Kumbhaghonam Edition in Odia/Oriya Script
2. ସଭାପର୍ବ
ସଭାପର୍ବ - ଅଧ୍ଯାଯ 001
॥ ଶ୍ରୀଃ ॥
2.1. ଅଧ୍ଯାଯଃ 001
Mahabharata - Sabha Parva - Chapter Topics
ମଯସ୍ଯାର୍ଜୁନମ୍ପ୍ରତି ପ୍ରତ୍ଯୁପକାରପ୍ରାର୍ଥନା॥ 1॥ କୃଷ୍ଣେ ଉପକୃତେ ଅହମୁପକୃତ ମଯମ୍ପ୍ରତି ଅର୍ଜୁନସ୍ଯୋକ୍ତିଃ॥ 2॥ କୃଷ୍ଣାଜ୍ଞଯ ମଯେନ ସଭାନିର୍ମାଣାରମ୍ଭଃ॥ 3॥Mahabharata - Sabha Parva - Chapter Text
2-1-0 (11255)
॥ ଶ୍ରୀବେଦବ୍ଯାସାଯ ନମଃ॥ 2-1-0x (1373)
`ନାରାଯଣଂ ନମସ୍କୃତ୍ଯ ନରଂ ଚୈବ ନରୋତ୍ତମମ୍।
ଦେବୀଂ ସରସ୍ବତୀଂ ଚୈବ (ବ୍ଯାସଂ)ତତୋ ଜଯମୁଦୀରଯେତ୍॥ 2-1-1 (11256)
ଜନମେଜଯ ଉବାଚ। 2-1-2x (1374)
ଅର୍ଜୁନୋ ଜଯତାଂ ଶ୍ରେଷ୍ଠୋ ମୋଚଯିତ୍ବା ମଯଂ ତଦା।
କିଂ ଚକାର ମହାତେଜାସ୍ତନ୍ମେ ବ୍ରୂହି ଦ୍ବିଜୋତ୍ତମ ॥ 2-1-2 (11257)
ବୈଶମ୍ପାଯନ ଉବାଚ। 2-1-3x (1375)
ଶୃଣୁ ରାଜନ୍ନବହିତଶ୍ଚରିତଂ ପୂର୍ବକସ୍ଯ ତେ।
ମୋକ୍ଷଯିତ୍ବା ମଯଂ ତତ୍ର ପାର୍ଥଃ ଶସ୍ତ୍ରଭୃତାଂ ବରଃ॥ 2-1-3 (11258)
ଗାଣ୍ଡିବଂ କାର୍ମୁକଶ୍ରେଷ୍ଠଂ ତୂଣୀ ଚାକ୍ଷଯସାଯକୌ।
ଦିବ୍ଯାନ୍ଯସ୍ତ୍ରାଣି ରାଜେନ୍ଦ୍ର ଦୁର୍ଲଭାନି ନୃପୈର୍ଭୁବି॥ 2-1-4 (11259)
ରଥଧ୍ବଜପତାକାଶ୍ଚ ଶ୍ବେତାଶ୍ବାଂଶ୍ଚ ସ ବୀର୍ଯବାନ୍।
ଏତାନି ପାବକାତ୍ପ୍ରାପ୍ଯ ମୁଦା ପରମଯା ଯୁତଃ।
ତସ୍ଥୌ ପାର୍ଥୋ ମହାବୀର୍ଯସ୍ତଦା ସହ ମଯେନ ସଃ'॥ 2-1-5 (11260)
ତତୋଽବ୍ରବୀନ୍ମଯଃ ପାର୍ଥଂ ବାସୁଦେବସ୍ଯ ସନ୍ନିଧୌ।
`ପାଣ୍ଡବେନ ପରିତ୍ରାତସ୍ତତ୍କୃତଂ ପ୍ରତ୍ଯନୁସ୍ମରନ୍'॥ 2-1-6 (11261)
ପ୍ରାଞ୍ଜଲିଃ ଶ୍ଲକ୍ଷ୍ଣଯା ବାଚା ପୂଜଯିତ୍ବା ପୁନଃ ପୁନଃ। 2-1-7 (11262)
ମଯ ଉବାଚ।
ଅସ୍ମାଚ୍ଚ କୃଷ୍ଣାତ୍ସଙ୍କ୍ରୁଦ୍ଧାତ୍ପାବକାଚ୍ଚ ଦିଧକ୍ଷତଃ॥ 2-1-7x (1376)
ତ୍ବଯା ତ୍ରାତୋଽସ୍ମି କୌନ୍ତେଯ ବ୍ରୂହି କିଂ କରବାଣି ତେ।
`ଅହଂ ହି ବିଶ୍ବକର୍ମା ବୈ ଅସୁରାଣାଂ ପରନ୍ତପ॥ 2-1-8 (11263)
ତସ୍ମାତ୍ତେ ବିସ୍ମଯଂ କିଞ୍ଚିତ୍କୁର୍ଯାମନ୍ଯୈଃ ସୁଦୁଷ୍କରମ୍॥ 2-1-9 (11264)
ବୈଶମ୍ପାଯନ ଉବାଚ। 2-1-10x (1377)
ଏବମୁକ୍ତୋ ମହାବୀର୍ଯଃ ପାର୍ଥୋ ମାଯାବିଦଂ ମଯମ୍।
ଧ୍ଯାତ୍ବା ମୁହୂର୍ତଂ କୌନ୍ତେଯଃ ପ୍ରହସନ୍ବାକ୍ଯମବ୍ରବୀତ୍'॥ 2-1-10 (11265)
କୃତମେବ ତ୍ବଯା ସର୍ବଂ ସ୍ବସ୍ତି ଗଚ୍ଛ ମହାଽସୁର।
ପ୍ରୀତିମାନ୍ଭବ ମେ ନିତ୍ଯଂ ପ୍ରୀତିମନ୍ତୋ ବଯଂ ଚ ତେ॥ 2-1-11 (11266)
ପ୍ରୋପକାରାଦର୍ଥଂ ହି ନାଦାସ୍ଯାମୀତି ମେ ବ୍ରତମ୍'। 2-1-12 (11267)
ଉବାଚ।
ଯୁକ୍ତମେତତ୍ତ୍ବଯି ବିଭୋ ଯଦାତ୍ଥ ପୁରୁଷର୍ଷଭ॥ 2-1-12x (1378)
ପ୍ରୀତିପୂର୍ବମହଂ କିଞ୍ଚିତ୍କର୍ତୁମିଚ୍ଛାମି ତେଽର୍ଜୁନ।
ଅହଂ ହି ବିଶ୍ବକର୍ମା ବୈ ଦାନବାନାଂ ମହାକବିଃ॥ 2-1-13 (11268)
`ସୋଽହଂ ବୈ ତ୍ବତ୍କୃତେ କିଞ୍ଚିତ୍କର୍ତୁମିଚ୍ଛାମି ପାଣ୍ଡବ।
`ଦାନବାନାଂ ପୁରା ପାର୍ଥ ପ୍ରାସାଦା ହି ମଯା କୃତାଃ॥ 2-1-14 (11269)
ରମ୍ଯାଣି ସୁଖଗର୍ଭାଣି ଭୋଗାଢ୍ଯାନି ସହସ୍ରଶଃ।
ଉଦ୍ଯାନାନି ଚ ରମ୍ଯାଣି ସରାଂସି ବିବିଧାନି ଚ॥ 2-1-15 (11270)
ବିଚିତ୍ରାଣି ଚ ବସ୍ତ୍ରାଣି କାମଗାନି ରଥାନି ଚ।
ନଗରାଣି ବିଶାଲାନି ସାଟ୍ଟପ୍ରାକାରବନ୍ତି ଚ॥ 2-1-16 (11271)
ବାହନାନି ଚ ମୁଖ୍ଯାନି ବିଚିତ୍ରାଣି ସହସ୍ରଶଃ।
ବିଲାନି ରମଣୀଯାନି ସୁଖଯୁକ୍ତାନି ବୈ ଭୃଶମ୍।
ଏତେ କୃତା ମଯା ତସ୍ମାଦିଚ୍ଛାମି ଫଲ୍ଗୁନ'॥ 2-1-17 (11272)
ଅର୍ଜୁନ ଉବାଚ। 2-1-18x (1379)
ପ୍ରାଣକୃଚ୍ଛ୍ରାଦ୍ବିନିର୍ମୁକ୍ତମାତ୍ମାନଂ ମନ୍ଯସେ ମଯା।
ଏବଂ ଗତେ ନ ଶକ୍ଷ୍ଯାମି କିଞ୍ଚିତ୍କାରଯିତୁଂ ତ୍ବଯା॥ 2-1-18 (11273)
ନ ଚାପି ତବ ସଙ୍କଲ୍ପଂ ମୋଘମିଚ୍ଛାମି ଦାନବ।
କୃଷ୍ଣସ୍ଯ କ୍ରିଯତାଂ କିଞ୍ଚିତ୍ତଥା ପ୍ରତିକୃତଂ ମଯି॥ 2-1-19 (11274)
ବୈଶମ୍ପାଯନ ଉବାଚ। 2-1-20x (1380)
ଚୋଦିତୋ ବାସୁଦେବସ୍ତୁ ମଯଂ ପ୍ରତି ନରର୍ଷଭ।
ମୁହୂର୍ତମିବ ସନ୍ଦଧ୍ଯୌ କିମଯଂ ଚୋଦ୍ଯତାମିତି॥ 2-1-20 (11275)
ତତୋ ବିଚିନ୍ତ୍ଯ ମନସା ଲୋକନାଥଃ ପ୍ରଜାପିତଃ।
ଚୋଦଯାମାସ ତଂ କୃଷ୍ଣଃ ସଭା ବୈ କ୍ରିଯତାମିତି॥ 2-1-21 (11276)
ଯଦି ତ୍ବଂ କର୍ତୁକାମୋଽସି ପ୍ରିଯଂ ଶିଲ୍ପବତାଂ ବର।
ଧର୍ମରାଜସ୍ଯ ଦଯିତାଂ ଯାଦୃଶୀମିହ ମନ୍ଯସେ॥ 2-1-22 (11277)
ଯାଂ କ୍ରିଯାଂ ନାନୁକୁର୍ଯୁସ୍ତେ ମାନବାଃ ପ୍ରେକ୍ଷ୍ଯ ବିଷ୍ଠିତାଃ।
ମନୁଷ୍ଯଲୋକେ ସକଲେ ତାଦୃଶୀଂ କୁରୁ ବୈ ସଭାମ୍॥ 2-1-23 (11278)
ଯତ୍ର ଦ୍ବିବ୍ଯାନଭିପ୍ରାଯାନ୍ପଶ୍ଯେମ ବିହିତାଂସ୍ତ୍ବଯା।
ଆସୁରାନ୍ମାନୁପାଂଶ୍ଚୈବ ତାଦୃଶୀଂ କୁରୁ ବୈ ସଭାମ୍॥ 2-1-24 (11279)
ବୈଶମ୍ପାଯନ ଉବାଚ। 2-1-25x (1381)
ପ୍ରତିଗୃହ୍ଯ ତୁ ତଦ୍ବାକ୍ଯଂ ସମ୍ପ୍ରହୃଷ୍ଟୋ ମଯସ୍ତଦା।
ବିମାନପ୍ରତିମାଂ ଚକ୍ରେ ପାଣ୍ଡବସ୍ଯ ଶୁଭାଂ ସଭାମ୍॥ 2-1-25 (11280)
ତତଃ କୃଷ୍ଣଶ୍ଚ ପାର୍ଥଶ୍ଚ ଧର୍ମରାଜେ ଯୁଧିଷ୍ଠିରେ।
ସର୍ବମେତତ୍ସମାବେଦ୍ଯ ଦର୍ଶଯାମାସତୁର୍ମଯମ୍॥ 2-1-26 (11281)
ତସ୍ମୈ ଯୁଧିଷ୍ଠିରଃ ପୂଜାଂ ଯଥାର୍ହମକରୋତ୍ତଦା।
ସ ତୁ ତାଂ ପ୍ରତିଜଗ୍ରାହ ମଯଃ ସତ୍କୃତ୍ଯ ଭାରତ॥ 2-1-27 (11282)
ସ ପୂର୍ବଦେବଚରିତଂ ତଦା ତତ୍ର ବିଶାମ୍ପତେ।
କଥଯାମାସ ଦୈତେଯଃ ପାଣ୍ଡୁପୁତ୍ରେଷୁ ଭାରତ॥ 2-1-28 (11283)
ସ କାଲଂ କଞ୍ଚିଦାଶ୍ବସ୍ଯ ବିଶ୍ବକର୍ମା ବିଚିନ୍ତ୍ଯ ତୁ।
ସଭାଂ ପ୍ରଚକମେ କର୍ତୁଂ ପାଣ୍ଡବାନାଂ ମହାତ୍ମନାମ୍॥ 2-1-29 (11284)
ଅଭିପ୍ରାଯେଣ ପାର୍ଥାନାଂ କୃଷ୍ଣସ୍ଯ ଚ ମହାତ୍ମନଃ।
ପୁଣ୍ଯେଽହନି ମହାତେଜାଃ କୃତକୌତୁକମଙ୍ଗଲଃ॥ 2-1-30 (11285)
ତର୍ପଯିତ୍ବା ଦ୍ବିଜଶ୍ରେଷ୍ଠାନ୍ପାଯସେନ ସହସ୍ରଶଃ।
ଧନଂ ବହୁବିଧଂ ଦତ୍ତ୍ବା ତେଭ୍ଯ ଏବ ଚ ବୀର୍ଯବାନ୍॥ 2-1-31 (11286)
ସର୍ବର୍ତୁଗୁଣସମ୍ପନ୍ନାଂ ଦିବ୍ଯରୂପାଂ ମନୋରମାମ୍।
ଦଶକିଷ୍କୁସହସ୍ରାଂ ତାଂ ମାପଯାମାସ ସର୍ବତଃ॥ ॥ 2-1-31 (11287)
ଇତି ଶ୍ରୀମନ୍ମହାଭାରତେ ସଭାପର୍ବଣି ମନ୍ତ୍ରପର୍ବଣି ପ୍ରଥମୋଽଧ୍ଯାଯଃ॥ 1॥
Mahabharata - Sabha Parva - Chapter Footnotes
2-1-1 ସଭାo 2-1-28 ପୂର୍ବଦେବୋ ବୃଷପର୍ବା ଦାନବସ୍ତସ୍ଯ ଚରିତଂ ବିନ୍ଦୁସରସି ଯଜ୍ଞକରଣାଦି ॥ସଭାପର୍ବ - ଅଧ୍ଯାଯ 002
॥ ଶ୍ରୀଃ ॥
2.2. ଅଧ୍ଯାଯଃ 002
Mahabharata - Sabha Parva - Chapter Topics
ଦ୍ବାରକାଂ ଗଚ୍ଛତଃ ଶ୍ରୀକୃଷ୍ଣସ୍ଯ ଯୁଧିଷ୍ଠରାଦିଭିଃ ସାରତ୍ଯାଦିକରଣମ୍॥ 1॥ ଅର୍ଧଯୋଜନପର୍ଯନ୍ତଂ ଗତାନାଂ କୃଷ୍ଣପାଣ୍ଡବାନାଂ ପରସ୍ପରାନୁଜ୍ଞଯା ସ୍ବସ୍ବପୁରଗମନମ୍॥2॥Mahabharata - Sabha Parva - Chapter Text
ବୈଶମ୍ପାଯନ ଉବାଚ।
ଉଷିତ୍ବା ଖାଣ୍ଡବପ୍ରସ୍ଥେ ସୁଖବାସଂ ଜନାର୍ଦନଃ।
ପାର୍ଥୈଃ ପ୍ରୀତିସମାଯୁକ୍ତୈଃ ପୂଜନାର୍ହୋଽଭିପୂଜିତଃ॥ 2-2-1 (11288)
ଗମନାଯ ମତିଂ ଚକ୍ରେ ପିତୁର୍ଦର୍ଶନଲାଲସଃ।
ଧର୍ମରାଜମଥାମନ୍ତ୍ର୍ଯ ପୃଥାଂ ଚ ପୃଥୁଲୋଚନଃ॥ 2-2-2 (11289)
ବବନ୍ଦେ ଚରଣୌ ମୂର୍ଧ୍ନା ଜଗଦ୍ବନ୍ଦ୍ଯଃ ପିତୃଷ୍ବସୁଃ।
ସ ତଯା ମୂର୍ଧ୍ନ୍ଯୁପାଘ୍ରାତଃ ପରିଷ୍ବକ୍ତଶ୍ଚ କେଶବଃ॥ 2-2-3 (11290)
ଦଦର୍ଶାନନ୍ତରଂ କୃଷ୍ଣୋ ଭଗିନୀଂ ସ୍ବାଂ ମହାଯଶାଃ।
ତାମୁପେତ୍ଯ ହୃଷୀକେଶଃ ପ୍ରୀତ୍ଯା ବାଷ୍ପସମନ୍ବିତଃ॥ 2-2-4 (11291)
ଅର୍ଥ୍ଯଂ ତଥ୍ଯଂ ହିତଂ ବାକ୍ଯଂ ଲଘୁ ଯୁକ୍ତମନୁତ୍ତରମ୍।
ଉବାଚ ଭଗବାନ୍ଭଦ୍ରାଂ ସୁଭଦ୍ରାଂ ଭଦ୍ରଭାଷିଣୀମ୍॥ 2-2-5 (11292)
ତଯା ସ୍ବଜନଗାମୀନି ଶ୍ରାବିତୋ ବଚନାନି ସଃ।
ସମ୍ପୂଜିତଶ୍ଚାପ୍ଯସକୃଚ୍ଛିରସା ଚାଭିବାଦିତଃ॥ 2-2-6 (11293)
ତାମନୁଜ୍ଞାଯ ବାର୍ଷ୍ଣେଯଃ ପ୍ରତିନନ୍ଦ୍ଯ ଚ ଭାମିନୀମ୍।
ଦଦର୍ଶାନନ୍ତରଂ କୃଷ୍ଣାଂ ଧୌମ୍ଯଂ ଚାପି ଜନାର୍ଦନଃ॥ 2-2-7 (11294)
ବବନ୍ଦେ ଚ ଯଥାନ୍ଯାଯଂ ଧୌମ୍ଯଂ ପୁରୁଷସତ୍ତମଃ।
ଦ୍ରୌପଦୀଂ ସାନ୍ତ୍ବଯିତ୍ବା ଚ ସୁଭଦ୍ରାଂ ପରିଦାଯ ଚ॥ 2-2-8 (11295)
ଭ୍ରାତୃନଭ୍ଯଗମଦ୍ବିଦ୍ବାନ୍ପାର୍ଥେନ ସହିତୋ ବଲୀ।
ଭ୍ରାତୃଭିଃ ପଞ୍ଚଭିଃ କୃଷ୍ଣୋ ବୃତଃ ଶକ୍ର ଇବାମରୈଃ॥ 2-2-9 (11296)
ଯାତ୍ରାକାଲସ୍ଯ ଯୋଗ୍ଯାନି କର୍ମାଣି ଗରୁଡଧ୍ବଜଃ।
କର୍ତୁକାମଃ ଶୁଚିର୍ଭୂତ୍ବା ସ୍ନାତବାନ୍ସମଲଙ୍କୃତଃ॥ 2-2-10 (11297)
ଅର୍ଚଯାମାସ ଦେବାଂଶ୍ଚ ଦ୍ବିଜାଂଶ୍ଚ ଯଦୁପୁଙ୍ଗବଃ।
ମାଲ୍ଯଜାପ୍ଯନମସ୍କାରୈର୍ଗନ୍ଧୈରୁଚ୍ଚାବଚୈରପି॥ 2-2-11 (11298)
ସ କୃତ୍ବା ସର୍ବକାର୍ଯାଣି ପ୍ରତସ୍ଥେ ତସ୍ଥୁପାଂ ବରଃ।
ଉପେତ୍ଯ ସ ଯଦୁଶ୍ରେଷ୍ଠୋ ବାହ୍ଯକକ୍ଷାଦ୍ବିନିର୍ଗତଃ॥ 2-2-12 (11299)
ସ୍ବସ୍ତି ବାଚ୍ଯାର୍ହତୋ ବିପ୍ରାନ୍ଦଧିପାତ୍ରଫଲାକ୍ଷତୈଃ।
ବସୁ ପ୍ରଦାଯ ଚ ତତଃ ପ୍ରଦକ୍ଷିଣମଥାକରୋତ୍॥ 2-2-13 (11300)
କାଞ୍ଚନଂ ରଥମାସ୍ଥାଯ ତାର୍କ୍ଷ୍ଯକେତନମାଶୁଗମ୍।
ଗଦାଚକ୍ରାସିଶାର୍ଙ୍ଗାଦ୍ଯୈରାଯୁଧୈରାବୃତଂ ଶୁଭମ୍॥ 2-2-14 (11301)
ସୁତିଥାବଥ ନକ୍ଷତ୍ରେ ମୁହୂର୍ତେ ଚ ଗୁଣାନ୍ବିତେ।
ପ୍ରଯଯୌ ପୁଣ୍ଡରୀକାକ୍ଷଃ ଶୈବ୍ଯସୁଗ୍ରୀବବାହନଃ॥ 2-2-15 (11302)
ଅନ୍ବାରୁରୋହ ଚାପ୍ଯେନଂ ପ୍ରେମ୍ଣା ରାଜା ଯୁଧିଷ୍ଠିରଃ।
ଅପାସ୍ଯ ଚାସ୍ଯ ଯନ୍ତାରଂ ଦାରୁକଂ ଯନ୍ତୃସତ୍ତମମ୍॥ 2-2-16 (11303)
ଅଭୀଷୂନ୍ସମ୍ପ୍ରଜଗ୍ରାହ ସ୍ବଯଂ କୁରୁପତିସ୍ତଦା।
ଉପାରୁହ୍ଯାର୍ଜୁନଶ୍ଚାଽପି ଚାମରବ୍ଯଜନଂ ସିତମ୍॥ 2-2-17 (11304)
ରୁକ୍ମଦଣ୍ଡଂ ବୃହଦ୍ବାହୁର୍ବିଦୁଧାବ ପ୍ରଦକ୍ଷିଣମ୍।
ତଥୈବ ଭୀମସେନୋଽପି ରଥମାରୁହ୍ଯ ବୀର୍ଯବାନ୍॥ 2-2-18 (11305)
`ଛତ୍ରଂ ଶତଶଲାକଂ ଚ ଦିବ୍ଯମାଲ୍ଯୋପଶୋଭିତମ୍।
ବୈଡୂର୍ଯମଣିଦଣ୍ଡଂ ଚ ଚାମୀକରବିଭୂଷିତମ୍। 2-2-19 (11306)
ଦଧାର ତରସା ଭୀମଃ ମୁଚ୍ଛତ୍ରଂ ଶାର୍ଙ୍ଗଧନ୍ବନେ।
ଭୀମସେନାର୍ଜୁନୌ ଚାପି ଯମାବରିନିଷୂଦନୌ'॥ 2-2-20 (11307)
ପୃଷ୍ଠତୋଽନୁଯଯୁଃ କୃଷ୍ଣମୃତ୍ବିକ୍ପୌରଜନୈର୍ବୃତା।
ସ ତଥା ଭ୍ରାତୃଭିଃ ସର୍ବୈଃ କେଶବଃ ପରବୀରହା॥ 2-2-21 (11308)
ଅନ୍ବୀଯମାନଃ ଶୁଶୁଭେ ଶିଷ୍ଯୈରିବ ଗୁରୁଃ ପ୍ରିଯୈଃ।
`ଅଭିମନ୍ଯୁଂ ଚ ସୌଭଦ୍ରଂ ବୃଦ୍ଧୈଃ ପରିବୃତସ୍ତଥା॥ 2-2-22 (11309)
ରଥମାରୋପ୍ଯ ନିର୍ଯାତୋ ଧୌମ୍ଯୋ ବ୍ରାହ୍ମଣପୁଙ୍ଗବଃ।
ଇନ୍ଦ୍ରପ୍ରସ୍ଥମତିକ୍ରମ୍ଯ କ୍ରୋଶମାତ୍ରଂ ମହାଦ୍ଯୁତିଃ'।
ପାର୍ଥମାମନ୍ତ୍ର୍ଯ ଗୋବିନ୍ଦଃ ପରିଷ୍ବଜ୍ଯ ସୁପୀଡିତମ୍ ॥ 2-2-23 (11310)
ଯୁଧିଷ୍ଠରଂ ପୂଜଯିତ୍ବା ଭୀମସେନଂ ଯମୌ ତଥା।
ପରିଷ୍ବକ୍ତୋ ଭୃଶଂ ତୈସ୍ତୁ ଯମାଭ୍ଯାମଭିବାଦିତଃ॥ 2-2-24 (11311)
ଯୋଜନାର୍ଧମଥୋ ଗତ୍ବା କୃଷ୍ଣଃ ପରପୁରଞ୍ଜଯଃ।
ଯୁଧିଷ୍ଠିରଂ ସମାମନ୍ତ୍ର୍ଯ ନିବର୍ତସ୍ବେତି ଭାରତ॥ 2-2-25 (11312)
ତତୋଽଭିବାଦ୍ଯ ଗୋବିନ୍ଦଃ ପାଦୌ ଜଗ୍ରାହ ଧର୍ମବିତ୍।
ଉତ୍ଥାପ୍ଯ ଧର୍ମରାଜସ୍ତୁ ମୂର୍ଧ୍ନ୍ଯୁପାଘ୍ରାଯ କେଶବମ୍॥ 2-2-26 (11313)
ପାଣ୍ଡବୋ ଯାଦବଶ୍ରେଷ୍ଠଂ କୃଷ୍ଣଂ କମଲଲୋଚନମ୍।
ଗମ୍ଯତାମିତ୍ଯନୁଜ୍ଞାପ୍ଯ ଧର୍ମରାଜୋ ଯୁଧିଷ୍ଠିରଃ॥ 2-2-27 (11314)
ତତସ୍ତୈଃ ସଂବିଦଂ କୃତ୍ବା ଯଥାବନ୍ମଧୁସୂଦନଃ।
ନିବର୍ତ୍ଯ ଚ ତଥା କୃଚ୍ଛ୍ରାତ୍ପାଣ୍ଡବାନ୍ସପଦାନୁଗାନ୍॥ 2-2-28 (11315)
ସ୍ବାଂ ପୁରୀଂ ପ୍ରଯଯୌ ହୃଷ୍ଟୋ ଯଥା ଶକ୍ରୋଽମରାବତୀମ୍॥
ଲୋଚନୈରନୁଜଗ୍ମୁସ୍ତେ ତମାଦୃଷ୍ଟିପଥାତ୍ତଦା॥ 2-2-29 (11316)
ମନୋଭିରନୁଜଗ୍ମୁସ୍ତେ କୃଷ୍ଣଂ ପ୍ରୀତିସମନ୍ବଯାତ୍।
ଅତୃପ୍ତମନସାମେବ ତେଷାଂ କେଶବଦର୍ଶନେ॥ 2-2-30 (11317)
କ୍ଷିପ୍ରମନ୍ତର୍ଦଧେ ଶୌରିଶ୍ଚକ୍ଷୁଷାଂ ପ୍ରିଯଦର୍ଶନଃ।
ଅକାମା ଏବ ପାର୍ଥାସ୍ତେ ଗୋବିନ୍ଦଗମାନସାଃ॥ 2-2-31 (11318)
ନିବୃତ୍ଯୋପଯଯୁସ୍ତୂର୍ଣଂ ସ୍ବଂ ପୁରଂ ପୁରୁଷର୍ଷଭାଃ।
ସ୍ଯନ୍ଦନେନାଥ କୃଷ୍ଣୋଽପି ତ୍ବରିତଂ ଦ୍ବାରକାମଗାତ୍॥ 2-2-32 (11319)
ସାତ୍ବତେନ ଚ ବୀରେଣ ପୃଷ୍ଠତୋ ଯାଯିନା ତଦା।
ଦାରୁକେଣ ଚ ସୂତେନ ସହିତୋ ଦେବକୀସୁତଃ।
ସ ଗତୋ ଦ୍ବାରକାଂ ବିଷ୍ଣୁର୍ଗରୁତ୍ମାନିବ ବେଗବାନ୍॥ 2-2-33 (11320)
ବୈଶମ୍ପାଯନ ଉବାଚ। 2-2-34x (1382)
ନିବୃତ୍ଯ ଧର୍ମରାଜସ୍ତୁ ସହ ଭ୍ରାତୃଭିରଚ୍ଯୁତଃ।
ସୁହୃତ୍ପରିବୃତୋ ରାଜା ପ୍ରବିବେଶ ପୁରୋତ୍ତମମ୍॥ 2-2-34 (11321)
ବିସୃଜ୍ଯ ସୁହୃଦଃ ସର୍ବାନ୍ଭ୍ରାତୄନ୍ପୁତ୍ରାଂଶ୍ଚ ଧର୍ମରାଟ୍।
ମୁମୋଦ ପୁରୁଷବ୍ଯାଘ୍ରୋ ଦ୍ରୌପଦ୍ଯା ସହିତୋ ନୃପ॥ 2-2-35 (11322)
କେଶବୋପି ମୁଦା ଯୁକ୍ତଃ ପ୍ରବିବେଶ ପୁରୋତ୍ତମମ୍।
ପୂଜ୍ଯମାନୋ ଯଦୁଶ୍ରେଷ୍ଠୈରୁଗ୍ରସେନମୁଖୈସ୍ତଥା॥ 2-2-36 (11323)
ଆହୁକଂ ପିତରଂ ବୃଦ୍ଧଂ ମାତରଂ ଚ ଯଶସ୍ବିନୀମ୍।
ଅଭିବାଦ୍ଯ ବଲଂ ଚୈବ ସ୍ଥିତଃ କମଲଲୋଚନଃ॥ 2-2-37 (11324)
ପ୍ରଦ୍ଯୁମ୍ନସାମ୍ବନିଶଠାଂଶ୍ଚରୁଦେଷ୍ଣଂ ଗଦଂ ତଥା।
ଅନିରୁଦ୍ଧଂ ଚ ଭାନୁଂ ଚ ପରିଷ୍ବଜ୍ଯ ଜନାର୍ଦନଃ॥ 2-2-38 (11325)
ସ ବୃଦ୍ଧୈରଭ୍ଯନୁଜ୍ଞାତୋ ରୁକ୍ମିଣ୍ଯା ଭବନଂ ଯଯୌ।
`ସ ତତ୍ର ଭବନେ ଦିବ୍ଯେ ପ୍ରମୁମୋଦ ସୁଖୀ ସୁଖମ୍॥ 2-2-39 (11326)
ଏତସ୍ମିନ୍ନନ୍ତରେ ରାଜନ୍ମଯୋ ଦୈତ୍ଯାଧିପସ୍ତଦା।
ବିଧିବତ୍କଲ୍ପଯାମାସ ସଭାଂ ଧର୍ମସୁତାଯ ବୈ॥ ॥ 2-2-40 (11327)
ଇତି ଶ୍ରୀମନ୍ମହାଭାରତେ ସଭାପର୍ବଣି ମନ୍ତ୍ରପର୍ବଣି ଦ୍ବିତୀଯୋଽଧ୍ଯାଯଃ॥ 2॥
ସଭାପର୍ବ - ଅଧ୍ଯାଯ 003
॥ ଶ୍ରୀଃ ॥
2.3. ଅଧ୍ଯାଯଃ 003
Mahabharata - Sabha Parva - Chapter Topics
ସଭାନିର୍ମାଣସାମଗ୍ର୍ଯାନଯନାଯ ବିନ୍ଦୁସରଃ ପ୍ରତି ମଯସ୍ଯ ଗମନମ୍॥1॥ ଗଦାଶଙ୍ଖାଭ୍ଯାଂ ସହ ସାମଗ୍ରୀଂ ଗୃହୀତ୍ବା ମଯସ୍ଯ ଖାଣ୍ଡବପ୍ରସ୍ଥାଗମନମ୍॥ 2॥ ଭୀମାର୍ଜୁନଯୋଃ ଗଦାଶଙ୍ଖଦାନଂ ସଭାନିର୍ମାଣଂ ଚ॥ 3॥Mahabharata - Sabha Parva - Chapter Text
ବୈଶମ୍ପାଯନ ଉବାଚ।
ଅଥାବ୍ରବୀନ୍ମଯଃ ପାର୍ଥମର୍ଯୁନଂ ଜଯତାଂ ବରମ୍।
ଆପୃଚ୍ଛେ ତ୍ବାଂ ଗମିଷ୍ଯାମି ପୁନରେଷ୍ଯାମି ଚାପ୍ଯହମ୍॥ 2-3-1 (11328)
`ବିଶ୍ରୁତାଂ ତ୍ରିଷୁ ଲୋକେଷୁ ପାର୍ଥ ଦିବ୍ଯାଂ ସଭାଂ ତବ।
ପ୍ରାଣିନାଂ ବିସ୍ମଯକରୀଂ ତବ ପ୍ରିଯବିବର୍ଧିନୀମ୍।
ପାଣ୍ଡବାନାଂ ଚ ସର୍ବେଷାଂ କରିଷ୍ଯାମି ଧନଞ୍ଜଯ'॥ 2-3-2 (11329)
ଉତ୍ତରେଣ ତୁ କୈଲାସଂ ମୈନାକଂ ପର୍ବତଂ ପ୍ରତି।
ଯିଯକ୍ଷମାଣେଷୁ ପୁରା ଦାନବେଷୁ ମଯା କୃତମ୍॥ 2-3-3 (11330)
ଚିତ୍ରଂ ମଣିମଯଂ ଭାଣ୍ଡଂ ରମ୍ଯଂ ବିନ୍ଦୁସାରଃ ପ୍ରତି।
ସଭାଯାଂ ସତ୍ଯସନ୍ଧସ୍ଯ ଯଦାସୀଦ୍ବୃଷପର୍ବଣଃ॥ 2-3-4 (11331)
ଆଗମିଷ୍ଯାମି ତଦ୍ଗୃହ୍ଯ ଯଦି ତିଷ୍ଠତି ଭାରତ।
ତତଃ ସଭାଂ କରିଷ୍ଯାମି ପାଣ୍ଡବସ୍ଯ ଯଶସ୍ବିନୀମ୍॥ 2-3-5 (11332)
ମନଃ ପ୍ରହ୍ଲାଦିନୀଂ ଚିତ୍ରାଂ ସର୍ବରତ୍ନବିଭୂଷିତାମ୍।
ଅସ୍ତି ବିନ୍ଦୁସାରସ୍ଯୁଗ୍ରା ଗଦା ଚ କୁରୁନନ୍ଦନ॥ 2-3-6 (11333)
ନିହିତା ଯୌବନାଶ୍ବେନ ରାଜ୍ଞା ହତ୍ବା ରଣେ ରିପୂନ୍।
ସୁବର୍ଣବିନ୍ଦୁଭିଶ୍ଚିତ୍ରା ଗୁର୍ବୀ ଭାରସହା ଦୃଢା॥ 2-3-7 (11334)
ସା ବୈ ଶତସହସ୍ରସ୍ଯ ସମ୍ମିତା ଶତ୍ରୁଘାତିନୀ।
ଅନୁରୂପା ଚ ଭୀମସ୍ଯ ଗାଣ୍ଡୀବଂ ଭବତୋ ଯଥା॥ 2-3-8 (11335)
ବାରୁଣଶ୍ଚ ମହାଶଙ୍ଖୋ ଦେବଦତ୍ତଃ ସୁଘୋଷବାନ୍।
ସର୍ବମେତତ୍ପ୍ରଦାସ୍ଯାମି ଭବତେ ନାତ୍ର ସଂଶଯଃ॥ 2-3-9 (11336)
ବୈଶମ୍ପାଯନ ଉବାଚ। 2-3-10x (1383)
ଇତ୍ଯୁକ୍ତ୍ବା ସୋଽସୁରଃ ପାର୍ଥଂ ପ୍ରାଗୁଦୀଚୀଂ ଦିଶଂ ଗତଃ।
ଅଥୋତ୍ତରେଣ କୈଲାସାନ୍ମୈନାକଂ ପର୍ବତଂ ପ୍ରତି॥ 2-3-10 (11337)
ହିରଣ୍ଯଶୃଙ୍ଗଃ ସୁମହାନ୍ମହାମଣିମଯୋ ଗିରିଃ।
ରମ୍ଯଂ ବିନ୍ଦୁସରୋ ନାମ ଯତ୍ର ରାଜା ଭଗୀରଥଃ॥ 2-3-11 (11338)
ଦ୍ରୁଷ୍ଟୁଂ ଭାଗୀରଥୀଂ ଗଙ୍ଗାମୁବାସ ବହୁଲାଃ ସମାଃ।
ଯତ୍ରେଷ୍ଟଂ ସର୍ବଭୂତାନାମୀଶ୍ବରେଣ ମହାତ୍ମନା॥ 2-3-12 (11339)
ଆହୃତାଃ କ୍ରତବୋ ମୁଖ୍ଯାଃ ଶତଂ ଭରତସତ୍ତମ।
ଯତ୍ର ଯୂପା ମଣିମଯାଶ୍ଚୈତ୍ଯାଶ୍ଚାପି ହିରଣ୍ମଯାଃ॥ 2-3-13 (11340)
ଶୋଭାର୍ଥଂ ବିହିତାସ୍ତତ୍ର ନ ତୁ ଦୃଷ୍ଟାନ୍ତତଃ କୃତାଃ।
ଯତ୍ରେଷ୍ଟ୍ବା ସ ଗତଃ ସିଦ୍ଧିଂ ସହସ୍ରାକ୍ଷଃ ଶଚୀପତିଃ॥ 2-3-14 (11341)
ଯତ୍ର ଭୂତପତିଃ ସୃଷ୍ଟ୍ବା ସର୍ବାଁଲ୍ଲୋକାନ୍ସନାତନଃ।
ଅପସ୍ଯତେ ତିଗ୍ମତେଜାଃ ସ୍ଥିତୋ ଭୂତୈଃ ସହସ୍ରଶଃ॥ 2-3-15 (11342)
ନରନାରାଯଣୌ ବ୍ରହ୍ମା ଯମଃ ସ୍ଥାଣୁଶ୍ଚ ପଞ୍ଚମଃ।
ଉପାସତେ ଯତ୍ର ପରଂ ସହସ୍ରଯୁଗପର୍ଯଯେ॥ 2-3-16 (11343)
ଯତ୍ରେଷ୍ଟଂ ବାସୁଦେବେନ ସତ୍ତ୍ରୈର୍ବର୍ଷଗଣାନ୍ବହୂନ୍।
ଶ୍ରଦ୍ଦଧାନେନ ସତତଂ ଧର୍ମସମ୍ପ୍ରତିପତ୍ତଯେ॥ 2-3-17 (11344)
ସୁବର୍ଣମାଲିନୋ ଯୂପାଶ୍ଚୈତ୍ଯାଶ୍ଚାପ୍ଯତିଭାସ୍ବରାଃ।
ଦଦୌ ଯତ୍ର ସହସ୍ରାଣି ପ୍ରଯୁତାନି ଚ କେଶବଃ॥ 2-3-18 (11345)
ତତ୍ର ଗତ୍ବା ସ ଜଗ୍ରାହ ଗଦାଂ ଶଙ୍ଖଂ ଚ ଭାରତ।
`ତସ୍ମାଦ୍ଗିରେରୁପାଦାଯ ଶିଲାଃ ସୁରୁଚିରାବହାଃ'।
ସ୍ଫାଟିକଂ ଚ ସଭାଦ୍ରବ୍ଯଂ ଯଦାସୀଦ୍ବୃଷପର୍ବଣଃ॥ 2-3-19 (11346)
କିଙ୍କରୈଃ ସହ ରକ୍ଷୋଭିର୍ଯଦରକ୍ଷନ୍ମହଦ୍ଧନମ୍।
ତଦଗୃହ୍ଣାନ୍ମଯସ୍ତତ୍ର ଗତ୍ବା ସର୍ବଂ ମହାଽସୁରଃ॥ 2-3-20 (11347)
ତଦାହୃତ୍ଯ ଚ ତାଂ ଚକ୍ରେ ସୋଽସୁରୋଽପ୍ରତିମାଂ ସଭାମ୍।
ବିଶ୍ରୁତାଂ ତ୍ରିଷୁ ଲୋକେଷୁ ଦିବ୍ଯାଂ ମଣିମଯୀଂ ଶୁଭାମ୍॥ 2-3-21 (11348)
ଗଦାଂ ଚ ଭୀମସେନାଯ ପ୍ରବରାଂ ପ୍ରଦଦୌ ତଦା।
ଦେବଦତ୍ତଂ ଚାର୍ଜୁନାଯ ଶଙ୍ଖପ୍ରବରମୁତ୍ତମମ୍॥ 2-3-22 (11349)
ଯସ୍ଯ ଶଙ୍ଖସ୍ଯ ନାଦେନ ଭୂତାନି ପ୍ରଚକମ୍ପିରେ।
`ସ କାଲଂ କଞ୍ଚିଦାଶ୍ବସ୍ଯ ବିଶ୍ବକର୍ମା ବିଚିନ୍ତ୍ଯ ଚ॥ 2-3-23 (11350)
ସଭାଂ ପ୍ରଚକ୍ରମେ କର୍ତୁଂ ପାଣ୍ଡବାନାଂ ମହାତ୍ମନାମ୍।
ଅଭିପ୍ରାଯେଣ ପାର୍ଥାନାଂ କୃଷ୍ଣସ୍ଯ ଚ ମହାତ୍ମନଃ॥ 2-3-24 (11351)
ସର୍ବର୍ତୁଗୁଣସମ୍ପନ୍ନାଂ ଦିବ୍ଯରୂପାମଲଙ୍କୃତାମ୍।
ତର୍ପଯିତ୍ବା ଦ୍ବିଜଶ୍ରେଷ୍ଠାନ୍ପାଯସେନ ସହସ୍ରଶଃ।
ସଭା ଚ ସା ମହାରାଜ ଶାତକୁମ୍ଭମଯଦ୍ରୁମା॥ 2-3-25 (11352)
ଦଶକିଷ୍କୁସହସ୍ରାଣି ସମନ୍ତାଦାଯତାଭବତ୍।
ଯଥା ବହ୍ନେର୍ଯଥାର୍କସ୍ଯ ସୋମସ୍ଯ ଚ ଯଥା ସଭା॥ 2-3-26 (11353)
ଭ୍ରାଜମାନା ତଥାଽତ୍ଯର୍ଥଂ ଦଧାର ପରମଂ ବପୁଃ।
ଅଭିଘ୍ନତୀବ ପ୍ରଭଯା ପ୍ରଭାମର୍କସ୍ଯ ଭାସ୍ବରାମ୍॥ 2-3-27 (11354)
ପ୍ରବଭୌ ଜ୍ବଲମାନେବ ଦିବ୍ଯା ଦିବ୍ଯେନ ବର୍ଚସା।
ନବମେଘପ୍ରତୀକାଶା ଦିବମାକୃତ୍ଯ ବିଷ୍ଠିତା।
ଆଯତା ବିପୁଲା ରମ୍ଯା ବିପାପ୍ମା ବିଗତକ୍ଲମା ॥ 2-3-28 (11355)
ଉତ୍ତମଦ୍ରବ୍ଯସମ୍ପନ୍ନା ରତ୍ନପ୍ରାକାରତୋରଣା।
ବହୁଚିତ୍ରା ବହୁଧନା ସୁକୃତା ବିଶ୍ବକର୍ମଣା॥ 2-3-29 (11356)
ନ ଦାଶାର୍ହୀ ସୁଧର୍ମା ବା ବ୍ରହ୍ମଣୋ ବାଥ ତାଦୃଶୀ।
ସଭା ରୂପେଣ ସମ୍ପନ୍ନା ଯାଂ ଚକ୍ରେ ମତିମାନ୍ମଯଃ॥ 2-3-30 (11357)
ତାଂ ସ୍ମ ତତ୍ର ମଯେନୋକ୍ତା ରକ୍ଷନ୍ତି ଚ ବହନ୍ତି ଚ।
ସଭାମଷ୍ଟୌ ସହସ୍ରାଣି କିଙ୍କରା ନାମ ରାକ୍ଷସାଃ॥ 2-3-31 (11358)
ଅନ୍ତରିକ୍ଷଚରା ଘୋରା ମହାକାଯା ମହାବଲାଃ।
ରକ୍ତାକ୍ଷାଃ ପିଙ୍ଗଲାକ୍ଷାଶ୍ଚ ଶୁକ୍ତିକର୍ଣାଃ ପ୍ରହାରିଣଃ॥ 2-3-32 (11359)
ତସ୍ଯାଂ ସଭାଯାଂ ନଲିନୀଂ ଚକାରାପ୍ରତିମାଂ ମଯଃ।
ବୈଦୂର୍ଯପତ୍ରବିତତାଂ ମଣିନାଲମଯାମ୍ବୁଜାମ୍॥ 2-3-33 (11360)
ପଦ୍ମସୌଗନ୍ଧିକବତୀଂ ନାନାଦ୍ବିଜଗଣାଯୁତାମ୍।
ପୁଷ୍ପିତୈଃ ପଙ୍କଜୈଶ୍ଚିତ୍ରାଂ କୂର୍ମୈର୍ମତ୍ସ୍ଯୈଶ୍ଚ କାଞ୍ଚନୈଃ।
ଚିତ୍ରସ୍ଫଟିକସୋପାନାଂ ନିଷ୍ପଙ୍କସଲିଲାଂ ଶୁଭାମ୍॥ 2-3-34 (11361)
ମନ୍ଦାନିଲସମୁଦ୍ଧୂତାଂ ମୁକ୍ତାବିନ୍ଦୁଭିରାଚିତାମ୍।
ମହାମଣିଶିଲାପଟ୍ଟବଦ୍ଧପର୍ଯନ୍ତବେଦିକାମ୍॥ 2-3-35 (11362)
ମଣିରତ୍ନଚିତାଂ ତାଂ ତୁ କେଚିଦଭ୍ଯେତ୍ଯ ପାର୍ଥିବାଃ।
ଦୃଷ୍ଟ୍ବାପି ନାଭ୍ଯଜାନନ୍ତ ତେଽଜ୍ଞାନାତ୍ପ୍ରପତନ୍ତ୍ଯୁତ ॥ 2-3-36 (11363)
ତାଂ ସଭାମଭିତୋ ନିତ୍ଯଂ ପୁଷ୍ପବନ୍ତୋ ମହାଦ୍ରୁମାଃ।
ଆସନ୍ନାନାବିଧା ଲୋଲାଃ ଶୀତଚ୍ଛାଯା ମନୋରମାଃ॥ 2-3-37 (11364)
କାନନାନି ସୁଗନ୍ଧୀନି ପୁଷ୍କରିଣ୍ଯଶ୍ଚ ସର୍ବଶଃ।
ହଂସକାରଣ୍ଡବୋପେତାଶ୍ଚକ୍ରବାକୋପଶୋଭିତାଃ॥ 2-3-38 (11365)
ଜଲଜାନାଂ ଚ ପଦ୍ମାନାଂ ସ୍ଥଲଜାନାଂ ଚ ସର୍ବଶଃ।
ମାରୁତୋ ଗନ୍ଧମାଦାଯ ପାଣ୍ଡବାନ୍ସ୍ମ ନିଷେବତେ॥ 2-3-39 (11366)
ଈଦୃଶୀଂ ତାଂ ସଭାଂ କୃତ୍ବା ମାସୈଃ ପରିଚତୁର୍ଦଶୈଃ।
ନିଷ୍ଠିତାଂ ଧର୍ମରାଜାଯ ମଯୋ ରାଜନ୍ନ୍ଯବେଦଯତ୍॥ ॥ 2-3-40 (11367)
ଇତି ଶ୍ରୀମନ୍ମହାଭାରତେ ସଭାପର୍ବଣି ତୃତୀଯୋଽଧ୍ଯାଯଃ॥ 3॥
ସଭାପର୍ବ - ଅଧ୍ଯାଯ 004
॥ ଶ୍ରୀଃ ॥
2.4. ଅଧ୍ଯାଯଃ 004
Mahabharata - Sabha Parva - Chapter Topics
ବ୍ରାହ୍ମଣାନ୍ଭୋଜଯିତ୍ବା ଯୁଧିଷ୍ଠିରସ୍ଯ ସଭାପ୍ରବେଶଃ॥1॥ ଋଷୀଣାଂ କ୍ଷତ୍ରିଯାଣାଂ ଦେବଗନ୍ଧର୍ବାଦୀନାଂ ଚ ତତ୍ରୋପବେଶନମ୍॥ 2॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
`ତାଂ ତୁ କୃତ୍ବା ସଭାଂ ଶ୍ରେଷ୍ଠାଂ ମଯଶ୍ଚାର୍ଜୁନମବ୍ରବୀତ୍।
ଭୂତାନାଂ ଚ ମହାବୀର୍ଯୋ ଧ୍ବଜାଗ୍ରେ କିଙ୍କରୋ ଗଣଃ॥ 2-4-1 (11368)
ତବ ବିଷ୍ଫାରଘୋଷେଣ ମେଘବନ୍ନିନଦିଷ୍ଯତି।
ଅଯଂ ହି ସୂର୍ଯସଙ୍କାଶୋ ଜ୍ବଲନସ୍ଯ ରଥୋ ମହାନ୍॥ 2॥ 2-4-2 (11369)
ଇମେ ଚ ଦିବିଜାଃ ଶ୍ବେତା ବୀର୍ଯବନ୍ତୋ ହଯୋତ୍ତମାଃ।
ମାଯାମଯଃ କୃତୋ ହ୍ଯେଷ ଧ୍ବଜୋ ବାନରଲକ୍ଷଣଃ॥ 2-4-3 (11370)
ଅସଜ୍ଜମାନୋ ବୃକ୍ଷେଷୁ ଧୂମକେତୁରିବୋଚ୍ଛ୍ରିତଃ।
ବହୁବର୍ଣଂ ହି ଲକ୍ଷ୍ଯେତ ଧ୍ବଜଂ ବାନରଲକ୍ଷଣମ୍॥ 2-4-4 (11371)
ଧ୍ବଜୋତ୍କଟଂ ହ୍ଯନବମଂ ଯୁଦ୍ଧେ ଦ୍ରକ୍ଷ୍ଯସି ବିଷ୍ଠିତମ୍।
ଏବ ବୀରଃ ସବ୍ଯସାଚିନ୍ଧ୍ବଜସ୍ଯାନ୍ତେ ଭବିଷ୍ଯତି॥ 2-4-5 (11372)
ବୈଶମ୍ପାଯନ ଉବାଚ। 2-4-6x (1384)
ଇତ୍ଯୁକ୍ତ୍ବାଽଽଲିଙ୍ଗ୍ଯ ବୀଭତ୍ସୁଂ ବିସୃଷ୍ଟଃ ପ୍ରଯଯୌ ମଯଃ'। 2-4-6 (11373)
ତତଃ ପ୍ରବେଶନଂ ତସ୍ଯାଂ ଚକ୍ରେ ରାଜା ଯୁଧିଷ୍ଠିରଃ।
ଅଯୁତଂ ଭୋଜଯିତ୍ବା ତୁ ବ୍ରାହ୍ମଣାନାଂ ନରାଧିପଃ॥ 2-4-7 (11374)
ସାଜ୍ଯେନ ପାଯସେନୈବ ମଧୁନା ମିଶ୍ରିତେନ ଚ।
ଭକ୍ଷ୍ଯୈର୍ମୂଲୈଃ ଫଲୈଶ୍ଚୈବ ମାଂସୈର୍ବାରାହହାରିଣୈଃ।
କୃସରେଣାଥ ଜୀବନ୍ତ୍ଯା ହବିଷ୍ଯେଣ ଚ ସର୍ବଶଃ॥ 2-4-8 (11375)
ମାଂସପ୍ରକାରୈର୍ବିବିଧୈଃ ଖାଦ୍ଯୈଶ୍ଚାପି ତଥା ନୃପ।
ଚୋଷ୍ଯୈଶ୍ଚ ବିବିଧୈ ରାଜନ୍ପେଯୈଶ୍ଚ ବହୁବିସ୍ତରୈଃ॥ 2-4-9 (11376)
ଅହତୈଶ୍ଚୈବ ବାସୋଭିର୍ମାଲ୍ଯୈରୁଚ୍ଚାବଚୈରପି।
ତର୍ପଯାମାସ ବିପ୍ରେନ୍ଦ୍ରାନ୍ନାନାଦିଗ୍ଭ୍ଯଃ ସମାଗତାନ୍॥ 2-4-10 (11377)
ଦଦୌ ତେଭ୍ଯଃ ସହସ୍ରାଣି ଗବାଂ ପ୍ରତ୍ଯେକଶଃ ପୁନଃ।
ପୁଣ୍ଯାହଘୋଷସ୍ତତ୍ରାସୀଦ୍ଦିବସ୍ପୃଗିବ ଭାରତ॥ 2-4-11 (11378)
ବାଦିତ୍ରୈର୍ବିବିଧୈର୍ଦିବ୍ଯୈର୍ଗନ୍ଧୈରୁଚ୍ଚାବଚୈରପି।
ପୂଜଯିତ୍ବା କୁରୁଶ୍ରେଷ୍ଠୋ ଦେବତାନି ନିବେଶ୍ଯ ଚ॥ 2-4-12 (11379)
ତତ୍ର ମଲ୍ଲା ନଟା ଝଲ୍ଲାଃ ସୂତା ବୈତାଲିକାସ୍ତଥା।
ଉପତସ୍ଥୁର୍ମହାତ୍ମାନଂ ଧର୍ମପୁତ୍ରଂ ଯୁଧିଷ୍ଠିରମ୍॥ 2-4-13 (11380)
ତଥା ସ କୃତ୍ବା ପୂଜାଂ ତାଂ ଭ୍ରାତୃଭିଃ ସହ ପାଣ୍ଡବଃ।
ତସ୍ଯାଂ ସଭାଯାଂ ରମ୍ଯାଯାଂ ରେମେ ଶକ୍ରୋ ଯଥା ଦିବି॥ 2-4-14 (11381)
ସଭାଯାମୃଷଯସ୍ତସ୍ଯାଂ ପାଣ୍ଡବୈଃ ସହ ଆସତେ।
ଆସାଞ୍ଚକ୍ରୁର୍ନରେନ୍ଦ୍ରାଶ୍ଚ ନାନାଦେଶସମାଗତାଃ॥ 2-4-15 (11382)
ଅସିତୋ ଦେବଲଃ ସତ୍ଯଃ ସର୍ପିର୍ମାଲୀ ମହାଶିରାଃ।
ଅର୍ବା ବସୁଃ ସୁମିତ୍ରଶ୍ଚ ମୈତ୍ରେଯଃ ଶୁନକୋ ବଲିଃ॥ 2-4-16 (11383)
ବକୋ ଦାଲ୍ଭ୍ଯଃ ସ୍ଥୂଲଶିରାଃ କୃଷ୍ଣଦ୍ବୈପାଯନଃ ଶୁକଃ।
ସୁମନ୍ତୁର୍ଜୈମିନିଃ ପୈଲୋ ବ୍ଯାସଶିଷ୍ଯାସ୍ତଥା ବଯମ୍ ॥ 2-4-17 (11384)
ତିତ୍ତିରିର୍ଯାଜ୍ଞବଲ୍କ୍ଯଶ୍ଚ ସସୁତୋ ରୋମହର୍ଷଣଃ।
ଅପ୍ସୁହୋମ୍ଯଶ୍ଚ ଧୌମ୍ଯଶ୍ଚ ଅଣୀମାଣ୍ଡବ୍ଯକୌଶିକୌ॥ 2-4-18 (11385)
ଦାମୋଷ୍ଣୀପସ୍ତ୍ରୈବଲୀଶ୍ଚ ପର୍ଣାଦୋ ଘଟଜାନୁକଃ।
ମୌଞ୍ଜାଯନୋ ବାଯୁଭକ୍ଷଃ ପାରାଶର୍ଯଶ୍ଚ ସାରିକଃ॥ 2-4-19 (11386)
ବଲିବାକଃ ସିନୀବାକଃ ସପ୍ତପାଲଃ କୃତଶ୍ରମଃ।
ଜାତୂକର୍ଣଃ ଶିଖାବାଂଶ୍ଚ ଆଲମ୍ବଃ ପାରିଜାତକଃ॥ 2-4-20 (11387)
ପର୍ବତଶ୍ଚ ମହାଭାଗୋ ମାର୍କଣ୍ଡେଯୋ ମହାମୁନିଃ।
ପବିତ୍ରପାଣିଃ ସାବର୍ଣୋ ଭାଲୁକିର୍ଗାଲବସ୍ତଥା॥ 2-4-21 (11388)
ଜଙ୍ଘାବନ୍ଧୁଶ୍ଚ ରୈଭ୍ଯଶ୍ଚ କୋପବେଗସ୍ତଥା ଭୃଗୁଃ।
ହରିବଭ୍ରୁଶ୍ଚ କୌଣ୍ଡିନ୍ଯୋ ବଭ୍ରୁମାଲୀ ସନାତନଃ॥ 2-4-22 (11389)
କାକ୍ଷୀବାନୌଶିଜଶ୍ଚୈବ ନାଚିକେତୋଽଥ ଗୌତମଃ।
ପୈଙ୍ଗ୍ଯୋ ବରାହଃ ଶୁନକଃ ଶାଣ୍ଡିଲ୍ଯଶ୍ଚ ମହାତପାଃ॥ 2-4-23 (11390)
କୁକ୍କୁରୋ ବେଣୁଜଙ୍ଘୋଽଥ କାଲାପଃ କଠ ଏବ ଚ।
ମୁନଯୋ ଧର୍ମବିଦ୍ବାଂସୋ ଧୃତାତ୍ମାନୋ ଜିତେନ୍ଦ୍ରିଯାଃ॥ 2-4-24 (11391)
ଏତେ ଚାନ୍ଯେ ଚ ବହବୋ ବେଦବେଦାଙ୍ଗପାରଗାଃ।
ଉପାସତେ ମହାତ୍ମାନଂ ସଭାଯାମୃଷିସତ୍ତମାଃ॥ 2-4-25 (11392)
କଥଯନ୍ତଃ କଥାଃ ପୁଣ୍ଯା ଧର୍ମଜ୍ଞାଃ ଶୁଚଯୋଽମଲାଃ।
ତଥୈବ କ୍ଷତ୍ରିଯଶ୍ରେଷ୍ଠା ଧର୍ମରାଜମୁପାସତେ॥ 2-4-26 (11393)
ଶ୍ରୀମାନ୍ମହାତ୍ମା ଧର୍ମାତ୍ମା ମୁଞ୍ଜକେତୁର୍ବିବର୍ଧନଃ।
ସଙ୍ଗ୍ରାମଜିଦ୍ଦୁର୍ମୁଖଶ୍ଚ ଉଗ୍ରସେନଶ୍ଚ ବୀର୍ଯବାନ୍। 2-4-27 (11394)
କକ୍ଷସେନଃ କ୍ଷିତିପତିଃ କ୍ଷେମକଶ୍ଚାପରାଜିତଃ।
କମ୍ବୋଜରାଜଃ କମଠଃ କମ୍ପନଶ୍ଚ ମହାବଲଃ॥ 2-4-28 (11395)
ସତତଂ କମ୍ପଯାମାସ ଯବନାନେକ ଏବ ଯଃ।
ବଲପୌରୁଷସମ୍ପନ୍ନାନ୍କୃତାସ୍ତ୍ରାନମିତୌଜସଃ।
ଯଥାଽସୁରାନ୍କାଲକେଯାନ୍ଦେବୋ ବଜ୍ରଧରସ୍ତଥା॥ 2-4-29 (11396)
ଜଟାସୁରୋ ମଦ୍ରକାନାଂ ଚ ରାଜା
କୁନ୍ତିଃ ପୁଲିନ୍ଦଶ୍ଚ କିରାତରାଜଃ।
ତଥାଙ୍ଗବାଙ୍ଗୌ ସହପୁଣ୍ଡ୍ରକେଣ
ପାଣ୍ଡ୍ଯୋଡ୍ରରାଜୌ ଚ ସହାନ୍ଧ୍ରକେଣ ॥ 2-4-30 (11397)
ଅଙ୍ଗୋ ବଙ୍ଗଃ ସୁମିତ୍ରଶ୍ଚ ଶୈବ୍ଯଶ୍ଚାମିତ୍ରକର୍ଶନଃ।
କିରାତରାଜଃ ସୁମନା ଯବନାଧିପତିସ୍ତଥା॥ 2-4-31 (11398)
ଚାଣୂରୋ ଦେବରାତଶ୍ଚ ଭୋଜୋ ଭୀମରଥଶ୍ଚ ଯଃ।
ଶ୍ରୁତାଯୁଧଶ୍ଚ କାଲିଙ୍ଗୋ ଜଯସେନଶ୍ଚ ମାଗଧଃ॥ 2-4-32 (11399)
ସୁକର୍ମା ଚେକିତାନଶ୍ଚ ପୁରୁଶ୍ଚାମିତ୍ରକର୍ଶନଃ।
କେତୁମାନ୍ବସୁଦାନଶ୍ଚ ବୈଦେହୋଽଥ କୃତକ୍ଷଣଃ॥ 2-4-33 (11400)
ସୁଧର୍ମା ଚାନିରୁଦ୍ଧଶ୍ଚ ଶ୍ରୁତାଯୁଶ୍ଚ ମହାବଲଃ।
ଅନୂପରାଜୋ ଦୁର୍ଧର୍ପଃ କ୍ରମଜିଚ୍ଚ ସୁଦର୍ଶନଃ॥ 2-4-34 (11401)
ଶିଶୁପାଲଃ ସହସୁତଃ କରୂପାଧିପତିସ୍ତଥା।
ବୃଷ୍ଣୀନାଂ ଚୈବ ଦୁର୍ଧର୍ପାଃ କୁମାରା ଦେବରୂପିଣଃ॥ 2-4-35 (11402)
ଆହୁକୋ ବିପୃଥୁଶ୍ଚୈବ ଗଦଃ ସାରଣ ଏବ ଚ।
ଅକ୍ରୂରଃ କୃତବର୍ମା ଚ ସତ୍ଯକଶ୍ଚ ଶିନେଃ ସୁତଃ॥ 2-4-36 (11403)
ଭୀଷ୍ମକୋଽଥାକୃତିଶ୍ଚୈବ ଦ୍ଯୁମତ୍ସେନଶ୍ଚ ବୀର୍ଯବାନ୍।
କେକଯାଶ୍ଚ ମହେଷ୍ବାସା ଯଜ୍ଞସେନଶ୍ଚ ସୋମକିଃ॥ 2-4-37 (11404)
କେତୁମାନ୍ବସୁମାଂଶ୍ଚୈବ କୃତାସ୍ତ୍ରଶ୍ଚ ମହାବଲଃ।
ଏତେ ଚାନ୍ଯେ ଚ ବହବଃ କ୍ଷତ୍ରିଯା ମୁଖ୍ଯସଂମତାଃ। 2-4-38 (11405)
ଉପାସତେ ସଭାଯାଂ ସ୍ମ କୁନ୍ତୀପୁତ୍ରଂ ଯୁଧିଷ୍ଠିରମ୍।
ଅର୍ଜୁନଂ ଯେ ବ ସଂଶ୍ରିତ୍ଯ ରାଜପୁତ୍ରା ମହାବଲାଃ॥ 2-4-39 (11406)
ଅଶିକ୍ଷନ୍ତ ଧନୁର୍ବେଦଂ ରୌରବାଜିନବାସସଃ।
ତତ୍ରୈବ ଶିକ୍ଷିତା ରାଜନ୍କୁମାରା ବୃଷ୍ଣିନନ୍ଦନାଃ। 2-4-40 (11407)
ରୌକ୍ମିଣେଯଶ୍ଚ ସାମ୍ବଶ୍ଚ ଯୁଯୁଧାନଶ୍ଚ ସାତ୍ଯକିଃ।
ସୁଧର୍ମା ଚାନିରୁଦ୍ଧଶ୍ଚ ଶୈବ୍ଯଶ୍ଚ ନରପୁଙ୍ଗବଃ॥ 2-4-41 (11408)
ଏତେ ଚାନ୍ଯେ ଚ ବହବୋ ରାଜାନଃ ପୃଥିବୀପତେ।
ଧନଞ୍ଜଯସଖା ଚାତ୍ର ନିତ୍ଯମାସ୍ତେ ସ୍ମ ତୁମ୍ବୁରୁଃ॥ 2-4-42 (11409)
ଉପାସତେ ମହାତ୍ମାନମାସୀନଂ ସପ୍ତବିଂଶତିଃ।
ଚିତ୍ରସେନଃ ସହାମାତ୍ଯୋ ଗନ୍ଧର୍ବାପ୍ସରସସ୍ତଥା॥ 2-4-43 (11410)
ଗୀତବାଦିତ୍ରକୁଶଲାଃ ସାମ୍ଯତାଲବିଶାରଦାଃ।
ପ୍ରମାଣୋଽଥ ଲଯେ ସ୍ଥାନେ କିନ୍ନରାଃ କୃତନିଶ୍ରମାଃ॥ 2-4-44 (11411)
ସଞ୍ଚୋଦିତାସ୍ତୁମ୍ବୁରୁଣା ଗନ୍ଧର୍ବସହିତାସ୍ତଦା।
ଗାଯନ୍ତି ଦିବ୍ଯତାନୈସ୍ତେ ଯଥାନ୍ଯାଯଂ ମନସ୍ବିନଃ॥ 2-4-45 (11412)
ପାଣ୍ଡୁପୁତ୍ରାନୃଷୀଂଶ୍ଚୈବ ରମଯନ୍ତ ଉପାସତେ।
ତସ୍ଯାଂ ସଭାଯାମାସୀନାଃ ସୁବ୍ରତାଃ ସତ୍ଯସଙ୍ଗରାଃ॥ 2-4-46 (11413)
ଦିବୀବ ଦେବା ବ୍ରହ୍ମାଣଂ ଯୁଧିଷ୍ଠିରମୁପାସତେ॥ ॥ 2-4-47 (11414)
ଇତି ଶ୍ରୀମନ୍ମହାଭାରତେ ସଭାପର୍ବଣି ମନ୍ତ୍ରପର୍ବଣି ଚତୁର୍ଥୋଽଧ୍ଯାଯଃ॥ 4॥
Mahabharata - Sabha Parva - Chapter Footnotes
2-4-29 କାଲକେଯାଃ କାଲକାଯା ଅପତ୍ଯାନ୍ଯସୁରାଃ॥ସଭାପର୍ବ - ଅଧ୍ଯାଯ 005
॥ ଶ୍ରୀଃ ॥
2.5. ଅଧ୍ଯାଯଃ 005
Mahabharata - Sabha Parva - Chapter Topics
ତତ୍ରାଗତେନ ଯୁଧିଷ୍ଠିରପୂଜିତେନ ନାରଦେନ କୁଶଲପ୍ରଶ୍ନବ୍ଯାଜେନ ରାଜନୀତିକଥନମ୍॥ 1॥Mahabharata - Sabha Parva - Chapter Text
ବୈଶମ୍ପାଯନ ଉବାଚ।
ଅଥ ତତ୍ରୋପବିଷ୍ଟେଷୁ ପାଣ୍ଡବେଷୁ ମହାତ୍ମସୁ।
ମହତ୍ସୁ ଚୋପବିଷ୍ଟେଷୁ ଗନ୍ଧର୍ବେଷୁ ଚ ଭାରତ॥ 2-5-1 (11415)
ବେଦୋପନିଷଦାଂ ବେତ୍ତା ଋଷିଃ ସୁରଗଣାର୍ଚିତଃ।
ଇତିହାସପୁରାଣଜ୍ଞଃ କ୍ରିଯାକଲ୍ପବିଶେଷବିତ୍॥ 2-5-2 (11416)
`ସ୍ତୁତସ୍ତୋମଗ୍ରହସ୍ତୋଭପଦକ୍ରମବିଭାଗବିତ୍।
ଶିକ୍ଷାକ୍ଷରବିଭାଗଜ୍ଞଃ ପୁରାକଲ୍ପବିଶେଷବିତ୍॥ 2-5-3 (11417)
ଆଦିକଲ୍ପାର୍ଥବେତ୍ତା ଚ କଲ୍ପସୂତ୍ରାର୍ଥତତ୍ତ୍ବବିତ୍।
ବ୍ରହ୍ମଚର୍ଯବ୍ରତପର ଊହାପୋହବିଶାରଦଃ॥ 2-5-4 (11418)
ନୃତ୍ତଗାନ୍ଧର୍ବସେବୀ ଚ ସର୍ବତ୍ରାପ୍ରତିମସ୍ତଥା।
ଅଷ୍ଟାଦଶାନାଂ ବିଦ୍ଯାନାଂ କୋଶଭୂତୋ ମହାଦ୍ଯୁତିଃ'॥ 2-5-5 (11419)
ନ୍ଯାଯବିଦ୍ଧର୍ମତତ୍ତ୍ବଜ୍ଞଃ ଷଡଙ୍ଗବିଦନୁତ୍ତମଃ।
ଐକ୍ଯସଂଯୋଗନାନାତ୍ବସମବାଯବିଶାରଦଃ॥ 2-5-6 (11420)
ବକ୍ତା ପ୍ରଗଲ୍ଭୋ ମେଧାବୀ ସ୍ମୃତିମାନ୍ନଯବିତ୍କବିଃ।
ପରାପରବିଭାଗଜ୍ଞଃ ପ୍ରମାଣକୃତନିଶ୍ଚଯଃ॥ 2-5-7 (11421)
ପଞ୍ଚାବଯବଯୁକ୍ତସ୍ଯ ବାକ୍ଯସ୍ଯ ଗୁଣଦୋଷବିତ୍।
ଉତ୍ତରୋତ୍ତରବକ୍ତା ଚ ବଦତୋପି ବୃହସ୍ପତେଃ॥ 2-5-8 (11422)
ଧର୍ମକାମାର୍ଥମୋକ୍ଷେଷୁ ଯଥାବତ୍କୃତନିଶ୍ଚଯଃ।
ତଥା ଭୁବନକୋଶସ୍ଯ ସର୍ବସ୍ଯାସ୍ଯ ମହାମତିଃ॥ 2-5-9 (11423)
ପ୍ରତ୍ଯକ୍ଷଦର୍ଶୀ ଲୋକସ୍ଯ ତିର୍ଯଗୂର୍ଧ୍ବମଧସ୍ତଥା।
ସାଙ୍ଖ୍ଯଯୋଗବିଭାଗଜ୍ଞୋ ନିର୍ବିବିତ୍ସୁଃ ସୁରାସୁରାନ୍॥ 2-5-10 (11424)
ସନ୍ଧିବିଗ୍ରହତତ୍ତ୍ବଜ୍ଞସ୍ତ୍ବନୁମାନବିଭାଗବିତ୍।
ଷାଙ୍ଗୁଣ୍ଯବିଧିଯୁକ୍ତଶ୍ଚ ସର୍ବଶାସ୍ତ୍ରବିଶାରଦଃ॥ 2-5-11 (11425)
ଯୁଦ୍ଧଗାନ୍ଧର୍ବସେବୀ ଚ ସର୍ବତ୍ରାପ୍ରତିଘସ୍ତଥା।
ଏତୈଶ୍ଚାନ୍ଯୈଶ୍ଚ ବହୁଭିର୍ଯୁକ୍ତୋ ଗୁଣଗଣୈର୍ମୁନିଃ॥ 2-5-12 (11426)
ଲୋକାନନୁଚରନ୍ସର୍ବାନାଗମତ୍ତାଂ ସଭାଂ ନୃପ।
ନାରଦଃ ସୁମହାତେଜା ଋଷିଭିଃ ସହିତସ୍ତଦା॥ 2-5-13 (11427)
ପାରିଜାତେନ ରାଜେନ୍ଦ୍ର ପର୍ବତେନ ଚ ଧୀମତା।
ସୁମୁଖେନ ଚ ସୌମ୍ଯେନ ଦେବର୍ଷିରମିତଦ୍ଯୁତିଃ॥ 2-5-14 (11428)
ସଭାସ୍ଥାନ୍ପାଣ୍ଡବାନ୍ଦ୍ରଷ୍ଟୁଂ ପ୍ରୀଯମାଣୋ ମନୋଜବଃ।
ଜଯାଶୀର୍ଭିସ୍ତୁ ତଂ ବିପ୍ରୋ ଧର୍ମରାଜାନମାର୍ଚଯତ୍॥ 2-5-15 (11429)
ତମାଗତମୃଷିଂ ଦୃଷ୍ଟ୍ବା ନାରଦଂ ସର୍ବଧର୍ମବିତ୍।
ସହସା ପାଣ୍ଡବଶ୍ରେଷ୍ଠଃ ପ୍ରତ୍ଯୁତ୍ଥାଯାନୁଜୈଃ ସହ॥ 2-5-16 (11430)
ଅଭ୍ଯବାଦଯତ ପ୍ରୀତ୍ଯା ବିନଯାବନତସ୍ତଦା।
ତଦର୍ହମାସନଂ ତସ୍ମୈ ସମ୍ପ୍ରଦାଯ ଯଥାବିଧି॥ 2-5-17 (11431)
ଗାଂ ଚୈବ ମଧୁପର୍କଂ ଚ ସମ୍ପ୍ରଦାଯାର୍ଘ୍ଯମେବ ଚ।
ଅର୍ଚଯାମାସ ରତ୍ନୈଶ୍ଚ ସର୍ବକାମୈଶ୍ଚ ଧର୍ମବିତ୍॥ 2-5-18 (11432)
ତୁତୋଷ ଚ ଯଥାବଚ୍ଚ ପୂଜାଂ ପ୍ରାପ୍ଯ ଯୁଧିଷ୍ଠିରାତ୍।
ସୋଽର୍ଚିତଃ ପାଣ୍ଡବୈଃ ସର୍ବୈର୍ମହର୍ଷିର୍ବେଦପାରଗଃ।
ଧର୍ମକାମାର୍ଥସଂଯୁକ୍ତଂ ପପ୍ରଚ୍ଛେଦଂ ଯୁଧିଷ୍ଠିରମ୍॥ 2-5-19 (11433)
ନାରଦ ଉବାଚ। 2-5-20x (1385)
କଚ୍ଚିଦର୍ଥାଶ୍ଚ କଲ୍ପନ୍ତେ ଧର୍ମେ ଚ ରମତେ ମନଃ।
ସୁଖାନି ଚାନୁଭୂଯନ୍ତେ ମନଶ୍ଚ ନ ବିହନ୍ଯତେ॥ 2-5-20 (11434)
କଚ୍ଚିଦାଚରିତାଂ ପୂର୍ବୈର୍ନରଦେବପିତାମହୈଃ।
ବର୍ତସେ ବୃତ୍ତିମକ୍ଷୁଦ୍ରାଂ ଧର୍ମାର୍ଥସହିତାଂ ତ୍ରିଷୁ॥ 2-5-21 (11435)
କଚ୍ଚିଦର୍ଥେନ ବା ଧର୍ମଂ ଧର୍ମେଣାର୍ଥମଥାପି ବା।
ଉଭୌ ବା ପ୍ରୀତିସାରେଣ ନ କାମେନ ପ୍ରବାଧସେ॥ 2-5-22 (11436)
କଚ୍ଚିଦର୍ଥଂ ଚ ଧର୍ମଂ ଚ କାମଂ ଚ ଜଯତାଂ ବର।
ବିଭଜ୍ଯ କାଲେ କାଲଜ୍ଞଃ ସଦା ବରଦ ସେବସେ ॥ 2-5-23 (11437)
କଚ୍ଚିଦ୍ରାଜଗୁଣୈଃ ଷଡ୍ଭିଃ ସପ୍ତୋପାଯାଂସ୍ତଥାଽନଘ।
ବଲାବଲଂ ତଥା ସମ୍ଯକ୍ବତୁର୍ଦଶ ପରୀକ୍ଷସେ॥ 2-5-24 (11438)
କଚ୍ଚିଦାତ୍ସାନମର୍ନ୍ବାକ୍ଷ୍ଯ ପରାଂଶ୍ଚ ଜଯତାଂ ବର।
ତଥା ସନ୍ଧାଯ କର୍ମାଣି ଅଷ୍ଟୌ ଭାରତ ସେବସେ॥ 2-5-25 (11439)
କଚ୍ଚିତ୍ପ୍ରକୃତଯଃ ସପ୍ତ ନ ଲୁପ୍ତା ଭରତର୍ଷଭ।
ଆଢ୍ଯାସ୍ତଥା ବ୍ଯସନିନଃ ସ୍ବନୁରକ୍ତାଶ୍ଚ ସର୍ବଶଃ॥ 2-5-26 (11440)
କଚ୍ଚିନ୍ନ କୃତକୈର୍ଦୂତୈର୍ଯେ ଚାପ୍ଯପରିଶଙ୍କିତାଃ।
ତ୍ବତ୍ତୋ ବା ତବ ଚାମାତ୍ଯୈର୍ଭିଦ୍ଯତେ ମନ୍ତ୍ରିତଂ ତଥା॥ 2-5-27 (11441)
ମିତ୍ରୋଦାସୀନଶତ୍ରୂଣାଂ କଚ୍ଚିଦ୍ବେତ୍ସି ଚିକୀର୍ଷିତମ୍।
କଚ୍ଚିତ୍ସନ୍ଧିଂ ଯଥାକାଲଂ ବିଗ୍ରହଂ ଚୋପସେବସେ॥ 2-5-28 (11442)
କଚ୍ଚିଦ୍ବୃତ୍ତିମୁଦାସୀନେ ମଧ୍ଯମେ ଚାନୁମନ୍ଯସେ।
କଚ୍ଚିଦାତ୍ମସମା ବୃଦ୍ଧାଃ ଶୁଦ୍ଧାଃ ସମ୍ବୋଧନକ୍ଷମାଃ॥ 2-5-29 (11443)
କୁଲୀନାଶ୍ଚାନୁରକ୍ତାଶ୍ଚ କୃତାସ୍ତେ ବୀରମନ୍ତ୍ରିଣଃ।
ବିଜଯୋ ମନ୍ତ୍ରମୂଲୋ ହି ରାଜ୍ଞୋ ଭବତି ଭାରତ॥ 2-5-30 (11444)
କଚ୍ଚିତ୍ସଂବୃତମନ୍ତ୍ରୈସ୍ତେ ଅମାତ୍ଯୈଃ ଶାସ୍ତ୍ରକୋବିଦୈଃ।
ରାଷ୍ଟ୍ରଂ ସୁରକ୍ଷିତଂ ତାତ ଶତ୍ରୁଭିର୍ନ ବିଲୁପ୍ଯତେ॥ 2-5-31 (11445)
କଚ୍ଚିନ୍ନିଦ୍ରାବଶଂ ନୈଷି କଚ୍ଚିତ୍କାଲେ ବିବୁଦ୍ଧ୍ଯସେ।
କଚ୍ଚିଚ୍ଚାପରରାତ୍ରେଷୁ ଚିନ୍ତଯସ୍ଯର୍ଥମର୍ଥବିତ୍॥ 2-5-32 (11446)
କଚ୍ଚିନ୍ମନ୍ତ୍ରଯସେ ନୈକଃ କଚ୍ଚିନ୍ନ ବହୁଭିଃ ସହ।
କଚ୍ଚିତ୍ତେ ମନ୍ତ୍ରିତୋ ମନ୍ତ୍ରୋ ନ ରାଷ୍ଟ୍ରଂ ପରିଧାବତି॥ 2-5-33 (11447)
କଚ୍ଚିଦର୍ଥାନ୍ବିନିଶ୍ଚିତ୍ଯ ଲଘୁମୂଲାନ୍ମହୋଦଯାନ୍।
କ୍ଷିପ୍ରମାରଭସେ କର୍ତୁଂ ନ ବିଘ୍ନଯସି ତାଦୃଶାନ୍॥ 2-5-34 (11448)
କଚ୍ଚିନ୍ନ ସ୍ରବେ କର୍ମାନ୍ତାଃ ପରୋକ୍ଷାସ୍ତେ ବିଶଙ୍କିତାଃ।
ସର୍ବେ ବା ପୁନରୁତ୍ସୃଷ୍ଟାଃ ସଂସୃଷ୍ଟଂ ଚାତ୍ର କାରଣମ୍॥ 2-5-35 (11449)
ଆପ୍ତୈରଲୁବ୍ଧୈଃ କ୍ରମିକୈସ୍ତେ ଚ କଚ୍ଚିଦନୁଷ୍ଠିତାଃ।
କଚ୍ଚିଦ୍ରାଜନ୍କୃତାନ୍ଯେବ କୃତପ୍ରାଯାଣି ବା ପୁନଃ॥ 2-5-36 (11450)
ବିଦୁସ୍ତେ ବୀର କର୍ମାଣି ନାନବାପ୍ତାନି କାନିଚିତ୍।
କଚ୍ଚିତ୍କାରଣିକା ଧର୍ମେ ସର୍ବଶାସ୍ତ୍ରେଷୁ କୋବିଦାଃ।
କାରଯନ୍ତି କୁମାରାଂଶ୍ଚ ଯୋଧମୁଖ୍ଯାଂଶ୍ଚ ସର୍ବଶଃ॥ 2-5-37 (11451)
କଚ୍ଚିତ୍ସହସ୍ରୈର୍ମୂର୍ଖାଣାମେକଂ କ୍ରୀଣାସି ପଣ୍ଡିତମ୍।
ପଣ୍ଡିତୋ ହ୍ଯର୍ଥକୃଚ୍ଛ୍ରେଷୁ କୁର୍ଯାନ୍ନଃ ଶ୍ରେଯସଂ ପରମ୍॥ 2-5-38 (11452)
କଚ୍ଚିଦ୍ଦୁର୍ଗାଣି ସର୍ବାଣି ଧନଧାନ୍ଯାଯୁଧୋଦକୈଃ।
ଯନ୍ତ୍ରୈଶ୍ଚ ପରିପୂର୍ଣାନି ତଥା ଶିଲ୍ପିଧନୁର୍ଧରୈଃ॥ 2-5-39 (11453)
ଏକୋପ୍ଯମାତ୍ଯୋ ମେଧାବୀ ଶୂରୋ ଦାନ୍ତୋ ବିଚକ୍ଷଣଃ।
ରାଜାନଂ ରାଜପୁତ୍ରଂ ବା ପ୍ରାପଯେନ୍ମହତୀଂ ଶ୍ରିଯମ୍॥ 2-5-40 (11454)
କଚ୍ଚିଦଷ୍ଟାଦଶାନ୍ଯେଷୁ ସ୍ବପକ୍ଷେ ଦଶ ପଞ୍ଚ ଚ।
ତ୍ରିଭିସ୍ତ୍ରିଭିରବିଜ୍ଞାତୈର୍ବେତ୍ସି ତୀର୍ଥାନି ଚାରକୈଃ॥ 2-5-41 (11455)
କଚ୍ଚିଦ୍ଦ୍ବିଷାମବିଦିତଃ ପ୍ରତିପନ୍ନଶ୍ଚ ସରବଦା।
ନିତ୍ଯଯୁକ୍ତୋ ରିପୂନ୍ସର୍ବାନ୍ବୀକ୍ଷସେ ରିପୁସୂଦନ॥ 2-5-42 (11456)
କଚ୍ଚିଦ୍ବିନଯସମ୍ପନ୍ନଃ କୁଲପୁତ୍ରୋ ବହୁଶ୍ରୁତଃ।
ଅନସୂଯୁରନୁପ୍ରଷ୍ଟା ସତ୍କୃତସ୍ତେ ପୁରୋହିତଃ॥ 2-5-43 (11457)
କଚ୍ଚିଦଗ୍ନିଷୁ ତେ ଯୁକ୍ତୋ ବିଧିଜ୍ଞୋ ମତିମାନୃଜୁଃ।
ହୁତଂ ଚ ହୋଷ୍ଯମାଣଂ ଚ କାଲେ ବେଦଯତେ ସଦା॥ 2-5-44 (11458)
କଚ୍ଚିଦଙ୍ଗେଷୁ ନିଷ୍ଣାତୋ ଜ୍ଯୋତିପଃ ପ୍ରତିପାଦକଃ।
ଉତ୍ପାତେଷୁ ଚ ସର୍ବେଷୁ ଦୈବଜ୍ଞଃ କୁଶଲସ୍ତବ॥ 2-5-45 (11459)
କଚ୍ଚିନ୍ମୁଖ୍ଯା ମହତ୍ସ୍ବେବ ମଧ୍ଯମେଷୁ ଚ ମଧ୍ଯମାଃ।
ଜଘନ୍ଯାଶ୍ଚ ଜଘନ୍ଯେଷୁ ଭୃତ୍ଯାଃ କର୍ମସୁ ଯୋଜିତାଃ॥ 2-5-46 (11460)
ଅମାତ୍ଯାନୁପଧାତୀତାନ୍ପିତୃପୈତାମହାଞ୍ଶୁଚୀନ୍।
ଶ୍ରେଷ୍ଠାଞ୍ଶ୍ରେଷ୍ଠେଷୁ କଚ୍ଚିତ୍ତ୍ବଂ ନିଯୋଜଯସି କର୍ମସୁ॥ 2-5-47 (11461)
କଚ୍ଚିନ୍ନୋଗ୍ରେଣ ଦଣ୍ଡେନ ଭୃଶମୁଦ୍ବିଜସେ ପ୍ରଜାଃ।
ରାଷ୍ଟ୍ରଂ ତବାନୁଶାସନ୍ତି ମନ୍ତ୍ରିଣୋ ଭରତର୍ଷଭ॥ 2-5-48 (11462)
କଚ୍ଚିତ୍ତ୍ବାଂ ନାବଜାନନ୍ତି ଯାଜକାଃ ପତିତଂ ଯଥା।
ଉଗ୍ରପ୍ରତିଗ୍ରହୀତାରଂ କାମଯାନମିବ ସ୍ତ୍ରିଯଃ॥ 2-5-49 (11463)
କଚ୍ଚିଦ୍ଧୃଷ୍ଟଶ୍ଚ ଶୂରଶ୍ଚ ମତିମାନ୍ଧୃତିମାଞ୍ଶୁଚିଃ।
କୁଲୀନଶ୍ଚାନୁରକ୍ତଶ୍ଚ ଦକ୍ଷଃ ସେନାପତିସ୍ତଥା। 2-5-50 (11464)
କଚ୍ଚିଦ୍ବଲସ୍ଯ ତେ ମୁଖ୍ଯାଃ ସର୍ବଯୁଦ୍ଧବିଶାରଦାଃ।
ଧୃଷ୍ଟାବଦାତା ବିକ୍ରାନ୍ତାସ୍ତ୍ବଯା ସତ୍କୃତ୍ଯ ମାନିତାଃ॥ 2-5-51 (11465)
କଚ୍ଚିଦ୍ବଲସ୍ଯ ଭକ୍ତଂ ଚ ବେତନଂ ଚ ଯଥୋଚିତମ୍।
ସମ୍ପ୍ରାପ୍ତକାଲେ ଦାତବ୍ଯଂ ଦଦାସି ନ ବିକର୍ଷସି॥ 2-5-52 (11466)
କାଲାତିକ୍ରମଣାଦେତେ ଭକ୍ତବେତନଯୋର୍ଭୃତାଃ।
ଭର୍ତୁଃ କୁପ୍ଯନ୍ତି ଦୌର୍ଗତ୍ଯାତ୍ସୋଽନର୍ଥଃ ସୁମହାନ୍ସ୍ମୃତଃ॥ 2-5-53 (11467)
କଚ୍ଚିତ୍ସର୍ବେଽନୁରକ୍ତାସ୍ତ୍ବାଂ କୁଲପୁତ୍ରାଃ ପ୍ରଧାନତଃ।
କଚ୍ଚିତ୍ପ୍ରାଣାଂସ୍ତବାର୍ଥେଷୁ ସନ୍ତ୍ଯଜନ୍ତି ସଦା ଯୁଧି॥ 2-5-54 (11468)
କଚ୍ଚିନ୍ନୈକୋ ବହୂନର୍ଥାନ୍ସର୍ବଶଃ ସାମ୍ପରାଯିକାନ୍।
ଅନୁଶାସ୍ତି ଯଥାକାମଂ କାମାତ୍ମା ଶାସନାତିଗଃ॥ 2-5-55 (11469)
କଚ୍ଚିତ୍ପୁରୁଷକାରେଣ ପୁରୁଷଃ କର୍ମ ଶୋଭଯନ୍।
ଲଭତେ ମାନମଧିକଂ ଭୂଯୋ ବା ଭକ୍ତବେତନମ୍॥ 2-5-56 (11470)
କଚ୍ଚିଦ୍ବିଦ୍ଯାବିନୀତାଂଶ୍ଚ ନରାଞ୍ଜ୍ଞାନବିଶାରଦାନ୍।
ଯଥାର୍ହଂ ଗୁଣତଶ୍ଚୈବ ଦାନେନାଭ୍ଯୁପପଦ୍ଯସେ॥ 2-5-57 (11471)
କଚ୍ଚିଦ୍ଦାରାନ୍ମନୁଷ୍ଯାଣାଂ ତବାର୍ଥେ ମୃତ୍ଯୁମୀଯୁଷାମ୍।
ବ୍ଯସନଂ ଚାଭ୍ଯୁପେତାନାଂ ବିଭର୍ଷି ଭରତର୍ଷଭ॥ 2-5-58 (11472)
କଚ୍ଚିଦ୍ଭଯାଦୁପଗତଂ କ୍ଷୀଣଂ ବା ରିପୁମାଗତମ୍।
ଯୁଦ୍ଧେ ବା ବିଜିତଂ ପାର୍ଥ ପୁତ୍ରବତ୍ପରିରକ୍ଷସି॥ 2-5-59 (11473)
କଚ୍ଚିତ୍ତ୍ବମେବ ସର୍ବସ୍ଯାଃ ପୃଥିବ୍ଯାଃ ପୃଥିବୀପତେ।
ସମଶ୍ଚାନଭିଶଙ୍କ୍ଯଶ୍ଚ ଯଥା ମାତା ଯଥା ପିତା॥ 2-5-60 (11474)
କଚ୍ଚିଦ୍ବ୍ଯସନିନଂ ଶତ୍ରୁଂ ନିଶମ୍ଯ ଭରତର୍ଷଭ।
ଅଭିଯାସି ଜବେନୈବ ସମୀକ୍ଷ୍ଯ ତ୍ରିବିଧଂ ବଲମ୍॥ 2-5-61 (11475)
ଯାତ୍ରାମାରଭସେ ଦିଷ୍ଟ୍ଯା ପ୍ରାପ୍ତକାଲମରିନ୍ଦମ।
ପାର୍ଷ୍ଣିମୂଲଂ ଚ ବିଜ୍ଞାଯ ବ୍ଯବସାଯଂ ପରାଜଯମ୍॥ 2-5-62 (11476)
ବଲସ୍ଯ ଚ ମହାରାଜ ଦତ୍ତ୍ବା ବେତନମଗ୍ରତଃ।
କଚ୍ଚିଚ୍ଚ ବଲମୁଖ୍ଯେଭ୍ଯଃ ପରରାଷ୍ଟ୍ରେ ପରନ୍ତପ।
ଉପଚ୍ଛନ୍ନାନି ରତ୍ନାନି ପ୍ରଯଚ୍ଛସି ଯଥାର୍ହତଃ॥ 2-5-63 (11477)
କଚ୍ଚିଦାତ୍ମାନମେବାଗ୍ରେ ବିଜିତ୍ଯ ବିଜିତେନ୍ଦ୍ରିଯଃ।
ପାରଞ୍ଜିଗୀଷସେ ପାର୍ଥ ପ୍ରମତ୍ତାନଜିତେନ୍ଦ୍ରିଯାନ୍॥ 2-5-64 (11478)
କଚ୍ଚିତ୍ତେ ଯାସ୍ଯତଃ ଶତ୍ରୂନ୍ପର୍ବଂ ଯାନ୍ତି ସ୍ବନୁଷ୍ଠିତାଃ।
ସାମ ଦାନଂ ଚ ଭେଦଶ୍ଚ ଦଣ୍ଡଶ୍ଚ ବିଧିବଦ୍ଗୁଣାଃ॥ 2-5-65 (11479)
ତାଂଶ୍ଚ ବିକ୍ରମସେ ଜେତୁଂ ଜିତ୍ବା ଚ ପରିରକ୍ଷସି॥
କଚ୍ଚିଦଷ୍ଟାଙ୍ଗସଂଯୁକ୍ତା ଚତୁର୍ବିଧବଲା ଚମୂଃ। 2-5-66 (11480)
ବଲମୁଖ୍ଯୈଃ ସୁନୀତା ତେ ଦ୍ବିଷତାଂ ପ୍ରତିବର୍ଧିନୀ ॥
କଚ୍ଚିଲ୍ଲବଂ ଚ ମୁଷ୍ଟିଂ ଚ ପରରାଷ୍ଟ୍ରେ ପରନ୍ତପ। 2-5-67 (11481)
ଅବିହାଯ ମହାରାଜ ନିହଂସି ସମରେ ରିପୂନ୍॥
କଚ୍ଚିତ୍ସ୍ବପରରାଷ୍ଟ୍ରେଷୁ ବହବୋଽଧିକୃତାସ୍ତବ। 2-5-68 (11482)
ଅର୍ଥାନ୍ସମଧିତିଷ୍ଠନ୍ତି ରକ୍ଷନ୍ତି ଚ ପରସ୍ପରମ୍॥ 2-5-69 (11483)
କଚ୍ଚିଦଭ୍ଯବହାର୍ଯାଣି ଗାତ୍ରସଂସ୍ପର୍ଶନାନି ଚ।
ଘ୍ରେଯାଣି ଚ ମହାରାଜ ରକ୍ଷନ୍ତ୍ଯନୁମତାସ୍ତବ। 2-5-70 (11484)
କଚ୍ଚିତ୍କୋଶଶ୍ଚ କୋଷ୍ଠଂ ଚ ବାହନଂ ଦ୍ବାରମାଯୁଧମ୍॥
ଆଯଶ୍ଚ କୃତକଲ୍ଯାଣୈସ୍ତବ ଭକ୍ତୈରନୁଷ୍ଠିତଃ॥ 2-5-71 (11485)
କଚ୍ଚିଦାଭ୍ଯନ୍ତରେଭ୍ଯଶ୍ଚ ବାହ୍ଯେଭ୍ଯଶ୍ଚ ବିଶାମ୍ପତେ॥
ରକ୍ଷସ୍ଯାତ୍ମାନମେବାଗ୍ରେ ତାଂଶ୍ଚ ସ୍ବେଭ୍ଯୋ ମିଥଶ୍ଚ ତାନ୍। 2-5-72 (11486)
କଚ୍ଚିନ୍ନ ପାନେ ଦ୍ଯୂତେ ବା କ୍ରୀଡାସୁ ପ୍ରମଦାସୁ ଚ।
ପ୍ରତିଜାନନ୍ତି ପୂର୍ବାହ୍ଣେ ବ୍ଯଯଂ ବ୍ଯସନଜଂ ତବ॥ 2-5-73 (11487)
କଚ୍ଚିଦାଯସ୍ଯ ଚାର୍ଧେନ ଚତୁର୍ଭାଗେନ ବା ପୁନଃ।
ପାଦଭାଗୈସ୍ତ୍ରିଭିର୍ବାପି ବ୍ଯଯଃ ସଂଶୁଦ୍ଧ୍ଯତେ ତବ॥ 2-5-74 (11488)
କଚ୍ଚିଜ୍ଜ୍ଞାତୀନ୍ଗୁରୂନ୍ବୃଦ୍ଧା-
ନ୍ବଣିଜଃ ଶିଲ୍ପିନଃ ଶ୍ରିତାନ୍।
ଅଭୀକ୍ଷ୍ଣମନୁଗୃହାଣିସି
ଧନଧାନ୍ଯେନ ଦୁର୍ଗତାନ୍॥ 2-5-75 (11489)
କଚ୍ଚିଚ୍ଚାଯବ୍ଯଯେ ଯୁକ୍ତାଃ ସର୍ବେ ଗଣକଲେଖକାଃ।
ଅନୁତିଷ୍ଠନ୍ତି ପୂର୍ବାହ୍ଣେ ନିତ୍ଯମାଯଂ ବ୍ଯଯଂ ତବ॥ 2-5-76 (11490)
କଚ୍ଚିଦର୍ଥେଷୁ ସମ୍ପ୍ରୌଢାନ୍ହିତକାମାନନୁପ୍ରିଯାନ୍।
ନାପକର୍ଷସି କର୍ମଭ୍ଯଃ ପୂର୍ବମପ୍ରାପ୍ଯ କିଲ୍ବିଷମ୍॥ 2-5-77 (11491)
କଚ୍ଚିଦ୍ବିଦିତ୍ବା ପୁରୁଷାନୁତ୍ତମାଧମମଧ୍ଯମାନ୍।
ତ୍ବଂ କର୍ମସ୍ବନୁରୂପେଷୁ ନିଯୋଜଯସି ଭାରତ॥ 2-5-78 (11492)
କଚ୍ଚିନ୍ନ ଲୁବ୍ଧାଶ୍ଚୌରା ବା ବୈରିଣୋ ବା ବିଶାମ୍ପତେ।
ଅପ୍ରାପ୍ତବ୍ଯବହାରା ବା ତବ କର୍ମସ୍ବନୁଷ୍ଠିତାଃ॥ 2-5-79 (11493)
କଚ୍ଚିନ୍ନ ଚୌରୈର୍ଲୁବ୍ଧୈର୍ବା କୁମାରୈଃ ସ୍ତ୍ରୀବଲେନ ବା।
ତ୍ବଯା ବା ପୀଡ୍ଯତେ ରାଷ୍ଟ୍ରଂ କଚ୍ଚିତ୍ତୁଷ୍ଟାଃ କୃଷୀବଲାଃ 2-5-80 (11494)
କଚ୍ଚିଦ୍ରାଷ୍ଟ୍ରେ ତଟାକାନି ପୂର୍ଣାନି ଚ ବୃହନ୍ତି ଚ।
ଭାଗଶୋ ବିନିବିଷ୍ଟାନି ନ କୃଷିର୍ଦେବମାତୃକା॥ 2-5-81 (11495)
କଚ୍ଚିନ୍ନଂ ଭକ୍ତଂ ବୀଜଂ ଚ କର୍ଷକସ୍ଯାବସୀଦତି।
ପ୍ରତ୍ଯେକଂ ଚ ଶତଂ ବୃଦ୍ଧ୍ଯା ଦଦାସ୍ଯୃଣମନୁଗ୍ରହମ୍॥ 2-5-82 (11496)
କଚ୍ଚିତ୍ସ୍ବନୁଷ୍ଠିତା ତାତ ବାର୍ତା ତେ ସାଧୁଭିର୍ଜନୈଃ।
ବାର୍ତାଯାଂ ସଂଶ୍ରିତସ୍ତାତ ଲୋକୋଽଯଂ ସୁଖମେଧତେ॥ 2-5-83 (11497)
କଚ୍ଚିଚ୍ଛୂରାଃ କୃତପ୍ରଜ୍ଞାଃ ପଞ୍ଚପଞ୍ଚ ସ୍ବନୁଷ୍ଠିତାଃ।
