॥ 1-135-13 (6060)
ତଥା ବିଟ୍ଶୂଦ୍ରସଙ୍ଘାନାଂ ମହାନ୍ଯତିକରୋଽଭବତ୍।
ନ କଶ୍ଚିଦକରୋଦୀର୍ଷ୍ଯାମଭବନ୍ଧର୍ମବୁଦ୍ଧଯଃ॥ 1-135-14 (6061)
ତଥା ଭୀଷ୍ମଃ ଶାନ୍ତନବଃ ସୋମଦତ୍ତୋ।ଞଥ ବାହ୍ଲିକଃ।
ପ୍ରଜ୍ଞାଚକ୍ଷୁଶ୍ଚ ରାଜର୍ଷିଃ କ୍ଷତ୍ତା ଚ ବିଦୁରଃ ସ୍ବଯମ୍॥ 1-135-15 (6062)
ସା ଚ ସତ୍ଯବତୀ ଦେବୀ କୌସଲ୍ଯା ଚ ଯଶସ୍ବିନୀ।
ରାଜଦାରୈଃ ପରିବୃତା ଗାନ୍ଧାରୀ ଚାପି ନିର୍ଯଯୌ॥ 1-135-16 (6063)
ଧୃତରାଷ୍ଟ୍ରସ୍ଯ ଦାଯାଦା ଦୁର୍ଯୋଧନପୁରୋଗମାଃ।
ଭୂଷିତା ଭୂଷଣୈଶ୍ଚିତ୍ରୈଃ ଶତସଙ୍ଖ୍ଯା ବିନିର୍ଯଯୁଃ॥ 1-135-17 (6064)
ତାନ୍ମହର୍ଷିଗଣାନ୍ଦୃଷ୍ଟ୍ବା ଶିରୋଭିରଭିବାଦ୍ଯ ଚ।
ଉପୋପବିବିଶୁଃ ସର୍ବେ କୌରବ୍ଯାଃ ସପୁରୋହିତାଃ॥ 1-135-18 (6065)
ତଥୈବ ଶିରସା ଭୂମାବଭିବାଦ୍ଯ ପ୍ରଣମ୍ଯ ଚ।
ଉପୋପବିବିଶୁଃ ସର୍ବେ ପୌରଜାନପଦା ଅପି॥ 1-135-19 (6066)
ତମକୂଜମଭିଜ୍ଞାଯ ଜନୌଘଂ ସର୍ବଶସ୍ତଦା।
ପୂଜଯିତ୍ବା ଯଥାନ୍ଯାଯଂ ପାଦ୍ଯେନାର୍ଘ୍ଯେଣ ଚ ପ୍ରଭୋ॥ 1-135-20 (6067)
ଭୀଷ୍ମୋ ରାଜ୍ଯଂ ଚ ରାଷ୍ଟ୍ରଂ ଚ ମହର୍ଷିଭ୍ଯୋ ନ୍ଯବେଦଯତ୍।
ତେଷାମଥୋ ବୃଦ୍ଧତମଃ ପ୍ରତ୍ଯୁତ୍ଥାଯ ଜଟାଜିନୀ।
ଋଷୀଣାଂ ମତମାଜ୍ଞାଯ ମହର୍ଷିରିଦମବ୍ରବୀତ୍॥ 1-135-21 (6068)
ଯଃ ସ କୌରବ୍ଯଦାଯାଦଃ ପାଣ୍ଡୁର୍ନାମ ନରାଧିପଃ।
କାମଭୋଗାନ୍ପରିତ୍ଯଜ୍ଯ ଶତଶୃଙ୍ଗମିତୋ ଗତଃ॥ 1-135-22 (6069)
`ରାଜା ଭୋଗାନ୍ପରିତ୍ଯଜ୍ଯ ତପସ୍ବୀ ସଂବଭୂବ ହ।
ସ ଯଥୋକ୍ତଂ ତପସ୍ତେପେ ପତ୍ରମୂଲଫଲାଶନଃ॥ 1-135-23 (6070)
ପତ୍ନୀଭ୍ଯାଂ ସହ ଧର୍ମାତ୍ମା ସଂଚିତ୍କାଲମତନ୍ଦ୍ରିତଃ।
ତେନ ବୃତ୍ତସମାଚାରୈସ୍ତପସା ଚ ତପସ୍ବିନଃ॥ 1-135-24 (6071)
ତୋଷିତାସ୍ତାପସାସ୍ତତ୍ର ଶତଶୃଙ୍ଗନିବାସିନଃ।
ସ୍ବର୍ଗଲୋକଂ ଗନ୍ତୁକାମଂ ତାପସାଃ ସଂନିବାର୍ଯ ତମ୍॥ 1-135-25 (6072)
ଉଦ୍ଯନ୍ତଂ ସହ ପତ୍ନୀଭ୍ଯାଂ ବିପ୍ରା ବଚନମବ୍ରୁବନ୍।
ଅନପତ୍ଯସ୍ଯ ରାଜେନ୍ଦ୍ର ପୁଣ୍ଯା ଲୋକା ନ ସନ୍ତି ତେ॥ 1-135-26 (6073)
ତସ୍ମାଦ୍ଧର୍ମଂ ଚ ବାଯୁଂ ଚ ମହେନ୍ଦ୍ରଂ ଚ ତଥାଽଶ୍ବିନୌ।
ଆରାଧଯସ୍ବ ରାଜେନ୍ଦ୍ର ପତ୍ନୀଭ୍ଯାଂ ସହ ଦେବତାଃ॥ 1-135-27 (6074)
ପ୍ରୀତାଃ ପୁତ୍ରାନ୍ପ୍ରଦାସ୍ଯନ୍ତି ଋଣମୁକ୍ତୋ ଭବିଷ୍ଯସି।
ତପସା ଦିବ୍ଯଚକ୍ଷୁଷ୍ଟ୍ବାତ୍ପଶ୍ଯାମସ୍ତେ ତଥା ସୁତାନ୍॥ 1-135-28 (6075)
ଅସ୍ମାକଂ ବଚନଂ ଶ୍ରୁତ୍ବା ଦେବାନାରାଧଯତ୍ତଦା।'
ବ୍ରହ୍ମଚର୍ଯବ୍ରତସ୍ଥସ୍ଯ ତସ୍ଯ ଦିବ୍ଯେନ ହେତୁନା॥ 1-135-29 (6076)
ସାକ୍ଷାଦ୍ଧର୍ମାଦଯଂ ପୁତ୍ରସ୍ତତ୍ର ଜାତୋ ଯୁଧିଷ୍ଠିରଃ।
ତଥୈନଂ ବଲିନାଂ ଶ୍ରେଷ୍ଠଂ ତସ୍ଯ ରାଜ୍ଞୋ ମହାତ୍ମନଃ॥ 1-135-30 (6077)
ମାତରିଶ୍ବା ଦଦୌ ପୁତ୍ରଂ ଭୀମଂ ନାମ ମହାବଲମ୍।
ପୁରନ୍ଦରାଦଯଂ ଜଜ୍ଞେ କୁନ୍ତ୍ଯାଂ ସତ୍ଯପରାକ୍ରମଃ॥ 1-135-31 (6078)
`ଅସ୍ମିଞ୍ଜାତେ ମହେଷ୍ବାସେ ପୃଥାମିନ୍ଦ୍ରସ୍ତଦାଽବ୍ରବୀତ୍।
ମତ୍ପ୍ରସାଦାଦଯଂ ଜାତଃ କୁନ୍ତି ସତ୍ଯପରାକ୍ରମଃ॥ 1-135-32 (6079)
ଅଜେଯାନପି ଜେତାଽରୀନ୍ଦେବତାଦୀନ୍ନ ସଂଶଯଃ।'
ଯସ୍ଯ କୀର୍ତିର୍ମହେଷ୍ବାସାନ୍ସର୍ବାନଭିଭବିଷ୍ଯତି॥ 1-135-33 (6080)
`ଯୁଧିଷ୍ଠିରୋ ରାଜସୂଯଂ ଭ୍ରାତୃବୀର୍ଯାଦବାପ୍ସ୍ଯତି।
ଏଷ ଜେତା ମନୁଷ୍ଯାଂଶ୍ଚ ସର୍ବାନ୍ଗନ୍ଧର୍ବରାକ୍ଷସାନ୍॥ 1-135-34 (6081)
ଏଷ ଦୁର୍ଯୋଧନାଦୀନାଂ କୌରବାଣାଂ ଚ ଜେଷ୍ଯତି।
ବୀରସ୍ଯୈତସ୍ଯ ବିକ୍ରାନ୍ତୈର୍ଧର୍ମପୁତ୍ରୋ ଯୁଧିଷ୍ଠିରଃ॥ 1-135-35 (6082)
ଯକ୍ଷ୍ଯତେ ରାଜସୂଯାଦ୍ଯୈର୍ଧର୍ମ ଏବ ପରଃ ସଦା।'
ଯୌ ତୁ ମାଦ୍ରୀ ମହେଷ୍ବାସାବସୂତ ପୁରୁଷୋତ୍ତମୌ॥ 1-135-36 (6083)
ଅଶ୍ବିଭ୍ଯାଂ ପୁରୁଷବ୍ଯାଘ୍ରାବିମୌ ତାବପି ତିଷ୍ଠତଃ।
`ନକୁଲଃ ସହଦେବଶ୍ଚ ତାବପ୍ଯମିତତେଜସୌ॥' 1-135-37 (6084)
ଚରତା ଧର୍ମନିତ୍ଯେନ ବନବାସଂ ଯଶସ୍ବିନା।
ଏଷ ପୈତାମହୋ ବଂଶଃ ପାଣ୍ଡୁନା ପୁନରୁଦ୍ଧୃତଃ॥ 1-135-38 (6085)
ପୁତ୍ରାଣାଂ ଜନ୍ମ ବୃଦ୍ଧିଂ ଚ ବୈଦିକାଧ୍ଯଯନାନି ଚ।
ପଶ୍ଯନ୍ତଃ ସତତଂ ପାଣ୍ଡୋଃ ପରାଂ ପ୍ରୀତିମବାପ୍ସ୍ଯଥ॥ 1-135-39 (6086)
ବର୍ତମାନଃ ସତାଂ ବୃତ୍ତେ ପୁତ୍ରଲାଭମବାପ ଚ।
ପିତୃଲୋକଂ ଗତଃ ପାଣ୍ଡୁରିତଃ ସପ୍ତଦଶେଽହନି॥ 1-135-40 (6087)
ତଂ ଚିତାଗତମାଜ୍ଞାଯ ବୈଶ୍ବାନରମୁଖେ ହୁତମ୍।
ପ୍ରବିଷ୍ଟା ପାବକଂ ମାଦ୍ରୀ ହିତ୍ବା ଜୀବିତମାତ୍ମନଃ॥ 1-135-41 (6088)
ସା ଗତା ସହ ତେନୈବ ପତିଲୋକମନୁବ୍ରତା।
ତସ୍ଯାସ୍ତସ୍ଯ ଚ ଯତ୍କାର୍ଯଂ କ୍ରିଯତାଂ ତଦନନ୍ତରମ୍॥' 1-135-42 (6089)
ପୃଥାଂ ଚ ଶରଣଂ ପ୍ରାପ୍ତାଂ ପାଣ୍ଡବାଂଶ୍ଚ ଯଶସ୍ବିନଃ।
ଯଥାବଦନୁମନ୍ଯନ୍ତାଂ ଧର୍ମୋ ହ୍ଯେଷ ସନାତନଃ॥ 1-135-43 (6090)
ଇମେ ତଯୋଃ ଶରୀରେ ଦ୍ବେ ପୁତ୍ରାଶ୍ଚେମେ ତଯୋର୍ବରାଃ।
କ୍ରିଯାଭିରନୁଗୃହ୍ଯନ୍ତାଂ ସହ ମାତ୍ରା ପରଂତପାଃ॥ 1-135-44 (6091)
ପ୍ରେତକାର୍ଯେ ନିବୃତ୍ତେ ତୁ ପିତୃମେଧଂ ମହାଯଶାଃ।
ଲଭତାଂ ସର୍ବଧର୍ମଜ୍ଞଃ ପାଣ୍ଡୁଃ କୁରୁକୁଲୋଦ୍ବହଃ॥ 1-135-45 (6092)
ବୈଶମ୍ପାଯନ ଉବାଚ। 1-135-46x (812)
ଏବମୁକ୍ତ୍ବା କୁରୂନ୍ସର୍ବାନ୍କୁରୂଣାମେବ ପଶ୍ଯତାମ୍।
କ୍ଷଣେନାନ୍ତର୍ହିତାଃ ସର୍ବେ ତାପସା ଗୁହ୍ଯକୈଃ ସହ॥ 1-135-46 (6093)
ଗନ୍ଧର୍ବନଗରାକାରଂ ତଥୈବାନ୍ତର୍ହିତଂ ପୁନଃ।
ଋଷିସିଦ୍ଧଗଣଂ ଦୃଷ୍ଟ୍ବା ବିସ୍ମଯଂ ତେ ପରଂ ଯଯୁଃ॥ ॥ 1-135-47 (6094)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ପଞ୍ଚତ୍ରିଂଶଦଧିକଶତତମୋଽଧ୍ଯାଯଃ॥ 135 ॥
Mahabharata - Adi Parva - Chapter Footnotes
1-135-4 ଦେହଂ ଦେହଯୋରସ୍ଥୀନି॥ 1-135-8 ତଦ୍ଗମନଂ ସଂକ୍ଷିପ୍ତମମନ୍ଯତ ମୁନୀନାଂ ଯୋଗପ୍ରଭାବାତ୍ ସ୍ବଦେଶଗମନୌତ୍କଣ୍ଠ୍ଯାଦ୍ବା॥ 1-135-9 ବର୍ଧମାନପୁରଦ୍ବାରଂ ମୁଖ୍ଯଦ୍ବାରମ୍॥ 1-135-11 ଆରଣ୍ଯାନାଂ ସହସ୍ରସଂଖ୍ଯାନାଂ ମୁନୀନାଂ ଚେତି ଯୋଜ୍ଯମ୍॥ 1-135-14 ବ୍ଯତିକରଃ ସଂଘର୍ଷଃ॥ 1-135-20 ଅକୂଜଂ ନିଃଶବ୍ଦମ୍॥ 1-135-45 ପ୍ରେତକାର୍ଯେ ସପଣ୍ଡୀକରଣାନ୍ତେ। ପିତୃମେଧଂ ଯଜ୍ଞବିଶେଷମ୍। ବୃଷୋତ୍ସର୍ଗାଦିକଂ ବା॥ 1-135-47 ଗନ୍ଧର୍ବନଗରଂ ଖପୁରମ୍॥ ପଞ୍ଚତ୍ରିଂଶଦଧିକଶତତମୋଽଧ୍ଯାଯଃ॥ 135 ॥ଆଦିପର୍ବ - ଅଧ୍ଯାଯ 136
॥ ଶ୍ରୀଃ ॥
1.136. ଅଧ୍ଯାଯଃ 136
Mahabharata - Adi Parva - Chapter Topics
ପାଣ୍ଡୋରସ୍ଥିସଂସ୍କାରାଦ୍ଯନ୍ତ୍ଯେଷ୍ଟିବିଧିଃ॥ 1 ॥Mahabharata - Adi Parva - Chapter Text
1-136-0 (6095)
ଧୃତରାଷ୍ଟ୍ର ଉବାଚ। 1-136-0x (813)
ପାଣ୍ଡୋର୍ବିଦୁର ସର୍ବାଣି ପ୍ରେତକାର୍ଯାଣି କାରଯ।
ରାଜବଦ୍ରାଜସିଂହସ୍ଯ ମାଦ୍ର୍ଯାଶ୍ଚୈବ ବିଶେଷତଃ॥ 1-136-1 (6096)
ପଶୂନ୍ବାସାଂସି ରତ୍ନାନି ଧନାନି ବିବିଧାନି ଚ।
ପାଣ୍ଡୋଃ ପ୍ରଯଚ୍ଛ ମାଦ୍ର୍ଯାଶ୍ଚ ଯେଭ୍ଯୋ ଯାବଚ୍ଚ ବାଞ୍ଛିତମ୍॥ 1-136-2 (6097)
ଯଥା ଚ କୁନ୍ତୀ ସତ୍କାରଂ କୁର୍ଯାନ୍ମାଦ୍ର୍ଯାସ୍ତଥା କୁରୁ।
ଯଥା ନ ବାଯୁର୍ନାଦିତ୍ଯଃ ପଶ୍ଯେତାଂ ତାଂ ସୁସଂବୃତାମ୍॥ 1-136-3 (6098)
ନ ଶୋଚ୍ଯଃ ପାଣ୍ଡୁରନଘଃ ପ୍ରଶସ୍ଯଃ ସ ନରାଧିପଃ।
ଯସ୍ଯ ପଞ୍ଚ ସୁତା ବୀରା ଜାତାଃ ସୁରସୁତୋପମାଃ॥ 1-136-4 (6099)
ବୈଶମ୍ପାଯନ ଉବାଚ। 1-136-5x (814)
ବିଦୁରସ୍ତଂ ତଥେତ୍ଯୁକ୍ତ୍ବା ଭୀଷ୍ମେଣ ସହ ଭାରତ।
ପାଣ୍ଡୁଂ ସଂସ୍କାରଯାମାସ ଦେଶେ ପରମପୂଜିତେ॥ 1-136-5 (6100)
ତତସ୍ତୁ ନଗରାତ୍ତୂର୍ଣମାଜ୍ଯଗନ୍ଧପୁରସ୍କୃତାଃ।
ନିର୍ହୃତାଃ ପାବକା ଦୀପ୍ତାଃ ପାଣ୍ଡୋ ରାଜନ୍ପୁରୋହିତୈଃ॥ 1-136-6 (6101)
ଅଥୈନାମାର୍ତବୈଃ ପୁଷ୍ପୈର୍ଗନ୍ଧୈଶ୍ଚ ବିବିଧୈର୍ବରୈଃ।
ଶିବିକାଂ ତାମଲଙ୍କୃତ୍ଯ ବାସସାଽଽଚ୍ଛାଦ୍ଯ ସର୍ବଶଃ॥ 1-136-7 (6102)
ତାଂ ତଥା ଶୋଭିତାଂ ମାଲ୍ଯୈର୍ବାସୋଭିଶ୍ଚ ମହାଧନୈଃ।
ଅମାତ୍ଯା ଜ୍ଞାତଯଶ୍ଚୈନଂ ସୁହୃଦଶ୍ଚୋପତସ୍ଥିରେ॥ 1-136-8 (6103)
ନୃସିଂହଂ ନରଯୁକ୍ତେନ ପରମାଲଙ୍କୃତେନ ତମ୍।
ଅବହନ୍ ଯାନମୁଖ୍ଯେନ ସହ ମାଦ୍ର୍ଯା ସୁସଂବୃତମ୍॥ 1-136-9 (6104)
ପାଣ୍ଡୁରେଣାତପତ୍ରେଣ ଚାମରବ୍ଯଜନେନ ଚ।
ସର୍ବବାଦିତ୍ରନାଦୈଶ୍ଚ ସମଲଞ୍ଚକ୍ରିରେ ତତଃ॥ 1-136-10 (6105)
ରତ୍ନାନି ଚାପ୍ଯୁପାଦାଯ ବହୂନି ଶତଶୋ ନରାଃ।
ପ୍ରଦଦୁଃ କାଙ୍କ୍ଷମାଣେଭ୍ଯଃ ପାଣ୍ଡୋସ୍ତସ୍ଯୌର୍ଧ୍ବଦେହିକେ॥ 1-136-11 (6106)
ଅଥ ଚ୍ଛତ୍ରାଣି ଶୁଭ୍ରାଣି ଚାମରାଣି ବୃହନ୍ତି ଚ।
ଆଜହ୍ରୁଃ କୌରବସ୍ଯାର୍ଥେ ବାସାଂସି ରୁଚିରାଣି ଚ॥ 1-136-12 (6107)
ଯାଜକୈଃ ଶୁକ୍ଲବାସୋଭିର୍ହୂଯମାନା ହୁତାଶନାଃ।
ଅଗଚ୍ଛନ୍ନଗ୍ରତସ୍ତସ୍ଯ ଦୀପ୍ଯମାନାଃ ସ୍ବଲଙ୍କୃତାଃ॥ 1-136-13 (6108)
ବ୍ରାହ୍ମଣାଃ କ୍ଷତ୍ରିଯା ବୈଶ୍ଯାଃ ଶୂଦ୍ରାଶ୍ଚୈବ ସହସ୍ରଶଃ।
ରୁଦନ୍ତଃ ଶୋକସଂତପ୍ତା ଅନୁଜଗ୍ମୁର୍ନରାଧିପମ୍॥ 1-136-14 (6109)
ଅଯମସ୍ମାନପାହାଯ ଦୁଃଖେ ଚାଧାଯ ଶାଶ୍ବତେ।
କୃତ୍ବା ଚାସ୍ମାନନାଥାଂଶ୍ଚ କ୍ବ ଯାସ୍ଯତି ନରାଧିପଃ॥ 1-136-15 (6110)
କ୍ରୋଶନ୍ତଃ ପାଣ୍ଡବାଃ ସର୍ବେ ଭୀଷ୍ମୋ ବିଦୁର ଏବ ଚ।
`ବାହ୍ଲୀକଃ ସୋମଦତ୍ତଶ୍ଚ ତଥା ଭୂରିଶ୍ରବା ନୃପଃ॥ 1-136-16 (6111)
ଅନ୍ଯୋନ୍ଯଂ ବୈ ସମାଶ୍ଲିଷ୍ଯ ଅନୁଜଗ୍ମୁଃ ସହସ୍ରଶଃ।'
ରମଣୀଯେ ବନୋଦ୍ଦେଶେ ଗଙ୍ଗାତୀରେ ସମେ ଶୁଭେ॥ 1-136-17 (6112)
ନ୍ଯାସଯାମାସୁରଥଂ ତାଂ ଶିବିକାଂ ସତ୍ଯବାଦିନଃ।
ସଭାର୍ଯସ୍ଯ ନୃସିଂହସ୍ଯ ପାଣ୍ଡୋରକ୍ଲିଷ୍ଟକର୍ମଣଃ॥ 1-136-18 (6113)
ତତସ୍ତସ୍ଯ ଶରୀରଂ ତୁ ସର୍ବଗନ୍ଧାଧିବାସିତମ୍।
ଶୁଚିକାଲୀଯକାଦିଗ୍ଧଂ ଦିବ୍ଯଚନ୍ଦନରୂଷିତମ୍॥ 1-136-19 (6114)
ପର୍ଯଷିଞ୍ଚଞ୍ଜଲେନାଶୁ ଶାତକୁମ୍ଭମଯୈର୍ଘଟୈଃ।
ଚନ୍ଦନେନ ଚ ଶୁକ୍ଲେନ ସର୍ବତଃ ସମଲେପଯନ୍॥ 1-136-20 (6115)
କାଲାଗୁରୁବିମିଶ୍ରେଣ ତଥା ତୁଙ୍ଗରସେନ ଚ।
ଅଥୈନଂ ଦେଶଜୈଃ ଶୁକ୍ଲୈର୍ବାସୋଭିଃ ସମଯୋଜଯନ୍॥ 1-136-21 (6116)
ସଂଛନ୍ନଃ ସ ତୁ ବାସୋଭିର୍ଜୀବନ୍ନିବ ନରାଧିପଃ।
ଶୁଶୁଭେ ସ ନବ୍ଯାଘ୍ରୋ ମହାର୍ହଶଯନୋଚିତଃ॥ 1-136-22 (6117)
`ହଯମେଧାଗ୍ନିନା ସର୍ବେ ଯାଜକାଃ ସପୁରୋହିତାଃ।
ବେଦୋକ୍ତେନ ବିଧାନେନ କ୍ରିଯାଂଚକ୍ରୁଃ ସମନ୍ତ୍ରକମ୍॥' 1-136-23 (6118)
ଯାଜକୈରଭ୍ଯନୁଜ୍ଞାତେ ପ୍ରେତକର୍ମଣ୍ଯନିଷ୍ଠିତେ।
ଘୃତାବସିକ୍ତଂ ରାଜାନଂ ସହ ମାଦ୍ର୍ଯା ସ୍ବଲଙ୍କୃତମ୍॥ 1-136-24 (6119)
ତୁଙ୍ଗପଦ୍ମକମିଶ୍ରେଣ ଚନ୍ଦନେନ ସୁଗନ୍ଧିନା।
`ସରଲଂ ଦେବଦାରୁଂ ଚ ଗୁଗ୍ଗୁଲଂ ଲାକ୍ଷଯା ସହ॥ 1-136-25 (6120)
ହରିଚନ୍ଦନକାଷ୍ଠୈଶ୍ଚ ହରିବେରୈରୁଶୀରକୈଃ।'
ଅନ୍ଯୈଶ୍ଚ ବିବିଧୈର୍ଗନ୍ଧୈର୍ବିଧିନା ସମଦାହଯନ୍॥ 1-136-26 (6121)
ତତସ୍ତଯୋଃ ଶରୀରେ ଦ୍ବେ ଦୃଷ୍ଟ୍ବା ମୋହବଶଂ ଗତା।
ହାହା ପୁତ୍ରେତି କୌସଲ୍ଯା ପପାତ ସହସା ଭୁବି॥ 1-136-27 (6122)
ତାଂ ପ୍ରେକ୍ଷ୍ଯ ପତିତାମାର୍ତାଂ ପୌରଜାନପଦୋ ଜନଃ।
ରୁରୋଦ ଦୁଃଖସଂତପ୍ତୋ ରାଜଭକ୍ତ୍ଯା କୃପାଽନ୍ବିତଃ॥ 1-136-28 (6123)
କୁନ୍ତ୍ଯାଶ୍ଚୈବାର୍ତନାଦେନ ସର୍ବାଣି ଚ ବିଚୁକ୍ରୁଶୁଃ।
ମାନୁଷୈଃ ସହ ଭୂତାନି ତିର୍ଯଗ୍ଯୋନିଗତାନ୍ଯପି॥ 1-136-29 (6124)
ତଥା ଭୀଷ୍ମଃ ଶାନ୍ତନବୋ ବିଦୁରଶ୍ଚ ମହାମତିଃ।
ସର୍ବଶଃ କୌରବାଶ୍ଚୈବ ପ୍ରାଣଦନ୍ଭୃଶଦୁଃଖିତାଃ॥ 1-136-30 (6125)
ତତୋ ଭୀଷ୍ମୋଽଥ ବିଦୁରୋ ରାଜା ଚ ସହ ପାଣ୍ଡବୈଃ।
ଉଦକଂ ଚକ୍ରିରେ ତସ୍ଯ ସର୍ବାଶ୍ଚ କୁରୁଯୋଷିତଃ॥ 1-136-31 (6126)
ଚୁକ୍ରୁଶୁଃ ପାଣ୍ଡବାଃ ସର୍ବେ ଭୀଷ୍ମଃ ଶାନ୍ତନବସ୍ତଥା।
ବିଦୁରୋ ଜ୍ଞାତଯଶ୍ଚୈବ ଚକ୍ରୁଶ୍ଚାପ୍ଯୁଦକକ୍ରିଯାଃ॥ 1-136-32 (6127)
କୃତୋଦକାଂସ୍ତାନାଦାଯ ପାଣ୍ଡବାଞ୍ଛୋକକର୍ଶିତାନ୍।
ସର୍ବାଃ ପ୍ରକୃତଯୋ ରାଜଞ୍ଶୋଚମାନା ନ୍ଯବାରଯନ୍॥ 1-136-33 (6128)
ଯଥୈବ ପାଣ୍ଡବା ଭୂମୌ ସୁଷୁପୁଃ ସହ ବାନ୍ଧବୈଃ।
ତଥୈବ ନାଗରା ରାଜଞ୍ଶିଶ୍ଯିରେ ବ୍ରାହ୍ମଣାଦଯଃ॥ 1-136-34 (6129)
ତଦ୍ଗତାନନ୍ଦମସ୍ବସ୍ଥମାକୁମାରମହୃଷ୍ଟବତ୍।
ବଭୂବ ପାଣ୍ଡବୈଃ ସାର୍ଧଂ ନଗରଂ ଦ୍ବାଦଶ କ୍ଷପାଃ॥ ॥ 1-136-35 (6130)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଷଟ୍ତ୍ରିଂଶଦଧିକଶତତମୋଽଧ୍ଯାଯଃ॥ 136 ॥
Mahabharata - Adi Parva - Chapter Footnotes
1-136-19 କାଲୀଯକାଦିଗ୍ଧଂ କୃଷ୍ଣାଗୁରୁଲିପ୍ତମ୍॥ 1-136-25 ତୁଙ୍ଗପଦ୍ମକୌ ଗନ୍ଧଦ୍ରବ୍ଯବିଶେଷୌ॥ ଷଟ୍ତ୍ରିଂଶଦଧିକଶତତମୋଽଧ୍ଯାଯଃ॥ 136 ॥ଆଦିପର୍ବ - ଅଧ୍ଯାଯ 137
॥ ଶ୍ରୀଃ ॥
1.137. ଅଧ୍ଯାଯଃ 137
Mahabharata - Adi Parva - Chapter Topics
ପାଣ୍ଡୋଃ ଶ୍ରାଦ୍ଧଦାନମ୍॥ 1 ॥ କୁମାରାଣାଂ କ୍ରୀଡାବର୍ଣନମ୍॥ 2 ॥ କ୍ରୀଡାଯାଂ ଭୀମେନ ଦୁର୍ଯୋଧନାଦୀନାଂ ପରାଭବଃ॥ 3 ॥ ଦୁର୍ଯୋଧନେନ ପ୍ରମାଣକୋଟ୍ଯାଂ ପାତନଂ, ସର୍ପୈର୍ଦଂଶନଂ, ବିଷମିଶ୍ରଭକ୍ଷ୍ଯଦାନମ୍॥ 4 ॥Mahabharata - Adi Parva - Chapter Text
1-137-0 (6131)
ବୈଶମ୍ପାଯନ ଉବାଚ। 1-137-0x (815)
ତତଃ କ୍ଷତ୍ତା ଚ ଭୀଷ୍ମଶ୍ଚ ବ୍ଯାସୋ ରାଜା ଚ ବନ୍ଧୁଭିଃ।
ଦଦୁଃ ଶ୍ରାଦ୍ଧଂ ତଦା ପାଣ୍ଡୋଃ ସ୍ବଧାମୃତମଯଂ ତଦା॥ 1-137-1 (6132)
`ପୁରୋହିତସହାଯାସ୍ତେ ଯଥାନ୍ଯାଯମକୁର୍ବତ।'
କୁରୂଂଶ୍ଚ ବିପ୍ରମୁଖ୍ଯାଂଶ୍ଚ ଭୋଜଯିତ୍ବା ସହସ୍ରଶଃ।
ରତ୍ନୌଘାନ୍ଦ୍ବିଜମୁଖ୍ଯେଭ୍ଯୋ ଦତ୍ତ୍ବା ଗ୍ରାମବରାଂସ୍ତଥା॥ 1-137-2 (6133)
କୃତଶୌଚାଂସ୍ତତସ୍ତାଂସ୍ତୁ ପାଣ୍ଡବାନ୍ଭରତର୍ଷଭାନ୍।
ଆଦାଯ ବିବିଶୁଃ ସର୍ବେ ପୁରଂ ବାରଣସାହ୍ବଯମ୍॥ 1-137-3 (6134)
ସତତଂ ସ୍ମାନୁଶୋଚନ୍ତସ୍ତମେବ ଭରତର୍ଷଭମ୍।
ପୌରଜାନପଦାଃ ସର୍ବେ ମୃତଂ ସ୍ବମିବ ବାନ୍ଧବମ୍॥ 1-137-4 (6135)
ଶ୍ରାଦ୍ଧାବସାନେ ତୁ ତଦା ଦୃଷ୍ଟ୍ବା ତଂ ଦୁଃଖିତଂ ଜନମ୍।
ସଂମୂଢାଂ ଦୁଃଖଶୋକାର୍ତାଂ ବ୍ଯାସୋ ମାତରମବ୍ରବୀତ୍॥ 1-137-5 (6136)
ଅତିକ୍ରାନ୍ତସୁଖାଃ କାଲାଃ ପର୍ଯୁପସ୍ଥିତଦାରୁଣାଃ।
ଶ୍ବଃଶ୍ବଃ ପାପିଷ୍ଠଦିବସାଃ ପୃଥିବୀ ଗତଯୌବନା॥ 1-137-6 (6137)
ବହୁମାଯାସମାକୀର୍ଣୋ ନାନାଦୋଷସମାକୁଲଃ।
ଲୁପ୍ତଧର୍ମକ୍ରିଯାଚାରୋ ଘୋରଃ କାଲୋ ଭବିଷ୍ଯତି॥ 1-137-7 (6138)
କୁରୂଣାମନଯାଚ୍ଚାପି ପୃଥିବୀ ନ ଭବିଷ୍ଯତି।
ଗଚ୍ଛ ତ୍ବଂ ଯୋଗମାସ୍ଥାଯ ଯୁକ୍ତା ବସ ତପୋବନେ॥ 1-137-8 (6139)
ମାଦ୍ରାକ୍ଷୀସ୍ତ୍ବଂ କୁଲସ୍ଯାସ୍ଯ ଘୋରଂ ସଂକ୍ଷଯମାତ୍ମନଃ।
ତଥେତି ସମନୁଜ୍ଞାଯ ସା ପ୍ରବିଶ୍ଯାବ୍ରବୀତ୍ସ୍ନୁଷାମ୍॥ 1-137-9 (6140)
ଅମ୍ବିକ ତବ ପୌତ୍ରସ୍ଯ ଦୁର୍ନଯାତ୍କିଲ ଭାରତାଃ।
ସାନୁବନ୍ଧା ବିନଙ୍କ୍ଷ୍ଯନ୍ତି ପୌରାଶ୍ଚୈବେତି ନଃ ଶ୍ରୁତମ୍॥ 1-137-10 (6141)
ତତ୍କୌସଲ୍ଯାମିମାମାର୍ତାଂ ପୁତ୍ରଶୋକାଭିପୀଡିତାମ୍।
ବନମାଦାଯ ଭଦ୍ରଂ ତେ ଗଚ୍ଛାବୋ ଯଦି ମନ୍ଯସେ॥ 1-137-11 (6142)
ତଥେତ୍ଯୁକ୍ତା ତ୍ବମ୍ବିକଯା ଭୀଷ୍ମମାମନ୍ତ୍ର୍ଯ ସୁବ୍ରତା।
ବନଂ ଯଯୌ ସତ୍ଯବତୀ ସ୍ନୁଷାଭ୍ଯାଂ ସହ ଭାରତ॥ 1-137-12 (6143)
ତାଃ ସୁଘୋରଂ ତପସ୍ତପ୍ତ୍ବା ଦେବ୍ଯୋ ଭରତସତ୍ତମ॥
ଦେହଂ ତ୍ଯକ୍ତ୍ବା ମହାରାଜ ଗତିମିଷ୍ଟାଂ ଯଯୁସ୍ତଦା॥ 1-137-13 (6144)
ବୈଶମ୍ପାଯନ ଉବାଚ। 1-137-14x (816)
ଅଥାପ୍ତବନ୍ତୋ ବେଦୋକ୍ତାନ୍ସଂସ୍କାରାନ୍ପାଣ୍ଡବାସ୍ତଦା।
ସଂବ୍ଯବର୍ଧନ୍ତ ଭୋଗାଂସ୍ତେ ଭୁଞ୍ଜାନାଃ ପିତୃବେଶ୍ମନି॥ 1-137-14 (6145)
ଧାର୍ତରାଷ୍ଟ୍ରୈଶ୍ଚ ସହିତାଃ କ୍ରୀଡନ୍ତୋ ମୁଦିତାଃ ସୁଖମ୍।
ବାଲକ୍ରୀଡାସୁ ସର୍ବାସୁ ବିଶିଷ୍ଟାସ୍ତେଜସାଽଭବନ୍॥ 1-137-15 (6146)
ଜବେ ଲକ୍ଷ୍ଯାଭିହରଣେ ଭୋଜ୍ଯେ ପାଂସୁବିକର୍ଷଣେ।
ଧାର୍ତରାଷ୍ଟ୍ରାନ୍ଭୀମସେନଃ ସର୍ବାନ୍ସ ପରିମର୍ଦତି॥ 1-137-16 (6147)
ହର୍ଷାତ୍ପ୍ରକ୍ରୀଡମାନାଂସ୍ତାନ୍ ଗୃହ୍ଯ ରାଜନ୍ନିଲୀଯତେ।
ଶିରଃସୁ ବିନିଗୃହ୍ଯୈତାନ୍ଯୋଜଯାମାସ ପାଣ୍ଡବୈଃ॥ 1-137-17 (6148)
ଶତମେକୋତ୍ତରଂ ତେଷାଂ କୁମାରାଣାଂ ମହୌଜସାମ୍।
ଏକ ଏବ ନିଗୃହ୍ଣାତି ନାତିକୃଚ୍ଛ୍ରାଦ୍ବୃକୋଦରଃ॥ 1-137-18 (6149)
କଚେଷୁ ଚ ନିଗୃହ୍ଯୈନାନ୍ବିନିହତ୍ଯ ବଲାଦ୍ବଲୀ।
ଚକର୍ଷ କ୍ରୋଶତୋ ଭୂମୌ ଘୃଷ୍ଟଜାନୁଶିରୋଂସକାନ୍॥ 1-137-19 (6150)
ଦଶ ବାଲାଞ୍ଜଲେ କ୍ରୀଡନ୍ଭୁଜାଭ୍ଯାଂ ପରିଗୃହ୍ଯ ସଃ।
ଆସ୍ତେ ସ୍ମ ସଲିଲେ ମଗ୍ନୋ ମୃତକଲ୍ପାନ୍ବିମୁଞ୍ଚତି॥ 1-137-20 (6151)
ଫଲାନି ବୃକ୍ଷମାରୁହ୍ଯ ବିଚିନ୍ବନ୍ତି ଚ ଯେ ତଦା।
ତଦା ପାଦପ୍ରହାରେଣ ଭୀମଃ କମ୍ପଯତେ ଦ୍ରୁମାନ୍॥ 1-137-21 (6152)
ପ୍ରହାରବେଗାଭିହତା ଦ୍ରୁମା ବ୍ଯାଘୂର୍ଣିତାସ୍ତତଃ।
ସଫଲାଃ ପ୍ରପତନ୍ତି ସ୍ମ ଦ୍ରୁମାତ୍ସ୍ରସ୍ତାଃ କୁମାରକାଃ॥ 1-137-22 (6153)
`କେଚିଦ୍ଭଗ୍ନଶିରୋରସ୍କାଃ କେଚିଦ୍ଭଗ୍ନକଟୀମୁଖାଃ।
ନିପେତୁର୍ଭ୍ରାତରଃ ସର୍ବେ ଭୀମସେନଭୁଜାର୍ଦିତାଃ॥' 1-137-23 (6154)
ନ ତେ ନିଯୁଦ୍ଧେ ନ ଜବେ ନ ଯୋଗ୍ଯାସୁ କଦାଚନ।
କୁମାରା ଉତ୍ତରଂ ଚକ୍ରୁଃ ସ୍ପର୍ଧମାନା ବୃକୋଦରମ୍॥ 1-137-24 (6155)
ଏବଂ ସ ଧାର୍ତରାଷ୍ଟ୍ରାଂଶ୍ଚ ସ୍ପର୍ଧମାନୋ ବୃକୋଦରଃ।
ଅପ୍ରିଯେଽତିଷ୍ଠଦତ୍ଯନ୍ତଂ ବାଲ୍ଯାନ୍ନ ଦ୍ରୋହଚେତସା॥ 1-137-25 (6156)
ତତୋ ବଲମତିଖ୍ଯାତଂ ଧାର୍ତରାଷ୍ଟ୍ରଃ ପ୍ରତାପବାନ୍।
ଭୀମସେନସ୍ଯ ତଜ୍ଜ୍ଞାତ୍ବା ଦୁଷ୍ଟଭାବମଦର୍ଶଯତ୍॥ 1-137-26 (6157)
ତସ୍ଯ ଧର୍ମାଦପେତସ୍ଯ ପାପାନି ପରିପଶ୍ଯତଃ।
ମୋହାଦୈଶ୍ବର୍ଯଲୋଭାଚ୍ଚ ପାପା ମତିରଜାଯତ॥ 1-137-27 (6158)
ଅଯଂ ବଲବତାଂ ଶ୍ରେଷ୍ଠଃ କୁନ୍ତୀପୁତ୍ରୋ ବୃକୋଦରଃ।
ମଧ୍ଯମଃ କୁନ୍ତିପୁତ୍ରାଣାଂ ନିକୃତ୍ଯା ସନ୍ନିଗୃହ୍ଯତାଂ॥ 1-137-28 (6159)
ପ୍ରାଣବାନ୍ବିକ୍ରମୀ ଚୈବ ଶୌର୍ଯେଣ ମହତାଽନ୍ବିତଃ।
ସ୍ପର୍ଧତେ ଚାପି ସହିତାନସ୍ମାନେକୋ ବୃକୋଦରଃ॥ 1-137-29 (6160)
ତଂ ତୁ ସୁପ୍ତଂ ପୁରୋଦ୍ଯାନେ ଗଙ୍ଗାଯାଂ ପ୍ରକ୍ଷିପାମହେ।
ଅଥ ତସ୍ମାଦବରଜଂ ଶ୍ରେଷ୍ଠଂ ଚୈବ ଯୁଧିଷ୍ଠିରମ୍॥ 1-137-30 (6161)
ପ୍ରସହ୍ଯ ବନ୍ଧନେ ବଦ୍ଧ୍ବା ପ୍ରଶାସିଷ୍ଯେ ବସୁନ୍ଧରାମ୍।
ଏବଂ ସ ନିଶ୍ଚଯଂ ପାପଃ କୃତ୍ବା ଦୁର୍ଯୋଧନସ୍ତଦା।
ନିତ୍ଯମେବାନ୍ତରପ୍ରେକ୍ଷୀ ଭୀମସ୍ଯାସୀନ୍ମହାତ୍ମନଃ॥ 1-137-31 (6162)
ତତୋ ଜଲବିହାରାର୍ଥଂ କାରଯାମାସ ଭାରତ।
ଚୈଲକମ୍ବଲବେଶ୍ମାନି ବିଚିତ୍ରାଣି ମହାନ୍ତି ଚ॥ 1-137-32 (6163)
ସର୍ବକାମୈଃ ସୁପୂର୍ଣାନି ପତାକୋଚ୍ଛ୍ରାଯବନ୍ତି ଚ।
ତତ୍ର ସଂଜନଯାମାସ ନାନାଗାରାଣ୍ଯନେକଶଃ॥ 1-137-33 (6164)
ଉଦକକ୍ରୀଡନଂ ନାମ କାରଯାମାସ ଭାରତ।
ପ୍ରମାଣକୋଟ୍ଯାଂ ତଂ ଦେଶଂ ସ୍ଥଲଂ କିଂଚିଦୁପେତ୍ଯହ॥ 1-137-34 (6165)
`କ୍ରୀଡାବସାନେ ତେ ସର୍ବେ ଶୁଚିବସ୍ତ୍ରାଃ ସ୍ବଲଙ୍କୃତାଃ।
ସର୍ବକାମସମୃଦ୍ଧଂ ତଦନ୍ନଂ ବୁଭୁଜିରେ ଶନୈଃ॥ 1-137-35 (6166)
ଦିବସାନ୍ତେ ପରିଶ୍ରାନ୍ତା ବିହୃତ୍ଯ ଚ କୁରୂଦ୍ବହାଃ।
ବିହାରାବସଥେଷ୍ବେବ ବୀରା ବାସମରୋଚଯନ୍॥ 1-137-36 (6167)
ଖିନ୍ନସ୍ତୁ ବଲବାନ୍ଭୀମୋ ବ୍ଯାଯାମାଭ୍ଯଧିକସ୍ତଦା।
ବାହଯିତ୍ବା କୁମାରାଂସ୍ତାଞ୍ଜଲକ୍ରୀଡାଗତାନ୍ବିଭୁଃ॥ 1-137-37 (6168)
ପ୍ରମାଣକୋଟ୍ଯାଂ ବାସାର୍ଥଂ ସୁଷ୍ବାପାରୁହ୍ଯ ତତ୍ସ୍ଥଲମ୍।
ଶୀତଂ ବାସଂ ସମାସାଦ୍ଯ ଶାନ୍ତୋ ମଦବିମୋହିତଃ॥ 1-137-38 (6169)
ନିଶ୍ଚେଷ୍ଟଃ ପାଣ୍ଡବୋ ରାଜନ୍ସୁଷ୍ବାପ ମୃତବତ୍କ୍ଷିତୌ।
ତତୋ ବଦ୍ଧ୍ବା ଲତାପାଶୈର୍ଭୀମଂ ଦୁର୍ଯୋଧନଃ ଶନୈଃ॥ 1-137-39 (6170)
ପ୍ରମାଣକୋଟ୍ଯାଂ ସଂସୁପ୍ତଂ ଗଙ୍ଗାଯାଂ ପ୍ରାକ୍ଷିପଜ୍ଜଲେ।
ତତଃ ପ୍ରବୁଦ୍ଧଃ କୌନ୍ତେଯଃ ସର୍ବାନ୍ସଂଛିଦ୍ଯ ବନ୍ଧନାନ୍॥ 1-137-40 (6171)
ଉଦତିଷ୍ଠଦ୍ବଲାଦ୍ଭୂଯୋ ଭୀମଃ ପ୍ରହରତାଂ ବରଃ।
ସ ବିମୁକ୍ତୋ ମହାତେଜା ନାଜ୍ଞାସୀତ୍ତେନ ତତ୍କୃତମ୍॥ 1-137-41 (6172)
ପୁନର୍ନିଦ୍ରାବଶଂ ପ୍ରାପ୍ତସ୍ତତ୍ରୈବ ପ୍ରାସ୍ବପଦ୍ବଲୀ।
ଅର୍ଧରାତ୍ର୍ଯାଂ ବ୍ଯତୀତାଯାମୁତ୍ତସ୍ଥୁଃ କୁରୁପାଣ୍ଜବାଃ।
ଦୁର୍ଯୋଧନସ୍ତୁ କୌନ୍ତେଯଂ ଦୃଷ୍ଟ୍ବା ନିର୍ବେଦମଭ୍ଯଗାତ୍॥ 1-137-42 (6173)
ସୁପ୍ତଂ ଚାପି ପୁନଃ ସର୍ପୈସ୍ତୀକ୍ଷ୍ଣଦଂଷ୍ଟ୍ରୈର୍ମହାବିଷୈଃ।
କୁପିତୈର୍ଦଂଶଯାମାସ ସର୍ବେଷ୍ବେବାଙ୍ଗସନ୍ଧିଷୁ॥ 1-137-43 (6174)
ଦଂଷ୍ଟ୍ରାଶ୍ଚ ଦଂଷ୍ଟ୍ରିଣାଂ ମର୍ମସ୍ବପି ତେନ ନିପାତିତାଃ।
ତ୍ବଚଂ ନ ଚାସ୍ଯ ବିଭିଦୁଃ ସାରତ୍ବାତ୍ପୃଥୁପକ୍ଷସଃ॥ 1-137-44 (6175)
ପ୍ରବୁଦ୍ଧୋ ଭୀସେନସ୍ତାନ୍ସର୍ବାନ୍ସର୍ପାନପୋଥଯତ୍।
ସାରଥିଂ ଚାସ୍ଯ ଦଯିତମପହସ୍ତେନ ଜଘ୍ନିବାନ୍॥ 1-137-45 (6176)
ତଥାନ୍ଯଦିବସେ ରାଜନ୍ହନ୍ତୁକାମୋଽତ୍ଯମର୍ଷଣଃ।
ବଲନେନ ସହାମନ୍ତ୍ର୍ଯ ସୌବଲସ୍ଯ ମତେ ସ୍ଥିତଃ॥ 1-137-46 (6177)
ଭୋଜନେ ଭୀମସେନସ୍ଯ ତତଃ ପ୍ରାକ୍ଷେପଯଦ୍ବିଷମ୍।
କାଲକୂଟଂ ବିଷଂ ତୀକ୍ଷ୍ଣଂ ସଂଭୃତଂ ରୋମହର୍ଷଣମ୍॥ 1-137-47 (6178)
ତଚ୍ଚାପି ଭୁକ୍ତ୍ବାଽଜରଦାʼଯଦବିକାରୋ ବୃକୋଦରଃ।
ବିକାରଂ ନାଭ୍ଯଜନଯତ୍ସୁତୀକ୍ଷ୍ଣମପି ତଦ୍ବିଷମ୍॥ 1-137-48 (6179)
ଭୀମସଂହନନୋ ଭୀମସ୍ତ୍ସମାଦଜରଯଦ୍ବିଷମ୍।
ତତୋଽନ୍ଯଦିବସେ ରାଜନ୍ହନ୍ତୁକାମୋ ବୃକୋଦରମ୍॥ 1-137-49 (6180)
ସୌବଲେନ ସହାଯେନ ଧାର୍ତରାଷ୍ଟ୍ରୋଽଭ୍ଯଚିନ୍ତଯତ୍।
ଚିନ୍ତଯନ୍ନାଲଭନ୍ନିଦ୍ରାଂ ଦିବାରାତ୍ରମତନ୍ଦ୍ରିତଃ॥ 1-137-50 (6181)
ଏବଂ ଦୁର୍ଯୋଧନଃ କର୍ଣଃ ଶକୁନିଶ୍ଚାପି ସୌବଲଃ।
ଅନେକୈରପ୍ଯୁପାଯୈସ୍ତାଞ୍ଜିଘାଂସନ୍ତି ସ୍ମ ପାଣ୍ଡବାନ୍॥ 1-137-51 (6182)
ବୈଶ୍ଯା ପୁତ୍ରସ୍ତଦାଚଷ୍ଟ ପାର୍ଥାନାଂ ହିତକାମ୍ଯଯା।
ପାଣ୍ଡବା ହ୍ଯପି ତତ୍ସର୍ବଂ ପ୍ରତ୍ଯଜାନନ୍ନରିନ୍ଦମାଃ।
ଉଦ୍ଭାବନମକୁର୍ବନ୍ତୋ ବିଦୁରସ୍ଯ ମତେ ସ୍ଥିତାଃ॥' ॥ 1-137-52 (6183)
ଇତି ଶ୍ରୀମନ୍ମହାଭାର଼ତେ ଆଦିପର୍ବଣି ସଂଭବପର୍ବଣି ସପ୍ତତ୍ରିଂଶଦଧିକଶତତମୋଽଧ୍ଯାଯଃ॥ 137 ॥
Mahabharata - Adi Parva - Chapter Footnotes
1-137-6 ଶ୍ବଃଶ୍ବଃ ପୂର୍ବପୂର୍ବଦିନାପେକ୍ଷଯା ଉତ୍ତରମୁତ୍ତରଂ ପାପିଷ୍ଠଣ୍। ଗତଯୌବନା ସମ୍ଯକ୍ଫଲସୂନ୍ଯା॥ 1-137-8 ଯୋଗଂ ଚିତ୍ତବୃତ୍ତିନିରୋଧଂ ପ୍ରଯାଣୋଦ୍ଯୋଗଂବା। ଯୁକ୍ତା ସମାହିତା॥ 1-137-24 ଯୋଗ୍ଯାସୁ କ୍ରିଯାସ୍ବିତି ଶେଷଃ। ଉତ୍ତରମୁତ୍କର୍ଷମ୍॥ 1-137-28 ନିକୃତ୍ଯା କପଟେନ॥ 1-137-29 ପ୍ରାଣବାନ୍ ବଲବାନ୍॥ 1-137-31 ପ୍ରସହ୍ଯ ବଲାତ୍କାରେଣ॥ 1-137-34 ପ୍ରମାଣକୋଟ୍ଯାଂ ଗଙ୍ଗାଯାଂ ପ୍ରଦେଶବିଶେଷେ। ସ୍ଥଲଂ କିଂଚିଦର୍ଧଂ ଜଲେଽର୍ଧଂ ସ୍ଥଲେ ଚ କ୍ରୀଡାଗାରମ୍॥ 1-137-46 ବଲନେନ ତନ୍ନାମକେନ ସହଚରେଣ॥ ସପ୍ତତ୍ରିଂଶଦଧିକଶତତମୋଽଧ୍ଯାଯଃ॥ 137 ॥ଆଦିପର୍ବ - ଅଧ୍ଯାଯ 138
॥ ଶ୍ରୀଃ ॥
1.138. ଅଧ୍ଯାଯଃ 138
Mahabharata - Adi Parva - Chapter Topics
ପୁନର୍ଭୀମାଯ ବିଷମିଶ୍ରଭକ୍ଷ୍ଯଦାନମ୍॥ 1 ॥ ଶୂଲକୀଲିତାଯାଂ ଶମାଣକୋଟ୍ଯାଂ ପୁନର୍ଭୀମସେନସ୍ଯ ପାତନମ୍॥ 2 ॥ ପାତାଲଲୋକଂ ପ୍ରାପ୍ତସ୍ଯ ଭୀମସ୍ଯ ବାସୁକିଦତ୍ତରସପାନମ୍॥ 3 ॥Mahabharata - Adi Parva - Chapter Text
1-138-0 (6184)
`ବୈଶମ୍ପାଯନ ଉବାଚ। 1-138-0x (817)
ତତସ୍ତେ ମନ୍ତ୍ରଯାମାସୁର୍ଦୁର୍ଯୋଧନପୁରୋଗମାଃ।
ପ୍ରାଣବାନ୍ବିକ୍ରମୀ ଚାପି ଶୌର୍ଯେ ଚ ମହତି ସ୍ଥିତଃ॥ 1-138-1 (6185)
ସ୍ପର୍ଧତେ ଚାପି ସତତମସ୍ମାନେବ ବୃକୋଦରଃ।
ତଂ ତୁ ସୁପ୍ତଂ ପୁରୋଦ୍ଯାନେ ଜଲେ ଶୂଲେ କ୍ଷିପାମହେ॥ 1-138-2 (6186)
ତତୋ ଜଲବିହାରାର୍ଥଂ କାରଯାମାସ ଭାରତ।
ପ୍ରମାଣକୋଟ୍ଯାମୁଦ୍ଦେଶେ ସ୍ଥଲଂ କିଂଚିଦୁପେତ୍ଯ ହ॥' 1-138-3 (6187)
ଭକ୍ଷ୍ଯଂ ଭୋଜ୍ଯଂ ଚ ପେଯଂ ଚ ଚୋଷ୍ଯଂ ଲେହ୍ଯମଥାପି ଚ।
ଉପପାଦିତଂ ନରୈସ୍ତତ୍ର କୁଶଲୈଃ ସୂଦକର୍ମଣି॥ 1-138-4 (6188)
ନ୍ଯବେଦଯଂସ୍ତତ୍ପୁରୁଷା ଧାର୍ତରାଷ୍ଟ୍ରାଯ ବୈ ତଦା।
ତତୋ ଦୁର୍ଯୋଧନସ୍ତତ୍ର ପାଣ୍ଡବାନାହ ଦୁର୍ମତିଃ॥ 1-138-5 (6189)
ଗଙ୍ଗାଂ ଚୈବାନୁଯାସ୍ଯାମ ଉଦ୍ଯାନବନଶୋଭିତାମ୍।
ସହିତା ଭ୍ରାତରଃ ସର୍ବେ ଜଲକ୍ରୀଡାମବାପ୍ନୁମଃ॥ 1-138-6 (6190)
ଏବମସ୍ତ୍ବିତି ତଂ ଚାପି ପ୍ରତ୍ଯୁବାଚ ଯୁଧିଷ୍ଠିରଃ।
ତେ ରଥୈର୍ନଗରାକାରୈର୍ଦେଶଜୈଶ୍ଚ ଗଜୋତ୍ତମୈଃ॥ 1-138-7 (6191)
ନିର୍ଯଯୁର୍ନଗରାଚ୍ଛୂରାଃ କୌରବାଃ ପାଣ୍ଡବୈଃ ସହ।
ଉଦ୍ଯାନବନମାସାଦ୍ଯ ବିସୃଜ୍ଯ ଚ ମହାଜନମ୍॥ 1-138-8 (6192)
ବିଶନ୍ତି ସ୍ମ ତଦା ବୀରାଃ ସିଂହା ଇବ ଗିରେର୍ଗୁହାମ୍।
ଉଦ୍ଯାନମଭିପଶ୍ଯନ୍ତୋ ଭ୍ରାତରଃ ସର୍ବ ଏବ ତେ॥ 1-138-9 (6193)
ଉପସ୍ଥାନଗୃହୈଃ ଶୁଭ୍ରୈର୍ବଲଭୀଭିଶ୍ଚ ଶୋଭିତମ୍।
ଗବାକ୍ଷକୈସ୍ତଥା ଜାଲୈର୍ଯନ୍ତ୍ରୈଃ ସାଂଚାରିକୈରପି॥ 1-138-10 (6194)
ସଂମାର୍ଜିତଂ ସୌଧକାରୈଶ୍ଚିତ୍ରକାରୈଶ୍ଚ ଚିତ୍ରିତମ୍।
ଦୀର୍ଘିକାଭିଶ୍ଚ ପୂର୍ଣାଭିସ୍ତଥା ପୁଷ୍କରିଣୀଷୁ ଚ॥ 1-138-11 (6195)
ଜଲଂ ତଚ୍ଛୁଶୁଭେ ଚ୍ଛନ୍ନଂ ଫୁଲ୍ଲୈର୍ଜଲରୁହୈସ୍ତଥା।
ଉପଚ୍ଛନ୍ନା ବସୁମତୀ ତଥା ପୁଷ୍ପୈର୍ଯଥର୍ତୁକୈଃ॥ 1-138-12 (6196)
ତତ୍ରୋପବିଷ୍ଟାସ୍ତେ ସର୍ବେ ପାଣ୍ଡବାଃ କୌରବାଶ୍ଚ ହ।
ଉପଚ୍ଛନ୍ନାନ୍ବହୂନ୍କାମାଂସ୍ତେ ଭୁଞ୍ଜନ୍ତି ତତସ୍ତତଃ॥ 1-138-13 (6197)
ଅଥୋଦ୍ଯାନବରେ ତସ୍ମିଂସ୍ତଥା କ୍ରୀଡାଗତାଶ୍ଚତେ।
ପରସ୍ପରସ୍ଯ ବକ୍ତ୍ରେଷୁ ଦଦୁର୍ଭକ୍ଷ୍ଯାଂସ୍ତତସ୍ତତଃ॥ 1-138-14 (6198)
ତତୋ ଦୁର୍ଯୋଧନଃ ପାପସ୍ତଦ୍ଭକ୍ଷ୍ଯେ କାଲକୂଟକମ୍।
ବିଷଂ ପ୍ରକ୍ଷେପଯାମାସ ଭୀମସେନଜିଘାଂସଯା॥ 1-138-15 (6199)
ସ୍ବଯମୁତ୍ଥାଯ ଚୈବାଥ ହୃଦଯେନ କ୍ଷୁରୋପମଃ।
ସ ବାଚାଽମୃତକଲ୍ପଶ୍ଚ ଭ୍ରାତୃବଚ୍ଚ ସୁହୃଦ୍ଯଥା॥ 1-138-16 (6200)
ସ୍ବଯଂ ପ୍ରକ୍ଷିପତେ ଭକ୍ଷ୍ଯଂ ବହୁ ଭୀମସ୍ଯ ପାକୃତ୍।
ପ୍ରଭକ୍ଷିତଂ ଚ ଭୀମେନ ତଂ ବୈ ଦୋଷମଜାନତା॥ 1-138-17 (6201)
ତତୋ ଦୁର୍ଯୋଧନସ୍ତତ୍ର ହୃଦଯେନ ହସନ୍ନିବ।
କୃତକୃତ୍ଯମୀବାତ୍ମାନଂ ମନ୍ଯତେ ପୁରୁଷାଧମଃ॥ 1-138-18 (6202)
ତତସ୍ତେ ସହିତାଃ ସର୍ବେ ଜଲକ୍ରୀଡାମକୁର୍ବତ।
ପାଣ୍ଡବା ଧାର୍ତରାଷ୍ଟ୍ରାଶ୍ଚ ତଦା ମୁଦିତମାନସାଃ॥ 1-138-19 (6203)
ବିହାରାବସଥେଷ୍ବେବ ବୀରା ବାସମରୋଚଯନ୍।
ଭୀମସ୍ତୁ ବଲବାନ୍ଭୁକ୍ତ୍ବା ବ୍ଯାଯାମାଭ୍ଯଧିକଂ ଜଲେ॥ 1-138-20 (6204)
ବାହଯିତ୍ବା କୁମାରାଂସ୍ତାଞ୍ଜଲକ୍ରୀଡାଗତାଂସ୍ତଦା।
ପ୍ରମାଣକୋଟ୍ଯାଂ ବାସାର୍ଥୀ ସୁଷ୍ବାପାବାପ୍ଯ ତତ୍ସ୍ଥଲମ୍॥ 1-138-21 (6205)
ଶୀତଂ ବାତଂ ସମାସାଦ୍ଯ ଶ୍ରାନ୍ତୋ ମଦବିମୋହିତଃ।
ବିଷେଣ ଚ ପରୀତାଙ୍ଗୋ ନିଶ୍ଚେଷ୍ଟଃ ପାଣ୍ଡୁନନ୍ଦନଃ॥ 1-138-22 (6206)
ତତୋ ବଦ୍ଧ୍ବା ଲତାପାଶୈର୍ଭୀମଂ ଦୁର୍ଯୋଧନଃ ସ୍ବଯମ୍।
`ଶୂଲାନ୍ଯପ୍ସୁ ନିଖାଯାଶୁ ପ୍ରାଦେଶାଭ୍ଯନ୍ତରାଣି ଚ॥ 1-138-23 (6207)
ଲତାପାଶୈର୍ଦୃଢଂ ବଦ୍ଧଂ ସ୍ଥଲାଜ୍ଜଲମପାତଯତ୍।
ସଶେଷତ୍ବାନ୍ନ ସଂପ୍ରାପ୍ତୋ ଜଲେ ଶୂଲିନି ପାଣ୍ଡବଃ॥ 1-138-24 (6208)
ପପାତ ଯତ୍ର ତତ୍ରାସ୍ଯ ଶୂଲଂ ନାସୀଦ୍ଯଦୃଚ୍ଛଯା।'
ସ ନିଃସଂଜ୍ଞୋ ଜଲସ୍ଯାନ୍ତମବାଗ୍ବୈ ପାଣ୍ଡବୋଽବିଶତ୍।
ଆକ୍ରାମନ୍ନାଗଭବନେ ତଦା ନାଗକୁମାରକାନ୍॥ 1-138-25 (6209)
ତତଃ ସମେତ୍ଯ ବହୁଭିସ୍ତଦା ନାଗୈର୍ମହାବିଷୈଃ।
ଅଦଶ୍ଯତ ଭୃଶଂ ଭୀମୋ ମହାଦଂଷ୍ଟ୍ରୈର୍ବିପୋଲ୍ବଣୈଃ॥ 1-138-26 (6210)
ତତୋଽସ୍ଯ ଦଶ୍ଯମାନସ୍ଯ ତଦ୍ବିଷଂ କାଲକୂଟକମ୍।
ହତଂ ସର୍ପବିଷେଣୈବ ସ୍ଥାବରଂ ଜଙ୍ଗମେନ ତୁ॥ 1-138-27 (6211)
ଦଂଷ୍ଟ୍ରାଶ୍ଚ ଦଂଷ୍ଟ୍ରିଣାଂ ତେଷାଂ ମର୍ମସ୍ବପି ନିପାତିତାଃ।
ତ୍ବଚଂ ନୈବାସ୍ଯ ବିଭିଦୁଃ ସାରତ୍ବାତ୍ପୃଥୁବକ୍ଷସଃ॥ 1-138-28 (6212)
ତତଃ ପ୍ରବୁଦ୍ଧଃ କୌନ୍ତେଯଃ ସର୍ବଂ ସଂଛିଦ୍ଯ ବନ୍ଧନମ୍।
ପୋଥଯାମାସ ତାନ୍ସର୍ପାନ୍କେଚିଦ୍ଭୀତାଃ ପ୍ରଦୁଦ୍ରୁବୁଃ॥ 1-138-29 (6213)
ହତାବଶେଷା ଭୀମେନ ସର୍ବେ ବାସୁକିମଭ୍ଯଯୁଃ।
ଊଚୁଶ୍ଚ ସର୍ପରାଜାନଂ ବାସୁକିଂ ବାସବୋପମମ୍॥ 1-138-30 (6214)
ଅଯଂ ନରୋ ବୈ ନାଗରେନ୍ଦ୍ର ହ୍ଯପ୍ସୁ ବଦ୍ଧ୍ବା ପ୍ରବେଶିତଃ।
ଯଥା ଚ ନୋ ମତିର୍ବ୍ରୀର ବିଷପୀତୋ ଭବିଷ୍ଯତି॥ 1-138-31 (6215)
ନିଶ୍ଚେଷ୍ଟୋଽସ୍ମାନନୁପ୍ରାପ୍ତଃ ସ ଚ ଦଷ୍ଟୋଽନ୍ବବୁଧ୍ଯତ।
ସସଂଜ୍ଞଶ୍ଚାପି ସଂବୃତ୍ତଶ୍ଛିତ୍ତ୍ବା ବନ୍ଧନମାଶୁ ନଃ॥ 1-138-32 (6216)
ପୋଥଯନ୍ତଂ ମହାବାହୁଂ ତ୍ବଂ ବୈ ତଂ ଜ୍ଞାତୁମର୍ହସି।
ତତୋ ବାସୁକିରଭ୍ଯେତ୍ଯ ନାଗୈରନୁଗତସ୍ତଦା॥ 1-138-33 (6217)
ପଶ୍ଯତି ସ୍ମ ମହାବାହୁଂ ଭୀମଂ ଭୀମପରାକ୍ରମମ୍।
ଆର୍ଯକେଣ ଚ ଦୃଷ୍ଟଃ ସ ପୃଥାଯା ଆର୍ଯକେମ ଚ॥ 1-138-34 (6218)
ତଦା ଦୌହିତ୍ରଦୌହିତ୍ରଃ ପରିଷ୍ବକ୍ତଃ ସୁପୀଡିତମ୍।
ସୁପ୍ରୀତଶ୍ଚାଭବତ୍ତସ୍ଯ ବାସୁକିଃ ସ ମହାଯଶାଃ॥ 1-138-35 (6219)
ଅବ୍ରବୀତ୍ତଂ ଚ ନାଗେନ୍ଦ୍ରଃ କିମସ୍ଯ କ୍ରିଯତାଂ ପ୍ରିଯମ୍।
ଧନୌଘୋ ରତ୍ନନିଚଯୋ ବସୁ ଚାସ୍ଯ ପ୍ରଦୀଯତାମ୍॥ 1-138-36 (6220)
ଏବମୁକ୍ତସ୍ତଦା ନାଗୋ ବାସୁକିଂ ପ୍ରତ୍ଯଭାଷତ।
ଯଦି ନାଗେନ୍ଦ୍ର ତୁଷ୍ଟୋଽସି କିମସ୍ଯ ଧନସଂଚଯୈଃ॥ 1-138-37 (6221)
ରସଂ ପିବେତ୍କୁମାରୋଽଯଂ ତ୍ବଯି ପ୍ରୀତେ ମହାବଲଃ।
ବଲଂ ନାଗସହସ୍ରସ୍ଯ ଯସ୍ମିନ୍କୁଣ୍ଡେ ପ୍ରତିଷ୍ଠିତମ୍॥ 1-138-38 (6222)
ଯାବତ୍ପିବତି ବାଲୋଽଯଂ ତାବଦସ୍ମୈ ପ୍ରଦୀଯତାମ୍।
ଏବମସ୍ତ୍ବିତି ତଂ ନାଗଂ ବାସୁକିଃ ପ୍ରତ୍ଯଭାଷତ॥ 1-138-39 (6223)
ତତୋ ଭୀମସ୍ତଦା ନାଗୈଃ କୃତସ୍ବସ୍ତ୍ଯଯନଃ ଶୁଚିଃ।
ପ୍ରାଙ୍ମୁଖଶ୍ଚୋପବିଷ୍ଟଶ୍ଚ ରସଂ ପିବତି ପାଣ୍ଡବଃ॥ 1-138-40 (6224)
ଏକୋଚ୍ଛ୍ବାସାତ୍ତତଃ କୁଣ୍ଡଂ ପିବତି ସ୍ମ ମହାବଲଃ।
ଏବମଷ୍ଟୌ ସ କୁଣ୍ଡାନି ହ୍ଯପିବତ୍ପାଣ୍ଡୁନନ୍ଦନଃ॥ 1-138-41 (6225)
ତତସ୍ତୁ ଶଯନେ ଦିବ୍ଯେ ନାଗଦତ୍ତେ ମହାଭୁଜଃ।
ଅଶେତ ଭୀମସେନସ୍ତୁ ଯଥାସୁଖମରିଂଦମଃ॥ ॥ 1-138-42 (6226)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଅଷ୍ଟତ୍ରିଂଶଦଧିକଶତତମୋଽଧ୍ଯାଯଃ॥ 138 ॥
Mahabharata - Adi Parva - Chapter Footnotes
1-138-10 ଉପସ୍ଥାନଗୃହୈଃ ଯତ୍ର ରାଜାନଂ କାର୍ଯିଣଃ ଶୂରାଶ୍ଚୋପତିଷ୍ଠନ୍ତି ତୈର୍ଗୃହୈଃ। ବଲଭୀଭିରୁଭଯତୋ ନମତ୍ପକ୍ଷାଭିଃ ସ୍ତମ୍ଭଶାଲାଭିଃ। ଯନ୍ତ୍ରୈର୍ଜଲଯନ୍ତ୍ରୈଃ ଶତଧାରାଦିଭିଃ। ଯତୋ ଯୁଗପଚ୍ଛତଂ ଧାରା ଉଚ୍ଛଲନ୍ତ୍ଯୋ ନୀହାରୀଭୂଯ ଭବନୋଦରଂ ବ୍ଯାପ୍ନୁବନ୍ତି। ସାଂଚାରିକୈଃ ସଂଚାରଯୋଗ୍ଯୈଃ॥ 1-138-11 ଦୀର୍ଘିକାଭିଃ କୁଲ୍ଯାଭିଃ॥ 1-138-13 ଉପଚ୍ଛନ୍ନାନୁପାଗତାନ୍॥ 1-138-31 ବିଷପୀତଃ ପୀତବିଷଃ॥ 1-138-34 ଆର୍ଯକେଣ ନାଗରାଜେନ। ପୃଥାଯା ଆଯକେଣ ମାତାମହେନ। କୁନ୍ତିଭୋଜଦ୍ବାରାଯଂ ସଂବନ୍ଧ ଇତି ଗମ୍ଯତେ॥ 1-138-35 ଦୌହିତ୍ରଦୌହିତ୍ର ଇତି ତ୍ବାର୍ଯକନାଗସ୍ଯ ଦୌହିତ୍ରଃ ଶୂରସ୍ତଦ୍ଦୌହିତ୍ରୋ ଭୀମ ଇତ୍ଯବିରୁଦ୍ଧମେତତ୍। ଅନ୍ଯେ ତୁ ଶୂରମାତାମହ ଏବୋପଚାରାତ କୁନ୍ତୀମାତାମହୋଽପୀତ୍ଯାହୁଃ॥ 1-138-38 ରସଂ ସାଧିତପାରଦମ୍॥ ଅଷ୍ଟତ୍ରିଂଶଦଧିକଶତତମୋଽଧ୍ଯାଯଃ॥ 138 ॥ଆଦିପର୍ବ - ଅଧ୍ଯାଯ 139
॥ ଶ୍ରୀଃ ॥
1.139. ଅଧ୍ଯାଯଃ 139
Mahabharata - Adi Parva - Chapter Topics
ଭୀମମନାଗତଂ ଦୃଷ୍ଟ୍ବା ଖିନ୍ନାଯାଃ କୁନ୍ତ୍ଯା ବିଦୁରେଣ ସଂବାଦଃ॥ 1 ॥ ରସପାନେନ ନାଗାଯୁତବଲବତା ଭୀମେନ ହସ୍ତିନାପୁରପ୍ରତ୍ଯାଗମନମ୍॥ 2 ॥ ଭୀଷ୍ମେଣ ଧନୁର୍ବେଦଶିକ୍ଷଣାର୍ଥଂ କୁମାରାଣାଂ କୃପାଯ ନିବେଦନମ୍॥ 3 ॥Mahabharata - Adi Parva - Chapter Text
1-139-0 (6227)
ବୈଶମ୍ପାଯନ ଉବାଚ। 1-139-0x (818)
`ଦୁର୍ଯୋଧନସ୍ତୁ ପାପାତ୍ମା ଭୀମମାଶୀବିଷହଦେ।
ପ୍ରକ୍ଷିପ୍ଯ କୃତକୃତ୍ଯଂ ସ୍ବମାତ୍ମାନଂ ମନ୍ଯତେ ତଦା॥ 1-139-1 (6228)
ପ୍ରଭାତାଯାଂ ରଜନ୍ଯାଂ ଚ ପ୍ରବିବେଶ ପୁରଂ ତତଃ।
ବ୍ରୁବାଣୋ ଭୀମସେନସ୍ତୁ ଯାତୋ ହ୍ଯଗ୍ରତ ଏବ ନଃ॥' 1-139-2 (6229)
ଯୁଧିଷ୍ଠିରସ୍ତୁ ଧର୍ମାତ୍ମା ହ୍ଯବିଦନ୍ପାପମାତ୍ମନି।
ସ୍ବେନାନୁମାନେନ ପରଂ ସାଧୁଂ ସମନୁପଶ୍ଯତି॥ 1-139-3 (6230)
ସୋଽଭ୍ଯୁପେତ୍ଯ ତଦା ପାର୍ଥୋ ମାତରଂ ଭ୍ରାତୃବତ୍ସଲଃ।
ଅଭିବାଦ୍ଯାବ୍ରବୀତ୍କୁନ୍ତୀମମ୍ବ ଭୀମ ଇହାଗତଃ॥ 1-139-4 (6231)
କ୍ବ ଗତୋ ଭବିତା ମାତର୍ନେହ ପଶ୍ଯାମି ତଂ ଶୁଭେ।
ଉଦ୍ଯାନାନି ବନଂ ଚୈବ ବିଚିତାନି ସମନ୍ତତଃ॥ 1-139-5 (6232)
ତଦର୍ଥଂ ନ ଚ ତଂ ବୀରଂ ଦୃଷ୍ଟବନ୍ତୋ ବୃକୋଦରମ୍।
ମନ୍ଯମାନାସ୍ତତଃ ସର୍ବେ ଯାତୋ ନଃ ପୂର୍ବମେବ ସଃ॥ 1-139-6 (6233)
ଆଗତାଃ ସ୍ମ ମହାଭାଗେ ବ୍ଯାକୁଲେନାନ୍ତରାତ୍ମନା।
ଇହାଗମ୍ଯ କ୍ବ ନୁ ଗତସ୍ତ୍ବଯା ବା ପ୍ରେଷିତଃ କ୍ବ ନୁ॥ 1-139-7 (6234)
କଥଯସ୍ବ ମହାବାହୁଂ ଭୀମସେନଂ ଯଶସ୍ବିନି।
ନହି ମେ ଶୁଧ୍ଯତେ ଭାବସ୍ତଂ ବୀରଂ ପ୍ରତି ଶୋଭନେ॥ 1-139-8 (6235)
ଯତଃ ପ୍ରସୁପ୍ତଂ ମନ୍ଯେଽହଂ ଭୀମ୍ ନେତି ହତସ୍ତୁ ସଃ।
ଇତ୍ଯୁକ୍ତା ଚ ତତଃ କୁନ୍ତୀ ଧର୍ମରାଜେନ ଧୀମତା॥ 1-139-9 (6236)
ହାହେତି କୃତ୍ବା ସଂଭ୍ରାନ୍ତା ପ୍ରତ୍ଯୁବାଚ ଯୁଧିଷ୍ଠିରମ୍।
ନ ପୁତ୍ର ଭୀମଂ ପଶ୍ଯାମି ନ ମାମଭ୍ଯେତ୍ଯସାବିତି॥ 1-139-10 (6237)
ଶୀଘ୍ରମନ୍ବେଷଣେ ଯତ୍ନଂ କୁରୁ ତସ୍ଯାନୁଜୈଃ ସହ।
ଦ୍ରୁତଂ ଗତ୍ବା ପୁରୋଦ୍ଯାନଂ ବିଚିନ୍ବନ୍ତିସ୍ମ ପାଣ୍ଡବାଃ॥ 1-139-11 (6238)
ଭୀମଭୀମେତି ତେ ବାଚା ପାଣ୍ଡବାଃ ସମୁଦୈରଯନ୍।
ବିଚିନ୍ବନ୍ତୋଽଥ ତେ ସର୍ବେ ନ ସ୍ମ ପଶ୍ଯନ୍ତି ଭ୍ରାତରମ୍॥ 1-139-12 (6239)
ଆଗତାଃ ସ୍ବଗୃହଂ ଭୂଯ ଇଦମୂଚୁଃ ପୃଥାଂ ତଦା।
ନ ଦୃଶ୍ଯତେ ମହାବାହୁରମ୍ବ ଭୀମୋ ବନେ ଚିତଃ॥ 1-139-13 (6240)
ବିଚିତାନି ଚ ସର୍ବାଣି ହ୍ଯୁଦ୍ଯାନାନି ନଦୀସ୍ତଥା। 1-139-14 (6241)
ବୈଶମ୍ପାଯନ ଉବାଚ।
ତତୋ ବିଦୁରମାନାଯ୍ଯ କୁନ୍ତୀ ସା ସ୍ବଂ ନିବେଶନମ୍॥ 1-139-14x (819)
ଉବାଚ ବଲବାନ୍କ୍ଷତ୍ତର୍ଭୀମସେନୋ ନ ଦୃଶ୍ଯତେ॥ 1-139-15 (6242)
ଉଦ୍ଯାନାନ୍ନିର୍ଗତାଃ ସର୍ବେ ଭ୍ରାତରୋ ଭ୍ରାତୃଭିଃ ସହ।
ତତ୍ରୈକସ୍ତୁ ମହାବାହୁର୍ଭୀମୋ ନାଭ୍ଯେତି ମାମିହ॥ 1-139-16 (6243)
ନ ଚ ପ୍ରୀଣଯତେ ଚକ୍ଷୁଃ ସଦା ଦୁର୍ଯୋଧନସ୍ଯ ସଃ।
କ୍ରୂରୋଽସୌ ଦୁର୍ମତିଃ କ୍ଷୁଦ୍ରୋ ରାଜ୍ଯଲୁବ୍ଧୋଽନପତ୍ରପଃ॥ 1-139-17 (6244)
ନିହନ୍ଯାଦପି ତଂ ବୀରଂ ଜାତମନ୍ଯୁଃ ସୁଯୋଧନଃ।
ତେନ ମେ ବ୍ଯାକୁଲଂ ଚିତ୍ତଂ ହୃଦଯଂ ଦହ୍ଯତୀବ ଚ॥ 1-139-18 (6245)
ବିଦୁର ଉବାଚ। 1-139-19x (820)
ମୈବଂ ବଦସ୍ବ କଲ୍ଯାଣି ଶେଷସଂରକ୍ଷଣଂ କୁରୁ।
ପ୍ରତ୍ଯାଦିଷ୍ଟୋ ହି ଦୁଷ୍ଟାତ୍ମା ଶେଷେଽପି ପ୍ରହରେତ୍ତବ॥ 1-139-19 (6246)
ଦୀର୍ଘାଯୁଷସ୍ତବ ସୁତା ଯଥୋବାଚ ମହାମୁନିଃ।
ଆଗମିଷ୍ଯତି ତେ ପୁତ୍ରଃ ପ୍ରୀତିଂ ଚୋତ୍ପାଦଯିଷ୍ଯତି॥ 1-139-20 (6247)
ବୈଶମ୍ପାଯନ ଉବାଚ। 1-139-21x (821)
ଏବମୁକ୍ତ୍ବା ଯଯୌ ବିଦ୍ବାନ୍ବିଦୁରଃ ସ୍ବଂ ନିବେଶନମ୍।
କୁନ୍ତୀ ଚିନ୍ତାପରା ଭୂତ୍ବା ସହାସୀନା ସୁତୈର୍ଗୃହେ॥ 1-139-21 (6248)
ତତୋଽଷ୍ଟମେ ତୁ ଦିବସେ ପ୍ରତ୍ଯବୁଧ୍ଯତ ପାଣ୍ଡବଃ।
ତସ୍ମିଂସ୍ତଦା ରସେ ଜୀର୍ଣେ ସୋଽପ୍ରମେଯବଲୋ ବଲୀ॥ 1-139-22 (6249)
ତଂ ଦୃଷ୍ଟ୍ବା ପ୍ରତିବୁଧ୍ଯନ୍ତଂ ପାଣ୍ଡବଂ ତେ ଭୁଜଙ୍ଗମାଃ।
ସାନ୍ତ୍ବଯାମାସୁରବ୍ଯଗ୍ରା ବଚନଂ ଚେଦମବ୍ରୁବନ୍॥ 1-139-23 (6250)
ଯତ୍ତେ ପୀତୋ ମହାବାହୋ ରସୋଽଯଂ ବୀର୍ଯସଂଭୃତଃ।
ତସ୍ମାନ୍ନାଗାଯୁତବଲୋ ରଣେଽଧୃଷ୍ଯୋ ଭବିଷ୍ଯସି॥ 1-139-24 (6251)
ଗଚ୍ଛାଦ୍ଯ ତ୍ବଂ ଚ ସ୍ବଗୃହଂ ସ୍ନାତୋ ଦିବ୍ଯୈରିମୈର୍ଜଲୈଃ।
ଭ୍ରାତରସ୍ତେଽନୁତପ୍ଯନ୍ତି ତ୍ବାଂ ବିନା କୁରୁପୁଙ୍ଗବ॥ 1-139-25 (6252)
ତତଃ ସ୍ନାତୋ ମହାବାହୁଃ ଶୁଚିଶୁକ୍ଲାମ୍ବରସ୍ରଜଃ।
ତତୋ ନାଗସ୍ଯ ଭବନେ କୃତକୌତୁକମଙ୍ଗଲଃ॥ 1-139-26 (6253)
ଓଷଧୀଭିର୍ବିଷଘ୍ନୀଭିଃ ସୁରଭୀଭିର୍ବିଶେଷତଃ।
ଭୁକ୍ତବାନ୍ପରମାନ୍ନଂ ଚ ନାଗୈର୍ଦତ୍ତଂ ମହାବଲଃ॥ 1-139-27 (6254)
ପୂଜିତୋ ଭୁଜଗୈର୍ବୀର ଆଶୀର୍ଭିଶ୍ଚାଭିନନ୍ଦିତଃ।
ଦିବ୍ଯାଭରଣସଂଛନ୍ନୋ ନାଗାନାମନ୍ତ୍ର୍ଯ ପାଣ୍ଡବାଃ॥ 1-139-28 (6255)
ଉଦତିଷ୍ଠତ୍ପ୍ରହୃଷ୍ଟାତ୍ମା ନାଗଲୋକାଦରିନ୍ଦମଃ।
ଉତ୍କ୍ଷିପ୍ଯ ଚ ତଦା ନାଗୈର୍ଜଲାଜ୍ଜଲରୁହେକ୍ଷଣଃ॥ 1-139-29 (6256)
ତସ୍ମିନ୍ନେବ ବନୋଦ୍ଦେଶେ ସ୍ଥାପିତଃ କୁରୁନନ୍ଦନଃ।
ତେ ଚାନ୍ତର୍ଦଧିରେ ନାଗାଃ ପାଣ୍ଡବସ୍ଯୈବ ପଶ୍ଯତଃ॥ 1-139-30 (6257)
ତତ ଉତ୍ଥାଯ କୌନ୍ତେଯୋ ଭୀମସେନୋ ମହାବଲଃ।
ଆଜଗାମ ମହାବାହୁର୍ମାତୁରନ୍ତିକମଞ୍ଜସା॥ 1-139-31 (6258)
ତତୋଽଭିବାଦ୍ଯ ଜନନୀଂ ଜ୍ଯେଷ୍ଠଂ ଭ୍ରାତରମେବ ଚ।
କନୀଯସଃ ସମାଘ୍ରାଯ ଶିରସ୍ସ୍ବରିବିମର୍ଦନଃ॥ 1-139-32 (6259)
ତୈଶ୍ଚାପି ସଂପରିଷ୍ବକ୍ତଃ ସହ ମାତ୍ରା ନରର୍ଷଭୈଃ।
ଅନ୍ଯୋନ୍ଯଗତସୌହାର୍ଦାଦ୍ଦିଷ୍ଟ୍ଯା ଦିଷ୍ଟ୍ଯେତି ଚାବ୍ରୁବନ୍॥ 1-139-33 (6260)
ତତସ୍ତତ୍ସର୍ବମାଚଷ୍ଟ ଦୁର୍ଯୋଧନବିଚେଷ୍ଟିତମ୍।
ଭ୍ରାତୄଣାଂ ଭୀମସେନଶ୍ଚ ମହାବଲପରାକ୍ରମଃ॥ 1-139-34 (6261)
ନାଗଲୋକେ ଚ ଯଦ୍ବୃତ୍ତଂ ଗୁଣଦୋଷମଶେଷତଃ।
ତଚ୍ଚ ସର୍ବମଶେଷେଣ କଥଯାମାସ ପାଣ୍ଡବଃ॥ 1-139-35 (6262)
ତତୋ ଯୁଧିଷ୍ଠିରୋ ରାଜା ଭୀମମାହ ବଚୋଽର୍ଥବତ୍।
ତୂଷ୍ଣୀଂ ଭବ ନ ତେ ଜଲ୍ପ୍ଯମିଦଂ କାର୍ଯଂ କଥଂଚନ॥ 1-139-36 (6263)
ଇତଃପ୍ରଭୃତି କୌନ୍ତେଯଂ ରକ୍ଷତାନ୍ଯୋନ୍ଯମାଦୃତାଃ।
ଏବମୁକ୍ତ୍ବା ମହାବାହୁର୍ଧର୍ମରାଜୋ ଯୁଧିଷ୍ଠିରଃ॥ 1-139-37 (6264)
ଭ୍ରାତୃଭିଃ ସହିତଃ ସର୍ବୈରପ୍ରମତ୍ତୋଽଭବତ୍ତଦା।
ଯଦା ତ୍ବବଗତାସ୍ତେ ବୈ ପାଣ୍ଡବାସ୍ତସ୍ଯ କର୍ମ ତତ୍॥ 1-139-38 (6265)
ନତ୍ବେବ ବହୁଲଂ ଚକ୍ରୁଃ ପ୍ରଯତା ମନ୍ତ୍ରରକ୍ଷଣେ।
ଧର୍ମାତ୍ମା ବିଦୁରସ୍ତେଷାଂ ପ୍ରଦଦୌ ମତିମାନ୍ମତିମ୍॥ 1-139-39 (6266)
ଦୁର୍ଯୋଧନୋଽପି ତଂ ଦୃଷ୍ଟ୍ବା ପାଣ୍ଡବଂ ପୁନରାଗତମ୍।
ନିଶ୍ବସଂଶ୍ଚିନ୍ତଯଂଶ୍ଚୈବମହନ୍ଯହନି ତପ୍ଯତେ॥ 1-139-40 (6267)
କୁମାରାନ୍କ୍ରୀଡମାନାଂସ୍ତାନ୍ଦୃଷ୍ଟ୍ବା ରାଜାତିଦୁର୍ମଦାନ୍।
ଗୁରୁଂ ଶିକ୍ଷାର୍ଥମନ୍ବିଷ୍ଯ ଗୌତମଂ ତାନ୍ନ୍ଯବେଦଯତ୍॥ 1-139-41 (6268)
ଶରସ୍ତମ୍ବେ ସମୁଦ୍ଭୂତଂ ବେଦଶାସ୍ତ୍ରାର୍ଥପାରଗମ୍।
`ରାଜ୍ଞା ନିବେଦିତାସ୍ତସ୍ମୈ ତେ ଚ ସର୍ବେ ଚ ନିଷ୍ଠିତାଃ।'
ଅଧିଜଗ୍ମୁଶ୍ଚ କୁରବୋ ଧନୁର୍ବେଦଂ କୃପାତ୍ତୁ ତେ॥ ॥ 1-139-42 (6269)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଊନଚତ୍ବାରିଂଶଦଧିକଶତତମୋଽଧ୍ଯାଯଃ॥ 139 ॥
Mahabharata - Adi Parva - Chapter Footnotes
1-139-8 ଭାବଶ୍ଚିତ୍ତଂ ନ ଶୁଧ୍ଯତେ ଜୀବତୀତି ନ ମନୁତେ॥ 1-139-19 ପ୍ରତ୍ଯାଦିଷ୍ଟଃ କୁତୋ ଭୀମଂ ହତବାନସୀତ୍ଯୁପାଲବ୍ଧଃ॥ 1-139-41 ତାନ୍କୁରୁବାଲକାନ୍ ନ୍ଯବେଦଯତ୍॥ ଊନଚତ୍ବାରିଂଶଦଧିକଶତତମୋଽଧ୍ଯାଯଃ॥ 139 ॥ଆଦିପର୍ବ - ଅଧ୍ଯାଯ 140
॥ ଶ୍ରୀଃ ॥
1.140. ଅଧ୍ଯାଯଃ 140
Mahabharata - Adi Parva - Chapter Topics
କୃପଦ୍ରୋଣାଶ୍ବତ୍ଥାମାଚାର୍ଯାଣାମୁତ୍ପତ୍ତିଃ॥ 1 ॥ ଦ୍ରୋଣାଚାର୍ଯସ୍ଯ ପରଶୁରାମାଦସ୍ତ୍ରଲାଭଃ॥ 2 ॥Mahabharata - Adi Parva - Chapter Text
1-140-0 (6270)
ଜନମେଜଯ ଉବାଚ। 1-140-0x (822)
କୃପସ୍ଯାପି ମମ ବ୍ରହ୍ମନ୍ସଂଭବଂ ବକ୍ତୁମର୍ହସି।
ଶରସ୍ତମ୍ବାତ୍କଥଂ ଜଜ୍ଞେ କଥଂ ବାଽସ୍ତ୍ରାଣ୍ଯବାପ୍ତବାନ୍॥ 1-140-1 (6271)
ବୈଶମ୍ପାଯନ ଉବାଚ। 1-140-2x (823)
ମହର୍ଷେର୍ଗୌତମସ୍ଯାସୀଚ୍ଛରଦ୍ବାନ୍ନାମ ଗୌତମଃ।
ପୁତ୍ରଃ କିଲ ମହାରାଜ ଜାତଃ ସହଶରୈର୍ବିଭୋ॥ 1-140-2 (6272)
ନ ତସ୍ଯ ବେଦାଧ୍ଯଯନେ ତଥା ବୁଦ୍ଧିରଜାଯତ।
ଯଥାସ୍ଯ ବୁଦ୍ଧିରଭବଦ୍ଧନୁର୍ବେଦେ ପରନ୍ତପ॥ 1-140-3 (6273)
ଅଧିଜଗ୍ମୁର୍ଯଥା ବେଦାସ୍ତପସା ବ୍ରହ୍ମଚାରିଣଃ।
ତଥା ସ ତପସୋପେତଃ ସର୍ବାଣ୍ଯସ୍ତ୍ରାଣ୍ଯବାପ ହ॥ 1-140-4 (6274)
ଧନୁର୍ବେଦପରତ୍ବାଚ୍ଚ ତପସା ବିପୁଲେନ ଚ।
ଭୃଶଂ ସନ୍ତାପଯାମାସ ଦେବରାଜଂ ସ ଗୌତମଃ॥ 1-140-5 (6275)
ତତୋ ଜାଲବତୀଂ ନାମ ଦେବକନ୍ଯାଂ ସୁରେଶ୍ବରଃ।
ପ୍ରାହିଣୋତ୍ତପସୋ ବିଘ୍ନଂ କୁରୁ ତସ୍ଯେତି କୌରବ॥ 1-140-6 (6276)
ସା ହି ଗତ୍ବାଽଽଶ୍ରମଂ ତସ୍ଯ ରମଣୀଯଂ ଶରଦ୍ବତଃ।
ଧନୁର୍ବାଣଧରଂ ବାଲା ଲୋଭଯାମାସ ଗୌତମମ୍॥ 1-140-7 (6277)
ତାମେକବସନାଂ ଦୃଷ୍ଟ୍ବା ଗୌତମୋଽପ୍ସରସଂ ବନେ।
ଲୋକେଽପ୍ରତିମସଂସ୍ଥାନାଂ ପ୍ରୋତ୍ଫୁଲ୍ଲନଯନୋଽଭବତ୍॥ 1-140-8 (6278)
ଧନୁଶ୍ଚ ହି ଶରାସ୍ତସ୍ଯ କରାଭ୍ଯାମପତନ୍ଭୁବି।
ବେପଥୁଶ୍ଚାସ୍ଯ ସହସା ଶରୀରେ ସମଜାଯତ॥ 1-140-9 (6279)
ସ ତୁ ଜ୍ଞାନଗରୀଯସ୍ତ୍ବାତ୍ତପସଶ୍ଚ ସମର୍ଥନାତ୍।
ଅବତସ୍ଥେ ମହାପ୍ରାଜ୍ଞୋ ଧୈର୍ଯେଣ ପରମେଣ ହ॥ 1-140-10 (6280)
ଯସ୍ତସ୍ଯ ସହସା ରାଜନ୍ବିକାରଃ ସମଦୃଶ୍ଯତ।
ତେନ ସୁସ୍ରାବ ରେତୋଽସ୍ଯ ସ ଚ ତନ୍ନାନ୍ବବୁଧ୍ଯତ॥ 1-140-11 (6281)
ଧନୁଶ୍ଚ ସଶରଂ ତ୍ଯକ୍ତ୍ବା ତଥା କୃଷ୍ଣାଜିନାନି ଚ।
ସ ବିହାଯାଶ୍ରମଂ ତଂ ଚ ତାଂ ଚୈବାପ୍ସରସଂ ମୁନିଃ॥ 1-140-12 (6282)
ଜଗାମ ରେତସ୍ତତ୍ତସ୍ଯ ଶରସ୍ତମ୍ବେ ପପାତ ଚ।
ଶରସ୍ତମ୍ବେ ଚ ପତିତଂ ଦ୍ବିଧା ତଦଭବନ୍ନୃପ॥ 1-140-13 (6283)
ତସ୍ଯାଥ ମିଥୁଂ ଜଜ୍ଞେ ଗୌତମସ୍ଯ ଶରଦ୍ବତଃ।
`ମହର୍ଷେର୍ଗୌତମସ୍ଯାସ୍ଯ ହ୍ଯାଶ୍ରମସ୍ଯ ସମୀପତଃ॥'
ମୃଗଯାଂ ଚରତୋ ରାଜ୍ଞଃ ଶାନ୍ତନୋସ୍ତୁ ଯଦୃଚ୍ଛଯା॥ 1-140-14 (6284)
କଶ୍ଚିତ୍ସେନାଚରୋଽରଣ୍ଯେ ମିଥୁନଂ ତଦପଶ୍ଯତ।
ଧନୁଶ୍ଚ ସଶରଂ ଦୃଷ୍ଟ୍ବା ତଥା କୃଷ୍ଣାଜିନାନି ଚ॥ 1-140-15 (6285)
ଜ୍ଞାତ୍ବା ଦ୍ବିଜସ୍ଯ ଚାପତ୍ଯେ ଧନୁର୍ବେଦାନ୍ତଗସ୍ଯ ହ।
ସ ରାଜ୍ଞେ ଦର୍ଶଯାମାସ ମିଥୁନଂ ସଶରଂ ଧନୁଃ॥ 1-140-16 (6286)
ସ ତଦାଦାଯ ମିଥୁନଂ ରାଜା ଚ କୃପଯାନ୍ବିତଃ।
ଆଜଗାମ ଗୃହାନେବ ମମ ପୁତ୍ରାବିତି ବ୍ରୁବନ୍॥ 1-140-17 (6287)
ତତଃ ସଂବର୍ଧଯାମାସ ସଂସ୍କାରୈଶ୍ଚାପ୍ଯଯୋଜଯତ୍।
ପ୍ରାତିପେଯୋ ନରଶ୍ରେଷ୍ଠୋ ମିଥୁନଂ ଗୌତମସ୍ଯ ତତ୍॥ 1-140-18 (6288)
କୃପଯା ଯନ୍ମଯା ବାଲାବିମୌ ସଂବର୍ଧିତାବିତି।
ତସ୍ମାତ୍ତଯୋର୍ନାମ ଚକ୍ରେ ତଦେବ ସ ମହୀପତିଃ।
`ତସ୍ମାତ୍କୃପ ଇତି ଖ୍ଯାତଃ କୃପୀ କନ୍ଯା ଚ ସାଽଭବତ୍॥' 1-140-19 (6289)
ପିତାପି ଗୌତମସ୍ତତ୍ର ତପସା ତାବବନ୍ଦିତ।
ଆଗତ୍ଯ ତସ୍ମୈ ଗୋତ୍ରାଦି ସର୍ବମାଖ୍ଯାତବାଂସ୍ତଦା॥ 1-140-20 (6290)
`କୃପୋଽପି ଚ ତଦା ରାଜନ୍ଧନୁର୍ବେଦପରୋଽଭବତ୍।'
ଚତୁର୍ବିଧଂ ଧନୁର୍ବେଦଂ ଶାସ୍ତ୍ରାଣି ବିବିଧାନି ଚ॥ 1-140-21 (6291)
ନିଶିଲେନାସ୍ଯ ତତ୍ସର୍ବଂ ଗୁହ୍ଯମାଖ୍ଯାତବାନ୍ପିତା।
ସୋଽଚିରେଣୈବ କାଲେନ ପରମାଚାର୍ଯତାଂ ଗତଃ॥ 1-140-22 (6292)
କୃପମାହୂଯ ଗାଙ୍ଗେଯସ୍ତବ ଶିଷ୍ଯା ଇତି ବ୍ରୁବନ୍।
ପୌତ୍ରାନ୍ପରିସମାଧାଯ କୃପମାରାଧଯତ୍ତଦା॥ 1-140-23 (6293)
ତତୋଽଧିଜଗ୍ମୁଃ ସର୍ବେ ତେ ଧନୁର୍ବେଦଂ ମହାରଥାଃ।
ଧୃତରାଷ୍ଟ୍ରାତ୍ମଜାଶ୍ଚୈବ ପାଣ୍ଡବାଃ ସହ ଯାଦବୈଃ॥ 1-140-24 (6294)
ବୃଷ୍ଣଯଶ୍ଚ ନୃପାଶ୍ଚାନ୍ଯେ ନାନାଦେଶସମାଗତାଃ।
`କୃପମାଚାର୍ଯମାସାଦ୍ଯ ପରମାସ୍ତ୍ରଜ୍ଞତାଂ ଗତଃ।' 1-140-25 (6295)
ବୈଶମ୍ପାଯନ ଉବାଚ।
ବିଶେଷାର୍ଥୀ ତତୋ ଭୀଷ୍ମଃ ପୌତ୍ରାଣାଂ ବିନଯେପ୍ସଯା॥ 1-140-25x (824)
ଇଷ୍ବସ୍ତ୍ରଜ୍ଞାନ୍ପର୍ଯପୃଚ୍ଛଦାଚାର୍ଯାନ୍ବୀର୍ଯସଂମତାନ୍।
ନାଲ୍ପଧୀର୍ନାମହାଭାଗସ୍ତଥା ନାନସ୍ତ୍ରକୋବିଦଃ॥ 1-140-26 (6296)
ନାଦେବସତ୍ବୋ ବିନଯେତ୍କୁରୂନସ୍ତ୍ରେ ମହାବଲାନ୍।
ଇତି ସଂଚିନ୍ତ୍ଯ ଗାଙ୍ଗେଯସ୍ତଦା ଭରତସତ୍ତମଃ॥ 1-140-27 (6297)
ଦ୍ରୋଣାଯ ବେଦବିଦୁଷେ ଭାରଦ୍ବାଜାଯ ଧମତେ।
ପାଣ୍ଡବାନ୍କୌରବାଂଶ୍ଚୈବ ଦଦୌ ଶିଷ୍ଯାନ୍ନରର୍ଷଭ॥ 1-140-28 (6298)
ଶାସ୍ତ୍ରତଃ ପୂଜିତଶ୍ଚୈବ ସମ୍ଯକ୍ତେନ ମହାତ୍ମନା।
ସ ଭୀଷ୍ମେଣ ମହାଭାଗସ୍ତୁଷ୍ଟୋଽସ୍ତ୍ରବିଦୁଷାଂ ବରଃ॥ 1-140-29 (6299)
ପ୍ରତିଜଗ୍ରାହ ତାନ୍ସର୍ବାଞ୍ଶିଷ୍ଯତ୍ବେନ ମହାଯଶାଃ।
ଶିକ୍ଷଯାମାସ ଚ ଦ୍ରୋଣୋ ଧନୁର୍ବେଦମଶେଷତଃ॥ 1-140-30 (6300)
ତେଽଚିରେଣୈବ କାଲେନ ସର୍ବଶସ୍ତ୍ରବିଶାରଦାଃ।
ବଭୂବୁଃ କୌରବା ରାଜନ୍ପାଣ୍ଡବାଶ୍ଚାମିତୌଜସଃ॥ 1-140-31 (6301)
ଜନମେଜଯ ଉବାଚ। 1-140-32x (825)
କଥଂ ସମଭବଦ୍ଦ୍ରୋଣଃ କଥଂ ଚାସ୍ତ୍ରାଣ୍ଯବାପ୍ତବାନ୍।
କଥଂ ଚାଗାତ୍କୁରୂନ୍ବ୍ରହ୍ମନ୍କସ୍ଯ ପୁତ୍ରଃ ସ ବୀର୍ଯବାନ୍॥ 1-140-32 (6302)
କଥଂ ଚାସ୍ଯ ସୁତୋ ଜାତଃ ସୋଶ୍ବତ୍ଥାମାଽସ୍ତ୍ରବିତ୍ତମଃ।
ଏତଦିଚ୍ଛାମ୍ଯହଂ ଶ୍ରୋତୁଂ ବିସ୍ତରେଣ ପ୍ରକୀର୍ତଯ॥ 1-140-33 (6303)
ବୈଶମ୍ପାଯନ ଉବାଚ। 1-140-34x (826)
ଗଙ୍ଗାଦ୍ବାରଂ ପ୍ରତି ମହାନ୍ବଭୂବ ଭଗବାନୃଷିଃ।
ଭରଦ୍ବାଜ ଇତି ଖ୍ଯାତଃ ସତତଂ ସଂଶିତବ୍ରତଃ॥ 1-140-34 (6304)
ସୋଽଭିଷେକ୍ତୁଂ ଗତୋ ଗଙ୍ଗାଂ ପୂର୍ବମେବାଗତାଂ ସତୀମ୍।
ମହର୍ଷିଭିର୍ଭରଦ୍ବାଜୋ ହବିର୍ଧାନେ ଚରନ୍ପୁରା॥ 1-140-35 (6305)
ଦଦର୍ଶାପ୍ସରସଂ ସାକ୍ଷାଦ୍ଧୃତାଚୀମାପ୍ଲୁତାମୃଷିଃ।
ରୂପଯୌବନସଂପନ୍ନାଂ ମଦଦୃପ୍ତାଂ ମଦାଲସାମ୍॥ 1-140-36 (6306)
ତସ୍ଯା ବାଯୁର୍ନଦୀତୀର ବସନଂ ପର୍ଯବର୍ତତ।
ବ୍ଯପକୃଷ୍ଟାମ୍ବରାଂ ଦୃଷ୍ଟ୍ବା ତାମୃଷିଶ୍ଚକମେ ତତଃ॥ 1-140-37 (6307)
ତତ୍ର ସଂସକ୍ତମନସୋ ଭରଦ୍ବାଜସ୍ଯ ଧୀମତଃ।
ହୃଷ୍ଟସ୍ଯ ରେତଶ୍ଚସ୍କନ୍ଦ ତଦୃଷିର୍ଦ୍ରୋଣ ଆଦଧେ॥ 1-140-38 (6308)
ତତଃ ସମଭବଦ୍ଦ୍ରୋଣଃ କଲଶେ ତସ୍ଯ ଧୀମତଃ।
ଅଧ୍ଯଗୀଷ୍ଟ ସ ବେଦାଂଶ୍ଚ ବେଦାଙ୍ଗାନି ଚ ସର୍ବଶଃ॥ 1-140-39 (6309)
ଅଗ୍ନେରସ୍ତ୍ରମୁପାଦାଯ ଯଦୃଷିର୍ବେଦ କାଶ୍ଯପଃ।
ଅଧ୍ଯଗଚ୍ଛଦ୍ଭରଦ୍ବାଜସ୍ତଦସ୍ତ୍ରଂ ଦେବକାର୍ଯତଃ॥ 1-140-40 (6310)
ଅଗ୍ନିବେଶ୍ଯଂ ମହାଭାଗଂ ଭରଦ୍ବାଜଃ ପ୍ରତାପବାନ୍।
ପ୍ରତ୍ଯପାଦଯଦାଗ୍ନେଯମସ୍ତ୍ରମସ୍ତ୍ରବିଦାଂ ବରଃ॥ 1-140-41 (6311)
`କନିଷ୍ଠଜାତଂ ସ ମୁନିର୍ଭ୍ରାତା ଭ୍ରାତରମନ୍ତିକେ।
ଅଗ୍ନିବେଶ୍ଯସ୍ତଥା ଦ୍ରୋଣଂ ତଦା ଭରତସତ୍ତମ।'
ଭାରଦ୍ବାଜଂ ତଦାଗ୍ନେଯଂ ମହାସ୍ତ୍ରଂ ପ୍ରତ୍ଯପାଦଯତ୍॥ 1-140-42 (6312)
ଭରଦ୍ବାଜସଖା ଚାସୀତ୍ପୃଷତୋ ନାମ ପାର୍ଥିବଃ।
ତସ୍ଯାପି ଦ୍ରୁପଦୋ ନାମ ତଥା ସମଭବତ୍ସୁତଃ॥ 1-140-43 (6313)
ସ ନିତ୍ଯମାଶ୍ରମଂ ଗତ୍ବା ଦ୍ରୋଣେନ ସହ ପାର୍ଥିବଃ।
ଚିକ୍ରୀଡାଧ୍ଯଯନଂ ଚୈବ ଚକାର କ୍ଷତ୍ରିଯର୍ଷଭଃ॥ 1-140-44 (6314)
ତତୋ ବ୍ଯତୀତେ ପୃଷତେ ସ ରାଜା ଦ୍ରୁପଦୋଽଭବତ୍।
ପଞ୍ଚାଲେଷୁ ମହାବାହୁରୁତ୍ତରେଷୁ ନରେଶ୍ବରଃ॥ 1-140-45 (6315)
ଭରଦ୍ବାଜୋଽପି ଭଗବାନାରୁରୋହ ଦିବଂ ତଦା।
ତତ୍ରୈବ ଚ ବସନ୍ଦ୍ରୋଣସ୍ତପସ୍ତେପେ ମହାତପାଃ॥ 1-140-46 (6316)
ବେଦବେଦାଙ୍ଗବିଦ୍ବାନ୍ସ ତପସା ଦଗ୍ଧକିଲ୍ବିଷଃ।
ତତଃ ପିତୃନିଯୁକ୍ତାତ୍ମା ପୁତ୍ରଲୋଭାନ୍ମହାଯଶାଃ॥ 1-140-47 (6317)
ଶାରଦ୍ବତୀଂ ତତୋ ଭାର୍ଯାଂ କୃପୀଂ ଦ୍ରୋଣୋଽନ୍ବବିନ୍ଦତ।
ଅଗ୍ନିହୋତ୍ରେ ଚ ଧର୍ମେ ଚ ଦମେ ଚ ସତତ ରତାମ୍॥ 1-140-48 (6318)
ଅଲଭଦ୍ଗୌତମୀ ପୁତ୍ରମଶ୍ବତ୍ଥାମାନମେବ ଚ।
ସ ଜାତମାତ୍ରୋ ବ୍ଯନଦଦ୍ଯଥୈବୋଚ୍ଚୈଃଶ୍ରବା ହଯଃ॥ 1-140-49 (6319)
ତଚ୍ଛ୍ରୁତ୍ବାନ୍ତର୍ହିତଂ ଭୂତମନ୍ତରିକ୍ଷସ୍ଥମବ୍ରବୀତ୍।
ଅଶ୍ବସ୍ଯେବାସ୍ଯ ଯତ୍ସ୍ଥାମ ନଦତଃ ପ୍ରଦିଶୋ ଗତମ୍॥ 1-140-50 (6320)
ଅଶ୍ବତ୍ଥାମୈବ ବାଲୋଽଯଂ ତସ୍ମାନ୍ନାମ୍ନା ଭବିଷ୍ଯତି।
ସୁତେନ ତେନ ସୁପ୍ରୀତୋ ଭାରଦ୍ବାଜସ୍ତତୋଽଭବତ୍॥ 1-140-51 (6321)
ତତ୍ରୈବ ଚ ବସନ୍ଧୀମାନ୍ଧନୁର୍ବେଦପରୋଽଭବତ୍।
ସ ଶୁଶ୍ରାବ ମହାତ୍ମାନଂ ଜାମଦଗ୍ନ୍ଯଂ ପରଂତପମ୍॥ 1-140-52 (6322)
ସର୍ବଜ୍ଞାନବିଦଂ ବିପ୍ରଂ ସର୍ବଶସ୍ତ୍ରଭୃତାଂ ବରମ୍।
ବ୍ରାହ୍ମଣେଭ୍ଯସ୍ତଦା ରାଜନ୍ଦିତ୍ସନ୍ତଂ ବସୁ ସର୍ବଶଃ॥ 1-140-53 (6323)
ସ ରାମସ୍ଯ ଧନୁର୍ବେଦଂ ଦିବ୍ଯାନ୍ଯସ୍ତ୍ରାଣି ଚୈବ ହ।
ଶ୍ରଉତ୍ବା ତେଷୁ ମନଶ୍ଚକ୍ରେ ନୀତିଶାସ୍ତ୍ରେ ତଥୈବ ଚ॥ 1-140-54 (6324)
ତତଃ ସ ବ୍ରତିଭିଃ ଶିଷ୍ଯୈସ୍ତପୋଯୁକ୍ତୈର୍ମହାତପାଃ।
ବୃତଃ ପ୍ରାଯାନ୍ମହାବାହୁର୍ମହେନ୍ଦ୍ରଂ ପର୍ବତୋତ୍ତମମ୍॥ 1-140-55 (6325)
ତତୋ ମହେନ୍ଦ୍ରମାସାଦ୍ଯ ଭାରଦ୍ବାଜୋ ମହାତପାଃ।
କ୍ଷତ୍ରଘ୍ନଂ ତମମିତ୍ରଘ୍ନମପଶ୍ଯଦ୍ଭୃଗୁନନ୍ଦନମ୍॥ 1-140-56 (6326)
ତତୋ ଦ୍ରୋଣୋ ବୃତଃ ଶିଷ୍ଯୈରୁପଗମ୍ଯ ଭୃଗୂଦ୍ବହମ୍।
ଆଚଖ୍ଯାବାତ୍ମନୋ ନାମ ଜନ୍ମ ଚାଙ୍ଗିରସଃ କୁଲେ॥ 1-140-57 (6327)
ନିବେଦ୍ଯ ଶିରସା ଭୂମୌ ପାଦୌ ଚୈବାଭ୍ଯବାଦଯତ୍।
ତତସ୍ତଂ ସର୍ବମୁତ୍ସୃଜ୍ଯ ବନଂ ଜିଗମିଷୁଂ ତଦା॥ 1-140-58 (6328)
ଜାମଦଗ୍ନ୍ଯଂ ମହାତ୍ମାନଂ ଭାରଦ୍ବାଜୋଽବ୍ରବୀଦିଦମ୍।
ଭରଦ୍ବାଜାତ୍ସମୁତ୍ପନ୍ନଂ ତଥା ତ୍ବଂ ମାମଯୋନିଜମ୍॥ 1-140-59 (6329)
ଆଗତଂ ବିତ୍ତକାମଂ ମାଂ ବିଦ୍ଧି ଦ୍ରୋଣଂ ଦ୍ବିଜୋତ୍ତମ।
ତମବ୍ରବୀନ୍ମହାତ୍ମା ସ ସର୍ବକ୍ଷତ୍ରିଯମର୍ଦନଃ॥ 1-140-60 (6330)
ସ୍ବାଗତଂ ତେ ଦ୍ବିଜଶ୍ରେଷ୍ଠ ଯଦିଚ୍ଛସି ବଦସ୍ବ ମେ।
ଏବମୁକ୍ତସ୍ତୁ ରାମେଣ ଭାରଦ୍ବାଜୋଽବ୍ରବୀଦ୍ବଚଃ॥ 1-140-61 (6331)
ରାମଂ ପ୍ରହରତାଂ ଶ୍ରେଷ୍ଠଂ ଦିତ୍ସନ୍ତଂ ବିବିଧଂ ବସୁ।
ଅହଂ ଧନମନନ୍ତଂ ହି ପ୍ରାର୍ଥଯେ ବିପୁଲବ୍ରତ॥ 1-140-62 (6332)
ରାମ ଉବାଚ। 1-140-63x (827)
ହିରଣ୍ଯଂ ମମ ଯଚ୍ଚାନ୍ଯଦ୍ବସୁ କିଂଚିଦିହ ସ୍ଥିତମ୍।
ବ୍ରାହ୍ମଣେଭ୍ଯୋ ମଯା ଦତ୍ତଂ ସର୍ବମେତତ୍ତପୋଧନ॥ 1-140-63 (6333)
ତଥୈବେଯଂ ଧରା ଦେବୀ ସାଗରାନ୍ତା ସପତ୍ତନା।
କଶ୍ଯପାଯ ମଯା ଦତ୍ତା କୃତ୍ସ୍ନା ନଗରମାଲିନୀ॥ 1-140-64 (6334)
ଶରୀରମାତ୍ରମେବାଦ୍ଯ ମମେଦମବଶେଷିତମ୍।
ଅସ୍ତ୍ରାଣି ଚ ମହାର୍ହାଣି ଶସ୍ତ୍ରାଣି ବିବିଧାନି ଚ॥ 1-140-65 (6335)
ଅସ୍ତ୍ରାଣି ବା ଶରୀରଂ ବା ବ୍ରହ୍ମଞ୍ଶସ୍ତ୍ରାଣି ବା ପୁନଃ।
ବୃଣୀଷ୍ବ କିଂ ପ୍ରଯଚ୍ଛାମି ତୁଭ୍ଯଂ ଦ୍ରୋଣ ବଦାଶୁ ତତ୍॥ 1-140-66 (6336)
ଦ୍ରୋଣ ଉବାଚ। 1-140-67x (828)
ଅସ୍ତ୍ରାଣି ମେ ସମଗ୍ରାଣି ସସଂହାରାଣି ଭାର୍ଗବ।
ସ ପ୍ରଯୋଗରହସ୍ଯାନି ଦାତୁମର୍ହସ୍ଯଶେଷତଃ॥ 1-140-67 (6337)
`ଏତଦ୍ବସୁ ବସୂନାଂ ହି ସର୍ବେଷାଂ ବିପ୍ରସତ୍ତମ।'
ତଥେତ୍ଯୁକ୍ତ୍ବା ତତସ୍ତସ୍ମୈ ପ୍ରାଦାଦସ୍ତ୍ରାଣି ଭାର୍ଗବଃ।
ସରହସ୍ଯବ୍ରତଂ ଚୈବ ଧନୁର୍ବେଦମଶେଷତଃ॥ 1-140-68 (6338)
ପ୍ରତିଗୃହ୍ଯ ତୁ ତତ୍ସର୍ବଂ କୃତାସ୍ତ୍ରେ ଦ୍ବିଜସତ୍ତମଃ।
ପ୍ରିଯଂ ସଖାଯଂ ସୁପ୍ରୀତୋ ଜଗାମ ଦ୍ରୁପଦଂ ପ୍ରତି॥ ॥ 1-140-69 (6339)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଚତ୍ବାରିଂଶଦଧିକଶତତମୋଽଧ୍ଯାଯଃ॥ 140 ॥
Mahabharata - Adi Parva - Chapter Footnotes
1-140-2 ଗୌତମୋ ଗୌତ୍ରତଃ॥ 1-140-10 ସମର୍ଥନାତ୍ସାମର୍ଥ୍ଯାତ୍॥ 1-140-18 ପ୍ରାତିପେଯଃ ପ୍ରତୀପପୁତ୍ରଃ॥ 1-140-19 ସଂବର୍ଧିତାବିତି ଆଲୋଚ୍ଯେତି ଶେଷଃ॥ 1-140-25 ବିନଯେପ୍ସଯା ଶିକ୍ଷେଚ୍ଛଯା॥ 1-140-27 ଅଦେବସତ୍ବଃ ନାସ୍ତି ଦେବସ୍ଯେବ ସତ୍ବଂ ସାମର୍ଥ୍ଯଂ ଯସ୍ଯ ସଃ॥ 1-140-38 ଦ୍ରୋଣେ ଦ୍ରୋଣ କଲଶାଖ୍ଯେ ଯଜ୍ଞିଯପାତ୍ରବିଶେଷେ॥ 1-140-50 ସ୍ଥାମଶବ୍ଦଃ ସକାରସ୍ଯ ତତ୍କାରାଦେଶେଽଶ୍ବତ୍ଥାମେତି॥ ଚତ୍ବାରିଂଶଦଧିକଶତତମୋଽଧ୍ଯାଯଃ॥ 140 ॥ଆଦିପର୍ବ - ଅଧ୍ଯାଯ 141
॥ ଶ୍ରୀଃ ॥
1.141. ଅଧ୍ଯାଯଃ 141
Mahabharata - Adi Parva - Chapter Topics
ଦ୍ରୁପଦସମୀପଂ ଗତ୍ବା ତେନ ସହ ସ୍ବସ୍ଯ ସଖିତ୍ବଂ କଥଯତୋ ଦ୍ରୋଣସ୍ଯ ଦ୍ରୁପଦକୃତଂ ଭର୍ତ୍ସନମ୍॥ 1 ॥ ତେନ କୁପିତସ୍ଯ ଦ୍ରୋଣସ୍ଯ ହାସ୍ତିନ ପୁରଗମନମ୍॥ 2 ॥ କ୍ରୀଡାକାଲେ କୂପପତିତଯୋର୍ବିଦାକନ୍ଦୁକଯୋରୁଦ୍ଧରଣେ ଅଶକ୍ନୁବତାଂ କୁମାରାଣାଂ ଦ୍ରୋଣକୃତୋଽଧିକ୍ଷେପଃ॥ 3 ॥ ଦ୍ରୋଣେନ ବୀଟାମୁଦ୍ରିକଯୋଃ କୂପାଦୁଦ୍ଧାରଃ॥ 4 ॥ ଦ୍ରୋଣବୃତ୍ତାନ୍ତଶ୍ରବଣେନ ଭୀଷ୍ମେଣ ସ୍ବଗୃହନିବାସାର୍ଥଂ ଦ୍ରୋଣଂ ପ୍ରତି ପ୍ରାର୍ଥନମ୍॥ 5 ॥Mahabharata - Adi Parva - Chapter Text
1-141-0 (6340)
ବୈଶମ୍ପାଯନ ଉବାଚ। 1-141-0x (829)
ତତୋ ଦ୍ରୁପଦମାସାଦ୍ଯ ଭାରଦ୍ବାଜଃ ପ୍ରତାପବାନ୍।
ଅବ୍ରବୀତ୍ପାର୍ଥିବଂ ରାଜନ୍ସଖାଯଂ ବିଦ୍ଧି ମାମିହ॥ 1-141-1 (6341)
ଇତ୍ଯେବମୁକ୍ତଃ ସଖ୍ଯା ସ ପ୍ରୀତିର୍ପୂର୍ବଂ ଜନେଶ୍ବରଃ।
ଭାରଦ୍ବାଜେନ ପାଞ୍ଚାଲ୍ଯୋ ନାମୃଷ୍ଯତ ବଚୋଽସ୍ଯ ତତ୍॥ 1-141-2 (6342)
ସ କ୍ରୋଧାମର୍ଷଜିହ୍ମଭ୍ରୂଃ କଷାଯୀକୃତଲୋଚନଃ।
ଐଶ୍ବର୍ଯମଦସଂପନ୍ନୋ ଦ୍ରୋଣଂ ରାଜାଽବ୍ରବୀଦିଦମ୍॥ 1-141-3 (6343)
ଦ୍ରୁପଦ ଉବାଚ। 1-141-4x (830)
ଅକୃତେଯଂ ତବ ପ୍ରଜ୍ଞା ବ୍ରହ୍ମନ୍ନାତିସମଞ୍ଜସା।
ଯନ୍ମାଂ ବ୍ରବୀଷି ପ୍ରସଭଂ ସଖା ତେଽହମିତି ଦ୍ବିଜ॥ 1-141-4 (6344)
ନ ହି ରାଜ୍ଞାମୁଦୀର୍ଣାନାମେବଂଭୂତୈର୍ନରୈଃ କ୍ବଚିତ୍।
ସଖ୍ଯଂ ଭବତି ମନ୍ଦାତ୍ମଞ୍ଶ୍ରିଯା ହୀନୈର୍ଧନଚ୍ଯୁତୈଃ॥ 1-141-5 (6345)
ସୌହୃଦାନ୍ଯପି ଜୀର୍ଯନ୍ତେ କାଲେନ ପରିଜୀର୍ଯତଃ।
ସୌହୃଦଂ ମେ ତ୍ବଯା ହ୍ଯାସୀତ୍ପୂର୍ବଂ ସାମର୍ଥ୍ଯବନ୍ଧନମ୍॥ 1-141-6 (6346)
ନ ସଖ୍ଯମଜରଂ ଲୋକେ ହୃଦି ତିଷ୍ଠତି କସ୍ଯଚିତ୍।
କାମଶ୍ଚୈତନ୍ନାଶଯତି କ୍ରୋଧୋ ବୈନଂ ରହତ୍ଯୁତ॥ 1-141-7 (6347)
ମୈବଂ ଜୀର୍ଣମୁପାସ୍ସ୍ବ ତ୍ବଂ ସଖ୍ଯଂ ଭବଦୁପାଧିକୃତ୍।
ଆସୀତ୍ସଖ୍ଯଂ ଦ୍ବିଜଶ୍ରେଷ୍ଠ ତ୍ବଯା ମେଽର୍ଥନିବନ୍ଧନମ୍॥ 1-141-8 (6348)
ନ ଦରିଦ୍ରୋ ବସୁମତୋ ନାବିଦ୍ବାନ୍ବିଦୁଷଃ ସଖା।
ନ ଶୂରସ୍ଯ ସଖା କ୍ଲୀବଃ ସଖିପୂର୍ବଂ କିମିଷ୍ଯତେ॥ 1-141-9 (6349)
ଯଯୋରେବ ସମଂ ବିତ୍ତଂ ଯଯୋରେବ ସମଂ ଶ୍ରୁତମ୍।
ତଯୋର୍ବିବାହଃ ସଖ୍ଯଂ ଚ ନ ତୁ ପୁଷ୍ଟବିପୁଷ୍ଟଯୋଃ॥ 1-141-10 (6350)
ନାଶ୍ରୋତ୍ରିଯଃ ଶ୍ରୋତ୍ରିଯସ୍ଯ ନାରଥୀ ରଥିନଃ ସଖା।
ନାରାଜା ପାର୍ଥିବସ୍ଯାପି ସଖିପୂର୍ବଂ କିମିଷ୍ଯତେ॥ 1-141-11 (6351)
ବୈଶମ୍ପାଯନ ଉବାଚ। 1-141-12x (831)
ଦ୍ରୁପଦେନୈବମୁକ୍ତସ୍ତୁ ଭାରଦ୍ବାଜଃ ପ୍ରତାପବାନ୍।
ମୁହୂର୍ତଂ ଚିନ୍ତଯିତ୍ବା ତୁ ମନ୍ଯୁନାଽଭିପରିପ୍ଲୁତଃ॥ 1-141-12 (6352)
ସ ବିନିଶ୍ଚିତ୍ଯ ମନସା ପାଞ୍ଚାଲ୍ଯଂ ପ୍ରତିବୁଦ୍ଧିମାନ୍।
`ଶିଷ୍ଯୈଃ ପରିବୃତଃ ଶ୍ରୀମାନ୍ପୁତ୍ରେଣ ସହିତସ୍ତଥା॥' 1-141-13 (6353)
ଜଗାମ କୁରୁମୁଖ୍ଯାନାଂ ନାଗରଂ ନାଗସାହ୍ବଯମ୍।
ତାଂ ପ୍ରତିଜ୍ଞାଂ ପ୍ରତିଜ୍ଞାଯ ଯାଂ କର୍ତା ନଚିରାଦିବ॥ 1-141-14 (6354)
ସ ନାଗପୁରମାଗମ୍ଯ ଗୌତମସ୍ଯ ନିବେଶନେ।
ଭାରଦ୍ବାଜୋଽବସତ୍ତତ୍ର ପ୍ରଚ୍ଛନ୍ନଂ ଦ୍ବିଜସତ୍ତମଃ॥ 1-141-15 (6355)
ତତୋଽସ୍ଯ ତନୁଜଃ ପାର୍ଥାନ୍କୃପସ୍ଯାନନ୍ତରଂ ପ୍ରଭୁଃ।
ଅସ୍ତ୍ରାଣି ଶିକ୍ଷଯାମାସ ନାବୁଧ୍ଯନ୍ତ ଚ ତଂ ଜନାଃ॥ 1-141-16 (6356)
ଏବଂ ସ ତତ୍ର ଗୂଢାତ୍ମା କଂଚିତ୍କାଲମୁବାସ ହ।
କୁମାରାସ୍ତ୍ବଥ ନିଷ୍କ୍ରମ୍ଯ ସମେତା ଗଜସାହ୍ବଯାତ୍॥ 1-141-17 (6357)
କ୍ରୀଡନ୍ତୋ ବୀଟଯା ତତ୍ର ବୀରାଃ ପର୍ଯଚରନ୍ମୁଦା।
`ତେଷାଂ ସଂକ୍ରୀଡମାନାନାମୁଦପାନେଽଙ୍ଗୁଲୀଯକମ୍॥ 1-141-18 (6358)
ପପାତ ଧର୍ମପୁତ୍ରସ୍ଯ ବୀଟା ତତ୍ରୈବ ଚାପତତ୍।
ଗର୍ତାନ୍ବୁନା ପ୍ରତିଚ୍ଛନ୍ନଂ ତାରାରୂପମିବାମ୍ବରେ॥ 1-141-19 (6359)
ଦୃଷ୍ଟ୍ବା ଚୈତେ କୁମାରାଶ୍ଚ ତଂ ଯତ୍ନାତ୍ପର୍ଯବାରଯନ୍।'
ତତସ୍ତେ ଯତ୍ନମାତିଷ୍ଠନ୍ବୀଟାମୁଦ୍ଧର୍ତୁମାଦୃତାଃ।
ନ ଚ ତେ ପ୍ରତ୍ଯଯଦ୍ଯନ୍ତ କର୍ମ ବୀଟୋପଲବ୍ଧଯେ॥ 1-141-20 (6360)
ତତୋଽନ୍ଯୋନ୍ଯମବୈକ୍ଷନ୍ତ ବ୍ରୀଡଯାବନତାନନାଃ।
ତସ୍ଯା ଯୋଗମବିଦନ୍ତୋ ଭୃଶଂ ଚୋତ୍କଣ୍ଠିତାଭବନ୍॥ 1-141-21 (6361)
ତେଽପଶ୍ଯନ୍ବ୍ରାହ୍ମଣଂ ଶ୍ଯାମମାପନ୍ନଂ ପଲିତଂ କୃଶମ୍।
କୃତ୍ଯବନ୍ତମଦୂରସ୍ଥମଗ୍ନିହୋତ୍ରପୁରସ୍କୃତମ୍॥ 1-141-22 (6362)
ତେ ତଂ ଦୃଷ୍ଟ୍ବା ମହାତମାନମୁପଗମ୍ଯ କୁମାରକାଃ।
ଭଗ୍ନୋତ୍ସାହକ୍ରିଯାତ୍ମାନୋ ବ୍ରାହ୍ମଣଂ ପର୍ଯବାରଯନ୍॥ 1-141-23 (6363)
ଅଥ ଦ୍ରୋଣଃ କୁମାରାଂସ୍ତାନ୍ଦୃଷ୍ଟ୍ବା କତ୍ଯବଶସ୍ତଦା।
ପ୍ରହସ୍ଯ ମନ୍ଦଂ ପୈଶଲ୍ଯାଦଭ୍ଯଭାଷତ ବୀର୍ଯବାନ୍॥ 1-141-24 (6364)
ଅହୋ ବୋ ଧିଗ୍ବଲଂ କ୍ଷାତ୍ରଂ ଧିଗେତାଂ ବଃ କୃତାସ୍ତ୍ରତାମ୍।
ଭରତସ୍ଯାନ୍ବଯେ ଜାତା ଯେ ବୀଟାଂ ନାଧିଗଚ୍ଛତ॥ 1-141-25 (6365)
ବୀଟାଂ ଚ ମୁଦ୍ରିକାଂ ଚୈବ ହ୍ଯହମେତଦପି ଦ୍ବଯମ୍।
ଉଦ୍ଧରେଯମିଷୀକାଭିର୍ଭୋଜନଂ ମେ ପ୍ରଦୀଯତାମ୍॥ 1-141-26 (6366)
ତତୋଽବ୍ରବୀତ୍ତଦା ଦ୍ରୋଣଂ କୁନ୍ତୀପୁତ୍ରୋ ଯୁଧିଷ୍ଠିରଃ।
କୃପସ୍ଯାନୁମତେ ବ୍ରହ୍ମନ୍ଭିକ୍ଷାମାପ୍ନୁହି ଶାଶ୍ବତୀମ୍॥ 1-141-27 (6367)
ଏବମୁକ୍ତଃ ପ୍ରତ୍ଯୁବାଚ ପ୍ରହସ୍ଯ ଭରତାନିଦମ୍। 1-141-28 (6368)
ଦ୍ରୋଣ ଉବାଚ।
ଏଷା ମୁଷ୍ଟିରିଷୀକାଣାଂ ମଯାଽସ୍ତ୍ରେଣାଭିମନ୍ତ୍ରିତା॥ 1-141-28x (832)
ଅସ୍ଯା ବୀର୍ଯଂ ନିରୀକ୍ଷଧ୍ବଂ ଯଦନ୍ଯେଷୁ ନ ବିଦ୍ଯତେ।
ବେତ୍ସ୍ଯାମୀଷିକଯା ବୀଟାଂ ତାମିଷୀକାଂ ତଥାଽନ୍ଯଯା॥ 1-141-29 (6369)
ତାମନ୍ଯଯା ସମାଯୋଗେ ବୀଟାଯା ଗ୍ରହଣଂ ମମ। 1-141-30 (6370)
ବୈଶମ୍ପାଯନ ଉବାଚ।
ତତୋ ଯଥୋକ୍ତଂ ଦ୍ରୋଣେନ ତତ୍ସର୍ବଂ କୃତମଞ୍ଜସା॥ 1-141-30x (833)
ତଦବେକ୍ଷ୍ଯ କୁମାରାସ୍ତେ ବିସ୍ମଯୋତ୍ଫୁଲ୍ଲଲୋଚନାଃ।
ଆଶ୍ଚର୍ଯମିଦମତ୍ଯନ୍ତମିତି ମତ୍ବା ବଚୋଽବ୍ରୁବନ୍॥ 1-141-31 (6371)
ମୁଦ୍ରିକାମଣି ବିପ୍ରର୍ଷେ ଶୀଧ୍ରମେତାଂ ସମୁଦ୍ଧରଥ 1-141-32 (6372)
ବୈଶମ୍ପାଯନ ଉବାଚ।
ତତଃ ଶରଂ ସମାଦାଯ ଧନୁଶ୍ଚାପି ମହାଯଶାଃ॥ 1-141-32x (834)
ଶରେଣ ବିଦ୍ଧ୍ବା ମୁଦ୍ରାଂ ତାମୂର୍ଧ୍ବମାବାହଯତ୍ପ୍ରଭୁଃ।
ସ ଶରଂ ସମୁପାଦାଯ କୂପାଦଙ୍ଗୁଲିବେଷ୍ଟନମ୍॥ 1-141-33 (6373)
ଦଦୌ ତତଃ କୁମାରାଣାଂ ବିସ୍ମିତାନାମବିସ୍ମିତଃ।
ମୁଦ୍ରିକାମୁଦ୍ଧୃତାଂ ଦୃଷ୍ଟ୍ବା ତମାହୁସ୍ତେ କୁମାରକାଃ॥ 1-141-34 (6374)
ଅଭିବନ୍ଦାମହେ ବ୍ରହ୍ମନ୍ନୈତଦନ୍ଯେଷୁ ବିଦ୍ଯତେ।
କୋଽସି କସ୍ଯାସି ଜାନୀମୋ ବଯଂ କିଂ କରବାମହେ॥ 1-141-35 (6375)
ବୈଶମ୍ପାଯନ ଉବାଚ। 1-141-36x (835)
ଏବମୁକ୍ତସ୍ତତୋ ଦ୍ରୋଣଃ ପ୍ରତ୍ଯୁବାଚ କୁମାରକାନ୍।
ଆଚକ୍ଷଧ୍ବଂ ଚ ଭୀଷ୍ମାଯ ରୂପେଣ ଚ ଗୁଣୈଶ୍ଚ ମାମ୍॥ 1-141-36 (6376)
ସ ଏବ ସୁମହାତେଜାଃ ସାଂପ୍ରତଂ ପ୍ରତିପତ୍ସ୍ଯତେ। 1-141-37 (6377)
ବୈଶମ୍ପାଯନ ଉବାଚ।
ତଥେତ୍ଯୁକ୍ତ୍ବା ଚ ଗତ୍ବା ଚ ଭୀଷ୍ମମୂଚୁଃ କୁମାରକାଃ॥ 1-141-37x (836)
ବ୍ରାହ୍ମଣସ୍ଯ ବଚଃ କୃତ୍ସ୍ନଂ ତଚ୍ଚ କର୍ମ ତଥାବିଧମ୍।
ଭୀଷ୍ମଃ ଶ୍ରୁତ୍ବା କୁମାରାଣାଂ ଦ୍ରୋଣଂ ତଂ ପ୍ରତ୍ଯଜାନତ॥ 1-141-38 (6378)
ଯୁକ୍ତରୂପଃ ସ ହି ଗୁରୁରିତ୍ଯେବମନୁଚିନ୍ତ୍ଯ ଚ।
ଅଥୈନମାନୀଯ ତଦା ସ୍ବଯମେବ ସୁସତ୍କୃତମ୍॥ 1-141-39 (6379)
ପରିପପ୍ରଚ୍ଛ ନିପୁଣଂ ଭୀଷ୍ମଃ ଶସ୍ତ୍ରଭୃତାଂ ବରଃ।
ହେତୁମାଗମନେ ତଚ୍ଚ ଦ୍ରୋଣଃ ସର୍ବଂ ନ୍ଯବେଦଯତ୍॥ 1-141-40 (6380)
ଦ୍ରୋଣ ଉବାଚ। 1-141-41x (837)
ମହର୍ଷେରଗ୍ନିବେଶ୍ଯସ୍ଯ ସକାଶମହମଚ୍ଯୁତ।
ଅସ୍ତ୍ରାର୍ଥମଗମଂ ପୂର୍ବଂ ଧନୁର୍ବେଦଜିଘୃକ୍ଷଯା॥ 1-141-41 (6381)
ବ୍ରହ୍ମଚାରୀ ବିନୀତାତ୍ମା ଜଟିଲୋ ବହୁଲାଃ ସମାଃ।
ଅବସଂ ସୁଚିରଂ ତତ୍ର ଗୁରୁଶୁଶ୍ରୂଷଣେ ରତଃ॥ 1-141-42 (6382)
ପାଞ୍ଚାଲ୍ଯୋ ରାଜପୁତ୍ରଶ୍ଚ ଯଜ୍ଞସେନୋ ମହାବଲଃ।
ଇଷ୍ବସ୍ତ୍ରହେତୋର୍ନ୍ଯବସତ୍ତସ୍ମିନ୍ନେବ ଗୁରୌ ପ୍ରଭୁଃ॥ 1-141-43 (6383)
ସ ମେ ତତ୍ର ସଖା ଚାସୀଦୁପକାରୀ ପ୍ରିଯଶ୍ଚ ମେ।
ତେନାହଂ ସହ ସଂଗମ୍ଯ ବର୍ତଯନ୍ସୁଚିରଂ ପ୍ରଭୋ॥ 1-141-44 (6384)
ବାଲ୍ଯାତ୍ପ୍ରଭୃତି କୌରବ୍ଯ ସହାଧ୍ଯଯନମେବ ଚ।
ସ ମେ ସଖା ସଦା ତତ୍ର ପ୍ରିଯବାଦୀ ପ୍ରିଯଂକରଃ॥ 1-141-45 (6385)
ଅବ୍ରବୀଦିତି ମାଂ ଭୀଷ୍ମ ବଚନଂ ପ୍ରୀତିବର୍ଧନମ୍।
ଅହଂ ପ୍ରିଯତମଃ ପୁତ୍ରଃ ପିତୁର୍ଦ୍ରୋଣ ମହାତ୍ମନଃ॥ 1-141-46 (6386)
ଅଭିଷେକ୍ଷ୍ଯତି ମାଂ ରାଜ୍ଯେ ସ ପାଞ୍ଚାଲ୍ଯୋ ଯଦା ତଦା।
ତଦ୍ଭୋଜ୍ଯଂ ଭବତା ରାଜ୍ଯମର୍ଧଂ ସତ୍ଯେନ ତେ ଶପେ॥ 1-141-47 (6387)
ମମ ଭୋଗାଶ୍ଚ ବିତ୍ତଂ ଚ ତ୍ବଦଧୀନଂ ସୁଖାନି ଚ।
ଏବମୁକ୍ତ୍ବାଽଥ ବବ୍ରାଜ କୃତାସ୍ତ୍ରଃ ପୂଜିତୋ ମଯା॥ 1-141-48 (6388)
ତଚ୍ଚ ବାକ୍ଯମହଂ ନିତ୍ଯଂ ମନସା ଧାରଯଂସ୍ତଦା।
ସୋଽହଂ ପିତୃନିଯୋଗେନ ପୁତ୍ରଲୋଭାଦ୍ଯଶସ୍ବିନୀମ୍॥ 1-141-49 (6389)
ଶାରଦ୍ବତୀଂ ମହାପ୍ରଜ୍ଞାମୁପଯେମେ ମହାବ୍ରତାମ୍।
ଅଗ୍ନିହୋତ୍ରେ ଚ ସତ୍ରେ ଚ ଦମେ ଚ ସତତଂ ରତାମ୍॥ 1-141-50 (6390)
ଲେଭେ ଚ ଗୌତମୀ ପୁତ୍ରମଶ୍ବତ୍ଥାମାନମୌରସମ୍।
ଭୀମବିକ୍ରମକର୍ମାଣମାଦିତ୍ଯସମତେଜସମ୍॥ 1-141-51 (6391)
ପୁତ୍ରେଣ ତେନ ପ୍ରୀତୋଽହଂ ଭରଦ୍ବାଜୋ ମଯା ଯଥା।
ଗୋକ୍ଷୀରଂ ପିବତୋ ଦୃଷ୍ଟ୍ବା ଧନିନସ୍ତତ୍ର ପୁତ୍ରକାନ୍।
ଅଶ୍ବତ୍ଥାମାରୁଦଦ୍ବାଲସ୍ତନ୍ମେ ସଂଦେହଯଦ୍ଦିଶଃ॥ 1-141-52 (6392)
ନ ସ୍ନାତକୋଽବସୀଦେତ ବର୍ତମାନଃ ସ୍ବକର୍ମସୁ।
ଇତି ସଂଚିନ୍ତ୍ଯ ମନସା ତଂ ଦେଶଂ ବହୁଶୋ ଭ୍ରମନ୍॥ 1-141-53 (6393)
ବିଶୁଦ୍ଧଣିଚ୍ଛନ୍ଗାଙ୍ଗେଯ ଧର୍ମୋପେତଂ ପ୍ରତିଗ୍ରହମ୍।
ଅନ୍ତାଦନ୍ତଂ ପରିକ୍ରମ୍ଯ ନାଧ୍ଯଗଚ୍ଛଂ ପଯସ୍ବିନୀମ୍॥ 1-141-54 (6394)
ଯବପିଷ୍ଟୋଦକେନୈନଂ ଲୋଭଯେଯଂ କୁମାରକମ୍।
ପୀତ୍ବା ପିଷ୍ଟରସଂ ବାଲଃ କ୍ଷୀରଂ ପୀତଂ ମଯାଽପି ଚ॥ 1-141-55 (6395)
ନନର୍ତୋତ୍ଥାଯ କୌରବ୍ଯ ହୃଷ୍ଟୋ ବାଲ୍ଯାଦ୍ବିମୋହିତଃ।
ତଂ ଦୃଷ୍ଟ୍ବା ନୃତ୍ଯମାନଂ ତୁ ବାଲୈଃ ପରିବୃତଂ ସୁତମ୍॥ 1-141-56 (6396)
ହାସ୍ଯତାମୁପସଂପ୍ରାପ୍ତଂ କଶ୍ମଲଂ ତତ୍ର ମେଽଭବତ୍।
ଦ୍ରୋଣଂ ଧିଗସ୍ତ୍ବଧନିନଂ ଯୋ ଧନଂ ନାଧିଗଚ୍ଛତି॥ 1-141-57 (6397)
ପିଷ୍ଟୋଦକଂ ସୁତୋ ଯସ୍ଯ ପୀତ୍ବା କ୍ଷୀରସ୍ଯ ତୃଷ୍ଣଯା।
ନୃତ୍ଯତିସ୍ମ ମୁଦାବିଷ୍ଟଃ କ୍ଷୀରଂ ପୀତଂ ମଯାଽପ୍ଯୁତ॥ 1-141-58 (6398)
ଇତି ସଂଭାଷତାଂ ବାଚଂ ଶ୍ରୁତ୍ବା ମେ ବୁଦ୍ଧିରଚ୍ଯବତ୍।
ଆତ୍ମାନଂ ଚାତ୍ମନା ଗର୍ହନ୍ମନସେଦଂ ବ୍ଯଚିନ୍ତଯମ୍॥ 1-141-59 (6399)
ଅପି ଚାହଂ ପୁରା ବିପ୍ରୈର୍ବର୍ଜିତୋ ଗର୍ହିତୋ ବସେ।
ପରୋପସେବାଂ ପାପିଷ୍ଠାଂ ନ ଚ କୁର୍ଯାଂ ଧନେପ୍ସଯା॥ 1-141-60 (6400)
ଇତି ମତ୍ବା ପ୍ରିଯଂ ପୁତ୍ରଂ ଭୀଷ୍ମାଦାଯ ତତୋ ହ୍ଯହମ୍।
ପୂର୍ବସ୍ନେହାନୁରାଗିତ୍ବାତ୍ସଦାରଃ ସୌମକିଂ ଗତଃ॥ 1-141-61 (6401)
ଅଭିଷିକ୍ତଂ ତୁ ଶ୍ରୁତ୍ବୈବ କୃତାର୍ଥୋଽସ୍ମୀତି ଚିନ୍ତଯନ୍।
ପ୍ରିଯଂ ସଖାଯଂ ସୁପ୍ରୀତୋ ରାଜ୍ଯସ୍ଥଂ ସମୁପାଗମମ୍॥ 1-141-62 (6402)
ସଂସ୍ମରନ୍ସଙ୍ଗମଂ ଚୈବ ବଚନଂ ଚୈବ ତସ୍ଯ ତତ୍।
ତତୋ ଦ୍ରୁପଦମାଗମ୍ଯ ସଖଇପୂର୍ବମହଂ ପ୍ରଭୋ॥ 1-141-63 (6403)
ଅବ୍ରୁବଂ ପୁରୁଷବ୍ଯାଘ୍ର ସଖାଯଂ ବିଦ୍ଧି ମାମିତି।
ଉପସ୍ଥିତସ୍ତୁ ଦ୍ରୁପଦଂ ସଖିବଚ୍ଚାସ୍ମି ସଙ୍ଗତଃ॥ 1-141-64 (6404)
ସ ମାଂ ନିରାକାରମିବ ପ୍ରହସନ୍ନିଦମବ୍ରବୀତ୍।
ଅକୃତେଯଂ ତବ ପ୍ରଜ୍ଞା ବ୍ରହ୍ମନ୍ନାତିସମଞ୍ଜସା॥ 1-141-65 (6405)
ଯଦାତ୍ଥ ମାଂ ତ୍ବଂ ପ୍ରସଭଂ ସଖା ତେଽହମିତି ଦ୍ବିଜ।
ସଂଗତନୀହ ଜୀର୍ଯନ୍ତି କାଲେନ ପରିଜୀର୍ଯତଃ॥ 1-141-66 (6406)
ସୌହୃଦଂ ମେ ତ୍ବଯା ହ୍ଯାସୀତ୍ପୂର୍ବଂ ସାମର୍ଥ୍ଯବନ୍ଧନମ୍।
ନାଶ୍ରୋତ୍ରିଯଃ ଶ୍ରୋତ୍ରିଯସ୍ଯ ନାରଥୀ ରଥିନଃ ସଖା॥ 1-141-67 (6407)
ସାମ୍ଯାଦ୍ଧି ସଖ୍ଯଂ ଭବତି ବୈଷମ୍ଯାନ୍ନୋପପଦ୍ଯତେ।
ନ ସଖ୍ଯମଜରଂ ଲୋକେ ବିଦ୍ଯତେ ଜାତୁ କସ୍ଯଚିତ୍॥ 1-141-68 (6408)
କାମୋ ବୈନଂ ବିହରତି କ୍ରୋଧୋ ବୈନଂ ରହତ୍ଯୁତ।
ମୈବଂ ଜୀର୍ଣମୁପାସ୍ସ୍ବ ତ୍ବଂ ସଖ୍ଯଂ ଭବଦୁପାଧିକୃତ୍॥ 1-141-69 (6409)
ଆସୀତ୍ସଖ୍ଯଂ ଦ୍ବିଜଶ୍ରେଷ୍ଠ ତ୍ବଯା ମେଽର୍ଥନିବନ୍ଧନମ୍।
ନହ୍ଯନାଢ୍ଯଃ ସଖାଽଽଢ୍ଯସ୍ଯ ନାବିଦ୍ବାନ୍ବିଦୁଷଃ ସଖା॥ 1-141-70 (6410)
ନ ଶୂରସ୍ଯ ସଖା କ୍ଲୀବଃ ସଖିପୂର୍ବଂ କିମିଷ୍ଯତେ।
ନ ହି ରାଜ୍ଞାମୁଦୀର୍ଣାନାମେବଂ ଭୂତୈର୍ନରୈଃ କ୍ବଚିତ୍॥ 1-141-71 (6411)
ସଖ୍ଯଂ ଭବତି ମନ୍ଦାତ୍ମଞ୍ଛ୍ରିଯା ହୀନୈର୍ଧନଚ୍ଯୁତୈଃ।
ନାଶ୍ରୋତ୍ରିଯଃ ଶ୍ରୋତ୍ରିଯସ୍ଯ ନାରଥୀ ରଥିନଃ ସଖା॥ 1-141-72 (6412)
ନାରାଜା ପାର୍ଥିବସ୍ଯାପି ସଖିପୂର୍ବଂ କିମିଷ୍ଯତେ।
ଅହଂ ତ୍ବଯା ନ ଜାନାମି ରାଜ୍ଯାର୍ଥେ ସଂବିଦଂ କୃତାମ୍॥ 1-141-73 (6413)
ଏକରାତ୍ରଂ ତୁ ତେ ବ୍ରହ୍ମନ୍କାମଂ ଦାସ୍ଯାମି ଭୋଜନମ୍।
ଏବମୁକ୍ତସ୍ତ୍ବହଂ ତେନ ସଦାରଃ ପ୍ରସ୍ଥିତସ୍ତଦା॥ 1-141-74 (6414)
ତାଂ ପ୍ରତିଜ୍ଞାଂ ପ୍ରତିଜ୍ଞାଯ ଯାଂ କର୍ତାଽସ୍ମ୍ଯଚିରାଦିବ।
ଦ୍ରୁପଦେନୈବମୁକ୍ତୋଽହଂ ମନ୍ଯୁନାଽଭିପରିପ୍ଲୁତଃ॥ 1-141-75 (6415)
ଅଭ୍ଯାଗଚ୍ଛଂ କୁରୂନ୍ଭୀଷ୍ମ ଶିଷ୍ଯୈରର୍ଥୀ ଗୁଣାନ୍ବିତୈଃ।
ତତୋଽହଂ ଭବତଃ କାମଂ ସଂବର୍ଧଯିତୁମାଗତଃ॥ 1-141-76 (6416)
ଇଦଂ ନାଗପୁରଂ ରମ୍ଯଂ ବ୍ରୂହି କିଂ କରବାଣି ତେ। 1-141-77 (6417)
ବୈଶମ୍ପାଯନ ଉବାଚ।
ଏବମୁକ୍ତସ୍ତଦା ଭୀଷ୍ମୋ ଭାରଦ୍ବାଜମଭାଷତ॥ 1-141-77x (838)
ଭୀଷ୍ମ ଉବାଚ। 1-141-78x (839)
ଅପଜ୍ଯଂ କ୍ରିଯତାଂ ଚାପଂ ସାଧ୍ବସ୍ତ୍ରଂ ପ୍ରତିପାଦଯ।
ଭୁଙ୍କ୍ଷ ଭୋଗାନ୍ଭୃଶଂ ପ୍ରୀତଃ ପୂଜ୍ଯମାନଃ କୁରୁକ୍ଷଯେ॥ 1-141-78 (6418)
କୁରୂଣାମସ୍ତି ଯଦ୍ବିତ୍ତଂ ରାଜ୍ଯଂ ଚେଦଂ ସରାଷ୍ଟ୍ରକମ୍।
ତ୍ବମେବ ପରମୋ ରାଜା ସର୍ବେ ବାକ୍ଯକରାସ୍ତବ॥ 1-141-79 (6419)
1-141-80 (6420)
ଯଚ୍ଚ ତେ ପ୍ରାର୍ଥିତଂ ବ୍ରହ୍ମନ୍କୃତଂ ତଦିତି ଚିନ୍ତ୍ଯତାମ୍।
ଦିଷ୍ଟ୍ଯା ପ୍ରାପ୍ତୋଽସି ବିପ୍ରର୍ଷେ ମହାନ୍ମେଽନୁଗ୍ରହଃ କୃତଃ॥
Mahabharata - Adi Parva - Chapter Footnotes
1-141-4 ଅକୃତା ଅସଂସ୍କୃତା॥ 1-141-7 ରହତି ସଖ୍ଯାଚ୍ଚ୍ଯାବଯତି॥ 1-141-13 ପ୍ରତିବୁଦ୍ଧିମାନ୍ ପ୍ରତୀବପୁଦ୍ଧିମାନ୍॥ 1-141-18 ବୀଟଯା କନ୍ଦୁକେନ॥ 1-141-24 ପୈଶଲ୍ଯାତ୍ କୌଶଲ୍ଯାତ୍॥ 1-141-27 ଗୌତମୀଂ ଚ ମହାତେଜା ଭିକ୍ଷାମଶ୍ନୀତ ମାଚିରମ୍ ଇତି ପାଠାନ୍ତରମ୍॥ 1-141-52 ଦିଶଃ ସଂଦେହଯତ୍ ଦିଙ୍ମୋହମନଯତ୍। ଅଡଭାବ ଆର୍ଷଃ॥ 1-141-53 ସ୍ନାତକୋ ଯଃ କଶ୍ଚିଦଲ୍ପଗୋଧନଃ ସ୍ବଧର୍ମଲୋପାନ୍ନାବସୀଦେତାତୋ ବହୁଗୋଧନବତୋ ବ୍ରାହ୍ମଣସ୍ଯ ପ୍ରତିଗ୍ରହମିଚ୍ଛନ୍॥ 1-141-54 ଅନ୍ତାଦନ୍ତଂ ଦେଶାଦ୍ଦେଶମ୍॥ 1-141-60 ବସେ ଉପବସେ॥ 1-141-78 ଅଧିଜ୍ଯଂ କୁରୁବୀରାଣାଂ ଇତି ପାଠାନ୍ତରମ୍। କୁରୁକ୍ଷଯେ କୁରୁଗୃହେ॥ ଏକଚତ୍ବାରିଂଶଦଧିକଶତତମୋଽଧ୍ଯାଯଃ॥ 141 ॥ଆଦିପର୍ବ - ଅଧ୍ଯାଯ 142
॥ ଶ୍ରୀଃ ॥
1.142. ଅଧ୍ଯାଯଃ 142
Mahabharata - Adi Parva - Chapter Topics
ଦ୍ରୋଣେନାସ୍ତ୍ରଶିକ୍ଷାଯାଂ କୁରୁପାଣ୍ଡବାନାଂ ଶିଷ୍ଯତ୍ବେନାଙ୍ଗୀକାରଃ॥ 1 ॥ ବିଦ୍ଯାଭ୍ଯାସସମାପ୍ତ୍ଯନନ୍ତରଂ ବହୁଶଃ ପରୀକ୍ଷିତସ୍ଯାର୍ଜୁନସ୍ଯ ଦ୍ରୋଣାଚାର୍ଯାଦ୍ବିଶେଷଶିକ୍ଷାପ୍ରାପ୍ତିଃ॥ 2 ॥ ମୃଣ୍ମଯଦ୍ରୋଣପ୍ରତିମାରାଧନେନ ଏକଲବ୍ଯସ୍ଯ ଧନୁର୍ବେଦପ୍ରତିଭାନଂ॥ 3 ॥ ମୃଗଯାର୍ଥଂ ଗତେଷୁ କୁରୁପାଣ୍ଡବେଷୁ ଏକଲବ୍ଯେନ ବାଣୈଃ ଶୁନୋ ମୁଖପୂରଣମ୍॥ 4 ॥ ଅର୍ଜୁନପ୍ରାର୍ଥନଯା ଦ୍ରୋଣେନୈକଲବ୍ଯଂ ପ୍ରତିଗମ୍ଯ ଗୁରୁଦକ୍ଷିଣାତ୍ବେନ ଦକ୍ଷିଣାଙ୍ଗୁଷ୍ଠ ଯାଚନମ୍॥ 5 ॥ ଏକଲବ୍ଯେନ ଦକ୍ଷିଣାଙ୍ଗୁଷ୍ଠସ୍ଯ ଛିତ୍ବା ଦାନମ୍॥ 6 ॥ ଦ୍ରୋଣେନ ଶିଷ୍ଯପରୀକ୍ଷା॥ 7 ॥ ଶିଷ୍ଯପରୀକ୍ଷାଯାଂ ଯୁଧିଷ୍ଠିରା ଦୀନାଂ ନିରାକରଣମ୍॥ 8 ॥Mahabharata - Adi Parva - Chapter Text
1-142-0 (6421)
`ବୈଶମ୍ପାଯନ ଉବାଚ। 1-142-0x (840)
ପ୍ରତିଜଗ୍ରାହ ତଂ ଭୀଷ୍ମୋ ଗୁରୁଂ ପାଣ୍ଡୁସୁତୈଃ ସହ।
ପୌତ୍ରାନାଦାଯ ତାନ୍ସର୍ବାନ୍ବସୂନି ବିବିଧାନି ଚ॥ 1-142-1 (6422)
ଶିଷ୍ଯ ଇତି ଦଦୌ ରାଜନ୍ଦ୍ରୋଣାଯ ବିଧିପୂର୍ବକମ୍।
ତଦା ଦ୍ରୋଣୋଽବ୍ରବୀଦ୍ବାକ୍ଯଂ ଭୀଷ୍ମଂ ବୁଦ୍ଧିମତାଂ ବରମ୍॥ 1-142-2 (6423)
କୃପସ୍ତିଷ୍ଠତି ଚାଚାର୍ଯଃ ଶସ୍ତ୍ରଜ୍ଞଃ ପ୍ରାଜ୍ଞସଂମତଃ।
ମଯି ତିଷ୍ଠତି ଚେଦ୍ବିପ୍ରୋ ବୈମନସ୍ଯଂ ଗମିଷ୍ଯତି॥ 1-142-3 (6424)
ଯୁଷ୍ମାନ୍କିଂଚିଚ୍ଚ ଯାଚିତ୍ବା ଧନଂ ସଂଗୃହ୍ଯ ହର୍ଷିତଃ।
ସ୍ବମାଶ୍ରମପଦଂ ରାଜନ୍ଗମିଷ୍ଯାମି ଯଥାଗତମ୍॥ 1-142-4 (6425)
ଏବମୁକ୍ତେ ତୁ ବିପ୍ରେନ୍ଦ୍ରଂ ଭୀଷ୍ମଃ ପ୍ରହରତାଂ ବରଃ।
ଅବ୍ରବୀଦ୍ଦ୍ରୋଣମାଚାର୍ଯମୁଖ୍ଯଂ ଶସ୍ତ୍ରବିଦାଂ ବରମ୍॥ 1-142-5 (6426)
କୃପସ୍ତିଷ୍ଠତୁ ପୂଜ୍ଯଶ୍ଚ ଭର୍ତବ୍ଯଶ୍ଚ ମଯା ସଦା।
ତ୍ବଂ ଗୁରୁର୍ଭବ ପୌତ୍ରାଣାମାଚାର୍ଯସ୍ତ୍ବଂ ମତୋ ମମ।
ପ୍ରତିଗୃହ୍ଣୀଷ୍ବ ପୁତ୍ରାଂସ୍ତ୍ବମସ୍ତ୍ରଜ୍ଞାନ୍କୁରୁ ବୈ ସଦା॥' 1-142-6 (6427)
ବୈଶମ୍ପାଯନ ଉବାଚ। 1-142-7x (841)
ତତଃ ସଂପୂଜିତୋ ଦ୍ରୋଣୋ ଭୀଷ୍ମେଣ ଦ୍ବିପଦାଂ ବରଃ।
ବିଶଶ୍ରାମ ମହାତେଜାଃ ପୂଜିତଃ କୁରୁବେଶ୍ମନି॥ 1-142-7 (6428)
ବିଶ୍ରାନ୍ତେଽଥ ଗୁରୌ ତସ୍ମିନ୍ପୌତ୍ରାନାଦାଯ କୌରବାନ୍।
ଶିଷ୍ଯତ୍ବେନ ଦଦୌ ଭୀଷ୍ମୋ ବସୂନି ବିବିଧାନି ଚ॥ 1-142-8 (6429)
ଗୃହଂ ଚ ସୁପରିଚ୍ଛନ୍ନଂ ଧନଧାନ୍ଯସମାକୁଲମ୍।
ଭାରଦ୍ବାଜାଯ ସୁପ୍ରୀତଃ ପ୍ରତ୍ଯପାଦଯତ ପ୍ରଭୁଃ॥ 1-142-9 (6430)
ସ ତାଞ୍ଶିଷ୍ଯାନ୍ମହେଷ୍ବାସଃ ପ୍ରତିଜଗ୍ରାହ କୌରବାନ୍।
ପାଣ୍ଡବାନ୍ଧାର୍ତରାଷ୍ଟ୍ରାଂଶ୍ଚ ଦ୍ରୋଣୋ ମୁଦିତମାନସଃ॥ 1-142-10 (6431)
ପ୍ରତିଗୃହ୍ଯ ଚ ତାନ୍ସର୍ବାନ୍ଦ୍ରୋଣୋ ବଚନମବ୍ରବୀତ୍।
ରହସ୍ଯେକଃ ପ୍ରତୀତାତ୍ମା କୃତୋପସଦନାଂସ୍ତଥା॥ 1-142-11 (6432)
ଦ୍ରୋଣ ଉବାଚ। 1-142-12x (842)
କାର୍ଯଂ ମେ କାଙ୍କ୍ଷିତଂ କିଂଚିଦ୍ଧୃଦି ସଂପରିବର୍ତତେ।
କୃତାସ୍ତ୍ରୈସ୍ତତ୍ପ୍ରଦେଯଂ ମେ ତଦେତଦ୍ବଦତାନଘାଃ॥ 1-142-12 (6433)
ବୈଶମ୍ପାଯନ ଉବାଚ। 1-142-13x (843)
ତଚ୍ଛ୍ରୁତ୍ବା କୌରବେଯାସ୍ତେ ତୂଷ୍ଣୀମାସନ୍ବିଶାଂପତେ।
ଅର୍ଜୁନସ୍ତୁ ତତଃ ସର୍ବଂ ପ୍ରତିଜଜ୍ଞେ ପରନ୍ତପ॥ 1-142-13 (6434)
ତତୋଽର୍ଜୁନଂ ତଦା ମୂର୍ଧ୍ନି ସମାଘ୍ରାଯ ପୁନଃ ପୁନଃ।
ପ୍ରୀତିପୂର୍ବଂ ପରିଷ୍ବଜ୍ଯ ପ୍ରରୁରୋଦ ମୁଦା ତଦା॥ 1-142-14 (6435)
`ଅଶ୍ବତ୍ଥାମାନମାହୂଯ ଦ୍ରୋଣୋ ବଚନମବ୍ରବୀତ୍।
ସଖାଯଂ ବିଦ୍ଧି ତେ ପାର୍ଥଂ ମଯା ଦତ୍ତଃ ପ୍ରଗୃହ୍ଯତାମ୍॥ 1-142-15 (6436)
ସାଧୁସାଧ୍ବିତି ତଂ ପାର୍ଥଃ ପରିଷ୍ବଜ୍ଯେଦମବ୍ରବୀତ୍।
ଅଦ୍ଯପ୍ରଭୃତି ବିପ୍ରେନ୍ଦ୍ର ପରବାନସ୍ମି ଧର୍ମତଃ॥ 1-142-16 (6437)
ଶିଷ୍ଯୋଽହଂ ତ୍ବତ୍ପ୍ରସାଦେନ ଜୀବାମି ଦ୍ବିଜସତ୍ତମ।
ଇତ୍ଯୁକ୍ତ୍ବା ତୁ ତଦା ପାର୍ଥଃ ପାଦୌ ଜଗ୍ରାହ ପାଣ୍ଡବଃ'॥ 1-142-17 (6438)
ତତୋ ଦ୍ରୋଣଃ ପାଣ୍ଡୁପୁତ୍ରାନସ୍ତ୍ରାଣି ବିବିଧାନି ଚ।
ଗ୍ରାହଯାମାସ ଦିବ୍ଯାନି ମାନୁଷାଣି ଚ ବୀର୍ଯବାନ୍॥ 1-142-18 (6439)
ରାଜପୁତ୍ରାସ୍ତଥା ଚାନ୍ଯେ ସମେତ୍ଯ ଭରତର୍ଷଭ।
ଅଭିଜଗ୍ମୁସ୍ତତୋ ଦ୍ରୋଣମସ୍ତ୍ରାର୍ଥେ ଦ୍ବିଜସତ୍ତମମ୍॥ 1-142-19 (6440)
ବୃଷ୍ଣଯଶ୍ଚାନ୍ଧକାଶ୍ଚୈବ ନାନାଦେଶ୍ଯାଶ୍ଚ ପାର୍ଥିବାଃ।
ସୂତପୁତ୍ରଶ୍ଚ ରାଧେଯୋ ଗୁରୁଂ ଦ୍ରୋଣମିଯାତ୍ତଦା॥ 1-142-20 (6441)
ସ୍ପର୍ଧମାନସ୍ତୁ ପାର୍ଥେନ ସୂତପୁତ୍ରୋଽତ୍ଯମର୍ଷଣଃ।
ଦୁର୍ଯୋଧନଂ ସମାଶ୍ରିତ୍ଯ ସୋଽବମନ୍ଯତ ପାଣ୍ଡବାନ୍॥ 1-142-21 (6442)
ଅଭ୍ଯଯାତ୍ସ ତତୋ ଦ୍ରୋଣଂ ଧନୁର୍ବେଦଚିକୀର୍ଷଯା।
ଶିକ୍ଷାଭୁଜବଲୋଦ୍ଯୋଗୈସ୍ତେଷୁ ସର୍ବେଷୁ ପାଣ୍ଡବଃ॥ 1-142-22 (6443)
ଅସ୍ତ୍ରବିଦ୍ଯାନୁରାଗାଚ୍ଚ ବିଶିଷ୍ଟୋଽଭବଦର୍ଜୁନଃ।
ତୁଲ୍ଯେଷ୍ବସ୍ତ୍ରପ୍ରଯୋଗେଷୁ ଲାଘବେ ସୌଷ୍ଟବେଷୁ ଚ॥ 1-142-23 (6444)
ସର୍ବେଷାମେବ ଶିଷ୍ଯାଣାଂ ବଭୂବାଭ୍ଯଧିକୋଽର୍ଜୁନଃ।
ଐନ୍ଦ୍ରିମପ୍ରତିମଂ ଦ୍ରୋଣ ଉପଦେଶେଷ୍ବମନ୍ଯତ॥ 1-142-24 (6445)
ଏବଂ ସର୍ବକୁମାରାଣାମିଷ୍ବସ୍ତ୍ରଂ ପ୍ରତ୍ଯପାଦଯତ୍।
କମଣ୍ଡଲୁଂ ଚ ସର୍ବେଷାଂ ପ୍ରାଯଚ୍ଛଚ୍ଚିରକାରଣାତ୍॥ 1-142-25 (6446)
ପୁତ୍ରାଯ ଚ ଦଦୌ କୁମ୍ଭମବିଲମ୍ବନକାରଣାତ୍।
ଯାବତ୍ତେ ନୋପଗଚ୍ଛ୍ତି ତାବଦସ୍ମୈ ପରାଂ କ୍ରିଯାମ୍॥ 1-142-26 (6447)
ଦ୍ରୋଣ ଆଚଷ୍ଟ ପୁତ୍ରାଯ କର୍ମ ତଜ୍ଜିଷ୍ଣୁରୌହତ।
ତତଃ ସ ବାରୁଣାସ୍ତ୍ରେଣ ପୂରଯିତ୍ବା କମଣ୍ଡଲୁମ୍॥ 1-142-27 (6448)
ସମମାଚାର୍ଯପୁତ୍ରେଣ ଗୁରୁମଭ୍ଯେତି ଫାଲ୍ଗୁନଃ।
ଆଚାର୍ଯପୁତ୍ରାତ୍ତସ୍ମାତ୍ତୁ ବିଶେଷୋପଚଯେଽପୃଥକ୍॥ 1-142-28 (6449)
ନ ବ୍ଯହୀଯତ ମେଧାବୀ ପାର୍ଥୋଽପ୍ଯସ୍ତ୍ରବିଦାଂ ବରଃ।
ଅର୍ଜୁନଃ ପରମଂ ଯତ୍ନମାତିଷ୍ଠଦ୍ଗୁରୁପୂଜନେ॥ 1-142-29 (6450)
ଅସ୍ତ୍ରେ ଚ ପରମଂ ଯୋଗଂ ପ୍ରିଯୋ ଦ୍ରୋଣସ୍ଯ ଚାଭବତ୍।
ତଂ ଦୃଷ୍ଟ୍ବା ନିତ୍ଯମୁଦ୍ଯୁକ୍ତମିଷ୍ବସ୍ତ୍ରଂ ପ୍ରତି ଫାଲ୍ଗୁନମ୍॥ 1-142-30 (6451)
ଆହୂଯ ବଚନଂ ଦ୍ରୋଣୋ ରହଃ ସୂଦମଭାଷତ।
ଅନ୍ଧକାରେଽର୍ଜୁନାଯାନ୍ନଂ ନ ଦେଯଂ ତେ କଦାଚନ।
ନ ଚାଖ୍ଯେଯମିଦଂ ଚାପି ମଦ୍ବାକ୍ଯଂ ବିଜଯେତ୍ବଯା॥ 1-142-31 (6452)
ତତଃ କଦାଚିଦ୍ଭୁଞ୍ଜାନେ ପ୍ରବବୌ ବାଯୁରର୍ଜୁନେ।
ତେନ ତତ୍ର ପ୍ରଦୀପଃ ସ ଦୀପ୍ଯମାନୋ ବିଲୋପିତଃ॥ 1-142-32 (6453)
ଭୁକ୍ତ ଏବ ତୁ କୌନ୍ତେଯୋ ନାସ୍ଯାଦନ୍ଯତ୍ର ବର୍ତତେ।
ହସ୍ତସ୍ତେଜସ୍ବିନସ୍ତସ୍ଯ ଅନୁଗ୍ରହଣକାରଣାତ୍॥ 1-142-33 (6454)
ତଦଭ୍ଯାସକୃତଂ ମତ୍ବା ରାତ୍ରାବପି ସ ପାଣ୍ଡବଃ।
ଯୋଗ୍ଯାଂ ଚକ୍ରେ ମହାବାହୁର୍ଧନୁଷା ପାଣ୍ଡୁନନ୍ଦନଃ॥ 1-142-34 (6455)
ତସ୍ଯ ଜ୍ଯାତଲନିର୍ଘୋଷଂ ଦ୍ରୋଣଃ ଶୁଶ୍ରାବ ଭାରତ।
ଉପେତ୍ଯ ଚୈନମୁତ୍ଥାଯ ପରିଷ୍ବଜ୍ଯେଦମବ୍ରବୀତ୍॥ 1-142-35 (6456)
ଦ୍ରୋଣ ଉବାଚ। 1-142-36x (844)
ପ୍ରଯତିଷ୍ଯେ ତଥା କର୍ତୁଂ ଯଥା ନାନ୍ଯୋ ଧନୁର୍ଧରଃ।
ତ୍ବତ୍ସମୋ ଭବିତା ଲୋକେ ସତ୍ଯମେତଦ୍ବ୍ରବୀମି ତେ॥ 1-142-36 (6457)
ବୈଶମ୍ପାଯନ ଉବାଚ। 1-142-37x (845)
ତତୋ ଦ୍ରୋଣୋଽର୍ଜୁନଂ ଭୂଯୋ ହଯେଷୁ ଚ ଗଜେଷୁ ଚ।
ରଥେଷୁ ଭୂମାବପି ଚ ରଣଶିକ୍ଷାମଶିକ୍ଷଯତ୍॥ 1-142-37 (6458)
ଗଦାଯୁଦ୍ଧେଽସିଚର୍ଯାଯାଂ ତୋମରପ୍ରାସଶକ୍ତିଷୁ।
ଦ୍ରୋଣଃ ସଂକୀର୍ଣଯୁଦ୍ଧେ ଚ ଶିକ୍ଷଯାମାସ କୌରବାନ୍॥ 1-142-38 (6459)
ତସ୍ଯ ତତ୍କୌଶଲଂ ଶ୍ରୁତ୍ବା ଧନୁର୍ବେଦଜିଘୃକ୍ଷବଃ।
ସଜାନୋ ରାଜପୁତ୍ରାଶ୍ଚ ସମାଜଗ୍ମୁଃ ସହସ୍ରଶଃ॥ 1-142-39 (6460)
`ତାନ୍ସର୍ବାଞ୍ଶିକ୍ଷଯାମାସ ଦ୍ରୋଣଃ ଶସ୍ତ୍ରଭୃତାଂ ବରଃ।'
ତତୋ ନିଷାଦରାଜସ୍ଯ ହିରଣ୍ଯଧନୁଷଃ ସୁତଃ।
ଏକଲବ୍ଯୋ ମହାରାଜ ଦ୍ରୋଣମଭ୍ଯାଜଗାମ ହ॥ 1-142-40 (6461)
ନ ସ ତଂ ପ୍ରତିଜଗ୍ରାହ ନୈଷାଦିରିତି ଚିନ୍ତଯନ୍।
ଶିଷ୍ଯଂ ଧନୁଷି ଧର୍ମଜ୍ଞସ୍ତେଷାମେବାନ୍ବବେକ୍ଷଯା॥ 1-142-41 (6462)
`ଦ୍ରୋଣ ଉବାଚ। 1-142-42x (846)
ଶିଷ୍ଯୋଽସି ମମ ନୈଷାଦେ ପ୍ରଯୋଗେ ବଲତ୍ତରଃ।
ନିବର୍ତସ୍ବ ଗୃହାନେବ ଅନୁଜ୍ଞାତୋଽସି ନିତ୍ଯଶଃ॥ 1-142-42 (6463)
ବୈଶମ୍ପାଯନ ଉବାଚ।' 1-142-43x (847)
ସ ତୁ ଦ୍ରୋଣସ୍ଯ ଶିରସା ପାଦୌ ଗୃହ୍ଯ ପରନ୍ତପଃ।
ଅରଣ୍ଯମନୁସଂପ୍ରାପ୍ଯ କୃତ୍ବା ଦ୍ରୋଣଂ ମହୀମଯମ୍॥ 1-142-43 (6464)
ତସ୍ମିନ୍ନାଚାର୍ଯବୃତ୍ତିଂ ଚ ପରମାମାସ୍ଥିତସ୍ତଦା।
ଇଷ୍ବସ୍ତ୍ରେ ଯୋଗମାତସ୍ଥେ ପରଂ ନିଯମମାସ୍ଥିତଃ॥ 1-142-44 (6465)
ପରଯା ଶ୍ରଦ୍ଧଯୋପେତୋ ଯୋଗେନ ପରମେଣ ଚ।
ବିମୋକ୍ଷାଦାନସନ୍ଧାନେ ଲଘୁତ୍ବଂ ପରମାପ ସଃ॥ 1-142-45 (6466)
`ଲାଘବଂ ଚାସ୍ତ୍ରଯୋଗଂ ଚ ନଚିରାତ୍ପ୍ରତ୍ଯପଦ୍ଯତ।'
ଅଥ ଦ୍ରୋଣାଭ୍ଯନୁଜ୍ଞାତାଃ କଦାଚିତ୍କୁରୁପାଣ୍ଡବାଃ।
ରଥୈର୍ବିନିର୍ଯଯୁଃ ସର୍ବେ ମୃଗଯାମରିମର୍ଦନାଃ॥ 1-142-46 (6467)
ତତ୍ରୋପକରଣଂ ଗୃହ୍ଯ ନରଃ କଶ୍ଚିଦ୍ଯଦୃଚ୍ଛଯା।
ରାଜନ୍ନନୁଜଗାମୈକଃ ଶ୍ବାନମାଦାଯ ପାଣ୍ଡବାନ୍॥ 1-142-47 (6468)
ତେଷାଂ ବିଚରତାଂ ତତ୍ର ତତ୍ତତ୍କର୍ମଚିକୀର୍ଷଯା।
ଶ୍ବାଚରନ୍ସ ପଥା କ୍ରୀଡନ୍ନୈଷାଦିଂ ପ୍ରତି ଜଗ୍ମିବାନ୍॥ 1-142-48 (6469)
ସ କୃଷ୍ଣମଲଦିଗ୍ଧାଙ୍ଗଂ କୃଷ୍ଣାଜିନଜଟାଘରମ୍।
ନୈଷାଦିଂ ଶ୍ବା ସମାଲକ୍ଷ୍ଯ ଭଷଂସ୍ତସ୍ଥୌ ତଦନ୍ତିକେ॥ 1-142-49 (6470)
ତଦା ତସ୍ଯାଥ ଭଷତଃ ଶୁନଃ ସପ୍ତ ଶରାନ୍ମୁଖେ।
ଲାଘବଂ ଦର୍ଶନ୍ନସ୍ତ୍ରେ ମୁମୋଚ ଯୁଗପଦ୍ଯଥା॥ 1-142-50 (6471)
ସ ତୁ ଶ୍ବା ଶରପୂର୍ଣାସ୍ଯଃ ପାଣ୍ଡବାନାଜଗାମ ହ।
ତଂ ଦୃଷ୍ଟ୍ବା ପାଣ୍ଡବା ବୀରାଃ ପରଂ ବିସ୍ମଯମାଗତାଃ॥ 1-142-51 (6472)
ଲାଘବଂ ଶବ୍ଧବେଧିତ୍ବଂ ଦୃଷ୍ଟ୍ବା ତତ୍ପରମଂ ତଦା।
ପ୍ରେକ୍ଷ୍ଯ ତଂ ବ୍ରୀଡିତାଶ୍ଚାସନ୍ପ୍ରଶଶଂସୁଶ୍ଚ ସର୍ବଶଃ॥ 1-142-52 (6473)
ତଂ ତତୋଽନ୍ବେଷମାଣାସ୍ତେ ବନେ ବନନିବାସିନମ୍।
ଦଦୃଶୁଃ ପାଣ୍ଡବା ରାଜନ୍ନସ୍ଯନ୍ତମନିଶଂ ଶରାନ୍॥ 1-142-53 (6474)
ନ ଚୈନମଭ୍ଯଜାନଂସ୍ତେ ତଦା ବିକୃତଦର୍ଶନମ୍।
ତଥୈନଂ ପରିପପ୍ରଚ୍ଛ୍ରୁଃ କୋ ଭବାନ୍କସ୍ଯ ବେତ୍ଯୁତ॥ 1-142-54 (6475)
ଏକଲବ୍ଯ ଉବାଚ। 1-142-55x (848)
ନିଷାଦାଧିପତେର୍ବୀରା ହିରଣ୍ଯଧନୁଷଃ ସୁତମ୍।
ଦ୍ରୋଣଶିଷ୍ଯଂ ଚ ମାଂ ବିତ୍ତ ଧୁର୍ବେଦକୃତଶ୍ରମମ୍॥ 1-142-55 (6476)
ବୈଶମ୍ପାଯନ ଉବାଚ। 1-142-56x (849)
ତେ ତମାଜ୍ଞାଯ ତତ୍ତ୍ବେନ ପୁନରାଗମ୍ଯ ପାଣ୍ଡବାଃ।
ଯଥା ବୃତ୍ତଂ ବନେ ସର୍ବଂ ଦ୍ରୋଣାଯାଚଖ୍ଯୁରଦ୍ଭୁତମ୍॥ 1-142-56 (6477)
କୌନ୍ତେଯସ୍ତ୍ବର୍ଜୁନୋ ରାଜନ୍ନେକଲବ୍ଯମନୁସ୍ମରନ୍।
ରହୋ ଦ୍ରୋଣଂ ସମାସାଦ୍ଯ ପ୍ରଣଯାଦିଦମବ୍ରବୀତ୍॥ 1-142-57 (6478)
ନନ୍ବହଂ ପରିରଭ୍ଯୈକଃ ପ୍ରୀତିପୂର୍ବମିଦଂ ବଚଃ।
ଭବତୋକ୍ତୋ ନ ମେ ଶିଷ୍ଯସ୍ତ୍ବଦ୍ବିଶିଷ୍ଟୋ ଭବିଷ୍ଯତି॥ 1-142-58 (6479)
ଅଥ କସ୍ମାନ୍ମଦ୍ବିଶିଷ୍ଟୋ ଲୋକାଦପି ଚ ବୀର୍ଯବାନ୍।
ଅନ୍ଯୋଽସ୍ତି ଭବତଃ ଶିଷ୍ଯୋ ନିଷାଦାଧିପତେଃ ସୁତଃ। 1-142-59 (6480)
ବୈଶମ୍ପାଯନ ଉବାଚ। 1-142-60x (850)
ମୁହୂର୍ତମିବ ତଂ ଦ୍ରୋଣଶ୍ଚିନ୍ତଯିତ୍ବା ବିନିଶ୍ଚଯମ୍।
ସବ୍ଯସାଚିନମାଦାଯ ନୈଷାଦିଂ ପ୍ରତି ଜଗ୍ମିବାନ୍॥ 1-142-60 (6481)
ଦଦର୍ଶ ମଲଦିଗ୍ଧାଙ୍ଗଂ ଜଟିଲଂ ଚୀରବାସସମ୍।
ଏକଲବ୍ଯଂ ଧନୁଷ୍ପାଣିମସ୍ଯନ୍ତମନିଶଂ ଶରାନ୍॥ 1-142-61 (6482)
ଏକଲବ୍ଯସ୍ତୁ ତଂ ଦୃଷ୍ଟ୍ବା ଦ୍ରୋଣମାଯାନ୍ତମନ୍ତିକାତ୍।
ଅଭିଗମ୍ଯୋପସଂଗୃହ୍ଯ ଜଗାମ ଶିରସା ମହୀମ୍॥ 1-142-62 (6483)
ପୂଜଯିତ୍ବା ତତୋ ଦ୍ରୋଣଂ ବିଧିବତ୍ସ ନିଷାଦଜଃ।
ନିବେଦ୍ଯ ଶିଷ୍ଯମାତ୍ମାନଂ ତସ୍ଥୌ ପ୍ରାଞ୍ଜଲିରଗ୍ରତଃ॥ 1-142-63 (6484)
ତତୋ ଦ୍ରୋଣୋଽବ୍ରବୀଦ୍ରାଜନ୍ନେକଲବ୍ଯମିଦଂ ବଚଃ।
ଯଦି ଶିଷ୍ଯୋଽସି ମେ ବୀର ବେତନଂ ଦୀଯତାଂ ମମ॥ 1-142-64 (6485)
ଏକଲବ୍ଯସ୍ତୁ ତଚ୍ଛ୍ରୁତ୍ବା ପ୍ରୀଯମାଣୋଽବ୍ରବୀଦିଦମ୍।
କିଂ ପ୍ରଯଚ୍ଛାମି ଭଗବନ୍ନାଜ୍ଞାପଯତୁ ମାଂ ଗୁରୁଃ॥ 1-142-65 (6486)
ନ ହି କିଂଚିଦଦେଯଂ ମେ ଗୁରବେ ବ୍ରହ୍ମବିତ୍ତମ। 1-142-66 (6487)
ବୈଶମ୍ପାଯନ ଉବାଚ।
ତମବ୍ରବୀତ୍ତ୍ବଯାଙ୍ଗୁଷ୍ଠୋ ଦକ୍ଷିଣୋ ଦୀଯତାମିତି॥ 1-142-66x (851)
ଏକଲବ୍ଯସ୍ତୁ ତଚ୍ଛ୍ରୁତ୍ବା ବଚୋ ଦ୍ରୋଣସ୍ଯ ଦାରୁଣମ୍।
ପ୍ରତିଜ୍ଞାମାତ୍ମନୋ ରକ୍ଷନ୍ସତ୍ଯେ ଚ ନିଯତଃ ସଦା॥ 1-142-67 (6488)
ତଥୈବ ହୃଷ୍ଟବଦନସ୍ତଥୈବାଦୀନମାନସଃ।
ଛିତ୍ତ୍ବାଽବିଚାର୍ଯ ତଂ ପ୍ରାଦାଦ୍ଦ୍ରୋଣାଯାଙ୍ଗୁଷ୍ଠମାତ୍ମନଃ॥ 1-142-68 (6489)
ତତଃ ଶରଂ ତୁ ନୈଷାଦିରଙ୍ଗୁଲୀଭିର୍ବ୍ଯକର୍ଷତ।
ନ ତଥା ଚ ସ ଶୀଘ୍ରୋଽଭୂଦ୍ଯଥା ପୂର୍ବଂ ନରାଧିପ॥ 1-142-69 (6490)
ତତୋଽର୍ଜୁନଃ ପ୍ରୀତମନା ବଭୂବ ବିଗତଜ୍ବରଃ।
ଦ୍ରୋଣଶ୍ଚ ସତ୍ଯବାଗାସୀନ୍ନାନ୍ଯୋଽଭିଭବିତାଽର୍ଜୁନଂ॥ 1-142-70 (6491)
ଦ୍ରୋଣସ୍ଯ ତୁ ତଦା ଶିଷ୍ଯୌ ଗଦାଯୋଗ୍ଯୌ ବଭୂବତୁଃ।
ଦୁର୍ଯୋଧନଶ୍ଚ ଭୀମଶ୍ଚ ସଦା ସଂରବ୍ଧଣାନସୌ॥ 1-142-71 (6492)
ଅଶ୍ବତ୍ଥାମା ରହସ୍ଯେଷୁ ସର୍ବେଷ୍ବଭ୍ଯଧିକୋଽଭବତ୍।
ତଥାଽତିପୁରୁଷାନନ୍ଯାନ୍ତ୍ସାରୁକୌ ଯମଜାବୁଭୌ॥ 1-142-72 (6493)
ଯୁଧିଷ୍ଠିରୋ ରଥଶ୍ରେଷ୍ଠଃ ସର୍ବତ୍ର ତୁ ଧନଞ୍ଜଯଃ।
ପ୍ରଥିତଃ ସାଗରାନ୍ତାଯାଂ ରଥଯୂଥପଯୂଥପଃ॥ 1-142-73 (6494)
ବୁଦ୍ଧିଯୋଗବଲୋତ୍ସାହଃ ସର୍ବାସ୍ତ୍ରେଷୁ ଚ ନିଷ୍ଠିତଃ।
ଅସ୍ତ୍ରେ ଗୁର୍ବନୁରାଗେ ଚ ବିଶିଷ୍ଟୋଽଭବଦର୍ଜୁନଃ॥ 1-142-74 (6495)
ତୁଲ୍ଯେଷ୍ବସ୍ତ୍ରୋପଦେଶେଷୁ ସୌଷ୍ଠବେନ ଚ ବୀର୍ଯବାନ୍।
ଏକଃ ସର୍ବକୁମାରାଣାଂ ବଭୂବାତିରଥୋଽର୍ଜୁନଃ॥ 1-142-75 (6496)
ପ୍ରାଣାଧିକଂ ଭୀମସେନଂ କୃତବିଦ୍ଯଂ ଧନଞ୍ଜଯମ୍।
ଧାର୍ତରାଷ୍ଟ୍ରା ଦୁରାତ୍ମାନୋ ନାମୃଷ୍ଯନ୍ତ ପରସ୍ପରମ୍॥ 1-142-76 (6497)
ତାଂସ୍ତୁ ସର୍ବାନ୍ସମାନୀଯ ସର୍ବବିଦ୍ଯାସ୍ତ୍ରଶିକ୍ଷିତାନ୍।
ଦ୍ରୋଣଃ ପ୍ରହରଣଜ୍ଞାନେ ଜିଜ୍ଞାସୁଃ ପୁରୁଷର୍ଷଭଃ॥ 1-142-77 (6498)
କୃତ୍ରିମଂ ଭାସମାରୋପ୍ଯ ବୃକ୍ଷାଗ୍ରେ ଶିଲ୍ପିଭିଃ କୃତମ୍।
ଅବିଜ୍ଞାତଂ କୁମାରାଣାଂ ଲକ୍ଷ୍ଯଭୂତମୁପାଦିଶତ୍॥ 1-142-78 (6499)
ଦ୍ରୋଣ ଉବାଚ। 1-142-79x (852)
ଶୀଘ୍ରଂ ଭନ୍ତଃ ସର୍ବେଽପି ଧନୂଂଷ୍ଯାଦାଯ ସର୍ବଶଃ।
ଭାସମେତଂ ସମୁଦ୍ଦିଶ୍ଯ ତିଷ୍ଠଧ୍ବଂ ସନ୍ଧିତେଷତଃ॥ 1-142-79 (6500)
ମଦ୍ବାକ୍ଯସମକାଲଂ ତୁ ଶିରୋଽସ୍ଯ ବିନିପାତ୍ଯତାମ୍।
ଏକୈକଶୋ ନିଯୋକ୍ଷ୍ଯାମି ତଥା କୁରୁତ ପୁତ୍ରକାଃ॥ 1-142-80 (6501)
ବୈଶମ୍ପାଯନ ଉବାଚ। 1-142-81x (853)
ତତୋ ଯୁଧିଷ୍ଠିରଂ ପୂର୍ବମୁବାଚାଙ୍ଗିରସାଂ ବରଃ।
ସଂଧତ୍ସ୍ବ ବାମଂ ଦୁର୍ଧର୍ଷ ମଦ୍ବାକ୍ଯାନ୍ତେ ବିମୁଞ୍ଚତମ୍॥ 1-142-81 (6502)
ତତୋ ଯୁଧିଷ୍ଠିରଃ ପୂର୍ବଂ ଧନୁର୍ଗୃହ୍ଯ ପରନ୍ତପଃ।
ତସ୍ଥୌ ଭାସଂ ସମୁଦ୍ଦିଶ୍ଯ ଗୁରୁବାକ୍ଯପ୍ରଚୋଦିତଃ॥ 1-142-82 (6503)
ତତୋ ବିତତଧନ୍ବାନଂ ଦ୍ରୋଣସ୍ତଂ କୁରୁନନ୍ଦନମ୍।
ସ ମୁହୂର୍ତାଦୁବାଚେଦଂ ବଚନଂ ଭରତର୍ଷଭ॥ 1-142-83 (6504)
ପଶ୍ଯସି ତ୍ବଂ ଦ୍ରୁମାଗ୍ରସ୍ଥଂ ଭାସଂ ନରବରାତ୍ମଜ।
ପଶ୍ଯାମୀତ୍ଯେବମାଚାର୍ଯଂ ପ୍ରତ୍ଯୁବାଚ ଯୁଧିଷ୍ଠିରଃ॥ 1-142-84 (6505)
ସ ମୁହୂର୍ତାଦିବ ପୁନର୍ଦ୍ରୋଣସ୍ତଂ ପ୍ରତ୍ଯଭାଷତ।
ଅଥ ବୃକ୍ଷମିମଂ ମାଂ ବା ଭ୍ରାତୄନ୍ବାଽପି ପ୍ରପଶ୍ଯସି॥ 1-142-85 (6506)
ତମୁବାଚ ସ କୌନ୍ତେଯଃ ପଶ୍ଯାମ୍ଯେନଂ ନବସ୍ପତିମ୍।
ଭନ୍ତଂ ଚ ତଥା ଭ୍ରାତୄନ୍ଭାସଂ ଚେତି ପୁନଃପୁନଃ॥ 1-142-86 (6507)
ତମୁବାଚାପସର୍ପେତି ଦ୍ରୋଣୋଽପ୍ରୀତମନା ଇବ।
ନୈତଚ୍ଛକ୍ଯଂ ତ୍ବଯା ବେଦ୍ଧୁଂ ଲକ୍ଷ୍ଯମିତ୍ଯେବ କୁତ୍ସଯନ୍॥ 1-142-87 (6508)
ତତୋ ଦୁର୍ଯୋଧନାଦୀଂସ୍ତାନ୍ଧାର୍ତରାଷ୍ଟ୍ରାନ୍ମହାଯଶାଃ।
ତେନୈବ କ୍ରମଯୋଗେନ ଜିଜ୍ଞାସୁଃ ପର୍ଯପୃଚ୍ଛତ॥ 1-142-88 (6509)
ଅନ୍ଯାଂଶ୍ଚ ଶିଷ୍ଯାନ୍ଭୀମାଦୀନ୍ରାଜ୍ଞଶ୍ଚୈବାନ୍ଯଦେଶଜାନ୍।
ଯଦା ଚ ସର୍ବେ ତତ୍ସର୍ବଂ ପଶ୍ଯାମ ଇତି କୁତ୍ସିତାଃ॥ ॥ 1-142-89 (6510)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଦ୍ବିଚତ୍ବାରିଂଶଦଧିକଶତତମୋଽଧ୍ଯାଯଃ॥ 142 ॥
Mahabharata - Adi Parva - Chapter Footnotes
1-142-12 ଯତ୍ପ୍ରଦେଯଂ ମେ ଇତି ପାଠାନ୍ତରମ୍॥ 1-142-22 ଦ୍ରୋଣମଭ୍ଯଯାତ୍ ଦ୍ରୋଣତୁଲ୍ଯୋଽଭବତ୍॥ 1-142-27 ଔହତ ତର୍କିତବାନ୍॥ 1-142-28 ଅପୃଥକ୍ ସହୈବାସ୍ତେ॥ 1-142-29 ଅତୋ ନ ବ୍ଯହୀଯତ ନ ବିହୀନୋଽଭୂତ୍॥ 1-142-30 ଯୋଗମୈକାଗ୍ର୍ଯମ୍॥ 1-142-33 ଅନୁଗ୍ରହଣମଭ୍ଯାସଃ॥ 1-142-34 ଯୋଗ୍ଯାମଭ୍ଯାସମ୍॥ 1-142-35 ଉତ୍ଥାଯୋପେତ୍ଯେତି କ୍ରମଃ॥ 1-142-41 ତେଷାମନ୍ବବେକ୍ଷଯା ତେଭ୍ଯୋଽଧିକୋ ମାଭୂଦିତି ବୁଦ୍ଧ୍ଯା॥ 1-142-43 ମହୀମଯଂ ମୃଣ୍ମଯମ୍॥ 1-142-44 ଇଷ୍ବସ୍ତ୍ରେ ଇଷୁପ୍ରଯୋଗେ ଯୋଗମୈକାଗ୍ର୍ଯମ୍॥ 1-142-45 ଲଘୁତ୍ବଂ ଶୀଘ୍ରପ୍ରଯୋକ୍ତୃତ୍ବମ୍॥ 1-142-64 ବେତନଂ ଗୁରୁଦକ୍ଷିଣାରୂପମ୍॥ 1-142-70 ନାଧିକୋଽନ୍ଯୋଽର୍ଜୁନାଦଭୂତ ଇତି ପାଠାନ୍ତରମ୍॥ 1-142-71 ଗଦାଯୋଗ୍ଯୌ ଗଦାଯୁଦ୍ଧେଽଭ୍ଯାସବନ୍ତୌ॥ 1-142-72 ତ୍ସାରୁକୌ ଖଙ୍ଗଯୁଦ୍ଧେ କୁଶଲୌ॥ 1-142-79 ଭାସଂ ପକ୍ଷିବିଶେଷମ୍॥ ଦ୍ବିଚତ୍ବାରିଂଶଦଧିକଶତତମୋଽଧ୍ଯାଯଃ॥ 142 ॥ଆଦିପର୍ବ - ଅଧ୍ଯାଯ 143
॥ ଶ୍ରୀଃ ॥
1.143. ଅଧ୍ଯାଯଃ 143
Mahabharata - Adi Parva - Chapter Topics
ଅର୍ଜୁନେନ ଲକ୍ଷ୍ଯଭୂତଭାସଚ୍ଛେଦଃ॥ 1 ॥ ସ୍ନାନାର୍ଥଂ ଗଙ୍ଗାମବତୀର୍ଣସ୍ଯ ଦ୍ରୋଣସ୍ଯ ଗ୍ରାହେଣ ଜଙ୍ଘାଯାଂ ଗ୍ରହଣମ୍॥ 2 ॥ ଅର୍ଜୁନେନ ଗ୍ରାହହନନମ୍॥ 3 ॥ ଅର୍ଜୁନସ୍ଯ ବ୍ରହ୍ମଶିରୋସ୍ତ୍ରଲାଭଃ॥ 4 ॥Mahabharata - Adi Parva - Chapter Text
1-143-0 (6511)
ବୈଶମ୍ପାଯନ ଉବାଚ। 1-143-0x (854)
ତତୋ ଧନଞ୍ଜଯଂ ଦ୍ରୋଣଃ ସ୍ମଯମାନୋଽଭ୍ଯଭାଷତ।
ତ୍ବଯେଦାନୀଂ ପ୍ରହର୍ତବ୍ଯମେତଲ୍ଲକ୍ଷ୍ଯଂ ବିଲୋକ୍ଯତାମ୍॥ 1-143-1 (6512)
ମଦ୍ବାକ୍ଯସମକାଲଂ ତେ ମୋକ୍ତବ୍ଯୋଽତ୍ର ଭବେଚ୍ଛରଃ।
ବିତତ୍ଯ କାର୍ମୁକଂ ପୁତ୍ର ତିଷ୍ଠ ତାବନ୍ମୁହୂର୍ତକମ୍॥ 1-143-2 (6513)
ଏବମୁକ୍ତଃ ସବ୍ଯସାଚୀ ମଣ୍ଡଲୀକୃତକାର୍ମୁକଃ।
ତସ୍ଥୌ ଭାସଂ ସମୁଦ୍ଦିଶ୍ଯ ଗୁରୁବାକ୍ଯପ୍ରଚୋଦିତଃ॥ 1-143-3 (6514)
ମୁହୂର୍ତାଦିବ ତଂ ଦ୍ରୋଣସ୍ତଥୈବ ସମଭାଷତ।
ପଶ୍ଯସ୍ଯେନଂ ସ୍ଥିତଂ ଭାସଂ ଦ୍ରୁମଂ ମାମପି ଚାର୍ଜୁନ॥ 1-143-4 (6515)
ପଶ୍ଯାମ୍ଯେକଂ ଭାସମିତି ଦ୍ରୋଣଂ ପାର୍ଥୋଽଭ୍ଯଭାଷତ।
ନ ତୁ ବୃକ୍ଷଂ ଭବନ୍ତଂ ବା ପଶ୍ଯାମୀତି ଚ ଭାରତ॥ 1-143-5 (6516)
ତତଃ ପ୍ରୀତମନା ଦ୍ରୋଣୋ ମୁହୂର୍ତାଦିବ ତଂ ପୁନଃ।
ପ୍ରତ୍ଯଭାଷତ ଦୁର୍ଧର୍ଷଃ ପାଣ୍ଡବାନାଂ ମହାରଥମ୍॥ 1-143-6 (6517)
ଭାସଂ ପଶ୍ଯସି ଯଦ୍ଯେନଂ ତଥା ବ୍ରୂହି ପୁନର୍ବଚଃ।
ଶିରଃ ପଶ୍ଯାମି ଭାସସ୍ଯ ନ ଗାତ୍ରମିତି ସୋଽବ୍ରବୀତ୍॥ 1-143-7 (6518)
ଅର୍ଜୁନେନୈବମୁକ୍ତସ୍ତୁ ଦ୍ରୋଣୋ ହୃଷ୍ଟତନୂରୁହଃ।
ମୁଞ୍ଚସ୍ବେତ୍ଯବ୍ରବୀତ୍ପାର୍ଥଂ ସ ମୁମୋଚାବିଚାରଯନ୍॥ 1-143-8 (6519)
ତତସ୍ତସ୍ଯ ଗସ୍ଥସ୍ଯ କ୍ଷୁରେଣ ନିଶିତେନ ଚ।
ଶିର ଉତ୍କୃତ୍ଯ ତରସା ପାତଯାମାସ ପାଣ୍ଡବଃ॥ 1-143-9 (6520)
ତସ୍ମିନ୍କର୍ମଣି ସଂସିଦ୍ଧେ ପର୍ଯଷ୍ବଜତ ପାଣ୍ଡବମ୍।
ମେନେ ଚ ଦ୍ରୁପଦଂ ସଙ୍ଖ୍ଯେ ସାନୁବନ୍ଧଂ ପରାଜିତମ୍॥ 1-143-10 (6521)
କସ୍ଯ ଚିତ୍ତ୍ବଥ କାଲସ୍ଯ ସଶିଷ୍ଯୋଽଙ୍ଗିରସାଂ ବରଃ।
ଜଗାମ ଗଙ୍ଗାମଭିତୋ ମଜ୍ଜିତୁଂ ଭରତର୍ଷଭ॥ 1-143-11 (6522)
ଅବଗାଢମଥୋ ଦ୍ରୋଣଂ ସଲିଲେ ସଲିଲେଚରଃ।
ଗ୍ରାହୋ ଜଗ୍ରାହ ବଲବାଞ୍ଜଙ୍ଘାନ୍ତେ କାଲଚୋଦିତଃ॥ 1-143-12 (6523)
ସ ସମର୍ଥୋଽପି ମୋକ୍ଷାଯ ଶିଷ୍ଯାନ୍ସର୍ବାନଚୋଦଯତ୍।
ଗ୍ରାହଂ ହତ୍ବା ତୁ ମୋକ୍ଷ୍ଯଧ୍ବଂ ମାମିତି ତ୍ବରଯନ୍ନିବ॥ 1-143-13 (6524)
ତଦ୍ବାକ୍ଯସମକାଲଂ ତୁ ବୀଭତ୍ସୁର୍ନିଶିତୈଃ ଶରୈଃ।
ଅବାର୍ଯୈଃ ପଞ୍ଚଭିର୍ଗ୍ରାହଂ ମଗ୍ନମମ୍ଭସ୍ଯତାଡଯତ୍॥ 1-143-14 (6525)
ଇତରେ ତ୍ବଥ ସଂମୂଢାସ୍ତତ୍ରପତ୍ର ପ୍ରପେଦିରେ।
ତଂ ତୁ ଦୃଷ୍ଟ୍ବା କ୍ରିଯୋପେତଂ ଦ୍ରୋଣୋଽମନ୍ଯତ ପାଣ୍ଡବମ୍॥ 1-143-15 (6526)
ବିଶିଷ୍ଟଂ ସର୍ବଶିଷ୍ଯେଭ୍ଯଃ ପ୍ରୀତିମାଂଶ୍ଚାଭବତ୍ତଦା।
ସ ପାର୍ଥବାଣୈର୍ବହୁଧା ଖଣ୍ଡଶଃ ପରିକଲ୍ପିତଃ॥ 1-143-16 (6527)
ଗ୍ରାହଃ ପଞ୍ଚତ୍ବମାପେଦେ ଜଙ୍ଘାଂ ତ୍ଯକ୍ତ୍ବା ମହାତ୍ମନଃ।
`ସର୍ବକ୍ରିଯାଭ୍ଯନୁଜ୍ଞାନାତ୍ତଥା ଶିଷ୍ଯାନ୍ସମାନଯତ୍॥ 1-143-17 (6528)
ଦୁର୍ଯୋଧନଂ ଚିତ୍ରସେନଂ ଦୁଃଶାସନବିବିଂଶତୀ।
ଅର୍ଜୁନଂ ଚ ସମାନୀଯ ହ୍ଯଶ୍ବତ୍ଥାମାନମେବ ଚ॥ 1-143-18 (6529)
ଶିଶୁକଂ ମୃଣ୍ମଯଂ କୃତ୍ବା ଦ୍ରୋଣୋ ଗଙ୍ଗାଜଲେ ତତଃ।
ଶିଷ୍ଯାଣାଂ ପଶ୍ଯତାଂ ଚୈବ କ୍ଷିପତି ସ୍ମ ମହାଭୁଜଃ॥ 1-143-19 (6530)
ଚକ୍ଷୁଷୀ ବାସସା ଚୈବ ବଦ୍ଧ୍ବା ପ୍ରାଦାଚ୍ଛରାସନମ୍।
ଶିଶୁକଂ ବିଦ୍ଧ୍ଯତେମଂ ବୈ ଜଲସ୍ଥଂ ବଦ୍ଧଚକ୍ଷୁଷଃ॥ 1-143-20 (6531)
ତତ୍କ୍ଷଣେନୈବ ବୀଭତ୍ସୁରାବାପୈର୍ଦଶଭିର୍ବଶୀ।
ପଞ୍ଚକୈରନୁବିବ୍ଯାଧ ମଗ୍ନଂ ଶିଶୁକମମ୍ଭସି॥ 1-143-21 (6532)
ତାଃ ସ ଦୃଷ୍ଟ୍ବା କ୍ରିଯାଃ ସର୍ବା ଦ୍ରୋଣୋଽମନ୍ଯତ ପାଣ୍ଡବମ୍।
ବିଶିଷ୍ଟଂ ସର୍ବଶିଷ୍ଯେଭ୍ଯଃ ପ୍ରୀତିମାଂଶ୍ଚାଭବତ୍ତଦା।'
ତଥାବ୍ରବୀନ୍ମହାତ୍ମାନଂ ଭାରଦ୍ବାଜୋ ମହାରଥମ୍॥ 1-143-22 (6533)
ଗୃହାଣେଦଂ ମହାବାହୋ ବିଶିଷ୍ଟମତିଦୁର୍ଧରମ୍।
ଅସ୍ତ୍ରଂ ବ୍ରହ୍ମଶିରୋ ନାମ ସପ୍ରଯୋଗନିବର୍ତନମ୍॥ 1-143-23 (6534)
ନ ଚ ତେ ମାନୁଷେଷ୍ବେତତ୍ପ୍ରଯୋକ୍ତବ୍ଯଂ କଥଂଚନ।
ଜଗଦ୍ବିନିର୍ଦହେଦେତଦଲ୍ପତେଜସି ପାତିତମ୍॥ 1-143-24 (6535)
ଅସାମାନ୍ଯମିଦଂ ତାତ ଲୋକେଷ୍ବସ୍ତ୍ରଂ ନିଗଦ୍ଯତେ।
ତଦ୍ଧାରଯେଥାଃ ପ୍ରଯତଃ ଶୃଣୁ ଚେଦଂ ବଚୋ ମମ॥ 1-143-25 (6536)
ବାଧେତାମାନୁଷଃ ଶତ୍ରୁର୍ଯଦି ତ୍ବାଂ ବୀର କଶ୍ଚନ।
ତଦ୍ବଧାଯ ପ୍ରଯୁଞ୍ଜୀଥାସ୍ତଦସ୍ତ୍ରମିଦମାହବେ॥ 1-143-26 (6537)
ତଥେତି ସଂପ୍ରତିଶ୍ରୁତ୍ଯ ବୀଭତ୍ସୁଃ ସ କୃତାଞ୍ଜଲିଃ।
ଜଗ୍ରାହ ପରମାସ୍ତ୍ରଂ ତଦାହ ଚୈନଂ ପୁନର୍ଗୁରୁଃ।
ଭବିତା ତ୍ବତ୍ସମୋ ନାନ୍ଯଃ ପୁମାଁଲ୍ଲୋକେ ଧନୁର୍ଧରଃ॥ ॥ 1-143-27 (6538)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ତ୍ରିଚତ୍ବାରିଂଶଦଧିକଶତତମୋଽଧ୍ଯାଯଃ॥ 143 ॥
Mahabharata - Adi Parva - Chapter Footnotes
1-143-12 ଅବଗାଢଂ ଜଲାବଗାହିନମ୍॥ 1-143-13 ମୋକ୍ଷ୍ଯଧ୍ବଂ ମୋଚଯଧ୍ବମ୍॥ ତ୍ରିଚତ୍ବାରିଂଶଦଧିକଶତତମୋଽଧ୍ଯାଯଃ॥ 143 ॥ଆଦିପର୍ବ - ଅଧ୍ଯାଯ 144
॥ ଶ୍ରୀଃ ॥
1.144. ଅଧ୍ଯାଯଃ 144
Mahabharata - Adi Parva - Chapter Topics
କୁମାରାଣାଂ ଅସ୍ତ୍ରଶିକ୍ଷାପରୀକ୍ଷାର୍ଥଂ ରଙ୍ଗନିର୍ମାଣମ୍॥ 1 ॥ ଶିକ୍ଷାଦର୍ଶନାର୍ଥଂ ଭୀଷ୍ମାଦୀନାଂ ପ୍ରେକ୍ଷାଗାରପ୍ରବେଶଃ॥ 2 ॥ ଯୁଧିଷ୍ଠିରାଦୀନାଂ ପରୀକ୍ଷା॥ 3 ॥ ଭୀମଦୁର୍ଯୋଧନଯୋଃ ଗଦାଯୁଦ୍ଧପରୀକ୍ଷା॥ 4 ॥Mahabharata - Adi Parva - Chapter Text
1-144-0 (6539)
ବୈଶମ୍ପାଯନ ଉବାଚ। 1-144-0x (855)
କୃତାସ୍ତ୍ରାନ୍ଧାର୍ତରାଷ୍ଟ୍ରାଂଶ୍ଚ ପାଣ୍ଡୁପୁତ୍ରାଂଶ୍ଚ ଭାରତ।
ଦୃଷ୍ଟ୍ବା ଦ୍ରୋଣୋଽବ୍ରବୀଦ୍ରାଜନ୍ଧୃତରାଷ୍ଟ୍ରଂ ଜନେଶ୍ବରମ୍॥ 1-144-1 (6540)
କୃପସ୍ଯ ସୋମଦତ୍ତସ୍ଯ ବାହ୍ଲୀକସ୍ଯ ଚ ଧୀମତଃ।
ଗାଙ୍ଗେଯସ୍ଯ ଚ ସାନ୍ନିଧ୍ଯେ ବ୍ଯାସସ୍ଯ ବିଦୁରସ୍ଯ ଚ॥ 1-144-2 (6541)
ରାଜନ୍ସଂପ୍ରାପ୍ତବିଦ୍ଯାସ୍ତେ କୁମାରାଃ କୁରୁସତ୍ତମ।
ତେ ଦର୍ଶଯେଯୁଃ ସ୍ବାଂ ଶିକ୍ଷାଂ ରାଜନ୍ନନୁମତେ ତବ॥ 1-144-3 (6542)
ତତୋଽବ୍ରବୀନ୍ମହାରାଜଃ ପ୍ରହୃଷ୍ଟେନାନ୍ତରାତ୍ମନା। 1-144-4 (6543)
ଧୃତରାଷ୍ଟ୍ର ଉବାଚ।
ଭାରଦ୍ବାଜ ମହତ୍କର୍ମ କୃତଂ ତେ ଦ୍ବିଜସତ୍ତମ॥ 1-144-4x (856)
ଯଦାନୁମନ୍ଯସେ କାଲଂ ଯସ୍ମିନ୍ଦେଶେ ଯଥାଯଥା।
ତଥାତଥା ବିଧାନାଯ ସ୍ବଯମାଜ୍ଞାପଯସ୍ବ ମାମ୍॥ 1-144-5 (6544)
ସ୍ପୃହଯାମ୍ଯଦ୍ଯ ନିର୍ବେଦାନ୍ପୁରୁଷାଣାଂ ସଚକ୍ଷୁଷାମ୍।
ଅସ୍ତ୍ରହେତୋଃ ପରାକ୍ରାନ୍ତାନ୍ଯେ ମେ ଦ୍ରକ୍ଷ୍ଯନ୍ତି ପୁତ୍ରକାନ୍॥ 1-144-6 (6545)
କ୍ଷତ୍ତର୍ଯଦ୍ଗୁରୁରାଚାର୍ଯୋ ବ୍ରବୀତି କୁରୁ ତତ୍ତଥା।
ନ ହୀଦୃଶଂ ପ୍ରିଯଂ ମନ୍ଯେ ଭବିତା ଧର୍ମବତ୍ସଲ॥ 1-144-7 (6546)
ତତୋ ରାଜାନମାମନ୍ତ୍ର୍ଯ ବିଦୁରାନୁମତୋପି ହି।
ଭାରଦ୍ବାଜୋ ମହାପ୍ରାଜ୍ଞୋ ମାପଯାମାସ ମେଦିନୀମ୍॥ 1-144-8 (6547)
ସମାମବୃକ୍ଷାଂ ନିର୍ଗୁଲମାମୁଦକ୍ପ୍ରବଣସଂସ୍ଥିତାମ୍।
ତସ୍ଯାଂ ଭୂମୌ ବଲିଂ ଚକ୍ରେ ତିଥୌ ନକ୍ଷତ୍ରପୂଜିତେ॥ 1-144-9 (6548)
ଅବଘୁଷ୍ଟଂ ପୁରଂ ଚାପି ତଦର୍ଥଂ ଭରତର୍ଷଭ।
ରଙ୍ଗଭୂମୌ ସୁବିପୁଲଂ ଶାସ୍ତ୍ରଦୃଷ୍ଟଂ ଯଥାବିଧି॥ 1-144-10 (6549)
ପ୍ରେକ୍ଷାଗାରଂ ସୁବିହିତଂ ଚକ୍ରସ୍ତେ ତସ୍ଯ ଶିଲ୍ପିନଃ।
ରକ୍ଷାଂ ସର୍ବାଯୁଧୋପେତାଂ ସ୍ତ୍ରୀଣାଂ ଚୈବ ନରର୍ଷଭ॥ 1-144-11 (6550)
ମଞ୍ଚାଂଶ୍ଚ କାରଯାମାସୁର୍ଯତ୍ର ଜାନପଦା ଜନାଃ।
ବିପୁଲାନୁଚ୍ଛ୍ରଯୋପେତାଞ୍ଶିବିକାଶ୍ଚ ମହାଧନାଃ॥ 1-144-12 (6551)
ତସ୍ମିଂସ୍ତତୋଽହନି ପ୍ରାପ୍ତେ ରାଜା ସସଚିବସ୍ତଦା।
`ସାନ୍ତଃପୁରଃ ସହାମାତ୍ଯୋ ବ୍ଯାସସ୍ଯାନୁମତେ ତଦା।'
ଭୀଷ୍ମଂ ପ୍ରମୁଖତଃ କୃତ୍ବା କୃପଂ ଚାଚାର୍ଯସତ୍ତମମ୍॥ 1-144-13 (6552)
`ବାହ୍ଲୀକଂ ସୋମଦତ୍ତଂ ଚ ଭୂରିଶ୍ରବସମେବ ଚ।
କୁରୂନନ୍ଯାଂଶ୍ଚ ସଚିବାନାଦାଯ ନଗରାଦ୍ବହିଃ॥ 1-144-14 (6553)
ରଙ୍ଗଭୂମିଂ ସମାସାଦ୍ଯ ବ୍ରାହ୍ମଣୈଃ ସହିତୋ ନୃପଃ॥' 1-144-15 (6554)
ମୁକ୍ତାଜାଲପରିକ୍ଷିପ୍ତଂ ବୈଦୂର୍ଯମମିଶୋଭିତମ୍।
ଶାତକୁମ୍ଭମଯଂ ଦିବ୍ଯଂ ପ୍ରେକ୍ଷାଗାରମୁପାଗମତ୍॥ 1-144-16 (6555)
ଗାନ୍ଧାରୀ ଚ ମହାଭାଗା କୁନ୍ତୀ ଚ ଜଯତାଂ ବର।
ସ୍ତ୍ରିଯଶ୍ଚ ରାଜ୍ଞଃ ସର୍ବାସ୍ତାଃ ସପ୍ରେଷ୍ଯାଃ ସପରିଚ୍ଛଦାଃ॥ 1-144-17 (6556)
ହର୍ଷାଦାରୁରୁହୁର୍ମଞ୍ଚାନ୍ମେରୁଂ ଦେବସ୍ତ୍ରିଯୋ ଯଥା।
ବ୍ରାହ୍ମଣକ୍ଷତ୍ରିଯାଦ୍ଯଂ ଚ ଚାତୁର୍ବର୍ଣ୍ଯଂ ପୁରାଦ୍ଦ୍ରୁତମ୍॥ 1-144-18 (6557)
ଦର୍ଶନେପ୍ସୁଃ ସମଭ୍ଯାଗାତ୍କୁମାରାଣାଂ କୃତାସ୍ତ୍ରତାମ୍।
କ୍ଷଣେନୈକସ୍ଥତାଂ ତତ୍ର ଦର୍ଶନେପ୍ସୁର୍ଜଗାମ ହ॥ 1-144-19 (6558)
ପ୍ରବାଦିତୈଶ୍ଚ ବାଦିତ୍ରୈର୍ଜନକୌତୂହଲେନ ଚ।
ମହାର୍ଣବ ଇବ କ୍ଷୁବ୍ଧଃ ସମାଜଃ ସୋଽଭବତ୍ତଦା॥ 1-144-20 (6559)
ତତଃ ଶୁକ୍ଲାମ୍ବରଧରଃ ଶୁକ୍ଲଯଜ୍ଞୋପବୀତବାନ୍।
ଶୁକ୍ଲକେଶଃ ସିତଶ୍ମଶ୍ରୁଃ ଶୁକ୍ଲାଲ୍ଯାନୁଲେପନଃ॥ 1-144-21 (6560)
ରଙ୍ଗମଧ୍ଯଂ ତଦାଚାର୍ଯଃ ସପୁତ୍ରଃ ପ୍ରବିବେଶ ହ।
ନଭୋ ଜଲଧରୈର୍ହୀନଂ ସାଙ୍ଗାରକ ଇବାଂଶୁମାନ୍॥ 1-144-22 (6561)
ବ୍ଯାସସ୍ଯାନୁମତେ ଚକ୍ରେ ବଲିଂ ବଲବତାଂ ବରଃ।
ବ୍ରାହ୍ମଣାଂସ୍ତୁ ସୁମନ୍ତ୍ରଜ୍ଞାନ୍କାରଯାମାସ ମଙ୍ଗଲମ୍॥ 1-144-23 (6562)
`ସୁବର୍ଣମଣିରତ୍ନାନି ବସ୍ତ୍ରାଣି ବିବିଧାନି ଚ।
ପ୍ରଦଦୌ ଦକ୍ଷିଣାଂ ରାଜା ଦ୍ରୋଣାଯ ଚ କୃପାଯ ଚ॥' 1-144-24 (6563)
ସୁଖପୁଣ୍ଯାହଘୋଷସ୍ଯ ପୁଣ୍ଯସ୍ଯ ସମନନ୍ତରମ୍।
ବିବିଶୁର୍ବିବିଧଂ ଗୃହ୍ଯ ଶସ୍ତ୍ରୋପକରଣଂ ନରାଃ॥ 1-144-25 (6564)
ତତୋ ବଦ୍ଧାଙ୍ଗୁଲିତ୍ରାଣା ବଦ୍ଧକକ୍ଷ୍ଯା ମହାରଥାଃ।
ବଦ୍ଧଥୂଣାଃ ସଧନୁଷୋ ବିବିଶୁର୍ଭରତର୍ଷଭାଃ॥ 1-144-26 (6565)
`ରଙ୍ଗମଧ୍ଯେ ସ୍ଥିତଂ ଦ୍ରୋଣମଭିବାଦ୍ଯ ନରର୍ଷଭାଃ।
ଚକ୍ରୁଃ ପୂଜାଂ ଯଥାନ୍ଯାଯଂ ଦ୍ରୋଣସ୍ଯ ଚ କୃପସ୍ଯ ଚ॥ 1-144-27 (6566)
ଆଶୀର୍ଭିଶ୍ଚ ପ୍ରଯୁକ୍ତାଭିଃ ସର୍ବେ ସଂହୃଷ୍ଟମାନସାଃ।
ଅଭିବାଦ୍ଯ ପୁନଃ ଶସ୍ତ୍ରାନ୍ବଲିପୁଷ୍ପୈଃ ସମର୍ଚିତାନ୍॥ 1-144-28 (6567)
ରକ୍ତଚନ୍ଦନସଂମିଶ୍ରୈଃ ସ୍ବଯମର୍ଚନ୍ତି କୌରବାଃ।
ରକ୍ତଚନ୍ଦନଦିଗ୍ଧାଶ୍ଚ ରକ୍ତମାଲ୍ଯାନୁଧାରିଣଃ॥ 1-144-29 (6568)
ସର୍ବେ ରକ୍ତପତାକାଶ୍ଚ ସର୍ବେ ରକ୍ତାନ୍ତଲୋଚନାଃ।
ଦ୍ରୋଣେନ ସମନୁଜ୍ଞାତା ଗୃହ୍ଯ ଶସ୍ତ୍ରଂ ପରନ୍ତପାଃ॥ 1-144-30 (6569)
ଧନୂଂଷି ପୂର୍ବ ସଂଗୃହ୍ଯ ତପ୍ତକାଞ୍ଚନଭୂଷିତାଃ।
ସଜ୍ଯାନି ବିବିଧାକାରାଃ ଶରୈଃ ସନ୍ଧାଯ କୌରବା॥ 1-144-31 (6570)
ଜ୍ଯାଘୋଷଂ ତଲଘୋଷଂ ଚ କୃତ୍ବା ଭୂତାନ୍ଯମୋହଯନ୍॥' 1-144-32 (6571)
ଅନୁଜ୍ଯେଷ୍ଠଂ ଚ ତେ ତତ୍ର ଯୁଧିଷ୍ଠିରପୁନରୋଗମାଃ।
ଚକ୍ରୁରସ୍ତ୍ରଂ ମହାବୀର୍ଯାଃ କୁମାରାଃ ପରମାଦ୍ଭୁତମ୍॥ 1-144-33 (6572)
`କେଷାଂଚିତ୍ତତ୍ର ମାଲ୍ଯେଷୁ ଶରା ନିପତିତା ନୃପ।
କେଷାଂଚିତ୍ପୁଷ୍ପମୁକୁଟେ ନିପତନ୍ତି ସ୍ମ ସାଯକାଃ॥ 1-144-34 (6573)
କେଚିଲ୍ଲକ୍ଷ୍ଯାଣି ବିବିଧୈର୍ବାଣୈରାହିତଲକ୍ଷଣୈଃ।
ବିଭିଦୁର୍ଲାଘବୋତ୍ସୃଷ୍ଟୈର୍ଗୁରୂଣି ଚ ଲଘୂନି ଚ॥' 1-144-35 (6574)
କେଚିଚ୍ଛରାକ୍ଷେପଭଯାଚ୍ଛିରାଂସ୍ଯବନନାମିରେ।
ମନୁଜା ଧୃଷ୍ଟମପରେ ବୀକ୍ଷାଞ୍ଚକ୍ରୁଃ ସୁବିସ୍ମିତାଃ॥ 1-144-36 (6575)
ତେ ସ୍ମ ଲକ୍ଷ୍ଯାଣି ବିଭିଦୁର୍ବାଣୈର୍ନାମାଙ୍କଶୋଭିତୈଃ।
ବିବିଧୈର୍ଲାଘବୋତ୍ସୃଷ୍ଟୈରୁହ୍ଯନ୍ତୋ ବାଜିଭିର୍ଦ୍ରୁତମ୍॥ 1-144-37 (6576)
ତତ୍କୁମାରବଲଂ ତତ୍ର ଗୃହୀତଶରକାର୍ମୁକମ୍।
ଗନ୍ଧର୍ବନଗରାକାରଂ ପ୍ରେକ୍ଷ୍ଯ ତେ ବିସ୍ମିତାଭବନ୍॥ 1-144-38 (6577)
ସହସା ଚୁକ୍ରୁଶୁଶ୍ଚାନ୍ଯେ ନରାଃ ଶତସହସ୍ରଶଃ।
ବିସ୍ମଯୋତ୍ଫୁଲ୍ଲନଯନାଃ ସାଧୁସାଧ୍ବିତି ଭାରତ॥ 1-144-39 (6578)
କୃତ୍ବା ଧନୁଷି ତେ ମାର୍ଗାନ୍ରଥଚର୍ଯାସୁ ଚାସକୃତ୍।
ଗଜପୃଷ୍ଠେଽଶ୍ବପୃଷ୍ଠେ ଚ ନିଯୁଦ୍ଧେ ଚ ମହାବଲାଃ॥ 1-144-40 (6579)
ଗୃହୀତଖଡ୍ଗଚର୍ମାଣସ୍ତତୋ ଭୂଯଃ ପ୍ରହାରିଣଃ।
ତ୍ସରୁମାର୍ଗାନ୍ଯଥୋଦ୍ଦିଷ୍ଟାଂଶ୍ଚେରୁଃ ସର୍ବାସୁ ଭୂମିଷୁ॥ 1-144-41 (6580)
ଲାଘବଂ ସୌଷ୍ଠବଂ ଶୋଭାଂ ସ୍ଥିରତ୍ବଂ ଦୃଢମୁଷ୍ଟିତାମ୍।
ଦଦୃଶୁସ୍ତତ୍ର ସର୍ବେଷାଂ ପ୍ରଯୋଗଂ ଖଡ୍ଗଚର୍ମଣୋଃ॥ 1-144-42 (6581)
ଅଥ ତୌ ନିତ୍ଯସଂହୃଷ୍ଟୌ ସୁଯୋଧନବୃକୋଦରୌ।
ଅବତୀର୍ଣୌ ଗଦାହସ୍ତାବେକଶୃଙ୍ଗାବିବାଚଲୌ॥ 1-144-43 (6582)
ବଦ୍ଧକକ୍ଷ୍ଯୌ ମହାବାହୂ ପୌରୁଷେ ପର୍ଯବସ୍ଥିତୌ।
ବୃଂହନ୍ତୌ ବାସିତାହେତୋଃ ସମଦାବିବ କୁଞ୍ଜରୌ॥ 1-144-44 (6583)
ତୌ ପ୍ରଦକ୍ଷିଣସବ୍ଯାନି ମଣ୍ଡଲାନି ମହାବଲୌ।
ଚେରତୁର୍ମଣ୍ଡଲଗତୌ ସମଦାବିବ କୁଞ୍ଜରୌ॥ 1-144-45 (6584)
ବିଦୁରୋ ଧୃତରାଷ୍ଟ୍ରାଯ ଗାନ୍ଧାର୍ଯାଃ ପାଣ୍ଡବାରଣିଃ।
ନ୍ଯବେଦଯେତାଂ ତତ୍ସର୍ବଂ କୁମାରାଣାଂ ବିଚେଷ୍ଟିତମ୍॥ ॥ 1-144-46 (6585)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଚତୁଶ୍ଚତ୍ବାରିଂଶଦଧିକଶତତମୋଽଧ୍ଯାଯଃ॥ 144 ॥
Mahabharata - Adi Parva - Chapter Footnotes
1-144-19 ଦର୍ଶନେପ୍ସୁଃ ଜନ ଇତି ଶେଷଃ॥ 1-144-22 ଅଂଶୁମାନ୍ ଚନ୍ଦ୍ରଃ॥ 1-144-38 ଗନ୍ଧର୍ବନଗରାକାରମଦ୍ଭୁତରୂପମ୍॥ 1-144-43 ସଂହୃଷ୍ଟୌ ପରସ୍ପରଂ ଜେତୁଂ ସକାମୌ॥ 1-144-44 ବୃଂହନ୍ତୌ ଶବ୍ଦଂ କୁର୍ବାଣୌ। ବାସିତା ହସ୍ତିନୀ॥ 1-144-45 ମଣ୍ଡଲଗତାବଲାତଚକ୍ରବଦ୍ଭ୍ରାମ୍ଯମାଣଗଦାପରିବେଷାନ୍ତର୍ଗତୌ॥ 1-144-46 ପାଣ୍ଡବାରଣିଃ କୁନ୍ତୀ॥ ଚତୁଶ୍ଚତ୍ବାରିଂଶଦଧିକଶତତମୋଽଧ୍ଯାଯଃ॥ 144 ॥ଆଦିପର୍ବ - ଅଧ୍ଯାଯ 145
॥ ଶ୍ରୀଃ ॥
1.145. ଅଧ୍ଯାଯଃ 145
Mahabharata - Adi Parva - Chapter Topics
ଅର୍ଜୁନସ୍ଯ ପରୀକ୍ଷା॥ 1 ॥ କର୍ଣସ୍ଯ ରଙ୍ଗପ୍ରବେଶଃ॥ 2 ॥Mahabharata - Adi Parva - Chapter Text
1-145-0 (6586)
ବୈଶମ୍ପାଯନ ଉବାଚ। 1-145-0x (857)
କୁରୁରାଜେ ହି ରଙ୍ଗସ୍ଥେ ଭୀମେ ଚ ବଲିନାଂ ବରେ।
ପକ୍ଷପାତକୃତସ୍ନେହଃ ସ ଦ୍ବିଧେବାଭବଜ୍ଜନଃ॥ 1-145-1 (6587)
ଜଯ ହେ କୁରୁରାଜେତି ଜଯ ହେ ଭୀମ ଇତ୍ଯୁତ।
ପୁରୁଷାଣାଂ ସୁବିପୁଲାଃ ପ୍ରଣାଦାଃ ସହସୋତ୍ଥିତାଃ॥ 1-145-2 (6588)
ତତଃ କ୍ଷୁବ୍ଧାର୍ଣବନିଭଂ ରଙ୍ଗମାଲୋକ୍ଯ ବୁଦ୍ଧିମାନ୍।
ଭାରଦ୍ବାଜଃ ପ୍ରିଯଂ ପୁତ୍ରମଶ୍ବତ୍ଥାମାନମବ୍ରବୀତ୍॥ 1-145-3 (6589)
ବାରଯୈତୌ ମହାବୀର୍ଯୌ କୃତଯୋଗ୍ଯାବୁଭାବପି।
ମା ଭୂଦ୍ରଙ୍ଗପ୍ରକୋପୋଽଯଂ ଭୀମଦୁର୍ଯୋଧନୋଦ୍ଭବଃ॥ 1-145-4 (6590)
ବୈଶମ୍ପାଯନ ଉବାଚ। 1-145-5x (858)
`ତତ ଉତ୍ଥାଯ ବେଗେନ ଅଶ୍ବତ୍ଥାମା ନ୍ଯବାରଯତ୍।
ଗୁରୋରାଜ୍ଞା ଭୀମ ଇତି ଗାନ୍ଧାରେ ଗୁରୁଶାସନମ୍।
ଅଲଂ ଶିକ୍ଷାକୃତଂ ବେଗମଲଂ ସାହସମିତ୍ଯୁତ॥' 1-145-5 (6591)
ତତସ୍ତାବୁଦ୍ଯତଗତୌ ଗୁରୁପୁତ୍ରେଣ ବାରିତୌ।
ଯୁଗାନ୍ତାନିଲସଂକ୍ଷୁବ୍ଧୌ ମହାବେଲାବିବାର୍ଣବୌ॥ 1-145-6 (6592)
ତତୋ ରଙ୍ଗାଙ୍ଗଣଗତୋ ଦ୍ରୋଣୋ ବଚନମବ୍ରବୀତ୍।
ନିବାର୍ଯ ବାଦିତ୍ରଗଣଂ ମହାମେଘନିଭସ୍ବନମ୍॥ 1-145-7 (6593)
ଯୋ ମେ ପୁତ୍ରାତ୍ପ୍ରିଯତରଃ ସର୍ବଶସ୍ତ୍ରବିଶାରଦଃ।
ଐନ୍ଦ୍ରିରିନ୍ଦ୍ରାନୁଜସମଃ ସ ପାର୍ଥୋ ଦୃଶ୍ଯତାମିତି॥ 1-145-8 (6594)
ଆଚାର୍ଯବଚନେନାଥ କୃତସ୍ବସ୍ତ୍ଯଯନୋ ଯୁବା।
ବଦ୍ଧଗୋଧାଙ୍ଗୁଲିତ୍ରାଣଃ ପୂର୍ଣତୂଣଃ ସକାର୍ମୁକଃ॥ 1-145-9 (6595)
କାଞ୍ଚନଂ କବଚଂ ବିଭ୍ରତ୍ପ୍ରତ୍ଯଦୃଶ୍ଯ ଫାଲ୍ଗୁନଃ।
ସାର୍କଃ ସେନ୍ଦ୍ରାଯୁଧତଡିତ୍ସସନ୍ଧ୍ଯ ଇବ ତୋଯଦଃ॥ 1-145-10 (6596)
ତତଃ ସର୍ବସ୍ଯ ରଙ୍ଗସ୍ଯ ସମୁତ୍ପିଞ୍ଜଲକୋଽଭବତ୍।
ପ୍ରାବାଦ୍ଯନ୍ତ ଚ ବାଦ୍ଯାନି ସଶଙ୍ଖାନି ସମନ୍ତତଃ॥ 1-145-11 (6597)
ପ୍ରେକ୍ଷକା ଊଚୁଃ। 1-145-12x (859)
ଏଷ କୁନ୍ତୀସୁତଃ ଶ୍ରୀମାନେଷ ମଧ୍ଯମପାଣ୍ଡବଃ।
ଏଷ ପୁତ୍ରୋ ମହେନ୍ଦ୍ରସ୍ଯ କୁରୂଣାମେଷ ରକ୍ଷିତା॥ 1-145-12 (6598)
ଏଷୋଽସ୍ତ୍ରବିଦୁଷାଂ ଶ୍ରେଷ୍ଠ ଏଷ ଧର୍ମଭୃତାଂ ବରଃ।
ଏଷ ଶୀଲବତାଂ ଚାପି ଶୀଲଜ୍ଞାନନିଧିଃ ପରଃ॥ 1-145-13 (6599)
ବୈଶମ୍ପାଯନ ଉବାଚ। 1-145-14x (860)
ଇତ୍ଯେବଂ ତୁମୁଲା ବାଚଃ ଶୁଶ୍ରୁବୁଃ ପ୍ରେକ୍ଷକେରିତାଃ।
କୁନ୍ତ୍ଯାଃ ପ୍ରସ୍ରବସଂଯୁକ୍ତୈରସ୍ରୈଃ କ୍ଲିନ୍ନମୁରୋଽଭବତ୍॥ 1-145-14 (6600)
ତେନ ଶବ୍ଦେନ ମହତା ପୂର୍ଣଶ୍ରୁତିରଥାବ୍ରବୀତ୍।
ଧୃତରାଷ୍ଟ୍ରୋ ନରଶ୍ରେଷ୍ଠୋ ବିଦୁରଂ ହୃଷ୍ଟମାନସଃ॥ 1-145-15 (6601)
କ୍ଷତ୍ତଃ କ୍ଷୁବ୍ଧାର୍ଣବନିଭଃ କିମେଷ ସୁମହାସ୍ବନଃ।
ସହସୈବୋତ୍ଥିତୋ ରଙ୍ଗେ ଭିନ୍ଦନ୍ନିବ ନଭସ୍ତଲମ୍॥ 1-145-16 (6602)
ବିଦୁର ଉବାଚ। 1-145-17x (861)
ଏଷ ପାର୍ଥୋ ମହାରାଜ ଫାଲ୍ଗୁନଃ ପାଣ୍ଡୁନନ୍ଦନଃ।
ଅବତୀର୍ଣଃ ସକବଚସ୍ତତ୍ରୈବ ସୁମିହାସ୍ବନଃ॥ 1-145-17 (6603)
ଧୃତରାଷ୍ଟ୍ର ଉବାଚ। 1-145-18x (862)
ଧନ୍ଯୋଽସ୍ମ୍ଯନୁଗୃହୀତୋଽସ୍ମି ରକ୍ଷିତୋଽସ୍ମି ମହାମତେ।
ପୃଥାରଣିସମୁଦ୍ଭୂତୈସ୍ତ୍ରିଭିଃ ପାଣ୍ଡବବହ୍ନିଭିଃ॥ 1-145-18 (6604)
ବୈଶମ୍ପାଯନ ଉବାଚ। 1-145-19x (863)
ତସ୍ମିନ୍ପ୍ରମୁଦିତେ ରଙ୍ଗେ କଥଂଚିତ୍ପ୍ରତ୍ଯୁପସ୍ଥିତେ।
ଦର୍ଶଯାମାସ ବୀଭତ୍ସୁରାଚାର୍ଯାଯାସ୍ତ୍ରଲାଘବମ୍॥ 1-145-19 (6605)
ଆଗ୍ନେଯେନାସୃଜଦ୍ବହ୍ନିଂ ବାରୁଣେନାସୃଜତ୍ପଯଃ।
ବାଯବ୍ଯେନାସୃଜଦ୍ବହ୍ନିଂ ପାର୍ଜନ୍ଯେନାସୃଜଦ୍ଧନାନ୍॥ 1-145-20 (6606)
ଭୌମେନ ପ୍ରାସୃଜଦ୍ଭୂମିଂ ପାର୍ବତେନାସୃଜଦ୍ଗିରୀନ୍।
ଅନ୍ତର୍ଧାନେନ ଚାସ୍ତ୍ରେଣ ପୁନରନ୍ତର୍ହିତୋଽଭବତ୍॥ 1-145-21 (6607)
କ୍ଷଣାତ୍ପ୍ରାଂଶୁଃ କ୍ଷଣାଦ୍ଧ୍ରସ୍ବଃ କ୍ଷଣାଚ୍ଚ ରଥଧୂର୍ଗତଃ।
କ୍ଷଣେନ ରଥମଧ୍ଯସ୍ଥଃ କ୍ଷଣେନାବତରନ୍ମହୀମ୍॥ 1-145-22 (6608)
ସୁକୁମାରଂ ଚ ସୂକ୍ଷ୍ମଂ ଚ ଗୁରୁ ଚାପି ଗୁରୁପ୍ରିଯଃ।
ସୌଷ୍ଠବେନାଭିସଂଯୁକ୍ତଃ ସୋଽବିଧ୍ଯଦ୍ବିବିଧୈଃ ଶରୈଃ॥ 1-145-23 (6609)
ଭ୍ରମତଶ୍ଚ ବରାହସ୍ଯ ଲୋହସ୍ଯ ପ୍ରମୁଖେ ସମମ୍।
ପଞ୍ଚବାଣାନସଂକ୍ତାନ୍ସଂମୁମୋଚୈକବାଣବତ୍॥ 1-145-24 (6610)
ଗବ୍ଯେ ବିଷାଣକୋଶେ ଚ ଚଲେ ରଜ୍ଜ୍ବବଲମ୍ବିନି।
ନିଚଖାନ ମହାବୀର୍ଯଃ ସାଯକାନେକବିଂଶତିମ୍॥ 1-145-25 (6611)
ଇତ୍ଯେବମାଦି ସୁମହତ୍ଖଡ୍ଗେ ଧନୁଷି ଚାନଘ।
ଗଦାଯାଂ ଶସ୍ତ୍ରକୁଶଲୋ ମଣ୍ଡଲାନି ହ୍ଯଦର୍ଶଯତ୍॥ 1-145-26 (6612)
ତତଃ ସମାପ୍ତଭୂଯିଷ୍ଠେ ତସ୍ମିନ୍କର୍ମଣି ଭାରତ।
ମନ୍ଦୀଭୂତେ ସମାଜେ ଚ ବାଦିତ୍ରସ୍ଯ ଚ ନିଃସ୍ବନେ॥ 1-145-27 (6613)
ଦ୍ବାରଦେଶାତ୍ସମୁଦ୍ଭୂତୋ ମାହାତ୍ମ୍ଯବଲସୂଚକଃ।
ବଜ୍ରନିଷ୍ପେଷସଦୃଶଃ ଶୁଶ୍ରୁବେ ଭୁଜନିଃସ୍ବନଃ॥ 1-145-28 (6614)
ଦୀର୍ଯନ୍ତେ କିଂ ନୁ ଗିରଯଃ କିଂସ୍ବିଦ୍ଭୂମିର୍ବିଦୀର୍ଯତେ।
କିଂସ୍ବିଦାପୂର୍ଯତେ ବ୍ଯୋମ ଜଲଧାରାଘନୈର୍ଘନୈଃ॥ 1-145-29 (6615)
ରଙ୍ଗସ୍ଯୈବଂ ମତିରଭୂତ୍କ୍ଷଣେନ ବସୁଧାଧିପ।
ଦ୍ବାରଂ ଚାଭିମୁଖାଃ ସର୍ବେ ବଭୂବୁଃ ପ୍ରେକ୍ଷକାସ୍ତଦା॥ 1-145-30 (6616)
ପଞ୍ଚଭିର୍ଭ୍ରାତୃଭିଃ ପାର୍ଥୈର୍ଦ୍ରୋଣଃ ପରିବୃତୋ ବଭୌ।
ପଞ୍ଚତାରେଣ ସଂଯୁକ୍ତଃ ସାବିତ୍ରେଣେବ ଚନ୍ଦ୍ରମାଃ॥ 1-145-31 (6617)
ଅଶ୍ବତ୍ଥାମ୍ନା ଚ ସହିତଂ ଭ୍ରାତୄଣାଂ ଶତମୂର୍ଜିତମ୍।
ଦୁର୍ଯୋଧନମମିତ୍ରଘ୍ନମୁତ୍ଥିତଂ ପର୍ଯବାରଯତ୍॥ 1-145-32 (6618)
ସ ତୈସ୍ତଦା ଭ୍ରାତୃଭିରୁଦ୍ଯତାଯୁଧୈ-
ର୍ଗଦାଗ୍ରପାଣିଃ ସମବସ୍ଥିତୈର୍ବୃତଃ।
ବଭୌ ଯଥା ଦାନବସଂକ୍ଷଯେ ପୁରା
ପୁନନ୍ଦରୋ ଦେବଗଣୈଃ ସମାବୃତଃ॥ ॥ 1-145-33 (6619)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ପଞ୍ଚଚତ୍ବାରିଂଶଦଧିକଶତତମୋଽଧ୍ଯାଯଃ॥ 145 ॥
Mahabharata - Adi Parva - Chapter Footnotes
1-145-4 କୃତଯୋଗ୍ଯୌ ସୁଶିକ୍ଷିତୌ॥ 1-145-10 ତୂଣକାର୍ମୁକକବଚାନାଂ ତତ୍ପ୍ରଭାଜାଲସ୍ଯାର୍ଜୁନସ୍ଯ ଚ କ୍ରମାଦର୍କେନ୍ଦ୍ରାଯୁଧତଡିତ୍ସଂଧ୍ଯାତୋଯଦୈରୁପମା॥ 1-145-11 ସମୁତ୍ପିଞ୍ଜଲକ ଉତ୍ଫୁଲ୍ଲତା॥ 1-145-14 ଅସ୍ରୈଃ ପ୍ରେମାଶ୍ରୁଭିଃ॥ 1-145-23 ସୁକୁମାରଂ ପୂର୍ଣଘଟକୁକ୍କୁଟାଣ୍ଡାଦୀନି ଲକ୍ଷ୍ଯାଣ୍ଯବିଚାଲ୍ଯାବିଧ୍ଯତ୍। ସୂକ୍ଷ୍ମଂ ଗୁଞ୍ଜାଦି ଲକ୍ଷ୍ଯଂ, ଗୁରୁ ଘନାବଯବଂ ଚ ସୋଽବିଧ୍ଯତ୍॥ 1-145-25 ଭୂତାଶ୍ବେଭବରାହାଣାଂ ସିଂହର୍କ୍ଷକପିସଂମୁଖାନ୍। ବାଣାନ୍ସପ୍ତାସମାଯୁକ୍ତାନ୍ସ ମୁମୋଚୈକବାଣବତ୍। ଇତି ଘପାଠଃ। ଗବ୍ଯେ ଗୋସଂବନ୍ଧିନି॥ 1-145-31 ସାବିତ୍ରେଣ ହସ୍ତନକ୍ଷତ୍ରେଣ॥ 1-145-33 ଗଦା ଅଗ୍ରଂ ଆଲମ୍ବନଂ ଯସ୍ଯ ତାଦୃଶଃ ପାଣିର୍ଯସ୍ଯ ସ ଗାଦାଗ୍ରପାଣିଃ॥ ପଞ୍ଚଚତ୍ବାରିଂଶଦଧିକଶତତମୋଽଧ୍ଯାଯଃ॥ 145 ॥ଆଦିପର୍ବ - ଅଧ୍ଯାଯ 146
॥ ଶ୍ରୀଃ ॥
1.146. ଅଧ୍ଯାଯଃ 146
Mahabharata - Adi Parva - Chapter Topics
କର୍ଣସ୍ଯ ପରୀକ୍ଷା॥ 1 ॥ କର୍ଣାର୍ଜୁନଯୋର୍ଯୁଦ୍ଧପ୍ରସଙ୍ଗଃ॥ 2 ॥ କୃପେଣ କର୍ଣସ୍ଯାଧିକ୍ଷେପଃ, କର୍ଣସ୍ଯ ଦୁର୍ଯୋଧନେନ ରାଜ୍ଯାଭିଷେଚନଂ ଚ॥ 3 ॥Mahabharata - Adi Parva - Chapter Text
1-146-0 (6620)
ବୈଶମ୍ପାଯନ ଉବାଚ। 1-146-0x (864)
`ଏତସ୍ମିନ୍ନେବ କାଲେ ତୁ ତସ୍ମିଞ୍ଜନସମାଗମେ।'
ଦତ୍ତେଽବକାଶେ ପୁରୁଷୈର୍ବିସ୍ମଯୋତ୍ଫୁଲ୍ଲଲୋଚନଃ।
ବିବେଶ ରଙ୍ଗଂ ବିସ୍ତୀର୍ଣଂ କର୍ଣଃ ପରପୁରଞ୍ଜଯଃ॥ 1-146-1 (6621)
ସହଜଂ କବଚଂ ବିଭ୍ରତ୍କୁଣ୍ଡଲୋଦ୍ଦ୍ଯୋତିତାନନଃ।
ସ ଧନୁର୍ବଦ୍ଧନିସ୍ତ୍ରିଂଶଃ ପାଦଚାରୀବ ପର୍ବତଃ॥ 1-146-2 (6622)
କନ୍ଯାଗର୍ଭଃ ପୃଥୁଯଶାଃ ପୃଥାଯାଃ ପୃଥୁଲୋଚନଃ।
ତୀକ୍ଷ୍ଣାଂଶୋର୍ଭାସ୍କରସ୍ଯାଂଶଃ କର୍ଣୋଽରିଗଣସୂଦନଃ॥ 1-146-3 (6623)
ସିଂହର୍ଷଭଗଜେନ୍ଦ୍ରାଣାଂ ବଲବୀର୍ଯପରାକ୍ରମଃ।
ଦୀପ୍ତିକାନ୍ତିଦ୍ଯୁତିଗୁଣୈଃ ସୂର୍ଯେନ୍ଦୁଜ୍ବଲନୋପମଃ॥ 1-146-4 (6624)
ପ୍ରାଂଶୁଃ କନକତାଲାଭଃ ସିଂହସଂହନନୋ ଯୁବା।
ଅସଙ୍ଖ୍ଯେଯଗୁଣଃ ଶ୍ରୀମାନ୍ଭାସ୍କରସ୍ଯାତ୍ମସଂଭବଃ॥ 1-146-5 (6625)
ସ ନିରୀକ୍ଷ୍ଯ ମହାବାହୁଃ ସର୍ବତୋ ରଙ୍ଗମଣ୍ଡଲମ୍।
ପ୍ରଣାମଂ ଦ୍ରୋଣକୃପଯୋର୍ନାତ୍ଯାଦୃତମିବାକରୋତ୍॥ 1-146-6 (6626)
ସ ସମାଜଜନଃ ସର୍ବୋ ନିଶ୍ଚଲଃ ସ୍ଥିରଲୋଚନଃ।
କୋଽଯମିତ୍ଯାଗତକ୍ଷୋଭଃ କୌତୂହଲପରୋଽଭବତ୍॥ 1-146-7 (6627)
ସୋଽବ୍ରବୀନ୍ମେଘଗମ୍ଭୀରସ୍ବରେଣ ବଦତାଂ ବରଃ।
ଭ୍ରାତା ଭ୍ରାତରମଜ୍ଞାତଂ ସାବିତ୍ରଃ ପାକଶାସନିମ୍॥ 1-146-8 (6628)
ପାର୍ଥ ଯତ୍ତେ କୃତଂ କର୍ମ ବିଶେଷବଦହଂ ତତଃ।
କରିଷ୍ଯେ ପଶ୍ଯତାଂ ନୄଣାଂ ମାଽଽତ୍ମନା ବିସ୍ମଯଂ ଗମଃ॥ 1-146-9 (6629)
ଅସମାପ୍ତେ ତତସ୍ତସ୍ଯ ବଚନେ ବଦତାଂ ବର।
ଯନ୍ତ୍ରୋତ୍କ୍ଷିପ୍ତ ଇବୋତ୍ତସ୍ଥୌ କ୍ଷିପ୍ରଂ ବୈ ସର୍ବତୋ ଜନଃ॥ 1-146-10 (6630)
ପ୍ରୀତିଶ୍ଚ ମନୁଜବ୍ଯାଘ୍ର ଦୁର୍ଯୋଧନମୁପାବିଶତ୍।
ହ୍ରୀଶ୍ଚ କ୍ରୋଧଶ୍ଚ ବୀଭତ୍ସୁଂ କ୍ଷଣେନାନ୍ବାବିବେଶ ହ॥ 1-146-11 (6631)
ତତୋ ଦ୍ରୋଣାଭ୍ଯନୁଜ୍ଞାତଃ କର୍ଣଃ ପ୍ରିଯରଣଃ ସଦା।
ଯତ୍କୃତଂ ତତ୍ର ପାର୍ଥେନ ତଚ୍ଚକାର ମହାବଲଃ॥ 1-146-12 (6632)
ଅଥ ଦୁର୍ଯୋଧନସ୍ତତ୍ର ଭ୍ରାତୃଭିଃ ସହ ଭାରତ।
କର୍ଣଂ ପରିଷ୍ବଜ୍ଯ ମୁଦା ତତୋ ବଚନମବ୍ରବୀତ୍॥ 1-146-13 (6633)
ସ୍ବାଗତଂ ତେ ମହାବାହୋ ଦିଷ୍ଟ୍ଯା ପ୍ରାପ୍ତୋଽସି ମାନଦ।
ଅହଂ ଚ କୁରୁରାଜ୍ଯଂ ଚ ଯଥେଷ୍ଟମୁପଭୁଜ୍ଯତାମ୍॥ 1-146-14 (6634)
କର୍ଣ ଉବାଚ। 1-146-15x (865)
କୃତଂ ସର୍ବମହଂ ମନ୍ଯେ ସଖିତ୍ବଂ ଚ ତ୍ବଯା ବୃଣେ।
ଦ୍ବନ୍ଦ୍ବଯୁଦ୍ଧଂ ଚ ପାର୍ଥେନ କର୍ତୁମିଚ୍ଛାମ୍ଯହଂ ପ୍ରଭୋ॥ 1-146-15 (6635)
`ବୈଶମ୍ପାଯନ ଉବାଚ। 1-146-16x (866)
ଏବମୁକ୍ତସ୍ତୁ କର୍ଣେନ ରାଜନ୍ଦୁର୍ଯୋଧନସ୍ତଦା।
କର୍ଣଂ ଦୀର୍ଘାଞ୍ଚିତଭୁଜଂ ପରିଷ୍ବଜ୍ଯେଦମବ୍ରବୀତ୍॥' 1-146-16 (6636)
ଭୁଙ୍କ୍ଷ୍ବ ଭୋଗାନ୍ମଯା ସାର୍ଧଂ ବନ୍ଧୂନାଂ ପ୍ରିଯକୃଦ୍ଭବ।
ଦୁର୍ହୃଦାଂ କୁରୁ ସର୍ବେଷାଂ ମୂର୍ଧ୍ନି ପାଦମରିନ୍ଦମ॥ 1-146-17 (6637)
ବୈଶମ୍ପାଯନ ଉବାଚ। 1-146-18x (867)
ତତଃ କ୍ଷିପ୍ତମିବାତ୍ମାନଂ ମତ୍ବା ପାର୍ଥୋଽଭ୍ଯଭାଷତ।
କର୍ଣଂ ଭ୍ରାତୃସମୂହସ୍ଯ ମଧ୍ଯେଽଚଲମିବ ସ୍ଥିତମ୍॥ 1-146-18 (6638)
ଅର୍ଜୁନ ଉବାଚ। 1-146-19x (868)
ଅନାହୂତୋପସୃଷ୍ଟାନାମନାହୂତୋପଜଲ୍ପିନାମ୍।
ଯେ ଲୋକାସ୍ତାନ୍ହତଃ କର୍ଣ ମଯା ତ୍ବଂ ପ୍ରତିପତ୍ସ୍ଯସେ॥ 1-146-19 (6639)
କର୍ଣ ଉବାଚ। 1-146-20x (869)
ରଙ୍ଗୋଽଯଂ ସର୍ବସାମାନ୍ଯଃ କିମତ୍ର ତବ ଫାଲ୍ଗୁନ।
ବୀର୍ଯଶ୍ରେଷ୍ଠାଶ୍ଚ ରାଜାନୋ ବଲଂ ଧର୍ମୋଽନୁବର୍ତତେ॥ 1-146-20 (6640)
କିଂ କ୍ଷେପୈର୍ଦୁର୍ବଲାଯାସୈଃ ଶରୈଃ କଥଯ ଭାରତ।
ଗୁରୋଃ ସମକ୍ଷଂ ଯାବତ୍ତେ ହରାମ୍ଯଦ୍ଯ ଶିରଃ ଶରୈଃ॥ 1-146-21 (6641)
ବୈଶମ୍ପାଯନ ଉବାଚ। 1-146-22x (870)
ତତୋ ଦ୍ରୋଣାଭ୍ଯନୁଜ୍ଞାତଃ ପାର୍ତଃ ପରପୁରଞ୍ଜଯଃ।
ଭ୍ରାତୃଭିସ୍ତ୍ବରଯାଶ୍ଲିଷ୍ଟୋ ରଣାଯୋପଜଗାମ ତମ୍॥ 1-146-22 (6642)
ତତୋ ଦୁର୍ଯୋଧନେନାପି ସ ଭ୍ରାତ୍ରା ସମରୋଦ୍ଯତଃ।
ପରିଷ୍ବକ୍ତଃ ସ୍ଥିତଃ କର୍ଣଃ ପ୍ରଗୃହ୍ଯ ସଶରଂ ଧନୁଃ॥ 1-146-23 (6643)
ତତଃ ସବିଦ୍ଯୁତ୍ସ୍ତନିତୈଃ ସେନ୍ଦ୍ରାଯୁଧପୁରୋଗମୈଃ।
ଆବୃତଂ ଗଗନଂ ମେଘୈର୍ବଲାକାପଙ୍କ୍ତିହାସିଭିଃ॥ 1-146-24 (6644)
ତତଃ ସ୍ନେହାଦ୍ଧରିହଯଂ ଦୃଷ୍ଟ୍ବା ରଙ୍ଗାବଲୋକିନମ୍।
ଭାସ୍କରୋଽପ୍ଯନଯନ୍ନାଶଂ ସମୀପୋପଗତାନ୍ଘନାନ୍॥ 1-146-25 (6645)
ମେଘଚ୍ଛାଯୋପଗୂଢସ୍ତୁ ତତୋଽଦୃଶ୍ଯତ ଫାଲ୍ଗୁନଃ।
ସୂର୍ଯାତପପରିକ୍ଷିପ୍ତଃ କର୍ଣୋଽପି ସମଦୃଶ୍ଯତ॥ 1-146-26 (6646)
ଧାର୍ତରାଷ୍ଟ୍ରା ଯତଃ କର୍ଣସ୍ତସ୍ମିନ୍ଦେଶେ ବ୍ଯବସ୍ଥିତାଃ।
ଭାରଦ୍ବାଜଃ କୃପୋ ଭୀଷ୍ମୋ ଯତଃ ପାର୍ଥସ୍ତତୋଽଭବନ୍॥ 1-146-27 (6647)
ଦ୍ବିଧା ରଙ୍ଗଃ ସମଭବତ୍ସ୍ତ୍ରୀଣାଂ ଦ୍ବୈଧମଜାଯତ।
କୁନ୍ତିଭୋଜସୁତା ମୋହଂ ବିଜ୍ଞାତାର୍ଥା ଜଗାମ ହ॥ 1-146-28 (6648)
ତାଂ ତଥା ମୋହମାପନ୍ନାଂ ବିଦୁରଃ ସର୍ବଧର୍ମବିତ୍।
କୁନ୍ତୀମାଶ୍ବାସଯାମାସ ପ୍ରେଷ୍ଯାଭିଶ୍ଚନ୍ଦନୋଦକୈଃ॥ 1-146-29 (6649)
ତତଃ ପ୍ରତ୍ଯାଗତପ୍ରାଣା ତାବୁଭୌ ପରିଦଂଶିତୌ।
ପୁତ୍ରୌ ଦୃଷ୍ଟ୍ବା ସୁସଂଭ୍ରାନ୍ତା ନାନ୍ବପଦ୍ଯତ କିଂଚନ॥ 1-146-30 (6650)
ତାବୁଦ୍ଯତମହାଚାପୌ କୃପଃ ଶାରଦ୍ବତୋଽବ୍ରବୀତ୍।
ଦ୍ବନ୍ଦ୍ବଯୁଦ୍ଧସମାଚାରେ କୁଶଲଃ ସର୍ବଧର୍ମବିତ୍॥ 1-146-31 (6651)
ଅଯଂ ପୃଥାଯାସ୍ତନଯଃ କନୀଯାନ୍ପାଣ୍ଡୁନନ୍ଦନଃ।
କୌରବୋ ଭବତା ସାର୍ଧଂ ଦ୍ବନ୍ଦ୍ବଯୁଦ୍ଧଂ କରିଷ୍ଯତି॥ 1-146-32 (6652)
ତ୍ବମପ୍ଯେବଂ ମହାବାହୋ ମାତରଂ ପିତରଂ କୁଲମ୍।
କଥଯସ୍ବ ନରେନ୍ଦ୍ରାଣାଂ ଯେଷାଂ ତ୍ବଂ କୁଲଭୂଷଣମ୍॥ 1-146-33 (6653)
ତତୋ ବିଦିତ୍ବା ପାର୍ଥସ୍ତ୍ବାଂ ପ୍ରତିଯୋତ୍ସ୍ଯତି ବା ନ ବା।
ବୃଥାକୁଲସମାଚାରୈର୍ନ ଯୁଧ୍ଯନ୍ତେ ନୃପାତ୍ମଜାଃ॥ 1-146-34 (6654)
ବୈଶମ୍ପାଯନ ଉବାଚ। 1-146-35x (871)
ଏବମୁକ୍ତସ୍ଯ କର୍ଣସ୍ଯ ବ୍ରୀଡାବନତମାନନମ୍।
ବଭୌ ବର୍ଷାମ୍ବୁବିକ୍ଲିନ୍ନଂ ପଦ୍ମମାଗଲିତଂ ଯଥା॥ 1-146-35 (6655)
ଦୁର୍ଯୋଧନ ଉବାଚ। 1-146-36x (872)
ଆଚାର୍ଯ ତ୍ରିବିଧା ଯୋନୀ ରାଜ୍ଞାଂ ଶାସ୍ତ୍ରବିନିଶ୍ଚଯେ।
ସତ୍କୁଲୀନଶ୍ଚ ଶୂରଶ୍ଚ ଯଶ୍ଚ ସେନାଂ ପ୍ରକର୍ଷତି॥ 1-146-36 (6656)
`ଅଦ୍ଭ୍ଯୋଽଗ୍ନିର୍ବ୍ରହ୍ମତଃ କ୍ଷତ୍ରମଶ୍ମନୋ ଲୋହମୁତ୍ଥିତମ୍।
ତେଷାଂ ସର୍ବତ୍ରଗଂ ତେଜଃ ସ୍ବାସୁ ଯୋନିଷୁ ଶାମ୍ଯତି॥' 1-146-37 (6657)
ଯଦ୍ଯଯଂ ଫାଲ୍ଗୁନୋ ଯୁଦ୍ଧେ ନାରାଜ୍ଞା ଯୋଦ୍ଧୁମିଚ୍ଛତି।
ତସ୍ମାଦେଷୋଽଙ୍ଗବିଷଯେ ମଯା ରାଜ୍ଯେଽଭିଷିଚ୍ଯତେ॥ 1-146-38 (6658)
ବୈଶମ୍ପାଯନ ଉବାଚ। 1-146-39x (873)
`ତତୋ ରାଜାନମାମନ୍ତ୍ର୍ଯ ଗାଙ୍ଗେଯଂ ଚ ପିତାମହମ୍।
ଅଭିଷେକସ୍ଯ ସଂଭାରାନ୍ସମାନୀଯ ଦ୍ବିଜାତିଭିଃ॥ 1-146-39 (6659)
ଗୋସହସ୍ରାଯୁତଂ ଦତ୍ତ୍ବା ଯୁକ୍ତାନାଂ ପୁଣ୍ଯକର୍ମଣାମ୍।
ଅର୍ହୋଽଯମଙ୍ଗରାଜ୍ଯସ୍ଯ ଇତି ବାଚ୍ଯ ଦ୍ବିଜାତିଭିଃ'॥ 1-146-40 (6660)
ତତସ୍ତସ୍ମିନ୍କ୍ଷଣେ କର୍ଣଃ ସଲାଜକୁସୁମୈର୍ଘଟୈଃ।
କାଞ୍ଚନୈଃ କାଞ୍ଚନେ ପୀଠେ ମନ୍ତ୍ରବିଦ୍ଭିର୍ମହାରଥଃ॥ 1-146-41 (6661)
ଅଭିଷିକ୍ତୋଽଙ୍ଗରାଜେ ସ ଶ୍ରିଯା ଯୁକ୍ତୋ ମହାବଲଃ।
`ସ ମୌଲିହାରକେଯୂରଃ ସହସ୍ତାଭରଣାଙ୍ଗଦଃ॥ 1-146-42 (6662)
ରାଜଲିଙ୍ଗୈସ୍ତଥାଽନ୍ଯୈଶ୍ଚ ଭୂଷିତୋ ଭୂଷଣୈଃ ଶୁଭୈଃ।'
ସଚ୍ଛତ୍ରବାଲବ୍ଯଜନୋ ଜଯଶବ୍ଦୋତ୍ତରେଣ ଚ॥ 1-146-43 (6663)
ଉବାଚ କୌରବଂ ରାଜନ୍ବଚନଂ ସ ବୃଷସ୍ତଦା।
ଅସ୍ଯ ରାଜ୍ଯପ୍ରଦାନସ୍ଯ ସଦୃଶଂ କିଂ ଦଦାନି ତେ॥ 1-146-44 (6664)
ପ୍ରବ୍ରୂହି ରାଜଶାର୍ଦୂଲ କର୍ତା ହ୍ଯସ୍ମି ତଥା ନୃପ।
ଅତ୍ଯନ୍ତଂ ସଖ୍ଯମିଚ୍ଛାମୀତ୍ଯାହ ତଂ ସ ସୁଯୋଧନଃ॥ 1-146-45 (6665)
ଏବମୁକ୍ତସ୍ତତଃ କର୍ଣସ୍ତଥେତି ପ୍ରତ୍ଯୁବାଚ ତମ୍।
ହର୍ଷାଚ୍ଚୋଭୌ ସମାଶ୍ଲିଷ୍ଯ ପରାଂ ମୁଦମବାପତୁଃ॥ ॥ 1-146-46 (6666)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଷଟ୍ଚତ୍ବାରିଂଶଦଧିକଶତତମୋଽଧ୍ଯାଯଃ॥ 146 ॥
Mahabharata - Adi Parva - Chapter Footnotes
1-146-1 ଦତ୍ତାବକାଶ ଇତି ଚପାଠଃ॥ 1-146-6 ନାମପୂର୍ବମଥାକରୋତ୍ ଇତି ପାଠାନ୍ତରମ୍॥ 1-146-26 ସୂର୍ଯାତପପରିବକ୍ତ ଇତି ଡପାଠଃ॥ 1-146-28 ବିଜ୍ଞାତାର୍ଥା କର୍ଣସ୍ଯ ସ୍ବପୁତ୍ରତ୍ବଜ୍ଞାନବତୀ। ହେତୁଗର୍ଭମେତତ୍॥ 1-146-34 ବୃଥାକୁଲସମାଚାରୈଃ ଅଜ୍ଞାତକୁଲାଚାରୈଃ॥ 1-146-40 ବାଚ୍ଯ ବାଚଯିତ୍ବା॥ ଷଟ୍ଚତ୍ବାରିଂଶଦଧିକଶତତମୋଽଧ୍ଯାଯଝ॥ 146 ॥ଆଦିପର୍ବ - ଅଧ୍ଯାଯ 147
॥ ଶ୍ରୀଃ ॥
1.147. ଅଧ୍ଯାଯଃ 147
Mahabharata - Adi Parva - Chapter Topics
କର୍ଣପିତୁରଧିରଥସ୍ଯ ରଙ୍ଗପ୍ରବେଶଃ॥ 1 ॥ ଭୀମେନ କର୍ଣସ୍ଯାଧିକ୍ଷେପଃ॥ 2 ॥ ସର୍ବେଷାଂ ରଙ୍ଗାନ୍ନିଷ୍କ୍ରମଣମ୍॥ 3 ॥Mahabharata - Adi Parva - Chapter Text
1-147-0 (6667)
ବୈଶମ୍ପାଯନ ଉବାଚ। 1-147-0x (874)
ତତଃ ସ୍ରସ୍ତୋତ୍ତରପଟଃ ସପ୍ରସ୍ବେଦଃ ସବେପଥୁଃ।
ବିବେଶାଧିରଥୋ ରଙ୍ଗଂ ଯଷ୍ଟିପ୍ରାଣୋ ହ୍ବଯନ୍ନିବ॥ 1-147-1 (6668)
ତମାଲୋକ୍ଯ ଧନୁସ୍ତ୍ଯକ୍ତ୍ବା ପିତୃଗୌରବଯନ୍ତ୍ରିତଃ।
କର୍ଣୋଽଭିଷେକାର୍ଦ୍ରଶିରାଃ ଶିରସା ସମବନ୍ଦତ॥ 1-147-2 (6669)
ତତଃ ପାଦାବବଚ୍ଛାଦ୍ଯ ପଟାନ୍ତେନ ସସଂଭ୍ରମଃ।
ପୁତ୍ରେତି ପରିପୂର୍ଣାର୍ଥମବ୍ରବୀଦ୍ରଥସାରଥିମ୍॥ 1-147-3 (6670)
ପରିଷ୍ବଜ୍ଯ ଚ ତସ୍ଯାଥ ମୂର୍ଧାନଂ ସ୍ନେହବିକ୍ଲବଃ।
ଅଙ୍ଗରାଜ୍ଯାଭିଷେକାର୍ଦ୍ରମଶ୍ରୁଭିଃ ସିଷିଚେ ପୁନଃ॥ 1-147-4 (6671)
ତଂ ଦୃଷ୍ଟ୍ବା ସୂତପୁତ୍ରୋଽଯମିତି ସଂଚିନ୍ତ୍ଯ ପାଣ୍ଡବଃ।
ଭୀମସେନସ୍ତଦା ବାକ୍ଯମବ୍ରବୀତ୍ପ୍ରହସନ୍ନିବ॥ 1-147-5 (6672)
ନ ତ୍ବମର୍ହସି ପାର୍ଥେନ ସୂତପୁତ୍ର ରଣେ ବଧମ୍।
କୁଲସ୍ଯ ସଦୃଶସ୍ତୂର୍ଣଂ ପ୍ରତୋଦୋ ଗୃହ୍ଯତାଂ ତ୍ବଯା॥ 1-147-6 (6673)
ଅଙ୍ଗରାଜ୍ଯଂ ଚ ନାର୍ହସ୍ତ୍ବମୁପଭୋକ୍ତୁଂ ନରାଧମ।
ଶ୍ବା ହୁତାଶସମୀପସ୍ଥଂ ପୁରୋଡାଶମିବାଧ୍ବରେ॥ 1-147-7 (6674)
ବୈଶମ୍ପାଯନ ଉବାଚ। 1-147-8x (875)
ଏବମୁକ୍ତସ୍ତତଃ କର୍ଣଃ କିଂଚିତ୍ପ୍ରସ୍ଫୁରିତାଧରଃ।
ଗଗନସ୍ଥଂ ବିନିଃଶ୍ବସ୍ଯ ଦିବାକରମୁଦୈକ୍ଷତ॥ 1-147-8 (6675)
ତତୋ ଦୁର୍ଯୋଧନଃ କୋପାଦୁତ୍ପପାତ ମହାବଲଃ।
ଭ୍ରାତୃପଦ୍ମବନାତ୍ତସ୍ମାନ୍ମଦୋତ୍କଟ ଇବ ଦ୍ବିପଃ॥ 1-147-9 (6676)
ସୋଽବ୍ରବୀଦ୍ଭୀମକର୍ମାଣଂ ଭୀମସେନମବସ୍ଥିତମ୍।
ବୃକୋଦର ନ ଯୁକ୍ତଂ ତେ ବଚନଂ ବକ୍ତୁମୀଦୃଶମ୍॥ 1-147-10 (6677)
କ୍ଷତ୍ରିଯାଣାଂ ବଲଂ ଜ୍ଯଷ୍ଠଂ ଯୋକ୍ତବ୍ଯଂ କ୍ଷତ୍ରବନ୍ଧୁନା।
ଶୂରାଣାଂ ଚ ନଦୀନାଂ ଚ ପ୍ରଭବୋ ଦୁର୍ବିଭାବନଃ॥ 1-147-11 (6678)
ସଲିଲାଦୁତ୍ଥିତୋ ବହ୍ନିର୍ଯେନ ବ୍ଯାପ୍ତଂ ଚରାଚରମ୍।
ଦଧୀଚସ୍ଯାସ୍ଥିତୋ ବଜ୍ରଂ କୃତଂ ଦାନବସୂଦନମ୍॥ 1-147-12 (6679)
ଆଗ୍ନେଯଃ କୃତ୍ତିକାପୁତ୍ରୋ ରୌଦ୍ରୋ ଗାଙ୍ଗେଯ ଇତ୍ଯପି।
ଶ୍ରୂଯତେ ଭଗବାନ୍ଦେବଃ ସର୍ବଗୁହ୍ଯମଯୋ ଗୁହଃ॥ 1-147-13 (6680)
କ୍ଷତ୍ରିଯେଭ୍ଯଶ୍ଚ ଯେ ଜାତା ବ୍ରାହ୍ମଣାସ୍ତେ ଚ ତେ ଶ୍ରୁତାଃ।
ବିଶ୍ବାମିତ୍ରପ୍ରଭୃତଯଃ ପ୍ରାପ୍ତା ବ୍ରହ୍ମତ୍ବମବ୍ଯଯମ୍॥ 1-147-14 (6681)
ଆଚାର୍ଯଃ କଲଶାଜ୍ଜାତୋ ଦ୍ରୋଣଃ ଶସ୍ତ୍ରଭୃତାଂ ବରଃ।
ଗୌତମସ୍ଯାନ୍ବବାଯେ ଚ ଶରସ୍ତମ୍ବାଚ୍ଚ ଗୌତମଃ॥ 1-147-15 (6682)
ଭବତାଂ ଚ ଯଥା ଜନ୍ମ ତଦପ୍ଯାଗମିତଂ ମଯା।
ସକୁଣ୍ଡଲଂ ସକବଚଂ ସର୍ବଲକ୍ଷଣଲକ୍ଷିତମ୍।
କଥମାଦିତ୍ଯସଦୃଶଂ ମୃଗୀ ବ୍ଯାଘ୍ରଂ ଜନିଷ୍ଯତି॥ 1-147-16 (6683)
ପୃଥିବୀରାଜ୍ଯମର୍ହୋଽଯଂ ନାଙ୍ଗରାଜ୍ଯଂ ନରେଶ୍ବରଃ।
ଅନେନ ବାହୁବୀର୍ଯେଣ ମଯା ଚାଜ୍ଞାନୁବର୍ତିନା॥ 1-147-17 (6684)
ଯସ୍ଯ ବା ମନୁଜସ୍ଯେଦଂ ନ କ୍ଷାନ୍ତଂ ମଦ୍ବିଚେଷ୍ଟିତମ୍।
ରଥମାରୁହ୍ଯ ପଦ୍ଭ୍ଯାଂ ସ ବିନାମଯତୁ କାର୍ମୁକମ୍॥ 1-147-18 (6685)
ତତଃ ସର୍ବସ୍ଯ ରଙ୍ଗସ୍ଯ ହାହାକାରୋ ମହାନଭୂତ୍।
ସାଧୁବାଦାନୁସଂବଦ୍ଧଃ ସୂର୍ଯଶ୍ଚାସ୍ତମୁପାଗମତ୍॥ 1-147-19 (6686)
ତତୋ ଦୁର୍ଯୋଧନଃ କର୍ଣମାଲମ୍ବ୍ଯାଗ୍ରକରେ ନୃପଃ।
ଦୀପିକାଭିଃ କୃତାଲୋକସ୍ତସ୍ମାଦ୍ରଙ୍ଗାଦ୍ବିନିର୍ଯଯୌ॥ 1-147-20 (6687)
ପାଣ୍ଡବାଶ୍ଚ ସହଦ୍ରୋଣାଃ ସକୃପାଶ୍ଚ ବିଶାଂପତେ।
ଭୀଷ୍ମେଣ ସହିତାଃ ସର୍ବେ ଯଯୁଃ ସ୍ବଂ ସ୍ବଂ ନିବେଶନମ୍॥ 1-147-21 (6688)
ଅର୍ଜୁନେତି ଜନଃ କଶ୍ଚିତ୍କଶ୍ଚିତ୍କର୍ଣେତି ଭାରତ।
କଶ୍ଚିଦ୍ଦୁର୍ଯୋଧନେତ୍ଯେବଂ ବ୍ରୁବନ୍ତଃ ପ୍ରସ୍ଥିତାସ୍ତଦା॥ 1-147-22 (6689)
କୁନ୍ତ୍ଯାଶ୍ଚ ପ୍ରତ୍ଯଭିଜ୍ଞାଯ ଦିବ୍ଯଲକ୍ଷଣସୂଚିତମ୍।
ପୁତ୍ରମଙ୍ଗେଶ୍ବରଂ ସ୍ନେହାଚ୍ଛନ୍ନା ପ୍ରୀତିରଜାଯତ॥ 1-147-23 (6690)
ଦୁର୍ଯୋଧନସ୍ଯାପି ତଦା କର୍ଣମାସାଦ୍ଯ ପାର୍ଥିବ।
ଭଯମର୍ଜୁନସଂଜାତଂ କ୍ଷିପ୍ରମନ୍ତରଧୀଯତ॥ 1-147-24 (6691)
ସ ଚାପି ବୀରଃ କୃତଶସ୍ତ୍ରନିଶ୍ରମଃ
ପରେଣ ସାମ୍ନାଽଭ୍ଯବଦତ୍ସୁଯୋଧନମ୍।
ଯୁଧିଷ୍ଠିରସ୍ଯାପ୍ଯଭବତ୍ତଦା ମତି-
ର୍ନ କର୍ଣତୁଲ୍ଯୋଽସ୍ତି ଧନୁର୍ଧରଃ କ୍ଷିତୌ॥ ॥ 1-147-25 (6692)
ଇତି ଶ୍ରୀମନ୍ମହାଭାରତେ ଆଦିପ୍ରବଣି ସଂଭବପର୍ବଣି ସପ୍ତଚତ୍ବାରିଂଶଦଧିକଶତତମୋଽଧ୍ଯାଯଃ॥ 147 ॥
Mahabharata - Adi Parva - Chapter Footnotes
1-147-18 ଯସ୍ଯ ଯେନ ନ କ୍ଷାନ୍ତଂ ନ ସୋଢମ୍॥ 1-147-25 ନିଶ୍ରମୋ ନିତରାଂ ଶ୍ରମଃ॥ ସପ୍ତଚତ୍ବାରିଂଶଦଧିକଶତତମୋଽଧ୍ଯାଯଃ॥ 147 ॥ଆଦିପର୍ବ - ଅଧ୍ଯାଯ 148
॥ ଶ୍ରୀଃ ॥
1.148. ଅଧ୍ଯାଯଃ 148
Mahabharata - Adi Parva - Chapter Topics
ଗୁରୁଦକ୍ଷିଣାତ୍ବେନ ଜୀବତୋ ଦ୍ରୁପଦସ୍ଯ ଗ୍ରହଣେ ଦ୍ରୋଣେନାଜ୍ଞାପିତେ ତଦର୍ଥଂ ତେନ ସହ ସର୍ବଶିଷ୍ଯାଣାଂ ପାଞ୍ଚାଲପୁରଗମନମ୍॥ 1 ॥ ଦ୍ରୁପଦଗ୍ରହଣାଯ ପାଣ୍ଡବବର୍ଜଂ ଗତାନାଂ କୌରବାଣାଂ ତେନ ପରାଜଯଃ॥ 2 ॥ ତଦନନ୍ତରଂ ଗତେଷୁ ପାଣ୍ଡବେଷୁ ଅର୍ଜୁନେନ ଦ୍ରୁପଦଗ୍ରହଣମ୍॥ 3 ॥ ଜୀବଗ୍ରାହଂ ଗୃହୀତ୍ବା ଭୀମାର୍ଜୁନାଭ୍ଯାଂ ସମର୍ପିତେନ ଦ୍ରୁପଦେନ ଦ୍ରୋଣସ୍ଯ ସଂବାଦଃ॥ 4 ॥ ଦ୍ରୋଣେନାର୍ଧରାଜ୍ଯାପହାରେଣ ମୁକ୍ତସ୍ଯ ଦ୍ରୁପଦସ୍ଯ ପୁତ୍ରୋତ୍ପାଦନାର୍ଥଂ ପ୍ରଯତ୍ନଃ॥ 5 ॥Mahabharata - Adi Parva - Chapter Text
1-148-0 (6693)
ବୈଶମ୍ପାଯନ ଉବାଚ। 1-148-0x (876)
ପାଣ୍ଡବାନ୍ଧାର୍ତରାଷ୍ଟ୍ରାଂଶ୍ଚ କୃତାସ୍ତ୍ରାନ୍ପ୍ରସମୀକ୍ଷ୍ଯ ସଃ।
ଗୁର୍ବର୍ଥଂ ଦକ୍ଷିଣାଂ କାଲେ ପ୍ରାପ୍ତେଽମନ୍ଯତ ବୈ ଗୁରୁଃ॥ 1-148-1 (6694)
`ଅସ୍ତ୍ରଶିକ୍ଷାମନୁଜ୍ଞାତାନ୍ରଙ୍ଗଦ୍ବାରମୁପାଗତାନ୍।
ଭାରଦ୍ବାଜସ୍ତତସ୍ତାଂସ୍ତୁ ସର୍ବାନେବାଭ୍ଯଭାଷତ॥ 1-148-2 (6695)
ଇଚ୍ଛାମି ଦତ୍ତାଂ ସହିତାଂ ମହ୍ଯଂ ପରମଦକ୍ଷିଣାମ୍।
ଏବମୁକ୍ତାସ୍ତତଃ ସର୍ବେ ଶିଷ୍ଯା ଦ୍ରୋଣମଥାବ୍ରୁବନ୍।
ଭଗବନ୍କିଂ ପ୍ରଯଚ୍ଛାମ ଆଜ୍ଞାପଯତୁ ନୋ ଗୁରୁଃ॥' 1-148-3 (6696)
ତତଃ ଶିଷ୍ଯାନ୍ସମାହୂଯ ଆଚାର୍ଯୋଽର୍ଥମଚୋଦଯତ୍।
ଦ୍ରୋଣଃ ସର୍ବାନଶେଷେଣ ଦକ୍ଷିଣାର୍ଥଂ ମହୀପତେ॥ 1-148-4 (6697)
ପଞ୍ଚାଲରାଜଂ ଦ୍ରୁପଦଂ ଗୃହିତ୍ବା ରଣମୂର୍ଧନି।
ପର୍ଯାନଯତ ଭଦ୍ରଂ ବଃ ସା ସ୍ଯାତ୍ପରମଦକ୍ଷିଣା॥ 1-148-5 (6698)
ତଥେତ୍ଯୁକ୍ତ୍ବା ତୁ ତେ ସର୍ବେ ରଥୈସ୍ତୂର୍ଣଂ ପ୍ରହାରିଣଃ।
ଆଚାର୍ଯଧନଦାନାର୍ଥଂ ଦ୍ରୋଣେନ ସହିତା ଯଯୁଃ॥ 1-148-6 (6699)
ତତୋଽଭିଜଗ୍ମୁଃ ପଞ୍ଚାଲାନ୍ନିଘ୍ନନ୍ତସ୍ତେ ନରର୍ଷଭାଃ।
ମମୃଦୁସ୍ତସ୍ଯ ନଗରଂ ଦ୍ରୁପଦସ୍ଯ ମହୌଜସଃ॥ 1-148-7 (6700)
ଦୁର୍ଯୋଧନଶ୍ଚ କର୍ଣଶ୍ଚ ଯୁଯୁତ୍ସୁଶ୍ଚ ମହାବଲଃ।
ଦୁଃଶାସନୋ ବିକର୍ଣଶ୍ଚ ଜଲସନ୍ଧଃ ସୁଲୋଚନଃ॥ 1-148-8 (6701)
ଏତେ ଚାନ୍ଯେ ଚ ବହବଃ କୁମାରା ବହୁବିକ୍ରମାଃ।
ଅହଂ ପୂର୍ବମହଂ ପୂର୍ବମିତ୍ଯେବଂ କ୍ଷତ୍ରିଯର୍ଷଭାଃ॥ 1-148-9 (6702)
ତତୋ ବରରାଥାରୂଢାଃ କୁମାରାଃ ସାଦିଭିଃ ସହ।
ପ୍ରବିଶ୍ଯ ନଗରଂ ସର୍ବେ ରାଜମାର୍ଗମୁପାଯଯୁଃ॥ 1-148-10 (6703)
ତସ୍ମିନ୍କାଲେ ତୁ ପାଞ୍ଚାଲଃ ଶ୍ରୁତ୍ବା ଦୃଷ୍ଟ୍ବା ମହଦ୍ବଲମ୍।
ଭ୍ରାତୃଭିଃ ସହିତୋ ରାଜଂସ୍ତ୍ବରଯା ନିର୍ଯଯୌ ଗୃହାତ୍॥ 1-148-11 (6704)
ତତସ୍ତୁ କୃତସନ୍ନାହା ଯଜ୍ଞସେନସହୋଦରାଃ।
ଶରବର୍ଷାଣି ମୁଞ୍ଚନ୍ତଃ ପ୍ରଣେଦୁଃ ସର୍ବ ଏବ ତେ॥ 1-148-12 (6705)
ତତୋ ରଥେନ ଶୁଭ୍ରେଣ ସମାସାଦ୍ଯ ତୁ କୌରବାନ୍।
ଯଜ୍ଞସେନଃ ଶରାନ୍ଘୋରାନ୍ବବର୍ଷ ଯୁଧି ଦୁର୍ଜଯଃ॥ 1-148-13 (6706)
ପୂର୍ବମେବ ତୁ ସଂମନ୍ତ୍ର୍ଯ ପାର୍ଥୋ ଦ୍ରୋଣମଥାଽବ୍ରବୀତ୍।
ଦର୍ପୋଦ୍ରେକାତ୍କୁମାରାଣାମାଚାର୍ଯଂ ଦ୍ବିଜସତ୍ତମମ୍॥ 1-148-14 (6707)
ଏଷାଂ ପରାକ୍ରମସ୍ଯାନ୍ତେ ବଯଂ କୁର୍ଯାମ ସାହସମ୍।
ଏତୈରଶକ୍ଯଃ ପାଞ୍ଚାଲୋ ଗ୍ରହୀତୁଂ ରଣମୂର୍ଧନି॥ 1-148-15 (6708)
ଏବମୁକ୍ତ୍ବା ତୁ କୌନ୍ତେଯୋ ଭ୍ରାତୃଭିଃ ସହିତୋଽନଘଃ।
ଅର୍ଧକ୍ରୋଶେ ତୁ ନଗରାଦତିଷ୍ଠଦ୍ବହିରେବ ସଃ॥ 1-148-16 (6709)
ଦ୍ରୁପଦଃ କୌରବାନ୍ଦୃଷ୍ଟ୍ବା ପ୍ରାଧାବତ ସମନ୍ତତଃ।
ଶରଜାଲେନ ମହତା ମୋହଯନ୍କୌରବୀଂ ଚମୂମ୍॥ 1-148-17 (6710)
ତମୁଦ୍ଯତଂ ରଥେନୈକମାଶୁକାରିଣମାହବେ।
ଅନେକମିବ ସନ୍ତ୍ରାସାନ୍ମେନିରେ ତତ୍ର କୌରବାଃ॥ 1-148-18 (6711)
ଦ୍ରୁପଦସ୍ଯ ଶରା ଘୋରା ବିଚେରୁଃ ସର୍ବତୋଦିଶମ୍।