କ୍ଷେମଂ କୁର୍ବନ୍ତି ସଂହତ୍ଯ ରାଜଞ୍ଜନପଦେ ତବ॥ 2-5-84 (11498)
କଚ୍ଚିନ୍ନଗରଗୁପ୍ତ୍ଯର୍ଥଂ ଗ୍ରାମା ନଗରବତ୍କୃତାଃ।
ଗ୍ରାମବଚ୍ଚ କୃତାଃ ପ୍ରାନ୍ତାସ୍ତେ ଚ ସର୍ବେ ତ୍ବଦର୍ପଣାଃ॥ 2-5-85 (11499)
କଚ୍ଚିଦ୍ବଲେନାନୁଗତାଃ ସମାନି ବିଷମାଣି ଚ।
ପୁରାଣି ଚୌରାନ୍ନିଘ୍ନନ୍ତଶ୍ଚରନ୍ତି ବିଷଯେ ତବ॥ 2-5-86 (11500)
କଚ୍ଚିତ୍ସ୍ରିଯଃ ସାନ୍ତ୍ବଯସି କଚ୍ଚିତ୍ତାଶ୍ଚ ସୁରକ୍ଷିତାଃ।
କଚ୍ଚିନ୍ନ ଶ୍ରଦ୍ଦଧାସ୍ଯାସାଂ କଚ୍ଚିଦ୍ଗୁହ୍ଯଂ ନ ଭାଷସେ॥ 2-5-87 (11501)
କଚ୍ଚିଦାତ୍ଯଯିକଂ ଶ୍ରୁତ୍ବା ତଦର୍ଥମନୁଚିନ୍ତ୍ଯ ଚ।
ପ୍ରିଯାଣ୍ଯନୁଭବଞ୍ଶେଷେ ନ ତ୍ବମନ୍ତଃ ପୁରେ ନୃପ॥ 2-5-88 (11502)
କଚ୍ଚିଦ୍ଦ୍ବୌ ପ୍ରଥମୌ ଯାମୌ ରାତ୍ରେଃ ସୁପ୍ତ୍ବା ବିଶାମ୍ପତେ।
ସଞ୍ଚିନ୍ତଯସି ଧର୍ମାର୍ଥୌ ଯାମ ଉତ୍ଥାଯ ପଶ୍ଚିମେ ॥ 2-5-89 (11503)
କଚ୍ଚିଦ୍ଦର୍ଶଯସେ ନିତ୍ଯଂ ମନୁଷ୍ଯାନ୍ସମଲଙ୍କୃତଃ।
ଉତ୍ଥାଯ କାଲେ କାଲଜ୍ଞୈଃ ସହ ପାଣ୍ଡବ ମନ୍ତ୍ରିଭିଃ ॥ 2-5-90 (11504)
କଚ୍ଚିଦ୍ରକ୍ତାମ୍ବରଧରାଃ ଖଡ୍ଗହସ୍ତାଃ ସ୍ବଲଙ୍କୃତାଃ।
ଉପାସତେ ତ୍ବାମଭିତୋ ରକ୍ଷଣାର୍ଥମରିନ୍ଦମ॥ 2-5-91 (11505)
କଚ୍ଚିଦ୍ଦଣ୍ଡ୍ଯେଷୁ ଯମବତ୍ପୂଜ୍ଯେଷୁ ଚ ବିଶାମ୍ପତେ।
ପରୀକ୍ଷ୍ଯ ବର୍ତସେ ସମ୍ଯଗପ୍ରିଯେଷୁ ପ୍ରିଯେଷୁ ଚ॥ 2-5-92 (11506)
କଚ୍ଚିଚ୍ଛାରୀରମାବାଧମୌଷଧୈର୍ନିଯମେନ ବା।
ମାନସଂ ବୃଦ୍ଧସେବାଭିଃ ସଦା ପାର୍ଥାପକର୍ଷସି ॥ 2-5-93 (11507)
କଚ୍ଚିଦ୍ବୈଦ୍ଯାଶ୍ଚିକିତ୍ସାଯାମଷ୍ଟାଙ୍ଗାଯାଂ ବିଶାରଦାଃ।
ସୁହୃଦଶ୍ଚାନୁରକ୍ତାଶ୍ଚ ଶରୀରେ ତେ ହିତାଃ ସଦା॥ 2-5-94 (11508)
କଚ୍ଚିନ୍ନ ଲୋଭାନ୍ମୋହାଦ୍ବା ମାନାଦ୍ବାପି ବିଶାମ୍ପତେ।
ଅର୍ଥିପ୍ରତ୍ଯର୍ଥିନଃ ପ୍ରାପ୍ତାନ୍ନାପାସ୍ଯସି କଥଞ୍ଚନ॥ 2-5-95 (11509)
କଚ୍ଚିନ୍ନ ଲୋଭାନ୍ମୋହାଦ୍ବା ବିଶ୍ରମ୍ଭାତ୍ପ୍ରଣଯେନ ବା।
ଆଶ୍ରିତାନାଂ ମନୁଷ୍ଯାଣାଂ ବୃତ୍ତିଂ ତ୍ବଂ ସଂରୁଣାତ୍ସି ବୈ॥ 2-5-96 (11510)
କଚ୍ଚିତ୍ପୌରା ନ ସହିତା ଯେ ଚ ତେ ରାଷ୍ଟ୍ରବାସିନଃ।
ତ୍ବଯା ସହ ବିରୁଧ୍ଯନ୍ତେ ପରୈଃ କ୍ରୀତାଃ କଥଞ୍ଚନ॥ 2-5-97 (11511)
କଚ୍ଚିନ୍ନ ଦୁର୍ବଲଃ ଶତ୍ରୁର୍ବଲେନ ପରିପୀଡିତଃ।
ମନ୍ତ୍ରେଣ ବଲବାନ୍କଶ୍ଚିଦୁଭାଭ୍ଯାଂ ଚ କଥଞ୍ଚନ॥ 2-5-98 (11512)
କଚ୍ଚିତ୍ସର୍ବେଽନୁରକ୍ତାସ୍ତ୍ବାଂ ଭୂମିପାଲାଃ ପ୍ରଧାନତଃ।
କଚ୍ଚିତ୍ପ୍ରାଣାଂସ୍ତ୍ବଦର୍ଥେଷୁ ସନ୍ତ୍ଯଜନ୍ତି ତ୍ବଯା ହୃତାଃ॥ 2-5-99 (11513)
କଚ୍ଚିତ୍ତେ ସର୍ବବିଦ୍ଯାସୁ ଗୁଣତୋଽର୍ଚା ପ୍ରବର୍ତତେ।
ବ୍ରାହ୍ମଣାନାଂ ଚ ସାଧୂନାଂ ତବ ନୈଃ ଶ୍ରେଯସୀ ଶୁଭା।
ଦକ୍ଷିଣାସ୍ତ୍ବଂ ଦଦାସ୍ଯେଷାଂ ନିତ୍ଯଂ ସ୍ବର୍ଗାପବର୍ଗଦାଃ ॥ 2-5-100 (11514)
କଚ୍ଚିଦ୍ଧର୍ମେ ତ୍ରଯୀମୂଲେ ପୂର୍ବୈରାଚରିତେ ଜନୈଃ।
ଯତମାନସ୍ତଥା କର୍ତୁଂ ତସ୍ମିନ୍କର୍ମଣି ବର୍ତସେ॥ 2-5-101 (11515)
କଚ୍ଚିତ୍ତବ ଗୃହେଽନ୍ନାନି ସ୍ବାଦୂନ୍ଯଶ୍ରନ୍ତି ବୈ ଦ୍ବିଜାଃ।
ଗୁଣବନ୍ତି ଗୁଣୋପେତାସ୍ତବାଧ୍ଯକ୍ଷଂ ସଦକ୍ଷିଣମ୍॥ 2-5-102 (11516)
କଚ୍ଚିତ୍କ୍ରତୂନେକଚିତ୍ତୋ ବାଜପେଯାଂଶ୍ଚ ସର୍ବଶଃ।
ପୌଣ୍ଡରୀକାଂଶ୍ଚ କାର୍ତ୍ସ୍ନ୍ଯେନ ଯତସେ କର୍ତୁମାତ୍ମବାନ୍ ॥ 2-5-103 (11517)
କଚ୍ଚିଜ୍ଜ୍ଞାତୀନ୍ଗୁରୂନ୍ବୃଦ୍ଧାନ୍ଦୈବତାଂସ୍ତାପସାନପି।
ଚୈତ୍ଯାଂଶ୍ଚ ବୃକ୍ଷାନ୍କଲ୍ଯାଣାନ୍ବ୍ରାହ୍ମଣାଂଶ୍ଚ ନମସ୍ଯସି ॥ 2-5-104 (11518)
କଚ୍ଚିଚ୍ଛୋକୋ ନ ମନ୍ଯୁର୍ବା ତ୍ବଯା ପ୍ରୋତ୍ପାଦ୍ଯତେଽନଘ।
ଅପି ମଙ୍ଗଲହସ୍ତଶ୍ଚ ଜନଃ ପାର୍ଶ୍ବେ ନ ତିଷ୍ଠତି॥ 2-5-105 (11519)
କଚ୍ଚିଦେଷା ଚ ତେ ବୁଦ୍ଧିର୍ବୃତ୍ତିରେଷା ଚ ତେଽନଘ।
ଆଯୁଷ୍ଯା ଚ ଯଶସ୍ଯା ଚ ଧର୍ମକାମାର୍ଥଦର୍ଶିନୀ ॥ 2-5-106 (11520)
ଏତଯା ବର୍ତମାନସ୍ଯ ବୁଦ୍ଧ୍ଯା ରାଷ୍ଟ୍ରଂ ନ ସୀଦତି।
ବିଜିତ୍ଯ ଚ ମହୀଂ ରାଜା ସୋତ୍ଯନ୍ତଂ ସୁଖମେଧତେ॥ 2-5-107 (11521)
କଚ୍ଚିଦାର୍ଯୋ ବିଶୁଦ୍ଧାତ୍ମା କ୍ଷାରିତଶ୍ଚୌରକର୍ମଣି।
ଅଦୃଷ୍ଟଶାସ୍ତ୍ରକୁଶଲୈର୍ନ ଲୋଭାଦ୍ବଧ୍ଯତେ ଶୁଚି॥ 2-5-108 (11522)
ଦୁଷ୍ଟୋ ଗୃହୀତସ୍ତତ୍କାରିତଜ୍ଜ୍ଞୈର୍ଦୃଷ୍ଟଃ ସକାରଣଃ।
କଚ୍ଚିନ୍ନ ମୁଚ୍ଯତେ ସ୍ତେନୋ ଦ୍ରବ୍ଯଲୋଭାନ୍ନରର୍ଷଭ॥ 2-5-109 (11523)
ଉତ୍ପନ୍ନାନକଚ୍ଚିଦାଢ୍ଯସ୍ଯ ଦରିଦ୍ରସ୍ଯ ଚ ଭାରତ।
ଅର୍ଥାନ୍ନ ମିଥ୍ଯା ପଶ୍ଯନ୍ତି ତବାମାତ୍ଯା ହୃତା ଧନୈଃ॥ 2-5-110 (11524)
ନାସ୍ତିକ୍ଯମନୃତଂ କ୍ରୋଧଂ ପ୍ରମାଦଂ ଦୀର୍ଘସୂତ୍ରତାମ୍।
ଅଦର୍ଶନଂ ଜ୍ଞାନବତାମାଲସ୍ଯଂ ପଞ୍ଚବୃତ୍ତିତାମ୍।
ଏକଚିନ୍ତନମର୍ଥାନାମନର୍ଥଜ୍ଞୈଶ୍ଚ ଚିନ୍ତନମ୍॥ 2-5-111 (11525)
ନିଶ୍ଚିତାନାମନାରମ୍ଭଂ ମନ୍ତ୍ରସ୍ଯାପରିରକ୍ଷଣମ୍।
ମଙ୍ଗଲାଦ୍ଯପ୍ରଯୋଗଂ ଚ ପ୍ରତ୍ଯୁତ୍ଥାନଂ ଚ ସର୍ବତଃ॥ 2-5-112 (11526)
କଚ୍ଚିତ୍ତ୍ବଂ ବର୍ଜଯସ୍ଯେତାନ୍ରାଜଦୋଷାଂଶ୍ଚତୁର୍ଦଶ।
ପ୍ରାଯଶୋଯୈର୍ବିନଶ୍ଯନ୍ତି କୃତମୂଲାପି ପାର୍ଥିବଃ ॥ 2-5-113 (11527)
କଚ୍ଚିତ୍ତେ ସଫଲା ବେଦାଃ କଚ୍ଚିତ୍ତେ ସଫଳଂ ଧନମ୍।
କଚ୍ଚିତ୍ତେ ସଫଲା ଦାରାଃ କଚ୍ଚିତ୍ତେ ସଫଲଂ ଶ୍ରୁତମ୍॥ 2-5-114 (11528)
ଯୁଧିଷ୍ଠିର ଉବାଚ । 2-5-115x (1386)
କଥଂ ବୈ ସଫଲା ବେଦାଃ କଥଂ ବୈ ସଫଲଂ ଧନମ୍।
କଥଂ ବୈ ସଫଲା ଦାରାଃ କଥଂ ବୈ ସଫଲଂ ଶ୍ରୁତମ୍ ॥ 2-5-115 (11529)
ନାରଦ ଉବାଚ। 2-5-116x (1387)
ଅଗ୍ନିହୋତ୍ରଫଲା ବେଦା ଦତ୍ତଭୁକ୍ତଫଲଂ ଧନମ୍।
ରତିପୁତ୍ରଫଲା ଦାରାଃ ଶୀଲବୃତ୍ତଫଲଂ ଶ୍ରୁତମ୍॥ 2-5-116 (11530)
ବୈଶମ୍ପାଯନ ଉବାଚ। 2-5-117x (1388)
ଏତଦାଖ୍ଯାଯ ସ ମୁନିର୍ନାରଦୋ ବୈ ମହାତପାଃ।
ପପ୍ରଚ୍ଛାନନ୍ତରମିଦଂ ଧର୍ମାତ୍ମାନଂ ଯୁଧିଷ୍ଠିରମ୍॥ 2-5-117 (11531)
ନାରଦ ଉବାଚ। 2-5-118x (1389)
କଚ୍ଚିଦଭ୍ଯାଗତା ଦୂରାଦ୍ବଣିଜୋ ଲାଭକାରଣାତ୍।
ଯଥୋକ୍ତମବହାର୍ଯନ୍ତେ ଶୁଲ୍କଂ ଶୁଲ୍କୋପଜୀବିଭିଃ॥ 2-5-118 (11532)
କଚ୍ଚିତ୍ତେ ପୁରୁଷା ରାଜନ୍ପୁରେ ରାଷ୍ଟ୍ରେ ଚ ମାନିତାଃ।
ଉପାନଯନ୍ତି ପଣ୍ଯାନି ଉପାଧାଭିରବଞ୍ଚିତାଃ॥ 2-5-119 (11533)
କଚ୍ଚିଚ୍ଛୃଣୋଷି ବୃଦ୍ଧାନାଂ ଧର୍ମାର୍ଥସହିତା ଗିରଃ।
ନିତ୍ଯମର୍ଥବିଦାଂ ତାତ ଯଥାଧର୍ମାର୍ଥଦର୍ଶିନାମ୍॥ 2-5-120 (11534)
କଚ୍ଚିତ୍ତେ କୃଷିତନ୍ତ୍ରେଷୁ ଗୋଷୁ ପୁଷ୍ପଫଲେଷୁ ଚ।
ଧର୍ମାର୍ଥଂ ଚ ଦ୍ବିଜାତିଭ୍ଯୋ ଦୀଯେତେ ମଧୁସର୍ପିଷୀ ॥ 2-5-121 (11535)
ଦ୍ରବ୍ଯୋପକରଣଂ କିଞ୍ଚିତ୍ସର୍ବଦା ସର୍ବଶିଲ୍ପିନାମ୍।
ଚାତୁର୍ମାସ୍ଯାବରଂ ସମ୍ଯଙ୍ନିଯତଂ ସମ୍ପ୍ରଯଚ୍ଛସି॥ 2-5-122 (11536)
କଚ୍ଚିତ୍କୃତଂ ବିଜାନୀଷେ କର୍ତାରଂ ଚ ପ୍ରଶଂସସି।
ସତାଂ ମଧ୍ଯେ ମହାରାଜ ସତ୍କରୋଷି ଚ ପୂଜଯନ୍॥ 2-5-123 (11537)
କଚ୍ଚିତ୍ସୂତ୍ରାଣି ସର୍ବାଣି ଗୃହ୍ଣାସି ଭରତର୍ଷଭ।
ହସ୍ତିସୂତ୍ରାଶ୍ବସୂତ୍ରାଣି ରଥସୂତ୍ରାଣି ବା ବିଭୋ॥ 2-5-124 (11538)
କଚ୍ଚିଦଭ୍ଯସ୍ଯତେ ସମ୍ଯଗ୍ଗୃହେ ତେ ଭରତର୍ଷଭ।
ଧନୁର୍ବେଦସ୍ଯ ସୂତ୍ରଂ ବୈ ଯନ୍ତ୍ରସୂତ୍ରଂ ଚ ନାଗରମ୍॥ 2-5-125 (11539)
କଚ୍ଚିଦସ୍ତ୍ରାଣି ସର୍ବାଣି ବ୍ରହ୍ମଦଣ୍ଡଶ୍ଚ ତେଽନଘ।
ବିଷଯୋଗାସ୍ତଥା ସର୍ବେ ବିଦିତାଃ ଶତ୍ରୁନାଶନାଃ॥ 2-5-126 (11540)
କଚ୍ଚିଦଗ୍ନିଭଯାଚ୍ଚୈବ ସର୍ବଂ ବ୍ଯାଲଭଯାତ୍ତଥା।
ରୋଗରକ୍ଷୋଭଯାଚ୍ଚୈବ ରାଷ୍ଟ୍ରଂ ସ୍ବଂ ପରିରକ୍ଷଶି॥ 2-5-127 (11541)
କଚ୍ଚିଦନ୍ଧାଂଶ୍ଚ ମୂକାଂଶ୍ଚ ପଙ୍ଗୂନ୍ବ୍ଯଙ୍ଗାନବାନ୍ଧବାନ୍।
ପିତେବ ପାସି ଧର୍ମଜ୍ଞ ତଥା ପ୍ରବ୍ରଜିତାନପି॥ 2-5-128 (11542)
ଷଡବର୍ଥା ମହାରାଜ କଚ୍ଚିତ୍ତେ ପୃଷ୍ଠତଃ କୃତାଃ।
ନିଦ୍ରାଽଽଲସ୍ଯଂ ଭଯଂ କ୍ରୋଧୋ ମାର୍ଦବଂ ଦୀର୍ଘସୂତ୍ରତା॥ 2-5-129 (11543)
ବୈଶମ୍ପାଯନ ଉବାଚ। 2-5-130x (1390)
ତତଃ କୁରୂଣାମୃଷଭୋ ମହାତ୍ମା
ଶ୍ରୁତ୍ବା ଗିରୋ ବ୍ରାହ୍ମଣସତ୍ତମସ୍ଯ।
ପ୍ରଣମ୍ଯ ପାଦାବଭିବାଦ୍ଯ ତୁଷ୍ଟୋ
ରାଜାଽବ୍ରବୀନ୍ନାରଦଂ ଦେବରୂପମ୍॥ 2-5-130 (11544)
ଏବଂ କରିଷ୍ଯାମି ଯଥା ତ୍ବଯୋକ୍ତଂ
ପ୍ରଜ୍ଞା ହି ମେ ଭୂଯ ଏବାଭିବୃଦ୍ଧା।
ଉକ୍ତ୍ବା ତଥା ଚୈବ ଚକାର ରାଜା
ଲେଭେ ମହୀଂ ସାଗରମେଖଲାଂ ଚ॥ 2-5-131 (11545)
ନାରଦ ଉବାଚ। 2-5-132x (1391)
ଏବଂ ଯୋ ବର୍ତତେ ରାଜା ଚାତୁର୍ବର୍ଣ୍ଯସ୍ଯ ରକ୍ଷଣେ।
ସ ବିହୃତ୍ଯେହ ସୁସୁଖୀ ଶୁକ୍ରସ୍ଯୈତି ସଲୋକତାମ୍ ॥ ॥ 2-5-132 (11546)
ଇତି ଶ୍ରୀମନ୍ମହାଭାରତେ ସଭାପର୍ବଣି ପଞ୍ଚମୋଽଧ୍ଯାଯଃ॥ 5॥
Mahabharata - Sabha Parva - Chapter Footnotes
2-5-24 ଷଡ୍ଗୁଣାଃ ସନ୍ଧିବିଗ୍ରହାଦଯଃ। ସପ୍ତୋପାଯାଃ ମନ୍ତ୍ରୌଷଧେନ୍ଦ୍ରଜାଲସହିତାଃ ସାମାଦଯଃ। ସ ୍ବପରପକ୍ଷବଲାବଲସହିତା ଏତଏବ ଚତୁର୍ଦଶ ॥ 2-5-25 ଅଷ୍ଟୌ କର୍ମାଣି- କୃଷିର୍ବଣିକ୍ପତୋ ଦୁର୍ଗ ସେତୁଃ କୁଞ୍ଜରବନ୍ଧନମ୍। ଖନ୍ଯାକରକରାଦାନଂ ଶୂନ୍ଯାନାଂ ଚ ନିବେଶନମିତ୍ଯୁକ୍ତାନି॥ 2-5-26 ସପ୍ତପ୍ରକୃତଯଃ ସ୍ବାମ୍ଯମାତ୍ଯସୁହୃତ୍କୋଶରାଷ୍ଟ୍ରଦୁର୍ଗବଲାଖ୍ଯାଃ॥ 2-5-27 କଚ୍ଚିନ୍ନ ତର୍କୈର୍ଦୂତୈର୍ବା ଇତି ଖ-ପାଠଃ॥ 2-5-28 ଶୁଚଯୋ ଜୀବିତକ୍ଷମାଃ ଇତି ଖ-ପାଠଃ॥ 2-5-35 କର୍ମାନ୍ତାଃ କୃଷ୍ଯାଦଯଃ॥ 2-5-37 କାରଣିକାଃ ଯୁଦ୍ଧୋପକରଣଯୁକ୍ତାଃ॥ 2-5-41 ମନ୍ତ୍ରୀ ପୁରୋହିତଶ୍ଚୈବ ଯୁବରାଜଶ୍ଚମୂପତିଃ। ପଞ୍ଚମୋ ଦ୍ବାରପାଲଶ୍ଚ ଷଷ୍ଠୋଽନ୍ତର୍ବେଶ ିକସ୍ତଥା 1, କାରାଗାରାଧିକାରୀ ଚ ଦ୍ରବ୍ଯସଞ୍ଚଯକୃତ୍ତଥା। କୃତ୍ଯାକୃତ୍ଯେଷୁ ଚାର୍ଥାନାଂ ନବମୋ ବିନିଯୋଜକଃ 2, ପ୍ରେଦେଷ୍ଟା ନଗରାଧ୍ଯକ୍ଷଃ କାର୍ଯାନିର୍ମାଣକୃତ୍ତଥା। ଧର୍ମାଧ୍ଯ କ୍ଷଃ ସଭାଧ୍ଯକ୍ଷୋ ଦଣ୍ଡପାଲସ୍ତ୍ରିପଞ୍ଚମଃ 3, ଷୋଡଶୋ ଦୁର୍ଗପାଲଶ୍ଚ ତଥା ରାଷ୍ଟ୍ରାନ୍ତ ପାଲକଃ ଅଟବୀପାଲକାନ୍ତାନି ତୀର୍ଥାନ୍ଯଷ୍ଟାଦଶୈବ ତୁ 4, ଚାରାନ୍ବିଚାରଯେତ୍ତୀର୍ଥେଷ୍ବାତ ୍ମନଶ୍ଚ ପରସ୍ଯ ଚ । ପାଖଣ୍ଡାଦୀନବିଜ୍ଞାତାନନ୍ଯୋନ୍ଯମିତରେଷ୍ବପି 5, ମନ୍ତ୍ରିଣଂ ଯୁବରା ଜଂ ଚ ହିତ୍ବା ସ୍ବେଷୁ ପୁରୋହିତମିତି॥ 2-5-67 ଅଷ୍ଟାଙ୍ଗସଂଯୁକ୍ତା-ରଥା ନାଗା ହଯା ଯୋଧାଃ ପତ୍ତଯଃ କର୍ମକାରକାଃ। ଚାରା ଦୈଶିକମୁଖ୍ଯାଶ ୍ଚ ଧ୍ବଜିନ୍ଯଷ୍ଟାଙ୍ଗିକା ମତା। ଚତୁର୍ବିଧବଲା ମୌଲମୈତ୍ରମୃତ୍ଯାଟବିକୈର୍ବଲୈର୍ଯୁକ୍ତା। ବଲମୁଖ୍ଯୈଃ ସେନାପତିଭିଃ ପ୍ରତିବର୍ଧିନୀ ପ୍ରାତିକୂଲ୍ଯେନ ଚ୍ଛେଦିନୀ॥ 2-5-68 ଲବଃ ସସ୍ଯଚ୍ଛେଦନକାଲଃ। ମୁଷ୍ଟିଃ ସସ୍ଯାନାଂ ଗୋପନକାଲଃ॥ 2-5-71 କୋଷ୍ଠଂ ଧାନ୍ଯସ୍ଥାନମ୍॥ 2-5-73 କଚ୍ଚିନ୍ନେତି ପାନାଦିବ୍ଯସନଜଂ ବ୍ଯଯଂ ତବ ପୂର୍ବାହ୍ଣେ ଧର୍ମାଚରଣକାଲେ ଭୃତ୍ଯା ନ ପ୍ରତ ିଜାନନ୍ତି ନାବେଦଯନ୍ତି॥ 2-5-76 ଅନୁତିଷ୍ଠନ୍ତି ନିବେଦଯନ୍ତି ॥ 2-5-79 ଅପ୍ରାପ୍ତବ୍ଯବହାରା ଅପ୍ରୌଢାଃ॥ 2-5-84 ପ୍ରତିଗ୍ରାମଂ ପଞ୍ଚପଞ୍ଚେତି। ତେଚ-ପ୍ରଶାସ୍ତା ସମାହର୍ତା ସଂବିଧାତା ଲେଖକଃ ସାକ୍ଷୀ ଚେ ତି॥ 2-5-88 ଆତ୍ଯଯିକମକଲ୍ଯାଣମ୍॥ 2-5-93 ଆବାଧଂ ଦୁଃଖମ୍। ନିଯମେନ ପଥ୍ଯାଶନାଦିନା॥ 2-5-94 ନିଦାନଂ ପୂର୍ବଲିଙ୍ଗାନି ରୂପାଣ୍ଯୁପଶଯସ୍ତଥା। ସମ୍ପ୍ରାପ୍ତିରୌଷଧୀ ରୋଗୀ ପରିଚାରକ ଏବଂ ଚେତ୍ଯଷ୍ଟାଙ୍ଗାନି॥ 2-5-102 ତବାଧ୍ଯକ୍ଷଂ ତ୍ବତ୍ସମକ୍ଷଣ୍॥ 2-5-108 କ୍ଷାରିତଃ ମିଥ୍ଯାପବାଦୈଃ ପାତିତଃ॥ 2-5-113 କୃତମୂଲାଃ ଅପୀତି ଛେଦଃ॥ 2-5-126 ବ୍ରହ୍ମଦଣ୍ଡଃ ଅଭିଚାରଃ॥ସଭାପର୍ବ - ଅଧ୍ଯାଯ 006
॥ ଶ୍ରୀଃ ॥
2.6. ଅଧ୍ଯାଯଃ 006
Mahabharata - Sabha Parva - Chapter Topics
ଉତ୍ତମସଭାଲାଭଗର୍ବିତେନ ଯୁଧିଷ୍ଠିରେଣ ସଭାବିଷଯକପ୍ରଶ୍ନେ ନାରଦସ୍ଯ ଇନ୍ଦ୍ରାଦିସଭାବର୍ଣ ନପ୍ରତିଜ୍ଞାନମ୍॥ 1॥Mahabharata - Sabha Parva - Chapter Text
ବୈଶମାପାଯନ ଉବାଚ।
ସମ୍ପୂଜ୍ଯାଥାଭ୍ଯନୁଜ୍ଞାତୋ ମହର୍ଷେର୍ବଚନାତ୍ପରମ୍।
ପ୍ରତ୍ଯୁବାଚାନୁପୂର୍ବ୍ଯେଣ ଧର୍ମରାଜୋ ଯୁଧିଷ୍ଠିରଃ॥ 2-6-1 (11547)
ଭଗବତ୍ଯାଯ୍ଯମାହୈତଂ ଯଥାବଦ୍ଧର୍ମନିଶ୍ଚଯମ୍।
ଯଥାଶକ୍ତି ଯଥାନ୍ଯାଯଂ କ୍ରିଯତେଽଯଂ ବିଧିର୍ମଯା॥ 2-6-2 (11548)
ରାଜଭିର୍ଯଦ୍ଯଥା କାର୍ଯଂ, ପୁରା ବୈ ତନ୍ନ ସଂଶଯଃ।
ଯଥାନ୍ଯାଯୋପନୀତାର୍ଥଂ କୃତଂ ହେତୁମଦର୍ଥବତ୍॥ 2-6-3 (11549)
ବଯଂ ତୁ ସତ୍ପଥଂ ତେଷାଂ ଯାତୁମିଚ୍ଛାମହେ ପ୍ରଭୋ।
ନ ତୁ ଶକ୍ଯଂ ତଥା ଗନ୍ତୁଂ ଯଥା ତୈର୍ନିଯତାତ୍ମଭିଃ॥ 2-6-4 (11550)
ବୈଶମ୍ପାଯନ ଉବାଚ। 2-6-5x (1392)
ଏକମୁକ୍ତ୍ବା ସ ଧର୍ମାତ୍ମା ବାକ୍ଯଂ ତଦଭିପୂଜ୍ଯ ଚ।
` ତଂ ତୁ ବିଶ୍ରାନ୍ତମାସୀନଂ ଦେବର୍ଷିମମିତଦ୍ଯୁତିମ୍'॥
ମୁହୂର୍ତାତ୍ପ୍ରାପ୍ତକାଲଂ ଚ ଦୃଷ୍ଟ୍ବା ଲୋକଚରଂ ମୁନିମ୍॥ 2-6-5 (11551)
ନାଦରଦଂ ସୁସ୍ଥମାସୀନମୁପାସୀନୋ ଯୁଧିଷ୍ଠିରଃ।
ଅପୃଚ୍ଛତ୍ପାଣ୍ଡବସ୍ତତ୍ର ରାଜମଧ୍ଯେ ମାହଦ୍ଯୁତିଃ॥ 2-6-6 (11552)
ଭବାତ୍ସଞ୍ଚରତେ ଲୋକାନ୍ସଦା ନାନାବିଧାନ୍ବହୂନ୍।
ବ୍ରହ୍ମଣା ନିର୍ମିତାନ୍ପୂର୍ବଂ ପ୍ରେକ୍ଷମାଣୋ ମନୋଜବଃ। 2-6-7 (11553)
ଈଦୃଶୀ ଭବିତା କାଚିଦ୍ଦୃଷ୍ଟପୂର୍ବା ସଭା କ୍ବଚିତ୍।
ଇତୋ ବା ଶ୍ରେଯସୀ ବ୍ରହ୍ମଂସ୍ତନ୍ମମାଚକ୍ଷ୍ବ ପୃଚ୍ଛତଃ॥ 2-6-8 (11554)
ବୈଶମ୍ପାଯନ ଉବାଚ। 2-6-9x (1393)
ତଚ୍ଛ୍ରୁତ୍ବା ନାରଦସ୍ତସ୍ଯ ଧର୍ମରାଜସ୍ଯ ଭାଷିତମ୍।
ପାଣ୍ଡବଂ ପ୍ରତ୍ଯୁବାଚେଦଂ ସ୍ମଯନ୍ମଧୁରଯା ଗିରା॥ 2-6-9 (11555)
ନାରଦ ଉବାଚ। 2-6-10x (1394)
ମାନୁଷେଷୁ ନ ମେ ତାତ ଦୃଷ୍ଟପୂର୍ବା ନ ଚ ଶ୍ରୁତା।
ସଭା ମଣିମଯୀ ରାଜନ୍ଯଥେଯଂ ତବ ଭାରତ॥ 2-6-10 (11556)
ସଭାଂ ତୁ ପିତୃରାଜସ୍ଯ ବରୁଣସ୍ଯ ଚ ଧୀମତଃ।
କଥଯିଷ୍ଯେ ତଥେନ୍ଦ୍ରସ୍ଯ କୈଲାସନିଲଯସ୍ଯ ଚ॥ 2-6-11 (11557)
ବ୍ରହ୍ମଣଶ୍ଚ ସଭାଂ ଦିବ୍ଯାଂ କଥଯିଷ୍ଯେ ଗତକ୍ଲମାମ୍।
ଦିବ୍ଯାଦିବ୍ଯୈରଭିପ୍ରାଯୈରୁପେତାଂ ବିଶ୍ବରୂପିଣୀମ୍॥ 2-6-12 (11558)
ଦେବୈଃ ପିତୃଗଣୈଃ ସାଧ୍ଯୈର୍ଯଜ୍ବଭିର୍ନିଯତାତ୍ମଭିଃ।
ଜୁଷ୍ଟାଂ ମୁନିଗଣୈଃ ଶାନ୍ତୈର୍ବେଦଯଜ୍ଞୈଃ ସଦକ୍ଷିଣୈଃ॥
ଯଦି ତେ ଶ୍ରବଣେ ବୁଦ୍ଧିର୍ବର୍ତତେ ଭରତର୍ଷଭ॥ 2-6-13 (11559)
ନାରଦେନୈବମୁକ୍ତସ୍ତୁ ଧର୍ମରାଜୋ ଯୁଧିଷ୍ଠିରଃ।
ପ୍ରାଞ୍ଜଲିର୍ଭ୍ରାତୃଭିଃ ସାର୍ଧଂ ତୈଶ୍ଚ ସର୍ବୈର୍ଦ୍ବିଜୋତ୍ତମୈଃ॥ 2-6-14 (11560)
ନାରଦଂ ପ୍ରତ୍ଯବାଚେଦଂ ଧର୍ମରାଜୋ ମହାମନାଃ।
ସଭାଃ କଥଯ ତାଃ ସର୍ବାଃ ଶ୍ରୋତୁମିଚ୍ଛାମହେ ବଯମ୍॥ 2-6-15 (11561)
କିନ୍ଦ୍ରବ୍ଯାସ୍ତାଃ ସଭା ବ୍ରହ୍ମନ୍କିଂବିସ୍ତାରାଃ କିମାଯତାଃ।
ପିତାମହଂ ଚ କେ ତସ୍ଯାଂ ସଭାଯାଂ ପର୍ଯୁପାସତେ॥ 2-6-16 (11562)
ବାସବଂ ଦେବରାଜଂ ଚ ଯମଂ ବୈବସ୍ବତଂ ଚ କେ।
ବରୁଣଂ ଚ କୁବେରଂ ଚ ସଭାଯାଂ ପର୍ଯୁପାସତେ॥ 2-6-17 (11563)
ଏତତ୍ସର୍ବଂ ଯଥାନ୍ଯାଯଂ ବ୍ରହ୍ମର୍ଷେ ବଦତସ୍ତବ।
ଶ୍ରୋତୁମିଚ୍ଛାମ ସହିତାଃ ପରଂ କୌତୂହଲଂ ହି ନଃ॥ 2-6-18 (11564)
ଏବମୁକ୍ତଃ ପାଣ୍ଡବେନ ନାରଦଃ ପ୍ରତ୍ଯଭାଷତ।
କ୍ରମେଣ ରାଜନ୍ଦିବ୍ଯାସ୍ତାଃ ଶ୍ରୂଯନ୍ତାମିହ ନଃ ସଭାଃ॥ ॥ 2-6-19 (11565)
ଇତି ଶ୍ରୀମନ୍ମହାଭାରତେ ସଭାପର୍ବଣି ମନ୍ତ୍ରପର୍ବଣି ଷଷ୍ଠୋଽଧ୍ଯାଯଃ॥ 6॥
Mahabharata - Sabha Parva - Chapter Footnotes
2-6-11 କୈଲାସନିଲଯସ୍ଯ କୁବେରସ୍ଯ॥ସଭାପର୍ବ - ଅଧ୍ଯାଯ 007
॥ ଶ୍ରୀଃ ॥
2.7. ଅଧ୍ଯାଯଃ 007
Mahabharata - Sabha Parva - Chapter Topics
ଇନ୍ଦ୍ରସଭାବର୍ଣନମ୍॥ 1॥Mahabharata - Sabha Parva - Chapter Text
ନାରଦ ଉବାଚ॥
ଶକ୍ରସ୍ଯ ତୁ ସଭା ଦିବ୍ଯା ଭାସ୍ବରା କର୍ମନିର୍ମିତା।
ସ୍ବଯଂ ଶକ୍ରେଣ କୌରବ୍ଯ ନିର୍ଜିତାର୍କସମପ୍ରଭା॥ 2-7-1 (11566)
ବିସ୍ତୀର୍ଣା ଯୋଜନଶତଂ ଶତମଧ୍ଯର୍ଧମାଯତା।
ବୈହାଯସୀ କାମଗମା ପଞ୍ଚଯୋଜନମୁଚ୍ଛ୍ରିତା। 2-7-2 (11567)
ଜରାଶୋକକ୍ଲମାପେତା ନିରାତଙ୍କା ଶିବା ଶୁଭା।
ବେଶ୍ମାସନବତୀ ରମ୍ଯା ଦିବ୍ଯପାଦପଶୋଭିତା॥ 2-7-3 (11568)
ତସ୍ଯାଂ ଦେବେଶ୍ବରଃ ପାର୍ଥ ସଭାଯାଂ ପରମାସନେ।
ଆସ୍ତେ ଶଚ୍ଯା ମହେନ୍ଦ୍ରାଣ୍ଯା ଶ୍ରିଯା ଲକ୍ଷ୍ମ୍ଯା ଚ ଭାରତ। 2-7-4 (11569)
ବିଭ୍ରଦ୍ବପୁରନିର୍ଦେଶ୍ଯଂ କିରୀଟୀ ଲୋହିତାଙ୍ଗଦଃ।
ବିରଜୋମ୍ବରଶ୍ଚିତ୍ରମାଲ୍ଯୋ ହ୍ରୀକୀର୍ତିଦ୍ଯୁତିଭିଃ ସହ॥ 2-7-5 (11570)
ତସ୍ଯାମୁପାସତେ ନିତ୍ଯଂ ମହାତ୍ମାନଂ ଶତକ୍ରତୁମ୍।
ମରୁତଃ ସର୍ବଶୋ ରାଜନ୍ସର୍ବେ ଚ ଗୃହମେଧିନଃ॥ 2-7-6 (11571)
ସିଦ୍ଧା ଦେବର୍ଷଯଶ୍ଚୈବ ସାଧ୍ଯା ଦେବଗଣାସ୍ତଥା।
ମରୁତ୍ତ୍ବନ୍ତଶ୍ଚ ସହିତା ଭାସ୍ବନ୍ତୋ ହେମମାଲିନଃ॥ 2-7-7 (11572)
ଏତେ ସାନୁଚରାଃ ସର୍ବେ ଦିବ୍ଯରୂପାଃ ସ୍ବଲଙ୍କୃତାଃ।
ଉପାସତେ ମହାତ୍ମାନ ଦେବରାଜମରିନ୍ଦମମ୍॥ 2-7-8 (11573)
ତଥା ଦେବର୍ଷଯଃ ସର୍ବେ ପାର୍ତେ ଶକ୍ରମୁପାସତେ।
ଅମଲା ଧୂତପାପ୍ମାନୋ ଦୀପ୍ଯମାନା ଇବାଗ୍ନଯଃ॥ 2-7-9 (11574)
ତେଜସ୍ବିନଃ ସୋମସୁତୋ ବିଶୋକା ବିଗତଜ୍ବରାଃ।
ପରାଶରଃ ପର୍ବତଶ୍ଚ ତଥା ସାବର୍ଣିଗାଲବୌ॥ 2-7-10 (11575)
`ଏକତଶ୍ଚ ଦ୍ବିତଶ୍ଚୈବ ତ୍ରିତଶ୍ଚୈବ ମହାମତିଃ'।
ଶଙ୍ଖଶ୍ଚ ଲିଖିତଶ୍ଚୈବ ତଥା ଗୌରଶିରା ମୁନିଃ।
ଦୁର୍ବାସାଃ କ୍ରୋଧନଃ ଶ୍ଯେନସ୍ତଥା ଦୀର୍ଘତମା ମୁନିଃ॥ 2-7-11 (11576)
ପବିତ୍ରପାଣିଃ ସାବର୍ଣିର୍ଯାଜ୍ଞବଲ୍କ୍ଯୋଽଥ ଭାଲୁକିଃ।
ଉଦ୍ଦାଲକଃ ଶ୍ବେତକେତୁସ୍ତାଣ୍ଡୋ ଭାଣ୍ଡାଯନିସ୍ତଥା॥ 2-7-12 (11577)
ହବିଷ୍ମାଂଶ୍ଚ ଗରିଷ୍ଠଶ୍ଚ ହରିଶ୍ଚନ୍ଦ୍ରଶ୍ଚ ପାର୍ଥିବଃ॥
ହୃଦ୍ଯଶ୍ଚୋଦରଶାଣ୍ଡିଲ୍ଯଃ ପାରାଶର୍ଯଃ କୃଷୀବଲଃ॥ 2-7-13 (11578)
ବାତସ୍କନ୍ଧୋ ବିଶାଖଶ୍ଚ ବିଧାତା କାଲ ଏବ ଚ।
କରାଲଦନ୍ତସ୍ତ୍ବଷ୍ଟା ଚ ବିଶ୍ବକର୍ମା ଚ ତୁମ୍ବୁରୁଃ॥ 2-7-14 (11579)
ଅଯୋନିଜା ଯୋନିଜାଶ୍ଚ ବାଯୁଭକ୍ଷା ହୁତାଶିନଃ।
ଈଶାନଂ ସର୍ବଲୋକସ୍ଯ ବଜ୍ରିଣଂ ସମୁପାସତେ॥ 2-7-15 (11580)
ସହଦେବଃ ସୁନୀଥଶ୍ଚ ବାଲ୍ମୀକିଶ୍ଚ ମହାତପାଃ।
ସମୀକଃ ସତ୍ଯବାକ୍ଚୈବ ପ୍ରଚେତାଃ ସତ୍ଯସଙ୍ଗରଃ॥ 2-7-16 (11581)
ମେଧାତିଥିର୍ବାମଦେବଃ ପୁଲସ୍ତ୍ଯଃ ପୁଲହଃ କ୍ରତୁଃ।
ମରୁତ୍ତଶ୍ଚ ମରୀଚିଶ୍ଚ ସ୍ଥାଣୁଶ୍ଚାତ୍ର ମହାତପାଃ॥ 2-7-17 (11582)
କକ୍ଷୀବାନ୍ଗୌତମସ୍ତାର୍କ୍ଷ୍ଯସ୍ତଥା ବୈଶ୍ବାନରୋ ମୁନିଃ।
ମୁନିଃ କାଲକବୃକ୍ଷୀଯ ଆଶ୍ରାବ୍ଯୋଽଥ ହିରଣ୍ମଯଃ॥ 2-7-18 (11583)
ସଂବର୍ତୋ ଦେବହବ୍ଯଶ୍ଚ ବିଷ୍ବକ୍ସେନଶ୍ଚ ବୀର୍ଯବାନ୍।
ଦିବ୍ଯା ଆପସ୍ତଥୌଷଧ୍ଯଃ ଶ୍ରଦ୍ଧା ମେଧା ସରସ୍ବତୀ॥ 2-7-19 (11584)
ଅର୍ଥୋ ଧର୍ମଶ୍ଚ କାମଶ୍ଚ ବିଦ୍ଯୁତଶ୍ଚୈବ ପାଣ୍ଡବ।
ଜଲବାହାସ୍ତଥା ମେଘା ବାଯବଃ ସ୍ତନଯିତ୍ନବଃ॥ 2-7-20 (11585)
ପ୍ରାଚୀଦିଗ୍ଯଜ୍ଞବାହାଶ୍ଚ ପାବକାଃ ସପ୍ତବିଂଶତିଃ।
ଅଗ୍ନୀଷୋମୌ ତଥେନ୍ଦ୍ରାଗ୍ନୀ ମିତ୍ରଶ୍ଚ ସବିତାଽର୍ଯମା॥ 2-7-21 (11586)
ଭଗୋ ବିଶ୍ବେ ସାଧ୍ଯାଶ୍ଚ ଗୁରୁଃ ଶୁକ୍ରସ୍ତଥୈବ ଚ।
ବିଶ୍ବାବସୁଶ୍ଚିତ୍ରସେନଃ ସୁମନସ୍ତରୁଣସ୍ତଥା॥ 2-7-22 (11587)
ଯଜ୍ଞାଶ୍ଚ ଦକ୍ଷିଣାଶ୍ଚୈବଂ ଗ୍ରହାସ୍ତୋଭାଶ୍ଚ ଭାରତ।
ଯଜ୍ଞବାହାଶ୍ଚ ଯେ ମନ୍ତ୍ରାଃ ସର୍ବେ ତତ୍ର ସମାସତେ॥ 2-7-23 (11588)
ତଥୈବାପ୍ସରସୋ ରାଜନ୍ `ରମ୍ଭୋର୍ବଶ୍ଯଥ ମେନକା।
ଘୃତାଚୀ ପଞ୍ଚଚୂଡା ଚ ବିପ୍ରଚିତ୍ତିପୁରୋଗମାଃ॥ 2-7-24 (11589)
ବିଦ୍ଯାଧରାଶ୍ଚ ରାଜେନ୍ଦ୍ର' ଗନ୍ଧର୍ବାଶ୍ଚ ମନୋରମାଃ।
ନୃତ୍ଯବାଦିତ୍ରଗୀତୈଶ୍ଚ ହାସ୍ଯୈଶ୍ଚ ବିବିଧୈରପି॥ 2-7-25 (11590)
ରମଯନ୍ତି ସ୍ମ ନୃପତେ ଦେବରାଜଂ ଶତକ୍ରତୁମ୍।
ସ୍ତୁତିଭିର୍ମଙ୍ଗଲୈଶ୍ଚୈବ ବସ୍ତୁବନ୍ତଃ କର୍ମଭିସ୍ତଥା॥ 2-7-26 (11591)
ବିକ୍ରମୈଶ୍ଚ ମହାତ୍ମାନଂ ବଲବୃତ୍ରନିଷୂଦନମ୍।
ବ୍ରହ୍ମରାଜର୍ଷଯଶ୍ଚୈବ ସର୍ବେ ଦେବର୍ଷଯସ୍ତଥା॥ 2-7-27 (11592)
ବିମାନୈର୍ବିବିଧୈର୍ଦିବ୍ଯୈର୍ଦୀପ୍ଯମାନା ଇବାଗ୍ନଯଃ।
ସ୍ରଗ୍ବିଣୋ ଭୂଷିତାଃ ସର୍ବେ ଯାନ୍ତି ଚାଯାନ୍ତି ଚାପରେ॥ 2-7-28 (11593)
ବୃହସ୍ପତିଶ୍ଚ ଶୁକ୍ରଶ୍ଚ ନିତ୍ଯମାସ୍ତାଂ ହି ତତ୍ର ବୈ॥
ଏତେ ଚାନ୍ଯେ ଚ ବହବୋ ମହାତ୍ମାନୋ ଯତବ୍ରତାଃ॥ 2-7-29 (11594)
ବିମାନୈଶ୍ଚନ୍ଦ୍ରସଙ୍କାଶୈଃ ସୋମବତ୍ପ୍ରିଯଦର୍ଶନାଃ।
ବ୍ରହ୍ମଣୋ ବଚନାଦ୍ରାଜନ୍ଭୃଗୁଃ ସପ୍ତର୍ଷଯସ୍ତଥା॥ 2-7-30 (11595)
ଏଷା ସଭା ମଯା ରାଜନ୍ଦୃଷ୍ଟା ପୁଷ୍କରମାଲିନୀ।
ଶତକ୍ରତୋର୍ମହାବାହୋ ଯାମ୍ଯାମପି ସଭାଂ ଶୃଣୁ॥ ॥ 2-7-31 (11596)
ଇତି ଶ୍ରୀମନ୍ମହାଭାରତେ ସଭାପର୍ବଣି ମନ୍ତ୍ରପର୍ବଣି ସପ୍ତମୋଽଧ୍ଯାଯଃ॥ 7॥
Mahabharata - Sabha Parva - Chapter Footnotes
2-7-13 ପାରାଶର୍ଯଃ କପିଷ୍ଠଲ ଇତି ଘ. ପାଠଃ॥ 2-7-21 ବ୍ରହ୍ମଣୋଙ୍ଗାତ୍ପ୍ରସୂତୋଽଗ୍ନିରଙ୍ଗିରା ଇତି ବିଶ୍ରୁତଃ। ଦକ୍ଷିଣାଗ୍ନିର୍ଗାର୍ହପତ୍ଯା ହବନୀଯାବିତି ତ୍ରଯୀ। ନିର୍ମନ୍ଥ୍ଯୋ ବୈଦ୍ଯୁତଃ ଶୂରଃ ସଂବର୍ତୋ ଲୌକିକସ୍ତଥା। 2-7-31 ପୁଷ୍କରମାଲିନୀ ନାମତଃ॥ସଭାପର୍ବ - ଅଧ୍ଯାଯ 008
॥ ଶ୍ରୀଃ ॥
2.8. ଅଧ୍ଯାଯଃ 008
Mahabharata - Sabha Parva - Chapter Topics
ଯମସଭାବର୍ଣମମ୍॥ 1॥Mahabharata - Sabha Parva - Chapter Text
ନାରଦ ଉବାଚ।
କଥଯିଷ୍ଯେ ସଭାଂ ଯାମ୍ଯାଂ ଯୁଧିଷ୍ଠିର ନିବୋଧ ତାମ୍।
ବୈବସ୍ବତସ୍ଯ ଯାଂ ପାର୍ଥ ବିଶ୍ବକର୍ମା ଚକାର ହ॥ 2-8-1 (11597)
ତୈଜସୀ ସା ସଭା ରାଜନ୍ବଭୂବ ଶତଯୋଜନା।
ବିସ୍ତାରାଯାମସମ୍ପନ୍ନା ଭୂଯସୀ ଚାପି ପାଣ୍ଡବ॥ 2-8-2 (11598)
ଅର୍କପ୍ରକାଶା ଭ୍ରାଜିଷ୍ଣୁଃ ସର୍ବତଃ କାମରୂପିଣୀ।
ନାତିଶୀତା ଚ ଚାତ୍ଯୁଷ୍ଣା ମନସଶ୍ଚ ପ୍ରହର୍ଷିଣୀ॥ 2-8-3 (11599)
ନ ଶୋକୋ ନ ଜରା ତସ୍ଯାଂ କ୍ଷୁତ୍ପିପାସେ ନ ଚାପ୍ରିଯମ୍।
ନ ଚ ଦୈନ୍ଯଂ କ୍ଲମୋ ବାଽପି ପ୍ରତିକୂଲଂ ନ ଚାପ୍ଯୁତ॥ 2-8-4 (11600)
ସର୍ବେ କାମାଃ ସ୍ଥିତାସ୍ତସ୍ଯାଂ ଯେ ଦିବ୍ଯା ଯେ ଚ ମାନୁଷାଃ।
ରସବଚ୍ଚ ପ୍ରଭୂତଂ ଚ ଭକ୍ଷ୍ଯଂ ଭୋଜ୍ଯମରିନ୍ଦମ॥ 2-8-5 (11601)
ଲେହ୍ଯଂ ଚୋପ୍ଯଂ ଚ ପେଯଂ ଚ ହୃଦ୍ଯଂ ସ୍ବାଦୁ ମନୋହରମ୍।
ପୁଣ୍ଯଗନ୍ଧାଃ ସ୍ରଜସ୍ତସ୍ଯ ନିତ୍ଯଂ କାମଫଲା ଦ୍ରୁମାଃ॥ 2-8-6 (11602)
ରସବନ୍ତି ଚ ତୋଯାନି ଶୀତାନ୍ଯୁଷ୍ଣାନି ଚୈବ ହି।
ତସ୍ଯାଂ ରାଜର୍ଷଯଃ ପୁଣ୍ଯାସ୍ତଥା ବ୍ରହ୍ମର୍ଷଯୋଽମଲାଃ॥ 2-8-7 (11603)
ଯମଂ ବୈବସ୍ବତଂ ତାତ ପ୍ରହୃଷ୍ଟାଃ ପର୍ଯୁପାସତେ।
ଯଯାତିର୍ନହୁଷଃ ପୁରୁର୍ମାନ୍ଧାତା ସୋମକୋ ନୁଗଃ॥ 2-8-8 (11604)
ତ୍ରସଦସ୍ଯୁଶ୍ଚ ରାଜର୍ଷିଃ କୃତବୀର୍ଯଃ ଶ୍ରୁତଶ୍ରବାଃ।
ଅରିଷ୍ଟନେମିଃ ସିଦ୍ଧଶ୍ଚ କୃତବେଗଃ କୃତିର୍ନିମିଃ॥ 2-8-9 (11605)
ପ୍ରତର୍ଦନଃ ଶିବିର୍ମତ୍ସ୍ଯଃ ପୃଥୁଲାକ୍ଷୋ ବୃହଦ୍ରଥଃ।
ବାର୍ତୋ ମରୁତ୍ତଃ କୁଷିକଃ ସାଙ୍କାଶ୍ଯଃ ସାଙ୍କୃତିର୍ଧ୍ରୁବଃ॥ 2-8-10 (11606)
ଚତୁରଶ୍ଚଃ ସଦସ୍ଯୋର୍ମିଃ କାର୍ତବୀର୍ଯଶ୍ଚ ପାର୍ଥିବଃ।
ଭରତଃ ସୁରଥଶ୍ଚୈବ ସୁନୀଥୋ ନିଶଠୋଽନଲଃ॥ 2-8-11 (11607)
ଦିବୋଦାସଶ୍ଚ ସୁମନା ଅମ୍ବରୀଷୋ ଭଗୀରଥଃ।
ବ୍ଯଶ୍ବଃ ସଦଶ୍ବୋ ବାଘ୍ର୍ଯଶ୍ବଃ ପୃଥୁବେଗଃ ପୃଥୁଶ୍ରବାଃ॥ 2-8-12 (11608)
ପୃପଦଶ୍ବୋ ବସୁମନାଃ କ୍ଷୁପଶ୍ଚ ସୁମହାବଲଃ।
ରୁଷଦ୍ରୁର୍ବୃଷସେନଶ୍ଚ ପୁରୁକୁତ୍ସୋ ଧ୍ବଜୀ ରଥୀ॥ 2-8-13 (11609)
ଆର୍ଷ୍ଟିଷେଣୋ ଦିଲୀପଶ୍ଚ ମହାତ୍ମା ଚାପ୍ଯୁଶୀନରଃ।
ଔଶୀନରିଃ ପୁଣ୍ଡରୀକଃ ଶର୍ଯାତିଃ ଶରଭଃ ଶୁଚିଃ॥ 2-8-14 (11610)
ଅଙ୍ଗୋ ରିଷ୍ଟଶ୍ଚ ବେନଶ୍ଚ ଦୁଷ୍ଯନ୍ତଃ ସୃଞ୍ଜଯୋ ଜଯଃ।
ଭାଙ୍ଗାସୁରିଃ ସୁନୀଥଶ୍ଚ ନିଷଧୋଽଥ ବହୀନରଃ॥ 2-8-15 (11611)
କରନ୍ଧମୋ ବାହ୍ଲିକଶ୍ଚ ସୁଦ୍ଯୁମ୍ନୋ ବଲବାନ୍ମଧୁଃ।
ଐଲୋ ମରୁତ୍ତଶ୍ଚ ତଥା ବଲବାନ୍ପୃଥିବୀପତିଃ॥ 2-8-16 (11612)
କପୋତରୋମା ତୃଣକଃ ସହଦେବାର୍ଜୁନୌ ତଥା।
ବ୍ଯଶ୍ବଃ ସାଶ୍ବଃ କୃଶାଶ୍ବଶ୍ଚ ଶଶବିନ୍ଦୁଶ୍ଚ ପାର୍ଥିବଃ॥ 2-8-17 (11613)
ରାମୋ ଦାଶରଥିଶ୍ଚୈବ ଲକ୍ଷ୍ମଣୋଽଥ ପ୍ରତର୍ଦନଃ।
ଅଲର୍କଃ କକ୍ଷସେନଶ୍ଚ ଗଯୋ ଗୌରାଓଶ୍ବ ଏବ ଚ॥ 2-8-18 (11614)
ଜାମଦଗ୍ନ୍ଯଶ୍ଚ ରାମଶ୍ଚ ନାଭାଗସଗରୌ ତଥା।
ଭୂରିଦ୍ଯୁମ୍ନୋ ମହାଶ୍ବଶ୍ଚ ପୃଥାଶଅବୋ ଜନକସ୍ତଥା॥ 2-8-19 (11615)
ରାଜା ବୈନ୍ଯୋ ବାରିସେନଃ ପୁରିଜିଜ୍ଜନମେଜଯଃ।
ବ୍ରହ୍ମଦତ୍ତସ୍ତ୍ରିଗର୍ତିଶ୍ଚ ରାଜୋପରିଚରସ୍ତଥା॥ 2-8-20 (11616)
ଇନ୍ଦ୍ରଦ୍ଯୁମ୍ନୋ ଭୀମଜାନୁର୍ଗୌରପୃଷ୍ଠୋଽନଘୋ ଲଯଃ।
ପଦ୍ମୋଽଥ ମୁଚୁକୁନ୍ଦଶ୍ଚ ଭୂରିଦ୍ଯୁମ୍ନଃ ପ୍ରସେନଜିତ୍॥ 2-8-21 (11617)
ଅରିଷ୍ଟନେମିଃ ସୁଦ୍ଯୁମ୍ନଃ ପୃଥୁଲାଶ୍ବୋଽଷ୍ଟକସ୍ତଥା।
ଶତଂ ମତ୍ସ୍ଯା ନୃପତଯଃ ଶତଂ ନୀପାଃ ଶତଂ ହଯାଃ॥ 2-8-22 (11618)
ଧୃତରାଷ୍ଟ୍ରାଶ୍ଚୈକଶତମଶୀତିର୍ଜନମେଜଯାଃ।
ଶତଂ ଚ ବ୍ରହ୍ମଦତ୍ତାନାଂ ବୀରିଣାମୀରିଣାଂ ଶତମ୍॥ 2-8-23 (11619)
ଭୀଷ୍ଣାଣାଂ ଦ୍ବେ ଶତେଽପ୍ଯତ୍ର ଭୀମାନାଂ ତୁ ତଥା ଶତମ୍।
ଶତଂ ଚ ପ୍ରତିବିନ୍ଧ୍ଯାନାଂ ଶତଂ ନାଗାଃ ଶତଂ ହଯାଃ॥ 2-8-24 (11620)
ପଲାଶାନାଂ ଶତଂ ଜ୍ଞେଯଂ ଶତଂ କାଶକୁଶାଦଯଃ।
ଶାନ୍ତନୁଶ୍ଚୈବ ରାଜେନ୍ଦ୍ର ପାଣ୍ଡୁଶ୍ଚୈବ ପିତା ତବ॥ 2-8-25 (11621)
ଉଶଙ୍ଗବଃ ଶତରଥୋ ଦେବରାଜୋ ଜଯଦ୍ରଥଃ।
ବୃଷଦର୍ଭଶ୍ଚ ରାଜର୍ଷିର୍ବୁଦ୍ଧିମାନ୍ସହମନ୍ତ୍ରିଭିଃ॥ 2-8-26 (11622)
ଅଥାପରେ ସହସ୍ରାଣି ଯେ ଗତାଃ ଶସବିନ୍ଦବଃ।
ଇଷ୍ଟ୍ବାଽଶ୍ବମେଧୈର୍ବହୁଭିର୍ମହଦ୍ଭିର୍ଭୂରିଦକ୍ଷିଣୈଃ॥ 2-8-27 (11623)
ଏତେ ରାଜର୍ଷଯଃ ପୁଣ୍ଯାଃ କୀର୍ତିମନ୍ତୋ ବହୁଶ୍ରୁତାଃ।
ତସ୍ଯାଂ ସଭାଯାଂ ରାଜେନ୍ଦ୍ର ବୈବସ୍ବତମୁପାସତେ॥ 2-8-28 (11624)
ଅଗସ୍ତ୍ଯୋଽଥ ମତଙ୍ଗଶ୍ଚ କାଲୋ ମୃତ୍ଯୁସ୍ତଥୈବ ଚ।
ଯଜ୍ବାନଶ୍ଚୈବ ସିଦ୍ଧାଶ୍ଚ ଯେ ନ ଯୋଗଶରୀରିଣଃ॥ 2-8-29 (11625)
ଅଗ୍ନିଷ୍ବାତ୍ତାଶ୍ଚ ପିତରଃ ଫେନପାଶ୍ବୋଷ୍ମପାଶ୍ଚ ଯେ।
ସୁଧାବନ୍ତୋ ବର୍ହିଷଦୋ ମୂର୍ତିମନ୍ତସ୍ତଥାଽପରେ॥ 2-8-30 (11626)
କାଲଚକ୍ରଂ ଚ ସାକ୍ଷାଚ୍ଚ ଭଗବାନ୍ହବ୍ଯବାହନଃ।
ନରା ଦୁଷ୍କୃତକର୍ମାଣୋ ଦକ୍ଷିଣାଯନମୃତ୍ଯବଃ॥ 2-8-31 (11627)
କାଲସ୍ଯ ନଯନେ ଯୁକ୍ତା ଯମସ୍ଯ ପୁରୁପାଶ୍ଚ ଯେ।
ତସ୍ଯାଂ ଶିଂଶୁପପାଲାଶାସ୍ତଥା କାଶକୁଶାଦଯଃ॥ 2-8-32 (11628)
ଉପାସତେ ଧର୍ମରାଜଂ ମୂର୍ତିମନ୍ତୋ ଜନାଧିପ।
ଏତେ ଚାନ୍ଯେ ଚ ବହବଃ ପିତୃରାଜସଭାସଦଃ।
ନ ଶକ୍ଯାଃ ପରିସଙ୍ଖ୍ଯାତୁଂ ନାମଭିଃ କର୍ମଭିସ୍ତଥା । 2-8-33 (11629)
ଅସମ୍ବାଧା ହି ସା ପାର୍ଥ ରମ୍ଯା କାମଗମା ସଭା।
ଦୀର୍ଘକାଲଂ ତପସ୍ତପ୍ତ୍ବା ନିର୍ମିତା ବିଶ୍ବକର୍ମଣା। 2-8-34 (11630)
ଜ୍ବଲନ୍ତୀ ଭାସମାନା ଚ ତେଜସା ସ୍ବେନ ଭାରତ।
ତାମୁଗ୍ରତପସୋ ଯାନ୍ତି ସୁବ୍ରତାଃ ସତ୍ଯବାଦିନଃ॥ 2-8-35 (11631)
ଶାନ୍ତାଃ ସନ୍ଯାସିନଃ ଶୁଦ୍ଧାଃ ପୂତାଃ ପୁଣ୍ଯେନ କର୍ମଣା।
ସର୍ବେ ଭାସ୍ବରଦେହାଶ୍ଚ ସର୍ବେ ଚ ବିରଜୋମ୍ବରାଃ॥ 2-8-36 (11632)
ଚିତ୍ରାଙ୍ଗଦାଶ୍ଚିତ୍ରମାଲ୍ଯାଃ ସର୍ବେ ଜ୍ବଲିତକୁଣ୍ଡଲାଃ।
ସୁକୃତୈଃ କର୍ମଭିଃ ପୁଣ୍ଯୈଃ ପାରିବର୍ହୈଶ୍ଚ ଭୂଷିତାଃ॥ 2-8-37 (11633)
ଗନ୍ଧର୍ବାଶ୍ଚ ମହାତ୍ମାନଃ ସଙ୍ଘଶଶ୍ଚାପ୍ସରୋଗଣାଃ।
ବାଦିତ୍ରଂ ନୃତ୍ତଗୀତଂ ଚ ହାସ୍ଯଂ ଲାସ୍ଯଂ ଚ ସର୍ବଶଃ॥ 2-8-38 (11634)
ପୁଣ୍ଯାଶ୍ଚ ଗନ୍ଧାଃ ଶବ୍ଦାଶ୍ଚ ତସ୍ଯାଂ ପାର୍ଥ ସମନ୍ତତଃ।
ଦିବ୍ଯାନି ଚୈବ ମାଲ୍ଯାନି ଉପତିଷ୍ଠନ୍ତି ନିତ୍ଯଶଃ॥ 2-8-39 (11635)
ଶତଂ ଶତସହସ୍ରାଣି ଧର୍ମିଣାଂ ତଂ ପ୍ରଜେଶ୍ବରମ୍।
ଉପାସତେ ମହାତ୍ମାନଂ ରୂପଯୁକ୍ତା ମନସ୍ବିନଃ॥ 2-8-40 (11636)
ଈଦୃଶୀ ସା ସଭା ରାଜନ୍ପିତୃରାଜ୍ଞୋ ମହାତ୍ମନଃ।
ବରୁଣସ୍ଯାପି ବକ୍ଷ୍ଯାମି ସଭାଂ ପୁଷ୍କରମାଲିନୀମ୍॥ ॥ 2-8-41 (11637)
ଇତି ଶ୍ରୀମନ୍ମହାଭାରତେ ସଭାପର୍ବଣି ମନ୍ତ୍ରପର୍ବଣି ଅଷ୍ଟମୋଽଧ୍ଯାଯଃ॥ 8॥
Mahabharata - Sabha Parva - Chapter Footnotes
2-8-18 ରାମଇତି ରାମଲକ୍ଷ୍ମଣଯୋର୍ବିଷ୍ଣୁଶେଷରୂପେଣ ସ୍ବସ୍ଥାନସ୍ଥଯୋରପି ରୂପାନ୍ତରେଣ ଉପାସକାନୁ ଗ୍ରହାର୍ଥମତ୍ରାବସ୍ଥାନମ୍॥ 2-8-23 ଧୃତରାଷ୍ଟାଶ୍ଚୈକଶତମିତି ପୁରାଣେଷୁ ପ୍ରାଯେଣାଧିକାରିଣାମେବ କୀର୍ତନାତ୍ତେଷାଂ ଚ ପ୍ରତି କଲ୍ପଂ ସମାନନାମରୂପକର୍ମତ୍ବାଦନେକକଲ୍ପଂ ଧର୍ମସଭାବାସିନାଂ ତେଷାଂ ବହୁତ୍ବଂ ଯୁକ୍ତମ୍। ଏବମନ୍ଯେଷାମପି॥ 2-8-31 ଦୁଷ୍କୃତକର୍ମାଣୋ ବିଦ୍ଯାବିହୀନକର୍ମମାତ୍ରନିଷ୍ଟାଃ॥ସଭାପର୍ବ - ଅଧ୍ଯାଯ 009
॥ ଶ୍ରୀଃ ॥
2.9. ଅଧ୍ଯାଯଃ 009
Mahabharata - Sabha Parva - Chapter Topics
ବରୁଣସଭାବର୍ଣନମ୍॥ 1॥Mahabharata - Sabha Parva - Chapter Text
ନାରଦ ଉବାଚ॥
ଯୁଧିଷ୍ଠିର ସଭା ଦିବ୍ଯା ବରୁଣସ୍ଯାମିତପ୍ରଭା।
ପ୍ରମାଣେନ ଯଥା ଯାମ୍ଯା ଶୁଭପ୍ରାକାରତୋରଣା॥ 2-9-1 (11638)
ଅନ୍ତଃ ସଲିଲମାସ୍ଥାଯ ବିହିତା ବିଶ୍ବକର୍ମଣା।
ଦିବ୍ଯୈ ରତ୍ନମଯୈର୍ବୃକ୍ଷୈଃ ଫଲପୁଷ୍ପପ୍ରଦୈର୍ଯୁତା॥ 2-9-2 (11639)
ନୀଲପୀତୈଃ ସିତାଃ ଶ୍ଯାମୈଃ ସିତୈର୍ଲୋହିତକୈରପି।
ଅବତାନୈସ୍ତଥା ଗୁଲ୍ମୈର୍ମଞ୍ଜରୀଜାଲଧାରିଭିଃ॥ 2-9-3 (11640)
ତଥା ଶକୁନଯସ୍ତସ୍ଯାଂ ବିଚିତ୍ରା ମଧୁରସ୍ବରାଃ।
ଅନିର୍ଦେଶ୍ଯା ବପୁଷ୍ମନ୍ତଃ ଶତଶୋଽଥ ସହସ୍ରଶଃ॥ 2-9-4 (11641)
ସା ସଭା ସୁଖସଂସ୍ପର୍ଶା ନ ଶୀତା ନ ଚ ଧର୍ମଦା।
ବେଶ୍ମାସନବତୀ ରମ୍ଯା ସିତା ବରୁଣପାଲିତା॥ 2-9-5 (11642)
ଯସ୍ଯାମାସ୍ତେ ସ ବରୁଣୋ ବାରୁଣ୍ଯା ଚ ସମନ୍ବିତଃ।
ଦିବ୍ଯରତ୍ନାମ୍ବରଧରୋ ଦିବ୍ଯାଭରଣଭୂଷିତଃ॥ 2-9-6 (11643)
`ଦ୍ବିତୀଯେନ ତୁ ନାମ୍ନା ବୈ ଗୌରୀତି ଭୁବି ବିଶ୍ରୁତା।
ପତ୍ନ୍ଯା ସବରୁଣୋ ଦେବଃ ପ୍ରମୋଦତି ସୁଖୀ ସୁଖମ୍'॥ 2-9-7 (11644)
ସ୍ରଗ୍ବିଣୋ ଦିବ୍ଯଗନ୍ଧାଶ୍ଚ ଦିବ୍ଯଗନ୍ଧାନୁଲେପନାଃ।
ଆଦିତ୍ଯାସ୍ତତ୍ର ବରୁଣଂ ଜଲେଶ୍ବରମୁପାସତେ॥ 2-9-8 (11645)
ବାସୁକିସ୍ତକ୍ଷକଶ୍ଚୈବ ନାଗଶ୍ଚୈରାବତସ୍ତଥା।
କୃଷ୍ଣଶ୍ଚ ଲୋହିତଶ୍ଚୈବ ପଦ୍ମଶ୍ଚିତ୍ରଶ୍ଚ ବୀର୍ଯବାନ୍॥ 2-9-9 (11646)
କମ୍ବଲାଶ୍ବତରୌ ନାଗୌ ଧୃତରାଷ୍ଟ୍ରବଲାହକୌ।
ମଣିମାନ୍କୁଣ୍ଡଧାରଶ୍ଚ କର୍କୋଟକଧନଞ୍ଜଯୌ॥ 2-9-10 (11647)
ପାଣିମାନ୍କୁଣ୍ଡଧାରଶ୍ଚ ବଲବାନ୍ପୃଥିବୀପତେ।
ପ୍ରହ୍ରାଦୋ ମୁଷିକାଦଶ୍ଚ ତଥୈବ ଜନମେଜଯଃ ॥ 2-9-11 (11648)
ପତାକିନୋ ମଣ୍ଡଲିନଃ ଫଣବନ୍ତଶ୍ଚ ସର୍ବଶଃ।
` ଅର୍ଥୋ ଧର୍ମଶ୍ଚ କାମଶ୍ଚ ବସୁଃ କପିଲ ଏବ ଚ॥ 2-9-12 (11649)
ଅନନ୍ତଶ୍ଚ ମହାନାଗୋ ଯଂ ଦୃଷ୍ଟ୍ବା ଜଲଜେଶ୍ବରଃ।
ଅଭ୍ଯର୍ଚଯତି ସତ୍କାରୈରାସନେନ ଚ ତଂ ବିଭୁଃ॥ 2-9-13 (11650)
ବାସୁକିପ୍ରମୁଖାଶ୍ଚୈବ ସର୍ବେ ପ୍ରାଞ୍ଜଲଯଃ ସ୍ଥିତାଃ।
ଅନୁଜ୍ଞାତାଶ୍ଚ ଶେଷେଣ ଯଥାର୍ହମୁପବିଶ୍ଯ ଚ॥ 2-9-14 (11651)
ଏତେ ଚାନ୍ଯେ ଚ ବହବଃ ସର୍ପାସ୍ତସ୍ଯାଂ ଯୁଧିଷ୍ଠିର।
`ବୈନତେଯଶ୍ଚ ଗରୁଡୋ ଯେ ଚାସ୍ଯ ପରିଚାରିଣଃ'।
ଉପାସତେ ମହାତ୍ମାନଂ ବରୁଣଂ ବିଗତକ୍ଲମାଃ॥ 2-9-15 (11652)
ବଲିର୍ବୈରୋଚନୋ ରାଜା ନରକଃ ପୃଥିବୀଞ୍ଜଯଃ।
ସଂହ୍ରାଦୋ ବିପ୍ରଚିତ୍ତିଶ୍ଚ କାଲଖଞ୍ଜାଶ୍ଚ ଦାନବାଃ॥ 2-9-16 (11653)
ସୁହନୁର୍ଦୁର୍ମୁଖଃ ଶଙ୍ଖଃ ସୁମନାଃ ସୁମତିସ୍ତତଃ।
ଘଟୋଦରୋ ମହାପାର୍ଶ୍ବଃ କ୍ରଥନଃ ପିଠରସ୍ତଥା॥ 2-9-17 (11654)
ବିଶ୍ବରୂପଃ ସ୍ବରୂପଶ୍ଚ ବିରୂପୋଽଥ ମହାଶିରାଃ।
ଦଶଗ୍ରୀବଶ୍ଚ ବାଲୀ ଚ ମେଘବାସା ଦଶାବରଃ॥ 2-9-18 (11655)
ଟିଟ୍ଟିଭୋ ବିଟଭୂତଶ୍ଚ ସଂହ୍ରାଦଶ୍ଚେନ୍ଦ୍ରତାପନଃ।
ଦୈତ୍ଯଦାନବସଙ୍ଘାଶ୍ଚ ସର୍ବେ ରୁଚିରକୁଣ୍ଡଲାଃ॥ 2-9-19 (11656)
ସ୍ରଗ୍ବିଣୋ ମୌଲିନଶ୍ଚୈବ ତଥା ଦିବ୍ଯପରିଚ୍ଛଦାଃ।
ସର୍ବେ ଲବ୍ଧବରାଃ ଶୂରାଃ ସର୍ବେ ବିଗତମୃତ୍ଯବଃ॥ 2-9-20 (11657)
ତେ ତସ୍ଯାଂ ବରୁଣଂ ଦେବଂ ଧର୍ମପାଶଧରଂ ସଦା।
ଉପାସତେ ମହାତ୍ମାନଂ ସର୍ବେ ସୁଚରିତବ୍ରତାଃ॥ 2-9-21 (11658)
ତଥା ସମୁଦ୍ରାଶ୍ଚତ୍ବାରୋ ନଦୀ ଭାଗୀରଥୀ ଚ ସା।
କାଲିନ୍ଦୀ ବିଦିଶା ବେଣା ନର୍ଦମା ବେଗବାହିନୀ॥ 2-9-22 (11659)
ବିପାଶା ଚ ଶତଦ୍ରୁଶ୍ଚ ଚନ୍ଦ୍ରଭାଗା ସରସ୍ବତୀ।
ଇରାବତୀ ବିତସ୍ତା ଚ ସିନ୍ଧୁର୍ଦେବନଦୀ ତଥା॥ 2-9-23 (11660)
ଗୋଦାବରୀ କୃଷ୍ଣବେଣୀ କାବେରୀ ଚ ସରିଦ୍ବରା।
କିମ୍ପୁନା ଚ ବିଶଲ୍ଯା ଚ ତଥା ବୈତରଣୀ ନଦୀ॥ 2-9-24 (11661)
ତୃତୀଯା ଜ୍ଯେଷ୍ଠିଲା ଚୈବ ଶୋଣଶ୍ଚାପି ମହାନଦଃ।
ଚର୍ମଣ୍ବତୀ ତଥା ଚୈବ ପର୍ଣାଶା ଚ ମହାନଦୀ॥ 2-9-25 (11662)
ସରଯୂର୍ବାରବତ୍ଯାଽଥ ଲାଙ୍ଗଲୀ ଚ ସରିଦ୍ବରା।
କରତୋଯା ତଥାଽଽତ୍ରେଯୀ ଲୌହିତ୍ଯଶ୍ଚ ମହାନଦଃ॥ 2-9-26 (11663)
ଲଙ୍ଘତୀ ଗୋମତୀ ଚୈବ ସନ୍ଧ୍ଯା ତ୍ରିସ୍ରୋତସୀ ତଥା।
ଏତାଶ୍ଚନ୍ଯାଶ୍ଚ ରାଜେନ୍ଦ୍ର ସୁତୀର୍ଥା ଲୋକବିଶ୍ରୁତାଃ॥ 2-9-27 (11664)
ସରିତଃ ସର୍ବତଶ୍ଚାନ୍ଯାସ୍ତୀର୍ଥାନି ଚ ସରାଂସି ଚ।
କୂପାଶ୍ଚ ସପ୍ରସ୍ରବଣା ଦେହବନ୍ତୋ ଯୁଧିଷ୍ଠିର। 2-9-28 (11665)
ପଲ୍ବଲାନି ତଟାକାନି ଦେହବନ୍ତ୍ଯଥ ଭାରତ।
ଦିଶସ୍ତଥା ମହୀ ଚୈବ ତଥା ସର୍ବେ ମହୀଧରାଃ॥ 2-9-29 (11666)
ଉପାସତେ ମହାତ୍ମାନଂ ସର୍ବେ ଜଲଚରାସ୍ତଥା।
ଗୀତବାଦିତ୍ରବନ୍ତଶ୍ଚ ଗନ୍ଧର୍ବାପ୍ସରସାଂ ଗଣାଃ॥ 2-9-30 (11667)
ସ୍ତୁବନ୍ତୋ ବରୁଣଂ ତସ୍ଯାଂ ସର୍ବ ଏବ ସମାସତେ।
ମହୀଧରା ରତ୍ନବନ୍ତୋ ରସା ଯେ ଚ ପ୍ରତିଷ୍ଠିତାଃ॥ 2-9-31 (11668)
କଥଯନ୍ତଃ ସୁମଧୁରାଃ କଥାସ୍ତତ୍ର ସମାସତେ।
ବାରୁଣଶ୍ଚ ତଥା ମନ୍ତ୍ରୀ ସୁନାଭଃ ପର୍ଯୁପାସତେ॥ 2-9-32 (11669)
ପୁତ୍ରପୌତ୍ରୈଃ ପରିବୃତୋ ଗୋନାମ୍ନା ପୁଷ୍କରେଣ ଚ।
ସର୍ବେ ବିଗ୍ରହବନ୍ତସ୍ତେ ତମୀଶ୍ବରମୁପାସତେ॥ 2-9-33 (11670)
ଏଷା ମଯା ସମ୍ପତତା ବାରୁଣୀ ଭରତର୍ଷଭ।
ଦୃଷ୍ଟପୂର୍ବା ସଭା ରମ୍ଯା କୁବେରସ୍ଯ ସଭାଂ ଶୃଣୁ॥ ॥ 2-9-34 (11671)
ଇତି ଶ୍ରୀମନ୍ମହାଭାରତେ ସଭାପର୍ବଣି ମନ୍ତ୍ରପର୍ବଣି ନବମୋଽଧ୍ଯାଯଃ॥ 9॥
Mahabharata - Sabha Parva - Chapter Footnotes
2-9-34 ସମ୍ପତତା ସମାଗଚ୍ଛତା॥ସଭାପର୍ବ - ଅଧ୍ଯାଯ 010
॥ ଶ୍ରୀଃ ॥
2.10. ଅଧ୍ଯାଯଃ 010
Mahabharata - Sabha Parva - Chapter Topics
କୁବେରସଭାବର୍ଣନମ୍॥ 1॥Mahabharata - Sabha Parva - Chapter Text
ନାରଦ ଉବାଚ।
ସଭା ବୈଶ୍ରବଣୀ ରାଜଞ୍ଶତଯୋଜନମାଯତା।
ବିସ୍ତୀର୍ଣା ସପ୍ତତିଶ୍ଚୈବ ଯୋଜନାନି ସିତପ୍ରଭା॥ 2-10-1 (11672)
ତପସା ନିର୍ଜିତା ରାଜନ୍ସ୍ବଯଂ ବୈଶ୍ରବଣେନ ସା।
ଶଶିପ୍ରଭା ପ୍ରାବରଣା କୈଲାସଶିଖରୋପମା॥ 2-10-2 (11673)
ଗୁହ୍ଯକୈରୁହ୍ଯମାନା ସା ଖେ ବିଷକ୍ତେବ ଶୋଭତେ।
ଦିବ୍ଯା ହେମମଯୈରୁଚ୍ଚୈଃ ପ୍ରାସାଦୈରୁପଶୋଭିତା॥ 2-10-3 (11674)
ମହାରତ୍ନବତୀ ଚିତ୍ରା ଦିବ୍ଯଗନ୍ଧା ମନୋରମା।
ସିତାଭ୍ରଶିଖରାକାରା ପ୍ଲବମାନେବ ଦୃଶ୍ଯତେ। 2-10-4 (11675)
ଦିବ୍ଯା ହେମମଯୈ ରଙ୍ଗୈର୍ବିଦ୍ଯୁଦ୍ଭିରିବ ଚିତ୍ରିତା।
ତସ୍ଯାଂ ବୈଶ୍ରବଣୋ ରାଜା ବିଚିତ୍ରାଭରଣାମ୍ବରଃ॥ 2-10-5 (11676)
ସ୍ତ୍ରୀସହସ୍ରୈର୍ବୃତଃ ଶ୍ରୀମାନାସ୍ତେ ଜ୍ବଲିତକୁଣ୍ଡଲଃ।
`ସହ ପତ୍ନ୍ଯା ମହାରାଜ ଋଦ୍ଧ୍ଯା ସହ ବିରାଜତେ। 2-10-6 (11677)
ସର୍ବାଭରଣଭୂଷିଣ୍ଯା ବପୁଷ୍ମତ୍ଯା ଧନେଶ୍ବରଃ'।
ଦିବାକରନିଭେ ପୁଣ୍ଯେ ଦିବ୍ଯାସ୍ତରଣସଂବୃତେ।
ଦିବ୍ଯପାଦୋପଧାନେ ଚ ନିଷଣ୍ଣଃ ପରମାସନେ॥ 2-10-7 (11678)
ମନ୍ଦାରାଣାମୁଦାରାଣାଂ ବନାନି ପରିଲୋଡଯନ୍।
ସୌଗନ୍ଧୀକବନାନାଂ ଚ ଗନ୍ଧଂ ଗନ୍ଧବହୋ ବହନ୍॥ 2-10-8 (11679)
ନଲିନ୍ଯାଶ୍ଚାଲକାଖ୍ଯାଯା ନନ୍ଦନସ୍ଯ ବନସ୍ଯ ଚ।
ଶୀତୋ ହୃଦଯସଂହ୍ଲାଦୀ ବାଯୁସ୍ତମୁପସେବତେ॥ 2-10-9 (11680)
ତତ୍ର ଦେବାଃ ସଗନ୍ଧର୍ବା ଗଣୈରପ୍ସରସାଂ ବୃତାଃ।
ଦିବ୍ଯତାନୈର୍ମହାରାଜ ଗାଯନ୍ତିସ୍ମ ସଭାଗତାଃ॥ 2-10-10 (11681)
ମିଶ୍ରକେଶୀ ଚ ରମ୍ଭା ଚ ଚିତ୍ରସେନା ଶୁଚିସ୍ମିତା।
ଚାରୁନେତ୍ରା ଘୃତାଚୀ ଚ ମେନକା ପୁଞ୍ଜିକସ୍ଥଲା॥ 2-10-11 (11682)
ବିଶ୍ବାଚୀ ସହଜନ୍ଯା ଚ ପ୍ରମ୍ଲୋଚା ଉର୍ବଶୀ ॥ 2-10-12 (11683)
ବର୍ଗା ଚ ସୌରଭେଯୀ ଚ ସମୀଚୀ ବୁଦ୍ବୁଦା ଲତା।
ଏତାଃ ସହସ୍ରଶଶ୍ଚାନ୍ଯା ନୃତ୍ତଗୀତବିଶାରଦାଃ॥ 2-10-13 (11684)
ଉପତିଷ୍ଠନ୍ତି ଧନଦଂ ଗନ୍ଧର୍ବାପ୍ସରସାଂ ଗଣାଃ।
ଅନିଶଂ ଦିବ୍ଯବାଦିତ୍ରୈର୍ନୃତ୍ତଗୀତୈଶ୍ଚ ସ ସଭା॥ 2-10-14 (11685)
ଅଶୂନ୍ଯା ରୁଚିରା ଭାତି ଗନ୍ଧର୍ବାପ୍ସରସାଂ ଗଣୈଃ।
କିନ୍ନରା ନାମ ଗନ୍ଧର୍ବା ନରା ନାମ ତଥାଽପରେ॥ 2-10-15 (11686)
ମାଣିଭଦ୍ରୋଽଥ ଧନଦଃ ଶ୍ବେତଭଦ୍ରଶ୍ଚ ଗୁହ୍ଯକଃ।
କଶେରକୋ ଗଣ୍ଡକଣ୍ଡୂଃ ପ୍ରଦ୍ଯୋତଶ୍ଚ ମହାବଲଃ॥ 2-10-16 (11687)
କୁସ୍ତମ୍ବରୁଃ ପିଶାଚଶ୍ଚ ଗଜକର୍ଣୋ ବିଶାଲକଃ।
ବରାହକର୍ଣସ୍ତାମ୍ରୌଷ୍ଠଃ ଫଲକକ୍ଷଃ ଫଲୋଦକଃ॥ 2-10-17 (11688)
ହଂସଚୂଡଃ ଶଇଖାବର୍ତୋ ହେମନେତ୍ରୋ ବିଭୀଷଣଃ।
ପୁଷ୍ପାନନଃ ପିଙ୍ଗଲକଃ ଶୋଣିତୋଦଃ ପ୍ରବାଲକଃ॥ 2-10-18 (11689)
ବୃକ୍ଷବାସ୍ଯନିକେତଶ୍ଚ ଚୀରବାସାଶ୍ଚ ଭାରତ।
ଏତେ ଚାନ୍ଯେ ଚ ବହବୋ ଯକ୍ଷାଃ ଶତସହସ୍ରଶଃ॥ 2-10-19 (11690)
ସଦା ଭଗବତୀ ଲକ୍ଷ୍ମୀସ୍ତତ୍ରୈବ ନଲକୂବରଃ।
ଅହଂ ଚ ବହୁଶସ୍ତସ୍ଯାଂ ଭବନ୍ତ୍ଯନ୍ଯେ ଚ ମଦ୍ବିଧାଃ॥ 2-10-20 (11691)
ବ୍ରହ୍ମର୍ଷଯୋ ଭବନ୍ତ୍ଯତ୍ର ତଥା ଦେବର୍ଷଯୋଽପରେ।
କ୍ରବ୍ଯାଦାଶ୍ଚ ତଥୈବାନ୍ଯେ ଗନ୍ଧର୍ବାଶ୍ଚ ମହାବଲାଃ॥ 2-10-21 (11692)
ଉପାସତେ ମହାତ୍ମାନଂ ତସ୍ଯାଂ ଧନଦମୀଶ୍ବରମ୍।
ଭଗବାନ୍ଭୂତସଙ୍ଘୈଶ୍ଚ ବୃତଃ ଶତସହସ୍ରଶଃ॥ 2-10-22 (11693)
ଉମାପତିଃ ପଶୁପତିଃ ଶୂଲଭୃଦ୍ଭଗନେତ୍ରହା।
ତ୍ର୍ଯମ୍ବକୋ ରାଜଶାର୍ଦୂଲ ଦେବୀ ଚ ବିଗତକ୍ଲମା॥ 2-10-23 (11694)
ବାମନୈର୍ବିକଟୈଃ କୁବ୍ଜୈଃ କ୍ଷତଜାକ୍ଷୈର୍ମହାରବୈଃ।
ମେଦୋମାଂସାଶନୈରୁଗ୍ରୈରୁଗ୍ରଧନ୍ବା ମହାବଲଃ॥ 2-10-24 (11695)
ନାନାପ୍ରହରଣୈରୁଗ୍ରୈର୍ବାତୈରିବ ମହାଜବୈଃ।
ବୃତଃ ସଖାଯମନ୍ବାସ୍ତେ ସଦୈବ ଧନଦଂ ନୃପ॥ 2-10-25 (11696)
ପ୍ରହୃଷ୍ଟାଃ ଶତଶଶ୍ଚାନ୍ଯେ ବହୁଶଃ ସପରିଚ୍ଛଦାଃ।
ଗନ୍ଧର୍ବାଣାଂ ଚ ପତଯୋ ବିଶ୍ବାବସୁର୍ହହା ହୁହୂଃ॥ 2-10-26 (11697)
ତୁମ୍ବୁରୁଃ ପ୍ରବତଶ୍ଚୈବ ଶୈଲୂଷଶ୍ଚ ତଥାଽପରଃ।
ଚିତ୍ରସେନଶ୍ଚ ଗୀତଜ୍ଞସ୍ତଥା ଚିତ୍ରରଥୋପି ଚ॥ 2-10-27 (11698)
ଏତେ ଚାନ୍ଯେ ଚ ଗନ୍ଧର୍ବା ଧନେଶ୍ବରମୁପାସତେ।
ବିଦ୍ଯାଧରାଧିପଶ୍ଚୈବ ଚକ୍ରଧର୍ମା ସହାନୁଜୈଃ॥ 2-10-28 (11699)
ଉପାଚରତି ତତ୍ର ସ୍ମ ଧନାନାମୀଶ୍ବରଂ ପ୍ରଭୁମ୍।
କିନ୍ନରାଃ ଶତଶସ୍ତତ୍ର ଧନାନାମୀଶ୍ବରଂ ପ୍ରଭୁମ୍॥ 2-10-29 (11700)
ଆସତେ ଚାପି ରାଜାନୋ ଭଗଦତ୍ତପୁରୋଗମାଃ।
ଦ୍ରୁମଃ କିମ୍ପୁରୁଷେଶଶ୍ଚ ଉପାସ୍ତେ ଧନଦେଶ୍ବରମ୍॥ 2-10-30 (11701)
ରାକ୍ଷସାଧିପତିଶ୍ଚୈବ ମହେନ୍ଦ୍ରୋ ଗନ୍ଧମାଦନଃ।
ସହ ଯକ୍ଷୈଃ ସଗନ୍ଧର୍ବୈଃ ସହ ସର୍ବୈର୍ନିଶାଚରୈଃ॥ 2-10-31 (11702)
ବିଭୀଷଣଶ୍ଚ ଧର୍ମିଷ୍ଠ ଉପାସ୍ତେ ଭ୍ରାତରଂ ପ୍ରଭୁମ୍।
ହିମବାନ୍ପାରିଯାତ୍ରଶ୍ଚ ବିନ୍ଧ୍ଯକୈଲାସମନ୍ଦରାଃ॥ 2-10-32 (11703)
ମଲଯୋ ଦର୍ଦୁରଶ୍ଚୈବ ମହେନ୍ଦ୍ରୋ ଗନ୍ଧମାଦନଃ।
ଇନ୍ଦ୍ରକୀଲଃ ସୁନାଭଶ୍ଚ ତଥା ଦିବ୍ଯୌ ଚ ପର୍ବତୌ॥ 2-10-33 (11704)
ଏତେ ଚାନ୍ଯେ ଚ ବହବଃ ସର୍ବେ ମେରୁପୁରୋଗମାଃ।
ଉପାସତେ ମହାତ୍ମାନଂ ଧନାନାମୀଶ୍ବରଂ ପ୍ରଭୁମ୍॥ 2-10-34 (11705)
ନ୍ଦୀଶ୍ବରଶ୍ଚ ଭଗବାନ୍ମହାକାଲସ୍ତଥୈବ ଚ।
ଶଙ୍କୁକର୍ଣମୁଖାଃ ସର୍ବେ ଦିବ୍ଯାଃ ପାରିଷଦାସ୍ତଥା॥ 2-10-35 (11706)
କାଷ୍ଠଃ କୁଟୀ ମୁଖୋ ଦନ୍ତୀ ବିଜଯଶ୍ଚ ତପୋଧିକଃ।
ଶ୍ବେତଶ୍ଚ ବୃଷଭସ୍ତତ୍ର ନର୍ଦନ୍ନାସ୍ତେ ମହାବଲଃ॥ 2-10-36 (11707)
ଧନଦଂ ରାକ୍ଷସାଶ୍ଚାନ୍ଯେ ପିଶାଚାଶ୍ଚ ଉପାସତେ।
ପାରିଷଦୈଃ ପରିବୃତମୁପାଯାନ୍ତଂ ମହେଶ୍ବରମ୍॥ 2-10-37 (11708)
ସଦା ହି ଦେବଦେବେଶଂ ଶିବଂ ତ୍ରୈଲୋକ୍ଯଭାବନମ୍।
ପ୍ରଣମ୍ଯ ମୂର୍ଧ୍ନା ପୌଲସ୍ତ୍ଯୋ ବହୁରୂପମୁମାପତିମ୍॥ 2-10-38 (11709)
ତତୋଽଭ୍ଯନୁଜ୍ଞାଂ ସମ୍ପ୍ରାପ୍ଯ ମହାଦେବାଦ୍ଧନେଶ୍ବରଃ।
ଆସ୍ତେ କଦାଚିଦ୍ଭଗବାନ୍ଭବୋ ଧନପତେଃ ସଖା॥ 2-10-39 (11710)
ନିଧିପ୍ରବରମୁଖ୍ଯୌ ଚ ଶଙ୍ଖପଦ୍ମୌ ଧନେଶ୍ବରୌ।
ସର୍ବାନ୍ନିଧୀନ୍ପ୍ରଗୃହ୍ଯାଥ ଉପାସ୍ତାଂ ବୈ ଧନେଶ୍ବରମ୍॥ 2-10-40 (11711)
ସା ସଭା ତାଦୃଶୀ ରମ୍ଯା ମଯା ଦୃଷ୍ଟାନ୍ତରିକ୍ଷଗା।
ପିତାମହସଭାଂ ରାଜନ୍କୀର୍ତଯିଷ୍ଯେ ନିବୋଧ ତାମ୍॥ ॥ 2-10-41 (11712)
ଇତି ଶ୍ରୀମନ୍ମହାଭାରତେ ସଭାପର୍ବଣି ମନ୍ତ୍ରପର୍ବଣି ଦଶମୋଽଧ୍ଯାଯଃ॥ 10॥
Mahabharata - Sabha Parva - Chapter Footnotes
2-10-5 ରଙ୍ଗୈରିତିଚ୍ଛେଦଃ॥ 2-10-39 ଆସ୍ତେ ଇତ୍ଯାବୃତ୍ତ୍ଯା ଯୋଜନୀଯମ୍। ଯଦା ଭବଃ କଦାଚିତ୍କୁବେରସଭାମଧ୍ଯାସ୍ତେ ତଦା କୁବେରୋଽପି ଭବାଦନୁଜ୍ଞାଂ ପ୍ରାପ୍ଯ ତନ୍ନିକଟେ ଆସ୍ତେ ଉପବିଶତି॥ସଭାପର୍ବ - ଅଧ୍ଯାଯ 011
॥ ଶ୍ରୀଃ ॥
2.11. ଅଧ୍ଯାଯଃ 011
Mahabharata - Sabha Parva - Chapter Topics
ବ୍ରହ୍ମସଭାବର୍ଣନମ୍॥1॥Mahabharata - Sabha Parva - Chapter Text
ନାରଦ ଉବାଚ॥
ପିତାମହସଭାଂ ତାତ କଥ୍ଯମାନାଂ ନିବୋଧ ମେ।
ଶକ୍ଯତେ ଯା ନ ନିର୍ଦେଷ୍ଟୁମେବଂରୂପେତି ଭାରତ॥ 2-11-1 (11713)
ପୁରା ଦେବଯୁଗେ ରାଜନ୍ନାଦିତ୍ଯୋ ଭଗବାନ୍ଦିବଃ।
ଆଗଚ୍ଛନ୍ମାନୁଷଂ ଲୋକଂ ଦିଦୃକ୍ଷୁର୍ବିଗତକ୍ଲମଃ॥ 2-11-2 (11714)
ଚରନ୍ମାନୁଷରୂପେଣ ସଭାଂ ଦୃଷ୍ଟ୍ବା ସ୍ବଯମ୍ଭୁବଃ।
ସ ତାମକଥଯନ୍ମହ୍ଯଂ ଦୃଷ୍ଟ୍ବା ତତ୍ତ୍ବେନ ପାଣ୍ଡବ॥ 2-11-3 (11715)
ଅପ୍ରମେଯାଂ ସଭାଂ ଦିବ୍ଯାଂ ମାନସୀଂ ଭରତର୍ଷଭ।
ଅନିର୍ଦେଶ୍ଯାଂ ପ୍ରଭାବେଣ ସର୍ବଭୂତମନୋରମାମ୍॥ 2-11-4 (11716)
ଶ୍ରୁତ୍ବା ଗୁଣାନହଂ ତସ୍ଯାଃ ସଭାଯାଃ ପାଣ୍ଡବର୍ଷଭ।
ଦର୍ଶନେପ୍ସୁସ୍ତଥା ରାଜନ୍ନାଦିତ୍ଯମିଦମବ୍ରୁବମ୍। 2-11-5 (11717)
ଭଗବନ୍ଦ୍ରଷ୍ଟୁମିଚ୍ଛାମି ପିତାମହସଭାଂ ଶୁଭାମ୍।
ଯେନ ବା ତପସା ଶକ୍ଯା କର୍ମଣା ବାଽପି ଗୋପତେ॥ 2-11-6 (11718)
ଔଷଧୈର୍ଯା ତଥା ଯୁକ୍ତୈରୁତ୍ତମା ପାପନାଶିନୀ।
ତନ୍ମମାଚକ୍ଷ୍ବ ଭଗବନ୍ପଶ୍ଯେଯଂ ତାଂ ସଭାଂ ଯଥା॥ 2-11-7 (11719)
ସ ତନ୍ମମ ବଚଃ ଶ୍ରୁତ୍ବା ସହସ୍ରାଂଶୁର୍ଦିବାକରଃ।
ପ୍ରୋବାଚ ଭାରତଶ୍ରେଷ୍ଠ ବ୍ରତଂ ବର୍ଷସହସ୍ରକମ୍॥ 2-11-8 (11720)
ବ୍ରହ୍ମବ୍ରତମୁପାସ୍ସ୍ବ ତ୍ବଂ ପ୍ରଯତେନାନ୍ତରାତ୍ମନା।
ତତୋଽହଂ ହିମବତ୍ପୃଷ୍ଠେ ସମାରବ୍ଦୋ ମହାବ୍ରତମ୍॥ 2-11-9 (11721)
ତତଃ ସ ଭଗବାନ୍ସୂର୍ଯୋ ମାମୁପାଦାଯ ବୀର୍ଯବାନ୍।
ଆଗଚ୍ଛତ୍ତାଂ ସଭାଂ ବ୍ରାହ୍ମୀଂ ବିପାପ୍ମା ବିଗତକ୍ଲମଃ ? 2-11-10 (11722)
ଏବଂରୂପେତି ସା ଶକ୍ଯା ନ ନିର୍ଦେଷ୍ଟୁଂ ନରାଧିପ।
କ୍ଷଣେନ ହି ବିଭର୍ତ୍ଯନ୍ଯଦନିର୍ଦେଶ୍ଯଂ ବପୁସ୍ତଥା॥ 2-11-11 (11723)
ନ ବେଦ ପରିମାଣଂ ବା ସଂସ୍ଥାନଂ ଚାପି ଭାରତ।
ନ ଚ ରୂପଂ ମଯା ତାଦୃକ୍ ଦୃଷ୍ଟପୂର୍ବଂ କଦାଚନ॥ 2-11-12 (11724)
ସୁସୁଖା ସା ସଦା ରାଜନ୍ନ ଶୀତା ନ ଚ ଘର୍ମଦା।
ନ କ୍ଷୁତ୍ପିପାସେ ନ ଗ୍ଲାନିଂ ପ୍ରାପ୍ଯତାଂ ପ୍ରାପ୍ତୁବନ୍ତ୍ଯୁତ ॥ 2-11-13 (11725)
ନାନାରୂପୈରିବ କୃତା ମଣିଭିଃ ସା ସୁଭାସ୍ବରୈଃ।
ସ୍ତମ୍ଭୈର୍ନ ଚ ଧୃତା ସା ତୁ ଶାଶ୍ବତୀ ନ ଚ ସା କ୍ଷରା ॥ 2-11-14 (11726)
ଦିବ୍ଯୈର୍ନାନାବିଧୈର୍ଭାବୈର୍ଭାସଦ୍ଭିରମିତପ୍ରଭୈଃ॥ 2-11-15 (11727)
ଅତି ଚନ୍ଦ୍ରଂ ଚ ସୂର୍ଯଂ ଚ ଶିଖିନଂ ଚ ସ୍ବଯମ୍ପ୍ରଭା।
ଦୀପ୍ଯତେ ନାକପୃଷ୍ଠସ୍ଥା ଭର୍ତ୍ସଯନ୍ବୀବ ଭାସ୍କରମ୍॥ 2-11-16 (11728)
ତସ୍ଯାଂ ସ ଭଗବାନାସ୍ତେ ବିଦଧଦ୍ଦେବମାଯଯା।
ସ୍ବଯମେକୋଽନିଶଂ ରାଜନ୍ସର୍ବଲୋକପିତାମହଃ॥ 2-11-17 (11729)
ଉପତିଷ୍ଠନ୍ତି ଚାପ୍ଯେନଂ ପ୍ରଜାନାଂ ପତଯଃ ପ୍ରଭୁମ୍।
ଦକ୍ଷଃ ପ୍ରଚେତାଃ ପୁଲହୋ ମରୀଚିଃ କଶ୍ଯପଃ ପ୍ରଭୁଃ॥ 2-11-18 (11730)
ଭୃଗୁରତ୍ରିର୍ବସିଷ୍ଠଶ୍ଚ ଗୌତମୋଽଥ ତଥାଙ୍ଗିରାଃ।
ପୁଲସ୍ତ୍ଯଶ୍ଚ କତୁଶ୍ଚୈବ ପ୍ରହ୍ଲାଦଃ କର୍ଦମସ୍ତଥା। 2-11-19 (11731)
ଅଥର୍ବାଙ୍ଗିରସଶ୍ଚୈବ ବାଲଖିଲ୍ଯା ସରୀଚିପାଃ।
ମନୋଽନ୍ତରିକ୍ଷଂ ବିଦ୍ଯାଶ୍ଚ ବାଯୁସ୍ତେଜୋ ଜଲଂ ମହୀ॥ 2-11-20 (11732)
ଶବ୍ଦସ୍ପର୍ଶୌ ତଥା ରୂପଂ ରସୋ ଗନ୍ଧଶ୍ଚ ଭାରତ।
ପ୍ରକୃତିଶ୍ଚ ବିକାରଶ୍ଚ ଯଚ୍ଚାନ୍ଯତ୍କାରଣଂ ଭୁବଃ॥ 2-11-21 (11733)
ଅଗସ୍ତ୍ଯଶ୍ଚ ମହାତେଜା ମାର୍କଣ୍ଡେଯଶ୍ଚ ବୀର୍ଯବାନ୍।
ଜମଦଗ୍ନିର୍ଭରଦ୍ବାଜଃ ସଂବର୍ତଶ୍ଚ୍ଯବନସ୍ତଥା॥ 2-11-22 (11734)
ଦୁର୍ବାସାଶ୍ଚ ମହାଭାଗ ଋଷ୍ଣଶୃଙ୍ଗଶ୍ଚ ଧାର୍ମିକଃ।
ସନତ୍କୁମାରୋ ଭଗବାନ୍ଯୋଗାଚାର୍ଯୋ ମହାତପାଃ॥ 2-11-23 (11735)
ଅସିତୋ ଦେବଲଶ୍ଚୈବ ଜୈଗୀଷବ୍ଯଶ୍ଚ ତତ୍ତ୍ବବିତ୍।
ଋଷଭୋ ଜିତଶତ୍ରୁଶ୍ଚ ମହାବୀର୍ଯସ୍ତଥା ମଣିଃ॥ 2-11-24 (11736)
ଆଯୁର୍ବେଦସ୍ତଥାଽଷ୍ଟାଙ୍ଗୋ ଦେହବାଂସ୍ତତ୍ର ଭାରତ।
ଚନ୍ଦ୍ରମାଃ ସହ ନକ୍ଷତ୍ରୈରାଦିତ୍ଯଶ୍ଚ ଗଭସ୍ତିମାନ୍॥ 2-11-25 (11737)
ବାଯବଃ କ୍ରତବଶ୍ଚୈବ ସଙ୍କଲ୍ପଃ ପ୍ରାଣ ଏବ ଚ।
ମୂର୍ତିମନ୍ତୋ ମହାତ୍ମାନୋ ମହାବ୍ରତପରାଯଣାଃ॥ 2-11-26 (11738)
ଏତେ ଚାନ୍ଯେ ଚ ବହବୋ ବ୍ରହ୍ମାଣଂ ସମୁପସ୍ଥିତାଃ।
ଅର୍ଥୋ ଧର୍ମଶ୍ଚ କାମଶ୍ଚ ହର୍ଷୋ ଦ୍ବେଷସ୍ତପୋ ଦମଃ॥ 2-11-27 (11739)
ଆଯାନ୍ତି ତସ୍ଯାଂ ସହିତା ଗନ୍ଧର୍ବାପ୍ସରସାଂ ଗଣାଃ।
ବିଂଶତିଃ ସପ୍ତ ଚୈବାନ୍ଯେ ଲୋକପାଲାଶ୍ଚ ସର୍ବଶଃ॥ 2-11-28 (11740)
ଶୁକ୍ରୋ ବୃହସ୍ପତିଶ୍ଚୈବ ବୁଧୋଽଙ୍କାରକ ଏବ ଚ।
ଶନୈଶ୍ଚରଶ୍ଚ ରାହୁଶ୍ଚ ଗ୍ରହାଃ ସର୍ବେ ତଥୈବ ଚ॥ 2-11-29 (11741)
ମନ୍ତ୍ରୋ ରଥନ୍ତରଂ ଚୈବ ହରିମାନ୍ବସୁମାନପି।
ଆଦିତ୍ଯାଃ ସାଧିରାଜାନୋ ନାମଦ୍ବନ୍ଦ୍ବୈରୁଦାହୃତାଃ॥ 2-11-30 (11742)
ମରୁତୋ ବିଶ୍ବକର୍ମା ଚ ବସବଶ୍ଚୈବ ଭାରତ।
ତଥା ପିତୃଗଣାଃ ସର୍ବେ ସର୍ବାଣି ଚ ହବୀଂଷ୍ଯଥ॥ 2-11-31 (11743)
ଋଗ୍ବେଦଃ ସାମବେଦଶ୍ଚ ଯଜୁର୍ବେଦଶ୍ଚ ପାଣ୍ଡବ।
ଅଥର୍ବବେଦଶ୍ଚ ତଥା ସର୍ବଶାସ୍ତ୍ରାଣି ଚୈବ ହ॥ 2-11-32 (11744)
ଇତିହାସୋପବେଦାଶ୍ଚ ବେଦାଙ୍ଗାନି ଚ ସର୍ବଶଃ।
ଗ୍ରହା ଯଜ୍ଞାଶ୍ଚ ସୋମଶ୍ଚ ଦେବତାଶ୍ଚାପି ସର୍ବଶଃ॥ 2-11-33 (11745)
ସାବିତ୍ରୀ ଦୁର୍ଗତରଣୀ ବାଣୀ ସପ୍ତବିଧା ତଥା।
ମେଧା ଧୃତିଃ ଶ୍ରୁତିଶ୍ଚୈବ ପ୍ରଜ୍ଞା ବୁଦ୍ଧିର୍ଯଶଃ କ୍ଷମା॥ 2-11-34 (11746)
ସାମାନି ସ୍ତୁତିଶସ୍ତ୍ରାଣି ଗାଥାଶ୍ଚ ବିବିଧାସ୍ତଥା।
ଭାଷ୍ଯାଣି ତର୍କଯୁକ୍ତାନି ଦେହବନ୍ତି ବିଶାମ୍ପତେ॥ 2-11-35 (11747)
ନାଟକା ବିବିଧାଃ କାବ୍ଯାଃ କଥାଖ୍ଯାଯିକାରିକାଃ ।
ତତ୍ରତିଷ୍ଠନ୍ତି ତେ ପୁଣ୍ଯା ଯେ ଚାନ୍ଯେ ଗୁରୁପୂଜକାଃ॥ 2-11-36 (11748)
କ୍ଷଣା ଲବା ମୁହୂର୍ତାଶ୍ଚ ଦିବା ରାତ୍ରିସ୍ତଥୈବ ଚ।
ଅର୍ଧମାସାଶ୍ଚ ମାସାଶ୍ଚ ଋତବଃ ଷଟ୍ ଚ ଭାରତ॥ 2-11-37 (11749)
ସଂବତ୍ସରାଃ ପଞ୍ଯଯୁଗମହୋରାତ୍ରଶ୍ଚତୁର୍ବିଧଃ।
କାଲଚକ୍ରଂ ଚ ତଦ୍ଦିବ୍ଯଂ ନିତ୍ଯମକ୍ଷଯମବ୍ଯଯମ୍॥ 2-11-38 (11750)
ଧର୍ମଚକ୍ରଂ ତଥା ଚାପି ନିତ୍ଯମାସ୍ତେ ଯୁଧିଷ୍ଠିର।
ଅଦିତିର୍ଦିତିର୍ଦନୁଶ୍ଚୈବ ସୁରସା ବିନତା ଇରା॥ 2-11-39 (11751)
କାଲିକା ସୁରଭୀ ଦେବୀ ସରମା ଚାଥ ଗୌତମୀ॥ 2-11-40 (11752)
ପ୍ରଭା କଦ୍ରୂଶ୍ଚ ବୈ ଦେବ୍ଯୌ ଦେବତାନାଂ ଚ ମାତରଃ।
ରୁଦ୍ରାଣୀ ଶ୍ରୀଶ୍ଚ ଲକ୍ଷ୍ମୀଶ୍ଚ ଭଦ୍ରା ଷଷ୍ଠୀ ତଥାଽପରା॥ 2-11-41 (11753)
ପୃଥିବୀ ଗାଂ ଗତା ଦେବୀ ହ୍ରୀଃ ସ୍ବାହା କୀର୍ତିରେବ ଚ।
ସୁରା ଦେବୀ ଶଚୀ ଚୈବ ତଥା ପୁଷ୍ଟିରରୁନ୍ଧତୀ॥ 2-11-42 (11754)
ସଂବୃତ୍ତିରାଶା ନିଯତିଃ ସୃଷ୍ଟିର୍ଦେବୀ ରତିସ୍ତଥା।
ଏତାଶ୍ଚାନ୍ଯାଶ୍ଚବୈ ଦେବ୍ଯ ଉପତସ୍ଥୁଃ ପ୍ରଜାପତିମ୍॥ 2-11-43 (11755)
ଆଦିତ୍ଯା ବସବୋ ରୁଦ୍ରା ମରୁତଶ୍ଚାସ୍ବିନାବପି।
ବିଶ୍ବେଦେବାଶ୍ଚ ସାଧ୍ଯାଶ୍ଚ ପିତରଶ୍ଚ ମନୋଜବାଃ॥ 2-11-44 (11756)
ପିତୃଣାଂ ଚ ଗଣାନ୍ବିଦ୍ଧି ସପ୍ତୈବ ପୁରୁଷର୍ଷଭ।
ମୂର୍ତିମନ୍ତୋ ବୈ ଚତ୍ବାରସ୍ତ୍ରଯଶ୍ଚାପି ଶରୀରିଣଃ॥ 2-11-45 (11757)
ବୈରାଜଶ୍ଚ ମହାଭାଗା ଅଗ୍ନିଷ୍ବାତ୍ତାଶ୍ଚ ଭାରତ।
ଗାର୍ହପତ୍ଯା ନାକଚରାଃ ପିତରୋ ଲୋକବିଶ୍ରୁତାଃ॥ 2-11-46 (11758)
ସୋମପା ଏକଶୃଙ୍ଗାଶ୍ଚ ଚତୁର୍ବେଦାଃ କଲାସ୍ତଥା।
ଏତେ ଚତୁର୍ଷୁ ବର୍ଣେଷୁ ପୂଜ୍ଯନ୍ତେ ପିତରୋ ନୃପ॥ 2-11-47 (11759)
ଏତୈରାପ୍ଯାଯିତୈଃ ପୁର୍ବଂ ସୋମଶ୍ଚାପ୍ଯାଯ୍ଯତେ ପୁନଃ।
ତ ଏତେ ପିତରଃ ସର୍ବେ ପ୍ରଜାପତିମୁପସ୍ଥିତାଃ॥ 2-11-48 (11760)
ଉପାସତେ ଚ ସଂହୃଷ୍ଟା ବ୍ରହ୍ମାଣମମିତୌଜସମ୍।
ରାକ୍ଷସାଶ୍ଚ ପିଶାଚାଶ୍ଚ ଦାନବା ଗୁହ୍ଯକାସ୍ତଥା॥ 2-11-49 (11761)
ନାଗାଃ ସୁପର୍ଣାଃ ପଶବଃ ପିତାମହମୁପାସତେ।
ସ୍ଥାବରା ଜଙ୍ଗମାଶ୍ଚୈବ ମହାଭୂତାସ୍ତଥାଽପରେ॥ 2-11-50 (11762)
ପୁରନ୍ଦରଶ୍ଚ ଦେବେନ୍ଦ୍ରୋ ବରୁଣୋ ଧନଦୋ ଯମଃ।
ମହାଦେବଃ ସହୋମୋଽତ୍ର ସଦା ଗଚ୍ଛତି ସର୍ବଶଃ॥ 2-11-51 (11763)
ମହାସେନଶ୍ଚ ରାଜେନ୍ଦ୍ର ସଦୋପାସ୍ତେ ପିତାମହମ୍।
ଦେବୋ ନାରାଯଣସ୍ତସ୍ଯାଂ ତଥା ଦେବର୍ଷଯଶ୍ଚ ଯେ॥ 2-11-52 (11764)
ଋଷଯୋ ବାଲଖିଲ୍ଯାଶ୍ଚ ଯୋନିଜାଯୋନିଜାସ୍ତଥା।
ଯଚ୍ଚ କିଞ୍ଚିତ୍ରିଲୋକେଽସ୍ମିନ୍ଦୃଶ୍ଯତେ ସ୍ଥାଣୁ ଜଙ୍ଗମମ୍।
ସର୍ବଂ ତସ୍ଯାଂ ମଯା ଦୃଷ୍ଟମିତି ବିଦ୍ଧି ନରାଧିପ॥ 2-11-53 (11765)
ଅଷ୍ଟାଶୀତିସହସ୍ରାଣି ଋଷୀଣାମୂର୍ଧ୍ବରେତସାମ୍।
ପ୍ରଜାବତାଂ ଚ ପଞ୍ଚାଶଦୃଷୀଣାମପି ପାଣ୍ଡବ॥ 2-11-54 (11766)
ତେ ସ୍ମ ତତ୍ର ଯଥାକାମଂ ଦୃଷ୍ଟ୍ବା ସର୍ବେ ଦିବୌକସଃ।
ପ୍ରଣମ୍ଯ ଶିରସା ତସ୍ମୈ ସର୍ବେ ଯାନ୍ତି ଯଥାଗମମ୍॥ 2-11-55 (11767)
ଅତିଥୀନାଗତାନ୍ଦେବାନ୍ଦୈତ୍ଯାନ୍ନାଗାଂସ୍ତଥା ଦ୍ବିଜାନ୍।
ଯକ୍ଷାନ୍ମୁପର୍ଣାନ୍କାଲେଯାନ୍ଗନ୍ଧର୍ବାପ୍ସରସସ୍ତଥା॥ 2-11-56 (11768)
ମହାଭାଗାନମିତଧୀର୍ବ୍ରହ୍ମା ଲୋକପିତାମହଃ।
ଦଯାବାନ୍ସର୍ବଭୂତେଷୁ ଯଥାର୍ହଂ ପ୍ରତିପଦ୍ଯତେ॥ 2-11-57 (11769)
ପ୍ରତିଗୃହ୍ଯ ତୁ ବିଶ୍ବାତ୍ମା ସ୍ବଯଂ ସ୍ବଯମ୍ଭୂରମିତଦ୍ଯୁତିଃ।
ସାନ୍ତ୍ବମାନାର୍ଥସମ୍ଭୋଗୈର୍ଯୁନକ୍ତି ମନୁଜାଧିପ॥ 2-11-58 (11770)
ତଥା ତୈରୁପଯାତୈଶ୍ଚ ପ୍ରତିଯଦ୍ଭିଶ୍ଚ ଭାରତ।
ଆକୁଲା ସା ସଭାତାତ ଭବତି ସ୍ମ ସୁଖପ୍ରଦା॥ 2-11-59 (11771)
ସର୍ବତେଜୋମଯୀ ଦିବ୍ଯା ବ୍ରହ୍ମର୍ଷିଗଣସେବିତା।
ବ୍ରାହଯା ଶ୍ରିଯା ଦୀପ୍ଯମାନା ଶୁଶୁଭେ ବିଗତକ୍ଲମା॥ 2-11-60 (11772)
ସା ସଭା ତାଦୃଶୀ ଦୃଷ୍ଟା ମଯା ଲୋକେଷୁ ଦୁର୍ଲଭା।
ସଭେଯଂ ରାଜଶାର୍ଦୂଲ ମନୁଷ୍ଯେଷୁ ଯଥା ତବ॥ 2-11-61 (11773)
ଏତା ମଯା ଦୃଷ୍ଟପୂର୍ବାଃ ସଭା ଦେବେଷୁ ଭାରତ।
ସଭେଯଂ ମାନୁଷେ ଲୋକେ ସର୍ବଶ୍ରେଷ୍ଠତମା ତବ॥ ॥ 2-11-62 (11774)
ଇତି ଶ୍ରୀମନ୍ମହାଭାରତେ ସଭାପର୍ବଣି ମନ୍ତ୍ରପର୍ବଣି ଏକାଦଶୋଽଧ୍ଯାଯଃ॥ 11॥
Mahabharata - Sabha Parva - Chapter Footnotes
2-11-2 ଦେବଯୁଗେ କୃତଯୁଗେ॥ 2-11-30 ମାମଦ୍ବନ୍ଦ୍ବୈରଗ୍ନୀଷୋମେନ୍ଦ୍ରାଭ୍ଯାଦିଭିଃ॥ 2-11-38 ସଂବତ୍ସରାଃ ଷଷ୍ଟିଃ ପ୍ରଭବାଦଯଃ। ତେଚ ପଞ୍ଚପଞ୍ଚ ଏକୈକଂ ଯୁଗମ୍। ଚତୁର୍ବିଧୋ ମାନୁଷୋଽ ହୋରାତ୍ରଃ ଷଷ୍ଟିଘଟିକାଭିଃ। ପୈତ୍ରୋ ମାସେନ। ଦୈବୋ ବତ୍ସରେଣ। ବ୍ରାହ୍ମଃ କଲ୍ପେନେତି। କାଲଚକ୍ରଂ ଦ୍ବାଦଶରାଶ୍ଯାତ୍ମକମ୍॥ସଭାପର୍ବ - ଅଧ୍ଯାଯ 012
॥ ଶ୍ରୀଃ ॥
2.12. ଅଧ୍ଯାଯଃ 012
Mahabharata - Sabha Parva - Chapter Topics
ଇନ୍ଦ୍ରସଭାସ୍ଥହରିଶ୍ଚନ୍ଦ୍ରଚରିତେ ଯୁଧିଷ୍ଠିରେଣ ପୃଷ୍ଟେ ତତ୍କଥାପ୍ରସଙ୍ଗେନ ନାରଦକୃତା ରାଜସୂଯପ୍ରଶଂସା॥ 1॥ ଯୁଧିଷ୍ଠରମ୍ପ୍ରତି ପାଣ୍ଡୁସନ୍ଦେଶକଥନପୂର୍ବକଂ ନାରଦସ୍ଯ ଗମନମ୍॥ 2॥Mahabharata - Sabha Parva - Chapter Text
ଯୁଧିଷ୍ଠିର ଉବାଚ॥
ପ୍ରାଯଶୋ ରାଜଲୋକସ୍ତେ କଥିତୋ ବଦତାଂ ବର।
ବୈବସ୍ବତସଭାଯାଂ ତୁ ଯଥା ବଦସି ମେ ପ୍ରଭୋ॥ 2-12-1 (11775)
ବରୁଣସ୍ଯ ସଭାଯାଂ ତୁ ନାଗାସ୍ତେ କଥିତା ବିଭୋ।
ଦୈତ୍ଯେନ୍ଦ୍ରାଶ୍ଚାପି ଭୂଯିଷ୍ଠାଃ ସରିତଃ ସାଗରାସ୍ତଥା॥ 2-12-2 (11776)
ତଥା ଧନପତେର୍ଯକ୍ଷା ଗୁହ୍ଯକା ରାକ୍ଷସାସ୍ତଥା।
ଗନ୍ଧର୍ବାପ୍ସରସଶ୍ଚୈବ ଭଗବାଂଶ୍ଚ ବୃଷଧ୍ବଜଃ॥ 2-12-3 (11777)
ପିତାମହସଭାଯାଂ ତୁ କଥିତାସ୍ତେ ମହର୍ଷଭଃ।
ସର୍ବେ ଦେବନିକାଯାଶ୍ଚ ସର୍ବଶାସ୍ତ୍ରାଣି ବୈବ ହ॥ 2-12-4 (11778)
ଶକ୍ରସ୍ଯ ତୁ ସଭାଯାଂ ତୁ ଦେବାଃ ସଙ୍କୀର୍ତିତା ମୁନେ।
ଉଦ୍ଦେଶତଶ୍ଚ ଗନ୍ଧର୍ବା ବିବିଧାଶ୍ଚ ମହର୍ଷଯଃ॥ 2-12-5 (11779)
ଏକ ଏବ ତୁ ରାଜର୍ଷିର୍ହରିଶ୍ଚନ୍ଦ୍ରୋ ମହାମୁନେ।
କଥିତସ୍ତେ ସଭାଯାଂ ବୈ ଦେବେନ୍ଦ୍ରସ୍ଯ ମହାତ୍ମନଃ॥ 2-12-6 (11780)
କିଂ କର୍ମ ତେନାଚରିତଂ ତପୋ ବା ନିଯତବ୍ରତ।
ଯେନାସୌ ସହ ଶକ୍ରେଣ ସ୍ପର୍ଧଦେ ସୁମହାଯଶାଃ॥ 2-12-7 (11781)
ପିତୃଲୋକଗତଶ୍ଚୈବ ତ୍ବଯା ବିପ୍ର ପିତା ମମ।
ଦୃଷ୍ଟଃ ପାଣ୍ଡୁର୍ମହାଭାଗଃ କଥଂ ବାଽପି ସମାଗତଃ॥ 2-12-8 (11782)
କିମୁକ୍ତବାଂଶ୍ଚ ଭଗବଂସ୍ତନ୍ମମାଚକ୍ଷ୍ବ ସୁବ୍ରତ।
ତ୍ବତ୍ତଃ ଶ୍ରୋତୁଂ ସର୍ବମିଦଂ ପରଂ କୌତୂହଲଂ ହି ମେ॥ 2-12-9 (11783)
ନାରଦ ଉବାଚ। 2-12-10x (1395)
ଯନ୍ମାଂ ପୃଚ୍ଛସି ରାଜେନ୍ଦ୍ର ହରିଶ୍ଚନ୍ଦ୍ରଂ ପ୍ରତି ପ୍ରଭୋ।
ତତ୍ତେଽହଂ ସମ୍ପ୍ରବକ୍ଷ୍ଯାମି ମାହାତ୍ମ୍ଯଂ ତସ୍ଯ ଧୀମତଃ॥ 2-12-10 (11784)
` ଇକ୍ଷ୍ବାକୂଣାଂ କୁଲେ ଜାତସ୍ତ୍ରିଶଙ୍କୁର୍ନାମ ପାର୍ଥିବଃ।
ଅଯୋଧ୍ଯାଧିପତିର୍ବୀରୋ ବିଶ୍ବାମିତ୍ରେଣ ସଂସ୍ଥିତଃ॥ 2-12-11 (11785)
ତସ୍ଯ ସତ୍ଯବତୀ ନାମ ପତ୍ନୀ କେକଯବଂଶଜା।
ତସ୍ଯାଂ ଗର୍ଭଃ ସମଭବଦ୍ଧର୍ମେଣ କୁରୁନନ୍ଦନ॥ 2-12-12 (11786)
ସା ଚ କାଲେ ମହାଭାଗା ରାଜନ୍ମାସଂ ପ୍ରବିଶ୍ଯ ଚ।
କୁମାରଂ ଜନଯାମାସ ହରିଶ୍ଚନ୍ଦ୍ରମକଲ୍ମଷମ୍।
ସ ବୈ ରାଜା ହରିଶ୍ଚନ୍ଦ୍ରସ୍ତ୍ରୈଶଙ୍କବ ଇତି ସ୍ମୃତଃ'॥ 2-12-13 (11787)
ସ ରାଜା ବଲବାନାସୀତ୍ସମ୍ରାଟ୍ ସର୍ବମହୀକ୍ଷିତାମ୍।
ତସ୍ଯ ସର୍ବେ ମହୀପାଲାଃ ଶାସନାବନତାଃ ସ୍ଥିତାଃ॥ 2-12-14 (11788)
ତେନୈକଂ ରଥମାସ୍ଥାଯ ଜୈତ୍ରଂ ହେମବିଭୂଷିତମ୍।
ଶସ୍ତ୍ରପ୍ରତାପେନ ଜିତା ଦ୍ବୀପାଃ ସପ୍ତ ଜନେଶ୍ବର॥ 2-12-15 (11789)
ସ ନିର୍ଜିତ୍ଯ ମହୀଂ କୃତ୍ସ୍ନାଂ ସଶୈଲବନକାନନାମ୍।
ଆଜହାର ମହାରାଜ ରାଜସୂଯଂ ମହାକ୍ରତୁମ୍॥ 2-12-16 (11790)
ତସ୍ଯ ସର୍ବେ ମହୀପାଲା ଧନାନ୍ଯାଜହ୍ରୁରାଜ୍ଞଯା।
ଦ୍ବିଜାନାଂ ପରିବେଷ୍ଟାରସ୍ତସ୍ମିନ୍ଯଜ୍ଞେ ଚ ତେଽଭବନ୍॥ 2-12-17 (11791)
`ସମାପ୍ତଯଜ୍ଞୋ ବିଧିବଦ୍ଧରିଶ୍ଚନ୍ଦ୍ରଃ ପ୍ରତାପବାନ୍।
ଅଭିଷିକ୍ତଶ୍ଚ ଶୁଶୁଭେ ସାମ୍ରାଜ୍ଯେନ ନରାଧିପଃ॥ 2-12-18 (11792)
ରାଜସୂଯେଽଭିଷିକ୍ତଶ୍ଚ ସମାପ୍ତବରଦକ୍ଷିଣେ'॥ 2-12-19 (11793)
ପ୍ରାଦାଚ୍ଚ ଦ୍ରବିଣଂ ପ୍ରୀତ୍ଯା ଯାଚକାନାଂ ନରେଶ୍ବରଃ।
ଯଥୋକ୍ତବନ୍ତସ୍ତେ ତସ୍ମିଂସ୍ତତଃ ପଞ୍ଚଗୁଣାଧିକମ୍॥ 2-12-20 (11794)
ଅତର୍ପଯଚ୍ଚ ବିବିଧୈର୍ବସୁଭିର୍ବ୍ରାହ୍ମଣାଂସ୍ତଦା।
ପ୍ରସର୍ପକାଲେ ସମ୍ପ୍ରାପ୍ତେ ନାନାଦିଗ୍ଭ୍ଯଃ ସମାଗତାନ୍॥ 2-12-21 (11795)
ଭକ୍ଷ୍ଯଭୋଜ୍ଯୈଶ୍ଚ ବିବିଧୈର୍ଯଥାକାମପୁରସ୍କୃତୈଃ।
ରତ୍ନୌଘତର୍ପିତୈସ୍ତୁଷ୍ଟୈର୍ଦ୍ବିଜୈଶ୍ଚ ସମୁଦାହୃତମ୍।
ତେଜସ୍ବୀ ଚ ଯଶସ୍ବୀ ଚ ନୃପେଭ୍ଯୋଽଭ୍ଯଧିକୋଽଭବତ୍ । 2-12-22 (11796)
ଏତସ୍ମାତ୍କାରଣାଦ୍ରାଜନ୍ହରିଶ୍ଚନ୍ଦ୍ରୋ ବିରାଜତେ।
ତେଭ୍ଯୋ ରାଜସହସ୍ରେଭ୍ଯସ୍ତଦ୍ବିଦ୍ବି ଭରତର୍ଷଭ॥ 2-12-23 (11797)
ସମାପ୍ଯ ଚ ହରିଶ୍ଚନ୍ଦ୍ରୋ ମହାଯଜ୍ଞଂ ପ୍ରତାପବାନ୍।
ଅଭିଷିକ୍ତଶ୍ଚ ଶୁଶୁଭେ ସାମ୍ରାଜ୍ଯେନ ନରାଧିପ॥ 2-12-24 (11798)
ଯେ ଚାନ୍ଯେ ଚ ମହୀପାଲା ରାଜସୂଯଂ ମହାକ୍ରତୁମ୍।
ଯଜନ୍ତେ ତେ ସହେନ୍ଦ୍ରେଣ ମୋଦନ୍ତେ ଭରତର୍ଷଭ। 2-12-25 (11799)
ଯେ ଚାପି ନି ନଂ ପ୍ରାପ୍ତାଃ ସଙ୍ଗ୍ରାମେଷ୍ବପଲାଯିନଃ।
ତେ ତତ୍ସଦନମ୍ ତାଦ୍ଯ ମୋନ୍ଦତେ ଭରତର୍ଷଭ॥ 2-12-26 (11800)
ତପସା ଯେ ଚ ତୀବ୍ରେଣ ତ୍ଯଜନ୍ତୀହ କଲେବରମ୍।
ତେ ତତ୍ସ୍ଥାନଂ ସମାସାଦ୍ଯ ଶ୍ରୀମନ୍ତୋ ଭାନ୍ତି ନିତ୍ଯଶଃ॥ 2-12-27 (11801)
ପିତା ଚ ତ୍ବାଽଽହ କୌନ୍ତେଯ ପାଣ୍ଡୁଃ କୌରବନନ୍ଦନ।
ହରିଶ୍ଚନ୍ଦ୍ରେ ଶ୍ରିଯଂ ଦୃଷ୍ଟ୍ବା ନୃପତୌ ଜାତବିସ୍ମଯଃ॥ 2-12-28 (11802)
ବିଜ୍ଞାଯ ମାନୁଷଂ ଲୋକମାଯାନ୍ତଂ ମାଂ ନରାଧିପ।
ପ୍ରୋବାଚ ପ୍ରଣତୋ ଭୂତ୍ବା ବଦେଥାସ୍ତ୍ବଂ ଯୁଧିଷ୍ଠିରମ୍॥ 2-12-29 (11803)
ସମର୍ଥୋଽସି ମହୀଂ ଜେତୁଂ ଭ୍ରାତରସ୍ତେ ସ୍ଥିତା ବଶେ।
ରାଜସୂଯଂ କ୍ରତୁଶ୍ରେଷ୍ଠମହାରସ୍ବେତି ଭାରତ॥ 2-12-30 (11804)
ତ୍ବଯୀଷ୍ଟବତି ପୁତ୍ରେଽହଂ ହରିଶ୍ଚନ୍ଦ୍ରବଦାଶୁ ବୈ।
ମୋଦିଷ୍ଯେ ବହୁଲାଃ ଶଶ୍ବତ୍ସମାଃ ଶକ୍ରସ୍ଯ ସଂସଦି॥ 2-12-31 (11805)
ଏବଂ ଭବତୁ ବକ୍ଷ୍ଯେଽହଂ ତବ ପୁତ୍ରଂ ନରାଧିପମ୍।
ଭୂଲୋକଂ ଯଦି ଗଚ୍ଛେଯମିତି ପାଣ୍ଡୁମଥାବ୍ରୁବମ୍॥ 2-12-32 (11806)
ତସ୍ଯ ତ୍ବଂ ପୁରୁଷବ୍ଯାଘ୍ର ସଙ୍କଲ୍ପଂ କୁରୁ ପାଣ୍ଡବ।
ଗନ୍ତାସିତ୍ବଂ ମହେନ୍ଦ୍ରସ୍ଯ ପୂର୍ବୈଃ ସହ ସଲୋକତାମ୍॥ 2-12-33 (11807)
ବହୁବିଘ୍ନଶ୍ଚ ନୃପତେ କ୍ରତୁରେଷ ସ୍ମୃତୋ ମହାନ୍।
ଛିଦ୍ରାଣ୍ଯସ୍ଯ ବାଞ୍ଛନ୍ତି ଯଜ୍ଞଘ୍ନା ବ୍ରହ୍ମରାକ୍ଷସାଃ॥ 2-12-34 (11808)
ଯୁଦ୍ଧଂ ଚ କ୍ଷତ୍ରଶମନଂ ପୃଥିବୀକ୍ଷଯକାରଣମ୍।
କିଞ୍ଚିଦେବ ନିମିତ୍ତଂ ଚ ଭବତ୍ଯତ୍ର କ୍ଷଯାବହମ୍॥ 2-12-35 (11809)
ଏତତ୍ସଞ୍ଚିନ୍ତ୍ଯ ରାଜେନ୍ଦ୍ର ଯତ୍କ୍ଷମଂ ତତ୍ସମାଚର।
ଅପ୍ରମତ୍ତୋତ୍ଥିତୋ ନିତ୍ଯଂ ଚାତୁର୍ବର୍ଣ୍ଯସ୍ଯ ରକ୍ଷଣେ॥ 2-12-36 (11810)
ଭବ ଏଧସ୍ବ ମୋଦସ୍ବ ଧନୈସ୍ତର୍ପଯ ଚ ଦ୍ବିଜାନ୍।
ଏତତ୍ତେ ବିସ୍ତରେଣୋକ୍ତଂ ଯନ୍ମାଂ ତ୍ବଂ ପରିପୃଚ୍ଛସି।
ଆପୃଚ୍ଛେ ତ୍ବାଂ ଗମିଷ୍ଯାମି ଦାଶାର୍ହନଗରୀଂ ପ୍ରତି॥ 2-12-37 (11811)
ବୈଶମ୍ପାଯନ ଉବାଚ। 2-12-38x (1396)
ଏବମାଖ୍ଯାଯ ପାର୍ଥେଭ୍ଯୋ ନାରଦୋ ଜନମେଜଯ।
ଜଗାମ ତୈର୍ବୃତୋ ରାଜନ୍ନୃଷିଭିର୍ଯୈଃ ସମାଗତଃ॥ 2-12-38 (11812)
ଗତେ ତୁ ନାରଦେ ପାର୍ଥୋ ଭ୍ରାତୃଭିଃ ସହ କୌରବଃ।
ରାଜସୂଯଂ କ୍ରତୁଶ୍ରେଷ୍ଠଂ ଚିନ୍ତଯାମାସ ପାର୍ଥିବଃ॥ ॥ 2-12-39 (11813)
ଇତି ଶ୍ରୀମନ୍ମହାଭାରତେ ସଭାପର୍ବଣି ମନ୍ତ୍ରପର୍ବଣି ଦ୍ବାଦଶୋଽଧ୍ଯାଯଃ॥ 12॥
ସଭାପର୍ବ - ଅଧ୍ଯାଯ 013
॥ ଶ୍ରୀଃ ॥
2.13. ଅଧ୍ଯାଯଃ 013
Mahabharata - Sabha Parva - Chapter Topics
ମନ୍ତ୍ରିଭିଃ ସହ ସଂମନ୍ତ୍ର୍ଯ କୃତରାଜସୂଯକରଣନିଶ୍ଚଯସ୍ଯ ଯୁଧିଷ୍ଠିରସ୍ଯ ଶ୍ରୀକୃଷ୍ଣମ୍ପ ୍ରତି ଦୂତପ୍ରେଷଣମ୍॥ 1॥ ଦୂତେନ ସହ ଇନ୍ଦ୍ରପ୍ରସ୍ଥମାଗତଂ ଶ୍ରୀକୃଷ୍ଣମ୍ପ୍ରତି ଯୁଧିଷ୍ଠିରୋକ୍ତି ॥ 2॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ଋଷେସ୍ତଦ୍ବଚନଂ ଶ୍ରୁତ୍ବା ନିଶଶ୍ବାସ ଯୁଧିଷ୍ଠିରଃ।
ଚିନ୍ତଯନ୍ରାଜସୂଯେଷ୍ଟିଂ ନ ଲେଭେ ଶର୍ମ ଭାରତ॥ 2-13-1 (11814)
ରାଜର୍ଷୀଣାଂ ଚ ତଂ ଶ୍ରୁତ୍ବା ମହିମାନଂ ମହାତ୍ମନାମ୍।
ଯଜ୍ବନାଂ କର୍ମଭିଃ ପୁଣ୍ଯୈର୍ଲୋକପ୍ରାପ୍ତିଂ ସମୀକ୍ଷ୍ଯ ଚ॥ 2-13-2 (11815)
ହରିଶ୍ଚନ୍ଦ୍ରଂ ଚ ରାଜର୍ଷି ରୋଜମାନଂ ବିଶେଷତଃ।
ଯଜ୍ବାନଂ ଯଜ୍ଞମାହର୍ତୁଂ ରାଜସୂଯମିଯେଷ ସଃ॥ 2-13-3 (11816)
ଯୁଧିଷ୍ଠିରସ୍ତତଃ ସର୍ବାନର୍ଚଯିତ୍ବା ସଭାସଦଃ।
ପ୍ରତ୍ଯର୍ଚିତଶ୍ଚ ତୈଃ ସର୍ବୈର୍ଯଜ୍ଞାଯୈବ ମନୋ ଦଧେ॥ 2-13-4 (11817)
ସ ରାଜସୂଯଂ ରାଜେନ୍ଦ୍ର କୁରୂଣାମୃଷଭସ୍ତଦା।
ଆହର୍ତୁଂ ପ୍ରବଣଂ ଚକ୍ରେ ମନଃ ସଞ୍ଚିନ୍ତ୍ଯ ଚାସକୃତ୍॥ 2-13-5 (11818)
ଭୂଯଶ୍ଚାଦ୍ଭୁତବୀର୍ଯୌଜା ଧର୍ମମେବାନୁଚିନ୍ତଯନ୍।
କିଂ ହିତଂ ସର୍ବଲୋକାନାଂ ଭବେଦିତି ମନୋ ଦଧେ॥ 2-13-6 (11819)
ଅନୁଗୃହ୍ଣନ୍ପ୍ରଜାଃ ସର୍ବାଃ ସର୍ବଧର୍ମଭୃତାଂ ବରଃ।
ଅବିଶେଷେଣ ସର୍ବେଷାଂ ହିତଂ ଚକ୍ରେ ଯୁଧିଷ୍ଠିରଃ॥ 2-13-7 (11820)
ସର୍ବେଷାଂ ଦୀଯତାଂ ଦେଯଂ ମୁଷ୍ଣନ୍କୋପମଦାବୁଭୌ।
ସାଧୁ ଧର୍ମେତି ଧର୍ମେତି ନାନ୍ଯଚ୍ଛ୍ରୂଯେତ ଭାଷିତମ୍॥ 2-13-8 (11821)
ଏବଂ ଗତେ ତତସ୍ତସ୍ମିନ୍ପିତରୀବାଶ୍ବସଞ୍ଜନାଃ।
ନ ତସ୍ଯ ବିଦ୍ଯତେ ଦ୍ରେଷ୍ଟା ତତୋଽସ୍ଯାଜାତଶତ୍ରୁତା॥ 2-13-9 (11822)
ପରିଗ୍ରହାନ୍ନରେନ୍ଦ୍ରସ୍ଯ ଭୀମସ୍ଯ ପରିପାଲନାତ୍।
ଶତ୍ରୂଣାଂ କ୍ଷପଣାଚ୍ଚୈବ ବୀଭତ୍ସୋଃ ସବ୍ଯସାଚିନଃ॥ 2-13-10 (11823)
`ବଲୀନାଂ ସମ୍ଯଗୁତ୍ଥାନାନ୍ନକୁଲସ୍ଯ ଯଶସ୍ବିନଃ'।
ଧୀମତଃ ସହଦେବସ୍ଯ ଧର୍ମାଣାମନୁଶାସନାତ୍॥ 2-13-11 (11824)
ବୈନତ୍ଯାତ୍ସର୍ବତଶ୍ଚୈବ ନକୁଲସ୍ଯ ସ୍ବଭାବତଃ।
ଅବିଗ୍ରହା ବୀତଭଯାଃ ସ୍ବକର୍ମନିରତାଃ ସଦା॥ 2-13-12 (11825)
ନିକାମବର୍ଷାଃ ସ୍ଫୀତାଶ୍ଚ ଆସଞ୍ଜନପଦାସ୍ତଥା।
ବାର୍ଧୁଷୀ ଯଜ୍ଞସତ୍ବାନି ଗୋରକ୍ଷଂ କର୍ଷଣଂ ବଣିକ୍ ॥ 2-13-13 (11826)
ବିଶେଷାତ୍ସର୍ବମେବୈତତ୍ସଞ୍ଜଜ୍ଞେ ରାଜକର୍ମଣା।
ଅନୁକର୍ଷଂ ଚ ନିଷ୍କର୍ଷଂ ବ୍ଯାଧିପାବକମୂର୍ଛନମ୍॥ 2-13-14 (11827)
ସର୍ବମେବ ନ ତତ୍ରାସୀଦ୍ଧର୍ମନିତ୍ଯେ ଯୁଧିଷ୍ଠିରେ।
ଦସ୍ଯୁଭ୍ଯୋ ବଞ୍ଚକେଭ୍ଯଶ୍ଚ ରାଜ୍ଞଃ ପ୍ରତି ପରସ୍ପରମ୍॥ 2-13-15 (11828)
ରାଜବଲ୍ଲଭତଶ୍ଚୈବ ନାଶ୍ରୂଯତ ମୃଷାକୃତମ୍।
ପ୍ରିଯଂ କର୍ତୁମୁପସ୍ଥାତୁଂ ବଲିକର୍ମ ସ୍ବକର୍ମଜମ୍॥ 2-13-16 (11829)
ଅଭିହର୍ତୁଂ ନୃପାଃ ଷଟ୍ସୁ ପୃଥକ୍ଜାତ୍ଯୈଶ୍ଚ ନୈଗମୈଃ।
ବବୃଧେ ବିଷଯସ୍ତତ୍ର ଧର୍ମନିତ୍ଯେ ଯୁଧିଷ୍ଠିରେ॥ 2-13-17 (11830)
କାମତୋଽପ୍ଯୁପଯୁଞ୍ଜାନୈ ରାଜସୈର୍ଲୋଭଜୈର୍ଜନୈଃ।
ସର୍ବବ୍ଯାପୀ ସର୍ବଗୁଣୀ ସର୍ବସାହଃ ସ ସର୍ବରାଟ୍॥ 2-13-18 (11831)
ଯସ୍ମିନ୍ନଧିକୃତଃ ସମ୍ରାଡ୍ ଭ୍ରାଜମାନୋ ମହାଯଶାଃ।
ଯତ୍ର ରାଜନ୍ଦଶ ଦିଶଃ ପିତୃତୋ ମାତୃତସ୍ତଥା।
ଅନୁରକ୍ତାଃ ପ୍ରଜା ଆସନ୍ନାଗୋପାଲା ଦ୍ବିଜାତଯଃ ॥ 2-13-19 (11832)
ସ ମନ୍ତ୍ରିଣଃ ସମାନାଯ୍ଯ ଭ୍ରାତୃଂଶ୍ଚ ବଦତାଂ ବରଃ।
ରାଜସୂଯଂ ପ୍ରତି ତଦା ପୁନଃ ପୁନରପୃଚ୍ଛତ॥ 2-13-20 (11833)
ତେ ପୃଚ୍ଛ୍ଯମାନାଃ ସହିତା ବଚୋଽର୍ଥ୍ଯଂ ମନ୍ତ୍ରିଣସ୍ତଦା।
ଯୁଧିଷ୍ଠିରଂ ମହାପ୍ରାଜ୍ଞଂ ଯିଯକ୍ଷୁମିଦମବ୍ରୁବନ୍॥ 2-13-21 (11834)
ଯେନାଭିଷିକ୍ତୋ ନୃପତିର୍ବାରୁଣଂ ଗୁଣମୃଚ୍ଛତି।
ତେନ ରାଜାଽପି ତଂ କୁତ୍ସ୍ନଂ ସମ୍ରାଡ୍ଗୁଣମଭୀପ୍ସୃତି॥ 2-13-22 (11835)
ତସ୍ଯ ସମ୍ରାଡ୍ଗୁଣାର୍ହସ୍ଯ ଭବତଃ କୁରୁନନ୍ଦନ।
ରାଜସୂଯସ୍ଯ ସମଯଂ ମନ୍ଯନ୍ତେ ସୁହୃଦସ୍ତବ॥ 2-13-23 (11836)
ତସ୍ଯ ଯଜ୍ଞସ୍ଯ ସମଯଃ ସ୍ବାଧୀନଃ କ୍ଷତ୍ରସମ୍ପଦା।
ସାମ୍ନା ଷଡଗ୍ନଯୋ ଯସ୍ମିଂଶ୍ଚୀଯନ୍ତେ ଶଂସିତବ୍ରତୈଃ॥ 2-13-24 (11837)
ଦର୍ବୀହୋମାନୁପାଦାଯ ସର୍ବାନ୍ଯଃ ପ୍ରାପ୍ନୁତେ କ୍ରତୂନ୍।
ଅଭିଷେକଂ ଚ ଯଜ୍ଞାନ୍ତେ ସର୍ବଜିତ୍ତେନ ଚୋଚ୍ଯତେ॥ 2-13-25 (11838)
ସମର୍ଥୋଽସି ମହାବାହୋ ସର୍ବେ ତେ ବଶଗା ବଯମ୍।
ଅଚିରାତ୍ତ୍ବଂ ମହାରାଜ ରାଜସୂଯମବାପ୍ସ୍ଯସି॥ 2-13-26 (11839)
ଅବିଚାର୍ଯ ମହାରାଜ ରାଜସୂଯେ ମନଃ କୁରୁ।
ଇତ୍ଯେବଂ ସୁହୃଦଃ ସର୍ବେ ପୃଥକ୍ଚ ସହ ଚାବ୍ରୁବନ୍॥ 2-13-27 (11840)
ସ ଧର୍ମ୍ଯଂ ପାଣ୍ଡବସ୍ତେଷାଂ ବଚଃ ଶ୍ରୁତ୍ବା ବିଶାମ୍ପତେ।
ଧୃଷ୍ଟମିଷ୍ଟଂ ବରିଷ୍ଟଂ ଚ ଜଗ୍ରାହ ମନସାଽରିହା॥ 2-13-28 (11841)
ଶ୍ରୁତ୍ବା ସୁହୃଦ୍ବଚସ୍ତଚ୍ଚ ଜାନଂଶ୍ଚାପ୍ଯାତ୍ମନଃ କ୍ଷମମ୍।
`ସ ପ୍ରଶସ୍ତକ୍ରିଯାରମ୍ଭଃ ପରୀକ୍ଷାମୁପଚକ୍ରମେ॥ 2-13-29 (11842)
ବୈଶମ୍ପାଯନ ଉବାଚ॥ 2-13-30x (1397)
ଚତୁର୍ଭିର୍ଭୀମସେନାଦ୍ଯୈର୍ଭ୍ରାତୃଭିଃ ସହିତୋ ହିତମ୍।
ଏବମୁକ୍ତସ୍ତଥା ପାର୍ଥୋ ଧର୍ମ ଏବ ମନୋ ଦଧେ॥ 2-13-30 (11843)
ସ ରାଜସୂଯଂ ରାଜେନ୍ଦ୍ରଃ କୁରୂଣାମୃଷଭଃ କ୍ରତୁମ୍।
ଜଗାମ ମନସା ସଦ୍ଯ ଆହରିଷ୍ଯନ୍ଯୁଧିଷ୍ଠିରଃ॥ 2-13-31 (11844)
ଭୂଯସ୍ତ୍ବଦ୍ଭୁତବୀର୍ଯୋପି ଧର୍ମମେବାନୁପାଲଯନ୍ '।
ପୁନଃ ପୁନର୍ମନୋ ଦଧ୍ରେ ରାଜସୂଯାଯ ଭାରତ॥ 2-13-32 (11845)
ସ ଭ୍ରାତୃଭିଃ ପୁନର୍ଧୀମାନୃତ୍ବିଗ୍ନିଶ୍ଚ ମହାତ୍ମଭିଃ।
ମନ୍ତ୍ରିଭିଶ୍ଚାପି ସହିତୋ ଧର୍ମରାଜୋ ଯୁଧିଷ୍ଠିରଃ॥ 2-13-33 (11846)
ଧୌମ୍ଯଦ୍ବୈପାଯନାଦ୍ଯୈଶ୍ଚ ମନ୍ତ୍ରଯାମାସ ମନ୍ତ୍ରବିତ୍।
`ବିରାଟଦ୍ରୁପଦାଭ୍ଯାଂ ଚ ସାତ୍ଯକେନ ଚ ଧୀମତା॥ 2-13-34 (11847)
ଯୁଧାମନ୍ଯୂତ୍ତମୌଜୋଭ୍ଯାଂ ସୌଭଦ୍ରେଣ ଚ ଧୀମତା।
ଦ୍ରୌପଦେଯୈଃ ପରଂ ଶୂରୈର୍ମନ୍ତ୍ରଯାମାସ ସଂବୃତଃ॥ 2-13-35 (11848)
ଯୁଧିଷ୍ଠିର ଉବାଚ'॥ 2-13-36x (1398)
ଭବନ୍ତୋ ରାଜସୂଯସ୍ଯ ସମ୍ରାଡର୍ହସ୍ଯ ସୁକ୍ରତୋଃ।
ଶ୍ରଦ୍ଦଧାନସ୍ଯ ବଦତ ମମାବାପ୍ତିଃ କଥଂ ଭବେତ୍॥ 2-13-36 (11849)
ବୈଶମ୍ପାଯନ ଉବାଚ। 2-13-37x (1399)
ଏବମୁକ୍ତାସ୍ତୁ ତେ ତେନ ରାଜ୍ଞା ରାଜୀବଲୋଚନ।
ଇଦମୂଚୁର୍ବଚଃ କାଲେ ଧର୍ମରାଜଂ ଯୁଧିଷ୍ଠିରମ୍॥ 2-13-37 (11850)
ଅର୍ହସ୍ତ୍ବମସି ଧର୍ମଜ୍ଞ ରାଜସୂଯଂ ମହାକ୍ରତୁମ୍।
ଅଥୈବମୁକ୍ତେ ନୃପତାବୃତ୍ବିଗ୍ଭିର୍ଋଷିଭିସ୍ତଥା॥ 2-13-38 (11851)
ମନ୍ତ୍ରିଣୋ ଭ୍ରାତରଶ୍ଚାସ୍ଯ ତଦ୍ବଚଃ ପ୍ରତ୍ଯପୂଜଯନ୍।
ସ ତୁ ରାଜା ମହାପ୍ରାଜ୍ଞଃ ପୁନରେବାତ୍ମନାଽଽତ୍ମବାନ୍॥ 2-13-39 (11852)
ଭୂଯୋ ବିମମୃଶେ ପାର୍ଥୋ ଲୋକାନାଂ ହିତକାମ୍ଯଯା।
ସାମର୍ଥ୍ଯଯୋଗଂ ସମ୍ପ୍ରେକ୍ଷ୍ଯ ଦେଶକାଲୌ ବ୍ଯଯାଗମୌ॥ 2-13-40 (11853)
ବିମୃଶ୍ଯ ସମ୍ଯକ୍ ଚ ଧିଯା କୁର୍ବନ୍ପ୍ରାଜ୍ଞୋ ନ ସୀଦତି।
ନହି ଯଜ୍ଞସମାରମ୍ଭଃ କେବଲାତ୍ମବିନିଶ୍ଚଯାତ୍॥ 2-13-41 (11854)
ଭବତୀତି ସମାଜ୍ଞାଯ ଯତ୍ନତଃ କାର୍ଯମୁଦ୍ବହନ୍।
ସ ନିଶ୍ଚଯାର୍ଥଂ କାର୍ଯସ୍ଯ କୃଷ୍ଣମେବ ଜନାର୍ଦନମ୍॥ 2-13-42 (11855)
ସର୍ବଲୋକାତ୍ପରଂ ମତ୍ବା ଜଗାମ ମନସା ହରିମ୍।
ଅପ୍ରମେଯଂ ମହାବାହୁଂ କାମାଞ୍ଜାତମଜଂ ନୃଷୁ॥ 2-13-43 (11856)
ପାଣ୍ଡବସ୍ତର୍କଯାମାସ କର୍ମଭିର୍ଦେବସଂମତୈଃ।
ନାସ୍ଯ କିଞ୍ଚିଦବିଜ୍ଞାତଂ ନାସ୍ଯ କିଞ୍ଚିଦକର୍ମଜମ୍॥ 2-13-44 (11857)
ନ ସ କିଞ୍ଚିନ୍ନ ବିଷହେଦିତି କୃଷ୍ଣମମନ୍ଯତ।
ସ ତୁ ତାଂ ନୈଷ୍ଠିକୀଂ ବୁଦ୍ଧିଂ କୃତ୍ବା ପାର୍ଥୋ ଯୁଧିଷ୍ଠିରଃ ॥ 2-13-45 (11858)
ଗୁରୁବଦ୍ଭୂତଗୁରବେ ପ୍ରାହିଣୋଦ୍ଦୂତମଞ୍ଜସା।
ଶୀଘ୍ରଗେନ ରଥେନାଶୁ ସ ଦୂତଃ ପ୍ରାପ୍ଯ ଯାଦବାନ୍॥ 2-13-46 (11859)
ଦ୍ବାରକାବାସିନଂ କୃଷ୍ଣଂ ଦ୍ବାରବତ୍ଯାଂ ସମାସଦତ୍।
` ସ ପ୍ରଭୁଂ ପ୍ରାଞ୍ଜଲିର୍ଭୂତ୍ବା ବ୍ଯଜ୍ଞାପଯତ ମାଧବମ୍॥ 2-13-47 (11860)
ଦୂତ ଉବାଚ॥ 2-13-48x (1400)
ଧର୍ମରାଜୋ ହୃଷୀକେଶ ଧୌମ୍ଯବ୍ଯାସାଦିଭିଃ ସହ।
ପାଞ୍ଚାଲମାତ୍ସ୍ଯସହିତୈର୍ଭ୍ରାତୃଭିଶ୍ଚୈବ ସର୍ବଶଃ॥ 2-13-48 (11861)
ତ୍ବଦ୍ଦର୍ଶନଂ ମହାବାହୋ କାଙ୍କ୍ଷତେ ସ ଯୁଧିଷ୍ଠିରଃ॥ 2-13-49 (11862)
ବୈଶମ୍ପାଯନ ଉବାଚ॥ 2-13-50x (1401)
ଇନ୍ଦ୍ରସେନବଚଃ ଶ୍ରୁତ୍ବା ଯାଦବପ୍ରବରୋ ବଲୀ'।
ଦର୍ଶନାକାଙ୍କ୍ଷିଣଂ ପାର୍ଥଂ ଦର୍ଶନାକାଙ୍କ୍ଷଯାଚ୍ଯୁତଃ॥ 2-13-50 (11863)
`ଆମନ୍ତ୍ର୍ଯ ରାଜନ୍ସୁହୃଦୋ ବସୁଦେବଂ ଚ ମାଧବଃ'।
ଇନ୍ଦ୍ରସେନେନ ସହିତ ଇନ୍ଦ୍ରପ୍ରସ୍ଥମଗାତ୍ତଦା।
ବ୍ଯତୀତ୍ଯ ବିବିଧାନ୍ଦେଶାଂସ୍ତ୍ବରାବାନ୍କ୍ଷିପ୍ରବାହନବଃ॥ 2-13-51 (11864)
ଇନ୍ଦ୍ରପ୍ରସ୍ଥଗତଂ ପାର୍ଥମଭ୍ଯଗଚ୍ଛଜ୍ଜନାର୍ଦନଃ।
ସ ଗୃହେ ପିତୃବଦ୍ଧାତ୍ରା ଧର୍ମରାଜେନ ପୂଜିତଃ॥ 2-13-52 (11865)
ଭୀମେନ ଚ ତତୋଽପଶ୍ଯତ୍ସ୍ବସାରଂ ପ୍ରୀତିମାନ୍ପିତୁଃ।
ପ୍ରୀତଃ ପ୍ରୀତେନ ସୁହୃଦା ରେମେ ସ ସହିତସ୍ତଦା॥ 2-13-53 (11866)
ଅର୍ଜୁନେନ ଯମାଭ୍ଯାଂ ଚ ଗୁରୁବତ୍ପର୍ଯୁପାସିତଃ।
ତଂ ବିଶ୍ରାନ୍ତଂ ଶୁଭେ ଦେଶେ କ୍ଷଣିନଂ କଲ୍ପମଚ୍ଯୁତମ୍।
ଧର୍ମରାଜଃ ସମାଗମ୍ଯ ଜ୍ଞାପଯତ୍ସ୍ବପ୍ରଯୋଜନମ୍॥ 2-13-54 (11867)
ଯୁଧିଷ୍ଠିର ଉବାଚ॥ 2-13-5x (1402)
ପ୍ରାର୍ଥିତୋ ରାଜସୂଯୋ ମେ ନ ଚାସୌ କେବଲେପ୍ସଯା।
ପ୍ରାପ୍ଯତେ ଯେନ ତତ୍ତେ ହି ବିଦିତଂ କୃଷ୍ଣ ସର୍ବଶଃ॥ 2-13-55 (11868)
ଯସ୍ମିନ୍ସର୍ବଂ ସମ୍ଭବତି ଯଶ୍ଚ ସର୍ବତ୍ର ପୂଜ୍ଯତେ।
ଯଶ୍ଚ ସର୍ବେଶ୍ବରୋ ରାଜା ରାଜସୂଯଂ ସ ବିନ୍ଦତି॥ 2-13-56 (11869)
ତଂ ରାଜସୂଯଂ ସୁହୃଦଃ କାର୍ଯମାହୁଃ ସମେତ୍ଯ ମେ।
ତତ୍ର ମେ ନିଶ୍ଚିତତମଂ ତବ କୃଷ୍ଣ ଗିରା ଭବେତ୍॥ 2-13-57 (11870)
କେଚିଦ୍ଧି ସୌହୃଦା ଦେବେ ନ ଦୋଷଂ ପରିଚକ୍ଷତେ।
ସ୍ବାର୍ଥହେତୋସ୍ତଥୈବାନ୍ଯେ ପ୍ରିଯମେବ ବଦନ୍ତ୍ଯୁତ॥ 2-13-58 (11871)
ପ୍ରିଯମେବ ପରୀପ୍ସନ୍ତେ କେଚିଦାତ୍ମନି ଯଦ୍ଧିତମ୍।
ଏବମ୍ପ୍ରାଯାଶ୍ଚ ଦୃଶ୍ଯନ୍ତେ ଜନବାଦାଃ ପ୍ରଯୋଜନେ॥ 2-13-59 (11872)
ତ୍ବଂ ତୁ ହେତୂନତୀତ୍ଯୈତାନ୍କାମକ୍ରୋଧୌ ବ୍ଯୁଦସ୍ଯ ଚ।
ପରମଂ ଯତ୍କ୍ଷମଂ ଲୋକେ ଯଥାବଦ୍ବକ୍ତୁମର୍ହସି॥ ॥ 2-13-60 (11873)
ଇତି ଶ୍ରୀମନ୍ମହାଭାରତେ ସଭାପର୍ବଣି ମନ୍ତ୍ରପର୍ବଣି ତ୍ରଯୋଦଶୋଽଧ୍ଯାଯଃ॥ 13॥
Mahabharata - Sabha Parva - Chapter Footnotes
2-13-13 ବାର୍ଧୁଷୀ ବୃଦ୍ଧ୍ଯୁପଜୀବିକା। ଯଜ୍ଞସତ୍ବାନି କତୂନା ସାମର୍ଥ୍ଯାନି ସଦ୍ଯଃ ପୁଷ୍କଲଫଲପ୍ ରଦତ୍ବାଦିବିଷଯାଣି॥ 2-13-14 ଅନୁକର୍ଷ ଦାରିଦ୍ର୍ଯାଦ୍ରାଜକୀଯଦ୍ରବ୍ଯସ୍ଯାତୀତବର୍ଷସ୍ଯ ଋଣତ୍ବେନ ଧାରଣମ୍। ନିଷ୍କର୍ଷ କରାର୍ଥଂ ପ୍ରଜାପୀଡନମ୍। ଅବର୍ଷଣଂ ଚାତିବର୍ଷଂ ଇତି କ. ପାଠଃ। ମୂର୍ଛନଂ ବୃଦ୍ଧିଃ॥ 2-13-17 ନୈଗମୈର୍ବଣିଗ୍ଭିଃ ସହ ଆସନ୍ନିତି ଶେବଃ। ଇତରେ ନୃପା ବିଣିଗ୍ବଦ୍ଯେନ କରଦୀକୃତା ଇତ୍ଯର୍ ଥଃ। ତତ୍ର ତସ୍ମିନ୍ ବିଷଯୋଦେଶଃ॥ 2-13-18 ଲୋଭଜୈର୍ବିମୋହୋତ୍ଥୈରାଜସରୈର୍ବୃତ୍ତିବିଶେଷୈସ୍ତୃଷ୍ଣାଦିଭିସ୍ତାଦୃଶୈରପି ବବୃଧେ ବୃଦ୍ଧ ିମାନଭୂତ୍॥ 2-13-22 ଯେନ କାରେଣ ବାରୁଣଂ ଗୁଣଂ ବୃଦ୍ଧିଂ। ତେନ କାରଣେନା॥ 2-13-52 ଭ୍ରାତ୍ରା ପିତୃଷ୍ବସୃଜେନ॥ 2-13-54 କ୍ଷଣିନଂ ସାବସରମ୍। କଲ୍ପଂ ସମର୍ଥମ୍ ॥ସଭାପର୍ବ - ଅଧ୍ଯାଯ 014
॥ ଶ୍ରୀଃ ॥
2.14. ଅଧ୍ଯାଯଃ 014
Mahabharata - Sabha Parva - Chapter Topics
ଜରାସନ୍ଧଶୌର୍ଯକଥନାଦିରୂପଂ ଶ୍ରୀକୃଷ୍ଣବାକ୍ଯମ୍॥Mahabharata - Sabha Parva - Chapter Text
କୃଷ୍ଣ ଉବାଚ॥
ସର୍ବୈର୍ଗୁଣୈର୍ମହାରାଜ ରାଜସୂଯଂ ତ୍ବମର୍ହସି।
ଜାନତସ୍ତ୍ବେବ ତେ ସର୍ବଂ କିଞ୍ଚିଦ୍ବକ୍ଷ୍ଯାମି ଭାରତ॥ 2-14-1 (11874)
ଜାମଦଗ୍ନ୍ଯେନ ରାମେଣ କ୍ଷତ୍ରଂ ଯଦବଶେଷିତମ୍।
ତସ୍ମାଦବରଜଂ ଲୋକେ ଯଦିଦଂ କ୍ଷତ୍ରସଂଜ୍ଞିତମ୍॥ 2-14-2 (11875)
କୃତୋଽଯଂ କଲୁସଙ୍କଲ୍ପଃ କ୍ଷତ୍ରିଯୈର୍ବସୁଧାଧିପ।
ନିଦେଶବାଗ୍ଭିସ୍ତତ୍ତେହ ବିଦିତଂ ଭରତର୍ଷଭ॥ 2-14-3 (11876)
ଐଲସ୍ଯେକ୍ଷ୍ବାକୁବଂଶସ୍ଯ ପ୍ରକୃତିଂ ପରିଚକ୍ଷତେ।
ରାଜାନଃ ଶ୍ରେଣିବଦ୍ଧାଶ୍ଚ ତଥାଽନ୍ଯେ କ୍ଷତ୍ରିଯା ଭୁବି॥ 2-14-4 (11877)
ଐଲବଂଶ୍ଯାଶ୍ଚ ଯେ ରାଜଂସ୍ତଥୈବେକ୍ଷ୍ବାକବୋ ନୃପାଃ।
ତାନି ଚୈକଶତଂ ବିଦ୍ଧି କୁଲାନି ଭରତର୍ଷଭ॥ 2-14-5 (11878)
ଯଯାତେସ୍ତ୍ବେବ ଭୋଜାନାଂ ବିସ୍ତରୋ ଗୁଣତୋ ମହାନ୍।
ଭଜତେଽଦ୍ଯ ମହାରାଜ ବିସ୍ତରଂ ସଚତୁର୍ଦିଶମ୍॥ 2-14-6 (11879)
ତେଷାଂ ତଥୈବ ତାଂ ଲକ୍ଷ୍ମୀଂ ସର୍ବକ୍ଷତ୍ରମୁପାସତେ।
ଇଦାନୀମେବ ବୈ ରାଜଞ୍ଜରାସନ୍ଧୋ ମହୀପତିଃ॥ 2-14-7 (11880)
ଅଭିଭୂଯ ଶ୍ରିଯଂ ତେଷାଂ କୁଲାନାମଭିଷେଚିତଃ।
ସ୍ଥିତୋ ମୂର୍ଧ୍ନି ନରେନ୍ଦ୍ରାଣାମୋଜସାଽଽକ୍ରମ୍ଯ ସର୍ବଶଃ॥ 2-14-8 (11881)
ସୋଽବନୀଂ ମଧ୍ଯମାଂ ଭୁକ୍ତ୍ବା ମିଥୋ ଭେଦମମନ୍ଯତ।
ପ୍ରଭୁର୍ଯସ୍ତୁ ପରୋ ରାଜା ଯସ୍ମିନ୍ନେକବଶେ ଜଗତ୍॥ 2-14-9 (11882)
ସ ସାମ୍ରାଜ୍ଯଂ ମହାରାଜ ପ୍ରାପ୍ତୋ ଭବତି ଯୋଗତଃ।
ତଂ ସ ରାଜା ଜରାସନ୍ଧଂ ସଂଶ୍ରିତ୍ଯ କିଲ ସର୍ବଶଃ॥ 2-14-10 (11883)
ରାଜନ୍ସେନାପତିର୍ଜାତଃ ଶିଶୁପାଲଃ ପ୍ରତାପବାନ୍।
ତମେବ ଚ ମହାରାଜ ଶିଷ୍ଯବତ୍ସମୁପସ୍ଥିତଃ॥ 2-14-11 (11884)
ବକ୍ରଃ କରୂଷାଧିପତିର୍ମାଯାଯୋଧୀ ମହାବଲଃ॥
ଅପରୌ ଚ ମହାବୀର୍ଯୌ ମହାତ୍ମାନୌ ସମାଶ୍ରିତୌ॥ 2-14-12 (11885)
ଜରାସନ୍ଧଂ ମହାବୀର୍ଯଂ ତୌ ହିଂସଡିମ୍ବିକାବୁଭୌ।
ବକ୍ରଦନ୍ତଃ କରୂଷସ୍ଯ କରଭୋ ମେଘବାହନଃ।
ମୂର୍ଧ୍ନା ଦିବ୍ଯଂ ମଣିଂ ବିଭ୍ରଦ୍ଯମଦ୍ଭୁତମଣିଂ ବିଦୁଃ॥ 2-14-13 (11886)
ମରୁଂ ଚ ନରକଂ ଚୈବ ଶାସ୍ତି ଯୋ ଯବନାଧିପଃ।
ଅପର୍ଯନ୍ତବଲୋ ରାଜା ପ୍ରତୀଚ୍ଯାଂ ବରୁଣୋ ଯଥା॥ 2-14-14 (11887)
ଭଗଦତ୍ତୋ ମହାରାଜ ବୃଦ୍ଧସ୍ତବ ପିତୁଃ ସଖା।
ସ ବାଚା ପ୍ରଣତସ୍ତସ୍ଯ କର୍ମଣା ଚ ବିଶେଷତଃ॥ 2-14-15 (11888)
ସ୍ନେହବଦ୍ଧଶ୍ଚ ମନସା ପିତୃବଦ୍ଭକ୍ତିମାଂସ୍ତ୍ବଯି।
ପ୍ରତୀଚ୍ଯାଂ ଦକ୍ଷିଣଂ ଚାନ୍ତଂ ପୃଥିବ୍ଯାଃ ପ୍ରତି ଯୋ ନୃପଃ॥ 2-14-16 (11889)
ମାତୁଲୋ ଭବତଃ ଶୂରଃ ପୁରୁଜିତ୍କୁନ୍ତିବର୍ଧନଃ।
ସ ତେ ସନ୍ନିତିମାନେକଃ ସ୍ନେହତଃ ଶତ୍ରୁସୂଦନଃ॥ 2-14-17 (11890)
ଜରାସନ୍ଧଂ ଗତସ୍ତ୍ବେବ ପୁରା ଯୋ ନ ମଯା ହତଃ।
ପୁରୁଷୋତ୍ତମବିଜ୍ଞାତୋ ଯୋସୌ ଚେଦିଷୁ ଦୁର୍ମତିଃ॥ 2-14-18 (11891)
ଆତ୍ମାନଂ ପ୍ରତିଜାନାତି ଲୋକେଽସ୍ମିନ୍ପୁରୁଷୋତ୍ତମମ୍।
ଆଦତ୍ତେ ସତତଂ ମୋହାଦ୍ଯଃ ସ ଚିହ୍ନଂ ଚ ମାମକମ୍॥ 2-14-19 (11892)
ବଙ୍ଗପୁଣ୍ଡ୍ରକିରାତେଷୁ ରାଜା ବଲସମନ୍ବିତଃ।
ପୌଣ୍ଡ୍ରକୋ ବାସୁଦେବେତି ଯୋସୌ ଲୋକେଽଭିବିଶ୍ରୁତଃ॥ 2-14-20 (11893)
ଚତୁର୍ଥଭାଙ୍ମହାରାଜ ଭୋଜ ଇନ୍ଦ୍ରସଖୋ ବଲୀ।
ବିଦ୍ଯାବଲାଦ୍ଯୋ ବ୍ଯଜଯତ୍ସ ପାଣ୍ଡ୍ଯକ୍ରଥକୈଶିକାନ୍॥ 2-14-21 (11894)
ଭ୍ରାତା ତସ୍ଯାକୃତିଃ ଶୂରୋ ଜାମଦଗ୍ନ୍ଯସମୋଽଭବତ୍।
ସ ଭକ୍ତୋ ମାଗଧଂ ରାଜା ଭୀଷ୍ମକଃ ପରବୀରହା॥ 2-14-22 (11895)
ପ୍ରିଯାଣ୍ଯାଚରତଃ ପ୍ରହ୍ବାନ୍ସଦା ସମ୍ବନ୍ଧିନସ୍ତତଃ।
ଭଜତୋ ନ ଭଜତ୍ଯସ୍ମାନପ୍ରିଯେଷୁ ବ୍ଯବସ୍ଥିତଃ॥ 2-14-23 (11896)
ନ କୁଲଂ ସବଲଂ ରାଜନ୍ନଭ୍ଯଜାନାତ୍ତଥାଽଽତ୍ମନଃ।
ପଶ୍ଯମାନୋ ଯଶୋ ଦୀପ୍ତଂ ଜରାସନ୍ଧମୁପସ୍ଥିତଃ॥ 2-14-24 (11897)
ଉଦୀଚ୍ଯାଶ୍ଚ ତଥା ଭୋଜାଃ କୁଲାନ୍ଯଷ୍ଟାଦଶ ପ୍ରଭୋ।
ଜରାସନ୍ଧଭଯାଦେବ ପ୍ରତୀଚୀଂ ଦିଶମାସ୍ଥିତାଃ॥ 2-14-25 (11898)
ଶୂରସେନା ଭଦ୍ରକାରା ବୋଧାଃ ଶାଲ୍ବାଃ ପଟଚ୍ଚରାଃ।
ସୁସ୍ଥଲାଶ୍ଚ ସୁକୁଟ୍ଟାଶ୍ଚ କୁଲିନ୍ଦାଃ କୁନ୍ତିଭିଃ ସହ॥ 2-14-26 (11899)
ଶାଲ୍ବାଯନାଶ୍ଚ ରାଜାନଃ ସୋଦର୍ଯାନୁଚରୈଃ ସହ।
ଦକ୍ଷିଣା ଯେ ଚ ପଞ୍ଚାଲାଃ ପୂର୍ବାଃ କୁନ୍ତିଷୁ କୋସଲାଃ॥ 2-14-27 (11900)
ତଥୋତ୍ତରାଂ ଦିଶଂ ଚାପି ପରିତ୍ଯଜ୍ଯ ଭଯାର୍ଦିତାଃ।
ମତ୍ସ୍ଯାଃ ସନ୍ନ୍ଯସ୍ତପାଦାଶ୍ଚ ଦକ୍ଷିଣାଂ ଦିଶମାଶ୍ରିତାଃ॥ 2-14-28 (11901)
ତଥୈବ ସର୍ବପଞ୍ଚାଲା ଜରାସନ୍ଧଭାଯର୍ଦିତାଃ।
ସ୍ବରାଜ୍ଯଂ ସମ୍ପରିତ୍ଯଜ୍ଯ ବିଦ୍ରୁତାଃ ସର୍ବତୋଦିଶମ୍॥ 2-14-29 (11902)
` ଅଗ୍ରତୋ ହ୍ଯସ୍ଯ ପାଞ୍ଚାଲାସ୍ତତ୍ରାନୀକେ ମହାତ୍ମନଃ।
ଅନିର୍ଗତେ ସାରବଲେ ମାଗଧେଭ୍ଯୋ ଗିରିବ୍ରଜାତ୍॥ 2-14-30 (11903)
ଉଗ୍ରସେନସୁତଃ କଂସଃ ପୁରା ନିର୍ଜିତ୍ଯ ବାନ୍ଧବାନ୍'।
ବାର୍ହଦ୍ରଥସୁତେ ଦେବ୍ଯାବୁପାଗଚ୍ଛଦ୍ବୃଥାମତିଃ॥ 2-14-31 (11904)
ଅସ୍ତିଃ ପ୍ରାସ୍ତିଶ୍ଚ ନାମ୍ନା ତେ ସହଦେବାନୁଜେଽବଲେ।
ବଲେନ ତେନ ସ୍ବଜ୍ଞାତୀନଭିଭୂଯ ବୃଥାମତିଃ॥ 2-14-32 (11905)
ଶ୍ରୈଷ୍ଠ୍ଯଂ ପ୍ରାପ୍ତଃ ସ ତସ୍ଯାସୀଦତୀବାପନଯୋ ମହାନ୍।
ଭୋଜରାଜନ୍ଯବୃଦ୍ଧୈଶ୍ଚ ପୀଡ୍ଯମାନୈର୍ଦୁରାତ୍ମନା॥ 2-14-33 (11906)
ଜ୍ଞାତିତ୍ରାଣମଭୀପ୍ସଦ୍ଭିରସ୍ମତ୍ସମ୍ଭାବନା କୃତା।
ଦତ୍ବାଽଽକ୍ରୂରାଯ ସୁତନୁଂ ତାମାହୁକସୁତାଂ ତଦା॥ 2-14-34 (11907)
ସଙ୍କର୍ଷଣଦ୍ବିତୀଯେନ ଜ୍ଞାତିକାର୍ଯଂ ମଯା କୃତମ୍।
ହତୌ କଂସସୁନାମାନୌ ମଯା ରାମେଣ ଚାପ୍ଯୁତ॥ 2-14-35 (11908)
`ହତ୍ବା କଂସଂ ତଥୈବାଦୌ ଜରାସନ୍ଧସ୍ଯ ବିଭ୍ଯତଃ।
ମଯା ରାମେଣ ଚାନ୍ଯତ୍ର ଜ୍ଞାତଯଃ ପରିପାଲିତଃ'॥ 2-14-36 (11909)
ଭଯେ ତୁ ସମତିକ୍ରାନ୍ତେ ଜରାସନ୍ଧେ ସମୁଦ୍ଯତେ।
ମନ୍ତ୍ରୋଽଯଂ ମନ୍ତ୍ରିତୋ ରାଜନ୍କୁଲୈରଷ୍ଟାଦଶାବରୈଃ॥ 2-14-37 (11910)
ଅନାରମନ୍ତୋ ନିଘ୍ନନ୍ତୋ ମହାସ୍ତ୍ରୈଃ ଶତ୍ରୁଘାତିଭିଃ।
ନ ହନ୍ଯାମୋ ବଯଂ ତସ୍ଯ ତ୍ରିଭିର୍ବର୍ଷଶତୈର୍ବଲମ୍॥ 2-14-38 (11911)
ତସ୍ଯ ହ୍ଯମରସଙ୍କାଶୌ ବଲେନ ବଲିନାଂ ବରୌ।
ନାମଭ୍ଯାଂ ହଂସଡିବିକାବଶସ୍ତ୍ରନିଧନାବୁଭୌ॥ 2-14-39 (11912)
ତାବୁଭୌ ସହିତୌ ବୀରୌ ଜରାସନ୍ଧଶ୍ଚ ବୀର୍ଯବାନ୍।
ତ୍ରଯସ୍ତ୍ରଯାଣାଂ ଲୋକାନାଂ ପର୍ଯାପ୍ତା ଇତି ମେ ମତିଃ॥ 2-14-40 (11913)
ନ ହି କେବଲମସ୍ମାକଂ ଯାବନ୍ତୋଽନ୍ଯେ ଚ ପାର୍ଥିବାଃ।
ତଥୈବ ତେଷାମାସୀଚ୍ଚ ବୁଦ୍ଧିର୍ବୁଦ୍ଧିମତାଂ ବର॥ 2-14-41 (11914)
`ଅଷ୍ଟାଦଶ ମଯା ତସ୍ଯ ସଙ୍ଗ୍ରାମା ରୋମହର୍ଷଣାଃ।
ଦତ୍ତା ନ ଚ ହତୋ ରାଜଞ୍ଜରାସନ୍ଧୋ ମହାବଲଃ'॥ 2-14-42 (11915)
ଅଥ ହଂସ ଇତି ଖ୍ଯାତଃ କଶ୍ଚିଦାସୀନ୍ମହାନ୍ନୃପଃ।
ରାମେଣ ସ ହତସ୍ତତ୍ର ସଙ୍ଗ୍ରାମେଽଷ୍ଟାଦଶାବରେ॥ 2-14-43 (11916)
ହତୋ ହଂସ ଇତି ପ୍ରୋକ୍ତସ୍ଯ କେନାପି ଭାରତ।
ତଚ୍ଛ୍ରୁତ୍ବା ଡିବିକୋ ରାଜନ୍ଯମୁନାମ୍ଭସ୍ଯମଜ୍ଜତ ॥ 2-14-44 (11917)
ବିନା ହସେନ ଲୋକେଽସ୍ମିନ୍ନାହଂ ଜୀବିତୁମୁତ୍ସହେ।
ଇତ୍ଯେତାଂ ମତିମାସ୍ଥାଯ ଡିବିକୋ ନିଧନଂ ଗତଃ॥ 2-14-45 (11918)
ତଥା ତୁ ଡିବିକଂ ଶ୍ରୁତ୍ବା ହଂସଃ ପରୁପୁରଞ୍ଜଯଃ।
ପ୍ରପେଦେ ଯମୁନାମେବ ସୋପି ତସ୍ଯାଂ ନ୍ଯମଜ୍ଜତ॥ 2-14-46 (11919)
ତୌ ସ ରାଜା ଜରାଜନ୍ଧଃ ଶ୍ରୁତ୍ବା ଚ ନିଧନଂ ଗତୌ।
ପୁରଂ ଶୂନ୍ଯେନ ମନସା ପ୍ରଯଯୌ ଭରତର୍ଷଭ॥ 2-14-47 (11920)
ତତୋ ବଯମିତ୍ରଘ୍ନ ତସ୍ମିନ୍ପ୍ରତିଗତେ ନୃପେ।
ପୁନରାନ୍ଦିନଃ ସର୍ବେ ମଧୁରାଯାଂ ବସାମହେ॥ 2-14-48 (11921)
ଯଦା ତ୍ବଭ୍ଯେତ୍ଯ ପିତରଂ ସା ବୈ ରାଜୀବଲୋଚନା।
କଂସଭାର୍ଯା ଜରାସନ୍ଧଂ ଦୁହିତା ମାଗଧଂ ନୃପମ୍।
ଚୋଦଯତ୍ଯେବ ରାଜେନ୍ଦ୍ର ପତିବ୍ଯସନଦୁଃଖିତା॥ 2-14-49 (11922)
ପତିଘ୍ନଂ ମେ ଜହୀତ୍ଯେବଂ ପୁନଃ ପୁନରରିନ୍ଦମ।
ତତୋ ବଯଂ ମହାରାଜ ତଂ ମନ୍ତ୍ରଂ ପୂର୍ବମନ୍ତ୍ରିତମ୍॥ 2-14-50 (11923)
ସଂସ୍ମରନ୍ତୋ ବିମନସୋ ବ୍ଯପଯାତା ନରାଧିପ।
ପୃଥକ୍ତ୍ବେନ ମହାରାଜ ସଙ୍କ୍ଷିପ୍ଯ ମହତୀଂ ଶ୍ରିଯମ୍॥ 2-14-51 (11924)
ପଲାଯାମୋ ଭଯାତ୍ତସ୍ଯ ସସୁତଜ୍ଞାତିବାନ୍ଧବାଃ।
ଇତି ସଞ୍ଚିନ୍ତ୍ଯ ସର୍ବେ ସ୍ମ ପ୍ରତୀଚୀଂ ଦିଶମାଶ୍ରିତାଃ॥ 2-14-52 (11925)
କୁଶସ୍ଥଲୀଂ ପୁରୀଂ ରମ୍ଯାଂ ରୈବତେନୋପଶୋଭିତାମ୍।
ତତୋ ନିବେଶଂ ତସ୍ଯାଂ ଚ କୃତବନ୍ତୋ ବଯଂ ନୃପ॥ 2-14-53 (11926)
ତଥୈବ ଦୁର୍ଗସଂସ୍କାରଂ ଦେବୈରପି ଦୁରାସଦମ୍।
ସ୍ତ୍ରିଯୋଽପି ଯସ୍ଯାଂ ଯୁଧ୍ଯେଯୁଃ କିମୁ ବୃଷ୍ଣିମହାରଥାଃ॥ 2-14-54 (11927)
ତସ୍ଯାଂ ବଯମମିତ୍ରଘ୍ନ ନିବସାମୋଽକୁତୋଭଯାଃ।
ଆଲୋଚ୍ଯ ଗିରିମୁଖ୍ଯଂ ତଂ ମାଗଧଂ ତୀର୍ଣମେବ ଚ॥ 2-14-55 (11928)
ମାଧବାଃ କୁରୁଶାର୍ଦୂଲ ପରାଂ ମୁଦମବାପ୍ନୁବନ୍।
ଏବଂ ବଯଂ ଜରାସନ୍ଧାଦଭିତଃ କୃତକିଲ୍ବିଷାଃ॥ 2-14-56 (11929)
ସାମର୍ଥ୍ଯବନ୍ତଃ ସମ୍ବନ୍ଧାଦ୍ଗୋମନ୍ତଂ ସମୁପାଶ୍ରିତାଃ।
ତ୍ରିଯୋଜନାଯତଂ ସଦ୍ମ ତ୍ରିସ୍କନ୍ଧଂ ଯୋଜନାବଧି॥ 2-14-57 (11930)
ଯୋଜନାନ୍ତେ ଶତଦ୍ବାରଂ ବୀରବିକ୍ରମତୋରଣମ୍।
ଅଷ୍ଟାଦଶାବରୈର୍ନଦ୍ଧଂ କ୍ଷତ୍ରିଯୈର୍ଯୁଦ୍ଧଦୁର୍ମଦୈଃ॥ 2-14-58 (11931)
ଅଷ୍ଟାଦଶ ସହସ୍ରାଣି ଭ୍ରାତୃଣାଂ ସନ୍ତି ନଃ କଲେ।
ଆହୁକସ୍ଯ ଶତଂ ପୁତ୍ରା ଏକୈକସ୍ତ୍ରିଦଶାବରଃ॥ 2-14-59 (11932)
ଚାରୁଦେଷ୍ଣଃ ସହ ଭ୍ରାତ୍ରା ଚକ୍ରଦେବୋଽଥ ସାତ୍ଯକିଃ।
ଅହଂ ଚ ରୋହିଣେଯଶ୍ଚ ସାମ୍ବଃ ପ୍ରଦ୍ଯୁମ୍ନ ଏବ ଚ॥ 2-14-60 (11933)
ଏବମେତେ ରଥାଃ ସପ୍ତ ରାଜନ୍ନନ୍ଯାନ୍ନିବୋଧ ମେ।
କୃତବର୍ମା ହ୍ଯନାଧୃଷ୍ଟିଃ ସମୀକଃ ସମିର୍ତିଜଯଃ॥ 2-14-61 (11934)
କଙ୍କଃ ଶଙ୍କୁଶ୍ଚ କୁନ୍ତିଶ୍ଚ ସପ୍ତୈତେ ବୈ ମହାରଥାଃ।
`ପ୍ରଦ୍ଯୁମ୍ନଶ୍ଚାନିରୁଦ୍ଧଶ୍ଚ ଭାନୁରକ୍ରୂରସାରଣୌ॥ 2-14-62 (11935)
ନିଶଠଶ୍ଚ ଗଦଶ୍ଚୈବ ସପ୍ତ ଚୈତେ ମହାରଥାଃ।
ବିକମୋ ଝିଲ୍ଲିବଭ୍ରୂ ଚ ଉଦ୍ଧବୋଽଥ ବିଦୂରଥଃ॥ 2-14-63 (11936)
ବସୁଦେବୋଗ୍ରସେନୌ ଚ ସପ୍ତୈତେ ମନ୍ତ୍ରିପୁଙ୍ଗବାଃ।
ପ୍ରସେନଜିଚ୍ଚ ଯମଲୋ ରାଜରାଜଗୁଣାନ୍ବିତଃ॥ 2-14-64 (11937)
ସ୍ଯମନ୍ତକୋ ମଣିର୍ଯସ୍ଯ ରୁକ୍ମଂ ନିସ୍ରୁବତେ ବହୁ।
ପୁତ୍ରୌ ଚାନ୍ଧକଭୋଜସ୍ଯ ବୃଦ୍ଧୋ ରାଜା ଚ ତେ ଦଶ॥ 2-14-65 (11938)
ବଜ୍ରସଂହନନା ବୀରୀ ବୀର୍ଯବନ୍ତୋ ମହାବଲାଃ।
ସ୍ମରନ୍ତୋ ମଧ୍ଯମଂ ଦେଶଂ ବୃଷ୍ଣିବୀରା ଗତଜ୍ବରାଃ॥ 2-14-66 (11939)
ପାଣ୍ଡବୈଶ୍ଚାପି ସତତଂ ନାଥବନ୍ତୋ ବଯଂ ନୃପ।
ସର୍ବସମ୍ପଦ୍ଗୁଣୈଃ ସିଦ୍ଧେ ତସ୍ମିନ୍ନେବଂ ବ୍ଯବସ୍ଥିତେ॥ 2-14-67 (11940)
କ୍ଷତ୍ରେ ସମ୍ରାଜମାତ୍ମାନଂ କର୍ତୁମର୍ହସି ଭାରତ।
ଦୁର୍ଯୋଧନଂ ଶାନ୍ତନବଂ ଦ୍ରୋଣଂ ଦ୍ରୌଣାଯନିଂ କୃପମ୍॥ 2-14-68 (11941)
କର୍ଣଂ ଚ ଶିଶୁପାଲଂ ଚ ରୁକ୍ମିଣଂ ଚ ଧନୁର୍ଧରମ୍।
ଏକଲବ୍ଯଂ ଦ୍ରୁମଂ ଶ୍ବେତଂ ଶୈବ୍ଯଂ ଶକୁନିମେବ ଚ॥ 2-14-69 (11942)
ଏତାନଜିତ୍ବା ସଙ୍ଗ୍ରାମେ କଥଂ ଶକ୍ନୋଷି ତଂ କ୍ରତୁମ୍।
ତଥୈତେ ଗୌରବେଣୈବ ନ ଯୋତ୍ସ୍ଯନ୍ତି ନରାଧିପାଃ॥ 2-14-70 (11943)
ଏକସ୍ତତ୍ର ବଲୋନ୍ମତ୍ତଃ କର୍ଣୋ ବୈକର୍ତନୋ ବୃଷା।
ଯୋତ୍ସ୍ଯତେ ସ ପରାମର୍ଷୀ ଦିବ୍ଯାସ୍ରବଲଗର୍ବିତଃ'॥ 2-14-71 (11944)
ନ ତୁ ଶକ୍ଯଂ ଜରାସନ୍ଧେ ଜୀବମାନେ ମହାବଲ
ରାଜସୂଯସ୍ତ୍ବଯାଽବାପ୍ତୁମେଷା ରାଜନ୍ମତିର୍ମମ॥ 2-14-72 (11945)
ତେନ ରୁଦ୍ଧା ହି ରାଜାନଃ ସର୍ବେ ଜିତ୍ବା ଗିରିବ୍ରଜେ।
କନ୍ଦରେ ପର୍ବତେନ୍ଦ୍ରସ୍ଯ ସିଂହେନେବ ମହାଦ୍ବିପାଃ॥ 2-14-73 (11946)
ସ ହି ରାଜା ଜରାସନ୍ଧୋ ଯିଯକ୍ଷୁର୍ବସୁଧାଧିପୈଃ।
`ଅଭିଷିକ୍ତଃ ସ ରାଜନ୍ଯୈଃ ସହସ୍ରୈରୁତ ଚାଷ୍ଟଭିଃ'।
ମହାଦେବଂ ମହାତ୍ମାନମୁମାପତିମରିନ୍ଦମ॥ 2-14-74 (11947)
ଆରାଧ୍ଯ ତପସୋଗ୍ରେଣ ନିର୍ଜିତାସ୍ତେନ ପାର୍ଥିବାଃ।
ପ୍ରତିଜ୍ଞାଯାଶ୍ଚ ପାରଂ ସ ଗତଃ ପାର୍ଥିବସତ୍ତମ॥ 2-14-75 (11948)
ସ ହି ନିର୍ଜିତ୍ଯ ନିର୍ଜିତ୍ଯ ପାର୍ଥିବାନ୍ପୃତନାଗତାନ୍।
ପୁରମାନୀଯ ବଦ୍ଧ୍ବା ଚ ଚକାର ପୁରୁଷବ୍ରଜମ୍॥ 2-14-76 (11949)
ବଯଂ ଚୈବ ମହାରାଜ ଜରାସନ୍ଧଭଯାତ୍ତଦା।
ମଧୁରା ସମ୍ପରିତ୍ଯଜ୍ଯ ଗତା ଦ୍ବାରବତୀଂ ପୁରୀମ୍॥ 2-14-77 (11950)
ଯଦି ତ୍ବେନଂ ମହାରାଜ ଯଜ୍ଞଂ ପ୍ରାପ୍ତୁମଭୀପ୍ସସି।
ଯତସ୍ବ ତେଷାଂ ମୋକ୍ଷାଯ ଜରାସନ୍ଧବଧାଯ ଚ॥ 2-14-78 (11951)
ସମାରମ୍ଭୋ ନ ଶକ୍ଯୋଽଯମନ୍ଯଥା କୁରୁନନ୍ଦନ।
ରାଜସୂଯସ୍ଯ କାର୍ତ୍ସ୍ନ୍ଯେନ କର୍ତୁଂ ମତିମତାଂ ବର॥ 2-14-79 (11952)
ଇତ୍ଯେଷା ମେ ମତୀ ରାଜନ୍ଯଥା ବା ମନ୍ଯସେଽନଘ।
ଏବଂ ଗତେ ମମାଚକ୍ଷ୍ବ ସ୍ବଯଂ ନିଶ୍ଚିତ୍ଯ ହେତୁଭିଃ॥ ॥ 2-14-80 (11953)
ଇତି ଶ୍ରୀମନ୍ମହାଭାରତେ ସଭାପର୍ବଣି ମନ୍ତ୍ରପର୍ବଣି ଚତୁର୍ଦଶୋଽଧ୍ଯାଯଃ॥ 14॥
Mahabharata - Sabha Parva - Chapter Footnotes
2-14-4 ଭୁବି ଯେ ଶ୍ରେଣିବଦ୍ଧା ରାଜାନଃ ଯେଚାନ୍ଯେ କ୍ଷତ୍ରିଯାଃ ତାନ୍ ଇକ୍ଷ୍ବାକୁବଂଶସ୍ଯ ପ୍ରକୃ ତି ପ୍ରଜାଂ ପରିଚକ୍ଷତେ॥ 2-14-56 ମାଧବାଃ ମଧୁବଶ୍ଯାଃ ॥ସଭାପର୍ବ - ଅଧ୍ଯାଯ 015
॥ ଶ୍ରୀଃ ॥
2.15. ଅଧ୍ଯାଯଃ 015
Mahabharata - Sabha Parva - Chapter Topics
ରାଜସୂଯବିଷଯେ ଶ୍ରୀକୃଷ୍ଣଯୁଧିଷ୍ଠିରଭୀମାନାଂ ସଂବାଦଃ॥ 1॥Mahabharata - Sabha Parva - Chapter Text
ଯୁଧିଷ୍ଠିର ଉବାଚ।
ଉକ୍ତଂ ତ୍ବଯା ବୁଦ୍ଧିମତା ଯନ୍ନାନ୍ଯୋ ବକ୍ତୁମର୍ହତି।
ସଂଶଯାନାଂ ହି ନିର୍ମୋକ୍ତା ତ୍ବନ୍ନାନ୍ଯୋ ବିଦ୍ଯତେ ଭୁବି॥ 2-15-1 (11954)
ଗୃହେ ଗୃହେ ହି ରାଜାନଃ ସ୍ବସ୍ଯ ସ୍ବସ୍ଯ ପ୍ରିଯଙ୍କରାଃ।
ନ ଚ ସାମ୍ରାଜ୍ଯମାପ୍ତାସ୍ତେ ସମ୍ରାଦଶବ୍ଦୋ ହି କୃଚ୍ଛ୍ରଭାକ୍। 2-15-2 (11955)
କଥଂ ପରାନୁଭାବଜ୍ଞଃ ସ୍ବଂ ପ୍ରଶଂସିତୁମର୍ହତି।
ପରେଣ ସମବେତସ୍ତୁ ଯଃ ପ୍ରଶସ୍ଯଃ ସ ପୂଜ୍ଯତେ॥ 2-15-3 (11956)
ବିଶାଲା ବହୁଲା ଭୂମିର୍ବହୁରତ୍ନସମାଚିତା।
ଦୂରଂ ଗତ୍ବା ବିଜାନାତି ଶ୍ରେଯୋ ବୃଷ୍ଣିକୁଲୋଦ୍ବହ॥ 2-15-4 (11957)
ଶମମେବ ପରଂ ମନ୍ଯେ ଶମାତ୍କ୍ଷେମଂ ଭବେନ୍ମମ।
ଆରମ୍ଭେ ପାରମେଷ୍ଠ୍ଯଂ ତୁ ନ ପ୍ରାପ୍ଯମିତି ମେ ମତିଃ॥ 2-15-5 (11958)
ଏବମେତେ ହି ଜାନନ୍ତି କୁଲେ ଜାତା ମନସ୍ବିନଃ।
କଶ୍ଚିତ୍କଦାଚିଦେତେଷାଂ ଭବେଚ୍ଛ୍ରେଷ୍ଠୋ ଜନାର୍ଦନ। 2-15-6 (11959)
ବଯଂ ଯୈବ ମହାଭାଗ ଜରାସନ୍ଧଭଯାତ୍ତଦା।
ଶଙ୍କିତାଃ ସ୍ମ ମହାଭାଗ ଦ୍ବୌରାତ୍ମ୍ଯାତ୍ତସ୍ଯ ଚାନଘ॥ 2-15-7 (11960)