ତତଃ ଶଙ୍ଖାଶ୍ଚ ଭେର୍ଯଶ୍ଚ ମୃଦଙ୍ଗାଶ୍ଚ ସହସ୍ରଶଃ॥ 1-148-19 (6712)
ପ୍ରାବାଦ୍ଯନ୍ତ ମହାରାଜ ପଞ୍ଚାଲାନାଂ ନିବେଶନେ।
ସିଂହନାଦଶ୍ଚ ସଂଜଜ୍ଞେ ପଞ୍ଚାଲାନାଂ ମହାତ୍ମନାମ୍॥ 1-148-20 (6713)
ଧନୁର୍ଜ୍ଯାତଲଶବ୍ଦଶ୍ଚ ସଂସ୍ପୃଶ୍ଯ ଗଗନଂ ମହାନ୍।
ଦୁର୍ଯୋଧନୋ ବିକର୍ଣଶ୍ଚ ସୁବାହୁର୍ଦୀର୍ଘଲୋଚନଃ॥ 1-148-21 (6714)
ଦୁଃଶାଶନଶ୍ଚ ସଂକ୍ରୁଦ୍ଧଃ ଶରବର୍ଷୈରବାକିରନ୍।
ସୋଽତିବିଦ୍ଧୋ ମହେଷ୍ବାସଃ ପାର୍ଷତୋ ଯୁଧି ଦୁର୍ଜଯଃ॥ 1-148-22 (6715)
ବ୍ଯଧମତ୍ତାନ୍ଯନୀକାନି ତତ୍କ୍ଷଣାଦେବ ଭାରତ।
ଦୁର୍ଯୋଧନଂ ବିକର୍ଣଂ ଚ କର୍ଣଂ ଚାପି ମହାବଲମ୍॥ 1-148-23 (6716)
ନାନାନୃପସୁତାନ୍ବୀରାନ୍ସୈନ୍ଯାନି ବିବିଧାନି ଚ।
ଅଲାତଚକ୍ରବତ୍ସର୍ବଂ ଚରନ୍ବାଣୈରତର୍ପଯତ୍॥ 1-148-24 (6717)
ତତସ୍ତୁ ନାଗରାଃ ସର୍ବେ ମୁସଲୈର୍ଯଷ୍ଟିଭିସ୍ତଦା।
ଅଭ୍ଯବର୍ଷନ୍ତ କୌରବ୍ଯାନ୍ବର୍ଷମାଣା ଘା ଇବ॥ 1-148-25 (6718)
ସବାଲବୃଦ୍ଧାଃ କାମ୍ପିଲ୍ଯାଃ କୌରବାନଭ୍ଯଯୁସ୍ତଦା।
ଶ୍ରୁତ୍ବା ସୁତୁମୁଲଂ ଯୁଦ୍ଧଂ କୌରବାନେବ ଭାରତ॥ 1-148-26 (6719)
ଦ୍ରବନ୍ତିସ୍ମ ନଦନ୍ତିସ୍ମ କ୍ରୋଶନ୍ତଃ ପାଣ୍ଡବାନ୍ପ୍ରତି।
ପାଡବାସ୍ତୁ ସ୍ବନଂ ଶ୍ରୁତ୍ବା ଆର୍ତାନାଂ ରୋମହର୍ଷଣମ୍॥ 1-148-27 (6720)
ଅଭିବାଦ୍ଯ ତତୋ ଦ୍ରୋଣଂ ରଥାନାରୁରୁହୁସ୍ତଦା।
ଯୁଧିଷ୍ଠିରଂ ନିବାର୍ଯାଶୁ ମା ଯୁଧ୍ଯସ୍ବେତି ପାଣ୍ଡବମ୍॥ 1-148-28 (6721)
ମାଦ୍ରେଯୌ ଚକ୍ରରକ୍ଷୌ ତୁ ଫାଲ୍ଗୁନଶ୍ଚ ତଦାଽକରୋତ୍।
ସେନାଗ୍ରଗୋ ଭୀମସେନସ୍ତଦାଭୂଦ୍ଗଦଯା ସହ॥ 1-148-29 (6722)
ତଦା ଶତ୍ରୁସ୍ବନଂ ଶ୍ରୁତ୍ବା ଭ୍ରାତୃଭିଃ ସହିତୋଽନଘଃ।
ଆଯାଜ୍ଜବେନ କୌନ୍ତେଯୋ ରଥେନାନାଦଯନ୍ଦିଶଃ॥ 1-148-30 (6723)
ପଞ୍ଚାଲାନାଂ ତତଃ ସେନାମୁଦ୍ଧୂତାର୍ଣବନିଃସ୍ବନାମ୍।
ଭୀମସେନୋ ମହାବାହୁର୍ଦଣ୍ଡପାଣିରିବାନ୍ତକଃ॥ 1-148-31 (6724)
ପ୍ରବିବେଶ ମହାସେନାଂ ମକରଃ ସାଗରଂ ଯଥା।
`ଚତୁରଙ୍ଗବଲାକୀର୍ଣେ ତତସ୍ତସ୍ମିନ୍ରଣୋତ୍ସବେ॥' 1-148-32 (6725)
ସ୍ବଯମଭ୍ଯଦ୍ରବଦ୍ଭୀମୋ ନାଗାନୀକଂ ଗଦାଧରଃ॥ 1-148-33 (6726)
ସ ଯୁଦ୍ଧକୁଶଲଃ ପାର୍ଥୋ ବାହୁବୀର୍ଯେଣ ଚାତୁଲଃ।
ଅହନତ୍କୁଞ୍ଜରାନୀକଂ ଗଦଯା କାଲରୂପଧୃକ୍॥ 1-148-34 (6727)
ତେ ଗଜା ଗିରିସଙ୍କାଶାଃ କ୍ଷରନ୍ତୋ ରୁଧିରଂ ବହୁ।
ଭୀମସେନସ୍ଯ ଗଦଯା ଭିନ୍ନମସ୍ତକପିଣ୍ଡକାଃ॥ 1-148-35 (6728)
ପତନ୍ତି ଦ୍ବିରଦା ଭୂମୌ ବଜ୍ରଘାତାଦିବାଚଲାଃ।
ଗଜାନଶ୍ବାନ୍ରଥାଂଶ୍ଚୈବ ପାତଯାମାସ ପାଣ୍ଡବଃ॥ 1-148-36 (6729)
ପଦାତୀଂଶ୍ଚ ରଥାଂଶ୍ଚୈବ ନ୍ଯବଧୀଦର୍ଜୁନାଗ୍ରଜଃ।
ଗୋପାଲ ଇବ ଦଣ୍ଡେନ ଯଥା ପଶୁଗଣାନ୍ବନେ॥ 1-148-37 (6730)
ଚାଲଯନ୍ରଥନାଗାଂଶ୍ଚ ସଂଚଚାଲ ବୃକୋଦରଃ।
ଭାରଦ୍ବାଜପ୍ରିଯଂ କର୍ତୁମୁଦ୍ଯତଃ ଫାଲ୍ଗୁନସ୍ତଦା॥ 1-148-38 (6731)
ପାର୍ଷତଂ ଶରଜାଲେନ କ୍ଷିପନ୍ନାଗାତ୍ସ ପାଣ୍ଡବଃ।
ହଯୌଘାଂଶ୍ଚ ରଥୌଘାଂଶ୍ଚ ଗଜୌଘାଂଶ୍ଚ ସମନ୍ତତଃ॥ 1-148-39 (6732)
ପାତଯନ୍ସମରେ ରାଜନ୍ଯୁଗାନ୍ତାଗ୍ରିରିବ ଜ୍ବଲନ୍।
ତତସ୍ତେ ହନ୍ଯମାନା ବୈ ପଞ୍ଚାଲାଃ ସୃଞ୍ଜଯାସ୍ତଥା॥ 1-148-40 (6733)
ଶରୈର୍ନାନାବିଧୈସ୍ତୂର୍ଣଂ ପାର୍ଥଂ ସଂଛାଦ୍ଯ ସର୍ବଶଃ।
ସିଂହନାଦଂ ମୁଖୈଃ କୃତ୍ବା ସମଯୁଧ୍ବନ୍ତ ପାଣ୍ଡବମ୍॥ 1-148-41 (6734)
ତଦ୍ଯୁଦ୍ଧମଭବଦ୍ଧୋରଂ ସମୁହାଦ୍ଭୁତଦର୍ଶନମ୍।
ସିଂହନାଦସ୍ବନଂ ଶ୍ରୁତ୍ବା ନାମୃଷ୍ଯତ୍ପାକଶାସନିଃ॥ 1-148-42 (6735)
ତତଃ କିରୀଟୀ ସହସା ପଞ୍ଚାଲାନ୍ସମରେଽଦ୍ରବତ୍।
ଛାଦଯନ୍ନିଷୁଜାଲେନ ମହତା ମୋହଯନ୍ନିବ॥ 1-148-43 (6736)
ଶୀଘ୍ରମଭ୍ଯସ୍ଯତୋ ବାଣାନ୍ସଂଦଧାନସ୍ଯ ଚାନିଶମ୍।
ନାନ୍ତରଂ ଦଦୃଶେ କିଂଚିତ୍କୌନ୍ତେଯସ୍ଯ ଯଶସ୍ବିନଃ॥ 1-148-44 (6737)
`ନ ଦିଶୋ ନାନ୍ତରିକ୍ଷଂ ଚ ତଦା ନୈବ ଚ ମେଦିନୀ।
ଅଦୃଶ୍ଯତ ମହାରାଜ ତତ୍ର କିଂଚିନ୍ନ ସଙ୍ଗରେ॥ 1-148-45 (6738)
ପାଞ୍ଚାଲାନାଂ କୁରୂଣାଂ ଚ ସାଧୁସାଧ୍ବିତି ନିସ୍ବନଃ।
ତତ୍ର ତୂର୍ଯନିନାଦଶ୍ଚ ଶଙ୍ଖାନାଂ ଚ ମହାସ୍ବନଃ॥' 1-148-46 (6739)
ସିଂହନାଦଶ୍ଚ ସଂଜଜ୍ଞେ ସାଧୁଶବ୍ଦେନ ମିଶ୍ରିତଃ।
ତତଃ ପାଞ୍ଚାଲରାଜସ୍ତୁ ତଥା ସତ୍ଯଜିତା ସହ॥ 1-148-47 (6740)
ତ୍ବରମାଣୋଽଭିଦୁଦ୍ରାବ ମହେନ୍ଦ୍ରଂ ଶମ୍ବରୋ ଯଥା।
ମହତା ଶରବର୍ଷେଣ ପାର୍ଥଃ ପାଞ୍ଚାଲମାବୃଣୋତ୍॥ 1-148-48 (6741)
ତତୋ ହଲହଲାଶବ୍ଦ ଆସୀତ୍ପାଞ୍ଚାଲକେ ବଲେ।
ଜିବୃକ୍ଷତି ମହାସିଂହେ ଗଜାନାମିବ ଯୂଥପମ୍॥ 1-148-49 (6742)
ଦୃଷ୍ଟ୍ବା ପାର୍ଥଂ ତଦାଯାନ୍ତଂ ସତ୍ଯଜିତ୍ସତ୍ଯବିକ୍ରମଃ।
ପାଞ୍ଚାଲଂ ବୈ ପରିପ୍ରେପ୍ସୁର୍ଧନଞ୍ଜଯମଦୁଦ୍ରୁବତ୍॥ 1-148-50 (6743)
ତତସ୍ତ୍ବର୍ଜୁନପାଞ୍ଚାଲୌ ଯୁଦ୍ଧାଯ ସମୁପାଗତୌ।
ବ୍ଯକ୍ଷୋଭଯେତାଂ ତୌ ସୈନ୍ଯମିନ୍ଦ୍ରବୈରୋଚନାବିବ॥ 1-148-51 (6744)
ତତଃ ସତ୍ଯଜିତଂ ପାର୍ଥୋ ଦଶଭିର୍ମର୍ମଭେଦିଭିଃ।
ବିବ୍ଯାଧ ବବଲଦ୍ଗାଢଂ ତଦଦ୍ଭୁତମିବାଭବତ୍॥ 1-148-52 (6745)
ତତଃ ଶରଶତୈଃ ପାର୍ଥଂ ପାଞ୍ଚାଲଃ ଶୀଘ୍ରମାର୍ଦଯତ୍।
ପାର୍ଥସ୍ତୁ ଶରବର୍ଷେଣ ଚ୍ଛାଦ୍ଯମାନୋ ମହାରଥଃ॥ 1-148-53 (6746)
ବେଗଂ ଚକ୍ରେ ମହାବେଗୋ ଧନୁର୍ଜ୍ଯାମବମୃଜ୍ଯ ଚ।
ତତଃ ସତ୍ଯଜିତଶ୍ଚାପଂ ଛିତ୍ବା ରାଜାନମଭ୍ଯଯାତ୍॥ 1-148-54 (6747)
ଅଥାନ୍ଯଦ୍ଧନୁରାଦାଯ ସତ୍ଯଜିଦ୍ବେଗବତ୍ତରମ୍।
ସାଶ୍ବଂ ସସୂତଂ ସରଥଂ ପାର୍ଥଂ ବିବ୍ଯାଧ ସତ୍ବରଃ॥ 1-148-55 (6748)
ସ ତଂ ନ ମମୃଷେ ପାର୍ଥଃ ପାଞ୍ଚାଲେନାର୍ଦିତୋ ଯୁଧି।
ତତସ୍ତସ୍ଯ ବିନାଶାର୍ଥଂ ସତ୍ବରଂ ବ୍ଯସୃଜଚ୍ଛରାନ୍॥ 1-148-56 (6749)
ହଯାନ୍ଧ୍ବଜଂ ଧନୁର୍ମୁଷ୍ଟିମୁଭୌ ତୌ ପାର୍ଷ୍ଣିସାରଥୀ।
ସ ତଥା ଭିଦ୍ଯମାନେଷୁ କାର୍ମୁକେଷୁ ପୁନଃ ପୁନଃ॥ 1-148-57 (6750)
ହଯେଷୁ ବିନିକୃତ୍ତେଷୁ ବିମୁଖୋଽଭବଦାହବେ।
ସ ସତ୍ଯଜିତମାଲେକ୍ଯ ତଥା ବିମୁଖମାହବେ॥ 1-148-58 (6751)
ବେଗେନ ମହତା ରାଜନ୍ନଭ୍ଯଧାବତ ପାର୍ଷତମ୍।
ତଦା ଚକ୍ରେ ମହଦ୍ଯୁଦ୍ଧମର୍ଜୁନୋ ଜଯତାଂ ବରଃ॥ 1-148-59 (6752)
ତସ୍ଯ ପାର୍ଥୋ ଧନୁଶ୍ଛିତ୍ତ୍ବା ଧ୍ବଜଂ ଚୋର୍ବ୍ଯାମପାତଯତ୍।
ପଞ୍ଚଭିସ୍ତସ୍ଯ ବିବ୍ଯାଧ ହଯାନ୍ସୂତଂ ଚ ସାଯକୈଃ॥ 1-148-60 (6753)
ତତ ଉତ୍ସୃଜ୍ଯ ତଚ୍ଚାପମାଦଦାନଃ ଶରାବରମ୍।
ଖଡ୍ଗମୁଦ୍ଧୃତ୍ଯ କୌନ୍ତେଯଃ ସିଂହନାଦମଥାକରୋତ୍॥ 1-148-61 (6754)
ପାଞ୍ଚାଲସ୍ଯ ରଥସ୍ଯେଷାମାପ୍ଲୁତ୍ଯ ସହସାଽପତତ୍।
ପାଞ୍ଚାଲରଥମାସ୍ଥାଯ ଅବିତ୍ରସ୍ତୋ ଧନଞ୍ଜଯଃ॥ 1-148-62 (6755)
ବିକ୍ଷୋଭ୍ଯାମ୍ଭୋନିଧିଂତାର୍କ୍ଷ୍ଯସ୍ତଂନାଗମିବ ସୋଽଗ୍ରହୀତ୍।
ତତସ୍ତୁ ସର୍ବପାଞ୍ଚାଲା ବିଦ୍ରବନ୍ତି ଦିଶୋ ଦଶ॥ 1-148-63 (6756)
ଦର୍ଶଯନ୍ସର୍ବସୈନ୍ଯାନାଂ ସ ବାହ୍ବୋର୍ବଲମାତ୍ମନଃ।
ସିଂହନାଦସ୍ବନଂ କୃତ୍ବା ନିର୍ଜଗାମ ଧନଞ୍ଜଯଃ॥ 1-148-64 (6757)
ଆଯାନ୍ତମର୍ଜୁନଂ ଦୃଷ୍ଟ୍ବା କୁମାରାଃ ସହିତାସ୍ତଦା।
ମମୃଦୁସ୍ତସ୍ଯ ନଗରଂ ଦ୍ରୁପଦସ୍ଯ ମହାତ୍ମନଃ॥ 1-148-65 (6758)
ଅର୍ଜୁନ ଉବାଚ। 1-148-66x (877)
ସଂବନ୍ଧୀ କୁରୁବୀରାଣାଂ ଦ୍ରୁପଦୋ ରାଜସତ୍ତମଃ।
ମା ବଧୀସ୍ତଦ୍ବଲଂ ଭୀମ ଗୁରୁଦାନଂ ପ୍ରଦୀଯତାମ୍॥ 1-148-66 (6759)
ବୈଶମ୍ପାଯନ ଉବାଚ। 1-148-67x (878)
ଭୀମସେନସ୍ତଦା ରାଜନ୍ନର୍ଜୁନେନ ନିବାରିତଃ।
ଅତୃପ୍ତୋ ଯୁଦ୍ଧଧର୍ମେଷୁ ନ୍ଯବର୍ତତ ମହାବଲଃ॥ 1-148-67 (6760)
ତେ ଯଜ୍ଞସେନଂ ଦ୍ରୁପଦଂ ଗୃହୀତ୍ବା ରଣମୂର୍ଧନି।
ଉପାଜଗ୍ମୁଃ ସହାମାତ୍ଯଂ ଦ୍ରୋଣାଯ ଭରତର୍ଷଭ॥ 1-148-68 (6761)
ଭଗ୍ନଦର୍ପଂ ହୃତଧନଂ ତଂ ତଥା ବଶମାଗତମ୍।
ସ ବୈରଂ ମନସା ଧ୍ଯାତ୍ବା ଦ୍ରୋଣୋ ଦ୍ରୁପଦମବ୍ରବୀତ୍॥ 1-148-69 (6762)
ବିମୃଜ୍ଯ ତରସା ରାଷ୍ଟ୍ରଂ ପୁରଂ ତେ ମୃଦିତଂ ମଯା।
ପ୍ରାପ୍ଯ ଜୀବନ୍ରିପୁବଶଂ ସଖିପୂର୍ବଂ କିମିଷ୍ଯତେ॥ 1-148-70 (6763)
ଏବମୁକ୍ତ୍ବା ପ୍ରହସ୍ଯୈନଂ କିଂଚିତ୍ସ ପୁନରବ୍ରବୀତ୍।
ମା ଭୈଃ ପ୍ରାଣଭଯାଦ୍ବୀର କ୍ଷମିଣୋ ବ୍ରାହ୍ମଣା ବଯମ୍॥ 1-148-71 (6764)
ଆଶ୍ରମେ କ୍ରୀଡିତଂ ଯତ୍ତୁ ତ୍ବଯା ବାଲ୍ଯେ ମଯା ସହ।
ତେନ ସଂବର୍ଧିତଃ ସ୍ନେହଃ ପ୍ରୀତିଶ୍ଚ କ୍ଷତ୍ରିଯର୍ଷଭ॥ 1-148-72 (6765)
ପ୍ରାର୍ଥଯେଯଂ ତ୍ବଯା ସଖ୍ଯଂ ପୁନରେବ ଜନାଧିପ।
ବରଂ ଦଦାମି ତେ ରାଜନ୍ରାଜ୍ଯସ୍ଯାର୍ଧମବାପ୍ନୁହି॥ 1-148-73 (6766)
ଅରାଜା କିଲ ନୋ ରାଜ୍ଞଃ ସଖା ଭବିତୁମର୍ହତି।
ଅତଃ ପ୍ରଯତିତଂ ରାଜ୍ଯେ ଯଜ୍ଞସେନ ମଯା ତବ॥ 1-148-74 (6767)
ରାଜାସି ଦକ୍ଷିଣେ କୂଲେ ଭାଗୀରଥ୍ଯାହମୁତ୍ତରେ।
ସଖାଯଂ ମାଂ ବିଜାନୀହି ପାଞ୍ଚାଲ ଯଦି ମନ୍ଯସେ॥ 1-148-75 (6768)
ଦ୍ରୁପଦ ଉବାଚ। 1-148-76x (879)
ଅନାଶ୍ଚର୍ଯମିଦଂ ବ୍ରହ୍ମନ୍ବିକ୍ରାନ୍ତେଷୁ ମହାତ୍ମସୁ।
ପ୍ରୀଯେ ତ୍ବଯାଽହଂ ତ୍ବତ୍ତଶ୍ଚ ପ୍ରୀତିମିଚ୍ଛାମି ଶାଶ୍ବତୀମ୍॥ 1-148-76 (6769)
ବୈଶମ୍ପାଯନ ଉବାଚ। 1-148-77x (880)
ଏବମୁକ୍ତଃ ସ ତଂ ଦ୍ରୋଣୋ ମୋକ୍ଷଯାମାସ ଭାରତ।
ସତ୍କୃତ୍ଯ ଚୈନଂ ପ୍ରୀତାତ୍ମା ରାଜ୍ଯାର୍ଧଂ ପ୍ରତ୍ଯପାଦଯତ୍॥ 1-148-77 (6770)
ମାକନ୍ଦୀମଥ ଗଙ୍ଗାଯାସ୍ତୀରେ ଜନପଦାଯୁତାମ୍।
ସୋଽଧ୍ଯାବସଦ୍ଦୀନମନାଃ କାମ୍ପିଲ୍ଯଂ ଚ ପୁରୋତ୍ତମମ୍॥ 1-148-78 (6771)
ଦକ୍ଷିଣାଂଶ୍ଚାପି ପଞ୍ଚାଲାନ୍ଯାବଚ୍ଚର୍ମଣ୍ବତୀ ନଦୀ।
ଦ୍ରୋଣେନ ଚୈବଂ ଦ୍ରୁପଦଃ ପରିଭୂଯାଥ ପାଲିତଃ॥ 1-148-79 (6772)
କ୍ଷାତ୍ରେଣ ଚ ବଲେନାସ୍ଯ ନାପଶ୍ଯତ୍ସ ପରାଜଯମ୍।
ହୀନଂ ବିଦିତ୍ବା ଚାତ୍ମାନଂ ବ୍ରାହ୍ମେଣ ସ ବଲେନତୁ॥ 1-148-80 (6773)
ପୁତ୍ରଜନ୍ମ ପରୀପ୍ସନ୍ବୈ ପୃଥିବୀମନ୍ବସଂଚରତ୍।
ଅହିଚ୍ଛତ୍ରଂ ଚ ବିଷଯଂ ଦ୍ରୋଣଃ ସମଭିପଦ୍ଯତ॥ 1-148-81 (6774)
ଏବଂ ରାଜନ୍ନହିଚ୍ଛତ୍ରା ପୁରୀଜନପଦାଯୁତା।
ଯୁଧି ନିର୍ଜିତ୍ଯ ପାର୍ଥେନ ଦ୍ରୋଣାଯ ପ୍ରତିପାଦିତା॥ ॥ 1-148-82 (6775)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଅଷ୍ଟଚତ୍ବାରିଂଶଦଧିକଶତତମୋଽଧ୍ଯାଯଃ॥ 148 ॥
Mahabharata - Adi Parva - Chapter Footnotes
1-148-61 ଶରାବରଂ ଚର୍ମ॥ 1-148-62 ଈଷା ରଥସ୍ଯ ଯୁଗଚକ୍ରସଂଲଗ୍ନଂ ମହାଦାରୁ॥ 1-148-70 ପ୍ରାପ୍ଯ ଜୀବନ୍ନୃପ ବଶାମିତି ଙପାଠଃ॥ ଅଷ୍ଟଚତ୍ବାରିଂଶଦଧିକଶତତମୋଽଧ୍ଯାଯଃ॥ 148 ॥ଆଦିପର୍ବ - ଅଧ୍ଯାଯ 149
॥ ଶ୍ରୀଃ ॥
1.149. ଅଧ୍ଯାଯଃ 149
Mahabharata - Adi Parva - Chapter Topics
ଦ୍ରୁପଦସ୍ଯ ଯାଜୋପଯାଜସମୀପଗମନମ୍॥ 1 ॥ ଉପଯାଜେନ ଦ୍ରୋଣବିନାଶକପୁତ୍ରୋତ୍ପାଦନାର୍ଥଂ ଯାଜନାଯ ପ୍ରାର୍ଥିତେ ଯାଜନସ୍ଯ ପ୍ରତ୍ଯାଖ୍ଯାନମ୍॥ 2 ॥ ଯାଜେନାଙ୍ଗୀକାରେ ଯଜନାରମ୍ଭଃ॥ 3 ॥ ଅପତ୍ଯପ୍ରଦହବିଃପ୍ରାଶନାର୍ଥଂ ଦ୍ରୁପଦପତ୍ନ୍ଯା ଆହ୍ବାନେ ଗର୍ବାତ୍ତଯା ବିଲମ୍ବନମ୍॥ 4 ॥ କ୍ରୁଦ୍ଧାଭ୍ଯାଂ ଯାଜୋପଯାଜାଭ୍ଯାଂ ଅଗ୍ନୌ ହୃବିଷୋ ହୋମେନାଗ୍ନିକୁଣ୍ଡାଦ୍ଧୃଷ୍ଟଦ୍ଯୁମ୍ନସ୍ଯୋତ୍ପତ୍ତିଃ॥ 5 ॥ ଦ୍ବିତୀଯହବିଷୋ ହୋମେନ ପାଞ୍ଚାଲ୍ଯା ଉତ୍ପତ୍ତିଃ॥ 6 ॥ ତଯୋର୍ନାମକରଣମ୍॥ 7 ॥ ଦ୍ରୋଣାଦ୍ଧୃଷ୍ଟଦ୍ଯୁମ୍ନସ୍ଯାସ୍ତ୍ରଶିକ୍ଷଣମ୍॥ 8 ॥Mahabharata - Adi Parva - Chapter Text
1-149-0 (6776)
`ବୈଶମ୍ପାଯନ ଉବାଚ। 1-149-0x (881)
ଦ୍ରୋଣେନ ବୈରଂ ଦ୍ରୁପଦୋ ନ ସୁଷ୍ବାପ ସ୍ମରଂସ୍ତଦା।
କ୍ଷାତ୍ରେଣ ବୈ ବଲେନାସ୍ଯ ନାଽଶଶଂସେ ପରାଜଯମ୍॥ 1-149-1 (6777)
ହୀନଂ ବିଦିତ୍ବା ଚାତ୍ମାନଂ ବ୍ରାହ୍ମେଣାପି ବଲେନ ଚ।
ଦ୍ରୁପଦୋଽମର୍ଷଣାଦ୍ରାଜା କର୍ମସିଦ୍ଧାନ୍ଦ୍ବିଜୋତ୍ତମାନ୍॥ 1-149-2 (6778)
ଅନ୍ବିଚ୍ଛନ୍ପରିଚକ୍ରାମ ବ୍ରାହ୍ମଣାବସଥାନ୍ବହୂନ୍।
ନାସ୍ତି ଶ୍ରେଷ୍ଠଂ ମମାପତ୍ଯଂ ଧିଗ୍ବନ୍ଧୂନିତି ଚ ବ୍ରୁବନ୍॥ 1-149-3 (6779)
ନିଶ୍ବାସପରମୋ ହ୍ଯାସୀଦ୍ଦ୍ରୋଣଂ ପ୍ରତିଚିକୀର୍ଷଯା।
ନ ସନ୍ତି ମମ ମିତ୍ରାଣି ଲୋକେଽସ୍ମିନ୍ନାସ୍ତି ବୀର୍ଯବାନ୍॥ 1-149-4 (6780)
ପୁତ୍ରଜନ୍ମ ପରୀପ୍ସନ୍ବୈ ପୃଥିବୀମନ୍ବଯାଦିମାମ୍।
ପ୍ରଭାବଶିକ୍ଷାବିନଯାଦ୍ଦ୍ରୋଣସ୍ଯାସ୍ତ୍ରବଲେନ ଚ॥ 1-149-5 (6781)
କର୍ତୁଂ ପ୍ରଯତମାନୋ ବୈ ନ ଶଶାକ ପରାଜଯମ୍।
ଅଭିତଃ ସୋଽଥ କଲ୍ମାଷୀଂ ଗଙ୍ଗାତୀରେ ପରିଭ୍ରମନ୍॥ 1-149-6 (6782)
ବ୍ରାହ୍ମଣାବସଥଂ ପୁଣ୍ଯମାସସାଦ ମହୀପତିଃ।
ତତ୍ର ନାସ୍ନାତକଃ କଶ୍ଚିନ୍ନ ଚାସୀଦବ୍ରତୋ ଦ୍ବିଜଃ॥ 1-149-7 (6783)
ତଥୈବ ତୌ ମହାଭାଗୌ ସୋଽପଶ୍ଯଚ୍ଛଂସିତବ୍ରତୌ।
ଯାଜୋପଯାଜୌ ବ୍ରହ୍ମର୍ଷୀ ଭ୍ରାତରୌ ପୃଷତାତ୍ମଜଃ॥ 1-149-8 (6784)
ସଂହିତାଧ୍ଯଯନେ ଯୁକ୍ତୌ ଗୋତ୍ରତଶ୍ଚାପି କାଶ୍ଯପୌ।
ଅରଣ୍ଯେ ଯୁକ୍ତରୂପୌ ତୌ ବ୍ରାହ୍ମଣାବୃଷିସତ୍ତମୌ॥ 1-149-9 (6785)
ସ ଉପାମନ୍ତ୍ରଯାମାସ ସର୍ବକାମୈରତନ୍ଦ୍ରିତଃ।
ବୁଦ୍ଧ୍ବା ତଯୋର୍ବଲଂ ବୁଦ୍ଧିଂ କନୀଯାଂସମୁପହ୍ବରେ॥ 1-149-10 (6786)
ପ୍ରପେଦେ ଛନ୍ଦଯନ୍କାମୈରୁପଯାଜଂ ଧୃତବ୍ରତମ୍।
ଗୁରୁଶୁଶ୍ରୂଷଣେ ଯୁକ୍ତଃ ପ୍ରିଯକୃତ୍ସର୍ବକାମଦମ୍॥ 1-149-11 (6787)
ପାଦ୍ଯେନାସନଦାନେନ ତଥାଽର୍ଘ୍ଯେଣ ଫଲୈଶ୍ଚ ତମ୍।
ଅର୍ହଯିତ୍ବା ଯଥାନ୍ଯାଯମୁପଯାଜୋଽବ୍ରବୀତ୍ତତଃ॥ 1-149-12 (6788)
ଯେନ କାର୍ଯବିଶେଷେଣ ତ୍ବମସ୍ମାନଭିକାଙ୍କ୍ଷସେ।
କୃତଶ୍ଚାଯଂ ସମୁଦ୍ଯୋଗସ୍ତଦ୍ବ୍ରବୀତୁ ଭବାନିତି॥ 1-149-13 (6789)
ବୈଶମ୍ପାଯନ ଉବାଚ। 1-149-14x (882)
ସ ବୁଦ୍ଧ୍ବା ପ୍ରୀତିସଂଯୁକ୍ତମୃଷୀଣାମୁତ୍ତମଂ ତଦା।
ଉବାଚ ଛନ୍ଦଯନ୍କାମୈର୍ଦ୍ରୁପଦଃ ସ ତପସ୍ବିନମ୍॥ 1-149-14 (6790)
ଯେନ ମେ କର୍ମଣା ବ୍ରହ୍ମନ୍ପୁତ୍ରଃ ସ୍ଯାଦ୍ଦ୍ରୋଣମୃତ୍ଯେବ।
ଉପଯାଜ ଚରସ୍ବୈତତ୍ପ୍ରଦାସ୍ଯାମି ଧନଂ ତବ॥ 1-149-15 (6791)
ଉପଯାଜ ଉବାଚ। 1-149-16x (883)
ନାହଂ ଫଲାର୍ଥୀ ଦ୍ରୁପଦ ଯୋଽର୍ଥୀ ସ୍ଯାତ୍ତତ୍ର ଗମ୍ଯତାମ୍। 1-149-16 (6792)
ବୈଶମ୍ପାଯନ ଉବାଚ।
ପ୍ରତ୍ଯାଖ୍ଯାତସ୍ତୁ ତେନୈବଂ ସ ବୈ ସଜ୍ଜନସଂନିଧୌ॥ 1-149-16x (884)
ଆରାଧଯିଷ୍ଯନ୍ଦ୍ରୁପଦଃ ସ ତଂ ପର୍ଯଚରତ୍ତଦା।
ତତଃ ସଂବତ୍ସରସ୍ଯାନ୍ତେ ଦ୍ରୁପଦଂ ଦ୍ବିଜସତ୍ତମଃ॥ 1-149-17 (6793)
ଉପଯାଜୋଽବ୍ରବୀଦ୍ବାକ୍ଯଂ କାଲେ ମଧୁରଯା ଗିରା।
ଜ୍ଯେଷ୍ଠୋ ଭ୍ରାତା ନ ମେଽତ୍ଯାକ୍ଷୀଦ୍ବିଚରନ୍ବିଜନେ ବନେ॥ 1-149-18 (6794)
ଅପରିଜ୍ଞାତଶୌଚାଯାଂ ଭୂମୌ ନିପତିତଂ ଫଲମ୍।
ତଦପଶ୍ଯମହଂ ଭ୍ରାତୁରସାଂପ୍ରତମନୁବ୍ରଜନ୍॥ 1-149-19 (6795)
ବିମର୍ଶଂ ହି ଫଲାଦାନେ ନାଯଂ କୁର୍ଯାତ୍କଥଂଚନ।
ନାପଶ୍ଯତ୍ଫଲଂ ଦୃଷ୍ଟ୍ବା ଦୋଷାଂସ୍ତସ୍ଯାଽଽନୁବନ୍ଧିକାନ୍॥ 1-149-20 (6796)
ବିବିନକ୍ତି ନ ଶୌଚାର୍ଥୀ ସୋଽନ୍ଯତ୍ରାପି କଥଂ ଭବେତ୍।
ସଂହିତାଧ୍ଯଯନସ୍ଯାନ୍ତେ ପଞ୍ଚଯଜ୍ଞାନ୍ନିରୂପ୍ଯ ଚ॥ 1-149-21 (6797)
ଭୈକ୍ଷମୁଞ୍ଛେନ ସହିତଂ ଭୁଞ୍ଜାନସ୍ତୁ ତଦା ତଦା।
କୀର୍ତଯତ୍ଯେବ ରାଜର୍ଷେ ଭୋଜନସ୍ଯ ରସଂ ପୁନଃ॥ 1-149-22 (6798)
ସଂହିତାଧ୍ଯଯନଂ କୁର୍ବନ୍ବନେ ଗୁରୁକୁଲେ ବସନ୍।
ଭୈକ୍ଷମୁଚ୍ଛିଷ୍ଟମନ୍ଯେଷାଂ ଭୁଙ୍କ୍ତେ ସ୍ମ ସତତଂ ତଥା॥ 1-149-23 (6799)
କୀର୍ତଯନ୍ଗୁଣମନ୍ନାନାମଥ ପ୍ରୀତୋ ମୁହୁର୍ମୁହୁଃ।
ଏବଂ ଫଲାର୍ଥିନସ୍ତ୍ସମାନ୍ମନ୍ଯେଽହଂ ତର୍କଚକ୍ଷୁଷା॥ 1-149-24 (6800)
ତଂ ବୈ ଗଚ୍ଛେହ ନୃପତେ ତ୍ବାଂ ସ ସଂଯାଜଯିଷ୍ଯତି॥ 1-149-25 (6801)
ବୈଶମ୍ପାଯନ ଉବାଚ। 1-149-26x (885)
ଉପଯାଜବଚଃ ଶ୍ରୁତ୍ବା ଯାଜସ୍ଯାଶ୍ରମମଭ୍ଯଗାତ୍।
ଜୁଗୁପ୍ସମାନୋ ନୃପତିର୍ମନସେଦଂ ବିଚିନ୍ତଯନ୍॥ 1-149-26 (6802)
ଭୃଶଂ ସଂପୂଜ୍ଯ ପୂଜାର୍ହମୃଷିଂ ଯାଜମୁବାଚ ହ।
ଗୋଶତାନି ଦଦାନ୍ଯଷ୍ଟୌ ଯାଜ ଯାଜଯ ମାଂ ବିଭୋ॥ 1-149-27 (6803)
ଦ୍ରୋଣବୈରାନ୍ତରେ ତପ୍ତଂ ବିଷଣ୍ଣଂ ଶରଣାଗତମ୍।
ବ୍ରହ୍ମବନ୍ଧୁପ୍ରଣିହିତଂ ନ କ୍ଷତ୍ରଂ କ୍ଷତ୍ରିଯୋ ଜଯେତ୍॥ 1-149-28 (6804)
ତସ୍ମାଦ୍ଦ୍ରୋଣଭଯାର୍ତଂ ମାଂ ଭବାଂସ୍ତ୍ରାତୁମିହାର୍ହତି।
ଯେନ ମେ କର୍ମଣା ବ୍ରହ୍ମନ୍ପୁତ୍ରଃ ସ୍ଯାଦ୍ଦ୍ରୋଣମୃତ୍ଯବେ॥ 1-149-29 (6805)
ଅର୍ଜୁନସ୍ଯାପି ବୈ ଭାର୍ଯା ଭବେଦ୍ଯା ବରବର୍ଣିନୀ।
ସ ହି ବ୍ରହ୍ମବିଦାଂ ଶ୍ରେଷ୍ଠୋ ବ୍ରାହ୍ମେ କ୍ଷାତ୍ରେଽପ୍ଯନୁତ୍ତମଃ॥ 1-149-30 (6806)
ତତୋ ଦ୍ରୋଣସ୍ତୁ ମାଽଜୈଷୀତ୍ସଖିବିଗ୍ରହକାରଣାତ୍।
କ୍ଷତ୍ରିଯୋ ନାସ୍ତି ତୁଲ୍ଯୋଽସ୍ଯ ପୃଥିବ୍ଯାଂ କଶ୍ଚିଦଗ୍ରଣୀଃ॥ 1-149-31 (6807)
ଭାରତାଚାର୍ଯମୁଖ୍ଯସ୍ଯ ଭାରଦ୍ବାଜସ୍ଯ ଧୀମତଃ।
ଦ୍ରୋଣସ୍ଯ ଶରଜାଲାନି ରିପୁଦେହହରାଣି ଚ॥ 1-149-32 (6808)
ଷଡରତ୍ନି ଧନୁଶ୍ଚାସ୍ଯ ଖଡ୍ଗମପ୍ରତିମ ତଥା।
ସ ହି ବ୍ରାହ୍ମଣବେଷେଣ କ୍ଷାତ୍ରଂ ବେଗମସଂଶଯମ୍॥ 1-149-33 (6809)
ପ୍ରତିହନ୍ତି ମହେଷ୍ବାସୋ ଭାରଦ୍ବାଜୋ ମହାମନାଃ।
କାର୍ତବୀର୍ଯସମୋ ହ୍ଯେଷ ଖଟ୍ବାଙ୍ଗପ୍ରତିମୋ ରଣେ॥ 1-149-34 (6810)
କ୍ଷତ୍ରୋଚ୍ଛେଦାଯ ବିହିତୋ ଜାମଦଗ୍ନ୍ଯ ଇବାସ୍ଥିତଃ॥ 1-149-35 (6811)
ସହିତଂ କ୍ଷତ୍ରବେଗେନ ବ୍ରହ୍ମବେଗେନ ସାଂପ୍ରତମ୍।
ଉପପନ୍ନଂ ହି ମନ୍ଯେଽହଂ ଭାରଦ୍ବାଜଂ ଯଶସ୍ବିନମ୍॥ 1-149-36 (6812)
ନେଷବସ୍ତମପାକୁର୍ଯୁର୍ନ ଚ ପ୍ରାସା ନ ଚାସଯଃ।
ବ୍ରାହ୍ମଂ ତସ୍ଯ ମହାତେଜୋ ମନ୍ତ୍ରାହୁତିହୁତଂ ଯଥା॥ 1-149-37 (6813)
ତସ୍ଯ ହ୍ଯସ୍ତ୍ରବଲଂ ଘୋରମପ୍ରସହ୍ଯଂ ପରୈର୍ଭୁବି।
ଶତ୍ରୂନ୍ସମେତ୍ଯ ଜଯତି କ୍ଷତ୍ରଂ ବ୍ରହ୍ମପୁରସ୍କୃତମ୍॥ 1-149-38 (6814)
ବ୍ରହ୍ମକ୍ଷତ୍ରେ ଚ ସହିତେ ବ୍ରହ୍ମତେଜୋ ବିଶିଷ୍ଯତେ।
ସୋଽହଂ କ୍ଷତ୍ରବଲାଦ୍ଦୀନୋ ବ୍ରହ୍ମତେଜଃ ପ୍ରପେଦିବାନ୍॥ 1-149-39 (6815)
ଦ୍ରୋଣାଦ୍ବିଶିଷ୍ଟମାସାଦ୍ଯ ଭବନ୍ତଂ ବ୍ରହ୍ମବିତ୍ତମମ୍।
ଦ୍ରୋଣାନ୍ତକମହଂ ପୁତ୍ରଂ ଲଭେଯଂ ଯୁଧି ଦୁର୍ଜଯମ୍॥ 1-149-40 (6816)
ଦ୍ରୋଣମୃତ୍ଯୁର୍ଯଥା ମେଽଦ୍ଯ ପୁତ୍ରୋ ଜାଯେତ ବୀର୍ଯବାନ୍।
ତତ୍କର୍ମ କୁରୁ ମେ ଯାଜ ନିର୍ବପାମ୍ଯର୍ବୁଦ୍ଧଂ ଗବାମ୍॥ 1-149-41 (6817)
ବୈଶମ୍ପାଯନ ଉବାଚ। 1-149-42x (886)
ତଥେତ୍ଯୁକ୍ତ୍ବା ତୁଂ ତଂ ଯାଜୋ ଯଜ୍ଞାର୍ଥମୁପକଲ୍ପଯନ୍।
ଗୁର୍ବର୍ଥ ଇତି ଚାକାମମୁପଯାଜମଚୋଦଯତ୍॥ 1-149-42 (6818)
ଦ୍ରୁପଦଂ ଚ ମହାରାଜମିଦଂ ବଚନମବ୍ରବୀତ୍।
ମା ଭୈସ୍ତ୍ବଂ ସଂପ୍ରଦାସ୍ଯାମି କର୍ମଣା ଭବତଃ ସୁତମ୍॥ 1-149-43 (6819)
କ୍ଷିପ୍ରମୁତ୍ତିଷ୍ଠ ଚାବ୍ଯଗ୍ରଃ ସଂଭାରାନୁପକଲ୍ପଯ। 1-149-44 (6820)
ବୈଶମ୍ପାଯନ ଉବାଚ।
ଏବମୁକ୍ତ୍ବା ପ୍ରତିଜ୍ଞାଯ କର୍ମ ଚାସ୍ଯାଦଦେ ମୁନିଃ॥ 1-149-44x (887)
ବ୍ରାହ୍ମଣୋ ଦ୍ବିପଦାଂ ଶ୍ରେଷ୍ଠୋ ଯଥାବିଧି କଥାକ୍ରମମ୍।
ଯାଜୋ ଦ୍ରୋଣବିନାଶାଯ ଯାଜଯାମାସ ତଂ ନୃପମ୍॥ 1-149-45 (6821)
ଗୁର୍ବର୍ଥେଽଯୋଜଯତ୍କର୍ମ ଯାଜସ୍ଯାପି ସମୀପତଃ।
ତତସ୍ତସ୍ଯ ନରେନ୍ଦ୍ରସ୍ଯ ଉପଯାଜୋ ମହାତପାଃ॥ 1-149-46 (6822)
ଆଚବ୍ଯୌ କର୍ମ ବୈତାନଂ ତଥା ପୁତ୍ରଫଲାଯ ବୈ।
ଇହ ପୁତ୍ରୋ ମହାବୀର୍ଯୋ ମହାତେଜା ମହାବଲଃ।
ଇଷ୍ଯତେ ଯଦ୍ବିଧୋ ରାଜନ୍ଭବିତା ସ ତଥାବିଧଃ॥ 1-149-47 (6823)
ବୈଶମ୍ପାଯନ ଉବାଚ। 1-149-48x (888)
ଭାରଦ୍ବାଜସ୍ଯ ହନ୍ତାରଂ ସୋଽଭିସନ୍ଧାଯ ପାର୍ଥିବଃ।
ଆଜହେଽଥ ତଦା ରାଜନ୍ଦ୍ରୁପଦଃ କର୍ମ ସିଦ୍ଧଯେ॥ 1-149-48 (6824)
ବ୍ରାହ୍ମଣୋ ଦ୍ବିପଦାଂ ଶ୍ରେଷ୍ଠୋ ଜୁହାବ ଚ ଯଥାବିଧି।
କୌସବୀ ନାମ ତସ୍ଯାସୀଦ୍ଯା ବୈ ତାଂ ପୁତ୍ରଗୃଦ୍ଧିନଃ॥ 1-149-49 (6825)
ସୌତ୍ରାମଣିଂ ତଥା ପତ୍ନୀଂ ତତଃ କାଲେଽଭ୍ଯଯାତ୍ତଦା।
ଯାଜସ୍ତୁ ସବନସ୍ଯାନ୍ତେ ଦେବୀମାହ୍ବାପଯତ୍ତଦା॥ 1-149-50 (6826)
ପ୍ରେହି ମାଂ ରାଜ୍ଞି ପୃଷତି ମିଥୁନଂ ତ୍ବାମୁପସ୍ଥିତମ୍।
କୁମାରଶ୍ଚ କୁମାରୀ ଚ ପିତୃବଂଶବିବୃଦ୍ଧଯେ॥ 1-149-51 (6827)
ପୃଷତ୍ଯୁବାଚ। 1-149-52x (889)
ନାଲିପ୍ତଂ ବୈ ମମ ମୁଖଂ ପୁଣ୍ଯାନ୍ଗନ୍ଧାନ୍ବିଭର୍ମି ଚ।
ନ ପତ୍ନୀ ତେଽସ୍ମି ସୂତ୍ଯର୍ଥେ ତିଷ୍ଠ ଯାଜ ମମ ପ୍ରିଯେ॥ 1-149-52 (6828)
ଯାଜ ଉବାଚ। 1-149-53x (890)
ଯାଜେନ ଶ୍ରପିତଂ ହବ୍ଯମୁପଯାଜେନ ମନ୍ତ୍ରିତମ୍।
କଥଂ କାମଂ ନ ସଂଦଧ୍ଯାତ୍ପୃଷତି ପ୍ରେହି ତିଷ୍ଠ ବା॥ 1-149-53 (6829)
ବୈଶମ୍ପାଯନ ଉବାଚ। 1-149-54x (891)
ଏବମୁକ୍ତ୍ବା ତୁ ଯାଜେନ ହୁତେ ହବିଷି ସଂସ୍କୃତେ।
ଉତ୍ତସ୍ଥୌ ପାବକାତ୍ତସ୍ମାତ୍କୁମାରୋ ଦେବସଂନିଭଃ॥ 1-149-54 (6830)
ଜ୍ବାଲାବର୍ଣୋ ଘୋରରୂପଃ କିରୀଟୀ ବର୍ମ ଧାରଯନ୍।
ବୀରଃ ସଖଙ୍ଗଃ ସଶରୋ ଧନୁଷ୍ମାନ୍ସ ନଦନ୍ମୁହୁଃ॥ 1-149-55 (6831)
ସୋଽଭ୍ଯରୋହଦ୍ରଥବରଂ ତେନ ଚ ପ୍ରଯଯୌ ତଦା।
ଜାତମାତ୍ରେ କୁମାରେ ଚ ବାକ୍କିଲାନ୍ତର୍ହିତାବ୍ରବୀତ୍॥ 1-149-56 (6832)
ଏଷ ଶିଷ୍ଯଶ୍ଚ ମୃତ୍ଯୁଶ୍ଚ ଭାରଦ୍ବାଜସ୍ଯ ଜାଯତେ।
ଭଯାପହୋ ରାଜପୁତ୍ରଃ ପାଞ୍ଚାଲାନାଂ ଯଶସ୍କରଃ॥ 1-149-57 (6833)
ରାଜ୍ଞଃ ଶୋକାପହୋ ଜାତ ଏଷ ଦ୍ରୋଣବଧାଯ ହି।
ଇତ୍ଯବୋଚନ୍ମହଦ୍ଭୂତମଦୃଶ୍ଯଂ ଖେଚରଂ ତଦା॥ 1-149-58 (6834)
ତତଃ ପ୍ରଣେଦୁଃ ପାଞ୍ଚାଲାଃ ପ୍ରହୃଷ୍ଟାଃ ସାଧୁସାଧ୍ବିତି।
ଦ୍ବିତୀଯାଯାଂ ଚ ହୋତ୍ରାଯାଂ ହୁତେ ହବିଷି ମନ୍ତ୍ରିତେ॥ 1-149-59 (6835)
କୁମାରୀ ଚାପି ପାଞ୍ଚାଲୀ ବେଦିମଧ୍ଯାତ୍ସମୁତ୍ଥିତା।
ପ୍ରତ୍ଯାଖ୍ଯାତେ ପୃଷତ୍ଯା ଚ ଯାଜକେ ଭରତର୍ଷଭ॥ 1-149-60 (6836)
ପୁନଃ କୁମାରୀ ପାଞ୍ଚାଲୀ ସୁଭଗା ବେଦିମଧ୍ଯଗା।
ଅନ୍ତର୍ବେଦ୍ଯାଂ ସମୁଦ୍ଭୂତା କନ୍ଯା ସା ସୁମନୋହରା॥ 1-149-61 (6837)
ଶ୍ଯାମା ପଦ୍ମପଲାଶାକ୍ଷୀ ନୀଲକୁଞ୍ଚିତମୂର୍ଧଜା।
ମାନୁଷଂ ବିଗ୍ରହଂ କୃତ୍ବା ସାକ୍ଷାଚ୍ଛ୍ରୀରିବ ବର୍ଣିନୀ॥ 1-149-62 (6838)
ତାମ୍ରତୁଙ୍ଗନଖୀ ସୁଭ୍ରୂଶ୍ଚାରୁପୀନପଯୋଧରା।
ନୀଲୋତ୍ପଲସମୋ ଗନ୍ଧୋ ଯସ୍ଯାଃ କ୍ରୋଶାତ୍ପ୍ରଧାବତି॥ 1-149-63 (6839)
ଯା ବିଭର୍ତି ପରଂ ରୂପଂ ଯସ୍ଯା ନାସ୍ତ୍ଯୁପମା ଭୁବି।
ଦେବଦାନବଯକ୍ଷାଣାମୀପ୍ସିତା ବରବର୍ଣିନୀ॥ 1-149-64 (6840)
ତାଂ ଚାପି ଜାତାଂ ସୁଶ୍ରୋଣୀଂ ବାଗୁବାଚାଶରୀରିଣୀ।
ସର୍ବଯୋଷିଦ୍ବରା କୃଷ୍ଣା କ୍ଷଯଂ କ୍ଷତ୍ରସ୍ଯ ନେଷ୍ଯତି॥ 1-149-65 (6841)
ସୁରକାର୍ଯମିଯଂ କାଲେ କରିଷ୍ଯତି ସୁମଧ୍ଯମା।
ଅସ୍ଯା ହେତୋଃ କ୍ଷତ୍ରିଯାଣାଂ ମହଦୁତ୍ପତ୍ସ୍ଯତେ ଭଯମ୍॥ 1-149-66 (6842)
ତଚ୍ଛ୍ରୁତ୍ବା ସର୍ବପାଞ୍ଚାଲାଃ ପ୍ରଣେଦୁଃ ସିଂହସଙ୍ଘବତ୍।
ନ ଚୈନାନ୍ହର୍ଷସଂପନ୍ନାନିଯଂ ସେହେ ବସୁନ୍ଧରା॥ 1-149-67 (6843)
ତଥା ତୁ ମିଥୁନଂ ଜଜ୍ଞେ ଦ୍ରୁପଦସ୍ଯ ମହାତ୍ମନଃ।
କୁମାରଶ୍ଚ କୁମାରୀ ଚ ମନୋଜ୍ଞୌ ତୌ ନରର୍ଷଭୌ॥ 1-149-68 (6844)
ଶ୍ରିଯା ପରମଯା ଯୁକ୍ତୌ କ୍ଷାତ୍ରେଣ ବପୁଷା ତଥା।
ତୌ ଦୃଷ୍ଟ୍ବା ପୃଷତୀ ଯାଜଂ ପ୍ରପେଦେ ସା ସୁତାର୍ଥିନୀ॥ 1-149-69 (6845)
ନ ବୈ ମଦନ୍ଯାଂ ଜନନୀଂ ଜାନୀଯାତାମିମାବିତି।
ତଥେତ୍ଯୁବାଚ ତାଂ ଯାଜୋ ରାଜ୍ଞଃ ପ୍ରିଯଚିକୀର୍ଷଯା॥ 1-149-70 (6846)
ତଯୋସ୍ତୁ ନାମନୀ ଚକ୍ରୁର୍ଦ୍ବିଜାଃ ସଂପୂର୍ଣମାନସାଃ।
ଧୃଷ୍ଟତ୍ବାଦପ୍ରଧୃଷ୍ଯତ୍ବାତ୍ ଦ୍ଯୁମ୍ନାଦ୍ଯୁତ୍ସଂଭବାଦପି॥ 1-149-71 (6847)
ଧୃଷ୍ଟଦ୍ଯୁମ୍ନଃ କୁମାରୋଽଯଂ ଦ୍ରୁପଦ୍ସଯ ଭବତ୍ବିତି।
କୃଷ୍ଣେତ୍ଯେବାଭବତ୍କନ୍ଯା କୃଷ୍ଣା ଭୂତ୍ସା ହି ବର୍ଣତଃ॥ 1-149-72 (6848)
ତଥା ତନ୍ମିଥୁନଂ ଜଜ୍ଞେ ଦ୍ରୁପଦସ୍ଯ ମହାମଖେ।
ବୈଦିକାଧ୍ଯଯନେ ପାରଂ ଧୃଷ୍ଟଦ୍ଯୁମ୍ନୋ ଗତସ୍ତଦା॥ 1-149-73 (6849)
ଧୃଷ୍ଟଦ୍ଯୁମ୍ନଂ ତୁ ପାଞ୍ଚାଲ୍ଯମାନୀଯ ସ୍ବଂ ନିବେଶନମ୍।
ଉପାକରୋଦସ୍ତ୍ରହେତୋର୍ଭାରଦ୍ବାଜଃ ପ୍ରତାପବାନ୍॥ 1-149-74 (6850)
ଅମୋକ୍ଷଣୀଯଂ ଦୈବଂ ହି ଭାବି ମତ୍ବା ମହାମତିଃ।
ତଥା ତତ୍କୃତବାନ୍ଦ୍ରୋଣ ଆତ୍ମକୀର୍ତ୍ଯନୁରକ୍ଷଣାତ୍॥ 1-149-75 (6851)
ସର୍ବାସ୍ତ୍ରାଣି ସ ତୁ କ୍ଷିପ୍ରମାପ୍ତବାନ୍ପରଯା ଧିଯା॥ ॥ 1-149-76 (6852)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଊନପଞ୍ଚାଶଦଧିକଶତତମୋଽଧ୍ଯାଯଃ॥ 149 ॥
Mahabharata - Adi Parva - Chapter Footnotes
1-149-63 କ୍ରୋଶାତ୍ କ୍ରୋଶମଭିବ୍ଯାପ୍ଯ॥ 1-149-71 ଦ୍ଯୁମ୍ନାଦ୍ଯୁତ୍ସଂଭବାତ୍ ହିରଣ୍ଯାଦିଭିଃ ସହ ଜାତତ୍ବାତ୍॥ ଊନପଞ୍ଚାଶଦଧିକଶତତମୋଽଧ୍ଯାଯଃ॥ 149 ॥ଆଦିପର୍ବ - ଅଧ୍ଯାଯ 150
॥ ଶ୍ରୀଃ ॥
1.150. ଅଧ୍ଯାଯଃ 150
Mahabharata - Adi Parva - Chapter Topics
ଦ୍ରୁପଦୋତ୍ପତ୍ତିଃ॥ 1 ॥Mahabharata - Adi Parva - Chapter Text
1-150-0 (6853)
ଜନମେଜଯ ଉବାଚ। 1-150-0x (892)
ଦ୍ରୁପଦସ୍ଯାପି ବିପ୍ରର୍ଷେ ଶ୍ରୋତୁମିଚ୍ଛାମି ସଂଭବମ୍।
କଥଂ ଚାପି ସମୁତ୍ପନ୍ନଃ କଥମସ୍ତ୍ରାଣ୍ଯବାପ୍ତବାନ୍॥' 1-150-1 (6854)
ଏତଦିଚ୍ଛାମି ଭଗବଂସ୍ତ୍ବତ୍ତଃ ଶ୍ରୋତୁଂ ଦ୍ବିଜୋତ୍ତମ।
କୌତୂହଲଂ ଜନ୍ମସୁ ମେ କୀର୍ତ୍ଯମାନେଷ୍ବନେକଶଃ॥ 1-150-2 (6855)
ବୈଶମ୍ପାଯନ ଉବାଚ। 1-150-3x (893)
ରାଜା ବଭୂବ ପାଞ୍ଚାଲଃ ପୁତ୍ରାର୍ଥୀ ପୁତ୍ରକାରଣାତ୍।
ବନଂ ଗତୋ ମହାରାଜସ୍ତପସ୍ତେପେ ସୁଦାରୁଣମ୍॥ 1-150-3 (6856)
ଆରାଧଯନ୍ପ୍ରଯତ୍ନେନ ମହର୍ଷୀନ୍ସଂଶିତବ୍ରତାନ୍।
ତସ୍ଯ ସଂତପ୍ଯମାନସ୍ଯ ବନେ ମୃଗଗଣାଯୁତେ॥ 1-150-4 (6857)
କାଲସ୍ତୁ ସୁମହାନ୍ରାଜନ୍ନତ୍ଯଯାତ୍ସୁତକାରଣାତ୍।
ସ ତୁ ରାଜା ମହାତେଜାସ୍ତପସ୍ତୀବ୍ରଂ ସମାଦଦେ॥ 1-150-5 (6858)
କଂଚିତ୍କାଲଂ ବାଯୁଭକ୍ଷୋ ନିରାହାରସ୍ତଥୈବ ଚ।
ତଥୈବ ତୁ ମହାବାହୋର୍ବର୍ତମାନସ୍ଯ ଭାରତ॥ 1-150-6 (6859)
କାଲସ୍ତସ୍ଯ ମହାରାଜ ଯାତୋ ବୈ ନୃପସତ୍ତମ।
ତତୋ ନାତିଚିରାତ୍କାଲେ ବସନ୍ତେ କାମଦୀପନେ॥ 1-150-7 (6860)
ଫୁଲ୍ଲାଶୋକବନେ ଚୈବ ପ୍ରାଣିନାଂ ସୁମନୋହରେ।
ନଦ୍ଯାସ୍ତୀରଂ ତତୋ ଗତ୍ବା ଗଙ୍ଗାଯାଃ ପଦ୍ମଲୋଚନଃ॥ 1-150-8 (6861)
ନିଯମସ୍ଥଶ୍ଚ ରାଜାସୀତ୍ତଦା ଭରତସତ୍ତମ।
ତତୋ ନାତିଚିରାତ୍କାଲେ ବନଂ ତନ୍ମନୁଜେଶ୍ବର॥ 1-150-9 (6862)
ସଂପ୍ରାପ୍ତା ହ୍ଯପ୍ସରା ରାଜନ୍ମେନକେତ୍ଯଭିବିଶ୍ରୁତା।
ପୁଷ୍ପଦ୍ରୁମାନ୍ସଜ୍ଜମାନା ରାଜ୍ଞୋ ଦର୍ଶନମାଗମତ୍॥ 1-150-10 (6863)
ନ ଦଦର୍ଶ ତୁ ସା ରାଜଂସ୍ତତ୍ର ସ୍ଥାନଗତଂ ନୃପମ୍।
ଦୃଷ୍ଟ୍ବା ଚାପ୍ସରସଂ ତାଂ ତୁ ଶୁକ୍ରଂ ରାଜ୍ଞୋଽପତଦ୍ଭୁବି॥ 1-150-11 (6864)
ତତଃ ସ ରାଜା ରାଜେନ୍ଦ୍ର ଲଜ୍ଜଯା ନୃପତିଃ ସ୍ବଯମ୍।
ପଦ୍ଭ୍ଯାମାକ୍ରମତାଯୁଷ୍ମଂସ୍ତତସ୍ତୁ ଦ୍ରୁପଦୋଽଭବତ୍॥ 1-150-12 (6865)
ତତସ୍ତୁ ତପସା ତସ୍ଯ ରାଜର୍ଷେର୍ଭାବିତାତ୍ମନଃ।
ପୁତ୍ରଃ ସମଭବଚ୍ଛୀଘ୍ରଂ ପଦୋସ୍ତସ୍ଯ କ୍ରମେଣ ତୁ॥ 1-150-13 (6866)
ତେନାସ୍ଯ ଋଷଯଃ ସର୍ବେ ସମାଗମ୍ଯ ତପୋଧନାଃ।
ନାମ ଚୁକ୍ରୁର୍ହି ବିଦ୍ବାଂସୋ ଦ୍ରୁପଦୋଽସ୍ତ୍ବିତି ଭାରତ॥ 1-150-14 (6867)
ସ ତସ୍ଯୈବାଶ୍ରମେ ରାଜନ୍ଭରଦ୍ବାଜସ୍ଯ ଭାରତ।
ବବୃଧେ ସୁମୁଖଂ ତତ୍ର କାମୈଃ ସର୍ବୈର୍ନୃପୋତ୍ତମ॥ 1-150-15 (6868)
ପାଞ୍ଚାଲୋଽପି ହି ରାଜେନ୍ଦ୍ର ସ୍ବରାଜ୍ଯଂ ଗତବାନ୍ପ୍ରଭୁଃ।
ଭରଦ୍ବାଜସ୍ଯ ବିଦ୍ଯାର୍ଥଂ ସୁତଂ ଦତ୍ବା ମହାତ୍ମନଃ॥ 1-150-16 (6869)
ସ କୁମାରସ୍ତତୋ ରାଜନ୍ଦ୍ରୋଣେନ ସହିତୋ ବନେ।
ବେଦାଂଶ୍ଚାଧିଜଗେ ସାଙ୍ଗାନ୍ଧନୁର୍ବେଦାଂଶ୍ଚ ଭାରତ॥ 1-150-17 (6870)
ପରଯା ସ ମୁଦା ଯୁକ୍ତୋ ବିଚଚାର ବନେ ସୁଖମ୍।
ତସ୍ଯୈବଂ ବର୍ତମାନସ୍ଯ ବନେ ବନଚରୈଃ ସହ॥ 1-150-18 (6871)
କାଲେନାତିଚିରାଦ୍ରାଜନ୍ପିତା ସ୍ବର୍ଗମୁପେଯିବାନ୍।
ସ ସମାଗମ୍ଯ ପାଞ୍ଚାଲୈଃ ପାଞ୍ଚାଲେଷ୍ବଭିଷେଚିତଃ॥ 1-150-19 (6872)
ପ୍ରାପ୍ତଶ୍ଚ ରାଜ୍ଯଂ ରାଜେନ୍ଦ୍ର ସୁହୃଦାଂ ପ୍ରୀତିବର୍ଧନଃ।
ରାଜ୍ଯଂ ରରକ୍ଷ ଧର୍ମେଣ ଯଥା ଚେନ୍ଦ୍ରସ୍ତ୍ରିବିଷ୍ଟପମ୍॥ 1-150-20 (6873)
ଏତନ୍ମଯା ତେ ରାଜେନ୍ଦ୍ର ଯଥାବତ୍ପରିକୀର୍ତିତମ୍।
ଦ୍ରୁପଦସ୍ଯ ଚ ରାଜର୍ଷେର୍ଧୃଷ୍ଟଦ୍ଯୁମ୍ନସ୍ଯ ଜନ୍ମ ଚ॥ ॥ 1-150-21 (6874)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ପଞ୍ଚାଶଦଧିକଶତତମୋଽଧ୍ଯାଯଃ॥ 150 ॥
ଆଦିପର୍ବ - ଅଧ୍ଯାଯ 151
॥ ଶ୍ରୀଃ ॥
1.151. ଅଧ୍ଯାଯଃ 151
Mahabharata - Adi Parva - Chapter Topics
ଯୌବରାଜ୍ଯେ ଯୁଧିଷ୍ଠିରସ୍ଯାଭିଷେକଃ॥ 1 ॥ ଭୀମସେନସ୍ଯ ବଲରାମାଦ୍ଗଦାଯୁଦ୍ଧଶିକ୍ଷଣମ୍॥ 2 ॥ ଦ୍ରୋଣେନାର୍ଜୁନସ୍ଯ ବ୍ରହ୍ମଶିରୋସ୍ତ୍ରବିଷଯେ ନିଯମକଥନମ୍॥ 3 ॥ ଭୀମାର୍ଜୁନଦିଗ୍ବିଜଯେନ ଧୃତରାଷ୍ଟ୍ରଚିନ୍ତା॥ 4 ॥Mahabharata - Adi Parva - Chapter Text
1-151-0 (6875)
ବୈଶମ୍ପାଯନ ଉବାଚ। 1-151-0x (894)
`ଧୃତରାଷ୍ଟ୍ରସ୍ତୁ ରାଜନ୍ଦ୍ରେ ଯଦା କୌରବନନ୍ଦନମ୍।
ଯୁଧିଷ୍ଠିରଂ ବିଜାନନ୍ବୈ ସମର୍ଥଂ ରାଜ୍ଯରକ୍ଷଣେ॥ 1-151-1 (6876)
ଯୌବରାଜ୍ଯାଭିଷେକାର୍ଥମମନ୍ତ୍ରଯତ ମନ୍ତ୍ରିଭିଃ।
ତେ ତୁ ବୁଦ୍ଧ୍ବାନ୍ବତପ୍ଯନ୍ତ ଧୃତରାଷ୍ଟ୍ରାତ୍ମଜାସ୍ତଦା॥ 1-151-2 (6877)
ତତଃ ସଂବତ୍ସରସ୍ଯାନ୍ତେ ଯୌବରାଜ୍ଯାଯ ପାର୍ଥିବ।
ସ୍ଥାପିତୋ ଧୃତରାଷ୍ଟ୍ରେଣ ପାଣ୍ଡୁପୁତ୍ରୋ ଯୁଧିଷ୍ଠିରଃ॥ 1-151-3 (6878)
ତତୋଽଦୀର୍ଘେଣ କାଲେନ କୁନ୍ତୀପୁତ୍ରୋ ଯୁଧିଷ୍ଠିରଃ।
ପିତୁରନ୍ତର୍ଦଧେ କୀର୍ତିଂ ଶୀଲବୃତ୍ତସମାଧିଭିଃ॥ 1-151-4 (6879)
ଅସିଯୁଦ୍ଧେ ଗଦାଯୁଦ୍ଧେ ରଥଯୁଦ୍ଧେ ଚ ପାଣ୍ଡବଃ।
ସଂକର୍ଷଣାଦଶିକ୍ଷଦ୍ବୈ ଶଶ୍ବଚ୍ଛିକ୍ଷାଂ ବୃକୋଦରଃ॥ 1-151-5 (6880)
ସମାପ୍ତଶିକ୍ଷୋ ଭୀମସ୍ତୁ ଦ୍ଯୁମତ୍ସେନସମୋ ବଲେ।
ପରାକ୍ରମେଣ ସଂପନ୍ନୋ ଭ୍ରାତୄଣାମଚରଦ୍ବଶେ॥ 1-151-6 (6881)
ପ୍ରଗାଢଦୃଢମୁଷ୍ଟିତ୍ବେ ଲାଘବେ ବେଧନେ ତଥା।
କ୍ଷୁରନାରାଚଭଲ୍ଲାନାଂ ବିପାଠାନାଂ ଚ ତତ୍ତ୍ବବିତ୍॥ 1-151-7 (6882)
ଋଜୁବକ୍ରବିଶାଲାନାଂ ପ୍ରଯୋକ୍ତା ଫାଲ୍ଗୁନୋଽଭବତ୍।
ଲାଘବେ ସୌଷ୍ଠବେ ଚୈବ ନାନ୍ଯଃ କଶ୍ଚନ ବିଦ୍ଯତେ॥ 1-151-8 (6883)
ବୀଭତ୍ସୁସଦୃଶୋ ଲୋକ ଇତି ଦ୍ରୋଣୋ ବ୍ଯବସ୍ଥିତଃ।
ତତୋଽବ୍ରବୀଦ୍ଗୁଡାକେଶଂ ଦ୍ରୋଣଃ କୌରବସଂସଦି॥ 1-151-9 (6884)
ଅଗସ୍ତ୍ଯସ୍ଯ ଧନୁର୍ବେଦେ ଶିଷ୍ଯୋ ମମ ଗୁରୁଃ ପୁରା।
ଅଗ୍ନିବେଶ୍ଯ ଇତି ଖ୍ଯାତସ୍ତସ୍ଯ ଶିଷ୍ଯୋଽସ୍ମି ଭାରତ॥ 1-151-10 (6885)
ତୀର୍ଥାତ୍ତୀର୍ଥଂ ଗମଯିତୁମହମେତତ୍ସମୁଦ୍ଯତଃ।
ତପସା ଯନ୍ମଯା ପ୍ରାପ୍ତମମୋଘମଶନିପ୍ରଭମ୍॥ 1-151-11 (6886)
ଅସ୍ତ୍ରଂ ବ୍ରହ୍ମଶିରୋ ନାମ ଯଦ୍ଦହେତ୍ପୃଥିବୀମପି।
ଦଦତା ଗୁରୁଣା ଚୋକ୍ତଂ ନ ମନୁଷ୍ଯେଷ୍ବିଦଂତ୍ବଯା॥ 1-151-12 (6887)
ଭାରଦ୍ବାଜ ବିମୋକ୍ତବ୍ଯମଲ୍ପବୀର୍ଯେଷୁ ସଂଯୁଗେ।
ଯଦ୍ଯଦନ୍ତର୍ହିତଂ ଭୂତଂ କିଂଚିଦ୍ଯୁଦ୍ଧ୍ଯେତ୍ତ୍ବଯା ସହ॥ 1-151-13 (6888)
ମହାତେଜସ୍ତ୍ବମେତେନ ହନ୍ଯାଃ ଶସ୍ତ୍ରେଣ ସଂଯୁଗେ।
ତ୍ବଯା ପ୍ରାପ୍ତମିଦଂ ବୀର ଦିବ୍ଯଂ ନାନ୍ଯୋଽର୍ହତି ତ୍ବିଦମ୍॥ 1-151-14 (6889)
ସମଯସ୍ତୁ ତ୍ବଯା ରକ୍ଷ୍ଯୋ ମୁନିସୃଷ୍ଟୋ ବିଶାଂପତେ।
ଆଚାର୍ଯଦକ୍ଷିଣାଂ ଦେହି ଜ୍ଞାତିଗ୍ରାମସ୍ଯ ପଶ୍ଯତଃ॥ 1-151-15 (6890)
ଦଦାନୀତି ପ୍ରତିଜ୍ଞାତେ ଫାଲ୍ଗୁନେନାବ୍ରବୀଦ୍ଗୁରୁଃ।
ଯୁଦ୍ଧେଽହଂ ପ୍ରତିଯୋଦ୍ଧବ୍ଯୋ ଯୁଧ୍ଯମାନସ୍ତ୍ବଯାଽନଘ॥ 1-151-16 (6891)
ତଥେତି ଚ ପ୍ରତିଜ୍ଞାଯ ଦ୍ରୋଣାଯ କୁରୁପୁଙ୍ଗବଃ।
ଉପସଂଗୃହ୍ଯ ଚରଣାବୁପତସ୍ଥେ ବିନୀତବତ୍॥ 1-151-17 (6892)
ଦ୍ରୋଣୋ ଜଗାଦ ବଚନଂ ସମାଲିଙ୍ଗ୍ଯ ତୁ ଫାଲ୍ଗୁନମ୍।
ଯନ୍ମଯୋକ୍ତଂ ପୁରା ପାର୍ଥ ତବ ଲୋକେ ନରଂ କ୍ବଚିତ୍॥ 1-151-18 (6893)
ସଦୃଶଂ କାରଯେ ନୈବ ସର୍ବପ୍ରହରଣେ ଯୁଧି।
ତତ୍କୃତଂ ଚ ମଯା ସମ୍ଯକ୍ତବ ତୁଲ୍ଯୋ ନ ବର୍ତତେ॥ 1-151-19 (6894)
ଦେବା ଯୁଧି ନ ଶକ୍ତାସ୍ତ୍ବାଂ ଯୋଦ୍ଧୁଂ ଦୈତ୍ଯା ନ ଦାନବାଃ।
ନାହଂ ତ୍ବତ୍ତୋ ବିଶିଷ୍ଟୋଽସ୍ମି କିଂ ପୁନର୍ମାନବା ରଣେ॥ 1-151-20 (6895)
ଏକସ୍ତବାଧିକୋ ଲୋକେ ଯୋ ହି ବୃଷ୍ଣିକୁଲୋଦ୍ଭବଃ।
କୃଷ୍ଣଃ କମଲପତ୍ରାକ୍ଷଃ କଂସକାଲିଯସୂଦନଃ॥ 1-151-21 (6896)
ସ ଜେତା ସର୍ବଲୋକାନାଂ ସର୍ବପ୍ରହରଣାଯୁଧଃ।
ନୈତାବତା ତେ ପାର୍ଥାହଂ ଭବାମ୍ଯନୃତବାଗିହ॥ 1-151-22 (6897)
ତଦଧୀନଂ ଜଗତ୍ସର୍ବଂ ତତ୍ପ୍ରଲୀନଂ ତଦୁଦ୍ଭବମ୍।
ତତ୍ପଦଂ ନ ବିଜାନନ୍ତି ବ୍ରହ୍ମେଶାନାଦଯୋଽପି ବା॥ 1-151-23 (6898)
ତନ୍ନାଭିପ୍ରଭବୋ ବ୍ରହ୍ମା ସର୍ବଭୂତାନି ନିର୍ମମେ।
ସ ଏବ କର୍ତା ଭୋକ୍ତା ଚ ସଂହର୍ତା ଚ ଜଗନ୍ମଯମ୍॥ 1-151-24 (6899)
ସ ଏବ ଭୂତଂ ଭବ୍ଯଂ ଚ ଭବଚ୍ଚ ପୁରୁଷଃ ପରଃ।
ନିତ୍ଯଃ ସର୍ବଗତଃ ସ୍ଥାଣୁରଚଲୋଽଯଂ ସନାତନଃ॥ 1-151-25 (6900)
ପ୍ରାଦୁର୍ଭବତି ଯୋଗାତ୍ମା ପାଲନାର୍ଥଂ ସ ଲୀଲଯା।
ତତ୍ତୁଲ୍ଯୋ ହି ନ ଜାଯେତ ନ ଜାତୋ ନ ଜନିଷ୍ଯତେ॥ 1-151-26 (6901)
ସ ହି ମାତୁଲଜୋଽଭୂତ୍ତେ ଚରାଚରଗୁରୁଃ ପିତା।
କୋ ହି ତଂ ଜେତୁମୀହେତ ଜାନନ୍ନାତ୍ମହିତଂ ନରଃ॥ 1-151-27 (6902)
ଶ୍ଯାଲଶ୍ଚ ତେ ସଖା ଚାସୌ ତସ୍ଯ ତ୍ବଂ ପ୍ରାଣବଲ୍ଲଭଃ।
ସ୍ନେହମଭ୍ଯଧିକଂ ତସ୍ଯ ତବ ସଖ୍ଯମବସ୍ଥିତମ୍॥ 1-151-28 (6903)
ନ ତେନ ଭବତୋ ଯୁଦ୍ଧଂ ଭବିତା ନର୍ମତୋଽପି ବା।
ଅପିଚାର୍ଥେ ତବ ପୁରା ଶକ୍ରେଣ କିଲ ଚୋଦିତଃ॥ 1-151-29 (6904)
ଗୋକୁଲେ ବର୍ଧମାନସ୍ତୁ ନନ୍ଦଗୋପସ୍ଯ କାରଣାତ୍।
ମମାଂଶଃ ପାଣ୍ଡବୋ ଲୋକେ ପୃଥିବ୍ଯାଂ ପୁରୁଷୋତ୍ତମଃ॥ 1-151-30 (6905)
କୌନ୍ତେଯାବରଜଃ ଶ୍ରୀମାନର୍ଜୁନୋ ନାମ ବୀର୍ଯବାନ୍।
ଭୁବୋ ଭାରାପହରଣେ ସାହାଯ୍ଯଂ ତେ କରିଷ୍ଯତି॥ 1-151-31 (6906)
ତଦର୍ଥମଭଯଂ ଦେହି ପାହି ଚାସ୍ମତ୍କୃତେ ପ୍ରଭୋ।
ଇତ୍ଯୁକ୍ତଃ ପୁଣ୍ଡରୀକାକ୍ଷସ୍ତଦା ଶକ୍ରେଣ ଫଲ୍ଗୁନ॥ 1-151-32 (6907)
ତମୁବାଚ ତତଃ ଶ୍ରୀମାଞ୍ଶଙ୍ଖଚକ୍ରଗଦାଧରଃ।
ଜାନାମି ପାଣ୍ଡବେ ବଂଶେ ଜାତଂ ପାର୍ଥଂ ପିତୃଷ୍ବସୁଃ॥ 1-151-33 (6908)
ପୁତ୍ରଂ ପରମଧର୍ମିଷ୍ଠଂ ସର୍ବଶସ୍ତ୍ରଭୃତାଂ ବରମ୍।
ପାଲଯାମି ତ୍ବଦଂଶଂ ତଂ ସର୍ବଲୋକମହାଭୁଜମ୍॥ 1-151-34 (6909)
ଆବଯୋଃ ସଖ୍ଯସଦୃଶଂ ନ ଚ ଲୋକେ ଭବିଷ୍ଯତି।
ଯସ୍ତଦ୍ଭକ୍ତଃ ସମଦ୍ଭକ୍ତୋ ଯସ୍ତଂ ଦ୍ବେଷ୍ଟି ସ ମାମପି॥ 1-151-35 (6910)
ଯନ୍ମେ ବିତ୍ତଂ ତୁ ତତ୍ତସ୍ଯ ତଂ ବିନାହଂ ନ ଜୀବଯେ।
ଇତି ପାର୍ଥ ପୁରା ଶକ୍ରମାହ ସର୍ବେଶ୍ବରୋ ହରିଃ॥ 1-151-36 (6911)
ତସ୍ମାତ୍ତବାପି ସଦୃଶସ୍ତଂ ବିନାଭ୍ଯଧିକଃ ପୁମାନ୍।
ନ ଚେହ ଭବିତା ଲୋକେ ତମେବ ଶରଣଂ ବ୍ରଜ॥ 1-151-37 (6912)
ଶରଣ୍ଯଃ ସର୍ବଭୂତାନାଂ ଦେବଦେବୋ ଜନାର୍ଦନଃ॥' 1-151-38 (6913)
ବୈଶମ୍ପାଯନ ଉବାଚ। 1-151-39x (895)
ତଥେତି ଚ ପ୍ରତିଜ୍ଞାଯ ଦ୍ରୋଣାଯ କୁରୁପୁଙ୍ଗବଃ।
ଉପସଂଗୃହ୍ଯ ଚରଣୌ ଯୁଧିଷ୍ଠିରବଶୋଽଭବତ୍॥ 1-151-39 (6914)
ସ୍ବଭାବାଦଗମଚ୍ଛବ୍ଦୋ ମହୀଂ ସାଗରମେଖଲାମ୍।
ଅର୍ଜୁନସ୍ଯ ସମୋ ଲୋକେ ନାସ୍ତି କଶ୍ଚିଦ୍ଧନୁର୍ଧରଃ॥ 1-151-40 (6915)
ଗଦାଯୁଦ୍ଧେଽସିଯୁଦ୍ଧେ ଚ ରଥଯୁଦ୍ଧେ ଚ ପାଣ୍ଡବଃ।
ପାରଗଶ୍ଚ ଧନୁର୍ଯୁଦ୍ଧେ ବଭୂବାଥ ଧନଞ୍ଜଯଃ॥ 1-151-41 (6916)
ନୀତିମାନ୍ସକଲାଂ ନୀତିଂ ବିବୁଧାଧିପତେସ୍ତଦା।
`ଅସ୍ତ୍ରେ ଶସ୍ତ୍ରେ ଚ ଶାସ୍ତ୍ରେ ଚ ରଥନାଗାଶ୍ବକର୍ମଣି।'
ଅବାପ୍ଯ ସହଦେବୋଽପି ଭ୍ରାତୄଣାଂ ବବୃତେ ବଶେ॥ 1-151-42 (6917)
ଦ୍ରୋଣେନୈବଂ ବିନୀତଶ୍ଚ ଭ୍ରାତୄଣାଂ ନକୁଲଃ ପ୍ରିଯଃ।
ଚିତ୍ରଯୋଧୀ ସମାଖ୍ଯାତୋ ବଭୂବାତିରଥୋଦିତଃ॥ 1-151-43 (6918)
ତ୍ରିବର୍ଷକୃତଯଜ୍ଞସ୍ତୁ ଗନ୍ଧର୍ବାଣାମୁପପ୍ଲବେ।
ଅର୍ଜୁନପ୍ରମୁଖୈଃ ପାର୍ଥୈଃ ସୌବୀରଃ ସମରେ ହତଃ॥ 1-151-44 (6919)
ନ ଶଶାକ ବଶେ କର୍ତୁଂ ଯଂ ପାଣ୍ଡୁରପି ବୀର୍ଯବାନ୍।
ସୋଽର୍ଜୁନେନ ବଶଂ ନୀତୋ ରାଜାସୀଦ୍ଯବନାଧିପଃ॥ 1-151-45 (6920)
ଅତୀବ ବଲସଂପନ୍ନଃ ସଦା ମାନି କୁରୂନ୍ପ୍ରତି।
ବିପୁଲୋ ନାମ ସୌବୀରଃ ଶସ୍ତଃ ପାର୍ଥେନ ଧୀମତା॥ 1-151-46 (6921)
ଦତ୍ତାମିତ୍ର ଇତି ଖ୍ଯାତଂ ସଙ୍ଗ୍ରାମେ କୃତନିଶ୍ଚଯମ୍।
ସୁମିତ୍ରଂ ନାମ ସୌବୀରମର୍ଜୁନୋଽଦମଯଚ୍ଛରୈଃ॥ 1-151-47 (6922)
ଭୀମସେନସହାଯଶ୍ଚ ରଥାନାମଯୁତଂ ଚ ସଃ।
ଅର୍ଜୁନଃ ସମରେ ପ୍ରାଚ୍ଯାନ୍ସର୍ବାନେକରଥୋଽଜଯତ୍॥ 1-151-48 (6923)
ତଥୈବୈକରଥୋ ଗତ୍ବା ଦକ୍ଷିଣାମଜଯଦ୍ଦିଶମ୍।
ଧନୌଘଂ ପ୍ରାପଯାମାସ କୁରୁରାଷ୍ଟ୍ରଂ ଧନଞ୍ଜଯଃ॥ 1-151-49 (6924)
`ଯତଃ ପଞ୍ଚଦଶେ ବର୍ଷେ ସର୍ବମେତଚ୍ଚକାର ସଃ।
ତଂ ଦୃଷ୍ଟ୍ବା ଧାର୍ତରାଷ୍ଟ୍ରାଣାଂ ତତୋ ଭଯମଜାଯତ॥ 1-151-50 (6925)
ଯଃ ସର୍ବାନ୍ଧୃତରାଷ୍ଟ୍ରସ୍ଯ ପୁତ୍ରାନ୍ବିପ୍ରଚକାର ହ।
ଭୀମସେନୋ ମହାବାହୁର୍ବଲାଦ୍ବଲବତାଂ ବରଃ॥ 1-151-51 (6926)
ଅଦୁଷ୍ଟଭାବଂ ତଂ ଦୋଷୈର୍ଜଗୃହୁର୍ଦୋଷବୁଦ୍ଧଯଃ।
ଧାର୍ତରାଷ୍ଟ୍ରାସ୍ତଥା ସର୍ବେ ଭଯାଦ୍ଭୀମସ୍ଯ କର୍ମଣା॥ 1-151-52 (6927)
ତଂ ଦୃଷ୍ଟ୍ବା କର୍ମଭିଃ ପାର୍ଥାନ୍ସର୍ବାନାଗତଲକ୍ଷଣାନ୍।
ବଲାଦ୍ବହୁଗୁଣାଂସ୍ତେଭ୍ଯୋ ବିଭିଯୁର୍ଦୋଷବୁଦ୍ଧଯଃ॥' 1-151-53 (6928)
ଏବଂ ସର୍ବେ ମହାତ୍ମାନଃ ପାଣ୍ଡବା ମନୁଜୋତ୍ତମାଃ।
ପରରାଷ୍ଟ୍ରାଣି ନିର୍ଜିତ୍ଯ ସ୍ବରାଷ୍ଟ୍ରଂ ବବୃଧୁଃ ପୁରା॥ 1-151-54 (6929)
ତତୋ ବଲମତିଖ୍ଯାତଂ ବିଜ୍ଞାଯ ଦୃଢଧନ୍ବିନାମ୍।
ଦୂଷିତଃ ସହସା ଭାବୋ ଧୃତରାଷ୍ଟ୍ରସ୍ଯ ପାଣ୍ଡୁଷୁ।
ସ ଚିନ୍ତାପରମୋ ରାଜା ନ ନିଦ୍ରାମଲଭନ୍ନିଶି॥ ॥ 1-151-55 (6930)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଏକପଞ୍ଚାଶଦଧିକଶତତମୋଽଧ୍ଯାଯଃ॥ 151 ॥
Mahabharata - Adi Parva - Chapter Footnotes
1-151-9 ଗୁଡାକା ନିଦ୍ରା ତସ୍ଯା ଈଶମର୍ଜୁନଂ ଜିତନିଦ୍ରଂ, ଗୁଡା ସ୍ନୁହୀ ତଦ୍ବତ୍କେଶା ଯସ୍ଯ॥ 1-151-11 ତୀର୍ଥାତ୍ପାତ୍ରାନ୍ତରଂ ଗମଯିତୁଂ ସଂପ୍ରଦାଯାବିଚ୍ଛେଦାର୍ଥମିତ୍ଯର୍ଥଃ॥ 1-151-14 ତ୍ବଯା ଗ୍ରାହାନ୍ମାଂ ମୋଚଯତା ପ୍ରାପ୍ତଂ ପ୍ରାଗେବ॥ 1-151-28 ତସ୍ଯ ତ୍ବଯୀତି ଶେଷଃ। ତବ ତସ୍ମିନ୍ନିତି ଶେଷଃ॥ 1-151-35 ତସ୍ଯ ମମ ଚ॥ 1-151-42 ବିବୁଧାଧିପତେରୁଦ୍ଧବାତ୍॥ 1-151-43 ବିନୀତଃ ଶିକ୍ଷିତଃ। ଅତିରଥେଷୂଦିତଃ ଖ୍ଯାତଃ॥ 1-151-44 ଗନ୍ଧର୍ବୋପପ୍ଲବେଽପି ଯସ୍ଯ ସୌବୀରସ୍ଯ ଯଜ୍ଞୋ ନ ବିପ୍ଲୁତ ଇତ୍ଯଯୋଧ୍ଯତ୍ବମୁକ୍ତମ୍॥ 1-151-46 ଶସ୍ତୋ ହିଂସିତଃ॥ 1-151-53 ବିଭିଯୁଃ ବିଭ୍ଯୁଃ॥ 1-151-54 ବବୃଧୁର୍ବର୍ଧିତବନ୍ତଃ॥ ଏକପଞ୍ଚାଶଦଧିକଶତତମୋଽଧ୍ଯାଯଃ॥ 151 ॥ଆଦିପର୍ବ - ଅଧ୍ଯାଯ 152
॥ ଶ୍ରୀଃ ॥
1.152. ଅଧ୍ଯାଯଃ 152
Mahabharata - Adi Parva - Chapter Topics
ଯୁଧିଷ୍ଠିରଃ ସାମ୍ରାଜ୍ଯେଽଭିଷେକ୍ତବ୍ଯ ଇତି ପୌରବାର୍ତାଂ ଶ୍ରୁତ୍ବା ବ୍ଯଥିତସ୍ଯ ଦୁର୍ଯୋଧନସ୍ଯ ପିତ୍ରା ସଂବାଦଃ॥ 1 ॥Mahabharata - Adi Parva - Chapter Text
1-152-0 (6931)
ବୈଶମ୍ପାଯନ ଉବାଚ। 1-152-0x (896)
ପ୍ରାଣାଧିକଂ ଭୀମସେନଂ କୃତବିଦ୍ଯଂ ଧନଞ୍ଜଯମ୍।
ଦୁର୍ଯୋଧନୋ ଲକ୍ଷଯିତ୍ବା ପର୍ଯତପ୍ଯତ ଦୁର୍ମନାଃ॥ 1-152-1 (6932)
ତତୋ ବୈକର୍ତନଃ କର୍ଣଃ ଶକୁନିଶ୍ଚାପି ସୌବଲଃ।
ଅନେକାରଭ୍ଯୁପାଯୈସ୍ତେ ଜିଘାଂସନ୍ତି ସ୍ମ ପାଣ୍ଡବାନ୍॥ 1-152-2 (6933)
ପାଣ୍ଡବା ଅପି ତତ୍ସର୍ବଂ ପ୍ରତିଚକ୍ରୁର୍ଯଥାବଲମ୍।
ଉଦ୍ଭାବନମକୁର୍ବନ୍ତୋ ବିଦୁରସ୍ଯ ମତେ ସ୍ଥିତାଃ॥ 1-152-3 (6934)
ଗୁଣୈଃ ସମୁଦିତାନ୍ଦୃଷ୍ଟ୍ବା ପୌରାଃ ପାଣ୍ଡୁସୁତାଂସ୍ତଦା।
କଥଯାଞ୍ଚକ୍ରିରେ ତେଷାଂ ଗୁଣାନ୍ସଂସତ୍ସୁ ଭାରତ॥ 1-152-4 (6935)
ରାଜ୍ଯପ୍ରାପ୍ତିଂ ଚ ସଂପ୍ରାପ୍ତଂ ଜ୍ଯେଷ୍ଠଂ ପାଣ୍ଡୁସୁତଂ ତଦା।
କଥଯନ୍ତି ସ୍ମ ସଂଭୂଯ ଚତ୍ବରେଷୁ ସଭାସୁ ଚ॥ 1-152-5 (6936)
ପ୍ରଜ୍ଞାଶ୍ଚକ୍ଷୁରଚକ୍ଷୁଷ୍ଟ୍ବାଦ୍ଧୃତରାଷ୍ଟ୍ରୋ ଜନେଶ୍ବରଃ।
ରାଜ୍ଯଂ ନ ପ୍ରାପ୍ତବାନ୍ପୂର୍ବଂ ସ କଥଂ ନୃପତିର୍ଭବେତ୍॥ 1-152-6 (6937)
ତଥା ଶାନ୍ତନବୋ ଭୀଷ୍ମଃ ସତ୍ଯସନ୍ଧୋ ମହାବ୍ରତଃ।
ପ୍ରତ୍ଯାଖ୍ଯାଯ ପୁରା ରାଜ୍ଯଂ ନ ସ ଜାତୁ ଗ୍ରହୀଷ୍ଯତି॥ 1-152-7 (6938)
ତେ ବଯଂ ପାଣ୍ଡବଜ୍ଯେଷ୍ଠଂ ତରୁଣଂ ବୃଦ୍ଧଶୀଲିନମ୍।
ଅଭିଷିଞ୍ଚାମ ସାଧ୍ବଦ୍ଯ ସତ୍ଯକାରୁଣ୍ଯବେଦିନମ୍॥ 1-152-8 (6939)
ସ ହି ଭୀଷ୍ମଂ ଶାନ୍ତନବଂ ଧୃତରାଷ୍ଟ୍ରଂ ଚ ଧର୍ମବିତ୍।
ସପୁତ୍ରଂ ବିବିଧୈର୍ଭୋଗୈର୍ଯୋଜଯିଷ୍ଯତି ପୂଜଯନ୍॥ 1-152-9 (6940)
ବୈଶମ୍ପାଯନ ଉବାଚ। 1-152-10x (897)
ତେଷାଂ ଦୁର୍ଯୋଧନଃ ଶ୍ରୁତ୍ବା ତାନି ବାକ୍ଯାନି ଜଲ୍ପତାମ୍।
ଯୁଧିଷ୍ଠିରାନୁରକ୍ତାନାଂ ପର୍ଯତପ୍ଯତ ଦୁର୍ମତିଃ॥ 1-152-10 (6941)
ସ ତପ୍ଯମାନୋ ଦୁଷ୍ଟାତ୍ମା ତେଷାଂ ବାଚୋ ନ ଚକ୍ଷମେ।
ଈର୍ଷ୍ଯଯା ଚାପି ସଂତପ୍ତୋ ଧୃତରାଷ୍ଟ୍ରମୁପାଗମତ୍॥ 1-152-11 (6942)
ତତୋ ବିରହିତଂ ଦୃଷ୍ଟ୍ବା ପିତରଂ ପ୍ରତିପୂଜ୍ଯ ସଃ।
ପୌରାନୁରାଗସଂତପ୍ତଃ ପଶ୍ଚାଦିଦମଭାଷତ॥ 1-152-12 (6943)
ଶ୍ରୁତା ମେ ଜଲ୍ପତାଂ ତାତ ପୌରାଣାମଶିବା ଗିରଃ।
ତ୍ବାମନାଦୃତ୍ଯ ଭୀଷ୍ମଂ ଚ ପତିମିଚ୍ଛନ୍ତି ପାଣ୍ଡବମ୍॥ 1-152-13 (6944)
ମତମେତଚ୍ଚ ଭୀଷ୍ମସ୍ଯ ନ ସ ରାଜ୍ଯଂ ବୁଭୁକ୍ଷତି।
ଅସ୍ମାକଂ ତୁ ପରାଂ ପୀଡାଂ ଚିକୀର୍ଷନ୍ତି ପୁରେ ଜନାଃ॥ 1-152-14 (6945)
ପିତୃତଃ ପ୍ରାପ୍ତବାନ୍ରାଜ୍ଯଂ ପାଣ୍ଡୁରାତ୍ମଗୁଣୈଃ ପୁରା।
ତ୍ବମନ୍ଧଗୁଣସଂଯୋଗାତ୍ପ୍ରାପ୍ତଂ ରାଜ୍ଯଂ ନ ଲବ୍ଧବାନ୍॥ 1-152-15 (6946)
ସ ଏଷ ପାଣ୍ଡୋର୍ଦାଯାଦ୍ଯଂ ଯଦି ପ୍ରାପ୍ନୋତି ପାଣ୍ଡବଃ।
ତସ୍ଯ ପୁତ୍ରୋ ଧ୍ରୁବଂ ପ୍ରାପ୍ତସ୍ତସ୍ଯ ତସ୍ଯାପି ଚାପରଃ॥ 1-152-16 (6947)
ତେ ବଯଂ ରାଜବଂଶେନ ହୀନାଃ ସହ ସୁତୈରପି।
ଅବଜ୍ଞାତା ଭବିଷ୍ଯାମୋ ଲୋକସ୍ଯ ଜଗତୀପତେ॥ 1-152-17 (6948)
ସତତଂ ନିରଯଂ ପ୍ରାପ୍ତାଃ ପରପିଣ୍ଡୋପଜୀବିନଃ।
ନ ଭବେମ ଯଥା ରାଜଂସ୍ତଥା ନୀତିର୍ବିଧୀଯତାମ୍॥ 1-152-18 (6949)
ଯଦି ତ୍ବଂ ହି ପୁରା ରାଜନ୍ନିଦଂ ରାଜ୍ଯମବାପ୍ତବାନ୍।
ଧ୍ରୁବଂ ପ୍ରାପ୍ସ୍ଯାମ ଚ ବଯଂ ରାଜ୍ଯମପ୍ଯବଶେ ଜନେ॥ 1-152-19 (6950)
`ବୈଶମ୍ପାଯନ ଉବାଚ। 1-152-20x (898)
ଧୃତରାଷ୍ଟ୍ରସ୍ତୁ ପୁତ୍ରସ୍ଯ ଶ୍ରୁତ୍ବା ବଚନମୀଦୃଶମ୍।
ମୁହୂର୍ତମିବ ସଂଚିନ୍ତ୍ଯ ଦୁର୍ଯୋଧନମଥାବ୍ରବୀତ୍॥ 1-152-20 (6951)
ଧର୍ମନିତ୍ଯସ୍ତଥା ପାଣ୍ଡୁଃ ସୁପ୍ରୀତୋ ମଯି କୌରବଃ।
ସର୍ବେଷୁ ଜ୍ଞାତିଷୁ ତଥା ମଦୀଯେଷୁ ବିଶେଷତଃ॥ 1-152-21 (6952)
ନାତ୍ର କିଂଚନ ଜାନାତି ଭୋଜନାଦି ଚିକୀର୍ଷିତମ୍।
ନିବେଦଯତି ତତ୍ସର୍ବଂ ମଯି ଧର୍ମଭୃତାଂ ବରଃ॥ 1-152-22 (6953)
ତସ୍ଯ ପୁତ୍ରୋ ଯଥା ପାଣ୍ଡୁସ୍ତଥା ଧର୍ମପରଃ ସଦା।
ଗୁଣାବାଁଲ୍ଲୋକବିଖ୍ଯାତୋ ନଗରେ ଚ ପ୍ରତିଷ୍ଠିତଃ॥ 1-152-23 (6954)
ସ କଥଂ ଶକ୍ଯତେଽସ୍ମାଭିରପାକ୍ରଷ୍ଟୁଂ ନରର୍ଷଭଃ।
ରାଜ୍ଯମେଷ ହି ନଃ ପ୍ରାପ୍ତଃ ସସହଯୋ ବିଶେଷତଃ॥ 1-152-24 (6955)
ଭୃତା ହି ପାଣ୍ଡୁନାଽମାତ୍ଯା ବଲଂ ଚ ସତତଂ ମତମ୍।
ଧୃତାଃ ପୁତ୍ରାଶ୍ଚ ପୌତ୍ରାଶ୍ଚ ତେଷାମପି ବିଶେଷତଃ॥ 1-152-25 (6956)
ତେ ତଥା ସଂସ୍ତୁତାସ୍ତାତ ବିଷଯେ ପାଣ୍ଡୁନା ନରାଃ।
କଥଂ ଯୁଧିଷ୍ଠିରସ୍ଯାର୍ଥେ ନ ନୋ ହନ୍ଯୁଃ ସବାନ୍ଧବାନ୍॥ 1-152-26 (6957)
ନୈତେ ବିଷଯମିଚ୍ଛେଯୁର୍ଧର୍ମତ୍ଯାଗେ ବିଶେଷତଃ।
ତେ ବଯଂ କୌରବେନ୍ଦ୍ରାଣାମେତେଷାଂ ଚ ମହାତ୍ମନାମ୍॥ 1-152-27 (6958)
କଥଂ ନ ବାଚ୍ଯତାଂ ତାତ ଗଚ୍ଛେମ ଜଗତସ୍ତଥା॥ 1-152-28 (6959)
ଦୁର୍ଯୋଧନ ଉବାଚ। 1-152-29x (899)
ମଧ୍ଯସ୍ଥଃ ସତତଂ ଭୀଷ୍ମୋ ଦ୍ରୋଣପୁତ୍ରୋ ମଯି ସ୍ଥିତଃ।
ଯତଃ ପୁତସ୍ତତୋ ଦ୍ରୋଣୋ ଭବିତା ନାତ୍ର ସଂଶଯଃ॥ 1-152-29 (6960)
କୃପଃ ଶାରଦ୍ବତଶ୍ଚୈବ ଯତ ଏବ ବଯଂ ତତଃ।
ବାଗିନେଯଂ ତତୋ ଦ୍ରୌଣିଂ ନ ତ୍ଯକ୍ଷ୍ଯତି କଥଂଚନ॥ 1-152-30 (6961)
କ୍ଷତ୍ତା ତୁ ବନ୍ଧୁରସ୍ମାକଂ ପ୍ରଚ୍ଛନ୍ନସ୍ତୁ ତତଃ ପରୈଃ।
ନ ଚୈକଃ ସ ସମର୍ଥୋଽସ୍ମାନ୍ପାଣ୍ଡବାର୍ଥେ ପ୍ରବାଧିତୁମ୍॥ 1-152-31 (6962)
ସୁବିସ୍ରବ୍ଧାନ୍ପାଣ୍ଡୁସୁତାନ୍ସହ ମାତ୍ରା ବିବାସଯ।
ବାରଣାବତମଦ୍ଯୈବ ନାତ୍ର ଦୋଷୋ ଭବିଷ୍ଯତି॥ 1-152-32 (6963)
ବିନିଦ୍ରାକରଣଂ ଘୋରଂ ହୃଦି ଶଲ୍ଯମିବାର୍ପିତମ୍।
ଶୋପକପାବକମୁଦ୍ଧୂତଂ କର୍ମଣାନେନ ନାଶଯ॥' ॥ 1-152-33 (6964)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ଦ୍ବିପଞ୍ଚାଶଦଧିକଶତତମୋଽଧ୍ଯାଯଃ॥ 152 ॥
ଆଦିପର୍ବ - ଅଧ୍ଯାଯ 153
॥ ଶ୍ରୀଃ ॥
1.153. ଅଧ୍ଯାଯଃ 153
Mahabharata - Adi Parva - Chapter Topics
ଧୃତରାଷ୍ଟ୍ରାଦୀନାଂ କଣିକେନ ଦୁର୍ନୀତ୍ଯୁପଦେଶଃ॥ 1 ॥ ଜମ୍ବୁକୋପାଖ୍ଯାନମ୍॥ 2 ॥Mahabharata - Adi Parva - Chapter Text
1-153-0 (6965)
ବୈଶମ୍ପାଯନ ଉବାଚ। 1-153-0x (900)
ଶ୍ରୁତ୍ବା ପାଣ୍ଡୁସୁତାନ୍ବୀରାନ୍ବଲୋଦ୍ରିକ୍ତାନ୍ମହୌଜସଃ।
ଧୃତରାଷ୍ଟ୍ରୋ ମହୀପାଲଶ୍ଚିନ୍ତାମଗମଦାତୁରଃ॥ 1-153-1 (6966)
ତତ ଆହୂଯ ମନ୍ତ୍ରଜ୍ଞଂ ରାଜଶାସ୍ତ୍ରାର୍ଥବିତ୍ତମମ୍।
କଣିକଂ ମନ୍ତ୍ରିଣାଂ ଶ୍ରେଷ୍ଠଂ ଧୃତରାଷ୍ଟ୍ରଽବ୍ରବୀଦ୍ବଚଃ॥ 1-153-2 (6967)
ଉତ୍ସକ୍ତାଃ ପାଣ୍ଡବା ନିତ୍ଯଂ ତେଭ୍ଯୋଽସୂଯେ ଦ୍ବିଜୋତ୍ତମ।
ତତ୍ର ମେ ନିଶ୍ଚିତତମଂ ସନ୍ଧିବିଗ୍ରହକାରଣମ୍।
କଣିକ ତ୍ବଂ ମମାଚକ୍ଷ୍ବ କରିଷ୍ଯେ ବଚନଂ ତବ॥ 1-153-3 (6968)
ବୈଶମ୍ପାଯନ ଉବାଚ। 1-153-4x (901)
`ଦୁର୍ଯୋଧନୋଽଥ ଶକୁନିଃ କର୍ଣଦୁଃଶାସନାବପି।
କଣିକଂ ହ୍ଯୁପସଂଗୃହ୍ଯ ମନ୍ତ୍ରିଣଂ ସୌବଲସ୍ଯ ଚ॥ 1-153-4 (6969)
ପପ୍ରଚ୍ଛୁର୍ଭରତଶ୍ରେଷ୍ଠ ପାଣ୍ଡବାନ୍ପ୍ରତି ନୈକଧା।
ପ୍ରବୁଦ୍ଧାଃ ପାଣ୍ଡବା ନିତ୍ଯଂ ସର୍ବେ ତେଭ୍ଯସ୍ତ୍ରସାମହେ॥ 1-153-5 (6970)
ଅନୂନଂ ସର୍ବପକ୍ଷାଣାଂ ଯଦ୍ଭବେତ୍କ୍ଷେମକାରକମ୍।
ଭାରଦ୍ବାଜ ତଦାଚକ୍ଷ୍ବ କରିଷ୍ଯାମଃ କଥଂ ବଯମ୍॥ 1-153-6 (6971)
ବୈଶମ୍ପାଯନ ଉବାଚ।' 1-153-7x (902)
ସ ପ୍ରସନ୍ନମନାସ୍ତେନ ପରିପୃଷ୍ଟୋ ଦ୍ବିଜୋତ୍ତମଃ।
ଉବାଚ ବଚନଂ ତୀକ୍ଷ୍ଣଂ ରାଜଶାସ୍ତ୍ରାର୍ଥଦର୍ଶନମ୍॥ 1-153-7 (6972)
କଣିକ ଉବାଚ। 1-153-8x (903)
ଶୃଣୁ ରାଜନ୍ନିଦଂ ତତ୍ର ପ୍ରୋଚ୍ଯମାନଂ ମଯାନଘ।
ନ ମେଽଭ୍ଯସୂଯା କର୍ତବ୍ଯା ଶ୍ରୁତ୍ବୈତତ୍କୁରୁସତ୍ତମ॥ 1-153-8 (6973)
ନିତ୍ଯମୁଦ୍ଯତଦଣ୍ଡଃ ସ୍ଯାନ୍ନିତ୍ଯଂ ବିବୃତପୌରୁଷଃ।
ଅଚ୍ଛିଦ୍ରଶ୍ଛିଦ୍ରଦର୍ଶୀ ସ୍ଯାତ୍ପରେଷାଂ ବିବରାନୁଗଃ॥ 1-153-9 (6974)
ନିତ୍ଯମୁଦ୍ଯତଦଣ୍ଡାଦ୍ଧି ଭଋଶମୁଦ୍ବିଜତେ ଜନଃ।
ତସ୍ମାତ୍ସର୍ବାଣି କାର୍ଯାଣି ଦଣ୍ଡେନୈବ ବିଧାରଯେତ୍॥ 1-153-10 (6975)
ନାସ୍ଯ ଚ୍ଛିଦ୍ରଂ ପରଃ ପଶ୍ଯେଚ୍ଛିଦ୍ରେଣ ପରମନ୍ବିଯାତ୍।
ଗୂହେତ୍କୂର୍ମ ଇବାଙ୍ଗାନି ରକ୍ଷେଦ୍ବିବରମାତ୍ମନଃ॥ 1-153-11 (6976)
`ନିତ୍ଯଂ ଚ ବ୍ରାହ୍ମଣାଃ ପୂଜ୍ଯା ନୃପେଣ ହିତମିଚ୍ଛତା।
ସୃଷ୍ଟୋ ନୃପୋ ହି ବିପ୍ରାମାଂ ପାଲନେ ଦୁଷ୍ଟନିଗ୍ରହେ॥ 1-153-12 (6977)
ଉଭାବ୍ଯାଂ ବର୍ଧତେ ଧର୍ମୋ ଧର୍ମବୃଦ୍ଧ୍ଯା ଜିତାବୁଭୌ।
ଲୋକଶ୍ଚାଯଂ ପରଶ୍ଚୈବ ତତୋ ଧର୍ମଂ ସମାଚରେତ୍॥ 1-153-13 (6978)
କୃତାପରାଧଂ ପୁରୁଷଂ ଦୃଷ୍ଟ୍ବା ଯଃ କ୍ଷମତେ ନୃପଃ।
ତେନାବମାନମାପ୍ନୋତି ପାପଂ ଚେହ ପରତ୍ର ଚ॥ 1-153-14 (6979)
ଯୋ ବିଭୂତିମବାପ୍ଯୋଚ୍ଚୈ ରାଜ୍ଞୋ ବିକୁରୁତେଽଧମଃ।
ତମାନଯିତ୍ବା ହତ୍ବା ଚ ଦଦ୍ଯାଦ୍ଧୀନାଯ ତଦ୍ଧନମ୍॥ 1-153-15 (6980)
ନୋ ଚେଦ୍ଧୁରି ନିଯୁକ୍ତା ଯେ ସ୍ଥାସ୍ଯନ୍ତି ବଶମାତ୍ମନଃ।
ରାଜା ନିଯୁଞ୍ଜ୍ଯାତ୍ପୁରୁଷାନାପ୍ତାନ୍ଧର୍ମାର୍ଥକୋବିଦାନ୍॥ 1-153-16 (6981)
ଯେ ନିଯୁକ୍ତାସ୍ତଥା କେଚିଦ୍ରାଷ୍ଟ୍ରଂ ବା ଯଦି ବା ପୁରମ୍।
ଗ୍ରାମଂ ଜନପଦଂ ବାପି ବାଧେଯୁର୍ଯଦି ବା ନ ବା॥ 1-153-17 (6982)
ପରୀକ୍ଷଣାର୍ଥଂ ବିସୃଜେଦାନତାଂଶ୍ଛନ୍ନରୂପିଣଃ।
ପରୀକ୍ଷ୍ଯ ପାପକଂ ଜହ୍ଯାଦ୍ଧନମାଦାଯ ସର୍ବଶଃ॥' 1-153-18 (6983)
ନାସମ୍ଯକ୍କୃତ୍ଯକାରୀ ସ୍ଯାଦୁପକ୍ରମ୍ଯ କଦାଚନ।
କଣ୍ଟକୋ ହ୍ଯପି ଦୁଶ୍ଛିନ୍ନ ଆସ୍ରାବଂ ଜନଯେଚ୍ଚିରମ୍॥ 1-153-19 (6984)
ବଧମେବ ପ୍ରଶଂସନ୍ତି ଶତ୍ରୂଣାମପକାରିଣାମ୍।
ସୁବିଦୀର୍ଣଂ ସୁବିକ୍ରାନ୍ତଂ ସୁଯୁଦ୍ଧଂ ସୁପଲାଯିତମ୍॥ 1-153-20 (6985)
ଆପଦ୍ଯାପଦି କାଲେ କୁର୍ବୀତ ନ ବିଚାରଯେତ୍।
ନାବଜ୍ଞେଯୋ ରିପୁସ୍ତାତ ଦୁର୍ବଲୋଽପି କଥଂ ଚନ॥ 1-153-21 (6986)
ଅଲ୍ପୋଽପ୍ଯଗ୍ନିର୍ବନଂ କୃତ୍ସ୍ନଂ ଦହତ୍ଯାଶ୍ରଯସଂଶ୍ରଯାତ୍।
ଅନ୍ଧଃ ସ୍ଯାଦନ୍ଧବେଲାଯାଂ ବାଧିର୍ଯମପି ଚାଶ୍ରଯେତ୍॥ 1-153-22 (6987)
କୁର୍ଯାତ୍ତୃଣମଯଂ ଚାପଂ ଶଯୀତ ମୃଗଶାଯିକାମ୍।
ସାନ୍ତ୍ବାଦିଭିରୁପାଯୈସ୍ତୁ ହନ୍ଯାଚ୍ଛତ୍ରୁଂ ବଶେ ସ୍ଥିତଂ॥ 1-153-23 (6988)
ଦଯା ନ ତସ୍ମିନ୍କର୍ତବ୍ଯା ଶରଣାଗତ ଇତ୍ଯୁତ।
ନିରୁଦ୍ବିଗ୍ନୋ ହି ଭବତି ନ ହତାଜ୍ଜାଯତେ ଭଯମ୍॥ 1-153-24 (6989)
ହନ୍ଯାଦମିତ୍ରଂ ଦାନେନ ତଥା ପୂର୍ବାପକାରିଣମ୍।
ହନ୍ଯାତ୍ତ୍ରୀନ୍ପଞ୍ଚ ସପ୍ତେତି ପରପକ୍ଷସ୍ଯ ସର୍ବଶଃ॥ 1-153-25 (6990)
ମୂଲମେବାଦିତଶ୍ଛିନ୍ଦ୍ଯାତ୍ପରପକ୍ଷସ୍ଯ ନିତ୍ଯଶଃ।
ତତଃ ସହାଯାଂସ୍ତତ୍ପକ୍ଷାନ୍ସର୍ବାଂଶ୍ଚ ତଦନନ୍ତରମ୍॥ 1-153-26 (6991)
ଛିନ୍ନମୂଲେ ହ୍ଯଧିଷ୍ଠାନେ ସର୍ବେ ତଜ୍ଜୀବିନୋ ହତାଃ।
କଥଂ ନୁ ଶାଖାସ୍ତିଷ୍ଠେରଂଶ୍ଛିନ୍ନମୂଲେ ବନସ୍ପତୌ॥ 1-153-27 (6992)
ଏକାଗ୍ରଃ ସ୍ଯାଦବିବୃତୋ ନିତ୍ଯଂ ବିବରଦର୍ଶକଃ।
ରାଜନ୍ନିତ୍ଯଂ ସପତ୍ନେଷୁ ନିତ୍ଯୋଦ୍ବିଗ୍ନଃ ସମାଚରେତ୍॥ 1-153-28 (6993)
ଅଗ୍ନ୍ଯାଧାନେନ ଯଜ୍ଞେନ କାଷାଯେଣ ଜଟାଜିନୈଃ।
ଲୋକାନ୍ବିଶ୍ବାସଯିତ୍ବୈବ ତତୋ ଲୁମ୍ପେଦ୍ଯଥା ବୃକଃ॥ 1-153-29 (6994)
ଅଙ୍କୁଶଂ ଶୋଚମିତ୍ଯାହୁରର୍ଥାନାମୁପଧାରଣେ।
ଆନାମ୍ଯ ଫଲିତାଂ ଶାଖାଂ ପକ୍ବଂ ପକ୍ବଂ ପ୍ରଶାତଯେତ୍॥ 1-153-30 (6995)
ଫଲାର୍ଥୋଽଯଂ ସମାରମ୍ଭୋ ଲୋକେ ପୁଂସାଂ ବିପଶ୍ଚିତାମ୍।
ବହେଦମିତ୍ରଂ ସ୍କନ୍ଧେନ ଯାବତ୍କାଲସ୍ଯ ପର୍ଯଯଃ॥ 1-153-31 (6996)
ତତଃ ପ୍ରତ୍ଯାଗତେ କାଲେ ଭିନ୍ଦ୍ଯାଦ୍ଧୃଟମିବାଶ୍ମନି।
ଅମିତ୍ରୋ ନ ବିମୋକ୍ତବ୍ଯଃ କୃପଣଂ ବହ୍ବପି ବ୍ରୁବନ୍॥ 1-153-32 (6997)
କୃପା ନ ତସ୍ମିନ୍କର୍ତବ୍ଯା ହନ୍ଯାଦେବାପକାରିଣମ୍।
ହନ୍ଯାଦମିତ୍ରଂ ସାନ୍ତ୍ବେନ ତଥା ଦାନେନ ବା ପୁନଃ॥ 1-153-33 (6998)
ତଥୈବ ଭେଦଦଣ୍ଡାଭ୍ଯାଂ ସର୍ବୋପାଯୈଃ ପ୍ରଶାତଯେତ୍। 1-153-34 (6999)
ଧୃତରାଷ୍ଟ୍ର ଉବାଚ।
କଥଂ ସାନ୍ତ୍ବେନ ଦାନେନ ଭେଦୈର୍ଦଣ୍ଡେନ ବା ପୁନଃ॥ 1-153-34x (904)
ଅମିତ୍ରଃ ଶକ୍ଯତେ ହନ୍ତୁଂ ତନ୍ମେ ବ୍ରୂହି ଯଥାତଥମ୍। 1-153-35 (7000)
କଣିକ ଉବାଚ।
ଶୃଣୁ ରାଜନ୍ଯଥା ବୃତ୍ତଂ ବନେ ନିବସତଃ ପୁରା॥ 1-153-35x (905)
ଜମ୍ବୁକସ୍ଯ ମହାରାଜ ନୀତିଶାସ୍ତ୍ରାର୍ଥଦର୍ଶିନଃ।
ଅଥ କଶ୍ଚିତ୍କୃତପ୍ରଜ୍ଞଃ ଶୃଗାଲଃ ସ୍ବାର୍ଥପଣ୍ଡିତଃ॥ 1-153-36 (7001)
ସଖିଭିର୍ନ୍ଯବସତ୍ସାର୍ଧଂ ବ୍ଯାଘ୍ରାଖୁବୃକବଭ୍ରୁଭିଃ।
ତେଽପଶ୍ଯନ୍ବିପିନେ ତସ୍ମିନ୍ବଲିନଂ ମୃଗଯୂଥପମ୍॥ 1-153-37 (7002)
ଅଶକ୍ତା ଗ୍ରହଣେ ତସ୍ଯ ତତୋ ମନ୍ତ୍ରମମନ୍ତ୍ରଯନ୍। 1-153-38 (7003)
ଜମ୍ବୁକ ଉବାଚ।
ଅସକୃଦ୍ଯତିତୋ ହ୍ଯେଷ ହନ୍ତୁଂ ବ୍ଯାଘ୍ର ବନେ ତ୍ବଯା॥ 1-153-38x (906)
ଯୁବା ବୈ ଜବସଂପନ୍ନୋ ବୁଦ୍ଧିଶାଲୀ ନ ଶକ୍ଯତେ।
ମୂଷିକୋଽସ୍ଯ ଶଯାନସ୍ଯ ଚରଣୌ ଭକ୍ଷଯତ୍ବଯମ୍॥ 1-153-39 (7004)
ଅଥୈନଂ ଭକ୍ଷିତୈଃ ପାଦୈର୍ବ୍ଯାଘ୍ରୋ ଗୃହ୍ଣାତୁ ବୈ ତତଃ।
ତତୋ ବୈ ଭକ୍ଷଯିଷ୍ଯାମଃ ସର୍ବେ ମୁଦିତମାନସାଃ॥ 1-153-40 (7005)
ଜମ୍ବୁକସ୍ଯ ତୁ ତଦ୍ବାକ୍ଯଂ ତଥା ଚକ୍ରଃ ସମାହିତାଃ।
ମୂଷିକାଭକ୍ଷିତୈଃ ପାଦୈର୍ମୃଗଂ ବ୍ଯାଘ୍ରୋଽବଧୀତ୍ତଦା॥ 1-153-41 (7006)
ଦୃଷ୍ଟ୍ବୈବାଚେଷ୍ଟମାନଂ ତୁ ଭୂମୌ ମୃଗକଲେବରମ୍।
ସ୍ନାତ୍ବାଽଽଗଚ୍ଛତ ଭଦ୍ରଂ ବୋରକ୍ଷାମୀତ୍ଯାହ ଜମ୍ବୁକଃ॥ 1-153-42 (7007)
ଶୃଗାଲବଚନାତ୍ତେଽପି ଗତାଃ ସର୍ବେ ନଦୀଂ ତତଃ।
ସ ଚିନ୍ତାପରମୋ ଭୂତ୍ବା ତସ୍ଥୌ ତତ୍ରୈବ ଜମ୍ବୁକଃ॥ 1-153-43 (7008)
ଅଥାଜଗାମ ପୂର୍ବଂ ତୁ ସ୍ନାତ୍ବା ବ୍ଯାଘ୍ରୋ ମହାବଲଃ।
ଦଦର୍ଶ ଜମ୍ବୁକଂ ଚୈବ ଚିନ୍ତାକୁଲିତମାନସମ୍॥ 1-153-44 (7009)
ବ୍ଯାଘ୍ର ଉବାଚ। 1-153-45x (907)
କିଂ ଶୋଚସି ମହାପ୍ରାଜ୍ଞ ତ୍ବଂ ନୋ ବୁଦ୍ଧିମତାଂ ବରଃ।
ଅଶିତ୍ବା ପିଶିତାନ୍ଯଦ୍ଯ ବିହରିଷ୍ଯାମହେ ବଯମ୍॥ 1-153-45 (7010)
ଜମ୍ବୁକ ଉବାଚ। 1-153-46x (908)
ଶୃଣୁ ମେ ତ୍ବଂ ମହାବାହୋ ଯଦ୍ବାକ୍ଯଂ ମୂଷିକୋଽବ୍ରବୀତ୍।
ଧିଗ୍ବଲଂ ମୃଗରାଜସ୍ଯ ମଯାଦ୍ଯାଯଂ ମୃଗୋ ହତଃ॥ 1-153-46 (7011)
ମଦ୍ବାହୁବଲମାଶ୍ରିତ୍ଯ ତୃପ୍ତିମଦ୍ଯ ଗମିଷ୍ଯତି।
ତସ୍ଯୈବଂ ଗର୍ଜିତଂ ଶ୍ରୁତ୍ବା ତତୋ ଭକ୍ଷ୍ଯଂ ନ ରୋଚଯେ॥ 1-153-47 (7012)
ବ୍ଯାଘ୍ର ଉବାଚ। 1-153-48x (909)
ବ୍ରବୀତି ଯଦି ସ ହ୍ଯେବଂ କାଲେ ହ୍ଯସ୍ମି ପ୍ରବୋଧିତଃ।
ସ୍ବବାହୁବଲମାଶ୍ରିତ୍ଯ ହନିଷ୍ଯେଽହଂ ବନେଚରାନ୍॥ 1-153-48 (7013)
ଖାଦିଷ୍ଯେ ତତ୍ର ମାଂସାନି ଇତ୍ଯୁକ୍ତ୍ବା ପ୍ରସ୍ଥିତୋବନମ୍।
ଏତସ୍ମିନ୍ନେବ କାଲେ ତୁ ମୂଷିକୋଽପ୍ଯାଜଗାମ ହ॥ 1-153-49 (7014)
ତମାଗତମଭିପ୍ରେକ୍ଷ୍ଯ ଶୃଗାଲୋଽପ୍ଯବ୍ରବୀଦ୍ବଚଃ।
ଶୃଣୁ ମୀଷିକ ଭଦ୍ରଂ ତେ ନକୁଲୋ ଯଦିହାବ୍ରବୀତ୍॥ 1-153-50 (7015)
ମୃଗମାଂସଂ ନ ଖାଦେଯଂ ଗରମେତନ୍ନ ରୋଚତେ।
ମୂଷିକଂ ଭକ୍ଷଯିଷ୍ଯାମି ତଦ୍ଭବାନନୁମନ୍ଯତାମ୍॥ 1-153-51 (7016)
ତଚ୍ଛ୍ରୁତ୍ବା ମୂଷିକୋ ବାକ୍ଯଂ ସଂତ୍ରସ୍ତଃ ପ୍ରଗତୋ ବିଲମ୍।
ତତଃ ସ୍ନାତ୍ବା ସ ବୈ ତତ୍ର ଆଜଗାମ ବୃକୋ ନପୃ॥ 1-153-52 (7017)
ତମାଗତମିଦଂ ବାକ୍ଯମବ୍ରବୀଜ୍ଜମ୍ବୁକସ୍ତଦା।
ମୃଗରାଜୋ ହି ସଂକ୍ରୁଦ୍ଧୋ ନ ତେ ସାଧୁ ଭବିଷ୍ଯତି॥ 1-153-53 (7018)
ସକଲତ୍ରସ୍ତ୍ବିହାଯାତି କୁରୁଷ୍ବ ଯଦନନ୍ତରମ୍।
ଏବଂ ସଂଚୋଦିତସ୍ତେନ ଜମ୍ବୁକେନ ତଦା ବୃକଃ॥ 1-153-54 (7019)
ତତୋଽବଲୁମ୍ପନଂ କୃତ୍ବା ପ୍ରଯାତଃ ପିଶିତାଶନଃ।
ଏତସ୍ମିନ୍ନେବ କାଲେ ତୁ ନକୁଲୋଽପ୍ଯାଜଗାମ ହ॥ 1-153-55 (7020)
ତମୁବାଚ ମହାରାଜ ନକୁଲଂ ଜମ୍ବୁକୋ ବନେ।
ସ୍ବବାହୁବଲମାଶ୍ରିତ୍ଯ ନିର୍ଜିତାସ୍ତେଽନ୍ଯତୋ ଗତାଃ॥ 1-153-56 (7021)
ମମ ଦତ୍ବା ନିଯୁଦ୍ଧଂ ତ୍ବଂ ଭୁଙ୍କ୍ଷ୍ବ ମାଂସଂ ଯଥେପ୍ସିତମ୍। 1-153-57 (7022)
ନକୁଲ ଉବାଚ।
ମୃଗରାଜୋ ବୃକଶ୍ଚୈବ ବୁଦ୍ଧିମାନପି ମୂଷିକଃ॥ 1-153-57x (910)
ନିର୍ଜିତା ଯତ୍ତ୍ବଯା ବୀରାସ୍ତସ୍ମାଦ୍ବୀରତରୋ ଭବାନ୍।
ନ ତ୍ବଯାପ୍ଯୁତ୍ସହେ ଯୋଦ୍ଧୁମିତ୍ଯୁକ୍ତ୍ବା ସୋଽପ୍ଯୁପାଗମତ୍॥ 1-153-58 (7023)
କଣିକ ଉବାଚ। 1-153-59x (911)
ଏବଂ ତେଷୁ ପ୍ରଯାତେଷୁ ଜମ୍ବୁକୋ ହୃଷ୍ଟମାନସଃ।
ଖାଦତି ସ୍ମ ତଦା ମାଂସମେକଃ ସନ୍ମନ୍ତ୍ରନିଶ୍ଚଯାତ୍।
ଏବଂ ସମାଚରନ୍ନିତ୍ଯଂ ସୁଖମେଧେତ ଭୂପତିଃ॥ 1-153-59 (7024)
ଭଯେନ ଭେଦଯେଦ୍ଭୀରୁଂ ଶୂରମଞ୍ଜଲିକର୍ମଣା।
ଲୁବ୍ଧମର୍ଥପ୍ରଦାନେନ ସମଂ ନ୍ଯୂନଂ ତଥୌଜସା॥ 1-153-60 (7025)
ଏବଂ ତେ କଥିତଂ ରାଜନ୍ ଶୃଣୁ ଚାପ୍ଯପରଂ ତଥା॥ 1-153-61 (7026)
ପୁତ୍ରଃ ସଖା ବା ଭ୍ରାତା ବା ପିତା ବା ଯଦି ବା ଗୁରୁଃ।
ରିପୁସ୍ଯାନେଷୁ ବର୍ତନ୍ତୋ ହନ୍ତବ୍ଯା ଭୂତିମିଚ୍ଛତା॥ 1-153-62 (7027)
ଶପଥେନାପ୍ଯରିଂ ହନ୍ଯାଦର୍ଥଦାନେନ ବା ପୁନଃ।
ବିଷେଣ ମାଯଯା ବାପି ନୋପେକ୍ଷେତେ କଥଂଚନ।
ଉଭୌ ଚେତ୍ସଂଶଯୋପେତୌ ଶ୍ରଦ୍ଧବାଂସ୍ତତ୍ର ବର୍ଧତେ॥ 1-153-63 (7028)
ଗୁରୋରପ୍ଯବଲିପ୍ତସ୍ଯ କାର୍ଯାକାର୍ଯମଜାନତଃ।
ଉତ୍ପଥଂ ପ୍ରତିପନ୍ନସ୍ଯ ନ୍ଯାଯ୍ଯଂ ଭବତି ଶାସନମ୍॥ 1-153-64 (7029)
କ୍ରୁଦ୍ଧୋଽପ୍ଯକ୍ରୁଦ୍ଧରୂପଃ ସ୍ଯାତ୍ସ୍ମିତପୂର୍ବାଭିଭାଷିତା।
`ନ ଚୈନଂ କ୍ରୋଧସଂଦୀପ୍ତଂ ବିଦ୍ଯାତ୍କଶ୍ଚିତ୍କଥଂଚନ।'
ନ ଚାପ୍ଯନ୍ଯମପଧ୍ବଂସେତ୍କଦାଚିତ୍କୋପସଂଯୁତଃ॥ 1-153-65 (7030)
ପ୍ରହରିଷ୍ଯନ୍ପ୍ରିଯଂ ବ୍ରୂଯାତ୍ପ୍ରହରନ୍ନପି ଭାରତ।
ପ୍ରହୃତ୍ଯ ଚ ପ୍ରିଯଂ ବ୍ରୂଯାଚ୍ଛୋଚନ୍ନିବ ରୁଦନ୍ନିବ॥ 1-153-66 (7031)
ଆଶ୍ବାସଯେଚ୍ଚାପି ପରଂ ସାନ୍ତ୍ବଧର୍ମାର୍ଥବୃତ୍ତିଭିଃ।
ଅଥ ତଂ ପ୍ରହରେତ୍କାଲେ ତଥା ବିଚଲିତଂ ପଥି॥ 1-153-67 (7032)
ଅପି ଘୋରାପରାଧସ୍ଯ ଧର୍ମମାଶ୍ରିତ୍ଯ ତିଷ୍ଠତଃ।
ସ ହି ପ୍ରଚ୍ଛାଦ୍ଯତେ ଦୋଷଃ ଶୈଲୋ ମେଘୈରିବାସିତୈଃ॥ 1-153-68 (7033)
ଯଃ ସ୍ଯାଦନୁପ୍ରାପ୍ତବଧସ୍ତସ୍ଯାଗାରଂ ପ୍ରଦୀପଯେତ୍।
ଅଧନାନ୍ନାସ୍ତିକାଂଶ୍ଚୋରାନ୍ବିଷକର୍ମସୁ ଯୋଜଯେତ୍॥ 1-153-69 (7034)
ପ୍ରତ୍ଯୁତ୍ଥାନାସନାଦ୍ଯେନ ସଂପ୍ରଦାନେନ କେନଚିତ୍।
ଅତିବିଶ୍ରବ୍ଧଘାତୀ ସ୍ଯାତ୍ତୀକ୍ଷ୍ଣଂଦଷ୍ଟ୍ରୋ ନିମଗ୍ନକଃ॥ 1-153-70 (7035)
ଅଶଙ୍କିତେଭ୍ଯଃ ଶଙ୍କେତ ଶଙ୍କିତେଭ୍ଯଶ୍ଚ ସର୍ବଶଃ।
ଅଶଙ୍କ୍ଯାଦ୍ଭଯମୁତ୍ପନ୍ନମପି ମୂଲଂ ନିକୃନ୍ତତି॥ 1-153-71 (7036)
ନ ବିଶ୍ବସେଦବିଶ୍ବସ୍ତେ ବିଶ୍ବସ୍ତେ ନାତିବିଶ୍ବସେତ୍।
ବିଶ୍ବାସାଦ୍ଭଯମୁତ୍ପନ୍ନଂ ମୂଲାନ୍ଯପି ନିକୃନ୍ତତି॥ 1-153-72 (7037)
ଚାରଃ ସୁବିହିତଃ କାର୍ଯ ଆତ୍ମନଶ୍ଚ ପରସ୍ଯ ବା।
ପାଷଣ୍ଡାଂସ୍ତାପସାଦୀଂଶ୍ଚ ପରରାଷ୍ଟ୍ରେଷୁ ଯୋଜଯେତ୍॥ 1-153-73 (7038)
ଉଦ୍ଯାନେଷୁ ବିହାରେଷୁ ଦେବତାଯତନେଷୁ ଚ।
ପାନାଗାରେଷୁ ରଥ୍ଯାସୁ ସର୍ବତୀର୍ଥେଷୁ ଚାପ୍ଯଥ॥ 1-153-74 (7039)
ଚତ୍ବରେଷୁ ଚ କୂପେଷୁ ପର୍ବତେଷୁ ବନେଷୁ ଚ।
ସମବାଯେଷୁ ସର୍ବେଷୁ ସରିତ୍ସୁ ଚ ବିଚାରଯେତ୍॥ 1-153-75 (7040)
ବାଚା ଭୃଶଂ ବିନୀତଃ ସ୍ଯାଦ୍ଧୃଦଯେନ ତଥା କ୍ଷୁରଃ।
ସ୍ମିତପୂର୍ବାଭିଭାଷୀ ସ୍ଯାତ୍ସୃଷ୍ଟୋ ରୌଦ୍ରସ୍ଯ କର୍ମଣଃ॥ 1-153-76 (7041)
ଅଞ୍ଜଲିଃ ଶପଥଃ ସାନ୍ତ୍ବଂ ଶିରସା ପାଦବନ୍ଦନମ୍।
ଆଶାକରଣମିତ୍ଯେବଂ କର୍ତବ୍ଯଂ ଭୂତିମିଚ୍ଛତା॥ 1-153-77 (7042)
ସୁପୁଷ୍ପିତଃ ସ୍ଯାଦଫଲଃ ଫଲବାନ୍ସ୍ଯାଦ୍ଦୁରାରୁହଃ।
ଆମଃ ସ୍ଯାତ୍ପକ୍ବସଙ୍କାଶୋ ନଚ ଜୀର୍ଯେତ କର୍ହିଚିତ୍॥ 1-153-78 (7043)
ତ୍ରିବର୍ଗେ ତ୍ରିବିଧା ପୀଡା ହ୍ଯନୁବନ୍ଧାସ୍ତଥୈବ ଚ।
ଅନୁବନ୍ଧାଃ ଶୁଭା ଜ୍ଞେଯାଃ ପୀଡାସ୍ତୁ ପରିବର୍ଜଯେତ୍॥ 1-153-79 (7044)
ଧର୍ମଂ ବିଚରତଃ ପୀଡା ସାପି ଦ୍ବାଭ୍ଯାଂ ନିଯଚ୍ଛତି।
ଅର୍ଥଂ ଚାପ୍ଯର୍ଥଲୁବ୍ଧସ୍ଯ କାମଂ ଚାତିପ୍ରବର୍ତିନଃ॥ 1-153-80 (7045)
ଅଗର୍ବିତାତ୍ମା ଯୁକ୍ତଶ୍ଚ ସାନ୍ତ୍ବଯୁକ୍ତୋଽନସୂଯିତା।
ଅବେକ୍ଷିତାର୍ଥଃ ଶୁଦ୍ଧାତ୍ମା ମନ୍ତ୍ରଯୀତ ଦ୍ବିଜୈଃ ସହା॥ 1-153-81 (7046)
କର୍ମଣା ଯେନ କେନୈବ ମୃଦୁନା ଦାରୁଣେନ ଚ।
ଉଦ୍ଧରେଦ୍ଦୀନମାତ୍ମାନଂ ସମର୍ଥୋ ଧର୍ମମାଚରେତ୍॥ 1-153-82 (7047)
ନ ସଂଶଯମନାରୁହ୍ଯ ନରୋ ଭଦ୍ରାଣି ପଶ୍ଯତି।
ସଂଶଯଂ ପୁନରାରୁହ୍ଯ ଯଦି ଜୀବତି ପଶ୍ଯତି॥ 1-153-83 (7048)
ଯସ୍ଯ ବୁଦ୍ଧିଃ ପରିଭବେତ୍ତମତୀତେନ ସାନ୍ତ୍ବଯେତ୍।
ଅନାଗତେନ ଦୁର୍ବୁଦ୍ଧିଂ ପ୍ରତ୍ଯୁତ୍ପନ୍ନେନ ପଣ୍ଡିତମ୍॥ 1-153-84 (7049)
ଯୋଽରିଣା ସହ ସନ୍ଧାଯ ଶଯୀତ କୃତକୃତ୍ଯବତ୍।
ସ ବୃକ୍ଷାଗ୍ରେ ଯଥା ସୁପ୍ତଃ ପତିତଃ ପ୍ରତିବୁଧ୍ଯତେ॥ 1-153-85 (7050)
ମନ୍ତ୍ରସଂବରଣେ ଯତ୍ନଃ ସଦା କାର୍ଯୋଽନସୂଯତା।
ଆକାରମଭିରକ୍ଷେତ ଚାରେଣାପ୍ଯନୁପାଲିତଃ॥ 1-153-86 (7051)
`ନ ରାତ୍ରୌ ମନ୍ତ୍ରଯେଦ୍ବିଦ୍ବାନ୍ନ ଚ କୈଶ୍ଚିଦୁପାସିତଃ।
ପ୍ରାସାଦାଗ୍ରେ ଶିଲାଗ୍ରେ ବା ବିଶାଲେ ବିଜନେପି ବା॥ 1-153-87 (7052)
ସମନ୍ତାତ୍ତତ୍ର ପଶ୍ଯଦ୍ଭିଃ ସହାପ୍ତୈରେବ ମନ୍ତ୍ରଯେତ୍।
ନୈବ ସଂବେଶଯେତ୍ତତ୍ର ମନ୍ତ୍ରବେଶ୍ମନି ଶାରିକାମ୍॥ 1-153-88 (7053)
ଶୁକାନ୍ବା ଶାରିକା ବାପି ବାଲମୂର୍ଖଜଡାନପି।
ପ୍ରବିଷ୍ଟାନପି ନିର୍ବାସ୍ଯ ମନ୍ତ୍ରଯେଦ୍ଧାର୍ମିକୈର୍ଦ୍ବିଜୈଃ॥ 1-153-89 (7054)
ନୀତିଜ୍ଞୈର୍ନ୍ଯାଯଶାସ୍ତ୍ରଜ୍ଞୈରିତିହାସେ ସୁନିଷ୍ଠିତୈଃ।
ରକ୍ଷାଂ ମନ୍ତ୍ରସ୍ଯ ନିଶ୍ଛିଦ୍ରାଂ ମନ୍ତ୍ରାନ୍ତେ ନିଶ୍ଚଯେତ୍ସ୍ବଯମ୍॥ 1-153-90 (7055)
ବୀରୋପବର୍ଣିତାତ୍ତସ୍ମାଦ୍ଧର୍ମାର୍ଥାଭ୍ଯାମଥାତ୍ମନା।
ଏକେନ ବାଥ ବିପ୍ରେଣ ଜ୍ଞାତବୁଦ୍ଧିର୍ବିନିଶ୍ଚଯେତ୍॥ 1-153-91 (7056)
ତୃତୀଯେନ ନ ଚାନ୍ଯେନ ବ୍ରଜେନ୍ନିଶ୍ଚଯମାତ୍ମବାନ୍।
ଷଟ୍କର୍ଣଶ୍ଛିଦ୍ଯତେ ମନ୍ତ୍ର ଇତି ନୀତିଷୁ ପଠ୍ଯତେ॥ 1-153-92 (7057)
ନିଃସୃତୋ ନାଶଯେନ୍ମନ୍ତ୍ରୋ ହସ୍ତପ୍ରାପ୍ତାମପି ଶ୍ରିଯମ୍।
ସ୍ବମତଂ ଚ ପରେଷାଂ ଚ ବିଚାର୍ଯ ଚ ପୁନଃପୁନଃ।
ଗୁଣବଦ୍ବାକ୍ଯମାଦଦ୍ଯାନ୍ନୈବ ତୃପ୍ଯେଦ୍ବିଚକ୍ଷଣଃ॥' 1-153-93 (7058)
ନାଚ୍ଛିତ୍ବା ପରମର୍ମାଣି ନାକୃତ୍ବା କର୍ମ ଦାରୁଣମ୍।
ନାହତ୍ବା ମତ୍ସ୍ଯଘାତୀବ ପ୍ରାପ୍ନୋତି ମହତୀଂ ଶ୍ରିଯମ୍॥ 1-153-94 (7059)
କର୍ଶିତଂ ବ୍ଯାଧିତଂ କ୍ଲିନ୍ନମପାନୀଯମଘାସକମ୍।
ପରିବିଶ୍ବସ୍ତମନ୍ଦଂ ଚ ପ୍ରହର୍ତବ୍ଯମରେର୍ବଲମ୍॥ 1-153-95 (7060)
ନାର୍ଥିକୋଽର୍ଥିନମଭ୍ଯେତି କୃତାର୍ଥେ ନାସ୍ତି ସଙ୍ଗତମ୍।
ତସ୍ମାତ୍ସର୍ବାଣି ସାଧ୍ଯାନି ସାବଶେଷାଣି କାରଯେତ୍॥ 1-153-96 (7061)
ସଂଗ୍ରହେ ବିଗ୍ରହେ ଚୈବ ଯତ୍ନଃ କାର୍ଯୋଽନସୂଯତା।
ଉତ୍ସାହଶ୍ଚାପି ଯତ୍ନେନ କର୍ତବ୍ଯୋ ଭୂତିମିଚ୍ଛତା॥ 1-153-97 (7062)
ନାସ୍ଯ କୃତ୍ଯାନି ବୁଧ୍ଯେରନ୍ମିତ୍ରାଣି ରିପବସ୍ତଥା।
ଆରବ୍ଧାନ୍ଯେବ ପଶ୍ଯେରନ୍ସୁପର୍ଯବସିତାନ୍ଯପି॥ 1-153-98 (7063)
ଭୀତବତ୍ସଂବିଧାତବ୍ଯଂ ଯାବଦ୍ଭଯମନାଗତମ୍।
ଆଗତଂ ତୁ ଭଯଂ ଦୃଷ୍ଟ୍ବା ପ୍ରହର୍ତବ୍ଯମଭୀତବତ୍॥ 1-153-99 (7064)
ଦୈବେନୋପହତଂ ଶତ୍ରୁମନୁଗୃହ୍ଣାତି ଯୋ ନରଃ।
ସ ମୃତ୍ଯୁମୁପଗୃହ୍ଣାତି ଗର୍ଭମଶ୍ବତରୀ ଯଥା॥ 1-153-100 (7065)
ଅନାଗତଂ ହି ବୁଧ୍ଯେତ ଯଚ୍ଚ କାର୍ଯଂ ପୁରଃ ସ୍ଥିତମ୍।
ନ ତୁ ବୁଦ୍ଧିକ୍ଷଯାତ୍କିଂଚିଦତିକ୍ରାମେତ୍ପ୍ରଯୋଜନମ୍॥ 1-153-101 (7066)
ଉତ୍ସାହଶ୍ଚାପି ଯତ୍ନେନ କର୍ତବ୍ଯୋ ଭୂତିମିଚ୍ଛତା।
ବିଭଜ୍ଯ ଦେଶକାଲୌ ଚ ଦୈବଂ ଧର୍ମାଦଯସ୍ତ୍ରଯଃ।
ନୈଃଶ୍ରେଯସୌ ତୁ ତୌ ଜ୍ଞେଯୌ ଦେଶକାଲାବିତି ସ୍ଥିତିଃ॥ 1-153-102 (7067)
ତାଲବତ୍କୁରୁତେ ମୂଲଂ ବାଲଃ ଶତ୍ରୁରୁପେକ୍ଷିତଃ।
ଗହନେଽଗ୍ନିରିବୋତ୍ସୃଷ୍ଟଃ କ୍ଷିପ୍ରଂ ସଂଜାଯତେ ମହାନ୍॥ 1-153-103 (7068)
ଅଗ୍ନିସ୍ତୋକମିବାତ୍ମାନଂ ସନ୍ଧୁକ୍ଷଯତି ଯୋ ନରଃ।
ସ ବର୍ଧମାନୋ ଗ୍ରସତେ ମହାନ୍ତମପି ସଂଚଯମ୍॥ 1-153-104 (7069)
`ଆଦାବେବ ଦଦାନୀତି ପ୍ରିଯଂ ବ୍ରୂଯାନ୍ନିରର୍ଥକମ୍॥' 1-153-105 (7070)
ଆଶାଂ କାଲବତୀଂ କୁର୍ଯାତ୍କାଲଂ ବିଘ୍ନେନ ଯୋଜଯେତ୍।
ବିଘ୍ନଂ ନିମିତ୍ତତୋ ବ୍ରୂଯାନ୍ନିମିତ୍ତଂ ବାଽପି ହେତୁତଃ॥ 1-153-106 (7071)
କ୍ଷୁରୋ ଭୂତ୍ବା ହରେତ୍ପ୍ରାଣାନ୍ନିଶିତଃ କାଲସାଧନଃ।
ପ୍ରତିଚ୍ଛନ୍ନୋ ଲୋମହାରୀ ଦ୍ବିଷତାଂ ପରିକର୍ତନଃ॥ 1-153-107 (7072)
ପାଣ୍ଡବେଷୁ ଯଥାନ୍ଯାଯମନ୍ଯେଷୁ ଚ କୁରୂଦ୍ବହ।
ବର୍ତମାନୋ ନ ମଜ୍ଜେସ୍ତ୍ବଂ ତଥା କୃତ୍ଯଂ ସମାଚର॥ 1-153-108 (7073)
ସର୍ବକଲ୍ଯାଣସଂପନ୍ନୋ ବିଶିଷ୍ଟ ଇତି ନିଶ୍ଚଯଃ।
ତସ୍ମାତ୍ତ୍ବଂ ପାଣ୍ଡୁପୁତ୍ରେଭ୍ଯୋ ରକ୍ଷାତ୍ମାନଂ ନରାଧିପ॥ 1-153-109 (7074)
ଭ୍ରାତୃବ୍ଯା ବଲବନ୍ତସ୍ତେ ପାଣ୍ଡୁପୁତ୍ରା ନରାଧିପ।
ପଶ୍ଚାତ୍ତାପୋ ଯଥା ନ ସ୍ଯାତ୍ତଥା ନୀତିର୍ବିଧୀଯତାମ୍॥ 1-153-110 (7075)
ବୈଶମ୍ପାଯନ ଉବାଚ। 1-153-111x (912)
ଏବମୁକ୍ତ୍ବା ସଂପ୍ରତସ୍ଥେ କଣିକଃ ସ୍ବଗୃହଂ ତତଃ।
ଧୃତରାଷ୍ଟ୍ରୋଽପି କୌରବ୍ଯଃ ଶୋକାର୍ତଃ ସମପଦ୍ଯତ॥ ॥ 1-153-111 (7076)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସଂଭବପର୍ବଣି ତ୍ରିପଞ୍ଚାଶଦଧିକଶତତମୋଽଧ୍ଯାଯଃ॥ 153 ॥ ॥ ସମାପ୍ତଂ ଚ ସଂଭବପର୍ବ ॥
Mahabharata - Adi Parva - Chapter Footnotes
1-153-13 ଉଭାଭ୍ଯାଂ ବ୍ରାହ୍ମଣରକ୍ଷଣଦୁଷ୍ଟନିଗ୍ରହାଭ୍ଯାମ୍। ଜିତୌ ସଂପାଦିତୌ ଭବେତାମିତି ଶେଷଃ॥ 1-153-15 ହୀନାଯ ଦରିଦ୍ରାଯ॥ 1-153-20 ଉପସଂହରତି ବଧମିତି। କଥଂ ବଧଃ କର୍ତବ୍ଯଂ ଇତ୍ଯାହ ସୁବିଦୀର୍ଣମିତି। ସୁବିକ୍ରାନ୍ତମପି ଶତ୍ରୁଂ। କାଲେ ଆପଦ୍ଯାପନ୍ନମାଲଭ୍ଯ ସୁବିଦୀର୍ଣଂ ବିନଷ୍ଟଂ କୁର୍ବୀତ। ତଥା ସୁଯୁଦ୍ଧମପି ଶତ୍ରୁମାପଦି କାଲେ ସୁପଲାଯିତଂ କୁର୍ବୀତି॥ 1-153-22 ଆଶ୍ରଯସଂଶ୍ରଯାତ୍ ଆଶ୍ରଯବଲାତ୍॥ 1-153-23 ତୃଣମଯଂ ତୃଣବନ୍ନିଷ୍ପ୍ରଯୋଜନମ୍। କ୍ଷାତ୍ରଂ ଧର୍ମଂ ତ୍ଯକ୍ତ୍ବା ଶତ୍ରୁଗୃହେ ଭିକ୍ଷାଭୁଗପି ସ୍ଯାଦିତ୍ଯର୍ଥଃ। ମୃଗଶାଯିକାଂ ମୃଗହନ୍ତୁଃ ଶଯ୍ଯାମ୍। ଯଥା ବ୍ଯାଧୋ ମୃଗାନ୍ବିଶ୍ବାସଯିତୁଂ ମୃଷା ନିଦ୍ରାତି ବିଶ୍ବସ୍ତେଷୁ ଚ ତେଷୁ ପ୍ରହରତ୍ଯେବଂ ସ ହନ୍ତୁମେବାକାରଂ ଗୋପଯତୀତ୍ଯର୍ଥଃ। ଉପାଯୈଃ ବଶେ ସ୍ଥିତଂ ଶତ୍ରୁମିତି ସଂବନ୍ଧଃ॥ 1-153-25 ତ୍ରୀନ୍ ଐଶ୍ବର୍ଯମନ୍ତ୍ରୋତ୍ସାହାନ୍। ତଥା ପଞ୍ଚ ଅମାତ୍ଯରାଷ୍ଟ୍ରଦୁର୍ଗାଣି କୋଶୋ ଦଣ୍ଡଶ୍ଚ ପଞ୍ଚମ ଇତ୍ଯୁକ୍ତାନ୍। ଦଣ୍ଡୋତ୍ର ସୈନ୍ଯଂ। ସପ୍ତ ସ୍ବାମ୍ଯମାତ୍ଯସୁହୃତ୍କୋଶରାଷ୍ଟ୍ରଦୁର୍ବଲାନି ଯେତ୍ଯୁକ୍ତାନି॥ 1-153-30 ଶୌଚମଗ୍ନ୍ଯାଧାନାଦି। ଅତ୍ର ଦୃଷ୍ଟାନ୍ତଃ ଆନାମ୍ଯେତି ଆନାମଯିତ୍ବା॥ 1-153-37 ବଭ୍ରୁର୍ନକୁଲଃ। ମୃଗଯୂଥପଂ ମହାନ୍ତଂ ହରିଣମ୍॥ 1-153-41 ମୂଷିକେଣ ଆଈଷଦ୍ଭକ୍ଷିତୈଃ॥ 1-153-46 ମୃଗରାଜସ୍ଯ ବ୍ଯାଘ୍ରସ୍ଯ॥ 1-153-51 ଗରଂ ମୂଷିକଦଷ୍ଟତ୍ବାଦ୍ବିଷଭୂତମ୍॥ 1-153-55 ଅବଲୁମ୍ପନଂ ଗାତ୍ରସଂକୋଚନମ୍॥ 1-153-63 ସଂଶଯୋପେତୌ ସଂଶଯବିଷଯୌ। ଶ୍ରଦ୍ଧାବାନ୍ ମଦୁକ୍ତାଦରବାନ୍। ଶ୍ରଦ୍ଦଧାନସ୍ତୁ ବଧ୍ଯତ ଇତି ଙ ପାଠଃ॥ 1-153-65 ଅପଧ୍ବଂସେତ୍ କୁତ୍ସଯେତ୍॥ 1-153-69 ଅନୁପ୍ରାପ୍ତବଧଃ ଶୀଘ୍ରଂ ହନ୍ତୁମିଷ୍ଟଃ ଅଧନା ଦରିଦ୍ରାଃ ନାସ୍ତିକାଃ ପରଲୋକଶ୍ରଦ୍ଧାରହିତାଃ॥ 1-153-70 ନିମଗ୍ନକଃ ନମ୍ରଶିରାଃ ତୀକ୍ଷ୍ଣଦଂଷ୍ଟ୍ରଃ ବ୍ଯାଘ୍ର ଇବ। ତୀକ୍ଷ୍ଣଦଂଷ୍ଟ୍ର ଇବୋରତ ଇତି କ.ଙ.ପାଠଃ॥ 1-153-73 ସୁବିହିତଃ ସମ୍ଯକ୍ ପରୀକ୍ଷିତଃ॥ 1-153-76 ସୃଷ୍ଟୋ ରୌଦ୍ରାଯ କର୍ମଣ ଇତି କ.ଘ.ପାଠଃ॥ 1-153-79 ଅନୁବନ୍ଧଃ ଫଲମ୍॥ 1-153-80 ଧର୍ମମତ୍ଯନ୍ତଂ ବିଚରତଃ ପୁଂସୋ ଦ୍ବାଭ୍ଯାମର୍ଥକାମାଭ୍ଯାଂ ଧନବ୍ଯଯବ୍ରହ୍ମଚର୍ଯୋପକ୍ଷିପ୍ତାଭ୍ଯାଂ ପୀଡା ଚିତ୍ତବୈକଲ୍ଯଂ ଭବତି। ସାପି ପୁଂସଃ ପୀଡା ଧର୍ମଂ ନିଯଚ୍ଛତି ନିଗୃହ୍ଣାତି। ଏବମର୍ଥଂ ଚାପ୍ଯର୍ଥଲୁବ୍ଧସ୍ଯ କାମଂ ଚାତିପ୍ରବର୍ତିନ ଇତି ବ୍ଯାଖ୍ଯେଯଂ॥ 1-153-83 ଉଦ୍ଦେଶ୍ଯସନ୍ଦେହେପି ନୀତିରବଶ୍ଯମନୁସରଣୀଯେତ୍ଯାହ। ନ ସଂଶଯମିତି। ଅସଂଶଯମଥାରୁହ୍ଯେତି କ.ଘ.ଟ.ପାଠଃ॥ 1-153-84 ପରିଭବେତ୍ ଶୋକେନ। ତମତୀତେନ ନଲରାମାଦ୍ଯାଖ୍ଯାନେନ। ଦୁର୍ବୁଦ୍ଧିଂ। ଲୋଭାଦ୍ଯୁପହତବୁଦ୍ଧିମ୍। ଅନାଗତେନ କାଲାନ୍ତରେ ତବ ଶ୍ରେଯୋ ଭବିଷ୍ଯତୀତ୍ଯାଶାପ୍ରଦର୍ଶନେନ। ପଣ୍ଡିତଂ ପ୍ରତ୍ଯୁତ୍ପନ୍ନେନ ବର୍ତମାନେନ ଧନାଦିନା ସାନ୍ତ୍ବଯେତ୍॥ 1-153-86 ମନ୍ତ୍ରସଂବରଣଂ ମନ୍ତ୍ରଗୂହନମ୍॥ 1-153-95 ଅଘାସକଂ ଅନାହାରମ୍॥ 1-153-96 ସଂଗତଂ ସଖ୍ଯମ୍॥ 1-153-98 ଆରବ୍ଧାନ୍ଯପି ସୁପର୍ଯବସିତାନି ସଂପନ୍ନାନ୍ଯେବ ପଶ୍ଯେରନ୍॥ 1-153-99 ସଂବିଧାତବ୍ଯଂ ପ୍ରତିକର୍ତବ୍ଯମ୍॥ 1-153-102 ଦେଶାଦ୍ଯନୁଗୁଣ ଉତ୍ସାହୋଽପି କର୍ତବ୍ଯୋ ନତ୍ବଲସୋ ଭବେତ୍। ଦୈବଂ ପ୍ରାକ୍ତନଂ କର୍ମ। ଯେ ଧର୍ମାଦଯସ୍ତ୍ରଯସ୍ତାଂଶ୍ଚ ବିଭଜ୍ଯ ତେଷାଂ ମଧ୍ଯେ ନୈଃଶ୍ରେଯସୌ ଶ୍ରେଯୋହେତୂ ଇତି ସ୍ଥିତିର୍ନିଶ୍ଚଯଃ॥ 1-153-103 ବାଲଃ ଅଲ୍ପୋପି। ବଲବତ୍କୁରୁତେ ରୂପଂ ବାଲ୍ଯାଦିତି କ.ଙ.ଟ.ପାଠଃ॥ 1-153-104 ଆତ୍ମାନଂ ସଧୁକ୍ଷଯତି ସହାଯାଦିନା ବର୍ଧଯତି। ସଂଚଯମିନ୍ଧନାନାଂ ପକ୍ଷେ ଶତ୍ରୂଣାମ୍॥ 1-153-106 ହେତୁତଃ ହେତ୍ବନ୍ତରେଣ॥ 1-153-111 ତଦା ସପୁତ୍ରୋ ରାଜା ଚ ଶୋକାର୍ତ ଇତି ଙ ପୁସ୍ତକପାଠଃ॥ ତ୍ରିପଞ୍ଚାଶଦଧିକଶତତମୋଽଧ୍ଯାଯଃ॥ 153 ॥ଆଦିପର୍ବ - ଅଧ୍ଯାଯ 154
॥ ଶ୍ରୀଃ ॥
1.154. ଅଧ୍ଯାଯଃ 154
(ଅଥ ଜତୁଗୃହପର୍ବ ॥ 8 ॥)
Mahabharata - Adi Parva - Chapter Topics
ସଂଗ୍ରହେଣ ଜତୁଗୃହଦାହକଥନମ୍॥ 1 ॥ ପୁନର୍ବିସ୍ତରେଣ ଜତୁଗୃହଦାହକଥନାରମ୍ଭଃ॥ 2 ॥ ଦୁର୍ଯୋଧନଧୃତରାଷ୍ଟ୍ରସଂବାଦଃ॥ 3 ॥Mahabharata - Adi Parva - Chapter Text
1-1534-0 (7077)
ବୈଶମ୍ପାଯନ ଉବାଚ। 1-1534-0x (913)
କଣିକସ୍ଯ ମତଂ ଶ୍ରୁତ୍ବା କାର୍ତ୍ସ୍ନ୍ଯେନ ଭରତର୍ଷଭ।
ଦୁର୍ଯୋଧନଶ୍ଚ କର୍ଣଶ୍ଚ ଶକୁନିଶ୍ଚାପି ସୌବଲଃ।
ଦୁଶାସନଚତୁର୍ଥାସ୍ତେ ମନ୍ତ୍ରଯାମାସୁରେକଦା॥ 1-154-1 (7078)
ତେ କୌରବ୍ଯମନୁଜ୍ଞାପ୍ଯ ଧୃତରାଷ୍ଟ୍ରଂ ନରାଧିପମ୍।
ଦହନେ ତୁ ସପୁତ୍ରାଯାଃ କୁନ୍ତ୍ଯା ବୁଦ୍ଧିମକାରଯନ୍॥ 1-154-2 (7079)
ତେଷାମିଙ୍ଗିତଭାବଜ୍ଞୋ ବିଦୁରସ୍ତତ୍ତ୍ବଦର୍ଶିବାନ୍।
ଆକାରେଣ ଚ ତଂ ମନ୍ତ୍ରଂ ବୁବୁଧେ ଦୁଷ୍ଟଚେତସାମ୍॥ 1-154-3 (7080)
ତତୋ ବିଦିତବେଦ୍ଯାତ୍ମା ପାଣ୍ଡବାନାଂ ହିତେ ରତଃ।
ପଲାଯନେ ମତିଂ ଚକ୍ରେ କୁନ୍ତ୍ଯାଃ ପୁତ୍ରୈଃ ସହାନଘଃ॥ 1-154-4 (7081)
ତତୋ ବାତସହାଂ ନାବଂ ଯନ୍ତ୍ରଯୁକ୍ତାଂ ପତାକିନୀମ୍।
ଊର୍ମିକ୍ଷମାଂ ଦୃଢାଂ କୃତ୍ବା କୁନ୍ତୀମିଦମୁବାଚ ହ॥ 1-154-5 (7082)
ଏଷ ଜାତଃ କୁଲସ୍ଯାସ୍ଯ କୀର୍ତିବଂଶପ୍ରଣାଶନଃ।
ଧୃତରାଷ୍ଟ୍ରଃ ପରୀତାତ୍ମା ଧର୍ମଂ ତ୍ଯଜତି ଶାଶ୍ବତମ୍॥ 1-154-6 (7083)
ଇଯଂ ବାରିପଥେ ଯୁକ୍ତା ତରଙ୍ଗପବନକ୍ଷମା।
ନୌର୍ଯଯା ମୃତ୍ଯୁପାଶାତ୍ତ୍ବଂ ସପୁତ୍ରା ମୋକ୍ଷ୍ଯସେ ଶୁଭେ॥ 1-154-7 (7084)
ତଚ୍ଛ୍ରୁତ୍ବା ବ୍ଯଥିତା କୁନ୍ତୀ ପୁତ୍ରୈଃ ସହ ଯଶସ୍ବିନୀ।
ନାବମାରୁହ୍ଯ ଗଙ୍ଗାଯାଂ ପ୍ରଯଯୌ ଭରତର୍ଷଭ॥ 1-154-8 (7085)
ତତୋ ବିଦୁରବାକ୍ଯେନ ନାବଂ ବିକ୍ଷିପ୍ଯ ପାଣ୍ଡବାଃ।
ଧନଂ ଚାଦାଯ ତୈର୍ଦତ୍ତମରିଷ୍ଟଂ ପ୍ରାବିଶନ୍ବନମ୍॥ 1-154-9 (7086)
ନିଷାଦୀ ପଞ୍ଚପୁତ୍ରା ତୁ ଜାତେଷୁ ତତ୍ର ବେଶ୍ମନି।
କାରଣାଭ୍ଯାଗତା ଦଗ୍ଧା ସହ ପୁତ୍ରୈରନାଗସା॥ 1-154-10 (7087)
ସ ଚ ମ୍ଲେଚ୍ଛାଧମଃ ପାପୋ ଦଗ୍ଧସ୍ତତ୍ର ପୁରୋଚନଃ।
ବଞ୍ଚିତାଶ୍ଚ ଦୁରାତ୍ମାନୋ ଧାର୍ତରାଷ୍ଟ୍ରାଃ ସହାନୁଗାଃ॥ 1-154-11 (7088)
ଅବିଜ୍ଞାତା ମହାତ୍ମନୋ ଜନାନାମକ୍ଷତାସ୍ତଥା।
ଜନନ୍ଯା ସହ କୌନ୍ତେଯା ମୁକ୍ତା ବିଦୁରମନ୍ତ୍ରିତାଃ॥ 1-154-12 (7089)
ତତସ୍ତସ୍ମିନ୍ପୁରେ ଲୋକା ନଗରେ ବାରଣାବତେ।
ଦୃଷ୍ଟ୍ବା ଜତୁଗୃହଂ ଦଗ୍ଧମନ୍ବଶୋଚନ୍ତ ଦୁଃଖିତାଃ॥ 1-154-13 (7090)
ପ୍ରେଷଯାମାସୂ ରାଜାନଂ ଯଥାବୃତ୍ତଂ ନିବେଦିତୁମ୍।
ସଂବୃତସ୍ତେ ମହାନ୍କାମଃ ପାଣ୍ଡବାନ୍ଦଗ୍ଧବାନସି॥ 1-154-14 (7091)
ସକାମୋ ଭବ କୌରବ୍ଯ ଭୁଙ୍କ୍ଷ୍ବ ରାଜ୍ଯଂ ସପୁତ୍ରକଃ।
ତଚ୍ଛ୍ରୁତ୍ବା ଧୃତରାଷ୍ଟ୍ରସ୍ତୁ ସହପୁତ୍ରେଣ ଶୋଚଯନ୍॥ 1-154-15 (7092)
ପ୍ରେତକାର୍ଯାଣି ଚ ତଥା ଚକାର ସହ ବାନ୍ଧବୈଃ।
ପାଣ୍ଡବାନାଂ ତଥା କ୍ଷତ୍ତା ଭୀଷ୍ମଶ୍ଚ କୁରୁସତ୍ତମଃ॥ 1-154-16 (7093)
ଜନମେଜଯ ଉବାଚ। 1-154-17x (914)
ପୁନର୍ବିସ୍ତରଶଃ ଶ୍ରୋତୁମିଚ୍ଛାମି ଦ୍ବିଜସତ୍ତମ।
ଦାହଂ ଜତୁଗୃହସ୍ଯୈବ ପାଣ୍ଡବାନାଂ ଚ ମୋକ୍ଷଣମ୍॥ 1-154-17 (7094)
ସୁନୃଶଂସମିଦଂ କର୍ମ ତେଷାଂ କ୍ରୂରୋପସଂହିତମ୍।
କୀର୍ତଯସ୍ବ ଯଥାବୃତ୍ତଂ ପରଂ କୌତୂହଲଂ ମମ॥ 1-154-18 (7095)
ବୈଶମ୍ପାଯନ ଉବାଚ। 1-154-19x (915)
ଶୃଣୁ ବିସ୍ତରଶୋ ରାଜନ୍ବଦତୋ ମେ ପରନ୍ତପ।
ଦାହଂ ଜତୁଗୃହସ୍ଯୈତତ୍ପାଣ୍ଡବାନାଂ ଚ ମୋକ୍ଷଣମ୍॥ 1-154-19 (7096)
ବୈଶମ୍ପାଯନ ଉବାଚ। 1-154-20x (916)
ତତୋ ଦୁର୍ଯୋଧନୋ ରାଜା ଧୃତରାଷ୍ଟ୍ରମଭାଷତ।
ପାଣ୍ଡବେଭ୍ଯୋ ଭଯଂ ନଃ ସ୍ଯାତ୍ତାନ୍ବିବାସଯତାଂ ଭବାନ୍।
ନିପୁଣେନାଭ୍ଯୁପାଯେନ ନଗରଂ ବାରଣାବତମ୍॥ 1-154-20 (7097)
ଧୃତରାଷ୍ଟ୍ରସ୍ତୁ ପୁତ୍ରେଣ ଶ୍ରୁତ୍ବା ବଚନମୀରିତମ୍।
ମୁହୂର୍ତମିବ ସଂଚିନ୍ତ୍ଯ ଦୁର୍ଯୋଧନମଥାବ୍ରବୀତ୍॥ 1-154-21 (7098)
ଧର୍ମନିତ୍ଯଃ ସଦା ପାଣ୍ଡୁସ୍ତଥା ଧର୍ମପରାଯଣଃ।
ସର୍ବେଷୁ ଜ୍ଞାତିଷୁ ତଥା ମଯି ତ୍ବାସୀଦ୍ବିଶେଷତଃ॥ 1-154-22 (7099)
ନାସୌ କିଂଚିଦ୍ବିଜାନାତି ଭୋଜନାଦିଚିକୀର୍ଷିତମ୍।
ନିବେଦଯତି ନିତ୍ଯଂ ହି ମମ ରାଜ୍ଯଂ ଧୃତବ୍ରତଃ॥ 1-154-23 (7100)
ତସ୍ଯ ପୁତ୍ରୋ ଯଥା ପାଣ୍ଡୁସ୍ତଥା ଧର୍ମପରାଯଣଃ।
ଗୁଣବାନ୍ଲୋକବିଖ୍ଯାତଃ ପୌରବାଣାଂ ସୁସଂମତଃ॥ 1-154-24 (7101)
ସ କଥଂ ଶକ୍ଯତେଽସ୍ମାଭିରପାକର୍ତୁଂ ବଲାଦିତଃ।
ପିତୃପୈତାମାହାଦ୍ରାଜ୍ଯାତ୍ସସହାଯୋ ବିଶେଷତଃ॥ 1-154-25 (7102)
ଭୃତା ହି ପାଣ୍ଡୁନାଽମାତ୍ଯା ବଲଂ ଚ ସତତଂ ଭୃତମ୍।
ଭୃତାଃ ପୁତ୍ରାଶ୍ଚ ପୌତ୍ରାଶ୍ଚ ତେଷାମପି ବିଶେଷତଃ॥ 1-154-26 (7103)
ତେ ପୁରା ସତ୍କୃତାସ୍ତାତ ପାଣ୍ଡୁନା ନାଗରା ଜନାଃ।
କଥଂ ଯୁଧିଷ୍ଠିରସ୍ଯାର୍ଥେ ନ ନୋ ହନ୍ଯୁଃ ସବାନ୍ଧବାନ୍॥ 1-154-27 (7104)
ଦୁର୍ଯୋଧନ ଉବାଚ। 1-154-28x (917)
ଏବମେତନ୍ମଯା ତାତ ଭାବିତଂ ଦୋଷମାତ୍ମନି।
ଦୃଷ୍ଟ୍ବା ପ୍ରକୃତଯଃ ସର୍ବା ଅର୍ଥମାନେନ ପୂଜିତାଃ॥ 1-154-28 (7105)
ଧ୍ରୁବମସ୍ମତ୍ସହାଯାସ୍ତେ ଭବିଷ୍ଯନ୍ତି ପ୍ରଧାନତଃ।
ଅର୍ଥବର୍ଗଃ ସହାମାତ୍ଯୋ ମତ୍ସଂସ୍ଥୋଽଦ୍ଯ ମହୀପତେ॥ 1-154-29 (7106)
ସ ଭବାନ୍ପାଣ୍ଡବାନାଶୁ ବିବାସଯିତୁମର୍ହତି।
ମୃଦୁନୈବାଭ୍ଯୁପାଯେନ ନଗରଂ ବାରଣାବତମ୍॥ 1-154-30 (7107)
ଯଦା ପ୍ରତିଷ୍ଠିତଂ ରାଜ୍ଯଂ ମଯି ରାଜନ୍ଭବିଷ୍ଯତି।
ତଦା କୁନ୍ତୀ ସହାପତ୍ଯା ପୁନରେଷ୍ଯତି ଭାରତ॥ 1-154-31 (7108)
ଧୃତରାଷ୍ଟ୍ର ଉବାଚ। 1-154-32x (918)
ଦୁର୍ଯୋଧନ ମମାପ୍ଯେତଦ୍ଧୃଦି ସଂପରିବର୍ତତେ।
ଅଭିପ୍ରାଯସ୍ଯ ପାପତ୍ବାନ୍ନୈବଂ ତୁ ବିବୃଣୋମ୍ଯହମ୍॥ 1-154-32 (7109)
ନ ଚ ଭୀଷ୍ମୋ ନ ଚ ଦ୍ରୋଣୋ ନ ଚ କ୍ଷତ୍ତା ନ ଗୌତମଃ।
ବିବାସ୍ଯମାନାନ୍କୌନ୍ତେଯାନନୁମଂସ୍ଯନ୍ତି କର୍ହିଚିତ୍॥ 1-154-33 (7110)
ସମା ହି କୌରବେଯାଣାଂ ବଯଂ ତେ ଚୈବ ପୁତ୍ରକ।
ନୈତେ ବିଷମମିଚ୍ଛେଯୁର୍ଧର୍ମଯୁକ୍ତା ମନସ୍ବିନଃ॥ 1-154-34 (7111)
ତେ ବଯଂ କୌରବେଯାଣାମେତେଷାଂ ଚ ମହାତ୍ମନାମ୍।
କଥଂ ନ ବଧ୍ଯତାଂ ତାତ ଗଚ୍ଛାମ ଜଗତସ୍ତଥା॥ 1-154-35 (7112)
ଦୁର୍ଯୋଧନ ଉବାଚ। 1-154-36x (919)
ମଧ୍ଯସ୍ଥଃ ସତତଂ ଭୀଷ୍ମୋ ଦ୍ରୋଣପୁତ୍ରୋ ମଯି ସ୍ଥିତଃ।
ଯତଃ ପୁତ୍ରସ୍ତତୋ ଦ୍ରୋଣୋ ଭବିତା ନାତ୍ର ସଂଶଯଃ॥ 1-154-36 (7113)
କୃପଃ ଶାରଦ୍ବତଶ୍ଚୈବ ଯତ ଏତୌ ତତୋ ଭବେତ୍।
ଦ୍ରୋଣଂ ଚ ଭାଗିନେଯଂ ଚ ନ ସ ତ୍ଯକ୍ଷ୍ଯତି କର୍ହିଚିତ୍॥ 1-154-37 (7114)
କ୍ଷତ୍ତାଽର୍ଥବଦ୍ଧସ୍ତ୍ବସ୍ମାକଂ ପ୍ରଚ୍ଛନ୍ନଂ ସଂଯତଃ ପରୈଃ।
ନ ଚୈକଃ ସ ସମର୍ଥୋଽସ୍ମାନ୍ପାମ୍ଡବାର୍ଥେଽଧିବାଧିତୁମ୍॥ 1-154-38 (7115)
ସୁବିସ୍ରବ୍ଧଃ ପାଣ୍ଡୁପୁତ୍ରାନ୍ସହ ମାତ୍ରା ପ୍ରବାସଯ।
ବାରଣାବତମଦ୍ଯୈବ ଯଥା ଯାନ୍ତି ଯଥା କୁରୁ॥ 1-154-39 (7116)
ବିନିଦ୍ରକରଣଂ ଘୋରଂ ହୃଦି ଶଲ୍ଯମିବାର୍ପିତମ୍।
ଶୋକପାବକମୁଦ୍ଭୂତଂ କର୍ମଣୈତେନ ନାଶଯ॥ ॥ 1-154-40 (7117)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଜତୁଗୃହପର୍ବଣି ଚତୁଃପଞ୍ଚାଶଦଧିକଶତତମୋଽଧ୍ଯାଯଃ॥ 154 ॥
Mahabharata - Adi Parva - Chapter Footnotes
1-154-2 ଅନୁଜ୍ଞାପ୍ଯ ପୃଷ୍ଟ୍ବା॥ 1-154-3 ଇଙ୍ଗିତଂ ଚେଷ୍ଟିତଂ ତେନ ଭାବଂ ଚିତ୍ତାଭିପ୍ରାଯଂ ଜାନାତୀତି ଇଙ୍ଗିତଭାବଜ୍ଞଃ॥ 1-154-4 ବିଦିତବେଦ୍ଯୋ ଜ୍ଞାତତତ୍ତ୍ବ ଆତ୍ମା ଚିତ୍ତଂ ଯସ୍ଯ॥ 1-154-5 ଯନ୍ତ୍ରଯୁକ୍ତାଂ ଯନ୍ତ୍ରଂ ମହତ୍ଯପି ବାତେ ଜଲାଶଯେ ନୌକାସ୍ତମ୍ଭକଂ ଲୋହଲଙ୍ଗଲମଯମ୍॥ 1-154-9 ଅରିଷ୍ଟଂ ନିର୍ବିଘ୍ନମ୍॥ 1-154-18 କ୍ରୂରେଣ କଣିକେନୋପସଂହିତମୁପଦିଷ୍ଟମ୍॥ ଚତୁଃପଞ୍ଚାଶଦଧିକଶତତମୋଽଧ୍ଯାଯଃ॥ 154 ॥ଆଦିପର୍ବ - ଅଧ୍ଯାଯ 155
॥ ଶ୍ରୀଃ ॥
1.155. ଅଧ୍ଯାଯଃ 155
Mahabharata - Adi Parva - Chapter Topics
ଦୁର୍ଯୋଧନେନ ଦାନାଦିନା ପ୍ରକୃତିବଶୀକରଣମ୍॥ 1 ॥ ପାଣ୍ଡବାନାଂ ବାରଣାବତଯାତ୍ରାର୍ଥଂ ଧୃତରାଷ୍ଟ୍ରାନୁଜ୍ଞା॥ 2 ॥Mahabharata - Adi Parva - Chapter Text
1-155-0 (7118)
ବୈଶମ୍ପାଯନ ଉବାଚ। 1-155-0x (920)
ତତୋ ଦୁର୍ଯୋଧନୋ ରାଜା ସର୍ବାସ୍ତୁ ପ୍ରକୃତୀଃ ଶନୈଃ।
ଅର୍ଥମାନପ୍ରଦାନାଭ୍ଯାଂ ସଂଜହାର ସହାନୁଜଃ।
`ଯୁଯୁତ୍ସୁମପନୀଯୈକଂ ଧାର୍ତରାଷ୍ଟ୍ରଂ ସହୋଦରମ୍॥' 1-155-1 (7119)
ଧୃତରାଷ୍ଟ୍ରପ୍ରଯୁକ୍ତାସ୍ତୁ କେଚିତ୍କୁଶଲମନ୍ତ୍ରିଣଃ।
କଥଯାଞ୍ଚକ୍ରିରେ ରମ୍ଯଂ ନଗରଂ ବାରଣାବତମ୍॥ 1-155-2 (7120)
ଅଯଂ ସମାଜଃ ସୁମହାନ୍ରମଣୀଯତମୋ ଭୁବି।
ଉପସ୍ଥିତଃ ପଶୁପତେର୍ନଗରେ ବାରଣାବତେ॥ 1-155-3 (7121)
ସର୍ବରତ୍ନସମାକୀର୍ଣେ ପୁଣ୍ଯଦେଶେ ମନୋରମେ।
ଇତ୍ଯେବଂ ଧୃତରାଷ୍ଟ୍ରସ୍ଯ ବଚନାଚ୍ଚକ୍ରିରେ କଥାଃ॥ 1-155-4 (7122)
କଥ୍ଯମାନେ ତଥା ରମ୍ଯେ ନଗରେ ବାରଣାବତେ।
ଗମନେ ପାଣ୍ଡୁପୁତ୍ରାଣାଂ ଜଜ୍ଞେ ତତ୍ର ମତିର୍ନୃପ॥ 1-155-5 (7123)
ଯଦା ତ୍ବମନ୍ଯତ ନୃପୋ ଜାତକୌତୂହଲା ଇତି।
ଉବାଚୈତାନେତ୍ଯ ତଦା ପାଣ୍ଡବାନମ୍ବିକାସୁତଃ॥ 1-155-6 (7124)
`ଅଧୀତାନି ଚ ଶାସ୍ତ୍ରାଣି ଯୁଷ୍ମାଭିରିହ କୃତ୍ସ୍ନଶଃ।
ଅସ୍ତ୍ରାଣି ଚ ତଥା ଦ୍ରୋଣାଦ୍ଗୌତମାଚ୍ଚ ଶରଦ୍ବତଃ॥ 1-155-7 (7125)
କୃତକୃତ୍ଯା ଭବନ୍ତସ୍ତୁ ସର୍ବବିଦ୍ଯାବିଶାରଦାଃ।
ସୋଽହମେବଂ ଗତେ ତାତାଶ୍ଚିନ୍ତଯାମି ସମନ୍ତତଃ।
ରକ୍ଷଣେ ବ୍ଯବହାରେ ଚ ରାଜ୍ଯସ୍ଯ ସତତଂ ହିତେ॥' 1-155-8 (7126)
ମମୈତେ ପୁରୁଷା ନିତ୍ଯଂ କଥଯନ୍ତି ପୁନଃପୁନଃ।
ରମଣୀଯତମଂ ଲୋକେ ନଗରଂ ବାରଣାବତମ୍॥ 1-155-9 (7127)
ତେ ତାତା ଯଦି ମନ୍ଯଧ୍ବମୁତ୍ସବଂ ବାରଣାବତେ।
ସଗଣାଃ ସାନ୍ବଯାଶ୍ଚୈବ ବିହରଧ୍ବଂ ଯଥାଽମରାଃ॥ 1-155-10 (7128)
ବ୍ରାହ୍ମଣେଭ୍ଯଶ୍ଚ ରତ୍ନାନି ଗାଯନେଭ୍ଯଶ୍ଚ ସର୍ବଶଃ।
ପ୍ରଯଚ୍ଛଧ୍ବଂ ଯଥାକାମଂ ଦେବା ଇବ ସୁବର୍ଚସଃ॥ 1-155-11 (7129)
କଂଚିତ୍କାଲଂ ବିହୃତ୍ଯୈବମନୁଭୂଯ ପରାଂ ମୁଦମ୍।
ଇଦଂ ବୈ ହାସ୍ତିନପୁରଂ ସୁଖିନଃ ପୁନରେଷ୍ଯଥ॥ 1-155-12 (7130)
`ନିବସଧ୍ବଂ ଚ ତତ୍ରୈବ ସଂରକ୍ଷଣପରାଯଣାଃ।
ବୈଲକ୍ଷଣ୍ଯଂ ନ ବୈ ତତ୍ର ଭବିଷ୍ଯତି ପରଂତପାଃ॥' 1-155-13 (7131)
ବୈଶମ୍ପାଯନ ଉବାଚ। 1-155-14x (921)
ଧୃତରାଷ୍ଟ୍ରସ୍ଯ ତଂ କାମମନୁବୁଧ୍ଯ ଯୁଧିଷ୍ଠିରଃ।
ଆତ୍ମନଶ୍ଚାସହାଯତ୍ବଂ ତଥେତି ପ୍ରତ୍ଯୁବାଚ ତମ୍॥ 1-155-14 (7132)
ତତୋ ଭୀଷ୍ମଂ ଶାନ୍ତନବଂ ବିଦୁରଂ ଚ ମହାମତିମ୍।
ଦ୍ରୋଣଂ ଚ ବାହ୍ଲିକଂ ଚୈବ ସୋମଦତ୍ତଂ ଚ କୌରବମ୍॥ 1-155-15 (7133)
କୃପମାଚାର୍ଯପୁତ୍ରଂ ଚ ଭୂରିଶ୍ରବସମେବ ଚ।
ମାନ୍ଯାନନ୍ଯାନମାତ୍ଯାଂଶ୍ଚ ବ୍ରାହ୍ମଣାଂଶ୍ଚ ତପୋଧନାନ୍॥ 1-155-16 (7134)
ପୁରୋହିତାଂଶ୍ଚ ପୌତ୍ରାଂଶ୍ଚ ଗାନ୍ଧାରୀଂ ଚ ଯଶସ୍ବିନୀମ୍।
`ସର୍ବା ମାତୄରୁପସ୍ପୃଷ୍ଟ୍ବା ବିଦୁରସ୍ଯ ଚ ଯୋଷିତଃ।'
ଯୁଧିଷ୍ଠିରଃ ଶନୈର୍ଦୀନ ଉବାଚେଦଂ ବଚସ୍ତଦା॥ 1-155-17 (7135)
ରମଣୀଯେ ଜନାକୀର୍ଣେ ନଗରେ ବାରଣାବତେ।
ସଗଣାସ୍ତତ୍ର ଯାସ୍ଯାମୋ ଧୃତରାଷ୍ଟ୍ରସ୍ଯ ଶାସନାତ୍॥ 1-155-18 (7136)
ପ୍ରସନ୍ନମନସଃ ସର୍ବେ ପୁଣ୍ଯା ବାଚୋ ବିମୁଞ୍ଚତ।
ଆଶୀର୍ଭିର୍ବୃହିତାନସ୍ମାନ୍ନ ପାପଂ ପ୍ରସହିଷ୍ଯତେ॥ 1-155-19 (7137)
ବୈଶମ୍ପାଯନ ଉବାଚ। 1-155-20x (922)
ଏବମୁକ୍ତାସ୍ତୁ ତେ ସର୍ବେ ପାଣ୍ଡୁପୁତ୍ରେଣ କୌରବାଃ।
ପ୍ରସନ୍ନବଦନା ଭୂତ୍ବା ତେଽନ୍ବବର୍ତନ୍ତ ପାଣ୍ଡବାନ୍॥ 1-155-20 (7138)
ସ୍ବସ୍ତ୍ଯସ୍ତୁ ବଃ ପଥି ସଦା ଭୂତେଭ୍ଯଶ୍ଚୈବ ସର୍ବଶଃ।
ମା ଚ ବୋସ୍ତ୍ବଶୁଭଂ କିଂଚିତ୍ସର୍ବଶଃ ପାଣ୍ଡୁନନ୍ଦନାଃ॥ 1-155-21 (7139)
ତତଃ କୃତସ୍ବସ୍ତ୍ଯଯନା ରାଜ୍ଯଲାଭାଯ ପାର୍ଥିବାଃ।
କୃତ୍ବା ସର୍ବାଣି କାର୍ଯାଣି ପ୍ରଯଯୁର୍ବାରଣାବତମ୍॥ ॥ 1-155-22 (7140)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଜତୁଗୃହପର୍ବଣି ପଞ୍ଚପଞ୍ଚାଶଦଧିକଶତତମୋଽଧ୍ଯାଯଃ॥ 155 ॥
ଆଦିପର୍ବ - ଅଧ୍ଯାଯ 156
॥ ଶ୍ରୀଃ ॥
1.156. ଅଧ୍ଯାଯଃ 156
Mahabharata - Adi Parva - Chapter Topics
ଦୁର୍ଯୋଧନାଦେଶାତ୍ ପୁରୋଚନେନ ବାରଣାବତେ ଜତୁଗୃହନିର୍ମାଣମ୍॥ 1 ॥Mahabharata - Adi Parva - Chapter Text
1-156-0 (7141)
ବୈଶମ୍ପାଯନ ଉବାଚ। 1-156-0x (923)
ଧୃତରାଷ୍ଟ୍ରପ୍ରଯୁକ୍ତେଷୁ ପାଣ୍ଡୁପୁତ୍ରେଷୁ ଭାରତ।
ଦୁର୍ଯୋଧନଃ ପରଂ ହର୍ଷମଗଚ୍ଛତ୍ସ ଦୁରାତ୍ମବାନ୍॥ 1-156-1 (7142)
`ତତଃ ସୁବଲପୁତ୍ରଶ୍ଚ କର୍ଣଦୁର୍ଯୋଧନାବପି।
ଦହନେ ସହ ପୁତ୍ରାଯାଃ କୁନ୍ତ୍ଯା ମତିମକୁର୍ବତ।
ମନ୍ତ୍ରଯିତ୍ବା ସ ତୈଃ ସାର୍ଧଂ ଦୁରାତ୍ମା ଧୃତରାଷ୍ଟ୍ରଜଃ॥' 1-156-2 (7143)
ସ ପୁରୋଚନମେକାନ୍ତମାନୀଯ ଭରତର୍ଷଭ।
ଗୃହୀତ୍ବା ଦକ୍ଷିଣେ ପାଣୌ ସଚିବଂ ବାକ୍ଯମବ୍ରବୀତ୍॥ 1-156-3 (7144)
ମମେଯଂ ବସୁସଂପୂର୍ଣା ପୁରୋଚନ ବସୁନ୍ଧରା।
ଯଥୈବ ଭବିତା ତାତ ତଥା ତ୍ବଂ ଦ୍ରଷ୍ଟୁମର୍ହସି॥ 1-156-4 (7145)
ନ ହି ମେ କଶ୍ଚିଦନ୍ଯୋଽସ୍ତି ବିଶ୍ବାସିକତରସ୍ତ୍ବଯା।
ସହାଯୋ ଯେନ ସନ୍ଧାଯ ମନ୍ତ୍ରଯେଯଂ ଯଥା ତ୍ବଯା॥ 1-156-5 (7146)
ସଂରକ୍ଷ ତାତ ମନ୍ତ୍ରଂ ଚ ସପତ୍ନାଂଶ୍ଚ ମମୋଦ୍ଧର।
ନିପୁଣେନାଭ୍ଯୁପାଯେନ ଯଦ୍ବ୍ରବୀମି ତଥା କୁରୁ॥ 1-156-6 (7147)
ପାଣ୍ଡବା ଧୃତରାଷ୍ଟ୍ରେଣ ପ୍ରେଷିତା ବାରଣାବତମ୍।
ଉତ୍ସବେ ବିହରିଷ୍ଯନ୍ତି ଧୃତରାଷ୍ଟ୍ରସ୍ଯ ଶାସନାତ୍॥ 1-156-7 (7148)
ସ ତ୍ବଂ ରାସଭଯୁକ୍ତେନ ସ୍ଯନ୍ଦନେନାଶୁଗାମିନା।
ବାରଣାବତମଦ୍ଯୈବ ଯଥା ଯାସି ତଯା କୁରୁ॥ 1-156-8 (7149)
ତତ୍ର ଗତ୍ବା ଚତୁଃଶାଲଂ ଗୃହଂ ପରମସଂବୃତମ୍।
ନଗରୋପାନ୍ତମାଶ୍ରିତ୍ଯ କାରଯେଥା ମହାଧନମ୍॥ 1-156-9 (7150)
ଶଣସର୍ଜରସାଦୀନି ଯାନି ଦ୍ରବ୍ଯାଣି କାନିଚିତ୍।
ଆଗ୍ନେଯାନ୍ଯୁତ ସନ୍ତୀହ ତାନି ତତ୍ର ପ୍ରଦାପଯ॥ 1-156-10 (7151)
`ବଲ୍ବଜେନ ଚ ସଂମିଶ୍ରଂ ମଧୂଚ୍ଛିଷ୍ଟେନ ଚୈବ ହି।'
ସର୍ପିସ୍ତୈଲବସାଭିଶ୍ଚ ଲାକ୍ଷଯା ଚାପ୍ଯନଲ୍ପଯା।
ମୃତ୍ତିକାଂ ମିଶ୍ରଯିତ୍ବା ତ୍ବଂ ଲେପଂ କୁଡ୍ଯେଷୁ ଦାପଯ॥ 1-156-11 (7152)
ଶଣଂ ତୈଲଂ ଘୃତଂ ଚୈବ ଜତୁ ଦାରୂଣି ଚୈବ ହି।
ତସ୍ମିନ୍ବେଶ୍ମନି ସର୍ବାଣି ନିକ୍ଷିପେଥାଃ ସମନ୍ତତଃ॥ 1-156-12 (7153)
`ଲାକ୍ଷାଶମମଧୂଚ୍ଛିଷ୍ଟବେଷ୍ଟିତାନି ମୃଦାପି ଚ।
ଲେପଯିତ୍ବା ଗୁରୂଣ୍ଯାଶୁ ଦାରୁଯନ୍ତ୍ରାଣି ଦାପଯ॥' 1-156-13 (7154)
ଯଥା ଚ ତନ୍ନ ପଶ୍ଯେରନ୍ପରୀକ୍ଷନ୍ତୋଽପି ପାଣ୍ଡବାଃ।
ଆଗ୍ନେଯମିତି ତତ୍କାର୍ଯମପି ଚାନ୍ଯେଽପି ମାନବାଃ॥ 1-156-14 (7155)
ବେଶ୍ମନ୍ଯେବଂ କୃତେ ତତ୍ର କୃତ୍ବା ତାନ୍ପରମାର୍ଚିତାନ୍।
ବାସଯେଥାଃ ପାଣ୍ଡବେଯାନ୍କୁନ୍ତୀଂ ଚ ସସୁହୃଜ୍ଜନାମ୍॥ 1-156-15 (7156)
ଆସନାନି ଚ ଦିବ୍ଯାନି ଯାନାନି ଶଯନାନି ନ।
ନିଘାତବ୍ଯାନି ପାଣ୍ଡୂନାଂ ଯଥା ତୁଷ୍ଯେଚ୍ଚ ମେ ପିତା॥ 1-156-16 (7157)
ଯଥା ଚ ତନ୍ନ ଜାନନ୍ତି ନଗରେ ବାରଣାବତେ।
`ଯଥା ରମେରନ୍ବିସ୍ରବ୍ଧା ନଗରେ ବାରଣାବତେ।'
ତଥା ସର୍ବଂ ବିଧାତବ୍ଯଂ ଯାବତ୍କାଲସ୍ଯ ପର୍ଯଯଃ॥ 1-156-17 (7158)
ଜ୍ଞାତ୍ବା ଚ ତାନ୍ସୁବିଶ୍ବସ୍ତାଞ୍ଶଯାନାନକୁତୋଭଯାନ୍।
ଅଗ୍ନିସ୍ତ୍ବଯା ତତୋ ଦେଯୋ ଦ୍ବାରତସ୍ତସ୍ଯ ବେଶ୍ମନଃ॥ 1-156-18 (7159)
ଦଗ୍ଧାନେବଂ ସ୍ବକେ ଗେହେ ଦାହିତାଃ ପାଣ୍ଡବା ଇତି।
ନ ଗର୍ହଯେଯୁରସ୍ମାନ୍ବୈ ପାଣ୍ଡବାର୍ଥାଯ କର୍ହିଚିତ୍॥ 1-156-19 (7160)
ସ ତଥେତି ପ୍ରତିଜ୍ଞାଯ କୌରବାଯ ପୁରୋଚନଃ।
ପ୍ରାଯାଦ୍ରାସଭଯୁକ୍ତେନ ସ୍ଯନ୍ଦନେନାଶୁଗାମିନା॥ 1-156-20 (7161)
ସ ଗତ୍ବା ତ୍ବରିତଂ ରାଜନ୍ଦୁର୍ଯୋଧନମତେ ସ୍ଥିତଃ।
ଯଥୋକ୍ତଂ ରାଜପୁତ୍ରେଣ ସର୍ବଂ ଚକ୍ରେ ପୁରୋଚନଃ॥ 1-156-21 (7162)
`ତେଷାଂ ତୁ ପାଣ୍ଡବେଯାନାଂ ଗୃହଂ ରୌଦ୍ରମକଲ୍ପଯତ୍॥' ॥ 1-156-22 (7163)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଜତୁଗୃହପର୍ବଣି ଷଟ୍ପଞ୍ଚାଶଦଧିକଶତତମୋଽଧ୍ଯାଯଃ॥ 156 ॥
Mahabharata - Adi Parva - Chapter Footnotes
1-156-6 ଉଦ୍ଧର ଉନ୍ମୂଲଯ॥ 1-156-10 ଆଗ୍ନେଯାନ୍ଯଗ୍ନିସଂଦୀପକାନି॥ ଷଟ୍ପଞ୍ଚାଶଦଧିକଶତତମୋଽଧ୍ଯାଯଃ॥ 156 ॥ଆଦିପର୍ବ - ଅଧ୍ଯାଯ 157
॥ ଶ୍ରୀଃ ॥
1.157. ଅଧ୍ଯାଯଃ 157
Mahabharata - Adi Parva - Chapter Topics
ହାସ୍ତିନପୁରଂ ତ୍ଯକ୍ତ୍ବା ବାରଣାବତଂ ଗଚ୍ଛତା ଯୁଧିଷ୍ଠିରେଣ ଅନୁଗଚ୍ଛଥାଂ ପୌରାଣାଂ ନିବର୍ତନମ୍॥ 1 ॥ ମ୍ଲେଚ୍ଛଭାଷଯା ଯୁଧିଷ୍ଠିରଂ ପ୍ରତି ବିଦୁରସ୍ଯୋପଦେଶଃ॥ 2 ॥Mahabharata - Adi Parva - Chapter Text
1-157-0 (7164)
ବୈଶମ୍ପାଯନ ଉବାଚ। 1-157-0x (924)
ପାଣ୍ଡବାସ୍ତୁ ରଥାନ୍ଯୁକ୍ତାନ୍ସଦଶ୍ବୈରନିଲୋପମୈଃ।
ଆରୋହମାଣା ଭୀଷ୍ମସ୍ଯ ପାଦୌ ଜଗୃହୁରାର୍ତବତ୍॥ 1-157-1 (7165)
ରାଜ୍ଞଶ୍ଚ ଧୃତରାଷ୍ଟ୍ରସ୍ଯ ଦ୍ରୋଣସ୍ଯ ଚ ମହାତ୍ମନଃ।
ଅନ୍ଯେଷାଂ ଚୈବ ବୃଦ୍ଧାନାଂ କୃପସ୍ଯ ବିଦୁରସ୍ଯ ଚ॥ 1-157-2 (7166)
ଏବଂ ସର୍ବାନ୍କୁରୂନ୍ବୃଦ୍ଧାନଭିବାଦ୍ଯ ଯତବ୍ରତାଃ।
ସମାଲିଙ୍ଗ୍ଯ ସମାନାନ୍ବୈ ବାଲୈଶ୍ଚାପ୍ଯଭିବାଦିତାଃ॥ 1-157-3 (7167)
ସର୍ବା ମାତୄସ୍ତଥାଽଽପୃଚ୍ଛ୍ଯ କୃତ୍ବା ଚୈବ ପ୍ରଦକ୍ଷିଣମ୍।
ପ୍ରକୃତୀରପି ସର୍ବାଶ୍ଚ ପ୍ରଯଯୁର୍ବାରଣାବତମ୍॥ 1-157-4 (7168)
ବିଦୁରଶ୍ଚ ମହାପ୍ରାଜ୍ଞସ୍ତଥାଽନ୍ଯେ କୁରୁପୁଙ୍ଗବାଃ।
ପୌରାଶ୍ଚ ପୁରୁଷବ୍ଯାଘ୍ରାନନ୍ବୀଯୁଃ ଶୋକକର୍ଶିତାଃ॥ 1-157-5 (7169)
ତତ୍ର କେଚିଦ୍ବ୍ରୁବନ୍ତି ସ୍ମ ବ୍ରାହ୍ମଣା ନିର୍ଭଯାସ୍ତଦା।
ଦୀନାନ୍ଦୃଷ୍ଟ୍ବା ପାଣ୍ଡୁସୁତାନତୀବ ଭୃଶଦୁଃଖିତାଃ॥ 1-157-6 (7170)
ବିଷମଂ ପଶ୍ଯତେ ରାଜା ସର୍ବଥା ସ ସୁମନ୍ଦଧୀଃ।
କୌରବ୍ଯୋ ଧୃତରାଷ୍ଟ୍ରସ୍ତୁ ନ ଚ ଧର୍ମଂ ପ୍ରପଶ୍ଯତି॥ 1-157-7 (7171)
ନ ହି ପାପମପାପାତ୍ମା ରୋଚଯିଷ୍ଯତି ପାଣ୍ଡବଃ।
ଭୀମୋ ବା ବଲିନାଂ ଶ୍ରେଷ୍ଠଃ କୌନ୍ତେଯୋ ବା ଧନଞ୍ଜଯଃ॥ 1-157-8 (7172)
କୁତ ଏବ ମହାତ୍ମାନୌ ମାଦ୍ରୀପୁତ୍ରୌ କରିଷ୍ଯତଃ।
ତାନ୍ରାଜ୍ଯଂ ପିତୃତଃ ପ୍ରାପ୍ତାନ୍ଧୃତରାଷ୍ଟ୍ରୋ ନ ମୃଷ୍ଯତି॥ 1-157-9 (7173)
ଅଧର୍ମ୍ଯମିଦମତ୍ଯନ୍ତଂ କଥଂ ଭୀଷ୍ମୋଽନୁମନ୍ଯତେ।
ବିବାସ୍ଯମାନାନସ୍ଥାନେ ନଗରେ ଯୋଽଭିମନ୍ଯତେ॥ 1-157-10 (7174)
ପିତେବ ହି ନୃପୋଽସ୍ମାକମଭୂଚ୍ଛାନ୍ତନବଃ ପୁରା।
ବିଚିତ୍ରବୀର୍ଯୋ ରାଜର୍ଷିଃ ପାଣ୍ଡୁଶ୍ଚ କୁରୁନନ୍ଦନଃ॥ 1-157-11 (7175)
ସ ତସ୍ମିନ୍ପୁରୁଷବ୍ଯାଘ୍ରେ ଦେବଭାବଂ ଗତେ ସତି।
ରାଜପୁତ୍ରାନିମାନ୍ବାଲାନ୍ଧୃତରାଷ୍ଟ୍ରୋ ନ ମୃଷ୍ଯତି॥ 1-157-12 (7176)
ବଯମେତଦନିଚ୍ଛନ୍ତଃ ସର୍ବ ଏବ ପୁରୋତ୍ତମାତ୍।
ଗୃହାନ୍ବିହାଯ ଗଚ୍ଛାମୋ ଯତ୍ର ଗନ୍ତା ଯୁଧିଷ୍ଠିରଃ॥ 1-157-13 (7177)
ବୈଶମ୍ପାଯନ ଉବାଚ। 1-157-14x (925)
ତାଂସ୍ତଥା ବାଦିନଃ ପୌରାନ୍ଦୁଃକିତାନ୍ଦୁଃଖକର୍ଶିତଃ।
ଉବାଚ ମନସା ଧ୍ଯାତ୍ବା ଧର୍ମରାଜୋ ଯୁଧିଷ୍ଠିରଃ॥ 1-157-14 (7178)
ପିତା ମାନ୍ଯୋ ଗୁରୁଃ ଶ୍ରେଷ୍ଠୋ ଯଦାହ ପୃଥିବୀପତିଃ।
ଅଶଙ୍କମାନୈସ୍ତତ୍କାର୍ଯମସ୍ମାଭିରିତି ନୋ ବ୍ରତମ୍॥ 1-157-15 (7179)
ଭବନ୍ତଃ ସୁହୃଦୋଽସ୍ମାକଂ ଯାତ କୃତ୍ବା ପ୍ରଦକ୍ଷିଣମ୍।
ପ୍ରତିନନ୍ଦ୍ଯ ତଥାଽଽଶୀର୍ଭିର୍ନିବର୍ତଧ୍ବଂ ଯଥାଗୃହମ୍॥ 1-157-16 (7180)
ଯଦା ତୁ କାର୍ଯମସ୍ମାକଂ ଭବଦ୍ଭିରୁପପତ୍ସ୍ଯତେ।
ତଦା କରିଷ୍ଯଥାସ୍ମାକଂ ପ୍ରିଯାଣି ଚ ହିତାନି ଚ॥ 1-157-17 (7181)
ଏବମୁକ୍ତାସ୍ତଦା ପୌରାଃ କୃତ୍ବା ଚାପି ପ୍ରଦକ୍ଷିଣମ୍।
ଆଶୀର୍ଭିଶ୍ଚାଭିନନ୍ଦ୍ଯୈତାଞ୍ଜଗ୍ମୁର୍ନଗରମେବ ହି॥ 1-157-18 (7182)
ପୌରେଷୁ ବିନିବୃତ୍ତେଷୁ ବିଦୁରଃ ସର୍ବଧର୍ମବିତ୍।
ବୋଧଯନ୍ପାଣ୍ଡବଶ୍ରେଷ୍ଠମିଦଂବଚନମବ୍ରବୀତ୍॥ 1-157-19 (7183)
ପ୍ରାଜ୍ଞଃ ପ୍ରାଜ୍ଞଂ ପ୍ରଲାପଜ୍ଞଃ ପ୍ରଲାପଜ୍ଞମିଦଂ ବଚଃ।
ଯୋ ଜାନାତି ପରପ୍ରଜ୍ଞାଂ ନୀତିଶାସ୍ତ୍ରାନୁସାରିଣୀମ୍।
ବିଜ୍ଞାଯେହ ତଥା କୁର୍ଯାଦାପଦଂ ନିସ୍ତରେଦ୍ଯଥା॥ 1-157-20 (7184)
ଅଲୋହଂ ନିଶିତଂ ଶସ୍ତ୍ରଂ ଶରୀପରିକର୍ତନମ୍।
ଯୋ ବେତ୍ତି ନ ତୁ ତଂ ଘ୍ନନ୍ତି ପ୍ରତିଘାତବିଦଂ ଦ୍ବିଷଃ॥ 1-157-21 (7185)
କକ୍ଷଘ୍ନଃ ଶିଶିରଘ୍ନଶ୍ଚ ମହାକକ୍ଷେ ବିଲୌକସଃ।
ନ ଦହେଦିତି ଚାତ୍ମାନଂ ଯୋ ରକ୍ଷତି ସ ଜୀବତି॥ 1-157-22 (7186)
ନାଚକ୍ଷୁର୍ବେତ୍ତି ପନ୍ଥାନଂ ନାଚକ୍ଷୁର୍ବିନ୍ଦତେ ଦିଶଃ।
ନାଧୃତିର୍ଭୂତିମାପ୍ନୋତି ବୁଧ୍ଯସ୍ବୈବଂ ପ୍ରବୋଧିତଃ॥ 1-157-23 (7187)
ଅନାପ୍ତୈର୍ଦତ୍ତମାଦତ୍ତେ ନରଃ ଶସ୍ତ୍ରମଲୋହଜମ୍।
ଶ୍ବାବିଚ୍ଛରଣମାସାଦ୍ଯ ପ୍ରମୁଚ୍ଯେତ ହୁତାଶନାତ୍॥ 1-157-24 (7188)
ଚରନ୍ମାର୍ଗାନ୍ବିଜାନାତି ନକ୍ଷତ୍ରୈର୍ବିନ୍ଦତେ ଦିଶଃ।
ଆତ୍ମନା ଚାତ୍ମନଃ ପଞ୍ଚ ପୀଡଯନ୍ନାନୁପୀଡ୍ଯତେ॥ 1-157-25 (7189)
ଏବମୁକ୍ତଃ ପ୍ରତ୍ଯୁବାଚ ଧର୍ମରାଜୋ ଯୁଧିଷ୍ଠିରଃ।
ବିଦୁରଂ ବିଦୁଷାଂ ଶ୍ରେଷ୍ଠଂ ଜ୍ଞାତମିତ୍ଯେବ ପାଣ୍ଡବଃ॥ 1-157-26 (7190)
ଅନୁଶିକ୍ଷ୍ଯାନୁଗମ୍ଯୈତାନ୍କୃତ୍ବା ଚୈବ ପ୍ରଦକ୍ଷିଣମ୍।
ପାଣ୍ଡବାନଭ୍ଯନୁଜ୍ଞାଯ ବିଦୁରଃ ପ୍ରଯଯୌ ଗୃହାନ୍॥ 1-157-27 (7191)
ନିବୃତ୍ତେ ବିଦୁରେ ଚାପି ଭୀଷ୍ମେ ପୌରଜନେ ତଥା।
ଅଜାତଶତ୍ରୁମାସାଦ୍ଯ କୁନ୍ତୀ ବଚନମବ୍ରବୀତ୍॥ 1-157-28 (7192)
କ୍ଷତ୍ତା ଯଦବ୍ରବୀଦ୍ବାକ୍ଯଂ ଜନମଧ୍ଯେଽବ୍ରୁବନ୍ନିବ।
ତ୍ବଯା ଚ ସ ତଥେତ୍ଯୁକ୍ତୋ ଜାନୀମୋ ନ ଚ ତଦ୍ବଯମ୍॥ 1-157-29 (7193)
ଯଦୀଦଂ ଶକ୍ଯମସ୍ମାଭିର୍ଜ୍ଞାତୁଂ ନୈବ ଚ ଦୋଷବତ୍।
ଶ୍ରୋତୁମିଚ୍ଛାମି ତତ୍ସର୍ବଂ ସଂବାଦଂ ତବ ତସ୍ଯ ଚ॥ 1-157-30 (7194)
ଯୁଧିଷ୍ଠିର ଉବାଚ। 1-157-31x (926)
ବିଷାଦଗ୍ନେଶ୍ଚ ବୋଦ୍ଧବ୍ଯମିତି ମାଂ ବିଦୁରୋଽବ୍ରବୀତ୍।
ପନ୍ଥାନୋ ବେଦିତବ୍ଯାଶ୍ଚ ନକ୍ଷତ୍ରୈଶ୍ଚ ତଥା ଦିଶଃ।
`କୁଡ୍ଯାଶ୍ଚବିଦିତାଃକାର୍ଯାଃସ୍ଯାଚ୍ଛୁଦ୍ଧିରିତିଚାବ୍ରବୀତ୍॥ 1-157-31 (7195)
ଜିତେନ୍ଦ୍ରିଯଶ୍ଚ ବସୁଧାଂ ପ୍ରାପ୍ସ୍ଯତୀତି ଚ ମେଽବ୍ରବୀତ୍।
ବିଜ୍ଞାତମିତି ତତ୍ସର୍ବଂ ପ୍ରତ୍ଯୁକ୍ତୋ ବିଦୁରୋ ମଯା॥ 1-157-32 (7196)
ବୈଶମ୍ପାଯନ ଉବାଚ। 1-157-33x (927)
ଅଷ୍ଟମେଽହନି ରୋହିଣ୍ଯାଂ ପ୍ରଯାତାଃ ଫାଲ୍ଗୁନସ୍ଯ ତେ।
ବାରଣାବତମାସାଦ୍ଯ ଦଦୃଶୁର୍ନାଗରଂ ଜନମ୍॥ ॥ 1-157-33 (7197)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଜତୁଗୃହପର୍ବଣି ସପ୍ତପଞ୍ଚାଦଶଦଧିକଶତତମୋଽଧ୍ଯାଯଃ॥ 157 ॥
Mahabharata - Adi Parva - Chapter Footnotes
1-157-10 ଅସ୍ଥାନେ ଅଯୁକ୍ତମ୍ ଯୋଽଭିମନ୍ଯତେ ସ ଭୀଷ୍ମଃ କଥମନୁମନ୍ଯତ ଇତ୍ଯର୍ଥଃ॥ 1-157-20 ପ୍ରାଜ୍ଞଃ ଊହାପୋହସମର୍ଥଃ। ପ୍ରଲାପଜ୍ଞଃ ଅନର୍ଥବଚନାଭାସାଭିଜ୍ଞଃ। ଯୁଧିଷ୍ଠିରମପ୍ଯେତାଦୃଶମ୍। ବଚନମେବାହ। ଇଦମିତି। ଇଦଂ ପ୍ରଲାପାତ୍ମକଂ ମମ ବଚୋ ଯୋ ଜାନାତି ସଃ ପରସ୍ଯ ଶତ୍ରୋଃ ପ୍ରଜ୍ଞାଂ ସ୍ବବାଧାର୍ଥଂ ନୀତ୍ଯା ପ୍ରଯୁକ୍ତାଂ ବିଜ୍ଞାଯ ତଥା କୁର୍ଯାତ୍। ଯଥା ସ୍ବଯମାପଦଂ ନିସ୍ତରେଦିତ୍ଯନ୍ବଯଃ॥ 1-157-21 ପ୍ରଲାପାକାରବଚନମେବାହ। ଅଲୋହମିତି। ଅଲୋହମଗ୍ନିମଯଂ ଶସ୍ତ୍ରମିବ ଶସ୍ତ୍ରଂ ଘାତକଂ ତସ୍ଯ ପ୍ରତିଘାତବିଦଂ ଦ୍ବିଷୋ ନ ଘ୍ନନ୍ତି। ପ୍ରତିଘାତକୃତମିତି ପାଠେ ପ୍ରତିଘାତାଯ କୃତମିତ୍ଯର୍ଥଃ॥ 1-157-22 ଅଗ୍ନିକୃତେ ଭଯେ ଜ୍ଞାତେଽପି କଥଂ ପ୍ରତୀକାରସ୍ତତ୍ରାହ। କକ୍ଷଘ୍ନ ଇତି। କକ୍ଷସ୍ତୃଣେନ୍ଧନଂ ହନ୍ତୀତି ତଥା। ଶିଶିରଂ ଶୀତଂ ହନ୍ତୀତି ତଥାବିଧୋଽପି ଅଗ୍ନିଃ ମହାକକ୍ଷେ ଅରଣ୍ଯେ ଦହ୍ଯମାନେଽପି ବିଲୌକସୋ ମୂଷିକାଦୀନ୍ନ ଦହତି ଇତ୍ଥମାତ୍ମାନଂ ଯୋ ରକ୍ଷତି ସ ଜୀବତି। ତଥା ବିଲେଷ୍ବାବିଶ୍ଯାଗାରାଦ୍ରକ୍ଷଣୀଯ ଇତ୍ଯର୍ଥଃ॥ 1-157-23 ତତଶ୍ଚ ବିଲନିର୍ଗମାନନ୍ତରମରଣ୍ଯଗମନ୍ପ୍ରକାରମୁପଦିଶତି। ନାଚକ୍ଷୁରିତି। ଅଚକ୍ଷୁଃ ପୂର୍ବଂ ବର୍ତ୍ମଦର୍ଶନବିହୀନଃ ପନ୍ଥାନଂ ରାତ୍ରୌ ନ ବେତ୍ତି। ତଥା ଅଚକ୍ଷୁଃ ବିଜ୍ଞାନବିହୀନଃ ଦିଶୋ ନ ବିନ୍ଦତେ ନ ପ୍ରତ୍ଯଭିଜାନାତି। ଅତଃ ପୂର୍ବମେବ ବର୍ତ୍ମଦିଶୌ ଦ୍ରଷ୍ଟବ୍ଯେ ଇତି ଭାବଃ। କଥମସ୍ମାକଂ ବିଲପ୍ରବେଶନିର୍ଗମାବିତି ଚେତ୍ତତ୍ରାହ। ନାଧୃତିରିତି। ଦୁଃଖେ ଧୈର୍ଯରହିତୋ ଭୂତିମୈଶ୍ବର୍ଯଂ ଜୀବନଂ ବା ନ ବିନ୍ଦତି। ବିପଦି ଧୈର୍ଯମେବ କାର୍ଯମିତ୍ଯର୍ଥଃ॥ 1-157-24 କିଂଚ ଯତ୍ପୁରୋଚନାଦିଭିଃ କର୍ତବ୍ଯଂ ତତ୍ସ୍ବଯମେବ କାର୍ଯମିତ୍ଯାହ। ଅନାପ୍ତୈରିତି। ଅନାପ୍ତୈଃ ପୁରୋଚନାଦିଭିର୍ଦତ୍ତଂ ଦାତୁମାରବ୍ଧଂ ଯଦଲୋହଜଂ ଶସ୍ତ୍ରଂ ତତ୍ସ୍ବଯମାଦତ୍ତେ ସ୍ବୀକରୋତି ତାନ୍ହତ୍ବା ଆତ୍ମାନଂ ରକ୍ଷତି। ପୁରୋଚନାଦିଷୁ ଜୀବତ୍ସୁ ଅନୁ ସାରାଦିଶଙ୍କା ସ୍ଯାଦିତି ଭାବଃ। ଶରଣଂ ସୁରଙ୍ଗାମ୍॥ 1-157-25 ଆତ୍ମନା ସହ ପଞ୍ଚ ଇନ୍ଦ୍ରିଯାଣି। ଆହାରାଦ୍ଯଭାବେନ ପୀଡଯମ୍ ଅନୁ ପଶ୍ଚାତ୍ ନ ପୀଡ୍ଯତେ ଭବାନିତି ଶେଷଃ। ଯଦ୍ବା। ନାଚକ୍ଷୁରିତ୍ଯୁକ୍ତସ୍ଯୈବ ବିବରଣଂ। ଚରନ୍ମାର୍ଗାନିତି। ବିଶ୍ବାସାର୍ଥଂ ଷଡ୍ଦଗ୍ଧବ୍ଯା ଇତ୍ଯାହ। ଆତ୍ମନେତି। ଲୁପ୍ତୋପମମେତତ୍। ତ୍ବତ୍ସଦୃଶେନ ସହ ଆତ୍ମନଃ ତବ ସଦୃଶାନ୍ପଞ୍ଚ ନାନୁପୀଡ୍ଯତେ ଭବାନିତି ଶେଷଃ॥ 1-157-29 ଅବ୍ରୁବନ୍ନିବ ବ୍ଯକ୍ତାଂ ବାଚମକୁର୍ବନ୍ନିବ॥ ସପ୍ତପଞ୍ଚାଶଦଧିକଶତତମୋଽଧ୍ଯାଯଃ॥ 157 ॥ଆଦିପର୍ବ - ଅଧ୍ଯାଯ 158
॥ ଶ୍ରୀଃ ॥
1.158. ଅଧ୍ଯାଯଃ 158
Mahabharata - Adi Parva - Chapter Topics
ପାଣ୍ଡବାନାଂ ବାରଣାବତପ୍ରବେଶଃ॥ 1 ॥Mahabharata - Adi Parva - Chapter Text
1-158-0 (7198)
ବୈଶମ୍ପାଯନ ଉବାଚ। 1-158-0x (928)
ତତଃ ସର୍ବାଃ ପ୍ରକୃତଯୋ ନଗରାଦ୍ବାରଣାବତାତ୍।
ସର୍ବମଙ୍ଗଲସଂଯୁକ୍ତା ଯଥାଶାସ୍ତ୍ରମତନ୍ଦ୍ରିତାଃ॥ 1-158-1 (7199)
ଶ୍ରୁତ୍ବାଽଗତାନ୍ପାଣ୍ଡୁପୁତ୍ରାନ୍ନାନାଯାନୈଃ ସହସ୍ରଶଃ।
ଅଭିଜଗ୍ମୁର୍ନରଶ୍ରେଷ୍ଠାଞ୍ଶ୍ରୁତ୍ବୈବ ପରଯା ମୁଦା॥ 1-158-2 (7200)
ତେ ସମାସାଦ୍ଯ କୌନ୍ତେଯାନ୍ବାରଣାବତକା ଜନାଃ।
କୃତ୍ବା ଜଯାଶିଷଃ ସର୍ବେ ପରିବାର୍ଯୋପତସ୍ଥିରେ॥ 1-158-3 (7201)
ତୈର୍ବୃତଃ ପୁରୁଷବ୍ଯାଘ୍ରୋ ଧର୍ମରାଜୋ ଯୁଧିଷ୍ଠିରଃ।
ବିବଭୌ ଦେବସଙ୍କାଶୋ ବଜ୍ରପାଣିରିବାମରୈଃ॥ 1-158-4 (7202)
ସତ୍କୃତାଶ୍ଚୈବ ପୌରୈସ୍ତେ ପୌରାନ୍ସତ୍କୃତ୍ଯ ଚାନଘ।
ଅଲଙ୍କୃତଂ ଜନାକୀର୍ଣଂ ବିବିଶୁର୍ବାରଣାବତମ୍॥ 1-158-5 (7203)
ତେ ପ୍ରବିଶ୍ଯ ପୁରୀଂ ବୀରାସ୍ତୂର୍ଣଂ ଜଗ୍ମୁରଥୋ ଗୃହାନ୍।
ବ୍ରାହ୍ମଣାନାଂ ମହୀପାଲ ରତାନାଂ ସ୍ବେଷୁ କର୍ମସୁ॥ 1-158-6 (7204)
ନଗରାଧିକୃତାନାଂ ଚ ଗୃହାଣି ରଥିନାଂ ବରାଃ।
ଉପତସ୍ଥୁର୍ନରଶ୍ରେଷ୍ଠା ବୈଶ୍ଯଶୂଦ୍ରଗୃହାଣ୍ଯପି॥ 1-158-7 (7205)
ଅର୍ଚିତାଶ୍ଚ ନରୈଃ ପୌରୈଃ ପାଣ୍ଡବା ଭରତର୍ଷଭ।
ଜଗ୍ମୁରାବସଥଂ ପଶ୍ଚାତ୍ପୁରୋଚନପୁରଃସରାଃ॥ 1-158-8 (7206)
ତେଭ୍ଯୋ ଭକ୍ଷ୍ଯାଣି ପାନାନି ଶଯନାନି ଶୁଭାନି ଚ।
ଆସନାନି ଚ ମୁଖ୍ଯାନି ପ୍ରଦଦୌ ସ ପୁରୋଚନଃ॥ 1-158-9 (7207)
ତତ୍ର ତେ ସତ୍କୃତାସ୍ତେନ ସୁମହାର୍ହପରିଚ୍ଛଦାଃ।
ଉପାସ୍ଯମାନାଃ ପୁରୁଷୈରୂଷୁଃ ପୁରନିବାସିଭିଃ॥ 1-158-10 (7208)
ଦଶରାତ୍ରୋଷିତାନାଂ ତୁ ତତ୍ର ତେଷାଂ ପୁରୋଚନଃ।
ନିବେଦଯାମାସ ଗୃହଂ ଶିବାଖ୍ଯମଶିବଂ ତଦା॥ 1-158-11 (7209)
ତତ୍ର ତେ ପୁରୁଷବ୍ଯାଘ୍ରା ବିବିଶୁଃ ସପରିଚ୍ଛଦାଃ।
ପୁରୋଚନସ୍ଯ ବଚନାତ୍କୈଲାସମିବ ଗୁହ୍ଯକାଃ॥ 1-158-12 (7210)
ତଚ୍ଚାଗାରମଭିପ୍ରେକ୍ଷ୍ଯ ସର୍ବଧର୍ମଭୃତାଂ ବରଃ।
ଉବାଚାଗ୍ନେଯମିତ୍ଯେବଂ ଭୀମସେନଂ ଯୁଧିଷ୍ଠିରଃ॥ 1-158-13 (7211)
ଜିଘ୍ରାଣୋଽସ୍ଯ ବସାଗନ୍ଧଂ ସର୍ପିର୍ଜତୁବିମିଶ୍ରିତମ୍।
କୃତଂ ହି ବ୍ଯକ୍ତମାଗ୍ନେଯମିଦଂ ବେଶ୍ମ ପରନ୍ତପ॥ 1-158-14 (7212)
ଶଣସର୍ଜରସଂ ବ୍ଯକ୍ତମାନୀଯ ଗୃହକର୍ମଣି।
ମୁଞ୍ଜବଲ୍ବଜବଂଶାଦିଦ୍ରବ୍ଯଂ ସର୍ବଂ ଘୃତୋକ୍ଷିତମ୍॥ 1-158-15 (7213)
`ତୃଣବଲ୍ବଜକାର୍ପାସବଂଶଦାରୁକଟାନ୍ଯପି।
ଆଗ୍ନେଯାନ୍ଯତ୍ର କ୍ଷିପ୍ତାନି ପରିତୋ ବେଶ୍ମନସ୍ତଥା॥' 1-158-16 (7214)
ଶିଲ୍ପିଭିଃ ସୁକୃତଂ ହ୍ଯାପ୍ତୈର୍ବିନୀତୈର୍ବେଶ୍ମକର୍ମଣି।
ବିଶ୍ବସ୍ତଂ ମାମଯଂ ପାପୋ ଦଗ୍ଧୁକାମଃ ପୁରୋଚନଃ॥ 1-158-17 (7215)
ତଥା ହି ବର୍ତତେ ମନ୍ଦଃ ସୁଯୋଧନବଶେ ସ୍ଥିତଃ।
ଇମାଂ ତୁ ତାଂ ମହାବୁଦ୍ଧିର୍ବିଦୁରୋ ଦୃଷ୍ଟବାଂସ୍ତଥା॥ 1-158-18 (7216)
ଆପଦଂ ତେନ ମାଂ ପାର୍ଥ ସ ସଂବୋଧିତବାନ୍ପୁରା।
ତେ ବଯଂ ବୋଧିତାସ୍ତେନ ନିତ୍ଯମସ୍ମଦ୍ଧିତୈଷିଣା॥ 1-158-19 (7217)
ପିତ୍ରା କନୀଯସା ସ୍ନେହାଦ୍ବୁଦ୍ଧିମନ୍ତୋ ଶିବଂ ଗୃହମ୍।
ଅନାର୍ଯୈଃ ସୁକୃତଂ ଗୂଢୈର୍ଦୁର୍ଯୋଧନବଶାନୁଗୈଃ॥ 1-158-20 (7218)
ଭୀମସେନ ଉବାଚ। 1-158-21x (929)
ଯଦୀଦଂ ଗୃହାମାଗ୍ନେଯଂ ବିହିତଂ ମନ୍ଯତେ ଭବାନ୍।
ତତ୍ରୈବ ସାଧୁ ଗଚ୍ଛାମୋ ଯତ୍ର ପୂର୍ବୋଷିତା ବଯମ୍॥ 1-158-21 (7219)
`ଦର୍ଶଯିତ୍ବା ପୃଥଗ୍ଗନ୍ତୁଂ ନ କାର୍ଯଂ ପ୍ରତିଭାତି ମେ।
ଅଶୁଭଂ ବା ଶୁଭଂ ବା ସ୍ଯାତ୍ତୈର୍ବସାମ ସହୈବ ତୁ॥ 1-158-22 (7220)
ଅଦ୍ଯପ୍ରଭୃତି ଚାସ୍ମାସୁ ଗତେଷୁ ଭଯବିହ୍ବଲଃ।
ରୂଢମୂଲୋ ଭବେଦ୍ରାଜ୍ଯେ ଧାର୍ତରାଷ୍ଟ୍ରୋ ଜନେଶ୍ବରଃ॥ 1-158-23 (7221)
ତଦୀଯଂ ତୁ ଭବେଦ୍ରାଜ୍ଯଂ ତଦୀଯାଶ୍ଚ ଜନା ଇମେ।
ତସ୍ମାତ୍ସହୈବ ବତ୍ସ୍ଯାମୋ ଗଲନ୍ଯସ୍ତପଦା ବଯମ୍॥ 1-158-24 (7222)
ଅସ୍ମାକଂ କାଲମାସାଦ୍ଯ ରାଜ୍ଯମାଚ୍ଛିଦ୍ଯ ଶତ୍ରୁତଃ।
ଅର୍ଥଂ ପୈତୃକମସ୍ମାକଂ ସୁଖଂ ଭୋକ୍ଷ୍ଯାମ ଶାଶ୍ବତମ୍॥ 1-158-25 (7223)
ଧୃତରାଷ୍ଟ୍ରବଚୋଽସ୍ମାଭିଃ କିମର୍ଥମନୁପାଲ୍ଯତେ।
ତେଭ୍ଯୋ ଭିତ୍ତ୍ବାଽନ୍ଯଥାଗନ୍ତୁଂ ଦୌର୍ବଲ୍ଯଂ ତେ କୁତୋ ନୃପ॥ 1-158-26 (7224)
ଆପତ୍ସୁ ରକ୍ଷିତାଽସ୍ମାକଂ ବିଦୁରୋଽସ୍ତି ମହାମତିଃ।
ମଧ୍ଯସ୍ଥ ଏବ ଗାଙ୍ଗେଯୋ ରାଜ୍ଯଭୋଗପରାଙ୍ମୁଖଃ॥ 1-158-27 (7225)
ବାହ୍ଲୀକପ୍ରମୁଖା ବୃଦ୍ଧା ମଧ୍ଯସ୍ଥା ଏବ ସର୍ବଦା।
ଅସ୍ମଦୀଯୋ ଭବେଦ୍ଦ୍ରୋଣଃ ଫଲ୍ଗୁନପ୍ରେମସଂଯୁତଃ॥ 1-158-28 (7226)
ତସ୍ମାତ୍ସହୈବ ବସ୍ତବ୍ଯଂ ନ ଗନ୍ତବ୍ଯଂ କଥଂ ନୃପ।
ଅଥବାସ୍ମାସୁ ତେ କୁର୍ଯୁଃ କିମଶକ୍ତାଃ ପରାକ୍ରମୈଃ॥ 1-158-29 (7227)
କ୍ଷୁଦ୍ରାଃ କପଟିନୋ ଧୂର୍ତା ଜାଗ୍ରତ୍ସୁ ମନୁଜେଶ୍ବର।
କିଂ ନ କୁର୍ଯୁଃ ପୁରା ମହ୍ଯଂ କିଂ ନ ଦତ୍ତଂ ମହାବିଷମ୍॥ 1-158-30 (7228)
ଆଶୀବିଷୈର୍ମହାଘୋରୈଃ ସର୍ପୈସ୍ତୈଃ କିଂ ନ ଦଂଶିତଃ।
ପ୍ରମାଣକୋଟ୍ଯାଂ ସଂଗୃହ୍ଯ ନିଦ୍ରାପରବଶେ ମଯି॥ 1-158-31 (7229)
ସର୍ପୈର୍ଦୃଷ୍ଟିବିଷୈର୍ଗୋରୈର୍ଗଙ୍ଗାଯାଂ ଶୂଲସନ୍ତତୌ।
କିଂ ତୈର୍ନ ପାତିତୋ ଭୂପ ତଦା କିଂ ମୃତବାନହମ୍॥ 1-158-32 (7230)
ଆପତ୍ସୁ ତାସୁ ଘୋରାସୁ ଦୁଷ୍ପ୍ରଯୁକ୍ତାସୁ ପାପିଭିଃ।
ଅସ୍ମାନରକ୍ଷଦ୍ଯୋ ଦେବୋ ଜଗଦ୍ଯସ୍ଯ ବଶେ ସ୍ଥିତମ୍॥ 1-158-33 (7231)
ଚରାଚରାତ୍ମକଂ ସୋଽଦ୍ଯ ଯାତଃ କୁତ୍ର ନୃପୋତ୍ତମ।
ଯାବତ୍ସୋଢବ୍ଯମସ୍ମାଭିସ୍ତାବତ୍ସୋଢାସ୍ମି ଯତ୍ନତଃ॥ 1-158-34 (7232)
ଯଦା ନ ଶକ୍ଷ୍ଯତେଽସ୍ମାଭିସ୍ତଦା ପଶ୍ଯାମ ନୋ ହିତମ୍।
କିଂ ଦ୍ରଷ୍ଟବ୍ଯମିହାସ୍ମାଭିର୍ବିଗୃହ୍ଯ ତରସା ବଲାତ୍॥ 1-158-35 (7233)
ସାନ୍ତ୍ବବାଦେନ ଦାନେନ ଭେଦେନାପି ଯତାମହେ।
ଅର୍ଧରାଜ୍ଯସ୍ଯ ସଂପ୍ରାପ୍ତ୍ଯୈ ତତୋ ଦଣ୍ଡଃ ପ୍ରଶସ୍ଯତେ॥ 1-158-36 (7234)
ତସ୍ମାତ୍ସହୈବ ବସ୍ତବ୍ଯଂ ତନ୍ମନୋର୍ପିତଶଲ୍ଯବତ୍।
ଦର୍ଶଯିତ୍ବା ପୃଥକ୍ କ୍ବାପି ନ ଗନ୍ତବ୍ଯଂ ସୁଭୀତବତ୍॥' 1-158-37 (7235)
ଯୁଧିଷ୍ଠିର ଉବାଚ। 1-158-38x (930)
ଇହ ଯତ୍ତୈର୍ନିରାକାରୈର୍ବସ୍ତବ୍ଯମିତି ରୋଚଯେ।
ଅପ୍ରମତ୍ତୈର୍ବିଚିନ୍ବଦ୍ଭିର୍ଗତିମିଷ୍ଟାଂ ଧ୍ରୁବାମିତଃ॥ 1-158-38 (7236)
ଯଦି ବିନ୍ଦେତ ଚାକାରମସ୍ମାକଂ ସ ପୁରୋଚନଃ।
କ୍ଷିପ୍ରକାରୀ ତତୋ ଭୂତ୍ବା ପ୍ରସହ୍ଯାପି ଦହେତ୍ତତଃ॥ 1-158-39 (7237)
ନାଯଂ ବିଭେତ୍ଯୁପକ୍ରୋଶାଦଧର୍ମାଦ୍ବା ପୁରୋଚନଃ।
ତଥା ହି ବର୍ତତେ ମନ୍ଦଃ ସୁଯୋଧନବଶେ ସ୍ଥିତଃ॥ 1-158-40 (7238)
ଅପି ଚାଯଂ ପ୍ରଦଗ୍ଧେଷୁ ଭୀଷ୍ମୋଽସ୍ମାସୁ ପିତାମହଃ।
କୋପଂ କୁର୍ଯାତ୍କିମର୍ଥଂ ବା କୌରବାନ୍କୋପଯୀତ ସଃ॥ 1-158-41 (7239)
ଅଥବାପୀହ ଦଗ୍ଧେଷୁ ଭୀଷ୍ମୋଽସ୍ମାକଂ ପିତାମହଃ।
ଧର୍ମ ଇତ୍ଯେବ କୁପ୍ଯେରନ୍ଯେ ଚାନ୍ଯେ କୁରୁପୁଙ୍ଗବାଃ॥ 1-158-42 (7240)
`ଉପପନ୍ନଂ ତୁ ଦଗ୍ଧେଷୁ କୁଲବଂଶାନୁକୀର୍ତିତାଃ।
କୁପ୍ଯେରନ୍ଯଦି ଧର୍ମଜ୍ଞାସ୍ତଥାନ୍ଯେ କୁରୁପୁଙ୍ଗବାଃ॥' 1-158-43 (7241)
ବଯଂ ତୁ ଯଦି ଦାହସ୍ଯ ବିଭ୍ଯତଃ ପ୍ରଦ୍ରବେମହି।
ସ୍ପଶୈର୍ନୋ ଘାତଯେତ୍ସର୍ବାନ୍ରାଜ୍ଯଲୁବ୍ଧଃ ସୁଯୋଧନଃ॥ 1-158-44 (7242)
ଅପଦସ୍ଥାନ୍ପଦେ ତିଷ୍ଠନ୍ନପକ୍ଷାନ୍ପକ୍ଷସଂସ୍ଥିତଃ।
ହୀନକୋଶାନ୍ମହାକୋଶଃ ପ୍ରଯୋଗୈର୍ଘାତଯେଦ୍ଧ୍ରୁବମ୍॥ 1-158-45 (7243)
ତଦସ୍ମାଭିରିମଂ ପାପଂ ତଂ ଚ ପାପଂ ସୁଯୋଧନମ୍।
ବଞ୍ଚଯଦ୍ଭିର୍ନିବସ୍ତବ୍ଯଂ ଛନ୍ନଂ ବୀର କ୍ବଚିତ୍କ୍ବଚିତ୍॥ 1-158-46 (7244)
ତେ ବଯଂ ମୃଗଯାଶୀଲାଶ୍ଚରାମ ବସୁଧାମିମାମ୍।
ତଥା ନୋ ବିଦିତା ମାର୍ଗା ଭବିଷ୍ଯନ୍ତି ପଲାଯତାଂ॥ 1-158-47 (7245)
ଭୌମଂ ଚ ବିଲମଦ୍ଯୈବ କରବାମ ସୁସଂବୃତମ୍।
ଗୂଢୋଦ୍ଗତାନ୍ନ ନସ୍ତତ୍ର ହୁତାଶଃ ସଂପ୍ରଧକ୍ଷ୍ଯତି॥ 1-158-48 (7246)
ଦ୍ରବତୋଽତ୍ର ଯଥା ଚାସ୍ମାନ୍ନ ବୁଧ୍ଯେତ ପୁରୋଚନଃ।
ପୌରୋ ବାପି ଜନଃ କଶ୍ଚିତ୍ତଥା କାର୍ଯମତନ୍ଦ୍ରିତୈଃ॥ ॥ 1-158-49 (7247)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଜତୁଗୃହପର୍ବଣି ଅଷ୍ଟପଞ୍ଚାଶଦଧିକଶତତମୋଽଧ୍ଯାଯଃ॥ 158 ॥
Mahabharata - Adi Parva - Chapter Footnotes
1-158-22 ଦର୍ଶଯିତ୍ବା ବିରୋଧମିତି ଶେଷଃ॥ 1-158-29 ନ ଗନ୍ତବ୍ଯଂ ହାସ୍ତିନପୁରମିତି ଶେଷଃ॥ 1-158-40 ଉପକ୍ରୋଶାଦ୍ଗର୍ହାତଃ॥ 1-158-41 ଅଯଂ ଭୀଷ୍ମ ଇତି ସଂବନ୍ଧଃ॥ 1-158-42 ଦଗ୍ଧେଷ୍ବସ୍ମାସ୍ବଗ୍ନିଦେଷୁ କୋପୋଽଧର୍ମ ଇତ୍ଯେବ କାରଣଂ କୃତ୍ବା ଭୀଷ୍ମୋଽନ୍ଯେ ଚ କୁପ୍ଯେରନ୍॥ 1-158-44 ଦାହସ୍ଯ ଦାହାତ୍। ସ୍ପଶୈଶ୍ଚାରୈଃ॥ 1-158-49 ଅତ୍ର ବିଲେ॥ ଅଷ୍ଟପଞ୍ଚାଶଦଧିକଶତତମୋଽଧ୍ଯାଯଃ॥ 158 ॥ଆଦିପର୍ବ - ଅଧ୍ଯାଯ 159
॥ ଶ୍ରୀଃ ॥
1.159. ଅଧ୍ଯାଯଃ 159
Mahabharata - Adi Parva - Chapter Topics
ଖନକେନ ସୁରଙ୍ଗକରଣମ୍॥ 1 ॥Mahabharata - Adi Parva - Chapter Text
1-159-0 (7248)
ବୈଶମ୍ପାଯନ ଉବାଚ। 1-159-0x (931)
ବିଦୁରସ୍ଯ ସୁହୃତ୍କଶ୍ଚିତ୍ଖନକଃ କୁଶଲଃ କ୍ବଚିତ୍।
ବିବିକ୍ତେ ପାଣ୍ଡବାନ୍ରାଜନ୍ନିଦଂ ବଚନମବ୍ରବୀତ୍॥ 1-159-1 (7249)
ପ୍ରହିତୋ ବିଦୁରେଣାସ୍ମି ଖନକଃ କୁଶଲୋ ହ୍ଯହମ୍।
ପାଣ୍ଡବାନାଂ ପ୍ରିଯଂ କାର୍ଯମିତି କିଂ କରବାଣି ବଃ॥ 1-159-2 (7250)
ପ୍ରଚ୍ଛନ୍ନଂ ବିଦୁରେଣୋକ୍ତଂ ପ୍ରିଯଂ ଯନ୍ମ୍ଲେଚ୍ଛଭାଷଯା।
ତ୍ବଯା ଚ ତତ୍ତଥେତ୍ଯୁକ୍ତମେତଦ୍ବିଶ୍ବାସକାରଣମ୍॥ 1-159-3 (7251)
କୃଷ୍ଣପକ୍ଷେ ଚତୁର୍ଦଶ୍ଯାଂ ରାତ୍ରାବସ୍ଯାଂ ପୁରୋଚନଃ।
ଭବନସ୍ଯ ତବ ଦ୍ବାରି ପ୍ରଦାସ୍ଯତି ହୁତାଶନମ୍॥ 1-159-4 (7252)
ମାତ୍ରା ସହ ପ୍ରଦଗ୍ଧବ୍ଯାଃ ପାଣ୍ଡବାଃ ପୁରୁଷର୍ଷଭାଃ।
ଇତି ବ୍ଯବସିତଂ ତସ୍ଯ ଧାର୍ତରାଷ୍ଟ୍ରସ୍ଯ ଦୁର୍ମତେଃ॥ 1-159-5 (7253)
ବୈଶମ୍ପାଯନ ଉବାଚ। 1-159-6x (932)
ଉବାଚ ତଂ ସତ୍ଯଧୃତିଃ କୁନ୍ତୀପୁତ୍ରୋ ଯୁଧିଷ୍ଠିରଃ।
ଅଭିଜାନାମି ସୌମ୍ଯ ତ୍ବାଂ ସୁହୃଦଂ ବିଦୁରସ୍ଯ ବୈ॥ 1-159-6 (7254)
ଶୁଚିମାପ୍ତଂ ପ୍ରିଯଂ ଚୈବ ସଦା ଚ ଦୃଢଭକ୍ତିକମ୍।
ନ ବିଦ୍ଯତେ କବେଃ କିଂଚିଦବିଜ୍ଞାତଂ ପ୍ରଯୋଜନମ୍॥ 1-159-7 (7255)
ଯଥା ତସ୍ଯ ତଥା ନସ୍ତ୍ବଂ ନିର୍ବିଶେଷା ବଯଂ ତ୍ବଯି।
ଭବତଶ୍ଚ ଯଥା ତସ୍ଯ ପାଲଯାସ୍ମାନ୍ଯଥା କବିଃ॥ 1-159-8 (7256)
ଇଦଂ ଶରଣମାଗ୍ନେଯଂ ମଦର୍ଥମିତି ମେ ମତିଃ।
ପୁରୋଚନେନ ବିହିତଂ ଧାର୍ତରାଷ୍ଟ୍ରସ୍ଯ ଶାସନାତ୍॥ 1-159-9 (7257)
ସ ପାପଃ କୋଶବାଂଶ୍ଚୈବ ସସହାଯଶ୍ଚ ଦୁର୍ମତିଃ।
ଅସ୍ମାନପି ଚ ପାପାତ୍ମା ନିତ୍ଯକାଲଂ ପ୍ରବାଧତେ॥ 1-159-10 (7258)
ସ ଭବାନ୍ଭୋକ୍ଷଯତ୍ବସ୍ମାନ୍ଯତ୍ନେନାସ୍ମାଦ୍ଧୁତାଶନାତ୍।
ଅସ୍ମାସ୍ବିହ ହି ଦଗ୍ଧେଷୁ ସକାମଃ ସ୍ଯାତ୍ସୁଯୋଧନଃ॥ 1-159-11 (7259)
ସମୃଦ୍ଧମାଯୁଧାଗାରମିଦଂ ତସ୍ଯ ଦୁରାତ୍ମନଃ।
ବପ୍ରାନ୍ତଂ ନିଷ୍ପ୍ରତୀକାରମାଶ୍ରିତ୍ଯେଦଂ କୃତଂ ମହତ୍॥ 1-159-12 (7260)
ଇଦଂ ତଦଶୁଭଂ ନୂନଂ ତସ୍ଯ କର୍ମ ଚିକୀର୍ଷିତମ୍।
ପ୍ରାଗେବ ବିଦୁରୋ ବେଦ ତେନାସ୍ମାନନ୍ବବୋଧଯତ୍॥ 1-159-13 (7261)
ସେଯମାପଦନୁପ୍ରାପ୍ତା କ୍ଷତ୍ତା ଯାଂ ଦୃଷ୍ଟବାନ୍ପୁରା।
ପୁରୋଚନସ୍ଯାବିଦିତାନସ୍ମାଂସ୍ତ୍ବଂ ପ୍ରତିମୋଚଯ॥ 1-159-14 (7262)
ବୈଶମ୍ପାଯନ ଉବାଚ। 1-159-15x (933)
ସ ତଥେତି ପ୍ରତିଶ୍ରୁତ୍ଯ ଖନକୋ ଯତ୍ନମାସ୍ଥିତଃ।
ପରିଖାମୁତ୍କିରନ୍ନାମ ଚକାର ଚ ମହାବିଲମ୍॥ 1-159-15 (7263)
ଚକ୍ରେ ଚ ବେଶ୍ମନସ୍ତସ୍ଯ ମଧ୍ଯେ ନାତିମହଦ୍ବିଲମ୍।
କପାଟଯୁକ୍ତମଜ୍ଞାତଂ ସମଂ ଭୂମ୍ଯାଶ୍ଚ ଭାରତ॥ 1-159-16 (7264)
ପୁରୋଚନଭଯାଦେବ ବ୍ଯଦଧାତ୍ସଂବୃତଂ ମୁଖମ୍।
ସ ତସ୍ଯ ତୁ ଗୃହଦ୍ବାରି ବସତ୍ଯଶୁଭଧୀଃ ସଦା।
ତତ୍ର ତେ ସାଯୁଧାଃ ସର୍ବେ ବସନ୍ତି ସ୍ମ କ୍ଷପାଂ ନୃପ॥ 1-159-17 (7265)
ଦିବା ଚରନ୍ତି ମୃଗଯାଂ ପାଣ୍ଡବେଯା ବନାଦ୍ବନମ୍।
ବିଶ୍ବସ୍ତବଦବିଶ୍ବସ୍ତା ବଞ୍ଚଯନ୍ତଃ ପୁରୋଚନମ୍॥ 1-159-18 (7266)
ଅତୁଷ୍ଟାସ୍ତୁଷ୍ଟବଦ୍ରାଜନ୍ନୂଷୁଃ ପରମବିସ୍ମିତାଃ॥ 1-159-19 (7267)
ନ ଚୈନାନନ୍ବବୁଧ୍ଯନ୍ତ ନରା ନଗରବାସିନଃ।
ଅନ୍ଯତ୍ର ବିଦୁରାମାତ୍ଯାତ୍ତସ୍ମାତ୍ଖନକସତ୍ତମାତ୍॥ ॥ 1-159-20 (7268)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଜତୁଗୃହପର୍ବଣି ଊନଷଷ୍ଟ୍ଯଧିକଶତତମୋଽଧ୍ଯାଯଃ॥ 159 ॥
Mahabharata - Adi Parva - Chapter Footnotes
1-159-4 ଆର୍ଦ୍ରାଯାଂ ଚ ପୁରୋଚନଃ। ଭବନସ୍ଯ ନିଶି ଦ୍ବାରି ଇତି ଙ. ପାଠଃ॥ 1-159-7 କବେଃ ସର୍ବଜ୍ଞସ୍ଯ କ୍ରାନ୍ତଦର୍ଶିନୋ ବା॥ 1-159-8 ଯଥା ବଯଂ ତସ୍ଯ ତଥା ଭବତଶ୍ଚ॥ 1-159-9 ଶରଣଂ ଗୃହମ୍॥ 1-159-12 ବପ୍ରାନ୍ତଂ ପ୍ରାକାରମୂଲମ୍। ନିଷ୍ପ୍ରତୀକାରଂ ବହିର୍ନିର୍ଗମନପ୍ରକାରଶୂନ୍ଯମ୍॥ 1-159-14 ଅସ୍ମାଂସ୍ତ୍ବଂ ବିପ୍ରବାସଯ ଇତି ଙ. ପାଠଃ॥ 1-159-15 ପରିଖା ପ୍ରାକାରପରିଧିଭୂତୋ ଗର୍ତସ୍ତାମ୍। ନାମ ପ୍ରସିଦ୍ଧଣ୍। ଉତ୍କିରନ୍ପରିଖାପରିଷ୍କାରବ୍ଯାଜେନ ବିଲାନ୍ମୃଦମୁତ୍କିରନ୍ ବହିଃ କ୍ଷିପନ୍ ମହାବିଲଂ ସୁରଙ୍ଗାଖ୍ଯଂ ଚକାର॥ 1-159-16 ନାତିମହାମୁଖଂ ଇତି ଙ. ପାଠଃ॥ ଊନଷଷ୍ଟ୍ଯଧିକଶତତମୋଽଧ୍ଯାଯଃ॥ 159 ॥ଆଦିପର୍ବ - ଅଧ୍ଯାଯ 160
॥ ଶ୍ରୀଃ ॥
1.160. ଅଧ୍ଯାଯଃ 160
Mahabharata - Adi Parva - Chapter Topics
ରାତ୍ରୌ କୁନ୍ତ୍ଯା ଅନ୍ନାଦିନା ବ୍ରାହ୍ମଣପୂଜନମ୍॥ 1 ॥ ଭୀମେନ ଜତୁଗୃହସ୍ଯାଦୀପନମ୍॥ 2 ॥ ତସ୍ଯ କୁନ୍ତୀଂ ଭ୍ରାତୄଂଶ୍ଚାଦାଯ ସୁରଙ୍ଗାଦ୍ବାରା ବହିଂର୍ନିର୍ଗମନମ୍॥ 3 ॥Mahabharata - Adi Parva - Chapter Text
1-160-0 (7269)
ବୈଶମ୍ପାଯନ ଉବାଚ। 1-160-0x (934)
ତାଂସ୍ତୁ ଦୃଷ୍ଟ୍ବା ସୁମନସଃ ପରିସଂବତ୍ସରୋଷିତାନ୍।
ବିଶ୍ବସ୍ତାନିବ ସଂଲକ୍ଷ୍ଯ ହର୍ଷଂ ଚକ୍ରେ ପୁରୋଚନଃ॥ 1-160-1 (7270)
`ସ ତୁ ସଂଚିନ୍ତଯାମାସ ପ୍ରହୃଷ୍ଟେନାନ୍ତରାତ୍ମନା।
ପ୍ରାପ୍ତକାଲମିଦଂ ମନ୍ଯେ ପାଣ୍ଡବାନାଂ ବିନାଶନେ॥ 1-160-2 (7271)
ତମସ୍ଯାନ୍ତର୍ଗତଂ ଭାବଂ ବିଜ୍ଞାଯ କୁରୁପୁଙ୍ଗବଃ।
ଚିନ୍ତଯାମାସ ମତିମାନ୍ଧର୍ମପୁତ୍ରୋ ଯୁଧିଷ୍ଠିରଃ॥' 1-160-3 (7272)
ପୁରୋଚନେ ତଥା ହୃଷ୍ଟେ କୌନ୍ତେଯୋଽଥ ଯୁଧିଷ୍ଠିରଃ।
ଭୀମସେନାର୍ଜୁନୌ ଚୋଭୌ ଯମୌ ପ୍ରୋବାଚ ଧର୍ମବିତ୍॥ 1-160-4 (7273)
ଅସ୍ମାନଯଂ ସୁବିଶ୍ବସ୍ତାନ୍ବେତ୍ତି ପାପଃ ପୁରୋଚନଃ।
ବଞ୍ଚିତୋଽଯଂ ନୃଶଂସାତ୍ମା କାଲଂ ମନ୍ଯେ ପଲାଯନେ॥ 1-160-5 (7274)
ଆଯୁଧାଗାରମାଦୀପ୍ଯ ଦଗ୍ଧ୍ବା ଚୈବ ପୁରୋଚନମ୍।
ଷଟ୍ପ୍ରାଣିନୋ ନିଧାଯେହ ଦ୍ରବାମୋଽନଭିଲକ୍ଷିତାଃ॥ 1-160-6 (7275)
ବୈଶମ୍ପାଯନ ଉବାଚ। 1-160-7x (935)
ଅଥ ଦାନାପଦେଶେନ କୁନ୍ତୀ ବ୍ରାହ୍ମଣଭୋଜନମ୍।
ଚକ୍ରେ ନିଶି ମହାରାଜ ଆଜଗ୍ମୁସ୍ତତ୍ର ଯୋଷିତଃ॥ 1-160-7 (7276)
ତା ବିହୃତ୍ଯ ଯଥାକାମଂ ଭୁକ୍ତ୍ବା ପୀତ୍ବା ଚ ଭାରତ।
ଜଗ୍ମୁର୍ନିଶିଂ ଗୃହାନେବ ସମନୁଜ୍ଞାପ୍ଯ ମାଧବୀମ୍॥ 1-160-8 (7277)
`ପୁରୋଚନପ୍ରଣିହିତା ପୃଥାଂ ଯା ସେବତେ ସଦା।
ନିଷାଦୀ ଦୁଷ୍ଟହୃଦଯା ନିତ୍ଯମନ୍ତରଚାରିଣୀ॥ 1-160-9 (7278)
ନିଷାଦୀ ପଞ୍ଚପୁତ୍ରା ସା ତସ୍ମିନ୍ଭୋଜ୍ଯେ ଯଦୃଚ୍ଛଯା।
ପୁରାଭ୍ଯାସକୃତସ୍ନେହା ସଖୀ କୁନ୍ତ୍ଯାଃ ସୁତୈଃ ସହ॥ 1-160-10 (7279)
ଆନୀଯ ମଧୁମୂଲାନି ଫଲାନି ବିବିଧାନି ଚ।
ଅନ୍ନାର୍ଥିନୀ ସମଭ୍ଯାଗାତ୍ସପୁତ୍ରା କାଲଚୋଦିତା।
ସୁପାପା ପଞ୍ଚପୁତ୍ରା ଚ ସା ପୃଥାଯାଃ ସଖୀ ମତା॥' 1-160-11 (7280)
ସା ପୀତ୍ବା ମଦିରାଂ ମତ୍ତା ସପୁତ୍ରା ମଦବିହ୍ବଲା।
ସହ ସର୍ବୈଃ ସୁତୈ ରାଜଂସ୍ତସ୍ମିନ୍ନେବ ନିବେଶନେ॥ 1-160-12 (7281)
ସୁଷ୍ବାପ ବିଗତଜ୍ଞାନା ମୃତକଲ୍ପା ନରାଧିପ।
ଅଥ ପ୍ରବାତେ ତୁମୁଲେ ନିଶି ସୁପ୍ତେ ଜନେ ତଦା॥ 1-160-13 (7282)
ତଦୁପାଦୀପଯଦ୍ଭୀମଃ ଶେତେ ଯତ୍ର ପୁରୋଚନଃ।
ତତୋ ଜତୁଗୃହଦ୍ବାରଂ ଦୀପଯାମାସ ପାଣ୍ଡବଃ॥ 1-160-14 (7283)
ସମନ୍ତତୋ ଦଦୌ ପଶ୍ଚାଦଗ୍ନିଂ ତତ୍ର ନିବେଶନେ।
`ପୂର୍ବମେବ ଗୃହଂ ଶୋଧ୍ଯ ଭୀମସେନୋ ମହାମତିଃ॥ 1-160-15 (7284)
ପାଣ୍ଡବୈଃ ସହିତାଂ କୁନ୍ତୀଂ ପ୍ରାବେଶଯତ ତଦ୍ବିଲମ୍।
ଦତ୍ତ୍ବାଗ୍ନିଂ ସହସା ଭୀମୋ ଗୃହେ ତତ୍ପରିତଃ ସୁଧୀଃ॥ 1-160-16 (7285)
ଗୃହସ୍ଥଂ ଦ୍ରବିଣଂ ଗୃହ୍ଯ ନିର୍ଜଗାମ ବିଲେନ ସଃ।'
ଜ୍ଞାତ୍ବା ତୁ ତଦ୍ଗୃହଂ ସର୍ବମାଦୀପ୍ତଂ ପାଣ୍ଡୁନନ୍ଦନାଃ॥ 1-160-17 (7286)
ସୁରଙ୍ଗାଂ ବିବିଶୁସ୍ତୂର୍ଣଂ ମାତ୍ରା ସାର୍ଧମରିନ୍ଦମାଃ।
ତତଃ ପ୍ରତାପଃ ସୁମହାଞ୍ଛବ୍ଦଶ୍ଚୈବ ବିଭାବସୋଃ॥ 1-160-18 (7287)
ପ୍ରାଦୁରାସୀତ୍ତଦା ତେନ ବୁବୁଧେ ସ ଜନବ୍ରଜଃ।
ତଦବେକ୍ଷ୍ଯ ଗୃହଂ ଦୀପ୍ତମାହୁଃ ପୌରାଃ କୃଶାନନାଃ॥ 1-160-19 (7288)
ଦୁର୍ଯୋଧନପ୍ରଯୁକ୍ତେନ ପାପେନାକୃତବୁଦ୍ଧିନା।
ଗୃହମାତ୍ମବିନାଶାଯ କାରିତଂ ଦାହିତଂ ଚ ତତ୍॥ 1-160-20 (7289)
ଅହୋ ଧିଗ୍ଧୃତରାଷ୍ଟ୍ରସ୍ଯ ବୁଦ୍ଧିର୍ନାତିସମଞ୍ଜସା।
ଯଃ ଶୁଚୀନ୍ପାଣ୍ଡୁଦାଯାଦାନ୍ଦାହଯାମାସ ଶତ୍ରୁବତ୍॥ 1-160-21 (7290)
ଦିଷ୍ଟ୍ଯା ତ୍ବିଦାନୀଂ ପାପାତ୍ମାଦଗ୍ଧ୍ବା ଦଗ୍ଧଃ ପୁରୋଚନଃ।
ଅନାଗସଃ ସୁବିଶ୍ବସ୍ତାନ୍ଯୋ ଦଦାହ ନରୋତ୍ତମାନ୍॥ 1-160-22 (7291)
ବୈଶମ୍ପାଯନ ଉବାଚ। 1-160-23x (936)
ଏବଂ ତେ ବିଲପନ୍ତି ସ୍ମ ବାରଣାବତକା ଜନାଃ।
ପରିବାର୍ଯ ଗୃହଂ ତଚ୍ଚ ତସ୍ଥୂ ରାତ୍ରୌ ସମନ୍ତତଃ॥ 1-160-23 (7292)
ପାଣ୍ଡବାଶ୍ଚାପି ତେ ସର୍ବେ ସହ ମାତ୍ରା ସୁଦୁଃଖିତାଃ।
ବିଲେନ ତେନ ନିର୍ଗତ୍ଯ ଜଗ୍ମୁର୍ଦ୍ରୁତମଲକ୍ଷିତାଃ॥ 1-160-24 (7293)
ତେନ ନିଦ୍ରୋପରୋଧେନ ସାଧ୍ବସେନ ଚ ପାଣ୍ଡବାଃ।
ନ ଶେକୁଃ ସହସା ଗନ୍ତୁଂ ସହ ମାତ୍ରା ପରନ୍ତପାଃ॥ 1-160-25 (7294)
ଭୀମସେନସ୍ତୁ ରାଜେନ୍ଦ୍ର ଭୀମବେଗପରାକ୍ରମଃ।
ଜଗାମ ଭ୍ରାତୄନାଦାଯ ସର୍ବାନ୍ମାତରମେବ ଚ॥ 1-160-26 (7295)
ସ୍କନ୍ଧମାରୋପ୍ଯ ଜନନୀଂ ଯମାବଙ୍କେନ ବୀର୍ଯବାନ୍।
ପାର୍ଥୌ ଗୃହୀତ୍ବା ପାଣିଭ୍ଯାଂ ଭ୍ରାତରୌ ସୁମହାବଲଃ॥ 1-160-27 (7296)
ଉରସା ପାଦପାନ୍ଭଞ୍ଜନ୍ମହୀଂ ପଦ୍ଭ୍ଯାଂ ବିଦାରଯନ୍।
ସ ଜଗାମାଶୁ ତେଜସ୍ବୀ ବାତରଂହା ବୃକୋଦରଃ॥ ॥ 1-160-28 (7297)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଜତୁଗୃହପର୍ବଣି ଷଷ୍ଟ୍ଯଧିକଶତତମୋଽଧ୍ଯାଯଃ॥ 160 ॥
Mahabharata - Adi Parva - Chapter Footnotes
1-160-6 ଜାତୁଷାଗାରମିତି ଙ. ପାଠଃ॥ ଷଷ୍ଟ୍ଯଧିକଶତତମୋଽଧ୍ଯାଯଃ॥ 160 ॥ଆଦିପର୍ବ - ଅଧ୍ଯାଯ 161
॥ ଶ୍ରୀଃ ॥
1.161. ଅଧ୍ଯାଯଃ 161
Mahabharata - Adi Parva - Chapter Topics
ପାଣ୍ଡବାନାଂ ବିଦୁରପ୍ରେଷିତଦୂତଦର୍ଶିତନୌକଯା ଗଙ୍ଗୋତ୍ତରଣମ୍॥ 1 ॥Mahabharata - Adi Parva - Chapter Text
1-161-0 (7298)
ବୈଶମ୍ପାଯନ ଉବାଚ। 1-161-0x (937)
ଏତସ୍ମିନ୍ନେବ କାଲେ ତୁ ଯଥାସଂପ୍ରତ୍ଯଯଂ କବିଃ।
ବିଦୁରଃ ପ୍ରେଷଯାମାସ ତଦ୍ବନଂ ପୁରୁଷଂ ଶୁଚିମ୍॥ 1-161-1 (7299)
`ଆତ୍ମନଃ ପାଣ୍ଡବାନାଂ ଚ ବିଶ୍ବାସ୍ଯଂ ଜ୍ଞାତପୂର୍ବକମ୍।
ଗଙ୍ଗାସଂତରଣାର୍ଥାଯ ଜ୍ଞାତାଭିଜ୍ଞାନବାଚିକମ୍॥' 1-161-2 (7300)
ସ ଗତ୍ବା ତୁ ଯଥୋଦ୍ଦେଶଂ ପାଣ୍ଡବାନ୍ଦଦୃଶେ ବନେ।
ଜନନ୍ଯା ସହ କୌରବ୍ଯାନନଯଜ୍ଜାହ୍ନବୀତଟମ୍॥ 1-161-3 (7301)
ବିଦିତଂ ତନ୍ମହାବୁଦ୍ଧେର୍ବିଦୁରସ୍ଯ ମହାତ୍ମନଃ।
ତତସ୍ତ୍ରସ୍ଯାପି ଚାରେଣ ଚେଷ୍ଟିତଂ ପାପଚେତସଃ॥ 1-161-4 (7302)
ତତଃ ପ୍ରବାସିତୋ ବିଦ୍ବାନ୍ବିଦୁରେଣ ନରସ୍ତଦା।
ପାର୍ଥାନାଂ ଦର୍ଶଯାମାସ ମନୋମାରୁତଗାମିନୀମ୍॥ 1-161-5 (7303)
ସର୍ବବାତସହାଂ ନାବଂ ଯନ୍ତ୍ରଯୁକ୍ତାଂ ପତାକିନୀମ୍।
ଶିବେ ଭାଗୀରଥୀତୀରେ ନରୈର୍ବିସ୍ରମ୍ଭିଭିଃ କୃତାମ୍॥ 1-161-6 (7304)
ତତଃ ପୁନରଥୋବାଚ ଜ୍ଞାପକଂ ପୂର୍ବଚୋଦିତମ୍।
ଯୁଧିଷ୍ଠିର ନିବୋଧେଯଂ ସଂଜ୍ଞାର୍ଥଂ ବଚନଂ କବେଃ॥ 1-161-7 (7305)
କକ୍ଷଘ୍ନଃ ଶିଶିରଘ୍ନଶ୍ଚ ମହାକକ୍ଷେ ବିଲୌକସଃ।
ନ ହନ୍ତୀତ୍ଯେବମାତ୍ମାନଂ ଯୋ ରକ୍ଷତି ସ ଜୀବତି।
`ବୋଦ୍ଧବ୍ଯମିତି ଯତ୍ପ୍ରାହ ବିଦୁରସ୍ତଦିଦଂ ତଥା॥' 1-161-8 (7306)
ତେନ ମାଂ ପ୍ରେଷିତଂ ବିଦିଧି ବିଶ୍ବସ୍ତଂ ସଂଜ୍ଞଯାଽନଯା।
ଭୂଯଶ୍ଚୈବାହ ମାଂ କ୍ଷତ୍ତା ବିଦୁରଃ ସର୍ବତୋଽର୍ଥବିତ୍।
`ଅଧିକ୍ଷିପନ୍ଧାର୍ତରାଷ୍ଟ୍ରଂ ସଭ୍ରାତୃକମୁଦାରଧୀଃ॥' 1-161-9 (7307)
କର୍ଣଂ ଦୁର୍ଯୋଧନଂ ଚୈବ ଭ୍ରାତୃଭିଃ ସହିତଂ ରଣେ।
ଶକୁନିଂ ଚୈବ କୌନ୍ତେଯ ବିଜେତାଽସି ନ ସଂଶଯଃ॥ 1-161-10 (7308)
`ବୈଶମ୍ପାଯନ ଉବାଚ। 1-161-11x (938)
ପାଣ୍ଡବାଶ୍ଚାପି ଗତ୍ବାଥ ଗଙ୍ଗାଯାସ୍ତୀରମୁତ୍ତମମ୍।
ନିଷାଦାଧିପତିଂ ବୀରଂ ଦାଶଂ ପରମଧାର୍ମିକମ୍॥ 1-161-11 (7309)
ଦୀପିକାଭିଃ କୃତାଲୋକଂ ମାର୍ଗମାଣଂ ଚ ପାଣ୍ଡବାନ୍।
ଦଦୃଶୁଃ ପାଣ୍ଡବେଯାସ୍ତେ ନାବିକଂ ତ୍ବରଯାଽନ୍ବିତମ୍॥ 1-161-12 (7310)
ନିଷାଦସ୍ତତ୍ର କୌନ୍ତେଯାନଭିଜ୍ଞାନଂ ନ୍ଯବେଦଯତ୍।
ବିଦୁରସ୍ଯ ମହାବୁଦ୍ଧେର୍ମ୍ଲେଚ୍ଛଭାଷାଦି ଯତ୍ତଦା॥ 1-161-13 (7311)
ନାବିକ ଉବାଚ। 1-161-14x (939)
ବିଦୁରେଣାସ୍ମି ସନ୍ଦିଷ୍ଟୋ ଦତ୍ତ୍ବା ବହୁ ଧନଂ ମହତ୍।
ଗଙ୍ଗାତୀରେ ନିବିଷ୍ଟସ୍ତ୍ବଂ ପାଣ୍ଡବାଂସ୍ତାରଯେତି ହ॥ 1-161-14 (7312)
ସୋଽହଂ ଚତୁର୍ଦଶୀମଦ୍ଯ ଗଙ୍ଗାଯା ଅବିଦୂରତଃ।
ଚାରେରନ୍ବେଷଯାମ୍ଯସ୍ମିନ୍ବନେ ମୃଗଗଣାନ୍ବିତେ॥ 1-161-15 (7313)
ପ୍ରଭବନ୍ତୋଽଥ ଭଦ୍ରଂ ବୋ ନାବମାରୁହ୍ଯ ଗମ୍ଯତାମ୍।
ଯୁକ୍ତାରିତ୍ରପତାକାଂ ଚ ନିଶ୍ଛିଦ୍ରାଂ ମନ୍ଦିରୋପମାମ୍॥' 1-161-16 (7314)
ଇଯଂ ବାରିପଥେ ଯୁକ୍ତା ନୌରପ୍ସୁ ସୁଖଗାମିନୀ।
ମୋଚଯିଷ୍ଯତି ବଃ ସର୍ବାନସ୍ମାଦ୍ଦେଶାନ୍ନ ସଂଶଯଃ॥ 1-161-17 (7315)
ବୈଶମ୍ପାଯନ ଉବାଚ। 1-161-18x (940)
ଅଥ ତାନ୍ବ୍ଯଥିତାନ୍ଦୃଷ୍ଟ୍ବା ସହ ମାତ୍ରା ନରୋତ୍ତମାନ୍।
ନାବମାରୋପ୍ଯ ଗଙ୍ଗାଯାଂ ପ୍ରସ୍ଥିତାନବ୍ରବୀତ୍ପୁନଃ॥ 1-161-18 (7316)
ବିଦୁରୋ ମୂର୍ଧ୍ନ୍ଯୁପାଘ୍ରାଯ ପରିଷ୍ବଜ୍ଯ ବଚୋ ମୁହୁଃ।
ଅରିଷ୍ଟଂ ଗଚ୍ଛତାବ୍ଯଗ୍ରାଃ ପନ୍ଥାନମିତି ଚାବ୍ରବୀତ୍॥ 1-161-19 (7317)
ଇତ୍ଯୁକ୍ତ୍ବା ସ ତୁ ତାନ୍ବୀରାନ୍ପୁମାନ୍ବିଦୁରଚୋଦିତଃ।
ତାରଯାମାସ ରାଜେନ୍ଦ୍ର ଗଙ୍ଗାଂ ନାବା ନରର୍ଷଭାନ୍॥ 1-161-20 (7318)
ତାରଯିତ୍ବା ତତୋ ଗଙ୍ଗାଂ ପାରଂ ପ୍ରାପ୍ତାଂଶ୍ଚ ସର୍ବଶଃ।
ଜଯାଶିଷଃ ପ୍ରଯୁଜ୍ଯାଥ ଯଥାଗତମଗାଦ୍ଧି ସଃ॥ 1-161-21 (7319)
ପାଣ୍ଡବାଶ୍ଚ ମହାତ୍ମାନଃ ପ୍ରତିସନ୍ଦିଶ୍ଯ ବୈ କବେଃ।
ଗଙ୍ଗାମୁତ୍ତୀର୍ଯ ବେଗେନ ଜଗ୍ମୁର୍ଗୂଢମଲକ୍ଷିତାଃ॥ 1-161-22 (7320)
`ତତସ୍ତେ ତତ୍ର ତୀର୍ତ୍ବା ତୁ ଗଙ୍ଗାମୁତ୍ତୁଙ୍ଗବୀଚିକାମ୍।
ଜବେନ ପ୍ରଯଯୁର୍ବୀରା ଦକ୍ଷିଣାଂ ଦିଶମାସ୍ଥିତାଃ॥ 1-161-23 (7321)
ବିଜ୍ଞାଯ ନିଶି ପନ୍ଥାନଂ ନକ୍ଷତ୍ରୈର୍ଦକ୍ଷିଣାମୁଖାଃ।
ବନାଦ୍ବନାନ୍ତରଂ ରାଜନ୍ଗହନଂ ପ୍ରତିପେଦିରେ॥ 1-161-24 (7322)
ଶ୍ରାନ୍ତାସ୍ତତଃ ପିପାସାର୍ତାଃ କ୍ଷୁଧିତା ଭଯକାତରାଃ।
ପୁନରୂଚୁର୍ମହାବୀର୍ଯଂ ଭୀମସେନମିଦଂ ବଚଃ॥ 1-161-25 (7323)
ଇତଃ କଷ୍ଟତରଂ କିଂ ନୁ ଯଦ୍ବଯଂ ଗହନେ ବନେ।
ଦିଶଶ୍ଚ ନ ପ୍ରଜାନୀମୋ ଗନ୍ତୁଂ ଚୈତେନ ଶକ୍ନୁମଃ।
ତଂ ଚ ପାପଂ ନ ଜାନୀମୋ ଦଗ୍ଧୋ ବାଥ ପୁରୋଚନଃ॥ 1-161-26 (7324)
କଥଂ ନୁ ବିପ୍ରମୁଚ୍ଯେମ ଭଯାଦସ୍ମାଦଲକ୍ଷିତାଃ।
ଶୀଘ୍ରମସ୍ମାନୁପାଦାଯ ତଥୈବ ବ୍ରଜ ଭାରତ॥ 1-161-27 (7325)
ତ୍ବଂ ହି ନୋ ବଲବାନେକୋ ଯଥା ସତତଗସ୍ତଥା।
ଇତ୍ଯୁକ୍ତୋ ଧର୍ମରାଜେନ ଭୀମସେନୋ ମହାବଲଃ।
ଆଦାଯ କୁନ୍ତୀଂ ଭ୍ରାତୄଂଶ୍ଚ ଜଗାମାଶୁ ସ ପାବନିଃ'॥ ॥ 1-161-28 (7326)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଜତୁଗୃହପର୍ବଣି ଏକଷଷ୍ଟ୍ଯଧିକଶତତମୋଽଧ୍ଯାଯଃ॥ 161 ॥
ଆଦିପର୍ବ - ଅଧ୍ଯାଯ 162
॥ ଶ୍ରୀଃ ॥
1.162. ଅଧ୍ଯାଯଃ 162
Mahabharata - Adi Parva - Chapter Topics
ପୌରୈଃ ପ୍ରାତର୍ଜତୁଗୃହସମୀପମାଗତ୍ଯ ପୁରୋଚନସହିତାନାଂ ପାଣ୍ଡବାନାଂ ଦାହଂ ନିଶ୍ଚିତ୍ଯ ଧୃତରାଷ୍ଟ୍ରାଯ ଦୂତମୁଖେନ ପାଣ୍ଡବୃତ୍ତାନ୍ତନିବେଦନମ୍॥ 1 ॥ ତଚ୍ଛ୍ରବଣେନ ଜ୍ଞାତିଭିଃ ସହ ଧୃତରାଷ୍ଟ୍ରେଣ କୁନ୍ତ୍ଯାଦୀନାଂ ଉଦକଦାନମ୍॥ 2 ॥ ଭୀଷ୍ମବିଦୁରଯୋଃ ସଂବାଦଃ॥ 3 ॥Mahabharata - Adi Parva - Chapter Text
1-162-0 (7327)
ବୈଶମ୍ପାଯନ ଉବାଚ। 1-162-0x (941)
ଅଥ ରାତ୍ର୍ଯାଂ ବ୍ଯତୀତାଯାମଶେଷୋ ନାଗରୋ ଜନଃ।
ତତ୍ରାଜଗାମ ତ୍ବରିତୋ ଦିଦୃକ୍ଷୁଃ ପାଣ୍ଡୁନନ୍ଦନାନ୍॥ 1-162-1 (7328)
ନିର୍ବାପଯନ୍ତୋ ଜ୍ବଲନଂ ତେ ଜନା ଦଦୃଶୁସ୍ତତଃ।
ଜାତୁଷଂ ତଦ୍ଗୃହଂ ଦଗ୍ଧମମାତ୍ଯଂ ଚ ପୁରୋଚନମ୍॥ 1-162-2 (7329)
ନୂନଂ ଦୁର୍ଯୋଧନେନେଦଂ ବିହିତଂ ପାପକର୍ମଣା।
ପାଣ୍ଡବାନାଂ ବିନାଶାଯେତ୍ଯେବଂ ତେ ଚୁକ୍ରୁଶୁର୍ଜନାଃ॥ 1-162-3 (7330)
ବିଦିତେ ଧୃତରାଷ୍ଟ୍ରସ୍ଯ ଧାର୍ତରାଷ୍ଟ୍ରୋ ନ ସଂଶଯଃ।
ଦଗ୍ଧବାନ୍ପାଣ୍ଡୁଦାଯାଦାନ୍ନ ହ୍ଯେତତ୍ପ୍ରତିଷିଦ୍ଧବାନ୍॥ 1-162-4 (7331)
ନୂନଂ ଶାନ୍ତନବୋଽପୀହ ନ ଧର୍ମନୁବର୍ତତେ।
ଦ୍ରୋଣଶ୍ଚ ବିଦୁରଶ୍ଚୈବ କୃପଶ୍ଚାନ୍ଯେ ଚ କୌରବାଃ॥ 1-162-5 (7332)
`ନାବେକ୍ଷନ୍ତେ ହ ତଂ ଧର୍ମଂ ଧର୍ମାତ୍ମାନୋଽପ୍ଯହୋ ବିଧେଃ।
ଶ୍ରୁତବନ୍ତୋଽପି ବିଦ୍ବାଂସୋ ଧନବଦ୍ବଶଗା ଅହୋ॥ 1-162-6 (7333)
ସାଧୂନନାଥାନ୍ଧର୍ମିଷ୍ଠାତ୍ସତ୍ଯବ୍ରତପରାଯଣାନ୍।
ନାବେକ୍ଷନ୍ତେ ମହାନ୍ତୋଽପି ଦୈବଂ ତେଷାଂ ପରାଯଣମ୍॥ 1-162-7 (7334)
ତେ ବଯଂ ଧୃତରାଷ୍ଟ୍ରାଯ ପ୍ରେଷଯାମୋ ଦୁରାତ୍ମନେ।
ସଂବୃତ୍ତସ୍ତେ ପରଃ କାମଃ ପାଣ୍ଡବାନ୍ଦଗ୍ଧବାନସି॥ 1-162-8 (7335)
ତତୋ ବ୍ଯପୋହମାନାସ୍ତେ ପାଣ୍ଡବାର୍ଥେ ହୁତାଶନମ୍।
ନିଷାଦୀଂ ଦଦୃଶୁର୍ଦଗ୍ଧାଂ ପଞ୍ଚପୁତ୍ରାମନାଗସମ୍॥ 1-162-9 (7336)
ଇତଃ ପଶ୍ଯତ କୁନ୍ତୀଯଂ ଦଗ୍ଧା ଶେତେ ତପସ୍ବିନୀ।
ପୁତ୍ରୈଃ ସହୈବ ବାର୍ଷ୍ଣେଯୀ ହନ୍ତେତ୍ଯାହୁଃ ସ୍ମ ନାଗରାଃ॥ 1-162-10 (7337)
ଖନକେନ ତୁ ତେନୈବ ବେଶ୍ମ ଶୋଧଯତା ବିଲମ୍।
ପାଂସୁଭିଃ ପିହିତଂ ତଚ୍ଚ ପୁରୁଷୈସ୍ତୈର୍ନ ଲକ୍ଷିତମ୍॥ 1-162-11 (7338)
ତତସ୍ତେ ପ୍ରେଷଯାମାସୁର୍ଧୃତରାଷ୍ଟ୍ରାଯ ନାଗରାଃ।
ପାଣ୍ଡବାନଗ୍ନିନା ଦଗ୍ଧାନମାତ୍ଯଂ ଚ ପୁରୋଚନମ୍॥ 1-162-12 (7339)
ଶ୍ରୁତ୍ବା ତୁ ଧୃତରାଷ୍ଟ୍ରସ୍ତଦ୍ରାଜା ସୁମହଦପ୍ରିଯମ୍।
ବିନାଶଂ ପାଣ୍ଡୁପୁତ୍ରାଣାଂ ବିଲଲାପ ସୁଦୁଃଖିତଃ॥ 1-162-13 (7340)
ଅନ୍ତର୍ହୃଷ୍ଟମନାଶ୍ଚାସୌ ବହିର୍ଦୁଃଖସମନ୍ବିତଃ।
ଅନ୍ତଃଶୀତୋ ବହିଶ୍ଚୋଷ୍ଣୋ ଗ୍ରୀଷ୍ମେଽଗାଧହ୍ବଦୋଯଥା॥ 1-162-14 (7341)
ଧୃତରାଷ୍ଟ୍ର ଉବାଚ। 1-162-15x (942)
ଅଦ୍ଯ ପାଣ୍ଡୁର୍ମୃତୋ ରାଜା ମମ ଭ୍ରାତା ମହାଯଶାଃ।
ତେଷୁ ବୀରେଷୁ ଦଗ୍ଧେଷୁ ମାତ୍ରା ସହ ବିଶେଷତଃ॥ 1-162-15 (7342)
ଗଚ୍ଛନ୍ତୁ ପୁରୁଷାଃ ଶୀଘ୍ରଂ ନଗରଂ ବାରଣାବତମ୍।
ସତ୍କାରଯନ୍ତୁ ତାନ୍ବୀରାନ୍କୁନ୍ତୀଂ ରାଜସୁତାଂ ଚ ତାମ୍॥ 1-162-16 (7343)
ଯେ ଚ ତତ୍ର ମୃତାସ୍ତେଷାଂ ସୁହୃଦଃ ସନ୍ତି ତାନପି।
କାରଯନ୍ତୁ ଚ କୁଲ୍ଯାନି ଶୁଭ୍ରାଣି ଚ ବୃହନ୍ତି ଚ॥ 1-162-17 (7344)
ମମ ଦଗ୍ଧା ମହାତ୍ମାନଃ କୁଲବଂଶବିବର୍ଧନାଃ॥ 1-162-18 (7345)
ଏବଂ ଗତେ ମଯା ଶକ୍ଯଂ ଯଦ୍ଯତ୍କାରଯିତୁଂ ହିତମ୍।
ପାଣ୍ଡବାନାଂ ଚ କୁନ୍ତ୍ଯାଶ୍ଚ ତତ୍ସର୍ବଂ କ୍ରିଯତାଂ ଧନୈଃ॥ 1-162-19 (7346)
`ବୈଶମ୍ପାଯନ ଉବାଚ। 1-162-20x (943)
ସମେତାଶ୍ଚ ତତଃ ସର୍ବେ ଭୀଷ୍ମେଣ ସହ କୌରବାଃ।
ଧୃତରାଷ୍ଟ୍ରଃ ସପୁତ୍ରଶ୍ଚ ଗଙ୍ଗାମଭିମୁଖା ଯଯୁଃ॥ 1-162-20 (7347)
ଏକବସ୍ତ୍ରା ନିରାନନ୍ଦା ନିରାଭରଣବେଷ୍ଟନଃ।
ଉଦକଂ କର୍ତୁକାମା ବୈ ପାଣ୍ଡବାନାଂ ମହାତ୍ମନାମ୍॥' 1-162-21 (7348)
ଏବଂ ଗତ୍ବା ତତଶ୍ଚକ୍ରେ ଜ୍ଞାତିଭିଃ ପରିବାରିତଃ।
ଉଦକଂ ପାଣ୍ଡୁପୁତ୍ରାଣାଂ ଧୃତରାଷ୍ଟ୍ରୋଽମ୍ବିକାସୁତଃ॥ 1-162-22 (7349)
ରୁରୁଦୁଃ ସହିତାଃ ସର୍ବେ ଭୃଶଂ ଶୋକପରାଯଣାଃ।
ହା ଯୁଧିଷ୍ଠିର କୌରବ୍ଯ ହା ଭୀମ ଇତି ଚାପରେ॥ 1-162-23 (7350)
ହା ଫଲ୍ଗୁନେତି ଚାପ୍ଯନ୍ଯେ ହା ଯମାବିତି ଚାପରେ।
କୁନ୍ତୀମାର୍ତାଶ୍ଚ ଶୋଚନ୍ତ ଉଦକଂ ଚକ୍ରିରେ ଜନାଃ॥ 1-162-24 (7351)
ଅନ୍ଯେ ପୌରଜନାଶ୍ଚୈବମନ୍ବଶୋଚନ୍ତ ପାଣ୍ଡବାନ୍।
ବିଦୁରସ୍ତ୍ବଲ୍ପଶଶ୍ଚକ୍ରେ ଶୋକଂ ବେଦ ପରଂ ହି ସଃ॥ 1-162-25 (7352)
ବିଦୁରୋ ଧୃତରାଷ୍ଟ୍ରସ୍ଯ ଜାନନ୍ସର୍ବଂ ମନୋଗତମ୍।
ତେନାଯଂ ବିଧିନା ସୃଷ୍ଟଃ କୁଟିଲଃ କପଟାଶଯଃ॥ 1-162-26 (7353)
ଇତ୍ଯେବଂ ଚିନ୍ତଯନ୍ରାଜନ୍ବିଦୁରୋ ବିଦୁଷାଂ ବରଃ।
ଲୋକାନାଂ ଦର୍ଶଯନ୍ଦୁଃଖଂ ଦୁଃଖିତୈଃ ସହ ବାନ୍ଧବୈଃ॥ 1-162-27 (7354)
ମନସାଽଚିନ୍ତଯତ୍ପାର୍ଥାନ୍କିଯଦ୍ଦୂରଂ ଗତା ଇତି।
ସହିତାଃ ପାଣ୍ଡବାଃ ପୁତ୍ରା ଇତି ଚିନ୍ତାପରୋଽଭବତ୍॥ 1-162-28 (7355)