ଅହଂ ହି ତବ ଦୁର୍ଧର୍ଷ ଭୁଜବୀର୍ଯାଶ୍ରଯଃ ପ୍ରଭୋ।
ନାତ୍ମାନଂ ବଲିନଂ ମନ୍ଯେ ତ୍ବଯି ତସ୍ମାଦ୍ବିଶଙ୍କିତେ॥ 2-15-8 (11961)
ତ୍ବତ୍ସକାଶାଚ୍ଚ ରାମାଚ୍ଚ ଭୀମସେନାଚ୍ଚ ମାଧବ।
ଅର୍ଜୁନାଦ୍ବା ମହାବାହୋ ହନ୍ତୁଂ ଶକ୍ଯୋ ନବେତି ବୈ।
ଏବଂ ଜାନନ୍ହି ବାର୍ଷ୍ଣେଯ ବିମୃଶାମି ପୁନଃ ପୁନଃ॥ 2-15-9 (11962)
ତ୍ବଂ ମେ ପ୍ରମାଣଭୂତୋଽସି ସର୍ବକାର୍ଯେଷୁ କେଶବ।
ତଚ୍ଛ୍ରୁତ୍ବା ଚାବ୍ରବୀଦ୍ଭୀମୋ ବାକ୍ଯଂ ବାକ୍ଯବିଶାରଦଃ॥ 2-15-10 (11963)
ଭୀମ ଉବାଚ॥ 2-15-11x (1403)
ଅନାରମ୍ଭପରୋ ରାଜା ବଲ୍ମୀକ ଇବ ସୀଦତି।
ଦୁର୍ବଲଶ୍ଚାନୁପାଯେନ ବଲିନଂ ଯୋଽଧିତିଷ୍ଠତି॥ 2-15-11 (11964)
ଅତନ୍ଦ୍ରିତଶ୍ଚ ପ୍ରାଯେଣ ଦୁର୍ବଲୋ ବଲିନଂ ରିପୁମ୍।
ଜଯେତ୍ସମ୍ଯକ୍ପ୍ରଯୋଗେଣ ନୀତ୍ଯାଽର୍ଥାନାତ୍ମନୋ ହିତାନ୍॥ 2-15-12 (11965)
କୃଷ୍ଣେ ନଯୋ ମଯି ବଲଂ ଜଯଃ ପାର୍ଥେ ଧନଞ୍ଜଯେ।
ମାଗଧଂ ସାଧଯିଷ୍ଯାମ ଇଷ୍ଟିଂ ତ୍ରଯ ଇବାଗ୍ରଯଃ॥ 2-15-13 (11966)
`ତ୍ବଦ୍ବୁଦ୍ଧିବଲମାଶ୍ରିତ୍ଯ ସର୍ବଂ ପ୍ରାପ୍ସ୍ଯତି ଧର୍ମରାଦ।
ଜଯୋଽସ୍ମାକଂ ହି ଗୋବିନ୍ଦ ଯେଷାଂ ନାଥୋ ଭବାନ୍ସଦା'॥ 2-15-14 (11967)
କୃଷ୍ଣ ଉବାଚ। 2-15-15x (1404)
ଅର୍ଥାନାରଭତେ ବାଲୋ ନାନୁବନ୍ଧମବେକ୍ଷତେ।
ତସ୍ମାଦରିଂ ନ ମୃଷ୍ଯନ୍ତି ବାଲମର୍ଥପରାଯଣମ୍॥ 2-15-15 (11968)
ଜିତ୍ବା ଜଯ୍ଯାନ୍ଯୌବନାଶ୍ବିଃ ପାଲନାଚ୍ଚ ଭଗୀରଥଃ।
କାର୍ତବୀର୍ଯସ୍ତପୋବୀର୍ଯାଦ୍ବଲାତ୍ତୁ ଭରତୋ ବିଭୁଃ॥ 2-15-16 (11969)
ଋଦ୍ଧ୍ଯା ମରୁତ୍ତସ୍ତାନ୍ପଶ୍ଚ ସମ୍ରାଜସ୍ତ୍ବନୁଶୁଶ୍ରୁମ।
`ସର୍ବାନ୍ବଂଶ୍ଯାନନୁମୃଶନ୍ନୈତେ ସନ୍ତି ଯୁଗେ ଯୁଗେ'॥ 2-15-17 (11970)
ସାମ୍ରାଜ୍ଯମିଚ୍ଛତସ୍ତେ ତୁ ସର୍ବାକାରଂ ଯୁଧିଷ୍ଠିର।
ନିଗ୍ରାହ୍ଯଲକ୍ଷଣଂ ପ୍ରାପ୍ତିର୍ଧର୍ମାର୍ଥନଯଲକ୍ଷଣୈଃ॥ 2-15-18 (11971)
ବାର୍ହଦ୍ରଥୋ ନରାସନ୍ଧସ୍ତଦ୍ବିଦ୍ଧି ଭରତର୍ଷଭ।
ନ ଚୈନଂ ପ୍ରତ୍ଯତ୍ଯୁଦ୍ଧ୍ଯନ୍ତ କୁଲାନ୍ଯେକଶତଂ ନୃପାଃ॥ 2-15-19 (11972)
ତସ୍ମାଦିହ ବଲାଦେବ ସାମ୍ରାଜ୍ଯଂ କୁରୁତେ ହି ସଃ॥ 2-15-20 (11973)
ରତ୍ନଭାଜୋ ହି ରାଜାନୋ ଜରାସନ୍ଧମୁପାସତେ।
ନ ଚ ତୁଷ୍ଯତି ତେନାପି ବାଲ୍ଯାଦନଯମାସ୍ଥିତଃ॥ 2-15-21 (11974)
ମୂର୍ଧାଭିଷିକ୍ତଂ ନୃପତିଂ ପ୍ରଧାନପୁରୁଷୋ ବଲାତ୍।
ଆଦତ୍ତେ ନ ଚ ନୋ ଦୃଷ୍ଟୋଽଭାଗଃ ପୁରୁଷତଃ କ୍ବଚିତ୍॥ 2-15-22 (11975)
ଏବଂ ସର୍ବାନ୍ବଶେ ଚକ୍ରେ ଜରାସନ୍ଧଃ ଶତାବରାନ୍।
ତଂ ଦୁର୍ବଲତରୋ ରାଜା କଥଂ ପାର୍ଥ ଉପୈଷ୍ଯତି॥ 2-15-23 (11976)
`ତଣ୍ଡୁଲପ୍ରସ୍ଥକେ ରାଜା କପର୍ଦିନମୁପାସତେ'।
ପ୍ରୋକ୍ଷିତାନାଂ ପ୍ରମୃଷ୍ଟାନାଂ ରାଜ୍ଞାଂ ପଶୁପତେର୍ଗୃହେ।
ପଶୂନାମିବ ପ୍ରମୃଷ୍ଟାନାଂ ରାଜ୍ଞାଂ ପଶୁପତେର୍ଗୃହେ। 2-15-24 (11977)
କ୍ଷତ୍ରିଯଃ ଶସ୍ତ୍ରମରଣୋ ଯଦା ଭବତି ସତ୍କୃତଃ।
ତତଃ ସ୍ମ ମାଗଧଂ ସଙ୍ଖ୍ଯେ ପ୍ରତିବାଧେମ ଯଦ୍ବଯମ୍॥ 2-15-25 (11978)
ଷଡଶୀତିଃ ସମାନୀତାଃ ଶେଷା ରାଜଂଶ୍ଚତୁର୍ଦଶ।
ଜରାସନ୍ଧେନ ରାଜାନସ୍ତତଃ କ୍ରୂରଂ ପ୍ରବର୍ତ୍ସ୍ଯତେ॥ 2-15-26 (11979)
ପ୍ରାପ୍ନୁଯାତ୍ସ ଯଶୋ ଦୀପ୍ତଂ ତତ୍ର ଯୋ ବିଘ୍ନମାଚରେତ୍।
ଜଯେଦ୍ଯଶ୍ଚ ଜରାସନ୍ଧଂ ସ ସମ୍ରାଣ୍ଣିଯତଂ ଭବେତ୍॥ ॥ 2-15-27 (11980)
ଇତି ଶ୍ରୀମନ୍ମହାଭାରତେ ସଭାପର୍ବଣି ମନ୍ତ୍ରପର୍ବଣି ପଞ୍ଚଦଶୋଽଧ୍ଯାଯଃ॥ 25॥
Mahabharata - Sabha Parva - Chapter Footnotes
2-15-18 ଯୁଧିଷ୍ଠିର ଧର୍ମାର୍ଥନଯଲକ୍ଷଣୈଃ ସହିତା ପ୍ରାପ୍ତିଃ ପାଲନଂ ନିଗ୍ରାହ୍ଯଲକ୍ଷଣଂ ସାମ୍ରା ଜ୍ଯଂ ଚ ତେଽସ୍ତି ॥ 2-15-19 ବାର୍ହଦ୍ରଥଂ ଜରାସନ୍ଧଂ ତଂ ବିଦ୍ଧି ଇତି କ. ଘ.ପାଠଃ॥ 2-15-22 ବଲାତ୍ପ୍ରଧାନପୁରୁଷଃ ଜରାସନ୍ଧଃ ପୁରୁଷତଃ ପୁରୁଷେଷୁ ଅଭାଗଃ ଅସ୍ବୀକୃତଃ॥ସଭାପର୍ବ - ଅଧ୍ଯାଯ 016
॥ ଶ୍ରୀଃ ॥
2.16. ଅଧ୍ଯାଯଃ 016
Mahabharata - Sabha Parva - Chapter Topics
ଯୁଧିଷ୍ଠିର୍ଜୁନଯୋର୍ଭାଷଣମ୍॥ 1॥Mahabharata - Sabha Parva - Chapter Text
ଯୁଧିଷ୍ଠିର ଉବାଚ॥
ସମ୍ରାଡ୍ଗୁଣମଭୀପ୍ସନ୍ବୈ ଯୁଷ୍ମାନ୍ସ୍ବାର୍ଥପରାଯଣଃ।
କଥଂ ପ୍ରହିଣୁଯାଂ କୃଷ୍ଣ ସୋଽହଂ କେବଲସାହସାତ୍॥ 2-16-1 (11981)
ଭୀମାର୍ଜୁନାବୁଭୌ ନେତ୍ରେ ମନୋ ମନ୍ଯେ ଜନାର୍ଦନମ୍।
ମନଶ୍ଚକ୍ଷୁର୍ବିହୀନସ୍ଯ କୀଦୃଶଂ ଜୀବିତଂ ଭବେତ୍॥ 2-16-2 (11982)
ଜରାସନ୍ଧବଲଂ ପ୍ରାପ୍ଯ ଦୁଷ୍ପାରଂ ଭୀମବିକ୍ରମମ୍।
ଯମୋପି ନ ବିଜେତାଽଽଜୌ ତତ୍ର ବଃ କିଂ ବିଚେଷ୍ଟିତମ୍॥ 2-16-3 (11983)
ଅସ୍ମିଂସ୍ତ୍ବର୍ଥାନ୍ତରେ ଯୁକ୍ତମନର୍ଥଃ ପ୍ରତିପଦ୍ଯତେ।
ତସ୍ମାନ୍ନ ପ୍ରତିପତ୍ତିସ୍ତୁ କାର୍ଯା ଯୁକ୍ତା ମତା ମମ॥ 2-16-4 (11984)
ଯଥାଽହଂ ବିମୃଶାମ୍ଯେକସ୍ତତ୍ତାବଚ୍ଛ୍ରୂଯତାଂ ମମ।
ସଂନ୍ଯାସଂ ରୋଚଯେ ସାଧୁ କାର୍ଯସ୍ଯାସ୍ଯ ଜନାର୍ଦନ।
ପ୍ରତିହନ୍ତି ମନୋ ମେଽଦ୍ଯ ରାଜସୂଯୋ ଦୂରାହରଃ॥ 2-16-5 (11985)
ବୈଶମ୍ପାଯନ ଉବାଚ॥ 2-16-6x (1405)
ପାର୍ଥଃ ପ୍ରାପ୍ଯ ଧନୁଃ ଶ୍ରେଷ୍ଠମକ୍ଷଯ୍ଯୌ ଚ ମହେଷୁଧୀ।
ରଥଂ ଧ୍ବଜଂ ହଯାଂଶ୍ଚୈବ ଯୁଧିଷ୍ଠିରମଭାଷତ॥ 2-16-6 (11986)
ଅର୍ଜୁନ ଉବାଚ। 2-16-7x (1406)
ଧନୁଃ ଶସ୍ତ୍ରଂ ଶରା ବୀର୍ଯଂ ପକ୍ଷୋ ଭୂମିର୍ଯଶୋ ବଲମ୍।
ପ୍ରାପ୍ତମେତନ୍ମଯ ରାଜନ୍ଦୁଷ୍ପ୍ରାପଂ ଯଦଭୀପ୍ସିତମ୍। 2-16-7 (11987)
କୁଲେ ଜନ୍ମ ପ୍ରଶଂସନ୍ତି ବୈଦ୍ଯାଃ ସାଧୁ ସୁନିଷ୍ଠିତାଃ।
ବଲେନ ସଦୃଶଂ ନାସ୍ତି ବୀର୍ଯଂ ତୁ ମମ ରୋଚତେ। 2-16-8 (11988)
କୃତବୀର୍ଯକୁଲେ ଜାତୋ ନିର୍ବୀର୍ଯଃ କିଂ କରିଷ୍ଯତି।
ନିର୍ବୀର୍ଯେ ତୁ କୁଲେ ଜାତୋ ବୀର୍ଯବାଂସ୍ତୁ ବିଶିଷ୍ଯତେ॥ 2-16-9 (11989)
କ୍ଷତ୍ରିଯଃ ସର୍ବଶୋ ରାଜନ୍ଯସ୍ଯ ବୃତ୍ତିର୍ଦ୍ବିଷଜ୍ଜଯେ।
ସର୍ବୈଗୁଣୈର୍ବିହୀନୋଽପି ବୀର୍ଯବାନ୍ହି ତରେନ୍ଦ୍ରିପୂନ୍॥ 2-16-10 (11990)
ସର୍ବୈରପି ଗୁଣୈର୍ଯୁକ୍ତୋ ନିର୍ବୀର୍ଯଃ କିଂ କରିଷ୍ଯତି।
ଜଯସ୍ଯ ହେତୁଃ ସିଦ୍ଧିର୍ହି କର୍ମ ଦୈବଂ ଚ ସଂଶ୍ରିତମ୍॥ 2-16-11 (11991)
ସଂଯୁକ୍ତୋ ହି ବଲୈଃ କଶ୍ଚିତ୍ପ୍ରମାଦାନ୍ନୋପଯୁଜ୍ଯତେ॥ 2-16-12 (11992)
ତେନ ଦ୍ବାରେଣ ଶତ୍ରୁଭ୍ଯଃ କ୍ଷୀଯତେ ସବଲୋ ରିପୁଃ॥ 2-16-13 (11993)
ଦୈନ୍ଯଂ ଯଥା ବଲବତି ତଥା ମୋହୋ ବଲାନ୍ବିତେ।
ତାବୁଭୌ ନାଶକୌ ହେତୂ ରାଜ୍ଞା ତ୍ଯାଜ୍ଯୌ ଜଯାର୍ଥିନା॥ 2-16-14 (11994)
ଜରାସନ୍ଧିବିନାଶଂ ଚ ରାଜ୍ଞାଂ ଚ ପରିରକ୍ଷଣମ୍।
ଯଦି କୁର୍ଯାମ୍ ଯଜ୍ଞାର୍ଥଂ କିଂ ତତଃ ପରମଂ ଭବେତ୍॥ 2-16-15 (11995)
ଅନାରମ୍ଭେ ହି ନିଯତୋ ଭବେଦଗୁଣନିଶ୍ଚଯଃ।
ଗୁଣାନ୍ନିଃ ସଂଶଯାଦ୍ରାଜନ୍ନୈର୍ଗୁଣ୍ଯଂ ମନ୍ଯସେ କଥମ୍॥ 2-16-16 (11996)
କାଷାଯଂ ସୁଲଭଂ ପଶ୍ଚାନ୍ମୁନୀନାଂ ଶମମିଚ୍ଛତାମ୍।
ସାମ୍ରାଜ୍ଯଂ ତୁ ଭବେଚ୍ଛକ୍ଯଂ ବଯଂ ଯୋତ୍ସ୍ଯାମହେ ପରାନ୍॥ ॥ 2-16-17 (11997)
ଇତି ଶ୍ରୀମନ୍ମହାଭାରତେ ସଭାପର୍ବଣି ଷୋଡଶୋଽଧ୍ଯାଯଃ॥ 16॥
ସଭାପର୍ବ - ଅଧ୍ଯାଯ 017
॥ ଶ୍ରୀଃ ॥
2.17. ଅଧ୍ଯାଯଃ 017
Mahabharata - Sabha Parva - Chapter Topics
ଯୁଧିଷ୍ଠିରେଣ ଜରାସନ୍ଧପ୍ରଭାବପ୍ରଶ୍ନେ ଶ୍ରୀକୃଷ୍ଣେନ ତଦୁପୋଦ୍ଘାତତଯା ବୃହଦ୍ରଥରାଜୋପା ଖ୍ଯାନକଥନାରମ୍ଭଃ॥ 1॥ ଅପୁତ୍ରସ୍ଯ ବୃହଥସ୍ଯ ପତ୍ନୀଭ୍ଯାଂ ସହ ତପୋବନଗମନମ୍॥ 2॥ ତତ୍ର ଚଣ୍ଡକୌଶିକମୁନିନା ବୃହଦ୍ରଥାଯ ପୁତ୍ରୀଯାମ୍ରଫଲଦାନମ୍॥ 3॥ ପ୍ରବିଭକ୍ତତତ୍ଫଲଭୋଜନେନ ସଞ୍ଜାତଗର୍ଭଯୋସ୍ତଦ୍ଭାର୍ଯଯୋଃ ପୃଥଗେକୈକଶରୀରଖଣ୍ଡସମ୍ଭବଃ॥4॥ ତତ୍ପତ୍ନୀଭ୍ଯାଂ ଦାସୀଦ୍ବାରା ବହିସ୍ତ୍ଯାଜିତଯୋଃ ଖଣ୍ଡଯୋଃ ଜରାନାମ୍ନ୍ଯା ରାକ୍ଷସ୍ଯା ସ ନ୍ଧାନାଜରାସନ୍ଧସମ୍ଭବଃ॥ 5॥ ବାଲକଂ ଗୃହୀତ୍ବା ଆଗତଯା ଜରଯା ସହ ବୃହଦ୍ରଥସ୍ଯ ସଂବାଦଃ॥ 6॥Mahabharata - Sabha Parva - Chapter Text
ବାସୁଦେବ ଉବାଚ॥
ଜାତସ୍ଯ ଭାରତେ ବଂଶେ ତଥା କୁନ୍ତ୍ଯାଃ ସୁତସ୍ଯ ଚ।
ଯା ବୈ ଯୁକ୍ତା ମତିଃ ସେଯମର୍ଜୁନେନ ପ୍ରଦର୍ଶିତା॥ 2-17-1 (11998)
ନ ସ୍ମ ମୃତ୍ଯୁଂ ବଯଂ ବିଦ୍ମ ରାତ୍ରୌ ବା ଯଦି ବା ଦିବା।
ନ ଚାପି କଞ୍ଚିଦମରମଯୁଦ୍ଧେନାନୁଶୁଶ୍ରୁମ॥ 2-17-2 (11999)
ଏତାବଦେବ ପୁରୁଷୈଃ କାର୍ଯଂ ହୃଦଯତୋଷଣମ୍।
ନଯେନ ବିଧିଦୃଷ୍ଟେନ ଯଦୁପକ୍ରମତେ ପରାନ୍॥ 2-17-3 (12000)
ସୁନଯସ୍ଯାନପାଯସ୍ଯ ସଂଯୋଗେ ପରମଃ କ୍ରମଃ।
ସଙ୍ଗତ୍ଯା ଜାଯତେଽସାମ୍ଯଂ ସାମ୍ଯଂ ଚ ନ ଭବେଦ୍ଦ୍ବଯୋଃ॥ 2-17-4 (12001)
ଅନଯସ୍ଯାନୁପାଯସ୍ଯ ସଂଯୁଗେ ପରମଃ କ୍ଷଯଟଃ।
ସଂଶଯୋ ଜାଯତେ ସାମ୍ଯାଜ୍ଜଯଶ୍ଚ ନ ଭବେଦ୍ଦ୍ବଯୋଃ॥ 2-17-5 (12002)
ତେ ବଯଂ ନଯମାସ୍ଥାଯ ଶତ୍ରୁଦେଶସମୀପଗାଃ।
କଥମନ୍ତଂ ନ ଗଚ୍ଛେମ ବୃକ୍ଷସ୍ଯେବ ନଦୀରଯାଃ॥
ପରରନ୍ଧ୍ରେ ପରାକ୍ରାନ୍ତାଃ ସ୍ବରନ୍ଧ୍ରାବରଣେ ସ୍ଥିତାଃ॥ 2-17-6 (12003)
ବ୍ଯୂଢାନୀକୈରତିବଲୈର୍ନ ଯୁଦ୍ବ୍ଯେଦରିଭିଃ ସହ।
ଇତି ବୁଦ୍ଧିମତାଂ ନୀତିସ୍ତନ୍ମମାପୀହ ରୋଚତେ॥ 2-17-7 (12004)
ଅନବଦ୍ଯା ହ୍ଯସମ୍ବୁଦ୍ଧାଃ ପ୍ରବିଷ୍ଟାଃ ଶତ୍ରୁସଦ୍ମ ତତ୍।
ଶତ୍ରୁଦେଶମୁପାକ୍ରମ୍ଯ ତଂ କାମଂ ପ୍ରାପ୍ନୁଯାମହେ॥ 2-17-8 (12005)
ଏକୋ ହ୍ଯେବ ଶ୍ରିଯଂ ନିତ୍ଯଂ ବିଭର୍ତି ପୁରୁଷର୍ଷଭଃ।
ଅନ୍ତରାତ୍ମେବ ଭୂତାନାଂ ତତ୍କ୍ଷଯଂ ନୈବ ଲକ୍ଷଯେ॥ 2-17-9 (12006)
ଅଥବୈନଂ ନିହତ୍ଯାଜୌ ଶେଷେଣାପି ସମାହତାଃ।
ପ୍ରାପ୍ନୁଯାମ ତତଃ ସ୍ବର୍ଗଂ ଜ୍ଞାତିତ୍ରାଣପରାଯଣାଃ॥ 2-17-10 (12007)
ଯୁଧିଷ୍ଠିର ଉବାଚ॥ 2-17-11x (1407)
କୃଷ୍ଣ କୋଽଯଂ ଜରାସନ୍ଧଃ କିଂବୀର୍ଯଃ କିମ୍ପରାକ୍ରମଃ।
ଯସ୍ତ୍ବାଂ ସ୍ପୃଷ୍ଟ୍ବାଽଗ୍ନିସଦୃଶଂ ନ ଦଗ୍ଧଃ ଶଲଭୋ ଯଥା॥ 2-17-11 (12008)
କୃଷ୍ଣ ଉବାଚ॥ 2-17-12x (1408)
ଶୃଣୁ ରାଜଞ୍ଜରାସନ୍ଧୋ ଯଦ୍ବୀର୍ଯୋ ଯତ୍ପରାକ୍ରମଃ।
ଯଥା ଚୋପେକ୍ଷିତୋଽସ୍ମାଭିର୍ବହୁଶଃ କୃତବିପ୍ରିଯଃ॥ 2-17-12 (12009)
ଅକ୍ଷୌହିଣୀନାଂ ତିସୃଣାଂ ପତିଃ ସମରଦର୍ପିତଃ।
ରାଜା ବୃହଦ୍ରଥୋ ନାମ ମଗଧାଧିପତିର୍ବଲୀ॥ 2-17-13 (12010)
ରୂପବାନ୍ବୀର୍ଯସମ୍ପନ୍ନଃ ଶ୍ରୀମାନତୁଲବିକ୍ରମଃ।
ନିତ୍ଯଂ ଦୀକ୍ଷାଙ୍କିତତନୁଃ ଶତକ୍ରତୁରିବାପରଃ॥ 2-17-14 (12011)
ତେଜସା ସୂର୍ଯସଙ୍କାଶଃ କ୍ଷମଯା ପୃଥିବୀସମଃ।
ଯଶ୍ଚାନ୍ତକସମଃ କ୍ରୋଧେ ଶ୍ରିଯା ବୈଶ୍ରବଣୋପମଃ॥ 2-17-15 (12012)
`ସ୍ବରାଜ୍ଯଂ କାରଯାମାସ ମଗଧେଷୁ ଗିରିବ୍ରଜେ'।
ତସ୍ଯାଭିଜନସଂଯୁକ୍ତୈର୍ଗଣୈର୍ଭରତସତ୍ତମ।
ବ୍ଯାପ୍ତେଯଂ ପୃଥିବୀ ସର୍ବା ସୂର୍ଯସ୍ଯେବ ଗଭସ୍ତିଭିଃ॥ 2-17-16 (12013)
ସ କାଶିରାଜସ୍ଯ ସୁତେ ଯମଜେ ଭରତର୍ଷଭଃ।
ଉପଯେମେ ମହାବୀର୍ଯୋ ରୂପଦ୍ରବିଣସଂଯୁତେ। 2-17-17cତଯୋଶ୍ଚକାର ସମଯଂ ମିଥଃ ସ ପୁରୁଷର୍ଷଭଃ॥ 2-17-17 (12014)
ନାତିବର୍ତିଷ୍ଯ ଇତ୍ଯେବଂ ପତ୍ନୀଭ୍ଯାଂ ସନ୍ନିଧୌ ତଦା।
ସ ତାଭ୍ଯାଂ ଶୁଶୁଭେ ରାଜା ପତ୍ନୀଭ୍ଯାଂ ବସୁଧାଧିପଃ॥ 2-17-18 (12015)
ପ୍ରିଯାମ୍ଭାମନୁରୂପାଭ୍ଯାଂ କରେଣୁଭ୍ଯାମିବ ଦ୍ବିପଃ।
ତଯୋର୍ମଧ୍ଯଗତଶ୍ଚାପି ରରାଜ ବସୁଧାଧିପଃ॥ 2-17-19 (12016)
ଗଙ୍ଗାଯମୁନଯୋର୍ମଧ୍ଯେ ମୂର୍ତିମାନିବ ସାଗରଃ।
ବିଷଯେଷୁ ନିମଗ୍ରସ୍ଯ ତସ୍ଯ ଯୌବନମତ୍ଯଗାତ୍॥ 2-17-20 (12017)
ନ ଚ ବଂଶକରଃ ପୁତ୍ରସ୍ତସ୍ଯାଜାଯତ କଶ୍ଚନ।
ମଙ୍ଗଲୈର୍ବଭିର୍ହୋମୈଃ ପୁତ୍ରକାମାଭିରିଷ୍ଟିଭିଃ॥ 2-17-21 (12018)
ନାସସାଦ ନୃପଶ୍ରେଷ୍ଠଃ ପୁତ୍ରଂ କୁଲବିବର୍ଧନମ୍।
ସ ଭାର୍ଯାଭ୍ଯାଂ ଚ ସହିତୋ ନିର୍ବେଦମଗମଦ୍ଧୃଶମ୍॥ 2-17-22 (12019)
`ରାଜ୍ଯଂ ଚାପି ପରିତ୍ଯଜ୍ଯ ତପୋବନମଥାଶ୍ରଯତ୍। '
ବାର୍ଯମାଣଃ ପ୍ରକୃତିଭିର୍ନୃପଭକ୍ତ୍ଯା ବିଶାମ୍ପତେ'॥ 2-17-23 (12020)
ଅଥ କାକ୍ଷୀବତଃ ପୁତ୍ରଂ ଗୌତମସ୍ଯ ମହାତ୍ମନଃ॥
ଶୁଶ୍ରାବ ତପସି ଶ୍ରେଷ୍ଠମୁଦାରଂ ଚଣ୍ଡକୌଶିକମ୍॥ 2-17-24 (12021)
ଯଦୃଚ୍ଛଯାଽଽଗତଂ ତଂ ତୁ ବୃକ୍ଷମୂଲମୁପାଶ୍ରିତମ୍।
ପତ୍ନୀଭ୍ଯାଂ ସହିତୋ ରାଜା ସର୍ବଯତ୍ନୈରତୋଷଯତ୍॥ 2-17-25 (12022)
`ବୃହଦ୍ରଥଂ ଚ ସ ଋଷିର୍ଯଥାବଚ୍ଚାଭ୍ଯନନ୍ଦତ। '
ଉପବିଷ୍ଟଃ ସ ତେନାଥ ଅନୁଜ୍ଞାତୋ ମହାତ୍ମନା॥ 2-17-26 (12023)
ତମପୃଚ୍ଛତ୍ତଦା ବିପ୍ରଃ କିମାଗମନମିତ୍ଯଥ।
ବିପ୍ରୈରନୁଗତସ୍ଯୈବ ପତ୍ନୀଭ୍ଯାଂ ସହିତସ୍ଯ ଚ॥ 2-17-27 (12024)
ସ ଉବାଚ ମୁନିଂ ରାଜା ଭଗବନ୍ନାସ୍ତି ମେ ସୁତଃ।
ଅପୁତ୍ରସ୍ଯ ତୁ ରାଜ୍ଯେନ ବୃଦ୍ଧତ୍ବେ କିଂ ପ୍ରଯୋଜନମ୍॥ 2-17-28 (12025)
ସୋଽହଂ ତପଶ୍ଚରିଷ୍ଯାମି ପତ୍ନୀଭ୍ଯାଂ ସହିତୋ ବନେ।
ନାପ୍ରଜସ୍ଯ ମୁନେ କିର୍ତିଃ ସ୍ବଧା ଚୈବାକ୍ଷଯା ଭବେତ୍।
ଏବମୁକ୍ତଃ ସ ରାଜ୍ଞା ତୁ ମୁନିଃ କାରୁଣ୍ଯମାଗତଃ॥ 2-17-29 (12026)
ତମବ୍ରବୀତ୍ସତ୍ଯଧୃତିଃ ସତ୍ଯବାଗୃଷିସତ୍ତମଃ।
ପରିତୁଷ୍ଟୋଽସ୍ମି ରାଜେନ୍ଦ୍ର ବରଂ ବରଯ ସୁବ୍ରତ॥ 2-17-30 (12027)
ତତଃ ସଭାର୍ଯଃ ପ୍ରଣତସ୍ତମୁବାଚ ବୃହଦ୍ରଥଃ।
ପୁତ୍ରଦର୍ଶନନୈରାଶ୍ଯାଦ୍ବାଷ୍ପସନ୍ଦିଗ୍ଧଯା ଗିରା॥ 2-17-31 (12028)
ରାଜୋବାଚ॥ 2-17-32x (1409)
ଭଗବନ୍ ରାଜ୍ଯମୁତ୍ସୃଜ୍ଯ ପ୍ରସ୍ଥିତସ୍ଯ ତପୋବନମ୍।
କିଂ ବରେଣାଲ୍ପଭାଗ୍ଯସ୍ଯ କିଂ ରାଜ୍ଯେନାପ୍ରଜସ୍ଯ ମେ॥ 2-17-32 (12029)
କୃଷ୍ଣ ଉବାଚ। 2-17-33x (1410)
ଏତଚ୍ଛ୍ରୁତ୍ବା ମୁନିର୍ଧ୍ଯାନମଗମନ୍କ୍ଷୁଭିତେନ୍ଦ୍ରିଯଃ।
ତସ୍ଯୈବ ଚାମ୍ରବୃକ୍ଷସ୍ଯ ଛାଯାଯାଂ ସମୁପାବିଶତ॥ 2-17-33 (12030)
ତସ୍ଯୋପବିଷ୍ଟସ୍ଯ ମୁନେରୁତ୍ସଙ୍ଗେ ନିପପାତ ହ।
ଅବାନମଶୁକାଦଷ୍ଟମେକମାମ୍ରଫଲଂ କିଲ॥ 2-17-34 (12031)
ତତ୍ପ୍ରଗୃହ୍ଯ ମୁନିଶ୍ରେଷ୍ଠୋ ହୃଦଯେନାଭିମନ୍ତ୍ର୍ଯ ଚ।
ରାଜ୍ଞେ ଦଦାବପ୍ରତିମଂ ପୁତ୍ରସମ୍ପ୍ରାପ୍ତିକାରଣମ୍॥ 2-17-35 (12032)
ଉବାଚ ଚ ମହାପ୍ରାଜ୍ଞସ୍ତଂ ରାଜାନଂ ମହାମୁନିଃ।
ଗଚ୍ଛ ରାଜନ୍କୃତାର୍ଥୋଽସି ନିବର୍ତସ୍ବ ନରାଧିପ॥ 2-17-36 (12033)
`ଏଷ ତେ ତନଯୋ ରାଜନ୍ମା ତପେହ ତପୋବନେ।
ପ୍ରଜାଃ ପାଲଯ ଧର୍ମେଣ ଏବ ଧର୍ମୋ ମହୀକ୍ଷିତାମ୍॥ 2-17-37 (12034)
ଯଜସ୍ବ ବିବିଧୈର୍ଯଜ୍ଞୈରିନ୍ଦ୍ରଂ ତର୍ପଯ ଚେନ୍ଦୁନା।
ପୁତ୍ରଂ ରାଜ୍ଯେ ପ୍ରତିଷ୍ଠାପ୍ଯ ତତ ଆଶ୍ରମମାବ୍ରଜ॥ 2-17-38 (12035)
ଅଷ୍ଟୌ ବରାନ୍ପ୍ରଯଚ୍ଛାମି ତବ ପୁତ୍ରସ୍ଯ ପାର୍ଥିବ।
ବ୍ରହ୍ମଣ୍ଯତ୍ବମଜେଯତ୍ବଂ ଯୁଦ୍ଧେଷୁ ଚ ତଥା ମତିଃ॥ 2-17-39 (12036)
ପ୍ରିଯାତିଥେଯତାଂ ଚୈବ ଦୀନାନାମନ୍ବବେକ୍ଷଣମ୍।
ତଥା ବଲଂ ଚ ସୁଭହଲ୍ଲୋକେ କୀର୍ତି ଚ ଶାଶ୍ବତୀମ୍॥ 2-17-40 (12037)
ଅନୁରାଗଂ ପ୍ରଜାନାଂ ଚେତ୍ଯେବମଷ୍ଟୌ ବରାନ୍ନୃପ।
ଗଚ୍ଛ ତ୍ବଂ କୃତକୃତ୍ଯୋଽସି ନିବର୍ତସ୍ବ ଜନାଧିପ'॥ 2-17-41 (12038)
ଅନୁଜ୍ଞାତଃ ସ ଋଷିଣା ପତ୍ନୀଭ୍ଯାଂ ସହିତୋ ନୃପଃ।
ପୌରୈରନୁଗତଶ୍ଚାପି ବିବେଶ ସ୍ବପୁରଂ ତତଃ॥ 2-17-42 (12039)
ଯଥାସମଯମାଜ୍ଞାଯ ତଦା ସ ନୃପସତ୍ତମଃ।
ଦ୍ବାଭ୍ଯାମେକଂ ଫଲଂ ପ୍ରାଦାତ୍ପତ୍ନୀଭ୍ଯାଂ ଭରତର୍ଷଭ॥ 2-17-43 (12040)
ମୁନେଶ୍ଚ ବହୁମାନେନ କାଲସ୍ଯ ଚ ବିପର୍ଯଯାତ୍।
ତେ ତଦାମ୍ରଂ ଦ୍ବିଧା କୃତ୍ବା ଭକ୍ଷଯାମାସତୁଃ ଶୁଭେ। 2-17-44 (12041)
ତଯୋଃ ସମଭବଦ୍ଗର୍ଭଃ ଫଲପ୍ରାଶନସମ୍ଭବଃ।
ତେ ଚ ଦୃଷ୍ଟ୍ବା ସ ନୃପତିଃ ପରାଂ ମୁଦମବାପ ହ॥ 2-17-45 (12042)
ଅଥ କାଲେ ମହାପ୍ରାଜ୍ଞ ଯଥାସମଯମାଗତେ।
ପ୍ରଜାଯେତାମୁଭେ ରାଜଞ୍ଶରୀରଶକଲେ ତଦା॥ 2-17-46 (12043)
ଏକାକ୍ଷିବାହୁଚରଣେ ଅର୍ଧୋଦରମୁଖସ୍ଫିଚେ।
ଦୃଷ୍ଟ୍ବା ଶରୀରଶକଲେ ପ୍ରବେପତୁରୁଭେ ଭୃଶମ୍॥ 2-17-47 (12044)
ଉଦ୍ବିଗ୍ରେ ସହ ସଂମନ୍ତ୍ର୍ଯ ତେ ଭଗିତ୍ଯୌ ତଦାଽବଲେ।
ସଜୀବେ ପ୍ରାଣିଶକଲେ ତତ୍ଯଜାତେ ସୁଦୁଃଖିତେ॥ 2-17-48 (12045)
ତଯୋର୍ଧାତ୍ର୍ଯୌ ସୁସଂବୀତେ କୃତ୍ବା ତେ ଗର୍ଭସମ୍ପ୍ଲବେ।
ନିର୍ଗମ୍ଯାନ୍ତଃ ପୁରଦ୍ବାରାତ୍ସମୁତ୍ସୃଜ୍ଯାଭିଜଗ୍ମତୁଃ॥ 2-17-49 (12046)
`ଦୁକୂଲାଭ୍ଯାଂ ସୁସଞ୍ଛନ୍ନେ ପାଣ୍ଡରାଭ୍ଯାମୁଭେ ତଦା।
ଅଜ୍ଞାତେ କସ୍ଯଚିତ୍ତେ ତୁ ଜହତୁସ୍ତେ ଚତୁଷ୍ପଥେ॥ 2-17-50 (12047)
ତତୋ ବିବିଶତୁର୍ଧାତ୍ର୍ଯୌ ପୁନରନ୍ତଃ ପୁରଂ ତଦା।
କଥଯାମାସତୁରୁଭେ ଦେବୀଭ୍ଯାଂ ତୁ ପୃଥକ୍ପୃଥକ୍'॥ 2-17-51 (12048)
ତେ ଚତୁଷ୍ପଥନିକ୍ଷିପ୍ତେ ଜରା ନାମାଥ ରାକ୍ଷସୀ।
ଜଗ୍ରାହ ମନୁଜବ୍ଯାଘ୍ର ମାଂସଶୋଣିତଭୋଜନା॥ 2-17-52 (12049)
କର୍ତୁକାମା ସୁଖବହେ ଶକଲେ ସା ତୁ ରାକ୍ଷସୀ।
ସଂଯୋଜଯାମାସ ତଦା ବିଧାନବଲଚୋଦିତା॥ 2-17-53 (12050)
ତେ ସମାନୀତମାତ୍ରେ ତୁ ଶକଲେ ପୁରୁଷର୍ଷଭ।
ଏକମୂର୍ତିଧରୋ ବୀରଃ କୁମାରଃ ସମପଦ୍ଯତ॥ 2-17-54 (12051)
ତତଃ ସା ରାକ୍ଷସୀ ରାଜନ୍ବିସ୍ମଯୋତ୍ଫୁଲ୍ଲଲୋଚନା।
ନ ଶଶାକ ସମୁଦ୍ବୋଦୁଂ ବଜ୍ରସାରମଯଂ ଶିଶୁମ୍॥ 2-17-55 (12052)
ବାଲସ୍ତାମ୍ରତଲଂ ମୁଷ୍ଟିଂ କୃତ୍ବା ଚାସ୍ଯେ ନିଧାଯ ସଃ।
ପ୍ରାକ୍ରୋଶଦତିସଂରବ୍ଧଃ ସତୋଯ ଇବ ତୋଯଦଃ॥ 2-17-56 (12053)
ତେନ ଶବ୍ଦେନ ସମ୍ଭ୍ରାନ୍ତଃ ସହସାଽନ୍ତଃ ପୁରେ ଜନଃ।
ନିର୍ଜଗାମ ନରବ୍ଯାଘ୍ର ରାଜ୍ଞା ସହ ପରନ୍ତପ॥ 2-17-57 (12054)
ତେ ଚାବଲେ ପରିମ୍ଲାନେ ପଯଃ ପୂର୍ଣପଯୋଧରେ।
ନିରାଶେ ପୁତ୍ରଲାଭାଯ ସହସୈବାବ୍ଯଗଚ୍ଛତାମ୍॥ 2-17-58 (12055)
ତେ ଚ ଦୃଷ୍ଟ୍ବା ତଥାଭୂତେ ରାଜାନଂ ଚେଷ୍ଟସଂତତିମ୍।
ତଂ ଚ ବାଲଂ ସୁବଲିନଂ ଚିନ୍ତଯାମାସ ରାକ୍ଷସୀ॥ 2-17-59 (12056)
ନାର୍ହାମି ବିଷଯେ ରାଜ୍ଞୋ ବସନ୍ତୀ ପୁତ୍ରଗୃଦ୍ଧିନଃ।
ବାଲଂ ପୁତ୍ରମିମଂ ହନ୍ତୁଂ ଧାର୍ମିକସ୍ଯ ମହାତ୍ମନଃ॥ 2-17-60 (12057)
ସା ତଂ ବାଲମୁପାଦାଯ ମେଘଲେଖେନ ଭାସ୍କରମ୍।
କୃତ୍ବା ଚ ମାନୁଷଂ ରୂପମୁବାଚ ବସୁଧାଧିପମ୍॥ 2-17-61 (12058)
ବୃହଦ୍ରଥ ସୁତସ୍ତେଽଯଂ ମଯା ଦତ୍ତଃ ପ୍ରଗୃହ୍ଯତାମ୍।
ତବ ପତ୍ନୀଦ୍ବଯେ ଜାତୋ ଦ୍ବିଜାତିବରଶାସନାତ୍।
ଧାତ୍ରୀଜନପରିତ୍ଯକ୍ତୋ ମଯାଽଯଂ ପରିରକ୍ଷିତଃ॥ 2-17-62 (12059)
କୃଷ୍ଣ ଉବାଚ। 2-17-63x (1411)
ତତସ୍ତେ ଭରତଶ୍ରେଷ୍ଠ କାଶିରାଜସୁତେ ଶୁଭେ।
ତଂ ବାଲମଭିପଦ୍ଯାଶୁ ପ୍ରସ୍ରବୈରଭ୍ଯଷିଞ୍ଜତାମ୍॥ 2-17-63 (12060)
ତତଃ ସ ରାଜା ସଂହୃଷ୍ଟଃ ସର୍ବଂ ତଦୁପଲଭ୍ଯ ଚ।
ଅପୃଚ୍ଛଦ୍ଧେମଗର୍ଭାଭାଂ ରାକ୍ଷସୀଂ ତାମରାକ୍ଷସୀମ୍॥ 2-17-64 (12061)
କାତ୍ବଂ କମଲଗର୍ଭାଭେ ମମ ପୁତ୍ରପ୍ରଦାଯିନୀ।
କାମଂ ମା ବ୍ରୂହି କଲ୍ଯାଣି ଦେବତା ପ୍ରତିଭାସି ମେ॥ ॥ 2-17-65 (12062)
ଇତି ଶ୍ରୀମନ୍ମହାଭାରତେ ସଭାପର୍ବଣି ମନ୍ତ୍ରପର୍ବଣି ସପ୍ତଦଶୋଽଧ୍ଯାଯଃ॥ 17॥
Mahabharata - Sabha Parva - Chapter Footnotes
2-17-4 କ୍ରମଃ ଉପକ୍ରମଃ॥ 2-17-9 ତତ୍କ୍ଷଯେ ବଲକ୍ଷଯଃ ଇତି ପାଠଃ॥ 2-17-34 ଅବାନମଶୁଷ୍କଂ ସରସମିତି ଯାବତ୍। ଅମାରୁତମନାବିଦ୍ଧଂ ଇତି ଘ.ପାଠଃ॥ 2-17-46 ପ୍ରଜାଯେତାଂ ସୁଷୁବତୁଃ॥ 2-17-47 ସ୍ଫିକ୍ କଟ୍ଯା ଅଧୋଭାଗଃ॥ 2-17-53 ସୁଖବହେ ଏକୀକୃତଯୋର୍ବହନଂ ହି ସୁଖେନ ଭବତୀତି ପ୍ରସିଦ୍ଧମ୍॥ 2-17-54 ସମାନୀତମାତ୍ରେ ସଂଯୋଜିତମାତ୍ରେ॥ 2-17-64 ଅରାକ୍ଷସୀ ବେଷତଃ॥ସଭାପର୍ବ - ଅଧ୍ଯାଯ 018
॥ ଶ୍ରୀଃ ॥
2.18. ଅଧ୍ଯାଯଃ 018
Mahabharata - Sabha Parva - Chapter Topics
ରାଜାନମ୍ପ୍ରତି ସ୍ବସ୍ବରୂପମଭିଧାଯ ଜରାଯା ଅନ୍ତର୍ଧାନମ୍॥ 1॥Mahabharata - Sabha Parva - Chapter Text
ରାକ୍ଷସ୍ଯୁବାଚ॥
ଜରା ନାମାସ୍ମି ଭଦ୍ରଂ ତେ ରାକ୍ଷସୀ କାମରୂପିଣୀ।
ତବ ବେଶ୍ମନି ରାଜେନ୍ଦ୍ର ପୂଜିତା ନ୍ଯବସଂ ସୁଖମ୍॥ 2-18-1 (12063)
ଗୃହେ ଗୃହେ ମନୁଷ୍ଯାଣାଂ ନିତ୍ଯଂ ତିଷ୍ଠାମି ରାକ୍ଷସୀ।
ଗୃହଦେବୀତି ନାମ୍ନା ବୈ ପୁରା ସୃଷ୍ଟା ସ୍ବଯଂମ୍ଭୁବା॥ 2-18-2 (12064)
ଦାନବାନାଂ ବିନାଶାଯ ସ୍ଥାପିତା ଦିବ୍ଯରୂପିଣୀ।
ଯୋ ମାଂ ଭକ୍ତ୍ଯା ଲିଖେତ୍କୁଡ୍ଯେ ସପୁତ୍ରାଂ ଯୌବନାନ୍ବିତାମ୍॥ 2-18-3 (12065)
ଗୃହେ ତସ୍ଯ ଭବେଦ୍ବୃଦ୍ଧିରନ୍ଯଥା କ୍ଷଯମାପ୍ନୁଯାତ୍।
ତ୍ବଦ୍ଗୃହେ ତିଷ୍ଠମାନାଽହଂ ପୂଜିତାଽହଂ ସଦା ବିଭୋ॥ 2-18-4 (12066)
ଲିଖିତା ଚୈବ କୁଡ୍ଯେଷୁ ପୁତ୍ରୈର୍ବହୁଭିରାବୃତା।
ଗନ୍ଧପୁଷ୍ପୈସ୍ତଥା ଧୂପୈର୍ଭକ୍ଷ୍ଯଭୋଜ୍ଯୈଃ ସୁପୂଜିତା॥ 2-18-5 (12067)
ସାଽହଂ ପ୍ରତ୍ଯୁପକାରାର୍ଥଂ ଚିନ୍ତଯନ୍ତ୍ଯନିଶଂ ନୃପ।
ତବେମେ ପୁତ୍ରଶକଲେ ଦୃଷ୍ଟବତ୍ଯସ୍ମି ଧାର୍ମିକା। 2-18-6 (12068)
ସଂଶ୍ଲିଷିତେ ମଯା ଦୈବାତ୍କୁମାରଃ ସମପଦ୍ଯତ।
ତବ ଭାଗ୍ଯାନ୍ମହାରାଜ ହେତୁମାତ୍ରମହଂ ତ୍ବିହ॥ 2-18-7 (12069)
ମେରୁଂ ବା ଖାଦିତୁଂ ଶକ୍ତା କିଂ ପୁନସ୍ତବ ବାଲକମ୍।
ଗୃହସମ୍ପୂଜନାତ୍ତୁଷ୍ଟ୍ଯା ମଯା ପ୍ରତ୍ଯର୍ପିତସ୍ତବ॥ 2-18-8 (12070)
ମମ ନାମ୍ନା ଚ ଲୋକେଽସ୍ମିନ୍ଖ୍ଯାତ ଏବ ଭବିଷ୍ଯତି। 2-18-9 (12071)
କୃଷ୍ଣ ଉବାଚ।
ଏବମୁକ୍ତ୍ବା ତୁ ସା ରାଜଂସ୍ତତ୍ରୈବାନ୍ତରଧୀଯତ।
ସ ସଙ୍ଗୃହ୍ଯ କୁମାରଂ ତଂ ପ୍ରବିବେଶ ଗୃହଂ ନୃପଃ॥ 2-18-9x (1412)
ତସ୍ଯ ବାଲସ୍ଯ ଯତ୍କୃତ୍ଯଂ ତଚ୍ଚକାର ନୃପସ୍ତଦା।
ଆଜ୍ଞାପଯଚ୍ଚ ରାକ୍ଷସ୍ଯା ମଗଧେଷୁ ମହୋତ୍ସବମ୍॥ 2-18-10 (12072)
ତସ୍ଯ ନାମାକରୋଚ୍ଚୈବ ପିତାମହସମଃ ପିତା।
ଜରଯା ସନ୍ଧିତୋ ଯସ୍ମାଜ୍ଜରାସନ୍ଧୋ ଭବତ୍ବଯମ୍॥ 2-18-11 (12073)
ସୋଽବର୍ଧତ ମହାତେଜା ମାଗଧାଧିପତେଃ ସୁତଃ।
ପ୍ରମାଣବଲସମ୍ପନ୍ନୋ ହୁତାହୁତିରିବାନଲଃ॥ 2-18-12 (12074)
`ଏବଂ ସ ବବୃଧେ ରାଜନ୍କୁମାରଃ ପୁଷ୍କରେକ୍ଷଣଃ।
କାଲେନ ମହତା ଚାପି ଯୌବନସ୍ଥୋ ବଭୂବ ହ'॥
ମାତାପିତ୍ରୋର୍ନନ୍ଦକରଃ ଶୁକ୍ଲପକ୍ଷେ ଯଥା ଶଶୀ॥ ॥ 2-18-13 (12075)
ଇତି ଶ୍ରୀମନ୍ମହାଭାରତେ ସଭାପର୍ବଣି ମନ୍ତ୍ରପର୍ବଣି ଅଷ୍ଟାଦଶୋଽଧ୍ଯାଯଃ॥ 18॥
ସଭାପର୍ବ - ଅଧ୍ଯାଯ 019
॥ ଶ୍ରୀଃ ॥
2.19. ଅଧ୍ଯାଯଃ 019
Mahabharata - Sabha Parva - Chapter Topics
ପୁନର୍ଯଦୃଚ୍ଛାଗତେନ ଚଣ୍ଡକୌଶିକେନ ଜରାସନ୍ଧପରାକ୍ରମାଦୌ କଥିତେ ଜରାସନ୍ଧଂ ରାଜ୍ଯେଽଭ ିଷିଚ୍ଯ ତପୋବନଗତସ୍ଯ ସଭାର୍ଯସ୍ଯ ବୃହଦ୍ରଥସ୍ଯ ସ୍ବର୍ଗଗମନମ୍॥ 1॥ କୃଷ୍ଣେନ କଂସବଧାତ୍ ଜରାସନ୍ଧସ୍ଯ ସ୍ବସ୍ମିନ୍ବୈରୋଦଯକଥନମ୍॥ 2॥Mahabharata - Sabha Parva - Chapter Text
କୃଷ୍ଣ ଉବାଚ॥
କସ୍ଯଚିତ୍ତ୍ବଥ କାଲସ୍ଯ ପୁନରେବ ମହାତପାଃ।
ମଗଧେଷୁପଜକ୍ରାମ ଭଗବାଂଶ୍ଚଣ୍ଡକୌଶିକଃ॥ 2-19-1 (12076)
ତସ୍ଯାଽଽଗମନସଂହୃଷ୍ଟଃ ସାମାତ୍ଯଃ ସପୁରଃ ସରଃ।
ସଭାର୍ଯଃ ସହ ପୁତ୍ରେଣ ନିର୍ଜଗାମ ବୃହଦ୍ରଥଃ॥ 2-19-2 (12077)
ପାଦ୍ଯାର୍ଘ୍ଯାଚମନୀଯୈସ୍ତମର୍ଚଯାମାସ ଭାରତ।
ସ ନୃପୋ ରାଜ୍ଯସହିତଂ ପୁତ୍ରଂ ତସ୍ମୈ ନ୍ଯବେଦଯତ୍॥ 2-19-3 (12078)
ପ୍ରତିଗୃହ୍ଯ ଚ ତାଂ ପୂଜାଂ ପାର୍ଥିବାଦ୍ଭଗବାନୃଷିଃ।
ଉବାଚ ମାଗଧଂ ରାଜନ୍ପ୍ରହୃଷ୍ଟେନାନ୍ତରାତ୍ମନା॥ 2-19-4 (12079)
ସର୍ବମେତନ୍ମଯା ଜ୍ଞାତଂ ରାଜନ୍ଦିବ୍ଯେନ ଚକ୍ଷୁଷା।
ପୁତ୍ରସ୍ତୁ ଶୃଣୁ ରାଜେନ୍ଦ୍ର ଯାଦୃଶୋଽଯଂ ଭବିଷ୍ଯତି॥ 2-19-5 (12080)
ଅସ୍ଯ ରୂପଂ ଚ ସତ୍ବଂ ଚ ବଲମୂର୍ଜିତମେବ ଚ।
ଏଷ ଶ୍ରିଯା ସମୁଦିତଃ ପୁତ୍ରସ୍ତବ ନ ସଂଶଯଃ॥ 2-19-6 (12081)
ପ୍ରାପଯିଷ୍ଯତି ତତ୍ସର୍ବଂ ବିକ୍ରମେଣ ସମନ୍ବିତଃ।
ଅସ୍ଯ ବୀର୍ଯବତୋ ବୀର୍ଯଂ ନାନୁଯାସ୍ଯନ୍ତି ପାର୍ଥିବାଃ॥ 2-19-7 (12082)
ପତତୋ ବୈନତେଯସ୍ଯ ଗତିମନ୍ଯେ ଯଥା ଖଗାଃ।
ବିନାଶମୁପଯାସ୍ଯନ୍ତି ଯେ ଚାସ୍ଯ ପରିପନ୍ଥିନଃ॥ 2-19-8 (12083)
ଦେବୈରପି ବିସୃଷ୍ଟାନି ଶସ୍ତ୍ରାଣ୍ଯସ୍ଯ ମହୀପତେ।
ନ ରୁଜଂ ଜନଯିଷ୍ଯନ୍ତି ଗିରେରିବ ନଦୀରଯାଃ॥ 2-19-9 (12084)
ସର୍ବମୂର୍ଧାଭିଷିକ୍ତାନାମେବ ମୂର୍ଧ୍ନି ଜ୍ବଲିଷ୍ଯତି।
ପ୍ରଭାହରୋଽଯଂ ସର୍ବେଷାଂ ଜ୍ଯୋତିଷାମିବ ଭାସ୍କରଃ॥ 2-19-10 (12085)
ଏନମାସାଦ୍ଯ ରାଜାନଃ ସମୃଦ୍ଧବଲବାହନାଃ।
ବିନାଶମୁପଯାସ୍ଯନ୍ତି ଶଲଭା ଇବ ପାବକମ୍॥ 2-19-11 (12086)
ଏଷ ଶ୍ରିଯଃ ସମୁଦିତାଃ ସର୍ବରାଜ୍ଞାଂ ଗ୍ରହୀଷ୍ଯତି।
ବର୍ଷାସ୍ବିବୋଦୀର୍ଣଜଲା ନଦୀର୍ନଦନଦୀପତିଃ॥ 2-19-12 (12087)
ଏଷ ଧାରଯିତ ସମ୍ଯକ୍ଚାତୁର୍ବର୍ଣ୍ଯଂ ମହାବଲଃ।
ଶୁଭାଂ ଶୁଭବତୀଂ ସ୍ଫୀତାଂ ସର୍ବସସ୍ଯଧରାଂ ଧରାମ୍॥ 2-19-13 (12088)
ଅସ୍ଯାଜ୍ଞାବଶଗାଃ ସର୍ବେ ଭବିଷ୍ଯନ୍ତି ନରାଧିପାଃ।
ସର୍ବଭୂତାତ୍ମଭୂତସ୍ଯ ବାଯୋରିବ ଶରୀରିଣଃ॥ 2-19-14 (12089)
ଏଷ ରୁଦ୍ରଂ ମହାଦେବଂ ତ୍ରିପୁରାନ୍ତକରଂ ହରମ୍।
ସର୍ବଲୋକେଷ୍ବତିବଲଃ ସାକ୍ଷାଦ୍ଦ୍ରକ୍ଷ୍ଯତି ମାଗଧଃ॥ 2-19-15 (12090)
ଏବଂ ବ୍ରୁବନ୍ନେବ ମୁନିଃ ସ୍ବକାର୍ଯମିବ ଚିନ୍ତଯନ୍।
ବିସର୍ଜଯାମାସ ନୃପଂ ବୃହଦ୍ରଥମଥାରିହନ୍॥ 2-19-16 (12091)
ପ୍ରବିଶ୍ଯ ନଗରୀଂ ଚାପି ଜ୍ଞାତିସମ୍ବନ୍ଧିଭିର୍ବୃତଃ।
ଅଭିଷିଚ୍ଯ ଜରାସନ୍ଧଂ ମଗଧାଧିପତିସ୍ତଦା॥ 2-19-17 (12092)
ବୃହଦ୍ରଥୋ ନରପତିଃ ପରାଂ ନିର୍ବୃତିମାଯଯୌ।
ଅଭିଷିକ୍ତେ ଜରାସନ୍ଧେ ତଦା ରାଜା ବୃହଦ୍ରଥଃ।
ପତ୍ନୀଦ୍ବଯେନାନୁଗତସ୍ତପୋବନଚରୋଽଭବତ୍॥ 2-19-18 (12093)
ତତୋ ବନସ୍ଥେ ପିତରି ମାତୃଭ୍ଯାଂ ସହ ଭାରତ।
ଜରାସନ୍ଧଃ ସ୍ବବୀର୍ଯେଣ ପାର୍ଥିବାନକରୋଦ୍ବଶେ॥ 2-19-19 (12094)
ଅଥ ଦୀର୍ଘସ୍ଯ କାଲସ୍ଯ ତପୋବନଚରୋ ନୃପଃ।
ସଭାର୍ଯଃ ସ୍ବର୍ଗମଗମତ୍ତପସ୍ତପ୍ତ୍ବା ବୃହଦ୍ରଥଃ॥ 2-19-20 (12095)
ଜରାସନ୍ଧୋଽପି ନୃପତିର୍ଯଥୋକ୍ତଂ କୌଶିକେନ ତତ୍।
ବରପ୍ରଦାନମଖିଲଂ ପ୍ରାପ୍ଯ ରାଜ୍ଯମପାଲଯତ୍॥ 2-19-21 (12096)
ହତେ ଚୈବ ମଯା କଂସେ ସହଂସଡିଭିକେ ତଦା।
ଜରାସନ୍ଧସ୍ଯ ଦୁହିତା ରୋଦତେ ପାର୍ଶ୍ବତଃ ପିତୁଃ।
ଜାତୋ ବୈ ବୈରନିର୍ବନ୍ଧୋ ମଯାସୀତ୍ତତ୍ର ଭାରତ॥ 2-19-22 (12097)
ଭ୍ରାମଯିତ୍ବା ଶତଗୁଣମେକୋନଂ ଯେନ ଭାରତ।
ଗଦା କ୍ଷିପ୍ତା ବଲବତା ମାଗଧେନ ଗିରିବ୍ରଜାତ୍॥ 2-19-23 (12098)
ତିଷ୍ଠତୋ ମଥୁରାଯାଂ ବୈ କୁତ୍ସ୍ନସ୍ଯାଦ୍ଭୁତକର୍ମଣଃ।
ଏକୋନଯୋଜନଶତେ ସା ପପାତ ଗଦା ଶୁଭା॥ 2-19-24 (12099)
ଦୃଷ୍ଟ୍ବା ପୌରୈସ୍ତଦା ସମ୍ଯଗ୍ଗଦା ଚୈବ ନିବେଦିତା।
ଗଦାବସାନଂ ତତ୍ଖ୍ଯାତଂ ମଥୁରାଯାଃ ସମୀପତଃ॥ 2-19-25 (12100)
ତସ୍ଯାସ୍ତାଂ ହଂସଡିଭିକାବଶସ୍ତ୍ରନିଧନାବୁଭୌ।
ମନ୍ତ୍ରେ ମତିମତାଂ ଶ୍ରେଷ୍ଠୌ ନୀତିଶାସ୍ତ୍ରେ ବିଶାରଦୌ॥ 2-19-26 (12101)
ଯୌ ତୌ ମଯା ତେ କଥିତୌ ପୂର୍ବମେବ ମହାବଲୌ।
ତ୍ରଯସ୍ତ୍ରଯାଣାଂ ଲୋକାନାଂ ପର୍ଯାପ୍ତା ଇତି ମେ ମତିଃ॥ 2-19-27 (12102)
ଏବମେଷ ତଦା ବୀର ବଲିଭିଃ କୁକୁରାନ୍ଧକୈଃ।
ବୃଷ୍ଣିଭିଶ୍ଚ ମହାରାଜ ନୀତିହେତୋରୁପେକ୍ଷିତଃ॥ ॥ 2-19-28 (12103)
ଇତି ଶ୍ରୀମନ୍ମହାଭାରତେ ସଭାପର୍ବଣି ମନ୍ତ୍ରପର୍ବଣି ଏକୋନବିଂଶୋଽଧ୍ଯାଯଃ॥ 19॥
Mahabharata - Sabha Parva - Chapter Footnotes
2-19-16 ଆହ୍ନିକାଯ ମହାତପାଃ ଇତି ଘ. ପାଠଃ॥ସଭାପର୍ବ - ଅଧ୍ଯାଯ 020
॥ ଶ୍ରୀଃ ॥
2.20. ଅଧ୍ଯାଯଃ 020
Mahabharata - Sabha Parva - Chapter Topics
କୃଷ୍ଣଯୁଧିଷ୍ଠିରସଂବାଦାନନ୍ତରଂ ଭୀମାର୍ଜୁନାଭ୍ଯାଂସହ କୃଷ୍ଣସ୍ଯ ମାଗଧପୁରପ୍ରସ୍ଥାନମ୍॥ 1॥Mahabharata - Sabha Parva - Chapter Text
ବାସୁଦେବ ଉବାଚ॥
ପତିତୌ ହଂସଡିଭିକୌ କଂସଶ୍ଚ ସଗଣୋ ହତଃ।
ଜରାସନ୍ଧସ୍ଯ ନିଧନେ କାଲୋଽଯଂ ସମୁପାଗତଃ॥ 2-20-1 (12104)
ନ ଶକ୍ଯୋଽସୌ ରଣେ ଜେତୁଂ ସର୍ବୈରପି ସୁରାସୁରୈଃ।
ପ୍ରାଣଯୁଦ୍ଧେନ ଜେତବ୍ଯଃ ସ ଇତ୍ଯୁପଲଭାମହେ॥ 2-20-2 (12105)
ମଯି ନୀତିର୍ବଲଂ ଭୀମେ ରକ୍ଷିତା ଚାବଯୋର୍ଜଯଃ।
ମାଗଧଂ ସାଧଯିଷ୍ଯାମ ଇଷ୍ଟିଂ ତ୍ରଯ ଇବାଗ୍ନଯଃ॥ 2-20-3 (12106)
ତ୍ରିଭିରାସାଦିତୋଽସ୍ମାଭିର୍ବିଜନେ ସ ନରାଧିପଃ।
ନ ସନ୍ଦେହୋ ଯଥା ଯୁଦ୍ଧମେକେନାପ୍ଯୁପଯାସ୍ଯତି॥ 2-20-4 (12107)
ଅବମାନାଚ୍ଚ ଲୋଭାଚ୍ଚ ବାହୁବୀର୍ଯାଚ୍ଚ ଦର୍ପିତଃ।
ଭୀମସେନେନ ଯୁଦ୍ଧାଯ ଧ୍ରୁବମପ୍ଯୁପଯାସ୍ଯତି॥ 2-20-5 (12108)
ଅଲଂ ତସ୍ଯ ମହାବାହୁର୍ଭୀମସେନୋ ମହାବଲଃ।
ଲୋକସ୍ଯ ସମୁଦୀର୍ଣସ୍ଯ ନିଧନାଯାନ୍ତକୋ ଯଥା॥ 2-20-6 (12109)
ଯଦି ଭୀମବଲଂ ବେତ୍ସି ଯଦି ତେ ପ୍ରତ୍ଯଯୋ ମଯି।
ଭୀମସେନାର୍ଜୁନୌ ଶୀଘ୍ରଂ ନ୍ଯାସଭୂତୌ ପ୍ରଯଚ୍ଛ ମେ॥ 2-20-7 (12110)
ବୈଶମ୍ପାଯନ ଉବାଚ॥ 2-20-8x (1413)
ଏବମୁକ୍ତୋ ଭଗବତା ପ୍ରତ୍ଯୁବାଚ ଯୁଧିଷ୍ଠିରଃ।
ଭୀମାର୍ଜୁନୌ ସମାଲୋକ୍ଯ ସମ୍ପ୍ରହୃଷ୍ଟମୁଖୌ ସ୍ଥିତୌ॥ 2-20-8 (12111)
ଯୁଧିଷ୍ଠର ଉବାଚ। 2-20-9x (1414)
ଅଚ୍ଯୁତାଚ୍ଯୁତ ମାମୈବଂ ବ୍ଯାହରାମିତ୍ରକର୍ଶନ।
ପାଣ୍ଡବାନାଂ ଭବାନ୍ନାଥୋ ଭବନ୍ତଂ ଚାଶ୍ରିତା ବଯମ୍॥ 2-20-9 (12112)
ଯଥା ବଦସି ଗୋବିନ୍ଦ ସର୍ବଂ ତଦୁପପଦ୍ଯତେ।
ନହି ତ୍ବମଗ୍ରତସ୍ତେଷାଂ ଯେଷାଂ ଲକ୍ଷ୍ମୀଃ ପରାଙ୍ମୁଖୀ॥ 2-20-10 (12113)
`ଯେଷାମଭିମୁଖୀ ଲକ୍ଷ୍ମୀସ୍ତେଷାଂ କୃଷ୍ଣ ତ୍ବମଗ୍ରତଃ'।
ନିହତଶ୍ଚ ଜରାସନ୍ଧୋ ମୋକ୍ଷିତାଶ୍ଚ ମହୀକ୍ଷିତଃ। 2-2--11c ରାଜସୂଯଶ୍ଚ ମେ ଲବ୍ଧୋ ନିଦେଶେ ତ୍ବ ତିଷ୍ଠତଃ॥ 2-20-11 (12114)
କ୍ଷିପ୍ରମେବ ଯଥା ତ୍ବେତତ୍କାର୍ଯଂ ସମୁପପଦ୍ଯତେ।
ଅପ୍ରମତ୍ତୋ ଜଗନ୍ନାଥ ତଥା କୁରୁ ସମୁପପଦ୍ଯତେ। 2-20-12 (12115)
ତ୍ରିଭିର୍ଭବଦ୍ଭିର୍ହି ବିନା ନାହଂ ଜୀବିତୁମୁତ୍ସହେ।
ଧର୍ମକାମାର୍ଥରହିତୋ ରୋଗାର୍ତ ଇବ ଦୁଃଖିତଃ॥ 2-20-13 (12116)
ନ ଶୌରିଣା ବିନା ପାର୍ଥୋ ନ ଶୌରିଃ ପାଣ୍ଡବଂ ବିନା।
ନାଜେଯୋସ୍ତ୍ଯନଯୋଽର୍ଲୋକେ କୃଷ୍ଣଯୋରିତି ମେ ମତିଃ॥ 2-20-14 (12117)
ଅଯଂ ଚ ବଲିନାଂ ଶ୍ରେଷ୍ଠଃ ଶ୍ରୀମାନପି ବୃକୋଦରଃ।
ଯୁବାଭ୍ଯାଂ ସହିତୋ ବୀର କିଂ ନ କୁର୍ଯାନ୍ମହାଯଶାଃ॥ 2-20-15 (12118)
ସୁପ୍ରଣୀତୋ ବଲୌଘୋ ହି କୁରୁତେ କାର୍ଯମୁତ୍ତମମ୍।
ଅନ୍ଧଂ ବଲଂ ଜଡଂ ପ୍ରାହୁଃ ପ୍ରଣେତବ୍ଯଂ ବିଚକ୍ଷଣୈଃ॥ 2-20-16 (12119)
ଯତୋ ହି ନିମ୍ନଂ ଭବତି ନଯନ୍ତି ହି ତତୋ ଜଲମ୍।
ଯତଶ୍ଛିଦ୍ରଂ ତତଶ୍ଚାପି ନଯନ୍ତେ ଧୀବରା ଜଲମ୍॥ 2-20-17 (12120)
ତସ୍ମାନ୍ନଯବିଧାନଜ୍ଞଂ ପୁରୁଷଂ ଲୋକବିଶ୍ରୁତମ୍।
ବଯମାଶ୍ରିତ୍ଯ ଗୋବିନ୍ଦଂ ଯତାମଃ କାର୍ଯସିଦ୍ଧଯେ॥ 2-20-18 (12121)
ଏବଂ ପ୍ରଜ୍ଞାନଯବଲଂ କ୍ରିଯୋପାଯସମନ୍ବିତମ୍।
ପୁରସ୍କୃର୍ବୀତ କାର୍ଯେଷୁ କୃଷ୍ଣକାର୍ଯାର୍ଥସିଦ୍ଧଯେ॥ 2-20-19 (12122)
ଏବମେବ ଯଦୁଶ୍ରେଷ୍ଠ ଯାବତ୍କାର୍ଯାଥିସିଦ୍ଧଯେ।
ଅର୍ଜୁନଃ କୃଷ୍ଣମନ୍ବେତୁ ଭୀମୋଽନ୍ବେତୁ ଧନଞ୍ଜଯମ୍।
ନଯୋ ଜଯୋ ବଲଂ ଚୈବ ବିକ୍ରମେ ସିଦ୍ଧିମେଷ୍ଯତି॥ 2-20-20 (12123)
ବୈଶମ୍ପାଯନ ଉବାଚ। 2-20-21x (1415)
ଏବମୁକ୍ତାସ୍ତତଃ ସର୍ବେ ଭ୍ରାତରୋ ବିପୁଲୌଜସଃ।
ବାର୍ଷ୍ଣେଯଃ ପାଣ୍ଡବେଯୌ ଚ ପ୍ରତସ୍ଥୁର୍ମାଗଧଂ ପ୍ରତି॥ 2-20-21 (12124)
ବର୍ଚସ୍ବିନାଂ ବ୍ରାହ୍ମଣାନାଂ ସ୍ନାତକାନାଂ ପରିଚ୍ଛଦୈଃ।
ଆଚ୍ଛାଦ୍ଯ ସୁହୃଦାଂ ବାକ୍ଯୈର୍ମନୋଜ୍ଞୈରଭିନନ୍ଦିତାଃ॥ 2-20-22 (12125)
`ମାଧବଃ ପାଣ୍ଡବେଯୌ ଚ ପ୍ରତସ୍ଥୁର୍ବ୍ରତଧାରିଣଃ'।
ଅମର୍ଷାଦଭିତପ୍ତାନାଂ ଜ୍ଞାତ୍ଯର୍ଥଂ ମୁଖ୍ଯତେଜସାମ୍।
ରବିସୋମାଗ୍ନିବପୁଷାଂ ଦୀପ୍ତମାସୀତ୍ତଦା ବପୁଃ॥ 2-20-23 (12126)
ଇତଂ ମେନେ ଜରାସନ୍ଧଂ ଦୃଷ୍ଟ୍ବା ଭୀମପୁରୋଗମୌ।
ଏକକାର୍ଯସମୁଦ୍ଯନ୍ତୌ କୃଷ୍ଣୌ ଯୁଦ୍ଧେଽପରାଜିତୌ॥ 2-20-24 (12127)
ଈଶୌ ହିତୌ ମହାତ୍ମାନୌ ସର୍ବକାର୍ଯପ୍ରବର୍ତିନୌ।
ଧର୍ମକାମାର୍ଥଲୋକାନାଂ କାର୍ଯାଣାଂ ଚ ପ୍ରବର୍ତକୌ॥ 2-20-25 (12128)
କୁରୁଭ୍ଯଃ ପ୍ରସ୍ଥିତାସ୍ତେ ତୁ ମଧ୍ଯେନ କୁରୁଜାଙ୍ଗଲମ୍।
ରମ୍ଯଂ ପଦ୍ମସରୋ ଗତ୍ବା କାଲକୂଡମତୀତ୍ଯ ଚ॥ 2-20-26 (12129)
ଗଣ୍ଡକୀଂ ଚ ମହାଶୋଣଂ ସଦାନୀରାଂ ତଥୈବ ଚ।
ଏକପର୍ବତକେ ନଦ୍ଯଃ କ୍ରମେଣୈତ୍ଯାବ୍ରଜନ୍ତ ତେ॥ 2-20-27 (12130)
ଉତ୍ତୀର୍ଯ ସରଯୂଂ ରମ୍ଯାଂ ଦୃଷ୍ଟ୍ବା ପୂର୍ବାଂଶ୍ଚ କୋସଲାନ୍।
ଅତୀତ୍ଯ ଜଗ୍ମୁର୍ମିଥିଲାଂ ମାଲାଂ ଚର୍ମଣ୍ବତୀଂ ନଦୀମ୍॥ 2-20-28 (12131)
ଅତୀତ୍ଯ ଗଙ୍ଗାଂ ଶୋଣଂ ଚ ତ୍ରଯସ୍ତେ ପ୍ରାଙ୍ମୁଖାସ୍ତଦା।
କୁଶଚୀରଚ୍ଛଦା ଜଗ୍ମୁର୍ମାଗଧଂ କ୍ଷେତ୍ରମଚ୍ଯୁତାଃ॥ 2-20-29 (12132)
ତେ ଶଶ୍ବଦ୍ଗୋଧନାକୀର୍ଣମମ୍ବୁମନ୍ତଂ ଶୁଭଦ୍ରୁମମ୍।
ଗୋରଥଂ ଗିରିମାସାଦ୍ଯ ଦଦୃଶୁର୍ମାଗଧଂ ପୁରମ୍॥ ॥ 2-20-30 (12133)
ଇତି ଶ୍ରୀମନ୍ମହାଭାରତେ ସଭାପର୍ବଣି ଜରାସନ୍ଧବଧପର୍ବଣି ବିଂଶୋଽଧ୍ଯାଯଃ॥ 20॥
Mahabharata - Sabha Parva - Chapter Footnotes
2-20-3 ଜଯୋଽର୍ଜୁନଃ॥ସଭାପର୍ବ - ଅଧ୍ଯାଯ 021
॥ ଶ୍ରୀଃ ॥
2.21. ଅଧ୍ଯାଯଃ 021
Mahabharata - Sabha Parva - Chapter Topics
ଜରାସନ୍ଧସମୀପଂ ଗତାନାଂ ଶ୍ରୀକୃଷ୍ଣଭୀମାର୍ଜୁନାନାଂ ଜରାସନ୍ଧେନ ସହ ବିବାଦଃ॥ 1॥Mahabharata - Sabha Parva - Chapter Text
ବାସୁଦେବ ଉବାଚ॥
ଏଷ ପାର୍ଥ ମହାନ୍ଭାତି ପଶୁମାନ୍ନିତ୍ଯମମ୍ବୁମାନ୍।
ନିରାମଯଃ ସୁବେଶ୍ମାଢ୍ଯୋ ନିବେଶୋ ମାଗଧଃ ଶୁଭଃ॥ 2-21-1 (12134)
ବୈହାରୋ ବିପୁଲଃ ଶୈଲୋ ବାରାହୋ ବୃଷଭସ୍ତଥା।
ତଥା ଋଷିଗିରିସ୍ତାତ ଶୁଭାଶ୍ଚୈତ୍ଯକପଞ୍ଚମାଃ॥ 2-21-2 (12135)
ଏତେ ପଞ୍ଚମହାଶୃଙ୍ଗାଃ ପର୍ବତାଃ ଶୀତଲଦ୍ରୁମାଃ।
ରକ୍ଷନ୍ତୀବାଭିସଂହତ୍ଯ ସଂହତାଙ୍ଗା ଗିରିବ୍ରଜମ୍॥ 2-21-3 (12136)
ପୁଷ୍ପବେଷ୍ଟିତଶାଖାଗ୍ରୈର୍ଗନ୍ଧବଦ୍ଭିର୍ମନୋହରୈଃ।
ନିଗୂଢା ଇବ ଲୋଧ୍ରାଣାଂ ବନୈଃ କାମିଜନପ୍ରିଯୈଃ॥ 2-21-4 (12137)
`ଯତ୍ର ଦୀର୍ଘତମା ନାମ ଋଷିଃ ପରମନ୍ତ୍ରିତଃ'।
ଶୂଦ୍ରାଯାଂ ଗୌତମୋ ଯତ୍ର ମହାତ୍ମା ସଂଶିତବ୍ରତଃ।
ଔଶୀନର୍ଯାମଜନଯତ୍କାକ୍ଷୀବାଦ୍ଯାନ୍ସୁତାନ୍ମୁନିଃ॥ 2-21-5 (12138)
ଗୌତମଃ ପ୍ରଣଯାତ୍ତସ୍ମାଦ୍ଯଥାଽସୌ ତତ୍ର ସଦ୍ମନି।
ଭଜତେ ମାଗଧଂ ବଂଶଂ ସ ନୃପାଣାମନୁଗ୍ରହଃ। 2-21-6 (12139)
ଅଙ୍ଗବଙ୍ଗାଦଯଶ୍ଚୈବ ରାଜାନଃ ସୁମହାବଲାଃ।
ଗୌତମକ୍ଷଯମଭ୍ଯେତ୍ଯ ରମନ୍ତେ ସ୍ମ ପୁରାର୍ଜୁନ॥ 2-21-7 (12140)
ବନରାଜୀସ୍ତୁ ପଶ୍ଯେମାଃ ପିପ୍ଲାନାଂ ମନୋରମାଃ।
ଲୋଘ୍ରାଣାଂ ଚ ଶୁଭାଃ ପାର୍ଥ ଗୌତମୌକଃ ସମୀପଜାଃ॥ 2-21-8 (12141)
ଅର୍ବୁଦଃ ଶକ୍ରବାପୀ ଚ ପନ୍ନଗୌ ଶତ୍ରୁତାପନୌ।
ସ୍ବସ୍ତିକସ୍ଯାଲଯଶ୍ଚାତ୍ର ମଣିନାଗସ୍ଯ ଚୋତ୍ତମଃ॥ 2-21-9 (12142)
ଅପାରିହାର୍ଯା ମେଘାନାଂ ମାଗଧା ମନୁନା କୃତାଃ।
କୌଶିକୋ ମଣିମାଂଶ୍ଚୈବ ଚକ୍ରାତେ ଚାପ୍ଯନୁଗ୍ରହମ୍॥ 2-21-10 (12143)
`ପାଣ୍ଡରେ ବିପୁଲେ ଚୈବ ତଥା ବାରାହକେଽପି ଚ।
ଚୈତ୍ଯକେ ଚଜ ଗିରିଶ୍ରେଷ୍ଠେ ମାଦଙ୍ଗେ ଚ ଶିଲୋଚ୍ଚଯେ॥ 2-21-11 (12144)
ଏତେଷୁ ପର୍ବତେନ୍ଦ୍ରେଷୁ ସର୍ବସିଦ୍ଧସମାଲଯାଃ।
ଯତୀନାମାଶ୍ରମାଶ୍ଚୈବ ମୁନୀନାଂ ଚ ମହାତ୍ମନାମ୍॥ 2-21-12 (12145)
ବୃଷଭସ୍ଯ ତମାଲସ୍ଯ ମହାବୀର୍ଯସ୍ଯ ବୈ ତଥା।
ଗନ୍ଧର୍ବରକ୍ଷସାଂ ଚୈବ ନାଗାନାଂ ଚ ତଥାଽଽଲଯାଃ॥ 2-21-13 (12146)
କକ୍ଷୀବତସ୍ତପୋବୀର୍ଯାତ୍ତପୋଦା ଇତି ବିଶ୍ରୁତାଃ।
ପୁଣ୍ଯତୀର୍ଥାଶ୍ଚ ତେ ସର୍ବେ ସିଦ୍ଧାନାଂ ଚୈବ କୀର୍ତିତାଃ।
ମଣେଶ୍ଚ ଦର୍ଶନାଦେବ ଭଦ୍ରଂ ଶିବମବାପ୍ନୁଯାତ୍'॥ 2-21-14 (12147)
ଏବଂ ପ୍ରାପ୍ଯ ପୁରଂ ରମ୍ଯଂ ଦୁରାଧର୍ପଂ ସମନ୍ତତଃ॥
ଅର୍ଥସିଦ୍ଧିଂ ତ୍ବନୁପମାଂ ଜରାସନ୍ଧୋଽଭିମନ୍ଯତେ॥ 2-21-15 (12148)
ବଯମାସାଦନେ ତସ୍ଯ ଦର୍ପମଦ୍ଯ ହରେମ ହି। 2-21-16 (12149)
ବୈଶମ୍ପାଯନ ଉବାଚ।
ଏବମୁକ୍ତ୍ବା ତତଃ ସର୍ବେ ଭ୍ରାତରୋ ବିପୁଲୌଜସଃ॥ 2-21-16x (1416)
ବାର୍ଷ୍ଣେଯଃ ପାଣ୍ଡବୌ ଚୈବ ପ୍ରତସ୍ଥୁର୍ମାଗଧଂ ପୁରମ୍।
ହୃଷ୍ଟପୁଷ୍ଟଜନୋପେତଂ ଚାତୁର୍ବର୍ଣ୍ଯସମାକୁଲମ୍॥ 2-21-17 (12150)
ସ୍ଫୀତୋତ୍ସବମନାଧୃଷ୍ଯମାସେଦୁଶ୍ଚ ଗିରିବ୍ରଜତମ୍।
ତତୋ ଦ୍ବାରମନାସାଦ୍ଯ ପୁରସ୍ଯ ଗିରିମୁଚ୍ଛ୍ରିତମ୍॥ 2-21-18 (12151)
ବାର୍ହଦ୍ରଥୈଃ ପୂଜ୍ଯମାନଂ ତଥା ନଗରବାସିଭିଃ।
ମାଗଧାନାଂ ତୁ ରୁଚିରଂ ଚୈତ୍ଯକାନ୍ତରମାଦ୍ରବନ୍॥ 2-21-19 (12152)
ଯତ୍ର ମାଂସାଦମୃଷଭମାସସାଦ ବୃହଦ୍ରଥଃ।
ତଂ ହତ୍ବା ମାସତାଲାଭିସ୍ତିସ୍ରୋ ଭେରୀକାରଯତ୍॥ 2-21-20 (12153)
ସ୍ବପୁରେ ସ୍ଥାପଯାମାସ ତେନ ଚାନହ୍ଯ ଚର୍ମଣା।
ଯତ୍ର ତାଃ ପ୍ରାଣଦନ୍ଭେର୍ଯୋ ଦିବ୍ଯପୁଷ୍ପାବଚୂର୍ଣିତାଃ॥ 2-21-21 (12154)
ଭଙ୍କ୍ତ୍ବା ଭେରୀତ୍ରଯଂ ତେଽପି ଚୈତ୍ଯପ୍ରାକାରମାଦ୍ରବନ୍।
ଦ୍ବାରତୋଽଭିମୁଖାଃ ସର୍ବେ ଯଯୁର୍ନାନାଯୁଧାସ୍ତଧା॥ 2-21-22 (12155)
ମାଗଧାନାଂ ସୁରୁଚିରଂ ଚୈତ୍ଯକଂ ତଂ ସମାଦ୍ରବନ୍।
ଶିରସୀବ ସମାଘ୍ନନ୍ତୋ ଜରାସନ୍ଧଂ ଜିଘାଂସ୍ବଃ॥ 2-21-23 (12156)
ସ୍ଥିରଂ ସୁବିପୁଲଂ ଶୃଙ୍ଗଂ ସୁମହତ୍ତତ୍ପୁରାତନମ୍।
ଅର୍ଚିତଂ ଗନ୍ଧମାଲ୍ଯୈଶ୍ଚ ସତତଂ ସୁପ୍ରତିଷ୍ଠିତମ୍॥ 2-21-24 (12157)
ବିପୁଲୈର୍ବାହୁଭିର୍ବୀରସ୍ତେଽଭିହତ୍ଯାଭ୍ଯପାତଯନ୍।
ତତସ୍ତେ ମାଗଧଂ ହୃଷ୍ଟାଃ ପୁରଂ ପ୍ରବିବିଶୁସ୍ତଦା॥ 2-21-25 (12158)
ଏତସ୍ମିନ୍ନେବ କାଲେ ତୁ ବ୍ରାହ୍ମଣା ବେଦପାରଗାଃ।
ଦୃଷ୍ଟ୍ବା ତୁ ଦୁର୍ନିମିତ୍ତାନି ଜରାସନ୍ଧମଦର୍ଶଯନ୍॥ 2-21-26 (12159)
ପର୍ଯୁଗ୍ନ୍ଯକୁର୍ବଂଶ୍ଚ ନୃପଂ ଦ୍ବିରଦସ୍ଥଂ ପୁରୋହିତାଃ।
ତତସ୍ତଚ୍ଛାନ୍ତଯେ ରାଜା ଜରାସନ୍ଧଃ ପ୍ରତାପବାନ୍।
ଦୀକ୍ଷିତୋ ନିଯମସ୍ଥୋଽସାବୁପବାସପରୋଽଭବତ୍॥ 2-21-27 (12160)
ସ୍ନାତକବ୍ରତିନସ୍ତେ ତୁ ବାହୁଶସ୍ତ୍ରା ନିରାଯୁଧାଃ।
ଯୁଯୁତ୍ସବଃ ପ୍ରବିବିଶୁର୍ଜରାସନ୍ଧେନ ଭାରତ॥ 2-21-28 (12161)
ଭକ୍ଷ୍ଯମାଲ୍ଯାପଣାନାଂ ଚ ଦଦୃଶୁଃ ଶ୍ରିଯମୁତ୍ତମାମ୍।
ସ୍ଫୀତାଂ ସର୍ବଗୁଣୋପେତାଂ ସର୍ବକାମସମୃଦ୍ଧିନାମ୍॥ 2-21-29 (12162)
ତାଂ ତୁ ଦୃଷ୍ଟ୍ବା ସମୃଦ୍ଧିଂ ତେ ବୀଥ୍ଯାଂ ତସ୍ଯାଂ ନରୋତ୍ତମାଃ।
ରାଜମାର୍ଗେଣ ଗଚ୍ଛନ୍ତଃ କୃଷ୍ଣଭୀମଧନଞ୍ଜଯାଃ।
ବଲାଦ୍ଗୃହୀତ୍ବା ମାଲ୍ଯାନି ମାଲାକାରାନ୍ମହାବଲାଃ॥ 2-21-30 (12163)
`କର୍ପୂରଶୃଙ୍ଗଂ କୋଷ୍ଠଂ ଚ ସଫଲଂ ଚାନ୍ତରାପଣେ।
ବୈଶ୍ଯାଦ୍ବଲାଦ୍ଗୃହୀତ୍ବା ତେ ବିହୃତ୍ଯ ଚ ମହାରଥାଃ'॥ 2-21-31 (12164)
ବିରାଗବସନାଃ ସର୍ବେ ସ୍ରଗ୍ବିଣୋ ମୃଷ୍ଟକୁଣ୍ଡଲାଃ।
ନିବେଶନମଥାଜଗ୍ମୁର୍ଜରାସନ୍ଧସ୍ଯ ଧୀମତଃ॥ 2-21-32 (12165)
ଗୋବାସମିବ ବୀକ୍ଷନ୍ତଃ ସିଂହା ହୈମବତା ଯଥା।
ଶାଲସ୍ତମ୍ଭନିଭାସ୍ତେଷାଂ ଚନ୍ଦନାଗୁରୁରୂଷିତାଃ॥ 2-21-33 (12166)
ଅଶୋଭନ୍ତ ମହାରାଜ ବାହବୋ ଯୁଦ୍ଧଶାଲିନାମ୍।
ତାନ୍ଦୃଷ୍ଟ୍ବା ଦ୍ବିରଦପ୍ରଖ୍ଯାଞ୍ଶାଲସ୍କନ୍ଦାନିବୋଦ୍ଗତାନ୍॥ 2-21-34 (12167)
ବ୍ଯୂଢୋରସ୍କାନ୍ମାଗଧାନାଂ ବିସ୍ମଯଃ ସମପଦ୍ଯତ।
`ଅଦ୍ବାରେଣାଭ୍ଯବସ୍କନ୍ଦ୍ଯ ବିବିଶୁର୍ମାଗଧାଲଯମ୍'॥ 2-21-35 (12168)
ତେ ତ୍ବତୀତ୍ଯ ଜନାକୀର୍ଣାଃ କକ୍ଷାସ୍ତିସ୍ରୋ ନରର୍ଷଭାଃ।
ଅହଙ୍କାରେଣ ରାଜାନମୁପତସ୍ଥୁର୍ଗତବ୍ଯଥାଃ॥ 2-21-36 (12169)
`ଭୋ ଶବ୍ଦେନୈବ ରାଜାନମୁଚୁସ୍ତେ ତୁ ମହାରଥାଃ'।
ତାନ୍ପାଦ୍ଯମଧୁପର୍କାର୍ହାନ୍ଗବାର୍ହାନ୍ସତ୍କୃତିଂ ଗତାନ୍।
ପ୍ରତ୍ଯୁତ୍ଥାଯ ଜରାସନ୍ଧ ଉପତସ୍ଥେ ଯଥାବିଧି॥ 2-21-37 (12170)
ଉବାଚ ଚୈତାନ୍ରାଜାଽସୌ ସ୍ବାଗତଂ ବୋସ୍ତ୍ବିତି ପ୍ରଭୁଃ।
ମୌନମାସୀତ୍ତଦା ପାର୍ଥଭୀମଯୋର୍ଜନମେଜଯ॥ 2-21-38 (12171)
ତେଷାଂ ମଧ୍ଯେ ମହାବୁଦ୍ଧିଃ କୃଷ୍ଣୋ ବଚନମବ୍ରବୀତ୍।
ବକ୍ତୁଂ ନାଯାତି ରାଜେନ୍ଦ୍ର ଏତଯୋର୍ନିଯମସ୍ଥଯୋଃ॥ 2-21-39 (12172)
ଅର୍ବାଙ୍ନିଶୀଥାତ୍ପରତସ୍ତ୍ବାଯା ସାର୍ଧଂ ବଦିଷ୍ଯତଃ।
ଯଜ୍ଞାଗାରେ ସ୍ଥାପଯିତ୍ବା ରାଜା ରାଜଗୃହଂ ବଦିଷ୍ଯତଃ। 2-21-40 (12173)
ତତୋଽର୍ଧରାତ୍ରେ ସମ୍ପ୍ରାପ୍ତେ ଯାତୋ ଯତ୍ର ସ୍ଥିତା ଦ୍ବିଜାଃ।
ତସ୍ଯ ହ୍ଯେତଦ୍ବ୍ରତଂ ରାଜନ୍ବଭୂବ ଭୁବି ବିଶ୍ରୁତମ୍॥ 2-21-41 (12174)
ସ୍ନାତକାନ୍ବ୍ରାହ୍ମଣାନ୍ପ୍ରାପ୍ତାଞ୍ଶ୍ରୁତ୍ବା ସ ସମିତିଞ୍ଜଯଃ।
ଅପ୍ଯର୍ଧରାତ୍ରେ ନୃପତିଃ ପ୍ରତ୍ଯୁଦ୍ଗଚ୍ଛତି ଭାରତ॥ 2-21-42 (12175)
ତାଂସ୍ତ୍ବପୂର୍ବେଣ ବେଷେଣ ଦୃଷ୍ଟ୍ବା ସ ନୃପସତ୍ତମଃ।
ଉପତସ୍ଥେ ଜରାନ୍ଧୋ ବିସ୍ମିତଶ୍ଚାଭବତ୍ତଦା॥ 2-21-43 (12176)
ତେ ତୁ ଦୃଷ୍ଟ୍ବୈବ ରାଜାନଂ ଜରାସନ୍ଧଂ ନରର୍ଷଭାଃ।
ଇଦମୂଚୁରମିତ୍ରଘ୍ନାଃ ସର୍ବେ ଭରତସତ୍ତମ॥ 2-21-44 (12177)
ସ୍ବସ୍ତ୍ଯସ୍ତୁ କୁଶଲଂ ରାଜନ୍ନିତି ତତ୍ର ବ୍ଯବସ୍ଥିତାଃ।
ତଂ ନୃପଂ ନୃପଶାର୍ଦୂଲ ପ୍ରେକ୍ଷମାଣାଃ ପରସ୍ପରମ୍॥ 2-21-45 (12178)
ତାନବ୍ରବୀଞ୍ଜରାସନ୍ଧସ୍ତଥା ପାଣ୍ଡବଯାଦବାନ୍।
ଆସ୍ଯତାମିତି ରାଜେନ୍ଦ୍ର ବ୍ରାହ୍ମଣଚ୍ଛଦ୍ମସଂବୃତାନ୍॥ 2-21-46 (12179)
ଅଥୋପବିବିଶୁଃ ସର୍ବେ ତ୍ରଯସ୍ତେ ପୁରୁଷର୍ଷଭାଃ।
ସମ୍ପ୍ରଦୀପ୍ତାସ୍ତ୍ରଯୋ ଲକ୍ଷ୍ମ୍ଯା ମହାଧ୍ବର ଇବାଗ୍ନଯଃ॥ 2-21-47 (12180)
ତାନୁବାଚ ଜରାସନ୍ଧଃ ସତ୍ଯସନ୍ଧୋ ନରାଧିପଃ।
ବିଗର୍ହମାଣଃ କୌରବ୍ଯ ବେଷଗ୍ରହଣବୈକୃତାନ୍॥
ନ ସ୍ନାତକବ୍ରତା ବିପ୍ରା ବହିର୍ମାଲ୍ଯାନୁଲେପନାଃ॥ 2-21-48 (12181)
ଭବନ୍ତୀତି ନୃଲୋକେଽସ୍ମିନ୍ବିଦିତଂ ମମ ସର୍ବଶଃ।
କେ ଯୂଯଂ ପୁଷ୍ପବନ୍ତଶ୍ଚ ଭୁଜୈର୍ଜ୍ଯାକୃତଲକ୍ଷଣୈଃ॥ 2-21-49 (12182)
ବିଭ୍ରତଃ କ୍ଷାତ୍ରମୋଜଶ୍ଚ ବ୍ରାହ୍ମଣ୍ଯଂ ପ୍ରତିଜାନଥ।
ଏବଂ ବିରାଗବସନା ବହିର୍ମାଲ୍ଯାନୁଲେପନାଃ॥ 2-21-50 (12183)
` କ୍ଷତ୍ରିଯା ଏବ ଲୋକେଽସ୍ମିନ୍ବିଦିତା ମମ ସର୍ବଶଃ'॥
ସତ୍ଯଂ ବଦତ କେ ଯୂଯଂ ସତ୍ଯଂ ରାଜସୁ ଶୋଭତେ॥ 2-21-51 (12184)
ଚୈତ୍ଯକସ୍ଯ ଗିରେଃ ଶୃଙ୍ଗଂ ଭିତ୍ତ୍ବା କିମିହ ସଦ୍ମନି।
ଅଦ୍ବାରେଣ ପ୍ରବିଷ୍ଟାଃ ସ୍ଥ ନିର୍ଭଯା ରାଜକିଲ୍ବିଷାତ୍॥ 2-21-52 (12185)
ବଦଧ୍ବଂ ବାଚି ବୀର୍ଯଂ ଚ ବ୍ରାହ୍ମଣସ୍ଯ ବିଶେଷତଃ।
କର୍ମ ଚୈତଦ୍ବିଲିଙ୍ଗସ୍ଥଂ କିଂ ବୋଽଦ୍ଯ ପ୍ରସମୀକ୍ଷିତମ୍॥ 2-21-53 (12186)
ଏବଂ ଚ ମାମୁପାସ୍ଥାଯ କସ୍ମାଚ୍ଚ ବିଧିର୍ନାହଣାମ୍।
ପ୍ରଣୀତାଂ ନାନୁଗୃହ୍ଣୀତ କାର୍ଯଂ କିଂ ବାଽସ୍ମଦାଗମେ॥ 2-21-54 (12187)
ବୈଶମ୍ପାଯନ ଉବାଚ। 2-21-55x (1417)
ଏବମୁକ୍ତେ ତତଃ କୃଷ୍ଣଃ ପ୍ରତ୍ଯୁବାଚ ମହାମନାଃ।
ସ୍ନିଗ୍ଧଗମଭୀରଯା ବାଚା ବାକ୍ଯଂ ବାକ୍ଯବିଶାରଦଃ॥ 2-21-55 (12188)
କୃଷ୍ଣ ଉବାଚ। 2-21-56x (1418)
ସ୍ନାତକାନ୍ବ୍ରାହ୍ମଣାନ୍ରାଜନ୍ବିଦ୍ଧ୍ଯସ୍ମାଂସ୍ତ୍ବଂ ନରାଧିପ।
ସ୍ନାତକବ୍ରତିନୋ ରାଜନ୍ବ୍ରାହ୍ମଣାଃ କ୍ଷତ୍ରିଯା ବିଶଃ॥ 2-21-56 (12189)
ବିଶେଷନିଯମାଶ୍ଚୈଷାମବିଶେଷାଶ୍ଚ ସନ୍ତ୍ଯୁତ।
ବିଶେଷବାଂଶ୍ଚ ସତତଂ କ୍ଷତ୍ରିଯଃ ଶ୍ରିଯମୃଚ୍ଛତି॥ 2-21-57 (12190)
ପୁଷ୍ପବତ୍ସୁ ଧ୍ରୁବା ଶ୍ରୀଶ୍ଚ ପୁଷ୍ପବନ୍ତସ୍ତତୋ ବଯମ୍।
କ୍ଷତ୍ରିଯୋ ବାହୁବୀର୍ଯସ୍ତୁ ନ ତଥା ବାକ୍ଯବୀର୍ଯବାନ୍॥
ଅମ୍ପ୍ରଗଲ୍ଭଂ ବଚସ୍ତସ୍ଯ ତସ୍ମାଦ୍ବାର୍ହଦ୍ରଥେରିତମ୍॥ 2-21-58 (12191)
ସ୍ବବୀର୍ଯଂ କ୍ଷତ୍ରିଯାଣାଂ ତୁ ବାହ୍ବୋର୍ଧାତା ନ୍ଯବେଶଯତ୍।
ତଦ୍ଦିଦୃକ୍ଷସି ଚେଦ୍ରାଜନ୍ଦ୍ରଷ୍ଟାସ୍ଯଦ୍ଯ ନ ସଂଶଯଟଃ॥ 2-21-59 (12192)
ଅଦ୍ବାରେଣ ରିମ୍ପୋର୍ଗେହଂ ଦ୍ବାରେଣ ସୁହୃଦୋ ଗୃହାନ୍।
ପ୍ରବିଶନ୍ତି ନରା ଧୀରା ଦ୍ବାରାଣ୍ଯେତାନି ଧର୍ମତଃ॥ 2-21-60 (12193)
କାର୍ଯବନ୍ତୋ ଗୃହାନେତ୍ଯ ଶତ୍ରୁତୋ ନାର୍ହଣାଂ ବଯମ୍।
ପ୍ରତିଗୃହ୍ଣୀମ୍ ତଦ୍ବିଦ୍ବି ଏତନ୍ନଃ ଶାଶ୍ବତଂ ବ୍ରତମ୍॥ ॥ 2-21-61 (12194)
ଇତି ଶ୍ରୀମନ୍ମହାଭାରତେ ସଭାପର୍ବଣି ଜରାସନ୍ଧବଧପର୍ବଣି ଏକବିଂଶୋଽଧ୍ଯାଯଃ॥ 21॥
ସଭାପର୍ବ - ଅଧ୍ଯାଯ 022
॥ ଶ୍ରୀଃ ॥
2.22. ଅଧ୍ଯାଯଃ 022
Mahabharata - Sabha Parva - Chapter Topics
କୃଷ୍ଣଜରାସନ୍ଧଯୋର୍ବିବାଦାନନ୍ତରଂ ଜରାସନ୍ଧସ୍ଯ ଯୁଦ୍ଧୋଦ୍ଯମଃ॥ 1॥Mahabharata - Sabha Parva - Chapter Text
ଜରାସନ୍ଧ ଉବାଚ।
ନ ସ୍ମରାମି କଦା ବୈରଂ କୃତଂ ଯୁଷ୍ମାଭିରିତ୍ଯୁତ।
ଚିନ୍ତଯଂଶ୍ଚ ନ ପଶ୍ଯାମି ଭବତାଂ ପ୍ରତି ବୈକୃତମ୍॥ 2-22-1 (12195)
ବୈକୃତେ ବା ସତି କଥଂ ମନ୍ଯଧ୍ବଂ ମାମନାଗସମ୍।
ଅରିଂ ବୈ ବ୍ରୂତ ହେ ବିପ୍ରାଃ ସତାଂ ସମଯ ଏଷ ହି॥ 2-22-2 (12196)
ଅର୍ଥଧର୍ମୋପଘାତାଦ୍ଧି ମନଃ ସମୁପତପ୍ଯତେ।
ଯୋଽନାଗସି ପ୍ରସଜତି କ୍ଷତ୍ରିଯୋ ହି ନ ସଂଶଯଟଃ॥ 2-22-3 (12197)
ଅତୋଽନ୍ଯଥା ଚରଁଲ୍ଲୋକେ ଧର୍ମଜ୍ଞଃ ସନ୍ମହାରଥଃ।
ବୃଜିନାଂ ଗତିମାପ୍ନୋତି ଶ୍ରେଯସୋଽପ୍ଯୁପହନ୍ତି ଚ॥ 2-22-4 (12198)
ତ୍ରୈଲୋକ୍ଯେ କ୍ଷତ୍ରଧର୍ମୋ ହି ଶ୍ରେଯାନ୍ବୈ ସାଧୁଚାରିଣାମ୍।
ନାନ୍ଯଂ ଧର୍ମଂ ପ୍ରଶଂସନ୍ତି ଯେ ଚ ଧର୍ମବିଦୋ ଜନାଃ॥ 2-22-5 (12199)
ତସ୍ଯ ମେଽଦ୍ଯ ସ୍ଥିତସ୍ଯେହ ସ୍ବଧର୍ମେ ନିଯତାତ୍ମନଃ।
ଅନାଗସଂ ପ୍ରଜାନାଂ ଚ ପ୍ରମାଦାଦିବ ଜଲ୍ପଥ॥ 2-22-6 (12200)
କୃଷ୍ଣ ଉବାଚ। 2-22-7x (1419)
କୁଲକାର୍ଯଂ ମହାବାହୋ କଶ୍ଚିଦେକଃ କୁଲୋଦ୍ବହଃ।
ବହତେ ଯସ୍ତନ୍ନିଯୋଗାଦ୍ବଯମଭ୍ଯୁଦ୍ଯତାସ୍ତ୍ବଯି॥ 2-22-7 (12201)
ତ୍ବଯା ଚୋପହୃତା ରାଜନ୍କ୍ଷତ୍ରିଯା ଲୋକବାସିନଃ।
ତଦାଗଃ କ୍ରୂରମୁତ୍ପାଦ୍ଯ ମନ୍ଯସେ କିମନାଗସମ୍॥ 2-22-8 (12202)
ରାଜା ରାଜ୍ଞଃ କଥଂ ସାଧୂନ୍ହିଂସ୍ଯାନ୍ନୃପତିସତ୍ତମ।
ତଦ୍ରାଜ୍ଞଃ ସନ୍ନିଗୃହ୍ଯ ତ୍ବଂ ରୁଦ୍ରାଯୋପଜିହୀର୍ଷସି॥ 2-22-9 (12203)
ଅସ୍ମାଂସ୍ତଦେନୋପଗଚ୍ଛେତ୍କୃତଂ ବାର୍ହଦ୍ରଥ ତ୍ବଯା।
ବଯଂ ହିଂ ଶକ୍ତା ଧର୍ମସ୍ଯ ରକ୍ଷଣେ ଧର୍ମଚାରିଣଃ॥ 2-22-10 (12204)
`ତସ୍ମାଦଦ୍ଯୋପଗଚ୍ଛାମସ୍ତବ ବାର୍ହଦ୍ରଥାନ୍ତିକମ୍'।
ମନୁଷ୍ଯାଣାଂ ସମାଲମ୍ଭୋ ନ ଚ ଦୃଷ୍ଟଃ କଦାଚନ।
ସ କଥଂ ମାନୁଷୈର୍ଦେବଂ ଯଷ୍ଟୁମିଚ୍ଛସି ଶଙ୍କରମ୍॥ 2-22-11 (12205)
ସବର୍ଣୋ ହି ସବର୍ଣାନାଂ ପଶୁସଞ୍ଜ୍ଞାଂ କରିଷ୍ଯସି।
କୋଽନ୍ଯଂ ଏବଂ ଯଥା ହି ତ୍ବଂ ଜରାସନ୍ଧ ବୃଥାମତିଃ॥ 2-22-12 (12206)
ଯସ୍ଯାଂ ଯସ୍ଯାମବସ୍ଥାଯାଂ ଯଦ୍ଯତ୍କର୍ମ କରୋତି ଯଃ।
ତସ୍ଯାଂ ତସ୍ଯାମବସ୍ଥାଯାଂ ତତ୍ଫଲଂ ସମବାପ୍ନୁଯାତ୍॥ 2-22-13 (12207)
ତେ ତ୍ବାଂ ଜ୍ଞାତିକ୍ଷଯକରଂ ଯମମାର୍ତାନୁସାରିଣଃ।
ଜ୍ଞାତିବୃଦ୍ଧିନିମିତ୍ତାର୍ଥଂ ବିନିହନ୍ତୁମିହାଗତାଃ॥ 2-22-14 (12208)
ନାସ୍ତି ଲୋକେ ପୁମାନନ୍ଯଃ କ୍ଷତ୍ରିଯୋଷ୍ବିତି ଚୈବ ତତ୍।
ମନ୍ଯସେ ସ ଚ ତେ ରାଜନ୍ସୁମହାନ୍ବୁଦ୍ଧିବିପ୍ଲବଃ॥ 2-22-15 (12209)
କୋ ହି ଜାନନ୍ନଭିଜନମାତ୍ମବାନ୍କ୍ଷତ୍ରିଯୋ ନୃପ।
ନାବିଶେତ୍ସ୍ବର୍ଗମତୁଲଂ ରଣାନନ୍ତରମବ୍ଯଯମ୍॥ 2-22-16 (12210)
ସ୍ବର୍ଗଂ ହ୍ଯେବ ସମାସ୍ଥାଯ ରଣଯଜ୍ଞେଷୁ ଦୀକ୍ଷିତାଃ।
ଜଯନ୍ତି କ୍ଷତ୍ରିଯା ଲୋକାଂସ୍ତଦ୍ବିଦ୍ଧି ମନୁଜର୍ଷଭ॥ 2-22-17 (12211)
ସ୍ବର୍ଗଯୋନିର୍ମହଦ୍ବ୍ରହ୍ମ ସ୍ବର୍ଗଯୋନିର୍ମହଦ୍ଯଶଃ।
ସ୍ବର୍ଗଂ ଯୋନିସ୍ତପୋ ଯୁଦ୍ଧେ ମୃତ୍ଯୁଃ ସୋଽବ୍ଯଭିଚାରବାନ୍॥ 2-22-18 (12212)
ଏଷ ହ୍ଯୈନ୍ଦ୍ରୋ ବୈଜଯନ୍ତୋ ଗୁଣୈର୍ନିତ୍ଯଂ ସମାହିତଃ।
ଯେନାସୁରାନ୍ପରାଜିତ୍ଯ ଜଗତ୍ପାତି ଶତକ୍ରତୁଃ॥ 2-22-19 (12213)
ସ୍ବର୍ଗମାର୍ଗାଯ କସ୍ଯ ସ୍ଯାଦ୍ବିଗ୍ରହୋ ବୈ ଯଥା ତବ।
ମାଗଧୈର୍ବିପୁଲୈଃ ସୈନ୍ଯୈର୍ବାହୁଲ୍ଯବଲଦର୍ପିତଃ॥ 2-22-20 (12214)
ମାଽବମଂସ୍ଥାଃ ପରାନ୍ରାଜନ୍ନାସ୍ତି ବୀର୍ଯଂ ନରେ ନରେ।
ସମଂ ଚେଜସ୍ତ୍ବଯା ଚୈବ ବିଶିଷ୍ଟଂ ବା ନରେଶ୍ବର॥ 2-22-21 (12215)
ଯାବଦେତଦସମ୍ବୁଦ୍ଧଂ ତାବଦେବ ଭବେତ୍ତବ।
ବିଷହ୍ଯମେତଦସ୍ମାକମତୋ ରାଜନ୍ବ୍ରବୀମି ତେ॥ 2-22-22 (12216)
ଜହି ତ୍ବଂ ସଦୃଶେଷ୍ବେବ ମାନଂ ଦର୍ପଂ ଚ ମାଗଧ।
ମା ଗମଃ ସସୁତାମାତ୍ଯଃ ସବଲଶ୍ଚ ଯମକ୍ଷଯମ୍॥ 2-22-23 (12217)
ଦମ୍ଭୋଦ୍ଭବଃ କାର୍ତବୀର୍ଯ ଉତ୍ତରଶ୍ଚ ବୃହଦ୍ରଥଃ।
ଶ୍ରେଯସୋ ହ୍ଯବମତ୍ଯେହ ବିନେଶୁଃ ସବଲା ନୃପାଃ॥ 2-22-24 (12218)
ଯୁଯୁକ୍ଷମାଣାସ୍ତ୍ବତ୍ତୋ ହି ନ ବଯଂ ବ୍ରାହ୍ମଣା ଧ୍ରୁବମ୍।
ଶୌରିରସ୍ମି ହୃଷୀକେଶୋ ନୃବୀରୌ ପାଣ୍ଡବାବିମୌ।
ଅନଯୋର୍ମାତୁଲେଯଂ ଚ କୃଷ୍ଣଂ ମାଂ ବିଦ୍ଧି ତେ ରିପୁମ୍॥ 2-22-25 (12219)
ତ୍ବାମାହ୍ବଯାମହେ ରାଜନ୍ସ୍ଥିରୋ ଯୁଧ୍ବସ୍ବ ମାଗଧ।
ମୁଚ୍ଛ ବା ନୃପତୀନ୍ସର୍ବାନ୍ ଗଚ୍ଛ ବା ତ୍ବଂ ଯମକ୍ଷଯମ୍॥ 2-22-26 (12220)
` ବୈଶମ୍ପାଯନ ଉବାଚ॥ 2-22-27x (1420)
ଏତଚ୍ଛ୍ରୁତ୍ବା ଜରାସନ୍ଧଃ କ୍ରୁଦ୍ଧୋ ବଚନମବ୍ରବୀତ୍॥ 2-22-27 (12221)
ନାହଂ କଂସଃ ପ୍ରଲମ୍ବୋ ବା ନ ବାଣୋ ନ ଚ ମୁଷ୍ଟିକଃ।
ନରକୋ ନେନ୍ଦ୍ରତପନୋ ନ କେଶୀ ନ ଚ ପୂତନା॥ 2-22-28 (12222)
ନ କାଲଯବନୋ ବାଽପି ଯେ ତ୍ବଯା ନିହତା ଯୁଧି।
ତ୍ବଂ ତୁ ଗୋପକୁଲୋତ୍ପନ୍ନୋ ଜାତିଂ ବୈ ପୌର୍ବିକୀଂ ସ୍ମର॥ 2-22-29 (12223)
ଯୋଽସ୍ମଦ୍ଭଯାଦତିକ୍ରମ୍ଯ ସାଗରାନୂପମାଶ୍ରିତଃ।
ଜନ୍ମଭୂମିଂ ପରିତ୍ଯଜ୍ଯ ମଧୁରାଂ ପ୍ରାକୃତୋ ଯଥା॥ 2-22-30 (12224)
ସୋଽଧୁନା କତ୍ଥସେ ଶୌରେ ଶରଦୀବ ଯଥା ଘନଃ।
ଅଦ୍ଯାନୃଣ୍ଯଂ କରିଷ୍ଯାମି ଭୋଜରାଜସ୍ଯ ଧୀମତଃ॥ 2-22-31 (12225)
ଜାମାତୁରୌଗ୍ରସେନସ୍ଯ ତ୍ବାଂ ନିହତ୍ଯାଦ୍ଯ ମାଧବ।
ଚିରକାଙ୍କ୍ଷିତୋ ମେ ସଙ୍ଗ୍ରାମସ୍ତ୍ବାଂ ହନ୍ତୁଂ ସମୁହୃଦ୍ଗୁଣମ୍॥ 2-22-32 (12226)
ଦିଷ୍ଟ୍ଯା ମେ ସଫଲୋ ଯତ୍ନଃ କୃତୋ ଦେବୈଃ ସବାସବୈଃ।
କ୍ଲୀବାବିମୌ ଚ ଗୋବିନ୍ଦ ଭୀମସେନାର୍ଜୁନାବୁଭୌ॥ 2-22-33 (12227)
ହିଂସ୍ଯାସି ଯୁଧି ବିକ୍ରମ୍ଯ ସିଂହଃ କ୍ଷୁଦ୍ରମୃଗାବିବ। 2-22-34 (12228)
ବୈଶମ୍ପାଯନ ଉବାଚ॥
ତସ୍ଯ ରୋଷାଭିଭୂତସ୍ଯ ଜରାସନ୍ଧସ୍ଯ ଗର୍ଜତଃ॥ 2-22-34x (1421)
ସର୍ବଭୂତାନି ବିତ୍ରେମୁଷେ ତତ୍ରାସନ୍ସମାଗତାଃ। 2-22-35 (12229)
ଶ୍ରୀଭଗବାନୁବାଚ॥
କିଂ ଗର୍ଜସି ଜରାସନ୍ଧ କର୍ମଣା ତତ୍ସମାଚର॥ 2-22-35x (1422)
ମମ ନିର୍ଦେଶକର୍ତୃଭ୍ଯାଂ ପାଣ୍ଡବାଭ୍ଯାଂ ନୃପାଧମ।
ସମାତ୍ଯଂ ସସୁତଂ ଚାଦ୍ଯ ଘାତଯିଷ୍ଯାମ୍ଯହଂ ରଣେ।
ନ କଥଞ୍ଚନ ଜୀବନ୍ବୈ ପ୍ରବେକ୍ଷ୍ଯସି ପୁରୋତ୍ତମମ୍'॥ 2-22-36 (12230)
ଜରାସନ୍ଧ ଉବାଚ। 2-22-37x (1423)
ନାଜିତାନ୍ବୈ ନରପତୀନହମାଦଦ୍ମି କାଶ୍ଚନ।
ଅଜିତଃ ପର୍ଯବସ୍ଥାତା କୋଽତ୍ର ଯୋ ନ ମଯା ଜିତଃ॥ 2-22-37 (12231)
କ୍ଷତ୍ରିଯସ୍ଯୈତଦେବାହୁର୍ଧର୍ମ୍ଯଂ କୃଷ୍ଣୋପଜୀବନମ୍।
ବିକ୍ରମ୍ଯ ବଶମାନୀଯ କାମତୋ ଯତ୍ସମାଚରେତ୍॥ 2-22-38 (12232)
ଦେବାତାର୍ଥମୁପାହୃତ୍ଯ ରାଜ୍ଞଃ କୃଷ୍ଣ କଥଂ ଭଯାତ୍।
ଅହମଦ୍ଯ ବିମୁଚ୍ଯେଯଂ କ୍ଷାତ୍ରଂ ବ୍ରତମନୁସ୍ମରନ୍॥ 2-22-39 (12233)
ସୈନ୍ଯଂ ସୈନ୍ଯେନ ବ୍ଯୂଢେନ ଏକ ଏକେନ ବା ପୁନଃ।
ଦ୍ବାଭ୍ଯାଂ ତ୍ରିଭିର୍ବା ଯୋତ୍ସ୍ଯେଽହଂ ଯୁଗତ୍ପୃଥଗେବ ବା॥ 2-22-40 (12234)
ବୈଶମ୍ପାଯ ଉବାଚ। 2-22-41x (1424)
ଏବମୁକ୍ତ୍ବା ଜରାସନ୍ଧଃ ସହଦେବାଭିଷେଚନମ୍।
ଅଜ୍ଞାପଯତ୍ତଦା ରାଜା ଯଯୁତ୍ସୁର୍ଭୀମକର୍ମଭିଃ॥ 2-22-41 (12235)
ସ ତୁ ସେନାପତିଂ ରାଜା ସସ୍ମାର ଭରତର୍ଷଭ।
କୌଶିକଂ ଚିତ୍ରସେନଂ ଚ ତସ୍ମିନ୍ଯୁଦ୍ଧ ଉପସ୍ଥିତେ॥ 2-22-42 (12236)
ଯଯୋସ୍ତେ ନାମନୀ ରାଜନ୍ହଂସେତି ଡିବିକେତି ଚ।
ପୂର୍ବଂ ସଙ୍କଥିତେ ପୁମ୍ଭିର୍ନୃଲୋକେ ଲୋକସତ୍କୃତେ॥ 2-22-43 (12237)
ତଂ ତୁ ରାଜନ୍ବିଭୁଃ ଶୌରୀ ରାଜାନଂ ବଲିନାଂ ବରମ୍।
ସ୍ମୃତ୍ବା ପୁରୁଷଶାର୍ଦୂଲଃ ଶାର୍ଦୂଲସମବିକ୍ରମମ୍॥ 2-22-44 (12238)
ସତ୍ଯସନ୍ଧୋ ଜରାସନ୍ଧଂ ଭୁବି ଭୀମପରାକ୍ରମମ୍।
ଭାଗମନ୍ଯସ୍ଯ ନିର୍ଦିଷ୍ଟମବଧ୍ଯଂ ମଧୁର୍ଭିର୍ମୃଧେଃ॥ 2-22-45 (12239)
ନାତ୍ମନାଽଽତ୍ମବତାଂ ମୁଖ୍ଯ ଇଯେଷ ମଧୁସୂଦନଃ।
ବ୍ରାହ୍ମୀମାଜ୍ଞାଂ ପୁରସ୍କୃତ୍ଯ ହନ୍ତୁଂ ହଲଧରାନୁଜଃ॥ ॥ 2-22-46 (12240)
ଇତି ଶ୍ରୀମନ୍ମହାଭାରତେ ସଭାପର୍ବଣି ଜରାସନ୍ଧବଧପର୍ବଣି ଦ୍ବାବିଂଶୋଽଧ୍ଯାଯଃ॥ 2॥
Mahabharata - Sabha Parva - Chapter Footnotes
2-22-45 ମଧୁଭିର୍ଯାଦବୈଃ। ଷ୍ଟଂ ବଧ୍ଯ ମତ୍ବା ତଦାଚ୍ଯୁତଃ ଇତି ପାଠଃ॥ସଭାପର୍ବ - ଅଧ୍ଯାଯ 023
॥ ଶ୍ରୀଃ ॥
2.23. ଅଧ୍ଯାଯଃ 023
Mahabharata - Sabha Parva - Chapter Topics
କୃଷ୍ଣଜରାସନ୍ଧଯୋର୍ଦ୍ବେଷକାରଣକଥନମ୍॥ 1॥Mahabharata - Sabha Parva - Chapter Text
ଜନମେଜଯ ଉବାଚ।
କିମର୍ଥଂ ବୈରିଣାବାସ୍ତାମୁଭୌ ତୌ କୃଷ୍ଣମାଗଧୌ।
କଥଂ ଚ ନିର୍ଜିତଃ ସଙ୍ଖ୍ଯେ ଜରାସନ୍ଧେନ ମାଧବଃ॥ 2-23-1 (12241)
କଶ୍ଚ କଂସୋ ମାଗଧସ୍ଯ ଯସ୍ଯ ହେତୋଃ ସ ବୈରବାନ୍।
ଏତଦାଚକ୍ଷ୍ବ ମେ ସର୍ବଂ ବୈଶମ୍ପାଯନ ତତ୍ବତଃ॥ 2-23-2 (12242)
ବୈଶମ୍ପାଯନ ଉବାଚ॥ 2-23-3x (1425)
ଯାଦବାନାମନ୍ବବାଯେ ବସୁଦେବୋ ମହାମତିଃ।
ଉଦପଦ୍ଯତ ବାର୍ଷ୍ଣେଯୋ ହ୍ଯୁଗ୍ରସେନସ୍ଯ ମନ୍ତ୍ରଭୃତ୍॥ 2-23-3 (12243)
ଉଗ୍ରସେନସ୍ଯ କଂସସ୍ତୁ ବଭୂବ ବଲବାନ୍ସୁତଃ।
ଜ୍ଯେଷ୍ଠୋ ବହୂନାଂ କୌରବ୍ଯ ସର୍ବଶସ୍ତ୍ରବିଶାରଦଃ॥ 2-23-4 (12244)
ଜରାସନ୍ଧସ୍ଯ ଦୁହିତା ତସ୍ଯ ଭାର୍ଯାଽତିବିଶ୍ରୁତା।
ରାଜ୍ଯଶୁକ୍ଲେନ ଦତ୍ତା ସା ଜରାସନ୍ଧେନ ଧୀମତା॥ 2-23-5 (12245)
ତଦର୍ଥମୁଗ୍ରସେନସ୍ଯ ମଧୁରାଯାଂ ସୁତସ୍ତଦା।
ଅଭିଷିକ୍ତସ୍ତଦାଽମାତ୍ଯୈଃ ସ ବୈ ତୀବ୍ରପରାକ୍ରମଃ॥ 2-23-6 (12246)
ଐଶ୍ବର୍ଯବଲମତ୍ତସ୍ତୁ ସ ତଦା ବଲମୋହିତଃ।
ନିଗୃହ୍ଯ ପିତରଂ ଭୁଙ୍କ୍ତେ ତଦ୍ରାଜ୍ଯଂ ମନ୍ତ୍ରିଭିଃ ସହ॥ 2-23-7 (12247)
ବସୁଦେବସ୍ଯ ତତ୍କୃତ୍ଯଂ ନ ଶୃଣୋତି ସ ମନ୍ଦଧୀଃ।
ତ ତେନ ସହ ତଦ୍ରାଜ୍ଯଂ ଧର୍ମତଃ ପର୍ଯପାଲଯତ୍॥ 2-23-8 (12248)
ପ୍ରୀତିମାନ୍ସ ତୁ ଦୈତ୍ଯେନ୍ଦ୍ରୋ ବସୁଦେବସ୍ଯ ଦେବକୀମ୍।
ଉବାହ ଭାର୍ଯା ସ ତଦା ଦୁହିତା ଦେବକସ୍ଯ ଯା॥ 2-23-9 (12249)
ତସ୍ଯାମୁଦ୍ବାହ୍ଯମାନାଯାଂ ରଥେନ ଜନମେଜଯ।
ଉପାରୁରୋହ ବାର୍ଷ୍ଣେଯଂ କଂସୋ ଭୂମିପତିସ୍ତଦା॥ 2-23-10 (12250)
ତତୋଽନ୍ତରିକ୍ଷେ ବାଗାସୀଦ୍ଦେବଦୂତସ୍ଯ କସ୍ଯଚିତ୍।
ବସୁଦେବଶ୍ଚ ଶୁଶ୍ରାବ ତାଂ ବାଚଂ ପାର୍ଥିବଶ୍ଚ ସଃ॥ 2-23-11 (12251)
ଯାମେତାଂ ବହମାନୋଽଦ୍ଯ କଂସୋଦ୍ବହସି ଦେବକୀମ୍।
ଅସ୍ଯା ଯଶ୍ଚାଷ୍ଟମୋ ଗର୍ଭଃ ସ ତେ ମୃତ୍ଯୁର୍ଭବିଷ୍ଯତି॥ 2-23-12 (12252)
ସୋଽବତୀର୍ଯ ତତୋ ରାଜା ଖଡ୍ଗମୁଦ୍ଧୃତ୍ଯ ନିର୍ମଲମ୍।
ଇଯେଷ ତସ୍ଯା ମୂର୍ଧାନଂ ଛେତ୍ତୁଂ ପରମଦୁର୍ମତିଃ॥ 2-23-13 (12253)
ସାନ୍ତ୍ବଯନ୍ସ ତଦା କଂସଂ ହସନ୍କୋଧବଶାନୁଗମ୍।
ରାଜନ୍ନନୁନଯାମାସ ବସୁଦେବୋ ମହାମତିଃ॥ 2-23-14 (12254)
ଅହିଂସ୍ଯାଂ ପ୍ରମଦାମାହୁଃ ସର୍ବଧର୍ମେଷୁ ପାର୍ଥିବ।
ଅକସ୍ମାଦବଲାଂ ନାରୀଂ ହନ୍ତାସୀମାମନାଗସୀମ୍॥ 2-23-15 (12255)
ଯଚ୍ଚ ତେଽତ୍ର ଭଯଂ ରାଜଞ୍ଶକ୍ଯତେ ବାଧିତୁଂ ତ୍ବଯା।
ଇଯଂ ଶକ୍ଯା ପାଲଯିତୁଂ ସମଯଂ ଚୈବ ରକ୍ଷିତୁମ୍॥ 2-23-16 (12256)
ଅସ୍ଯାସ୍ତ୍ବମଷ୍ଟମଂ ଗର୍ଭଂ ଜାତମାତ୍ରଂ ମହୀପତେ।
ବିଧ୍ବଂସଯ ତଦା ପ୍ରାପ୍ତମେବଂ ପରିହୃତଂ ଭବେତ୍॥ 2-23-17 (12257)
ଏବଂ ସ ରାଜା କଥିତୋ ବସୁଦେବେନ ଭାରତ।
ତସ୍ଯ ତଦ୍ବଚନଂ ଚକେ ଶୂରସେନପତିସ୍ତଦା॥ 2-23-18 (12258)
ତତସ୍ତସ୍ଯାଂ ସମ୍ବଭୂବୁଃ କୁମାରାଃ ସୂର୍ଯବର୍ଚସଃ।
ଜାତାଞ୍ଚାତାଂସ୍ତୁ ତାନ୍ସର୍ବାଞ୍ଜଘାନ ମଧୁରେଶ୍ବରଃ॥ 2-23-19 (12259)
ଅଥ ତସ୍ଯାଂ ସମଭବଦ୍ବଲଦେବସ୍ତୁ ସତ୍ତମଃ।
ଯାମ୍ଯତା ମାଯଯା ତଂ ତୁ ଯମୋ ରାଜା ବିଶାମ୍ପତେ॥ 2-23-20 (12260)
ଦେବକ୍ଯା ଗର୍ଭମତୁଲଂ ରୋହିଣ୍ଯା ଜଠରେଽକ୍ଷିପତ୍।
ଆକୃଷ୍ଯ କର୍ଷଣାତ୍ସମ୍ଯକ୍ସଙ୍କର୍ଷଣଂ ଇତି ସ୍ମୃତଃ॥ 2-23-21 (12261)
ବଲଶ୍ରେଷ୍ଠତଯା ତସ୍ଯ ବଲଦେବ ଇତି ସ୍ମୃତଃ।
ପୁନସ୍ତସ୍ଯାଂ ସମଭବଦଷ୍ଟମୋ ମଧୁମୂଦନଃ॥ 2-23-22 (12262)
ତସ୍ଯ ଗର୍ଭସ୍ଯ ରକ୍ଷାଂ ତୁ ସ ଚକ୍ରେଽଭ୍ଯଧିକଂ ନୃପଃ।
ତତଃ କାଲେ ରକ୍ଷଣାର୍ଥଂ ବସୁଦେବସ୍ଯ ତତ୍ବତଃ॥ 2-23-23 (12263)
ଉଗ୍ରଃ ପ୍ରଯୁକ୍ତଃ କଂସେନ ସଚିବଃ କ୍ରୂରକର୍ମକୃତ୍॥ 2-23-24 (12264)
ଜାତମାତ୍ରଂ ବାସୁଦେବମଥାକୃଷ୍ଯ ପିତା ତତଃ।
ଉପଜହ୍ରେ ପରିକ୍ରୀତାଂ ସୁତାଂ ଗୋପସ୍ଯ କସ୍ଯଚିତ୍॥ 2-23-25 (12265)
ଅମୃଷ୍ଯମାଣସ୍ତଂ ଶବ୍ଦଂ ଦେବଦୂତସ୍ଯ ପାର୍ଥିବଃ।
ବାସୁଦେବଂ ମହାତ୍ମାନମର୍ପଯାମାସ ଗୋକୁଲେ॥ 2-23-26 (12266)
ବାସୁଦେବୋପି ଗୋପେଷୁ ବବୃଧେଽବ୍ଜମିବାମ୍ଭସି।
ଅଜ୍ଞାଯମାନଃ କଂସେନ ଗୂଢୋଽଗ୍ନିରିବ ଦାରୁଷୁ॥ 2-23-27 (12267)
ବିପ୍ରଚକେ ତଦା ସର୍ବାନ୍ବଲ୍ଲବାନ୍ମଧୁରେଶ୍ବରଃ।
ବର୍ଧମାନୋ ମହାବାହୁସ୍ତେଜୋବଲସମନ୍ବିତଃ॥ 2-23-28 (12268)
ତତସ୍ତେ କ୍ଲିଶ୍ଯମାନାସ୍ତୁ ପୁଣ୍ଡରୀକାକ୍ଷମଚ୍ଯୁତମ୍।
ଭଯେନ କାମାଦପରେ ଗଣଶଃ ପର୍ଯବାରଯନ୍॥ 2-23-29 (12269)
ସ ତୁ ଲବ୍ଧ୍ବା ବଲଂ ରାଜନ୍ନୁଗ୍ରସେନସ୍ଯ ସଂମତଃ।
ବସୁଦେବାତ୍ମଜଃ ସର୍ବୈର୍ଭ୍ରାତୃଭିଃ ସହିତଂ ପୁନଃ॥ 2-23-30 (12270)
ନିର୍ଜିତ୍ଯ ଯୁଧି ଭୋଜେନ୍ଦ୍ରଂ ହତ୍ବା କଂସଂ ମହାବଲଃ।
ଅଭ୍ଯଷିଞ୍ଚତ୍ତତୋ ରାଜ୍ଯ ଉଗ୍ରସେନଂ ବିଶାମ୍ପତେ॥ 2-23-31 (12271)
ତତଃ ଶ୍ରୁତ୍ବା ଜରାସନ୍ଧୋ ମାଧବେନ ହତଂ ଯୁଧି।
ଶୂରସେନାଧିପଂ ଚକ୍ରେ କଂସପୁତ୍ରଂ ତଦା ନୃପ॥ 2-23-32 (12272)
ସସୈନ୍ଯଂ ମହଦୁତ୍ଥାପ୍ଯ ବାସୁଦେବଂ ତଦା ନୃପ।
ଅଭ୍ଯଷିଞ୍ଚତ୍ସୁତଂ ତତ୍ର ସୁତାଯା ଜନମେଜଯ॥ 2-23-33 (12273)
ଉଗ୍ରସେନଂ ଚ ବୃଷ୍ଣୀଂଶ୍ଚ ମହାବଲସମନ୍ବିତଃ।
ସ ତତ୍ର ବିପ୍ରକୁରୁତେ ଜରାସନ୍ଧଃ ପ୍ରତାପବାନ୍॥ 2-23-34 (12274)
ଏତଦ୍ବୈରଂ କୌରବେଯ ଜରାସନ୍ଧସ୍ଯ ମାଧବେ।
ଆଶାସିତାର୍ଥେ ରାଜେନ୍ଦ୍ର ସଂରୁରୋଧ ବିନିର୍ଜିତାନ୍॥ 2-23-35 (12275)
ପାର୍ଥିବୈସ୍ତୈର୍ନୃପତିଭିର୍ଯକ୍ଷ୍ଯମାଣଃ ସମୃଦ୍ଧିମାନ୍।
ଦେବଶ୍ରେଷ୍ଠଂ ମହାଦେବଂ କୃତ୍ତିବାସଂ ତ୍ରିଯମ୍ବକମ୍॥ 2-23-36 (12276)
ଏତତ୍ସର୍ବଂ ଯଥାବୃତ୍ତଂ କଥିତଂ ଭରତର୍ଷଭ।
ଯଥା ତୁ ସ ହତୋ ରାଜା ଭୀମସେନେନ ତଚ୍ଛୃଣୁ॥ ॥ 2-23-37 (12277)
ଇତି ଶ୍ରୀମନ୍ମହାଭାରତେ ସଭାପର୍ବଣି ଜରାସନ୍ଧବଧପର୍ବଣି ତ୍ରଯୋର୍ବିଂଶୋଽଧ୍ଯାଯଃ॥ 23॥
ସଭାପର୍ବ - ଅଧ୍ଯାଯ 024
॥ ଶ୍ରୀଃ ॥
2.24. ଅଧ୍ଯାଯଃ 024
Mahabharata - Sabha Parva - Chapter Topics
ଭୀମଜରାସନ୍ଧଯୋଃ ସ୍ବସ୍ତ୍ଯଯନପୂର୍ବକଂ ଯୁଦ୍ଧାରମ୍ଭଃ॥ 1॥ ଶ୍ରୀକୃଷ୍ଣପ୍ରୋତ୍ସାହିତସ୍ଯ ଭୀମସ୍ଯ ଜରାସନ୍ଧବଧୋଦ୍ଯମଃ॥ 2॥Mahabharata - Sabha Parva - Chapter Text
ତତସ୍ତଂ ନିଶ୍ଚିତାତ୍ମାନଂ ଯୁଦ୍ଧାଯ ଯଦୁନନ୍ଦନଃ।
ଉବାଚ ବାଗ୍ମୀ ରାଜାନଂ ଜରାସନ୍ଧମଧୋକ୍ଷଜଃ॥ 2-24-1 (12278)
ତ୍ରଯାଣାଂ କେନ ତେ ରାଜନ୍ଯୋଦ୍ଧୁମୁତ୍ସହତେ ମନଃ।
ଅସ୍ମଦନ୍ଯତମେନେହ ସଜ୍ଜୀଭବତୁ କୋ ଯୁଧି॥ 2-24-2 (12279)
ଏବମୁକ୍ତଃ ସ ନୃପତିର୍ଯୁଦ୍ଧଂ ବବ୍ରେ ମହାଦ୍ଯୁତିଃ।
ଜରାସନ୍ଧସ୍ତତୋ ରାଜା ଭୀମସେନେନ ମାଗଧଃ॥ 2-24-3 (12280)
`ଧାରଯନ୍ତଂ ଗଦାଂ ଦିବ୍ଯାଂ ବଲଂ ଶ୍ରୁତ୍ବା ଚ ନିର୍ବୃତଃ।
ଅର୍ଜୁନ ବାସୁଦେବଂ ଚ ବଜର୍ଯିତ୍ବା ସ ମାଗଧଃ॥ 2-24-4 (12281)
ମତ୍ବା ଦେବଂ ଗୋପ ଇତି ବାଲୋଽର୍ଜୁନ ଇତି ସ୍ମ ହ'।
ଆଦାଯ ରୋଜନାଂ ମାଲ୍ଯଂ ମଙ୍ଗଲ୍ଯାନ୍ଯପରାଣି ଚ॥ 2-24-5 (12282)
ଧାରଯନ୍ନଗଦାନ୍ମୁଖ୍ଯାନ୍ନିର୍ବୃତୀର୍ବେଦନାନି ଚ।
ଉପତସ୍ଥେ ଜରାସନ୍ଧଂ ଯୁଯୁତ୍ସୁଂ ବୈ ପୁରୋହିତଃ॥ 2-24-6 (12283)
କୃତସ୍ବସ୍ତ୍ଯଯନୋ ରାଜା ବ୍ରାହ୍ମଣେନ ଯଶସ୍ବିନା।
ସମନହ୍ଯଜ୍ଜରାସନ୍ଧଃ କ୍ଷାତ୍ରଂ ଧର୍ମମନୁସ୍ମରନ୍॥ 2-24-7 (12284)
ଅବମୁଚ୍ଯ କିରୀଟଂ ସ କେଶାନ୍ସମନୁମୃଜ୍ଯ ଚ।
ଉଦତିଷ୍ଠଜ୍ଜରାସନ୍ଧୋ ବେଲାତିଗ ଇବାର୍ଣବଃ॥ 2-24-8 (12285)
ଉବାଚ ମତିମାନ୍ରାଜା ଭୀମଂ ଭୀମପରାକ୍ରମଃ।
ଭୀମ ଯୋତ୍ସ୍ଯେ ତ୍ବଯା ସାର୍ଧଂ ଶ୍ରେଯସା ନିର୍ଜିତଂ ବରମ୍॥ 2-24-9 (12286)
ଏବମୁକ୍ତ୍ବା ଜରାସନ୍ଧୋ ଭୀମସେନମରିନ୍ଦମଃ।
ପ୍ରତ୍ଯୁଦ୍ଯଯୌ ମହାତେଜାଃ ଶକ୍ରଂ ବଲ ଇବାସୁରଃ॥ 2-24-10 (12287)
ତତଃ ସଂମନ୍ତ୍ର୍ଯ କୃଷ୍ଣେନ କୃତସ୍ବସ୍ତ୍ଯଯନୋ ବଲୀ।
ଭୀମସେନୋ ଜରାସନ୍ଧମାସସାଦ ଯୁଯୁତ୍ସଯା॥ 2-24-11 (12288)
ତତସ୍ତୌ ନରଶାର୍ଦୂଲୌ ବାହୁଶସ୍ତ୍ରୌ ସମୀଯତୁଃ।
ବୀରୌ ପରମସଂହୃଷ୍ଟାବନ୍ଯୋନ୍ଯଜଯକାଙ୍କ୍ଷିଣୌ॥ 2-24-12 (12289)
କରଗ୍ରହଣପୂର୍ବଂ ତୁ କୃତ୍ବା ପାଦାଭିବନ୍ଦନମ୍।
କକ୍ଷୈଃ କକ୍ଷାଂ ବିଧୁନ୍ବାନାବାସ୍ଫୋଟଂ ତତ୍ର ଚକ୍ରତୁଃ॥ 2-24-13 (12290)
ସ୍କନ୍ଧେ ଦୋର୍ଭ୍ଯାଂ ସମାହତ୍ଯ ନିହତ୍ଯ ଚ ମୁହୁର୍ମୁହୁଃ।
ଅଙ୍ଗମଙ୍ଗୈଃ ସମାଶ୍ଲିଷ୍ଯ ପୁନରାସ୍ଫାଲନଂ ଚ ଚକ୍ରତୁଃ। 2-24-14 (12291)
ଚିତ୍ରହସ୍ତାଦିକଂ କୃତ୍ବା ସସ୍ଫୁଲିଙ୍ଗେନ ଚାଶନିମ୍॥
ଗଲଗଣ୍ଡାଭିଘାତେନ ସସ୍ଫୁଲିଙ୍ଗେନ ଚାଶନିମ୍॥ 2-24-15 (12292)
ବାହୁପାଶାଦିକଂ କୃତ୍ବା ପାଦାହତଶିରାବୁଭୌ।
ଉରୋହସ୍ତଂ ତତଶ୍ଚକ୍ରେ ପୂର୍ଣକୁମ୍ଭୌ ପ୍ରଯୁଜ୍ଯ ତୌ॥ 2-24-16 (12293)
କରସମ୍ପୀଡନଂ କୃତ୍ବା ଗର୍ଜନ୍ତୌ ବାରଣାବିବ।
ନର୍ଦନ୍ତୌ ମେଘସଙ୍କାଶୌ ବାହୁପ୍ରହରଣାବୁଭୌ॥ 2-24-17 (12294)
ତଲେନାହନ୍ଯମାନୌ ତୁ ଅନ୍ଯୋନ୍ଯଂ କୃତବୀକ୍ଷଣୌ।
ସିଂହାବିବ ସୁସଂଙ୍କ୍ରୁଦ୍ଧାବାକୃଷ୍ଯାକୃଷ୍ଯ ଯୁଧ୍ଯତାମ୍॥ 2-24-18 (12295)
ଅଙ୍ଗେନାଙ୍ଗଂ ସମାପୀଡ୍ଯ ବାହୁଭ୍ଯାମୁଭଯୋରପି।
ଆବୃତ୍ଯ ବାହୁଭିଶ୍ଚାପି ଉଦରଂ ଚ ପ୍ରଚକ୍ରତୁଃ॥ 2-24-19 (12296)
ଉଭୌ କଟ୍ଯାଂ ସୁପାର୍ଶ୍ବେ ତୁ ତକ୍ଷବନ୍ତୌ ଚ ଶିକ୍ଷିତୌ।
ଅଧୋ ହସ୍ତଂ ସ୍ବକଣ୍ଠେ ତୂଦରସ୍ଯୋରସି ଚାକ୍ଷିପତ୍॥ 2-24-20 (12297)
ସର୍ବାତିକ୍ରାନ୍ତମର୍ଯାଦଂ ପୃଷ୍ଠଭଙ୍ଗଂ ଚ ଚକ୍ରତୁଃ।
ସମ୍ପୂର୍ଣମୂର୍ଚ୍ଛାଂ ବାହୁଭ୍ଯାଂ ପୂର୍ଣକୁମ୍ଭଂ ପ୍ରଚକ୍ରତୁଃ॥ 2-24-21 (12298)
ତୃଣପୀଡଂ ଯଥାକାମଂ ପୂର୍ଣଯୋଗଂ ସମୁଷ୍ଟିକମ୍।
ଏବମାଦୀନି ଯୁଦ୍ଧାନି ପ୍ରକୁର୍ବନ୍ତୌ ପରସ୍ପରମ୍॥ 2-24-22 (12299)
ତଯୋର୍ଯୁଦ୍ଧଂ ତତୋ ଦ୍ରଷ୍ଟୁଂ ସମେତାଃ ପୁରବାସିନାଃ।
ବ୍ରାହ୍ମଣା ବଣିଜଶ୍ଚୈବ କ୍ଷତ୍ରିଯାଶ୍ଚ ସହସ୍ରଶଃ॥ 2-24-23 (12300)
ଶୂଦ୍ରାଶ୍ଚ ନରଶାର୍ଦୂଲ ସ୍ତ୍ରିଯୋ ବୃଦ୍ଧାଶ୍ଚ ସର୍ବଶଃ।
ନିରନ୍ତରମଭୂତ୍ତତ୍ର ଜନୌଘୈରଭିସଂବୃତମ୍॥ 2-24-24 (12301)
ତଯୋରଥ ଭୁଜାଘାତାନ୍ନିଗ୍ରହପ୍ରଗ୍ରହାତ୍ତଥା।
ଆସୀତ୍ସୁଭୀମସମ୍ପାତୋ ବଜ୍ରପର୍ବତଯୋରିବ॥ 2-24-25 (12302)
ଉଭୌ ପରମସଂହୃଷ୍ଟୌ ବଲେନ ବଲିନାଂ ବରୌ।
ଅନ୍ଯୋନ୍ଯସ୍ଯାନ୍ତରଂ ପ୍ରେପ୍ସୂ ପରସ୍ପରଜଯୈଷିଣୌ॥ 2-24-26 (12303)
` ଶିରୋଭିରିବ ତୌ ମେଷୌ ବୃକ୍ଷୈରିବ ନିଶାଚରୌ।
ପଦୈରିବ ଶୁଭାବଶ୍ବୌ ତୁଣ୍ଡାଭ୍ଯାଂ ତିତ୍ତିରୀ ଇବ'॥ 2-24-27 (12304)
ତଦ୍ଭୀମମୁତ୍ସାର୍ଯ ଜନଂ ଯୁଦ୍ଧମାସୀଦୁପପ୍ଲବେ।
ବଲିନୋଃ ସଂଯୁଗେ ରାଜନ୍ବୃତ୍ରବାସବଯୋରିବ॥ 2-24-28 (12305)
ପ୍ରକର୍ଷଣାକର୍ଷଣାଭ୍ଯାମନୁକର୍ଷବିକର୍ଷଣୈଃ।
ଆଚକର୍ଷତୁରନ୍ଯୋନ୍ଯଂ ଜାନୁଭିଶ୍ଚାବଜଘ୍ନତୁଃ॥ 2-24-29 (12306)
ତତଃ ଶବ୍ଦେନ ମହତା ଭର୍ତ୍ସଯନ୍ତୌ ପରସ୍ପରମ୍।
ପାଷାଣସଙ୍ଘାତନିଭୈଃ ପ୍ରହାରୈରଭିଜଘ୍ନତୁଃ॥ 2-24-30 (12307)
`ତତୋ ଭୀମଂ ଜରାସନ୍ଧୋ ଜଘାନୋରସି ମୁଷ୍ଟିନା।
ଭୀମୋଷି ତଂ ଜରାସନ୍ଧଂ ବକ୍ଷସ୍ଯଭିଜଘାନ ହ'॥ 2-24-31 (12308)
ବ୍ଯୂଢୋରସ୍କୌ ଦୀର୍ଘଭୁଜୌ ନିଯୁଦ୍ଧକୁଶଲାବୁଭୌ।
ବାହୁଭିଃ ସମସଜ୍ଜୋତାମାଯସୈଃ ପରିଘୈରିବ॥ 2-24-32 (12309)
କାର୍ତିକସ୍ଯ ତୁ ମାସସ୍ଯ ପ୍ରବୃତ୍ତଂ ପ୍ରଥମେଽହନି।
ତଦା ତଦ୍ଯୁଦ୍ଧମଭବଦ୍ଦିନାନି ଦଶ ପଞ୍ଚ ଚ।
ଅନାହାରଂ ଦିବାରାତ୍ରମବିଶ୍ରାନ୍ତମବର୍ତତ॥ 2-24-33 (12310)
ତଦ୍ବୃତ୍ତଂ ତୁ ତ୍ରଯୋଦଶ୍ଯାଂ ସମବେତଂ ମହାତ୍ମନୋଃ।
ଚତୁର୍ଦଶ୍ଯାଂ ନିଶାଯାଂ ତୁ ନିବୃତ୍ତୋ ମାଗଧଃ କ୍ଲମାତ୍॥ 2-24-34 (12311)
ତଂ ରାଜାନଂ ତଥା କ୍ଲାନ୍ତଂ ଦୃଷ୍ଟ୍ବା ରାଜଞ୍ଜନାର୍ଦନଃ।
ଉବାଚ ଭୀମକର୍ମାଣଂ ଭୀମଂ ସମ୍ବୋଧଯନ୍ନିବ॥ 2-24-35 (12312)
କ୍ଲାନ୍ତଃ ଶତ୍ରୁର୍ହି କୌନ୍ତେଯ ଶକ୍ଯଃ ପୀଡଯିତୁଂ ରଣେ।
ପୀଡ୍ଯମାନୋ ହି କାର୍ତ୍ସ୍ନ୍ଯେନ ଜହ୍ଯାଜ୍ଜୀବିତମାତ୍ମନଃ॥ 2-24-36 (12313)
ତସ୍ମାତ୍ତେଽଦ୍ଯୈବ କୌନ୍ତେଯ ପୀଡନୀଯୋ ଜନାଧିପଃ।
ସମମେତେନ ଯୁଧ୍ଯସ୍ବ ବାହୁଭ୍ଯାଂ ଭରତର୍ଷଭ॥ 2-24-37 (12314)
ବୈଶମ୍ପାଯନ ଉବାଚ। 2-24-38x (1426)
ଏବମୁକ୍ତଃସ କୃଷ୍ଣେନ ପାଣ୍ଡବଃ ପରବୀରହା।
ଜରାସନ୍ଦସ୍ଯ ତଦ୍ରନ୍ଧ୍ରଂ ଜ୍ଞାତ୍ବା ଚକ୍ରେ ମତିଂ ବଧେ॥ 2-24-38 (12315)
ତତସ୍ତମଜିତଂ ଜେତୁଂ ଜରାସନ୍ଦଂ ବୃକୋଦରଃ।
ସଂରମ୍ଭାଦ୍ବଲିନାଂ ଶ୍ରେଷ୍ଠୋ ଜଗ୍ରାହ କୁରୁନନ୍ଦନଃ॥ ॥ 2-24-39 (12316)
ଇତି ଶ୍ରୀମନ୍ମହାଭାରତେ ସଭାପର୍ବଣି ଜରାସନ୍ଧବଧପର୍ବଣି ଚତୁର୍ବିଶୋଽଧ୍ଯାଯଃ॥ 24॥
Mahabharata - Sabha Parva - Chapter Footnotes
2-24-6 ନିର୍ବୃତୀର୍ବେଦନାନି ଚ ଦୁଃଖମୂର୍ଛଯୋଃ କାଲେ ସୁଖସଞ୍ଜ୍ଞାକରାଣି॥ 2-24-13 କକ୍ଷୈଃ ଦୋର୍ମୂଲୈଃ ॥ 2-24-16 ଗ୍ରଥିତାଙ୍ଗୁଲିଭ୍ଯାଂ ହସ୍ତାଭ୍ଯାଂ ପରଶିରସଃ ପୀଡନେ ପୂର୍ଣକୁମ୍ଭଃ॥ 2-24-20 ତକ୍ଷବନ୍ତୌ ଗ୍ରାତ୍ରସଙ୍କୋଚବନ୍ତୌ॥ସଭାପର୍ବ - ଅଧ୍ଯାଯ 025
॥ ଶ୍ରୀଃ ॥
2.25. ଅଧ୍ଯାଯଃ 025
Mahabharata - Sabha Parva - Chapter Topics
ଜରାସନ୍ଧବଧଃ॥ 1॥ ଜରାସନ୍ଧେନ ବନ୍ଧୀକୃତାନାଂ ରାଜ୍ଞାଂ କୃଷ୍ଣେନ ମୋଚନମ୍॥2॥ ମୋଚିତୈ ରାଜଭିଃ କୃଷ୍ଣାଯ ରତ୍ନାଦିଦାନମ୍ ॥3॥ କୃଷ୍ଣାନୁଜ୍ଞଯା ଜରାସନ୍ଧପୁତ୍ରେଣ ସହଦେବେନ ପିତୁରୌର୍ଧ୍ବଦୈହିକକରଣମ୍॥4॥ ସହଦେବଂ ରାଜ୍ଯେଽଭିଷିଚ୍ଯ ଶ୍ରୀକୃଷ୍ଣଭୀମାର୍ଜୁନାନାମିନ୍ଦ୍ରପ୍ରସ୍ଥଗମନମ୍॥ 5॥ ଜରାସନ୍ଧବଧଶ୍ରବଣହୃଷ୍ଟେନ ଯୁଧିଷ୍ଠିରେଣ ପୂଜିତସ୍ଯ କୃଷ୍ଣସ୍ଯ ଦ୍ବାରକାଗମନମ୍॥ 6॥Mahabharata - Sabha Parva - Chapter Text
ବୈଶମ୍ପାଯନ ଉବାଚ।
ଭୀମସେନସ୍ତତଃ କୃଷ୍ଣମୁବାଚ ଯଦୁନନ୍ଦନମ୍।
ବୁଦ୍ଧିମାସ୍ଥାଯ ବିପୁଲାଂ ଜରାସନ୍ଧବଧୋପ୍ସଯା॥ 2-25-1 (12317)
ନାଯଂ ପାପୋ ମଯା କୃଷ୍ଣ ଯୁକ୍ତଃ ସ୍ଯାଦନୁରୋଧିତୁମ୍।
ପ୍ରାଯେଣ ଯଦୁଶାର୍ଦୂଲ ବାନ୍ଧବକ୍ଷଯକୃତ୍ତବ॥ 2-25-2 (12318)
ଏବମୁକ୍ତସ୍ତତଃ କୃଷ୍ଣଃ ପ୍ରତ୍ଯୁବାଚ ବୃକୋଦରମ୍।
ତ୍ବରଯନ୍ପୁରୁଷବ୍ଯାଘ୍ରୋ ଜରାସନ୍ଧବଧେପ୍ସଯା॥ 2-25-3 (12319)
ଯତ୍ତେ ଦୈବଂ ପରଂ ସତ୍ବଂ ଯଚ୍ଚ ତେ ମାତରିଶ୍ବନଃ।
ବଲଂ ଭୀମଂ ଜରାସନ୍ଧେ ଦର୍ଶଯାଶୁ ତଦଦ୍ଯ ବୈ॥ 2-25-4 (12320)
`ତବୈଷ ବଧ୍ଯୋ ଦୁର୍ବୁଦ୍ଧିର୍ଜରାସନ୍ଧୋ ମହାରଥଃ।
ଇତ୍ଯନ୍ତରିକ୍ଷେ ତ୍ବଶ୍ରୌଷଂ ଯଦା ବାଯୁରବାପ୍ଯତେ॥ 2-25-5 (12321)
ଗୋମନ୍ତେ ପର୍ବତଶ୍ରେଷ୍ଠେ ଯେନୈଷ ପରିମୋକ୍ଷିତଃ।
ବଲଦେବବଲଂ ପ୍ରାପ୍ଯ କୋଽନ୍ଯୋ ଜୀବେତ୍ତୁ ମାଗଧାତ୍॥ 2-25-6 (12322)
ତଦସ୍ଯ ମୃତ୍ଯୁର୍ବିହିତସ୍ତ୍ବଦୃତେ ନ ମହାବଲ।
ବାଯୁଂ ଚିନ୍ତ୍ଯ ମହାବାହୋ ଜହୀମଂ ମଗଧାଧିପମ୍॥ 2-25-7 (12323)
ବୈଶମ୍ପାଯନ ଉବାଚ। 2-25-8x (1427)
ଏବମୁକ୍ତସ୍ତତୋ ଭୀମୋ ମନସାଽଽଚିନ୍ତ୍ଯ ମାରୁତମ୍।
ଜନାର୍ଦନଂ ନମସ୍କୃତ୍ଯ ପରିଷ୍ବଜ୍ଯ ଚ ଫଲ୍ଗୁନମ୍'॥ 2-25-8 (12324)
ପ୍ରଭଞ୍ଜନବଲାବିଷ୍ଟୋ ଜରାସନ୍ଧମରିନ୍ଦମଃ।
ଉତ୍କ୍ଷିପ୍ଯ ଭ୍ରାମଯାମାସ ବଲବନ୍ତଂ ମହାବଲଃ॥ 2-25-9 (12325)
ଭ୍ରାମଯିତ୍ବା ଶତଗୁଣଂ ଜାନୁଭ୍ଯାଂ ଭରତର୍ଷଭ।
ବଭଞ୍ଜ ପୃଷ୍ଟଂ ସଙ୍କ୍ଷିପ୍ଯ ନିଷ୍ପିଷ୍ଯ ବିନନାଦ ଚ॥ 2-25-10 (12326)
କରେ ଗୃହୀତ୍ବା ଚରଣଂ ଦ୍ବିଧା ଚକ୍ରେ ମହାବଲଃ।
ତସ୍ଯ ନିଷ୍ପିଷ୍ଯମାଣସ୍ଯ ପାଣ୍ଡବସ୍ଯ ଚ ଗର୍ଜତଃ॥ 2-25-11 (12327)
ଅଭବତ୍ତୁମୁଲୋ ନାଦଃ ସର୍ବପ୍ରାଣିଭଯଙ୍କରଃ।
ବିତ୍ରେସୁର୍ମାଗଧାଃ ସର୍ବେ ସ୍ତ୍ରୀଣାଂ ଗର୍ଭାଶ୍ଚ ସୁସ୍ରୁବୁଃ॥ 2-25-12 (12328)
ଭୀମସେନସ୍ଯ ନାଦେନ ଜରାସନ୍ଧସ୍ଯ ଚୈବ ହ।
କିଂ ନୁ ସ୍ଯାଦ୍ଧିମବାନ୍ଭିନ୍ନଃ କିଂନୁସ୍ବିଦ୍ଦୀର୍ଯତେ ମହୀ॥ 2-25-13 (12329)
ଇତି ବୈ ମାଗଧା ଜଜ୍ଞୁର୍ଭୀମସେନସ୍ଯ ନିଖନାତ୍।
`ତତସ୍ତୁ ଭଗବାନ୍କୃଷ୍ଣୋ ଜରାସନ୍ଧଜିଘାଂସଯା॥ 2-25-14 (12330)
ଭୀମସେନଂ ସମାଲୋକ୍ଯ ନଲଂ ଜଗ୍ରାହ ପାଣିନା।
ଦ୍ବିଧା ଚିଚ୍ଛେଦ ବୈ ତତ୍ତୁ ଜରାସନ୍ଧବଧଂ ପ୍ରତି॥ 2-25-15 (12331)
ତତସ୍ତ୍ବାଜ୍ଞାଯ ତସ୍ଯୈବ ପାଦମୁତ୍କ୍ଷିପ୍ଯ ମାରୁତିଃ।
ଦ୍ବିଧା ବଭଞ୍ଜ ତଦ୍ଗାତ୍ରଂ ପ୍ରାକ୍ଷିପଦ୍ବିନନାଦ ଚ॥ 2-25-16 (12332)
ପୁନଃ ସନ୍ଧାଯ ତୁ ତଦା ଜରାନ୍ଧଃ ପ୍ରତାପବାନ୍।
ଭୀମେନ ଚ ସମାଗମ୍ଯ ବାହୁଯୁଦ୍ଧଂ ଚକାର ହ॥ 2-25-17 (12333)
ତଯୋଃ ସମଭବଦ୍ଯୁଦ୍ଧଂ ତୁମୁଲଂ ରୋମହର୍ଷଣମ୍।
ସର୍ବଲୋକକ୍ଷଯକରଂ ସର୍ବଭୂତଭଯାବହମ୍॥ 2-25-18 (12334)
ପୁନଃ କୃଷ୍ଣସ୍ତମିରିଣଂ ଦ୍ବିଧା ବିଚ୍ଛିଦ୍ଯ ମାଧବଃ।
ବ୍ଯତ୍ଯସ୍ଯ ପ୍ରାକ୍ଷିପତ୍ତତ୍ତୁ ଜରାସନ୍ଧବଧେପ୍ସଯା॥ 2-25-19 (12335)
ଭୀମସେନସ୍ତଦା ଜ୍ଞାତ୍ବା ନିର୍ବିଭେଦ ଚ ମାଗଧମ୍।
ଦ୍ବିଧା ବ୍ଯତ୍ଯସ୍ଯ ପାଦେନ ପ୍ରାକ୍ଷିପଚ୍ଚ ନନାଦ ହ॥ 2-25-20 (12336)
ଶୁଷ୍କମାଂସାସ୍ଥିମେଦସ୍ତ୍ବଗ୍ଭିନ୍ନମସ୍ତିଷ୍କପିଣ୍ଡକଟଃ।
ଶବଭୂତସ୍ତଦା ରାଜନ୍ପିଣ୍ଡୀକୃତ ଇବାବବୌ'॥ 2-25-21 (12337)
ତତୋ ରାଜ୍ଞଃ କୁଲଦ୍ବାରି ପ୍ରସୁପ୍ତମିବ ତଂ ନୃପମ୍।
ରାତ୍ରୌ ଗତାସୁମୁତ୍ସୃଜ୍ଯ ନିଶ୍ଚକ୍ରମୁରରିନ୍ଦମାଃ॥ 2-25-22 (12338)
ଜରାସନ୍ଧରଥଂ କୃଷ୍ଣୋ ଯୋଜଯିତ୍ବା ପତାକିନମ୍।
ଆରୋପ୍ଯ ଭ୍ରାତରୌ ଚୈବ ମୋକ୍ଷଯାମାସ ବାନ୍ଧବାନ୍॥ 2-25-23 (12339)
ତେ ବୈ ରତ୍ନୁଭୁଜଂ କୃଷ୍ଣଂ ରତ୍ନାର୍ହଂ ପୃଥିବୀଶ୍ବରାଃ।
ରାଜାନଂ ଚକ୍ରରାସାଦ୍ଯ ମୋକ୍ଷିତା ମହତୋ ଭଯାତ୍॥ 2-25-24 (12340)
ଅକ୍ଷତଃ ଶସ୍ତ୍ରସମ୍ପନ୍ନୋ ଜିତାରିଃ ସହ ରାଜଭିଃ।
ରଥମାସ୍ଥାଯ ତଂ ଦିବ୍ଯଂ ନିର୍ଜଗାମ ଗିରିବ୍ରଜାତ୍॥ 2-25-25 (12341)
ଯଃ ସ ସୋଦର୍ଯବାନ୍ନାମ ଦ୍ବିଯୋଧୀ କୃଷ୍ଣସାରଥିଃ।
ଅଭ୍ଯାସଘାତୀ ସନ୍ଦୃଶ୍ଯୋ ଦୁର୍ଜଯଃ ସର୍ବରାଜଭିଃ॥ 2-25-26 (12342)
ଭୀମାର୍ଜୁନାଭ୍ଯାଂ ଯୋଧାଭ୍ଯାମାସ୍ଥିତଃ କୃଷ୍ଣସାରଥିଃ।
ଶୁଶୁଭେ ରଥବର୍ଯୋଽସୌ ଦୁର୍ଜଯଃ ସର୍ବଧନ୍ବିଭିଃ॥ 2-25-27 (12343)
ଶକ୍ରବିଷ୍ଣୂ ହି ସଙ୍ଗ୍ରାମେ ଚେରତୁସ୍ତାରକାମଯେ।
ରଥେନ ତେନ ବୈ କୃଷ୍ଣ ଉପାରୁହ୍ଯ ଯଯୌ ତଦା॥ 2-25-28 (12344)
`ଏବମେତୌ ମହାବାହୂ ତଦା ଦୁଷ୍କରକାରିଣୌ।
କୃଷ୍ଣପ୍ରଣୀତୌ ଲୋକେଽସ୍ମିନ୍ନଥେ କୋ ଦ୍ରଷ୍ଟୁମର୍ହତି॥ 2-25-29 (12345)
ଇତ୍ଯବୋଚନ୍ବ୍ରଜନ୍ତଂ ତଂ ଜରାସନ୍ଧପୁରାଲଯାଃ।
ବାସୁଦେବଂ ନରଶ୍ରେଷ୍ଠଂ ଯୁକ୍ତଂ ବାତଜବୈର୍ହଯୈଃ'॥ 2-25-30 (12346)
ତପ୍ତଚାମୀକରାଭେଣ କିଙ୍କିଣୀଜାଲମାଲିନା।
ମେଘନିର୍ଘୋଷନାଦେନ ଜୈତ୍ରେଣାମିତ୍ରଘାତିନା॥ 2-25-31 (12347)
ଯେନ ଶକ୍ରୋ ଦାନବାନାଂ ଜଘାନ ନବତୀର୍ନବ।
ତଂ ପ୍ରାପ୍ଯ ସମହୃଷ୍ଯନ୍ତ ରଥଂ ତେ ପୁରୁଷର୍ଥଭାଃ॥ 2-25-32 (12348)
ତତଃ କୃଷ୍ଣଂ ମହାବାହୁଂ ଭ୍ରାତୃଭ୍ଯାଂ ସହିତଂ ତଦା।
ରଥସ୍ଥଂ ମାଗଧା ଦୃଷ୍ଟ୍ବା ସମପଦ୍ଯନ୍ତ ବିସ୍ମିତାଃ॥ 2-25-33 (12349)
ହଯୈର୍ଦିବ୍ଯୈଃ ସମାଯୁକ୍ତୋ ରଥୋ ବାଯୁସମୋ ଜବେ।
ଅଧିଷ୍ଠିତଃ ସ ଶୁଶୁଭେ କୃଷ୍ଣେନାତୀବ ଭାରତ॥ 2-25-34 (12350)
ଅସଙ୍ଗୋ ଦେବବିହିତସ୍ତସ୍ମିନ୍ରଥବରେ ଧ୍ବଜଃ।
ଯୋଜନାଦ୍ଦଦୃଶେ ଶ୍ରୀମାନିନ୍ଦ୍ରାଯୁଧସମପ୍ରଭଃ॥ 2-25-35 (12351)
ଚିନ୍ତଯାମାସ କୃଷ୍ଣୋଽଥ ଗରୁତ୍ମନ୍ତଂ ସ ଚାଭ୍ଯଯାତ୍।
କ୍ଷଣେ ତସ୍ମିନ୍ସ ତେନାସୀଚ୍ଚୈତ୍ଯବୃକ୍ଷ ଇବୋତ୍ଥିତଃ॥ 2-25-36 (12352)
ବ୍ଯାଦିତାସ୍ଯୈର୍ମହାନାଦୈଃ ସହ ଭୂତୈର୍ଧ୍ବଜାଲଯୈଃ।
ତସ୍ମିନ୍ରଥବରେ ତସ୍ଥୌ ଗୁରୁତ୍ମାନ୍ପନ୍ନଗାଶନଃ॥ 2-25-37 (12353)
ଦୁର୍ନିରୀକ୍ଷ୍ଯୋ ହି ଭୂତାନାଂ ତେଜସାଽଽଭ୍ଯାଧିକଂ ବଭୌ।
ଆଦିତ୍ଯ ଇବ ମଧ୍ଯାହ୍ନେ ସହସ୍ରକିରଣାବୃତଃ॥ 2-25-38 (12354)
ନ ସଜ୍ଜତି ବୃକ୍ଷେଷୁ ଶସ୍ତ୍ରୈଶ୍ଚାପି ନ ରିଷ୍ଯତେ।
ଦିବ୍ଯୋ ଧ୍ବଜବରୋ ରାଜନ୍ଦୃଶ୍ଯତେ ଚେହ ମାନୁଷୈଃ॥ 2-25-39 (12355)
ତମାସ୍ଥାଯ ରଥଂ ଦିବ୍ଯଂ ପର୍ଜନ୍ଯସମନିଃ ସ୍ବନମ୍।
ନିର୍ଯଯୌ ପୁରୁଷବ୍ଯାଘ୍ରଃ ପାଣ୍ଡବାଭ୍ଯାଂ ସହାଚ୍ଯୁତଃ॥ 2-25-40 (12356)
ଯଂ ଲେଭେ ବାସବାଦ୍ରାଜା ବସୁସ୍ତସ୍ମାଦ୍ବୃହଦ୍ରଥଃ।
ବୃହଦ୍ରଥାତ୍କ୍ରମେଣୈବ ପ୍ରାପ୍ତୋ ବାର୍ହଦ୍ରଥୋ ରଥମ୍॥ 2-25-41 (12357)
ସ ନିର୍ଯାଯ ମହାବାହୁଃ ପୁଣ୍ଡରୀକେକ୍ଷଣସ୍ତତଃ।
ଗିରିବ୍ରଜାଦ୍ବହିସ୍ତସ୍ଥୌ ସମଦେଶେ ମହାଯଶାଃ॥ 2-25-42 (12358)
ତତ୍ରୈନଂ ନାଗରାଃ ସର୍ବେ ସତ୍କାରେଣାଭ୍ଯଯୁସ୍ତଦା।
ବ୍ରାହ୍ମଣପ୍ରମୁଖା ରାଜନ୍ବିଧିଦୃଷ୍ଟେନ କର୍ମଣା॥ 2-25-43 (12359)
ବନ୍ଧନାଦ୍ବିପ୍ରମୁକ୍ତାଶ୍ଚ ରାଜାନୋ ମଧୁସୂଦନମ୍।
ପୂଜଯାମାସୁରୂଚୁଶ୍ଚ ସ୍ତୁତିପୂର୍ବମିଦଂ ବଚଃ॥ 2-25-44 (12360)
ନୈତଚ୍ଚିତ୍ରଂ ମହାବାହୋ ତ୍ବଯି ଦେବକିନନ୍ଦନେ।
ଭୀମାର୍ଜୁନବଲୋପେତେ ଧର୍ମସ୍ଯ ପ୍ରତିପାଲନମ୍॥ 2-25-45 (12361)
ଜରାସନ୍ଧହ୍ରଦେ ଘୋରେ ଦୁଃଖପଙ୍କେ ନିମଜ୍ଜତାମ୍।
ରାଜ୍ଞାଂ ସମଭ୍ଯୁଦ୍ଧରମଂ ଯଦିଦଂ କୃତମଦ୍ଯ ବୈ॥ 2-25-46 (12362)
ବିଷ୍ଣୋ ସମବସନ୍ନାନାଂ ଗିରିଦୁର୍ଗେ ସୁଦାରୁଣେ।
ଦିଷ୍ଟ୍ଯା ମୋକ୍ଷାଦ୍ଯଶୋ ଦୀପ୍ତମାପ୍ତଂ ତେ ଯଦୁନନ୍ଦନ॥ 2-25-47 (12363)
କିଂ କର୍ମଃ ପୁରୁଷବ୍ଯାଘ୍ର ଶାଧି ନଃ ପ୍ରଣତିସ୍ଥିତାନ୍।
କୃତମିତ୍ଯେବ ତଦ୍ବିଦ୍ବି ନୃପୈର୍ଯଯଦ୍ଯପି ଦୁଷ୍କରମ୍॥ 2-25-48 (12364)
ବୈଶମ୍ପାଯନ ଉବାଚ॥ 2-25-49x (1428)
ତାନୁବାଚ ହୃମ୍ପୀକେଶଃ ସମାଶ୍ଚାସ୍ଯ ମହାମନାଃ।
ଯିଧିଷ୍ଠିରୋ ରାଜସୂଯଂ କ୍ରତୁମାର୍ହତୁମିଚ୍ଛତି॥ 2-25-49 (12365)
ତସ୍ଯ ଧର୍ମପ୍ରବୃତ୍ତସ୍ଯ ପାର୍ଥିବତ୍ବଂ ଚିକୀର୍ଷତଃ।
ସର୍ବୈର୍ଭବଦ୍ଭିର୍ବିଜ୍ଞାଯ ସାହାଯ୍ଯଂ କ୍ରିଯତାମିତି॥ 2-25-50 (12366)
ତତଃ ସୁପ୍ରୀତମନସସ୍ତେ ନୃପା ନୃପସତ୍ତମ।
ତଥେତ୍ଯେବାବ୍ରୁବନ୍ସର୍ବେ ପ୍ରତିଗୃହ୍ଯାସ୍ଯ ତାଂ ଗିରମ୍॥ 2-25-51 (12367)
ରତ୍ନଭାଜଂ ଚ ଦାଶାର୍ହଂ ଚକ୍ରୁସ୍ତେ ପୃଥିବୀଶ୍ବରାଃ।
କୃଚ୍ଛ୍ରାଞ୍ଜଗ୍ରାହ ଗୋବିନ୍ଦସ୍ତେଷାଂ ତଦନୁକମ୍ପଯା॥ 2-25-52 (12368)
ଜରାସନ୍ଧାତ୍ମଜଶ୍ଚୈବ ସହଦେବୋ ମହାମନାଃ।
ନିର୍ଯଯୌ ସଜନାମାତ୍ଯଃ ପୁରସ୍କୃତ୍ଯ ପୁରୋହିତମ୍॥ 2-25-53 (12369)
ସ ନୀଚୈଃ ପ୍ରଣତୋ ଭୂତ୍ବା ବହୁରତ୍ନପୁରୋଗମଃ।
ସହଦେବୋ ନୃଣାଂ ଦେବଂ ବାସୁଦେବମୁପସ୍ଥିତଃ॥ 2-25-54 (12370)
ଭଯାର୍ତାଯ ତତସ୍ତସ୍ମୈ କୃଷ୍ଣୋ ଦତ୍ତ୍ବାଽଭଯଂ ତଦା।
ଆଦଦେଽସ୍ଯ ମହାର୍ହାଣି ରତ୍ନାନି ପୁରୁଷୋତ୍ତମଃ॥ 2-25-55 (12371)
`ସଦଦେବ ଉବାଚ। 2-25-56x (1429)
ଯତ୍କୃତଂ ପୁରୁଷବ୍ଯାଘ୍ର ମମ ପିତ୍ରା ଜନାର୍ଦନ।
ତତ୍ତେ ହୃଦି ମହାବାହୋ ନ କାର୍ଯଂ ପୁରୁଷୋତ୍ତମ॥ 2-25-56 (12372)
ତ୍ବାଂ ପ୍ରପନ୍ନୋଽସ୍ମି ଗୋବିନ୍ଦ ପ୍ରାସଦଂ କୁରୁ ମେ ପ୍ରଭୋ।
ପିତୁରିଚ୍ଛାମି ସଂସ୍କାରଂ କର୍ତୁଂ ଦେବକିନନ୍ଦନ॥ 2-25-57 (12373)
ତ୍ବତ୍ତୋଽଭ୍ଯନୁଜ୍ଞାଂ ସମ୍ପ୍ରାପ୍ଯ ଭୀମସେନାତ୍ତଥାର୍ଜୁନାତ୍।
ନିର୍ଭଯୋ ବିଚରିଷ୍ଯାମି ଯଥାକାମଂ ଯଥାସୁଖମ୍॥ 2-25-58 (12374)
ବୈଶମ୍ପାଯନ ଉବାଚ। 2-25-59x (1430)
ଏବଂ ବିଜ୍ଞାପ୍ଯମାନସ୍ଯ ସହଦେବସ୍ଯ ମାରିଷ।
ପ୍ରହୃଷ୍ଟୋ ଦେବକୀପୁତ୍ରଃ ପାଣ୍ଡବୈ ଚ ମହାରଥୌ॥ 2-25-59 (12375)
କ୍ରିଯତାଂ ସଂସ୍କ୍ରିଯା ରାଜନ୍ପିତୁସ୍ତ ଇତି ଚାବ୍ରୁବନ୍।
ତଚ୍ଛ୍ରୁତ୍ବା ବାସୁଦେବସ୍ଯ ପାର୍ଥଯୋଶ୍ଚ ସ ମାଗଧଃ॥ 2-25-60 (12376)
ପ୍ରବିଶ୍ଯ ନଗରଂ ତୂର୍ଣଂ ସହ ମନ୍ତ୍ରିଭିରପ୍ଯୁତ।
ଚିତାଂ ଚନ୍ଦନକାଷ୍ଠୈଶ୍ଚ କାଲେଯସରଲୈସ୍ତଥା॥ 2-25-61 (12377)
କାଲାଗରୁସୁନଗନ୍ଧୈଶ୍ଚ ତୈଲୈଶ୍ଚ ବିବିଧୈରପି।
ଘୃତଧାରାଶତୈଶ୍ଚୈବ ସୁମନୋଭିଶ୍ଚ ଭାରତ॥ 2-25-62 (12378)
ସମନ୍ତାଦେବ କୀର୍ଯନ୍ତୋଽଦହନ୍ତ ମଗଧାଧିପମ୍।
ଉଦକଂ ତସ୍ଯ ଚକ୍ରେଽଥ ସହଦେବଃ ସହାନୁଜଃ॥ 2-25-63 (12379)
କୃତ୍ବା ପିତୁଃ ସ୍ବର୍ଗଗତିଂ ନିର୍ଯଯୌ ଯତ୍ର କେଶବଃ।
ପାଣ୍ଡବୌ ଚ ମହାଭାଗୌ ଭୀମସେନାର୍ଜୁନାବୁଭୌ ॥ 2-25-64 (12380)
ସ ପ୍ରହ୍ବଃ ପ୍ରାଞ୍ଜଲିର୍ଭୂତ୍ବା ବ୍ଯଜ୍ଞାପଯତ ମାଧବମ୍। 2-25-65 (12381)
ସହଦେବ ଉବାଚ।
ଇମେ ରତ୍ନାନି ଭୂରିଣୀ ଗୋଜାବିମହିଷାଦଯଃ॥ 2-25-65x (1431)
ହସ୍ତିନୋଽଶ୍ବାଶ୍ଚ ଗୋବିନ୍ଦ ବାସାଂସି ବିବିଧାନି ଚ।
ଦୀଯତାଂ ଧର୍ମରାଜାଯ ଯଥା ବା ମନ୍ଯତେ ଭବାନ୍॥ 2-25-66 (12382)
ବୈଶମ୍ପାଯନ ଉବାଚ। 2-25-67x (1432)
ଭଯାର୍ତାଯ ତତସ୍ତସ୍ମୈ କୃତ୍ବା କୃଷ୍ଣୋଽଭଯଂ ତଦା।
ଅଭ୍ଯଷିଞ୍ଚତ ରାଜାନଂ ସହଦେବଂ ଜନାର୍ଦନଃ॥ 2-25-67 (12383)
ମାଗଧାନାଂ ମହୀପାଲଂ ଜରାସନ୍ଧାତ୍ମଜଂ ତଦା।
ଆଦଦେ ଚ ମହାର୍ହାଣି ରତ୍ନାନି ପୁରୁଷୋତ୍ତମଃ॥ 2-25-68 (12384)
ଗତ୍ବୈକତ୍ବଂ ସ କୃଷ୍ଣେନ ପାର୍ଥାଭ୍ଯାଂ ଚାପି ସତ୍କୃତଃ।
ବିବେଶ ମତିମାନ୍ତ୍ରାଜା ପୁନର୍ବାର୍ହଦ୍ରଥଂ ପୁରମ୍॥ 2-25-69 (12385)
ପାର୍ଥାଭାଯଂ ସହିତଃ କୃଷ୍ଣଃ ସର୍ବୈଶ୍ଚ ବସୁଧାଧିପୈଃ।
ଯଥାବଯଃ ସମାଗମ୍ଯ ବିସସର୍ଜ ନରାଧିପାନ୍॥ 2-25-70 (12386)
ବିସୃଜ୍ଯ ସର୍ବାନ୍ନୃପତୀନ୍ରାଜସୂଯେ ମହାତ୍ମଭିଃ।
ଆଗନ୍ତବ୍ଯଂ ଭବଦ୍ଭିଶ୍ଚ ଧର୍ମରାଜପ୍ରିଯେପ୍ସୁଭିଃ। 2-25-71 (12387)
ଏବମୁକ୍ତା ମାଧବେନ ସର୍ବେ ତେ ବସୁଧାଧିପାଃ।
ଏବମସ୍ତ୍ବିତି ଚାପ୍ଯୁକ୍ତ୍ବା ସମେତାଃ ପରଯା ମୁଦା॥ 2-25-72 (12388)
ଭୀମାର୍ଜୁନହୃଷୀକେଶୈଃ ପ୍ରହୃଷ୍ଟାଃ ପ୍ରଯଯୁସ୍ତଦା।
ରତ୍ନାନ୍ଯାଦାଯ ଭୂରୀଣୀ ଜ୍ବଲନ୍ତୋ ରିପୁସୂଦନାଃ'॥ 2-25-73 (12389)
କୃଷ୍ଣସ୍ତୁ ସହ ପାର୍ଥାଭ୍ଯାଂ ଶ୍ରିଯା ପରମଯା ଯୁତଃ।
ରତ୍ନାନ୍ଯାଦାଯ ଭୂରିଣୀ ପ୍ରଯଯୌ ପୁରୁଷର୍ଷଭଃ॥ 2-25-74 (12390)
ଇନ୍ଦ୍ରପ୍ରସ୍ଥମୁପାଗମ୍ଯ ପାଣ୍ଡବାଭ୍ଯାଂ ସହାଚ୍ଯୁତଃ।
ସମେତ୍ଯ ଧର୍ମରାଜାନଂ ପ୍ରୀଯମାଣୋଽଭ୍ଯଭାଷତ॥ 2-25-75 (12391)
ଦିଷ୍ଟ୍ଯା ଭୀମେନ ବଲବାଞ୍ଜରାସନ୍ଧୋ ନିପାତିତଃ।
ରାଜାନୋ ମୋକ୍ଷିତାଶ୍ଚେମେ ବନ୍ଧନାନ୍ନୃପସତ୍ତମ॥ 2-25-76 (12392)
ଦିଷ୍ଟ୍ଯା କୁଶଲିନୌ ଚେମୌ ଭୀମସେନଧନଞ୍ଜଯୌ।
ପୁନଃ ସ୍ବନଗରଂ ପ୍ରାପ୍ତାବକ୍ଷତାବିତି ଭାରତ॥ 2-25-77 (12393)
ତତୋ ଯୁଧିଷ୍ଠିରଃ କୃଷ୍ଣଂ ପୂଜଯିତ୍ବା ଯଥାର୍ହତଃ।
ଭୀମସେନାର୍ଜୁନୌ ଚୈବ ପ୍ରହୃଷ୍ଟଃ ପରିଷସ୍ବଜେ॥ 2-25-78 (12394)
ତତଃ କ୍ଷୀଣେ ଜରାସନ୍ଧେ ଭ୍ରାତୃଭ୍ଯାଂ ବିହିତଂ ଜଯମ୍।
ଅଜାତଶତ୍ରୁରାସାଦ୍ଯ ମୁମୁଦେ ଭ୍ରାତୃଭିଃ ସହ॥ 2-25-79 (12395)
`ହୃଷ୍ଟଶ୍ଚ ଧର୍ମରାଡ୍ବାକ୍ଯଂ ଜନାର୍ଦନମଭାଷତ।
ତ୍ବାଂ ପ୍ରାପ୍ଯ ପୁରୁଷବ୍ଯାଘ୍ର ଭୀମସେନେନ ପାତିତଃ॥ 2-25-80 (12396)
ମାଗଧୋଽସୌ ବଲୋନ୍ମତ୍ତୋ ଜରାସନ୍ଧଃ ପ୍ରତାପବାନ୍।
ରାଜସୂଯଂ କ୍ରତୁଶ୍ରେଷ୍ଠଂ ପ୍ରାପ୍ସ୍ଯାମି ବିଗତଜ୍ବରଃ॥ 2-25-81 (12397)
ତ୍ବଦ୍ବୁଦ୍ଧିବଲମାଶ୍ରିତ୍ଯ ଯାଗାର୍ହୋଽସ୍ମି ଜନାର୍ଦନ।
ପୀତଂ ପୃଥିବ୍ଯାଃ କ୍ରୁଦ୍ଧେନ ଯଶସ୍ତେ ପୁରୁଷୋତ୍ତମ॥ 2-25-82 (12398)
ଜରାସନ୍ଧବଧେନୈବ ପ୍ରାପ୍ତାସ୍ତେ ବିପୁଲାଃ ଶ୍ରିଯଃ॥ 2-25-83 (12399)
ବୈଶମ୍ପାଯନ ଉବାଚ।
ଏବଂ ସମ୍ଭାଷ୍ଯ କୌନ୍ତେଯଃ ପ୍ରାଦାଦ୍ରଥବରଂ ପ୍ରଭୋଃ॥ 2-25-83x (1433)
ପ୍ରତିଗୃହ୍ଯ ତୁ ଗୋବିନ୍ଦୋ ଜରାସନ୍ଧସ୍ଯ ତଂ ରଥମ୍॥ 2-25-84 (12400)
ପ୍ରହୃଷ୍ଟସ୍ତସ୍ଯ ମୁମୁଦେ ଫଲ୍ଗୁନେନ ଜନାର୍ଦନଃ।
ପ୍ରୀତିମାନଭବଦ୍ରାଜନ୍ଧର୍ମରାଜପୁରସ୍କୃତଃ'॥ 2-25-85 (12401)
ଯଥାବଯଃ ସମାଗମ୍ଯ ଭ୍ରାତୃଭିଃ ସହ ପାଣ୍ଡବଃ।
ସତ୍କୃତ୍ଯ ପୂଜଯିତ୍ବା ଚ ବିସସର୍ଜ ନରାଧିପାନ୍॥ 2-25-86 (12402)
ଯୁଧିଷ୍ଠିରାଭ୍ଯନୁଜ୍ଞାତାସ୍ତେ ନୃପା ହୃଷ୍ଟମାନସାଃ।
ଜଗ୍ମୁଃ ସ୍ବଦେଶାଂସ୍ତ୍ବରିତା ଯାନୈରୁଚ୍ଚାବଚୈସ୍ତତଃ॥ 2-25-87 (12403)
ଏବଂ ପୁରୁଷଶାର୍ଦୂଲୋ ମହାବୁଦ୍ଧିର୍ଜନାର୍ଦନଃ।
ପାଣ୍ଡବୈର୍ଘାତଯାମାସ ଜରାସନ୍ଧମରିଂ ତଦା॥ 2-25-88 (12404)
ଘାତଯିତ୍ବା ଜରାସନ୍ଧଂ ବୁଦ୍ଧିପୂର୍ବମରିନ୍ଦମଃ।
ଧର୍ମରାଜମନୁଜ୍ଞାପ୍ଯ ପୃଥାଂ କୃଷ୍ଣାଂ ଚ ଭାରତ॥ 2-25-89 (12405)
ସୁଭଦ୍ରାଂ ଭୀମସେନଂ ଚ ଫାଲ୍ଗୁନଂ ଯମଜୌ ତଥା।
ଧୌମ୍ଯମାମନ୍ତ୍ରଯିତ୍ବା ଚ ପ୍ରଯଯୌ ସ୍ବାଂ ପୁରୀଂ ପ୍ରତି॥ 2-25-90 (12406)
`ପାଣ୍ଡବୈରନୁଧାବଦ୍ଭିର୍ଯୁଧିଷ୍ଠିରପୁରୋଗମୈଃ।
ହର୍ଷେଣ ମହତା ଯୁକ୍ତଃ ପ୍ରାପ୍ଯ ଚାନୁତ୍ତମଂ ଯଶଃ।
ଜଗାମ ହୃଷ୍ଟଃ କୃଷ୍ଣସ୍ତୁ ପୁନର୍ଦ୍ବାରବତୀଂ ପୁରୀମ୍'॥ 2-25-91 (12407)
ତେନୈବ ରଥମୁଖ୍ଯେନ ମନସସ୍ତୁଲ୍ଯଗାମିନା।
ଧର୍ମରାଜବିସୃଷ୍ଟେନ ଦିବ୍ଯେନାନାଦଯନ୍ଦିଶଃ॥ 2-25-92 (12408)
ତତୋ ଯୁଧିଷ୍ଠିରମୁଖାଃ ପାଣ୍ଡବା ଭରତର୍ଷଭ।
ପ୍ରଦକ୍ଷିଣମକୁର୍ବନ୍ତ କୃଷ୍ଣମକ୍ଲିଷ୍ଟକାରିଣମ୍॥ 2-25-93 (12409)
ତତୋ ଗତେ ଭଗବତି କୃଷ୍ଣେ ଦେବକିନନ୍ଦନେ।
ଜଯଂ ଲବ୍ଧ୍ବା ସୁବିପୁଲଂ ରାଜ୍ଞାଂ ଦତ୍ତ୍ବାଽଭଯଂ ତଦା॥ 2-25-94 (12410)
ସଂବର୍ଧିତଂ ଯଶୋ ଭୂଯଃ କର୍ମଣା ତେନ ଭାରତ।
ଦ୍ରୌପଦ୍ଯାଃ ପାଣ୍ଡବା ରାଜନ୍ପରାଂ ପ୍ରୀତିମବର୍ଧଯନ୍॥ 2-25-95 (12411)
ତସ୍ମିନ୍କାଲେ ତୁ ଯଦ୍ଯୁକ୍ତଂ ଧର୍ମକାମାର୍ଥସଂହିତମ୍।
ତଦ୍ରାଜା ଧର୍ମତଶ୍ଚକ୍ରେ ପ୍ରଜାପାଲନକୀର୍ତନମ୍॥ ॥ 2-25-96 (12412)
ଇତି ଶ୍ରୀମନ୍ମହାଭାରତେ ସଭାପର୍ବଣି ଜରାସନ୍ଧବଧପର୍ବଣି ପଞ୍ଚବିଂଶୋଽଧ୍ଯାଯଃ॥ 25॥
Mahabharata - Sabha Parva - Chapter Footnotes
2-25-5 ଅବାପ୍ଯତେ ପ୍ରାପ୍ତଃ॥ 2-25-8 ଏବମୁକ୍ତସ୍ତଦା ଭୀଭୋ ଜରାସନ୍ଧମିତି ଝ. ପାଠଃ ॥ 2-25-15 ନଲଂ ଇରିଣନାମକଂ ତୃଣବିଶେଷମ୍॥ 2-25-22 କୁଲଦ୍ବାରି ଗୃହଦ୍ବାରି॥ 2-25-35 ଅସଙ୍ଗୋ ରଥସ୍ପର୍ଶହୀନଃ॥ସଭାପର୍ବ - ଅଧ୍ଯାଯ 026
॥ ଶ୍ରୀଃ ॥
2.26. ଅଧ୍ଯାଯଃ 026
Mahabharata - Sabha Parva - Chapter Topics
ଯୁଧିଷ୍ଠିରାଜ୍ଞଯା ଦିଗ୍ବିଜଯାର୍ଥଂ ନିର୍ଗତାନାମର୍ଜୁନାଦୀନାଂ ସଙ୍କ୍ଷେପେଣ ଦିଗ୍ବିଜଯକ ଥନମ୍॥Mahabharata - Sabha Parva - Chapter Text
ବୈଶମ୍ପାଯନ ଉବାଚ।
`ଋଷେସ୍ତଦ୍ବଚନଂ ସ୍ମୃତ୍ବା ନିଶଶ୍ବାସ ଯୁଧିଷ୍ଠିରଃ।
ଧର୍ମ ଧର୍ମଭୃତାଂ ଶ୍ରେଷ୍ଠଃ କର୍ତୁମିଚ୍ଛନ୍ପରନ୍ତପଃ। 2-26-1 (12413)
ତସ୍ଯେଙ୍ଗିତଜ୍ଞୋ ବୀଭତ୍ସୁଃ ସର୍ବଶସ୍ତ୍ରଭୃତାଂ ବରଃ।
ସଂବିବର୍ତଯିଷୁଃ କାମଂ ପାବକାତ୍ପାକଶାସନିଃ'॥ 2-26-2 (12414)
ପ୍ରାପ୍ତଂ ପ୍ରାପ୍ଯ ଧନୁଃ ଶ୍ରେଷ୍ଠମକ୍ଷଯ୍ଯୌ ଚ ମହେଷୁଧୀ।
ରଥଂ ଧ୍ବଜଂ ସଭାଂ ଚୈବ ଯୁଧିଷ୍ଠିରମଭାଷତ॥ 2-26-3 (12415)
ଅର୍ଜୁନ ଉବାଚ। 2-26-4x (1434)
ଧନୁରସ୍ତ୍ରଂ ଶରା ବୀର୍ଯଂ ପକ୍ଷୋ ଭୂମିର୍ଯଶୋ ବଲମ୍।
ପ୍ରାପ୍ତମେତନ୍ମଯା ରାଜନ୍ଦୁଷ୍ପ୍ରାପଂ ଯଦଭୀପ୍ସିତମ୍॥ 2-26-4 (12416)
ତସ୍ଯ କୃତ୍ଯମହଂ ମନ୍ଯେ କୋଶସ୍ଯ ପରିବର୍ଧନମ୍।
କରମାହାରଯିଷ୍ଯାମି ରାଜ୍ଞଃ ସର୍ବାନ୍ନୃପୋତ୍ତମ॥ 2-26-5 (12417)
ବିଜଯାଯ ପ୍ରଯାସ୍ଯାମି ଦିଶଂ ଧନଦପାଲିତାମ୍।
ତିଥାବଥ ମୁହୂର୍ତେ ଚ ନକ୍ଷତ୍ରେ ଚାଭିପୂଜିତେ॥ 2-26-6 (12418)
ବୈଶମ୍ପାଯନ ଉବାଚ। 2-26-7x (1435)
ଧନଞ୍ଜଯବଚଃ ଶ୍ରୁତ୍ବା ଧର୍ମରାଜୋ ଯୁଧିଷ୍ଠିରଃ
ସ୍ନିଗ୍ଧଗମ୍ଭୀରନାଦିନ୍ଯାଂ ତଂ ଗିରା ପ୍ରତ୍ଯଭାଷତ॥ 2-26-7 (12419)
ସ୍ବସ୍ତି ବାଚ୍ଯାର୍ହତୋ ବିପ୍ରାନ୍ପ୍ରଯାହି ଭରତର୍ଷଭ।
ଦୁର୍ହୃଦାମପ୍ରହର୍ଷାଯ ସୁହୃଦାଂ ନନ୍ଦନାଯ ଚ॥ 2-26-8 (12420)
ବିଜଯସ୍ତେ ଧ୍ରୁବଂ ପାର୍ଥ ପ୍ରିଯଂ କାମମବାପ୍ସ୍ଯସି।
ଇତ୍ଯୁକ୍ତଃ ପ୍ରଯଯୌ ପାର୍ଥଃ ସୈନ୍ଯେନ ମହତା ବୃତଃ॥ 2-26-9 (12421)
ଅଗ୍ନିଦତ୍ତେନ ଦିବ୍ଯେନ ରଥେନାଦ୍ଭୁତକର୍ମଣା।
ତଥୈବ ଭୀମସେନୋଽପି ଯମୌ ଚ ପୁରୁଷର୍ଷଭୌ॥ 2-26-10 (12422)
ସସୈନ୍ଯାଃ ପ୍ରଯଯୁଃ ସର୍ବେ ଧର୍ମରାଜେନ ପୂଜିତାଃ।
ଦିଶଂ ଧନପତେରିଷ୍ଟାମଜଯତ୍ପାକଶାସନିଃ॥ 2-26-11 (12423)
ଭୀମସେନସ୍ତଥା ପ୍ରାଚୀଂ ସହଦେବସ୍ତୁ ଦକ୍ଷିଣାମ୍।
ପ୍ରତୀଚୀଂ ନକୁଲୋ ରାଜନ୍ଦିଶଂ ବ୍ଯଜଯତାସ୍ତ୍ରବିତ୍॥ 2-26-12 (12424)
ଖାଣ୍ଡବପ୍ରସ୍ଥମଧ୍ଯସ୍ଥୋ ଧର୍ମରାଜୋ ଯୁଧିଷ୍ଠିରଃ।
ଆସୀତ୍ପରମଯା ଲକ୍ଷ୍ମ୍ଯା ସୁହୃଦ୍ଗଣବୃତଃ ପ୍ରଭୁଃ॥ ॥ 2-26-13 (12425)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦିଗ୍ବିଜଯପର୍ବଣି ଷଡ୍ବିଂଶୋଽଧ୍ଯାଯଃ॥ 26॥
Mahabharata - Sabha Parva - Chapter Footnotes
2-26-13 ଖାଣ୍ଡବପ୍ରସ୍ଥଂ ଖାଣ୍ଡବଦାହେନ ଖ୍ଯାପିତସ୍ଥାନମ୍॥ 13॥ସଭାପର୍ବ - ଅଧ୍ଯାଯ 027
॥ ଶ୍ରୀଃ ॥
2.27. ଅଧ୍ଯାଯଃ 027
Mahabharata - Sabha Parva - Chapter Topics
ଅର୍ଜୁନଦିଗ୍ବଜଯେ ଭଗଦତ୍ତାଦିଜଯଃ॥ 1॥Mahabharata - Sabha Parva - Chapter Text
ଜନମେଜଯ ଉବାଚ॥
ଦିଶାମଭିଜଯଂ ବ୍ରହ୍ମନ୍ବିସ୍ତରେଣାନୁକୀର୍ତଯ।
ନ ହି ତୃପ୍ଯାମି ପୂର୍ବେଷାଂ ଶୃଣ୍ବାନଶ୍ଚରିତଂ ମହତ୍॥ 2-27-1 (12426)