ତତଃ ପ୍ରବ୍ଯଥିତୋ ଭୀଷ୍ମଃ ପାଣ୍ଡୁରାଜସୁତାନ୍ମୃତାନ୍।
ସହ ମାତ୍ରେତି ତଚ୍ଛ୍ରୁତ୍ବା ବିଲଲାପ ରୁରୋଦ ଚ॥ 1-162-29 (7356)
ଭୀଷ୍ମ ଉବାଚ। 1-162-30x (944)
ହା ଯୁଧିଷ୍ଠିର ହା ଭୀମ ହା ଧନଞ୍ଜଯ ହା ଯମୌ।
ହା ପୃଥେ ସହ ପୁତ୍ରୈସ୍ତ୍ବମେକରାତ୍ରେଣ ସ୍ବର୍ଗତା॥ 1-162-30 (7357)
ମାତ୍ରା ସହ କୁମାରାସ୍ତେ ସର୍ବେ ତତ୍ରୈବ ସଂସ୍ଥିତାଃ।
ନ ହି ତୌ ନୋତ୍ସହେଯାତାଂ ଭୀମସେନଧନଞ୍ଜଯୌ॥ 1-162-31 (7358)
ତରସା ବେଗିତାତ୍ମାନୌ ନିର୍ଭେତ୍ତୁମପି ମନ୍ଦରମ୍।
ପରାସୁତ୍ବଂ ନ ପଶ୍ଯାମି ପୃଥାଯାଃ ସହ ପାଣ୍ଡବୈଃ॥ 1-162-32 (7359)
ସର୍ବଥା ବିକୃତଂ ତତ୍ତୁ ଯଦି ତେ ନିଧନଂ ଗତାଃ।
ଧର୍ମରାଜଃ ସ ନିର୍ଦିଷ୍ଟୋ ନନୁ ବିପ୍ରୈର୍ଯୁଧିଷ୍ଠିରଃ॥ 1-162-33 (7360)
ପୃଥିବ୍ଯାଂ ଚ ରଥିଶ୍ରେଷ୍ଠୋ ଭବିତା ସ ଧନଞ୍ଜଯଃ।
ସତ୍ଯବ୍ରତୋ ଧର୍ମଦତ୍ତଃ ସତ୍ଯବାକ୍ଛୁଭଲକ୍ଷଣଃ॥ 1-162-34 (7361)
କଥଂ କାଲବଶଂ ପ୍ରାପ୍ତଃ ପାଣ୍ଡବେଯୋ ଯୁଧିଷ୍ଠିରଃ।
ଆତ୍ମାନମୁପମାଂ କୃତ୍ବା ପରେଷାଂ ବର୍ତତେ ତୁ ଯଃ॥ 1-162-35 (7362)
ମାତ୍ରା ସହୈବ କୌରବ୍ଯଃ କଥଂ କାଲବଶଂ ଗତଃ।
ପାଲିତଃ ସୁଚିରଂ କାଲଂ ଫଲକାଲେ ଯଥା ଦ୍ରୁମଃ॥ 1-162-36 (7363)
ଭଗ୍ନଃ ସ୍ଯାଦ୍ବାଯୁବେଗେନ ତଥା ରାଜା ଯୁଧିଷ୍ଠିରଃ।
ଯୌବରାଜ୍ଯେଽଭିଷିକ୍ତେନ ପିତୁର୍ଯେନାହୃତଂ ଯଶଃ॥ 1-162-37 (7364)
ଆତ୍ମନଶ୍ଚ ପିତୁଶ୍ଚୈବ ସତ୍ଯଧର୍ମପ୍ରବୃତ୍ତିଭିଃ।
ଯଚ୍ଚ ସା ବନବାସେନ ତନ୍ମାତା ଦୁଃଖଭାଗିନୀ॥ 1-162-38 (7365)
କାଲେନ ସହ ସଂମଗ୍ନୋ ଧିକ୍କୃତାନ୍ତମନର୍ଥକମ୍।
ଯଚ୍ଚ ସା ବନବାସେନ ତନ୍ମାତା ଦୁଃଖଭାଗିନୀ॥ 1-162-39 (7366)
ପୁତ୍ରଗୃଧ୍ନୁତଯା କୁନ୍ତୀ ନ ଭର୍ତାରଂ ମୃତାତ୍ବନୁ।
ଅଲ୍ପକାଲଂ କୁଲେ ଜାତା ଭର୍ତୁଃ ପ୍ରୀତିମବାପ ଯା॥ 1-162-40 (7367)
ଦଗ୍ଧାଽଦ୍ଯ ସହ ପୁତ୍ରୈଃ ସା ଅସଂପୂର୍ଣମନୋରା।
ମୃତୋ ଭୀମ ଇତି ଶ୍ରୁତ୍ବା ମନୋ ନ ଶ୍ରଦ୍ଦଧାତି ମେ॥ 1-162-41 (7368)
ଏତଚ୍ଚ ଚିନ୍ତଯାନସ୍ଯ ବ୍ଯଥିତଂ ବହୁଧା ମନଃ।
ଅବଧୂଯ ଚ ମେ ଦେହଂ ହୃଦଯେନ ବିଦୀର୍ଯତେ॥ 1-162-42 (7369)
ପୀନସ୍କନ୍ଧଶ୍ଚାରୁବାହୁର୍ମେରୁକୂଟସମୋ ଯୁବା।
ମୃତୋ ଭୀମ ଇତି ଶ୍ରୁତ୍ବା ମନୋ ନ ଶ୍ରଦ୍ଦଧାତି ମେ॥ 1-162-43 (7370)
ଅତିତ୍ଯାଗୀ ଚ ଯୋଧୀ ଚ କ୍ଷିପ୍ରହସ୍ତୋ ଦୃଢାଯୁଧଃ।
ପ୍ରପତ୍ତିମାଁଲ୍ଲବ୍ଧଲକ୍ଷୋ ରଥଯାନବିଶାରଦଃ॥ 1-162-44 (7371)
ଦୂରପାତୀ ତ୍ବସଂଭ୍ରାନ୍ତୋ ମହାବୀର୍ଯୋ ମହାସ୍ତ୍ରବାନ୍।
ଅଦୀନାତ୍ମା ନରଶ୍ରେଷ୍ଠଃ ଶ୍ରେଷ୍ଠଃ ସର୍ବଧନୁଷ୍ମତାମ୍॥ 1-162-45 (7372)
ଯେନ ପ୍ରାଚ୍ଯାଶ୍ଚ ସୌବୀରା ଦାକ୍ଷିଣାତ୍ଯାଶ୍ଚ ନିର୍ଜିତାଃ।
ଖ୍ଯାପିତଂ ଯେନ ଶୂରେଣ ତ୍ରିଷୁ ଲୋକେଷୁ ପୌରୁଷମ୍॥ 1-162-46 (7373)
ଯସ୍ମିଞ୍ଜାତେ ବିଶୋକାଽଭୂତ୍କୁନ୍ତୀ ପାଣ୍ଡୁଶ୍ଚ ବୀର୍ଯବାନ୍।
ପୁରନ୍ଦରସମୋ ଜିଷ୍ଣୁଃ କଥଂ କାଲବଶଂ ଗତଃ॥ 1-162-47 (7374)
କଥଂ ତାବୃଷଭଷ୍କନ୍ଧୌ ସିଂହବିକ୍ରାନ୍ତଗାମିନୌ।
ମର୍ତ୍ଯଧର୍ମମନୁପ୍ରାପ୍ତୌ ଯମାବରିନିବର୍ହଣୌ॥ 1-162-48 (7375)
ବତ୍ସା ଗତାଃ କ୍ବ ମାଂ ବୃଦ୍ଧଂ ବିହାଯ ଭୃଶମାତୁରମ୍।
ହା ସ୍ନୁଷେ ମମ ବାର୍ଷ୍ଣେଯି ନିଧାଯ ହୃଦି ମେ ଶୁଚମ୍॥ 1-162-49 (7376)
ବାରଣାବତଯାତ୍ରାଯାଂ କେ ସ୍ଯୁର୍ବୈ ଶକୁନାଃ ପଥି।
ଏବମଲ୍ପାଯୁଷୋ ଲୋକେ ଭବିଷ୍ଯନ୍ତି ପୃଥାସୁତାଃ॥ 1-162-50 (7377)
ସଂଶପ୍ତା ଇତି କୈର୍ଯୂଯଂ ବତ୍ସାନ୍ଦର୍ଶଯ ମେ ପୃଥେ।
ମମୈବ ନାଥା ମନ୍ନାଥା ମମ ନେତ୍ରାଣି ପାଣ୍ଡବାଃ॥ 1-162-51 (7378)
ହା ପାଣ୍ଡବା ମେ ହେ ବତ୍ସା ହା ସିଂହଶିଶବୋ ମମ।
ମାତଙ୍ଗା ହା ମମୋତ୍ତୁଙ୍ଗା ହା ମମାନନ୍ଦବର୍ଧନାଃ॥ 1-162-52 (7379)
ମମ ହୀନସ୍ଯ ଯୁଷ୍ମାଭିଃ ସର୍ବଲୋକାସ୍ତମୋବୃତାଃ।
କଦା ଦ୍ରଷ୍ଟାଽସ୍ମି କୌନ୍ତେଯାଂସ୍ତରୁଣାଦିତ୍ଯବର୍ଚସଃ॥ 1-162-53 (7380)
ଅଦୃଷ୍ଟ୍ବା ବୋ ମହାବାହୂନ୍ପୁତ୍ରବନ୍ମମ ନନ୍ଦନାଃ।
କ୍ବ ଗତିର୍ମେ କ୍ବ ଗଚ୍ଛାମି କୁତୋ ଦ୍ରକ୍ଷ୍ଯାମି ମେ ଶିଶୂନ୍॥ 1-162-54 (7381)
ହା ଯୁଧିଷ୍ଠିର ହା ଭୀମ ହା ହା ଫଲ୍ଗୁନ ହା ଯମୌ।
ମା ଗଚ୍ଛତ ନିବର୍ତଧ୍ବଂ ମଯି କୋପଂ ବିମୁଞ୍ଚତ॥ 1-162-55 (7382)
ବୈଶମ୍ପାଯନ ଉବାଚ। 1-162-56x (945)
ଶ୍ରୁତ୍ବା ତତ୍କ୍ରନ୍ଦିତଂ ତସ୍ଯ ତିଲୋଦଂ ଚ ପ୍ରସିଞ୍ଚତଃ।
ଦେଶଂ କାଲଂ ସମାଜ୍ଞାଯ ବିଦୁରଃ ପ୍ରତ୍ଯଭାଷତ॥ 1-162-56 (7383)
ମା ଶୋଚୀସ୍ତ୍ବଂ ନରବ୍ଯାଘ୍ର ଜହି ଶୋକଂ ମହାଧୃତେ।
ନ ତେଷାଂ ବିଦ୍ଯତେ ମୃତ୍ଯୁଃ ପ୍ରାପ୍ତକାଲଂ କୃତଂ ମଯା॥ 1-162-57 (7384)
ଏତଚ୍ଚ ତେଭ୍ଯ ଉଦକଂ ବିପ୍ରସିଞ୍ଚ ନ ଭାରତ।
କ୍ଷତ୍ତେଦମବ୍ରବୀଦ୍ଭୀଷ୍ମଂ କୌରବାଣାମଶୃଣ୍ବତାମ୍॥ 1-162-58 (7385)
କ୍ଷତ୍ତାରମୁପସଂଗମ୍ଯ ବାଷ୍ପୋତ୍ପୀଡକଲସ୍ବରଃ।
ମନ୍ଦଂମନ୍ଦମୁବାଚେଦଂ ବିଦୁରଂ ସଂଗମେ ନୃପ॥ 1-162-59 (7386)
ଭୀଷ୍ମ ଉବାଚ। 1-162-60x (946)
କଥଂ ତେ ତାତ ଜୀବନ୍ତି ପାଣ୍ଡୋଃ ପୁତ୍ରା ମହାବଲାଃ।
କଥମସ୍ମତ୍କୃତେ ପକ୍ଷଃ ପାଣ୍ଡୋର୍ନ ହି ନିପାତିତଃ॥ 1-162-60 (7387)
କଥଂ ମତ୍ପ୍ରମୁଖାଃ ସର୍ବେ ପ୍ରମୁକ୍ତା ମହତୋ ଭଯାତ୍।
ଜନନୀ ଗରୁଡେନେବ କୁରବସ୍ତେ ସମୁଦ୍ଧୃତାଃ॥ 1-162-61 (7388)
ବୈଶମ୍ପାଯନ ଉବାଚ। 1-162-62x (947)
ଏବମୁକ୍ତସ୍ତୁ କୌରବ୍ଯ କୌରବାଣାମଶୃଣ୍ବତାମ୍।
ଆଚଚକ୍ଷେ ସ ଧର୍ମାତ୍ମା ଭୀଷ୍ମାଯାଦ୍ଭୁତକର୍ମଣେ॥ 1-162-62 (7389)
ବିଦୁର ଉବାଚ। 1-162-63x (948)
ଧୃତରାଷ୍ଟ୍ରସ୍ଯ ଶକୁନେ ରାଜ୍ଞୋ ଦୁର୍ଯୋଧନସ୍ଯ ଚ।
ବିନାଶେ ପାଣ୍ଡୁପୁତ୍ରାଣାଂ କୃତୋ ମତିବିନିଶ୍ଚଯଃ॥ 1-162-63 (7390)
ତତ୍ରାହମପି ଚ ଜ୍ଞାତ୍ବା ତସ୍ଯ ପାପସ୍ଯ ନିଶ୍ଚଯମ୍।
ତଂ ଜିଘାଂସୁରହଂ ଚାପି ତେଷାମନୁମତେ ସ୍ଥିତଃ॥ 1-162-64 (7391)
ତତୋ ଜତୁଗୃହଂ ଗତ୍ବା ଦହନେଽସ୍ମିନ୍ନିଯୋଜିତେ।
ପୃଥାଯାଶ୍ଚ ସପୁତ୍ରାଯା ଧାର୍ତରାଷ୍ଟ୍ରସ୍ଯ ଶାସନାତ୍॥ 1-162-65 (7392)
ତତଃ ଖନକମାହୂଯ ସୁରଙ୍ଗଂ ବୈ ବିଲଂ ତଦା।
ସୁଗୂଢଂ କାରଯିତ୍ବା ତେ କୁନ୍ତ୍ଯା ପାଣ୍ଡୁସୁତାସ୍ତଦା॥ 1-162-66 (7393)
ନିଷ୍କ୍ରାମିତା ମଯା ପୂର୍ବଂ ମା ସ୍ମ ଶୋକେ ମନଃ କୃଥାଃ।
ତତସ୍ତୁ ନାବମାରୋପ୍ଯ ସହପୁତ୍ରାଂ ପୃଥାମହମ୍॥ 1-162-67 (7394)
ଦତ୍ତ୍ବାଽଭଯଂ ସପୁତ୍ରାଯୈ କୁନ୍ତ୍ଯୈ ଗୃହମଦାହଯମ୍।
ତସ୍ମାତ୍ତେ ମା ସ୍ମ ଭୂଦ୍ଦୁଃଖଂ ମୁକ୍ତାଃ ପାପାତ୍ତୁ ପାଣ୍ଡବାଃ॥ 1-162-68 (7395)
ନିର୍ଗତାଃ ପାଣ୍ଡବା ରାଜନ୍ମାତ୍ରା ସହ ପରନ୍ତପାଃ।
ଅଗ୍ନିହାଦାନ୍ମହାଘୋରାନ୍ମଯା ତସ୍ମାଦୁପାଯତଃ॥ 1-162-69 (7396)
ମା ସ୍ମ ଶୋକମିମଂ କାର୍ଷୀର୍ଜୀବନ୍ତ୍ଯେବ ଚ ପାଣ୍ଡବାଃ।
ପ୍ରଚ୍ଛନ୍ନା ବିଚିରିଷ୍ଯନ୍ତି ଯାବତ୍କାଲସ୍ଯ ପର୍ଯଯଃ॥ 1-162-70 (7397)
ତସ୍ମିନ୍ଯୁଧିଷ୍ଠିରଂ କାଲେ ଦ୍ରକ୍ଷ୍ଯନ୍ତି ଭୁବି ମାନବାଃ।
ବିମଲଂ କୃଷ୍ଣପକ୍ଷାନ୍ତେ ଜଗଚ୍ଚନ୍ଦ୍ରମିବୋଦିତମ୍॥ 1-162-71 (7398)
ନ ତସ୍ଯ ନାଶଂ ପଶ୍ଯାମି ଯସ୍ଯ ଭ୍ରାତା ଧନଞ୍ଜଯଃ।
ଭୀମସେନଶ୍ଚ ଦୁର୍ଧର୍ଷୌ ମାଦ୍ରୀପୁତ୍ରୌ ଚ ତୌ ଯମୌ॥ 1-162-72 (7399)
ବୈଶମ୍ପାଯନ ଉବାଚ। 1-162-73x (949)
ତତଃ ସଂହୃଷ୍ଟସର୍ବାଙ୍ଗୋ ଭୀଷ୍ମୋ ବିଦୁରମବ୍ରବୀତ୍।
ଦିଷ୍ଟ୍ଯାଦିଷ୍ଟ୍ଯେତି ସଂହୃଷ୍ଟଃ ପୂଜଯାନୋ ମହାମତିମ୍॥ 1-162-73 (7400)
ଭୀଷ୍ମ ଉବାଚ। 1-162-74x (950)
ଯୁକ୍ତଂ ଚୈବାନୁରୂପଂ ଚ କୃତଂ ତାତ ଶୁଭଂ ତ୍ବଯା।
ବଯଂ ବିମୋକ୍ଷିତା ଦୁଃଖାତ୍ପାଣ୍ଡୁପକ୍ଷୋ ନ ନାଶିତଃ॥ 1-162-74 (7401)
ବୈଶମ୍ପାଯନ ଉବାଚ। 1-162-75x (951)
ଏବମୁକ୍ତ୍ବା ବିବେଶାଥ ପୁରଂ ଜନଶତାକୁଲମ୍।
କୁରୁଭିଃ ସହିତୋ ରାଜନ୍ନାଗରୈଶ୍ଚ ପିତାମହଃ॥ 1-162-75 (7402)
ଅଥାମ୍ବିକେଯଃ ସାମାତ୍ଯଃ ସକର୍ଣଃ ସହସୌବଲଃ।
ସାତ୍ମଜଃ ପାର୍ଥନାଶସ୍ଯ ସ୍ମରଂସ୍ତଥ୍ଯଂ ଜର୍ଷ ଚ॥ 1-162-76 (7403)
ଭୀଷ୍ମଶ୍ଚ ରାଜନ୍ଦୁର୍ଧର୍ଷୋ ବିଦୁରଶ୍ଚ ମହାମତିଃ।
ଜହୃଷାତେ ସ୍ମରନ୍ତୌ ତୌ ଜାତୁଷାଗ୍ନେର୍ବିମୋଚନମ୍॥ 1-162-77 (7404)
ସତ୍ଯଶୀଲଗୁଣାଚାରୈ ରାଗୈର୍ଜାନପଦୋଦ୍ଭବୈଃ।
ଦ୍ରୋଣାଦଯଶ୍ଚ ଧର୍ମୈସ୍ତୁ ତେଷାଂ ତାନ୍ମୋଚିତାନ୍ବିଦୁଃ॥ 1-162-78 (7405)
ଶୌର୍ଯଲାବଣ୍ଯମାହାତ୍ମ୍ଯୈ ରୂପୈଃ ପ୍ରାଣବଲୈରପି।
ସ୍ବସ୍ଥାନ୍ପାର୍ଥାନମନ୍ଯନ୍ତ ପୌରଜାନପଦାସ୍ତଥା॥ 1-162-79 (7406)
ଅନ୍ଯେ ଜନାଃ ପ୍ରାକୃତାଶ୍ଚ ସ୍ତ୍ରିଯଶ୍ଚ ବହୁଲାସ୍ତଦା।
ଶଙ୍କମାନା ବଦନ୍ତି ସ୍ମ ଦଗ୍ଧା ଜୀବନ୍ତି ବା ନ ବା॥ ॥ 1-162-80 (7407)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଜତୁଗୃହପର୍ବଣି ଦ୍ବିଷଷ୍ଟ୍ଯଧିକଶତତମୋଽଧ୍ଯାଯଃ॥ 162 ॥
Mahabharata - Adi Parva - Chapter Footnotes
1-162-17 କୁଲ୍ଯାନି ଅସ୍ଥୀନି କାରଯନ୍ତୁ ସଂସ୍କାରଯନ୍ତୁ। କୁଲ୍ଯାନି ଚୈତ୍ଯାନୀତ୍ଯନ୍ଯେ॥ 1-162-25 ବିଦୁରସ୍ତ୍ବନ୍ଯଥା ଚକ୍ର ଇତି ଘ. ପାଠଃ॥ ଦ୍ବିଷଷ୍ଟ୍ଯଧିକଶତତମୋଽଧ୍ଯାଯଃ॥ 162 ॥ଆଦିପର୍ବ - ଅଧ୍ଯାଯ 163
॥ ଶ୍ରୀଃ ॥
1.163. ଅଧ୍ଯାଯଃ 163
Mahabharata - Adi Parva - Chapter Topics
ତୃଷାର୍ତାନ୍ ମାତରଂ ଭ୍ରାଂତୄଶ୍ଚ ନ୍ଯଗ୍ରୋଧମୂଲେ ସ୍ଥାପଯିତ୍ବା ଜଲାନଯନାଯ ଭୀମସ୍ଯ ଗମନମ୍॥ 1 ॥ ଜଲମାନୀଯାଗତସ୍ଯ ଭୂମୌ ସୁପ୍ତାନ୍ମାତ୍ରାଦୀନ୍ପଶ୍ଯତୋ ଭୀମସ୍ଯ ପ୍ରଲାପଃ॥ 2 ॥Mahabharata - Adi Parva - Chapter Text
1-163-0 (7408)
ବୈଶମ୍ପାଯନ ଉବାଚ। 1-163-0x (952)
ତେନ ବିକ୍ରମମାଣେନ ଊରୁବେଗସମୀରିତମ୍।
ବନଂ ସବୃକ୍ଷବିଟପଂ ବ୍ଯାଘୂର୍ଣିତମିବାଭବତ୍॥ 1-163-1 (7409)
ଜଙ୍ଗାବାତୋ ବବୌ ଚାସ୍ଯ ଶୁଚିଶୁକ୍ରାଗମେ ଯଥା।
ଆବର୍ଜିତାଲତାବୃକ୍ଷଂ ମାର୍ଗଂ ଚକ୍ରେ ମହାବଲଃ॥ 1-163-2 (7410)
ସ ମୃଦ୍ଗନ୍ପୁଷ୍ପିତାଂଶ୍ଚୈବ ଫଲିତାଂଶ୍ଚ ବନସ୍ପତୀନ୍।
ଅବରୁଜ୍ଯ ଯଯୌ ଗୁଲ୍ମାନ୍ପଥସ୍ତସ୍ଯ ସମୀପଜାନ୍॥ 1-163-3 (7411)
ସ ରୋଷିତ ଇବ କ୍ରୁଦ୍ଧୋ ବନେ ଭଞ୍ଜନ୍ମହାଦ୍ରୁମାନ୍।
ତ୍ରିପ୍ରସ୍ରୁତମଦଃ ଶୁଷ୍ମୀ ଷଷ୍ଟିବର୍ଷୋ ମତଙ୍ଗରାଟ୍॥ 1-163-4 (7412)
ଗଚ୍ଛତସ୍ତସ୍ଯ ବେଗେନ ତାର୍କ୍ଷ୍ଯମାରୁତରଂହସଃ।
ଭୀମସ୍ଯ ପାଣ୍ଡୁପୁତ୍ରାଣାଂ ମୂର୍ଚ୍ଛେବ ସମଜାଯତ॥ 1-163-5 (7413)
ଅସକୃଚ୍ଚାପି ସତୀର୍ଯ ଦୂରପାରଂ ଭୁଜପ୍ଲବୈଃ।
ପଥି ପ୍ରଚ୍ଛନ୍ନମାସେଦୁର୍ଧାର୍ତରାଷ୍ଟ୍ରଭଯାତ୍ତଦା॥ 1-163-6 (7414)
କୃଚ୍ଛ୍ରେଣ ମାତରଂ ଚୈବ ସୁକୁମାରୀଂ ଯଶସ୍ବିନୀମ୍।
ଅବହତ୍ସ ତୁ ପୃଷ୍ଠେନ ରୋଧଃସୁ ବିଷମେଷୁ ଚ॥ 1-163-7 (7415)
ଅଗମଚ୍ଚ ବନୋଦ୍ଦେଶମଲ୍ପମୂଲଫଲୋଦକମ୍।
କ୍ରୂରପକ୍ଷିମୃଗଂ ଘୋରଂ ସାଯାହ୍ନେ ଭରତର୍ଷଭ॥ 1-163-8 (7416)
ଘୋରା ସମଭବତ୍ସନ୍ଧ୍ଯା ଦାରୁଣା ମୃଗପକ୍ଷିଣଃ।
ଅପ୍ରକାଶା ଦିଶଃ ସର୍ବା ବାତୈରାସନ୍ନନାର୍ତବୈଃ॥ 1-163-9 (7417)
ଶୀର୍ଣପର୍ଣଫଲୈ ରାଜନ୍ବହୁଗୁଲ୍ମକ୍ଷୁପଦ୍ରୁମୈଃ।
ଭଗ୍ନାବଭୁଗ୍ନଭୂଯିଷ୍ଠୈର୍ନାନାଦ୍ରୁମସମାକୁଲୈଃ॥ 1-163-10 (7418)
ତେ ଶ୍ରମେଣ ଚ କୌରବ୍ଯାସ୍ତୃଷ୍ଣଯା ଚ ପ୍ରପୀଡିତାଃ।
ନାଶକ୍ନୁବଂସ୍ତଦା ଗନ୍ତୁଂ ନିଦ୍ରଯା ଚ ପ୍ରବୃଦ୍ଧଯା॥ 1-163-11 (7419)
ନ୍ଯବିଶନ୍ତି ହି ତେ ସର୍ବେ ନିରାସ୍ବାଦେ ମହାବନେ।
`ରାତ୍ର୍ଯାମେବ ଗତାସ୍ତୂର୍ଣଂ ଚତୁର୍ବିଂଶତିଯୋଜନମ୍।'
ତତସ୍ତୃଷା ପରିକ୍ଲନ୍ତା କୁନ୍ତୀ ବଚନମବ୍ରବୀତ୍॥ 1-163-12 (7420)
ମାତା ସତୀ ପାଣ୍ଡବାନାଂ ପଞ୍ଚାନାଂ ମଧ୍ଯତଃ ସ୍ଥିତା।
ତୃଷ୍ଣଯା ହି ପରୀତାଽହମନାଥେବ ମହାବନେ॥ 1-163-13 (7421)
`ଇତଃ ପରଂ ତୁ ଶକ୍ତାହଂ ଗନ୍ତୁଂ ଚ ନ ପଦାତ୍ପଦମ୍।
ଶଯିଷ୍ଯେ ବୃକ୍ଷମୂଲେଽତ୍ର ଧାର୍ତରାଷ୍ଟ୍ରା ହରନ୍ତୁ ମାମ୍॥ 1-163-14 (7422)
ଶୃଣୁ ଭୀମ ବଚୋ ମହ୍ଯଂ ତବ ବାହୁବଲାତ୍ପୁରଃ।
ସ୍ଥାତୁଂ ନ ଶକ୍ତାଃ କୌରବ୍ଯାଃ କିଂ ବିଭେଷି ପୃଥାସୁତ॥ 1-163-15 (7423)
ଅନ୍ଯୋ ରଥୋ ନ ମେଽସ୍ତୀହ ଭୀମସେନାଦୃତେ ଭୁବି।
ଧାର୍ତରାଷ୍ଟ୍ରାଦ୍ବୃଥା ଭୀରୁର୍ନ ମାଂ ସ୍ବପ୍ତୁମିହେଚ୍ଛସି॥ 1-163-16 (7424)
ବୈଶମ୍ପାଯନ ଉବାଚ। 1-163-17x (953)
ଭୀମପୃଷ୍ଠସ୍ଥିତା ଚେତ୍ଥଂ ଦୂଯମାନେନ ଚେତସା।
ନିଶ୍ଯଧ୍ବନି ରୁଦନ୍ତୀ ସା ନିଦ୍ରାବଶ୍ମୁପାଗତା॥' 1-163-17 (7425)
ତଚ୍ଛ୍ରୁତ୍ବା ଭୀମସେନସ୍ଯ ମାତୃସ୍ନେହାତ୍ପ୍ରଜଲ୍ପିତମ୍।
କାରୁଣ୍ଯେନ ମନସ୍ତପ୍ତଂ ଗମନାଯୋପଚକ୍ରମେ॥ 1-163-18 (7426)
ତତୋ ଭୀମୋ ବନଂ ଘୋରଂ ପ୍ରବିଶ୍ଯ ବିଜନଂ ମହତ୍।
ନ୍ଯଗ୍ରୋଧଂ ବିପୁଲଚ୍ଛାଯଂ ରମଣୀଯଂ ଦଦର୍ଶ ହ॥ 1-163-19 (7427)
ତତ୍ର ନିକ୍ଷିପ୍ଯ ତାନ୍ସର୍ବାନୁବାଚ ଭରତର୍ଷଭଃ।
ପାନୀଯଂ ମୃଗଯାମୀହ ତାବଦ୍ବିଶ୍ରମ୍ଯତାମିହ॥ 1-163-20 (7428)
ଏତେ ରୁବନ୍ତି ମଧୁରଂ ସାରସା ଜଲଚାରିଣଃ।
ଧ୍ରୁବମତ୍ର ଜଲସ୍ଥାନଂ ମହଚ୍ଚେତି ମତିର୍ମମ॥ 1-163-21 (7429)
ଅନୁଜ୍ଞାତଃ ସ ଗଚ୍ଛେତି ଭ୍ରାତ୍ରା ଜ୍ଯେଷ୍ଠେନ ଭାରତ।
ଜଗାମ ତତ୍ର ଯତ୍ର ସ୍ମ ସାରସା ଜଲଚାରିଣଃ॥ 1-163-22 (7430)
`ଅପଶ୍ଯତ୍ପଦ୍ମିନୀଖଣ୍ଡମଣ୍ଡିତଂ ସ ସରୋବରମ୍।'
ସ ତତ୍ର ପୀତ୍ବା ପାନୀଯଂ ସ୍ନାତ୍ବା ଚ ଭରତର୍ଷଭ॥ 1-163-23 (7431)
ତେଷାମର୍ଥେ ଚ ଜଗ୍ରାହ ଭ୍ରାତୄଣାଂ ଭ୍ରାତୃବତ୍ସଲଃ।
ଉତ୍ତରୀଯେଣ ପାନୀଯମାନଯାମାସ ଭାରତ॥ 1-163-24 (7432)
`ପଙ୍କଜାନାମନେକୈଶ୍ଚ ପତ୍ରୈର୍ବଧ୍ବା ପୃଥକ୍ପୃଥକ୍।'
ଗବ୍ଯୂତିମାତ୍ରାଦାଗତ୍ଯ ତ୍ବରିତୋ ମାତରଂ ପ୍ରତି।
ଶୋକଦୁଃଖପରୀତାତ୍ମା ନିଶଶ୍ବାସୋରଗୋ ଯଥା॥ 1-163-25 (7433)
ସ ସୁପ୍ତାଂ ମାତରଂ `ଭ୍ରାତୄନ୍ନିଦ୍ରାବିଦ୍ରାବିତୌଜସଃ।
ମହାରୌଦ୍ରେ ବନେ ଘୋରେ ବୃକ୍ଷମୂଲେ ସୁଶୀତଲେ॥ 1-163-26 (7434)
ବିକ୍ଷିପ୍ତକରପାଦାଂଶ୍ଚ ଦୀର୍ଘୋଚ୍ଛ୍ବାସାନ୍ମହାବଲାନ୍।
ଊର୍ଧ୍ବବକ୍ତ୍ରାନ୍ମହାକାଯାନ୍ପଞ୍ଚେନ୍ଦ୍ରାନିବ ଭୂପତେ॥ 1-163-27 (7435)
ଅଜ୍ଞାତବୃକ୍ଷନିତ୍ଯସ୍ଥପ୍ରେତରାକ୍ଷସସାଧ୍ବସାନ୍।
ଦୃଷ୍ଟ୍ବା ବୈ ଭୃଶଶୋକାର୍ତୋ ବିଲଲାପାନିଲାତ୍ମଜଃ॥' 1-163-28 (7436)
ଭୃଶଂ ଶୋକପରୀତ୍ମା ବିଲଲାପ ବୃକୋଦରଃ॥ 1-163-29 (7437)
ଅତଃ କଷ୍ଟତରଂ କିଂ ନୁ ଦ୍ରଷ୍ଟବ୍ଯଂ ହି ଭବିଷ୍ଯତି।
ଯତ୍ପଶ୍ଯାମି ମହୀସୁପ୍ତାନ୍ଭ୍ରାତୄନଦ୍ଯ ସୁମନ୍ଦଭାକ୍॥ 1-163-30 (7438)
ଶଯନେଷୁ ପରାର୍ଧ୍ଯେଷୁ ଯେ ପୁରା ବାରଣାବତେ।
ନାଧିଜଗ୍ମୁସ୍ତଦା ନିଦ୍ରାଂ ତେଽଦ୍ଯ ସୁପ୍ତା ମହୀତଲେ॥ 1-163-31 (7439)
ସ୍ବସାରଂ ବସୁଦେବସ୍ଯ ଶତ୍ରୁସଙ୍ଘାବମର୍ଦିନଃ।
କୁନ୍ତିରାଜସୁତାଂ କୁନ୍ତୀଂ ସର୍ବଲକ୍ଷଣପୂଜିତାମ୍॥ 1-163-32 (7440)
ସ୍ନୁଷାଂ ବିଚିତ୍ରବୀର୍ଯସ୍ଯ ଭାର୍ଯାଂ ପାଣ୍ଡୋର୍ମହାତ୍ମନଃ।
ତଥୈବ ଚାସ୍ମଜ୍ଜନନୀଂ ପୁଣ୍ଡରୀକୋଦରପ୍ରଭାମ୍॥ 1-163-33 (7441)
ସୁକୁମାରତରାମେନାଂ ମହାର୍ହଶଯନୋଚିତାମ୍।
ଶଯାନାଂ ପଶ୍ଯତାଽଦ୍ଯେହ ପୃଥିବ୍ଯାମତଥୋଚିତାମ୍॥ 1-163-34 (7442)
ଧର୍ମାଦିନ୍ଦ୍ରାଚ୍ଚ ବାତାଚ୍ଚ ସୁପୁବେ ଯା ସୁତାନିମାନ୍।
ସେଯଂ ଭୂମୌ ପରିଶ୍ରାନ୍ତା ଶେଷେ ପ୍ରାସାଦଶାଯିନୀ॥ 1-163-35 (7443)
କିଂ ନୁ ଦୁଃଖତରଂ ଶକ୍ଯଂ ମଯା ଦ୍ରଷ୍ଟୁମତଃ ପରମ୍।
ଯୋଽହମଦ୍ଯ ନରବ୍ଯାଘ୍ରାନ୍ସୁପ୍ତାନ୍ପଶ୍ଯାମି ଭୂତଲେ॥ 1-163-36 (7444)
ତ୍ରିଷୁ ଲୋକେଷୁ ଯୋ ରାଜ୍ଯଂ ଧର୍ମନିତ୍ଯୋଽର୍ହତେ ନୃପଃ।
ସୋଽଯଂ ଭୂମୌ ପରିଶ୍ରାନ୍ତଃ ଶେତେ ପ୍ରାକୃତବତ୍କଥମ୍॥ 1-163-37 (7445)
ଅଯଂ ନୀଲାମ୍ବୁଦଶ୍ଯାମୋ ନରେଷ୍ବପ୍ରତିମୋଽର୍ଜୁନଃ।
ଶେତେ ପ୍ରାକୃତବଦ୍ଭୂମୌ ତତୋ ଦୁଃଖତରଂ ନୁ କିମ୍॥ 1-163-38 (7446)
ଅଶ୍ବିନାବିବ ଦେବାନାଂ ଯାବିମୌ ରୂପସଂପଦା।
ତୌ ପ୍ରାକୃତବଦଦ୍ଯେମୌ ପ୍ରସୁପ୍ତୌ ଧରଣୀତଲେ॥ 1-163-39 (7447)
ଜ୍ଞାତଯୋ ଯସ୍ଯ ନୈ ସ୍ଯୁର୍ବିଷମାଃ କୁଲପାଂସନାଃ।
ସ ଜୀବେତ ସୁଖଂ ଲୋକେ ଗ୍ରାମଦ୍ରୁମ ଇବୈକଜଃ॥ 1-163-40 (7448)
ଏକୋ ବୃକ୍ଷୋ ହି ଯୋ ଗ୍ରାମେ ଭବେତ୍ପର୍ଣଫଲାନ୍ବିତଃ।
ଚୈତ୍ଯୋ ଭବତି ନିର୍ଜ୍ଞାତିରଧ୍ବନୀନୈଶ୍ଚ ପୂଜିତଃ॥ 1-163-41 (7449)
ଯେଷାଂ ଚ ବହବଃ ଶୂରା ଜ୍ଞାତଯୋ ଧର୍ମମାଶ୍ରିତାଃ।
ତେ ଜୀବନ୍ତି ସୁଖଂ ଲୋକେ ଭବନ୍ତି ଚ ନିରାମଯାଃ॥ 1-163-42 (7450)
ବଲବନ୍ତଃ ସମୃଦ୍ଧାର୍ଥା ମିତ୍ରବାନ୍ଧବନନ୍ଦନାଃ।
ଜୀବନ୍ତ୍ଯନ୍ଯୋନ୍ଯମାଶ୍ରିତ୍ଯ ଦ୍ରୁମାଃ କାନନଜା ଇବ॥ 1-163-43 (7451)
ବଯଂ ତୁ ଧୃତରାଷ୍ଟ୍ରେଣ ଦୁଷ୍ପୁତ୍ରେଣ ଦୁରାତ୍ମନା।
`ରାଜ୍ଯଲୁବ୍ଧେନ ମୂର୍ଖେଣ ଦୁର୍ମନ୍ତ୍ରିସହିତେନ ବୈ॥ 1-163-44 (7452)
ଦୁଷ୍ଟେନାଧର୍ମଶୀଲେନ ସ୍ବାର୍ଥନିଷ୍ଠୈକବୁଦ୍ଧିନା।'
ବିବାସିତା ନ ଦଗ୍ଧାଶ୍ଚ କ୍ଷତ୍ତୁର୍ବୁଦ୍ଧିପରାକ୍ରମାତ୍॥ 1-163-45 (7453)
ତସ୍ମାନ୍ମୁକ୍ତା ବଯଂ ଦାହାଦିମଂ ବୃକ୍ଷମୁପାଶ୍ରିତାଃ।
କାଂ ଦିଶଂ ପ୍ରତିପତ୍ସ୍ଯାମଃ ପ୍ରାପ୍ତାଃ କ୍ଲେଶମନୁତ୍ତମମ୍॥ 1-163-46 (7454)
ସକାମୋ ଭବ ଦୁର୍ବୁଦ୍ଧେ ଧାର୍ତରାଷ୍ଟ୍ରାଲ୍ପଦର୍ଶନ।
ନୂନଂ ଦେବାଃ ପ୍ରସନ୍ନାସ୍ତେ ନାନୁଜ୍ଞାଂ ମେ ଯୁଧିଷ୍ଠିରଃ॥ 1-163-47 (7455)
ପ୍ରଯଚ୍ଛତି ବଧେ ତୁଭ୍ଯଂ ତେନ ଜୀବସି ଦୁର୍ମତେ।
ନନ୍ବଦ୍ଯ ସସୁତାମାତ୍ଯଂ ସକର୍ଣାନୁଜସୌବଲମ୍॥ 1-163-48 (7456)
ଗତ୍ବା କ୍ରୋଧସମାବିଷ୍ଟଃ ପ୍ରେଷଯିଷ୍ଯେ ଯମକ୍ଷଯମ୍।
କିଂ ନୁ ଶକ୍ଯଂ ମଯା କର୍ତୁଂ ଯତ୍ତେନ କ୍ରୁଧ୍ଯତେ ନୃପଃ॥ 1-163-49 (7457)
ଧର୍ମାତ୍ମା ପାଣ୍ଡବଶ୍ରେଷ୍ଠଃ ପାପାଚାର ଯୁଧିଷ୍ଠିରଃ।
ଏବମୁକ୍ତ୍ବା ମହାବାହୁଃ କ୍ରୋଧସନ୍ଦୀପ୍ତମାନସଃ॥ 1-163-50 (7458)
କରଂ କରେଣ ନିଷ୍ପିଷ୍ଯ ନିଃଶ୍ବସନ୍ଦୀନମାନସଃ।
ପୁନର୍ଦୀନମନା ଭୂତ୍ବା ଶାନ୍ତାର୍ଚିରିବ ପାବକଃ॥ 1-163-51 (7459)
ଭ୍ରାତୄନ୍ମହୀତଲେ ସୁପ୍ତାନବୈକ୍ଷତ ବୃକୋଦରଃ।
ବିଶ୍ବସ୍ତାନିବ ସଂବିଷ୍ଟାନ୍ପୃଥଗ୍ଜନସମାନିବ॥ 1-163-52 (7460)
ନାତିଦୂରେଣ ନଗରଂ ବନାଦସ୍ମାଦ୍ଧି ଲକ୍ଷଯେ।
ଜାଗର୍ତବ୍ଯେ ସ୍ବପନ୍ତୀମେ ହନ୍ତ ଜାଗର୍ମ୍ଯହଂସ୍ବଯମ୍॥ 1-163-53 (7461)
ପ୍ରାଶ୍ଯନ୍ତୀମେ ଜଲଂ ପଶ୍ଚାତ୍ପ୍ରତିବୁଦ୍ଧା ଜିତକ୍ଲମାଃ।
ଇତି ଭୀମୋ ବ୍ଯବସ୍ଯୈବ ଜଜାଗାର ସ୍ବଯଂ ତଦା॥ ॥ 1-163-54 (7462)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଜତୁଗୃହପର୍ବଣି ତ୍ରିଷଷ୍ଟ୍ଯଧିକଶତତମୋଽଧ୍ଯାଯଃ॥ 163 ॥ ॥ ସମାପ୍ତଂ ଜତୁର୍ଗୃହପର୍ବ ॥
Mahabharata - Adi Parva - Chapter Footnotes
1-163-2 ଶୁଚିଶୁକ୍ରାଗମେ ଜ୍ଯେଷ୍ଠାଷାଢଯୋଃ ସମଯେ। ଆବର୍ଜିତାଃ ସମୀକୃତା ଲତା ବୃକ୍ଷାଶ୍ଚ ଯସ୍ମିନ୍॥ 1-163-3 ଅବରୁଜ୍ଯ ଭଙ୍କ୍ତ୍ବା॥ 1-163-4 ରୋଷିତୋ ରୋଷଂ ପ୍ରାପିତଃ। ତ୍ରିଷୁ ଗଣ୍ଡକର୍ଣମୂଲଗୁହ୍ଯଦେଶେଷୁ ପ୍ରସ୍ରୁତୋ ମଦୋ ଯସ୍ଯ ସଃ। ଶୁଷ୍ମୀ ତେଜସ୍ବୀ॥ 1-163-9 ଅନାର୍ତବୈରନୃତୁଭବୈରୁତ୍ପାତରୂପୈରିତ୍ଯର୍ଥଃ॥ 1-163-12 ତୃଷା ତୃଷ୍ଣଯା॥ 1-163-30 ମୁମନ୍ଦଭାଗତିମନ୍ଦଭାଗ୍ଯଃ॥ 1-163-40 ଏକଜ ଏକ ଏବ ଜାତୋଽସହାଯଃ॥ 1-163-43 ବାନ୍ଧବାନାଂ ନନ୍ଦନାଃ ସୁଖଦାଃ॥ 1-163-48 ତୁଭ୍ଯଂ ତବ॥ ତ୍ରିଷଷ୍ଟ୍ଯଧିକଶତତମୋଽଧ୍ଯାଯଃ॥ 163 ॥ଆଦିପର୍ବ - ଅଧ୍ଯାଯ 164
॥ ଶ୍ରୀଃ ॥
1.164. ଅଧ୍ଯାଯଃ 164
(ଅଥ ହିଡିମ୍ବବଧପର୍ବ ॥ 9 ॥)
Mahabharata - Adi Parva - Chapter Topics
ହିଡିମ୍ବପ୍ରେରିତାଯାଃ ତଦ୍ଭଗିନ୍ଯା ହିଡିମ୍ବାଯାଃ ପାଣ୍ଡବସମୀପଗମନମ୍॥ 1 ॥ ଭୀମଂ ଦୃଷ୍ଟ୍ବା କାମାର୍ତାଯା ହିଡିମ୍ବାଯାଃ ଭୀମଂ ପ୍ରତି ବାକ୍ଯମ୍॥ 2 ॥ ଭୀମହିଡିମ୍ବାସଂବାଦଃ॥ 3 ॥Mahabharata - Adi Parva - Chapter Text
1-164-0 (7463)
ବୈଶମ୍ପାଯନ ଉବାଚ। 1-164-0x (954)
ତତ୍ର ତେଷୁ ଶଯାନେଷୁ ହିଡିମ୍ବୋ ନାମ ରାକ୍ଷସଃ।
ଅବିଦୂରେ ବନାତ୍ତସ୍ମାଚ୍ଛାଲବୃକ୍ଷଂ ସମାଶ୍ରିତଃ॥ 1-164-1 (7464)
କ୍ରୂରୋ ମାନୁଷମାଂସାଦୋ ମହାବୀର୍ଯପରାକ୍ରମଃ।
ପ୍ରାବୃଡ୍ଜଲଧରଶ୍ଯାମଃ ପିଙ୍ଗାକ୍ଷୋ ଦାରୁଣାକୃତିଃ॥ 1-164-2 (7465)
ଦଷ୍ଟ୍ରାକରାଲବଦନଃ କରାଲୋ ଭୀମଦର୍ଶନଃ।
ଲମ୍ବସ୍ଫିଗ୍ଲମ୍ବଜଠରୋ ରକ୍ତଶ୍ମଶ୍ରୁଶିରୋରୁହଃ॥ 1-164-3 (7466)
ମହାବୃକ୍ଷଗଲସ୍କନ୍ଧଃ ଶଙ୍କର୍ଣୋ ବିଭୀଷଣଃ।
ଯଦୃଚ୍ଛଯା ତାନପଶ୍ଯତ୍ପାଣ୍ଡୁପୁତ୍ରାନ୍ମହାରଥାନ୍॥ 1-164-4 (7467)
ବିରୂପରୂପଃ ପିଙ୍ଗାକ୍ଷଃ କରାଲୋ ଘୋରଦର୍ଶନଃ।
ପିଶିତେପ୍ସୁଃ କ୍ଷୁଧାର୍ତଶ୍ଚ ଜିଘ୍ରନ୍ଗନ୍ଧଂ ଯଦୃଚ୍ଛଯା॥ 1-164-5 (7468)
ଊର୍ଧ୍ବାଙ୍ଗୁଲିଃ ସ କଣ୍ଡୂଯନ୍ଧୁନ୍ବନ୍ରୂକ୍ଷାଞ୍ଶିରୋରୁହାନ୍।
ଜୃମ୍ଭମାଣୋ ମହାବକ୍ତ୍ରଃ ପୁନଃପୁନରବେକ୍ଷ୍ଯ ଚ॥ 1-164-6 (7469)
ହୃଷ୍ଟୋ ମାନୁଷମାଂସସ୍ଯ ମହାକାଯୋ ମହାବଲଃ।
ଆଘ୍ରାଯ ମାନୁଷଂ ଗନ୍ଧଂ ଭଗିନୀମିଦମବ୍ରବୀତ୍॥ 1-164-7 (7470)
ଉପପନ୍ନଂ ଚିରସ୍ଯାଦ୍ଯ ଭକ୍ଷ୍ଯଂ ମମ ମନଃପ୍ରିଯମ୍।
ଜିଘ୍ରତଃ ପ୍ରସ୍ରୁତା ସ୍ନେହାଜ୍ଜିହ୍ବା ପର୍ଯେତି ମେ ମୁଖାତ୍॥ 1-164-8 (7471)
ଅଷ୍ଟୌ ଦଂଷ୍ଟ୍ରାଃ ସୁତୀକ୍ଷ୍ଣାଗ୍ରାଶ୍ଚିରସ୍ଯାପାତଦୁଃସହାଃ।
ଦେହେଷୁ ମଜ୍ଜଯିଷ୍ଯାମି ସ୍ନିଗ୍ଧେଷୁ ପିଶିତେଷୁ ଚ॥ 1-164-9 (7472)
ଆକ୍ରମ୍ଯ ମାନୁଷଂ କଣ୍ଠମାଚ୍ଛିଦ୍ଯ ଧମନୀମପି।
ଉଷ୍ଣଂ ନବଂ ପ୍ରପାସ୍ଯାମି ଫେନଲିଂ ରୁଧିରଂ ବହୁ॥ 1-164-10 (7473)
ଗଚ୍ଛ ଜାନୀହି କେ ତ୍ବେତେ ଶେରତେ ବନମାଶ୍ରିତାଃ।
ମାନୁଷୋ ବଲବାନ୍ଗନ୍ଧୋ ଘ୍ରାଣଂ ତର୍ପଯତୀବ ମେ॥ 1-164-11 (7474)
ହତ୍ବୈତାନ୍ମାନୁଷାନ୍ସର୍ବାନାନଯସ୍ବ ମମାନ୍ତିକମ୍।
ଅସ୍ମଦ୍ବିଷଯସୁପ୍ତେଭ୍ଯୋ ନୈତେଭ୍ଯୋ ଭଯମସ୍ତି ତେ॥ 1-164-12 (7475)
ଏଷାମୁତ୍କୃତ୍ଯ ମାଂସାନି ମାନୁଷାଣାଂ ଯଥେଷ୍ଟତଃ।
ଭକ୍ଷଯିଷ୍ଯାବ ସହିତୌ କୁରୁ ପୂର୍ଣଂ ବଚୋ ମମ॥ 1-164-13 (7476)
ଭକ୍ଷଯିତ୍ବା ଚ ମାଂସାନି ମାନୁଷାଣାଂ ପ୍ରକାମତଃ।
ନୃତ୍ଯାବ ସହିତାବାବାଂ ଦତ୍ତତାଲାବନେକଶଃ॥ 1-164-14 (7477)
ବୈଶମ୍ପାଯନ ଉବାଚ। 1-164-15x (955)
ଏବମୁକ୍ତା ହିଡିମ୍ବା ତୁ ହିଡିମ୍ବେନ ମହାବନେ।
ଭ୍ରାତୁର୍ବଚନମାଜ୍ଞାଯ ତ୍ବରମାଣେବ ରାକ୍ଷସୀ॥ 1-164-15 (7478)
`ଆପ୍ଲୁତ୍ଯାପ୍ଲୁତ୍ଯ ଚ ତରୂନଗଚ୍ଛତ୍ପାଣ୍ଡବାନ୍ପ୍ରତି।'
ଜଗାମ ତତ୍ର ଯତ୍ର ସ୍ମ ଶେରତେ ପାଣ୍ଡବା ବନେ॥ 1-164-16 (7479)
ଦଦର୍ଶ ତତ୍ର ସା ଗତ୍ବା ପାଣ୍ଡବାନ୍ପୃଥଯା ସହ।
ଶଯାନାନ୍ଭୀମସେନଂ ଚ ଜାଗ୍ରତଂ ତ୍ବପରାଜିତମ୍॥ 1-164-17 (7480)
`ଉପାସ୍ଯମାନାନ୍ଭୀମେନ ରୂପଯୌବନଶାଲିନଃ।
ସୁକୁମାରାଂଶ୍ଚ ପାର୍ଥାନ୍ସା ବ୍ଯାଯାମେନ ଚ କର୍ଶିତାନ୍॥ 1-164-18 (7481)
ଦୁଃଖେନ ସଂପ୍ରଯୁକ୍ତାଂଶ୍ଚ ସହଜ୍ଯେଷ୍ଠାନ୍ପ୍ରମାଥିନଃ।
ରୌଦ୍ରୀ ସତୀ ରାଜପୁତ୍ରଂ ଦର୍ଶନୀଯପ୍ରଦର୍ଶନମ୍॥' 1-164-19 (7482)
ଦୃଷ୍ଟ୍ବୈବ ଭୀମସେନଂ ସା ସାଲସ୍କନ୍ଧମିବୋଦ୍ଯତମ୍।
ରାକ୍ଷସୀ କାମଯାମାସ ରୂପେଣାପ୍ରତିମଂ ଭୁବି॥ 1-164-20 (7483)
`ଅନ୍ତର୍ଗତେନ ମନସା ଚିନ୍ତଯାମାସ ରାକ୍ଷସୀ'।
ଅଯଂ ଶ୍ଯାମୋ ମହାବାହୁଃ ସିଂହସ୍କନ୍ଧୋ ମହାଦ୍ଯୁତିଃ॥ 1-164-21 (7484)
କମ୍ବୁଗ୍ରୀବଃ ପୁଷ୍କରାକ୍ଷୋ ଭର୍ତା ଯୁକ୍ତୋ ଭବେନ୍ମମ।
ନାହଂ ଭ୍ରାତୃବଚୋ ଜାତୁ କୁର୍ଯାଂ କ୍ରୂରମସାଂପ୍ରତମ୍॥ 1-164-22 (7485)
ପତିସ୍ନେହୋଽତିବଲବାନ୍ନ ତଥା ଭ୍ରାତୃସୌହୃଦମ୍।
ମୁହୂର୍ତମିବ ତୃପ୍ତିଶ୍ଚ ଭବେଦ୍ଧାତୁର୍ମମୈବ ଚ॥ 1-164-23 (7486)
ହତୈରେତୈରହତ୍ବା ତୁ ମୋଦିଷ୍ଯେ ଶାଶ୍ବତୀଃ ସମାଃ।
`ନିଶ୍ଚିତ୍ଯେତ୍ଥଂ ହିଡିମ୍ବା ସା ଭୀମଂ ଦୃଷ୍ଟ୍ବା ମହାଭୁଜଂ॥ 1-164-24 (7487)
ଉତ୍ସୃଜ୍ଯ ରାକ୍ଷସଂ ରୂପଂ ମାନୁଷଂ ରୂପମାସ୍ଥିତା।'
ସା କାମରୂପିଣୀ ରୂପଂ କୃତ୍ବା ମଦନମୋହିତା॥ 1-164-25 (7488)
ଉପତସ୍ଥେ ମହାତ୍ମାନଂ ଭୀମସେନମନିନ୍ଦିତା।
`ଇଙ୍ଗିତାକାରକୁଶଲା ସୋପାସର୍ପଚ୍ଛନୈଃ ଶନୈଃ॥ 1-164-26 (7489)
ବିନମ୍ଯମାନେବ ଲତା ଦିବ୍ଯାଭରଣଭୂଷିତା।
ଶନୈଃ ଶନୈଶ୍ଚ ତାଂ ଭୀମଃ ସମୀପମୁପସର୍ପତୀମ୍॥ 1-164-27 (7490)
ହର୍ଷମାଣାଂ ତଦା ପଶ୍ଯତ୍ତନ୍ବୀଂ ପୀନପଯୋଧରାମ୍।
ଚନ୍ଦ୍ରାନନାଂ ପଦ୍ମନେତ୍ରାଂ ନୀଲକୁଞ୍ଚିତମୂର୍ଧଜାମ୍॥ 1-164-28 (7491)
କୃଷ୍ଣାଂ ସୁପାଣ୍ଡୁରୈର୍ଦନ୍ତୈର୍ବିମ୍ବୋଷ୍ଠୀଂ ଚାରୁଦର୍ଶନାମ୍।
ଦୃଷ୍ଟ୍ବା ତାଂ ରୂପସଂପନ୍ନାଂ ଭୀମୋ ବିସ୍ମଯମାଗତଃ॥ 1-164-29 (7492)
ଉପଚାରଗୁଣୈର୍ଯୁକ୍ତାଂ ଲଲିତୈର୍ହାସସଂମିତୈଃ।
ସମୀପମୁପସଂପ୍ରାପ୍ଯ ଭୀମଂ ସାଥ ବରାନତା॥ 1-164-30 (7493)
ବଚୋ ବଚନବେଲାଯାଂ ଭୀମଂ ପ୍ରୋବାଚ ଭାମିନୀ।'
ଲଜ୍ଜଯା ନମ୍ଯମାନେବ ସର୍ବାଭରଣଭୂଷିତା॥ 1-164-31 (7494)
ସ୍ମିତପୂର୍ବମିଦଂ ବାକ୍ଯଂ ଭୀମସେନମଥାବ୍ରବୀତ୍।
କୁତସ୍ତ୍ବମସି ସଂପ୍ରାପ୍ତଃ କଶ୍ଚାସି ପୁରୁଷର୍ଷଭ॥ 1-164-32 (7495)
କ ଇମେ ଶେରତେ ଚେହ ପୁରୁଷା ଦେବରୂପିଣଃ।
କେଯଂ ବୈ ବୃହତୀ ଶ୍ଯାମା ସୁକୁମାରୀ ତବାନଘ॥ 1-164-33 (7496)
ଶେତେ ବନମିଦଂ ପ୍ରାପ୍ଯ ବିଶ୍ବସ୍ତା ସ୍ବଗୃହେ ଯଥା।
ନେଦଂ ଜାନୀଥ ଗହନଂ ବନଂ ରାକ୍ଷସସେବିତମ୍॥ 1-164-34 (7497)
ବସତି ହ୍ଯତ୍ର ପାପାତ୍ମା ହିଡିମ୍ବୋ ନାମ ରାକ୍ଷସଃ॥ 1-164-35 (7498)
ତେନାହଂ ପ୍ରେଷିତା ଭ୍ରାତ୍ରା ଦୁଷ୍ଟଭାବେନ ରକ୍ଷସା।
ବିଭକ୍ଷଯିଷତା ମାଂସଂ ଯୁଷ୍ମାକମମରୋପମାଃ॥ 1-164-36 (7499)
ସାଽହଂ ତ୍ବମଭିସଂପ୍ରେକ୍ଷ୍ଯ ଦେବଗର୍ଭସମପ୍ରଭମ୍।
ନାନ୍ଯଂ ଭର୍ତାରମିଚ୍ଛାମି ସତ୍ଯମେତଦ୍ବ୍ରବୀମି ତେ॥ 1-164-37 (7500)
ଏତଦ୍ବିଜ୍ଞାଯ ଧର୍ମଜ୍ଞ ଯୁକ୍ତଂ ମଯି ସମାଚର।
କାମୋପହତଚିତ୍ତାଂ ହି ଭଜମାନାଂ ଭଜସ୍ବ ମାମ୍॥ 1-164-38 (7501)
ତ୍ରାସ୍ଯାମି ତ୍ବାଂ ମହାବାହୋ ରାକ୍ଷସାତ୍ପୁରୁଷାଦକାତ୍।
ବତ୍ସ୍ଯାବୋ ଗିରିଦୁର୍ଗେଷୁ ଭର୍ତା ଭବ ମମାନଘ॥ 1-164-39 (7502)
`ଇଚ୍ଛାମି ବୀର ଭଦ୍ରଂ ତେ ମା ମେ ପ୍ରାଣାନ୍ବିହାସିଷଃ।
ତ୍ବଯା ହ୍ଯହଂ ପରିତ୍ଯକ୍ତା ନ ଜୀବେଯମରିନ୍ଦମ॥' 1-164-40 (7503)
ଅନ୍ତରିକ୍ଷଚରୀ ହ୍ଯସ୍ମି କାମତୋ ବିଚରାମି ଚ।
ଅତୁଲାମାପ୍ନୁହି ପ୍ରୀତିଂ ତତ୍ର ତତ୍ର ମଯା ସହ॥ 1-164-41 (7504)
ଭୀମସେନ ଉବାଚ। 1-164-42x (956)
`ଏଷ ଜ୍ଯେଷ୍ଠୋ ମମ ଭ୍ରାତା ମାନ୍ଯଃ ପରମକୋ ଗୁରୁଃ।
ଅନିବିଷ୍ଟୋ ହି ତନ୍ନାହଂ ପରିବିଦ୍ଯାଂ କଥଂଚନ॥' 1-164-42 (7505)
ମାତରଂ ଭ୍ରାତରଂ ଜ୍ଯେଷ୍ଠଂ କନିଷ୍ଠାନପରାନପି।
ପରିତ୍ଯଜେତ କୋନ୍ବଦ୍ଯ ପ୍ରଭବନ୍ନିହ ରାକ୍ଷସି॥ 1-164-43 (7506)
କୋ ହି ସୁପ୍ତାନିମାନ୍ଭ୍ରାତୄନ୍ଦତ୍ତ୍ବା ରାକ୍ଷସଭୋଜନମ୍।
ମାତରଂ ଚ ନରୋ ଗଚ୍ଛେତ୍କାମାର୍ତ ଇବ ମଦ୍ବିଧଃ॥ 1-164-44 (7507)
ରାକ୍ଷସ୍ଯୁବାଚ। 1-164-45x (957)
`ଏକଂ ତ୍ବାଂ ମୋକ୍ଷଯିଷ୍ଯାମି ସହ ମାତ୍ରା ପରନ୍ତପ।
ସୋଦରାନୁତ୍ସୃଜୈନାଂସ୍ତ୍ବମାରୋହ ଜଘନଂ ମମ॥ 1-164-45 (7508)
ଭୀମ ଉବାଚ। 1-164-46x (958)
ନାହଂ ଜୀବିତୁମାଶଂସେ ଭ୍ରାତୄନୁତ୍ସୃଜ୍ଯ ରାକ୍ଷସି।
ଯଥାଶ୍ରଦ୍ଧଂ ବ୍ରଜୈକା ହି ବିପ୍ରିଯଂ ମେ ପ୍ରଭାଷସେ॥ 1-164-46 (7509)
ରାକ୍ଷସ୍ଯୁବାଚ।' 1-164-47x (959)
ଯତ୍ତେ ପ୍ରିଯଂ ତତ୍କରିଷ୍ଯେ ସର୍ବାନେତାନ୍ପ୍ରବୋଧଯ।
ମୋକ୍ଷଯିଷ୍ଯାମ୍ଯହଂ କାମଂ ରାକ୍ଷସାତ୍ପୁରୁଷାଦକାତ୍॥ 1-164-47 (7510)
ଭୀମସେନ ଉବାଚ। 1-164-48x (960)
ସୁଖସୁପ୍ତାନ୍ବନେ ଭ୍ରାତୄନ୍ମାତରଂ ଚୈବ ରାକ୍ଷସି।
ନ ଭଯାଦ୍ବୋଧଯିଷ୍ଯାମି ଭ୍ରାତୁସ୍ତବ ଦୁରାତ୍ମନଃ॥ 1-164-48 (7511)
ନ ହି ମେ ରାକ୍ଷସା ଭୀରୁ ସୋଢୁଂ ଶକ୍ତାଃ ପରାକ୍ରମମ୍।
ନ ମନୁଷ୍ଯା ନ ଗନ୍ଧର୍ବା ନ ଯକ୍ଷାଶ୍ଚାରୁଲୋଚନେ॥ 1-164-49 (7512)
ଗଚ୍ଛ ବା ତିଷ୍ଠ ବା ଭଦ୍ରେ ଯଦ୍ବା ପୀଚ୍ଛସି ତତ୍କୁରୁ।
ତଂ ବା ପ୍ରେଷଯ ତନ୍ବଙ୍ଗି ଭ୍ରାତରଂ ପୁରୁଷାଦକମ୍॥ ॥ 1-164-50 (7513)
ଇତି ଶ୍ରୀମନ୍ମହାଭାରତେ ଆଦିପର୍ବଣି ହିଡିମ୍ବବଧପର୍ବଣି ଚତୁଃଷଷ୍ଟ୍ଯଧିକଶତତମୋଽଧ୍ଯାଯଃ॥ 164 ॥
Mahabharata - Adi Parva - Chapter Footnotes
1-164-4 ଯଦୃଚ୍ଛଯା ସାଲବୃକ୍ଷଂ ସମାଶ୍ରିତ ଇତ୍ଯନ୍ବଯଃ॥ 1-164-10 ଧମନୀଂ ନାଡୀମ୍॥ 1-164-21 ଶ୍ଯାମଃ ତରୁଣଃ॥ 1-164-36 ବିଭକ୍ଷଯିଷତା ଭକ୍ଷଯିତୁମିଚ୍ଛତା॥ ଚତୁଃଷଷ୍ଟ୍ଯଧିକଶତତମୋଽଧ୍ଯାଯଃ॥ 164 ॥ଆଦିପର୍ବ - ଅଧ୍ଯାଯ 165
॥ ଶ୍ରୀଃ ॥
1.165. ଅଧ୍ଯାଯଃ 165
Mahabharata - Adi Parva - Chapter Topics
ପାଣ୍ଡବାନ୍ପ୍ରତି ପ୍ରେଷିତଯା ହିଡିମ୍ବଯା ବିଲମ୍ବିତେ ହିଡିମ୍ବସ୍ଯ ତତ୍ରାଗମନମ୍॥ 1 ॥ ଭୀମହିଡିମ୍ବଯୋର୍ଯୁଦ୍ଧମ୍॥ 2 ॥ କୁନ୍ତ୍ଯାଦୀନାଂ ପ୍ରବୋଧଃ॥ 3 ॥Mahabharata - Adi Parva - Chapter Text
1-165-0 (7514)
ବୈଶମ୍ପାଯନ ଉବାଚ। 1-165-0x (961)
ତାଂ ବିଦିତ୍ବା ଚିରଗତାଂ ହିଡିମ୍ବୋ ରାକ୍ଷସେଶ୍ବରଃ।
ଅବତୀର୍ଯ ଦ୍ରୁମାତ୍ତସ୍ମାଦାଜଗାମାଶୁ ପାଣ୍ଡବାନ୍॥ 1-165-1 (7515)
ଲୋହିତାକ୍ଷୋ ମହାବାହୁରୂର୍ଧ୍ବକେଶୋ ମହାନନଃ।
ମେଘସଙ୍ଘାତବର୍ଷ୍ମା ଚ ତୀକ୍ଷ୍ଣଦଂଷ୍ଟ୍ରୋ ଭଯାନକଃ॥ 1-165-2 (7516)
ତଲଂ ତଲେନ ସଂହତ୍ଯ ବାହୂ ବିକ୍ଷିପ୍ଯ ଚାସକୃତ୍।
ଉଦ୍ବୃତ୍ତନେତ୍ରଃ ସଂକ୍ରୁଦ୍ଧୋ ଦନ୍ତାନ୍ଦନ୍ତେଷୁ ନିଷ୍କୁଷନ୍॥ 1-165-3 (7517)
କୋଽଦ୍ଯ ମେ ଭୋକ୍ତୁକାମସ୍ଯ ବିଘ୍ନଂ ଚରତି ଦୁର୍ମତିଃ।
ନ ବିଭେତି ହିଡିମ୍ବୀ ଚ ପ୍ରେଷିତା କିମନାଗତା॥ 1-165-4 (7518)
ବୈଶମ୍ପାଯନ ଉବାଚ। 1-165-5x (962)
ତମାପତନ୍ତଂ ଦୃଷ୍ଟ୍ବୈ ତଥା ବିକୃତଦର୍ଶନମ୍।
ହିଡିମ୍ବୋବାଚ ବିତ୍ରସ୍ତା ଭୀମସେନମିଦଂ ବଚଃ॥ 1-165-5 (7519)
ଆପତତ୍ଯେଷ ଦୁଷ୍ଟାତ୍ମା ସଂକ୍ରୁଦ୍ଧଃ ପୁରୁଷାଦକଃ।
ସାଽହଂ ତ୍ବାଂ ଭ୍ରାତୃଭିଃ ସାର୍ଧଂ ଯଦ୍ବ୍ରବୀମି ତଥା କୁରୁ॥ 1-165-6 (7520)
ଅହଂ କାମଗମା ବୀର ରକ୍ଷୋବଲସମନ୍ବିତା।
ଆରୁହେମାଂ ମମ ଶ୍ରୋଣିଂ ନେଷ୍ଯାମି ତ୍ବାଂ ବିହାଯସା॥ 1-165-7 (7521)
ପ୍ରବୋଧଯୈତାନ୍ସଂସୁପ୍ତାନ୍ମାତରଂ ଚ ପରନ୍ତପ।
ସର୍ବାନେବ ଗମିଷ୍ଯାଭି ଗୃହୀତ୍ବା ବୋ ବିହାଯସା॥ 1-165-8 (7522)
ଭୀମ ଉବାଚ। 1-165-9x (963)
ମା ଭୈସ୍ତ୍ବଂ ପୃଥୁସୁଶ୍ରୋଣି ନୈଷ କଶ୍ଚିନ୍ମଯି ସ୍ଥିତେ।
ଅହମେନଂ ହନିଷ୍ଯାମି ପଶ୍ଯନ୍ତ୍ଯାସ୍ତେ ସୁମଧ୍ଯମେ॥ 1-165-9 (7523)
ନାଯଂ ପ୍ରତିବଲୋ ଭୀରୁ ରାକ୍ଷସାପସଦୋ ମମ।
ସୋଢୁଂ ଯୁଧି ପରିସ୍ପନ୍ଦମଥବା ସର୍ବରାକ୍ଷସାଃ॥ 1-165-10 (7524)
ପଶ୍ଯ ବାହୂ ସୁବୃତ୍ତୌ ମେ ହସ୍ତିହସ୍ତନିଭାବିମୌ।
ଊରୂ ପରିଘସଙ୍କାଶୌ ସଂହତଂ ଚାପ୍ଯୁରୋ ମହତ୍॥ 1-165-11 (7525)
ବିକ୍ରମଂ ମେ ଯଥେନ୍ଦ୍ରସ୍ଯ ସାଽଦ୍ଯ ଦ୍ରକ୍ଷ୍ଯସି ଶୋଭନେ।
ମାଽବମଂସ୍ଥାଃ ପୃଥୁଶ୍ରୋଣି ମତ୍ବା ମାମିହ ମାନୁଷମ୍॥ 1-165-12 (7526)
ହିଡିମ୍ବୋବାଚ। 1-165-13x (964)
ନାବମନ୍ଯେ ନରବ୍ଯାଘ୍ର ତ୍ବାମହଂ ଦେବରୂପିଣମ୍।
ଦୃଷ୍ଟପ୍ରଭାବସ୍ତୁ ମଯା ମାନୁଷେଷ୍ବେବ ରାକ୍ଷସଃ॥ 1-165-13 (7527)
ବୈଶମ୍ପାଯନ ଉବାଚ। 1-165-14x (965)
ତଥା ସଂଜଲ୍ପତସ୍ତସ୍ଯ ଭୀମସେନସ୍ଯ ଭାରତ।
ବାଚଃ ଶୁଶ୍ରାବ ତାଃ କ୍ରୁଦ୍ଧୋ ରାକ୍ଷସଃ ପୁରୁଷାଦକଃ॥ 1-165-14 (7528)
ଅବେକ୍ଷମାଣସ୍ତସ୍ଯାଶ୍ଚ ହିଡିମ୍ବୋ ମାନୁଷଂ ବପୁଃ।
ସ୍ରଗ୍ଦାମପୂରିତଶିଖାଂ ସମଗ୍ରେନ୍ଦୁନିଭାନନାମ୍॥ 1-165-15 (7529)
ସୁଭ୍ରୂନାସାକ୍ଷିକେଶାନ୍ତାଂ ସୁକୁମାରନଖତ୍ବଚମ୍।
ସର୍ବାଭରଣସଂଯୁକ୍ତାଂ ସୁସୂକ୍ଷ୍ମାମ୍ବରଧାରିଣୀମ୍॥ 1-165-16 (7530)
ତାଂ ତଥା ମାନୁଷଂ ରୂପଂ ବିଭ୍ରତୀଂ ସୁମନୋହରମ୍।
ପୁଂସ୍କାମାଂ ଶଙ୍କମାନଶ୍ଚ ଚୁକ୍ରୋଧ ପୁରୁଷାଦକଃ॥ 1-165-17 (7531)
ସଂକ୍ରୁଦ୍ଧୋ ରାକ୍ଷସସ୍ତସ୍ଯା ଭଗିନ୍ଯାଃ କୁରୁସତ୍ତମ।
ଉତ୍ଫାଲ୍ଯ ବିପୁଲେ ନେତ୍ରେ ତତସ୍ତାମିଦମବ୍ରବୀତ୍॥ 1-165-18 (7532)
କୋ ହି ମେ ଭୋକ୍ତୁକାମସ୍ଯ ବିଘ୍ନଂ ଚରତି ଦୁର୍ମତିଃ।
ନ ବିଭେଷି ହିଡିମ୍ବେ କିଂ ମତ୍କୋପାଦ୍ବିପ୍ରମୋହିତା॥ 1-165-19 (7533)
ଧିକ୍ତ୍ବାମସତି ପୁଂସ୍କାମେ ମମ ବିପ୍ରିଯକାରିଣି।
ପୂର୍ବେଷାଂ ରାକ୍ଷସେନ୍ଦ୍ରାଣାଂ ସର୍ବେଷାମଯଶସ୍କରି॥ 1-165-20 (7534)
ଯାନିମାନାଶ୍ରିତାଽକାର୍ଷୀର୍ବିପ୍ରିଯଂ ସମୁହନ୍ମମ।
ଏଷ ତାନଦ୍ଯ ବୈ ସର୍ବାନ୍ହନିଷ୍ଯାମି ତ୍ବଯା ସହ॥ 1-165-21 (7535)
ବୈଶମ୍ପାଯନ ଉବାଚ। 1-165-22x (966)
ଏବମୁକ୍ତ୍ବା ହିଡିମ୍ବାଂ ସ ହିଡିମ୍ବୋ ଲୋହିତେକ୍ଷଣଃ।
ବଧାଯାଭିପପାତୈନାନ୍ଦନ୍ତୈର୍ଦନ୍ତାନୁପସ୍ପୃଶନ୍॥ 1-165-22 (7536)
ଗର୍ଜନ୍ତମେବଂ ବିଜନେ ଭୀମସେନୋଽଭିବୀକ୍ଷ୍ଯ ତମ୍।
ରକ୍ଷନ୍ପ୍ରବୋଧଂ ଭ୍ରାତୄଣାଂ ମାତୁଶ୍ଚ ପରବୀରହା॥ 1-165-23 (7537)
ତମାପତାନ୍ତଂ ସଂପ୍ରେକ୍ଷ୍ଯ ଭୀମଃ ପ୍ରହରତାଂ ବରଃ।
ଭର୍ତ୍ସଯାମାସ ତେଜସ୍ବୀ ତିଷ୍ଠତିଷ୍ଠେତି ଚାବ୍ରବୀତ୍॥ 1-165-24 (7538)
ବୈଶମ୍ପାଯନ ଉବାଚ। 1-165-25x (967)
ଭୀମସେନସ୍ତୁ ତଂ ଦୃଷ୍ଟ୍ବା ରାକ୍ଷସଂ ପ୍ରହସନ୍ନିବ।
ଭଗିନୀଂ ପ୍ରତି ସଙ୍କ୍ରୁଦ୍ଧମିଦଂ ବଚନମବ୍ରବୀତ୍॥ 1-165-25 (7539)
କିଂ ତେ ହିଡିମ୍ବ ଏତୈର୍ବା ସୁଖସୁପ୍ତୈଃ ପ୍ରବୋଧିତୈଃ।
ମାମାସାଦଯ ଦୁର୍ବୁଦ୍ଧେ ତରସା ତ୍ବଂ ନରାଶନ॥ 1-165-26 (7540)
ମଯ୍ଯେବ ପ୍ରହରୈହି ତ୍ବଂ ନ ସ୍ତ୍ରିଯଂ ହନ୍ତୁମର୍ହସି।
ବିଶେଷତୋଽନପକୃତେ ପରେଣାପକୃତେ ସତି॥ 1-165-27 (7541)
ନ ହୀଯଂ ସ୍ବବଶା ବାଲା କାମଯତ୍ଯଦ୍ଯ ମାମିହ।
ଚୋଦିତୈଷା ହ୍ଯନଙ୍ଗେନ ଶରୀରାନ୍ତରଚାରିଣା॥ 1-165-28 (7542)
ଭଗିନୀ ତବ ଦୁର୍ବୃତ୍ତ ରକ୍ଷସାଂ ବୈ ଯଶୋହର।
ତ୍ବନ୍ନିଯୋଗେନ ଚୈବେଯଂ ରୂପଂ ମମ ସମୀକ୍ଷ୍ଯ ଚ॥ 1-165-29 (7543)
କାମଯତ୍ଯଦ୍ଯ ମାଂ ଭୀରୁସ୍ତବ ନୈଷାପରାଧ୍ଯତି।
ଅନଙ୍ଗେନ କୃତେ ଦୋଷେ ନେମାଂ ଗର୍ହିତୁମର୍ହସି॥ 1-165-30 (7544)
ମଯି ତିଷ୍ଠତି ଦୁଷ୍ଟାତ୍ମନ୍ନ ସ୍ତ୍ରିଯଂ ହନ୍ତୁମର୍ହସି।
ସଂଗଚ୍ଛସ୍ବ ମଯା ସାର୍ଧମେକେନୈକୋ ନରାଶନ॥ 1-165-31 (7545)
ଅହମେକୋ ଗମିଷ୍ଯାମି ତ୍ବାମଦ୍ଯ ଯମସାଦନମ୍।
ଅଦ୍ଯ ମଦ୍ବଲନିଷ୍ପିଷ୍ଟଂ ଶିରୋ ରାକ୍ଷସ ଦୀର୍ଯତାମ୍।
କୁଞ୍ଜରସ୍ଯେବ ପାଦେନ ବିନିଷ୍ପିଷ୍ଟଂ ବଲୀଯସାଃ॥ 1-165-32 (7546)
ଅଦ୍ଯ ଗାତ୍ରାଣି ତେ କଙ୍କାଃ ଶ୍ଯେନା ଗୋମାଯବସ୍ତଥା।
କର୍ଷନ୍ତୁ ଭୁବି ସଂହୃଷ୍ଟା ନିହତସ୍ଯ ମଯା ମୃଧେ॥ 1-165-33 (7547)
କ୍ଷଣେନାଦ୍ଯ କରିଷ୍ଯେଽହମିଦଂ ବନମରାକ୍ଷସମ୍।
ପୁରା ଯଦ୍ଦୂଷିତଂ ନିତ୍ଯଂ ତ୍ବଯା ଭକ୍ଷଯତା ନରାନ୍॥ 1-165-34 (7548)
ଅଦ୍ଯ ତ୍ବାଂ ଭଗିନୀ ରକ୍ଷଃ କୃଷ୍ଯମାଣଂ ମଯାଽସକୃତ୍।
ଦ୍ରକ୍ଷ୍ଯତ୍ଯଦ୍ରିପ୍ରତୀକାଶଂ ସିଂହେନେବ ମହାଦ୍ବିପମ୍॥ 1-165-35 (7549)
ନିରାବାଧାସ୍ତ୍ବଯି ହତେ ମଯା ରାକ୍ଷସପାଂସନ।
ବନମେତଚ୍ଚରିଷ୍ଯନ୍ତି ପୁରୁଷା ବନଚାରିଣଃ॥ 1-165-36 (7550)
ହିଡିମ୍ବ ଉବାଚ। 1-165-37x (968)
ଗର୍ଜିତେନ ବୃଥା କିଂ ତେ କତ୍ଥିତେନ ଚ ମାନୁଷ।
କୃତ୍ବୈତତ୍କର୍ମଣା ସର୍ବଂ କତ୍ଥେଯା ମା ଚିରଂ କୃଥାଃ॥ 1-165-37 (7551)
ବଲିନଂ ମନ୍ଯସେ ଯଚ୍ଚାପ୍ଯାତ୍ମାନଂ ସପରାକ୍ରମମ୍।
ଜ୍ଞାସ୍ଯସ୍ଯଦ୍ଯ ସମାଗମ୍ଯ ମଯାତ୍ମାନଂ ବଲାଧିକମ୍॥ 1-165-38 (7552)
ନ ତାବଦେତାନ୍ହିଂସିଷ୍ଯେ ସ୍ବପନ୍ତ୍ବେତେ ଯଥାସୁଖମ୍।
ଏଷ ତ୍ବାମେବ ଦୁର୍ବୁଦ୍ଧେ ନିହନ୍ମ୍ଯଦ୍ଯାପ୍ରିଯଂବଦମ୍॥ 1-165-39 (7553)
ପୀତ୍ବା ତବାସୃଗ୍ଗାତ୍ରେଭ୍ଯସ୍ତତଃ ପଶ୍ଚାଦିମାନପି।
ହନିଷ୍ଯାମି ତତଃ ପଶ୍ଚାଦିମାଂ ବିପ୍ରିଯକାରିଣୀମ୍॥ 1-165-40 (7554)
ବୈଶମ୍ପାଯନ ଉବାଚ। 1-165-41x (969)
ଏବମୁକ୍ତ୍ବା ତତୋ ବାହୁଂ ପ୍ରଗୃହ୍ଯ ପୁରୁଷାଦକଃ।
ଅଭ୍ଯଦ୍ରବତ ସଂକ୍ରୁଦ୍ଧୋ ଭୀମସେନମରିନ୍ଦମମ୍॥ 1-165-41 (7555)
ତସ୍ଯାଭିଦ୍ରବତସ୍ତୂର୍ଣଂ ଭୀମୋ ଭୀମପରାକ୍ରମଃ।
ବେଗେନ ପ୍ରହିତଂ ବାହୁଂ ନିଜଗ୍ରାହ ହସନ୍ନିବ॥ 1-165-42 (7556)
ନିଗୃହ୍ଯ ତଂ ବଲାଦ୍ଭୀମୋ ବିସ୍ଫୁରନ୍ତଂ ଚକର୍ଷ ହ।
ତସ୍ମାଦ୍ଦେଶାଦ୍ଧନୂଂଷ୍ଯଷ୍ଟୌ ସିଂହଃ କ୍ଷୁଦ୍ରମୃଗଂ ଯଥା॥ 1-165-43 (7557)
ତତଃ ସ ରାକ୍ଷସଃ କ୍ରୁଦ୍ଧଃ ପାଣ୍ଡବେନ ବଲାର୍ଦିତଃ।
ଭୀମସେନଂ ସମାଲିଙ୍ଗ୍ଯ ବ୍ଯନଦଦ୍ଭୈରବଂ ରବମ୍॥ 1-165-44 (7558)
ପୁନର୍ଭୀମୋ ବଲାଦେନଂ ବିଚକର୍ଷ ମହାବଲଃ।
ମା ଶବ୍ଦଃ ସୁଖସୁପ୍ତାନାଂ ଭ୍ରାତୄଣାଂ ମେ ଭବେଦିତି॥ 1-165-45 (7559)
`ହସ୍ତେ ଗୃହୀତ୍ବା ତଦ୍ରକ୍ଷୋ ଦୂରମନ୍ଯତ୍ର ନୀତବାନ୍।
ପୃଚ୍ଛେ ଗୃହୀତ୍ବା ତୁଣ୍ଡେନ ଗରୁଡଃ ପନ୍ନଗଂ ଯଥା॥' 1-165-46 (7560)
ଅନ୍ଯୋନ୍ଯଂ ତୌ ସମାସାଦ୍ଯ ବିଚକର୍ଷତୁରୋଜସା।
ହିଡିମ୍ବୋ ଭୀମସେନଶ୍ଚ ବିକ୍ରମଂ ଚକ୍ରତୁଃ ପରମ୍॥ 1-165-47 (7561)
ବଭଞ୍ଜତୁସ୍ତଦା ବୃକ୍ଷାଁଲ୍ଲତାଶ୍ଚାକର୍ଷତୁସ୍ତଦା।
ମତ୍ତାବିବ ଚଂ ସଂରବ୍ଧୌ ବାରଣୌ ଷଷ୍ଟିହାଯନୌ॥ 1-165-48 (7562)
`ପାଦପାନୁଦ୍ଧରନ୍ତୌ ତାବୂରୁବେଗେନ ବେଗିତୌ।
ସ୍ଫୋଟଯନ୍ତୌ ଲତାଜାଲାନ୍ଯୂରୁଭ୍ଯାଂ ଗୃହ୍ଯ ସର୍ବଶଃ॥ 1-165-49 (7563)
ବିତ୍ରାସଯନ୍ତୌ ତୌ ଶବ୍ଦୈଃ ସର୍ବତୋ ମୃଗପକ୍ଷିଣଃ।
ବଲେନ ବଲିନୌ ମତ୍ତାବନ୍ଯୋନ୍ଯବଧକାଙ୍କ୍ଷିଣୌ॥ 1-165-50 (7564)
ଭୀମରାକ୍ଷସଯୋର୍ଯୁଦ୍ଧଂ ତଦାଽବର୍ତତ ଦାରୁଣମ୍।
ପୁରା ଦେବାସୁରେ ଯୁଦ୍ଧେ ବୃତ୍ରବାସବଯୋରିବ॥ 1-165-51 (7565)
ଭଙୂକ୍ତ୍ବା ବୃକ୍ଷାନ୍ମହାଶାଖାଂସ୍ତାଡଯାମାସତୁଃ କ୍ରୁଧା।
ସାଲତାଲତମାଲାମ୍ରବଟାର୍ଜୁନବିଭୀତକାନ୍॥ 1-165-52 (7566)
ନ୍ଯଗ୍ରୋଧପ୍ଲକ୍ଷଖର୍ଜୂରପନସାନଶ୍ମକଣ୍ଟକାନ୍।
ଏତାନନ୍ଯାନ୍ମହାବୃକ୍ଷାନୁତ୍ଖାଯ ତରସାଽଖିଲାନ୍॥ 1-165-53 (7567)
ଉତ୍କ୍ଷିପ୍ଯାନ୍ଯୋନ୍ଯରୋଷେଣ ତାଡଯାମାସତୂ ରଣେ।
ଯଦାଽଭବଦ୍ବନଂ ସର୍ବଂ ନିର୍ବୃକ୍ଷଂ ବୃକ୍ଷସଙ୍କୁଲମ୍॥ 1-165-54 (7568)
ତଦା ଶିଲାଶ୍ଚ କୁଞ୍ଜାଂଶ୍ଚ ବୃକ୍ଷାନ୍କଣ୍ଟକିନସ୍ତଥା।
ତତସ୍ତୌ ଗିରିଶୃଙ୍ଗାଣି ପର୍ବତାଂଶ୍ଚାଭ୍ରଲେଲିହାନ୍॥ 1-165-55 (7569)
ଶୈଲାଂଶ୍ଚ ଗଣ୍ଡପାଷାଣାନୁତ୍ଖାଯାଦାଯ ବୈରିଣୌ।
ଚିକ୍ଷେପତୁରୁପର୍ଯାଜାବନ୍ଯୋନ୍ଯଂ ବିଜଯେଷିଣୌ॥ 1-165-56 (7570)
ତଦ୍ବନଂ ପରିତଃ ପଞ୍ଚଯୋଜନଂ ନିର୍ମହୀରୁହମ୍।
ନିର୍ଲତାଗୁଲ୍ମପାଷାଣଂ ନିର୍ମୃଗଂ ଚକ୍ରତୁର୍ଭୃଶମ୍॥ 1-165-57 (7571)
ତଯୋର୍ଯୁଦ୍ଧେନ ରାଜେନ୍ଦ୍ର ତଦ୍ବନଂ ଭୀମରକ୍ଷସୋଃ।
ମୁହୂର୍ତେନାଭବତ୍କୂମର୍ପୃଷ୍ଠବଚ୍ଛ୍ଲକ୍ଷ୍ଣମବ୍ଯଯମ୍॥ 1-165-58 (7572)
ଊରୁବାହୁପରିକ୍ଲେଶାତ୍କର୍ଷନ୍ତାବିତରେତରମ୍।
ଉତ୍କର୍ଷନ୍ତୌ ବିକର୍ଷନ୍ତୌ ପ୍ରକର୍ଷନ୍ତୌ ପରସ୍ପରମ୍॥ 1-165-59 (7573)
ତୌ ସ୍ବନେନ ବିନା ରାଜନ୍ଗର୍ଜନ୍ତୌ ଚ ପରସ୍ପରମ୍।
ପାଷାଣସଂଘଟ୍ଟନିଭୈଃ ପ୍ରହାରୈରଭିଜଘ୍ନତୁଃ॥ 1-165-60 (7574)
ଅନ୍ଯୋନ୍ଯଂ ଚ ସମାଲିଙ୍ଗ୍ଯ ବିକର୍ଷନ୍ତୌ ପରସ୍ପରମ୍।
ବାହୁଯୁଦ୍ଧମଭୂଦ୍ଧୋରଂ ବଲିବାସବଯୋରିବ।
ଯୁଦ୍ଧସଂରମ୍ଭନିର୍ଗଚ୍ଛତ୍ଫୂତ୍କାରରବନିସ୍ବନମ୍॥' 1-165-61 (7575)
ତଯୋଃ ଶବ୍ଦେନ ମହତା ବିବୁଦ୍ଧାସ୍ତେ ନରର୍ଷଭାଃ।
ସହ ମାତ୍ରା ଚ ଦଦୃଶୁର୍ହିଡିମ୍ବାମଗ୍ରତଃସ୍ଥିତାମ୍॥ ॥ 1-165-62 (7576)
ଇତି ଶ୍ରୀମନ୍ମହାଭାରତେ ଆଦିପର୍ବଣି ହିଡିମ୍ବବଧପର୍ବଣି ପଞ୍ଚଷଷ୍ଟ୍ଯଧିକଶତତମୋଽଧ୍ଯାଯଃ॥ 165 ॥
Mahabharata - Adi Parva - Chapter Footnotes
1-165-2 ମେଘସଂଘାତବର୍ଷ୍ମା ଅତିକୃଷ୍ଣଶରୀରଃ॥ 1-165-32 ଗମିଷ୍ଯାମି ଗମଯିଷ୍ଯାମି॥ 1-165-54 ନିର୍ବୃକ୍ଷଂ ଅକଣ୍ଟକବୃକ୍ଷରହିତମ୍॥ ପଞ୍ଚଷଷ୍ଟ୍ଯଧିକଶତତମୋଽଧ୍ଯାଯଃ॥ 165 ॥ଆଦିପର୍ବ - ଅଧ୍ଯାଯ 166
॥ ଶ୍ରୀଃ ॥
1.166. ଅଧ୍ଯାଯଃ 166
Mahabharata - Adi Parva - Chapter Topics
କୁନ୍ତୀହିଡିମ୍ବାସଂବାଦଃ॥ 1 ॥ ହିଡିମ୍ବାବାର୍ତଯା ଭୀମଂ ହିଡିମ୍ବେନ ଯୁଦ୍ଧ୍ଯମାନଂ ଜ୍ଞାତବତାଂ କୁନ୍ତ୍ଯାଦୀନାଂ ତତ୍ର ଗମନମ୍॥ 2 ॥ ହିଡିମ୍ବବଧଃ॥ 3 ॥Mahabharata - Adi Parva - Chapter Text
1-166-0 (7577)
ବୈଶମ୍ପାଯନ ଉବାଚ। 1-166-0x (970)
ପ୍ରବୁଦ୍ଧାସ୍ତେ ହିଡିମ୍ବାଯା ରୂପଂ ଦୃଷ୍ଟ୍ବାତିମାନୁଷମ୍।
ବିସ୍ମିତାଃ ପୁରୁଷବ୍ଯାଘ୍ରା ବଭୂବୁଃ ପୃଥଯା ସହ॥ 1-166-1 (7578)
ତତଃ କୁନ୍ତୀ ସମୀକ୍ଷ୍ଯୈନାଂ ବିସ୍ମିତା ରୂପସଂପଦା।
ଉବାଚ ମଧୁରଂ ବାକ୍ଯଂ ସାନ୍ତ୍ବପୂର୍ବମିଦଂ ଶୈନଃ॥ 1-166-2 (7579)
କସ୍ଯ ତ୍ବଂ ସୁରଗର୍ଭାଭେ କାବାଽସି ବରବର୍ଣିନି।
କେନ କାର୍ଯେଣ ସଂପ୍ରାପ୍ତା କୁତଶ୍ଚାଗମନଂ ତବ॥ 1-166-3 (7580)
ଯଦି ବାଽସ୍ଯ ବନସ୍ଯ ତ୍ବଂ ଦେବତା ଯଦି ବାଽପ୍ସରାଃ।
ଆଚକ୍ଷ୍ବ ମମ ତତ୍ସର୍ବଂ କିମର୍ଥଂ ଚେହ ତିଷ୍ଠସି॥ 1-166-4 (7581)
ହିଡିମ୍ବୋବାଚ। 1-166-5x (971)
ଯଦେତତ୍ପଶ୍ଯସି ବନଂ ନୀଲମେଘନିଂ ମହତ୍।
ନିବାସୋ ରାକ୍ଷସସ୍ଯୈଷ ହିଡିମ୍ବସ୍ଯ ମମୈବ ଚ॥ 1-166-5 (7582)
ତସ୍ଯ ମାଂ ରାକ୍ଷସେନ୍ଦ୍ରସ୍ଯ ଭଗିନୀଂ ବିଦ୍ଦି ଭାମିନି।
ଭ୍ରାତ୍ରା ସଂପ୍ରେଷିତାମାର୍ଯେ ତ୍ବାଂ ସପୁତ୍ରାଂ ଜିଘାଂସତା॥ 1-166-6 (7583)
କ୍ରୂରବୁଦ୍ଧେରହଂ ତସ୍ଯ ବଚନାଦାଗତା ତ୍ବିହ।
ଅଦ୍ରାକ୍ଷଂ ନବହେମାଭଂ ତବ ପୁତ୍ରଂ ମହାବଲମ୍॥ 1-166-7 (7584)
ତତୋଽହଂ ସର୍ବଭୂତାନାଂ ଭାବେ ବିଚରତା ଶୁଭେ।
ଚୋଦିତା ତବ ପୁତ୍ରାର୍ଥଂ ମନ୍ମଥେନ ବଶାନୁଗା॥ 1-166-8 (7585)
ତତୋ ବୃତୋ ମଯା ଭର୍ତା ତବ ପୁତ୍ରୋ ମହାବଲଃ।
ଅପନେତୁଂ ଚ ଯତିତୋ ନ ଚୈବ ଶକିତୋ ମଯା॥ 1-166-9 (7586)
ଚିରାଯମାଣାଂ ମାଂ ଜ୍ଞାତ୍ବା ତତଃ ସ ପୁରୁଷାଦକଃ।
ସ୍ବଯମେବାଗତୋ ହନ୍ତୁମିମାନ୍ସର୍ବାଂସ୍ତବାତ୍ମଜାନ୍॥ 1-166-10 (7587)
ସ ତେନ ମମ କାନ୍ତେନ ତବ ପୁତ୍ରେଣ ଧୀମତା।
ବଲାଦିତୋ ବିନିଷ୍ପିଷ୍ଯ ବ୍ଯପନୀତୋ ମହାତ୍ମନା॥ 1-166-11 (7588)
ବିକର୍ଷନ୍ତୌ ମହାବେଗୌ ଗର୍ଜମାନୌ ପରସ୍ପରମ୍।
ପଶ୍ଯୈବଂ ଯୁଧି ବିକ୍ରାନ୍ତାବେତୌ ଚ ନରରାକ୍ଷସୌ॥ 1-166-12 (7589)
ବୈଶମ୍ପାଯନ ଉବାଚ। 1-166-13x (972)
ତସ୍ଯାଃ ଶ୍ରୁତ୍ବୈବ ବଚନମୁତ୍ପପାତ ଯୁଧିଷ୍ଠିରଃ।
ଅର୍ଜୁନୋ ନକୁଲଶ୍ଚୈବ ସହଦେବଶ୍ଚ ବୀର୍ଯବାନ୍॥ 1-166-13 (7590)
ତୌ ତେ ଦଦୃଶୁରାସକ୍ତୌ ବିକର୍ଷନ୍ତୌ ପରସ୍ପରମ୍।
କାଙ୍କ୍ଷମାଣୌ ଜଯଂ ଚୈବ ସିଂହାବିବ ବଲୋତ୍କଟୌ॥ 1-166-14 (7591)
ଅଥାନ୍ଯୋନ୍ଯଂ ସମାଶ୍ଲିଷ୍ଯ ବିକର୍ଷନ୍ତୌ ପୁନଃପୁନଃ।
ଦାବାଗ୍ନିଧୂମସଦୃଶଂ ଚକ୍ରତୁଃ ପାର୍ଥିବଂ ରଜଃ॥ 1-166-15 (7592)
ବସୁଧାରେଣୁସଂବୀତୌ ବସୁଧାଧରସନ୍ନିଭୌ।
ବଭ୍ରାଜତୁର୍ଯଥା ଶୈଲୌ ନୀହାରେଣାଭିସଂବୃତୌ॥ 1-166-16 (7593)
ରାକ୍ଷସେନ ତଦା ଭୀମଂ କ୍ଲିଶ୍ଯମାନଂ ନିରୀକ୍ଷ୍ଯ ଚ।
ଉବାଚେଦଂ ବଚଃ ପାର୍ଥଃ ପ୍ରହସଞ୍ଛନକୈରିବ॥ 1-166-17 (7594)
ଭୀମ ମାଭୈର୍ମହାବାହୋ ନ ତ୍ବାଂ ବୁଧ୍ଯାମହେ ବଯମ୍।
ସମେତଂ ଭୀମରୂପେଣ ରକ୍ଷସା ଶ୍ରମକର୍ଶିତାଃ॥ 1-166-18 (7595)
ସାହାଯ୍ଯେଽସ୍ମି ସ୍ଥିତଃ ପାର୍ଥ ପାତଯିଷ୍ଯାମି ରାକ୍ଷସମ୍।
ନକୁଲଃ ସହଦେବଶ୍ଚ ମାତରଂ ଗୋପଯିଷ୍ଯତଃ॥ 1-166-19 (7596)
ଭୀମ ଉବାଚ। 1-166-20x (973)
ଉଦାସୀନୋ ନିରୀକ୍ଷସ୍ବ ନ କାର୍ଯଃ ସଂଭ୍ରମସ୍ତ୍ବଯା।
ନ ଜାତ୍ବଯଂ ପୁନର୍ଜୀବେନ୍ମଦ୍ବାହ୍ବନ୍ତରମାଗତଃ॥ 1-166-20 (7597)
`ଭୁଜଯୋରନ୍ତରଂ ପ୍ରାପ୍ତୋ ଭୀମସେନସ୍ଯ ରାକ୍ଷସଃ।
ଅମୃତ୍ବା ପାର୍ଥବୀର୍ଯେଣ ମୃତୋ ମା ଭୂଦିତି ଧ୍ବନିଃ॥ 1-166-21 (7598)
ଅଯମସ୍ମାଂସ୍ତୁ ନୋ ହନ୍ଯାଜ୍ଜାତୁ ପାର୍ଥ ରାକ୍ଷସଃ।
ଜୀବନ୍ତଂ ନ ପ୍ରମୋକ୍ଷ୍ଯାମି ମା ଭୈଷୀର୍ଭରତର୍ଷଭ॥' 1-166-22 (7599)
ଅର୍ଜୁନ ଉବାଚ। 1-166-23x (974)
`ପୂର୍ବରାତ୍ରେ ପ୍ରଯୁକ୍ତୋଽସି ଭୀମ କ୍ରୂରେଣ ରକ୍ଷସା।
କ୍ଷପା ବ୍ଯୁଷ୍ଟା ନ ଚେଦାନୀଂ ସମାପ୍ତୋସୀନ୍ମହାରଣଃ॥' 1-166-23 (7600)
କିମେନନ ଚିରଂ ଭୀମ ଜୀବତା ପାପରକ୍ଷସା।
ଗନ୍ତବ୍ଯେ ନ ଚିରଂ ସ୍ଥାତୁମିହ ଶକ୍ଯମରିନ୍ଦମ॥ 1-166-24 (7601)
ପୁରା ସଂରଜ୍ଯତେ ପ୍ରାଚୀ ପୁରା ସନ୍ଧ୍ଯା ପ୍ରବର୍ତତେ।
ରୌଦ୍ରେ ମୁହୂର୍ତେ ରକ୍ଷାଂସି ପ୍ରବଲାନି ଭବନ୍ତ୍ଯୁତ॥ 1-166-25 (7602)
ତ୍ବରସ୍ବ ଭୀମ ମା କ୍ରୀଡ ଜହି ରକ୍ଷୋ ବିଭୀଷଣମ୍।
ପୁରା ବିକୁରୁତେ ମାଯାଂ ଭୁଜଯୋଃ ସାରମର୍ପଯ॥ 1-166-26 (7603)
`ମାହାତ୍ମ୍ଯମାତ୍ମନୋ ବେତ୍ଥ ନରାଣାଂ ହିତକାମ୍ଯଯା।
ରକ୍ଷୋ ଜହି ଯଥା ଶକ୍ରଃ ପୁରା ବୃତ୍ରଂ ମହାବଲମ୍॥ 1-166-27 (7604)
ଅଥବା ମନ୍ଯସେ ଭାରଂ ତ୍ବମିମଂ ରାକ୍ଷସଂ ଯୁଧି।
ଆତିଷ୍ଠେ ତବ ସାହାଯ୍ଯଂ ଶୀଘ୍ରମେବ ତୁ ହନ୍ଯତାମ୍॥ 1-166-28 (7605)
ଅଥବା ତ୍ବହମେବୈନଂ ହନିଷ୍ଯାମି ବୃକୋଦର।
କୃତକର୍ମା ପରିଶ୍ରାନ୍ତଃ ସାଧୁ ତାବଦୁପାରମ॥' 1-166-29 (7606)
ବୈଶମ୍ପାଯନ ଉବାଚ। 1-166-30x (975)
ଅର୍ଜୁନେନୈବମୁକ୍ତସ୍ତୁ ଭୀମୋ ରୋଷାଜ୍ଜ୍ବଲନ୍ନିବ।
ବଲମାହାରଯାମାସ ଯଦ୍ବାଯୋର୍ଜଗତଃ କ୍ଷଯେ॥ 1-166-30 (7607)
ତତସ୍ତସ୍ଯାମ୍ବୁଦାଭସ୍ଯ ଭୀମୋ ରୋଷାତ୍ତୁ ରକ୍ଷସଃ।
ଅତ୍କ୍ଷିପ୍ଯାଭ୍ରାମଯଦ୍ଦେହଂ ତୂର୍ଣଂ ଶତଗୁଣଂ ତଦା॥ 1-166-31 (7608)
`ଇତି ଚୋବାଚ ସଂକ୍ରୁଦ୍ଧୋ ଭ୍ରାମଯନ୍ରାକ୍ଷସୀଂ ତନୁମ୍।
ଭୀମସେନୋ ମହାବାହୁରଭିଗର୍ଜନ୍ମୁହୁର୍ମୁହୁଃ॥' 1-166-32 (7609)
ଭୀମ ଉବାଚ। 1-166-33x (976)
ନରମାଂସୈର୍ବୃଥା ପୁଷ୍ଟୋ ବୃଥା ବୃଦ୍ଧୋ ବୃଥାମତିଃ।
ବୃଥାମରଣମର୍ହସ୍ତ୍ବଂ ବୃଥାଦ୍ଯ ନ ଭବିଷ୍ଯସି॥ 1-166-33 (7610)
କ୍ଷେମମଦ୍ଯ କରିଷ୍ଯାମି ଯଥା ବନମକଣ୍ଟକମ୍।
ନ ପୁନର୍ମାନୁଷାନ୍ହତ୍ବା ଭକ୍ଷଯିଷ୍ଯସି ରାକ୍ଷସ॥ 1-166-34 (7611)
ବୈଶମ୍ପାଯନ ଉବାଚ। 1-166-35x (977)
ଇତ୍ଯୁକ୍ତ୍ବା ଭୀମସେନସ୍ତଂ ନିଷ୍ପିଷ୍ଯ ଧରଣୀତଲେ।
ବାହୁଭ୍ଯାମବପୀଡ୍ଯାଶୁ ପଶୁମାରମମାରଯତ୍॥ 1-166-35 (7612)
ସ ମାର୍ଯମାଣୋ ଭୀମେନ ନନାଦ ବିପୁଲଂ ସ୍ବନମ୍।
ପୂରଯଂସ୍ତଦ୍ବନଂ ସର୍ବଂ ଜଲାର୍ଦ୍ରେ ଇବ ଦୁନ୍ଦୁଭିଃ॥ 1-166-36 (7613)
ବାହୁଭ୍ଯାଂ ଯୋକ୍ତ୍ରଯିତ୍ବା ତଂ ବଲବାନ୍ପାଣ୍ଡୁନନ୍ଦନଃ।
`ସମୁଦ୍ଧାମ୍ଯ ଶିରଶ୍ଚାସ୍ଯ ସଗ୍ରୀବଂ ତଦପାହରତ୍॥ 1-166-37 (7614)
ତତୋ ଭିତ୍ତ୍ବା ଶିରଶ୍ଚାସ୍ଯ ସଗ୍ରୀବଂ ତଦୁଦାକ୍ଷିପତ୍।
ତସ୍ଯ ନିଷ୍କର୍ଣନଯନଂ ନିର୍ଜିହ୍ବଂ ରୁଧିରୋକ୍ଷିତମ୍॥ 1-166-38 (7615)
ପ୍ରାବିଦ୍ଧଂ ଭୀମସେନେନ ଶିରୋ ବିଦଶନଂ ବଭୌ।
ପ୍ରସାରିତଭୁଜୋଦ୍ଧୃଷ୍ଟୋ ଭିନ୍ନମାଂସତ୍ବଗନ୍ତରଃ॥ 1-166-39 (7616)
କବନ୍ଧଭୂତସ୍ତତ୍ରାସୀଦ୍ଦନୁର୍ବଜ୍ରହତୋ ତଥା।
ହିଡିମ୍ବଂ ନିହତଂ ଦୃଷ୍ଟ୍ବା ସଂହୃଷ୍ଟାସ୍ତେ ତରସ୍ବିନଃ॥ 1-166-40 (7617)
ହିଡିମ୍ବା ସା ଚ ସଂପ୍ରେକ୍ଷ୍ଯ ନିହତଂ ରାକ୍ଷସଂ ରଣେ।
ଅଦୃଶ୍ଯାଶ୍ଚୈବ ଯେ ସ୍ବସ୍ସ୍ଥାଃ ସମେତାଃ ସର୍ଷିଚାରଣାଃ॥ 1-166-41 (7618)
ପୂଜଯନ୍ତି ସ୍ମ ତଂ ହୃଷ୍ଟାଃ ସାଧୁସାଧ୍ବିତି ପାଣ୍ଡବମ୍।
ଭ୍ରାତରଶ୍ଚାପି ସଂହୃଷ୍ଟା ଯୁଧିଷ୍ଠିରପୁରୋଗମାଃ॥ 1-166-42 (7619)
ଅପୂଜଯନ୍ନରବ୍ଯାଘ୍ରଂ ଭୀମସେନମରିନ୍ଦମମ୍।'
ଅଭିପୂଜ୍ଯ ମହାତ୍ମାନଂ ଭୀମଂ ଭୀମପରାକ୍ରମମ୍।
ପୁନରେବାର୍ଜୁନୋ ବାକ୍ଯମୁବାଚେଦଂ ବୃକୋଦରମ୍॥ 1-166-43 (7620)
ଅଦୂରେ ନଗରଂ ମନ୍ଯେ ବନାଦସ୍ମାଦହଂ ବିଭୋ।
ଶୀଘ୍ରଂ ଗଚ୍ଛାମ ଭଦ୍ରଂ ତେ ନ ନୋ ବିଦ୍ଯାତ୍ସୁଯୋଧନଃ॥ 1-166-44 (7621)
ତତଃ ସର୍ବେ ତଥେତ୍ଯୁକ୍ତ୍ବା ମାତ୍ରା ସହ ମହାରଥାଃ।
ପ୍ରଯଯୁଃ ପୁରୁଷବ୍ଯାଘ୍ରା ହିଡିମ୍ବା ଚୈବ ରାକ୍ଷସୀ॥ ॥ 1-166-45 (7622)
ଇତି ଶ୍ରୀମନ୍ମହାଭାରତେ ଆଦିପର୍ବଣି ହିଡିମ୍ବବଧପର୍ବମି ଷଟ୍ଷଷ୍ଟ୍ଯଧିକଶତତମୋଽଧ୍ଯାଯଃ॥ 166 ॥
Mahabharata - Adi Parva - Chapter Footnotes
1-166-8 ଭାବେ ଚିତ୍ତେ॥ 1-166-11 ବ୍ଯପନୀତୋ ଦୂରେ ନୀତଃ॥ 1-166-21 ଇତିଧ୍ବନିର୍ମାଭୂଦିତି ସଂବନ୍ଧଃ॥ 1-166-24 ଗନ୍ତବ୍ଯେ ସତି ଚିରଂ ସ୍ଥାତୁଂ ନ ଶକ୍ଯମ୍॥ 1-166-28 ଅଥବେତି ଦ୍ବଯଂ ପ୍ରୋତ୍ସାହନାର୍ଥଂ॥ 1-166-33 ବୃଥାମରଣଂ ସ୍ବର୍ଗାଦ୍ଯପ୍ରଯୋଜକଂ ମରଣମ୍॥ ଷଟ୍ଷଷ୍ଟ୍ଯଧିକଶତତମୋଽଧ୍ଯାଯଃ॥ 166 ॥ଆଦିପର୍ବ - ଅଧ୍ଯାଯ 167
॥ ଶ୍ରୀଃ ॥
1.167. ଅଧ୍ଯାଯଃ 167
Mahabharata - Adi Parva - Chapter Topics
ହିଡିମ୍ବାବଧେ ପ୍ରବୃତ୍ତସ୍ଯ ଭୀମସ୍ଯ ଯୁଧିଷ୍ଠିରକୃତଂ ନିବାରଣଂ॥ 1 ॥ ହିଡିମ୍ବଯା ସ୍ବସ୍ଯ ଧର୍ମଜ୍ଞତ୍ବସ୍ଯ ଭବିଷ୍ଯଜ୍ଜ୍ଞତ୍ବସ୍ଯ ଚ ପ୍ରକଟନମ୍॥ 2 ॥ ହିଡିମ୍ବାଯା ଧର୍ମିଷ୍ଠତାଂ ଜ୍ଞାତ୍ବା ତଦଙ୍ଗୀକରଣେ ଭୀମଂ ପ୍ରତି କୁନ୍ତ୍ଯା ଆଜ୍ଞା॥ 3 ॥Mahabharata - Adi Parva - Chapter Text
1-167-0 (7623)
ବୈଶମ୍ପାଯନ ଉବାଚ। 1-167-0x (978)
ସା ତାନେବାପତତ୍ତୂର୍ଣଂ ଭଗିନୀ ତସ୍ଯ ରକ୍ଷସଃ।
ଅବ୍ରୁବାଣା ହିଡିମ୍ବା ତୁ ରାକ୍ଷସୀ ପାଣ୍ଡବାନ୍ପ୍ରତି॥ 1-167-1 (7624)
ଅଭିବାଦ୍ଯ ତତଃ କୁନ୍ତୀଂ ଧର୍ମରାଜଂ ଚ ପାଣ୍ଡବମ୍।
ଅଭିପୂଜ୍ଯ ତତଃ ସର୍ବାନ୍ଭୀମସେନମଭାଷତ॥ 1-167-2 (7625)
ଅହଂ ତେ ଦର୍ଶାଦେବ ମନ୍ମଥସ୍ଯ ବଶଂ ଗତା।
କ୍ରୂରଂ ଭ୍ରାତୃବଚୋ ହିତ୍ବା ସା ତ୍ବାମେବାନିରୁନ୍ଧତୀ॥ 1-167-3 (7626)
ରାକ୍ଷସେ ରୌଦ୍ରସଙ୍କାଶେ ତବାପଶ୍ଯଂ ବିଚେଷ୍ଟିତମ୍।
ଅହଂ ଶୁଶ୍ରୂଷୁରିଚ୍ଛେଯଂ ତବ ଗାତ୍ରଂ ନିଷେବିତୁମ୍॥' 1-167-4 (7627)
ଭୀମସେନ ଉବାଚ। 1-167-5x (979)
ସ୍ମରନ୍ତି ବୈରଂ ରକ୍ଷାଂସି ମାଯାମାଶ୍ରିତ୍ଯ ମୋହିନୀମ୍।
ହିଡିମ୍ବେ ବ୍ରଜ ପନ୍ଥାନଂ ତ୍ବମିମଂ ଭ୍ରାତୃସେବିତମ୍॥ 1-167-5 (7628)
ଯୁଧିଷ୍ଠିର ଉବାଚ। 1-167-6x (980)
କ୍ରୁଦ୍ଧୋଽପି ପୁରୁଷବ୍ଯାଘ୍ର ଭୀମ ମା ସ୍ମ ସ୍ତ୍ରିଯଂ ବଧୀଃ।
ଶରୀରଗୁପ୍ତ୍ଯଭ୍ଯଧିକଂ ଧର୍ମଂ ଗୋପାଯ ପାଣ୍ଡବ॥ 1-167-6 (7629)
ବଧାଭିପ୍ରାଯମାଯାନ୍ତମବଧୀସ୍ତ୍ବଂ ମହାବଲମ୍।
ରକ୍ଷସସ୍ତସ୍ଯ ଭଗିନୀ କିଂ ନଃ କ୍ରୁଦ୍ଧା କରିଷ୍ଯତି॥ 1-167-7 (7630)
ବୈଶମ୍ପାଯନ ଉବାଚ। 1-167-8x (981)
ହିଡିମ୍ବା ତୁ ତତଃ କୁନ୍ତୀମଭିବାଦ୍ଯ କୃତାଞ୍ଜଲିଃ।
ଯୁଧିଷ୍ଠିରଂ ତୁ କୌନ୍ତେଯମିଦଂ ବଚନମବ୍ରବୀତ୍॥ 1-167-8 (7631)
ଆର୍ଯେ ଜାନାସି ଯଦ୍ଦୁଃଖମିହ ସ୍ତ୍ରୀଣାମନଙ୍ଗଜମ୍।
ତଦିଦଂ ମାମନୁପ୍ରାପ୍ତଂ ଭୀମସେନକୃତେ ଶୁଭେ॥ 1-167-9 (7632)
ସୋଢଂ ତତ୍ପରମଂ ଦୁଃଖଂ ମଯା କାଲପ୍ରତୀକ୍ଷଯା।
ସୋଽଯମଭ୍ଯାଗତଃ କାଲୋ ଭବିତା ମେ ସୁଖୋଦଯଃ॥ 1-167-10 (7633)
ମଯା ହ୍ଯୁତ୍ସୃଜ୍ଯ ସୁହୃଦଃ ସ୍ବଧର୍ମଂ ସ୍ବଜନଂ ତଥା।
ବୃତୋଽଯଂ ପୁରୁଷବ୍ଯାଘ୍ରସ୍ତବ ପୁତ୍ରଃ ପତିଃ ଶୁଭେ॥ 1-167-11 (7634)
ବୀରେଣାଽହଂ ତଥାଽନେନ ତ୍ବଯା ଚାପି ଯଶସ୍ବିନୀ।
ପ୍ରତ୍ଯାଖ୍ଯାତା ନ ଜୀବାମି ସତ୍ଯମେତଦ୍ବ୍ରବୀମି ତେ॥ 1-167-12 (7635)
ଯଦର୍ହସି କୃପାଂ କର୍ତୁଂ ମଯି ତ୍ବଂ ବରବର୍ଣିନି।
ମତ୍ବା ମୂଢେତି ତନ୍ମାଂ ତ୍ବଂ ଭକ୍ତା ବାଽନୁଗତେତି ବା॥ 1-167-13 (7636)
ଭର୍ତ୍ରାଽନେନ ମହାଭାଗେ ସଂଯୋଜଯ ସୁତେନ ହ।
ସମୁପାଦାଯ ଗଚ୍ଛେଯଂ ଯଥେଷ୍ଟଂ ଦେବରୂପିଣମ୍।
ପୁନଶ୍ଚୈବାନଯିଷ୍ଯାମି ବିସ୍ରମ୍ଭଂ କୁରୁ ମେ ଶୁଭେ॥ 1-167-14 (7637)
`ଅହଂ ହି ସମଯେ ଲପ୍ସ୍ଯେ ପ୍ରାଗ୍ଭ୍ରାତୁରପର୍ବଜନାତ୍।
ତତଃ ସୋଽଭ୍ଯପତଦ୍ରାତ୍ରୌ ଭୀମସେନଜିଘାଂସଯା॥ 1-167-15 (7638)
ଯଥାଯଥା ବିକ୍ରମତେ ଯଥାରିମଧିତିଷ୍ଠତି।
ତଥାତଥା ସମାସାଦ୍ଯ ପାଣ୍ଡବଂ କାମମୋହିତା॥ 1-167-16 (7639)
ନ ଯାତୁଧାନ୍ଯହଂ ତ୍ବାର୍ଯେ ନ ଚାସ୍ମି ରଜନୀଚରୀ।
ଈଶା ରକ୍ଷସ୍ସ୍ବସା ହ୍ଯସ୍ମି ରାଜ୍ଞି ସାଲକଟଙ୍କଟୀ॥ 1-167-17 (7640)
ପୁତ୍ରେଣ ତବ ସଂଯୁକ୍ତା ଯୁବତିର୍ଦେବବର୍ଣିନୀ।
ସର୍ବାନ୍ବୋଽହମୁପସ୍ଥାସ୍ଯେ ପୁରସ୍କୃତ୍ଯ ବୃକୋଦରମ୍॥ 1-167-18 (7641)
ଅପ୍ରମତ୍ତା ପ୍ରମତ୍ତେଷୁ ଶୁଶ୍ରୂଷୁରସକୃତ୍ତ୍ବହମ୍।'
ବୃଜିନେ ତାରଯିଷ୍ଯାମି ଦାସୀବଚ୍ଚ ନରର୍ଷଭାଃ॥ 1-167-19 (7642)
ପୃଷ୍ଠେନ ବୋ ବହିଷ୍ଯାମି ବିମାନଂ ସୁକୃତାନିବ।
ଯୂଯଂ ପ୍ରସାଦଂ କୁରୁତ ଭୀମସେନୋ ଭଜେତ ମାମ୍॥ 1-167-20 (7643)
`ଏବଂ ବ୍ରୁବନ୍ତୀ ହ ତଥା ପ୍ରତ୍ଯାଖ୍ଯାତା କ୍ରିଯାଂ ପ୍ରତି।
ଭୂମ୍ଯାଂ ଦୁଷ୍କୃତିନୋ ଲୋକାନ୍ଗମିଷ୍ଯେଽହଂ ନ ସଂଶଯଃ॥ 1-167-21 (7644)
ଅହଂ ହି ମନସା ଧ୍ଯାତ୍ବା ସର୍ବଂ ବେତ୍ସ୍ଯାମି ସର୍ବଦା।'
ଆପନ୍ନିସ୍ତରଣେ ପ୍ରାଣାନ୍ଧାରଯିଷ୍ଯେ ନ କେନଚିତ୍॥ 1-167-22 (7645)
ସର୍ବମାବୃତ୍ଯ କର୍ତବ୍ଯଂ ଧର୍ମଂ ସମନୁପଶ୍ଯତା।
ଆପତ୍ସୁ ଯୋ ଧାରଯତି ସ ବୈ ଧର୍ମବିଦୁତ୍ତମଃ॥ 1-167-23 (7646)
ବ୍ଯସନଂ ହ୍ଯେବ ଧର୍ମସ୍ଯ ଧର୍ମିଣାମାପଦୁଚ୍ଯତେ।
ପୁମ୍ଯାତ୍ପ୍ରାଣାନ୍ଧାରଯତି ପୁଣ୍ଯଂ ବୈ ପ୍ରାଣଧାରଣମ୍॥ 1-167-24 (7647)
ଯେନ କେନାଚରେଦ୍ଧର୍ମଂ ତସ୍ମିନ୍ଗର୍ହା ନ ବିଦ୍ଯତେ।
`ମହତୋଽତ୍ର ସ୍ତ୍ରିଯଂ କାମାଦ୍ବାଧିତାଂ ତ୍ରାହି ମାମପି॥ 1-167-25 (7648)
ଧର୍ମାର୍ଥକାମମୋକ୍ଷେଷୁ ଦଯାଂ କୁର୍ବନ୍ତି ସାଧବଃ।
ତତ୍ତୁ ଧର୍ମମିତି ପ୍ରାହୁର୍ମୁନଯୋ ଧର୍ମବତ୍ସଲାଃ॥ 1-167-26 (7649)
ଦିବ୍ଯଜ୍ଞାନେନ ଜାନାମି ବ୍ଯତୀତାନାଗତାନହମ୍।
ତସ୍ମାଦ୍ବକ୍ଷ୍ଯାମି ବଃ ଶ୍ରେଯ ଆସନ୍ନଂ ସର ଉତ୍ତମମ୍॥ 1-167-27 (7650)
ଅଦ୍ଯାସାଦ୍ଯ ସରଃ ସ୍ନାତ୍ବା ବିଶ୍ରମ୍ଯ ଚ ବନସ୍ପତୌ।
ଶ୍ବଃ ପ୍ରଭାତେ ମହଦ୍ଭୂତଂ ପ୍ରାଦୁର୍ଭୂତଂ ଜଗତ୍ପତିମ୍॥ 1-167-28 (7651)
ବ୍ଯାସଂ କମଲପତ୍ରାକ୍ଷଂ ଦୃଷ୍ଟ୍ବା ଶୋକଂ ବିହାସ୍ଯଥ।
ଧାର୍ତରାଷ୍ଟ୍ରାଦ୍ବିବାସଂ ଚ ଦହନଂ ବାରଣାବତେ॥ 1-167-29 (7652)
ତ୍ରାଣଂ ଚ ବିଦୁରାତ୍ତୁଭ୍ଯଂ ବିଦିତଂ ଜ୍ଞାନଚକ୍ଷୁଷା।
ଆବାସେ ଶାଲିହୋତ୍ରସ୍ଯ ସ ବୋ ବାସଂ ବିଧାସ୍ଯତି॥ 1-167-30 (7653)
ବର୍ଷବାତାତପସହୋ ହ୍ଯଯଂ ପୁଣ୍ଯୋ ବନସ୍ପତିଃ।
ପୀତମାତ୍ରେ ତୁ ପାନୀଯେ କ୍ଷୁତ୍ପିପାସେ ବିନଶ୍ଯତଃ॥ 1-167-31 (7654)
ତପସା ଶାଲିହୋତ୍ରେଣ ସରୋ ବୃକ୍ଷଶ୍ଚ ନିର୍ମିତଃ।
କାଦମ୍ବାଃ ସାରସା ହଂସାଃ କୁରର୍ଯଃ କୁରରୈଃ ସହ॥ 1-167-32 (7655)
ରୁବନ୍ତି ମଧୁରଂ ଗୀତଂ ଗାନ୍ଧର୍ବସ୍ବନମିଶ୍ରିତମ୍। 1-167-33 (7656)
ବୈଶମ୍ପାଯନ ଉବାଚ।
ତସ୍ଯାସ୍ତଦ୍ବଚନଂ ଶ୍ରୁତ୍ବା କୁନ୍ତୀ ବଚନମବ୍ରବୀତ୍॥ 1-167-33x (982)
ଯୁଧିଷ୍ଠିରଂ ମହାପ୍ରାଜ୍ଞଂ ସର୍ବଧର୍ମବିଶାରଦମ୍। 1-167-34 (7657)
କୁନ୍ତ୍ଯୁବାଚ।
ତ୍ବଂ ହି ଧର୍ମଭୃତାଂ ଶ୍ରେଷ୍ଠୋ ମଯୋକ୍ତଂ ଶୃଣୁ ଭାରତ॥ 1-167-34x (983)
ରାକ୍ଷସ୍ଯେଷା ହି ବାକ୍ଯେନ ଧର୍ମଂ ବଦତି ସାଧୁ ବୈ।
ଭାବେନ ଦୁଷ୍ଟା ଭୀମଂ ବୈ କିଂ କରିଷ୍ଯତି ରାକ୍ଷସୀ॥ 1-167-35 (7658)
ଭଜତାଂ ପାଣ୍ଡବଂ ବୀରମପତ୍ଯାର୍ଥଂ ଯଦୀଚ୍ଛସି।' 1-167-36 (7659)
ଯୁଧିଷ୍ଠିର ଉବାଚ।
ଏବମେତଦ୍ଯଥାଽଽତ୍ଥ ତ୍ବଂ ହିଡିମ୍ବେ ନାତ୍ର ସଂଶଯଃ॥ 1-167-36x (984)
ସ୍ଥାତବ୍ଯଂ ତୁ ତ୍ବଯା ଧର୍ମେ ଯଥା ବ୍ରୂଯାଂ ସୁମଧ୍ଯମେ।
`ନିତ୍ଯଂ କୃତାହ୍ନିକା ସ୍ନାତା କୃତଶୌଚା ସୁରୂପିଣୀ॥' 1-167-37 (7660)
ସ୍ନାତଂ କୃତାହ୍ନିକଂ ଭଦ୍ରେ କୃତକୌତୁକମଙ୍ଗଲମ୍।
ଭୀମସେନଂ ଭଜେଥାସ୍ତ୍ବମୁଦିତେ ବୈ ଦିବାକରେ॥ 1-167-38 (7661)
ଅହସ୍ସୁ ବିହରାନେନ ଯଥାକାମଂ ମନୋଜବା।
ଅଯଂ ତ୍ବାନଯିତବ୍ଯସ୍ତେ ଭୀମସେନଃ ସଦା ନିଶି॥ 1-167-39 (7662)
ପ୍ରାକ୍ସନ୍ଧ୍ଯାତୋ ବିମୋକ୍ତବ୍ଯୋ ରକ୍ଷିତବ୍ଯଶ୍ଚ ନିତ୍ଯଶଃ।
ଏବଂ ରମସ୍ବ ଭୀମେନ ଯାବଦ୍ଗର୍ଭସ୍ଯ ବେଦନମ୍॥ 1-167-40 (7663)
ଏଷ ତେ ସମଯୋ ଭଦ୍ରେ ଶୁଶ୍ରୂଷା ଚାପ୍ରମତ୍ତଯା।
ନିତ୍ଯାନୁକୂଲଯା ଭୂତ୍ବା କର୍ତବ୍ଯଂ ଶୋଭନଂ ତ୍ବଯା॥ ॥ 1-167-41 (7664)
ଇତି ଶ୍ରୀମନ୍ମହାଭାରତେ ଆଦିପର୍ବଣି ହିଡିମ୍ବବଧପର୍ବଣି ସପ୍ତଷଷ୍ଟ୍ଯଧିକଶତତମୋଽଧ୍ଯାଯଃ॥ 167 ॥
Mahabharata - Adi Parva - Chapter Footnotes
1-167-5 ଭ୍ରାତୃସେବିତଂ ପନ୍ଥାନଂ ମୃତ୍ଯୁମ୍॥ ସପ୍ତଷଷ୍ଟ୍ଯଧିକଶତତମୋଽଧ୍ଯାଯଃ॥ 167 ॥ଆଦିପର୍ବ - ଅଧ୍ଯାଯ 168
॥ ଶ୍ରୀଃ ॥
1.168. ଅଧ୍ଯାଯଃ 168
Mahabharata - Adi Parva - Chapter Topics
ହିଡିମ୍ବଯା ସହ ପାଣ୍ଡବାନାଂ ଶାଲିହୋତ୍ରସରୋଗମନମ୍॥ 1 ॥ ଶାଲିହୋତ୍ରେଣ ତେଷାମାତିଥ୍ଯକରଣମ୍॥ 2 ॥ ସମଯକରଣପୂର୍ବକଂ ଭୀମେନ ହିଡିମ୍ବ୍ଯାଃ ପରିଗ୍ରହଃ॥ 3 ॥ ରମଣୀଯେଷୁ ପ୍ରଦେଶେଷୁ ଭୀମେନ ସହ କ୍ରୀଡିତ୍ବା ସାଯାହ୍ନେ ଶାଲିହୋତ୍ରାଶ୍ରମଂ ପ୍ରତି ହିଡିମ୍ବ୍ଯା ନିବର୍ତନମ୍॥ 4 ॥ ତତ୍ର ବ୍ଯାସାଗମନମ୍॥ 5 ॥ ବ୍ଯାସେନ କୁନ୍ତ୍ଯା ଆଶ୍ବାସନମ୍॥ 6 ॥ ବ୍ଯାସସ୍ଯ ପ୍ରତିନିବର୍ତନମ୍॥ 7 ॥Mahabharata - Adi Parva - Chapter Text
1-168-0 (7665)
ବୈଶମ୍ପାଯନ ଉବାଚ। 1-168-0x (985)
ଯୁଧିଷ୍ଠିରବଚଃ ଶ୍ରୁତ୍ବା କୁନ୍ତୀମଙ୍ଗେଽଧିରୋପ୍ଯ ସା।
ଭୀମାର୍ଜୁନାନ୍ତରଗତା ଯମାଭ୍ଯାଂ ଚ ପୁରସ୍କୃତା॥ 1-168-1 (7666)
ତିର୍ଯଗ୍ଯୁଧିଷ୍ଠିରେ ଯାତି ହିଡିମ୍ବା ଭୀମଗାମିନୀ।
ଶାଲିହୋତ୍ରସରୋ ରମ୍ଯମାସସାଦ ଜଲାର୍ଥିନୀ॥ 1-168-2 (7667)
ବନସ୍ପତିତଲଂ ଗତ୍ବା ପରିମୃଜ୍ଯ ଗୃହଂ ଯଥା।
ପାଣ୍ଡବାନାଂ ଚ ବାସଂ ସା କୃତ୍ବା ପର୍ଣମଯଂ ତଥା॥ 1-168-3 (7668)
ଆତ୍ମନଶ୍ଚ ତଥା କୁନ୍ତ୍ଯା ଏକୋଦ୍ଦେଶେ ଚକାର ସା।
ପାଣ୍ଡବାସ୍ତୁ ତତଃ ସ୍ନାତ୍ବା ଶୁଦ୍ଧାଃ ସନ୍ଧ୍ଯାମୁପାସ୍ଯ ଚ॥ 1-168-4 (7669)
ତୃଷିତାଃ କ୍ଷୁତ୍ପିପାସାର୍ତା ଜଲମାତ୍ରେଣ ବର୍ତଯନ୍।
ଶାଲିହୋତ୍ରସ୍ତତୋ ଜ୍ଞାତ୍ବା କ୍ଷୁଧାର୍ତାନ୍ପାଣ୍ଡବାଂସ୍ତଦା॥ 1-168-5 (7670)
ମନସା ଚିନ୍ତଯାମାସ ପାନୀଯଂ ଭୋଜନଂ ମହତ୍।
ତତସ୍ତେ ପାଣ୍ଡବାଃ ସର୍ବେ ବିଶ୍ରାନ୍ତାଃ ପୃଥଯା ସହ॥ 1-168-6 (7671)
ଯଥା ଜତୁଗୃହେ ବୃତ୍ତଂ ରାକ୍ଷସେନ କୃତଂ ଚ ଯତ୍।
କୃତ୍ବା କଥା ବହୁବିଧାଃ କଥାନ୍ତେ ପାଣ୍ଡୁନନ୍ଦନମ୍॥ 1-168-7 (7672)
କୁନ୍ତୀ ରାଜସୁତା ବାକ୍ଯଂ ଭୀମସେନମଥାବ୍ରବୀତ୍।
ଯଥା ପାଣ୍ଡୁସ୍ତଥା ମାନ୍ଯସ୍ତବ ଜ୍ଯେଷ୍ଠୋ ଯୁଧିଷ୍ଠିରଃ॥ 1-168-8 (7673)
ଅହଂ ଧର୍ମବିଦାଽନେନ ମାନ୍ଯା ଗୁରୁତରା ତବ।
ତସ୍ମାତ୍ପାଣ୍ଡୁହିତାର୍ଥଂ ମେ ଯୁବରାଜ ହିତଂ କୁରୁ॥ 1-168-9 (7674)
ନିକୃତା ଧାର୍ତରାଷ୍ଟ୍ରେଣ ପାପେନାକୃତବୁଦ୍ଧିନା।
ଦୁଷ୍କୃତସ୍ଯ ପ୍ରତୀକାରଂ ନ ପଶ୍ଯାମି ବୃକୋଦର॥ 1-168-10 (7675)
ତସ୍ମାତ୍କତିପଯାହେନ ଯୋଗକ୍ଷେମଂ ଭବିଷ୍ଯତି।
କ୍ଷେମଂ ଦୁର୍ଗମିମଂ ବାସଂ ବତ୍ସ୍ଯାମ ହି ଯଥା ବଯମ୍॥ 1-168-11 (7676)
ଇଦମନ୍ଯନ୍ମହଦୁଃଖଂ ଧର୍ମକୃଚ୍ଛ୍ରଂ ବୃକୋଦର।
ଦୃଷ୍ଟ୍ବୈବ ତ୍ବାଂ ମହାପ୍ରାଜ୍ଞ ଅନଙ୍ଗାଭିପ୍ରଚୋଦିତା॥ 1-168-12 (7677)
ଯୁଧିଷ୍ଠିରଂ ଚ ମାଂ ଚୈବ ବରଯାମାସ ଧର୍ମତଃ।
ଧର୍ମାର୍ଥଂ ଦେହି ପୁତ୍ରଂ ତ୍ବଂ ସ ନଃ ଶ୍ରେଯଃ କରିଷ୍ଯତି॥ 1-168-13 (7678)
ପ୍ରତିବାକ୍ଯଂ ତୁ ନେଚ୍ଛାମି ଆବଯୋର୍ବଚନଂ କୁରୁ। 1-168-14 (7679)
ବୈଶମ୍ପାଯନ ଉବାଚ।
ତଥେତି ତତ୍ପ୍ରତିଜ୍ଞାଯ ଭୀମସେନୋଽବ୍ରବୀଦିଦମ୍॥ 1-168-14x (986)
ଶାସନଂ ତେ କରିଷ୍ଯାମି ବେଦଶାସନମିତ୍ଯପି।
ସମକ୍ଷଂ ଭ୍ରାତୃମଧ୍ଯେ ତୁ ତାଂ ଚୋବାଚ ସ ରାକ୍ଷସୀମ୍॥ 1-168-15 (7680)
ଶୃଣୁ ରାକ୍ଷସି ସତ୍ଯେନ ସମଯଂ ତେ ବଦାମ୍ଯହମ୍।'
ଯାବତ୍କାଲେନ ଭବତି ପୁତ୍ରସ୍ଯୋତ୍ପାଦନଂ ଶୁଭେ॥ 1-168-16 (7681)
ତାବତ୍କାଲଂ ଚରିଷ୍ଯାମି ତ୍ବଯା ସହ ସୁମଧ୍ଯମେ।
`ବିଶେଷତୋ ମତ୍ସକାଶେ ମା ପ୍ରକାଶଯ ନୀଚତାମ୍॥ 1-168-17 (7682)
ଉତ୍ତମସ୍ତ୍ରୀଗୁଣୋପେତା ଭଜେଥା ବରବର୍ଣିନି। 1-168-18 (7683)
ବୈଶମ୍ପାଯନ ଉବାଚ।
ସା ତଥେତି ପ୍ରତିଜ୍ଞାଯ ହିଡିମ୍ବା ରାକ୍ଷସୀ ତଥା॥ 1-168-18x (987)
ଗତାଽହନି ନିବେଶେଷୁ ଭୋଜ୍ଯଂ ରାଜାର୍ହମାନଯତ୍।
ସା କଦାଚିଦ୍ବିହାରାର୍ଥଂ ହିଡିମ୍ବା କାମରୂପିଣୀ॥ 1-168-19 (7684)
ଭୀମସେନମୁପାଦାଯ ଊର୍ଧ୍ବମାଚକ୍ରମଂ ତଦା।
ଶୈଲଶୃଙ୍ଗେଷୁ ରମ୍ଯେଷୁ ଦେବତାଯତନେଷୁ ଚ॥ 1-168-20 (7685)
ମୃଗପକ୍ଷିବିଘୃଷ୍ଟେଷୁ ରମଣୀଯେଷୁ ସର୍ବେଷୁ।
କୃତ୍ବା ସା ପରମଂ ରୂପଂ ସର୍ବାଭରଣଭୂଷିତା॥ 1-168-21 (7686)
ସଂଜଲ୍ପନ୍ତୀ ସୁମଧୁରଂ ରମଯାମାସ ପାଣ୍ଡବମ୍।
ତଥୈବ ବନଦୁର୍ଗେଷୁ ପର୍ବତଦ୍ରୁମସାନୁଷୁ॥ 1-168-22 (7687)
ସରସ୍ତୁ ରମଣୀଯେଷୁ ପଦ୍ମୋତ୍ପଲବନେଷୁ ଚ।
ନଦୀଦ୍ବୀପପ୍ରଦେଶେଷୁ ବୈଡୂର୍ଯସିକତେଷୁ ଚ॥ 1-168-23 (7688)
ଦେବାରଣ୍ଯେଷୁ ପୁଣ୍ଯେଷୁ ତଥା ପର୍ବତସାନୁଷୁ।
ସୁତୀର୍ଥବନତୋଯାସୁ ତଥା ଗିରିନଦୀଷୁ ଚ॥ 1-168-24 (7689)
ସାଗରସ୍ଯ ପ୍ରଦେଶେଷୁ ଭଣିହେମଯୁତେଷୁ ଚ।
ଗୁହ୍ଯକାନାଂ ନିବାସେଷୁ କୁଲପର୍ବତସାନୁଷୁ॥ 1-168-25 (7690)
ସର୍ବର୍ତୁଫଲବୃକ୍ଷେଷୁ ମାନସେଷୁ ବନେଷୁ ଚ।
ବିଭ୍ରତୀ ପରମଂ ରୂପଂ ରମଯାମାସ ପାଣ୍ଡବମ୍॥ 1-168-26 (7691)
`ଯଥା ସୁମୋଦତେ ସ୍ବର୍ଗେ ସୁକୃତ୍ଯପ୍ସରସା ସହ।
ସୁତରାଂ ପରମପ୍ରୀତସ୍ତଥା ରେମେ ମହାଦ୍ଯୁତିଃ॥ 1-168-27 (7692)
ଶୁଭଂ ହି ଜଘନଂ ତସ୍ଯାଃ ସବର୍ଣମଣିମେଖଲମ୍।
ନ ତତର୍ପ ତଦା ମୃଦ୍ଗନ୍ଭୀମସେନୋ ମୁହୁର୍ମୁହୁଃ॥' 1-168-28 (7693)
ରମଯନ୍ତୀ ତତୋ ଭୀମଂ ତତ୍ରତତ୍ର ମନୋଜବା।
ସା ରେମେ ତେନ ସଂହର୍ଷାତ୍ତୃପ୍ଯନ୍ତୀ ଚ ମୁହୁର୍ମୁହୁଃ॥ 1-168-29 (7694)
ଅହସ୍ସୁ ରମଯନ୍ତୀ ସା ନିଶାକାଲେଷୁ ପାଣ୍ଡବମ୍।
ଆନୀଯ ବୈ ସ୍ବକେ ଗେହେ ଦର୍ଶଯାମାସ ମାତରମ୍॥ 1-168-30 (7695)
ଭ୍ରାତୃଭିଃ ସହିତୋ ନିତ୍ଯଂ ସ୍ବପତେ ପାଣ୍ଡବସ୍ତଥା।
କୁନ୍ତ୍ଯାଃ ପରିଚରନ୍ତୀ ସା ତସ୍ଯାଃ ପାର୍ଶ୍ବେବସନ୍ନିଶାଂ॥ 1-168-31 (7696)
କାମାଂଶ୍ଚ ମୁଖବାସାଦୀନାନଯିଷ୍ଯତି ଭୋଜନମ୍।
ତସ୍ଯାଂ ରାତ୍ର୍ଯାଂ ବ୍ଯତୀତାଯାମାଜଗାମ ମହାବ୍ରତଃ॥ 1-168-32 (7697)
ପାରାଶର୍ଯୋ ମହାପ୍ରାଜ୍ଞୋ ଦିବ୍ଯଦର୍ଶୀ ମହାତପାଃ।
ତେଽଭିବାଦ୍ଯ ମହାତ୍ମାନଂ କୃଷ୍ଣଦ୍ବୈପାଯନଂ ଶୁଭମ୍।
ତସ୍ଥୁଃ ପ୍ରାଞ୍ଜଲଯଃ ସର୍ବେ ସସ୍ନୁଷା ଚୈବ ମାଧବୀ॥ 1-168-33 (7698)
ଶ୍ରୀବ୍ଯାସ ଉବାଚ। 1-168-34x (988)
ମଯେଦଂ ମନସା ପୂର୍ବଂ ବିଦିତଂ ଭରତର୍ଷଭାଃ।
ଯଥା ସ୍ଥିତୈରଧର୍ମେଣ ଧାର୍ତରାଷ୍ଟ୍ରୌର୍ବିବାସିତାଃ॥ 1-168-34 (7699)
ତଦ୍ବିଦିତ୍ବାଽସ୍ମି ସଂପ୍ରାପ୍ତଶ୍ଚିକୀର୍ଷ୍ବୈ ପରଂ ହିତମ୍।
ନ ବିଷାଦୋ ହି ବଃ କାର୍ଯଃ ସର୍ବମେତତ୍ସୁଖାଯ ବଃ॥ 1-168-35 (7700)
ସୁହୃଦ୍ବିଯୋଜନଂ କର୍ମ ପୁରାକୃତମରିନ୍ଦମାଃ।
ତସ୍ଯ ସିଦ୍ଧିରିଯଂ ପ୍ରାପ୍ତା ମା ଶୋଚତ ପରନ୍ତପାଃ॥ 1-168-36 (7701)
ସମାପ୍ତେ ଦୁଷ୍କୃତେ ଚୈବ ଯୂଯଂ ତେ ବୈ ନ ସଂଶଯଃ।
ସ୍ବରାଷ୍ଟ୍ରେ ବିହରିଷ୍ଯନ୍ତୋ ଭବିଷ୍ଯଥ ସବାନ୍ଧବାଃ॥ 1-168-37 (7702)
ଦୀନତୋ ବାଲତଶ୍ଚୈବ ସ୍ନେହଂ କୁର୍ବନ୍ତି ବାନ୍ଧବାଃ।
ତସ୍ମାଦଭ୍ଯଧିକଃ ସ୍ନେହୋ ଯୁଷ୍ମାସୁ ମମ ସଂପ୍ରତି॥ 1-168-38 (7703)
ସ୍ନେହପୂର୍ବଂ ଚିକୀର୍ଷାମି ହିତଂ ଯତ୍ତନ୍ନିବୋଧତ।
ବସତେହ ପ୍ରତିଚ୍ଛନ୍ନା ମମାଗମନକାଙ୍କ୍ଷିଣଃ॥ 1-168-39 (7704)
ଏତଦ୍ବୈ ଶାଲିହୋତ୍ରସ୍ଯ ତପସା ନିର୍ମିତଂ ସରଃ।
ରମଣୀଯମିଦଂ ତୋଯଂ କ୍ଷୁତ୍ପିପାସାଶ୍ରମାପହମ୍॥ 1-168-40 (7705)
କାର୍ଯାର୍ଥିନସ୍ତୁ ଷଣ୍ମାସାନ୍ବିହରଧ୍ବଂ ଯଥାସୁଖମ୍॥ 1-168-41 (7706)
ବୈଶମ୍ପାଯନ ଉବାଚ। 1-168-42x (989)
ଏବଂ ସ ତାନ୍ସମାଶ୍ବାସ୍ଯ ବ୍ଯାସଃ ପାର୍ଥାନରିନ୍ଦମାନ୍।
ସ୍ନେହାଚ୍ଚ ସଂପରିଷ୍ବଜ୍ଯ କୁନ୍ତୀମାଶ୍ବାସଯତ୍ପ୍ରଭୁଃ॥ 1-168-42 (7707)
ସ୍ନୁଷେ ମା ରୋଦ ମା ରୋଦେତ୍ଯେବଂ ବ୍ଯାସୋଽବ୍ରବୀଦ୍ବଚଃ।
ଜୀବପୁତ୍ରେ ସୁତସ୍ତେଽଯଂ ଧର୍ମନିତ୍ଯୋ ଯୁଧିଷ୍ଠିରଃ॥ 1-168-43 (7708)
ପୃଥିବ୍ଯାଂ ପାର୍ଥଇବାନ୍ସର୍ବାନ୍ପ୍ରଶାସିଷ୍ଯତି ଧର୍ମରାଟ୍।
ଧର୍ମେଣ ଜିତ୍ବା ପୃଥିବୀମଖିଲାଂ ଧର୍ମକୃଦ୍ବଶୀ॥ 1-168-44 (7709)
ସ୍ଥାପଯିତ୍ବା ବଶେ ସର୍ବାଂ ସପର୍ବତବନାଂ ଶୁଭାମ୍।
ଭୀମସେନାର୍ଜୁନବଲାଦ୍ଭୋକ୍ଷ୍ଯତ୍ଯଯମସଂଶଯମ୍॥ 1-168-45 (7710)
ପୁତ୍ରାସ୍ତବ ଚ ମାଦ୍ର୍ଯାଶ୍ଚ ପଞ୍ଚୈତେ ଲୋକବିଶ୍ରୁତାଃ।
ସ୍ବରାଷ୍ଟ୍ରେ ବିହରିଷ୍ଯନ୍ତି ସୁଖଂ ସୁମନସସ୍ତଦା॥ 1-168-46 (7711)
ଯକ୍ଷ୍ଯନ୍ତି ଚ ନରବ୍ଯାଘ୍ରା ବିଜିତ୍ଯ ପୃଥିବୀମିମାମ୍।
ରାଜସୂଯାଶ୍ବମେଧାଦ୍ଯୈଃ କ୍ରତୁଭିର୍ଭୂରିଦକ୍ଷିଣୈଃ॥ 1-168-47 (7712)
ଅନୁଗୃହ୍ଯ ସୁହୃଦ୍ବର୍ଗଂ ଧନେନ ଚ ସୁଖେନ ଚ।
ପିତୃପୈତାମହଂ ରାଜ୍ଯମହାରିଷ୍ଯନ୍ତି ତେ ସୁତାଃ॥ 1-168-48 (7713)
ସ୍ନୁଷା କମଲପତ୍ରାକ୍ଷୀ ନାମ୍ନା କମଲପାଲିକା।
ବଶବର୍ତିନୀ ତୁ ଭୀମସ୍ଯ ପୁତ୍ରମେଷା ଜନିଷ୍ଯତି॥ 1-168-49 (7714)
ତେନ ପୁତ୍ରେଣ କୃଚ୍ଛ୍ରେଷୁ ଭବିଷ୍ଯଥ ଚ ତାରିତାଃ।
ଇହ ମାସଂ ପ୍ରତୀକ୍ଷଧ୍ବମାଗମିଷ୍ଯାମ୍ଯହଂ ପୁନଃ॥ 1-168-50 (7715)
ଦେଶକାଲୌ ବିଦିତ୍ବୈବଂ ଯାସ୍ଯଧ୍ବଂ ପରମାଂ ମୁଦମ୍॥ 1-168-51 (7716)
ବୈଶମ୍ପାଯନ ଉବାଚ। 1-168-52x (990)
ସ ତୈଃ ପ୍ରାଞ୍ଜଲିଭିଃ ସର୍ବୈସ୍ତଥେତ୍ଯୁକ୍ତୋ ଜନାଧିପ।
ଜଗାମ ଭଗବାନ୍ବ୍ଯାସୋ ଯଥାଗତମୃଷିଃ ପ୍ରଭୁଃ॥ ॥ 1-168-52 (7717)
ଇତି ଶ୍ରୀମନ୍ମହାଭାରତେ ଆଦିପର୍ବଣି ହିଡିମ୍ବବଧପର୍ବଣି ଅଷ୍ଟଷଷ୍ଟ୍ଯଧିକଶତତମୋଽଧ୍ଯାଯଃ॥ 168 ॥
Mahabharata - Adi Parva - Chapter Footnotes
1-168-38 ଦୀନତୋ ବାଲତ ଇତି ଦ୍ବଯଂ ଭାବପ୍ରଧାନମ୍॥ ଅଷ୍ଟଷଷ୍ଟ୍ଯୁତ୍ତରଶତତମୋଽଧ୍ଯାଯଃ॥ 168 ॥ଆଦିପର୍ବ - ଅଧ୍ଯାଯ 169
॥ ଶ୍ରୀଃ ॥
1.169. ଅଧ୍ଯାଯଃ 169
Mahabharata - Adi Parva - Chapter Topics
ଘଟୋତ୍କଚୋତ୍ପତ୍ତିଃ॥ 1 ॥ ସ୍ମୃତିମାତ୍ରାଦାଗଚ୍ଛାବ ଇତ୍ଯୁକ୍ତ୍ବା ହିଡିମ୍ବାଘଟୋତ୍କଚଯୋର୍ଗମନମ୍॥ 2 ॥Mahabharata - Adi Parva - Chapter Text
1-169-0 (7718)
ବୈଶମ୍ପାଯନ ଉବାଚ। 1-169-0x (991)
ଗତେ ଭଗବତି ବ୍ଯାସେ ପାଣ୍ଡବା ବିଗତଜ୍ବରାଃ।
ଊଷୁସ୍ତତ୍ର ଚ ଷଣ୍ମାସାନ୍ବଟବୃକ୍ଷେ ଯଥାସୁଖମ୍॥ 1-169-1 (7719)
ଶାକମୂଲଫଲାହାରାସ୍ତପଃ କୁର୍ବନ୍ତି ପାଣ୍ଡବାଃ।
ଅନୁଜ୍ଞାତା ମହାରାଜ ତତଃ କମଲପାଲିକା॥ 1-169-2 (7720)
ରମଯନ୍ତୀ ସଦା ଭୀମଂ ତତ୍ରତତ୍ର ମନୋଜବା।
ଦିବ୍ଯାଭରଣବସ୍ତ୍ରା ହି ଦିବ୍ଯସ୍ରଗନୁଲେପନା॥ 1-169-3 (7721)
ଏବଂ ଭ୍ରାତୄନ୍ସପ୍ତ ମାସାନ୍ହିଡିମ୍ବାଽବାସଯଦ୍ବନେ।
ପାଣ୍ଡବାନ୍ଭୀମସେନାର୍ଥେ ରାକ୍ଷସୀ କାମରୂପିଣୀ॥ 1-169-4 (7722)
ସୁଖଂ ସ ବିହରନ୍ଭୀମସ୍ତତ୍କାଲଂ ପର୍ଯଣାମଯତ୍।
ତତୋଽଲଭତ ସା ଗର୍ଭଂ ରାକ୍ଷସୀ କାମରୂପିଣୀ॥ 1-169-5 (7723)
ଅତୃପ୍ତା ଭୀମସେନେନ ସପ୍ତମାସୋପସଂଗତା।'
ପ୍ରଜଜ୍ଞେ ରାକ୍ଷସୀ ପୁତ୍ରଂ ଭୀମସେନାନ୍ମହାବଲାତ୍॥ 1-169-6 (7724)
ବିରୂପାକ୍ଷଂ ମହାବକ୍ତ୍ରଂ ଶଙ୍କୁକର୍ଣଂ ବିଭୀଷଣମ୍।
ଭୀମରୂପଂ ସୁତାମ୍ରାକ୍ଷଂ ତୀକ୍ଷ୍ଣଦଂଷ୍ଟ୍ରଂ ମହାରଥମ୍॥ 1-169-7 (7725)
ମହେଷ୍ବାସଂ ମହାବୀର୍ଯଂ ମହାସତ୍ବଂ ମହାଜବମ୍।
ମହାକାଯଂ ମହାକାଲଂ ମହାଗ୍ରୀବଂ ମହାଭୁଜମ୍॥ 1-169-8 (7726)
ଅମାନୁଷଂ ମାନୁଷଜଂ ଭୀମବେଗମରିନ୍ଦମମ୍।
ପିଶାଚକାନତୀତ୍ଯାନ୍ଯାନ୍ବଭୂବାତି ସ ମାନୁଷାନ୍॥ 1-169-9 (7727)
ବାଲୋଽପି ବିକ୍ରମଂ ପ୍ରାପ୍ତୋ ମାନୁଷେଷୁ ବିଶାଂପତେ।
ସର୍ବାସ୍ତ୍ରେଷୁ ବରୋ ବୀରଃ ପ୍ରକାମମଭବଦ୍ବଲୀ॥ 1-169-10 (7728)
ସଦ୍ଯୋ ହି ଗର୍ଭଂ ରାକ୍ଷସ୍ଯୋ ଲଭନ୍ତେ ପ୍ରସବନ୍ତି ଚ।
କାମରୂପଧରାଶ୍ଚୈବ ଭବନ୍ତି ବହୁରୂପିକାଃ॥ 1-169-11 (7729)
ପ୍ରଣମ୍ଯ ବିକଚଃ ପାଦାବଗୃହ୍ଣାତ୍ସ ପିତୁସ୍ତଦା।
ମାତୁଶ୍ଚ ପରମେଷ୍ବାସସ୍ତୌ ଚ ନାମାସ୍ଯ ଚକ୍ରତୁଃ॥ 1-169-12 (7730)
ଘଟୋହାସ୍ଯୋତ୍କଚ ଇତି ମାତା ତଂ ପ୍ରତ୍ଯଭାଷତ।
ଅଭବତ୍ତେନ ନାମାସ୍ଯ ଘଟୋତ୍କଚ ଇତି ସ୍ମ ହ॥ 1-169-13 (7731)
ଅନୁରକ୍ତଶ୍ଚ ତାନାସୀତ୍ପାଣ୍ଡବାନ୍ସ ଘଟୋତ୍କଚଃ।
ତେଷାଂ ଚ ଦଯିତୋ ନିତ୍ଯମାତ୍ମନିତ୍ଯୋ ବଭୂବ ହ॥ 1-169-14 (7732)
ଘଟୋତ୍କଚୋ ମହାକାଯଃ ପାଣ୍ଡବାନ୍ପୃଥଯା ସହ।
ଅଭିବାଦ୍ଯ ଯଥାନ୍ଯାଯମବ୍ରବୀଚ୍ଚ ପ୍ରଭାଷ୍ଯ ତାନ୍॥ 1-169-15 (7733)
କିଂ କରୋମ୍ଯହମାର୍ଯାଣାଂ ନିଃଶଙ୍କଂ ବଦତାନଘାଃ।
ତଂ ବ୍ରୁବନ୍ତଂ ଭୈମସେନିଂ କୁନ୍ତୀ ବଚନମବ୍ରବୀତ୍॥ 1-169-16 (7734)
ତ୍ବଂ କୁରୂଣାଂ କୁଲେ ଜାତଃ ସାକ୍ଷାଦ୍ଭୀମସମୋ ହ୍ଯସି।
ଜ୍ଯେଷ୍ଠଃ ପୁତ୍ରୋସି ପଞ୍ଚାନାଂ ସାହାଯ୍ଯଂ କୁରୁ ପୁତ୍ରକ॥ 1-169-17 (7735)
ବୈଶମ୍ପାଯନ ଉବାଚ। 1-169-18x (992)
ପୃଥଯାପ୍ଯେବମୁକ୍ତସ୍ତୁ ପ୍ରଣମ୍ଯୈବ ବଚୋଽବ୍ରବୀତ୍।
ଯଥା ହି ରାବଣୋ ଲୋକେ ଇନ୍ଦ୍ରଜିଚ୍ଚ ମହାବଲଃ।
ବର୍ଷ୍ମବୀର୍ଯସମୋ ଲୋକେ ବିଶିଷ୍ଟଶ୍ଚାଭବଂ ନୃଷୁ॥ 1-169-18 (7736)
କୃତ୍ଯକାଲ ଉପସ୍ଥାସ୍ଯେ ପିତୄନିତି ଘଟୋତ୍କଚଃ।
ଆମନ୍ତ୍ର୍ଯ ରକ୍ଷସାଂ ଶ୍ରେଷ୍ଠଃ ପ୍ରତସ୍ଥେ ଚୋତ୍ତରାଂ ଦିଶମ୍॥ 1-169-19 (7737)
ସ ହି ସୃଷ୍ଟୋ ଭଗବତା ଶକ୍ତିହେତୋର୍ମହାତ୍ମନା।
ବର୍ଣସ୍ଯାପ୍ରତିବୀର୍ଯସ୍ଯ ପ୍ରତିଯୋଦ୍ଧା ମହାରଥଃ॥ 1-169-20 (7738)
`ଭୀମ ଉବାଚ। 1-169-21x (993)
ସହ ବାସୋ ମଯା ଜୀର୍ଣସ୍ତ୍ବଯା କମଲପାଲିକେ।
ପୁନର୍ଦ୍ରକ୍ଷ୍ଯସି ରାଜ୍ଯସ୍ଥାନିତ୍ଯଭାଷତ ତାଂ ତଦା॥ 1-169-21 (7739)
ହିଡିମ୍ବୋବାଚ। 1-169-22x (994)
ପଦା ମାଂ ସଂସ୍ମରେଃ କାନ୍ତ ରିରଂସୂ ରହସି ପ୍ରଭୋ।
ତଦା ତବ ବଶଂ ଭୂଯ ଆଗନ୍ତାସ୍ମ୍ଯାଶୁ ଭାରତ॥ 1-169-22 (7740)
ଇତ୍ଯୁକ୍ତ୍ବା ସା ଜଗାମାଶୁ ଭାବମାସଜ୍ଯ ପାଣ୍ଡବେ।
ହିଡିମ୍ବା ସମଯଂ ସ୍ମୃତ୍ବା ସ୍ବାଂ ଗତିଂ ପ୍ରତ୍ଯପଦ୍ଯତ॥ ॥ 1-169-23 (7741)
ଇତି ଶ୍ରୀମନ୍ମହାଭାରତେ ଆଦିପର୍ବଣି ହିଡିମ୍ବବଧପର୍ବଣି ଊନସପ୍ତତ୍ଯୁତ୍ତରଶତତମୋଽଧ୍ଯାଯଃ॥ 169 ॥
Mahabharata - Adi Parva - Chapter Footnotes
1-169-12 ବିକଚଃ କେଶହୀନଃ॥ 1-169-13 ଘଟୋହଂ ଘଟବଦ୍ବିତର୍କ୍ଯଂ ଆସ୍ଯଂ ତଦୁପଲକ୍ଷିତଂ ଶିରଃ ଯସ୍ଯ ସ ଘଟୋହାସ୍ଯଃ ସଚାସାବୁତ୍କଚଶ୍ଚ ଘଟୋହାସ୍ଯୋତ୍କଚଃ। ଘଟୋଽହମୁତ୍କଚୋଽସ୍ମୀତି ମାତରଂ ସୋଽଭ୍ଯଭାଷତ ଇତି ଘ.ଙ. ପାଠଃ॥ 13 ॥ 1-169-14 ଆତ୍ମନିଲଃ ସ୍ବବଶଃ॥ ଊନସପ୍ତତ୍ଯୁତ୍ତରଶତତମୋଽଧ୍ଯାଯଃ॥ 169 ॥ଆଦିପର୍ବ - ଅଧ୍ଯାଯ 170
॥ ଶ୍ରୀଃ ॥
1.170. ଅଧ୍ଯାଯଃ 170
Mahabharata - Adi Parva - Chapter Topics
ବନେ ଚରତାଂ ପାଣ୍ଡବାନାଂ ବ୍ଯାସେନ ସାନ୍ତ୍ବନଂ ଏକଚକ୍ରାନଗର୍ଯାଂ ବ୍ରାହ୍ମଣଗୃହେ ସ୍ଥାପନଂ ଚ॥ 1 ॥Mahabharata - Adi Parva - Chapter Text
1-170-0 (7742)
`ବୈଶମ୍ପାଯନ ଉବାଚ। 1-170-0x (995)
ତତସ୍ତେ ପାଣ୍ଡବାଃ ସର୍ବେ ଶାଲିହୋତ୍ରାଶ୍ରମେ ତଦା।
ପୂଜିତାସ୍ତେନ ବନ୍ଯେନ ତମାମନ୍ତ୍ର୍ଯ ମହାମୁନିମ୍॥ 1-170-1 (7743)
ଜଟାଃ କୃତ୍ବାଽଽତ୍ମନଃ ସର୍ବେ ବଲ୍କଲାଜିନବାସସଃ।
କୁନ୍ତ୍ଯା ସହ ମହାତ୍ମାନୋ ବିଭ୍ରତସ୍ତାପସଂ ବପୁଃ॥ 1-170-2 (7744)
ବ୍ରାହ୍ମଂ ବେଦମଧୀଯାନା ବେଦାଙ୍ଗାନି ଚ ସର୍ବଶଃ।
ନୀତିଶାସ୍ତ୍ରଂ ଚ ଧର୍ମଜ୍ଞା ନ୍ଯାଯଜ୍ଞାନଂ ଚ ପାଣ୍ଡବାଃ॥ 1-170-3 (7745)
ଶାଲିହୋତ୍ରପ୍ରସାଦେନ ଲବ୍ଧ୍ବା ପ୍ରୀତିମବାପ୍ଯ ଚ।'
ତେ ବନେନ ବନଂ ଗତ୍ବା ଘ୍ନନ୍ତୋ ମୃଗଗଣାନ୍ବହୂନ୍।
ଅପକ୍ରମ୍ଯ ଯଯୂ ରାଜଂସ୍ତ୍ବରମାଣା ମହାରଥାଃ॥ 1-170-4 (7746)
ମତ୍ସ୍ଯାଂସ୍ତ୍ରିଗର୍ତାନ୍ପାଞ୍ଚାଲାନ୍କୀଚକାନନ୍ତରେଣ ଚ।
ରମଣୀଯାନ୍ବନୋଦ୍ଦେଶାନ୍ପ୍ରେକ୍ଷମାଣାଃ ସରାଂସି ଚ॥ 1-170-5 (7747)
କ୍ବଚିଦ୍ବହନ୍ତୋ ଜନନୀଂ ତ୍ବରମାଣା ମହାରଥାଃ।
`କ୍ବଚିଚ୍ଛ୍ରାନ୍ତାଶ୍ଚ କାନ୍ତାରେ କ୍ବଚିତ୍ତିଷ୍ଠନ୍ତି ହର୍ଷିତାଃ'॥ 1-170-6 (7748)
କ୍ବଚିଚ୍ଛନ୍ଦେନ ଗଚ୍ଛନ୍ତସ୍ତେ ଜଗ୍ମୁଃ ପ୍ରସଭଂ ପୁନଃ।
ପଥି ଦ୍ବୈପାଯନ ସର୍ବେ ଦଦୃଶୁଃ ସ୍ବପିତାମହମ୍॥ 1-170-7 (7749)
ତେଽଭିବାଦ୍ଯ ମହାତ୍ମାନଂ କୃଷ୍ଣଦ୍ବୈପାଯନଂ ତଦା।
ତସ୍ଥୁଃ ପ୍ରାଞ୍ଜଲଯଃ ସର୍ବେ ସହ ମାତ୍ରା ପରନ୍ତପାଃ॥ 1-170-8 (7750)
ବ୍ଯାସ ଉବାଚ। 1-170-9x (996)
ତଦାଶ୍ରମାନ୍ନିର୍ଗମନଂ ମଯା ଜ୍ଞାତଂ ନରର୍ଷଭାଃ।
ଘଟୋତ୍କଚସ୍ଯ ଚୋତ୍ପତ୍ତିଂ ଜ୍ଞାତ୍ବା ପ୍ରୀତିରବର୍ଧତ॥ 1-170-9 (7751)
ଇଦଂ ନଗରମଭ୍ଯାଶେ ରମଣୀଯଂ ନିରାମଯମ୍।
ବସତେହ ପ୍ରତିଚ୍ଛନ୍ନା ମମାଗମନକାଙ୍କ୍ଷିଣଃ॥ 1-170-10 (7752)
ବୈଶମ୍ପାଯନ ଉବାଚ। 1-170-11x (997)
ଏବଂ ସ ତାନ୍ସମାଶ୍ବାସ୍ଯ ବ୍ଯାସଃ ପାର୍ତାନରିନ୍ଦମାନ୍।
ଏକଚକ୍ରାମଭିଗତାଂ କୁନ୍ତୀମାଶ୍ବାସଯତ୍ପ୍ରଭୁଃ॥ 1-170-11 (7753)
ଶ୍ରୀବ୍ଯାସ ଉବାଚ। 1-170-12x (998)
କୁର୍ଯାନ୍ନ କେବଲଂ ଧର୍ମଂ ଦୁଷ୍କୃତଂ ଚ ତଥାନ ନରଃ।
ସୁକୃତଂ ଦୁଷ୍କୃତଂ ଲୋକେ ନ କର୍ତା ନାସ୍ତି କଶ୍ଚନ॥ 1-170-12 (7754)
ଅବଶ୍ଯଂ ଲଭତେ କର୍ତା ଫଲଂ ବୈ ପୁଣ୍ଯପାପଯୋଃ।
ଦୁଷ୍କୃତସ୍ଯ ଫଲେନୈବ ପ୍ରାପ୍ତଂ ବ୍ଯସନମୁତ୍ତମମ୍॥ 1-170-13 (7755)
ତସ୍ମାନ୍ମାଧବି ମାନାର୍ହେ ମା ଚ ଶୋକେ ମନଃ କୃଥାଃ। 1-170-14 (7756)
ବୈଶମ୍ପାଯନ ଉବାଚ।
ଏବମୁକ୍ତ୍ବା ନିବେଶ୍ଯୈନାନ୍ବ୍ରାହ୍ମଣସ୍ଯ ନିବେଶନେ॥ 1-170-14x (999)
ଜଗାମ ଭଗବାନ୍ବ୍ଯାସୋ ଯତାକାମମୃଷିଃ ପ୍ରଭୁଃ॥ ॥ 1-170-15 (7757)
ଇତି ଶ୍ରୀମନ୍ମହାଭାରତେ ଆଦିପର୍ବଣି ହିଡିମ୍ବବଧପର୍ବଣି ସପ୍ତତ୍ଯଧିକଶତତମୋଽଧ୍ଯାଯଃ॥ 170 ॥ ॥ ସମାପ୍ତଂ ହିଡିମ୍ବବଧପର୍ବ ॥
ଆଦିପର୍ବ - ଅଧ୍ଯାଯ 171
॥ ଶ୍ରୀଃ ॥
1.171. ଅଧ୍ଯାଯଃ 171
(ଅଥ ବକବଧପର୍ବ ॥ 10 ॥)
Mahabharata - Adi Parva - Chapter Topics
ଏକଚକ୍ରାଯାଂ ଭିକ୍ଷାମଟତଃ ପାଣ୍ଡବାନ୍ଦୃଷ୍ଟ୍ବା ପୌରାଣାଂ ବିତର୍କଃ॥ 1 ॥ କୁମ୍ଭକାରାଦ୍ଭୀମସ୍ଯ ମହତ୍ତରପାତ୍ରଲାଭଃ॥ 2 ॥ ସଭାର୍ଯସ୍ଯ ତଦ୍ଗୃହସ୍ବାମିନୋ ବ୍ରାହ୍ମଣସ୍ଯ କ୍ରନ୍ଦିତଂ ଶ୍ରୁତବତ୍ଯାଃ କୁନ୍ତ୍ଯାଃ ଭୀମାନୁମତ୍ଯା ବ୍ରାହ୍ମଣାନ୍ତର୍ଗୃହପ୍ରବେଶଃ॥ 3 ॥ ବ୍ରାହ୍ମଣପ୍ରଲାପଃ॥ 4 ॥Mahabharata - Adi Parva - Chapter Text
1-171-0 (7758)
ଜନମେଜଯ ଉବାଚ। 1-171-0x (1000)
ଏକଚକ୍ରାଂ ଗତାସ୍ତେ ତୁ କୁନ୍ତୀପୁତ୍ରା ମହାରଥାଃ।
ଅତ ଊର୍ଧ୍ବଂ ଦ୍ବିଜଶ୍ରେଷ୍ଠ କିମକୁର୍ବତ ପାଣ୍ଡବାଃ॥ 1-171-1 (7759)
ବୈଶମ୍ପାଯନ ଉବାଚ। 1-171-2x (1001)
ଏକଚକ୍ରାଂ ଗତାସ୍ତେ ତୁ କନ୍ତୀପୁତ୍ରା ମହାରଥାଃ।
ଊଷୁର୍ନାତିଚିରଂ କାଲଂ ବ୍ରାହ୍ମଣସ୍ଯ ନିବେଶନେ॥ 1-171-2 (7760)
ରମଣୀଯାନି ପଶ୍ଯନ୍ତୋ ବନାନି ବିବିଧାନି ଚ।
ପାର୍ଥିବାନପି ଚୋଦ୍ଦେଶାନ୍ସରିତଶ୍ଚ ସରାଂସି ଚ॥ 1-171-3 (7761)
ଚେରୁର୍ଭୈଶ୍ରଂ ତଦା ତେ ତୁ ସର୍ବ ଏବ ବିଶାଂପତେ।
`ଯୁଧିଷ୍ଠିରଂ ଚ କୁନ୍ତୀଂ ଚ ଚିନ୍ତଯନ୍ତ ଉପାସତେ॥ 1-171-4 (7762)
ଭୈକ୍ଷଂ ଚରନ୍ତସ୍ତୁ ତଦା ଜଟିଲା ବ୍ରହ୍ମଚାରିଣଃ।
ବଭୂବୁର୍ନାଗରାଣାଂ ଚ ଗୁଣୈଃ ସଂପ୍ରିଯଦର୍ଶନାଃ॥ 1-171-5 (7763)
ନାଗରା ଊଚୁଃ। 1-171-6x (1002)
ଦର୍ଶନୀଯା ଦ୍ବିଜାଃ ଶୁଭ୍ରା ଦେବଗର୍ଭୋପମାଃ ଶୁଭାଃ।
ଭୈକ୍ଷାନର୍ହାଶ୍ଚ ରାଜ୍ଯାର୍ହାଃ ସୁକୁମାରାସ୍ତପସ୍ବିନଃ॥ 1-171-6 (7764)
ନୈତେ ଯଥାର୍ଥତୋ ବିପ୍ରାଃ ସୁକୁମାରାସ୍ତପସ୍ବିନଃ।
ଚରନ୍ତି ଭୂମୌ ପ୍ରଚ୍ଛନ୍ନାଃ କସ୍ମାଚ୍ଚିତ୍କାରଣାଦିହ॥ 1-171-7 (7765)
ସର୍ବଲକ୍ଷଣସଂପନ୍ନା ଭୈକ୍ଷଂ ନାର୍ହନ୍ତି ନିତ୍ଯଶଃ।
କାର୍ଯାର୍ଥିନଶ୍ଚରନ୍ତୀତି ତର୍କଯନ୍ତ ଇତି ବ୍ରୁବନ୍॥ 1-171-8 (7766)
ବନ୍ଧୂନାମାଗମାନ୍ନିତ୍ଯମୁପଚାରୈସ୍ତୁ ନାଗରାଃ।
ଭାଜନାନି ଚ ପୂର୍ଣାନି ଭକ୍ଷ୍ଯଭୋଜ୍ଯୈରକାରଯନ୍॥ 1-171-9 (7767)
ମୌନବ୍ରତେନ ସଂଯୁକ୍ତା ଭୈଶ୍ରଂ ଗୃହ୍ଣନ୍ତି ପାଣ୍ଡବାଃ।
ମାତା ଚିରଗତାନ୍ଜ୍ଞାତ୍ବା ଶୋଚନ୍ତୀ ପାଣ୍ଡବାନ୍ପ୍ରତି॥ 1-171-10 (7768)
ଦୁଃଖାଶ୍ରୁପୂର୍ଣନଯନା ଲିଖନ୍ତ୍ଯାସ୍ତେ ମହୀତଲମ୍।
ଭିକ୍ଷିତ୍ବା ଦ୍ବିଜଗେହେଷୁ ଚିନ୍ତଯନ୍ତଶ୍ଚ ମାତରମ୍॥ 1-171-11 (7769)
ତ୍ବରମାଣା ନିବର୍ତନ୍ତେ ମାତୃଗୌରବଯନ୍ତ୍ରିତାଃ।
ମାତ୍ରେ ନିବେଦଯନ୍ତି ସ୍ମ କୁନ୍ତ୍ଯୈ ଭୈକ୍ଷଂ ଦିବାନିଶମ୍॥ 1-171-12 (7770)
ସର୍ବଂ ସଂପୂର୍ଣଭୈକ୍ଷାନ୍ନଂ ମାତୃଦତ୍ତଂ ପୃଥକ୍ପୃଥକ୍।
ବିଭଜ୍ଯାଭୁଞ୍ଜତେଷ୍ଟଂ ତେ ଯଥାଭାଗଂ ପୃଥକ୍ପୃଥକ୍॥ 1-171-13 (7771)
ଅର୍ଧଂ ସ୍ମ ଭୁଞ୍ଜତେ ପଞ୍ଚ ସହ ମାତ୍ରା ପରନ୍ତପାଃ।
ଅର୍ଧଂ ସର୍ବସ୍ଯ ଭୈକ୍ଷସ୍ଯ ଭୀମୋ ଭୁଙ୍କ୍ତେ ମହାବଲଃ॥ 1-171-14 (7772)
ସ ନାଶିତଶ୍ଚ ଭବତି କଲ୍ଯାଣାନ୍ନଭୁଜିଃ ପୁରା।
ସ ବୈବର୍ଣ୍ଯଂ ଚ କାର୍ଶ୍ଯଂ ଚ ଜଗାମାତୃପ୍ତିକାରିତମ୍॥ 1-171-15 (7773)
ଆଜ୍ଯବିନ୍ଦୁର୍ଯଥା ବହ୍ନୌ ମହତି ଜ୍ବଲିତେ ଭବେତ୍।
ତଥାର୍ଧଭାଗଂ ଭୀମସ୍ଯ ଭିକ୍ଷାନ୍ନସ୍ଯ ନରୋତ୍ତମ॥ 1-171-16 (7774)
ତଥୈବ ବସତାଂ ତତ୍ର ତେଷାଂ ରାଜନ୍ମହାତ୍ମନାମ୍।
ଅତିଚକ୍ରାମ ସୁମହାନ୍କାଲୋଽଥ ଭରତର୍ଷଭ॥ 1-171-17 (7775)
ଭୀମୋଽପି କ୍ରୀଡଯିତ୍ବାଥ ମିଥୋ ବ୍ରାହ୍ମଣବନ୍ଧୁଷୁ।
କୁମ୍ଭକାରେଣ ସଂବନ୍ଧାଲ୍ଲେଭେ ପାତ୍ରଂ ମହତ୍ତରମ୍॥ 1-171-18 (7776)
କୁମ୍ଭକାରୋଽଦଦାତ୍ପାତ୍ରଂ ମହତ୍କୃତ୍ବାତିମାତ୍ରକମ୍।
ପ୍ରହସନ୍ଭୀମସେନାଯ ବିସ୍ମିତସ୍ତସ୍ଯ କର୍ମଣା॥ 1-171-19 (7777)
ତସ୍ଯାଦ୍ଭୁତଂ କର୍ମ କୁର୍ବନ୍ମୃଦ୍ଭାରଂ ମହଦାଦଦେ।
ମୃଦ୍ଭାରୈଃ ଶତସାହସ୍ରୈଃ କୁମ୍ଭକାରମତୋଷଯତ୍॥ 1-171-20 (7778)
ଚକ୍ରେ ଚକ୍ରେ ଚ ମୃଦ୍ଭାଣ୍ଡାନ୍ସତତଂ ଭୈକ୍ଷମାଚରନ୍।
ତଦାଦାଯାଗତଂ ଦୃଷ୍ଟ୍ବା ହସନ୍ତି ପ୍ରହସନ୍ତି ଚ॥ 1-171-21 (7779)
ଭକ୍ଷ୍ଯଭୋଜ୍ଯାନି ବିବିଧାନ୍ଯାଦାଯ ପ୍ରକ୍ଷିପନ୍ତି ଚ।
ଏବମେବ ସଦା ଭୁକ୍ତ୍ବା ମାତ୍ରେ ବଦତି ବୈ ରହଃ।
ନ ଚାଶିତୋଽସ୍ମି ଭବତି କଲ୍ଯାଣାନ୍ନଭୃତଃ ପୁରା॥' 1-171-22 (7780)
ତତଃ କଦାଚିଦ୍ଭୈକ୍ଷାଯ ଗତାସ୍ତେ ପୁରଷର୍ଷଭାଃ।
ସଂଗତ୍ଯ ଭୀମସେନସ୍ତୁ ତତ୍ରାସ୍ତେ ପୃଥଯା ସହ॥ 1-171-23 (7781)
ଅଥାର୍ତିଜଂ ମହାଶବ୍ଦଂ ବ୍ରାହ୍ମଣସ୍ଯ ନିବେଶନେ।
ଭୃଶମୁତ୍ପତିତଂ ଘୋରଂ କୁନ୍ତୀ ଶୁଶ୍ରାବ ଭାରତ॥ 1-171-24 (7782)
ରୋରୁଯମାଣାଂସ୍ତାନ୍ଦୃଷ୍ଟ୍ବା ପରିଦେବଯତଶ୍ଚ ସା।
କାରୁଣ୍ଯାତ୍ସାଧୁଭାବାଚ୍ଚ କୁନ୍ତୀ ରାଜନ୍ନ ଚକ୍ଷମେ॥ 1-171-25 (7783)
ମଥ୍ଯମାନେବ ଦୁଃଖେନ ହୃଦଯେନ ପୃଥା ତଦା।
ଉବାଚ ଭୀମଂ କଲ୍ଯାଣୀ କୃପାନ୍ବିତମିଦଂ ବଚଃ॥ 1-171-26 (7784)
ବସାମଃ ସୁସୁଖଂ ପୁତ୍ର ବ୍ରାହ୍ମଣସ୍ଯ ନିବେଶନେ।
ଅଜ୍ଞାତା ଧାର୍ତରାଷ୍ଟ୍ରସ୍ଯ ସତ୍କୃତାଂ ବୀତମନ୍ଯବଃ॥ 1-171-27 (7785)
ସା ଚିନ୍ତଯେ ସଦା ପୁତ୍ର ବ୍ରାହ୍ମଣସ୍ଯାସ୍ଯ କିଂ ନ୍ବହମ୍॥
କଦା ପ୍ରିଯଂ କରିଷ୍ଯାମି ଯତ୍କୁର୍ଯୁରୁଷିତାଃ ସୁଖମ୍॥ 1-171-28 (7786)
ଏତାବାନ୍ପୁରୁଷସ୍ତାତ କୃତଂ ଯସ୍ମିନ୍ନ ନଶ୍ଯତି।
ଯାବଚ୍ଚ କୁର୍ଯାଦନ୍ଯୋଽସ୍ଯ କୁର୍ଯାଦଭ୍ଯଧିକଂ ତତଃ॥ 1-171-29 (7787)
ତଦିଦଂ ବ୍ରାହ୍ମଣସ୍ଯାସ୍ଯ ଦୁଃଖମାପତିତଂ ଧ୍ରୁବମ୍।
ନ ତତ୍ର ଯଦି ସାହାଯ୍ଯଂ କୁର୍ଯାମ ସୁକୃତଂ ଭବେତ୍॥ 1-171-30 (7788)
ଭୀମସେନ ଉବାଚ। 1-171-31x (1003)
ଜ୍ଞାଯତାମସ୍ଯ ଯଦ୍ଦୁଃଖଂ ଯତଶ୍ଚୈବ ସମୁତ୍ଥିତମ୍।
ବିଦିତ୍ବା ବ୍ଯବସିଷ୍ଯାମି ଯଦ୍ଯପି ସ୍ଯାତ୍ସୁଦୁଷ୍କରମ୍॥ 1-171-31 (7789)
ବୈଶମ୍ପାଯନ ଉବାଚ। 1-171-32x (1004)
ଏବଂ ତୌ କଥଯନ୍ତୌ ଚ ଭୂଯଃ ସୁଶ୍ରୁବତୁଃ ସ୍ବନମ୍।
ଆର୍ତିଜଂ ତସ୍ଯ ବିପ୍ରସ୍ଯ ସଭାର୍ଯସ୍ଯ ବିଶାଂପତେ॥ 1-171-32 (7790)
ଅନ୍ତଃପୁରଂ ତତସ୍ତସ୍ଯ ବ୍ରାହ୍ମଣସ୍ଯ ମହାତ୍ମନଃ।
ବିବେଶ ତ୍ବରିତା କୁନ୍ତୀ ବଦ୍ଧବତ୍ସେବ ସୌରଭୀ॥ 1-171-33 (7791)
ତତସ୍ତଂ ବ୍ରାହ୍ମଣଂ ତତ୍ର ଭାର୍ଯଯା ଚ ସୁତେନ ଚ।
ଦୁହିତ୍ରା ଚୈବ ସହିତଂ ଦଦର୍ଶ ବିକୃତାନନମ୍॥ 1-171-34 (7792)
ବ୍ରାହ୍ମଣ ଉବାଚ। 1-171-35x (1005)
ଧିଗିଦଂ ଜୀବିତଂ ଲୋକେ ଗତସାରମନର୍ଥକମ୍।
ଦୁଃଖମୂଲଂ ପରାଧୀନଂ ଭୃଶମପ୍ରିଯଭାଗି ଚ॥ 1-171-35 (7793)
ଜୀବିତେ ପରମଂ ଦୁଃଖଂ ଜୀବିତେ ପରମୋ ଜ୍ବରଃ।
ଜୀବିତେ ବର୍ତମାନସ୍ଯ ଦ୍ବନ୍ଦ୍ବାନାମାଗମୋ ଧ୍ରୁବଃ॥ 1-171-36 (7794)
ଆତ୍ମା ହ୍ଯେକୋ ହି ଧର୍ମାର୍ଥୌ କାମଂ ଚୈବ ନିଷେବତେ।
ଏତୈଶ୍ଚ ବିପ୍ରଯୋଗୋଽପି ଦୁଃଖଂ ପରମନନ୍ତକମ୍॥ 1-171-37 (7795)
ଆହୁଃ କେଚିତ୍ପରଂ ମୋକ୍ଷଂ ସ ଚ ନାସ୍ତି କଥଂଚନ।
ଅର୍ଥପ୍ରାପ୍ତୌ ତୁ ନରକଃ କୃତ୍ସ୍ନ ଏବୋପପଦ୍ଯତେ॥ 1-171-38 (7796)
ଅର୍ଥେପ୍ସୁତା ପରଂ ଦୁଃଖମର୍ଥପ୍ରାପ୍ତୌ ତତୋଽଧିକମ୍।
ଜାତସ୍ନେହସ୍ଯ ଚାର୍ଥେଷୁ ବିପ୍ରଯୋଗେ ମହତ୍ତରମ୍॥ 1-171-39 (7797)
`ଯାବନ୍ତୋ ଯସ୍ଯ ସଂଯୋଗା ଦ୍ରବ୍ଯୈରିଷ୍ଟୈର୍ଭବନ୍ତ୍ଯୁତ।
ତାବନ୍ତୋଽସ୍ଯ ନିଖ୍ଯନ୍ତେ ହୃଦଯେ ଶୋକଶଙ୍କବଃ॥ 1-171-40 (7798)
ତଦିଦଂ ଜୀବିତଂ ପ୍ରାପ୍ଯ ଅଲ୍ପକାଲଂ ମହାଭଯମ୍।
ତ୍ଯାଗୋ ହି ନ ମଯା ପ୍ରାପ୍ତୋ ଭାର୍ଯଯା ସହିତେନ ଚ॥' 1-171-41 (7799)
ନ ହି ଯୋଗଂ ପ୍ରପଶ୍ଯାମି ଯେନ ମୁଚ୍ଯେଯମାପଦଃ।
ପୁତ୍ରଦାରେଣ ବା ସାର୍ଧଂ ପ୍ରାଦ୍ରବେଯମନାମଯମ୍॥ 1-171-42 (7800)
ଯତିତଂ ବୈ ମଯା ପୂର୍ବଂ ବେତ୍ଥ ବ୍ରାହ୍ମଣି ତତ୍ତଥା।
କ୍ଷେମଂ ଯତସ୍ତତୋ ଗନ୍ତୁଂ ତ୍ବଯା ତୁ ମମ ନ ଶ୍ରୁତମ୍॥ 1-171-43 (7801)
ଇହ ଜାତା ବିବୃଦ୍ଧାଽସ୍ମି ପିତା ମାତା ମମେତି ବୈ।
ଉକ୍ତବତ୍ଯସି ଦୁର୍ମେଧେ ଯାଚ୍ଯମାନା ମଯାଽସକୃତ୍॥ 1-171-44 (7802)
ସ୍ବର୍ଗତୋଽପି ପିତା ବୃଦ୍ଧସ୍ତଥା ମାତା ଚିରଂ ତବ।
ବନ୍ଧବା ଭୂତପୂର୍ବାଶ୍ଚ ତତ୍ର ବାସେ ତୁ କା ରତିଃ॥ 1-171-45 (7803)
`ନ ଭୋଜନଂ ବିରୁଦ୍ଧଂ ସ୍ଯାନ୍ନ ସ୍ତ୍ରୀଦେଶୋ ନିବନ୍ଧନଃ।
ସୁଦୂରମପି ତଂ ଦେଶଂ ବ୍ରଜେଦ୍ଗରୁଡହଂସବତ୍॥' 1-171-46 (7804)
ସୋଽଯଂ ତେ ବନ୍ଧୁକାମାଯା ଅଶୃଣ୍ବନ୍ତ୍ଯା ବଚୋ ମମ।
ବନ୍ଧୁପ୍ରଣାଶଃ ସଂପ୍ରାପ୍ତୋ ଭୃଶଂ ଦୁଃଖକରୋ ମମ॥ 1-171-47 (7805)
ଅଥବା ମଦ୍ବିନାଶୋ ଯଂ ନ ହି ଶକ୍ଷ୍ଯାମି କଂଚନ।
ପରିତ୍ଯକ୍ତୁମହଂ ବନ୍ଧୁଂ ସ୍ବଯଂ ଜୀବନ୍ନୃଶଂସବତ୍॥ 1-171-48 (7806)
ସହଧର୍ମଚରୀଂ ଦାନ୍ତାଂ ନିତ୍ଯଂ ମାତୃସମାଂ ମମ।
ସଖାଯଂ ବିହିତାଂ ଦେବୈର୍ନିତ୍ଯଂ ପରମିକାଂ ଗତିମ୍॥ 1-171-49 (7807)
ପିତ୍ରା ମାତ୍ରା ଚ ବିହିତାଂ ସଦା ଗାର୍ହସ୍ଥ୍ଯଭାଗିନୀମ୍।
ବରଯିତ୍ବା ଯଥାନ୍ଯାଯଂ ମନ୍ତ୍ରବତ୍ପରିଣୀଯ ଚ॥ 1-171-50 (7808)
କୁଲୀନାଂ ଶୀଲସଂପନ୍ନାମପତ୍ଯଜନନୀମପି।
ତ୍ବାମହଂ ଜୀବିତସ୍ଯାର୍ଥେ ସାଧ୍ବୀମନପକାରିଣୀମ୍॥ 1-171-51 (7809)
ପରିତ୍ଯକ୍ତୁଂ ନ ଶକ୍ଷ୍ଯାମି ଭାର୍ଯାଂ ନିତ୍ଯମନୁବ୍ରତାମ୍।
କୁତ ଏବ ପରିତ୍ଯକ୍ତୁଂ ସୁତାଂ ଶକ୍ଷ୍ଯାମ୍ଯହଂ ସ୍ବଯମ୍॥ 1-171-52 (7810)
ବାଲାମପ୍ରାପ୍ତବଯସମଜାତବ୍ଯଞ୍ଜନାକୃତିମ୍।
ଭର୍ତୁରର୍ଥାଯ ନିକ୍ଷିପ୍ତାଂ ନ୍ଯାସଂ ଧାତ୍ରା ମହାତ୍ମନା॥ 1-171-53 (7811)
ଯଯା ଦୌହିତ୍ରଜାଁଲ୍ଲୋକାନାଶଂସେ ପିତୃଭିଃ ସହ।
ସ୍ବଯମୁତ୍ପାଦ୍ଯ ତାଂ ବାଲାଂ କଥମୁତ୍ସ୍ରଷ୍ଟୁମୁତ୍ସହେ॥ 1-171-54 (7812)
ମନ୍ଯନ୍ତେ କେଚିଦଧିକଂ ସ୍ନେହଂ ପୁତ୍ରେ ପିତୁର୍ନରାଃ।
କନ୍ଯାଯାଂ କେଚିଦପରେ ମମ ତୁଲ୍ଯାବୁଭୌ ସ୍ମୃତୌ॥ 1-171-55 (7813)
ଯସ୍ଯାଂ ଲୋକାଃ ପ୍ରସୂତିଶ୍ଚ ସ୍ଥିତା ନିତ୍ଯମଥୋ ସୁଖମ୍।
ଅପାପାଂ ତାମହଂ ବାଲାଂ କଥମୁତ୍ସ୍ରଷ୍ଟୁମୁତ୍ସହେ॥ 1-171-56 (7814)
`କୁତ ଏବ ପରିତ୍ଯକ୍ତୁଂ ସୁତଂ ଶକ୍ଷ୍ଯାମ୍ଯହଂ ସ୍ବଯମ୍।
ପ୍ରାର୍ଥଯେଯଂ ପରାଂ ପ୍ରୀତିଂ ଯସ୍ମିନ୍ସ୍ବର୍ଗଫଲାନି ଚ॥ 1-171-57 (7815)
ଯସ୍ଯ ଜାତସ୍ଯ ପିତରୋ ମୁଖଂ ଦୃଷ୍ଟ୍ବା ଦିବଂ ଗତାଃ।
ଅହଂ ମୁକ୍ତଃ ପିତୃଋଣାଦ୍ଯସ୍ଯ ଜାତସ୍ଯ ତେଜସା॥ 1-171-58 (7816)
ଦଯିତଂ ମେ କଥଂ ବାଲମହଂ ତ୍ଯକ୍ତୁମିହୋତ୍ସହେ।
ତମହଂ ଜ୍ଯେଷ୍ଠପୁତ୍ରଂ ମେ କୁଲନିର୍ହାରକଂ ବିଭୁମ୍॥ 1-171-59 (7817)
ମମ ପିଣ୍ଡୋଦକନିଧିଂ କଥଂ ତ୍ଯକ୍ଷ୍ଯାମି ପୁତ୍ରକମ୍।
ତ୍ଯାଗୋଽଯଂ ମମ ସଂପ୍ରାପ୍ତୋ ମମନ୍ବା ମେ ସୁତସ୍ଯ ବା॥ 1-171-60 (7818)
ତବ ବା ତବ ପୁତ୍ର୍ଯା ବା ଅତ୍ର ବାସସ୍ଯ ତତ୍ଫଲମ୍।
ନ ଶୃଣୋଷି ବଚୋ ମହ୍ଯଂ ତତ୍ଫଲଂ ଭୁଙ୍କ୍ଷ୍ବ ଭାମିନି॥ 1-171-61 (7819)
ଅଥବାହଂ ନ ଶକ୍ଷ୍ଯାମି ସ୍ବଯଂ ମର୍ତୁଂ ସୁତଂ ମମ।
ଏକଂ ତ୍ଯକ୍ତୁଂ ନ ଶକ୍ନୋତି ଭବତୀଂ ଚ ସୁତାମପି॥ 1-171-62 (7820)
ଅଥ ମଦ୍ରକ୍ଷଣାର୍ଥଂ ବା ନ ହି ଶକ୍ଷ୍ଯାମି କଂଚନ।
ପରିତ୍ଯକ୍ତୁମହଂ ବନ୍ଧୁଂ ସ୍ବଯଂ ଜୀବନ୍ନୃଶଂସବତ୍॥ 1-171-63 (7821)
ଆତ୍ମାନମପି ଚୋତ୍ସୃଜ୍ଯ ଗତେ ପ୍ରେତବଶଂ ମଯି।'
ତ୍ଯକ୍ତା ହ୍ଯେତେ ମଯା ବ୍ଯକ୍ତଂ ନେହ ଶକ୍ଷ୍ଯନ୍ତି ଜୀବିତୁମ୍॥ 1-171-64 (7822)
ଏଷାଂ ଚାନ୍ଯତମତ୍ଯାଗୋ ନୃଶଂସୋ ଗର୍ହିତୋ ବୁଧୈଃ।
ଆତ୍ମତ୍ଯାଗେ କୃତେ ଚେମେ ମରିଷ୍ଯନ୍ତି ମଯା ବିନା॥ 1-171-65 (7823)
ସ କୃଚ୍ଛ୍ରାମହମାପନ୍ନୋ ନ ଶକ୍ତସ୍ତର୍ତୁମାପଦମ୍।
ଅହୋ ଧିକ୍କାଂ ଗତିଂ ତ୍ବଦ୍ଯ ଗମିଷ୍ଯାମି ସବାନ୍ଧବଃ।
ସର୍ବୈଃ ସହ ମୃତଂ ଶ୍ରେଯୋ ନ ଚ ମେ ଜୀବିତୁଂ କ୍ଷମମ୍॥ ॥ 1-171-66 (7824)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବକବଚପର୍ବଣି ଏକସପ୍ତତ୍ଯଧିକଶତତମୋଽଧ୍ଯାଯଃ॥ 171 ॥
Mahabharata - Adi Parva - Chapter Footnotes
1-171-42 ଯୋଗମୁପାଯମ୍॥ ଏକସପ୍ତତ୍ଯଧିକଶତତମୋଽଧ୍ଯାଯଃ॥ 171 ॥ଆଦିପର୍ବ - ଅଧ୍ଯାଯ 172
॥ ଶ୍ରୀଃ ॥
1.172. ଅଧ୍ଯାଯଃ 172
Mahabharata - Adi Parva - Chapter Topics
ବ୍ରାହ୍ମଣ ପ୍ରତି ତତ୍ପତ୍ନୀବାକ୍ଯମ୍॥ 1 ॥Mahabharata - Adi Parva - Chapter Text
1-172-0 (7825)
ବ୍ରାହ୍ମଣ୍ଯୁବାଚ। 1-172-0x (1006)
ନ ସନ୍ତାପସ୍ତ୍ବଯା କାର୍ଯଃ ପ୍ରାକୃତେନେବ କର୍ହିଚିତ୍।
ନ ହି ସନ୍ତାପକାଲୋଽଯଂ ବୈଦ୍ଯସ୍ଯ ତବ ବିଦ୍ଯତେ॥ 1-172-1 (7826)
ଅବଶ୍ଯଂ ନିଧନଂ ସର୍ବୈର୍ଗନ୍ତବ୍ଯମିହ ମାନବୈଃ।
ଅବଶ୍ଯଭାବିନ୍ଯର୍ଥେ ବୈ ସଂତାପୋ ନେହ ବିଦ୍ଯତେ॥ 1-172-2 (7827)
ଭାର୍ଯା ପୁତ୍ରୋଽଥ ଦୁହିତା ସର୍ବମାତ୍ମାର୍ଥମିଷ୍ଯତେ।
ବ୍ଯଥାଂ ଜହି ସୁବୁଦ୍ଧ୍ଯା ତ୍ବଂ ସ୍ବଯଂ ଯାସ୍ଯାମି ତତ୍ର ଚ॥ 1-172-3 (7828)
ଏତଦ୍ଧି ପରମଂ ନାର୍ଯାଃ କାର୍ଯଂ ଲୋକେ ସନାତନମ୍।
ପ୍ରାଣାନପି ପରିତ୍ଯଜ୍ଯ ଯଦ୍ଭର୍ତୁର୍ହିତମାଚରେତ୍॥ 1-172-4 (7829)
ତଚ୍ଚ ତତ୍ର କୃତଂ କର୍ମ ତବାପୀଦଂ ସୁଖାବହମ୍।
ଭବତ୍ଯମୁତ୍ର ଚାକ୍ଷଯ୍ଯଂ ଲୋକେଽସ୍ମିଂଶ୍ଚ ଯଶସ୍କରମ୍॥ 1-172-5 (7830)
ଏଷ ଚୈବ ଗୁରୁର୍ଧର୍ମୋ ଯଂ ପ୍ରବକ୍ଷ୍ଯାମ୍ଯହଂ ତବ।
ଅର୍ଥଶ୍ଚ ତବ ଧର୍ମଶ୍ଚ ଭୂଯାନତ୍ର ପ୍ରଦୃଶ୍ଯତେ॥ 1-172-6 (7831)
ଯଦର୍ଥମିଷ୍ଯତେ ଭାର୍ଯା ପ୍ରାପ୍ତଃ ସୋଽର୍ଥସ୍ତ୍ବଯା ମଯି।
କନ୍ଯା ଚୈକା କୁମାରଶ୍ଚ କୃତାହମନୃଣା ତ୍ବଯା॥ 1-172-7 (7832)
ସମର୍ଥଃ ପୋଷଣେ ଚାସି ସୁତଯୋ ରକ୍ଷଣେ ତଥା।
ନ ତ୍ବହଂ ସୁତଯୋଃ ଶକ୍ତା ତଥା ରକ୍ଷଣପୋଷଣେ॥ 1-172-8 (7833)
ମମ ହି ତ୍ବଦ୍ବିହୀନାଯାଃ ସର୍ବପ୍ରାଣଧନେଶ୍ବର।
କଥଂ ସ୍ଯାତାଂ ସୁତୌ ବାଲୌ ଭରେଯଂ ଚ କଥଂ ତ୍ବହମ୍॥ 1-172-9 (7834)
କଥଂ ହି ବିଧବାଽନାଥା ବାଲପୁତ୍ରା ବିନା ତ୍ବଯା।
ମିଥୁନଂ ଜୀବଯିଷ୍ଯାମି ସ୍ଥିତା ସାଧୁଗତେ ପଥି॥ 1-172-10 (7835)
ଅହଂ କୃତାବଲେପୈଶ୍ଚ ପ୍ରାର୍ଥ୍ଯମାନାମିମାଂ ସୁତାମ୍।
ଅଯୁକ୍ତୈସ୍ତବ ସଂବନ୍ଧେ କଥଂ ଶକ୍ଷ୍ଯାମି ରକ୍ଷିତୁମ୍॥ 1-172-11 (7836)
ଉତ୍ସୃଷ୍ଟମାମିଷଂ ଭୂମୌ ପ୍ରାର୍ଥଯନ୍ତି ଯଥା ଖଗାଃ।
ପ୍ରାର୍ଥଯନ୍ତି ଜନାଃ ସର୍ବେ ପତିହୀନାଂ ତଥା ସ୍ତ୍ରିଯମ୍॥ 1-172-12 (7837)
ସାଽହଂ ବିଚାଲ୍ଯମାନା ବୈ ପ୍ରାର୍ଥ୍ଯମାନା ଦୁରାତ୍ମଭିଃ।
ସ୍ଥାତୁଂ ପଥି ନ ଶକ୍ଷ୍ଯାମି ସଜ୍ଜନେଷ୍ଟେ ଦ୍ବିଜୋତ୍ତମ॥ 1-172-13 (7838)
`ସ୍ତ୍ରୀଜନ୍ମ ଗର୍ହିତଂ ନାଥ ଲୋକେ ଦୁଷ୍ଟଜନାକୁଲେ।
ମାତାପିତ୍ରୋର୍ବଶେ କନ୍ଯା ପ୍ରୌଢା ଭର୍ତୃବଶେ ତଥା॥ 1-172-14 (7839)
ଅଭାବେ ଚାନଯୋଃ ପୁତ୍ରେ ଖତନ୍ତ୍ରା ସ୍ତ୍ରୀ ବିଗର୍ହିତା॥ 1-172-15 (7840)
ଅନାଥତ୍ବଂ ସ୍ତ୍ରିଯୋ ଦ୍ବାରଂ ଦୁଷ୍ଟାନାଂ ବିବୃତଂ ହି ତତ୍।
ବସ୍ତ୍ରଖଣ୍ଡଂ ଘୃତାକ୍ତଂ ହି ଯଥା ସଂକୃଷ୍ଯତେ ଶ୍ବଭିଃ॥' 1-172-16 (7841)
କଥଂ ତବ କୁଲସ୍ଯୈକମିମଂ ବାଲମନାଗସମ୍।
ପିତୃପୈତାମହେ ମାର୍ଗେ ନିଯୋକ୍ତୁମହମୁତ୍ସହେ॥ 1-172-17 (7842)
କଥଂ ଶକ୍ଷ୍ଯାମି ବାଲେଽସ୍ମିନ୍ଗୁଣାନାଧାତୁମୀପ୍ସିତାନ୍।
ଅନାଥେ ସର୍ବତୋ ଲୁପ୍ତେ ଯଥା ତ୍ବଂ ଧର୍ମଦର୍ଶିବାନ୍॥ 1-172-18 (7843)
ଇମାମପି ଚ ତେ ବାଲାମନାଥାଂ ପରିଭୂଯ ମାମ୍।
ଅନର୍ହାଃ ପ୍ରାର୍ଥଯିଷ୍ଯନ୍ତି ଶୂଦ୍ରା ବେଦଶ୍ରୁତିଂ ଯଥା॥ 1-172-19 (7844)
ତାଂ ଚେଦହଂ ନ ଦିତ୍ସେଯଂ ସଦ୍ଗୁଣୈରୁପବୃଂହିତାମ୍।
ପ୍ରମଥ୍ଯୈନାଂ ହରେଯୁସ୍ତେ ହବିର୍ଧ୍ବାଙ୍କ୍ଷା ଇବାଧ୍ବରାତ୍॥ 1-172-20 (7845)
ସଂପ୍ରେକ୍ଷମାଣା ପୁତ୍ରୀଂ ତେ ନାନୁରୂପମିବାତ୍ମନଃ।
ଅନର୍ହବଶମାପନ୍ନାମିମାଂ ଚାପି ସୁତାଂ ତବ॥ 1-172-21 (7846)
ଅବଜ୍ଞାତା ଚ ଲୋକେଷୁ ତଥାନ୍ମାନମଜାନତୀ।
ଅବଲିପ୍ତୈରୈର୍ବ୍ରହ୍ମନ୍ମରିଷ୍ଯାମି ନ ସଂଶଯଃ॥ 1-172-22 (7847)
ତୌ ଚ ହୀନୌ ମଯା ବାଲୌ ତ୍ବଯା ଚୈବ ତଥାତ୍ମଜୌ।
ବିନଶ୍ଯେତାଂ ନ ସନ୍ଦେହୋ ମତ୍ସ୍ଯାବିବ ଜଲକ୍ଷଯେ॥ 1-172-23 (7848)
ତ୍ରିତଯଂ ସର୍ବଥାପ୍ଯେବଂ ବିନଶିଷ୍ଯତ୍ଯସଂଶଯମ୍।
ତ୍ବଯା ବିହୀନଂ ତସ୍ମାତ୍ତ୍ବଂ ମାଂ ପରିତ୍ଯକ୍ତୁମର୍ହସି॥ 1-172-24 (7849)
ବ୍ଯୁଷ୍ଟିରେଷା ପରା ସ୍ତ୍ରୀଣାଂ ପୂର୍ବଂ ଭର୍ତୁଃ ପରା ଗତିଃ।
ନନୁ ବ୍ରହ୍ମନ୍ସପୁତ୍ରାଣାମିତି ଧର୍ମବିଦୋ ବିଦୁଃ॥ 1-172-25 (7850)
`ଅନିଷ୍ଟମିହ ପୁତ୍ରାଣାଂ ବିଷଯେ ପରିବର୍ତିତୁମ୍।
ହରିଦ୍ରାଞ୍ଜନପୁଷ୍ପାଦିସୌମଙ୍ଗଲ୍ଯଯୁତା ସତୀ॥ 1-172-26 (7851)
ମରଣଂ ଯାତି ଯା ଭର୍ତୁସ୍ତଦ୍ଦତ୍ତଜଲପାଯିନୀ।
ଭର୍ତୃପାଦାର୍ପିତମନାଃ ସା ଯାତି ଗିରିଜାପଦମ୍॥ 1-172-27 (7852)
ଗିରାଜାଯାଃ ସଖୀ ଭୂତ୍ବା ମୋଦତେ ନଗକନ୍ଯଯା।
ମିତଂ ଦଦାତି ହି ପିତା ମିତଂ ମାତା ମିତଂ ସୁତଃ॥ 1-172-28 (7853)
ଅମିତସ୍ଯ ହି ଦାତାରଂ କା ପତିଂ ନାଭିନନ୍ଦତି।
ଆଶ୍ରମାଶ୍ଚାଗ୍ନିସଂସ୍କାରା ଜପହୋମବ୍ରତାନି ଚ॥ 1-172-29 (7854)
ସ୍ତ୍ରୀଣାଂ ନୈତେ ବିଧାତବ୍ଯା ବିନା ପତିମନିନ୍ଦିତମ୍।
କ୍ଷମା ଶୌଚମନାହାରମେତାବଦ୍ବିହିତଂ ସ୍ତ୍ରିଯାଃ॥' 1-172-30 (7855)
ପରିତ୍ଯକ୍ତଃ ସୁତଶ୍ଚାଯଂ ଦୁହିତେଯଂ ତଥା ମଯା।
ବାନ୍ଧବାଶ୍ଚ ପରିତ୍ଯକ୍ତାସ୍ତ୍ବଦର୍ଥଂ ଜୀବିତଂ ଚ ମେ॥ 1-172-31 (7856)
ଯଜ୍ଞୈସ୍ତପୋଭିର୍ନିଯମୈର୍ଦାନୈଶ୍ଚ ବିବିଧୈସ୍ତଥା।
ବିଶିଷ୍ଯତେ ସ୍ତ୍ରିଯା ଭର୍ତୁର୍ନିତ୍ଯଂ ପ୍ରିଯହିତେ ସ୍ଥିତିଃ॥ 1-172-32 (7857)
ତଦିଦଂ ଯଚ୍ଚିକୀର୍ଷାମି ଧର୍ମଂ ପରମସଂମତମ୍।
ଇଷ୍ଟଂ ଚୈବ ହିତଂ ଚୈବ ତବ ଚୈବ କୁଲସ୍ଯ ଚ॥ 1-172-33 (7858)
ଇଷ୍ଟାନି ଚାପ୍ଯପତ୍ଯାନି ଦ୍ରବ୍ଯାଣି ସୁହୃଦଃ ପ୍ରିଯାଃ।
ଆପଦ୍ଧର୍ମପ୍ରମୋକ୍ଷାଯ ଭାର୍ଯା ଚାପି ସତାଂ ମତମ୍॥ 1-172-34 (7859)
ଆପଦର୍ଥେ ଧନଂ ରକ୍ଷେଦ୍ଦାରାନ୍ରକ୍ଷେଦ୍ଧନୈରପି।
ଆତ୍ମାନଂ ସତତଂ ରକ୍ଷେଦ୍ଦାରୈରପି ଧନୈରପି॥ 1-172-35 (7860)
ଦୃଷ୍ଟାଦୃଷ୍ଟଫଲାର୍ଥଂ ହି ଭାର୍ଯା ପୁତ୍ରୋ ଧନଂ ଗୃହମ୍।
ସର୍ବମେତଦ୍ବିଧାତବ୍ଯଂ ବୁଧାନାମେଷ ନିଶ୍ଚଯଃ॥ 1-172-36 (7861)
ଏକତୋ ବା କୁଲଂ କୃତ୍ସ୍ନମାତ୍ମା ବା କୁଲବର୍ଧନଃ।
`ଉଭଯୋଃ କୋଧିକୋ ବିଦ୍ବନ୍ନାତ୍ମା ଚୈବାଧିକଃ କୁଲାତ୍॥ 1-172-37 (7862)
ଆତ୍ମନୋ ବିଦ୍ଯମାନତ୍ବାଦ୍ଭୁବନାନି ଚତୁର୍ଦଶ।
ବିଦ୍ଯନ୍ତେ ଦ୍ବିଜଶାର୍ଦୂଲ ଆତମା ରକ୍ଷ୍ଯସ୍ତତସ୍ତ୍ବଯା॥ 1-172-38 (7863)
ଆତ୍ମନ୍ଯବିଦ୍ଯମାନେ ଚେଦସ୍ଯ ନାସ୍ତୀହ କିଂଚନ।
ଏତଜ୍ଜଗଦିଦଂ ସର୍ବମାତ୍ମନା ନ ସମଂ କିଲ॥' 1-172-39 (7864)
ସ କୁରୁଷ୍ବ ମଯା କାର୍ଯଂ ତାରଯାତ୍ମାନମାତ୍ମନା।
ଅନୁଜାନୀହୀ ମାମାର୍ଯ ସୁତୌ ମେ ପରିପାଲଯ॥ 1-172-40 (7865)
ଅବଧ୍ଯାଃ ସ୍ତ୍ରିଯ ଇତ୍ଯାହୁର୍ଧର୍ମଜ୍ଞା ଧର୍ମନିଶ୍ଚଯେ।
ଧର୍ମଜ୍ଞାନ୍ରାକ୍ଷସାନାହୁର୍ନ ହନ୍ଯାତ୍ସ ଚ ମାମପି॥ 1-172-41 (7866)
ନିଃସଂଶଯଂ ବଧଃ ପୁଂସାଂ ସ୍ତ୍ରୀଣାଂ ସଂଶଯିତୋ ବଧଃ।
ଅତୋ ମାମେବ ଧର୍ମଜ୍ଞ ପ୍ରସ୍ଥାପଯିତୁମର୍ହସି॥ 1-172-42 (7867)
ଭୁକ୍ତଂ ପ୍ରିଯାଣ୍ଯବାପ୍ତାନି ଧର୍ମଶ୍ଚ ଚରିତୋ ମଯା।
`ତ୍ବଚ୍ଛୁଶ୍ରୂଷଣସଂଭୂତା କୀର୍ତିଶ୍ଚାପ୍ଯତୁଲା ମମ।'
ତ୍ବତ୍ପ୍ରସୂତିଃ ପ୍ରିଯା ପ୍ରାପ୍ତା ନ ମାଂ ତପ୍ସ୍ଯତ୍ଯଜୀବିତଂ॥ 1-172-43 (7868)
ଜାତପୁତ୍ରା ଚ ବୃଦ୍ଧା ଚ ପ୍ରିଯକାମା ଚ ତେ ସଦା।
ସମୀକ୍ଷ୍ଯୈତଦହଂ ସର୍ବଂ ବ୍ଯବସାଯଂ କରୋମ୍ଯତଃ॥ 1-172-44 (7869)
ଉତ୍ସୃଜ୍ଯାପି ହି ମାମାର୍ଯ ପ୍ରାପ୍ସ୍ଯସ୍ଯନ୍ଯାମପି ସ୍ତ୍ରିଯମ୍।
ତତଃ ପ୍ରତିଷ୍ଠିତୋ ଧର୍ମୋ ଭବିଷ୍ଯତି ପୁନସ୍ତବ॥ 1-172-45 (7870)
ନ ଚାପ୍ଯଧର୍ମଃ କଲ୍ଯାଣ ବହୁପତ୍ନୀକତା ନୃଣାମ୍।
ସ୍ତ୍ରୀଣାମଧର୍ମଃ ସୁମହାନ୍ଭର୍ତୁଃ ପୂର୍ବସ୍ଯ ଲଙ୍ଘନେ॥ 1-172-46 (7871)
ଏତତ୍ସର୍ବଂ ସମୀକ୍ଷ୍ଯ ତ୍ବମାତ୍ମତ୍ଯାଗଂ ଚ ଗର୍ହିତମ୍।
ଆତ୍ମାନଂ ତାରଯାଦ୍ଯାଶୁ କୁଲଂ ଚେମୌ ଚ ଦାରକୌ॥ 1-172-47 (7872)
ବୈଶମ୍ପାଯନ ଉବାଚ। 1-172-48x (1007)
ଏବମୁକ୍ତସ୍ତଯା ଭର୍ତା ତାଂ ସମାଲିଙ୍ଗ୍ଯ ଭାରତ।
ମୁମୋଚ ବାଷ୍ପଂ ଶନକୈଃ ସଭାର୍ଯୋ ଭୃଶଦୁଃଖିତଃ॥ 1-172-48 (7873)
`ମୈବଂ ବଦ ତ୍ବଂ କଲ୍ଯାଣି ତିଷ୍ଠ ଚେହ ସୁମଧ୍ଯମେ।
ନ ତୁ ଭାର୍ଯାଂ ତ୍ଯଜେତ୍ପ୍ରାଜ୍ଞଃ ପୁତ୍ରାନ୍ବାପି କଦାଚନ॥ 1-172-49 (7874)
ବିଶେଷତଃ ସ୍ତ୍ରିଯଂ ରକ୍ଷେତ୍ପୁରୁଷୋ ବୁଦ୍ଧିମାନିହ।
ତ୍ଯକ୍ତ୍ବା ତୁ ପୁରୁଷୋ ଜୀବେନ୍ନ ହାତବ୍ଯାନିମାନ୍ସଦା।
ନ ବେତ୍ତି କାମଂ ଧର୍ମଂ ଚ ଅର୍ଥଂ ମୋକ୍ଷଂ ଚ ତତ୍ତ୍ବତଃ॥' ॥ 1-172-50 (7875)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବକବଧପର୍ବଣି ଦ୍ବିସପ୍ତତ୍ଯଧିକଶତତମୋଽଧ୍ଯାଯଃ॥ 172 ॥
Mahabharata - Adi Parva - Chapter Footnotes
1-172-1 ବୈଦ୍ଯସ୍ଯ ବିଦ୍ଯାବନଃ॥ 1-172-25 ପରା ବ୍ଯୁଷ୍ଟିର୍ମହଦ୍ଭାଗ୍ଯମ୍॥ 1-172-43 ତ୍ବତ୍ ତ୍ବତ୍ତଃ ପ୍ରସୂତିଃ ସଂତତିଃ। ଅଜୀବିତମ୍ ମରଣଂ॥ ଦ୍ବିସପ୍ତତ୍ଯଧିକଶତତମୋଽଧ୍ଯାଯଃ॥ 172 ॥ଆଦିପର୍ବ - ଅଧ୍ଯାଯ 173
॥ ଶ୍ରୀଃ ॥
1.173. ଅଧ୍ଯାଯଃ 173
Mahabharata - Adi Parva - Chapter Topics
ବ୍ରାହ୍ମଣଂ ପ୍ରତି ତତ୍କନ୍ଯାବାକ୍ଯମ୍॥ 1 ॥ ବାଲସ୍ଯ ପୁତ୍ରସ୍ଯ ବଚନେନ ପିତ୍ରୋଃ କିଂଚିଦ୍ଧର୍ଷସମଯେ କୁନ୍ତ୍ଯାସ୍ତତ୍ସମୀପେ ଗମନମ୍॥ 2 ॥Mahabharata - Adi Parva - Chapter Text
1-173-0 (7876)
ବୈଶମ୍ପାଯନ ଉବାଚ। 1-173-0x (1008)
ତଯୋର୍ଦୁଃଖିତଯୋର୍ବାକ୍ଯମତିମାତ୍ରଂ ନିଶମ୍ଯ ତୁ।
ତତୋ ଦୁଃଖପରୀତାଙ୍ଗୀ କନ୍ଯା ତାବଭ୍ଯଭାଷତ॥ 1-173-1 (7877)
କିମେବଂ ଭୃଶଦୁଃଖାର୍ତୌ ରୋରୂଯେତାମନାଥବତ୍।
ମମାପି ଶ୍ରୂଯତାଂ ବାକ୍ଯଂ ଶ୍ରୁତ୍ବା ଚ କ୍ରିଯତାଂ କ୍ଷମମ୍॥ 1-173-2 (7878)
ଧର୍ମତୋଽହଂ ପରିତ୍ଯାଜ୍ଯା ଯୁବଯୋର୍ନାତ୍ର ସଂଶଯଃ।
ତ୍ଯକ୍ତବ୍ଯାଂ ମାଂ ପରିତ୍ଯଜ୍ଯ ତ୍ରାହି ସର୍ବଂ ମଯୈକଯା॥ 1-173-3 (7879)
ଇତ୍ଯର୍ଥମିଷ୍ଯତେଽପତ୍ଯଂ ତାରଯିଷ୍ଯତି ମାମିତି।
ଅସ୍ମିନ୍ନୁପସ୍ଥିତେ କାଲେ ତରଧ୍ବଂ ପ୍ଲବବନ୍ମଯା॥ 1-173-4 (7880)
ଇହ ବା ତାରଯେଦ୍ଦୁର୍ଗାଦୁତ ବା ପ୍ରେତ୍ଯ ଭାରତ।
ସର୍ବଥା ତାରଯେତ୍ପୁତ୍ରଃ ପୁତ୍ର ଇତ୍ଯୁଚ୍ଯତେ ବୁଧୈଃ॥ 1-173-5 (7881)
ଆକାଙ୍କ୍ଷନ୍ତେ ଚ ଦୌହିତ୍ରାନ୍ମଯି ନିତ୍ଯଂ ପିତାମହାଃ।
ତତ୍ସ୍ବଯଂ ବୈ ପରିତ୍ରାସ୍ଯେ ରକ୍ଷନ୍ତୀ ଜୀବିତଂ ପିତୁଃ॥ 1-173-6 (7882)
ଭ୍ରାତା ଚ ମମ ବାଲୋଽଯଂ ଗତେ ଲୋକମମୁଂ ତ୍ବଯି।
ଅଚିରେଣୈବ କାଲେନ ବିନଶ୍ଯେତ ନ ସଂଶଯଃ॥ 1-173-7 (7883)
ତାତେପି ହି ଗତେ ସ୍ବର୍ଗଂ ବିନଷ୍ଟେ ଚ ମମାନୁଜେ।
ପିଣ୍ଡଃ ପିତୄଣାଂ ବ୍ଯୁଚ୍ଛିଦ୍ଯେତ୍ତତ୍ତେଷାଂ ବିପ୍ରିଯଂ ଭବେତ୍॥ 1-173-8 (7884)
ପିତ୍ରା ତ୍ଯକ୍ତା ତଥା ମାତ୍ରା ଭ୍ରାତ୍ରା ଚାହମସଂଶଯମ୍।
ଦୁଃଖାଦ୍ଦୁଃଖତରଂ ପ୍ରାପ୍ଯ ମ୍ରିଯେଯମତଥୋଚିତାମ୍॥ 1-173-9 (7885)
ତ୍ବଯି ତ୍ବରୋଗେ ନିର୍ମୁକ୍ତୋ ମାତା ଭ୍ରାତା ଚ ମେ ଶିଶୁଃ।
ସନ୍ତାନଶ୍ଚୈବ ପିଣ୍ଡଶ୍ଚ ପ୍ରତିଷ୍ଠାସ୍ଯତ୍ଯସଂଶଯମ୍॥ 1-173-10 (7886)
ଆତ୍ମା ପୁତ୍ରଃ ସଖୀ ଭାର୍ଯା କୃଚ୍ଛ୍ରଂ ତୁ ଦୁହିତା କିଲ।
ସ କୃଚ୍ଛ୍ରାନ୍ମୋଚଯାତ୍ମାନଂ ମାଂ ଚ ଧର୍ମେ ନିଯୋଜଯା॥ 1-173-11 (7887)
ଅନାଥା କୃପଣା ବାଲା ଯତ୍ର କ୍ବଚନ ଗାମିନୀ।
ଭବିଷ୍ଯାମି ତ୍ବଯା ତାତ ବିହୀନା କୃପଣା ସଦା॥ 1-173-12 (7888)
ଅଥବାହଂ କରିଷ୍ଯାମି କୁଲସ୍ଯାସ୍ଯ ବିମୋଚନମ୍।
ଫଲସଂସ୍ଥା ଭବିଷ୍ଯାମି କୃତ୍ବା କର୍ମ ସୁଦୁଷ୍କରମ୍॥ 1-173-13 (7889)
ଅଥବା ଯାସ୍ଯସେ ତତ୍ର ତ୍ଯକ୍ତ୍ବା ମାଂ ଦ୍ବିଜସତ୍ତମ।
ପୀଡିତାଽହଂ ଭବିଷ୍ଯାମି ତଦବେକ୍ଷସ୍ବ ମାମପି॥ 1-173-14 (7890)
ତଦସ୍ମଦର୍ଥଂ ଧର୍ମାର୍ଥଂ ପ୍ରସବାର୍ଥଂ ଚ ସତ୍ତମ।
ଆତ୍ମାନଂ ପରିରକ୍ଷସ୍ବ ତ୍ଯକ୍ତବ୍ଯାଂ ମାଂ ଚ ସଂତ୍ଯଜ॥ 1-173-15 (7891)
ଅବଶ୍ଯକରଣୀଯେ ଚ ମା ତ୍ବାଂ କାଲୋତ୍ଯଗାଦଯମ୍।
କିଂ ତ୍ବତଃ ପରମଂ ଦୁଃଖଂ ଯଦ୍ବଯଂ ସ୍ବର୍ଗତେ ତ୍ବଯି॥ 1-173-16 (7892)
ଯାଚମାନାଃ ପରାଦନ୍ନଂ ପରିଧାବେମହି ଶ୍ବବତ୍।
ତ୍ବଯି ତ୍ବରୋଗେ ନିର୍ମୁକ୍ତେ କ୍ଲେଶାଦସ୍ମାତ୍ସବାନ୍ଧବେ।
ଅମୃତେବ ସତୀ ଲୋକେ ଭବିଷ୍ଯାମି ସୁଖାନ୍ବିତା॥ 1-173-17 (7893)
ଇତଃ ପ୍ରଦାନେ ଦେବାଶ୍ଚ ପିତରଶ୍ଚେତି ନଃ ଶ୍ରୁତମ୍।
ତ୍ବଯା ଦତ୍ତେନ ତୋଯେନ ଭବିଷ୍ଯତି ହିତାଯ ବୈ॥ 1-173-18 (7894)
`ଇତ୍ଯେତଦୁଭଯଂ ତାତ ନିଶାମ୍ଯ ତବ ଯଦ୍ଧିତମ୍।
ତଦ୍ବ୍ଯବସ୍ଯ ତଥାମ୍ବାଯା ହିତଂ ସ୍ବସ୍ଯ ସୁତସ୍ଯ ଚ॥ 1-173-19 (7895)
ମାତାପିତ୍ରୋଶ୍ଚ ପୁତ୍ରାସ୍ତୁ ଭବିତାରୋ ଗୁଣାନ୍ବିତାଃ।
ନ ତୁ ପୁତ୍ରସ୍ଯ ପିତରୋ ପୁନର୍ଜାତୁ ଭବିଷ୍ଯତଃ॥' 1-173-20 (7896)
ବୈଶମ୍ପାଯନ ଉବାଚ। 1-173-21x (1009)
ଏବଂ ବହୁବିଧଂ ତସ୍ଯା ନିଶମ୍ଯ ପରିଦେବିତମ୍।
ପିତା ମାତା ଚ ସା ଚୈବ କନ୍ଯା ପ୍ରରୁରୁଦୁସ୍ତ୍ରଯଃ॥ 1-173-21 (7897)
ତତଃ ପ୍ରରୁଦିତାନ୍ସର୍ବାନ୍ନିଶମ୍ଯାଥ ସୁତସ୍ତଦା।
ଉତ୍ଫୁଲ୍ଲନଯନୋ ବାଲଃ କଲମବ୍ଯକ୍ତମବ୍ରବୀତ୍॥ 1-173-22 (7898)
ମା ପିତା ରୁଦ ମା ମାତର୍ମା ସ୍ବସସ୍ତ୍ବିତି ଚାବ୍ରବୀତ୍।
ପ୍ରହସନ୍ନିବ ସର୍ବାଂସ୍ତାନେକୈକମନୁସର୍ପତି॥ 1-173-23 (7899)
ତତଃ ସ ତୃଣମାଦାଯ ପ୍ରହୃଷ୍ଟଃ ପୁନରବ୍ରବୀତ୍।
ଅନେନାହଂ ହନିଷ୍ଯାମି ରାକ୍ଷସଂ ପୁରୁଷାଦକମ୍॥ 1-173-24 (7900)
ବୈଶମ୍ପାଯନ ଉବାଚ। 1-173-25x (1010)
ତଥାପି ତେଷାଂ ଦୁଃଖେନ ପରୀତାନାଂ ନିଶମ୍ଯ ତତ୍।
ବାଲସ୍ଯ ବାକ୍ଯମବ୍ଯକ୍ତଂ ହର୍ଷଃ ସମଭବନ୍ମହାନ୍॥ 1-173-25 (7901)
ଅଯଂ କାଲ ଇତି ଜ୍ଞାତ୍ବା କୁନ୍ତୀ ସମୁପସୃତ୍ଯ ତାନ୍।
ଗତାସୂନମୃତେନେବ ଜୀବଯନ୍ତୀଦମବ୍ରବୀତ୍॥ ॥ 1-173-26 (7902)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବକବଧପର୍ବଣି ତ୍ରିସପ୍ତତ୍ଯଧିକଶତତମୋଽଧ୍ଯାଯଃ॥ 173 ॥
Mahabharata - Adi Parva - Chapter Footnotes
1-173-15 ପ୍ରସବାର୍ଥଂ ବଂଶାର୍ଥମ୍॥ 1-173-17 ଅମୃତେବ ଜୀବନ୍ତୀବ। ଇହ ଲୋକେ କୀର୍ତେଃ ସତ୍ତ୍ବାତ୍॥ 1-173-18 ଇତଃ ପ୍ରଦାନେ ଅସ୍ମିନ୍ ରାକ୍ଷସାହାରାଯ କନ୍ଯାଦାନେ ଦୁର୍ଦାନତ୍ବାତ୍ ପିତୁର୍ଦୁର୍ମରଣାଚ୍ଚ କନ୍ଯାଯା ଦେବାଶ୍ଚ ପିତରଶ୍ଚ ହିତାଯ ନେତି ଶ୍ରୁତଂ ଯଦ୍ଯପି ତଥାପି ତ୍ବଯା ଦତ୍ତେନଃ ତୋଯେନ ତବ ମମ ଚ ହିତାଯ ତେ ଭବିଷ୍ଯନ୍ତୀତ୍ଯର୍ଥଃ॥ 1-173-22 କଲଂ ମଧୁରା॥ ତ୍ରିସପ୍ତତ୍ଯଧିକଶତତମୋଽଧ୍ଯାଯଃ॥ 173 ॥ଆଦିପର୍ବ - ଅଧ୍ଯାଯ 174
॥ ଶ୍ରୀଃ ॥
1.174. ଅଧ୍ଯାଯଃ 174
Mahabharata - Adi Parva - Chapter Topics
କୁନ୍ତ୍ଯା ରୋଦନକାରଣପ୍ରଶ୍ନେ ବ୍ରାହ୍ମଣେନ ବକବୃତ୍ତାନ୍ତକଥନମ୍॥ 1 ॥Mahabharata - Adi Parva - Chapter Text
1-174-0 (7903)
କୁନ୍ତ୍ଯୁବାଚ। 1-174-0x (1011)
କୁତୋମୂଲମିଦଂ ଦୁଃଖଂ ଜ୍ଞାତୁମିଚ୍ଛାମି ତତ୍ତ୍ବତଃ।
ବିଦିତ୍ବାପ୍ଯପକର୍ଷେଯଂ ଶକ୍ଯଂ ଚେଦପକର୍ଷିତୁମ୍॥ 1-174-1 (7904)
ବ୍ରାହ୍ମଣ ଉବାଚ। 1-174-2x (1012)
ଉପପନ୍ନଂ ସତାମେତଦ୍ଯଦ୍ବ୍ରବୀପି ତପୋଧନେ।
ନ ତୁ ଦୁଃଖମିଦଂ ଶକ୍ଯଂ ମାନୁଷେଣ ବ୍ଯପୋହିତୁମ୍॥ 1-174-2 (7905)
`ତଥାପି ତତ୍ତ୍ବମାଖ୍ଯାସ୍ଯେ ଦୁଃଖସ୍ଯୈତସ୍ଯ ସଂଭବମ୍।
ଶକ୍ଯଂ ବା ଯଦି ବାଽଶକ୍ଯଂ ଶୃଣୁ ଭଦ୍ରେ ଯଥାତଥମ୍॥ 1-174-3 (7906)
ସମୀପେ ନଗରସ୍ଯାସ୍ଯ ବକୋ ବସତି ରାକ୍ଷସଃ।
ଇତୋ ଗବ୍ଯୂତିମାତ୍ରେ।ଞସ୍ତି ଯମୁନାଗହ୍ବରେ ଗୁହା॥ 1-174-4 (7907)
ତସ୍ଯାଂ ଘୋରଃ ସ ବସତି ଜିଘାଂସୁଃ ପୁରୁଷାଦକଃ।
ବକାଭିଧାନୋ ଦୁଷ୍ଟାତ୍ମା ରାକ୍ଷସାନାଂ କୁଲାଧମଃ॥ 1-174-5 (7908)
ଈଶୋ ଜନପଦସ୍ଯାସ୍ଯ ପୁରସ୍ଯ ଚ ମହାବଲଃ।
ପୁଷ୍ଟୋ ମାନୁଷମାଂସେନ ଦୁର୍ବୁଦ୍ଧିଃ ପୁରୁଷାଦକଃ॥ 1-174-6 (7909)
ପ୍ରବଲଃ କାମରୂପୀ ଚ ରାକ୍ଷସସ୍ତୁ ମହାବଲଃ।
ତେନୋପସୃଷ୍ଟା ନଗରୀ ବର୍ଷମଦ୍ଯ ତ୍ରଯୋଦଶମ୍॥ 1-174-7 (7910)
ତତ୍କୃତେ ପରଚକ୍ରାଚ୍ଚ ଭୂତେଭ୍ଯଶ୍ଚ ନ ନୋ ଭଯମ୍।
ପୁରୁଷାଦେନ ରୌଦ୍ରେଣ ଭକ୍ଷ୍ଯମାଣା ଦୁରାତ୍ମନା॥ 1-174-8 (7911)
ଅନାଥା ନଗରୀ ନାଥଂ ତ୍ରାତାରଂ ନାଧିଗଚ୍ଛତି।
ଗୁହାଯାଂ ଚ ବସଂସ୍ତତ୍ର ବାଧତେ ସତତଂ ଜନମ୍॥ 1-174-9 (7912)
ସ୍ତ୍ରିଯୋ ବାଲାଂଶ୍ଚ ବୃଦ୍ଧାଂଶ୍ଚ ଯୂନଶ୍ଚାପି ଦୁରାତ୍ମବାନ୍।
ଅତ୍ର ମନ୍ତ୍ରୈଶ୍ଚ ହୋମୈଶ୍ଚ ଭୋଜନୈଶ୍ଚ ସ ରାକ୍ଷସଃ॥ 1-174-10 (7913)
ଈଡିତୋ ଦ୍ବିଜମୁଖ୍ଯୈଶ୍ଚ ପୂଜିତଶ୍ଚ ଦୁରାତ୍ମବାନ୍।
ଯଦା ଚ ସକଲାନେବଂ ପ୍ରସୂଦଯତି ରାକ୍ଷସଃ॥ 1-174-11 (7914)
ଅଥୈନଂ ବ୍ରାହ୍ମଣାଃ ସର୍ବେ ସମଯେ ସମଯୋଜଯନ୍।
ମା ସ୍ମ କାମାଦ୍ବଧୀ ରକ୍ଷୋ ଦାସ୍ଯାମସ୍ତେ ସଦା ବଯଂ॥ 1-174-12 (7915)
ପର୍ଯାଯେଣ ଯଥାକାମମିହ ମାଂସୋଦନଂ ପ୍ରଭୋ।
ଅନ୍ନଂ ମାଂସସମାଯୁକ୍ତଂ ତିଲଚୂର୍ଣସମନ୍ବିତମ୍॥ 1-174-13 (7916)
ସର୍ପିଷା ଚ ସମାଯୁକ୍ତଂ ବ୍ଯଞ୍ଜନୈଶ୍ଚ ସମନ୍ବିତମ୍।
ସୂପାଂସ୍ତ୍ରୀନ୍ସତିଲାନ୍ପିଣ୍ଡାଁଲ୍ଲାଜାପୂପସୁରାସବାନ୍॥ 1-174-14 (7917)
ଶୃତାଶୃତାନ୍ପାନକୁମ୍ଭାନ୍ସ୍ଥୂଲମାଂସଂ ଶୃତାଶୃତମ୍।
ବନମାହିଷବାରାହଭାଲ୍ଲୂକଂ ଚ ଶୃତାଶୃତମ୍॥ 1-174-15 (7918)
ସର୍ପିଃକୁମ୍ଭାଂଶ୍ଚ ବିବିଧାନ୍ଦଧିକୁମ୍ଭାଂସ୍ତଥା ବହୂନ୍।
ସଦ୍ଯଃସିଦ୍ଧସମାଯୁକ୍ତଂ ତିଲଚୂର୍ଣୈଃ ସମାକୁଲମ୍॥ 1-174-16 (7919)
କୁଲାଚ୍ଚ ପୁରୁଷଂ ଚୈକଂ ବଲୀବର୍ଦୌ ଚ କାଲକୌ।
ପ୍ରାପ୍ସ୍ଯସି ତ୍ବମସଂକ୍ରୁଦ୍ଧୋ ରକ୍ଷୋଭାଗଂ ପ୍ରକଲ୍ପିତମ୍॥ 1-174-17 (7920)
ତିଷ୍ଠେହ ସମଯେଽସ୍ମାକମିତ୍ଯଯାଚନ୍ତ ତଂ ଦ୍ବିଜାଃ।
ବାଢମିତ୍ଯେବ ତଦ୍ରକ୍ଷସ୍ତଦ୍ବଚଃ ପ୍ରତ୍ଯଗୃହ୍ଣତ॥ 1-174-18 (7921)
ପରଚକ୍ରାଟବୀକେଭ୍ଯୋ ରକ୍ଷଣଂ ସ କରୋତି ଚ।
ତସ୍ମିନ୍ଭାଗେ ସୁନିର୍ଦିଷ୍ଟେ ସ୍ଥିତଃ ସ ସମଯେ ବଲୀ॥ 1-174-19 (7922)
ଏକୈକଂ ଚୈବ ପୁରୁଷଂ ସଂପ୍ରଯଚ୍ଛନ୍ତି ବେତନମ୍।
ସ ବାରୋ ବହୁଭିର୍ବର୍ଷୈର୍ଭବତ୍ଯସୁକରୋ ନରୈଃ॥ 1-174-20 (7923)
ତଦ୍ବିମୋକ୍ଷାଯ ଯେ କେଚିଦ୍ଯତନ୍ତେ ପୁରୁଷାଃ କ୍ବଚିତ୍।
ସପୁତ୍ରଦାରାଂସ୍ତାନ୍ହତ୍ବା ତଦ୍ରକ୍ଷୋ ଭକ୍ଷଯତ୍ଯୁତ॥' 1-174-21 (7924)
ବେତ୍ରକୀଯଗୃହେ ରାଜା ନାଯଂ ନଯମିହାସ୍ଥିତଃ।
ଉପାଯଂ ତଂ ନ କୁରୁତେ ଯତ୍ନାଦପି ସ ମନ୍ଦଧୀଃ।
ଅନାମଯଂ ଜନସ୍ଯାସ୍ଯ ଯେନ ସ୍ଯାଦଦ୍ଯ ଶାଶ୍ବତମ୍॥ 1-174-22 (7925)
ଏତଦର୍ହା ବଚଂ ନୂନଂ ବସାମୋ ଦୁର୍ବଲସ୍ଯ ଯେ।
ବିଷଯେ ନିତ୍ଯବାସ୍ତବ୍ଯାଃ କୁରାଜାନମୁପାଶ୍ରିତାଃ॥ 1-174-23 (7926)
ବ୍ରାହ୍ମଣାଃ କସ୍ଯ ବକ୍ତବ୍ଯାଃ କସ୍ଯ ବାଚ୍ଛନ୍ଦଚାରିଣଃ।
ଗୁଣୈରେତେ ହି ବତ୍ସ୍ଯନ୍ତି କାମଗାଃ ପକ୍ଷିଣୋ ଯଥା॥ 1-174-24 (7927)
ରାଜାନଂ ପ୍ରଥମଂ ବିନ୍ଦେତ୍ତତୋ ଭାର୍ଯାଂ ତତୋ ଧନମ୍।
`ରାଜନ୍ଯସତି ଲୋକେଽସ୍ମିନ୍କୁତୋ ଭାର୍ଯା କୁତୋ ଧନମ୍।
ବଯସ୍ଯ ସଂଚଯେନାସ୍ଯ ଜ୍ଞାତୀନ୍ପୁତ୍ରାଂଶ୍ଚ ତାରଯେତ୍॥ 1-174-25 (7928)
ବିପୀରତଂ ମଯା ଚେଦଂ ତ୍ରଯଂ ସର୍ବମୁପାର୍ଜିତମ୍।
ତଦିମାମାପଦଂ ପ୍ରାପ୍ଯ ଭୃଶଂ ତପ୍ଯାମହେ ବଯମ୍॥ 1-174-26 (7929)
ସୋଽଯମସ୍ମାନନୁପ୍ରାପ୍ତୋ ବାରଃ କୁଲବିନାଶନଃ।
ଭୋଜନଂ ପୁରୁଷଶ୍ଚୈକଃ ପ୍ରଦେଯଂ ବେତନଂ ମଯା॥ 1-174-27 (7930)
ନ ଚ ମେ ବିଦ୍ଯତେ ବିତ୍ତଂ ସଂକ୍ରେତୁଂ ପୁରୁଷଂ କ୍ବଚିତ୍।
ସୁହୃଜ୍ଜନଂ ପ୍ରଦାତୁଂ ଚ ନ ଶକ୍ଷ୍ଯାମି କଦାଚନ॥ 1-174-28 (7931)
ଗତିଂ ଚାନ୍ଯାଂ ନ ପଶ୍ଯାମି ତସ୍ମାନ୍ମୋକ୍ଷାଯ ରକ୍ଷସଃ।
ସୋଽହଂ ଦୁଃଖାର୍ଣବେ ମଗ୍ନୋ ମହତ୍ଯସୁକରେ ଭୃଶମ୍॥ 1-174-29 (7932)
ସହୈବୈତୈର୍ଗମିଷ୍ଯାମି ବାନ୍ଧବୈରଦ୍ଯ ରାକ୍ଷସମ୍।
ତତୋ ନଃ ସହିତାନ୍କ୍ଷୁଦ୍ରଃ ସର୍ବାନେବୋପଭୋକ୍ଷ୍ଯତି॥ 1-174-30 (7933)
`ଦୁଃଖମୂଲମିଦଂ ଭଦ୍ରେ ମଯୋକ୍ତଂ ପ୍ରଶ୍ନତୋଽନଘେ॥' ॥ 1-174-31 (7934)
ଇତି ଶ୍ରୀମନ୍ମହାଭାରତେ ଆଦିପ୍ରବଣି ବକବଧପର୍ବଣି ଚତୁଃସପ୍ତତ୍ଯଧିକଶତତମୋଽଧ୍ଯାଯଃ॥ 174 ॥
Mahabharata - Adi Parva - Chapter Footnotes
1-174-22 ବେତ୍ରକୀଯଗୃହେ ସ୍ଥାନବିଶେଷେ। ଇତୋଽଦୂରେ ରାଜାସ୍ତ୍ଯଯମିହ ନଗରେ ନଯଂ ନ ଆସ୍ଥିତଃ। ଅସ୍ଯ ନଗରସ୍ଯାବେକ୍ଷାଂ ନ କରୋତୀତ୍ଯର୍ଥଃ। ସ୍ବଯଂ ରାକ୍ଷସଂ ହନ୍ତୁମଶକ୍ତତ୍ବାତ୍। ନାଯଂ ନାଯମିହାସ୍ଥିତ ଇତି ଖପୁସ୍ତକପାଠଃ। ନାଯଂ ନାଯଂ ବଲିଂ ପୁନଃ ପୁନଃ ପ୍ରାପଯ୍ଯେତ୍ଯର୍ଥଃ। ଉପାଯମପ୍ଯନ୍ଯଦ୍ବାରା ନ କୁରୁତେ ଯତୋ ମନ୍ଦଧୀଃ॥ 1-174-23 ଏତଦର୍ହାଃ ଏତସ୍ଯ ଦୁଃଖସ୍ଯ ଯୋଗ୍ଯାଃ॥ ଚତୁଃସପ୍ତତ୍ଯଧିକଶତତମୋଽଧ୍ଯାଯଃ॥ 174 ॥ଆଦିପର୍ବ - ଅଧ୍ଯାଯ 175
॥ ଶ୍ରୀଃ ॥
1.175. ଅଧ୍ଯାଯଃ 175
Mahabharata - Adi Parva - Chapter Topics
କୁନ୍ତ୍ଯା ବକଂ ପ୍ରତି ସ୍ବପୁତ୍ରପ୍ରେଷଣବଚନମ୍॥ 1 ॥Mahabharata - Adi Parva - Chapter Text
1-175-0 (7935)
କୁନ୍ତ୍ଯୁବାଚ। 1-175-0x (1013)
ନ ବିଷାଦସ୍ତ୍ବଯା କାର୍ଯୋ ଭଯାଦସ୍ମାତ୍କଥଂଚନ।
ଉପାଯଃ ପରିଦୃଷ୍ଟୋଽତ୍ର ତସ୍ମାନ୍ମୋକ୍ଷାଯ ରକ୍ଷସଃ॥ 1-175-1 (7936)
`ନୈବ ସ୍ବଯଂ ସପୁତ୍ରସ୍ଯ ଗମନଂ ତତ୍ର ରୋଚଯେ।'
ଏକସ୍ତବ ସୁତୋ ବାଲଃ କନ୍ଯା ଚୈକା ତପସ୍ବିନୀ।
ନ ଚୈତଯୋସ୍ତଥା ପତ୍ନ୍ଯା ଗମନଂ ତବ ରୋଚଯେ॥ 1-175-2 (7937)
ମମ ପଞ୍ଚ ସୁତା ବ୍ରହ୍ମଂସ୍ତେଷାମେକୋ ଗମିଷ୍ଯତି।
ତ୍ବଦର୍ଥଂ ବଲିମାଦାଯ ତସ୍ଯ ପାପସ୍ଯ ରକ୍ଷସଃ॥ 1-175-3 (7938)
ବ୍ରାହ୍ମଣ ଉବାଚ। 1-175-4x (1014)
ନାହମେତତ୍କରିଷ୍ଯାମି ଜୀବିତାର୍ଥୀ କଥଂଚନ।
ବ୍ରାହ୍ମଣସ୍ଯାତିଥେଶ୍ଚୈବ ସ୍ବାର୍ଥେ ପ୍ରାଣାନ୍ବିଯୋଜଯନ୍॥ 1-175-4 (7939)
ନ ତ୍ବେତଦକୁଲୀନାସୁ ନାଧର୍ମିଷ୍ଠାସୁ ବିଦ୍ଯତେ।
ଯଦ୍ବ୍ରାହ୍ମମାର୍ଥଂ ବିସୃଜେଦାତ୍ମାନମପି ଚାତ୍ମଜମ୍॥ 1-175-5 (7940)
ଆତ୍ମନସ୍ତୁ ବଧଃ ଶ୍ରେଯୋ ବୋଦ୍ଧବ୍ଯମିତି ରୋଚତେ।
ବ୍ରହମ୍ବଧ୍ଯାଽଽତ୍ମବଧ୍ଯା ବା ଶ୍ରେଯାନାତ୍ମବଧୋ ମମ॥ 1-175-6 (7941)
ବ୍ରହ୍ମବଧ୍ଯା ପରଂ ପାପଂ ନିଷ୍କୃତିର୍ନାତ୍ର ବିଦ୍ଯତେ।
ଅବୁଦ୍ଧିପୂର୍ବଂ କୃତ୍ବାପି ପ୍ରତ୍ଯବାଯୋ ହି ବିଦ୍ଯତେ॥ 1-175-7 (7942)
ନ ତ୍ବହଂ ବଧମାକାଙ୍କ୍ଷେ ସ୍ବଯମେବାତ୍ମନଃ ଶୁଭେ।
ପରୈଃ କୃତେ ବଧେ ପାପଂ ନ କିଂଚିନ୍ମଯି ବିଦ୍ଯତେ॥ 1-175-8 (7943)
ଅଭିସଂଧୌ କୃତେ ତସ୍ମିନ୍ବ୍ରାହ୍ମଣସ୍ଯ ବଧେ ମଯା।
ନିଷ୍କୃତିଂ ନ ପ୍ରପଶ୍ଯାମି ନୃଶଂସଂ କ୍ଷୁଦ୍ରମେବ ଚ॥ 1-175-9 (7944)
ଆଗତସ୍ଯ ଗୃହଂ ତ୍ଯାଗସ୍ତଥୈବ ଶରଣାର୍ଥିନଃ।
ଯାଚମାନସ୍ଯ ଚ ବଧୋ ନୃଶଂସୋ ଗର୍ହିତୋ ବୁଧୈଃ॥ 1-175-10 (7945)
କୁର୍ଯାନ୍ନ ନିନ୍ଦିତଂ କର୍ମ ନ ନୃଶଂସଂ କଥଂଚନ।
ଇତି ପୂର୍ବେ ମହାତ୍ମାନ ଆପଦ୍ଧର୍ମବିଦୋ ବିଦୁଃ॥ 1-175-11 (7946)
ଶ୍ରେଯାଂସ୍ତୁ ସହଦାରସ୍ଯ ବିନାଶୋଽଦ୍ଯ ମମ ସ୍ବଯମ୍।
ବ୍ରାହ୍ମଣସ୍ଯ ବଧଂ ନାହମନୁମଂସ୍ଯେ କଦାଚନ॥ 1-175-12 (7947)
କୁନ୍ତ୍ଯୁବାଚ। 1-175-13x (1015)
ମମାପ୍ଯେଷା ମତିର୍ବ୍ରହ୍ମନ୍ବିପ୍ରା ରକ୍ଷ୍ଯା ଇତି ସ୍ଥିରା।
ନ ଚାପ୍ଯନିଷ୍ଟଃ ପୁତ୍ରୋ ମେ ଯଦି ପୁତ୍ରଶତଂ ଭବେତ୍॥ 1-175-13 (7948)
ନ ଚାସୌ ରାକ୍ଷସଃ ଶକ୍ତୋ ମମ ପୁତ୍ରବିନାଶନେ।
ବୀର୍ଯମନ୍ମନ୍ତ୍ରସିଦ୍ଧଶ୍ଚ ତେଜସ୍ବୀ ଚ ସୁତୋ ମମ॥ 1-175-14 (7949)
ରାକ୍ଷସାଯ ଚ ତତ୍ସର୍ବଂ ପ୍ରାପଯିଷ୍ଯତି ଭୋଜନମ୍।
ମୋକ୍ଷଯିଷ୍ଯତି ଚାତ୍ମାନମିତି ମେ ନିଶ୍ଚିତା ମତିଃ॥ 1-175-15 (7950)
ସମାଗତାଶ୍ଚ ବୀରେଣ ଦୃଷ୍ଟପୂର୍ବାଶ୍ଚ ରାକ୍ଷସାଃ।
ବଲବନ୍ତୋ ମହାକାଯା ନିହତାଶ୍ଚାପ୍ଯନେକଶଃ॥ 1-175-16 (7951)
ନ ତ୍ବିଦଂ କେଷୁଚିଦ୍ବ୍ରହ୍ମାନ୍ବ୍ଯାହର୍ତବ୍ଯଂ କଥଂଚନ।
ବିଦ୍ଯାର୍ଥିନୋ ହି ମେ ପୁତ୍ରାନ୍ବିପ୍ରକୁର୍ଯୁଃ କୁତୂହଲାତ୍॥ 1-175-17 (7952)
ଗୁରୁଣା ଚାନନୁଜ୍ଞାତୋ ଗ୍ରାହଯେଦ୍ଯଃ ସୁତୋ ମମ।
ନ ସ କୁର୍ଯାତ୍ତଥା କାର୍ଯଂ ବିଦ୍ଯଯେତି ସତାଂ ମତମ୍॥ 1-175-18 (7953)
ବୈଶମ୍ପାଯନ ଉବାଚ। 1-175-19x (1016)
ଏବମୁକ୍ତସ୍ତୁ ପୃଥଯା ସ ବିପ୍ରୋ ଭାର୍ଯଯା ସହ।
ହୃଷ୍ଟଃ ସଂପୂଜଯାମାସ ତଦ୍ବାକ୍ଯମମୃତୋପମମ୍॥ 1-175-19 (7954)
ତତଃ କୁନ୍ତୀ ଚ ବିପ୍ରଶ୍ଚ ସହିତାବନିଲାତ୍ମଜମ୍।
ତମବ୍ରୂତାଂ କୁରୁଷ୍ବେତି ସ ତଥେତ୍ଯବ୍ରବୀଚ୍ଚ ତୌ॥ ॥ 1-175-20 (7955)
ଇତି ଶ୍ରୀମନ୍ମହାଭାରତେ ଆଦିପର୍ବଣି ପଞ୍ଚସପ୍ତତ୍ଯଧିକଶତତମୋଽଧ୍ଯାଯଃ॥ 175 ॥
Mahabharata - Adi Parva - Chapter Footnotes
1-175-9 ଅଭିସନ୍ଧୌ ଅଭିପ୍ରାଯେ॥ 1-175-17 ବିପ୍ରକୁର୍ଯୁର୍ବାଧେରନ୍॥ ପଞ୍ଚସପ୍ତତ୍ଯଧିକଶତତମୋଽଧ୍ଯାଯଃ॥ 175 ॥ଆଦିପର୍ବ - ଅଧ୍ଯାଯ 176
॥ ଶ୍ରୀଃ ॥
1.176. ଅଧ୍ଯାଯଃ 176
Mahabharata - Adi Parva - Chapter Topics
ଭିକ୍ଷାଟନାର୍ଥଂ ଗତାନାଂ ଯୁଧିଷ୍ଠିରାଦୀନାଂ ଗୃହଂ ପ୍ରତ୍ଯାଗମନମ୍॥ 1 ॥ ଭୀମୋ ବକଂ ପ୍ରତି ପ୍ରେଷ୍ଯତ ଇତି ଜ୍ଞାତବତୋ ଯୁଧିଷ୍ଠିରସ୍ଯ ସଂତାପଃ॥ 2 ॥ ଭୀମସେନପ୍ରଭାବକଥନେନ କୁନ୍ତ୍ଯା କୃତଂ ଯୁଧିଷ୍ଠିରାଶ୍ବାସନମ୍॥ 3 ॥Mahabharata - Adi Parva - Chapter Text
1-176-0 (7956)
ବୈଶମ୍ପାଯନ ଉବାଚ। 1-176-0x (1017)
କରିଷ୍ଯ ଇତି ଭୀମେନ ପ୍ରତିଜ୍ଞାତେଽଥ ଭାରତ।
ଆଜଗ୍ମୁସ୍ତେ ତତଃ ସର୍ବେ ଭୈକ୍ଷମାଦାଯ ପାଣ୍ଡବାଃ॥ 1-176-1 (7957)
`ଭୀମସେନଂ ତତୋ ଦୃଷ୍ଟ୍ବା ଆପୂର୍ଣବଦନଂ ତଥା।
ବୁବୋଧ ଧର୍ମରାଜସ୍ତୁ ହୃଷିତଂ ଭୀମମଚ୍ଯୁତମ୍॥ 1-176-2 (7958)
ତୋଷସ୍ଯ କାରଣଂ ଯତ୍ତୁ ମନସାଽଚିନ୍ତଯଦ୍ଗୁରୁଃ।
ସ ସମୀକ୍ଷ୍ଯ ତଦା ରାଜନ୍ଯୋଦ୍ଧୁକାମଂ ଯୁଧିଷ୍ଠିରଃ॥' 1-176-3 (7959)
ଆକାରେଣୈବ ତଂ ଜ୍ଞାତ୍ବା ପାଣ୍ଡୁପୁତ୍ରୋ ଯୁଧିଷ୍ଠିରଃ।
ରହଃ ସମୁପବିଶ୍ଯୈକସ୍ତତଃ ପପ୍ରଚ୍ଛ ମାତରମ୍॥ 1-176-4 (7960)
କିଂ ଚିକୀର୍ଷତ୍ଯଯଂ କର୍ମ ଭୀମୋ ଭମପରାକ୍ରମଃ।
ଭବତ୍ଯନୁମତେ କଚ୍ଚିତ୍ସ୍ବଯଂ ବା କର୍ତୁମିଚ୍ଛତି॥ 1-176-5 (7961)
କୁନ୍ତ୍ଯୁବାଚ। 1-176-6x (1018)
ମମୈବ ବଚନାଦେଷ କରିଷ୍ଯତି ପରନ୍ତପଃ।
ବ୍ରାହ୍ମଣାର୍ଥେ ମହତ୍କୃତ୍ଯଂ ମୋକ୍ଷାଯ ନଗରସ୍ଯ ଚ॥ 1-176-6 (7962)
`ବକାଯ କଲ୍ପିତଂ ପୁତ୍ର ମହାନ୍ତଂ ବଲିମୁତ୍ତମମ୍।
ଭୀମୋ ଭୁନକ୍ତୁ ସୁସ୍ପଷ୍ଟମପ୍ଯେକାହଂ ତପଃସୁତଃ॥' 1-176-7 (7963)
ଯୁଧିଷ୍ଠିର ଉବାଚ। 1-176-8x (1019)
କିମିଦଂ ସାହସଂ ତୀକ୍ଷ୍ଣଂ ଭବତ୍ଯା ଦୁଷ୍କରଂ କୃତମ୍।
ପରିତ୍ଯାଗଂ ହି ପୁତ୍ରସ୍ଯ ନ ପ୍ରଶଂସନ୍ତି ସାଧବଃ॥ 1-176-8 (7964)
କଥଂ ପରସୁତସ୍ଯାର୍ଥେ ସ୍ବସୁତଂ ତ୍ଯକ୍ତୁମିଚ୍ଛସି।
ଲୋକବେଦବିରୁଦ୍ଧଂ ହି ପୁତ୍ରତ୍ଯାଗାତ୍କୃତଂ ତ୍ବଯା॥ 1-176-9 (7965)
ଯସ୍ଯ ବାହୂ ସମାଶ୍ରିତ୍ଯ ସୁଖଂ ସର୍ବେ ଶଯାମହେ।
ରାଜ୍ଯଂ ଚାପହୃତଂ କ୍ଷୁଦ୍ରୈରାଜିହୀର୍ଷାମହେ ପୁନଃ॥ 1-176-10 (7966)
ଯସ୍ଯ ଦୁର୍ଯୋଧନୋ ବୀର୍ଯଂ ଚିନ୍ତଯନ୍ନମିତୌଜସଃ।
ନ ଶେତେ ରଜନୀଃ ସର୍ବା ଦୁଃଖାଚ୍ଛକୁନିନା ସହ॥ 1-176-11 (7967)
ଯସ୍ଯ ବୀରସ୍ଯ ବୀର୍ଯେଣ ମୁକ୍ତା ଜତୁଗୃହାଦ୍ବଯମ୍।
ଅନ୍ଯେଭ୍ଯଶ୍ଚୈବ ପାପେଭ୍ଯୋ ନିହତଶ୍ଚ ପୁରୋଚନଃ॥ 1-176-12 (7968)
ଯସ୍ଯ ବୀର୍ଯଂ ସମାଶ୍ରିତ୍ଯ ବସୁପୂର୍ଣାଂ ବସୁନ୍ଧରାମ୍।
ଇମାଂ ମନ୍ଯାମହେ ପ୍ରାପ୍ତାଂ ନିହତ୍ଯ ଧୃତରାଷ୍ଟ୍ରଜାନ୍॥ 1-176-13 (7969)
ତସ୍ଯ ବ୍ଯବସିତସ୍ତ୍ଯାଗୋ ବୁଦ୍ଧିମାସ୍ଥାଯ କାଂ ତ୍ବଯା।
କଚ୍ଚିନ୍ନୁ ଦୁଃଖୈର୍ବୁଦ୍ଧିସ୍ତେ ବିଲୁପ୍ତା ଗତଚେତସଃ॥ 1-176-14 (7970)
କୁନ୍ତ୍ଯୁବାଚ। 1-176-15x (1020)
ଯୁଧିଷ୍ଠିର ନ ସଂତାପସ୍ତ୍ବଯା କାର୍ଯୋ ବୃକୋଦରେ।
ନ ଚାଯଂ ବୁଦ୍ଧିଦୌର୍ବଲ୍ଯାଦ୍ବ୍ଯବସାଯଃ କୃତୋ ମଯା॥ 1-176-15 (7971)
`ନ ଚ ଶୋକେନ ବୁଦ୍ଧିଃ ସା ବିଲୁପ୍ତା ଗତଚେକସଃ।'
ଇହ ବିପ୍ରସ୍ଯ ଭବନେ ବଯଂ ପୁତ୍ର ସୁଖୋଷିତାଃ।
ଅଜ୍ଞାତା ଧାର୍ତରାଷ୍ଟ୍ରାଣାଂ ସତ୍କୃତା ବୀତମନ୍ଯବଃ॥ 1-176-16 (7972)
ତସ୍ଯ ପ୍ରତିକ୍ରିଯା ପାର୍ଥ ମଯେଯଂ ପ୍ରସମୀକ୍ଷିତା।
ଏତାବାନେବ ପୁରୁଷଃ କୃତଂ ଯସ୍ମିନ୍ନ ନଶ୍ଯତି॥ 1-176-17 (7973)
ଯାବଚ୍ଚ କୁର୍ଯାଦନ୍ଯୋଽସ୍ଯ କୁର୍ଯାଦ୍ବହୁଗୁମଂ ତତଃ।
`ବ୍ରାହ୍ମଣାର୍ଥେ ମହାନ୍ଧର୍ମୋ ଜାନାମୀତ୍ଥଂ ବୃକୋଦରେ॥' 1-176-18 (7974)
ଦୃଷ୍ଟ୍ବା ଭୀମସ୍ଯ ବିକ୍ରାନ୍ତଂ ତଦା ଜତୁଗୃହେ ମହତ୍।
ହିଡିମ୍ବସ୍ଯ ବଧାଚ୍ଚୈବଂ ବିଶ୍ବାସୋ ମେ ବୃକୋଦରେ॥ 1-176-19 (7975)
ବାହ୍ବୋର୍ବଲଂ ହି ଭୀମସ୍ଯ ନାଗାଯୁତସମଂ ମହତ୍।
ଯେନ ଯୂଯଂ ଗଜପ୍ରଖ୍ଯା ନିର୍ବ୍ଯୂଢା ବାରଣାବତାତ୍॥ 1-176-20 (7976)
ବୃକୋଦରେଣ ସଦୃଶୋ ବଲେନାନ୍ଯୋ ନ ବିଦ୍ଯତେ।
ଯୋ ବ୍ଯତୀଯାଦ୍ଯୁଧି ଶ୍ରେଷ୍ଠମପି ବଜ୍ରଧରଂ ସ୍ବଯମ୍॥ 1-176-21 (7977)
ଜାତମାତ୍ରଃ ପୁରା ଚୈବ ମମାଙ୍କାତ୍ପତିତୋ ଗିରୌ।
ଶରୀରଗୌରବାଦସ୍ଯ ଶିଲା ଗାତ୍ରୈର୍ବିଚୂର୍ଣିତା॥ 1-176-22 (7978)
ତଦହଂ ପ୍ରଜ୍ଞଯା ଜ୍ଞାତ୍ବା ବଲଂ ଭୀମସ୍ଯ ପାଣ୍ଡବ।
ପ୍ରତିକାର୍ଯେ ଚ ବିପ୍ରସ୍ଯ ତତଃ କୃତବତୀ ମତିମ୍॥ 1-176-23 (7979)
ନେଦଂ ଲୋଭାନ୍ନ ଚାଜ୍ଞାନାନ୍ନ ଚ ମୋହାଦ୍ବିନିଶ୍ଚିତମ୍।
ବୁଦ୍ଧିପୂର୍ବଂ ତୁ ଧର୍ମସ୍ଯ ବ୍ଯବସାଯଃ କୃତୋ ମଯା॥ 1-176-24 (7980)
ଅର୍ଥୌ ଦ୍ବାବପି ନିଷ୍ପନ୍ନୌ ଯୁଧିଷ୍ଠିର ଭବିଷ୍ଯତଃ।
ପ୍ରତୀକାରଶ୍ଚ ବାସସ୍ଯ ଧର୍ମଶ୍ଚ ଚରିତୋ ମହାନ୍॥ 1-176-25 (7981)
ଯୋ ବ୍ରାହ୍ମଣସ୍ଯ ସାହାଯ୍ଯଂ କୁର୍ଯାଦର୍ଥେଷୁ କର୍ହିଚିତ୍।
କ୍ଷତ୍ରିଯଃ ସ ଶୁଭାଁଲ୍ଲୋକାନାପ୍ନୁଯାଦିତି ମେ ମତିଃ॥ 1-176-26 (7982)
କ୍ଷତ୍ରିଯସ୍ଯୈବ କୁର୍ବାଣଃ କ୍ଷତ୍ରିଯୋ ବଧମୋକ୍ଷଣମ୍।
ବିପୁଲାଂ କୀର୍ତିମାପ୍ନୋତି ଲୋକେଽସ୍ମିଂଶ୍ଚ ପରତ୍ର ଚ॥ 1-176-27 (7983)
ବୈଶ୍ଯସ୍ଯାର୍ଥେ ଚ ସାହାଯ୍ଯଂ କୁର୍ବାଣଃ କ୍ଷତ୍ରିଯୋ ଭୁବି।
ସ ସର୍ବେଷ୍ବପି ଲୋକେଷୁ ପ୍ରଜା ରଞ୍ଜଯତେ ଧ୍ରୁବମ୍॥ 1-176-28 (7984)
ଶୂଦ୍ରଂ ତୁ ମୋଚଯେଦ୍ରାଜା ଶରଣାର୍ଥିନମାଗତମ୍।
ପ୍ରାପ୍ନୋତୀହ କୁଲେ ଜନ୍ମ ସଦ୍ଦ୍ରବ୍ଯେ ରାଜପୂଜିତେ॥ 1-176-29 (7985)
ଏବଂ ମାଂ ଭଗବାନ୍ବ୍ଯାସଃ ପୁରା ପୌରବନନ୍ଦନ।
ପ୍ରୋବାଚାସୁକରପ୍ରଜ୍ଞସ୍ତସ୍ମାଦେବଂ ଚିକୀର୍ଷିତମ୍॥ ॥ 1-176-30 (7986)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବକବଧପର୍ବଣି ଷଟ୍ସପ୍ତତ୍ଯଧିକଶତତମୋଽଧ୍ଯାଯଃ॥ 176 ॥
Mahabharata - Adi Parva - Chapter Footnotes
1-176-6 ମୋକ୍ଷାଯ ବକଭଯାଦିତି ଶେଷଃ॥ 1-176-25 ପ୍ରତୀକାରଃ ପ୍ରତ୍ଯୁପକାରଃ॥ ଷଟ୍ସପ୍ତତ୍ଯଧିକଶତତମୋଽଧ୍ଯାଯଃ॥ 176 ॥ଆଦିପର୍ବ - ଅଧ୍ଯାଯ 177
॥ ଶ୍ରୀଃ ॥
1.177. ଅଧ୍ଯାଯଃ 177
Mahabharata - Adi Parva - Chapter Topics
ପରେଦ୍ଯୁଃ ପ୍ରାତଃ ବ୍ରାହ୍ମଣେନ ଦତ୍ତମନ୍ନଂ ଭୁକ୍ତ୍ବା ବକାଯ ପ୍ରାପଣୀଯଂ ଅନ୍ନାଦିପୂର୍ଣଂ ଶକଟମାରୁହ୍ଯ ବକବଂନ ପ୍ରତି ଭୀମସ୍ଯ ଗମନମ୍॥ 1 ॥ ତତ୍ର ଭୀମେନ ଶକଟସ୍ତାନ୍ନଭୋଜନମ୍॥ 2 ॥ ଅନ୍ନଂ ଭୁଞ୍ଜାନଂ ଭୀମଂ ଦୃଷ୍ଟ୍ବା କ୍ରୁଦ୍ଧେନ ବକେନ ସହ ଭୀମସ୍ଯ ଯୁଦ୍ଧମ୍॥ 3 ॥ ବକବଧଃ॥ 4 ॥Mahabharata - Adi Parva - Chapter Text
1-177-0 (7987)
ଯୁଧିଷ୍ଠିର ଉବାଚ। 1-177-0x (1021)
ଉପପନ୍ନମିଦଂ ମାତସ୍ତ୍ବଯା ଯଦ୍ବୁଦ୍ଧିପୂର୍ବକମ୍।
ଆର୍ତସ୍ଯ ବ୍ରାହ୍ମଣସ୍ଯୈତଦନୁକ୍ରୋଶାଦିଦଂ କୃତମ୍॥ 1-177-1 (7988)
ଧ୍ରୁବମେଷ୍ଯତି ଭୀମୋଽଯଂ ନିହତ୍ଯ ପୁରୁଷାଦକମ୍।
ସର୍ବଥା ବ୍ରାହ୍ମଣସ୍ଯାର୍ଥେ ଯଦନୁକ୍ରୋଶବତ୍ଯସି॥ 1-177-2 (7989)
ଯଥା ତ୍ବିଦଂ ନ ବିନ୍ଦେଯୁର୍ନରା ନଗରବାସିନଃ।
ତଥାଽଯଂ ବ୍ରାହ୍ମଣୋ ବାଚ୍ଯଃ ପରିଗ୍ରାହ୍ଯଶ୍ଚ ଯତ୍ନତଃ॥ 1-177-3 (7990)
ବୈଶମ୍ପାଯନ ଉବାଚ। 1-177-4x (1022)
`ଯୁଧିଷ୍ଠିରେଣ ସଂମନ୍ତ୍ର୍ଯ ବ୍ରାହ୍ମଣାର୍ଥମରିନ୍ଦମ।
କୁନ୍ତୀ ପ୍ରବିଶ୍ଯ ତାନ୍ସର୍ବାନ୍ମନ୍ତ୍ରଯାମାସ ଭାରତ॥ 1-177-4 (7991)
ଅଥ ରାତ୍ର୍ଯାଂ ବ୍ଯତୀତାଯାଂ ଭୀମସେନୋ ମହାବଲଃ।
ବ୍ରାହ୍ମଣଂ ସମୁପାଗମ୍ଯ ବଚଶ୍ଚେଦମୁବାଚ ହ॥ 1-177-5 (7992)
ଆପଦସ୍ତ୍ବାଂ ବିମୋକ୍ଷ୍ଯେଽହଂ ସପୁତ୍ରଂ ବ୍ରାହ୍ମଣ ପ୍ରିଯମ୍।
ମା ଭୈଷୀ ରାକ୍ଷସାତ୍ତସ୍ମାନ୍ମାଂ ଦଦାତୁ ବଲିଂ ଭବାନ୍॥ 1-177-6 (7993)
ଇଦ ମାମଶିତଂ କର୍ତୁଂ ପ୍ରଯତସ୍ବ ସକୃଦ୍ଗୃହେ।
ଆଥାତ୍ମାନଂ ପ୍ରାଦାସ୍ଯାମି ତସ୍ମୈ ଘୋରାଯ ରକ୍ଷସେ॥ 1-177-7 (7994)
ତ୍ବରଧ୍ବଂ କିଂ ବିଲମ୍ବଧ୍ବେ ମା ଚିରଂ କୁରୁତାନଘାଃ।
ବ୍ଯବସ୍ଯେଯଂ ମନଃ ପ୍ରାଣୈର୍ଯୁଷ୍ମାନ୍ରକ୍ଷିତୁମଦ୍ଯ ବୈ॥ 1-177-8 (7995)
ବୈଶମ୍ପାଯନ ଉବାଚ। 1-177-9x (1023)
ଏବମୁକ୍ତଃ ସ ଭୀମେନ ବ୍ରାହ୍ମଣୋ ଭରତର୍ଷଭ।
ସୁହୃଦାଂ ତତ୍ସମାଖ୍ଯାଯ ଦଦାବନ୍ନଂ ସୁସଂସ୍କୃତମ୍॥ 1-177-9 (7996)
ପିଶିତୋଦନମାଜହ୍ରୁରଥାସ୍ମୈ ପୁରବାସିନଃ।
ସଘୃତଂ ସୋପଦଂଶଂ ଚ ସୂପୈର୍ନାନାବିଧୈଃ ସହ॥ 1-177-10 (7997)
ତଦାଽଶିତ୍ବା ଭୀମସେନୋ ମାଂସାନି ବିବିଧାନି ଚ।
ମୋଦକାନି ଚ ମୁଖ୍ଯାନି ଚିତ୍ରୋଦନଚଯାନ୍ବହୂନ୍॥ 1-177-11 (7998)
ତତୋଽପିବଦ୍ଦଧିଘଟାନ୍ସୁବହୂନ୍ଦ୍ରୋଣସଂମିତାନ୍।
ତସ୍ଯ ଭୁକ୍ତବତଃ ପୌରା ଯଥାବତ୍ସମୁପାର୍ଜିତାନ୍॥ 1-177-12 (7999)
ଉପଜହ୍ରୁର୍ଭୃତଂ ଭାଗଂ ସମୃଦ୍ଧମନସସ୍ତଦା।
ତତୋ ରାତ୍ର୍ଯାଂ ବ୍ଯତୀତାଯାଂ ସବ୍ଯଞ୍ଜନଦଧିପ୍ଲୁତମ୍॥ 1-177-13 (8000)
ସମାରୁହ୍ଯାନ୍ନସଂପୂର୍ଣଂ ଶକଟଂ ସ ବୃକୋଦରଃ।
ପ୍ରଯଯୌ ତୂର୍ଯନିର୍ଘୋଷୈଃ ପୌରୈଶ୍ଚ ପରିବାରିତଃ॥ 1-177-14 (8001)
ଆତ୍ମାନମେଷୋଽନ୍ନଭୂତୋ ରାକ୍ଷସାଯ ପ୍ରଦାସ୍ଯତି।
ତରୁଣୋଽପ୍ରତିରୂପଶ୍ଚ ଦୃଢ ଔଦରିକୋ ଯୁବା॥ 1-177-15 (8002)
ବାଗ୍ଭିରେବଂପ୍ରକାରାଭିଃ ସ୍ତୂଯମାନୋ ବୃକୋଦରଃ।
ଚୁଚୋଦ ସ ବଲୀବର୍ଦୌ ଯୁକ୍ତୌ ସର୍ବାଙ୍ଗକାଲକୌ॥ 1-177-16 (8003)
ବାଦିତ୍ରାଣାଂ ପ୍ରବାଦେନ ତତସ୍ତଂ ପୁରୁଷାଦକମ୍।
ଅଭ୍ଯଗଚ୍ଛତ୍ସୁସଂହୃଷ୍ଟଃ ସର୍ବତ୍ର ମନୁଜୈର୍ବୃତଃ॥ 1-177-17 (8004)
ସଂପ୍ରାପ୍ଯ ସ ଚ ତଂ ଦେଶମେକାକୀ ସମୁପାଯଯୌ।
ପୁରୁଷାଦଭଯାଦ୍ଭୀତସ୍ତତ୍ରୈବାସୀଜ୍ଜନବ୍ରଜଃ॥ 1-177-18 (8005)
ସ ଗତ୍ବା ଦୂରମଧ୍ବାନଂ ଦକ୍ଷିଣାମଭିତୋ ଦିଶମ୍।
ଯତୋପଦିଷ୍ଟମୁଦ୍ଦେଶେ ଦଦର୍ଶ ବିପୁଲଂ ଦ୍ରୁମମ୍॥ 1-177-19 (8006)
କେଶମଜ୍ଜାସ୍ଥିମେଦୋଭିର୍ବାହୂରୁଚରଣୈରପି।
ଆର୍ଦ୍ରୈଃ ଶୁଷ୍କୈଶ୍ଚ ସଂକୀର୍ଣମଭିତୋଽଥ ବନସ୍ପତିମ୍॥ 1-177-20 (8007)
ଗୃଧ୍ରକଙ୍କବଲଚ୍ଛନ୍ନଂ ଗୋମାଯୁଗଣସେବିତମ୍।
ଉଗ୍ରଗନ୍ଧମଚକ୍ଷୁଷ୍ଯଂ ଶ୍ମଶାନମିବ ଦାରୁଣମ୍॥ 1-177-21 (8008)
ତଂ ପ୍ରବିଶ୍ଯ ମହାବୃକ୍ଷଂ ଚିନ୍ତଯାମାସ ବୀର୍ଯବାନ୍।
ଯାବନ୍ନ ପଶ୍ଯତେ ରକ୍ଷୋ ବକାଭିଖ୍ଯଂ ବଲୋତ୍ତରମ୍॥ 1-177-22 (8009)
ଆଚିତଂ ବିବିଧୈର୍ଭୋଜ୍ଯୈରନ୍ନୈରୁଚ୍ଚାବଚୈରିଦମ୍।
ଶକଟଂ ସୂପସଂପୂର୍ଣଂ ଯାବଦ୍ଦ୍ରକ୍ଷ୍ଯତି ରାକ୍ଷସଃ॥ 1-177-23 (8010)
ତାବଦେବେହ ଭୋକ୍ଷ୍ଯେଽହଂ ଦୁର୍ଲଭଂ ହି ପୁନର୍ଭବେତ୍।
ବିପ୍ରକୀର୍ଯେତ ସର୍ବଂ ହି ପ୍ରଯୁଦ୍ଧେ ମଯି ରକ୍ଷସା॥ 1-177-24 (8011)
ଅଭୋଜ୍ଯଂ ହି ଶବସ୍ପର୍ଶେ ନିଗୃହୀତେ ବକେ ଭବେତ୍।
ସ ତ୍ବେବଂ ଭୀମକର୍ମା ତୁ ଭୀମସେନୋଽଭିଲକ୍ଷ୍ଯ ଚ॥ 1-177-25 (8012)
ଉପବିଶ୍ଯ ବିବିକ୍ତେଽନ୍ନଂ ଭୁଙ୍କ୍ତେ ସ୍ମ ପରମଂ ପରଃ।
ତଂ ତତଃ ସର୍ବତୋଽପଶ୍ଯନ୍ଦ୍ରୁମାନାରୁହ୍ଯ ନାଗରାଃ॥ 1-177-26 (8013)
ନାରକ୍ଷୋ ବଲିମଶ୍ନୀଯାଦେବଂ ବହୁ ଚ ମାନବାଃ।
ଭୁଙ୍କ୍ତେ ବ୍ରାହ୍ମଣରୂପେଣ ବକୋଽଯମିତି ଚାବ୍ରୁବନ୍॥ 1-177-27 (8014)
ସ ତଂ ହସତି ତେଜସ୍ବୀ ତଦନ୍ନମୁପଭୁଜ୍ଯ ଚ।'
ଆସାଦ୍ଯ ତୁ ବନଂ ତସ୍ଯ ରକ୍ଷସଃ ପାଣ୍ଡବୋ ବଲୀ।
ଆଜୁହାବ ତତୋ ନାମ୍ନା ତଦନ୍ନମୁପପାଦଯନ୍॥ 1-177-28 (8015)
ତତଃ ସ ରାକ୍ଷସଃ କ୍ରୁଦ୍ଧୋ ଭୀମସ୍ଯ ବଚନାତ୍ତଦା।
ଆଜଗାମ ସୁସଂକ୍ରୁଦ୍ଧୋ ଯତ୍ର ଭୀମୋ ବ୍ଯବସ୍ଥିତଃ॥ 1-177-29 (8016)
ମହାକାଯୋ ମହାବେଗୋ ଦାରଯନ୍ନିବ ମେଦିନୀମ୍।
ଲୋହିତାକ୍ଷଃ କରାଲଶ୍ଚ ଲୋହିତଶ୍ମଶ୍ରୁମୂର୍ଧଜଃ॥ 1-177-30 (8017)
ଆକର୍ଣାଦ୍ଭିନ୍ନବକ୍ତ୍ରଶ୍ଚ ଶଙ୍କୁକର୍ଣୋ ବିଭୀଷଣଃ।
ତ୍ରିଶିଖାଂ ଭ୍ରୁକୁଟିଂ କୃତ୍ବା ସଂଦଶ୍ଯ ଦଶନଚ୍ଛଦମ୍॥ 1-177-31 (8018)
ଭୁଞ୍ଜାନମନ୍ନଂ ତଂ ଦୃଷ୍ଟ୍ବା ଭୀମସେନଂ ସ ରାକ୍ଷସଃ।
ବିବୃତ୍ଯ ନଯନେ କ୍ରୁଦ୍ଧ ଇଦଂ ବଚନମବ୍ରବୀତ୍॥ 1-177-32 (8019)
କୋଽଯମନ୍ନମିଦଂ ଭୁଙ୍କ୍ତେ ମଦର୍ଥମୁପକଲ୍ପିତମ୍।
ପଶ୍ଯତୋ ମମ ଦୁର୍ବୁଦ୍ଧିର୍ଯିଯାସୁର୍ଯମସାଦନମ୍॥ 1-177-33 (8020)
ଭୀମସେନସ୍ତତଃ ଶ୍ରୁତ୍ବା ପ୍ରହସନ୍ନିବ ଭାରତ।
ରାକ୍ଷସଂ ତମନାଦୃତ୍ଯ ଭୁଙ୍କ୍ତ ଏବ ପରାଙ୍ମୁଖଃ॥ 1-177-34 (8021)
ରବଂ ସ ଭୈରବଂ କୃତ୍ବା ସମୁଦ୍ଯମ୍ଯ କରାବୁଭୌ।
ଅଭ୍ଯଦ୍ରବଦ୍ଭୀମସେନଂ ଜିଙାଂସୁଃ ପୁରୁଷାଦକଃ॥ 1-177-35 (8022)
ତଥାପି ପରିଭୂଯୈନଂ ପ୍ରେକ୍ଷମାଣୋ ବୃକୋଦରଃ।
ରାକ୍ଷସଂ ଭୁଙ୍କ୍ତ ଏବାନ୍ନଂ ପାଣ୍ଡବଃ ପରବୀରହା॥ 1-177-36 (8023)
ଅମର୍ଷେଣ ତୁ ସଂପୂର୍ଣଃ କୁନ୍ତୀପୁତ୍ରଂ ବୃକୋଦରମ୍।
ଜଘାନ ପୃଷ୍ଠେ ପାଣିଭ୍ଯାମୁଭାଭ୍ଯାଂ ପୃଷ୍ଠତଃ ସ୍ଥିତଃ॥ 1-177-37 (8024)
ତଥା ବଲବତା ଭୀମଃ ପାଣିଭ୍ଯାଂ ଭୃଶମାହତଃ।