ବୈଶମ୍ପାଯନ ଉବାଚ। 2-27-2x (1436)
ଧନଞ୍ଜଯସ୍ଯ ବକ୍ଷ୍ଯାମି ବିଜଯଂ ପୂର୍ବମେବ ତେ।
ଯୌଗପଦ୍ଯେନ ପାର୍ଥୈର୍ହି ନିର୍ଜିତେଯଂ ବସୁନ୍ଧରା॥ 2-27-2 (12427)
`ଅବାପ୍ଯ ରାଜା ରାଜ୍ଯାର୍ଧଂ କୁନ୍ତୀପୁତ୍ରୋ ଯୁଧିଷ୍ଠିରଃ।
ମହତ୍ତ୍ବେ ରାଜଶବ୍ଦସ୍ଯ ମନଶ୍ଚକ୍ରେ ମହାମନାଃ॥ 2-27-3 (12428)
ତଦା କ୍ଷାତ୍ରଂ ବିଦିତ୍ବାଽସ୍ଯ ପୃଥିବୀବିଜଯଂ ପ୍ରତି।
ଅମର୍ଷାତ୍ପାର୍ଥିବେନ୍ଦ୍ରାଣାଂ ତଂ ସମେଯାଯ ବାରଯତ୍॥ 2-27-4 (12429)
ତତ୍ସମେତ୍ଯ ଭୁବଃ କ୍ଷାତ୍ରଂ ରଥନାଗାଶ୍ବପତ୍ତିମତ୍।
ଅଭ୍ଯଯାତ୍ପାର୍ଥିବଂ ଜିଷ୍ଣୁଂ ମୋଘଂ କର୍ତୁଂ ଜନାଧିପ॥ 2-27-5 (12430)
ତତ୍ପାର୍ଥଃ ପାର୍ଥିବଂ କ୍ଷାତ୍ରଂ ଯୁଯୁତ୍ସୁଂ ପରମାହବେ।
ପ୍ରତ୍ଯୁଦ୍ଯଯୌ ମହାବାହୁସ୍ତରସା ପାକଶାସନିଃ॥ 2-27-6 (12431)
ତଦ୍ଭଗ୍ରଂ ପାର୍ଥିବଂ କ୍ଷାତ୍ରଂ ପାର୍ଥେନାକ୍ଲିଷ୍ଟକର୍ମଣା।
ବାଯୁନେବ ଘନାନୀକଂ ତୂଲୀଭୂତଂ ଯଯୌ ଦିଶଃ॥ 2-27-7 (12432)
ତଜ୍ଜିତ୍ବା ପାର୍ଥିବଂ କ୍ଷାତ୍ରଂ ସମରେ ପରବୀରହା।
ଯଯୌ ତଦା ବଶେ କର୍ତୁମୁଦୀଚୀଂ ପାଣ୍ଡୁନନ୍ଦନଃ'॥ 2-27-8 (12433)
ପୂର୍ବଂ କୁଲିଙ୍ଗବିଷଯେ ବଶେ ଚକ୍ରେ ମହୀପତିମ୍।
ଧନଞ୍ଜଯୋ ମହାବାହୁର୍ନାତିତୀବ୍ରେଣ କର୍ମଣା॥ 2-27-9 (12434)
`ତେନୈବ ସହିତଃ ପ୍ରାଯାଜ୍ଜିଷ୍ଣୁଃ ସାଲ୍ବପୁରଂ ପ୍ରତି।
ସ ସାଲ୍ବପୁରମାସାଦ୍ଯ ସାଲ୍ବରାଜଂ ଧନଞ୍ଜଯଟଃ॥ 2-27-10 (12435)
ବିକ୍ରମେଣୋଗ୍ରଧନ୍ବାନଂ ବଶେ ଚକ୍ରେ ମହାମନାଃ।
ତଂ ପାର୍ଥଃ ସହସା ଜିତ୍ବା ଦ୍ଯୁମତ୍ସେନଂ ମହୀଶ୍ବରମ୍॥ 2-27-11 (12436)
କୃତ୍ବା ସ ସୈନିକଂ ପ୍ରାଯାତ୍କଟଦେଶମରିନ୍ଦମଃ।
ତତ୍ର ପାର୍ଥୋ ରଣେ ଜିଷ୍ଣୁଃ ସୁନାଭଂ ବସୁଧାଧିପମ୍॥ 2-27-12 (12437)
ବିକ୍ରମେଣ ବଶେ କୃତ୍ବା କୃତବାନନୁସୈନିକମ୍।
ଏତେନ ସହିତୋ ରାଜନ୍ସବ୍ଯସାଚୀ ପରନ୍ତପଃ'॥ 2-27-13 (12438)
ବିଜିଗ୍ଯେ ଶାକଲଦ୍ବୀପେ ପ୍ରତିବିନ୍ଧ୍ଯଂ ଚ ପାର୍ଥିବମ୍।
ଶାକଲଦ୍ବୀପବାସାଶ୍ଚ ସପ୍ତଦ୍ବୀପେଷୁ ଯେ ନୃପାଃ॥ 2-27-14 (12439)
ଅର୍ଜୁନସ୍ଯ ଚ ସୈନ୍ଯସ୍ଥୈର୍ବିଗ୍ରହସ୍ତୁମୁଲୋଽଭବତ୍।
ତାନ୍ସର୍ବାନଜଯତ୍ପାର୍ତୋ ଧର୍ମରାଜପ୍ରିଯେପ୍ସଯା॥ 2-27-15 (12440)
ତୈରେବ ସହିତଃ ସର୍ବୈଃ ପ୍ରଗ୍ଜ୍ଯୋତିଷମୁପାଦ୍ରବତ୍॥ 2-27-16 (12441)
ତତ୍ର ରାଜା ମହାନାସୀଦ୍ଭଗଦତ୍ତୋ ବିଶାମ୍ପତେ।
ତେନାସୀତ୍ସୁମହଦ୍ଯୁଦ୍ଧଂ ପାଣ୍ଡବସ୍ଯ ମହାତ୍ମନଃ॥ 2-27-17 (12442)
ସ କିରାତୈଶ୍ଚ ଚୀନୈଶ୍ଚ ବୃତଃ ପ୍ରାଗ୍ଜ୍ଯୋତିଷୋଽଭବତ୍।
ଅନ୍ଯୈଶ୍ଚ ବହୁଭିର୍ଯୋଧୈଃ ସାଗରାନୁପବାସିଭିଃ॥ 2-27-18 (12443)
ତତଃ ସ ଦିବସାନଷ୍ଟୌ ଯୋଧଯିତ୍ବା ଧନଞ୍ଜଯମ୍।
ପ୍ରହସନ୍ନବ୍ରବୀଦ୍ରାଜା ସଙ୍ଗ୍ରାମବିଗତକ୍ରମମ୍॥ 2-27-19 (12444)
ଉପପନ୍ନଂ ମହାବାହୋ ତ୍ବଯି କୌରବନନ୍ଦନ।
ପାକଶାସନଦାଯାଦେ ବୀର୍ଯମାହବଶୋଭିନି॥ 2-27-20 (12445)
ଅହଂ ସଖା ମହେନ୍ଦ୍ରସ୍ଯ ଶକ୍ରାଦନବରୋ ରଣେ।
ନ ଶକ୍ଷ୍ଯାମି ଚ ତେ ତାତ ସ୍ଥାତୁଂ ପ୍ରମୁଖତୋ ଯୁଧି॥ 2-27-21 (12446)
ତ୍ବମୀପ୍ସିତଂ ପାଣ୍ଡବେଯଂ ବ୍ରୂହି କିଂ କରବାଣି ତେ।
ଯଦ୍ବକ୍ଷ୍ଯସି ମହାବାହୋ ତତ୍କରିଷ୍ଯାମି ପୁତ୍ରକ॥ 2-27-22 (12447)
ଅର୍ଜୁନ ଉବାଚ॥ 2-27-23x (1437)
କୁରୂଣାମୃଷଭୋ ରାଜା ଧର୍ମପୁତ୍ରୋ ଯୁଧିଷ୍ଠିରଃ।
ଧର୍ମଜ୍ଞଃ ସତ୍ଯସନ୍ଧଶ୍ଚ ଯଜ୍ବା ବିପୁଲଦକ୍ଷିଣଃ॥ 2-27-23 (12448)
ତସ୍ଯ ପାର୍ଥିବତାମୀପ୍ସେ କରସ୍ତସ୍ମୈ ପ୍ରଦୀଯତାମ୍।
ଭବାନ୍ପିତୃସଖଶ୍ଚୈବ ପ୍ରୀଯମାଣୋ ମଯାପି ଚ।
ତତୋ ନାଜ୍ଞାପଯାମି ତ୍ବାଂ ପ୍ରୀତିପୂର୍ବଂ ପ୍ରଦୀଯତାମ୍॥ 2-27-24 (12449)
ଭଗଦତ୍ତ ଉବାଚ। 2-27-25x (1438)
କୁନ୍ତୀମାତର୍ଯଥା ମେ ତ୍ବଂ ତଥା ରାଜା ଯୁଧିଷ୍ଠିରଃ।
ସର୍ବମେତତ୍କରିଷ୍ଯାମି କିଂ ଚାନ୍ଯତ୍କରବାଣି ତେ॥ ॥ 2-27-25 (12450)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦିଗ୍ବିଜଯପର୍ବଣି ସପ୍ତବିଂଶୋଽଧ୍ଯାଯଃ॥ 27॥
ସଭାପର୍ବ - ଅଧ୍ଯାଯ 028
॥ ଶ୍ରୀଃ ॥
2.28. ଅଧ୍ଯାଯଃ 028
Mahabharata - Sabha Parva - Chapter Topics
ଅର୍ଜୁନେନ ଉତ୍ତରଦିଗ୍ବିଜଯେ ନାନାଦେଶଜଯଃ॥ 1॥Mahabharata - Sabha Parva - Chapter Text
ବୈଶମ୍ପାଯନ ଉବାଚ।
ଏବମୁକ୍ତଃ ପ୍ରତ୍ଯୁବାଚ ଭଗଦତ୍ତଂ ଧନଞ୍ଜଯଃ।
ଅନେନୈବ କୃତଂ ସର୍ବଂ ଭବିଷ୍ଯତ୍ଯନୁଜାନତା॥ 2-28-1 (12451)
ତଂ ବିଜିତ୍ଯ ମହାବାହୁଃ କୁନ୍ତୀପୁତ୍ରୋ ଧନଞ୍ଜଯଃ।
ପ୍ରଯଯାବୁତ୍ତରାଂ ତସ୍ମାଦ୍ଦିଶଂ ଧନଦପାଲିତାମ୍॥ 2-28-2 (12452)
ଅନ୍ତର୍ଗିରିଂ ଚ କୌନ୍ତେଯସ୍ତଥୈବ ଚ ବହିର୍ଗିରିମ୍।
ତଥୈବୋପଗିରଂ ଚୈବ ବିଜିଗ୍ଯେ ପୁରୁଷର୍ଷଭଃ॥ 2-28-3 (12453)
ବିଜିତ୍ଯ ପର୍ବତାନ୍ସର୍ବାନ୍ଯେ ଚ ତତ୍ର ନରାଧିପାଃ।
ତାନ୍ବଶେ ସ୍ଥାପଯିତ୍ବା ସ ଧନାନ୍ଯାଦାଯ ସର୍ବଶଃ॥ 2-28-4 (12454)
ତୈରେବ ସହିତଃ ସର୍ବୈରନୁରଜ୍ଯ ଚ ତାନ୍ନୁପାନ୍।
ଉଲୂକବାସିନଂ ରାଜନ୍ବୃହନ୍ତମୁପଜଗ୍ମିବାନ୍॥ 2-28-5 (12455)
ମୃଦଙ୍ଗବରନାଦେନ ରଥନେମିସ୍ବନେନ ଚ।
ହସ୍ତିନାଂ ଚ ନିନାଦେନ କମ୍ପଯନ୍ବସୁଧାମିମାମ୍॥ 2-28-6 (12456)
ତତୋ ବୃହନ୍ତସ୍ତ୍ବରିତୋ ବଲେନ ଚତୁରଙ୍ଗିଣା।
ନିଷ୍କ୍ରମ୍ଯ ନଗରାତ୍ତସ୍ମାଦ୍ଯୋଧଯାମାସ ଫାଲ୍ଗୁନମ୍॥ 2-28-7 (12457)
ସୁମହାନ୍ସନ୍ନିପାତୋଽଭୂଦ୍ଧନଞ୍ଜଯବୃହନ୍ତଯୋଃ।
ନ ଶଶାକ ବୃହନ୍ତସ୍ତୁ ସୋଢୁଂ ପାଣ୍ଡବବିକ୍ରମମ୍॥ 2-28-8 (12458)
ସୋଽବିଷହ୍ଯତମଂ ମତ୍ବା କୌନ୍ତେଯଂ ପର୍ବତେଶ୍ବରଃ।
ଉପାବର୍ତତ ଦୁର୍ଧର୍ଷୋ ରତ୍ନାନ୍ଯାଦାଯ ସର୍ବଶଃ॥ 2-28-9 (12459)
ସ ତଦ୍ରାଜ୍ଯମବସ୍ଥାପ୍ଯ ଉଲୂକସହିତୋ ଯଯୌ।
ସେନାବିନ୍ଦୁମଥୋ ରାଜନ୍ରାଜ୍ଯାଦାଶୁ ସମାକ୍ଷିପତ୍॥ 2-28-10 (12460)
ମୋଦାପୁରଂ ବାମବେଦଂ ସୁଦାମାନଂ ସୁସଙ୍କୁଲମ୍।
ଉଲୂକାନୁତ୍ତରାଂଶ୍ଚୈବ ତାଂଶ୍ଚ ରାଜ୍ଞଃ ସମାନଯତ୍॥ 2-28-11 (12461)
ତତ୍ରସ୍ଥଃ ପୁରୁଷୈରେବ ଧର୍ମରାଜସ୍ଯ ଶାସନାତ୍।
କିରୀଟୀ ଜିତବାନ୍ରାଜନ୍ଦେଶାନ୍ପଞ୍ଚଗଣାଂସ୍ତତଃ॥ 2-28-12 (12462)
ସ ଦେବପ୍ରସ୍ଥମାସାଦ୍ଯ ସେନାବିନ୍ଦୋଃ ପୁରଂ ପ୍ରତି।
ବଲେନ ଚତୁରଙ୍ଗେଣ ନିବେଶମକରୋତ୍ପ୍ରଭୁଃ॥ 2-28-13 (12463)
ସ ତୈଃ ପରିବୃତଃ ସର୍ବୈର୍ବିଷ୍ବଗଶ୍ବଂ ନରାଧିପମ୍॥
ଅଭ୍ଯଗଚ୍ଛନ୍ମହାତେଜାଃ ପୌରବଂ ପୁରୁଷର୍ଷଭ॥ 2-28-14 (12464)
ବିଜିତ୍ଯ ଚାହବେ ଶୂରାନ୍ପାର୍ବତୀଯାନ୍ମହାରଥାନ୍।
ଜିଗାଯ ସେନଯା ରାଜନ୍ପୁରଂ ପୌରବରକ୍ଷିତମ୍॥ 2-28-15 (12465)
ପୌରବଂ ଯୁଧି ନିର୍ଜିତ୍ଯ ଦସ୍ଯୂନ୍ପର୍ବତବାସିନଃ।
ଗଣାନୁତ୍ସବସଙ୍କେତାନଜଯତ୍ସପ୍ତ ପାଣ୍ଡବଃ॥ 2-28-16 (12466)
ତତଃ କାଶ୍ମୀରକାନ୍ବୀରାନ୍କ୍ଷତ୍ରିଯାନ୍କ୍ଷତ୍ରିଯର୍ଷଭଃ।
ବ୍ଯଜଯଲ୍ଲୋହିତଂ ଚୈବ ମଣ୍ଡଲୈର୍ଦଶଭିଃ ସହ॥ 2-28-17 (12467)
ତତସ୍ତ୍ରିଗର୍ତାଃ କୌନ୍ତେଯଂ ଦାର୍ବାଃ କୋକନଦାସ୍ତଥା।
କ୍ଷତ୍ରିଯା ବହବୋ ରାଜନ୍ନୁପାବର୍ତନ୍ତ ସର୍ବଶଃ॥ 2-28-18 (12468)
ଅଭିସାରୀଂ ତତୋ ରମ୍ଯାଂ ବିଜିଗ୍ଯେ କୁରୁନନ୍ଦନଃ।
ଉରଗାବାସିନଂ ରମ୍ଯଂ ରୋଚମାନଂ ରଣେଽଜଯତ୍॥ 2-28-19 (12469)
ତତଃ ସିଂହପୁରଂ ରମ୍ଯଂ ଚିତ୍ରାଯୁଧସୁରକ୍ଷିତମ୍।
ପ୍ରାଧମଦ୍ବଲମାସ୍ଥାଯ ପାକଶାସନିରାହବେ॥ 2-28-20 (12470)
ତତଃ ସୁହ୍ଯାଂଶ୍ଚ ଚୋଲାଂଶ୍ଚ କିରୀଟୀ ପାଣ୍ଡବର୍ଷଭଃ।
ସହିତଃ ସର୍ବସୈନ୍ଯେନ ପ୍ରାମଥତ୍କୁରୁନନ୍ଦନଃ॥ 2-28-21 (12471)
ତତଃ ପରମବିକ୍ରାନ୍ତୋ ବାହ୍ଲୀକାନ୍ପାକଶାସନିଃ।
ମହତା ପରିମର୍ଦେନ ବଶେ ଚକ୍ରେ ଦୁରାସଦାନ୍॥ 2-28-22 (12472)
ଗୃହୀତ୍ବା ତୁ ବଲଂ ସାରଂ ଫଲ୍ଗୁନଃ ପାଣ୍ଡୁନନ୍ଦନଃ।
ଦରଦାନ୍ସହକାମ୍ଭୋଜୈରଜଯତ୍ପାକଶାସନିଃ॥ 2-28-23 (12473)
ପ୍ରାଗୁତ୍ତରଂ ଦିଶଂ ଯେ ଚ ବସନ୍ତ୍ଯାଶ୍ରିତ୍ଯ ଦସ୍ଯବଃ।
ନିବସନ୍ତି ବନେ ଯେ ଚ ତାନ୍ସର୍ବାନଜଯତ୍ପ୍ରଭୁଃ॥ 2-28-24 (12474)
ଲୋହାନ୍ପରମକାମ୍ଭୋଜାନୃଷିକାନୁତ୍ତରାନପି।
ସହିତାଂସ୍ତାନ୍ମହାରାଜ ବ୍ଯଜଯତ୍ପାକଶାସନିଃ॥ 2-28-25 (12475)
ଋଷିକେଷ୍ବପି ସଙ୍ଗ୍ରାମେ ବଭୂବାତିଭଯଙ୍କରଃ।
ତାରକାମଯସଙ୍କାଶଃ ପରସ୍ତ୍ବୃଷିକପାର୍ଥଯୋଃ॥ 2-28-26 (12476)
ସ ବିଜିତ୍ଯ ତତୋ ରାଜନ୍ନୃଷିକାନ୍ରଣମୂର୍ଧନି।
ଶୁକୋଦରସମାଂସ୍ତତ୍ର ହଯାନଷ୍ଟୌ ସମାନଯତ୍॥ 2-28-27 (12477)
ମଯୂରସଦୃଶାନନ୍ଯାନୁତ୍ତରାନପରାନପି।
ଜବନାନାଶୁଗାଂଶ୍ଚୈବ କରାର୍ଥଂ ସମୁପାନଯତ୍॥ 2-28-28 (12478)
ସ ବିନିର୍ଜିତ୍ଯ ସଙ୍ଗ୍ରାମେ ହିମବନ୍ତଂ ସନିଷ୍କୃଟମ୍।
ଶ୍ବେତପର୍ବତମାସାଦ୍ଯ ନ୍ଯବିଶତ୍ପୁରୁଷର୍ଷଭଃ॥ ॥ 2-28-29 (12479)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦିଗ୍ବିଜଯପର୍ବଣି ଅଷ୍ଟାବିଂଶୋଧ୍ଯାଯଃ॥ 28॥
ସଭାପର୍ବ - ଅଧ୍ଯାଯ 029
॥ ଶ୍ରୀଃ ॥
2.29. ଅଧ୍ଯାଯଃ 029
Mahabharata - Sabha Parva - Chapter Topics
ଅର୍ଜୁନେନ ଉତ୍ତରଦିଗ୍ବିଜଯେ କିମ୍ପୁରୁଷାଦିଖଣ୍ଡଜଯଃ॥ 1॥ ଅର୍ଜୁନସ୍ଯ ଖାଣ୍ଡବପ୍ରସ୍ଥଂ ପ୍ରତି ପ୍ରତ୍ଯାଗମନମ୍॥ 2॥Mahabharata - Sabha Parva - Chapter Text
ବୈଶମ୍ପାଯନ ଇବାଚ॥
ସ ଶ୍ବେତପର୍ବତଂ ବୀରଃ ସମତିକ୍ରମ୍ଯ ବୀର୍ଯବାନ୍।
ଦେଶଂ କିମ୍ପୁରୁଷାବାସଂ ଦ୍ରୁମପୁତ୍ରେଣ ରକ୍ଷିତମ୍॥ 2-29-1 (12480)
ମହତା ସନ୍ନିପାତେନ କ୍ଷତ୍ରିଯାନ୍ତକରେଣ ହ।
ଅଜଯତ୍ପାଣ୍ଡବଶ୍ରେଷ୍ଠଃ କରେ ଚୈନଂ ନ୍ଯବେଶଯତ୍॥ 2-29-2 (12481)
ତଂ ଜିତ୍ବା ହାଟକଂ ନାମ ଦେଶଂ ଗୁହ୍ଯକରକ୍ଷିତମ୍।
ପାକଶାସନିରବ୍ଯଗ୍ରଃ ସହସୈନ୍ଯଃ ସମାସଦତ୍॥ 2-29-3 (12482)
ତାଂସ୍ତୁ ସାନ୍ତ୍ବେନ ନିର୍ଜିତ୍ଯ ମାନସଂ ସର ଉତ୍ତମମ୍।
ଋଷିକୁଲ୍ଯାସ୍ତଥା ସର୍ବା ଦଦର୍ଶ କୁରୁନନ୍ଦନଃ॥ 2-29-4 (12483)
ସରୋ ମାନସମାସାଦ୍ଯ ହାଟକାନଭିତଃ ପ୍ରଭୁଃ।
ଗନ୍ଧର୍ବରକ୍ଷିତଂ ଦେଶମଜଯତ୍ପାଣ୍ଡବସ୍ତତଃ॥ 2-29-5 (12484)
ତତ୍ର ତିତ୍ତିରିକଲ୍ମାଷାନ୍ମଣ୍ଡୂକାଖ୍ଯାନ୍ହଯୋତ୍ତମାନ୍।
ଲେଭେ ସ କରସମତ୍ଯନ୍ତଂ ଗନ୍ଧର୍ବନଗରାତ୍ତଦା॥ 2-29-6 (12485)
`ହେମକୂଟମଥାସାଦ୍ଯ ନ୍ଯବସତ୍ଫଲ୍ଗୁନସ୍ତଦା।
ତଂ ହେମକୂଟଂ ରାଜେନ୍ଦ୍ର ସମତିକ୍ରମ୍ଯ ପାଣ୍ଡବଃ॥ 2-29-7 (12486)
ହରିବର୍ଷଂ ବିବେଶାଥ ସୈନ୍ଯେନ ମହତା ବୃତଃ।
ତତ୍ର ପାର୍ଥୋ ଦଦର୍ଶାଥ ବହୂନିହ ମନୋରମାନ୍॥ 2-29-8 (12487)
ନଗରାନ୍ସବନାଂଶ୍ଚୈବ ନଦୀଶ୍ଚ ବିମଲୋଦକାଃ।
ପୁରୁଷାନ୍ଦେବକଲ୍ପାଂଶ୍ଚ ନାରୀଶ୍ଚ ପ୍ରିଯଦର୍ଶନାଃ॥ 2-29-9 (12488)
ତାନ୍ସର୍ବାସ୍ତତ୍ର ଦୃଷ୍ଟ୍ବାଽଥ ମୁଦା ଯୁକ୍ତୋ ଧନଞ୍ଜଯଟଃ।
ବଶେ ଚକ୍ରେ ସ ରତ୍ନାନି ଲେଭେ ଚ ସୁବହୂନି ଚ॥ 2-29-10 (12489)
ତତୋ ନିଷଧମାସାଦ୍ଯ ଗିରିସ୍ଥାନଜଯତ୍ପ୍ରଭୁଃ।
ଅଥ ରାଜନ୍ନତିକ୍ରମ୍ଯ ନିଷଧଂ ଶୈଲମାଯତମ୍॥ 2-29-11 (12490)
ବିବେଶ ମଧ୍ଯମଂ ବର୍ଷଂ ପାର୍ଥୋ ଦିବ୍ଯମିଲାବୃତମ୍।
ତତ୍ର ଦିବ୍ଯୋପମାନ୍ଦିବ୍ଯାନ୍ପୁରୁଷାନ୍ଦେବଦର୍ଶନାନ୍॥ 2-29-12 (12491)
ଅଦୃଷ୍ଟପୂର୍ବାନ୍ସୁଭଗାନ୍ସ ଦଦର୍ଶ ଧନଞ୍ଜଯଃ।
ସଦନାନି ଚ ଶୁଭ୍ରାଣି ନାରୀଶ୍ଚାପ୍ସରସଂନିଭାଃ॥ 2-29-13 (12492)
ଦୃଷ୍ଟ୍ବା ତାନଜଯଦ୍ରମ୍ଯାନ୍ସ ତୈଶ୍ଚ ଦଦୃଶେ ତଦା।
ଜିତ୍ବା ଚ ତାନ୍ମହାଭାଗାନ୍କରେ ଚ ବିନିବେଶ୍ଯ ଚ॥ 2-29-14 (12493)
ରତ୍ନାନ୍ଯାଦାଯ ଦିବ୍ଯାନି ଭୂଷଣାନ୍ଯାସନୈଃ ସହ।
ଉଦୀଚୀମଥ ରାଜେନ୍ଦ୍ର ଯଯୌ ପାର୍ଥୋ ମୁଦାଽନ୍ବିତଃ॥ 2-29-15 (12494)
ସ ଦଦର୍ଶ ତତୋ ମେରୁଂ ଶିଖରୀଣାଂ ପ୍ରଭୁଂ ମହତ୍।
ତଂ କାଞ୍ଚନମଯଂ ଦିବ୍ଯଂ ଚତୁର୍ବଣଂ ଦୁରାସଦମ୍॥ 2-29-16 (12495)
ଉନ୍ନତଂ ଶତସାହସ୍ରଂ ଯୋଜନାନାଂ ତୁ ସୁସ୍ଥିତମ୍।
ଜ୍ବଲନ୍ତମଚଲଂ ମେରୁଂ ତେଜୋରାଶିମନୁତ୍ତମମ୍॥ 2-29-17 (12496)
ଆକ୍ଷିପନ୍ତଂ ପ୍ରଭାଂ ଭାନୋଃ ସ୍ବଶୃଙ୍ଗୈଃ କାଞ୍ଚନୋଜ୍ଜ୍ବଲୈଃ।
କାଞ୍ଚନାଭରଣଂ ଦିବ୍ଯଦେବଗନ୍ଧର୍ବସେବିତମ୍॥ 2-29-18 (12497)
ଅପ୍ରମେଯମନାଧୃଷ୍ଯମଧର୍ମବହୁଲୈର୍ଜନୈଃ।
ବ୍ଯାଲୈରାଚରିତଂ ଧୋରୈର୍ଦିବ୍ଯୌଷଧିବିଦୀପିତମ୍॥ 2-29-19 (12498)
ସ୍ବର୍ଗମାବୃତ୍ଯ ତିଷ୍ଠନ୍ତମୁଚ୍ଛ୍ରାଯେଣ ମହାଗିରିମ୍।
ଅଗମ୍ଯଂ ମନସାପ୍ଯନ୍ଯୈର୍ନଦୀବୃକ୍ଷସମନ୍ବିତମ୍॥ 2-29-20 (12499)
ନାନାବିହଗସଙ୍ଘୈଶ୍ଚ ନାଦିତଂ ସୁମନୋହରୈଃ।
ତଂ ଦୃଷ୍ଟା ଫଲ୍ଗୁନୋ ମେରୁଂ ପ୍ରୀତିମାନଭବତ୍ତଦା॥ 2-29-21 (12500)
ମେରୋରିଲାବୃତଂ ଦିବ୍ଯଂ ସର୍ବତଃ ପରିମଣ଼୍ଡିତମ୍।
ମେରୋସ୍ତୁ ଦକ୍ଷିଣେ ପାର୍ଶ୍ବେ ଜମ୍ବୂର୍ନାମ ବନସ୍ପତିଃ॥ 2-29-22 (12501)
ନିତ୍ଯପୁଷ୍ପଫଲୋପେବଃ ସିଦ୍ଧଚାରଣସେବିତଃ।
ଆସ୍ବର୍ଗମୁଚ୍ଛ୍ରିତା ରାଜଂସ୍ତସ୍ଯ ଶାଖା ବନସ୍ପତେଃ॥ 2-29-23 (12502)
ଯସ୍ଯ ନାମ୍ନା ତ୍ବିଦଂ ଦ୍ବୀପଂ ଜନ୍ବୂଦ୍ବୀପମିତି ସ୍ମୃତମ୍।
ତାଂ ଚ ଜମ୍ବୂଂ ଦଦର୍ଶାଥ ସବ୍ଯସାଚୀ ପରନ୍ତପଃ॥ 2-29-24 (12503)
ତୌ ଦୃଷ୍ଟ୍ବାଽପ୍ରତିମୌ ଲୋକେ ଜମ୍ବୂଂ ମେରୁଂ ଚ ସଂସ୍ଥିତୌ।
ପ୍ରତୀମାନଭବଦ୍ରାଜନ୍ସର୍ବତଃ ସ ବିଲୋକଯନ୍॥ 2-29-25 (12504)
ତତ୍ର ଲେଭେ ତତୋ ଜିଷ୍ଣୁଃ ସିଦ୍ଧୈର୍ଦିବ୍ଯୈଶ୍ଚ ଚାରଣୈଃ।
ରତ୍ନାନି ବହୁସାହସ୍ରଂ ଦତ୍ତାନ୍ଯାଭରଣାନି ଚ॥ 2-29-26 (12505)
ବାସାଂସି ଚ ମହାର୍ହାଣି ତତ୍ର ଲବ୍ଧ୍ବାଽର୍ଜୁନସ୍ତଦା।
ଆମନ୍ତ୍ରଯିତ୍ବା ତାନ୍ସର୍ବାନ୍ଯଜ୍ଞମୁଦ୍ଦିଶ୍ଯ ବୈ ଗୁରୋଃ॥ 2-29-27 (12506)
ଅଥାଦାଯ ବହୂନ୍ରତ୍ନାନ୍ଗମନାଯଯୋପଚକ୍ରମେ।
ମେରୁଂ ପ୍ରଦକ୍ଷିଣୀକୃତ୍ଯ ପ୍ରବତପ୍ରବରଂ ପ୍ରଭୁଃ॥ 2-29-28 (12507)
ଯଯୌ ଜମ୍ବୂନଦୀତୀରେ ନଦୀଂ ଶ୍ରେଷ୍ଠାଂ ବିଲୋକଯନ୍।
ସ ତାଂ ମନୋରମାଂ ଦିବ୍ଯାଂ ଜମ୍ବୂସ୍ବାଦୁରସାବହାମ୍॥ 2-29-29 (12508)
ହୈମପକ୍ଷିଗଣୈର୍ଜୁଷ୍ଟାଂ ସୌବର୍ଣଜଲଜାକୁଲାମ୍।
ହୈମପଙ୍କାଂ ହୈମଜଲାଂ ସୌବର୍ଣୋଜ୍ଜ୍ବଲବାଲୁକାମ୍॥ 2-29-30 (12509)
କ୍ବଚିତ୍ମୁପିଷ୍ପିତୈଃ ପୂର୍ଣାଂ ସୌବର୍ଣକୁସୁମୋତ୍ପଲୈଃ।
କ୍ବଚିତ୍ତୀରରୁହୈଃ କୀର୍ଣାଂ ହୈମପୁଷ୍ପୈଃ ସୁପୁଷ୍ପିତୈଃ॥ 2-29-31 (12510)
ତୀର୍ଥୈଶ୍ଚ ରୁକ୍ମସୋପାନୈଃ ସର୍ବତଃ ସମଲଙ୍କୁତାମ୍।
ବିମଲୈର୍ମଣିଜାଲୈଶ୍ଚ ନୃତ୍ତଗୀତରବୈର୍ଯୁତାମ୍॥ 2-29-32 (12511)
ଦୀପ୍ତୈର୍ହେମବିତାନୈଶ୍ଚ ସମନ୍ତାଚ୍ଛୋଭିତାଂ ଶୁଭାମ୍।
ତଥାବିଧାଂ ନଦୀଂ ଦୃଷ୍ଟ୍ବା ପାର୍ଥସ୍ତାଂ ପ୍ରଶଶଂସ ହ॥ 2-29-33 (12512)
ଅଦୃଷ୍ଟପୂର୍ବାଂ ରାଜେନ୍ଦ୍ର ଦୃଷ୍ଟ୍ବା ହର୍ଷମବାପ ଚ।
ଦର୍ଶନୀଯାଂ ନଦୀତୀରେ ପୁରୁଷାନ୍ସୁମନୋହରାନ୍॥ 2-29-34 (12513)
ତାନ୍ନଦୀସଲିଲାହାରାନ୍ସଦାରାନମରୋପମାନ୍।
ନିତ୍ଯଂ ସୁଖମୁଦା ଯୁକ୍ତାନ୍ସର୍ବାଲଙ୍କାରଶୋଭିତାନ୍॥ 2-29-35 (12514)
ତେଭ୍ଯୋ ବହୂନି ରତ୍ନାନି ତଦା ଲେଭେ ଧନଞ୍ଜଯଃ।
ଦିବ୍ଯଜମ୍ବୂଫଲଂ ହୈମଂ ଭୂଷଣାନି ଚ ପେଶଲମ୍॥ 2-29-36 (12515)
ଲବ୍ଧ୍ବା ତାନ୍ଦୁର୍ଲଭାନ୍ପାର୍ଥଃ ପ୍ରତୀଚୀଂ ପ୍ରଯଯୌ ଦିଶମ୍।
ନାଗାନାଂ ରକ୍ଷିତଂ ଦେଶମଜଯଶ୍ଚ ପୁନସ୍ତତଃ॥ 2-29-37 (12516)
ତତୋ ଗନ୍ବା ମହାରାଜ ବାରୁଣୀଂ ପାକଶାସନିଃ।
ଗନ୍ଧମାଦନମାସାଦ୍ଯ ତତସ୍ତାନଜଯତ୍ପ୍ରଭୁଃ॥ 2-29-38 (12517)
ତଂ ଗନ୍ଧମାଦନଂ ରାଜନ୍ନତିକ୍ରମ୍ଯ ତତୋଽର୍ଜୁନଃ।
କେତୁମାଲଂ ଦଦର୍ଶାଥ ବର୍ଷଂ ରତ୍ନସମନ୍ବିତମ୍॥ 2-29-39 (12518)
ସେବିତଂ ଦେବକଲ୍ପୈଶ୍ଚ ନାରୀଭିଃ ପ୍ରିଯଦର୍ଶନୈଃ।
ତଂ ଜିତ୍ବା ଚାର୍ଜୁନୋ ରାଜନ୍କରେ ଚ ବିନିବେଶ୍ଯ ଚ॥ 2-29-40 (12519)
ଆହୃତ୍ଯ ତତ୍ର ରତ୍ନାନି ଦୁର୍ଲଭାନି ତଥାର୍ଜୁନଃ।
ପୁନଶ୍ଚ ପରିବୃତ୍ଯାଥ ମାଧ୍ଯଂ ଦେଶମିଲାବୃତମ୍॥ 2-29-41 (12520)
ଗତ୍ବା ପ୍ରାଚୀଂ ଦିଶଂ ରାଜନ୍ସବ୍ଯସାଚୀ ଧନଞ୍ଜଯଃ।
ମେରୁମନ୍ଦରଯୋର୍ମଧ୍ଯେ ଶୈଲୋଦାମଭିତୋ ନଦୀମ୍॥ 2-29-42 (12521)
ଯେ ତେ କୀଚକବେଣୂନାଂ ଛାଯାଂ ରମ୍ଯାମୁପାସତେ।
କଷାନ୍ଝଷାଂଶ୍ଚ ନଦ୍ଯୌ ତାନ୍ପ୍ରଘସାନ୍ଦୀପ୍ତବେଣିପାନ୍॥ 2-29-43 (12522)
ପଶୁପାଂଶ୍ଚ କୁଲିନ୍ଦାଂଶ୍ଚ ତଙ୍କଣାନ୍ପରତଙ୍କଣାନ୍।
ଏତାନ୍ସମସ୍ତାଞ୍ଜିତ୍ବା ଚ କରେ ଚ ବିନିବେଶ୍ଯ ଚ॥ 2-29-44 (12523)
ରତ୍ନାନ୍ଯାଦାଯ ସର୍ବେଭ୍ଯୋ ମାଲ୍ଯବନ୍ତଂ ତତୋ ଯଯୌ।
ତଂ ମାଲ୍ଯବନ୍ତଂ ଶୈଲେନ୍ଦ୍ରଂ ସମତିକ୍ରମ୍ଯ ପାଣ୍ଡବଃ॥ 2-29-45 (12524)
ଭଦ୍ରାଶ୍ବଂ ପ୍ରବିବେଶାଥ ବର୍ଷଂ ସ୍ବର୍ଗୋପମଂ ଶୁଚିମ୍।
ତତ୍ର ଦେବୋପମାନ୍ଦିବ୍ଯାନ୍ପୁରୁଷାଞ୍ଶୁଭସଂଯୁତାନ୍॥ 2-29-46 (12525)
ଜିତ୍ବା ତାନ୍ସ୍ବବଶେ କୃତ୍ବା କରେ ଚ ବିନିବେଶ୍ଯ ଚ।
ଆହୃତ୍ଯ ସର୍ବତୋ ରତ୍ନାନ୍ଯସଙ୍ଖ୍ଯାନି ତତସ୍ତତଃ॥ 2-29-47 (12526)
ନୀଲଂ ନାମ ଗିରିଂ ଗତ୍ବା ତତ୍ରସ୍ଥାନଜଯତ୍ପ୍ରଭୁଃ।
ତତୋ ଜିଷ୍ଣୁରତିକ୍ରମ୍ଯ ପର୍ବତଂ ନୀଲମାଯତମ୍॥ 2-29-48 (12527)
ବିବେଶ ରମ୍ଯକଂ ବର୍ଷଂ ସଙ୍କୀର୍ଣଂ ମିଥୁନୈଃ ଶୁଭୈଃ।
ତଂ ଦେଶମଥ ଜିତ୍ବା ସ କରେ ଚ ବିନିବେଶ୍ଯ ଚ॥ 2-29-49 (12528)
ଅଜଯଚ୍ଚାପି ବୀଭତ୍ସୁର୍ଦେଶଂ ଗୁହ୍ଯକରକ୍ଷିତମ୍।
ତତ୍ର ଲେଭେ ଚ ରାଜେନ୍ଦ୍ର ସୌବର୍ଣାନ୍ମୃଗପକ୍ଷିଣଃ॥ 2-29-50 (12529)
ଅଗୃହ୍ଣାଦ୍ଯଜ୍ଞଭୂତ୍ଯର୍ଥଂ ରମଣୀଯାନ୍ମନୋହରାନ୍।
ଅନ୍ଯାଂଶ୍ଚ ଲବ୍ଧ୍ବା ରତ୍ନାନି ପାଣ୍ଡବୋଽଥ ମହାବଲଃ॥ 2-29-51 (12530)
ଗନ୍ଧର୍ବରକ୍ଷିତଂ ଦେଶମଜଯତ୍ସଗଣଂ ତଦା।
ତତ୍ର ରତ୍ନାନି ଦିବ୍ଯାନି ଲବ୍ଧ୍ବା ରାଜନ୍ନଥାର୍ଜୁନଃ॥ 2-29-52 (12531)
ବର୍ଷଂ ହିରଣ୍ବତଂ ନାମ ବିବେଶାଥ ମହୀପତେ।
ସ ତୁ ଦେଶେଷୁ ରମ୍ଯେଷୁ ଗନ୍ତୁଂ ତତ୍ରୋପଚକ୍ରମେ॥ 2-29-53 (12532)
ମଧ୍ଯେ ପ୍ରାସାଦବୃନ୍ଦେଷୁ ନକ୍ଷତ୍ରାଣାଂ ଶଶୀ ଯଥା।
ମହାପଥେଷୁ ରାଜୈନ୍ଦ୍ର ସର୍ବତୋ ଯାନ୍ତମର୍ଜୁନମ୍॥ 2-29-54 (12533)
ପ୍ରାସାଦବରଶୃଙ୍ଗସ୍ଥାଃ ପରଯା ବୀର୍ଯଶୋଭଯା।
ଦଦୃଶୁସ୍ତଂ ସ୍ରିଯଃ ସର୍ବାଃ ପାର୍ଥମାତ୍ମଯଶସ୍କରମ୍॥ 2-29-55 (12534)
ତଂ କଲାପଧରଂ ଶୂରଂ ସରଥଂ ସଧନୁଃ କରମ୍।
ସବର୍ମଂ ସକିରୀଟଂ ବୈ ସଂନଦ୍ଧଂ ସପରିଚ୍ଛଦମ୍॥ 2-29-56 (12535)
ସୁକୁମାରଂ ମହାସତ୍ବଂ ତେଜୋରାଶିମନୁତ୍ତମମ୍।
ଶକ୍ରୋପମମମିତ୍ରଘ୍ନଂ ପରବାରଣବାରଣମ୍॥ 2-29-57 (12536)
ପଶ୍ଯନ୍ତଃ ସ୍ତ୍ରୀଗଣାସ୍ତତ୍ର ଶକ୍ତିପାଣିଂ ସ୍ମ ମେନିରେ।
ଅଯଂ ସ ପୁରୁଷବ୍ଯାଘ୍ରୋ ରଣେଽଦ୍ଭୁତପରାକ୍ରମଃ॥ 2-29-58 (12537)
ଅସ୍ଯ ବାହୁବଲଂ ପ୍ରାପ୍ଯ ନ ଭବନ୍ତ୍ଯସୁହୃଦ୍ଗଣାଃ।
ଇତି ବାଚୋ ବ୍ରୁବନ୍ତ୍ଯସ୍ତାଃ ସ୍ତ୍ରିଯଃ ପ୍ରେମ୍ଣା ଧନଞ୍ଜଯମ୍॥ 2-29-59 (12538)
ତୁଷ୍ଟୁବୁଃ ପୁଷ୍ପବୃଷ୍ଟିଂ ଚ ସସୃଜୁସ୍ତସ୍ଯ ମୂର୍ଧନି।
ଦୃଷ୍ଟ୍ବା ତେ ତୁ ମୁଦା ଯୁକ୍ତାଃ କୌତୂହଲସମନ୍ବିତଃ॥ 2-29-60 (12539)
ରତ୍ନୈର୍ବିଭୂଷଣୈଶ୍ଚୈବ ଅଭ୍ଯବର୍ଷଂଶ୍ଚ ପାଣ୍ଡବମ୍।
ଅଥ ଜିତ୍ବା ସମସ୍ତାଂସ୍ତାନ୍କରେ ଚ ବିନିବେଶ୍ଯ ଚ॥ 2-29-61 (12540)
ମଣିହେମପ୍ରବାଲାନି ଶସ୍ତ୍ରାଣ୍ଯାଭରଣାନି ଚ।
ଏତାନି ଲବ୍ଧ୍ବା ପାର୍ଥୋଽଥ ଶୃଙ୍ଗବନ୍ତଂ ଗିରିଂ ଯଯୌ॥ 2-29-62 (12541)
ଶୃଙ୍ଗବନ୍ତଂ ଚ କୌରବ୍ଯଃ ସମତିକ୍ରମ୍ଯ ଫଲ୍ଗୁନଃ।
ଉତ୍ତରଂ ହରିବର୍ଷଂ ତୁ ସ ସମାସାଦ୍ଯ ପାଣ୍ଡବଃ॥ 2-29-63 (12542)
ବିଦ୍ଯାଧରଗଣାଂଶ୍ଚୈବ ଯକ୍ଷେନ୍ଦ୍ରାଂଶ୍ଚ ବିନିର୍ଜଯନ୍।
ତତ୍ର ଲେଭେ ମହାତ୍ମା ବୈ ବାସୋ ଦିବ୍ଯମନୁତ୍ତମମ୍॥ 2-29-64 (12543)
କିନ୍ନରଦ୍ରୁମପତ୍ରାଂଶ୍ଚ ତତ୍ର କୃଷ୍ଣାଜିନାନ୍ବହୂନ୍।
ଯାଜ୍ଞୀଯାଂସ୍ତାଂସ୍ତଦା ଦିବ୍ଯାଂସ୍ତତ୍ର ଲେଭେ ଧନଞ୍ଜଯ'॥ 2-29-65 (12544)
ଉତ୍ତରଂ ହରିବର୍ଷଂ ତୁ ସ ସମାସାଦ୍ଯ ପାଣ୍ଡବଃ।
ଇଯେଷ ଜେତୁଂ ତଂ ଦେଶଂ ପାକଶାସନନ୍ଦନଃ॥ 2-29-66 (12545)
ତତ ଏନଂ ମହାବୀର୍ଯଂ ମହାକାଯା ମହାବଲାଃ।
ଦ୍ବାରପାଲାଃ ସମାସାଦ୍ଯ ହୃଷ୍ଟା ବଚନମବ୍ରୁବନ୍॥ 2-29-67 (12546)
ପାର୍ଥ ନେଦଂ ତ୍ବଯା ଶକ୍ଯଂ ପୁରଂ ଜେତୁଂ କଥଞ୍ଜନ।
ଉପାବର୍ତସ୍ବ କଲ୍ଯାଣ ପର୍ଯାପ୍ତମିଦମଚ୍ଯୁତ॥ 2-29-68 (12547)
ଇଦଂ ପୁରଂ ଯଃ ପ୍ରବିଶେଦ୍ଘ୍ରୁବଂ ନ ସ ଭବେନ୍ନରଃ।
ପ୍ରୀଯାମହେ ତ୍ବଯା ବୀର ପର୍ଯାପ୍ତୋ ବିଜଯସ୍ତବୈ॥ 2-29-69 (12548)
ନ ଚାତ୍ର କିଞ୍ଚିଜ୍ଜେତବ୍ଯମର୍ଜୁନାତ୍ର ପ୍ରଦୃଶ୍ଯତେ।
ଉତ୍ତରାଃ କୁରୁବୋ ହ୍ଯେତେ ନାତ୍ର ଯୁଦ୍ଧଂ ପ୍ରବର୍ତତେ॥ 2-29-70 (12549)
ପ୍ରବିଷ୍ଟୋଽପି ହି କୌନ୍ତେଯ ନେହ ଦ୍ରକ୍ଷ୍ଯସି କିଞ୍ଚନ।
ନ ହି ମାନୁଷଦେହେନ ଶକ୍ଯମତ୍ରାଭିବୀକ୍ଷିତୁମ୍॥ 2-29-71 (12550)
ଅଥେହ ପୁରୁଷବ୍ଯାଘ୍ର କିଞ୍ଚିଦନ୍ଯଚ୍ଚିକୀର୍ଷସି।
ତତ୍ପ୍ରବ୍ରୂହି କରିଷ୍ଯାମୋ ବଚନାତ୍ତବ ଭାରତ॥ 2-29-72 (12551)
ତତସ୍ତାନବ୍ରବୀଦ୍ରାଜନ୍ନର୍ଜୁନଃ ପ୍ରହସନ୍ନିବ।
ପାର୍ଥିବତ୍ବଂ ଚିକୀର୍ଷାମି ଧର୍ମରାଜସ୍ଯ ଧୀମତଃ॥ 2-29-73 (12552)
ନ ପ୍ରବେକ୍ଷ୍ଯାମି ବୋ ଦେଶଂ ବିରୁଦ୍ଧଂ ଯଦି ମାନୁଷୈଃ।
ଯୁଧିଷ୍ଠିରାଯ ଯତ୍କିଞ୍ଚିତ୍କରପଣ୍ଯଂ ପ୍ରଦୀଯତାମ୍॥ 2-29-74 (12553)
`ନୋ ଚେତ୍କୃଷ୍ଣେନ ସହିତୋ ଯୋଧଯିଷ୍ଯାମି ସାଯକୈଃ'।
ତତୋ ଦିବ୍ଯାନି ବସ୍ତ୍ରାଣି ଦିବ୍ଯାନ୍ଯାଭରଣାନି ଚ।
କ୍ଷୌମାଜିନାନି ଦିବ୍ଯାନି ତସ୍ଯ ତେ ପ୍ରଦଦୁଃ କରମ୍॥ 2-29-75 (12554)
ଏବଂ ସ ପୁରୁଷବ୍ଯାଘ୍ରୋ ବିଜିତ୍ଯ ଦିଶମୁତ୍ତରାମ୍।
ସଙ୍ଗ୍ରାମାନ୍ସୁବହୂନ୍କୃତ୍ବା କ୍ଷତ୍ରିଯୈର୍ଦସ୍ଯୁଭିସ୍ତଥା॥ 2-29-76 (12555)
ସ ବିନିର୍ଜିତ୍ଯ ରାଜ୍ଞସ୍ତାନ୍କରେ ଚ ବିନିବେଶ୍ଯ ତୁ।
ଧନାନ୍ଯାଦାଯ ସର୍ବେଭ୍ଯୋ ରତ୍ନାନି ବିବିଧାନି ଚ॥ 2-29-77 (12556)
ହଯାଂସ୍ତିତ୍ତିରିକଲ୍ମାଷାଞ୍ଶୁକପତ୍ରନିଭାନପି।
ମଯୂରସଦୃଶାନ୍ଯାନ୍ସର୍ବାନନିଲରଂହସଃ॥ 2-29-78 (12557)
ବୃତଃ ସୁମହତା ରାଜନ୍ବଲେନ ଚତୁରଙ୍ଗିଣା।
ଆଜଗାମ ପୁନର୍ବୀରଃ ଶକ୍ରପ୍ରସ୍ଥଂ ପୁରୋତ୍ତମମ୍॥ 2-29-79 (12558)
ଧର୍ମରାଜାଯ ତତ୍ପାର୍ଥୋ ଧନଂ ସର୍ବଂ ସବାହନମ୍।
ନ୍ଯବେଦଯଦନୁଜ୍ଞାତସ୍ତେନ ରାଜ୍ଞା ଗୃହାନ୍ଯଯୌ॥ ॥ 2-29-80 (12559)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦିଗ୍ବିଜଯପର୍ବଣି ଏକୋନତ୍ରିଂଶୋଽଧ୍ଯାଯଃ॥ 29॥
ସଭାପର୍ବ - ଅଧ୍ଯାଯ 030
॥ ଶ୍ରୀଃ ॥
2.30. ଅଧ୍ଯାଯଃ 030
Mahabharata - Sabha Parva - Chapter Topics
ଭୀମେନ ପ୍ରାଚୀଦିଗ୍ବିଜଯେ ପାଞ୍ଚାଲଦେଶଗମନମ୍॥Mahabharata - Sabha Parva - Chapter Text
ବୈଶମ୍ପାଯନ ଉବାଚ।
ଏତସ୍ମିନ୍ନେବ କାଲେ ତୁ ଭୀମସେନୋଽପି ବୀର୍ଯବାନ୍।
ଧର୍ମରାଜମନୁଜ୍ଞାପ୍ଯ ଯଯୌ ପ୍ରାଚୀଂ ଦିଶଂ ପ୍ରତି॥ 5 2-30-1 (12560)
ମହତା ବଲଚକ୍ରେଣ ପରରାଷ୍ଟ୍ରାବମର୍ଦିନା।
ହସ୍ତ୍ଯଶ୍ବରଥପୂର୍ଣେନ ଦଂଶିତେନ ପ୍ରତାପବାନ୍। 2-30-2 (12561)
ବୃତୋ ଭରତଶାର୍ଦୂଲୋ ଦ୍ବିଷଚ୍ଛୋକବିବର୍ଧନଃ।
ସ ଗତ୍ବା ନରଶାର୍ଦୂଲଃ ପଞ୍ଚାଲାନାଂ ପୁରଂ ମହତ୍॥ 2-30-3 (12562)
ପଞ୍ଚାଲାନ୍ବିବିଧୋପାଯୈଃ ସାନ୍ତ୍ବଯାମାସ ପାଣ୍ଡବଃ।
`କିଞ୍ଚିତ୍କରଂ ସମାଦାଯ ବିଦେହାନାଂ ପୁରଂ ଯଯୌ'॥
ତତଃ ସ ଗଣ୍ଡକାଞ୍ଶୂରୋ ବିଦେହାନ୍ଭରତର୍ଷଭଃ॥ 2-30-4 (12563)
ବିଜିତ୍ଯାଲ୍ପେନ କାଲେନ ଦଶାର୍ଣାନଜଯତ୍ପ୍ରଭୁଃ।
ତତ୍ର ଦାଶାର୍ଣକୋ ରାଜା ସୁଧର୍ମା ରୋମହର୍ଷଣମ୍।
କୃତବାନ୍ଭୀମସେନେମ ମହଦ୍ଯୁଦ୍ଧଂ ନିରାଯୁଧମ୍। 2-30-5 (12564)
ଭୀମସେନସ୍ତୁ ତଦ୍ଦୃଷ୍ଟ୍ବା ତସ୍ଯ କର୍ମ ମହାତ୍ମନଃ।
ଅଧିସେନାପତିଂ ଚକ୍ରେ ସୁଧର୍ମାଣଂ ମହାବଲମ୍॥ 2-30-6 (12565)
ତତଃ ପ୍ରାଚୀଂ ଦିଶଂ ଭୀମୋ ଯଯୌ ଭୀମପରାକ୍ରମଃ।
ସୈନ୍ଯେନ ମହତା ରାଜନ୍କମ୍ପଯନ୍ନିବ ମେଦିନୀମ୍॥ 2-30-7 (12566)
ସୋଽଶ୍ବମେଧେଶ୍ବରଂ ରାଜନ୍ରୋଚମାନଂ ସହାନୁଗମ୍।
ଜିଗାଯ ସମରେ ବୀରୋ ବଲେନ ବଲିନାଂ ବରଃ॥ 2-30-8 (12567)
ସ ତଂ ନିର୍ଜିତ୍ଯ କୌନ୍ତେଯୋ ନାତିତୀବ୍ରେଣ କର୍ମଣା।
ପୂର୍ବଦେଶଂ ମହାବୀର୍ଯଂ ବିଜିଗ୍ଯେ କୁରନନ୍ଦନଃ॥ 2-30-9 (12568)
ତତୋ ଦକ୍ଷିଣମାଗମ୍ଯ ପୁଲିନ୍ଦନଗରଂ ମହତ୍।
ସୁକୁମାରଂ ବଶେ ଚକ୍ରେ ସୁମିତ୍ରଂ ଚ ନରାଧିପମ୍॥ 2-30-10 (12569)
ତତସ୍ତୁ ଧର୍ମରାଜସ୍ଯ ଶାସନାଦ୍ଭରତର୍ଷଭଃ।
ଶିଶୁପାଲଂ ମହାବୀର୍ଯମଭ୍ଯଗାଜ୍ଜନମେଜଯ॥ 2-30-11 (12570)
ଚେଦିରାଜୋଽପି ତଚ୍ଛ୍ରୁତ୍ବା ପାଣ୍ଡବସ୍ଯ ଚିକୀର୍ଷିତମ୍।
ଉପନିଷ୍କମ୍ଯ ନଗରାତ୍ପ୍ରତ୍ଯଗୃହ୍ଣାତ୍ପରନ୍ତପ॥ 2-30-12 (12571)
ତୌ ସମେତ୍ଯ ମହାରାଜ କୁରୁଚେଦିବୃଷୌ ତଦା।
ଉଭଯୋରାତ୍ମକୁଲଯୋଃ କୌଶଲଂ ପର୍ଯପୃଚ୍ଛତାମ୍॥ 2-30-13 (12572)
ତତୋ ନିବେଦ୍ଯ ତଦ୍ରାଷ୍ଟ୍ରଂ ଚେଦିରାଜୋ ବିଶାମ୍ପତେ।
ଉବାଚ ଭୀମଂ ପ୍ରହସନ୍କିମିଦଂ କୁରୁଷେଽନଘ। 2-30-14 (12573)
ତସ୍ଯ ଭୀମସ୍ତଦାଚଖ୍ଯୌ ଧର୍ମରାଜଚିକୀର୍ଷିତମ୍।
ସ ଚ ତଂ ପ୍ରତିଗୃହ୍ଯୈବ ତଥା ଚକ୍ରେ ନରାଧିପଃ॥ 2-30-15 (12574)
ତତୋ ଭୀମସ୍ତତ୍ର ରାଜନ୍ନିଷିତ୍ବା ତ୍ରିଦଶାଃ କ୍ଷପାଃ।
ସତ୍କୃତଃ ଶିଶୁପାଲେନ ଯଯୌ ସବଲବାହନଃ॥ ॥ 2-30-16 (12575)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦିଗ୍ବିଜଯପର୍ବଣି ତ୍ରିଂଶୋଽଧ୍ଯାଯଃ॥ 30॥
ସଭାପର୍ବ - ଅଧ୍ଯାଯ 031
॥ ଶ୍ରୀଃ ॥
2.31. ଅଧ୍ଯାଯଃ 031
Mahabharata - Sabha Parva - Chapter Topics
ପ୍ରାଚୀଂ ଦିଶଂ ନିର୍ଜିତ୍ଯ ଭୀମସ୍ଯ ପ୍ରତିନିବର୍ତନମ୍॥1॥Mahabharata - Sabha Parva - Chapter Text
ବୈଶମ୍ପାଯନ ଉବାଚ।
ତତଃ କୁମାରବିଷଯେ ଶ୍ରେଣିମନ୍ତମଥାଜଯତ୍।
କୋସଲାଧିପତିଂ ଚୈବ ବୃହଦ୍ବଲମରିନ୍ଦମଃ॥ 2-31-1 (12576)
ଅଯୋଧ୍ଯାଯାଂ ତୁ ଧର୍ମଜ୍ଞଂ ଦୀର୍ଘଯଜ୍ଞଂ ମହାବଲମ୍।
ଅଜଯତ୍ଣଣ୍ଡବଶ୍ରେଷ୍ଠୋ ନାତିତୀବ୍ରେଣ କର୍ମଣା॥ 2-31-2 (12577)
ତତୋ ଗୋପାଲକକ୍ଷଂ ଚ ସୋତ୍ତରାନପି କୋସଲାନ୍।
ମଲ୍ଲାନାମଧିପଂ ଚୈବ ପାର୍ଥିବଂ ଚାଜଯତ୍ପ୍ରଭୁଃ॥ 2-31-3 (12578)
ତତୋ ହିମବତଃ ପାର୍ଶ୍ବଂ ସମଭ୍ଯେତ୍ଯ ଜଲୋଦ୍ଭବମ୍।
ସର୍ବମଲ୍ପେନ କାଲେନ ଦେଶଂ ଚକ୍ରେ ବଶଂ ବଲୀ॥ 2-31-4 (12579)
ଏବଂ ବହୁବିଧାନ୍ଦେଶାନ୍ବିଜିଗ୍ଯେ ଭରତର୍ଷଭଃ।
ଭଲ୍ଲାଟମଭିତୋ ଜିଗ୍ଯେ ଶୁକ୍ତିମନ୍ତଂ ଚ ପର୍ବତମ୍॥ 2-31-5 (12580)
ପାଣ୍ଡବଃ ସୁମହାବୀର୍ଯୋ ବଲେନ ବଲିନାଂ ବରଃ।
ସ କାଶିରାଜଂ ସମରେ ସୁବାହୁମନିବର୍ତିନମ୍॥ 2-31-6 (12581)
ବଶେ ଚକ୍ରେ ମହାବାହୁର୍ଭୀମୋ ଭୀମପରାକ୍ରମଃ।
ତତଃ ସୁପାର୍ଶ୍ବମଭିତସ୍ତଥା ରାଜପତିଂ କ୍ରଥମ୍॥ 2-31-7 (12582)
ଯୁଧ୍ଯମାନଂ ବାଲତ୍ସଙ୍ଖ୍ଯେ ବିଜିଗ୍ଯେ ପାଣ୍ଡବର୍ଷଭଃ।
ତତୋ ମତ୍ସ୍ଯାନ୍ମହାତେଜା ମଲଦାଂଶ୍ଚ ମହାବଲାନ୍॥ 2-31-8 (12583)
ଅନଘାନଭଯାଂଶ୍ଚୈବ ପଶୁଭୂମିଂ ଚ ସର୍ବଶଃ।
ନିବୃତ୍ଯ ଚ ମହାବାହୁର୍ମଦଧାରଂ ମହୀଧରମ୍॥ 2-31-9 (12584)
ସୋମଧେଯାଂଶ୍ଚ ନିର୍ଜିତ୍ଯ ପ୍ରତ୍ଯଯାବୁତ୍ତରାମୁଖଃ।
ବତ୍ସଭୂମିଂ ଚ କୌନ୍ତେଯୋ ବିଜିଗ୍ଯେ ବଲବାନ୍ବଲାତ୍॥ 2-31-10 (12585)
ଭର୍ଗାଣାମଧିପଂ ଚୈବ ନିଷାଦାଧିପତିଂ ତଥା।
ବିଜିଗ୍ଯେ ଭୂମିପାଲାଂଶ୍ଚ ମମିମତ୍ପ୍ରମୁଖାନ୍ବହୂନ୍॥ 2-31-11 (12586)
ତତୋ ଦକ୍ଷିଣମଲ୍ଲାଂଶ୍ଚ ଭୋଗବନ୍ତଂ ଚ ପର୍ବତମ୍।
ତରସୈବାଜଯଦ୍ଭୀମୋ ନାତିତୀବ୍ରେଣ କର୍ମଣା॥ 2-31-12 (12587)
ଶର୍ମକାନ୍ବର୍ମକାଂଶ୍ଚୈବ ବ୍ଯଜଯତ୍ସାନ୍ତ୍ବପୂର୍ବକମ୍।
ବୈଦେହକଂ ଚ ରାଜାନଂ ଜନକଂ ଜଗତୀପତିମ୍॥ 2-31-13 (12588)
ବିଜିଗ୍ଯେ ପୁରୁଷବ୍ଯାଘ୍ରୋ ନାତିତୀବ୍ରେଣ କର୍ମଣା।
ଶକାଂଶ୍ଚ ବର୍ବରାଶ୍ଚୈବ ଅଜଯଚ୍ଛଦ୍ମପୂର୍ବକମ୍॥ 2-31-14 (12589)
ବୈଦେହସ୍ଥସ୍ତୁ କୌନ୍ତେଯ ଇନ୍ଦ୍ରପର୍ବତମନ୍ତିକାତ୍।
କିରାତାନାମଧିପତୀନଜଯତ୍ସପ୍ତ ପାଣ୍ଡବଃ॥ 2-31-15 (12590)
ତତଃ ସୁହ୍ଯାନ୍ପ୍ରସୁହ୍ଯାଂଶ୍ଚ ସପକ୍ଷାନତିବୀର୍ଯବାନ୍।
ବିଜିତ୍ଯ ଯୁଧି କୌନ୍ତେଯୋ ମାଗଧାନଭ୍ଯଧାଦ୍ବଲୀ॥ 2-31-16 (12591)
ଦଣ୍ଡଂ ଚ ଦଣ୍ଡଧାରଂ ଚ ବିଜିତ୍ଯ ପୃଥିବୀପତୀନ୍।
ତୈରେବ ସହିତୈଃ ସର୍ବୈର୍ଗିରିବ୍ରଜମୁପାଦ୍ରବତ୍॥ 2-31-17 (12592)
ଜାରାସନ୍ଧିଂ ସାନ୍ତ୍ବଯିତ୍ବା କରେ ଚ ବିନିବେଶ୍ଯ ହ।
ତୈରେବ ସହିତୈଃ ସର୍ବୈଃ କର୍ଣମବ୍ଯଦ୍ରବଦ୍ବଲୀ॥ 2-31-18 (12593)
ସ କମ୍ପଯନ୍ନିବ ମହୀଂ ବଲେନ ଚତୁଙ୍ଗିଣା।
ଯୁଯୁଧେ ପାଣ୍ଡବଶ୍ରେଷ୍ଠଃ କର୍ଣେନାମିତ୍ରଘାତିନା॥ 2-31-19 (12594)
ସ କର୍ଣଂ ଯୁଧି ନିର୍ଜିତ୍ଯ ବଶେ କୃତ୍ବା ଚ ଭାରତ।
ତତୋ ବିଜିଗ୍ଯେ ବଲବାନ୍ରାଜ୍ଞଃ ପର୍ବତବାସିନଃ॥ 2-31-20 (12595)
ଅଥ ମୋଦାଗିରୌ ଚୈବ ରାଜାନଂ ବଲବତ୍ତରମ୍।
ପାଣ୍ଡବୋ ବାହୁବୀର୍ଯେଣ ନିଜଘାନ ମହାମୃଧେ॥ 2-31-21 (12596)
ତତଃ ପୁଣ୍ଡ୍ରାଧିପଂ ବୀରଂ ବାସୁଦେବଂ ସମାଯଯୌ।
`ଇଦାନୀଂ ବୃଷ୍ଣିବୀରେଣ ନ ଯୋତ୍ସ୍ଯାମୀତି ପୌଣ୍ଡ୍ରକଃ॥ 2-31-22 (12597)
କୃଷ୍ଣସ୍ଯ ଭୁଜସଂତ୍ରାସାତ୍କରମାଶୁ ଦଦୌ ନୃପଃ'।
କୌଶିକୀକଚ୍ଛନିଲଯଂ ରାଜାନଂ ଚ ମହୌଜସମ୍॥ 2-31-23 (12598)
ଉଭୌ ବଲଭୃତୌ ବୀରାବୁମୌ ତୀବ୍ରପରାକ୍ରମୌ।
ନିର୍ଜିତ୍ଯାଜୌ ମହାରାଜ ବଙ୍ଗରାଜମୁପାଦ୍ରବତ୍॥ 2-31-24 (12599)
ସମୁଦ୍ରସେନ ନିର୍ଜିତ୍ଯ ଚନ୍ଦ୍ରସେନଂ ଚ ପାର୍ଥିବମ୍।
ତାମ୍ରଲିପ୍ତଂ ଚ ରାଜାନଂ କର୍ବଟାଧିପତିଂ ତଥା॥ 2-31-25 (12600)
ସୁହ୍ଯାନାମଧିପଂ ଚୈବ ଯେ ଚ ସାଗରବାସିନଃ।
ସର୍ବାନ୍ମ୍ଲେଚ୍ଛଗଣାଂଶ୍ଚୈବ ବିଜିଗ୍ଯେ ଭରତର୍ଷଭଃ॥ 2-31-26 (12601)
ଏବଂ ବହୁବିଧାନ୍ଦେଶାନ୍ବିଜିତ୍ଯ ପବନାତ୍ମଜଃ।
ବସୁ ତେଭ୍ଯ ଉପାଦାଯ ଲୌହିତ୍ଯମଗଦ୍ବଲୀ॥ 2-31-27 (12602)
ସ ସର୍ବାନ୍ମ୍ଲେଚ୍ଛନୃପତୀନ୍ସାଗରାନୂପବାସିନଃ।
କରମାହାରଯାମାସ ରତ୍ନାନି ବିବିଧାନି ଚ॥ 2-31-28 (12603)
ଚନ୍ଦନାଗୁରୁବସ୍ତ୍ରାଣି ମଣିମୌକ୍ତିକକମ୍ବଲମ୍।
କାଞ୍ଚନଂ ରଜତଂ ଚୈବ ବିଦ୍ରୁମଂ ଚ ମହାଧନମ୍॥ 2-31-29 (12604)
ତେ କୋଟୀଶତସଙ୍ଖ୍ଯେନ କୌନ୍ତେଯଂ ମହତା ତଦା।
ଅଭ୍ଯବର୍ଷନ୍ମହାତ୍ମାନଂ ଧନବର୍ଷେଣ ପାଣ୍ଡବମ୍॥ 2-31-30 (12605)
ଇନ୍ଦ୍ରପ୍ରସ୍ଥମୁପାଗମ୍ଯ ଭୀମୋ ଭୀମପରାକ୍ରମଃ।
ନିବେଦଯାମାସ ତଦା ଧର୍ମରାଜାଯ ତଦ୍ଧନମ୍॥ ॥ 2-31-31 (12606)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦିଗ୍ବିଜଯପର୍ବଣି ଏକତ୍ରିଂଶୋଽଧ୍ଯାଯଃ॥ 32॥
Mahabharata - Sabha Parva - Chapter Footnotes
2-31-16 ସୁହ୍ଯା ରାଢାଃ ମାଗଧାନଭ୍ଯଧାଦ୍ବଲୀ କରଂ ପ୍ରଯଚ୍ଛତେତ୍ଯୁକ୍ତବାନ୍। ପୂର୍ବମେବ ପରାକାନ୍ ତତ୍ବାତ୍॥ସଭାପର୍ବ - ଅଧ୍ଯାଯ 032
॥ ଶ୍ରୀଃ ॥
2.32. ଅଧ୍ଯାଯଃ 032
Mahabharata - Sabha Parva - Chapter Topics
ଦକ୍ଷିଣଦିଗ୍ବିଜଯେ ଶୂରସେନାଦୀଞ୍ଜିତବତଃ ସହଦେବସ୍ଯ ମାହିଷ୍ମତ୍ଯାଂ ନୀଲେନ ସହ ଯୁଦ୍ଧମ୍ ॥ 1॥ ନୋଲସ୍ଯ ଅଗ୍ନିସାହାଯ୍ଯକରଣକାରଣକଥନମ୍॥ 2॥ ସହଦେବସ୍ତୁତ୍ଯା ତୁଷ୍ଟସ୍ଯାଗ୍ନେରାଜ୍ଞଯା ନୀଲେନାର୍ଚିତସ୍ଯ ସହଦେବସ୍ଯ ବିଭୀଷଣାତ୍କରଗ୍ ରହଣାର୍ଥଂ ଘଟୋତ୍କଚପ୍ରେଷଣମ୍॥ 3॥Mahabharata - Sabha Parva - Chapter Text
ବୈଶମ୍ପାଯ ଉବାଚ॥
ତଥୈବ ସହଦେବୋଽପି ଧର୍ମରାଜେନ ପୂଜିତଃ।
ମହତ୍ଯା ସେନଯା ରାଜନ୍ପ୍ରଯଯୌ ଦକ୍ଷିଣାଂ ଦିଶମ୍॥ 2-32-1 (12607)
ସ ଶୂରସେନାନ୍କାର୍ତ୍ସ୍ନ୍ଯେନ ପୂର୍ବମେବାଜଯତ୍ପ୍ରଭୁଃ।
ମତ୍ସ୍ଯରାଜଂ ଚ କୌରବ୍ଯୋ ବଶେ ଚକ୍ରେ ବଲାଦ୍ବଲୀ॥ 2-32-2 (12608)
ଅଧିରାଜାଧିପଂ ଚୈବ ଦନ୍ତବକ୍ରଂ ମହାବଲମ୍।
ଜିଗାଯ କରଦଂ ଚୈବ କୃତ୍ବା ରାଜ୍ଯେ ନ୍ଯବେଶଯତ୍॥ 2-32-3 (12609)
ସୁକୁମାରଂ ବଶେ ଚକ୍ରେ ସୁମିତ୍ରଂ ଚ ନରାଧିପମ୍।
ତଥୈବାପରମତ୍ସ୍ଯାଂଶ୍ଚ ବ୍ଯଜଯତ୍ସ ପଟଚ୍ଚରାନ୍॥ 2-32-4 (12610)
ନିଷାଦଭୂମିଂ ଗୋଶୃଙ୍ଗଂ ପର୍ବତପ୍ରବରଂ ତଥା।
ତରସୈବାଜଯଦ୍ଧୀମାଞ୍ଶ୍ରେଣିମନ୍ତଂ ଚ ପାର୍ଥିବମ୍॥ 2-32-5 (12611)
ନରରାଷ୍ଟ୍ରଂ ଚ ନିର୍ଜିତ୍ଯ କୁନ୍ତିଭୋଜମୁପାଦ୍ରବତ୍।
ପ୍ରୀତିପୂର୍ବଂ ଚ ତସ୍ଯାସୌ ପ୍ରତିଜଗ୍ରାହ ଶାସନମ୍॥ 2-32-6 (12612)
ତତଶ୍ଚର୍ମଣ୍ବତୀକୂଲେ ଜମ୍ଭକସ୍ଯାତ୍ମଜଂ ନୃପମ୍।
ଦଦର୍ଶ ବାସୁଦେବେନ ଶେଷିତଂ ପୂର୍ବବୈରିଣା॥ 2-32-7 (12613)
ଚକ୍ରେ ତେନ ସ ସଙ୍ଗ୍ରାମଂ ସହଦେବେନ ଭାରତ।
ସ ତମାଜୌ ବିନିର୍ଜିତ୍ଯ ଦକ୍ଷିଣାଭିମୁଖୋ ଯଯୌ॥ 2-32-8 (12614)
ସେକାନପରସେକାଂଶ୍ଚ ରତ୍ନାନି ବିବିଧାନି ଚ॥
ତତସ୍ତେନୈବ ସହିତୋ ନର୍ମଦାମଭିତୋ ଯଯୌ। 2-32-10a`ଭଗଦତ୍ତଂ ମହାବାହୁଂ କ୍ଷତ୍ରିଯଂ ନରକାତ୍ମଜମ୍।
ଅର୍ଜୁନାଯ କରଂ ଦତ୍ତଂ ଶ୍ରୁତ୍ବା ତତ୍ର ନ୍ଯବର୍ତତ'॥ 2-32-9 (12615)
ବିନ୍ଦାନୁବିନ୍ଦାବାବନ୍ତ୍ଯୌ ସୈନ୍ଯେନ ମହତାବୃତୌ।
ଜିଗାଯ ସମରେ ବୀରାବାଶ୍ବିନେଯଃ ପ୍ରତାପବାନ୍॥ 2-32-11 (12616)
ତତୋ ରତ୍ନାନ୍ଯୁପାଦାଯ ପୁରଂ ଭୋଜକଟଂ ଯଯୌ।
ତତ୍ର ଯୁଦ୍ଧମଭୂଦ୍ରାଜନ୍ଦିବସଦ୍ବଯମଚ୍ଯୁତ॥ 2-32-12 (12617)
ସ ବିଜିତ୍ଯ ଦୁରାଧର୍ଷଂ ଭୀଷ୍ମକଂ ମାଦ୍ରିନନ୍ଦନଃ।
କୋସଲାଧିପତିଂ ଚୈବ ତଥା ବେଣାତଟାଧିପମ୍॥ 2-32-13 (12618)
କାନ୍ତାରକାଂଶ୍ଚ ସମର ତଥା ପ୍ରାକୋଟକାନ୍ନୃପାନ୍।
ନାଟକେଯାଂଶ୍ଚ ସମରେ ତଥା ହେରମ୍ବକାନ୍ଯୁଧି॥ 2-32-14 (12619)
ମାରୁଧଂ ଚ ବିନିର୍ଜିତ୍ଯ ରମ୍ଯଗ୍ରାମମଥୋ ବଲାତ୍।
ନାଚୀନାନର୍ବୁକାଂଶ୍ଚୈବ ରାଜାନଶ୍ଚ ମହାବଲଃ॥ 2-32-15 (12620)
ତାଂସ୍ତାନାଟବିକାନ୍ସର୍ବାନଜଯତ୍ପାଣ୍ଡୁନନ୍ଦନଃ।
ନାତାଧିପଂ ଚ ନୃପତିଂ ବଶେ ଚକ୍ରେ ମହାବଲଃ॥ 2-32-16 (12621)
ପୁଲିନ୍ଦାଂଶ୍ଚ ରଣେ ଜିତ୍ବା ଯଯୌ ଦକ୍ଷିଣତଃ ପୁରଃ।
ଯୁଯୁଧେ ପାଣ୍ଡ୍ଯରାଜେନ ଦିବସଂ ନକୁଲାନୁଜଃ॥ 2-32-17 (12622)
ତଂ ଜିତ୍ବା ସ ମହାବାହୁଃ ପ୍ରଯଯୌ ଦକ୍ଷିଣାପଥମ୍।
ଗୁହାମାସାଦଯାମାସ କିଷ୍କିନ୍ଧାଂ ଲୋକବିଶ୍ରୁତାମ୍॥ 2-32-18 (12623)
`ପୁରା ବାନରରାଜେନ ବାଲିନା ଚାଭିରକ୍ଷିତାମ୍।
ତତଃ କୋସଲରାଜସ୍ଯ ରାମସ୍ଯୈବାନୁଗେନ ଚ।
ସୁଗ୍ରୀବେଣାଭିଗୁପ୍ତାଂ ତାଂ ପ୍ରବିଷ୍ଟସ୍ତମଥାହ୍ବଯତ୍'॥ 2-32-19 (12624)
ତତ୍ର ବାନରରାଜାଭ୍ଯାଂ ମୈନ୍ଦେନ ଦ୍ବିବିଦେନ ଚ।
ଯୁଯୁଧେ ଦିବସାନ୍ସପ୍ତ ନ ଚ ତୌ ବିକୃତିଂ ଗତୌ॥ 2-32-20 (12625)
ତତସ୍ତୁଷ୍ଟୌ ମହାତ୍ମାନୌ ସହଦେବାଯ ବାନରୌ।
ଊଚତୁଶ୍ଚୈବ ସଂହୃଷ୍ଟୌ ପ୍ରୀତିପୂର୍ବମିଦଂ ବଚଃ॥ 2-32-21 (12626)
ଗଚ୍ଛ ପାଣ୍ଡବଶାର୍ଦୂଲ ରତ୍ନାନ୍ଯାଦାଯ ସର୍ବଶଃ।
ଅବିଘ୍ନମସ୍ତ କାର୍ଯାଯ ଧର୍ମରାଜାଯ ଧୀମତେ॥ 2-32-22 (12627)
ତତୋ ରତ୍ନାନ୍ଯୁପାଦାଯ ପୁରୀଂ ମାହିଷ୍ମତୀଂ ଯଯୌ॥
ତତ୍ର ନୀଲେନ ରାଜ୍ଞା ସ ଚକ୍ରେ ଯୁଦ୍ଧଂ ନରର୍ଷଭଃ॥ 2-32-23 (12628)
ପାଣ୍ଡବଃ ପରବୀରଘ୍ନଃ ସହଦେବଃ ପ୍ରତାପବାନ୍॥
ତତୋଽସ୍ଯ ସୁମହଦ୍ଯୁଦ୍ଧମାସୀଦ୍ଭୀରୁଭଯଙ୍କରମ୍॥ 2-32-24 (12629)
ସୈନ୍ଯକ୍ଷଯକରଂ ଚୈବ ପ୍ରାଣାନାଂ ସଂଶଯାବହମ୍।
ଚକ୍ରେ ତସ୍ଯ ହି ସାହାଯ୍ଯଂ ଭଗବାନ୍ହବ୍ଯବାହନଃ॥ 2-32-25 (12630)
ତତୋ ରଥା ହଯା ନାଗାଃ ପୁରୁଷାଃ କବଚାନି ଚ।
ପ୍ରତୀପ୍ତାନି ବ୍ଯଦୃଶ୍ଯନ୍ତ ସହଦେବବଲେ ତଦା॥ 2-32-26 (12631)
ତତଃ ସୁସଂଭ୍ରାନ୍ତମନା ବଭୂବ କୁରୁନନ୍ଦନଃ।
ନୋତ୍ତରଂ ପ୍ରତିବକ୍ତୁଂ ଚ ଶକ୍ତୋଽଭୂଜ୍ଜନମେଜଯ॥ 2-32-27 (12632)
ଜନମେଜଯ ଉବାଚ। 2-32-28x (1439)
କିମର୍ଥଂ ଭଗବାନ୍ବହ୍ନିଃ ପ୍ରତ୍ଯମିତ୍ରୋଽଭବଦ୍ଯୁଧି।
ସହଦେବସ୍ଯ ଯଜ୍ଞାର୍ଥଂ ଘଟମାନସ୍ଯ ବୈ ଦ୍ବିଜ॥ 2-32-28 (12633)
ବୈଶମ୍ପାଯନ ଉବାଚ। 2-32-29x (1440)
ତତ୍ର ମାହିଷ୍ମତୀବାସୀ ଭଗବାନ୍ହବ୍ଯବାହନଃ।
ଶ୍ରୂଯତେ ହି ଗୃହୀତୋ ବୈ ପୁରସ୍ତାତ୍ପାରଦାରିକଃ॥ 2-32-29 (12634)
ନୀଲସ୍ଯ ରାଜ୍ଞୋ ଦୁହିତା ବଭୂବତାତୀବ ଶୋଭନା।
ସାଽଗ୍ନିହୋତ୍ରମୁପାତିଷ୍ଠଦ୍ବୋଧନାଯ ପିତୁଃ ସଦା॥ 2-32-30 (12635)
ବ୍ଯଜନୈର୍ଧୂଯମାନୋଽପି ତାବତ୍ପ୍ରଜ୍ବଲତେ ନ ସଃ॥
ଯାବଚ୍ଚାରୁପୁଟୌଷ୍ଠେନ ବାଯୁନା ନ ବିଧୂଯତେ॥ 2-32-31 (12636)
ତତଃ ସ ଭଗବାନଗ୍ନିଶ୍ଚକମେ ତାଂ ସୁଦର୍ଶନାମ୍।
ନୀଲସ୍ଯ ରାଜ୍ଞଃ ସର୍ବେଷାମୁପନୀତଶ୍ଚ ସୋଽଭବତ୍॥ 2-32-32 (12637)
ତତୋ ବ୍ରହ୍ମଣରୂପେଣ ରମମାଣୋ ଯଦୃଚ୍ଛଯା॥
ଚକମେ ତାଂ ବରାରୋହାଂ କନ୍ଯାମୁତ୍ପଲଲୋଚନାମ୍॥
ତଂ ତୁ ରାଜା ଯଥାଶାସ୍ତ୍ରମଶାସଦ୍ଧାର୍ମିକସ୍ତଦା॥ 2-32-33 (12638)
ପ୍ରଜଜ୍ବାଲ ତତଃ କୋପାଦ୍ଭଗବାନ୍ହବ୍ଯବାହନଃ।
ତଂ ଦୃଷ୍ଟ୍ବା ବିସ୍ମିତୋ ରାଜା ଜଗାମ ଶିରସାଽବନିମ୍॥ 2-32-34 (12639)
ତତଃ କାଲେନ ତାଂ କନ୍ଯାଂ ତଥୈବ ହି ତଦା ନୃପଃ।
ପ୍ରଦଦୌ ବିପ୍ରରୂପାଯ ବହ୍ରଯେ ଶିରସା ନତଃ॥ 2-32-35 (12640)
ପ୍ରତିଗୃହ୍ଯ ଚ ତାଂ ସୁଭ୍ରୁଂ ନୀଲରାଜ୍ଞଃ ସୁତାଂ ତଦା।
ଚକ୍ରେ ପ୍ରସାଦଂ ଭଗବାଂସ୍ତସ୍ଯ ରାଜ୍ଞୋ ବିଭାବସୁଃ॥ 2-32-36 (12641)
ବରେଣ ଚ୍ଛନ୍ଦଯାମାସ ତଂ ନୃପଂ ସ୍ବିଷ୍ଟକୃତ୍ତମଃ।
ଅଭଯଂ ଚ ସ ଜଗ୍ରାହ ସ୍ବସୈନ୍ଯେ ବୈ ମହୀପତିଃ॥ 2-32-37 (12642)
ତତଃ ପ୍ରଭୃତି ଯେ କେଚିଦଜ୍ଞାନାତ୍ତାଂ ପୁରୀଂ ନୃପାଃ।
ଜିଗୀଷନ୍ତି ବଲାଦ୍ରାଜଂସ୍ତେ ଦହ୍ଯନ୍ତେ ସ୍ମ ବହ୍ନିନା॥ 2-32-38 (12643)
ତସ୍ଯାଂ ପୁର୍ଯାଂ ତଦା ଚୈବ ମାହିଷ୍ମତ୍ଯାଂ କୁରୂଦ୍ବହ।
ବଭୂବୁରନତିଗ୍ରାହ୍ଯ ଯୋଷିତଶ୍ଛନ୍ଦତଃ କିଲ॥ 2-32-39 (12644)
ଏବମଗ୍ନିର୍ବରଂ ପ୍ରାଦାତ୍ସ୍ତ୍ରୀଣାମପ୍ରତିବାରଣେ।
ସ୍ବୈରିଣ୍ଯସ୍ତତ୍ର ଚ ରାଜାନସ୍ତତ୍ପୁରଂ ଭରତର୍ଷଭ। 2-32-40 (12645)
ବର୍ଜଯନ୍ତି ଚ ରାଜାନସ୍ତତ୍ପୁରଂ ଭରତର୍ଷଭ।
ଭଯାଦଗ୍ନେର୍ମହାରାଜ ତଦାପ୍ରଭୃତି ସର୍ବଦା॥ 2-32-41 (12646)
ସହଦେବସ୍ତୁ ଧର୍ମାତ୍ମା ସୈନ୍ଯଂ ଦୃଷ୍ଟ୍ବା ଭଯାର୍ଦିତମ୍।
ପରୀତମଗ୍ନିନା ରାଜନ୍ନାକମ୍ପତ ଯଥାଽଚଲଃ।
ଉପସ୍ପୃଶ୍ଯ ଶୁଚିର୍ଭୂତ୍ବା ସୋଽବ୍ରବୀତ୍ପାବକଂ ତତଃ॥ 2-32-42 (12647)
ସହଦେବ ଉବାଚ। 2-32-43x (1441)
ତ୍ବଦର୍ଥୋଽଯଂ ସମାରମ୍ଭଃ କୃଷ୍ଣବର୍ତ୍ମନ୍ନମୋସ୍ତୁ ତେ।
ମୁଖଂ ତ୍ବମସି ଦେବାନାଂ ଯଜ୍ଞସ୍ତ୍ବମସି ପାବକ॥ 2-32-43 (12648)
ପାବନାତ୍ପାବକଶ୍ଚାସି ବହନାଦ୍ଧବ୍ଯବାହନଃ।
ବେଦାସ୍ତ୍ବଦର୍ଥଂ ଜାତା ବୈ ଜାତବେଦାସ୍ତତୋ ହ୍ଯସି॥ 2-32-44 (12649)
ଚିତ୍ରଭାନୁଃ ସୁରେଶଶ୍ଚ ଅନଲସ୍ତ୍ବଂ ବିଭାବସୋ।
ସ୍ବର୍ଗଦ୍ବାରସ୍ପୃଶଶ୍ଚାସି ହୁତାଶୋ ଜ୍ବଲନଃ ଶିଖୀ॥ 2-32-45 (12650)
ବୈଶ୍ବାନରସ୍ତ୍ବଂ ପିଙ୍ଗେଶଃ ପ୍ଲବଙ୍ଗୋ ଭୂରିତେଜସଃ।
କୁମାରସୂସ୍ତ୍ବଂ ଭଗବାନ୍ରୁଦ୍ରଗର୍ଭୋ ହିରଣ୍ଯକୃତ୍॥ 2-32-46 (12651)
ଅଗ୍ନିର୍ଦଦାତୁ ମେ ତେଜୋ ବାଯୁଃ ପ୍ରାଣଂ ଦଦାତୁ ମେ।
ପୃଥିବୀ ବଲମାଦଧ୍ଯାଚ୍ଛିବଂ ଚାପୋ ଦିଶନ୍ତୁ ମେ॥ 2-32-47 (12652)
ଅପାଂ ଗର୍ଭ ମହାସତ୍ବ ଜାତବେଦଃ ସୁରେଶ୍ବର।
ଦେବାନାଂ ମୁଖମଗ୍ନେ ତ୍ବଂ ସତ୍ଯେନ ବିପୁନୀହି ମାମ୍॥ 2-32-48 (12653)
ଋଷିଭିର୍ବ୍ରାହ୍ମଣୈଶ୍ଚୈବ ଦୈବତୈରସୁରୈରପି।
ନିତ୍ଯଂ ସୁହୁତ ଯଜ୍ଞେଷୁ ସତ୍ଯେନ ବିପୁନୀହି ମାମ୍॥ 2-32-49 (12654)
ଧୂମକେତୁଃ ଶିଖୀ ଚ ତ୍ବଂ ପାପହାଽନିସମ୍ଭବଃ।
ସର୍ବପ୍ରାଣିଷୁ ନିତ୍ଯସ୍ଥଃ ସତ୍ଯେନ ବିପୁନୀହି ମାମ୍॥ 2-32-50 (12655)
ଏବଂ ସ୍ତୁତୋଽସି ଭଗବନ୍ପ୍ରୀତେନ ଶିଚିନା ମଯା।
ତୁଷ୍ଟିଂ ପୁଷ୍ଟିଂ ଶ୍ରୁତଂ ଚୈବ ପ୍ରୀତି ଚାଗ୍ନେ ପ୍ରଯଚ୍ଛ ମେ॥ 2-32-51 (12656)
ବୈଶମ୍ପାଯନ ଉବାଚ। 2-32-52x (1442)
ଇତ୍ଯେବଂ ମନ୍ତ୍ରମାଗ୍ନେଯଂ ପଠନ୍ଯୋ ଜୁହୁଯାଦ୍ବିଭୁମ୍।
ଋଦ୍ଧିମାନ୍ସତତଂ ଦାନ୍ତଃ ସର୍ବପାପୈଃ ପ୍ରମୁଚ୍ଯତେ॥ 2-32-52 (12657)
ସହଦେବ ଉବାଚ। 2-32-53x (1443)
ଯଜ୍ଞବିଘ୍ନମିମଂ କର୍ତୁଂ ନାର୍ହସ୍ତ୍ବଂ ଯଜ୍ଞବାହନ।
ଏବମୁକ୍ତ୍ବା ତୁ ମାଦ୍ରେଯଃ କୁଶୈରାସ୍ତୀର୍ଯ ମେଦିନୀମ୍॥ 2-32-53 (12658)
ବିଧିବତ୍ପୁରୁଷବ୍ଯାଘ୍ରଃ ପାବକଂ ପ୍ରତ୍ଯୁପାବିଶତ୍।
ପ୍ରମୁଖେ ତସ୍ଯ ସୈନ୍ଯସ୍ଯ ଭୀତୋଦ୍ବିଗ୍ରସ୍ଯ ଭାରତ॥ 2-32-54 (12659)
ନ ଚୈନମତ୍ଯଗାଦ୍ବହ୍ନିରୁବାଚ ମହୋଦଧିଃ।
ତମୁପେତ୍ଯ ଶନୈର୍ବହ୍ନିରୁବାଚ କୁରୁନନ୍ଦନମ୍॥ 2-32-55 (12660)
ସହଦେବଂ ନୃଣାଂ ଦେବଂ ସାନ୍ତ୍ବପୂର୍ବମିଦଂ ବଚଃ।
ଉତ୍ତିଷ୍ଠୋତ୍ତିଷ୍ଠ କୌରବ୍ଯ ଜିଜ୍ଞାସେଯଂ କୃତା ମଯା॥ 2-32-56 (12661)
ବେଦ୍ମି ସର୍ବମଭିପ୍ରାଯଂ ତବ ଧର୍ମସୁତସ୍ଯ ଚ।
ମଯା ତୁ ରକ୍ଷିତବ୍ଯା ପୂରିଯଂ ଭରତସତ୍ତମ॥ 2-32-57 (12662)
ଯାବଦ୍ରାଜ୍ଞୋ ହି ନୀଲସ୍ଯ କୁଲେ ବଂଶଧରା ଇତି।
ଈପ୍ସିତଂ ତୁ କରିଷ୍ଯାମି ମନସସ୍ତବ ପାଣ୍ଡବ॥ 2-32-58 (12663)
ତତ ଉତ୍ଥାଯ ହୃଷ୍ଟାତ୍ମା ପ୍ରାଞ୍ଜଲିଃ ଶିରସା ନତଃ।
ପୂଜଯାମାସ ମାଦ୍ରେଯଟଃ ପାବକଂ ଭରତର୍ଷଭ॥ 2-32-59 (12664)
ପାବକେ ବିନିବୃତ୍ତେ ତୁ ନୀଲୋ ରାଜାଽଭ୍ଯଗାତ୍ତଦା।
ପାବକସ୍ଯାଜ୍ଞଯା ଚୈନମର୍ଚଯାମାସ ପାର୍ଥିବଃ॥ 2-32-60 (12665)
ସତ୍କାରେଣ ନରବ୍ଯାଘ୍ରଂ ସହଦେବଂ ଯୁଧାଂ ପତିମ୍।
ପ୍ରତିଗୃହ୍ଯ ଚ ତାଂ ପୂଜାଂ କରେ ଚ ବିନିବେଶ୍ଯ ଚ॥ 2-32-61 (12666)
ମାଦ୍ରୀସୁତସ୍ତତଃ ପ୍ରାଯାଦ୍ବିଜଯୀ ଦକ୍ଷିଣାଂ ଦିଶମ୍।
ତ୍ରୈପୁରଂ ସ ବଶେ କୃତ୍ବା ରାଜାନମମିତୌଜସମ୍॥ 2-32-62 (12667)
ନିଜଗ୍ରାହ ମହାବାହୁସ୍ତରସା ପୌରବେଶ୍ବରମ୍।
ଆକୃତିଂ କୌଶିକାଚାର୍ଯଂ ଯତ୍ନେ ମହତା ତତଃ॥ 2-32-63 (12668)
ବଶେ ଚକ୍ରେ ମହାବାହୁଃ ସୁରାଷ୍ଟ୍ରାଧିପତିଂ ତଦା।
ସୁରାଷ୍ଟ୍ରବିଷଯସ୍ଥଶ୍ଚ ପ୍ରେଷଯାମାସ ରୁକ୍ମିଣେ॥ 2-32-64 (12669)
ରାଜ୍ଞେ ଭୋଜକଟସ୍ଥାଯ ମହାମାତ୍ରାଯ ଧୀମତେ।
ଭୀଷ୍ମକାଯସ ଧର୍ମାତ୍ମା ସାକ୍ଷାଦିନ୍ଦ୍ରସଖାଯ ବୈ॥ 2-32-65 (12670)
ଚ ଚାସ୍ଯ ପ୍ରତିଜଗ୍ରାହ ସସୁତଃ ଶାସନଂ ତଦା।
ପ୍ରୀତିପୂର୍ବଂ ମହାରାଜ ବାସୁଦେବମବେକ୍ଷ୍ଯ ଚ॥ 2-32-66 (12671)
ତତଃ ସ ରତ୍ନାନ୍ଯାଦାଯ ପୁନଃ ପ୍ରାଯାଦ୍ଯୁଧାଂ ପତିଃ।
ତତଃ ଶୂର୍ପାରକଂ ଚୈବ ତାଲାକଟମଥାପି ଚ॥ 2-32-67 (12672)
ବଶେ ଚକ୍ରେ ମହାତେଜା ଦଣ୍ଡକାଂଶ୍ଚ ମହାବଲଃ।
ସାଗରଦ୍ବୀପବାସାଂଶ୍ଚ ନୃପତୀନ୍ମ୍ଲେଚ୍ଛଯୋନିଜାନ୍॥ 2-32-68 (12673)
ନିଷାଦାନ୍ପୁରୁଷାଦାଂଶ୍ଚ କର୍ଣପ୍ରାବରଣାନପି।
ଯେ ଚ କାଲମୁଖା ନାମ ନରରାକ୍ଷସଯୋନଯଃ॥ 2-32-69 (12674)
କୃତ୍ସ୍ନଂ କୋଲଗିରିଂ ଚୈବ ସୁରଭୀପଟ୍ଟନଂ ତଥା।
ଦ୍ବୀପଂ ତାମ୍ରାହ୍ବଯଂ ଚୈବ ପର୍ବତଂ ରାମକଂ ତଥା॥ 2-32-70 (12675)
ତିମିଙ୍ଗିଲଂ ଚ ସ ନୃପଂ ବଶେ କୃତ୍ବା ମହାମତିଃ।
ଏକପାଦାଂଶ୍ଚ ପୁରୁଷାନ୍କେରଲାନ୍ବନବାସିନଃ॥ 2-32-71 (12676)
ନଗରୀଂ ସଞ୍ଜଯନ୍ତୀଂ ଚ ପାଷଣ୍ଡଂ କରହାଟକମ୍।
ଦୂତୈରେବ ବଶେ ଚକ୍ରେ କରଂ ଚୈନାନଦାପଯତ୍॥ 2-32-72 (12677)
ପାଣ୍ଡ୍ଯାଂଶ୍ଚ ଦ୍ରବିଡାଂଶ୍ଚୈବ ସହିତାଂଶ୍ଚୋଡ୍ରକେରଲୈଃ।
ଅନ୍ଧ୍ରାଂସ୍ତାବନାଂଶ୍ଚୈବ କଲିଙ୍ଗାନୁଷ୍ଟ୍ରକର୍ଣିକାନ୍॥ 2-32-73 (12678)
ଆଟବୀଂ ଚ ପୁରୀଂ ରମ୍ଯାଂ ଯବନାନାଂ ପୁରଂ ତଥା।
ଦୂତୈରେବ ବଶେ ଚକ୍ରେ କରଂ ଚୈନାନଦାପଯତ୍॥ 2-32-74 (12679)
`ତାତ୍ରପର୍ଣୀ ତତୋ ଗତ୍ବା କନ୍ଯାତୀର୍ଥମତୀତ୍ଯ ଚ।
ଦକ୍ଷିଣାଂ ଚ ଦିଶଂ ସର୍ବା ବିଜିତ୍ଯ କୁରୁନନ୍ଦନଃ॥ 2-32-75 (12680)
ଉତ୍ତରଂ ତୀରମାସାଦ୍ଯ ସାଗରସ୍ଯୋର୍ମିମାଲିନଃ।
ଚିନ୍ତଯାମାସ କୌନ୍ତେଯୋ ଭ୍ରାତୁଃ ପୁତ୍ରଂ ଘଟୋତ୍କଚମ୍॥ 2-32-76 (12681)
ତତଶ୍ଚିନ୍ତିତମାତ୍ରସ୍ତୁ ରାକ୍ଷସଃ ପ୍ରତ୍ଯଦୃଶ୍ଯତ।
ତଂ ମେରୁଶିଖରାକାରମାଗତଂ ପାଣ୍ଡୁନନ୍ଦନଃ॥ 2-32-77 (12682)
ଭୃଗୁକଚ୍ଛାତ୍ତତୋ ଧୀମାନ୍ସାମ୍ନୈବାମିତ୍ରକର୍ଶନଃ।
ଆଗମ୍ଯତାମିତି ପ୍ରାହ ଧର୍ମରାଜସ୍ଯ ଶସନାଃ॥ 2-32-78 (12683)
ସ ରାକ୍ଷସପରୀବାରସ୍ତଂ ପ୍ରଣମ୍ଯାଶୁ ସଂସ୍ଥିତଃ।
ଘଟୋତ୍କଚଂ ମହାତ୍ମାନଂ ରାକ୍ଷସଂ ଘୋରଦର୍ଶନମ୍॥ 2-32-79 (12684)
ତତ୍ରସ୍ଥଃ ପ୍ରେଷଯାମାସ ପୌଲସ୍ତ୍ଯାଯ ମହାତ୍ମନେ'।
ବିଭୀଷଣାଯ ଧର୍ମାତ୍ମା ପ୍ରୀତିପୂର୍ବମରିନ୍ଦମଃ॥ 2-32-80 (12685)
ସ ଚାସ୍ଯ ପ୍ରତିଜଗ୍ରାହ ଶାସନଂ ପ୍ରୀତିପୂର୍ବକମ୍।
ତଚ୍ଚ କୃଷ୍ଣକୃତଂ ଧୀମାନଭ୍ଯମନ୍ଯତ ସ ପ୍ରଭୁଃ॥ 2-32-81 (12686)
ତତଃ ସମ୍ପ୍ରେଷଯାମାସ ରତ୍ନାନି ବିବିଧାନି ଚ।
ଚନ୍ଦନାଗୁରୁକାଷ୍ଠାନି ଦିବ୍ଯାନ୍ଯାଭରଣାନି ଚ॥ 2-32-82 (12687)
ବାସାଂସି ଚ ମହାର୍ହାଣି ମଣୀଂଶ୍ଚୈବ ମହାଧନାନ୍॥ ॥ 2-32-82x (1444)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦିଗ୍ବିଜଯପର୍ବଣି ଦ୍ବାତ୍ରିଂଶୋଽଧ୍ଯାଯଃ॥ 32॥
ସଭାପର୍ବ - ଅଧ୍ଯାଯ 033
॥ ଶ୍ରୀଃ ॥
2.33. ଅଧ୍ଯାଯଃ 033
Mahabharata - Sabha Parva - Chapter Topics
ଜନମେଜଯପ୍ରଶ୍ନାନୁରୋଧେନ ସହଦେବସ୍ଯ ଦ୍ରାବିଡପାଣ୍ଡ୍ଯଦେଶଗମନକଥନମ୍॥ 1॥Mahabharata - Sabha Parva - Chapter Text
`ଜନମେଜଯ ଉବାଚ॥
ଇଚ୍ଛାମ୍ଯାଗମନଂ ଶ୍ରୋତୁଂ ହୈଡିମ୍ବସ୍ଯ ଦ୍ବିଜୋତ୍ତମ।
ଲଙ୍କାଯାଂ ଚ ଗତିଂ ବ୍ରହ୍ମନ୍ପୌଲସ୍ତ୍ଯସ୍ଯ ଚ ଦର୍ଶନମ୍॥ 2-33-1 (12688)
କାବେରୀଦର୍ଶନଂ ଚୈବ ଆନୁପୂର୍ବ୍ଯା ବଦସ୍ବ ମେ। 2-33-2 (12689)
ବୈଶମ୍ପାଯନ ଉବାଚ।
ଶୃଣୁ ରାଜନ୍ଯଥା ବୃତ୍ତଂ ସହେଦବସ୍ଯ ସାହସମ୍॥ 2-33-2x (1445)
କାଲନଦ୍ବୀପଗାଂଶ୍ଚୈବ ତରସାଽଜିତ୍ଯ ଚାହବେ।
ଦକ୍ଷିଣାଂ ଚ ଦିଶଂ ଜିତ୍ବା ଚୋଲସ୍ଯ ବିଷଯଂ ଯଯୌ॥ 2-33-3 (12690)
ଦଦର୍ଶ ପୁଣ୍ଯତୋଯାଂ ବୈ କାବେରୀଂ ସରିତାଂ ବରାମ୍।
ନାଜାପକ୍ଷିଗଣୈର୍ଜୁଷ୍ଟାଂ ତାପସୈରୁପଶୋଭିତାମ୍॥ 2-33-4 (12691)
କଦମ୍ବୈଃ ସପ୍ତପର୍ଣୈଶ୍ଚ କଶ୍ମର୍ଯାମଲକୈର୍ବୃତାମ୍॥ 2-33-5 (12692)
ନ୍ଯଗ୍ରୋଧୈଶ୍ଚ ମହାଶାଖୈଃ ପ୍ଲକ୍ଷୈରୌଦୁମ୍ବରୈରପି।
ଶମୀପଲାଶବୃକ୍ଷୈଶ୍ଚ ଅଶ୍ବତ୍ଥୈଃ ଖଦିରୈର୍ବୃତାମ୍॥ 2-33-6 (12693)
ବଦରୀଭିଶ୍ଚ ସଞ୍ଛନ୍ନାମଶ୍ବକର୍ଣୈଶ୍ଚ ଶୋଭିତାମ୍।
ବୂତୈଃ ପୁଣ୍ଡ୍ରକପତ୍ରୈଶ୍ଚ କଦଲୀବନସଂବୃତାମ୍॥ 2-33-7 (12694)
ଚକ୍ରବାକଗଣୈଃ କୀର୍ଣଂ ପ୍ଲବୈଶ୍ଚ ଜଲବାଯସୈଃ।
ସମୁଦ୍ରକାକୈଃ କ୍ରୌଞ୍ଚୈଶ୍ଚ ନାଦିତାଂ ଜଲକୁକ୍କୁଟୈଃ॥ 2-33-8 (12695)
ଏବଂ ଖଗୈଶ୍ଚ ବହୁଭିଃ ସଙ୍ଘୁଷ୍ଟାଂ ଜଲବାସିଭିଃ।
ଆଶ୍ରମୈର୍ବହୁଭିଃ ସକ୍ତାଂ ଚୈତ୍ଯବୃକ୍ଷୈଶ୍ଚ ଶୋଭିତାମ୍॥ 2-33-9 (12696)
ଶୋଭିତାଂ ବ୍ରାହ୍ମଣୈଃ ଶୁଭ୍ରୈର୍ବେଦବେଦାଙ୍ଗପାରଗୈଃ।
କ୍ବଚିତ୍ତୀରରୁହୈର୍ବୃକ୍ଷୈର୍ମାଲାଭିରିବ ଶୋଭିତାମ୍॥ 2-33-10 (12697)
କ୍ବଚିତ୍ସୁପୁଷ୍ପିତୈର୍ବୃକ୍ଷୈଃ କ୍ବଚିତ୍ସୌଗନ୍ଧିକୋତ୍ପଲୈଃ।
କହ୍ଲାରକୁମୁଦୋତ୍ଫୁଲ୍ଲୈଃ କମଲୈରୁପଶୋଭିତାମ୍॥ 2-33-11 (12698)
କାବେରୀଂ ତାଦୃଶୀଂ ଦୃଷ୍ଟ୍ବା ପ୍ରୀତିମାନ୍ପାଣ୍ଡବସ୍ତଦା।
ଅସ୍ମଦ୍ରାଷ୍ଟ୍ରେ ଯଥା ଗଙ୍ଗା କାବେରୀ ଚ ତଥା ଶୁଭା॥ 2-33-12 (12699)
ସହଦେବସ୍ତୁ ତାଂ ତୀର୍ତ୍ବା ନଦୀମନୁଚରୈଃ ସହ।
ଦକ୍ଷିଣଂ ତୀରଭାସାଦ୍ଯ ଗମନାଯୋପଚକ୍ରମେ॥ 2-33-13 (12700)
ଆଗତଂ ପାଣ୍ଡବଂ ତତ୍ର ଶ୍ରୁତ୍ବା ବିଷଯବାସିନଃ।
ଦର୍ଶନାର୍ଥଂ ଯଯୁସ୍ତେ ତୁ କୌତୂହଲସମନ୍ବିତାଃ॥ 2-33-14 (12701)
ଦ୍ରମିଡାଃ ପୁରୁଷା ରାଜନ୍ସ୍ରିଯଚଶ୍ଚ ପ୍ରିଯଦର୍ଶନାଃ।
ଗତ୍ବା ପାଣ୍ଡୁସୁତଂ ତତ୍ର ଦଦୃଶୁସ୍ତେ ମୁଦାଽନ୍ବିତାଃ॥ 2-33-15 (12702)
ସୁକୁମାରଂ ବିଶାଲାକ୍ଷଂ ବ୍ରଜନ୍ତଂ ତ୍ରିଦଶୋପମମ୍।
ଦର୍ଶନୀଯତମଂ ଲୋକେ ନେତ୍ରୈରନିମିଷୈରିବ॥ 2-33-16 (12703)
ଆଶ୍ଚର୍ଯଭୂତଂ ଦଦୃଶୁର୍ଦ୍ରମିଡାସ୍ତେ ସମାଗତାଃ।
ମହାସେନୋପମଂ ଦୃଷ୍ଟ୍ବା ପୂଜାଂ ଚକ୍ରୁଶ୍ଚ ତସ୍ଯ ବୈ॥ 2-33-17 (12704)
ରତ୍ନୈଶ୍ଚ ବିବିଧୈରିଷ୍ଟୈର୍ଭୋଗୈରନ୍ଯୈଶ୍ଚ ସଂମତୈଃ।
ଗତିମଙ୍ଗଲଯୁକ୍ତାର୍ଭିଃ ସ୍ତୁବନ୍ତୋ ନକୁଲାନୁଜମ୍॥ 2-33-18 (12705)
ସହଦେବସ୍ତୁ ତାନ୍ଦୃଷ୍ଟ୍ବା ଦ୍ରମିଲାନାଗତାନ୍ମୁଦା।
ବିସୃଜ୍ଯ ତାନ୍ମହାବାହୁଃ ପ୍ରସ୍ଥିତୋ ଦକ୍ଷିଣାଂ ଦିଶମ୍॥ 2-33-19 (12706)
ଦୂତେନ ତରସା ଚୋଲଂ ବିଜିତ୍ଯ ଦ୍ରମିଡେଶ୍ବରମ୍।
ତତୋ ରତ୍ନାନ୍ଯୁପାଦାଯ ପାଣ୍ଡସ୍ଯ ବିଷଯଂ ଯଯୌ॥ 2-33-20 (12707)
ଦର୍ଶନେ ସହଦେବସ୍ଯ ନ ଚ ତୃପ୍ତା ନରାଃ ପରେ।
ଗଚ୍ଛନ୍ତମନୁଗଚ୍ଛନ୍ତଃ ପ୍ରାପ୍ତାଃ କୌତୂହଲାନ୍ବିତାଃ॥ 2-33-21 (12708)
ତତୋ ମାଦ୍ରୀସୁତୋଂ ରାଜନ୍ମୃଗସଙ୍ଘାନ୍ବିଲୋକଯନ୍।
ଗଜାନ୍ବନଚରାନନ୍ଯାନ୍ବ୍ଯାଘ୍ରାନ୍କୁଷ୍ଣମୃଗାନ୍ବହୂନ୍ ॥ 2-33-22 (12709)
ଶୁକାନ୍ମଯୂରାନ୍ଦୃଷ୍ଟ୍ବା ତୁ ଗୃଧ୍ରାନାରଣ୍ଯକୁକ୍କୁଟାନ୍।
ତତୋ ଦେଶଂ ସମାସାଦ୍ଯ ଶ୍ବଶୁରସ୍ଯ ମହୀପତେଃ॥ 2-33-23 (12710)
ପ୍ରେଷଯାମାସ ମାଦ୍ରେଯୋ ଦୂତାନ୍ପାଣ୍ଡ୍ଯାଯ ବୈ ତଦା।
ପ୍ରତିଜଗ୍ରାହ ତସ୍ଯାଜ୍ଞାଂ ସମ୍ପ୍ରୀତ୍ଯା ମଲଯଧ୍ବଜଃ॥ 2-33-24 (12711)
ଭାର୍ଯା ରୂପବତୀ ଜିଷ୍ଣୋଃ ପାଣ୍ଡ୍ଯସ୍ଯ ତନଯା ଶୁଭା।
ଚିତ୍ରାଙ୍ଗଦେତି ବିଖ୍ଯାତା ଦ୍ରମିଡୀ ଯୋଷିତାଂ ବରା॥ 2-33-25 (12712)
ଆଗତଂ ସହଦେବଂ ତୁ ସା ଶ୍ରୁତ୍ବାଽନ୍ତଃ ପୁରେ ପିତୁଃ।
ପ୍ରେଷଯାମାସ ସମ୍ପ୍ରୀତ୍ଯା ପୂଜାରତ୍ନଂ ଚ ବୈ ବହୁ॥ 2-33-26 (12713)
ପାଣ୍ଡ୍ଯୋଽପି ବହୁରତ୍ନାନି ଦୂତୈଃ ସହ ମୁମୋଚ ହ।
ମଣିମୁକ୍ତାପ୍ରବାଲାନି ସହଦେବାଯ କୀର୍ତିମାନ୍॥ 2-33-27 (12714)
ତାଂ ଦୃଷ୍ଟ୍ବାଽପ୍ରତିମାଂ ପୂଜାଂ ପାଣ୍ଡବୋଽପି ମୁଦା ନୃପ।
ଭ୍ରାତୁଃ ପୁତ୍ରେ ବହୂନ୍ରତ୍ନାନ୍ଦତ୍ବା ବୈ ବଭ୍ରୂବାହନେ॥ 2-33-28 (12715)
ପାଣ୍ଡ୍ଯଂ ଦ୍ରମିଡରାଜାନଂ ଶ୍ବଶୁରଂ ମଲଯଧ୍ବଜମ୍।
ସ ଦୂତୈସ୍ତଂ ବଶେ କୃତ୍ବା ମଣଲୂରେଶ୍ବରଂ ତଦା॥ 2-33-29 (12716)
ତତୋ ରତ୍ନାନ୍ଯୁପାଦାଯ ଦ୍ରମିଡୈରାବୃତୋ ଯଯୌ।
ଅଗସ୍ତ୍ଯସ୍ଯାଲଯଂ ଦିବ୍ଯଂ ଦେବଲୋକସମଂ ଗିରିମ୍॥ 2-33-30 (12717)
ସ ତଂ ପ୍ରଦକ୍ଷିମଂ କୃତ୍ବା ମଲଯଂ ଭରତର୍ଷଭ।
ଲଙ୍ଘଯିତ୍ବା ତୁ ମାଦ୍ରେଯସ୍ତାମ୍ରପଣୀଂ ନଦୀଂ ଶୁଭାମ୍॥ 2-33-31 (12718)
ପ୍ରସନ୍ନସଲିଲାଂ ଦିବ୍ଯାଂ ସୁଶୀତାଂ ଚ ମନୋହରାମ୍।
ସମୁଦ୍ରତୀରମାସାଦ୍ଯ ନ୍ଯବିଶତ୍ପାଣ୍ଡୁନନ୍ଦନଃ॥ ॥ 2-33-32 (12719)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦିଗ୍ବିଜଯପର୍ବଣି ତ୍ରଯସ୍ତ୍ରିଂଶୋଽଧ୍ଯାଯଃ॥ 33॥
ସଭାପର୍ବ - ଅଧ୍ଯାଯ 034
॥ ଶ୍ରୀଃ ॥
2.34. ଅଧ୍ଯାଯଃ 034
Mahabharata - Sabha Parva - Chapter Topics
ସ୍ମୃତିମାତ୍ରାଗତଘଟୋତ୍କଚଲଙ୍କାପ୍ରେଷଣବୃତ୍ତାନ୍ତସ୍ଯ ବିସ୍ତରେଣ କଥନମ୍॥1॥ କୃଷ୍ଣଗୌରବେଣ ବିଭୀଷଣେନ କରଦାନମ୍॥ 2॥ ବିଭୀଷଣାତ୍କରଣାହୃତବତା ଘଟୋତ୍କଚେନ ସହ ସହଦେବସ୍ଯ ପ୍ରତିନିବର୍ତନମ୍॥ 3॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ସହଦେବସ୍ତତୋ ରାଜା ମନ୍ତ୍ରିଭିଃ ସହ ଭାରତ।
ସମ୍ପ୍ରଧାର୍ଯ ମହାବାହୁଃ ସଚିବୈର୍ବୁଦ୍ଧିମତ୍ତରୈଃ॥ 2-34-1 (12720)
ସ ବିଚାର୍ଯ ତଦା ରାଜନ୍ସହଦେବସ୍ତ୍ବରାନ୍ବିତଃ।
ଚିନ୍ତଯାମାସ ରାଜେନ୍ଦ୍ର ଭ୍ରାତୁଃ ପୁତ୍ରଂ ଘଟୋତ୍କଚମ୍॥ 2-34-2 (12721)
ତତଶ୍ଚିନ୍ତିତମାତ୍ରେ ତୁ ରାକ୍ଷସଃ ପ୍ରତ୍ଯଦୃଶ୍ଯତ।
ଅତିଦୀର୍ଘୋ ମହାବାହୁ ସର୍ବାଭରଣଭୂଷିତଃ॥ 2-34-3 (12722)
ନୀଲଜୀମୂତସଙ୍କାଶସ୍ତପ୍ତକାଞ୍ଚନକୁଣ୍ଡଲଃ।
ବିଚିତ୍ରହାରକେଯୂରଃ କିଙ୍କିଣୀମଣିଭୂଷିତଃ॥ 2-34-4 (12723)
ହେମମାଲୀ ମହାଦଂଷ୍ଟ୍ରଃ କିରୀଟୀ କୁକ୍ଷିବନ୍ଧନଃ।
ତାମ୍ରକେଶୋ ହରିଶ୍ମଶ୍ରୁର୍ଭୀମାଙ୍ଗଃ କଟକାଙ୍ଗଦଃ॥ 2-34-5 (12724)
ରକ୍ତଚନ୍ଦନଦିଗ୍ଧାଙ୍ଗଃ ସୂକ୍ଷ୍ମାମ୍ବରଧରୋ ବଲୀ।
ବଲେନ ସ ଯଯୌ ତତ୍ର ଚାଲଯନ୍ନିବ ମେଦିନୀମ୍॥ 2-34-6 (12725)
ତତୋ ଦୃଷ୍ଟ୍ବା ଜନା ରାଜନ୍ନାଯାନ୍ତଂ ପର୍ବତୋପମମ୍।
ଭଯାଦ୍ଧି ଦୁଦ୍ରୁବୁଃ ସର୍ବେ ସିଂହାତ୍କ୍ଷୁଦ୍ରମୃଗା ଯଥା॥ 2-34-7 (12726)
ଆସସାଦ ଚ ମାଦ୍ରେଯଂ ପୁଲସ୍ତ୍ଯଂ ରାବଣୋ ଯଥା।
ଅଭିବାଦ୍ଯ ତତୋ ରାଜନ୍ସହଦେବଂ ଘଟୋତ୍କଚଃ॥ 2-34-8 (12727)
ପ୍ରହ୍ବଃ କୃତାଞ୍ଜଲିସ୍ତସ୍ଥୌ କିଂ କାର୍ଯମିତି ଚାବ୍ରବୀତ୍।
ତଂ ପରିଷ୍ବଜ୍ଯ ବାହୁଭ୍ଯାଂ ମୂର୍ଧ୍ନ୍ଯୁପାଘ୍ରାଯ ପାଣ୍ଡବଃ॥ 2-34-9 (12728)
ତଂ ମେରୁଶିଖରାକାରମାଗତଂ ପାଣ୍ଡୁନନ୍ଦନଃ।
ପୂଜଯିତ୍ବା ସହାମାତ୍ଯଃ ପ୍ରୀତୋ ବାକ୍ଯମୁବାଚ ହ॥ 2-34-10 (12729)
ଗଚ୍ଛ ଲଙ୍କାଂ ପୁରୀଂ ବତ୍ସ କରାର୍ଥଂ ମମ ଶାସନାତ୍। ॥
ତତ୍ର ଦୃଷ୍ଟ୍ବା ମହାତ୍ମାନଂ ରାକ୍ଷସେନ୍ଦ୍ରଂ ବିଭୀଷଣମ୍॥ 2-34-11 (12730)
ରତ୍ନାନି ରାଜସୂଯାର୍ଥଂ ବିବିଧାନି ବହୂନି ଚ।
ଉପାଦାଯ ଚ ସର୍ବାଣି ପ୍ରତ୍ଯାଗଚ୍ଛ ମହାବଲ॥ 2-34-12 (12731)
ବୈଶମ୍ପାଯନ ଉବାଚ। 2-34-13x (1446)
ପାଣ୍ଡବେନୈବମୁକ୍ତସ୍ତୁ ମୁଦା ଯୁକ୍ତୋ ଘଟୋତ୍କଚଃ।
ତଥେତ୍ଯୁକ୍ତ୍ବା ମହାରାଜ ପ୍ରତସ୍ଯେ ଦକ୍ଷିଣାଂ ଦିଶମ୍॥ 2-34-13 (12732)
ପ୍ରଯଯୌ ଦକ୍ଷିଣଂ କୃତ୍ବା ସହଦେବଂ ଘଟୋତ୍କଚଃ।
ଲଙ୍କାମଭିମୁକୋ ରାଜନ୍ସମୁଦ୍ରଂ ସ ବ୍ଯଲୋକଯତ୍॥ 2-34-14 (12733)
କୂର୍ମଗ୍ରାହଝଷାକୀର୍ଣଂ ମୀନନକ୍ରୈସ୍ତଥାଽଽକୁଲମ୍।
ଶୁକ୍ତିବ୍ରାତସମାକୀର୍ଣଂ ଶଙ୍କାନାଂ ନିଚଯାକୁଲମ୍॥ 2-34-15 (12734)
ସ ଦୃଷ୍ଟ୍ବା ରାମସେତୁଂ ଚ ଚିନ୍ତଯନ୍ରାମବିକ୍ରମମ୍॥
ଗତ୍ବା ପାରଂ ସମୁଦ୍ରସ୍ଯ ଦକ୍ଷିଣଂ ସ ଘଟୋତ୍କଚଃ॥ 2-34-16 (12735)
ଦଦର୍ଶ ଲଙ୍କାଂ ରାଜେନ୍ଦ୍ର ନାକପୃଷ୍ଠୋପମାଂ ଶୁଭାମ୍।
ପ୍ରାକାରେଣାବୃତାଂ ରମ୍ଯାଂ ଶୁଭଦ୍ବାରୈଶ୍ଚ ଶୋଭିତାମ୍॥ 2-34-17 (12736)
ପ୍ରାସାଦୈର୍ବହୁସାହସ୍ରୈଃ ଶ୍ବେତରକ୍ତୈଶ୍ଚ ସଙ୍କୁଲାମ୍।
ଦିବ୍ଯଦୁନ୍ଦୁଭିନିର୍ହ୍ରାଦାମୁଦ୍ଯାନବନଶୋଭିତାମ୍॥ 2-34-18 (12737)
ସର୍ବକାଲଫଲୈର୍ବୃକ୍ଷୈଃ ପୁଷ୍ପିତୈରୁପଶୋଭିତାମ୍।
ପୁଷ୍ପଗନ୍ଧୈଶ୍ଚ ସଙ୍କୀର୍ଣାଂ ରମଣୀଯମହାରଥାମ୍॥ 2-34-19 (12738)
ନାନାରତ୍ନୈଶ୍ଚ ସମ୍ପୂର୍ଣାମିନ୍ଦ୍ରସ୍ଯେବାମରାବତୀମ୍।
ବିବେଶ ସ ପୁରୀଂ ଲଙ୍କାଂ ରାକ୍ଷସୈଶ୍ଚ ନିଷେବିତାମ୍॥ 2-34-20 (12739)
ଦଦର୍ଶ ସ ପୁରୀଂ ଲଙ୍କାଂ ରାକ୍ଷସୈଶ୍ଚ ନିଷେବିତାମ୍॥
ନାନାବେଷଧରାନ୍ଦକ୍ଷାନ୍ନାରୀଶ୍ଚ ପ୍ରିଯଦର୍ଶନାଃ॥ 2-34-21 (12740)
ଦିବ୍ଯମାଲ୍ଯାମ୍ବରଧରା ଦିବ୍ଯଭୂଷଣଭୂଷିତାଃ।
ମଦରକ୍ତାନ୍ତନଯନାଃ ପୀନଶ୍ରୋଣିପଯୋଧରାଃ॥ 2-34-22 (12741)
ଭୈମସେନିଂ ତତୋ ଦୃଷ୍ଟ୍ବା ହୃଷ୍ଟାସ୍ତେ ବିସ୍ମଯଂ ଗତାଃ।
ଆସସାଦ ଗୃହଂ ରାଜ୍ଞ ଇନ୍ଦ୍ରସ୍ଯ ସଦନୋପମମ୍॥ 2-34-23 (12742)
ସ ଦ୍ବାରପାଲମାସାଦ୍ଯ ବାକ୍ଯମେତଦୁବାଚ ହ। 2-34-24 (12743)
ଘଟୋତ୍କଚ ଉବାଚ॥
କୁରୂଣାମୃଷ୍ଟବୋ ରାଜା ପାଣ୍ଡୁର୍ନାମ ମହାବଲଃ॥ 2-34-24x (1447)
କନୀଯାଂସ୍ତସ୍ଯ ଦାଯାଦଃ ସହଦେବ ଇତି ଶ୍ରୁତଃ।
ତେନାହଂ ପ୍ରେଷିତୋ ଦୂତଃ କରାର୍ଥଂ କୌରବସ୍ଯ ଚ॥ 2-34-25 (12744)
ଦ୍ରଷ୍ଟୁମିଚ୍ଛାମି ରାଜେନଦ୍ରଂ ତ୍ବଂ କ୍ଷିପ୍ରଂ ମାଂ ନିବେଦଯ। 2-34-26 (12745)
ବୈଶମ୍ପାଯନ ଉବାଚ॥
ତସ୍ଯ ତଦ୍ବଚନଂ ଶ୍ରୁତ୍ବା ଦ୍ବାରପାଲୋ ମହୀପତେ॥ 2-34-26x (1448)
ତଥେତ୍ଯୁକ୍ତ୍ବା ବିବେଶାଥ ଭବନଂ ସ ନିବେଦକଃ।
ପ୍ରାଞ୍ଜଲିଃ ସ୍ରବମାଚଷ୍ଟ ସ୍ରବାଂ ଦୂତଗିରଂ ତଦା॥ 2-34-27 (12746)
ଦ୍ବାରପାଲବଚଃ ଶ୍ରୁତ୍ବା ରାକ୍ଷସେନ୍ଦ୍ରୋ ବିଭୀଷଣଃ।
ଉବାଚ ବାକ୍ଯଂ ଧର୍ମାତ୍ମା ସମୀପଂ ମେ ପ୍ରବେଶ୍ଯତାମ୍॥ 2-34-28 (12747)
ଏବମୁକ୍ତସ୍ତୁ ରାଜ୍ଞା ସ ଧର୍ମଜ୍ଞେନ ମହାତ୍ମନା।
ଅଥନିଷ୍କମ୍ଯ ସମ୍ଭ୍ରାନ୍ତୋ ଦ୍ବାର୍ସ୍ଥୋହୈଡିମ୍ବମବ୍ରବୀତ୍॥ 2-34-29 (12748)
ଏହି ଦୂତ ନୃପଂ ଦ୍ରଷ୍ଟୁଂ କ୍ଷିପ୍ରଂ ପ୍ରବିଶ ଚ ସ୍ବଯମ୍।
ଦ୍ବାରପାଲବଚଃ ଶ୍ରୁତ୍ବା ପ୍ରବିବେଶ ଘଟୋତ୍କଚଃ॥ 2-34-30 (12749)
ସ ପ୍ରବିଶ୍ଯ ଦଦର୍ଶାଥ ରାକ୍ଷସେନ୍ଦ୍ରସ୍ଯ ମନ୍ଦିରମ୍।
ତତଃ କୈଲାସସଙ୍କାଶଂ ତତ୍ପକାଞ୍ଚନତୋରଣମ୍॥ 2-34-31 (12750)
ପ୍ରାକାରେଣ ପରିକ୍ଷିପ୍ତଂ ଗୋପୁରୈଶ୍ଚାପି ଶୋଭିତମ୍।
ହର୍ମ୍ଯପ୍ରାସାଦସମ୍ବାଧଂ ନାନାରତ୍ନୋପଶୋଭିତମ୍॥ 2-34-32 (12751)
କାଞ୍ଚନୈସ୍ତାପନୀଯୈଶ୍ଚ ସ୍ଫାଟିକୈ ରାଜତୈରପି।
ବଜ୍ରବୈଡୂର୍ଯଜୁଷ୍ଟୈଶ୍ଚ ସ୍ତମ୍ଭୈଶ୍ଚ ସୁମନୋହରୈଃ॥ 2-34-33 (12752)
ନାନାଧ୍ବଜପତାକାଭିର୍ଯୁକ୍ତଂ ମଣିବିଚିତ୍ରିତମ୍।
ଚିତ୍ରମାଲ୍ଯାବୃତଂ ରମ୍ଯଂ ତପ୍ତକାଞ୍ଚନବେଦିକମ୍॥ 2-34-34 (12753)
ସ ଦୃଷ୍ଟ୍ବା ତତ୍ର ସର୍ବଂ ଚ ଭୈମସେନିର୍ମନୋହରମ୍।
ପ୍ରବିଶନ୍ନେବ ହୈଡିମ୍ବଃ ଶୁଶ୍ରାବ ମଧୁରସ୍ବରମ୍॥ 2-34-35 (12754)
ତନ୍ତ୍ରୀଗୀତସମାକୀର୍ଣଂ ସମତାଲମିତାକ୍ଷରମ୍।
ଦିବ୍ଯଦୁନ୍ଦୁଭିନିର୍ହ୍ରାଦଂ ବାଦିତ୍ରସତତଂ ଶୁଭମ୍॥ 2-34-36 (12755)
ସ ଶ୍ରୁତ୍ବା ମଧୁରଂ ଶବ୍ଦଂ ପ୍ରୀତିମାନଭବତ୍ତଦା।
ତତୋ ବିଗାହ୍ଯ ହୈଡିମ୍ବୋ ବହୁକକ୍ଷ୍ଯାଂ ମନୋରମାମ୍॥ 2-34-37 (12756)
ସ ଦଦର୍ଶ ମହାତ୍ମାନଂ ଦ୍ବାର୍ସ୍ଥେନ ସହ ଭାରତ।
ତଂ ବିଭୀଷଣମାସୀନଂ କାଞ୍ଚନେ ପରମାସନେ॥ 2-34-38 (12757)
ଦିବି ଭାସ୍କରସଙ୍କାଶଂ ମୁକ୍ତାମଣିବିଭୂଷିତମ୍।
ଦିବ୍ଯାଭରଣଚିତ୍ରାଙ୍ଗଂ ଦିବ୍ଯରୂପଧରଂ ବିଭୁମ୍॥ 2-34-39 (12758)
ଦିବ୍ଯମାଲ୍ଯାମ୍ବରଧରଂ ଦିବ୍ଯଗନ୍ଧୋକ୍ଷିତଂ ଶୁଭମ୍।
ବିଭ୍ରାଜମାନଂ ବପୁଷା ସୂର୍ଯବୈଶ୍ବାନରପ୍ରଭମ୍॥ 2-34-40 (12759)
ଉପୋପବିଷ୍ଟଂ ସଚିବୈର୍ଦେବୈରିବ ଶତକ୍ରତୁମ୍।
ଯକ୍ଷୈର୍ମହାତ୍ମଭିର୍ଦିବ୍ଯନାରୀଭିର୍ହୃଦ୍ଯକାନ୍ତିଭିଃ॥ 2-34-41 (12760)
ଗୀତୈର୍ମଙ୍ଗଲଯୁକ୍ତୈଶ୍ଚ ପୂଜ୍ଯମାନଂ ଯଥା ଦିବି।
ଚାମରେ ବ୍ଯଜନେ ଚାଗ୍ର୍ଯେ ହେମଦଣ୍ଡେ ମହାଧନେ॥ 2-34-42 (12761)
ଗୃହୀତେ ବରନାରୀଭ୍ଯାଂ ଧୂଯମାନେ ଚ ମୂର୍ଧନି।
ଅର୍ଚିଷ୍ମନ୍ତଂ ଶ୍ରିଯା ଜୁଷ୍ଟଂ କୁବେରବରୁଣୋପମମ୍॥ 2-34-43 (12762)
ଧର୍ମେ ଚୈବ ସ୍ଥିତଂ ନିତ୍ଯମଦ୍ଭୁତଂ ରାକ୍ଷସେସ୍ବରମ୍।
ରାମମିକ୍ଷ୍ବାକୁନାଥଂ ବୈ ସ୍ମରନ୍ତଂ ମନସା ସଦା॥ 2-34-44 (12763)
ଦୃଷ୍ଟ୍ବା ଘଟୋତ୍କଚୋ ରାଜନ୍ବବନ୍ଦେ ତଂ କୃତାଞ୍ଜଲିଃ।
ପ୍ରହ୍ବସ୍ତସ୍ଥୌ ମହାବୀର୍ଯଃ ଶକ୍ରଂ ଚିତ୍ରରଥୋ ଯଥା॥ 2-34-45 (12764)
ତଂ ଦୂତମାଗତଂ ଦୃଷ୍ଟ୍ବା ରାକ୍ଷସେନ୍ଦ୍ରୋ ବିଭୀଷଣଃ।
ପୂଜଯିତ୍ବା ଯଥାନ୍ଯାଯଂ ସାନ୍ତ୍ବପୂର୍ବଂ ବଚୋଽବ୍ରବୀତ୍॥ 2-34-46 (12765)
ବିଭୀଷଣ ଉବାଚ॥ 2-34-47x (1449)
କସ୍ଯ ବଂଶେ ସ ସଞ୍ଜାତଃ କରମିଚ୍ଛନ୍ମହୀପତିଃ।
ତସ୍ଯାନୁଜାନ୍ସମସ୍ତାଂଶ୍ଚ ପୁରଂ ଦେଶଂ ଚ ତସ୍ଯ ବୈ॥ 2-34-47 (12766)
ତ୍ବାଂ ଚ କାର୍ଯଂ ଚ ତତ୍ସର୍ବଂ ଶ୍ରୋତୁମିଚ୍ଛାମି ତତ୍ବତଃ।
ବିସ୍ତରେଣ ମମ ବ୍ରୂହି ସର୍ବାନେତାନ୍ପୃଥକ୍ପୃଥକ୍॥ 2-34-48 (12767)
ବୈଶମ୍ପାଯନ ଉବାଚ। 2-34-49x (1450)
ଏବମୁକ୍ତସ୍ତୁ ହୈଡିମ୍ବଃ ପୌଲସ୍ତ୍ଯେନ ମହାତ୍ମନା।
କୃତାଞ୍ଜଲିରୁବାଚାଥ ସମର୍ଥମିଦମୁତ୍ତରମ୍॥ 2-34-49 (12768)
ଘଟୋତ୍କଚ ଉବାଚ। 2-34-50x (1451)
ସୋମବଂଶୋଦ୍ଭବୋ ରାଜା ପାଣ୍ଡୁର୍ନାମ ମହାବଲଃ।
ପାଣ୍ଡୋଶ୍ଚ ପୁତ୍ରାଃ ପଞ୍ଚାସଞ୍ଛକ୍ରତୁଲ୍ଯପରାକ୍ରମାଃ॥ 2-34-50 (12769)
ତେଷାଂ ଜ୍ଯେଷ୍ଠସ୍ତୁ ନାମ୍ନା ବୈ ଯୁଧିଷ୍ଠିର ଇତି ଶ୍ରୁତଃ।
ଅଜାତଶତ୍ରୁର୍ଧର୍ମାତ୍ମା ଧର୍ମୋ ବିଗ୍ରହବାନିବ॥ 2-34-51 (12770)
ତତୋ ଯୁଧିଷ୍ଠିରୋ ରାଜା ପ୍ରାପ୍ଯ ରାଜ୍ଯମକାରଯତ୍।
ଗଙ୍ଗାଯା ଦକ୍ଷିଣେ ତୀରେ ନଗରେ ନାଗସାହ୍ବଯେ॥ 2-34-52 (12771)
ତଦ୍ଦତ୍ବା ଧୃତରାଷ୍ଟ୍ରାଯ ଶକ୍ରପ୍ରସ୍ଥଂ ଯଯୌ ତତଃ।
ଭ୍ରାତୃଭିଃ ସହ ରାଜେନ୍ଦ୍ର ଶକ୍ରପ୍ରସ୍ଥେଽନ୍ବମୋଦତ॥ 2-34-53 (12772)
ଗଙ୍ଗାଯମୁନଯୋର୍ମଧ୍ଯେ ତେ ଉଭେ ନଗରୋତ୍ତମେ।
ନିତ୍ଯଂ ଧର୍ମେ ସ୍ଥିତୋ ରାଜା ଶକ୍ରପ୍ରସ୍ଥେ ପ୍ରଶାସ୍ତି ନଃ॥ 2-34-54 (12773)
ତସ୍ଯାନୁଜୋ ମହାବାହୁର୍ଭୀମସେନ ଇତି ଶ୍ରୁତଃ।
ମହାତେଜା ମହାକୀର୍ତିଃ ଶକ୍ରତୁଲ୍ଯପରାକ୍ରମଃ॥ 2-34-55 (12774)
ଦଶନାଗସହସ୍ରାଣାଂ ବଲେ ତୁଲ୍ଯଃ ସ ପାଣ୍ଡବଃ।
ତସ୍ଯାନୁଜୋଽର୍ଜୁନୋ ନାମ ମହାବଲପରାକ୍ରମଃ॥ 2-34-56 (12775)
ସୁକୁମାରୋ ମହାସତ୍ବୋ ଲୋକେ ବୀର୍ଯେଣ ବିଶ୍ରୁତଃ।
କାର୍ତବୀର୍ଯସମୋ ବୀର୍ଯେ ସାଗରପ୍ରତିମୋ ବଲେ॥ 2-34-57 (12776)
ଜାମଦଗ୍ନ୍ଯସମଶ୍ଚାସ୍ତ୍ରେ ସଙ୍ଖ୍ଯେ ରାମସମୋଽର୍ଜୁନଃ।
ରୂପେ ଶକ୍ରସମଃ ପାର୍ଥସ୍ତେଜସା ଭାସ୍କରୋପମଃ॥ 2-34-58 (12777)
ଦେବଦାନବଗନ୍ଧର୍ବୈଃ ପିଶାଚୋରଗରାକ୍ଷସୈଃ।
ମାନୁଷୈଶ୍ଚ ସମସ୍ତୈସ୍ତୁ ଅଜେଯଃ ଫଲ୍ଗୁନୋ ରଣେ॥ 2-34-59 (12778)
ତେନ ତତ୍ଖଣ୍ଡବଂ ଦାବଂ ତର୍ପିତଂ ଜାତବେଦସେ।
ବିଜିତ୍ଯ ତରସା ଶକ୍ରଂ ଯୁଧି ଦେବଗଣୈଃ ସହ॥ 2-34-60 (12779)
ଲବ୍ଧାନ୍ଯସ୍ତ୍ରାଣି ଦିବ୍ଯାନି ତର୍ପଯିତ୍ବା ହୁତାଶନମ୍।
ତେନ ଲବ୍ଧା ମହାରାଜ ଦୁର୍ଲଭା ଦୈବତୈରପି॥ 2-34-61 (12780)
ବାସୁଦେବସ୍ଯ ଭଗିନୀ ସୁଭଦ୍ରା ନାମ ବିଶ୍ରୁତା।
ଅର୍ଜୁନସ୍ଯାନୁଜୋ ରାଜନ୍ନକୁଲଶ୍ଚେତି ବିଶ୍ରୁତଃ॥ 2-34-62 (12781)
ଦର୍ଶନୀଯତମୋ ଲୋକେ ମୂର୍ତିମାନିବ ମନ୍ମଥଃ।
ତସ୍ଯାନୁଜୋ ମହାତେଜାଃ ସହଦେବ ଇତି ଶ୍ରୁତଃ॥ 2-34-63 (12782)
ତେନାହଂ ପ୍ରେଷିତୋ ରାଜନ୍କୁମାରେଣ ସମୋ ରଣେ।
ଅହଂ ଘଟୋତ୍କଚୋ ନାମ ଭୀମସେନସୁତୋ ବଲୀ॥ 2-34-64 (12783)
ମମ ମାତା ମହାଭାଗା ହିଡିମ୍ବା ନାମ ରାକ୍ଷସୀ।
ପାର୍ଥାନାମୁପକାରାର୍ଥଂ ଚରାମି ପୃଥିବୀମିମାମ୍॥ 2-34-65 (12784)
ଆସୀତ୍ପୃଥିବ୍ଯାଃ ସର୍ବସ୍ଯା ମହୀପାଲୋ ଯୁଧିଷ୍ଠିରଃ।
ରାଜସୂଯଂ କ୍ରତୁଶ୍ରେଷ୍ଠମାହର୍ତୁମୁପଚକ୍ରମେ॥ 2-34-66 (12785)
ସନ୍ଦିଦେଶ ଚ ସ ଭ୍ରାତୃନ୍କରାର୍ଥଂ ସର୍ବତୋଦିଶମ୍।
ବୃଷ୍ଣିବୀରେଣ ସହିତଃ ସନ୍ଦିଦେଶାନୁଜାନ୍ନୃପଃ॥ 2-34-67 (12786)
ଉଦୀଚୀମର୍ଜୁନସ୍ତୂର୍ଣଂ ଗତ୍ବା ମେରୋରଥୋତ୍ତମଃ।
ଗତ୍ବା ଶତସହସ୍ରାଣି ଯୋଜନାନି ମହାବଲଃ॥ 2-34-68 (12787)
ଜିତ୍ବା ସର୍ବାନ୍ନୃପାନ୍ଯୁଦ୍ଧେ ହତ୍ବା ଚ ତରସା ବଶୀ।
ସ୍ବର୍ଗଦ୍ବାରମୁପାଗମ୍ଯ ରତ୍ନାନ୍ଯାଦାଯ ବୈ ଭୃଶମ୍॥ 2-34-69 (12788)
ଅଶ୍ବାଂଶ୍ଚ ବିବିଧାନ୍ଦିବ୍ଯାନ୍ସର୍ବାନାଦାଯ ଫଲ୍ଗୁନଃ।
ଧନଂ ବହୁବିଧଂ ରାଜନ୍ଧର୍ମପୁତ୍ରାଯ ବୈ ଦଦୌ॥ 2-34-70 (12789)
ଭୀମସେନୋ ହି ରାଜେନ୍ଦ୍ର ଜିତ୍ବା ପ୍ରାଚୀଂ ଦିଶଂ ବଲାତ୍।
ବଶେ କୃତ୍ବା ମହୀପାଲାନ୍ପାଣ୍ଡବାଯ ଧନଂ ଦଦୌ॥ 2-34-71 (12790)
ଦିଶଂ ପ୍ରତୀଚୀଂ ନକୁଲଃ କରାର୍ଥଂ ପ୍ରଯଯୌ ତଥା।
ସହଦେବୋ ଦିଶଂ ଯାମ୍ଯାଂ ଜିତ୍ବା ସର୍ବାନ୍ମହୀକ୍ଷିତଃ॥ 2-34-72 (12791)
ମାଂ ସନ୍ଦିଦେଶ ରାଜେନ୍ଦ୍ର କରାର୍ଥମିହ ସତ୍କୃତଃ।
ପାର୍ଥାନାଂ ଚରିତଂ ତୁଭ୍ଯଂ ସଙ୍କ୍ଷେପାତ୍ସମୁଦାହୃତମ୍॥ 2-34-73 (12792)
ତମବେକ୍ଷ୍ଯ ମହାରାଜ ଧର୍ମରାଜଂ ଯୁଧିଷ୍ଠିରମ୍।
ପାବନଂ ରାଜସୂଯଂ ଚ ଭଗବନ୍ତଂ ହରିଂ ପ୍ରଭୁମ୍।
ଏତାନବେକ୍ଷ୍ଯ ଧର୍ମଜ୍ଞ କରଂ ଦାତୁମିହାର୍ହସି॥ 2-34-74 (12793)
ବୈଶମ୍ପାଯନ ଉବାଚ॥ 2-34-75x (1452)
ତେନ ତଦ୍ଭାଷିତଂ ଶ୍ରୁତ୍ବା ରାକ୍ଷସେନ୍ଦ୍ରୋ ବିଭୀଷଣଃ।
ଶାସନଂ ପ୍ରତିଜଗ୍ରାହ ଧର୍ମାତ୍ମା ରାକ୍ଷସୈଃ ସହ॥ 2-34-75 (12794)
ତଚ୍ଚ କୃଷ୍ଣକୃତଂ ଧୀମାନିତ୍ଯମନ୍ଯତ ସ ପ୍ରଭୁଃ।
ତତୋ ଦଦୌ ବିଚିତ୍ରାଣି କମ୍ବଲାନି କୁଥାନି ଚ॥ 2-34-76 (12795)
ଦାନ୍ତକାଞ୍ଚନପର୍ଯଙ୍କାନ୍ମଣିହେମବିଚିତ୍ରିତାନ୍।
ଭୂଷଣାନି ମହାର୍ହାଣି ପ୍ରବାଲାନି ମଣୀଂଶ୍ଚ ସଃ॥ 2-34-77 (12796)
କାଞ୍ଚନାନି ଚ ଭାଣ୍ଡନି କଲଶାନି ଘଟାନି ଚ।
କଟାହାନି ବିଚିତ୍ରାନି ଦ୍ରୋଣ୍ଯଶ୍ଚୈବ ସହସ୍ରଶଃ॥ 2-34-78 (12797)
ରାଜତାନି ଚ ଭାଣ୍ଡାନି ରତ୍ନଗର୍ଭାଂଶ୍ଚ କୁଣ୍ଡଲାନ୍।
ହେମପୁଷ୍ପାନି ଚାନ୍ଯାନି ରୁକ୍ମମୁଖ୍ଯାନି ଚାପରାନ୍। 2-34-79 (12798)
ଶଙ୍ଖାଂଶ୍ଚ ଚନ୍ଦ୍ରସଙ୍କାଶାଂଶ୍ଚିତ୍ରାବର୍ତବିଚିତ୍ରିତାନ୍।
ଯଜ୍ଞସ୍ଯ ତୋରଣେ ଯୁକ୍ତାନ୍ଦଦୌ ତାଲାଂଶ୍ଚତୁର୍ଦଶ॥ 2-34-80 (12799)
ରୁକ୍ମପଙ୍କଜପୁଷ୍ପାଣି ଶିବିକା ମଣିଭୂଷିତାଃ।
ମୁକୁଟାନି ମହାର୍ହାଣି ରତ୍ନଗର୍ଭାଂଶ୍ଚ କଙ୍କଣାନ୍॥ 2-34-81 (12800)
ଚନ୍ଦନାନି ଚ ମୁଖ୍ଯାନି ବାସାଂସି ବିବିଧାନି ଚ।
ସ ଦଦୌ ସହଦେବାଯ ତଦା ରାଜା ବିଭୀଷଣାଃ॥ 2-34-82 (12801)
ତାନି ସର୍ବାଣି ରତ୍ନାନି ଆଜହ୍ରୁସ୍ତେ ନିଶାଚରାଃ।
ଅଷ୍ଟାଶୀତିସହସ୍ରାଣି ସମଦା ରକ୍ତଲୋଚନାଃ॥ 2-34-83 (12802)
ରତ୍ନାନ୍ଯାଦାଯ ସର୍ବାଣି ପ୍ରତସ୍ଥେ ସ ଘଟୋତ୍କଚଃ।
ବିଭୀଷଣଂ ଚ ରାଜାନମଭିବାଦ୍ଯ କୃତାଞ୍ଜଲିଃ॥ 2-34-84 (12803)
ପ୍ରଦକ୍ଷିଣଂ ପରୀତ୍ଯୈବ ନିର୍ଜଗାମ ଘଟୋତ୍କଚଃ।
ତତୋ ରତ୍ନାନ୍ଯୁପାଦାଯ ହୈଡିମ୍ବୋ ରାକ୍ଷସୈଃ ସହ॥ 2-34-85 (12804)
ଜଗାମ ତୂର୍ଣଂ ଲଙ୍କାଯାଃ ସହଦେବପଦଂ ପ୍ରତି।
ଆସେଦୁଃ ପାଣ୍ଡବଂ ସର୍ବେ ଲଙ୍ଘଯିତ୍ବା ମହୋଦଧିମ୍॥ 2-34-86 (12805)
ସହଦେବୋ ଦଦର୍ଶାଥ ରତ୍ନାହାରାନ୍ନିଶାଚରାନ୍।
ଆଗତାନ୍ଭୀମସଙ୍କାଶାନ୍ହୈଡିମ୍ବଂ ଚ ତଥା ନୃପ॥ 2-34-87 (12806)
ଦ୍ରମିଲା ନୈଋତାନ୍ଦୃଷ୍ଟ୍ବା ଦୁଦ୍ରୁବୁସ୍ତେ ଭଯାର୍ଦିତାଃ।
ଭୈମସେନିସ୍ତତୋ ଗତ୍ବା ମାର୍ଦେଯଂ ପ୍ରାଞ୍ଜଲିଃ ସ୍ଥିତଃ॥ 2-34-88 (12807)
ପ୍ରୀତିମାନଭବଦ୍ଦୃଷ୍ଟ୍ବା ରତ୍ନୌଧଂ ତଂ ଚ ପାଣ୍ଡବଃ।
ତଂ ପରିଷ୍ବଜ୍ଯ ପାଣିଭ୍ଯାଂ ଦୃଷ୍ଟ୍ବା ତାନ୍ପ୍ରୀତିମାନଭୂତ୍॥ 2-34-89 (12808)
ବିସୃଜ୍ଯ ଦ୍ରବିଡାନ୍ସର୍ବାନ୍ଗମନାଯୋପଚକ୍ରମେ।
ନ୍ଯବର୍ତମ ତତୋ ଧୀମାନ୍ସହଦେବୋ ନରାଧିପଃ॥ 2-34-90 (12809)
ଏବଂ ବିଜିତ୍ଯ ତରସା ସାନ୍ତ୍ବେନ ବିଜଯେନ ଚ।
କରଦାନ୍ପାର୍ଥିବାନ୍କୃତ୍ବା ପ୍ରତ୍ଯାଗଚ୍ଛଦରିନ୍ଦମଃ॥ 2-34-91 (12810)
ରତ୍ନସାଲମୁପାଦାଯ ଯଯୌ ସହନିଶାଚରଃ।
ଇନ୍ଦ୍ରପ୍ରସ୍ଥଂ ବିବେଶାଥ କମ୍ପଯନ୍ନିବ ମେଦିନୀମ୍॥ 2-34-92 (12811)
ଦୃଷ୍ଟ୍ବା ଯୁଧିଷ୍ଠିରଂ ରାଜନ୍ସହଦେବଃ କୃତାଞ୍ଜଲିଃ।
ପ୍ରହ୍ବୋଽଭିବାଦ୍ଯ ତସ୍ଥୌ ସ ପୂଜିତଶ୍ଚାପି ତେନ ବୈ॥ 2-34-93 (12812)
ଲଙ୍କାପ୍ରାପ୍ତାନ୍ଧନୌଘାଂଶ୍ଚ ଦୃଷ୍ଟ୍ବା ତାନ୍ଦୁର୍ଲଭାନ୍ବହୂନ୍।
ପ୍ରୀତିମାନଭବଦ୍ରାଜା ବିସ୍ମଯଂ ପରମଂ ଯଯୌ॥ 2-34-94 (12813)
ଧର୍ମରାଜାଯ ତତ୍ସର୍ବଂ ନିବେଦ୍ଯ ଭରତର୍ଷଭ।
କୋଟୀସହସ୍ରମଧିକଂ ହିରଣ୍ଯସ୍ଯ ମହାତ୍ମନେ॥ 2-34-95 (12814)
ବିବିଧାନି ଚ ରତ୍ନାନି ଗୋଜାବିମହିଷାଂସ୍ତଥା।
କୃତକର୍ମା ସୁଖଂ ରାଜନ୍ନୁବାସ ଜନମେଜଯ॥ ॥ 2-34-96 (12815)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦିଗ୍ବିଜଯପର୍ବଣି ଚତୁସ୍ତ୍ରିଂସୋଽଧ୍ଯାଯଃ॥ 34॥ ॥
ସଭାପର୍ବ - ଅଧ୍ଯାଯ 035
॥ ଶ୍ରୀଃ ॥
2.35. ଅଧ୍ଯାଯଃ 035
Mahabharata - Sabha Parva - Chapter Topics
ନକୁଲସ୍ଯ ପଶ୍ଚିମଦିଗ୍ବିଜଯଃ॥ 1॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ନକୁଲସ୍ଯ ତୁ ବକ୍ଷ୍ଯାମି କର୍ମାଣି ବିଜଯଂ ତଥା।
ବାସୁଦେବଜିତାମାଶାଂ ଯଥାଽସାବଜଯତ୍ପ୍ରଭୁଃ॥ 2-35-1 (12816)
ନିର୍ଯାଯ ଖାଣ୍ଡବପ୍ରସ୍ଥାତ୍ପ୍ରତୀଚୀମଭିତୋ ଦିଶମ୍।
ଉଦ୍ଦିଶ୍ଯ ମତିମାନ୍ପ୍ରାଯାନ୍ମହତ୍ଯା ସେନଯା ସହ॥ 2-35-2 (12817)
ସିଂହନାଦେନ ମହତା ଯୋଧାନାଂ ଗର୍ଜିତେନ ଚ।
ରଥନେମିନିନାଦୈଶ୍ଚ କମ୍ପଯନ୍ବସୁଧାମିମାମ୍॥ 2-35-3 (12818)
ତତୋ ବହୁ ଧନଂ ରମ୍ଯଂ ଗାବାଢ୍ଯଂ ଧନଧାନ୍ଯବତ୍।
କାର୍ତିକେଯସ୍ଯ ଦଯିତଂ ରୋହୀତକୁପାଦ୍ରବତ୍॥ 2-35-4 (12819)
ତତ୍ର ଯୁଦ୍ଧଂ ମହଚ୍ଚାସୀଚ୍ଛୂରୈର୍ମତ୍ତମଯୂରକୈଃ।
ମରୁଭୂମିଂ ସ କାର୍ତ୍ସ୍ନ୍ଯେନ ତଥୈବ ବହୁଧାନ୍ଯକମ୍॥ 2-35-5 (12820)
ଶୈରୀଷକଂ ମହେତ୍ଥଂ ଚ ବଶେ ଚକ୍ରେ ମହାଦ୍ଯୁତିଃ।
ଆକ୍ରୋଶଂ ଚୈବ ରାଜର୍ଷି ତେନ ଯୁଦ୍ଧମଭୂନ୍ମହତ୍॥ 2-35-6 (12821)
ତାନ୍ଦଶାର୍ଣାନ୍ସ ଜିତ୍ବା ଚ ପ୍ରତସ୍ଥେ ପାଣ୍ଡୁନନ୍ଦନଃ।
ଶିବୀଂସ୍ତ୍ରିଗର୍ତାନମ୍ବଷ୍ଠାନ୍ମାଲବାନ୍ପଞ୍ଚ କର୍ପଟାନ୍॥ 2-35-7 (12822)
ତଥା ମଧ୍ଯମକେଯାଂଶ୍ଚ ବାଟଧାନାନ୍ଦ୍ବିଜାନଥ।
ପୁନଶ୍ଚ ପରିବୃତ୍ଯାଥ ପୁଷ୍କରାରଣ୍ଯବାସିନଃ॥ 2-35-8 (12823)
ଗଣାନୁତ୍ସବସଙ୍କେତାନ୍ବ୍ଯଜଯତ୍ପୁରୁଷର୍ଷଭଃ।
ସିନ୍ଧୁକୂଲାଶ୍ରିତା ଯେ ଚ ଗ୍ରାମଣୀଯା ମହାବଲାଃ॥ 2-35-9 (12824)
ଶୂଦ୍ରାଭୀରଗଣାଶ୍ଚୈବ ଯେ ଚାଶ୍ରିତ୍ଯ ସରସ୍ବତୀମ୍।
ବର୍ତଯନ୍ତି ଚ ଯେ ମତ୍ସ୍ଯୈର୍ଯେ ଚ ପର୍ବତବାସିନଃ॥ 2-35-10 (12825)
କତ୍ସ୍ନଂ ପଞ୍ଚନନ୍ଦଂ ଚୈବ ତଥୈବାମରପର୍ବତମ୍।
ଉତ୍ତରଜ୍ଯୋତିଷଂ ଚୈବ ତଥା ଦିବ୍ଯକଟଂ ପୁରମ୍॥ 2-35-11 (12826)
ଦ୍ବାରପାଲଂ ଚ ତରସା ବଶେ ଚକ୍ରେ ମହାଦ୍ଯୁତିଃ।
ରାମଠାନ୍ହାରହୂଣାଂଶ୍ଚ ପ୍ରତୀଚ୍ଯାଶ୍ଚୈବ ଯେ ନୃପାଃ॥ 2-35-12 (12827)
ତାନ୍ସର୍ବାନ୍ସ ବଶେ ଚକ୍ରେ ଶାସନାଦେବ ପାଣ୍ଡବଃ।
ତତ୍ରସ୍ଥଃ ପ୍ରେଷଯାମାସ ବାସୁଦେବାଯ ଭାରତ॥ 2-35-13 (12828)
ସ ଚାସ୍ଯ ଗତଭୀ ରାଜନ୍ପ୍ରତିଜଗ୍ରାହ ଶାସନମ୍।
ତତଃ ଶାକଲମଭ୍ଯେତ୍ଯ ମଦ୍ରାଣାଂ ପୁଟଭେଦନମ୍॥ 2-35-14 (12829)
ମାତୁଲଂ ପ୍ରୀତିପୂର୍ବେଣ ଶଲ୍ଯଂ ଚକ୍ରେ ବଶେ ବଲୀ।
ସ ତେନ ସତ୍କୃତୋ ରାଜ୍ଞା ସତ୍କାରାର୍ହୋ ବିଶାମ୍ପତେ॥ 2-35-15 (12830)
ରତ୍ନାନି ଭୂରୀଣ୍ଯାଦାଯ ସମ୍ପ୍ରତସ୍ଥେ ଯୁଧାଂ ପତିଃ।
ତତଃ ସାଗରକୁକ୍ଷିସ୍ଥାନ୍ମ୍ଲେଚ୍ଛାନ୍ପରମଦାରୁଣାନ୍॥ 2-35-16 (12831)
ପହ୍ଲବାନ୍ବର୍ବରାଂଶ୍ଚୈବ କିରାତାନ୍ଯବନାଞ୍ଶକାନ୍।
ତତୋ ରତ୍ନାନ୍ଯପାଦାଯ ବଶେ କୃତ୍ବା ଚ ପାର୍ଥିବାନ୍।
ନ୍ଯବର୍ତତ କୁରୁଶ୍ରେଷ୍ଠୋ ନକୁଲଶ୍ଚିତ୍ରମାର୍ଗବିତ୍॥ 2-35-17 (12832)
କରମାଣାଂ ସହସ୍ରାଣି କୋଶଂ ତସ୍ଯ ମହାତ୍ମନଃ।
ଊହର୍ଦଶ ମହାରାଜ କୃଚ୍ଛ୍ରାଦିବ ମହାଧନମ୍॥ 2-35-18 (12833)
ଇନ୍ଦ୍ରପ୍ରସ୍ଥଗତଂ ବୀରମଭ୍ଯେତ୍ଯ ସ ଯୁଧିଷ୍ଠିରମ୍।
ତତୋ ମାଦ୍ରୀସୁତଃ ଶ୍ରୀମାନ୍ଧନଂ ତସ୍ମୈ ନ୍ଯବେଦଯତ୍॥ 2-35-19 (12834)
ଏବଂ ବିଜିତ୍ଯ ନକୁଲୋ ଦିଶଂ ବରୁଣପାଲିତାମ୍।
ପ୍ରତୀଚୀଂ ବାସୁଦେବେନ ନିର୍ଜିତାଂ ଭରତର୍ଷଭ॥ ॥ 2-35-20 (12835)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦିଗ୍ବିଜଯପର୍ବଣି ପଞ୍ଚତ୍ରିଂଶୋଽଧ୍ଯାଯଃ॥ 35॥
ସଭାପର୍ବ - ଅଧ୍ଯାଯ 036
॥ ଶ୍ରୀଃ ॥
2.36. ଅଧ୍ଯାଯଃ 036
Mahabharata - Sabha Parva - Chapter Topics
ଦ୍ବାରକାତଃ ଆଗତସ୍ଯ ଶ୍ରୀକୃଷ୍ଣସ୍ଯାଜ୍ଞଯା ଯଜ୍ଞସାମଗ୍ରୀସମ୍ପାଦନୋପକ୍ରମଃ॥ 1॥ ଦ୍ବୈପାଯନେନ ଋତ୍ବିଗାନଯନମ୍॥ 2॥ ବ୍ରାହ୍ମଣକ୍ଷତ୍ରିଯାଦୀନାମାମନ୍ତ୍ରଣାଯ ଦୂତପ୍ରେଷଣମ୍॥ 3॥ ଧୃତରାଷ୍ଟ୍ରାଦ୍ଯମନ୍ତ୍ରଣାଯ ନକୁଲଗମନମ୍॥ 4॥। ଦୀକ୍ଷା ॥ 5॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ରକ୍ଷଣାଦ୍ଧର୍ମରାଜସ୍ଯ ସତ୍ଯସ୍ଯ ପରିପାଲନାତ୍।
ଶତ୍ରୂଣାଂ କ୍ଷପଣାଚ୍ଚୈବ ସ୍ବକର୍ମନିରତାଃ ପ୍ରଜାଃ॥ 2-36-1 (12836)
ବଲୀନାଂ ସମ୍ଯଗାଦାନାଦ୍ଧର୍ମତଶ୍ଚାନୁଶାସନାତ୍।
ନିକାମବର୍ଷୀ ପର୍ଜନ୍ଯଃ ସ୍ଫୀତୋ ଜନପଦୋଽଭବତ୍॥ 2-36-2 (12837)
ସର୍ବାରମ୍ଭାଃ ସୁପ୍ରବୃତ୍ତା ଗୋରକ୍ଷା କର୍ଷଣଂ ବଣିକ୍।
ବିଶେଷାତ୍ସର୍ବମେବୈତତ୍ସଞ୍ଜଜ୍ଞେ ରାଜକର୍ମଣଃ॥ 2-36-3 (12838)
ଦସ୍ଯୁଭ୍ଯୋ ବଞ୍ଚକେଭ୍ଯୋ ବା ରାଜନ୍ପ୍ରତି ପରସ୍ପରମ୍।
ରାଜବଲ୍ଲଭତଶ୍ଚୈବ ନାଶ୍ରୂଯନ୍ତ ମୃଷାଗିରଃ॥ 2-36-4 (12839)
ଅବର୍ଷଂ ଚାତିବର୍ଷଂ ଚ ବ୍ଯାଧିପାବକମୂର୍ଛନମ୍।
ସର୍ବମେତତ୍ତଦା ନାସୀଦ୍ଧର୍ମନିତ୍ଯେ ଯୁଧିଷ୍ଠିରେ॥ 2-36-5 (12840)
ପ୍ରିଯଂ କର୍ତୁମୁପସ୍ଥାତୁଂ ବଲିକର୍ମ ସ୍ବଭାବଜମ୍।
ଅଭିହର୍ତୁଂ ନୃପା ଜଗ୍ମୁର୍ନାନ୍ଯୈଃ କାର୍ଯୈଃ କଥଞ୍ଚନଃ॥ 2-36-6 (12841)
ଧର୍ମୈର୍ଧନାଗମୈସ୍ତସ୍ଯ ବବଧେ ନିଚଯୋ ମହାନ୍।
କର୍ତୁଂ ଯସ୍ଯ ନ ଶକ୍ଯେନ କ୍ଷଯୋ ବର୍ଷଶତୈରପି॥ 2-36-7 (12842)
ସ୍ବକୋଷ୍ଠସ୍ଯ ପରୀମାଣଂ କୋଶସ୍ଯ ଚ ମହୀପତିଃ।
ବିଜ୍ଞାଯ ରାଜା କୌନ୍ତେଯୋ ଯଜ୍ଞାଯୈବ ମନୋ ଦଧେ॥ 2-36-8 (12843)
ସୁହୃଦଶ୍ଚୈବ ଯେ ସର୍ବେ ପୃଥକ୍ଚ ସହଚାବ୍ରୁବନ୍।
ଯଜ୍ଞକାଲସ୍ତବ ବିଭୋ କ୍ରିଯତାମତ୍ର ସାମ୍ପ୍ରତମ୍॥ 2-36-9 (12844)
ଅଥୈବଂ ବ୍ରୁବତାମେବ ତେଷାମଭ୍ଯାଯଯୌ ହରିଃ।
ଋଷିଃ ପୁରାଣୋ ବେଦାତ୍ମା ଦୃଶ୍ଯଶ୍ଚୈବ ବିଜାନତାମ୍॥ 2-36-10 (12845)
ଜଗତସ୍ତସ୍ଥୁଷାଂ ଶ୍ରେଷ୍ଠଃ ପ୍ରଭବଶ୍ଚାପ୍ଯଯଶ୍ଚ ହ।
ଭୂତଭବ୍ଯଭବନ୍ନାଥଃ କେଶବଃ କେଶିସୂଦନଃ॥ 2-36-11 (12846)
ପ୍ରାକାରଃ ସର୍ବବୃଷ୍ଣୀନାମାପତ୍ସ୍ବଭଯଦୋଽରିହା।
ବଲାଧିକାରେ ନିକ୍ଷିପ୍ଯ ସମ୍ଯଗାନକଦୁନ୍ଦୁଭିମ୍॥ 2-36-12 (12847)
ଉଚ୍ଚାବଚମୁପାଦାଯ ଧର୍ମରାଜାଯ ମାଧବଃ।
ଧନୌଘଂ ପୁରୁଷବ୍ଯାଘ୍ରୋ ବଲେନ ମହତା ବୃତଃ॥ 2-36-13 (12848)
ତଂ ଧନୌଘମପର୍ଯନ୍ତଂ ରତ୍ନସାଗରମକ୍ଷଯମ୍।
ନାଦଯନ୍ରଥଘୋଷେଣ ପ୍ରବିଶେଶ ପୁରୋତ୍ତମମ୍॥ 2-36-14 (12849)
ପୂର୍ଣମାପୂରଯଂସ୍ତେଷାଂ ଦ୍ବିଷଚ୍ଛୋକାବହୋଽଭବତ୍।
ଅସୂର୍ଯମିବ ସୂର୍ଯେଣ ନିବାତମିବ ବାଯୁନା।
କୃଷ୍ଣେନ ସମୁପେତେନ ଜହୃଷେ ଭାରତଂ ପୁରମ୍॥ 2-36-15 (12850)
ତଂ ମୁଦାଽଭିସମାଗମ୍ଯ ସତ୍କୃତ୍ଯ ଚ ଯଥାବିଧି।
ସ ପୃଷ୍ଟ୍ବା କୁଶଲଂ ଚୈବ ସୁଖାସୀନଂ ଯୁଧିଷ୍ଠିରଃ॥ 2-36-16 (12851)
ଧୌମ୍ଯଦ୍ବୈପାଯନମୁଖୈର୍ଋତ୍ବିଗ୍ଭିଃ ପୁରୁଷର୍ଷଭଃ।
ଭୀମାର୍ଜୁନଯମୈଶ୍ଚୈବ ସହିତଃ କୃଷ୍ଣମବ୍ରବୀତ୍॥ 2-36-17 (12852)
ଯୁଧିଷ୍ଠିର ଉବାଚ॥ 2-36-18x (1453)
ତ୍ବତ୍କୃତେ ପୃଥିବୀ ସର୍ବା ମଦ୍ବଶେ କୃଷ୍ଣ ବର୍ତତେ।
ଧନଂ ଚ ବହୁ ବାର୍ଷ୍ଣେଯ ତ୍ବତ୍ପ୍ରସାଦାଦୁପାର୍ଜିତମ୍॥ 2-36-18 (12853)
ସୋଽହମିଚ୍ଛାମି ତତ୍ସର୍ବଂ ବିଧିବଦ୍ଦେବକୀସୁତ।
ଉପଯୋକ୍ତୁଂ ଦ୍ବିଜାଗ୍ର୍ଯେଭ୍ଯୋ ହବ୍ଯବାହେ ଚ ମାଧବ॥ 2-36-19 (12854)
ତଦହଂ ଯଷ୍ଟୁମିଚ୍ଛାମି ଦାଶାର୍ହ ସହିତସ୍ତ୍ବଯା।
ଅନୁଜୈଶ୍ଚ ମହାବାହୋ ତନ୍ମାଽନୁଜ୍ଞାତୁମର୍ହସି॥ 2-36-20 (12855)
ତଦ୍ଦୀକ୍ଷାପଯ ଗୋବିନ୍ଦ ତ୍ବମାତ୍ମାନଂ ମହାଭୁଜ।
ତ୍ବଯୀଷ୍ଟବତି ଦାଶାର୍ହ ବିପାପ୍ମା ଭବିତା ହ୍ଯହମ୍॥ 2-36-21 (12856)
ମାଂ ବାପ୍ଯଭ୍ଯନୁଜାନୀହ ସହୈଭିରନୁଜୈର୍ବିଭୋ।
ଅନୁଜ୍ଞାତସ୍ତ୍ବଯା କୃଷ୍ଣ ପ୍ରାପ୍ନୁଯାଂ କ୍ରତୁମୁତ୍ତମମ୍॥ 2-36-22 (12857)
ବୈଶମ୍ପାଯନ ଉବାଚ। 2-36-23x (1454)
ତଂ କୃଷ୍ଣଃସ ପ୍ରତ୍ଯୁବାଚେଦଂ ବହୂକ୍ତ୍ବା ଗୁଣବିସ୍ତରମ୍।
ତ୍ବମେବ ରାଜଶାର୍ଦୂଲ ରମ୍ରାଡର୍ହୋ ମହାକ୍ରତୁମ୍।
ସମ୍ପ୍ରାପ୍ନୁହି ତ୍ବଯା ପ୍ରାପ୍ତେ କୃତକୃତ୍ଯାସ୍ତତୋ ବଯମ୍॥ 2-36-23 (12858)
ଯଦସ୍ବାଭୀପ୍ସିତଂ ଯଜ୍ଞଂ ମଯି ଶ୍ରେଯସ୍ଯବସ୍ଥିତେ।
ନିଯୁଙ୍କ୍ଷ୍ବ ତ୍ବଂ ଚ ମାଂ କୃତ୍ଯେ ସର୍ବଂ କର୍ତାସ୍ମି ତେ ବଚଃ॥ 2-36-24 (12859)
ଯୁଧିଷ୍ଠିର ଉବାଚ। 2-36-25x (1455)
ସଫଲଃ କୃଷ୍ଣ ସଙ୍କଲ୍ପଃ ସିଦ୍ଧିଶ୍ଚ ନିଯତା ମମ।
ଯସ୍ଯମେ ତ୍ବଂ ହୃଷୀକେଶ ଯଥେପ୍ସିତମୁପସ୍ଥିତଃ॥ 2-36-25 (12860)
ବୈଶମ୍ପାଯନ ଉବାଚ। 2-36-26x (1456)
ଅନୁଜ୍ଞାତସ୍ତୁ କୃଷ୍ଣେନ ପାଣ୍ଡବୋ ଭ୍ରାତୃଭିଃ ସହ।
ଈଜିତୁଂ ରାଜସୂଯେନ ସାଧନାନ୍ଯୁପଚକ୍ରମେ॥ 2-36-26 (12861)
ତତସ୍ତ୍ବାଜ୍ଞାପଯାମାସ ପାଣ୍ଡବୋଽରିନିବର୍ହଣଃ।
ସହଦେବଂ ଯୁଧାଂ ଶ୍ରେଷ୍ଠଂ ମନ୍ତ୍ରିଣଶ୍ଚୈବ ସର୍ବଶଃ॥ 2-36-27 (12862)
ଅସ୍ମିନ୍କ୍ରତୌ ଯଥୋକ୍ତାନି ଯଜ୍ଞାଙ୍ଗାନି ଦ୍ବ୍ଜାତିଭିଃ।
ଯଥୋପକରଣଂ ସର୍ବଂ ମଙ୍ଗଲାନି ଚ ସର୍ବଶଃ॥ 2-36-28 (12863)
ଅଧିଯଜ୍ଞାଂଶ୍ଚ ସମ୍ଭାରାନ୍ଦୌମ୍ଯୋକ୍ତାନ୍କ୍ଷିପ୍ରମେବ ହି।
ସମାନଯନ୍ତୁ ପୁରୁଷା ଯଥାଯୋଗଂ ଯଥାକ୍ରମମ୍॥ 2-36-29 (12864)
ଇନ୍ଦ୍ରସେନୋ ବିଶୋକଶ୍ଚ ପୂରଶ୍ଚାର୍ଜୁନସାରଥିଃ।
ଅନ୍ନାଦ୍ଯାହରଣେ ଯୁକ୍ତାଃ ସନ୍ତୁ ମତ୍ପ୍ରିଯକାମ୍ଯଯା॥ 2-36-30 (12865)
ସର୍ବକାମାଶ୍ଚ କାର୍ଯନ୍ତାଂ ରସଗନ୍ଧସମନ୍ବିତାଃ।
ମନୋରଥପ୍ରୀତିକରା ଦ୍ବିଜାନାଂ କୁରୁସତ୍ତମ॥ 2-36-31 (12866)
ବୈଶମ୍ପାଯନ ଉବାଚ॥ 2-36-32x (1457)
ତଦ୍ବାକ୍ଯସମକାଲଂ ଚ କୃତଂ ସର୍ବଂ ନ୍ଯବେଦଯତ୍।
ସହଦେବୋ ଯୁଧାଂ ଶ୍ରେଷ୍ଠୋ ଧର୍ମରାଜୋ ଯୁଧିଷ୍ଠିରେ॥ 2-36-32 (12867)
ତତୋ ଦ୍ବୈପାଯନୋ ରାଜନ୍ନୃତ୍ବିଜଃ ସମୁପାନଯତ୍।
ବେଦାନିବ ମହାଭାଗାନ୍ସାକ୍ଷାନ୍ମୂର୍ତିମତୋ ଦ୍ବିଜାନ୍॥ 2-36-33 (12868)
ସ୍ବଯଂ ବ୍ରହ୍ମତ୍ବମକରୋତ୍ତସ୍ଯ ସତ୍ଯବତୀସୁତଃ।
ଧନଞ୍ଜଯାନାମୃଷଭଃ ସୁସାମା ସାମଗୋଽଭବତ୍॥ 2-36-34 (12869)
ଯାଜ୍ଞବଲ୍କ୍ଯୋ ବଭୂବାଥ ବ୍ରହ୍ମିଷ୍ଠୋଽଧ୍ବର୍ଯୁସତ୍ତମଃ।
ପୈଲୋ ହୋତା ବସୋଃ ପୁତ୍ରୋ ଧୌମ୍ଯେନ ସହିତୋଽଭବତ୍॥ 2-36-35 (12870)
ଏତେଷାଂ ପୁତ୍ରବର୍ଗାଶ୍ଚ ଶିଷ୍ଯାଶ୍ଚ ଭରତର୍ଷଭ।
ବଭୂବୁର୍ହୋତ୍ରଗାଃ ସର୍ବେ ବେଦବେଦାଙ୍ଗପାରଗାଃ॥ 2-36-36 (12871)
ତେ ବାଚଯିତ୍ବା ପୁଣ୍ଯାହମୂହଯିତ୍ବା ଚ ତଂ ବିଧିମ୍।
ଶାସ୍ତ୍ରୋକ୍ତଂ ପୂଜଯାମାସୁସ୍ତଦ୍ଦେବଯଜନଂ ମହତ୍॥ 2-36-37 (12872)
ତତ୍ର ଚକ୍ରୁରନୁଜ୍ଞାତାଃ ଶରଣାନ୍ଯୁତ ଶିଲ୍ପିନଃ।
ଗନ୍ଧବନ୍ତି ବିଶାଲାନି ବେଶ୍ମାନୀବ ଦିବୌକସାମ୍॥ 2-36-38 (12873)
ତତ ଆଜ୍ଞାପଯାମାସ ସ ରାଜା ରାଜସତ୍ତମଃ।
ସହଦେବଂ ତଦା ସଦ୍ଯୋ ମନ୍ତ୍ରିଣଂ ପୁରୁଷର୍ଷଭଃ॥ 2-36-39 (12874)
ଆମନ୍ତ୍ରଣାର୍ଥଂ ଦୂତାଂସ୍ତ୍ବଂ ପ୍ରେଷଯସ୍ବାଶୁଗାନ୍ଦ୍ରୁତମ୍।
ଉପଶ୍ରୁତ୍ଯ ବଚୋ ରାଜ୍ଞଃ ସ ଦୂତାନ୍ପ୍ରାହିଣୋତ୍ତଦା॥ 2-36-40 (12875)
ଆମନ୍ତ୍ରଯଧ୍ବଂ ରାଷ୍ଟ୍ରେଷୁ ବ୍ରାହ୍ମଣାନ୍ଭୂମିପାନଥ।
ବିନାଶ୍ଚ ମାନ୍ଯାଞ୍ଶୂଦ୍ରାଂଶ୍ଚ ସର୍ବାନାନଯତେତି ଚ॥ 2-36-41 (12876)
ବୈଶମ୍ପାଯନ ଉବାଚ॥ 2-36-42x (1458)
ତେ ସର୍ବାନ୍ପୃଥିବୀପାଲାନ୍ପାଣ୍ଡବେଯସ୍ଯ ଶାସନାତ୍।
ଆମନ୍ତ୍ରଯାମ୍ବଭୂବୁସ୍ତେ ପ୍ରେଷଯାମାସ ଚାପରାନ୍॥ 2-36-42 (12877)
ଦୂତାଶ୍ଚ ବାହନୈର୍ଜଗ୍ଭୂ ରାଷ୍ଟ୍ରାଣି ସୁବହୂନ୍ଯପି।
ତତୋ ଯୁଧିଷ୍ଠିରୋ ରାଜା ପ୍ରେଷଯାମାସ ପାଣ୍ଡବମ୍॥ 2-36-43 (12878)
ନକୁଲଂ ହାସ୍ତିନପୁରଂ ଭୀଷ୍ମାଯ ଭରତର୍ଷଭ।
ଦ୍ରୋଣାଯ ଧୃତରାଷ୍ଟ୍ରାଯ ବିଦୁରାଯ କୃପାଯ ଚ।
ଭ୍ରାତୃଣାଂ ଚୈବ ସର୍ବେଣାଂ ଯେଽନୁରକ୍ତା ଯୁଧିଷ୍ଠିରେ॥ 2-36-44 (12879)
ତତସ୍ତେ ତୁ ଯଥାକାଲଂ କୁନ୍ତୀପୁତ୍ରଂ ଯୁଧିଷ୍ଠିରମ୍।
ଦୀକ୍ଷଯାଞ୍ଚକ୍ରିରେ ବିପ୍ରା ରାଜସୂଯାଯ ଭାରତ॥ 2-36-45 (12880)
` ଜ୍ଯେଷ୍ଠାମୂଲେ ଅମାବାସ୍ଯାଂ ମୃଗାଜିନସମାବୃତଃ।
ରୌରବାଜିନସଂବୀତୋ ନବନୀତାକ୍ତଦେହବାନ୍'॥ 2-36-46 (12881)
ଦୀକ୍ଷିତଃ ସ ତୁ ଧର୍ମାତ୍ମା ଧର୍ମରାଜୋ ଯୁଧିଷ୍ଠିରଃ।
ଜଗାମ ଯଜ୍ଞାଯତନଂ ବୃତୋ ବିପ୍ରୈଃ ସହସ୍ରଶଃ॥ 2-36-47 (12882)
ଭାତୃଭିର୍ଜ୍ଞାତିଭିଶ୍ଚୈବ ସୁହୃଦ୍ଭିଃ ସଚିବୈଃ ସହ।
କ୍ଷତ୍ରିଯୈଶ୍ଚ ମନୁଷ୍ଯେନ୍ଦ୍ରୈର୍ନାନାଦେଶସମାଗତୈଃ॥ 2-36-48 (12883)
ଅମାତ୍ଯୈଶ୍ଚ ନରଶ୍ରେଷ୍ଠୋ ଧର୍ମୋ ବିଗ୍ରହବାନିବ।
ଆଜଗ୍ମୁର୍ବ୍ରାହ୍ମଣାସ୍ତତ୍ର ବିଷଯେଭ୍ଯସ୍ତତସ୍ତତଃ॥ 2-36-49 (12884)
ସର୍ବବିଦ୍ଯାସୁ ନିଷ୍ଣାତା ବେଦବେଦାଙ୍ଗପାରଗାଃ।
ତେଷାମାବସଥାଂଶ୍ଚକ୍ରୁର୍ଧର୍ମରାଜସ୍ଯ ଶାସନାତ୍॥ 2-36-50 (12885)
ବହ୍ବନ୍ନାଚ୍ଛାଦନୈର୍ଯୁକ୍ତାନ୍ସଗଣାନାଂ ପୃଥକ୍ ପୃଥକ୍।
ସର୍ବର୍ତୁଗୁଣସମ୍ପନ୍ନାଞ୍ଶିଲ୍ପିନୋଽଥ ସହସ୍ରଶଃ॥ 2-36-51 (12886)
ତେଷୁ ତେ ନ୍ଯବସନ୍ରାଜନ୍ବ୍ରାହ୍ମଣା ନୃପସତ୍କୃତାଃ।
କଥଯନ୍ତଃ କଥା ବହ୍ବୀଃ ପଶ୍ଯନ୍ତୋ ନଟନର୍ତକାନ୍॥ 2-36-52 (12887)
ଭୁଞ୍ଜତାଂ ଚୈବ ବିପ୍ରାଣାଂ ବଦତାଂ ଚ ମହାସ୍ବନଃ।
ଅନିଶଂ ଶ୍ରୂଯତେ ତତ୍ର ମୁଦିତାନାଂ ମହାତ୍ମନାମ୍॥ 2-36-53 (12888)
ଦୀଯତାଂ ଦୀଯତାମେଷାଂ ଭୁଜ୍ଯତାଂ ଭୁଜ୍ଯତାମିତି।
ଏବମ୍ପ୍ରକାରାଃ ସଞ୍ଜଲ୍ପାଃ ଶ୍ରୂଯନ୍ତେସ୍ମାତ୍ର ନିତ୍ଯଶଃ॥ 2-36-54 (12889)
ଗବାଂ ଶତସହସ୍ରାଣି ଶଯନାନାଂ ଚ ଭାରତ।
ରୁକ୍ମସ୍ଯ ଯୋଷିତାଂ ଚୈବ ଧର୍ମରାଜଃ ପୃଥକ୍ ଦଦୌ॥ 2-36-55 (12890)
ପ୍ରାବର୍ତତୈବ ଯଜ୍ଞଃ ସ ପାଣ୍ଡବସ୍ଯ ମହାତ୍ମନଃ।
ପୃଥିବ୍ଯାମେକବୀରସ୍ଯ ଶକ୍ରସ୍ଯେବ ତ୍ରିବିଷ୍ଟପେ॥ ॥ 2-36-56 (12891)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦିଗ୍ବିଜଯପର୍ବଣି ଷଟ୍ତ୍ରିଂଶୋଽଧ୍ଯାଯଃ॥ 36॥
Mahabharata - Sabha Parva - Chapter Footnotes
2-36-5 ମୂର୍ଛନଂ ପ୍ରଦୀପନମ୍॥ 2-36-7 ନିଚଯୋ ଭାଣ୍ଡାଗାରମ୍॥ 2-36-34 ଧନଞ୍ଜଯାନାଂ ଧନଞ୍ଜଯଗୋତ୍ରାଣାଂ ମଧ୍ଯେ ଶ୍ରେଷ୍ଠଃ ସୁସାମାନାମ ଆଙ୍ଗିରସଃ ॥ସଭାପର୍ବ - ଅଧ୍ଯାଯ 037
॥ ଶ୍ରୀଃ ॥
2.37. ଅଧ୍ଯାଯଃ 037
Mahabharata - Sabha Parva - Chapter Topics
ଆମନ୍ତ୍ରିତାନାଂ ସର୍ବେଷାଂ ଆଗମନମ୍॥ 1॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ତତ ଆମନ୍ତ୍ରିତା ରାଜନ୍ରାଜାନଃ ସତ୍କୃତାସ୍ତଦା।
ପୁରେଭ୍ଯଃ ପ୍ରଯଯୁସ୍ତେଭ୍ଯୋ ବିମାନେଭ୍ଯ ଇବାମରାଃ॥ 2-37-1 (12892)
ତେ ବୈ ଦିଗ୍ଭ୍ଯଃ ସମାପେତୁଃ ପାର୍ଥିବାସ୍ତତ୍ର ଭାରତ।
ସମାଦାଯ ମହାର୍ହାଣି ରତ୍ନାନି ବିବିଧାନି ଚ॥ 2-37-2 (12893)
ତଚ୍ଛ୍ରୁତ୍ବା ଧର୍ମରାଜସ୍ଯ ଯଜ୍ଞେ ଯଜ୍ଞବିଦସ୍ତଦା।
ରାଜାନଃ ଶତଶସ୍ତୁଷ୍ଟୈର୍ମନୋଭିର୍ମନୁର୍ଷଭ॥ 2-37-3 (12894)
ବହୁ ବିତ୍ତଂ ସମାଦାଯ ବିବିଧଂ ପାର୍ଥିବା ଯଯୁଃ।
ଦ୍ରଷ୍ଟୁକାମାଃ ସଭାଂ ଚୈବ ଧର୍ମରାଜଂ ଚ ପାଣ୍ଡବମ୍॥ 2-37-4 (12895)
ସ ଗତ୍ବା ହାସ୍ତିନପୁରଂ ନକୁଲଃ ସମିତିଞ୍ଜଯଃ।
ଭୀଷ୍ମମାମନ୍ତ୍ରଯାଞ୍ଚକ୍ରେ ଧୃତରାଷ୍ଟ୍ରଂ ଚ ପାଣ୍ଡବଃ॥ 2-37-5 (12896)
ପ୍ରଯତଃ ପ୍ରାଞ୍ଜଲିର୍ଭୂତ୍ବା ଭାରତାନାନଯତ୍ତଦା।
ଧୃତରାଷ୍ଟ୍ରଂ ଚ ଭୀଷ୍ମଂ ଚ ବିଦୁରଂ ଚ ମହାମତିମ୍॥ 2-37-6 (12897)
ଦୁର୍ଯୋଧନମୁଖାଂଶ୍ଚୈବ ଭ୍ରାତୄନ୍ସର୍ବାନଥାନଯତ୍॥ 2-37-7 (12898)
ସତ୍କୃତ୍ଯାମନ୍ତ୍ରିତାଃ ସର୍ବେ ହ୍ଯାଚାର୍ଯପ୍ରମୁଖାସ୍ତତଃ।
ପ୍ରଯଯୁଃ ପ୍ରୀତମନସୋ ଯଜ୍ଞଂ ବ୍ରହ୍ମପୁରସ୍ସରାଃ॥ 2-37-8 (12899)
ଧୃତରାଷ୍ଟ୍ରଶ୍ଚ ଭୀଷ୍ମଶ୍ଚ ବିଦୁରସ୍ଚ ମହାମତିଃ।
ଦୁର୍ଯୋଧନପୁରୋଗାଶ୍ଚ ଭ୍ରାତରଃ ସର୍ବ ଏବ ତେ।
ଗାନ୍ଧାରରାଜଃ ସୁବଲଃ ଶକୁନିଶ୍ଚ ମହାବଲଃ॥ 2-37-9 (12900)
ଅଚଲୋ ବୃଷକଶ୍ଚୈବ କର୍ଣଶ୍ଚ ରଥିନାଂ ବରଃ।
ତଥା ଶଲ୍ଯଶ୍ଚ ବଲବାନ୍ବାହ୍ଲିକଶ୍ଚ ମହାବଲଃ॥ 2-37-10 (12901)
ସୋମଦତ୍ତୋଽଥ କୌରବ୍ଯୋ ଭୂରିର୍ଭୂରିଶ୍ରବାଃ ଶଲଃ।
ଅଶ୍ବତ୍ଥାମା କୃପୋ ଦ୍ରୋଣଃ ସୈନ୍ଧବଶ୍ଚ ଜଯଦ୍ରଥଃ॥ 2-37-11 (12902)
ଯଜ୍ଞସେନଃ ସପୁତ୍ରଶ୍ଚ ସାଲ୍ବଶ୍ଚ ବସୁଧାଧିପଃ।
ପ୍ରାଗ୍ଜ୍ଯୋତିଷଶ୍ଚ ନୃପତିର୍ଭଗଦତ୍ତୋ ମହାରଥଃ॥ 2-37-12 (12903)
ସ ତୁ ସର୍ବୈଃ ସହ ମ୍ଲେଚ୍ଛୈଃ ସାଗରାନୂପବାସିଭିଃ।
ପାର୍ବତୀଯାଶ୍ଚ ରାଜାନୋ ରାଜା ଚୈବ ବୃହଦ୍ବଲଃ॥ 2-37-13 (12904)
ପୌଣ୍ଡ୍ରକୋ ବାସୁଦେବଶ୍ଚ ବଙ୍ଗଃ କାଲିଙ୍ଗକସ୍ତଥା।
ଆକର୍ଷାଃ କୁନ୍ତଲାଶ୍ଚୈବ ଗାଲବାଶ୍ଚାନ୍ଧ୍ରକାସ୍ତଥା॥ 2-37-14 (12905)
ଦ୍ରାବିଡାଃ ସିଂହଲାଶ୍ଚୈବ ରାଜା କାଶ୍ମୀରକସ୍ତଥା।
କୁନ୍ତିଭୋଜୋ ମହାତେଜାଃ ପାର୍ଥିବୋ ଗୌରବାହନଃ॥ 2-37-15 (12906)
ବାହ୍ଲିକାଶ୍ଚାପରେ ଶୂରା ରାଜାନଃ ସର୍ବ ଏବ ତେ।
ବିରାଟଃ ସହ ପୁତ୍ରାଭ୍ଯାଂ ମାବେଲ୍ଲଶ୍ଚ ମହାବଲଃ॥ 2-37-16 (12907)
ରାଜାନୋ ରାଜପୁତ୍ରାଶ୍ଚ ନାନାଜନପଦେଶ୍ବରାଃ।
ଶିଶୁପାଲୋ ମହାବୀର୍ଯଃ ସହ ପୁତ୍ରେଣ ଭାରତ॥ 2-37-17 (12908)
ଆଗଚ୍ଛତ୍ପାଣ୍ଡବେଯସ୍ଯ ଯଜ୍ଞଂ ସମରଦୁର୍ମଦଃ।
ରାମଶ୍ଚୈବାନିରୁଦ୍ଧଶ୍ଚ କଙ୍କଶ୍ଚ ସହସାରଣଃ॥ 2-37-18 (12909)
ଗଦପ୍ରଦ୍ଯୁମ୍ନସାମ୍ବାଶ୍ଚ ଚାରୁଦେଷ୍ଣଶ୍ଚ ବୀର୍ଯବାନ୍।
ଉଲ୍ମୁକୋ ନିଶଠଶ୍ଚୈବ ବୀରଶ୍ଚାଙ୍ଗାବହସ୍ତଥା॥ 2-37-19 (12910)
ବୃଷ୍ଣଯୋ ନିଖିଲାଶ୍ଚାନ୍ଯେ ସମାଜଗ୍ମୁର୍ମହାରଥାଃ।
ଏତେ ଚାନ୍ଯେ ଚ ବହବୋ ରାଜାନୋ ମଧ୍ଯଦେଶଜାଃ॥ 2-37-20 (12911)
ଆଜଗ୍ମୁଃ ପାଣ୍ଡୁପୁତ୍ରସ୍ଯ ରାଜସୂଯଂ ମହାକ୍ରତୁମ୍।
ଦଦୁସ୍ତେଷାମାବସଥାନ୍ଧର୍ମରାଜସ୍ଯ ଶାସନାତ୍॥ 2-37-21 (12912)
ବହୁଭକ୍ଷ୍ଯାନ୍ବିତାନ୍ରାଜନ୍ଦୀର୍ଘିକାବୃକ୍ଷଶୋଭିତାନ୍।
ତଥା ଧର୍ମାତ୍ମଜଃ ପୂଜାଂ ଚକ୍ରେ ତେଷାଂ ମହାତ୍ମନାମ୍॥ 2-37-22 (12913)
ସତ୍କୃତାଶ୍ଚ ଯଥୋଦ୍ଦିଷ୍ଟାଞ୍ଜଗ୍ମୁରାବସଥାନ୍ନୃପାଃ।
କୈଲାସଶିଖରପ୍ରଖ୍ଯାନ୍ମନୋଜ୍ଞାନ୍ଦ୍ରବ୍ଯଭୂଷିତାନ୍॥ 2-37-23 (12914)
ସର୍ବତଃ ସଂବୃତାନୁଚ୍ଚୈଃ ପ୍ରାକାରୈଃ ସୁକୃତୈଃ ସିତୈଃ।
ସୁବର୍ଣଜାଲସଂବୀତାନ୍ମଣିକୁଟ୍ଟିମଭୂଷିତାନ୍॥ 2-37-24 (12915)
ସୁଖାରୋହଣସୋପାନାନ୍ମହାସନପରିଚ୍ଛଦାନ୍।
ସ୍ନଗ୍ଦାମସମବଚ୍ଛନ୍ନାନୁତ୍ତମାଗୁରୁଗନ୍ଧିନଃ॥ 2-37-25 (12916)
ହଂସେନ୍ଦୁବର୍ଣସଦୃଶାନାଯୋଜନସୁଦର୍ଶନାନ୍।
ଅସମ୍ବାଧାନ୍ସମଦ୍ବାରାନ୍ଯୁତାନୁଚ୍ଚାବଚୈର୍ଗୁଣୈଃ॥ 2-37-26 (12917)
ବହୁଧାତୁନିବଦ୍ଧାଙ୍ଗାନ୍ହିମବଚ୍ଛିଖରାନିବ।
ବିଶ୍ରାନ୍ତାସ୍ତେ ତତୋଽପଶ୍ଯନ୍ଭୂମିପା ଭୂରିଦକ୍ଷିଣମ୍॥ 2-37-27 (12918)
ବୃତଂ ସଦସ୍ଯୈର୍ବହୁଭିର୍ଧର୍ମରାଜଂ ଯୁଧିଷ୍ଠିରମ୍।
ତତ୍ସଦଃ ପାର୍ଥିବୈଃ କୀର୍ଣଂ ବ୍ରାହ୍ମଣୈଶ୍ଚ ମହର୍ଷିଭିଃ।