ନୈବାବଲୋକଯାମାସ ରାକ୍ଷସଂ ଭୁଙ୍କ୍ତ ଏବ ସଃ॥ 1-177-38 (8025)
ତତଃ ସ ଭୂଯଃ ସଂକ୍ରୁଦ୍ଧୋ ବୃକ୍ଷମାଦାଯ ରାକ୍ଷସଃ।
ତାଡଯିଷ୍ଯଂସ୍ତଦା ଭୀମଂ ପୁନରଭ୍ଯଦ୍ରବଦ୍ବଲୀ॥ 1-177-39 (8026)
କ୍ଷିପ୍ତଂ କ୍ରୁଦ୍ଧେନ ତଂ ବୃକ୍ଷଂ ପ୍ରତିଜଗ୍ରାହ ବୀର୍ଯବାନ୍।
ସବ୍ଯେନ ପାଣିନା ଭୀମୋ ଦକ୍ଷିଣେନାପ୍ଯଭୁଙ୍କ୍ତ ହ॥ 1-177-40 (8027)
`ଶକଟାନ୍ନଂ ତତୋ ଭୁକ୍ତ୍ବା ରକ୍ଷସଃ ପାଣିନା ସହ।
ଗୃହ୍ଣନ୍ନେବ ତଦା ବୃକ୍ଷଂ ନିଃଶେଷଂ ପର୍ବତୋପମମ୍॥ 1-177-41 (8028)
ଭୀମସେନୋ ହସନ୍ନେବ ଭୁକ୍ତ୍ବା ତ୍ଯକ୍ତ୍ବା ଚ ରାକ୍ଷସମ୍।
ପୀତ୍ବା ଦଧିଘଟାନ୍ପୂର୍ଣାନ୍ଘୃତକୁମ୍ଭାଞ୍ଶତଂ ଶତମ୍॥ 1-177-42 (8029)
ବାର୍ଯୁପସ୍ପୃଶ୍ଯ ସଂହୃଷ୍ଟସ୍ତସ୍ଥୌ ଗିରିରିବାପରଃ।
ଭ୍ରାମଯନ୍ତଂ ମହାବୃକ୍ଷମାଯାନ୍ତଂ ଭୀମଦର୍ଶନମ୍॥ 1-177-43 (8030)
ଦୃଷ୍ଟ୍ବୋତ୍ଥାଯାହବେ ବୀରଃ ସିଂହନାଦଂ ବ୍ଯନାଦଯତ୍।
ଭୁଜବେଗଂ ତଥାଽଽସ୍ଫୋଟଂ କ୍ଷ୍ବେଲିତଂ ଚ ମହାସ୍ବନମ୍॥ 1-177-44 (8031)
କୃତ୍ବାଽଽହ୍ବଯତ ସଂକ୍ରୁଦ୍ଧୋ ଭୀମସେନୋଽଥ ରାକ୍ଷସମ୍।
ଉବାଚାଶନିଶବ୍ଦେନ ଧ୍ବନିନା ଭୀଷଯନ୍ନିବ॥ 1-177-45 (8032)
ଭୀମ ଉବାଚ। 1-177-46x (1024)
ବହୁକାଲଂ ସୁପୁଷ୍ଟଂ ତେ ଶରୀରଂ ରାକ୍ଷସାଧମ।
ଦ୍ବିପଚ୍ଚତୁଷ୍ପନ୍ମାଂସୈଶ୍ଚ ବହୁଭିଶ୍ଚୌଦନୈରପି॥ 1-177-46 (8033)
ମଦ୍ବାହୁବଲମାଶ୍ରିତ୍ଯ ନ ତ୍ବଂ ଭୂଯସ୍ତ୍ବଶିଷ୍ଯସି।
ଅଦ୍ଯ ମଦ୍ବାହୁନିଷ୍ପିଷ୍ଟୋ ଗମିଷ୍ଯସି ଯମାଲଯମ୍॥ 1-177-47 (8034)
ଅଦ୍ଯପ୍ରଭୃତି ସ୍ବପ୍ସ୍ଯନ୍ତି ବେତ୍ରକୀଯନିବାସିନଃ।
ନିରୁଦ୍ବିଗ୍ନାଃ ପୁରସ୍ଯାସ୍ଯ କଣ୍ଟକେ ସୂଦ୍ଧୃତେ ମଯା॥ 1-177-48 (8035)
ଅଦ୍ଯ ଯୁଦ୍ଧେ ଶରୀରଂ ତେ କଙ୍କଗୋମାଯୁବାଯସାଃ।
ମଯା ହତସ୍ଯ ଖାଦନ୍ତୁ ବିକର୍ଷନ୍ତୁ ଚ ଭୂତଲେ॥ 1-177-49 (8036)
ବୈଶମ୍ପାଯନ ଉବାଚ। 1-177-50x (1025)
ଏବମୁକ୍ତ୍ବା ସୁସଂକ୍ରୁଦ୍ଧଃ ପାର୍ଥୋ ବକଜିଘାଂସଯା।
ଉପାଧାବଦ୍ବକଶ୍ଚାପି ପାର୍ଥଂ ପାର୍ଥିବସତ୍ତମ॥ 1-177-50 (8037)
ମହାକାଯୋ ମହାବେଗୋ ଦାରଯନ୍ନିବ ମେଦିନୀମ୍।
ପିଶଙ୍ଗରୂପଃ ପିଙ୍ଗାକ୍ଷୋ ଭୀମସେନମଭିଦ୍ରବତ୍॥ 1-177-51 (8038)
ତ୍ରିଶିଖାଂ ଭ୍ରୁକୁଟୀଂ କୃତ୍ବା ସଂଦଶ୍ଯ ଦଶନଚ୍ଛଦମ୍।
ଭୃଶଂ ସ ଭୂଯଃ ସଂକ୍ରୁଦ୍ଧୋ ବୃକ୍ଷମାଦାଯ ରାକ୍ଷସଃ॥ 1-177-52 (8039)
ତାଡଯିଷ୍ଯଂସ୍ତଦା ଭୀମଂ ତରସାଽଭ୍ଯଦ୍ରବଦ୍ବଲୀ।
କ୍ରୁଦ୍ଧେନାଭିହତଂ ବୃକ୍ଷଂ ପ୍ରତିଜଗ୍ରାହ ଲୀଲଯା॥ 1-177-53 (8040)
ସବ୍ଯେନ ପାଣିନା ଭୀମଃ ପ୍ରହସନ୍ନିବ ଭାରତ।
ତତଃ ସ ପୁନରୁଦ୍ଯମ୍ଯ ବୃକ୍ଷାନ୍ବହୁବିଧାନ୍ବଲୀ॥ 1-177-54 (8041)
ପ୍ରାହିଣୋଦ୍ଭୀମସେନାଯ ବକୋଽପି ବଲବାନ୍ରଣେ।
ସର୍ବାନପୋହଯଦ୍ବୃକ୍ଷାନ୍ସ୍ବସ୍ଯ ହସ୍ତସ୍ଯ ଶାଖଯା॥ 1-177-55 (8042)
ତଦ୍ବୃକ୍ଷଯୁଦ୍ଧମଭବଦ୍ବୃକ୍ଷଷଣ୍ଡବିନାଶନମ୍॥
ମହତ୍ସୁଘୋରଂ ରାଜେନ୍ଦ୍ର ବକପାଣ୍ଡବଯୋସ୍ତଦା॥ 1-177-56 (8043)
ନାମ ବିଶ୍ରାବ୍ଯ ସ ବକଃ ସମଭିଦ୍ରୁତ୍ଯ ପାଣ୍ଡବମ୍।
ସମଯୁଧ୍ଯତ ତୀବ୍ରେଣ ବେଗେନ ପୁରୁଷାଦକଃ॥ 1-177-57 (8044)
ତଯୋର୍ବେଗେନ ମହତା ପୃଥିବୀ ସମକମ୍ପତ।
ପାଦପାଂଶ୍ଚ ମହାମାତ୍ରାଂଶ୍ଚୂର୍ଣଯାମାସତୁଃ କ୍ଷଣାତ୍॥ 1-177-58 (8045)
ଦ୍ରୁତମାଗତ୍ଯ ପାଣିଭ୍ଯାଂ ଗୃହୀତ୍ବା ଚୈନମାକ୍ଷିପତ୍।
ଆକ୍ଷିପ୍ତୋ ଭୀମସେନଶ୍ଚ ପୁନରେବୋତ୍ଥିତୋ ହସନ୍॥ 1-177-59 (8046)
ଆଲିଙ୍ଗ୍ଯାପି ବକଂ ଭୀମୋ ନ୍ଯହନଦ୍ବସୁଧାତଲେ।
ଭୀମୋ ବିସର୍ଜଯିତ୍ବୈନଂ ସମାଶ୍ବସିହି ରାକ୍ଷସ॥ 1-177-60 (8047)
ଇତ୍ଯୁକ୍ତ୍ବା ପୁନରାସ୍ଫୋଟ୍ଯ ଉତ୍ତିଷ୍ଠେତି ଚ ସୋଽବ୍ରବୀତ୍।
ସମୁତ୍ପତ୍ଯ ତତଃ କ୍ରୁଦ୍ଧୋ ରୂପଂ କୃତ୍ବା ମହତ୍ତରମ୍॥ 1-177-61 (8048)
ବିରୂପଃ ସହସା ତସ୍ଥୌ2 ତର୍ଜଯିତ୍ବା ବୃକୋଦରମ୍।
ଅହସଦ୍ଭୀମସେନୋଽପି ରାକ୍ଷସଂ ଭୀମଦର୍ଶନମ୍॥ 1-177-62 (8049)
ଅସୌ ଗୃହୀତ୍ବା ପାଣିଭ୍ଯାଂ ପୃଷ୍ଠତଶ୍ଚ ବ୍ଯବସ୍ଥିତଃ।
ଜାନୁଭ୍ଯାଂ ପୀଡଯିତ୍ବାଥ ପାତଯାମାସ ଭୂତଲେ॥ 1-177-63 (8050)
ପୁନଃ କ୍ରୁଦ୍ଧୋ ବିସୃଜ୍ଯୈନଂ ରାକ୍ଷସଂ କ୍ରୋଧଜୀବିତମ୍।
ସ୍ବାଂ କଟୀମୀଷଦୁନ୍ନମ୍ଯ ବାହୂ ତସ୍ଯ ପରାମୃଶତ୍॥ 1-177-64 (8051)
ତସ୍ଯ ବାହୂ ସମାଦାଯ ତ୍ବରମାଣୋ ବୃକୋଦରଃ।
ଉତ୍କ୍ଷିପ୍ଯ ଚାବଧୂଯୈନଂ ପାତଯନ୍ବଲବାନ୍ଭୁବି॥ 1-177-65 (8052)
ତଂ ତୁ ବାମେନ ପାଦେନ କ୍ରୁଦ୍ଧୋ ଭୀମପରାକ୍ରମଃ।
ଉରସ୍ଯେନଂ ସମାଜଘ୍ନେ ଭୀମସ୍ତୁ ପତିତଂ ଭୁବି॥ 1-177-66 (8053)
ବ୍ଯାତ୍ତାନନେନ ଘୋରେଣ ଲମ୍ବଜିହ୍ବେନ ରକ୍ଷସା।
ତେନାଭିଦ୍ରୁତ୍ଯ ଭୀମେନ ଭୀମୋ ମୂର୍ଧ୍ନି ସମାହତଃ॥ 1-177-67 (8054)
ଏବଂ ନିହନ୍ଯମାନଃ ସ ରାକ୍ଷସେନ ବଲୀଯସା।
ରୋଷେଣ ମହତାଽଽବିଷ୍ଟୋ ଭୀମୋ ଭୀମପରାକ୍ରମଃ॥ 1-177-68 (8055)
ଗୃହୀତ୍ବା ମଧ୍ଯମୁତ୍କ୍ଷିପ୍ଯ ବଲୀ ଜଗ୍ରାହ ରାକ୍ଷସମ୍।
ତାବନ୍ଯୋନ୍ଯଂ ପୀଡଯନ୍ତୌ ପୁରୁଷାଦବୃକୋଦରୌ॥ 1-177-69 (8056)
ମତ୍ତାବିବ ମହାନାଗାବନ୍ଯୋନ୍ଯଂ ବିଚକର୍ଷତୁଃ॥ 1-177-70 (8057)
ବାହୁବିକ୍ଷେପଶବ୍ଦୈଶ୍ଚ ଭୀମରାକ୍ଷସଯୋସ୍ତଦା।
ବେତ୍ରକୀଯପୁରୀ ସର୍ବା ବିତ୍ରସ୍ତା ସମପଦ୍ଯତ॥' 1-177-71 (8058)
ତଯୋର୍ବେଗେନ ମହତା ତତ୍ର ଭୂମିରକମ୍ପତ।
ପାଦପାନ୍ବୀରୁଧଶ୍ଚୈବ ଚୂର୍ଣଯାମାସତୂ ରଯାତ୍॥ 1-177-72 (8059)
ସମାଗତୌ ଚ ତୌ ବୀରାବନ୍ଯୋନ୍ଯବଧକାଙ୍କ୍ଷିଣୌ।
ଗିରିଭିର୍ଗିରିଶୃହ୍ଗୈଶ୍ଚ ପାଷାଣୈଃ ପର୍ବତଚ୍ଯୁତୈଃ॥ 1-177-73 (8060)
ଅନ୍ଯୋନ୍ଯଂ ତାଡଯନ୍ତୌ ତୌ ଚୂର୍ଣଯାମାସତୁସ୍ତଦା।
ଆଯାମବିସ୍ତରାଭ୍ଯାଂ ଚ ପରିତୋ ଯୋଜନଦ୍ବଯମ୍॥ 1-177-74 (8061)
ନିର୍ମହୀରୁହପାଷାଣତୃଣକୁଞ୍ଜଲତାବଲିମ୍।
ଚକ୍ରତୁର୍ଯୁଦ୍ଧଦୁର୍ମତ୍ତୌ କୂର୍ମପୃଷ୍ଠୋପମାଂ ମହୀମ୍॥ 1-177-75 (8062)
ମୁହୂର୍ତମେବଂ ସଂଯୁଧ୍ଯ ସମଂ ରକ୍ଷଃକୁରୂଦ୍ବହୌ।
ତତୋ ରକ୍ଷୋବିନାଶାଯ ମତିଂ କୃତ୍ବା କୁରୂତ୍ତମଃ॥ 1-177-76 (8063)
ଦନ୍ତାନ୍କଟକଟୀକୃତ୍ଯ ଦଷ୍ଟ୍ବା ଚ ଦଶନଚ୍ଛଦମ୍।
ନେତ୍ରେ ସଂବୃତ୍ଯ ବିକଟଂ ତିର୍ଯକ୍ପ୍ରୈକ୍ଷତ ରାକ୍ଷସମ୍॥ 1-177-77 (8064)
ଅଥ ତଂ ଲୋଲଯିତ୍ବା ତୁ ଭୀମସେନୋ ମହାବଲଃ।
ଅଗୃହ୍ଣାତ୍ପରିରଭ୍ଯୈନଂ ବାହୁଭ୍ଯାଂ ପରିରଭ୍ଯ ଚ॥ 1-177-78 (8065)
ଜାନୁଭ୍ଯାଂ ପାର୍ଶ୍ବଯୋଃ କୁକ୍ଷୌ ପୃଷ୍ଠେ ବକ୍ଷସି ଜଘ୍ନିବାନ୍।
ଭଗ୍ନୋରୁବାହୁହୃଚ୍ଚୈବ ବିସ୍ରଂସଦ୍ଦେହବନ୍ଧନଃ॥ 1-177-79 (8066)
ପ୍ରସ୍ବେଦଦୀର୍ଘନିଶ୍ବାସୋ ନିର୍ଯଞ୍ଜୀବାକ୍ଷିତାରକଃ।
ଅଜାଣ୍ଡାସ୍ଫୋଟନଂ କୁର୍ବନ୍ନାକ୍ରୋଶଂଶ୍ଚ ଶ୍ବସଞ୍ଛନୈଃ॥ 1-177-80 (8067)
ଭୂମୌ ନିପତ୍ଯ ବିଲୁଠନ୍ଦଣ୍ଡାହତ ଇବୋରଗଃ।
ବିସ୍ଫୁରନ୍ତଂ ମହାକାଯଂ ପରିତୋ ବିଚକର୍ଷ ହ॥ 1-177-81 (8068)
ବିକୃଷ୍ଯମାଣୋ ବେଗେନ ପାଣ୍ଡବେନ ବଲୀଯସା।
ସମଯୁଜ୍ଯତ ତୀବ୍ରେଣ ଶ୍ରମେଣ ପୁରୁଷାଦକଃ॥' 1-177-82 (8069)
ହୀଯମାନବଲଂ ରକ୍ଷଃ ସମୀକ୍ଷ୍ଯ ପୁରୁଷର୍ଷଭଃ।
ନିଷ୍ପିଷ୍ଯ ଭୂମୌ ଜାନୁଭ୍ଯାଂ ସମାଜଘ୍ନେ ବୃକୋଦରଃ॥ 1-177-83 (8070)
ତତୋ।ଞସ୍ଯ ଜାନୁନା ପୃଷ୍ଠମବପୀଡ୍ଯ ବଲାଦିବ।
ବାହୁନା ପରିଜଗ୍ରାହ ଦକ୍ଷିଣେନ ଶିରୋଧରାମ୍॥ 1-177-84 (8071)
ସବ୍ଯେନ ଚ କଟୀଦେଶେ ଗୃହ୍ଯ ବାସସି ପାଣ୍ଡବଃ।
ଜାନୁନ୍ଯାରୋପ୍ଯ ତତ୍ପୃଷ୍ଠଂ ମହାଶବ୍ଦଂ ବଭଞ୍ଜ ହ॥ 1-177-85 (8072)
ତତୋଽସ୍ଯ ରୁଧିରଂ ବକ୍ତ୍ରାତ୍ପ୍ରାଦୁରାସୀଦ୍ବିଶାଂପତେ।
ଭଜ୍ଯମାନସ୍ଯ ଭୀମେନ ତସ୍ଯ ଘୋରସ୍ଯ ରକ୍ଷସଃ॥ ॥ 1-177-86 (8073)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବକବଧପର୍ବଣି ସପ୍ତସପ୍ତତ୍ଯଧିକଶତତମୋଽଧ୍ଯାଯଃ॥ 177 ॥
Mahabharata - Adi Parva - Chapter Footnotes
1-177-31 ତ୍ରିଶିଖାଂ ତ୍ରିରେଖାମ୍॥ ସପ୍ତସପ୍ତତ୍ଯଧିକଶତତମୋଽଧ୍ଯାଯଃ॥ 177 ॥ଆଦିପର୍ବ - ଅଧ୍ଯାଯ 178
॥ ଶ୍ରୀଃ ॥
1.178. ଅଧ୍ଯାଯଃ 178
Mahabharata - Adi Parva - Chapter Topics
ବକବଧାନନ୍ତରଂ ସମାଗତାନାଂ ତତ୍ପରିବାରାଣାଂ ଭୀମେନ ସମଯକରଣମ୍॥ 1 ॥ ନଗରଦ୍ବାରଦେଶେ ବକଶରୀରଂ ନିଧାଯ ବ୍ରାହ୍ମଣଗୃହମା ଗତ୍ଯ ଭୀମେନ କୁନ୍ତ୍ଯାଦୀନ୍ପ୍ରତି ବକବୃତ୍ତାନ୍ତକଥନମ୍॥ 2 ॥ ମୃତବକଦର୍ଶାର୍ଥଂ ପୌରାଣାଂ ଗମନମ୍॥ 3 ॥ ବ୍ରହ୍ମମହୋତ୍ସବକରଣମ୍॥ 4 ॥ ବକବଧେନ ପୌରାଣାଂ ଭୀମସେବନମ୍॥ 5 ॥Mahabharata - Adi Parva - Chapter Text
1-178-0 (8074)
ବୈଶମ୍ପାଯନ ଉବାଚ। 1-178-0x (1026)
ତତଃ ସ ଭଗ୍ନପାର୍ଶ୍ବାଙ୍ଗୋ ନଦିତ୍ବା ଭୈରବଂ ରବମ୍।
ଶୈଲରାଜପ୍ରତୀକାଶୋ ଗତାସୁରଭବଦ୍ବକଃ॥ 1-178-1 (8075)
ତେନ ଶବ୍ଦେନ ବିତ୍ରସ୍ତୋ ଜନସ୍ତସ୍ଯାଥ ରକ୍ଷସଃ।
ନିଷ୍ପପାତ ଗୃହାଦ୍ରାଜନ୍ସହୈବ ପରିଚାରିଭିଃ॥ 1-178-2 (8076)
`ବକାନୁଜସ୍ତଦା ରାଜନ୍ଭୀମଂ ଶରଣମେଯିବାନ୍।
ତତସ୍ତୁ ନିହତଂ ଦୃଷ୍ଟ୍ବା ରାକ୍ଷସେନ୍ଦ୍ରଂ ମହାବଲମ୍।
ରାକ୍ଷସାଃ ପରମତ୍ରସ୍ତା ଭୀମଂ ଶର଼ଣମାଯଯୁଃ॥' 1-178-3 (8077)
ତାନ୍ଭୀତାନ୍ବିଗତଜ୍ଞାନାନ୍ଭୀମଃ ପ୍ରହରତାଂ ବରଃ।
ସାଂତ୍ବଯାମାସ ବଲବାନ୍ସମଯେ ଚ ନ୍ଯବେଶଯତ୍॥ 1-178-4 (8078)
ନ ହିଂସ୍ଯା ମାନୁଷା ଭୂଯୋ ଯୁଷ୍ମାଭିରିତି କର୍ହିଚିତ୍।
ହିଂସତାଂ ହି ବଧଃ ଶୀଘ୍ରମେବମେବ ଭବେଦିତି॥ 1-178-5 (8079)
ତସ୍ଯ ତଦ୍ବଚନଂ ଶ୍ରୁତ୍ବା ତାନି ରକ୍ଷାଂସି ଭାରତ।
ଏବମସ୍ତ୍ବିତି ତଂ ପ୍ରାହୁର୍ଜଗୃହୁଃ ସମଯଂ ଚ ତମ୍॥ 1-178-6 (8080)
`ସଗଣସ୍ତୁ ବକଭ୍ରାତା ପ୍ରାଣମତ୍ପାଣ୍ଡବଂ ତଦା।'
ତତଃ ପ୍ରଭୃତି ରକ୍ଷାଂସି ତତ୍ର ସୌମ୍ଯାନି ଭାରତ।
ନଗରେ ପ୍ରତ୍ଯଦୃଶ୍ଯନ୍ତ ନରୈର୍ନଗରବାସିଭିଃ॥ 1-178-7 (8081)
ତତୋ ଭୀମସ୍ତମାଦାଯ ଗତାସୁଂ ପୁରୁଷାଦକମ୍।
`ନିଷ୍କର୍ଣନେତ୍ରଂ ନିର୍ଜିହ୍ବଂ ନିଃସଂଜ୍ଞଂ କଣ୍ଠପୀଡନାତ୍।
କୁର୍ବନ୍ବହୁବିଧାଂ ଚେଷ୍ଟାଂ ପୁରଦ୍ବାରମକର୍ଷତ॥ 1-178-8 (8082)
ଦ୍ବାରଦେଶେ ବିନିକ୍ଷିପ୍ଯ ପୁରମାଗାତ୍ସ ମାରୁତିଃ।
ସ ଏବ ରାକ୍ଷସୋ ନୂନଂ ପୁନରାଯାତି ନଃ ପୁରୀମ୍॥ 1-178-9 (8083)
ସବାଲବୃଦ୍ଧାଃ ପୁରୁଷା ଇତି ଭୀତାଃ ପ୍ରଦୁଦ୍ରୁବୁଃ।
ତତୋ ଭୀମୋ ବକଂ ହତ୍ବା ଗତ୍ବା ବ୍ରାହ୍ମଣବେଶ୍ମ ତତ୍॥ 1-178-10 (8084)
ବଲୀବର୍ଦୌ ଚ ଶକଟଂ ବ୍ରାହ୍ମଣାଯ ନ୍ଯବେଦଯତ୍।
ତୂଷ୍ଣୀମନ୍ତର୍ଗୃହଂ ଗଚ୍ଛେତ୍ଯଭିଧାଯ ଦ୍ବିଜୋତ୍ତମମ୍॥ 1-178-11 (8085)
ମାତୃଭ୍ରାତୃସମକ୍ଷଂ ଚ ଗତ୍ବା ଶଯନମେବ ଚ।
ଆଚଚକ୍ଷେଽଥ ତତ୍ସର୍ବଂ ରାତ୍ରୌ ଯୁଦ୍ଧମଭୂଦ୍ଯଥା॥' 1-178-12 (8086)
ତତୋ ନରା ବିନିଷ୍କ୍ରାନ୍ତା ନଗରାତ୍କଲ୍ଯମେବ ତୁ।
ଦଦୃଶୁର୍ନିହତଂ ଭୂମୌ ରାକ୍ଷସଂ ରୁଧିରୋକ୍ଷିତମ୍॥ 1-178-13 (8087)
ତମଦ୍ରିକୂଟସଦୃଶଂ ବିନିକୀର୍ଣଂ ଭଯାନକମ୍।
ଦୃଷ୍ଟ୍ବା ସଂହୃଷ୍ଟରୋମାଣୋ ବଭୂବୁସ୍ତତ୍ର ନାଗରାଃ॥ 1-178-14 (8088)
ଏକଚକ୍ରାଂ ତତୋ ଗତ୍ବା ପ୍ରବୃତ୍ତିଂ ପ୍ରଦଦୁଃ ପୁରେ।
ତତଃ ସହସ୍ରଶୋ ରାଜନ୍ନରା ନଗରବାସିନଃ॥ 1-178-15 (8089)
ତତ୍ରାଜଗ୍ମୁର୍ବକଂ ଦ୍ରଷ୍ଟୁଂ ସସ୍ତ୍ରୀବୃଦ୍ଧକୁମାରକାଃ।
ତତସ୍ତେ ବିସ୍ମିତାଃ ସର୍ବେ କର୍ମ ଦୃଷ୍ଟ୍ବାଽତିମାନୁଷମ୍।
ଦୈବତାନ୍ଯର୍ଚଯାଞ୍ଚକ୍ରୁଃ ପ୍ରାର୍ଥିତାନି ପୁରା ଭଯାତ୍॥ 1-178-16 (8090)
ତତଃ ପ୍ରଗଣଯାମାସୁଃ କସ୍ଯ ବାରୋଽଦ୍ଯ ଭୋଜନେ।
ଜ୍ଞାତ୍ବା ଚାଗମ୍ଯ ତଂ ବିପ୍ରଂ ପପ୍ରଚ୍ଛୁଃ ସର୍ବ ଏବ ତେ॥ 1-178-17 (8091)
ଏବଂ ପୃଷ୍ଟଃ ସ ବହୁଶୋ ରକ୍ଷମାଣଶ୍ଚ ପାଣ୍ଡବାନ୍।
ଉବାଚ ନାଗରାନ୍ସର୍ବାନିଦଂ ବିପ୍ରର୍ଷଭସ୍ତଦା॥ 1-178-18 (8092)
ବ୍ରାହ୍ମଣ ଉବାଚ। 1-179-19x (1027)
ଆଜ୍ଞାପିତଂ ମାମଶନେ ରୁଦନ୍ତଂ ସହ ବନ୍ଧୁଭିଃ।
ଦଦର୍ଶ ବ୍ରାହ୍ମଣଃ କଶ୍ଚିନ୍ମନ୍ତ୍ରସିଦ୍ଧୋ ମହାମନାଃ॥ 1-178-19 (8093)
ପରିପୃଚ୍ଛ୍ଯ ସ ମାଂ ପୂର୍ବଂ ପରିକ୍ଲେଶଂ ପୁରସ୍ଯ ଚ।
ଅବ୍ରବୀଦ୍ବ୍ରାହ୍ମଣଶ୍ରେଷ୍ଠୋ ବିଶ୍ବାସ୍ଯ ପ୍ରହସନ୍ନିବ॥ 1-178-20 (8094)
ପ୍ରାପଯିଷ୍ଯାମ୍ଯହଂ ତସ୍ମା ଅନ୍ନମେତଦ୍ଦୁରାତ୍ମନେ।
ମନ୍ନିମିତ୍ତଂ ଭଯଂ ଚାପି ନ କାର୍ଯମିତି ଚାବ୍ରବୀତ୍॥ 1-178-21 (8095)
ସ ତଦନ୍ନମୁପାଦାଯ ଗତୋ ବକବନଂ ପ୍ରତି।
ତେନ ନୂନଂ ଭବେଦେତତ୍କର୍ମ ଲୋକହିତଂ କୃତମ୍॥ 1-178-22 (8096)
ତତସ୍ତେ ବ୍ରାହ୍ମଣାଃ ସର୍ବେ କ୍ଷତ୍ରିଯାଶ୍ଚ ସୁବିସ୍ମିତାଃ।
ବୈଶ୍ଯାଃ ଶୂଦ୍ରାଶ୍ଚ ମୁଦିତାଶ୍ଚକ୍ରୁର୍ବ୍ରହ୍ମମହଂ ତଦା॥ 1-178-23 (8097)
ତତୋ ଜାନପଦାଃ ସର୍ବେ ଆଜଗ୍ମୁର୍ନଗରଂ ପ୍ରତି।
ତମଦ୍ଭୁତତମଂ ଦ୍ରଷ୍ଟୁଂ ପାର୍ଥାସ୍ତତ୍ରୈବ ଚାବସନ୍॥ 1-178-24 (8098)
ବେତ୍ରକୀଯଗୃହେ ସର୍ବେ ପରିବାର୍ଯ ବୃକୋଦରମ୍।
ବିସ୍ମଯାଦଭ୍ଯଗଚ୍ଛନ୍ତ ଭୀମଂ ଭୀମପରାକ୍ରମମ୍॥ 1-178-25 (8099)
ନ ବୈ ନ ସଂଭବେତ୍ସର୍ବଂ ବ୍ରାହ୍ମଣେଷୁ ମହାତ୍ମସୁ।
ଇତି ସତ୍କୃତ୍ଯ ତଂ ପୌରାଃ ପରିବବ୍ରୁଃ ସମନ୍ତତଃ॥ 1-178-26 (8100)
ଅଯଂ ତ୍ରାତା ହି ଖେଦାନାଂ ପିତେବ ପରମାର୍ଥତଃ।
ଅସ୍ଯ ଶୁଶ୍ରୂଷବଃ ପାଦୌ ପରିଚର୍ଯ ଉପାସ୍ମହେ॥ 1-178-27 (8101)
ପଶୁମଦ୍ଦଧିମନଚ୍ଚାସ୍ଯ ବାରଂ ଭକ୍ତମୁପାହରନ୍।
ତସ୍ମିନ୍ହତେ ତେ ପୁରୁଷା ଭୀତାଃ ସମନୁବୋଧନାଃ॥ 1-178-28 (8102)
ତତଃ ସଂପ୍ରାଦ୍ରବନ୍ପାର୍ଥାଃ ସହ ମାତ୍ରା ପରନ୍ତପାଃ।
ଆଗଚ୍ଛନ୍ନେକଚକ୍ରାଂ ତେ ଗାଣ୍ଡବାଃ ସଂଶିତବ୍ରତାଃ॥ 1-178-29 (8103)
ବୈଦିକାଧ୍ଯଯନେ ଯୁକ୍ତା ଜଟିଲା ବ୍ରହ୍ମଚାରିଣଃ।
ଅବସଂସ୍ତେ ଚ ତତ୍ରାପି ବ୍ରାହ୍ମଣସ୍ଯ ନିବେଶନେ।
ମାତ୍ରର ସହୈକଚକ୍ରାଯାଂ ଦୀର୍ଘକାଲଂ ସହୋଷିତାଃ॥ ॥ 1-178-30 (8104)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବକବଧପର୍ବଣି ଅଷ୍ଟସପ୍ତତ୍ଯଧିକଶତତମୋଽଧ୍ଯାଯଃ॥ 178 ॥ ॥ ସମାପ୍ତଂ ଚ ବକବଧପର୍ବ ॥
Mahabharata - Adi Parva - Chapter Footnotes
1-178-13 କଲ୍ଯଂ ପ୍ରାତଃକାଲେ॥ 1-178-19 ଆଜ୍ଞାପିତଂ ରାଜକୀଯୈରିତି ଶେଷଃ। ଅଶନେ ରାକ୍ଷସସ୍ଯ ଭୋଜନାର୍ଥମ୍॥ ଅଷ୍ଟସପ୍ତତ୍ଯଧିକଶତତମୋଽଧ୍ଯାଯଃ॥ 178 ॥ଆଦିପର୍ବ - ଅଧ୍ଯାଯ 179
॥ ଶ୍ରୀଃ ॥
1.179. ଅଧ୍ଯାଯଃ 179
(ଅଥ ଚୈତ୍ରରଥପର୍ବ ॥ 11 ॥)
Mahabharata - Adi Parva - Chapter Topics
ବ୍ରାହ୍ମଣଗୃହେ ପ୍ରତିଶ୍ରଯାର୍ଥମାଗତସ୍ଯ କସ୍ଯଚିଦ୍ବ୍ରାହ୍ମଣସ୍ଯ ମୁଖାତ୍ ପାଣ୍ଡବାନାଂ ଦ୍ରୌପଦୀସ୍ବଯଂବରଶ୍ରବଣମ୍॥ 1 ॥ ପାଣ୍ଡବକୃତଧୃଷ୍ଟଦ୍ଯୁନ୍ନଦ୍ରୌପଦୀସଂଭବପ୍ରଶ୍ନସ୍ଯ ବ୍ରାହ୍ମଣେନୋତ୍ତରକଥନମ୍॥ 2 ॥Mahabharata - Adi Parva - Chapter Text
1-179-0 (8105)
ଜନମେଜଯ ଉବାଚ। 1-179-0x (1028)
ତେ ତଥା ପୁରୁଷବ୍ଯାଘ୍ରା ନିହତ୍ଯ ବକରାକ୍ଷସମ୍।
ଅତ ଊର୍ଧ୍ବଂ ତତୋ ବ୍ରହ୍ମନ୍କିମକୁର୍ବତ ପାଣ୍ଡବାଃ॥ 1-179-1 (8106)
ବୈଶମ୍ପାଯନ ଉବାଚ। 1-179-2x (1029)
ତତ୍ରୈବ ନ୍ଯବସନ୍ରାଜନ୍ନିହତ୍ଯ ବକରାକ୍ଷସମ୍।
ଅଧୀଯାନାଃ ପରଂ ବ୍ରହ୍ମ ବ୍ରାହ୍ମଣସ୍ଯ ନିବେଶନେ॥ 1-179-2 (8107)
ତତଃ କତିପଯାହସ୍ଯ ବ୍ରାହ୍ମଣଃ ସଂଶିତବ୍ରତଃ।
ପ୍ରତିଶ୍ରଯାର୍ଥୀ ତଦ୍ବେଶ୍ମ ବ୍ରାହ୍ମଣସ୍ଯାଜଗାମ ହ॥ 1-179-3 (8108)
ସ ମ୍ଯକ୍ ପୂଜଯିତ୍ବା ତଂ ବିପ୍ରଂ ବିପ୍ରର୍ଷଭସ୍ତଦା।
ଦଦୌ ପ୍ରତିଶ୍ରଯଂ ତସ୍ମୈ ସଦା ସର୍ବାତିଥିବ୍ରତଃ॥ 1-179-4 (8109)
ତତସ୍ତେ ପାଣ୍ଡବାଃ ସର୍ବେ ସହ କୁନ୍ତ୍ଯା ନରର୍ଷଭାଃ।
ଉପାସାଞ୍ଚକ୍ରିରେ ବିପ୍ରଂ କଥଯନ୍ତଂ କଥାଃ ଶୁଭାଃ॥ 1-179-5 (8110)
କଥଯାମାସ ଦେଶାଂଶ୍ଚ ତୀର୍ଥାନି ସରିତସ୍ତଥା।
ରାଜ୍ଞଶ୍ଚ ବିବିଧାଶ୍ଚର୍ଯାନ୍ଦେଶାଂଶ୍ଚୈବ ପୁରାଣି ଚ॥ 1-179-6 (8111)
ସ ତତ୍ରାକଥଯଦ୍ବିପ୍ରଃ କଥାନ୍ତେ ଜନମେଜଯ।
ପଞ୍ଚାଲେଷ୍ବଦ୍ଭୁତାକାରଂ ଯାଜ୍ଞସେନ୍ଯାଃ ସ୍ବଯଂବରମ୍॥ 1-179-7 (8112)
ଧୃଷ୍ଟଦ୍ଯୁମ୍ନସ୍ଯ ଚୋତ୍ପତ୍ତିମୁତ୍ପତ୍ତିଂ ଚ ଶିଖଣ୍ଡିନଃ।
ଅଯୋନିଜତ୍ବଂ କୃଷ୍ଣାଯା ଦ୍ରୁପଦସ୍ଯ ମହାମଖେ॥ 1-179-8 (8113)
ତଦଦ୍ଭୁତତମଂ ଶ୍ରୁତ୍ବା ଲୋକେ ତସ୍ଯ ମହାତ୍ମନଃ।
ବିସ୍ତରେଣୈବ ପପ୍ରଚ୍ଛୁଃ କଥାଂ ତେ ପୁରୁଷର୍ଷଭାଃ॥ 1-179-9 (8114)
ପାଣ୍ଡବା ଊଚୁଃ। 1-179-10x (1030)
କଥଂ ଦ୍ରୁପଦପୁତ୍ରସ୍ଯ ଧୃଷ୍ଟଦ୍ଯୁମ୍ନସ୍ଯ ପାବକାତ୍।
ବେଦୀମଧ୍ଯାଚ୍ଚ କୃଷ୍ଣାଯାଃ ସଂଭବଃ କଥମଦ୍ଭୁତଃ॥ 1-179-10 (8115)
କଥଂ ଦ୍ରୋଣାନ୍ମହେଷ୍ବାସାତ୍ସର୍ବାଣ୍ଯସ୍ତ୍ରାଣ୍ଯଶିକ୍ଷତ।
`ଧୃଷ୍ଟଦ୍ଯୁମ୍ନୋ ମହେଷ୍ବାସଃ କଥଂ ଦ୍ରୋଣସ୍ଯ ମୃତ୍ଯୁଦଃ।'
କଥଂ ବିପ୍ର ସଖାଯୌ ତୌ ଭିନ୍ନୌ କସ୍ଯ କୃତେନ ବା॥ 1-179-11 (8116)
ବୈଶମ୍ପାଯନ ଉବାଚ। 1-179-12x (1031)
ଏବଂ ତୈଶ୍ଚୋଦିତୋ ରାଜନ୍ସ ବିପ୍ରଃ ପୁରୁଷର୍ଷଭୈଃ।
କଥଯାମାସ ତତ୍ସର୍ବଂ ଦ୍ରୌପଦୀସଂଭବଂ ତଦା॥ ॥ 1-179-12 (8117)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଚୈତ୍ରରଥପର୍ବଣି ଊନାଶୀତ୍ଯଧିକଶତତମୋଽଧ୍ଯାଯଃ॥ 179 ॥
Mahabharata - Adi Parva - Chapter Footnotes
1-179-7 ଯାଜ୍ଞସେନ୍ଯାଃ ଦ୍ରୌପଦ୍ଯାଃ॥ 7 ॥ ଊନାଶୀତ୍ଯଧିକଶତତମୋଽଧ୍ଯାଯଃ॥ 179 ॥ଆଦିପର୍ବ - ଅଧ୍ଯାଯ 180
॥ ଶ୍ରୀଃ ॥
1.180. ଅଧ୍ଯାଯଃ 180
Mahabharata - Adi Parva - Chapter Topics
ଧୃଷ୍ଟଦ୍ଯୁମ୍ନାଦ୍ଯୁତ୍ପତ୍ତିକଥନାର୍ଥଂ ଦ୍ରୋଣଦ୍ରୁପଦଯୋରୁତ୍ପତ୍ତିକଥନପୂର୍ବକଂ ଦ୍ରୁପଦବୃତ୍ତାନ୍ତକଥନମ୍॥ 1 ॥Mahabharata - Adi Parva - Chapter Text
1-180-0 (8118)
ବ୍ରାହ୍ମଣ ଉବାଚ। 1-180-0x (1032)
ଗଙ୍ଗାଦ୍ବାରଂ ପ୍ରତି ମହାନ୍ବଭୂବର୍ଷିର୍ମହାତପାଃ।
ଭରଦ୍ବାଜୋ ମହାପ୍ରାଜ୍ଞଃ ସତତଂ ସଂଶିତବ୍ରତଃ॥ 1-180-1 (8119)
ସୋଽଭିଷେକ୍ତୁଂ ଗତୋ ଗଙ୍ଗାଂ ପୂର୍ବମେବାଗତାଂ ସତୀମ୍।
ଦଦର୍ଶାପ୍ସରସଂ ତତ୍ର ଘୃତାଚୀମାପ୍ଲୁତାମୃଷିଃ॥ 1-180-2 (8120)
ତସ୍ଯା ବାଯୁର୍ନଦୀତୀରେ ବସନଂ ବ୍ଯହରତ୍ତଦା।
ଅପକୃଷ୍ଟାମ୍ବରାଂ ଦୃଷ୍ଟ୍ବା ତାମୃଷିଶ୍ଚକମେ ତଦା॥ 1-180-3 (8121)
ତସ୍ଯାଂ ସଂସକ୍ତମନସଃ କୌମାରବ୍ରହ୍ମଚାରିଣଃ।
ଚିରସ୍ଯ ରେତଶ୍ଚସ୍କନ୍ଦ ତଦୃଷିର୍ଦ୍ରୋଣ ଆଦଧେ॥ 1-180-4 (8122)
ତତଃ ସମଭବଦ୍ଦ୍ରୋଣଃ କୁମାରସ୍ତସ୍ଯ ଧୀମତଃ।
ଅଧ୍ଯଗୀଷ୍ଟ ସ ବେଦାଂଶ୍ଚ ବେଦାଙ୍ଗାନି ଚ ସର୍ବଶଃ॥ 1-180-5 (8123)
ଭରଦ୍ବାଜସ୍ଯ ତୁ ସଖା ପୃଷତୋ ନାମ ପାର୍ଥିବଃ।
ତସ୍ଯାପି ଦ୍ରୁପଦୋ ନାମ ତଦା ସମଭବତ୍ସୁତଃ॥ 1-180-6 (8124)
ସ ନିତ୍ଯମାଶ୍ରମଂ ଗତ୍ବା ଦ୍ରୋଣେନ ସହ ପାର୍ଷତଃ।
ଚିକ୍ରୀଡାଧ୍ଯଯନଂ ଚୈବ ଚକାର କ୍ଷତ୍ରିଯର୍ଷଭଃ॥ 1-180-7 (8125)
ତତସ୍ତୁ ପୃଷତେଽତୀତେ ସ ରାଜା ଦ୍ରୁପଦୋଽଭବତ୍।
ଦ୍ରୋଣୋଽପି ରାମଂ ଶୁଶ୍ରାବ ଦିତ୍ସନ୍ତଂ ବସୁ ସର୍ବଶଃ॥ 1-180-8 (8126)
ବନଂ ତୁ ପ୍ରସ୍ଥିତଂ ରାମଂ ଭରଦ୍ବାଜସୁତୋଽବ୍ରବୀତ୍।
ଆଗତଂ ବିତ୍ତକାମଂ ମାଂ ବିଦ୍ଧି ଦ୍ରୋଣଂ ଦ୍ବିଜୋତ୍ତମ॥ 1-180-9 (8127)
ରାମ ଉବାଚ। 1-180-10x (1033)
ଶରୀରମାତ୍ରମେବାଦ୍ଯ ମଯା ସମବଶେଷିତମ୍।
ଅସ୍ତ୍ରାଣି ବା ଶରୀରଂ ବା ବ୍ରହ୍ମନ୍ନେକତମଂ ବୃଣୁ॥ 1-180-10 (8128)
ଦ୍ରୋଣ ଉବାଚ। 1-180-11x (1034)
ଅସ୍ତ୍ରାଣି ଚୈବ ସର୍ବାଣି ତେଷାଂ ସଂହାରମେବ ଚ।
ପ୍ରଯୋଗଂ ଚୈବ ସର୍ବେଷାଂ ଦାତୁମର୍ହତି ମେ ଭବାନ୍॥ 1-180-11 (8129)
ବ୍ରାହ୍ମଣ ଉବାଚ। 1-180-12x (1035)
ତଥେତ୍ଯୁକ୍ତ୍ବା ତତସ୍ତସ୍ମୈ ପ୍ରଦଦୌ ଭୃଗୁନନ୍ଦନଃ।
ପ୍ରତିଗୃହ୍ଯ ତଦା ଦ୍ରୋଣଃ କୃତକୃତ୍ଯୋଽଭବତ୍ତଦା॥ 1-180-12 (8130)
ସଂପ୍ରହୃଷ୍ଟମନା ଦ୍ରୋଣୋ ରାମାତ୍ପରମସମ୍ମତମ୍।
ବ୍ରହ୍ମାସ୍ତ୍ରଂ ସମନୁଜ୍ଞାପ୍ଯ ନରେଷ୍ବଭ୍ଯଧିକୋଽଭବତ୍॥ 1-180-13 (8131)
ତତୋ ଦ୍ରୁପଦମାସାଦ୍ଯ ଭାରଦ୍ବାଜଃ ପ୍ରତାପବାନ୍।
ଅବ୍ରବୀତ୍ପୁରୁଷବ୍ଯାଘ୍ରଃ ସଖାଯଂ ବିଦ୍ଧି ମାମିତି॥ 1-180-14 (8132)
ଦ୍ରୁପଦ ଉବାଚ। 1-180-15x (1036)
ନାଶ୍ରୋତ୍ରିଯଃ ଶ୍ରୋତ୍ରିଯସ୍ଯ ନାରଥୀ ରଥିନଃ ସଖା।
ନାରାଜା ପାର୍ଥିବସ୍ଯାପି ସଖିପୂର୍ବଂ କିମିଷ୍ଯତେ॥ 1-180-15 (8133)
ବ୍ରାହ୍ମଣ ଉବାଚ। 1-180-16x (1037)
ସ ବିନିଶ୍ଚିତ୍ଯ ମନସା ପାଞ୍ଚାଲ୍ଯଂ ପ୍ରତି ବୁଦ୍ଧିମାନ୍।
ଜଗାମ କୁରୁମୁଖ୍ଯାନାଂ ନଗରଂ ନାଗସାହ୍ବଯମ୍॥ 1-180-16 (8134)
ତସ୍ମୈ ପୌତ୍ରାନ୍ସମାଦାଯ ବସୂନି ବିବିଧାନି ଚ।
ପ୍ରାପ୍ତାଯ ପ୍ରଦଦୌ ଭୀଷ୍ମଃ ଶିଷ୍ଯାନ୍ଦ୍ରୋଣାଯ ଧୀମତେ॥ 1-180-17 (8135)
ଦ୍ରୋଣଃ ଶିଷ୍ଯାଂସ୍ତତଃ ପାର୍ଥାନିଦଂ ବଚନମବ୍ରବୀତ୍।
ସମାନୀଯ ତୁ ତାଞ୍ଶିଷ୍ଯାନ୍ଦ୍ରୁପଦସ୍ଯାସୁଖାଯ ବୈ॥ 1-180-18 (8136)
ଆଚାର୍ଯବେତନଂ କିଂଚିଦ୍ଧୃଦି ଯଦ୍ବର୍ତତେ ମମ।
କୃତାସ୍ତ୍ରୈସ୍ତତ୍ପ୍ରଦେଯଂ ସ୍ଯାତ୍ତଦୃତଂ ବଦତାନଘାଃ।
ସୋଽର୍ଜୁନପ୍ରମୁଖୈରୁକ୍ତସ୍ତଥାଽସ୍ତ୍ବିତି ଗୁରୁସ୍ତଦା॥ 1-180-19 (8137)
ଯଦା ଚ ପାଣ୍ଡବାଃ ସର୍ବେ କୃତାସ୍ତ୍ରାଃ କୃତନିଶ୍ଚଯାଃ।
ତତୋ ଦ୍ରୋଣୋଽବ୍ରବୀଦ୍ଭୂଯୋ ବେତନାର୍ଥମିଦଂ ବଚଃ॥ 1-180-20 (8138)
ପାର୍ଷତୋ ଦ୍ରୁପଦୋ ନାମ ଛତ୍ରବତ୍ଯାଂ ନରେଶ୍ବରଃ।
ତସ୍ମାଦାକୃଷ୍ଯ ତଦ୍ରାଜ୍ଯଂ ମମ ଶୀଘ୍ରଂ ପ୍ରଦୀଯତାମ୍॥ 1-180-21 (8139)
`ଧାର୍ତରାଷ୍ଟ୍ରାଶ୍ଚ ତେ ଭୀତାଃ ପାଞ୍ଚାଲାନ୍ପାଣ୍ଡବାଦଯଃ।
ଧାର୍ତରାଷ୍ଟ୍ରୈଶ୍ଚ ସହିତାଃ ପୁନର୍ଦ୍ରୋଣେନ ଚୋଦିତାଃ॥ 1-180-22 (8140)
ଯଜ୍ଞସେନେନ ସଂଗମ୍ଯ କର୍ଣଦୁର୍ଯୋଧନାଦଯଃ।
ନିର୍ଜିତାଃ ସଂନ୍ଯବର୍ତନ୍ତ ତଥା ତେ କ୍ଷତ୍ରିଯର୍ଷଭାଃ॥' 1-180-23 (8141)
ତତଃ ପାଣ୍ଡୁସୁତାଃ ପଞ୍ଚ ନିର୍ଜିତ୍ଯ ଦ୍ରୁପଦଂ ଯୁଧି।
ଦ୍ରୋଣାଯ ଦର୍ଶଯାମାସୁର୍ବଦ୍ଧ୍ବା ସସଚିବଂ ତଦା॥ 1-180-24 (8142)
`ମହେନ୍ଦ୍ର ଇବ ଦୁର୍ଧର୍ଷୋ ମହେନ୍ଦ୍ର ଇବ ଦାନବମ୍।
ମହେନ୍ଦ୍ରପୁତ୍ରଃ ପାଞ୍ଚାଲଂ ଜିତବାନର୍ଜୁନସ୍ତଦା॥ 1-180-25 (8143)
ତଦ୍ଦୃଷ୍ଟ୍ବା ତୁ ମହାବୀର୍ଯଂ ଫଲ୍ଗୁନସ୍ଯ ମହୌଜସଃ।
ବ୍ଯସ୍ମଯନ୍ତ ଜନାଃ ସର୍ବେ ଯଜ୍ଞସେନସ୍ଯ ବାନ୍ଧବାଃ। 1-180-26 (8144)
ଦ୍ରୋଣ ଉବାଚ। 1-180-27x (1038)
ପ୍ରାର୍ଥଯାମି ତ୍ବଯା ସଖ୍ଯଂ ପୁନରେବ ନରାଧିପ।
ଅରାଜା କିଲ ନୋ ରାଜ୍ଞଃ ସଖା ଭବିତୁମର୍ହତି॥ 1-180-27 (8145)
ଅତଃ ପ୍ରଯତିତଂ ରାଜ୍ଯେ ଯଜ୍ଞସେନ ତ୍ବଯା ସହ।
ରାଜାଽସି ଦକ୍ଷିଣେ କୂଲେ ଭାଗୀରଥ୍ଯାହମୁତ୍ତରେ॥ 1-180-28 (8146)
ବ୍ରାହ୍ମଣ ଉବାଚ। 1-180-29x (1039)
ଏବମୁକ୍ତୋ ହି ପାଞ୍ଚାଲ୍ଯୋ ଭାରଦ୍ବାଜେନ ଧୀମତା।
ଉବାଚାସ୍ତ୍ରବିଦାଂ ଶ୍ରେଷ୍ଠଂ ଦ୍ରୋଣଂ ବ୍ରାହ୍ମଣସତ୍ତମମ୍॥ 1-180-29 (8147)
ଏବଂ ଭବତୁ ଭଦ୍ରଂ ତେ ଭାରଦ୍ବାଜ ମହାମତେ।
ସଖ୍ଯଂ ତଦେବ ଭବତୁ ଶଶ୍ବଦ୍ଯଦଭିମନ୍ଯସେ॥ 1-180-30 (8148)
ଏବମନ୍ଯୋନ୍ଯମୁକ୍ତ୍ବା ତୌ କୃତ୍ବା ସଖ୍ଯମନୁତ୍ତମମ୍।
ଜଗ୍ମତୁର୍ଦ୍ରୋଣପାଞ୍ଚାଲ୍ଯୌ ଯଥାଗତମରିନ୍ଦମୌ॥ 1-180-31 (8149)
ଅସତ୍କାରଃ ସ ତୁ ମହାନ୍ମୁହୂର୍ତମପି ତସ୍ଯ ତୁ।
ନାପୈତି ହୃଦଯାଦ୍ରାଜ୍ଞୋ ଦୁର୍ମନାଃ ସ କୃଶୋଽଭବତ୍॥ ॥ 1-180-32 (8150)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଚୈତ୍ରରଥପର୍ବଣି ଅଶୀତ୍ଯଧିକଶତତମୋଽଧ୍ଯାଯଃ॥ 180 ॥
Mahabharata - Adi Parva - Chapter Footnotes
1-180-10 ଏକତମମେକତରମ୍॥ 1-180-13 ସମନୁଜ୍ଞପ୍ଯ ନିଶମ୍ଯ। ପ୍ରାପ୍ଯେତ୍ଯପି ପଠନ୍ତି॥ 1-180-21 ଛତ୍ରବତ୍ଯାମହିଚ୍ଛତ୍ରେ॥ 1-180-28 ଭାଗୀରଥ୍ଯାହମିତି ସଂଧିରାର୍ଷଃ॥ ଅଶୀତ୍ଯଧିକଶତତମୋଽଧ୍ଯାଯଃ॥ 180 ॥ଆଦିପର୍ବ - ଅଧ୍ଯାଯ 181
॥ ଶ୍ରୀଃ ॥
1.181. ଅଧ୍ଯାଯଃ 181
Mahabharata - Adi Parva - Chapter Topics
ଦ୍ରୋଣହନ୍ତୃପୁତ୍ରୋତ୍ପାଦନେଚ୍ଛଯା ଯାଜକାନ୍ବେଷଣାର୍ଥମତଟୋ ଦ୍ରୁପଦସ୍ଯ ଉପଯାଜବଚନେନ ଯାଜସମୀପଗମନମ୍॥ 1 ॥ ପୁତ୍ରାର୍ଥଂ ଯଜ୍ଞେ ଆରବ୍ଧେ ଅଗ୍ନିକୁଣ୍ଡାଦ୍ଧୃଷ୍ଟଦ୍ଯୁମ୍ନସ୍ଯୋତ୍ପତ୍ତିସ୍ତଚ୍ଚରିତମାକାଶବାଣୀ ଚ॥ 2 ॥ ପାଞ୍ଚାଲ୍ଯା ଉତ୍ପତ୍ତିଃ॥ 3 ॥ ତଯୋର୍ନାମକରଣମ୍॥ 4 ॥ ଦ୍ରୋଣେନ ଧୃଷ୍ଟଦ୍ଯୁମ୍ନସ୍ଯାସ୍ତ୍ରଶିକ୍ଷଣମ୍॥ 5 ॥Mahabharata - Adi Parva - Chapter Text
1-181-0 (8151)
ବ୍ରାହ୍ମଣ ଉବାଚ। 1-181-0x (1040)
ଅମର୍ଷୀ ଦ୍ରୁପଦୋ ରାଜା କର୍ମସିଦ୍ଧାନ୍ଦ୍ବିଜର୍ଷଭାନ୍।
ଅନ୍ବିଚ୍ଛନ୍ପରିଚକ୍ରାମ ବ୍ରାହ୍ମଣାବସଥାନ୍ବହୂନ୍॥ 1-181-1 (8152)
ପୁତ୍ରଜନ୍ମ ପରୀପ୍ସନ୍ବୈ ଶୋକୋପହତଚେତନଃ।
`ଦ୍ରୋଣେନ ବୈରଂ ଦ୍ରୁପଦୋ ନ ସୁଷ୍ବାପ ସ୍ମରନ୍ସଦା।'
ନାସ୍ତି ଶ୍ରେଷ୍ଠମପତ୍ଯଂ ମ ଇତି ନିତ୍ଯମଚିନ୍ତଯତ୍॥ 1-181-2 (8153)
ଜାତାନ୍ପୁତ୍ରାନ୍ସ ନିର୍ବେଦାଦ୍ଧିଗ୍ବନ୍ଧୂନିତି ଚାବ୍ରବୀତ୍।
ନିଃଶ୍ବାସପରମଶ୍ଚାସୀଦ୍ଦ୍ରୋଣଂ ପ୍ରତିଚିକୀର୍ଷଯା॥ 1-181-3 (8154)
ପ୍ରଭାବଂ ବିନଯଂ ଶିକ୍ଷାଂ ଦ୍ରୋଣସ୍ଯ ଚରିତାନି ଚ।
କ୍ଷାତ୍ରେଣ ଚ ବଲେନାସ୍ଯ ଚିନ୍ତଯନ୍ନାଧ୍ଯଗଚ୍ଛତ॥ 1-181-4 (8155)
ପ୍ରତିକର୍ତୁଂ ନୃପଶ୍ରେଷ୍ଠୋ ଯତମାନୋଽପି ଭାରତ।
ଅଭିତଃ ସୋଽଥ କଲ୍ମାଷୀଂ ଗଙ୍ଗାକୂଲେ ପରିଭ୍ରମନ୍॥ 1-181-5 (8156)
ବ୍ରାହ୍ମଣାବସଥଂ ପୁମ୍ଯମାସସାଦ ମହୀପତିଃ।
ତତ୍ର ନାସ୍ନାତକଃ କଶ୍ଚିନ୍ନ ଚାସୀଦବ୍ରତୀ ଦ୍ବିଜଃ॥ 1-181-6 (8157)
ଅଧୀଯାନୌ ମହାଭାଗୌ ସୋଽପଶ୍ଯତ୍ସଂଶିତବ୍ରତୌ।
ଯାଜୋପଯାଜୌ ବ୍ରହ୍ମର୍ଷୀ ଶାମ୍ଯନ୍ତୌ ପରମେଷ୍ଠିନୌ॥ 1-181-7 (8158)
ସଂହିତାଧ୍ଯଯନେ ଯୁକ୍ତୌ ଗୋତ୍ରତଶ୍ଚାପି କାଶ୍ଯପୌ।
ତାରଣେଯୌ ଯୁକ୍ତରୂପୌ ବ୍ରାହ୍ମଣାବୃଷିସତ୍ତମୌ॥ 1-181-8 (8159)
ସ ତାବାମନ୍ତ୍ରଯାମାସ ସର୍ବକାମୈରତନ୍ଦ୍ରିତଃ।
ବୁଦ୍ଧ୍ବା ବଲଂ ତଯୋସ୍ତତ୍ର କନୀଯାଂସମୁପହ୍ବରେ॥ 1-181-9 (8160)
ପ୍ରପେଦେ ଚ୍ଛନ୍ଦଯନ୍କାମୈରୁପଯାଜଂ ଧୃତବ୍ରତମ୍।
ପାଦଶୁଶ୍ରୂଷଣେ ଯୁକ୍ତଃ ପ୍ରିଯବାକ୍ସର୍ବକାମଦଃ॥ 1-181-10 (8161)
ଅର୍ଚଯିତ୍ବା ଯଥାନ୍ଯାଯମୁପଯାଜମୁବାଚ ସଃ।
ଯେନ ମେ କର୍ମଣା ବ୍ରହ୍ମନ୍ପୁତ୍ରଃ ସ୍ଯାଦ୍ଦ୍ରୋଣମୃତ୍ଯବେ॥ 1-181-11 (8162)
`ଅର୍ଜୁନସ୍ଯ ଭବେଦ୍ଭାର୍ଯା ଭବେଦ୍ଯା ବରବର୍ଣିନୀ।'
ଉପଯାଜ କୃତେ ତସ୍ମିନ୍ ଗବାଂ ଦାତାଽସ୍ମି ତେଽର୍ବୁଦଂ॥ 1-181-12 (8163)
ଯଦ୍ବା ତେଽନ୍ଯଦ୍ଦ୍ବିଜଶ୍ରେଷ୍ଠ ମନସଃ ସୁପ୍ରିଯଂ ଭବେତ୍।
ସର୍ବଂ ତତ୍ତେ ପ୍ରଦାତାଽହଂ ନ ହି ମେଽତ୍ରାସ୍ତି ସଂଶଯଃ॥ 1-181-13 (8164)
ଇତ୍ଯୁକ୍ତୋ ନାହମିତ୍ଯେବଂ ତମୃଷିଃ ପ୍ରତ୍ଯଭାଷତ।
ଆରାଧଯିଷ୍ଯନ୍ଦ୍ରୁପଦଃ ସ ତଂ ପର୍ଯଚରତ୍ପୁନଃ॥ 1-181-14 (8165)
ତତଃ ସଂବତ୍ସରସ୍ଯାନ୍ତେ ଦ୍ରୁପଦଂ ସ ଦ୍ବିଜୋତ୍ତମଃ।
ଉପଯାଜୋଽବ୍ରବୀତ୍କାଲେ ରାଜନ୍ମଧୁରଯା ଗିରା॥ 1-181-15 (8166)
ଜ୍ଯେଷ୍ଠୋ ଭ୍ରାତା ମମାଗୃହ୍ମାଦ୍ବିଚରନ୍ ଗହନେ ବନେ।
ଅପରିଜ୍ଞାତଶୌଚାଯାଂ ଭୂମୌ ନିପତିତଂ ଫଲମ୍॥ 1-181-16 (8167)
ତଦପଶ୍ଯମହଂ ଭ୍ରାତୁରସାମ୍ପ୍ରତମନୁବ୍ରଜନ୍।
ବିମର୍ଶଂ ସଂକରାଦାନେ ନାଯଂ କୁର୍ଯାତ୍କଦାଚନ॥ 1-181-17 (8168)
ଦୃଷ୍ଟ୍ବା ଫଲସ୍ଯ ନାପଶ୍ଯଦ୍ଦୋଷାନ୍ପାପାନୁବନ୍ଧକାନ୍।
ବିବିନକ୍ତି ନ ଶୌଚଂ ଯଃ ସୋଽନ୍ଯତ୍ରାପି କଥଂ ଭବେତ୍॥ 1-181-18 (8169)
ସଂହିତାଧ୍ଯଯନଂ କୁର୍ବନ୍ବସନ୍ଗୁରୁକୁଲେ ଚ ଯଃ।
ଭୈକ୍ଷମୁତ୍ସୃଷ୍ଟମନ୍ଯେଷାଂ ଭୁଙ୍କ୍ତେ ସ୍ମ ଚ ଯଦା ତଦା॥ 1-181-19 (8170)
କୀର୍ତଯନ୍ଗୁଣମନ୍ନାନାମଘୃଣୀ ଚ ପୁନଃ ପୁନଃ।
ତଂ ବୈ ଫଲାର୍ଥିନଂ ମନ୍ଯେ ଭ୍ରାତରଂ ତର୍କଚକ୍ଷୁଷା॥ 1-181-20 (8171)
ତଂ ବୈ ଗଚ୍ଛସ୍ବ ନୃପତେ ସ ତ୍ବାଂ ସଂଯାଜଯିଷ୍ଯତି।
ଜୁଗୁପ୍ସମାନୋ ନୃପତିର୍ମନସେଦଂ ବିଚିନ୍ତଯନ୍॥ 1-181-21 (8172)
ଉପଯାଜବଚଃ ଶ୍ରୁତ୍ବା ଯାଜସ୍ଯାଶ୍ରମମଭ୍ଯଗାତ୍।
ଅଭିସମ୍ପୂଜ୍ଯ ପୂଜାର୍ହମଥ ଯାଜମୁବାଚ ହ॥ 1-181-22 (8173)
ଅଯୁତାନି ଦଦାନ୍ଯଷ୍ଟୌ ଗବାଂ ଯାଜଯ ମାଂ ବିଭୋ।
ଦ୍ରୋଣବୈରାଭିସନ୍ତପ୍ତଂ ପ୍ରହ୍ଲାଦଯିତୁମର୍ହସି॥ 1-181-23 (8174)
ସ ହି ବ୍ରହ୍ମବିଦାଂ ଶ୍ରେଷ୍ଠୋ ବ୍ରହ୍ମାସ୍ତ୍ରେ ଚାପ୍ଯନୁତ୍ତମଃ।
ତସ୍ମାଦ୍ଦ୍ରୋଣଃ ପରାଜୈଷ୍ଟ ମାଂ ବୈ ସ ସଖିବିଗ୍ରହେ॥ 1-181-24 (8175)
କ୍ଷତ୍ରିଯୋ ନାସ୍ତି ତସ୍ଯାସ୍ଯାଂ ପୃଥିବ୍ଯାଂ କଶ୍ଚିଦଗ୍ରଣୀଃ।
କୌରବାଚାଯର୍ମୁଖ୍ଯସ୍ଯ ଭାରଦ୍ବାଜସ୍ଯ ଧୀମତଃ॥ 1-181-25 (8176)
ଦ୍ରୋଣସ୍ଯ ଶରଜାଲାନି ପ୍ରାଣିଦେହହରାଣି ଚ।
ଷଡରତ୍ନି ଧନୁଶ୍ଚାସ୍ଯ ଦୃଶ୍ଯତେ ପରମଂ ମହତ୍॥ 1-181-26 (8177)
ସ ହି ବ୍ରାହ୍ମଣବେଷେଣ କ୍ଷାତ୍ରଂ ବେଗମଶଂସଯମ୍।
ପ୍ରତିହନ୍ତି ମହେଷ୍ବାସୋ ଭାରଦ୍ବାଜୋ ମହାମନାଃ॥ 1-181-27 (8178)
କ୍ଷତ୍ରୋଚ୍ଛେଦାଯ ବିହିତୋ ଜାମଦଗ୍ନ୍ଯ ଇବାସ୍ଥିତଃ।
ତସ୍ଯ ହ୍ଯସ୍ତ୍ରବଲଂ ଘୋରମପ୍ରଧୃଷ୍ଯଂ ନରୈର୍ଭୁବି॥ 1-181-28 (8179)
ବ୍ରାହ୍ମଂ ସନ୍ଧାରଯଂସ୍ତେଜୋ ହୁତାହୁତିରିବାନଲଃ।
ସମେତ୍ଯ ସ ଦହତ୍ଯାଜୌ କ୍ଷାତ୍ରଧର୍ମପୁରଃସରଃ॥ 1-181-29 (8180)
ବ୍ରହ୍ମକ୍ଷତ୍ରେ ଚ ବିହିତେ ବ୍ରାହ୍ମଂ ତେଜୋ ବିଶିଷ୍ଯତେ।
ସୋଽହଂ କ୍ଷାତ୍ରାଦ୍ବଲାଦ୍ଧୀନୋ ବ୍ରାହ୍ମଂ ତେଜଃ ପ୍ରପେଦିବାନ୍॥ 1-181-30 (8181)
ଦ୍ରୋଣାଦ୍ବିଶିଷ୍ଟମାସାଦ୍ଯ ଭବନ୍ତଂ ବ୍ରହ୍ମବିତ୍ତମମ୍।
ଦ୍ରୋଣାନ୍ତକମହଂ ପୁତ୍ରଂ ଲଭେଯଂ ଯୁଧି ଦୁର୍ଜଯମ୍॥ 1-181-31 (8182)
ତତ୍କର୍ମ କୁରୁ ମେ ମେ ଯାଜ ବିତରାମ୍ଯର୍ବୁଦଂ ଗବାମ୍।
ତଥେତ୍ଯୁକ୍ତ୍ବା ତୁ ତଂ ଯାଜୋ ଯାଜ୍ଯାର୍ଥମୁପକଲ୍ପଯତ୍॥ 1-181-32 (8183)
ଗୁର୍ବର୍ଥ ଇତି ଚାକାମମୁପଯାଜମଚୋଦଯତ୍।
ଯାଜୋ ଦ୍ରୋଣବିନାଶାଯ ପ୍ରତିଜଜ୍ଞେ ତଥା ଚ ସଃ॥ 1-181-33 (8184)
ତତସ୍ତସ୍ଯ ନରେନ୍ଦ୍ରସ୍ଯ ଉପଯାଜୋ ମହାତପାଃ।
ଆଚଖ୍ଯୌ କର୍ମ ବୈତାନଂ ତଦା ପୁତ୍ରଫଲାଯ ବୈ॥ 1-181-34 (8185)
ସ ଚ ପୁତ୍ରୋ ମହାବୀର୍ଯୋ ମହାତେଜା ମହାବଲଃ।
ଇଷ୍ଯତେ ଯଦ୍ବିଧୋ ରାଜନ୍ଭବିତା ତେ ତଥାବିଧଃ॥ 1-181-35 (8186)
ଭାରଦ୍ବାଜସ୍ଯ ହନ୍ତାରଂ ସୋଽଭିସନ୍ଧାଯ ଭୂପତିଃ।
ଆଜହ୍ବେ ତତ୍ତଥା ସର୍ବଂ ଦ୍ରୁପଦଃ କର୍ମସିଦ୍ଧଯେ॥ 1-181-36 (8187)
ଯାଜସ୍ତୁ ହବନସ୍ଯାନ୍ତେ ଦେବୀମାଜ୍ଞାପଯତ୍ତଦା।
ପ୍ରେହି ମାଂ ରାଜ୍ଞି ପୃଷତି ମିଥୁନଂ ତ୍ବାମୁପସ୍ଥିତମ୍॥ 1-181-37 (8188)
ରାଜ୍ଞ୍ଯୁବାଚ। 1-181-38x (1041)
ଅବଲିପ୍ତଂ ମୁଖଂ ବ୍ରହ୍ମନ୍ଦିବ୍ଯାନ୍ଗନ୍ଧାନ୍ବିଭର୍ମି ଚ।
ସୂତାର୍ଥେ ନୋପଲବ୍ଧାଽସ୍ମି ତିଷ୍ଠ ଯାଜ ମମ ପ୍ରିଯେ॥ 1-181-38 (8189)
ଯାଜ ଉବାଚ। 1-181-39x (1042)
ଯାଜେନ ଶ୍ରପିତଂ ହବ୍ଯମୁପଯାଜାଭିମନ୍ତ୍ରିତମ୍।
କଥଂ କାମଂ ନ ସନ୍ଦଧ୍ଯାତ୍ସା ତ୍ବଂ ବିପ୍ରେହି ତିଷ୍ଠ ବା॥ 1-181-39 (8190)
ବ୍ରାହ୍ମଣ ଉବାଚ। 1-181-40x (1043)
ଏବମୁକ୍ତ୍ବା ତୁ ଯାଜେନ ହୁତେ ହବିଷି ସଂସ୍କୃତେ।
ଉତ୍ତସ୍ଥୌ ପାବକାତ୍ତସ୍ମାତ୍କୁମାରୋ ଦେବସନ୍ନିଭିଃ॥ 1-181-40 (8191)
ଜ୍ବାଲାବର୍ଣୋ ଘୋରରୂପଃ କିରୀଟୀ ବର୍ମ ଚୋତ୍ତମମ୍।
ବିଭ୍ରତ୍ସଖଙ୍ଗଃ ସଶରୋ ଧନୁଷ୍ମାନ୍ବିନଦନ୍ମୁହୁଃ॥ 1-181-41 (8192)
ସୋଽଧ୍ଯାରୋଦଦ୍ରଥବରଂ ତେନ ଚ ପ୍ରଯଯୌ ତଦା।
ତତଃ ପ୍ରଣେଦୁଃ ପଞ୍ଚାଲାଃ ପ୍ରହୃଷ୍ଟାଃ ସାଧୁସାଧ୍ବିତି॥ 1-181-42 (8193)
ହର୍ଷାବିଷ୍ଟାଂସ୍ତତଶ୍ଚୈତାନ୍ନେଯଂ ସେହେ ବସୁନ୍ଧରା।
ଭଯାପହୋ ରାଜପୁତ୍ରଃ ପଞ୍ଚାଲାନାଂ ଯଶସ୍କରଃ॥ 1-181-43 (8194)
ରାଜ୍ଞଃ ଶୋକାପହୋ ଜାତ ଏଷ ଦ୍ରୋଣବଧାଯ ବୈ।
ଇତ୍ଯୁବାଚ ମହଦ୍ଭୂତମଦୃଶ୍ଯଂ ଖେଚରଂ ତଦା॥ 1-181-44 (8195)
କୁମାରୀ ଚାପି ପାଞ୍ଚାଲୀ ବେଦୀମଧ୍ଯାତ୍ସମୁତ୍ଥିତା।
ସୁଭଗା ଦର୍ଶନୀଯାଙ୍ଗୀ ସ୍ବସିତାଯତଲୋଚନା॥ 1-181-45 (8196)
ଶ୍ଯାମା ପଦ୍ମପଲାଶାକ୍ଷୀ ନୀଲକୁଞ୍ଚିତମୂର୍ଧଜା।
ତାମ୍ରତୁଙ୍ଗନଖୀ ସୁଭ୍ରୂଶ୍ଚାରୁପୀନପଯୋଧରା॥ 1-181-46 (8197)
ମାନୁଷଂ ବିଗ୍ରହଂ କୃତ୍ବା ସାକ୍ଷାଦମରବର୍ଣିନୀ।
ନୀଲୋତ୍ପଲସମୋ ଗନ୍ଧୋ ଯସ୍ଯାଃ କ୍ରୋଶାତ୍ପ୍ରଧାବତି॥ 1-181-47 (8198)
ଯା ବିଭର୍ତି ପରଂ ରୂପଂ ଯସ୍ଯା ନାସ୍ତ୍ଯୁପମା ଭୁବି।
ଦେବଦାନବଯକ୍ଷାଣାମୀପ୍ସିତାଂ ଦେବରୂପିଣୀମ୍॥ 1-181-48 (8199)
`ସଦୃଶୀ ପାଣ୍ଡୁପୁତ୍ରସ୍ଯ ଅର୍ଜୁନସ୍ଯେତି ଭାରତ।
ଊଚୁଃ ପ୍ରହୃଷ୍ଟମନସୋ ରାଜଭକ୍ତିପୁରସ୍କୃତାଃ॥' 1-181-49 (8200)
ତାଂ ଚାପି ଜାତାଂ ସୁଶ୍ରୋଣୀଂ ବାଗୁବାଚାଶରୀରିଣୀ।
ସର୍ବଯୋଷିଦ୍ବରା କୃଷ୍ଣା ନିନୀଷୁଃ କ୍ଷତ୍ରିଯାନ୍କ୍ଷଯମ୍॥ 1-181-50 (8201)
ସୁରକାର୍ଯମିଯଂ କାଲେ କରିଷ୍ଯତି ସୁମଧ୍ଯମା।
ଅସ୍ଯା ହେତୋଃ କୌରବାଣାଂ ମହଦୁତ୍ପତ୍ସ୍ଯତେ ଭଯମ୍॥ 1-181-51 (8202)
ତଚ୍ଛ୍ରୁତ୍ବା ସର୍ବପଞ୍ଚାଲାଃ ପ୍ରଣେଦୁଃ ସିଂହସଙ୍ଘବତ୍।
ନ ଚୈତାନ୍ହର୍ଷସମ୍ପୂର୍ଣାନିଯଂ ସେହେ ବସୁନ୍ଧରା॥ 1-181-52 (8203)
`ପାଞ୍ଚାଲରାଜସ୍ତାଂ ଦୃଷ୍ଟ୍ବା ହର୍ଷାଦଶ୍ରୂଣ୍ଯବର୍ତଯତ୍।
ପରିଷ୍ବଜ୍ଯ ଚ ତାଂ କୃଷ୍ଣାଂ ସ୍ନୁଷା ପାଣ୍ଡୋରିତି ବ୍ରୁବନ୍।
ଅଙ୍କମାରୋପ୍ଯ ପାଞ୍ଚାଲୀଂ ରାଜା ହର୍ଷମବାପ ସଃ॥' 1-181-53 (8204)
ତୌ ଦୃଷ୍ଟ୍ବା ପାର୍ଷତୀ ଯାଜଂ ପ୍ରପେଦେ ବୈ ସୁତାର୍ଥିନୀ।
ନ ବୈ ମଦନ୍ଯାଂ ଜନନୀଂ ଜାନୀଯାତାମିମାବିତି॥ 1-181-54 (8205)
ତଥେତ୍ଯୁବାଚ ତାଂ ଯାଜୋ ରାଜ୍ଞଃ ପ୍ରିଯଚିକୀର୍ଷଯା।
ତଯୋଶ୍ଚ ନାମନୀ ଚକ୍ରୁର୍ଦ୍ବିଜାଃ ସମ୍ପୂର୍ଣମାନସାଃ॥ 1-181-55 (8206)
ଧୃଷ୍ଟତ୍ବାଦତ୍ଯମର୍ଷିତ୍ବାଦ୍ଦ୍ଯୁମ୍ନାଦ୍ଯୁତ୍ସଂଭବାଦପି।
ଧୃଷ୍ଟଦ୍ଯୁମ୍ନଃ କୁମାରୋଽଯଂ ଦ୍ରୁପଦସ୍ଯ ଭବତ୍ବିତି॥ 1-181-56 (8207)
କୃଷ୍ଣେତ୍ଯେବାବ୍ରୁବକନ୍କୃଷ୍ଣାଂ କୃଷ୍ଣା।ଞଭୂତ୍ସା ହି ବର୍ଣତଃ।
ତଥା ତନ୍ମିଥୁନଂ ଜଜ୍ଞେ ଦ୍ରୁପଦସ୍ଯ ମହାମଖେ॥ 1-181-57 (8208)
`ବୈଦିକାଧ୍ଯଯନେ ପାରଂ ଧୃଷ୍ଟଦ୍ଯୁମ୍ନୋ ଗତଃ ପରମ୍॥' 1-181-58 (8209)
ଧୃଷ୍ଟଦ୍ଯୁମ୍ନଂ ତୁ ପାଞ୍ଚାଲ୍ଯମାନୀଯ ସ୍ବଂ ନିବେଶନମ୍।
ଉପାକରୋଦସ୍ତ୍ରହେତୋର୍ଭାରଦ୍ବାଜଃ ପ୍ରତାପବାନ୍॥ 1-181-59 (8210)
ଅମୋକ୍ଷଣୀଯଂ ଦୈବଂ ହି ଭାବି ମତ୍ବା ମହାମତିଃ।
ତଥା ତତ୍କୃତବାନ୍ଦ୍ରୋଣ ଆତ୍ମକୀର୍ତ୍ଯନୁରକ୍ଷଣାତ୍॥ ॥ 1-181-60 (8211)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଚୈତ୍ରରଥପର୍ବମି ଏକାଶୀତ୍ଯଧିକଶତତମୋଽଧ୍ଯାଯଃ॥ 181 ॥
Mahabharata - Adi Parva - Chapter Footnotes
1-181-7 ପରମେ ବ୍ରହ୍ମଣି ବେଦେ ବା ସ୍ଥାତୁଂ ଶୀଲଂ ଯଯୋସ୍ତୌ॥ 1-181-8 ତାରଣେଯୌ କୁମାରୀପ୍ରଭବୌ ସୂର୍ଯଭକ୍ତୌ ବା॥ 1-181-17 ସଂକରାଦାନେ ଦୋଷଯୁକ୍ତବସ୍ତ୍ବାଦାନେ॥ 1-181-19 ଉତ୍ସୃଷ୍ଟଂ ଉଚ୍ଛିଷ୍ଟମ୍॥ 1-181-20 ଅଘୃଣୀ ଲଜ୍ଜାହୀନଃ॥ 1-181-21 ଇଦଂ ଯାଜଚରିତଂ ଜୁଗୁପ୍ସମାନୋ ନିନ୍ଦନ୍। ବିଚିନ୍ତଯନ୍ ସ୍ବକାର୍ଯଂ ଚେତି ଶେଷଃ॥ 1-181-23 ଅଷ୍ଟାବଯୁତାନି ଦଦାନି। ରିକ୍ତପାଣିର୍ନ ପଶ୍ଯେତ ରାଜାନଂ ଦେବତାଂ ଗୁରୁମିତି ସ୍ମୃତେରୁପାଯନମାତ୍ରମେତତ୍ ନ ଦକ୍ଷିଣା ଅର୍ବୁଦପ୍ରତିଜ୍ଞାନାତ୍॥ 1-181-24 ପରାଜୈଷ୍ଟ ପରାଜିତବାନ୍॥ 1-181-25 ତସ୍ଯ ତସ୍ମାତ୍। ଅଗ୍ରଣୀଃ ଶ୍ରେଷ୍ଠଃ॥ 1-181-56 ଧୃଷ୍ଟତ୍ବାତ୍ ପ୍ରଗଲ୍ଭତ୍ବାତ୍। ଅତ୍ଯନ୍ତମମର୍ଷଃ ଶତ୍ରତ୍କର୍ଷାସହିଷ୍ଣୁତ୍ବଂ ତଦ୍ବତ୍ତ୍ବାତ୍। ଦ୍ଯୁମ୍ନଂ ବିତ୍ତଂ ତଚ୍ଚ ରାଜ୍ଞାଂ ବଲମେବ କବଚକୁଣ୍ଡଲାଦିକଂ ବା ସହୋତ୍ପନ୍ନଂ ତଦାଦିର୍ଯସ୍ଯ ଶସ୍ତ୍ରାସ୍ତ୍ରଶୌର୍ଯୋତ୍ସାହାଦେସ୍ତଦ୍ଦ୍ଯୁମ୍ନାଦି ତସ୍ଯୋତ୍ସଂଭବାଦୁତ୍କର୍ଷେଣୋତ୍ପତ୍ତେଶ୍ଚ॥ ଏକାଶୀତ୍ଯଧିକଶତତମୋଽଧ୍ଯାଯଃ॥ 181 ॥ଆଦିପର୍ବ - ଅଧ୍ଯାଯ 182
॥ ଶ୍ରୀଃ ॥
1.182. ଅଧ୍ଯାଯଃ 182
Mahabharata - Adi Parva - Chapter Topics
ଜନବାର୍ତଯା ଦୁର୍ଯୋଧନେନ ପାଣ୍ଡବାନାଂ ଦାହଂ, ସ୍ବପୁରୋହିତବଚନେନ ନାଶରାହିତ୍ଯଂ ଚ, ଜ୍ଞାତବତା ତେଷାଂ ଜୀବନେ ସନ୍ଦିହାନେନ ଦ୍ରୁପଦେନ ଉଦ୍ଧୋଷିତସ୍ଯ ପୁତ୍ରୀସ୍ବଯଂବରସ୍ଯ କୁନ୍ତୀଂପ୍ରତି ବ୍ରାହ୍ମଣେନ କଥନମ୍॥ 1 ॥ ଯୁଷ୍ମାସୁ ତତ୍ରାଗତେଷ୍ବୀଶ୍ବରେଚ୍ଛଯା ତ୍ବତ୍ପୁତ୍ରାଣାମନ୍ଯତମଂ ପାଞ୍ଚାଲୀ ବୃଣୁଯାଦପୀତ୍ଯୁକ୍ତବତା ବ୍ରାହ୍ମଣେନ ସହ ପାଣ୍ଡବାନାଂ ପାଞ୍ଚାଲନଗରଂ ପ୍ରତି ଗମନମ୍॥ 2 ॥Mahabharata - Adi Parva - Chapter Text
1-182-0 (8212)
`ବ୍ରାହ୍ମଣ ଉବାଚ। 1-182-0x (1044)
ଶ୍ରୁତ୍ବା ଜତୁଗୃହେ ବୃତ୍ତଂ ବ୍ରାହ୍ମଣାଃ ସଂଶିତବ୍ରତାଃ।
ପାଞ୍ଚାଲରାଜଂ ଦ୍ରୁପଦମିଦଂ ବଚନମବ୍ରୁବନ୍॥ 1-182-1 (8213)
ଧାର୍ତରାଷ୍ଟ୍ରାଃ ସହାମାତ୍ଯା ମନ୍ତ୍ରଯିତ୍ବା ପରସ୍ପରମ୍।
ପାଣ୍ଡବାନାଂ ବିନାଶାଯ ମତିଂ ଚକ୍ରୁଃ ସୁଦୁଷ୍କରାମ୍॥ 1-182-2 (8214)
ଦୁର୍ଯୋଧନେନ ପ୍ରହିତଃ ପୁରୋଚନ ଇତି ଶ୍ରୁତଃ।
ବାରଣାବତମାସାଦ୍ଯ କୃତ୍ବା ଜତୁଗୃହଂ ମହତ୍॥ 1-182-3 (8215)
ତସ୍ମିନ୍ଗୃହେ ସୁବିସ୍ରବ୍ଧାନ୍ପାଣ୍ଡବାନ୍ପୃଥଯା ସହ।
ଅର୍ଧରାତ୍ରେ ମହାରାଜ ଦଗ୍ଧବାନତିଦୁର୍ମତିଃ॥ 1-182-4 (8216)
ତେନାଗ୍ନିନା ସ୍ବଯଂ ଚାପି ଦଗ୍ଧଃ କ୍ଷୁଦ୍ରୋ ନୃଶଂସବତ୍।
ଏତଚ୍ଛ୍ରୁତ୍ବା ସୁସଂହୃଷ୍ଟୋ ଧୃତରାଷ୍ଟ୍ରଃ ସବାନ୍ଧବଃ॥ 1-182-5 (8217)
ଅଲ୍ପଶୋକଃ ପ୍ରହୃଷ୍ଟାତ୍ମା ଶଶାସ ବିଦୁରଂ ତଦା।
ପାଣ୍ଡବାନାଂ ମହାପ୍ରାଜ୍ଞ କୁରୁ ପିଣ୍ଡୋଦକକ୍ରିଯାମ୍॥ 1-182-6 (8218)
ଅହୋ ବିଧିବଶାଦେବ ଗତାସ୍ତେ ଯମସାଦନମ୍।
ଇତ୍ଯୁକ୍ତ୍ବା ପ୍ରାରଦତ୍ତତ୍ର ଧୃତରାଷ୍ଟ୍ରଃ ସବାନ୍ଧବଃ॥ 1-182-7 (8219)
ଶ୍ରୁତ୍ବା ଭୀଷ୍ମେଣ ବିଦୁରଃ କୃତବାନୌର୍ଧ୍ବଦେହିକମ୍।
ପାଣ୍ଡବାନାଂ ବିନାଶାଯ କୃତଂ କର୍ମ ଦୁରାତ୍ମନା॥ 1-182-8 (8220)
ଏତତ୍କାର୍ଯସ୍ଯ କର୍ତା ତୁ ନ ଦୃଷ୍ଟୋ ନ ଶ୍ରୁତଃ ପୁରା।
ଏତଦ୍ବୃତ୍ତଂ ମହାଭାଗ ପାଣ୍ଡବାନ୍ପ୍ରତି ନଃ ଶ୍ରୁତମ୍॥ 1-182-9 (8221)
ବ୍ରାହ୍ମଣ ଉବାଚ। 1-182-10x (1045)
ଶ୍ରୁତ୍ବା ତୁ ବଚନଂ ତେଷାଂ ଯଜ୍ଞସେନୋ ମହାମତିଃ।
ଯଥା ତଜ୍ଜନକଃ ଶୋଚେଦୌରସସ୍ଯ ବିନାଶେ॥ 1-182-10 (8222)
ତଥାଽତପ୍ଯତ ବୈ ରାଜା ପାଣ୍ଡବାନାଂ ବିନାଶନେ।
ସମାହୂଯ ପ୍ରକୃତଯଃ ସହିତାଃ ସର୍ବନାଗରୈଃ॥ 1-182-11 (8223)
କାରୁଣ୍ଯାଦେବ ପାଞ୍ଚାଲଃ ପ୍ରୋବାଚେଦଂ ବଚସ୍ତଦା। 1-182-12 (8224)
ଦ୍ରୁପଦ ଉବାଚ।
ଅହୋ ରୂପମହୋ ଧୈର୍ଯମହୋ ବୀର୍ଯମହୋ ବଲମ୍॥ 1-182-12x (1046)
ଚିନ୍ତଯାମି ଦିବାରାତ୍ରମର୍ଜୁନଂ ପ୍ରତି ବାନ୍ଧବାଃ।
ଭ୍ରାତୃଭିଃ ସହିତୋ ମାତ୍ରା ସୋଽଦହ୍ଯତ ହୁତାଶନେ॥ 1-182-13 (8225)
କିମାଶ୍ଚର୍ଯମିତୋ ଲୋକେ କାଲୋ ହି ଦୁରତିକ୍ରମଃ।
ମିଥ୍ଯାପ୍ରତିଜ୍ଞୋ ଲୋକେଷୁ କିଂ କରିଷ୍ଯାମି ସାଂପ୍ରତଂ॥ 1-182-14 (8226)
ଅନ୍ତର୍ଗତେନ ଦୁଃଖେନ ଦହ୍ଯମାନୋ ଦିବାନିଶମ୍।
ଯାଜୋପଯାଜୌ ସତ୍କୃତ୍ଯ ଯାଚିତୌ ତୌ ମଯାଽନଘୌ॥ 1-182-15 (8227)
ଭାରଦ୍ବାଜସ୍ଯ ହନ୍ତାରଂ ଦେବୀଂ ଚାପ୍ଯର୍ଜୁନସ୍ଯ ବୈ।
ଲୋକସ୍ତଦ୍ବେଦ ଯଚ୍ଚାପି ତଥା ଯାଜେନ ମେ ଶ୍ରୁତମ୍॥ 1-182-16 (8228)
ଯାଜେନ ପୁତ୍ରକାମୀଯଂ ହୁତ୍ବା ଚୋତ୍ପାଦିତାବିମୌ।
ଧୃଷ୍ଟଦ୍ଯୁମ୍ନଶ୍ଚ କୃଷ୍ଣା ଚ ମମ ତୁଷ୍ଟିକରାବୁଭୌ॥ 1-182-17 (8229)
କିଂ କରିଷ୍ଯାମି ତେ ନଷ୍ଟାଃ ପାଣ୍ଡବାଃ ପୃଥଯା ସହ। 1-182-18 (8230)
ବ୍ରାହ୍ମଣ ଉବାଚ।
ଇତ୍ଯେବମୁକ୍ତ୍ବା ପାଞ୍ଚାଲଃ ଶୁଶୋଚ ପରମାତୁରଃ॥ 1-182-18x (1047)
ଦୃଷ୍ଟ୍ବା ଶୋଚନ୍ତମତ୍ଯର୍ଥଂ ପାଞ୍ଚାଲମିଦମବ୍ରବୀତ୍।
ପୁରୋଧାଃ ସତ୍ବସଂପନ୍ନଃ ସମ୍ଯଗ୍ବିଦ୍ଯାବିଶେଷବିତ୍॥ 1-182-19 (8231)
ବୃଦ୍ଧାନୁଶାସନେ ସକ୍ତାଃ ପାଣ୍ଡବା ଧର୍ମଚାରିଣଃ।
ତାଦୃଶା ନ ବିନଶ୍ଯନ୍ତି ନୈବ ଯାନ୍ତି ପରାଭବମ୍॥ 1-182-20 (8232)
ମଯା ଦୃଷ୍ଟମିଦଂ ସତ୍ଯଂ ଶୃଣୁ ତ୍ବଂ ମନୁଜାଧିପ।
ବ୍ରାହ୍ମଣୈଃ କଥିତଂ ସତ୍ଯଂ ବେଦେଷୁ ଚ ମଯା ଶ୍ରୁତମ୍॥ 1-182-21 (8233)
ବୃହସ୍ପତିମତେନାଥ ପୌଲୋମ୍ଯା ଚ ପୁରା ଶ୍ରୁତମ୍।
ନଷ୍ଟ ହନ୍ଦ୍ରୋ ବିସଗ୍ରନ୍ଥ୍ଯାମୁପଶ୍ରୁତ୍ଯା ହି ଦର୍ଶିତଃ॥ 1-182-22 (8234)
ଉପଶ୍ରୁତିର୍ମହାରାଜ ପାଣ୍ଡବାର୍ଥେ ମଯା ଶ୍ରୁତା।
ଯତ୍ରକୁତ୍ରାପି ଜୀବନ୍ତି ପାଣ୍ଡବାସ୍ତେ ନ ସଂଶଯଃ॥ 1-182-23 (8235)
ମଯା ଦୃଷ୍ଟାନି ଲିଙ୍ଗାନି ଇହୈବୈଷ୍ଯନ୍ତି ପାଣ୍ଡବାଃ।
ଯନ୍ନିମିତ୍ତମିହାଯାନ୍ତି ତଚ୍ଛୃଣୁଷ୍ବ ନରାଧିପ॥ 1-182-24 (8236)
ସ୍ବଯଂବରଃ କ୍ଷତ୍ରିଯାଣାଂ କନ୍ଯାଦାନେ ପ୍ରଦର୍ଶିତଃ।
ସ୍ବଯଂବରସ୍ତୁ ନଗରେ ଘୁଷ୍ଯତାଂ ରାଜସତ୍ତମ॥ 1-182-25 (8237)
ଯତ୍ର ବା ନିବସନ୍ତସ୍ତେ ପାଣ୍ଡବାଃ ପୃଥଯା ସହ।
ଦୂରସ୍ଥା ବା ସମୀପସ୍ଥା ସ୍ବର୍ଗସ୍ଥା ବାଽପି ପାଣ୍ଡବାଃ॥ 1-182-26 (8238)
ଶ୍ରୁତ୍ବା ସ୍ବଯଂବରଂ ରାଜନ୍ସମେଷ୍ଯନ୍ତି ନ ସଂଶଯଃ।
ତସ୍ମାତ୍ସ୍ବଯଂବରୋ ରାଜନ୍ଘୁଷ୍ଯତାଂ ମା ଚିରଂ କୃଥାଃ॥ 1-182-27 (8239)
ବ୍ରାହ୍ମଣ ଉବାଚ। 1-182-28x (1048)
ଶ୍ରୁତ୍ବା ପୁରୋହିତେନୋକ୍ତଂ ପାଞ୍ଚାଲଃ ପ୍ରୀତିମାଂସ୍ତଦା।
ଘୋଷଯାମାସ ନଗରେ ଦ୍ରୌପଦ୍ଯାସ୍ତୁ ସ୍ବଯଂବରମ୍॥ 1-182-28 (8240)
ପୁଷ୍ଯମାସେ ତୁ ରୋହିଣ୍ଯାଂ ଶୁକ୍ଲପକ୍ଷେ ଶୁଭେ ତିଥୌ।
ଦିବସୈଃ ପଞ୍ଚସପ୍ତତ୍ଯା ଭବିଷ୍ଯତି ନ ସଂଶଯଃ॥ 1-182-29 (8241)
ଦେବଗନ୍ଧର୍ବଯକ୍ଷାଶ୍ଚ ଋଷଯଶ୍ଚ ତପୋଧନାଃ।
ସ୍ବଯଂବରଂ ଦ୍ରଷ୍ଟୁକାମା ଗଚ୍ଛନ୍ତ୍ଯେବ ନ ସଂଶଯଃ॥ 1-182-30 (8242)
ତବ ପୁତ୍ରା ମହାତ୍ମାନୋ ଦର୍ଶନୀଯୋ ବିଶେଷତଃ।
ଯଦୃଚ୍ଛଯା ସା ପାଞ୍ଚାଲୀ ଗଚ୍ଛେଦ୍ବାନ୍ଯତମଂ ପତିମ୍॥ 1-182-31 (8243)
କୋ ହି ଜାନାତି ଲୋକେଷୁ ପ୍ରଜାପତିମତଂ ଶୁଭଣ୍।
ତସ୍ମାତ୍ସପୁତ୍ରା ଗଚ୍ଛେଥା ଯଦି ବ୍ରାହ୍ମଣି ରୋଚତେ॥ 1-182-32 (8244)
ନିତ୍ଯକାଲଂ ସୁଭିକ୍ଷାସ୍ତେ ପାଞ୍ଚାଲାସ୍ତୁ ତପୋଧନେ।
ଯଜ୍ଞସେନସ୍ତୁ ରାଜା ସ ବ୍ରହ୍ମଣ୍ଯଃ ସତ୍ଯସଙ୍ଗରଃ॥ 1-182-33 (8245)
ବ୍ରହ୍ମଣ୍ଯା ନାଗରାଃ ସର୍ବେ ବ୍ରାହ୍ମଣାଶ୍ଚାତିଥିପ୍ରିଯାଃ।
ନିତ୍ଯକାଲଂ ପ୍ରଦାସ୍ଯନ୍ତି ଆମନ୍ତ୍ରଣମଯାଚିତମ୍॥ 1-182-34 (8246)
ଅହଂ ଚ ତତ୍ର ଗଚ୍ଛାମି ମମୈଭିଃ ସହ ଶିଷ୍ଯକୈଃ।
ଏକସାର୍ଥାଃ ପ୍ରଯାତାଃ ସ୍ମୋ ବ୍ରାହ୍ମଣ୍ଯା ଯଦି ରୋଚତେ॥ 1-182-35 (8247)
ଏତାବଦୁକ୍ତ୍ବା ବଚନଂ ବ୍ରାହ୍ମଣୋ ବିରରାମ ହ॥ ॥ 1-182-36x (1049)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଚୈତ୍ରରଥପର୍ବଣି ଦ୍ବ୍ଯଶୀତ୍ଯଧିକଶତତମୋଽଧ୍ଯାଯଃ॥ 182 ॥
Mahabharata - Adi Parva - Chapter Footnotes
1-182-9 ଏତତ୍କାର୍ଯସ୍ଯ ଏତାଦୃଶକାର୍ଯସ୍ଯ॥ 1-182-21 ଦୃଷ୍ଟଂ ଊହିତମ୍॥ ଦ୍ବ୍ଯଶୀତ୍ଯଧିକଶତତମୋଽଧ୍ଯାଯଃ॥ 182 ॥ଆଦିପର୍ବ - ଅଧ୍ଯାଯ 183
॥ ଶ୍ରୀଃ ॥
1.183. ଅଧ୍ଯାଯଃ 183
Mahabharata - Adi Parva - Chapter Topics
ପାଣ୍ଡବାନାଂ ଦ୍ରୁପଦନଗରପ୍ରଥାନମ୍॥ 1 ॥Mahabharata - Adi Parva - Chapter Text
1-183-0 (8248)
ବୈଶମ୍ପାଯନ ଉବାଚ। 1-183-0x (1050)
ଏତଚ୍ଛ୍ରୁତ୍ବା ତତଃ ସର୍ବେ ପାଣ୍ଡବା ଭରତର୍ଷଭ।
ମନସା ଦ୍ରୌପଦୀଂ ଜଗ୍ମୁରନଙ୍ଗଶରପୀଡିତାଃ॥' 1-183-1 (8249)
ତତସ୍ତାଂ ରଜନୀଂ ରାଜଞ୍ଛଲ୍ଯବିଦ୍ଧା ଇବାଭବନ୍।
ସର୍ବେ ଚାସ୍ବସ୍ଥମନସୋ ବଭୂବୁସ୍ତେ ମହାବଲାଃ॥ 1-183-2 (8250)
ତତଃ କୁନ୍ତୀ ସୁତାନ୍ଦୃଷ୍ଟ୍ବା ସର୍ବାଂସ୍ତଦ୍ଗତଚେତସଃ।
ଯୁଧିଷ୍ଠିରମୁବାଚେଦଂ ବଚନଂ ସତ୍ଯବାଦିନୀ॥ 1-183-3 (8251)
ଚିରରାତ୍ରୋଷିତାଃ ସ୍ମେହ ବ୍ରାହ୍ମଣସ୍ଯ ନିବେଶନେ।
ରମମାଣାଃ ପୁରେ ରମ୍ଯେ ଲବ୍ଧଭୈକ୍ଷା ମହାତ୍ମନଃ॥ 1-183-4 (8252)
ଯାନୀହ ରମଣୀଯାନି ବନାନ୍ଯୁପବନାନି ଚ।
ସର୍ବାଣି ତାନି ଦୃଷ୍ଟାନି ପୁନଃପୁନରରିନ୍ଦମ॥ 1-183-5 (8253)
ପୁନର୍ଦୃଷ୍ଟାନି ତାନୀହ ପ୍ରୀଣଯନ୍ତି ନ ନସ୍ତଥା।
ଭୈକ୍ଷଂ ଚ ନ ତଥା ବୀର ଲଭ୍ଯତେ କୁରୁନନ୍ଦନ॥ 1-183-6 (8254)
ତେ ବଯଂ ସାଧୁ ପଞ୍ଚାଲାନ୍ଗଚ୍ଛାମ ଯଦି ମନ୍ଯସେ।
ଅପୂର୍ବଦର୍ଶନଂ ବୀର ରମଣୀଯଂ ଭବିଷ୍ଯତି॥ 1-183-7 (8255)
ସୁଭିକ୍ଷାଶ୍ଚୈବ ପଞ୍ଚାଲାଃ ଶ୍ରୂଯନ୍ତେ ଶତ୍ରୁକର୍ଶନ।
ଯଜ୍ଞସେନଶ୍ଚ ରାଜାଽସୌ ବ୍ରହ୍ମଣ୍ଯ ଇତି ସୁଶ୍ରୁମ॥ 1-183-8 (8256)
ଏକତ୍ର ଚିରବାସଶ୍ଚ କ୍ଷମୋ ନ ଚ ମତୋ ମମ।
ତେ ତତ୍ର ସାଧୁ ଗଚ୍ଛାମୋ ଯଦି ତ୍ବଂ ପୁତ୍ର ମନ୍ଯସେ॥ 1-183-9 (8257)
ଯୁଧିଷ୍ଠିର ଉବାଚ। 1-183-10x (1051)
ଭବତ୍ଯା ଯନ୍ମତଂ କାର୍ଯଂ ତଦସ୍ମାକଂ ପରଂ ହିତମ୍।
ଅନୁଜାଂସ୍ତୁ ନ ଜାନାମି ଗଚ୍ଛେଯୁର୍ନେତି ବା ପୁନଃ॥ 1-183-10 (8258)
ବୈଶମ୍ପାଯନ ଉବାଚ। 1-183-11x (1052)
ତତଃ କୁନ୍ତୀ ଭୀମସେନମର୍ଜୁନଂ ଯମଜୌ ତଥା।
ଉବାଚ ଗମନଂ ତେ ଚ ତଥେତ୍ଯେବାବ୍ରୁବଂସ୍ତଦା॥ 1-183-11 (8259)
ତତ ଆମନ୍ତ୍ର୍ଯ ତଂ ବିପ୍ରଂ କୁନ୍ତୀ ରାଜସୁତୈଃ ସହ।
ପ୍ରତସ୍ଥେ ନଗରୀଂ ରମ୍ଯାଂ ଦ୍ରୁପଦସ୍ଯ ମହାତ୍ମନଃ॥ ॥ 1-183-12 (8260)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଚୈତ୍ରରଥପର୍ବଣି ତ୍ର୍ଯଶୀତ୍ଯଧିକଶତତମୋଽଧ୍ଯାଯଃ॥ 183 ॥
ଆଦିପର୍ବ - ଅଧ୍ଯାଯ 184
॥ ଶ୍ରୀଃ ॥
1.184. ଅଧ୍ଯାଯଃ 184
Mahabharata - Adi Parva - Chapter Topics
ପ୍ରସ୍ଥାନସମଯାଗତେ ବ୍ଯାସେନ ପାଣ୍ଡବାନ୍ପ୍ରତି ଦ୍ରୌପଦୀବୃତ୍ତାନ୍ତକଥନପୂର୍ବକଂ ଭବିଷ୍ଯଦ୍ଦ୍ରୌପଦୀଲାଭକଥନମ୍॥ 1 ॥ ବ୍ଯାସସ୍ଯ ପ୍ରତିନିବର୍ତନମ୍॥ 2 ॥Mahabharata - Adi Parva - Chapter Text
1-184-0 (8261)
ବୈଶମ୍ପାଯନ ଉବାଚ। 1-184-0x (1053)
ବସତ୍ସୁ ତେଷୁ ପ୍ରଚ୍ଛନ୍ନଂ ପାଣ୍ଡବେଷୁ ମହାତ୍ମସୁ।
ଆଜଗାମାଥ ତାନ୍ଦ୍ରଷ୍ଟୁଂ ବ୍ଯାସଃ ସତ୍ଯବତୀସୁତଃ॥ 1-184-1 (8262)
ତମାଗତମଭିପ୍ରେକ୍ଷ୍ଯ ପ୍ରତ୍ଯୁଦ୍ଗମ୍ଯ ପରନ୍ତପାଃ।
ପ୍ରଣିପତ୍ଯାଭିବାଦ୍ଯୈନଂ ତସ୍ଥୁଃ ପ୍ରାଞ୍ଜଲଯସ୍ତଦା॥ 1-184-2 (8263)
ସମନୁଜ୍ଞାପ୍ଯ ତାନ୍ସର୍ବାନାସୀନାନ୍ମୁନିରବ୍ରବୀତ୍।
ପ୍ରଚ୍ଛନ୍ନଂ ପୂଜିତଃ ପାର୍ଥୈଃ ପ୍ରୀତିପୂର୍ବମିଦଂ ବଚଃ॥ 1-184-3 (8264)
ଅପି ଧର୍ମେଣ ବର୍ତଧ୍ବଂ ଶାସ୍ତ୍ରେଣ ଚ ପରନ୍ତପାଃ।
ଅପି ବିପ୍ରେଷୁ ପୂଜା ବଃ ପୂଜାର୍ହେଷୁ ନ ହୀଯତେ॥ 1-184-4 (8265)
ଅଥ ଧର୍ମାର୍ଥବଦ୍ବାକ୍ଯମୁକ୍ତ୍ବା ସ ଭଗବାନୃଷିଃ।
ବିଚିତ୍ରାଶ୍ଚ କଥାସ୍ତାସ୍ତାଃ ପୁନରେବେଦମବ୍ରବୀତ୍॥ 1-184-5 (8266)
ଆସୀତ୍ତପୋବନେ କାଚିଦୃଷେଃ କନ୍ଯା ମହାତ୍ମନଃ।
ବିଲଗ୍ନମଧ୍ଯା ସୁଶ୍ରୋଣୀ ସୁଭ୍ରୂଃ ସର୍ବଗୁଣାନ୍ବିତା॥ 1-184-6 (8267)
କର୍ମଭିଃ ସ୍ବକୃତୈଃ ସା ତୁ ଦୁର୍ଭଗା ସମପଦ୍ଯତ।
ନାଧ୍ଯଗଚ୍ଛତ୍ପତିଂ ସା ତୁ କନ୍ଯା ରୂପବତୀ ସତୀ॥ 1-184-7 (8268)
ତପସ୍ତପ୍ତୁମଥାରେଭେ ପତ୍ଯର୍ଥମସୁଖା ତତଃ।
ତୋଷଯାମାସ ତପସା ସା କିଲୋଗ୍ରେଣ ଶଙ୍କରମ୍॥ 1-184-8 (8269)
ତସ୍ଯାଃ ସ ଭଗବାଂସ୍ତୁଷ୍ଟସ୍ତାମୁବାଚ ଯଶସ୍ବିନୀମ୍।
ବରଂ ବରଯ ଭଦ୍ରଂ ତେ ବରଦୋଽସ୍ମୀତି ଶଙ୍କରଃ॥ 1-184-9 (8270)
ଅଥେଶ୍ବରମୁବାଚେଦମାତ୍ମନଃ ସା ବଚୋ ହିତମ୍।
ପତିଂ ସର୍ବଗୁଣୋପେତମିଚ୍ଛାମୀତି ପୁନଃପୁନଃ॥ 1-184-10 (8271)
ତାମଥ ପ୍ରତ୍ଯୁବାଚେଦମୀଶାନୋ ବଦତାଂ ବରଃ।
ପଞ୍ଚ ତେ ପତଯୋ ଭଦ୍ରେ ଭବିଷ୍ଯନ୍ତୀତି ଭାରତାଃ॥ 1-184-11 (8272)
ଏବମୁକ୍ତା ତତଃ କନ୍ଯା ଦେବଂ ବରଦମବ୍ରବୀତ୍।
ଏକମିଚ୍ଛାମ୍ଯହଂ ଦେବ ତ୍ବତ୍ପ୍ରସାଦାତ୍ପତିଂ ପ୍ରଭୋ॥ 1-184-12 (8273)
ପୁନରେବାବ୍ରବୀଦ୍ଦେବ ଇଦଂ ବଚନମୁତ୍ତମମ୍।
ପଞ୍ଚକୃତ୍ବସ୍ତ୍ବଯା ହ୍ଯୁକ୍ତଃ ପତିଂ ଦେହୀତ୍ଯହଂ ପୁନଃ॥ 1-184-13 (8274)
ଦେହମନ୍ଯଂ ଗତାଯାସ୍ତେ ଯଥୋକ୍ତଂ ତଦ୍ଭବିଷ୍ଯତି। 1-184-14 (8275)
ବ୍ଯାସ ଉବାଚ।
ଦ୍ରୁପଦସ୍ଯ କୁଲେ ଜଜ୍ଞେ ସା କନ୍ଯା ଦେବରୂପିଣୀ॥ 1-184-14x (1054)
ନିର୍ଦିଷ୍ଟା ଭବତାଂ ପତ୍ନୀ କୃଷ୍ଣା ପାର୍ଷତ୍ଯନିନ୍ଦିତା।
ପାଞ୍ଚାଲନଗରେ ତସ୍ମାନ୍ନିବସଧ୍ବଂ ମହାବଲାଃ।
ସୁଖିନସ୍ତାମନୁପ୍ରାପ୍ଯ ଭବିଷ୍ଯଥ ନ ସଂଶଯଃ॥ 1-184-15 (8276)
ଏବମୁକ୍ତ୍ବା ମହାଭାଗଃ ପାଣ୍ଡବାନ୍ସ ପିତାମହଃ।
ପାର୍ଥାନାମନ୍ତ୍ର୍ଯ କୁନ୍ତୀଂ ଚ ପ୍ରାତିଷ୍ଠତ ମହାତପାଃ॥ ॥ 1-184-16 (8277)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଚୈତ୍ରରଥପର୍ବଣି ଚତୁରଶୀତ୍ଯଧିକଶତତମୋଽଧ୍ଯାଯଃ॥ 184 ॥
Mahabharata - Adi Parva - Chapter Footnotes
1-184-6 ବିଲଗ୍ନମଧ୍ଯା ବିଲଗ୍ନଂ ସମଦେଶେ ଶଯନେ ଭୂତଲାସ୍ପୃଷ୍ଟଂ ମଧ୍ଯଂ ଶରୀରମଧ୍ଯଭାଗୋ ଯସ୍ଯାଃ ସା କୃଶମଧ୍ଯେତି ଯାବତ୍॥ ଚତୁରଶୀତ୍ଯଧିକଶତତମୋଽଧ୍ଯାଯଃ॥ 184 ॥ଆଦିପର୍ବ - ଅଧ୍ଯାଯ 185
॥ ଶ୍ରୀଃ ॥
1.185. ଅଧ୍ଯାଯଃ 185
Mahabharata - Adi Parva - Chapter Topics
ପାଞ୍ଚାଲନଗରଂ ଗଚ୍ଛତାଂ ପାଣ୍ଡବାନାଂ ମାର୍ଗେ ବ୍ରାହ୍ମଣୈଃ ସହ ସଂବାଦଃ॥ 1 ॥Mahabharata - Adi Parva - Chapter Text
1-185-0 (8278)
ବୈଶମ୍ପାଯନ ଉବାଚ। 1-185-0x (1055)
ଗତେ ଭଗବତି ବ୍ଯାସେ ପାଣ୍ଡବା ହୃଷ୍ଟମାନସାଃ।
`ତେ ପ୍ରଯାତା ନରବ୍ଯାଘ୍ରା ମାତ୍ରା ସହ ପରନ୍ତପାଃ॥ 1-185-1 (8279)
ବ୍ରାହ୍ମଣାନ୍ଗଚ୍ଛତୋ ପଶ୍ଯନ୍ପାଞ୍ଚାଲାନ୍ସଗଣାନ୍ପଥି।
ଅଥ ତେ ବ୍ରାହ୍ମଣା ଊଚୁଃ ପାଣ୍ଡବାନ୍ବ୍ରହ୍ମଚାରିଣଃ॥ 1-185-2 (8280)
କ୍ବ ଭବନ୍ତୋ ଗମିଷ୍ଯନ୍ତି କୁତୋ ବାଽଽଗଚ୍ଛଥେତି ହ। 1-185-3 (8281)
ଯୁଧିଷ୍ଠିର ଉବାଚ।
ପ୍ରଯାତାନେକଚକ୍ରାଯାଃ ସୋଦର୍ଯାନ୍ଦେବଦର୍ଶିନଃ॥ 1-184-3x (1056)
ଭବନ୍ତୋ ନୋଽଭିଜାନନ୍ତୁ ସହିତାନ୍ବ୍ରହ୍ମଚାରିଣଃ।
ଗଚ୍ଛତୋ ନସ୍ତୁ ପାଞ୍ଚାଲାନ୍ଦ୍ରୁପଦସ୍ଯ ପୁରଂ ପ୍ରତି॥ 1-185-4 (8282)
ଇଚ୍ଛାମୋ ଭବତୋ ଜ୍ଞାତୁଂ ପରଂ କୌତୂହଲଂ ହି ନଃ॥ 1-185-5 (8283)
ବ୍ରାହ୍ମଣା ଊଚୁଃ। 1-185-6x (1057)
ଏତେ ସାର୍ଧଂ ପ୍ରଯାତାଃ ସ୍ମୋ ବଯମପ୍ଯତ୍ର ଗାମିନଃ।
ତତ୍ରାପ୍ଯଦ୍ଭୁତସଙ୍କାଶ ଉତ୍ସବୋ ଭବିତା ମହାନ୍॥ 1-185-6 (8284)
ତତସ୍ତୁ ଯଜ୍ଞସେନସ୍ଯ ଦ୍ରୁପଦସ୍ଯ ମହାତ୍ମନଃ।
ଯାସାବଯୋନିଜା କନ୍ଯା ସ୍ଥାସ୍ଯତେ ସା ସ୍ବଯଂବରେ॥ 1-185-7 (8285)
ଦର୍ଶନୀଯାଽନବଦ୍ଯାଙ୍ଗୀ ସୁକୁମାରୀ ଯଶସ୍ବିନୀ।
ଧୃଷ୍ଟଦ୍ଯୁମ୍ନସ୍ଯ ଭଗିନୀ ଦ୍ରୋଣଶତ୍ରୋଃ ପ୍ରତାପିନଃ॥ 1-185-8 (8286)
ଜାତୋ ଯଃ ପାବକାଚ୍ଛୂରଃ ସଶରଃ ସଶରାସନଃ।
ସୁସମିଦ୍ଧାନ୍ମହାଭାଗଃ ସୋମକାନାଂ ମହାରଥଃ॥ 1-185-9 (8287)
ଯସ୍ମିନ୍ସଂଜାଯମାନେ ହି ବାଗୁବାଚାଶରୀରିଣୀ।
ଏଷ ମୃତ୍ଯୁଶ୍ଚ ଶିଷ୍ଯଶ୍ଚ ଭାରଦ୍ବାଜସ୍ଯ ଜାଯତେ॥ 1-185-10 (8288)
ସ୍ବସା ତସ୍ଯ ତୁ ବେଦ୍ଯାଶ୍ଚ ଜାତା ତସ୍ମିନ୍ମହାମଖେ।
ସ୍ତ୍ରୀରତ୍ନମସିତାପାଙ୍ଗୀ ଶ୍ଯାମା ନୀଲୋତ୍ପଲଦ୍ଯୁତିଃ॥ 1-185-11 (8289)
ତାଂ ଯଜ୍ଞସେନସ୍ଯ ସୁତାଂ ଦ୍ରୌପଦୀଂ ପରମାଂ ସ୍ତ୍ରିଯମ୍।
ଗଚ୍ଛାମସ୍ତତ୍ର ବୈ ଦ୍ରଷ୍ଟୁଂ ତଂ ଚୈବାସ୍ଯାଃ ସ୍ବଯଂବରମ୍॥ 1-185-12 (8290)
ରାଜାନୋ ରାଜପୁତ୍ରାଶ୍ଚ ଯଜ୍ବାନୋ ଭୂରିଦକ୍ଷିଣାଃ।
ସ୍ବାଧ୍ଯାଯବନ୍ତଃ ଶୁଚଯୋ ମହାତ୍ମାନୋ ଧୃତବ୍ରତାଃ॥ 1-185-13 (8291)
ତରୁଣା ଦର୍ଶନୀଯାଶ୍ଚ ବଲବନ୍ତୋ ଦୁରାସଦାଃ।
ମହାରଥାଃ କୃତାସ୍ତ୍ରାଶ୍ଚ ସମେଷ୍ଯନ୍ତୀହ ଭୂମିପାଃ॥ 1-185-14 (8292)
ତେ ତତ୍ର ବିବିଧଂ ଦାନଂ ବିଜଯାର୍ଥଂ ନରେଶ୍ବରାଃ।
ପ୍ରଦାସ୍ଯନ୍ତି ଧନଂ ଗାଶ୍ଚ ଭକ୍ଷ୍ଯଭୋଜ୍ଯାନି ସର୍ବଶଃ॥ 1-185-15 (8293)
ପ୍ରତିଲପ୍ସ୍ଯାମହେ ସର୍ବଂ ଦୃଷ୍ଟ୍ବା କୃଷ୍ଣାଂ ସ୍ବଯଂବରେ।
ଯଂ ଚ ସା କ୍ଷତ୍ରିଯଂ ରଙ୍ଗେ କୁମାରୀ ବରଯିଷ୍ଯତି॥ 1-185-16 (8294)
ତଦା ବୈତାଲିକାଶ୍ଚୈବ ନର୍ତକାଃ ସୂତମାଗଧାଃ।
ନିବୋଧକାଶ୍ଚ ଦେଶେଭ୍ଯଃ ସମେଷ୍ଯନ୍ତି ମହାବଲାଃ॥ 1-185-17 (8295)
ଏତତ୍କୌତୂହଲଂ ତତ୍ର ଦୃଷ୍ଟ୍ବା ବୈ ପ୍ରତିଗୃହ୍ଯ ଚ।
ସହାସ୍ମାଭିର୍ମହାତ୍ମାନୋ ମାତ୍ରା ସହ ନିବତ୍ସ୍ଯଥ॥ 1-185-18 (8296)
ଦର୍ଶନୀଯାଂଶ୍ଚ ବଃ ସର୍ବାନେକରୂପାନବସ୍ଥିତାନ୍।
ସମୀକ୍ଷ୍ଯ କୃଷ୍ମା ବରଯେତ୍ସଂଗତ୍ଯାନ୍ଯତମଂ ପତିମ୍॥ 1-185-19 (8297)
ଅଯମେକଶ୍ଚ ବୋ ଭ୍ରାତା ଦର୍ଶନୀଯୋ ମହାଭୁଜଃ।
ନିଯୁଧ୍ଯମାନୋ ବିଜଯେତ୍ସଂଗତ୍ଯ ଦ୍ରବିଣଂ ମହତ୍॥ 1-185-20 (8298)
ଯୁଧିଷ୍ଠିର ଉବାଚ। 1-185-21x (1058)
ପରମଂ ଭୋ ଗମିଷ୍ଯାମୋ ଦ୍ରଷ୍ଟୁଂ ତତ୍ର ସ୍ବଯଂବରମ୍।
ଦ୍ରୌପଦୀଂ ଯଜ୍ଞସେନସ୍ଯ କନ୍ଯାଂ ତସ୍ଯାସ୍ତଥୋତ୍ସବମ୍॥' ॥ 1-185-21 (8299)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଚୈତ୍ରରଥପର୍ବଣି ପଞ୍ଚାଶୀତ୍ଯଧିକଶତତମୋଽଧ୍ଯାଯଃ॥ 185 ॥
ଆଦିପର୍ବ - ଅଧ୍ଯାଯ 186
॥ ଶ୍ରୀଃ ॥
1.186. ଅଧ୍ଯାଯଃ 186
Mahabharata - Adi Parva - Chapter Topics
ଅର୍ଧରାତ୍ରେ ପାଣ୍ଡବାନାଂ ଗଙ୍ଗାତୀରଗମନମ୍॥ 1 ॥ ତତ୍ର ସ୍ତ୍ରୀଭିଃ ସହ ଜଲକ୍ରୀଡାଂ କୁର୍ବତା ଚିତ୍ରରଥେନ ଗନ୍ଧର୍ବେଣ ସହ ଅର୍ଜୁନସ୍ଯ ଯୁଦ୍ଧମ୍॥ 2 ॥ ଆଗ୍ନେଯାସ୍ତ୍ରେଣ ଦଗ୍ଧାଦଧଃପତିତସ୍ଯ ତସ୍ଯାର୍ଜୁନେନ ଗ୍ରହଣଂ॥ 3 ॥ ଗନ୍ଧର୍ବପତ୍ନ୍ଯା ପ୍ରାର୍ଥିତସ୍ଯ ଯୁଧିଷ୍ଠିରସ୍ଯାଜ୍ଞଯା ଗନ୍ଧର୍ବମୋଚନମ୍॥ 4 ॥ ଗନ୍ଧର୍ବପ୍ରାର୍ଥନଯା ଆଗ୍ନେଯାସ୍ତ୍ରପରିବର୍ତନେନ ତସ୍ମାଦ୍ଗାନ୍ଧର୍ବାସ୍ତ୍ରଗ୍ରହଣାନୁମୋଦନମ୍॥ 5 ॥ ଗନ୍ଧର୍ବେଣ ପାଣ୍ଡବାନାଂ ପୁରୋହିତସଂପାଦନୋପଦେଶଃ॥ 6 ॥Mahabharata - Adi Parva - Chapter Text
1-186-0 (8300)
ବୈଶମ୍ପାଯନ ଉବାଚ। 1-186-0x (1059)
ତେ ପ୍ରତସ୍ଥୁଃ ପୁରସ୍କୃତ୍ଯ ମାତରଂ ପୁରୁଷର୍ଷଭାଃ।
ସମୈରୁଦଙ୍ମୁକୈର୍ମାର୍ଗୈର୍ଯଥୋଦ୍ଦିଷ୍ଟଂ ଚ ଭାରତ॥ 1-186-1 (8301)
ଅହୋରାତ୍ରେଣାଭ୍ଯଗଚ୍ଛନ୍ପାଞ୍ଚାଲନଗରଂ ପ୍ରତି।
ଅଭ୍ଯାଜଗ୍ମୁର୍ଲୋକନଦୀଂ ଗଙ୍ଗାଂ ଭାଗୀରଥୀଂ ପ୍ରତି॥ 1-186-2 (8302)
ଚନ୍ଦ୍ରାସ୍ତମଯବେଲାଯାମର୍ଧରାତ୍ରସମାଗମେ।
ବାରି ଚୈବାନୁମଜ୍ଜନ୍ତସ୍ତୀର୍ଥଂ ସୋମାଶ୍ରଯାଯଣମ୍। 1-186-3 (8303)
ଆସେଦୁଃ ପୁରୁଷବ୍ଯାଘ୍ରା ଗଙ୍ଗାଯାଂ ପାଣ୍ଡୁନନ୍ଦନାଃ॥
ଉଲ୍ମୁକଂ ତୁ ସମୁଦ୍ଯମ୍ଯ ତେଷାମଗ୍ରେ ଧନଞ୍ଜଯଃ। 1-186-4 (8304)
ପ୍ରକାଶାର୍ଥଂ ଯଯୌ ତତ୍ର ରକ୍ଷାର୍ଥଂ ଚ ମହାରଥଃ॥
ତତ୍ର ଗଙ୍ଗାଜଲେ ରମ୍ଯେ ବିବିକ୍ତେ କ୍ରୀଡଯନ୍ ସ୍ତ୍ରିଯଃ। 1-186-5 (8305)
ଶବ୍ଦଂ ତେଷାଂ ସ ଶୁଶ୍ରାବ ନଦୀଂ ସମୁପସର୍ପତାମ୍।
ତେନ ଶବ୍ଦେନ ଚାବିଷ୍ଟଶ୍ଚୁକ୍ରୋଧ ବଲବଦ୍ବଲୀ॥ 1-186-6 (8306)
ସ ଦୃଷ୍ଟ୍ବା ପାଣ୍ଡବାଂସ୍ତତ୍ର ସହ ମାତ୍ରା ପରନ୍ତପାନ୍।
ବିଷ୍ଫାରଯନ୍ଧନୁର୍ଘୋରମିଦଂ ବଚନମବ୍ରବୀତ୍॥ 1-186-7 (8307)
ସନ୍ଧ୍ଯା ସଂରଜ୍ଯତେ ଘୋରା ପୂର୍ବରାତ୍ରାଗମେଷୁ ଯା।
ଅଶୀତିଭିର୍ଲବୈର୍ହୀନଂ ତନ୍ମୁହୂର୍ତଂ ପ୍ରଚକ୍ଷତେ॥ 1-186-8 (8308)
ବିହିତଂ କାମଚାରାଣାଂ ଯକ୍ଷଗନ୍ଧର୍ବରକ୍ଷସାମ୍।
ଶେଷମନ୍ଯନ୍ମନୁଷ୍ଯାଣାଂ କର୍ମଚାରେଷୁ ବୈ ସ୍ମୃତମ୍॥ 1-186-9 (8309)
ଲୋଭାତ୍ପ୍ରଚାରଂ ଚରତସ୍ତାସୁ ବେଲାସୁ ବୈ ନରାନ୍।
ଉପକ୍ରାନ୍ତା ନିଗୃହ୍ଣୀମୋ ରାକ୍ଷସୈଃ ସହ ବାଲିଶାନ୍॥ 1-186-10 (8310)
ଅତୋ ରାତ୍ରୌ ପ୍ରାପ୍ନୁବତୋ ଜଲଂ ବ୍ରହ୍ମବିଦୋ ଜନାଃ।
ଗର୍ହଯନ୍ତି ନରାନ୍ସର୍ବାନ୍ବଲସ୍ଥାନ୍ନୃପତୀନପି॥ 1-186-11 (8311)
ଆରାଚ୍ଚ ତିଷ୍ଠତାସ୍ମାକଂ ସମୀପଂ ନୋପସର୍ପତ।
କସ୍ମାନ୍ମାଂ ନାଭିଜାନୀତ ପ୍ରାପ୍ତଂ ଭାଗୀରଥୀଜଲମ୍॥ 1-186-12 (8312)
ଅଙ୍ଗାରପର୍ଣଂ ଗନ୍ଧର୍ବଂ ବିତ୍ତ ମାଂ ସ୍ବବଲାଶ୍ରଯମ୍।
ଅହଂ ହି ମାନୀ ଚେର୍ଷ୍ଯୁଶ୍ଚ କୁବେରସ୍ଯ ପ୍ରିଯଃ ସଖା॥ 1-186-13 (8313)
ଅଙ୍ଗାରପର୍ଣମିତ୍ଯେବଂ ଖ୍ଯାତଂ ଚେଦଂ ବନଂ ମମ।
ଅନୁଗଙ୍ଗଂ ଚରନ୍କାମାଂଶ୍ଚିତ୍ରଂ ଯତ୍ର ରମାମ୍ଯହମ୍॥ 1-186-14 (8314)
ନ କୌଣପାଃ ଶୃଙ୍ଗିଣୋ ବା ନ ଦେବା ନ ଚ ମାନୁଷାଃ।
କୁବେରସ୍ଯ ଯଥୋଷ୍ଣୀଷଂ କିଂ ମାଂ ସମୁପସର୍ପଥ॥ 1-186-15 (8315)
ଅର୍ଜୁନ ଉବାଚ। 1-186-16x (1060)
ସମୁଦ୍ରେ ହିମବତ୍ପାର୍ଶ୍ବେ ନଦ୍ଯାମସ୍ଯାଂ ଚ ଦୁର୍ମତେ।
ରାତ୍ରାବହନି ସନ୍ଧ୍ଯାଯାଂ କସ୍ଯ କ୍ଲୃପ୍ତଃ ପରିଗ୍ରହଃ॥ 1-186-16 (8316)
ଭୁକ୍ତୋ ବାଽପ୍ଯଥ ବାଽଭୁକ୍ତୋ ରାତ୍ରାବହନି ଖେଚର।
ନ କାଲନିଯମୋ ହ୍ଯସ୍ତି ଗଙ୍ଗାଂ ପ୍ରାପ୍ଯ ସରିଦ୍ବରାଂ॥ 1-186-17 (8317)
ବଯଂ ଚ ଶକ୍ତିସମ୍ପନ୍ନା ଅକାଲେ ତ୍ବାମଧୃଷ୍ଣୁମ।
ଅଶକ୍ତା ହି ରଣେ କ୍ରୂର ଯୁଷ୍ମାନର୍ଚନ୍ତି ମାନବାଃ॥ 1-186-18 (8318)
ପୁରା ହିମବତଶ୍ଚୈଷା ହେମଶୃଙ୍ଗାଦ୍ବିନିଃସୃତା।
ଗଙ୍ଗା ଗତ୍ବା ସମୁଦ୍ରାମ୍ଭଃ ସପ୍ତଧା ସମପଦ୍ଯତ॥ 1-186-19 (8319)
ଗଙ୍ଗାଂ ଚ ଯମୁନାଂ ଚୈବ ପ୍ଲକ୍ଷଜାତାଂ ସରସ୍ବତୀମ୍।
ରଥସ୍ଥାଂ ସରଯୂଂ ଚୈବ ଗୋମତୀଂ ଗଣ୍ଡକୀଂ ତଥା॥ 1-186-20 (8320)
ଅପର୍ଯୁଷିତପାପାସ୍ତେ ନଦୀଃ ସପ୍ତ ପିବନ୍ତି ଯେ।
ଇଯଂ ଭୂତ୍ବା ଚୈକବପ୍ରା ଶୁଚିରାକାଶଗା ପୁନଃ॥ 1-186-21 (8321)
ଦେବେଷୁ ଗଙ୍ଗା ଗନ୍ଧର୍ବ ପ୍ରାପ୍ନୋତ୍ଯଲକନନ୍ଦତାମ୍।
ତଥା ପିତୄନ୍ବୈତରଣୀ ଦୁସ୍ତରା ପାପକର୍ମଭିଃ।
ଗଙ୍ଗା ଭବତି ବୈ ପ୍ରାପ୍ଯ କୃଷ୍ଣଦ୍ବୈପାଯନୋଽବ୍ରବୀତ୍॥ 1-186-22 (8322)
ଅସମ୍ବାଧା ଦେବନଦୀ ସ୍ବର୍ଗସଂପାଦନୀ ଶୁଭା।
କଥମିଚ୍ଛସି ତାଂ ରୋଦ୍ଧୁଂ ନୈଷ ଧର୍ମଃ ସନାତନଃ॥ 1-186-23 (8323)
ଅନିବାର୍ଯମସମ୍ବାଧଂ ତବ ବାଚା କଥଂ ବଯମ୍।
ନ ସ୍ପୃଶେମ ଯଥାକାମଂ ପୁଣ୍ଯଂ ଭାଗୀରଥୀଜଲମ୍॥ 1-186-24 (8324)
ବୈଶମ୍ପାଯନ ଉବାଚ। 1-186-25x (1061)
ଅଙ୍ଗାରପର୍ଣସ୍ତଚ୍ଛ୍ରୁତ୍ବା କ୍ରୁଦ୍ଧ ଆନାମ୍ଯ କାର୍ମୁକମ୍।
ମୁମୋଚ ବାଣାନ୍ନିଶିତାନହୀନାଶୀବିଷାନିବ॥ 1-186-25 (8325)
ଉଲ୍ମୁକଂ ଭ୍ରାମଯଂସ୍ତୂର୍ଣଂ ପାଣ୍ଡବଶ୍ଚର୍ମ ଚୋତ୍ତରମ୍।
ବ୍ଯପୋହତ ଶରାଂସ୍ତସ୍ଯ ସର୍ବାନେବ ଧନଞ୍ଜଯଃ॥ 1-186-26 (8326)
ଅର୍ଜୁନ ଉବାଚ। 1-186-27x (1062)
ବିଭୀଷିକା ବୈ ଗନ୍ଧର୍ବ ନାସ୍ତ୍ରଜ୍ଞେଷୁ ପ୍ରଯୁଜ୍ଯତେ।
ଅସ୍ତ୍ରଜ୍ଞେଷୁ ପ୍ରଯୁକ୍ତେଯଂ ଫେନବତ୍ପ୍ରବିଲୀଯତେ॥ 1-186-27 (8327)
ମାନୁଷାନତି ଗନ୍ଧର୍ବାନ୍ସର୍ବାନ୍ ଗନ୍ଧର୍ବ ଲକ୍ଷଯେ।
ତସ୍ମାଦସ୍ତ୍ରେଣ ଦିବ୍ଯେନ ଯୋତ୍ସ୍ଯେଽହଂ ନ ତୁ ମାଯଯା॥ 1-186-28 (8328)
ପୁରାଽସ୍ତ୍ରମିମାଗ୍ନେଯଂ ପ୍ରାଦାତ୍କିଲ ବୃହସ୍ପତିଃ।
ଭରଦ୍ବାଜାଯ ଗନ୍ଧର୍ବ ଗୁରୁର୍ମାନ୍ଯଃ ଶତକ୍ରତୋଃ॥ 1-186-29 (8329)
ଭରଦ୍ବଜାଦଗ୍ନିବେଶ୍ଯ ଅଗ୍ନିବେଶ୍ଯାଦ୍ଗୁରୁର୍ମମ।
ସାଧ୍ବିଦଂ ମହ୍ଯମଦଦଦ୍ଦ୍ରୋଣୋ ବ୍ରାହ୍ମଣସତ୍ତମଃ॥ 1-186-30 (8330)
ବୈଶମ୍ପାଯନ ଉବାଚ। 1-186-31x (1063)
ଇତ୍ଯୁକ୍ତ୍ବା ପାଣ୍ଡବଃ କ୍ରୁଦ୍ଧୋ ଗନ୍ଧର୍ବାଯ ମୁମୋଚ ହ।
ପ୍ରଦୀପ୍ତମସ୍ତ୍ରମାଗ୍ନେଯଂ ଦଦାହାସ୍ଯ ରଥଂ ତୁ ତତ୍॥ 1-186-31 (8331)
ବିରଥଂ ବିପ୍ଲୁତଂ ତଂ ତୁ ସ ଗନ୍ଧର଼୍ବଂ ମହାବଲଃ।
ଅସ୍ତ୍ରତେଜଃପ୍ରମୂଢଂ ଚ ପ୍ରପତନ୍ତମବାଙ୍ମୁଖମ୍॥ 1-186-32 (8332)
ଶିରୋରୁହେଷୁ ଜଗ୍ରାହ ମାଲ୍ଯବତ୍ସୁ ଧନଞ୍ଜଯଃ।
ଭ୍ରାତୄନ୍ପ୍ରତି ଚକର୍ଷାଥ ସୋଽସ୍ତ୍ରପାତାଦଚେତସମ୍॥ 1-186-33 (8333)
ଯୁଧିଷ୍ଠିରଂ ତସ୍ଯ ଭାର୍ଯା ପ୍ରପେଦେ ଶରଣାର୍ଥିନୀ।
ନାମ୍ନା କୁମ୍ଭୀନସୀ ନାମ ପତିତ୍ରାଣମଭୀପ୍ସତୀ॥ 1-186-34 (8334)
ଗନ୍ଧର୍ବ୍ଯୁବାଚ। 1-186-35x (1064)
ତ୍ରାଯସ୍ବ ମାଂ ମହାଭାଗ ପତିଂ ଚେମଂ ବିମୁଞ୍ଚ ମେ।
ଗନ୍ଧର୍ବୀ ଶରଣଂ ପ୍ରାପ୍ତା ନାମ୍ନା କୁମ୍ଭୀନସୀ ପ୍ରଭୋ॥ 1-186-35 (8335)
ଯୁଧିଷ୍ଠିର ଉବାଚ। 1-186-36x (1065)
ଯୁଦ୍ଧେ ଜିତଂ ଯଶୋହୀନଂ ସ୍ତ୍ରୀନାଥମପରାକ୍ରମମ୍।
କୋ ନିହନ୍ଯାଦ୍ରିପୁଂ ତାତ ମୁଞ୍ଚେମଂ ରିପୁସୂଦନ॥ 1-186-36 (8336)
ଅର୍ଜୁନ ଉବାଚ। 1-186-37x (1066)
ଜୀବିତଂ ପ୍ରତିପଦ୍ଯସ୍ବ ଗଚ୍ଛ ଗନ୍ଧର୍ବ ମା ଶୁଚଃ।
ପ୍ରଦିଶତ୍ଯଭଯଂ ତେଽଦ୍ଯ କୁରୁରାଜୋ ଯୁଧିଷ୍ଠିରଃ॥ 1-186-37 (8337)
ଗନ୍ଧର୍ବ ଉବାଚ। 1-186-38x (1067)
ଜିତୋଽହଂ ପୂର୍ବକଂ ନାମ ମୁଞ୍ଚାମ୍ଯଙ୍ଗାରପର୍ଣତାମ୍।
ଯଶୋହୀନଂ ନ ଚ ଶ୍ଲାଘ୍ଯଂ ସ୍ବଂ ନାମ ଜନସଂସଦି॥ 1-186-38 (8338)
ସାଧ୍ବିମଂ ଲବ୍ଧବାଁଲ୍ଲାଭଂ ଯୋଽହଂ ଦିବ୍ଯାସ୍ତ୍ରଧାରିଣମ୍।
ଗାନ୍ଧର୍ବ୍ଯା ମାଯଯେଚ୍ଛାମି ସଂଯୋଜଯିତୁମର୍ଜୁନମ୍॥ 1-186-39 (8339)
ଅସ୍ତ୍ରାଗ୍ନିନା ବିଚିତ୍ରୋଽଯଂ ଦଗ୍ଧୋ ମେ ରଥ ଉତ୍ତମଃ।
ସୋଽହଂ ଚିତ୍ରରଥୋ ଭୂତ୍ବା ନାମ୍ନା ଦଗ୍ଧରଥୋଽଭବଂ॥ 1-186-40 (8340)
ସଂଭୃତା ଚୈବ ବିଦ୍ଯେଯଂ ତପସେହ ମଯା ପୁରା।
ନିବେଦଯିଷ୍ଯେ ତାମଦ୍ଯ ପ୍ରାଣଦାଯ ମହାତ୍ମନେ॥ 1-186-41 (8341)
ସଂସ୍ତମ୍ଭଯିତ୍ବା ତରସା ଜିତଂ ଶରଣମାଗତମ୍।
ଯୋ ରିପୁଂ ଯୋଜଯେତ୍ପ୍ରାଣୈଃ କଲ୍ଯାଣଂ କିଂ ନ ସୋଽର୍ହତି॥ 1-186-42 (8342)
ଚାକ୍ଷୁଷୀ ନାମ ବିଦ୍ଯେଯଂ ଯାଂ ସୋମାଯ ଦଦୌ ମନୁଃ।
ଦଦୌ ସ ବିଶ୍ବାବସବେ ମମ ବିଶ୍ବାବସୁର୍ଦଦୌ॥ 1-186-43 (8343)
ସେଯଂ କାପୁରୁଷଂ ପ୍ରାପ୍ତା ଗୁରୁଦତ୍ତା ପ୍ରଣଶ୍ଯତି।
ଆଗମୋଽସ୍ଯା ମଯା ପ୍ରୋକ୍ତୋ ବୀର୍ଯଂ ପ୍ରତିନିବୋଧ ମେ॥ 1-186-44 (8344)
ଯଚ୍ଚକ୍ଷୁଷା ଦ୍ରଷ୍ଟୁମିଚ୍ଛେତ୍ରିଷୁ ଲୋକେଷୁ କିଂଚନ।
ତତ୍ପଶ୍ଯେଦ୍ଯାଦୃଶଂ ଚେଚ୍ଛେତ୍ତାଦୃଶଂ ଦ୍ରଷ୍ଟୁମର୍ହତି॥ 1-186-45 (8345)
ଏକପାଦେନ ଷଣ୍ମାସାନ୍ସ୍ଥିତୋ ବିଦ୍ଯାଂ ଲଭେଦିମାମ୍।
ଅନୁନେଷ୍ଯାମ୍ଯହଂ ବିଦ୍ଯାଂ ସ୍ବଯଂ ତୁଭ୍ଯଂ ବ୍ରତେ କୃତେ॥ 1-186-46 (8346)
ବିଦ୍ଯଯା ହ୍ଯନଯା ରାଜନ୍ବଯଂ ନୃଭ୍ଯୋ ବିଶେଷିତାଃ।
ଅବିଶିଷ୍ଟାଶ୍ଚ ଦେବାନାମନୁଭାବପ୍ରଦର୍ଶିନଃ॥ 1-186-47 (8347)
ଗନ୍ଧର୍ବଜାନାମଶ୍ବାନାମହଂ ପୁରୁଷସତ୍ତମ।
ଭ୍ରାତୃଭ୍ଯସ୍ତବ ତୁଭ୍ଯଂ ଚ ପୃଥଗ୍ଦାତା ଶତଂ ଶତଂ॥ 1-186-48 (8348)
ଦେବଗନ୍ଧର୍ବବାହାସ୍ତେ ଦିବ୍ଯବର୍ଣା ମନୋଜବାଃ।
କ୍ଷୀଣାକ୍ଷୀଣା ଭବନ୍ତ୍ଯେତେ ନ ହୀଯନ୍ତେ ଚ ରଂହସଃ॥ 1-186-49 (8349)
ପୁରା କୃତଂ ମହେନ୍ଦ୍ରସ୍ଯ ବଜ୍ରଂ ବୃତ୍ରନିବର୍ହଣମ୍।
ଦଶଧା ଶତଧା ଚୈବ ତଚ୍ଛୀର୍ଣଂ ବୃତ୍ରମୂର୍ଧନି॥ 1-186-50 (8350)
ତତୋ ଭାଗୀକୃତୋ ଦେବୈର୍ବଜ୍ରଭାଗ ଉପାସ୍ଯତେ।
ଲୋକେ ଯଶୋଧନଂ କିଂଚିତ୍ସୈବ ବଜ୍ରତନୁଃ ସ୍ମୃତା॥ 1-186-51 (8351)
ବଜ୍ରପାଣିର୍ବ୍ରାହ୍ମଣଃ ସ୍ଯାତ୍କ୍ଷତ୍ରଂ ବଜ୍ରରଥଂ ସ୍ମୃତମ୍।
ବୈଶ୍ଯା ବୈ ଦାନବଜ୍ରାଶ୍ଚ କର୍ମବଜ୍ରା ଯବୀଯସଃ॥ 1-186-52 (8352)
କ୍ଷତ୍ରବଜ୍ରସ୍ଯ ଭାଗେନ ଅବଧ୍ଯା ବାଜିନଃ ସ୍ମୃତାଃ।
ରଥାଙ୍ଗଂ ବଡବା ସୂତେ ଶୂରାଶ୍ଚାଶ୍ବେଷୁ ଯେ ମତାଃ॥ 1-186-53 (8353)
କାମବର୍ଣାଃ କାମଜବାଃ କାମତଃ ସମୁପସ୍ଥିତାଃ।
ଇତି ଗନ୍ଧର୍ବଜାଃ କାମଂ ପୂରଯିଷ୍ଯନ୍ତି ମେ ହଯାଃ॥ 1-186-54 (8354)
ଅର୍ଜୁନ ଉବାଚ। 1-186-55x (1068)
ଯଦି ପ୍ରୀତେନ ମେ ଦତ୍ତଂ ସଂଶଯେ ଜୀବିତସ୍ଯ ବା।
ବିଦ୍ଯାଧଂ ଶ୍ରୁତଂ ବାଽପି ନ ତଦ୍ଗନ୍ଧର୍ବ ରୋଚଯେ॥ 1-186-55 (8355)
ଗନ୍ଧର୍ବ ଉବାଚ। 1-186-56x (1069)
ସଂଯୋଗୋ ବୈ ପ୍ରୀତିକରୋ ମହତ୍ସୁ ପ୍ରତିଦୃଶ୍ଯତେ।
ଜୀବିତସ୍ଯ ପ୍ରଦାନେନ ପ୍ରୀତୋ ବିଦ୍ଯାଂ ଦଦାମି ତେ॥ 1-186-56 (8356)
ତ୍ବତ୍ତୋଽପ୍ଯହଂ ଗ୍ରହୀଷ୍ଯାମି ଅସ୍ତ୍ରମାଗ୍ନେଯମୁତ୍ତମମ୍।
ତଥୈବ ଯୋଗ୍ଯଂ ବୀଭତ୍ସୋ ଚିରାଯ ମରତର୍ଷଭ॥ 1-186-57 (8357)
ଅର୍ଜୁନ ଉବାଚ। 1-186-58x (1070)
ତ୍ବତ୍ତୋଽସ୍ତ୍ରେଣ ବୃଣୋମ୍ଯଶ୍ବାନ୍ସଂଯୋଗଃ ଶାସ୍ବତୋଽସ୍ତୁନୌ।
ସଖେ ତଦ୍ବ୍ରୂହି ଗନ୍ଧର୍ବ ଯୁଷ୍ମଭ୍ଯୋ ଯଦ୍ଭଯଂ ଭବେତ୍॥ 1-186-58 (8358)
କାରଣଂ ବ୍ରୂହି ଗନ୍ଧର୍ବ କିଂ ତଦ୍ଯେନ ସ୍ମ ଧର୍ଷିତାଃ।
ଯାନ୍ତୋ ବେଦବିଦଃ ସର୍ବେ ସନ୍ତୋ ରାତ୍ରାବରିନ୍ଦମାଃ॥ 1-186-59 (8359)
ଗନ୍ଧର୍ବ ଉବାଚ। 1-186-60x (1071)
ଅନଗ୍ନଯୋଽନାହୁତଯୋ ନ ଚ ବିପ୍ରପୁରସ୍କୃତାଃ।
ଯୂଯଂ ତତୋ ଧର୍ଷିତାଃ ସ୍ଥ ମଯା ବୈ ପାଣ୍ଡୁନନ୍ଦନାଃ॥ 1-186-60 (8360)
`ଯକ୍ଷରାକ୍ଷସଗନ୍ଧର୍ବପିଶାଚପତଗୋରଗାଃ।
ଧର୍ଷନ୍ତି ନରବ୍ଯାଘ୍ର ନ ବ୍ରାହ୍ମଣପୁରସ୍କୃତାନ୍॥ 1-186-61 (8361)
ଜାନତାପି ମଯା ତସ୍ମାତ୍ତେଜଶ୍ଚାଭିଜନଂ ଚ ବଃ।
ଇଯମଗ୍ନିମତାଂ ଶ୍ରେଷ୍ଠ ଧର୍ଷିତା ବୈ ପୁରାଗତିଃ॥ 1-186-62 (8362)
କୋ ହି ବସ୍ତ୍ରିଷୁ ଲୋକେଷୁ ନ ବେଦ ଭରତର୍ଷଭ।
ସ୍ବୈର୍ଗୁଣୈର୍ବିସ୍ତୃତଂ ଶ୍ରୀମଦ୍ଯଶୋଽଗ୍ର୍ଯଂ ଭୂରିବର୍ଚସାମ୍'॥ 1-186-63 (8363)
ଯକ୍ଷରାକ୍ଷସଗନ୍ଧର୍ବାଃ ପିଶାଚୋରଗଦାନବାଃ।
ବିସ୍ତରଂ କୁରୁବଂଶସ୍ଯ ଧୀମନ୍ତଃ କଥଯନ୍ତି ତେ॥ 1-186-64 (8364)
ନାରଦପ୍ରଭୃତୀନାଂ ତୁ ଦେବର୍ଷୀଣାଂ ମଯା ଶ୍ରୁତମ୍।
ଗୁଣାନ୍କଥଯତାଂ ବୀର ପୂର୍ବେଷାଂ ତବ ଧୀମତାମ୍॥ 1-186-65 (8365)
ସ୍ବଯଂ ଚାପି ମଯା ଦୃଷ୍ଟଶ୍ଚରତା ସାଗରାମ୍ବରାମ୍।
ଇମାଂ ବସୁମତୀଂ କୃତ୍ସ୍ନାଂ ପ୍ରଭାବଃ ସୁକୁଲସ୍ଯ ତେ॥ 1-186-66 (8366)
ବେଦେ ଧନୁଷି ଚାଚାର୍ଯମଭିଜାନାମି ତେଽର୍ଜୁନ।
ବିଶ୍ରୁତଂ ତ୍ରିଷୁ ଲୋକେଷୁ ଭାରଦ୍ବାଜଂ ଯଶସ୍ବିନମ୍॥ 1-186-67 (8367)
`ସର୍ବବେଦବିଦାଂ ଶ୍ରେଷ୍ଠଂ ସର୍ବଶସ୍ତ୍ରଭୃତାଂ ବରମ୍।
ଦ୍ରୋଣମିଷ୍ବସ୍ତ୍ରକୁଶଲଂ ଧନୁଷ୍ଯହ୍ଗିରସାଂ ବରମ୍॥' 1-186-68 (8368)
ଧର୍ମଂ ବାଯୁଂ ଚ ଶକ୍ରଂ ଚ ବିଜାନାମ୍ଯଶ୍ବିନୌ ତଥା।
ପାଣ୍ଡୁଂ ଚ କୁରୁଶାର୍ଦୂଲ ଷଡେତାନ୍କୁରୁବର୍ଧନାନ୍।
ପିତୄନେତାନହଂ ପାର୍ଥ ଦେବମାନୁଷସତ୍ତମାନ୍॥ 1-186-69 (8369)
ଦିବ୍ଯାତ୍ମାନୋ ମହାତ୍ମାନଃ ସର୍ବଶସ୍ତ୍ରଭୃତାଂ ବରାଃ।
ଭବନ୍ତୋ ଭ୍ରାତରଃ ଶୂରାଃ ସର୍ବେ ସୁଚରିତବ୍ରତାଃ॥ 1-186-70 (8370)
ଉତ୍ତମାଂ ଚ ମନୋବୁଦ୍ଧିଂ ଭବତାଂ ଭାବିତାତ୍ମନାମ୍।
ଜାନନ୍ନପି ଚ ବଃ ପାର୍ଥ କୃତବାନିହ ଧର୍ଷଣାମ୍॥ 1-186-71 (8371)
ସ୍ତ୍ରୀସକାଶେ ଚ କୌରବ୍ଯ ନ ପୁମାନ୍କ୍ଷନ୍ତୁମର୍ହତି।
ଧର୍ଷଣାମାତ୍ମନଃ ପଶ୍ଯନ୍ବ୍ରାହୁଦ୍ରବିଣମାଶ୍ରିତଃ॥ 1-186-72 (8372)
ନକ୍ତଂ ଚ ବଲମସ୍ମାକଂ ଭୂଯ ଏବାଭିବର୍ଧତେ।
ଯତସ୍ତତୋ ମାଂ କୌନ୍ତେଯ ସଦାରଂ ମନ୍ଯୁରାବିଶତ୍॥ 1-186-73 (8373)
ସୋଽହଂ ତ୍ବଯେହ ବିଜିତଃ ସଙ୍ଖ୍ଯେ ତାପତ୍ଯବର୍ଧନ।
ଯେନ ତେନେହ ବିଧିନା କୀର୍ତ୍ଯମାନଂ ନିବୋଧ ମେ॥ 1-186-74 (8374)
ବ୍ରହ୍ମଚର୍ଯଂ ପରୋ ଧର୍ମଃ ସ ଚାପି ନିଯତସ୍ତ୍ବଯି।
ଯସ୍ମାତ୍ତସ୍ମାଦହଂ ପାର୍ଥ ରଣେ।ଞସ୍ମି ବିଜିତସ୍ତ୍ବଯା॥ 1-186-75 (8375)
ଯସ୍ତୁ ସ୍ଯାତ୍କ୍ଷତ୍ରିଯଃ କଶ୍ଚିତ୍କାମବୃତ୍ତଃ ପରନ୍ତପ।
ନକ୍ତଂ ଚ ଯୁଧି ଯୁଧ୍ଯେତ ନ ସ ଜୀବେତ୍କଥଂଚନ॥ 1-186-76 (8376)
ଯସ୍ତୁ ସ୍ଯାତ୍କାମବୃତ୍ତୋଽପି ପାର୍ଥ ବ୍ରହ୍ମପୁରସ୍କୃତଃ।
ଜଯେନ୍ନକ୍ତଞ୍ଚରାନ୍ସର୍ବାନ୍ସ ପୁରୋହିତଧୂର୍ଗତଃ॥ 1-186-77 (8377)
ତସ୍ମାତ୍ତାପତ୍ଯ ଯତ୍କିଂଚିନ୍ନୃଣାଂ ଶ୍ରେଯ ଇହେପ୍ସିତମ୍।
ତସ୍ମିନ୍କର୍ମଣି ଯୋକ୍ତବ୍ଯା ଦାନ୍ତାତ୍ମାନଃ ପୁରୋହିତାଃ॥ 1-186-78 (8378)
ବେଦେ ଷଡଙ୍ଗେ ନିରତାଃ ଶୁଚଯଃ ସତ୍ଯବାଦିନଃ।
ଧର୍ମାତ୍ଯାଗଃ କୃତାତ୍ମାନଃ ସ୍ଯୁର୍ନୃପାଣାଂ ପୁରୋହିତାଃ॥ 1-186-79 (8379)
ଜଯଶ୍ଚ ନିଯତୋ ରାଜ୍ଞଃ ସ୍ବର୍ଗଶ୍ଚ ତଦନନ୍ତରମ୍।
ଯସ୍ଯ ସ୍ଯାଦ୍ଧର୍ମବିଦ୍ବାଗ୍ମୀ ପୁରୋଧାଃ ଶୀଲବାଞ୍ଶୁଚିଃ॥ 1-186-80 (8380)
ଲାଭଂ ଲବ୍ଧୁମଲବ୍ଧଂ ବା ଲବ୍ଧଂ ବା ପରିରକ୍ଷିତୁମ୍।
ପୁରୋହିତଂ ପ୍ରକୁର୍ବୀତ ରାଜା ଗୁଣସମନ୍ବିତମ୍॥ 1-186-81 (8381)
ପୁରୋହିତମତେ ତିଷ୍ଠେଦ୍ଯ ଇଚ୍ଛେଦ୍ଭୂତିମାତ୍ମନଃ।
ପ୍ରାପ୍ତୁଂ ବସୁମତୀଂ ସର୍ବାଂ ସର୍ବଶଃ ସାଗରାମ୍ବରାମ୍॥ 1-186-82 (8382)
ନ ହି କେବଲଶୌର୍ଯେଣ ତାପତ୍ଯାଭିଜନେନ ଚ।
ଜଯେଦବ୍ରାହ୍ମଣଃ କଶ୍ଚିଦ୍ଭୂମିଂ ଭୂମିପତିଃ କ୍ବଚିତ୍॥ 1-186-83 (8383)
ତସ୍ମାଦେବଂ ବିଜାନୀହି କୁରୂଣାଂ ବଂଶବର୍ଧନ।
ବ୍ରାହ୍ମଣପ୍ରମୁଖଂ ରାଜ୍ଯଂ ଶକ୍ଯଂ ପାଲଯିତୁଂ ଚିରମ୍॥ ॥ 1-186-84 (8384)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଚୈତ୍ରରଥପର୍ବଣି ଷଡଶୀତ୍ଯଧିକଶତତମୋଽଧ୍ଯାଯଃ॥ 186 ॥
Mahabharata - Adi Parva - Chapter Footnotes
1-186-3 ସୋମାଶ୍ରଯଶ୍ଚନ୍ଦ୍ରଧରୋ ରୁଦ୍ରସ୍ତସ୍ଯ ସ୍ଥାନଂ ସୋମାଶ୍ରଯାଯଣମ୍॥ 1-186-8 ପୂର୍ବରାତ୍ରାଗମେଷୁ ପଶ୍ଚିମାଯାଂ ଦିଶି ଅର୍ଧାସ୍ତମିତାର୍କମଣ୍ଡଲରୂପା ଯା ସଂଧ୍ଯା ସଂରଜ୍ଯତେ ରକ୍ତା ଭବତି ତସ୍ଯାଂ ମୁହୂର୍ତଂ ପ୍ରସ୍ଥାନକାଲମଶୀତିଭିର୍ଲବୈର୍ନିମେଷାର୍ଧୈର୍ହୀନଂ ପ୍ରଚକ୍ଷତେ॥ 1-186-9 ତଦେବ ମୁହୂର୍ତଂ ଯକ୍ଷାଦୀନାଂ କର୍ମଚାରେଷୁ ବିହିତମନ୍ଯନ୍ମନୁଷ୍ଯାଣାଂ କର୍ମଚାରେଷୁ ସ୍ମୃତମିତ୍ଯନ୍ବଯଃ। ସଂଧ୍ଯାଯାମଶୀତିଲବୋପରି ରାତ୍ରୌ ଯକ୍ଷାଦୀନାମେବ ସଂଚାରକାଲଃ ଅନ୍ଯଦହର୍ମନୁଷ୍ଯାଣାମିତ୍ଯର୍ଥଃ॥ 1-186-15 ଶୃଙ୍ଗିଣଃ ଅଭିଚାରିକାଃ॥ 1-186-21 ଏକବପ୍ରା ଏକମାକାଶରୂପଂ ବପ୍ରଂ ଯସ୍ଯାଃ ସା॥ 1-186-36 ସ୍ତ୍ରୀ ନାଥୋ ରକ୍ଷିତା ଯସ୍ଯ ତମ୍॥ 1-186-38 ଅଙ୍ଗାରବଦ୍ଭାସ୍ବରଂ ଦୁଃସ୍ପର୍ଶଂ ଚ ପର୍ଣଂ ବାହନଂ ରଥୋ ଯସ୍ଯ ସୋଽଙ୍ଗାରପର୍ଣସ୍ତସ୍ଯ ଭାବସ୍ତତ୍ତାମ୍॥ 1-186-41 କ୍ଷୀଣାଶ୍ଚାଽକ୍ଷୀଣାଶ୍ଚ କ୍ଷୀଣାକ୍ଷୀଣାଃ ବୃଦ୍ଧାସ୍ତରୁଣା ବା ଏତେ ନ ଭବନ୍ତି ରଂହସୋ ବେଗାଚ୍ଚ ନ ହୀଯନ୍ତେ ଇତି ନକାରାନୁଷଙ୍ଗେଣ ଯୋଜ୍ଯମ୍। କ୍ଷୀଣେ କ୍ଷୀଣେ ଇତି ଘ. ପାଠଃ॥ 1-186-51 ତସ୍ଯ ଭାଗଃ ପୃଥଗ୍ଭୂତଃ ସର୍ବୈର୍ଭୂତୈଦପାସ୍ଯତେ ଇତି ଙ. ପାଠଃ॥ 1-186-52 ବଜ୍ରପାଣିଃ ପାଣିଃ ବଜ୍ରଂ ଯସ୍ଯ ସ। ଏବମେବ ବଜ୍ରରଥମିତ୍ଯପି॥ 1-186-53 ରଥାଙ୍ଗଂ ଚ ତଥା ସୂତୋ ଧନୁଶ୍ଚ ଭରତର୍ଷଭ ଇତି ଙ. ପାଠଃ॥ 1-186-57 ତଥୈବ ସଖ୍ଯଂ ବୀଭତ୍ସୋ ଇତି ଙ. ପାଠଃ॥ 1-186-58 ଅସ୍ତ୍ରେଣାସ୍ତ୍ରଂ ବୃଣେ ତ୍ବତ୍ତଃ ଯଦ୍ଭଯଂ ତ୍ଯଜେତ୍ ଇତି ଙ. ପାଠଃ॥ 1-186-60 ଅନଗ୍ନଯୋ ଦାରହୀନତ୍ବାତ୍। ଅନାହୁତଯଃ ସମାବୃତତ୍ବାତ୍। ଆଶ୍ରମବିଂଶେଷହୀନୋ ବ୍ରାହ୍ମଣୋ ଧର୍ଷଣୀଯ ଇତ୍ଯର୍ଥଃ॥ 1-186-76 କାଯବୃଦ୍ଯଃ କୃତଦାରଃ॥ 1-186-81 ଲାଭଂ ଲବ୍ଧବ୍ଯଂ ଧନଂ। ଅଲବ୍ଧସ୍ଯ ଚ ଲାଭାଯ ଲବ୍ଧସ୍ଯ ପରିରକ୍ଷଣେ ଇତି ଙ. ପାଠଃ॥ ଷଡଶୀତ୍ଯଧିକଶତତମୋଽଧ୍ଯାଯଃ॥ 186 ॥ଆଦିପର୍ବ - ଅଧ୍ଯାଯ 187
॥ ଶ୍ରୀଃ ॥
1.187. ଅଧ୍ଯାଯଃ 187
Mahabharata - Adi Parva - Chapter Topics
ସୂର୍ଯକନ୍ଯାଯାଃ ତପତ୍ଯା ଉପାଖ୍ଯାନମ୍--ସ୍ବଭକ୍ତାଯ ସଂବରଣାଯ ସ୍ବକନ୍ଯାଂ ଦାତୁଂ ସବିତୁର୍ନିଶ୍ଚଯଃ॥ 1 ॥ ମୃଗଯାର୍ଥଂ ଗତସ୍ଯ ସଂବରଣସ୍ଯ ଗିରୌ ତପତୀଦର୍ଶନେନ କାମୋତ୍ପତ୍ତିଃ॥ 2 ॥ ରାଜନି ତଯା ସହ ଭାଷିତୁଂ ପ୍ରବୃତ୍ତେ ତପ୍ତ୍ଯା ଅନ୍ତର୍ଧାନମ୍॥ 3 ॥Mahabharata - Adi Parva - Chapter Text
1-187-0 (8385)
ଅର୍ଜୁନ ଉବାଚ। 1-187-0x (1072)
ତାପତ୍ଯ ଇତି ଯଦ୍ବାକ୍ଯମୁକ୍ତବାନସି ମାମିହ।
ତଦହଂ ଜ୍ଞାତୁମିଚ୍ଛାମି ତାପତ୍ଯାର୍ଥଂ ବିନିଶ୍ଚିତମ୍॥ 1-187-1 (8386)
ତପତୀ ନାମ କା ଚୈଷା ତାପତ୍ଯା ଯତ୍କୃତେ ବଯମ୍।
କୌନ୍ତେଯା ହି ବଯଂ ସାଧୋ ତତ୍ତ୍ବମିଚ୍ଛାମି ବେଦିତୁମ୍॥ 1-187-2 (8387)
ବୈଶମ୍ପାଯନ ଉବାଚ। 1-187-3x (1073)
ଏବମୁକ୍ତଃ ସ ଗନ୍ଧର୍ବଃ କୁନ୍ତୀପୁତ୍ରଂ ଧନଞ୍ଜଯମ୍।
ବିଶ୍ରୁତଂ ତ୍ରିଷୁ ଲୋକେଷୁ ଶ୍ରାବଯାମାସ ବୈ କଥାମ୍॥ 1-187-3 (8388)
ହନ୍ତ ତେ କଥଯିଷ୍ଯାମି କଥାମେତାଂ ମନୋରମାମ୍।
ଯଥାବଦଖିଲାଂ ପାର୍ଥ ସର୍ବବୁଦ୍ଧିମତାଂ ବର॥ 1-187-4 (8389)
ଉକ୍ତବାନସ୍ମି ଯେନ ତ୍ବାଂ ତାପତ୍ଯ ଇତି ଯଦ୍ବଚଃ।
ତତ୍ତେଽହଂ କଥଯିଷ୍ଯାମି ଶୃଣୁଷ୍ବୈକମନା ଭବ॥ 1-187-5 (8390)
ଯ ଏଷ ଦିବି ଧିଷ୍ଣ୍ଯେନ ନାକଂ ବ୍ଯାପ୍ନୋତି ତେଜସା।
ଏତସ୍ଯ ତପତୀ ନାମ ବଭୂବ ସଦୃଶୀ ସୁତା॥ 1-187-6 (8391)
ବିବସ୍ବତୋ ବୈ ଦେବସ୍ଯ ସାବିତ୍ର୍ଯବରଜା ବିଭୋ।
ବିଶ୍ରୁତା ତ୍ରିଷୁ ଲୋକେଷୁ ତପତୀ ତପସା ଯୁତା॥ 1-187-7 (8392)
ନ ଦେବୀ ନାସୁରୀ ଚୈବ ନ ଯକ୍ଷୀ ନ ଚ ରାକ୍ଷସୀ।
ନାପ୍ସରା ନ ଚ ଗନ୍ଧର୍ବୀ ତଥା ରୂପେଣ କାଚନ॥ 1-187-8 (8393)
ସୁବିଭକ୍ତାନବଦ୍ଯାଙ୍ଗୀ ସ୍ବସିତାଯତଲୋଚନା।
ସ୍ବାଚାରା ଚୈବ ସାଧ୍ବୀ ଚ ସୁବେଷା ଚୈବ ଭାମିନୀ॥ 1-187-9 (8394)
ତ ତସ୍ଯାଃ ସଦୃଶଂ କଂଚିତ୍ତ୍ରିଷୁ ଲୋକେଷୁ ଭାରତ।
ଭର୍ତାରଂ ସବିତା ମେନେ ରୂପଶୀଲଗୁଣଶ୍ରୁତୈଃ॥ 1-187-10 (8395)
ସଂପ୍ରାପ୍ତଯୌବନାଂ ପଶ୍ଯନ୍ଦେଯାଂ ଦୁହିତରଂ ତୁ ତାମ୍।
`ଦ୍ବ୍ଯଷ୍ଟବର୍ଷାଂ ତୁ ତାଂ ଶ୍ଯାମାଂ ସବିତା ରୂପଶାଲିନୀମ୍।'
ନୋପଲେଭେ ତତଃ ଶାନ୍ତିଂ ସଂପ୍ରଦାନଂ ବିଚିନ୍ତଯନ୍॥ 1-187-11 (8396)
ଅଥର୍କ୍ଷପୁତ୍ରଃ କ୍ରାନ୍ତେଯ କୁରୂଣାମୃଷଭୋ ବଲୀ।
ସୂର୍ଯମାରାଧଯାମାସ ନୃପଃ ସଂବରଣସ୍ତଦା॥ 1-187-12 (8397)
ଅର୍ଧ୍ଯମାଲ୍ଯୋପହାରାଦ୍ଯୈର୍ଗନ୍ଧୈଶ୍ଚ ନିଯତଃ ଶୁଚିଃ।
ନିଯମୈରୁପବାସୈଶ୍ଚ ତପୋଭିର୍ବିବିଧୈରପି॥ 1-187-13 (8398)
ସୁଶ୍ରୂଷୁରନହଂବାଦୀ ଶୁଚିଃ ପୌରବନନ୍ଦନ।
ଅଂଶୁମନ୍ତଂ ସମୁଦ୍ଯନ୍ତଂ ପୂଜଯାମାସ ଭକ୍ତିମାନ୍॥ 1-187-14 (8399)
ତତଃ କୃତଜ୍ଞଂ ଧର୍ମଜ୍ଞଂ ରୂପେଣାସଦୃଶଂ ଭୁବି।
ତପତ୍ଯାଃ ସଦୃଶଂ ମେନେ ସୂର୍ଯଃ ସଂବରଣଂ ପତିମ୍॥ 1-187-15 (8400)
ଦାତୁମୈଚ୍ଛତ୍ତତଃ କନ୍ଯାଂ ତସ୍ମୈ ସଂବରଣାଯ ତାମ୍।
ନୃପୋତ୍ତମାଯ କୌରବ୍ଯ ବିଶ୍ରୁତାଭିଜନାଯ ଚ॥ 1-187-16 (8401)
ଯଥା ହି ଦିବି ଦୀପ୍ତାଂଶୁଃ ପ୍ରଭାସଯତି ତେଜସା।
ତଥା ଭୁବି ମହିପାଲୋ ଦୀପ୍ତ୍ଯା ସଂବରଣୋଽଭବତ୍॥ 1-187-17 (8402)
ଯଥାଽର୍ଚଯନ୍ତି ଚାଦିତ୍ଯମୁଦ୍ଯନ୍ତଂ ବ୍ରହ୍ମବାଦିନଃ।
ତଥା ସଂବରଣଂ ପାର୍ଥ ବ୍ରାହ୍ମଣାବରଜାଃ ପ୍ରଜାଃ॥ 1-187-18 (8403)
ସ ସୋମମତି କାନ୍ତତ୍ବାଦାଦିତ୍ଯମତି ତେଜସା।
ବଭୂବ ନୃପତିଃ ଶ୍ରୀମାନ୍ସୁହୃଦାଂ ଦୁର୍ହୃଦାମପି॥ 1-187-19 (8404)
ଏବଂଗୁଣସ୍ଯ ନୃପତେସ୍ତଥାବୃତ୍ତସ୍ଯ କୌରବ।
ତସ୍ମୈ ଦାତୁଂ ମନଶ୍ଚକ୍ରେ ତପତୀଂ ତପନଃ ସ୍ବଯମ୍॥ 1-187-20 (8405)
ସ କଦାଚିଦଥୋ ରାଜା ଶ୍ରୀମାନମିତବିକ୍ରମଃ।
ଚଚାର ମୃଗଯାଂ ପାର୍ଥ ପର୍ବତୋପବନେ କିଲ॥ 1-187-21 (8406)
ଚରତୋ ମୃଗଯାଂ ତସ୍ଯ କ୍ଷୁତ୍ପିପାସାସମନ୍ବିତଃ।
ମମାର ରାଜ୍ଞଃ କୌନ୍ତେଯ ଗିରାବପ୍ରତିମୋ ହଯଃ॥ 1-187-22 (8407)
ସ ମୃତାଶ୍ବଶ୍ଚରନ୍ପାର୍ଥ ପଦ୍ଭ୍ଯାମେବ ଗିରୌ ନୃପଃ।
ଦଦର୍ଶାସଦୃଶୀଂ ଲୋକେ କନ୍ଯାମାଯତଲୋଚନାମ୍॥ 1-187-23 (8408)
ସ ଏବ ଏକାମାସାଦ୍ଯ କନ୍ଯାଂ ପରବଲାର୍ଦନଃ।
ତସ୍ଥୌ ନୃପତିଶାର୍ଦୂଲଃ ପଶ୍ଯନ୍ନବିଚଲେକ୍ଷଣଃ॥ 1-187-24 (8409)
ସ ହି ତାଂ ତର୍କଯାମାସ ରୂପତୋ ନୃପତିଃ ଶ୍ରିଯମ୍।
ପୁନଃ ସଂତର୍କଯାମାସ ରବେର୍ଭ୍ରଷ୍ଟାମିବ ପ୍ରଭାମ୍॥ 1-187-25 (8410)
ବପୁଷା ବର୍ଚସା ଚୈବ ଶିଖାମିବ ବିଭାବସୋଃ।
ପ୍ରସନ୍ନତ୍ବେନ କାନ୍ତ୍ଯା ଚ ଚନ୍ଦ୍ରରେଖାମିବାମଲାମ୍॥ 1-187-26 (8411)
ଗିରିପୃଷ୍ଠେ ତୁ ସା ଯସ୍ମିନ୍ସ୍ଥିତା ସ୍ବସିତଲୋଚନା।
ବିଭ୍ରାଜମାନା ଶୁଶୁଭେ ପ୍ରତିମେବ ହିରଣ୍ମଯୀ॥ 1-187-27 (8412)
ତସ୍ଯା ରୂପେଣ ସ ଗିରିର୍ବେଷେଣ ଚ ବିଶେଷତଃ।
ସସବୃକ୍ଷକ୍ଷୁପଲତୋ ହିରଣ୍ମଯ ଇବାଭବତ୍॥ 1-187-28 (8413)
ଅବମେନେ ଚ ତାଂ ଦୃଷ୍ଟ୍ବା ସର୍ବଲୋକେଷୁ ଯୋଷିତଃ।
ଅବାପ୍ତଂ ଚାତ୍ମନୋ ମେନେ ସ ରାଜା ଚକ୍ଷୁଷଃ ଫଲଂ॥ 1-187-29 (8414)
ଜନ୍ମପ୍ରଭୃତି ଯତ୍କିଚିଂଦ୍ଦୃଷ୍ଟବାନ୍ସ ମହୀପତିଃ।
ରୂପଂ ନ ସଦୃଶଂ ତସ୍ଯାସ୍ତର୍କଯାମାସ କିଂଚନ॥ 1-187-30 (8415)
ତଯା ବଦ୍ଧମନଶ୍ଚକ୍ଷୁଃ ପାଶୈର୍ଗୁଣମଯୈସ୍ତଦା।
ନ ଚଚାଲ ତତୋ ଦେଶାଦ୍ବୁବୁଧେ ନ ଚ କିଂଚନ॥ 1-187-31 (8416)
ଅସ୍ଯା ନୂନଂ ବିଶାଲାକ୍ଷ୍ଯାଃ ସଦେବାସୁରମାନୁଷମ୍।
ଲୋକଂ ନିର୍ମଥ୍ଯ ଧାତ୍ରେଦଂ ରୂପମାବିଷ୍କୃତଂ କୃତମ୍॥ 1-187-32 (8417)
ଏବଂ ସଂତର୍କଯାମାସ ରୂପଦ୍ରବିଣସଂପଦା।
କନ୍ଯାମସଦୃଶୀଂ ଲୋକେ ନୃପଃ ସଂବରଣସ୍ତଦା॥ 1-187-33 (8418)
ତାଂ ଚ ଦୃଷ୍ଟ୍ବୈବ କଲ୍ଯାଣୀଂ କଲ୍ଯାଣାଭିଜନୋ ନୃପଃ।
ଜଗାମ ମନସା ଚିନ୍ତାଂ କାମବାଣେନ ପୀଡିତଃ॥ 1-187-34 (8419)
ଦହ୍ଯମାନଃ ସ ତୀବ୍ରେଣ ନୃପତିର୍ମନ୍ମଥାଗ୍ନିନା।
ଅପ୍ରଗଲ୍ଭାଂ ପ୍ରଗଲ୍ଭସ୍ତାଂ ତଦୋବାଚ ମନୋହରାମ୍॥ 1-187-35 (8420)
କାଽସି କସ୍ଯାସି ରମ୍ଭୋରୁ କିମର୍ଥଂ ଚେହ ତିଷ୍ଠସି।
କଥଂ ଚ ନିର୍ଜନେଽରଣ୍ଯେ ଚରସ୍ଯେକା ଶୁଚିସ୍ମିତେ॥ 1-187-36 (8421)
ତ୍ବଂ ହି ସର୍ବାନବଦ୍ଯାଙ୍ଗୀ ସର୍ବାଭରଣଭୂଷିତା।
ବିଭୂଷଣମିବୈତେଷାଂ ଭୂଷଣାନାମଭୀପ୍ସିତମ୍॥ 1-187-37 (8422)
ନ ଦେବୀଂ ନାସୁରୀଂ ଚୈବ ନ ଯକ୍ଷୀଂ ନ ଚ ରାକ୍ଷସୀମ୍।
ନ ଚ ଭୋଗବତୀଂ ମନ୍ଯେ ନ ଗନ୍ଧବୀଂ ନ ମାନୁଷୀମ୍॥ 1-187-38 (8423)
ଯା ହି ଦୃଷ୍ଟା ମଯା କାଶ୍ଚିଚ୍ଛ୍ରୁତା ବାଽପି ବରାଙ୍ଗନାଃ।
ନ ତାସାଂ ସଦୃଶୀଂ ମନ୍ଯେ ତ୍ବାମହଂ ମତ୍ତକାଶିନି॥ 1-187-39 (8424)
ଦୃଷ୍ଟ୍ବୈବ ଚାରୁବଦନେ ଚନ୍ଦ୍ରାତ୍କାନ୍ତତରଂ ତବ।
ବଦନଂ ପଦ୍ମପତ୍ରାକ୍ଷଂ ମାଂ ମଥ୍ନାତୀବ ମନ୍ମଥଃ॥ 1-187-40 (8425)
ଏବଂ ତାଂ ସ ମହୀପାଲୋ ବଭାଷେ ନ ତୁ ସା ତଦା।
କାମାର୍ତଂ ନିର୍ଜନେଽରଣ୍ଯେ ପ୍ରତ୍ଯବାଷଥ କିଂଚନ॥ 1-187-41 (8426)
ତତୋ ଲାଲପ୍ଯମାନସ୍ଯ ପାର୍ଥିବସ୍ଯାଯତେକ୍ଷଣା।
ସୌଦାମିନୀବ ଚାଭ୍ରେଷୁ ତତ୍ରୈବାନ୍ତରଧୀଯତ॥ 1-187-42 (8427)
ତାମନ୍ବେଷ୍ଟୁଂ ସ ନୃପତିଃ ପରିଚକ୍ରାମ ସର୍ବତଃ।
ବନଂ ବନଜପତ୍ରାକ୍ଷୀଂ ଭ୍ରମନ୍ନୁନ୍ମତ୍ତବତ୍ତଦା॥ 1-187-43 (8428)
ଅପଶ୍ଯମାନଃ ସ ତୁ ତାଂ ବହୁ ତତ୍ର ବିଲପ୍ଯ ଚ।
ନିଶ୍ଚେଷ୍ଟଃ ପାର୍ଥିବଶ୍ରେଷ୍ଠୋ ମୁହୂର୍ତଂ ସ ବ୍ଯତିଷ୍ଠତ॥ ॥ 1-187-44 (8429)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଚୈତ୍ରରଥପର୍ବଣି ସପ୍ତାଶୀତ୍ଯଧିକଶତତମୋଽଧ୍ଯାଯଃ॥ 187 ॥
Mahabharata - Adi Parva - Chapter Footnotes
1-187-1 ଯତ୍ ଯସ୍ମାତ୍ ତତ୍ ତସ୍ମାତ୍। ତାପତ୍ଯାର୍ଥଂ ତାପତ୍ଯଶବ୍ଦାର୍ଥମ୍॥ ସପ୍ତାଶୀତ୍ଯଧିକଶତତମୋଽଧ୍ଯାଯଃ॥ 187 ॥ଆଦିପର୍ବ - ଅଧ୍ଯାଯ 188
॥ ଶ୍ରୀଃ ॥
1.188. ଅଧ୍ଯାଯଃ 188
Mahabharata - Adi Parva - Chapter Topics
ଭୂତଲେ ପତିତଂ ରାଜାନଂ ଦୃଷ୍ଟ୍ବା ତତ୍ସମୀପେ ତପତ୍ଯା ଆଗମନମ୍॥ 1 ॥ ତଯୋଃ ସଂବାଦଃ॥ 2 ॥Mahabharata - Adi Parva - Chapter Text
1-188-0 (8430)
ଗନ୍ଧର୍ବ ଉବାଚ। 1-188-0x (1074)
ଅଥ ତସ୍ଯାମଦୃଶ୍ଯାଯାଂ ନୃପତିଃ କାମମୋହିତଃ।
ପାତନଃ ଶତ୍ରୁସଙ୍ଘାନାଂ ପପାତ ଧରଣୀତଲେ॥ 1-188-1 (8431)
ତସ୍ମିନ୍ନିପତିତେ ଭୂମାବଥ ସା ଚାରୁହାସିନୀ।
ପୁନଃ ପୀନାଯତଶ୍ରୋଣୀ ଦର୍ଶଯାମାସ ତଂ ନୃପମ୍॥ 1-188-2 (8432)
ଅଥାବଭାଷେ କଲ୍ଯାଣୀ ବାଚା ମଧୁରଯା ନୃପମ୍।
ତଂ କୁରୂଣାଂ କୁଲକରଂ କାମାଭିହତଚେତସମ୍॥ 1-188-3 (8433)
ଉବାଚ ମଧୁରଂ ବାକ୍ଯଂ ତପତୀ ହସତୀବ ସା।
ଉତ୍ତିଷ୍ଠୋତ୍ତିଷ୍ଠ ଭଦ୍ରଂ ତେ ନ ତ୍ବମର୍ହସ୍ଯରିନ୍ଦମ॥ 1-188-4 (8434)
ମୋହଂ ନୃପତିଶାର୍ଦୂଲ ଗନ୍ତୁମାବିଷ୍କୃତଃ କ୍ଷିତୌ।
ଏବମୁକ୍ତୋଽଥ ନୃପତିର୍ବାଚା ମଧୁରଯା ତଦା॥ 1-188-5 (8435)
ଦଦର୍ଶ ବିପୁଲଶ୍ରୋଣୀଂ ତାମେବାଭିମୁଖେ ସ୍ଥିତାମ୍।
ଅଥ ତାମସିତାପାଙ୍ଗୀମାବଭାଷେ ସ ପାର୍ଥିବଃ॥ 1-188-6 (8436)
ମନ୍ମଥାଗ୍ନିପରୀତାତ୍ମା ସନ୍ଦିଗ୍ଧାକ୍ଷରଯା ଗିରା।
ସାଧୁ ତ୍ବମସିତାପାଙ୍ଗି କାମାର୍ତଂ ମତ୍ତକାଶିନି॥ 1-188-7 (8437)
ଭଜସ୍ବ ଭଜମାନଂ ମାଂ ପ୍ରାଣା ହି ପ୍ରଜହନ୍ତି ମାମ୍।
ତ୍ବଦର୍ଥଂ ହି ବିଶାଲାକ୍ଷି ମାମଯଂ ନିଶିତୈଃ ଶରୈଃ॥ 1-188-8 (8438)
କାମଃ କମଲଗର୍ଭାଭେ ପ୍ରତିବିଧ୍ଯନ୍ନ ଶାମ୍ଯତି।
ଦଷ୍ଟମେବମନାକ୍ରନ୍ଦେ ଭଦ୍ରେ କାମମହାହିନା॥ 1-188-9 (8439)
ସା ତ୍ବଂ ପୀନାଯତଶ୍ରୋଣୀ ମାମାପ୍ନୁହି ବରାନନେ।
ତ୍ବଦଧୀନା ହି ମେ ପ୍ରାଣାଃ କିନ୍ନରୋଦ୍ଗୀତଭାଷିଣି॥ 1-188-10 (8440)
ଚାରୁସର୍ବାନବଦ୍ଯାଙ୍ଗି ପଦ୍ମେନ୍ଦୁପ୍ରତିମାନନେ।
ନ ହ୍ଯହଂ ତ୍ବଦୃତେ ଭୀରୁ ଶକ୍ଷ୍ଯାମି ଖଲୁ ଜୀବିତୁମ୍॥ 1-188-11 (8441)
କାମଃ କମଲପତ୍ରାକ୍ଷି ପ୍ରତିବିଧ୍ଯତି ମାମଯମ୍।
ତସ୍ମାତ୍କୁରୁ ବିଶାଲାକ୍ଷି ମଯ୍ଯନୁକ୍ରୋଶମଙ୍ଗନେ॥ 1-188-12 (8442)
ଭକ୍ତଂ ମାମସିତାପାଙ୍ଗି ନ ପରିତ୍ଯକ୍ତୁମର୍ହସି।
ତ୍ବଂ ହି ମାଂ ପ୍ରୀତିଯୋଗେନ ତ୍ରାତୁମର୍ହସି ଭାମିନି॥ 1-188-13 (8443)
ତ୍ବଦ୍ଦର୍ଶନକୃତସ୍ନେହଂ ମନଶ୍ଚଲତି ମେ ଭୃଶମ୍।
ନ ତ୍ବାଂ ଦୃଷ୍ଟ୍ବା ପୁନଶ୍ଚାନ୍ଯାଂ ଦ୍ରଷ୍ଟୁଂ କଲ୍ଯାଣି ରୋଚତେ॥ 1-188-14 (8444)
ପ୍ରସୀଦ ବଶଗୋଽହଂ ତେ ଭକ୍ତଂ ମାଂ ଭଜ ଭାମିନି।
ଦୃଷ୍ଟ୍ବୈବ ତ୍ବାଂ ବରାରୋହେ ମନ୍ମଥୋ ଭୃଶମଙ୍ଗନେ॥ 1-188-15 (8445)
ଅନ୍ତର୍ଗତଂ ବିଶାଲାକ୍ଷି ବିଧ୍ଯତି ସ୍ମ ପତତ୍ତ୍ରିଭିଃ।
ମନ୍ମଥାଗ୍ନିସମୁଦ୍ଭୂତଂ ଦାହଂ କମଲଲୋଚନେ॥ 1-188-16 (8446)
ପ୍ରୀତିସଂଯୋଗଯୁକ୍ତାଭିରଦ୍ଭିଃ ପ୍ରହ୍ଲାଦଯସ୍ବ ମେ।
ପୁଷ୍ପାଯୁଧଂ ଦୁରାଧର୍ଷଂ ପ୍ରଚଣ୍ଡଶରକାର୍ମୁକମ୍॥ 1-188-17 (8447)
ତ୍ବଦ୍ଦର୍ଶନସମୁଦ୍ଭୂତଂ ବିଧ୍ଯନ୍ତଂ ଦୁଃସହୈଃ ଶରୈଃ।
ଉପଶାମଯ କଲ୍ଯାଣି ଆତ୍ମଦାନେନ ଭାମିନି॥ 1-188-18 (8448)
ଗାନ୍ଧର୍ବେଣ ବିବାହେନ ମାମୁପୈହି ବରାଙ୍ଗନେ।
ବିବାହାନାଂ ହି ରମ୍ଭୋରୁ ଗାନ୍ଧର୍ବଃ ଶ୍ରେଷ୍ଠ ଉଚ୍ଯତେ॥ 1-188-19 (8449)
ତପତ୍ଯୁବାଚ। 1-188-20x (1075)
ନାହମୀଶାଽଽତ୍ମନୋ ରାଜନ୍କନ୍ଯା ପିତୃମତୀ ହ୍ଯହମ୍।
ମଯି ଚେଦସ୍ତି ତେ ପ୍ରୀତିର୍ଯାଚସ୍ବ ପିତରଂ ମମ॥ 1-188-20 (8450)
ଯଥା ହି ତେ ମଯା ପ୍ରାଣାଃ ସଂଭୃତାଶ୍ଚ ନରେଶ୍ବର।
ଦର୍ଶନାଦେବ ଭୂଯସ୍ତ୍ବଂ ତଥା ପ୍ରାଣାନ୍ମମାହରଃ॥ 1-188-21 (8451)
ନ ଚାହମୀଶା ଦେହସ୍ଯ ତସ୍ମାନ୍ନୃପତିସତ୍ତମ।
ସମୀପଂ ନୋପଗଚ୍ଛାମି ନ ସ୍ବତନ୍ତ୍ରା ହି ଯୋଷିତଃ॥ 1-188-22 (8452)
କା ହି ସର୍ବେଷୁ ଲୋକେଷୁ ବିଶ୍ରୁତାଭିଜନଂ ନୃପମ୍।
କନ୍ଯା ନାଭିଲଷେନ୍ନାଥଂ ଭାର୍ତାରଂ ଭକ୍ତବତ୍ସଲମ୍॥ 1-188-23 (8453)
ତସ୍ମାଦେବଂ ଗତେ କାଲେ ଯାଚସ୍ବ ପିତରଂ ମମ।
ଆଦିତ୍ଯଂ ପ୍ରଣିପାତେନ ତପସା ନିଯମେନ ଚ॥ 1-188-24 (8454)
ସ ଚେତ୍କାମଯତେ ଦାତୁଂ ତବ ମାମରିସୂଦନ।
ଭବିଷ୍ଯାମ୍ଯଦ୍ଯ ତେ ରାଜନ୍ସତତଂ ବଶବର୍ତିନୀ॥ 1-188-25 (8455)
ଅହଂ ହି ତପତୀ ନାମ ସାବିତ୍ର୍ଯବରଜା ସୁତା।
ଅସ୍ଯ ଲୋକପ୍ରଦୀପସ୍ଯ ସବିତୁଃ କ୍ଷତ୍ରିଯର୍ଷଭ॥ ॥ 1-188-26 (8456)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଚୈତ୍ରରଥପର୍ବଣି ଅଷ୍ଟାଶୀତ୍ଯଧିକଶତତମୋଽଧ୍ଯାଯଃ॥ 188 ॥
Mahabharata - Adi Parva - Chapter Footnotes
1-188-8 ପ୍ରଜହନ୍ତି ପ୍ରଜହତି॥ 1-188-9 ଅନାକ୍ରନ୍ଦେ ଅତ୍ରାତରି କାଲେ॥ ଅଷ୍ଟାଶୀତ୍ଯଧିକଶତତମୋଽଧ୍ଯାଯଃ॥ 188 ॥ଆଦିପର୍ବ - ଅଧ୍ଯାଯ 189
॥ ଶ୍ରୀଃ ॥
1.189. ଅଧ୍ଯାଯଃ 189
Mahabharata - Adi Parva - Chapter Topics
ପୁନରନ୍ତର୍ହିତାଯାଂ ତପତ୍ଯାଂ ମୋହିତସ୍ଯ ସଂବରଣସ୍ଯ ସମୀପେ ଅମାତ୍ଯାଦୀନାମାଗମନଂ॥ 1 ॥ ଅମାତ୍ଯେନାଶ୍ବାସିତସ୍ଯ ରାଜ୍ଞଃ ସୂର୍ଯୋପାସନସମଯେ ବସିଷ୍ଠସ୍ଯାଗମନଂ॥ 2 ॥ ସୂର୍ଯସମୀପଂ ଗତ୍ବା ବସିଷ୍ଠେନାଦିତ୍ଯସ୍ତୁତିକରଣଂ॥ 3 ॥ ସ୍ତୁତ୍ଯା ତୁଷ୍ଟେନ ସୂର୍ଯେଣ ସଂବରଣାର୍ଥଂ ବସିଷ୍ଠାଯ ତପତୀଦାନଂ॥ 4 ॥ ତସ୍ମିନ୍ନେବ ତପତୀସଂବରଣଯୋର୍ବିବାହଃ॥ 5 ॥ ତଯା ସହ ତତ୍ରୈବ ରମମାଣସ୍ଯ ସଂବରଣସ୍ଯ ରାଜ୍ଯେ ଦ୍ବାଦଶବାର୍ଷିକ୍ଯନାବୃଷ୍ଟିଃ॥ 6 ॥ ବସିଷ୍ଠେନାନାବୃଷ୍ଟିନିବର୍ତନଂ॥ 7 ॥ ତପତ୍ଯୁପାଖ୍ଯାନୋପସଂହାରଃ॥ 8 ॥Mahabharata - Adi Parva - Chapter Text
1-189-0 (8457)
ଗନ୍ଧର୍ବ ଉବାଚ। 1-189-0x (1076)
ଏବମୁକ୍ତ୍ବା ତତସ୍ତୂର୍ଣଂ ଜଗାମୋର୍ଧ୍ବମନିନ୍ଦିତା।
`ତପତୀତପତୀତ୍ଯେବ ବିଲଲାପାତୁରୋ ନୃପଃ॥ 1-189-1 (8458)
ପ୍ରାସ୍ସ୍ବଲଚ୍ଚାସକୃଦ୍ରାଜା ପୁନରୁତ୍ଥାଯ ଧାବତି।
ଧାବମାନସ୍ତୁ ତପତୀମଦୃଷ୍ଟ୍ବୈବ ମହୀପତିଃ।'
ସ ତୁ ରାଜା ପୁନର୍ଭୂମୌ ତତ୍ରୈବ ନିପପାତ ହ॥ 1-189-2 (8459)
ଅନ୍ବେଷମାଣଃ ସବଲସ୍ତଂ ରାଜାନଂ ନୃପୋତ୍ତମମ୍।
ଅମାତ୍ଯଃ ସାନୁଯାତ୍ରଶ୍ଚ ତଂ ଦଦର୍ଶ ମହାବନେ॥ 1-189-3 (8460)
କ୍ଷିତୌ ନିପତିତଂ କାଲେ ଶକ୍ରଧ୍ବଜମିବୋଚ୍ଛ୍ରିତମ୍।
ତ ହି ଦୃଷ୍ଟ୍ବା ମହେଷ୍ବାସଂ ନିରସ୍ତଂ ପତିତଂ ଭୁବି॥ 1-189-4 (8461)
ବଭୂବ ସୋଽସ୍ଯ ସଚିବଃ ସଂପ୍ରଦୀପ୍ତ ଇବାଗ୍ନିନା।
ତ୍ବରଯା ଚୋପସଙ୍ଗମ୍ଯ ସ୍ନେହାଦାଗତସଂଭ୍ରମଃ॥ 1-189-5 (8462)
ତଂ ସମୁତ୍ଥାପଯାମାସ ନୃପତିଂ କାମମୋହିତମ୍।
ଭୂତଲାଦ୍ଭୂମିପାଲେଶଂ ପିତେବ ପତିତଂ ସୁତମ୍॥ 1-189-6 (8463)
ପ୍ରଜ୍ଞଯା ବଯସା ଚୈବ ବୃଦ୍ଧଃ କୀର୍ତ୍ଯା ନଯେନ ଚ।
ଅମାତ୍ଯସ୍ତଂ ସମୁତ୍ଥାପ୍ଯ ବଭୂବ ବିଗତଜ୍ବରଃ॥ 1-189-7 (8464)
ଉବାଚ ଚୈନଂ କଲ୍ଯାଣ୍ଯା ବାଚା ମଧୁରଯୋତ୍ଥିମ୍।
ମା ଭୈର୍ମନୁଜଶାର୍ଦୂଲ ଭଦ୍ରମସ୍ତୁ ତବାନଘ॥ 1-189-8 (8465)
କ୍ଷୁତ୍ପିପାସାପରିଶ୍ରାନ୍ତଂ ତର୍କଯାମାସ ବୈ ନୃପମ୍।
ପତିତଂ ପାତନଂ ସଙ୍ଖ୍ଯେ ଶାତ୍ରବାଣାଂ ମହୀତଲେ॥ 1-189-9 (8466)
ବାରିଣା ଚ ସୁଶୀତେନ ଶିରସ୍ତସ୍ଯାଭ୍ଯଷେଚଯତ୍।
ଅସ୍ପୃଶନ୍ମୁକୁଟଂ ରାଜ୍ଞଃ ପୁଣ୍ଡରୀକସୁଗନ୍ଧିନା॥ 1-189-10 (8467)
ତତଃ ପ୍ରତ୍ଯାଗତପ୍ରାଣସ୍ତଦ୍ବଲଂ ବଲବାନ୍ନୃପଃ।
ସର୍ବଂ ବିସର୍ଜଯାମାସ ତମେକଂ ସଚିବଂ ବିନା॥ 1-189-11 (8468)
ତତସ୍ତସ୍ଯାଜ୍ଞଯା ରାଜ୍ଞୋ ବିପ୍ରତସ୍ଥେ ମହଦ୍ବଲମ୍।
ସ ତୁ ରାଜା ଗିରିପ୍ରସ୍ଥେ ତସ୍ମିନ୍ପୁନରୁପାବିଶତ୍॥ 1-189-12 (8469)
ତତସ୍ତସ୍ମିନ୍ ଗିରିବରେ ଶୁଚିର୍ଭୂତ୍ବା କୃତାଞ୍ଜଲିଃ।
ଆରିରାଧଯିଷୁଃ ସୂର୍ଯଂ ତସ୍ଥାବୂର୍ଧ୍ବମୁଖଃ କ୍ଷିତୌ॥ 1-189-13 (8470)
ଜଗାମ ମନସା ଚୈବ ବସିଷ୍ଠମୃଷିସତ୍ତମମ୍।
ପୁରୋହିତମମିତ୍ରଘ୍ନଂ ତଦା ସଂବରଣୋ ନୃପଃ॥ 1-189-14 (8471)
ନକ୍ତନ୍ଦିନମଥୈକତ୍ର ସ୍ଥିତେ ତସ୍ମିଞ୍ଜନାଧିପେ।
ଅଥାଜଗାମ ବିପ୍ରର୍ଷିସ୍ତଦା ଦ୍ବାଦଶମେଽହନି॥ 1-189-15 (8472)
ସ ବିଦିତ୍ବୈବ ନୃପତିଂ ତପତ୍ଯା ହୃତମାନସମ୍।
ଦିବ୍ଯେନ ବିଧିନା ଜ୍ଞାତ୍ବା ଭାବିତାତ୍ମା ମହାନୃପିଃ॥ 1-189-16 (8473)
ତଥା ତୁ ନିଯତାତ୍ମାନଂ ତଂ ନୃପଂ ମୁନିସତ୍ତମଃ।
ଆବଭାଷେ ସ ଧର୍ମାତ୍ମା ତସ୍ଯୈବାର୍ଥଚିକୀର୍ଷଯା॥ 1-189-17 (8474)
ସ ତସ୍ଯ ମନୁଜେନ୍ଦ୍ରସ୍ଯ ପଶ୍ଯତୋ ଭଗବାନୃଷିଃ।
ଊର୍ଧ୍ବମାଚକ୍ରମେ ଦ୍ରଷ୍ଟୁଂ ଭାସ୍କରଂ ଭାସ୍କରଦ୍ଯୁତିଃ॥ 1-189-18 (8475)
`ଯୋଜନାନାଂ ତୁ ନିଯୁତଂ କ୍ଷଣାଦ୍ଗତ୍ବା ତପୋଧନଃ।'
ସହସ୍ରାଂଶୁଂ ତତୋ ବିପ୍ରଃ କୃତାଞ୍ଜଲିରୁପସ୍ଥିତଃ।
ବସିଷ୍ଠୋହମିତି ପ୍ରୀତ୍ଯା ସ ଚାତ୍ମାନଂ ନ୍ଯବେଦଯତ୍॥ 1-189-19 (8476)
ତମୁବାଚ ମହାତେଜା ବିବସ୍ବାନ୍ମୁନିସତ୍ତମମ୍।
ମହର୍ଷେ ସ୍ବାଗତଂ ତେଽସ୍ତୁ କଥଯସ୍ବ ଯଥେପ୍ସିତମ୍॥ 1-189-20 (8477)
ଯଦିଚ୍ଛସି ମହାଭାଗ ମତ୍ତଃ ପ୍ରବଦତାଂ ବର।
ତତ୍ତେ ଦଦ୍ଯାମଭିପ୍ରେତଂ ଯଦ୍ଯପି ସ୍ଯାତ୍ସୁଦୁର୍ଲଭମ୍॥ 1-189-21 (8478)
ଏବମୁକ୍ତଃ ସ ତେନର୍ଷିର୍ବସିଷ୍ଠଃ ସଂସ୍ତୁବନ୍ଗିରା।
ପ୍ରଣିପତ୍ଯ ବିବସ୍ବନ୍ତଂ ଭାନୁମନ୍ତମଥାବ୍ରବୀତ୍॥ 1-189-22 (8479)
`ଯୋଜନାନାଂ ଚତୁଷ୍ଷଷ୍ଟିଂ ନିମେଷାତ୍ତ୍ରିଶତଂ ତଥା।
ଅଶ୍ବୈର୍ଗଚ୍ଛତି ନିତ୍ଯଂ ଯସ୍ତତ୍ପାର୍ଶ୍ବସ୍ଥୋଽବ୍ରବୀଦିଦମ୍॥ 1-189-23 (8480)
ବସିଷ୍ଠ ଉବାଚ। 1-189-24x (1077)
ଅଜାଯ ଲୋକତ୍ରଯପାବନାଯ
ଭୂତାତ୍ମନେ ଗୋପତଯେ ବୃଷାଯ।
ସୂର୍ଯାଯ ସର୍ଗପ୍ରଲଯାଲଯାଯ
ନମୋ ମହାକାରୁଣିକୋତ୍ତମାଯ॥ 1-189-24 (8481)
ବିବସ୍ବତେ ଜ୍ଞାନଭୃତେଽନ୍ତରାତ୍ମନେ
ଜଗତ୍ପ୍ରଦୀପାଯ ଜଗଦ୍ଧିତୈଷିଣେ।
ସ୍ବଯଂଭୁବେ ଦୀପ୍ତସହସ୍ରଚକ୍ଷୁଷେ
ସୁରୋତ୍ତମାଯାମିତତେଜସେ ନମଃ॥ 1-189-25 (8482)
ନମଃ ସବିତ୍ରେ ଜଗଦେକଚକ୍ଷୁଷେ
ଜଗତ୍ପ୍ରସୂତିସ୍ଥିତିନାଶହେତବେ।
ତ୍ରଯୀମଯାଯ ତ୍ରିଗୁଣାତ୍ମଧାରିଣେ
ବିରିଞ୍ଚନାରାଯଣଶଙ୍କରାତ୍ମନେ॥ 1-189-26 (8483)
ସୂର୍ଯ ଉବାଚ। 1-189-27x (1078)
ସଂସ୍ତୁତୋ ବରଦଃ ସୋଽହଂ ବରଂ ବରଯ ସୁବ୍ରତ।
ସ୍ତୁତିସ୍ତ୍ବଯୋକ୍ତା ଭକ୍ତାନାଂ ଜପ୍ଯେଯଂ ବଗ୍ଦୋସ୍ମ୍ଯହମ୍'॥ 1-189-27 (8484)
ବସିଷ୍ଠ ଉବାଚ। 1-189-28x (1079)
ଯୈଷା ତେ ତପତୀ ନାମ ସାବିତ୍ର୍ଯବରଜା ସୁତା।
ତାଂ ତ୍ବାଂ ସଂବରଣସ୍ଯାର୍ଥେ ବରଯାମି ବିଭାବସୋ॥ 1-189-28 (8485)
ସ ହି ରାଜା ବୃହତ୍କୀର୍ତିର୍ଧର୍ମାର୍ଥବିଦୁଦାରଧୀଃ।
ଯୁକ୍ତଃ ସଂବରଣୋ ଭର୍ତା ଦୁହିତୁସ୍ତେ ବିହଙ୍ଗମ॥ 1-189-29 (8486)
ଗନ୍ଧର୍ବ ଉବାଚ। 1-189-30x (1080)
ଇତ୍ଯୁକ୍ତଃ ସ ତଦା ତେନ ଦଦାନୀତ୍ଯେବ ନିଶ୍ଚିତଃ।
ପ୍ରତ୍ଯଭାଷତ ତଂ ବିପ୍ରଂ ପ୍ରତୀନନ୍ଦ୍ଯ ଦିବାକରଃ॥ 1-189-30 (8487)
ବରଃ ସଂବରଣୋ ରାଜ୍ଞାଂ ତ୍ବମୃଷୀଣାଂ ବରୋ ମୁନେ।
ତପତୀ ଯୋଷିତାଂ ଶ୍ରେଷ୍ଠା କିମନ୍ଯତ୍ରାପବର୍ଜନାତ୍॥ 1-189-31 (8488)
ତତଃ ସର୍ବାନବଦ୍ଯାଙ୍ଗୀଂ ତପତୀଂ ତପନଃ ସ୍ବଯମ୍।
ଦଦୌ ସଂବରଣସ୍ଯାର୍ଥେ ବସିଷ୍ଠାଯ ମହାତ୍ମନେ॥ 1-189-32 (8489)
ପ୍ରତିଜଗ୍ରାହ ତାଂ କନ୍ଯାଂ ମହର୍ଷିସ୍ତପତୀଂ ତଦା।
ବସିଷ୍ଠୋଽଥ ବିସୃଷ୍ଟସ୍ତୁ ପୁନରେବାଜଗାମ ହ॥ 1-189-33 (8490)
ଯତ୍ର ବିଖ୍ଯାତକୀର୍ତିଃ ସ କୁରୂଣାମୃଷଭୋଽଭବତ୍।
ସ ରାଜା ମନ୍ମଥାବିଷ୍ଟସ୍ତଦ୍ଗତେନାନ୍ତରାତ୍ମନା॥ 1-189-34 (8491)
ଦୃଷ୍ଟ୍ବା ଚ ଦେବକନ୍ଯାଂ ତାଂ ତପତୀଂ ଚାରୁହାସିନୀମ୍।
ବସିଷ୍ଠେନ ସହାଯାନ୍ତୀଂ ସଂହୃଷ୍ଟୋଽଭ୍ଯଧିକଂ ବଭୌ॥ 1-189-35 (8492)
ରୁରୁଚେ ସାଽଧିକଂ ସୁଭ୍ରୂରାପତନ୍ତୀ ନଭସ୍ତଲାତ୍।
ସୌଦାମନୀବ ବିଭ୍ରଷ୍ଟା ଦ୍ଯୋତଯନ୍ତୀ ଦିଶସ୍ତ୍ବିଷା॥ 1-189-36 (8493)
କୃଚ୍ଛ୍ରାଦ୍ଦ୍ବାଦଶରାତ୍ରେ ତୁ ତସ୍ଯ ରାଜ୍ଞଃ ସମାହିତେ।
ଆଜଗାମ ବିଶୁଦ୍ଧାତ୍ମା ବସିଷ୍ଠୋ ଭଗବାନୃଷିଃ॥ 1-189-37 (8494)
ତପସାଽଽରାଧ୍ଯ ବରଦଂ ଦେବଂ ଗୋପତିମୀଶ୍ବରମ୍।
ଲେଭେ ସଂବରଣୋ ଭାର୍ଯାଂ ବସିଷ୍ଠସ୍ଯୈବ ତେଜସା॥ 1-189-38 (8495)
ତତସ୍ତସ୍ମିନ୍ଗିରିଶ୍ରେଷ୍ଠେ ଦେବଗନ୍ଧର୍ବସେବିତେ।
ଜଗ୍ରାହ ବିଧିବତ୍ପାଣିଂ ତପତ୍ଯାଃ ସ ନରର୍ଷଭଃ॥ 1-189-39 (8496)
ବସିଷ୍ଠେନାଭ୍ଯନୁଜ୍ଞାତସ୍ତସ୍ମିନ୍ନେବ ଧରାଧରେ।
ସୋଽକାମଯତ ରାଜର୍ଷିର୍ବିହର୍ତୁଂ ସହ ଭାର୍ଯଯା॥ 1-189-40 (8497)
ତତଃ ପୁରେ ଚ ରାଷ୍ଟ୍ରେ ଚ ବନେଷୂପବନେଷୁ ଚ।
ଆଦିଦେଶ ମହୀପାଲସ୍ତମେବ ସଚିବଂ ତଦା॥ 1-189-41 (8498)
ନୃପତିଂ ତ୍ବଭ୍ଯନୁଜ୍ଞାପ୍ଯ ବସିଷ୍ଠୋଽଥାପଚକ୍ରମେ।
ସୋଽଥ ରାଜା ଗିରୌ ତସ୍ମିନ୍ବିଜହାରାମରୋ ଯଥା॥ 1-189-42 (8499)
ତତୋ ଦ୍ବାଦଶବର୍ଷାଣି କାନନେଷୁ ବନେଷୁ ଚ।
ରେମେ ତସ୍ମିନ୍ଗିରୌ ରାଜା ତଯୈବ ସହ ଭାର୍ଯଯା॥ 1-189-43 (8500)
ତସ୍ଯ ରାଜ୍ଞଃ ପୁରେ ତସ୍ମିନ୍ସମା ଦ୍ବାଦଶ ସତ୍ତମ।
ନ ବବର୍ଷ ସହସ୍ରାକ୍ଷୋ ରାଷ୍ଟ୍ରେ ଚୈବାସ୍ଯ ଭାରତ॥ 1-189-44 (8501)
ତତସ୍ତସ୍ଯାମନାବୃଷ୍ଟ୍ଯାଂ ପ୍ରବୃତ୍ତାଯାମରିନ୍ଦମ।
ପ୍ରଜାଃ କ୍ଷଯମୁପାଜଗ୍ମୁଃ ସର୍ବାଃ ସସ୍ଥାଣୁଜଙ୍ଗମାଃ॥ 1-189-45 (8502)
ତସ୍ମିଂସ୍ତଥାବିଧେ କାଲେ ବର୍ତମାନେ ସୁଦାରୁଣେ।
ନାବଶ୍ଯାଯଃ ପପାତୋର୍ବ୍ଯାଂ ତତଃ ସସ୍ଯାନି ନାଽରୁହନ୍॥ 1-189-46 (8503)
ତତୋ ବିଭ୍ରାନ୍ତମନସୋ ଜନାଃ କ୍ଷୁଦ୍ଭପୀଡିତାଃ।
ଗୃହାଣି ସଂପରିତ୍ଯଜ୍ଯ ବଭ୍ରମୁଃ ପ୍ରଦିଶୋ ଦିଶଃ॥ 1-189-47 (8504)
ତତସ୍ତସ୍ମିନ୍ପୁରେ ରାଷ୍ଟ୍ରେ ତ୍ଯକ୍ତଦାରପରିଗ୍ରହାଃ।
ପରସ୍ପରମମର୍ଯାଦାଃ କ୍ଷୁଧାର୍ତା ଜଘ୍ନିରେ ଜନାଃ॥ 1-189-48 (8505)
ତତ୍କ୍ଷୁଧାର୍ତୈର୍ନିରାନନ୍ଦୈଃ ଶବଭୂତୈସ୍ତଥା ନରୈଃ।
ଅଭବତ୍ପ୍ରେତରାଜସ୍ଯ ପୁରଂ ପ୍ରେତୈରିବାବୃତମ୍॥ 1-189-49 (8506)
ତତସ୍ତତ୍ତାଦୃଶଂ ଦୃଷ୍ଟ୍ବା ସ ଏବ ଭଗବାନୃଷିଃ।
ଅଭ୍ଯାଦ୍ରବତ ଧର୍ମାତ୍ମା ବସିଷ୍ଠୋ ମୁନିସତ୍ତମଃ॥ 1-189-50 (8507)
ତଂ ଚ ପାର୍ଥିବଶାର୍ଦୂଲମାନଯାମାସ ତତ୍ପୁରମ୍।
ତପତ୍ଯା ସହିତଂ ରାଜନ୍ବର୍ଷେ ଦ୍ବାଦଶମେ ଗତେ।
ତତଃ ପ୍ରବୃଷ୍ଟସ୍ତତ୍ରାସୀଦ୍ଯଥାପୂର୍ବଂ ସୁରାରିହା॥ 1-189-51 (8508)
ତସ୍ମିନ୍ନୃପତିଶାର୍ଦୂଲେ ପ୍ରବିଷ୍ଟେ ନଗରଂ ପୁନଃ।
ପ୍ରବବର୍ଷ ସହସ୍ରାକ୍ଷଃ ସସ୍ଯାନି ଜନଯନ୍ପ୍ରଭୁଃ॥ 1-189-52 (8509)
ତତଃ ସରାଷ୍ଟ୍ରଂ ମୁମୁଦେ ତତ୍ପୁରଂ ପରଯା ମୁଦା।
ତେନ ପାର୍ଥିବମୁଖ୍ଯେନ ଭାବିତଂ ଭାବିତାତ୍ମନା॥ 1-189-53 (8510)
ତତୋ ଦ୍ବାଦଶ ବର୍ଷାଣି ପୁନରୀଜେ ନରାଧିପଃ।
ତପତ୍ଯା ସହିତଃ ପତ୍ନ୍ଯା ଯଥା ଶଚ୍ଯା ମରୁତ୍ପତିଃ॥ 1-189-54 (8511)
ଗନ୍ଧର୍ବ ଉବାଚ। 1-189-55x (1081)
ଏବମାସୀନ୍ମହାଭାଗା ତପତୀ ନାମ ପୌର୍ବିକୀ।
ତବ ବୈବସ୍ବତୀ ପାର୍ଥ ତାପତ୍ଯସ୍ତ୍ବଂ ଯଯା ମତଃ॥ 1-189-55 (8512)
ତସ୍ଯାଂ ସଂଜନଯାମାସ କୁରୁଂ ସଂବରଣୋ ନୃପଃ।
ତପତ୍ଯାଂ ତପତାଂ ଶ୍ରେଷ୍ଠ ତାପତ୍ଯସ୍ତ୍ବଂ ତତୋଽର୍ଜୁନ॥ ॥ 1-189-56 (8513)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଚୈତ୍ରରଥପର୍ବଣି ଏକୋନନବତ୍ଯଧିକଶତତମୋଽଧ୍ଯାଯଃ॥ 189 ॥
Mahabharata - Adi Parva - Chapter Footnotes
1-189-10 ମୁକୁଟଂ ତତ୍ସ୍ଥାନଂ ଲଲାଟମ୍॥ 1-189-15 ଦ୍ବାଦଶମେ ଦ୍ବାଦଶସଂଖ୍ଯଯା ମିତେ॥ 1-189-16 ଦିବ୍ଯେନ ବିଧିନା ଯୋଗବଲେନ॥ ଏକୋନନବତ୍ଯଧିକଶତତମୋଽଧ୍ଯାଯଃ॥ 189 ॥ଆଦିପର୍ବ - ଅଧ୍ଯାଯ 190
॥ ଶ୍ରୀଃ ॥
1.190. ଅଧ୍ଯାଯଃ 190
Mahabharata - Adi Parva - Chapter Topics
ଗନ୍ଧର୍ବେଣ ବସିଷ୍ଠମାହାତ୍ମ୍ଯକଥନପୂର୍ବକଂ ପାଣ୍ଡବାନାଂ ପୁରୋହିତସଂଗ୍ରହଣୋପଦେଶଃ॥ 1 ॥Mahabharata - Adi Parva - Chapter Text
1-190-0 (8514)
ବୈଶମ୍ପାଯନ ଉବାଚ। 1-190-0x (1082)
ସ ଗନ୍ଧର୍ବବଚଃ ଶ୍ରୁତ୍ବା ତତ୍ତଦା ଭରତର୍ଷଭ।
ଅର୍ଜୁନଃ ପରଯା ଭକ୍ତ୍ଯା ପୂର୍ଣଚନ୍ଦ୍ର ଇବାବଭୌ॥ 1-190-1 (8515)
ଉବାଚ ଚ ମହେଷ୍ବାସୋ ଗନ୍ଧର୍ବଂ କୁରୁସତ୍ତମଃ।
ଜାତକୌତୂହଲୋଽତୀବ ବସିଷ୍ଠସ୍ଯ ତପୋବଲାତ୍॥ 1-190-2 (8516)
ବସିଷ୍ଠ ଇତି ତସ୍ଯୈତଦୃଷେର୍ନାମ ତ୍ବଯେରିତମ୍।
ଏତଦିଚ୍ଛାମ୍ଯହଂ ଶ୍ରୋତୁଂ ଯଥାବତ୍ତଦ୍ବଦସ୍ବ ମେ॥ 1-190-3 (8517)
ଯ ଏଷ ଗନ୍ଧର୍ବପତେ ପୂର୍ବେଷାଂ ନଃ ପୁରୋହିତଃ।
ଆସୀଦେତନ୍ମମାଚକ୍ଷ୍ବ କ ଏଷ ଭଗବାନୃଷିଃ॥ 1-190-4 (8518)
ଗନ୍ଧର୍ବ ଉବାଚ। 1-190-5x (1083)
ବ୍ରହ୍ମଣୋ ମାନସଃ ପୁତ୍ରୋ ବସିଷ୍ଠୋଽରୁନ୍ଧତୀପତିଃ।
ତପସା ନିର୍ଜିତୌ ଶଶ୍ବଦଜେଯାବମରୈରପି॥ 1-190-5 (8519)
କାମକ୍ରୋଧାବୁଭୌ ଯସ୍ଯ ଚରଣୌ ସମୁବାହତୁଃ।
ଇନ୍ଦ୍ରିଯାଣାଂ ବଶକରୋ ବଶିଷ୍ଠ ଇତି ଚୋଚ୍ଯତେ॥ 1-190-6 (8520)
`ଯଥା କାମଶ୍ଚ କ୍ରୋଧଶ୍ଚ ନିର୍ଜିତାବଜିତୌ ନରୈଃ।
ଜିତାରଯୋ ଜିତା ଲୋକାଃ ପନ୍ଥାନଶ୍ଚ ଜିତା ଦିଶଃ॥' 1-190-7 (8521)
ଯସ୍ତୁ ନୋଚ୍ଛେଦନଂ ଚକ୍ରେ କୁଶିକାନାମୁଦାରଧୀଃ।
ବିଶ୍ବାମିତ୍ରାପରାଧେନ ଧାରଯନ୍ମନ୍ଯୁମୁତ୍ତମମ୍॥ 1-190-8 (8522)
ପୁତ୍ରବ୍ଯସନସଂତପ୍ତଃ ଶକ୍ତିମାନପ୍ଯଶକ୍ତବତ୍।
ବିଶ୍ବାମିତ୍ରବିନାଶାଯ ନ ଚକ୍ରେ କର୍ମ ଦାରୁଣମ୍॥ 1-190-9 (8523)
ମୃତାଂଶ୍ଚ ପୁନରାହର୍ତୁଂ ଶକ୍ତଃ ପୁତ୍ରାନ୍ଯମକ୍ଷଯାତ୍।
କୃତାନ୍ତଂ ନାତିଚକ୍ରାମ ବେଲାମିବ ମହୋଦଧିଃ॥ 1-190-10 (8524)
ଯଂ ପ୍ରାପ୍ଯ ବିଜିତାତ୍ମାନଂ ମହାତ୍ମାନଂ ନରାଧିପାଃ।
ଇକ୍ଷ୍ବାକବୋ ମହୀପାଲା ଲେଭିରେ ପୃଥିବୀମିମାମ୍॥ 1-190-11 (8525)
ପୁରୋହିତମିମଂ ପ୍ରାପ୍ଯ ବସିଷ୍ଠମୃଷିସତ୍ତମମ୍।
ଈଜିରେ କ୍ରତୁଭିଶ୍ଚୈବ ନୃପାସ୍ତେ କୁରୁନନ୍ଦନ॥ 1-190-12 (8526)
ସ ହି ତାନ୍ଯାଜଯାମାସ ସର୍ବାନ୍ନୃପତିସତ୍ତମାନ୍।
ବ୍ରହ୍ମର୍ଷିଃ ପାଣ୍ଡବଶ୍ରେଷ୍ଠ ବୃହସ୍ପତିରିବାମରାନ୍॥ 1-190-13 (8527)
ତସ୍ମାଦ୍ଧର୍ମପ୍ରଧାନାତ୍ମା ବେଦଧର୍ମବିଦୀପ୍ସିତଃ।
ବ୍ରାହ୍ମଣୋ ଗୁଣବାନ୍କଶ୍ଚିତ୍ପୁରୋଧାଃ ପ୍ରତିଦୃଶ୍ଯତାମ୍॥ 1-190-14 (8528)
କ୍ଷତ୍ରିଯେଣାଭିଜାତେନ ପୃଥିବୀଂ ଜେତୁମିଚ୍ଛତା।
ପୂର୍ବଂ ପୁରୋହିତଃ କାର୍ଯଃ ପାର୍ଥ ରାଜ୍ଯାଭିବୃଦ୍ଧଯେ॥ 1-190-15 (8529)
ମହୀଂ ଜିଗୀଷତା ରାଜ୍ଞା ବ୍ରହ୍ମ କାର୍ଯଂ ପୁରଃସ୍କୃତମ୍।
ତସ୍ମାତ୍ପୁରୋହିତଃ କଶ୍ଚିଦ୍ଗୁଣବାନ୍ବିଜିତେନ୍ଦ୍ରିଯଃ।
ବିଦ୍ବାନ୍ଭବତୁ ବୋ ବିପ୍ରୋ ଧର୍ମକାମାର୍ଥତତ୍ତ୍ବବିତ୍॥ ॥ 1-190-16 (8530)
ଇତି ଶ୍ରୀମନ୍ମହାଭାରତେ ଆଦିପର୍ବମି ଚୈତ୍ରରଥପର୍ବଣି ନବତ୍ଯଧିକଶତତମୋଽଧ୍ଯାଯଃ॥ 190 ॥
Mahabharata - Adi Parva - Chapter Footnotes
1-190-2 ତପୋବଲାତ୍ ତପୋବଲଂ ଶ୍ରୁତ୍ବା॥ 1-190-7 ଜିତାରଯଃ ଜିତା ଅସ୍ଯ ଇତି ଚ୍ଛେଦଃ॥ 1-190-8 ଅପରାଧେନ ପୁତ୍ରଶତବଧରୂପେଣ॥ ନବତ୍ଯଧିକଶତତମୋଽଧ୍ଯାଯଃ॥ 190 ॥ଆଦିପର୍ବ - ଅଧ୍ଯାଯ 191
॥ ଶ୍ରୀଃ ॥
1.191. ଅଧ୍ଯାଯଃ 191
Mahabharata - Adi Parva - Chapter Topics
ବସିଷ୍ଠୋପାଖ୍ଯାନେ---ବିଶ୍ବାମିତ୍ରସ୍ଯ ବସିଷ୍ଠାଶ୍ରମାଭିଗମନଂ॥ 1 ॥ ବସିଷ୍ଠେନ ବିଶ୍ବାମିତ୍ରସ୍ଯାତିଥ୍ଯକରଣଂ॥ 2 ॥ ବିଶ୍ବାମିତ୍ରେଣ ବସିଷ୍ଠଧେନୁଯାଚନଂ॥ 3 ॥ ବସିଷ୍ଠେନାଦତ୍ତାଯା ଧେନୋଃ ବିଶ୍ବାମିତ୍ରେଣ ବଲାତ୍କାରେଣ ହରଣଂ॥ 4 ॥ କୁପିତଯା ନନ୍ଦିନ୍ଯା ସୃଷ୍ଟୈଃ ମ୍ଲେଚ୍ଛାଦ୍ଯୈଃ ବିଶ୍ବାମିତ୍ରପରାଜଯଃ॥ 5 ॥ ବିଶ୍ବାମିତ୍ରସ୍ଯ ତପସା ବ୍ରାହ୍ମଣ୍ଯପ୍ରାପ୍ତିଃ॥ 6 ॥Mahabharata - Adi Parva - Chapter Text
1-191-0 (8531)
ଅର୍ଜୁନ ଉବାଚ। 1-191-0x (1084)
କିଂନିମିତ୍ତମଭୂଦ୍ବୈରଂ ବିଶ୍ବାମିତ୍ରବସିଷ୍ଠଯୋଃ।
ବସତୋରାଶ୍ରମେ ଦିବ୍ଯେ ଶଂସ ନଃ ସର୍ବମେବ ତତ୍॥ 1-191-1 (8532)
ଗନ୍ଧର୍ବ ଉବାଚ। 1-191-2x (1085)
ଇଦଂ ବାସିଷ୍ଠମାଖ୍ଯାନଂ ପୁରାଣଂ ପରିଚକ୍ଷତେ।
ପାର୍ଥ ସର୍ବେଷୁ ଲୋକେଷୁ ଯଥାବତ୍ତନ୍ନିବୋଧ ମେ॥ 1-191-2 (8533)
କାନ୍ଯକୁବ୍ଜେ ମହାନାସୀତ୍ପାର୍ଥିବୋ ଭରତର୍ଷଭ।
ଗାଧୀତି ବିଶ୍ରୁତୋ ଲୋକେ କୁଶିକସ୍ଯାତ୍ମସଂଭବଃ॥ 1-191-3 (8534)
ତସ୍ଯ ଧର୍ମାତ୍ମନଃ ପୁତ୍ରଃ ସମୃଦ୍ଧବଲବାହନଃ।
ବିଶ୍ବାମିତ୍ର ଇତି ଖ୍ଯତୋ ବଭୂବ ରିପୁମର୍ଦନଃ॥ 1-191-4 (8535)
ସ ଚଚାର ସହାମାତ୍ଯୋ ମୃଗଯାଂ ଗହନେ ବନେ।
ମୃଗାନ୍ବିଧ୍ଯନ୍ବରାହାଂଶ୍ଚ ରମ୍ଯେଷୁ ମରୁଧନ୍ବସୁ॥ 1-191-5 (8536)
ବ୍ଯାଯାମକର୍ଶିତଃ ସୋଽଥ ମୃଗଲିପ୍ସୁଃ ପିପାସିତଃ।
ଆଜଗାମ ନରଶ୍ରେଷ୍ଠ ବସିଷ୍ଠସ୍ଯାଶ୍ରମଂ ପ୍ରତି॥ 1-191-6 (8537)
ତମାଗତମଭିପ୍ରେକ୍ଷ୍ଯ ବସିଷ୍ଠଃ ଶ୍ରେଷ୍ଠଭାଗୃଷିଃ।
ବିଶ୍ବାମିତ୍ରଂ ନରଶ୍ରେଷ୍ଠଂ ପ୍ରତିଜଗ୍ରାହ ପୂଜଯା॥ 1-191-7 (8538)
ପାଦ୍ଯାର୍ଘ୍ଯାଚମନୀଚୈସ୍ତଂ ସ୍ବାଗତେନ ଚ ଭାରତ।
ତଥୈବ ପରିଜଗ୍ରାହ ବନ୍ଯେନ ହବିଷା ତଦା॥ 1-191-8 (8539)
ତସ୍ଯାଥ କାମଧୁଗ୍ଧେନୁର୍ବସିଷ୍ଠସ୍ଯ ମହାତ୍ମନଃ।
ଉକ୍ତା କାମାନ୍ପ୍ରଯଚ୍ଛେତି ସା କାମାନ୍ଦୁଦୁହେ ତତଃ॥ 1-191-9 (8540)
`ବାଷ୍ପାଢ୍ଯସ୍ଯୋଦନସ୍ଯୈବ ରାଶଯଃ ପର୍ବତୋପମାଃ।
ନିଷ୍ଠାନାନି ଚ ସୂପାଂଶ୍ଚ ଦଧିକୁଲ୍ଯାସ୍ତଥୈବ ଚ॥ 1-191-10 (8541)
କୂପାଂଶ୍ଚ ଘୃତସଂପୂର୍ଣାନ୍ଗୌଡ୍ଯାନ୍ନାନି ସହସ୍ରଶଃ।
ଇକ୍ଷୂନ୍ମଧୂନି ଲାଜାଂଶ୍ଚ ମୈରେଯାଂଶ୍ଚ ବରାସବାନ୍॥' 1-191-11 (8542)
ଗ୍ରାମ୍ଯାରଣ୍ଯାଶ୍ଚୌଷଧୀଶ୍ଚ ଦୁଦୁହେ ପଯ ଏବ ଚ।
ଷଡ୍ରସଂ ଚାମୃତନିଭଂ ରସାଯନମନୁତ୍ତମମ୍॥ 1-191-12 (8543)
ଭୋଜନୀଯାନି ପେଯାନି ଭକ୍ଷ୍ଯାଣି ବିବିଧାନି ଚ।
ଲେହ୍ଯାନ୍ଯମୃତକଲ୍ପାନି ଚୋଷ୍ଯାଣି ଚ ତଥାର୍ଜୁନା॥ 1-191-13 (8544)
ରତ୍ନାନି ଚ ମହାର୍ହାଣି ବାସାଂସି ବିବିଧାନି ଚ।
ତୈଃ କାମୈଃ ସର୍ବସଂପୂର୍ଣୈଃ ପୂଜିତଶ୍ଚ ମହିପତିଃ॥ 1-191-14 (8545)
ସାମାତ୍ଯଃ ସବଲଶ୍ଚୈବ ତୁତୋଷ ସ ଭୃଶଂ ତଦା।
ଷଡୁନ୍ନତାଂ ସୁପାର୍ଶ୍ବୋରୁଂ ପୃଥୁପଞ୍ଚସମାବୃତାମ୍॥ 1-191-15 (8546)
ମଣ୍ଡୂକନେତ୍ରାଂ ସ୍ବାକାରାଂ ପୀନୋଧସମନିନ୍ଦିତାମ୍।
ସୁବାଲଘିଂ ଶଙ୍କୁକର୍ଣାଂ ଚାରୁଶୃଙ୍ଗାଂ ମନୋରମାମ୍॥ 1-191-16 (8547)
ପୁଷ୍ଟାଯତଶିରୋଗ୍ରୀବାଂ ବିସ୍ମିତଃ ସୋଽଭିବୀକ୍ଷ୍ଯତାମ୍।
ଅଭିନନ୍ଦ୍ଯ ସ ତାଂ ରାଜା ନନ୍ଦିନୀଂ ଗାଧିନନ୍ଦନଃ॥ 1-191-17 (8548)
ଅବ୍ରବୀଚ୍ଚ ଭୃଶଂ ତୁଷ୍ଟଃ ସ ରାଜା ତମୃଷିଂ ତଦା।
ଅର୍ବୁଦେନ ଗବାଂ ବ୍ରହ୍ମନ୍ମମ ରାଜ୍ଯେନ ବା ପୁନଃ॥ 1-191-18 (8549)
ନନ୍ଦିନୀଂ ସଂପ୍ରଯଚ୍ଛସ୍ବ ଭୁଙ୍କ୍ଷ୍ବ ରାଜ୍ଯଂ ମହାମୁନେ। 1-191-19 (8550)
ବସିଷ୍ଠ ଉବାଚ।
ଦେବତାତିଥିପିତ୍ରର୍ଥଂ ଯାଜ୍ଯାର୍ଥଂ ଚ ପଯସ୍ବିନୀ॥ 1-191-19x (1086)
ଅଦେଯା ନନ୍ଦିନୀଯଂ ବୈ ରାଜ୍ଯେନାପି ତବାନଘ। 1-191-20 (8551)
ବିଶ୍ବାମିତ୍ର ଉବାଚ।
`ରତ୍ନଂ ହି ଭଗବନ୍ନେତଦ୍ରତ୍ନହାରୀ ଚ ପାର୍ଥିବଃ।'
କ୍ଷତ୍ରିଯୋଽହଂ ଭବାନ୍ବିପ୍ରସ୍ତପଃସ୍ବାଧ୍ଯାଯସାଧନଃ॥ 1-191-20x (1087)
ବ୍ରାହ୍ଣେଷୁ କୁତୋ ବୀର୍ଯଂ ପ୍ରଶାନ୍ତେଷୁ ଧୃତାତ୍ମସୁ।
ଅର୍ବୁଦେନ ଗବାଂ ଯସ୍ତ୍ବଂ ନ ଦଦାସି ମମେପ୍ସିତମ୍॥ 1-191-21 (8552)
ସ୍ବଧର୍ମଂ ନ ପ୍ରହାସ୍ଯାମି ନେଷ୍ଯାମି ଚ ବଲେନ ଗାମ୍। 1-191-22 (8553)
ବସିଷ୍ଠ ଉବାଚ।
ବଲସ୍ଥଶ୍ଚାସି ରାଜା ଚ ବାହୁବୀର୍ଯଶ୍ଚ କ୍ଷତ୍ରିଯଃ॥ 1-191-22x (1088)
ଯଥେଚ୍ଛସି ତଥା କ୍ଷିପ୍ରଂ କୁରୁ ମା ତ୍ବଂ ବିଚାରଯ। 1-191-23 (8554)
ଗନ୍ଧର୍ବ ଉବାଚ।
ଏବମୁକ୍ତସ୍ତଥା ପାର୍ଥ ବିଶ୍ବାମିତ୍ରୋ ବଲାଦିବ॥ 1-191-23x (1089)
ହଂସଚନ୍ଦ୍ରପ୍ରତୀକାଶାଂ ନନ୍ଦିନୀଂ ତାଂ ଜହାର ଗାମ୍।
`ସା ତଦା ହ୍ରିଯମାଣା ଚ ବିଶ୍ବାମିତ୍ରବଲୈର୍ବଲାତ୍।'
କଶାଦଣ୍ଡପ୍ରଣୁଦିତା କାଲ୍ଯମାନା ଇତସ୍ତତଃ॥ 1-191-24 (8555)
ହଂଭାଯମାନା କଲ୍ଯାଣୀ ବସିଷ୍ଠସ୍ଯାଥ ନନ୍ଦିନୀ।
ଆଗମ୍ଯାଭିମୁଖୀ ପାର୍ଥ ତସ୍ଥୌ ଭଗବଦୁନ୍ମୁଖୀ॥ 1-191-25 (8556)
ଭୃଶଂ ଚ ତାଡ୍ଯମାନା ବୈ ନ ଜଗାମାଶ୍ରମାତ୍ତତଃ। 1-191-26 (8557)
ବସିଷ୍ଠ ଉବାଚ।
ଶୃଣୋମି ତେ ରବଂ ଭଦ୍ରେ ବିନଦନ୍ତ୍ଯାଃ ପୁନଃ ପୁନଃ॥ 1-191-26x (1090)
ହ୍ରିଯସେ ତ୍ବଂ ବଲାଦ୍ଭଦ୍ରେ ବିଶ୍ବାମିତ୍ରେଣ ନନ୍ଦିନି।
କିଂ କର୍ତବ୍ଯଂ ମଯା ତତ୍ର କ୍ଷମାବାନ୍ବ୍ରାହ୍ମଣୋ ହ୍ଯହମ୍। 1-191-27 (8558)
ଗନ୍ଧର୍ବ ଉବାଚ। 1-191-28x (1091)
ସା ଭଯାନ୍ନନ୍ଦିନୀ ତେଷାଂ ବଲାନାଂ ଭରତର୍ଷଭ।
ବିଶ୍ବାମିତ୍ରଭଯୋଦ୍ବିଗ୍ନା ବସିଷ୍ଠଂ ସମୁପାଗମତ୍॥ 1-191-28 (8559)
ଗୌରୁବାଚ। 1-191-29x (1092)
କଶାଗ୍ରଦଣ୍ଡାଭିହତାଂ କ୍ରୋଶନ୍ତୀଂ ମାମନାଥବତ୍।
ବିଶ୍ବାମିତ୍ରବଲୈର୍ଘୋରୈର୍ଭଗବନ୍ କିମୁପେକ୍ଷସେ॥ 1-191-29 (8560)
ଗନ୍ଧର୍ବ ଉବାଚ। 1-191-30x (1093)
ଏବଂ ତସ୍ଯାଂ ତଦା ପାର୍ଥ ଧର୍ଷିତାଯାଂ ମହାମୁନିଃ।
ନ ଚୁକ୍ଷୁଭେ ତଦା ଧୈର୍ଯାନ୍ନ ଚଚାଲ ଧୃତବ୍ରତଃ॥ 1-191-30 (8561)
ବସିଷ୍ଠ ଉବାଚ। 1-191-31x (1094)
କ୍ଷତ୍ରିଯାଣାଂ ବଲଂ ତେଜୋ ବ୍ରାହ୍ମଣାନାଂ କ୍ଷମା ବଲମ୍।
କ୍ଷମା ମାଂ ଭଜତେ ଯସ୍ମାଦ୍ଗମ୍ଯତାଂ ଯଦି ରୋଚତେ॥ 1-191-31 (8562)
ନନ୍ଦିନ୍ଯୁବାଚ। 1-191-32x (1095)
କିଂ ନୁ ତ୍ଯକ୍ତାଽସ୍ମି ଭଗବନ୍ଯଦେବଂ ତ୍ବଂ ପ୍ରଭାଷସେ।
ଅତ୍ଯକ୍ତାଽହଂ ତ୍ବଯା ବ୍ରହ୍ମନ୍ନେତୁଂ ଶକ୍ଯା ନ ବୈ ବଲାତ୍॥ 1-191-32 (8563)
ବସିଷ୍ଠ ଉବାଚ। 1-191-33x (1096)
ନ ତ୍ବାଂ ତ୍ଯଜାମି କଲ୍ଯାଣି ସ୍ଥୀଯତାଂ ଯଦି ଶକ୍ଯତେ।
ଦୃଢେନ ଦାମ୍ନା ବଦ୍ଧ୍ବୈଷ ବତ୍ସସ୍ତେ ହିଯତେ ବଲାତ୍॥ 1-191-33 (8564)
ଗନ୍ଧର୍ବ ଉବାଚ। 1-191-34x (1097)
ସ୍ଥୀଯତାମିତି ତଚ୍ଛ୍ରୁତ୍ବା ବସିଷ୍ଠସ୍ଯ ପଯସ୍ବିନୀ।
ଊର୍ଧ୍ବାଞ୍ଚିତଶିରୋଗ୍ରୀବା ପ୍ରବଭୌ ରୌଦ୍ରଦର୍ଶନା॥ 1-191-34 (8565)
କ୍ରୋଧରକ୍ତେକ୍ଷଣା ସା ଗୌର୍ହଂଭାରବଘନସ୍ବନା।
ବିଶ୍ବାମିତ୍ରସ୍ଯ ତତ୍ସୈନ୍ଯଂ ବ୍ଯଦ୍ରାବଯତ ସର୍ବଶଃ॥ 1-191-35 (8566)
କଶାଗ୍ରଦଣ୍ଡାଭିହତା କାଲ୍ଯମାନା ତତସ୍ତତଃ।
କ୍ରୋଧରକ୍ତେକ୍ଷଣା କ୍ରୋଧଂ ଭୂଯ ଏବ ସମାଦଦେ॥ 1-191-36 (8567)
ଆଦିତ୍ଯ ଇବ ମଧ୍ଯାହ୍ନେ କ୍ରୋଧଦୀପ୍ତବପୁର୍ବଭୌ।
ଅଙ୍ଗାରବର୍ଷଂ ମୁଞ୍ଚନ୍ତୀ ମୁହୁର୍ବାଲଧିତୋ ମହତ୍॥ 1-191-37 (8568)
ଅସୃଜତ୍ପହ୍ଲବାନ୍ପୁଚ୍ଛାତ୍ପ୍ରସ୍ରବାଦ୍ଦ୍ରାବିଡାଞ୍ଛକାନ୍।
ଯୋନିଦେଶାଚ୍ଚ ଯବାନାଞ୍ଶକୃତଃ ଶବରାନ୍ବହୂନ୍॥ 1-191-38 (8569)
ମୂତ୍ରତଶ୍ଚାସୃଜତ୍କାଂଶ୍ଚିଚ୍ଛବରାଂଶ୍ଚୈବ ପାର୍ଶ୍ବତଃ।
ପୌଣ୍ଡ୍ରାନ୍କିରାତାନ୍ଯବନାନ୍ସିଂହଲାନ୍ବର୍ବରାନ୍ଖସାନ୍॥ 1-191-39 (8570)
ଚିବୁକାଂଶ୍ଚ ପୁଲିନ୍ଦାଂଶ୍ଚ ଚୀନାନ୍ହୂଣାନ୍ସକେରଲାନ୍।
ସସର୍ଜ ଫେନତଃ ସା ଗୌର୍ମ୍ଲେଚ୍ଛାନ୍ବହୁବିଧାନପି॥ 1-191-40 (8571)
ତୈର୍ବିସୃଷ୍ଟୈର୍ମହାସୈନ୍ଯୈର୍ନାନାମ୍ଲେଚ୍ଛଗଣୈସ୍ତଦା।
ନାନାବରଣସଂଛନ୍ନୈର୍ନାନାଯୁଧଧରୈସ୍ତଥା॥ 1-191-41 (8572)
ଅବାକୀର୍ଯତ ସଂରବ୍ଧୈର୍ବିଶ୍ବାମିତ୍ରସ୍ଯ ପଶ୍ଯତଃ।
ଏକୈକଶ୍ଚ ତଦା ଯୋଧଃ ପଞ୍ଚଭିଃ ସପ୍ତଭିର୍ବୃତଃ॥ 1-191-42 (8573)
ଅସ୍ତ୍ରବର୍ଷେଣ ମହତା ବଧ୍ଯମାନଂ ବଲଂ ତଦା।
ପ୍ରଭଗ୍ନଂ ସର୍ବତସ୍ତ୍ରସ୍ତଂ ବିଶ୍ବାମିତ୍ରସ୍ଯ ପଶ୍ଯତଃ॥ 1-191-43 (8574)
`ତସ୍ଯ ତଚ୍ଚତୁରଙ୍ଗଂ ବୈ ବଲଂ ପରମଦୁଃସହମ୍।
ପ୍ରଭଗ୍ନଂ ସର୍ବତୋ ଘୋରଂ ପଯସ୍ବିନ୍ଯା ବିନିର୍ଜିତମ୍॥' 1-191-44 (8575)
ନ ଚ ପ୍ରାଣୈର୍ବିଯୁଜ୍ଯନ୍ତେ କେଚିତ୍ତତ୍ରାସ୍ଯ ସୈନିକାଃ।
ବିଶ୍ବାମିତ୍ରସ୍ଯ ସଂକ୍ରୁଦ୍ଧୈର୍ବାସିଷ୍ଠୈର୍ଭରତର୍ଷଭ॥ 1-191-45 (8576)
ସା ଗୌସ୍ତତ୍ସକଲଂ ସୈନ୍ଯଂ କାଲଯାମାସ ଦୂରତଃ।
ବିଶ୍ବାମିତ୍ରସ୍ଯ ତତ୍ସୈନ୍ଯଂ କାଲ୍ଯମାନଂ ତ୍ରିଯୋଜନମ୍॥ 1-191-46 (8577)
କ୍ରୋଶମାନଂ ଭଯୋଦ୍ବିଗ୍ନଂ ତ୍ରାତାରଂ ନାଧ୍ଯଗଚ୍ଛତ।
`ବିଶ୍ବାମିତ୍ରସ୍ତତୋ ଦୃଷ୍ଟ୍ବା କ୍ରୋଧାବିଷ୍ଟଃ ସ ରୋଦସୀ॥ 1-191-47 (8578)
ବବର୍ଷ ଶରବର୍ଷାଣି ବସିଷ୍ଠେ ମୁନିସତ୍ତମେ।
ଘୋରରୂପାଂଶ୍ଚ ନାରାଚାନ୍କ୍ଷୁରାନ୍ଭଲ୍ଲାନ୍ମହାମୁନିଃ॥ 1-191-48 (8579)
ବିଶ୍ବାମିତ୍ରପ୍ରଯୁକ୍ତାଂସ୍ତାନ୍ବୈଣବେନ ବ୍ଯମୋଚଯତ୍।
ବସିଷ୍ଠସ୍ଯ ତଦା ଦୃଷ୍ଟ୍ବା କର୍ମକୌଶଲମାହବେ॥ 1-191-49 (8580)
ବିଶ୍ବାମିତ୍ରୋଽପି କୋପେନ ଭୂଯଃ ଶତ୍ରୁନିପାତନଃ।
ଦିବ୍ଯାସ୍ତ୍ରବର୍ଷଂ ତସ୍ମୈ ସ ପ୍ରାହିଣୋନ୍ମୁନଯେ ରୁଷା॥ 1-191-50 (8581)
ଆଗ୍ନେଯଂ ବାରୁଣଂ ଚୈନ୍ଦ୍ରଂ ଯାମ୍ଯଂ ବାଯବ୍ଯମେବ ଚ।
ବିସସର୍ଜ ମହାଭାଗେ ବସିଷ୍ଠେ ବ୍ରହ୍ମଣଃ ସୁତେ॥ 1-191-51 (8582)
ଅସ୍ତ୍ରାଣି ସର୍ବତୋ ଜ୍ବାଲାଂ ବିସୃଜନ୍ତି ପ୍ରପେଦିରେ।
ଯୁଗାନ୍ତସମଯେ ଘୋରାଃ ପତଙ୍ଗସ୍ଯେବ ରଶ୍ମଯଃ॥ 1-191-52 (8583)
ବସିଷ୍ଠୋଽପି ମହାତେଜା ବ୍ରହ୍ମଶକ୍ତିପ୍ରଯୁକ୍ତଯା।
ଯଷ୍ଟ୍ଯା ନିବାରଯାମାସ ସର୍ବାଣ୍ଯସ୍ତ୍ରାଣି ସ ସ୍ମଯନ୍॥ 1-191-53 (8584)
ତତସ୍ତେ ଭସ୍ମସାଦ୍ଭୂତାଃ ପତନ୍ତି ସ୍ମ ମହୀତଲେ।
ଅପୋହ୍ଯ ଦିବ୍ଯାନ୍ଯସ୍ତ୍ରାଣି ବସିଷ୍ଠୋ ବାକ୍ଯମବ୍ରବୀତ୍॥ 1-191-54 (8585)
ନିର୍ଜିତୋଽସି ମହାରାଜ ଦୁରାତ୍ମନ୍ଗାଧିନନ୍ଦନ।
ଯଦି ତେଽସ୍ତି ପରଂ ଶୌର୍ଯଂ ତଦ୍ଦର୍ଶଯ ମଯି ସ୍ଥିତେ॥ 1-191-55 (8586)
ଗନ୍ଧର୍ବ ଉବାଚ। 1-191-56x (1098)
ବିଶ୍ବାମିତ୍ରସ୍ତଥା ଚୋକ୍ତୋ ବସିଷ୍ଠେନ ନରାଧିପଃ।
ନୋବାଚ କିଂଚିଦ୍ବ୍ରୀଡାଢ୍ଯୋ ବିଦ୍ରାବିତମହାବଲଃ'॥ 1-191-56 (8587)
ଦୃଷ୍ଟ୍ବା ତନ୍ମହଦାଶ୍ଚର୍ଯଂ ବ୍ରହ୍ମତେଜୋଭବଂ ତଦା।
ବିଶ୍ବାମିତ୍ରଃ କ୍ଷତ୍ରଭାବାନ୍ନିର୍ବିଣ୍ଣୋ ବାକ୍ଯମବ୍ରବୀତ୍।
ଧିଗ୍ବଲଂ କ୍ଷତ୍ରିଯବଲଂ ବ୍ରହ୍ମତେଜୋବଲଂ ବଲମ୍॥ 1-191-57 (8588)
ବଲାବଲେ ବିନିଶ୍ଚିତ୍ଯ ତପ ଏବ ପରଂ ବଲମ୍। 1-191-58 (8589)
ଗନ୍ଧର୍ବ ଉବାଚ।
ସ ରାଜ୍ଯଂ ସ୍ଫୀତମୁତ୍ସୃଜ୍ଯ ତାଂ ଚ ଦୀପ୍ତାଂ ନୃପଶ୍ରିଯମ୍॥ 1-191-58x (1099)
ଭୋଗାଂଶ୍ଚ ପୃଷ୍ଠତଃ କୃତ୍ବା ତପସ୍ଯେବ ମନୋ ଦଧେ।
ସ ଗତ୍ବା ତପସା ସିଦ୍ଧିଂ ଲୋକାନ୍ବିଷ୍ଟଭ୍ଯ ତେଜସା॥ 1-191-59 (8590)
ତତାପ ସର୍ବାନ୍ଦୀପ୍ତୌଜା ବ୍ରାହ୍ମଣତ୍ବମବାପ୍ତବାନ୍।
ଅପିବଚ୍ଚ ତତଃ ସୋମମିନ୍ଦ୍ରେଣ ସହ କୌଶିକଃ॥ 1-191-60 (8591)
`ଏବଂବୀର୍ଯସ୍ତୁ ରାଜର୍ଷିର୍ବିପ୍ରର୍ଷିଃ ସଂବଭୂବ ହ'॥ ॥ 1-191-61 (8592)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଚୈତ୍ରରଥପର୍ବମି ଏକନବତ୍ଯଧିକଶତତମୋଽଧ୍ଯାଯଃ॥ 191 ॥
Mahabharata - Adi Parva - Chapter Footnotes
1-191-5 ମରୁଧନ୍ବସୁ ମରୁସଂଜ୍ଞକେଷ୍ବଲ୍ପଜଲପ୍ରଦେଶେଷୁ॥ 1-191-38 ପହ୍ଲବାଦଯୋ ମ୍ଲେଚ୍ଛବିଶେଷାଃ॥ ଏକନବତ୍ଯଧିକଶତତମୋଽଧ୍ଯାଯଃ॥ 191 ॥ଆଦିପର୍ବ - ଅଧ୍ଯାଯ 192
॥ ଶ୍ରୀଃ ॥
1.192. ଅଧ୍ଯାଯଃ 192
Mahabharata - Adi Parva - Chapter Topics
କଲ୍ମାଷପାଦରାଜୋପାଖ୍ଯାନେ---ବସିଷ୍ଠପୁତ୍ରେଣ ଶକ୍ତିନା କଲ୍ମାଷପାଦଂ ପ୍ରତି ଶାପଦାନଂ॥ 1 ॥ ପୁନରନ୍ଯେନ ବ୍ରାହ୍ମଣେନ ଚ କଲ୍ମାଷପାଦଂପ୍ରତି ଶାପଦାନଂ॥ 2 ॥ ରାକ୍ଷସାବିଷ୍ଟେନ କଲ୍ମାଷପାଦେନ ବସିଷ୍ଠପୁତ୍ରାଣାଂ ଭକ୍ଷଣଂ॥ 3 ॥ ପୁତ୍ରଶୋକାଭିସଂତପ୍ତେନ ବସିଷ୍ଠେନ ପ୍ରାଣତ୍ଯାଗାର୍ଥଂ ଅନେକଧା ପ୍ରଯତନମ୍॥ 4 ॥Mahabharata - Adi Parva - Chapter Text
1-192-0 (8593)
`ଅର୍ଜୁନ ଉବାଚ। 1-192-0x (1100)
ଋଷ୍ଯୋସ୍ତୁ ଯତ୍କୃତେ ବୈରଂ ବିଶ୍ବାମିତ୍ରବସିଷ୍ଠଯୋଃ।
ବଭୂବ ଗନ୍ଧର୍ବପତେ ଶଂସ ତତ୍ସର୍ବମେବ ମେ॥ 1-192-1 (8594)
ମାହାତ୍ମ୍ଯଂ ଚ ବସିଷ୍ଠସ୍ଯ ବ୍ରାହ୍ମଣ୍ଯଂ ବ୍ରହ୍ମତେଜସଃ।
ବିଶ୍ବାମିତ୍ରସ୍ଯ ଚ ତଥା କ୍ଷତ୍ରସ୍ଯ ଚ ମହାତ୍ମନଃ॥ 1-192-2 (8595)
ନ ଶୃଣ୍ବାନସ୍ତ୍ବହଂ ତୃପ୍ତିମୁପଗଚ୍ଛାମି ଖେଚର।
ଆଖ୍ଯାହି ଗନ୍ଧର୍ବପତେ ଶଂସ ତତ୍ସର୍ବମେବ ମେ॥ 1-192-3 (8596)
ମାହାତ୍ମ୍ଯଂ ଚ ବସିଷ୍ଠସ୍ଯ ବିଶ୍ବାମିତ୍ରସ୍ଯ ଭାଷତେ॥ 1-192-4 (8597)
ଗନ୍ଧର୍ବ ଉବାଚ। 1-192-5x (1101)
ଇଦଂ ବାସିଷ୍ଠମାଖ୍ଯାନଂ ପୁରାଣଂ ପୁଣ୍ଯମୁତ୍ତମମ୍।
ପାର୍ଥ ସର୍ବେଷୁ ଲୋକେଷୁ ବିଶ୍ରୁତଂ ତନ୍ନିବୋଧ ମେ॥' 1-192-5 (8598)
କଲ୍ମାଷପାଦ ଇତ୍ଯେବଂ ଲୋକେ ରାଜା ବଭୂବ ହ।
ଇକ୍ଷ୍ବାକୁବଂଶଜଃ ପାର୍ଥ ତେଜସାଽସଦୃଶୋ ଭୁବି॥ 1-192-6 (8599)
ସ କଦାଚିଦ୍ବନଂ ରାଜା ମୃଗଯାଂ ନିର୍ଯଯୌ ପୁରାତ୍।
ମୃଗାନ୍ବିଧ୍ଯନ୍ବରାହାଂଶ୍ଚ ଚଚାର ରିପୁମର୍ଦନଃ॥ 1-192-7 (8600)
ତସ୍ମିନ୍ବନେ ମହାଘୋରେ ଖଙ୍ଗାଂଶ୍ଚ ବହୁଶୋଽହନତ୍।
ହତ୍ବା ଚ ସୁଚିରଂ ଶ୍ରାନ୍ତୋ ରାଜା ନିବବୃତେ ତତଃ॥ 1-192-8 (8601)
ଅକାମଯତ୍ତଂ ଯାଜ୍ଯାର୍ଥେ ବିଶ୍ବାମିତ୍ରଃ ପ୍ରତାପବାନ୍।
ସ ତୁ ରାଜା ମହାତ୍ମାନଂ ବାସିଷ୍ଠମୃଷିସତ୍ତମମ୍॥ 1-192-9 (8602)
ତୃଷାର୍ତଶ୍ଚ କ୍ଷୁଧାର୍ତଶ୍ଚ ଏକାଯନଗତଃ ପଥି।
ଅପଶ୍ଯଦଜିତଃ ସଙ୍ଖ୍ଯେ ମୁନିଂ ପ୍ରତିମୁଖାଗତମ୍॥ 1-192-10 (8603)
ଶକ୍ତିଂ ନାମ ମହାଭାଗଂ ବସିଷ୍ଠକୁଲବର୍ଧନମ୍।
ଜ୍ଯେଷ୍ଠଂ ପୁତ୍ରଂ ପୁତ୍ରଶତାଦ୍ବସିଷ୍ଠସ୍ଯ ମହାତ୍ମନଃ॥ 1-192-11 (8604)
ଅପଗଚ୍ଛ ପଥୋଽସ୍ମାକମିତ୍ଯେବଂ ପାର୍ଥିବୋଽବ୍ରବୀତ୍।
ତଥା ଋଷିରୁବାଚୈନଂ ସାନ୍ତ୍ବଯଞ୍ଶ୍ଲକ୍ଷ୍ଣଯା ଗିରା॥ 1-192-12 (8605)
ମମ ପନ୍ଥା ମହାରାଜ ଧର୍ମ ଏଷ ସନାତନଃ।
`ବୃଦ୍ଧଭୀରୁନୃପସ୍ନାତସ୍ତ୍ରୀରୋଗିବରଚକ୍ରିଣାମ୍॥ 1-192-13 (8606)
ପନ୍ଥା ଦେଯୋ ନୃପୈସ୍ତେଷାମନ୍ଯୈସ୍ତୈସ୍ତସ୍ଯ ଭୂପତେଃ।'
ରାଜ୍ଞା ସର୍ବେଷା ଧର୍ମେଷୁ ଦେଯଃ ପନ୍ଥା ଦ୍ବିଜାତଯେ॥ 1-192-14 (8607)
ଏବଂ ପରସ୍ପରଂ ତୌ ତୁ ପଥୋଽର୍ଥଂ ବାକ୍ଯମୂଚତୁଃ।
ଅପସର୍ପାପସର୍ପେତି ବାଗୁତ୍ତରମକୁର୍ବତାମ୍॥ 1-192-15 (8608)
ଋଷିସ୍ତୁ ନାପଚକ୍ରାମ ତସ୍ମିନ୍ଧର୍ମପଥେ ସ୍ଥିତଃ।
`ଅପି ରାଜା ମୁନେର୍ମାର୍ଗାତ୍କ୍ରୋଧାନ୍ନାପଜଗାମ ହ॥' 1-192-16 (8609)
ଅମୁଞ୍ଚନ୍ତଂ ତୁ ପନ୍ଥାନଂ ତମୃଷିଂ ନୃପସତ୍ତମଃ।
ଜଗାମ କଶଯା ମୋହାତ୍ତଦା ରାକ୍ଷସନ୍ମୁନିମ୍॥ 1-192-17 (8610)
କଶାପ୍ରହାରାଭିହତସ୍ତତଃ ସ ମୁନିସତ୍ତମଃ।
ତଂ ଶଶାପ ନୃପଶ୍ରେଷ୍ଠଂ ବାସିଷ୍ଠଃ କ୍ରୋଧମୂର୍ଚ୍ଛିତଃ॥ 1-192-18 (8611)
ହଂସି ରାକ୍ଷସବଦ୍ଯସ୍ମାଦ୍ରାଜାପଶଦ ତାପସମ୍।
ତସ୍ମାତ୍ତ୍ବମଦ୍ଯପ୍ରଭୃତି ପୁରୁଷାଦୋ ଭବିଷ୍ଯସି॥ 1-192-19 (8612)
ମନୁଷ୍ଯପିଶିତେ ସକ୍ତଶ୍ଚରିଷ୍ଯସି ମହୀମିମାମ୍।
ଗଚ୍ଛ ରାଜାଧମେତ୍ଯୁକ୍ତଃ ଶକ୍ତିନା ବୀର୍ଯଶକ୍ତିନା॥ 1-192-20 (8613)
ତତୋ ଯାଜ୍ଯନିମିତ୍ତଂ ତୁ ବିଶ୍ବାମିତ୍ରବସିଷ୍ଠଯୋଃ।
ବୈରମାସୀତ୍ତଦା ତଂ ତୁ ବିଶ୍ବାମିତ୍ରୋଽନ୍ବପଦ୍ଯତ॥ 1-192-21 (8614)
ତଯୋର୍ବିବଦତୋରେବଂ ସମୀପମୁପଚକ୍ରମେ।
ଋଷିରୁଗ୍ରତପାଃ ପାର୍ଥ ବିଶ୍ବାମିତ୍ରଃ ପ୍ରତାପବାନ୍॥ 1-192-22 (8615)
ତତଃ ସ ବୁବୁଧେ ପଶ୍ଚାତ୍ତମୃଷିଂ ନୃପସତ୍ତମଃ।
ଋଷେଃ ପୁତ୍ରଂ ବସିଷ୍ଠସ୍ଯ ବସିଷ୍ଠମିବ ତେଜସା॥ 1-192-23 (8616)
ଅନ୍ତର୍ଧାଯ ତତୋଽତ୍ମାନଂ ବିଶ୍ବାମିତ୍ରୋଽପି ଭାରତ।
ତାବୁଭାବତିଚକ୍ରାମ ଚିକୀର୍ଷନ୍ନାତ୍ମନଃ ପ୍ରିଯମ୍॥ 1-192-24 (8617)
ସ ତୁ ଶପ୍ତସ୍ତଦା ତେନ ଶକ୍ତିନା ବୈ ନୃପୋତ୍ତମଃ।
ଜଗାମ ଶରଣଂ ଶକ୍ତିଂ ପ୍ରସାଦଯିତୁମର୍ହଯନ୍॥ 1-192-25 (8618)
ତସ୍ଯ ଭାବଂ ବିଦିତ୍ବା ସ ନୃପତେଃ କୁରୁସତ୍ତମ।
ବିଶ୍ବାମିତ୍ରସ୍ତତୋ ରକ୍ଷ ଆଦିଦେଶ ନୃପଂ ପ୍ରତି॥ 1-192-26 (8619)
ଶାପାତ୍ତସ୍ଯ ତୁ ବିପ୍ରର୍ଷେର୍ବିଶ୍ବାମିତ୍ରସ୍ଯ ଚାଜ୍ଞଯା।
ରାକ୍ଷସଃ କିଙ୍କରୋ ନାମ ବିବେଶ ନୃପତିଂ ତଦା॥ 1-192-27 (8620)
ରକ୍ଷସା ତଂ ଗୃହୀତଂ ତୁ ବିଦିତ୍ବା ମୁନିସତ୍ତମଃ।
ବିଶ୍ବାମିତ୍ରୋଽପ୍ଯପାକ୍ରାମତ୍ତସ୍ମାଦ୍ଦେଶାଦରିନ୍ଦମ॥ 1-192-28 (8621)
ତତଃ ସ ନୃପତିର୍ବିଦ୍ବାନ୍ରକ୍ଷନ୍ନାତ୍ମାନମାତ୍ମନା।
ବଲବତ୍ପୀଡ୍ଯମାନୋଽପି ରକ୍ଷସାନ୍ତର୍ଗତେନ ହ॥ 1-192-29 (8622)
ଦଦର୍ଶାଥ ଦ୍ବିଜଃ କଶ୍ଚିଦ୍ରାଜାନଂ ପ୍ରସ୍ଥିତଂ ବନମ୍।
ଅଯାଚତ କ୍ଷୁଧାପନ୍ନଃ ସମାଂସଂ ଭୋଜନଂ ତଦା॥ 1-192-30 (8623)
ତମୁବାଚାଥ ରାଜର୍ଷିର୍ଦ୍ବିଜଂ ମିତ୍ରସହସ୍ତଦା।
ଆସ୍ସ୍ବ ବ୍ରହ୍ମଂସ୍ତ୍ବମତ୍ରୈବ ମୁହୂର୍ତଂ ପ୍ରତିପାଲଯନ୍॥ 1-192-31 (8624)
ନିବୃତ୍ତଃ ପ୍ରତିଦାସ୍ଯାମି ଭୋଜନଂ ତେ ଯଥେପ୍ସିତମ୍।
ଇତ୍ଯୁକ୍ତ୍ବା ପ୍ରଯଯୌ ରାଜା ତସ୍ଥୌ ଚ ଦ୍ବିଜସତ୍ତମଃ॥ 1-192-32 (8625)
ତତୋ ରାଜା ପରିକ୍ରମ୍ଯ ଯଥାକାମଂ ଯଥାସୁଖମ୍।
ନିବୃତ୍ତୋଽନ୍ତଃପୁରଂ ପାର୍ଥ ପ୍ରବିବେଶ ମହାମନାଃ॥ 1-192-33 (8626)
`ଅନ୍ତର୍ଗତସ୍ତଦା ରାଜା ଶ୍ରୁତ୍ବା ବ୍ରାହ୍ମଣଭାଷିତମ୍।
ସୋଽନ୍ତଃପୁରଂ ପ୍ରବିଶ୍ଯାଥ ନ ସସ୍ମାର ନରାଧିପଃ॥' 1-192-34 (8627)
ତତୋଽର୍ଧରାତ୍ର ଉତ୍ଥାଯ ସୂଦମାନାଯ୍ଯ ସତ୍ବରମ୍।
ଉବାଚ ରାଜା ସଂସ୍ମୃତ୍ଯ ବ୍ରାହ୍ମଣସ୍ଯ ପ୍ରତିଶ୍ରୁତମ୍॥ 1-192-35 (8628)
ଗଚ୍ଛାମୁଷ୍ମିନ୍ବନୋଦ୍ଦେଶେ ବ୍ରାହ୍ମଣୋ ମାଂ ପ୍ରତୀକ୍ଷତେ।
ଅନ୍ନାର୍ଥୀ ତଂ ତ୍ବମନ୍ନେନ ସମାଂସେନୋପପାଦଯ॥ 1-192-36 (8629)
ଗନ୍ଧର୍ବ ଉବାଚ। 1-192-37x (1102)
ଏବମୁକ୍ତସ୍ତତଃ ସୂଦଃ ସୋଽନାସାଦ୍ଯାମିଷଂ କ୍ବଚିତ୍।
ନିବେଦଯାମାସ ତଦା ତସ୍ମୈ ରାଜ୍ଞେ ବ୍ଯଥାନ୍ବିତଃ॥ 1-192-37 (8630)
ରାଜା ତୁ ରକ୍ଷସାବିଷ୍ଟଃ ସୂଦମାହ ଗତବ୍ଯଥଃ।
ଅପ୍ଯେନଂ ନରମାଂସେନ ଭୋଜଯେତି ପୁନଃ ପୁନଃ॥ 1-192-38 (8631)
ତଥେତ୍ଯୁକ୍ତ୍ବା ତତଃ ସୂଦଃ ସଂସ୍ଥାନଂ ବଧ୍ଯଘାତିନାମ୍।
ଗତ୍ବାଽଽଜହାର ତ୍ବରିତୋ ନରମାଂସମପେତଭୀଃ॥ 1-192-39 (8632)
ଏତତ୍ସଂସ୍କୃତ୍ଯ ବିଧିବଦନ୍ନୋପହିତମାଶୁ ବୈ।
ତସ୍ମୈ ପ୍ରାଦାଦ୍ବ୍ରାହ୍ମଣାଯ କ୍ଷୁଧିତାଯ ତପସ୍ବିନେ॥ 1-192-40 (8633)
ସ ସିଦ୍ଧଚକ୍ଷୁଷା ଦୃଷ୍ଟ୍ବା ତଦନ୍ନଂ ଦ୍ବିଜସତ୍ତମଃ।
ଅଭୋଜ୍ଯମିଦମିତ୍ଯାହ କ୍ରୋଧପର୍ଯାକୁଲେକ୍ଷଣଃ॥ 1-192-41 (8634)
ବ୍ରାହ୍ମଣ ଉବାଚ। 1-192-42x (1103)
ଯସ୍ମାଦଭୋଜ୍ଯମନ୍ନଂ ମେ ଦଦାତି ସ ନୃପାଧମଃ॥ 1-192-42 (8635)
ସକ୍ତୋ ମାନୁଷମାଂସେଷୁ ଯଥୋକ୍ତଃ ଶକ୍ତିନା ପୁରା।
ଉଦ୍ବେଜନୀଯୋ ଭୂତାନାଂ ଚରିଷ୍ଯତି ମହୀମିମାମ୍॥ 1-192-43 (8636)
ଗନ୍ଧର୍ବ ଉବାଚ। 1-192-44x (1104)
ଦ୍ବିରନୁବ୍ଯାହୃତେ ରାଜ୍ଞଃ ସ ଶାପୋ ବଲବାନଭୂତ୍।
ରକ୍ଷୋବଲସମାବିଷ୍ଟୋ ବିସଂଜ୍ଞଶ୍ଚାଭବନ୍ନୃପଃ॥ 1-192-44 (8637)
ତତଃ ସ ନୃପତିଶ୍ରେଷ୍ଠୋ ରକ୍ଷସାପହୃତେନ୍ଦ୍ରିଯଃ।
ଉବାଚ ଶଖ୍ତିଂ ତଂ ଦୃଷ୍ଟ୍ବା ନ ଚିରାଦିବ ଭାରତ॥ 1-192-45 (8638)
ଯସ୍ମାଦସଦୃଶଃ ଶାପଃ ପ୍ରଯୁକ୍ତୋଽଯଂ ମଯି ତ୍ବଯା।
ତସ୍ମାତ୍ତ୍ବତ୍ତଃ ପ୍ରବର୍ତିଷ୍ଯେ ଖାଦିତୁଂ ପୁରୁଷାନହମ୍॥ 1-192-46 (8639)
ଏବମୁକ୍ତ୍ବା ତତଃ ସଦ୍ଯସ୍ତଂ ପ୍ରାଣୈର୍ବିପ୍ରଯୋଜ୍ଯ ଚ।
ଶକ୍ତିଂ ତଂ ଭକ୍ଷଯାମାସ ବ୍ଯାଘ୍ରଃ ପଶୁମିବେପ୍ସିତମ୍॥ 1-192-47 (8640)
ଶକ୍ତିନଂ ତୁ ମୃତଂ ଦୃଷ୍ଟ୍ବା ବିଶ୍ବାମିତ୍ରଃ ପୁନଃପୁନଃ।
ବସିଷ୍ଠସ୍ଯୈବ ପୁତ୍ରେଷୁ ତଦ୍ରକ୍ଷଃ ସଂଦିଦେଶ ହ॥ 1-192-48 (8641)
ସ ତାଞ୍ଶକ୍ତ୍ଯବରାନ୍ପୁତ୍ରାନ୍ବସିଷ୍ଠସ୍ଯ ମହାତ୍ମନଃ।
ଭକ୍ଷଯାମାସ ସଂକ୍ରୁଦ୍ଧଃ ସିଂହଃ କ୍ଷୁଦ୍ରମୃଗାନିବ॥ 1-192-49 (8642)
ବସିଷ୍ଠୋ ଘାତିତାଞ୍ଶ୍ରୁତ୍ବା ବିଶ୍ବାମିତ୍ରେଣ ତାନ୍ସୁତାନ୍।
ଧାରଯାମାସ ତଂ ଶୋକଂ ମହାଦ୍ରିରିବ ମେଦିନୀମ୍॥ 1-192-50 (8643)
ଚକ୍ରେ ଚାତ୍ମବିନାଶାଯ ବୁଦ୍ଧିଂ ସ ମୁନିସତ୍ତମଃ।
ନ ତ୍ବେବ କୌଶିକୋଚ୍ଛେଦଂ ମେନେ ମତିମତାଂ ବରଃ॥ 1-192-51 (8644)
ସ ମେରୁକୂଟାଦାତ୍ମାନଂ ମୁମୋଚ ଭଗବାନୃଷିଃ।
ଗିରେସ୍ତସ୍ଯ ଶିଲାଯାଂ ତୁ ତୂଲରାଶାବିବାପତତ୍॥ 1-192-52 (8645)
ନ ମମାର ଚ ପାତେନ ସ ଯଦା ତେନ ପାଣ୍ଡବ।
ତଦାଗ୍ନିମିଦ୍ଧଂ ଭଗବାନ୍ସଂବିବେଶ ମହାବନେ॥ 1-192-53 (8646)
ତଂ ତଦା ସୁସମିଦ୍ଧୋଽପି ନ ଦଦାହ ହୁତାଶନଃ।
ଦୀପ୍ଯମାନୋଽପ୍ଯମିତ୍ରଘ୍ନ ଶୀତୋଽଗ୍ନିରଭବତ୍ତତଃ॥ 1-192-54 (8647)
ସ ସମୁଦ୍ରମଭିପ୍ରେକ୍ଷ୍ଯ ଶୋକାବିଷ୍ଟୋ ମହାମୁନିଃ।
ବଦ୍ଧ୍ବା କଣ୍ଠେ ଶିଲାଂ ଗୁର୍ବୀଂ ନିପପାତ ତଦାମ୍ଭସି॥ 1-192-55 (8648)
ସ ସମୁଦ୍ରୋର୍ମିବେଗେନ ସ୍ଥଲେ ନ୍ଯସ୍ତୋ ମହାମୁନିଃ।
ନ ମମାର ଯଦା ବିପ୍ରଃ କଥଂଚିତ୍ସଂଶିତବ୍ରତଃ।
ଜଗାମ ସ ତତଃ ଖିନ୍ନଃ ପୁନରେବାଶ୍ରମଂ ପ୍ରତି॥ ॥ 1-192-56 (8649)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଚୈତ୍ରରଥପର୍ବଣି ଦ୍ବିନବତ୍ଯଧିକଶତତମୋଽଧ୍ଯାଯଃ॥ 192 ॥
Mahabharata - Adi Parva - Chapter Footnotes
1-192-9 ଯାଜ୍ଯାର୍ଥେ ଅଯଂ ମମ ଯାଜ୍ଯୋ ଭବତ୍ବିତ୍ଯେତଦର୍ଥମ୍॥ 1-192-10 ଏକାଯନଗତଃ ଅତିସଂକୁଚିତମାର୍ଗେ ଗତଃ॥ 1-192-52 ମୁମୋଚ ପାତଯାମାସ। ଆତ୍ମାନଂ ଦେହମ୍॥ ଦ୍ବିନବତ୍ଯଧିକଶତତମୋଽଧ୍ଯାଯଃ॥ 192 ॥ଆଦିପର୍ବ - ଅଧ୍ଯାଯ 193
॥ ଶ୍ରୀଃ ॥
1.193. ଅଧ୍ଯାଯଃ 193
Mahabharata - Adi Parva - Chapter Topics
ପୂର୍ବୋପାଯୈରପି ଦୁସ୍ତ୍ଯଜପ୍ରାଣସ୍ଯ ବସିଷ୍ଠସ୍ଯ ପୁନର୍ଗଙ୍ଗାପତନାଦିନାପି ପ୍ରାଣତ୍ଯାଗାସଂଭବେ ଆଶ୍ରମଂ ପ୍ରତ୍ଯାଗମନମ୍॥ 1 ॥ ତତ୍ର ଶକ୍ତିଭାର୍ଯାମଦୃଶ୍ଯନ୍ତୀନାମ୍ନୀ ଗର୍ଭବତୀଂ ଜ୍ଞାତ୍ବା ଆତ୍ମଘାତାନ୍ନିବର୍ତନଂ॥ 2 ॥ ଅଦୃଶ୍ଯନ୍ତ୍ଯା ସହ ଗଚ୍ଛନ୍ତଂ ବସିଷ୍ଠଂ ଭକ୍ଷଯିତୁମାଗତସ୍ଯ କଲ୍ମାଷପାଦସ୍ଯ ବସିଷ୍ଠେନ ଶାପାନ୍ମୋକ୍ଷଣଂ॥ 3 ॥ ସୌଦାସପତ୍ନ୍ଯା ବସିଷ୍ଠାଦ୍ଗର୍ଭସଂଭବଃ॥ 4 ॥ ଅଶ୍ମକନାମକପୁତ୍ରୋତ୍ପତ୍ତିଃ॥ 5 ॥Mahabharata - Adi Parva - Chapter Text
1-193-0 (8650)
ଗନ୍ଧର୍ବ ଉବାଚ। 1-193-0x (1105)
ତତୋ ଦୃଷ୍ଟ୍ବାଶ୍ରମପଦଂ ରହିତଂ ତୈଃ ସୁତୈର୍ମୁନିଃ।
ନିର୍ଜଗାମ ସୁଦୁଃଖାର୍ତଃ ପୁନରପ୍ଯାଶ୍ରମାତ୍ତତଃ॥ 1-193-1 (8651)
ସୋଽପଶ୍ଯତ୍ସରିତଂ ପୂର୍ଣାଂ ପ୍ରାବୃଟ୍କାଲେ ନବାମ୍ଭସା।
ବୃକ୍ଷାନ୍ବହୁବିଧାନ୍ପାର୍ଥ ହରନ୍ତୀଂ ତୀରଜାନ୍ବହୂନ୍॥ 1-193-2 (8652)
ଅଥ ଚିନ୍ତାଂ ସମାପେଦେ ପୁନଃ କୌରବନନ୍ଦନ।
ଅମ୍ଭସ୍ଯସ୍ଯା ନିମଜ୍ଜେଯମିତି ଦୁଃଖସମନ୍ବିତଃ॥ 1-193-3 (8653)
ତତଃ ପାଶୈସ୍ତଦାତ୍ମାନଂ ଗାଢଂ ବଦ୍ଧ୍ବା ମହାମୁନିଃ।
ତସ୍ଯା ଜଲେ ମହାନଦ୍ଯା ନିମମଜ୍ଜ ସୁଦୁଃଖିତଃ॥ 1-193-4 (8654)
ଅଥ ଚ୍ଛିତ୍ତ୍ବା ନଦୀ ପାଶାଂସ୍ତସ୍ଯାରିବଲସୂଦନ।
ସ୍ଥଲସ୍ଥଂ ତମୃଷିଂ କୃତ୍ବା ବିପାଶଂ ସମବାସୃଜତ୍॥ 1-193-5 (8655)
ଉତ୍ତତାର ତତଃ ପାଶୈର୍ବିମୁକ୍ତଃ ସ ମହାନୃଷିଃ।
ବିପାଶେତି ଚ ନାମାସ୍ଯା ନଦ୍ଯାଶ୍ଚକ୍ରେ ମହାନୃଷିଃ॥ 1-193-6 (8656)
`ସା ବିପାଶେତି ବିଖ୍ଯାତା ନଦୀ ଲୋକେଷୁ ଭାରତ।
ଋଷେସ୍ତସ୍ଯ ନରବ୍ଯାଘ୍ର ବଚନାତ୍ସତ୍ଯବାଦିନଃ।
ଉତ୍ତୀର୍ଯ ଚ ତଦା ରାଜନ୍ଦୁଃଖିତୋ ଭଗବାନୃଷିଃ॥' 1-193-7 (8657)
ଶୋକେ ବୁଦ୍ଧିଂ ତଦା ଚକ୍ରେ ନ ଚୈକତ୍ର ବ୍ଯତିଷ୍ଠତ।
ସୋଽଗଚ୍ଛତ୍ପର୍ବତାଂଶ୍ଚୈବ ସରିତଶ୍ଚ ସରାଂସି ଚ॥ 1-193-8 (8658)
ଦୃଷ୍ଟ୍ବା ସ ପୁନରେବର୍ଷିର୍ନଦୀଂ ହୈମବତୀଂ ତଦା।
ଚଣ୍ଡଗ୍ରାହବତୀଂ ଭୀମାଂ ତସ୍ଯାଃ ସ୍ରୋତସ୍ଯପାତଯତ୍॥ 1-193-9 (8659)
ସା ତମଗ୍ନିସଂ ବିପ୍ରମନୁଚିନ୍ତ୍ଯ ସରିଦ୍ବରା।
ଶତଧା ବିଦ୍ରୁତା ତସ୍ମାଚ୍ଛତଦ୍ରୁରିତି ବିଶ୍ରୁତା॥ 1-193-10 (8660)
ତତଃ ସ୍ଥଲଗତଂ ଦୃଷ୍ଟ୍ବା ତତ୍ରାପ୍ଯାତ୍ମାନମାତ୍ମନା।
ମର୍ତୁଂ ନ ଶକ୍ଯମିତ୍ଯୁକ୍ତ୍ବା ପୁବରେବାଶ୍ରମଂ ଯଯୌ॥ 1-193-11 (8661)
ସ ଗତ୍ବା ବିବିଧାଞ୍ଶୈଲାନ୍ଦେଶାନ୍ବହୁବିଧାଂସ୍ତଥା।
ଅଦୃଶନ୍ତ୍ଯାଖ୍ଯଯା ବଧ୍ବାଥାଶ୍ରମେନୁସୃତୋଽଭବତ୍॥ 1-193-12 (8662)
ଅଥ ଶୁଶ୍ରାବ ସଂଗତ୍ଯା ବେଦାଧ୍ଯଯନନିଃସ୍ବନମ୍।
ପୃଷ୍ଠତଃ ପରିପୂର୍ଣାର୍ଥଂ ଷଡ୍ମିରଙ୍ଗୈରଲଙ୍କୃତମ୍॥ 1-193-13 (8663)
ଅନୁବ୍ରଜତି କୋନ୍ବେଷ ମାମିତ୍ଯେବାଥ ସୋଽବ୍ରବୀତ୍।
ଅଦୃଶ୍ଯନ୍ତ୍ଯେବମୁକ୍ତା ବୈ ତଂ ସ୍ନୁଷା ପ୍ରତ୍ଯଭାଷତ॥ 1-193-14 (8664)
ଶକ୍ତୋଭାର୍ଯା ମହାଭାଗ ତପୋଯୁକ୍ତା ତପସ୍ବିନମ୍।
ଅହମେକାକିନୀ ଚାପି ତ୍ବଯା ଗଚ୍ଛାମି ନାପରଃ॥ 1-193-15 (8665)
ବସିଷ୍ଠ ଉବାଚ। 1-193-16x (1106)
ପୁତ୍ରି କସ୍ଯୈଷ ସାଙ୍ଗସ୍ଯ ବେଦସ୍ଯାଧ୍ଯଯନସ୍ବନଃ।
ପୁରା ସାଙ୍ଗସ୍ଯ ବେଦସ୍ଯ ଶକ୍ତେରିବ ମଯା ଶ୍ରୁତଃ॥ 1-193-16 (8666)
ଅଦୃଶ୍ଯନ୍ତ୍ଯୁବାଚ। 1-193-17x (1107)
ଅଯଂ କୁକ୍ଷୌ ସମୁତ୍ପନ୍ନଃ ଶକ୍ତେର୍ଗର୍ଭଃ ସୁତସ୍ଯ ତେ।
ସମା ଦ୍ବାଦଶ ତସ୍ଯେହ ବେଦାନଭ୍ଯସ୍ଯତୋ ମୁନେ॥ 1-193-17 (8667)
ଗନ୍ଧର୍ବ ଉବାଚ। 1-193-18x (1108)
ଏବମୁକ୍ତସ୍ତଯା ହୃଷ୍ଟୋ ବସିଷ୍ଠଃ ଶ୍ରେଷ୍ଠଭାଗୃଷିଃ।
ଅସ୍ତି ସନ୍ତାନମିତ୍ଯୁକ୍ତ୍ବା ମୃତ୍ଯୋଃ ପାର୍ଥ ନ୍ଯବର୍ତତ॥ 1-193-18 (8668)
ତତଃ ପ୍ରତିନିବୃତ୍ତଃ ସ ତଯା ବଧ୍ବା ସହାନଘ।
କଲ୍ମାଷପାଦମାସୀନଂ ଦଦର୍ଶ ବିଜନେ ବନେ॥ 1-193-19 (8669)
ସ ତୁ ଦୃଷ୍ଟ୍ବୈବ ତଂ ରାଜା କ୍ରୁଦ୍ଧ ଉତ୍ଥାଯ ଭାରତ।
ଆବିଷ୍ଟୋ ରକ୍ଷସୋଗ୍ରେଣ ଇଯେଷାତ୍ତୁଂ ତଦା ମୁନିମ୍॥ 1-193-20 (8670)
ଅଦୃଶ୍ଯନ୍ତୀ ତୁ ତଂ ଦୃଷ୍ଟ୍ବା କ୍ରୂରକର୍ମାଣମଗ୍ରତଃ।
ଭଯସଂବିଗ୍ନଯା ବାଚା ବସିଷ୍ଠମିଦମବ୍ରବୀତ୍॥ 1-193-21 (8671)
ଅସୌ ମୃତ୍ଯୁରିବୋଗ୍ରେଣ ଦଣ୍ଡେନ ଭଗବନ୍ନିତଃ।
ପ୍ରଗୃହୀତେନ କାଷ୍ଠେନ ରାକ୍ଷସୋଽଭ୍ଯେତି ଦାରୁଣଃ॥ 1-193-22 (8672)
ତଂ ନିବାରଯିତୁଂ ଶକ୍ତୋ ନାନ୍ଯୋଽସ୍ତି ଭୁବି କଶ୍ଚନ।
ସ୍ବଦୃତେଽଦ୍ଯ ମହାଭାଗ ସର୍ବବେଦବିଦାଂ ବର॥ 1-193-23 (8673)
ପାହି ମାଂ ଭଗବନ୍ପାପାଦସ୍ମାଦ୍ଦାରୁଣଦର୍ଶନାତ୍।
ରାକ୍ଷସୋଽଯମିହାତ୍ତୁଂ ବୈ ନୂନମାବାଂ ସମୀହତେ॥ 1-193-24 (8674)
ବସିଷ୍ଠ ଉବାଚ। 1-193-25x (1109)
ମାଭୈଃ ପୁତ୍ରି ନ ଭେତବ୍ଯଂ ରାକ୍ଷସାତ୍ତୁ କଥଂଚନ।
ନୈତଦ୍ରକ୍ଷୋ ଭଯଂ ଯସ୍ମାତ୍ପଶ୍ଯସି ତ୍ବମୁପସ୍ଥିତମ୍॥ 1-193-25 (8675)
ରାଜା କଲ୍ମାଷପାଦୋଽଯଂ ବୀର୍ଯବାନ୍ପ୍ରଥିତୋ ଭୁବି।
ସ ଏଷୋଽସ୍ମିନ୍ବନୋଦ୍ଦେଶେ ନିବସତ୍ଯତିଭୀଷଣଃ॥ 1-193-26 (8676)
ଗନ୍ଧର୍ବ ଉବାଚ। 1-193-27x (1110)
ତମାପତନ୍ତଂ ସଂପ୍ରେକ୍ଷ୍ଯ ବସିଷ୍ଠୋ ଭଗବାନୃଷିଃ।
ବାରଯାମାସ ତେଜସ୍ବୀ ହୁଙ୍କାରେଣୈବ ଭାରତ॥ 1-193-27 (8677)
ମନ୍ତ୍ରପୂତେନ ଚ ପୁନଃ ସ ତମଭ୍ଯୁକ୍ଷ୍ଯ ବାରିଣା।
ମୋକ୍ଷଯାମାସ ବୈ ଶାପାତ୍ତସ୍ମାଦ୍ଯୋଗାନ୍ନରାଧିପମ୍॥ 1-193-28 (8678)
ସ ହି ଦ୍ବାଦଶ ବର୍ଷାଣି ବାସିଷ୍ଠସ୍ଯୈବ ତେଜସା।
ଗ୍ରସ୍ତ ଆସୀଦ୍ଗ୍ରହେଣେବ ପର୍ବକାଲେ ଦିବାକରଃ॥ 1-193-29 (8679)
ରକ୍ଷସା ବିପ୍ରମୁକ୍ତୋଽଥ ସ ନୃପସ୍ତଦ୍ବନଂ ମହତ୍।
ତେଜସା ରଞ୍ଜଯାମାସ ନ୍ଧ୍ଯାଭ୍ରମିବ ଭାସ୍କରଃ॥ 1-193-30 (8680)
ପ୍ରତିଲଭ୍ଯ ତତଃ ସଂଜ୍ଞାମଭିବାଦ୍ଯ କୃତାଞ୍ଜଲିଃ।
ଉବାଚ ନୃପତିଃ କାଲେ ବସିଷ୍ଠମୃଷିସତ୍ତମମ୍॥ 1-193-31 (8681)
ସୌଦାସୋଽହଂ ମହାଭାଗ ଯାଜ୍ଯସ୍ତେ ମୁନିସତ୍ତମ।
ଅସ୍ମିନ୍କାଲେ ଯଦିଷ୍ଟଂ ତେ ବ୍ରୂହି କିଂ କରବାଣି ତେ॥ 1-193-32 (8682)
ବସିଷ୍ଠ ଉବାଚ। 1-93-33x (1111)
ବୃତ୍ତମେତଦ୍ଯଥାକାଲଂ ଗଚ୍ଛ ରାଜ୍ଯଂ ପ୍ରଶାଧି ବୈ।
ବ୍ରାହ୍ମଣଂ ତୁ ମନୁଷ୍ଯେନ୍ଦ୍ର ମାଽବମଂସ୍ଥାଃ କଦାଚନ॥ 1-193-33 (8683)
ରାଜୋବାଚ। 1-193-34x (1112)
ନାବମଂସ୍ଯେ ମହାଭାଗ କଦାଚିଦ୍ବ୍ରାହ୍ମଣର୍ଷଭାନ୍।
ତ୍ବନ୍ନିଦେଶେ ସ୍ଥିତଃ ସମ୍ଯକ୍ ପୂଜଯିଷ୍ଯାମ୍ଯହଂ ଦ୍ବିଜାନ୍॥ 1-193-34 (8684)
ଇକ୍ଷ୍ବାକୂଣାଂ ଚ ଯେନାହମନୃଣଃ ସ୍ଯାଂ ଦ୍ବିଜୋତ୍ତମ।
ତତ୍ତ୍ବତ୍ତଃ ପ୍ରାପ୍ତୁମିଚ୍ଛାମି ସର୍ବବେଦବିଦାଂ ବର॥ 1-193-35 (8685)
ଅପତ୍ଯାଯେପ୍ସିତାଯ ତ୍ବଂ ମହିଷୀଂ ଗନ୍ତୁମର୍ହସି।
ଶୀଲରୂପଗୁଣୋପେତାମିକ୍ଷ୍ବାକୁକୁଲବୃଦ୍ଧଯେ॥ 1-193-36 (8686)
ଗନ୍ଧର୍ବ ଉବାଚ। 1-193-37x (1113)
ଦଦାନୀତ୍ଯେବ ତଂ ତତ୍ର ରାଜାନଂ ପ୍ରତ୍ଯୁବାଚ ହ।
ବସିଷ୍ଠଃ ପରମେଷ୍ବାସଂ ସତ୍ଯସନ୍ଧୋ ଦ୍ବିଜୋତ୍ତମଃ॥ 1-193-37 (8687)
ତତଃ ପ୍ରତିଯଯୌ କାଲେ ବସିଷ୍ଠଃ ସହ ତେନ ବୈ।
ଖ୍ଯାତାଂ ପୁରୀମିମାଂ ଲୋକେଷ୍ବଯୋଧ୍ଯାଂ ମନୁଜେଶ୍ବର॥ 1-193-38 (8688)
ତଂ ପ୍ରଜାଃ ପ୍ରତିମୋଦନ୍ତ୍ଯଃ ସର୍ବାଃ ପ୍ରତ୍ଯୁଦ୍ଗତାସ୍ତଦା।
ବିପାପ୍ମାନଂ ମହାତ୍ମାନଂ ଦିବୌକସ ଇବେଶ୍ବରମ୍॥ 1-193-39 (8689)
ସୁଚିରାଯ ମନୁଷ୍ଯେନ୍ଦ୍ରୋ ନଗରୀଂ ପୁଣ୍ଯଲକ୍ଷଣାମ୍।
ବିବେଶ ସହିତସ୍ତେନ ବସିଷ୍ଠେନ ମହର୍ଷିଣା॥ 1-193-40 (8690)
ଦଦୃଶୁସ୍ତଂ ମହୀପାଲମଯୋଧ୍ଯାବାସିନୋ ଜନାଃ।
ପୁରୋହିତେନ ସହିତଂ ଦିବାକରମିବୋଦିତମ୍॥ 1-193-41 (8691)
ସ ଚ ତାଂ ପୂରଯାମାସ ଲକ୍ଷ୍ମ୍ଯା ଲକ୍ଷ୍ମୀବତାଂ ବରଃ।
ଅଯୋଧ୍ଯାଂ ବ୍ଯୋମ ଶୀତାଂଶୁଃ ଶରତ୍କାଲ ଇବୋଦିତଃ॥ 1-193-42 (8692)
ସଂସକ୍ତିମୃଷ୍ଟପନ୍ଥାନଂ ପତାକାଧ୍ବଜଶୋଭିତମ୍।
ମନଃ ପ୍ରହ୍ଲାଦଯାମାସ ତସ୍ଯ ତତ୍ପୁରମୁତ୍ତମମ୍॥ 1-193-43 (8693)
ତୁଷ୍ଟପୁଷ୍ଟଜନାକୀର୍ଣା ସା ପୁରୀ କୁରୁନନ୍ଦନ।
ଅଶୋଭତ ତଦା ତେନ ଶକ୍ରେଣେବାମରାବତୀ॥ 1-193-44 (8694)
ତତଃ ପ୍ରବିଷ୍ଟେ ରାଜର୍ଷୌ ତସ୍ମିଂସ୍ତତ୍ପୁରମୁତ୍ତମମ୍।
ରାଜ୍ଞସ୍ତସ୍ଯାଜ୍ଞଯା ଦେବୀ ବସିଷ୍ଠମୁପଚକ୍ରମେ॥ 1-193-45 (8695)
ଋତାବଥ ମହର୍ଷିସ୍ତୁ ସଂବଭୂବ ତଯା ସହ।
ଦେବ୍ଯା ଦିବ୍ଯେନ ବିଧିନା ବସିଷ୍ଠଃ ଶ୍ରେଷ୍ଠଭାଗୃଷିଃ॥ 1-193-46 (8696)
ତତସ୍ତସ୍ଯାଂ ସମୁତ୍ପନ୍ନେ ଗର୍ଭେ ସ ମୁନିସତ୍ତମଃ।
ରାଜ୍ଞାଭିବାଦିତସ୍ତେନ ଜଗାମ ମୁନିରାଶ୍ରମମ୍॥ 1-193-47 (8697)
ଦୀର୍ଘକାଲେନ ସା ଗର୍ଭଂ ସୁଷୁବେ ନ ତୁ ତଂ ଯଦା।
ତଦା ଦେବ୍ଯଶ୍ମନା କୁକ୍ଷିଂ ନିର୍ବିଭେଦ ଯଶସ୍ବିନୀ॥ 1-193-48 (8698)
ତତୋ ଦ୍ବାଦଶମେ ବର୍ଷେ ସ ଜଜ୍ଞେ ପୁରଷର୍ଷଭଃ।
ଅଶ୍ମକୋ ନାମ ରାଜର୍ଷିଃ ପୌଦନ୍ଯଂ ଯୋ ନ୍ଯବେଶଯତ୍॥ ॥ 1-193-49 (8699)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଚୈତ୍ରରଥପର୍ବଣି ତ୍ରିନବତ୍ଯଧିକଶତତମୋଽଧ୍ଯାଯଃ॥ 193 ॥
Mahabharata - Adi Parva - Chapter Footnotes
1-193-12 ବଧ୍ବା ସ୍ନୁଷଯା॥ 1-193-48 ନିଷ୍ପିପେଷ ମନସ୍ବିନୀତି ଙ. ପାଠଃ॥ ତ୍ରିନବତ୍ଯଧିକଶତତମୋଽଧ୍ଯାଯଃ॥ 193 ॥ଆଦିପର୍ବ - ଅଧ୍ଯାଯ 194
॥ ଶ୍ରୀଃ ॥
1.194. ଅଧ୍ଯାଯଃ 194
Mahabharata - Adi Parva - Chapter Topics
ପରାଶରୋତ୍ପତ୍ତିଃ॥ 1 ॥ ପିତରଂ କଲ୍ମାଷପାଦଭକ୍ଷିତଂ ଜ୍ଞାତ୍ବା କ୍ରୁଦ୍ଧେନ ପରାଶରେଣ ଲୋକବିନାଶାଯ ଯତନମ୍॥ 2 ॥ କର୍ତବୀର୍ଯାର୍ଜୁନ ବଂଶ୍ଯୈଃ କ୍ଷତ୍ରିଯୈଃ ଧନାର୍ଥଂ ଭୃଗୁବଂଶ୍ଯାନାଂ ବ୍ରାହ୍ମଣାନାଂ ହନନମ୍॥ 3 ॥ କ୍ଷତ୍ରିଯଭୀତ୍ଯା କଯାଚିଦ୍ବ୍ରାହ୍ମଣ୍ଯା ଊରୌ ଗର୍ଭଂ ଧୃତଂ ହନ୍ତୁଂ କ୍ଷତ୍ରିଯାଣାମୁଦ୍ଯମଃ॥ 4 ॥ ଊରୁଂ ଭିତ୍ବା ନିର୍ଗତସ୍ଯ ବାଲକସ୍ଯ ତେଜସାନ୍ଧୀଭୂତାନାଂ କ୍ଷତ୍ରିଯାଣାଂ ବ୍ରାହ୍ମଣୀଂପ୍ରତି ଶରଣଗମନମ୍॥ 5 ॥Mahabharata - Adi Parva - Chapter Text
1-195-0 (8700)
ଗନ୍ଧର୍ବ ଉବାଚ। 1-195-0x (1114)
ଆଶ୍ରମସ୍ଥା ତତଃ ପୁତ୍ରମଦୃଶ୍ଯନ୍ତୀ ବ୍ଯଜାଯତ।
ଶକ୍ତେଃ କୁଲକରଂ ରାଜନ୍ ଦ୍ବିତୀଯମିବ ଶକ୍ତିନମ୍॥ 1-194-1 (8701)
ଜାତକର୍ମାଦିକାସ୍ତସ୍ଯ କ୍ରିଯାଃ ସ ମୁନିସତ୍ତମଃ।
ପୌତ୍ରସ୍ଯ ଭରତଶ୍ରେଷ୍ଠ ଚକାର ଭଗବାନ୍ସ୍ବଯମ୍॥ 1-194-2 (8702)
ପରାସୁଃ ସ ଯତସ୍ତେନ ବସିଷ୍ଠଃ ସ୍ଥାପିତୋ ମୁନିଃ।
ଗର୍ଭସ୍ଥେନ ତତୋ ଲୋକେ ପରାଶର ଇତି ସ୍ମୃତଃ॥ 1-194-3 (8703)
ଅମନ୍ଯତ ସ ଧର୍ମାତ୍ମା ବସିଷ୍ଠଂ ପିତରଂ ମୁନିଃ।
ଜନ୍ମପ୍ରଭୃତି ତସ୍ମିଂସ୍ତୁ ପିତରୀବାନ୍ବବର୍ତତ॥ 1-194-4 (8704)
ସ ତାତ ଇତି ବିପ୍ରର୍ଷିଂ ବସିଷ୍ଠଂ ପ୍ରତ୍ଯଭାଷତ।
ମାତୁଃ ସମକ୍ଷଂ କୌନ୍ତେଯ ଅଦୃଶ୍ଯନ୍ତ୍ଯାଃ ପରନ୍ତପ॥ 1-194-5 (8705)
ତାତେତି ପରିପୂର୍ଣାର୍ଥଂ ତସ୍ଯ ତନ୍ମଧୁରଂ ବଚଃ।
ଅଦୃଶ୍ଯନ୍ତ୍ଯଶ୍ରୁପୂର୍ଣାକ୍ଷୀ ଶୃଣ୍ବତୀ ତମୁବାଚ ହ॥ 1-194-6 (8706)
ମା ତାତ ତାତତାତେତି ବ୍ରୂହ୍ଯେନଂ ପିତରଂ ପିତୁଃ।
ରକ୍ଷସା ଭକ୍ଷିତସ୍ତାତ ତବ ତାତୋ ବନାନ୍ତରେ॥ 1-194-7 (8707)
ମନ୍ଯସେ ଯଂ ତୁ ତାତେତି ନୈଷ ତାତସ୍ତବାନଘ।
ଆର୍ଯ ଏଷ ପିତା ତସ୍ଯ ପିତୁସ୍ତବ ଯଶସ୍ବିନଃ॥ 1-194-8 (8708)
ସ ଏବମୁକ୍ତୋ ଦୁଃଖାର୍ତଃ ସତ୍ଯବାଗୃଷିସତ୍ତମଃ।
ସର୍ବଲୋକବିନାଶାଯ ମତିଂ ଚକ୍ରେ ମହାମନାଃ॥ 1-194-9 (8709)
ତଂ ତଥା ନିଶ୍ଚିତାତ୍ମାନଂ ସ ମହାତ୍ମା ମହାତପାଃ।
ଋଷିର୍ବ୍ରହ୍ମବିଦାଂ ଶ୍ରଷ୍ଠୋ ମୈତ୍ରାବରୁଣିରନ୍ତ୍ଯଧୀଃ॥ 1-194-10 (8710)
ବସିଷ୍ଠୋ ବାରଯାମାସ ହେତୁନା ଯେନ ତଚ୍ଛୃଣୁ। 1-194-11 (8711)
ବସିଷ୍ଠ ଉବାଚ।
କୃତବୀର୍ଯ ଇତି ଖ୍ଯାତୋ ବଭୂବ ପୃଥିବୀପତିଃ॥ 1-194-11x (1115)
ଯାଜ୍ଯୋ ବେଦବିଦାଂ ଲୋକେ ଭୃଗୂଣାଂ ପାର୍ଥିବର୍ଷଭଃ।
ସ ତାନଗ୍ରଭୁଜସ୍ତାତ ଧାନ୍ଯେନ ଚ ଧନେନ ଚ॥ 1-194-12 (8712)
ସୋମାନ୍ତେ ତର୍ପଯାମାସ ବିପୁଲେନ ବିଶାଂପତିଃ।
ତସ୍ମିନ୍ନୃପତିଶାର୍ଦୂଲେ ସ୍ବର୍ଯାତେଽଥ କଥଂଚନ॥ 1-194-13 (8713)
ବଭୂବ ତତ୍କୁଲେଯାନାଂ ଦ୍ରବ୍ଯକାର୍ଯମୁପସ୍ଥିତମ୍।
ଭୃଗୂଣାଂ ତୁ ଧନଂ ଜ୍ଞାତ୍ବା ରାଜାନଃ ସର୍ବ ଏବ ତେ॥ 1-194-14 (8714)
ଯାଚିଷ୍ଣବୋଽଭିଜଗ୍ମୁସ୍ତାଂସ୍ତତୋ ଭାର୍ଗବସତ୍ତମାନ୍।
ଭୂମୌ ତୁ ନିଦଦୁଃ କେଚିଦ୍ଭୃଗବୋ ଧନମକ୍ଷଯମ୍॥ 1-194-15 (8715)
ଦଦୁଃ କେଚିଦ୍ଦ୍ବିଜାତିଭ୍ଯୋ ଜ୍ଞାତ୍ବା କ୍ଷତ୍ରିଯତୋ ଭଯମ୍।
ଭୃହବସ୍ତୁ ଦଦୁଃ କେଚିତ୍ତେଷାଂ ବିତ୍ତଂ ଯଥେପ୍ସିତମ୍॥ 1-194-16 (8716)
କ୍ଷତ୍ରିଯାଣାଂ ତଦା ତାତ କାରଣାନ୍ତରଦର୍ଶନାତ୍।
ତତୋ ମହୀତଲଂ ତାତ କ୍ଷତ୍ରିଯେଣ ଯଦୃଚ୍ଛଯା॥ 1-194-17 (8717)
ଖନତାଽଧିଗତଂ ବିତ୍ତଂ କେନଚ୍ଚିଦ୍ଧୃଗୁବେଶ୍ମନି।
ତଦ୍ବିତ୍ତଂ ଦଦୃଶୁଃ ସର୍ବେ ସମେତାଃ କ୍ଷତ୍ରିଯର୍ଷଭାଃ॥ 1-194-18 (8718)
ଅବମନ୍ଯ ତତଃ କ୍ରୋଧାଦ୍ଭୃଗୂଂସ୍ତାଞ୍ଛରଣଗତାନ୍।
ନିଜଘ୍ନୁଃ ପରମେଷ୍ବାସାଃ ସର୍ବାଂସ୍ତାନ୍ନିଶିତୈଃ ଶରୈଃ॥ 1-194-19 (8719)
ଆଗର୍ଭାଦବକୃନ୍ତନ୍ତଶ୍ଚେରୁଃ ସର୍ବାଂ ବସୁନ୍ଧରାମ୍।
ତତ ଉଚ୍ଛିଦ୍ଯମାନେଷୁ ଭୃଗୁଷ୍ବେବଂ ଭଯାତ୍ତଦା॥ 1-194-20 (8720)
ଭୃଗୁପତ୍ନ୍ଯୋ ଗିରିଂ ଦୁର୍ଗଂ ହିମବନ୍ତଂ ପ୍ରପେଦିରେ।
ତାସାମନ୍ଯତମା ଗର୍ଭଂ ଭଯାଦ୍ଦଧ୍ରେ ମହୌଜସମ୍॥ 1-194-21 (8721)
ଊରୁଣୈକେନ ବାଭୋରୂର୍ଭର୍ତୁଃ କୁଲବିବୃଦ୍ଧଯେ।
ତଂ ଗର୍ଭମୁପଲଭ୍ଯାଶୁ ବ୍ରାହ୍ମଣ୍ଯେକା ଭଯାର୍ଦିତା॥ 1-194-22 (8722)
ଗତ୍ବା ବୈ କଥଯାମାସ କ୍ଷତ୍ରିଯାଣାମୁପହ୍ବରେ।
ତତସ୍ତେ କ୍ଷତ୍ରିଯା ଜଗ୍ମୁସ୍ତଂ ଗର୍ଭଂ ହନ୍ତୁମୁଦ୍ଯତାଃ॥ 1-194-23 (8723)
ଦଦୃଶୁର୍ବ୍ରାହ୍ମଣୀଂ ତେଽଥ ଦୀପ୍ଯମାନାଂ ସ୍ବତେଜସା।
ଅଥ ଗର୍ଭଃ ସ ଭିତ୍ତ୍ବୋରୁଂ ବ୍ରାହ୍ମଣ୍ଯା ନିର୍ଜଗାମ ହ॥ 1-194-24 (8724)
ମୁଷ୍ଣନ୍ଦୃଷ୍ଟୀଃ କ୍ଷତ୍ରିଯାଣାଂ ମଧ୍ଯାହ୍ନ ଇବ ଭାସ୍କରଃ।
ତତଶ୍ଚକ୍ଷୁର୍ବିହୀନାସ୍ତେ ଗିରିଦୁର୍ଗେଷୁ ବଭ୍ରମୁଃ॥ 1-194-25 (8725)
ତତସ୍ତେ ମୋଘସଙ୍କଲ୍ପା ଭଯାର୍ତାଃ କ୍ଷତ୍ରିଯାଃ ପୁନଃ।
ବ୍ରାହ୍ମଣୀଂ ଶରମଂ ଜଗ୍ମୁର୍ଦୃଷ୍ଟ୍ଯର୍ଥଂ ତାମନିନ୍ଦିତାମ୍॥ 1-194-26 (8726)
ଊଚୁଶ୍ଚୈନାଂ ମହାଭାଗାଂ କ୍ଷତ୍ରିଯାସ୍ତେ ବିଚେତସଃ।
ଜ୍ଯୋତିଃପ୍ରହୀଣା ଦୁଃଖାର୍ତାଃ ଶାନ୍ତାର୍ଚିଷ ଇବାଗ୍ନଯଃ॥ 1-194-27 (8727)
ଭଗବତ୍ଯାଃ ପ୍ରସାଦେନ ଗଚ୍ଛେତ୍କ୍ଷତ୍ରମନାମଯମ୍।
ଉପାରମ୍ଯ ଚ ଗଚ୍ଛେମ ସହିତାଃ ପାପକର୍ମଣଃ॥ 1-194-28 (8728)
ସପୁତ୍ରା ତ୍ବଂ ପ୍ରସାଦଂ ନଃ କର୍ତୁମର୍ହସି ଶୋଭନେ।
ପୁନର୍ଦୃଷ୍ଟିପ୍ରଦାନେନ ରାଜ୍ଞଃ ସଂତ୍ରାତୁମର୍ହସି॥ ॥ 1-194-29 (8729)
ଇତି ଶ୍ରୀମନ୍ମହାଭାରତେ ଆଦିପ୍ରବଣି ଚୈତ୍ରରଥପର୍ବଣି ଚତୁର୍ନବତ୍ଯଧିକଶତତମୋଽଧ୍ଯାଯଃ॥ 194 ॥
Mahabharata - Adi Parva - Chapter Footnotes
1-194-10 ଅନ୍ତ୍ଯଧୀଃ ଅନ୍ତେ ସିଦ୍ଧାନ୍ତେ ସାଧ୍ବୀ ଅନ୍ତ୍ଯା ଧୀର୍ଯସ୍ଯ ସୋନ୍ତ୍ଯଧୀଃ॥ ଚତୁର୍ନବତ୍ଯଧିକଶତତମୋଽଧ୍ଯାଯଃ॥ 194 ॥ଆଦିପର୍ବ - ଅଧ୍ଯାଯ 195
॥ ଶ୍ରୀଃ ॥
1.195. ଅଧ୍ଯାଯଃ 195
Mahabharata - Adi Parva - Chapter Topics
ବ୍ରାହ୍ମଣୀବାକ୍ଯେନ ଔର୍ବଂପ୍ରତି ଶରଣାଗତାନାଂ କ୍ଷତ୍ରିଯାଣାଂ ଚକ୍ଷୁଃପ୍ରାପ୍ତିଃ॥ 1 ॥ ଲୋକବିନାଶାର୍ଥଂ ତପସ୍ଯତ ଔର୍ବସ୍ଯ ତତ୍ପିତୃକୃତତପୋନିବାରଣମ୍॥ 2 ॥Mahabharata - Adi Parva - Chapter Text
1-195-0 (8730)
ବ୍ରାହ୍ମଣ୍ଯୁବାଚ। 1-195-0x (1116)
ନାହଂ ଗୃହ୍ଣାମି ବସ୍ତାତା ଦୃଷ୍ଟୀର୍ନାସ୍ମି ରୁଷାନ୍ବିତା।
ଅଯଂ ତୁ ଭାର୍ଗବୋ ନୂନମୂରୁଜଃ କୁପିତୋଽଦ୍ଯ ବଃ॥ 1-195-1 (8731)
ତେନ ଚକ୍ଷୂଂଷି ବସ୍ତାତା ବ୍ଯକ୍ତଂ କୋପାନ୍ମହାତ୍ମନା।
ସ୍ମରତା ନିହତାନ୍ବନ୍ଧୂନାଦତ୍ତାନି ନ ସଂଶଯଃ॥ 1-195-2 (8732)
ଗର୍ଭାନପି ଯଦା ଯୂଯଂ ଭୃଗୂଣାଂ ଘ୍ନତ ପୁତ୍ରକାଃ।
ତଦାଯମୂରୁଣା ଗର୍ଭୋ ମଯା ବର୍ଷଶତଂ ଧୃତଃ॥ 1-195-3 (8733)
ଷଡଙ୍ଗଶ୍ଚାଖିଲୋ ବେଦ ଇମଂ ଗର୍ଭସ୍ଥମେବ ହ।
ବିବେଶ ଭୃଗୁବଂଶସ୍ଯ ଭୂଯଃ ପ୍ରିଯଚିକୀର୍ଷଯା॥ 1-195-4 (8734)
ସୋଽଯଂ ପିତୃବଧାଦ୍ବ୍ଯକ୍ତଂ କ୍ରୋଧାଦ୍ବୋ ହନ୍ତୁମିଚ୍ଛତି।
ତେଜସା ତସ୍ଯ ଦିବ୍ଯେନ ଚକ୍ଷୂଂଷି ମୁଷିତାନି ବଃ॥ 1-195-5 (8735)
ତମେବ ଯୂଯଂ ଯାଚଧ୍ବମୌର୍ବଂ ମମ ସୁତୋତ୍ତମମ୍।
ଅଯଂ ବଃ ପ୍ରଣିପାତେନ ତୁଷ୍ଟୋ ଦୃଷ୍ଟୀଃ ପ୍ରଦାସ୍ଯତି॥ 1-195-6 (8736)
ବସିଷ୍ଠ ଉବାଚ। 1-195-7x (1117)
ଏବମୁକ୍ତାସ୍ତତଃ ସର୍ବେ ରାଜାନସ୍ତେ ତମୂରୁଜମ୍।
ଊଚୁଃ ପ୍ରସୀଦେତି ତଦା ପ୍ରସାଦଂ ଚ ଚକାର ସଃ॥ 1-195-7 (8737)
ଅନେନୈବ ଚ ବିଖ୍ଯାତୋ ନାମ୍ନା ଲୋକେଷୁ ସତ୍ତମଃ।
ସ ଔର୍ବ ଇତି ବିପ୍ରର୍ଷିରୂରୁଂ ଭିତ୍ତ୍ବା ବ୍ଯଜାଯତ॥ 1-195-8 (8738)
ଚକ୍ଷୂଂଷି ପ୍ରତିଲଭ୍ଯାଥ ପ୍ରତିଜଗ୍ମୁସ୍ତତୋ ନୃପାଃ।
ଭାର୍ଗବସ୍ତୁ ମୁନିର୍ମେନେ ସର୍ବଲୋକପରାଭବମ୍॥ 1-195-9 (8739)
ସ ଚକ୍ରେ ତାତ ଲୋକାନାଂ ବିନାଶାଯ ମତିଂ ତଦା।
ସର୍ବେଷାମେବ କାର୍ତ୍ସ୍ନ୍ଯେନ ମନଃ ପ୍ରବଣମାତ୍ମନଃ॥ 1-195-10 (8740)
ଇଚ୍ଛନ୍ନପଚିତିଂ କର୍ତୁଂ ଭୃଗୂଣାଂ ଭୃଗୁନନ୍ଦନଃ।
ସର୍ବଲୋକବିନାଶାଯ ତପସା ସହତୈଧିତଃ॥ 1-195-11 (8741)
ତାପଯାମାସ ତାଁଲ୍ଲୋକାନ୍ସଦେବାସୁରମାନୁଷାନ୍।
ତପସୋଗ୍ରେଣ ମହତା ନନ୍ଦଯିଷ୍ଯନ୍ପିତାମହାନ୍॥ 1-195-12 (8742)
ତତସ୍ତଂ ପିତରସ୍ତାତ ବିଜ୍ଞାଯ କୁଲନନ୍ଦନମ୍।
ପିତୃଲୋକାଦୁପାଗମ୍ଯ ସର୍ବ ଊଚୁରିଦଂ ବଚଃ॥ 1-195-13 (8743)
ଔର୍ବ ଦୃଷ୍ଟଃ ପ୍ରଭାବସ୍ତେ ତପସୋଗ୍ରସ୍ଯ ପୁତ୍ରକ।
ପ୍ରସାଦଂ କୁରୁ ଲୋକାନାଂ ନିଯଚ୍ଛ କ୍ରୋଧମାତ୍ମନଃ॥ 1-195-14 (8744)
ନାନୀଶୈର୍ହି ତଦା ତାତ ଭୃଗୁଭିର୍ଭାବିତାତ୍ମଭିଃ।
ବଧୋ ହ୍ଯୁପେକ୍ଷିତଃ ସର୍ବୈଃ କ୍ଷତ୍ରିଯାଣାଂ ବିହିଂସତାମ୍॥ 1-195-15 (8745)
ଆଯୁଷା ବିପ୍ରକୃଷ୍ଟେନ ଯଦା ନଃ ଖେଦ ଆବିଶତ୍।
ତଦାଽସ୍ମାଭିର୍ବଧସ୍ତାତ କ୍ଷତ୍ରିଯୈରୀପ୍ସିତଃ ସ୍ବଯମ୍॥ 1-195-16 (8746)
ନିଖାତଂ ଯଚ୍ଚ ବୈ ବିତ୍ତଂ କେନଚିଦ୍ଗୃଗୁବେଶ୍ମନି।
ବୈରାଯୈବ ତଦା ନ୍ଯସ୍ତଂ କ୍ଷତ୍ରିଯାନ୍କୋପଯିଷ୍ଣୁଭିଃ॥ 1-195-17 (8747)
କିଂ ହି ବିତ୍ତେନ ନଃ କାର୍ଯଂ ସ୍ବର୍ଗେପ୍ସୂନାଂ ଦ୍ବିଜୋତ୍ତମ।
ଯଦସ୍ମାକଂ ଧନାଧ୍ଯକ୍ଷଃ ପ୍ରଭୂତଂ ଧନମାହରତ୍॥ 1-195-18 (8748)
ଯଦା ତୁ ମୃତ୍ଯୁରାଦାତୁଂ ନ ନଃ ଶକ୍ନୋତି ସର୍ବଶଃ।
ତଦାଽସ୍ମାଭିରଯଂ ଦୃଷ୍ଟ ଉପାଯସ୍ତାତ ସଂମତଃ॥ 1-195-19 (8749)
ଆତ୍ମହା ଚ ପୁମାଂସ୍ତାତ ନ ଲୋକାଁଲ୍ଲଭତେ ଶୁଭାନ୍।
ତତୋଽସ୍ମାଭିଃ ସମୀକ୍ଷ୍ଯୈବଂ ନାତ୍ମନାତ୍ମା ନିପାତିତଃ॥ 1-195-20 (8750)
ନ ଚୈତନ୍ନଃ ପ୍ରିଯଂ ତାତ ଯଦିଦଂ କର୍ତୁମିଚ୍ଛସି।
ନିଯଚ୍ଛେଦଂ ମନଃ ପାପାତ୍ସର୍ବଲୋକପରାଭବାତ୍॥ 1-195-21 (8751)
ମା ବଧୀଃ କ୍ଷତ୍ରିଯାଂସ୍ତାତ ନ ଲୋକାନ୍ସପ୍ତ ପୁତ୍ରକ।
ଦୂଷଯନ୍ତଂ ତପସ୍ତେଜଃ କ୍ରୋଧମୁତ୍ପତିତଂ ଜହି॥ ॥ 1-195-22 (8752)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଚୈତ୍ରରଥପର୍ବଣି ପଞ୍ଚନବତ୍ଯଧିକଶତତମୋଽଧ୍ଯାଯଃ॥ 195 ॥
Mahabharata - Adi Parva - Chapter Footnotes
1-195-20 ଆତ୍ମହେତି ଏତେନ ଭୃଗୁପତନାଦିନା ମରଣଂ ବ୍ରାହ୍ମଣେତରବିଷଯଂ ଦର୍ଶିତମ୍॥ 1-195-22 ମାବଧୀରିତି କ୍ଷତ୍ରିଯାନ୍ ତଦନିଯନ୍ତୃତ୍ବେନାନପରାଧିନଃ। ସପ୍ତଲୋକାନ୍ ଭୂରାଦୀଂଶ୍ଚ ମାବଧୀଃ କିଂତୁ ତପଃସଂଭୃତଂ ତେଜୋ ଦୂଷଯନ୍ତଂ କ୍ରୋଧଂ ଜହି॥ ପଞ୍ଚନବତ୍ଯଧିକଶତତମୋଽଧ୍ଯାଯଃ॥ 195 ॥ଆଦିପର୍ବ - ଅଧ୍ଯାଯ 196
॥ ଶ୍ରୀଃ ॥
1.196. ଅଧ୍ଯାଯଃ 196
Mahabharata - Adi Parva - Chapter Topics
ପିତୄଣାଂ ନିଦେଶେନ ଔର୍ବସ୍ଯ ସମୁଦ୍ରେ କ୍ରୋଧତ୍ଯାଗଃ॥ 1 ॥Mahabharata - Adi Parva - Chapter Text
1-196-0 (8753)
ଔର୍ବ ଉବାଚ। 1-196-0x (1118)
ଉକ୍ତବାନସ୍ମି ଯାଂ କ୍ରୋଧାତ୍ପ୍ରତିଜ୍ଞାଂ ପିତରସ୍ତଦା।
ସର୍ବଲୋକବିନାଶାଯ ନ ସା ମେ ବିତଥା ଭବେତ୍॥ 1-196-1 (8754)
ବୃଥାରୋଷପ୍ରତିଜ୍ଞୋ ବୈ ନାହଂ ଜୀବିତୁମୁତ୍ସହେ।
ଅନିସ୍ତୀର୍ଣୋ ହି ମାଂ ରୋଷୋ ଦହେଦଗ୍ନିରିବାରଣିମ୍॥ 1-196-2 (8755)
ଯୋ ହି କାରଣତଃ କ୍ରୋଧଂ ସଂଜାତଂ କ୍ଷନ୍ତୁମର୍ହତି।
ନାଲଂ ସ ମନୁଜଃ ସମ୍ଯକ୍ ତ୍ରିବର୍ଗଂ ପରିରକ୍ଷିତୁମ୍॥ 1-196-3 (8756)
ଅଶିଷ୍ଟାନାଂ ନିଯନ୍ତା ହି ଶିଷ୍ଟାନାଂ ପରିରକ୍ଷିତା।
ସ୍ଥାନେ ରୋଷଃ ପ୍ରଯୁକ୍ତଃ ସ୍ଯାନ୍ନୃପୈଃ ସର୍ବଜିଗୀଷୁଭିଃ॥ 1-196-4 (8757)
ଅଶ୍ରୌଷମହମୂରୁସ୍ଥୋ ଗର୍ଭଶଯ୍ଯାଗତସ୍ତଦା।
ଆରାବଂ ମାତୃବର୍ଗସ୍ଯ ଭୃଗୂଣାଂ କ୍ଷତ୍ରିଯୈର୍ବଧେ॥ 1-196-5 (8758)
ସାମରୈର୍ହି ଯଦା ଲୋକେ ଭୃଗୂଣାଂ କ୍ଷତ୍ରିଯାଧମୈଃ।
ଆଗର୍ଭୋତ୍ସାଦନଂ କ୍ଷାନ୍ତଂ ତଦା ମାଂ ମନ୍ଯୁରାବିଶତ୍॥ 1-196-6 (8759)
ପ୍ରକୀର୍ଣକେଶାଃ କିଲ ମେ ମାତରଃ ପିତରସ୍ତଥା।
ଭଯାତ୍ସର୍ବେଷୁ ଲୋକେଷୁ ନାଧିଜଗ୍ମୁଃ ପରାଯଣମ୍॥ 1-196-7 (8760)
ତାନ୍ଭୃଗୂଣାଂ ଯଦା ଦାରାନ୍କଶ୍ଚିନ୍ନାଭ୍ଯୁପପଦ୍ଯତ।
ମାତା ତଦା ଦଧାରେଯମୂରୁଣୈକେନ ମାଂ ଶୁଭା॥ 1-196-8 (8761)
ପ୍ରତିଷେଦ୍ଧା ହି ପାପସ୍ଯ ଯଦା ଲୋକେଷୁ ବିଦ୍ଯତେ।
ତଦା ସର୍ବେଷୁ ଲୋକେଷୁ ପାପକୃନ୍ନୋପପଦ୍ଯତେ॥ 1-196-9 (8762)
ଯଦା ତୁ ପ୍ରତିଷେଦ୍ଧାରଂ ପାପୋ ନ ଲଭତେ କ୍ବଚିତ୍।
ତିଷ୍ଠନ୍ତି ବହବୋ ଲୋକାସ୍ତଦା ପାପେଷୁ କର୍ମସୁ॥ 1-196-10 (8763)
ଜାନନ୍ନପି ଚ ଯଃ ପାପଂ ଶକ୍ତିମାନ୍ନ ନିଯଚ୍ଛତି।
ଈଶଃ ସନ୍ସୋଽପି ତେନୈବ କର୍ମଣା ସଂପ୍ରଯୁଜ୍ଯତେ॥ 1-196-11 (8764)
ରାଜଭିଶ୍ଚେଶ୍ବରୈଶ୍ଚୈବ ଯଦି ବୈ ପିତରୋ ମମ।
ଶକ୍ତୈର୍ନ ଶକିତାସ୍ତ୍ରାତୁମିଷ୍ଟଂ ମତ୍ବେହ ଜୀବିତମ୍॥ 1-196-12 (8765)
ଅତ ଏଷାମହଂ କ୍ରୁଦ୍ଧୋ ଲୋକାନାମୀଶ୍ବରୋ ହ୍ଯହମ୍।
ଭବତାଂ ଚ ବଚୋ ନାଲମହଂ ସମଭିବର୍ତିତୁମ୍॥ 1-196-13 (8766)
ମମାପି ଚେଦ୍ଭବେଦେବମୀଶ୍ବରସ୍ଯ ସତୋ ମହତ୍।
ଉପେକ୍ଷମାଣସ୍ଯ ପୁନର୍ଲୋକାନାଂ କିଲ୍ବିଷାଦ୍ଭଯମ୍॥ 1-196-14 (8767)
ଯଶ୍ଚାଯଂ ମନ୍ଯୁଜୋ ମେଽଗ୍ନିର୍ଲୋକାନାଦାତୁମିଚ୍ଛତି।
ଦହେଦେଷ ଚ ମାମେବ ନିଗୃହୀତଃ ସ୍ବତେଜସା॥ 1-196-15 (8768)
ଭବତାଂ ଚ ବିଜାନାମି ସର୍ବଲୋକହିତେପ୍ସୁତାମ୍।
ତସ୍ମାଦ୍ବିଧଦ୍ଧ୍ବଂ ଯଚ୍ଛ୍ରେଯୋ ଲୋକାନାଂ ମମ ଚେଶ୍ବରାଃ॥ 1-196-16 (8769)
ପିତର ଊଚୁଃ। 1-196-17x (1119)
ଯ ଏଷ ମନ୍ଯୁଜସ୍ତେଽଗ୍ନିର୍ଲୋକାନାଦାତୁମିଚ୍ଛତି।
ଅପ୍ସୁ ତଂ ମୁଞ୍ଚ ଭଦ୍ରଂ ତେ ଲୋକା ହ୍ଯପ୍ସୁ ପ୍ରତିଷ୍ଠିତାଃ॥ 1-196-17 (8770)
ଆପୋମଯାଃ ସର୍ବରସାଃ ସର୍ବମାପୋମଯଂ ଜଗତ୍।
ତସ୍ମାଦପ୍ସୁ ବିମୁଞ୍ଚେମଂ କ୍ରୋଧାଗ୍ନିଂ ଦ୍ବିଜସତ୍ତମ॥ 1-196-18 (8771)
ଅଯଂ ତିଷ୍ଠତୁ ତେ ବିପ୍ର ଯଦୀଚ୍ଛସି ମହୋଦଧୌ।
ମନ୍ଯୁଜୋଽଗ୍ନିର୍ଦହନ୍ନାପୋ ଲୋକା ହ୍ଯାପୋମଯାଃ ସ୍ମୃତାଃ॥ 1-196-19 (8772)
ଏବଂ ପ୍ରତିଜ୍ଞା ସତ୍ଯେଯଂ ତବାନଘ ଭବିଷ୍ଯତି।
ନ ଚୈବଂ ସାମରା ଲୋକା ଗମିଷ୍ଯନ୍ତି ପରାଭବମ୍॥ 1-196-20 (8773)
ବସିଷ୍ଠ ଉବାଚ। 1-196-21x (1120)
ତତସ୍ତଂ କ୍ରୋଧଜଂ ତାତ ଔର୍ବୋଽଗ୍ନିଂ ବରୁଣାଲଯେ।
ଉତ୍ସସର୍ଜ ସ ଚୈବାପ ଉପଯୁଙ୍କ୍ତେ ମହୋଦଧୌ॥ 1-196-21 (8774)
ମହଦ୍ଧଯଶିରୋ ଭୂତ୍ବା ଯତ୍ତଦ୍ବେଦବିଦୋ ବିଦୁଃ।
ତମଗ୍ନିମୁଦ୍ହିରଦ୍ବକ୍ତ୍ରାତ୍ପିବତ୍ଯାପୋ ମହୋଦଧୌ॥ 1-196-22 (8775)
ତସ୍ମାତ୍ତ୍ବମପି ଭଦ୍ରଂ ତେ ନ ଲୋକାନ୍ହନ୍ତୁମର୍ହସି।
ପରାଶରଂ ପରାଁଲ୍ଲୋକାଞ୍ଜାନଞ୍ଜ୍ଞାନବତାଂ ବର॥ ॥ 1-196-23 (8776)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଚୈତ୍ରରଥପର୍ବଣି ଷଣ୍ଣବତ୍ଯଧିକଶତତମୋଽଧ୍ଯାଯଃ॥ 196 ॥
Mahabharata - Adi Parva - Chapter Footnotes
1-196-2 ଅନିସ୍ତୀର୍ଣୋଽକୃତକାର୍ଯଃ॥ 1-196-8 ତଦ୍ଭୃଗୂଣାଂ ରାଜା କଶ୍ଚିନ୍ନାଭ୍ଯୁପପଦ୍ଯତେ ଇତି ଙ. ପାଠଃ॥ 1-196-21 ଉପଯୁଙ୍କ୍ତେ ଭକ୍ଷଯତି॥ 1-196-22 ହଯଶିରଃ ବଡବାମୁଖମ୍॥ ଷଣ୍ଣବତ୍ଯଧିକଶତତମୋଽଧ୍ଯାଯଃ॥ 196 ॥ଆଦିପର୍ବ - ଅଧ୍ଯାଯ 197
॥ ଶ୍ରୀଃ ॥
1.197. ଅଧ୍ଯାଯଃ 197
Mahabharata - Adi Parva - Chapter Topics
ବସିଷ୍ଠବାକ୍ଯେନ ଲୋକବିନାଶାନ୍ନିବୃତ୍ତେନ ପରାଶରେଣ ରାକ୍ଷସନାଶାର୍ଥଂ ଯଜ୍ଞାରମ୍ଭଃ॥ 1 ॥ ପୁଲସ୍ତ୍ଯପ୍ରାର୍ଥନଯା ପରାଶରେଣ ଯଜ୍ଞସମାପନମ୍॥ 2 ॥Mahabharata - Adi Parva - Chapter Text
1-197-0 (8777)
ଗନ୍ଧର୍ବ ଉବାଚ। 1-197-0x (1121)
ଏବମୁକ୍ତଃ ସ ବିପ୍ରର୍ଷିର୍ବସିଷ୍ଠେନ ମହାତ୍ମନା।
ନ୍ଯଯଚ୍ଛଦାତ୍ମନଃ କ୍ରୋଧଂ ସର୍ବଲୋକପରାଭବାତ୍॥ 1-197-1 (8778)
ଈଜେ ଚ ସ ମହାତେଜାଃ ସର୍ବବେଦବିଦାଂ ବରଃ।
ଋଷୀ ରାକ୍ଷସସତ୍ରେଣ ଶାକ୍ତେଯୋଽଥ ପରାଶରଃ॥ 1-197-2 (8779)
ତତୋ ବୃଦ୍ଧାଂଶ୍ଚ ବାଲାଂଶ୍ଚ ରାକ୍ଷସାନ୍ସ ମହାମୁନିଃ।
ଦଦାହ ବିତତେ ଯଜ୍ଞେ ଶକ୍ତେର୍ବଧମନୁସ୍ମରନ୍॥ 1-197-3 (8780)
ନ ହି ତଂ ବାରଯାମାସ ବସିଷ୍ଠୋ ରକ୍ଷସାଂ ବଧାତ୍।
ଦ୍ବିତୀଯାମସ୍ଯ ମାଂ ଭାଙ୍କ୍ଷଂ ପ୍ରତିଜ୍ଞାମିତି ନିଶ୍ଚଯାତ୍॥ 1-197-4 (8781)
ତ୍ରଯାଣାଂ ପାବକାନାଂ ଚ ସତ୍ରେ ତସ୍ମିନ୍ମହାମୁନିଃ।
ଆସୀତ୍ପୁରସ୍ତାଦ୍ଦୀପ୍ତାନାଂ ଚତୁର୍ଥ ଇବ ପାବକଃ॥ 1-197-5 (8782)
ତେନ ଯଜ୍ଞେନ ଶୁଭ୍ରେଣ ହୂଯମାନେନ ଶକ୍ତିତଃ।
ତଦ୍ବିଦୀପିତମାକାଶଂ ସୂର୍ଯେଣେବ ଘନାତ୍ଯଯେ॥ 1-197-6 (8783)
ତଂ ବସିଷ୍ଠାଦଯଃ ସର୍ବେ ମୁନଯସ୍ତତ୍ର ମେନିରେ।
ତେଜସା ଦୀପ୍ଯମାନଂ ବୈ ଦ୍ବିତୀଯମିବ ଭାସ୍କରମ୍॥ 1-197-7 (8784)
ତତଃ ପରମଦୁଷ୍ପ୍ରାପମନ୍ଯୈର୍ଋଷିରୁଧାରଧୀଃ।
ସମାପିପଯିଷୁଃ ସତ୍ରଂ ତମତ୍ରିଃ ସମୁପାଗମତ୍॥ 1-197-8 (8785)
ତଥା ପୁଲସ୍ତ୍ଯଃ ପୁଲହଃ କ୍ରତୁଶ୍ଚୈବ ମହାକ୍ରତୁଃ।
ତତ୍ରାଜଗ୍ମୁରମିତ୍ରଘ୍ନ ରକ୍ଷସାଂ ଜୀବିତେପ୍ସଯା॥ 1-197-9 (8786)
ପୁଲସ୍ତ୍ଯସ୍ତୁ ବଧାତ୍ତେଷାଂ ରକ୍ଷସାଂ ଭରତର୍ଷଭ।
ଉବାଚେଦଂ ବଚଃ ପାର୍ଥ ପରାଶରମରିନ୍ଦମମ୍॥ 1-197-10 (8787)
କଚ୍ଚିତ୍ତାତାପବିଘ୍ନଂ ତେ କଚ୍ଚିନ୍ନନ୍ଦସି ପୁତ୍ରକ।
ଅଜାନତାମଦୋଷାଣାଂ ସର୍ବେଷାଂ ରକ୍ଷସାଂ ବଧାତ୍॥ 1-197-11 (8788)
ପ୍ରଜୋଚ୍ଛେଦମିମଂ ମହ୍ଯଂ ନ ହି କର୍ତୁ ତ୍ବମର୍ହସି।
ନୈଷ ତାତ ଦ୍ବିଜାତୀନାଂ ଧର୍ମୋ ଦୃଷ୍ଟସ୍ତପସ୍ବିନାମ୍॥ 1-197-12 (8789)
ଶମ ଏବ ପରୋ ଧର୍ମସ୍ତମାଚର ପରାଶର।
ଅଧର୍ମିଷ୍ଠଂ ବରିଷ୍ଠଃ ସନ୍କୁରୁଷେ ତ୍ବଂ ପରାଶର॥ 1-197-13 (8790)
ଶକ୍ତିଂ ଚାପି ହି ଧର୍ମଜ୍ଞଂ ନାତିକ୍ରାନ୍ତୁମିହାର୍ହସି।
ପ୍ରଜାଯାଶ୍ଚ ମମୋଚ୍ଛେଦଂ ନ ଚୈବଂ କର୍ତୁମର୍ହସି॥ 1-197-14 (8791)
ଶାପାଦ୍ଧି ଶକ୍ତେର୍ବାସିଷ୍ଠ ତଦା ତଦୁପପାଦିତମ୍।
ଆତ୍ମଜେନ ସ ଦୋଷେଣ ଶକ୍ତିର୍ନୀତ ଇତୋ ଦିବମ୍॥ 1-197-15 (8792)
ନ ହି ତଂ ରାକ୍ଷସଃ କଶ୍ଚିଚ୍ଛକ୍ତୋ ଭକ୍ଷଯିତୁଂ ମୁନେ।
`ବାସିଷ୍ଠୋ ଭକ୍ଷିତଶ୍ଚାସୀତ୍କୌଶିକୋତ୍ସୃଷ୍ଟରକ୍ଷସା।
ଶାପଂ ନ କୁର୍ବନ୍ତି ତଦା ନ ଚ ତ୍ରାଣପରାଯଣାଃ॥ 1-197-16 (8793)
କ୍ଷମାବନ୍ତୋଽଦହନ୍ଦେହଂ ଦେହମନ୍ଯଦ୍ଭବତ୍ବିତି।'
ଆତ୍ମନୈବାତ୍ମନସ୍ତେନ ଦୃଷ୍ଟୋ ମୃତ୍ଯୁସ୍ତଦାଽଭବତ୍॥ 1-197-17 (8794)
ନିମିତ୍ତଭୂତସ୍ତତ୍ରାସୀଦ୍ବିଶ୍ବାମିତ୍ରଃ ପରାଶର।
ରାଜା କଲ୍ମାଷପାଦଶ୍ଚ ଦିବମାରୁହ୍ଯ ମୋଦତେ॥ 1-197-18 (8795)
ଯେ ଚ ଶକ୍ତ୍ଯବରାଃ ପୁତ୍ରା ବସିଷ୍ଠସ୍ଯ ମହାମୁନେ।
ତେ ଚ ସର୍ବେ ମୁଦା ଯୁକ୍ତା ମୋଦନ୍ତେ ସହିତାଃ ସୁରୈଃ॥ 1-197-19 (8796)
ସର୍ବମେତଦ୍ବସିଷ୍ଠସ୍ଯ ବିଦିତଂ ବୈ ମହାମୁନେ।
ରକ୍ଷସାଂ ଚ ସମୁଚ୍ଛେଦ ଏଷ ତାତ ତପସ୍ବିନାମ୍॥ 1-197-20 (8797)
ନିମିତ୍ତଭୂତସ୍ତ୍ବଂ ଚାତ୍ର କ୍ରତୌ ବାସିଷ୍ଠନନ୍ଦନ।
ତତ୍ସତ୍ରଂ ମୁଞ୍ଚ ଭଦ୍ରଂ ତେ ସମାପ୍ତମିଦମସ୍ତୁ ତେ॥ 1-197-21 (8798)
ଗନ୍ଧର୍ବ ଉବାଚ। 1-197-22x (1122)
ଏବମୁକ୍ତଃ ପୁଲସ୍ତ୍ଯେନ ବସିଷ୍ଠେନ ଚ ଧୀମତା।
ତଦା ସମାପଯାମାସ ସତ୍ରଂ ଶାକ୍ତୋ ମହାମୁନିଃ॥ 1-197-22 (8799)
ସର୍ବରାକ୍ଷସସତ୍ରାଯ ସଂଭୃତଂ ପାବକଂ ତଦା।
ଉତ୍ତରେ ହିମବତ୍ପାର୍ଶ୍ବେ ଉତ୍ସସର୍ଜ ମହାବନେ॥ 1-197-23 (8800)
ସ ତତ୍ରାଦ୍ଯାପି ରକ୍ଷାଂସି ବୃକ୍ଷାନଶ୍ମନ ଏବ ଚ।
ଭକ୍ଷଯନ୍ଦୃଶ୍ଯତେ ବହ୍ନିଃ ସଦା ପର୍ବଣି ପର୍ବଣି॥ ॥ 1-197-24 (8801)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଚୈତ୍ରରଥପର୍ବଣି ସପ୍ତନବତ୍ଯଧିକଶତତମୋଽଧ୍ଯାଯଃ॥ 197 ॥
Mahabharata - Adi Parva - Chapter Footnotes
1-197-4 ମାଭାଙ୍କ୍ଷେ ନ ନାଶଯେଯମ୍॥ 1-197-12 ମଦ୍ଯଂ ମମ॥ ସପ୍ତନବତ୍ଯଧିକଶତତମୋଽଧ୍ଯାଯଃ॥ 197 ॥ଆଦିପର୍ବ - ଅଧ୍ଯାଯ 198
॥ ଶ୍ରୀଃ ॥
1.198. ଅଧ୍ଯାଯଃ 198
Mahabharata - Adi Parva - Chapter Topics
ସୌଦାସଭାର୍ଯାଯାଂ ବସିଷ୍ଠେନ ପୁତ୍ରୋତ୍ପାଦନକାରଣଂ ପୃଷ୍ଟବନ୍ତମର୍ଜୁନଂପ୍ରତି ପୁନଃ କଲ୍ମାଷପାଦକଥାକଥନମ୍॥ 1 ॥ ମୈଥୁନଧର୍ମସ୍ଯ ବ୍ରାହ୍ଣଂ ଭକ୍ଷିତବତଃ ସୌଦାସସ୍ଯ ବ୍ରାହ୍ମଣ୍ଯା ଶାପଃ॥ 2 ॥Mahabharata - Adi Parva - Chapter Text
1-198-0 (8802)
`ଗନ୍ଧର୍ବ ଉବାଚ। 1-198-0x (1123)
ପୁନଶ୍ଚୈବ ମହାତେଜା ବିଶ୍ବାମିତ୍ରଜିଘାଂସଯା।
ଅଗ୍ନିଂ ସଂଭୃତବାନ୍ଘୋରଂ ଶାକ୍ତେଯଃ ସୁମହାତପାଃ॥ 1-198-1 (8803)
ବାସିଷ୍ଠସଂଭୃତଶ୍ଚାଗ୍ନିର୍ବିଶ୍ବାମିତ୍ରହିତୈଷିଣା।
ତେଜସା ବହ୍ନିତୁଲ୍ଯେନ ଗ୍ରସ୍ତଃ ସ୍କନ୍ଦେନ ଧୀମତା॥' 1-198-2 (8804)
ଅର୍ଜୁନ ଉବାଚ। 1-198-3x (1124)
ରାଜ୍ଞା କଲ୍ମାଷପାଦେନ ଗୁରୌ ବ୍ରହ୍ମବିଦାଂ ବରେ।
କାରଣଂ କିଂ ପୁରସ୍କୃତ୍ଯ ଭାର୍ଯା ବୈ ସନ୍ନିଯୋଜିତା॥ 1-198-3 (8805)
ଜାନତା ବୈ ପରଂ ଧର୍ମଂ ବସିଷ୍ଠେନ ମହାତ୍ମନା।
ଅଗମ୍ଯାଗମନଂ କସ୍ମାତ୍କୃତଂ ତେନ ମହର୍ଷିଣା॥ 1-198-4 (8806)
ଅଧର୍ମିଷ୍ଠଂ ବସିଷ୍ଠେନ କୃତଂ ଚାପି ପୁରା ସଖେ।
ଏତନ୍ମେ ସଂଶଯଂ ସର୍ବଂ ଛେତ୍ତୁମର୍ହସି ପୃଚ୍ଛତଃ॥ 1-198-5 (8807)
ଗନ୍ଧର୍ବ ଉବାଚ। 1-198-6x (1125)
ଧନଞ୍ଜଯ ନିବୋଧେଯଂ ଯନ୍ମାଂ ତ୍ବଂ ପରିପୃଚ୍ଛସି।
ବସିଷ୍ଠଂ ପ୍ରତି ଦୁର୍ଧର୍ଷ ତଥା ମିତ୍ରସହଂ ନୃପମ୍॥ 1-198-6 (8808)
କଥିତଂ ତେ ମଯା ସର୍ବଂ ଯଥା ଶପ୍ତଃ ସ ପାର୍ଥିବଃ।
ଶକ୍ତିନା ଭରତଶ୍ରେଷ୍ଠ ବାସିଷ୍ଠେନ ମହାତ୍ମନା॥ 1-198-7 (8809)
ସ ତୁ ଶାପବଶଂ ପ୍ରାପ୍ତଃ କ୍ରୋଧପର୍ଯାକୁଲେକ୍ଷଣଃ।
ନିର୍ଜଗାମ ପୁରାଦ୍ରାଜା ସହଦାରଃ ପରନ୍ତପଃ॥ 1-198-8 (8810)
ଅରଣ୍ଯଂ ନିର୍ଜନଂ ଗତ୍ବା ସଦାରଃ ପରିଚକ୍ରମେ।
ନାନାମୃଗଗଣାକୀର୍ଣଂ ନାନାସତ୍ବସମାକୁଲମ୍॥ 1-198-9 (8811)
ନାନାଗୁଲ୍ମଲତାଚ୍ଛନ୍ନଂ ନାନାଦ୍ରୁମସମାବୃତମ୍।
ଅରଣ୍ଯଂ ଘୋରସନ୍ନାଦଂ ଶାପଗ୍ରସ୍ତଃ ପରିଭ୍ରମନ୍॥ 1-198-10 (8812)
ସ କଦାଚିତ୍କ୍ଷୁଧାବିଷ୍ଟୋ ମୃଗଯନ୍ଭକ୍ଷ୍ଯମାତ୍ମନଃ।
ଦଦର୍ଶ ସୁପରିକ୍ଲିଷ୍ଟଃ କସ୍ମିଂଶ୍ଚିନ୍ନିର୍ଜନେ ବନେ॥ 1-198-11 (8813)
ବ୍ରାହ୍ମଣଂ ବ୍ରାହ୍ମଣୀଂ ଚୈବ ମିଥୁନାଯୋପସଂଗତୌ।
ତୌ ତଂ ବୀକ୍ଷ୍ଯ ସୁବିତ୍ରସ୍ତାବକୃତାର୍ଥୌ ପ୍ରଧାବିତୌ॥ 1-198-12 (8814)
ତଯୋଃ ପ୍ରଦ୍ରବତୋର୍ବିପ୍ରଂ ଜଗ୍ରାହ ନୃପତିର୍ବଲାତ୍।
ଦୃଷ୍ଟ୍ବା ଗୃହୀତଂ ଭର୍ତାରମଥ ବ୍ରାହ୍ମଣ୍ଯଭାଷତ॥ 1-198-13 (8815)
ଶୃଣୁ ରାଜନ୍ମମ ବଚୋ ଯତ୍ତ୍ବାଂ ବକ୍ଷ୍ଯାମି ସୁବ୍ରତ।
ଆଦିତ୍ଯବଂଶପ୍ରଭବସ୍ତ୍ବଂ ହି ଲୋକେ ପରିଶ୍ରୁତଃ॥ 1-198-14 (8816)
ଅପ୍ରମତ୍ତଃ ସ୍ଥି ଧର୍ମେ ଗୁରୁଶୁଶ୍ରୂଷଣେ ରତଃ।
ଶାପୋପହତ ଦୁର୍ଧର୍ଷ ନ ପାପଂ କର୍ତୁମର୍ହସି॥ 1-198-15 (8817)
ଋତୁକାଲେ ତୁ ସଂପ୍ରାପ୍ତେ ଭର୍ତୃବ୍ଯସନକର୍ଶିତା।
ଅକୃତାର୍ଥା ହ୍ଯହଂ ଭର୍ତ୍ରା ପ୍ରସବାର୍ଥଂ ସମାଗତା॥ 1-198-16 (8818)
ପ୍ରସୀଦ ନୃପତିଶ୍ରେଷ୍ଠ ଭର୍ତାଽଯଂ ମେ ବିସୃଜ୍ଯତାମ୍।
ଏବଂ ବିକ୍ରୋଶମାନାଯାସ୍ତସ୍ଯାସ୍ତୁ ନ ନୃଶଂସବତ୍॥ 1-198-17 (8819)
ଭର୍ତାରଂ ଭକ୍ଷଯାମାସ ବ୍ଯାଘ୍ରୋ ମୃଗମିବେପ୍ସିତମ୍।
ତସ୍ଯାଃ କ୍ରୋଧାଭିଭୂତାଯା ଯାନ୍ଯଶ୍ରୂଣ୍ଯପତନ୍ଭୁବି॥ 1-198-18 (8820)
ସୋଽଗ୍ନିଃ ସମଭବଦ୍ଦୀପ୍ତସ୍ତଂ ଚ ଦେଶଂ ବ୍ଯଦୀପଯତ୍।
ତତଃ ସା ଶୋକସଂତପ୍ତା ଭର୍ତୃବ୍ଯସନକର୍ଶିତା॥ 1-198-19 (8821)
କଲ୍ମାଷପାଦଂ ରାଜର୍ଷିମଶପଦ୍ବ୍ରାହ୍ମଣୀ ରୁଷା।
ଯସ୍ମାନ୍ମମାକୃତାର୍ଥାଯାସ୍ତ୍ବଯା କ୍ଷୁଦ୍ର ନୃଶଂସବତ୍॥ 1-198-20 (8822)
ପ୍ରେକ୍ଷନ୍ତ୍ଯା ଭକ୍ଷିତୋ ମେଽଦ୍ଯ ପ୍ରିଯୋ ଭର୍ତା ମହାଯଶାଃ।
ତସ୍ମାତ୍ତ୍ବମପି ଦୁର୍ବୁଦ୍ଧେ ମଚ୍ଛାପପରିବିକ୍ଷତଃ॥ 1-198-21 (8823)
ପତ୍ନୀମୃତାବନୁପ୍ରାପ୍ଯ ସଦ୍ଯସ୍ତ୍ଯକ୍ଷ୍ଯସି ଜୀବିତମ୍।
`ତେନ ପ୍ରସାଦ୍ଯମାନା ସା ପ୍ରସାଦମକରୋତ୍ତଦା।'
ଯସ୍ଯ ଚର୍ଷେର୍ବସିଷ୍ଠସ୍ଯ ତ୍ବଯା ପୁତ୍ରା ବିନାଶିତାଃ॥ 1-198-22 (8824)
ତେନ ସଂଗମ୍ଯ ତେ ଭାର୍ଯା ତନଯଂ ଜନଯିଷ୍ଯତି।
ସତେ ବଂଶକରଃ ପୁତ୍ରୋ ଭବିଷ୍ଯତି ନୃପାଧମ॥ 1-198-23 (8825)
ଏବଂ ଶପ୍ତ୍ବା ତୁ ରାଜାନଂ ସା ତମାଙ୍ଗିରସୀ ଶୁଭା।
ତସ୍ଯୈବ ସନ୍ନିଧୌ ଦୀପ୍ତଂ ପ୍ରବିବେଶ ହୁତାଶନମ୍॥ 1-198-24 (8826)
ବସିଷ୍ଠଶ୍ଚ ମହାଭାଗଃ ସର୍ବମେତଦବୈକ୍ଷତ।
ଜ୍ଞାନଯୋଗେନ ମହତା ତପସା ଚ ପରନ୍ତପ॥ 1-198-25 (8827)
ମୁକ୍ତଶାପଶ୍ଚ ରାଜର୍ଷିଃ କାଲେନ ମହତା ତତଃ।
ଋତୁକାଲେଽଭିପତିତୋ ମଦଯନ୍ତ୍ଯା ନିବାରିତଃ॥ 1-198-26 (8828)
ନ ହି ସସ୍ମାର ସ ନୃପସ୍ତଂ ଶାପଂ କାମମୋହିତଃ।
ଦେବ୍ଯାଃ ସୋଽଥ ବଚଃ ଶ୍ରୁତ୍ବା ସଂଭ୍ରାନ୍ତୋ ନୃପସତ୍ତମଃ॥ 1-198-27 (8829)
ତଂ ଶାପମନୁସଂସ୍ମୃତ୍ଯ ପର୍ଯତପ୍ଯଦ୍ଭୃଶଂ ତଦା।
ଏତସ୍ମାତ୍କାରଣାଦ୍ରାଜା ବସିଷ୍ଠଂ ସନ୍ଯଯୋଜଯତ୍।
ସ୍ବଦାରେଷୁ ନରଶ୍ରେଷ୍ଠ ଶାପଦୋଷସମନ୍ବିତଃ॥ ॥ 1-198-28 (8830)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଚୈତ୍ରରଥପର୍ବଣି ଅଷ୍ଟନବତ୍ଯଧିକଶତତମୋଽଧ୍ଯାଯଃ॥ 198 ॥
ଆଦିପର୍ବ - ଅଧ୍ଯାଯ 199
॥ ଶ୍ରୀଃ ॥
1.199. ଅଧ୍ଯାଯଃ 199
Mahabharata - Adi Parva - Chapter Topics
ଅର୍ଜୁନେନ ଅନୁରୂପପୁରୋହିତସଂପାଦନଂ ପୃଷ୍ଟେନ ଗନ୍ଧର୍ବେଣ ଧୌମ୍ଯବରଣାକ୍ଷ୍ଯନୁଜ୍ଞା॥ 1 ॥ ଗନ୍ଧର୍ବାଯ ଆଗ୍ନେଯାସ୍ତ୍ରଦାନମ୍॥ 2 ॥ ଉତ୍କୋ ଚତୀର୍ଥେ ପାଣ୍ଡବୈଃ ଧୌମ୍ଯସ୍ଯ ପୌରୋହିତ୍ଯେ ବରଣମ୍॥ 3 ॥Mahabharata - Adi Parva - Chapter Text
1-199-0 (8831)
ଅର୍ଜୁନ ଉବାଚ। 1-199-0x (1126)
ଅସ୍ମାକମନୁରୂପୋ ବୈ ଯଃ ସ୍ଯାଦ୍ଗନ୍ଧର୍ବ ବେଦବିତ୍।
ପୁରୋହିତସ୍ତମାଚକ୍ଷ୍ବ ସର୍ବଂ ହି ବିଦିତଂ ତବ॥ 1-199-1 (8832)
ଗନ୍ଧର୍ବ ଉବାଚ। 1-199-2x (1127)
ଯବୀଯାନ୍ଦେବଲସ୍ଯୈଷ ବନେ ଭ୍ରାତା ତପସ୍ଯତି।
ଧୌମ୍ଯ ଉତ୍କୋଚକେ ତୀର୍ଥେ ତଂ ବୃଣୁଧ୍ବଂ ଯୀଚ୍ଛଥ॥ 1-199-2 (8833)
ବୈଶମ୍ପାଯନ ଉବାଚ। 1-199-3x (1128)
ତତୋଽର୍ଜୁନୋଽସ୍ତ୍ରମାଗ୍ନେଯଂ ପ୍ରଦଦୌ ତଦ୍ଯଥାବିଧି।
ଗନ୍ଧର୍ବାଯ `ସ ଚ ପ୍ରୀତୋ ବଚନଂ ଚେଦମବ୍ରବୀତ୍॥ 1-199-3 (8834)
ମଯି ସନ୍ତି ହଯଶ୍ରେଷ୍ଠାସ୍ତବ ଦାସ୍ଯାମି ବୈ ସଖେ।
ଉପକାରକୃତଂ ମିତ୍ରଂ ପ୍ରତିକାରେଣ ଯୋଜଯେ॥ 1-199-4 (8835)
ଗୃହ୍ଣୀଷ୍ବ ଚାକ୍ଷୁଷୀଂ ବିଦ୍ଯାମିମାଂ ଭରତସତ୍ତମ।
ଏବମୁକ୍ତୋଽର୍ଜୁନଃ' ପ୍ରୀତୋ ବଚନଂ ଚେଦମବ୍ରବୀତ୍॥ 1-199-5 (8836)
ତ୍ବଯ୍ଯେବ ତାବତ୍ତିଷ୍ଠନ୍ତୁ ହଯା ଗନ୍ଧର୍ବସତ୍ତମ।
କାର୍ଯକାଲେ ଗ୍ରହୀଷ୍ଯାମଃ ସ୍ବସ୍ତି ତେଽସ୍ତ୍ବିତି ଚାବ୍ରବୀତ୍॥ 1-199-6 (8837)
ତେଽନ୍ଯୋନ୍ଯମଭିସଂପୂଜ୍ଯ ଗନ୍ଧର୍ବଃ ପାଣ୍ଡବାଶ୍ଚ ହ।
ରମ୍ଯାଦ୍ଭାଗୀରଥୀତୀରାଦ୍ଯଥାକାମଂ ପ୍ରତସ୍ଥିରେ॥ 1-199-7 (8838)
ତତ ଉତ୍କୋଚକଂ ତୀର୍ଥଂ ଗତ୍ବା ଧୌମ୍ଯାଶ୍ରମଂ ତୁ ତେ।
ତଂ ବବ୍ରୁଃ ପାଣ୍ଡବା ଧୌମ୍ଯଂ ପୌରୋହିତ୍ଯାଯ ଭାରତ॥ 1-199-8 (8839)
ତାନ୍ଧୌମ୍ଯଃ ପ୍ରତିଜଗ୍ରାହ ସର୍ବବେଦବିଦାଂ ବରଃ।
ବନ୍ଯେନ ଫଲମୂଲେନ ପୌରୋହିତ୍ଯେନ ଚୈବ ହ॥ 1-199-9 (8840)
ତେ ସମାଶଂସିରେ ଲବ୍ଧାଂ ଶ୍ରିଯଂ ରାଜ୍ଯଂ ଚ ପାଣ୍ଡବାଃ।
ବ୍ରାହ୍ମଣଂ ତଂ ପୁରସ୍କୃତ୍ଯ ପାଞ୍ଚାଲୀଂ ଚ ସ୍ବଯଂବରେ॥ 1-199-10 (8841)
ପୁରୋହିତେନ ତେନାଥ ଗୁରୁଣା ସଂଗତାସ୍ତଦା।
ନାଥବନ୍ତମିବାତ୍ମାନଂ ମେନିରେ ଭରତର୍ଷଭାଃ॥ 1-199-11 (8842)
ସ ହି ବେଦାର୍ଥତତ୍ତ୍ବଜ୍ଞସ୍ତେଷାଂ ଗୁରୁରୁଦାରଧୀଃ।
ବେଦବିଚ୍ଚୈବ ବାଗ୍ମୀ ଚ ଧୌମ୍ଯଃ ଶ୍ରୀମାନ୍ଦ୍ବିଜୋତ୍ତମଃ॥ 1-199-12 (8843)
ତେଜସା ଚୈବ ବୁଦ୍ଧ୍ଯା ଚ ରୂପେଣ ଯଶସା ଶ୍ରିଯା।
ମନ୍ତ୍ରୈଶ୍ଚ ବିବିଧୈର୍ଧୌମ୍ଯସ୍ତୁଲ୍ଯ ଆସୀଦ୍ବୃହସ୍ପତେଃ॥ 1-199-13 (8844)
ସ ଚାପି ବିପ୍ରସ୍ତାନ୍ମେନେ ସ୍ବଭାବାଭ୍ଯଧିକାନ୍ଭୁବି।
ତେନ ଧର୍ମବିଦା ପାର୍ଥା ଯୋଜ୍ଯା ସର୍ବବିଦା ବୃତାଃ॥ 1-199-14 (8845)
ମେନିରେ ସହିତା ବୀରାଃ ପ୍ରାପ୍ତଂ ରାଜ୍ଯଂ ଚ ପାଣ୍ଡବାଃ।
ବୁଦ୍ଧିବୀର୍ଯବଲୋତ୍ସାହୈର୍ଯୁକ୍ତା ଦେବା ଇବାପରେ॥ 1-199-15 (8846)
କୃତସ୍ବସ୍ତ୍ଯଯନାସ୍ତେନ ତତସ୍ତେ ମନୁଜାଧିପାଃ।
ମେନିରେ ସହିତା ଗନ୍ତୁଂ ପାଞ୍ଚାଲ୍ଯାସ୍ତଂ ସ୍ବଯଂବରମ୍॥ ॥ 1-199-16 (8847)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଚୈତ୍ରରଥପର୍ବଣି ଏକୋନଦ୍ବିଶତତମୋଽଧ୍ଯାଯଃ॥ 199 ॥ ॥ ସମାପ୍ତଂ ଚୈତ୍ରରଥପର୍ବ ॥
ଆଦିପର୍ବ - ଅଧ୍ଯାଯ 200
॥ ଶ୍ରୀଃ ॥
1.200. ଅଧ୍ଯାଯଃ 200
(ଅଥ ସ୍ବଯଂବରପର୍ବ ॥ 12 ॥)
Mahabharata - Adi Parva - Chapter Topics
ମଧ୍ଯେମାର୍ଗଂ ଆଗତସ୍ଯ ବ୍ଯାସସ୍ଯ ଆଜ୍ଞଯା ପାଣ୍ଡବାନାଂ ଦ୍ରୁପଦପୁରପ୍ରବେଶଃ॥ 1 ॥ ତେଷାଂ କୁମ୍ଭକାରଗୃହେ ବାସଃ, ଭୈକ୍ଷବୃତ୍ତିଶ୍ଚ॥ 2 ॥ ଦ୍ରୌପଦ୍ଯାଃ ସ୍ବଯଂବରନିର୍ମାଣକାରଣକଥନଂ॥ 3 ॥ ଦ୍ରୁପଦେନ କୃତାଂ ସ୍ବଯଂବରଘୋଷଣାଂ ଶ୍ରୁତବତାଂ କ୍ଷତ୍ରିଯାଦୀନାଂ ଆଗମନଂ॥ 4 ॥ ସର୍ବେଷାଂ ଉଚିତେ ସ୍ଥାନେ ଉପବେଶନଂ ପାଣ୍ଡବାନାଂ ବ୍ରାହ୍ମଣମଧ୍ଯେ ଉପବେଶନଂ॥ 5 ॥ ମଙ୍ଗଲସ୍ନାତାଯାଃ ସ୍ବଲଙ୍କୃତାଯା ଦ୍ରୌପଦ୍ଯା ରଙ୍ଗମଧ୍ଯେ ଆଗମନଂ॥ 6 ॥ ଧୃଷ୍ଟଦ୍ଯୁମ୍ନେନ ଲକ୍ଷ୍ଯବେଧପଣକଥନମ୍॥ 7 ॥Mahabharata - Adi Parva - Chapter Text
1-200-0 (8848)
ବୈଶମ୍ପାଯନ ଉବାଚ। 1-200-0x (1129)
ତତସ୍ତେ ନରଶାର୍ଦୂଲା ଭ୍ରାତରଃ ପଞ୍ଚ ପାଣ୍ଡବାଃ।
ତଂ ବ୍ରାହ୍ମଣଂ ପୁରସ୍କୃତ୍ଯ ପାଞ୍ଚାଲ୍ଯାଶ୍ଚ ସ୍ବଯଂବରମ୍।
ପ୍ରଯଯୁର୍ଦ୍ରୌପଦୀଂ ଦ୍ରଷ୍ଟୁଂ ତଂ ଚ ଦେଶଂ ମହୋତ୍ସବମ୍॥ 1-200-1 (8849)
ତତସ୍ତେ ତଂ ମହାତ୍ମାନଂ ଶୁଦ୍ଧାତ୍ମାନମକଲ୍ମଷମ୍।
ଦଦୃଶୁଃ ପାଣ୍ଡବା ବୀରାଃ ପଥି ଦ୍ବୈପାଯନଂ ତଦା॥ 1-200-2 (8850)
ତସ୍ମୈ ଯଥାବତ୍ସତ୍କାରଂ କୃତ୍ବା ତେନ ଚ ସତ୍କୃତାଃ।
କଥାନ୍ତେ ଚାଭ୍ଯନୁଜ୍ଞାତାଃ ପ୍ରଯଯୁର୍ଦ୍ରୁପଦକ୍ଷଯମ୍॥ 1-200-3 (8851)
ପଶ୍ଯନ୍ତୋ ରମଣୀଯାନି ବନାନି ଚ ସରାଂସି ଚ।
ତତ୍ରତତ୍ର ବସନ୍ତଶ୍ଚ ଶନୈର୍ଜଗ୍ମୁର୍ମହରାଥାଃ॥ 1-200-4 (8852)
ସ୍ବାଧ୍ଯାଯବନ୍ତଃ ଶୁଚଯୋ ମଧୁରାଃ ପ୍ରିଯବାଦିନଃ।
ଆନୁପୂର୍ବ୍ଯେଣ ସଂପ୍ରାପ୍ତାଃ ପାଞ୍ଚାଲାନ୍ପାଣ୍ଡୁନନ୍ଦନାଃ॥ 1-200-5 (8853)
ତେ ତୁ ଦୃଷ୍ଟ୍ବା ପୁରଂ ତଚ୍ଚ ସ୍କନ୍ଧାବାରଂ ଚ ପାଣ୍ଡବାଃ।
କୁମ୍ଭକାରସ୍ଯ ଶାଲାଯାଂ ନିବାସଂ ଚକ୍ରିରେ ତଦା॥ 1-200-6 (8854)
ତତ୍ର ଭୈକ୍ଷଂ ସମାଜହ୍ରୁର୍ବ୍ରାହ୍ମଣୀଂ ବୃତ୍ତିମାଶ୍ରିତାଃ।
ତାନ୍ସଂପ୍ରାପ୍ତାଂସ୍ତଥା ବୀରାଞ୍ଜଜ୍ଞିରେ ନ ନରାଃ କ୍ବଚିତ୍॥ 1-200-7 (8855)
`ଯଜ୍ଞସେନସ୍ତୁ ପାଞ୍ଚାଲୋ ଭୀଷ୍ମଦ୍ରୋମକୃତାଗସମ୍।
ଜ୍ଞାତ୍ବାଽଽତ୍ମାନଂ ତଦାରେଭେ ତ୍ରାଣାଯାତ୍ମକ୍ରିଯାଂ କ୍ଷମାଂ॥ 1-200-8 (8856)
ଅବାପ୍ଯ ଧୃଷ୍ଟଦ୍ଯୁମ୍ନଂ ହି ନ ସ ଦ୍ରୋଣମଚିନ୍ତଯତ୍।
ସ ତୁ ବୈରପ୍ରସଙ୍ଗାଚ୍ଚ ଭୀଷ୍ମାଦ୍ଭଯମଚିନ୍ତଯତ୍॥ 1-200-9 (8857)
କନ୍ଯାଦାନାତ୍ତୁ ଶରଣଂ ସୋଽମନ୍ଯତ ମହୀପତିଃ।'
ଯଜ୍ଞସେନସ୍ଯ କାମସ୍ତୁ ପାଣ୍ଡବାଯ କିରୀଟିନେ॥ 1-200-10 (8858)
ଦାସ୍ଯାମି କୃଷ୍ମାମିତି ବୈ ନ ଚୈନଂ ବିବୃଣୋତି ସଃ।
`ଜାମାତୃବଲସଂଯୋଗଂ ମେନେ ହି ବଲବତ୍ତରମ୍॥' 1-200-11 (8859)
ସୋଽନ୍ବେଷମାଣଃ କୌନ୍ତେଯାନ୍ପାଞ୍ଚାଲୋ ଜନମେଜଯ।
ଦୃଢଂ ଧନୁରଥାନମ୍ଯଂ କାରଯାମାସ ଭାରତ॥ 1-200-12 (8860)
`ବୈଯାଘ୍ରପଦ୍ଯସ୍ଯୋଗ୍ରଂ ବୈ ସୃଞ୍ଜଯସ୍ଯ ମହୀପତିଃ।
ତଦ୍ଧନୁଃ କିନ୍ଧୁରଂ ନାମ ଦେବଦତ୍ତମୁପାନଯତ୍॥ 1-200-13 (8861)
ଆଯସୀ ତସ୍ଯ ଚ ଜ୍ଯାଽଽସୀତ୍ପ୍ରତିବଦ୍ଧା ମହାବଲା।
ନ ତୁ ଜ୍ଯାଂ ପ୍ରସହେଦନ୍ଯସ୍ତଦ୍ଧନୁଃପ୍ରବରଂ ମହତ୍॥ 1-200-14 (8862)
ଶଙ୍କରେଣ ବରଂ ଦତ୍ତଂ ପ୍ରୀତେନ ଚ ମହାତ୍ମନା।
ତନ୍ନିଷ୍ଫଲଂ ସ୍ଯାନ୍ନ ତୁ ମେ ଇତି ପ୍ରାମାଣ୍ଯମାଗତଃ॥ 1-200-15 (8863)
ମଯା କର୍ତବ୍ଯମଧୁନା ଦୁଷ୍କରଂ ଲକ୍ଷ୍ଯବେଧନମ୍।
ଇତି ନିଶ୍ଚିତ୍ଯ ମନସା କାରିତଂ ଲକ୍ଷ୍ଯମୁତ୍ତମମ୍॥' 1-200-16 (8864)
ଯନ୍ତ୍ରଂ ବୈହାଯସଂ ଚାପି କାରଯାମାସ କୃତ୍ରିମମ୍।
ତେନ ଯନ୍ତ୍ରେଣ ସହିତଂ ରାଜଁଲ୍ଲକ୍ଷ୍ଯଂ ଚ କାଞ୍ଚନମ୍॥ 1-200-17 (8865)
ଦ୍ରୁପଦ ଉବାଚ। 1-200-18x (1130)
ଇଦଂ ସଜ୍ଯଂ ଧନୁଃ କୃତ୍ବା ସଜ୍ଜୈରେଭିଶ୍ଚ ସାଯକୈଃ।
ଅତୀତ୍ଯ ଲକ୍ଷ୍ଯ ଯୋ ବେଦ୍ଧା ସ ଲବ୍ଧା ମତ୍ସୁତାମିତି॥ 1-200-18 (8866)
ବୈଶମ୍ପାଯନ ଉବାଚ। 1-200-19x (1131)
ଇତି ସ ଦ୍ରୁପଦୋ ରାଜା ସ୍ବଯଂବରମଘୋଷଯତ୍।
ତଚ୍ଛ୍ରୁତ୍ବା ପାର୍ଥିବାଃ ସର୍ବେ ସମୀଯୁସ୍ତତ୍ର ଭାରତ॥ 1-200-19 (8867)
ଋଷଯଶ୍ଚ ମହାତ୍ମାନଃ ସ୍ବଯଂବରଦିଦୃକ୍ଷବଃ।
ଦୁର୍ଯୋଧନପୁରୋଗାଶ୍ଚ ସକର୍ଣାଃ କୁରବୋ ନୃପ॥ 1-200-20 (8868)
`ଯାଦବା ବାସୁଦେବେନ ସାର୍ଧମନ୍ଧକବୃଷ୍ଣଯଃ।'
ତତୋଽର୍ଚିତା ରାଜଗୁଣା ଦ୍ରୁପଦେନ ମହାତ୍ମନା॥ 1-200-21 (8869)
ଉପୋପବିଷ୍ଟା ମଞ୍ଚେଷୁ ଦ୍ରଷ୍ଟୁକାମାଃ ସ୍ବଯଂବରମ୍।
`ବ୍ରାହ୍ମଣାଶ୍ଚ ମହାଭାଗା ଦେଶେଭ୍ଯଃ ସମୁପାଗମନ୍॥ 1-200-22 (8870)
ବ୍ରାହ୍ମଣୈରେବ ସହିତାଃ ପାଣ୍ଡବାଃ ସମୁପାବିଶନ୍।
ତ୍ରଯସ୍ତ୍ରିଂଶତ୍ସୁରାଃ ସର୍ବେ ବିମାନୈର୍ବ୍ଯୋମ୍ନ୍ଯବସ୍ଥିତାଃ॥ 1-200-23 (8871)
ତତଃ ପୌରଜନାଃ ସର୍ବେ ସାଗରୋଦ୍ଧୂତନିଃସ୍ବନାଃ।
ଶିଂଶୁମାରଶିରଃ ପ୍ରାପ୍ଯ ନ୍ଯବିଶଂସ୍ତେ ସ୍ମ ପାର୍ଥିବାଃ॥ 1-200-24 (8872)
ପ୍ରାଗୁତ୍ତରେଣ ନଗରାଦ୍ଭୂମିଭାଗେ ସମେ ଶୁଭେ।
ସମାଜବାଟଃ ଶୁଶୁଭେ ଭବନୈଃ ସର୍ବତୋ ବୃତଃ॥ 1-200-25 (8873)
ପ୍ରାକାରପରିଖୋପେତୋ ଦ୍ବାରତୋରଣମଣ୍ଡିତଃ।
ବିତାନେନ ବିଚିତ୍ରେଣ ସର୍ବତଃ ସମଲଙ୍କୃତଃ॥ 1-200-26 (8874)
ତୂର୍ଯୌଘଶତସଙ୍କୀର୍ଣଃ ପରାର୍ଧ୍ଯାଗୁରୁଧୂପିତଃ।
ଚନ୍ଦନୋଦକସିକ୍ତଶ୍ଚ ମାଲ୍ଯଦାମୋପଶୋଭିତଃ॥ 1-200-27 (8875)
କୈଲାସଶିଖରପ୍ରଖ୍ଯୈର୍ନଭସ୍ତଲବିଲେଖିଭିଃ।
ସର୍ବତଃ ସଂବୃତଃ ଶୁଭ୍ରୈଃ ପ୍ରାସାଦୈଃ ସୁକୃତୋଚ୍ଛ୍ରଯୈ॥ 1-200-28 (8876)
ସୁବର୍ଣଜାଲସଂବୀତୈର୍ମଣିକୁଟ୍ଟିମଭୂଷଣୈଃ।
ସୁଖାରୋହଣସୋପାନୈର୍ମହାସନପରିଚ୍ଛଦୈଃ॥ 1-200-29 (8877)
ସ୍ରଗ୍ଦାମସମବଚ୍ଛନ୍ନୈରଗୁରୂତ୍ତମବାସିତୈଃ।
ହଂସାଂଶୁବର୍ଣୈର୍ବହୁଭିରାଯୋଜନସୁଗନ୍ଧିଭିଃ॥ 1-200-30 (8878)
ଅସଂବାଧଶତଦ୍ବାରୈଃ ଶଯନାସନଶୋଭିତୈଃ।
ବହୁଧାତୁପିନଦ୍ଧାଙ୍ଗୈର୍ହିମବଚ୍ଛିଖରୈରିବ॥ 1-200-31 (8879)
ତତ୍ର ନାନାପ୍ରକାରେଷୁ ବିମାନେଷୁ ସ୍ବଲଙ୍କୃତାଃ।
ସ୍ପର୍ଧମାନାସ୍ତଦାଽନ୍ଯୋନ୍ଯଂ ନିଷେଦୁଃ ସର୍ବପାର୍ଥିବାଃ॥ 1-200-32 (8880)
ତତ୍ରୋପବିଷ୍ଟାନ୍ଦଦୃଶୁର୍ମହାସତ୍ବାନ୍ପୃଥଗ୍ଜନାଃ।
ରାଜସିଂହାନ୍ମହାଭାଗାନ୍କୃଷ୍ଣାଗୁରୁବିଭୂଷିତାନ୍॥ 1-200-33 (8881)
ମହାପ୍ରସାଦାନ୍ବ୍ରାହ୍ମଣ୍ଯାନ୍ସ୍ବରାଷ୍ଟ୍ରପରିରକ୍ଷିଣଃ।
ପ୍ରିଯାନ୍ସର୍ବସ୍ଯ ଲୋକସ୍ଯ ସୁକୃତୈଃ କର୍ମଭିଃ ଶୁଭୈଃ॥ 1-200-34 (8882)
ମଞ୍ଚେଷୁ ଚ ପରାର୍ଦ୍ଧ୍ଯେଷୁ ପୌରଜାନପଦା ଜନାଃ।
କୃଷ୍ଣାଦର୍ଶନସିଦ୍ଧ୍ଯର୍ଥଂ ସର୍ବତଃ ସମୁପାବିଶନ୍॥ 1-200-35 (8883)
ବ୍ରାହ୍ମଣୈସ୍ତେ ଚ ସହିତାଃ ପାଣ୍ଡବାଃ ସମୁପାବିଶନ୍।
ଋଦ୍ଧିଂ ପଞ୍ଚାଲରାଜସ୍ଯ ପଶ୍ଯନ୍ତସ୍ତାମନୁତ୍ତମାମ୍॥ 1-200-36 (8884)
ତତଃ ସମାଜୋ ବବୃଧେ ସ ରାଜନ୍ଦିବସାନ୍ବହୂନ୍।
ରତ୍ନପ୍ରଦାନବହୁଲଃ ଶୋଭିତୋ ନଟନର୍ତକୈଃ॥ 1-200-37 (8885)
ବର୍ତମାନେ ସମାଜେ ତୁ ରମଣୀଯେଽହ୍ନି ଷୋଡଶେ।
`ମୈତ୍ରେ ମୁହୂର୍ତେ ତସ୍ଯାଶ୍ଚ ରାଜଦାରାଃ ପୁରାବିଦଃ।
ପୁତ୍ରବତ୍ଯଃ ସୁବସନାଃ ପ୍ରତିକର୍ମୋପଚକ୍ରମୁଃ॥ 1-200-38 (8886)
ବୈଡୂର୍ଯମଯପୀଠେ ତୁ ନିବିଷ୍ଟାଂ ଦ୍ରୌପଦୀଂ ତଦା।
ସତୂର୍ଯଂ ସ୍ନାପଯାଞ୍ଚକ୍ରୁଃ ସ୍ବର୍ଣକୁମ୍ଭସ୍ଥିତୈର୍ଜଲୈଃ॥ 1-200-39 (8887)
ତାଂ ନିବୃତ୍ତାଭିଷେକାଂ ଚ ଦୁକୂଲଦ୍ବଯଧାରିଣୀମ୍।
ନିନ୍ଯୁର୍ମଣିସ୍ତମ୍ଭବତୀଂ ବେଦିଂ ବୈ ସୁପରିଷ୍କୃତାମ୍॥ 1-200-40 (8888)
ନିବେଶ୍ଯ ପ୍ରାଙ୍ମୁଖୀଂ ହୃଷ୍ଟାଂ ବିସ୍ମିତାକ୍ଷ୍ଯଃ ପ୍ରସାଧିକାଃ।
କେନାଲଙ୍କରଣେନେମାମିତ୍ଯନ୍ଯୋନ୍ଯଂ ବ୍ଯଲୋକଯନ୍॥ 1-200-41 (8889)
ଧୂପୋଷ୍ମଣା ଚ କେଶାନାମାର୍ଦ୍ରଭାବଂ ବ୍ଯପୋହଯନ୍।
ବବନ୍ଧୁରସ୍ଯା ଧମ୍ମିଲ୍ଲଂ ମାଲ୍ଯୈଃ ସୁରଭିଗନ୍ଧିଭିଃ॥ 1-200-42 (8890)
ଦୂର୍ବାମଧୂକରଚିତଂ ମାଲ୍ଯଂ ତସ୍ଯା ଦଦୁଃ କରେ।
ଚକ୍ରୁଶ୍ଚ କୃଷ୍ଣାଗରୁଣା ପତ୍ରସଙ୍ଗଂ କୁଚଦ୍ବଯେ॥ 1-200-43 (8891)
ରେଜେ ସା ଚକ୍ରବାକାଙ୍କା ସ୍ବର୍ଣଦୀର୍ଘା ସରିଦ୍ବରା।
ଅଲକୈଃ କୁଟିଲୈସ୍ତସ୍ଯା ମୁଖଂ ବିକସିତଂ ବଭୌ॥ 1-200-44 (8892)
ଆସକ୍ତଭୃଙ୍ଗଂ କୁସୁମଂ ଶଶିମ୍ବିମ୍ବଂ ଜିଗାଯ ତତ୍।
କାଲାଞ୍ଜନଂ ନଯନଯୋରାଚାରାର୍ଥଂ ସମାଦଧୁଃ॥ 1-200-45 (8893)
ଭୂଷଣଂ ରତ୍ନଖଚିତୈରଲଂଚକ୍ରୁର୍ଯଥୋଚିତମ୍।
ମାତା ଚ ତସ୍ଯାଃ ପୃଷତୀ ହରିତାଲମନଶ୍ଶିଲାମ୍॥ 1-200-46 (8894)
ଅଙ୍ଗୁଲୀଭ୍ଯାମୁପାଦାଯ ତିଲକଂ ବିଦଧେ ମୁଖେ।
ଅଲଙ୍କୃତାଂ ବଧୂଂ ଦୃଷ୍ଟ୍ବା ଯୋଷିତୋ ମୁଦମାଯଯୁଃ॥ 1-200-47 (8895)
ମାତା ନ ମୁମୁଦେ ତସ୍ଯାଃ ପତିଃ କୀଦୃଗ୍ଭବିଷ୍ଯତି।
ସୌବିଦଲ୍ଲାଃ ସମାଗମ୍ଯ ଦ୍ରୁପଦସ୍ଯାଜ୍ଞଯା ତତଃ॥ 1-200-48 (8896)
ଏନାମାରୋପଯାମାସୁଃ କରିଣୀଂ କୁଚଭୂଷିତାମ୍।
ତତୋଽବାଦ୍ଯନ୍ତ ବାଦ୍ଯାନି ମଙ୍ଗଲାନି ଦିବି ସ୍ପୃଶନ୍॥ 1-200-49 (8897)
ବିଲାସିନୀଜନାଶ୍ଚାପି ପ୍ରବରଂ କରିଣୀଶତମ୍।
ମାଙ୍ଗଲ୍ଯଗୀତଂ ଗାଯନ୍ତ୍ଯଃ ପାର୍ସ୍ବଯୋରୁଭଯୋର୍ଯଯୁଃ॥ 1-200-50 (8898)
ଜନାପସରଣେ ବ୍ଯଗ୍ରାଃ ପ୍ରତିହାର୍ଯଃ ପୁରା ଯଯୁଃ।
କୋଲାହଲୋ ମହାନାସୀତ୍ତସ୍ମିନ୍ପୁରବରେ ତଦା॥ 1-200-51 (8899)
ଧୃଷ୍ଟଦ୍ଯୁମ୍ନୋ ଯଯାବଗ୍ରେ ହଯମାରୁହ୍ଯ ଭାରତ।
ଦ୍ରୁପଦୋ ରଙ୍ଗଦେଶେ ତୁ ବଲେନ ମହତା ଯୁତଃ॥ 1-200-52 (8900)
ତସ୍ଥୌ ବ୍ଯୂହ୍ଯ ମହାନୀକଂ ପାଲିତଂ ଦୃଢଧନ୍ବିଭିଃ।'
ଆପ୍ଲୁତାଙ୍ଗୀଂ ସୁବସନାଂ ସର୍ବାଭରଣଭୂଷିତାମ୍॥ 1-200-53 (8901)
ମାଲାଂ ଚ ସମୁପାଦାଯ କାଞ୍ଚନୀଂ ସମଲଙ୍କୃତାମ୍।
`ଆଗତାଂ ଦଦୃଶୁଃ ସର୍ବେ ରଙ୍ଗଭୂମିମଲଙ୍କୃତାମ୍॥' 1-200-54 (8902)
ଅବତୀର୍ଣା ତତୋ ରଙ୍ଗଂ ଦ୍ରୌପଦୀ ଭରତର୍ଷଭ।
`ତସ୍ଥୌ ପ୍ରମୁଦିତାନ୍ସର୍ବାନ୍ନୃପତୀନ୍ରଙ୍ଗମଣ୍ଡଲେ।
ପ୍ରେକ୍ଷନ୍ତୀ ବ୍ରୀଡିତାପାଙ୍ଗୀ ଦ୍ରଷ୍ଟୃଣାଂ ସୁମନୋହରା॥' 1-200-55 (8903)
ପୁରୋହିତଃ ସୋମକାନାଂ ମନ୍ତ୍ରବିଦ୍ବ୍ରାହ୍ମଣଃ ଶୁଚିଃ।
ପରିସ୍ତୀର୍ଯ ଜୁହାବାଗ୍ନିମାଜ୍ଯେନ ବିଧିବତ୍ତଦା॥ 1-200-56 (8904)
ସଂତର୍ପଯିତ୍ବା ଜ୍ବଲନଂ ବ୍ରାହ୍ମଣାନ୍ସ୍ବସ୍ତି ବାଚ୍ଯ ଚ।
ବାରଯାମାସ ସର୍ବାଣି ବାଦିତ୍ରାଣି ସମନ୍ତତଃ॥ 1-200-57 (8905)
ନିଃଶବ୍ଦେ ତୁ କୃତେ ତସ୍ମିନ୍ଧୃଷ୍ଟଦ୍ଯୁମ୍ନୋ ବିଶାଂପତେ।
କୃଷ୍ଣାମାଦାଯ ବିଧିବନ୍ମେଘଦୁନ୍ଦୁଭିନିଃସ୍ବନଃ॥ 1-200-58 (8906)
ରଙ୍ଗମଧ୍ଯଂ ଗତସ୍ତତ୍ର ମେଘଗମ୍ଭୀରଯା ଗିରା।
ବାକ୍ଯମୁଚ୍ଚୈର୍ଜଗାଦେଦଂ ଶ୍ଲକ୍ଷ୍ଣମର୍ଥବଦୁତ୍ତମମ୍॥ 1-200-59 (8907)
ଇଦଂ ଧନୁର୍ଲକ୍ଷ୍ଯମିମେ ଚ ବାଣାଃ
ଶୃଣ୍ବନ୍ତୁ ମେ ଭୂପତଯଃ ସମେତାଃ।
ଛିଦ୍ରେଣ ଯନ୍ତ୍ରସ୍ଯ ମସର୍ପଯଧ୍ବଂ
ଶରୈଃ ଶିତୈର୍ବ୍ଯୋମଚରୈର୍ଦଶାର୍ଧୈଃ॥ 1-200-60 (8908)
ଏତନ୍ମହତ୍କର୍ମ କରୋତି ଯୋ ବୈ
କୁଲେନ ରୂପେଣ ବଲେନ ଯୁକ୍ତଃ।
ତସ୍ଯାଦ୍ଯ ଭାର୍ଯା ଭଗିନୀ ମମେଯଂ
କୃଷ୍ଣା ଭବିତ୍ରୀ ନ ମୃଷା ବ୍ରବୀମି॥ 1-200-61 (8909)
ତାନେବମୁକ୍ତ୍ବା ଦ୍ରୁପଦସ୍ଯ ପୁତ୍ରଃ
ପଶ୍ଚାଦିଦଂ ତାଂ ଭଗିନୀମୁବାଚ।
ନାମ୍ନା ଚ ଗୋତ୍ରେଣ ଚ କର୍ମଣା ଚ
ସଂକୀର୍ତଯନ୍ଭୂମିପତୀନ୍ସମେତାନ୍॥ ॥ 1-200-62 (8910)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସ୍ବଯଂବରପର୍ବଣି ଦ୍ବିଶତତମୋଽଧ୍ଯାଯଃ॥ 200 ॥
Mahabharata - Adi Parva - Chapter Footnotes
1-200-7 ଜଜ୍ଞିରେ ଜ୍ଞାତବନ୍ତଃ॥ 1-200-17 ବୈହାଯସମନ୍ତରିକ୍ଷଗତମ୍॥ 1-200-24 ଶିଂଶୁମାରୋ ଜଲଜନ୍ତୁସ୍ତଦାକାରସ୍ତାରାସମୂହାତ୍ମକୋ ବିଷ୍ଣୁସ୍ତସ୍ଯ ଶିରଃପ୍ରଦେଶେ ଐଶାନ୍ଯାଂ ଦିଶି। ଅତଏବ ସା ଅପରାଜିତାଦିକ୍ ତାଂ ଦିଶଂ ପ୍ରାପ୍ଯ ନ୍ଯବିଶନ୍॥ 1-200-25 ତାମେବ ଦିଶମାତ୍ର ପ୍ରାଗିତି॥ ଦ୍ବିଶତତମୋଽଧ୍ଯାଯଃ॥ 200 ॥ଆଦିପର୍ବ - ଅଧ୍ଯାଯ 201
॥ ଶ୍ରୀଃ ॥
1.201. ଅଧ୍ଯାଯଃ 201
Mahabharata - Adi Parva - Chapter Topics
ରଙ୍ଗେ ଆଗତାନାଂ ରାଜ୍ଞାଂ ନାମକଥନମ୍॥ 1 ॥Mahabharata - Adi Parva - Chapter Text
1-201-0 (8911)
ଧୃଷ୍ଟଦ୍ଯୁମ୍ନ ଉବାଚ। 1-201-0x (1132)
ଦୁର୍ଯୋଧନୋ ଦୁର୍ବିଷହୋ ଦୁର୍ମୁଖୋ ଦୁଷ୍ପ୍ରଧର୍ଷଣଃ।
ବିବିଂଶତିର୍ବିକର୍ଣଶ୍ଚ ସହୋ ଦୁଃଶାସନସ୍ତଥା॥ 1-201-1 (8912)
ଯୁଯୁତ୍ସୁର୍ବାଯୁବେଗଶ୍ଚ ଭୀମବେଗରବସ୍ତଥା।
ଉଗ୍ରାଯୁଧୋ ବଲାକୀ ଚ କରକାଯୁର୍ବିରୋଚନଃ॥ 1-201-2 (8913)
କୁଣ୍ଡକଶ୍ଚିତ୍ରସେନଶ୍ଚ ସୁବର୍ଚାଃ କନକଧ୍ବଜଃ।
ନନ୍ଦକୋ ବାହୁଶାଲୀ ଚ ତୁହୁଣ୍ଡୋ ବିକଟସ୍ତଥା॥ 1-201-3 (8914)
ଏତେ ଚାନ୍ଯେ ଚ ବହବୋ ଧାର୍ତରାଷ୍ଟ୍ରା ମହାବଲାଃ।
କର୍ଣେନ ସହିତା ବୀରାସ୍ତ୍ବଦର୍ଥଂ ସମୁପାଗତାଃ॥ 1-201-4 (8915)
ଅସଙ୍ଖ୍ଯାତା ମହାତ୍ମାନଃ ପାର୍ଥିବାଃ କ୍ଷତ୍ରିଯର୍ଷଭାଃ।
ଶକୁନିଃ ସୌବଲଶ୍ଚୈବ ବୃଷକୋଽଥ ବୃହଦ୍ବଲଃ॥ 1-201-5 (8916)
ଏତେ ଗାନ୍ଧାରରାଜସ୍ଯ ସୁତାଃ ସର୍ବେ ସମାଗତାଃ।
ଅଶ୍ବତ୍ଥାମା ଚ ଭୋଜଶ୍ଚ ସର୍ବଶସ୍ତ୍ରଭୃତାଂ ବରୌ॥ 1-201-6 (8917)
ସମବେତୌ ମହାତ୍ମାନୌ ତ୍ବଦର୍ଥେ ସମଲଙ୍କୃତୌ।
ବୃହନ୍ତୋ ମଣିମାଂଶ୍ଚୈବ ଦଣ୍ଡଧାରଶ୍ଚ ପାର୍ଥିବଃ॥ 1-201-7 (8918)
ସହଦେବଜଯତ୍ସେନୌ ମେଘସନ୍ଧିଶ୍ଚ ପାର୍ଥିବଃ।
ବିରାଟଃ ସହ ପୁତ୍ରାଭ୍ଯାଂ ଶଙ୍ଖେନୈବୋତ୍ତରେଣ ଚ॥ 1-201-8 (8919)
ବାର୍ଧକ୍ଷେମିଃ ସୁଶର୍ମା ଚ ସେନାବିନ୍ଦୁଶ୍ଚ ପାର୍ଥିବଃ।
ସୁକେତୁଃ ସହ ପୁତ୍ରେଣ ସୁନାମ୍ନା ଚ ସୁବର୍ଚସା॥ 1-201-9 (8920)
ସୁଚିତ୍ରଃ ସୁକୁମାରଶ୍ଚ ବୃକଃ ସତ୍ଯଧୃତିସ୍ତଥା।
ସୂର୍ଯଧ୍ବଜୋ ରୋଚମାନୋ ନୀଲଶ୍ଚିତ୍ରାଯୁଧସ୍ତଥା॥ 1-201-10 (8921)
ଅଂଶୁମାଂଶ୍ଚେକିତାନଶ୍ଚ ଶ୍ରେଣିମାଂଶ୍ଚ ମହାବଲଃ।
ସମୁଦ୍ରସେନପୁତ୍ରଶ୍ଚ ଚନ୍ଦ୍ରସେନଃ ପ୍ରତାପବାନ୍॥ 1-201-11 (8922)
ଜଲସନ୍ଧଃ ପିତାପୁତ୍ରୌ ବିଦଣ୍ଡୋ ଦଣ୍ଡ ଏବ ଚ।
ପୌଣ୍ଡ୍ରକୋ ବାସୁଦେବଶ୍ଚ ଭଗଦତ୍ତଶ୍ଚ ବୀର୍ଯବାନ୍॥ 1-201-12 (8923)
କଲିଙ୍ଗସ୍ତାମ୍ରଲିପ୍ତଶ୍ଚ ପତ୍ତନାଧିପତିସ୍ତଥା।
ମଦ୍ରରାଜସ୍ତଥା ଶଲ୍ଯଃ ସହପୁତ୍ରୋ ମହାରଥଃ॥ 1-201-13 (8924)
ରୁକ୍ମାଙ୍ଗଦେନ ବୀରେଣ ତଥା ରୁକ୍ମରଥେନ ଚ।
କୌରବ୍ଯଃ ସୋମଦତ୍ତଶ୍ଚ ପୁତ୍ରଶ୍ଚାସ୍ଯ ମହାରଥଃ॥ 1-201-14 (8925)
ସମବେତାସ୍ତ୍ରଯଃ ଶୂରା ଭୂରିର୍ଭୂରିଶ୍ରବାଃ ଶଲଃ।
ସୁଦକ୍ଷିଣଶ୍ଚ କାମ୍ଭୋଜୋ ଦୃଢଧନ୍ବା ଚ ପୌରବଃ॥ 1-201-15 (8926)
ବୃହଦ୍ବଲଃ ସୁଷେଣଶ୍ଚ ଶିବିରୌଶୀନସ୍ତଥା।
ପଟଚ୍ଚରନିହନ୍ତା ଚ କାରୂଷାଧିପତିସ୍ତଥା॥ 1-201-16 (8927)
ସଙ୍କର୍ଷଣୋ ବାସୁଦେବୋ ରୌକ୍ମିଣେଯଶ୍ଚ ବୀର୍ଯବାନ୍।
ସାମ୍ବଶ୍ଚ ଚାରୁଦେଷ୍ଣଶ୍ଚ ପ୍ରାଦ୍ଯୁମ୍ନିଃ ସଗଦସ୍ତଥା॥ 1-201-17 (8928)
ଅକ୍ରୂରଃ ସାତ୍ଯକିଶ୍ଚୈବ ଉଦ୍ଧବଶ୍ଚ ମହାମତିଃ।
କୃତବର୍ମା ଚ ହାର୍ଦିକ୍ଯଃ ପୃଥୁର୍ବିପୃଥୁରେବ ଚ॥ 1-201-18 (8929)
ବିଦୂରଥଶ୍ଚ କଙ୍କଶ୍ଚ ଶଙ୍କୁଶ୍ଚ ସଗବେଷଣଃ।
ଆଶାବହୋଽନିରୁଦ୍ଧଶ୍ଚ ସମୀକଃ ସାରିମେଜଯଃ॥ 1-201-19 (8930)
ବୀରୋ ବାତପତିଶ୍ଚୈବ ଝିଲ୍ଲୀପିଣ୍ଡାରକସ୍ତଥା।
ଉଶୀନରଶ୍ଚ ବିକ୍ରାନ୍ତୋ ବୃଷ୍ଣଯସ୍ତେ ପ୍ରକୀର୍ତିତାଃ॥ 1-201-20 (8931)
ଭଗୀରଥୋ ବୃହତ୍କ୍ଷତ୍ରଃ ସୈନ୍ଧବଶ୍ଚ ଜଯଦ୍ରଥଃ।
ବୃହଦ୍ରଥୋ ବାହ୍ଲିକଶ୍ଚ ଶ୍ରଉତାଯୁଶ୍ଚ ମହାରଥଃ॥ 1-201-21 (8932)
ଉଲୂକଃ କୈତବୋ ରାଜା ଚିତ୍ରାଙ୍ଗଦଶୁଭାଙ୍ଗଦୌ।
ବତ୍ସରାଜଶ୍ଚ ମତିମାନ୍କୋସଲାଧିପତିସ୍ତଥା॥ 1-201-22 (8933)
ଶିଶୁପାଲଖ୍ଚ ବିକ୍ରାନ୍ତୋ ଜରାସନ୍ଧସ୍ତଥୈବ ଚ।
ଏତେ ଚାନ୍ଯେ ଚ ବହବୋ ନାନାଜନପଦେଶ୍ବରାଃ॥ 1-201-23 (8934)
ତ୍ବଦର୍ଥମାଗତା ଭଦ୍ରେ କ୍ଷତ୍ରିଯାଃ ପ୍ରଥିତା ଭୁବି।
ଏତେ ଭେତ୍ସ୍ଯନ୍ତି ବିକ୍ରାନ୍ତାସ୍ତ୍ବଦର୍ଥେ ଲକ୍ଷ୍ଯମୁତ୍ତମମ୍।
ବିଧ୍ଯତେ ଯ ଇଦଂ ଲକ୍ଷ୍ଯଂ ବରଯେଥାଃ ଶୁଭେଽଦ୍ଯ ତମ୍॥ ॥ 1-201-24 (8935)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସ୍ବଯଂବରପର୍ବଣି ଏକାଧିକଦ୍ବିଶତତମୋଽଧ୍ଯାଯଃ॥ 201 ॥
ଆଦିପର୍ବ - ଅଧ୍ଯାଯ 202
॥ ଶ୍ରୀଃ ॥
1.202. ଅଧ୍ଯାଯଃ 202
Mahabharata - Adi Parva - Chapter Topics
ବ୍ରାହ୍ମଣମଧ୍ଯସ୍ଥାନ୍ପାଣ୍ଡବାନ୍ବିଜ୍ଞାଯ ଶ୍ରୀକୃଷ୍ଣେନ ବଲରାମାଯ କଥଂନ॥ 1 ॥ ଧନୁର୍ଦର୍ଶନେନୈବ କେଷାଂଚିଦ୍ରାଜ୍ଞାଂ ଧନୁଃପୂରଣେ ନିରଶତ॥ 2 ॥ ଶିଶୁପାଲାଦୀନାଂ ଧନୁଃପୂରଣେ ଭଙ୍ଗଃ॥ 3 ॥ ଅର୍ଜୁନସ୍ଯ ଧନୁଃପୂରଣେ ଏଷଣା॥ 4 ॥Mahabharata - Adi Parva - Chapter Text
1-202-0 (8936)
ବୈଶମ୍ପାଯନ ଉବାଚ। 1-202-0x (1133)
ତେଽଲଙ୍କୃତାଃ କୁଣ୍ଡଲିନୋ ଯୁବାନଃ
ପରସ୍ପରଂ ସ୍ପର୍ଧମାନା ନରେନ୍ଦ୍ରାଃ।
ଅସ୍ତ୍ରଂ ବଲଂ ଚାତ୍ମନି ମନ୍ଯମାନାଃ
ସର୍ବେଂ ସମୁତ୍ପେତୁରୁଦାଯୁଧାସ୍ତେ॥ 1-202-1 (8937)
ରୂପେଣ ବୀର୍ଯେଣ କୁଲେ ଚୈବ
ଶୀଲେନ ବିତ୍ତେନ ଚ ଯୌବନେନ।
ସମିଦ୍ଧଦର୍ପା ମଦବେଗଭିନ୍ନା
ମତ୍ତା ଯଥା ହୈମବତା ଗଜେନ୍ଦ୍ରାଃ॥ 1-202-2 (8938)
ପରସ୍ପରଂ ସ୍ପର୍ଧଯା ପ୍ରେକ୍ଷମାଣାଃ
ସଙ୍କଲ୍ପଜେନାଭିପରିପ୍ଲୁତାଙ୍ଗାଃ।
କୃଷ୍ଣା ମମୈବେତ୍ଯଭିଭାଷମାଣା
ନୃପାଃ ସମୁତ୍ପେତୁରଥାସନେଭ୍ଯଃ॥ 1-202-3 (8939)
ତେ କ୍ଷତ୍ରିଯା ରଙ୍ଗଗତାଃ ସମେତା
ଜିଗୀଷମାଣା ଦ୍ରୁପଦାତ୍ମଜାଂ ତାମ୍।
ଚକାଶିରେ ପର୍ବତରାଜକନ୍ଯା-
ମୁମାଂ ଯଥା ଦେବଗଣାଃ ସମେତାଃ॥ 1-202-4 (8940)
କନ୍ଦର୍ପବାଣାଭିନିପୀଡିତାଙ୍ଗାଂ
କୃଷ୍ଣାଗତୈସ୍ତେ ହୃଦଯୈର୍ନରେନ୍ଦ୍ରାଃ।
ରଙ୍ଗାବତୀର୍ଣା ଦ୍ରୁପଦାତ୍ମଜାର୍ଥଂ
ଦ୍ବେଷଂ ପ୍ରଚକ୍ରୁଃ ସୁହୃଦୋଽପି ତତ୍ର॥ 1-202-5 (8941)
ଅଥାଯଯୁର୍ଦେବଗଣା ବିମାନୈ
ରୁଦ୍ରାଦିତ୍ଯା ବସବୋଽଥାଶ୍ବିନୌ ଚ।
ସାଧ୍ଯାଶ୍ଚ ସର୍ବେ ମରୁତସ୍ତଥୈବ
ଯମଂ ପୁରସ୍କୃତ୍ଯ ଧନେଶ୍ବରଂ ଚ॥ 1-202-6 (8942)
ଦୈତ୍ଯାଃ ସୁପର୍ଣାଶ୍ଚ ମହୋରଗାଶ୍ଚ
ଦେବର୍ଷଯୋ ଗୁହ୍ଯକାଶ୍ଚାରଣାଶ୍ଚ।
ବିଶ୍ବାବସୁର୍ନାରଦପର୍ବତୌ ଚ
ଗନ୍ଧର୍ବମୁଖ୍ଯାଃ ସହସାଽପ୍ସରୋଭିଃ॥ 1-202-7 (8943)
ହଲାଯୁଧସ୍ତତ୍ର ଜନାର୍ଦନଶ୍ଚ
ବୃଷ୍ଣ୍ଯନ୍ଧକାଶ୍ଚୈବ ଯତାପ୍ରଧାନମ୍।
ପ୍ରେକ୍ଷାଂ ସ୍ମ ଚକ୍ରୁର୍ଯଦୁପୁଙ୍ଗବାସ୍ତେ
ସ୍ଥିତାଶ୍ଚ କୃଷ୍ଣସ୍ଯ ମତେ ମହାନ୍ତଃ॥ 1-202-8 (8944)
ଦୃଷ୍ଟ୍ବା ତୁ ତାନ୍ମତ୍ତଗଜେନ୍ଦ୍ରରୂପା-
ନ୍ପଞ୍ଚାଭିପଦ୍ମାନିବ ବାରଣେନ୍ଦ୍ରାନ୍।
ଭସ୍ମାବୃତାଙ୍ଗାନିବ ହବ୍ଯବାହାନ୍
କୃଷ୍ଣଃ ପ୍ରଦଧ୍ଯୌ ଯଦୁବୀରମୁଖ୍ଯଃ॥ 1-202-9 (8945)
ଶଶଂସ ରାମାଯ ଯୁଧିଷ୍ଠିରଂ ସ
ଭୀମଂ ସଜିଷ୍ଣୁଂ ଚ ଯମୌ ଚ ବୀରୌ।
ଶନୈଃଶନୈସ୍ତାନ୍ପ୍ରସମୀକ୍ଷ୍ଯ ରାମୋ
ଜନାର୍ଦନଂ ପ୍ରୀତମନା ଦଦର୍ଶ ହ॥ 1-202-10 (8946)
ଅନ୍ଯେ ତୁ ବୀରା ନୃପପୁତ୍ରପୌତ୍ରାଃ
କୃଷ୍ଣାଗତୈର୍ନତ୍ରମନଃସ୍ବଭାବୈଃ।
ବ୍ଯାଯଚ୍ଛମାନା ଦଦୃଶୁର୍ନ ତାନ୍ବୈ
ସନ୍ଦଷ୍ଟଦନ୍ତଚ୍ଛଦତାମ୍ରନେତ୍ରାଃ॥ 1-202-11 (8947)
ତଥୈବ ପାର୍ଥାଃ ପୃଥୁବାହବସ୍ତେ
ବୀରୌ ଯମୌ ଚୈବ ମହାନୁଭାବୌ।
ତାଂ ଦ୍ରୌପଦୀଂ ପ୍ରେକ୍ଷ୍ଯ ତଦା ସ୍ମ ସର୍ବେ
କନ୍ଦର୍ପବାଣାଭିହତା ବଭୂବୁଃ॥ 1-202-12 (8948)
ଦେବର୍ଷିଗନ୍ଧର୍ବସମାକୁଲଂ ତ-
ତ୍ସୁପର୍ଣନାଗାସୁରସିଦ୍ଧଜୁଷ୍ଟମ୍।
ଦିବ୍ଯେନ ଗନ୍ଧେନ ସମାକୁଲଂ ଚ
ଦିବ୍ଯୈଶ୍ଚ ପୁଷ୍ପୈରବକୀର୍ଯମାଣମ୍॥ 1-202-13 (8949)
ମହାସ୍ବନୈର୍ଦୁନ୍ଦୁଭିନାଦିତୈଶ୍ଚ
ବଭୂବ ତତ୍ସଙ୍କୁଲମନ୍ତରିକ୍ଷମ୍।
ବିମାନସଂବାଧମଭୂତ୍ସମନ୍ତା-
ତ୍ସବେଣୁବୀଣାପଣବାନୁନାଦମ୍॥ 1-202-14 (8950)
`ସମାଜବାଟୋପରି ସଂସ୍ଥିତାନାଂ
ମେଘୈଃ ସମନ୍ତାଦିବ ଗର୍ଜମାନୈଃ।'
ତତସ୍ତୁ ତେ ରାଜଗଣାଃ କ୍ରମେଣ
କୃଷ୍ଣାନିମିତ୍ତଂ କୃତବିକ୍ରମାଶ୍ଚ।
ସକର୍ଣଦୁର୍ଯୋଧନଶାଲ୍ବଶଲ୍ଯ-
ଦ୍ରୌଣାଯନିକ୍ରାଥସୁନୀଥବକ୍ରାଃ॥ 1-202-15 (8951)
କଲିଙ୍ଗବଙ୍ଗାଧିପପାଣ୍ଡ୍ଯପୌଣ୍ଡ୍ରା
ବିଦେହରାଜୋ ଯବନାଧିପଶ୍ଚ।
ଅନ୍ଯେ ଚ ନାନାନୃପପୁତ୍ରପୌତ୍ରା
ରାଷ୍ଟ୍ରାଧିପାଃ ପଙ୍କଜପତ୍ରନେତ୍ରାଃ॥ 1-202-16 (8952)
କିରୀଟହାରାଙ୍ଗଦଚକ୍ରବାଲୈ-
ର୍ବିଭୂଷିତାଙ୍ଗାଃ ପୃଥୁବାହବସ୍ତେ।
ଅନୁକ୍ରମଂ ବିକ୍ରମସତ୍ବଯୁକ୍ତା
ବଲେନ ବୀର୍ଯେଣ ଚ ନର୍ଦମାନାଃ॥ 1-202-17 (8953)
ତତ୍କାର୍ମୁକଂ ସଂହନନୋପପନ୍ନଂ
ସଜ୍ଯଂ ନ ଶେକୁର୍ମନସାଽପି କର୍ତୁମ୍।
ତେ ବିକ୍ରମନ୍ତଃ ସ୍ଫୁରତା ଦୃଢେନ
ବିକ୍ଷିପ୍ଯମାଣା ଧନୁଷା ନରେନ୍ଦ୍ରାଃ॥ 1-202-18 (8954)
ବିଚେଷ୍ଟମାନା ଧରଣୀତଲସ୍ଥା
ଯଥାବଲଂ ଶୈକ୍ଷ୍ଯଗୁଣକ୍ରମାଶ୍ଚ।
ଗତୌଜସଃ ସ୍ନସ୍ତକିରୀଟହାରା
ବିନିଃଶ୍ବସନ୍ତଃ ଶମଯାଂବଭୂବୁଃ॥ 1-202-19 (8955)
ହହାକୃତଂ ତଦ୍ଧନୁଷା ଦୃଢେନ
ବିସ୍ରସ୍ତହାରାଙ୍ଗଦଚକ୍ରବାଲମ୍।
କୃଷ୍ଣାନିମିତ୍ତଂ ବିନିବୃତ୍ତକାମଂ
ରାଜ୍ଞାଂ ତଦା ମଣ୍ଡଲମାର୍ତମାସୀତ୍॥ 1-202-20 (8956)
`ଏବଂ ତେଷୁ ନିବୃତ୍ତେଷୁ କ୍ଷତ୍ରିଯେଷୁ ସମନ୍ତତଃ।
ଚେଦୀନାମଧିପୋ ବୀରୋ ବଲବାନନ୍ତକୋପମଃ॥ 1-202-21 (8957)
ଦମଘୋଷାତ୍ମଜୋ ଧୀମାଞ୍ଶିଶୁପାଲୋ ମହାଦ୍ଯୁତିଃ।
ଧନୁଷୋଽଭ୍ଯାଶମାଗମ୍ଯ ତସ୍ଥୌ ରାଜ୍ଞାଂ ସମକ୍ଷତଃ॥ 1-202-22 (8958)
ତଦପ୍ଯାରୋପ୍ଯମାଣଂ ତୁ ମାଷମାତ୍ରେଽଭ୍ଯତାଡଯତ୍।
ଧନୁଷା ପୀଡ୍ଯମାନସ୍ତୁ ଜାନୁଭ୍ଯାମଗମନ୍ମହୀମ୍॥ 1-202-23 (8959)
ତତ ଉତ୍ଥାଯ ରାଜା ସ ସ୍ବରାଷ୍ଟ୍ରାଣ୍ଯଭିଜଗ୍ମିବାନ୍।
ତତୋ ରାଜା ଜରାସନ୍ଧୋ ମହାବୀର୍ଯୋ ମହାବଲଃ॥ 1-202-24 (8960)
କମ୍ବୁଗ୍ରୀବଃ ପୃଥୁବ୍ଯଂସୋ ମତ୍ତବାରଣବିକ୍ରମଃ।
ମତ୍ତବାରଣତାମ୍ରାକ୍ଷୋ ମତ୍ତବାରଣବେଗବାନ୍॥ 1-202-25 (8961)
ଧନୁଷୋଽଭ୍ଯାଶମାଗତ୍ଯ ତସ୍ଥୌ ଗିରିରିବାଚଲଃ।
ଧନୁରାରୋପ୍ଯମାଣଂ ତୁ ସର୍ଷମାତ୍ରେଽଭ୍ଯତାଡଯତ୍॥ 1-202-26 (8962)
ତତଃ ଶଲ୍ଯୋ ମହାବୀର୍ଯୋ ମଦ୍ରରାଜୋ ମହାବଲଃ।
ଧନୁରାରୋପ୍ଯମାଣଂ ତୁ ମୁଦ୍ଗମାତ୍ରେଽଭ୍ଯତାଡଯତ୍॥ 1-202-27 (8963)
ତଦୈବାଗାତ୍ସ୍ବଯଂ ରାଜ୍ଯଂ ପଶ୍ଚାଦନବଲୋକଯନ୍।
ଇଦଂ ଧନୁର୍ବରଂ କୋଽଦ୍ଯ ସଜ୍ଯଂ କୁର୍ବୀତ ପାର୍ଥିବଃ॥ 1-202-28 (8964)
ଇତି ନିଶ୍ଚିତ୍ଯ ମନସା ଭୂଯ ଏବ ସ୍ଥିତସ୍ତଦା।
ତତୋ ଦୁର୍ଯୋଧନୋ ରାଜା ଧାର୍ତରାଷ୍ଟ୍ରଃ ପରନ୍ତପଃ॥ 1-202-29 (8965)
ମାନୀ ଦୃଢାସ୍ତ୍ରସଂପନ୍ନଃ ସର୍ବୈଶ୍ଚ ନୃପଲକ୍ଷଣୈଃ।
ଉତ୍ଥିତଃ ସହସା ତତ୍ର ଭ୍ରାତୃମଧ୍ଯେ ମହାବଲଃ॥ 1-202-30 (8966)
ବିଲୋକ୍ଯ ଦ୍ରୌପଦୀଂ ହୃଷ୍ଟୋ ଧନୁଷୋଽଭ୍ଯାଶମାଗମତ୍।
ସ ବଭୌ ଧନୁରାଦାଯ ଶକ୍ରଶ୍ଚାପଧରୋ ଯଥା॥ 1-202-31 (8967)
ଧନୁରାରୋପଯାମାସ ତିଲମାତ୍ରେଽଭ୍ଯତାଡଯତ୍।
ଆରୋପ୍ଯମାଣଂ ତଦ୍ରାଜା ଧନୁଷା ବଲିନା ତଦା॥ 1-202-32 (8968)
ଉତ୍ତାନଶଯ୍ଯମପତଦଙ୍ଗୁଲ୍ଯନ୍ତରତାଡିତଃ।
ସ ଯଯୌ ତାଡିତସ୍ତେନ ବ୍ରୀଡନ୍ନିବ ନରାଧିପଃ॥ 1-202-33 (8969)
ତତୋ ବୈକର୍ତନଃ କର୍ଣୋ ବୃଷା ବୈ ସୂତନନ୍ଦନଃ।
ଧନୁରଭ୍ଯାଶମାଗମ୍ଯ ତୋଲଯାମାସ ତଦ୍ଧନୁଃ॥ 1-202-34 (8970)
ତଂ ଚାପ୍ଯାରୋପ୍ଯମାଣଂ ତଦ୍ରୋମମାତ୍ରେଽଭ୍ଯତାଡଯତ୍।
ତ୍ରୈଲୋକ୍ଯବିଜଯୀ କର୍ଣଃ ସତ୍ବେ ତ୍ରୈଲୋକ୍ଯବିଶ୍ରୁତଃ॥ 1-202-35 (8971)
ଧନୁଷା ସୋଽପି ନିର୍ଧୂତ ଇତି ସର୍ବେ ଭଯାକୁଲାଃ।
ଏବଂ କର୍ଣେ ବିନିର୍ଧୂତେ ଧନୁଷା ଚ ନୃପୋତ୍ତମାଃ॥ 1-202-36 (8972)
ଚକ୍ଷୁର୍ଭିରପି ନାପଶ୍ଯନ୍ବିନମ୍ରମୁଖପଙ୍କଜାଃ।
ଦୃଷ୍ଟ୍ବା କର୍ଣଂ ବିନିର୍ଧୂତଂ ଲୋକେ ବୀରା ନୃପୋତ୍ତମାଃ॥ 1-202-37 (8973)
ନିରାଶା ଧନୁରୁଦ୍ଧାରେ ଦ୍ରୌପଦୀସଂଗମେଽପି ଚ॥ 1-202-38 (8974)
ତସ୍ମିଂସ୍ତୁ ସଂଭ୍ରାନ୍ତଜନେ ସମାଜେ
ନିକ୍ଷିପ୍ତବାଦେଷୁ ଜନାଧିପେଷୁ।
କୁନ୍ତୀସୁତୋ ଜିଷ୍ଣୁରିଯେଷ କର୍ତୁଂ
ସଜ୍ଯଂ ଧନୁସ୍ତତ୍ସଶରଂ ଚ ବୀରଃ॥ 1-202-39 (8975)
ତତୋ ବରିଷ୍ଠଃ ସୁରଦାନବାନା-
ମୁଦରଧୀର୍ବୃଷ୍ଣିକୁଲପ୍ରବୀରଃ।
ଜହର୍ଷ ରାମେଣ ସ ପୀଡ୍ଯ ହସ୍ତଂ
ହସ୍ତଂଗତାଂ ପାଣ୍ଡୁସୁତସ୍ଯ ମତ୍ବା॥ 1-202-40 (8976)
ନ ଜଜ୍ଞିରେଽନ୍ଯେ ନୃପବିପ୍ରମୁଖ୍ଯାଃ
ସଂଛନ୍ନରୂପାନଥ ପାଣ୍ଡୁପୁତ୍ରାନ୍।
ବିନା ହି ଲୋକେ ଚ ଯଦୁପ୍ରବୀରୌ
ଧୌମ୍ଯଂ ହି ଧର୍ମଂ ସହ ସୋଦରାଂଶ୍ଚ॥ ॥ 1-202-41 (8977)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସ୍ବଯଂବରପର୍ବଣି ଦ୍ବ୍ଯଧିକଦ୍ବିଶତତମୋଽଧ୍ଯାଯଃ॥ 202 ॥
Mahabharata - Adi Parva - Chapter Footnotes
1-202-3 ସଂକଲ୍ପଜେନ କାମେନ॥ 1-202-9 ଅଭିତଃ ପଦ୍ମା ଲକ୍ଷ୍ମୀର୍ଯେଷାଂ ତାନ୍ସର୍ବାଙ୍ଗସୁନ୍ଦରାନିତ୍ଯର୍ଥଃ॥ ଦ୍ବ୍ଯଧିକଦ୍ବିଶତତମୋଽଧ୍ଯାଯଃ॥ 202 ॥ଆଦିପର୍ବ - ଅଧ୍ଯାଯ 203
॥ ଶ୍ରୀଃ ॥
1.203. ଅଧ୍ଯାଯଃ 203
Mahabharata - Adi Parva - Chapter Topics
ଧନୁରାରୋପଣାର୍ଥମୁତ୍ଥିତମର୍ଜୁନଂପ୍ରତି ବ୍ରାହ୍ମଣାନାଂ ଶୁଭାଶଂସନମ୍॥ 1 ॥ ଅର୍ଜୁନେନ ଧନୁରାରୋପଣପୂର୍ବକଂ ଲକ୍ଷ୍ଯବେଧଃ॥ 2 ॥ ଦ୍ରୌପଦ୍ଯା ଅର୍ଜୁନକଣ୍ଠେ ମାଲାପ୍ରକ୍ଷେପଃ॥ 3 ॥Mahabharata - Adi Parva - Chapter Text
1-203-0 (8978)
ବୈଶମ୍ପାଯନ ଉବାଚ। 1-203-0x (1134)
ଯଦା ନିବୃତ୍ତା ରାଜାନୋ ଧନୁଷଃ ସଜ୍ଯକର୍ମଣଃ।
ଅଥୋଦତିଷ୍ଠଦ୍ବିପ୍ରାଣାଂ ମଧ୍ଯାଜ୍ଜିଷ୍ଣୁରୁଦାରଧୀଃ॥ 1-203-1 (8979)
ଉଦକ୍ରୋଶନ୍ବିପ୍ରମୁଖ୍ଯା ବିଧୁନ୍ବନ୍ତୋଽଜିନାନି ଚ।
ଦୃଷ୍ଟ୍ବା ସଂପ୍ରସ୍ଥିତଂ ପାର୍ଥମିନ୍ଦ୍ରକେତୁସମପ୍ରଭମ୍॥ 1-203-2 (8980)
କେଚିଦାସନ୍ବିମନସଃ କେଚିଦାସନ୍ମୁଦାନ୍ବିତାଃ।
ଆହୁଃ ପରସ୍ପରଂ କେଚିନ୍ନିପୁଣା ବୁଦ୍ଧିଜୀବିନଃ॥ 1-203-3 (8981)
ଯତ୍କର୍ଣଶଲ୍ଯପ୍ରମୁଖୈଃ କ୍ଷତ୍ରିଯୈର୍ଲୋକବିଶ୍ରୁତୈଃ।
ନାନତଂ ବଲବଦ୍ଭିର୍ହି ଧନୁର୍ବେଦପରାଯଣୈଃ॥ 1-203-4 (8982)
ତତ୍କଥଂ ତ୍ବକୃତାସ୍ତ୍ରେଣ ପ୍ରାଣତୋ ଦୁର୍ବଲୀଯସା।
ବଟୁମାତ୍ରେଣ ଶକ୍ଯଂ ହି ସଜ୍ଯଂ କର୍ତୁଂ ଧନୁର୍ଦ୍ବିଜାଃ॥ 1-203-5 (8983)
ଅବହାସ୍ଯା ଭବିଷ୍ଯନ୍ତି ବ୍ରାହ୍ମଣାଃ ସର୍ବରାଜସୁ।
କର୍ମଣ୍ଯସ୍ମିନ୍ନସଂସିଦ୍ଧେ ଚାପଲାଦପରୀକ୍ଷିତେ॥ 1-203-6 (8984)
ଯଦ୍ଯେଷ ଦର୍ପାଦ୍ଧର୍ଷାଦ୍ବାପ୍ଯଥ ବ୍ରାହ୍ମଣଚାପଲାତ୍।
ପ୍ରସ୍ଥିତୋ ଧନୁରାଯନ୍ତୁଂ ବାର୍ଯତାଂ ସାଧୁ ମା ଗମତ୍॥ 1-203-7 (8985)
ନାବହାସ୍ଯା ଭବିଷ୍ଯାମୋ ନ ଚ ଲାଘବମାସ୍ଥିତାଃ।
ନ ଚ ବିଦ୍ବିଷ୍ଟତାଂ ଲୋକେ ଗମିଷ୍ଯାମୋ ମହୀକ୍ଷିତାମ୍॥ 1-203-8 (8986)
କେଚିଦାହୁର୍ଯୁବା ଶ୍ରୀମାନ୍ନାଗରାଜକରୋପମଃ।
ପୀନସ୍କନ୍ଧୋରୁବାହୁଶ୍ଚ ଧୈର୍ଯେଣ ହିମବାନିବ॥ 1-203-9 (8987)
ସିଂହଖେଲଗତିଃ ଶ୍ରୀମାନ୍ମତ୍ତନାଗେନ୍ଦ୍ରବିକ୍ରମଃ।
ସଂଭାବ୍ଯମସ୍ମିନ୍କର୍ମେଦମୁତ୍ସାହାଚ୍ଚାନୁମୀଯତେ॥ 1-203-10 (8988)
ଶକ୍ତିରସ୍ଯ ମହୋତ୍ସାହା ନ ହ୍ଯଶକ୍ତଃ ସ୍ବଯଂ ବ୍ରଜେତ୍।
ନ ଚ ତଦ୍ବିଦ୍ଯତେ କିଂଚିତ୍କର୍ମ ଲୋକେଷୁ ଯଦ୍ଭବେତ୍॥ 1-203-11 (8989)
ବ୍ରାହ୍ମଣାନାମସାଧ୍ଯଂ ଚ ନୃଷୁ ସଂସ୍ଥାନଚାରିଷୁ।
ଅବ୍ଭକ୍ଷା ବାଯୁଭକ୍ଷାଶ୍ଚ ଫଲାହାରା ଦୃଢବ୍ରତାଃ॥ 1-203-12 (8990)
ଦୁର୍ବଲା ଅପି ବିପ୍ରା ହି ବଲୀଯାଂସଃ ସ୍ବେତଜସା।
ବ୍ରାହ୍ମଣୋ ନାବମନ୍ତବ୍ଯଃ ସଦସଦ୍ବା ସମାଚରନ୍॥ 1-203-13 (8991)
ସୁଖଂ ଦୁଃଖଂ ମହଦ୍ଧ୍ରସ୍ବଂ କର୍ମ ଯତ୍ସମୁପାଗତମ୍।
ଜାମଦଗ୍ନ୍ଯେନ ରାମେଣ ନିର୍ଜିତାଃ କ୍ଷତ୍ରିଯା ଯୁଧି॥ 1-203-14 (8992)
ପୀତଃ ସମୁଦ୍ରୋଽଗସ୍ତ୍ଯେନ ଅଗାଧୋ ବ୍ରହ୍ମତେଜସା।
ତସ୍ମାଦ୍ବ୍ରୁବନ୍ତୁ ସର୍ବେଽତ୍ର ବଟୁରେଷ ଧନୁର୍ମହାନ୍॥ 1-203-15 (8993)
ଆରୋପଯତୁ ଶୀଘ୍ରଂ ବୈ ତଥେତ୍ଯୂଚୁର୍ଦ୍ବିଜର୍ଷଭାଃ। 1-203-16 (8994)
ବୈଶମ୍ପାଯନ ଉବାଚ।
ଏବଂ ତେଷାଂ ବିଲପତାଂ ବିପ୍ରାଣାଂ ବିବିଧା ଗିରଃ॥ 1-203-16x (1135)
ଅର୍ଜୁନୋ ଧନୁଷୋଽଭ୍ଯାଶେ ତସ୍ଥୌ ଗିରିରିବାଚଲଃ।
`ଅର୍ଜୁନଃ ପାଣ୍ଡବଶ୍ରେଷ୍ଠୋ ଧୃଷ୍ଟଦ୍ଯୁମ୍ନମଥାବ୍ରବୀତ୍॥ 1-203-17 (8995)
ଏତଦ୍ଧନୁର୍ବ୍ରାହ୍ମଣାନାଂ ସଜ୍ଯଂ କର୍ତୁମଲଂ ତୁ କିମ୍। 1-203-18 (8996)
ବୈଶମ୍ପାଯନ ଉବାଚ।
ତସ୍ଯ ତଦ୍ବଚନଂ ଶ୍ରୁତ୍ବା ଧୃଷ୍ଟଦ୍ଯୁମ୍ନୋଽବ୍ରବୀଦ୍ବଚଃ॥ 1-203-18x (1136)
ବ୍ରାହ୍ମଣୋ ବାଥ ରାଜନ୍ଯୋ ବୈଶ୍ଯୋ ବା ଶୂଦ୍ର ଏବ ବା।
ଏତେଷାଂ ଯୋ ଧନୁଃଶ୍ରେଷ୍ଠଂ ସଜ୍ଯଂ କୁର୍ଯାଦ୍ଦ୍ବିଜୋତ୍ତମ॥ 1-203-19 (8997)
ତସ୍ମୈ ପ୍ରଦେଯା ଭଗିନୀ ସତ୍ଯମୁକ୍ତଂ ମଯା ବଚଃ॥ 1-203-20 (8998)
ବୈଶମ୍ପାଯନ ଉବାଚ। 1-203-21x (1137)
ତତଃ ପଶ୍ଚାନ୍ମହାତେଜାଃ ପାଣ୍ଡବୋ ରଣଦୁର୍ଜଯଃ।'
ସ ତଦ୍ଧନୁଃ ପରିକ୍ରମ୍ଯ ପ୍ରଦକ୍ଷିଣମଥାକରୋତ୍॥ 1-203-21 (8999)
ପ୍ରଣମ୍ଯ ଶିରସା ଦେବମୀନଂ ବରଦଂ ପ୍ରଭୁମ୍।
କୃଷ୍ଣଂ ଚ ମନସା କୃତ୍ବା ଜଗୃହେ ଚାର୍ଜୁନୋ ଧନୁଃ॥ 1-203-22 (9000)
ଯତ୍ପାର୍ଥିବୈ ରୁକ୍ମସୁନୀଥବକ୍ରୈ
ରାଧେଯଦୁର୍ଯୋଧନଶଲ୍ଯସାଲ୍ବୈଃ।
ତଦା ଧନୁର୍ବେଦପରୈର୍ନୃସିଂହୈଃ
କୃତଂ ନ ସଜ୍ଯଂ ମହତୋଽପି ଯତ୍ନାତ୍॥ 1-203-23 (9001)
ତଦର୍ଜୁନୋ ବୀର୍ଯବତାଂ ସଦର୍ପ-
ସ୍ତଦୈନ୍ଦ୍ରିରିନ୍ଦ୍ରାବରଜପ୍ରଭାବଃ।
ସଜ୍ଯଂ ଚ ଚକ୍ରେ ନିମିଷାନ୍ତରେଣ
ଶରାଂଶ୍ଚ ଜଗ୍ରାହ ଦଶାର୍ଦସଙ୍ଖ୍ଯାନ୍॥ 1-203-24 (9002)
ବିବ୍ଯାଧ ଲକ୍ଷ୍ଯଂ ନିପପାତ ତଚ୍ଚ
ଛିଦ୍ରେଣ ଭୂମୌ ସହସାତିବିଦ୍ଧମ୍।
ତତୋଽନ୍ତରିକ୍ଷେ ଚ ବଭୂବ ନାଦଃ
ସମାଜମଧ୍ଯେ ଚ ମହାନ୍ନିନାଦଃ॥ 1-203-25 (9003)
ପୁଷ୍ପାଣି ଦିବ୍ଯାନି ବବର୍ଷ ଦେବଃ
ପାର୍ଥସ୍ଯ ମୂର୍ଧ୍ନି ଦ୍ବିଷତାଂ ନିହନ୍ତୁଃ॥ 1-203-26 (9004)
ଚେଲାନି ବିବ୍ଯଧୁସ୍ତତ୍ର ବ୍ରାହ୍ମଣାଶ୍ଚ ସହସ୍ରଶଃ।
ବିଲକ୍ଷିତାସ୍ତତଶ୍ଚକ୍ରୁର୍ହାହାକାରାଂଶ୍ଚ ସର୍ବଶଃ।
ନ୍ଯପତଂଶ୍ଚାତ୍ର ନଭସଃ ସମନ୍ତାତ୍ପୁଷ୍ପବୃଷ୍ଟଯଃ॥ 1-203-27 (9005)
ଶତାଙ୍ଗାନି ଚ ତୂର୍ଯାଣି ବାଦକାଃ ସମବାଦଯନ୍।
ସୂତମାଗଧସଙ୍ଘାଶ୍ଚାପ୍ଯସ୍ତୁବଂସ୍ତତ୍ର ସୁସ୍ବରାଃ॥ 1-203-28 (9006)
ତଂ ଦୃଷ୍ଟ୍ବା ଦ୍ରୁପଦଃ ପ୍ରୀତୋ ବଭୂବ ରିପୁସୂଦନଃ।
ସହ ସୈନ୍ଯୈଶ୍ଚ ପାର୍ଥସ୍ଯ ସାହାଯ୍ଯାର୍ଥମିଯେଷ ସଃ॥ 1-203-29 (9007)
ତସ୍ମିଂସ୍ତୁ ଶବ୍ଦେ ମହତି ପ୍ରବୃଦ୍ଧେ
ଯୁଧିଷ୍ଠିରୋ ଧର୍ମଭୃତାଂ ବରିଷ୍ଠଃ।
ଆବାସମେବୋପଜଗାମ ଶୀଘ୍ରଂ
ସାର୍ଧଂ ଯମାଭ୍ଯାଂ ପୁରୁଷୋତ୍ତମାଭ୍ଯାମ୍॥ 1-203-30 (9008)
ବିଦ୍ଧଂ ତୁ ଲକ୍ଷ୍ଯଂ ପ୍ରସମୀକ୍ଷ୍ଯ କୃଷ୍ଣା
ପାର୍ଥଂ ଚ ଶକ୍ରପ୍ରତିମଂ ନିରୀକ୍ଷ୍ଯ।
`ସ୍ବଭ୍ଯସ୍ତରୂପାପି ନବେବ ନିତ୍ଯଂ
ବିନାପି ହାସଂ ହସତୀବ କନ୍ଯା॥ 1-203-31 (9009)
ମଦାଦୃତେଽପି ସ୍ଖଲତୀବ ଭାବୈ-
ର୍ବାଚା ବିନା ବ୍ଯାହରତୀବ ଦୃଷ୍ଟ୍ଯା।
ଆଦାଯ ଶୁକ୍ଲଂ ବରମାଲ୍ଯଦାମ
ଜଗାମ କୁନ୍ତୀସୁତମୁତ୍ସ୍ମଯନ୍ତୀ॥ 1-203-32 (9010)
ଗତ୍ବା ଚ ପଶ୍ଚାତ୍ପ୍ରସମୀକ୍ଷ୍ଯ କୃଷ୍ଣା
ପାର୍ଥସ୍ଯ ବକ୍ଷସ୍ଯବିଶଙ୍କମାନା।
କ୍ଷିପ୍ତ୍ବା ସ୍ରଜଂ ପାର୍ଥିବବୀରମଧ୍ଯେ
ବରାଯ ବବ୍ରେ ଦ୍ବିଜସଙ୍ଘମଧ୍ଯେ॥ 1-203-33 (9011)
ଶଚୀବ ଦେବେନ୍ଦ୍ରମଥାଗ୍ନିଦେବଂ
ସ୍ବାହେବ ଲକ୍ଷ୍ମୀଶ୍ଚ ଯଥା ମୁକୁନ୍ଦମ୍।
ଉଷେବ ସୂର୍ଯଂ ମଦନଂ ରତୀବ
ମହେଶ୍ବରଂ ପର୍ବତରାଜପୁତ୍ରୀ॥' 1-203-34 (9012)
ସ ତାମୁପାଦାଯ ବିଜିତ୍ଯ ରଙ୍ଗେ
ଦ୍ବିଜାତିଭିସ୍ତୈରଭିପୂଜ୍ଯମାନଃ।
ରଙ୍ଗାନ୍ନିରକ୍ରାମଦଚିନ୍ତ୍ଯକର୍ମା
ପତ୍ନ୍ଯା ତଯା ଚାପ୍ଯନୁଗମ୍ଯମାନଃ॥ ॥ 1-203-35 (9013)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସ୍ବଯଂବରପର୍ବଣି ତ୍ର୍ଯଧିକଦ୍ବିଶତତମୋଽଧ୍ଯାଯଃ॥ 203 ॥
Mahabharata - Adi Parva - Chapter Footnotes
1-203-29 ସାହାଯ୍ଯାର୍ଥଂ ଦ୍ରୌପଦ୍ଯଲାଭାତ୍ କ୍ଷୁବ୍ଧୈର୍ନୃପାନ୍ତରୈର୍ଯୁଦ୍ଧପ୍ରସକ୍ତୌ ସତ୍ଯାମ୍॥ ତ୍ର୍ଯଧିକଦ୍ବିଶତତମୋଽଧ୍ଯାଯଃ॥ 203 ॥ଆଦିପର୍ବ - ଅଧ୍ଯାଯ 204
॥ ଶ୍ରୀଃ ॥
1.204. ଅଧ୍ଯାଯଃ 204
Mahabharata - Adi Parva - Chapter Topics
କ୍ରୋଧାଦ୍ରାଜସୁ ଦ୍ରୁପଦହନନାର୍ଥମାଗତେଷୁ ରାଜସଂମୁଖେ ଭୀମାର୍ଜୁନଯୋଃ ସଜ୍ଜୀଭୂଯ ସ୍ଥିତଯୋଃ ସତୋଃ କୃଷ୍ଣବଲରାମଯୋଃ ସଂବାଦଃ॥ 1 ॥Mahabharata - Adi Parva - Chapter Text
1-204-0 (9014)
ବୈଶମ୍ପାଯନ ଉବାଚ। 1-204-0x (1138)
ତସ୍ମୈ ଦିତ୍ସତି କନ୍ଯାଂ ତୁ ବ୍ରାହ୍ମଣାଯ ତଦା ନୃପେ।
କୋପ ଆସୀନ୍ମହୀପାନାମାଲୋକ୍ଯାନ୍ଯୋନ୍ଯମନ୍ତିକାତ୍॥ 1-204-1 (9015)
`ଊଚୁଃ ସର୍ବେ ସମାଗମ୍ଯ ପରସ୍ପରହିତୈଷିଣଃ।
ବଯଂ ସର୍ବେ ସମାହୂତା ଦ୍ରୁପଦେନ ଦୁରାତ୍ମନା।
ସଂହତ୍ଯ ଚାଭ୍ଯଗଚ୍ଛାମ ସ୍ବଯଂବରଦିଦୃକ୍ଷଯା॥' 1-204-2 (9016)
ଅସ୍ମାନଯମତିକ୍ରମ୍ଯ ତୃଣୀକୃତ୍ଯ ଚ ସଂଗତାନ୍।
ଦାତୁମିଚ୍ଛତି ବିପ୍ରାଯ ଦ୍ରୌପଦୀଂ ଯୋଷିତାଂ ବରାମ୍॥ 1-204-3 (9017)
ଅବରୋପ୍ଯେହ ବୃକ୍ଷସ୍ତୁ ଫଲକାଲେ ନିପାତ୍ଯତେ।
ନିହନ୍ମୈନଂ ଦୁରାତ୍ମାନଂ ଯୋଯମସ୍ମାନ୍ନ ମନ୍ଯତେ॥ 1-204-4 (9018)
ନ ହ୍ଯର୍ହତ୍ଯେଷ ସଂମାନଂ ନାପି ବୃଦ୍ଧକ୍ରମଂ ଗୁଣୈଃ।
ହନ୍ମୈନଂ ସହ ପୁତ୍ରେଣ ଦୁରାଚାରଂ ନୃପଦ୍ବିଷମ୍॥ 1-204-5 (9019)
ଅଯଂ ହି ସର୍ବାନାହୂଯ ସତ୍କୃତ୍ଯ ଚ ନରାଧିପାନ୍।
ଗୁଣବଦ୍ଭୋଜଯିତ୍ବାନ୍ନଂ ତତଃ ପଶ୍ଚାନ୍ନ ମନ୍ଯତେ॥ 1-204-6 (9020)
ଅସ୍ମିନ୍ରାଜସମବାଯେ ଦେବାନାମିବ ସନ୍ନଯେ।
କିମଯଂ ସଦୃଶଂ କଂଚିନ୍ନୃପତିଂ ନୈବ ଦୃଷ୍ଟବାନ୍॥ 1-204-7 (9021)
ନ ଚ ବିପ୍ରେଷ୍ବଧୀକାରୋ ବିଦ୍ଯତେ ବରଣଂ ପ୍ରତି।
ସ୍ବଯଂବରଃ କ୍ଷତ୍ରିଯାଣାମିତୀଯଂ ପ୍ରଥିତା ଶ୍ରୁତିଃ॥ 1-204-8 (9022)
ଅଥବା ଯଦି କନ୍ଯେଯଂ ନ ଚ କଂଚିଦ୍ବୁଭୂଷତି।
ଅଗ୍ନାବେନାଂ ପରିକ୍ଷିପ୍ଯ ଯାମ ରାଷ୍ଟ୍ରାଣି ପାର୍ଥିବାଃ॥ 1-204-9 (9023)
ବ୍ରାହ୍ମଣୋ ଯଦି ଚାପଲ୍ଯାଲ୍ଲୋଭାଦ୍ବା କୃତବାନିଦମ୍।
ବିପ୍ରିଯଂ ପାର୍ଥିବେନ୍ଦ୍ରାଣାଂ ନୈଷ ବଧ୍ଯଃ କଥଂଚନ॥ 1-204-10 (9024)
ବ୍ରାହ୍ମଣାର୍ଥଂ ହି ନୋ ରାଜ୍ଯଂ ଜୀବିତଂ ହି ବସୂନି ଚ।
ପୁତ୍ରପୌତ୍ରଂ ଚ ଯଚ୍ଚାନ୍ଯଦସ୍ମାକଂ ବିଦ୍ଯତେ ଧନମ୍॥ 1-204-11 (9025)
ଅବମାନଭଯାଚ୍ଚୈବ ସ୍ବଧର୍ମସ୍ଯ ଚ ରକ୍ଷଣାତ୍।
ସ୍ବଯଂବରାଣାମନ୍ଯେଷାଂ ମା ଭୂଦେବଂବିଧା ଗତିଃ॥ 1-204-12 (9026)
ଇତ୍ଯୁକ୍ତ୍ବା ରାଜଶାର୍ଦୂଲା ରୁଷ୍ଟାଃ ପରିଘବାହବଃ।
ଦ୍ରୁପଦଂ ତୁ ଜିଘାଂସନ୍ତଃ ସାଯୁଧାଃ ସମୁପାଦ୍ରବନ୍॥ 1-204-13 (9027)
ତାନ୍ଗୃହୀତଶରାବାପାନ୍କ୍ରୁଦ୍ଧାନାପତତୋ ବହୂନ୍।
ଦ୍ରୁପଦୋ ବୀକ୍ଷ୍ଯ ସଂଗ୍ରାସାଦ୍ବ୍ରାହ୍ମଣାଞ୍ଛରଣଂ ଗତଃ॥ 1-204-14 (9028)
`ନ ଭଯାନ୍ନାପି କାର୍ପଣ୍ଯାନ୍ନ ପ୍ରାଣପରିରକ୍ଷଣାତ୍।
ଜଗାମ ଦ୍ରୁପଦୋ ବିପ୍ରାଞ୍ଶମାର୍ଥୀ ପ୍ରତ୍ଯପଦ୍ଯତ॥' 1-204-15 (9029)
ବେଗେନାପତତସ୍ତାଂସ୍ତୁ ପ୍ରଭିନ୍ନାନିବ ବାରଣାନ୍।
ପାଣ୍ଡୁପୁତ୍ରୌ ମହେଷ୍ବାସୌ ପ୍ରତିଯାତାବରିନ୍ଦମୌ॥ 1-204-16 (9030)
ତତଃ ସମୁତ୍ପେତୁରୁଦାଯୁଧାସ୍ତେ
ମହୀକ୍ଷିତୋ ବଦ୍ଧଗୋଧାଙ୍ଗୁଲିତ୍ରାଃ।
ଜିଘାଂସମାନାଃ କୁରୁରାଜପୁତ୍ରା-
ବମର୍ଷଯନ୍ତୋଽର୍ଜୁନଭୀମସେନୌ॥ 1-204-17 (9031)
ତତସ୍ତୁ ଭୀମୋଽଦ୍ଭୁତଭୀମକର୍ମା
ମହାବଲୋ ବଜ୍ରସମାନସାରଃ।
ଉତ୍ପାଟ୍ଯ ଦୋର୍ଭ୍ଯାଂ ଦ୍ରୁମମେକବୀରୋ
ନିଷ୍ପତ୍ରଯାମାସ ଯଥା ଗଜେନ୍ଦ୍ରଃ॥ 1-204-18 (9032)
ତଂ ବୃକ୍ଷମାଦାଯ ରିପୁପ୍ରମାଥୀ
ଦଣ୍ଡୀବ ଦଣ୍ଡଂ ପିତୃରାଜ ଉଗ୍ରମ୍।
ତସ୍ଥୌ ସମୀପେ ପୁରୁଷର୍ଷଭସ୍ଯ
ପାର୍ଥସ୍ଯ ପାର୍ଥଃ ପୃଥୁଦୀର୍ଘବାହୁଃ॥ 1-204-19 (9033)
ତତ୍ପ୍ରେକ୍ଷ୍ଯ କର୍ମାତିମନୁଷ୍ଯବୁଦ୍ଧି-
ର୍ଜିଷ୍ଣୁଃ ସ ହି ଭ୍ରାତୁରଚିନ୍ତ୍ଯକର୍ମା।
ବିସିଷ୍ମିଯେ ଚାପି ଭଯଂ ବିହାଯ
ତସ୍ଥୌ ଧନୁର୍ଗୃହ୍ଯ ମହେନ୍ଦ୍ରକର୍ମା॥ 1-204-20 (9034)
ତତ୍ପ୍ରେକ୍ଷ୍ଯ କର୍ମାତିମନୁଷ୍ଯବୁଦ୍ଧି-
ର୍ଜିଷ୍ଣୋଃ ସହଭ୍ରାତୁରଚିନ୍ତ୍ଯକର୍ମା।
ଦାମୋଦରୋ ଭ୍ରାତରମୁଗ୍ରବୀର୍ଯଂ
ହଲାଯୁଧଂ ବାକ୍ଯମିଦଂ ବଭାଷେ॥ 1-204-21 (9035)
ଯ ଏଷ ସିଂହର୍ଷଭଖେଲଗାମୀ
ମଦଦ୍ଧନୁଃ କର୍ଷତି ତାଲମାତ୍ରମ୍।
ଏଷୋଽର୍ଜୁନୋ ନାତ୍ର ବିଚାର୍ଯମସ୍ତି
ଯଦ୍ଯସ୍ମି ସଂକର୍ଷଣ ବାସୁଦେବଃ॥ 1-204-22 (9036)
ଯସ୍ତ୍ବେଷ ବୃକ୍ଷଂ ତରସାଽବଭଜ୍ଯ
ରାଜ୍ଞାଂ ନିକାରେ ସହସା ପ୍ରବୃତ୍ତଃ।
ବୃକୋଦରାନ୍ନାନ୍ଯ ଇହୈତଦଦ୍ଯ
କର୍ତୁଂ ସମର୍ଥଃ ସମରେ ପୃଥିବ୍ଯାମ୍॥ 1-204-23 (9037)
ଯୋଽସୌ ପୁରସ୍ତାତ୍କମଲାଯତାକ୍ଷୋ
ମହାତନୁଃ ସିଂହଗତିର୍ବିନୀତଃ।
ଗୌରଃ ପ୍ରଲମ୍ବୋଜ୍ଜ୍ବଲଚାରୁଘୋଣୋ
ବିନିଃସୃତଃ ସୋଽପ୍ଯୁତ ଧର୍ମପୁତ୍ରଃ॥ 1-204-24 (9038)
ଯୌ ତୌ କୁମାରାବିବ କାର୍ତିକେଯୌ
ଦ୍ବାବାଶ୍ବିନେଯାବିତି ମେ ବିତର୍କଃ।
ମୁକ୍ତା ହି ତସ୍ମାଜ୍ଜତୁବେଶ୍ମଦାହା-
ନ୍ମଯା ଶ୍ରୁତାଃ ପାଣ୍ଡୁସୁତାଃ ପୃଥା ଚ॥ 1-204-25 (9039)
ବୈଶମ୍ପାଯନ ଉବାଚ। 1-204-26x (1139)
ତମବ୍ରବୀନ୍ନିର୍ଜଲତୋଯଦାଭୋ
ହଲାଯୁଧୋଽନନ୍ତରଜଂ ପ୍ରତୀତଃ।
ପ୍ରୀତୋଽସ୍ମି ଦୃଷ୍ଟ୍ବା ହି ପିତୃଷ୍ବସାରଂ
ପୃଥାଂ ବିମୁକ୍ତାଂ ସହ କୌରବାଗ୍ର୍ଯୈଃ॥ ॥ 1-204-26 (9040)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସ୍ବଯଂବରପର୍ବଣି ଚତୁରଧିକଦ୍ବିଶତତମୋଽଧ୍ଯାଯଃ॥ 204 ॥
ଆଦିପର୍ବ - ଅଧ୍ଯାଯ 205
॥ ଶ୍ରୀଃ ॥
1.205. ଅଧ୍ଯାଯଃ 205
Mahabharata - Adi Parva - Chapter Topics
ଅର୍ଜୁନେନ କର୍ଣପରାଜଯଃ॥ 1 ॥ ଭୀମେନ କର୍ଣପରାଜଯଃ॥ 2 ॥ ଯୁଧିଷ୍ଠିରାଦିଭିର୍ଦୁର୍ଯୋଧନାଦିପରାଜଯଃ॥ 3 ॥ ପୁନର୍ଯୁଦ୍ଧାଯ କୃତନିଶ୍ଚଯାନାଂ ରାଜ୍ଞାଂ ଶ୍ରୀକୃଷ୍ଣବାକ୍ଯେନ ଯୁଦ୍ଧୋଦ୍ଯୋଗାଦ୍ବିରମ୍ଯ ସ୍ବସ୍ବାଲଯଗମନମ୍॥ 4 ॥ ଦ୍ରୌପଦ୍ଯା ସହ ଭୀମାର୍ଜୁନଯୋଃ କୁଲାଲଗୃହପ୍ରବେଶଃ॥ 5 ॥Mahabharata - Adi Parva - Chapter Text
1-205-0 (9041)
ବୈଶମ୍ପାଯନ ଉବାଚ। 1-205-0x (1140)
ଅଜିନାନି ବିଧୁନ୍ବନ୍ତଃ କରକାଶ୍ଚ ଦ୍ବିଜର୍ଷଭାଃ।
ଊଚୁସ୍ତେ ଭୀର୍ନ କର୍ତବ୍ଯା ବଯଂ ଯୋତ୍ସ୍ଯାମହେ ପରାନ୍॥ 1-205-1 (9042)
ତାନେବଂ ବଦତୋ ବିପ୍ରାନର୍ଜୁନଃ ପ୍ରହସନ୍ନିବ।
ଉବାଚ ପ୍ରେକ୍ଷକା ଭୂତ୍ବା ଯୂଯଂ ତିଷ୍ଠତ ପାର୍ଶ୍ବତଃ॥ 1-205-2 (9043)
ଅହମେନାନଜିହ୍ମାଗ୍ରୈଃ ଶତଶୋ ବିକିରଞ୍ଛରୈଃ।
ବାରଯିଷ୍ଯାମି ସଂକ୍ରୁଦ୍ଧାନ୍ମନ୍ତ୍ରୈରାଶୀବିଷାନିବ॥ 1-205-3 (9044)
ଇତି ତଦ୍ଧନୁରାନମ୍ଯ ଶୁଲ୍କାବାପ୍ତଂ ମହାବଲଃ।
ଭ୍ରାତ୍ରା ଭୀମେନ ସହିତସ୍ତସ୍ଥୌ ଗିରିରିବାଚଲଃ॥ 1-205-4 (9045)
ତତଃ କର୍ଣମୁଖାନ୍ଦୃଷ୍ଟ୍ବା କ୍ଷତ୍ରିଯାନ୍ଯୁଦ୍ଧଦୁର୍ମଦାନ୍।
ସଂପେତତୁରଭୀତୌ ତୌ ଗଜୌ ପ୍ରତିଗଜାନିବ॥ 1-205-5 (9046)
ଊଚୁଶ୍ଚ ବାଚଃ ପରୁଷାସ୍ତେ ରାଜାନୋ ଯୁଯୁତ୍ସବଃ।
ଆହବେ ହି ଦ୍ବିଜସ୍ଯାପି ବଧୋ ଦୃଷ୍ଟୋ ଯୁଯୁତ୍ସତଃ॥ 1-205-6 (9047)
ଇତ୍ଯେବମୁକ୍ତ୍ବା ରାଜାନଃ ସହସା ଦୁଦ୍ରୁବୁର୍ଦ୍ବିଜାନ୍।
ତତଃ କର୍ଣୋ ମହାତେଜା ଜିଷ୍ଣୁଂ ପ୍ରତି ଯଯୌ ରଣେ॥ 1-205-7 (9048)
ଯୁଦ୍ଧାର୍ଥୀ ବାସିତାହେତୋର୍ଗଜଃ ପ୍ରତିଗଜଂ ଯଥା।
ଭୀମସେନଂ ଯଯୌ ଶଲ୍ଯୋ ମଦ୍ରାଣାମୀଶ୍ବରୋ ବଲୀ॥ 1-205-8 (9049)
ଦୁର୍ଯୋଧନାଦଯଃ ସର୍ବେ ବ୍ରାହ୍ମଣୈଃ ସହ ସଂଗତାଃ।
ମୃଦୁପୂର୍ବମଯତ୍ନେନ ପ୍ରତ୍ଯଯୁଧ୍ଯଂସ୍ତଦାଽଽହବେ॥ 1-205-9 (9050)
ତତୋଽର୍ଜୁନଃ ପ୍ରତ୍ଯବିଧ୍ଯଦାପତନ୍ତଂ ଶିତୈଃ ଶରୈଃ।
କର୍ଣଂ ବୈକର୍ତନଂ ଶ୍ରୀମାନ୍ବିକୃଷ୍ଯ ବଲବଦ୍ଧନୁଃ॥ 1-205-10 (9051)
ତେଷାଂ ଶରାଣାଂ ବେଗେନ ଶିତାନାଂ ତିଗ୍ମତେଜସାମ୍।
ବିମୁହ୍ଯମାନୋ ରାଧେଯୋ ଯତ୍ନାତ୍ତମନୁଧାବତି॥ 1-205-11 (9052)
ତାବୁଭାବପ୍ଯନିର୍ଦେଶ୍ଯୌ ଲାଘବାଜ୍ଜଯତାଂ ବରୌ।
ଅଯୁଧ୍ଯେତାଂ ସୁସଂରବ୍ଧାବନ୍ଯୋନ୍ଯବିଜିଗୀଷିଣୌ॥ 1-205-12 (9053)
କୃତେ ପ୍ରତିକୃତଂ ପଶ୍ଯ ପଶ୍ଯ ବାହୁବଲଂ ଚ ମେ।
ଇତି ଶୂରାର୍ଥବଚନୈରଭାଷେତାଂ ପରସ୍ପରମ୍॥ 1-205-13 (9054)
ତତୋଽର୍ଜୁନସ୍ଯ ଭୁଜଯୋର୍ବୀର୍ଯମପ୍ରତିମଂ ଭୁବି।
ଜ୍ଞାତ୍ବା ବୈକର୍ତନଃ କର୍ଣଃ ସଂରବ୍ଧଃ ସମଯୋଧଯତ୍॥ 1-205-14 (9055)
ଅର୍ଜୁନେନ ପ୍ରଯୁକ୍ତାଂସ୍ତାନ୍ବାଣାନ୍ବେଗବତସ୍ତଦା।
ପ୍ରତିହତ୍ଯ ନନାଦୋଚ୍ଚୈଃ ସୈନ୍ଯାନି ତଦପୂଜଯନ୍॥ 1-205-15 (9056)
କର୍ଣ ଉବାଚ। 1-205-16x (1141)
ତୁଷ୍ଯାମି ତେ ବିପ୍ରମୁଖ୍ଯ ଭୁଜବୀଯର୍ସ୍ଯ ସଂଯୁଗେ।
ଅବିଷାଦସ୍ଯ ଚୈବାସ୍ଯ ଶସ୍ତ୍ରାସ୍ତ୍ରବିଜଯସ୍ଯ ଚ॥ 1-205-16 (9057)
କିଂ ତ୍ବଂ ସାକ୍ଷାଦ୍ଧନୁର୍ବେଦୋ ରାମୋ ବା ବିପ୍ରସତ୍ତମ।
ଅଥ ସାକ୍ଷାଦ୍ଧରିହଯଃ ସାକ୍ଷାଦ୍ବା ବିଷ୍ଣୁରଚ୍ଯୁତଃ॥ 1-205-17 (9058)
ଆତ୍ମପ୍ରଚ୍ଛାଦନାର୍ଥଂ ବୈ ବାହୁବୀର୍ଯମୁପାଶ୍ରିତଃ।
ବିପ୍ରରୂପଂ ବିଧାଯେଦଂ ମନ୍ଯେ ମାଂ ପ୍ରତିଯୁଧ୍ଯସେ॥ 1-205-18 (9059)
ନ ହି ମାମାହବେ କ୍ରୁଦ୍ଧମନ୍ଯଃ ସାକ୍ଷାଚ୍ଛଚୀପତେଃ।
ପୁମାନ୍ଯୋଧଯିତୁଂ ଶକ୍ତଃ ପାଣ୍ଡବାଦ୍ବା କିରୀଟିନଃ॥ 1-205-19 (9060)
`ଦଗ୍ଧା ଜତୁଗୃହେ ସର୍ବେ ପାଣ୍ଡବାଃ ସାର୍ଜୁନାସ୍ତଦା।
ବିନାର୍ଜୁନଂ ବା ସମରେ ମାଂ ନିହନ୍ତୁମଶକ୍ନୁବନ୍॥' 1-205-20 (9061)
ତମେବଂବାଦିନଂ ତତ୍ର ଫାଲ୍ଗୁନଃ ପ୍ରତ୍ଯଭାଷତ।
ନାସ୍ମି କର୍ଣ ଧନୁର୍ବେଦୋ ନାସ୍ମି ରାମଃ ପ୍ରତାପବାନ୍॥ 1-205-21 (9062)
ବ୍ରାହ୍ମଣୋଽସ୍ମି ଯୁଧାଂ ଶ୍ରେଷ୍ଠଃ ସର୍ବଶସ୍ତ୍ରଭୃତାଂ ବରଃ।
ବ୍ରାହ୍ମେ ପୌରନ୍ଦରେ ଚାସ୍ତ୍ରେ ନିଷ୍ଠିତୋଗୁରୁଶାସନାତ୍॥ 1-205-22 (9063)
ସ୍ଥିତୋଽସ୍ମ୍ଯଦ୍ଯ ରଣେ ଜେତୁଂ ତ୍ବାଂ ବୈ ବୀର ସ୍ଥିରୋ ଭବ।
`ନିର୍ଜିତୋଽସ୍ମୀତି ବା ବ୍ରୂହି ତତୋ ବ୍ରଜ ଯଥାସୁଖମ୍॥ 1-205-23 (9064)
ବୈଶମ୍ପାଯନ ଉବାଚ। 1-205-24x (1142)
ଏବମୁକ୍ତ୍ବାଽଥ କର୍ଣସ୍ଯ ଧନୁଶ୍ଚିଚ୍ଛେଦ ପାଣ୍ଡବଃ।
ତତୋଽନ୍ଯଦ୍ଧନୁରାଦାଯ ସଂଯୋଦ୍ଧୁଂ ସନ୍ଦଧେ ଶରମ୍॥ 1-205-24 (9065)
ଦୃଷ୍ଟ୍ବା ତଚ୍ଚାପି କୌନ୍ତେଯଶ୍ଛିତ୍ବା ତଦ୍ଧନୁରାଶୁଗୈଃ।
ତଥା ବୈକର୍ତନଂ କର୍ଣଂ ବିଭେଦ ସମରେଽର୍ଜୁନଃ॥ 1-205-25 (9066)
ତତଃ କର୍ଣସ୍ତୁ ରାଧେଯଃ ଛିନ୍ନଛନ୍ବା ମହାବଲଃ।
ଶରୈରତୀବ ବିଦ୍ଧାଙ୍ଗଃ ପଲାଯନମଥାକରୋତ୍॥ 1-205-26 (9067)
ପୁନରାଯାନ୍ମୁହୂର୍ତେନ ଗୃହୀତ୍ବା ସଶରଂ ଧନୁଃ।
ବବର୍ଷ ଶରବର୍ଷାଣି ପାର୍ଥଂ ବୈକର୍ତନସ୍ତଥା॥ 1-205-27 (9068)
ତାନି ବୈ ଶରଜାଲାନି କୌନ୍ତେଯୋଽଭ୍ଯହନଚ୍ଛରୈଃ।
ଜ୍ଞାତ୍ବା ସର୍ବାଞ୍ଶରାନ୍ଘୋରାନ୍କର୍ଣୋଽଦାବଦ୍ଦ୍ରୁତଂ ବହିଃ॥' 1-205-28 (9069)
ବ୍ରାହ୍ମଂ ତେଜସ୍ତଦାଽଜଯ୍ଯଂ ମନ୍ଯମାନୋ ମହାରଥଃ।
ଅପରସ୍ମିନ୍ବନୋଦ୍ଦେଶେ ବୀରୌ ଶଲ୍ଯବୃକୋଦରୌ॥ 1-205-29 (9070)
ବଲିନୌ ଯୁଦ୍ଧସଂପନ୍ନୌ ବିଦ୍ଯଯା ଚ ବଲେନ ଚ।
ଅନ୍ଯୋନ୍ଯମାହ୍ବଯନ୍ତୌ ତୁ ମତ୍ତାବିବ ମହାଗଜୌ॥ 1-205-30 (9071)
ମୁଷ୍ଟିଭିର୍ଜାନୁଭିଶ୍ଚୈବ ନିଘ୍ନନ୍ତାବିତରେତରମ୍।
ପ୍ରକର୍ଷଣାକର୍ଷଣଯୋରଭ୍ଯାକର୍ଷବିକର୍ଷଣୈଃ॥ 1-205-31 (9072)
ଆଚକର୍ଷତୁରନ୍ଯୋନ୍ଯଂ ମୁଷ୍ଟିଭିଶ୍ଚାପି ଜଘ୍ନତୁଃ।
ତତଶ୍ଚଟଚଟାଶବ୍ଦଃ ସୁଘୋରୋ ହ୍ଯଭବତ୍ତଯୋଃ॥ 1-205-32 (9073)
ପାଷାଣସଂପାତନିଭୈଃ ପ୍ରହାରୈରଭିଜଘ୍ନତୁଃ।
ମୁହୂର୍ତଂ ତୌ ତଦାଽନ୍ଯୋନ୍ଯଂ ସମରେ ପର୍ଯକର୍ଷତାମ୍॥ 1-205-33 (9074)
ତତୋ ଭୀମଃ ସମୁତ୍କ୍ଷିପ୍ଯ ବାହୁଭ୍ଯାଂ ଶଲ୍ଯମାହବେ।
ଅପାତଯତ୍କୁରୁଶ୍ରେଷ୍ଠୋ ବ୍ରାହ୍ମଣା ଜହସୁସ୍ତଦା॥ 1-205-34 (9075)
ତତ୍ରାଶ୍ଚର୍ଯଂ ଭୀମସେନଶ୍ଚକାର ପୁରୁଷର୍ଷଭଃ।
ଯଚ୍ଛଲ୍ଯଂ ପାତିତଂ ଭୂମୌ ନାବଧୀଦ୍ବଲିନଂ ବଲୀ॥ 1-205-35 (9076)
ପାତିତେ ଭୀମସେନେନ ଶଲ୍ଯେ କର୍ଣେ ଚ ଶଙ୍କିତେ।
`ବିସ୍ମଯଃ ପରମୋ ଜଜ୍ଞେ ସର୍ବେଷାଂ ପଶ୍ଯତାଂ ନୃଣାମ୍॥ 1-205-36 (9077)
ତତୋ ରାଜସମୂହସ୍ଯ ପଶ୍ଯତୋ ବୃକ୍ଷମାରୁଜତ୍।
ତତସ୍ତୁ ଭୀମଂ ସଂଜ୍ଞାଭିର୍ବାରଯାମାସ ଧର୍ମରାଟ୍॥ 1-205-37 (9078)
ଆକାରଜ୍ଞସ୍ତଥା ଭ୍ରାତୁଃ ପାଣ୍ଡବୋଽପି ନ୍ଯବର୍ତତ।
ଧର୍ମରାଜଶ୍ଚ କୌରବ୍ଯ ଦୁର୍ଯୋଧନମମର୍ଷଣମ୍॥ 1-205-38 (9079)
ଅଯୋଧଯତ୍ସଭାମଧ୍ଯେ ପଶ୍ଯତାଂ ବୈ ମହୀକ୍ଷିତାମ୍।
ତତୋ ଦୁର୍ଯୋଧନସ୍ତଂ ତୁ ହ୍ଯବଜ୍ଞାଯ ଯୁଧିଷ୍ଠିରମ୍॥ 1-205-39 (9080)
ନାଯୋଧଯତ୍ତଦା ତେନ ବଲବାନ୍ବୈ ସୁଯୋଧନଃ।
ଏତସ୍ମିନ୍ନନ୍ତରେଽବିଧ୍ଯଦ୍ବାଣେନାନତପର୍ବଣା॥ 1-205-40 (9081)
ଦୁର୍ଯୋଧନମମିତ୍ରଘ୍ନଂ ଧର୍ମରାଜୋ ଯୁଧିଷ୍ଠିରଃ।
ତତୋ ଦୁର୍ଯୋଧନଃ କ୍ରୁଦ୍ଧୋ ଦଣ୍ଡାହତ ଇବୋରଗଃ॥ 1-205-41 (9082)
ପ୍ରତ୍ଯଯୁଧ୍ଯତ ରାଜାନଂ ଯତ୍ନଂ ପରମମାସ୍ଥିତଃ।
ଛିତ୍ତ୍ବା ରାଜା ଧନୁଃ ସଜ୍ଯଂ ଧାର୍ତରାଷ୍ଟ୍ରସ୍ଯ ସଂଯୁଗେ॥ 1-205-42 (9083)
ଅଭ୍ଯବର୍ଷଚ୍ଛରୌଘୈସ୍ତଂ ସ ହିତ୍ବା ପ୍ରାଦ୍ରବଦ୍ରଣମ୍।
ଦୁଃଶାସନସ୍ତୁ ସଂକ୍ରୁଦ୍ଧଃ ସହଦେବେନ ପାର୍ଥିବ॥ 1-205-43 (9084)
ଯୁଦ୍ଧ୍ବା ଚ ସୁଚିରଂ କାଲଂ ସହଦେବେନ ନିର୍ଜିତଃ।
ଉତ୍ସୃଜ୍ଯ ଚ ଧନୁଃ ସଙ୍ଖ୍ଯେ ଜାନୁଭ୍ଯାମବନୀଂ ଗତଃ।
ଉତ୍ଥାଯ ସୋଽଭିଦୁଦ୍ରାବ ସୋସିଂ ଜଗ୍ରାହ ଚର୍ମ ଚ॥ 1-205-44 (9085)
ବିକର୍ଣଚିତ୍ରସେନାଭ୍ଯାଂ ନିଗୃହୀତଶ୍ଚ କୌରବଃ।
ମା ଯୁଦ୍ଧମିତି କୌରବ୍ଯ ବ୍ରାହ୍ମଣେନାବଲେନ ବୈ॥ 1-205-45 (9086)
ଦୁଃସହୋ ନକୁଲଶ୍ଚୋଭୌ ଯୁଦ୍ଧଂ କର୍ତୁଂ ସମୁଦ୍ଯତୈ।
ତୌ ଦୃଷ୍ଟ୍ବା କୌରବା ଯୁଦ୍ଧଂ ବାକ୍ଯମୂଚୁର୍ମହାବଲୌ॥ 1-205-46 (9087)
ନିବର୍ତନ୍ତାଂ ଭବନ୍ତୋ ବୈ କୁତୋ ବିପ୍ରେଷୁ କ୍ରୂରତା।
ଦୁର୍ବଲା ବ୍ରାହ୍ମଣାଶ୍ଚେମେ ଭବନ୍ତୋ ବୈ ମହାବଲାଃ॥ 1-205-47 (9088)
ଦ୍ବାବତ୍ର ବ୍ରାହ୍ମଣୌ କ୍ରୂରୌ ବାଯ୍ବିନ୍ଦ୍ରସଦୃଶୌ ବଲେ।
ଯେ ବା କେ ବା ନମସ୍ତେଭ୍ଯୋ ଗଚ୍ଛାମଃ ସ୍ବପୁରଂ ବଯମ୍॥ 1-205-48 (9089)
ଏବଂ ସଂଭାଷମାଣାସ୍ତେ ନ୍ଯବର୍ତନ୍ତାଥ କୌରବାଃ।
ଜହୃଷୁର୍ବ୍ରାହ୍ମଣାସ୍ତତ୍ର ସମେତାସ୍ତତ୍ର ସଙ୍ଘଶଃ॥ 1-205-49 (9090)
ବହୁଶସ୍ତେ ତତସ୍ତତ୍ର କ୍ଷତ୍ରିଯା ରଣମୂର୍ଧନି।
ପ୍ରେକ୍ଷମାଣାସ୍ତଥାଽତିଷ୍ଠନ୍ବ୍ରାହ୍ମଣାଂଶ୍ଚ ସମନ୍ତତଃ॥ 1-205-50 (9091)
ବ୍ରାହ୍ମଣାଶ୍ଚ ଜଯଂ ପ୍ରାପ୍ତାଃ କନ୍ଯାମାଦାଯ ନିର୍ଯଯୁଃ।
ବିଜିତେ ଭୀମସେନେନ ଶଲ୍ଯେ କର୍ଣେ ଚ ନିର୍ଜିତେ॥ 1-205-51 (9092)
ଦୁର୍ଯୋଧନେ ଚାପଯାତେ ତଥା ଦୁଃଶାସନେ ରଣାତ୍।'
ଶଙ୍କିତାଃ ସର୍ବରାଜାନଃ ପରିବବ୍ରୁର୍ବୃକୋଦରମ୍॥ 1-205-52 (9093)
ଊଚୁଶ୍ଚ ସହିତାସ୍ତତ୍ର ସାଧ୍ବିମୌ ବ୍ରାହ୍ମଣର୍ଷଭୌ।
ବିଜ୍ଞାଯେତାଂ କ୍ବଜନ୍ମାନୌ କ୍ବନିବାସୌ ତଥୈବ ଚ॥ 1-205-53 (9094)
କୋ ହି ରାଧାସୁତଂ କର୍ଣଂ ଶକ୍ତୋ ଯୋଧଯିତୁଂ ରଣେ।
ଅନ୍ଯତ୍ର ରାମାଦ୍ଦ୍ରୋଣାଦ୍ବା ପାଣ୍ଡବାଦ୍ବା କିରୀଟିନଃ॥ 1-205-54 (9095)
କୃଷ୍ଣାଦ୍ବା ଦେବକୀପୁତ୍ରାତ୍କୃପାଦ୍ବାପି ଶରଦ୍ବତଃ।
କୋ ବା ଦୁର୍ଯୋଧନଂ ଶକ୍ତଃ ପ୍ରତିଯୋଥଯିତୁଂ ରଣେ॥ 1-205-55 (9096)
ତଥୈବ ମଦ୍ରାଧିପତିଂ ଶଲ୍ଯଂ ବଲବତାଂବରମ୍।
ବଲଦେବାଦୃତେ ବୀରାତ୍ପାଣ୍ଡବାଦ୍ବା ବୃକୋଦରାତ୍॥ 1-205-56 (9097)
ବୀରାଦ୍ଦୁର୍ଯୋଧନାଦ୍ବାଽନ୍ଯଃ ଶକ୍ତଃ ପାତଯିତୁଂ ରଣେ।
କ୍ରିଯତାମବହାରୋଽସ୍ମାଦ୍ଯୁଦ୍ଧାଦ୍ବ୍ରାହ୍ମଣସଂବୃତାତ୍॥ 1-205-57 (9098)
ବ୍ରାହ୍ମଣା ହି ସଦା ରକ୍ଷ୍ଯାଃ ସାପରାଧାଽପିନିତ୍ଯଦା।
ଅଥୈନାନୁପଲଭ୍ଯେହ ପୁନର୍ଯୋତ୍ସ୍ଯାମ ହୃଷ୍ଟବତ୍॥ 1-205-58 (9099)
ବୈଶମ୍ପାଯନ ଉବାଚ। 1-205-59x (1143)
ତାଂସ୍ତଥାବାଦିନଃ ସର୍ବାନ୍ପ୍ରସମୀକ୍ଷ୍ଯ କ୍ଷିତୀଶ୍ବରାନ୍।
ଅଥାନ୍ଯାନ୍ପୁରୁଷାଂଶ୍ଚାପି କୃତ୍ବା ତତ୍କର୍ମ ସଂଯୁଗେ॥ 1-205-59 (9100)
ତତ୍କର୍ମ ଭୀମସ୍ଯ ସମୀକ୍ଷ୍ଯ କୃଷ୍ଣଃ
କୁନ୍ତୀସୁତୌ ତୌ ପରିଶଙ୍କମାନଃ।
ନିବାରଯାମାସ ମହୀପତୀଂସ୍ତା-
ନ୍ଧର୍ମେଣ ଲବ୍ଧେତ୍ଯନୁନୀଯ ସର୍ବାନ୍॥ 1-205-60 (9101)
ଏବଂ ତେ ବିନିବୃତ୍ତାସ୍ତୁ ଯୁଦ୍ଧାଦ୍ଯୁଦ୍ଧବିଶାରଦାଃ।
ଯଥାବାସଂ ଯଯୁଃ ସର୍ବେ ବିସ୍ମିତା ରାଜସତ୍ତମାଃ॥ 1-205-61 (9102)
ବୃତ୍ତୋ ବ୍ରହ୍ମୋତ୍ତରୋ ରଙ୍ଗଃ ପାଞ୍ଚାଲୀ ବ୍ରାହ୍ମଣୈର୍ବୃତା।
ଇତି ବ୍ରୁବନ୍ତଃ ପ୍ରଯଯୁର୍ଯେ ତତ୍ରାସନ୍ସମାଗତାଃ॥ 1-205-62 (9103)
ବ୍ରାହ୍ମଣୈସ୍ତୁ ପ୍ରତିଚ୍ଛନ୍ନୌ ରୌରବାଜିନବାସିଭିଃ।
କୃଚ୍ଛ୍ରେଣ ଜଗ୍ମତୁସ୍ତୌ ତୁ ଭୀମସେନଧନଞ୍ଜଯୌ॥ 1-205-63 (9104)
ବିମୁକ୍ତୌ ଜନସଂବାଧାଚ୍ଛତ୍ରୁଭିଃ ପରିବିକ୍ଷତୌ।
କୃଷ୍ଣଯାନୁଗତୌ ତତ୍ର ନୃବୀରୌ ତୌ ବିରେଜତୁଃ॥ 1-205-64 (9105)
ପୌର୍ଣମାସ୍ଯାଂ ଘନୈର୍ମୁକ୍ତୌ ଚନ୍ଦ୍ରସୂର୍ଯାବିବୋଦିତୌ।
ତେଷାଂ ମାତା ବହୁବିଧଂ ବିନାଶଂ ପର୍ଯଚିନ୍ତଯତ୍॥ 1-205-65 (9106)
ଅନାଗଚ୍ଛତ୍ସୁ ପୁତ୍ରେଷୁ ଭୈକ୍ଷକାଲେ ଚ ଲିଙ୍ଘିତେ।
ଧାର୍ତରାଷ୍ଟ୍ରୈର୍ହତାଶ୍ଚ ସ୍ଯୁର୍ବିଜ୍ଞାଯ କୁରୁପୁଙ୍ଗବାଃ॥ 1-205-66 (9107)
ମାଯାନ୍ବିତୈର୍ବା ରକ୍ଷୋଭିଃ ସୁଘୋରୈର୍ଦୃଢବୈରିଭିଃ।
ବିପରୀତଂ ମତଂ ଜାତଂ ବ୍ଯାସସ୍ଯାପି ମହାତ୍ମନଃ॥ 1-205-67 (9108)
ଇତ୍ଯେବଂ ଚିନ୍ତଯାମାସଂ ସୁତସ୍ନେହାବୃତା ପୃଥା।
ତତଃ ସୁପ୍ତଜନପ୍ରାଯେ ଦୁର୍ଦିନେ ମେଘସଂପ୍ଲୁତେ॥ 1-205-68 (9109)
ମହତ୍ଯଥାପରାହ୍ଣେ ତୁ ଘନୈଃ ସୂର୍ଯ ଇବାବୃତଃ।
ବ୍ରାହ୍ମଣୈଃ ପ୍ରାବିଶତ୍ତତ୍ର ଜିଷ୍ଣୁର୍ଭାର୍ଗବବେଶ୍ମ ତତ୍॥ ॥ 1-205-69 (9110)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସ୍ବଯଂବରପର୍ବଣି ପ଼ଞ୍ଚାଧିକଦ୍ବିଶତତମୋଽଧ୍ଯାଯଃ॥ 205 ॥
Mahabharata - Adi Parva - Chapter Footnotes
1-205-12 ବିଜିଗୀଷିଣୌ ବିଜିଗୀଷାବନ୍ତୌ॥ 1-205-29 ବନୋଦ୍ଦେଶେ ରଙ୍ଗଦୃଶାଂ ନିବାସସ୍ଥାନେ॥ 1-205-34 ସମୁତ୍କ୍ଷିପ୍ଯ କୂଷ୍ମାଣ୍ଡଫଲବଦପାତଯତ୍॥ 1-205-57 ଅବହାରୋ ଯୁଦ୍ଧାନ୍ନିବର୍ତନଂ॥ 1-205-59 ସଂଯୁଗେ ତତ୍କର୍ମ କୃତ୍ବା ତୂଷ୍ଣୀଂଭୂତାବିତି ଶେଷଃ॥ 1-205-62 ବ୍ରହ୍ମ ବ୍ରାହ୍ମଣଜାତିଃ ଉତ୍ତରଂ ଉତ୍କୃଷ୍ଟଂ ଯସ୍ମିନ୍ସ ବ୍ରହ୍ମୋତ୍ତରଃ॥ 1-205-69 ଭାର୍ଗବବେଶ୍ମ କୁଲାଲଗୃହଂ॥ ପାଞ୍ଚାଧିକଦ୍ବିଶତତମୋଽଧ୍ଯାଯଃ॥ 205 ॥ଆଦିପର୍ବ - ଅଧ୍ଯାଯ 206
॥ ଶ୍ରୀଃ ॥
1.206. ଅଧ୍ଯାଯଃ 206
Mahabharata - Adi Parva - Chapter Topics
ଭୀମାର୍ଜୁନାଶ୍ଯାଂ ଦ୍ରୌପଦ୍ଯାଃ ଭିକ୍ଷେତ୍ଯାବେଦନେ କୁନ୍ତ୍ଯା ପଞ୍ଚାନାଂ ସହ ଭୋଜନାନୁଜ୍ଞା॥ 1 ॥ ପଶ୍ଚାତ୍ ଦ୍ରୌପଦୀଦର୍ଶନେନ ଚିନ୍ତାନ୍ବିତାଯାଂ କୁନ୍ତ୍ଯାଂ ଯୁଧିଷ୍ଠିରାର୍ଜୁନଯୋଃ ସଂବାଦଃ॥ 2 ॥ ଦ୍ବୈପାଯନବଚଃସ୍ମରଣେନ ସର୍ବେଷାଂ ଦ୍ରୌପଦୀ ଭାର୍ଯେତି ଯୁଧିଷ୍ଠିରନିଶ୍ଚଯଃ॥ 3 ॥ ଜନମେଜଯେନ କୃଷ୍ଣସ୍ଯ କାର୍ମୁକାନାରୋପଣେ କାରଣପ୍ରଶ୍ନେ ପାଣ୍ଡବାର୍ଥମିତି ବୈଶମ୍ପାଯନସ୍ଯୋତ୍ତରମ୍॥ 4 ॥ କୁଲାଲଶାଲାଂପ୍ରତି ଶ୍ରୀକୃଷ୍ଣସ୍ଯାଗମନମ୍॥ 5 ॥Mahabharata - Adi Parva - Chapter Text
1-206-0 (9111)
ବୈଶମ୍ପାଯନ ଉବାଚ। 1-206-0x (1144)
ଗତ୍ବା ତୁ ତାଂ ଭାର୍ଗବକର୍ମଶାଲାଂ
ପାର୍ଥୌ ପୃଥାଂ ପ୍ରାପ୍ଯ ମହାନୁଭାବୌ।
ତାଂ ଯାଜ୍ଞସେନୀଂ ପରମପ୍ରତୀତୌ
ଭିକ୍ଷେତ୍ଯଥାବେଦଯତାଂ ନରାଗ୍ର୍ଯୌ॥ 1-206-1 (9112)
କୁଟୀଗତା ସା ତ୍ବନବେକ୍ଷ୍ଯ ପୁତ୍ରୌ
ପ୍ରୋବାଚ ଭୁଙ୍କ୍ତେତି ସମେତ୍ଯ ସର୍ବେ।
ପଶ୍ଚାଚ୍ଚ କୁନ୍ତୀ ପ୍ରସମୀକ୍ଷ୍ଯ କୃଷ୍ଣାଂ
କଷ୍ଟଂ ମଯା ଭାଷିତମିତ୍ଯୁବାଚ॥ 1-206-2 (9113)
ସାଽଧର୍ମଭୀତା ପରିଚିନ୍ତଯନ୍ତୀ
ତାଂ ଯାଜ୍ଞସେନୀଂ ପରମପ୍ରତୀତାମ୍।
ପାଣୌ ଗୃହୀତ୍ବୋପଜଗାମ କୁନ୍ତୀ
ଯୁଧିଷ୍ଠିରଂ ବାକ୍ଯମୁବାଚ ଚେଦମ୍॥ 1-206-3 (9114)
କୁନ୍ତ୍ଯୁବାଚ। 1-206-4x (1145)
ଇଯଂ ତୁ କନ୍ଯା ଦ୍ରୁପଦସ୍ଯ ରାଜ୍ଞ-
ସ୍ତବାନୁଜାଭ୍ଯାଂ ମଯି ସଂନିସୃଷ୍ଟା।
ଯଥୋଚିତଂ ପୁତ୍ର ମଯାଽପି ଚୋକ୍ତଂ
ସମେତ୍ଯ ଭୁଙ୍କ୍ତେତି ନୃପ ପ୍ରମାଦାତ୍॥ 1-206-4 (9115)
ମଯା କଥଂ ନାନୃତମୁକ୍ତମଦ୍ଯ
ଭବେତ୍କୁରୂଣାମୃଷଭ ବ୍ରବୀହି।
ପଞ୍ଚାଲରାଜସ୍ଯ ସୁତାମଧର୍ମୋ
ନ ଚୋପବର୍ତେତ ନ ବିଭ୍ରମେଚ୍ଚ॥ 1-206-5 (9116)
ବୈଶମ୍ପାଯନ ଉବାଚ। 1-206-6x (1146)
ସ ଏବମୁକ୍ତୋ ମତିମାନ୍ନୃବୀରୋ
ମାତ୍ରା ମୁହୂର୍ତଂ ତୁ ବିଚିନ୍ତ୍ଯ ରାଜା।
କୁନ୍ତୀଂ ସମାଶ୍ବାସ୍ଯ କୁରୁପ୍ରବୀରୋ
ଧନଞ୍ଜଯଂ ବାକ୍ଯମିଦଂ ବଭାଷେ॥ 1-206-6 (9117)
ତ୍ବଯା ଜିତା ଫାଲ୍ଗୁନ ଯାଜ୍ଞସେନୀ
ତ୍ବଯୈବ ଶୋଭିଷ୍ଯତି ରାଜପୁତ୍ରୀ।
ପ୍ରଜ୍ବାଲ୍ଯତାମଗ୍ନିରମିତ୍ରସାହ
ଗୃହାଣ ପାଣିଂ ବିଧିବତ୍ତ୍ବମସ୍ଯାଃ॥ 1-206-7 (9118)
ଅର୍ଜୁନ ଉବାଚ। 1-206-8x (1147)
ମା ମାଂ ନରେନ୍ଦ୍ର ତ୍ବମଧର୍ମଭାଜଂ
କୃଥା ନ ଧର୍ମୋଽଯମଶିଷ୍ଟଦୃଷ୍ଟଃ।
ଭବାନ୍ନିବେଶ୍ଯଃ ପ୍ରଥମଂ ତତୋଽଯଂ
ଭୀମୋ ମହାବାହୁରଚିନ୍ତ୍ଯକର୍ମା॥ 1-206-8 (9119)
ଅହଂ ତତୋ ନକୁଲୋଽନନ୍ତରଂ ମେ
ପଶ୍ଚାଦଯଂ ସହଦେବସ୍ତରସ୍ବୀ।
ବୃକୋଦରୋଽହଂ ଚ ଯମୌ ଚ ରାଜ-
ନ୍ନିଯଂ ଚ କନ୍ଯା ଭବତୋ ନିଯୋଜ୍ଯାଃ॥ 1-206-9 (9120)
ଏବଂ ଗତେ ଯତ୍କରଣୀଯମତ୍ର
ଧର୍ମ୍ଯଂ ଯଶସ୍ଯଂ କୁରୁ ତଦ୍ବିଚିନ୍ତ୍ଯ।
ପାଞ୍ଚାଲରାଜସ୍ଯ ହିତଂ ଚ ଯତ୍ସ୍ଯା-
ତ୍ପ୍ରଶାଧି ସର୍ବେ ସ୍ମ ବଶେ ସ୍ଥିତାସ୍ତେ॥ 1-206-10 (9121)
ବୈଶମ୍ପାଯନ ଉବାଚ। 1-206-11x (1148)
ଜିଷ୍ଣୋର୍ବଚନମାଜ୍ଞାଯ ଭକ୍ତିସ୍ନେହସମନ୍ବିତମ୍।
ଦୃଷ୍ଟିଂ ନିବେଶଯାମାସୁଃ ପାଞ୍ଚାଲ୍ଯାଂ ପାଣ୍ଡୁନନ୍ଦନାଃ॥ 1-206-11 (9122)
ଦୃଷ୍ଟ୍ବା ତେ ତତ୍ର ପଶ୍ଯନ୍ତୀଂ ସର୍ବେ କୃଷ୍ଣାଂ ଯଶସ୍ବିନୀମ୍।
ସଂପ୍ରେକ୍ଷ୍ଯାନ୍ଯୋନ୍ଯମାସୀନା ହୃଦଯୈସ୍ତାମଧାରଯନ୍॥ 1-206-12 (9123)
ତେଷାଂ ତୁ ଦ୍ରୌପଦୀଂ ଦୃଷ୍ଟ୍ବା ସର୍ବେଷାମମିତୌଜସାମ୍।
ସଂପ୍ରମଥ୍ଯେନ୍ଦ୍ରିଯଗ୍ରାମଂ ପ୍ରାଦୁରାସୀନ୍ମନୋଭବଃ॥ 1-206-13 (9124)
କାମ୍ଯଂ ହି ରୂପଂ ପାଞ୍ଚାଲ୍ଯା ବିଧାତ୍ରା ବିହିତଂ ସ୍ବଯମ୍।
ବଭୂବାଧିକମନ୍ଯାଭ୍ଯଃ ସର୍ବଭୂତମନୋହରମ୍॥ 1-206-14 (9125)
ତେଷାମାକାରଭାବଜ୍ଞଃ କୁନ୍ତୀପୁତ୍ରୋ ଯୁଧିଷ୍ଠିରଃ।
ଦ୍ବୈପାଯନବଚଃ କୃତ୍ସ୍ନଂ ସସ୍ମାର ମନୁଜର୍ଷଭଃ॥ 1-206-15 (9126)
ଅବ୍ରବୀତ୍ସହିତାନ୍ଭ୍ରାତୄନ୍ମିଥୋ ଭେଦଭଯାନ୍ନୃପଃ।
ସର୍ବେଷାଂ ଦ୍ରୌପଦୀ ଭାର୍ଯା ଭବିଷ୍ଯତି ହି ନଃ ଶୁଭା॥ 1-206-16 (9127)
`ଜନମେଜଯ ଉବାଚ। 1-206-17x (1149)
ସତାଽପି ଶକ୍ତେନ ଚ କେଶବେନ
ସଜ୍ଯଂ ଧନୁସ୍ତନ୍ନ କୃତଂ କିମର୍ଥମ୍।
ବିଦ୍ଧଂ ଚ ଲକ୍ଷ୍ଯଂ ନ ଚ କସ୍ଯ ହେତୋ-
ରାଚକ୍ଷ୍ବ ତନ୍ମେ ଦ୍ବିପଦାଂ ବରିଷ୍ଠ॥ 1-206-17 (9128)
ବୈଶମ୍ପାଯନ ଉବାଚ। 1-206-18x (1150)
ଶକ୍ତେନ କୃଷ୍ଣେନ ଚ କାର୍ମୁକଂ ତ-
ନ୍ନାରୋପିତଂ ଜ୍ଞାତୁକାମେନ ପାର୍ଥାନ୍।
ପରିଶ୍ରବାଦେବ ବଭୂବ ଲୋକେ
ଜୀବନ୍ତି ପାର୍ଥା ଇତି ନିଶ୍ଚଯୋଽସ୍ଯ॥ 1-206-18 (9129)
ଅନ୍ଯାନଶକ୍ତାନ୍ନୃପତୀନ୍ସମୀକ୍ଷ୍ଯ
ସ୍ବଯଂବରେ କାର୍ମୁକେଣୋତ୍ତମେନ।
ଧନଞ୍ଜଯସ୍ତଦ୍ଧନୁରେକବୀରଃ
ସଜ୍ଯଂ କରୋତୀତ୍ଯଭିବୀକ୍ଷ୍ଯ କୃଷ୍ଣଃ॥ 1-206-19 (9130)
ଇତି ସ୍ବଯଂ ବାସୁଦେବୋ ବିଚିନ୍ତ୍ଯ
ପାର୍ଥାନ୍ବିବିତ୍ସନ୍ବିବିଧୈରୁପାଯୈଃ।
ନ ତଦ୍ଧନୁଃ ସଜ୍ଯମିଯେପ କର୍ତୁଂ
ବଭୂବୁରସ୍ଯେଷ୍ଟତମା ହି ପାର୍ଥାଃ॥' 1-206-20 (9131)
ଭ୍ରାତୁର୍ବଚସ୍ତତ୍ପ୍ରସମୀକ୍ଷ୍ଯ ସର୍ବେ
ଜ୍ଯେଷ୍ଠସ୍ଯ ପାଣ୍ଡୋସ୍ତନଯାସ୍ତଦାନୀମ୍।
ତମେବାର୍ଥଂ ଧ୍ଯାଯମାନା ମନୋଭିଃ
ସର୍ବେ ଚ ତେ ତସ୍ଥୁରଦୀନସତ୍ବାଃ॥ 1-206-21 (9132)
ବୃଷ୍ଣିପ୍ରବୀରସ୍ତୁ କୁରୁପ୍ରବୀରା-
ନାଶଂସମାନଃ ସହରୌହିଣେଯଃ।
ଜଗାମ ତାଂ ଭାର୍ଗବକର୍ମଶାଲାଂ
ଯତ୍ରାସତେ ତେ ପୁରୁଷପ୍ରବୀରାଃ॥ 1-206-22 (9133)
ତତ୍ରୋପବିଷ୍ଟଂ ପୃଥୁଦୀର୍ଘବାହୁଂ
ଦଦର୍ଶ କୃଷ୍ଣଃ ସହରୌହିଣେଯଃ।
ଅଜାତଶତ୍ରୁଂ ପରିବାର୍ଯ ତାଂଶ୍ଚା-
ପ୍ଯୁପୋପବିଷ୍ଟାଞ୍ଜ୍ବଲନପ୍ରକାଶାନ୍॥ 1-206-23 (9134)
ତତୋଽବ୍ରବୀଦ୍ବାସୁଦେବୋଽଭିଗମ୍ଯ
କୁନ୍ତୀସୁତଂ ଧର୍ମଭୃତାଂ ବରିଷ୍ଠମ୍।
କୃଷ୍ଣୋଽହମସ୍ମୀତି ନିପୀଡ୍ଯ ପାଦୌ
ଯୁଧିଷ୍ଠିରସ୍ଯାଜମୀଢସ୍ଯ ରାଜ୍ଞଃ॥ 1-206-24 (9135)
ତଥୈବ ତସ୍ଯାପ୍ଯନୁ ରୌହିଣେଯ-
ସ୍ତୌ ଚାପି ହୃଷ୍ଟାଃ କୁରବୋଽଭ୍ଯନନ୍ଦନ।
ପିତୃଷ୍ବସୁଶ୍ଚାପି ଯଦୁପ୍ରବୀରା-
ବଗୃହ୍ଣତାଂ ଭାରତମୁଖ୍ଯ ପାଦୌ॥ 1-206-25 (9136)
ଅଜାତଶତ୍ରୁଶ୍ଚ କୁରୁପ୍ରବୀରଃ
ପପ୍ରଚ୍ଛ କୃଷ୍ଣଂ କୁଶଲଂ ବିଲୋକ୍ଯ।
କଥଂ ବଯଂ ବାସୁଦେବ ତ୍ବଯେହ
ଗୂଢା ବସନ୍ତୋ ବିଦିତାଶ୍ଚ ସର୍ବେ॥ 1-206-26 (9137)
ତମବ୍ରବୀଦ୍ବାସୁଦେବଃ ପ୍ରହସ୍ଯ
ଗୂଢୋଽପ୍ଯଗ୍ନିର୍ଜ୍ଞାଯତ ଏବ ରାଜନ୍।
ତଂ ବିକ୍ରମଂ ପାଣ୍ଡବେଯାନତୀତ୍ଯ
କୋଽନ୍ଯଃ କର୍ତା ବିଦ୍ଯତେ ମାନୁଷେଷୁ॥ 1-206-27 (9138)
ଦିଷ୍ଟ୍ଯା ସର୍ବେ ପାବକାଦ୍ବିପ୍ରମୁକ୍ତା
ଯୂଯଂ ଘୋରାତ୍ପାଣ୍ଡବାଃ ଶତ୍ରୁସାହାଃ।
ଦିଷ୍ଟ୍ଯା ପାପୋ ଧୃତରାଷ୍ଟ୍ରସ୍ଯ ପୁତ୍ରଃ
ସହାମାତ୍ଯୋ ନ ସକାମୋଽଭବିଷ୍ଯତ୍॥ 1-206-28 (9139)
ଭଦ୍ରଂ ବୋଽସ୍ତୁ ନିହିତଂ ଯଦ୍ଗୁହାଯାଂ
ବିବର୍ଧଧ୍ବଂ ଜ୍ବଲନା ଇବୈଧମାନାଃ।
ମା ବୋ ବିଦ୍ଯୁଃ ପାର୍ଥିବାଃ କେଚିଦେବ
ଯାସ୍ଯାବହେ ଶିବିରାଯୈବ ତାବତ୍।
ସୋଽନୁଜ୍ଞାତଃ ପାଣ୍ଡବେନାବ୍ଯଯଶ୍ରୀଃ 1-206-29 (9140)
1-206-29f"
ପ୍ରାଯାଚ୍ଛୀଘ୍ରଂ ବଲଦେବେନ ସାର୍ଧମ୍॥ ॥
ଇତି ଶ୍ରୀମନ୍ମହାଭାରତେ ଆଦିପର୍ବଣି ସ୍ବଯଂବରପର୍ବଣି ଷଡଧିକଦ୍ବିଶତତମୋଽଧ୍ଯାଯଃ॥ 206 ॥
Mahabharata - Adi Parva - Chapter Footnotes
1-206-12 ଦୃଷ୍ଟ୍ବା ତେ ତତ୍ର ତିଷ୍ଠନ୍ତୀ ଇତି ଙ. ପାଠଃ॥ 1-206-29 ଯଦ୍ଭଦ୍ରଂ ଗୁହାଯାଂ ବୁଦ୍ଧୌ ବୋ ନିହିତଂ ତଦ୍ବୋସ୍ତୁ॥ ଷଡଧିକଦ୍ବିଶତତମୋଽଧ୍ଯାଯଃ॥ 206 ॥ଆଦିପର୍ବ - ଅଧ୍ଯାଯ 207
॥ ଶ୍ରୀଃ ॥
1.207. ଅଧ୍ଯାଯଃ 207
Mahabharata - Adi Parva - Chapter Topics
ପାଣ୍ଡବାବାସେ ଧୃଷ୍ଟଦ୍ଯୁମ୍ନସ୍ଯ ନିଲୀଯାବସ୍ଥାନମ୍॥ 1 ॥ ଭୀମାଦ୍ଯାନୀତସ୍ଯ ଭୈକ୍ଷସ୍ଯ କୁନ୍ତ୍ଯାଜ୍ଞଯା ଦ୍ରୌପଦ୍ଯା ପରିବେଷଣମ୍॥ 2 ॥ ସର୍ବଂ ପାଣ୍ଡବବୃତ୍ତାନ୍ତଂ ଜ୍ଞାତ୍ବା ଧୃଷ୍ଟଦ୍ଯୁମ୍ନସ୍ଯ ପ୍ରତିନିବର୍ତନମ୍॥ 3 ॥Mahabharata - Adi Parva - Chapter Text
1-207-0 (9141)
ବୈଶମ୍ପାଯନ ଉବାଚ। 1-207-0x (1151)
ଧୃଷ୍ଟଦ୍ଯୁମନସ୍ତୁ ପାଞ୍ଚାଲ୍ଯଃ ପୃଷ୍ଠତଃ କୁରୁନନ୍ଦନୌ।
ଅନ୍ବଗଚ୍ଛତ୍ତଦା ଯାନ୍ତୌ ଭାର୍ଗବସ୍ଯ ନିବେଶନେ॥ 1-207-1 (9142)
ସୋଜ୍ଞାଯମାନଃ ପୁରୁଷାନବଧାଯ ସମନ୍ତତଃ।
ସ୍ବଯମାରାନ୍ନିଲୀନୋଽଭୂଦ୍ଭାର୍ଗବସ୍ଯ ନିବେଶନେ॥ 1-207-2 (9143)
ସାଯଂ ଚ ଭୀମସ୍ତୁ ରିପୁପ୍ରମାଥୀ
ଜିଷ୍ଣୁର୍ଯମୌ ଚାପି ମହାନୁଭାବୌ।
ଭୈକ୍ଷଂ ଚରିତ୍ବା ତୁ ଯୁଧିଷ୍ଠିରାଯ
ନିବେଦଯାଂଚକ୍ରୁରଦୀନସତ୍ବାଃ॥ 1-207-3 (9144)
ତତସ୍ତୁ କୁନ୍ତୀ ଦ୍ରୁପଦାତ୍ମଜାଂ ତା-
ମୁବାଚ କାଲେ ବଚନଂ ବଦାନ୍ଯା।
ତତୋଽଗ୍ରମାଦାଯ କୁରୁଷ୍ବ ଭଦ୍ରେ
ବଲିଂ ଚ ବିପ୍ରାଯ ଚ ଦେହି ଭିକ୍ଷାମ୍॥ 1-207-4 (9145)
ଯେ ଚାନ୍ନମିଚ୍ଛନ୍ତି ଦଦସ୍ବ ତେଭ୍ଯଃ
ପରିଶ୍ରିତା ଯେ ପରିତୋ ମନୁଷ୍ଯାଃ।
ତତଶ୍ଚ ଶେଷଂ ପ୍ରବିଭଜ୍ଯ ଶୀଘ୍ର-
ମର୍ଧଂ ଚତୁର୍ଣାଂ ମମ ଚାତ୍ମନଶ୍ଚ॥ 1-207-5 (9146)
ଅର୍ଧଂ ତୁ ଭୀମାଯ ଚ ଦେହି ଭଦ୍ରେ
ଯ ଏଷ ନାଗର୍ଷଭତୁଲ୍ଯରୂପଃ।
ଗୌରୋ ଯୁବା ସଂହନନୋପପନ୍ନ
ଏଷୋ ହି ବୀରୋ ବହୁଭୁକ୍ ସଦୈବ॥ 1-207-6 (9147)
ସା ହୃଷ୍ଟରୂପୈବ ତୁ ରାଜପୁତ୍ରୀ
ତସ୍ଯା ବଚଃ ସାଧ୍ବବିଶଙ୍କମାନା।
ଯଥାବଦୁକ୍ତଂ ପ୍ରଚକାର ସାଧ୍ବୀ
ତେ ଚାପି ସର୍ବେ ବୁଭୁଜୁସ୍ତଦନ୍ନମ୍॥ 1-207-7 (9148)
କୁଶୈସ୍ତୁ ଭୂମୌ ଶଯନଂ ଚକାର
ମାଦ୍ରୀପୁତ୍ରଃ ସହଦେବସ୍ତପସ୍ବୀ।
ଅଥାତ୍ମକୀଯାନ୍ଯଜିନାନି ସର୍ବେ
ସଂସ୍ତୀର୍ଯ ବୀରାଃ ସୁଷୁପୁର୍ଧରଣ୍ଯାମ୍॥ 1-207-8 (9149)
ଅଗସ୍ତ୍ଯକାନ୍ତାମଭିତୋ ଦିଶଂ ତୁ
ଶିରାଂସି ତେଷାଂ କୁରୁସତ୍ତମାନାମ୍।
କୁନ୍ତୀ ପୁରସ୍ତାତ୍ତୁ ବଭୂବ ତେଷାଂ
ପାଦାନ୍ତରେ ଚାଥ ବଭୂବ କୃଷ୍ଣା॥ 1-207-9 (9150)
ଅଶେତ ଭୂମୌ ସହ ପାଣ୍ଡୁପୁତ୍ରୈଃ
ପାଦୋପଧାନୀବ କୃତା କୁଶେଷୁ।
ନ ତତ୍ର ଦୁଃଖଂ ମନସାପି ତସ୍ଯା
ନ ଚାବମେନେ କୁରୁପୁଙ୍ଗବାଂସ୍ତାନ୍॥ 1-207-10 (9151)
ତେ ତତ୍ର ଶୂରାଃ କଥଯାଂବଭୂବୁଃ
କଥା ବିଚିତ୍ରାଃ ପୃତନାଧିକାରାଃ।
ଅସ୍ତ୍ରାଣି ଦିବ୍ଯାନି ରଥାଂଶ୍ଚ ନାଗାନ୍
ଖଡ୍ଗାନ୍ଗଦାଶ୍ଚାପି ପରଶ୍ବଧାଂଶ୍ଚ॥ 1-207-11 (9152)
ତେଷାଂ କଥାସ୍ତାଃ ପରିକୀର୍ତ୍ଯମାନାଃ
ପାଞ୍ଚାଲରାଜସ୍ଯ ସୁତସ୍ତଦାନୀମ୍।
ସୁଶ୍ରାବ କୃଷ୍ଣାଂ ଚ ତଦା ନିଷଣ୍ଣାଂ
ତେ ଚାପି ସର୍ବେ ଦଦୃଶୁର୍ମନୁଷ୍ଯାଃ॥ 1-207-12 (9153)
ଧୃଷ୍ଟଦ୍ଯୁମ୍ନୋ ରାଜପୁତ୍ରସ୍ତୁ ସର୍ବଂ
ବୃତ୍ତଂ ତେଷାଂ କଥିତଂ ଚୈବ ରାତ୍ରୌ।
ସର୍ବଂ ରାଜ୍ଞେ ଦ୍ରୁପଦାଯାଖିଲେନ
ନିବେଦଯିଷ୍ଯଂସ୍ତ୍ବରିତୋ ଜଗାମ॥ 1-207-13 (9154)
ପାଞ୍ଚାଲରାଜସ୍ତୁ ବିଷଣ୍ଣରୂପ-
ସ୍ତାନ୍ପାଣ୍ଡବାନପ୍ରତିବିନ୍ଦମାନଃ।
ଧୃଷ୍ଟଦ୍ଯୁମ୍ନଂ ପର୍ଯପୃଚ୍ଛନ୍ମହାତ୍ମା
କ୍ବ ସା ଗତା କେନ ନୀତା ଚ କୃଷ୍ଣା॥ 1-207-14 (9155)
କଚ୍ଚିନ୍ନ ଶୂଦ୍ରେଣ ନ ହୀନଜେନ
ବୈଶ୍ଯେନ ବା କରଦେନୋପପନ୍ନା।
କଚ୍ଚିତ୍ପଦଂ ମୂର୍ଧ୍ନି ନ ପଙ୍କଦିଗ୍ଧଂ
କଚ୍ଚିନ୍ନ ମାଲା ପତିତା ଶ୍ମଶାନେ॥ 1-207-15 (9156)
କଚ୍ଚିତ୍ସ ବର୍ଣପ୍ରବରୋ ମନୁଷ୍ଯ
ଉଦ୍ରିକ୍ତବର୍ଣୋଽପ୍ଯୁତ ଏବ କଚ୍ଚିତ୍।
କଚ୍ଚିନ୍ନ ବାମୋ ମମ ମୂର୍ଧ୍ନି ପାଦଃ
କୃଷ୍ଣାଭିମର୍ଶେନ କୃତୋଽଦ୍ଯ ପୁତ୍ର॥ 1-207-16 (9157)
କଚ୍ଚିନ୍ନ ତପ୍ସ୍ଯେ ପରମପ୍ରତୀତଃ
ସଂଯୁଜ୍ଯ ପାର୍ଥେନ ନରର୍ଷଭେଣ।
ବଦସ୍ବ ତତ୍ତ୍ବେନ ମହାନୁଭାବ
କୋଽସୌ ବିଜେତା ଦୁହିତୁର୍ମମାଦ୍ଯ॥ 1-207-17 (9158)
ବିଚିତ୍ରବୀର୍ଯସ୍ଯ ସୁତସ୍ଯ କଚ୍ଚି-
ତ୍କୁରୁପ୍ରବୀରସ୍ଯ ଧ୍ରିଯନ୍ତି ପୁତ୍ରାଃ।
କଚ୍ଚିତ୍ତୁ ପାର୍ଥେନ ଯବୀଯସାଽଧ୍ଯ
ଧନୁର୍ଗୃହୀତଂ ନିହତଂ ଚ ଲକ୍ଷ୍ଯମ୍॥ ॥ 1-207-18 (9159)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସ୍ବଯଂବରପର୍ବଣି ସପ୍ତାଧିକଦ୍ବିଶତତମୋଽଧ୍ଯାଯଃ॥ 207 ॥ ॥ ସମାପ୍ତଂ ସ୍ବଯଂବରପର୍ବ ॥
Mahabharata - Adi Parva - Chapter Footnotes
1-207-4 ଅଗ୍ରଂ ପ୍ରଥମମାଦାଯ ବଲିଂ କୁରୁଷ୍ବ ଭିକ୍ଷାଂ ଚ ଦେହି॥ 1-207-18 ଧ୍ରେଯନ୍ତି ଜୀବନ୍ତି॥ ସପ୍ତାଧିକଦ୍ବିଶତତମୋଽଧ୍ଯାଯଃ॥ 207 ॥ଆଦିପର୍ବ - ଅଧ୍ଯାଯ 208
॥ ଶ୍ରୀଃ ॥
1.208. ଅଧ୍ଯାଯଃ 208
(ଅଥ ବୈବାହିକପର୍ବ ॥ 13 ॥)
Mahabharata - Adi Parva - Chapter Topics
ଧୃଷ୍ଟଦ୍ଯୁମ୍ନବାର୍ତାଂ ଶ୍ରୁତବତା ଦ୍ରୁପଦେନ ତତ୍ବବିବିତ୍ସଯା ପାଣ୍ଡବାନ୍ପ୍ରତି ପୁରୋହିତପ୍ରେଷଣମ୍॥ 1 ॥Mahabharata - Adi Parva - Chapter Text
1-208-0 (9160)
ବୈଶମ୍ପାଯନ ଉବାଚ। 1-208-0x (1152)
ତତସ୍ତଥୋକ୍ତଃ ପରିହୃଷ୍ଟରୂପଃ
ପିତ୍ରେ ଶଶଂସାଥ ସ ରାଜପୁତ୍ରଃ।
ଧୃଷ୍ଟଦ୍ଯୁମ୍ନଃ ସୋମକାନାଂ ପ୍ରବର୍ହୋ
ବୃତ୍ତଂ ଯଥା ଯେନ ହୃତା ଚ କୃଷ୍ଣା॥ 1-208-1 (9161)
ଧୃଷ୍ଟଦ୍ଯୁମ୍ନ ଉବାଚ। 1-208-2x (1153)
ଯୋଽସୌ ଯୁବା ବ୍ଯାଯତଲୋହିତାକ୍ଷଃ
କୃଷ୍ଣାଜିନୀ ଦେବସମାନରୂପଃ।
ଯଃ କାର୍ମୁକାଗ୍ର୍ଯଂ କୃତବାନଧିଜ୍ଯଂ
ଲକ୍ଷଂ ଚ ଯଃ ପାତିତବାନ୍ପୃଥିବ୍ଯାମ୍॥ 1-208-2 (9162)
ଅସଜ୍ଜମାନଶ୍ଚ ତତସ୍ତରସ୍ବୀ
ବୃତୋ ଦ୍ବିଜାଗ୍ର୍ଯୈରଭିପୂଜ୍ଯମାନଃ।
ଚକ୍ରାମ ବଜ୍ରୀବ ଦିତେଃ ସୁତେଷୁ
ସର୍ବୈଶ୍ଚ ଦେବୈର୍ଋଷିଭିଶ୍ଚ ଜୁଷ୍ଟଃ॥ 1-208-3 (9163)
କୃଷ୍ମା ପ୍ରଗୃହ୍ଯାଜିନମନ୍ବଯାତ୍ତଂ
ନାଗଂ ଯଥା ନାଗବଧୂଃ ପ୍ରହୃଷ୍ଟା।
`ଶ୍ଯାମୋ ଯୁବା ବାରଣମତ୍ତଗାମୀ
କୃତ୍ବା ମହତ୍କର୍ମ ସୁଦୁଷ୍କରଂ ତତ୍॥ 1-208-4 (9164)
ଯଃ ସୂତପୁତ୍ରେଣ ଚକାର ଯୁଦ୍ଧଂ
ଶଙ୍କେଽର୍ଜୁନଂ ତଂ ତ୍ରିଦଶେଶବୀର୍ଯମ୍।'
ଅମୃଷ୍ଯମାଣେଷୁ ନରାଧିପେଷୁ
କ୍ରୁଦ୍ଧେଷୁ ବୈ ତତ୍ର ସମାପତତ୍ସୁ॥ 1-208-5 (9165)
ତତୋଽପରଃ ପାର୍ଥିବସଙ୍ଘମଧ୍ଯେ
ପ୍ରବୃଦ୍ଧମାରୁଜ୍ଯ ମହୀପ୍ରରୋହମ୍।
ପ୍ରାକାଲଯତ୍ତେନ ସ ପାର୍ଥିବୌଘାନ୍
ଭୀମୋଽନ୍ତକଃ ପ୍ରାଣଭୃତୋ ଯଥୈବ॥ 1-208-6 (9166)
ତୌ ପାର୍ଥିବାନାଂ ମିଷତାଂ ନରେନ୍ଦ୍ର
କୃଷ୍ଣାମୁପାଦାଯ ଗତୌ ନରାଗ୍ର୍ଯୌ।
`ବିକ୍ଷୋଭ୍ଯ ବିଦ୍ରାବ୍ଯ ଚ ପାର୍ତିବାଂସ୍ତା-
ନ୍ସ୍ବତେଜସା ଦୁଷ୍ପ୍ରତିବୀକ୍ଷ୍ଯରୂପୌ।'
ବିଭ୍ରାଜମାନାବିବ ଚନ୍ଦ୍ରସୂର୍ଯୌ
ବାହ୍ଯାଂ ପୁରାଦ୍ଭାର୍ଗବକର୍ମଶାଲାମ୍॥ 1-208-7 (9167)
ତତ୍ରୋପବିଷ୍ଟାର୍ଚିରିବାନଲସ୍ଯ
ତେଷାଂ ଜନିତ୍ରୀତି ମମ ପ୍ରତର୍କଃ।
ତଥାବିଧୈରେବ ନରପ୍ରବୀରୈ-
ରୁପୋପବିଷ୍ଟୈସ୍ତ୍ରିବିରଗ୍ନିକଲ୍ପୈଃ॥ 1-208-8 (9168)
ତସ୍ଯାସ୍ତତସ୍ତାବଭିବାଦ୍ଯ ପାଦା-
ବୁକ୍ତ୍ବା ଚ କୃଷ୍ଣାମଭିବାଦଯେତି।
ସ୍ଥିତୌ ଚ ତତ୍ରୈବ ନିବେଦ୍ଯ କୃଷ୍ଣାଂ
ଭିକ୍ଷାପ୍ରଚାରାଯ ଗତା ନରାଗ୍ର୍ଯାଃ॥ 1-208-9 (9169)
ତେଷାଂ ତୁ ଭୈକ୍ଷଂ ପ୍ରତିଗୃହ୍ଯ କୃଷ୍ଣା
ଦତ୍ବା ବଲିଂ ବ୍ରାହ୍ମଣସାଚ୍ଚ କୃତ୍ବା।
ତାଂ ଚୈବ ବୃଦ୍ଧାଂ ପରିବେଷ୍ଯ ତାଂଶ୍ଚ
ନରପ୍ରବୀରାନ୍ସ୍ବଯମପ୍ଯଭୁଙ୍କ୍ତ॥ 1-208-10 (9170)
ସୁପ୍ତାସ୍ତୁ ତେ ପାର୍ଥିବ ସର୍ବ ଏବ
କୃଷ୍ଣା ଚ ତେଷାଂ ଚରଣୋପଧାନେ।
ଆସୀତ୍ପୃଥିବ୍ଯାଂ ଶଯନଂ ଚ ତେଷାଂ
ଦର୍ଭାଜିନାଗ୍ରାସ୍ତରଣୋପପନ୍ନମ୍॥ 1-208-11 (9171)
ତେ ନର୍ଦମାନା ଇବ କାଲମେଘାଃ
କଥା ବିଚିତ୍ରାଃ କଥଯାଂବଭୂବୁଃ।
ନ ବୈଶ୍ଯଶୂଦ୍ରୌପଯିକୀଃ କଥାସ୍ତା
ନ ଚ ଦ୍ବିଜାନାଂ କଥଯନ୍ତି ବୀରାଃ॥ 1-208-12 (9172)
ନିଃସଂଶଯଂ କ୍ଷତ୍ରିଯପୁଂଗବାସ୍ତେ
ଯଥା ହି ଯୁଦ୍ଧଂ କଥଯନ୍ତି ରାଜନ୍।
ଆଶା ହି ନୋ ବ୍ଯକ୍ତମିଯଂ ସମୃଦ୍ଧା
ମୁକ୍ତାନ୍ହି ପାର୍ଥାଞ୍ଶୃଣୁମୋଽଗ୍ନିଦାହାତ୍॥ 1-208-13 (9173)
ଯଥା ହି ଲକ୍ଷ୍ଯଂ ନିହତଂ ଧନୁଶ୍ଚ
ସଜ୍ଯଂ କୃତଂ ତେନ ତଥା ପ୍ରସହ୍ଯ।
ଯଥା ହି ଭାଷନ୍ତି ପରସ୍ପରଂ ତେ
ଛନ୍ନା ଧ୍ରୁବଂ ତେ ପ୍ରଚରନ୍ତି ପାର୍ଥାଃ॥ 1-208015x ବୈଶମ୍ପାଯନ ଉବାଚ। 1-208-14 (9174)
ତତଃ ସ ରାଜା ଦ୍ରୁପଦଃ ପ୍ରହୃଷ୍ଟଃ
ପୁରୋହିତଂ ପ୍ରେଷାଯାମାସ ତେଷାମ୍।
ବିଦ୍ଯାମ ଯୁଷ୍ମାନିତି ଭାଷମାଣୋ
ମହାତ୍ମାନଃ ପାଣ୍ଡୁସୁତାଃ ସ୍ଥ କଚ୍ଚିତ୍॥ 1-208-15 (9175)
ଗୃହୀତବାକ୍ଯୋ ନୃପତେଃ ପୁରୋଧା
ଗତ୍ବା ପ୍ରଶଂସାମଭିଧାଯ ତେଷାମ୍।
ବାକ୍ଯଂ ସମଗ୍ରଂ ନୃପତେର୍ଯଥାବ-
ଦୁବାଚ ଚାନୁକ୍ରମବିକ୍ରମେଣ॥ 1-208-16 (9176)
ବିଜ୍ଞାତୁମିଚ୍ଛତ୍ଯବନୀଶ୍ବରୋ ବଃ
ପାଞ୍ଚାଲରାଜୋ ବରଦୋ ବରାର୍ହାଃ।
ଲକ୍ଷ୍ଯସ୍ଯ ବେଦ୍ଧାରମିମଂ ହି ଦୃଷ୍ଟ୍ବା
ହର୍ଷସ୍ଯ ନାନ୍ତଂ ପ୍ରତିପଦ୍ଯତେ ସଃ॥ 1-208-17 (9177)
ଆଖ୍ଯାତ ଚ ଜ୍ଞାତିକୁଲାନୁପୂର୍ବୀ
ପଦଂ ଶିରଃସୁ ଦ୍ବିଷତାଂ କୁରୁଧ୍ବମ୍।
ପ୍ରହ୍ଲାଦଯଧ୍ବଂ ହୃଦଯଂ ମମେଦଂ
ପାଞ୍ଚାଲରାଜସ୍ଯ ଚ ସାନୁଗସ୍ଯ॥ 1-208-18 (9178)
ପାଣ୍ଡୁର୍ହି ରାଜା ଦ୍ରୁପଦସ୍ଯ ରାଜ୍ଞଃ
ପ୍ରିଯଃ ସଖା ଚାତ୍ମସମୋ ବଭୂବ।
ତସ୍ଯୈଷ କାମୋ ଦୁହିତା ମମେଯଂ
ସ୍ନୁଷା ଯଦି ସ୍ଯାଦିହ କୌରବସ୍ଯ॥ 1-208-19 (9179)
ଅଯଂ ହି କାମୋ ଦ୍ରୁପଦସ୍ଯ ରାଜ୍ଞୋ
ହୃଦି ସ୍ଥିତୋ ନିତ୍ଯମନିନ୍ଦିତାଙ୍ଗାଃ।
ଯଦର୍ଜୁନୋ ବୈ ପୃଥୁଦୀର୍ଘବାହୁ-
ର୍ଧର୍ମେଣ ବିନ୍ଦେତ ସୁତାଂ ମମୈତାମ୍॥ 1-208-20 (9180)
କୃତଂ ହି ତତ୍ସ୍ଯାତ୍ସୁକୃତଂ ମମେଦଂ
ଯଶଶ୍ଚ ପୁଣ୍ଯଂ ଚ ହିତଂ ତଦେତତ୍।
ଅଥୋକ୍ତବାକ୍ଯଂ ହି ପୁରୋହିତଂ ସ୍ଥିତଂ
ତତୋ ବିନୀତଂ ସମୁଦୀକ୍ଷ୍ଯ ରାଜା॥ 1-208-21 (9181)
ସମୀପତୋ ଭୀମମିଦଂ ଶଶାସ
ପ୍ରଦୀଯତାଂ ପାଦ୍ଯମର୍ଧ୍ଯଂ ତଥାଽସ୍ମୈ।
ମାନ୍ଯଃ ପୁରୋଧା ଦ୍ରୁପଦସ୍ଯ ରାଜ୍ଞ-
ସ୍ତସ୍ମୈ ପ୍ରଯୋଜ୍ଯାଽଭ୍ଯଧିକା ହି ପୂଜା॥ 1-208-22 (9182)
ବୈଶମ୍ପାଯନ ଉବାଚ। 1-208-23x (1154)
ଭୀମସ୍ତତସ୍ତତ୍କୃତବାନ୍ନରେନ୍ଦ୍ର
ତାଂ ଚୈବ ପୂଜାଂ ପ୍ରତିଗୃହ୍ଯ ହର୍ଷାତ୍।
ସୁଖୋପବିଷ୍ଟଂ ତୁ ପୁରୋହିତଂ ତଦା
ଯୁଧିଷ୍ଠିରୋ ବ୍ରାହ୍ମଣମିତ୍ଯୁବାଚ॥ 1-208-23 (9183)
ପାଞ୍ଚାଲରାଜେନ ସୁତା ନିସୃଷ୍ଟା
ସ୍ବଧର୍ମଦୃଷ୍ଟେନ ଯଥା ନ କାମାତ୍।
ପ୍ରଦିଷ୍ଟଶୁଂଲ୍କା ଦ୍ରୁପଦେନ ରାଜ୍ଞା
ସା ତେନ ବୀରେଣ ତଥାଽନୁବୃତ୍ତା॥ 1-208-24 (9184)
ନ ତତ୍ର ବର୍ଣେଷୁ କୃତା ବିବକ୍ଷା
ନ ଚାପି ଶୀଲେ ନ କୁଲେ ନ ଗୋତ୍ରେ।
କୃତେନ ସଜ୍ଯେନ ହି କାର୍ମୁକେଣ
ବିଦ୍ଧେନ ଲକ୍ଷ୍ଯେଣ ହି ସା ବିସୃଷ୍ଟା॥ 1-208-25 (9185)
ସେଯଂ ତଥାଽନେନ ମହାତ୍ମନେହ
କୃଷ୍ଣା ଜିତା ପାର୍ଥିବସଙ୍ଘମଧ୍ଯେ।
ନୈବଂ ଗତେ ସୌମକିରଦ୍ଯ ରାଜା
ସନ୍ତାପମର୍ହତ୍ଯସୁଖାଯ କର୍ତୁମ୍॥ 1-208-26 (9186)
କାମଶ୍ଚ ଯୋଽସୌ ଦ୍ରୁପଦସ୍ଯ ରାଜ୍ଞଃ
ସ ଚାପି ସଂପତ୍ସ୍ଯତି ପାର୍ଥିବସ୍ଯ।
ସଂପ୍ରାପ୍ଯରୂପାଂ ହି ନରେନ୍ଦ୍ରକନ୍ଯା-
ମିମାମହଂ ବ୍ରାହ୍ମଣ ସାଧୁ ମନ୍ଯେ॥ 1-208-27 (9187)
ନ ତଦ୍ଧନୁର୍ମନ୍ଦବଲେନ ଶକ୍ଯଂ
ମୌର୍ବ୍ଯା ସମାଯୋଜଯିତୁଂ ତଥାହି।
ନ ଚାକୃତାସ୍ତ୍ରେଣ ନ ହୀନଜେନ
ଲକ୍ଷ୍ଯଂ ତଥା ପାତଯିତୁଂ ହି ଶକ୍ଯମ୍॥ 1-208-28 (9188)
ତସ୍ମାନ୍ନ ତାପଂ ଦୁହିତୁର୍ନିମିତ୍ତଂ
ପାଞ୍ଚାଲରାଜୋଽର୍ହତି କର୍ତୁମଦ୍ଯ।
ନ ଚାପି ତତ୍ପାତନମନ୍ଯଥେହ
କର୍ତୁଂ ହି ଶକ୍ଯଂ ଭୁବି ମାନବେନ॥ 1-208-29 (9189)
ଏବଂ ବ୍ରୁବତ୍ଯେବ ଯୁଧିଷ୍ଠିରେ ତୁ
ପାଞ୍ଚାଲରାଜସ୍ଯ ସମୀପତୋଽନ୍ଯଃ।
ତତ୍ରାଜଗାମାଶୁ ନରୋ ଦ୍ବିତୀଯୋ
ନିବେଦଯିଷ୍ଯନ୍ନିହ ସିଦ୍ଧମନ୍ନମ୍॥ ॥ 1-208-30 (9190)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବୈବାହିକପର୍ବଣି ଅଷ୍ଟାଧିକଦ୍ବିଶତତମୋଽଧ୍ଯାଯଃ॥ 208 ॥
Mahabharata - Adi Parva - Chapter Footnotes
1-208-27 ସଂପ୍ରାପ୍ଯରୂପାସସ୍ମାକଂ ଯୋଗ୍ଯରୂପମ୍॥ ଅଷ୍ଟାଧିକଦ୍ବିଶତତମୋଽଧ୍ଯାଯଃ॥ 208 ॥ଆଦିପର୍ବ - ଅଧ୍ଯାଯ 209
॥ ଶ୍ରୀଃ ॥
1.209. ଅଧ୍ଯାଯଃ 209
Mahabharata - Adi Parva - Chapter Topics
କୁନ୍ତ୍ଯା ସହ ପାଣ୍ଡବାନାଂ ଦ୍ରୁପଦଗୃହଗମନମ୍॥ 1 ॥ ପରୀକ୍ଷଣାର୍ଥଂ ଦ୍ରୁପଦେନ ଅନେକବିଧବସ୍ତୂପହରଣମ୍॥ 2 ॥ ଦ୍ରୌପଦ୍ଯା ସହ କୁନ୍ତ୍ଯା ଅନ୍ତଃପୁରପ୍ରବେଶଃ॥ 3 ॥ ଭୋଜନାନନ୍ତରଂ ପାଣ୍ଡବାନାଂ ସାଙ୍ଗ୍ରାମିକବସ୍ତୁପୂର୍ଣପ୍ରଦେଶେ ପ୍ରବେଶଃ॥ 4 ॥Mahabharata - Adi Parva - Chapter Text
1-209-0 (9191)
ଦୂତ ଉବାଚ। 1-209-0x (1155)
ଜନ୍ଯାର୍ଥମନ୍ନଂ ଦ୍ରୁପଦେନ ରାଜ୍ଞା
ବିବାହହେତୋରୁପସଂସ୍କୃତଂ ଚ।
ତଦାପ୍ନୁବଧ୍ବଂ କୃତସର୍ବକାର୍ଯାଃ
କୃଷ୍ଣା ଚ ତତ୍ରୈତୁ ଚିରଂ ନ କାର୍ଯମ୍॥ 1-209-1 (9192)
ଇମେ ରଥାଃ କାଞ୍ଚନପଦ୍ମଚିତ୍ରାଃ
ସଦଶ୍ବଯୁକ୍ତା ବସୁଧାଧିପାର୍ହାଃ।
ଏତାନ୍ସମାରୁହ୍ଯ ପରୈତ ସର୍ବେ
ପାଞ୍ଚାଲରାଜସ୍ଯ ନିବେଶନଂ ତତ୍॥ 1-209-2 (9193)
ବୈଶମ୍ପାଯନ ଉବାଚ। 1-209-3x (1156)
ତତଃ ପ୍ରଯାତାଃ କୁରୁପୁଂଗବାସ୍ତେ
ପୁରୋହିତଂ ତଂ ପରିଯାପ୍ଯ ସର୍ବେ।
ଆସ୍ଥାଯ ଯାନାନି ମହାନ୍ତି ତାନି
କୁନ୍ତୀ ଚ କୃଷ୍ଣା ଚ ସହୈକଯାନେ॥ 1-209-3 (9194)
`ସ୍ତ୍ରୀଭିଃ ସୁଗନ୍ଧାମ୍ବରମାଲ୍ଯଦାନୈ-
ର୍ବିଭୂଷିତା ଆଭରଣୈର୍ବିଚିତ୍ରୈଃ।
ମାଙ୍ଗଲ୍ଯଗୀତଧ୍ବନିବାଦ୍ଯଘୋଷୈ-
ର୍ମନୋହରୈଃ ପୁଣ୍ଯକୃତାଂ ବରିଷ୍ଠୈଃ॥ 1-209-4 (9195)
ସଂଗୀଯମାନାଃ ପ୍ରଯଯୁଃ ପ୍ରହୃଷ୍ଟା
ଦୀପୈର୍ଜ୍ବଲଦ୍ଭିଃ ସହିତାଶ୍ଚ ବିପ୍ରୈଃ॥ 1-209-5 (9196)
ସ ବୈ ତଥୋକ୍ତସ୍ତୁ ଯୁଧିଷ୍ଠିରେଣ
ପାଞ୍ଚାଲରାଜସ୍ଯ ପୁରୋହିତୋଽଗ୍ର୍ଯଃ।
ସର୍ବଂ ଯଥୋକ୍ତଂ କୁରୁନନ୍ଦନେନ
ନିବେଦଯାମାସ ନୃପାଯ ଗତ୍ବା॥' 1-209-6 (9197)
ଶ୍ରୁତ୍ବା ତୁ ବାକ୍ଯାନି ପୁରୋହିତସ୍ଯ
ଯାନ୍ଯୁକ୍ତବାନ୍ଭାରତ ଧର୍ମରାଜଃ।
ଜିଜ୍ଞାସଯୈବାଥ କୁରୂତ୍ତମାନାଂ
ଦ୍ରବ୍ଯାଣ୍ଯନେକାନ୍ଯୁପସଂଜହାର॥ 1-209-7 (9198)
ଫଲାନି ମାଲ୍ଯାନି ଚ ସଂସ୍କୃତାନି
ବର୍ମାଣି ଚର୍ମାଣି ତଥାଽଽସନାନି।
ଗାଶ୍ଚୈବ ରାଜନ୍ନଥ ଚୈବ ରଜ୍ଜୂ-
ର୍ବୀଜାନି ଚାନ୍ଯାନି କୃଷୀନିମିତ୍ତମ୍॥ 1-209-8 (9199)
ଅନ୍ଯେଷୁ ଶିଲ୍ପେଷୁ ଚ ଯାନ୍ଯପି ସ୍ଯୁଃ
ସର୍ବାଣି କୃତ୍ଯାନ୍ଯଖିଲେନ ତତ୍ର।
କ୍ରୀଡାନିମିତ୍ତାନ୍ଯପି ଯାନି ତତ୍ର
ସର୍ବାଣି ତତ୍ରୋପଜହାର ରାଜା॥ 1-209-9 (9200)
ବର୍ମାଣି ଚର୍ମାଣି ଚ ଭାନୁମନ୍ତି
ଖଡ୍ଗା ମହାନ୍ତୋଽଶ୍ବରଥାଶ୍ଚ ଚିତ୍ରାଃ।
ଧନୂଂଷି ଚାଗ୍ର୍ଯାଣି ଶରାଶ୍ଚ ଚିତ୍ରାଃ
ଶକ୍ତ୍ଯୃଷ୍ଟଯଃ କାଞ୍ଚନଭୂଷଣାଶ୍ଚ॥ 1-209-10 (9201)
ପ୍ରାସା ଭୁଶୁଣ୍ଡ୍ଯଶ୍ଚ ପରଶ୍ବଧାଶ୍ଚ
ସାଂଗ୍ରାମିକଂ ଚୈବ ତଥୈବ ସର୍ବମ୍।
ଶଯ୍ଯାସନାନ୍ଯୁତ୍ତମବସ୍ତୁବନ୍ତି
ତଥୈବ ବାସୋ ବିବିଧଂ ଚ ତତ୍ର॥ 1-209-11 (9202)
କୁନ୍ତୀ ତୁ କୃଷ୍ଣାଂ ପରିଗୃହ୍ଯ ସାଧ୍ବୀ-
ମନ୍ତଃପୁରଂ ଦ୍ରୁପଦସ୍ଯାବିବେଶ।
ସ୍ତ୍ରିଯଶ୍ଚ ତାଂ କୌରବରାଜପତ୍ନୀଂ
ପ୍ରତ୍ଯର୍ଚଯାମାସୁରଦୀନସତ୍ବାଃ॥ 1-209-12 (9203)
ତାନ୍ସିଂହବିକ୍ରାନ୍ତଗତୀନ୍ନିରୀକ୍ଷ୍ଯ
ମହର୍ଷଭାକ୍ଷାନଜିନୋତ୍ତରୀଯାନ୍।
ଗୂଢୋତ୍ତରାଂସାନ୍ଭୁଜଗେନ୍ଦ୍ରଭୋଗ-
ପ୍ରଲମ୍ବବାହୂନ୍ପୁରୁଷପ୍ରବୀରାନ୍॥ 1-209-13 (9204)
ରାଜା ଚ ରାଜ୍ଞଃ ସଚିବାଶ୍ଚ ସର୍ବେ
ପୁତ୍ରାଶ୍ଚ ରାଜ୍ଞଃ ସୁହୃଦସ୍ତଥୈବ।
ପ୍ରେଷ୍ଯାଶ୍ଚ ସର୍ବେ ନିଖିଲେନ ରାଜ-
ନ୍ହର୍ଷଂ ସମାପେତୁରତୀବ ତତ୍ର॥ 1-209-14 (9205)
ତେ ତତ୍ର ବୀରାଃ ପରମାସନେଷୁ
ସପାଦପୀଠେଷ୍ବବିଶଙ୍କମାନାଃ।
ଯଥାନୁପୂର୍ବ୍ଯାଦ୍ବିବିଶୁର୍ନରାଗ୍ର୍ଯା-
ସ୍ତଥା ମହାର୍ହେଷୁ ନ ବିସ୍ମଯନ୍ତଃ॥ 1-209-15 (9206)
ଉଚ୍ଚାବଚଂ ପାର୍ଥିବଭୋଜନୀଯଂ
ପାତ୍ରୀଷୁ ଜାମ୍ବୂନଦରାଜତୀଷୁ।
ଦାସାଶ୍ଚ ଦାସ୍ଯଶ୍ଚ ସୁମୃଷ୍ଟବେଷାଃ
ସଂଭୋଜକାଶ୍ଚାପ୍ଯୁପଜହ୍ରୁରନ୍ନମ୍॥ 1-209-16 (9207)
ତେ ତତ୍ର ଭୁକ୍ତ୍ବା ପୁରୁଷପ୍ରବୀରା
ଯଥାତ୍ମକାମଂ ସୁଭୃଶଂ ପ୍ରତୀତାଃ।
ଉତ୍କ୍ରମ୍ଯ ସର୍ବାଣି ବସୂନି ରାଜ-
ନ୍ସାଂଗ୍ରାମିକଂ ତେ ବିବିଶୁର୍ନୃବୀରାଃ॥ 1-209-17 (9208)
ତଲ୍ଲକ୍ଷଯିତ୍ବା ଦ୍ରୁପଦସ୍ଯ ପୁତ୍ରା
ରାଜା ଚ ସର୍ବୈଃ ସହ ମନ୍ତ୍ରିମୁଖ୍ଯୈଃ।
ସମର୍ଥଯାମାସୁରୁପେତ୍ଯ ହୃଷ୍ଟାଃ
କୁନ୍ତୀସୁତାନ୍ପାର୍ଥିବରାଜପୁତ୍ରାନ୍॥ ॥ 1-209-18 (9209)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବୈବାହିକପର୍ବଣି ନବାଧିକଦ୍ବିଶତତମୋଽଧ୍ଯାଯଃ॥ 209 ॥
Mahabharata - Adi Parva - Chapter Footnotes
1-209-1 ଜନ୍ଯାର୍ଥଂ ବରପକ୍ଷୀଯଜତାର୍ଥଂ॥ 1-209-3 ପରିଯାପ୍ଯ ପ୍ରସ୍ଥାପ୍ଯ॥ 1-209-9 କୃନ୍ତନ୍ତୀତି କୃତ୍ଯାନି ବାସ୍ଯାଦୀନି॥ 1-209-11 ବସ୍ତୁବନ୍ତି ମତୋର୍ମସ୍ଯ ବତ୍ବମାର୍ଷମ୍॥ 1-209-13 ଗୂଢୋତ୍ତରାଂସାନ୍ଗୂଢଜତ୍ରୂନ୍ ଗୂଢୋନ୍ନତାଂସାନ୍ ଇତି ଙ. ପାଠଃ॥ ନବାଧିକଦ୍ବିଶତତମୋଽଧ୍ଯାଯଃ॥ 209 ॥ଆଦିପର୍ବ - ଅଧ୍ଯାଯ 210
॥ ଶ୍ରୀଃ ॥
1.210. ଅଧ୍ଯାଯଃ 210
Mahabharata - Adi Parva - Chapter Topics
ଦ୍ରୁପଦପ୍ରଶ୍ନାନନ୍ତରଂ ଯୁଧିଷ୍ଠିରେଣ ସ୍ବେଷାଂ ପାଣ୍ଡବତ୍ବକଥନମ୍॥ 1 ॥ ଦ୍ରୌପଦ୍ଯାଃ ପଞ୍ଚପତ୍ନୀତ୍ବେ ଦ୍ରୁପଦସ୍ଯ ବିବାଦଃ॥ 2 ॥ ବ୍ଯାସାଗମନମ୍॥ 3 ॥Mahabharata - Adi Parva - Chapter Text
1-210-0 (9210)
ବୈଶମ୍ପାଯନ ଉବାଚ। 1-210-0x (1157)
ତତ ଆହୂଯ ପାଞ୍ଚାଲ୍ଯୋ ରାଜପୁତ୍ରଂ ଯୁଧିଷ୍ଠିରମ୍।
ପରିଗ୍ରହେଣ ବ୍ରାହ୍ମେଣ ପରିଗୃହ୍ଯ ମହାଦ୍ଯୁତିଃ॥ 1-210-1 (9211)
ପର୍ଯପୃଚ୍ଛଦଦୀନାତ୍ମା କୁନ୍ତୀପୁତ୍ରଂ ସୁବର୍ଚସମ୍।
କଥଂ ଜାନୀମ ଭବତଃ କ୍ଷତ୍ରିଯାନ୍ବ୍ରାହ୍ମଣାନୁତ॥ 1-210-2 (9212)
ବୈଶ୍ଯାନ୍ବା ଗୁଣସଂପନ୍ନାନଥ ବା ଶୂଦ୍ରଯୋନିଜାନ୍।
ମାଯାମାସ୍ଥାଯ ବା ସିଦ୍ଧାଂଶ୍ଚରତଃ ସର୍ବତୋଦିଶମ୍॥ 1-210-3 (9213)
କୃଷ୍ଣାହେତୋରନୁପ୍ରାପ୍ତା ଦେବାଃ ସଂଦର୍ଶନାର୍ଥିନଃ।
ବ୍ରବୀତୁ ନୋ ଭବାନ୍ସତ୍ଯଂ ସନ୍ଦେହୋ ହ୍ଯତ୍ର ନୋ ମହାନ୍॥ 1-210-4 (9214)
ଅପି ନଃ ସଂଶଯସ୍ଯାନ୍ତେ ମନଃ ସଂତୁଷ୍ଟିମାବହେତ୍।
ଅପି ନୋ ଭାଗଧେଯାନି ଶୁଭାନି ସ୍ଯୁଃ ପରନ୍ତପ॥ 1-210-5 (9215)
ଇଚ୍ଛଯା ବ୍ରୂହି ତତ୍ସତ୍ଯଂ ସତ୍ଯଂ ରାଜସୁ ଶୋଭତେ।
ଇଷ୍ଟାପୂର୍ତେନ ଚ ତଥା ବକ୍ତବ୍ଯମନୃତଂ ନ ତୁ॥ 1-210-6 (9216)
ଶ୍ରୁତ୍ବା ହ୍ଯମରସଙ୍କାଶ ତବ ବାକ୍ଯମରିଂଦମ।
ଧ୍ରୁବଂ ବିବାହକରଣମାସ୍ଥାସ୍ଯାମି ବିଧାନତଃ॥ 1-210-7 (9217)
ଯୁଧିଷ୍ଠିର ଉବାଚ। 1-210-8x (1158)
ମା ରାଜନ୍ବିମନା ଭୂସ୍ତ୍ବଂ ପାଞ୍ଚାଲ୍ଯ ପ୍ରୀତିରସ୍ତୁ ତେ।
ଈପ୍ସିତସ୍ତେ ଧ୍ରୁବଃ କାମଃ ସଂବୃତ୍ତୋଽଯମସଂଶଯମ୍॥ 1-210-8 (9218)
ବଯଂ ହି କ୍ଷତ୍ରିଯା ରାଜନ୍ପାଣ୍ଡୋଃ ପୁତ୍ରା ମହାତ୍ମନଃ।
ଜ୍ଯେଷ୍ଠଂ ମାଂ ବିଦ୍ଧି କୌନ୍ତେଯଂ ଭୀମସେନାର୍ଜୁନାବିମୌ॥ 1-210-9 (9219)
ଆଭ୍ଯାଂ ତବ ସୁତା ରାଜନ୍ନିର୍ଜିତା ରାଜସଂସଦି।
ଯମୌ ଚ ତତ୍ର କୁନ୍ତୀ ଚ ଯତ୍ର କୃଷ୍ମା ବ୍ଯବସ୍ଥିତା॥ 1-210-10 (9220)
ବ୍ଯେତୁ ତେ ମାନସଂ ଦୁଃଖଂ କ୍ଷତ୍ରିଯାଃ ସ୍ମୋ ନରର୍ଷଭ।
ପଦ୍ମିନୀବ ସୁତେଯଂ ତେ ହ୍ରଦାଦନ୍ଯହ୍ରଦଂ ଗତା॥ 1-210-11 (9221)
ଇତି ତଥ୍ଯଂ ମହାରାଜ ସର୍ବମେତଦ୍ବ୍ରବୀମି ତେ।
ଭବାନ୍ହି ଗୁରୁରସ୍ମାକଂ ପରମଂ ଚ ପରାଯଣମ୍॥ 1-210-12 (9222)
ବୈଶମ୍ପାଯନ ଉବାଚ। 1-210-13x (1159)
ତତଃ ସ ଦ୍ରୁପଦୋ ରାଜା ହର୍ଷବ୍ଯାକୁଲଲୋଚନଃ।
ପ୍ରତିବକ୍ତୁଂ ମୁଦା ଯୁକ୍ତୋ ନାଶକତ୍ତଂ ଯୁଧିଷ୍ଠିରମ୍॥ 1-210-13 (9223)
ଯତ୍ନେନ ତୁ ସ ତଂ ହର୍ଷଂ ସନ୍ନିଗୃହ୍ଯ ପରଂତପଃ।
ଅନୁରୂପଂ ତଦା ବାଚା ପ୍ରତ୍ଯୁବାଚ ଯୁଧିଷ୍ଠିରମ୍॥ 1-210-14 (9224)
ପପ୍ରଚ୍ଛ ଚୈନଂ ଧର୍ମାତ୍ମା ଯଥା ତେ ପ୍ରଦ୍ରୁତାଃ ପୁରାତ୍।
ସ ତସ୍ମୈ ସର୍ବମାଚଖ୍ଯାବାନୁପୂର୍ବ୍ଯେଣ ପାଣ୍ଡବଃ॥ 1-210-15 (9225)
ତଚ୍ଛ୍ରୁତ୍ବା ଦ୍ରୁପଦୋ ରାଜା କୁନ୍ତୀପୁତ୍ରସ୍ଯ ଭାଷିତମ୍।
ବିଗର୍ହଯାମାସ ତଦା ଧୃତରାଷ୍ଟ୍ରଂ ନରେଶ୍ବରମ୍॥ 1-210-16 (9226)
ଆଶ୍ବାସଯାମାସ ଚ ତଂ କୁନ୍ତୀପୁତ୍ରଂ ଯୁଧିଷ୍ଠିରମ୍।
ପ୍ରତିଜଜ୍ଞେ ଚ ରାଜ୍ଯାଯ ଦ୍ରୁପଦୋ ବଦତାଂ ବରଃ॥ 1-210-17 (9227)
ତତଃ କୁନ୍ତୀ ଚ କୃଷ୍ଣା ଚ ଭୀମସେନାର୍ଜୁନାବପି।
ଯମୌ ଚ ରାଜ୍ଞା ସଂଦିଷ୍ଟଂ ବିବିଶୁର୍ଭବନଂ ମହତ୍॥ 1-210-18 (9228)
ତତ୍ର ତେ ନ୍ଯବସନ୍ରାଜନ୍ଯଜ୍ଞସେନେନ ପୂଜିତାଃ।
ପ୍ରତ୍ଯାଶ୍ବସ୍ତସ୍ତତୋ ରାଜା ସହ ପୁତ୍ରୈରୁବାଚ ତମ୍॥ 1-210-19 (9229)
ଗୃହ୍ଣାତୁ ବିଧିବତ୍ପାଣିମଦ୍ଯାଯଂ କୁରୁନନ୍ଦନଃ।
ପୁଣ୍ଯେଽହନି ମହାବାହୁରର୍ଜୁନଃ କୁରୁତାଂ କ୍ଷଣମ୍॥ 1-210-20 (9230)
ବୈଶମ୍ପାଯନ ଉବାଚ। 1-210-21x (1160)
ତମବ୍ରବୀତ୍ତତୋ ରାଜା ଧର୍ମାତ୍ମା ଚ ଯୁଧିଷ୍ଠିରଃ।
`ମମାପି ଦାରସଂବନ୍ଧଃ କାର୍ଯସ୍ତାବଦ୍ବିଶାଂପତେ॥ 1-210-21 (9231)
ତସ୍ମାତ୍ପୂର୍ବଂ ମଯା କାର୍ଯଂ ତଦ୍ଭବାନନୁମନ୍ଯତାମ୍।' 1-210-22 (9232)
ଦ୍ରୁପଦ ଉବାଚ।
ଭବାନ୍ବା ବିଧିବତ୍ପାଣିଂ ଗୃହ୍ଣାତୁ ଦୁହିତୁର୍ମମ।
ଯସ୍ଯ ବା ମନ୍ଯସେ ବୀର ତସ୍ଯ କୃଷ୍ଣାମୁପାଦିଶ॥ 1-210-22x (1161)
ଯୁଧିଷ୍ଠିର ଉବାଚ। 1-210-23x (1162)
ସର୍ବେଷାଂ ମହିଷୀ ରାଜନ୍ଦ୍ରୌପଦୀ ନୋ ଭବିଷ୍ଯତି।
ଏବଂ ପ୍ରବ୍ଯାହୃତଂ ପୂର୍ବଂ ମମ ମାତ୍ରା ବିଶାଂପତେ॥ 1-210-23 (9233)
ଅହଂ ଚାପ୍ଯନିବିଷ୍ଟୋ ବୈ ଭୀମସେନଶ୍ଚ ପାଣ୍ଡବଃ।
ପାର୍ଥେନ ବିଜିତା ଚୈଷା ରତ୍ନଭୂତା ସୁତା ତବ॥ 1-210-24 (9234)
ଏଷ ନଃ ସମଯୋ ରାଜଁଲ୍ଲବ୍ଧସ୍ଯ ସହ ଭୋଜନମ୍।
ନ ଚ ତଂ ହାତୁମିଚ୍ଛାମଃ ସମଯଂ ରାଜସତ୍ତମ॥ 1-210-25 (9235)
`ଅକ୍ରମେଣ ନିବେଶେ ଚ ଧର୍ମଲୋପୋ ମହାନ୍ଭବେତ୍।'
ସର୍ବେଷାଂ ଧର୍ମତଃ କୃଷ୍ଣା ମହିଷୀ ନୋ ଭବିଷ୍ଯତି।
ଆନୁପୂର୍ବ୍ଯେଣ ସର୍ବେଷାଂ ଗୃହ୍ଣାତୁ ଜ୍ବଲନେ କରାନ୍॥ 1-210-26 (9236)
ଦ୍ରୁପଦ ଉବାଚ। 1-210-27x (1163)
ଏକସ୍ଯ ବହ୍ବ୍ଯୋ ବିହିତା ମହିଷ୍ଯଃ କୁରୁନନ୍ଦନ।
ନୈକସ୍ଯା ବହବଃ ପୁଂସଃ ଶ୍ରୂଯନ୍ତେ ପତଯଃ କ୍ବଚିତ୍॥ 1-210-27 (9237)
`ସୋଽଯଂ ନ ଲୋକେ ବେଦେ ବା ଜାତୁ ଧର୍ମଃ ପ୍ରଶସ୍ତେ।'
ଲୋକବେଦବିରୁଦ୍ଧଂ ତ୍ବଂ ନାଧର୍ମଂ ଧର୍ମବିଚ୍ଛୁଚିଃ।
କର୍ତୁମର୍ହସି କୌନ୍ତେଯ କସ୍ମାତ୍ତେ ବୁଦ୍ଧିରୀଦୃଶୀ॥ 1-210-28 (9238)
ଯୁଧିଷ୍ଠିର ଉବାଚ। 1-210-29x (1164)
ସୂକ୍ଷ୍ମୋ ଧର୍ମୋ ମହାରାଜ ନାସ୍ଯ ବିଦ୍ମୋ ବଯଂ ଗତିମ୍।
ପୂର୍ବେଷାମାନୁପୂର୍ବ୍ଯେଣ ଯାତଂ ବର୍ତ୍ମାଽନୁଯାମହେ॥ 1-210-29 (9239)
ନ ମେ ବାଗନୃତଂ ପ୍ରାହ ନାଧର୍ମେ ଧୀଯତେ ମତିଃ।
ଏବଂ ଚୈବ ବଦତ୍ଯମ୍ବା ମମ ଚୈତନ୍ମନୋଗତମ୍॥ 1-210-30 (9240)
`ଆଶ୍ରମେ ରୁଦ୍ରନିର୍ଦିଷ୍ଟାଦ୍ବ୍ଯାସାଦେତନ୍ମଯା ଶ୍ରୁତମ୍।'
ଏଷ ଧର୍ମୋ ଧ୍ରୁବୋ ରାଜଂଶ୍ଚରୈନମବିଚାରଯନ୍।
ମା ଚ ଶଙ୍କା ତତ୍ର ତେ ସ୍ଯାତ୍କଥଂଚିଦପି ପାର୍ଥିବ॥ 1-210-31 (9241)
ଦ୍ରୁପଦ ଉବାଚ। 1-210-32x (1165)
ତ୍ବଂ ଚ କୁନ୍ତୀ ଚ କୌନ୍ତଯ ଧୃଷ୍ଟଦ୍ଯୁମ୍ନଶ୍ଚ ମେ ସୁତଃ।
କଥଯନ୍ତ୍ବିତି କର୍ତବ୍ଯଂ ଶ୍ବଃ କାଲ୍ଯେ କରବାମହେ॥ 1-210-32 (9242)
ବୈଶମ୍ପାଯନ ଉବାଚ। 1-210-33x (1166)
ତେ ସମେତ୍ଯ ତତଃ ସର୍ବେ କଥଯନ୍ତି ସ୍ମ ଭାରତ।
ଅଥ ଦ୍ବୈପାଯନୋ ରାଜନ୍ନଭ୍ଯାଗଚ୍ଛଦ୍ଯଦୃଚ୍ଛଯା॥ ॥ 1-210-33 (9243)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବୈବାହିକପର୍ବଣି ଦଶାଧିକଦ୍ବିଶତତମୋଽଧ୍ଯାଯଃ॥ 210 ॥
Mahabharata - Adi Parva - Chapter Footnotes
1-210-1 ବ୍ରାହ୍ମେଣ ବ୍ରାହ୍ମଣାର୍ଥଣୁଚିତେନାଭ୍ଯୁତ୍ଥାନାଦିନା ପରିଗ୍ରହେଣ ଆତିଥ୍ଯେନ॥ 1-210-6 ଇଷ୍ଟାପୂର୍ତେନ ହେତୁନା। ଅନୃତଂ ନ ବକ୍ତବ୍ଯମିତି। ଅନୃତଭାଷଣେ ଇଷ୍ଟାପୂର୍ତେ ନଶ୍ଯେତାମିତ୍ଯର୍ଥଃ॥ 1-210-20 କ୍ଷଣଂ ଦେବପୂଜାଦ୍ଯୁତ୍ସବମ୍॥ 1-210-24 ଅନିବିଷ୍ଟଃ ଅକୃତବିବାହଃ॥ 1-210-25 ସମଯୋ ନିଯମଃ॥ 1-210-26 ଜ୍ବଲନେ ଜ୍ବଲନସମୀପେ॥ 1-210-27 ପୁଂସଃ ପୁମାଂ ସଃ॥ 1-210-29 ଯୂଯଂ ଚ ବଯଂ ଚ ବଯଂ। ପୂର୍ବେଷାଂ ପ୍ରଚେତଃପ୍ରଭୃତୀନାମ୍। ତୈର୍ଯାତଂ ବର୍ତ୍ମ ବହୂନାମେକପତ୍ନୀତ୍ବମନୁଯାମହେ। ତଚ୍ଚ ଆନୁପୂର୍ବ୍ଯେଣୈବ ନ ତ୍ବକ୍ରମେଣ॥ ଦଶାଧିକଦ୍ବିଶତତମୋଽଧ୍ଯାଯଃ॥ 210 ॥ଆଦିପର୍ବ - ଅଧ୍ଯାଯ 211
॥ ଶ୍ରୀଃ ॥
1.211. ଅଧ୍ଯାଯଃ 211
Mahabharata - Adi Parva - Chapter Topics
ଏକସ୍ଯାଃ ବହୁଭାର୍ଯାତ୍ବେ ଶଙ୍କମାନାନ୍ଦ୍ରୁପଦାଦୀନ୍ପ୍ରତି ବ୍ଯାସେନ ସ୍ବସ୍ବାଭିପ୍ରାଯକଥନାନୁଜ୍ଞା॥ 1 ॥ ଦ୍ରୁପଦାଦିଭିଃ ସ୍ବସ୍ବମତେ କଥିତେ ବ୍ଯାସେନାସ୍ଯ ବିବାହସ୍ଯ ଧର୍ମ୍ଯତ୍ବକଥନମ୍॥ 2 ॥Mahabharata - Adi Parva - Chapter Text
1-211-0 (9244)
ବୈଶମ୍ପାଯନ ଉବାଚ। 1-211-0x (1167)
ତତସ୍ତେ ପାଣ୍ଡବାଃ ସର୍ବେ ପାଞ୍ଚାଲ୍ଯଶ୍ଚ ମହାଯଶାଃ।
ପ୍ରତ୍ଯୁଥାଯ ମହାତ୍ମାନଂ କୃଷ୍ଣଂ ସର୍ବେଽଭ୍ଯବାଦଯନ୍॥ 1-211-1 (9245)
ପ୍ରତିନନ୍ଦ୍ଯ ସ ତାଂ ପୂଜାଂ ପୃଷ୍ଟ୍ବା କୁଶଲମନ୍ତତଃ।
ଆସନେ କାଞ୍ଚନେ ଶୁଦ୍ଧେ ନିଷସାଦ ମହାମନାଃ॥ 1-211-2 (9246)
ଅନୁଜ୍ଞାତାସ୍ତୁ ତେ ସର୍ବେ କୃଷ୍ଣେନାମିତତେଜସା।
ଆସନେଷୁ ମହାର୍ହେଷୁ ନିଷେଦୁର୍ଦ୍ବିପଦାଂ ବରାଃ॥ 1-211-3 (9247)
ତତୋ ମୁହୂର୍ତାନ୍ମଧୁରାଂ ବାଣୀମୁଚ୍ଚାର୍ଯ ପାର୍ଷତଃ।
ପପ୍ରଚ୍ଛ ତଂ ମହାତ୍ମାନଂ ଦ୍ରୌପଦ୍ଯର୍ଥଂ ବିଶାଂପତେ॥ 1-211-4 (9248)
କଥମେକା ବହୂନାଂ ସ୍ଯାନ୍ନ ଚ ସ୍ଯାଦ୍ଧର୍ମସଂକରଃ।
ଏତନ୍ମେ ଭଗବାନ୍ସର୍ବଂ ପ୍ରବ୍ରବୀତୁ ଯଥାତଥମ୍॥ 1-211-5 (9249)
ବ୍ଯାସ ଉବାଚ। 1-211-6x (1168)
ଅସ୍ମିନ୍ଧର୍ମେ ବିପ୍ରଲବ୍ଧେ ଲୋକବେଦବିରୋଧକେ।
ଯସ୍ଯ ଯସ୍ଯ ମତଂ ଯଦ୍ଯଚ୍ଛ୍ରୋତୁମିଚ୍ଛାମି ତସ୍ଯ ତତ୍॥ 1-211-6 (9250)
ଦ୍ରୁପଦ ଉବାଚ। 1-211-7x (1169)
ଅଧର୍ମୋଽଯଂ ମମ ମତୋ ବିରୁଦ୍ଧୋ ଲୋକବେଦଯୋଃ।
ନ ହ୍ଯେକା ବିଦ୍ଯତେ ପତ୍ନୀ ବହୂନାଂ ଦ୍ବିଜସତ୍ତମ॥ 1-211-7 (9251)
ନ ଚାପ୍ଯାଚରିତଃ ପୂର୍ବୈରଯଂ ଧର୍ମୋ ମହାତ୍ମଭିଃ।
ନ ଚାପ୍ଯଧର୍ମୋ ବିଦ୍ବଦ୍ଭିଶ୍ଚରିତବ୍ଯଃ କଥଂଚନ॥ 1-211-8 (9252)
ତତୋଽହଂ ନ କରୋମ୍ଯେନଂ ବ୍ଯବସାଯଂ କ୍ରିଯାଂ ପ୍ରତି।
ଧର୍ମଃ ସଦୈବ ସଂଦିଗ୍ଧଃ ପ୍ରତିଭାତି ହି ମେ ତ୍ବଯମ୍॥ 1-211-9 (9253)
ଧୃଷ୍ଟଦ୍ଯୁମ୍ନ ଉବାଚ। 1-211-10x (1170)
ଯବୀଯସଃ କଥଂ ଭାର୍ଯାଂ ଜ୍ଯେଷ୍ଠୋ ଭ୍ରାତା ଦ୍ବିଜର୍ଷଭ।
ବ୍ରହ୍ମନ୍ସମଭିବର୍ତେତ ସଦ୍ବୃତ୍ତଃ ସଂସ୍ତପୋଧନ॥ 1-211-10 (9254)
ନ ତୁ ଧର୍ମସ୍ଯ ସୂକ୍ଷ୍ମତ୍ବାଦ୍ଗତିଂ ବିଦ୍ମଃ କଥଂଚନ।
ଅଧର୍ମୋ ଧର୍ମ ଇତି ବା ବ୍ଯବସାଯୋ ନ ଶକ୍ଯତେ॥ 1-211-11 (9255)
କର୍ତୁମସ୍ମଦ୍ବିଧୈର୍ବ୍ରହ୍ମଂସ୍ତତୋଽଯଂ ନ ବ୍ଯବସ୍ଯତେ।
ପଞ୍ଚାନାଂ ମହିଷୀ କୃଷ୍ଣା ଭବତ୍ବିତି କଥଂଚନ॥ 1-211-12 (9256)
ଯୁଧିଷ୍ଠିର ଉବାଚ। 1-211-13x (1171)
ନ ମେ ବାଗନୃତଂ ପ୍ରାହ ନାଧର୍ମେ ଧୀଯତେ ମତିଃ।
ବର୍ତତେ ହି ମନୋ ମେଽତ୍ର ନୈଷୋଽଧର୍ମଃ କଥଂଚନ॥ 1-211-13 (9257)
ଶ୍ରୂଯତେ ହି ପୁରାଣେଽପି ଜଟିଲା ନାମ ଗୌତମୀ।
ଋଷୀନଧ୍ଯାସିତବତୀ ସପ୍ତ ଧର୍ମଭୃତାଂ ବରା॥ 1-211-14 (9258)
ତଥୈବ ମୁନିଜା ବାର୍କ୍ଷୀ ତପୋଭିର୍ଭାବିତାତ୍ମନଃ।
ସଂଗତାଭୂଦ୍ଦଶ ଭ୍ରାତୄନକେନ୍ମ୍ନଃ ପ୍ରଚେତସଃ॥ 1-211-15 (9259)
ଗୁରୋର୍ହି ବଚନଂ ପ୍ରାହୁର୍ଧର୍ମ୍ଯଂ ଧର୍ମଜ୍ଞସତ୍ତମ।
ଗୁରୂଣାଂ ଚୈବ ସର୍ବେଷାଂ ମାତା ପରମକୋ ଗୁରୁଃ॥ 1-211-16 (9260)
ସା ଚାପ୍ଯୁକ୍ତବତୀ ବାଚଂ ଭୈକ୍ଷବଦ୍ଭୁଜ୍ଯତାମିତି।
ତସ୍ମାଦେତଦହଂ ମନ୍ଯେ ପରଂ ଧର୍ମଂ ଦ୍ବିଜୋତ୍ତମ॥ 1-211-17 (9261)
କୁନ୍ତ୍ଯୁବାଚ। 1-211-18x (1172)
ଏତମେତଦ୍ଯଥା ପ୍ରାହ ଧର୍ମଚାରୀ ଯୁଧିଷ୍ଠିରଃ।
ଭୁଜ୍ଯତାଂ ଭ୍ରାତୃଭିଃ ସାର୍ଧମିତ୍ଯର୍ଜୁନମଚୋଦଯମ୍।
ଅନୃତାନ୍ମେ ଭଯଂ ତୀବ୍ରଂ ମୁଚ୍ଯେଽହମନୃତାତ୍କଥମ୍॥ 1-211-18 (9262)
ବ୍ଯାସ ଉବାଚ। 1-211-19x (1173)
ଅନୃତାନ୍ମୋକ୍ଷ୍ଯସେ ଭଦ୍ରେ ଧର୍ମଶ୍ଚୈବ ସନାତନଃ।
ନନୁ ବକ୍ଷ୍ଯାମି ସର୍ବେଷାଂ ପାଞ୍ଚାଲ ଶୃମୁ ମେ ସ୍ବଯମ୍॥ 1-211-19 (9263)
ଯଥାଽଯଂ ବିହିତୋ ଧର୍ମୋ ଯତଶ୍ଚାଯଂ ସନାତନଃ।
ଯଥା ଚ ପ୍ରାହ କୌନ୍ତେଯସ୍ତଥା ଧର୍ମୋ ନ ସଂଶଯଃ॥ 1-211-20 (9264)
ବୈଶମ୍ପାଯନ ଉବାଚ। 1-211-21x (1174)
ତତ ଉତ୍ଥାଯ ଭଗବାନ୍ବ୍ଯାସୋ ଦ୍ବୈପାଯନଃ ପ୍ରଭୁଃ।
କରେ ଗୃହୀତ୍ବା ରାଜାନଂ ରାଜବେଶ୍ମ ସମାବିଶତ୍॥ 1-211-21 (9265)
ପାଣ୍ଡବାଶ୍ଚାପି କୁନ୍ତୀ ଚ ଧୃଷ୍ଟଦ୍ଯୁମ୍ନଶ୍ଚ ପାର୍ଷତଃ।
ବିବିଶୁସ୍ତେଽପି ତତ୍ରୈବ ପ୍ରତୀକ୍ଷନ୍ତେ ସ୍ମ ତାବୁଭୌ॥ 1-211-22 (9266)
ତତୋ ଦ୍ବୈପାଯନସ୍ତ୍ସମୈ ନରେନ୍ଦ୍ରାଯ ମହାତ୍ମନେ।
ଆଚଖ୍ଯୌ ତଦ୍ଯଥା ଧର୍ମୋ ବହୂନାମେକପତ୍ନିତା॥ 1-211-23 (9267)
`ଯଥା ଚ ତେ ଦଦୁଶ୍ଚୈବ ରାଜପୁତ୍ର୍ଯାଃ ପୁରା ବରମ୍।
ଧର୍ମାଦ୍ଯାସ୍ତପସା ତୁଷ୍ଟାଃ ପଞ୍ଚପତ୍ନୀତ୍ବମୀଶ୍ବରାଃ॥' ॥ 1-211-24 (9268)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବୈବାହିକପର୍ବଣି ଏକାଦଶାଧିକଦ୍ବିଶତତମୋଽଧ୍ଯାଯଃ॥ 211 ॥
ଆଦିପର୍ବ - ଅଧ୍ଯାଯ 212
॥ ଶ୍ରୀଃ ॥
1.212. ଅଧ୍ଯାଯଃ 212
Mahabharata - Adi Parva - Chapter Topics
ଇନ୍ଦ୍ରସେନାପରନାମ୍ନ୍ଯା ନାଲାଯନ୍ଯା ଉପାଖ୍ଯାନାରମ୍ଭଃ-ନାଲାଯନ୍ଯା ସ୍ଥବିରସ୍ଯ ପତ୍ଯୁର୍ମୌଦ୍ଗଲ୍ଯସ୍ଯ ଆରାଧନମ୍॥ 1 ॥ ତୁଷ୍ଟେନ ମୌଦ୍ଗଲ୍ଯେନ ନାଲାଯନୀପ୍ରାର୍ଥନଯାଽଽତ୍ମନଃ ପଞ୍ଚରୂପସ୍ବୀକାରେଣ ତସ୍ଯାଂ ରମଣମ୍॥ 2 ॥ ତଯୋଃ ସ୍ବର୍ଗାଦିଲୋକେଷୁ ନାନାରୂପେଣ ରମଣମ୍॥ 3 ॥ ସୈବ ନାଲାଯନୀ ତବ ଦୁହିତା ଜାତେତି ଦ୍ରୁପଦଂ ପ୍ରତି ବ୍ଯାସସ୍ଯୋକ୍ତିଃ॥ 4 ॥Mahabharata - Adi Parva - Chapter Text
1-212-0 (9269)
ବ୍ଯାସ ଉବାଚ। 1-212-0x (1175)
ମା ଭୂଦ୍ରାଜଂସ୍ତବ ତାପୋ ମନସ୍ଥଃ
ପଞ୍ଚାନାଂ ଭାର୍ଯା ଦୁହିତା ମମେତି।
ମାତୁରେଷା ପ୍ରାର୍ଥିତା ସ୍ଯାତ୍ତଦାନୀଂ
ପଞ୍ଚାନାଂ ଭାର୍ଯା ଦୁହିତା ମମେତି॥ 1-212-1 (9270)
ଯାଜୋପଯାଜୌ ଧର୍ମରତୌ ତପୋଭ୍ଯାଂ
ତୌ ଚକ୍ରତୁଃ ପଞ୍ଚପତିତ୍ବମସ୍ଯାଃ।
ତତ୍ପଞ୍ଚଭିଃ ପାଣ୍ଡୁସୁତୈରବାପ୍ତା
ଭାର୍ଯା କୃଷ୍ଣା ମୋଦତାଂ ବୈ କୁଲଂ ତେ॥ 1-212-2 (9271)
ଲୋକେ ନାନ୍ଯୋ ବିଦ୍ଯତେ ତ୍ବଦ୍ବିଶିଷ୍ଟଃ
ସର୍ବାରୀଣାମପ୍ରଧୃଷ୍ଯୋଽସି ରାଜନ୍।
ଭୂଯସ୍ତ୍ବିଦଂ ଶୃଣୁ ମେ ତ୍ବଂ ବିଶୋକୋ
ଯଥାଽଽଗତଂ ପଞ୍ଚପତ୍ନୀତ୍ବମସ୍ଯାଃ॥ 1-212-3 (9272)
ଏଷା ନାଲାଯନୀ ପୂର୍ବଂ ମୌଦ୍ଗଲ୍ଯଂ ସ୍ଥବିରଂ ପତିମ୍।
ଆରାଧଯାମାସ ତଦା କୁଷ୍ଠିନଂ ତମନିନ୍ଦିତା॥ 1-212-4 (9273)
ତ୍ବଗସ୍ଥିଭୂତଂ କଟୁକଂ ଲୋଲମୀର୍ଷ୍ଯୁଂ ସୁକୋପନମ୍।
ସୁଗନ୍ଧେତରଗନ୍ଧାଢ୍ଯଂ ବଲୀପଲିତମୂର୍ଧଜମ୍॥ 1-212-5 (9274)
ସ୍ଥବିରଂ ବିକୃତାକାରଂ ଶୀର୍ଯମାଣନଖତ୍ବଚମ୍।
ଉଚ୍ଛିଷ୍ଟମୁପଭୁଞ୍ଜାନା ପର୍ଯୁପାସ୍ତେ ମହାମୁନିମ୍॥ 1-212-6 (9275)
ତତଃ କଦାଚିଦଙ୍ଗୁଷ୍ଠୋ ଭୁଞ୍ଜାନସ୍ଯ ବ୍ଯଶୀର୍ଯତ।
ଅନ୍ନାଦୁଦ୍ଧୃତ୍ଯ ତଚ୍ଚାନ୍ନମୁପଭୁଙ୍କ୍ତେଽବିଶଙ୍କିତା॥ 1-212-7 (9276)
ତେନ ତସ୍ଯାଃ ପ୍ରସନ୍ନେନ କାମବ୍ଯାହାରିଣା ତଦା।
ବରଂ ବୃଣୀଷ୍ବେତ୍ଯସକୃଦୁକ୍ତା ବବ୍ରେ ବରଂ ତଦା॥ 1-212-8 (9277)
ମୌଦ୍ଗଲ୍ଯ ଉବାଚ। 1-212-9x (1176)
ନାହଂ ବୃଦ୍ଧୋ ନ କଟୁକୋ ନେର୍ବ୍ଯାବାନ୍ନୈବ କୋପନଃ।
ନ ଚ ଦୁର୍ଗନ୍ଧବଦନୋ ନ କୃଶୋ ନ ଚ ଲୋଲୁପଃ॥ 1-212-9 (9278)
କଥଂ ତ୍ବାଂ ରମଯାମୀହ କଥଂ ତ୍ବାଂ ବାସଯାମ୍ଯହମ୍।
ବଦ କଲ୍ଯାଣି ଭଦ୍ରଂ ତେ ଯଥା ତ୍ବଂ ମନସେଚ୍ଛସି॥ 1-212-10 (9279)
ବ୍ଯାସ ଉବାଚ। 1-212-11x (1177)
ସା ତମକ୍ଲିଷ୍ଟକର୍ମାଣଂ ବରଦଂ ସର୍ବକାମଦମ୍।
ଭର୍ତାରମନବଦ୍ଯାଙ୍ଗୀ ପ୍ରସନ୍ନଂ ପ୍ରତ୍ଯୁବାଚ ହ॥ 1-212-11 (9280)
ନାଲାଯନ୍ଯୁବାଚ। 1-212-12x (1178)
ପଞ୍ଚଧା ପ୍ରବିଭକ୍ତାତ୍ମା ଭଗବାଂଲ୍ଲୋକବିଶ୍ରୁତଃ।
ରମଯ ତ୍ବମଚିନ୍ତ୍ଯାତ୍ମନ୍ପୁନଶ୍ଚୈକତ୍ବମାଗତଃ॥ 1-212-12 (9281)
ତାଂ ତଥେତ୍ଯବ୍ରବୀଦ୍ଧୀମାନ୍ମହର୍ଷିର୍ବୈ ମହାତପାଃ।
ସ ପଞ୍ଚଧା ତୁ ଭୂତ୍ବା ତାଂ ରମଯାମାସ ସର୍ବତଃ॥ 1-212-13 (9282)
ନାଲାଯନୀଂ ସୁକେଶାନ୍ତାଂ ମୌଦ୍ଗଲ୍ଯଶ୍ଚାରୁହାସିନୀମ୍।
ଆଶ୍ରମେଷ୍ବଧିକଂ ଚାପି ପୂଜ୍ଯମାନୋ ମହର୍ଷିଭିଃ॥ 1-212-14 (9283)
ସ ଚଚାର ଯଥାକାମଂ କାମରୂପବପୁଃ ପୁନଃ।
ଯଦା ଯଯୌ ଦିବଂ ଚାପି ତତ୍ର ଦେବର୍ଷିଭିଃ ସହ॥ 1-212-15 (9284)
ଚଚାର ସୋଽମୃତାହାରଃ ସୁରଲୋକେ ଚଚାର ହ।
ପୂଜ୍ଯମାନସ୍ତଥା ଶଚ୍ଯା ଶକ୍ରସ୍ଯ ଭବନେଷ୍ବପି॥ 1-212-16 (9285)
ମହେନ୍ଦ୍ରସେନଯା ସାର୍ଧଂ ପର୍ଯଧାବଦ୍ରିରଂସଯା।
ସୂର୍ଯସ୍ଯ ଚ ରଥଂ ଦିବ୍ଯମାରୁହ୍ଯ ଭଗବାନ୍ପ୍ରଭୁଃ॥ 1-212-17 (9286)
ପର୍ଯୁପେତ୍ଯ ପୁନର୍ମେରୁ ମେରୌ ବାସମରୋଚଯତ୍।
ଆକାଶଗଙ୍ଗାମାପ୍ଲୁତ୍ଯ ତଯା ସହ ତପୋଧନଃ॥ 1-212-18 (9287)
ରଶ୍ମିଜାଲେଷୁ ଚନ୍ଦ୍ରସ୍ଯ ଉବାଚ ଚ ଯଥାଽନିଲଃ।
ଗିରିରୂପଧରୋ ଯୋଗୀ ସ ମହର୍ଷିସ୍ତଦା ପୁନଃ॥ 1-212-19 (9288)
ତତ୍ପ୍ରଭାବେନ ସା ତସ୍ଯ ମଧ୍ଯେ ଜଜ୍ଞେ ମହାନଦୀ।
ଯଦା ପୁଷ୍ପାକୁଲଃ ସାଲଃ ସଂଜଜ୍ଞେ ଭଗବାନୃଷିଃ॥ 1-212-20 (9289)
ଲତାତ୍ବମନୁସଂପେଦେ ତମେବାଭ୍ଯନୁବେଷ୍ଟତୀ।
ପୁପୋଷ ଚ ବପୁର୍ଯସ୍ଯ ତସ୍ଯ ତସ୍ଯାନୁଗଂ ପୁନଃ॥ 1-212-21 (9290)
ସା ପୁପୋଷ ସମଂ ଭର୍ତ୍ରା ସ୍କନ୍ଧେନାପି ଚଚାର ହ।
ତତସ୍ତସ୍ଯ ଚ ତସ୍ଯାଶ୍ଚ ତୁଲ୍ଯା ପ୍ରୀତିରବର୍ଧତ॥ 1-212-22 (9291)
ତଥା ସା ଭଗବାଂସ୍ତସ୍ଯାଃ ପ୍ରସାଦାଦୃଷିସତ୍ତମଃ।
ବିରରାମ ଚ ସା ଚୈବ ଦୈବଯୋଗେନ ଭାମିନୀ॥ 1-212-23 (9292)
ସ ଚ ତାଂ ତପସା ଦେବୀଂ ରମଯାମାସ ଯୋଗତଃ।
ଏକପତ୍ନୀ ତଥା ଭୂତ୍ବା ସଦୈବାଗ୍ରେ ଯଶସ୍ବିନୀ॥ 1-212-24 (9293)
ଅରୁନ୍ଧତୀବ ସୀତେବ ବଭୂବାତିପତିବ୍ରତା।
ଦମଯନ୍ତ୍ଯାଶ୍ଚ ମାତୁଃ ସ ବିଶେଷମଧିକଂ ଯଯୌ॥ 1-212-25 (9294)
ଏତତ୍ତଥ୍ଯଂ ମହାରାଜ ମା ତେ ଭୂଦ୍ବୁଦ୍ଧିରନ୍ଯଥା।
ସା ବୈ ନାଲାଯନୀ ଜଜ୍ଞେ ଦୈବଯୋଗେନ କେନଚିତ୍॥ 1-212-26 (9295)
ରାଜଂସ୍ତବାତ୍ମଜା କୃଷ୍ଣା ବେଦ୍ଯାଂ ତେଜସ୍ବିନୀ ଶୁଭା।
ତସ୍ମିଂସ୍ତସ୍ଯା ମନଃ ସକ୍ତଂ ନ ଚଚାଲ କଦାଚନ॥ 1-212-27 (9296)
ତଥା ପ୍ରଣିହିତୋ ହ୍ଯାତ୍ମା ତସ୍ଯାସ୍ତସ୍ମିନ୍ଦ୍ବିଜୋତ୍ତମେ॥ ॥ 1-212-28 (9297)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବୈବାହିକପର୍ବଣି ଦ୍ବାଦଶାଧିକଦ୍ବିଶତତମୋଽଧ୍ଯାଯଃ॥ 212 ॥
Mahabharata - Adi Parva - Chapter Footnotes
1-212-1 ମାତୁଃ ମାତ୍ରା। ସ୍ଯାତ୍ ଅଭୂତ୍॥ 1-212-10 କଥଂ କେନ ପ୍ରକାରେଣ॥ 1-212-22 ସ୍କନ୍ଧେନ ମାନୁଷାଦିଦେହେନ॥ ଦ୍ବାଦଶାଧିକଦ୍ବିଶତତମୋଽଧ୍ଯାଯଃ॥ 212 ॥ଆଦିପର୍ବ - ଅଧ୍ଯାଯ 213
॥ ଶ୍ରୀଃ ॥
1.213. ଅଧ୍ଯାଯଃ 213
Mahabharata - Adi Parva - Chapter Topics
କଥଂ ନାଲାଯନୀ ମତ୍ପୁତ୍ରୀ ଜାତେତି ବ୍ଯାସଂ ପ୍ରତି ଦ୍ରୁପଦସ୍ଯ ପ୍ରଶ୍ନଃ॥ 1 ॥ ପୁନର୍ନାଲାଯନୀକଥାକଥନଂ॥ 2 ॥ କାମୋପଭୋଗବିରକ୍ତେନ ମୌଦ୍ଗଲ୍ଯେନ କାମାତୃପ୍ତାଯାଃ ନାଲାଦନ୍ଯାଃ ପଞ୍ଚପତିତ୍ବଶାପଃ॥ 3 ॥ ନାଲାଯନ୍ଯା ରୁଦ୍ରମୁଦ୍ଦିଶ୍ଯ ତପଃକରଣମ୍॥ 4 ॥ ନାଲଯନ୍ଯା ପତିଂ ଦେହୀତି ପଞ୍ଚକୃତ୍ବଃ ପ୍ରାର୍ଥିତେନ ରୁଦ୍ରେଣ ଅନ୍ଯଜନ୍ମନି ପଞ୍ଚ ତେ ପତଯୋ ଭବିଷ୍ଯନ୍ତୀତି ବରଦାନମ୍॥ 5 ॥ ପୁନଃ ରୁଦ୍ରାତ ନି କୌତ୍ପବରପ୍ରାପ୍ତିଃ॥ 6 ॥ ତ୍ବଯି ଗଙ୍ଗାଜଲସ୍ଥାଯାଂ ତତ୍ରାଗମିଷ୍ଯନ୍ତମିନ୍ଦ୍ରମାନଯେତି ନାଲାଯନୀଂପ୍ରତି ରୁଦ୍ରସ୍ଯାଜ୍ଞାପନମ୍॥ 7 ॥Mahabharata - Adi Parva - Chapter Text
1-213-0 (9298)
ଦ୍ରୁପଦ ଉବାଚ। 1-213-0x (1179)
ବ୍ରୂହି ତତ୍କାରଣଂ ଯେନ ବ୍ରହ୍ମନ୍ନାଲାଯନୀ ଶୁଭା।
ଜାତା ମମାଧ୍ବରେ କୃଷ୍ମା ସର୍ବବେଦବିଦାଂ ବର॥ 1-213-1 (9299)
ବ୍ଯାସ ଉବାଚ। 1-213-2x (1180)
ଶୃଣୁ ରାଜନ୍ଯଥା ହ୍ଯସ୍ଯା ଦତ୍ତୋ ରୁଦ୍ରେଣ ବୈ ବରଃ।
ଯଦର୍ଥଂ ଚୈବ ସଂଭୂତା ତବ ଗେହେ ଯଶସ୍ବିନୀ॥ 1-213-2 (9300)
ହନ୍ତ ତ କଥଯିଷ୍ଯାମି କୃଷ୍ମାଯାଃ ପୌର୍ବଦେହିକମ୍।
ଇନ୍ଦ୍ରସେନେତି ବିଖ୍ଯାତା ପୁରା ନାଲାଯନୀ ଶୁଭା॥ 1-213-3 (9301)
ମୌଦ୍ଗଲ୍ଯସ୍ଯ ପତିମାସାଦ୍ଯ ଚଚାର ବିଗତଜ୍ବରା।
ମୌଦ୍ଗଲ୍ଯସ୍ଯ ମହର୍ଷେଶ୍ଚ ରମମାଣସ୍ଯ ବୈ ତଯା॥ 1-213-4 (9302)
ସଂବତ୍ସରଗଣା ରାଜନ୍ବ୍ଯତୀଯୁଃ କ୍ଷଣବତ୍ତଦା।
ତତଃ କଦାଚିଦ୍ଧର୍ମାତ୍ମା ତୃପ୍ତଃ କାମୈର୍ବ୍ଯରଜ୍ଯତ॥ 1-213-5 (9303)
ଅନ୍ବିଚ୍ଛନ୍ପରମଂ ଧର୍ମଂ ବ୍ରହ୍ମଯୋଗପରୋଽଭବତ୍।
ଉତ୍ସସର୍ଜ ସ ତାଂ ବିପ୍ରଃ ସା ତଦା ଚାପତଦ୍ଭୁବି।
ମୌଦ୍ଗଲ୍ଯୋ ରାଜଶାର୍ଦୂଲ ତପୋଭିର୍ଭାବିତଃ ସଦା॥ 1-213-6 (9304)
ନାଲାଯନ୍ଯୁବାଚ। 1-213-7x (1181)
ପ୍ରସୀଦ ଭଗବନ୍ମହ୍ଯଂ ନ ମାମୁତ୍ସ୍ରଷ୍ଟୁମର୍ହସି।
ଅବିତୃପ୍ତାସ୍ମି ବ୍ରହ୍ମର୍ଷେ କାମାନାଂ କାମସେବନାତ୍॥ 1-213-7 (9305)
ମୌଦ୍ଗଲ୍ଯ ଉବାଚ। 1-213-8x (1182)
ଯସ୍ମାତ୍ତ୍ବଂ ମାମନିଃଶଙ୍କା ହ୍ଯବକ୍ତବ୍ଯଂ ଭାଷସେ।
ଆଚରନ୍ତୀ ତପୋବିଘ୍ନଂ ତସ୍ମାଚ୍ଛୃଣୁ ବଚୋ ମମ॥ 1-213-8 (9306)
ଭବିଷ୍ଯସି ନୃଲୋକେ ତ୍ବଂ ରାଜପୁତ୍ରୀ ଯଶସ୍ବି।
ପାଞ୍ଚାଲରାଜସ୍ଯ ସୁତା ଦ୍ରୁପଦସ୍ଯ ମହାତ୍ମନଃ॥ 1-213-9 (9307)
ଭବିତାରସ୍ତତ୍ର ତବ ପତଯଃ ପଞ୍ଚ ବିପ୍ଲୁତାଃ।
ତୈଃ ସାର୍ଧଂ ମଧୁରାକାରୈଶ୍ଚିରଂ ରତିମବାପ୍ସ୍ଯସି॥ 1-213-10 (9308)
ବୈଶମ୍ପାଯନ ଉବାଚ। 1-213-11x (1183)
ସୈବଂ ଶପ୍ତା ତୁ ବିମନା ବନଂ ପ୍ରାଗାଦ୍ଯଶସ୍ବିନୀ।
ଭୋଗୈରତୃପ୍ତା ଦେବେଶଂ ତପସାଽଽରାଧଯତ୍ତଦା॥ 1-213-11 (9309)
ନିରାଶୀର୍ମାରୁତାହାରା ନିରାହାରା ତଥୈବ ଚ।
ଅନୁବର୍ତମାନା ତ୍ବାଦିତ୍ଯଂ ତଥା ପଞ୍ଚତପାଭବତ୍॥ 1-213-12 (9310)
ତୀବ୍ରେଣ ତପସା ତସ୍ଯାସ୍ତୁଷ୍ଟଃ ପଶୁପତିଃ ସ୍ବଯମ୍।
ବଚଂ ପ୍ରାଦାତ୍ତଦା ରୁଦ୍ରଃ ସର୍ବଲୋକେଶ୍ବରଃ ପ୍ରଭୁଃ॥ 1-213-13 (9311)
ଭବିଷ୍ଯତି ପରଂ ଜନ୍ମ ଭବିଷ୍ଯତି ବରାଙ୍ଗନା।
ଭବିଷ୍ଯନ୍ତି ପରଂ ଭଦ୍ରେ ପତଯଃ ପଞ୍ଚ ବିଶ୍ରୁତାଃ॥ 1-213-14 (9312)
ମହେନ୍ଦ୍ରବପୁଷଃ ସର୍ବେ ମହେନ୍ଦ୍ରସମବିକ୍ରମାଃ।
ତତ୍ରସ୍ଥା ଚ ମହତ୍କର୍ମ ସୁରାଣାଂ ତ୍ବଂ କରିଷ୍ଯସି॥ 1-213-15 (9313)
ସ୍ତ୍ର୍ଯୁବାଚ। 1-213-16x (1184)
ଏକଃ ଖଲୁ ମଯା ଭର୍ତା ବୃତଃ ପଞ୍ଚ ତ୍ବିମେ କଥମ୍।
ଏକୋ ଭବତି ନୈକସ୍ଯା ବହବସ୍ତଦ୍ବ୍ରବୀହି ମେ॥ 1-213-16 (9314)
ମହେଶ୍ବର ଉବାଚ। 1-213-17x (1185)
ପଞ୍ଚକୃତ୍ବସ୍ତ୍ବଯା ଚୋକ୍ତଃ ପତିଂ ଦେହୀତ୍ଯହଂ ପୁନଃ।
ପଞ୍ଚତେ ପତଯୋ ଭଦ୍ରେ ଭବିଷ୍ଯନ୍ତି ସୁଖାବହାଃ॥ 1-213-17 (9315)
ସ୍ତ୍ର୍ଯୁବାଚ। 1-213-18x (1186)
ଧର୍ମ ଏକଃ ପତିଃ ସ୍ତ୍ରୀଣାଂ ପୂର୍ବମେ ପ୍ରକଲ୍ପିତଃ।
ବହୁପତ୍ନୀକତା ପୁଂସୋ ଧର୍ମଶ୍ଚ ବହୁଭିଃ କୃତଃ॥ 1-213-18 (9316)
ସ୍ତ୍ରୀଧର୍ମଃ ପୂର୍ବମେବାଯଂ ନିର୍ମିତୋ ମୁନିଭିଃ ସଦା।
ସହଧର୍ମଚରୀ ଭର୍ତୁରେକା ଏକସ୍ଯ ଚୋଚ୍ଯତେ॥ 1-213-19 (9317)
ଏକୋ ହି ଭର୍ତା ନାରୀଣାଂ କୌମାର ଇତି ଲୌକିକଃ।
ଆପତ୍ସୁ ଚ ନିଯୋଗେନ ଭର୍ତୁର୍ନାର୍ଯାଃ ପରଃ ସ୍ମୃତଃ॥ 1-213-20 (9318)
ଗଚ୍ଛେତ ନ ତୃତୀଯଂ ତୁ ତସ୍ଯା ନିଷ୍କୃତିରୁଚ୍ଯତେ।
ଚତୁର୍ଥେ ପତିତା ନାରୀ ପଞ୍ଚମେ ବର୍ଧକୀ ଭବେତ୍॥ 1-213-21 (9319)
ଏବଂ ଗତେ ଧର୍ମପଥେ ନ ବୃଣେ ବହୁପୁଂସ୍କତାମ୍।
ଅଲୋକାଚରିତାତ୍ତ୍ସମାତ୍କଥଂ ମୁଚ୍ଯେଯ ସଙ୍କରାତ୍॥ 1-213-22 (9320)
ମହେଶ୍ବର ଉବାଚ। 1-213-23x (1187)
ଅନାବୃତାଃ ପୁରା ନାର୍ଯୋ ହ୍ଯାସଞ୍ଶୁଧ୍ଯନ୍ତି ଚାର୍ତବେ।
ସକୃଦୁକ୍ତଂ ତ୍ବଯା ନୈତନ୍ନାଧର୍ମସ୍ତେ ଭବିଷ୍ଯତି॥ 1-213-23 (9321)
ସ୍ତ୍ର୍ଯୁବାଚ। 1-213-24x (1188)
ଯଦି ମେ ପତଯଃ ପଞ୍ଚ ରତିମିଚ୍ଛାମି ତୈର୍ମିଥଃ।
କୌମାରଂ ଚ ଭବେତ୍ସର୍ବୈଃ ସଂଗମେ ସଂଗମେ ଚ ମେ॥ 1-213-24 (9322)
ପତିଶୁଶ୍ରୂଷଯା ଚୈବ ସିଦ୍ଧିଃ ପ୍ରାପ୍ତା ମଯା ପୁରା।
ଭୋଗେଚ୍ଛା ଚ ମଯା ପ୍ରାପ୍ତା ସ ଚ ଭୋଗଶ୍ଚ ମେ ଭବେତ୍॥ 1-213-25 (9323)
ରୁଦ୍ର ଉବାଚ। 1-213-26x (1189)
ରତିଶ୍ଚ ଭଦ୍ରେ ସିଦ୍ଧିଶ୍ଚ ନ ଭଜେତେ ପରସ୍ପରମ୍।
ଭୋଗାନାପ୍ସ୍ଯସି ସିଦ୍ଧିଂ ଚ ଯୋଗେନ ଚ ମହତ୍ତ୍ବତାମ୍॥ 1-213-26 (9324)
ଅନ୍ଯଦେହାନ୍ତରେ ଚୈବ ରୂପଭାଗ୍ଯଗୁଣାନ୍ବିତା।
ପଞ୍ଚଭିଃ ପ୍ରାପ୍ଯ କୌମାରଂ ମହାଭାଗା ଭବିଷ୍ଯସି॥ 1-213-27 (9325)
ଗଚ୍ଛ ଗଙ୍ଗାଜଲସ୍ଥା ଚ ନରଂ ପଶ୍ଯସି ଯଂ ଶୁଭେ।
ତମାନଯ ମମାଭ୍ଯାଶଂ ସୁରରାଜଂ ଶୁଚିସ୍ମିତେ॥ 1-213-28 (9326)
ଇତ୍ଯୁକ୍ତା ବିଶ୍ବରୂପେଣ ରୁଦ୍ରଂ କୃତ୍ବା ପ୍ରଦକ୍ଷିଣମ୍।
ଜଗାମ ଗଙ୍ଗାମୁଦ୍ଦିଶ୍ଯ ପୁଣ୍ଯାଂ ତ୍ରିପଥଗାଂ ନଦୀମ୍॥ ॥ 1-213-29 (9327)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବୈବାହିକପର୍ବଣି ତ୍ରଯୋଦଶାଧିକଦ୍ବିଶତତମୋଽଧ୍ଯାଯଃ॥ 213 ॥
Mahabharata - Adi Parva - Chapter Footnotes
1-213-23 ଅନାବୃତାଃ ନିରୋଧରହିତାଃ॥ ତ୍ରଯୋଦଶାଧିକଦ୍ବିଶତତମୋଽଧ୍ଯାଯଃ॥ 213 ॥ଆଦିପର୍ବ - ଅଧ୍ଯାଯ 214
॥ ଶ୍ରୀଃ ॥
1.214. ଅଧ୍ଯାଯଃ 214
Mahabharata - Adi Parva - Chapter Topics
ପଞ୍ଚେ ଉପାଖ୍ଯାନପ୍ରାରମ୍ଭଃ॥ 1 ॥ ନୈମିଶାରଣ୍ଯେ ଦେବୈରାରବ୍ଧେ ସତ୍ରେ ଯମସ୍ଯ ଶାମିତ୍ରକର୍ମଣି ବ୍ଯାପୃତତ୍ବାତ୍ ଲୋକେ ପ୍ରଜାବାହୁଲ୍ଯଂ ଦୃଷ୍ଟ୍ବା ତତ୍ପରିଜିହୀର୍ଷଯା ଦେବୈର୍ବ୍ରହ୍ମସମୀପଗମନମ୍॥ 2 ॥ ବ୍ରହ୍ମାଜ୍ଞଯା ପୁନର୍ନୈମିଶାରଣ୍ଯଂ ଗତସ୍ଯ ଗଙ୍ଗାଯାଂ ପୁଣ୍ଡରୀକଂ ଦୃଷ୍ଟ୍ବା ତଜ୍ଜିହୀର୍ଷଯା ଗତସ୍ଯ ଇନ୍ଦ୍ରସ୍ଯ ତତ୍ର ରୁଦନ୍ତାଃ ସ୍ତ୍ରିଯାଃ ଦର୍ଶନମ୍॥ 3 ॥ ତାମନୁଗଚ୍ଛତେନ୍ଦ୍ରେଣ ପର୍ବତବିବରେ ପୂର୍ବେଷାଂ ଚତୁର୍ଣାଂ ଇନ୍ଦ୍ରାଣାଂ ଦର୍ଶନମ୍॥ 4 ॥ ବଲରାମକେଶବଦ୍ରୌପଦ୍ଯାଦୀନାମୁତ୍ପତ୍ତିକଥା॥ 5 ॥ ବ୍ଯାସଦତ୍ତଦିବ୍ଯଦୃଷ୍ଟେର୍ଦ୍ରୁପଦସ୍ଯ ପାଣ୍ଡବଦ୍ରୌପଦୀପୂର୍ବରୂପଦର୍ଶନଂ॥ 6 ॥ ଦ୍ରୌପଦ୍ଯା ଅବ୍ଯବହିତପୂର୍ବଜନ୍ମବୃତ୍ତାନ୍ତକଥନମ୍॥ 7 ॥Mahabharata - Adi Parva - Chapter Text
1-214-0 (9328)
ବ୍ଯାସ ଉବାଚ। 1-214-0x (1190)
ପୁରା ବୈ ନୈମିଶାରଣ୍ଯେ ଦେବାଃ ସତ୍ରମୁପାସତେ।
ତତ୍ର ବୈବସ୍ବତୋ ରାଜଞ୍ଶାମିତ୍ରମକରୋତ୍ତଦା॥ 1-214-1 (9329)
ତତୋ ଯମୋ ଦୀକ୍ଷିତସ୍ତତ୍ର ରାଜ-
ନ୍ନାମାରଯତ୍କଂଚିଦପି ପ୍ରଜାନାମ୍।
ତତଃ ପ୍ରଜାସ୍ତା ବହୁଲା ବଭୂବୁଃ
କାଲାତିପାତାନ୍ମରଣପ୍ରହୀଣାଃ॥ 1-214-2 (9330)
ସୋମଶ୍ଚ ଶକ୍ରୋ ବରୁଣଃ କୁବେରଃ
ସାଧ୍ଯା ରୁଦ୍ରା ବସବୋଽଥାଶ୍ବିନୌ ଚ।
ପ୍ରଜାପତିର୍ଭୁବନସ୍ଯ ପ୍ରଣେତା
ସମାଜଗ୍ମୁସ୍ତତ୍ର ଦେବାସ୍ତଥାଽନ୍ଯେ॥ 1-214-3 (9331)
ତତୋଽବ୍ରୁବଁଲ୍ଲୋକଗୁରୁଂ ସମେତା
ଭଯାତ୍ତୀବ୍ରାନ୍ମାନୁଷାଣାଂ ବିବୃଦ୍ଧ୍ଯା।
ତସ୍ମାଦ୍ଭଯାଦୁଦ୍ବିଜନ୍ତଃ ସୁଖେପ୍ସବଃ
ପ୍ରଯାମ ସର୍ବେ ଶରଣଂ ଭବନ୍ତମ୍॥ 1-214-4 (9332)
ପିତାମହ ଉବାଚ। 1-214-5x (1191)
କିଂ ବୋ ଭଯଂ ମାନୁଷେଭ୍ଯୋ ଯୂଯଂ ସର୍ବେ ଯଦାଽମରାଃ।
ମା ବୋ ମର୍ତ୍ଯସକାଶାଦ୍ବୈ ଭଯଂ ଭବିତୁମର୍ହତି॥ 1-214-5 (9333)
ଦେବା ଊଚୁଃ। 1-214-6x (1192)
ମର୍ତ୍ଯା ଅମର୍ତ୍ଯାଃ ସଂବୃତ୍ତା ନ ବିଶେଷୋଽସ୍ତି କଶ୍ଚନ।
ଅବିଶେଷାଦୁଦ୍ବିଜନ୍ତୋ ବିଶେଷାର୍ଥମିହାଗତାଃ॥ 1-214-6 (9334)
ଶ୍ରୀଭଗବାନୁବାଚ। 1-214-7x (1193)
ବୈବସ୍ବତୋ ବ୍ଯାପୃତଃ ସତ୍ରହେତୋ-
ସ୍ତେନ ତ୍ବିମେ ନ ମ୍ରିଯନ୍ତେ ମନୁଷ୍ଯାଃ।
ତସ୍ମିନ୍ନେକାଗ୍ରେ କୃତସର୍ବକାର୍ଯେ
ତତ ଏଷାଂ ଭବିତୈବାନ୍ତକାଲଃ॥ 1-214-7 (9335)
ବୈବସ୍ବତସ୍ଯୈବ ତନୁର୍ବିଭକ୍ତା
ବୀର୍ଯେଣ ଯୁଷ୍ମାକମୁତ ପ୍ରବୃଦ୍ଧା।
ସୈଷାମନ୍ତୋ ଭବିତା ହ୍ଯନ୍ତକାଲେ
ନ ତତ୍ର ବୀର୍ଯଂ ଭବିତା ନରେଷୁ॥ 1-214-8 (9336)
ବ୍ଯାସ ଉବାଚ। 1-214-9x (1194)
ତତସ୍ତୁ ତେ ପୂର୍ବଜଦେବବାକ୍ଯଂ
ଶ୍ରୁତ୍ବା ଜଗ୍ମୁର୍ଯତ୍ର ଦେବା ଯଜନ୍ତେ।
ସମାସୀନାସ୍ତେ ସମେତା ମହାବଲା
ଭାଗୀରଥ୍ଯାଂ ଦଦୃଶୁଃ ପୁଣ୍ଡରୀକମ୍॥ 1-214-9 (9337)
ଦୃଷ୍ଟ୍ବା ଚ ତଦ୍ବିସ୍ମିତାସ୍ତେ ବଭୂବୁ-
ସ୍ତେଷାମିନ୍ଦ୍ରସ୍ତତ୍ର ଶୂରୋ ଜଗାମ।
ସୋଽପଶ୍ଯଦ୍ଯୋଷାମଥ ପାବକପ୍ରଭାଂ
ଯତ୍ର ଦେବୀ ଗଙ୍ଗା ସତତଂ ପ୍ରସୂତା॥ 1-214-10 (9338)
ସା ତତ୍ର ଯୋଷା ରୁଦତୀ ଜଲାର୍ଥିନୀ
ଗଙ୍ଗାଂ ଦେବୀଂ ବ୍ଯବଗାହ୍ଯ ବ୍ଯତିଷ୍ଠତ୍।
ତସ୍ଯାଶ୍ରୁବିନ୍ଦୁଃ ପତିତୋ ଜଲେ ଯ-
ସ୍ତତ୍ପଦ୍ମମାସୀଦଥ ତତ୍ର କାଞ୍ଚନମ୍॥ 1-214-11 (9339)
ତଦଦ୍ଭୁତଂ ପ୍ରେକ୍ଷ୍ଯ ବଜ୍ରୀ ତଦାନୀ-
ମପୃଚ୍ଛତ୍ତାଂ ଯୋଷିତମନ୍ତିକାଦ୍ବୈ।
କା ତ୍ବଂ ଭଦ୍ରେ ରୋଦିଷି କସ୍ଯ ହେତୋ-
ର୍ବାକ୍ଯଂ ତଥ୍ଯଂ କାମଯେଽହଂ ବ୍ରବୀହି॥ 1-214-12 (9340)
ସ୍ତ୍ର୍ଯୁବାଚ। 1-214-13x (1195)
ତ୍ବଂ ବେତ୍ସ୍ଯସେ ମାମିହ ଯାଽସ୍ମି ଶକ୍ର
ଯଦର୍ଥଂ ଚାହଂ ରୋଦିମି ମନ୍ଦଭାଗ୍ଯା।
ଆଗଚ୍ଛ ରାଜନ୍ପୁରତୋ ଗମିଷ୍ଯେ
ଦ୍ରଷ୍ଟାଽସି ତଦ୍ରୋଦିମି ଯତ୍କୃତେଽହମ୍॥ 1-214-13 (9341)
ବ୍ଯାସ ଉବାଚ। 1-214-14x (1196)
ତାଂ ଗଚ୍ଛନ୍ତୀମନ୍ବଗଚ୍ଛତ୍ତଦାନୀଂ
ସୋଽପଶ୍ଯଦାରାତ୍ତରୁଣଂ ଦର୍ଶନୀଯମ୍।
ସିଦ୍ଧାସନସ୍ଥଂ ଯୁବତୀସହାଯଂ
କ୍ରୀଡନ୍ତମକ୍ଷୈର୍ଗିରିରାଜମୂର୍ଧ୍ନି॥ 1-214-14 (9342)
ତମବ୍ରବୀଦ୍ଦେବରାଜୋ ମମେଦଂ
ତ୍ବଂ ବିଦ୍ଧି ବିଦ୍ବନ୍ଭୁବନଂ ବଶେ ସ୍ଥିତମ୍।
ଈଶୋଽହସ୍ମୀତି ସମନ୍ଯୁରବ୍ରବୀ-
ଦ୍ଦୃଷ୍ଟ୍ବା ତମକ୍ଷୈଃ ସୁଭୃଶଂ ପ୍ରମତ୍ତମ୍॥ 1-214-15 (9343)
କ୍ରୁଦ୍ଧଂ ଚ ଶକ୍ରଂ ପ୍ରସମୀକ୍ଷ୍ଯ ଦେବୋ
ଜହାଯ ଶକ୍ରଂ ଚ ଶୈରୁଦୈକ୍ଷତ।
ସଂସ୍ତମ୍ଭିତୋଽଭୂଦଥ ଦେବରାଜ-
ସ୍ତେନେକ୍ଷିତଃ ସ୍ଥାଣୁରିବାବତସ୍ଥେ॥ 1-214-16 (9344)
ଯଦା ତୁ ପର୍ଯାପ୍ତମିହାସ୍ଯ କ୍ରୀଡଯା
ତଦା ଦେବୀଂ ରୁଦତୀଂ ତାମୁବାଚ।
ଆନୀଯତାମେଷ ଯତୋଽହମାରା-
ନ୍ନୈନଂ ଦର୍ପଃ ପୁନରପ୍ଯାବିଶେତ॥ 1-214-17 (9345)
ତତଃ ଶକ୍ରଃ ସ୍ପୃଷ୍ଟମାତ୍ରସ୍ତଯା ତୁ
ସ୍ରସ୍ତୈରଙ୍ଗୈଃ ପତିତୋଽଭୂଦ୍ଧରଣ୍ଯାମ୍।
ତମବ୍ରବୀଦ୍ଭଗବାନୁଗ୍ରତେଜା
ମୈବଂ ପୁନଃ ଶକ୍ର କୃଥାଃ କଥଂଚିତ୍॥ 1-214-18 (9346)
ନିବର୍ତଯୈନଂ ଚ ମହାଦ୍ରିରାଜଂ
ବଲଂ ଚ ବୀର୍ଯଂ ଚ ତବାପ୍ରମେଯମ୍।
ଛିଦ୍ରସ୍ଯ ଚୈବାବିଶ ମଧ୍ଯମସ୍ଯ
ଯତ୍ରାସତେ ତ୍ବଦ୍ବିଧାଃ ସୂର୍ଯଭାସଃ॥ 1-214-19 (9347)
ସ ତଦ୍ବିବୃତ୍ଯ ବିବରଂ ମହାଗିରେ-
ସ୍ତୁଲ୍ଯଦ୍ଯୁତୀଂଶ୍ଚତୁରୋଽନ୍ଯାନ୍ଦଦର୍ଶ।
ସ ତାନଭିପ୍ରେକ୍ଷ୍ଯ ବଭୂବ ଦୁଃଖିତଃ
କଚ୍ଚିନ୍ନାହଂ ଭବିତା ବୈ ଯଥେମେ॥ 1-214-20 (9348)
ତତୋ ଦେବୋ ଗିରିଶୋ ବଜ୍ରପାଣିଂ
ବିବୃତ୍ଯ ନେତ୍ରେ କୁପିତୋଽଭ୍ଯୁବାଚ।
ଦରୀମେତାଂ ପ୍ରବିଶ ତ୍ବଂ ଶତକ୍ରତୋ
ଯନ୍ମାଂ ବାଲ୍ଯାଦବମଂସ୍ଥାଃ ପୁରସ୍ତାତ୍॥ 1-214-21 (9349)
ଉକ୍ତସ୍ତ୍ବେବଂ ବିଭୁନା ଦେବରାଜଃ
ପ୍ରାବେପତାଽଽର୍ତୋ ଭୃଶମେବାଭିଷଙ୍ଗାତ୍।
ସ୍ରସ୍ତୈରଙ୍ଗୈରନିଲେନେବ ନୁନ୍ନ-
ମଶ୍ବତ୍ଥପତ୍ରଂ ଗିରିରାଜମୂର୍ଧ୍ନି॥ 1-214-22 (9350)
ସ ପ୍ରାଞ୍ଜଲିର୍ବୈ ବୃଷବାହନେନ
ପ୍ରବେପମାନଃ ସହସୈବମୁକ୍ତଃ।
ଉବାଚ ଦେବଂ ବହୁରୂପମୁଗ୍ର-
ମଦ୍ଯାଶେଷସ୍ଯ ଭୁବନସ୍ଯ ତ୍ବଂ ଭବାଦ୍ଯଃ॥ 1-214-23 (9351)
ତମବ୍ରବୀଦୁଗ୍ରବର୍ଚାଃ ପ୍ରହସ୍ଯ
ନୈବଂଶୀଲାଃ ଶେଷମିହାପ୍ନୁବନ୍ତି।
ଏତେଽପ୍ଯେବଂ ଭବିତାରଃ ପୁରସ୍ତା-
ତ୍ତସ୍ମାଦେତାଂ ଦରୀମାବିଶ୍ଯ ଶେଷ୍ଯ॥ 1-214-24 (9352)
ଏଷା ଭାର୍ଯା ଭବିତା ବୋ ନ ସଂଶଯୋ
ଯୋନିଂ ସର୍ବେ ମାନୁଷୀମାବିଶଧ୍ବମ୍।
ତତ୍ର ଯୂଯଂ କର୍ମ କୃତ୍ବାଽବିଷହ୍ଯଂ
ବହୂନନ୍ଯାନ୍ନିଧନଂ ପ୍ରାପଯିତ୍ବା॥ 1-214-25 (9353)
`ଅସ୍ତ୍ରୈର୍ଦିବ୍ଯୈର୍ମାନୁଷାନ୍ଯୋଧଯିତ୍ବା
ଶୂରାନ୍ସର୍ବାନାହବେ ସଂବିଜିତ୍ଯ।'
ଆଗନ୍ତାରଃ ପୁନରେବେନ୍ଦ୍ରବଲୋକଂ
ସ୍ବକର୍ମଣା ପୂର୍ବଚିତଂ ମହାର୍ହମ୍।
ସର୍ବଂ ମଯା ଭାଷିତମେତଦେବଂ
କର୍ତବ୍ଯମନ୍ଯଦ୍ବିବିଧାର୍ଥଯୁକ୍ତମ୍॥ 1-214-26 (9354)
ପୂର୍ବେନ୍ଦ୍ରା ଊଚୁଃ। 1-214-27x (1197)
ଗମିଷ୍ଯାମୋ ମାନୁଷଂ ଦେବଲୋକା-
ଦ୍ଦୁରାଧରୋ ବିହିତୋ ଯତ୍ର ମୋକ୍ଷଃ।
ଦେବାସ୍ତ୍ବସ୍ମାନାଦଧୀରଞ୍ଜନନ୍ଯାଂ
ଧର୍ମୋ ବାଯୁର୍ମଘବାନଶ୍ବିନୌ ଚ॥ 1-214-27 (9355)
ବ୍ଯାସ ଉବାଚ। 1-214-28x (1198)
ଏତଚ୍ଛ୍ରୁତ୍ବା ବଜ୍ରପାଣିର୍ବଚସ୍ତୁ
ଦେବଶ୍ରେଷ୍ଠଂ ପୁନରେବେଦମାହ।
ବୀର୍ଯେଣାହଂ ପୁରୁଷଂ କାର୍ଯହେତୋ-
ର୍ଦଦ୍ଯାମେଷାଂ ପଞ୍ଚମଂ ମତ୍ପ୍ରସୂତମ୍॥ 1-214-28 (9356)
ବିଶ୍ବଭୁଗ୍ଭୂତଧାମା ଚ ଶିବିରିନ୍ଦ୍ରଃ ପ୍ରତାପବାନ୍।
ଶାନ୍ତିଶ୍ଚତୁର୍ଥସ୍ତେଷାଂ ବୈ ତେଜସ୍ବୀ ପଞ୍ଚମଃ ସ୍ମୃତଃ॥ 1-214-29 (9357)
ତେଷାଂ କାମଂ ଭଗବାନୁଗ୍ରଧନ୍ବା
ପ୍ରାଦାଦିଷ୍ଟଂ ସନ୍ନିସର୍ଗାଦ୍ଯଥୋକ୍ତମ୍।
ତାଂ ଚାପ୍ଯେଷାଂ ଯୋଷିତଂ ଲୋକକାନ୍ତାଂ
ଶ୍ରିଯଂ ଭାର୍ଯାଂ ବ୍ଯଦଧାନ୍ମାନୁଷେଷୁ॥ 1-214-30 (9358)
ତୈରେବ ସାର୍ଧଂ ତୁ ତତଃ ସ ଦେବୋ
ଜଗାମ ନାରାଯଣମପ୍ରମେଯମ୍।
ଅନନ୍ତମବ୍ଯକ୍ତମଜଂ ପୁରାଣଂ
ସନାତନଂ ବିଶ୍ବମନନ୍ତରୂପମ୍॥ 1-214-31 (9359)
ସ ଚାପି ତଦ୍ବ୍ଯଦଧାତ୍ସର୍ବମେବ
ତତଃ ସର୍ବେ ସଂବଭୂବୁର୍ଧରଣ୍ଯମାମ୍।
`ନରଂ ତୁ ଦେବଂ ବିବୁଧପ୍ରଧାନ-
ମିନ୍ଦ୍ରାଜ୍ଜିଷ୍ଣୁଂ ପଞ୍ଚମଂ କଲ୍ପଯିତ୍ବା।'
ସ ଚାପି କେଶୌ ହରିରୁଦ୍ବବର୍ହ
ଶୁକ୍ଲମେକମପରଂ ଚାପି କୃଷ୍ଣମ୍॥ 1-214-32 (9360)
ତୌ ଚାପି କେଶୌ ବିଶତାଂ ଯଦୂନାଂ
କୁଲେ ସ୍ତ୍ରିଯୌ ଦେବକୀଂ ରୋହିଣୀଂ ଚ।
ତଯୋରେକୋ ବଲଦେବୋ ବଭୂବ
ଯୋଽସୌ ଶ୍ବେତସ୍ଯ ଦେବସ୍ଯ କେଶଃ।
କୃଷ୍ଣୋ ଦ୍ବିତୀଯଃ କେଶବଃ ସଂବଭୂବ
କେଶୋ ଯୋଽସୌ ବର୍ଣତଃ କୃଷ୍ଣ ଉକ୍ତଃ॥ 1-214-33 (9361)
ଯେ ତେ ପୂର୍ବଂ ଶକ୍ରରୂପା ନିବଦ୍ଧା-
ସ୍ତସ୍ଯାଂ ଦର୍ଯାଂ ପର୍ବତସ୍ଯୋତ୍ତରସ୍ଯ।
ଇହୈବ ତେ ପାଣ୍ଡବା ବୀର୍ଯବନ୍ତଃ
ଶକ୍ରସ୍ଯାଂଶଃ ପାଣ୍ଡବଃ ସବ୍ଯସାଚୀ॥ 1-214-34 (9362)
ଏବମେତେ ପାଣ୍ଡବାଃ ସଂବଭୂବୁ-
ର୍ଯେ ତେ ରାଜନ୍ପୂର୍ବମିନ୍ଦ୍ରା ବଭୂବୁଃ।
ଲକ୍ଷ୍ମୀଶ୍ଚୈଷାଂ ପୂର୍ବମେବୋପଦିଷ୍ଟା
ଭାର୍ଯା ଯୈଷା ଦ୍ରୌପଦୀ ଦିବ୍ଯରୂପା॥ 1-214-35 (9363)
କଥଂ ହି ସ୍ତ୍ରୀ କର୍ମଣା ତେ ମହୀତଲା-
ତ୍ସମୁତ୍ତିଷ୍ଠେଦନ୍ଯତୋ ଦୈବଯୋଗାତ୍।
ଯସ୍ଯା ରୂପଂ ସୋମସୂର୍ଯପ୍ରକାଶଂ
ଗନ୍ଧଶ୍ଚାସ୍ଯାଃ କୋଶମାତ୍ରାତ୍ପ୍ରବାତି॥ 1-214-36 (9364)
ଇଦଂ ଚାନ୍ଯତ୍ପ୍ରୀତିପୂର୍ବଂ ନରେନ୍ଦ୍ର
ଦଦାନି ତେ ବରମତ୍ଯଦ୍ଭୁତଂ ଚ।
ଦିବ୍ଯଂ ଚକ୍ଷୁଃ ପଶ୍ଯ କୁନ୍ତୀସୁତାଂସ୍ତ୍ବଂ
ପୁଣ୍ଯୈର୍ଦିବ୍ଯୈଃ ପୂର୍ବଦେହୈରୁପେତାନ୍॥ 1-214-37 (9365)
ବୈଶମ୍ପାଯନ ଉବାଚ। 1-214-38x (1199)
ତତୋ ବ୍ଯାସଃ ପରମୋଦାରକର୍ମା
ଶୁଚିର୍ବିପ୍ରସ୍ତପସା ତସ୍ଯ ରାଜ୍ଞଃ।
ଚକ୍ଷୁର୍ଦିବ୍ଯଂ ପ୍ରଦଦୌ ତାଂଶ୍ଚ ସର୍ବାନ୍
ରାଜାଽପଶ୍ଯତ୍ପୂର୍ବଦେହୈର୍ଯଥାବତ୍॥ 1-214-38 (9366)
ତତୋ ଦିବ୍ଯାନ୍ହେମକିରୀଟମାଲିନଃ
ଶକ୍ରପ୍ରଖ୍ଯାନ୍ପାବକାଦିତ୍ଯବର୍ଣାନ୍।
ବଦ୍ଧାପୀଡାଂଶ୍ଚାରୁରୂପାଂଶ୍ଚ ଯୂନୋ
ବ୍ଯୂଢୋରସ୍କାଂସ୍ତାଲମାତ୍ରାନ୍ଦଦର୍ଶ॥ 1-214-39 (9367)
ଦିବ୍ଯୈର୍ବସ୍ତ୍ରୈରଜୋଭିଃ ସୁଗନ୍ଧୈ-
ର୍ମାଲ୍ଯୈଶ୍ଚାଗ୍ର୍ଯୈଃ ଶୋଭମାନାନତୀବ।
ସାକ୍ଷାତ୍ତ୍ର୍ଯକ୍ଷାନ୍ବା ବସୂଂଶ୍ଚାପି ରୁଦ୍ରା-
ନାଦିତ୍ଯାନ୍ବା ସର୍ବଗୁଣୋପପନ୍ନାନ୍॥ 1-214-40 (9368)
ତାନ୍ପୂର୍ବେନ୍ଦ୍ରାନଭିବୀକ୍ଷ୍ଯାଭିରୂପା-
ତ୍ର୍ଶକ୍ରାତ୍ମଜଂ ଚେନ୍ଦ୍ରରୂପଂ ନିଶମ୍ଯ।
ପ୍ରୀତୋ ରାଜା ଦ୍ରୁପଦୋ ବିସ୍ମିତଶ୍ଚ
ଦିବ୍ଯାଂ ମାଯାଂ ତାମବେକ୍ଷ୍ଯାପ୍ରମେଯାମ୍॥ 1-214-41 (9369)
ତାଂ ଚୈବାଗ୍ର୍ଯାଂ ସ୍ତ୍ରିଯମତିରୂପଯୁକ୍ତାଂ
ଦିବ୍ଯାଂ ସାକ୍ଷାତ୍ସୋମବହ୍ନିପ୍ରକାଶାମ୍।
ଯୋଗ୍ଯାଂ ତେଷାଂ ରୂପତେଜୋଯଶୋଭିଃ
ପତ୍ନୀ ମତ୍ବା ହୃଷ୍ଟବାନ୍ପାର୍ଥିବେନ୍ଦ୍ରଃ॥ 1-214-42 (9370)
ସ ତଦ୍ଦୃଷ୍ଟ୍ବା ମହଦାଶ୍ଚର୍ଯରୂପଂ
ଜଗ୍ରାହ ପାଦୌ ସତ୍ଯବତ୍ଯାଃ ସୁତସ୍ଯ।
ନୈତଚ୍ଚିତ୍ରଂ ପରମର୍ଷେ ତ୍ବଯୀତି
ପ୍ରସନ୍ନଚେତାଃ ସ ଉବାଚ ଚୈନମ୍॥ 1-214-43 (9371)
`ବ୍ଯାସ ଉବାଚ। 1-214-44x (1200)
ଇଦଂ ଚାପି ପୁରାବୃତ୍ତଂ ତନ୍ନିବୋଧ ଚ ଭୂମିମ।
କୀର୍ତ୍ଯମାନଂ ନୃପର୍ଷୀଣାଂ ପୂର୍ବେଷାଂ ଦାରକର୍ମଣି॥ 1-214-44 (9372)
ନିତନ୍ତୁର୍ନାମ ରାଜର୍ଷିର୍ବଭୂବ ଭୁବି ବିଶ୍ରୁତଃ।
ତସ୍ଯ ପୁତ୍ରା ମହେଷ୍ବାସା ବଭୂବୁଃ ପଞ୍ଚ ଭୂମିତାଃ॥ 1-214-45 (9373)
ସାଲ୍ବେଯଃ ଶୂରସେନଶ୍ଚ ଶ୍ରୁତସେନଶ୍ଚ ବୀର୍ଯବାନ୍।
ତିନ୍ଦୁସାରୋଽତିସାରଶ୍ଚ କ୍ଷତ୍ରିଯାଃ କ୍ରତୁଯାଜିନଃ॥ 1-214-46 (9374)
ନାତିଚକ୍ରମୁରନ୍ଯୋନ୍ଯମନ୍ଯୋନ୍ଯସ୍ଯ ପ୍ରିଯଂବଦାଃ।
ଅନୀର୍ଷ୍ଯବୋ ଧର୍ମବିଦଃ ସୌମ୍ଯାଶ୍ଚୈବ ପ୍ରିଯକରାଃ॥ 1-214-47 (9375)
ଏତାନ୍ନୈତନ୍ତବାନ୍ପଞ୍ଚ ଶିବିପୁତ୍ରୀ ସ୍ବଯଂବରେ।
ଅବାପ ସ୍ବପତୀନ୍ବୀରାନ୍ଭୌମାଶ୍ବୀ ମନୁଜାଧିପାନ୍॥ 1-214-48 (9376)
ବୀଣେବ ମଧୁରାରାବା ଗାନ୍ଧର୍ବସ୍ବରମୂର୍ଚ୍ଛିତା।
ଉତ୍ତମା ସର୍ବନାରୀଣାଂ ଭୌମାଶ୍ବୀ ହ୍ଯଭବତ୍ତଦା॥ 1-214-49 (9377)
ଯସ୍ଯା ନୈତନ୍ତବାଃ ପଞ୍ଚ ପତଯଃ କ୍ଷତ୍ରିଯର୍ଷଭାଃ।
ବଭୂବୁଃ ପୃଥିବୀପାଲାଃ ସର୍ବୈଃ ସମୁଦିତା ଗୁଣୈଃ॥ 1-214-50 (9378)
ତେଷାମେକାଭବଦ୍ଭାର୍ଯା ରାଜ୍ଞାମୌଶୀନରୀ ଶୁଭା।
ଭୌମାଶ୍ବୀ ନାମ ଭଦ୍ରଂ ତେ ତଥାରୂପଗୁଣାନ୍ବିତା॥ 1-214-51 (9379)
ପଞ୍ଚଭ୍ଯଃ ପଞ୍ଚଧା ପଞ୍ଚ ଦାଯାଦାନ୍ସା ବ୍ଯଜାଯତ।
ତେଭ୍ଯୋ ନୈତନ୍ତବେଭ୍ଯସ୍ତୁ ରାଜଶାର୍ଦୂଲ ବୈ ତଦା॥ 1-214-52 (9380)
ପୃଥଗାଖ୍ଯାଽଭବତ୍ତେଷାଂ ଭ୍ରାତୄଣାଂ ପଞ୍ଚଧା ଭୁବି।
ଯଥାବତ୍କୀର୍ତ୍ଯମାନାଂସ୍ତାଞ୍ଛୃଣୁ ମେ ରାଜସତ୍ତମ॥ 1-214-53 (9381)
ସାଲ୍ବେଯାଃ ଶୂରସେନାଶ୍ଚ ଶ୍ରୁତସେନାଶ୍ଚ ପାର୍ଥିବାଃ।
ତିନ୍ଦୁସାରାତିସାରାଶ୍ଚ ବଂଶା ଏଷାଂ ନୃପୋତ୍ତମ॥ 1-214-54 (9382)
ଏବମେକାଽଭବଦ୍ଭାର୍ଯା ଭୌମାଶ୍ବୀ ଭୁବି ବିଶ୍ରୁତା।
ତଥୈବ ଦ୍ରୁପଦୈଷା ତେ ସୁତା ବୈ ଦେବରୂପିଣୀ।
ପଞ୍ଚାନାଂ ବିହିତା ପତ୍ନୀ କୃଷ୍ଣା ପାର୍ଷତ୍ଯନିନ୍ଦିତା'॥ 1-214-55 (9383)
ବ୍ଯାସ ଉବାଚ। 1-214-56x (1201)
ଆସୀତ୍ତପୋବଂନେ କାଚିଦୃଷେଃ କନ୍ଯା ମହାତ୍ମନଃ।
ନାଧ୍ଯଗଚ୍ଛତ୍ପତିଂ ସା ତୁ କନ୍ଯା ରୂପବତୀ ସତୀ॥ 1-214-56 (9384)
ତୋଷଯାମାସ ତପସା ସା କିଲୋଗ୍ରେଣ ଶଙ୍କରମ୍।
ତାମୁବାଚେଶ୍ବରଃ ପ୍ରୀତୋ ବୃଣୁ କାମମିତି ସ୍ବଯମ୍॥ 1-214-57 (9385)
ସୈବମୁକ୍ତାଽବ୍ରବୀତ୍କନ୍ଯା ଦେବଂ ବରଦମୀଶ୍ବରମ୍।
ପତିଂ ସର୍ବଗୁଣୋପେତମିଚ୍ଛାମୀତି ପୁନଃପୁନଃ॥ 1-214-58 (9386)
ଦଦୌ ତସ୍ଯୈ ସ ଦେବେଶସ୍ତଂ ବରଂ ପ୍ରୀତମାନସଃ।
ପଞ୍ଚ ତେ ପତଯୋ ଭଦ୍ରେ ଭବିଷ୍ଯନ୍ତୀତି ଶଙ୍କରଃ॥ 1-214-59 (9387)
ସା ପ୍ରସାଦଯତୀ ଦେବମିଦଂ ଭୂଯୋଽଭ୍ଯଭାଷତ।
ଏକଂ ପତିଂ ଗୁଣୋପେତଂ ତ୍ବତ୍ତୋଽର୍ହାମୀତି ଶଙ୍କର॥ 1-214-60 (9388)
ତାଂ ଦେବଦେବଃ ପ୍ରୀତାତ୍ମା ପୁନଃ ପ୍ରାହ ଶୁଭଂ ବଚଃ।
ପଞ୍ଚକୃତ୍ବସ୍ତ୍ବଯୋକ୍ତୋଽହଂ ପତିଂ ଦେହୀତି ବୈ ପୁନଃ॥ 1-214-61 (9389)
ତତ୍ତଥା ଭବିତା ଭଦ୍ରେ ବଚସ୍ତଦ୍ଭଦ୍ରମସ୍ତୁ ତେ।
ଦେହମନ୍ଯଂ ଗତାଯାସ୍ତେ ସର୍ବମେତଦ୍ଭବିଷ୍ଯତି॥ 1-214-62 (9390)
ଦ୍ରୁପଦୈଷା ହି ସା ଜଜ୍ଞେ ସୁତା ବୈ ଦେବରୂପିଣୀ।
ପଞ୍ଚାନାଂ ବିହିତା ପତ୍ନୀ କୃଷ୍ଣା ପାର୍ଷତ୍ଯନିନ୍ଦିତା॥ 1-214-63 (9391)
`ସୈବ ନାଲାଯନୀ ଭୂତ୍ବା ରୂପେଣାପ୍ରତିମା ଭୁବି।
ମୌଦ୍ଗଲ୍ଯଂ ପତିମାସ୍ଥାଯ ଶିବାଦ୍ବରମଭୀପ୍ସତୀ॥ 1-214-64 (9392)
ଏତଦ୍ଦେବରହସ୍ଯଂ ତେ ଶ୍ରାବିତଂ ରାଜସତ୍ତମ।
ନାଖ୍ଯାତବ୍ଯଂ କସ୍ଯଚିଦ୍ବୈ ଦେବଗୁହ୍ଯମିଦଂ ଯତଃ॥' 1-214-65 (9393)
ସ୍ବର୍ଗଶ୍ରୀଃ ପାଣ୍ଡବାର୍ଥଂ ତୁ ସମୁତ୍ପନ୍ନା ମହାମଖେ।
ସେହ ତପ୍ତ୍ବା ତପୋ ଘୋରଂ ଦୁହିତୃତ୍ବଂ ତବାଗତା॥ 1-214-66 (9394)
ସୈଷା ଦେବୀ ରୁଚିରା ଦେବଜୁଷ୍ଟା
ପଞ୍ଚାନାମେକା ସ୍ବକୃତେନେହ କର୍ମଣା।
ସୃଷ୍ଟା ସ୍ବଯଂ ଦେବପତ୍ନୀ ସ୍ବଯଂଭୁବା
ଶ୍ରୁତ୍ବା ରାଜନ୍ଦ୍ରୁପଦେଷ୍ଟଂ କୁରୁଷ୍ବ॥ ॥ 1-214-67 (9395)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବୈବାହିକପର୍ବଣି ଚତୁର୍ଦଶାଧିକଦ୍ବିଶତତମୋଽଧ୍ଯାଯଃ॥ 214 ॥
Mahabharata - Adi Parva - Chapter Footnotes
1-214-1 ଶମିତା ଯଜ୍ଞେ ପଶୁବଧକର୍ତା ତସ୍ଯ ଭାବଃ ଶାମିତ୍ରମ୍॥ 1-214-3 ଯତ୍ର ପ୍ରଜାପତିସ୍ତତ୍ର ସୋମାଦଯଃ ସମାଜଗ୍ମୁଃ॥ 1-214-11 ତସ୍ଯାଃ ଅଶ୍ରୁବିନ୍ଦୁଃ। ସନ୍ଧିରାର୍ଷଃ॥ 1-214-21 ତତଃ ଶୀଘ୍ରମପ୍ରବେଶାଦ୍ଧେତୋଃ॥ 1-214-23 ହେ ଭବ ଅଦ୍ଯ ତ୍ବମଶେଷସ୍ଯ ଭୁବନସ୍ଯ ଆଦ୍ଯଃ ପତିରସି। ଅଦ୍ଯେତ୍ଯନେନ ମାଂ ଜିତ୍ବୈବ ନତ୍ବନ୍ଯଥେତି ସୂଚିତମ୍॥ 1-214-24 ଶେଷଂ ପ୍ରସାଦମ୍॥ 1-214-27 ଦୁରାଧରୋ ଦୁଷ୍ପ୍ରାପଃ॥ 1-214-28 ବୀର୍ଯେଣ ଶୁକ୍ରଦ୍ବାରା ପୁରୁଷମଂଶଭୂତଂ ଦଦ୍ଯାମ୍॥ 1-214-29 ତେଜସ୍ବୀ ଇନ୍ଦ୍ରାଂଶଃ॥ 1-214-31 ତୈର୍ବିଶ୍ବଭୁଗାଦିଭିଃ। ସ ଦେବୋ ମହାଦେବଃ॥ 1-214-32 ବ୍ଯଦଧାଦ୍ବିହିତବାନ୍ ଆଜ୍ଞପ୍ତବାନିତ୍ଯର୍ଥଃ। ଉଦ୍ବବର୍ହ ଉଦ୍ଧୃତବାନ୍॥ 1-214-38 ତସ୍ଯ ରାଜ୍ଞଃ। ତସ୍ମୈ ରାଜ୍ଞେ॥ ଚତୁର୍ଦଶାଧିକଦ୍ବିଶତତମୋଽଧ୍ଯାଯଃ॥ 214 ॥ଆଦିପର୍ବ - ଅଧ୍ଯାଯ 215
॥ ଶ୍ରୀଃ ॥
1.215. ଅଧ୍ଯାଯଃ 215
Mahabharata - Adi Parva - Chapter Topics
ଯୁଧିଷ୍ଠିରାଦୀନାଂ କ୍ରମେଣ ଦ୍ରୌପଦ୍ଯାଃ ପାଣିଗ୍ରହଣମ୍॥ 1 ॥Mahabharata - Adi Parva - Chapter Text
1-215-0 (9396)
ଦ୍ରୁପଦ ଉବାଚ। 1-215-0x (1202)
ଅଶ୍ରୁତ୍ବୈବଂ ବଚନଂ ତେ ମହର୍ଷେ
ମଯା ପୂର୍ବଂ ଯତିତଂ ସଂବିଧାତୁମ୍।
ନ ବୈ ଶକ୍ଯଂ ବିହିତସ୍ଯାପଯାନଂ
ତଦେବେଦମୁପପନ୍ନଂ ବିଧାନମ୍॥ 1-215-1 (9397)
ଦିଷ୍ଟସ୍ଯ ଗ୍ରନ୍ଥିରନିବର୍ତନୀଯଃ
ସ୍ବକର୍ମଣା ବିହିତଂ ତେନ କିଂଚିତ୍।
କୃତଂ ନିମିତ୍ତମିହ ନୈକହେତୋ-
ସ୍ତଦେବେଦମୁପନ୍ନଂ ବିଧାନମ୍॥ 1-215-2 (9398)
ଯଥୈବ କୃଷ୍ଣୋକ୍ତବତୀ ପୁରସ୍ତା-
ନ୍ନୈକାନ୍ପତୀନ୍ମେ ଭଗବାନ୍ଦଦାତୁ।
ସ ଚାପ୍ଯେବଂ ବରମିତ୍ଯବ୍ରବୀତ୍ତାଂ
ଦେବୋ ହି ବେତ୍ତା ପରମଂ ଯଦତ୍ର॥ 1-215-3 (9399)
ଯଦି ଚୈବଂ ବିହିତଃ ଶଙ୍କରେଣ
ଧର୍ମୋଽଧର୍ମୋ ବା ନାତ୍ର ମମାପରାଧଃ।
ଗୃହ୍ଣନ୍ତ୍ବିମେ ବିଧିତତ୍ପାଣିମସ୍ଯା
ଯଥୋପଜୋଷଂ ବିହିତୈଷାଂ ହି କୃଷ୍ଣା॥ 1-215-4 (9400)
ବ୍ଯାସ ଉବାଚ। 1-215-5x (1203)
ନାଯଂ ବିଧିର୍ମାନୁଷାଣାଂ ବିବାହେ
ଦେବା ହ୍ଯେତେ ଦ୍ରୌପଦୀ ଚାପି ଲକ୍ଷ୍ମୀଃ।
ପ୍ରାକ୍କର୍ମଣଃ ସୁକୃତାତ୍ପାଣ୍ଡବାନାଂ
ପଞ୍ଚାନାଂ ଭାର୍ଯା ଦେବଦେବପ୍ରସାଦାତ୍॥ 1-215-5 (9401)
ତେଷାମେବାଯଂ ବିହିତଃ ସ୍ଯାଦ୍ବିବାହୋ
ଯଥା ହ୍ଯେଷ ଦ୍ରୌପଦୀପାଣ୍ଡବାନାମ୍।
ଅନ୍ଯେଷାଂ ନୃଣାଂ ଯୋଷିତାଂ ଚ
ନ ଧର୍ମଃ ସ୍ଯାନ୍ମାନବୋକ୍ତୋ ନରେନ୍ଦ୍ର॥ 1-215-6 (9402)
ବୈଶମ୍ପାଯନ ଉବାଚ। 1-215-7x (1204)
ତତ ଆଜଗ୍ମତୁସ୍ତତ୍ର ତୌ ବ୍ଯାସଦ୍ରୁପଦାବୁଭୌ।
କୁନ୍ତୀ ସପୁତ୍ରା ଯତ୍ରାସ୍ତେ ଧୃଷ୍ଟଦ୍ଯୁମ୍ନଶ୍ଚ ପାର୍ଷତଃ।
ତତୋ ଦ୍ବୈପାଯନଃ କୃଷ୍ଣୋ ଯୁଧିଷ୍ଠିରମଥାଗମତ୍॥' 1-215-7 (9403)
ତତୋଽବ୍ରବୀଦ୍ଭଗବାନ୍ଧର୍ମରାଜ-
ମଦ୍ଯୈବ ପୁଣ୍ଯେଽହନି ପାଣ୍ଡବେଯ।
ପୁଣ୍ଯେ ପୁଷ୍ଯେ ଯୋଗମୁପୈତି ଚନ୍ଦ୍ରମାଃ
ପାଣିଂ କୃଷ୍ଣାଯାସ୍ତ୍ବଂ ଗୃହାଣାଦ୍ଯ ପୂର୍ବଂ॥ 1-215-8 (9404)
`ଏବମୁକ୍ତ୍ବା ଧର୍ମରାଜଂ ଭୀମାଦୀନପ୍ଯଭାଷତ॥ 1-215-9 (9405)
କ୍ରମେଣ ପୁରୁଷବ୍ଯାଘ୍ରାଃ ପାଣିଂ ଗୃହ୍ଣନ୍ତୁ ପାଣିଭିଃ।
ଏବମେବ ମଯା ସର୍ବଂ ଦୃଷ୍ଟମେତତ୍ପୁରାଽନଘାଃ॥ 1-215-10 (9406)
ବୈଶମ୍ପାଯନ ଉବାଚ। 1-215-11x (1205)
ତତୋ ରାଜା ଯଜ୍ଞସେନଃ ସପୁତ୍ରୋ
ଜନ୍ଯାର୍ଥଣୁକ୍ତଂ ବହୁ ତତ୍ତଦଗ୍ର୍ଯମ୍।
`ସମର୍ଥଯାମାସ ମହାନୁଭାବୋ
ହୃଷ୍ଟଃ ସପୁତ୍ରଃ ସହବନ୍ଧୁବର୍ଗଃ।'
ସମାନଯାମାସ ସୁତାଂ ଚ କୃଷ୍ଣା-
ମାପ୍ଲାବ୍ଯ ରତ୍ନୈର୍ବହୁଭିର୍ବିଭୂଷ୍ଯ॥ 1-215-11 (9407)
ତତସ୍ତୁ ସର୍ବେ ସୁହୃଦୋ ନୃପସ୍ଯ
ସମାଜଗ୍ମୁଃ ସହିତା ମନ୍ତ୍ରିଣଶ୍ଚ।
ଦ୍ରଷ୍ଟୁଂ ବିବାହଂ ପରମପ୍ରତୀତା
ଦ୍ବିଜାଶ୍ଚ ପୌରାଶ୍ଚ ଯଥାପ୍ରଧାନାଃ॥ 1-215-12 (9408)
ତତୋଽସ୍ଯ ବେଶ୍ମାଗ୍ର୍ଯଜନୋପଶୋଭିତଂ
ବିସ୍ତୀର୍ଣପଦ୍ମୋତ୍ପଲଭୂଷିତାଜିରମ୍।
ବଲୌଘରତ୍ନୌଘବିଚିତ୍ରମାବଭୌ
ନଭୋ ଯଥା ନିର୍ମଲତାରକାନ୍ବିତମ୍॥ 1-215-13 (9409)
ତତସ୍ତୁ ତେ କୌରବରାଜପୁତ୍ରା
ବିଭୂଷିତାଃ କୁଣ୍ଡଲିନୋ ଯୁବାନଃ।
ମହାର୍ହବସ୍ତ୍ରାମ୍ବରଚନ୍ଦନୋକ୍ଷିତାଃ
କୃତାଭିଷେକାଃ କୃତମଙ୍ଗଲକ୍ରିଯାଃ॥ 1-215-14 (9410)
ପୁରୋହିତେନାଗ୍ନିସମାନବର୍ଚସା
ସହୈବ ଧୌମ୍ଯେନ ଯତାବିଧି ପ୍ରଭୋ।
କ୍ରମେଣ ସର୍ବେ ବିବିଶୁସ୍ତତଃ ସଦୋ
ମହର୍ଷଭା ଗୋଷ୍ଠମିବାଭିନନ୍ଦିନଃ॥ 1-215-15 (9411)
ତତଃ ସମାଧାଯ ସ ବେଦପରାଗୋ
ଜୁହାବ ମନ୍ତ୍ରୈର୍ଜ୍ବଲିତଂ ହୁତାଶନମ୍।
ଯୁଧିଷ୍ଠିରଂ ଚାପ୍ଯୁପନୀଯ ମନ୍ତ୍ରବି-
ନ୍ନିଯୋଜଯାମାସ ସହୈବ କୃଷ୍ଣଯା॥ 1-215-16 (9412)
ପ୍ରଦକ୍ଷିଣଂ ତୌ ପ୍ରଗୃହୀତପାଣୀ
ସମାନଯାମାସ ସ ବେଦପରାଗଃ।
`ବିପ୍ରାଂଶ୍ଚ ସଂତର୍ପ୍ଯ ଯୁଧିଷ୍ଠିରୋ ଧନୈ-
ର୍ଗୋଭିଶ୍ଚ ରତ୍ନୈର୍ବିବିଧୈଶ୍ଚ ପୂର୍ବମ୍॥ 1-215-17 (9413)
ତଦା ସ ରାଜା ଦ୍ରୁପଦସ୍ଯ ପୁତ୍ରିକା-
ପାଣିଂ ପ୍ରଜଗ୍ରାହ ହୁତାଶନାଗ୍ରତଃ।
ଧୌମ୍ଯେନ ମନ୍ତ୍ରୈର୍ବିଧିବଦ୍ଭୁତେଽଗ୍ନୌ
ସହାଗ୍ନିକଲ୍ପୈର୍ଋଷିଭିଃ ସମେତ୍ଯ॥ 1-215-18 (9414)
ତତୋଽନ୍ତରିକ୍ଷାତ୍କୁସୁମାନି ପେତୁ-
ର୍ବବୌ ଚ ବାଯୁଃ ସୁମନୋଜ୍ଞଗନ୍ଧଃ।
ତତୋଽଭ୍ଯନୁଜ୍ଞାପ୍ଯ ସମାଜଶୋଭିତଂ
ଯୁଧିଷ୍ଠିରଂ ରାଜପୁରୋହିତସ୍ତଦା॥ 1-215-19 (9415)
ବିପ୍ରାଂଶ୍ଚ ସର୍ବାନ୍ସୁହୃଦଶ୍ଚ ରାଜ୍ଞଃ
ସମେତ୍ଯ ରାଜାନମଦୀନସତ୍ବମ୍।
ଜଗାଦ ଭୂଯୋଽପି ମହାନୁଭାବୋ
ବଚୋଽର୍ଥଯୁକ୍ତଂ ମନୁଜେଶ୍ବରଂ ତମ୍॥ 1-215-20 (9416)
ଗୃହ୍ଣନ୍ତ୍ବଥାନ୍ଯେ ନରଦେବକନ୍ଯା-
ପାଣିଂ ଯଥାବନ୍ନରଦେବପୁତ୍ରାଃ।
ତମଭ୍ଯନନ୍ଦଦ୍ଦ୍ରୁପଦସ୍ତଥା ଦ୍ବିଜଂ
ତଥା କୁରୁଷ୍ବେତି ତମାଦିଦେଶ॥ 1-215-21 (9417)
ପୁରୋହିତସ୍ଯାନୁମତେନ ରାଜ୍ଞ-
ସ୍ତେ ରାଜପୁତ୍ରା ମୁଦିତା ବଭୂବୁଃ।
କ୍ରମେଣ ଚାନ୍ଯେ ଚ ନରାଧିପାତ୍ମଜା
ବରସ୍ତ୍ରିଯାସ୍ତେ ଜଗୃହୁଃ କରଂ ତଦା॥' 1-215-22 (9418)
ଅହନ୍ଯହନ୍ଯୁତ୍ତମରୂପଧାରିଣୋ
ମହାରଥାଃ କୌରବବଂଶବର୍ଧନାଃ॥ 1-215-23 (9419)
ଇଦଂ ଚ ତତ୍ରାଦ୍ଭୁତରୂପମୁତ୍ତମଂ
ଜଗାଦ ଦେବର୍ଷିରତୀତମାନୁଷମ୍।
ମହାନୁଭାବା କିଲ ସା ସୁମଧ୍ଯମା
ବଭୂବ କନ୍ଯୈବ ଗତେ ଗତେଽହନି॥ 1-215-24 (9420)
`ପତିଶ୍ବଶୁରତା ଜ୍ଯେଷ୍ଠେ ପତିଦେବରତାଽନୁଜେ।
ମଧ୍ଯମେଷୁ ଚ ପାଞ୍ଚାଲ୍ଯାସ୍ତ୍ରିତଯଂ ତ୍ରିତଯଂ ତ୍ରିଷୁ॥' 1-215-25 (9421)
କୃତେ ବିବାହେ ଦ୍ରୁପଦୋ ଧନଂ ଦଦୌ
ମହାରଥେଭ୍ଯୋ ବହୁରୂପମୁତ୍ତମମ୍।
ଶତଂ ରଥାନାଂ ବରହେମମାଲିନାଂ
ଚତୁର୍ଯୁଜାଂ ହେମଖଲୀନମାଲିନାମ୍॥ 1-215-26 (9422)
ଶତଂ ଗଜାନାମପି ପଦ୍ମିନାଂ ତଥା
ଶତଂ ଗିରିଣାମିବ ହେମଶୃଙ୍ଗିଣାମ୍।
ତଥୈବ ଦାସୀଶତମଗ୍ର୍ଯଯୌବନଂ
ମହାର୍ହବେଷାଭରଣାମ୍ବରସ୍ରଜମ୍॥ 1-215-27 (9423)
ପୃଥକ୍ପୃଥଗ୍ଦିବ୍ଯଦୃଶାଂ ପୁନର୍ଦଦୌ
ତଦା ଧନଂ ସୌମକିରଗ୍ନିସାକ୍ଷିକମ୍।
ତଥୈବ ବସ୍ତ୍ରାଣି ବିଭୂଷଣାନି
ପ୍ରଭାବଯୁକ୍ତାନି ମହାନୁଭାବଃ॥ 1-215-28 (9424)
କୃତେ ବିବାହେ ଚ ତତସ୍ତୁ ପାଣ୍ଡବାଃ
ପ୍ରଭୂତରତ୍ନାମୁପଲଭ୍ଯ ତାଂ ଶ୍ରିଯମ୍।
ବିଜହ୍ରୁରିନ୍ଦ୍ରପ୍ରତିମା ମହାବଲାଃ
ପୁରେ ତୁ ପାଞ୍ଚାଲନୃପସ୍ଯ ତସ୍ଯ ହ॥ ॥ 1-215-29 (9425)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବୈବାହିକପର୍ବଣି ପଞ୍ଚଦଶାଧିକଦ୍ବିଶତତମୋଽଧ୍ଯାଯଃ॥ 215 ॥
Mahabharata - Adi Parva - Chapter Footnotes
1-215-26 ଚତୁର୍ଯୁଜାମଶ୍ବଚତୁଷ୍ଟଯଯୁଜାମ୍॥ ପଞ୍ଚଦଶାଧିକଦ୍ବିଶତତମୋଽଧ୍ଯାଯଃ॥ 215 ॥ଆଦିପର୍ବ - ଅଧ୍ଯାଯ 216
॥ ଶ୍ରୀଃ ॥
1.216. ଅଧ୍ଯାଯଃ 216
Mahabharata - Adi Parva - Chapter Topics
ଦ୍ରୌପଦୀଂପ୍ରତି କୁନ୍ତ୍ଯା ଆଶୀର୍ବାଦଃ॥ 1 ॥ ଶ୍ରୀକୃଷ୍ଣପ୍ରେଷିତାଲଂକାରାଦୀନାଂ ପାଣ୍ଡବୈଃ ସ୍ବୀକାରଃ॥ 2 ॥Mahabharata - Adi Parva - Chapter Text
1-216-0 (9426)
ବୈଶମ୍ପାଯନ ଉବାଚ। 1-216-0x (1206)
ପାଣ୍ଡବୈଃ ସହ ସଂଯୋଗଂ ଗତସ୍ଯ ଦ୍ରୁପଦସ୍ଯ ହ।
ନ ବଭୂବ ଭଯଂ କିଂଚିଦ୍ଦେବେଭ୍ଯୋଽପି କଥଂଚନ॥ 1-216-1 (9427)
କୁନ୍ତୀମାସାଦ୍ଯ ତା ନାର୍ଯୋ ଦ୍ରୁପଦସ୍ଯ ମହାତ୍ମନଃ।
ନାମ ସଂକୀର୍ତଯନ୍ତ୍ଯୋଽସ୍ଯା ଜଗ୍ମୁଃ ପାଦୌ ସ୍ବମୂର୍ଧଭିଃ॥ 1-216-2 (9428)
କୃଷ୍ଣା ଚ କ୍ଷୌମସଂବୀତା କୃତକୌତୁକମଙ୍ଗଲା।
କୃତାଭିବାଦନା ଶ୍ବଶ୍ର୍ବାସ୍ତସ୍ଥୌ ପ୍ରହ୍ବା କୃତାଞ୍ଜଲିଃ॥ 1-216-3 (9429)
ରୂପଲକ୍ଷଣସଂପନ୍ନାଂ ଶୀଲାଚାରସମନ୍ବିତାମ୍।
ଦ୍ରୌପଦୀମବଦତ୍ପ୍ରେମ୍ଣା ପୃଥାଶୀର୍ବଚନଂ ସ୍ନୁଷାମ୍॥ 1-216-4 (9430)
ଯଥେନ୍ଦ୍ରାଣୀ ହରିହଯେ ସ୍ବାହା ଚୈବ ବିଭାବସୌ।
ରୋହିଣୀ ଚ ଯଥା ସୋମେ ଦମଯନ୍ତୀ ଯଥା ନଲେ॥ 1-216-5 (9431)
ଯଥା ବୈଶ୍ରବଣେ ଭଦ୍ରା ବସିଷ୍ଠେ ଚାପ୍ଯରୁନ୍ଧତୀ।
ଯଥା ନାରାଯଣେ ଲକ୍ଷ୍ମୀସ୍ତଥା ତ୍ବଂ ଭବ ଭର୍ତୃଷୁ॥ 1-216-6 (9432)
ଜୀବସୂର୍ବୀରସୂର୍ଭଦ୍ରେ ବହୁସୌଖ୍ଯସମନ୍ବିତା।
ସୁଭଗା ଭୋଗସଂପନ୍ନା ଯଜ୍ଞପତ୍ନୀ ପତିବ୍ରତା॥ 1-216-7 (9433)
ଅତିଥୀନାଗତାନ୍ସାଧୂନ୍ବୃଦ୍ଦାନ୍ବାଲାଂସ୍ତଥା ଗୁରୂନ୍।
ପୂଜଯନ୍ତ୍ଯା ଯଥାନ୍ଯାଯଂ ଶଶ୍ବଦ୍ଗଚ୍ଛନ୍ତୁ ତେ ସମାଃ॥ 1-216-8 (9434)
କୁରୁଜାଙ୍ଗଲମୁଖ୍ଯେଷୁ ରାଷ୍ଟ୍ରେଷୁ ନଗରେଷୁ ଚ।
ଅନୁ ତ୍ବମଭିଷିଚ୍ଯସ୍ବ ନୃପତିଂ ଧର୍ମବତ୍ସଲା॥ 1-216-9 (9435)
ପତିଭିର୍ନିର୍ଜିତାମୁର୍ବୀଂ ବିକ୍ରମେଣ ମହାବଲୈଃ।
କୁରୁ ବ୍ରାହ୍ମଣସାତ୍ସର୍ବାମଶ୍ବମେଧେ ମହାକ୍ରତୌ॥ 1-216-10 (9436)
ପୃଥିବ୍ଯାଂ ଯାନି ରତ୍ନାନି ଗୁଣବନ୍ତି ଗୁଣାନ୍ବିତେ।
ତାନ୍ଯାପ୍ନୁହି ତ୍ବଂ କଲ୍ଯାଣି ସୁଖିନୀ ଶରଦାଂ ଶତଂ॥ 1-216-11 (9437)
ଯଥା ଚ ତ୍ବାଽଭିନନ୍ଦାମି ବଧ୍ବଦ୍ଯ କ୍ଷୌମସଂବୃତାମ୍।
ତଥା ଭୂଯୋଽଭିନନ୍ଦିଷ୍ଯେ ଜାତପୁତ୍ରାଂ ଗୁଣାନ୍ବିତାଂ॥ 1-216-12 (9438)
ବୈଶମ୍ପାଯନ ଉବାଚ। 1-216-13x (1207)
ତତସ୍ତୁ କୃତଦାରେଭ୍ଯଃ ପାଣ୍ଡୁଭ୍ଯଃ ପ୍ରାହିଣୋଦ୍ଧରିଃ।
ବୈଦୂର୍ଯମଣିଚିତ୍ରାଣି ହୈମାନ୍ଯାଭରଣାନି ଚ॥ 1-216-13 (9439)
ବାସାଂସି ଚ ମହାର୍ହାଣି ନାନାଦେଶ୍ଯାନି ମାଧବଃ।
କମ୍ବଲାଜିନରତ୍ନାନି ସ୍ପର୍ଶବନ୍ତି ଶୁଭାନି ଚ॥ 1-216-14 (9440)
ଶଯନାସନଯାନାନି ବିବିଧାନି ମହାନ୍ତି ଚ।
ବୈଦୂର୍ଯବଜ୍ରଚିତ୍ରାଣି ଶତଶୋ ଭାଜନାନି ଚ॥ 1-216-15 (9441)
ରୂପଯୌବନଦାକ୍ଷିଣ୍ଯୈରୁପେତାଶ୍ଚ ସ୍ବଲଙ୍କୃତାଃ।
ପ୍ରେଷ୍ଯାଃ ସଂପ୍ରଦଦୌ କୃଷ୍ଣୋ ନାନାଦେଶ୍ଯାଃ ସ୍ବଲଙ୍କୃତାଃ॥ 1-216-16 (9442)
ଗଜାନ୍ବିନୀତାନ୍ଭଦ୍ରାଂଶ୍ଚ ସଦଶ୍ବାଂଶ୍ଚ ସ୍ବଲଙ୍କୃତାନ୍।
ରଥାଂଶ୍ଚ ଦାନ୍ତାନ୍ସୌବର୍ଣୈଃ ଶୁଭ୍ରୈଃ ପଟ୍ଟୈରଲଙ୍କୃତାନ୍॥ 1-216-17 (9443)
କୋଟିଶଶ୍ଚ ସୁବର୍ଣଂ ଚ ତେଷାମକୃତକଂ ତଥା।
ବୀଥୀକୃତମମେଯାତ୍ମା ପ୍ରାହିଣୋନ୍ମଧୁସୂଦନଃ॥ 1-216-18 (9444)
ତତ୍ସର୍ବଂ ପ୍ରତିଜଗ୍ରାହ ଧର୍ମରାଜୋ ଯୁଧିଷ୍ଠିରଃ।
ମୁଦା ପରମଯା ଯୁକ୍ତୋ ଗୋବିନ୍ଦପ୍ରିଯକାମ୍ଯଯା॥ ॥ 1-216-19 (9445)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବୈବାହିକପର୍ବଣି ଷୋଡଶାଧିକଦ୍ବିଶତତମୋଽଧ୍ଯାଯଃ॥ 216 ॥ ॥ ସମାପ୍ତଂ ବୈବାହିକପର୍ବ ॥
Mahabharata - Adi Parva - Chapter Footnotes
1-216-12 ହେ ବଧୁ ଅଦ୍ଯ॥ ଷୋଡଶାଧିକଦ୍ବିଶତତମୋଽଧ୍ଯାଯଃ॥ 216 ॥ଆଦିପର୍ବ - ଅଧ୍ଯାଯ 217
॥ ଶ୍ରୀଃ ॥
1.217. ଅଧ୍ଯାଯଃ 217
(ଅଥ ବିଦୁରାଗମନରାଜ୍ଯଲାଭପର୍ବ ॥ 14 ॥)
Mahabharata - Adi Parva - Chapter Topics
ଚାରଦ୍ବାରା ପାଣ୍ଡବବିବାହାଦିବୃତ୍ତାନ୍ତଶ୍ରବଣେନ ଅନ୍ଯୈଃ ରାଜଭିଃ ଭୀଷ୍ମଧୃତରାଷ୍ଟ୍ରାଦୀନାଂ ଧିକ୍କାରଃ॥ 1 ॥ ଧାର୍ତରାଷ୍ଟ୍ରୈଃ ପାଣ୍ଡବାନ୍ପ୍ରତି ମନ୍ତ୍ରାଲୋଚନଂ॥ 2 ॥ ପାଣ୍ଡବା ହନ୍ତବ୍ଯା ଇତି ଶକୁନେରୁକ୍ତିଃ॥ 3 ॥ ପାଣ୍ଡବାନାଂ ହନ୍ତୁମଶକ୍ଯତ୍ବାତ୍ତୈଃ ସହ ସନ୍ଧିଃ କର୍ତବ୍ଯ ଇତି ସୌମଦତ୍ତେରୁକ୍ତିଃ॥ 4 ॥Mahabharata - Adi Parva - Chapter Text
1-217-0 (9446)
ବୈଶମ୍ପାଯନ ଉବାଚ। 1-217-0x (1208)
ତତୋ ରାଜ୍ଞାଂ ଚୈରରାପ୍ତୈଃ ପ୍ରବୃତ୍ତିରୁପନୀଯତ।
ପାଣ୍ଡବୈରୁପସଂପନ୍ନା ଦ୍ରୌପଦୀ ପତିଭିଃ ଶୁଭା॥ 1-217-1 (9447)
ଯେନ ତଦ୍ଧନୁରାଦାଯ ଲକ୍ଷ୍ଯଂ ବିଦ୍ଧଂ ମହାତ୍ମନା।
ସୋଽର୍ଜୁନୋ ଜଯତାଂ ଶ୍ରେଷ୍ଠୋ ମହାବାଣଧନୁର୍ଧରଃ॥ 1-217-2 (9448)
ଯଃ ଶଲ୍ଯଂ ମଦ୍ରରାଜଂ ବୈ ପ୍ରୋତ୍କ୍ଷିପ୍ଯାପାତଯଦ୍ବଲୀ।
ତ୍ରାସଯାମାସ ସଂକ୍ରୁଦ୍ଧୋ ବୃକ୍ଷେଣ ପୁରୁଷାନ୍ରଣେ॥ 1-217-3 (9449)
ନ ଚାସ୍ଯ ସଂଭ୍ରମଃ କଶ୍ଚିଦାସୀତ୍ତତ୍ର ମହାତ୍ମନଃ।
ସ ଭୀମୋ ଭୀମସଂସ୍ପର୍ଶଃ ଶତ୍ରୁସେନାଙ୍ଗପାତନଃ॥ 1-217-4 (9450)
`ଯୋଽସାବତ୍ଯକ୍ରମୀଦ୍ଯୁଧ୍ଯନ୍ଯୁଦ୍ଧେ ଦୁର୍ଯୋଧନଂ ତଥା।
ସ ରାଜା ପାଣ୍ଡବଶ୍ରେଷ୍ଠଃ ପୁଣ୍ଯଭାଗ୍ବୁଦ୍ଧିବର୍ଧନଃ॥ 1-217-5 (9451)
ଦୁର୍ଯୋଧନସ୍ଯାବରଜୈର୍ଯୌ ଯୁଧ୍ଯେତାଂ ପ୍ରତୀପବତ୍।
ତୌ ଯମୌ ବୃତ୍ତସଂପନ୍ନୌ ସଂପନ୍ନବଲବିକ୍ରମୌ॥' 1-217-6 (9452)
ବ୍ରହ୍ମରୂପଧରାଞ୍ଶ୍ରୁତ୍ବା ପ୍ରଶାନ୍ତାନ୍ପାଣ୍ଡୁନନ୍ଦନାନ୍।
କୌନ୍ତେଯାନ୍ମନୁଜେନ୍ଦ୍ରାଣାଂ ବିସ୍ମଯଃ ସମଜାଯତ॥ 1-217-7 (9453)
`ପୌରା ହି ସର୍ବେ ରାଜନ୍ଯାଃ ସମପଦ୍ଯନ୍ତ ବିସ୍ମିତାଃ।'
ସପୁତ୍ରା ହି ପୁରା କୁନ୍ତୀ ଦଗ୍ଧା ଜତୁଗୃହେ ଶ୍ରୁତା॥ 1-217-8 (9454)
`ସର୍ବଭୂମିପତୀନାଂ ଚ ରାଷ୍ଟ୍ରାଣାଂ ଚ ଯଶସ୍ବିନୀ।'
ପୁନର୍ଜାତାନିବ ଚ ତାଂସ୍ତେଽମନ୍ଯନ୍ତ ନରାଧିପାଃ॥ 1-217-9 (9455)
ଧିଗକୁର୍ବଂସ୍ତଦା ଭୀଷ୍ମଂ ଧୃତରାଷ୍ଟ୍ରଂ ଚ କୌରବମ୍।
କର୍ମଣାଽତିନୃଶଂସେନ ପୁରୋଚନକୃତେନ ବୈ॥ 1-217-10 (9456)
ଧାର୍ମିକାନ୍ବୃତ୍ତସଂପନ୍ନାନ୍ମାତୁଃ ପ୍ରିଯହିତେ ରତାନ୍।
ଯଦା ତାନୀଦୃଶାନ୍ପାର୍ଥାନୁତ୍ସାଦଯିତୁମିଚ୍ଛତି॥ 1-217-11 (9457)
ତତଃ ସ୍ବଯଂବରେ ବୃତ୍ତେ ଧାର୍ତରାଷ୍ଟ୍ରାଶ୍ଚ ଭାରତ।
ମନ୍ତ୍ରଯନ୍ତି ତତଃ ସର୍ବେ କର୍ଣସୌବଲଦୂଷିତାଃ॥ 1-217-12 (9458)
ଶକୁନିରୁବାଚ। 1-217-13x (1209)
କଶ୍ଚିଚ୍ଛତ୍ରୁଃ କର୍ଶନୀଯଃ ପୀଡନୀଯସ୍ତଥାଽପରଃ।
ଉତ୍ସାଦନୀଯାଃ କୌନ୍ତେଯାଃ ସର୍ବକ୍ଷତ୍ରସ୍ଯ ମେ ମତାଃ॥ 1-217-13 (9459)
ଏବଂ ପରାଜିତାଃ ସର୍ବେ ଯଦି ଯୂଯଂ ଗମିଷ୍ଯଥ।
ଅକୃତ୍ବା ସଂବିଦଂ କାଂଚିନ୍ମନସ୍ତପ୍ସ୍ଯତ୍ଯସଂଶଯମ୍॥ 1-217-14 (9460)
ଅଯଂ ଦେଶଶ୍ଚ କାଲଶ୍ଚ ପାଣ୍ଡବାହରଣାଯ ନଃ।
ନ ଚେଦେବଂ କରିଷ୍ଯଧ୍ବଂ ଲୋକେ ହାସ୍ଯା ଭବିଷ୍ଯଥ॥ 1-217-15 (9461)
ଯମେତେ ସଂଶ୍ରିତା ବସ୍ତୁଂ କାମଯନ୍ତେ ଚ ଭୂମିପମ୍।
ସୋଽଲ୍ପବୀର୍ଯବଲୋ ରାଜା ଦ୍ରୁପଦୋ ବୈ ମତୋ ମମ॥ 1-217-16 (9462)
ଯାବଦେତାନ୍ନ ଜାନନ୍ତି ଜୀବତୋ ବୃଷ୍ଣିପୁଙ୍ଗବାଃ।
ଚୈଦ୍ଯଶ୍ଚ ପୁରୁଷବ୍ଯାଘ୍ରଃ ଶିଶୁପାଲଃ ପ୍ରତାପବାନ୍॥ 1-217-17 (9463)
ଏକୀଭାବଂ ଗତୋ ରାଜ୍ଞା ଦ୍ରୁପଦେନ ମହାତ୍ମନା।
ଦୁରାଧର୍ଷତରା ରାଜନ୍ଭବିଷ୍ଯନ୍ତି ନ ସଂଶଯଃ॥ 1-217-18 (9464)
ଯାବଚ୍ଚଞ୍ଚଲତାଂ ସର୍ବେ ପ୍ରାପ୍ନୁବନ୍ତି ନରାଧିପାଃ।
ତାବଦେବ ବ୍ଯବସ୍ଯାମଃ ପାଣ୍ଡବାନାଂ ବଧଂ ପ୍ରତି॥ 1-217-19 (9465)
ମୁକ୍ତା ଜତୁଗୃହାଦ୍ଭୀମାଦାଶୀବିଷମୁଖାଦିବ।
ପୁନସ୍ତେ ଯଦି ମୁଚ୍ଯନ୍ତେ ମହନ୍ନୋ ଭଯମାଗତମ୍॥ 1-217-20 (9466)
ତେଷାମିହୋପଯାତାନାମେଷାଂ ତୁ ଚିରବାସିନାମ୍।
ଅନ୍ତରେ ଦୁଷ୍କରଂ ସ୍ଥାତୁଂ ଗଜଯୋର୍ମହତୋରିବ॥ 1-217-21 (9467)
ହନଧ୍ବଂ ପ୍ରଗୃହୀତାନି ବଲାନି ବଲିନାଂ ବରାଃ।
ଯାବନ୍ନଃ କୁରୁସେନାଯାଂ ପତନ୍ତି ପତଗା ଇବ॥ 1-217-22 (9468)
ତାବତ୍ସର୍ବାଭିସାରେଣ ପୁରମେତଦ୍ବିହନ୍ଯତାମ୍।
ଏତନ୍ମମ ମତଂ ଚୈବ ପ୍ରାପ୍ତକାଲଂ ନରର୍ଷଭ॥ 1-217-23 (9469)
ବୈଶମ୍ପାଯନ ଉବାଚ। 1-217-24x (1210)
ଶକୁନେର୍ବଚନଂ ଶ୍ରୁତ୍ବା ଭାଷମାଣସ୍ଯ ଦୁର୍ମତେଃ।
ସୋମଦତ୍ତିରିଦଂ ବାକ୍ଯଂ ଜଗାଦ ପରମଂ ତତଃ॥ 1-217-24 (9470)
ପ୍ରକୃତୀଃ ସପ୍ତ ବୈ ଜ୍ଞାତ୍ବା ଆତ୍ମନଶ୍ଚ ପରସ୍ଯ ଚ।
ତଥା ଦେଶଂ ଚ କାଲଂ ଚ ଷଡ୍ବିଧାନ୍ସ ନଯୋଦ୍ଗୁଣାନ୍॥ 1-217-25 (9471)
ସ୍ଥାନଂ ବୃଦ୍ଧିଂ କ୍ଷଯଂ ଚୈବ ଭୂମିଂ ମିତ୍ରାଣି ବିକ୍ରମମ୍।
ପ୍ରସମୀକ୍ଷ୍ଯାଭିଯୁଞ୍ଜୀତ ପରଂ ବ୍ଯସନପୀଡିତମ୍॥ 1-217-26 (9472)
ତତୋଽହଂ ପାଣ୍ଡବାନ୍ମନ୍ଯେ ମିତ୍ରକୋଶସମନ୍ବିତାନ୍।
ବଲସ୍ଥାନ୍ବିକ୍ରମସ୍ଥାଂଶ୍ଚ ସ୍ବକୃତୈଃ ପ୍ରକୃତିପ୍ରିଯାନ୍॥ 1-217-27 (9473)
ବପୁଷା ହି ତୁ ଭୂତାନାଂ ନେତ୍ରାଣି ହୃଦଯାନି ଚ।
ଶ୍ରୋତ୍ରଂ ମଧୁରଯା ବାଚା ରମଯତ୍ଯର୍ଜୁନୋ ନୃଣାମ୍॥ 1-217-28 (9474)
ନ ତୁ କେବଲଦୈବେନ ପ୍ରଜା ଭାବେନ ଭେଜିରେ।
ଯଦ୍ବଭୂବ ମନଃକାନ୍ତଂ କର୍ମଣା ସ ଚକାର ତତ୍॥ 1-217-29 (9475)
ନ ହ୍ଯଯୁକ୍ତଂ ନ ଚାସକ୍ତଂ ନାନୃତଂ ନ ଚ ବିପ୍ରିଯମ୍।
ଭାଷିତଂ ଚାରୁଭାଷସ୍ଯ ଜଜ୍ଞେ ପାର୍ଥସ୍ଯ ଭାରତୀ॥ 1-217-30 (9476)
ତାନେବଂଗୁଣସଂପନ୍ନାନ୍ସଂପନ୍ନାନ୍ରାଜଲକ୍ଷଣୈଃ।
ନ ତାନ୍ପଶ୍ଯାମି ଯେ ଶକ୍ତାଃ ସମୁଚ୍ଛେତ୍ତୁଂ ଯଥା ବଲାତ୍॥ 1-217-31 (9477)
ପ୍ରଭାବଶକ୍ତିର୍ବିପୁଲା ମନ୍ତ୍ରଶକ୍ତିଶ୍ଚ ପୁଷ୍କଲା।
ତଥୈବୋତ୍ସାହଶକ୍ତିଶ୍ଚ ପାର୍ଥେଷ୍ବପ୍ଯଧିତିଷ୍ଠତି॥ 1-217-32 (9478)
ମୌଲମିତ୍ରବଲାନାଂ ଚ କାଲଜ୍ଞୋ ବୈ ଯୁଧିଷ୍ଠିରଃ।
ସାମ୍ନା ଦାନେନ ଭେଦେନ ଦଣ୍ଡେନେତି ଯୁଧିଷ୍ଠିରଃ॥ 1-217-33 (9479)
ଅମିତ୍ରାଂଶ୍ଚ ତତୋ ଜେତୁନଂ ନ ରୋଷେଣେତି ମେ ମତିଃ।
ପରିକ୍ରୀଯ ଧନୈଃ ଶତ୍ରୁଂ ମିତ୍ରାଣି ଚ ବଲାନି ଚ॥ 1-217-34 (9480)
ମୂଲଂ ଚ ସୁକୃତଂ କୃତ୍ବା ଭୁଙ୍କ୍ତେ ଭୂମିଂ ଚ ପାଣ୍ଡବଃ।
ଅଶକ୍ଯାନ୍ପାଣ୍ଡବାନ୍ମନ୍ଯେ ଦେବୈରପି ସବାସବୈଃ॥ 1-217-35 (9481)
ଯେଷାମର୍ଥେ ସଦା ଯୁକ୍ତୌ କୃଷ୍ଣସଂକର୍ଷଣାବୁଭୌ।
ଶ୍ରେଯଶ୍ଚ ଯଦି ମନ୍ଯଦ୍ବଂ ମନ୍ମତଂ ଯଦି ବା ମତମ୍॥ 1-217-36 (9482)
ସଂବିଦଂ ପାଣ୍ଡବୈଃ ସର୍ବୈଃ କୃତ୍ବା ଯାମ ଯଥାଗତମ୍।
ଗୋପୁରାଟ୍ଟାଲକୈରୁଚ୍ଚୈରୁପତଲ୍ପଶତୈରପି॥ 1-217-37 (9483)
ଗୁପ୍ତଂ ପୁରବରଶ୍ରେଷ୍ଠମେତଦଦ୍ଭିଶ୍ଚ ସଂବୃତମ୍।
ତୃଣଧାନ୍ଯେନ୍ଧରସୈସ୍ତଥା ଯନ୍ତ୍ରାଯୁଧୌଷଧୈଃ॥ 1-217-38 (9484)
ଯୁକ୍ତଂ ବହୁକବାଟୈଶ୍ଚ ଦ୍ରବ୍ଯାଗାରସୁବେଦିକୈଃ।
ଭୀମୋଚ୍ଛ୍ରିତମହାଚକ୍ରଂ ବୃହଦଟ୍ଟାଲସଂବୃତମ୍॥ 1-217-39 (9485)
ଦୃଢପ୍ରାକାରନିର୍ଯୂହଂ ଶତଘ୍ନୀଶତସଂକୁଲମ୍।
ଐଷ୍ଟକୋ ଦାରବୋ ବପ୍ରୋ ମାନୁଷଶ୍ଚେତି ଯଃ ସ୍ମୃତଃ॥ 1-217-40 (9486)
ପ୍ରାକାରକର୍ତୃଭିର୍ବୀରୈର୍ନୃଗର୍ଭସ୍ତତ୍ର ପୂଜିତଃ।
ତଦେତନ୍ନରଗର୍ଭେଣ ପାଣ୍ଡରେଣ ବିରାଜତେ॥ 1-217-41 (9487)
ସାଲେନାନେକତାଲେନ ସର୍ବତଃ ସଂବୃତଂ ପୁରମ୍।
ଅନୁରକ୍ତାଃ ପ୍ରକୃତଯୋ ଦ୍ରୁପଦସ୍ଯ ମହାତ୍ମନଃ॥ 1-217-42 (9488)
ଦାନମାନାର୍ଜିତାଃ ସର୍ବେ ବାହ୍ଯାଭ୍ଯନ୍ତରଗାଶ୍ଚ ଯେ।
ପ୍ରତିରୁଦ୍ଧାନିମାଞ୍ଜ୍ଞାତ୍ବା ରାଜଭିର୍ଭୀମବିକ୍ରମୈଃ॥ 1-217-43 (9489)
ଉପଯାସ୍ଯନ୍ତି ଦାଶାର୍ହାଃ ସମୁଦଗ୍ରୋଚ୍ଛ୍ରିତାଯୁଧାଃ।
ତସ୍ମାତ୍ସଂନ୍ଧିଂ ବଯଂ କୃତ୍ବା ଧାର୍ତରାଷ୍ଟ୍ରସ୍ଯ ପାଣ୍ଡବୈଃ॥ 1-217-44 (9490)
ସ୍ବରାଷ୍ଟ୍ରମେବ ଗଚ୍ଛାମୋ ଯଦ୍ଯାପ୍ତଂ ବଚନଂ ମମ।
ଏତନ୍ମମ ମତଂ ସର୍ବୈଃ କ୍ରିଯତାଂ ଯଦି ରୋଚତେ।
ଏତଦ୍ଧି ସୁକୃତଂ ମନ୍ଯେ କ୍ଷେମଂ ଚାପି ମହୀଭିତାମ୍॥ ॥ 1-217-45 (9491)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବିଦୁରାଗମନରାଜ୍ଯଲାଭପର୍ବଣି ସପ୍ତଦଶାଧିକଦ୍ବିଶତତମୋଽଧ୍ଯାଯଃ॥ 217 ॥
Mahabharata - Adi Parva - Chapter Footnotes
1-217-29 ଭେଜିର ଅର୍ଜୁନମିତି ଶେଷଃ॥ ସପ୍ତଦଶାଧିକଦ୍ବିଶତତମୋଽଧ୍ଯାଯଃ॥ 217 ॥ଆଦିପର୍ବ - ଅଧ୍ଯାଯ 218
॥ ଶ୍ରୀଃ ॥
1.218. ଅଧ୍ଯାଯଃ 218
Mahabharata - Adi Parva - Chapter Topics
ପାଣ୍ଡବା ହନ୍ତବ୍ଯା ଏବେତି କର୍ଣସ୍ଯୋକ୍ତିଃ॥ 1 ॥ ପାଞ୍ଚାଲନଗରଂପ୍ରତି ଯୁଦ୍ଧାର୍ଥଂ ଦୁର୍ଯୋଧନାଦୀନାଂ ଗମନମ୍॥ 2 ॥ ତୈଃ ସହ ଯୋଦ୍ଧୁଂ ସପାଣ୍ଡବସ୍ଯ ଦ୍ରୁପଦସ୍ଯାଗମନମ୍॥ 3 ॥ କର୍ଣଜଯଦ୍ରଥାଭ୍ଯାଂ ସୁମିତ୍ରପ୍ରିଯଦର୍ଶନଯୋର୍ବଧଃ॥ 4 ॥ ଅର୍ଜୁନେନ କର୍ଣଜଯଦ୍ରଥପୁତ୍ରଯୋର୍ବଧଃ॥ 5 ॥ କର୍ଣଦୁର୍ଯୋଧନାଦୀନାଂ ପରାଜଯଃ॥ 6 ॥ ପରାଜିତାନାଂ ତେଷାଂ ହାସ୍ତିନପୁରଗମନମ୍॥ 7 ॥ କୃଷ୍ଣବଲରାମଯୋଃ ପାଞ୍ଚାଲପୁରେ ବାସଃ॥ 8 ॥Mahabharata - Adi Parva - Chapter Text
1-218-0 (9492)
ବୈଶମ୍ପାଯନ ଉବାଚ। 1-218-0x (1211)
ସୌମଦତ୍ତେର୍ବଚଃ ଶ୍ରୁତ୍ବା କର୍ଣୋ ବୈକର୍ତନୋ ବୃଷା।
ଉବାଚ ବଚନଂ କାଲେ କାଲଜ୍ଞଃ ସର୍ବକର୍ମଣାମ୍॥ 1-218-1 (9493)
ନୀତିପୂର୍ବମିଦଂ ସର୍ବମୁକ୍ତଂ ବଚନମର୍ଥବତ୍।
ବଚନଂ ନାଭ୍ଯସୂଯାମି ଶ୍ରୂଯତାଂ ଯଦ୍ବଚସ୍ତ୍ବିତି॥ 1-218-2 (9494)
ଦ୍ବୈଧୀଭାବୋ ନ ଗନ୍ତବ୍ଯଃ ସର୍ବକର୍ମସୁ ମାନବୈଃ।
ଦ୍ବିଧାଭୂତେନ ମନସା ଅନ୍ଯତ୍କର୍ମ ନ ସିଧ୍ଯତି॥ 1-218-3 (9495)
ସଂପ୍ରଯାଣାସନାଭ୍ଯାଂ ତୁ କର୍ଶନେନ ତଥୈବ ଚ।
ନୈତଚ୍ଛକ୍ଯଂ ପୁରଂ ହର୍ତୁମାକ୍ରନ୍ଦଶ୍ଚାପ୍ଯଶୋଭନଃ॥ 1-218-4 (9496)
ଅବମର୍ଦନକାଲୋଽତ୍ର ମତଶ୍ଚିନ୍ତଯତୋ ମମ।
ଯାବନ୍ନୋ ବୃଷ୍ଣଯଃ ପାର୍ଷ୍ଣିଂ ନ ଗୃହ୍ଣନ୍ତିରଣପ୍ରିଯାଃ॥ 1-218-5 (9497)
ଭବନ୍ତଶ୍ଚ ତଥା ହୃଷ୍ଟାଃ ସ୍ବବାହୁବଲଶାଲିନଃ।
ପ୍ରାକାରମବମୃଦ୍ରନ୍ତୁ ପରିଘାଃ ପୂରଯନ୍ତ୍ବପି॥ 1-218-6 (9498)
ପ୍ରସ୍ରାବଯନ୍ତୁ ସଲିଲଂ କ୍ରିଯତାଂ ବିଷମଂ ସମମ୍।
ତୃଣକାଷ୍ଠେନ ମହତା ଖାତମସ୍ଯ ପ୍ରପୂର୍ଯତାମ୍॥ 1-218-7 (9499)
ଘୁଷ୍ଯତାଂ ରାଜମାର୍ଗେଷୁ ପରେଷାଂ ଯୋ ହନିଷ୍ଯତି।
ନାଗମଶ୍ବଂ ପଦାତିଂ ବା ଦାନମାନଂ ସ ଲପ୍ସ୍ଯତି॥ 1-218-8 (9500)
ନାଗେ ଦଶସହସ୍ରାଣି ପଞ୍ଚ ଚାଶ୍ବପଦାତିଷୁ।
ରଥେ ବୈ ଦ୍ବିଗୁଣଂ ନାଗାଦ୍ବସୁ ଦାସ୍ଯନ୍ତି ପାର୍ଥିବାଃ॥ 1-218-9 (9501)
ଯଶ୍ଚ କାମସୁଖେ ସକ୍ତୋ ବାଲଶ୍ଚ ସ୍ଥବିରଶ୍ଚ ଯଃ।
ଅଯୁଦ୍ଧମନସୋ ଯେ ଚ ତେ ତୁ ତିଷ୍ଠନ୍ତୁ ଭୀରବଃ॥ 1-218-10 (9502)
ପ୍ରଦରଶ୍ଚ ନ ଦାତବ୍ଯୋ ନ ଗନ୍ତବ୍ଯମଚୋଦିତୈଃ।
ଯଶୋ ରକ୍ଷତ ଭଦ୍ରଂ ବୋ ଜେଷ୍ଯାମୋ ବୈ ରିପୂନ୍ବଯମ୍॥ 1-218-11 (9503)
ଅନୁଲୋମାଶ୍ଚ ନୋ ବାତାଃ ସତତଂ ମୃଗପକ୍ଷିଣଃ।
ଅଗ୍ନଯଶ୍ଚ ବିରାଜନ୍ତେ ଶସ୍ତ୍ରାଣି କବଚାନି ଚ॥ 1-218-12 (9504)
ବୈଶମ୍ପାଯନ ଉବାଚ। 1-218-13x (1212)
ତତଃ କର୍ଣବଚଃ ଶ୍ରୁତ୍ବା ଧାର୍ତରାଷ୍ଟ୍ରପ୍ରିଯୈଷିଣଃ।
ନିର୍ଯଯୁଃ ପୃଥିବୀପାଲାଶ୍ଚାଲଯନ୍ତଃ ପରାନ୍ରଣେ॥ 1-218-13 (9505)
ନ ହି ତେଷାଂ ମନଃସକ୍ତିରିନ୍ଦ୍ରିଯାର୍ଥେଷୁ ସର୍ବଶଃ।
ଯଥା ପରିରପୁଘ୍ନାନାଂ ପ୍ରସଭଂ ଯୁଦ୍ଧ ଏବ ଚ॥ 1-218-14 (9506)
ବୈକର୍ତନପୁରୋବ୍ରାତଃ ସୈନ୍ଧବୋର୍ମିମହାସ୍ବନଃ।
ଦୁଃଶାସନମହାମତ୍ସ୍ଯୋ ଦୁର୍ଯୋଧନମହାଗ୍ରହଃ॥ 1-218-15 (9507)
ସ ରାଜସାଗରୋ ଭୀମୋ ଭୀମଘୋଷପ୍ରଦର୍ଶନଃ।
ଅଭିଦୁଦ୍ରାବ ବେଗେନ ପୁରଂ ତଦପସବ୍ଯତଃ॥ 1-218-16 (9508)
ତଦନୀକମନାଧୃଷ୍ଯଂ ଶସ୍ତ୍ରାଗ୍ନିବ୍ଯାଲଦୀପିତମ୍।
ସମୁତ୍କମ୍ପିତମାଜ୍ଞାଯ ଚୁକ୍ରୁଶୁର୍ଦ୍ରୁପଦାତ୍ମଜାଃ॥ 1-218-17 (9509)
ତେ ମେଘସମନିର୍ଘୋଷୈର୍ବଲିନଃ ସ୍ଯନ୍ଦନୋତ୍ତମୈଃ।
ନିର୍ଯଯୁର୍ନଗରଦ୍ବାରାତ୍ତ୍ରାସଯନ୍ତଃ ପରାନ୍ର 1-218-18 (9510)
ଧୃଷ୍ଟଦ୍ଯୁମ୍ନଃ ଶିଖଣ୍ଡୀ ଚ ସୁମିତ୍ରଃ ପ୍ରିଯଦର୍ଶନଃ।
ଚିତ୍ରକେତୁଃ ସୁକେତୁଶ୍ଚ ଧ୍ବଜକେତୁଶ୍ଚ ବୀର୍ଯବାନ୍॥ 1-218-19 (9511)
ପୁତ୍ରା ଦ୍ରୁପଦରାଜସ୍ଯ ବଲବନ୍ତୋ ଜଯୈଷିଣଃ।
ଦ୍ରୁପଦସ୍ଯ ମହାବୀର୍ଯଃ ପାଣ୍ଡରୋଷ୍ଣୀଷକେତନଃ॥ 1-218-20 (9512)
ପାଣ୍ଡରବ୍ଯଜନଚ୍ଛତ୍ରଃ ପାଣ୍ଡରଧ୍ବଜବାହନଃ।
ସ ପୁତ୍ରଗଣମଧ୍ଯସ୍ଥଃ ଶୁଶୁଭେ ରାଜସତ୍ତମଃ॥ 1-218-21 (9513)
ଚନ୍ଦ୍ରମା ଜ୍ଯୋତିଷାଂ ମଧ୍ଯେ ପୌର୍ଣମାସ୍ଯାମିବୋଦିତଃ।
ଅଥୋଦ୍ଧୂତପତାକାଗ୍ରମଜିହ୍ମଗତିମବ୍ଯଯମ୍॥ 1-218-22 (9514)
ଦ୍ରୁପଦାନୀକମାଯାନ୍ତଂ କୁରୁସୈନ୍ଯମଭିଦ୍ରବତ୍।
ତଯୋରୁଭଯତୋ ଜଜ୍ଞେ ତେଷାଂ ତୁ ତୁମୁଲଃ ସ୍ବନଃ॥ 1-218-23 (9515)
ବଲଯୋଃ ସଂପ୍ରସରତୋଃ ସରିତାଂ ସ୍ରୋତସୋରିବ।
ପ୍ରକୀର୍ଣରଥନାଗାଶ୍ବୈସ୍ତାନ୍ଯନୀକାନି ସର୍ବଶଃ॥ 1-218-24 (9516)
ଜ୍ଯୋତୀଂଷଈବ ପ୍ରକୀର୍ଣାନି ସର୍ବତଃ ପ୍ରଚକାଶିରେ।
ଉତ୍କୃଷ୍ଟଭେରୀନିନଦେ ସଂପ୍ରବୃତ୍ତେ ମହାରବେ॥ 1-218-25 (9517)
ଅମର୍ଷିତା ମହାତ୍ମାନଃ ପାଣ୍ଡବା ନିର୍ଯଯୁସ୍ତତଃ।
ରଥାଂଶ୍ଚ ମେଘନିର୍ଘୋଷାନ୍ଯୁକ୍ତାନ୍ପରମବାଜିଭିଃ॥ 1-218-26 (9518)
ଧୂନ୍ବନ୍ତୋ ଧ୍ବଜିନଃ ଶୁଭ୍ରାନାସ୍ଥାଯ ଭରତର୍ଷଭାଃ।
ତତଃ ପାଣ୍ଡୁସୁତାନ୍ଦୃଷ୍ଟ୍ବା ରଥସ୍ଥାନାତ୍ତକାର୍ମୁକାନ୍॥ 1-218-27 (9519)
ନୃପାଣାମଭବତ୍କମ୍ପୋ ବେପଥୁର୍ହୃଦଯେଷୁ ଚ।
ନିର୍ଯାତେଷ୍ବଥ ପାର୍ଥେଷୁ ଦ୍ରୋପଦଂ ତଦ୍ବଲଂ ରଣେ॥ 1-218-28 (9520)
ଆବିଶତ୍ପରମୋ ହର୍ଷଃ ପ୍ରମୋଦଶ୍ଚ ଜଯଂ ପ୍ରତି।
ସୁମୁହୂର୍ତଂ ବ୍ଯତିକରଃ ସୈନ୍ଯାନାମଭବଦ୍ଭୃଶମ୍॥ 1-218-29 (9521)
ତତୋ ଦ୍ବନ୍ଦ୍ବମଯୁଧ୍ଯନ୍ତ ମୃତ୍ଯୁଂ କୃତ୍ବା ପୁରସ୍କୃତମ୍।
ଜଘ୍ନତୁଃ ସମରେ ତସ୍ମିନ୍ସୁମିତ୍ରପ୍ରିଯଦର୍ଶନୌ॥ 1-218-30 (9522)
ଜଯଦ୍ରଥଶ୍ଚ କର୍ଣଶ୍ଚ ପଶ୍ଯତଃ ସବ୍ଯସାଚିନଃ।
ଅର୍ଜୁନଃ ପ୍ରେକ୍ଷ୍ଯ ନିହତୌ ସୌମିତ୍ରପ୍ରିଯଦର୍ଶନୌ॥ 1-218-31 (9523)
ଜଯଦ୍ରଥସୁତଂ ତତ୍ର ଜଘାନ ପିତୁରନ୍ତିକେ।
ବୃଷସେନାଦବରଜଂ ସୁଦାମାନଂ ଧନଂଜଯଃ॥ 1-218-32 (9524)
କର୍ଣପୁତ୍ରଂ ମହେଷ୍ବାସଂ ରଥନୀଡାଦପାତଯତ୍।
ତୌ ସୁତୌ ନିହତୌ ଦୃଷ୍ଟ୍ବା ରାଜସିଂହୌ ତରସ୍ବିନୌ॥ 1-218-33 (9525)
ନାମୃଷ୍ଯେତାଂ ମହାବାହୂ ପ୍ରହାରମିବ ସଦ୍ଗଜୌ।
ତୌ ଜଗ୍ମତୁରସଂଭ୍ରାନ୍ତୌ ଫଲ୍ଗୁନସ୍ଯ ରଥଂପ୍ରତି॥ 1-218-34 (9526)
ପ୍ରତିମୁକ୍ତତଲତ୍ରାଣୌ ଶପମାନୌ ପରସ୍ପରମ୍।
ସନ୍ନିପାତସ୍ତଯୋରାସୀଦତିଘୋରୋ ମହାମୃଧେ॥ 1-218-35 (9527)
ବୃତ୍ରଶମ୍ବରଯୋଃ ସଙ୍କ୍ଯେ ବଜ୍ରିଣେବ ମହାରଣେ।
ତ୍ରୀନଶ୍ବାଞ୍ଜଘ୍ନତୁସ୍ତସ୍ଯ ଫଲ୍ଗୁନସ୍ଯ ନର୍ଷଭୌ॥ 1-218-36 (9528)
ତତଃ କିଲିକିଲାଶବ୍ଦଃ କୁରୂଣାମଭବତ୍ତଦା।
ତାନ୍ହଯାନ୍ନିହତାନ୍ଦୃଷ୍ଟ୍ବା ଭୀମସେନଃ ପ୍ରତାପବାନ୍॥ 1-218-37 (9529)
ନିମେଷାନ୍ତରମାତ୍ରେଣ ରଥମଶ୍ବୈରଯୋଜଯତ୍।
ଉପଯାତଂ ରଥଂ ଦୃଷ୍ଟ୍ବା ଦୁର୍ଯୋଧନପୁରଃସରୌ॥ 1-218-38 (9530)
ସୌବଲଃ ସୌମଦତ୍ତିଶ୍ଚ ସମେଯାତାଂ ପରନ୍ତପୌ।
ତୈଃ ପଞ୍ଚଭିରଦୀନାତ୍ମା ଭୀମସେନୋ ମହାବଲଃ॥ 1-218-39 (9531)
ଅଯୁଧ୍ଯତ ତଦା ବୀରୈରିନ୍ଦ୍ରିଯାର୍ଥୈରିବେଶ୍ବରଃ।
ତୈର୍ନିରୁଦ୍ଧୋ ନ ସଂତ୍ରାସଂ ଜଗାମ ସମିତିଂଜଯଃ॥ 1-218-40 (9532)
ପଞ୍ଚଭିର୍ଦ୍ବିରଦୈର୍ମତ୍ତୈର୍ନିରୁଦ୍ଧ ଇବ କେସରୀ।
ତସ୍ଯୈତେ ଯୁଗପତ୍ପଞ୍ଚ ପଞ୍ଚଭିର୍ନିଶିତୈଃ ଶରୈଃ॥ 1-218-41 (9533)
ସାରଥିଂ ବାଜିନଶ୍ଚୈବ ନିନ୍ଯୁର୍ବୈବସ୍ବତକ୍ଷଯମ୍।
ହତାଶ୍ବାତ୍ସ୍ଯନ୍ଦନଶ୍ରେଷ୍ଠାଦବରୁହ୍ଯ ମହାରଥଃ॥ 1-218-42 (9534)
ଚଚାର ବିବିଧାନ୍ମାର୍ଗାନସିମୁଦ୍ଯମ୍ଯ ପାଣ୍ଡବଃ।
ଅଶ୍ବସ୍କନ୍ଧେଷୁ ଚକ୍ରେଷୁ ଯୁଗେଷ୍ବୀଷାସୁ ଚୈବ ହି॥ 1-218-43 (9535)
ବ୍ଯଚରତ୍ପାତଯଞ୍ଶତ୍ରୂନ୍ସୁପର୍ଣ ଇବ ଭୋଗିନଃ।
ବିଧନୁଷ୍କଂ ବିକବଚଂ ବିରଥଂ ଚ ସମୀକ୍ଷ୍ଯ ତମ୍॥ 1-218-44 (9536)
ଅଭିପେତୁର୍ନବ୍ଯାଘ୍ରା ଅର୍ଜୁନପ୍ରମୁଖା ରଥାଃ।
ଧୃଷ୍ଟଦ୍ଯୁମ୍ନଃ ଶିଖଣ୍ଡୀ ଚ ଯମୌ ଚ ଯୁଧି ଦୁର୍ଜଯୌ॥ 1-218-45 (9537)
ତସ୍ମିନ୍ମହାରଥେ ଯୁଦ୍ଧେ ପ୍ରବୃତ୍ତେ ଶରବୃଷ୍ଟିଭିଃ।
ରଥଧ୍ବଜପତାକାଶ୍ଚ ସବର୍ମନ୍ତରଧୀଯତ॥ 1-218-46 (9538)
ତତ୍ପ୍ରବୃତ୍ତଂ ଚିରଂ କାଲଂ ଯୁଦ୍ଧଂ ସମମିବାଭବତ୍।
ରଥେନ ତାନ୍ମହାବାହୁରର୍ଜୁନୋ ବ୍ଯଧମତ୍ପୁନଃ॥ 1-218-47 (9539)
ତମାପତନ୍ତଂ ଦୃଷ୍ଟ୍ବେବ ମହାବାହୁର୍ଧନୁର୍ଧରଃ।
କର୍ଣୋଽସ୍ତ୍ରବିଦୁଷାଂ ଶ୍ରେଷ୍ଠୋ ବାରଯାମାସ ସାଯକୈଃ॥ 1-218-48 (9540)
ସ ତେନାଭିହତଃ ପାର୍ଥୋ ବାସବିର୍ବଜ୍ରସନ୍ନିଭାନ୍।
ତ୍ରୀଞ୍ଶରାନ୍ସଂଦଧେ କ୍ରୁଦ୍ଧୋ ବଧାତ୍କ୍ରୁଦ୍ଧସ୍ଯ ପାଣ୍ଡବଃ॥ 1-218-49 (9541)
ତୈଃ ଶରୈରାହତଂ କର୍ଣଂ ଧ୍ବଜଯଷ୍ଟିମୁପାଶ୍ରିତମ୍।
ଅପୋବାହ ରଥାଚ୍ଚାଶୁ ସୂତଃ ପରପୁରଂଜଯମ୍॥ 1-218-50 (9542)
ତତଃ ପରାଜିତେ କର୍ଣେ ଧାର୍ତରାଷ୍ଟ୍ରାନ୍ମହାଭଯମ୍।
ବିବେଶ ସମୁଦଗ୍ରାଂଶ୍ଚ ପାଣ୍ଡବାନ୍ପ୍ରସମୀକ୍ଷ୍ଯ ତୁ॥ 1-218-51 (9543)
ତତ୍ପ୍ରକମ୍ପିତମତ୍ଯର୍ଥଂ ତଦ୍ଦୃଷ୍ଟ୍ବା ସୌବଲୋ ବଲମ୍।
ଗିରା ମଧୁରଯା ଚାପି ସମାଶ୍ବାସଯତାସକୃତ୍॥ 1-218-52 (9544)
ଧାର୍ତରାଷ୍ଟ୍ରୈସ୍ତତଃ ସର୍ବୈର୍ଦୁର୍ଯୋଧନପୁରଃସରୈଃ।
ଧୃତଂ ତତ୍ପୁନରେବାସୀଦ୍ବଲଂ ପାର୍ଥପ୍ରପୀଡିତମ୍॥ 1-218-53 (9545)
ତତୋ ଦୁର୍ଯୋଧନଂ ଦୃଷ୍ଟ୍ବା ଭୀମୋ ଭୀମପରାକ୍ରମଃ।
ଅକ୍ରୁଧ୍ଯତ୍ସ ମହାବାହୁରଗାରଂ ଜାତୁଷଂ ସ୍ମରନ୍॥ 1-218-54 (9546)
ତତଃ ସଂଗ୍ରାମଶିରସି ଦଦର୍ଶ ବିପୁଲଦ୍ରୁମମ୍।
ଆଯାମଭୂତଂ ତିଷ୍ଠନ୍ତଂ ସ୍କନ୍ଧପଞ୍ଚାଶଦୁନ୍ନତମ୍॥ 1-218-55 (9547)
ମହାସ୍କନ୍ଧଂ ମହୋତ୍ସେଧଂ ଶକ୍ରଧ୍ବଜମିବୋଚ୍ଛ୍ରିତମ୍।
ତମୁତ୍ପାଠ୍ଯ ଚ ପାଣିଭ୍ଯାମୁଦ୍ଯମ୍ଯ ଚରଣାବପି॥ 1-218-56 (9548)
ଅଭିପେଦେ ପରାନ୍ସଙ୍ଖ୍ଯେ ବଜ୍ରପାଣିରିବାସୁରାନ୍।
ଭୀମସେନଭଯାର୍ତାନି ଫଲ୍ଗୁନାଭିହତାନି ଚ॥ 1-218-57 (9549)
ନ ଶେକୁସ୍ତାନ୍ଯନୀକାନି ଧାର୍ତରାଷ୍ଟ୍ରାଣ୍ଯୁଦୀକ୍ଷିତୁମ୍।
ତାନି ସଂଭ୍ରାନ୍ତଯୋଧାନି ଶ୍ରାନ୍ତବାଜିଗଜାନି ଚ॥ 1-218-58 (9550)
ଦିଶଃ ପ୍ରାକାଲଯଦ୍ଭୀମୋ ଦିବୀବାଭ୍ରାଣି ମାରୁତଃ।
ତାନ୍ନିବୃତ୍ତାନ୍ନିରାନନ୍ଦାନ୍ନରବାରଣବାଜିନଃ॥ 1-218-59 (9551)
ନାନୁସସ୍ରୁର୍ନ ଚାଜଘ୍ନୁର୍ନୋଚୁଃ କିଂଚିଚ୍ଚ ଦାରୁଣମ୍।
ସ୍ବମେବ ଶିବିରଂ ଜଗ୍ମୁଃ କ୍ଷତ୍ରିଯାଃ ଶରବିକ୍ଷତାଃ॥ 1-218-60 (9552)
ପରେଽପ୍ଯଭିଯଯୁର୍ହୃଷ୍ଟାଃ ପୁରଂ ପୌରସୁଖାବହାଃ।
ମୁହୂର୍ତମଭବଦ୍ଯୁଦ୍ଧଂ ତେଷାଂ ବୈ ପାଣ୍ଡବୈଃ ସହ॥ 1-218-61 (9553)
ଯାବତ୍ତଦ୍ଯୁଦ୍ଧମଭବନ୍ମହଦ୍ଦେବାସୁରୋପମମ୍।
ତାବଦେବାଭବଚ୍ଛାନ୍ତଂ ନିବୃତ୍ତା ବୈ ମହାରଥାଃ॥ 1-218-62 (9554)
ସୁବ୍ରତଂ ଚକ୍ରିରେ ସର୍ବେ ସୁବୃତାମବ୍ରୁବନ୍ବଧୂମ୍।
କୃତାର୍ଥଂ ଦ୍ରୁପଦଂ ଚୋଚୁର୍ଧୃଷ୍ଟଦ୍ଯୁମ୍ନଂ ଚ ପାର୍ଷତମ୍॥ 1-218-63 (9555)
ଶକୁନିଃ ସିନ୍ଧୁରାଜଶ୍ଚ କର୍ଣଦୁର୍ଯୋଧନାବପି।
ତେଷାଂ ତଦାଭବଦ୍ଦୁଃଖଂ ହୃଦି ବାଚା ତୁ ନାବ୍ରୁବନ୍॥ 1-218-64 (9556)
ତତଃ ପ୍ରଯାତା ରାଜାନଃ ସର୍ବ ଏବ ଯଥାଗତମ୍।
ଧାର୍ତରାଷ୍ଟ୍ରା ହି ତେ ସର୍ବେ ଗତା ନାଗପୁରଂ ତଦା॥ 1-218-65 (9557)
ପ୍ରାଗେବ ପୂର୍ନିରୋଧାତ୍ତୁ ପାଣ୍ଡବୈରଶ୍ବସାଦିନଃ।
ପ୍ରେଷିତା ଗଚ୍ଛତାରିଷ୍ଟାନସ୍ମାନାଖ୍ଯାତ ଶୌରଯେ॥ 1-218-66 (9558)
ତେଽଚିରେଣୈବ କାଲେନ ସଂପ୍ରାପ୍ତା ଯାଦବୀଂ ପୁରୀମ୍।
ଊଚୁଃ ସଂକର୍ଷଣୋପେନ୍ଦ୍ରୌ ବଚନଂ ବଚନକ୍ଷମୌ॥ 1-218-67 (9559)
କୁଶଲଂ ପାଣ୍ଡବାଃ ସର୍ବାନାହୁଃ ସ୍ମାନ୍ଧକବୃଷ୍ଣଯଃ।
ଆତ୍ମନଶ୍ଚାହତାନାହୁର୍ବିମୁକ୍ତାଞ୍ଜାତୁଷାଦ୍ଗୃହାତ୍॥ 1-218-68 (9560)
ସମାଜେ ଦ୍ରୌପଦୀଂ ଲବ୍ଧାମାହୂ ରାଜୀବଲୋଚନାମ୍।
ଆତ୍ମନଃ ସଦୃଶୀଂ ସର୍ବୈଃ ଶୀଲବୃତ୍ତସମାଧିଭିଃ॥ 1-218-69 (9561)
ତଚ୍ଛ୍ରୁତ୍ବା ବଚନଂ କୃଷ୍ଣସ୍ତାନୁବାଚୋତ୍ତରଂ ବଚଃ।
ସର୍ବମେତଦହଂ ଜାନେ ବଧାତ୍ତସ୍ଯ ତୁ ରକ୍ଷସଃ॥ 1-218-70 (9562)
ତତ ଉଦ୍ଯୋଜଯାମାସ ମାଧବଶ୍ଚତୁରଙ୍ଗିଣୀମ୍।
ସେନାମୁପାନଯତ୍ତୂର୍ଣଂ ପାଞ୍ଚାଲନଗରୀଂ ପ୍ରତି॥ 1-218-71 (9563)
ତତଃ ସଂକର୍ଷଣଶ୍ଚୈବ କେଶବଶ୍ଚ ମହାବଲଃ।
ଯାଦବୈଃ ସହ ସର୍ବୈଶ୍ଚ ପାଣ୍ଡବାନଭିଜଗ୍ମତୁଃ॥ 1-218-72 (9564)
ପିତୃଷ୍ବସାରଂ ସଂପୂଜ୍ଯ ନତ୍ବା ଚୈବ ତୁ ଯାଦବୀମ୍।
ଦ୍ରୌପଦୀଂ ଭୂଷଣୈଃ ଶୁଭ୍ରୈର୍ଭୂଷଯିତ୍ବା ଯଥାବିଧି॥ 1-218-73 (9565)
ପାଣ୍ଡବାନ୍ହର୍ଷଯିତ୍ବା ତୁ ପୂଜଯାମାସତୁଶ୍ଚ ତାନ୍।
ନ୍ଯାଯତଃ ପୂଜିତୌ ରାଜ୍ଞା ଦ୍ରୁପଦେନ ମହାତ୍ମନା॥ 1-218-74 (9566)
ଯାଦବାଃ ପୂଜିତାଃ ସର୍ବେ ପାଣ୍ଡବୈଶ୍ଚ ମହାତ୍ମଭିଃ।
ରେମିରେ ପାଣ୍ଡବୈଃ ସାର୍ଧଂ ତେ ପାଞ୍ଚାଲପୁରେ ତଦା॥ ॥ 1-218-75 (9567)
ଇତି ଶ୍ରୀମନ୍ମାହାଭାରତେ ଆଦିପର୍ବଣି ବିଦୁରାଗମନରାଜ୍ଯଲାଭପର୍ବଣି ଅଷ୍ଟାଦଶାଧିକଦ୍ବିଶତତମୋଽଧ୍ଯାଯଃ॥ 218 ॥
ଆଦିପର୍ବ - ଅଧ୍ଯାଯ 219
॥ ଶ୍ରୀଃ ॥
1.219. ଅଧ୍ଯାଯଃ 219
Mahabharata - Adi Parva - Chapter Topics
ବିଦୁରାତ୍ ଜ୍ଞାତପାଣ୍ଡବବୃତ୍ତାନ୍ତେନ ଧୃତରାଷ୍ଟ୍ରେଣ ଦ୍ରୌପଦ୍ଯାନଯନାର୍ଥମାଜ୍ଞାପନମ୍॥ 1 ॥ ଧୃତରାଷ୍ଟ୍ରସମୀପେ କର୍ଣଦୁର୍ଯୋଧନଯୋର୍ଭାଷଣମ୍॥ 2 ॥Mahabharata - Adi Parva - Chapter Text
1-219-0 (9568)
ବୈଶମ୍ପାଯନ ଉବାଚ। 1-219-0x (1213)
ବୃତ୍ତେ ସ୍ବଯଂବରେ ଚୈବ ରାଜାନଃ ସର୍ବ ଏବ ତେ।
ଯଥାଗତଂ ବିପ୍ରଜଗ୍ମୁର୍ବିଦିତ୍ବା ପାଣ୍ଡବାନ୍ବୃତାନ୍॥ 1-219-1 (9569)
ଅଥ ଦୁର୍ଯୋଧନୋ ରାଜା ବିମନା ଭ୍ରାତୃଭିଃ ସହ।
ଅଶ୍ବତ୍ଥାମ୍ନା ମାତୁଲେନ କର୍ଣେନ ଚ କୃପେଣ ଚ॥ 1-219-2 (9570)
ବିନିବୃତ୍ତୋ ବୃତଂ ଦୃଷ୍ଟ୍ବା ଦ୍ରୌପଦ୍ଯା ଶ୍ବେତବାହନମ୍।
ତଂ ତୁ ଦୁଃଶାସନୋଽବ୍ରୀଡୋ ମନ୍ଦଂମନ୍ଦମିବାବ୍ରବୀତ୍॥ 1-219-3 (9571)
ଯଦ୍ଯସୌ ବ୍ରାହ୍ମଣୋ ନ ସ୍ଯାଦ୍ବିନ୍ଦେତ ଦ୍ରୌପଦୀଂ ନ ସଃ।
ନ ହି ତଂ ତତ୍ତ୍ବତୋ ରାଜନ୍ବେଦ କଶ୍ଚିଦ୍ଧନଂଜଯମ୍॥ 1-219-4 (9572)
ଦୈବଂ ଚ ପରମଂ ମନ୍ଯେ ପୌରୁଷଂ ଚାପ୍ଯନର୍ଥକମ୍।
ଧିଗସ୍ତୁ ପୌରୁଷଂ ମନ୍ତ୍ରଂ ଯଦ୍ଧରନ୍ତୀହ ପାଣ୍ଡବାଃ॥ 1-219-5 (9573)
`ବଧ୍ବା ଚକ୍ଷୂଂଷି ନଃ ପାର୍ଥା ରାଜ୍ଞାଂ ଚ ଦ୍ରୁପଦାତ୍ମଜାମ୍।
ଉଦ୍ବାହ୍ଯ ରାଜ୍ଞାଂ ତୈର୍ନ୍ଯସ୍ତୋ ବାମଃ ପାଦଃ ପୃଥାସୁତୈଃ॥ 1-219-6 (9574)
ବିମୁକ୍ତାଃ କଥମେତେନ ଜତୁବେଶ୍ମବିର୍ଭୁଜଃ।
ଅସ୍ମାକଂ ପୌରୁଷଂ ସତ୍ବଂ ବୁଦ୍ଧିଶ୍ଚାପି ଗତା ତତଃ॥ 1-219-7 (9575)
ବଯଂ ହତା ମାତୁଲାଦ୍ଯ ବିଶ୍ବସ୍ଯ ଚ ପୁରୋଚନମ୍।
ଅଦଗ୍ଧ୍ବା ପାଣ୍ଡବାନେତାନ୍ସ୍ବଯଂ ଦଗ୍ଧୋ ହୁତାଶନେ॥ 1-219-8 (9576)
ମତ୍ତୋ ମାତୁଲ ମନ୍ଯେଽହଂ ପାଣ୍ଡବା ବୁଦ୍ଧିମତ୍ତରାଃ।
ତେଷାଂ ନାସ୍ତି ଭଯଂ ମୃତ୍ଯୋର୍ମୁକ୍ତାନାଂ ଜତୁବେଶ୍ମନଃ॥ 1-219-9 (9577)
ବୈଶଂପାବଯନ ଉବାଚ। 1-219-10x (1214)
ଏବଂ ସଂଭାଷମାଣାସ୍ତେ ନିନ୍ଦନ୍ତଶ୍ଚ ପୁରୋଚନମ୍।
ପଞ୍ଚପୁତ୍ରାଂ କିରାତୀଂ ଚ ବିଦୁରଂ ଚ ମହାମତିମ୍॥' 1-219-10 (9578)
ବିବିଶୁର୍ହାସ୍ତିନପୁରଂ ଦୀନା ବିଗତଚେତସଃ॥ 1-219-11 (9579)
ତ୍ରସ୍ତା ବିଗତସଂକଲ୍ପା ଦୃଷ୍ଟ୍ବା ପାର୍ଥାନ୍ମହୌଜସଃ।
ମୁକ୍ତାନ୍ହବ୍ଯଭୁଜଶ୍ଚୈବ ସଂଯୁକ୍ତାନ୍ଦ୍ରୁପଦେନ ଚ॥ 1-219-12 (9580)
ଧୃଷ୍ଟଦ୍ଯୁମ୍ନଂ ତୁ ସଂଚିନ୍ତ୍ଯ ତଥୈବ ଚ ଶିଖଣ୍ଡିନମ୍।
ଦ୍ରୁପଦସ୍ଯାତ୍ମଜାଂଶ୍ଚାନ୍ଯାନ୍ସର୍ବଯୁଦ୍ଧବିଶାରଦାନ୍॥ 1-219-13 (9581)
ବିଦୁରସ୍ତ୍ବଥ ତାଞ୍ଶ୍ରୁତ୍ବା ଦ୍ରୌପଦ୍ଯା ପାଣ୍ଡବାନ୍ବୃତାନ୍।
ବ୍ରୀଡିତାନ୍ଧାର୍ତରାଷ୍ଟ୍ରାଂଶ୍ଚ ଭଗ୍ନଦର୍ପାନୁପାଗତାନ୍॥ 1-219-14 (9582)
ତତଃ ପ୍ରୀତମନାଃ କ୍ଷତ୍ତା ଧୃତରାଷ୍ଟ୍ରଂ ବିଶାଂପତେ।
ଉବାଚ ଦିଷ୍ଟ୍ଯା କୁରବୋ ବର୍ଧ୍ତ ଇତି ବିସ୍ମିତଃ॥ 1-219-15 (9583)
ବୈଚିତ୍ରବୀର୍ଯସ୍ତୁ ନୃପୋ ନିଶମ୍ଯ ବିଦୁରସ୍ଯ ତତ୍।
ଅବ୍ରବୀତ୍ପରମପ୍ରୀତୋ ଦିଷ୍ଟ୍ଯା ଦିଷ୍ଟ୍ଯେତି ଭାରତ॥ 1-219-16 (9584)
ମନ୍ଯତେ ସ ବୃତଂ ପୁତ୍ରଂ ଜ୍ଯେଷ୍ଠଂ ଦ୍ରୁପଦକନ୍ଯଯା।
ଦୁର୍ଯୋଧନମବିଜ୍ଞାନାତ୍ପ୍ରଜ୍ଞାଚକ୍ଷୁର୍ନରେଶ୍ବରଃ॥ 1-219-17 (9585)
ଅଥ ତ୍ବାଜ୍ଞାପଯାମାସ ଦ୍ରୌପଦ୍ଯା ଭୂଷଣଂ ବହୁ।
ଆନୀଯତାଂ ବୈ କୃଷ୍ଣେତି ପୁତ୍ରଂ ଦୁର୍ଯୋଧନଂ ତଦା॥ 1-219-18 (9586)
`ଅଥ ସ୍ମ ପଶ୍ଚାଦ୍ବିଦୁର ଆଚଖ୍ଯାବମ୍ବିକାତ୍ମଜମ୍।
କୌରବ୍ଯା ଇତି ସାମାନ୍ଯାନ୍ନ ମନ୍ଯେଥାସ୍ତବାତ୍ମଜାନ୍॥ 1-219-19 (9587)
ବର୍ଧନ୍ତ ଇତି ମଦ୍ବାକ୍ଯାଦ୍ବର୍ଧିତାଃ ପାଣ୍ଡୁନନ୍ଦନାଃ।
କୃଷ୍ଣଯା ସଂବୃତାଃ ପାର୍ଥା ବିମୁକ୍ତା ରାଜସଙ୍ଗରାତ୍॥ 1-219-20 (9588)
ଦିଷ୍ଟ୍ଯା କୁଶଲିନୋ ରାଜନ୍ପୂଜିତା ଦ୍ରୁପଦେନ ଚ॥ 1-219-21 (9589)
ବୈଶମ୍ପାଯନ ଉବାଚ। 1-219-22x (1215)
ଏତଚ୍ଛ୍ରୁତ୍ବା ତୁ ବଚନଂ ବିଦୁରସ୍ଯ ନରାଧିପଃ।
ଆକାରଚ୍ଛାଦନାର୍ଥାଯ ଦିଷ୍ଟ୍ଯାଦିଷ୍ଟ୍ଯେତି ଚାବ୍ରବୀତ୍॥ 1-219-22 (9590)
ଧୃତରାଷ୍ଟ୍ର ଉବାଚ। 1-219-23x (1216)
ଏବଂ ବିଦୁର ଭଦ୍ରଂ ତେ ଯଦି ଜୀବନ୍ତି ପାଣ୍ଡବାଃ।
ନ ମମୌ ମେ ତନୌ ପ୍ରୀତିସ୍ତ୍ବଦ୍ବାକ୍ଯାମୃତସଂଭବା॥ 1-219-23 (9591)
ସାଧ୍ବାଚାରତଯା ତେଷାଂ ସଂବନ୍ଧୋ ଦ୍ରୁପଦେନ ଚ।
ବଭୂବ ପରମଶ୍ଲାଘ୍ଯୋ ଦିଷ୍ଟ୍ଯାଦିଷ୍ଟ୍ଯେତି ଚାବ୍ରବୀତ୍॥ 1-219-24 (9592)
ଅନ୍ବବାଯେ ବସୋର୍ଜାତଃ ପ୍ରବରେ ମାତ୍ସ୍ଯକେ କୁଲେ।
ବୃତ୍ତବିଦ୍ଯାତପୋବୃଦ୍ଧଃ ପାର୍ଥିବାନାଂ ଚ ସଂମତଃ॥ 1-219-25 (9593)
ପୁତ୍ରାଶ୍ଚାସ୍ଯ ତଥା ପୌତ୍ରାଃ ସର୍ବେ ସୁଚରିତବ୍ରତାଃ।
ତେଷାଂ ସଂବନ୍ଧିନଶ୍ଚାନ୍ଯେ ବହବଃ ସୁମହାବଲାଃ॥ 1-219-26 (9594)
ଯଥୈବ ପାଣ୍ଡୋଃ ପୁତ୍ରାସ୍ତେ ତତୋଽପ୍ଯଭ୍ଯଧିକା ମମ।
ସେଯମଭ୍ଯଧିକାନ୍ଯେଭ୍ଯୋ ବୃତ୍ତିର୍ବିଦୁର ମେ ମତା॥ 1-219-27 (9595)
ଯା ପ୍ରୀତିଃ ପାଣ୍ଡୁପୁତ୍ରେଷୁ ନ ସାଽନ୍ଯତ୍ର ମମାଭିଭୋ।
ନିତ୍ଯୋଽଯଂ ଚିନ୍ତିତଃ କ୍ଷତ୍ତଃ ସତ୍ଯଂ ସତ୍ଯେନ ଶପେ॥ 1-219-28 (9596)
ଯତ୍ତେ କୁଶଲିନୋ ବୀରାଃ ପାଣ୍ଡୁପୁତ୍ରା ମହାରଥାଃ।
ମିତ୍ରବନ୍ତୋଽଭବନ୍ପୁତ୍ରା ଦୁର୍ଯୋଧନମୁଖାସ୍ତଥା॥ 1-219-29 (9597)
ମଯା ଶ୍ରୁତଂ ଯଦା ବହ୍ନେର୍ଦଗ୍ଧାଃ ପାଣ୍ଡୁସୁତା ଇତି।
ତଦାଽଦହ୍ଯଂ ଦିବାରାତ୍ରଂ ନ ଭୋକ୍ଷ୍ଯେ ନ ସ୍ବପାମି ଚ॥ 1-219-30 (9598)
ଅସହାଯାଶ୍ଚଂ ମେ ପୁତ୍ରା ଲୂନପକ୍ଷା ଇବ ଦ୍ବିଜାଃ।
ତତ୍ତ୍ବତଃ ଶୃଣୁ ମେ କ୍ଷତ୍ତଃ ସୁସହାଯାଃ ସୁତା ମମ।
ଅଦ୍ଯ ବୈ ସ୍ଥିରସାମ୍ରାଜ୍ଯମାଚନ୍ଦ୍ରାର୍କଂ ମମାଭବତ୍॥' 1-219-31 (9599)
କୋ ହି ଦ୍ରୁପଦମାସାଦ୍ଯ ମିତ୍ରଂ କ୍ଷତ୍ତଃ ସବାନ୍ଧବମ୍।
ନ ବୁଭୂଷେଦ୍ଭବେନାର୍ଥୀ ଗତଶ୍ରୀରପି ପାର୍ଥିବଃ॥ 1-219-32 (9600)
ବୈଶମ୍ପାଯନ ଉବାଚ। 1-219-33x (1217)
ତଂ ତଥା ଭାଷମାଣଂ ତୁ ବିଦୁରଃ ପ୍ରତ୍ଯଭାଷତ।
ନିତ୍ଯଂ ଭବତୁ ତେ ବୁଦ୍ଧିରେଷା ରାଜଞ୍ଛତଂ ସମାଃ।
ଇତ୍ଯୁକ୍ତ୍ବା ପ୍ରଯଯୌ ରାଜନ୍ବିଦୁରଃ ସ୍ବଂ ନିବେଶନମ୍॥ 1-219-33 (9601)
ତତୋ ଦୁର୍ଯୋଧନଶ୍ଚାପି ରାଧେଯଶ୍ଚ ବିଶାଂପତେ।
ଧୃତରାଷ୍ଟ୍ରମୁପାଗମ୍ଯ ବଚୋଽବ୍ରୂତାମିଦଂ ତଦା॥ 1-219-34 (9602)
ସନ୍ନିଧୌ ବିଦୁରସ୍ଯ ତ୍ବାଂ ଦୋଷଂ ବକ୍ତୁଂ ନ ଶକ୍ନୁବଃ।
ବିବିକ୍ତମିତି ବକ୍ଷ୍ଯାବଃ କିଂ ତବେଦଂ ଚିକୀର୍ଷିତମ୍॥ 1-219-35 (9603)
ସପତ୍ନବୃଦ୍ଧିଂ ଯତ୍ତାତ ମନ୍ଯସେ ବୃଦ୍ଧିମାତ୍ମନଃ।
ଅଭିଷ୍ଟୌଷି ଚ ଯତ୍କ୍ଷତ୍ତୁଃ ସମୀପେ ଦ୍ବିପଦାଂବର॥ 1-219-36 (9604)
ଅନ୍ଯସ୍ମିନ୍ନୃପ କର୍ତବ୍ଯେ ତ୍ବମନ୍ଯତ୍କୁରୁଷେଽନଘ।
ତେଷାଂ ବଲବିଘାତୋ ହି କର୍ତବ୍ଯସ୍ତାତ ନିତ୍ଯଶଃ॥ 1-219-37 (9605)
ତେ ବଯଂ ପ୍ରାପ୍ତକାଲସ୍ଯ ଚିକୀର୍ଷାଂ ମନ୍ତ୍ରଯାମହେ।
ଯଥା ନୋ ନ ଗ୍ରସେଯୁସ୍ତେ ସପୁତ୍ରବଲବାନ୍ଧବାନ୍॥ ॥ 1-219-38 (9606)
ଇତି ଶ୍ରୀମନ୍ମହାଭାରତେ ଆଦିପର୍ବମି ବିଦୁରାଗମନରାଜ୍ଯଲାଭପର୍ବଣି ଏକୋନବିଂଶତ୍ଯଧିକଦ୍ବିଶତତମୋଽଧ୍ଯାଯଃ॥ 219 ॥
Mahabharata - Adi Parva - Chapter Footnotes
1-219-32 ଗତଶ୍ରୀର୍ନଷ୍ଟଶ୍ରୀଃ କୋ ଭବେନ ଐଶ୍ବର୍ଯେଣାର୍ଥୀ ନ ବୁଭୂଷେଦ୍ଭବିତୁମିଚ୍ଛେଦପି ତୁ ସର୍ବୋପୀଚ୍ଛେତ୍॥ ଏକୋନବିଂଶତ୍ଯଧିକଦ୍ବିଶତତମୋଽଧ୍ଯାଯଃ॥ 219 ॥ଆଦିପର୍ବ - ଅଧ୍ଯାଯ 220
॥ ଶ୍ରୀଃ ॥
1.220. ଅଧ୍ଯାଯଃ 220
Mahabharata - Adi Parva - Chapter Topics
ଧୃତରାଷ୍ଟ୍ରଦୁର୍ଯୋଧନସଂବାଦଃ॥ 1 ॥Mahabharata - Adi Parva - Chapter Text
1-220-0 (9607)
`ବୈଶମ୍ପାଯନ ଉବାଚ। 1-220-0x (1218)
ଦୁର୍ଯୋଧନେନୈବମୁକ୍ତଃ କର୍ଣେନ ଚ ବିଶାଂପତେ।
ପୁତ୍ରଂ ଚ ସୂତପୁତ୍ରଂ ଚ ଧୃତରାଷ୍ଟ୍ରୋଽବ୍ରବୀଦିଦମ୍॥ ' 1-220-1 (9608)
ଧୃତରାଷ୍ଟ୍ର ଉବାଚ। 1-220-2x (1219)
ଅହମପ୍ଯେବମେବୈତଚ୍ଚିକୀର୍ଷାମି ଯଥା ଯୁବାମ୍।
ବିବେକ୍ତୁଂ ନାହମିଚ୍ଛାମି ତ୍ବାକାରଂ ବିଦୁରଂ ପ୍ରତି॥ 1-220-2 (9609)
ତତସ୍ତେଷାଂ ଗୁଣାନେବ କୀର୍ତଯାମି ବିଶେଷତଃ।
ନାବବୁଧ୍ଯେତ ବିଦୁରୋ ମମାଭିପ୍ରାଯମିଙ୍ଗିତୈଃ॥ 1-220-3 (9610)
ଯଚ୍ଚ ତ୍ବଂ ମନ୍ଯସେ ପ୍ରାପ୍ତଂ ତଦ୍ବ୍ରବୀହି ସୁଯୋଧନ।
ରାଧେଯ ମନ୍ଯସେ ଯଚ୍ଚ ପ୍ରାପ୍ତକାଲଂ ବଦାଶୁ ମେ॥ 1-220-4 (9611)
ଦୁର୍ଯୋଧନ ଉବାଚ। 1-220-5x (1220)
ଅଦ୍ଯ ତାନ୍କୁଶଲୈର୍ବିପ୍ରୈଃ ସୁଗୁପ୍ତୈରାପ୍ତକାରିଭିଃ।
କୁନ୍ତୀପୁତ୍ରାନ୍ଭେଦଯାମୋ ମାଦ୍ରୀପୁତ୍ରୌ ଚ ପାଣ୍ଡବୌ॥ 1-220-5 (9612)
ଅଥବା ଦ୍ରୁପଦୋ ରାଜା ମହଦ୍ଭିର୍ବିତ୍ତସଂଚଯୈଃ।
ପୁତ୍ରାଶ୍ଚାସ୍ଯ ପ୍ରଲୋଭ୍ଯନ୍ତାମମାତ୍ଯାଶ୍ଚୈବ ସର୍ବଶଃ॥ 1-220-6 (9613)
ପରିତ୍ଯଜେଦ୍ଯଥା ରାଜା କୁନ୍ତୀପୁତ୍ରଂ ଯୁଧିଷ୍ଠିରମ୍।
ଅଥ ତତ୍ରୈବ ବା ତେଷାଂ ନିବାସଂ ରୋଚଯନ୍ତୁ ତେ॥ 1-220-7 (9614)
ଇହୈଷାଂ ଦୋଷବଦ୍ବାସଂ ବର୍ଣଯନ୍ତୁ ପୃଥକ୍ପୃଥକ୍।
ତେ ଭିଦ୍ଯମାନାସ୍ତତ୍ରୈବ ମନଃ କୁର୍ବନ୍ତୁ ପାଣ୍ଡବାଃ॥ 1-220-8 (9615)
ଅଥବା କୁଶଳାଃ କେଚିଦୁପାଯନିପୁଣା ନରାଃ।
ଇତରେତରତଃ ପାର୍ଥାନ୍ଭେଦଯନ୍ତ୍ବନୁରାଗତଃ॥ 1-220-9 (9616)
ବ୍ଯୁତ୍ଥାପଯନ୍ତୁ ବା କୃଷ୍ଣାଂ ବହୁତ୍ବାତ୍ସୁକରଂ ହି ତତ୍।
ଅଥବା ପାଣ୍ଡବାଂସ୍ତସ୍ଯାଂ ଭେଦଯନ୍ତୁ ତତଶ୍ଚ ତାମ୍॥ 1-220-10 (9617)
ଭୀମସେନସ୍ଯ ବା ରାଜନ୍ନୁପାଯକୁଶଲୈର୍ନରୈଃ।
ମୃତ୍ଯୁର୍ବିଧୀଯତାଂ ଛନ୍ନୈଃ ସ ହି ତେଷାଂ ବଲାଧିକଃ॥ 1-220-11 (9618)
ତମାଶ୍ରିତ୍ଯ ହି କୌନ୍ତେଯଃ ପୁରା ଚାସ୍ମାନ୍ନ ମନ୍ଯତେ।
ସହି ତୀକ୍ଷ୍ଣଶ୍ଚ ଶୂରଶ୍ଚ ତେଷାଂ ଚୈବ ପରାଯଣମ୍॥ 1-220-12 (9619)
ତସ୍ମିଂସ୍ତ୍ବଭିହତେ ରାଜନ୍ହତୋତ୍ସାହା ହତୌଜସଃ।
ଯତିଷ୍ଯନ୍ତେ ନ ରାଜ୍ଯାଯ ସ ହି ତେଷାଂ ବ୍ଯପାଶ୍ରଯଃ॥ 1-220-13 (9620)
ଅଜେଯୋ ହ୍ଯର୍ଜୁନଃ ସଙ୍ଖ୍ଯେ ପୃଷ୍ଠଗୋପେ ବୃକୋଦରେ।
ତମୃତେ ଫାଲ୍ଗୁନୋ ଯୁଦ୍ଧେ ରାଧେଯସ୍ଯ ନ ପାଦଭାକ୍॥ 1-220-14 (9621)
ତେ ଜାନାନାସ୍ତୁ ଦୌର୍ବଲ୍ଯଂ ଭୀମସେନମୃତେ ମହତ୍।
ଅସ୍ମାନ୍ବଲବତୋ ଜ୍ଞାତ୍ବା ନ ଯତିଷ୍ଯନ୍ତି ଦୁର୍ବଲାଃ॥ 1-220-15 (9622)
ଇହାଗତେଷୁ ବା ତେଷୁ ନିଦେଶବଶବର୍ତିଷୁ।
ପ୍ରବର୍ତିଷ୍ଯାମହେ ରାଜନ୍ଯଥାଶାସ୍ତ୍ରଂ ନିବର୍ହଣମ୍॥ 1-220-16 (9623)
`ଦର୍ପଂ ବା ବଦତାଂ ତେଷାଂ କେଚିଦତ୍ର ମନସ୍ବିନଃ।
ଦ୍ରୁପଦସ୍ଯାତ୍ମଜା ରାଜନ୍ପ୍ରଭିଦ୍ଯନ୍ତେ ତତଃ ପରୈଃ॥' 1-220-17 (9624)
ଅଥବା ଦର୍ଶନୀଯାଭିଃ ପ୍ରମଦାଭିର୍ବିଲୋଭ୍ଯତାମ୍।
ଏକୈକସ୍ତତ୍ର କୌନ୍ତେଯସ୍ତତଃ କୃଷ୍ଣା ବିରଜ୍ଯତାମ୍॥ 1-220-18 (9625)
ପ୍ରେଷ୍ଯତାଂ ଚୈବ ରାଧେଯସ୍ତେଷାମାଗମନାଯ ବୈ।
ତୈସ୍ତୈଃ ପ୍ରକାରୈଃ ସନ୍ନୀଯ ପାତ୍ଯନ୍ତାମାପ୍ତକାରିଭିଃ॥ 1-220-19 (9626)
ଏତେଷାମପ୍ଯୁପାଯାନାଂ ଯସ୍ତେ ନିର୍ଦୋଷବାନ୍ମତଃ।
ତସ୍ଯ ଯପ୍ରୋଗମାତିଷ୍ଠ ପୁରା କାଲୋଽତିବର୍ତତେ॥ 1-220-20 (9627)
ଯାବଦ୍ଧ୍ଯକୃତବିଶ୍ବାସା ଦ୍ରୁପଦେ ପାର୍ଥିବର୍ଷଭେ।
ତାବଦେବ ହି ତେ ଶକ୍ଯା ନ ଶକ୍ଯାସ୍ତୁ ତତଃ ପରମ୍॥ 1-220-21 (9628)
ଏଷା ମମ ମତିସ୍ତାତ ନିଗ୍ରହାଯ ପ୍ରବର୍ତତେ।
ସାଧ୍ବୀ ବା ଯଦି ବାଽସାଧ୍ବୀ କିଂ ବା ରାଧେଯ ମନ୍ଯସେ॥ ॥ 1-220-22 (9629)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବିଦୁରାଗମନରାଜ୍ଯଲାଭପର୍ବଣି ବିଂଶତ୍ଯଧିକଦ୍ବିଶତତମୋଽଧ୍ଯାଯଃ॥ 220 ॥
Mahabharata - Adi Parva - Chapter Footnotes
1-220-3 ଇଙ୍ଗିତୈଶ୍ଚେଷ୍ଟିତୈଃ॥ ବିଂଶତ୍ଯଧିକଦ୍ବିଶତତମୋଽଧ୍ଯାଯଃ॥ 220 ॥ଆଦିପର୍ବ - ଅଧ୍ଯାଯ 221
॥ ଶ୍ରୀଃ ॥
1.221. ଅଧ୍ଯାଯଃ 221
Mahabharata - Adi Parva - Chapter Topics
ଦୁର୍ଯୋଧନଂ ପ୍ରତି କର୍ଣୋନୋକ୍ତଂ ଶ୍ରୁତବତୋ ଧୃତରାଷ୍ଟ୍ରସ୍ଯ ଭୀଷ୍ମାଦିଭିଃ ସହ ମନ୍ତ୍ରଣମ୍॥ 1 ॥Mahabharata - Adi Parva - Chapter Text
1-221-0 (9630)
କର୍ଣ ଉବାଚ। 1-221-0x (1221)
ଦୁର୍ଯୋଧନ ତବ ପ୍ରଜ୍ଞା ନ ସମ୍ଯଗିତି ମେ ମତିଃ।
ନ ହ୍ଯୁପାଯେନ ତେ ଶକ୍ଯାଃ ପାଣ୍ଡବାଃ କୁରୁବର୍ଧନ॥ 1-221-1 (9631)
ପୂର୍ବମେବ ହି ତେ ସୂକ୍ଷ୍ମୈରୁପାଯୈର୍ଯତିତାସ୍ତ୍ବଯା।
ନିଗ୍ରହୀତୁଂ ତଦା ବୀର ନ ଚୈବ ଶକିତାସ୍ତ୍ବଯା॥ 1-221-2 (9632)
ଇହୈବ ବର୍ତମାନାସ୍ତେ ସମୀପେ ତବ ପାର୍ଥିବ।
ଅଜାତପକ୍ଷାଃ ଶିଶବଃ ଶକିତା ନୈବ ବାଧିତୁମ୍॥ 1-221-3 (9633)
ଜାତପକ୍ଷା ବିଦେଶସ୍ଥା ବିବୃଦ୍ଧାଃ ସର୍ବଶୋଽଦ୍ଯ ତେ।
ନୋପାଯସାଧ୍ଯାଃ କୌନ୍ତେଯା ମମୈଷା ମତିରଚ୍ଯୁତା॥ 1-221-4 (9634)
ନ ଚ ତେ ବ୍ଯସନୈର୍ଯୋକ୍ତୁଂ ଶକ୍ଯା ଦିଷ୍ଟକୃତେନ ଚ।
ଶକିତାଶ୍ଚେପ୍ସବଶ୍ଚୈବ ପିତୃପୈତାମହଂ ପଦମ୍॥ 1-221-5 (9635)
ପରସ୍ପରେଣ ଭେଦଶ୍ଚ ନାଧାତୁଂ ତେଷୁ ଶକ୍ଯତେ।
ଏକସ୍ଯାଂ ଯେ ରତାଃ ପତ୍ନ୍ଯାଂ ନ ଭିଦ୍ଯନ୍ତେ ପରସ୍ପରମ୍॥ 1-221-6 (9636)
ନ ଚାପି କୃଷ୍ଣା ଶକ୍ଯେତ ତେଭ୍ଯୋ ଭେଦଯିତୁଂ ପରୈଃ।
ପରିଦ୍ଯୂନାନ୍ବୃତବତୀ କିମୁତାଦ୍ଯ ମୃଜାବତଃ॥ 1-221-7 (9637)
ଈପ୍ସିତଶ୍ଚ ଗୁଣଃ ସ୍ତ୍ରୀଣାମେକସ୍ଯା ବହୁଭର୍ତୃତା।
ତଂ ଚ ପ୍ରାପ୍ତବତୀ କୃଷ୍ଣା ନ ସା ଭେଦଯିତୁଂ କ୍ଷମା॥ 1-221-8 (9638)
ଆର୍ଯବ୍ରତଶ୍ଚ ପାଞ୍ଚାଲ୍ଯୋ ନ ସ ରାଜା ଧନପ୍ରିଯଃ।
ନ ସଂତ୍ଯକ୍ଷ୍ଯତି କୌନ୍ତେଯାନ୍ରାଜ୍ଯଦାନୈରପି ଧ୍ରୁବମ୍॥ 1-221-9 (9639)
ତଥାଽସ୍ମ ପୁତ୍ରୋ ଗୁଣବାନନୁରକ୍ତଶ୍ଚ ପାଣ୍ଡବାନ୍।
ତସ୍ମାନ୍ନୋପାଯସାଧ୍ଯାଂସ୍ତାନହଂ ମନ୍ଯେ କଥଂଚନ॥ 1-221-10 (9640)
ଇଦଂ ତ୍ବଦ୍ଯ କ୍ଷମଂ କର୍ତୁମସ୍ମାକଂ ପୁରୁଷର୍ଷଭ।
ଯାବନ୍ନ କୃତମୂଲାସ୍ତେ ପାଣ୍ଡବେଯା ବିଶାଂପତେ॥ 1-221-11 (9641)
ତାବତ୍ପ୍ରହରଣୀଯାସ୍ତେ ତତ୍ତୁଭ୍ଯଂ ତାତ ରୋଚତାମ୍।
ଅସ୍ମତ୍ପକ୍ଷୋ ମହାନ୍ଯାବଦ୍ଯାବତ୍ପାଞ୍ଚାଲକୋ ଲଘୁଃ।
ତାବତ୍ପ୍ରହରଣଂ ତେଷାଂ କ୍ରିଯତାଂ ମା ବିଚାରଯ॥ 1-221-12 (9642)
ବାହନାନି ପ୍ରଭୂତାନି ମିତ୍ରାଣି ଚ କୁଲାନି ଚ।
ଯାବନ୍ନ ତେଷାଂ ଗାନ୍ଧାରେ ତାବଦ୍ବିକ୍ରମ ପାର୍ଥିବ॥ 1-221-13 (9643)
ଯାବଚ୍ଚ ରାଜା ପାଞ୍ଚାଲ୍ଯୋ ନୋଦ୍ଯମେ କୁରୁତେ ମନଃ।
ସହ ପୁତ୍ରୈର୍ମହାବୀର୍ଯୈସ୍ତାବଦ୍ବିକ୍ରମ ପାର୍ଥିବ॥ 1-221-14 (9644)
ଯାବନ୍ନାଯାତି ବାର୍ଷ୍ଣେଯଃ କର୍ଷନ୍ଯାଦବବାହିନୀମ୍।
ରାଜ୍ଯାର୍ଥେ ପାଣ୍ଡବେଯାନାଂ ପାଞ୍ଚାଲ୍ଯସଦନଂ ପ୍ରତି॥ 1-221-15 (9645)
ବସୂନି ବିବିଧାନ୍ଭୋଗାନ୍ରାଜ୍ଯମେବ ଚ କେବଲମ୍।
ନାତ୍ଯାଜ୍ଯମସ୍ତି କୃଷ୍ଣସ୍ଯ ପାଣ୍ଡବାର୍ଥେ କଥଂଚନ॥ 1-221-16 (9646)
ବିକ୍ରମେଣ ମହୀ ପ୍ରାପ୍ତା ଭରତେନ ମହାତ୍ମନା।
ବିକ୍ରମେଣ ଚ ଲୋକାଂସ୍ତ୍ରୀଞ୍ଜିତବାନ୍ପାକଶାସନଃ॥ 1-221-17 (9647)
ବିକ୍ରମଂ ଚ ପ୍ରଶଂସନ୍ତି କ୍ଷତ୍ରିଯସ୍ଯ ବିଶାଂପତେ।
ସ୍ବକୋ ହି ଧର୍ମଃ ଶୂରାଣାଂ ବିକ୍ରମଃ ପାର୍ଥିବର୍ଷଭ॥ 1-221-18 (9648)
ତେ ବଲେନ ବଯଂ ରାଜନ୍ମହତା ଚତୁରଙ୍ଗିଣା।
ପ୍ରମଥ୍ଯ ଦ୍ରୁପଦଂ ଶୀଘ୍ରମାନଯାମେହ ପାଣ୍ଡବାନ୍॥ 1-221-19 (9649)
ନ ହି ସାମ୍ନା ନ ଦାନେନ ନ ଭଦେନ ଚ ପାଣ୍ଡବାଃ।
ଶକ୍ଯାଃ ସାଧଯିତୁଂ ତସ୍ମାଦ୍ବିକ୍ରମେଣୈବ ତାଞ୍ଜହି॥ 1-221-20 (9650)
ତାନ୍ବିକ୍ରମେଣ ଜିତ୍ବେମାମଖିଲାଂ ଭୁଙ୍କ୍ଷ୍ବ ମେଦିନୀମ୍।
ଅତୋ ନାନ୍ଯଂ ପ୍ରପଶ୍ଯାମି କାର୍ଯୋପାଯଂ ଜନାଧିପ॥ 1-221-21 (9651)
ବୈଶମ୍ପାଯନ ଉବାଚ। 1-221-22x (1222)
ଶ୍ରୁତ୍ବା ତୁ ରାଧେଯବଚୋ ଧୃତରାଷ୍ଟ୍ରଃ ପ୍ରତାପବାନ୍।
ଅଭିପୂଜ୍ଯ ତତଃ ପଶ୍ଚାଦିଦଂ ବଚନମବ୍ରବୀତ୍॥ 1-221-22 (9652)
ଉପପନ୍ନଂ ମହାପ୍ରାଜ୍ଞେ କୃତାସ୍ତ୍ରେ ସୂତନନ୍ଦନେ।
ତ୍ବଯି ବିକ୍ରମସଂପନ୍ନମିଦଂ ବଚନମୀଦୃଶମ୍॥ 1-221-23 (9653)
ଭୂଯ ଏବ ତୁ ଭୀଷ୍ମଶ୍ଚ ଦ୍ରୋଣୋ ବିଦୁର ଏବ ଚ।
ଯୁବାଂ ଚ କୁରୁତଂ ବୁଦ୍ଧିଂ ଭବେଦ୍ଯା ନଃ ସୁଖୋଦଯା॥ 1-221-24 (9654)
ତତ ଆନାଯ୍ଯ ତାନ୍ସର୍ବାନ୍ମନ୍ତ୍ରିଣଃ ସୁମହାଯଶାଃ।
ଧୃତରାଷ୍ଟ୍ରୋ ମହାରାଜ ମନ୍ତ୍ରଯାମାସ ବୈ ତଦା॥ ॥ 1-221-25 (9655)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବିଦୁରାଗମନରାଜ୍ଯଲାଭପର୍ବଣି ଏକବିଂଶତ୍ଯଧିକଦ୍ବିଶତତମୋଽଧ୍ଯାଯଃ॥ 221 ॥
Mahabharata - Adi Parva - Chapter Footnotes
1-221-7 ପରିଦ୍ଯୂନାନ୍ ଶୋଚ୍ଯାନ୍। ମୃଜାବତଃ ସୁବେଷାନ୍॥ ଏକବିଂଶତ୍ଯଧିକଦ୍ବିଶତତମୋଽଧ୍ଯାଯଃ॥ 221 ॥ଆଦିପର୍ବ - ଅଧ୍ଯାଯ 222
॥ ଶ୍ରୀଃ ॥
1.222. ଅଧ୍ଯାଯଃ 222
Mahabharata - Adi Parva - Chapter Topics
ଭୀଷ୍ମେଣ ଦୁର୍ଯୋଧନାଦିସମୀପେ ପାଣ୍ଡବେକ୍ଷ୍ଯୋଽର୍ଧରାଜ୍ଯଂ ଦାତବ୍ଯମିତି ସ୍ବାବିପ୍ରାଯକଥନମ୍॥ 1 ॥Mahabharata - Adi Parva - Chapter Text
1-222-0 (9656)
ଭୀଷ୍ମ ଉବାଚ। 1-222-0x (1223)
ନ ରୋଚତେ ବିଗ୍ରହୋ ମେ ପାଣ୍ଡୁପୁତ୍ରୈଃ କଥଂଚନ।
ଯଥୈବ ଧୃତରାଷ୍ଟ୍ରୋ ମେ ତଥା ପାଣ୍ଡୁରସଂଶଯମ୍॥ 1-222-1 (9657)
ଗାନ୍ଧାର୍ଯାଶ୍ଚ ଯଥା ପୁତ୍ରାସ୍ତଥା କୁନ୍ତୀସୁତା ମମ।
ଯଥା ଚ ମମ ତେ ରକ୍ଷ୍ଯା ଧୃତରାଷ୍ଟ୍ର ତଥା ତବ॥ 1-222-2 (9658)
ଯଥା ଚ ମମ ରାଜ୍ଞଶ୍ଚ ତଥା ଦୁର୍ଯୋଧନସ୍ଯ ତେ।
ତଥା କୁରୂଣାଂ ସର୍ବେଷାମନ୍ଯେଷାମପି ପାର୍ଥିବ॥ 1-222-3 (9659)
ଏବଂ ଗତେ ବିଗ୍ରହଂ ତୈର୍ନ ରୋଚେ
ସନ୍ଧାଯ ବୀରୈର୍ଦୀଯତାମର୍ଧଭୂମିଃ।
ତେଷାମପୀଦଂ ପ୍ରପିତାମହାନାଂ
ରାଜ୍ଯଂ ପିତୁଶ୍ଚୈବ କୁରୂତ୍ତମାନାମ୍॥ 1-222-4 (9660)
ଦୁର୍ଯୋଧନ ଯଥା ର୍ଜାଯଂ ତ୍ବମିଦଂ ତାତ ପଶ୍ଯସି।
ମମ ପୈତୃକମିତ୍ଯେବଂ ତେଽପି ପଶ୍ଯନ୍ତି ପାଣ୍ଡବାଃ॥ 1-222-5 (9661)
ଯଦି ରାଜ୍ଯଂ ନ ତେ ପ୍ରାପ୍ତାଃ ପାଣ୍ଡବେଯା ଯଶସ୍ବିନଃ।
କୁତ ଏବ ତବାପୀଦଂ ଭାରତସ୍ଯାପି କସ୍ଯଚିତ୍॥ 1-222-6 (9662)
ଅଧର୍ମେଣ ଚ ରାଜ୍ଯଂ ତ୍ବଂ ପ୍ରାପ୍ତବାନ୍ଭରତର୍ଷଭ।
ତେଽପି ରାଜ୍ଯମନୁପ୍ରାପ୍ତାଃ ପୂର୍ବମେବେତି ମେ ମତିଃ॥ 1-222-7 (9663)
ମଧୁରେଣୈବ ରାଜ୍ଯସ୍ଯ ତେଷାମର୍ଧଂ ପ୍ରଦୀଯତାମ୍।
ଏତଦ୍ଧି ପୁରୁଷବ୍ଯାଘ୍ର ହିତଂ ସର୍ବଜନସ୍ଯ ଚ॥ 1-222-8 (9664)
ଅତୋଽନ୍ଯଥା ଚେତ୍କ୍ରିଯତେ ନ ହିତଂ ନୋ ଭବିଷ୍ଯତି।
ତବାପ୍ଯକୀର୍ତିଃ ସକଲା ଭବିଷ୍ଯତି ନ ସଂଶଯଃ॥ 1-222-9 (9665)
କୀର୍ତିରକ୍ଷଣମାତିଷ୍ଠ କୀର୍ତିର୍ହି ପରମଂ ବଲମ୍।
ନଷ୍ଟକୀର୍ତେର୍ମନୁଷ୍ଯସ୍ଯ ଜୀବିତଂ ହ୍ଯଫଳଂ ସ୍ମୃତମ୍॥ 1-222-10 (9666)
ଯାବତ୍କୀର୍ତିର୍ମନୁଷ୍ଯସ୍ଯ ନ ପ୍ରଣଶ୍ଯତି କୌରବ।
ତାବଜ୍ଜୀବତି ଗାନ୍ଧରେ ନଷ୍ଟକୀର୍ତିସ୍ତୁ ନଶ୍ଯତି॥ 1-222-11 (9667)
ତମିମଂ ସମୁପାତିଷ୍ଠ ଧର୍ମଂ କୁରୁକୁଲୋଚିତମ୍।
ଅନୁରୂପଂ ମହାବାହୋ ପୂର୍ବେଷାମାତ୍ମନଃ କୁରୁ॥ 1-222-12 (9668)
ଦିଷ୍ଟ୍ଯା ଧ୍ରିଯନ୍ତେ ପାର୍ଥା ହି ଦିଷ୍ଟ୍ଯା ଜୀବତି ସା ପୃଥା।
ଦିଷ୍ଟ୍ଯା ପୁରୋଚନଃ ପାପୋ ନ ସକାମୋଽତ୍ଯଯଂ ଗତଃ॥ 1-222-13 (9669)
ଯଦାପ୍ରଭୃତି ଦଗ୍ଧାସ୍ତେ କୁନ୍ତିଭୋଜସୁତାସୁତାଃ।
ତଦାପ୍ରଭୃତି ଗାନ୍ଧାରେ ନ ଶକ୍ନୋମ୍ଯଭିବୀକ୍ଷିତୁମ୍॥ 1-222-14 (9670)
ଲୋକେ ପ୍ରାଣଭୃତାଂ କିଂଚିଚ୍ଛ୍ରୁତ୍ବା କୁନ୍ତୀଂ ତଥାଗତାମ୍।
ନ ଚାପି ଦୋଷେଣ ତଥା ଲୋକୋ ମନ୍ଯେତ୍ପୁରୋଚନମ୍।
ଯଥା ତ୍ବାଂ ପୁରୁଷବ୍ଯାଘ୍ର ଲୋକୋ ଦୋଷେଣ ଗଚ୍ଛତି॥ 1-222-15 (9671)
ତଦିଦଂ ଜୀବିତଂ ତେଷାଂ ତବ କିଲ୍ବିଷନାଶନମ୍।
ସଂମନ୍ତବ୍ଯଂ ମହାରାଜ ପାଣ୍ଡବାନାଂ ଚ ଦର୍ଶନମ୍॥ 1-222-16 (9672)
ନ ଚାପି ତେଷାଂ ବୀରାଣାଂ ଜୀବତାଂ କୁରୁନନ୍ଦନ।
ପିତ୍ର୍ଯୋଂଶଃ ଶକ୍ଯ ଆଦାତୁମପି ବଜ୍ରଭୃତା ସ୍ବଯଂ॥ 1-222-17 (9673)
ତେ ସର୍ବେଽବସ୍ଥିତା ଧର୍ମେ ସର୍ବେ ଚୈବୈକଚେତସଃ।
ଅଧର୍ମେଣ ନିରସ୍ତାଶ୍ଚ ତୁଲ୍ଯେ ରାଜ୍ଯେ ବିଶେଷତଃ॥ 1-222-18 (9674)
ଯଦି ଧର୍ମସ୍ତ୍ବଯା କାର୍ଯୋ ଯଦି କାର୍ଯଂ ପ୍ରିଯଂ ଚ ମେ।
କ୍ଷେମଂ ଚ ଯଦି କର୍ତବ୍ଯଂ ତେଷାମର୍ଧଂ ପ୍ରଦୀଯତାମ୍॥ ॥ 1-222-19 (9675)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବିଦୁରାଗମନରାଜ୍ଯଲାଭପର୍ବଣି ଦ୍ବାବିଂଶତ୍ଯଧିକଦ୍ବିଶତତମୋଽଧ୍ଯାଯଃ॥ 222 ॥
Mahabharata - Adi Parva - Chapter Footnotes
1-222-8 ମଧୁରେଣ ପ୍ରୀତ୍ଯା॥ 1-222-13 ଧ୍ରିଯନ୍ତେ ଜୀବନ୍ତି॥ 1-222-15 ଗଚ୍ଛତି ଅବଗଚ୍ଛତି॥ ଦ୍ବାବିଂଶତ୍ଯଧିକଦ୍ବିଶତତମୋଽଧ୍ଯାଯଃ॥ 222 ॥ଆଦିପର୍ବ - ଅଧ୍ଯାଯ 223
॥ ଶ୍ରୀଃ ॥
1.223. ଅଧ୍ଯାଯଃ 223
Mahabharata - Adi Parva - Chapter Topics
ପାଣ୍ଡବାଃ ସଂବିଭାଜ୍ଯା ଇତି ଦ୍ରୋଣବଚନମ୍॥ 1 ॥ ତଦ୍ବିରୋଧିତଯା କର୍ଣେନ ଅମ୍ବୁବୀଚବୃତ୍ତାନ୍ତକଥନମ୍॥ 2 ॥ ମଦୁକ୍ତଂ ନ କ୍ରିଯତେ ଚେତ୍କୁରବୋ ବିନଙ୍କ୍ଷ୍ଯନ୍ତୀତି ଦ୍ରୋଣେନୋକ୍ତିଃ॥ 3 ॥Mahabharata - Adi Parva - Chapter Text
1-223-0 (9676)
ଦ୍ରୋଣ ଉବାଚ। 1-223-0x (1224)
ମନ୍ତ୍ରାଯ ସମୁପାନୀତୈର୍ଧୃତରାଷ୍ଟ୍ର ହିତୈର୍ନୃପ।
ଧର୍ମ୍ଯମର୍ଥ୍ଯଂ ଯଶସ୍ଯଂ ଚ ବାଚ୍ଯମିତ୍ଯନୁଶୁଶ୍ରୁମ॥ 1-223-1 (9677)
ମମାପ୍ଯେଷା ମତିସ୍ତାତ ଯା ଭୀଷ୍ମସ୍ଯ ମହାତ୍ମନଃ।
ସଂବିଭଜ୍ଯାସ୍ତୁ କୌନ୍ତେଯା ଧର୍ମ ଏଷ ସନାତନଃ॥ 1-223-2 (9678)
ପ୍ରେଷ୍ଯତାଂ ଦ୍ରୁପଦାଯାଶୁ ନର଼ଃ କଶ୍ଚିତ୍ପ୍ରିଯଂବଦଃ।
ବହୁଲଂ ରତ୍ନମାଦାଯ ତେଷାମର୍ଥାଯ ଭାରତ॥ 1-223-3 (9679)
ମିଥଃ କୃତ୍ଯଂ ଚ ତସ୍ମୈ ସ ଆଦାଯ ବସୁ ଗଚ୍ଛତୁ।
ବୃଦ୍ଧିଂ ଚ ପରମାଂ ବ୍ରୂଯାତ୍ତତ୍ସଂଯୋଗୋଦ୍ଭବାଂ ତଥା॥ 1-223-4 (9680)
ସଂପ୍ରୀଯମାଣଂ ତ୍ବାଂ ବ୍ରୂଯାଦ୍ରାଜନ୍ଦୁର୍ଯୋଧନଂ ତଥା।
ଅସକୃଦ୍ଦ୍ରୁପଦେ ଚୈବ ଧୃଷ୍ଟଦ୍ଯୁମ୍ନେ ଚ ଭାରତ॥ 1-223-5 (9681)
ଉଚିତତ୍ବଂ ପ୍ରିଯତ୍ବଂ ଚ ଯୋଗସ୍ଯାପି ଚ ବର୍ଣଯେତ୍।
ପୁନଃପୁନଶ୍ଚ କୌନ୍ଯେଯାନ୍ମାଦ୍ରୀପୁତ୍ରୌ ଚ ସାନ୍ତ୍ବଯନ୍॥ 1-223-6 (9682)
ହିରଣ୍ମଯାନି ଶୁଭ୍ରାଣି ବହୂନ୍ଯାଭରଣାନି ଚ।
ବଚନାତ୍ତବ ରାଜେନ୍ଦ୍ର ଦ୍ରୌପଦ୍ଯାଃ ସଂପ୍ରଯଚ୍ଛତୁ॥ 1-223-7 (9683)
ତଥା ଦ୍ରୁପଦପୁତ୍ରାଣାଂ ସର୍ବେଷାଂ ଭରତର୍ଷଭ।
ପାଣ୍ଡବାନାଂ ଚ ସର୍ବେଷାଂ କୁନ୍ତ୍ଯା ଯୁକ୍ତାନି ଯାନି ଚ॥ 1-223-8 (9684)
`ଦତ୍ତ୍ବା ତାନି ମହାର୍ହାଣି ପାଣ୍ଡବାନ୍ସଂପ୍ରହର୍ଷଯ।'
ଏବଂ ସାନ୍ତ୍ବସମାଯୁକ୍ତଂ ଦ୍ରୁପଦଂ ପାଣ୍ଡବୈଃ ସହ।
ଉକ୍ତ୍ବା ସୋଽନନ୍ତରଂ ବ୍ରୂଯାତ୍ତେଷାମାଗମନଂ ପ୍ରତି॥ 1-223-9 (9685)
ଅନୁଜ୍ଞାତେଷୁ ବୀରେଷୁ ବଲଂ ଗଚ୍ଛତୁ ଶୋଭନମ୍।
ଦୁଃଶାସନୋ ବିକର୍ଣଶ୍ଚାପ୍ଯାନେତୁଂ ପାଣ୍ଡବାନିହ॥ 1-223-10 (9686)
ତତସ୍ତେ ପାଣ୍ଡବାଃ ଶ୍ରେଷ୍ଠାଃ ପୂଜ୍ଯମାନାଃ ସଦା ତ୍ବଯା।
ପ୍ରକୃତୀନାମନୁମତେ ପଦେ ସ୍ଥାସ୍ଯନ୍ତି ପୈତୃକେ॥ 1-223-11 (9687)
ଏତତ୍ତବ ମହାରାଜ ତେଷୁ ପୁତ୍ରେଷୁ ଚୈବ ହି।
ବୃତ୍ତମୌପଯିକଂ ମନ୍ଯେ ଭୀଷ୍ମେଣ ସହ ଭାରତ॥ 1-223-12 (9688)
କର୍ଣ ଉବାଚ। 1-223-13x (1225)
ଯୋଜିତାବର୍ଥମାନାଭ୍ଯାଂ ସର୍ବକାର୍ଯେଷ୍ବନନ୍ତରୌ।
ନ ମନ୍ତ୍ରଯେତାଂ ତ୍ବଚ୍ଛ୍ରେଯଃ କିମଦ୍ଭୁତତରଂ ତତଃ॥ 1-223-13 (9689)
ଦୁଷ୍ଟେନ ମନସା ଯୋ ବୈ ପ୍ରଚ୍ଛନ୍ନେନାନ୍ତରାତ୍ମନା।
ବ୍ରୂଯାନ୍ନି)ଶ୍ରେଯସଂ ନାମ କଥଂ କୁର୍ଯାତ୍ସତାଂ ମତମ୍॥ 1-223-14 (9690)
ନ ମିତ୍ରାଣ୍ଯର୍ଥକୃଚ୍ଛ୍ରେଷୁ ଶ୍ରେଯସେ ଚେତରାଯ ବା।
ବିଧିପୂର୍ବଂ ହି ସର୍ବସ୍ଯ ଦୁଃଖଂ ବା ଯଦି ବା ସୁଖମ୍॥ 1-223-15 (9691)
କୃତପ୍ରଜ୍ଞୋଽକୃତପ୍ରଜ୍ଞୋ ବାଲୋ ବୃଦ୍ଧଶ୍ଚ ମାନବଃ।
ସସହାଯୋଽସହାଯଶ୍ଚ ସର୍ବଂ ସର୍ବତ୍ର ବିନ୍ଦତି॥ 1-223-16 (9692)
ଶ୍ରୂଯତେ ହି ପୁରା କଶ୍ଚିଦମ୍ବୁବୀଚ ଇତୀଶ୍ବରଃ।
ଆସୀଦ୍ରାଜଗୃହେ ରାଜା ମାଗଧାନାଂ ମହୀକ୍ଷିତାମ୍॥ 1-223-17 (9693)
ସ ହୀନଃ କରଣୈଃ ସର୍ବୈରୁଚ୍ଛ୍ବାସପରମୋ ନୃପଃ।
ଅମାତ୍ଯସଂସ୍ଥଃ ସର୍ବେଷୁ କାର୍ଯେଷ୍ବେବାଭବତ୍ତଦା॥ 1-223-18 (9694)
ତସ୍ଯାମାତ୍ଯୋ ମହାକର୍ଣିର୍ବଭୂବୈକେଶ୍ବରସ୍ତଦା।
ସ ଲବ୍ଧବଲମାତ୍ମାନଂ ମନ୍ଯମାନୋଽବମନ୍ଯତେ॥ 1-223-19 (9695)
ସ ରାଜ୍ଞ ଉପଭୋଗ୍ଯାନି ସ୍ତ୍ରିଯୋ ରତ୍ନଧନାନି ଚ।
ଆଦଦେ ସର୍ବଶୋ ମୂଢ ଐଶ୍ବର୍ଯଂ ଚ ସ୍ବଯଂ ତଦା॥ 1-223-20 (9696)
ତଦାଦାଯ ଚ ଲୁବ୍ଧସ୍ଯ ଲୋଭାଲ୍ଲୋଭୋଽଭ୍ଯବର୍ଧତ।
ତଥାହି ସର୍ବମାଦାଯ ରାଜ୍ଯମସ୍ଯ ଜିହୀର୍ଷତି॥ 1-223-21 (9697)
ହୀନସ୍ଯ କରଣୈଃ ସର୍ବୈରଚ୍ଛ୍ବାସପରମସ୍ଯ ଚ।
ଯତମାନୋଽପି ତଦ୍ରାଜ୍ଯଂ ନ ଶଶାକେତି ନଃ ଶ୍ରୁତଂ॥ 1-223-22 (9698)
କିମନ୍ଯଦ୍ବିହିତା ନୂନଂ ତସ୍ଯ ସା ପୁରୁଷେନ୍ଦ୍ରତା।
ଯଦି ତେ ବିହିତଂ ରାଜ୍ଯଂ ଭବିଷ୍ଯତି ବିଶାଂପତେ॥ 1-223-23 (9699)
ମିଷତଃ ସର୍ବଲୋକସ୍ଯ ସ୍ଥାସ୍ଯତେ ତ୍ବଯି ତଦ୍ଧୁବମ୍।
ଅତୋଽନ୍ଯଥା ଚେଦ୍ବିହିତଂ ଯତମାନୋ ନ ଲପ୍ସ୍ଯସେ॥ 1-223-24 (9700)
ଏବଂ ବିଦ୍ବନ୍ନୁପାଦତ୍ସ୍ବ ମନ୍ତ୍ରିଣାଂ ସାଧ୍ବସାଧୁତାମ୍।
ଦୁଷ୍ଟାନାଂ ଚୈବ ବୋଦ୍ଧବ୍ଯମଦୁଷ୍ଟାନାଂ ଚ ଭାଷିତମ୍॥ 1-223-25 (9701)
ଦ୍ରୋଣ ଉବାଚ। 1-223-26x (1226)
ବିଦ୍ମ ତେ ଭାବଦୋଷେଣ ଯଦର୍ଥମିଦମୁଚ୍ଯତେ।
ଦୁଷ୍ଟ ପାଣ୍ଡବହେତୋସ୍ତ୍ବଂ ଦୋଷମାଖ୍ଯାପଯସ୍ଯୁତ॥ 1-223-26 (9702)
ହିତଂ ତୁ ପରମଂ କର୍ଣ ବ୍ରବୀମି କୁଲବର୍ଧନମ୍।
ଅଥ ତ୍ବଂ ମନ୍ଯସେ ଦୁଷ୍ଟଂ ବ୍ହୂହି ଯତ୍ପରମଂ ହିତମ୍॥ 1-223-27 (9703)
ଅତୋଽନ୍ଯଥା ଚେତ୍କ୍ରିଯତେ ଯଦ୍ବ୍ରବୀମି ପରଂ ହିତମ୍।
କୁରବୋ ବୈ ବିନଙ୍କ୍ଷ୍ଯନ୍ତି ନଚିରେଣୈବ ମେ ମତିଃ॥ ॥ 1-223-28 (9704)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବିଦୁରାଗମନରାଜ୍ଯଲାଭପର୍ବଣି ତ୍ରଯୋବିଂଶତ୍ଯଧିକଦ୍ବିଶତତମୋଽଧ୍ଯାଯଃ॥ 223 ॥
Mahabharata - Adi Parva - Chapter Footnotes
1-223-4 ମିଥଃ କୃତ୍ଯଂ ସାଂବନ୍ଧିକଂ ବରପକ୍ଷୀଯୈର୍ବଧ୍ବଲଂକାରାଦିକନ୍ଯାପକ୍ଷୀଯୈର୍ବରାଲଂକାରାଦି॥ 1-223-15 ବିଧିପୂର୍ବଂ ଅଧୃଷ୍ଟକାରଣକମ୍॥ 1-223-17 ଅମ୍ବୁବୀର ଇତି ଶ୍ରୁତଃ ଇତି ଘ. ପାଠଃ। ବିନିନ୍ଦ ଇତି ବିତଶ୍ରୁଃ ଇତି ଙ ପାଠଃ। ଈଶ୍ବରଃ ସମର୍ଥଃ। ରାଜଗୃହେ ତନ୍ନାମକେ ନଗରେ॥ ତ୍ରଯୋବିଂଶତ୍ଯଧିକଦ୍ବିଶତତମୋଽଧ୍ଯାଯଃ॥ 223 ॥ଆଦିପର୍ବ - ଅଧ୍ଯାଯ 224
॥ ଶ୍ରୀଃ ॥
1.224. ଅଧ୍ଯାଯଃ 224
Mahabharata - Adi Parva - Chapter Topics
ଭୀଷ୍ମଦ୍ରୋଣାଭ୍ଯାମୁକ୍ତମେବାବଶ୍ଯଂ କରଣୀଯଂ ପାଣ୍ଡବା ଜେତୁଂ ନ ଶକ୍ଯାଃ ଦୁର୍ଯୋଧନାଦୀନାଂ ବଚନଂ ମା କୁରୁ ଇତି ଧୃତରାଷ୍ଟ୍ରଂପ୍ରତି ବିଦୁରସ୍ଯୋକ୍ତିଃ॥ 1 ॥Mahabharata - Adi Parva - Chapter Text
1-224-0 (9705)
ବିଦୁର ଉବାଚ। 1-224-0x (1227)
ରାଜନ୍ନିଃସଂଶଯଂ ଶ୍ରେଯୋ ବାଚ୍ଯସ୍ତ୍ବମସି ବାନ୍ଧବୈଃ।
ନ ତ୍ବଶୁଶ୍ରୂଷମାଣେ ବୈ ବାକ୍ଯଂ ସଂପ୍ରତି ତିଷ୍ଠତି॥ 1-224-1 (9706)
ପ୍ରିଯଂ ହିତଂ ଚ ତଦ୍ବାକ୍ଯମୁକ୍ତବାନ୍କୁରୁସତ୍ତମଃ।
ଭୀଷ୍ମଃ ଶାନ୍ତନବୋ ରାଜନ୍ପ୍ରତିଗୃହ୍ଣାସି ତନ୍ନ ଚ॥ 1-224-2 (9707)
ତଥା ଦ୍ରୋଣେନ ବହୁଧା ଭାଷିତଂ ହିତମୁତ୍ତମମ୍।
ତଚ୍ଚ ରାଧାସୁତଃ କର୍ଣୋ ମନ୍ଯତେ ନ ହିତଂ ତବ॥ 1-224-3 (9708)
ଚିନ୍ତଯଂଶ୍ଚ ନ ପଶ୍ଯାମି ରାଜଂସ୍ତବ ସୁହୃତ୍ତମମ୍।
ଆଭ୍ଯାଂ ପୁରୁଷସିଂହାଭ୍ଯାଂ ଯୋ ବା ସ୍ଯାତ୍ପ୍ରଜ୍ଞଯାଧିକଃ॥ 1-224-4 (9709)
ଇମୌ ହି ବୃଦ୍ଧୌ ବଯସା ପ୍ରଜ୍ଞଯା ଚ ଶ୍ରୁତେନ ଚ।
ସମୌ ଚ ତ୍ବଯି ରାଜେନ୍ତ୍ର ତଥା ପାଣ୍ଡୁସୁତେଷୁ ଚ॥ 1-224-5 (9710)
ଧର୍ମେ ଚାନବରୌ ରାଜନ୍ସତ୍ଯତାଯାଂ ଚ ଭାରତ।
ରାମାଦ୍ଦାଶରଥେଶ୍ଚୈବ ଗଯାଚ୍ଚୈବ ନ ସଂଶଯଃ॥ 1-224-6 (9711)
ନ ଚୋକ୍ତବନ୍ତାବଶ୍ରେଯଃ ପୁରସ୍ତାଦପି କିଂଚନ।
ନ ଚାପ୍ଯପକୃତଂ କିଂଚିଦନଯୋର୍ଲକ୍ଷ୍ଯତେ ତ୍ବଯି॥ 1-224-7 (9712)
ତାବୁଭୌ ପୁରୁଷବ୍ଯାଘ୍ରାବନାଗସି ନୃପେ ତ୍ବଯି।
ନ ମନ୍ତ୍ରଯେତାଂ ତ୍ବଚ୍ଛ୍ରେଯଃ କଥଂ ସତ୍ଯପରାକ୍ରମୌ॥ 1-224-8 (9713)
ପ୍ରଜ୍ଞାବନ୍ତୌ ନରଶ୍ରେଷ୍ଠାବସ୍ମିଁଲ୍ଲୋକେ ନରାଧିପ।
ତ୍ବନ୍ନିମିତ୍ତମତୋ ନେମୌ କିଂଚିଜ୍ଜିହ୍ମଂ ବଦିଷ୍ଯତଃ॥ 1-224-9 (9714)
ଇତି ମେ ନୈଷ୍ଠିକୀ ବୁଦ୍ଧିର୍ବର୍ତତେ କୁରୁନନ୍ଦନ।
ନ ଚାର୍ଥହେତୋର୍ଧର୍ମଜ୍ଞୌ ବକ୍ଷ୍ଯତଃ ପକ୍ଷସଂଶ୍ରିତମ୍॥ 1-224-10 (9715)
ଏତଦ୍ଧି ପରମଂ ଶ୍ରେଯୋ ମନ୍ଯେଽହଂ ତବ ଭାରତ।
ଦୁର୍ଯୋଧନପ୍ରଭୃତଯଃ ପୁତ୍ରା ରାଜନ୍ଯଥା ତବ॥ 1-224-11 (9716)
ତଥୈବ ପାଣ୍ଡବେଯାସ୍ତେ ପୁତ୍ରା ରାଜନ୍ନ ସଂଶଯଃ।
ତେଷୁ ଚେଦହିତଂ କିଂଚିନ୍ମନ୍ତ୍ରଯେଯୁରତଦ୍ବିଦଃ॥ 1-224-12 (9717)
ମନ୍ତ୍ରିଣସ୍ତେ ନ ଚ ଶ୍ରେଯଃ ପ୍ରପଶ୍ଯନ୍ତି ବିଶେଷତଃ।
ଅଥ ତେ ହୃଦଯେ ରାଜନ୍ବିଶେଷଃ ସ୍ବେଷୁ ବର୍ତତେ।
ଅନ୍ତରସ୍ଥଂ ବିବୃଣ୍ବାନାଃ ଶ୍ରେଯଃ କୁର୍ଯୁର୍ନ ତେ ଧ୍ରୁବମ୍॥ 1-224-13 (9718)
ଏତଦର୍ଥମିମୌ ରାଜନ୍ମହାତ୍ମାନୌ ମହାଦ୍ଯୁତୀ।
ନୋଚତୁର୍ବିବୃତଂ କିଂଚିନ୍ନ ହ୍ଯେଷ ତବ ନିଶ୍ଚଯଃ॥ 1-224-14 (9719)
ଯଚ୍ଚାପ୍ଯଶକ୍ଯତାଂ ତେଷାମାହତୁଃ ପୁରୁଷର୍ଷଭୌ।
ତତ୍ତଥା ପୁରୁଷବ୍ଯାଘ୍ର ତବ ତଦ୍ଭଦ୍ରମସ୍ତୁ ତେ॥ 1-224-15 (9720)
କଥଂ ହି ପାଣ୍ଡବଃ ଶ୍ରୀମାନ୍ସବ୍ଯସାଚୀ ଧନଞ୍ଜଯଃ।
ଶକ୍ଯୋ ବିଜେତୁଂ ସଂଗ୍ରାମେ ରାଜନ୍ମଘବତାପି ହି॥ 1-224-16 (9721)
`ଭୀମସେନୋ ମହାବାହୁର୍ନାଗାଯୁତବଲୋ ମହାନ୍।
ରାକ୍ଷସାନାଂ ଭଯକରୋ ବାହୁଶାଲୀ ମହାବଲଃ॥ 1-224-17 (9722)
ହିଡିମ୍ବୋ ନିହତୋ ଯେନ ବାହୁଯୁଦ୍ଧେନ ଭାରତ।
ଯୋ ରାବଣସମୋ ଯୁଦ୍ଧେ ତଥା ଚ ବକରାକ୍ଷସଃ॥ 1-224-18 (9723)
ସ ଯୁଧ୍ଯମାନୋ ରାଜେନ୍ଦ୍ର ଭୀମୋ ଭୀମପରାକ୍ରମଃ।'
କଥଂ ସ୍ମ ଯୁଧି ଶକ୍ଯେତ ବିଜେତୁମମରୈରପି॥ 1-224-19 (9724)
ତଥୈବ କୃତିନୌ ଯୁଦ୍ଧେ ଯମୌ ଯମସୁତାବିବ।
କଥଂ ବିଜେତୁଂ ଶକ୍ଯୌ ତୌ ରଣେ ଜୀବିତୁମିଚ୍ଛତା॥ 1-224-20 (9725)
ଯସ୍ମିନ୍ଧୃତିରନୁକ୍ରୋଶଃ କ୍ଷମା ସତ୍ଯଂ ପରାକ୍ରମଃ।
ନିତ୍ଯାନି ପାଣ୍ଡବେ ଜ୍ଯେଷ୍ଠେ ସ ଜୀଯେତ ରଣେ କଥମ୍॥ 1-224-21 (9726)
ଯେଷାଂ ପକ୍ଷଧରୋ ରାମୋ ଯେଷାଂ ମନ୍ତ୍ରୀ ଜନାର୍ଦନଃ।
କିଂ ନୁ ତୈରଜିତଂ ସଙ୍ଖ୍ଯେ ଯେଷାଂ ପକ୍ଷେ ଚ ସାତ୍ଯକିଃ॥ 1-224-22 (9727)
ଦ୍ରୁପଦଃ ଶ୍ବଶୁରୋ ଯେଷାଂ ଯେଷାଂ ସ୍ଯାଲାଶ୍ଚ ପାର୍ଷତାଃ।
ଧୃଷ୍ଟଦ୍ଯୁମ୍ନମୁଖା ବୀରା ଭ୍ରାତରୋ ଦ୍ରୁପଦାତ୍ମଜାଃ॥ 1-224-23 (9728)
`ଚୈଦ୍ଯଶ୍ଚ ଯେଷାଂ ଭ୍ରାତା ଚ ଶିଶୁପାଲୋ ମହାରଥଃ।'
ସୋଽଶକ୍ଯତାଂ ଚ ବିଜ୍ଞାଯ ତେଷାମଗ୍ରେ ଚ ଭାରତ।
ଦାଯାଦ୍ଯତାଂ ଚ ଧର୍ମେଣ ସମ୍ଯକ୍ତେଷୁ ସମାଚର॥ 1-224-24 (9729)
ଇଦଂ ନିର୍ଦିଷ୍ଟମଯଶଃ ପୁରୋଚନକୃତଂ ମହତ୍।
ତେଷାମନୁଗ୍ରହେଣାଦ୍ଯ ରାଜନ୍ପ୍ରକ୍ଷାଲଯାତ୍ମନଃ॥ 1-224-25 (9730)
ତେଷାମନୁଗ୍ରହଶ୍ଚାଯଂ ସର୍ବେଷାଂ ଚୈବ ନଃ କୁଲେ।
ଜୀବିତଂ ଚ ପରଂ ଶ୍ରେଯଃ କ୍ଷତ୍ରସ୍ଯ ଚ ବିବର୍ଧନମ୍॥ 1-224-26 (9731)
ଦ୍ରୁପଦୋଽପି ମହାନ୍ରାଜା କୃତବୈରଶ୍ଚ ନଃ ପୁରା।
ତସ୍ଯ ସଂଗ୍ରହଣଂ ରାଜନ୍ସ୍ବପକ୍ଷସ୍ଯ ବିବର୍ଧନମ୍॥ 1-224-27 (9732)
ବଲବନ୍ତଶ୍ଚ ଦାଶାର୍ହା ବହବଶ୍ଚ ବିଶାଂପତେ।
ଯତଃ କୃଷ୍ଣସ୍ତତଃ ସର୍ବେ ଯତଃ କୃଷ୍ଣସ୍ତତୋ ଜଯଃ॥ 1-224-28 (9733)
ଯଚ୍ଚ ସାମ୍ନୈବ ଶକ୍ଯେତ କାର୍ଯଂ ସାଧଯିତୁଂ ନୃପ।
କୋ ଦୈବଶପ୍ତସ୍ତତ୍କାର୍ଯଂ ବିଗ୍ରହେଣ ସମାଚରେତ୍॥ 1-224-29 (9734)
ଶ୍ରୁତ୍ବା ଚ ଜୀବତଃ ପାର୍ଥାନ୍ପୌରଜାନପଦା ଜନାଃ।
ବଲବଦ୍ଦର୍ଶନେ ହୃଷ୍ଟାସ୍ତେଷାଂ ରାଜନ୍ପ୍ରିଯଂ କୁରୁ॥ 1-224-30 (9735)
ଦୁର୍ଯୋଧନଶ୍ଚ କର୍ଣଶ୍ଚ ଶକୁନିଶ୍ଚାପି ସୌବଲଃ।
ଅଧର୍ମଯୁକ୍ତା ଦୁଷ୍ପ୍ରଜ୍ଞା ବାଲା ମୈଷାଂ ବଚଃ କୃଥାଃ॥ 1-224-31 (9736)
ଉକ୍ତମେତତ୍ପୁରା ରାଜନ୍ମଯା ଗୁଣବତସ୍ତବ।
ଦୁର୍ଯୋଧନାପରାଧେନ ପ୍ରଜେଯଂ ବୈ ବିନଙ୍କ୍ଷ୍ଯତି॥ ॥ 1-224-32 (9737)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବିଦୁରାଗମନରାଜ୍ଯଲାଭପର୍ବଣି ଚତୁର୍ବିଂଶତ୍ଯଧିକଦ୍ବିଶତତମୋଽଧ୍ଯାଯଃ॥ 224 ॥
Mahabharata - Adi Parva - Chapter Footnotes
1-224-6 ଅନବରୌ ଶ୍ରେଷ୍ଠୌ॥ 1-224-7 ଅନଯୋଃ ଆଭ୍ଯାମ୍॥ 1-224-24 ଦାଯାଦ୍ଯତାଂ ପିତୃଧନଭୋଜନାର୍ହତାମ୍॥ ଚତୁର୍ବିଂଶତ୍ଯଧିକଦ୍ବିଶତତମୋଽଧ୍ଯାଯଃ॥ 224 ॥ଆଦିପର୍ବ - ଅଧ୍ଯାଯ 225
॥ ଶ୍ରୀଃ ॥
1.225. ଅଧ୍ଯାଯଃ 225
Mahabharata - Adi Parva - Chapter Topics
ଧୃତରାଷ୍ଟ୍ରାଜ୍ଞଯା ବିଦୁରସ୍ଯ ଦ୍ରୁପଦନଗରଗମନମ୍॥ 1 ॥ ତତ୍ର ଶ୍ରୀକୃଷ୍ଣାଦୀନାଂ ସମୀପେ ଧୃତରାଷ୍ଟ୍ରସନ୍ଦେଶକଥନମ୍॥ 2 ॥Mahabharata - Adi Parva - Chapter Text
1-225-0 (9738)
ଧୃତରାଷ୍ଟ୍ର ଉବାଚ। 1-225-0x (1228)
ଭୀଷ୍ମଃ ଶାନ୍ତନବୋ ବିଦ୍ବାନ୍ଦ୍ରୋଣଶ୍ଚ ଭଗବାନୃଷିଃ।
`ହିତଂ ଚ ପରମଂ ସତ୍ଯମବ୍ରୂତାଂ ବାକ୍ଯମୁତ୍ତମମ୍।'
ହିତଂ ଚ ପରମଂ ବାକ୍ଯଂ ତ୍ବଂ ଚ ସତ୍ଯଂ ବ୍ରବୀଷି ମାମ୍॥ 1-225-1 (9739)
ଯଥୈବ ପାଣ୍ଡୋସ୍ତେ ବୀରାଃ କୁନ୍ତୀପୁତ୍ରା ମହାରଥାଃ।
ତଥୈବ ଧର୍ମତଃ ସର୍ବେ ମମ ପୁତ୍ରା ନ ସଂଶଯଃ॥ 1-225-2 (9740)
ଯଥୈବ ମମ ପୁତ୍ରାଣାମିଦଂ ରାଜ୍ଯଂ ବିଧୀଯତେ।
ତଥୈବ ପାଣ୍ଡୁପୁତ୍ରାଣାମିଦଂ ରାଜ୍ଯଂ ନ ସଂଶଯଃ॥ 1-225-3 (9741)
କ୍ଷତ୍ତରାନଯ ଗଚ୍ଛୈତାନ୍ସହ ମାତ୍ରା ସୁସତ୍କୃତାନ୍।
ତଯା ଚ ଦେବରୂପିଣ୍ଯା କୃଷ୍ଣଯା ସହ ଭାରତ॥ 1-225-4 (9742)
ଦିଷ୍ଟ୍ଯା ଜୀବନ୍ତି ତେ ପାର୍ଥା ଦିଷ୍ଟ୍ଯା ଜୀବତି ସା ପୃଥା।
ଦିଷ୍ଟ୍ଯା ଦ୍ରୁପଦକନ୍ଯାଂ ଚ ଲବ୍ଧବନ୍ତୋ ମହାରଥାଃ॥ 1-225-5 (9743)
ଦିଷ୍ଟ୍ଯା ବର୍ଧାମହେ ସର୍ବେ ଦିଷ୍ଟ୍ଯା ଶାନ୍ତଃ ପୁରୋଚନଃ।
ଦିଷ୍ଟ୍ଯା ମମ ପରଂ ଦୁଃଖମପନୀତଂ ମହାଦ୍ଯୁତେ॥ 1-225-6 (9744)
`ତ୍ବମେବ ଗତ୍ବା ବିଦୁର ତାନିହାନଯ ମା ଚିରମ୍। 1-225-7 (9745)
ବୈଶମ୍ପାଯନ ଉବାଚ।
ଏବମୁକ୍ତସ୍ତତଃ କ୍ଷତ୍ତା ରଥମାରୁହ୍ଯ ଶୀଘ୍ରଗମ୍।
ଆଗାତ୍କତିପଯାହୋଭିଃ ପାଞ୍ଚାଲାନ୍ରାଜଧର୍ମବିତ୍'॥ 1-225-7x (1229)
ତତୋ ଜଗାମ ବିଦୁରୋ ଧୃତରାଷ୍ଟ୍ରସ୍ଯ ଶାସନାତ୍।
ସକାଶଂ ଯଜ୍ଞସେନସ୍ଯ ପାଣ୍ଡବାନାଂ ଚ ଭାରତ॥ 1-225-8 (9746)
ସମୁପାଦାଯ ରତ୍ନାନି ବସୂନି ବିବିଧାନି ଚ।
ଦ୍ରୌପଦ୍ଯାଃ ପାଣ୍ଡବାନାଂ ଚ ଯଜ୍ଞସେନସ୍ଯ ଚୈବ ହ॥ 1-225-9 (9747)
ତତ୍ର ଗତ୍ବା ସ ଧର୍ମଜ୍ଞଃ ସର୍ବଶାସ୍ତ୍ରବିଶାରଦଃ।
ଦ୍ରୁପଦଂ ନ୍ଯାଯତୋ ରାଜନ୍ସଂଯୁକ୍ତମୁପତସ୍ଥିବାନ୍॥ 1-225-10 (9748)
ସ ଚାପି ପ୍ରତିଜଗ୍ରାହ ଧର୍ମେଣ ବିଦୁରଂ ତତଃ।
ଚକ୍ରତୁଶ୍ଚ ଯଥାନ୍ଯାଯଂ କୁଶଲପ୍ରଶ୍ନସଂବିଦମ୍॥ 1-225-11 (9749)
ଦଦର୍ଶ ପାଣ୍ଡବାଂସ୍ତତ୍ର ବାସୁଦେବଂ ଚ ଭାରତ।
ସ୍ନେହାତ୍ପରିଷ୍ବଜ୍ଯ ସ ତାନ୍ପପ୍ରଚ୍ଛାନାମଯଂ ତତଃ॥ 1-225-12 (9750)
ତୈଶ୍ଚାପ୍ଯମିତବୁଦ୍ଦିଃ ସ ପୂଜିତୋ ହି ଯଥାକ୍ରମମ୍।
ବଚନାଦ୍ଧୃତରାଷ୍ଟ୍ରସ୍ଯ ସ୍ନେହଯୁକ୍ତଂ ପୁନଃପୁନଃ॥ 1-225-13 (9751)
ପପ୍ରଚ୍ଛାନାମଯଂ ରାଜଂସ୍ତତସ୍ତାନ୍ପାଣ୍ଡୁନନ୍ଦନାନ୍।
ପ୍ରଦଦୌ ଚାପି ରତ୍ନାନି ବିବିଧାନି ବସୂନି ଚ॥ 1-225-14 (9752)
ପାଣ୍ଡବାନାଂ ଚ କୁନ୍ତ୍ଯାଶ୍ଚ ଦ୍ରୌପଦ୍ଯାଶ୍ଚ ବିଶାଂପତେ।
ଦ୍ରୁପଦସ୍ଯ ଚ ପୁତ୍ରାଣାଂ ଯଥା ଦତ୍ତାନି କୌରବୈଃ॥ 1-225-15 (9753)
ପ୍ରୋବାଚ ଚାମିତମତିଃ ପ୍ରଶ୍ରିତଂ ବିନଯାନ୍ବିତଃ।
ଦ୍ରୁପଦଂ ପାଣ୍ଡୁପୁତ୍ରାଣାଂ ସନ୍ନିଧୌ କେଶବସ୍ଯ ଚ॥ 1-225-16 (9754)
ବିଦୁର ଉବାଚ। 1-225-17x (1230)
ରାଜଞ୍ଛୃଣୁ ସହାମାତ୍ଯଃ ସପୁତ୍ରଶ୍ଚ ବଚୋ ମମ।
ଧୃତରାଷ୍ଟ୍ରଃ ସପୁତ୍ରସ୍ତ୍ବାଂ ସହାମାତ୍ଯଃ ସବାନ୍ଧବଃ॥ 1-225-17 (9755)
ଅବ୍ରବୀତ୍କୁଶଲଂ ରାଜନ୍ପ୍ରୀଯମାଣଃ ପୁନଃପୁନଃ।
ପ୍ରୀତିମାଂସ୍ତେ ଦୃଢଂ ଚାପି ସଂବନ୍ଧେନ ନରାଧିପ॥ 1-225-18 (9756)
ତଥା ଭୀଷ୍ମଃ ଶାନ୍ତନବଃ କୌରବୈଃ ସହ ସର୍ବଶଃ।
କୁଶଲଂ ତ୍ବାଂ ମହାପ୍ରାଜ୍ଞଃ ସର୍ବତଃ ପରିପୃଚ୍ଛତି॥ 1-225-19 (9757)
ଭାରଦ୍ବାଜୋ ମହାପ୍ରାଜ୍ଞୋ ଦ୍ରୋଣଃ ପ୍ରିଯସଖସ୍ତବ।
ସମାଶ୍ଲେଷମୁପେତ୍ଯ ତ୍ବାଂ କୁଶଲଂ ପରିପୃଚ୍ଛତି॥ 1-225-20 (9758)
ଧୃତରାଷ୍ଟ୍ରଶ୍ଚ ପାଞ୍ଚାଲ୍ଯ ତ୍ବଯା ସଂବନ୍ଧମେଯିବାନ୍।
କୃତାର୍ଥଂ ମନ୍ଯତେତ୍ମାନଂ ତଥା ସର୍ବେଽପି କୌରବାଃ॥ 1-225-21 (9759)
ନ ତଥା ରାଜ୍ଯସଂପ୍ରାପ୍ତିସ୍ତେଷାଂ ପ୍ରୀତିକରୀ ମତା।
ଯଥା ସଂବନ୍ଧକଂ ପ୍ରାପ୍ଯ ଯଜ୍ଞସେନ ତ୍ବଯା ସହ॥ 1-225-22 (9760)
ଏତଦ୍ବିଦିତ୍ବା ତୁ ଭବାନ୍ପ୍ରସ୍ଥାପଯତୁ ପାଣ୍ଡବାନ୍।
ଦ୍ରଷ୍ଟୁଂ ହି ପାଣ୍ଡୁପୁତ୍ରାଂଶ୍ଚ ତ୍ବରନ୍ତି କୁରବୋ ଭୃଶମ୍॥ 1-225-23 (9761)
ବିପ୍ରୋଷିତା ଦୀର୍ଘକାଲମେତେ ଚାପି ନରର୍ଷଭାଃ।
ଉତ୍ସୁକା ନଗରଂ ଦ୍ରଷ୍ଟୁଂ ଭବିଷ୍ଯନ୍ତି ତଥା ପୃଥା॥ 1-225-24 (9762)
କୃଷ୍ଣାମପି ଚ ପାଞ୍ଚାଲୀଂ ସର୍ବାଃ କୁରୁବରସ୍ତ୍ରିଯଃ।
ଦ୍ରଷ୍ଟୁକାମାଃ ପ୍ରତୀକ୍ଷ୍ତେ ପୁରଂ ଚ ବିଷଯାଶ୍ଚ ନଃ॥ 1-225-25 (9763)
ସ ଭବାନ୍ପାଣ୍ଡୁପୁତ୍ରାଣାମାଜ୍ଞାପଯତୁ ମା ଚିରମ୍।
ଗମନଂ ସହଦାରାଣାମେତଦତ୍ର ମତଂ ମମ॥ 1-225-26 (9764)
ନିସୃଷ୍ଟେଷୁ ତ୍ବଯା ରାଜନ୍ପାଣ୍ଡବେଷୁ ମହାତ୍ମସୁ।
ତତୋଽହଂ ପ୍ରେଷଯିଷ୍ଯାମି ଧୃତରାଷ୍ଟ୍ରସ୍ଯ ଶୀଘ୍ରଗାନ୍।
ଆଗମିଷ୍ଯନ୍ତି କୌନ୍ତେଯାଃ କୁନ୍ତୀ ଚ ସହ କୃଷ୍ଣଯା॥ ॥ 1-225-27 (9765)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବିଦୁରାଗମନରାଜ୍ଯଲାଭପର୍ବଣି ପଞ୍ଚବିଂଶତ୍ଯଧିକଦ୍ବିଶତତମୋଽଧ୍ଯାଯଃ॥ 225 ॥
ଆଦିପର୍ବ - ଅଧ୍ଯାଯ 226
॥ ଶ୍ରୀଃ ॥
1.226. ଅଧ୍ଯାଯଃ 226
Mahabharata - Adi Parva - Chapter Topics
ପାଣ୍ଡବାନାଂ ହାସ୍ତିନପୁରଗମନଂପ୍ରତି ଶ୍ରୀକୃଷ୍ଣଦ୍ରୁପଦଯୋରଶ୍ଯନୁଜ୍ଞା॥ 1 ॥ ପୃଥାବିଦୁରସଂବାଦଃ॥ 2 ॥ ପ୍ରସ୍ଥିତାନାଂ ପାଣ୍ଡବାନାଂ ଦ୍ରୁପଦେନ ପାରିବର୍ହଦାନମ୍॥ 3 ॥ ପ୍ରତ୍ଯୁଦ୍ଗମନାଯାଗତୈଃ କୌରବୈଃ ସହ ପାଣ୍ଡବାନାଂ ଭୀଷ୍ମାଦିବନ୍ଦନପୁରଃସରଂ ଗୃହପ୍ରବେଶଃ॥ 4 ॥Mahabharata - Adi Parva - Chapter Text
1-226-0 (9766)
ଦ୍ରୁପଦ ଉବାଚ। 1-226-0x (1231)
ଏବମେତନ୍ମହାପ୍ରାଜ୍ଞ ଯଥାତ୍ଥ ବିଦୁରାଦ୍ଯ ମାମ୍।
ମମାପି ପରମୋ ହର୍ଷଃ ସଂବନ୍ଧେଽସ୍ମିନ୍କୃତେ ପ୍ରଭୋ॥ 1-226-1 (9767)
ଗମନଂ ଚାପି ଯୁକ୍ତଂ ସ୍ଯାଦ୍ଦୃଢମେଷାଂ ମହାତ୍ମନାମ୍।
ନ ତୁ ତାବନ୍ମଯା ଯୁକ୍ତମେତଦ୍ବକ୍ତୁଂ ସ୍ବଯଂ ଗିରା॥ 1-226-2 (9768)
ଯଦା ତୁ ମନ୍ଯତେ ବୀରଃ କୁନ୍ତୀପୁତ୍ରୋ ଯୁଧିଷ୍ଠିରଃ।
ଭୀମସେନାର୍ଜୁନୌ ଚୈବ ଯମୌ ଚ ପୁରୁଷର୍ଷଭୌ॥ 1-226-3 (9769)
ରାମକୃଷ୍ଣୌ ଚ ଧର୍ମଜ୍ଞୌ ତଦା ଗଚ୍ଛନ୍ତୁ ପାଣ୍ଡବାଃ।
ଏତୌ ହି ପୁରୁଷବ୍ଯାଘ୍ରାବେଷାଂ ପ୍ରିଯହିତେ ରତୌ॥ 1-226-4 (9770)
ଯୁଧିଷ୍ଠିର ଉବାଚ। 1-226-5x (1232)
ପରବନ୍ତୋ ବଯଂ ରାଜଂସ୍ତ୍ବଯି ସର୍ବେ ସହାନୁଗାଃ।
ଯଥା ବକ୍ଷ୍ଯସି ନଃ ପ୍ରୀତ୍ଯା ତତ୍କରିଷ୍ଯାମହେ ବଯମ୍॥ 1-226-5 (9771)
ବୈଶମ୍ପାଯନ ଉବାଚ। 1-226-6x (1233)
ତତୋଽବ୍ରବୀଦ୍ବାସୁଦେବୋ ଗମନଂ ରୋଚତେ ମମ।
ଯଥା ବା ମନ୍ଯତେ ରାଜା ଦ୍ରୁପଦଃ ସର୍ବଧର୍ମବିତ୍॥ 1-226-6 (9772)
ଦ୍ରୁପଦ ଉବାଚ। 1-226-7x (1234)
ଯଥୈବ ମନ୍ଯତେ ବୀରୋ ଦାଶାର୍ହଃ ପୁରୁଷୋତ୍ତମଃ।
ପ୍ରାପ୍ତକାଲଂ ମହାବାହୁଃ ସା ବୁଦ୍ଧିର୍ନିଶ୍ଚିତା ମମ॥ 1-226-7 (9773)
ଯଥୈବ ହି ମହାଭାଗାଃ କୌନ୍ତେଯା ମମ ସାଂପ୍ରତମ୍।
ତଥୈବ ବାସୁଦେବସ୍ଯ ପାଣ୍ଡୁପୁତ୍ରା ନ ସଂଶଯଃ॥ 1-226-8 (9774)
ନ ତଦ୍ଧ୍ଯାଯତି କୌନ୍ତେଯଃ ପାଣ୍ଡୁପୁତ୍ରୋ ଯୁଧିଷ୍ଠିରଃ।
ଯଥୈଷାଂ ପୁରୁଷବ୍ଯାଘ୍ରଃ ଶ୍ରେଯୋ ଧ୍ଯାଯତି କେଶବଃ॥ 1-226-9 (9775)
ବୈଶମ୍ପାଯନ ଉବାଚ। 1-226-10x (1235)
`ପୃଥାଯାସ୍ତୁ ତତୋ ବେଶ୍ମ ପ୍ରବିବେଶ ମହାମତିଃ।
ପାଦୌ ସ୍ପୃଷ୍ଟ୍ବା ପୃଥାଯାସ୍ତୁ ଶିରସା ଚ ମହୀଂ ଗତଃ॥ 1-226-10 (9776)
ଦୃଷ୍ଟ୍ବା ତୁ ଦେବରଂ କୁନ୍ତୀ ଶୁଶୋଚ ଚ ମୁହୁର୍ମୁହୁଃ। 1-226-11 (9777)
କୁନ୍ତ୍ଯୁବାଚ।
ବୈଚିତ୍ରବୀର୍ଯ ତେ ପୁତ୍ରାଃ କଥଂଚିଜ୍ଜୀବିତାସ୍ତ୍ବଯା॥ 1-226-11x (1236)
ତ୍ବତ୍ପ୍ରସାଦାଜ୍ଜତୁଗୃହେ ମୃତାଃ ପ୍ରତ୍ଯାଗତାସ୍ତଥା।
କୂର୍ମୀ ଚିନ୍ତଯତେ ପୁତ୍ରାନ୍ଯତ୍ର ବା ତତ୍ର ସଂମତା॥ 1-226-12 (9778)
ଚିନ୍ତଯା ବର୍ଧିତାଃ ପୁତ୍ରା ଯଥା କୁଶଲିନସ୍ତଥା।
ତବ ପୁତ୍ରାସ୍ତୁ ଜୀବନ୍ତି ତ୍ବଦ୍ଭକ୍ତ୍ଯା ଭରତର୍ଷଭ॥ 1-226-13 (9779)
ଯଥା ପରଭୃତଃ ପୁତ୍ରାନରିଷ୍ଟା ବର୍ଧଯେତ୍ସଦା।
ତଥୈବ ପୁତ୍ରାସ୍ତୁ ମମ ତ୍ବଯା ତାତ ସୁରକ୍ଷିତାଃ॥ 1-226-14 (9780)
କ୍ଲେଶାସ୍ତୁ ବହବଃ ପ୍ରାପ୍ତାସ୍ତଥା ପ୍ରାଣାନ୍ତିକା ମଯା।
ଅତଃ ପରଂ ନ ଜାନାମି କର୍ତବ୍ଯଂ ଜ୍ଞାତୁମର୍ହସି॥ 1-226-15 (9781)
ବିଦୁର ଉବାଚ। 1-226-16x (1237)
ନ ବିନଶ୍ଯନ୍ତି ଲୋକେଷୁ ତବ ପୁତ୍ରା ମହାବଲାଃ।
ଅଚିରେଣୈବ କାଲେନ ସ୍ବରାଜ୍ଯସ୍ଥା ଭବନ୍ତି ତେ॥ 1-226-16 (9782)
ବାନ୍ଧବୈଃ ସହିତାଃ ସର୍ବେ ନ ଶୋକଂ କୁରୁ ମାଧବି। 1-226-17 (9783)
ବୈଶମ୍ପାଯନ ଉବାଚ।'
ତତସ୍ତେ ସମନୁଜ୍ଞାତା ଦ୍ରୁପଦେନ ମହାତ୍ମନା॥ 1-226-17x (1238)
ପାଣ୍ଡବାଶ୍ଚୈବ କୃଷ୍ଣଶ୍ଚ ବିଦୁରଶ୍ଚ ମହାମତିଃ।
ଆଦାଯ ଦ୍ରୌପଦୀଂ କୃଷ୍ଣାଂ କୁନ୍ତୀଂ ଚୈବ ଯଶସ୍ବିନୀମ୍॥ 1-226-18 (9784)
ସବିହାରଂ ସୁଖଂ ଜଗ୍ମୁର୍ନଗରଂ ନାଗସାହ୍ବଯମ୍।
`ସୁବର୍ଣକକ୍ଷ୍ଯାଗ୍ରୈବେଯାନ୍ସୁବର୍ଣାଙ୍କୁଶଭୂଷିତାନ୍॥ 1-226-19 (9785)
ଜାମ୍ବୂନଦପରିଷ୍କାରାନ୍ପ୍ରଭିନ୍ନକରଟାମୁଖାନ୍।
ଅଧିଷ୍ଠିତାନ୍ମହାମାତ୍ରୈଃ ସର୍ବଶସ୍ତ୍ରସମନ୍ବିତାନ୍॥ 1-226-20 (9786)
ସହସ୍ରଂ ପ୍ରଦଦୌ ରାଜା ଗଜାନାଂ ବରବର୍ମିଣାମ୍।
ରଥାନାଂ ଚ ସହସ୍ରଂ ବୈ ସୁବର୍ଣମଣିଚିତ୍ରିତମ୍॥ 1-226-21 (9787)
ଚତୁର୍ଯୁଜାଂ ଭାନୁମଚ୍ଚ ପଞ୍ଚାନାଂ ପ୍ରଦଦୌ ତଦା।
ସୁବର୍ଣପରିବର୍ହାଣାଂ ବରଚାମରମାଲିନାମ୍॥ 1-226-22 (9788)
ଜାତ୍ଯଶ୍ବାନାଂ ଚ ପଞ୍ଚାଶତ୍ସହସ୍ରଂ ପ୍ରଦଦୌ ନୃପଃ।
ଦାସୀନାମଯୁତଂ ରାଜା ପ୍ରଦଦୌ ବରଭୂଷଣମ୍।
ତତଃ ସହସ୍ରଂ ଦାସାନାଂ ପ୍ରଦଦୌ ବରଧନ୍ବନାମ୍॥ 1-226-23 (9789)
ହୈମାନି ଶଯ୍ଯାସନବାଜନାନି
ଦ୍ରବ୍ଯାଣି ଚାନ୍ଯାନି ଚ ଗୋଧନାନି।
ପୃଥକ୍ପୃଥକ୍ବୈବ ଦଦୌ ସ କୋଟିଂ
ପାଞ୍ଚାଲରାଜଃ ପରମପ୍ରହୃଷ୍ଟଃ॥ 1-226-24 (9790)
ଶିବିକାନାଂ ଶତଂ ପୂର୍ଣଂ ବାହାନ୍ପଞ୍ଚଶତଂ ନରାନ୍॥ 1-226-25 (9791)
ଏବମେତାନି ପାଞ୍ଚାଲୋ ଜନ୍ଯାର୍ଥେ ପ୍ରଦଦୌ ଧନମ୍।
ହରଣଂ ଚାପି ପାଞ୍ଚାଲ୍ଯା ଜ୍ଞାତିଦେଯଂ ଚ ସୋମକଃ॥ 1-226-26 (9792)
ଧୃଷ୍ଟଦ୍ଯୁମ୍ନୋ ଯଯୌ ତତ୍ର ଭଗିନୀଂ ଗୃହ୍ଯ ଭାରତ।
ନାନଦ୍ଯମାନୋ ବହୁଶସ୍ତୂର୍ଯଘୋଷୈଃ ସହସ୍ରଶଃ॥' 1-226-27 (9793)
ଶ୍ରୁତ୍ବା ଚୋପସ୍ଥିତାନ୍ବୀରାନ୍ଧୃତରାଷ୍ଟ୍ରୋଽମ୍ବିକାସୁତଃ।
ପ୍ରତିଗ୍ରହାଯ ପାଣ୍ଡୂନାଂ ପ୍ରେଷଯାମାସ କୌରବାନ୍॥ 1-226-28 (9794)
ବିକର୍ଣଂ ଚ ମହେଷ୍ବାସଂ ଚିତ୍ରସେନଂ ଚ ଭାରତ।
ଦ୍ରୋଣଂ ଚ ପରମେଷ୍ବାସଂ ଗୌତମଂ କୃପମେବ ଚ॥ 1-226-29 (9795)
ତୈସ୍ତୈଃ ପରିବୃତାଃ ଶୂରୈଃ ଶୋଭମାନା ମହାରଥାଃ।
ନଗରଂ ହାସ୍ତିନପୁରଂ ଶନୈଃ ପ୍ରବିବିଶୁସ୍ତଦା॥ 1-226-30 (9796)
`ପାଣ୍ଡବାନାଗତାଞ୍ଛ୍ରୁତ୍ବା ନାଗରାସ୍ତୁ କୁତୂହଲାତ୍।
ମଣ୍ଡଯାଞ୍ଚକ୍ରିରେ ତତ୍ର ନଗରଂ ନାଗସାହ୍ବଯମ୍॥ 1-226-31 (9797)
ମୁକ୍ତପୁଷ୍ପାବକୀର୍ଣଂ ତୁ ଜଲସିକ୍ତଂ ତୁ ସର୍ବତଃ।
ଧୂପିତଂ ଦିବ୍ଯଧୂପେନ ମଙ୍ଗଲୈଶ୍ଚାଭିସଂବୃତମ୍॥ 1-226-32 (9798)
ପତାକୋଚ୍ଛ୍ରିତମାଲ୍ଯଂ ଚ ପୁରମପ୍ରତିମଂ ବଭୌ।
ଶଙ୍ଖଭେରୀନିନାଦୈଶ୍ଚ ନାନାବାଦିତ୍ରନିସ୍ବନୈଃ॥' 1-226-33 (9799)
କୌତୂହଲେନ ନଗରଂ ପୂର୍ଯମାଣମିବାଭବତ୍।
ଯତ୍ର ତେ ପୁରୁଷବ୍ଯାଘ୍ରାଃ ଶୋକଦୁଃଖସମନ୍ବିତାଃ॥ 1-226-34 (9800)
`ନିର୍ଗତାଶ୍ଚ ପୁରାତ୍ପୂର୍ବଂ ଧୃତରାଷ୍ଟ୍ରପ୍ରବାଧିତାଃ।
ପୁନର୍ନିବୃତ୍ତା ଦିଷ୍ଟ୍ଯା ବୈ ସହ ମାତ୍ରା ପରନ୍ତପାଃ॥ 1-226-35 (9801)
ଇତ୍ଯେବମୀରିତା ବାଚୋ ଜନୈଃ ପ୍ରିଯଚିକୀର୍ଷୁଭିଃ।'
ତତ ଉଚ୍ଚାବଚା ବାଚଃ ପ୍ରିଯାଃ ସର୍ବତ୍ର ଭାରତ॥ 1-226-36 (9802)
ଉଦୀରିତାସ୍ତଦାଽଶୃଣ୍ବନ୍ପାଣ୍ଡବା ହୃଦଯଂଗମାଃ। 1-226-37 (9803)
ପୌରା ଊଚୁଃ
ଅଯଂ ସ ପୁରୁଷବ୍ଯାଘ୍ରଃ ପୁନରାଯାତି ଧର୍ମବିତ୍॥ 1-226-37x (1239)
ଯୋ ନଃ ସ୍ବାନିବ ଦାଯାଦାନ୍ଧର୍ମେଣ ପରିରକ୍ଷତି।
ଅଦ୍ଯ ପାଣ୍ଡୁର୍ମହାରାଜୋ ବନାଦିବ ମନଃପ୍ରିଯମ୍॥ 1-226-38 (9804)
ଆଗତଶ୍ଚୈବମସ୍ମାକଂ ଚିକୀର୍ଷନ୍ନାତ୍ର ସଂଶଯଃ।
କିଂ ନ୍ବଦ୍ଯ ସୁକୃତଂ କର୍ମ ସର୍ବେଷାଂ ନଃ ପ୍ରିଯଂ ପରମ୍॥ 1-226-39 (9805)
ଯନ୍ନଃ କୁନ୍ତୀସୁତା ବୀରା ଭର୍ତାରଃ ପୁନରାଗତାଃ।
ଯଦି ଦତ୍ତଂ ଯଦି ହୁତଂ ଯଦି ବାପ୍ଯସ୍ତି ନସ୍ତପଃ।
ତେନ ତିଷ୍ଠନ୍ତୁ ନଗରେ ପାଣ୍ଡବାଃ ଶରଦାଂ ଶତମ୍॥ 1-226-40 (9806)
ତତସ୍ତେ ଧୃତରାଷ୍ଟ୍ରସ୍ଯ ଭୀଷ୍ମସ୍ଯ ଚ ମହାତ୍ମନଃ।
ଅନ୍ଯେଷାଂ ଚ ତଦର୍ହାଣାଂ ଚକ୍ରୁଃ ପାଦାଭିବନ୍ଦନମ୍॥ 1-226-41 (9807)
ପୃଷ୍ଟାସ୍ତୁ କୁଶଲପ୍ରଶ୍ନଂ ସର୍ବେଣ ନଗରେଣ ତେ।
ସମାବିଶନ୍ତ ବେଶ୍ମାନି ଧୃତରାଷ୍ଟ୍ରସ୍ଯ ଶାସନାତ୍॥ ॥ 1-226-42 (9808)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବିଦୁରାଗମନରାଜ୍ଯଲାଭପର୍ବଣି ଷଡ୍ବିଂଶତ୍ଯଧିକଦ୍ବିଶତତମୋଽଧ୍ଯାଯଃ॥ 226 ॥
ଆଦିପର୍ବ - ଅଧ୍ଯାଯ 227
॥ ଶ୍ରୀଃ ॥
1.227. ଅଧ୍ଯାଯଃ 227
Mahabharata - Adi Parva - Chapter Topics
ଦ୍ରୌପଦ୍ଯା ନମସ୍କୃତଯା ଗାନ୍ଧାର୍ଯା ତଦ୍ରୂପଦର୍ଶନେନ ତସ୍ଯାଃ ସ୍ବପୁତ୍ରମୃତ୍ଯୁତ୍ବବିତର୍କଃ॥ 1 ॥ ଧୃତରାଷ୍ଟ୍ରେଣ ଯୁଧିଷ୍ଠିରସ୍ଯ ଧର୍ମରାଜ୍ଯେଽଭିଷେକଃ॥ 2 ॥ ପାଣ୍ଡବାନାଂ ଖାଣ୍ଡବପ୍ରସ୍ଥଗମନମ୍॥ 3 ॥ ଶ୍ରୀକୃଷ୍ଣଚିନ୍ତିତେନେନ୍ଦ୍ରେଣ ବିଶ୍ବକର୍ମଣଃ ପ୍ରେଷଣମ୍॥ 4 ॥ ବିଶ୍ବକର୍ମଣା ଇନ୍ଦ୍ରପ୍ରସ୍ଥପୁରନିର୍ମାଣମ୍॥ 5 ॥ ତତ୍ରାଗତାନାଂ ସର୍ବେଷାଂ ବିସର୍ଜନମ୍॥ 6 ॥Mahabharata - Adi Parva - Chapter Text
1-227-0 (9809)
`ବୈଶମ୍ପାଯନ ଉବାଚ। 1-227-0x (1240)
ଦୁର୍ଯୋଧନସ୍ଯ ମହିଷୀ କାଶିରାଜସୁତା ତଦା।
ଧୃତରାଷ୍ଟ୍ରସ୍ଯ ପୁତ୍ରାଣାଂ ବଧୂଭିଃ ସହିତା ତଦା॥ 1-227-1 (9810)
ପାଞ୍ଚାଲୀଂ ପ୍ରତିଜଗ୍ରାହ ସାଧ୍ବୀଂ ଶ୍ରିଯମିବାପରାମ୍।
ପୂଜଯାମାସ ପୂଜାର୍ହାଂ ଶଚୀଦେବୀମିବାଗତାମ୍॥ 1-227-2 (9811)
ବବନ୍ଦେ ତତ୍ର ଗାନ୍ଧାରୀଂ କୃଷ୍ଣଯା ସହ ମାଧବୀ।
ଆଶିଷଶ୍ଚ ପ୍ରଯୁକ୍ତ୍ବା ତୁ ପାଞ୍ଚାଲୀଂ ପରିଷସ୍ବଜେ॥ 1-227-3 (9812)
ପରିଷ୍ବଜ୍ଯୈବ ଗାନ୍ଧାରୀ କୃଷ୍ଣାଂ କମଲଲୋଚନାମ୍।
ପୁତ୍ରାଣାଂ ମମ ପାଞ୍ଚାଲୀ ମୃତ୍ଯୁରେବେତ୍ଯମନ୍ଯତ॥ 1-227-4 (9813)
ସଂଚିନ୍ତ୍ଯ ବିଦୁରଂ ପ୍ରାହ ଯୁକ୍ତିତଃ ସୁବଲାତ୍ମଜା।
କୁନ୍ତୀଂ ରାଜସୁତାଂ କ୍ଷତ୍ତଃ ସବଧୂଂ ସପରିଚ୍ଛଦାମ୍॥ 1-227-5 (9814)
ପାଣ୍ଡୋର୍ନିବେଶନଂ ଶୀଘ୍ରଂ ନୀଯତାଂ ଯଦି ରୋଚତେ।
କରଣେନ ମୁହୂର୍ତେନ ନକ୍ଷତ୍ରେଣ ଶୁଭେ ତିଥୌ॥ 1-227-6 (9815)
ଯଥା ସୁଖଂ ତଥା କୁନ୍ତୀ ରଂସ୍ଯତେ ସ୍ବଗୃହେ ସୁତୈଃ।
ତଥେତ୍ଯେବ ତଦା କ୍ଷତ୍ତା କାରଯାମାସ ତତ୍ତଥା॥ 1-227-7 (9816)
ପୂଜଯାମାସୁରତ୍ଯର୍ଥଂ ବାନ୍ଧବାଃ ପାଣ୍ଡବାଂସ୍ତଦା।
ନାଗରାଃ ଶ୍ରେଣିମୁଖ୍ଯାଶ୍ଚ ପୂଜଯନ୍ତି ସ୍ମ ପାଣ୍ଡବାନ୍॥ 1-227-8 (9817)
ଭୀଷ୍ମୋ ଦ୍ରୋଣଃ କୃପଃ କର୍ଣୋ ବାହ୍ଲୀକଃ ସସୁତସ୍ତଦା।
ଶାସନାଦ୍ଧୃତରାଷ୍ଟ୍ରସ୍ଯ ଅକୁର୍ବନ୍ନତିଥିକ୍ରିଯାମ୍॥ 1-227-9 (9818)
ଏବଂ ବିହରତାଂ ତେଷାଂ ପାଣ୍ଡବାନାଂ ମହାତ୍ମନାମ୍।
ନେତା ସର୍ବସ୍ଯ କାର୍ଯସ୍ଯ ବିଦୁରୋ ରାଜଶାସନାତ୍॥' 1-227-10 (9819)
ବିଶ୍ରାନ୍ତାସ୍ତେ ମହାତ୍ମାନଃ କଂଚିତ୍କାଲଂ ସକେଶବାଃ।
ଆହୂତା ଧୃତରାଷ୍ଟ୍ରେଣ ରାଜ୍ଞା ଶାନ୍ତନବେନ ଚ॥ 1-227-11 (9820)
ଧୃତରାଷ୍ଟ୍ର ଉବାଚ। 1-227-12x (1241)
ଭ୍ରାତୃଭିଃ ସହ କୌନ୍ତେଯ ନିବୋଧେଦଂ ବଚୋ ମମ।
`ପାଣ୍ଡୁନା ବର୍ଧିତଂ ରାଜ୍ଯଂ ପାଣ୍ଡୁନା ପାଲିତଂ ଜଗତ୍॥ 1-227-12 (9821)
ଶାସନାନ୍ମମ କୌନ୍ତେଯ ମମ ଭ୍ରାତା ମହାବଲଃ।
କୃତବାନ୍ଦୁଷ୍କରଂ କର୍ମ ନିତ୍ଯମେବ ବିଶାଂପତେ॥ 1-227-13 (9822)
ତସ୍ମାତ୍ତ୍ବମପି କୌନ୍ତେଯ ଶାସନଂ କୁରୁ ମା ଚିରମ୍।
ମମ ପୁତ୍ରା ଦୁରାତ୍ମାନଃ ସର୍ବେଽହଂକାରସଂଯୁତାଃ॥ 1-227-14 (9823)
ଶାସନଂ ନ କରିଷ୍ଯନ୍ତି ମମ ନିତ୍ଯଂ ଯୁଧିଷ୍ଠିର।
ସ୍ବକାର୍ଯନିରତୈର୍ନିତ୍ଯମବଲିପ୍ତୈର୍ଦୁରାତ୍ମଭିଃ॥' 1-227-15 (9824)
ପୁନର୍ବୈ ବିଗ୍ରହୋ ମା ଭୂତ୍ଖାଣ୍ଡବପ୍ରସ୍ଥମାବିଶ।
ନ ହି ବୋ ବସତସ୍ତତ୍ର କଶ୍ଚିଚ୍ଛକ୍ତଃ ପ୍ରବାଧିତୁମ୍॥ 1-227-16 (9825)
ସଂରକ୍ଷ୍ଯମାଣାନ୍ପାର୍ଥେନ ତ୍ରିଦଶାନିବ ବଜ୍ରିଣା।
ଅର୍ଧରାଜ୍ଯଂ ତୁ ସଂପ୍ରାପ୍ଯ ଖାଣ୍ଡବପ୍ରସ୍ଥଣାବିଶ॥ 1-227-17 (9826)
`କେଶବୋ ଯଦି ମନ୍ଯତେ ତତ୍କର୍ତବ୍ଯମସଂଶଯମ୍॥' 1-227-18 (9827)
ବୈଶମ୍ପାଯନ ଉବାଚ। 1-227-19x (1242)
ପ୍ରତିଗୃହ୍ଯ ତୁ ତଦ୍ବାକ୍ଯଂ ନୃପଂ ସର୍ବେ ପ୍ରଣମ୍ଯ ଚ।
`ବାସୁଦେବେନ ସଂମନ୍ତ୍ର୍ଯ ପାଣ୍ଡବାଃ ସମୁପାବିଶନ୍॥ 1-227-19 (9828)
ଧୃତରାଷ୍ଟ୍ର ଉବାଚ। 1-227-20x (1243)
ଅଭିଷେକସ୍ଯ ସଂଭାରାନ୍କ୍ଷତ୍ତରାନଯ ମା ଚିରମ୍।
ଅଭିଷିକ୍ତଂ କରିଷ୍ଯାମି ହ୍ଯଦ୍ଯ ବୈ କୁରୁନନ୍ଦନମ୍॥ 1-227-20 (9829)
ବ୍ରାହ୍ମଣା ନୈଗମଶ୍ରେଷ୍ଠାଃ ଶ୍ରେଣୀମୁଖ୍ଯାଶ୍ଚ ସର୍ବତଃ।
ଆହୂଯନ୍ତାଂ ପ୍ରକୃତଯୋ ବାନ୍ଧବାଶ୍ଚ ବିଶେଷତଃ॥ 1-227-21 (9830)
ପୁଣ୍ଯାହଂ ବାଚ୍ଯତାଂ ତାତ ଗୋସହସ୍ରଂ ପ୍ରଦୀଯତାମ୍।
ଗ୍ରାମମୁଖ୍ଯାଶ୍ଚ ବିପ୍ରେଭ୍ଯୋ ଦୀଯନ୍ତାଂ ବହୁଦକ୍ଷିଣାଃ॥ 1-227-22 (9831)
ଅଙ୍ଗଦେ ମକୁଟଂ କ୍ଷତ୍ତର୍ହସ୍ତାଭରଣମାନଯ।
ମୁକ୍ତାବଲୀଶ୍ଚ ହାରଂ ଚ ନିଷ୍କାଣି କଟକାନି ଚ॥ 1-227-23 (9832)
କଟିବନ୍ଧଶ୍ଚ ସୂତ୍ରଂ ଚ ତଥୋଦରନିବନ୍ଧନମ୍।
ଅଷ୍ଟୋତ୍ତରସହସ୍ରଂ ତୁ ବ୍ରାହ୍ମଣାଧିଷ୍ଠିତା ଗଜାଃ॥ 1-227-24 (9833)
ଜାହ୍ନବୀସଲିଲଂ ଶୀଘ୍ରମାନୀଯନ୍ତାଂ ପୁରୋହିତୈଃ।
ଅଭିଷେକୋଦକକ୍ଲିନ୍ନଂ ସର୍ବାଭରଣଭୂଷିତମ୍॥ 1-227-25 (9834)
ଔପବାହ୍ଯୋପରିଗତଂ ଦିବ୍ଯଚାରମରବୀଜିତମ୍।
ସୁବର୍ଣମଣିଚିତ୍ରେଣ ଶ୍ବେତଚ୍ଛତ୍ରେଣ ଶୋଭିତମ୍॥ 1-227-26 (9835)
ଜଯେତି ଦ୍ବିଜବାକ୍ଯେନୁ ସ୍ତୂଯମାନଂ ନୃପୈସ୍ତଥା।
ଦୃଷ୍ଟ୍ବା କୁନ୍ତୀସୁତଂ ଜ୍ଯେଷ୍ଠମାଜମୀଢଂ ଯୁଧିଷ୍ଠିରମ୍॥ 1-227-27 (9836)
ପ୍ରୀତାଃ ପ୍ରୀତେନ ମନସା ପ୍ରଶଂସନ୍ତୁ ପରେ ଜନାଃ।
ପାଣ୍ଡୋଃ କୃତୋପକାରସ୍ଯ ରାଜ୍ଯଂ ଦତ୍ବା ମମୈବ ଚ॥ 1-227-28 (9837)
ପ୍ରତିକ୍ରିଯା କୃତମିଦଂ ଭବିଷ୍ଯତି ନ ସଂଶଯଃ।
ଭୀଷ୍ମୋ ଦ୍ରୋଣଃ କୃପଃ କ୍ଷତ୍ତା ସାଧୁସାଧ୍ବିତ୍ଯଥାବ୍ରୁବନ୍॥ 1-227-29 (9838)
ଶ୍ରୀବାସୁଦେବ ଉବାଚ। 1-227-30x (1244)
ଯୁକ୍ତମେତନ୍ମହାଭାଗ କୌରବାଣାଂ ଯଶସ୍କରମ୍।
ଶୀଘ୍ରମଦ୍ଯୈବ ରାଜେନ୍ଦ୍ର ତ୍ବଯୋକ୍ତଂ କର୍ତୁମର୍ହସି॥ 1-227-30 (9839)
ଇତ୍ଯେବମୁକ୍ତୋ ବାର୍ଷ୍ଣେଯସ୍ତ୍ବରଯାମାସ ତତ୍ତଦା।
ତଥୋକ୍ତଂ ଧୃତରାଷ୍ଟ୍ରେଣ କାରଯାମାସ କେଶବଃ॥ 1-227-31 (9840)
ତସ୍ମିନ୍କ୍ଷଣେ ମହାରାଜ କୃଷ୍ଣଦ୍ବୈପାଯନସ୍ତଦା।
ଆଗତ୍ଯ କୁରୁଭିଃ ସର୍ବୈଃ ପୂଜିତଃ ସସୁହୃଦ୍ଗଣୈଃ॥ 1-227-32 (9841)
ମୂର୍ଧାଭିଷିକ୍ତୈଃ ସହିତୋ ବ୍ରାହ୍ମଣୈର୍ବେଦପାରଗୈଃ।
କାରଯାମାସ ବିଧିବତ୍କେଶବାନୁମତେ ତଦା॥ 1-227-33 (9842)
କୃପୋ ଦ୍ରୋଣଶ୍ଚ ଭୀଷ୍ମଶ୍ଚ ଧୌମ୍ଯଶ୍ଚ ବ୍ଯାସକେଶବୌ।
ବାହ୍ଲୀକଃ ସୋମଦତ୍ତଶ୍ଚ ଚାତୁର୍ବେଦ୍ଯପୁରସ୍କୃତାଃ॥ 1-227-34 (9843)
ଅଭିଷେକଂ ତଦା ଚକ୍ରୁର୍ଭଦ୍ରପୀଠେ ସୁସଂସ୍କୃତମ୍॥ 1-227-35 (9844)
ବ୍ଯାସ ଉବାଚ। 1-227-36x (1245)
ଜିତ୍ବା ତୁ ପୃଥିବୀଂ କୃତ୍ସ୍ନାଂ ବଶେ କୃତ୍ବା ନୃପାନ୍ଭବାନ୍।
ରାଜସୂଯାଦିଭିର୍ଯଜ୍ଞୈଃ କ୍ରତୁଭିର୍ବରଦକ୍ଷିଣୈଃ॥ 1-227-36 (9845)
ସ୍ନାତ୍ବା ହ୍ଯବଭୃଥସ୍ନାନଂ ମୋଦତାଂ ବାନ୍ଧବୈଃ ସହ।
ଏବମୁକ୍ତ୍ବା ତୁ ତେ ସର୍ବେ ଆଶୀର୍ଭିରଭିପୂଜଯନ୍॥ 1-227-37 (9846)
ମୂର୍ଧାଭିଷିକ୍ତଃ କୌରବ୍ଯଃ ସର୍ବାଭରଣଭୂଷିତଃ।
ଜଯେତି ସଂସ୍ତୁତୋ ରାଜା ପ୍ରଦଦୌ ଧନମକ୍ଷଯମ୍॥ 1-227-38 (9847)
ସର୍ବମୂର୍ଧାଭିଷିକ୍ତୈଶ୍ଚ ପୂଜିତଃ କୁରନନ୍ଦନଃ।
ଔପବାହ୍ଯମଥାରୁହ୍ଯ ଶ୍ବେତଚ୍ଛତ୍ରେଣ ଶୋଭିତଃ॥ 1-227-39 (9848)
ରରାଜ ରାଜାଭିମତୋ ମହେନ୍ଦ୍ର ଇବ ଦୈବତୈଃ।
ତତଃ ପ୍ରଦକ୍ଷିଣୀକୃତ୍ଯ ନଗରଂ ନାଗସାହ୍ବଯମ୍॥ 1-227-40 (9849)
ପ୍ରବିବେଶ ତଦା ରାଜା ନାଗରୈଃ ପୂଜିତୋ ଗୃହମ୍।
ମୂର୍ଧାଭିଷିକ୍ତଂ କୌନ୍ତେଯମଭ୍ଯଗଚ୍ଛନ୍ତ କୌରବାଃ॥ 1-227-41 (9850)
ଗାନ୍ଧାରିପୁତ୍ରାଃ ଶୋଚନ୍ତଃ ସର୍ବେ ତେ ସହ ବାନ୍ଧବୈଃ।
ଜ୍ଞାତ୍ବା ଶୋକଂ ଚ ପୁତ୍ରାଣାଂ ଧୃତରାଷ୍ଟ୍ରୋଽବ୍ରବୀଦିଦଂ॥ 1-227-42 (9851)
ସମକ୍ଷଂ ବାସୁଦେବସ୍ଯ କୁରୂଣାଂ ଚ ସମକ୍ଷତଃ।
ଅଭିଷେକସ୍ତ୍ବଯା ପ୍ରାପ୍ତୋ ଦୁଷ୍ପ୍ରାପୋ ହ୍ଯକୃତାତ୍ମଭିଃ॥ 1-227-43 (9852)
ଗଚ୍ଛ ତ୍ବମଦ୍ଯୈବ ନୃପ କୃତକୃତ୍ଯୋଽସି କୌରବ।
ଆଯୁଃ ପୁରୂରବା ରାଜନ୍ନହୁଷେଣ ଯଯାତିନା॥ 1-227-44 (9853)
ତତ୍ରୈବ ନିବସନ୍ତି ସ୍ମ ଖାଣ୍ଡବେ ତୁ ନୃପୋତ୍ତମ।
ରାଜଧାନୀ ତୁ ସର୍ବେଷାଂ ପୌରବାଣାଂ ମହାଭୁଜ॥ 1-227-45 (9854)
ବିନାଶିତଂ ମୁନିଗଣୈର୍ଲୋଭାଦ୍ବୁଧସୁତସ୍ଯ ବୈ।
ତସ୍ମାତ୍ତ୍ବଂ ଖାଣ୍ଡବପ୍ରସ୍ଥଂ ପୁରଂ ରାଷ୍ଟ୍ରଂ ଚ ବର୍ଧଯ॥ 1-227-46 (9855)
ବ୍ରାହ୍ମଣାଃ କ୍ଷତ୍ରିଯା ବୈଶ୍ଯାଃ ଶୂଦ୍ରାଶ୍ଚ କୃତଲକ୍ଷଣାଃ।
ତ୍ବଦ୍ଭକ୍ତ୍ଯା ଜନ୍ତବଶ୍ଚାନ୍ଯେ ଭଜନ୍ତ୍ଯେବ ପୁରଂ ଶୁଭମ୍॥ 1-227-47 (9856)
ପୁରଂ ରାଷ୍ଟ୍ରଂ ସମୃଦ୍ଧଂ ବୈ ଧନଧାନ୍ଯସମାକୁଲମ୍।
ତସ୍ମାଦ୍ଗଚ୍ଛସ୍ବ କୌନ୍ତେଯ ଭ୍ରାତୃଭିଃ ସହିତୋଽନଘ॥ 1-227-48 (9857)
ବୈଶମ୍ପାଯନ ଉବାଚ। 1-227-49x (1246)
ପ୍ରତିଗୃହ୍ଯ ତୁ ତଦ୍ବାକ୍ଯଂ ତସ୍ମୈ ସର୍ବେ ପ୍ରଣମ୍ଯ ଚ।
ରଥୈର୍ନାଗୈର୍ହଯୈଶ୍ଚାପି ସହିତାସ୍ତୁ ପଦାତିଭିଃ॥ 1-227-49 (9858)
ପ୍ରତସ୍ଥିରେ ତତୋ ଘୋଷସଂଯୁକ୍ତୈଃ ସ୍ଯନ୍ଦନୈର୍ବରୈଃ।
ତାନ୍ଦୃଷ୍ଟ୍ବା ନାଗରାଃ ସର୍ବେ ଭକ୍ତ୍ଯା ଚୈବ ପ୍ରତସ୍ଥିରେ॥ 1-227-50 (9859)
ଗଚ୍ଛତଃ ପାଣ୍ଡବୈଃ ସାର୍ଧଂ ଦୃଷ୍ଟ୍ବା ନାଗପୁରାଲଯାତ୍।
ପାଣ୍ଡବୈଃ ସହିତା ଗନ୍ତୁଂ ନାର୍ହତେତି ଚ ନାଗରାନ୍॥ 1-227-51 (9860)
ଘୋଷଯାମାସ ନଗରେ ଧାର୍ତରାଷ୍ଟ୍ରଃ ସସୌବଲଃ।'
ତତସ୍ତେ ପାଣ୍ଡବାସ୍ତତ୍ର ଗତ୍ବା କୃଷ୍ଣପୁରୋଗମାଃ॥ 1-227-52 (9861)
ମଣ୍ଡଯାଞ୍ଚକ୍ରିରେ ତଦ୍ବୈ ପୁରଂ ସ୍ବର୍ଗାଦିବ ଚ୍ଯୁତମ୍।
`ବାସୁଦେବୋ ଜଗନ୍ନାଥଶ୍ଚିନ୍ତଯାମାସ ବାସବମ୍॥ 1-227-53 (9862)
ମହେନ୍ଦ୍ରଶ୍ଚିନ୍ତିତୋ ରାଜନ୍ବିଶ୍ବକର୍ମାଣମାଦିଶତ୍।
ବିଶ୍ବକର୍ମନ୍ମହାପ୍ରାଜ୍ଞ ଅଦ୍ଯପ୍ରଭୃତି ତତ୍ପୁରମ୍॥ 1-227-54 (9863)
ଇନ୍ଦ୍ରପ୍ରସ୍ଥମିତି ଖ୍ଯାତଂ ଦିବ୍ଯଂ ଭୂମ୍ଯାଂ ଭବିଷ୍ଯତି।
ମହେନ୍ଦ୍ରଶାସନାଦ୍ଗତ୍ବା ବିଶ୍ବକର୍ମା ତୁ କେଶବମ୍॥ 1-227-55 (9864)
ପ୍ରଣମ୍ଯ ପ୍ରଣିପାତାର୍ହଂ କିଂ କରୋମୀତ୍ଯଭାଷତ।
ବାସୁଦେବସ୍ତୁ ତଚ୍ଛ୍ରୁତ୍ବା ବିଶ୍ବକର୍ମାଣମୂଚିବାନ୍॥ 1-227-56 (9865)
କୁରୁଷ୍ବ କୁରୁରାଜସ୍ଯ ମହେନ୍ଦ୍ରପୁରସନ୍ନିଭମ୍।
ଇନ୍ଦ୍ରେଣ କୃତନାମାନମିନ୍ଦ୍ରପ୍ରସ୍ଥଂ ମହାପୁରମ୍॥ 1-227-57 (9866)
ବୈଶମ୍ପାଯନ ଉବାଚ।' 1-227-58x (1247)
ତତଃ ପୁଣ୍ଯେ ଶିବେ ଦେଶେ ଶାନ୍ତିଂ କୃତ୍ବା ମହାରଥାଃ।
ସ୍ବସ୍ତିବାଚ୍ଯ ଯଥାନ୍ଯାଯମିନ୍ଦ୍ରପ୍ରସ୍ଥଂ ଭବତ୍ବିତି॥ 1-227-58 (9867)
ତତ୍ପୁରଂ ମାପଯାମାସୁର୍ଦ୍ବୈପାଯନପୁରୋଗମାଃ।
`ତତଃ ସ ବିଶ୍ବକର୍ମା ତୁ ଚକାର ପୁରମୁତ୍ତମମ୍॥' 1-227-59 (9868)
ସାଗରପ୍ରତିରୂପାଭିଃ ପରିଖାଭିରଲଙ୍କୃତମ୍।
ପ୍ରାକାରେଣ ଚ ସଂପନ୍ନଂ ଦିବମାବୃତ୍ଯ ତିଷ୍ଠତା॥ 1-227-60 (9869)
ପାଣ୍ଡୁରାଭ୍ରପ୍ରକାଶେନ ହିମରଶ୍ମିନିଭେନ ଚ।
ଶୁଶୁଭେ ତତ୍ପୁରଶ୍ରେଷ୍ଠଂ ନାଗୈର୍ଭୋଗବତୀ ଯଥା॥ 1-227-61 (9870)
ଦ୍ବିପକ୍ଷଗରୁଡପ୍ରଖ୍ଯୈର୍ଦ୍ବାରୈଃ ସୌଧୈଶ୍ଚ ଶୋଭିତମ୍।
ଗୁପ୍ତମଭ୍ରଚଯପ୍ରଖ୍ଯୈର୍ଗୋପୁରୈର୍ମନ୍ଦରୋପମୈଃ॥ 1-227-62 (9871)
ବିବିଧୈରପି ନିର୍ବିଦ୍ଧୈଃ ଶସ୍ତ୍ରୋପେତୈଃ ସୁସଂବୃତୈଃ।
ଶକ୍ତିଭିଶ୍ଚାବୃତଂ ତଦ୍ଧି ଦ୍ବିଜିହ୍ବୈରିବ ପନ୍ନଗୈଃ॥ 1-227-63 (9872)
ତଲ୍ପୈଶ୍ଚାଭ୍ଯାସିକୈର୍ଯୁକ୍ତଂ ଶୁଶୁଭେ ଯୋଧରକ୍ଷିତମ୍।
ଥୀକ୍ଷ୍ଣାଙ୍କୁଶଶତଘ୍ନୀଭିର୍ଯନ୍ତ୍ରଜାଲୈଶ୍ଚ ଶୋଭିତମ୍॥ 1-227-64 (9873)
ଆଯସୈଶ୍ଚ ମହାଚକ୍ରୈଃ ଶୁଶୁଭେ ତତ୍ପୁରୋତ୍ତମମ୍।
ସୁବିଭକ୍ତମହାରଥ୍ଯଂ ଦେବତାବାଧବର୍ଜିତମ୍॥ 1-227-65 (9874)
ବିରୋଚମାନଂ ବିବିଧୈଃ ପାଣ୍ଡୁରୈର୍ଭବନୋତ୍ତମୈଃ।
ତତ୍ତ୍ରିବିଷ୍ଟପସଂକାଶମିନ୍ଦ୍ରପ୍ରସ୍ଥଂ ବ୍ଯରୋଚତ॥ 1-227-66 (9875)
ମେଘବୃନ୍ଦମିବାକାଶେ ବିଦ୍ଧଂ ବିଦ୍ଯୁତ୍ସମାବୃତମ୍।
ତତ୍ର ରମ୍ଯେ ଶିବେ ଦେଶେ କୌରବ୍ଯସ୍ଯ ନିବେଶନମ୍॥ 1-227-67 (9876)
ଶୁଶୁଭେ ଧନସଂପୂର୍ଣଂ ଧନାଧ୍ଯକ୍ଷକ୍ଷଯୋପମମ୍।
ତତ୍ରାଗଚ୍ଛନ୍ଦ୍ବିଜା ରାଜନ୍ସର୍ବବେଦବିଦାଂ ବରାଃ॥ 1-227-68 (9877)
ନିବାସଂ ରୋଚଯନ୍ତି ସ୍ମ ସର୍ବଭାଷାବିଦସ୍ତଥା।
ବଣିଜଶ୍ଚାଯଯୁସ୍ତତ୍ର ନାନାଦିଗ୍ଭ୍ଯୋ ଧନାର୍ଥିନଃ॥ 1-227-69 (9878)
ସର୍ବଶିଲ୍ପବିଦସ୍ତତ୍ର ବାସାଯାଭ୍ଯାଗମଂସ୍ତଦା।
ଉଦ୍ଯାନାନି ଚ ରମ୍ଯାଣି ନଗରସ୍ଯ ସମନ୍ତତଃ॥ 1-227-70 (9879)
ଆମ୍ରୈରାମ୍ରାତକୈର୍ନୀପୈରଶୋକୈଶ୍ଚମ୍ପକୈସ୍ତଥା।
ପୁନ୍ନାଗୈର୍ନାଗପୁଷ୍ପୈଶ୍ଚ ଲକୁଚୈଃ ପନସୈସ୍ତଥା॥ 1-227-71 (9880)
ଶାଲତାଲତମାଲୈଶ୍ଚ ବକୁଲୈଶ୍ଚ ସକେତକୈଃ।
ମନୋହରୈଃ ସୁପୁଷ୍ପୈଶ୍ଚ ଫଲଭାରାବନାମିତୈଃ॥ 1-227-72 (9881)
ପ୍ରାଚୀନାମଲକୈର୍ଲୋଧ୍ରୈରଙ୍କୋଲୈଶ୍ଚ ସୁପିଷ୍ପିତୈଃ।
ଜମ୍ବୂଭିଃ ପାଟଲାଭିଶ୍ଚ କୁବ୍ଜକୈରତିମୁକ୍ତକୈଃ॥ 1-227-73 (9882)
କରବୀରୈଃ ପାରିଜାତୈରନ୍ଯୈଶ୍ଚ ବିବିଧୈର୍ଦ୍ରୁମୈଃ।
ନିତ୍ଯପୁଷ୍ପଫଲୋପେତୈର୍ନାନାଦ୍ବିଜଗଣାଯୁତୈଃ॥ 1-227-74 (9883)
ମତ୍ତବର୍ହିଣସଂଘୁଷ୍ଟକୋକିଲୈଶ୍ଚ ସଦାମଦୈଃ।
ଗୃହୈରାଦର୍ଶବିମଲୈର୍ବିବିଧୈଶ୍ଚ ଲତାଗୃହୈଃ॥ 1-227-75 (9884)
ମନୋହରୈଶ୍ଚିତ୍ରଗୃହୈସ୍ତଥାଽଜଗତିପ୍ରବତୈଃ।
ବାପୀଭିର୍ବିବିଧାଭିଶ୍ଚ ପୂର୍ଣାଭିଃ ପରମାମ୍ଭସା॥ 1-227-76 (9885)
ସରୋଭିରତିରମ୍ଯୈଶ୍ଚ ପଦ୍ମୋତ୍ପଲସୁଗନ୍ଧିଭିଃ।
ହଂସକାରଣ୍ଡବଯୁତୈଶ୍ଚକ୍ରବାକୋପଶୋଭିତୈଃ॥ 1-227-77 (9886)
ରମ୍ଯାଶ୍ଚ ବିବିଧାସ୍ତତ୍ର ପୁଷ୍କରିଣ୍ଯୋ ବନାବୃତାଃ।
ତଡାଗାନି ଚ ରମ୍ଯାଣି ବୃହନ୍ତି ସୁବହୂନି ଚ॥ 1-227-78 (9887)
`ନଦୀ ଚ ନନ୍ଦିନୀ ନାମ ସା ପୁରୀମୁପଗୂହତି।
ଚାତୁର୍ବର୍ଣ୍ଯସମାକୀର୍ଣମନ୍ଯୈଃ ଶିଲ୍ପିଭିରାବୃତମ୍॥ 1-227-79 (9888)
ସର୍ବଦାଭିସୃତଂ ସଦ୍ଭିଃ କାରିତଂ ବିଶ୍ବକର୍ମଣା।
ଉପଭୋଗସମୃଦ୍ଧୈଶ୍ଚ ସର୍ବଦ୍ରବ୍ଯସମାବୃତମ୍॥ 1-227-80 (9889)
ନିତ୍ଯମାର୍ଯଜନୋପେତଂ ନରନାରୀଗଣୈର୍ଯୁତମ୍।
ବାଜିବାରଣସଂପୂର୍ଣଂ ଗୋଭିରୁଷ୍ଟ୍ରୈଃ ଖରୈରଜୈଃ॥ 1-227-81 (9890)
ତତ୍ତ୍ରିବିଷ୍ଟପସଙ୍କାଶମିନ୍ଦ୍ରପ୍ରସ୍ଥଂ ବ୍ଯରୋଚତ।
ପୁରୀଂ ସର୍ବଗୁଣୋପେତାଂ ନିର୍ମିତାଂ ବିଶ୍ବକର୍ମଣା॥ 1-227-82 (9891)
ପୌରବାଣାମଧିପତିଃ କୁନ୍ତୀପୁତ୍ରୋ ଯୁଧିଷ୍ଠିରଃ।
କୃତମଙ୍ଗଲସତ୍କାରୈର୍ବ୍ରାହ୍ମଣୈର୍ବେଦପାରଗୈଃ॥ 1-227-83 (9892)
ଦ୍ବୈପାଯନଂ ପୁରସ୍କୃତ୍ଯ ଧୌମ୍ଯସ୍ଯାଭିମତେ ସ୍ଥିତଃ।
ଭ୍ରାତୃଭିଃ ସହିତୋ ରାଜା ରାଜମାର୍ଗମତୀତ୍ଯ ଚ॥ 1-227-84 (9893)
ଔପବାହ୍ଯଗତୋ ରାଜା କେଶବେନ ସହାଭିଭୂଃ।
ତୋରଣଦ୍ବାରସୁମୁଖଂ ଦ୍ବାତ୍ରିଂଶଦ୍ଦ୍ବାରସଂଯୁତମ୍॥ 1-227-85 (9894)
ବର୍ଧମାନପୁରଦ୍ବାରାତ୍ପ୍ରବିବେଶ ମହାଦ୍ଯୁତିଃ।
ଶଙ୍ଖଦୁନ୍ଦୁଭିନିର୍ଘୋଷାଃ ଶ୍ରୂଯନ୍ତେ ବହବୋ ଭୃଶମ୍॥ 1-227-86 (9895)
ଜଯେତି ବ୍ରାହ୍ମଣଗିରଃ ଶ୍ରୂଯନ୍ତେ ଚ ସହସ୍ରଶଃ।
ସଂସ୍ତୂଯମାନୋ ମୁନିଭିଃ ସୂତମାଗଧବନ୍ଦିଭିଃ॥ 1-227-87 (9896)
ଔପବାହ୍ଯଗତୋ ରାଜା ରାଜମାର୍ଗମତୀତ୍ଯ ଚ।
କୃତମଙ୍ଗଲସତ୍କାରଂ ପ୍ରବିବେଶ ଗୃହୋତ୍ତମମ୍॥ 1-227-88 (9897)
ପ୍ରବିଶ୍ଯ ଭବନଂ ରାଜା ନାଗରୈରଭିସଂବୃତଃ।
ପ୍ରହୃଷ୍ଟମୁଦିତୈରାସୀତ୍ସତ୍କାରୈରଭିପୂଜିତଃ॥ 1-227-89 (9898)
ପୂଜଯାମାସ ବିପ୍ରେନ୍ଦ୍ରାନ୍କେଶେନ ମହାତ୍ମନା।
ତତସ୍ତୁ ରାଷ୍ଟ୍ରଂ ନଗରଂ ନରନାରୀଗଣାଯୁତମ୍॥ 1-227-90 (9899)
ଗୋଧନୈଶ୍ଚ ସମାକୀର୍ଣଂ ସସ୍ଯୈର୍ବୃଦ୍ଧିଂ ତଦାଗମତ୍॥' 1-227-91 (9900)
ତେଷାଂ ପୁଣ୍ଯଜନୋପେତଂ ରାଷ୍ଟ୍ରମାବିଶତାଂ ମହତ୍।
ପାଣ୍ଡବାନାଂ ମହାରାଜ ଶଶ୍ବତ୍ପ୍ରୀତିରବର୍ଧତ॥ 1-227-92 (9901)
`ସୌବଲେନ ଚ କର୍ଣେନ ଧାର୍ତରାଷ୍ଟ୍ରୈଃ କୃପେଣ ଚ।'
ତଥା ଭୀଷ୍ମେଣ ରାଜ୍ଞା ଚ ଧର୍ମପ୍ରଣଯିନା ସଦା॥ 1-227-93 (9902)
ପାଣ୍ଡବାଃ ସମପଦ୍ଯନ୍ତ ଖାଣ୍ଡବପ୍ରସ୍ଥବାସିନଃ।
ପଞ୍ଚଭିସ୍ତୈର୍ମହେଷ୍ବାସୈରିନ୍ଦ୍ରକଲ୍ପୈଃ ସମାବୃତମ୍॥ 1-227-94 (9903)
ଶୁଶୁଭେ ତତ୍ପୁରଶ୍ରେଷ୍ଠଂ ନାଗୈର୍ଭୋଗବତୀ ଯଥା।
`ତତସ୍ତୁ ବିଶ୍ବକର୍ମାଣଂ ପୂଜଯିତ୍ବା ବିସୃଜ୍ଯ ଚ॥ 1-227-95 (9904)
ଦ୍ବୈପାଯନଂ ଚ ସଂପୂଜ୍ଯ ବିସୃଜ୍ଯ ଚ ନରାଧିପଃ।
ବାର୍ଷ୍ଣେଯମବ୍ରବୀଦ୍ରାଜା ଗନ୍ତୁକାମଂ କୃତକ୍ଷଣମ୍॥ 1-227-96 (9905)
ତବ ପ୍ରସାଦାଦ୍ବାର୍ଷ୍ଣେଯ ରାଜ୍ଯଂ ପ୍ରାପ୍ତଂ ମଯାଽନଘ।
ପ୍ରସାଦାଦେବ ତେ ବୀର ଶୂନ୍ଯଂ ରାଷ୍ଟ୍ରଂ ସୁଦୁର୍ଗମମ୍॥ 1-227-97 (9906)
ତବୈବ ତୁ ପ୍ରସାଦେନ ରାଜ୍ଯସ୍ଥାଶ୍ଚ ଭବାମହେ।
ଗତିସ୍ତ୍ବମାପତ୍କାଲେଽପି ପାଣ୍ଡବାନାଂ ଚ ମାଧବ॥ 1-227-98 (9907)
ଜ୍ଞାତ୍ବା ତୁ କୃତ୍ଯଂ କର୍ତବ୍ଯଂ କାରଯସ୍ବ ଭବାନ୍ହି ନଃ।
ଯଦିଷ୍ଟମନୁମନ୍ତବ୍ଯଂ ପାଣ୍ଡବାନାଂ ତ୍ବଯାଽନଘ॥ 1-227-99 (9908)
ଶ୍ରୀବାସୁଦେବ ଉବାଚ। 1-227-100x (1248)
ତ୍ବତ୍ପ୍ରଭାବାନ୍ମହାରାଜ୍ଯଂ ସଂପ୍ରାପ୍ତଂ ହି ସ୍ବଧର୍ମତଃ।
ପିତୃପୈତାମହଂ ରାଜ୍ଯଂ କଥଂ ନ ସ୍ଯାତ୍ତବ ପ୍ରଭୋ॥ 1-227-100 (9909)
ଧାର୍ତରାଷ୍ଟ୍ରା ଦୁରାଚାରାଃ କିଂ କରିଷ୍ଯନ୍ତି ପାଣ୍ଡବାନ୍।
ଯଥେଷ୍ଟଂ ପାଲଯ ଜଗଚ୍ଛଶ୍ବଦ୍ଧର୍ମଧୁରଂ ବହ॥ 1-227-101 (9910)
ପୁନଃ ପୁନଶ୍ଚ ସଂହର୍ଷାଦ୍ବ୍ରାହ୍ମଣାନ୍ଭର ପୌରବ।
ଅଦ୍ଯୈବ ନାରଦଃ ଶ୍ରୀମାନାଗମିଷ୍ଯତି ସତ୍ବରଃ॥ 1-227-102 (9911)
ଆଦତ୍ସ୍ବ ତସ୍ଯ ବାକ୍ଯାନି ଶାସନଂ କୁରୁ ତସ୍ଯ ବୈ।
ଏବମୁକ୍ତ୍ବା ତତଃ କୁନ୍ତୀମଭିବାଦ୍ଯ ଜନାର୍ଦନଃ॥ 1-227-103 (9912)
ଉବାଚ ଶ୍ଲକ୍ଷ୍ଣଯା ବାଚା ଗମିଷ୍ଯାମି ନମୋସ୍ତୁ ତେ। 1-227-104 (9913)
କୁନ୍ତ୍ଯୁବାଚ।
ଜାତୁଷଂ ଗୃହମାସାଦ୍ଯ ମଯା ପ୍ରାପ୍ତଂ ଯଦାନଘ॥ 1-227-104x (1249)
ଆର୍ଯେଣ ସମଭିଜ୍ଞାତଂ ତ୍ବଯା ବୈ ଯଦୁପୁଙ୍ଗବ।
ତ୍ବଯା ନାଥେନ ଗୋବିନ୍ଦ ଦୁଃଖଂ ତୀର୍ଣଂ ମହତ୍ତରମ୍॥ 1-227-105 (9914)
ତ୍ବଂ ହି ନାଥସ୍ତ୍ବନାଥାନାଂ ଦରିଦ୍ରାଣାଂ ବିଶେଷତଃ।
ସର୍ବଦୁଃଖାନି ଶାମ୍ଯନ୍ତି ତବ ସଂଦର୍ଶନାନ୍ମମ॥ 1-227-106 (9915)
ସ୍ମରସ୍ବୈନାନ୍ମହାପ୍ରାଜ୍ଞ ତେନ ଜୀବନ୍ତି ପାଣ୍ଡବାଃ॥ 1-227-107 (9916)
ବୈଶମ୍ପାଯନ ଉବାଚ। 1-227-108x (1250)
କରିଷ୍ଯାମୀତି ଚାମନ୍ତ୍ର୍ଯ ଅଭିବାଦ୍ଯ ପିତୃଷ୍ବସାମ୍।
ଗମନାଯ ମତିଂ ଚକ୍ରେ ବାସୁଦେବଃ ସହାନୁଗଃ॥' 1-227-108 (9917)
ତାନ୍ନିବେଶ୍ଯ ତତୋ ବୀରଃ ସହ ରାମେଣ କୌରବାନ୍।
ଯଯୌ ଦ୍ବାରବତୀଂ ରାଜନ୍ପାଣ୍ଡବାନୁମତେ ତଦା॥ ॥ 1-227-109 (9918)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବିଦୁରାଗମନରାଜ୍ଯଲାଭପର୍ବଣି ସପ୍ତବିଂଶତ୍ଯଧିକଦ୍ବିଶତତମୋଽଧ୍ଯାଯଃ॥ 227 ॥
ଆଦିପର୍ବ - ଅଧ୍ଯାଯ 228
॥ ଶ୍ରୀଃ ॥
1.228. ଅଧ୍ଯାଯଃ 228
Mahabharata - Adi Parva - Chapter Topics
ପାଣ୍ଡବାନାଂ ସମୀପେ ନାରଦାଗମନମ୍॥ 1 ॥Mahabharata - Adi Parva - Chapter Text
1-228-0 (9919)
ଜନମେଜଯ ଉବାଚ। 1-228-0x (1251)
ଏବଂ ସଂପ୍ରାପ୍ଯ ରାଜ୍ଯଂ ତଦିନ୍ଦ୍ରପ୍ରସ୍ଥେ ତପୋଧନ।
ଅତ ଊର୍ଧ୍ବଂ ନରବ୍ଯାଘ୍ରାଃ କିମକୁର୍ବତ ପାଣ୍ଡବାଃ॥ 1-228-1 (9920)
ସର୍ବ ଏବ ମହାତ୍ମାନଃ ସର୍ବେ ମମ ପିତାମହାଃ।
ଦ୍ରୌପଦୀ ଧର୍ମପତ୍ନୀ ଚ କଥଂ ତାନନ୍ବବର୍ତତ॥ 1-228-2 (9921)
କଥମାସୁଶ୍ଚ କୃଷ୍ଣାଯାମେକସ୍ଯାଂ ତେ ନରର୍ଷଭାଃ।
ବର୍ତମାନା ମହାଭାଗା ନାଭିଦ୍ଯନ୍ତ ପରସ୍ପରମ୍॥ 1-228-3 (9922)
ଶ୍ରୋତୁମିଚ୍ଛାମ୍ଯହଂ ତତ୍ର ବିସ୍ତରେଣ ଯଥାତଥମ୍।
ତେଷାଂ ଚେଷ୍ଟିତମନ୍ଯୋନ୍ଯଂ ଯୁକ୍ତାନାଂ କୃଷ୍ଣଯା ସହ॥ 1-228-4 (9923)
ବୈଶମ୍ପାଯନ ଉବାଚ। 1-228-5x (1252)
ଧୃତରାଷ୍ଟ୍ରାଭ୍ଯନୁଜ୍ଞାତା ଇନ୍ଦ୍ରପ୍ରସ୍ଥଂ ପ୍ରବିଶ୍ଯ ତତ୍।
ରେମିରେ ପୁରୁଷବ୍ଯାଘ୍ରାଃ କୃଷ୍ଣଯା ସହ ପାଣ୍ଡବାଃ॥ 1-228-5 (9924)
ପ୍ରାପ୍ଯ ରାଜ୍ଯଂ ମହାତେଜାଃ ସତ୍ଯସନ୍ଧୋ ଯୁଧିଷ୍ଠିରଃ।
ପାଲଯାମାସ ଧର୍ମେଣ ପୃଥିବୀଂ ଭ୍ରାତୃଭିଃ ସହ॥ 1-228-6 (9925)
ଜିତାରଯୋ ମହାତ୍ମାନଃ ସତ୍ଯଧର୍ମପରାଯଣାଃ।
ଏବଂ ପୁରମିଦଂ ପ୍ରାପ୍ଯ ତତ୍ରୋଷୁଃ ପାଣ୍ଡୁନନ୍ଦନାଃ॥ 1-228-7 (9926)
କୁର୍ବାଣାଃ ପୌରକାର୍ଯାଣି ସର୍ବାଣି ଭରତର୍ଷଭାଃ।
ଆସାଂଚକ୍ରୁର୍ମହାର୍ହେଷୁ ପାର୍ଥିବେଷ୍ବାସନେଷୁ ଚ॥ 1-228-8 (9927)
ତେଷୁ ତତ୍ରୋପବିଷ୍ଟେଷୁ ପାଣ୍ଡବେଷୁ ମହାତ୍ମସୁ।
ଆଯଯୌ ଧର୍ମରାଜଂ ତୁ ଦ୍ରଷ୍ଟୁକାମୋଽଥ ନାରଦଃ॥ 1-228-9 (9928)
`ପଥା ନକ୍ଷତ୍ରଜୁଷ୍ଟେନ ସୁପର୍ଣାଚରିତେନ ଚ।
ଚନ୍ଦ୍ରସୂର୍ଯପ୍ରକାଶେନ ସେବିତେନ ମହର୍ଷିଭିଃ॥ 1-228-10 (9929)
ନଭସ୍ସ୍ଥଲେନ ଦିବ୍ଯେନ ଦୁର୍ଲଭେନାତପସ୍ବିନାମ୍।
ଭୂତାର୍ଚିତୋ ଭୂତଧରାଂ ରାଷ୍ଟ୍ରମନ୍ଦିରଭୂଷିତାମ୍॥ 1-228-11 (9930)
ଅବେକ୍ଷମାଣୋ ଦ୍ଯୁତିମାନାଜଗାମ ମହାତପାଃ।
ସର୍ବବେଦାନ୍ତଗୋ ବିପ୍ରଃ ସର୍ବବେଦାଙ୍ଗପାରଗଃ॥ 1-228-12 (9931)
ପରେଣ ତପସା ଯୁକ୍ତୋ ବ୍ରାହ୍ମେଣ ତପସା ବୃତଃ।
ନଯେ ନୀତୌ ଚ ନିସ୍ତୋ ବିଶ୍ରୁତଶ୍ଚ ମହାମୁନିଃ॥ 1-228-13 (9932)
ପରାତ୍ପରତରଂ ପ୍ରାପ୍ତୋ ଧର୍ମାନ୍ସମଭିଜଗ୍ମିବାନ୍।
ଭାବିତାତ୍ମା ଗତରଜାଃ ଶାନ୍ତୋ ମୃଦୁର୍ଋଜୁର୍ଦିବଜଃ॥ 1-228-14 (9933)
ଧର୍ମେଣାଧିଗତଃ ସର୍ବୈର୍ଦେବଦାନବମାନୁଷୈଃ।
କ୍ଷୀଣକର୍ମସୁ ପାପେଷୁ ଭୂତେଷୁ ବିବିଧେଷୁ ଚ॥ 1-228-15 (9934)
ସର୍ବଥା କୃତମର୍ଯାଦୋ ବେଦେଷୁ ବିବିଧେଷୁ ଚ।
ଶତଶଃ ସୋମପା ଯଜ୍ଞେ ପୁଣ୍ଯେ ପୁଣ୍ଯକୃଦଗ୍ନିଚିତ୍॥ 1-228-16 (9935)
ଋକ୍ସାମଯଜୁଷାଂ ବେତ୍ତା ନ୍ଯାଯଦୃଗ୍ଧର୍ମକୋବିଦଃ।
ଋଜୁରାରୋହବାନ୍ବୃଦ୍ଧୋ ଭୂଯିଷ୍ଠପଥିକୋଽନଘଃ॥ 1-228-17 (9936)
ଶ୍ଲକ୍ଷ୍ଣଯା ଶିଖଯୋପେତଃ ସଂପନ୍ନଃ ପରମତ୍ବିଷା।
ଅବଦାତେ ଚ ସୂକ୍ଷ୍ମେ ଚ ଦିବ୍ଯେ ଚ ରଚିତେ ଶୁଭେ॥ 1-228-18 (9937)
ମହେନ୍ଦ୍ରଦତ୍ତେ ମହତୀ ବିଭ୍ରତ୍ପରମବାସସୀ।
ଜାମ୍ବୂନଦମଯେ ଦିବ୍ଯେ ଗଣ୍ଡୂପଦମୁଖେ ନବେ॥ 1-228-19 (9938)
ଅଗ୍ନ୍ଯର୍କସଦୃଶେ ଦିବ୍ଯେ ଧାରଯନ୍କୁଣ୍ଡଲେ ଶୁଭେ।
ରାଜତଚ୍ଛତ୍ରମୁଚ୍ଛ୍ରିତ୍ଯ ଚିତ୍ରଂ ପରମବର୍ଚସମ୍॥ 1-228-20 (9939)
ପ୍ରାପ୍ଯ ଦୁଷ୍ପ୍ରାପମନ୍ଯେନ ବ୍ରହ୍ମବର୍ଚସମୁତ୍ତମମ୍।
ଭବନେ ଭୂମିପାଲସ୍ଯ ବୃହସ୍ପତିରିବାପ୍ଲୁତଃ॥ 1-228-21 (9940)
ସଂହିତାଯାଂ ଚ ସର୍ବେଷାଂ ସ୍ଥିତସ୍ଯୋପସ୍ଥିତସ୍ଯ ଚ।
ଦ୍ବିପଦସ୍ଯ ଚ ଧର୍ମସ୍ଯ କ୍ରମଧର୍ମସ୍ଯ ପାରଗଃ॥ 1-228-22 (9941)
ଗାଧା ସାମାନୁସାମଜ୍ଞଃ ସାମ୍ନାଂ ପରମବଲ୍ଗୁନାମ୍।
ଆତ୍ମନଃ ସର୍ବମୋକ୍ଷିଭ୍ଯଃ କୃତିମାନ୍କୃତ୍ଯବିତ୍ସଦା॥ 1-228-23 (9942)
ଯଜୁର୍ଧର୍ମୈର୍ବହୁବିଧୈର୍ମତୋ ମତିମତାଂ ବରଃ।
ବିଦିତାର୍ଥଃ ସମଶ୍ଚୈବ ଚ୍ଛେତ୍ତା ନିଗମସଂଶଯାନ୍॥ 1-228-24 (9943)
ଅର୍ଥନିର୍ବଚନେ ନିତ୍ଯଂ ସଂଶଯଚ୍ଛିଦସଂଶଯଃ।
ପ୍ରକୃତ୍ଯା ଧର୍ମକୁଶଲୋ ଦାତା ଧର୍ମବିଶାରଦଃ॥ 1-228-25 (9944)
ଲୋପେନାଗମଧର୍ମେଣ ସଂକ୍ରମେଣ ଚ ବୃତ୍ତିଷୁ।
ଏକଶବ୍ଦାଂଶ୍ଚ ନାନାର୍ଥାନେକାର୍ଥାଂଶ୍ଚ ପୃଥକ୍କୃତାନ୍॥ 1-228-26 (9945)
ପୃଥଗର୍ଥାଭିଧାନାଂଶ୍ଚ ପ୍ରଯୋଗାନନ୍ବବେକ୍ଷିତା।
ପ୍ରମାଣଭୂତୋ ଲୋକେଷୁ ସର୍ବାଧିକରଣେଷୁ ଚ॥ 1-228-27 (9946)
ସର୍ବବର୍ଣବିକାରେଷୁ ନିତ୍ଯଂ କୁଶଲପୂଜିତଃ।
ସ୍ବରେଽସ୍ବରେ ଚ ବିବିଧେ ବୃତ୍ତେଷୁ ବିବିଧେଷୁ ଚ॥ 1-228-28 (9947)
ସମସ୍ଥାନେଷୁ ସର୍ବେଷୁ ସମାମ୍ନାଯେଷୁ ଧାତୁଷୁ।
ଉଦ୍ଦେଶ୍ଯାନାଂ ସମାଖ୍ଯାତା ସର୍ବମାଖ୍ଯାତମୁଦ୍ଦିଶନ୍॥ 1-228-29 (9948)
ଅଭିସନ୍ଧିଷୁ ତତ୍ତ୍ବଜ୍ଞଃ ପଦାନ୍ଯଙ୍ଗାନ୍ଯନୁସ୍ମରନ୍।
କାଲଧର୍ମେଣ ନିର୍ଦିଷ୍ଟଂ ଯଥାର୍ଥଂ ଚ ବିଚାରଯନ୍॥ 1-228-30 (9949)
ଚିକୀର୍ଷିତଂ ଚ ଯୋ ବେତ୍ତା ଯଥା ଲୋକେନ ସଂବୃତମ୍।
ବିଭାଷିତଂ ଚ ସମଯଂ ଭାଷିତଂ ହୃଦଯଂଗମମ୍॥ 1-228-31 (9950)
ଆତ୍ମନେ ଚ ପରସ୍ମୈ ଚ ସ୍ବରସଂସ୍କାରଯୋଗବିତ୍।
ଏଷାଂ ସ୍ବରାଣାଂ ଜ୍ଞାତା ଚ ବୋଦ୍ଧା ପ୍ରବଚନଃ ସ୍ବରାଟ୍॥ 1-228-32 (9951)
ବିଜ୍ଞାତା ଚୋକ୍ତବାକ୍ଯାନାମେକତାଂ ବହୁତାଂ ତଥା।
ବୋଦ୍ଧା ହି ପରମାର୍ଥାଂଶ୍ଚ ବିବିଧାଂଶ୍ଚ ବ୍ଯତିକ୍ରମାନ୍॥ 1-228-33 (9952)
ଅଭେଦତଶ୍ଚ ବହୁଶୋ ବହୁଶଶ୍ଚାପି ଭେଦତଃ।
ବକ୍ତା ବିବିଧବାକ୍ଯାନାଂ ନାନାଦେଶସମୀକ୍ଷିତା॥ 1-228-34 (9953)
ପଞ୍ଚାଗମାଂଶ୍ଚ ବିବିଧାନାଦେଶାଂଶ୍ଚ ସମୀକ୍ଷିତା।
ନାନାର୍ଥକୁଶଲସ୍ତତ୍ର ତଦ୍ଧିତେଷୁ ଚ କୃତ୍ସ୍ନଶଃ॥ 1-228-35 (9954)
ପରିଭୂଷଯିତା ବାଚାଂ ବର୍ଣତଃ ସ୍ବରତୋଽର୍ଥତଃ।
ପ୍ରତ୍ଯଯଂ ଚ ସମାଖ୍ଯାତା ନିଯତଂ ପ୍ରତିଧାତୁକମ୍॥ 1-228-36 (9955)
ପଞ୍ଚ ଚାକ୍ଷରଜାତାନି ସ୍ବରସଂଜ୍ଞାନି ଯାନି ଚ।
ତମାଗତମୃଷିଂ ଦୃଷ୍ଟ୍ବା ପ୍ରତ୍ଯୁଦ୍ଗମ୍ଯାଭିବାଦ୍ଯ ଚ॥' 1-228-37 (9956)
ଆସନଂ ରୁଚିରଂ ତସ୍ମୈ ପ୍ରଦଦୌ ସ ଯୁଧିଷ୍ଠିରଃ।
`କୃଷ୍ଣାଜିନୋତ୍ତରେ ତସ୍ମିନ୍ନୁପବିଷ୍ଟୋ ମହାନୃଷିଃ॥' 1-228-38 (9957)
ଦେବର୍ଷେରୁପବିଷ୍ଟସ୍ଯ ସ୍ବଯମର୍ଧ୍ଯଂ ଯଥାବିଧି।
ପ୍ରାଦାଦ୍ଯୁଧିଷ୍ଠିରୋ ଧୀମାନ୍ରାଜ୍ଯଂ ତସ୍ମୈ ନ୍ଯବେଦଯତ୍।
ପ୍ରତିଗୃହ୍ଯ ତୁ ତାଂ ପୂଜାମୃଷିଃ ପ୍ରୀତମନାସ୍ତଦା॥ 1-228-39 (9958)
ଆଶୀର୍ଭିର୍ବର୍ଧଯିତ୍ବା ଚ ତମୁବାଚାସ୍ଯତାମିତି।
ନିଷସାଦାଭ୍ଯନୁଜ୍ଞାତସ୍ତତୋ ରାଜା ଯୁଧିଷ୍ଠିରଃ॥ 1-228-40 (9959)
ପ୍ରେଷଯାମାସ କୃଷ୍ଣାଯୈ ଭଗବନ୍ତମୁପସ୍ଥିତମ୍।
ଶ୍ରୁତ୍ବୈତଦ୍ଦ୍ରୌପଦୀ ଚାପି ଶୁଚିର୍ଭୂତ୍ବା ସମାହିତା॥ 1-228-41 (9960)
ଜଗାମ ତତ୍ର ଯତ୍ରାସ୍ତେ ନାରଦଃ ପାଣ୍ଡବୈଃ ସହ।
ତସ୍ଯାଭିବାଦ୍ଯ ଚରଣୌ ଦେବର୍ଷେର୍ଧର୍ମଚାରିଣୀ॥ 1-228-42 (9961)
କୃତାଞ୍ଜଲିଃ ସୁସଂବୀତା ସ୍ଥିତାଽଥ ଦ୍ରୁପଦାତ୍ମଜା।
ତସ୍ଯାଶ୍ଚାପି ସ ଧର୍ମାତ୍ମା ସତ୍ଯବାଗୃଷିସତ୍ତମଃ॥ 1-228-43 (9962)
ଆଶିଷୋ ବିବିଧାଃ ପ୍ରୋଚ୍ଯ ରାଜପୁତ୍ର୍ଯାସ୍ତୁ ନାରଦଃ।
ଗମ୍ଯତାମିତି ହୋବାଚ ଭଗବାଂସ୍ତାମନିନ୍ଦିତାମ୍॥ 1-228-44 (9963)
ଗତାଯାମଥ କୃଷ୍ଣାଯାଂ ଯୁଧିଷ୍ଠିରପୁରୋଗମାନ୍।
ବିବିକ୍ତେ ପାଣ୍ଡବାନ୍ସର୍ବାନୁବାଚ ଭଗବାନୃଷିଃ॥ 1-228-45 (9964)
ପାଞ୍ଚାଲୀ ଭବତାମେକା ଧର୍ମପତ୍ନୀ ଯଶସ୍ବିନୀ।
ଯଥା ବୋ ନାତ୍ର ଭେଦଃ ସ୍ଯାତ୍ତଥା ନୀତିର୍ବିଧୀଯତାଂ॥ 1-228-46 (9965)
ସୁନ୍ଦୋପସୁନ୍ଦୌ ହି ପୁରା ଭ୍ରାତରୌ ସହିତାବୁଭୌ।
ଆସ୍ତାମବଧ୍ଯାବନ୍ଯେଷାଂ ତ୍ରିଷୁ ଲୋକେଷୁ ବିଶ୍ରୁତୌ॥ 1-228-47 (9966)
ଏକରାଜ୍ଯାବେକଗୃହାବେକଶଯ୍ଯାସନାଶନୌ।
ତିଲୋତ୍ତମାଯାସ୍ତୌ ହେତୋରନ୍ଯୋନ୍ଯମଭିଜଘ୍ନତୁଃ॥ 1-228-48 (9967)
ରକ୍ଷ୍ଯତାଂ ସୌହୃଦଂ ତସ୍ମାଦନ୍ଯୋନ୍ଯପ୍ରୀତିଭାବକମ୍।
ଯଥା ବୋ ନାତ୍ର ଭେଦଃ ସ୍ଯାତ୍ତତ୍କୁରୁଷ୍ବ ଯୁଧିଷ୍ଠିର॥ 1-228-49 (9968)
ଯୁଧିଷ୍ଠିର ଉବାଚ। 1-228-50x (1253)
ସୁନ୍ଦୋପସୁନ୍ଦାବସୁରୌ କସ୍ଯ ପୁତ୍ରୌ ମହାମୁନେ।
ଉତ୍ପନ୍ନଶ୍ଚ କଥଂ ଭେଦଃ କଥଂ ଚାନ୍ଯୋନ୍ଯମଘ୍ନତାମ୍॥ 1-228-50 (9969)
ଅପ୍ସରା ଦେବକନ୍ଯା ବୈ କସ୍ଯ ଚୈଷା ତିଲୋତ୍ତମା।
ଯସ୍ଯାଃ କାମେନ ସଂମତ୍ତୌ ଜଘ୍ନତୁସ୍ତୌ ପରସ୍ପରମ୍॥ 1-228-51 (9970)
ଏତତ୍ସର୍ବଂ ଯଥା ବୃତ୍ତଂ ବିସ୍ତରେଣ ତପୋଧନ।
ଶ୍ରୋତୁମିଚ୍ଛାମହେ ବ୍ରହ୍ମନ୍ପରଂ କୌତୂହଲଂ ହି ମେ॥ ॥ 1-228-52 (9971)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବିଦୁରାଗମନରାଜ୍ଯଲାଭପର୍ବଣି ଅଷ୍ଟାବିଂଶତ୍ଯଧିକଦ୍ବିଶତତମୋଽଧ୍ଯାଯଃ॥ 228 ॥
ଆଦିପର୍ବ - ଅଧ୍ଯାଯ 229
॥ ଶ୍ରୀଃ ॥
1.229. ଅଧ୍ଯାଯଃ 229
Mahabharata - Adi Parva - Chapter Topics
ସୁନ୍ଦୋପସୁନ୍ଦକଥା--ସୁନ୍ଦୋପସୁନ୍ଦଯୋର୍ବ୍ରହ୍ମଣୋ ବରଲାଭଃ॥ 1 ॥Mahabharata - Adi Parva - Chapter Text
1-229-0 (9972)
ନାରଦ ଉବାଚ। 1-229-0x (1254)
ଶଣୁ ମେ ବିସ୍ତରେଣେମମିତିହାସଂ ପୁରାତନମ୍।
ଭ୍ରାତୃଭିଃ ସହିତଃ ପାର୍ଥ ଯଥା ବୃତ୍ତଂ ଯୁଧିଷ୍ଠିର॥ 1-229-1 (9973)
ମହାସୁରସ୍ଯାନ୍ବବାଯେ ହିରଣ୍ଯକଶିପୋଃ ପୁରା।
ନିକୁମ୍ଭୋ ନାମ ଦୈତ୍ଯେନ୍ଦ୍ରସ୍ତେଜସ୍ବୀ ବଲବାନଭୂତ୍॥ 1-229-2 (9974)
ତସ୍ଯ ପୁତ୍ରୌ ମହାବୀର୍ଯୌ ଜାତୌ ଭୀମପରାକ୍ରମୌ।
ସୁନ୍ଦୋପସୁନ୍ଦୌ ଦୈତ୍ଯେନ୍ଦ୍ରୌ ଦାରୁଣୌ କ୍ରୂରମାନସୌ॥ 1-229-3 (9975)
ତାବେକନିଶ୍ଚଯୌ ଦୈତ୍ଯାବେକକାର୍ଯାର୍ଥସଂମତୌ।
ନିରନ୍ତରମବର୍ତେତାଂ ସମଦୁଃଖସୁଖାବୁଭୌ॥ 1-229-4 (9976)
ବିନାଽନ୍ଯୋନ୍ଯଂ ନ ଭୁଞ୍ଜାତେ ବିନାଽନ୍ଯୋନ୍ଯଂ ନ ଜଲ୍ପତଃ।
ଅନ୍ଯୋନ୍ଯସ୍ଯ ପ୍ରିଯକରାବନ୍ଯୋନ୍ଯସ୍ଯ ପ୍ରିଯଂବଦୌ॥ 1-229-5 (9977)
ଏକଶୀଲସମାଚାରୌ ଦ୍ବିଧୈବୈକୋଽଭବତ୍କୃତଃ।
ତୌ ବିବୃଦ୍ଧୌ ମହାବୀର୍ଯୌ କାର୍ଯେଷ୍ବପ୍ଯେକନିଶ୍ଚଯୌ॥ 1-229-6 (9978)
ତ୍ରୈଲୋକ୍ଯବିଜଯାର୍ଥାଯ ସମାଧାଯୈକନିଶ୍ଚଯମ୍।
ଦୀକ୍ଷାଂ କୃତ୍ବା ଗତୌ ବିନ୍ଧ୍ଯଂ ତାବୁଗ୍ରଂ ତେପତୁସ୍ତପଃ॥ 1-229-7 (9979)
ତୌ ତୁ ଦୀର୍ଘେଣ କାଲେନ ତପୋଯୁକ୍ତୌ ବଭୂବତୁଃ।
କ୍ଷୁତ୍ପିପାସାପରିଶ୍ରାନ୍ତୌ ଜଟାବଲ୍କଲଧାରିଣୌ॥ 1-229-8 (9980)
ମଲୋପଚିତସର୍ବାଙ୍ଗୌ ବାଯୁଭକ୍ଷୌ ବଭୂବତୁଃ।
ଆତ୍ମମାଂସାନି ଜୁହ୍ବାନ୍ତୌ ପାଦାଙ୍ଗୁଷ୍ଠାଗ୍ରଧିଷ୍ଠିତୌ।
ଊର୍ଧ୍ବବାହୂ ଚାନିମିଷୌ ଦୀର୍ଘକାଲଂ ଧୃତବ୍ରତୌ॥ 1-229-9 (9981)
ତଯୋସ୍ତପଃପ୍ରଭାବେଣ ଦୀର୍ଘକାଲଂ ପ୍ରତାପିତଃ।
ଧୂମଂ ପ୍ରମୁମୁଚେ ବିନ୍ଧ୍ଯସ୍ତଦ୍ଭୁତମିବାଭବତ୍॥ 1-229-10 (9982)
ତତୋ ଦେବା ଭଯଂ ଜଗ୍ମୁରୁଗ୍ରଂ ଦୃଷ୍ଟ୍ବା ତଯୋସ୍ତପଃ।
ତପୋବିଘାତାର୍ଥମଥୋ ଦେବା ବିଘ୍ନାନି ଚକ୍ରିରେ॥ 1-229-11 (9983)
ରତ୍ନୈଃ ପ୍ରଲୋଭଯାମାସୁଃ ସ୍ତ୍ରୀଭିଶ୍ଚୋଭୌ ପୁନଃପୁନଃ।
ନ ଚ ତୌ ଚକ୍ରତୁର୍ଭଙ୍ଗଂ ବ୍ରତସ୍ଯ ସୁମହାବ୍ରତୌ॥ 1-229-12 (9984)
ଅଥ ମାଯାଂ ପୁନର୍ଦେବାସ୍ତଯୋଶ୍ଚକ୍ରୁର୍ମହାତ୍ମନୋଃ।
ଭଗିନ୍ଯୋ ମାତରୋ ଭାର୍ଯାସ୍ତଯୋଶ୍ଚାତ୍ମଜନସ୍ତଥା॥ 1-229-13 (9985)
ପ୍ରପାତ୍ଯମାନା ବିସ୍ରସ୍ତାଃ ଶୂଲହସ୍ତେନ ରକ୍ଷସା।
ଭ୍ରଷ୍ଟାଭରଣକେଶାନ୍ତା ଭ୍ରଷ୍ଟାଭରଣବାସସଃ॥ 1-229-14 (9986)
ଅଭିଭାଷ୍ଯ ତତଃ ସର୍ବାସ୍ତୌ ତ୍ରାହୀତି ବିଚୁକ୍ରୁଶୁଃ।
ନ ଚ ତୌ ଚକ୍ରତୁର୍ଭଙ୍ଗଂ ବ୍ରତସ୍ଯ ସୁମହାବ୍ରତୌ॥ 1-229-15 (9987)
ଯଦା କ୍ଷୋଭଂ ନୋପଯାତି ନାର୍ତିମନ୍ଯତରସ୍ତଯୋଃ।
ତତଃ ସ୍ତ୍ରିଯସ୍ତା ଭୂତଂ ଚ ସର୍ବମନ୍ତରଧୀଯତ॥ 1-229-16 (9988)
ତତଃ ପିତାମହଃ ସାକ୍ଷାଦଭିଗମ୍ଯ ମହାସୁରୌ।
ବରେଣ ଚ୍ଛ୍ଦଯାମାସ କ୍ବଲୋକହିତଃ ପ୍ରଭୁଃ॥ 1-229-17 (9989)
ତତଃ ସୁନ୍ଦୋପସୁନ୍ଦୌ ତୌ ଭ୍ରାତରୌ ଦୃଢବିକ୍ରମୌ।
ଦୃଷ୍ଟ୍ବା ପିତାମହଂ ଦେବଂ ତସ୍ଥତୁଃ ପ୍ରାଞ୍ଜଲୀ ତଦା॥ 1-229-18 (9990)
ଊଚତୁଶ୍ଚ ପ୍ରଭୁଂ ଦେବଂ ତତସ୍ତୌ ସହିତୌ ତଦା।
ଆବଯୋସ୍ତପସାଽନେନ ଯଦି ପ୍ରୀତଃ ପିତାମହଃ॥ 1-229-19 (9991)
ମାଯାବିଦାବସ୍ତ୍ରବିଦୌ ବଲିନୌ କାମରୂପିଣୌ।
ଉଭାବପ୍ଯମରୌ ସ୍ଯାବଃ ପ୍ରସନ୍ନୋ ଯଦି ନୌ ପ୍ରଭୁଃ॥ 1-229-20 (9992)
ବ୍ରହ୍ମୋବାଚ। 1-229-21x (1255)
ଋତେଽମରତ୍ବଂ ଯୁବଯୋଃ ସର୍ବମୁକ୍ତଂ ଭବିଷ୍ଯତି।
ଅନ୍ଯଦ୍ବୃଣୀତଂ ମୃତ୍ଯୋଶ୍ଚ ବିଧାନମମରୈଃ ସମ୍॥ 1-229-21 (9993)
ପ୍ରଭବିଷ୍ଯାବ ଇତି ଯନ୍ମହଦଭ୍ଯୁଦ୍ଯତଂ ତପଃ।
ଯୁବଯୋର୍ହେତୁନାନେନ ନାମରତ୍ବଂ ବିଧୀଯତେ॥ 1-229-22 (9994)
ତ୍ରୈଲୋକ୍ଯବିଜଯାର୍ଥାଯ ଭବଦ୍ଭ୍ଯାମାସ୍ଥିତଂ ତପଃ।
ହେତୁନାଽନେନ ଦୈତ୍ଯେନ୍ଦ୍ରୌ ନ ବାଂ କାମଂ କରୋମ୍ଯହମ୍॥ 1-229-23 (9995)
ସୁନ୍ଦୋପସୁନ୍ଦାବୂଚତୁଃ।
ତ୍ରିଷୁ ଲୋକେଷୁ ଯଦ୍ଭୂତଂ କିଂଚିତ୍ସ୍ଥାବରଜଙ୍ଗମମ୍।
ସର୍ବସ୍ମାନ୍ନୌ ଭଯଂ ନ ସ୍ଯାଦୃତେଽନ୍ଯୋନ୍ଯଂ ପିତାମହ॥ 1-229-24 (9996)
ପିତାମହ ଉବାଚ। 1-229-25x (1256)
ଯତ୍ପ୍ରାର୍ଥିତଂ ଯଥୋକ୍ତଂ ଚ କାମମେତଦ୍ଦଦାନି ବାମ୍।
ମୃତ୍ଯୋର୍ବିଧାନମେତଚ୍ଚ ଯଥାବଦ୍ବା ଭବିଷ୍ଯତି॥ 1-229-25 (9997)
ନାରଦ ଉବାଚ। 1-229-26x (1257)
ତତଃ ପିତାମହୋ ଦତ୍ତ୍ବା ବରମେତତ୍ତଦା ତଯୋଃ।
ନିବର୍ତ୍ଯ ତପସସ୍ତୌ ଚ ବ୍ରହ୍ମଲୋକଂ ଜଗାମ ହ॥ 1-229-26 (9998)
ଲବ୍ଧ୍ବା ବରାଣି ଦୈତ୍ଯେନ୍ଦ୍ରାବଥ ତୌ ଭ୍ରାତରାବୁଭୌ।
ଅବଧ୍ଯୌ ସର୍ବଲୋକସ୍ଯ ସ୍ବମେବ ଭବନଂ ଗତୌ॥ 1-229-27 (9999)
ତୌ ତୁ ଲବ୍ଧବରୌ ଦୃଷ୍ଟ୍ବା କୃତକାମୌ ମନସ୍ବିନୌ।
ସର୍ବଃ ସୁହୃଞ୍ଜନସ୍ତାଭ୍ଯାଂ ପ୍ରହର୍ଷମୁପଜଗ୍ମିବାନ୍॥ 1-229-28 (10000)
ତତସ୍ତୌ ତୁ ଜଟା ଭିତ୍ତ୍ବା ମୌଲିନୌ ସଂବଭୂବତୁଃ।
ମହାର୍ହାଭରଣୋପେତୌ ବିରଜୋମ୍ବରଧାରିଣୌ॥ 1-229-29 (10001)
ଅକାଲକୌମୁଦୀଂ ଚୈବ ଚକ୍ରତୁଃ ସାର୍ବକାଲିକୀମ୍।
ନିତ୍ଯଃ ପ୍ରମୁଦିତଃ ସର୍ବସ୍ତଯୋଶ୍ଚୈବ ସୁହୃଞ୍ଜନଃ॥ 1-229-30 (10002)
ଭକ୍ଷ୍ଯତାଂ ଭୁଜ୍ଯତାଂ ନିତ୍ଯଂ ଦୀଯତାଂ ରମ୍ଯତାମିତି।
ଗୀଯେତାଂ ପୀଯତାଂ ଚେତି ଶଭ୍ଦଶ୍ଚାସୀଦ୍ଗୃହେ ଗୃହେ॥ 1-229-31 (10003)
ତତ୍ରତତ୍ର ମହାନାଦୈରୁତ୍କୃଷ୍ଟତଲନାଦିତୈଃ।
ହୃଷ୍ଟଂ ପ୍ରମୁଦିତଂ ସର୍ବଂ ଦୈତ୍ଯାନାମଭବତ୍ପୁରମ୍॥ 1-229-32 (10004)
ତୈସ୍ତୈର୍ବିହାରୈର୍ବହୁଭିର୍ଦୈତ୍ଯାନାଂ କାମରୂପିଣାମ୍।
ସମାଃ ସଂକ୍ରୀଡତାଂ ତେଷାମହରେକମିବାଭବତ୍॥ ॥ 1-229-33 (10005)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବିଦୁରାଗମନରାଜ୍ଯଲାଭପର୍ବଣି ଏକୋନତ୍ରିଂଶଦଧିକଦ୍ବିଶତତମୋଽଧ୍ଯାଯଃ॥ 229 ॥
ଆଦିପର୍ବ - ଅଧ୍ଯାଯ 230
॥ ଶ୍ରୀଃ ॥
1.230. ଅଧ୍ଯାଯଃ 230
Mahabharata - Adi Parva - Chapter Topics
ସୁନ୍ଦୋପସୁନ୍ଦଯୋଃ ଦିଗ୍ବିଜଯଃ କୁରୁକ୍ଷେତ୍ରେ ନିବାସଶ୍ଚ॥ 1 ॥Mahabharata - Adi Parva - Chapter Text
1-230-0 (10006)
ନାରଦ ଉବାଚ। 1-230-0x (1258)
ଉତ୍ସବେ ବୃତ୍ତମାତ୍ରେ ତୁ ତ୍ରୈଲୋକ୍ଯାକାଙ୍କ୍ଷିଣାବୁଭୌ।
ମନ୍ତ୍ରଯିତ୍ବା ତତଃ ସେନାଂ ତାବଜ୍ଞାପଯତାଂ ତଦା॥ 1-230-1 (10007)
ସୁହୃଦ୍ଭିରପ୍ଯନୁଜ୍ଞାତୌ ଦୈତ୍ଯୈର୍ବୃଦ୍ଧୈଶ୍ଚ ମନ୍ତ୍ରିଭିଃ।
କୃତ୍ବା ପ୍ରାସ୍ଥାନିକଂ ରାତ୍ରୌ ମଘାସୁ ଯଯତୁସ୍ତଦା॥ 1-230-2 (10008)
ଗଦାପିଟ୍ଟଶଧାରିଣ୍ଯା ଶୂଲମୁଦ୍ଗରହସ୍ତଯା।
ପ୍ରସ୍ଥିତୌ ସହ ବର୍ମିଣ୍ଯା ମହତ୍ଯା ଦୈତ୍ଯସେନଯା॥ 1-230-3 (10009)
ମଙ୍ଗଲୈଃ ସ୍ତୁତିଭିଶ୍ଚାପି ବିଜଯପ୍ରତିସଂହିତୈଃ।
ଚାରଣୈଃ ସ୍ତୂଯମାନୌ ତୌ ଜଗ୍ମତୁଃ ପରଯା ମୁଦା॥ 1-230-4 (10010)
ତାବନ୍ତରିକ୍ଷମୁତ୍ପ୍ଲୁତ୍ଯ ଦୈତ୍ଯୌ କାମଗମାବୁଭୌ।
ଦେବାନାମେବ ଭବନଂ ଜଗ୍ମତୁର୍ଯୁଦ୍ଦୁର୍ମଦୌ॥ 1-230-5 (10011)
ତଯୋରାଗମନଂ ଜ୍ଞାତ୍ବା ବରଦାନଂ ଚ ତତ୍ପ୍ରଭୋଃ।
ହିତ୍ବା ତ୍ରିବିଷ୍ଟପଂ ଜଗ୍ମୁର୍ବ୍ରହ୍ମଲୋକଂ ତତଃ ସୁରାଃ॥ 1-230-6 (10012)
ତାବିନ୍ଦ୍ରଲୋକଂ ନିର୍ଜିତ୍ଯ ଯକ୍ଷରକ୍ଷୋଗଣାଂସ୍ତଦା।
ଖେଚରାଣ୍ଯପି ଭୂତାନି ଜଘ୍ନତୁସ୍ତୀବ୍ରବିକ୍ରମୌ॥ 1-230-7 (10013)
ଅନ୍ତର୍ଭୂମିଗତାନ୍ନାଗାଞ୍ଜିତ୍ବା ତୌ ଚ ମହାରଥୌ।
ସମୁଦ୍ରବାସିନୀଃ ସର୍ବା ମ୍ଲେଚ୍ଛଜାତୀର୍ବିଜିଗ୍ଯତୁଃ॥ 1-230-8 (10014)
ତତଃ ସର୍ବାଂ ମହୀଂ ଜେତୁମାରବ୍ଧାବୁଗ୍ରଶାସନୌ।
ସୈନିକାଂଶ୍ଚ ସମାହୂଯ ସୁତୀକ୍ଷ୍ଣଂ ବାକ୍ଯମୂଚତୁଃ॥ 1-230-9 (10015)
ରାଜର୍ଷଯୋ ମହାଯଜ୍ଞୈର୍ହବ୍ଯକବ୍ଯୈର୍ଦ୍ବିଜାତଯଃ।
ତେଜୋ ବଲଂ ଚ ଦେବାନାଂ ବର୍ଧନ୍ତି ଶ୍ରିଯଂ ତଥା॥ 1-230-10 (10016)
ତେଷାମେବଂ ପ୍ରବୃତ୍ତାନାଂ ସର୍ବେଷାମସୁରଦ୍ବିଷାମ୍।
ସଂଭୂଯ ସର୍ବୈରସ୍ମାଭିଃ କାର୍ଯଃ ସର୍ବାତ୍ମନା ବଧଃ॥ 1-230-11 (10017)
ଏବଂ ସର୍ବାନ୍ସମାଦିଶ୍ଯ ପୂର୍ବତୀରେ ମହୋଦଧେଃ।
କ୍ରୂରାଂ ମତିଂ ସମାସ୍ଥାଯ ଜଗ୍ମତୁଃ ସର୍ବତୋମୁଖୌ॥ 1-230-12 (10018)
ଯଜ୍ଞୈର୍ଯଜନ୍ତି ଯେ କେଚିଦ୍ଯାଜଯନ୍ତି ଚ ଯେ ଦ୍ବିଜାଃ।
ତାନ୍ସର୍ବାନ୍ପ୍ରସଭଂ ହତ୍ବା ବଲିନୌ ଜଗ୍ମତୁସ୍ତତଃ॥ 1-230-13 (10019)
ଆଶ୍ରମେଷ୍ବଗ୍ନିହୋତ୍ରାଣି ମୁନୀନାଂ ଭାବିତାତ୍ମନାମ୍।
ଗୃହୀତ୍ବା ପ୍ରକ୍ଷିପନ୍ତ୍ଯପ୍ସୁ ବିଶ୍ରବ୍ଧଂ ସୈନିକାସ୍ତଯୋଃ॥ 1-230-14 (10020)
ତପୋଧନୈଶ୍ଚ ଯେ କ୍ରୁଦ୍ଧୈଃ ଶାପା ଉକ୍ତା ମହାତ୍ମଭିଃ।
ନାକ୍ରାମନ୍ତ ତଯୋସ୍ତେଽପି ବରଦାନନିରାକୃତାଃ॥ 1-230-15 (10021)
ନାକ୍ରାମନ୍ତ ଯଦା ଶାପା ବାଣା ମୁକ୍ତାଃ ଶିଲାସ୍ବିବ।
ନିଯମାନ୍ସଂପରିତ୍ଯଜ୍ଯ ବ୍ଯଦ୍ରବନ୍ତ ଦ୍ବିଜାତଯଃ॥ 1-230-16 (10022)
ପୃଥିବ୍ଯାଂ ଯେ ତପଃସିଦ୍ଧା ଦାନ୍ତାଃ ଶମପରାଯଣାଃ।
ତଯୋର୍ଭଯାଦ୍ଦୁଦ୍ରୁବୁସ୍ତେ ବୈନତେଯାଦିବୋରଗାଃ॥ 1-230-17 (10023)
ମଥିତୈରାଶ୍ରମୈର୍ଭଗ୍ନୈର୍ବିକୀର୍ଣକଲଶସ୍ରୁବୈଃ।
ଶୂନ୍ଯମାସୀଜ୍ଜଗତ୍ସର୍ବଂ କାଲେନେବ ହତଂ ତଦା॥ 1-230-18 (10024)
ତତୋ ରାଜନ୍ନଦୃଶ୍ଯଦ୍ଭିର୍ଋଷିଭିଶ୍ଚ ମହାସୁରୌ।
ଉଭୌ ବିନିଶ୍ଚଯଂ କୃତ୍ବା ବିକୁର୍ବାତେ ବଧୈଷିଣୌ॥ 1-230-19 (10025)
ପ୍ରଭିନ୍ନକରଟୌ ମତ୍ତୌ ଭୂତ୍ବା କୁଞ୍ଜରରୂପିଣୌ।
ସଂଲୀନମପି ଦୁର୍ଗେଷୁ ନିନ୍ଯତୁର୍ଯମସାଦନମ୍॥ 1-230-20 (10026)
ସିଂହୌ ଭୂତ୍ବା ପୁନର୍ବ୍ଯାଘ୍ରୌ ପୁନଶ୍ଚାନ୍ତର୍ହିତାବୁଭୌ।
ତୈସ୍ତୈରୁପାଯୈସ୍ତୌ କ୍ରୂରାବୃଷୀନ୍ଦୃଷ୍ଟ୍ବା ନିଜଘ୍ନତୁଃ॥ 1-230-21 (10027)
ନିବୃତ୍ତଯଜ୍ଞସ୍ବାଧ୍ଯାଯା ପ୍ରନଷ୍ଟନୃପତିଦ୍ବିଜା।
ଉତ୍ସନ୍ନୋତ୍ସବଯଜ୍ଞା ଚ ବଭୂବ ବସୁଧା ତଦା॥ 1-230-22 (10028)
ହାହାଭୂତା ଭଯାର୍ତା ଚ ନିବୃତ୍ତବିପଣାପଣା।
ନିବୃତ୍ତଦେବକାର୍ଯା ଚ ପୁଣ୍ଯୋଦ୍ବାହବିବର୍ଜିତା॥ 1-230-23 (10029)
ନିବୃତ୍ତକୃଷିଗୋରକ୍ଷା ବିଧ୍ବସ୍ତନଗରାଶ୍ରମା।
ଅସ୍ଥିକଙ୍କାଲସଂକୀର୍ଣା ଭୂର୍ବଭୂବୋଗ୍ରଦର୍ଶନା॥ 1-230-24 (10030)
ନିବୃତ୍ତପିତୃକାର୍ଯଂ ଚ ନିର୍ବଷଟ୍କାରମଙ୍ଗଲମ୍।
ଜଗତ୍ପ୍ରତିଭଯାକାରଂ ଦୁଷ୍ପ୍ରେକ୍ଷ୍ଯମଭବତ୍ତଦା॥ 1-230-25 (10031)
ଚନ୍ଦ୍ରାଦିତ୍ଯୌ ଗ୍ରହାସ୍ତାରା ନକ୍ଷତ୍ରାଣି ଦିବୌକସଃ।
ଜଗ୍ମୁର୍ବିଷାଦଂ ତତ୍କର୍ମ ଦୃଷ୍ଟ୍ବା ସୁନ୍ଦୋପସୁନ୍ଦଯୋଃ॥ 1-230-26 (10032)
ଏବଂ ସର୍ବା ଦିଶୋ ଦୈତ୍ଯୌ ଜିତ୍ବା କ୍ରୂରେଣ କର୍ମଣା।
ନିଃସପତ୍ନୌ କୁରୁକ୍ଷେତ୍ରେ ନିବେଶମଭିଚକ୍ରତୁଃ॥ ॥ 1-230-27 (10033)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବିଦୁରାଗମନରାଜ୍ଯଲାଭପର୍ବଣି ତ୍ରିଂଶଦଧିକଦ୍ବିଶତତମୋଽଧ୍ଯାଯଃ॥ 230 ॥
Mahabharata - Adi Parva - Chapter Footnotes
1-230-3 ପ୍ରସ୍ଥିତୌ ସହଧର୍ମିଣ୍ଯା ଇତି ଖ.ପାଠଃ। ଜଯମରଣରୂପତୁଲ୍ଯଧର୍ମ ପତ୍ଯେତ୍ଯର୍ଥଃ। ରତ୍ନo॥ 1-230-19 ଅଦୃଶ୍ଯଦ୍ଭିଃ ଅଦୃଶ୍ଯୈଃ ତୃତୀଯାଚେଯଂ ସପ୍ତର୍ମ୍ଯେଥ ଋଷିଷ୍ବଦୃଶ୍ଯେଷୁ ସତ୍ସ୍ବିତ୍ଯର୍ଥଃ॥ ତ୍ରିଂଶଦଧିକଦ୍ବିଶତତମୋଽଧ୍ଯାଯଃ॥ 230 ॥ଆଦିପର୍ବ - ଅଧ୍ଯାଯ 231
॥ ଶ୍ରୀଃ ॥
1.231. ଅଧ୍ଯାଯଃ 231
Mahabharata - Adi Parva - Chapter Topics
ସୁନ୍ଦୋପସୁନ୍ଦକୃତୋପଦ୍ରବଂ ନିବେଦ୍ଯ ଦେବାଦିଭିଃ ପ୍ରାର୍ଥିତେନ ବ୍ରହ୍ମଣା ଆଜ୍ଞପ୍ତେନ ବିଶ୍ବକର୍ମଣା ତିଲୋତ୍ତମାସୃଷ୍ଟିଃ॥ 1 ॥ ତିଲୋତ୍ତମଯା ବ୍ରହ୍ମାଜ୍ଞାସ୍ବୀକାରଃ॥ 2 ॥Mahabharata - Adi Parva - Chapter Text
1-231-0 (10034)
ନାରଦ ଉବାଚ। 1-231-0x (1259)
ତତୋ ଦେବର୍ଷଯଃ ସର୍ବେ ସିଦ୍ଧାଶ୍ଚ ପରମର୍ଷଯଃ।
ଜଗ୍ମୁସ୍ତଦା ପରମାର୍ତିଂ ଦୃଷ୍ଟ୍ବା ତତ୍କଦନଂ ମହତ୍॥ 1-231-1 (10035)
ତେଽଭିଜଗ୍ମୁର୍ଜିତକ୍ରୋଧା ଜିତାତ୍ମାନୋ ଜିତେନ୍ଦ୍ରିଯାଃ।
ପିତାମହସ୍ଯ ଭନଂ ଜଗତଃ କୃପଯା ତଦା॥ 1-231-2 (10036)
ତତୋ ଦଦୃଶୁରାସୀନଂ ସହ ଦେବୈଃ ପିତାମହମ୍।
ସିଦ୍ଧୈର୍ବ୍ରହ୍ମର୍ଷିଭିଶ୍ଚୈବ ସମନ୍ତାତ୍ପରିବାରିତମ୍॥ 1-231-3 (10037)
ତତ୍ର ଦେବୋ ମହାଦେବସ୍ତତ୍ରାଗ୍ନିର୍ବାଯୁନା ସହ।
ଚନ୍ଦ୍ରାଦିତ୍ଯୌ ଚ ଶକ୍ରଶ୍ଚ ପାରମେଷ୍ଠ୍ଯାସ୍ତଥର୍ଷଯଃ॥ 1-231-4 (10038)
ବୈଖାନସା ବାଲଖିଲ୍ଯା ବାନପ୍ରସ୍ଥା ମରୀଚିପାଃ।
ଅଜାଶ୍ଚୈବାବିମୂଢାଶ୍ଚ ତେଜୋଗର୍ଭାସ୍ତପସ୍ବିନଃ॥ 1-231-5 (10039)
ଋଷଯଃ ସର୍ବ ଏବୈତେ ପିତାମହମୁପାଗମନ୍।
ତତୋଽଭିଗମ୍ଯ ତେ ଦୀନାଃ ସର୍ବ ଏବ ମହର୍ଷଯଃ॥ 1-231-6 (10040)
ସୁନ୍ଦୋପସୁନ୍ଦଯୌଃ କର୍ମ ସର୍ବମେବ ଶଶଂସିରେ।
ଯଥା ହୃତଂ ଯଥା ଚୈବ କୃତଂ ଯେନ କ୍ରମେଣ ଚ॥ 1-231-7 (10041)
ନ୍ଯବେଦଯଂସ୍ତତଃ ସର୍ବମଖିଲେନ ପିତାମହେ।
ତତୋ ଦେବଗଣାଃ ସର୍ବେ ତେ ଚୈବ ପରମର୍ଷଯଃ॥ 1-231-8 (10042)
ତମେବାର୍ଥଂ ପୁରସ୍କୃତ୍ଯ ପିତାମହମଚୋଦଯନ୍।
ତତଃ ପିତାମହଃ ଶ୍ରୁତ୍ବା ସର୍ବେଷାଂ ତଦ୍ବଚସ୍ତଦା॥ 1-231-9 (10043)
ମୁହୂର୍ତମିବ ସଂଚିନ୍ତ୍ଯ କର୍ତବ୍ଯସ୍ଯ ଚ ନିଶ୍ଚଯମ୍।
ତଯୋର୍ବଧଂ ସମୁଦ୍ଦିଶ୍ଯ ବିଶ୍ବକର୍ମାଣମାହ୍ବଯତ୍॥ 1-231-10 (10044)
ଦୃଷ୍ଟ୍ବା ଚ ବିଶ୍ବକର୍ମାଣଂ ବ୍ଯାଦିଦେଶ ପିତାମହଃ।
ସୃଜ୍ଯତାଂ ପ୍ରାର୍ଥନୀଯୈକା ପ୍ରମଦେତି ମହାତପାଃ॥ 1-231-11 (10045)
ପିତାମହଂ ନମସ୍କୃତ୍ଯ ତଦ୍ବାକ୍ଯମଭିନନ୍ଦ୍ଯ ଚ।
ନିର୍ମମେ ଯୋଷିତଂ ଦିବ୍ଯାଂ ଚିନ୍ତଯିତ୍ବା ପୁନଃପୁନଃ॥ 1-231-12 (10046)
ତ୍ରିଷୁ ଲୋକେଷୁ ଯତ୍କିଂଚିଦ୍ଭୂତଂ ସ୍ଥାବରଜଙ୍ଗମମ୍।
ସମାନଯଦ୍ଦର୍ଶନୀଯଂ ତତ୍ତଦତ୍ର ସ ବିଶ୍ବବିତ୍॥ 1-231-13 (10047)
କୋଟିଶଶ୍ଚୈବ ରତ୍ନାନି ତସ୍ଯା ଗାତ୍ରେ ନ୍ଯବେଶତ୍।
ତାଂ ରତ୍ନସଙ୍ଘାତମଯୀମସୃଜଦ୍ଦେବରୂପିଣୀମ୍॥ 1-231-14 (10048)
ସା ପ୍ରଯତ୍ନେନ ମହତା ନିର୍ମିତା ବିଶ୍ବକର୍ମଣା।
ତ୍ରିଷୁ ଲୋକେଷୁ ନାରୀଣାଂ ରୂପେଣାପ୍ରତିମାଭବତ୍॥ 1-231-15 (10049)
ନ ତସ୍ଯାଃ ସୂକ୍ଷ୍ମମପ୍ଯସ୍ତି ଯଦ୍ଗାତ୍ରେ ରୂପସଂପଦା।
ନିଯୁକ୍ତା ଯତ୍ର ବା ଦୃଷ୍ଟିର୍ନ ସଜ୍ଜତି ନିରୀକ୍ଷତାମ୍॥ 1-231-16 (10050)
ସା ବିଗ୍ରହବତୀବ ଶ୍ରୀଃ କାମରୂପା ବପୁଷ୍ମତୀ।
`ପିତାମହମୁପାତିଷ୍ଠତ୍କିଂ କରୋମୀତି ଚାବ୍ରବୀତ୍॥ 1-231-17 (10051)
ପ୍ରୀତୋ ଭୂତ୍ବା ସ ଦୃଷ୍ଟ୍ବୈବ ପ୍ରୀତ୍ଯା ଚାସ୍ଯୈ ବରଂ ଦଦୌ।
କାନ୍ତତ୍ବଂ ସର୍ବଭୂତାନାଂ ସାଶ୍ରିଯାନୁତ୍ତମଂ ବପୁଃ॥ 1-231-18 (10052)
ସା ତେନ ବରଦାନେନ କର୍ତୁଶ୍ଚ କ୍ରିଯଯା ତଦା।'
ଜହାର ସର୍ବଭୂତାନାଂ ଚକ୍ଷୂଂଷି ଚ ମନାଂସି ଚ॥ 1-231-19 (10053)
ତିଲଂତିଲଂ ସମାନୀଯ ରତ୍ନାନାଂ ଯଦ୍ବିନିର୍ମିତା।
ତିଲୋତ୍ତମେତି ତତ୍ତସ୍ଯା ନାମ ଚକ୍ରେ ପିତାମହଃ॥ 1-231-20 (10054)
ବ୍ରହ୍ମାଣଂ ସା ନମସ୍କୃତ୍ଯ ପ୍ରାଞ୍ଜଲିର୍ବାକ୍ଯମବ୍ରବୀତ୍।
କିଂ କାର୍ଯଂ ମଯି ଭୂତେଶ ଯେନାସ୍ମ୍ଯଦ୍ଯେହ ନିର୍ମିତା॥ 1-231-21 (10055)
ପିତାମହ ଉବାଚ। 1-231-22x (1260)
ଗଚ୍ଛ ସୁନ୍ଦୋପସୁନ୍ଦାଭ୍ଯାମସୁରାଭ୍ଯାଂ ତିଲୋତ୍ତମେ।
ପ୍ରାର୍ଥନୀଯେନ ରୂପେଣ କୁରୁ ଭଦ୍ରେ ପ୍ରଲୋଭନମ୍॥ 1-231-22 (10056)
ତ୍ବତ୍କୃତେ ଦର୍ଶାଦେବ ରୂପସଂପତ୍କୃତେନ ବୈ।
ବିରୋଧଃ ସ୍ଯାଦ୍ଯଥା ତାଭ୍ଯାମନ୍ଯୋନ୍ଯେନ ତଥା କୁରୁ॥ 1-231-23 (10057)
ନାରଦ ଉବାଚ। 1-231-24x (1261)
ସା ତଥେତି ପ୍ରତିଜ୍ଞାଯ ନମସ୍କୃତ୍ଯ ପିତାମହମ୍।
ଚକାର ମଣ୍ଡଲଂ ତତ୍ର ବିବୁଧାନାଂ ପ୍ରଦକ୍ଷିଣମ୍॥ 1-231-24 (10058)
ପ୍ରାଙ୍ମୁଖୋ ଭଗବାନାସ୍ତେ ଦକ୍ଷିଣେନ ମହେଶ୍ବରଃ।
ଦେବାଶ୍ଚୈବୋତ୍ତରେଣାସନ୍ସର୍ବତସ୍ତ୍ବୃଷଯୋଽଭବନ୍॥ 1-231-25 (10059)
କୁର୍ବନ୍ତ୍ଯାଂ ତୁ ତଦା ତତ୍ର ମଣ୍ଡଲଂ ତତ୍ପ୍ରଦକ୍ଷିଣମ୍।
ଇନ୍ଦ୍ରଃ ସ୍ଥାଣୁଶ୍ଚ ଭଗବାନ୍ଧୈର୍ଯେଣ ତୁ ପରିଚ୍ଯୁତୌ॥ 1-231-26 (10060)
ଦ୍ରଷ୍ଟୁକାମସ୍ଯ ଚାତ୍ଯର୍ଥଂ ଗତାଯାଂ ପାର୍ଶ୍ବତସ୍ତଥା।
ଅନ୍ଯଦଞ୍ଚିତପଦ୍ମାକ୍ଷଂ ଦକ୍ଷିଣଂ ନିଃସୃତଂ ମୁଖମ୍॥ 1-231-27 (10061)
ପୃଷ୍ଠତଃ ପରିବର୍ତନ୍ତ୍ଯାଂ ପଶ୍ଚିମଂ ନିଃସୃତଂ ମୁଖମ୍।
ଗତାଯାଂ ଚୋତ୍ତରଂ ପାର୍ଶ୍ବମୁତ୍ତରଂ ନିଃସୃତଂ ମୁଖମ୍॥ 1-231-28 (10062)
ମହେନ୍ଦ୍ରସ୍ଯାପି ନେତ୍ରାଣାଂ ପୃଷ୍ଠତଃ ପାର୍ଶ୍ବତୋଗ୍ରତଃ।
ରକ୍ତାନ୍ତାନାଂ ବିଶାଲାନାଂ ସହସ୍ରଂ ସର୍ବତୋଽଭବତ୍॥ 1-231-29 (10063)
ଏବଂ ଚତୁର୍ମୁଖଃ ସ୍ଥାଣୁର୍ମହାଦେବୋଽଭବତ୍ପୁରା।
ତଥା ସହସ୍ରନେତ୍ରଶ୍ଚ ବଭୂବ ବଲସୂଦନଃ॥ 1-231-30 (10064)
ତଥା ଦେବନିକାଯାନାଂ ମହର୍ଷୀଣାଂ ଚ ସର୍ବଶଃ।
ମୁଖାନି ଚାଭ୍ଯବର୍ତନ୍ତ ଯେନ ଯାତି ତିଲୋତ୍ତମା॥ 1-231-31 (10065)
ତସ୍ଯା ଗାତ୍ରେ ନିପତିତା ଦୃଷ୍ଟିସ୍ତେଷାଂ ମହାତ୍ମନାମ୍।
ସର୍ବେଷାମେବ ଭୂଯିଷ୍ଠମୃତେ ଦେବଂ ପିତାମହମ୍॥ 1-231-32 (10066)
ଗଚ୍ଛନ୍ତ୍ଯାଂ ତୁ ତଯା ସର୍ବେ ଦେବାଶ୍ଚ ପରମର୍ଷଯଃ।
କୃତମିତ୍ଯେବ ତତ୍କାର୍ଯଂ ମେନିରେ ରୂପସଂପଦା॥ 1-231-33 (10067)
ତିଲୋତ୍ତମାଯାଂ ତସ୍ଯାଂ ତୁ ଗତାଯାଂ ଲୋକଭାବନଃ।
`କୃତଂ କାର୍ଯମିତି ଶ୍ରୀମାନବ୍ରବୀଚ୍ଚ ପିତାମହଃ।'
ସର୍ବାନ୍ବିସର୍ଜଯାମାସ ଦେବାନୃଷିଗଣାଂଶ୍ଚ ତାନ୍॥ ॥ 1-231-34 (10068)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବିଦୁରାଗମନରାଜ୍ଯଲାଭପର୍ବଣି ଏକତ୍ରିଂଶଦଧିକଦ୍ବିଶତତମୋଽଧ୍ଯାଯଃ॥ 231 ॥
Mahabharata - Adi Parva - Chapter Footnotes
1-231-23 ତାଭ୍ଯାଂ ତଯୋଃ॥ 1-231-31 ଦେବନିକାଯାନାଂ ଦେବସଙ୍ଘାନାଂ ଯେନ ଦେଶେନ ମାର୍ଗେଣ ସା ଯାତି ତଥା ମୁଖାନ୍ଯଭ୍ଯବର୍ତନ୍ତ॥ ଏକତ୍ରିଂଶଦଧିକଦ୍ବିଶତତମୋଽଧ୍ଯାଯଃ॥ 231 ॥ଆଦିପର୍ବ - ଅଧ୍ଯାଯ 232
॥ ଶ୍ରୀଃ ॥
1.232. ଅଧ୍ଯାଯଃ 232
Mahabharata - Adi Parva - Chapter Topics
ସୁନ୍ଦୋପସୁନ୍ଦଲମୀପେ ତିଲୋତ୍ତମାଯା ଆଗମନମ୍॥ 1 ॥ ତସ୍ଯାଂ ସକାମଯୋସ୍ତଯୋଃ ପରସ୍ପରଂ ଗଦାପ୍ରହାରେଣ ମରଣମ୍॥ 2 ॥ ତିଲୋତ୍ତମାଯା ବ୍ରହ୍ମଣା ବରଦାନମ୍॥ 3 ॥ ନାରଦୋକ୍ତାମିମାଂ କଥାଂ ଶ୍ରୁତବଦ୍ଭିଃ ପାଣ୍ଡବୈଃ ତତ୍ସମକ୍ଷଂ ଦ୍ରୌପଦୀବିଷଯେ ସମଯକରଣମ୍॥ 4 ॥Mahabharata - Adi Parva - Chapter Text
1-232-0 (10069)
ନାରଦ ଉବାଚ। 1-232-0x (1262)
ଜିତ୍ବା ତୁ ପୃଥିବୀଂ ଦୈତ୍ଯୌ ନିଃସପତ୍ନୌ ଗତବ୍ଯଥୌ।
କୃତ୍ବା ତ୍ରୈଲୋକ୍ଯମବ୍ଯଗ୍ରଂ କୃତକୃତ୍ଯୌ ବଭୂବତୁଃ॥ 1-232-1 (10070)
ଦେବଗନ୍ଧର୍ବଯକ୍ଷାଣାଂ ନାଗପାର୍ଥିବରକ୍ଷସାମ୍।
ଆଦାଯ ସର୍ବରତ୍ନାନି ପରାଂ ତୁଷ୍ଟିମୁପାଗତୌ॥ 1-232-2 (10071)
ଯଦା ନ ପ୍ରତିଷେଦ୍ଧାରସ୍ତଯୋଃ ସନ୍ତୀହ କେଚନ॥
ନିରୁଦ୍ଯୋଗୌ ତଦା ଭୂତ୍ବା ବିଜହ୍ରାତେଽମରାବିବ॥ 1-232-3 (10072)
ସ୍ତ୍ରୀଭିର୍ମାଲ୍ଯୈଶ୍ଚ ଗନ୍ଧୈଶ୍ଚ ଭକ୍ଷ୍ଯଭୋଜ୍ଯୈଃ ସୁପୁଷ୍କଲୈଃ।
ପାନୈଶ୍ଚ ବିବିଧୈର୍ହୃଦ୍ଯୈଃ ପରାଂ ପ୍ରୀତିମବାପତୁଃ॥ 1-232-4 (10073)
ଅନ୍ତଃପୁରବନୋଦ୍ଯାନେ ପର୍ବତେଷୁ ବନେଷୁ ଚ।
ଯଥେପ୍ସିତେଷୁ ଦେଶେଷୁ ବିଜହ୍ରାତେଽମରାବିବ॥ 1-232-5 (10074)
ତତଃ କଦାଚିଦ୍ବିନ୍ଧ୍ଯସ୍ଯ ପ୍ରସ୍ଥେ ସମଶିଲାତଲେ।
ପୁଷ୍ପିତାଗ୍ରେଷୁ ସାଲେଷୁ ବିହାରମଭିଜଗ୍ମତୁଃ॥ 1-232-6 (10075)
ଦିବ୍ଯେଷୁ ସର୍ବକାମେଷୁ ସମାନୀତେଷୁ ତାବୁଭୌ।
ବରାସନେଷୁ ସଂହୃଷ୍ଟୌ ସହ ସ୍ତ୍ରୀଭିର୍ନିଷୀଦତୁଃ॥ 1-232-7 (10076)
ତତୋ ବାଦିତ୍ରନୃତ୍ତାଭ୍ଯାମୁପାତିଷ୍ଠନ୍ତ ତୌ ସ୍ତ୍ରିଯଃ।
ଗୀତୈଶ୍ଚ ସ୍ତୁତିସଂଯୁକ୍ତୈଃ ପ୍ରୀତ୍ଯା ସମୁପଜଗ୍ମିରେ॥ 1-232-8 (10077)
ତତସ୍ତିଲୋତ୍ତମା ତତ୍ର ବନେ ପୁଷ୍ପାଣି ଚିନ୍ବତୀ।
ବେଷଂ ସା କ୍ଷିପ୍ତମାଧାଯ ରକ୍ତେନୈକେନ ବାସସା॥ 1-232-9 (10078)
ନଦୀତୀରେଷୁ ଜାତାନ୍ସା କର୍ଣିକାରାନ୍ପ୍ରଚିନ୍ବତୀ।
ଶନୈର୍ଜଗାମ ତଂ ଦେଶଂ ଯତ୍ରାସ୍ତାଂ ତୌ ମହାସୁରୌ॥ 1-232-10 (10079)
ତୌ ତୁ ପୀତ୍ବା ବରଂ ପାନଂ ମଦରକ୍ତାନ୍ତଲୋଚନୌ।
ଦୃଷ୍ଟ୍ବୈବ ତାଂ ବରାରୋହାଂ ବ୍ଯଥିତୌ ସଂବଭୂବତୁଃ॥ 1-232-11 (10080)
ତାବୁତ୍ଥାଯାସନଂ ହିତ୍ବା ଜଗ୍ମତୁର୍ଯତ୍ର ସା ସ୍ଥିତା।
ଉଭୌ ଚ କାମସଂମତ୍ତାବୁଭୌ ପ୍ରାର୍ଥଯତଶ୍ଚ ତାମ୍॥ 1-232-12 (10081)
ଦକ୍ଷିଣେ ତାଂ କରେ ସୁଭ୍ରୂଂ ସୁନ୍ଦୋ ଜଗ୍ରାହ ପାଣିନା।
ଉପସୁନ୍ଦୋପି ଜଗ୍ରାହ ବାମେ ପାଣୌ ତିଲୋତ୍ତମାମ୍॥ 1-232-13 (10082)
ବରପ୍ରଦାନମତ୍ତୌ ତାବୌରସେନ ବଲେନ ଚ।
ଧନରତ୍ନମଦାଭ୍ଯାଂ ଚ ସୁରାପାନମଦେନ ଚ॥ 1-232-14 (10083)
ସର୍ବୈରେତୈର୍ମଦୈର୍ମତ୍ତାବନ୍ଯୋନ୍ଯଂ ଭ୍ରୁକୁଟୀକୃତୌ।
ମଦକାମସମାବିଷ୍ଟୌ ପରସ୍ପରମଥୋଚତୁଃ॥ 1-232-15 (10084)
ମମ ଭାର୍ଯା ତବ ଗୁରୁରିତି ସୁନ୍ଦୋଽଭ୍ଯଭାଷତ।
ମମ ଭାର୍ଯା ତବ ବଧୂରୁପସୁନ୍ଦୋଽଭ୍ଯଭାଷତ॥ 1-232-16 (10085)
ନୈଷା ତବ ମମୈଷେତି ତତସ୍ତୌ ମନ୍ଯୁରାବିଶତ୍।
ତସ୍ଯା ରୂପେଣ ସଂମତ୍ତୌ ବିଗତସ୍ନେହସୌହୃଦୌ॥ 1-232-17 (10086)
ତସ୍ଯା ହେତୋର୍ଗଦେ ଭୀମେ ସଂଗୃହ୍ଣୀତାମୁଭୌ ତଦା।
ପ୍ରଗୃହ୍ଯ ଚ ଗଦେ ଭୀମେ ତସ୍ଯାଂ ତୌ କାମମୋହିତୌ॥ 1-232-18 (10087)
ଅହଂପୂର୍ବମହଂପୂର୍ବମିତ୍ଯନ୍ଯୋନ୍ଯଂ ନିଜଘ୍ନତୁଃ।
ତୌ ଗଦାଭିହତୌ ଭୀମୌ ପେତତୁର୍ଧରଣୀତଲେ॥ 1-232-19 (10088)
ରୁଧିରେଣାବସିକ୍ତାଙ୍ଗୌ ଦ୍ବାବିବାର୍କୌ ନଭଶ୍ଚ୍ଯୁତୌ।
ତତସ୍ତା ବିଦ୍ରୁତା ନାର୍ଯଃ ସ ଚ ଦୈତ୍ଯଗଣସ୍ତଥା॥ 1-232-20 (10089)
ପାତାଲମଗମତ୍ସର୍ବୋ ବିଷାଦଭଯକମ୍ପିତଃ।
ତତଃ ପିତାମହସ୍ତତ୍ର ସହଦେବୈର୍ମହର୍ଷିଭିଃ॥ 1-232-21 (10090)
ଆଜଗାମ ବିଶୁଦ୍ଧାତ୍ମା ପୂଜଯଂଶ୍ଚ ତିଲୋତ୍ତମାମ୍।
ବରେଣ ଚ୍ଛନ୍ଦଯାମାସ ଭଗବାନ୍ପ୍ରପିତାମହଃ॥ 1-232-22 (10091)
ବରଂ ଦିତ୍ସୁଃ ସ ତତ୍ରୈନାଂ ପ୍ରୀତଃ ପ୍ରାହ ପିତାମହଃ।
ଆଦିତ୍ଯଚରିତାଁଲ୍ଲୋକାନ୍ବିଚରିଷ୍ଯସି ଭାମିନି॥ 1-232-23 (10092)
ତେଜସା ଚ ସୁଦୃଷ୍ଟାଂ ତ୍ବାଂ ନ କରିଷ୍ଯତି କଶ୍ଚନ।
ଏବଂ ତସ୍ଯୈ ବରଂ ଦତ୍ବା ସର୍ବଲୋକପିତାମହଃ॥ 1-232-24 (10093)
ଇନ୍ଦ୍ରେ ତ୍ରୈଲୋକ୍ଯମାଧାଯ ବ୍ରହ୍ମଲୋକଂ ଗତଃ ପ୍ରଭୁଃ।
ଏବଂ ତୌ ସହିତୌ ଭଊତ୍ବା ସର୍ବାର୍ଥେଷ୍ବେକନିଶ୍ଚଯୌ॥ 1-232-25 (10094)
ତିଲୋତ୍ତମାର୍ଥଂ ସଂକ୍ରୁଦ୍ଧାବନ୍ଯୋନ୍ଯମଭିଜଘ୍ନତୁଃ।
ତସ୍ମାଦ୍ବ୍ରବୀମି ବଃ ସ୍ନେହାତ୍ସର୍ବାଭରତସତ୍ତମାଃ॥ 1-232-26 (10095)
ଯଥା ବୋ ନାତ୍ର ଭେଦଃ ସ୍ଯାତ୍ସର୍ବେଷାଂ ଦ୍ରୌପଦୀକୃତେ।
ତଥା କୁରୁତ ଭଦ୍ରଂ ବୋ ମମ ଚେତ୍ପ୍ରିଯମିଚ୍ଛଥ॥ 1-232-27 (10096)
ବୈଶମ୍ପାଯନ ଉବାଚ। 1-232-28x (1263)
ଏବମୁକ୍ତା ମହାତ୍ମାନୋ ନାରଦେନ ମହର୍ଷିଣା।
ସମଯଂ ଚକ୍ରିରେ ରାଜଂସ୍ତେଽନ୍ଯୋନ୍ଯବଶମାଗତାଃ।
ସମକ୍ଷଂ ତସ୍ଯ ଦେବର୍ଷେର୍ନାରଦସ୍ଯାମିତୌଜସଃ॥ 1-232-28 (10097)
`ଏକୈକସ୍ଯ ଗୃହେ କୃଷ୍ଣା ବସେଦ୍ବର୍ଷମକଲ୍ମଷା'
ଦ୍ରୌପଦ୍ଯା ନଃ ସହାସୀନାନନ୍ଯୋନ୍ଯଂ ଯୋଽଭିଦର୍ଶଯେତ୍।
ସ ନୋ ଦ୍ବାଦଶ ମାସାନି ବ୍ରହ୍ମଚାରୀ ବନେ ବସେତ୍॥ 1-232-29 (10098)
କୃତେ ତୁ ସମଯେ ତସ୍ମିନ୍ପାଣ୍ଡବୈର୍ଧର୍ମଚାରିଭିଃ।
ନାରଦୋଽପ୍ଯଗମତ୍ପ୍ରୀତ ଇଷ୍ଟଂ ଦେଶଂ ମହାମୁନିଃ॥ 1-232-30 (10099)
ଏବଂ ତୈଃ ସମଯଃ ପୂର୍ବଂ କୃତୋ ନାରଦଚୋଦିତୈଃ।
ନ ଚାଭିଦ୍ଯନ୍ତ ତେ ସର୍ବେ ତଦାନ୍ଯୋନ୍ଯେନ ଭାରତ॥ 1-232-31 (10100)
`ଅଭ୍ଯନନ୍ଦନ୍ତ ତେ ସର୍ବେ ତଦାନ୍ଯୋନ୍ଯଂ ଚ ପାଣ୍ଡବାଃ।
ଏତଦ୍ବିସ୍ତରଶଃ ସର୍ବମାଖ୍ଯାତଂ ତେ ନରାଧିପ॥ 1-232-32 (10101)
କାଲେ ଚ ତସ୍ମିନ୍ସଂପନ୍ନେ ଯଥାବଜ୍ଜନମେଜଯ॥' ॥ 1-232-33 (10102)
ଇତି ଶ୍ରୀମନ୍ମହାଭାରତେ ଆଦିପର୍ବଣି ବିଦୁରାଗମନରାଜ୍ଯଲାଭପର୍ବଣି ଦ୍ବାତ୍ରିଂଶଦଧିକଦ୍ବିଶତତମୋଽଧ୍ଯାଯଃ॥ 232 ॥ ॥ ସମାପ୍ତଂ ଚ ବିଦୁରାଗମନରାଜ୍ଯଲାଭପର୍ବ ॥
Mahabharata - Adi Parva - Chapter Footnotes
1-232-24 ତେଜସାଽର୍କବତ୍ପରଦୃଷ୍ଟ୍ଯଭିଭାବକତ୍ବାତ୍ସୁଦୃଷ୍ଟାଂ ସମ୍ଯଗ୍ଦୃଷ୍ଟାଂ ନ କରିଷ୍ଯତି କଶ୍ଚିତ୍॥ ଦ୍ବାତ୍ରିଂଶଦଧିକଦ୍ବିଶତତମୋଽଧ୍ଯାଯଃ॥ 232 ॥ଆଦିପର୍ବ - ଅଧ୍ଯାଯ 233
॥ ଶ୍ରୀଃ ॥
1.233. ଅଧ୍ଯାଯଃ 233
(ଅର୍ଥାର୍ଜୁନବନବାସପର୍ବ ॥ 15 ॥)
Mahabharata - Adi Parva - Chapter Topics
ତସ୍କରୈଃ କସ୍ଯଚିଦ୍ବ୍ରାହ୍ମଣସ୍ଯ ଗୋହରଣମ୍॥ 1 ॥ ଚୋରିତାନାଂ ଗବାଂ ପ୍ରତ୍ଯାଜିହୀର୍ଷଯା ଧନୁର୍ଗ୍ରହଣାର୍ଥଂ ଦ୍ରୌପଦୀଯୁଧିଷ୍ଠିରାଧିଷ୍ଠିତେ ଆଯୁଧାଗାରେ ଅର୍ଜୁନସ୍ଯ ପ୍ରବେଶଃ॥ 2 ॥ ଚୋରେଶ୍ଯଃ ପ୍ରତ୍ଯାହୃତା ଗାଃ ବ୍ରାହ୍ମଣାଯ ଦତ୍ତ୍ବା ଯଥାସମଯଂ ଅର୍ଜୁନସ୍ଯ ତୀର୍ଥଯାତ୍ରା॥ 3 ॥Mahabharata - Adi Parva - Chapter Text
1-233-0 (10103)
ବୈଶମ୍ପାଯନ ଉବାଚ। 1-233-0x (1264)
ଏବଂ ତେ ସମଯଂ କୃତ୍ବା ନ୍ଯବସଂସ୍ତତ୍ର ପାଣ୍ଡବାଃ।
ବଶେ ଶସ୍ତ୍ରପ୍ରତାପେନ କୁର୍ବନ୍ତୋଽନ୍ଯାନ୍ମହୀକ୍ଷିତଃ॥ 1-233-1 (10104)
ତେଷାଂ ମନୁଜସିଂହାନାଂ ପଞ୍ଚାନାମମିତୌଜସାମ୍।
ବଭୂବ କୃଷ୍ଣା ସର୍ବେଷାଂ ପାର୍ଥାନାଂ ବଶବର୍ତିନୀ॥ 1-233-2 (10105)
ତେ ତଯା ତୈଶ୍ଚ ସା ବୀରୈଃ ପତିଭିଃ ସହ ପଞ୍ଚଭିଃ।
ବଭୂବ ପରମପ୍ରୀତା ନାଗୈରିବ ସରସ୍ବତୀ॥ 1-233-3 (10106)
ବର୍ତମାନେଷୁ ଧର୍ମେଣ ପାଣ୍ଡବେଷୁ ମହାତ୍ମସୁ।
ବ୍ଯବର୍ଧନ୍କୁରବଃ ସର୍ବେ ହୀନଦୋଷାଃ ସୁଖାନ୍ବିତାଃ॥ 1-233-4 (10107)
ଅଥ ଦୀର୍ଘେଣ କାଲେନ ବ୍ରାହ୍ମଣସ୍ଯ ବିଶାଂପତେ।
କସ୍ଯଚିତ୍ତସ୍କରା ଜହ୍ରୁଃ କେଚିଦ୍ଗା ନୃପସତ୍ତମ॥ 1-233-5 (10108)
ହ୍ରିଯମାଣେ ଧନେ ତସ୍ମିନ୍ବ୍ରାହ୍ମଣଃ କ୍ରୋଧମୂର୍ଚ୍ଛିତଃ।
ଆଗମ୍ଯ ଖାଣ୍ଡବପ୍ରସ୍ଥମୁଦକ୍ରୋଶତ୍ସ ପାଣ୍ଡବାନ୍॥ 1-233-6 (10109)
ହ୍ରିଯତେ ଗୋଧନଂ କ୍ଷୁଦ୍ରୈର୍ନୃଶଂସୈରକୃତାତ୍ମଭିଃ।
ପ୍ରସହ୍ଯ ଚାସ୍ମଦ୍ବିଷଯାଦଭ୍ଯଧାବତ ପାଣ୍ଡବାଃ॥ 1-233-7 (10110)
ବ୍ରାହ୍ମଣସ୍ଯ ପ୍ରଶାନ୍ତସ୍ଯ ହବିର୍ଧ୍ବାଙ୍କ୍ଷୈଃ ପ୍ରଲୁପ୍ଯତେ।
ଶାର୍ଦୂଲସ୍ଯ ଗୁହାଂ ଶୂନ୍ଯାଂ ନୀଚଃ କ୍ରୋଷ୍ଟାଭିମର୍ଦତି॥ 1-233-8 (10111)
ଅରକ୍ଷିତାରଂ ରାଜାନଂ ବଲିଷଦ୍ଭାଗହାରିଣମ୍।
ତମାହୁଃ ସର୍ବଲୋକସ୍ଯ ସମଗ୍ରଂ ପାପଚାରିଣମ୍॥ 1-233-9 (10112)
ବ୍ରାହ୍ମଣସ୍ବେ ହୃତେ ଚୋରୈର୍ଧର୍ମାର୍ଥେ ଚ ବିଲୋପିତେ।
ରୋରୂଯମାଣେ ଚ ମଯି କ୍ରିଯତାଂ ହସ୍ତଧାରଣା॥ 1-233-10 (10113)
ବୈଶମ୍ପାଯନ ଉବାଚ। 1-233-11x (1265)
ରୋରୂଯମାଣସ୍ଯାଭ୍ଯାଶେ ଭୃଶଂ ବିପ୍ରସ୍ଯ ପାଣ୍ଡବଃ।
ତାନି ବାକ୍ଯାନି ଶୁଶ୍ରାବ କୁନ୍ତୀପୁତ୍ରୋ ଧନଞ୍ଜଯଃ॥ 1-233-11 (10114)
ଶ୍ରୁତ୍ବୈବ ଚ ମହାବାହୁର୍ମା ଭୈରିତ୍ଯାହ ତଂ ଦ୍ବିଜମ୍।
ଆଯୁଧାନି ଚ ଯତ୍ରାସନ୍ପାଣ୍ଡବାନାଂ ମହାତ୍ମନାଂ॥ 1-233-12 (10115)
କୃଷ୍ଣଯା ସହ ତତ୍ରାସ୍ତେ ଧର୍ମରାଜୋ ଯୁଧିଷ୍ଠିରଃ।
ସଂପ୍ରବେଶାଯ ଚାଶକ୍ତୋ ଗମନାଯ ଚ ପାଣ୍ଡବଃ॥ 1-233-13 (10116)
ତସ୍ଯ ଚାର୍ତସ୍ଯ ତୈର୍ବାକ୍ଯୈଶ୍ଚୋଦ୍ଯମାନଃ ପୁନଃପୁନଃ।
ଆକ୍ରନ୍ଦେ ତତ୍ର କୌନ୍ତେଯଶ୍ଚିନ୍ତଯାମାସ ଦୁଃଖିତଃ॥ 1-233-14 (10117)
ହ୍ରିଯମାଣେ ଧନେ ତସ୍ମିନ୍ବ୍ରାହ୍ମଣସ୍ଯ ତପସ୍ବିନଃ।
ଅଶ୍ରୁପ୍ରମାର୍ଜନଂ ତସ୍ଯ କର୍ତବ୍ଯମିତି ନିଶ୍ଚଯଃ॥ 1-233-15 (10118)
ଉପର୍ରେକ୍ଷଣଜୋଽଧର୍ମଃ ସୁମହାନ୍ସ୍ଯାନ୍ମହୀପତେଃ।
ଯଦ୍ଯସ୍ଯ ରୁଦତୋ ଦ୍ବାରି ନ କରୋମ୍ଯଦ୍ଯ ରକ୍ଷଣମ୍॥ 1-233-16 (10119)
ଅନାସ୍ତିକ୍ଯଂ ଚ ସର୍ବେଷାମସ୍ମାକମପି ରକ୍ଷଣେ।
ପ୍ରତିତିଷ୍ଠେତ ଲୋକେଽସ୍ମିନ୍ନଧର୍ମଶ୍ଚୈବ ନୋ ଭବେତ୍॥ 1-233-17 (10120)
ଅନାପୃଚ୍ଛଯ ତୁ ରାଜାନଂ ଗତେ ମଯି ନ ସଂଶଯଃ।
ଅଜାତଶତ୍ରୋର୍ନୃପତେର୍ମଯି ଚୈବାନୃତଂ ଭବେତ୍॥ 1-233-18 (10121)
ଅନୁପ୍ରବେଶେ ରାଜ୍ଞସ୍ତୁ ବନବାସୋ ଭବେନ୍ମମ।
ସର୍ବମନ୍ଯତ୍ପରିହୃତଂ ଧର୍ଷଣାତ୍ତୁ ମହୀପତେଃ॥ 1-233-19 (10122)
ଅଧର୍ମୋ ବୈ ମହାନସ୍ତୁ ବନେ ବା ମରଣଂ ମମ।
ଶରୀରସ୍ଯ ବିନାଶେନ ଧର୍ମ ଏବ ବିଶିଷ୍ଯତେ॥ 1-233-20 (10123)
ଏବଂ ବିନିଶ୍ଚିତ୍ଯ ତତଃ କୁନ୍ତୀପୁତ୍ରୋ ଧନଞ୍ଜଯଃ।
ଅନୁପ୍ରବିଶ୍ଯ ରାଜାନମାପୃଚ୍ଛଯ ଚ ବିଶାଂପତେ॥ 1-233-21 (10124)
`ମୁଖମାଚ୍ଛାଦ୍ଯ ନିବିଡମୁତ୍ତରୀଯେଣ ବାସସା।
ଅଗ୍ରଜଂ ଚାର୍ଜୁନୋ ଗେହାଦଭିବାଦ୍ଯାଶୁ ନିଃସୃତଃ॥' 1-233-22 (10125)
ଧନୁରାଦାଯ ସଂହୃଷ୍ଟୋ ବ୍ରାହ୍ମଣଂ ପ୍ରତ୍ଯଭାଷତ।
ବ୍ରାହ୍ମଣା ଗମ୍ଯତାଂ ଶୀଘ୍ରଂ ଯାବତ୍ପରଧନୈର୍ଷିଣଃ॥ 1-233-23 (10126)
ନ ଦୂରେ ତେ ଗତାଃ କ୍ଷୁଦ୍ରାସ୍ତାବଦ୍ଗଚ୍ଛାବହେ ସହ।
ଯାବନ୍ନିବର୍ତଯାମ୍ଯଦ୍ଯ ଚୋରହସ୍ତାଦ୍ଧନଂ ତବ॥ 1-233-24 (10127)
ସୋଽନୁସୃତ୍ଯ ମହାବାହୁର୍ଧନ୍ବୀ ବର୍ମୀ ରଥୀ ଧ୍ବଜୀ।
ଶରୈର୍ବିଧ୍ବସ୍ଯ ତାଂଶ୍ଚୋରାନବଜିତ୍ଯ ଚ ତଦ୍ଧନମ୍॥ 1-233-25 (10128)
ବ୍ରାହ୍ମଣଂ ସମୁପାକୃତ୍ଯ ଯଶଃ ପ୍ରାପ୍ଯ ଚ ପାଣ୍ଡବଃ।
ତତସ୍ତଦ୍ଗେଧନଂ ପାର୍ଥୋ ଦତ୍ତ୍ବା ତସ୍ମୈ ଦ୍ବିଜାତଯେ॥ 1-233-26 (10129)
ଆଜଗାମ ପୁରଂ ବୀରଃ ସବ୍ଯସାଚୀ ଧନଞ୍ଜଯଃ।
ସୋଽଭିବାଦ୍ଯ ଗୁରୂନ୍ସର୍ବାନ୍ସର୍ବୈଶ୍ଚାପ୍ଯଭିନନ୍ଦିତଃ॥ 1-233-27 (10130)
ଧର୍ମରାଜମୁବାଚେଦଂ ବ୍ରତମାଦିଶ ମେ ପ୍ରଭୋ।
ସମଯଃ ସମତିକ୍ରାନ୍ତୋ ଭବତ୍ସଂଦର୍ଶନେ ମଯା॥ 1-233-28 (10131)
ବନବାସଂ ଗମିଷ୍ଯାମି ସମଯୋ ହ୍ଯେଷ ନଃ କୃତଃ।
ଇତ୍ଯୁକ୍ତୋ ଧର୍ମରାସ୍ତୁ ସହସା ବାକ୍ଯମପ୍ରିଯମ୍॥ 1-233-29 (10132)
କଥମିତ୍ଯବ୍ରବୀଦ୍ବାଚା ଶୋକାର୍ତଃ ସଜ୍ଜମାନଯା।
ଯୁଧିଷ୍ଠିରୋ ଗୁଡାକେଶଂ ଭ୍ରାତା ଭ୍ରାତରମଚ୍ଯୁତମ୍॥ 1-233-30 (10133)
ଉବାଚ ଦୀନୋ ରାଜା ଚ ଧନଞ୍ଜଯମିଦଂ ବଚଃ।
ପ୍ରମାଣମସ୍ମି ଯଦି ତେ ମତ୍ତଃ ଶୃଣୁ ବଚୋଽନଘ॥ 1-233-31 (10134)
ଅନୁପ୍ରବେଶେ ଯଦ୍ବୀର କୃତବାଂସ୍ତ୍ବଂ ମମାପ୍ରିଯମ୍।
ସର୍ବଂ ତଦନୁଜାନାମି ବ୍ଯଲୀକଂ ନ ଚ ମେ ହୃଦି॥ 1-233-32 (10135)
ଗୁରୋରନୁପ୍ରବେଶୋ ହି ନୋପଘାତୋ ଯବୀଯସଃ।
ଯବୀଯସୋଽନୁପ୍ରବେଶୋ ଜ୍ଯେଷ୍ଠସ୍ଯ ବିଧିଲୋପକଃ॥ 1-233-33 (10136)
ନିବର୍ତସ୍ବ ମହାବାହୋ କୁରୁଷ୍ବ ବଚନଂ ମମ।
ନ ହି ତେ ଧର୍ମଲୋପୋଽସ୍ତି ନ ଚ ତେ ଧର୍ପଣା କୃତା॥ 1-233-34 (10137)
ଅର୍ଜୁନ ଉବାଚ। 1-233-35x (1266)
ନ ବ୍ଯାଜେନ ଚରେଦ୍ଧର୍ମମିତି ମେ ଭବତଃ ଶ୍ରୁତମ୍।
ନ ସତ୍ଯାଦ୍ବିଚଲିଷ୍ଯାମି ସତ୍ଯେନାଯୁଧମାଲଭେ॥ 1-233-35 (10138)
ବୈଶମ୍ପାଯନ ଉବାଚ। 1-233-36x (1267)
ସୋଽଭ୍ଯନୁଜ୍ଞାଯ ରାଜାନଂ ବନଚର୍ଯାଯ ଦୀକ୍ଷିତଃ।
ବନେ ଦ୍ବାଦଶ ମାସାଂସ୍ତୁ ବାସାଯାନୁଜଗାମ ହ॥ ॥ 1-233-36 (10139)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଅର୍ଜୁନବନବାସପର୍ବଣି ତ୍ରଯସ୍ତ୍ରିଂଶଦଧିକଦ୍ବିଶତତମୋଽଧ୍ଯାଯଃ॥ 233 ॥
Mahabharata - Adi Parva - Chapter Footnotes
1-233-3 ନାଗୈର୍ଗଜବଧୂରିବ ଇତି ଙ. ପାଠଃ॥ 1-233-16 ଉପପ୍ରେକ୍ଷଣଜ ଉପେକ୍ଷାଜନ୍ଯଃ॥ 1-233-17 ଅନାସ୍ତିକ୍ଯମାସ୍ତିକ୍ଯାଭାବଃ॥ 1-233-30 ସଜ୍ଜମାନଯା ସ୍ଖଲନ୍ତ୍ଯା॥ 1-233-36 ମାସାଂସ୍ତୁ ବ୍ରହ୍ମଚର୍ଯାଯ ଦୀକ୍ଷିତଃ ଇତି ଙ. ପାଠଃ॥ ତ୍ରଯସ୍ତ୍ରିଂଶଦଧିକଦ୍ବିଶତତମୋଽଧ୍ଯାଯଃ॥ 233 ॥ଆଦିପର୍ବ - ଅଧ୍ଯାଯ 234
॥ ଶ୍ରୀଃ ॥
1.234. ଅଧ୍ଯାଯଃ 234
Mahabharata - Adi Parva - Chapter Topics
ବ୍ରାହ୍ମଣୈଃ ସହ ତୀର୍ଥାନ୍ଯଟତୋଽର୍ଜୁନସ୍ଯ ସ୍ନାନାର୍ଥଂ ଗଙ୍ଗାଯାମବତରଣମ୍॥ 1 ॥ ତତ୍ର ଉଲୂପ୍ଯା ନାଗକନ୍ଯଯା ଗୃହୀତସ୍ଯାର୍ଜୁନସ୍ଯ ନାଗଲୋକଗମନମ୍॥ 2 ॥ ସଂବାଦପୂର୍ବକମୁଲୂପ୍ଯାଃ ପରିଗ୍ରହଃ॥ 3 ॥ ଇରାବତ ଉତ୍ପତ୍ତିଃ॥ 4 ॥ ଅର୍ଜୁନଂ ପୁନର୍ଗଙ୍ଗାଦ୍ବାରମୁପନୀଯ ଉଲୂପ୍ଯା ସ୍ବଲୋକଗମନମ୍॥ 5 ॥Mahabharata - Adi Parva - Chapter Text
1-234-0 (10140)
ବୈଶମ୍ପାଯନ ଉବାଚ। 1-234-0x (1268)
ତଂ ପ୍ରଯାନ୍ତଂ ମହାବାହୁଂ କୌରବାଣାଂ ଯଶସ୍କରମ୍।
ଅନୁଜଗ୍ମୁର୍ମହାତ୍ମାନୋ ବ୍ରାହ୍ମଣା ବେଦପାରଗାଃ॥ 1-234-1 (10141)
ବେଦବେଦାଙ୍ଗବିଦ୍ବାସସ୍ତଥୈବାଧ୍ଯାତ୍ମଚିନ୍ତକାଃ।
ଭୈକ୍ଷାଶ୍ଚ ଭଗବଦ୍ଭକ୍ତାଃ ସୂତାଃ ପୌରାଣିକାଶ୍ଚ ଯେ॥ 1-234-2 (10142)
କଥକାଶ୍ଚାପରେ ରାଜଞ୍ଶ୍ରମଣାଶ୍ଚ ବନୌକସଃ।
ଦିବ୍ଯାଖ୍ଯାନାନି ଯେ ଚାପି ପଠନ୍ତି ମଧୁରଂ ଦ୍ବିଜାଃ॥ 1-234-3 (10143)
ଏତୈଶ୍ଚାନ୍ଯୈଶ୍ଚ ବହୁଭିଃ ସହାଯୈଃ ପାଣ୍ଡୁନନ୍ଦନଃ।
ବୃତଃ ଶ୍ଲକ୍ଷ୍ଣକଥୈଃ ପ୍ରାଯାନ୍ମରୁଦ୍ଭିରିବ ବାସବଃ॥ 1-234-4 (10144)
ରମଣୀଯାନି ଚିତ୍ରାଣି ବନାନି ଚ ସରାଂସି ଚ।
ସରିତଃ ସାଗରାଂଶ୍ଚୈବ ଦେଶାନପି ଚ ଭାରତ॥ 1-234-5 (10145)
ପୁଣ୍ଯାନ୍ଯପି ଚ ତୀର୍ଥାନି ଦଦର୍ଶ ଭରତର୍ଷଭଃ।
ସ ଗଙ୍ଗାଦ୍ବାରମାଶ୍ରିତ୍ଯ ନିବେଶମକରୋତ୍ପ୍ରଭୁଃ॥ 1-234-6 (10146)
ତତ୍ର ତସ୍ଯାଦ୍ଭୁତଂ କର୍ମ ଶୃଣୁ ତ୍ବଂ ଜନମେଜଯ।
କୃତବାନ୍ଯଦ୍ବିଶୁଦ୍ଧାତ୍ମା ପାଣ୍ଡୂନାଂ ପ୍ରବରୋ ହି ସଃ॥ 1-234-7 (10147)
ନିବିଷ୍ଟେ ତତ୍ର କୌନ୍ତେଯେ ବ୍ରାହ୍ମଣେଷୁ ଚ ଭାରତ।
ଅଗ୍ନିହୋତ୍ରାଣି ବିପ୍ରାସ୍ତେ ପ୍ରାଦୁଶ୍ଚକ୍ରୁରନେକଶଃ॥ 1-234-8 (10148)
ତେଷୁ ପ୍ରବୋଧ୍ଯମାନେଷୁ ଜ୍ବଲିତେଷୁ ହୁତେଷୁ ଚ।
କୃତପୁଷ୍ପୋପହାରେଷୁ ତୀରାନ୍ତରଗତେଷୁ ଚ॥ 1-234-9 (10149)
କୃତାଭିଷେକୈର୍ବିଦ୍ବଦ୍ଭିର୍ନିଯତୈଃ ସତ୍ପଥେ ସ୍ଥିତୈଃ।
ଶୁଶୁଭେଽତୀବ ତଦ୍ରାଜନ୍ଗଙ୍ଗାଦ୍ବାରଂ ମହାତ୍ମଭିଃ॥ 1-234-10 (10150)
ତଥା ପର୍ଯାକୁଲେ ତସ୍ମିନ୍ନିବେଶେ ପାଣ୍ଡବର୍ଷଭଃ।
ଅଭିଷେକାଯ କୌନ୍ତେଯୋ ଗଙ୍ଗାମବତତାର ହ॥ 1-234-11 (10151)
ତତ୍ରାଭିଷେକଂ କୃତ୍ବା ସ ତର୍ପଯିତ୍ବା ପିତାମହାନ୍।
ଉତ୍ତିତୀର୍ଷୁର୍ଜଲାଦ୍ରାଜନ୍ନଗ୍ନିକାର୍ଯଚିକୀର୍ଷଯା॥ 1-234-12 (10152)
ଅପକୃଷ୍ଟୋ ମହାବାହୁର୍ନାଗରାଜସ୍ଯ କନ୍ଯଯା।
ଅନ୍ତର୍ଜଲେ ମହାରାଜ ଉଲୂପ୍ଯା କାମଯାନଯା॥ 1-234-13 (10153)
ଦଦର୍ଶ ପାଣ୍ଡବସ୍ତତ୍ର ପାବକଂ ସୁସମାହିତଃ।
କୌରବ୍ଯସ୍ଯାଥ ନାଗସ୍ଯ ଭବନେ ପରମାର୍ଚିତେ॥ 1-234-14 (10154)
ତତ୍ରାଗ୍ନିକାର୍ଯଂ କୃତବାନ୍କୁନ୍ତୀପୁତ୍ରୋ ଧନଞ୍ଜଯଃ।
ଅଶଙ୍କମାନେନ ହୁତସ୍ତେନାତୁଷ୍ଯଦ୍ଧୁତାଶନଃ॥ 1-234-15 (10155)
ଅଗ୍ନିକାର୍ଯଂ ସ କୃତ୍ବା ତୁ ନାଗରାଜସୁତାଂ ତଦା।
ପ୍ରସହନ୍ନିବ କୌନ୍ତେଯ ଇଦଂ ବଚନମବ୍ରବୀତ୍॥ 1-234-16 (10156)
କିମିଦଂ ସାହସଂ ଭୀରୁ କୃତବତ୍ଯସି ଭାମିନି।
କଶ୍ଚାଯଂ ସୁଭଗେ ଦେଶଃ କା ଚ ତ୍ବଂ କସ୍ଯ ବାତ୍ମଜା॥ 1-234-17 (10157)
ଉଲୂପ୍ଯୁବାଚ। 1-234-18x (1269)
ଐରାବତକୁଲେ ଜାତଃ କୌରବ୍ଯୋ ନାମ ପନ୍ନଗଃ।
ତସ୍ଯାସ୍ମି ଦୁହିତା ରାଜନ୍ନୁଲୂପୀ ନାମ ପନ୍ନଗୀ॥ 1-234-18 (10158)
ସାଽହଂ ତ୍ବାମଭିଷେକାର୍ଥମବତୀର୍ଣଂ ସମୁଦ୍ଗାମ୍।
ଦୃଷ୍ଟ୍ବୈବ ପୁରୁଷବ୍ଯାଘ୍ର କନ୍ଦର୍ପେଣାଭିମୂର୍ଚ୍ଛିତା॥ 1-234-19 (10159)
ତାଂ ମାମନଙ୍ଗଗ୍ଲପିତାଂ ତ୍ବତ୍କୃତେ କୁରୁନନ୍ଦନ।
ଅନନ୍ଯାଂ ନନ୍ଦଯସ୍ବାଦ୍ଯ ପ୍ରଦାନେନାତ୍ମନୋଽନଘ॥ 1-234-20 (10160)
ଅର୍ଜୁନ ଉବାଚ। 1-234-21x (1270)
ବ୍ରହ୍ମଚର୍ଯମିଦଂ ଭଦ୍ରେ ମମ ଦ୍ବାଦଶମାସିକମ୍।
ଧର୍ମରାଜେନ ଚାଦିଷ୍ଟଂ ନାହମସ୍ମି ସ୍ବଯଂ ବଶଃ॥ 1-234-21 (10161)
ତବ ଚାପି ପ୍ରିଯଂ କର୍ତୁମିଚ୍ଛାମି ଜଲଚାରିଣି।
ଅନୃତଂ ନୋକ୍ତପୂର୍ବଂ ଚ ମଯା କିଂଚନ କର୍ହିଚିତ୍॥ 1-234-22 (10162)
କଥଂ ଚ ନାନୃତଂ ମେ ସ୍ଯାତ୍ତବ ଚାପି ପ୍ରିଯଂ ଭବେତ୍।
ନ ଚ ପୀଡ୍ଯେତ ମେ ଧର୍ମସ୍ତଥା କୁର୍ଯା ଭୁଜଙ୍ଗମେ॥ 1-234-23 (10163)
ଉଲୂପ୍ଯୁବାଚ। 1-234-24x (1271)
ଜାନାମ୍ଯହଂ ପାଣ୍ଡବେଯ ଯଥା ଚରସି ମେଦିନୀମ୍।
ଯଥା ଚ ତେ ବ୍ରହ୍ମଚର୍ଯମିଦମାଦିଷ୍ଟବାନ୍ଗୁରୁଃ॥ 1-234-24 (10164)
ପରସ୍ପରଂ ବର୍ତମାନାନ୍ଦ୍ରୁପଦସ୍ଯାତ୍ମଜାଂ ପ୍ରତି।
ଯୋ ନୋଽନୁପ୍ରବିଶେନ୍ମୋହାତ୍ସ ବୈ ଦ୍ବାଦଶମାସିକମ୍॥ 1-234-25 (10165)
ବନେ ଚରେଦ୍ବ୍ରହ୍ମଚର୍ଯମିତି ବଃ ସମଯଃ କୃତଃ।
ତଦିଦଂ ଦୌପଦୀହେତୋରନ୍ଯୋନ୍ଯସ୍ଯ ପ୍ରବାସନମ୍॥ 1-234-26 (10166)
କୃତବାଂସ୍ତତ୍ର ଧର୍ମାର୍ଥମତ୍ର ଧର୍ମୋ ନ ଦୁଷ୍ଯତି।
ପରିତ୍ରାଣଂ ଚ କର୍ତବ୍ଯମାର୍ତାନାଂ ପୃଥୁଲୋଚନ॥ 1-234-27 (10167)
କୃତ୍ବା ମମ ପରିତ୍ରାଣଂ ତବ ଧର୍ମୋ ନ ଲୁପ୍ଯତେ।
ଯଦି ବାପ୍ଯସ୍ଯ ଧର୍ମସ୍ଯ ସୂକ୍ଷ୍ମୋଽପି ସ୍ଯାଦ୍ବ୍ଯତିକ୍ରମଃ॥ 1-234-28 (10168)
ସ ଚ ତେ ଧର୍ମ ଏବ ସ୍ଯାଦ୍ଦତ୍ବା ପ୍ରାଣାନ୍ମମାର୍ଜୁନ।
ଭକ୍ତାଂ ଚ ଭଜ ମାଂ ପାର୍ଥ ସତାମେତନ୍ମତଂ ପ୍ରଭୋ॥ 1-234-29 (10169)
ନ କରିଷ୍ଯସି ଚେଦେବଂ ମୃତାଂ ମାମୁପଧାରଯ।
ପ୍ରାଣଦାନାନ୍ମହାବାହୋ ଚର ଧର୍ମମନୁତ୍ତମମ୍॥ 1-234-30 (10170)
ଶରଣଂ ଚ ପ୍ରପନ୍ନାସ୍ମି ତ୍ବାମଦ୍ଯ ପୁରୁଷୋତ୍ତମ।
ଦୀନାନନାଥାନ୍କୌନ୍ତେଯ ପରିରକ୍ଷସି ନିତ୍ଯଶଃ॥ 1-234-31 (10171)
ସାଽହଂ ଶର଼ଣମଭ୍ଯେମି ରୋରବୀମି ଚ ଦୁଃଖିତା।
ଯାଚେ ତ୍ବାଂ ଚାଭିକାମାହଂ ତସ୍ମାତ୍କୁରୁ ମମ ପ୍ରିଯମ୍।
ସ ତ୍ବମାତ୍ମପ୍ରଦାନେନ ସକାମାଂ କର୍ତୁମର୍ହସି॥ 1-234-32 (10172)
ବୈଶମ୍ପାଯନ ଉବାଚ। 1-234-33x (1272)
ଏବମୁକ୍ତସ୍ତୁ କୌନ୍ତେଯଃ ପନ୍ନଗେଶ୍ବରକନ୍ଯଯା।
କୃତବାଂସ୍ତତ୍ତଥା ସର୍ବଂ ଧର୍ମମୁଦ୍ଦିଶ୍ଯ କାରଣମ୍॥ 1-234-33 (10173)
ସ ନାଗଭବନେ ରାତ୍ରିଂ ତାମୁଷିତ୍ବା ପ୍ରତାପବାନ୍।
`ପୁତ୍ରମୁତ୍ପାଦଯାମାସ ସ ତସ୍ଯାଂ ସୁମନୋହରମ୍॥ 1-234-34 (10174)
ଇରାବନ୍ତଂ ମହାଭାଗଂ ମହାବଲପରାକ୍ରମମ୍।'
ଉଦିତେଽଭ୍ଯୁତ୍ଥିତଃ ସୂର୍ଯେ କୌରବ୍ଯସ୍ଯ ନିବେଶନାତ୍॥ 1-234-35 (10175)
ଆଗତସ୍ତୁ ପୁନସ୍ତତ୍ର ଗଙ୍ଗାଦ୍ବାରଂ ତଯା ସହ।
ପରିତ୍ଯଜ୍ଯ ଗତା ସାଧ୍ବୀ ଉଲୂପୀ ନିଜମନ୍ଦିରଂ॥ 1-234-36 (10176)
ଦତ୍ତ୍ବା ବରମଜେଯତ୍ବଂ ଜଲେ ସର୍ବତ୍ର ଭାରତ।
ସାଧ୍ଯା ଜଲଚରାଃ ସର୍ବେ ଭବିଷ୍ଯନ୍ତି ନ ସଂଶଯଃ॥ ॥ 1-234-37 (10177)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଅର୍ଜୁନବନବାସପର୍ବଣି ଚତୁସ୍ତ୍ରିଂଶଦଧିକଦ୍ବିଶତତମୋଽଧ୍ଯାଯଃ॥ 234 ॥
Mahabharata - Adi Parva - Chapter Footnotes
1-234-36 ପରିଷ୍ବଜ୍ଯେତି ଖ. ପାଠଃ॥ ଚତୁସ୍ତ୍ରିଂଶଦଧିକଦ୍ବିଶତତମୋଽଧ୍ଯାଯଃ॥ 234 ॥ଆଦିପର୍ବ - ଅଧ୍ଯାଯ 235
॥ ଶ୍ରୀଃ ॥
1.235. ଅଧ୍ଯାଯଃ 235
Mahabharata - Adi Parva - Chapter Topics
ଅର୍ଜୁନସ୍ଯ ମଣଲୂରଗ୍ରାମଗମନମ୍॥ 1 ॥ ପୁତ୍ରିକାପୁତ୍ରକଧର୍ମେଣ ଚିତ୍ରାଙ୍ଗଦାପରିଗ୍ରହଃ॥ 2 ॥Mahabharata - Adi Parva - Chapter Text
1-235-0 (10178)
ବୈଶମ୍ପାଯନ ଉବାଚ। 1-235-0x (1273)
କଥଯିତ୍ବା ଚ ତତ୍ସର୍ବଂ ବ୍ରାହ୍ମଣେଭ୍ଯଃ ସ ଭାରତ।
ପ୍ରଯଯୌ ହିମବତ୍ପାର୍ଶ୍ବଂ ତତୋ ବଜ୍ରଧରାତ୍ମଜଃ॥ 1-235-1 (10179)
ଅଗସ୍ତ୍ଯବଟମାସାଦ୍ଯ ବସିଷ୍ଠସ୍ଯ ଚ ପର୍ବତମ୍।
ଭୃଗୁତୁଙ୍ଗେ ଚ କୌନ୍ତେଯଃ କୃତବାଞ୍ଶୌଚମାତ୍ମନଃ॥ 1-235-2 (10180)
ପ୍ରଦଦୌ ଗୋସହସ୍ରାଣି ସୁବହୂନି ଚ ଭାରତ।
ନିବେଶାଂଶ୍ଚ ଦ୍ବିଜାତିଭ୍ଯଃ ସୋଽଦଦତ୍କୁରୁସତ୍ତମଃ॥ 1-235-3 (10181)
ହିରଣ୍ଯବିନ୍ଦୋସ୍ତୀର୍ଥେ ଚ ସ୍ନାତ୍ବା ପୁରୁଷସତ୍ତମଃ।
ଦୃଷ୍ଟବାନ୍ପାଣ୍ଡବଶ୍ରେଷ୍ଠଃ ପୁଣ୍ଯାନ୍ଯାଯତନାନି ଚ॥ 1-235-4 (10182)
ଅବତୀର୍ଯ ନରଶ୍ରେଷ୍ଠୋ ବ୍ରାହ୍ମଣୈଃ ସହ ଭାରତ।
ପ୍ରାଚୀଂ ଦିଶମଭିପ୍ରେପ୍ସୁର୍ଜଗାମ ଭରତର୍ଷଭଃ॥ 1-235-5 (10183)
ଆନୁପୂର୍ବ୍ଯେଣ ତୀର୍ଥାନି ଦୃଷ୍ଟବାନ୍କୁରୁସତ୍ତମଃ।
ନଦୀଂ ଚୋତ୍ପଲିନୀଂ ରମ୍ଯାମରଣ୍ଯଂ ନୈମିଷଂ ପ୍ରତି॥ 1-235-6 (10184)
ନନ୍ଦାମପରନନ୍ଦାଂ ଚ କୌଶିକୀଂ ଚ ଯଶସ୍ବିନୀମ୍।
ମହାନଦୀଂ ଗଯାଂ ଚୈବ ଗଙ୍ଗାମପି ଚ ଭାରତ॥ 1-235-7 (10185)
ଏବଂ ତୀର୍ଥାନି ସର୍ବାଣି ପଶ୍ଯମାନସ୍ତଥାଶ୍ରମାନ୍।
ଆତ୍ମନଃ ପାବନଂ କୁର୍ବନ୍ବ୍ରାହ୍ମଣେଭ୍ଯୋ ଦଦୌ ଚ ଗାଃ॥ 1-235-8 (10186)
ଅଙ୍ଗବଙ୍ଗକଲିଙ୍ଗେଷୁ ଯାନି ତୀର୍ଥାନି କାନିଚିତ୍।
ଜଗାମ ତାନି ସର୍ବାଣି ପୁଣ୍ଯାନ୍ଯାଯତନାନି ଚ॥ 1-235-9 (10187)
ଦୃଷ୍ଟ୍ବା ଚ ବିଧିବତ୍ତାନି ଧନଂ ଚାପି ଦଦୌ ତତଃ।
କଲିଙ୍ଗରାଷ୍ଟ୍ରଦ୍ବାରେଷୁ ବ୍ରାହ୍ମଣାଃ ପାଣ୍ଡବାନୁଗାଃ।
ଅଭ୍ଯନୁଜ୍ଞାଯ କୌନ୍ତେଯମୁପାବର୍ତନ୍ତ ଭାରତ॥ 1-235-10 (10188)
ସ ତୁ ତୈରଭ୍ଯନୁଜ୍ଞାତଃ କୁନ୍ତୀପୁତ୍ରୋ ଧନଞ୍ଜଯଃ।
ସହାଯୈରଲ୍ପକୈଃ ଶୂରଃ ପ୍ରଯଯୌ ଯତ୍ର ସାଗରଃ॥ 1-235-11 (10189)
ସ କଲିଙ୍ଗାନତିକ୍ରମ୍ଯ ଦେଶାନାଯତନାନି ଚ।
ହର୍ମ୍ଯାଣି ରମଣୀଯାନି ପ୍ରେକ୍ଷଣାଣୋ ଯଯୌ ପ୍ରଭୁଃ॥ 1-235-12 (10190)
ମହେନ୍ଦ୍ରପର୍ବତଂ ଦୃଷ୍ଟ୍ବା ତାପସୈରୁପଶୋଭିତମ୍।
`ଗୋଦାବର୍ଯାଂ ତତଃ ସ୍ନାତ୍ବା ତାମତୀତ୍ଯ ମହାବଲଃ॥ 1-235-13 (10191)
କାବେରୀଂ ତାଂ ସମାସାଦ୍ଯ ସଙ୍ଗମେ ସାଗରସ୍ଯ ଚ।
ସ୍ନାତ୍ବା ସଂପୂଜ୍ଯ ଦେବାଂଶ୍ଚ ପିତୄଂଶ୍ଚ ମୁନିଭିଃ ସହ'॥ 1-235-14 (10192)
ସମୁଦ୍ରତୀରେଣ ଶନୈର୍ମଣଲୂରଂ ଜଗାମ ହ॥ 1-235-15 (10193)
ତତ୍ର ସର୍ବାଣି ତୀର୍ଥାନି ପୁଣ୍ଯାନ୍ଯାଯତନାନି ଚ।
ଅଭିଗମ୍ଯ ମହାବାହୁରଭ୍ଯଗଚ୍ଛନ୍ମହୀପତିମ୍॥ 1-235-16 (10194)
ମଣଲୂରେଶ୍ବରଂ ରାଜନ୍ଧର୍ମଜ୍ଞଂ ଚିତ୍ରବାହନମ୍।
ତସ୍ଯ ଚିତ୍ରାଙ୍ଗଦା ନାମ ଦୁହିତା ଚାରୁଦର୍ଶନା॥ 1-235-17 (10195)
ତାଂ ଦଦର୍ଶ ପୁରେ ତସ୍ମିନ୍ବିଚରନ୍ତୀଂ ଯଦୃଚ୍ଛଯା।
ଦୃଷ୍ଟ୍ବା ଚ ତାଂ ବରାରୋହାଂ ଚକମେ ଚୈତ୍ରବାହନୀମ୍॥ 1-235-18 (10196)
ଅଭିଗମ୍ଯ ଚ ରାଜାନମବଦତ୍ସ୍ବଂ ପ୍ରଯୋଜନମ୍।
ଦେହି ମେ ଖଲ୍ବିମାଂ ରାଜନ୍କ୍ଷତ୍ରିଯାଯ ମହାତ୍ମନେ॥ 1-235-19 (10197)
ତଚ୍ଛ୍ରୁତ୍ବା ତ୍ବବ୍ରବୀଦ୍ରାଜା କସ୍ଯ ପୁତ୍ରୋଽସି ନାମ କିମ୍।
ଉବାଚ ତଂ ପାଣ୍ଡବୋଽହଂ କୁନ୍ତୀପୁତ୍ରୋ ଧନଞ୍ଜଯଃ॥ 1-235-20 (10198)
ତମୁବାଚାଥ ରାଜା ସ ସାନ୍ତ୍ବପୂର୍ବମିଦଂ ବଚଃ।
ରାଜା ପ୍ରଭଞ୍ଜନୋ ନାମ କୁଲେଽସ୍ମିନ୍ସଂବଭୂବ ହ॥ 1-235-21 (10199)
ଅପୁତ୍ରଃ ପ୍ରସବେନାର୍ଥୀ ତପସ୍ତେପେ ସ ଉତ୍ତମମ୍।
ଉଗ୍ରେଣ ତପସା ତେନ ଦେବଦେବଃ ପିନାକଧୃକ୍॥ 1-235-22 (10200)
ଈଶ୍ବରସ୍ତୋଷିତଃ ପାର୍ଥ ଦେବଦେବଃ ଉମାପତିଃ।
ସ ତସ୍ମୈ ଭଘବାନ୍ପ୍ରାଦାଦେକୈକଂ ପ୍ରସବଂ କୁଲେ॥ 1-235-23 (10201)
ଏକୈକଃ ପ୍ରସବସ୍ତସ୍ମାଦ୍ଭବତ୍ଯସ୍ମିନ୍କୁଲେ ସଦା।
ତେଷାଂ କୁମାରାଃ ସର୍ବେଷାଂ ପୂର୍ବେଷାଂ ମମ ଜଜ୍ଞିରେ॥ 1-235-24 (10202)
ଏକା ଚ ମମ କନ୍ଯେଯଂ କୁଲସ୍ଯୋତ୍ପାଦନୀ ଭୃଶମ୍।
ପୁତ୍ରୋ ମମାଯମିତି ମେ ଭାବନା ପୁରୁଷର୍ଷଭ॥ 1-235-25 (10203)
ପୁତ୍ରିକାହେତୁବିଧିନା ସଂଜ୍ଞିତା ଭରତର୍ଷଭ।
ତସ୍ମାଦେକଃ ସୁତୋ ଯୋଽସ୍ଯାଂ ଜାଯତେ ଭାରତ ତ୍ବଯା॥ 1-235-26 (10204)
ଏତଚ୍ଛୁଲ୍କଂ ଭବତ୍ବସ୍ଯାଃ କୁଲକୃଜ୍ଜାଯତାମିହ।
ଏତେନ ସମଯେନେମାଂ ପ୍ରତିଗୃହ୍ଣୀଷ୍ବ ପାଣ୍ଡବ॥ 1-235-27 (10205)
ସ ତଥେତି ପ୍ରତିଜ୍ଞାଯ ତାଂ କନ୍ଯାଂ ପ୍ରତିଗୃହ୍ଯ ଚ।
`ମାସେ ତ୍ରଯୋଦଶେ ପାର୍ଥଃ କୃତ୍ବା ବୈବାହିକୀଂ କ୍ରିଯାମ୍।'
ଉବାସ ନଗରେ ତସ୍ମିନ୍ମାସାଂସ୍ତ୍ରୀନ୍ସ ତଯା ସହ॥ ॥ 1-235-28 (10206)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଅର୍ଜୁନବନବାସପର୍ବଣି ପଞ୍ଚତ୍ରିଂଶଦଧିକଦ୍ବିଶତତମୋଽଧ୍ଯାଯଃ॥ 235 ॥
ଆଦିପର୍ବ - ଅଧ୍ଯାଯ 236
॥ ଶ୍ରୀଃ ॥
1.236. ଅଧ୍ଯାଯଃ 236
Mahabharata - Adi Parva - Chapter Topics
ସୌଭଦ୍ରତୀର୍ଥେ ସ୍ନାନାର୍ଥମବତୀର୍ଣସ୍ଯାର୍ଜୁନସ୍ଯ ଗ୍ରାହେଣ ଗ୍ରହଣମ୍॥ 1 ॥ ଜଲାଦୁଦ୍ଧରଣେନ ଗ୍ରାହରୂପଂ ପରିତ୍ଯଜ୍ଯ ନାରୀରୂପଂ ପ୍ରାପ୍ତଯା ବର୍ଗାନାମ୍ନଯା ସ୍ବପ୍ରଭୃତୀନାଂ ବ୍ରାହ୍ମଣେନ ଶାପଦାନକଥନମ୍॥ 2 ॥Mahabharata - Adi Parva - Chapter Text
1-236-0 (10207)
ବୈଶମ୍ପାଯନ ଉବାଚ। 1-236-0x (1274)
ତତଃ ସମୁଦ୍ରେ ତୀର୍ଥାନି ଦକ୍ଷିମେ ଭରତର୍ଷଭଃ।
ଅଭ୍ଯଗଚ୍ଛତ୍ସୁପୁଣ୍ଯାନି ସୋଭିତାନି ତପସ୍ବିଭିଃ॥ 1-236-1 (10208)
ବର୍ଜଯନ୍ତି ସ୍ମ ତୀର୍ତାନି ତତ୍ର ପଞ୍ଚ ସମ ତାପସାଃ।
ଅବକୀର୍ଣାନି ଯାନ୍ଯାସନ୍ପୁରସ୍ତାତ୍ତୁ ତପସ୍ବିଭିଃ॥ 1-236-2 (10209)
ଅଗସ୍ତ୍ଯତୀର୍ଥଂ ସୌଭଦ୍ରଂ ପୌଲୋମଂ ଚ ସୁପାବନମ୍।
କାରନ୍ଧମଂ ପ୍ରସନ୍ନଂ ଚ ମହମେଧଫଲଂ ଚ ତତ୍॥ 1-236-3 (10210)
ଭାରଦ୍ବାଜସ୍ଯ ତୀର୍ଥଂ ତୁ ପାପପ୍ରଶମନଂ ମହତ୍।
ଏତାନି ପଞ୍ଚ ତୀର୍ଥାନି ଦଦର୍ଶ କୁରୁସତ୍ତମଃ॥ 1-236-4 (10211)
ବିବିକ୍ତାନ୍ଯୁପଲକ୍ଷ୍ଯାଥ ତାନି ତୀର୍ଥାନି ପାଣ୍ଡବଃ।
ଦୃଷ୍ଟ୍ବା ଚ ବର୍ଜ୍ଯମାନାନି ମୁନିଭିର୍ଧର୍ମବୁଦ୍ଧିଭିଃ॥ 1-236-5 (10212)
ତପସ୍ବିନସ୍ତତୋଽପୃଚ୍ଛତ୍ପ୍ରାଞ୍ଜଲିଃ କୁରୁନନ୍ଦନଃ।
ତୀର୍ଥାନୀମାନି ବର୍ଜ୍ଯନ୍ତେ କିମର୍ଥଂ ବ୍ରହ୍ମବାଦିଭିଃ॥ 1-236-6 (10213)
ତାପସା ଊଚୁଃ। 1-236-7x (1275)
ଗ୍ରାହାଃ ପଞ୍ଚ ବସନ୍ତ୍ଯେଷୁ ହରନ୍ତି ଚ ତପୋଧନାନ୍।
ତତ ଏତାନି ବର୍ଜ୍ଯନ୍ତେ ତୀର୍ଥାନି କୁରୁନନ୍ଦନ॥ 1-236-7 (10214)
ବୈଶମ୍ପାଯନ ଉବାଚ। 1-236-8x (1276)
ତେଷାଂ ଶ୍ରୁତ୍ବା ମହାବାହୁର୍ବାର୍ଯମାଣସ୍ତପୋଧନୈଃ।
ଜଗାମ ତାନି ତୀର୍ଥାନି ଦ୍ରଷ୍ଟୁଂ ପୁରୁଷସତ୍ତମଃ॥ 1-236-8 (10215)
ତତଃ ସୌଭଦ୍ରମାସାଦ୍ଯ ମହର୍ଷେସ୍ତୀର୍ଥମୁତ୍ତମମ୍।
ବିଗାହ୍ଯ ସହସା ଶୂରଃ ସ୍ନାନଂ ଚକ୍ରେ ପରନ୍ତପଃ॥ 1-236-9 (10216)
ଅଥ ତଂ ପୁରୁଷବ୍ଯାଘ୍ରମନ୍ତର୍ଜଲଚରୋ ମହାନ୍।
ଜଗ୍ରାହ ଚରଣେ ଗ୍ରାହଃ କୁନ୍ତୀପୁତ୍ରଂ ଧନଞ୍ଜଯମ୍॥ 1-236-10 (10217)
ସ ତମାଦାଯ କୌନ୍ତେଯୋ ବିସ୍ଫୁରନ୍ତଂ ଜଲେଚରମ୍।
ଉଦତିଷ୍ଠନ୍ମହାବାହୁର୍ବଲେନ ବଲିନାଂ ବରଃ॥ 1-236-11 (10218)
ଉତ୍କୃଷ୍ଟ ଏବ ଗ୍ରାହସ୍ତୁ ସୋଽର୍ଜୁନେନ ଯଶସ୍ବିନା।
ବଭୂବ ନାରୀ କଲ୍ଯାଣୀ ସର୍ବାଭରଣଭୂଷଇତା॥ 1-236-12 (10219)
ଦୀପ୍ଯମାନା ଶ୍ରିଯା ରାଜନ୍ଦିବ୍ଯରୂପା ମନୋରମା।
ତଦଦ୍ଭୁତଂ ମହଦ୍ଦୃଷ୍ଟ୍ବା କୁନ୍ତୀପୁତ୍ରୋ ଧନଞ୍ଜଯଃ॥ 1-236-13 (10220)
ତାଂ ସ୍ତ୍ରିଯଂ ପରମପ୍ରୀତ ଇଦଂ ବଚନମବ୍ରବୀତ୍।
କା ବୈ ତ୍ବମସି କଲ୍ଯାଣିକୁତୋ ବାଽସି ଜଲେଚରୀ॥ 1-236-14 (10221)
କିମର୍ଥଂ ଚ ମହତ୍ପାପମିଦଂ କୃତବତୀ ପୁରା। 1-236-15 (10222)
ବର୍ଗୋବାଚ।
ଅପ୍ସରାଽସ୍ମି ମହାବାହୋ ଦେବାରଣ୍ଯବିହାରିଣୀ॥ 1-236-15x (1277)
ଇଷ୍ଟା ଧନପତେର୍ନିତ୍ଯଂ ବର୍ଗା ନାମ ମହାବଲ।
ମମ ସଖ୍ଯଶ୍ଚତସ୍ରୋଽନ୍ଯାଃ ସର୍ବାଃ କାମଗମାଃ ଶୁଭାଃ॥ 1-236-16 (10223)
ତାଭିଃ ସାର୍ଧଂ ପ୍ରଯାତାଽସ୍ମି ଲୋକପାଲନିବେଶନମ୍।
ତତଃ ପଶ୍ଯାମହେ ସର୍ବା ବ୍ରାହ୍ମଣଂ ସଂଶିତବ୍ରତମ୍॥ 1-236-17 (10224)
ରୂପବନ୍ତମଧୀଯାନମେକମେକାନ୍ତଚାରିଣମ୍।
ତସ୍ଯୈବ ତପସା ରାଜଂସ୍ତଦ୍ବଯଂ ତେଜସା ବୃତମ୍॥ 1-236-18 (10225)
ଆଦିତ୍ଯ ଇବ ତଂ ଦେଶଂ ଇତ୍ବଂ ସର୍ବ ବ୍ଯକାଶଯତ୍।
ତସ୍ଯ ଦୃଷ୍ଟ୍ବା ତପସ୍ତାଦୃଗ୍ରୂପଚାଦ୍ଭୁତମୁତ୍ତମମ୍॥ 1-236-19 (10226)
ଅବତୀର୍ଣାଃ ସ୍ମ ତଂ ଦେଶଂ ତପୋବିଘ୍ନଚିକୀର୍ଷଯା।
ଅହଂ ଚ ସୌରଭେଯୀ ଚ ସମୀଚୀ ବୁଦ୍ବୁଦା ଲତା॥ 1-236-20 (10227)
ଯୌଗପଦ୍ଯେନ ତଂ ବିପ୍ରମଭ୍ଯଗଚ୍ଛାମ ଭାରତ।
ଗାଯନ୍ତ୍ଯୋଽଥହସନ୍ତ୍ଯଶ୍ଚ ଲୋଭଯିତ୍ବା ଚ ତଂ ଦ୍ବିଜଂ॥ 1-236-21 (10228)
ସ ଚ ନାସ୍ମାସୁ କୃତବାନ୍ମନୋ ବୀର କଥଂଚନ।
ନାକମ୍ପତ ମହାତେଜାଃ ସ୍ଥିତସ୍ତପସି ନିର୍ମଲେ॥ 1-236-22 (10229)
ସୋଽଶପତ୍କୁପିତୋଽସ୍ମାଂସ୍ତୁ ବ୍ରାହ୍ମଣଃ କ୍ଷତ୍ରିଯର୍ଷଭ।
ଗ୍ରାହଭୂତା ଜଲେ ଯୂଯଂ ଚରିଷ୍ଯଥ ଶତଂ ସମାଃ॥ ॥ 1-236-23 (10230)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଅର୍ଜୁନବନବାସପର୍ବଣି ଷଟ୍ତ୍ରିଂଶଦଧିକଦ୍ବିଶତତମୋଽଧ୍ଯାଯଃ॥ 236 ॥
Mahabharata - Adi Parva - Chapter Footnotes
1-236-5 ଧର୍ମବୁଦ୍ଧିଭିର୍ଦୁର୍ମରଣଜ ଦୋଷଂ ତୀର୍ଥେନାପ୍ଯବିନାଶ୍ଯଂ ପଶ୍ଯଦ୍ଭିଃ॥ 1-236-15 ଚର୍ଚୋବାଚ ଇତି ଘ ପାଠଃ॥ ଷଟ୍ତ୍ରିଂଶଦଧିକଦ୍ବିଶତତମୋଽଧ୍ଯାଯଃ॥ 236 ॥ଆଦିପର୍ବ - ଅଧ୍ଯାଯ 237
॥ ଶ୍ରୀଃ ॥
1.237. ଅଧ୍ଯାଯଃ 237
Mahabharata - Adi Parva - Chapter Topics
ପ୍ରସାଦିତେନ ବ୍ରାହ୍ମଣେନ କୃତସ୍ଯ ଶାପମୋଚନପ୍ରକାରସ୍ଯ, ନାରଦନିଦେଶେନୈତତ୍ତୀର୍ଥାଗମନସ୍ଯ ଚ ଅର୍ଜୁନଂପ୍ରତି ବର୍ଗଯା କଥନମ୍॥ 1 ॥ ଏତତ୍କଥାଂ ଶ୍ରୁତବତା ଅର୍ଜୁନେନ ଗ୍ରାହରୂପାଣାଭବଶିଷ୍ଟାନାଂ ଚତସୃଣାମପ୍ଯପ୍ସରସାଂ ତତ୍ତତ୍ତୀର୍ଥେଭ୍ଯ ଉଦ୍ଧରଣେନ ତାସାଂ ସ୍ବସ୍ବରୂପପ୍ରାପ୍ତିଃ॥ 2 ॥ ପୁନର୍ମଣଲୂରମାଗତ୍ଯ ତତ୍ର ଚିତ୍ରାଙ୍ଗଦାଯାଂ ଜାତଂ ବଭ୍ରୁବାହନନାମାନଂ ସ୍ବପୁତ୍ରଂ ଚ ସ୍ବଶ୍ବଶୁରେ ସମର୍ପ୍ଯ ଅର୍ଜୁନସ୍ଯ ଗୋକର୍ଣକ୍ଷେତ୍ରଗମନମ୍॥ 3 ॥Mahabharata - Adi Parva - Chapter Text
1-237-0 (10231)
ବର୍ଗୋବାଚ। 1-237-0x (1278)
ତତୋ ବଯଂ ପ୍ରବ୍ଯଥିତାଃ ସର୍ବା ଭାରତସତ୍ତମ।
ଅଯାମ ଶରଣଂ ବିପ୍ରଂ ତଂ ତପୋଧନମଚ୍ଯୁତମ୍॥ 1-237-1 (10232)
ରୂପେଣ ବଯସା ଚୈବ କନ୍ଦର୍ପେଣ ଚ ଦର୍ପିତାଃ।
ଅଯୁକ୍ତଂ କୃତବତ୍ଯଃ ସ୍ମ କ୍ଷନ୍ତୁମର୍ହସି ନୋ ଦ୍ବିଜ॥ 1-237-2 (10233)
ଏଷ ଏବ ବଧୋଽସ୍ମାକଂ ସ୍ବଯଂ ପ୍ରାପ୍ତସ୍ତପୋଧନ।
ଯଦ୍ବଯଂ ସଂଶିତାତ୍ମାନଂ ପ୍ରଲୋବ୍ଧୁଂ ତ୍ବାମିହାଗତାଃ॥ 1-237-3 (10234)
ଅବଧ୍ଯାସ୍ତୁ ସ୍ତ୍ରିଯଃ ସୃଷ୍ଟା ମନ୍ଯନ୍ତେ ଧର୍ମଚାରିଣଃ।
ତସ୍ମାଦ୍ଧର୍ମେଣ ବର୍ଧ ତ୍ବଂ ନାସ୍ମନ୍ହିଂସିତୁମର୍ହସି॥ 1-237-4 (10235)
ସର୍ବଭୂତେଷୁ ଧର୍ମଜ୍ଞ ମୈତ୍ରୋ ବ୍ରାହ୍ମଣ ଉଚ୍ଯତେ।
ସତ୍ଯୋ ଭବତୁ କଲ୍ଯାଣ ଏଷ ବାଦୋ ମନୀଷିଣାମ୍॥ 1-237-5 (10236)
ଶରଣଂ ଚ ପ୍ରପନ୍ନାନାଂ ଶିଷ୍ଟାଃ କୁର୍ବନ୍ତି ପାଲନମ୍।
ଶରଣଂ ତ୍ବାଂ ପ୍ରପନ୍ନାଃ ସ୍ମ ତସ୍ମାତ୍ତ୍ବଂ କ୍ଷନ୍ତୁମର୍ହସି॥ 1-237-6 (10237)
ବୈଶମ୍ପାଯନ ଉବାଚ। 1-237-7x (1279)
ଏବମୁକ୍ତଃ ସ ଧର୍ମାତ୍ମା ବ୍ରାହ୍ମଣଃ ଶୁଭକର୍ମକୃତ୍।
ପ୍ରସାଦଂ କୃତବାନ୍ବୀର ରବିସୋମସମପ୍ରଭଃ॥ 1-237-7 (10238)
ବ୍ରାହ୍ମଣ ଉବାଚ। 1-237-8x (1280)
ଶତଂ ଶତସହସ୍ରଂ ତୁ ସର୍ବମକ୍ଷଯ୍ଯବାଚକମ୍।
ପରିମାଣଂ ଶତଂ ତ୍ବେତନ୍ନେଦମକ୍ଷଯ୍ଯବାଚକମ୍॥ 1-237-8 (10239)
ଯଦା ଚ ବୋ ଗ୍ରାହଭୂତା ଗୃହ୍ଣନ୍ତୀଃ ପୁରୁଷାଞ୍ଜଲେ।
ଉତ୍କର୍ଷତି ଜଲାତ୍ତସ୍ମାତ୍ସ୍ଥଲଂ ପୁରୁଷସତ୍ତମଃ॥ 1-237-9 (10240)
ତଦା ଯୂଯଂ ପୁନଃ ସର୍ବାଃ ସ୍ବଂ ରୂପଂ ପ୍ରତିପତ୍ସ୍ଯଥ।
ଅନୃତଂ ନୋକ୍ତପୂର୍ବଂ ମେ ହସତାପି କଦାଚନ॥ 1-237-10 (10241)
ତାନି ସର୍ବାଣି ତୀର୍ଥାନି ତତଃ ପ୍ରଭୃତି ଚୈବ ହ।
ନାରୀତୀର୍ଥାନି ନାମ୍ନେହ ଖ୍ଯାତିଂ ଯାସ୍ଯନ୍ତି ସର୍ବଶଃ।
ପୁଣ୍ଯାନି ଚ ଭବିଷ୍ଯନ୍ତି ପାବନାନି ମନୀଷିଣାଂ॥ 1-237-11 (10242)
ବର୍ଗୋବାଚ। 1-237-12x (1281)
ତତୋଽଭିବାଦ୍ଯ ତଂ ବିପ୍ରଂ କୃତ୍ବା ଚାପି ପ୍ରଦକ୍ଷିଣମ୍।
ଅଚିନ୍ତଯାମୋଽପସୃତ୍ଯ ତସ୍ମାଦ୍ଦେଶାତ୍ସୁଦୁଃଖିତାଃ॥ 1-237-12 (10243)
କ୍ବ ନୁ ନାମ ବଯଂ ସର୍ବାଃ କାଲେନାଲ୍ପେନ ତଂ ନରମ୍।
ସମାଗଚ୍ଛେମ ଯୋ ନସ୍ତଦ୍ରୂପମାପାଦଯେତ୍ପୁନଃ॥ 1-237-13 (10244)
ତା ବଯଂ ଚିନ୍ତଯିତ୍ବୈବ ମୁହୂର୍ତାଦିବ ଭାରତ।
ଦୃଷ୍ଟବତ୍ଯୋ ମହାଭାଗଂ ଦେବର୍ଷିମୁତ ନାରଦମ୍॥ 1-237-14 (10245)
ସଂପ୍ରହୃଷ୍ଟାଃ ସ୍ମ ତଂ ଦୃଷ୍ଟ୍ବା ଦେବର୍ଷିମମିତଦ୍ଯୁତିମ୍।
ଅଭିବାଦ୍ଯ ଚ ତଂ ପାର୍ଥ ସ୍ଥିତାଃ ସ୍ମ ବ୍ରୀଡିତାନନାଃ॥ 1-237-15 (10246)
ସ ନୋଽପୃଚ୍ଛଦ୍ଦୁଃଖମୂଲମୁକ୍ତବତ୍ଯୋ ବଯଂ ଚ ତମ୍।
ଶ୍ରଉତ୍ବା ତତ୍ର ଯଥାବୃତ୍ତମିଦଂ ବଚନମବ୍ରବୀତ୍॥ 1-237-16 (10247)
ଦକ୍ଷିଣେ ସାଗରାନୂପେ ପଞ୍ଚ ତୀର୍ଥାନି ସନ୍ତି ବୈ।
ପୁଣ୍ଯାନି ରମଣୀଯାନି ତାନି ଗଚ୍ଛତ ମା ଚିରଂ॥ 1-237-17 (10248)
ତତ୍ରାଶୁ ପୁରୁଷବ୍ଯାଘ୍ରଃ ପାଣ୍ଡବେଯୋ ଧନଞ୍ଜଯଃ।
ମୋକ୍ଷଯିଷ୍ଯତି ଶୁଦ୍ଧାତ୍ମା ଦୁଃଖାଦସ୍ମାନ୍ନ ସଂଶଯଃ॥ 1-237-18 (10249)
`ଇତ୍ଯୁକ୍ତ୍ବା ନାରଦଃ ସର୍ବାସ୍ତତ୍ରୈବାନ୍ତରଧୀଯତ।'
ତସ୍ଯ ସର୍ବା ବଯଂ ବୀର ଶ୍ରୁତ୍ବା ବାକ୍ଯମିତୋ ଗତାଃ।
ତଦିଦଂ ସତ୍ଯମେବାଦ୍ଯ ମୋକ୍ଷିତାହଂ ତ୍ବଯାଽନଘ॥ 1-237-19 (10250)
ଏତାସ୍ତୁ ମମ ତାଃ ସଖ୍ଯଶ୍ଚତସ୍ରୋଽନ୍ଯା ଜଲେ ଶ୍ରିତାଃ।
କୁରୁ କର୍ମ ଶୁଭଂ ବୀର ଏତାଃ ସର୍ବା ବିମୋକ୍ଷଯ॥ 1-237-20 (10251)
ବୈଶମ୍ପାଯନ ଉବାଚ। 1-237-21x (1282)
ତତସ୍ତାଃ ପାଣ୍ଡବଶ୍ରେଷ୍ଠଃ ସର୍ବା ଏବ ବିଶାଂପତେ।
`ଅବଗାହ୍ଯ ଚ ତତ୍ତୀର୍ଥଂ ଗୃହୀତୋ ଗ୍ରାହିଭିସ୍ତଦା॥ 1-237-21 (10252)
ଗ୍ରାହୀଭିଶ୍ଚୋତ୍ତତାରାଶୁ ତରଯାମାସ ତତ୍କ୍ଷଣାତ୍।
ସା ଚାପ୍ସରା ବଭୂବାଶୁ ସର୍ବାଭରଣଭୂଷିତା॥ 1-237-22 (10253)
ଏବଂ କ୍ରମେଣ ତାଃ ସର୍ବା ମୋକ୍ଷଯାମାସ ବୀର୍ଯବାନ୍॥' 1-237-23 (10254)
ଉତ୍ଥାଯ ଚ ଜଲାତ୍ତସ୍ମାତ୍ପ୍ରତିଲଭ୍ଯ ବପୁଃ ସ୍ବକମ୍।
ତାସ୍ତଦାଽପ୍ସରସୋ ରାଜନ୍ନଦୃଶ୍ଯନ୍ତ ଯଥା ପୁରା॥ 1-237-24 (10255)
ତୀର୍ଥାନି ଶୋଧଯିତ୍ବା ତୁ ତଥାନୁଜ୍ଞାଯ ତାଃ ପ୍ରଭୁଃ।
ଚିତ୍ରାଙ୍ଗଦାଂ ପୁନର୍ଦ୍ରଷ୍ଟୁଂ ମଣଲୂରଂ ପୁନର୍ଯଯୌ॥ 1-237-25 (10256)
ତସ୍ଯାମଜନଯତ୍ପୁତ୍ରଂ ରାଜାନଂ ବଭ୍ରୁବାହନମ୍।
ତଂ ଦୃଷ୍ଟ୍ବା ପାଣ୍ଡବୋ ରାଜଂଶ୍ଚିତ୍ରବାହନମବ୍ରବୀତ୍॥ 1-237-26 (10257)
ଚିତ୍ରାଙ୍ଗଦାଯାଃ ଶୁଲ୍କଂ ତ୍ବଂ ଗୃହାଣ ବଭ୍ରୁବାହନମ୍।
ଅନେନ ଚ ଭବିଷ୍ଯାମି ଋଣାନ୍ମୁକ୍ତୋ ନରାଧିପ॥ 1-237-27 (10258)
ଚିତ୍ରାଙ୍ଗଦାଂ ପୁନର୍ବାକ୍ଯମବ୍ରବୀତ୍ପାଣ୍ଡୁନନ୍ଦନଃ।
ଇହୈବ ଭବ ଭଦ୍ରଂ ତେ ବର୍ଧେଥା ବଭ୍ରୁବାହନମ୍॥ 1-237-28 (10259)
ଇନ୍ଦ୍ରପସ୍ଥନିବାସଂ ମେ ତ୍ବଂ ତତ୍ରାଗତ୍ଯ ରଂସ୍ଯସି।
କୁନ୍ତୀ ଯୁଧିଷ୍ଠିରଂ ଭୀମଂ ଭ୍ରାତରୌ ମେ କନୀଯସୌ॥ 1-237-29 (10260)
ଆଗତ୍ଯ ତତ୍ର ପଶ୍ଯେଥା ଅନ୍ଯାନପି ଚ ବାନ୍ଧବାନ୍।
ବାନ୍ଧବୈଃ ସହିତାଃ ସର୍ବୈର୍ନନ୍ଦସେ ତ୍ବମନିନ୍ଦିତେ॥ 1-237-30 (10261)
ଧର୍ମେ ସ୍ଥିତଃ ସତ୍ଯଧୃତିଃ କୌନ୍ତେଯୋଽଥ ଯୁଧିଷ୍ଠିରଃ।
ଜିତ୍ବା ତୁ ପୃଥିବୀଂ ସର୍ବାଂ ରାଜସୂଯଂ କରିଷ୍ଯତି॥ 1-237-31 (10262)
ତତ୍ରାଗଚ୍ଛନ୍ତି ରାଜାନଃ ପୃଥିବ୍ଯାଂ ନୃପସଂଜ୍ଞିତାଃ।
ବହୂନି ରତ୍ନାନ୍ଯାଦାଯ ଆଗମିଷ୍ଯତି ତେ ପିତା॥ 1-237-32 (10263)
ଏକସାର୍ଥଂ ପ୍ରଯାତାସି ଚିତ୍ରବାହନସେବଯା।
ଦ୍ରକ୍ଷ୍ଯାମି ରାଜସୂଯେ ତ୍ବାଂ ପୁତ୍ରଂ ପାଲଯ ମା ଶୁଚଃ॥ 1-237-33 (10264)
ବଭ୍ରୁବାହନନାମ୍ନା ତୁ ମମ ପ୍ରାଣୋ ବହିଶ୍ଚରଃ।
ତସ୍ମାଦ୍ଭରସ୍ବ ପୁତ୍ରଂ ବୈ ପୁରୁଷଂ ବଂଶବର୍ଧନମ୍॥ 1-237-34 (10265)
ଚିତ୍ରାବାହନଦାଯାଦଂ ଧର୍ମାତ୍ପୌରବନନ୍ଦନମ୍।
ପାଣ୍ଡବାନାଂ ପ୍ରିଯଂ ପୁତ୍ରଂ ତସ୍ମାତ୍ପାଲଯ ସର୍ବଦା॥ 1-237-35 (10266)
ବିପ୍ରଯୋଗେଣ ସଂତାପଂ ମା କୃଥାସ୍ତ୍ବମନିନ୍ଦିତେ।
ଚିତ୍ରାଙ୍ଗଦାମେବମୁକ୍ତ୍ବା `ସାଗରାନୂପମାଶ୍ରିତଃ॥ 1-237-36 (10267)
ସ୍ଥାନଂ ଦୂରଂ ସମାପ୍ଲୁତ୍ଯ ଦତ୍ତ୍ବା ବହୁଧନଂ ତଦା।
କେରଲାନ୍ସମତିକ୍ରମ୍ଯ' ଗୋକର୍ଣମଭିତୋଽଗମତ୍॥ 1-237-37 (10268)
ଆଦ୍ଯଂ ପଶୁପତେଃ ସ୍ଥାନଂ ଦର୍ଶନାଦେବ ମୁକ୍ତିଦମ୍।
ଯତ୍ର ପାପୋଽପି ମନୁଜଃ ପ୍ରାପ୍ନୋତ୍ଯଭଯଦଂ ପଦମ୍॥ ॥ 1-237-38 (10269)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଅର୍ଜୁନବନବାସପର୍ବଣି ସପ୍ତତ୍ରିଂଶଦଧିକଦ୍ବିଶତତମୋଽଧ୍ଯାଯଃ॥ 237 ॥
Mahabharata - Adi Parva - Chapter Footnotes
1-236-4 ବର୍ଧ ବର୍ଧସ୍ବ॥ ସପ୍ତତ୍ରିଂଶଦଧିକଦ୍ବିଶତତମୋଽଧ୍ଯାଯଃ॥ 237 ॥ଆଦିପର୍ବ - ଅଧ୍ଯାଯ 238
॥ ଶ୍ରୀଃ ॥
1.238. ଅଧ୍ଯାଯଃ 238
Mahabharata - Adi Parva - Chapter Topics
ଅର୍ଜୁନସ୍ଯ ପ୍ରଭାସତୀର୍ଥଗମନମ୍॥ 1 ॥ ତତ୍ର ସ୍ମୃତିପଥାଗତସୁଭଦ୍ରାରୂପଲାବଣ୍ଯାଦିକଂ ଚିନ୍ତଯତୋଽର୍ଜୁନସ୍ଯ ପରିବ୍ରାଜକବେଷସ୍ବୀକାରେଣ ତସ୍ଯା ହରଣେ ନିଶ୍ଚଯଃ॥ 2 ॥ ଅର୍ଜୁନସ୍ଯ ଚିନ୍ତିତଜ୍ଞାନେନ ହସତା ଶ୍ରୀକୃଷ୍ଣେନ ସହ ଶାଯିନ୍ଯା ସତ୍ଯଭାମଯା ହାସକାରଣେ ପୃଷ୍ଟେ ତାଂ ପ୍ରତି ଅର୍ଜୁନବୃତ୍ତାନ୍ତକଥନମ୍॥ 3 ॥ ସତ୍ଯଭାମାଂ ଶଯନେ ବିହାଯ ଏକାକିନା ଶ୍ରୀକୃଷ୍ଣେନ ପ୍ରଭାସତୀର୍ଥଂପ୍ରତି ପ୍ରସ୍ଥାନମ୍॥ 4 ॥ ଚାରମୁଖେନ ଅର୍ଜୁନସ୍ଯ ତତ୍ରାଗମନଂ ଶ୍ରୁତ୍ବା କୃଷ୍ଣସ୍ଯ ତତ୍ରାଗମନମ୍॥ 5 ॥ ଅର୍ଜୁନେନ ସଂଭାପ୍ଯ କୃଷ୍ଣସ୍ଯ ଦ୍ବାରକାଂପ୍ରତି ପୁନରାଗମନମ୍॥ 6 ॥Mahabharata - Adi Parva - Chapter Text
1-238-0 (10270)
ବୈଶମ୍ପାଯନ ଉବାଚ। 1-238-0x (1283)
ସୋଽପରାନ୍ତେଷୁ ତୀର୍ଥାନି ପୁଣ୍ଯାନ୍ଯାଯତନାନି ଚ।
ସର୍ବାଣ୍ଯେବାନୁପୂର୍ବ୍ଯେଣ ଜଗାମାମିତବିକ୍ରମଃ॥ 1-238-1 (10271)
ସମୁଦ୍ରେ ପଶ୍ଚିମେ ଯାନି ତୀର୍ଥାନ୍ଯାଯତନାନି ଚ।
ତାନି ସର୍ବାଣି ଗତ୍ବା ସ ପ୍ରଭାସମୁପଜଗ୍ମିବାନ୍॥ 1-238-2 (10272)
`ଚିନ୍ତଯାମାସ ରାତ୍ରୌ ତୁ ଗଦେନ କଥିତଂ ପୁରା।
ସୁଭଦ୍ରାଯାଶ୍ଚ ମାଧୁର୍ଯରୂପସଂପଦ୍ଗୁଣାନି ଚ॥ 1-238-3 (10273)
ପ୍ରାପ୍ତୁମଂ ତାଂ ଚିନ୍ତଯାମାସ କୋଽତ୍ରୋପାଯୋ ଭବେଦିତି।
ବେଷବୈକୃତ୍ଯମାପନ୍ନଃ ପରିବ୍ରାଜକରୂପଧୃତ୍॥ 1-238-4 (10274)
କୁକୁରାନ୍ଧକବୃଷ୍ଣୀନାମଜ୍ଞାତୋ ବେଷଧାରଣାତ୍।
ଭ୍ରମମାଣଶ୍ଚରନ୍ଭୈକ୍ଷଂ ପରିବ୍ରାଜକବେଷବାନ୍॥ 1-238-5 (10275)
ଯେନକେନାପ୍ଯୁପାଯେନ ପ୍ରବିଶ୍ଯ ଚ ଗୃହଂ ମହତ୍।
ଦୃଷ୍ଟ୍ବା ସୁଭଦ୍ରାଂ କୃଷ୍ଣସ୍ଯ ଭଗିନୀମେକସୁନ୍ଦରୀମ୍॥ 1-238-6 (10276)
ବାସୁଦେବମତଂ ଜ୍ଞାତ୍ବା କରିଷ୍ଯାମି ହିତଂ ଶୁଭମ୍।
ଏବଂ ବିନିଶ୍ଚଯଂ କୃତ୍ବା ଦୀକ୍ଷିତୋ ବୈ ତଦାଽଭବତ୍॥ 1-238-7 (10277)
ତ୍ରିଦଣ୍ଡୀ ମୁଣ୍ଡିତଃ କୁଣ୍ଡୀ ଅକ୍ଷମାଲାଙ୍ଗୁଲୀଯକଃ।
ଯୋଗଭାରଂ ବହନ୍ପାର୍ଥୋ ବଟବୃକ୍ଷସ୍ଯ କୋଟରମ୍॥ 1-238-8 (10278)
ପ୍ରବିଶଂଶ୍ଚୈବ ବୀଭତ୍ସୁର୍ବୃଷ୍ଟିଂ ବର୍ଷତି ବାସବେ।
ଚିନ୍ତଯାମାସ ଦେବେଶଂ କେଶବଂ କ୍ଲେଶନାଶନମ୍॥ 1-238-9 (10279)
କେଶବଶ୍ଚିନ୍ତିତଂ ଜ୍ଞାତ୍ବା ଦିବ୍ଯଜ୍ଞାନେନ ଦୃଷ୍ଟବାନ୍।
ଶଯାନଃ ଶଯନେ ଦିବ୍ଯେ ସତ୍ଯଭାମାସହାଯବାନ୍॥ 1-238-10 (10280)
କେଶବଃ ସହସା ରାଜଞ୍ଜହାଯ ଚ ନନନ୍ଦ ଚ।
ପୁନଃ ପୁନଃ ସତ୍ଯଭାମା ଚାବ୍ରବୀତ୍ପୁରୁଷୋତ୍ତମମ୍॥ 1-238-11 (10281)
ଭଗବଂଶ୍ଚିନ୍ତଯାବିଷ୍ଟଃ ଶଯନେ ଶଯିତଃ ସୁଖମ୍।
ଭବାନ୍ବହୁପ୍ରକାରେଣ ଜହାସ ଚ ପୁନଃ ପୁନଃ॥ 1-238-12 (10282)
ଶ୍ରୋତବ୍ଯଂ ଯଦି ବା କୃଷ୍ଣ ପ୍ରସାଦୋ ଯଦି ତେ ମଯି।
ବକ୍ତୁମର୍ହସି ଦେବେଶ ତଚ୍ଛ୍ରୋତୁଂ କାମଯାମ୍ଯହମ୍॥ 1-238-13 (10283)
ଶ୍ରୀଭଗବାନୁବାଚ। 1-238-14x (1284)
ପିତୃଷ୍ବସୁର୍ଯଃ ପୁତ୍ରୋ ମେ ଭୀମସେନାନୁଜୋଽର୍ଜୁନଃ।
ତୀର୍ଥଯାତ୍ରାଂ ଗତଃ ପାର୍ଥଃ କାରଣାତ୍ସମଯାତ୍ତଦା॥ 1-238-14 (10284)
ତୀର୍ଥଯାତ୍ରାସମାପ୍ତୌ ତୁ ନିବୃତ୍ତୋ ନିଶି ଭାରତଃ।
ସୁଭଧ୍ରାଂ ଚିନ୍ତଯାମାସ ରୂପେଣାପ୍ରତିମାଂ ଭୁବି॥ 1-238-15 (10285)
ଚିନ୍ତଯେନ୍ନେବ ତାଂ ଭଦ୍ରାଂ ଯତିରୂପଧରୋଽର୍ଜୁନଃ।
ଯତିରୂପପ୍ରତିଚ୍ଛନ୍ନୋ ଦ୍ବାରକାଂ ପ୍ରାପ୍ଯ ମାଧବୀମ୍॥ 1-238-16 (10286)
ଯେନକେନାପ୍ଯୁପାଯେନ ଦୃଷ୍ଟ୍ବା ତୁ ବରବର୍ଣିନୀମ୍।
ବାସୁଦେବମତଂ ଜ୍ଞାତ୍ବା ପ୍ରଯତିଷ୍ଯେ ମନୋରଥମ୍॥ 1-238-17 (10287)
ଏବଂ ବ୍ଯବସିତଃ ପାର୍ଥୋ ଯତିଲିଙ୍ଗେନ ପାଣ୍ଡବଃ।
ଛାଯାଯାଂ ବଟବୃକ୍ଷସ୍ଯ ବୃଷ୍ଟିଂ ବର୍ଷତି ବାସବେ॥ 1-238-18 (10288)
ଯୋଗଭାରଂ ବହନ୍ନେବ ମାନସଂ ଦୁଃଖମାପ୍ତବାନ୍।
ଏତଦର୍ଥଂ ବିଜାନୀହି ହସନ୍ତଂ ମାଂ ମୁଦା ପ୍ରିଯେ॥ 1-238-19 (10289)
ଭ୍ରାତରଂ ତବ ପଶ୍ଯେତି ସତ୍ଯଭାମାଂ ବ୍ଯସର୍ଜଯତ୍।
ତତ ଉତ୍ଥାଯ ଶଯନାତ୍ପ୍ରସ୍ଥିତୋ ମଧୁସୂଦନଃ॥' 1-238-20 (10290)
ପ୍ରଭାସଦେଶଂ ସଂପ୍ରାପ୍ତଂ ବୀଭତ୍ସୁମପରାଜିତମ୍।
ତୀର୍ଥାନ୍ଯନୁଚରନ୍ତଂ ତଂ ଶୁଶ୍ରାବ ମଧୁସୂଦନଃ॥ 1-238-21 (10291)
ଚାରାଣାଂ ଚୈବ ବଚନାଦେକାକୀ ସ ଜନାର୍ଦନଃ।
ତତ୍ରାଭ୍ଯଗଚ୍ଛତ୍କୌନ୍ତେଯଂ ମହାତ୍ମାତଂ ସ ମାଧବଃ॥ 1-238-22 (10292)
ଦଦୃଶାତେ ତଦାନ୍ଯୋନ୍ଯଂ ପ୍ରଭାସେ କୃଷ୍ଣପାଣ୍ଡବୌ॥ 1-238-23 (10293)
ତାବନ୍ଯୋନ୍ଯଂ ସମାଶ୍ଲିଷ୍ଯ ପୃଷ୍ଟ୍ବା ଚ କୁଶଲଂ ବନେ।
ଆସ୍ତାଂ ପ୍ରିଯସଖାଯୌ ତୌ ନରନାରାଯଣାବୃଷୀ॥ 1-238-24 (10294)
ତତୋଽର୍ଜୁନଂ ବାସୁଦେବସ୍ତାଂ ଚର୍ଯାଂ ପର୍ଯପୃଚ୍ଛତ।
କିମର୍ଥଂ ପାଣ୍ଡବୈତାନି ତୀର୍ଥାନ୍ଯନୁଚରସ୍ଯୁତ॥ 1-238-25 (10295)
ତତୋଽର୍ଜନୋ ଯଥାବୃତ୍ତଂ ସର୍ବମାଖ୍ଯାତବାଂସ୍ତଦା।
ଶ୍ରୁତ୍ବୋବାଚ ଚ ବାର୍ଷ୍ଣେଯ ଏବମେତଦିତି ପ୍ରଭୁଃ॥ 1-238-26 (10296)
ତୌ ବିହୃତ୍ଯ ଯଥାକାମଂ ପ୍ରଭାସେ କୃଷ୍ଣପାଣ୍ଡବୌ।
ମହୀଧରଂ ରୈବତକଂ ବାସାଯୈବାଭିଜଗ୍ମତୁଃ॥ 1-238-27 (10297)
ପୂର୍ବମେବ ତୁ କୃଷ୍ଣସ୍ଯ ବଚନାତ୍ତଂ ମହୀଧରମ୍।
ପୁରୁଷା ମଣ୍ଡଯାଞ୍ଚକ୍ରୁରୁପଜହ୍ରଶ୍ଚ ଭୋଜନମ୍॥ 1-238-28 (10298)
ପ୍ରତିଗୃହ୍ଯାର୍ଜୁନଃ ସର୍ବମୁପଭୁଜ୍ଯ ଚ ପାଣ୍ଡବଃ।
ସହୈବ ବାସୁଦେବେନ ଦୃଷ୍ଟବାନ୍ନଟନର୍ତକାନ୍॥ 1-238-29 (10299)
ଅଭ୍ଯନୁଜ୍ଞାଯ ତାନ୍ସର୍ବାନର୍ଚଯିତ୍ବା ଚ ପାଣ୍ଡବଃ।
ସତ୍କୃତଂ ଶନଂ ଦିବ୍ଯମଭ୍ଯଗଚ୍ଛନ୍ମହାମତିଃ॥ 1-238-30 (10300)
ତତସ୍ତତ୍ର ମହାବାହୁଃ ଶଯାନଃ ଶଯନେ ଶୁଭେ।
ତୀର୍ଥାନାଂ ପଲ୍ବଲାନାଂ ଚ ପର୍ବତାନାଂ ଚ ଦର୍ଶନମ୍।
ଆପଗାନାଂ ବନାନାଂ ଚ କଥଯାମାସ ସାତ୍ବତେ॥ 1-238-31 (10301)
ଏବଂ ସ କଥଯନ୍ନେବ ନିଦ୍ରଯା ଜନମେଜଯ।
କୌନ୍ତେଯୋଽପି ହୃତସ୍ତସ୍ମିଞ୍ଶଯନେ ସ୍ବର୍ଗସନ୍ନିଭେ॥ 1-238-32 (10302)
ମଧୁରେଣୈବ ଗୀତେନ ବୀଣାଶବ୍ଦେନ ଚୈବ ହ।
ପ୍ରବୋଧ୍ଯମାନୋ ବୁବୁଧେ ସ୍ତୁତିଭିର୍ମଙ୍ଗଲୈସ୍ତତା॥ 1-238-33 (10303)
ସ କୃତ୍ବାଽବଶ୍ଯକାର୍ଯାଣି ବାର୍ଷ୍ଣେଯେନାଭିନନ୍ଦିତଃ।
`ବାର୍ଷ୍ଣେଯଂ ସମନୁଜ୍ଞାପ୍ଯ ତତ୍ର ବାସମରୋଚଯତ୍॥ 1-238-34 (10304)
ତଥେତ୍ଯୁକ୍ତ୍ବା ବାସୁଦେବୋ ଭୋଜନଂ ବୈ ଶଶାସ ହ।
ଯତିରୂପଧରଂ ପାର୍ଥଂ ବିସୃଜ୍ଯ ସହସା ହରିଃ।'
ରଥେନ କାଞ୍ଚନାଙ୍ଗେନ ଦ୍ବାରକାମଭିଜଗ୍ମିବାନ୍॥ 1-238-35 (10305)
ଅଲଙ୍କୃତା ଦ୍ବାରକା ତୁ ବଭୂବ ଜନମେଜଯ॥ 1-238-36 (10306)
ଦିଦୃକ୍ଷନ୍ତଶ୍ଚ ଗୋବିନ୍ଦଂ ଦ୍ବାରକାବାସିନୋ ଜନାଃ।
ନରେନ୍ଦ୍ରମାର୍ଗମାଜଗ୍ମୁସ୍ତୂର୍ଣଂ ଶତସହସ୍ରଶଃ॥ 1-238-37 (10307)
`କ୍ଷଣାର୍ଧମପି ବାର୍ଷ୍ଣେଯା ଗୋବିନ୍ଦବିରହାକ୍ଷମାଃ।
କୌତୂହଲସମାବିଷ୍ଟା ଭୃଶମୁତ୍ପ୍ରେକ୍ଷ୍ଯ ସଂସ୍ଥିତାଃ॥' 1-238-38 (10308)
ଅବଲୋକେଷୁ ନାରୀଣାଂ ସହସ୍ରାଣି ଶତାନି ଚ।
ଭୋଜବୃଷ୍ଣ୍ଯନ୍ଧକାନାଂ ଚ ସମବାଯୋ ମହାନଭୂତ୍॥ 1-238-39 (10309)
ସ ତଥା ସତ୍କୃତଃ ସର୍ବୈର୍ଭୋଜବୃଷ୍ଣ୍ଯନ୍ଧକାତ୍ମଜୈଃ।
ଅଭିବାଦ୍ଯାଭିବାଦ୍ଯାଂଶ୍ଚ ସର୍ବୈଶ୍ଚ ପ୍ରତିନନ୍ଦିତଃ॥ 1-238-40 (10310)
କୁମାରୈଃ ସର୍ବଶୋ ବୀରଃ ସତ୍କାରେଣାଭିଚୋଦିତଃ।
ସମାନବଯସଃ ସର୍ବାନାଶ୍ଲିଷ୍ଯ ସ ପୁନଃପୁନଃ॥ 1-238-41 (10311)
କୃଷ୍ଣଃ ସ୍ବଭବନଂ ରମ୍ଯଂ ପ୍ରବିବେଶ ମହାବଲଃ।
ପ୍ରଭାସାଦାଗତଂ ଦେବ୍ଯଃ ସର୍ବାଃ କୃଷ୍ଣମପୂଜଯନ୍॥ ॥ 1-238-42 (10312)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଅର୍ଜୁନବନବାସପର୍ବଣି ଅଷ୍ଟତ୍ରିଂଶଦଧିକଦ୍ବିଶତତମୋଽଧ୍ଯାଯଃ॥ 238 ॥ ॥ ସମାପ୍ତଂ ଚାର୍ଜୁନବନବାସପର୍ବ ॥
Mahabharata - Adi Parva - Chapter Footnotes
1-238-1 ଅପରାନ୍ତେଷୁ ପଶ୍ଚିସମୁଦ୍ରତୀରେଷୁ॥ 1-238-36 ଅଲଂକୃତା ଦ୍ବାରକା ତୁ ବଭୂବ ଜନମେଜଯ। କୁନ୍ତୀପୁତ୍ରସ୍ଯ ପୂଜାର୍ଥମପି ନିଷ୍କୁଟକେଷ୍ବପି॥ ଇତି ଚ, ଜ, ଝ, ଞ, ଡ, ପାଠଃ॥ 1-238-37 ଦିଦୃକ୍ଷନ୍ତଶ୍ଚ କୌନ୍ତେଯଂ ଇତି ଚ, ଜ, ଝ, ଞ, ଜ, ପାଠଃ॥ 1-238-42 କୃଷ୍ଣସ୍ଯ ଭବନେ ରମ୍ଯେ ରତ୍ନଭୋଜ୍ଯସମାବୃତେ। ଉବାସ ସହ କୃଷ୍ଣେନ ବହୁଲାସ୍ତତ୍ର ଶର୍ବରୀଃ॥ ଇତି ଚ, ଜ, ଝ, ଞ, ଡ, ପାଠଃ॥ ଅଷ୍ଟତ୍ରିଂଶଦଧିକଦ୍ବିଶତତମୋଽଧ୍ଯାଯଃ॥ 238 ॥ଆଦିପର୍ବ - ଅଧ୍ଯାଯ 239
॥ ଶ୍ରୀଃ ॥
1.239. ଅଧ୍ଯାଯଃ 239
(ଅଥ ସୁଭଦ୍ରାହରଣପର୍ବ ॥ 16 ॥)
Mahabharata - Adi Parva - Chapter Topics
ରବୈତକପର୍ବତଂପ୍ରତି ଉତ୍ସବାର୍ଥଂ କୃଷ୍ଣାଦୀନାଂ ଗମନମ୍॥ 1 ॥ ତତ୍ର କୃଷ୍ଣସ୍ଯ ପରିବ୍ରାଜକରୂପାର୍ଜୁନଦର୍ଶନମ୍॥ 2 ॥ ସୁଭଦ୍ରାଦର୍ଶନେନ ତସ୍ଯାଂ ସଂଜାତହୃଚ୍ଛଯସ୍ଯାର୍ଜୁନସ୍ଯ ଯତିରୂପେଣ ସୁଭଦ୍ରାହରଣେ କୁଷ୍ଣାନୁଜ୍ଞାଲାଭଃ॥ 3 ॥ ଦୂତେନିବେଦିତୈତଦ୍ବୃତ୍ତାନ୍ତେନ ସପରିବାରେଣ ଯୁଧିଷ୍ଠିରେଣାଭ୍ଯନୁଜ୍ଞାନମ୍॥ 4 ॥Mahabharata - Adi Parva - Chapter Text
1-239-0 (10313)
ବୈଶମ୍ପାଯନ ଉବାଚ। 1-239-0x (1285)
ତତଃ କତିପଯାହସ୍ଯ ତସ୍ମିନ୍ରୈବତକେ ଗିରୌ।
ବୃଷ୍ଣ୍ଯନ୍ଧକାନାମଭବଦୁତ୍ସବୋ ନୃପସତ୍ତମ॥ 1-239-1 (10314)
ତତ୍ର ଦାନଂ ଦଦୁର୍ବୀରା ବ୍ରାହ୍ମଣେଭ୍ଯଃ ସହସ୍ରଶଃ।
ଭୋଜବୃଷ୍ଣ୍ଯନ୍ଧକାଶ୍ଚୈବ ମହେ ତସ୍ଯ ଗିରେସ୍ତଦା॥ 1-239-2 (10315)
ପ୍ରସାଦୈ ରତ୍ନଚିତ୍ରୈଶ୍ଚ ଗିରେସ୍ତସ୍ଯ ସମନ୍ତତଃ।
ସ ଦେଶଃ ଶୋଭିତୋ ରାଜନ୍କଲ୍ପବୃକ୍ଷୈଶ୍ଚ ସର୍ବଶଃ॥ 1-239-3 (10316)
ବାଦିତ୍ରାଣି ଚ ତତ୍ରାନ୍ଯେ ବାଦକାଃ ସମବାଦଯନ୍।
ନନୃତୁର୍ନର୍ତକାଶ୍ଚୈବ ଜଗୁର୍ଗେଯାନି ଗାଯନାଃ॥ 1-239-4 (10317)
ଅଲଙ୍କୃତାଃ କୁମାରାଶ୍ଚ ବୃଷ୍ଣୀନାଂ ସୁମହୌଜସାମ୍।
ଯାନୈର୍ହାଟକଚିତ୍ରୈଶ୍ଚ ଚଞ୍ଚୂର୍ଯନ୍ତେ ସ୍ମ ସର୍ବଶଃ॥ 1-239-5 (10318)
ପୌରାଶ୍ଚ ପାଦଚାରେଣ ଯାନୈରୁଚ୍ଚାବଚୈସ୍ତଥା।
ସଦାରାଃ ସାନୁଯାତ୍ରାଶ୍ଚ ଶତଶୋଽଥ ସହସ୍ରଶଃ॥ 1-239-6 (10319)
ତତୋ ହଲଧରଃ କ୍ଷୀବୋ ରେବତୀସହିତଃ ପ୍ରଭୁଃ।
ଅନୁଗମ୍ଯମାନୋ ଗନ୍ଧର୍ବୈରଚରତ୍ରତ୍ର ଭାରତ॥ 1-239-7 (10320)
ତଥୈବ ରାଜା ବୃଷ୍ଣୀନାମୁଗ୍ରସେନଃ ପ୍ରତାପବାନ୍।
ଅନୁଗୀଯମାନୋ ଗନ୍ଧର୍ବୈଃ ସ୍ତ୍ରୀସହସ୍ରସହାଯବାନ୍॥ 1-239-8 (10321)
ରୌକ୍ମିଣେଯଶ୍ଚ ସାମ୍ବଶ୍ଚ କ୍ଷୀବୌ ସମରଦୁର୍ମଦୌ।
ଦିବ୍ଯମାଲ୍ଯାମ୍ବରଧରୌ ବିଜହ୍ବାତେଽମରାବିବ॥ 1-239-9 (10322)
ଅକ୍ରୂରଃ ସାରଣଶ୍ଚୈବ ଗଦୋ ବଭ୍ରୁର୍ବିଦୂରଥଃ।
ନିଶଠଶ୍ଚାରୁଦେଷ୍ଣଶ୍ଚ ପୃଥୁର୍ବିପୃଥୁରେବ ଚ॥ 1-239-10 (10323)
ସତ୍ଯକଃ ସାତ୍ଯକିଶ୍ଚୈବ ଭଙ୍ଗକାରମହାରବୌ।
ହାର୍ଦିକ୍ଯ ଉଦ୍ଧବଶ୍ଚୈବ ଯେ ଚାନ୍ଯେ ନାନୁକୀର୍ତିତାଃ॥ 1-239-11 (10324)
ଏତେ ପରିବୃତାଃ ସ୍ତ୍ରୀଭିର୍ଗନ୍ଧର୍ବୈଶ୍ଚ ପୃଥକ୍ପୃଥକ୍।
ତମୁତ୍ସବଂ ରୈବତକେ ଶୋଭଯାଞ୍ଚକ୍ରିରେ ତଦା॥ 1-239-12 (10325)
`ବାସଦେବୋ ଯଯୌ ତତ୍ର ସହ ସ୍ତ୍ରୀଭିର୍ମୁଦାନ୍ବିତଃ।
ଦତ୍ତ୍ବା ଦାନଂ ଦ୍ବିଜାତିଭ୍ଯଃ ପରିବ୍ରାଜମପଶ୍ଯତ॥' 1-239-13 (10326)
ଚିତ୍ରକୌତୂହଲେ ତସ୍ମିନ୍ବର୍ତମାନେ ମହାଦ୍ଭୁତେ।
ବାସୁଦେବଶ୍ଚ ପାର୍ଥଶ୍ଚ ସହିତୌ ପରିଜଗ୍ମତୁଃ॥ 1-239-14 (10327)
ତତ୍ର ଚଙ୍କ୍ରମମାଣୌ ତୌ ବସୁଦେବସୁତାଂ ଶୁଭାମ୍।
ଅଲଙ୍କୃତାଂ ସଖୀମଧ୍ଯେ ଭଦ୍ରାଂ ଦଦୃଶତୁସ୍ତଦା॥ 1-239-15 (10328)
ଦୃଷ୍ଟ୍ବୈବ ତାମର୍ଜୁନସ୍ଯ କନ୍ଦର୍ପଃ ସମଜାଯତ।
ତଂ ତଦୈକାଗ୍ରମନସଂ କୃଷ୍ଣଃ ପାର୍ଥମଲକ୍ଷଯତ୍॥ 1-239-16 (10329)
ଅବ୍ରବୀତ୍ପୁରୁଷବ୍ଯାଘ୍ରଃ ପ୍ରସହନ୍ନିବ ଭାରତ।
ବନେଚରସ୍ଯ କିମିଦଂ କାମେନାଲୋଡ୍ଯତେ ମନଃ॥ 1-239-17 (10330)
ମମୈଷା ଭଗିନୀ ପାର୍ଥ ସାରଣସ୍ଯ ସହୋଦରୀ।
ସୁଭଦ୍ରା ନାମ ଭଦ୍ରଂ ତେ ପିତୁର୍ମେ ଦଯିତା ସୁତା।
ଯଦି ତେ ବର୍ତତେ ବୁଦ୍ଧିର୍ବକ୍ଷ୍ଯାମି ପିତରଂ ସ୍ବଯମ୍॥ 1-239-18 (10331)
ଅର୍ଜୁନ ଉବାଚ। 1-239-19x (1286)
ଦୁହିତା ବସୁଦେବସ୍ଯ ବାସୁଦେବସ୍ଯ ଚ ସ୍ବସା।
ରୂପେଣ ଚୈଷା ସଂପନ୍ନା କମିବୈଷା ନ ମୋହଯେତ୍॥ 1-239-19 (10332)
କୃତମେବ ତୁ କଲ୍ଯାଣଂ ସର୍ବଂ ମମ ଭବେଦ୍ଧ୍ରୁବମ୍।
ଯଦି ସ୍ଯାନ୍ମମ ବାର୍ଷ୍ଣେଯୀ ମହିଷୀଯଂ ସ୍ବସା ତବ॥ 1-239-20 (10333)
ପ୍ରାପ୍ତୌ ତୁ କ ଉପାଯଃ ସ୍ଯାତ୍ତଂ ବ୍ରବୀହି ଜନାର୍ଦନ।
ଆସ୍ଥାସ୍ଯାମି ତଦା ସର୍ବଂ ଯଦି ଶକ୍ଯଂ ନରେଣ ତତ୍॥ 1-239-21 (10334)
ବାସୁଦେବ ଉବାଚ। 1-239-22x (1287)
ସ୍ବଯଂ ବରଃ କ୍ଷତ୍ରିଯାଣାଂ ବିବାହଃ ପୁରୁଷର୍ଷଭ।
ସ ଚ ସଂଶଯିତଃ ପାର୍ଥ ସ୍ବଭାବସ୍ଯାନିମିତ୍ତତଃ॥ 1-239-22 (10335)
ପ୍ରସହ୍ଯ ହରଣଂ ଚାପି କ୍ଷତ୍ରିଯାଣାଂ ପ୍ରଶସ୍ଯତେ।
ବିବାହହେତୁଃ ଶୂରାଣାମିତି ଧର୍ମବିଦୋ ବିଦୁଃ॥ 1-239-23 (10336)
ସ ତ୍ବମର୍ଜୁନ କଲ୍ଯାଣୀଂ ପ୍ରସହ୍ଯ ଭଗିନୀଂ ମମ।
`ଯତିରୂପଧରସ୍ତଂ ତୁ ଯଥା କାଲବିପାକତା।'
ହର ସ୍ବଯଂବରେ ହ୍ଯସ୍ଯାଃ କୋ ବୈ ବେଦ ଚିକୀର୍ଷିତମ୍॥ 1-239-24 (10337)
ବୈଶମ୍ପାଯନ ଉବାଚ। 1-239-25x (1288)
ତତୋଽର୍ଜୁନଶ୍ଚ କୃଷ୍ଣଶ୍ଚ ବିନିଶ୍ଚିତ୍ଯେତିକୃତ୍ଯତାମ୍।
ଶୀଘ୍ରଗାନ୍ପୁରୁଷାନନ୍ପ୍ରେଷଯାମାସତୁସ୍ତଦା॥ 1-239-25 (10338)
ଧର୍ମରାଜାଯ ତତ୍ସର୍ବମିନ୍ଦ୍ରପ୍ରସ୍ଥଗତାଯ ବୈ।
ଶ୍ରୁତ୍ବୈବ ଚ ମହାବାହୁରନୁଜଜ୍ଞେ ସମାତୃକଃ॥ 1-239-26 (10339)
`ଭୀମସେନସ୍ତୁ ତଚ୍ଛ୍ରୁତ୍ବା କୃତକୃତ୍ଯଂ ସ୍ମ ମନ୍ଯତେ।
ଇତ୍ଯେବଂ ମନୁଜୈରୁକ୍ତଂ କୃଷ୍ଣଃ ଶ୍ରୁତ୍ବା ମହାମତିଃ॥ 1-239-27 (10340)
ଅନୁଜ୍ଞାପ୍ଯ ତଦା ପାର୍ଥଂ ହୃଦି ସ୍ଥାପ୍ଯ ଚିକୀର୍ଷିତମ୍।
ଇତ୍ଯେବଂ ମନୁଜୈଃ ସାର୍ଧଂ ଦ୍ବାରକାଂ ସମୁପେଯିବାନ୍॥ ॥ 1-239-28 (10341)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସୁଭଦ୍ରାହରଣପର୍ବଣି ଊନଚତ୍ବାରିଂଶଦଧିକଦ୍ବିଶତତମୋଽଧ୍ଯାଯଃ॥ 239 ॥
Mahabharata - Adi Parva - Chapter Footnotes
1-239-5 ଚଞ୍ଚୂର୍ଯନ୍ତେ ଦେଦୀପ୍ଯନ୍ତେ॥ 1-239-7 କ୍ଷୀବୋ ମଧୁମତ୍ତଃ॥ 1-239-22 ସ୍ବଭାବସ୍ଯାନିମିତ୍ତତଃ ସ୍ତ୍ରୀଚିତ୍ତସ୍ଯ ଶୌର୍ଯପାଣ୍ଡିତ୍ଯାଦ୍ଯନପେକ୍ଷତ୍ବାତ୍। ସ୍ତ୍ରିଯୋ ହ୍ଯପରୀକ୍ଷିତେପି ପୁଂସି ଆପାତତୋ ରମଣୀଯେ ସଦ୍ଯଃ ସକାମା ଭବନ୍ତୀତି ଭାବଃ॥ ଊନଚତ୍ବାରିଂଶଦଧିକଦ୍ବିଶତତମୋଽଧ୍ଯାଯଃ॥ 239 ॥ଆଦିପର୍ବ - ଅଧ୍ଯାଯ 240
॥ ଶ୍ରୀଃ ॥
1.240. ଅଧ୍ଯାଯଃ 240
Mahabharata - Adi Parva - Chapter Topics
ଦ୍ବାରକାଯା ଉପବନେ ବସତଃ ଯତିରୂପସ୍ଯାର୍ଜୁତସ୍ଯ ରୈବତକପର୍ବତାତ୍ପ୍ରତିନିବୃତ୍ତୈର୍ଯାଦବୈର୍ଦର୍ଶନମ୍॥ 1 ॥ ଯତିନିବାସବିଷଯେ ଯାଦବୈ ପୃଷ୍ଟେ ସୁଭଦ୍ରାଗୃହେ ବସତ୍ବିତି ରାମୋକ୍ତିଃ॥ 2 ॥Mahabharata - Adi Parva - Chapter Text
1-240-0 (10342)
ବୈଶମ୍ପାଯନ ଉବାଚ। 1-240-0x (1289)
ଚୈରାଃ ସଂଚାରିତେ ତସ୍ମିନ୍ନନୁଜ୍ଞାତେ ଯୁଧିଷ୍ଠିରେ।
ବାସୁଦେବାଭ୍ଯନୁଜ୍ଞାତଃ କଥଯିତ୍ବେତିକୃତ୍ଯତାମ୍॥ 1-240-1 (10343)
କୃଷ୍ଣସ୍ଯ ମତମାସ୍ଥାଯ ପ୍ରଯଯୌ ଭରତର୍ଷଭଃ।
ଦ୍ବାରକାଯା ଉପବନେ ତସ୍ଥୌ ବୈ କାର୍ଯସାଧନଃ॥ 1-240-2 (10344)
ନିବୃତ୍ତେ ହ୍ଯୁତ୍ସବେ ତସ୍ମିନ୍ଗିରୌ ରୈବତକେ ତଦା।
ବୃଷ୍ଣଯୋଽପ୍ଯଗମନ୍ସର୍ବେ ପୁରୀଂ ଦ୍ବାରବତୀମନୁ॥ 1-240-3 (10345)
ଚିନ୍ତଯାନସ୍ତତୋ ଭଦ୍ରାମୁପବିଷ୍ଟଃ ଶିଲାତଲେ।
ରମଣୀଯେ ବନୋଦ୍ଦେଶେ ବହୁପାଦପସଂବୃତେ॥ 1-240-4 (10346)
ସାଲତାଲାଶ୍ବକର୍ଣୈଶ୍ଚ ବକୁଲୈରର୍ଜୁନୈସ୍ତଥା।
ଚମ୍ପକାଶୋକପୁନ୍ନାଗୈଃ କେତକୈଃ ପାଟଲୈସ୍ତଥା॥ 1-240-5 (10347)
କର୍ଣିକାରୈରଶୋକୈଶ୍ଚ ଅଙ୍କୋଲୈରତିମୁକ୍ତକୈଃ।
ଏବମାଦିଭିରନ୍ଯୈଶ୍ଚ ସଂବୃତେ ସ ଶିଲାତଲେ॥ 1-240-6 (10348)
ପୁନଃପୁନଶ୍ଚିନ୍ତଯାନଃ ସୁଭଦ୍ରାଂ ଭଦ୍ରଭାଷିଣୀମ୍।
ଯଦୃଚ୍ଛଯା ଚୋପପନ୍ନାନ୍ବୃଷ୍ଣିବୀରାନ୍ଦଦର୍ଶ ସଃ॥ 1-240-7 (10349)
ବଲଦେବଂ ଚ ହାର୍ଦିକ୍ଯଂ ସାମ୍ବଂ ସାରଣମେବ ଚ।
ପ୍ରଦ୍ଯୁମ୍ନଂ ଚ ଗଦଂ ଚୈବ ଚାରୁଦେଷ୍ଣଂ ବିଦୂରଥମ୍॥ 1-240-8 (10350)
ଭାନୁଂ ଚ ହରିତଂ ଚୈବ ବିପୃଥୁଂ ପୃଥୁମେବ ଚ।
ତଥାନ୍ଯାଂଶ୍ଚ ବହୂନ୍ପଶ୍ଯନ୍ହୃଦି ଶୋକମଧାରଯତ୍॥ 1-240-9 (10351)
ତତସ୍ତେ ସହିତାଃ ସର୍ବେ ଯତିଂ ଦୃଷ୍ଟ୍ବା ସମୁତ୍ସୁକାଃ।
ବୃଷ୍ଣଯୋ ବିନଯୋପେତାଃ ପରିବାର୍ଯୋପତସ୍ଥିରେ॥ 1-240-10 (10352)
ତତୋଽର୍ଜୁନଃ ପ୍ରୀତମନାଃ ସ୍ବାଗତଂ ବ୍ଯାଜହାର ସଃ।
ଆସ୍ଯତାମାସ୍ଯତାଂ ସର୍ବୈ ରମଣୀଯେ ଶିଲାତଲେ॥ 1-240-11 (10353)
ଇତ୍ଯେବମୁକ୍ତା ଯତିନା ପ୍ରୀତାସ୍ତେ ଯାଦବର୍ଷଭାଃ।
ଉପୋପବିବିଶୁଃ ସର୍ବେ ତେ ସ୍ବାଗତମିତି ବ୍ରୁବନ୍॥ 1-240-12 (10354)
ପରିତଃ ସନ୍ନିବିଷ୍ଟେଷୁ ବୃଷ୍ଣିବୀରେଷୁ ପାଣ୍ଡବଃ।
ଆକାରଂ ଗୂହମାନସ୍ତୁ କୁଶଲପ୍ରଶ୍ନମବ୍ରବୀତ୍॥ 1-240-13 (10355)
ସର୍ବତ୍ର କୁଶଲଂ ଚୋକ୍ତ୍ବା ବଲଦେବୋଽବ୍ରବୀଦିଦମ୍।
ପ୍ରସାଦଂ କୁରୁ ମେ ବିପ୍ର କୁତସ୍ତ୍ବଂ ଚାଗତୋ ହ୍ଯସି॥ 1-240-14 (10356)
ତ୍ବଯା ଦୃଷ୍ଟାନି ପୁଣ୍ଯାନି ବଦ ତ୍ବଂ ବଦତାଂବର।
ପର୍ବତାଂଶ୍ଚୈବ ତୀର୍ଥାନି ବନାନ୍ଯାଯତନାନି ଚ॥ 1-240-15 (10357)
ବୈଶମ୍ପାଯନ ଉବାଚ। 1-240-16x (1290)
ତୀର୍ଥାନାଂ ଦର୍ଶନଂ ଚୈବ ପର୍ବତାନାଂ ଚ ଭାରତ।
ଆପଗାନାଂ ବନାନାଂ ଚ କଥଯାମାସ ତାଃ କଥାଃ॥ 1-240-16 (10358)
ଶ୍ରୁତ୍ବା ଧର୍ମକଥାଃ ପୁଣ୍ଯା ବୃଷ୍ଣିବୀରା ମୁଦାନ୍ବିତାଃ।
ଅପୂଜଯଂସ୍ତଦା ଭିକ୍ଷୁଂ କଥାନ୍ତେ ଜନମେଜଯ॥ 1-240-17 (10359)
ତତସ୍ତୁ ଯାଦବାଃ ସର୍ବେ ମନ୍ତ୍ରଯନ୍ତି ସ୍ମ ଭାରତ।
ଅଯଂ ଦେଶାତିଥିଃ ଶ୍ରୀମାନ୍ଯତିଲିଙ୍ଗଧରୋ ଦ୍ବିଜଃ॥ 1-240-18 (10360)
ଆବାସଂ କମୁପାଶ୍ରିତ୍ଯ ବସେତ ନିରୁପଦ୍ରବଃ।
ଇତ୍ଯେବଂ ପ୍ରବ୍ରୁବନ୍ତସ୍ତୁ ରୌହିଣେଯଂ ଚ ଯାଦବାଃ॥ 1-240-19 (10361)
ଦଦୃଶୁଃ କୃଷ୍ଣମାଯାନ୍ତଂ ସର୍ବେ ଯାଦବନନ୍ଦନମ୍।
ଏହି କେଶବ ତାତେତି ରୌହିଣେଯୋ ବଚୋଽବ୍ରବୀତ୍॥ 1-240-20 (10362)
ଯତିଲିଙ୍ଗଧରୋ ବିଦ୍ବାନ୍ଦେଶାତିଥିରଯଂ ଦ୍ବିଜଃ।
ବର୍ଷମାସନିବାସାର୍ଥମାଗତୋ ନଃ ପୁରଂ ପ୍ରତି।
ସ୍ଥାନେ ଯସ୍ମିନ୍ନିବସତୁ ତନ୍ମେ ବ୍ରୂହି ଜନାର୍ଦନ॥ 1-240-21 (10363)
ଶ୍ରୀକୃଷ୍ଣ ଉବାଚ। 1-240-22x (1291)
ତ୍ବଯି ସ୍ଥିତେ ମହାଭାଗ ପରବାନସ୍ମି ଧର୍ମତଃ।
ସ୍ବଯଂ ତୁ ରୁଚିରେ ସ୍ଥାନେ ବାସଯେର୍ଯଦୁନନ୍ଦନ॥ 1-240-22 (10364)
ପ୍ରୀତଃ ସ ତେନ ବାକ୍ଯେନ ପରିଷ୍ବଜ୍ଯ ଜନାର୍ଦନମ୍।
ବଲଦେବୋଽବ୍ରବୀଦ୍ବାକ୍ଯଂ ଚିନ୍ତଯିତ୍ବା ମହାବଲଃ॥ 1-240-23 (10365)
ଆରାମେ ତୁ ବସେଦ୍ଧୀମାଂଶ୍ଚତୁରୋ ବର୍ଷମାସକାନ୍।
କନ୍ଯାଗୃହେ ସୁଭଦ୍ରାଯା ଭୁକ୍ତ୍ବା ଭୋଜନମିଚ୍ଛଯା॥ 1-240-24 (10366)
ଲତାଗୃହେଷୁ ବସତାମିତି ମେ ଧୀଯତେ ମତିଃ।
ଲବ୍ଧାନୁଜ୍ଞାସ୍ତ୍ବଯା ତାତ ମନ୍ଯନ୍ତେ ସର୍ବଯାଦବାଃ॥ 1-240-25 (10367)
ଶ୍ରୀକୃଷ୍ଣ ଉବାଚ। 1-240-26x (1292)
ବଲବାନ୍ଦର୍ଶନୀଯଶ୍ଚ ବାଗ୍ମୀ ଶ୍ରୀମାନ୍ବହୁଶ୍ରୁତଃ।
କନ୍ଯାପୁରସମୀପେ ତୁ ନ ଯୁକ୍ତମିତି ମେ ମତିଃ॥ 1-240-26 (10368)
ଗୁରୁଃ ଶାସ୍ତା ଚ ନେତା ଚ ଶାସ୍ତ୍ରଜ୍ଞୋ ଧର୍ମବିତ୍ତମଃ।
ତ୍ବଯୋକ୍ତଂ ନ ବିରୁଧ୍ଯେହଂ କରିଷ୍ଯାମି ବଚସ୍ତବ॥ 1-240-27 (10369)
ଶୁଭାଶୁଭସ୍ଯ ବିଜ୍ଞାତା ନାନ୍ଯୋଽସ୍ମି ଭୁବି କଶ୍ଚନ॥ 1-240-28 (10370)
ବଲଦେବ ଉବାଚ। 1-240-29x (1293)
ଅଯଂ ଦେଶାତିଥିଃ ଶ୍ରୀମାନ୍ସର୍ବଧର୍ମଭୃତାଂ ବରଃ।
ଧୃତିମାନ୍ବିନଯୋପେତଃ ସତ୍ଯବାଦୀ ଜିତେନ୍ଦ୍ରିଯଃ॥ 1-240-29 (10371)
ଯତିଲିଙ୍ଗଧରୋ ହ୍ଯେଷ କୋ ବିଜାନାତି ମାନସମ୍।
ତ୍ବମିମଂ ପୁଣ୍ଡରୀକାକ୍ଷ ନୀତ୍ବା କନ୍ଯାପୁରଂ ଶୁଭମ୍॥ 1-240-30 (10372)
ନିବେଦଯ ସୁଭଦ୍ରାଯୈ ମଦ୍ବାକ୍ଯପରିଚୋଦିତଃ।
ଭକ୍ଷ୍ଯୈର୍ଭୋଜ୍ଯୈଶ୍ଚ ପାନୈଶ୍ଚ ଅନ୍ନୈରିଷ୍ଟୈଶ୍ଚ ପୂଜଯ॥ ॥ 1-240-31 (10373)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସୁଭଦ୍ରାହରଣପର୍ବଣି ଚତ୍ବାରିଂଶଦଧିକଦ୍ବିଶତତମୋଽଧ୍ଯାଯଃ॥ 240 ॥
ଆଦିପର୍ବ - ଅଧ୍ଯାଯ 241
॥ ଶ୍ରୀଃ ॥
1.241. ଅଧ୍ଯାଯଃ 241
Mahabharata - Adi Parva - Chapter Topics
ଯତେଃ ସୁଭଦ୍ରାଗୃହେ କୃଷ୍ଣେନ ସ୍ଥାପନମ୍॥ 1 ॥ ଶ୍ରୁତପୂର୍ବପାର୍ଥଲକ୍ଷଣଦର୍ଶନେନ ଇମଂ ଯତିଂ ଅର୍ଜୁନଂ ଶଙ୍କମାନାଯାଃ ସୁଭଦ୍ରାଯାଃ ଯତିଂପ୍ରତି ଅର୍ଜୁନାଦିକୁଶଲପ୍ରଶ୍ନଃ॥ 2 ॥ ଅର୍ଜୁନେନ ତତ୍ବେ କଥିତେ ମୋହିତାଯାଂ ସୁଭଦ୍ରାଯାଂ ରୁକ୍ମିଣ୍ଯା ଶ୍ବଶ୍ରୂସମୀପେ ତଦ୍ବୃତ୍ତକଥନମ୍॥ 3 ॥ ବାସୁଦେବାନୁମତ୍ଯା ଦେବକ୍ଯା ସୁଭଦ୍ରାଶ୍ବାସନମ୍॥ 4 ॥ ଗୂଢଂ ସୁଭଦ୍ରାଯା ବିବାହଚିକୀର୍ଷଯା କୃଷ୍ଣେନ ମହାଦେବପୂଜାବ୍ଯାଜେନ ସର୍ବଯାଦବୈଃ ସହ ଅନ୍ତର୍ଦ୍ବୀପଗମନମ୍॥ 5 ॥Mahabharata - Adi Parva - Chapter Text
1-241-0 (10374)
ବୈଶମ୍ପାଯନ ଉବାଚ। 1-241-0x (1294)
ସ ତଥେତି ପ୍ରତିଜ୍ଞାଯ ସହିତୋ ଯତିନା ହରିଃ।
କୃତ୍ବା ତୁ ସଂବିଦଂ ତେନ ପ୍ରହୃଷ୍ଟଃ କେଶବୋଽଭବତ୍॥ 1-241-1 (10375)
ପର୍ବତେ ତୌ ବିହୃତ୍ଯୈବ ଯଥେଷ୍ଟଂ କୃଷ୍ଣପାଣ୍ଡବୌ।
ତାଂ ପୁରୀଂ ପ୍ରବିବେଶାଥ ଗୃହ୍ଯ ହସ୍ତେନ ପାଣ୍ଡବମ୍।
ପ୍ରବିଶ୍ଯ ଚ ଗୃହଂ ରମ୍ଯଂ ସର୍ବଭୋଗସମନ୍ବିତମ୍॥ 1-241-2 (10376)
ପାର୍ଥମାବେଦଯାମାସ ରୁକ୍ମିଣୀସତ୍ଯଭାମଯୋଃ।
ହୃଷୀକେଶବଚଃ ଶ୍ରୁତ୍ବା ତେ ଉଭେ ଚୋଚତୁର୍ଭୃଶମ୍॥ 1-241-3 (10377)
ମନୋରଥୋ ମହାନେଷ ହୃଦି ନୌ ପରିବର୍ତତେ।
କଦା ଦ୍ରକ୍ଷାବ ବୀଭତ୍ସୁଂ ପାଣ୍ଡବଂ ପୁରମାଗତମ୍॥ 1-241-4 (10378)
ଇତ୍ଯେବଂ ହର୍ଷମାଣେ ତେ ବଦନ୍ତ୍ଯୌ ସୁଭୃଶଂ ପ୍ରିଯମ୍।
ରୁଗ୍ମିଣୀସତ୍ଯଭାମେ ବୈ ଦୃଷ୍ଟ୍ବା ପ୍ରୀତୋଽଭବଦ୍ଯତିଃ॥ 1-241-5 (10379)
ସର୍ବେଷାଂ ହର୍ଷମାଣାନାଂ ପାର୍ଥୋ ହର୍ଷମୁପାଗମତ୍।
ପ୍ରାପ୍ତମଜ୍ଞାତରୂପେଣ ଚାଗତଂ ଚାର୍ଜୁନଂ ହରିଃ॥ 1-241-6 (10380)
ସତ୍କୃତ୍ଯ ପୂଜ୍ଯମାନଂ ତୁ ପ୍ରୀତ୍ଯା ଚୈବ ହ୍ଯପୂଜଯତ୍।
ସ ତଂ ପ୍ରିଯାତିଥିଂ ଶ୍ରେଷ୍ଠଂ ସମୀକ୍ଷ୍ଯ ଯତିମାଗତମ୍॥ 1-241-7 (10381)
ସୋଦର୍ଯାଂ ଭଗିନୀଂ କୃଷ୍ଣଃ ସୁଭଦ୍ରାମିଦମବ୍ରବୀତ୍।
ଅଯଂ ଦେଶାତିଥିର୍ଭଦ୍ରେ ସଂଶିତବ୍ରତବାନୃଷିଃ॥ 1-241-8 (10382)
ପ୍ରାପ୍ନୋତୁ ସତତଂ ପୂଜାଂ ତବ କନ୍ଯାପୁରେ ବସନ୍।
ଆର୍ଯେଣ ଚ ପରିଜ୍ଞାତଃ ପୂଜନୀଯୋ ଯତିସ୍ତ୍ବଯା॥ 1-241-9 (10383)
ରାଗାଦ୍ଭରସ୍ବ ବାର୍ଷ୍ଣେଯି ଭକ୍ଷ୍ଯୈର୍ଭୋଜ୍ଯୈର୍ଯତିଂ ସଦା।
ଏଷ ଯଦ୍ଯଦୃଷିର୍ବ୍ରୂଯାତ୍କାର୍ଯମେବ ନ ସଂଶଯଃ॥ 1-241-10 (10384)
ସଖୀଭିଃ ସହିତା ଭଦ୍ରେ ଭବାସ୍ଯ ବଶବର୍ତିନୀ।
ପୁରା ହି ଯତଯୋ ଭଦ୍ରେ ଯେ ଭୈକ୍ଷାର୍ଥମନୁବ୍ରତାଃ॥ 1-241-11 (10385)
ତେ ବଭୂବୁର୍ଦଶାର୍ହାଣାଂ କନ୍ଯାପୁରନିବାସିନଃ।
ତେଭ୍ଯୋ ଭୋଜ୍ଯାନି ଭକ୍ଷ୍ଯାଣି ଯଥାକାଲମତନ୍ଦ୍ରିତାଃ।
କନ୍ଯାପୁରଗତାଃ କନ୍ଯାଃ ପ୍ରଯଚ୍ଛନ୍ତି ଯଶସ୍ବିନି॥ 1-241-12 (10386)
ବୈଶମ୍ପାଯନ ଉବାଚ। 1-241-13x (1295)
ସା ତଥେତ୍ଯବ୍ରବୀତ୍କୃଷ୍ଣଂ କରିଷ୍ଯାମି ଯଥାଽଽଥ ମାମ୍।
ତୋଷଯିଷ୍ଯାମି ବୃତ୍ତେନ କର୍ମଣା ଚ ଦ୍ବିଜର୍ଷଭମ୍॥ 1-241-13 (10387)
ଏବମେତେନ ରୂପେଣ କଂଚିତ୍କାଲଂ ଧନଞ୍ଜଯଃ।
ଉବାସ ଭକ୍ଷ୍ଯୈର୍ଭୋଜ୍ଯୈଶ୍ଚ ଭଦ୍ରଯା ପରମାର୍ଚିତଃ॥ 1-241-14 (10388)
ତସ୍ଯ ସର୍ବଗୁଣୋପେତାଂ ବାସୁଦେବସହୋଦରୀମ୍।
ପଶ୍ଯତଃ ସତତଂ ଭଦ୍ରାଂ ପ୍ରାଦୁରାସୀନ୍ମନୋଭବଃ॥ 1-241-15 (10389)
ଗୂହଯନ୍ନିବ ଚାକାରମାଲୋକ୍ଯ ବରବର୍ଣିନୀମ୍।
ଦୀର୍ଘମୁଷ୍ଣଂ ବିନିଶ୍ବସ୍ଯ ପାର୍ଥଃ କାମବଶଂ ଗତଃ॥ 1-241-16 (10390)
ସ କୃଷ୍ଣାଂ ଦ୍ରୌପଦୀଂ ମେନେ ନ ରୂପେ ଭଦ୍ରଯା ସମାମ୍।
ପ୍ରାପ୍ତାଂ ଭୂମାନ୍ବିନ୍ଦ୍ରସେନାଂ ସାକ୍ଷାଦ୍ବା ବରୁଣାତ୍ମଜାମ୍॥ 1-241-17 (10391)
ଅତୀତକାଲେ ସଂପ୍ରାପ୍ତେ ସର୍ବାସ୍ତାପି ସୁରସ୍ତ୍ରିଯଃ।
ନ ସମା ଭଦ୍ରଯା ଲୋକେ ଇତ୍ଯେବଂ ମନ୍ଯତେଽର୍ଜୁନଃ॥ 1-241-18 (10392)
ଅତୀତସମଯେ କାଲେ ସୋଦର୍ଯାଣାଂ ଧନଞ୍ଜଯଃ।
ନ ସସ୍ମାର ସୁଭଦ୍ରାଯାଂ କାମାଙ୍କୁଶନିବାରିତଃ॥ 1-241-19 (10393)
କ୍ରୀଡାରତିପରାଂ ଭଦ୍ରାଂ ସଖୀଗଣସମାବୃତାମ୍।
ପ୍ରୀଯତେ ସ୍ମାର୍ଜୁନଃ ପଶ୍ଯନ୍ସ୍ବାହାମିବ ବିଭାବସୁଃ॥ 1-241-20 (10394)
ପାଣ୍ଡବସ୍ଯ ସୁଭଦ୍ରାଯାଃ ସକାଶେ ତୁ ଯଶସ୍ବିନଃ।
ସମୁତ୍ପତ୍ତିଃ ପ୍ରଭାବଶ୍ଚ ଗଦେନ କଥିତଃ ପୁରା॥ 1-241-21 (10395)
ଶ୍ରୁତ୍ବା ଚାଶନିନିର୍ଘୋଷଂ କେଶବେନାପି ଧୀମତା।
ଉପମାମର୍ଜୁନଂ କୃତ୍ବା ବିସ୍ତରଃ କଥିତଃ ପୁରା॥ 1-241-22 (10396)
କ୍ରୁଦ୍ଧମାନପ୍ରଲାପଶ୍ଚ ବୃଷ୍ଣୀନାମର୍ଜୁନଂ ପ୍ରତି।
ପୌରୁଷଂ ଚୋପମାଂ କୃତ୍ବା ପ୍ରାବର୍ତତ ଧନୁଷ୍ମତାମ୍॥ 1-241-23 (10397)
ଅନ୍ଯୋନ୍ଯକଲହେ ଚାପି ବିବାଦେ ଚାପି ବୃଷ୍ଣଯଃ।
ଅର୍ଜୁନୋପି ନ ମେ ତୁଲ୍ଯଃ କୁତସ୍ତ୍ବମିତି ଚାବ୍ରୁବନ୍॥ 1-241-24 (10398)
ଜାତାଂଶ୍ଚ ପୁତ୍ରାନ୍ଗୃହ୍ଣନ୍ତ ଆଶିଷୋ ବୃଷ୍ଣଯୋଽବ୍ରବନ୍।
ଅର୍ଜୁନସ୍ଯ ସମୋ ବୀର୍ଯେ ଭବ ତାତ ଧନୁର୍ଧରଃ॥ 1-241-25 (10399)
ତସ୍ମାତ୍ସୁଭଦ୍ରା ଚକମେ ପୌରୁଷାଦ୍ଭରତର୍ଷଭମ୍।
ସତ୍ଯସନ୍ଧସ୍ଯ ରୂପେଣ ଚାତୁର୍ଯେଣ ଚ ମୋହିତା॥ 1-241-26 (10400)
ଚାରଣାତିଥିସଂଘାନାଂ ଗଦସ୍ଯ ଚ ନିଶମ୍ଯ ସା।
ଅଦୃଷ୍ଟେ କୃତଭାବାଭୂତ୍ସୁଭଦ୍ରା ଭରତର୍ଷଭେ॥ 1-241-27 (10401)
କୀର୍ତଯନ୍ଦଦୃଶେ ଯୋ ଯଃ କଥଂଚିତ୍କୁରୁଜାଙ୍ଗଲମ୍।
ତଂ ତମେବ ତଦା ଭଦ୍ରା ବୀଭତ୍ସୁଂ ସ୍ମ ହି ପୃଚ୍ଛତି॥ 1-241-28 (10402)
ଅଭୀକ୍ଷ୍ଣଶ୍ରବଣାଦେବମଭୀକ୍ଷ୍ଣପରିପୃଚ୍ଛନାତ୍।
ପ୍ରତ୍ଯକ୍ଷ ଇବ ଭଦ୍ରାଯାଃ ପାଣ୍ଡବଃ ପ୍ରତ୍ଯପଦ୍ଯତ॥ 1-241-29 (10403)
ଭୁଜୌ ଭୁଜଗସଙ୍କାଶୌ ଜ୍ଯାଘାତେନ କିଣୀକୃତୌ।
ପାର୍ଥୋଽଯମିତି ପଶ୍ଯନ୍ତ୍ଯା ନିଃଶଂସଯମଜାଯତ॥ 1-241-30 (10404)
ଯଥାରୂପଂ ହି ଶୁଶ୍ରାବ ସୁଭଦ୍ରା ଭରତର୍ଷଭମ୍।
ତଥାରୂପମବେକ୍ଷ୍ଯୈନଂ ପରାଂ ପ୍ରୀତିମବାପ ସା॥ 1-241-31 (10405)
ସା କଦାଚିଦୁପାସୀନଂ ପପ୍ରଚ୍ଛ କୁରୁନନ୍ଦନମ୍।
କଥଂ ଦେଶାଶ୍ଚ ଚରିତା ନାନାଜନପଦାଃ କଥମ୍॥ 1-241-32 (10406)
ସରାଂସି ସରିତଶ୍ଚୈବ ବନାନି ଚ କଥଂ ଯତେ।
ଦିଶଃ କାଶ୍ଚ କଥଂ ପ୍ରାପ୍ତାଶ୍ଚରତା ଭବତା ସଦା॥ 1-241-33 (10407)
ସ ତଥୋକ୍ତସ୍ତଦା ଭଦ୍ରାଂ ବହୁନର୍ମାମୃତଂ ବ୍ରୁବନ୍।
ଉବାଚ ପରମପ୍ରୀତସ୍ତଥା ବହୁବିଧାଃ କଥାଃ॥ 1-241-34 (10408)
ନିଶଣ୍ଯ ବିବିଧଂ ତସ୍ଯ ଲୋକେ ଚରିତମାତ୍ମନଃ।
ତଥା ପରିଗତୋ ଭାବଃ କନ୍ଯାଯାଃ ସମପଦ୍ଯତ॥ 1-241-35 (10409)
ପର୍ବସନ୍ଧୌ ତୁ କସ୍ମିଂଶ୍ଚିତ୍ସୁଭଦ୍ରା ଭରତର୍ଷଭମ୍।
ରହସ୍ଯେକାନ୍ତମାସାଦ୍ଯ ହର୍ଷମାଣାଽଭ୍ଯଭାଷତ॥ 1-241-36 (10410)
ଯତିନା ରଚତା ଦେଶାନ୍ଖାଣ୍ଡବପ୍ରସ୍ଥବାସିନୀ।
କଶ୍ଚିଦ୍ଭଗବତା ଦୃଷ୍ଟା ପୃଥାଽସ୍ମାକଂ ପିତୃଷ୍ବସା॥ 1-241-37 (10411)
ଭ୍ରାତୃଭିଃ ପ୍ରୀଯତେ ସର୍ବୈର୍ଦୃଷ୍ଟଃ କଚ୍ଚିଦ୍ଯୁଧିଷ୍ଠିରଃ।
କଚ୍ଚିଦ୍ଧର୍ମପରୋ ଭୀମୋ ଧର୍ମରାଜସ୍ଯ ଧୀମତଃ॥ 1-241-38 (10412)
ନିବୃତ୍ତସମଯଃ କଚ୍ଚିଦପରାଧାଦ୍ଧନଞ୍ଜଯଃ।
ନିଯମେ କାମଭୋଗାନାଂ ବର୍ତମାନଃ ପ୍ରିଯେ ରତଃ॥ 1-241-39 (10413)
କ୍ବ ନୁ ପାର୍ଥଶ୍ଚରତ୍ଯଦ୍ଯ ବହିଃ ସ ବସତୀର୍ବସନ୍।
ସୁଖୋଚିତୋ ହ୍ଯଦୁଃଖାର୍ହୋ ଦୀର୍ଘବାହୁରରିନ୍ଦମଃ॥ 1-241-40 (10414)
କଚ୍ଚିଚ୍ଛ୍ରୁତୋ ବା ଦୃଷ୍ଟୋ ବା ପାର୍ଥୋ ଭଗବତାଽର୍ଜୁନଃ।
ନିଶମ୍ଯ ବଚନଂ ତସ୍ଯାସ୍ତାମୁବାଚ ହସନ୍ନିବ॥ 1-241-41 (10415)
ଆର୍ଯା କୁଶଲିନୀ କୁନ୍ତୀ ସହପୁତ୍ରା ସହସ୍ନୁଷା।
ପ୍ରୀଯତେ ପଶ୍ଯତୀ ପୁତ୍ରାନ୍ଖାଣ୍ଡବପ୍ରସ୍ଥ ଆସତେ॥ 1-241-42 (10416)
ଅନୁଜ୍ଞାତଶ୍ଚ ମାତ୍ରା ଚ ସୋଦରୈଶ୍ଚ ଧନଞ୍ଜଯଃ।
ଦ୍ବାରକାମାବସତ୍ଯେକୋ ଯତିଲିଙ୍ଗେନ ପାଣ୍ଡବଃ॥ 1-241-43 (10417)
ପଶ୍ଯନ୍ତୀ ସତତଂ କସ୍ମାନ୍ନାଭିଜାନାସି ମାଧବି।
ନିଶଣ୍ଯ ବଚନଂ ତସ୍ଯ ବାସୁଦେବସହୋଦରୀ॥ 1-241-44 (10418)
ନିଶ୍ବାସବହୁଲା ତସ୍ଥୌ କ୍ଷିତିଂ ବିଲିଖତୀ ତଦା।
ତତଃ ପରମସଂହୃଷ୍ଟଃ ସର୍ବଶସ୍ତ୍ରଭୃତାଂ ବରଃ॥ 1-241-45 (10419)
ଅର୍ଜୁନୋଽହମିତି ପ୍ରୀତସ୍ତାମୁବାଚ ଧନଞ୍ଜଯଃ।
ଯଥା ତବ ଗତୋ ଭାବଃ ଶ୍ରବଣାନ୍ମଯି ଭାମିନି॥ 1-241-46 (10420)
ତ୍ବଦ୍ଗତଃ ସତତଂ ଭାବସ୍ତଥା ତବ ଗୁଣୈର୍ମମ।
ପ୍ରଶସ୍ତେଽହନି ଧର୍ମେଣ ଭଦ୍ରେ ସ୍ବଯମହଂ ବୃତଃ॥ 1-241-47 (10421)
ସତ୍ଯବାନିବ ସାବିତ୍ର୍ଯା ଭବିଷ୍ଯାମି ପତିସ୍ତବ॥ 1-241-48 (10422)
ବୈଶମ୍ପାଯନ ଉବାଚ। 1-241-49x (1296)
ଏବମୁକ୍ତ୍ବା ତତଃ ପାର୍ଥଃ ପ୍ରବିବେଶ ଲତାଗୃହମ୍।
ତତଃ ସୁଭଦ୍ରା ଲଲିତା ଲଜ୍ଜାଭାବସମନ୍ବିତା॥ 1-241-49 (10423)
ମୁମୋହ ଶଯନେ ଦିବ୍ଯେ ଶଯାନା ନ ତଥୋଚିତା।
ନାକରୋଦ୍ଯତିପୂଜାଂ ସା ଲଜ୍ଜାଭାବମୁପେଯୁଷୀ॥ 1-241-50 (10424)
କନ୍ଯାପୁରେ ତୁ ଯଦ୍ବୃତ୍ତଂ ଜ୍ଞାତ୍ବା ଦିବ୍ଯେନ ଚକ୍ଷୁଷା।
ଶଶାସ ରୁକ୍ମିଣୀଂ କୃଷ୍ଣୋ ଭୋଜନାଦି ତଦାର୍ଜୁନେ॥ 1-241-51 (10425)
ତଦାପ୍ରଭୃତି ତାଂ ଭଦ୍ରାଂ ଚିନ୍ତଯନ୍ବୈ ଧନଞ୍ଜଯଃ।
ଆସ୍ତେ ସ୍ମ ସ ତଦାଽଽରାମେ କାମେନ ଭୃଶପୀଡିତଃ॥ 1-241-52 (10426)
ସୁଭଦ୍ରା ଚାପି ନ ସ୍ବସ୍ଥା ପାର୍ଥଂ ପ୍ରତି ବଭୂବ ସା।
କୃଶା ବିବର୍ଣବଦନା ଚିନ୍ତାଶୋକପରାଯଣା॥ 1-241-53 (10427)
ନିଶ୍ବାସପରମା ଭଦ୍ରା ମାନସେନ ମନସ୍ବିନୀ।
ନ ଶଯ୍ଯାସନଭୋଗେଷୁ ରତିଂ ବିନ୍ଦତି କେନଚିତ୍॥ 1-241-54 (10428)
ନ ନକ୍ତଂ ନ ଦିବା ଶେତେ ବଭୂବୋନ୍ମତ୍ତଦର୍ଶନା।
ଏବଂ ଶୋକପରାଂ ଭଦ୍ରାଂ ଦେବୀ ବାକ୍ଯମଥାବ୍ରବୀତ୍।
ମା ଶୋକଂ କୁରୁ ବାର୍ଷ୍ଣେଯି ଧୃତିମାଲମ୍ବ୍ଯ ଶୋଭନେ॥ 1-241-55 (10429)
ରୁକ୍ମିଣ୍ଯେବଂ ସୁଭଦ୍ରାଂ ତାଂ କୃଷ୍ଣସ୍ଯାନୁମତେ ତଦା।
ରହୋଗତ୍ଯ ତଦା ଶ୍ବଶ୍ରୂଂ ଦେବକୀଂ ବାକ୍ଯମବ୍ରବୀତ୍॥ 1-241-56 (10430)
ଅର୍ଜୁନୋ ଯତିରୂପେଣ ହ୍ଯାଗତଃ ସୁସମାହିତଃ।
କନ୍ଯାପୁରମଥାବିଶ୍ଯ ପୂଜିତୋ ଭଦ୍ରଯା ମୁଦା॥ 1-241-57 (10431)
ତଂ ବିଦିତ୍ବା ସୁଭଦ୍ରାପି ଲଜ୍ଜଯା ପରିମୋହିତା।
ଦିବାନିଶଂ ଶଯାନା ସା ନାକରୋଦ୍ଭୋଜନାଦିକମ୍॥ 1-241-58 (10432)
ଏବମୁକ୍ତା ତଯା ଦେବୀ ଭଦ୍ରାଂ ଶୋକପରାଯଣାମ୍।
ତତ୍ସମୀପଂ ସମାଗତ୍ଯ ଶ୍ଲକ୍ଷ୍ଣଂ ବାକ୍ଯମଥାବ୍ରବୀତ୍॥ 1-241-59 (10433)
ମା ଶୋକଂ କୁରୁ ବାର୍ଷ୍ଣେଯି ଧୃତିମାଲମ୍ବ୍ଯ ଶୋଭନେ।
ରାଜ୍ଞେ ନିବେଦଯିତ୍ବାପି ବସୁଦେବାଯ ଧୀମତେ॥ 1-241-60 (10434)
କୃଷ୍ଣାଯାପି ତଥା ଭଦ୍ରେ ପ୍ରହର୍ଷଂ କାରଯାମି ତେ।
ପଶ୍ଚାଜ୍ଜାନାମି ତେ ବାର୍ତାଂ ମା ଶୋକଂ କୁରୁ ଭାମିନି॥ 1-241-61 (10435)
ଏବମୁକ୍ତ୍ବା ତୁ ସା ମାତା ଭଦ୍ରାଯାଃ ପ୍ରିଯକାରିଣୀ।
ନିବେଦଯାମାସ ତଦା ଭଦ୍ରାମାନକଦୁନ୍ଦୁଭେଃ॥ 1-241-62 (10436)
ରହସ୍ଯେକାସନା ତତ୍ର ଭଦ୍ରାଽସ୍ବସ୍ଥେତି ଚାବ୍ରବୀତ୍।
ଆରାମେ ତୁ ଯତିଃ ଶ୍ରୀମାନର୍ଜୁନଶ୍ଚେତି ନଃ ଶ୍ରୁତମ୍॥ 1-241-63 (10437)
ଅକ୍ରୂରାଯ ଚ କୃଷ୍ମାଯ ଆହୁକାଯ ଚ ସାତ୍ଯେକଃ।
ନିବେଦ୍ଯତାଂ ମହାପ୍ରାଜ୍ଞ ଶ୍ରୋତବ୍ଯଂ ଯଦି ବାନ୍ଧବୈଃ॥ 1-241-64 (10438)
ବୈଶମ୍ପାଯନ ଉବାଚ। 1-241-65x (1297)
ବସୁଦେବସ୍ତୁ ତଚ୍ଛ୍ରୁତ୍ବା ଅକ୍ରୂରାହୁକଯୋସ୍ତଥା।
ନିବେଦଯିତ୍ବା କୃଷ୍ଣେନ ମନ୍ତ୍ରଯାମାସ ତୈସ୍ତଦା॥ 1-241-65 (10439)
ଇଦଂ କାର୍ଯମିଦଂ କୃତ୍ଯମିଦମେବେତି ନିଶ୍ଚିତଃ।
ଅକ୍ରୂରଶ୍ଚୋଗ୍ରସେନଶ୍ଚ ସାତ୍ଯକିଶ୍ଚ ଗଦସ୍ତଥା॥ 1-241-66 (10440)
ପୃଥୁଶ୍ରବାଶ୍ଚ କୃଷ୍ଣଶ୍ଚ ସହିତାଃ ଶିନିନା ମୁହୁଃ।
ରୁକ୍ମିଣୀ ସତ୍ଯଭାମା ଚ ଦେବକୀ ରୋହିଣୀ ତଥା॥ 1-241-67 (10441)
ବସୁଦେବେନ ସହିତାଃ ପୁରୋହିତମତେ ସ୍ଥିତାଃ।
ବିବାହଂ ମନ୍ତ୍ରଯାମାସୁର୍ଦ୍ବାଦଶେଽହନି ଭାରତ॥ 1-241-68 (10442)
ଅଜ୍ଞାତଂ ରୌହିଣେଯସ୍ଯ ଉଦ୍ଧବସ୍ଯ ଚ ଭାରତ।
ବିବାହଂ ତୁ ସୁଭଦ୍ରାଯାଃ କର୍ତୁକାମୋ ଗଦାଗ୍ରଜଃ॥ 1-241-69 (10443)
ମହାଦେବସ୍ଯ ପୂଜାର୍ଥଂ ମହୋତ୍ସବ ଇତି ବ୍ରୁବନ୍।
ଚତୁସ୍ତ୍ରିଂଶଦହୋରାତ୍ରଂ ସୁଭଦ୍ରାର୍ତିପ୍ରଶାନ୍ତଯେ॥ 1-241-70 (10444)
ନଗରେ ଘୋଷଯାସ ହିତାର୍ଥଂ ସବ୍ଯସାଚିନଃ।
ଇତଶ୍ଚତୁର୍ଥେ ତ୍ବହନି ଅନ୍ତର୍ଦ୍ବୀପଂ ତୁ ଗମ୍ଯତାମ୍॥ 1-241-71 (10445)
ସଦାରୈଃ ସାନୁଯାତ୍ରୈଶ୍ଚ ସପୁତ୍ରୈଃ ସହବାଧବୈଃ।
ଗନ୍ତବ୍ଯଂ ସର୍ବବର୍ମୈଶ୍ଚ ଗନ୍ତବ୍ଯଂ ସର୍ବଯାଦବୈଃ॥ 1-241-72 (10446)
ଏବମୁକ୍ତାସ୍ତୁ ତେ ସର୍ବେ ତଥା ଚକ୍ରୁଶ୍ଚ ସର୍ବଶଃ।
ତତଃ ସର୍ବଦଶାର୍ହାଣାମନ୍ତର୍ଦ୍ବୀପେ ଚ ଭାରତ॥ 1-241-73 (10447)
ଚତୁସ୍ତ୍ରିଂଶଦହୋରାତ୍ରଂ ବଭୂବ ପରମୋତ୍ସବଃ।
କୃଷ୍ଣରାମାହୁକାକ୍ରୂରପ୍ରଦ୍ଯୁମ୍ନଶିନିସତ୍ଯକାଃ॥ 1-241-74 (10448)
ସମୁଦ୍ରଂ ପ୍ରଯଯୁର୍ହୃଷ୍ଟାଃ କୁକୁରାନ୍ଧକବୃଷ୍ଣଯଃ।
ଯୁକ୍ତଯନ୍ତ୍ରପତାକାଭିର୍ବୃଷ୍ଣଯୋ ବ୍ରାହ୍ମଣୈଃ ସହ॥ 1-241-75 (10449)
ସମୁଦ୍ରଂ ପ୍ରଯଯୁର୍ନୌଭିଃ ସର୍ବେ ପୁରନିବାସିନଃ।
ତତସ୍ତ୍ବରିତମାଗତ୍ଯ ଦାଶାର୍ହଗଣପୂଜିତମ୍॥ 1-241-76 (10450)
ସୁଭଦ୍ରା ପୁଣ୍ଡରୀକାକ୍ଷମବ୍ରବୀଦ୍ଯତିଶାସନାତ୍।
କୃତ୍ଯବାନ୍ଦ୍ବାଦଶାହାନି ସ୍ଥାତା ସ ଭଗବାନିହ॥ 1-241-77 (10451)
ତିଷ୍ଠତସ୍ତସ୍ଯ କଃ କୁର୍ଯାଦୁପସ୍ଥାନବିଧିଂ ସଦା।
ତମୁବାଚ ହୃଷୀକେଶଃ କସ୍ତ୍ବଦନ୍ଯୋ ବିଶେଷତଃ॥ 1-241-78 (10452)
ତମୃଷିଂ ପ୍ରତ୍ଯୁପସ୍ଥାତୁମିତୋ ନାର୍ହତି ମାଧବି।
ତ୍ବମେବାସ୍ମନ୍ମତେନାଦ୍ଯ ମହର୍ଷେର୍ବଶବର୍ତିନୀ॥ 1-241-79 (10453)
କୁରୁ ସର୍ବାଣି କାର୍ଯାଣି କୀର୍ତିଂ ଧର୍ମମବେକ୍ଷ୍ଯ ଚ।
ତସ୍ଯ ଚାତିଥିମୁଖ୍ଯସ୍ଯ ସର୍ବେଷାଂ ଚ ତପସ୍ବିନାମ୍॥ 1-241-80 (10454)
ସଂବିଧାନପରା ଭଦ୍ରେ ଭବ ତ୍ବଂ ବଶବର୍ତିନୀ॥ 1-241-81 (10455)
ବୈଶମ୍ପାଯନ ଉବାଚ। 1-241-82x (1298)
ଏବମାଦିଶ୍ଯ ଭିକ୍ଷାଂ ଚ ଭଦ୍ରାଂ ଚ ମଧୁସୂଦନଃ।
ଯଯୌ ଶଙ୍ଖପ୍ରଣାଦେନ ଭେରୀଣାଂ ନିସ୍ବନେନ ଚ॥ 1-241-82 (10456)
ତତସ୍ତୁ ଦ୍ବୀପମାସାଦ୍ଯ ଦାନଧର୍ମପରାଯଣାଃ।
ଉଗ୍ରସେନମୁଖାଶ୍ଚାନ୍ଯେ ବିଜହୁଃ କୁକୁରାନ୍ଧକାଃ॥ 1-241-83 (10457)
ପଟହାନାଂ ପ୍ରଣାଦୈଶ୍ଚ ଭେରୀଣାଂ ନିସ୍ବନେନ ଚ।
ସପ୍ତଯୋଜନବିସ୍ତାର ଆଯତୋ ଦଶଯୋଜନମ୍॥ 1-241-84 (10458)
ବଭୂବ ସ ମହାଦ୍ବୀପଃ ସପର୍ବତମହାବନଃ।
ସେତୁପୁଷ୍କରିଣୀଜାଲୈରାକ୍ରୀଡଃ ସର୍ବସାତ୍ବତାମ୍॥ 1-241-85 (10459)
ବାପୀପଲ୍ବଲସଙ୍ଘୈଶ୍ଚ କାନନୈଶ୍ଚ ମନୋରମୈଃ।
ବାସୁଦେବସ୍ଯ କ୍ରୀଡାର୍ଥଂ ଯୋଗ୍ଯଃ ସର୍ବପ୍ରହର୍ଷତଃ॥ 1-241-86 (10460)
କୁକୁରାନ୍ଧକବୃଷ୍ଣୀନାଂ ତଥା ପ୍ରିଯକରସ୍ତଦା।
ବଭୂବ ପରମୋପେତସ୍ତ୍ରିବିଷ୍ଟପ ଇବାପରଃ॥ 1-241-87 (10461)
ଚତୁସ୍ତ୍ରିଂଶଦହୋରାତ୍ରଂ ଦାନଧର୍ମପରାଯଣାଃ।
ଉଗ୍ରସେନମୁଖାଃ ସର୍ବେ ବିଜହୁଃ କୁକୁରାନ୍ଧକାଃ॥ 1-241-88 (10462)
ବିଚିତ୍ରମାଲ୍ଯାଭରଣାଶ୍ଚିତ୍ରଗନ୍ଧାନୁଲେପନାଃ।
ବିହାରାଭିଗତାଃ ସର୍ବେ ଯାଦବା ହର୍ଷସଂଯୁତାଃ॥ 1-241-89 (10463)
ସୁନୃତ୍ତଗୀତବାଦିତ୍ରୈ ରମମାଣାସ୍ତଦାଽଭବନ୍।
ପ୍ରତିଯାତେ ଦଶାର୍ହାଣାମୃଷଭେ ଶାର୍ଙ୍ଗଧନ୍ବନି।
ସୁଭଧ୍ରୋଦ୍ବାହନଂ ପାର୍ଥଃ ପ୍ରାପ୍ତକାଲମମନ୍ଯତ॥ ॥ 1-241-90 (10464)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସୁଭଦ୍ରାହରଣପର୍ବଣି ଏକଚତ୍ବାରିଂଶଦଧିକଦ୍ବିଶତତମୋଽଧ୍ଯାଯଃ॥ 241 ॥
ଆଦିପର୍ବ - ଅଧ୍ଯାଯ 242
॥ ଶ୍ରୀଃ ॥
1.242. ଅଧ୍ଯାଯଃ 242
Mahabharata - Adi Parva - Chapter Topics
ସୁଭଦ୍ରାବିବାହଃ॥ 1 ॥Mahabharata - Adi Parva - Chapter Text
1-242-0 (10465)
ବୈଶମ୍ପାଯନ ଉବାଚ। 1-242-0x (1299)
କୁକୁରାନ୍ଧକବୃଷ୍ଣୀନାମପଯାନଂ ଚ ପାଣ୍ଡବଃ।
ବିନିଶ୍ଚିତ୍ଯ ତତଃ ପାର୍ଥଃ ସୁଭଦ୍ରାମିଦମବ୍ରବୀତ୍॥ 1-242-1 (10466)
ଶୃଣୁ ଭଦ୍ରେ ଯଥାଶାସ୍ତ୍ରଂ ହିତାର୍ଥଂ ମୁନିଭିଃ କୃତମ୍।
ବିବାହଂ ବହୁଧା ସତ୍ସୁ ବର୍ଣାନାଂ ଧର୍ମସଂଯୁତମ୍॥ 1-242-2 (10467)
କନ୍ଯାଯାସ୍ତୁ ପିତା ଭ୍ରାତା ମାତା ମାତୁଲ ଏବ ବା।
ପିତୁଃ ପିତା ପିତୁର୍ଭ୍ରାତା ଦାନେ ତୁ ପ୍ରଭୁତାଂ ଗତଃ॥ 1-242-3 (10468)
ମହୋତ୍ସବଂ ପଶୁପତେର୍ଦ୍ରଷ୍ଟୁକାମଃ ପିତା ତବ।
ଅନ୍ତର୍ଦ୍ବୀପଂ ଗତୋ ଭଦ୍ରେ ପୁତ୍ରୈଃ ପୌତ୍ରୈଃ ସବାନ୍ଧବୈଃ॥ 1-242-4 (10469)
ମମ ଚୈବ ବିଶାଲାକ୍ଷି ବିଦେଶସ୍ଥା ହି ବାନ୍ଧବାଃ।
ତସ୍ମାତ୍ସୁଭଦ୍ରେ ଗାନ୍ଧର୍ବୋ ବିବାହଃ ପଞ୍ଚମଃ ସ୍ମୃତଃ॥ 1-242-5 (10470)
ସମାଗମେ ତୁ କନ୍ଯାଯାଃ କ୍ରିଯାଃ ପ୍ରୋକ୍ତାଶ୍ଚତୁର୍ବିଧାଃ।
ତେଷାଂ ପ୍ରବୃତ୍ତିଂ ସାଧୂନାଂ ଶୃଣୁ ମାଧବି ତଦ୍ଯଥା॥ 1-242-6 (10471)
ବରମାହୂଯ ବିଧିନା ପିତ୍ରା ଦତ୍ତା ତଥାର୍ଥିନେ।
ସା ପତ୍ନୀ ତୁ ପରୈରୁକ୍ତା ସା ବଶ୍ଯା ତୁ ପତିବ୍ରତା॥ 1-242-7 (10472)
ଭୃତ୍ଯାନାଂ ଭରଣାର୍ଥାଯ ଆତ୍ମନଃ ପୋଷଣାଯ ଚ।
ଦାନେ ଗୃହୀତା ଯା ନାରୀ ସା ଭାର୍ଯେତି ସ୍ମୃତା ବୁଧୈଃ॥ 1-242-8 (10473)
ଧର୍ମତୋ ବରଯିତ୍ବା ତୁ ଆନୀଯ ସ୍ବଂ ନିବେଶନମ୍।
ନ୍ଯାଯେନ ଦତ୍ତାତାରୁଣ୍ଯେ ଦାରାଃ ପିତୃକୃତାଃ ସ୍ମୃତାଃ॥ 1-242-9 (10474)
ଗାନ୍ଧର୍ବେଣ ବିବାହେନ ରାଗାତ୍ପୁତ୍ରାର୍ଥକାରଣାତ୍।
ଆତ୍ମନାଽନୁଗୃହୀତା ଯା ବଶ୍ଯା ସା ତୁ ପ୍ରଜାବତୀ॥ 1-242-10 (10475)
ଜନଯେଦ୍ଯା ତୁ ଭର୍ତାରଂ ଜାଯା ଇତ୍ଯେବ ନାମତଃ।
ପତ୍ନୀ ଭାର୍ଯା ଚ ଦାରାଶ୍ଚ ଜାଯା ଚେତି ଚତୁର୍ବିଧାଃ॥ 1-242-11 (10476)
ଚତସ୍ର ଏବାଗ୍ନିସାକ୍ଷ୍ଯାଃ କ୍ରିଯାଯୁକ୍ତାଶ୍ଚ ଧର୍ମତଃ।
ଗାନ୍ଧର୍ବସ୍ତୁ କ୍ରିଯାହୀନୋ ରାଗାଦେବ ପ୍ରବର୍ତତେ॥ 1-242-12 (10477)
ସକାମାଯାଃ ସକାମେନ ନିର୍ମନ୍ତ୍ରୋ ରହସି ସ୍ମୃତଃ।
ମଯୋକ୍ତମକ୍ରିଯଂ ଚାପି କର୍ତବ୍ଯଂ ମାଧବି ତ୍ବଯା॥ 1-242-13 (10478)
ଅଯନଂ ଚୈବ ମାସଶ୍ଚ ଋତୁଃ ପକ୍ଷସ୍ତଥା ତିଥିଃ।
କରଣଂ ଚ ମୁହୂର୍ତଂ ଚ ଲଗ୍ନସଂପତ୍ତଥୈବ ଚ॥ 1-242-14 (10479)
ବିବାହସ୍ଯ ବିଶାଲାକ୍ଷି ପ୍ରଶସ୍ତଂ ଚୋତ୍ତରାଯଣମ୍।
ବୈଶାଖଶ୍ଚୈବ ମାସାନାଂ ପକ୍ଷାଣାଂ ଶୁକ୍ଲ ଏବ ଚ॥ 1-242-15 (10480)
ନକ୍ଷତ୍ରାଣାଂ ତଥା ହସ୍ତସ୍ତୃତୀଯା ଚ ତିଥିଷ୍ବପି।
ଲଗ୍ନୋ ହି ମକରଃ ଶ୍ରେଷ୍ଠଃ କରଣାନାଂ ବବସ୍ତଥା॥ 1-242-16 (10481)
ମୈତ୍ରୋ ମୁହୂର୍ତୋ ବୈବାହ୍ଯ ଆବଯୋଃ ଶୁଭକର୍ମଣି।
ସର୍ବସଂପଦିଯଂ ଭଦ୍ରେ ଅଦ୍ଯ ରାତ୍ରୌ ଭବିଷ୍ଯତି॥ 1-242-17 (10482)
ଭଗବାନସ୍ତମଭ୍ଯେତି ଆଦିତ୍ଯସ୍ତପତାଂ ବରଃ।
ରାତ୍ରୌ ବିବାହକାଲୋଽଯଂ ଭବିଷ୍ଯତି ନ ସଂଶଯଃ॥ 1-242-18 (10483)
ନାରାଯଣୋଽପି ସର୍ବଜ୍ଞୋ ନାବବୁଧ୍ଯେତ ବିଶ୍ବକୃତ୍।
ଧର୍ମସଙ୍କଟମାପନ୍ନେ କିଂ ନୁ କୃତ୍ବା ସୁଖଂ ଭବେତ୍॥ 1-242-19 (10484)
ମନୋଭବେନ କାମେନ ମୋହିତଂ ମାଂ ପ୍ରଲାପିନମ୍।
ପ୍ରତିବାକ୍ଯଂ ଚ ମେ ଦେବି କିଂ ନ ବକ୍ଷ୍ଯସି ମାଧବି॥ 1-242-20 (10485)
ବୈଶମ୍ପାଯନ ଉବାଚ। 1-242-21x (1300)
ଅର୍ଜୁନସ୍ଯ ବଚଃ ଶ୍ରୁତ୍ବା ଚିନ୍ତଯନ୍ତୀ ଜନାର୍ଦନମ୍।
ନୋବାଚ କିଂଚିଦ୍ବଚନଂ ବାଷ୍ପଦୂଷିତଲୋଚନା॥ 1-242-21 (10486)
ରାଗୋନ୍ମାଦପ୍ରଲାପୀ ସନ୍ନର୍ଜୁନୋ ଜଯତାଂ ବରଃ।
ଚିନ୍ତଯାମାସ ପିତରଂ ପ୍ରବିଶ୍ଯ ଚ ଲତାଗୃହମ୍॥ 1-242-22 (10487)
ଚିନ୍ତଯାନଂ ତୁ କୌନ୍ତେଯଂ ମତ୍ବା ଶଚ୍ଯା ଶଚୀପତିଃ।
ସହିତୋ ନାରଦାଦ୍ଯୈଶ୍ଚ ମୁନିଭିଶ୍ଚ ମହାମନାଃ॥ 1-242-23 (10488)
ଗନ୍ଧର୍ବୈରପ୍ସରୋଭିଶ୍ଚ ଚାରଣୈଶ୍ଚାପି ଗୁହ୍ଯକୈଃ।
ଅରୁନ୍ଧତ୍ଯା ବସିଷ୍ଠେନ ହ୍ଯାଜଗାମ କୁଶସ୍ଥଲୀମ୍॥ 1-242-24 (10489)
ଚିନ୍ତିତଂ ଚ ସୁଭଦ୍ରାଯାଶ୍ଚିନ୍ତଯିତ୍ବା ଜନାର୍ଦନଃ।
ନିଦ୍ରଯାପହୃତଜ୍ଞାନଂ ରୌହିଣେଯଂ ବିନା ତଦା॥ 1-242-25 (10490)
ସହାକ୍ରୂରେଣ ଶିନିନା ସତ୍ଯକେନ ଗଦେନ ଚ।
ବସୁଦେବେନ ଦେବକ୍ଯା ଆହୂକେନ ଚ ଧୀମତା॥ 1-242-26 (10491)
ଆଜଗାମ ପୁରୀଂ ରାତ୍ରୌ ଦ୍ବାରକାଂ ସ୍ବଜନୈର୍ବୃତଃ।
ପୂଜଯିତ୍ବା ତୁ ଦେବେଶୋ ନାରଦାଦୀନ୍ମହାଯଶାଃ॥ 1-242-27 (10492)
କୁଶଲପ୍ରଶ୍ନମୁକ୍ତ୍ବା ତୁ ଦେବେନ୍ଦ୍ରେଣାଭିଯାଚିତଃ।
ବୈବାହିକୀଂ କ୍ରିଯାଂ କୃଷ୍ଣଃ ସ ତଥେତ୍ଯେବମୁକ୍ତବାନ୍॥ 1-242-28 (10493)
ଆହୁକୋ ବସୁଦେବଶ୍ଚ ସହାକ୍ରୂରଃ ସସାତ୍ଯକିଃ।
ଅଭିପ୍ରଣମ୍ଯ ଶିରସା ପାକଶାସନମବ୍ରୁବନ୍।
ଦେବଦେବ ନମସ୍ତେସ୍ତୁ ଲୋକନାଥ ଜଗତ୍ପତେ॥ 1-242-29 (10494)
ବଯଂ ଧନ୍ଯାଃ ସ୍ମ ସହିତୈର୍ବାନ୍ଧବୈଃ ସହିତାଃ ପ୍ରଭୋ।
କୃତପ୍ରସାଦାସ୍ତୁ ବଯଂ ତବ ବାକ୍ଯେନ ବିଶ୍ବଜିତ୍॥ 1-242-30 (10495)
ବୈଶମ୍ପାଯନ ଉବାଚ। 1-242-31x (1301)
ଏବମୁକ୍ତ୍ବା ପ୍ରସାଦ୍ଯୈନଂ ପୂଜଯିତ୍ବା ପ୍ରଯତ୍ନତଃ।
ମହେନ୍ଦ୍ରଶାସନାତ୍ସର୍ବେ ସହିତା ଋଷିଭିସ୍ତଦା॥ 1-242-31 (10496)
ବିବାହଂ କାରଯାମାସୁଃ ଶକ୍ରପୁତ୍ରସ୍ଯ ଶାସ୍ତ୍ରତଃ।
ଅରୁନ୍ଧତୀ ଶଚୀ ଦେବୀ ରୁଗ୍ମିଣୀ ଦେବକୀ ତଥା॥ 1-242-32 (10497)
ଦିବ୍ଯସ୍ତ୍ରୀଭିଶ୍ଚ ସହିତାଃ ସୁଭଦ୍ରାଯାଃ ଶୁଭାଃ କ୍ରିଯାଃ।
ଅର୍ଜୁନେଽପି ତଥା ସର୍ବାଃ କ୍ରିଯା ଭଦ୍ରାଃ ପ୍ରଯୋଜଯନ୍॥ 1-242-33 (10498)
ମହର୍ଷିଃ କାଶ୍ଯପୋ ହୋତା ସଦସ୍ଯା ନାରଦାଦଯଃ।
ପୁଣ୍ଯାଶିଷଃ ପ୍ରଯୋକ୍ତାରଃ ସର୍ବେ ତେ ହି ତଦାର୍ଜୁନେ॥ 1-242-34 (10499)
ଅଭିଷେକଂ ତଦା କୃତ୍ବା ମହେନ୍ଦ୍ରଃ ପାକଶାସନିମ୍।
ଲୋକପାଲୈସ୍ତୁ ସହିତଃ ସର୍ବଦେବୈରଭିଷ୍ଟୁତଃ॥ 1-242-35 (10500)
କିରୀଟାଙ୍ଗଦହାରାଦ୍ଯୈର୍ହସ୍ତାଭରଣକୁଣ୍ଡଲୈଃ।
ଭୂଷଯିତ୍ବା ତଦା ପାର୍ଥଂ ଦ୍ବିତୀଯମିବ ବାସବମ୍॥ 1-242-36 (10501)
ପୁତ୍ରଂ ପରିଷ୍ବଜ୍ଯ ତଦା ପ୍ରୀତିମାପ ପୁରନ୍ଦରଃ।
ଶଛୀ ଦେବୀ ତଦା ଭଦ୍ରାମରୁନ୍ଧତ୍ଯାଦିଭିସ୍ତଥା॥ 1-242-37 (10502)
କାରଯାମାସ ବୈବାହ୍ଯମଙ୍ଗଲାନ୍ଯାଦବସ୍ତ୍ରିଯଃ।
ସହାପ୍ସରୋଭିର୍ମୁଦିତା ଭୂଷଯିତ୍ବା ସ୍ବଭୂଷଣୈଃ॥ 1-242-38 (10503)
ପୌଲୋମୀମିବ ମନ୍ଯନ୍ତେ ସୁଭଦ୍ରାଂ ତତ୍ର ଯୋଷିତଃ।
ତତୋ ବିବାହୋ ବବୃଧେ କୃତଃ ସର୍ବଗୁଣାନ୍ବିତଃ॥ 1-242-39 (10504)
ତସ୍ଯାଃ ପାଣିଂ ଗୃହୀତ୍ବା ତୁ ମନ୍ତ୍ରୈର୍ହୋମପୁରସ୍କୃତମ୍।
ସୁଭଦ୍ରଯା ବଭୌ ଜିଷ୍ଣୁଃ ଶଚ୍ଯା ଇବ ଶଚୀପତିଃ॥ 1-242-40 (10505)
ସା ଜିଷ୍ଣୁମଧିକଂ ଭେଜେ ସୁଭଦ୍ରା ଚାରୁଦର୍ଶନା।
ପାର୍ଥସ୍ଯ ସଦୃଶୀ ଭଦ୍ରା ରୂପେଣ ବଯସା ତଥା॥ 1-242-41 (10506)
ସୁଭଦ୍ରାଯାଶ୍ଚ ପାର୍ଥୋଽପି ସଦୃଶୋ ରୂପଲକ୍ଷଣୈଃ।
ଇତ୍ଯୂଚୁଶ୍ଚ ତଦା ଦେବାଃ ପ୍ରୀତାଃ ସେନ୍ଦ୍ରପୁରୋଗମାଃ॥ 1-242-42 (10507)
ଏବଂ ନିବେଶ୍ଯ ଦେବାସ୍ତେ ଗନ୍ଧର୍ବୈଃ ସାପ୍ସରୋଗଣୈଃ।
ଆମନ୍ତ୍ର୍ଯ ଯାଦବାଃ ସର୍ବେ ବିପ୍ରଜଗ୍ମୁର୍ଯଥାଗତମ୍॥ 1-242-43 (10508)
ଯାଦବାଃ ପାର୍ଥମାମନ୍ତ୍ର୍ଯ ଅନ୍ତର୍ଦ୍ବୀପଂ ଗତାସ୍ତଦା।
ବାସୁଦେବସ୍ତଦା ପାର୍ଥମୁବାଚ ଯଦୁନନ୍ଦନଃ॥ 1-242-44 (10509)
ଦ୍ବାବିଂଶଦ୍ଦିବସାନ୍ପାର୍ଥ ଇହୋଷ୍ଯ ଭରତର୍ଷଭ।
ମାମକଂ ରଥମାରୁହ୍ଯ ଶୈବ୍ଯସୁଗ୍ରୀବଯୋଜିତମ୍॥ 1-242-45 (10510)
ସୁଭଦ୍ରଯା ସୁଖଂ ପାର୍ଥ ଖାଣ୍ଡବପ୍ରସ୍ଥମାବିଶ।
ଯାଦବୈଃ ସହିତଃ ପଶ୍ଚାଦାଗମିଷ୍ଯାମି ଭାରତ।
ଯତିବେଷେଣ ନିଯତୋ ବସ ତ୍ବଂ ରୁକ୍ମିଣୀଗୃହେ॥ 1-242-46 (10511)
ବୈଶମ୍ପାଯନ ଉବାଚ। 1-242-47x (1302)
ଏବମୁକ୍ତ୍ବା ପ୍ରଚକ୍ରାମ ଅନ୍ତର୍ଦ୍ବୀପଂ ଜନାର୍ଦନଃ।
କୃତୋଦ୍ବାହସ୍ତତଃ ପାର୍ଥଃ କୃତକାର୍ଯୋଽଭବତ୍ତଦା॥ 1-242-47 (10512)
ତସ୍ଯାଂ ଚୋପଗତୋ ଭାବଃ ପାର୍ଥସ୍ଯ ସୁମହାତ୍ମନଃ।
ତସ୍ମିନ୍ଭାବଃ ସୁଭଦ୍ରାଯା ଅନ୍ଯୋନ୍ଯଂ ସମବର୍ଧତ॥ 1-242-48 (10513)
ସ ତଥା ଯୁଯୁଜେ ବୀରୋ ଭଦ୍ରଯା ଭରତର୍ଷଭଃ।
ଅଭିନିଷ୍ପନ୍ନଯା ରାମଃ ସୀତଯେବ ସମନ୍ବିତଃ॥ 1-242-49 (10514)
ଅପି ଜିଷ୍ଣୁର୍ବିଜଜ୍ଞେ ତାଂ ହ୍ରୀଂ ଶ୍ରିଯଂ ସନ୍ନତିକ୍ରିଯାମ୍।
ଦେବତାନାଂ ବରସ୍ତ୍ରୀଣାଂ ରୂପେଣ ସଦୃଶୀଂ ସତୀମ୍॥ 1-242-50 (10515)
ସ ପ୍ରକୃତ୍ଯା ଶ୍ରିଯା ଦୀପ୍ତ୍ଯା ସଂଦିଦୀପେ ତଯାଽଧିକମ୍।
ଉଦ୍ଯତ୍ସହସ୍ରଦୀପ୍ତାଂଶୁଃ ଶରଦୀବ ଦିବାକରଃ॥ 1-242-51 (10516)
ସା ତୁ ତଂ ମନୁଜବ୍ଯାଘ୍ରମନୁରକ୍ତା ଯଶସ୍ବିନୀ।
କନ୍ଯାପୁରଗତା ଭୂତ୍ବା ତତ୍ପରା ସମପଦ୍ଯତ॥ ॥ 1-242-52 (10517)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସୁଭଦ୍ରାହରଣପର୍ବଣି ଦ୍ବିଚତ୍ବାରିଂଶଦଧିକଦ୍ବିଶତତମୋଽଧ୍ଯାଯଃ॥ 242 ॥
ଆଦିପର୍ବ - ଅଧ୍ଯାଯ 243
॥ ଶ୍ରୀଃ ॥
1.243. ଅଧ୍ଯାଯଃ 243
Mahabharata - Adi Parva - Chapter Topics
କୃଷ୍ଣରଥମାସ୍ଥାଯ ସୁଭଦ୍ରଯାସହ ଅର୍ଜୁନସ୍ଯ ଖାଣ୍ଡବପ୍ରସ୍ଥଂ ଗନ୍ତୁଂ ଯତ୍ନଃ॥ 1 ॥Mahabharata - Adi Parva - Chapter Text
1-243-0 (10518)
ବୈଶମ୍ପାଯନ ଉବାଚ। 1-243-0x (1303)
ବୃଷ୍ମ୍ଯନ୍ଧକପୁରାତ୍ତସ୍ମାଦପଯାତୁଂ ଧନଞ୍ଜଯଃ।
ବିନିଶ୍ଚିତ୍ଯ ତଯା ସାର୍ଧଂ ସୁଭଦ୍ରାମିଦମବ୍ରବୀତ୍॥ 1-243-1 (10519)
ଦ୍ବିଜାନାଂ ଗୁଣମୁଖ୍ଯାନାଂ ଯଥାର୍ହଂ ପ୍ରତିପାଦଯ।
ଭୋଜ୍ଯୈର୍ଭକ୍ଷ୍ଯୈଶ୍ଚ କାମୈଶ୍ଚ ସ୍ବପୁରୀଂ ପ୍ରତିଯାସ୍ଯତାମ୍॥ 1-243-2 (10520)
ଆତ୍ମନଶ୍ଚ ସମୁଦ୍ଦିଶ୍ଯ ମହାବ୍ରତସମାପନମ୍।
ଗଚ୍ଛ ଭଦ୍ରେ ସ୍ବଯଂ ତୂର୍ଣଂ ମହାରାଜନିବେଶନମ୍॥ 1-243-3 (10521)
ତେଜୋବଲଜବୋପେତୈଃ ଶୁକ୍ଲୈର୍ହଯବରୋତ୍ତମୈଃ।
ବାଜିଭିଃ ଶୈବ୍ଯସୁଗ୍ରୀବମେଘପୁଷ୍ପବଲାହକୈଃ॥ 1-243-4 (10522)
ଯୁକ୍ତଂ ରଥବରଂ ତୂର୍ଣମିହାନଯ ସୁସତ୍କୃତମ୍।
ବ୍ରତାର୍ଥମିତି ଭାଷିତ୍ବା ସଖୀଭିଃ ସୁଭଗେ ସହ॥ 1-243-5 (10523)
କ୍ଷିପ୍ରମାଦାଯ ପର୍ଯେହି ସହ ସର୍ବାଯୁଧେନ ଚ।
ଅନୁକର୍ଷାନ୍ତପତାକାଶ୍ଚ ତୂଣୀରାଂଶ୍ଚ ଧନୂଂଷି ଚ॥ 1-243-6 (10524)
ସର୍ବାନ୍ରଥବରେ ସ୍ଥାପ୍ଯ ସୋତ୍ସେଧାଶ୍ଚ ମହାଗଦାଃ॥ 1-243-7 (10525)
ବୈଶମ୍ପାଯନ ଉବାଚ। 1-243-8x (1304)
ଅର୍ଜୁନେନୈବମୁକ୍ତା ସା ସୁଭଦ୍ରା ଭଦ୍ରଭାଷିଣୀ।
ଜଗାମ ନୃପତେର୍ବେଶ୍ମ ସଖୀଭିଃ ସହିତା ତଦା॥ 1-243-8 (10526)
ବ୍ରତାର୍ଥମିତି ତତ୍ରସ୍ଥାନ୍ରକ୍ଷିଣୋ ବାକ୍ଯମବ୍ରବୀତ୍।
ରଥେନାନେନ ଯାସ୍ଯାମି ମହାବ୍ରତସମାପନମ୍॥ 1-243-9 (10527)
ଶୈବ୍ଯସୁଗ୍ରୀବଯୁକ୍ତେନ ସାଯୁଧେନୈବ ଶାର୍ଙ୍ଗିଣଃ।
ରଥେନ ରମଣୀଯେନ ପ୍ରଯାସ୍ଯାମି ବ୍ରତାର୍ଥିନୀ॥ 1-243-10 (10528)
ସୁଭଧ୍ରଯୈବମୁକ୍ତେ ତୁ ଜନାଃ ପ୍ରାଞ୍ଜଲଯୋଽଭବନ୍।
ଯୋଜଯିତ୍ବା ରଥବରଂ କଲ୍ଯାଣୈରଭିଭାଷ୍ଯ ତାମ୍॥ 1-243-11 (10529)
ଯଥୋକ୍ତଂ ସର୍ବମାରୋପ୍ଯ ଆଯୁଧାନି ଚ ଭାମିନୀ।
କ୍ଷିପ୍ରମାଦାଯ କଲ୍ଯାଣୀ ସୁଭଦ୍ରାଽର୍ଜୁନମବ୍ରବୀତ୍॥ 1-243-12 (10530)
ରଥୋଽଯଂ ରଥିନାଂ ଶ୍ରେଷ୍ଠ ଆନୀତସ୍ତବ ଶାସନାତ୍।
ସ ତ୍ବଂ ଯାହି ଯଥାକାମଂ କୁରୂନ୍କୌରବନନ୍ଦନ॥ 1-243-13 (10531)
ବୈଶମ୍ପାଯନ ଉବାଚ। 1-243-14x (1305)
ନିବେଦ୍ଯ ତୁ ରଥଂ ଭର୍ତୁଃ ସୁଭଦ୍ରା ଭଦ୍ରସଂମତା।
ବ୍ରାହ୍ମଣାନାଂ ତଦା ହୃଷ୍ଟା ଦଦୌ ସା ବିବିଧଂ ବସୁ॥ 1-243-14 (10532)
ସ୍ନେହବନ୍ତି ଚ ଭୋଜ୍ଯାନି ପ୍ରଦଦାବୀପ୍ସିତାନି ଚ।
ଯଥାକାମଂ ଯଥାଶ୍ରଦ୍ଧଂ ବସ୍ତ୍ରାଣି ବିବିଧାନି ଚ॥ 1-243-15 (10533)
ତର୍ପିତା ବିବିଧୈର୍ଭୋଜ୍ଯୈସ୍ତାନ୍ଯବାପ୍ଯ ବସୂନି ଚ।
ବ୍ରାହ୍ମଣାଃ ସ୍ବଗୃହଂ ଜଗ୍ମୁଃ ପ୍ରଯୁଜ୍ଯ ପରମାଶିଷଃ॥ 1-243-16 (10534)
ସୁଭଦ୍ରଯା ତୁ ବିଜ୍ଞପ୍ତଃ ପୂର୍ବମେବ ଧନଞ୍ଜଯଃ।
ଅଭୀଶୁଗ୍ରହଣେ ପାର୍ଥ ନ ମେଽସ୍ତି ସଦୃଶୋ ଭୁବି॥ 1-243-17 (10535)
ତସ୍ମାତ୍ସା ପୂର୍ବମାରୁହ୍ଯ ରଶ୍ମୀଞ୍ଜଗ୍ରାହ ମାଧବୀ।
ସୋଦରା ବାସୁଦେବସ୍ଯ କୃତସ୍ବସ୍ତ୍ଯଯନା ହଯାନ୍॥ 1-243-18 (10536)
ବ୍ଯତ୍ଯଯିତ୍ବା ତୁ ତଲ୍ଲିଙ୍ଗଂ ଯତିବେଷଂ ଧନଞ୍ଜଯଃ।
ଆମୁଚ୍ଯ କବଚଂ ବୀରଃ ସମୁଚ୍ଛ୍ରିତମହଦ୍ଧନୁଃ॥ 1-243-19 (10537)
ଆରୁରୋହ ରଥଶ୍ରେଷ୍ଠଂ ଶୁକ୍ଲବାସା ଧନଞ୍ଜଯଃ।
ମହେନ୍ଦ୍ରଦତ୍ତଂ ମୁକୁଟଂ ତଥୈବାଭରଣାନି ଚ॥ 1-243-20 (10538)
ଅଲଙ୍କୃତ୍ଯ ତୁ କୌନ୍ତେଯଃ ପ୍ରଯାତୁମୁପଚକ୍ରମେ।
ତତଃ କନ୍ଯାପୁରେ ଘୋଷସ୍ତୁମୁଲଃ ସମପଦ୍ଯତ॥ 1-243-21 (10539)
ଦୃଷ୍ଟ୍ବା ନବବରଂ ପାର୍ଥଂ ବାଣଖଡ୍ଗଧନୁର୍ଧରମ୍।
ଅଭୀଶୁହସ୍ତାଂ ସୁଶ୍ରୋଣୀମର୍ଜୁନେନ ରଥେ ସ୍ଥିତାମ୍॥ 1-243-22 (10540)
ଊଚୁଃ କନ୍ଯାସ୍ତଦା ଯାନ୍ତୀଂ ବାସୁଦେବସହୋଦରାମ୍।
ସର୍ବକାମସମୃଦ୍ଧା ତ୍ବଂ ସୁଭଦ୍ରେ ଭଦ୍ରଭାଷିଣି॥ 1-243-23 (10541)
ବାସୁଦେବପ୍ରିଯଂ ଲବ୍ଧ୍ବା ଭର୍ତାରଂ ବୀରମର୍ଜୁନମ୍।
ସର୍ବସୀମନ୍ତିନୀନାଂ ତ୍ବାଂ ଶ୍ରେଷ୍ଠାଂ କୃଷ୍ଣସହୋଦରୀମ୍॥ 1-243-24 (10542)
ମନ୍ଯାମହେ ମହାଭାଗେ ସୁଭଦ୍ରେ ଭଦ୍ରଭାଷିଣି।
ଯସ୍ମାତ୍ସର୍ବମନୁଷ୍ଯାଣାଂ ଶ୍ରେଷ୍ଠୋ ଭର୍ତା ତବାର୍ଜୁନଃ॥ 1-243-25 (10543)
ଉପପନ୍ନସ୍ତ୍ବଯା ବୀରଃ ସର୍ବଲୋକମହାରଥଃ।
ହେ ପ୍ରଯାହି ଗୃହାନ୍ଭଦ୍ରେ ସୁହୃଦ୍ଭିଃ ସଂଗମୋଽସ୍ତୁ ତେ॥ 1-243-26 (10544)
ବୈଶମ୍ପାଯନ ଉବାଚ। 1-243-27x (1306)
ଏବମୁକ୍ତା ପ୍ରହୃଷ୍ଟାଭିଃ ସଖୀଭିଃ ପ୍ରତିନନ୍ଦିତା।
ଭଦ୍ରା ଭଦ୍ରଜବୋପେତାନଶ୍ବାନ୍ପୁନରଚୋଦଯତ୍॥ 1-243-27 (10545)
ପାର୍ଶ୍ବେ ଚାମରହସ୍ତା ସା ସଖୀ ତସ୍ଯାଙ୍ଗନାଽଭବତ୍।
ତତଃ କନ୍ଯାପୁରଦ୍ବାରାତ୍ସଘୋଷାଦଭିନିଃସୃତମ୍॥ 1-243-28 (10546)
ଦଦୃଶୁସ୍ତଂ ରଥଶ୍ରେଷ୍ଠଂ ଜନା ଜୀମୂତନିସ୍ବନମ୍।
ସୁଭଦ୍ରାସଙ୍ଗୃହୀତସ୍ଯ ରଥସ୍ଯ ମହତଃ ସ୍ବନମ୍॥ 1-243-29 (10547)
ମେଘସ୍ବନମିବାକାଶେ ଶୁଶ୍ରୁବୁଃ ପୁରବାସିନଃ।
ସୁଭଦ୍ରଯା ତୁ ସଂପନ୍ନେ ତିଷ୍ଠନ୍ରଥବରେଽର୍ଜୁନଃ॥ 1-243-30 (10548)
ପ୍ରବଭୌ ଚ ତଯୋପେତଃ କୈଲାସ ଇବ ଗଙ୍ଗଯା।
ପାର୍ଥଃ ସୁଭଦ୍ରାସହିତୋ ବିରରାଜ ମହାରଥଃ॥ 1-243-31 (10549)
ବିରାଜତେ ଯଥା ଶକ୍ରୋ ରାଜଞ୍ଶଚ୍ଯା ସମନ୍ବିତଃ।
ସୁଭଦ୍ରାଂ ପ୍ରେକ୍ଷ୍ଯ ପାର୍ଥେନ ହ୍ରିଯମାଣାଂ ଯଶସ୍ବିନୀମ୍॥ 1-243-32 (10550)
ଚକ୍ରୁଃ କିଲକିଲାଶବ୍ଦାନାସାଦ୍ଯ ବହବୋ ଜନାଃ।
ଦାଶାର୍ହାଣାଂ କୁଲସ୍ଯ ଶ୍ରୀଃ ସୁଭଦ୍ରା ମଦ୍ରଭାଷିଣୀ॥ 1-243-33 (10551)
ଅଭିକାମା ସକାମେନ ପାର୍ଥେନ ସହ ଗଚ୍ଛତି।
ଅଥାପରେ ତୁ ସଂକ୍ରୁଦ୍ଧା ଗୃହ୍ଣୀତ ଘ୍ନତ ମାଚିରମ୍॥ 1-243-34 (10552)
ଇତି ସଂବାର୍ଯ ଶସ୍ତ୍ରାଣି ବବର୍ଷୁରଭିତୋ ଦିଶମ୍।
ଇତି ସଂଭାଷମାଣାନାଂ ସ ନାଦଃ ସୁମହାନଭୂତ୍॥ 1-243-35 (10553)
ସ ତେନ ଜନଘୋଷେଣ ବୀରୋ ଗଜ ଇବାର୍ଦିତଃ।
ବବର୍ଷ ଶରବର୍ଷାଣି ନ ତୁ କଂଚନ ରୋଷଯତ୍॥ 1-243-36 (10554)
ମୁମୋଚ ନିଶିତାନ୍ବାଣାନ୍ଦୀପ୍ଯମାନାନ୍ସ୍ବତେଜସା।
ପ୍ରାସାଦବରସଙ୍ଘେଷୁ ହର୍ମ୍ଯେଷୁ ଭବନେଷୁ ଚ॥ 1-243-37 (10555)
କ୍ଷୋଭଯିତ୍ବା ପୁରଶ୍ରେଷ୍ଠଂ ଗରୁତ୍ମାନିବ ସାଗରମ୍।
ପ୍ରେକ୍ଷନ୍ରୈବକତଦ୍ବାରଂ ନିର୍ଯଯୌ ଭରତର୍ଷଭଃ॥ ॥ 1-243-38 (10556)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସୁଭଦ୍ରାହରଣପର୍ବଣି ତ୍ରିଚତ୍ବାରିଂଶଦଧିକଦ୍ବିଶତତମୋଽଧ୍ଯାଯଃ॥ 243 ॥
ଆଦିପର୍ବ - ଅଧ୍ଯାଯ 244
॥ ଶ୍ରୀଃ ॥
1.244. ଅଧ୍ଯାଯଃ 244
Mahabharata - Adi Parva - Chapter Topics
ଦ୍ବାରକାଯା ବହିର୍ନିର୍ଗଚ୍ଛତୋଽର୍ଜୁନସ୍ଯ ବିପୃଥୁନା ଯୁଦ୍ଧମ୍॥ 1 ॥ ବିପୃଥୁଂ ଜିତ୍ବାଽର୍ଜୁନସ୍ଯ ଖାଣ୍ଡବପ୍ରସ୍ଥଂପ୍ରତି ଗମନମ୍॥ 2 ॥ ଯୁଦ୍ଧୋଦ୍ଯୁକ୍ତାନାଂ ଯାଦବାନାଂ ବଲରାମବାକ୍ଯାନ୍ନିବୃତ୍ତିଃ॥ 3 ॥ ବଲସ୍ଯ କ୍ରୋଧଃ॥ 4 ॥Mahabharata - Adi Parva - Chapter Text
1-244-0 (10557)
ବୈଶମ୍ପାଯନ ଉବାଚ। 1-244-0x (1307)
ଶାସନାତ୍ପୁରୁଷେନ୍ଦ୍ରସ୍ଯ ବଲେନ ମହତା ବଲୀ।
ଗିରୌ ରୈବତକେ ନିତ୍ଯଂ ବଭୂବ ବିପୃଥୁଶ୍ରବାଃ॥ 1-244-1 (10558)
ପ୍ରବାସେ ବାସୁଦେବସ୍ଯ ତସ୍ମିନ୍ହଲଧରୋପମଃ।
ସଂବଭୂବ ତଦା ଗୋପ୍ତା ପୁରସ୍ଯ ପୁରବର୍ଧନଃ॥ 1-244-2 (10559)
ପ୍ରାପ୍ଯ ପାଣ୍ଡବନିର୍ଯାଣଂ ନିର୍ଯଯୌ ବିପୃଥୁଶ୍ରବାଃ।
ନିଶମ୍ଯ ପୁରନିର୍ଘୋଷଂ ସ୍ବମନୀକମଚୋଦଯତ୍॥ 1-244-3 (10560)
ସୋଽଭିପତ୍ଯ ତଦାଧ୍ବାନଂ ଦଦର୍ଶ ପୁରୁଷର୍ଷଭମ୍।
ନିଃସୃତଂ ଦ୍ବାରକାଦ୍ବାରାଦଂଶୁମନ୍ତମିବାମ୍ବିରାତ୍॥ 1-244-4 (10561)
ସବିଦ୍ଯୁତମିବାମ୍ଭୋଦଂ ପ୍ରେକ୍ଷତାଂ ତଂ ଧନୁର୍ଧରମ୍।
ପାର୍ଥମାନର୍ତଯୋଧାନାଂ ବିସ୍ମଯଃ ସମପଦ୍ଯତ॥ 1-244-5 (10562)
ଉଦୀର୍ଣରଥନାଗାଶ୍ବମନୀକମଭିବୀକ୍ଷ୍ଯ ତତ୍।
ଉବାଚ ପରମପ୍ରୀତା ସୁଭଦ୍ରା ଭଦ୍ରଭାଷିଣୀ॥ 1-244-6 (10563)
ସଂଗ୍ରହୀତୁମଭିପ୍ରାଯୋ ଦୀର୍ଘକାଲକୃତୋ ମମ।
ଯୁଧ୍ଯମାନସ୍ଯ ସଙ୍ଗ୍ରାମେ ରଥଂ ତବ ନରର୍ଷଭ॥ 1-244-7 (10564)
ଓଜସ୍ତେଜୋଦ୍ଯୁତିବଲୈରନ୍ବିତସ୍ଯ ମହାତ୍ମନଃ।
ପାର୍ଥ ତେ ସାରଥିତ୍ବେନ ଭବିତା ଶିକ୍ଷିତାସ୍ମ୍ଯହମ୍॥ 1-244-8 (10565)
ଏବମୁକ୍ତଃ ପ୍ରିଯାଂ ପ୍ରୀତଃ ପ୍ରତ୍ଯୁବାଚ ନରର୍ଷଭଃ।
ଚୋଦଯାଶ୍ବାନସଂସକ୍ତାନ୍ବିଶ୍ତୁ ବିପୃଥୋର୍ବଲମ୍॥ 1-244-9 (10566)
ବହୁଭିର୍ଯୁଧ୍ଯମାନସ୍ଯ ତାବକାନ୍ବିଜିଘାଂସତଃ।
ପଶ୍ଯ ବାହୁବଲଂ ଭଦ୍ରେ ଶରାନ୍ବିକ୍ଷିପତୋ ମମ॥ 1-244-10 (10567)
ବୈଶମ୍ପାଯନ ଉବାଚ। 1-244-11x (1308)
ଏବମୁକ୍ତା ତଦା ଭଦ୍ରା ପାର୍ଥେନ ଭରତର୍ଷଭ।
ଚୁଚୋଦ ସାଶ୍ବାନ୍ସଂହୃଷ୍ଟା ତେ ତତୋ ବିବିଶୁର୍ବଲମ୍॥ 1-244-11 (10568)
ତଦାହତମହାବାଦ୍ଯଂ ସମୁଦଗ୍ରଧ୍ବଜାଯୁତମ୍।
ଅନୀକଂ ବିପୃଥୋର୍ହୃଷ୍ଟଂ ପାର୍ଥମେବାନ୍ବବର୍ତତ॥ 1-244-12 (10569)
ରଥୈର୍ବହୁବିଧାକାରୈଃ ସଦଶ୍ବୈଶ୍ଚ ମହାଜବୈଃ।
କିରନ୍ତଃ ଶରବର୍ଷାଣି ପରିବବ୍ରୁର୍ଧନଞ୍ଜଯମ୍॥ 1-244-13 (10570)
ତେଷାମସ୍ତ୍ରାଣି ସଂବାର୍ଯ ଦିବ୍ଯାସ୍ତ୍ରେଣ ମହାସ୍ତ୍ରବିତ୍।
ଆବୃଣୋନ୍ମହଦାକାଶଂ ଶରୈଃ ପରପୁରଞ୍ଜଯଃ॥ 1-244-14 (10571)
ତେଷାଂ ବାଣାନ୍ମହାବାହୁର୍ମୁକୁଟାନ୍ଯଙ୍ଗଦାନି ଚ।
ଚିଚ୍ଛେଦ ନିଶିତୈର୍ବାଣୈଃ ଶରାଂଶ୍ଚୈବ ଧନୂଂଷି ଚ॥ 1-244-15 (10572)
ଯୁଗାନୀଷାନ୍ବରୂଥାନି ଯନ୍ତ୍ରାଣି ବିବିଧାନି ଚ।
ଅଜିଘାଂସନ୍ପରାନ୍ପାର୍ଥଶ୍ଚିଚ୍ଛେଦ ନିଶିତୈଃ ଶରୈଃ॥ 1-244-16 (10573)
ବିଧନୁଷ୍କାନ୍ବିକବଚାନ୍ବିରଥାଂଶ୍ଚ ମହାରଥାନ୍।
କୃତ୍ବା ପାର୍ଥଃ ପ୍ରିଯାଂ ପ୍ରୀତଃ ପ୍ରେକ୍ଷ୍ଯତାମିତ୍ଯଦର୍ଶଯତ୍॥ 1-244-17 (10574)
ସା ଦୃଷ୍ଟ୍ବା ମହଦାଶ୍ଚର୍ଯଂ ସୁଭଦ୍ରା ପାର୍ଥମବ୍ରବୀତ୍।
ଅବାପ୍ତାର୍ଥାଽସ୍ମି ଭଦ୍ରଂ ତେ ଯାହି ପାର୍ଥ ଯଥାସୁଖମ୍॥ 1-244-18 (10575)
ସ ସକ୍ତଂ ପାଣ୍ଡୁପୁତ୍ରେଣ ସମୀକ୍ଷ୍ଯ ବିପୃଥୁର୍ବଲମ୍।
ତ୍ବରମାଣୋଽଭିସଂକ୍ରମ୍ଯ ସ୍ଥୀଯତାମିତ୍ଯଭାଷତ॥ 1-244-19 (10576)
ତତଃ ସେନାପତେର୍ବାକ୍ଯଂ ନାତ୍ଯବର୍ତନ୍ତ ଯାଦବାଃ।
ସାଗରେ ମାରୁତୋଦ୍ଧୂତା ବେଲାମିବ ମହୋର୍ମଯଃ॥ 1-244-20 (10577)
ତତୋ ରଥବରାତ୍ତୂର୍ଣମବରୁହ୍ଯ ନରର୍ଷଭଃ।
ଅଭିଗମ୍ଯ ନରବ୍ଯାଘ୍ରଂ ପ୍ରହୃଷ୍ଟଃ ପରିଷସ୍ବଜେ॥ 1-244-21 (10578)
ସୋଽବ୍ରବୀତ୍ପାର୍ଥମାସାଦ୍ଯ ଦୀର୍ଘକାଲମିଦଂ ତବ।
ନିବାସମଭିଜାନାମି ଶଙ୍ଖଚକ୍ରଗଦାଧରାତ୍॥ 1-244-22 (10579)
ନ ମେଽସ୍ତ୍ଯବିଦିତଂ କିଂଚିଦ୍ଯଦ୍ଯଦାଚିତଂ ତ୍ବଯା।
ସୁଭଦ୍ରାର୍ଥଂ ପ୍ରଲୋଭେନ ପ୍ରୀତସ୍ତବ ଜନାର୍ଦନଃ॥ 1-244-23 (10580)
ପ୍ରାପ୍ତସ୍ଯ ଯତିଲିଙ୍ଗେନ ବାସିତସ୍ଯ ଧନଞ୍ଜଯ।
ବନ୍ଧୁମାନସି ରାମେଣ ମହେନ୍ଦ୍ରାବରଜେନ ଚ॥ 1-244-24 (10581)
ମାମେବ ଚ ସଦାକାଙ୍କ୍ଷୀ ମନ୍ତ୍ରିଣଂ ମଧୁସୂଦନଃ।
ଅନ୍ତରେଣ ସୁଭଦ୍ରାଂ ଚ ତ୍ବାଂ ଚ ତାତ ଧନଞ୍ଜଯ॥ 1-244-25 (10582)
ଇମଂ ରଥବରଂ ଦିବ୍ଯଂ ସର୍ବଶସ୍ତ୍ରସମନ୍ବିତମ୍।
ଇଦମେବାନୁଯାତ୍ରଂ ଚ ନିର୍ଦିଶ୍ଯ ଗଦପୂର୍ବଜଃ॥ 1-244-26 (10583)
ଅନ୍ତର୍ଦ୍ବୀପଂ ତଦା ବୀର ଗତୋ ବୃଷ୍ଣିସୁଖାବହଃ।
ଦୀର୍ଘକାଲାବରୁଦ୍ଧଂ ତ୍ବାଂ ସଂପ୍ରାପ୍ତଂ ପ୍ରିଯଯା ସହ॥ 1-244-27 (10584)
ପଶ୍ଯନ୍ତୁ ଭ୍ରାତରଃ ସର୍ବେ ବଜ୍ରପାଣିମିବାମରାଃ।
ଆଯାତେ ତୁ ଦଶାର୍ହାଣାମୃଷଭେ ଶାର୍ଙ୍ଗଧନ୍ବନି॥ 1-244-28 (10585)
ଭଦ୍ରାମନୁଗମିଷ୍ଯନ୍ତି ରତ୍ନାନି ଚ ବସୂନି ଚ।
ଅରିଷ୍ଟଂ ଯାହି ପନ୍ଥାନଂ ସୁଖୀ ଭବ ଧନଞ୍ଜଯ॥ 1-244-29 (10586)
ନଷ୍ଟଶୋକୈର୍ବିଶୋକସ୍ଯ ସୁହୃଦ୍ଭିଃ ସଂଗମୋଽସ୍ତୁ ତେ॥ 1-244-30 (10587)
ବୈଶମ୍ପାଯନ ଉବାଚ। 1-244-31x (1309)
ତତୋ ବିପୃଥୁମାମନ୍ତ୍ର୍ଯ ପାର୍ଥଃ ପ୍ରୀତୋଽଭିବାଦ୍ଯ ଚ।
କୃଷ୍ଣସ୍ଯ ମତମାସ୍ଥାଯ କୃଷ୍ଣସ୍ଯ ରଥମାସ୍ଥିତଃ॥ 1-244-31 (10588)
ପୂର୍ବମେବ ତୁ ପାର୍ଥାଯ କୃଷ୍ଣେନ ବିନିଯୋଜିତମ୍।
ସର୍ବରତ୍ନସୁସଂପୂର୍ଣଂ ସର୍ବଭୋଗସମନ୍ବିତମ୍॥ 1-244-32 (10589)
ରଥେନ କାଞ୍ଚନାଙ୍ଗେନ କଲ୍ପିତେନ ଯଥାବିଧି।
ଶୈବ୍ଯସୁଗ୍ରୀବଯୁକ୍ତେନ କିଙ୍କିଣୀଜାଲମାଲିନା॥ 1-244-33 (10590)
ସର୍ବଶସ୍ତ୍ରୋପପନ୍ନେନ ଜୀମୂତରବନାଦିନା।
ଜ୍ବଲନାର୍ଚିଃପ୍ରକାଶେନ ଦ୍ବିଷତାଂ ହର୍ଷନାଶିନା॥ 1-244-34 (10591)
ସନ୍ନଦ୍ଧଃ କବଚୀ ଖଡ୍ଗୀ ବଦ୍ଧଗୋଧାଙ୍ଗୁଲିତ୍ରବାନ୍।
ଯୁକ୍ତଃ ସେନାନୁଯାତ୍ରେଣ ରଥଣାରୋପ୍ଯ ମାଧବୀମ୍।
ରଥେନାକାଶଗେନୈବ ପଯଯୌ *ସ୍ବପୁରଂ ପ୍ରତି॥ 1-244-35 (10592)
ହ୍ରିଯମାଣାଂ ତୁ ତାଂ ଦୃଷ୍ଟ୍ବା ସୁଭଦ୍ରାଂ ସୈନିକା ଜନାଃ।
ବିକ୍ରୋଶନ୍ତୋଽଦ୍ରବନ୍ସର୍ବେ ଦ୍ବାରକାମଭିତଃ ପୁରୀମ୍॥ 1-244-36 (10593)
ତେ ସମାସାଦ୍ଯ ସହିତାଃ ସୁଧର୍ମାମଭିତଃ ସଭାମ୍।
ସଭାପାଲସ୍ଯ ତତ୍ସର୍ବମାଚଖ୍ଯୁଃ ପାର୍ଥବିକ୍ରମମ୍॥ 1-244-37 (10594)
ତେଷାଂ ଶ୍ରୁତ୍ବା ସଭାପାଲୋ ଭେରୀଂ ସାନ୍ନାହିକୀଂ ତତଃ।
ସମାଜଘ୍ନେ ମହାଘୋଷାଂ ଜାମ୍ବୂନଦପରିଷ୍କୃତାମ୍॥ 1-244-38 (10595)
କ୍ଷୁବ୍ଧାସ୍ତେନାଥ ଶବ୍ଦେନ ଭୋଜବୃଷ୍ଣ୍ଯନ୍ଧକାସ୍ତଦା।
`ଅନ୍ତର୍ଦ୍ବୀପାତ୍ସମୁତ୍ପେତୁଃ ସହସା ସହିତାସ୍ତଦା।'
ଅନ୍ନପାନମପାସ୍ଯାଥ ସମାପେତୁଃ ସମନ୍ତତଃ॥ 1-244-39 (10596)
ତତ୍ର ଜାମ୍ବୂନଦାଙ୍ଗାନି ସ୍ପର୍ଧ୍ଯାସ୍ତରଣବନ୍ତି ଚ।
ମଣିବିଦ୍ରୁମଚିତ୍ରାଣି ଜ୍ବଲିତାଗ୍ନିପ୍ରଭାଣି ଚ॥ 1-244-40 (10597)
ଭେଜିରେ ପୁରୁଷବ୍ଯାଘ୍ରା ବୃଷ୍ଣ୍ଯନ୍ଧକମହାରଥାଃ।
ସିଂହାସନାନି ଶତଶୋ ଧିଷ୍ଣ୍ଯାନୀବ ହୁତାଶନାଃ॥ 1-244-41 (10598)
ତେଷାଂ ସମୁପବିଷ୍ଟାନାଂ ଦେବାନାମିବ ସନ୍ନଯେ।
ଆଚଖ୍ଯୌ ଚେଷ୍ଟିତଂ ଜିଷ୍ଣୋଃ ସଭାପାଲଃ ସହାନୁଗଃ॥ 1-244-42 (10599)
ତଚ୍ଛ୍ରୁତ୍ବା ବୃଷ୍ଣିବୀରାସ୍ତେ ମଦସଂରକ୍ତଲୋଚନାଃ।
ଅମୃଷ୍ଯମାଣାଃ ପାର୍ଥସ୍ଯ ସମୁତ୍ପେତୁରହଙ୍କୃତାଃ॥ 1-244-43 (10600)
ଯୋଜଯଧ୍ବଂ ରଥାନାଶୁ ପ୍ରାସାନାହରତେତି ଚ।
ଧନୂଂଷି ଚ ମହାର୍ହାଣି କବଚାନି ବୃହନ୍ତି ଚ॥ 1-244-44 (10601)
ସୂତାନୁଚ୍ଚୁକ୍ରୁଶୁଃ କେଚିଦ୍ରଥାନ୍ଯୋଜଯତେତି ଚ।
ସ୍ବଯଂ ଚ ତୁରଗାନ୍କେଚିଦଯୁଞ୍ଜନ୍ହେମଭୂଷିତାନ୍॥ 1-244-45 (10602)
ରଥେଷ୍ବାନୀଯମାନେଷୁ କବଚେଷୁ ଧ୍ବଜେଷୁ ଚ।
ଅଭିକ୍ରନ୍ଦେ ନୃବୀରାଣାଂ ତଦାସୀତ୍ତୁମୁଲଂ ମହତ୍॥ 1-244-46 (10603)
ବନମାଲୀ ତତଃ କ୍ଷୀବଃ କୈଲାସଶିଖରୋପମଃ।
ନୀଲବାସା ମଦୋତ୍ସିକ୍ତ ଇଦଂ ବଚନମବ୍ରବୀତ୍॥ 1-244-47 (10604)
କିମିଦଂ କୁରୁଥାପ୍ରଜ୍ଞାସ୍ତୂଷ୍ଣୀଂଭୂତେ ଜନାର୍ଦନେ।
ଅସ୍ଯ ଭାବମବିଜ୍ଞାଯ ସଂକ୍ରୁଦ୍ଧା ମୋଘଗର୍ଜିତାଃ॥ 1-244-48 (10605)
ଏଷ ତାବଦଭିପ୍ରାଯମାଖ୍ଯାତୁ ସ୍ବଂ ମହାମତିଃ।
ଯଦସ୍ଯ ରୁଚିରଂ କର୍ତୁଂ ତତ୍କୁରୁଧ୍ବମତନ୍ଦ୍ରିତାଃ॥ 1-244-49 (10606)
ତତସ୍ତେ ତଦ୍ବଚଃ ଶ୍ରୁତ୍ବା ଗ୍ରାହ୍ଯରୂପଂ ହଲାଯୁଧାତ୍।
ତୂଷ୍ଣୀଂଭୂତାସ୍ତତଃ ସର୍ବେ ସାଧୁସାଧ୍ବିତି ଚାବ୍ରୁବନ୍॥ 1-244-50 (10607)
ସମଂ ବଚୋ ନିଶମ୍ଯୈବ ବଲଦେବସ୍ଯ ଧୀମତଃ।
ପୁନରେବସଭାମଧ୍ଯେ ସର୍ବେ ତେ ସମୁପାବିଶନ୍॥ 1-244-51 (10608)
ତତୋଽବ୍ରବୀଦ୍ବାସୁଦେବଂ ବଚୋ ରାମଃ ପରନ୍ତପଃ।
`ତ୍ରୈଲୋକ୍ଯନାଥ ହେ କୃଷ୍ଣ ଭୂତଭବ୍ଯଭବିଷ୍ଯକୃତ୍।'
କିମବାଗୁପବିଷ୍ଟୋଽସି ପ୍ରେକ୍ଷମାଣୋ ଜନାର୍ଦନ॥ 1-244-52 (10609)
ସତ୍କୃତସ୍ତ୍ବତ୍କୃତେ ପାର୍ଥଃ ସର୍ବୈରସ୍ମାଭିରଚ୍ଯୁତ।
ନ ଚ ସୋଽର୍ହତି ତାଂ ପୂଜାଂ ଦୁର୍ବୁଦ୍ଧିଃ କୁଲପାଂସନଃ॥ 1-244-53 (10610)
କୋ ହି ତତ୍ରୈବ ଭୁକ୍ତାବାନ୍ନଂ ଭାଜନଂ ଭେତ୍ତୁମର୍ହତି।
ମନ୍ଯମାନଃ କୁଲେ ଜାତମାତ୍ମାନଂ ପୁରୁଷଃ କ୍ବଚିତ୍॥ 1-244-54 (10611)
ଇଚ୍ଛନ୍ନେବ ହି ସଂବନ୍ଧଂ କୃତଂ ପୂର୍ବଂ ଚ ମାନଯନ୍।
କୋ ହି ନାମ ଭବେନାର୍ଥୀ ସାହସେନ ସମାଚରେତ୍॥ 1-244-55 (10612)
ସୋଽବମନ୍ଯ ତଥାଽସ୍ମାକମନାଦୃତ୍ଯ ଚ କେଶବମ୍।
ପ୍ରସହ୍ଯ ହୃତବାନଦ୍ଯ ସୁଭଦ୍ରାଂ ମୃତ୍ଯୁମାତ୍ମନଃ॥ 1-244-56 (10613)
କଥଂ ହି ଶିରସୋ ମଧ୍ଯେ କୃତଂ ତେନ ପଦଂ ମମ।
ମର୍ଷଯିଷ୍ଯାମି ଗୋବିନ୍ଦ ପାଦସ୍ପର୍ଶମିବୋରଗଃ॥ 1-244-57 (10614)
ଅଦ୍ଯ ନିଷ୍କୌରବାମେକଃ କରିଷ୍ଯାମି ବସୁନ୍ଧରାମ୍।
ନ ହି ମେ ମର୍ଷଣୀଯୋଽଯମର୍ଜୁନସ୍ଯ ବ୍ଯତିକ୍ରମଃ॥ 1-244-58 (10615)
ତଂ ତଥା ଗର୍ଜମାନଂ ତୁ ମେଘଦୁନ୍ଦୁଭିନିଃସ୍ବନମ୍।
ଅନ୍ବପଦ୍ଯନ୍ତ ତେ ସର୍ବେ ଭୋଜବୃଷ୍ଣ୍ଯନ୍ଧକାସ୍ତଦା॥ ॥ 1-244-59 (10616)
ଇତି ଶ୍ରୀମନ୍ମହାଭାରତେ ଆଦିପର୍ବଣି ସୁଭଦ୍ରାହରଣପର୍ବଣି ଚତୁଶ୍ଚତ୍ବାରିଂଶଦଧିକଦ୍ବିଶତତମୋଽଧ୍ଯାଯଃ॥ 244 ॥ ॥ ସମାପ୍ତଂ ଚ ସୁଭଦ୍ରାହରଣପର୍ବ ॥
Mahabharata - Adi Parva - Chapter Footnotes
1-244-42 ସନ୍ନଯେ ସମୁଦାଯେ ଚତୁଶ୍ଚତ୍ବାରିଂଶଦଧିକଦ୍ବିଶତତମୋଽଧ୍ଯାଯଃ॥ 244 ॥ * 239 ତମାଧ୍ଯାଯସ୍ଯ 26 ଶ୍ଲୋକାଦୁପରି ପ୍ରକୃତଶ୍ଲୋକପର୍ଯନ୍ତଂ ବିଦ୍ଯମାନାନାଂ 248 ଶ୍ଲୋକାନାଂ ସ୍ଥାନେ ଚ, ଜ, ଝ, ଞ, ଡ, ପୁସ୍ତକେଷୁ ଅଧୋଲିଖିତା ଅଷ୍ଟୌ ଶ୍ଲୋକା ଏବ ଦୃଶ୍ଯନ୍ତେ। 1-244a-1x ବୈଶମ୍ପାଯନ ଉବାଚ। 1-244a-1a ତତଃ ସଂବାଦିତେ ତସ୍ମିନ୍ନନୁଜ୍ଞାତୋ ଧନଞ୍ଜଯଃ। 1-244a-1b ଗତାଂ ରୈବତକେ କନ୍ଯାଂ ବିଦିତ୍ବା ଜନମେଜଯ॥ 1-244a-2a ବାସୁଦେବାଭ୍ଯନୁଜ୍ଞାତଃ କଥଯିତ୍ବେତିକୃତ୍ଯତାମ୍। 1-244a-2b କୃଷ୍ଣସ୍ଯ ମତମାଦାଯ ପ୍ରଯଯୌ ଭରତର୍ଷଭଃ॥ 1-244a-3a ରଥେନ କାଞ୍ଚନାଙ୍ଗେନ କଲ୍ପିତେନ ଯଥାବିଧି। 1-244a-3b ଶୈବ୍ଯସୁଗ୍ରୀବଯୁକ୍ତେନ କିଙ୍କିଣୀଜାଲମାଲିନା॥ 1-244a-4a ସର୍ବଶସ୍ତ୍ରୋପପନ୍ନେନ ଜୀମୂତରବନାଦିନା। 1-244a-4b ଜ୍ବଲିତାଗ୍ନିପ୍ରକାଶେନ ଦ୍ବିଷତାଂ ହର୍ଷଘାତିନା॥ 1-244a-5a ସନ୍ନଦ୍ଧଃ କବଚୀ ଖଡ୍ଗୀ ବଦ୍ଧଗୋଧାଙ୍ଗୁଲିତ୍ରବାନ୍। 1-244a-5b ମୃଗଯାବ୍ଯପଦେଶେନ ପ୍ରଯଯୌ ପୁରୁଷର୍ଷଭଃ॥ 1-244a-6a ସୁଭଦ୍ରା ତ୍ବଥ ଶୈଲେନ୍ଦ୍ରମଭ୍ଯର୍ଚ୍ଯୈବ ହି ରୈବତମ୍। 1-244a-6b ଦୈବତାନି ଚ ସର୍ବାଣି ବ୍ରାହ୍ମଣାନ୍ସ୍ବସ୍ତିବାଚ୍ଯ ଚ॥ 1-244a-7a ପ୍ରଦକ୍ଷିଣଂ ଗିରେଃ କୃତ୍ବା ପ୍ରଯଯୌ ଦ୍ବାରକାଂ ପ୍ରତି। 1-244a-7b ତାମଭିଦ୍ରୁତ୍ଯ କୌନ୍ତେଯଃ ପ୍ରସହ୍ଯାରୋପଯଦ୍ରଥମ୍। 1-244a-7c ସୁଭଦ୍ରାଂ ଚାରୁସର୍ବାଙ୍ଗୀଂ କାମବାଣପ୍ରପୀଡିତଃ॥ 1-244a-8a ତତଃ ସ ପୁରୁଷବ୍ଯାଘ୍ରସ୍ତାମାଦାଯ ଶୁଚିସ୍ମିତାମ୍। 1-244a-8b ରଥେନ କାଞ୍ଚନାଙ୍ଗନ ପ୍ରଯଯୌ ସ୍ବପୁରଂ ପ୍ରତି॥ଆଦିପର୍ବ - ଅଧ୍ଯାଯ 245
॥ ଶ୍ରୀଃ ॥
1.245. ଅଧ୍ଯାଯଃ 245
(ଅଥ ହରଣାହରଣପର୍ବ ॥ 17 ॥)
Mahabharata - Adi Parva - Chapter Topics
କୃଷ୍ଣେନ ବଲରାମସାନ୍ତ୍ବନମ୍॥ 1 ॥ ଅର୍ଜୁନଂପ୍ରତ୍ଯାନେତୁଂ ଯାଦବାନାଂ ଗମନମ୍॥ 2 ॥ ବିପୃଥୁବାକ୍ଯାଦୁର୍ଜନଂ ଦୂରଗତଂ ଜ୍ଞାତ୍ବା ତେଷାଂ ପ୍ରତିନିବର୍ତନମ୍॥ 3 ॥ ସୁଭଦ୍ରଯା ସହ ଅର୍ଜୁନସ୍ଯ ଖାଣ୍ଡବପ୍ରସ୍ଥଗମନମ୍॥ 4 ॥Mahabharata - Adi Parva - Chapter Text
1-245-0 (10617)
ବୈଶମ୍ପାଯନ ଉବାଚ। 1-245-0x (1310)
ଉକ୍ତବନ୍ତୋ ଯଥାବୀର୍ଯମସକୃତ୍ସର୍ବବୃଷ୍ଣଯଃ।
ତତୋଽବ୍ରବୀଦ୍ବାସୁଦେବୋ ବାକ୍ଯଂ ଧର୍ମାର୍ଥସଂଯୁତମ୍॥ 1-245-1 (10618)
`ମଯୋକ୍ତଂ ନ ଶ୍ରୁତଂ ପୂର୍ବଂ ସହିତୈଃ ସର୍ବଯାଦବୈଃ।
ଅତିକ୍ରାନ୍ତମତିକ୍ରାନ୍ତଂ ନ ନିବର୍ତେତ କର୍ହିଚିତ୍।
ଶୃଣୁଧ୍ବଂ ସହିତାଃ ସର୍ବେ ମମ ବାକ୍ଯଂ ସହେତୁକମ୍॥' 1-245-2 (10619)
ନାବମାନଂ କୁଲସ୍ଯାସ୍ଯ ଗୁଡାକେଶଃ ପ୍ରଯୁକ୍ତବାନ୍।
ସଂମାନୋଽଭ୍ଯଧିକସ୍ତେନ ପ୍ରଯୁକ୍ତୋଽଯଂ ନ ସଂଶଯଃ॥ 1-245-3 (10620)
ଅର୍ଥଲୁବ୍ଧାନ୍ନ ବଃ ପାର୍ଥୋ ମନ୍ଯତେ ସାତ୍ବତାନ୍ସଦା।
ସ୍ବଯଂବରମନାଧୃଷ୍ଯଂ ମନ୍ଯତେ ଚାପି ପାଣ୍ଡବଃ॥ 1-245-4 (10621)
ପ୍ରଦାନମପି କନ୍ଯାଯାଃ ପଶୁବତ୍କୋ ନୁ ମନ୍ଯତେ।
ବିକ୍ରଯଂ ଚାପ୍ଯପତ୍ଯସ୍ଯ କଃ କୁର୍ଯାତ୍ପୁରୁଷୋ ଭୁବି॥ 1-245-5 (10622)
ଏତାନ୍ଦୋଷାଂସ୍ତୁ କୌନ୍ତେଯୋ ଦୃଷ୍ଟବାନିତି ମେ ମତିଃ।
`କ୍ଷତ୍ରିଯାଣାଂ ତୁ ବୀର୍ଯେଣ ପ୍ରଶସ୍ତଂ ହରଣଂ ବଲାତ୍।'
ଅତଃ ପ୍ରସହ୍ଯ ହୃତବାନ୍କନ୍ଯାଂ ଧର୍ମେଣ ପାଣ୍ଡବଃ॥ 1-245-6 (10623)
ଉଚିତଶ୍ଚୈବ ସଂବନ୍ଧଃ ସୁଭଦ୍ରା ଚ ଶଯସ୍ବିନୀ।
ଏଷ ଚାପୀଦୃଶଃ ପାର୍ଥଃ ପ୍ରସହ୍ଯ ହୃତବାନତଃ॥ 1-245-7 (10624)
ଭରତସ୍ଯାନ୍ବଯେ ଜାତଂ ଶାନ୍ତନୋଶ୍ଚ ଯଶସ୍ବିନଃ।
କୁନ୍ତିଭୋଜାତ୍ମାଜାପୁତ୍ରଂ କା ବୁଭୂଷେତ ନାର୍ଜୁନମ୍॥ 1-245-8 (10625)
ନ ତଂ ପଶ୍ଯାମି ଯଃ ପାର୍ଥଂ ବିଜଯେତ ରଣେ ବଲାତ୍।
ବର୍ଜଯିତ୍ବା ବିରୂପାକ୍ଷଂ ଭଗନେତ୍ରହରଂ ହରମ୍॥ 1-245-9 (10626)
ଅପି ସର୍ବେଷୁ ଲୋକେଷୁ ସେନ୍ଦ୍ରରୁଦ୍ରେଷୁ ମାରିଷ।
ସ ଚ ନାମ ରଥସ୍ତାଦୃଙ୍ମଦୀଯାସ୍ତେ ଚ ବାଜିନଃ॥ 1-245-10 (10627)
`ମମ ଶସ୍ତ୍ରଂ ବିଶେଷେଣ ତୂଣୌ ଚାକ୍ଷଯସାଯକୌ।'
ଯୋଦ୍ଧା ପାର୍ଥଶ୍ଚ ଶୀଘ୍ରାସ୍ତ୍ରଃ କୋ ନୁ ତେନ ସମୋ ଭବେତ୍।
ତମଭିଦ୍ରୁତ୍ଯ ସାନ୍ତ୍ବେନ ପରମେଣ ଧନଞ୍ଜଯମ୍॥ 1-245-11 (10628)
ନିବର୍ତଯତ ସଂହୃଷ୍ଟା ମମୈଷା ପରମା ମତିଃ।
ଯଦି ନିର୍ଜିତ୍ଯ ବଃ ପାର୍ଥୋ ବଲାଦ୍ଗଚ୍ଛେତ୍ସ୍ବକଂ ପୁରଂ॥ 1-245-12 (10629)
ପ୍ରଣଶ୍ଯେଦ୍ବୋ ଯଶଃ ସଦ୍ଯୋ ନ ତୁ ସାନ୍ତ୍ବେ ପରାଜଯଃ।
`ପିତୃଷ୍ବସାଯାଃ ପୁତ୍ରୋ ମେ ସଂବନ୍ଧଂ ନାର୍ହତି ଦ୍ବିଷାମ୍।'
ତଚ୍ଛ୍ରୁତ୍ବା ବାସୁଦେବସ୍ଯ ତଥା କର୍ତୁଂ ଜନାଧିପ॥ 1-245-13 (10630)
`ଉଦ୍ଯୋଗଂ କୃତବନ୍ତସ୍ତେ ଭେରୀଂ ସନ୍ନାଦ୍ଯ ଯାଦବାଃ।
ଅର୍ଜୁନସ୍ତୁ ତଦା ଶ୍ରୁତ୍ବା ଭେରୀସନ୍ନାଦନଂ ମହତ୍॥ 1-245-14 (10631)
କୌନ୍ତେଯସ୍ତ୍ବରମାଣସ୍ତୁ ସୁଭଦ୍ରାମଭ୍ଯଭାଷତ।
ଆଯାନ୍ତି ବୃଷ୍ଣଯଃ ସର୍ବେ ସସୁହୃଜ୍ଜନବାନ୍ଧବାଃ॥ 1-245-15 (10632)
ତ୍ବଦର୍ଥଂ ଯୋଦ୍ଧୁକାମାସ୍ତେ ମଦରକ୍ତାନ୍ତଲୋଚନାଃ।
ପ୍ରମତ୍ତାନଶୁଚୀନ୍ମୂଢାନ୍ସୁରାମତ୍ତାନ୍ନରାଧମାନ୍॥ 1-245-16 (10633)
ବମନଂ ପାନଶୀଲାଂସ୍ତାନ୍କରିଷ୍ଯାମି ଶରୋତ୍ତମୈଃ।
ଉତାହୋ ବା ମଦୋନ୍ମତ୍ତାନ୍ନଯିଷ୍ଯାମି ଯମକ୍ଷଯମ୍॥ 1-245-17 (10634)
ଏବମୁକ୍ତ୍ବା ପ୍ରିଯାଂ ପାର୍ଥୋ ନ୍ଯବର୍ତତ ମହାବଲଃ।
ନିବର୍ତମାନଂ ଦୃଷ୍ଟ୍ବୈବ ସୁଭଦ୍ରା ତ୍ରସ୍ତତାଂ ଗତା॥ 1-245-18 (10635)
ଏବଂ ମା ବଦ ପାର୍ଥେତି ପାଦଯୋଃ ପତିତା ତଦା।
ସୁଭଦ୍ରା ତୁ କଲିର୍ଜାତା ବୃଷ୍ଣୀନାଂ ନିଧାଯ ଚ॥ 1-245-19 (10636)
ଏବଂ ବ୍ରୁବନ୍ତଃ ପୌରାସ୍ତେ ହ୍ଯପବାଦରତାଃ ପ୍ରଭୋ।
ମମ ଶୋକଂ ବର୍ଧଯନ୍ତି ତସ୍ମାନ୍ନାଶଂ ନ ଚିନ୍ତଯେ।
ପରିବାଦଭଯାନ୍ମୁକ୍ତା ତ୍ବତ୍ପ୍ରସାଦାଦ୍ଭବାମ୍ଯହମ୍॥ 1-245-20 (10637)
ବୈଶମ୍ପାଯନ ଉବାଚ। 1-245-21x (1311)
ଏବମୁକ୍ତସ୍ତତଃ ପାର୍ଥଃ ପ୍ରିଯଯା ଭଦ୍ରଯା ତଦା।
ଗମନାଯ ମତିଂ ଚକ୍ରେ ପାର୍ଥଃ ସତ୍ଯପରାକ୍ରମଃ॥ 1-245-21 (10638)
ସ୍ତିତପୂର୍ବଂ ତଦାଽଽଭାଷ୍ଯ ପରିଷ୍ବଜ୍ଯ ପ୍ରିଯାଂ ତଦା।
ଉତ୍ଥାପ୍ଯ ଚ ପୁନଃ ପାର୍ଥୋ ଯାହି ଯାହୀତି ଚାବ୍ରବୀତ୍॥ 1-245-22 (10639)
ତତଃ ସୁଭଦ୍ରା ତ୍ବରିତା ରଶ୍ମୀନ୍ସଂଗୃହ୍ଯ ପାଣିନା।
ଚୋଦଯାମାସ ଜବନାଞ୍ଶୀଗ୍ରମଶ୍ବାନ୍କୃତତ୍ବରା॥ 1-245-23 (10640)
ତତସ୍ତୁ କୃତସନ୍ନାହା ବୃଷ୍ଣିବୀରାଃ ସମାହିତାଃ।
ପ୍ରତ୍ଯାନଯାର୍ଥଂ ପାର୍ଥସ୍ଯ ଜବନୈସ୍ତୁରଗୋତ୍ତମୈଃ॥ 1-245-24 (10641)
ରାଜମାର୍ଗମନୁପ୍ରାପ୍ତା ଦୃଷ୍ଟ୍ବା ପାର୍ଥସ୍ଯ ବିକ୍ରମମ୍।
ପ୍ରାସାଦପଙ୍କ୍ତିସ୍ତମ୍ଭେଷୁ ବେଦିକାସୁ ଧ୍ବଜେଷୁ ଚ॥ 1-245-25 (10642)
ଅର୍ଜୁନସ୍ଯ ଶରାନ୍ଦୃଷ୍ଟ୍ବା ବିସ୍ମଯଂ ପରମଂ ଗତାଃ।
କେଶବସ୍ଯ ବଚସ୍ତଥ୍ଯଂ ମନ୍ଯମାନାସ୍ତୁ ଯାଦବାଃ॥ 1-245-26 (10643)
ଅତୀତ୍ଯ ତଂ ରୈବତକଂ ଶ୍ରୁତ୍ବା ତୁ ବିପୃଥୋର୍ବଚଃ।
ଅର୍ଜୁନେନ କୃତଂ ଶ୍ରୁତ୍ବା ଗନ୍ତୁକାମାସ୍ତୁ ବୃଷ୍ଣଯଃ॥ 1-245-27 (10644)
ଶ୍ରୁତ୍ବା ଦୀର୍ଘଂ ଗତଂ ପାର୍ଥଂ ନ୍ଯବର୍ତନ୍ତ ମହାରଥାଃ।
ପୁରୋଦ୍ଯାନମତିକ୍ରମ୍ଯ ବିଶାଲଂ ଚ ଗିରିବ୍ରଜମ୍॥ 1-245-28 (10645)
ସାନୁମୁଜ୍ଜଯିନୀଂ ଚୈବ ବନାନ୍ଯୁପବନାନି ଚ।
ପୁଣ୍ଯେଷ୍ବାନର୍ତରାଷ୍ଟ୍ରେଷୁ ବାପୀପଦ୍ମସରାଂସି ଚ॥ 1-245-29 (10646)
ପ୍ରାପ୍ଯ ଧେନୁମତୀତୀର୍ଥମଶ୍ବରୋଧସରଃ ପ୍ରତି।
ପ୍ରେକ୍ଷାବର୍ତଂ ତତଃ ଶୈଲମମ୍ବୁଦଂ ଚ ନଗୋତ୍ତମମ୍॥ 1-245-30 (10647)
ଆରାଚ୍ଛୃଙ୍ଗମଥାସାଦ୍ଯ ତୀର୍ଣଃ କରବତୀଂ ନଦୀମ୍।
ପ୍ରାପ୍ଯ ସାଲ୍ବେଯରାଷ୍ଟ୍ରାଣି ନିଷଧାନପ୍ଯତୀତ୍ଯ ଚ॥ 1-245-31 (10648)
ଦେବାପୃଥୁପୁରଂ ପଶ୍ଯନ୍ ସର୍ବତଃ ସୁସମାହିତଃ।
ତମତୀତ୍ଯ ମହାବାହୁର୍ଦେବାରଣ୍ଯମପଶ୍ଯତ॥ 1-245-32 (10649)
ପୂଜଯାମାସୁରାଯାନ୍ତଂ ଦେବାରଣ୍ଯେ ମହର୍ଷଯଃ।
ସ ବନାନି ନଦୀଃ ଶୈଲାନ୍ ଗିରିପ୍ରସ୍ରବଣାନି ଚ॥ 1-245-33 (10650)
ଅତୀତ୍ଯ ଚ ତଦା ପାର୍ଥଃ ସୁଭଦ୍ରାସାରଥିସ୍ତଦା।
କୌରବଂ ବିଷଯଂ ପ୍ରାପ୍ଯ ବିଶୋକଃ ସମପଦ୍ଯତ॥ 1-245-34 (10651)
ସୋଦର୍ଯାଣାଂ ମହାବାହୁଃ ସିଂହାଶଯମିବାଶଯମ୍।
ଦୂରାଦୁପବନୋପେତଂ ସମନ୍ତାତ୍ସଲିଲାବୃତମ୍॥ 1-245-35 (10652)
ଭଦ୍ରଯା ମୁଦିତୋ ଜିଷ୍ଣୁର୍ଦଦର୍ଶ ବୃଜିନଂ ପୁରମ୍॥ ॥ 1-245-36 (10653)
ଇତି ଶ୍ରୀମନ୍ମହାଭାରତେ ଆଦିପର୍ବଣି ହରଣାହରଣପର୍ବଣି ପଞ୍ଚତ୍ବାରିଂଶଦଧିକଦ୍ବିଶତତମୋଽଧ୍ଯାଯଃ॥ 245 ॥
Mahabharata - Adi Parva - Chapter Footnotes
1-245-20 ତସ୍ମାତ୍ପାପଂ ନ ଚିନ୍ତଯେ॥ ପଞ୍ଚତ୍ବାରିଂଶଦଧିକଦ୍ବିଶତତମୋଽଧ୍ଯାଯଃ॥ 245 ॥ଆଦିପର୍ବ - ଅଧ୍ଯାଯ 246
॥ ଶ୍ରୀଃ ॥
1.246. ଅଧ୍ଯାଯଃ 246
Mahabharata - Adi Parva - Chapter Topics
ଅର୍ଜୁନେନ ସୁଭଦ୍ରାଯାଃ ଗୋପୀବେଷେଣ ଦ୍ରୌପଦୀସମୀପପ୍ରେଷଣମ୍॥ 1 ॥ କୃତନତିଂ ସୁଭଦ୍ରାଂପ୍ରତି ପୃଥାଦ୍ରୌପଦୀଭ୍ଯାଂ ଆଶୀର୍ବାଦଃ॥ 2 ॥ ସ୍ବପୁରଂ ପ୍ରବିଷ୍ଟେନାର୍ଜୁନେନ ଭ୍ରାତୃଶ୍ଯଃ ସ୍ବକୃତତୀର୍ଥଯାତ୍ରାବୃତ୍ତାନ୍ତକଥନମ୍॥ 3 ॥Mahabharata - Adi Parva - Chapter Text
1-246-0 (10654)
ବୈଶମ୍ପାଯନ ଉବାଚ। 1-246-0x (1312)
କ୍ରୋଶଣାତ୍ରେ ପୁରସ୍ଯାସୀଦ୍ଗୋଷ୍ଠଂ ପାର୍ଥସ୍ଯ ଶୋଭନମ୍।
ତତ୍ରାପି ଯାତ୍ବା ବୀଭତ୍ସୁର୍ନିବିଷ୍ଟୋ ଯଦୁକନ୍ଯଯା॥ 1-246-1 (10655)
ତତଃ ସୁଭଦ୍ରାଂ ସତ୍କୃତ୍ଯ ପାର୍ଥୋ ବଚନମବ୍ରବୀତ୍।
ଗୋପିକାନାଂ ତୁ ବେଷେଣ ଗଚ୍ଛ ତ୍ବଂ ବୃଜିନଂ ପୁରମ୍॥ 1-246-2 (10656)
କାମବ୍ଯାହାରିଣୀ କୃଷ୍ଣା ରୋଚତାଂ ତେ ବଚୋ ମମ।
ଦୃଷ୍ଟ୍ବା ତୁ ପରୁଷଂ ବ୍ରୂଯାତ୍ସହ ତତ୍ର ମଯାଗତାମ୍॥ 1-246-3 (10657)
ଅନ୍ଯବେଷେଣ ତୁ ଗତାଂ ଦୃଷ୍ଟ୍ବା ସା ତ୍ବାଂ ପ୍ରିଯଂ ବଦେତ୍।
ଯତ୍ତୁ ସା ପ୍ରଥମଂ ବ୍ରୂଯାନ୍ନ ତସ୍ଯାସ୍ତି ନିବର୍ତନମ୍॥ 1-246-4 (10658)
ତସ୍ମାନ୍ମାନଂ ଚ ଦର୍ପଂ ଚ ବ୍ଯପନୀଯ ସ୍ବଯଂ ବ୍ରଜ।
ତସ୍ଯ ତଦ୍ବଚନଂ ଶ୍ରୁତ୍ବା ସୁଭଦ୍ରା ପ୍ରତ୍ଯଭାଷତ॥ 1-246-5 (10659)
ଏବମେତତ୍କରିଷ୍ଯାମି ଯଥା ତ୍ବଂ ପାର୍ଥ ଭାଷସେ।
ସୁଭଦ୍ରାବଚନଂ ଶ୍ରୁତ୍ବା ସୁପ୍ରୀତଃ ପାକଶାସନିଃ॥ 1-246-6 (10660)
ଗୋପାଲାନ୍ସ ସମାନୀଯ ତ୍ବରିତୋ ବାକ୍ଯମବ୍ରବୀତ୍।
ତରୁମ୍ଯଃ ସନ୍ତି ଯାବନ୍ତ୍ଯସ୍ତାଃ ସର୍ବା ବ୍ରଜଯୋଷିତଃ॥ 1-246-7 (10661)
ଆଗଚ୍ଛନ୍ତୁ ଗମିଷ୍ଯନ୍ତ୍ଯା ଭଦ୍ରଯା ସହ ସଙ୍ଗତାଃ।
ଇନ୍ଦ୍ରପ୍ରସ୍ଥଂ ପୁରବରଂ କୃଷ୍ଣାଂ ଦ୍ରଷ୍ଟୁଂ ଯଶସ୍ବିନୀମ୍॥ 1-246-8 (10662)
ଏତଚ୍ଛ୍ରୁତ୍ବା ତୁ ଗୋପାଲୈରାନୀତା ବ୍ରଜଯୋଷିତଃ।
ତତସ୍ତାଭିଃ ପରିବୃତାଂ ବ୍ରଜସ୍ତ୍ରୀଭିଃ ସମନ୍ତତଃ॥' 1-246-9 (10663)
ସୁଭଦ୍ରାଂ ତ୍ବରମାଣଶ୍ଚ ରକ୍ତକୌଶେଯବାସିନୀମ୍।
ପାର୍ଥଃ ପ୍ରସ୍ଥାପଯାମାସ କୃତ୍ବା ଗୋପାଲିକାବପୁଃ॥ 1-246-10 (10664)
ସାଽଧିକଂ ତେନ ରୂପେଣ ଶୋଭମାନା ଯଶସ୍ବିନୀ।
`ଗୋପାଲିକାମଧ୍ଯଗତା ପ୍ରଯଯୌ ବୃଜିନଂ ପୁରମ୍॥ 1-246-11 (10665)
ତ୍ବରିତା ଖାଣ୍ଡବପ୍ରସ୍ଥମାସସାଦ ବିବେଶ ଚ।'
ଭବନଂ ଶ୍ରେଷ୍ଠମାସାଦ୍ଯ ବୀରପତ୍ନୀ ବରାଙ୍ଗନା॥ 1-246-12 (10666)
ବବନ୍ଦେ ପୃଥୁତାମ୍ରାକ୍ଷୀ ପୃଥାଂ ଭଦ୍ରା ପିତୃଷ୍ବସାମ୍।
ତାଂ କୁନ୍ତୀ ଚାରୁସର୍ବାଙ୍ଗୀମୁପାଜିଘ୍ରତ ମୂର୍ଧନି॥ 1-246-13 (10667)
ପ୍ରୀତ୍ଯା ପରମଯା ଯୁକ୍ତା ଆଶୀର୍ଭିର୍ଯୁଞ୍ଜତାଽତୁଲାମ୍।
ତତୋଽଭିଗମ୍ଯ ତ୍ବରିତା ପୂର୍ଣେନ୍ଦୁସଦୃଶାନନା॥ 1-246-14 (10668)
ବବନ୍ଦେ ଦ୍ରୌପଦୀଂ ଭଦ୍ରା ପ୍ରେଷ୍ଯାଽହମିତି ଚାବ୍ରବୀତ୍।
ପ୍ରତ୍ଯୁତ୍ଥାଯ ତଦା କୃଷ୍ଣା ସ୍ବସାରଂ ମାଧବସ୍ଯ ଚ॥ 1-246-15 (10669)
ପରିଷ୍ବଜ୍ଯାବଦତ୍ପ୍ରୀତ୍ଯା ନିଃସପତ୍ନୋସ୍ତୁ ତେ ପତିଃ।
`ବୀରସୂର୍ଭବ ଭଦ୍ରେ ତ୍ବଂ ଭବ ଭର୍ତୃପ୍ରିଯା ତଥା॥ 1-246-16 (10670)
ଓଜସା ନିର୍ମିତା ବହ୍ବୀରୁବାଚ ପରମାଶିଷଃ।'
ତଥୈବ ମୁଦିତା ଭଦ୍ରା ତାମୁବାଚ ତଥାସ୍ତ୍ବିତି॥ 1-246-17 (10671)
`ତତଃ ସୁଭଦ୍ରାଂ ବାର୍ଷ୍ଣେଯୀ ପରିଷ୍ବଜ୍ଯ ଶୁଭାନନାମ୍।
ଅଙ୍କେ ନିବେଶ୍ଯ ମୁଦିତା ବସୁଦେବଂ ପ୍ରଶସ୍ଯ ଚ॥ 1-246-18 (10672)
ତତଃ କିଲକିଲାଶବ୍ଦଃ କ୍ଷଣେନ ସମପଦ୍ଯତ।
ହର୍ଷାଦାନର୍ତଯୋଧାନାମାସାଦ୍ଯ ବୃଜିନଂ ପୁରମ୍॥ 1-246-19 (10673)
ଦେବପୁତ୍ରପ୍ରକାଶାସ୍ତେ ଜାମ୍ବୂନଦମଯଧ୍ବଜାଃ।
ପୃଷ୍ଠତୋଽନୁଯଯୁଃ ପାର୍ଥଂ ପୁରୁହୂତମିବାମରାଃ॥ 1-246-20 (10674)
ଗୋଭିରୁଷ୍ଟ୍ରୈଃ ସଦଶ୍ବୈଶ୍ଚ ଯୁକ୍ତାନି ବହୁଲା ଜନାଃ।
ଦଦୃଶୁର୍ଯାନମୁଖ୍ଯାନି ଦାଶାର୍ହପୁରବାସିନାମ୍॥ 1-246-21 (10675)
ତତଃ ପୁରବରେ ଯୂନାଂ ପୁଂସାଂ ବାଚ ଉଦୀରିତାଃ।
ଅର୍ଜୁନେ ପ୍ରତିଯାତି ସ୍ମ ଅଶ୍ରୂଯନ୍ତ ସମନ୍ତତଃ॥ 1-246-22 (10676)
ପ୍ରବାସାଦାଗତଂ ପାର୍ଥଂ ଦୃଷ୍ଟ୍ବା ସ୍ବମିବ ବାନ୍ଧବମ୍।
ସୋଽଭିଗମ୍ଯ ନରଶ୍ରେଷ୍ଠୋ ଦାଶାର୍ହଶତସଂବୃତଃ। 1-246-23 (10677)
ପୌରୈଃ ପୁରବରଂ ପ୍ରୀତ୍ଯା ପରଯା ଚାଭିନନ୍ଦିତଃ।
ପ୍ରାପ୍ଯ ଚାନ୍ତଃପୁରଦ୍ବାରମବରୁହ୍ଯ ନରର୍ଷଭଃ॥ 1-246-24 (10678)
ବବନ୍ଦେ ଧୌମ୍ଯମାସାଦ୍ଯ ମାତରଂ ଚ ଧନଞ୍ଜଯଃ।
ସ୍ପୃଷ୍ଟ୍ବା ଚ ଚରଣୌ ରାଜ୍ଞୋ ଭୀମସ୍ଯ ଚ ଧନଞ୍ଜଯଃ॥ 1-246-25 (10679)
ଯମାଭ୍ଯାଂ ବନ୍ଦିତୋ ହୃଷ୍ଟଃ ସସ୍ବଜେ ତୌ ନନନ୍ଦ ଚ।
ବ୍ରାହ୍ମଣପ୍ରମୁଖାନ୍ସର୍ବାନ୍ଭ୍ରାତୃଭିଃ ସହ ସଙ୍ଗତଃ॥ 1-246-26 (10680)
ଯଥାର୍ହଂ ମାନଯାମାସ ପୌରଜାନପଦାନପି।
ତତ୍ରସ୍ଥାନ୍ଯନୁଯାତାନି ତୀର୍ଥାନ୍ଯାଯତନାନି ଚ॥ 1-246-27 (10681)
ନିବେଦଯାମାସ ତଦା ରାଜ୍ଞେ ସର୍ବଂ ସ୍ବନୁଷ୍ଠିତମ୍।
ଭ୍ରାତୃଭ୍ଯଶ୍ଚୈବ ସର୍ବେଭ୍ଯଃ କଥଯାମାସ ଭାରତ॥ 1-246-28 (10682)
ଶ୍ରୁତ୍ବା ସର୍ବଂ ମହାପ୍ରାଜ୍ଞୋ ଧର୍ମରାଜୋ ଯୁଧିଷ୍ଠିରଃ।
ପୁରସ୍ତାଦେବ ତେଷାଂ ତୁ ପୂଜଯାମାସ ଚାର୍ଜୁନମ୍॥ 1-246-29 (10683)
ପାଣ୍ଡବେନ ଯଥାର୍ହଂ ତୁ ପୂଜାର୍ହେଣ ସୁପୂଜିତଃ।
ନ୍ଯବିଶଚ୍ଚାଭ୍ଯନୁଜ୍ଞାତୋ ରାଜ୍ଞା ତୁଷ୍ଟୋ ଯଶସ୍ବିନା॥ 1-246-30 (10684)
ତାମଦୀନାଂ ସୁପୂଜାର୍ହାଂ ସୁଭଦ୍ରାଂ ପ୍ରୀତିବର୍ଧିନୀମ୍।
ସାକ୍ଷାଚ୍ଛ୍ରିଯମମନ୍ଯନ୍ତ ପାର୍ଥାଃ କୃଷ୍ଣସହୋଦରାମ୍॥ 1-246-31 (10685)
ଗୁରୂଣାଂ ଶ୍ବଶୁରାଣାଂ ଚ ଦେବରାଣାଂ ତଥୈବ ଚ।
ସୁଭଦ୍ରା ସ୍ବେନ ବୃତ୍ତେନ ବଭୂବ ପରମପ୍ରିଯା॥' 1-246-32 (10686)
ତତସ୍ତେ ହୃଷ୍ଟମନସଃ ପାଣ୍ଡବେଯା ମହାରଥାଃ।
କୁନ୍ତୀ ଚ ପରମପ୍ରୀତା କୃଷ୍ଣା ଚ ସତତଂ ତଥା॥ ॥ 1-246-33 (10687)
ଇତି ଶ୍ରୀମନ୍ମହାଭାରତେ ଆଦିପର୍ବଣି ହରଣାହରଣପର୍ବଣି ଷଟ୍ଚତ୍ବାରିଂଶଦଧିକଦ୍ବିଶତତମୋଽଧ୍ଯାଯଃ॥ 246 ॥
ଆଦିପର୍ବ - ଅଧ୍ଯାଯ 247
॥ ଶ୍ରୀଃ ॥
1.247. ଅଧ୍ଯାଯଃ 247
Mahabharata - Adi Parva - Chapter Topics
କୃଷ୍ଣାନୁମତ୍ଯାଽର୍ଜୁନଃ ସୁଭଦ୍ରାଂ ଜହାରେତି ପୌରାଣାମୂହଃ॥ 1 ॥ ଅର୍ଜୁନେ ଇନ୍ଦ୍ରପ୍ରସ୍ଥଂ ପ୍ରାପ୍ତଂ ଜ୍ଞାତ୍ବା ଯାଦବୈଃ ସହ ଶ୍ରୀକୃଷ୍ଣସ୍ଯ ଇନ୍ଦ୍ରପ୍ରସ୍ଥଂ ପ୍ରତ୍ଯାଗମନମ୍॥ 2 ॥ ଆଗତାଞ୍ଶ୍ରୀକୃଷ୍ଣାଦୀଞ୍ଶ୍ରୁତ୍ବା ଯୁଧିଷ୍ଠିରସ୍ଯ ପ୍ରତ୍ଯୁଦ୍ଗମନଂ ତେଷାଂ ସତ୍କାରଶ୍ଚ॥ 3 ॥ ବୈବାହିକମହୋତ୍ସବକରଣମ୍॥ 4 ॥ ପାରିବର୍ହଦାନମ୍॥ 5 ॥ କଂମଚିତ୍କାଲଂ ତତ୍ରୋଷିତାନାଂ କୁରୁଭିଃ ପୂଜିତାନାଂ ବଲରାମାଦୀନାଂ ଦ୍ବାରକାଂପ୍ରତି ଗମନମ୍॥ 6 ॥ ଅଭିମନ୍ଯୂତ୍ପତ୍ତିଃ॥ 7 ॥ ଦ୍ରୌପଦ୍ଯାଃ ଯୁଧିଷ୍ଠିରାଦିଶ୍ଯଃ ପଞ୍ଚପୁତ୍ରୋତ୍ପତ୍ତିଃ ତେଷାଂ ବିଦ୍ଯାଶ୍ଯାସଶ୍ଚ॥ 8 ॥Mahabharata - Adi Parva - Chapter Text
1-247-0 (10688)
ବୈଶମ୍ପାଯନ ଉବାଚ। 1-247-0x (1313)
ଅଥ ଶୁଶ୍ରାବ ନିର୍ବୃତ୍ତେ ବୃଷ୍ଣୀନାଂ ପରମୋତ୍ସବେ।
ଅର୍ଜୁନେନ ହୃତାଂ ଭଦ୍ରାଂ ଶଙ୍ଖଚକ୍ରଗଦାଧରଃ॥ 1-247-1 (10689)
ପୁରସ୍ତାଦେବ ପୌରାଣାଂ ସଂଶଯଃ ସମଜାଯତ।
ଜାନତା ବାସୁଦେବେନ ବାସିତୋ ଭରତର୍ଷଭଃ॥ 1-247-2 (10690)
ଲୋକସ୍ଯ ବିଦିତଂ ହ୍ଯଦ୍ଯ ପୂର୍ବଂ ବିପୃଥୁନା ଯଥା।
ସାନ୍ତ୍ବଯିତ୍ବାଭ୍ଯନୁଜ୍ଞାତୋ ଭଦ୍ରଯା ସହ ସଙ୍ଗତଃ॥ 1-247-3 (10691)
ଦିତ୍ସତା ସୋଦରାଂ ତସ୍ମୈ ପତତ୍ତ୍ରିବରକେତୁନା।
ଅର୍ହତେ ପାର୍ଥିବେନ୍ଦ୍ରାଯ ପାର୍ଥାଯାଯତଲୋଚନାମ୍॥ 1-247-4 (10692)
ସତ୍କୃତ୍ଯ ପାଣ୍ଡବଶ୍ରେଷ୍ଠଂ ପ୍ରେଷଯାମାସ ଚାର୍ଜୁନମ୍।
ଭଦ୍ରଯା ସହ ବୀଭତ୍ସୁଃ ପ୍ରାପିତୋ ବୃଜିନଂ ପୁରମ୍॥ 1-247-5 (10693)
ଇତି ପୌରଜନାଃ ସର୍ବେ ବଦନ୍ତି ଚ ସମନ୍ତତଃ।'
ଶ୍ରୁତ୍ବା ତୁ ପୁଣ୍ଡରୀକାକ୍ଷଃ ସଂପ୍ରାପ୍ତଂ ସ୍ବପୁରୋତ୍ତମମ୍॥ 1-247-6 (10694)
ଅର୍ଜୁନଂ ପାଣ୍ଡବଶ୍ରେଷ୍ଠମିନ୍ଦ୍ରପ୍ରସ୍ଥଗତଂ ତଥା।
`ଯିଯାସୁଃ ଖାଣ୍ଡବପ୍ରସ୍ଥମମନ୍ତ୍ରଯତ କେଶବଃ॥ 1-247-7 (10695)
ପୂର୍ବଂ ସତ୍କୃତ୍ଯ ରାଜାନମାହୁକଂ ମଧୁସୂଦନଃ।
ତଥା ବିପୃଥୁମକ୍ରୂରଂ ସଂକର୍ଷଣବିଡୂରଥୌ॥ 1-247-8 (10696)
ମନ୍ତ୍ରଯାମାସ ତୈଃ ସାର୍ଧଂ ପୁରସ୍ତାଦଭିମାନିତୈଃ।
ସଂକର୍ଷଣେନ ସଂମନ୍ତ୍ର୍ଯ ହ୍ଯନୁଜ୍ଞାତୋ ମହାମନାଃ॥ 1-247-9 (10697)
ସଂପ୍ରୀତଃ ପ୍ରୀଯମାଣେନ ବୃଷ୍ଣିରାଜ୍ଞା ଜନାର୍ଦନଃ।
ଅଭିମନ୍ତ୍ର୍ଯାଭ୍ଯନୁଜ୍ଞାତୋ ଯୋଜଯାମାସ ବାହିନୀମ୍॥ 1-247-10 (10698)
ତତସ୍ତୁ ଯାନାନ୍ଯାସାଦ୍ଯ ଦାଶାର୍ହାଣାଂ ଯଶସ୍ବିନାମ୍।
ସିଂହନାଦଃ ପ୍ରହୃଷ୍ଟାନାଂ କ୍ଷଣେନ ସମପଦ୍ଯତ॥ 1-247-11 (10699)
ଯୋଜଯନ୍ତଃ ସଦଶ୍ବାଂସ୍ତୁ ଯାନଯୁଗ୍ଯଂ ରଥାଂସ୍ତଥା।
ଗଜାଂଶ୍ଚ ପରମପ୍ରୀତଃ ସମପଦ୍ଯନ୍ତ ବୃଷ୍ଣଯଃ॥' 1-247-12 (10700)
ବୃଷ୍ଣ୍ଯନ୍ଧକମହାମାତ୍ରୈଃ ସହ ବୀରୈର୍ମହାରଥୈଃ।
ଭ୍ରାତୃଭିଶ୍ଚ କୁମାରୈଶ୍ଚ ଯୋଧୈଶ୍ଚ ଶତଶୋ ବୃତଃ॥ 1-247-13 (10701)
ସୈନ୍ଯେନ ମହତା ଶୌରିରଭିଗୁପ୍ତଃ ସମନ୍ତତଃ।
ତତ୍ର ଦାନପତିଃ ଶ୍ରୀମାଞ୍ଜଗାମ ସ ମହାଯଶାଃ॥ 1-247-14 (10702)
ଅକ୍ରୂରୋ ବୃଷ୍ଣିବୀରାଣାଂ ସେନାପତିରରିନ୍ଦମଃ।
ଅନାଧୃଷ୍ଟିର୍ମହାତେଜା ଉଦ୍ଧବଶ୍ଚ ମହାଯଶାଃ॥ 1-247-15 (10703)
ସାକ୍ଷାଦ୍ବୃହସ୍ପତେଃ ଶିଷ୍ଯୋ ମହାବୁଦ୍ଧିର୍ମହାମନାଃ।
ସତ୍ଯକଃ ସାତ୍ଯକିଶ୍ଚୈବ କୃତବର୍ମା ଚ ସାତ୍ବତଃ॥ 1-247-16 (10704)
ପ୍ରଦ୍ଯୁମ୍ନଶ୍ଚୈବ ସାମ୍ବଶ୍ଚ ନିଶଙ୍କୁଃ ଶଙ୍କୁରେବ ଚ।
ଚାରୁଦେଷ୍ଣଶ୍ଚ ବିକ୍ରାନ୍ତୋ ଝିଲ୍ଲୀ ବିପୃଥୁରେବ ଚ॥ 1-247-17 (10705)
ସାରଣଶ୍ଚ ମହାବାହୁର୍ଗଦଶ୍ଚ ବିଦୁଷାଂ ବରଃ।
ଏତେ ଚାନ୍ଯେ ଚ ବହବୋ ବୃଷ୍ଣିଭୋଜାନ୍ଧକାସ୍ତଥା॥ 1-247-18 (10706)
ଆଜଗ୍ମଃ ଖାଣ୍ଡବପ୍ରସ୍ଥମାଦାଯ ହରଣଂ ବହୁ।
`ଉପହାରଂ ସମାଦାଯ ପୃଥୁବୃଷ୍ଣିପୁରୋଗମାଃ॥ 1-247-19 (10707)
ପ୍ରଯଯୁଃ ସିଂହନାଦେନ ସୁଭଧ୍ରାମବଲୋକକାଃ।
ତେ ତ୍ବଦୀର୍ଘେଣ କାଲେନ କୃଷ୍ଣେନ ସହ ଯାଦବାଃ।
ପୁରମାସାଦ୍ଯ ପାର୍ଥାନାଂ ପରାଂ ପ୍ରୀତିମବାପ୍ନୁବନ୍॥' 1-247-20 (10708)
ତତୋ ଯୁଧିଷ୍ଠିରୋ ସଜା ଶ୍ରୁତ୍ବା ମାଘବମାଗତମ୍।
ପ୍ରତିଗ୍ରହାର୍ଥଂ କୃଷ୍ଣସ୍ଯ ଯମୌ ପ୍ରାସ୍ଥାପଯତ୍ତଦା॥ 1-247-21 (10709)
ତାଭ୍ଯାଂ ପ୍ରତିଗୃହୀତଂ ତୁ ବୃଷ୍ଣିଚକ୍ରଂ ମହର୍ଦ୍ଧିମତ୍।
ବିବେଶ ଖାଣ୍ଡବପ୍ରସ୍ଥଂ ପତାକାଧ୍ବଜଶୋଭିତମ୍॥ 1-247-22 (10710)
ସଂମୃଷ୍ଟସିକ୍ତପନ୍ଥାନଂ ପୁଷ୍ପପ୍ରକରଶୋଭିତମ୍।
ଚନ୍ଦନସ୍ଯ ରସୈଃ ଶୀତୈଃ ପୁମ୍ଯଗନ୍ଧୈର୍ନିଷେବିତମ୍॥ 1-247-23 (10711)
ଦହ୍ଯତାଽଗୁରୁଣା ଚୈବ ଦେଶେ ଦେଶେ ସୁଗନ୍ଧିନା।
ହୃଷ୍ଟପୁଷ୍ଟଜନାକୀର୍ଣଂ ବଣିଗ୍ଭିରୁପଶୋଭିତମ୍॥ 1-247-24 (10712)
ପ୍ରତିପେଦେ ମହାବାହୁଃ ସହ ରାମେଣ କେଶବଃ।
ବୃଷ୍ଣ୍ଯନ୍ଧକୈସ୍ତଥା ଭୋଜୈଃ ସମେତଃ ପୁରୁଷୋତ୍ତମଃ॥ 1-247-25 (10713)
ସଂପୂଜ୍ଯମାନଃ ପୌରୈଶ୍ଚ ବ୍ରାହ୍ମଣୈଶ୍ଚ ସହସ୍ରଶଃ।
ବିବେଶ ଭବନଂ ରାଜ୍ଞଃ ପୁରନ୍ଦରଗୃହୋପମମ୍॥ 1-247-26 (10714)
ଯୁଧିଷ୍ଠିରସ୍ତୁ ରାମେଣ ସମାଗଚ୍ଛଦ୍ଯଥାବିଧି।
ମୂର୍ଧ୍ନି କେଶବମାଘ୍ରାଯ ବାହୁଭ୍ଯାଂ ପରିଷସ୍ବଜେ॥ 1-247-27 (10715)
ତଂ ପ୍ରୀଯମାଣୋ ଗୋବିନ୍ଦୋ ବିନଯେନାଭିପୂଜଯନ୍।
ଭୀମଂ ଚ ପୁରୁଷବ୍ଯାଘ୍ରଂ ବିଧିବତ୍ପ୍ରତ୍ଯପୂଜଯତ୍॥ 1-247-28 (10716)
ତାଂଶ୍ଚ ବୃଷ୍ଣ୍ଯନ୍ଧକଶ୍ରେଷ୍ଠାନ୍କୁନ୍ତୀପୁତ୍ରୋ ଯୁଧିଷ୍ଠିରଃ।
ପ୍ରତିଜଗ୍ରାହ ସତ୍କାରୈର୍ଯଥାବିଧି ଯଥାଗତମ୍॥ 1-247-29 (10717)
ଗୁରୁବତ୍ପୂଜଯାମାସ କାଂଶ୍ଚିତ୍କାଂଶ୍ଚିଦ୍ବଯସ୍ଯବତ୍।
କାଂଶ୍ଚିଦଭ୍ଯବଦତ୍ପ୍ରେମ୍ଣା କୈଶ୍ଚିଦପ୍ଯଭିବାଦିତଃ॥ 1-247-30 (10718)
`ତତଃ ପୃଥା ଚ ପାର୍ଥାଶ୍ଚ ମୁଦିତାଃ କୃଷ୍ଣଯା ସହ।
ପୁଣ୍ଡରୀକାକ୍ଷମାସାଦ୍ଯ ବଭୂବୁର୍ମୁଦିତେନ୍ଦ୍ରିଯାଃ॥ 1-247-31 (10719)
ହର୍ଷାଦଭିଗତୌ ଦୃଷ୍ଟ୍ବା ସଂକର୍ଷଣଜନାର୍ଦନୌ।
ବନ୍ଧୁମନ୍ତଂ ପୃଥା ପାର୍ଥଂ ଯୁଧିଷ୍ଠିରମମନ୍ଯତ॥ 1-247-32 (10720)
ତତଃ ସଙ୍କର୍ଷଣାକ୍ରୂରାବପ୍ରମେଯାବଦୀନବତ୍।
ଭଦ୍ରବତ୍ଯୈ ସୁଭଦ୍ରାଯୈ ଧନୌଘମୁପଜହ୍ରତୁଃ॥ 1-247-33 (10721)
ପ୍ରବାଲାନି ଚ ହାରାଣି ଭୂଷଣାନି ସହସ୍ରଶଃ।
କୁଥାସ୍ତରପରିସ୍ତୋମାନ୍ବ୍ଯାଘ୍ରାଜିନପୁରସ୍କୃତାନ୍॥ 1-247-34 (10722)
ବିବିଧୈଶ୍ଚୈବ ରଂତ୍ନୌଗୈର୍ଦୀପ୍ତପ୍ରଭମଜାଯତ।
ଶଯନାସନଯାନୈଶ୍ଚ ଯୁଧିଷ୍ଠିରନିବେଶନମ୍॥ 1-247-35 (10723)
ତତଃ ପ୍ରୀତିକରୋ ଯୂନାଂ ବିବାହପରମୋତ୍ସବଃ।
ଭଦ୍ରବତ୍ଯୈ ସୁଭଦ୍ରାଯୈ ସପ୍ତରାତ୍ରମବର୍ତତ॥' 1-247-36 (10724)
ତେଷାଂ ଦଦୌ ହୃଷୀକେଶୋ ଜନ୍ଯାର୍ଥେ ଧନମୁତ୍ତମମ୍।
ହରଣଂ ବୈ ସୁଭଦ୍ରାଯା ଜ୍ଞାତିଦେଯଂ ମହାଯଶାଃ॥ 1-247-37 (10725)
ରଥାନାଂ କାଞ୍ଚନାଙ୍ଗାନାଂ କିଙ୍କିଣୀଜାଲମାଲିନାମ୍।
ଚତୁର୍ଯୁଜାମୁପେତାନାଂ ସୂତୈଃ କୁଶଲଶିକ୍ଷିତୈଃ॥ 1-247-38 (10726)
ସହସ୍ରଂ ପ୍ରଦଦୌ କୃଷ୍ମୋ ଗବାମଯୁତମେବ ଚ।
ଶ୍ରୀମାନ୍ମାଥୁରଦେଶ୍ଯାନାଂ ଦୋଗ୍ଧ୍ରୀଣାଂ ପୁଣ୍ଯବର୍ଚସାମ୍॥ 1-247-39 (10727)
ବଡବାନାଂ ଚ ଶୁଦ୍ଧାନାଂ ଚନ୍ଦ୍ରାଂଶୁସମବର୍ଚସାମ୍।
ଦଦୌ ଜନାର୍ଦନଃ ପ୍ରୀତ୍ଯା ସହସ୍ରଂ ହେମଭୂଷିତମ୍॥ 1-247-40 (10728)
ତଥୈବାଶ୍ବତରୀଣାଂ ଚ ଦାନ୍ତାନାଂ ବାତରଂହସାମ୍।
ଶତାନ୍ଯଞ୍ଜନକେଶୀନାଂ ଶ୍ବେତାନାଂ ପଞ୍ଚପଞ୍ଚ ଚ॥ 1-247-41 (10729)
ସ୍ନାନପାନୋତ୍ସବେ ଚୈବ ପ୍ରଯୁକ୍ତଂ ବଯସାନ୍ବିତମ୍।
ସ୍ତ୍ରୀଣାଂ ସହସ୍ରଂ ଗୌରୀଣାଂ ସୁବେଷାଣାଂ ସୁବର୍ଚସାମ୍॥ 1-247-42 (10730)
ସୁବର୍ଣଶତକଣ୍ଠୀନାମରୋମାଣାଂ ସ୍ବଲଙ୍କୃତାମ୍।
ପରିଚର୍ଯାସୁ ଦକ୍ଷାଣାଂ ପ୍ରଦଦୌ ପୁଷ୍କରେକ୍ଷଣଃ॥ 1-247-43 (10731)
ପୃଷ୍ଠ୍ଯାନାମପି ଚାଶ୍ବାନାଂ ବାହ୍ଲିକାନାଂ ଜନାର୍ଦନଃ।
ଦଦୌ ଶତସହସ୍ରାଖ୍ଯଂ କନ୍ଯାଧନମନୁତ୍ତମମ୍॥ 1-247-44 (10732)
କୃତାକୃତସ୍ଯ ମୁଖ୍ଯସ୍ଯ କନକସ୍ଯାଗ୍ନିବର୍ଚସଃ।
ମନୁଷ୍ଯଭାରାନ୍ଦାଶାର୍ହୋ ଦଦୌ ଦଶ ଜନାର୍ଦନଃ॥ 1-247-45 (10733)
ଗଜାନାଂ ତୁ ପ୍ରଭିନ୍ନାନାଂ ତ୍ରିଧା ପ୍ରସ୍ରବତାଂ ମଦମ୍।
ଗିରିକୂଟନିକାଶାନାଂ ସମରେଷ୍ବନିବର୍ତିନାମ୍॥ 1-247-46 (10734)
କ୍ଲୃପ୍ତାନାଂ ପଟୁଘଣ୍ଟାନାଂ ଚାରୂଣାଂ ହେମମାଲିନାମ୍।
ହସ୍ତ୍ଯାରୋହୈରୁପେତାନାଂ ସହସ୍ରଂ ସାହସପ୍ରିଯଃ॥ 1-247-47 (10735)
ରାମଃ ପାଣିଗ୍ରହଣିକଂ ଦଦୌ ପାର୍ଥାଯ ଲାଙ୍ଗଲୀ।
ପ୍ରୀଯମାଣୋ ହଲଧରଃ ସଂବନ୍ଧଂ ପ୍ରତି ମାନଯନ୍॥ 1-247-48 (10736)
ସ ମହାଧନରତ୍ନୌଘୋ ବସ୍ତ୍ରକମ୍ବଲଫେନବାନ୍।
ମହାଗଜମହାଗ୍ରାହଃ ପତାକାଶୈବଲାକୁଲଃ॥ 1-247-49 (10737)
ପାଣ୍ଡୁସାଗରମାବିଦ୍ଧଃ ପ୍ରବିବେଶ ମହାଧନଃ।
ପୂର୍ଣମାପୂରଯଂସ୍ତେଷାଂ ଦ୍ବିଷଚ୍ଛୋକାବହୋଽଭବତ୍॥ 1-247-50 (10738)
ପ୍ରତିଜଗ୍ରାହ ତତ୍ସର୍ବଂ ଧର୍ମରାଜୋ ଯୁଧିଷ୍ଠିରଃ।
ପୂଜଯାମାସ ତାଂଶ୍ଚୈବ ବୃଷ୍ଣ୍ଯନ୍ଧକମହାରଥାନ୍॥ 1-247-51 (10739)
ତେ ସମେତା ମହାତ୍ମାନଃ କୁରୁବୃଷ୍ଣ୍ଯନ୍ଧକୋତ୍ତମାଃ।
ବିଜହ୍ରୁରମରାବାସେ ନରାଃ ସୁକୃତିନୋ ଯଥା॥ 1-247-52 (10740)
ତତ୍ରତତ୍ର ମହାନାଦୈରୁତ୍କୃଷ୍ଟତଲନାଦିତୈଃ।
ଯଥାଯୋଗଂ ଯଥାପ୍ରୀତି ବିଜହ୍ରୁଃ କୁରୁବୃଷ୍ଣଯଃ॥ 1-247-53 (10741)
ଏବମୁତ୍ତମବୀର୍ଯାସ୍ତେ ବିହୃତ୍ଯ ଦିବସାନ୍ବହୂନ୍।
ପୂଜିତାଃ କୁରୁଭିର୍ଜଗ୍ମୁଃ ପୁନର୍ଦ୍ବାରବତୀଂ ପ୍ରତି॥ 1-247-54 (10742)
ରାମଂ ପୁରୁସ୍କୃତ୍ଯ ଯଯୁର୍ବୃଷ୍ମ୍ଯନ୍ଧକମହାରଥାଃ।
ରତ୍ନାନ୍ଯାଦାଯ ଶୁଭ୍ରାଣି ଦତ୍ତାନି କୁରୁସତ୍ତମୈଃ॥ 1-247-55 (10743)
`ରାମଃ ସୁଭଦ୍ରାଂ ସଂପୂଜ୍ଯ ପରିଷ୍ବଜ୍ଯ ସ୍ବସାଂ ତଦା।
ନ୍ଯାସେତି ଦ୍ରୌପଦୀମୁକ୍ତ୍ବା ପରିଧାଯ ମହାବଲଃ॥ 1-247-56 (10744)
ପିତୃଷ୍ବସାଯାଶ୍ଚରଣାବଭିବାଦ୍ଯ ଯଯୌ ତଦା।
ତସ୍ମିନ୍କାଲେ ପୃଥା ପ୍ରୀତା ପୂଜଯାମାସ ତଂ ତଥା॥ 1-247-57 (10745)
ସ ବୃଷ୍ଣିବୀରଃ ପାର୍ଥୈଶ୍ଚ ପୌରୈଶ୍ଚ ପରମାର୍ଚିତଃ।
ଯଯୌ ଦ୍ବାରବତୀଂ ରାମୋ ବୃଷ୍ଣିଭିଃ ସହ ସଂଯୁତଃ॥ 1-247-58 (10746)
ବାସୁଦେବସ୍ତୁ ପାର୍ଥେନ ତତ୍ରୈବ ସହ ଭାରତ।
`ଚତୁସ୍ତ୍ରିଂଶଦହୋରାତ୍ରଂ ରମମାଣୋ ମହାବଲଃ।'
ଉବାସ ନଗରେ ରମ୍ଯେ ଶକ୍ରପ୍ରସ୍ଥେ ମହାତ୍ମନା॥ 1-247-59 (10747)
ବ୍ଯଚରଦ୍ଯମୁନାତୀରେ ମୃଗଯାଂ ସ ମହାଯଶାଃ।
ମୃଗାନ୍ବିଧ୍ଯନ୍ବରାହାଂଶ୍ଚ ରେମେ ସାର୍ଧଂ କିରୀଟିନା॥ 1-247-60 (10748)
ତତଃ ସୁଭଦ୍ରା ସୌଭଦ୍ରଂ କେଶବସ୍ଯ ପ୍ରିଯା ସ୍ବସା।
ଜଯନ୍ତମିବ ପୌଲୋମୀ ଖ୍ଯାତିମନ୍ତମଜୀଜନତ୍॥ 1-247-61 (10749)
ଦୀର୍ଘବାହୁଂ ମହୋରସ୍କଂ ବୃଷଭାକ୍ଷମରିନ୍ଦମମ୍।
ସୁଭଦ୍ରା ସୁଷୁବେ ବୀରମଭିମନ୍ଯୁଂ ନରର୍ଷଭମ୍॥ 1-247-62 (10750)
ଅଭୀଶ୍ଚ ମନ୍ଯୁମାଂଶ୍ଚୈବ ତତସ୍ତମରିମର୍ଦନମ୍।
ଅଭିମନ୍ଯୁରିତି ପ୍ରାହୁରାର୍ଜୁନିଂ ପୁରୁଷର୍ଷଭମ୍॥ 1-247-63 (10751)
ସ ସାତ୍ବତ୍ଯାମତିରଥଃ ସଂବଭୂବ ଘନଞ୍ଜଯାତ୍।
ମଖେ ନିର୍ମଥନେନେବ ଶମୀଗର୍ଭାଦ୍ଧୁତାଶନଃ॥ 1-247-64 (10752)
ଯସ୍ମିଞ୍ଜାତେ ମହାତେଜାଃ କୁନ୍ତୀପୁତ୍ରୋ ଯୁଧିଷ୍ଠିରଃ।
ଅଯୁତଂ ଗା ଦ୍ବିଜାତିଭ୍ଯଃ ପ୍ରାଦାନ୍ନିଷ୍କାଂଶ୍ଚ ଭାରତ॥ 1-247-65 (10753)
ଦଯିତୋ ବାସୁଦେବସ୍ଯ ବାଲ୍ଯାତ୍ପ୍ରଭୃତି ଚାଭବତ୍।
ପିତୄଣାଂ ଚୈବ ସର୍ବେଷାଂ ପ୍ରଜାନାମିବ ଚନ୍ଦ୍ରମାଃ॥ 1-247-66 (10754)
ଜନ୍ମପ୍ରଭୃତି କୃଷ୍ଣଶ୍ଚ ଚକ୍ରେ ତସ୍ଯ କ୍ରିଯାଃ ଶୁଭାଃ।
ସ ଚାପି ବବୃଧେ ବାଲଃ ଶୁକ୍ଲପକ୍ଷେ ଯଥା ଶଶୀ॥ 1-247-67 (10755)
ଚତୁଷ୍ପାଦଂ ଦଶବିଧଂ ଧନୁର୍ବେଦମରିନ୍ଦମଃ।
ଅର୍ଜୁନାଦ୍ବେଦ ବେଦଜ୍ଞଃ ସକଲଂ ଦିବ୍ଯମାନୁଷମ୍॥ 1-247-68 (10756)
ବିଜ୍ଞାନେଷ୍ବପି ଚାସ୍ତ୍ରାଣାଂ ସୌଷ୍ଠବେ ଚ ମହାବଲଃ।
କ୍ରିଯାସ୍ବପି ଚ ସର୍ବାସୁ ବିଶେଷାନଭ୍ଯସିକ୍ଷଯତ୍॥ 1-247-69 (10757)
ଆଗମେ ଚ ପ୍ରଯୋଗେ ଚ ଚକ୍ରେ ତୁଲ୍ଯମିବାତ୍ମନା।
ତୁତୋଷ ପୁତ୍ରଂ ସୌଭଦ୍ରଂ ପ୍ରେକ୍ଷଣାଣୋ ଧନଞ୍ଜଯଃ॥ 1-247-70 (10758)
ସର୍ବସଂହନନୋପେତଂ ସର୍ବଲକ୍ଷଣଲକ୍ଷିତମ୍।
ଦୁର୍ଧର୍ଷମୃଷଭସ୍କନ୍ଧଂ ବ୍ଯାତ୍ତାନନମିବୋରଗମ୍॥ 1-247-71 (10759)
ସିଂହଦର୍ପଂ ମହେଷ୍ବାସଂ ମତ୍ତମାତଙ୍ଗବିକ୍ରମମ୍।
ମେଘଦୁନ୍ଦୁଭିନିର୍ଘୋଷଂ ପୂର୍ଣଚନ୍ଦ୍ରନିଭାନନମ୍॥ 1-247-72 (10760)
କୃଷ୍ଣସ୍ଯ ସଦୃଶଂ ଶୌର୍ଯେ ବୀର୍ଯେ ରୂପେ ତଥାଽଽକୃତୌ।
ଦଦର୍ଶ ପୁତ୍ରଂ ବୀଭତ୍ସୁର୍ମଘବାନିବ ତଂ ଯଥା॥ 1-247-73 (10761)
ପାଞ୍ଚାଲ୍ଯପି ତୁ ପଞ୍ଚଭ୍ଯଃ ପତିଭ୍ଯଃ ଶୁଭଲକ୍ଷଣା।
ଲେଭେ ପଞ୍ଚ ସୁତାନ୍ବୀରାଞ୍ଶ୍ରେଷ୍ଠାନ୍ପଞ୍ଚାଚଲାନିବ॥ 1-247-74 (10762)
ଯୁଧିଷ୍ଠିରାତ୍ପ୍ରତିବିନ୍ଧ୍ଯଂ ସୁତସୋମଂ ବୃକୋଦରାତ୍।
ଅର୍ଜୁନାଚ୍ଛ୍ରୁତକର୍ମାଣଂ ଶତାନୀକଂ ଚ ନାକୁଲିମ୍॥ 1-247-75 (10763)
ସହଦେବାଚ୍ଛ୍ରୁତସେନମେତାନ୍ପଞ୍ଚ ମହାରଥାନ୍।
ପାଞ୍ଚାଲୀ ସୁଷୁବେ ବୀରାନାଦିତ୍ଯାନଦିତିର୍ଯଥା॥ 1-247-76 (10764)
ଶାସ୍ତ୍ରତଃ ପ୍ରତିବିନ୍ଧ୍ଯନ୍ତମୂଚୁର୍ବିପ୍ରାଯୁଧିଷ୍ଠିରମ୍।
ପରପ୍ରହରଣଜ୍ଞାନେ ପ୍ରତିବିନ୍ଧ୍ଯୋ ଭତ୍ବଯମ୍॥ 1-247-77 (10765)
ସୁତେସୋମସହସ୍ରେ ତୁ ସୋମାର୍କସମତେଜସମ୍।
ସୁତସୋମଂ ମହେଷ୍ବାସଂ ସୁଷୁବେ ଭୀମସେନତଃ॥ 1-247-78 (10766)
ଶ୍ରୁତଂ କର୍ମ ମହତ୍କୃତ୍ବା ନିବୃତ୍ତେନ କିରୀଟିନା।
ଜାତଃ ପୁତ୍ରସ୍ତଥେତ୍ଯେବଂ ଶ୍ରୁତକର୍ମା ତତୋଽଭବତ୍॥ 1-247-79 (10767)
ଶତାନୀକସ୍ଯ ରାଜର୍ଷେଃ କୌରବ୍ଯସ୍ଯ ମହାତ୍ମନଃ।
ଚକ୍ରେ ପୁତ୍ରଂ ସନାମାନଂ ନକୁଲଃ କୀର୍ତିବର୍ଧନମ୍॥ 1-247-80 (10768)
ତତସ୍ତ୍ବଜୀଜନତ୍କୃଷ୍ଣା ନକ୍ଷତ୍ରେ ବହ୍ନିଦୈବତେ।
ସହଦେବାତ୍ସୁତଂ ତସ୍ମାଚ୍ଛ୍ରୁତସେନେତି ତଂ ବିଦୁଃ॥ 1-247-81 (10769)
ଏକବର୍ଷାନ୍ତରାସ୍ତ୍ବେତେ ଦ୍ରୌପଦେଯା ଯଶସ୍ବିନଃ।
ଅନ୍ବଜାଯନ୍ତ ରାଜେନ୍ଦ୍ର ପରସ୍ପରହିତୈଷିଣଃ॥ 1-247-82 (10770)
ଜାତକର୍ମାଣ୍ଯାନୁପୂର୍ବ୍ଯାଚ୍ଚୂଡୋପନଯନାନି ଚ।
ଚକାର ବିଧିବଦ୍ଧୌମ୍ଯସ୍ତେଷାଂ ଭରତସତ୍ତମ॥ 1-247-83 (10771)
କୃତ୍ବା ଚ ବେଦାଧ୍ଯଯନଂ ତତଃ ସୁଚରିତବ୍ରତାଃ।
ଜଗୃହୁଃ ସର୍ବମିଷ୍ବସ୍ତ୍ରମର୍ଜୁନାଦ୍ଦିବ୍ଯମାନୁଷମ୍॥ 1-247-84 (10772)
ଦିବ୍ଯଗର୍ଭୋପମୈଃ ପୁତ୍ରୈର୍ବ୍ଯୂଢୋରସ୍କୈର୍ମହାରଥୈଃ।
ଅନ୍ବିତା ରାଜଶାର୍ଦୂଲ ପାଣ୍ଡବା ମୁଦମାପ୍ନୁବନ୍॥ ॥ 1-247-85 (10773)
ଇତି ଶ୍ରୀମନ୍ମହାଭାରତେ ଆଦିପର୍ବଣି ହରଣାହରଣପର୍ବଣି ସପ୍ତଚତ୍ବାରିଂଶଦଧିକଦ୍ବିଶତତମୋଽଧ୍ଯାଯଃ॥ 247 ॥ ॥ ସମାପ୍ତଂ ଚ ହରଣାହରଣପର୍ବ ॥
Mahabharata - Adi Parva - Chapter Footnotes
1-247-43 ଅରୋଗାଣାଂ ସ୍ବଲଙ୍କୃତାଂ ଇତି ଖ. ପାଠଃ॥ 1-247-74 ଧରା ପଞ୍ଚ ଗଣାନିବ। ଇତି ଙ ପାଠଃ॥ 1-247-77 ପରପ୍ରହରଣଜ୍ଞାନେ ଶତ୍ରୁକୃତପ୍ରହାରବେଦନାଯାଂ ବିଧ୍ଯ ଇବ ନିର୍ବିଜ୍ଞାନ ଇତି ପ୍ରତିବିନ୍ଧ୍ଯଃ॥ ସପ୍ତଚତ୍ବାରିଂଶଦଧିକଦ୍ବିଶତତମୋଽଧ୍ଯାଯଃ॥ 247 ॥ଆଦିପର୍ବ - ଅଧ୍ଯାଯ 248
॥ ଶ୍ରୀଃ ॥
1.248. ଅଧ୍ଯାଯଃ 248
(ଅଥ ଖାଣ୍ଡବଦାହପର୍ବ ॥ 18 ॥)
Mahabharata - Adi Parva - Chapter Topics
ଯୁଧିଷ୍ଠିରସ୍ଯ ରାଜ୍ଯପରିପାଲନପ୍ରକାରବର୍ଣନମ୍॥ 1 ॥ ତତ୍ରୈବ ନିବସତା ଶ୍ରୀକୃଷ୍ଣେନ ସହାର୍ଜୁନସ୍ଯ ଜଲକ୍ରୀଡାର୍ଥଂ ଯମୁନାଂ ପ୍ରତି ଗମନମ୍॥ 2 ॥ ସସ୍ତ୍ରୀକଯୋସ୍ତଯୋର୍ଜଲକ୍ରୀଡାବର୍ଣନମ୍॥ 3 ॥ ବ୍ରାହ୍ମଣରୂପସ୍ଯାଗ୍ନେସ୍ତତ୍ରାଗମନମ୍॥ 4 ॥Mahabharata - Adi Parva - Chapter Text
1-248-0 (10774)
ବୈଶମ୍ପାଯନ ଉବାଚ। 1-248-0x (1314)
ଇନ୍ଦ୍ରପ୍ରସ୍ଥେ ବସନ୍ତସ୍ତେ ଜଘ୍ରୁରନ୍ଯାନ୍ନରାଧିପାନ୍।
ଶାସନାଦ୍ଧୃତରାଷ୍ଟ୍ରସ୍ଯ ରାଜ୍ଞଃ ଶାନ୍ତନବସ୍ଯ ଚ॥ 1-248-1 (10775)
ଆଶ୍ରିତ୍ଯ ଧର୍ମରାଜାନଂ ସର୍ବଲୋକୋଽବସତ୍ସୁଖମ୍।
ପୁଣ୍ଯଲକ୍ଷଣକର୍ମାଣଂ ସ୍ବଦେହମିବ ଦେହିନଃ॥ 1-248-2 (10776)
ସ ସମଂ ଧର୍ମକାମାର୍ଥାନ୍ସିଷେବେ ଭରତର୍ଷଭ।
ତ୍ରୀନିବାତ୍ମସମାନ୍ବନ୍ଧୂନ୍ନୀତିମାନିବ ମାନଯନ୍॥ 1-248-3 (10777)
ତେଷାଂ ସମବିଭକ୍ତାନାଂ କ୍ଷିତୌ ଦେହବତାମିବ।
ବଭୌ ଧର୍ମାର୍ଥକାମାନାଂ ଚତୁର୍ଥ ଇବ ପାର୍ଥିବଃ॥ 1-248-4 (10778)
ଅଧ୍ଯେତାରଂ ପରଂ ବେଦାନ୍ପ୍ରଯୋକ୍ତାରଂ ମହାଧ୍ବରେ।
ରକ୍ଷିତାରଂ ଶୁଭାଁଲ୍ଲୋକାଁଲ୍ଲୋଭିରେ ତଂ ଜନାଧିପମ୍॥ 1-248-5 (10779)
ଅଧିଷ୍ଠାନବତୀ ଲକ୍ଷ୍ମୀଃ ପରାଯଣବତୀ ମତିଃ।
ବର୍ଧମାନୋଽଖିଲୋ ଧର୍ମସ୍ତେନାସୀତ୍ପୃଥିବୀକ୍ଷିତାମ୍॥ 1-248-6 (10780)
ଭ୍ରାତୃଭିଃ ସହିତୌ ରାଜା ଚତୁର୍ଭିରଧିକଂ ବଭୌ।
ପ୍ରଯୁଜ୍ଯମାନୈର୍ବିତତୋ ବେଦୈରିବ ମହାଧ୍ବରଃ॥ 1-248-7 (10781)
ତଂ ତୁ ଧୌମ୍ଯାଦଯୋ ବିପ୍ରାଃ ପରିବାର୍ଯୋପତସ୍ଥିରେ।
ବୃହସ୍ପତିସମା ମୁଖ୍ଯାଃ ପ୍ରଜାପତିମିବାମରାଃ॥ 1-248-8 (10782)
ଧର୍ମରାଜେ ହ୍ଯତିପ୍ରୀତ୍ଯା ପୂର୍ଣଚନ୍ଦ୍ର ଇବାମଲେ।
ପ୍ରଜାନାଂ ରେମିରେ ତୁଲ୍ଯଂ ନେତ୍ରାଣି ହୃଦଯାନି ଚ॥ 1-248-9 (10783)
ନ ତୁ କେବଲଦୈବେନ ପ୍ରଜା ଭାବେନ ରେମିରେ।
ଯଦ୍ବଭୂବ ମନଃକାନ୍ତଂ କର୍ମଣା ସ ଚକାର ତତ୍॥ 1-248-10 (10784)
ନ ହ୍ଯଯୁକ୍ତଂ ନ ଚାସତ୍ଯଂ ନାସହ୍ଯଂ ନ ଚ ବାଽପ୍ରିଯମ୍।
ଭାଷିତଂ ଚାରୁଭାଷସ୍ଯ ଜଜ୍ଞେ ପାର୍ଥସ୍ଯ ଧୀମତଃ॥ 1-248-11 (10785)
ସ ହି ସର୍ବସ୍ଯ ଲୋକସ୍ଯ ହିତମାତ୍ମନ ଏବ ଚ।
ଚିକୀର୍ଷନ୍ସୁମହାତେଜା ରେମେ ଭରତସତ୍ତମ॥ 1-248-12 (10786)
ତଥା ତୁ ମୁଦିତାଃ ସର୍ବେ ପାଣ୍ଡବା ବିଗତଜ୍ବରାଃ।
ଅବସନ୍ପୃଥିବୀପାଲାଁସ୍ତାପଯନ୍ତଃ ସ୍ବତେଜସା॥ 1-248-13 (10787)
ତତଃ କତିପଯାହସ୍ଯ ବୀଭତ୍ସୁଃ କୃଷ୍ଣମବ୍ରବୀତ୍।
ଉଷ୍ଣାନି କୃଷ୍ଣ ବର୍ତନ୍ତେ ଗଚ୍ଛାବୋ ଯମୁନାଂ ପ୍ରତି॥ 1-248-14 (10788)
ସୁହୃଜ୍ଜନବୃତୌ ତତ୍ର ବିହୃତ୍ଯ ମଧୁସୂଦନ।
ସାଯାହ୍ନେ ପୁନରେଷ୍ଯାବୋ ରୋଚତାଂ ତେ ଜନାର୍ଦନ॥ 1-248-15 (10789)
ବାସୁଦେବ ଉବାଚ। 1-248-16x (1315)
କୁନ୍ତୀମାତର୍ମମାପ୍ଯେତଦ୍ରୋଚତେ ଯଦ୍ବଯଂ ଜଲେ।
ସୁହୃଜ୍ଜନବୃତାଃ ପାର୍ଥ ବିହରେମ ଯଥାସୁଖମ୍॥ 1-248-16 (10790)
ବୈଶମ୍ପାଯନ ଉବାଚ। 1-248-17x (1316)
ଆମନ୍ତ୍ର୍ଯ ତୌ ଧର୍ମରାଜମନୁଜ୍ଞାପ୍ଯ ଚ ଭାରତ।
ଜଗ୍ମତୁଃ ପାର୍ଥଗୋବିନ୍ଦୌ ସୁହୃଜ୍ଜନବୃତୌ ତତଃ॥ 1-248-17 (10791)
`ବିହରନ୍ଖାଣ୍ଡବପ୍ରସ୍ଥେ କାନନେଷୁ ଚ ମାଧବଃ।
ପୁଷ୍ପିତୋପବନାଂ ଦିବ୍ଯାଂ ଦଦର୍ଶ ଯମୁନାଂ ନଦୀମ୍॥ 1-248-18 (10792)
ତସ୍ଯାସ୍ତୀରେ ବନଂ ଦିବ୍ଯଂ ସର୍ବର୍ତୁସୁମନୋହରମ୍।
ଆଲଯଂ ସର୍ବଭୂତାନାଂ ଖାଣ୍ଡବଂ ଖଡ୍ଗଚର୍ମଭୃତ୍॥ 1-248-19 (10793)
ଦଦର୍ଶ କୃତ୍ସ୍ନଂ ତଂ ଦେଶଂ ସହିତଃ ସବ୍ଯସାଚିନା।
ଋକ୍ଷଗୋମାଯୁଶାର୍ଦୂଲବୃକକୃଷ୍ଣମୃଗାନ୍ବିତମ୍॥ 1-248-20 (10794)
ଶାଖାମୃଗଗଣୈର୍ଜୁଷ୍ଟଂ ଗଜଦ୍ବୀପିନିଷେବିତମ୍।
ଶକବର୍ହିଣଦାତ୍ଯୂହହଂସସାରସନାଦିତମ୍॥ 1-248-21 (10795)
ନାନାମୃଗସହସ୍ରୈଶ୍ଚ ପକ୍ଷିଭିଶ୍ଚ ସମାବୃତମ୍।
ମାନାର୍ହଂ ତଚ୍ଚ ସର୍ବେଷାଂ ଦେବଦାନବରକ୍ଷସାମ୍॥ 1-248-22 (10796)
ଆଲଯଂ ପନ୍ନଗେନ୍ଦ୍ରସ୍ଯ ତକ୍ଷକସ୍ଯ ମହାତ୍ମନଃ।
ବେଣୁଶାଲ୍ମଲିବିଲ୍ବାତିମୁକ୍ତଜଂବ୍ବାମ୍ରଚମ୍ପକୈଃ॥ 1-248-23 (10797)
ଅଙ୍କୋଲପନସାଶ୍ବତ୍ଥତାଲଜମ୍ବୀରବଞ୍ଜୁଲୈଃ।
ଏକପଦ୍ମକତାଲୈଶ୍ଚ ଶତଶଶ୍ଚୈବ ରୌହିଣୈଃ॥ 1-248-24 (10798)
ନାନାବୃକ୍ଷୈଃ ସମାଯୁକ୍ତଂ ନାନାଗୁଲ୍ମସମାବୃତମ୍।
ବେତ୍ରକୀଚକସଂଯୁକ୍ତମାଶୀବିଷନିଷେବିତମ୍॥ 1-248-25 (10799)
ବିଗତାର୍କଂ ମହାଭୋଗବିତତଦ୍ରୁମସଙ୍କଟମ୍।
ବ୍ଯାଲଦଂଷ୍ଟ୍ରିଗଣାକୀର୍ଣଂ ବର୍ଜିତଂ ସର୍ବମାନୁଷୈଃ॥ 1-248-26 (10800)
ରକ୍ଷସାଂ ଭୁଜଗେନ୍ଦ୍ରାଣାଂ ପକ୍ଷିଣାଂ ଚ ମହାଲଯମ୍।
ଖାଣ୍ଡବଂ ସୁମହାପ୍ରାଜ୍ଞଃ ସର୍ବଲୋକବିଭାଗବିତ୍॥ 1-248-27 (10801)
ଦୃଷ୍ଟବାନ୍ସର୍ବଲୋକେଶ ଅର୍ଜୁନେନ ସମନ୍ବିତଃ।
ପୀତାମ୍ବରଧରୋ ଦେବସ୍ତଦ୍ବନଂ ବହୁଧା ଚରନ୍॥ 1-248-28 (10802)
ସଦ୍ରୁମସ୍ଯ ସଯକ୍ଷସ୍ଯ ସଭୂତଗଣପକ୍ଷିଣଃ।
ଖାଣ୍ଡବସ୍ଯ ବିନାଶଂ ତଂ ଦଦର୍ଶ ମଧୁସୂଦନଃ॥' 1-248-29 (10803)
ବିହାରଦେଶଂ ସଂପ୍ରାପ୍ଯ ନାନାଦ୍ରୁମମନୁତ୍ତମମ୍।
ଗୃହୈରୁଚ୍ଚାବଚୈର୍ଯୁକ୍ତଂ ପୁରନ୍ଦରପୁରୋପମମ୍॥ 1-248-30 (10804)
ଭକ୍ଷ୍ଯୈର୍ଭୋଜ୍ଯୈଶ୍ଚ ପେଯୈଶ୍ଚ ରସବଦ୍ବିର୍ମହାଧନୈଃ।
ମାଲ୍ଯୈଶ୍ଚ ବିବିଧୈର୍ଗନ୍ଧୈସ୍ତଥା ବାର୍ଷ୍ମେଯପାଣ୍ଡବୌ॥ 1-248-31 (10805)
ତଦା ବିବିଶତୁଃ ପୂର୍ଣଂ ରତ୍ନୈରୁଚ୍ଚାବଚୈଃ ଶୁଭୈଃ।
ଯଥୋପଜୋଷଂ ସର୍ବଶ୍ଚ ଜନଶ୍ଚିକ୍ରୀଡ ଭାରତ॥ 1-248-32 (10806)
ସ୍ତ୍ରିଯଶ୍ଚ ବିପୁଲଶ୍ରୋଷ୍ଣ୍ଯଶ୍ଚାରୁପୀନପଯୋଧରାଃ।
ମଦସ୍ଖଲିତଗାମିନ୍ଯଶ୍ଚିକ୍ରୀଡୁର୍ବାମଲୋଚନାଃ॥ 1-248-33 (10807)
ବନେ କାଶ୍ଚିଜ୍ଜଲେ କାଶ୍ଚିତ୍କାଶ୍ଚିଦ୍ବେଶ୍ମସୁ ଚାଙ୍ଗନାଃ।
ଯଥାଦେଶଂ ଯଥାପ୍ରୀତି ଚିକ୍ରୀଡୁଃ ପାର୍ଥକୃଷ୍ଣଯୋଃ॥ 1-248-34 (10808)
ବାସୁଦେବପ୍ରିଯା ନିତ୍ଯଂ ସତ୍ଯଭାମା ଚ ଭାମିନୀ।
ଦ୍ରୌପଦୀ ଚ ସୁଭଦ୍ରା ଚ ବାସାଂସ୍ଯାଭରଣାନି ଚ।
ପ୍ରାଯଚ୍ଛନ୍ତ ମହାରାଜ ସ୍ତ୍ରୀଣାଂ ତାଃ ସ୍ମ ମଦୋତ୍କଟାଃ॥ 1-248-35 (10809)
କାଶ୍ଚିତ୍ପ୍ରହୃଷ୍ଟା ନନୃତୁଶ୍ଚୁକ୍ରୁଶୁଶ୍ଚ ତଥା ପରାଃ।
ଜହସୁଶ୍ଚ ପରା ନାର୍ଯଃ ପପୁଶ୍ଚାନ୍ଯା ବରାସବମ୍॥ 1-248-36 (10810)
ରୁରୁଧୁଶ୍ଚାପରାସ୍ତତ୍ର ପ୍ରଜଘ୍ନୁଶ୍ଚ ପରସ୍ପରମ୍।
ମନ୍ତ୍ରଯାମାସୁରନ୍ଯାଶ୍ଚ ରହସ୍ଯାନି ପରସ୍ପରମ୍॥ 1-248-37 (10811)
ବେଣୁବୀଣାମୃଦଙ୍ଗାନାଂ ମନୋଜ୍ଞାନାଂ ଚ ସର୍ବଶଃ।
ଶବ୍ଦେନ ପୂର୍ଯତେ ହର୍ମ୍ଯଂ ତଦ୍ବନଂ ସୁମହର୍ଦ୍ଧିମତ୍॥ 1-248-38 (10812)
ତସ୍ମିଂସ୍ତଦା ବର୍ତମାନୋ କୁରୁଦାଶାର୍ହନନ୍ଦନୌ।
ସମୀପଂ ଜଗ୍ମତୁଃ କଂଚିଦୁଦ୍ଦେଶଂ ସୁମନୋହରମ୍॥ 1-248-39 (10813)
ତତ୍ର ଗତ୍ବା ମହାତ୍ମାନୌ କୃଷ୍ଣୌ ପରପୁରଞ୍ଜଯୌ।
ମହାର୍ହାସନଯୋ ରାଜଂସ୍ତତସ୍ତୌ ସନ୍ନିଷୀଦତୁଃ॥ 1-248-40 (10814)
ତତ୍ର ପୂର୍ବବ୍ଯତୀତାନି ବିକ୍ରାନ୍ତାନୀତରାଣି ଚ।
ବହୂନି କଥଯିତ୍ବା ତୌ ରେମାତେ ପାର୍ଥମାଧବୌ॥ 1-248-41 (10815)
ତତ୍ରୋପବିଷ୍ଟୌ ମୁଦିତୌ ନାକପୃଷ୍ଠେଽଶ୍ବିନାବିବ।
ଅଭ୍ଯାଗଚ୍ଛତ୍ତଦା ବିପ୍ରୋ ବାସୁଦେବଧନଞ୍ଜଯୌ॥ 1-248-42 (10816)
ବୃହଚ୍ଛାଲପ୍ରତୀକାଶଃ ପ୍ରତପ୍ତକନକପ୍ରଭଃ।
ହରିପିଙ୍ଗୋଜ୍ଜ୍ବଲଶ୍ମଶ୍ରୁଃ ପ୍ରମାଣାଯାମତଃ ସମଃ॥ 1-248-43 (10817)
ତରୁଣାଦିତ୍ଯସଙ୍କାଶଶ୍ଚୀରବାସା ଜଟାଧରଃ।
ପଦ୍ମପତ୍ରାନନଃ ପିଙ୍ଗସ୍ତେଜସା ପ୍ରଜ୍ବଲନ୍ନିବ॥ 1-248-44 (10818)
ଜଗାମ ତୌ କୃଷ୍ଣପାର୍ଥୌ ଦିଧକ୍ଷୁଃ ଖାଣ୍ଡବଂ ବନମ୍।
ଉପସୃଷ୍ଟଂ ତୁ ତଂ କୃଷ୍ଣୋ ଭ୍ରାଜମାନଂ ଦ୍ବିଜୋତ୍ତମମ୍।
ଅର୍ଜନୋ ବାସୁଦେବଶ୍ଚ ତୂର୍ଣମୁତ୍ପତ୍ଯ ତସ୍ଥତୁଃ॥ ॥ 1-248-45 (10819)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଖାଣ୍ଡବଦାହପର୍ବଣି ଅଷ୍ଟଚତ୍ବାରିଂଶଦଧିକଦ୍ବିଶତତମୋଽଧ୍ଯାଯଃ॥ 248 ॥
Mahabharata - Adi Parva - Chapter Footnotes
1-248-14 ଉଷ୍ଣାନି ନିଧାଧଦିନାନି॥ 1-248-16 କୁନ୍ତୀ ମାତା ଯସ୍ଯେତି ନେକୁନ୍ତାମାତର୍ହେଽର୍ଜୁନ॥ 1-248-30 ଗୃହୈଃ ମଧ୍ଯେଯମୁନଂ ନିର୍ମିତୈଃ କ୍ରୀଡାବାପ୍ଯାଦିଯୁକ୍ତୈଃ॥ 1-248-39 ଉଦ୍ଦେଶଂ ପ୍ରଦେଶମ୍॥ 1-248-43 ହରିପିଙ୍ଗଃ ନୀଲପୀତାଖିଲାଙ୍ଗଃ। ଜ୍ବଲଶ୍ମଶ୍ରୁଃ ଜ୍ବାଲାବତ୍ପୀତଶ୍ମଶ୍ରୁଃ॥ ଅଷ୍ଟଚତ୍ବାରିଂଶଦଧିକଦ୍ବିଶତତମୋଽଧ୍ଯାଯଃ॥ 248 ॥ଆଦିପର୍ବ - ଅଧ୍ଯାଯ 249
॥ ଶ୍ରୀଃ ॥
1.249. ଅଧ୍ଯାଯଃ 249
Mahabharata - Adi Parva - Chapter Topics
ଖାଣ୍ଡବବନଦହନାର୍ଥଂ କୃଷ୍ଣାର୍ଜୁନୌପ୍ରତି ଅଗ୍ନେଃ ପ୍ରାର୍ଥନା॥ 1 ॥ ଜନମେଜଯସ୍ଯ ଅଗ୍ନିକୃତଖାଣ୍ଡବଦାହପ୍ରାର୍ଥନାକାରଣପ୍ରଶ୍ନାନୁରୋଧେନବୈଶମ୍ପାଯନେନ ଶ୍ବେତକିରାଜୋପାଖ୍ଯାନକଥନମ୍॥ 2 ॥ ବହୂନି ବର୍ଷାଣ୍ଯବିଚ୍ଛିନ୍ନଂ ଯଜତଃ ଶ୍ବେତକେର୍ଯାଗେନ ଶ୍ରାନ୍ତୈର୍ଋତ୍ବିଗ୍ଭିଃ ପୁନର୍ଯାଜନା ନଙ୍ଗୀକରଣମ୍॥ 3 ॥ ଆରାଧିତସ୍ଯ ଶଙ୍କରସ୍ଯାଜ୍ଞଯା ଦ୍ବାଦଶବର୍ଷପର୍ଯନ୍ତଂ ସଂତତାଜ୍ଯଧାରଯାଽଗ୍ନେସ୍ତୋଷଣମ୍॥ 4 ॥ ପୁନରାରାଧିତସ୍ଯ ଶଙ୍କରସ୍ଯାଜ୍ଞଯା ଦୁର୍ବାସସଃ ସାହାଯ୍ଯେନ ଯଜତୋ ରାଜ୍ଞୋ ମଖେ ବହୁହବିର୍ଭୋଜନେନାଗ୍ନେର୍ଗ୍ଲାନିଃ॥ 5 ॥ ତତ୍ପରିହାରାର୍ଥଂ ପ୍ରାର୍ଥିତେନ ବ୍ରହ୍ମଣା ଖାଣ୍ଡବଭକ୍ଷଣବିଧାନମ୍॥ 6 ॥ ଖାଣ୍ଡବଂ ଦଗ୍ଧୁଂ ସପ୍ତକୃତ୍ବୋ ଯତିତବତୋଽପ୍ଯଗ୍ନେଃ ତତ୍ରତ୍ଯୈର୍ଗଜାଦିସତ୍ବୈର୍ଜଲସେକେନ ନିର୍ବାପଣମ୍॥ 7 ॥Mahabharata - Adi Parva - Chapter Text
1-249-0 (10820)
ବୈଶମ୍ପାଯନ ଉବାଚ। 1-249-0x (1317)
ସୋଽବ୍ରବୀଦର୍ଜୁନଂ ଚୈବ ବାସୁଦେବଂ ଚ ସାତ୍ବତମ୍।
ଲୋକପ୍ରବୀରୌ ତିଷ୍ଠନ୍ତୌ କାଣ୍ଡବସ୍ଯ ସମୀପତଃ॥ 1-249-1 (10821)
ବ୍ରାହ୍ମଣୋ ବହୁଭୋକ୍ତାଽସ୍ମି ବୁଞ୍ଜେଽପରିମିତଂ ସଦା।
ଭିକ୍ଷେ ବାର୍ଷ୍ଣେଯପାର୍ଥୌ ବାମେକାଂ ତୃପ୍ତିଂ ପ୍ରଯଚ୍ଛତମ୍॥ 1-249-2 (10822)
ଏବମୁକ୍ତୋ ତମବ୍ରୂତାଂ ତତସ୍ତୌ କୃଷ୍ଣପାଣ୍ଡବୌ।
କେନାନ୍ନେନ ଭବାଂସ୍ତୃପ୍ଯେତ୍ତସ୍ଯାନ୍ନସ୍ଯ ଯତାବହେ॥ 1-249-3 (10823)
ଏବମୁକ୍ତଃ ସ ଭଗବାନବ୍ରବୀତ୍ତାବୁଭୌ ତତଃ।
ଭାଷମାଣୌ ତଦା ବୀରୌ କିମନ୍ନଂ କ୍ରିଯତାମିତି॥ 1-249-4 (10824)
ବ୍ରାହ୍ମଣ ଉବାଚ। 1-249-5x (1318)
ନାହମନ୍ନଂ ବୁଭୁକ୍ଷେ ବୈ ପାବକଂ ମାଂ ନିବୋଧତମ୍।
ଯଦନ୍ନମନୁରୂପଂ ମେ ତଦ୍ଯୁବାଂ ସଂପ୍ରଯଚ୍ଛତମ୍॥ 1-249-5 (10825)
ଇଦମିନ୍ଦ୍ରଃ ସଦା ଦାବଂ ଖାଣ୍ଡବଂ ପରିରକ୍ଷତି।
ନ ଚ ଶକ୍ନୋମ୍ଯହଂ ଦଗ୍ଧୁଂ ରକ୍ଷ୍ଯମାଣଂ ମହାତ୍ମନା॥ 1-249-6 (10826)
ବସତ୍ଯତ୍ର ସଖା ତସ୍ଯ ତକ୍ଷକଃ ପନ୍ନଗଃ ସଦା।
ସଗଣସ୍ତତ୍କୃତେ ଦାବଂ ପରିରକ୍ଷତି ବଜ୍ରଭୃତ୍॥ 1-249-7 (10827)
ତତ୍ର ଭୂତାନ୍ଯନେକାନି ରକ୍ଷ୍ଯନ୍ତେଽସ୍ଯ ପ୍ରସଙ୍ଗତଃ।
ତଂ ଦିଧକ୍ଷୁର୍ନ ଶକ୍ନୋମି ଦଗ୍ଧୁଂ ଶକ୍ରସ୍ଯ ତେଜସା॥ 1-249-8 (10828)
ସ ମାଂ ପ୍ରଜ୍ବଲିତଂ ଦୃଷ୍ଟ୍ବା ମେଘାମ୍ଭୋଭିଃ ପ୍ରବର୍ଷତି।
ତତୋ ଦଗ୍ଧୁଂ ନ ଶକ୍ନୋମି ଦିଧକ୍ଷୁର୍ଦାବମୀପ୍ସିତମ୍॥ 1-249-9 (10829)
ସ ଯୁବାଭ୍ଯାଂ ସହାଯାଭ୍ଯାମସ୍ତ୍ରବିଦ୍ଭ୍ଯାଂ ସମାଗତଃ।
ଦହେଯଂ ଖାଣ୍ଡବଂ ଦାବମେତଦନ୍ନଂ ବୃତଂ ମଯା॥ 1-249-10 (10830)
ଯୁବାଂ ହ୍ଯୁଦକଧାରାସ୍ତା ଭୂତାନି ଚ ସମନ୍ତତଃ।
ଉତ୍ତମାସ୍ତ୍ରବିଦୌ ସମ୍ଯକ୍ସର୍ବତୋ ବାରଯିଷ୍ଯଥଃ॥ 1-249-11 (10831)
ଜନମେଜଯ ଉବାଚ। 1-249-12x (1319)
କିମର୍ଥଂ ଭଗବାନଗ୍ନିଃ ଖାଣ୍ଡବଂ ଦଗ୍ଧୁମିଚ୍ଛତି।
ରକ୍ଷ୍ଯମାଣଂ ମହେନ୍ଦ୍ରେଣ ନାନାସତ୍ବସମାଯୁତମ୍॥ 1-249-12 (10832)
ନ ହ୍ଯେତତ୍କାରଣଂ ବ୍ରହ୍ମନ୍ନଲ୍ପଂ ସଂପ୍ରତିଭାତି ମେ।
ଯଦ୍ଦଦାହ ସୁସଂକ୍ରୁଦ୍ଧଃ ଖାଣ୍ଡବଂ ହବ୍ଯବାହନଃ॥ 1-249-13 (10833)
ଏତଦ୍ବିସ୍ତରଶୋ ବ୍ରହ୍ମନ୍ଶ୍ରୋତୁମିଚ୍ଛାମି ତତ୍ତ୍ବତଃ।
ଖାଣ୍ଡବସ୍ଯ ପୁରା ଦାହୋ ଯଥା ସମଭବନ୍ମୁନେ॥ 1-249-14 (10834)
ବୈଶମ୍ପାଯନ ଉବାଚ। 1-249-15x (1320)
ଶୃଣୁ ମେ ବ୍ରୁବତୋ ରାଜନ୍ସର୍ବମେତଦ୍ଯଥାତଥମ୍।
ଯନ୍ନିମିତ୍ତଂ ଦଦାହାଗ୍ନିଃ ଖାଣ୍ଡବଂ ପୃଥିବୀପତେ॥ 1-249-15 (10835)
ହନ୍ତ ତେ କଥଯିଷ୍ଯାମି ପୌରାଣୀମୃଷିସଂସ୍ତୁତାମ୍।
କଥାମିମାଂ ନରଶ୍ରେଷ୍ଠ ଖାଣ୍ଡବସ୍ଯ ବିନାଶିନୀମ୍॥ 1-249-16 (10836)
ପୌରାଣଃ ଶ୍ରୂଯତେ ରାଜନ୍ରାଜା ହରିହଯୋପମଃ।
ଶ୍ବେତକିର୍ନାମ ବିଖ୍ଯାତୋ ବଲବିକ୍ରମସଂଯୁତଃ॥ 1-249-17 (10837)
ଯଜ୍ବା ଦାନପତିର୍ଧୀମାନ୍ଯଥା ନାନ୍ଯୋଽସ୍ତି କଶ୍ଚନ।
`ଜଗ୍ରାହ ଦୀକ୍ଷାଂ ସ ନୃପଃ ତଦା ଦ୍ବାଦଶବାର୍ଷିକୀମ୍॥ 1-249-18 (10838)
ତସ୍ଯ ସତ୍ରେ ସଦା ତସ୍ମିନ୍ସମାଗଚ୍ଛନ୍ମହର୍ଷଯଃ।
ବେଦବେଦାଙ୍ଗବିଦ୍ବାଂସୋ ବ୍ରାହ୍ମଣାଶ୍ଚ ସହସ୍ରଶଃ॥' 1-249-19 (10839)
ଈଜେ ଚ ସ ମହାଯଜ୍ଞୈଃ କ୍ରତୁଭିଶ୍ଚାପ୍ତଦକ୍ଷିଣୈଃ॥ 1-249-20 (10840)
ତସ୍ଯ ନାନ୍ଯାଽଭବଦ୍ବୁଦ୍ଧିର୍ଦିବସେ ଦିବସେ ନୃପ।
ସତ୍ରେ କ୍ରିଯାସମାରମ୍ଭେ ଦାନେଷୁ ବିବିଧେଷୁ ଚ॥ 1-249-21 (10841)
ଋତ୍ବିଗ୍ଭିଃ ସହିତୋ ଧୀମାନେବମୀଜେ ସ ଭୂମିପଃ।
ତତସ୍ତୁ ଋତ୍ବିଜଶ୍ଚାସ୍ଯ ଧୂମବ୍ଯାକୁଲଲୋଚନାଃ॥ 1-249-22 (10842)
କାଲେନ ମହତା ଖିନ୍ନାସ୍ତତ୍ଯଜୁସ୍ତେ ନରାଧିପମ୍।
ତତଃ ପ୍ରସାଦଯାମାସ ଋତ୍ବିଜସ୍ତାନ୍ମହୀପତିଃ॥ 1-249-23 (10843)
ଚକ୍ଷୁର୍ବିକଲତାଂ ପ୍ରାପ୍ତା ନ ପ୍ରପେଦୁଶ୍ଚ ତେ କ୍ରତୁମ୍।
ତତସ୍ତେଷାମନୁମତେ ତଦ୍ବିପ୍ରୈସ୍ତୁ ନରାଧିପଃ॥ 1-249-24 (10844)
ସତ୍ରଂ ସମାପଯାମାସ ଋତ୍ବିଗ୍ଭିରପରୈଃ ସହ।
ତସ୍ଯୈବଂବର୍ତମାନସ୍ଯ କଦାଚିତ୍କାଲପର୍ଯଯେ॥ 1-249-25 (10845)
ସତ୍ରମହାର୍ତୁକାମସ୍ଯ ସଂବତ୍ସରଶତଂ କିଲ।
ଋତ୍ବିଜୋ ନାଭ୍ଯପଦ୍ଯନ୍ତ ସମାହର୍ତୁଂ ମହାତ୍ମନଃ॥ 1-249-26 (10846)
ସ ଚ ରାଜାଽକରୋଦ୍ଯତ୍ନଂ ମହାନ୍ତଂ ସସୁହୃଜ୍ଜନଃ।
ପ୍ରଣିପାତେନ ସାନ୍ତ୍ବେନ ଦାନେନ ଚ ମହାଯଶାଃ॥ 1-249-27 (10847)
ଋତ୍ବିଜୋଽନୁନଯାମାସ ଭୂଯୋ ଭୂଯସ୍ତ୍ବତନ୍ଦ୍ରିତଃ।
ତେ ଚାସ୍ଯ ତମଭିପ୍ରାଯଂ ନ ଚକ୍ରୁରମିତୌଜସଃ॥ 1-249-28 (10848)
ସ ଚାଶ୍ରମସ୍ଥାନ୍ରାଜର୍ଷିସ୍ତାନୁବାଚ ରୁଷାନ୍ବିତଃ।
ଯଦ୍ଯହଂ ପତିତୋ ବିପ୍ରାଃ ଶୁଶ୍ରୂଷାଯାଂ ନ ଚ ସ୍ଥିତଃ॥ 1-249-29 (10849)
ଆଶୁ ତ୍ଯାଜ୍ଯୋଽସ୍ମି ଯୁଷ୍ମାଭିର୍ବ୍ରାହ୍ମଣୈଶ୍ଚ ଜୁଗୁପ୍ସିତଃ।
ତନ୍ନାର୍ହଥ କ୍ରତୁଶ୍ରଦ୍ଧାଂ ବ୍ଯାଘାତଯିତୁମଦ୍ଯ ତାମ୍॥ 1-249-30 (10850)
ଅସ୍ଥାନେ ବା ପରିତ୍ଯାଗଂ କର୍ତୁଂ ମେ ଦ୍ବିଜସତ୍ତମାଃ।
ପ୍ରପନ୍ନ ଏବ ବୋ ବିପ୍ରାଃ ପ୍ରସାଦଂ କର୍ତୁମର୍ହଥ॥ 1-249-31 (10851)
ସାନ୍ତ୍ବଦାନାଦିଭିର୍ବାକ୍ଯୈସ୍ତତ୍ତ୍ବତଃ କାର୍ଯବତ୍ତଯା।
ପ୍ରସାଦଯିତ୍ବା ବକ୍ଷ୍ଯାମି ଯନ୍ନଃ କାର୍ଯଂ ଦ୍ବିଜୋତ୍ତମାଃ॥ 1-249-32 (10852)
ଅଥବାଽହଂ ପରିତ୍ଯକ୍ତୋ ଭବଦ୍ଭିର୍ଦ୍ବେଷକାରଣାତ୍।
ଋତ୍ବିଜୋଽନ୍ଯାନ୍ଗମିଷ୍ଯାମି ଯାଜନାର୍ଥଂ ଦ୍ବିଜୋତ୍ତମାଃ॥ 1-249-33 (10853)
ଏତାବଦୁକ୍ତ୍ବା ବଚନଂ ବିରରାମ ସ ପାର୍ଥିବଃ।
ଯଦା ନ ଶେକୂ ରାଜାନଂ ଯାଜନାର୍ଥଂ ପରନ୍ତପ॥ 1-249-34 (10854)
ତତସ୍ତେ ଯାଜକାଃ କ୍ରୁଦ୍ଧାସ୍ତମୂଚୁର୍ନୃପସତ୍ତମମ୍।
ତବ କର୍ମାମ୍ଯଜସ୍ରଂ ବୈ ବର୍ତନ୍ତେ ପାର୍ଥିବୋତ୍ତମ॥ 1-249-35 (10855)
ତତୋ ବଯଂ ପରିଶ୍ରାନ୍ତାଃ ସତତଂ କର୍ମବାହିନଃ।
ଶ୍ରମାଦସ୍ମାତ୍ପରିଶ୍ରାନ୍ତାନ୍ସ ତ୍ବଂ ନସ୍ତ୍ଯକ୍ତୁମର୍ହସି॥ 1-249-36 (10856)
ବୁଦ୍ଧିମୋହଂ ସମାସ୍ଥାଯ ତ୍ବରାସଂଭାବିତୋଽନଘ।
ଗଚ୍ଛ ରୁଦ୍ରସକାଶଂ ତ୍ବଂ ସହି ତ୍ବାଂ ଯାଜଯିଷ୍ଯତି॥ 1-249-37 (10857)
ସାଧିକ୍ଷେପଂ ବଚଃ ଶ୍ରୁତ୍ବା ସଂକ୍ରୁଦ୍ଧଃ ଶ୍ବେତକିର୍ନୃପଃ।
କୈଲାସଂ ପର୍ବତଂ ଗତ୍ବା ତପ ଉଗ୍ରଂ ସମାସ୍ଥିତଃ॥ 1-249-38 (10858)
ଆରାଧଯନ୍ମହାଦେବଂ ନିଯତଃ ସଂଶିତବ୍ରତଃ।
ଉପବାସପରୋ ରାଜନ୍ଦୀର୍ଘକାଲମତିଷ୍ଠତ॥ 1-249-39 (10859)
କଦାଚିଦ୍ଦ୍ବାଦଶେ କାଲେ କଦାଚିଦପି ଷୋଡଶେ।
ଆହାରମକରୋଦ୍ରାଜା ମୂଲାନି ଚ ଫଲାନି ଚ॥ 1-249-40 (10860)
ଊର୍ଧ୍ବବାହୁସ୍ତ୍ବନିମିଷସ୍ତିଷ୍ଠନ୍ସ୍ଥାଣୁରିବାଚଲଃ।
ଷଣ୍ମାସାନଭବଦ୍ରାଜା ଶ୍ବେତକିଃ ସୁସମାହିତଃ॥ 1-249-41 (10861)
ତଂ ତଥା ନୃପଶାର୍ଦୂଲଂ ତପ୍ଯମାନଂ ମହତ୍ତପଃ।
ଶଙ୍କରଃ ପରମପ୍ରୀତ୍ଯା ଦର୍ଶଯାମାସ ଭାରତ॥ 1-249-42 (10862)
ଉବାଚ ଚୈନଂ ଭଗବାନ୍ସ୍ନିଗ୍ଧଗମ୍ଭୀରଯା ଗିରା।
ପ୍ରୀତୋଽସ୍ମି ନରଶାର୍ଦୂଲ ତପସା ତେ ପରନ୍ତପ॥ 1-249-43 (10863)
ବରଂ ବୃଣୀଷ୍ବ ଭଦ୍ରଂ ତେ ଯଂ ତ୍ବମିଚ୍ଛସି ପାର୍ଥିବ।
ଏତଚ୍ଛ୍ରୁତ୍ବା ତୁ ବଚନଂ ରୁଦ୍ରସ୍ଯାମିତତେଜସଃ॥ 1-249-44 (10864)
ପ୍ରଣିପତ୍ଯ ମହାତ୍ମାନଂ ରାଜର୍ଷିଃ ପ୍ରତ୍ଯଭାଷତ।
ଯଦି ମେ ଭଗବାନ୍ପ୍ରୀତଃ ସର୍ବଲୋକନମସ୍କୃତଃ॥ 1-249-45 (10865)
ସ୍ବଯଂ ମାଂ ଦେବଦେବେଶ ଯାଜଯସ୍ବ ସୁରେଶ୍ବର।
ଏତଚ୍ଛ୍ରୁତ୍ବା ତୁ ବଚନଂ ରାଜ୍ଞା ତେନ ପ୍ରଭାଷିତମ୍॥ 1-249-46 (10866)
ଉବାଚ ଭଗବାନ୍ପ୍ରୀତଃ ସ୍ମିତପୂର୍ବମିଦଂ ବଚଃ।
ନାସ୍ମାକମେତଦ୍ବିଷଯେ ବର୍ତତେ ଯାଜନଂ ପ୍ରତି॥ 1-249-47 (10867)
ତ୍ବଯା ଚ ସୁମହତ୍ତପ୍ତଂ ତପୋ ରାଜନ୍ବରାର୍ଥିନା।
ଯାଜଯିଷ୍ଯାମି ରାଜଂସ୍ତ୍ବାଂ ସମଯେନ ପରନ୍ତପ॥ 1-249-48 (10868)
ସମା ଦ୍ବାଦଶ ରାଜେନ୍ଦ୍ର ବ୍ରହ୍ମଚାରୀ ସମାହିତଃ।
ସତତଂ ତ୍ବାଜ୍ଯଧାରାଭିର୍ଯଦି ତର୍ପଯସେଽନଲମ୍॥ 1-249-49 (10869)
କାମଂ ପ୍ରାର୍ଥଯସେ ଯଂ ତ୍ବଂ ମତ୍ତଃ ପ୍ରାପ୍ସ୍ଯସି ତଂ ନୃପ।
ଏବମୁକ୍ତଶ୍ଚ ରୁଦ୍ରେଣ ଶ୍ବେତକିର୍ମନୁଜାଧିପଃ॥ 1-249-50 (10870)
ତଥା ଚକାର ତତ୍ସର୍ବଂ ଯଥୋକ୍ତଂ ଶୂଲପାଣିନା।
ପୂର୍ଣେ ତୁ ଦ୍ବାଦଶେ ବର୍ଷେ ପୁନରାଯାନ୍ମହେଶ୍ବରଃ॥ 1-249-51 (10871)
ଦୃଷ୍ଟୈବ ଚ ସ ରାଜାନଂ ଶଙ୍କରୋ ଲୋକଭାବନଃ।
ଉବାଚ ପରମପ୍ରୀତଃ ଶ୍ବେତକିଂ ନୃପସତ୍ତମମ୍॥ 1-249-52 (10872)
ତୋଷିତୋଽହଂ ନୃପଶ୍ରେଷ୍ଠ ତ୍ବଯେହାଦ୍ଯେନ କର୍ମଣା॥
ଯାଜନଂ ବ୍ରାହ୍ମଣାନାଂ ତୁ ବିଧିଦୃଷ୍ଟଂ ପରନ୍ତପ॥ 1-249-53 (10873)
ଅତୋଽହଂ ତ୍ବାଂ ସ୍ବଯଂ ନାଦ୍ଯ ଯାଜଯାମି ପରନ୍ତପ।
ମମାଂଶସ୍ତୁ କ୍ଷିତିତଲେ ମହାଭାଗୋ ଦ୍ବିଜୋତ୍ତମଃ॥ 1-249-54 (10874)
ଦୁର୍ବାସା ଇତି ବିଖ୍ଯାତଃ ସ ହି ତ୍ବାଂ ଯାଜଯିଷ୍ଯତି।
ମନ୍ନିଯୋଗାନ୍ମହାତେଜାଃ ସଂଭାରାଃ ସଂଭ୍ରିଯନ୍ତୁ ତେ॥ 1-249-55 (10875)
ଏତଚ୍ଛ୍ରୁତ୍ବା ତୁ ବଚନଂ ରୁଦ୍ରେଣ ସମୁଦାହୃତମ୍।
ସ୍ବପୁରଂ ପୁନରାଗମ୍ଯ ସଂଭାରାନ୍ପୁନରାର୍ଜଯତ୍॥ 1-249-56 (10876)
ତତଃ ସଂଭୃତସଂଭାରୋ ଭୂଯୋ ରୁଦ୍ରମୁପାଗମତ୍।
`ଉବାଚ ଚ ମହିପାଲଃ ପ୍ରାଞ୍ଜଲିଃ ପ୍ରଣତଃ ସ୍ଥିତଃ।'
ସଂଭୃତା ମମ ସଂଭାରାଃ ସର୍ବୋପକରଣାନି ଚ॥ 1-249-57 (10877)
ତ୍ବତ୍ପ୍ରସାଦାନମହାଦେବ ଶ୍ବୋ ମେ ଦୀକ୍ଷା ଭବେଦିତି।
ଏତଚ୍ଛ୍ରୁତ୍ବା ତୁ ବଚନଂ ତସ୍ଯ ରାଜ୍ଞୋ ମହାତ୍ମନଃ॥ 1-249-58 (10878)
ଦୁର୍ବାସସଂ ସମାହୂଯ ରୁଦ୍ରୋ ବଚନମବ୍ରବୀତ୍।
ଏଷ ରାଜା ମହାଭାଗଃ ଶ୍ବେତକିର୍ଦ୍ବିଜସତ୍ତମ॥ 1-249-59 (10879)
ଏନଂ ଯାଜଯ ବିପ୍ରେନ୍ଦ୍ର ମନ୍ନିଯୋଗେନ ଭୂମିପମ୍।
ବାଢମିତ୍ଯେବ ବଚନଂ ରୁଦ୍ରଂ ତ୍ବୃଷିରୁବାଚ ହ॥ 1-249-60 (10880)
ତତଃ ସତ୍ରଂ ସମଭବତ୍ତସ୍ଯ ରାଜ୍ଞୋ ମହାତ୍ମନଃ।
ଯଥାବିଧି ଯଥାକାଲଂ ଯଥୋକ୍ତଂ ବହୁଦକ୍ଷିଣମ୍॥ 1-249-61 (10881)
ତସ୍ମିନ୍ପରିସମାପ୍ତେ ତୁ ରାଜ୍ଞଃ ସତ୍ରେ ମହାତ୍ମନଃ।
ଦୁର୍ବାସସାଽଭ୍ଯନୁଜ୍ଞାତା ବିପ୍ରତସ୍ଥୁଃ ସ୍ମ ଯାଜକାଃ॥ 1-249-62 (10882)
ଯେ ତତ୍ର ଦୀକ୍ଷିତାଃ ସର୍ବେ ସଦସ୍ଯାଶ୍ଚ ମହୌଜସଃ।
ସୋଽପି ରାଜନ୍ମହାଭାଗଃ ସ୍ବପୁରଂ ପ୍ରାବିଶତ୍ତଦା॥ 1-249-63 (10883)
ପୂଜ୍ଯମାନୋ ମହାଭାଗୈର୍ବ୍ରାହ୍ମଣୈର୍ବେଦପାରଗୈଃ।
ବନ୍ଦିଭିଃ ସ୍ତୂଯମାନଶ୍ଚ ନାଗରୈଶ୍ଚାଭିନନ୍ଦିତଃ॥ 1-249-64 (10884)
ଏବଂବୃତ୍ତଃ ସ ରାଜର୍ଷିଃ ଶ୍ବେତକିର୍ନୃପସତ୍ତମଃ।
କାଲେନ ମହତା ଚାପି ଯଯୌ ସ୍ବର୍ଗମଭିଷ୍ଟୁତଃ॥ 1-249-65 (10885)
ଋତ୍ବିଗ୍ଭିଃ ସହିତଃ ସର୍ବୈଃ ସଦସ୍ଯୈଶ୍ଚ ସମନ୍ବିତଃ।
ତସ୍ଯ ସତ୍ରେ ପପୌ ବହ୍ନିର୍ହବିଦ୍ବାର୍ଦଶବତ୍ସରାନ୍॥ 1-249-66 (10886)
ସତତଂ ଚାଜ୍ଯଧାରାଭିରୈକାତ୍ମ୍ଯେ ତତ୍ର କର୍ମଣି।
ହବିଷା ଚ ତତୋ ବହ୍ନିଃ ପରାଂ ତୃପ୍ତିମଗଚ୍ଛତ॥ 1-249-67 (10887)
ନ ଚୈଚ୍ଛତ୍ପୁନରାଦାତୁଂ ହବିରନ୍ଯସ୍ଯ କସ୍ଯଚିତ୍।
ପାଣ୍ଡୁବର୍ଣୋ ବିବର୍ଣଶ୍ଚ ନ ଯତାବତ୍ପ୍ରକାଶତେ॥ 1-249-68 (10888)
ତତୋ ଭଘବତୋ ବହ୍ନେର୍ବିକାରଃ ସମଜାଯତ।
ତେଜସା ବିପ୍ରହୀଣଶ୍ଚ ଗ୍ଲାନିଶ୍ଚୈନଂ ସମାବିଶତ୍॥ 1-249-69 (10889)
ସ ଲକ୍ଷଯିତ୍ବା ଚାତ୍ମାନଂ ତେଜୋହୀନଂ ହୁତାଶନଃ।
ଜଗାମ ସଦନଂ ପୁଣ୍ଯଂ ବ୍ରହ୍ମଣୋ ଲୋକପୂଜିତମ୍॥ 1-249-70 (10890)
ତତ୍ର ବ୍ରହ୍ମାଣମାସୀନମିଦଂ ବଚନମବ୍ରବୀତ୍।
ଭଗବନ୍ପରମା ପ୍ରୀତିଃ କୃତା ଶ୍ବେତକିନା ମମ॥ 1-249-71 (10891)
ଅରୁଚିଶ୍ଚାଭବତ୍ତୀବ୍ରା ତାଂ ନ ଶକ୍ନୋମ୍ଯପୋହିତୁମ୍।
ତେଜସା ବିପ୍ରହୀଣୋଽସ୍ମି ବଲେନ ଚ ଜଗତ୍ପତେ॥ 1-249-72 (10892)
ଇଚ୍ଛେଯଂ ତ୍ବତ୍ପ୍ରସାଦେନ ସ୍ବାତ୍ମନଃ ପ୍ରକୃତିଂ ସ୍ଥିରାମ୍।
ଏତଚ୍ଛ୍ରୁତ୍ବା ହୁତବହାଦ୍ଭଗବାନ୍ସର୍ବଲୋକକୃତ୍॥ 1-249-73 (10893)
ହବ୍ଯବାହମିଦଂ ବାକ୍ଯମୁବାଚ ପ୍ରହସନ୍ନିବ।
ତ୍ବଯା ଦ୍ବାଦଶ ବର୍ଷାଣି ବସୋର୍ଧାରାହୁତଂ ହବିଃ॥ 1-249-74 (10894)
ଉପଯୁକ୍ତଂ ମହାଭାଗ ତେନ ତ୍ବାଂ ଗ୍ଲାନିରାବିଶତ୍।
ତେଜସା ବିପ୍ରହୀଣତ୍ବାତ୍ସହସା ହବ୍ଯବାହନ॥ 1-249-75 (10895)
ମାଗମସ୍ତ୍ବଂ ବ୍ଯଥାଂ ବହ୍ନେ ପ୍ରକୃତିସ୍ଥୋ ଭବିଷ୍ଯସି।
ଅରୁଚିଂ ନାଶଯିଷ୍ଯେଽହଂ ସମଯଂ ପ୍ରତିପଦ୍ଯ ତେ॥ 1-249-76 (10896)
ପୁରା ଦେବନିଯୋଗେନ ଯତ୍ତ୍ବଯା ଭସ୍ମସାତ୍କୃତମ୍।
ଆଲଯଂ ଦେବଶତ୍ରୂଣାଂ ସୁଘୋରଂ ଖାଣ୍ଡବଂ ବନମ୍॥ 1-249-77 (10897)
ତତ୍ର ସର୍ବାଣି ସତ୍ବାନି ନିବସନ୍ତି ବିଭାବସୋ।
ତେଷାଂ ତ୍ବଂ ମେଦସା ତୃପ୍ତଃ ପ୍ରକୃତିସ୍ଥୋ ଭବିଷ୍ଯସି॥ 1-249-78 (10898)
ଗଚ୍ଛ ଶୀଘ୍ରଂ ପ୍ରଦଗ୍ଧୁଂ ତ୍ବଂ ତତୋ ମୋକ୍ଷ୍ଯସି କିଲ୍ବିଷାତ୍।
ଏତଚ୍ଛୁତ୍ବା ତୁ ବଚନଂ ପରମେଷ୍ଠିମୁଖାଚ୍ଚ୍ଯୁତମ୍॥ 1-249-79 (10899)
ଉତ୍ତମଂ ଜବମାସ୍ଥାଯ ପ୍ରଦୁଦ୍ରାବ ହୁତାଶନଃ।
ଆଗମ୍ଯ ଖାଣ୍ଡବଂ ଦାବମୁତ୍ତମଂ ବୀର୍ଯମାସ୍ଥିତଃ।
ସହସା ପ୍ରାଜ୍ବଲଚ୍ଚାଗ୍ନିଃ କ୍ରୁଦ୍ଧୋ ବାଯୁସମୀରିତଃ॥ 1-249-80 (10900)
ପ୍ରଦୀପ୍ତଂ ଖାଣ୍ଡବଂ ଦୃଷ୍ଟ୍ବା ଯେ ସ୍ଯୁସ୍ତତ୍ର ନିବାସିନଃ।
ପରମଂ ଯତ୍ନେମାତିଷ୍ଠନ୍ପାବକସ୍ଯ ପ୍ରଶାନ୍ତଯେ॥ 1-249-81 (10901)
କରୈସ୍ତୁ କରିଣଃ ଶୀଘ୍ରଂ ଜଲମାଦାଯ ସତ୍ବରାଃ।
ସିଷିଚୁଃ ପାବକଂ କ୍ରୁଦ୍ଧାଃ ଶତଶୋଽଥ ସହସ୍ରଶଃ॥ 1-249-82 (10902)
ବହୁଶୀର୍ଷାସ୍ତତୋ ନାଗାଃ ଶିରୋଭିର୍ଜଲସନ୍ତତିମ୍।
ମୁମୁଚୁଃ ପାବକାଭ୍ଯାଶେ ସତ୍ବରାଃ କ୍ରୋଧମୂର୍ଚ୍ଛିତାଃ॥ 1-249-83 (10903)
ତଥୈବାନ୍ଯାନି ସତ୍ବାନି ନାନାପ୍ରହରଣୋଦ୍ଯମୈଃ।
ବିଲଯଂ ପାବକଂ ଶୀଘ୍ରମନଯନ୍ଭରତର୍ଷଭ॥ 1-249-84 (10904)
ଅନେନ ତୁ ପ୍ରକାରେଣ ଭୂଯୋଭୂଯଶ୍ଚ ପ୍ରଜ୍ବଲନ୍।
ସପ୍ତକୃତ୍ବଃ ପ୍ରଶମିତଃ ଖାଣ୍ଡବେ ହବ୍ଯବାହନଃ॥ ॥ 1-249-85 (10905)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଖାଣ୍ଡବଦାହପର୍ବଣି ଊନପଞ୍ଚାଶଦଧିକଦ୍ବିଶତତମୋଽଧ୍ଯାଯଃ॥ 249 ॥
Mahabharata - Adi Parva - Chapter Footnotes
1-249-20 ଇକ୍ଷ୍ବାକୂଣାମଧିରଥୋ ଯଜ୍ବା ବିପୁଲଦକ୍ଷିଣଃ ଇତି ଙ. ପାଠଃ॥ 1-249-37 ତ୍ବରାସଂଭାବିତଃ ତ୍ବରାଯୁକ୍ତଃ॥ 1-249-73 ପ୍ରକୃତିଂ ସ୍ବଭାବମ୍॥ 1-249-74 ବସୋର୍ଧାରା ପାତ୍ରବିଶେଷଃ। ଯେନ ହୂଯମାନଂ ଘୃତଦ୍ରବ୍ଯଂ ସଂତତଧାରାରୂପେଣ କ୍ଷରତି। ତେନ ହୁତଂ ହବିରର୍ଥାଦ୍ଧୃତମେବ ବସୋର୍ଧାରାଂ ଜୁହୋତୀତ୍ଯୁପକ୍ରମ୍ଯ ଘୃତସ୍ଯ ବା ଏବମେଷା ଧାରେତି ବାକ୍ଯଶେଷାତ୍॥ 1-249-75 ଉପଯୁକ୍ତଂ ଭୁକ୍ତମ୍॥ ଊନପଞ୍ଚାଶଦଧିକଦ୍ବିଶତତମୋଽଧ୍ଯାଯଃ॥ 249 ॥ଆଦିପର୍ବ - ଅଧ୍ଯାଯ 250
॥ ଶ୍ରୀଃ ॥
1.250. ଅଧ୍ଯାଯଃ 250
Mahabharata - Adi Parva - Chapter Topics
ପୁନର୍ନିବେଦିତବିଘ୍ନବୃତ୍ତାନ୍ତେନ ବ୍ରହ୍ମଣା ଆଜ୍ଞୁପ୍ତସ୍ଯାଗ୍ନେଃ କୃଷ୍ଣାର୍ଜୁନୌପ୍ରତି ଆଗମନମ୍॥ 1 ॥ ବୈଶମ୍ପାଯନେନ ଜନମେଜଯଂପ୍ରତି ଖାଣ୍ଡବଦାହକାରଣକଥନସମାପନମ୍॥ 2 ॥ ଅର୍ଜୁନେନ ଦିବ୍ଯାନାଂ ରଥାଶ୍ବଧନୁରାଦୀନାଂ ଯାଚନମ୍॥ 3 ॥Mahabharata - Adi Parva - Chapter Text
1-250-0 (10906)
ବୈଶମ୍ପାଯନ ଉବାଚ। 1-250-0x (1321)
ସ ତୁ ନୈରାଶ୍ଯମାପନ୍ନଃ ସଦା ଗ୍ଲାନିସମନ୍ବିତଃ।
ପିତାମହମୁପାଗଚ୍ଛତ୍ସଂକ୍ରୁଦ୍ଧୋ ହବ୍ଯବାହନଃ॥ 1-250-1 (10907)
ତଚ୍ଚ ସର୍ବଂ ଯଥାନ୍ଯାଯଂ ବ୍ରହ୍ମଣେ ସଂନ୍ଯବେଦଯତ୍।
ଉବାଚ ଚୈବନଂ ଭଗବାନ୍ମୁହୂର୍ତଂ ସ ବିଚିନ୍ତ୍ଯ ତୁ॥ 1-250-2 (10908)
ଉପାଯଃ ପରିଦୃଷ୍ଟୋ ମେ ଯଥା ତ୍ବଂ ଧକ୍ଷ୍ଯସେଽନଘ।
କାଲଂ ଚ କଂଚିତ୍କ୍ଷମତାଂ ତତସ୍ତଦ୍ଧକ୍ଷ୍ଯତେ ଭବାନ୍॥ 1-250-3 (10909)
ଭବିଷ୍ଯତଃ ସହାଯୌ ତେ ନରନାରାଯଣୌ ତଦା।
ତାଭ୍ଯାଂ ତ୍ବଂ ସହିତୋ ଦାବଂ ଧକ୍ଷ୍ଯସେ ହବ୍ଯବାହନ॥ 1-250-4 (10910)
ଏବମସ୍ତ୍ବିତି ତଂ ବହ୍ନିର୍ବ୍ରହ୍ମାଣଂ ପ୍ରତ୍ଯଭାଷତ।
ସଂଭୂତୌ ତୌ ବିଦିତ୍ବା ତୁ ନରନାରାଯଣାବୃଷୀ॥ 1-250-5 (10911)
କାଲସ୍ଯ ମହତୋ ରାଜଂସ୍ତସ୍ଯ ବାକ୍ଯଂ ସ୍ବଯଂଭୁବଃ।
ଅନୁସ୍ମୃତ୍ଯ ଜଗାମାଥ ପୁନରେବ ପିତାମହମ୍॥ 1-250-6 (10912)
ଅବ୍ରବୀଚ୍ଚ ତଦା ବ୍ରହ୍ମା ଯଥା ତ୍ବଂ ଧକ୍ଷ୍ଯସେଽନଲ।
ଖାଣ୍ଡବଂ ଦାବମଦ୍ଯୈବ ମିଷତୋଽସ୍ଯ ଶଚୀପତେଃ॥ 1-250-7 (10913)
ନରନାରାଯଣୌ ଯୌ ତୌ ପୂର୍ବଦେବୌ ବିଭାବସୋ।
ସଂପ୍ରାପ୍ତୌ ମାନୁଷେ ଲୋକେ କାର୍ଯାର୍ଥଂ ହି ଦିବୌକସାମ୍॥ 1-250-8 (10914)
ଅର୍ଜୁନଂ ବାସୁଦେବଂ ଚ ଯୌ ତୌ ଲୋକୋଽଭିମନ୍ଯତେ।
ତାବେତୌ ସହିତାବେହି ଖାଣ୍ଡବସ୍ଯ ସମୀପତଃ॥ 1-250-9 (10915)
ତୌ ତ୍ବଂ ଯାଚସ୍ବ ସାହାଯ୍ଯେ ଦାହାର୍ଥଂ ଖାଣ୍ଡବସ୍ଯ ଚ।
ତତୋ ଧକ୍ଷ୍ଯସି ତଂ ଦାବଂ ରକ୍ଷିତଂ ତ୍ରିଦଶୈରପି॥ 1-250-10 (10916)
ତୌ ତୁ ସତ୍ବାନି ସର୍ବାଣି ଯତ୍ନତୋ ବାରଯିଷ୍ଯତଃ।
ଦେବରାଜଂ ଚ ସହିତୌ ତତ୍ର ମେ ନାସ୍ତି ସଂଶଯଃ॥ 1-250-11 (10917)
ଏତଚ୍ଛ୍ରୁତ୍ବା ତୁ ବଚନଂ ତ୍ବରିତୋ ହବ୍ଯବାହନଃ।
କୃଷ୍ଣପାର୍ଥାବୁପାଗମ୍ଯ ଯମର୍ଥଂ ତ୍ବଭ୍ଯଭାଷତ॥ 1-250-12 (10918)
ତଂ ତେ କଥିତବାନସ୍ମି ପୂର୍ବମେବ ନୃପୋତ୍ତମ।
ତଚ୍ଛ୍ରୁତ୍ବା ବଚନଂ ତ୍ବଗ୍ନେର୍ବୀଭତ୍ସୁର୍ଜାତବେଦସମ୍॥ 1-250-13 (10919)
ଅବ୍ରବୀନ୍ନୃପଶାର୍ଦୂଲ ତତ୍କାଲସଦୃଶଂ ବଚଃ।
ଦିଧକ୍ଷୁଂ ଖାଣ୍ଡବଂ ଦାବମକାମସ୍ଯ ଶତକ୍ରତୋଃ॥ 1-250-14 (10920)
ଅର୍ଜୁନ ଉବାଚ। 1-250-15x (1322)
ଉତ୍ତମାସ୍ତ୍ରାଣି ମେ ସନ୍ତି ଦିବ୍ଯାନି ଚ ବହୂନି ଚ।
ଯୈରହଂ ଶକ୍ନୁଯାଂ ଯୋଦ୍ଧୁମପି ବଜ୍ରଧରାନ୍ବହୂନ୍॥ 1-250-15 (10921)
ଧନୁର୍ମେ ନାସ୍ତି ଭଗବନ୍ବାହୁବୀର୍ଯେଣ ସଂମିତମ୍।
କୁର୍ବତଃ ସମରେ ଯତ୍ନଂ ବେଗଂ ଯଦ୍ବିଷହେନ୍ମମ॥ 1-250-16 (10922)
ଶରୈଶ୍ଚ ମେଽର୍ଥୋ ବହୁଭିରକ୍ଷଯୈଃ କ୍ଷିପ୍ରମସ୍ଯତଃ।
ନ ହି ବୋଢୁଂ ରଥଃ ଶକ୍ତଃ ଶରାନ୍ମମ ଯଥେପ୍ସିତାନ୍॥ 1-250-17 (10923)
ଅଶ୍ବାଂଶ୍ଚ ଦିବ୍ଯାନିଚ୍ଛେଯଂ ପାଣ୍ଡୁରାନ୍ବାତରଂହସଃ।
ରଥଂ ଚ ମେଘନିର୍ଘୋଷଂ ସୂର୍ଯପ୍ରତିମତେଜସମ୍॥ 1-250-18 (10924)
ତଥା କୃଷ୍ଣସ୍ଯ ବୀର୍ଯେଣ ନାଯୁଧଂ ବିଦ୍ଯତେ ସମମ୍।
ଯେନ ନାଗାନ୍ପିଶାଚାଂଶ୍ଚ ନିହନ୍ଯାନ୍ମାଧବୋ ରଣେ॥ 1-250-19 (10925)
ଉପାଯଂ କର୍ମସିଦ୍ଧୌ ଚ ଭଘବନ୍ବକ୍ତୁମର୍ହସି।
ନିବାରଯେଯଂ ଯେନେନ୍ଦ୍ରଂ ବର୍ଷମାଣଂ ମହାବନେ॥ 1-250-20 (10926)
ପୌରୁଷେଣ ତୁ ଯତ୍କାର୍ଯଂ ତତ୍କର୍ତାଽହଂ ସ୍ମ ପାବକ।
କରଣାନି ସମର୍ଥାନି ଭଗବନ୍ଦାତୁମର୍ହସି॥ ॥ 1-250-21 (10927)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଖାଣ୍ଡବଦାହପର୍ବଣି ପଞ୍ଚାଶଦଧିକଦ୍ବିଶତତମୋଽଧ୍ଯାଯଃ॥ 250 ॥
ଆଦିପର୍ବ - ଅଧ୍ଯାଯ 251
॥ ଶ୍ରୀଃ ॥
1.251. ଅଧ୍ଯାଯଃ 251
Mahabharata - Adi Parva - Chapter Topics
ଅଗ୍ନିନା ବରୁଣାତ୍ ଆହୃତାନାଂ ରଥାଦୀନାଂ ଅର୍ଜୁନାଯ ଦାନମ୍॥ 1 ॥ ଅଗ୍ନେଃ ଖାଣ୍ଡବଦାହାରମ୍ଭଃ॥ 2 ॥Mahabharata - Adi Parva - Chapter Text
1-251-0 (10928)
ବୈଶମ୍ପାଯନ ଉବାଚ। 1-251-0x (1323)
ଏବମୁକ୍ତଃ ସ ଭଗବାନ୍ଧୂମକେତୁର୍ହୁତାଶନଃ।
ଚିନ୍ତଯାମାସ ବରୁଣଂ ଲୋକପାଲଂ ଦିଦୃକ୍ଷଯା॥ 1-251-1 (10929)
ଆଦିତ୍ଯମୁଦକେ ଦେବଂ ନିବସନ୍ତଂ ଜଲେଶ୍ବରମ୍।
ସ ଚ ତଚ୍ଚିନ୍ତିତଂ ଜ୍ଞାତ୍ବା ଦର୍ଶଯାମାସ ପାବକମ୍॥ 1-251-2 (10930)
ତମବ୍ରବୀଦ୍ଭମକେତୁଃ ପ୍ରତିଗୃହ୍ଯ ଜଲେଶ୍ବରମ୍।
ଚତୁର୍ଥଂ ଲୋକପାଲାନାଂ ଦେବଦେବଂ ସନାତନମ୍॥ 1-251-3 (10931)
ସୋମେନ ରାଜ୍ଞା ଯଦ୍ଦତ୍ତଂ ଧନୁଶ୍ଚୈବେଷୁଧୀ ଚ ତେ।
ତତ୍ପ୍ରଯଚ୍ଛୋଭଯଂ ଶୀଘ୍ରଂ ରଥଂ ଚ କପିଲକ୍ଷଣମ୍॥ 1-251-4 (10932)
କାର୍ଯଂ ଚ ସୁମହତ୍ପାର୍ଥୋ ଗାଣ୍ଡୀବେନ କରିଷ୍ଯତି।
ଚକ୍ରେଣ ବାସୁଦେବଶ୍ଚ ତନ୍ମମାଦ୍ଯ ପ୍ରଦୀଯତାମ୍॥ 1-251-5 (10933)
ଦଦାନୀତ୍ଯେବ ବରୁଣଃ ପାବକଂ ପ୍ରତ୍ଯଭାଷତ।
ତଦଦ୍ଭୁତଂ ମହାବୀର୍ଯଂ ଯଶଃକୀର୍ତିବିବର୍ଧନମ୍॥ 1-251-6 (10934)
ସର୍ବଶସ୍ତ୍ରୈରନାଧୃଷ୍ଯଂ ସର୍ବଶସ୍ତ୍ରପ୍ରମାଥି ଚ।
ସର୍ବାଯୁଧମହାମାତ୍ରଂ ପରସୈନ୍ଯପ୍ରଧର୍ଷଣମ୍॥ 1-251-7 (10935)
ଏକଂ ଶତସହସ୍ରେଣ ସଂମିତଂ ରାଷ୍ଟ୍ରବର୍ଧନମ୍।
ଚିତ୍ରମୁଚ୍ଚାବଚୈର୍ବର୍ଣୈଃ ଶୋଭିତଂ ଶ୍ଲକ୍ଷ୍ଣମବ୍ରଣମ୍॥ 1-251-8 (10936)
ଦେବଦାନବଗନ୍ଧର୍ବୈଃ ପୂଜିତଂ ଶାଶ୍ବତୀଃ ସମାଃ।
ପ୍ରାଦାଚ୍ଚୈବ ଧନୂରତ୍ନମକ୍ଷଯ୍ଯୌ ଚ ମହେଷୁଧୀ॥ 1-251-9 (10937)
ରଥଂ ଚ ଦିବ୍ଯାଶ୍ବଯୁଜଂ କପିପ୍ରବରକେତନମ୍।
ଉପେତଂ ରାଜତୈରଶ୍ବୈର୍ଗାନ୍ଧର୍ବୈର୍ହେମମାଲିଭିଃ॥ 1-251-10 (10938)
ପାଣ୍ଡୁରାଭ୍ରପ୍ରତୀକାଶୈର୍ମନୋବାଯୁସମୈର୍ଜବେ।
ସର୍ବୋପକରଣୈର୍ଯୁକ୍ତମଜଯ୍ଯଂ ଦେବଦାନବୈଃ॥ 1-251-11 (10939)
ଭାବୁମନ୍ତଂ ମହାଘୋଷଂ ସର୍ବରତ୍ନମନୋରମମ୍।
ସସର୍ଜ ଯଂ ସୁତପସା ଭୌମନୋ ଭୁବନପ୍ରଭୁଃ॥ 1-251-12 (10940)
ପ୍ରଜାପତିରନିର୍ଦେଶ୍ଯଂ ଯସ୍ଯ ରୂପଂ ରବେରିବ।
ଯଂ ସ୍ମ ସୋମଃ ସମାରୁହ୍ଯ ଦାନବାନଜଯତ୍ପ୍ରଭୁଃ॥ 1-251-13 (10941)
ନବମେଘପ୍ରତୀକାଶଂ ଜ୍ଲଲନ୍ତମିବ ଚ ଶ୍ରିଯା।
ଆଶ୍ରିତୌ ତଂ ରଥଶ୍ରେଷ୍ଠଂ ଶକ୍ରାଯୁଧସମାବୁଭୌ॥ 1-251-14 (10942)
ତାପନୀଯା ସୁରୁଚିରା ଧ୍ବଜଯଷ୍ଟିରନୁତ୍ତମା।
ତସ୍ଯାଂ ତୁ ବାନରୋ ଦିବ୍ଯଃ ସିଂହଶାର୍ଦୂଲକେତନଃ॥ 1-251-15 (10943)
`ହନୂମାନ୍ନାମ ତେଜସ୍ବୀ କାମରୂପୀ ମହାବଲଃ।'
ଦିଧକ୍ଷନ୍ନିବ ତତ୍ର ସ୍ମ ସଂସ୍ଥିତୋ ମୂର୍ଧ୍ନ୍ଯଶୋଭତ।
ଧ୍ବଜେ ଭୂତାନି ତତ୍ରାସନ୍ବିବିଧାନି ମହାନ୍ତି ଚ॥ 1-251-16 (10944)
ନାଦେନ ରିପୁସୈନ୍ଯାନାଂ ଯେଷାଂ ସଂଜ୍ଞା ପ୍ରଣଶ୍ଯତି।
ସ ତଂ ନାନାପତାକାଭିଃ ଶୋଭିତଂ ରଥସତ୍ତମମ୍॥ 1-251-17 (10945)
ପ୍ରଦକ୍ଷିଣମୁପାବୃତ୍ଯ ଦୈବତେଭ୍ଯଃ ପ୍ରଣମ୍ଯ ଚ।
ସନ୍ନଦ୍ଧଃ କବଚୀ ଖଡ୍ଗୀ ବଦ୍ଧଗୋଧାଙ୍ଗୁଲିତ୍ରକଃ॥ 1-251-18 (10946)
ଆରୁରୋହ ତଦା ପାର୍ଥୋ ବିମାନଂ ସୁକୃତୀ ଯଥା।
ତଚ୍ଚ ଦିବ୍ଯଂ ଧନୁଃ ଶ୍ରେଷ୍ଠଂ ବ୍ରହ୍ମଣା ନିର୍ମିତଂ ପୁରା॥ 1-251-19 (10947)
ଗାଣ୍ଡୀବମୁପସଂଗୃହ୍ଯ ବଭୂବ ମୁଦିତୋଽର୍ଜୁନଃ।
ହୁତାଶନଂ ପୁରସ୍କୃତ୍ଯ ତତସ୍ତଦପି ବୀର୍ଯବାନ୍॥ 1-251-20 (10948)
ଜଗ୍ରାହ ବଲମାସ୍ଥାଯ ଜ୍ଯଯା ଚ ଯୁଯୁଜେ ଧନୁଃ।
ମୌର୍ବ୍ଯାଂ ତୁ ଯୋଜ୍ଯମାନାଯାଂ ବଲିନା ପାଣ୍ଡବେନ ହ॥ 1-251-21 (10949)
ଯେଽଶୃଷ୍ବନ୍କୂଜିତଂ ଯତ୍ର ତେଷାଂ ବୈ ବ୍ଯଥିତଂ ମନଃ।
ଲବ୍ଧ୍ବା ରଥଂ ଧନୁଶ୍ଚୈବ ତଥାଽକ୍ଷଯ୍ଯେ ମହେଷୁଧୀ॥ 1-251-22 (10950)
ବଭୂବ କଲ୍ଯଃ କୌନ୍ତେଯଃ ପ୍ରହୃଷ୍ଟଃ ସାହ୍ଯକର୍ମଣି।
ବଜ୍ରନାଭଂ ତତଶ୍ଚକ୍ରଂ ଦଦୌ କୃଷ୍ଣାଯ ପାବକଃ॥ 1-251-23 (10951)
ଆଗ୍ନେଯମସ୍ତ୍ରଂ ଦଯିତଂ ସ ଚ କଲ୍ଯୋଽଭବତ୍ତଦା।
ଅବ୍ରବୀତ୍ପାବକଶ୍ଚୈବମେତେନ ମଧୁସୂଦନ॥ 1-251-24 (10952)
ଅମାନୁଷାନପି ରଣେ ଜେଷ୍ଯସି ତ୍ବମସଂଶଯମ୍।
ଅନେନ ତୁ ମନୁଷ୍ଯାଣାଂ ଦେବାନାମପି ଚାହବେ॥ 1-251-25 (10953)
ରକ୍ଷଃପିଶାଚଦୈତ୍ଯାନାଂ ନାଗାନାଂ ଚାଧିକସ୍ତଥା।
ଭବିଷ୍ଯସି ନ ସନ୍ଦେହଃ ପ୍ରବରୋଽପି ନିବର୍ହଣେ॥ 1-251-26 (10954)
କ୍ଷିପ୍ତଂ କ୍ଷିପ୍ତଂ ରଣେ ଚୈତତ୍ତ୍ବଯା ମାଧବ ଶତ୍ରୁଷୁ।
ହତ୍ବାଽପ୍ରତିହତଂ ସଙ୍ଖ୍ଯେ ପାଣିମେଷ୍ଯତି ତେ ପୁନଃ॥ 1-251-27 (10955)
ବୈଶମ୍ପାଯନ ଉବାଚ। 1-251-28x (1324)
ବରୁଣଶ୍ଚ ଦଦୌ ତସ୍ମୈ ଗଦାମଶନିନିଃସ୍ବନାମ୍।
ଦୈତ୍ଯାନ୍ତକରଣୀଂ ଘୋରାଂ ନାମ୍ନା କୌମୋଦକୀଂ ପ୍ରଭୁଃ॥ 1-251-28 (10956)
ତତଃ ପାବକମବ୍ରୂତାଂ ପ୍ରହୃଷ୍ଟାବର୍ଜୁନାଚ୍ଯୁତୌ।
କୃତାସ୍ତ୍ରୌ ଶସ୍ତ୍ରସଂପନ୍ନୌ ରଥିନୌ ଧ୍ବଜିନାବପି॥ 1-251-29 (10957)
କଲ୍ଯୌ ସ୍ବୋ ଭଗବନ୍ଯୋଦ୍ଧୁମପି ସର୍ବୈଃ ସୁରାସୁରୈଃ।
କିଂ ପୁନର୍ବଜ୍ରିଣୈକେନ ପନ୍ନଗାର୍ଥେ ଯୁଯୁତ୍ସତା॥ 1-251-30 (10958)
ଅର୍ଜୁନ ଉବାଚ। 1-251-31x (1325)
ଚକ୍ରପାଣିର୍ହୃଷୀକେଶୋ ବିଚରନ୍ଯୁଧି ବୀର୍ଯବାନ୍।
ଚକ୍ରେଣ ଭସ୍ମସାତ୍ସର୍ବଂ ବିସୃଷ୍ଟେନ ତୁ ବୀର୍ଯବାନ୍।
ତ୍ରିଷୁ ଲୋକେଷୁ ତନ୍ନାସ୍ତି ଯନ୍ନ କୁର୍ଯାଜ୍ଜନାର୍ଦନଃ॥ 1-251-31 (10959)
ଗାଣ୍ଡୀବଂ ଧନୁରାଦାଯ ତଥାଽକ୍ଷଯ୍ଯେ ମହେଷୁଧୀ।
ଅହମପ୍ଯୁତ୍ସହେ ଲୋକାନ୍ବିଜେତୁଂ ଯୁଧି ପାବକ॥ 1-251-32 (10960)
ସର୍ବତଃ ପରିବାର୍ଯୈବଂ ଦାବମେତଂ ମହାପ୍ରଭୋ।
କାମଂ ସଂପ୍ରଜ୍ବଲାଦ୍ଯୈବ କଲ୍ଯୌ ସ୍ବଃ ସାହ୍ଯକର୍ମଣି॥ 1-251-33 (10961)
`ଯଦି ଖାଣ୍ଡବମେଷ୍ଯତି ପ୍ରମାଦା-
ତ୍ସଗଣୋ ବା ପରିରକ୍ଷିତୁଂ ମହେନ୍ଦ୍ରଃ।
ଶରତାଡିତଗାତ୍ରକୁଣ୍ଡଲାନାଂ
କଦନଂ ଦ୍ରକ୍ଷ୍ଯତି ଦେବବାହିନୀନାମ୍॥' 1-251-34 (10962)
ବୈଶମ୍ପାଯନ ଉବାଚ। 1-251-35x (1326)
ଏବମୁକ୍ତଃ ସ ଭଗବାନ୍ଦାଶାର୍ହେଣାର୍ଜୁନେନ ଚ।
ତୈଜସଂ ରପମାସ୍ଥାଯ ଦାବଂ ଦଗ୍ଧୁଂ ପ୍ରଚକ୍ରମେ॥ 1-251-35 (10963)
ସର୍ବତଃ ପରିବାର୍ଯାଥ ସପ୍ତାର୍ଚିର୍ଜ୍ବଲନସ୍ତଥା।
ଦଦାହ ଖାଣ୍ଡବଂ ଦାବଂ ଯୁଗାନ୍ତମିବ ଦର୍ଶଯନ୍॥ 1-251-36 (10964)
ପ୍ରତିଗୃହ୍ଯ ସମାବିଶ୍ଯ ତଦ୍ବନଂ ଭରତର୍ଷଭ।
ମେଘସ୍ତନିତନିର୍ଘୋଷଃ ସର୍ବଭୂତାନ୍ଯକମ୍ପଯତ୍॥ 1-251-37 (10965)
ଦହ୍ଯତସ୍ତସ୍ଯ ଚ ବଭୌ ରୂପଂ ଦାବସ୍ଯ ଭାରତ।
ମେରୋରିବ ନଗେନ୍ଦ୍ରସ୍ଯ କୀର୍ଣସ୍ଯାଂଶୁମତୋଂଶୁଭିଃ॥ ॥ 1-251-38 (10966)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଖାଣ୍ଡବଦାହପର୍ବଣି ଏକପଞ୍ଚାଶଦଧିକଦ୍ବିଶତତମୋଽଧ୍ଯାଯଃ॥ 251 ॥
Mahabharata - Adi Parva - Chapter Footnotes
1-251-2 ଆଦିତ୍ଯମଦିତେଃ ପୁତ୍ରମ୍॥ 1-251-7 ମହାମାତ୍ରଂ ପ୍ରଧାନମ୍॥ 1-251-12 ଭୌମନୋ ବିଶ୍ବକର୍ମା॥ 1-251-15 ସିଂହଶାର୍ଦୂଲବଦ୍ଭଯଂକରଃ କେତନଃ କାଯୋଯସ୍ଯ ସଃ॥ 1-251-23 କଲ୍ଯଃ ସମର୍ଥଃ ବଜ୍ରଂ ବରତ୍ରା ସା ନାଭୌ ଯସ୍ଯ ତତ୍॥ 1-251-27 ହତ୍ବା ହତ୍ବା ରିପୂନ୍ସଙ୍ଖ୍ଯେ ଇତି ଘ. ପାତ॥ ଏକପଞ୍ଚାଶଦଧିକଦ୍ବିଶତତମୋଽଧ୍ଯାଯଃ॥ 251 ॥ଆଦିପର୍ବ - ଅଧ୍ଯାଯ 252
॥ ଶ୍ରୀଃ ॥
1.252. ଅଧ୍ଯାଯଃ 252
Mahabharata - Adi Parva - Chapter Topics
ଖାଣ୍ଡବଦାହଂ ଦୃଷ୍ଟ୍ବା ତ୍ରସ୍ତୈର୍ଦେବୈଃ ପ୍ରାର୍ଥିତେନେନ୍ଦ୍ରେଣ ଜଲବର୍ଷଣମ୍॥ 1 ॥Mahabharata - Adi Parva - Chapter Text
1-252-0 (10967)
ବୈଶମ୍ପାଯନ ଉବାଚ। 1-252-0x (1327)
ତୌ ରଥାଭ୍ଯାଂ ରଥଶ୍ରେଷ୍ଠୌ ଦାବସ୍ଯୋଭଯତଃ ସ୍ଥିତୌ।
ଦିକ୍ଷୁ ସର୍ବାସୁ ଭୂତାନାଂ ଚକ୍ରାତେ କଦନଂ ମହତ୍॥ 1-252-1 (10968)
ଯତ୍ର ଯତ୍ର ଚ ଦୃଶ୍ଯନ୍ତେ ପ୍ରାଣିନଃ ଖାଣ୍ଡବାଲଯାଃ।
ପଲାଯନ୍ତଃ ପ୍ରବୀରୌ ତୌ ତତ୍ରତତ୍ରାଭ୍ଯଧାବତାମ୍॥ 1-252-2 (10969)
ଛିଦ୍ରଂ ନ ସ୍ମ ପ୍ରପଶ୍ଯନ୍ତି ରଥଯୋରାଶୁଚାରିଣୋଃ।
ଆବିଦ୍ଧାବେବ ଦୃଶ୍ଯେତେ ରଥିନୌ ତୌ ରଥୋତ୍ତମୌ॥ 1-252-3 (10970)
ଖାଣ୍ଡବେ ଦହ୍ଯମାନେ ତୁ ଭୂତାନ୍ଯଥ ସହସ୍ରଶଃ।
ଉତ୍ପେତୁର୍ଭୈରବାନ୍ନାଦାନ୍ବିନଦନ୍ତଃ ସମନ୍ତତଃ॥ 1-252-4 (10971)
ଦଗ୍ଧୈକଦେଶା ବହବୋ ନିଷ୍ଟପ୍ତାଶ୍ଚ ତଥାଽପରେ।
ସ୍ଫୁଟିତାକ୍ଷା ବିଶୀର୍ଣାଶ୍ଚ ବିପ୍ଲୁତାଶ୍ଚ ତଥାଽପରେ॥ 1-252-5 (10972)
ସମାଲିଙ୍ଗ୍ଯ ସୁତାନନ୍ଯେ ପିତୄନ୍ଭ୍ରାତୄନଥାଽପରେ।
ତ୍ଯକ୍ତୁଂ ନ ଶେକୁଃ ସ୍ନେହେନ ତତ୍ରୈବ ନିଧନଂ ଗତାଃ॥ 1-252-6 (10973)
ସନ୍ଦଷ୍ଟଦଶନାଶ୍ଚାନ୍ଯେ ସମୁତ୍ପେତୁରନେକଶଃ।
ତତସ୍ତେଽତୀବ ଘୂର୍ଣନ୍ତଃ ପୁନରଗ୍ନୌ ପ୍ରପେଦିରେ॥ 1-252-7 (10974)
ଦଗ୍ଧପକ୍ଷାକ୍ଷିଚରଣା ବିଚେଷ୍ଟନ୍ତୋ ମହୀତଲେ।
ତତ୍ରତତ୍ର ସ୍ମ ଦୃଶ୍ଯନ୍ତେ ବିନଶ୍ଯନ୍ତଃ ଶରୀରିଣଃ॥ 1-252-8 (10975)
ଜଲାଶଯେଷୁ ତପ୍ତେଷୁ କ୍ବାଥ୍ଯମାନେଷୁ ବହ୍ନିନା।
ଗତସତ୍ବାଃ ସ୍ମ ଦୃଶ୍ଯନ୍ତେ କୂର୍ମମତ୍ସ୍ଯାଃ ସମନ୍ତତଃ॥ 1-252-9 (10976)
ଶରୀରୈରପରେ ଦୀପ୍ତୈର୍ଦେହବନ୍ତ ଇବାଗ୍ନଯଃ।
ଅଦୃଶ୍ଯନ୍ତ ବନେ ତତ୍ର ପ୍ରାଣିନଃ ପ୍ରାଣିସଂକ୍ଷଯେ॥ 1-252-10 (10977)
କାଂଶ୍ଚିଦୁତ୍ପତତଃ ପାର୍ଥଃ ଶରୈଃ ସଂଛିଦ୍ଯ ଖଣ୍ଡଶଃ।
ପାତଯାମାସ ବିହଗାନ୍ପ୍ରଦୀପ୍ତେ ବସୁରେତସି॥ 1-252-11 (10978)
ତେ ଶରାଚିତସର୍ବାଙ୍ଗା ନିନଦନ୍ତୋ ମହାରବାନ୍।
ଊର୍ଧ୍ବମୁତ୍ପତ୍ଯ ବେଗେନ ନିପେତୁଃ ଖାଣ୍ଡବେ ପୁନଃ॥ 1-252-12 (10979)
ଶରୈରଭ୍ଯାହତାନାଂ ଚ ସଙ୍ଘଶଃ ସ୍ମ ବନୌକସାମ୍।
ବିରାବଃ ଶୁଶ୍ରୁବେ ଘୋରଃ ସମୁଦ୍ରସ୍ଯେବ ମଥ୍ଯତଃ॥ 1-252-13 (10980)
ବହ୍ନେଶ୍ଚାପି ପ୍ରଦୀପ୍ତସ୍ଯ ଖମୁତ୍ପେତୁର୍ମହାର୍ଚିଷଃ।
ଜନଯାମାସୁରୁଦ୍ବେଗଂ ସୁମହାନ୍ତଂ ଦିବୌକସାମ୍॥ 1-252-14 (10981)
ତେନାର୍ଚିଷା ସୁସନ୍ତପ୍ତା ଦେବାଃ ସର୍ଷିପୁରୋଗମାଃ।
ତତୋ ଜଗ୍ମୁର୍ମହାତ୍ମାନଃ ସର୍ବ ଏବ ଦିବୌକସଃ।
ଶତକ୍ରତୁଂ ସହସ୍ରାକ୍ଷଂ ଦେବେଶମସୁରାର୍ଦନମ୍॥ 1-252-15 (10982)
ଦେବା ଊଚୁଃ। 1-252-16x (1328)
କିଂ ନ୍ବିମେ ମାନବାଃ ସର୍ବେ ଦହ୍ଯନ୍ତେ ଚିତ୍ରଭାନୁନା।
କଚ୍ଚିନ୍ନ ସଂକ୍ଷଯଃ ପ୍ରାପ୍ତୋ ଲୋକାନାମମରେଶ୍ବର॥ 1-252-16 (10983)
ବୈଶମ୍ପାଯନ ଉବାଚ। 1-252-17x (1329)
ତଚ୍ଛ୍ରୁତ୍ବା ବୃତ୍ରହା ତେଭ୍ଯଃ ସ୍ବଯମେବାନ୍ବବେକ୍ଷ୍ଯ ଚ।
ଖାଣ୍ଡବସ୍ଯ ବିମୋକ୍ଷାର୍ଥଂ ପ୍ରଯଯୌ ହରିବାହନଃ॥ 1-252-17 (10984)
ମହତା ରଥବୃନ୍ଦେନ ନାନାରୂପେଣ ବାସବଃ।
ଆକାଶଂ ସମବାକୀର୍ଯ ପ୍ରବବର୍ଷ ସୁରେଶ୍ବରଃ॥ 1-252-18 (10985)
ତତୋଽକ୍ଷମାତ୍ରା ବ୍ଯସୃଜନ୍ଧାରାଃ ଶତସହସ୍ରଶଃ।
ଚୋଦିତା ଦେବରାଜେନ ଜଲଦାଃ ଖାଣ୍ଡବଂ ପ୍ରତି॥ 1-252-19 (10986)
ଅସଂପ୍ରାପ୍ତାସ୍ତୁ ତା ଧାରାସ୍ତେଜସା ଜାତବେଦସଃ।
ଖ ଏବ ସମୁଶୁଷ୍ଯନ୍ତ ନକାଶ୍ଚିତ୍ପାବକଂ ଗତାଃ॥ 1-252-20 (10987)
ତତୋ ନମୁଚିହା କ୍ରୁଦ୍ଧୋ ଭୃଶମର୍ଚିଷ୍ମତସ୍ତଦା।
ପୁନରେବ ମହାମେଘୈରମ୍ଭାଂସି ବ୍ଯସୃଜଦ୍ବହୁ॥ 1-252-21 (10988)
ଅର୍ଚିର୍ଧାରାଭିସଂବଦ୍ଧଂ ଧୂମବିଦ୍ଯୁତ୍ସମାକୁଲମ୍।
ବଭୂବ ତଦ୍ବନଂ ଘୋରଂ ସ୍ତନଯିତ୍ନୁସମାକୁଲମ୍॥ ॥ 1-252-22 (10989)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଖାଣ୍ଡବଦାହପର୍ବଣି ଦ୍ବିପଞ୍ଚାଶଦଧିକଦ୍ବିଶତତମୋଽଧ୍ଯାଯଃ॥ 252 ॥
Mahabharata - Adi Parva - Chapter Footnotes
1-252-3 ଆବିଦ୍ଧାବେବ ଅଲାତଚକ୍ରବଦ୍ଭ୍ରାମିତାବେବ॥ ଦ୍ବିପଞ୍ଚାଶଦଧିକଦ୍ବିଶତତମୋଽଧ୍ଯାଯଃ॥ 252 ॥ଆଦିପର୍ବ - ଅଧ୍ଯାଯ 253
॥ ଶ୍ରୀଃ ॥
1.253. ଅଧ୍ଯାଯଃ 253
Mahabharata - Adi Parva - Chapter Topics
ଇନ୍ଦ୍ରାଭିବୃଷ୍ଟସ୍ଯ ଜଲସ୍ଯାର୍ଜୁନେନ ନିବାରଣମ୍॥ 1 ॥ ପୁତ୍ରଂ ନିଗୀର୍ଯାକାଶମୁତ୍ପତନ୍ତ୍ଯାଃ ତକ୍ଷକଭାର୍ଯାଯାଃ ଅର୍ଜୁନେନ ଶିରଶ୍ଛେଦଃ॥ 2 ॥ ଇନ୍ଦ୍ରେଣ ସ୍ବକୃତବାଯୁବର୍ଷମୋହିତାଦର୍ଜୁନାତ୍ତକ୍ଷକପୁତ୍ରସ୍ଯାଶ୍ବସେନସ୍ଯ ମୋଚନମ୍॥ 3 ॥ ପାବକାନ୍ମୁମୁକ୍ଷୂଣାଂ ନାଗାଦୀନାଂ ମାରଣମ୍॥ 4 ॥ ଇନ୍ଦ୍ରସ୍ଯ କୃଷ୍ଣାର୍ଜୁନାଭ୍ଯାଂ ଯୁଦ୍ଧମ୍॥ 5 ॥Mahabharata - Adi Parva - Chapter Text
1-253-0 (10990)
ବୈଶମ୍ପାଯନ ଉବାଚ। 1-253-0x (1330)
ତସ୍ଯାଥ ବର୍ଷତୋ ବାରି ପାଣ୍ଡବଃ ପ୍ରତ୍ଯବାରଯତ୍।
ଶରବର୍ଷେଣ ବୀଭତ୍ସୁରୁତ୍ତମାସ୍ତ୍ରାଣି ଦର୍ଶଯନ୍॥ 1-253-1 (10991)
ଖାଣ୍ଡବଂ ଚ ବନଂ ସର୍ବଂ ପାଣ୍ଡବୋ ବହୁଭିଃ ଶରୈଃ।
ପ୍ରାଚ୍ଛାଦଯଦମେଯାତ୍ମା ନୀହାରେଣେବ ଚନ୍ଦ୍ରମାଃ॥ 1-253-2 (10992)
ନ ଚ ସ୍ମ କିଂଚିଚ୍ଛକ୍ନୋତି ଭୂତଂ ନିଶ୍ଚରିତୁଂ ତତଃ।
ସଂଛାଦ୍ଯମାନେ ଖେ ବାଣୈରସ୍ଯତା ସବ୍ଯସାଚିନା॥ 1-253-3 (10993)
ତକ୍ଷକସ୍ତୁ ନ ତତ୍ରାସୀନ୍ନାଗରାଜୋ ମହାବଲଃ।
ଦହ୍ଯମାନେ ବନେ ତସ୍ମିନ୍କୁରୁକ୍ଷେତ୍ରଂ ଗତୋ ହି ସଃ॥ 1-253-4 (10994)
ଅଶ୍ବସେନୋଽଭବତ୍ତତ୍ର ତକ୍ଷକସ୍ଯ ସୁତୋ ବଲୀ।
ସ ଯତ୍ନମକରୋତ୍ତୀବ୍ରଂ ମୋକ୍ଷାର୍ଥଂ ଜାତବେଦସଃ॥ 1-253-5 (10995)
ନ ଶଶାକ ସ ନିର୍ଗନ୍ତୁଂ ନିରୁଦ୍ଧୋଽର୍ଜୁନପତ୍ରିଭିଃ।
ମୋକ୍ଷଯାମାସ ତଂ ମାତା ନିଗୀର୍ଯ ଭୁଜଗାତ୍ମଜା॥ 1-253-6 (10996)
ତସ୍ଯ ପୂର୍ବଂ ଶିରୋ ଗ୍ରସ୍ତଂ ପୁଚ୍ଛମସ୍ଯ ନିଗୀର୍ଯତେ।
ନିଗୀର୍ଯ ସୋର୍ଧ୍ବମକ୍ରାମତ୍ସୁତଂ ନାଗୀ ମୁମୁକ୍ଷଯା॥ 1-253-7 (10997)
ତସ୍ଯାଃ ଶରେଣ ତୀକ୍ଷ୍ଣେନ ପୃଥୁଧାରେଣ ପାଣ୍ଡବଃ।
ଶିରଶ୍ଚିଚ୍ଛେଦ ଗଚ୍ଛନ୍ତ୍ଯାସ୍ତାମପଶ୍ଯଚ୍ଛଚୀପତିଃ॥ 1-253-8 (10998)
ତଂ ମୁମୋଚଯିଷୁର୍ବଜ୍ରୀ ବାତବର୍ଷେଣ ପାଣ୍ଡବମ୍।
ମୋହଯାମାସ ତତ୍କାଲମଶ୍ବସେନସ୍ତ୍ବମୁଚ୍ଯତ॥ 1-253-9 (10999)
ତାଂ ଚ ମାଯାଂ ତଦା ଦୃଷ୍ଟା ଘୋରାଂ ନାଗେନ ବଞ୍ଚିତଃ।
ଦ୍ବିଧା ତ୍ରିଧା ଚ ଖଗତାନ୍ପ୍ରାଣିନଃ ପାଣ୍ଡବୋଚ୍ଛିନତ୍॥ 1-253-10 (11000)
ଶଶାପ ତଂ ଚ ସଂକ୍ରୁଦ୍ଧୋ ବୀଭତ୍ସୁର୍ଜିହ୍ମଗାମିନମ୍।
ପାବକୋ ବାସୁଦେବଶ୍ଚାପ୍ଯପ୍ରତିଷ୍ଠୋ ଭବିଷ୍ଯସି॥ 1-253-11 (11001)
ତତୋ ଜିଷ୍ଣୁଃ ସହସ୍ରାକ୍ଷଂ ଖଂ ବିତତ୍ଯାଶୁଗୈଃ ଶରୈଃ।
ଯୋଧଯାମାସ ସଂକ୍ରୁଦ୍ଧୋ ବଞ୍ଚନାଂ ତାମନୁସ୍ମରନ୍॥ 1-253-12 (11002)
ଦେବରାଜୋଽପି ତଂ ଦୃଷ୍ଟ୍ବା ସଂରବ୍ଧଂ ସମରେଽର୍ଜୁନମ୍।
ସ୍ବମସ୍ତ୍ରମସୃଜତ୍ତୀବ୍ରଂ ଛାଦଯିତ୍ବାଽଖିଲଂ ନଭଃ॥ 1-253-13 (11003)
ତତୋ ବାଯୁର୍ମହାଘୋଷଃ କ୍ଷୋଭଯନ୍ସର୍ବସାଗରାନ୍।
ବିଯତ୍ସ୍ଥୋ ଜନଯନ୍ମେଘାଞ୍ଜଲଧାରାସମାକୁଲାନ୍॥ 1-253-14 (11004)
ତତୋଽଶନିମୁଚୋ ଘୋରାଂସ୍ତଡିତ୍ସ୍ତନିତନିଃସ୍ବନାନ୍।
ତଦ୍ବିଘାତାର୍ଥମସୃଜଦର୍ଜୁନୋଽପ୍ଯସ୍ତ୍ରମୁତ୍ତମମ୍॥ 1-253-15 (11005)
ବାଯବ୍ଯମଭିମନ୍ତ୍ର୍ଯାଥ ପ୍ରତିପତ୍ତିବିଶାରଦଃ।
ତେନେନ୍ଦ୍ରାଶନିମେଘାନାଂ ବୀର୍ଯୌଜସ୍ତଦ୍ବିନାଶିତମ୍॥ 1-253-16 (11006)
ଜଲଧାରାଶ୍ଚ ତାଃ ଶୋଷଂ ଜଗ୍ମୁର୍ନେଶୁଶ୍ଚ ବିଦ୍ଯୁତଃ।
କ୍ଷଣେନ ଚାଭବଦ୍ବ୍ଯୋମ ସଂପ୍ରଶାନ୍ତରଜସ୍ତମଃ॥ 1-253-17 (11007)
ସୁଖଶୀତାନିଲବହଂ ପ୍ରକୃତିସ୍ଥାର୍କମଣ୍ଡଲମ୍।
ନିଷ୍ପ୍ରତୀକାରହୃଷ୍ଟଶ୍ଚ ହୁତଭୁଗ୍ବିବିଧାକୃତିଃ॥ 1-253-18 (11008)
ସିଚ୍ଯମାନୋ ବସୌଘୈସ୍ତୈଃ ପ୍ରାଣିନାଂ ଦେହନିଃସୃତୈଃ।
ପ୍ରଜଜ୍ବାଲାଥ ସୋଽର୍ଚିଷ୍ମାନ୍ସ୍ବନାଦୈଃ ପୂରଯଞ୍ଜଗତ୍॥ 1-253-19 (11009)
କୃଷ୍ଣାଭ୍ଯାଂ ରକ୍ଷିତଂ ଦୃଷ୍ଟ୍ବା ତଂ ଚ ଦାବମହଙ୍କୃତାଃ।
ଖମୁତ୍ପେତୁର୍ମହାରାଜ ସୁପର୍ଣାଦ୍ଯାଃ ପତତ୍ତ୍ରିଣଃ॥ 1-253-20 (11010)
ଗରୁତ୍ମାନ୍ବଜ୍ରସଦୃଶୈଃ ପକ୍ଷତୁଣ୍ଡନଖୈସ୍ତଥା।
ପ୍ରହର୍ତୁକାମୋ ନ୍ଯପତଦାକାଶାତ୍କୃଷ୍ଣପାଣ୍ଡବୌ॥ 1-253-21 (11011)
ତଥୈବୋରଗସଙ୍ଘାତାଃ ପାଣ୍ଡବସ୍ଯ ସମୀପତଃ।
ଉତ୍ସୃଜନ୍ତୋ ବିଷଂ ଘୋରଂ ନିପେତୁର୍ଜ୍ବଲିତାନନାଃ॥ 1-253-22 (11012)
ତାଂଶ୍ଚକର୍ତ ଶରୈଃ ପାର୍ଥଃ ସରୋଷାଗ୍ନିସମୁକ୍ଷିତୈଃ।
ବିବିଶୁଶ୍ଚାପି ତଂ ଦୀପ୍ତଂ ଦେହାଭାବାଯ ପାବକମ୍॥ 1-253-23 (11013)
ତତଃ ସୁରାଃ ସଗନ୍ଧର୍ବା ଯକ୍ଷରାକ୍ଷସପନ୍ନଗାଃ।
ଉତ୍ପେତୁର୍ନାଦମତୁଲମୁତ୍ସୃଜନ୍ତୋ ରଣାର୍ଥିନଃ॥ 1-253-24 (11014)
ଅଯଃକଣପଚକ୍ରାଶ୍ମଭୁଶୁଣ୍ଡ୍ଯୁଦ୍ଯତବାହବଃ।
କୃଷ୍ଣପାର୍ଥୌ ଜିଘାଂସନ୍ତଃ କ୍ରୋଧସଂମୂର୍ଚ୍ଛିତୌଜସଃ॥ 1-253-25 (11015)
ତେଷାମତିବ୍ଯାହରତାଂ ଶସ୍ତ୍ରବର୍ଷଂ ପ୍ରମୁଞ୍ଚତାମ୍।
ପ୍ରମମାଥୋତ୍ତମାଙ୍ଗାନି ବୀଭତ୍ସୁର୍ନିଶିତୈଃ ଶରୈଃ॥ 1-253-26 (11016)
କୃଷ୍ଣଶ୍ଚ ସୁମହାତେଜାଶ୍ଚକ୍ରେଣାରିବିନାଶନଃ।
ଦୈତ୍ଯଦାନବସଙ୍ଘାନାଂ ଚକାର କଦନଂ ମହତ୍॥ 1-253-27 (11017)
ଅଥାପରେ ଶରୈର୍ବିଦ୍ଧାଶ୍ଚକ୍ରବେଗେରିତାସ୍ତଥା।
ବେଲାମିବ ସମାସାଦ୍ଯ ବ୍ଯତିଷ୍ଠନ୍ନମିତୌଜସଃ॥ 1-253-28 (11018)
ତତଃ ଶକ୍ରୋଽତିସକ୍ରୁଦ୍ଧସ୍ତ୍ରିଦଶାନାଂ ମହେଶ୍ବରଃ।
ପାଣ୍ଡୁରଂ ଗଜମାସ୍ଥାଯ ତାବୁଭୌ ସମୁପାଦ୍ରବତ୍॥ 1-253-29 (11019)
ବେଗେନାଶନିମାଦାଯ ବଜ୍ରମସ୍ତ୍ରଂ ଚ ସୋଽସୃଜତ୍।
ହତାବେତାବିତି ପ୍ରାହ ସୁରାନସୁରସୂଦନଃ॥ 1-253-30 (11020)
ତତଃ ସମୁଦ୍ଯତାଂ ଦୃଷ୍ଟ୍ବା ଦେବେନ୍ଦ୍ରେଣ ମହାଶନିମ୍।
ଜଗୃହୁଃ ସର୍ବଶସ୍ତ୍ରାଣି ସ୍ବାନି ସ୍ବାନି ସୁରାସ୍ତଥା॥ 1-253-31 (11021)
କାଲଦଣ୍ଡଂ ଯମୋ ରାଜନ୍ ଗଦାଂ ଚୈବ ଧନେଶ୍ବରଃ।
ପାଶାଂଶ୍ଚ ତତ୍ର ବରୁଣୋ ବିଚିତ୍ରାଂ ଚ ତଥାଽଶନିମ୍॥ 1-253-32 (11022)
ସ୍କନ୍ଦଃ ଶକ୍ତିଂ ସମାଦାଯ ତସ୍ଥୌ ମେରୁରିବାଚଲଃ।
ଓଷଧୀର୍ଦୀପ୍ଯମାନାଶ୍ଚ ଜଗୃହାତେଽସ୍ବିନାବପି॥ 1-253-33 (11023)
ଜଗୃହେ ଚ ଧନୁର୍ଧାତା ମୁସଲଂ ତୁ ଜଯସ୍ତଥା।
ପର୍ବତଂ ଚାପି ଜଗ୍ରାହ କ୍ରୂଦ୍ଧସ୍ତ୍ବଷ୍ଟା ମହାବଲଃ॥ 1-253-34 (11024)
ଅଂଶସ୍ତୁ ଶକ୍ତିଂ ଜଗ୍ରାହ ମୃତ୍ଯୁର୍ଦେବଃ ପରଶ୍ବଧମ୍।
ପ୍ରଗୃହ୍ଯ ପରିଘଂ ଘୋରଂ ବିଚଚାରାର୍ଯମା ଅପି॥ 1-253-35 (11025)
ମିତ୍ରଶ୍ଚ କ୍ଷୁରପର୍ଯନ୍ତଂ ଚକ୍ରମାଦାଯ ତସ୍ଥିବାନ୍।
ପୂଷା ଭଗଶ୍ଚ ସଂକ୍ରୁଦ୍ଧଃ ସବିତା ଚ ବିଶାଂପତେ॥ 1-253-36 (11026)
ଆତ୍ତକାର୍ମୁକନିସ୍ତ୍ରିଂଶାଃ କୃଷ୍ଣାପାର୍ଥୌ ପ୍ରଦୁଦ୍ରୁବୁଃ।
ରୁଦ୍ରାଶ୍ଚ ବସବଶ୍ଚୈବ ମରୁତଶ୍ଚ ମହାବଲାଃ॥ 1-253-37 (11027)
ବିଶ୍ବେଦେବାସ୍ତଥା ସାଧ୍ଯା ଦୀପ୍ଯମାନାଃ ସ୍ବତେଜସା।
ଏତେ ଚାନ୍ଯେ ଚ ବହବୋ ଦେବାସ୍ତୌ ପୁରୁଷୋତ୍ତମୌ॥ 1-253-38 (11028)
କୃଷ୍ଣପାର୍ଥୌ ଜିଘାଂସନ୍ତଃ ପ୍ରତୀଯୁର୍ବିବିଧାଯୁଧାଃ।
ତତ୍ରାଦ୍ଭୁତାନ୍ଯଦୃଶ୍ଯନ୍ତ ନିମିତ୍ତାନି ମହାହବେ॥ 1-253-39 (11029)
ଯୁଗାନ୍ତସମରୂପାଣି ଭୂତସଂମୋହନାନି ଚ।
ତଥା ଦୃଷ୍ଟ୍ବା ସୁସଂରବ୍ଧଂ ଶକ୍ରଂ ଦେବୈଃ ସହାଚ୍ଯୁତୌ॥ 1-253-40 (11030)
ଅଭୀତୌ ଯୁଧି ଦୁର୍ଧର୍ଷୌ ତସ୍ଥତୁଃ ସଜ୍ଜକାର୍ମୁକୌ।
ଆଗଚ୍ଛତସ୍ତତୋ ଦେବାନୁଭୌ ଯୁଦ୍ଧବିଶାରଦୌ॥ 1-253-41 (11031)
ବ୍ଯତାଡଯେତାଂ ସଂକ୍ରୁଦ୍ଧୌ ଶରୈର୍ବଜ୍ରୋପମୈସ୍ତଦା।
ଅସକୃଦ୍ଭଗ୍ନସଂକଲ୍ପାଃ ସୁରାଶ୍ଚ ବହୁଶଃ କୃତାଃ॥ 1-253-42 (11032)
ଭଯାଦ୍ରଣଂ ପରିତ୍ଯଜ୍ଯ ଶଖ୍ରମେବାଭିଶିଶ୍ରିଯୁଃ।
ଦୃଷ୍ଟ୍ବା ନିବାରିତାନ୍ଦେବାନ୍ମାଧବେନାର୍ଜୁନେନ ଚ॥ 1-253-43 (11033)
ଆଶ୍ଚର୍ଯମଗମଂସ୍ତତ୍ର ମୁନଯୋ ନଭସି ସ୍ଥିତାଃ।
ଶକ୍ରଶ୍ଚାପି ତଯୋର୍ବୀର୍ଯମୁପଲଭ୍ଯାସକୃଦ୍ରଣେ॥ 1-253-44 (11034)
ବଭୂବ ପରମପ୍ରୀତୋ ଭୂଯଶ୍ଚୈତାବଯୋଧଯତ୍।
ତତୋଽଶ୍ମବର୍ଷଂ ସୁମହଦ୍ବ୍ଯସୃଜତ୍ପାକଶାସନଃ॥ 1-253-45 (11035)
ଭୂଯ ଏବ ତଦା ବୀର୍ଯଂ ଜିଜ୍ଞାସୁଃ ସବ୍ଯସାଚିନଃ।
ତଚ୍ଛୈରର୍ଜୁନୋ ବର୍ଷଂ ପ୍ରତିଜଘ୍ନେଽତ୍ଯମର୍ଷିତଃ॥ 1-253-46 (11036)
ବିଫଲଂ କ୍ରିଯମାଣଂ ତତ୍ସମବେକ୍ଷ୍ଯ ଶତକ୍ରତୁଃ।
ଭୂଯଃ ସଂବର୍ଧଯାମାସ ତଦ୍ବର୍ଷଂ ପାକଶାସନଃ॥ 1-253-47 (11037)
ସୋଶ୍ମବର୍ଷଂ ମହାବେଗୈରିଷୁଭିଃ ପାକଶାସନିଃ।
ବିଲଯଂ ଗମଯାମାସ ହର୍ଷଯନ୍ପିତରଂ ତଥା॥ 1-253-48 (11038)
ତତ ଉତ୍ପାଟ୍ଯ ପାଣିଭ୍ଯାଂ ମନ୍ଦରାଚ୍ଛିଖରଂ ମହତ୍।
ସଦ୍ରୁମଂ ବ୍ଯସୃଜଚ୍ଛକ୍ରୋ ଜିଘାଂସୁଃ ପାଣ୍ଡୁନନ୍ଦନମ୍॥ 1-253-49 (11039)
ତତୋଽର୍ଜୁନୋ ବେଗବଦ୍ଭିର୍ଜ୍ବଲିତାଗ୍ରୈରଜିହ୍ମଗୈଃ।
ଶରୈର୍ବିଧ୍ବଂସଯାମାସ ଗିରେଃ ଶୃଙ୍ଗଂ ସହସ୍ରଧା॥ 1-253-50 (11040)
ଗିରେର୍ବିଶୀର୍ଯମାଣସ୍ଯ ତସ୍ଯ ରୂପଂ ତଦା ବଭୌ।
ସାର୍କଚନ୍ଦ୍ରଗ୍ରହସ୍ଯେବ ନଭସଃ ପରିଶୀର୍ଯତଃ॥ 1-253-51 (11041)
ତେନାଭିପତତା ଦାବଂ ଶୈଲେନ ମହତା ଭୃଶମ୍।
ଶୃଙ୍ଗେଣ ନିହତାସ୍ତତ୍ର ପ୍ରାଣିନଃ ଖାଣ୍ଡବାଲଯାଃ॥ ॥ 1-253-52 (11042)
ଇତି ଶ୍ରୀମନ୍ମହାଭାରତେ ଆଦିପର୍ବଣି ଖାଣ୍ଡବଦାହପର୍ବଣି ତ୍ରିପଞ୍ଚାଶଦଧିକଦ୍ବିଶତତମୋଽଧ୍ଯାଯଃ॥ 253 ॥ ॥ ସମାପ୍ତଂ ଚ ଖାଣ୍ଡବଦାହପର୍ବ ॥
ଆଦିପର୍ବ - ଅଧ୍ଯାଯ 254
॥ ଶ୍ରୀଃ ॥
1.254. ଅଧ୍ଯାଯଃ 254
(ଅଥ ମଯଦର୍ଶନପର୍ବ ॥ 19 ॥)
Mahabharata - Adi Parva - Chapter Topics
ଦେବେଷୁ ପରାଜିତେଷୁ ଅଶରୀରବାଣୀଶ୍ରବଣେନ ଇନ୍ଦ୍ରସ୍ଯ ନିବୃତ୍ତିଃ॥ 1 ॥ ପଲାଯମାନଂ ମଯଂ ହନ୍ତୁମୁଦ୍ଯୁକ୍ତେ ଶ୍ରୀକୃଷ୍ଣେ ଆତ୍ମାନଂ ଶରଣାଗତସ୍ଯ ମଯସ୍ଯ ଅର୍ଜୁନେନାଭଯଦାନମ୍॥ 2 ॥ ଖାଣ୍ଡବଦାହେଽପି ଅଶ୍ବସେନାଦୀନାମଦାହସ୍ଯ ବୈଶମ୍ପାଯନେନ କଥନମ୍॥ 3 ॥Mahabharata - Adi Parva - Chapter Text
1-254-0 (11043)
ବୈଶମ୍ପାଯନ ଉବାଚ। 1-254-0x (1331)
ତଥା ଶୈଲନିପାତେନ ଭୀଷିତାଃ ଖାଣ୍ଡବାଲଯାଃ।
ଦାନବା ରାକ୍ଷସା ନାଗାସ୍ତରକ୍ଷ୍ବୃକ୍ଷବନୌକସଃ॥ 1-254-1 (11044)
ଦ୍ବିପାଃ ପ୍ରଭିନ୍ନାଃ ଶାର୍ଦୂଲାଃ ସିଂହାଃ କେସରିଣସ୍ତଥା।
ମୃଗାଶ୍ଚ ମହିଷାଶ୍ଚୈବ ଶତଶଃ ପକ୍ଷିଣସ୍ତଥା॥ 1-254-2 (11045)
ସମୁଦ୍ବିଗ୍ନା ବିସସୃପୁସ୍ତଥାନ୍ଯା ଭୂତଜାତଯଃ।
ତଂ ଦାବଂ ସମୁଦୈକ୍ଷନ୍ତ କୃଷ୍ଣୌ ଚାଭ୍ଯୁଦ୍ଯତାଯୁଧୌ॥ 1-254-3 (11046)
ଉତ୍ପାତନାଦଶବ୍ଦେନ ତ୍ରାସିତା ଇବ ଚାଭବନ୍।
ତେ ବନଂ ପ୍ରସମୀକ୍ଷ୍ଯାଥ ଦହ୍ଯମାନମନେକଧା॥ 1-254-4 (11047)
କୃଷ୍ଣମଭ୍ଯୁଦ୍ଯତାସ୍ତ୍ରଂ ଚ ନାଦଂ ମୁମୁଚୁରୁଲ୍ବଣମ୍।
ତେନ ନାଦେନ ରୌଦ୍ରେଣ ନାଦେନ ଚ ବିଭାବସୋଃ॥ 1-254-5 (11048)
ରରାସ ଗଗନଂ କୃତ୍ସ୍ନମୁତ୍ପାତଜଲଦୈରିବ।
ତତଃ କୃଷ୍ଣୋ ମହାବାହୁଃ ସ୍ବତେଜୋଭାସ୍ବରଂ ମହତ୍॥ 1-254-6 (11049)
ଚକ୍ରଂ ବ୍ଯସୃଜଦତ୍ଯୁଗ୍ରଂ ତେଷାଂ ନାଶାଯ କେଶବଃ।
ତେନାର୍ତା ଜାତଯଃ କ୍ଷୁଦ୍ରାଃ ସଦାନବନିଶାଚରାଃ॥ 1-254-7 (11050)
ନିକୃତ୍ତାଃ ଶତଶଃ ସର୍ବା ନିପେତୁରନଲଂ କ୍ଷଣାତ୍।
ତତ୍ରାଦୃଶ୍ଯନ୍ତ ତେ ଦୈତ୍ଯାଃ କୃଷ୍ଣଚକ୍ରବିଦାରିତାଃ॥ 1-254-8 (11051)
ବସାରୁଧିରସଂପୃକ୍ତାଃ ସନ୍ଧ୍ଯାଯାମିବ ତୋଯଦାଃ।
ପିଶାଚାନ୍ପକ୍ଷିଣୋ ନାଗାନ୍ପଶୂଂଶ୍ଚୈବ ସହସ୍ରଶଃ॥ 1-254-9 (11052)
ନିଘ୍ନଂଶ୍ଚରତି ବାର୍ଷ୍ଣେଯଃ କାଲବତ୍ତତ୍ର ଭାରତ।
କ୍ଷିପ୍ତଂ କ୍ଷିପ୍ତଂ ପୁନଶ୍ଚକ୍ରଂ କୃଷ୍ଣସ୍ଯାମିତ୍ରଘାତିନଃ॥ 1-254-10 (11053)
ଛିତ୍ତ୍ବାନେକାନି ସତ୍ବାନି ପାଣିମେତି ପୁନଃ ପୁନଃ।
ତଥା ତୁ ନିଘ୍ନତସ୍ତସ୍ଯ ପିଶାଚୋରଗରାକ୍ଷସାନ୍॥ 1-254-11 (11054)
ବଭୂବ ରୂପମତ୍ଯୁଗ୍ରଂ ସର୍ବଭୂତାତ୍ମନସ୍ତଦା।
ସମେତାନାଂ ଚ ସର୍ବେଷାଂ ଦାନବାନାଂ ଚ ସର୍ବଶଃ॥ 1-254-12 (11055)
ବିଜେତା ନାଭବତ୍କଶ୍ଚିତ୍କୃଷ୍ଣପାଣ୍ଡବଯୋର୍ମୃଧେ।
ତଯୋର୍ବଲାତ୍ପରିତ୍ରାତୁଂ ତଂ ଚ ଦାବଂ ଯଦା ସୁରାଃ॥ 1-254-13 (11056)
ନାଶକ୍ନୁବଞ୍ଶମଯିତୁଂ ତଦାଽଭୂବନ୍ପରାଙ୍ମୁଖାଃ।
ଶତକ୍ରତୁସ୍ତୁ ସଂପ୍ରେକ୍ଷ୍ଯ ବିମୁଖାନମରାଂସ୍ତଥା॥ 1-254-14 (11057)
ବଭୂବ ମୁଦିତୋ ରାଜନ୍ପ୍ରଶଂସନ୍କେଶବାର୍ଜୁନୌ।
ନିବୃତ୍ତେଷ୍ବଥ ଦେବେଷୁ ବାଗୁବାଚାଶରୀରିଣୀ॥ 1-254-15 (11058)
ଶତକ୍ରତୁଂ ସମାଭାଷ୍ଯ ମହାଗମ୍ଭୀରନିଃସ୍ବନା।
ନ ତେ ସଖା ସନ୍ନିହିତସ୍ତକ୍ଷକୋ ଭୁଜଗୋତ୍ତମଃ॥ 1-254-16 (11059)
ଦାହକାଲେ ଖାଣ୍ଡବସ୍ଯ କୁରୁକ୍ଷେତ୍ରଂ ଗତୋ ହ୍ଯସୌ।
ନ ଚ ଶକ୍ଯୌ ଯୁଧା ଜେତୁଂ କଥଂଚିଦପି ବାସବ॥ 1-254-17 (11060)
ବାସୁଦେବାର୍ଜୁନାବେତୌ ନିବୋଧ ବଚନାନ୍ମମ।
ନରନାରାଯଣାବେତୌ ପୂର୍ବଦେବୌ ଦିବି ଶ୍ରୁତୌ॥ 1-254-18 (11061)
ଭବାନପ୍ଯଭିଜାନାତି ଯଦ୍ବୀର୍ଯୌ ଯତ୍ପରାକ୍ରମୌ।
ନୈତୌ ଶକ୍ଯୌ ଦୁରାଧର୍ଷୌ ବିଜେତୁମଜିତୌ ଯୁଧି॥ 1-254-19 (11062)
ଅପି ସର୍ବେଷୁ ଲୋକେଷୁ ପୁରାଣାବୃଷିସତ୍ତମୌ।
ପୂଜନୀଯତମାବେତାବପି ସର୍ବୈଃ ସୁରାସୁରୈଃ॥ 1-254-20 (11063)
ଯକ୍ଷରାକ୍ଷସଗନ୍ଧର୍ବନରକିନ୍ନରପନ୍ନଗୈଃ।
ତସ୍ମାଦିତଃ ସୁରୈଃ ସାର୍ଧଂ ଗନ୍ତୁମର୍ହସି ବାସବ॥ 1-254-21 (11064)
ଦିଷ୍ଟଂ ଚାପ୍ଯନୁପଶ୍ଯୈତତ୍ଖାଣ୍ଡବସ୍ଯ ବିନାଶନମ୍।
ଇତି ବାକ୍ଯମୁପଶ୍ରୁତ୍ଯ ତଥ୍ଯମିତ୍ଯମରେଶ୍ବରଃ॥ 1-254-22 (11065)
କ୍ରୋଧାମର୍ଷୌ ସମୁତ୍ସୃଜ୍ଯ ସଂପ୍ରତସ୍ଥେ ଦିବଂ ତଦା।
ତଂ ପ୍ରସ୍ଥିତଂ ମହାତ୍ମାନଂ ସମବେକ୍ଷ୍ଯ ଦିବୌକସଃ॥ 1-254-23 (11066)
ସହିତାଃ ସେନଯା ରାଜନ୍ନନୁଜଗ୍ମୁଃ ପୁରନ୍ଦରମ୍।
ଦେବରାଜଂ ତଦା ଯାନ୍ତଂ ସହ ଦେବୈରବେକ୍ଷ୍ଯ ତୁ॥ 1-254-24 (11067)
ବାସୁଦେବାର୍ଜୁନୌ ବୀରୌ ସିଂହନାଦଂ ବିନେଦତୁଃ।
ଦେବରାଜେ ଗତେ ରାଜନ୍ପ୍ରହୃଷ୍ଟୌ କେଶବାର୍ଜୁନୌ॥ 1-254-25 (11068)
ନିର୍ବିଶଙ୍କଂ ବନଂ ବୀରୌ ଦାହଯାମାସତୁସ୍ତଦା।
ସ ମାରୁତ ଇବାଭ୍ରାଣି ନାଶଯିତ୍ବାଽର୍ଜୁନଃ ସୁରାନ୍॥ 1-254-26 (11069)
ବ୍ଯଧମଚ୍ଛରସଙ୍ଘାତୈର୍ଦେହିନଃ ଖାଣ୍ଡବାଲଯାନ୍।
ନ ଚ ସ୍ମ କିଂଚିଚ୍ଛକ୍ନୋତି ଭୂତଂ ନିଶ୍ଚରିତୁଂ ତତଃ॥ 1-254-27 (11070)
ସଂଛିଦ୍ଯମାନମିଷୁଭିରସ୍ଯତା ସବ୍ଯସାଚିନା।
ନାଶକ୍ନୁବଂଶ୍ଚ ଭୂତାନି ମହାନ୍ତ୍ଯପି ରଣେଽର୍ଜୁନମ୍॥ 1-254-28 (11071)
ନିରୀକ୍ଷିତୁମମୋଘାସ୍ତ୍ରଂ ଯୋଦ୍ଧୁଂ ଚାପି କୁତୋ ରଣେ।
ଶତଂ ଚୈକେନ ବିବ୍ଯାଧ ଶତେନୈକଂ ପତତ୍ରିଣାମ୍॥ 1-254-29 (11072)
ବ୍ଯସବସ୍ତେଽପତନ୍ନଗ୍ନୌ ସାକ୍ଷାତ୍କାଲହତା ଇବ।
ନ ଚାଲଭନ୍ତ ତେ ଶର୍ମ ରୋଧଃସୁ ବିଷମେଷୁ ଚ॥ 1-254-30 (11073)
ପିତୃଦେବନିବାସେଷୁ ସନ୍ତାପଶ୍ଚାପ୍ଯଜାଯତ।
ଭୂତସଙ୍ଘାଶ୍ଚ ବହବୋ ଦୀନାଶ୍ଚକ୍ରୁର୍ମହାସ୍ବନମ୍॥ 1-254-31 (11074)
ରୁରୁଦୁର୍ବାରଣାଶ୍ଚୈବ ତଥା ମୃଗତରକ୍ଷବଃ।
ତେନ ଶବ୍ଦେନ ବିତ୍ରେସୁର୍ଗଙ୍ଗୋଦଧିଚରା ଝଷାଃ॥ 1-254-32 (11075)
ବିଦ୍ଯାଧରଗଣାଶ୍ଚୈବ ଯେ ଚ ତତ୍ର ବନୌକସଃ।
ନ ତ୍ବର୍ଜୁନଂ ମହାବାହୋ ନାପି କୃଷ୍ଣଂ ଜନାର୍ଦନମ୍॥ 1-254-33 (11076)
ନିରୀକ୍ଷିତୁଂ ବୈ ଶକ୍ନୋତି କଶ୍ଚିଦ୍ଯୋଦ୍ଧୁଂ କୁତଃ ପୁନଃ।
ଏକାଯନଗତା ଯେଽପି ନିଷ୍ପେତୁସ୍ତତ୍ର କେଚନ॥ 1-254-34 (11077)
ରାକ୍ଷସା ଦାନବା ନାଗା ଜଘ୍ନେ ଚକ୍ରେଣ ତାନ୍ହରିଃ।
ତେ ତୁ ଭିନ୍ନଶିରୋଦେହାଶ୍ଚକ୍ରବେଗାଦ୍ଗତାସବଃ॥ 1-254-35 (11078)
ପେତୁରନ୍ଯେ ମହାକାଯାଃ ପ୍ରଦୀପ୍ତେ ବସୁରେତସି।
ସମାଂସରୁଧିରୌଧୈଶ୍ଚ ବସାଭିଶ୍ଚାପି ତର୍ପିତଃ॥ 1-254-36 (11079)
ଉପର୍ଯାକାଶଗୋ ଭୂତ୍ବା ବିଧୂମଃ ସମପଦ୍ଯତ।
ଦୀପ୍ତାକ୍ଷୋ ଦୀପ୍ତଜିହ୍ବଶ୍ଚ ସଂପ୍ରଦୀପ୍ତମହାନନଃ॥ 1-254-37 (11080)
ଦୀପ୍ତୋର୍ଧ୍ବକେଶଃ ପିଙ୍ଗାକ୍ଷଃ ପିବନ୍ପ୍ରାଣଭୃତାଂ ବସାମ୍।
ତାଂ ସ କୃଷ୍ଣାର୍ଜୁନକୃତାଂ ସୁଧାଂ ପ୍ରାପ୍ଯ ହୁତାଶନଃ॥ 1-254-38 (11081)
ବଭୂବ ମୁଦିତସ୍ତୃପ୍ତଃ ପରାଂ ନିର୍ବୃତିମାଗତଃ।
ତଥାଽସୁରଂ ମଯଂ ନାମ ତକ୍ଷକସ୍ଯ ନିବେଶନାତ୍॥ 1-254-39 (11082)
ବିପ୍ରଦ୍ରବନ୍ତଂ ସହସା ଦଦର୍ଶ ମଧୁସୂଦନଃ।
ତମଗ୍ନିଃ ପ୍ରାର୍ଥଯାମାସ ଦିଧକ୍ଷୁର୍ବାତସାରଥିଃ॥ 1-254-40 (11083)
ଶରୀରବାଞ୍ଜଟୀ ଭୂତ୍ବା ନଦନ୍ନିବ ବଲାହକଃ।
ବିଜ୍ଞାଯ ଦାନବେନ୍ଦ୍ରାଣାଂ ମଯଂ ବୈ ଶିଲ୍ପିନାଂ ବରମ୍॥ 1-254-41 (11084)
ଜିଘାଂସୁର୍ବାସୁଦେବସ୍ତଂ ଚକ୍ରମୁଦ୍ଯମ୍ଯ ଧିଷ୍ଠିତଃ।
ସ ଚକ୍ରମୁଦ୍ଯତଂ ଦୃଷ୍ଟ୍ବା ଦିଧକ୍ଷନ୍ତଂ ଚ ପାବକମ୍॥ 1-254-42 (11085)
ଅଭିଧାବାର୍ଜୁନେତ୍ଯେବଂ ମଯସ୍ତ୍ରାହୀତି ଚାବ୍ରବୀତ୍।
ତସ୍ଯ ଭୀତସ୍ବନଂ ଶ୍ରୁତ୍ବା ମା ଭୈରିତି ଧନଂଜଯଃ॥ 1-254-43 (11086)
ପ୍ରତ୍ଯୁବାଚ ମଯଂ ପାର୍ଥୋ ଜୀବଯନ୍ନିବ ଭାରତ।
ତଂ ନ ଭେତବ୍ଯମିତ୍ଯାହ ମଯଂ ପାର୍ଥୋ ଦଯାପରଃ॥ 1-254-44 (11087)
ତଂ ପାର୍ଥେନାଭଯେ ଦତ୍ତେ ନମୁଚେର୍ଭ୍ରାତରଂ ମଯମ୍।
ନ ହନ୍ତୁମୈଚ୍ଛଦ୍ଦାଶାର୍ହଃ ପାବକୋ ନ ଦଦାହ ଚ॥ 1-254-45 (11088)
ତଦ୍ବନଂ ପାବକୋ ଧୀମାନ୍ଦିନାନି ଦଶ ପଞ୍ଚ ଚ।
ଦଦାହ କୃଷ୍ଣପାର୍ଥାଭ୍ଯାଂ ରକ୍ଷିତଃ ପାକଶାସନାତ୍॥ 1-254-46 (11089)
ତସ୍ମିନ୍ବନେ ଦହ୍ଯମାନେ ଷଡଗ୍ନିର୍ନ ଦଦାହ ଚ।
ଅଶ୍ବସେନଂ ମଯଂ ଚୈବ ଚତୁରଃ ଶାର୍ଙ୍ଗକାଂସ୍ତଥା॥ ॥ 1-254-47 (11090)
ଇତି ଶ୍ରୀମନ୍ମହାଭାରତେ ଆଦିପର୍ବଣି ମଯଦର୍ଶନପର୍ବଣି ଚତୁଃପଞ୍ଚାଶଦଧିକଦ୍ବିଶତତମୋଽଧ୍ଯାଯଃ॥ 254 ॥
ଆଦିପର୍ବ - ଅଧ୍ଯାଯ 255
॥ ଶ୍ରୀଃ ॥
1.255. ଅଧ୍ଯାଯଃ 255
Mahabharata - Adi Parva - Chapter Topics
ଶାର୍ଙ୍ଗକାଣାଂ ମୋଚନକାରଣେ ଜନମେଜଯେନ ପୃଷ୍ଟେ ବୈଶମ୍ପାଯନେନ ମନ୍ଦପାଲୋପାଖ୍ଯାନକଥନାରମ୍ଭଃ॥ 1 ॥ ତପସା ପିତୃଲୋକଂ ଗତସ୍ଯାପ୍ଯନବାପ୍ତତପଃଫଳସ୍ଯ ମନ୍ଦପାଲସ୍ଯ ଦେବାଜ୍ଞଯା ପ୍ରଜୋତ୍ପାଦନାର୍ଥଂ ପୁନର୍ଭୂମାବାଗମନମ୍॥ 2 ॥ ତତ୍ର ଶାର୍ଙ୍ଗ୍ଯାଂ ଜରିତାଯାଂ ପୁତ୍ରଚତୁଷ୍ଟଯୋତ୍ପାଦନମ୍॥ 3 ॥ ସପୁତ୍ରାଂ ଜରିତାଂ ଖାଣ୍ଡବେ ବିସୃଜ୍ଯ ଲପିତାନାମ୍ନ୍ଯାଽନ୍ଯଯା ଶାର୍ଙ୍ଗ୍ଯା ସଂଗତସ୍ଯ ମନ୍ଦପାଲସ୍ଯ ବିପ୍ରରୂପାଗ୍ନିଦର୍ଶନମ୍॥ 4 ॥ ତସ୍ଯ ଖାଣ୍ଡବଦିଧକ୍ଷାଂ ଜ୍ଞାତ୍ବା ପୁତ୍ରରକ୍ଷଣାର୍ଥଂ ସ୍ତୁତାଦଗ୍ନେର୍ବରଲାଭଃ॥ 5 ॥Mahabharata - Adi Parva - Chapter Text
1-255-0 (11091)
ଜନମେଜଯ ଉବାଚ। 1-255-0x (1332)
କିମର୍ଥଂ ଶାର୍ଙ୍ଗକାନଗ୍ନିର୍ନ ଦଦାହ ତଥା ଗତେ।
ତସ୍ମିନ୍ବନେ ଦହ୍ଯମାନେ ବ୍ରହ୍ମନ୍ନେତତ୍ପ୍ରଚକ୍ଷ୍ବ ମେ॥ 1-255-1 (11092)
ଅଦାହେ ହ୍ଯଶ୍ବସେନସ୍ଯ ଦାନବସ୍ଯ ମଯସ୍ଯ ଚ।
କାରଣଂ କୀର୍ତିତଂ ବ୍ରହ୍ମଞ୍ଶାର୍ଙ୍ଗକାଣାଂ ନ କୀର୍ତିତମ୍॥ 1-255-2 (11093)
ତଦେତଦଦ୍ଭୁତଂ ବ୍ରହ୍ମଞ୍ଶାର୍ଙ୍ଗକାଣାମନାମଯମ୍।
କୀର୍ତଯସ୍ବାଗ୍ନିସଂମର୍ଦେ କଥଂ ତେ ନ ବିନାଶିତାଃ॥ 1-255-3 (11094)
ବୈଶମ୍ପାଯନ ଉବାଚ। 1-255-4x (1333)
ଯଦର୍ଥଂ ଶାର୍ଙ୍ଗକାନଗ୍ନିର୍ନ ଦଦାହ ତଥା ଗତେ।
ତତ୍ତେ ସର୍ବଂ ପ୍ରବକ୍ଷ୍ଯାମି ଯଥା ଭୂତମରିନ୍ଦମ॥ 1-255-4 (11095)
ଧର୍ମଜ୍ଞାନାଂ ମୁଖ୍ଯତମସ୍ତପସ୍ବୀ ସଂଶିତବ୍ରତଃ।
ଆସୀନ୍ମହର୍ଷିଃ ଶ୍ରୁତବାନ୍ମନ୍ଦପାଲ ଇତି ଶ୍ରୁତଃ॥ 1-255-5 (11096)
ସ ମାର୍ଗମାଶ୍ରିତୋ ରାଜନ୍ନୃଷୀଣାମୂର୍ଧ୍ବରେତସାମ୍।
ସ୍ବାଧ୍ଯାଯବାନ୍ଧର୍ମରତସ୍ତପସ୍ବୀ ବିଜିତେନ୍ଦ୍ରିଯଃ॥ 1-255-6 (11097)
ସ ଗତ୍ବା ତପସଃ ପାରଂ ଦେହମୁତ୍ସୃଜ୍ଯ ଭାରତ।
ଜଗାମ ପିତୃଲୋକାଯ ନ ଲେଭେ ତତ୍ର ତତ୍ଫଲମ୍॥ 1-255-7 (11098)
ସ ଲୋକାନଫଲାନ୍ଦୃଷ୍ଟ୍ବା ତପସା ନିର୍ଜିତାନପି।
ପପ୍ରଚ୍ଛ ଧର୍ମରାଜସ୍ଯ ସମୀପସ୍ଥାନ୍ଦିବୌକସଃ॥ 1-255-8 (11099)
ମନ୍ଦପାଲ ଉବାଚ। 1-255-9x (1334)
କିମର୍ଥମାବୃତା ଲୋକା ମମୈତେ ତପସାଽର୍ଜିତାଃ।
କିଂ ମଯା ନ କୃତଂ ତତ୍ର ଯସ୍ଯୈତତ୍କର୍ମଣଃ ଫଲମ୍॥ 1-255-9 (11100)
ତତ୍ରାହଂ ତତ୍କରିଷ୍ଯାମି ଯଦର୍ଥମିଦମାବୃତମ୍।
ଫଲମେତସ୍ଯ ତପସଃ କଥଯଧ୍ବଂ ଦିବୌକସଃ॥ 1-255-10 (11101)
ଦେବା ଊଚୁଃ। 1-255-11x (1335)
ଋଣିନୋ ମାନବା ବ୍ରହ୍ମଞ୍ଜାଯନ୍ତେ ଯେନ ତଚ୍ଛୃଣୁ।
କ୍ରିଯାଭିର୍ବ୍ରହ୍ମଚର୍ଯେଣ ପ୍ରଜଯା ଚ ନ ସଂଶଯଃ॥ 1-255-11 (11102)
ତଦପାକ୍ରିଯତେ ସର୍ବଂ ଯଜ୍ଞେନ ତପସା ସୁତୈଃ।
ତପସ୍ବୀ ଯଜ୍ଞକୃଚ୍ଚାସି ନ ଚ ତେ ବିଦ୍ଯତେ ପ୍ରଜା॥ 1-255-12 (11103)
ତ ଇମେ ପ୍ରସବସ୍ଯାର୍ଥେ ତବ ଲୋକାଃ ସମାବୃତାଃ।
ପ୍ରଜାଯସ୍ବ ତତୋ ଲୋକାନୁପଭୋକ୍ଷ୍ଯସି ପୁଷ୍କଲାନ୍॥ 1-255-13 (11104)
ପୁନ୍ନାମ୍ନୋ ନରକାତ୍ପୁତ୍ରସ୍ତ୍ରାଯତେ ପିତରଂ ଶ୍ରୁତିଃ।
ତସ୍ମାଦପତ୍ଯସନ୍ତାନେ ଯତସ୍ବ ବ୍ରହ୍ମସତ୍ତମ॥ 1-255-14 (11105)
ବୈଶମ୍ପାଯନ ଉବାଚ। 1-255-15x (1336)
ତଚ୍ଛ୍ରୁତ୍ବା ମନ୍ଦପାଲସ୍ତୁ ବଚସ୍ତେଷାଂ ଦିବୌକସାମ୍।
କ୍ବ ନୁ ଶୀଘ୍ରମପତ୍ଯଂ ସ୍ଯାଦ୍ବହୁଲଂ ଚେତ୍ଯଚିନ୍ତଯତ୍॥ 1-255-15 (11106)
ସ ଚିନ୍ତଯନ୍ନଭ୍ଯଗଚ୍ଛତ୍ସୁବହୁପ୍ରସବାନ୍ଖଗାନ୍।
ଶାର୍ଙ୍ଗିକାଂ ଶାର୍ଙ୍ଗକୋ ଭୂତ୍ବା ଜରିତାଂ ସମୁପେଯିବାନ୍॥ 1-255-16 (11107)
ତସ୍ଯାଂ ପୁତ୍ରାନଜନଯଚ୍ଚତୁରୋ ବ୍ରହ୍ମବାଦିନଃ।
ତାନପାସ୍ଯ ସ ତତ୍ରୈବ ଜଗାମ ଲପିତାଂ ପ୍ରତି॥ 1-255-17 (11108)
ବାଲାନ୍ସ ତାନଣ୍ଡଗତାନ୍ସହ ମାତ୍ରା ମୁନିର୍ବନେ।
ତସ୍ମିନ୍ଗତେ ମହାଭାଗେ ଲପିତାଂ ପ୍ରତି ଭାରତ॥ 1-255-18 (11109)
ଅପତ୍ଯସ୍ନେହସଂଯୁକ୍ତା ଜରିତା ବହ୍ବଚିନ୍ତଯତ୍।
ତେନ ତ୍ଯକ୍ତାନସଂତ୍ଯାଜ୍ଯାନୃଷୀନଣ୍ଡଗତାନ୍ବନେ॥ 1-255-19 (11110)
ନ ଜହୌ ପୁତ୍ରଶୋକାର୍ତା ଜରିତା ଖାଣ୍ଡବେ ସୁତାନ୍।
ବଭାର ଚୈତାନ୍ସଂଜାତାନ୍ସ୍ବବୃତ୍ତ୍ଯା ସ୍ନେହବିକ୍ଲବା॥ 1-255-20 (11111)
ତତୋଽଗ୍ନିଂ ଖାଣ୍ଡବଂ ଦଗ୍ଧୁମାଯାନ୍ତଂ ଦୃଷ୍ଟବାନୃଷିଃ।
ମନ୍ଦପାଲଶ୍ଚରଂସ୍ତସ୍ମିନ୍ବନେ ଲପିତଯା ସହ॥ 1-255-21 (11112)
ତଂ ସଂକଲ୍ପଂ ବିଦିତ୍ବାଗ୍ନେର୍ଜ୍ଞାତ୍ବା ପୁତ୍ରାଂଶ୍ଚ ବାଲକାନ୍।
ସୋଽଭିତୁଷ୍ଟାବ ବିପ୍ରର୍ଷିବ୍ରାର୍ହ୍ମଣୋ ଜାତବେଦସମ୍॥ 1-255-22 (11113)
ପୁତ୍ରାନ୍ପ୍ରତିବଦନ୍ଭୀତୋ ଲୋକପାଲଂ ମହୌଜସମ୍। 1-255-23 (11114)
ମନ୍ଦପାଲ ଉବାଚ।
ତ୍ବମଗ୍ନେ ସର୍ବଲୋକାନାଂ ମୁଖଂ ତ୍ବମସି ହବ୍ଯବାଟ୍॥ 1-255-23x (1337)
ତ୍ବମନ୍ତଃ ସର୍ବଭୂତାନାଂ ଗୂଢଶ୍ଚରସି ପାବକ।
ତ୍ବାମେକମାହୁଃ କବଯସ୍ତ୍ବାମାହୁସ୍ତ୍ରିବିଧଂ ପୁନଃ॥ 1-255-24 (11115)
ତ୍ବାମଷ୍ଟଧା କଲ୍ପଯିତ୍ବା ଯଜ୍ଞବାହମକଲ୍ପଯନ୍।
ତ୍ବଯା ବିଶ୍ବମିଦଂ ସୃଷ୍ଟଂ ବଦନ୍ତି ପରମର୍ଷଯଃ॥ 1-255-25 (11116)
ତ୍ବଦୃତେ ହି ଜଗତ୍କୃତ୍ସ୍ନଂ ସଦ୍ଯୋ ନଶ୍ଯେଦ୍ଧୁତାଶନ।
ତୁଭ୍ଯଂ କୃତ୍ବା ନମୋ ବିପ୍ରାଃ ସ୍ବକର୍ମବିଜିତାଂ ଗତିମ୍॥ 1-255-26 (11117)
ଗଚ୍ଛନ୍ତି ସହ ପତ୍ନୀଭିଃ ସୁତୈରପି ଚ ଶାଶ୍ବତୀମ୍।
ତ୍ବାମଗ୍ନେ ଜଲଦାନାହୁଃ ଖେବିଷକ୍ତାନ୍ସବିଦ୍ଯୁତଃ॥ 1-255-27 (11118)
ଦହନ୍ତି ସର୍ବଭୂତାନି ତ୍ବତ୍ତୋ ନିଷ୍କ୍ରମ୍ଯ ହେତଯଃ।
ଜାତବେଦସ୍ତ୍ବଯୈବେଦଂ ବିଶ୍ବଂ ସୃଷ୍ଟଂ ମହାଦ୍ଯୁତେ॥ 1-255-28 (11119)
ତବୈବ କର୍ମବିହିତଂ ଭୂତଂ ସର୍ବଂ ଚରାଚରମ୍।
ତ୍ବଯାପୋ ବିହିତାଃ ପୂର୍ବଂ ତ୍ବଯି ସର୍ବମିଦଂ ଜଗତ୍॥ 1-255-29 (11120)
ତ୍ବଯି ହବ୍ଯଂ ଚ କବ୍ଯଂ ଚ ଯଥାବତ୍ସଂପ୍ରତିଷ୍ଠିତମ୍।
ତ୍ବମେବ ଦହନୋ ଦେବ ତ୍ବଂ ଧାତା ତ୍ବଂ ବୃହସ୍ପତିଃ॥ 1-255-30 (11121)
ତ୍ବମଶ୍ବିନୌ ଯମୌ ମିତ୍ରଃ ସୋମସ୍ତ୍ବମସି ଚାନିଲଃ। 1-255-31 (11122)
ବୈଶମ୍ପାଯନ ଉବାଚ।
ଏବଂ ସ୍ତୁତସ୍ତଦା ତେନ ମନ୍ଦପାଲେନ ପାବକଃ॥ 1-255-31x (1338)
ତୁତୋଷ ତସ୍ଯ ନୃପତେ ମୁନେରମିତତେଜସଃ।
ଉବାଚ ଚୈନଂ ପ୍ରୀତାତ୍ମା କିମିଷ୍ଟଂ କରବାଣି ତେ॥ 1-255-32 (11123)
ତମବ୍ରବୀନ୍ମନ୍ଦପାଲଃ ପ୍ରାଞ୍ଜଲିର୍ହବ୍ଯବାହନମ୍।
ପ୍ରଦହନ୍ଖାଣ୍ଡବଂ ଦାବଂ ମମ ପୁତ୍ରାନ୍ବିସର୍ଜଯ॥ 1-255-33 (11124)
ତଥେତି ତତ୍ପ୍ରତିଶ୍ରୁତ୍ଯ ଭଗବାନ୍ହବ୍ଯବାହନଃ।
ଖାଣ୍ଡବେ ତେନ କାଲେ ନ ପ୍ରଜଜ୍ବାଲ ଦିଦକ୍ଷଯା॥ ॥ 1-255-34 (11125)
ଇତି ଶ୍ରୀମନ୍ମହାଭାରତେ ଆଦିପର୍ବଣି ମଯଦର୍ଶନପର୍ବଣି ପଞ୍ଚପଞ୍ଚାଶଦଧିକଦ୍ବିଶତତମୋଽଧ୍ଯାଯଃ॥ 255 ॥
Mahabharata - Adi Parva - Chapter Footnotes
1-255-23 ପୁତ୍ରାଣାଂ ଦହନାଦ୍ଭୀତୋ ଇତି ଙ. ପାଠଃ॥ ପଞ୍ଚପଞ୍ଚାଶଦଧିକଦ୍ବିଶତତମୋଽଧ୍ଯାଯଃ॥ 255 ॥ଆଦିପର୍ବ - ଅଧ୍ଯାଯ 256
॥ ଶ୍ରୀଃ ॥
1.256. ଅଧ୍ଯାଯଃ 256
Mahabharata - Adi Parva - Chapter Topics
ପ୍ରଜ୍ବଲଦଗ୍ନିଦର୍ଶନେନ ଜରିତାଯାଃ ସ୍ବପୁତ୍ରୈଃ ସଂବାଦଃ॥ 1 ॥Mahabharata - Adi Parva - Chapter Text
1-256-0 (11126)
ବୈଶମ୍ପାଯନ ଉବାଚ। 1-256-0x (1339)
ତତଃ ପ୍ରଜ୍ବଲିତେ ବହ୍ନୌ ଶାର୍ଙ୍ଗକାସ୍ତେ ସୁଦୁଃଖିତାଃ।
ବ୍ଯଥିତାଃ ପରମୋଦ୍ବିଗ୍ନା ନାଧିଜଗ୍ମୁଃ ପରାଯଣମ୍॥ 1-256-1 (11127)
ନିଶାମ୍ଯ ପୁତ୍ରକାନ୍ବାଲାନ୍ମାତା ତେଷାଂ ତପସ୍ବିନୀ।
ଜରିତା ଶୋକଦୁଃଖାର୍ତା ବିଲଲାପ ସୁଦୁଃଖିତା॥ 1-256-2 (11128)
ଜରିତୋବାଚ। 1-256-3x (1340)
ଅଯମଗ୍ନିର୍ଦହନ୍କକ୍ଷମିତ ଆଯାତି ଭୀଷଣଃ।
ଜଗତ୍ସଂଦୀପଯନ୍ଭୀମୋ ମମ ଦୁଃଖବିବର୍ଧନଃ॥ 1-256-3 (11129)
ଇମେ ଚ ମାଂ କର୍ଷଯନ୍ତି ଶିଶବୋ ମନ୍ଦଚେତସଃ।
ଅବର୍ହାଶ୍ଚରଣୈର୍ହୀନାଃ ପୂର୍ବେଷାଂ ନଃ ପରାଯଣାଃ॥ 1-256-4 (11130)
ତ୍ରାସଯଂଶ୍ଚାଯମାଯାତି ଲେଲିହାନୋ ମହୀରୁହାନ୍।
ଅଜାତପକ୍ଷାଶ୍ଚ ସୁତା ନ ଶକ୍ତାଃ ସରଣେ ମମ॥ 1-256-5 (11131)
ଆଦାଯ ଚ ନ ଶକ୍ନୋମି ପୁତ୍ରାଂସ୍ତରିତୁମାତ୍ମନା।
ନ ଚ ତ୍ଯକ୍ତୁମହଂ ଶକ୍ତା ହୃଦଯଂ ଦୂଯତୀବ ମେ॥ 1-256-6 (11132)
କଂ ତୁ ଜହ୍ଯାମହଂ ପୁତ୍ରଂ କମାଦାଯ ବ୍ରଜାମ୍ଯହମ୍।
କିଂନୁ ମେ ସ୍ଯାତ୍କୃତଂ କୃତ୍ବା ମନ୍ଯଧ୍ବଂ ପୁତ୍ରକାଃ କଥମ୍॥ 1-256-7 (11133)
ଚିନ୍ତଯାନା ବିମୋକ୍ଷଂ ବୋ ନାଧିଗଚ୍ଛାମି କିଂଚନ।
ଛାଦଯିଷ୍ଯାମି ବୋ ଗାତ୍ରୈଃ କରିଷ୍ଯେ ମରଣଂ ସହ॥ 1-256-8 (11134)
ଜରିତାରୌ କୁଲଂ ହ୍ଯେତଜ୍ଜ୍ଯେଷ୍ଠତ୍ବେନ ପ୍ରତିଷ୍ଠିତମ୍।
ସାରିସୃକ୍କଃ ପ୍ରଜାଯେତ ପିତୄଣାଂ କୁଲବର୍ଧନଃ॥ 1-256-9 (11135)
ସ୍ତମ୍ବମିତ୍ରସ୍ତପଃ କୁର୍ଯାଦ୍ଦ୍ରୋଣୋ ବ୍ରହ୍ମବିଦାଂ ବରଃ।
ଇତ୍ଯେବମୁକ୍ତ୍ବା ପ୍ରଯଯୌ ପିତା ବୋ ନିର୍ଘୃଣଃ ପୁରା॥ 1-256-10 (11136)
କମୁପାଦାଯ ଶକ୍ଯେଯଂ ଗନ୍ତୁଂ କଷ୍ଟାଽଽପଦୁତ୍ତମା।
କିଂ ନୁ କୃତ୍ବା କୃତଂ କାର୍ଯଂ ଭବେଦିତି ଚ ବିହ୍ବଲା।
ନାପଶ୍ଯତ୍ସ୍ବଧିଯା ମୋକ୍ଷଂ ସ୍ବସୁତାନାଂ ତଦାନଲାତ୍॥ 1-256-11 (11137)
ବୈଶମ୍ପାଯନ ଉବାଚ। 1-256-12x (1341)
ଏବଂ ବ୍ରୁବାଣାଂ ଶାର୍ଙ୍ଗାସ୍ତେ ପ୍ରତ୍ଯୂଚୁରଥ ମାତରମ୍।
ସ୍ନେହମୁତ୍ସୃଜ୍ଯ ମାତସ୍ତ୍ବଂ ପତ ଯତ୍ର ନ ହବ୍ଯବାଟ୍॥ 1-256-12 (11138)
ଅସ୍ମାସ୍ବିହ ବିନଷ୍ଟେଷୁ ଭବିତାରଃ ସୁତାସ୍ତବ।
ତ୍ବଯି ମାତର୍ବିନଷ୍ଟାଯାଂ ନ ନଃ ସ୍ଯାତ୍କୁଲସନ୍ତତିଃ॥ 1-256-13 (11139)
ଅନ୍ବବେକ୍ଷ୍ଯୈତଦୁଭଯଂ କ୍ଷେମଂ ସ୍ଯାଦ୍ଯତ୍କୁଲସ୍ଯ ନଃ।
ତଦ୍ବୈ କର୍ତୁଂ ପରଃ କାଲୋ ମାତରେଷ ଭବେତ୍ତବ॥ 1-256-14 (11140)
ମା ତ୍ବଂ ସର୍ବବିନାଶାଯ ସ୍ନେହଂ କାର୍ଷୀଃ ସୁତେଷୁ ନଃ।
ନ ହୀଦଂ କର୍ମ ମୋଘଂ ସ୍ଯାଲ୍ଲୋକକାମସ୍ଯ ନଃ ପିତୁଃ॥ 1-256-15 (11141)
ଜରିତୋବାଚ। 1-256-16x (1342)
ଇଦମାଖୋର୍ବିଲଂ ଭୂମୌ ବୃକ୍ଷସ୍ଯାସ୍ଯ ସମୀପତଃ।
ତଦାବିଶଧ୍ବଂ ତ୍ବରିତା ବହ୍ନେରତ୍ର ନ ବୋ ଭଯମ୍॥ 1-256-16 (11142)
ତତୋଽହଂ ପାଂସୁନା ଛିଦ୍ରମପିଧାସ୍ଯାମି ପୁତ୍ରକାଃ।
ଏବଂ ପ୍ରତିକୃତଂ ମନ୍ଯେ ଜ୍ବଲତଃ କୃଷ୍ଣବର୍ତ୍ମନଃ॥ 1-256-17 (11143)
ତତ ଏଷ୍ଯାମ୍ଯତୀତେଽଗ୍ନୌ ବିହନ୍ତୁଂ ପାଂସୁଶଂଚଯମ୍।
ରୋଚତାମେଷ ବୋ ବାଦୋ ମୋକ୍ଷାର୍ଥଂ ଚ ହୁତାଶନାତ୍॥ 1-256-18 (11144)
ଶାର୍ଙ୍ଗକା ଊଚୁଃ। 1-256-19x (1343)
ଅବର୍ହାନ୍ମାଂସଭୂତାନ୍ନଃ କ୍ରବ୍ଯାଦାଖୁର୍ବିନାଶଯେତ୍।
ପଶ୍ଯମାନା ଭଯମିଦଂ ପ୍ରବେଷ୍ଟୁଂ ନାତ୍ର ଶକ୍ନୁମଃ॥ 1-256-19 (11145)
କଥମଗ୍ନିର୍ନ ନୋ ଧକ୍ଷ୍ଯେତ୍କଥମାଖୁର୍ନ ନାଶଯେତ୍।
କଥଂ ନ ସ୍ଯାତ୍ପିତା ମୋଘଃ କଥଂ ମାତା ଧ୍ରିଯେତ ନଃ॥ 1-256-20 (11146)
ବିଲ ଆଖୋର୍ବିନାଶଃ ସ୍ଯାଦଗ୍ନେରାକାଶଚାରିଣାମ୍।
ଅନ୍ବବେକ୍ଷ୍ଯୈତଦୁଭଯଂ ଶ୍ରେଯାନ୍ଦାହୋ ନ ଭକ୍ଷଣମ୍॥ 1-256-21 (11147)
ଗର୍ହିତଂ ମରଣଂ ନଃ ସ୍ଯାଦାଖୁନା ଭକ୍ଷିତେ ବିଲେ।
ଶିଷ୍ଟାଦିଷ୍ଟଃ ପରିତ୍ଯାଗଃ ଶରୀରସ୍ଯ ହୁତାଶନାତ୍॥ 1-256-22 (11148)
`ଅଗ୍ନିଦାହେ ତୁ ନିଯତଂ ବ୍ରହ୍ମଲୋକେ ଧ୍ରୁବା ଗତିଃ॥' ॥ 1-256-23 (11149)
ଇତି ଶ୍ରୀମନ୍ମହାଭାରତେ ଆଦିପର୍ବଣି ମଯଦର୍ଶନପର୍ବଣି ଷଟ୍ପଞ୍ଚାଶଦଧିକଦ୍ବିଶତତମୋଽଧ୍ଯାଯଃ॥ 256 ॥
Mahabharata - Adi Parva - Chapter Footnotes
1-256-15 ନୋଽସ୍ମାକଂ ସର୍ବବିନାଶାଯ ସର୍ବେଷାଂ ବିନାଶାଯ ସୁତେଷୁ ସ୍ନେହଂ ମାକାର୍ଷୀରିତି ସଂବନ୍ଧଃ॥ 1-256-18 ବିହନ୍ତୁଂ ଦୂରୀକର୍ତୁଂମ୍। ବାଦୋ ବଚନମ୍॥ 1-256-19 କ୍ରବ୍ଯାଦାଖୁର୍ମାଂସାଦ ଉନ୍ଦୁରୁଃ। ପଶ୍ଯମାନାଃ ପଶ୍ଯନ୍ତଃ॥ 1-256-20 ମୋଘୋ ନିଷ୍ଫଲାଽପତ୍ଯୋତ୍ପତ୍ତିଃ। ଧ୍ରିଯେତ ଜୀବେତ॥ 1-256-22 ଶିଷ୍ଟାଦିଷ୍ଟଃ ଶିଷ୍ଟୈରାଦିଷ୍ଟଃ॥ ଷଟ୍ପଞ୍ଚାଶଦଧିକଦ୍ବିଶତତମୋଽଧ୍ଯାଯଃ॥ 256 ॥ଆଦିପର୍ବ - ଅଧ୍ଯାଯ 257
॥ ଶ୍ରୀଃ ॥
1.257. ଅଧ୍ଯାଯଃ 257
Mahabharata - Adi Parva - Chapter Topics
ପୁତ୍ରୈଃ ସହ ସଂବାଦାନନ୍ତରଂ ଜରିତାଯାଃ ସ୍ଥାନାନ୍ତରଗମନମ୍॥ 1 ॥Mahabharata - Adi Parva - Chapter Text
1-257-0 (11150)
ଜରିତୋବାଚ। 1-257-0x (1344)
ଅସ୍ମାଦ୍ବିଲାନ୍ନିଷ୍ପତିତମାଖୁଂ ଶ୍ଯେନୋ ଜହାର ତମ୍।
କ୍ଷୁଦ୍ରଂ ପଦ୍ଭ୍ଯାଂ ଗୃହୀତ୍ବା ଚ ଯାତୋ ନାତ୍ର ଭଯଂ ହି ବଃ॥ 1-257-1 (11151)
ଶାର୍ଙ୍ଗକା ଊଚୁଃ। 1-257-2x (1345)
ନ ହୃତଂ ତଂ ବଯଂ ବିଦ୍ମଃ ଶ୍ଯେନେନାଖୁଂ କଥଂଚନ।
ଅନ୍ଯେଽପି ଭିତାରୋଽତ୍ର ତେଭ୍ଯୋଽପି ଭମେବ ନଃ॥ 1-257-2 (11152)
ସଂଶଯୋ ବହ୍ନିରାଗଚ୍ଛେଦ୍ଦୃଷ୍ଟଂ ବାଯୋର୍ନିବର୍ତନମ୍।
ମୃତ୍ଯୁର୍ନୋ ବିଲବାସିଭ୍ଯୋ ବିଲେ ସ୍ଯାନ୍ନାତ୍ର ସଂଶଯଃ॥ 1-257-3 (11153)
ନିଃସଂଶଯାତ୍ସଂଶଯିତୋ ମୃତ୍ଯୁର୍ମାତର୍ବିଶିଷ୍ଯତେ।
ଚର ଖେ ତ୍ବଂ ଯଥାନ୍ଯାଯଂ ପୁତ୍ରାନାପ୍ସ୍ଯସି ଶୋଭନାନ୍॥ 1-257-4 (11154)
ଜରିତୋବାଚ। 1-257-5x (1346)
ଅହଂ ବେଗେନ ତଂ ଯାନ୍ତମଦ୍ରାକ୍ଷଂ ପତତାଂ ବରମ୍।
ବିଲାଦାଖୁଂ ସମାଦାଯ ଶ୍ଯେନଂ ପୁତ୍ରା ମହାବଲମ୍॥ 1-257-5 (11155)
ତଂ ପତନ୍ତଂ ମହାବେଗା ତ୍ବରିତା ପୃଷ୍ଠତୋଽନ୍ବଗାମ୍।
ଆଶିଷୋଽସ୍ଯ ପ୍ରଯୁଞ୍ଜାନା ହରତୋ ମୂଷିକଂ ବିଲାତ୍॥ 1-257-6 (11156)
ଯୋ ନୋ ଦ୍ବେଷ୍ଟାରମାଦାଯ ଶ୍ଯେନରାଜ ପ୍ରଧାବସି।
ଭବ ତ୍ବଂ ଦିବମାସ୍ଥାଯ ନିରମିତ୍ରୋ ହିରଣ୍ମଯଃ॥ 1-257-7 (11157)
ସ ଯଦା ଭକ୍ଷିତସ୍ତେନ ଶ୍ଯେନେନାଖୁଃ ପତତ୍ରିଣା।
ତଦାହଂ ତମନୁଜ୍ଞାପ୍ଯ ପ୍ରତ୍ଯୁପାଯାଂ ପୁନର୍ଗୃହମ୍॥ 1-257-8 (11158)
ପ୍ରବିଶଧ୍ବଂ ବିଲଂ ପୁତ୍ରା ବିଶ୍ରବ୍ଧା ନାସ୍ତି ବୋ ଭଯମ୍।
ଶ୍ଯେନେନ ମମ ପଶ୍ଯନ୍ତ୍ଯା ହୃତ ଆଖୁର୍ମହାତ୍ମନା॥ 1-257-9 (11159)
ଶାର୍ଙ୍ଗକା ଊଚୁଃ। 1-257-10x (1347)
ନ ବିଦ୍ମହେ ହୃତଂ ମାତଃ ଶ୍ଯେନୈନାଖୁଂ କଥଂଚନ।
ଅବିଜ୍ଞାଯ ନ ଶକ୍ଯାମଃ ପ୍ରବେଷ୍ଟଂ ବିବରଂ ଭୁବଃ॥ 1-257-10 (11160)
ଜରିତୋବାଚ। 1-257-11x (1348)
ଅହଂ ତମଭିଜାନାମି ହୃତଂ ଶ୍ଯେନେନ ମୂଷିକମ୍।
ନାସ୍ତି ବୋଽତ୍ର ଭଯଂ ପୁତ୍ରାଃ କ୍ରିଯତାଂ ବଚନଂ ମମ॥ 1-257-11 (11161)
ଶାର୍ଙ୍ଗକା ଊଚୁଃ। 1-257-12x (1349)
ନ ତ୍ବଂ ମିଥ୍ଯୋପଚାରେଣ ମୋକ୍ଷଯେଥା ଭଯାଦ୍ଧି ନଃ।
ସମାକୁଲେଷୁ ଜ୍ଞାନେଷୁ ନ ବୁଦ୍ଧିକୃତମେବ ତତ୍॥ 1-257-12 (11162)
ନ ଚୋପକୃତମସ୍ମାଭିର୍ନ ଚାସ୍ମାନ୍ବେତ୍ଥ ଯେ ବଯମ୍।
ପୀଡ୍ଯମାନା ବିଭର୍ଷ୍ଯସ୍ମାନ୍କା ସତୀ କେ ବଯଂ ତବ॥ 1-257-13 (11163)
ତରୁଣୀ ଦର୍ଶୀଯାଽସି ସମର୍ଥା ଭର୍ତୁରେଷଣେ।
ଅନୁଗଚ୍ଛ ପତିଂ ମାତୁଃ ପୁତ୍ରାନାପ୍ସ୍ଯସି ଶୋମନାନ୍॥ 1-257-14 (11164)
ବଯମସ୍ନିଂ ସମାବିଶ୍ଯ ଲୋକାନାପ୍ସ୍ଯାମ ଶୋଭନାନ୍।
ଅଥାସ୍ମାନ୍ନ ଦହେଦଗ୍ନିରାଯାସ୍ତ୍ବଂ ପୁନରେବ ନଃ॥ 1-257-15 (11165)
ବୈଶମ୍ପାଯନ ଉବାଚ। 1-257-16x (1350)
ଏବମୁକ୍ତା ତତଃ ଶାର୍ଙ୍ଗୀ ପୁତ୍ରାନୁତ୍ସୃଜ୍ଯ ଖାଣ୍ଡବେ।
ଜଗାମ ତ୍ବରିତା ଦେଶଂ କ୍ଷେମମଗ୍ନେରନାମଯମ୍॥ 1-257-16 (11166)
ତତସ୍ତୀକ୍ଷ୍ଣାର୍ଚିରଭ୍ଯାଗାତ୍ତ୍ବରିତୋ ହବ୍ଯବାହନଃ।
ଯତ୍ର ଶାର୍ଙ୍ଗା ବଭୂବୁସ୍ତେ ମନ୍ଦପାଲସ୍ଯ ପୁତ୍ରକାଃ॥ 1-257-17 (11167)
ତତସ୍ତଂ ଜ୍ବଲିତଂ ଦୃଷ୍ଟ୍ବା ଜ୍ବଲନଂ ତେ ବିହଙ୍ଗମାଃ।
`ବ୍ଯଥିତାଃ କରୁଣା ବାଚଃ ଶ୍ରାବଯାମାସୁରନ୍ତିକାତ୍।'
ଜରିତାରିସ୍ତତୋ ବାକ୍ଯଂ ଶ୍ରାବଯାମାସ ପାବକମ୍॥ ॥ 1-257-18 (11168)
ଇତି ଶ୍ରୀମନ୍ମହାଭାରତେ ଆଦିପର୍ବଣି ମଯଦର୍ଶନପର୍ବଣି ସପ୍ତପଞ୍ଚାଶଦଧିକଦ୍ବିଶତତମୋଽଧ୍ଯାଯଃ॥ 257 ॥
Mahabharata - Adi Parva - Chapter Footnotes
1-257-3 ବହ୍ନିରାଗଚ୍ଛେଦିତ୍ଯତ୍ର ସଂଶଯୋ ଯତୋ ବାଯୋଃ ସକାଶାଦ୍ବହ୍ନେତି ବର୍ତନଂ ଦୃଷ୍ଟମ୍॥ 1-257-5 ଅହଂ ବୈଶ୍ଯେନମାଯାନ୍ତଂ ଇତି ଙ. ପାଠଃ॥ ସପ୍ତପଞ୍ଚାଶଦଧିକଦ୍ବିଶତତମୋଽଧ୍ଯାଯଃ॥ 257 ॥ଆଦିପର୍ବ - ଅଧ୍ଯାଯ 258
॥ ଶ୍ରୀଃ ॥
1.258. ଅଧ୍ଯାଯଃ 258
Mahabharata - Adi Parva - Chapter Topics
ଜରିତାର୍ଯାଦୀନାଂ ଚତୁର୍ଣାଂ ଶାର୍ଙ୍ଗକାଣାଂ ପରସ୍ପରଂ ସଂବାଦଃ॥ 1 ॥ ସ୍ତୁତ୍ଯା ପ୍ରସନ୍ନେନାଗ୍ନିନା ତେଭ୍ଯୋଽଭଯଦାନମ୍॥ 2 ॥ ଶାର୍ଙ୍ଗକାଣାଂ ପ୍ରାର୍ଥନଯା ଅଗ୍ନିନା ମାର୍ଜାରାଣାଂ ଦାହଃ॥ 3 ॥Mahabharata - Adi Parva - Chapter Text
1-258-0 (11169)
ଜରିତାରିରୁବାଚ। 1-258-0x (1351)
ପୁରତଃ କୃଚ୍ଛ୍ରକାଲସ୍ଯ ଧୀମାଞ୍ଜାଗର୍ତି ପୁରୁଷଃ।
ସ କୃଚ୍ଛ୍ରକାଲଂ ସଂପ୍ରାପ୍ଯ ବ୍ଯଥାଂ ନୈବୈତି କର୍ହିଚିତ୍॥ 1-258-1 (11170)
ଯସ୍ତୁ କୃଚ୍ଛ୍ରମନୁପ୍ରାପ୍ତଂ ବିଚେତା ନାବବୁଧ୍ଯତେ।
ସକୃଚ୍ଛ୍ରକାଲେ ବ୍ଯଥିତୋ ନ ଶ୍ରେଯୋ ବିନ୍ଦତେ ମହତ୍॥ 1-258-2 (11171)
ସାରିସୃକ୍ବ ଉବାଚ। 1-258-3x (1352)
ଧୀରସ୍ତ୍ବମସି ମେଧାବୀ ପ୍ରାଣକୃଚ୍ଛ୍ରମିଦଂ ଚ ନଃ।
ପ୍ରାଜ୍ଞଃ ଶୂରୋ ବହୂନାଂ ହି ଭବତ୍ଯେକୋ ନ ସଂଶଯଃ॥ 1-258-3 (11172)
ସ୍ତମ୍ବମିତ୍ର ଉବାଚ। 1-258-4x (1353)
ଜ୍ଯେଷ୍ଠସ୍ତାତୋ ଭବତି ବୈ ଜ୍ଯେଷ୍ଠୋ ମୁଞ୍ଚତି କୃଚ୍ଛ୍ରତଃ।
ଜ୍ଯେଷ୍ଠଶ୍ଚେନ୍ନ ପ୍ରଜାନାତି ନୀଯାନ୍କିଂ କରିଷ୍ଯତି॥ 1-258-4 (11173)
ଦ୍ରୋଣ ଉବାଚ। 1-258-5x (1354)
ହିରଣ୍ଯରେତାସ୍ତ୍ବରିତୋ ଜଲନ୍ନାଯାତି ନଃ କ୍ଷଯମ୍।
ସପ୍ତଜିହ୍ବାନନଃ କ୍ରୂରୋ ଲିହାନୋ ବିସର୍ପତି॥ 1-258-5 (11174)
ବୈଶମ୍ପାଯନ ଉବାଚ। 1-258-6x (1355)
ଏବଂ ସଂଭାଷ୍ଯ ତେଽନ୍ଯୋନ୍ଯଂ ମନ୍ଦପାଲସ୍ଯ ପୁତ୍ରକାଃ।
ତୁଷ୍ଟୁବୁଃ ପ୍ରଯତା ଭୂତ୍ବା ଯଥାଽଗ୍ନିଂ ଶୃଣୁ ପାର୍ଥିବ॥ 1-258-6 (11175)
ଜରିତାରିରୁବାଚ। 1-258-7x (1356)
ଆତ୍ମାଽସି ବାଯୋର୍ଜ୍ବଲନ ଶରୀରମସି ବୀରୁଧାମ୍।
ଯୋନିରାପଶ୍ଚ ତେ ଶୁକ୍ରଂ ଯୋନିସ୍ତ୍ବମସି ଚାମ୍ଭସଃ॥ 1-258-7 (11176)
ଊର୍ଧ୍ବଂ ଚାଧଶ୍ଚ ସର୍ପନ୍ତି ପୃଷ୍ଠତଃ ପାର୍ଶ୍ବତସ୍ତଥା।
ଅର୍ଚିଷସ୍ତେ ମହାବୀର୍ଯ ରଶ୍ଯମଃ ସବିତୁର୍ଯଥା॥ 1-258-8 (11177)
ସାରିସୃକ୍କ ଉବାଚ। 1-258-9x (1357)
ମାତା ପ୍ରଣଷ୍ଟା ପିତରଂ ନ ବିଦ୍ମଃ
ପକ୍ଷା ଜାତା ନୈ ନୋ ଧୂମକେତୋ।
ନ ନସ୍ତ୍ରାତା ବିଦ୍ଯତେ ବୈ ତ୍ବଦନ୍ଯ-
ସ୍ତସ୍ମାଦସ୍ମାଂସ୍ତ୍ରାହି ବାଲାଂସ୍ତ୍ବମଗ୍ନେ॥ 1-258-9 (11178)
ଯଦଗ୍ନେ ତେ ଶିବଂ ରୂପଂ ଯେ ଚ ତେ ସପ୍ତ ହେତଯଃ।
ତେନ ନଃ ପରିପାହି ତ୍ବମାର୍ତାନ୍ନଃ ଶରଣୈଷିଣଃ॥ 1-258-10 (11179)
ତ୍ବମେବୈକସ୍ତପସେ ଜପ୍ତବେଦୋ
ନାନ୍ଯସ୍ତପ୍ତା ବିଦ୍ଯତେ ଗୋଷୁ ଦେବ।
ଋଷୀନସ୍ମାନ୍ବାଲକାନ୍ପାଲଯସ୍ବ
ପରେଣାସ୍ମାନ୍ପ୍ରେହି ବୈ ହବ୍ଯବାହ॥ 1-258-11 (11180)
ସ୍ତମ୍ବମିତ୍ର ଉବାଚ। 1-258-12x (1358)
ସର୍ବମଗ୍ନେ ତ୍ବମେବୈକସ୍ତ୍ବଯି ସର୍ବମିଦଂ ଜଗତ୍।
ତ୍ବଂ ଧାରଯସି ଭୂତାନି ଭୁବନଂ ତ୍ବଂ ବିଭର୍ଷି ଚ॥ 1-258-12 (11181)
ତ୍ବମଗ୍ନିର୍ହବ୍ଯବାହସ୍ତ୍ବଂ ତ୍ବମେବ ପରମଂ ହବିଃ।
ମନୀଷିଣସ୍ତ୍ବାଂ ଜାନନ୍ତି ବହୁଧା ଚୈକଧାପି ଚ॥ 1-258-13 (11182)
ସୃଷ୍ଟ୍ବା ଲୋକାଂସ୍ତ୍ରୀନିମାନ୍ହବ୍ଯବାହ
କାଲେ ପ୍ରାପ୍ତେ ପଚସି ପୁନଃ ସମିଦ୍ଧଃ।
ତ୍ବଂ ସର୍ବସ୍ଯ ଭୁବନସ୍ଯ ପ୍ରସୂତି-
ସ୍ତ୍ବମେବାଗ୍ନେ ଭବସି ପୁନଃ ପ୍ରତିଷ୍ଠା॥ 1-258-14 (11183)
ଦ୍ରୋଣ ଉବାଚ। 1-258-15x (1359)
ତ୍ବମନ୍ନଂ ପ୍ରାଣିଭିର୍ଭୁକ୍ତମନ୍ତର୍ଭୂତୋ ଜଗତ୍ପତେ।
ନିତ୍ଯପ୍ରବୃଦ୍ଧଃ ପଚସି ତ୍ବଯି ସର୍ବଂ ପ୍ରତିଷ୍ଠିତମ୍॥ 1-258-15 (11184)
ସୂର୍ଯୋ ଭୂତ୍ବା ରଶ୍ମିଭିର୍ଜାତବେଦୋ
ଭୂମେରମ୍ଭୋ ଭୂମିଜାତାନ୍ରସାଂଶ୍ଚ।
ବିଶ୍ବାନାଦାଯ ପୁନରୁତ୍ସୃଜ୍ଯ କାଲେ
ଦୃଷ୍ଟ୍ବା ବୃଷ୍ଟ୍ଯା ଭାବଯସୀହ ଶୁକ୍ର॥ 1-258-16 (11185)
ତ୍ବତ୍ତ ଏତାଃ ପୁନଃ ଶୁକ୍ର ବୀରୁଧୋ ହରିତଚ୍ଛଦାଃ।
ଜାଯନ୍ତେ ପୁଷ୍କରିଣ୍ଯଶ୍ଚ ସୁଭଦ୍ରଶ୍ଚ ମହୋଦଧିଃ॥ 1-258-17 (11186)
ଇଦଂ ବୈ ସଦ୍ମ ତିଗ୍ମାଂଶୋ ବରୁଣସ୍ଯ ପରାଯଣମ୍।
ଶିବସ୍ତ୍ରାତା ଭବାସ୍ମାକଂ ମାଽସ୍ମାନଦ୍ଯ ବିନାଶଯ॥ 1-258-18 (11187)
ପିଙ୍ଗାକ୍ଷ ଲୋହିତଗ୍ରୀବ କୃଷ୍ଣବର୍ତ୍ମନ୍ହୁତାଶନ।
ପରେଣ ପ୍ରେହି ମୁଞ୍ଚାସ୍ମାନ୍ସାଗରସ୍ଯ ଗୃହାନିବ॥ 1-258-19 (11188)
ବୈଶମ୍ପାଯନ ଉବାଚ। 1-258-20x (1360)
ଏବମୁକ୍ତୋ ଜାତବେଦା ଦ୍ରୋଣେନ ବ୍ରହ୍ମବାଦିନା।
ଦ୍ରୋଣମାହ ପ୍ରତୀତାତ୍ମା ମନ୍ଦପାଲପ୍ରତିଜ୍ଞଯା॥ 1-258-20 (11189)
ଅଗ୍ନିରୁବାଚ। 1-258-21x (1361)
ଋଷିର୍ଦ୍ରୋଣସ୍ତ୍ବମସି ବୈ ବ୍ରହ୍ମୈତଦ୍ବ୍ଯାହୃତଂ
ଈପ୍ସିତଂ ତେ କରିଷ୍ଯାମି ନ ଚ ତେ 1-258-21 (11190)
ମନ୍ଦପାଲେନ ବୈ ଯୂଯଂ ମମ ପୂର୍ବଂ ନିବେଦିତାଃ।
ବର୍ଜଯେଃ ପୁତ୍ରକାନ୍ମହ୍ଯଂ ଦହନ୍ଦାବମିତି ସ୍ମ ହ॥ 1-258-22 (11191)
ତସ୍ଯ ତଦ୍ବଚନଂ ଦ୍ରୋଣ ତ୍ବଯା ଯଚ୍ଚେହ ଭାଷିତମ୍।
ଉଭଯଂ ମେ ଗରୀଯସ୍ତୁ ବ୍ରୂହି କିଂ କରବାଣି ତେ।
ଭୃଶଂ ପ୍ରୀତୋଽସ୍ମି ଭଦ୍ରଂ ତେ ବ୍ରହ୍ମଂସ୍ତୋତ୍ରେଣ ସତ୍ତମ॥ 1-258-23 (11192)
ଦ୍ରୋଣ ଉବାଚ। 1-258-24x (1362)
ଇମେ ମାର୍ଜାରକାଃ ଶୁକ୍ର ନିତ୍ଯମୁଦ୍ବେଜଯନ୍ତି ନଃ।
ଏତାନ୍କୁରୁଷ୍ବ ଦଗ୍ଧାଂସ୍ତ୍ବଂ ହୁତାଶନ ସବାନ୍ଧବାନ୍॥ 1-258-24 (11193)
ବୈଶମ୍ପାଯନ ଉବାଚ। 1-258-25x (1363)
ତଥା ତତ୍କୃତବାନଗ୍ନିରଭ୍ଯନୁଜ୍ଞାଯ ଶାର୍ଙ୍ଗକାନ୍।
ଦଦାହ ଖାଣ୍ଡବଂ ଦାବଂ ସମିଦ୍ଧୋ ଜନମେଜଯ॥ ॥ 1-258-25 (11194)
ଇତି ଶ୍ରୀମନ୍ମହାଭାରତେ ଆଦିପର୍ବଣି ମଯଦର୍ଶନପର୍ବଣି ଅଷ୍ଟପଞ୍ଚାଶଦଧିକଦ୍ବିଶତତମୋଽଧ୍ଯାଯଃ॥ 258 ॥
ଆଦିପର୍ବ - ଅଧ୍ଯାଯ 259
॥ ଶ୍ରୀଃ ॥
1.259. ଅଧ୍ଯାଯଃ 259
Mahabharata - Adi Parva - Chapter Topics
ପୁତ୍ରାଂଶ୍ଚନ୍ତଯନ୍ତଂ ମନ୍ଦପାଲଂ ପ୍ରତି ଲପିତାଯାଃ ସାସୂଯବଚନମ୍॥ 1 ॥ ଅଗ୍ନିଶାନ୍ତ୍ଯନନ୍ତରଂ ଆତ୍ମଦିଦୃକ୍ଷଯାଽଽଗତଂ ମନ୍ଦପାଲଂ ପ୍ରତି ଭାର୍ଯଯା ପୁତ୍ରୈଶ୍ଚ ଉପାଲମ୍ଭଃ॥ 2 ॥।Mahabharata - Adi Parva - Chapter Text
1-259-0 (11195)
ବୈଶମ୍ପାଯନ ଉବାଚ। 1-259-0x (1364)
ମନ୍ଦପାଲୋଽଞପି କୌରବ୍ଯଂ ଚିନ୍ତଯାମାସ ପୁତ୍ରକାନ୍।
ଉକ୍ତ୍ବାଽପି ଚ ସ ତିଗ୍ମାଂଶୁଂ ନୈବ ଶର୍ମାଧିଗଚ୍ଛତି॥ 1-259-1 (11196)
ସ ତପ୍ଯମାନଃ ପୁତ୍ରାର୍ଥେ ଲପିତାମିଦମବ୍ରବୀତ୍।
କଥଂ ନୁ ଶକ୍ତାଃ ଶରଣେ ଲପିତେ ମମ ପୁତ୍ରକାଃ॥ 1-259-2 (11197)
ବର୍ଧମାନେ ହୁତବହେ ବାତେ ଚାଶୁ ପ୍ରବାଯତି।
ଅସମର୍ଥା ବିମୋକ୍ଷାଯ ଭବିଷ୍ଯନ୍ତି ମମାତ୍ମଜାଃ॥ 1-259-3 (11198)
କଥଂ ତ୍ବଶକ୍ତା ତ୍ରାଣାଯ ମାତା ତେଷାଂ ତପସ୍ବିନୀ।
ଭବିଷ୍ଯତି ହି ଶୋକାର୍ତା ପୁତ୍ରତ୍ରାଣମପଶ୍ଯତୀ॥ 1-259-4 (11199)
କଥମୁଡ୍ଡୀଯନେଽଶକ୍ତାନ୍ପତନେ ଚ ମମାତ୍ମଜାନ୍।
ସନ୍ତପ୍ଯମାନା ବହୁଧା ବାଶମାନା ପ୍ରଧାବତୀ॥ 1-259-5 (11200)
ଜରିତାରିଃ କଥଂ ପୁତ୍ରଃ ସାରିସୃକ୍କଃ କଥଂ ଚ ମେ।
ସ୍ତମ୍ବମିତ୍ରଃ କଥଂ ଦ୍ରୋଣଃ କଥଂ ସା ଚ ତପସ୍ବିନୀ॥ 1-259-6 (11201)
ଲାଲପ୍ଯମାନଂ ତମୃଷଇଂ ମନ୍ଦପାଲଂ ତଥା ବନେ।
ଲପିତା ପ୍ରତ୍ଯୁବାଚେଦଂ ସାସୂଯମିବ ଭାରତ॥ 1-259-7 (11202)
ନ ତେ ପୁତ୍ରେଷ୍ବବେକ୍ଷାଽସ୍ତି ଯାନୃଷୀନୁକ୍ତବାନସି।
ତେଜସ୍ବିନୋ ବୀର୍ଯବନ୍ତୋ ନ ତେଷାଂ ଜ୍ବଲନାଦ୍ଭଯମ୍॥ 1-259-8 (11203)
ତ୍ବଯାଽଗ୍ନୌ ତେ ପରୀତାଶ୍ଚ ସ୍ବଯଂ ହି ମମ ସନ୍ନିଧୌ।
ଶ୍ରୁତଂ ତଥା ଚେତି ଜ୍ବଲନେନ ମହାତ୍ମନା॥ 1-259-9 (11204)
ପଲୋ ନ ତାଂ ବାଚମୁକ୍ତ୍ବା ମିଥ୍ଯା କରିଷ୍ଯତି।
ନ୍ଧୁକୃତ୍ଯେ ନ ତେନ ତେ ସ୍ବସ୍ଥ ମାନସମ୍॥ 1-259-10 (11205)
ତାମେବ ତୁ ମମାମିତ୍ରାଂ ଚିନ୍ତଯନ୍ପରିତପ୍ଯସେ।
ଧ୍ରୁବଂ ମଯି ନ ତେ ସ୍ନେହୋ ଯଥା ତପଯଂ ପୁରାଽଭବତ୍॥ 1-259-11 (11206)
ନହି ପକ୍ଷବତା ନ୍ଯାଯ୍ଯଂ ନିଃ ହେନ ସୁହୃଜ୍ଜନେ।
ପୀଡ୍ଯମାନ ଉପଦ୍ରଷ୍ଟୁଂ ଶକ୍ତେନା ମା କଥଂଚନ॥ 1-259-12 (11207)
ଗଚ୍ଛ ତ୍ବଂ ଜରିତାମେବ ଯଦର୍ଥଂ ପରିତପ୍ଯସେ।
ଚରିଷ୍ଯାମ୍ଯହମପ୍ଯେକା ଯଥା ପୁରୁଷାଶ୍ରିତା॥ 1-259-13 (11208)
ମନ୍ଦପାଲ ଉବାଚ। 1-259-14x (1365)
ନାହମେବଂ ଚରେ ଲୋକେ ଯଥା ତ୍ବମଭିମନ୍ଯସେ।
ଅପତ୍ଯହେତୋର୍ବିଚରେ ତଚ୍ଚ କୃଚ୍ଛ୍ରଗତଂ ମମ॥ 1-259-14 (11209)
ଭୂତଂ ହିତ୍ବା ଚ ଭାବ୍ଯର୍ଥେ ଯୋଽବଲମ୍ବେତ୍ସ ମନ୍ଦଧୀଃ।
ଅବମନ୍ଯେତ ତଂ ଲୋକୋ ଯଥେଚ୍ଛସି ତଥା କୁରୁ॥ 1-259-15 (11210)
ଏଷ ହି ପ୍ରଜ୍ବଲନ୍ନଗ୍ନିର୍ଲେଲିହାନୀ ମହୀରୁହାନ୍।
ଆବିଗ୍ନେ ହୃଦି ସନ୍ତାପଂ ଜନଯତ୍ଯଶିବଂ ମମ॥ 1-259-16 (11211)
ବୈଶମ୍ପାଯନ ଉବାଚ। 1-259-17x (1366)
`ଭର୍ତୁର୍ହି ବାକ୍ଯଂ ସା ଶ୍ରୁତ୍ବା ଲପିତା ଦୁଃଖିତାଽଭବତ୍।
ସାନ୍ତ୍ବଯାମାସ ଚ ପୁନଃ ପତି ପତିପରାଯଣା॥' 1-259-17 (11212)
ତସ୍ମାଦ୍ଦେଶାଦତିକ୍ରାନ୍ତେ ଜ୍ବଲନେ ଜରିତା ପୁନଃ।
ଜଗାମ ପୁତ୍ରକାନେନ ଜରିତା ପୁତ୍ରଗୃଦ୍ଧିନୀ॥ 1-259-18 (11213)
ସା ତାନ୍କୁଶଲିନଃ ସର୍ବାନ୍ବିମୁକ୍ତାଞ୍ଜାତବେଦସଃ।
ରୋରୂଯମାଣାନ୍ଦଦୃଶେ ବନେ ପୁତ୍ରାନ୍ନିରାମଯାନ୍॥ 1-259-19 (11214)
ଅଶ୍ରୂଣି ମୁମୁଚେ ତେଷାଂ ଦର୍ଶନାତ୍ସା ପୁନଃପୁନଃ।
`ନ ଶ୍ରଦ୍ଧେଯଂ ତତସ୍ତେଷାଂର୍ଶନଂ ବୈ ପୁନଃପୁନଃ॥ 1-259-20 (11215)
ଇତି ମତ୍ବାଽବ୍ରବୀଦ୍ବାକଜରିତା ପୁତ୍ରଗୃଦ୍ଧିନୀ।'
ଏକାକଶଶ୍ଚ ପୁତ୍ରାଂସ୍ତନ୍ତ୍ର୍ଶମାନାନ୍ବପଦ୍ଯତ॥ 1-259-21 (11216)
`ଜରିତା ତୁ ପରିଷ୍ବଜ୍ଯୁତ୍ରସ୍ନେହାଚ୍ଚୁଚୁମ୍ବ ହ॥' 1-259-22 (11217)
ତତୋଽଭ୍ଯଗଚ୍ଛତ୍ସହସମନ୍ଦପାଲୋଽପି ଭାରତ।
ଅଥ ତେ ସର୍ବ ଏବୈନଂ ଭ୍ଯନନ୍ଦଂସ୍ତଦା ସୁତାଃ॥ 1-259-23 (11218)
`ଗୁରୁତ୍ବାନ୍ମନ୍ଦପାଲସ୍ତପସଶ୍ଚ ବିଶେଷତଃ।
ଅଭିବାଦାମହେ ସର୍ବେ ତପକ୍ଷାଃ ପ୍ରସାଦତଃ॥ 1-259-24 (11219)
ଏବମୁକ୍ତବତାଂ ତେଷାଂ ତନନ୍ଦ୍ଯ ମହାତପାଃ।
ପରିଷ୍ବଜ୍ଯ ତତୋ ମୂ ଉପାଘ୍ରାଯ ଚ ବଲକାନ୍।
ପୁତ୍ରାନ୍ସ୍ବଯଂ ସମାହୂଯତଃ ପ୍ରୋବାଚ ଗୌତମଃ॥' 1-259-25 (11220)
ଲାଲପ୍ଯମାନମେକୈକଂରିତାଂ ଚ ପୁନଃପୁନଃ।
ନ ଚୈବୋଚୁସ୍ତଦା କିଂତମୃଷିଂ ସାଧ୍ବସାଧୁ ବା॥ 1-259-26 (11221)
ମନ୍ଦପାଲ ଉବାଚ। 1-259-27x (1367)
ଜ୍ଯେଷ୍ଠଃ ସୁତସ୍ତେ କତ କତମସ୍ତସ୍ଯ ଚାନୁଜଃ।
ମଧ୍ଯମଃ କତମଶ୍ଚୈବ ଯାନ୍କତମଶ୍ଚ ତେ॥ 1-259-27 (11222)
ଏବଂ ବ୍ରୁବନ୍ତଂ ଦୁଃଖାକଂ ମା ନ ପ୍ରତିଭାଷସେ।
କୃତବାନସ୍ମି ହବ୍ଯାନୈବ ଶାନ୍ତିମିତୋ ଲଭେ।
`ଏବମୁକ୍ତ୍ବା ତୁ ତାଂ ମନ୍ଦପାଲସ୍ତଦାଽସ୍ପୃଶତ୍॥' 1-259-28 (11223)
ଜରିତୋବାଚ। 1-259-29x (1368)
କିଂ ନୁ ଜ୍ଯେଷ୍ଠେନ ତେ କିମନନ୍ତରଜେନ ତେ।
କିଂ ବା ମଧ୍ଯମଜାତେନ କିଂ କନିଷ୍ଠେନ ବା ପୁନଃ॥ 1-259-29 (11224)
ଯାଂ ତ୍ବଂ ମାଂ ସର୍ବତୋ ହୀନାମୁତ୍ସୃଜ୍ଯାସି ଗତଃ ପୁରା।
ତାମେବ ଲପିତାଂ ଗଚ୍ଛ ତରୁଣୀଂ ଚାରୁହାସିନୀମ୍॥ 1-259-30 (11225)
ମନ୍ଦପାଲ ଉବାଚ। 1-259-31x (1369)
ନ ସ୍ତ୍ରୀଣାଂ ବିଦ୍ଯତେ କିଂଚିଦମୁତ୍ର ପୁରୁଷାନ୍ତରାତ୍।
ସାପତ୍ନକମୃତେ ଲୋକେ ନାନ୍ଯଦର୍ଥବିନାଶନମ୍॥ 1-259-31 (11226)
ବୈରାଗ୍ନିଦୀପନଂ ଚୈବ ଭୃଶୁଦ୍ବେଗକାରି ଚ।
ସୁବ୍ରତା ଚାପି କଲ୍ଯାଣୀ ସର୍ବଭୂତେଷୁ ବିଶ୍ରୁତା॥ 1-259-32 (11227)
ଅରୁନ୍ଧତୀ ମହାତ୍ମାନଂ ବସିଷ୍ଠଂ ପର୍ଯଶଙ୍କତ।
ବିଶୁଦ୍ଧଭାବମତ୍ଯନ୍ତଂ ସଦା ପ୍ରିଯହିତେ ରତମ୍॥ 1-259-33 (11228)
ସପ୍ତର୍ଷିମଧ୍ଯଗଂ ବୀରମବମେନେ ଚ ତଂ ମୁନିମ୍।
ଅପଧ୍ଯାନେନ ସା ତେନ ଧୂମାରୁଣସମପ୍ରଭା।
ଲକ୍ଷ୍ଯାଽଲକ୍ଷ୍ଯା ନାଭିରୂପା ନିମିତ୍ତମିବ ପଶ୍ଯତି॥ 1-259-34 (11229)
ଅପତ୍ଯହେତୋଃ ସଂପ୍ରାପ୍ତଂ ତଥା ତ୍ବମପି ମାମିହ।
ଇଷ୍ଟମେବଂ ଗତେ ହି ତ୍ବଂ ସା ତଥୈବାଦ୍ଯ ବର୍ତତେ॥ 1-259-35 (11230)
ନ ହି ଭାର୍ଯେତି ବିଶ୍ବାସଃ କାର୍ଯଃ ପୁଂସା କଥଂଚନ।
ନ ହି କାର୍ଯମନୁଧ୍ଯାତି ନାରୀ ପୁତ୍ରବତୀ ସତୀ॥ 1-259-36 (11231)
ବୈଶମ୍ପାଯନ ଉବାଚ। 1-259-37x (1370)
ତତସ୍ତେ ସର୍ବ ଏବୈନଂ ପୁତ୍ରାଃ ସମ୍ଯଗୁପାସତେ।
ସ ଚ ତାନାତ୍ମଜାନ୍ସର୍ବାନାଶ୍ବାସଯିତୁମୁଦ୍ଯତଃ॥ ॥ 1-259-37 (11232)
ଇତି ଶ୍ରୀମନ୍ମହାଭାରତେ ଆଦିପ୍ରବଣି ମଯଦର୍ଶନପର୍ବଣି ଊନଷଷ୍ଟ୍ଯଧିକଦ୍ବିଶତତମୋଽଧ୍ଯାଯଃ॥ 259 ॥
Mahabharata - Adi Parva - Chapter Footnotes
1-259- 1-259-10 1-259-12 ମିତି ଙ. ପାଠଃ॥ 1-259-13 ହ୍ଯପୁରୁଷା ତଥା ଇତି ଙ. ପାଠଃ॥ ଊନଷଷ୍ଠ୍ଯଧିକଦ୍ବିଶତତମୋଽଧ୍ଯାଯଃ॥ 259 ॥ଆଦିପର୍ବ - ଅଧ୍ଯାଯ 260
॥ ଶ୍ରୀଃ ॥
1.260. ଅଧ୍ଯାଯଃ 260
Mahabharata - Adi Parva - Chapter Topics
ମନ୍ଦପାଲସ୍ଯ ପୁତ୍ରାଶ୍ବପୂର୍ବକଂ ସର୍ବୈଃ ସହାନ୍ଯତ୍ର ଗମନମ୍॥ 1 ॥ ଦେବଗଣୈଃ ସହାଗତସ୍ଯେନ୍ଦ୍ରସ୍ଯ କୃଷ୍ଣାର୍ଜୁନବରଦାନପୂର୍ବକଂ ସ୍ବଲୋକଗମନମ୍॥ 2 ॥ ଅଗ୍ନେସ୍ଥାନଗମନାନନ୍ତରଂ କୃଷ୍ଣାର୍ଜୁନମଯାନାଂ ନଦୀକୂଲ ଉପବେଶନମ୍॥ 3 ॥Mahabharata - Adi Parva - Chapter Text
1-260-0 (11233)
ମନ୍ଦପାଲ ଉବାଚ। 1-260-0x (1371)
ଯୁଷ୍ମାକମପବର୍ଗାର୍ଥଂ ତୀ ଜ୍ବଲନୋ ମଯା।
ଅଗ୍ନିନା ଚ ତଥେତ୍ଯେତିଜ୍ଞାତଂ ମହାତ୍ମନା॥ 1-260-1 (11234)
ଅଗ୍ନେର୍ବଚନମାଜ୍ଞାଯ ଧର୍ମଜ୍ଞତାଂ ଚ ବଃ।
ଭବତାଂ ଚ ପରଂ ବୀର୍ଯଂ ନାହମିହାଗତଃ॥ 1-260-2 (11235)
ନ ସନ୍ତାପୋ ହି ବର୍ତ୍ଥଃ ପୁତ୍ରକା ହୃଦି ମାଂ ପ୍ରତି।
ଋଷୀନ୍ବେଦ ହୁତାଶୋ ବ୍ରହ୍ମ ତଦ୍ବିଦିତଂ ଚ ବଃ॥ 1-260-3 (11236)
ବୈଶମ୍ପାଯନ ଉବାଚ। 1-260-4x (1372)
ଏବମାଶ୍ବାସିତାନ୍ପୁତ୍ରାନ୍ଭାର୍ଯାମାଦାଯ ସ ଦ୍ବିଜଃ।
ମନ୍ଦପାଲସ୍ତତୋ ଦେଶାଦନ୍ଯଂ ଦେଶଂ ଜଗାମ ହ॥ 1-260-4 (11237)
ଭଗବାନାପି ତିଗ୍ମାଂଶୁଃ ସମିଦ୍ଧଃ ଖାଣ୍ଡବଂ ତତଃ।
ଦଦାହ ସହ କୃଷ୍ଣାଭ୍ଯାଂ ଜନଯଞ୍ଜଗତୋ ହିତମ୍॥ 1-260-5 (11238)
ବସାମେଦୋବହାଃ କୁଲ୍ଯାସ୍ତତ୍ର ପୀତ୍ବା ଚ ପାବକଃ।
ଜଗାମ ଦର୍ଶଯାମାସ ଚାର୍ଜୁନମ୍॥ 1-260-6 (11239)
ତତୋଽଞନ୍ତରିକ୍ଷାଦ୍ଭଗବାନବତୀର୍ଯ ପୁରନ୍ଦରଃ।
ମରୁଦ୍ଗଣୈର୍ବୃତଃ ପାର୍ଥଂ କେଶବଂ ଚେଦମବ୍ରବୀତ୍॥ 1-260-7 (11240)
କୃତଂ ଯୁବାଭ୍ଯାଂ କର୍ମେଦମମରୈରପି ଦୁଷ୍କରମ୍।
ବରଂ ବୃଣୀତଂ ତୁଷ୍ଟୋଽସ୍ମି ଦୁର୍ଲଭଂ ପୁରୁଷେଷ୍ବିହ॥ 1-260-8 (11241)
ପାର୍ଥସ୍ତୁ ବରଯାମାସ ଶକ୍ରାଦସ୍ତ୍ରାଣି ସର୍ବଶଃ।
ପ୍ରଦାତୁଂ ତଚ୍ଚ ଶକ୍ରସ୍ତୁ କାଲଂ ଚକ୍ରେ ମହାଦ୍ଯୁତିଃ॥ 1-260-9 (11242)
ଯଦା ପ୍ରସନ୍ନୋ ଭଗବାନ୍ମହାଦେବୋ ଭବିଷ୍ଯତି।
ତଦାତୁଭ୍ଯଂ ପ୍ରଦାସ୍ଯାମି ପାଣ୍ଡବାସ୍ତ୍ରାଣି ସର୍ବଶଃ॥ 1-260-10 (11243)
ଅହମେବ ଚ ତଂ କାଲଂ ବେତ୍ସ୍ଯାମି କୁରୁନନ୍ଦନ।
ତପସା ମହତା ଚାପି ଦାସ୍ଯାମି ଭବତୋଽପ୍ଯହମ୍॥ 1-260-11 (11244)
ଆଗ୍ନେଯାନି ଚ ସର୍ବାଣି ବାଯବ୍ଯାନି ଚ ସର୍ବଶଃ।
ମଦୀଯାନି ଚ ସର୍ବାଣି ଗ୍ରହୀଷ୍ଯସି ଧନଞ୍ଜଯ॥ 1-260-12 (11245)
ବାସୁଦେବୋଽପି ଜଗ୍ରାହ ପ୍ରୀତିଂ ପାର୍ଥେନ ଶାଶ୍ବତୀମ୍।
ଦଦୌ ସୁରପତିଶ୍ଚୈବ ବରଂ କୃଷ୍ଣାଯ ଧୀମତେ॥ 1-260-13 (11246)
ଏବଂ ଦତ୍ତ୍ବା ବରଂ ତାଭ୍ଯାଂ ସହ ଦେବୈର୍ମରୁତ୍ପତିଃ।
ହୁତାଶନମନୁଜ୍ଞାପ୍ଯ ଜଗାମତ୍ରିଦିବଂ ପ୍ରଭୁଃ॥ 1-260-14 (11247)
ପାବକଶ୍ଚ ତଦା ଦାବଂ ଦଗ୍ଧ୍ବସମୃଗପକ୍ଷିଣମ୍।
ଅହୋଭିରେକବିଂଶଦ୍ଭିର୍ବିରରାଗ୍ସୁତର୍ପିତଃ॥ 1-260-15 (11248)
ଜଗ୍ଧ୍ବା ମାଂସାନି ପୀତ୍ବା ଚଦାଂସି ରୁଧିରାଣି ଚ।
ଯୁକ୍ତଃ ପରମଯା ପ୍ରୀତ୍ଯା ତାବୁତ୍ବାଚ୍ଯୁତାର୍ଜୁନୌ॥ 1-260-16 (11249)
ଯୁବାଭ୍ଯାଂ ପୁରୁଷାଗ୍ର୍ଯାଭ୍ଯାଂ ତତୋଽସ୍ମି ଯଥାସୁଖମ୍।
ଅନୁଜାନାମି ବାଂ ବୀରୌ ଚରତଂତ୍ର ବାଞ୍ଛିତମ୍॥ 1-260-17 (11250)
`ଗାଣ୍ଡିବଂ ଚ ଧନୁର୍ଦିବ୍ଯମକ୍ଷୌ ଚ ମହେଷୁଧୀ।
କପିଧ୍ବଜୋ ରଥଶ୍ଚାଯଂ ତବ ଦ ମହାମତେ॥ 1-260-18 (11251)
ଅନେନ ଧନୁଷା ଚୈବ ରଥେନାନେ ଭାରତ।
ବିଜେଷ୍ଯସି ରଣେ ଶତ୍ରୂନ୍ସଦେବାମାନୁଷାନ୍॥' 1-260-19 (11252)
ଏବଂ ତୌ ସମନୁଜ୍ଞାତୌ ପାବବେମହାତ୍ମନା।
ଅର୍ଜୁନୋ ବାସୁଦେବଶ୍ଚ ଦାନବଶ୍ଚଯସ୍ତଥା॥ 1-260-20 (11253)
ପରିକ୍ରମ୍ଯ ତତଃ ସର୍ବେ ତ୍ରଯୋଽଭରତର୍ଷଭ।
ରମଣୀଯେ ନଦୀକୂଲେ ସହିତାମୁପାବିଶଂନ୍॥ 1-260-21 (11254)
ଇତି ଶ୍ରୀମନ୍ମହାଭାରତେ ଶତସାହସ୍ତ୍ର୍ଯାଂ ସଂହିତାଯାଂ ବୈଯାସିକ୍ଯାଂ ଆଦିପର୍ବଣି ମଯପର୍ବଣି ଷଷ୍ଟ୍ଯଧିକଦ୍ବିଶତତମୋଽଧ୍ଯାଯଃ॥ 260 ॥ ॥ ସମାପ୍ତଂ ମଯଦର୍ଶନପର୍ବାଦିପର୍ବ ଚ॥