ଭ୍ରାଜତେ ସ୍ମ ତଦା ରାଜନ୍ନାକପୃଷ୍ଠଂ ଯଥାଽମରୈଃ॥ ॥ 2-37-28 (12919)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦିଗ୍ବିଜଯପର୍ବଣି ସପ୍ତତ୍ରିଂଶୋଽଧ୍ଯାଯଃ॥ 37॥
Mahabharata - Sabha Parva - Chapter Footnotes
2-37-8 ବ୍ରହ୍ମପୁରସ୍ସରାଃ ବ୍ରାହ୍ମଣପୁରସ୍ସରାଃ॥ସଭାପର୍ବ - ଅଧ୍ଯାଯ 038
॥ ଶ୍ରୀଃ ॥
2.38. ଅଧ୍ଯାଯଃ 038
Mahabharata - Sabha Parva - Chapter Topics
ଆଗତାନ୍ଭୀଷ୍ଣାଦୀନ୍ସମାନ୍ଯ ତତ୍ତଦଧିକାରେଷୁ ତେଷାଂତେଷାଂ ନିଯମନମ୍॥ 1॥ ରାଜସୂଯଯାଗଃ॥ 2॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ପିତାମହଂ ଗୁରୁଂ ଚୈବ ପ୍ରତ୍ଯୁଦ୍ଗମ୍ଯ ଯୁଧିଷ୍ଠିରଃ।
ଅଭିବାଦ୍ଯ ତତୋ ରାଜନ୍ନିଦଂ ବଚନମବ୍ରବୀତ୍॥ 2-38-1 (12920)
ଭୀଷ୍ମଂ ଦ୍ରୋଣଂ କୃପଂ ଦ୍ରୌଣିଂ ଦୁର୍ଯୋଧନବିବିଂଶତୀ।
ଅସ୍ମିନ୍ଯଜ୍ଞେ ଭବନ୍ତୋ ମାମନୁଗୃହ୍ଣନ୍ତୁ ସର୍ବଶଃ॥ 2-38-2 (12921)
ଇଦଂ ବଃ ସୁମହଚ୍ଚୈବ ଯଦିହାସ୍ତି ଧନଂ ମମ।
ପ୍ରଣଯନ୍ତୁ ଭବନ୍ତୋ ମାଂ ଯଥେଷ୍ଟମଭିମନ୍ତ୍ରିତଃ॥ 2-38-3 (12922)
ଏବମୁକ୍ତ୍ବା ସ ତାନ୍ସର୍ବାନ୍ଦୀକ୍ଷିତଃ ପାଣ୍ଡବାଗ୍ରଜଃ।
ଯୁଯୋଜ ସ ଯଥାଯୋଗମଧିକାରେଷ୍ବନନ୍ତରମ୍॥ 2-38-4 (12923)
`ପଙ୍କ୍ତ୍ଯାରୋପଣକାର୍ଯେ ଚ ଉଚ୍ଛିଷ୍ଟାପନଯେ ପୁନଃ।
ଭୋଜନାବେକ୍ଷଣେ ଚୈବ ଯୁଯୁତ୍ସୁଂ ସମଯୋଜଯତ୍'॥ 2-38-5 (12924)
ଭକ୍ଷ୍ଯଭୋଜ୍ଯାଧିକାରେଷୁ ଦୁଃଶାସନମଯୋଜଯତ୍।
ପରିଗ୍ରହେ ବ୍ରାହ୍ମଣାନାମଶ୍ବତ୍ଥାମାନମୁକ୍ତବାନ୍। 2-38-6 (12925)
ରାଜ୍ଞାଂ ତୁ ପ୍ରତିପୂଜାର୍ଥଂ ସଞ୍ଜଯଂ ନ୍ଯଯୋଜଯତ୍।
କୃତାକୃତପରିଜ୍ଞାନେ ଭୀଷ୍ଣଦ୍ରୋଣୌ ମହାମତୀ॥ 2-38-7 (12926)
ହିରଣ୍ଯସ୍ଯ ସୁବର୍ଣସ୍ଯ ରତ୍ନାନାଂ ଚାନ୍ବବେକ୍ଷଣେ।
ଦକ୍ଷିଣାନାଂ ଚ ବୈ ଦାନେ କୃପଂ ରାଜା ନ୍ଯଯୋଜଯତ୍॥ 2-38-8 (12927)
ତଥାଽଽନ୍ଯାନ୍ପୁରୁଷବ୍ଯାଘ୍ରାଂସ୍ତସ୍ମିଂସ୍ତସ୍ମିନ୍ନ୍ଯଯୋଜଯତ୍।
ବାହ୍ଲିକୋ ଧୃତରାଷ୍ଟ୍ରଶ୍ଚ ସୋମଦତ୍ତୋ ଜଯଦ୍ରଥଃ।
ନକୁଲେନ ସମାନୀତାଃ ସ୍ବାମିବତ୍ତତ୍ର ରେମିରେ॥ 2-38-9 (12928)
କ୍ଷତ୍ତା ବ୍ଯଯକରସ୍ତ୍ବାସୀଦ୍ବିଦୁରଃ ସର୍ବଧର୍ମବିତ୍।
ଦୁର୍ଯୋଧନସ୍ତ୍ବର୍ହଣାନି ପ୍ରତିଜଗ୍ରାହ ସର୍ବଶଃ॥ 2-38-10 (12929)
`କୁନ୍ତୀ ସାଧ୍ବୀ ଚ ଗାନ୍ଧାରୀ ସ୍ତ୍ରୀଣାଂ କୁର୍ବନ୍ତି ଚାର୍ଚନମ୍॥
ଅନ୍ଯାଃ ସର୍ବାଃ ସ୍ନୁଷାସ୍ତାସାଂ ସନ୍ଦେଶଂ ଯାନ୍ତୁ ମାଚିରମ୍।
ତିଷ୍ଠେତ୍କୃଷ୍ଣାନ୍ତିକେ ସୋଯମର୍ଜୁନଃ କାର୍ଯସିଦ୍ଧଯେ'॥ 2-38-11 (12930)
ଚରଣକ୍ଷାଲନେ କୃଷ୍ଣୋ ବ୍ରାହ୍ମଣାନାଂ ସ୍ବଯଂ ହ୍ଯଭୂତ୍।
ସର୍ବଲୋକସମାବୃତ୍ତଃ ପିପ୍ରୀଷୁଃ ଫଲମୁତ୍ତମମ୍॥ 2-38-12 (12931)
ଦ୍ରଷ୍ଟୁକାମଃ ସଭାଂ ଚୈବ ଧର୍ମରାଜଂ ଯଧିଷ୍ଠିରମ୍।
ନ କଶ୍ଚିଦାହରତ୍ତତ୍ର ସହସ୍ରାବରମର୍ହଣମ୍॥ 2-38-13 (12932)
ରତ୍ନୈଶ୍ଚ ବହୁଭିସ୍ତତ୍ର ଧର୍ମରାଜମବର୍ଧଯତ୍।
କଥଂ ତୁ ମମ କୌରବ୍ଯୋ ରତ୍ନଦାନୈଃ ସମାପ୍ନୁଯାତ୍॥ 2-38-14 (12933)
ଯଜ୍ଞମିତ୍ଯେବ ରାଜାନଃ ସ୍ପର୍ଧମାନା ଦଦୁର୍ଧନମ୍।
ଭବନୈଃ ସବିମାନାଗ୍ରୈଃ ସୋଦର୍କୈର୍ବଲସଂବୃତୈଃ॥ 2-38-15 (12934)
ଲୋକରାଜବିମାନୈଶ୍ଚ ବ୍ରାହ୍ମଣାବସଥୈଃ ସହ।
କୃତୈରାବସଥୈର୍ଦିବ୍ଯୈର୍ବିମାନପ୍ରତିମୈସ୍ତଥା॥ 2-38-16 (12935)
ବିଚିତ୍ରୈ ରତ୍ବବଦ୍ଭିଶ୍ଚ ଋଦ୍ଧ୍ଯା ପରମଯା ଯୁତୈଃ।
ରାଜଭିଶ୍ଚ ସମାବୃତ୍ତୈରତୀବ ଶ୍ରୀସମୃଦ୍ଧିଭିଃ।
ଅଶୋଭତ ସଦୋ ରାଜନ୍କୌନ୍ତେଯସ୍ଯ ମହାତ୍ମନଃ॥ 2-38-17 (12936)
ଋଦ୍ଧ୍ଯା ତୁ ବରୁଣଂ ଦେବଂ ସ୍ପର୍ଧମାନୋ ଯୁଧିଷ୍ଠିରଃ।
ଷଡଗ୍ନିନାଥ ଯଜ୍ଞେନ ସୋଽଯଜଦ୍ଦକ୍ଷିଣାବତା॥ 2-38-18 (12937)
ସର୍ବାଞ୍ଜନାନ୍ସର୍ବକାମୈଃ ସମୃଦ୍ଧୈଃ ସମତର୍ପଯତ୍।
ଅନ୍ନବାନ୍ବହୁଭକ୍ଷ୍ଯଶ୍ଚ ଭୁକ୍ତବଜ୍ଜନସଂବୃତଃ।
ରତ୍ନୋପହାରସମ୍ପନ୍ନୋ ବଭୂବ ସ ସମାଗମଃ॥ 2-38-19 (12938)
ଇଡାଜ୍ଯହୋମାହୁତିଭିର୍ମନ୍ତ୍ରଶିକ୍ଷାବିଶାରଦୈଃ।
ତସ୍ମିନ୍ହି ତତୃପୁର୍ଦେବାସ୍ତତେ ଯଜ୍ଞେ ମହର୍ଷିଭିଃ॥ 2-38-20 (12939)
ଯଥା ଦେବାସ୍ତଥା ବିପ୍ରା ଦକ୍ଷିଣାନ୍ନମହାଧନୈଃ।
ତତୃପୁଃ ସର୍ବବର୍ଣାଶ୍ଚ ତସ୍ମିନ୍ଯଜ୍ଞେ ମୁଦାଽନ୍ବିତାଃ॥ ॥ 2-38-21 (12940)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦିଗ୍ବିଜଯପର୍ବଣି ଅଷ୍ଟତ୍ରିଂଶୋଽଧ୍ଯାଯଃ॥ 38 ॥ ॥ ସମାପ୍ତଂ ଚ ରାଜସୂଯପର୍ବ॥
ସଭାପର୍ବ - ଅଧ୍ଯାଯ 039
॥ ଶ୍ରୀଃ ॥
2.39. ଅଧ୍ଯାଯଃ 039
Mahabharata - Sabha Parva - Chapter Topics
ଅଭିଷେଚନଦିନେ ବ୍ରାହ୍ମଣାଦୀନାମନ୍ତର୍ବେଦିପ୍ରବେଶଃ॥ 1॥ ଭୂଭାରକ୍ଷପଣେ ନାରଦଚିନ୍ତନମ୍॥ 2॥ ପୂର୍ବଂ ସଙ୍କ୍ଷିପ୍ଯୋକ୍ତାଯାଃ କୃଷ୍ଣାଗମନକଥାଯାଃ କିଞ୍ଚିଦ୍ବିସ୍ତରେଣ କଥନମ୍॥ 3॥ ସହଦେବେନ ଶ୍ରୀକୃଷ୍ଣସ୍ଯାଗ୍ରପୂଜାକରଣମ୍॥ 4॥ ଶିଶୁପାଲେନ ଶ୍ରୀକୃଷ୍ଣସ୍ଯାଗ୍ରପୂଜାଽସହନମ୍॥ 5॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ତତୋଽଭିଷେଚନୀଯେଽହ୍ନି ବ୍ରାହ୍ମଣା ରାଜଭିଃ ସହ।
ଅନ୍ତର୍ବେଦୀଂ ପ୍ରବିବିଶୁଃ ସତ୍କାରାର୍ହା ମହର୍ଷଯଃ॥ 2-39-1 (12941)
ନାରଦପ୍ରମୁଖାସ୍ତସ୍ଯାମନ୍ତର୍ବେଦ୍ଯାଂ ମହାତ୍ମନଃ।
ସମାସୀନାଃ ଶୁଶୁଭିରେ ସହରାଜର୍ଷିଭିସ୍ତଦା॥ 2-39-2 (12942)
ସମେତା ବ୍ରହ୍ମଭବନେ ଦେବା ଦେବର୍ଷଯସ୍ତଥା।
କର୍ମାନ୍ତରମୁପାସନ୍ତୋ ଜଜଲ୍ପୁରମିତୌଜସଃ॥ 2-39-3 (12943)
ଏବମେତନ୍ନ ଚାପ୍ଯେବମେବଂ ଚୈତନ୍ନ ଚାନ୍ଯଥା।
ଇତ୍ଯୂଚୁର୍ବହବସ୍ତତ୍ର ବିତଣ୍ଡାଂ ବୈ ପରସ୍ପରମ୍॥ 2-39-4 (12944)
କୃଶାନର୍ଥାଂସ୍ତତଃ କେଚିଦକୃଶାଂସ୍ତତ୍ର କୁର୍ବତେ।
ଅକୃଶାଂଶ୍ଚ କୃଶାଂଶ୍ଚକ୍ରୁର୍ହେତୁଭିଃ ଶାସ୍ତ୍ରନିଶ୍ଚଯୈଃ॥ 2-39-5 (12945)
ତତ୍ର ମେଧାବିନଃ କେଚିଦର୍ଥମନ୍ଯୈରୁଦୀରିତମ୍।
ବିଚିକ୍ଷିପୁର୍ଯଥା ଶ୍ଯେନା ନଭୋଗତମିବାମିଷମ୍॥ 2-39-6 (12946)
କେଚିଦ୍ଧର୍ମାର୍ଥକୁଶଲାଃ କେଚିତ୍ତତ୍ର ମହାବ୍ରତାଃ।
ରେମିରେ କଥଯନ୍ତଶ୍ଚ ସର୍ବଭାଷ୍ଯବିଦାଂ ବରାଃ॥ 2-39-7 (12947)
ସା ବେଦିର୍ବେଦସମ୍ପନ୍ନୈର୍ଦେବଦ୍ବିଜମହର୍ଷିଭିଃ।
ଆବଭାସେ ସମାକୀର୍ଣା ନକ୍ଷତ୍ରୈର୍ଦ୍ଯୌରିବାଯତା॥ 2-39-8 (12948)
ନ ତସ୍ଯାଂ ସନ୍ନିଧୌ ଶୂଦ୍ରଃ କଶ୍ଚିଦାସୀନ୍ନ ଚାବ୍ରତୀ।
ଅନ୍ତର୍ବେଦ୍ଯାଂ ତଦା ରାଜନ୍ଯୁଧିଷ୍ଠିରନିବେଶନେ॥ 2-39-9 (12949)
ତାଂ ତୁ ଲକ୍ଷ୍ମୀବତୋ ଲକ୍ଷ୍ମୀଂ ତଦା ଯଜ୍ଞବିଧାନଜାମ୍।
ତୁତୋଷ ନାରଦଃ ପଶ୍ଯନ୍ଧର୍ମରାଜସ୍ଯ ଧୀମତଃ॥ 2-39-10 (12950)
ଅଥ ଚିନ୍ତାଂ ସମାପେଦେ ସ ମୁନିର୍ମନୁଜାଧିପ।
ନାରଦସ୍ତୁ ତଦା ପଶ୍ଯନ୍ସର୍ବକ୍ଷତ୍ରସମାଗମମ୍॥ 2-39-11 (12951)
ସସ୍ମାର ଚ ପୁରାବୃତ୍ତାଂ କଥାଂ ତାଂ ପୁରୁଷର୍ଷଭ।
ଅଂଶାବତରଣେ ଯାଽସୌ ବ୍ରହ୍ମଣୋ ଭବନେଽଭବତ୍॥ 2-39-12 (12952)
ଦେବାନାଂ ସଙ୍ଗମଂ ତଂ ତୁ ବିଜ୍ଞାଯ କୁରୁନନ୍ଦନ।
ନାରଦଃ ପୁଣ୍ଡରୀକାକ୍ଷଂ ସସ୍ମାର ମନସା ହରିମ୍॥ 2-39-13 (12953)
ସାକ୍ଷାତ୍ସ ବିବୁଧାରିଘ୍ନଃ କ୍ଷତ୍ରେ ନାରାଯଣୋ ବିଭୁଃ।
ପ୍ରତିଜ୍ଞାଂ ପାଲଯଂଶ୍ଚେମାଂ ଜାତଃ ପରପୁରଞ୍ଜଯଃ॥ 2-39-14 (12954)
ସନ୍ଦିଦେଶ ପୁରା ଯୋଽସୌ ବିବୁଧାନ୍ଭୂତକୃତ୍ସ୍ବଯମ୍।
ଅନ୍ଯୋନ୍ଯମଭିନିଘ୍ନନ୍ତଃ ପୁନର୍ଲୋକାନବାପ୍ସ୍ଯଥ॥ 2-39-15 (12955)
ଇତି ନାରାଯଣଃ ଶମ୍ଭୁର୍ଭଗବାନ୍ଭୂତଭାବନଃ।
ଆଦିଶ୍ଯ ବିବୁଧାନ୍ସର୍ବାନଜାଯତ ଯଦୁକ୍ଷଯେ॥ 2-39-16 (12956)
କ୍ଷିତାବନ୍ଧକବୃଷ୍ଣୀନାଂ ବଂଶେ ବଂଶଭୃତାଂ ବରଃ।
ପରଯା ଶୁଶୁଭେ ଲକ୍ଷ୍ମ୍ଯା ନକ୍ଷତ୍ରାଣାମିବୋଡୁରାଟ୍॥ 2-39-17 (12957)
ଯସ୍ଯ ବାହୁବଲଂ ସେନ୍ଦ୍ରାଃ ସୁରାଃ ସର୍ବ ଉପାସତେ।
ସୋଯଂ ମାନୁଷବନ୍ନାମ ହରିରାସ୍ତେଽରିମର୍ଦନଃ॥ 2-39-18 (12958)
ଅହୋ ବତ ମହଦ୍ଭୂତଂ ସ୍ବଯମ୍ଭୂର୍ଯଦିଦଂ ସ୍ବଯମ୍।
ଆଦାସ୍ଯତି ପୁନଃ କ୍ଷତ୍ରମେବଂ ବଲସମନ୍ବିତମ୍॥ 2-39-19 (12959)
ଇତ୍ଯେତାଂ ନାରଦଶ୍ଚିନ୍ତାଂ ଚିନ୍ତଯାମାସ ସର୍ବବିତ୍।
ହରିଂ ନାରାଯଣଂ ଜ୍ଞାତ୍ବା ଯଜ୍ଞୈରୀଜ୍ଯଂ ତମୀଶ୍ବରମ୍॥ 2-39-20 (12960)
ତସ୍ମିନ୍ଧର୍ମବିଦାଂ ଶ୍ରେଷ୍ଠୋ ଧର୍ମରାଜସ୍ଯ ଧୀମତଃ।
ମହାଧ୍ବରେ ମହାବୁଦ୍ଧିସ୍ତସ୍ଥୌ ସ ବହୁମାନତଃ॥ 2-39-21 (12961)
`ତତଃ ସମୁଦିତା ମୁଖ୍ଯୈର୍ଗୁଣୈର୍ଗୁଣବତାଂ ବରାଃ।
ବହବୋ ଭାବିତାତ୍ମାନଃ ପୃଥକ୍ପୃଥଗରିନ୍ଦମାଃ॥ 2-39-22 (12962)
ଆତ୍ମକୃତ୍ଯମିତି ଜ୍ଞାତ୍ବା ପାଞ୍ଚାଲାସ୍ତତ୍ର ସର୍ବଶଃ।
ସମୀଯୁର୍ବୃଷ୍ଣଯଶ୍ଚୈବ ତଦାଽନୀକାଗ୍ରହାରିଣଃ॥ 2-39-23 (12963)
ସଦାରାଃ ସଜନାମାତ୍ଯା ବହନ୍ତୋ ରତ୍ନସଞ୍ଚଯାନ୍।
ବିକୃଷ୍ଟତ୍ବାଚ୍ଚ ଦେଶସ୍ଯ ଗୁରୁଭାରତଯା ଚ ତେ॥ 2-39-24 (12964)
ଯଯୁଃ ପ୍ରମୁଦିତାଃ ପଶ୍ଚାଦ୍ଭଗବନ୍ତଂ ସମନ୍ବଯୁଃ।
ବଲଶେଷଂ ସମୁଦିତଂ ପରିଗୃହ୍ଯ ସମନ୍ତତଃ॥ 2-39-25 (12965)
ଅଜଶ୍ଚକ୍ରାଯୁଧଃ ଶୌରିରମିତ୍ରଗଣମର୍ଦନଃ।
ବଲାଧିକାରେ ନିକ୍ଷିପ୍ଯ ସଂମାନ୍ଯାନକଦୁନ୍ଦୁଭିମ୍॥ 2-39-26 (12966)
ସମ୍ପ୍ରାଯାଦ୍ଯାଦବଶ୍ରେଷ୍ଠୋ ଜଯମାନେ ଯୁଧିଷ୍ଠିରେ।
ଉଚ୍ଚାବଚମୁପାଦାଯ ଧର୍ମରାଜାଯ ମାଧବଃ॥ 2-39-27 (12967)
ଧନୌଘଂ ପୁରତଃ କୃତ୍ବା ଖାଣ୍ଡବପ୍ରସ୍ଥମାଯଯୌ।
ତତ୍ର ଯଜ୍ଞଗତାନ୍ପଶ୍ଯଂଶ୍ଚୈଦ୍ଯବର୍ଗସମାଗତାନ୍॥ 2-39-28 (12968)
ଭୂମିପାଲଗଣାନ୍ସର୍ବାନ୍ସପ୍ରଭାନିବ ତୋଯଦାନ୍।
ମେଘକାଯାନ୍ନିବସତୋ ଯୂଥପାନିବ ଯୂଥପଃ॥ 2-39-29 (12969)
ବଲିନଃ ସିଂହସଙ୍କାଶାନ୍ମହୀମାବୃତ୍ଯ ତିଷ୍ଠତଃ।
ତତୋ ଜନୌଘସମ୍ବାଧଂ ରାଜସାଗରମବ୍ଯଯମ୍॥ 2-39-30 (12970)
ନାଦଯନ୍ରଥଘୋଷେଣ ହ୍ଯୁପାଯାନ୍ମଧୁସୂଦନଃ।
ଅସୂର୍ଯମିବ ସୂର୍ଯେଣ ନିବାତମିବ ବାଯୁନା॥ 2-39-31 (12971)
କୃଷ୍ଣେନ ସମୁପେତେନ ଜହର୍ଷେ ଭାରତଂ ପୁରମ୍।
ବ୍ରାହ୍ମଣକ୍ଷତ୍ରିଯାଣାଂ ତୁ ପୂଜାର୍ଥଂ ହ୍ଯର୍ଥଧର୍ମବିତ୍॥ 2-39-32 (12972)
ସହଦେବୋ ବିଶେଷଜ୍ଞୋ ମାଦ୍ରୀପୁତ୍ରଃ କୃତୋଽଭବତ୍।
ଭଗବନ୍ତଂ ତୁ ଭୂତାନାଂ ଭାସ୍ବନ୍ତମିବ ତେଜସା॥ 2-39-33 (12973)
ବିଶନ୍ତଂ ଯଜ୍ଞଭୂମିଂ ତାଂ ସିତସ୍ଯାବରଜଂ ପ୍ରଭୁମ୍।
ତେଜୋରାଶିମୃଷିଂ ବିପ୍ରମଦୃଶ୍ଯଂ ବୈ ବିଜାନତାମ୍॥ 2-39-34 (12974)
ବଯୋଧିକାନାଂ ବୃଦ୍ଧାନାଂ ମାର୍ଗମାତ୍ମନି ତିଷ୍ଠତାମ୍।
ଜଗତସ୍ତସ୍ଥୁଷଶ୍ଚୈବ ପ୍ରଭବାପ୍ଯଯମଚ୍ଯୁତମ୍॥ 2-39-35 (12975)
ଅନନ୍ତମନ୍ତଂ ଶତ୍ରୂଣାମମିତ୍ରଗଣମର୍ଦନମ୍।
ପ୍ରଭବଂ ସର୍ବଭୂତାନାମାପତ୍ସ୍ବଭଯମଚ୍ଯୁତମ୍॥ 2-39-36 (12976)
ଭବିଷ୍ଯଂ ଭାବନଂ ଭୂତଂ ଦ୍ବାରବତ୍ଯାମରିନ୍ଦମମ୍।
ସ ଦୃଷ୍ଟ୍ବା କୃଷ୍ଣମାଯାନ୍ତଂ ପ୍ରତିପୂଜ୍ଯାମିତୌଜସମ୍॥ 2-39-37 (12977)
ଯଥାର୍ହଂ କେଶବେ ବୃତ୍ତିଂ ପ୍ରତ୍ଯପଦ୍ଯତ ପାଣ୍ଡବଃ।
ଜ୍ଯୈଷ୍ଠ୍ଯକାନିଷ୍ଠ୍ଯସଂଯୋଗଂ ସମ୍ପ୍ରଧାର୍ଯ ଗୁଣାଗୁଣୈଃ॥ 2-39-38 (12978)
ଆରିରାଧଯିଷୁର୍ଧର୍ମଃ ପୂଜଯିତ୍ବା ଦ୍ବିଜୋତ୍ତମାନ୍।
ମହଦାଦିତ୍ଯସଙ୍କାଶମାସନଂ ଚ ଜଗତ୍ପତେଃ।
ଦଦୌ ନାସାଦିତଂ କୈଶ୍ଚିତ୍ତସ୍ମିନ୍ନୁପବିବେଶ ସଃ'॥ 2-39-39 (12979)
ତତୋ ଭୀଷ୍ମୋଽବ୍ରବୀଦ୍ରାଜନ୍ଧର୍ମରାଜଂ ଯୁଧିଷ୍ଠିରମ୍।
କ୍ରିଯତାମର୍ହଣଂ ରାଜ୍ଞାଂ ଯଥାର୍ହମିତି ଭାରତ॥ 2-39-40 (12980)
ଆଚାର୍ଯମୃତ୍ବିଜଂ ଚୈବ ସଂଯୁଜଂ ଚ ଯୁଧିଷ୍ଠିର।
ସ୍ନାତକଂ ଚ ପ୍ରିଯଂ ପ୍ରାହୁଃ ଷଡର୍ଘାର୍ହାନ୍ନୃପଂ ତଥା॥ 2-39-41 (12981)
ଏତାନର୍ଘ୍ଯାନଭିଗତାନାହୁଃ ସଂବତ୍ସରୋଷିତାନ୍।
ତ ଇମେ କାଲପୂଗସ୍ଯ ମହତୋଽସ୍ମାନୁପାଗତାଃ॥ 2-39-42 (12982)
ଏଷାମେକୈକଶୋ ରାଜନ୍ନର୍ଘ ଆନୀଯତାମିତି।
ଅଥ ତୈଷାଂ ବରିଷ୍ଠାଯ ସମର୍ଥାଯୋପନୀଯତାମ୍॥ 2-39-43 (12983)
ଯୁଧିଷ୍ଠିର ଉବାଚ॥ 2-39-44x (1459)
କସ୍ମୈ ଭବାନ୍ମନ୍ଯତେଽର୍ଘମେକସ୍ମୈ କୁରୁନନ୍ଦନ।
ଉପନୀଯମାନଂ ଯୁକ୍ତଂ ଚ ତନ୍ମେ ବ୍ରୂହି ପିତାମହ॥ 2-39-44 (12984)
ବୈଶମ୍ପାଯନ ଉବାଚ॥ 2-39-45x (1460)
ତତୋ ଭୀଷ୍ମଃ ଶାନ୍ତନବୋ ବୁଦ୍ଧ୍ଯା ନିଶ୍ଚିତ୍ଯ ବୀର୍ଯବାନ୍।
ବାର୍ଷ୍ଣେଯଂ ମନ୍ଯତେ କୃଷ୍ଣମର୍ହଣୀଯତମଂ ଭୁବି॥ 2-39-45 (12985)
ଭୀଷ୍ଣ ଉବାଚ॥ 2-39-46x (1461)
ଏଷ ହ୍ଯେଷାଂ ସମସ୍ତାନାଂ ତେଜୋବଲପରାକ୍ରମୈଃ।
ମଧ୍ଯେ ତପନ୍ନିବାଭାତି ଜ୍ଯୋତିଷାମିବ ଭାସ୍କରଃ॥ 2-39-46 (12986)
ଅସୂର୍ଯମିବ ସୂର୍ଯେଣ ନିର୍ବାତମିବ ବାଯୁନା।
ଭାସିତଂ ହ୍ଲାଦିତଂ ଚୈବ କୃଷ୍ଣେନେଦଂ ସଦୋ ହି ନଃ॥ 2-39-47 (12987)
ତସ୍ମୈ ଭୀଷ୍ମାଭ୍ଯନୁଜ୍ଞାତଃ ସହଦେବଃ ପ୍ରତାପବାନ୍।
ଉପଜହ୍ରେଽଥ ବିଧିବଦ୍ବାର୍ଷ୍ଣେଯାଯାର୍ଘ୍ଯମୁତ୍ତମମ୍॥ 2-39-48 (12988)
`ଗାମର୍ଘ୍ଯଂ ମଧୁପର୍କଂ ଚ ହ୍ଯାନୀଯୋପାହରତ୍ତଦା।
ଏତସ୍ମିନ୍ନନ୍ତରେ ରାଜନ୍ନିଦମାସୀତ୍ତଦାଽଦ୍ଭୁତମ୍॥ 2-39-49 (12989)
ତାଂ ଦୃଷ୍ଟ୍ବା କ୍ଷତ୍ରିଯାଃ ସର୍ବେ ପୂଜାଂ କୃଷ୍ଣସ୍ଯ ଭୂଯସୀମ୍।
ସମ୍ପ୍ରେକ୍ଷ୍ଯାନ୍ଯୋନ୍ଯମାସୀନା ହୃଦଯୈସ୍ତାମଧାରଯନ୍'॥ 2-39-50 (12990)
ପ୍ରତିଜଗ୍ରାହ ତାଂ କୃଷ୍ଣଃ ଶାସ୍ତ୍ରଦୃଷ୍ଟେନ କର୍ମଣା।
ଶିଶୁପାଲସ୍ତୁ ତାଂ ପୂଜାଂ ବାସୁଦେବେ ନ ଚକ୍ଷମେ॥ 2-39-51 (12991)
ଉପାଲଭ୍ଯ ସ ଭୀଷ୍ମଂ ଚ ଧର୍ମରାଜଂ ଚ ସଂସଦି।
ଅବାକ୍ଷିପଦ୍ବାସୁଦେବଂ ଚେଦିରାଜୋ ମହାବଲଃ॥ 2-39-52 (12992)
`ତେଷାମାକାରଭାବଜ୍ଞଃ ସହଦେବୋ ନ ଚକ୍ଷମେ।
ମାନିନାଂ ବଲିନାଂ ରାଜ୍ଞାଂ ପୁରୁଃ ସନ୍ଦର୍ଶିତେ ପଦେ॥ 2-39-53 (12993)
ପୁଷ୍ପବୃଷ୍ଟିର୍ମହତ୍ଯାସୀତ୍ସହଦେବସ୍ଯ ମୂର୍ଧନି।
ଜନ୍ମପ୍ରଭୃତି ବୃଷ୍ଣୀନା ସୁନୀଥଃ ଶତ୍ରୁରବ୍ରବୀତ୍॥ 2-39-54 (12994)
ପ୍ରଷ୍ଟା ବିଯୋନିଜୋ ରାଜା ପ୍ରତିବକ୍ତା ନଦୀସୁତଃ।
ପ୍ରତିଗ୍ରହୀତା ଗୋପାଲଃ ପ୍ରଦାତା ଚ ବିଯୋନିଜଃ॥ 2-39-55 (12995)
ସଦସ୍ଯା ମୂକବତ୍ସର୍ବେ ଆସତେଽତ୍ର କିମୁଚ୍ଯତେ।
ଇତ୍ଯୁକ୍ତ୍ବା ସ ବିହସ୍ଯାଶୁ ପାଣ୍ଡୁଂ ପୁନରବ୍ରବୀତ୍॥ 2-39-56 (12996)
ଅତିପଶ୍ଯସି ବା ସର୍ବାନ୍ନ ବା ପଶ୍ଯସି ପାଣ୍ଡବ।
ତିଷ୍ଠତ୍ସ୍ବନ୍ଯେଷୁ ପୂଜ୍ଯେଷୁ ଗୋପମର୍ଚିତବାନସି॥ 2-39-57 (12997)
ଏତେ ଚୈବୋଭଯେ ତାତ କାର୍ଯସ୍ଯ ତୁ ବିନାଶକେ।
ଅତିଦୃଷ୍ଟିରଦୃଷ୍ଟିର୍ବା ତଯୋଃ କିଂ ତ୍ବଂ ସମାସ୍ଥିତଃ'॥ ॥ 2-39-58 (12998)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦିଗ୍ବିଜଯପର୍ବଣି ଏକୋନଚତ୍ବାରିଂଶୋଽଧ୍ଯାଯଃ॥39॥
Mahabharata - Sabha Parva - Chapter Footnotes
2-39-41 ସଂଯୁଜଂ ସମ୍ବନ୍ଧିନଂ ଶ୍ବଶୁରାଦିମ୍। ପ୍ରିଯଂ ମିତ୍ରମ୍॥ 2-39-52 ଅବାକ୍ଷିପଦ୍ଦୂଷିତବାନ୍॥ସଭାପର୍ବ - ଅଧ୍ଯାଯ 040
॥ ଶ୍ରୀଃ ॥
2.40. ଅଧ୍ଯାଯଃ 040
Mahabharata - Sabha Parva - Chapter Topics
ଶିଶୁପାଲେନ ଅନେକଧା କୃଷ୍ଣୋପାଲମ୍ଭନପୂର୍ବକଂ ସଭାତୋ ନିର୍ଗମନମ୍॥ 1॥Mahabharata - Sabha Parva - Chapter Text
ଶିଶୁପାଲ ଉବାଚ।
ନାଯମର୍ହତି ବାର୍ଷ୍ଣେଯସ୍ତିଷ୍ଠତ୍ସ୍ବିହ ମହାତ୍ମସୁ।
ମହୀପତିଷୁ କୌରବ୍ଯ ରାଜବତ୍ପାର୍ଥିବାର୍ହଣମ୍॥ 2-40-1 (12999)
ନାଯଂ ଯୁକ୍ତଃ ସମାଚାରଃ ପାଣ୍ଡବେଷୁ ମହାତ୍ମସୁ।
ଯତ୍କାମାଦ୍ଦେବକୀପୁତ୍ରଂ ପାଣ୍ଡବାର୍ଚିତବାନସି॥ 2-40-2 (13000)
ବାଲା ଯୂଯଂ ନ ଜାନୀଧ୍ବଂ ଧର୍ମଃ ସୂକ୍ଷ୍ମୋ ହି ପାଣ୍ଡବାଃ।
ଅଯଂ ତତ୍ରାଭ୍ଯତିକ୍ରାନ୍ତୋ ହ୍ଯାପଗେଯୋଽଲ୍ପଦର୍ଶନଃ॥ 2-40-3 (13001)
ତ୍ବାଦୃଶୋ ଧର୍ମଯୁକ୍ତୋ ହି କୁର୍ବାଣଃ ପ୍ରିଯକାମ୍ଯଯା।
ଭବତ୍ଯଭ୍ଯଧିକଂ ଭୀଷ୍ମୋ ଲୋକେଷ୍ବବମତଃ ସତାମ୍॥ 2-40-4 (13002)
କଥଂ ହ୍ଯରାଜା ଦାଶାର୍ହୋ ମଧ୍ଯେ ସର୍ବମହୀକ୍ଷିତାମ୍।
ଅର୍ହଣାମର୍ହତି ତଥା ଯଥା ଯୁଷ୍ମାଭିରର୍ଚିତଃ॥ 2-40-5 (13003)
ଅଥବା ମନ୍ଯସେ କୃଷ୍ଣଂ ସ୍ଥବିରଂ କୁରୁପୁଙ୍ଗବଃ।
ବସୁଦେବେ ସ୍ଥିତେ ବୃଦ୍ଧେ କଥମର୍ହତି ତତ୍ସୁତଃ॥ 2-40-6 (13004)
ଅଥବା ବାସୁଦେବୋଽପି ପ୍ରିଯକାମୋଽନୁବୃତ୍ତବାନ୍।
ଦ୍ରୁପଦେ ତିଷ୍ଠତି କଥଂ ମାଧବୋଽର୍ହତି ପୂଜନମ୍॥ 2-40-7 (13005)
ଆଚାର୍ଯଂ ମନ୍ଯସେ କୃଷ୍ଣମଥବା କୁରୁନନ୍ଦନ।
ଦ୍ରୋଣେ ତିଷ୍ଠତି ବାର୍ଷ୍ଣେଯଂ କସ୍ମାଦର୍ଚିତବାନସି॥ 2-40-8 (13006)
ଋତ୍ବିଜଂ ମନ୍ଯସେ କୃଷ୍ଣମଥବା କୁରୁନନ୍ଦନ।
ଦ୍ବୌପାଯନେ ସ୍ଥିତେ ବୃଦ୍ଧେ କଥଂ କୃଷ୍ଣୋଽର୍ଚିତସ୍ତ୍ବଯା॥ 2-40-9 (13007)
ଭୀଷ୍ମେ ଶାନ୍ତନବେ ରାଜନ୍ସ୍ଥିତେ ପୁରୁଷସତ୍ତମେ।
ସ୍ବଚ୍ଛନ୍ଦମୃତ୍ଯୁକେ ରାଜନ୍କଥଂ କୃଷ୍ଣୋଽର୍ଚିତସ୍ତ୍ବଯା॥ 2-40-10 (13008)
ଅଶ୍ବତ୍ଥାମ୍ନି ସ୍ଥିତେ ବୀରେ ସର୍ବଶାସ୍ତ୍ରବିଶାରଦେ।
କଥଂ କୃଷ୍ଣସ୍ତ୍ବଯା ରାଜନ୍ନର୍ଚିତଃ କୁରୁନନ୍ଦନ॥ 2-40-11 (13009)
ଦୁର୍ଯୋଧନେ ଚ ରାଜେନ୍ଦ୍ରେ ସ୍ଥିତେ ପୁରୁଷସତ୍ତମେ।
କୃପେ ଚ ଭାରତାଚାର୍ଯେ କଥଂ କୃଷ୍ଣସ୍ତ୍ବଯାଽର୍ଚିତଃ॥ 2-40-12 (13010)
ଦ୍ରୁମଂ କମ୍ପୁରୁଷାଚାର୍ଯମତିକ୍ରମ୍ଯ ତଥାଽର୍ଚିତଃ।
ଭୀଷ୍ମକେ ଚୈବ ଦୁର୍ଧର୍ଷେ ପାଣ୍ଡୁବତ୍କୃତଲକ୍ଷଣେ॥ 2-40-13 (13011)
ନୃପେ ଚ ରୁକ୍ମିଣି ଶ୍ରେଷ୍ଠେ ଏକଲବ୍ଯେ ତଥୈବ ଚ।
ଶଲ୍ଯେ ମଦ୍ରାଧିପେ ଚୈବ କଥଂ କୃଷ୍ଣସ୍ତ୍ବଯାର୍ଚିତଃ॥ 2-40-14 (13012)
ଅଯଂ ଚ ସର୍ବରାଜ୍ଞାଂ ବୈ ବଲଶ୍ଲାଘୀ ମହାବଲଃ।
ଜାମଦଗ୍ନ୍ଯସ୍ଯ ଦଯିତଃ ଶିଷ୍ଯୋ ବିପ୍ରସ୍ଯ ଭାରତ॥ 2-40-15 (13013)
ଯେନାତ୍ମବଲମାଶ୍ରିତ୍ଯ ରାଜାନୋ ଯୁଧି ନିର୍ଜିତାଃ।
ତଂ ଚ କର୍ଣମତିକ୍ରମ୍ଯ କଥଂ କୃଷ୍ଣସ୍ତ୍ବଯାର୍ଚିତଃ॥ 2-40-16 (13014)
ନୈବର୍ତ୍ବିଙ୍ନୈବ ଚାଚାର୍ଯୋ ନ ରାଜା ମଧୁସୂଦନଃ।
ଅର୍ଚିତଶ୍ଚ କୁରୁଶ୍ରେଷ୍ଠ କିମନ୍ଯତ୍ପ୍ରିଯକାମ୍ଯଯା॥ 2-40-17 (13015)
ଅଥବାଽଭ୍ଯର୍ଚନୀଯୋଽଯଂ ଯୁଷ୍ମାକଂ ମଧୁସୂଦନଃ।
କିଂ ରାଜଭିରିହାନୀତୈରବମାନାଯ ଭାରତ॥ 2-40-18 (13016)
ବଯଂ ତୁ ନ ଭଯାଦସ୍ଯ କୌନ୍ତେଯସ୍ଯ ମହାତ୍ମନଃ।
ପ୍ରଯଚ୍ଛାମଃ କରାନ୍ସର୍ବେ ନ ଲୋଭାନ୍ନ ଚ ସାନ୍ତ୍ବନାତ୍॥ 2-40-19 (13017)
ଅସ୍ଯ ଧର୍ମପ୍ରବୃତ୍ତସ୍ଯ ପାର୍ଥିବତ୍ବଂ ଚିକୀର୍ଷତଃ।
କରାନସ୍ମୈ ପ୍ରଯଚ୍ଛାମଃ ସୋଽଯମସ୍ମାନ୍ନ ମନ୍ଯତେ॥ 2-40-20 (13018)
କିମନ୍ଯଦବମନାନାଦ୍ଧେ ଯଦେନଂ ରାଜସଂସଦି।
ଅପ୍ରାପ୍ତଲକ୍ଷଣଂ କୃଷ୍ଣମର୍ଘ୍ଯେଣାର୍ଚିତବାନସି॥ 2-40-21 (13019)
ଅକସ୍ମାଦ୍ଧର୍ମପୁତ୍ରସ୍ଯ ଧର୍ମାତ୍ମେତି ଯଶୋ ଗତମ୍।
କୋ ହି ଧର୍ମଚ୍ଯୁତେ ପୂଜାମେବଂ ଯୁକ୍ତାଂ ନିଯୋଜଯେତ୍॥ 2-40-22 (13020)
ଯୋଯଂ ବୃଷ୍ଣିକୁଲେ ଜାତୋ ରାଜାନଂ ହତବାନ୍ପୁରା।
ଜରାସନ୍ଧଂ ମହାତ୍ମାନମନ୍ଯାଯେନ ଦୁରାତ୍ମବାନ୍॥ 2-40-23 (13021)
ଅଦ୍ଯ ଧର୍ମାତ୍ମତା ଚୈବ ବ୍ଯପକୃଷ୍ଟା ଯୁଧିଷ୍ଠିରାତ୍।
ଦର୍ଶିତଂ କୃପଣତ୍ବଂ ଚ କୃଷ୍ଣେଽର୍ଘ୍ଯସ୍ଯ ନିବେଦନାତ୍॥ 2-40-24 (13022)
ଯଦି ଭୀତାଶ୍ଚ କୌନ୍ତେଯାଃ କୃପଣାଶ୍ଚ ତପସ୍ବିନଃ।
ନନୁ ତ୍ବଯାଽପି ବୋଦ୍ଧବ୍ଯଂ ଯାଂ ପୂଜାଂ ମାଧବାର୍ହସି॥ 2-40-25 (13023)
ଅଥବା କୃପଣୈରେତାମୁପନୀତାଂ ଜନାର୍ଦନ।
ପୂଜାମନର୍ହଃ କସ୍ମାତ୍ତ୍ବମଭ୍ଯନୁଜ୍ଞାତବାନସି॥ 2-40-26 (13024)
ଅଯୁକ୍ତାମାତ୍ମନଃ ପୂଜାଂ ତ୍ବଂ ପୁନର୍ବହୁମନ୍ଯସେ।
ହବିଷଃ ପ୍ରାପ୍ଯ ନିଷ୍ଯନ୍ଦଂ ପ୍ରାଶିତା ଶ୍ବେବ ନିର୍ଜନେ॥ 2-40-27 (13025)
ନ ତ୍ବଂ ପାର୍ଥିବେନ୍ଦ୍ରାଣାମପମାନଃ ପ୍ରଯୁଜ୍ଯତେ।
ତ୍ବାମେବ କୁରବୋ ବ୍ଯକ୍ତଂ ପ୍ରଲମ୍ଭନ୍ତେ ଜନାର୍ଦନ॥ 2-40-28 (13026)
କ୍ଲୀବେ ଦାରକ୍ରିଯା ଯାଦୃଗନ୍ଧେ ବା ରୂପଦର୍ଶନମ୍।
ଅରାଜ୍ଞୋ ରାଜବତ୍ପୂଜା ତଥା ତେ ମଧୁସୂଦନ॥ 2-40-29 (13027)
ଦୃଷ୍ଟୋ ଯୁଧିଷ୍ଠିରୋ ରାଜା ଦୃଷ୍ଟୋ ଭୀଷ୍ମଶ୍ଚ ଯାଦୃଶଃ।
ବାସୁଦେବୋଽପ୍ଯଯଂ ଦୃଷ୍ଟଃ ସର୍ବମେତଦ୍ଯଥାତଥମ୍॥ 2-40-30 (13028)
ଇତ୍ଯୁକ୍ତ୍ବା ଶିଶୁପାଲସ୍ତାନୁତ୍ଥାଯ ପରମାସନାତ୍।
ନିର୍ଯଯୌ ସଦସସ୍ତସ୍ମାତ୍ସହିତୋ ରାଜଭିସ୍ତଦା॥ ॥ 2-40-31 (13029)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦିଗ୍ବିଜଯପର୍ବଣି ଚତ୍ବାରିଂଶୋଽଧ୍ଯାଯଃ॥ 40॥
ସଭାପର୍ବ - ଅଧ୍ଯାଯ 041
॥ ଶ୍ରୀଃ ॥
2.41. ଅଧ୍ଯାଯଃ 041
Mahabharata - Sabha Parva - Chapter Topics
ଶିଶୁପାଲଂ ସାନ୍ତ୍ବଯନ୍ତଂ ଯୁଧିଷ୍ଠିରଂ ନିବାର୍ଯ ଭୀଷ୍ଣେଣ ଶ୍ରୀକୃଷ୍ଣମାହାତ୍ମ୍ଯକଥନମ୍ ॥ 1॥Mahabharata - Sabha Parva - Chapter Text
ବୈଶମ୍ପାଯନ ଉବାଚ।
ତତୋ ଯୁଧିଷ୍ଠିରୋ ରାଜା ଶିଶୁପାଲମୁପାଦ୍ରବତ୍।
ଉବାଚ ଚୈନଂ ମଧୁରଂ ସାନ୍ତ୍ବପୂର୍ବମିଦଂ ବଚଃ॥ 2-41-1 (13030)
ନେଦଂ ଯୁକ୍ତଂ ମହୀପାଲ ଯାଦୃଶଂ ବୈ ତ୍ବମୁକ୍ତବାନ୍।
ଅଧର୍ମଶ୍ଚ ପରୋ ରାଜନ୍ପାରୁଷ୍ଯଂ ଚ ନିରର୍ଥକମ୍॥ 2-41-2 (13031)
ନ ହି ଧର୍ମଂ ପରଂ ଜାତୁ ନାବବୁଧ୍ଯେତ ପାର୍ଥିବଃ।
ଭୀଷ୍ମଃ ଶାନ୍ତନବସ୍ତ୍ବେନଂ ମାବମଂସ୍ଥାସ୍ତ୍ବମନ୍ଯଥା॥ 2-41-3 (13032)
ପଶ୍ଯ ଚୈତାନ୍ମହୀପାଲାଂସ୍ତ୍ବତ୍ତୋ ବୃଦ୍ଧତରାନ୍ବହୂନ୍।
ମୃଷ୍ଯନ୍ତେ ଚାର୍ହଣାଂ କୃଷ୍ଣେ ତଦ୍ବତ୍ବଂ କ୍ଷନ୍ତୁମର୍ହସି॥ 2-41-4 (13033)
ବେଦ ତତ୍ତ୍ବେନ କୃଷ୍ଣଂ ହି ଭୀଷ୍ଣଶ୍ଚେଦିପତେ ଭୃଶମ୍।
ନ ହ୍ଯେନଂ ତ୍ବଂ ତଥା ଯଥୈନଂ ବେଦ କୌରବଃ॥ 2-41-5 (13034)
ଭୀଷ୍ମ ଉବାଚ। 2-41-6x (1462)
ନାସ୍ମୈ ଦେଯୋ ହ୍ଯନୁନଯୋ ନାଯମର୍ହତି ସାନ୍ତ୍ବନମ୍।
ଲୋକବୃଦ୍ଧତମେ କୃଷ୍ଣେ ଯୋଽର୍ହଣାଂ ନାଭିମନ୍ଯତେ॥ 2-41-6 (13035)
କ୍ଷତ୍ରିଯଃ କ୍ଷତ୍ରିଯଂ ଜିତ୍ବା ରଣେ ରଣକୃତାଂ ବରଃ।
ଯୋ ମୁଞ୍ଚତି ବଶେ କୃତ୍ବା ଗୁରୁର୍ଭବତି ତସ୍ଯ ସଃ॥ 2-41-7 (13036)
ଅସ୍ଯାଂ ହି ସମିତୌ ରାଜ୍ଞାମେକମପ୍ଯଜିତଂ ଯୁଧି।
ନ ପଶ୍ଯାମି ମହୀପାଲଂ ସାତ୍ବତୀପୁତ୍ରତେଜସା॥ 2-41-8 (13037)
ନ ହି କେବଲମସ୍ମାକମଯମର୍ଚ୍ଯତମୋଽଚ୍ଯୁତଃ।
ତ୍ରଯାଣାମପି ଲୋକାନାମର୍ଚନୀଯୋ ମହାଭୁଜଃ॥ 2-41-9 (13038)
କୃଷ୍ଣେନ ହି ଜିତା ଯୁଦ୍ଧେ ବହବଃ କ୍ଷତ୍ରିଯର୍ଷଭାଃ।
ଜଗତ୍ସର୍ବଂ ଚ ବାର୍ଷ୍ଣେଯେ ନିଖିଲେନ ପ୍ରତିଷ୍ଠିତମ୍॥ 2-41-10 (13039)
ତସ୍ମାତ୍ସତ୍ସ୍ବପି ବୃଦ୍ଧେଷୁ କୃଷ୍ଣମର୍ଚାମ ନେତରାନ୍।
ଏବଂ ବକ୍ତୁଂ ନ ଚାର୍ହସ୍ତ୍ବଂ ମା ତେଽଭୂଦ୍ବୁଦ୍ଧିରୀଦୃଶୀ॥ 2-41-11 (13040)
ଜ୍ଞାନବୃଦ୍ଧା ମଯା ରାଜନ୍ବହବଃ ପର୍ଯୁପାସିତାଃ।
`ଯସ୍ଯ ରାଜନ୍ପ୍ରଭାବଜ୍ଞାଃ ପୁରା ସର୍ବେ ଚ ରକ୍ଷିତାଃ'।
ତେଷାଂ କଥଯତାଂ ଶୌରେରହଂ ଗୁଣବତୋ ଗୁଣାନ୍॥ 2-41-12 (13041)
ସମାଗତାନାମଶ୍ରୌଷଂ ବହୂନ୍ବହୁମତାନ୍ସତାମ୍।
କର୍ମାଣ୍ଯପି ଚ ଯାନ୍ଯସ୍ଯ ଜନ୍ମପ୍ରଭୃତି ଧୀମତଃ॥ 2-41-13 (13042)
ବହୃଶଃ କଥ୍ଯମାନାନି ନରୈର୍ଭୂଯଃ ଶ୍ରୁତାନି ମେ।
ନ କେବଲଂ ବଯଂ କାମାଚ୍ଚେଦିଗଜ ଜନାର୍ଦନମ୍॥ 2-41-14 (13043)
ନ ସମ୍ବନ୍ଧଂ ପୁରସ୍କୃତ୍ଯ କୃତାର୍ଥଂ ବା କଥଞ୍ଚନ।
ଅର୍ଚାମହେଽର୍ଚିତଂ ସଦ୍ଭିର୍ଭୁବି ଭୂତସୁଖାବହମ୍॥ 2-41-15 (13044)
ଯଶଃ ଶୌର୍ଯଂ ଜଯଂ ଚାସ୍ଯ ବିଜ୍ଞାଯାର୍ଚାଂ ପ୍ରଯୁଞ୍ଜ୍ମହେ
ନ ଚ କଶ୍ଚିଦିହାସ୍ମାଭିଃ ସୁବାଲୋପ୍ଯପରୀକ୍ଷିତଃ॥ 2-41-16 (13045)
ଗୁଣୈର୍ବୃଦ୍ଧାନତିକ୍ରମ୍ଯ ହରିରର୍ଚ୍ଯତମୋ ମତଃ।
ଜ୍ଞାନବୃଦ୍ଧୋ ଦ୍ବିଜାତୀନାଂ କ୍ଷତ୍ରିଯାଣାଂ ବଲାଧିକଃ॥ 2-41-17 (13046)
ବୈଶ୍ଯାନାଂ ଧାନ୍ଯଧନବାଞ୍ଶୂଦ୍ରାଣାମେବ ଜନ୍ମତଃ।
ପୂଜ୍ଯତାଯାଂ ଚ ଗୋବିନ୍ଦେ ହେତୂ ଦ୍ବାବପି ସଂସ୍ଥିତୌ॥ 2-41-18 (13047)
ବେଦବେଦାଙ୍ଗବିଜ୍ଞାନଂ ବଲଂ ଚାଭ୍ଯଧିକଂ ତଥା।
ନୃଣାଂ ଲୋକେ ହି କୋଽନ୍ଯୋସ୍ତି ବିଶିଷ୍ଟଃ କେଶବାଦୃତେ॥ 2-41-19 (13048)
ଦାନଂ ଦାକ୍ଷ୍ଯଂ ଶ୍ରୁତଂ ଶୌର୍ଯଂ ହ୍ରୀଃ କୀର୍ତିର୍ବୁଦ୍ଧିରୁତ୍ତମା।
ସଂନତିଃ ଶ୍ରୀର୍ଧୃତିସ୍ତୁଷ୍ଟିଃ ପୁଷ୍ଟିଶ୍ଚ ନିଯତାଽଚ୍ଯୁତେ॥ 2-41-20 (13049)
ତମିମଂ ଲୋକସମ୍ପନ୍ନମାଚାର୍ଯଂ ପିତରଂ ଗୁରୁମ୍।
ଅର୍ଘ୍ଯମର୍ଚିତମର୍ଚାମଃ ସର୍ବେ ସଙ୍କ୍ଷନ୍ତୁମର୍ହଥ॥ 2-41-21 (13050)
ଋତ୍ବିଗ୍ଗୁରୁର୍ବିବାହ୍ଯଶ୍ଚ ସ୍ନାତକୋ ନୃପତିଃ ପ୍ରିଯଃ।
ସର୍ବମେତଦ୍ଧୃଷୀକେଶସ୍ତସ୍ମାଦଭ୍ଯର୍ଚିତୋଽଚ୍ଯୁତଃ॥ 2-41-22 (13051)
କୃଷ୍ଣ ଏବ ହି ଲୋକାନାମୁତ୍ପତ୍ତିରପି ଚାପ୍ଯଯଃ।
କୃଷ୍ଣସ୍ଯ ହି କୃତେ ବିଶ୍ବମିଦଂ ଭୂତଂ ଚରାଚରମ୍॥ 2-41-23 (13052)
ଏଷ ପ୍ରକୃତିରବ୍ଯକ୍ତା କର୍ତା ଚୈବ ସନାତନଃ।
ପରଶ୍ଚ ସର୍ବଭୂତେଭ୍ଯସ୍ତସ୍ମାତ୍ପୂଜ୍ଯତମୋଽଚ୍ଯୁତଃ॥ 2-41-24 (13053)
ବୁଦ୍ଧିର୍ମନୋ ମହଦ୍ବାଯୁସ୍ତେଜୋଽଭଃ ଖଂ ମହୀ ଚ ଯା।
ଚତୁର୍ବିଧଂ ଚ ଯଦ୍ଭୂତଂ ସର୍ବଂ କୃଷ୍ଣେ ପ୍ରତିଷ୍ଠିତମ୍॥ 2-41-25 (13054)
ଆଦିତ୍ଯଶ୍ଚନ୍ଦ୍ରମାଶ୍ଚୈବ ନକ୍ଷତ୍ରାଣି ଗ୍ରହାଶ୍ଚ ଯେ।
ଦିଶଶ୍ଚ ବିଦିଶଶ୍ଚୈବ ସର୍ବଂ କୃଷ୍ଣେ ପ୍ରତିଷ୍ଠିତମ୍॥ 2-41-26 (13055)
` ଏଷ ରୁଦ୍ରଶ୍ଚ ସର୍ବାତ୍ମା ବ୍ରହ୍ମା ଚୈବ ସନାତନଃ।
ଅକ୍ଷରଂ କ୍ଷରରୂପେଣ ମାନୁଷତ୍ବମୁପାଗତଃ'॥ 2-41-27 (13056)
ଅଗ୍ନିହୋତ୍ରମୁଖା ବେଦା ଗାଯତ୍ରୀ ଚ୍ଛନ୍ଦସାଂ ମୁଖମ୍।
ରାଜା ମୁଖଂ ମନୁଷ୍ଯାଣାଂ ନଦୀନାଂ ସାଗରୋ ମୁଖମ୍॥ 2-41-28 (13057)
ନକ୍ଷତ୍ରାଣାଂ ମୁଖଂ ଚନ୍ଦ୍ର ଆଦିତ୍ଯସ୍ତେଜସାଂ ମୁଖମ୍।
ପର୍ବତାନାଂ ମୁଖଂ ମେରୁର୍ଗରୁଡଃ ପତତାଂ ମୁଖମ୍॥ 2-41-29 (13058)
ଊର୍ଧ୍ବଂ ତିର୍ଯଗଧଶ୍ଚୈବ ଯାବତୀ ଜଗତୋ ଗତିଃ।
ସଦେବକେଷୁ ଲୋକେଷୁ ଭଗବାନ୍କେଶବୋ ମୁଖମ୍॥ 2-41-30 (13059)
ଅଯଂ ତୁ ପୁରୁଷୋ ବାଲଃ ଶିଶୁପାଲୋ ନ ବୁଧ୍ଯତେ।
ସର୍ବତ୍ର ସର୍ବଦା କୃଷ୍ଣଂ ତସ୍ମାଦେବଂ ପ୍ରଭାଷତେ॥ 2-41-31 (13060)
ଯୋ ହି ଧର୍ମଂ ବିଚିନୁଯାଦୁତ୍କୃଷ୍ଟଂ ମତିମାନ୍ନରଃ।
ସ ବୈ ପଶ୍ଯେଦ୍ଯଥା ଧର୍ମଂ ନ ତଥା ଚେଦିରାଡଯମ୍॥ 2-41-32 (13061)
ସବୃଦ୍ଧବାଲେଷ୍ବଥବା ପାର୍ଥିବେଷୁ ମହାତ୍ମସୁ।
କୋ ନାର୍ହଂ ମନ୍ଯତେ କୃଷ୍ଣଂ କୋ ବାପ୍ଯେନଂ ନ ପୂଜଯେତ୍॥ 2-41-33 (13062)
ଅଥୈନାଂ ଦୁଷ୍କୃତାଂ ପୂଜାଂ ଶିଶୁପାଲୋ ବ୍ଯବସ୍ଯତି।
ଦୁଷ୍କୃତାଯାଂ ଯଥାନ୍ଯାଯଂ ତଥାଽଯଂ କର୍ତୁମର୍ହତି॥ ॥ 2-41-34 (13063)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅର୍ଘାହରଣପର୍ବଣି ଏକଚତ୍ବାରିଂଶୋଽଧ୍ଯାଯଃ॥ 41 ॥
Mahabharata - Sabha Parva - Chapter Footnotes
2-41-25 ଚତୁର୍ବିଧଂ ଜରାଯୁଜାଦି ଭୌତିକମ୍॥ସଭାପର୍ବ - ଅଧ୍ଯାଯ 042
॥ ଶ୍ରୀଃ ॥
2.42. ଅଧ୍ଯାଯଃ 042
Mahabharata - Sabha Parva - Chapter Topics
ଶ୍ରୀକୃଷ୍ଣସ୍ଯାଗ୍ରପୂଜାମସହମାନାନାଂ ଶିରସି ପଦମାହିତମିତି ସହଦେବବଚନଶ୍ରବଣେନ ଶିଶୁପାଲ ସ୍ଯ କୋପୋଦଯଃ॥ 1॥Mahabharata - Sabha Parva - Chapter Text
`ବୈଶମ୍ପାଯନ ଉବାଚ॥
ଗାଙ୍ଗେଯେନୈବମୁକ୍ତସ୍ତୁ ଶିଶୁପାଲଶ୍ଚୁକୋପ ତମ୍।
କ୍ରୁଦ୍ଧଂ ସୁନୀଥଂ ଦୃଷ୍ଟ୍ବାଽଥ ସହଦେବୋଽବ୍ରବୀତ୍ତଦା॥ 2-42-1 (13064)
ମତିପୂର୍ବମିଦଂ ସର୍ବଂ ଚେଦିରାଜ ମଯା କୃତମ୍।
ତନ୍ମେ ନିଗଦତସ୍ତତ୍ତ୍ବଂ କାରଣାଦତ୍ର ମେ ଶୃଣୁ॥ 2-42-2 (13065)
ସ ପାର୍ଥିବାନାଂ ସର୍ବେଷାଂ ଗୁରୁଃ କୃଷ୍ଣୋଽପରୋ ନ ହି।
ତସ୍ମାଦଭ୍ଯର୍ଚିତୋଽସ୍ମାଭିଃ ସର୍ବେ ସଂମନ୍ତୁମର୍ହଥ॥ 2-42-3 (13066)
ଯୋ ବା ସହତେ କଶ୍ଚିଦ୍ରାଜ୍ଞାଂ ସବଲବାହନଃ।
କ୍ଷିପ୍ରଂ ଯୁଦ୍ଧାଯ ନିର୍ଯାତୁ ତସ୍ଯ ମୂର୍ଧ୍ନ୍ଯାହିତଂ ପଦମ୍॥ 2-42-4 (13067)
ଏବମୁକ୍ତୋ ମଯା ହେତୁରୁତ୍ତରଂ ପ୍ରବ୍ରବୀତୁ ମେ। 2-42-5 (13068)
ବୈଶମ୍ପାଯନ ଉବାଚ॥
ତତୋ ନ ବ୍ଯାଜହାରୈଷାଂ କଶ୍ଚିଦ୍ବୁଦ୍ଧିମତାଂ ସତାମ୍॥ 2-42-5x (1463)
ମାନିନାଂ ବଲିନାଂ ରାଜ୍ଞାଂ ମଧ୍ଯେ ସନ୍ଦର୍ଶିତେ ପଦେ।
ଏବମୁକ୍ତେ ସୁନୀଥସ୍ଯ ସହଦେବେନ କେଶବେ॥ 2-42-6 (13069)
ସ୍ବଭାବରକ୍ତେ ନଯନେ କୋପାଦ୍ରକ୍ତତରେ କୃତେ।
ତସ୍ଯ କୋପଂ ସମୁଦ୍ଭୂତଂ ଜ୍ଞାତ୍ବା ଭୀଷ୍ମଃ ପ୍ରତାପବାନ୍॥ 2-42-7 (13070)
ଆଚଚକ୍ଷେ ପୁନସ୍ତସ୍ମୈ କୃଷ୍ଣସ୍ଯୈବୋତ୍ତରାନ୍ଗୁଣାନ୍।
ସ ସୁନୀଥଂ ସମାମନ୍ତ୍ର୍ଯ ତାଂଶ୍ଚ ସର୍ବାନ୍ମହୀକ୍ଷିତଃ॥ 2-42-8 (13071)
ଉବାଚ ବଦତାଂ ଶ୍ରେଷ୍ଠଂ ଇଦଂ ମତିମତାଂ ବରଃ।
ସହଦେବେନ ରାଜାନୋ ଯଦୁକ୍ତଂ କେଶବଂ ପ୍ରତି।
ତତ୍ତଥେତି ବିଜାନୀଧ୍ବଂ ଭୂଯଶ୍ଚାତ୍ର ବିବୋଧତ॥ ॥ 2-42-9 (13072)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅର୍ଘାହରଣପର୍ବଣି ଦ୍ବିଚତ୍ବାରିଂଶୋଽଧ୍ଯାଯଃ॥ 42 ॥
ସଭାପର୍ବ - ଅଧ୍ଯାଯ 043
॥ ଶ୍ରୀଃ ॥
2.43. ଅଧ୍ଯାଯଃ 043
Mahabharata - Sabha Parva - Chapter Topics
ଶ୍ରୀକୃଷ୍ଣମହିମ୍ନୋ ବିସ୍ତରେଣ କଥନାଯ ଭୀଷ୍ମମ୍ପ୍ରତି ଯୁଧିଷ୍ଠିରପ୍ରାର୍ଥନା॥ 1॥ ଭୀଷ୍ଣେଣ ବିଷ୍ଣୋର୍ଜଗତ୍ସୃଷ୍ଟିକଥାକଥନମ୍॥ 2॥Mahabharata - Sabha Parva - Chapter Text
ବୈଶମ୍ପାଯନ ଉବାଚ।
ତତୋ ଭୀଷ୍ମସ୍ଯ ତଚ୍ଛ୍ରୁତ୍ବା ବଚଃ କାଲେ ଯୁଧିଷ୍ଠିରଃ।
ଜ୍ଞାପନାର୍ଥାଯ ସର୍ବେଷାଂ ଭୀଷ୍ମଂ ପୁନରଥାବ୍ରବୀତ୍॥ 2-43-1 (13073)
ବିସ୍ତରେଣାସ୍ଯ ଦେବସ୍ଯ କର୍ମାଣୀଚ୍ଛାମି ସର୍ବଶଃ।
ଶ୍ରୋତୁଂ ଭଗବତସ୍ତାନି ପ୍ରବ୍ରବୀହି ପିତାମହ॥ 2-43-2 (13074)
କର୍ମଣାମାନୁପୂର୍ବା ଚ ପ୍ରାଦୁର୍ଭାବାଶ୍ଚ ଯେ ବିଭୋଃ।
ଯଥା ଚ ପ୍ରକୃତିଃ କୃଷ୍ଣେ ତନ୍ମେ ବ୍ରୂହି ପିତାମହ॥ 2-43-3 (13075)
ଏବମୁକ୍ତସ୍ତଦା ଭୀଷ୍ମଃ ପ୍ରୋବାଚ ଭରତର୍ଷଭ।
ଯୁଧିଷ୍ଠିରମମିତ୍ରଘ୍ନଂ ତସ୍ମିନ୍ତ୍ରାଜସମାଗମେ॥ 2-43-4 (13076)
ସମକ୍ଷଂ ବାସୁଦେବସ୍ଯ ଦେବସ୍ଯେବ ଶତକ୍ରତୋଃ।
କର୍ମାଣ୍ଯସୁକରାଣ୍ଯନ୍ଯୈରାଚଚକ୍ଷେ ଜନାଧିପ॥ 2-43-5 (13077)
ଶୃଣ୍ବତାଂ ପାର୍ଥିବାନାଂ ଚ ଧର୍ମରାଜସ୍ଯ ଚାନ୍ତିକେ।
ଇଦଂ ମତିମତାଂ ଶ୍ରେଷ୍ଠଃ କୃଷ୍ଣଂ ପ୍ରତି ବିଶାମ୍ପତେ॥ 2-43-6 (13078)
ନାମ୍ନୈବାମନ୍ତ୍ର୍ଯ ରାଜେନ୍ଦ୍ର ଚେଦିରାଜମରିନ୍ଦମମ୍।
ଭୀମକର୍ମା ତତୋ ଭୀଷ୍ଣୋ ଭୂଯଃ ସ ଇତମବ୍ରବୀତ୍॥ 2-43-7 (13079)
କରୂଣାମପି ରାଜାନଂ ଯୁଧିଷ୍ଠିରମଭାଷତ। 2-43-8 (13080)
ଭୀଷ୍ଣ ଉବାଚ।
ବର୍ତମାନାମତୀତାଂ ଚ ଶୃଣୁ ରାଜନ୍ଯୁଧିଷ୍ଠିର॥ 2-43-8x (1464)
ଈଶ୍ବରସ୍ଯୋତ୍ତମସ୍ଯୈନାଂ କର୍ମଣାଂ ଗହନାଂ ଗତିମ୍।
ଅବ୍ଯକ୍ତୋ ବ୍ଯକ୍ତଲିଙ୍ଗସ୍ଥୋ ଯ ଏଷ ଭଗବାନ୍ପ୍ରଭୁଃ॥ 2-43-9 (13081)
ପୁରା ନାରାଯଣୋ ଦେବଃ ସ୍ବଯମ୍ଭୂଃ ପ୍ରପିତାମହଃ।
ସହସ୍ରଶୀର୍ଷଃ ପୁରୁଷୋ ଧ୍ରବୋଽନନ୍ତଃ ସନାତନଃ॥ 2-43-10 (13082)
ସହସ୍ରାସ୍ଯଃ ସହସ୍ରାଶ୍ଚଃ ସହସ୍ରଚରଣୋ ବିଭୁଃ।
ସହସ୍ରବାହୁଃ ସର୍ବଜ୍ଞୋ ଦେବୋ ନାମସହସ୍ରବାନ୍॥ 2-43-11 (13083)
ସହସ୍ରମୁକୁଟୋ ଦେବୋ ବିଶ୍ବରୂପୋ ମହାଦ୍ଯୁତିଃ।
ଅନେକବର୍ଣୋ ଦେବାଦିରବ୍ଯକ୍ତାଦ୍ବୈ ପରେ ସ୍ଥିତଃ॥ 2-43-12 (13084)
ଅସୃଜତ୍ସଲିଲଂ ପୂର୍ବଂ ସ ଚ ନାରାଯଣଃ ପ୍ରଭୁଃ।
ତତସ୍ତୁ ଭଗବାଂସ୍ତୋଯେ ବ୍ରହ୍ମାଣମସୃଜତ୍ସ୍ବଯମ୍॥ 2-43-13 (13085)
ବ୍ରହ୍ମା ଚତୁର୍ମୁଖୋ ଲୋକାନ୍ସର୍ବାଂସ୍ତାନସୃଜତ୍ସ୍ବଯମ୍।
ଆଦିକାଲେ ପୁରା ହ୍ଯେବଂ ସର୍ବଲୋକସ୍ଯ ଚୋଦ୍ଭବଃ।
ପୁରା ଯଃ ପ୍ରଲଯେ ପ୍ରାପ୍ତେ ନଷ୍ଟେ ସ୍ଥାବରଜଙ୍ଗମେ॥ 2-43-14 (13086)
ବ୍ରହ୍ମାଦିଷୁ ପ୍ରଲୀନେଷୁ ନଷ୍ଟେ ଲୋକେ ଚରାଚରେ।
ଆଭୂତସମ୍ପ୍ଲବେ ପ୍ରାପ୍ତେ ପ୍ରଲୀନେ ପ୍ରକୃତୌ ମହାନ୍॥ 2-43-15 (13087)
ଏକସ୍ମିଷ୍ଠତି ସର୍ବାତ୍ମା ସ ତୁ ନାରାଯଣଃ ପ୍ରଭୁଃ।
ନାରାଯଣସ୍ଯ ଚାଙ୍ଗାନି ସର୍ବଦୈବାନି ଭାରତ॥ 2-43-16 (13088)
ଶିରସ୍ତସ୍ଯ ଦିବଂ ରାଜନ୍ନାଭିଃ ଖଂ ଚରଣୌ ମହୀ।
ଅଶ୍ବିନୌ କର୍ଣଯୋର୍ଦେବୌ ଚକ୍ଷୁଷୀ ଶଶିଭାସ୍କରୌ॥ 2-43-17 (13089)
ଇନ୍ଦ୍ରବୈଶ୍ବାନରୌ ଦେବୌ ମୁଖଂ ତସ୍ଯ ମହାତ୍ମନଃ।
ଅନ୍ଯାନି ସର୍ବଦୈବାନି ସର୍ବାଙ୍ଗାନି ମହାତ୍ମନଃ॥ 2-43-18 (13090)
ସର୍ବଂ ଚାପି ହରୌ ସଂସ୍ଥଂ ସୂତ୍ରେ ମଣିଗଣା ଇବ।
ଆଭୂତସମ୍ପ୍ଲବାନ୍ତେଽଥ ଦୃଷ୍ଟ୍ବା ସର୍ବଂ ତମୋନ୍ବିତମ୍॥ 2-43-19 (13091)
ନାରାଯଣୋ ମହାଯୋଗୀ ସର୍ବଜ୍ଞଃ ପରମାତ୍ମବାନ୍।
ବ୍ରହ୍ମଭୂତସ୍ତଦାତ୍ମାନଂ ବ୍ରହ୍ମଣମସୃଜତ୍ସ୍ବଯମ୍॥ 2-43-20 (13092)
ସୋଽଧ୍ଯକ୍ଷଃ ସର୍ବଭୂତାନାଂ ପ୍ରଭୂତପ୍ରଭବୋଽଚ୍ଯୁତଃ।
ସନତ୍କୁମାରଂ ରୁଦ୍ରଂ ଚ ସପ୍ତର୍ଷୀଶ୍ଚ ତପୋଧନାତ୍॥ 2-43-21 (13093)
ସର୍ବମେବାସୃଜଦ୍ବ୍ରହ୍ମା ତଥା ଲୋକାଂସ୍ତଥା ପ୍ରଜାଃ।
ତେ ଚ ତଦ୍ବ୍ଯସୃଜଂସ୍ତତ୍ର ପ୍ରାପ୍ତକାଲେ ଯୁଧିଷ୍ଠିର॥ 2-43-22 (13094)
ତେଭ୍ଯୋଽଭବନ୍ମହାତ୍ମଭ୍ଯୋ ବହୁଧା ବ୍ରହ୍ମ ଶାଶ୍ବତମ୍।
କଲ୍ପାନାଂ ବହୁକୋଟ୍ଯଶ୍ଚସମତୀତାସ୍ତୁ ଭାରତ॥ 2-43-23 (13095)
ଆଭୂତସମ୍ପ୍ଲବାଶ୍ଚୈବ ବହୁଧାଽଦ୍ଧାଽପଚକ୍ରମୁଃ।
ମନ୍ବନ୍ତରଯୁଗା ରାଜନ୍ସଙ୍କଲ୍ପୋ ଭୂତସମ୍ପ୍ଲବାଃ॥ 2-43-24 (13096)
ଚକ୍ରବତ୍ପରିବର୍ତନ୍ତେ ସର୍ବଂ ବିଷମୁଖଂ ଜଗତ୍।
ସୃଷ୍ଟ୍ବା ଚତୁର୍ମୁଖଂ ଦେବଂ ଦେବୋ ନାରାଯଣଃ ପ୍ରଭୁଃ॥ 2-43-25 (13097)
ସ ଲୋକାନାଂ ହିତାର୍ଥାଯ କ୍ଷୀରୋଦେ ବସତି ପ୍ରଭୁଃ।
ବ୍ରହ୍ମା ଚ ସର୍ବଲୋକାନାଂ ଲୋକସ୍ଯ ଚ ପିତାମହଃ॥ 2-43-26 (13098)
ତତୋ ନାରାଯଣୋ ଦେବଃ ସର୍ବସ୍ଯ ପ୍ରପିତାମହଃ। ॥ 2-43-27 (13099)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅର୍ଘାହରଣପର୍ବଣି ତ୍ରିଚତ୍ବାରିଂଶୋଽଧ୍ଯାଯଃ॥ 43 ॥
Mahabharata - Sabha Parva - Chapter Footnotes
2-43-25 ବିଷମୁଖଂ ଜଲାଦିକମ୍॥ସଭାପର୍ବ - ଅଧ୍ଯାଯ 044
॥ ଶ୍ରୀଃ ॥
2.44. ଅଧ୍ଯାଯଃ 044
Mahabharata - Sabha Parva - Chapter Topics
ମଧୁକୈଟଭବଧକଥନମ୍॥ 1॥Mahabharata - Sabha Parva - Chapter Text
ଭୀଷ୍ମ ଉବାଚ।
ଅବ୍ଯକ୍ତୋ ବ୍ଯକ୍ତଲିଙ୍ଗସ୍ଥୋ ଯ ଏବ ଭଗବାନ୍ପ୍ରଭୁଃ।
ନରନାରାଯଣୋ ଭୂତ୍ବା ହରିରାସୀଦ୍ଯୁଧିଷ୍ଠିର॥ 2-44-1 (13100)
ବ୍ରହ୍ମା ଚ ଶକ୍ରଃ ସୂର୍ଯଶ୍ଚ ଧର୍ମଶ୍ଚୈବ ସନାତନଃ।
ବହୁଶଃ ସର୍ବଭୂତାତ୍ମା ପ୍ରାଦୁର୍ଭବତି କାର୍ଯତଃ।
ପ୍ରାଦୁର୍ଭାବାଂସ୍ତୁ ବକ୍ଷ୍ଯାମି ଦିବ୍ଯାନ୍ଦେବଗଣୈର୍ଯୁତାନ୍। 2-44-2 (13101)
ସୁପ୍ତ୍ବା ଯୁଗସହସ୍ରଂ ସ ପ୍ରାଦୁର୍ଭବତି କାର୍ଯବାନ୍।
ଅନେକବହୁସାହସ୍ରୈର୍ଦେବଦେବୋ ଜଗତ୍ପତିଃ॥ 2-44-3 (13102)
ବ୍ରହ୍ମାଣଂ କପିଲଂ ଚୈବ ପରମେଷ୍ଠିଂ ତଥୈବ ଚ।
ଦେବାନ୍ସପ୍ତର୍ଷିଭିଶ୍ଚୈବ ଶଙ୍କରଂ ଚ ମହାଯଶାଃ॥ 2-44-4 (13103)
ସନତ୍କୁମାରଂ ଭଗବାନ୍ମନୁଂ ଚୈବ ପ୍ରଜାପତିମ୍।
ପୁରା ଚକ୍ରେ ଚ ଦେବାଦିଃ ପ୍ରଦୀପ୍ତାଗ୍ନିସମପ୍ରଭଃ॥ 2-44-5 (13104)
ଯେନ ଚାର୍ଣବମଧ୍ଯସ୍ଥୌ ନଷ୍ଟେସ୍ଥାବରଜଙ୍ଗମେ।
ନଷ୍ଟଦେବାସୁରବରେ ପ୍ରନଷ୍ଟୋରଗରାକ୍ଷସେ॥ 2-44-6 (13105)
ଯୋଦ୍ଧୁକାମୌ ସୁଦୁର୍ଧର୍ଷୌ ଭ୍ରାତରୌ ମଧୁକୈଠଭୌ।
ହତୌ ଭଗବତା ତେନ ତତୋ ଦତ୍ତ୍ବା ବରଂ ପରମ୍॥ 2-44-7 (13106)
ଭୂମିଂ ବଦ୍ଧ୍ବା କୃତୌ ପୂର୍ବାବଜେଯୌ ଦ୍ବୌ ମହାଽସୁରୌ।
ତୌ କର୍ଣମଲସଂଭୂତୌ ବିଷ୍ଣୋସ୍ତସ୍ଯ ମହାତ୍ମନଃ॥ 2-44-8 (13107)
ମହାର୍ଣବେ ପ୍ରସ୍ବପତଃ ଶୈଲରାଜସମୌ ସ୍ଥିତୌ।
ତୌ ବିବେଶ ସ୍ବଯଂ ବାଯୁର୍ବ୍ରହ୍ମଣା ସାଧୁ ଚୋଦିତଃ॥ 2-44-9 (13108)
ତୌ ଦିବଂ ଛାଦଯିତ୍ବା ତୁ ବବୃଧାତେ ମହାଽସୁରୌ।
ବାଯୁପ୍ରମାଣୌ ତୌ ଦୃଷ୍ଟ୍ବା ବ୍ରହ୍ମା ପର୍ଯମୃଶଚ୍ଛନୈଃ॥ 2-44-10 (13109)
ଏକଂ ମୃଦୁତରଂ ବେତ୍ତି କଠିନଂ ବେତ୍ତି ଚାପରମ୍।
ନାମନୀ ତୁ ତଯୋଶ୍ଚକେ ସବିତା ସଲିଲୋଦ୍ଭବଃ॥ 2-44-11 (13110)
ମୃଦୁସ୍ତ୍ବଯଂ ମଧୁର୍ନାମ କଠିନଃ କୈଠଭଃ ସ୍ବଯମ୍।
ତୌ ଦୈତ୍ଯୌ କୃତନାମାନୌ ଚେରତୁର୍ବଲଗର୍ବିତୌ॥ 2-44-12 (13111)
ତୌ ପୁରାଽଥ ଦିବଂ ସର୍ବାଂ ପ୍ରାପ୍ତୌ ରାଜନ୍ମହାସୁରୌ।
ପ୍ରଚ୍ଛାଦ୍ଯାଥ ଦିବଂ ସର୍ବାଂ ଚେରତୁର୍ମଧୁକୈଠଭୌ॥ 2-44-13 (13112)
ସର୍ବମେକାର୍ଣବଂ ଲୋକଂ ଯୋଦ୍ଧୁକାମୌ ସୁନିର୍ଭଯୌ।
ତୌ ଗତାବସୁରୌ ଦୃଷ୍ଟ୍ବା ବ୍ରହ୍ମା ଲୋକପିତାମହଃ॥ 2-44-14 (13113)
ଏକାର୍ଣବାମ୍ବୁନିଚଯେ ତତ୍ରୈବାନ୍ତରଧୀଯତ।
ସ ପଦ୍ମାତ୍ପଦ୍ମନାଭସ୍ଯ ନାଭିଦେଶାତ୍ସମୁତ୍ଥିତାତ୍॥ 2-44-15 (13114)
ଆସସାଦ ସ୍ବଯଂ ଜନ୍ମ ତତ୍ପଙ୍କଜମପଙ୍କଜମ୍।
ପୂଜଯାମାସ ବସତିଂ ବ୍ରହ୍ମା ଲୋକପିତାମହଃ॥ 2-44-16 (13115)
ତାବୁଭୌ ଜଲଗର୍ଭସ୍ଥୌ ନାରାଯଣଚତୁର୍ମୁଖୌ।
ବହୂନ୍ବର୍ଷାଯୁତାନପ୍ସୁ ଶଯାନୌ ନ ଚ କମ୍ପିତୌ॥ 2-44-17 (13116)
ଅଥ ଦୀର୍ଘସ୍ଯ କାଲସ୍ଯ ତାବୁଭୌ ମଧୁକୈଠଭୌ।
ଆଜଗ୍ମତୁସ୍ତୌ ତଂ ଦେଶଂ ଯତ୍ର ବ୍ରହ୍ମା ବ୍ଯବସ୍ଥିତଃ॥ 2-44-18 (13117)
ତୌ ଦୃଷ୍ଟ୍ବା ଲୋକନାଥସ୍ତୁ ରୋଷାତ୍ସଂରକ୍ତଲୋଚନଃ।
ଉତ୍ପପାତାଥ ଶଯନାତ୍ପଦ୍ମନାଭୋ ମହାଦ୍ଯୁତିଃ॥ 2-44-19 (13118)
ତଦ୍ଯୁଦ୍ଧମଭବଦ୍ଘୋରଂ ତଯୋସ୍ତସ୍ଯ ଚ ଭାରତ।
ଏକାର୍ଣବେ ତଦା ଘୋରେ ତ୍ରୈଲୋକ୍ଯେ ଜଲତାଂ ଗତେ॥ 2-44-20 (13119)
ତଦଭୂତ୍ତୁମୁଲଂ ଯୁଦ୍ଧଂ ବର୍ଷସଙ୍ଖ୍ଯାସହସ୍ରଶଃ।
ନ ଚ ତାବସୁରୌ ଯୁଦ୍ଧେ ତଦା ଶ୍ରମମବାପତୁଃ॥ 2-44-21 (13120)
ଅଥ ଦୀର୍ଘସ୍ଯ କାଲସ୍ଯ ତୌ ଦୈତ୍ଯୌ ଯୁଦ୍ଧଦୁର୍ମଦୌ।
ଊଚତୁଃ ପ୍ରୀତମନସୌ ଦେବଂ ନାରାଯଣଂ ପ୍ରଭୁମ୍॥ 2-44-22 (13121)
ପ୍ରୀତୌ ସ୍ବସ୍ତବ ଯୁଦ୍ଧେନ ଶ୍ଲାଘ୍ଯସ୍ତ୍ବଂ ମୃତ୍ଯୁରାବଯୋଃ।
ଆବାଂ ଜହି ନ ଯତ୍ରୋର୍ବା ସଲିଲେନ ପିରପ୍ଲୁତା॥ 2-44-23 (13122)
ହତୌ ଚ ତବ ପୁତ୍ରତ୍ବଂ ପ୍ରାପ୍ନୁଯାବ ସୁରୋତ୍ତମ।
ଯୋ ହ୍ଯାନାଂ ଯୁଧି ନିର୍ଜେତା ତସ୍ଯାବାଂ ବିହିତୌ ସୁତୌ॥ 2-44-24 (13123)
ତଯୋସ୍ତୁ ବଚନଂ ଶ୍ରୁତ୍ବା ତଦା ନାରାଯଣଃ ପ୍ରଭୁଃ।
ତୌ ପ୍ରହସ୍ଯ ମୃଧେ ଦୈତ୍ଯୌ ଦୋର୍ଭ୍ଯାଂ ଚ ସମପୀଡଯମ୍॥ 2-44-25 (13124)
ଊରୁଭ୍ଯାଂ ନିଧନଂ ଚକ୍ରେ ତାବୁଭୌ ମଧୁକୈଠବୌ।
ତୌ ହତୌ ଚାପ୍ଲୁତୌ ତୋଯେ ବପୁର୍ଭ୍ଯାମେକତାଂ ଗତୌ॥ 2-44-26 (13125)
ମେଦୋ ମୁମୁଚତୁର୍ଦୈତ୍ଯୌ ମଜ୍ଜମାନୌ ଜଲୋର୍ମିଭିଃ।
ମେଦସା ତଜ୍ଜଲଂ ବ୍ଯାପ୍ତଂ ତାଭ୍ଯାମନ୍ତର୍ଦଧେ ତଦା॥ 2-44-27 (13126)
ନାରାଯଣଶ୍ଚ ଭଗବାନସୃଜଦ୍ବିବିଧାଃ ପ୍ରଜାଃ।
ଦୈତ୍ଯଯୋର୍ମେଦସା ଛନ୍ନା ସର୍ବା ରାଜନ୍ବସୁନ୍ଧରା॥ 2-44-28 (13127)
ତଦାପ୍ରଭୃତି କୌନ୍ତେଯ ମେଦିନୀତି ସ୍ମୃତା ମହୀ।
ପ୍ରଭାବାତ୍ପଦ୍ମନାଭସ୍ଯ ଶାଶ୍ବତୀ ଚ କୃତା ନୃଣାମ୍॥ ॥ 2-44-29 (13128)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅର୍ଘାହରଣପର୍ବଣି ଚତୁଶ୍ଚତ୍ବାରିଂଶୋଽଧ୍ଯାଯଃ॥ 44॥
ସଭାପର୍ବ - ଅଧ୍ଯାଯ 045
॥ ଶ୍ରୀଃ ॥
2.45. ଅଧ୍ଯାଯଃ 045
Mahabharata - Sabha Parva - Chapter Topics
ବରାହାବତାରକଥନମ୍॥ 1॥Mahabharata - Sabha Parva - Chapter Text
ଭୀଷ୍ମ ଉବାଚ॥
ପ୍ରାଦୁର୍ଭାବସହସ୍ରାଣି ସମତୀତାନ୍ଯନେକଶଃ।
ଯଥାଶକ୍ତି ତୁ ବକ୍ଷ୍ଯାମି ଶୃଣୁ ତାନ୍କୁରୁନନ୍ଦନ॥ 2-45-1 (13129)
ପୁରା କମଲନାଭସ୍ଯ ସ୍ବପତଃ ସାଗରାମ୍ଭସି।
ପୁଷ୍କରେ ଯତ୍ର ସମ୍ଭୂତା ଦେବା ଋଷିଗଣୈଃ ସହ॥ 2-45-2 (13130)
ଏଷ ପୌଷ୍କରିକୋ ନାମ ପ୍ରାଦୁର୍ଭାବଃ ପ୍ରକୀର୍ତିତଃ।
ପୁରାଣୈଃ କଥ୍ଯତେ ଯତ୍ର ବେଦଶ୍ରୁତିସମାହିତଃ॥ 2-45-3 (13131)
ବାରାହସ୍ତୁ ଶ୍ରୁତିସୁଖଃ ପ୍ରାଦୁର୍ଭାବୋ ମହାତ୍ମନଃ।
ଯତ୍ର ବିଷ୍ଣୁଃ ସୁରଶ୍ରେଷ୍ଠୋ ବାରାହଂ ରୂପମାସ୍ଥିତଃ॥ 2-45-4 (13132)
ଉଜ୍ଜହାର ମହୀଂ ତୋଯାତ୍ସଶୈଲବନକାନନାମ୍।
ବେଦପାଦୋ ଯୂପଦଂଷ୍ଟ୍ରଃ କ୍ରତୁର୍ଦନ୍ତଶ୍ଚିତୀମୁଖଃ॥ 2-45-5 (13133)
ଅଗ୍ନିଜିହ୍ବୋ ଦର୍ଭରୋମା ବ୍ରହ୍ମଶୀର୍ଷୋ ମହାତପାଃ।
ଅହୋରାତ୍ରେକ୍ଷଣୋ ଦିବ୍ଯୋ ବେଦାଙ୍ଗଃ ଶ୍ରୁତିଭୂଷଣଃ॥ 2-45-6 (13134)
ଆଜ୍ଯନାସଃ ସ୍ରୁବଂ ତୁଣ୍ଡଂ ସାମଘୋଷସ୍ବନୋ ମହାନ୍।
ଧର୍ମସତ୍ଯମଯଃ ଶ୍ରୀମାନ୍କର୍ମବିକ୍ରମସତ୍କୃତଃ॥ 2-45-7 (13135)
ପ୍ରାଯଶ୍ଚିତ୍ତମୁଖୋ ଧୀରଃ ପଶୁଜାନୁର୍ମହାବୃଷଃ।
ଔଦ୍ଗାତ୍ରହୋମଲିଙ୍ଗୋଽସୌ ପଶୁବୀଜମହୌଷଧିଃ॥ 2-45-8 (13136)
ବାହ୍ଯନ୍ତରାତ୍ମା ମନ୍ତ୍ରାସ୍ଥିବିକୃତଃ ସୌମ୍ଯଦର୍ଶନଃ।
ବେଦିସ୍କନ୍ଧୋ ହବିର୍ଗନ୍ଧୋ ହବ୍ଯକବ୍ଯାଭିବେଗବାନ୍॥ 2-45-9 (13137)
ପ୍ରାଗ୍ବଂଶକାଯୋ ଦ୍ଯୁତିମାନ୍ନାନାଦୀକ୍ଷାଭିରୂର୍ଜିତଃ।
ଦକ୍ଷିଣାହୃଦଯୋ ଯୋଗୀ ମହାଶାସ୍ତ୍ରମଯୋ ମହାନ୍॥ 2-45-10 (13138)
ଉପାକର୍ମୋଷ୍ଠରୁଚକଃ ପ୍ରାବର୍ଗ୍ଯାବର୍ତଭୂଷଣଃ।
ଶାଲାପତ୍ନୀସହାଯୋ ବୈ ମଣିଶୃଙ୍ଗସମୁଚ୍ଛ୍ରିତଃ॥ 2-45-11 (13139)
ଏବଂ ଯଜ୍ଞବରାହୋ ବୈ ଭୂତ୍ବା ବିଷ୍ଣୁଃ ସନାତନଃ।
ମହୀଂ ସାଗରପର୍ଯନ୍ତାଂ ସଶୈଲବନକାନନାମ୍॥ 2-45-12 (13140)
ଏକାର୍ଣବଜଲେ ଭ୍ରଷ୍ଟାମେକାର୍ଣବଗତଃ ପ୍ରଭୁଃ।
ମଜ୍ଜନ୍ତୀଂ ସଲିଲେ ତସ୍ମିନ୍ସ୍ବଦେବୀଂ ପୃଥିବୀଂ ତଦା॥ 2-45-13 (13141)
ଉଜ୍ଜହାର ବିଷାଣେନ ମାର୍ଗଣ୍ଡେଯସ୍ଯ ପଶ୍ଯତଃ।
ଶୃଙ୍ଗେଣ ଯଃ ସମୁଦ୍ଧୃତ୍ଯ ଲୋକାନାଂ ହିତକାମ୍ଯଯା॥ 2-45-14 (13142)
ସହସ୍ରଶୀର୍ଷୋ ଦେବେଶୋ ନିର୍ମମେ ଜଗତୀଂ ପ୍ରଭୁଃ।
ଏବଂ ଯଜ୍ଞବରାହେଣ ଭୂତଭବ୍ଯଭାତ୍ମନା॥ 2-45-15 (13143)
ଉଦ୍ଧୃତା ପୃଥିବୀ ଦେବୀ ପୂଜ୍ଯା ବୈ ସାଗରାମ୍ବରା।
ନିହତା ଦାନବାଃ ସର୍ବେ ଦେବଦେବେନ ବିଷ୍ଣୁନା॥ 2-45-16 (13144)
ବାରାହଃ କଥିତୋ ହ୍ଯେଷ ନାରସିଂହମତୋ ଶୃଣୁ।
ଯତ୍ର ଭୂତ୍ବା ମୃଗେନ୍ଦ୍ରେଣ ହିରଣ୍ଯକଶିପୁର୍ହତଃ॥ ॥ 2-45-17 (13145)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅର୍ଘାହରଣପର୍ବଣି ପଞ୍ଚଚତ୍ବାରିଂଶୋଽଧ୍ଯାଯଃ॥ 45 ॥
ସଭାପର୍ବ - ଅଧ୍ଯାଯ 046
॥ ଶ୍ରୀଃ ॥
2.46. ଅଧ୍ଯାଯଃ 046
Mahabharata - Sabha Parva - Chapter Topics
ହିରଣ୍ଯକଶିପୁନା ସମୁଦ୍ରେ ତପଶ୍ରରଣମ୍॥ 1॥ ତପଃ ପ୍ରସନ୍ନେନ ବ୍ରହ୍ମଣା ତସ୍ମୈ ବରଦାନମ୍॥2॥ ତସ୍ଯ ବରପ୍ରାପ୍ତ୍ଯା ଭୀତାନାଂ ଦେବାନାଂ ବ୍ରହ୍ମଣା ପରିସାନ୍ତ୍ବନମ୍॥ 3॥ ହିରଣ୍ଯକଶଇପୁନା ତ୍ରୈଲୋକ୍ଯପୀଡନେ ଆତ୍ମାନଂ ଶରଣଂ ଗତାନାଂ ଦେବାନାଂ ଶ୍ରୀହରିଣାଽଭଯପ୍ ରଦାନମ୍॥ 4॥ ନୃସିଂହରୂପିଣା ହରିଣା ହିରଣ୍ଯକଶିପୁହନନମ୍॥ 5॥Mahabharata - Sabha Parva - Chapter Text
ଭୀଷ୍ମ ଉବାଚ।
ଦୈତ୍ଯେନ୍ଦ୍ରୋ ବଲବାନ୍ତ୍ରାଜନ୍ସୁରାରିର୍ବଲଗର୍ବିତଃ।
ହିରଣ୍ଯକଶିପୁର୍ନାମ ଆସୀତ୍ରୈଲୋକ୍ଯକଣ୍ଟକଃ॥ 2-46-1 (13146)
ଦୈତ୍ଯାନାମାଦିପୁରୁଷୋ ବୀର୍ଯେଣାପ୍ରତିମୋ ବଲୀ।
ପ୍ରବିଶ୍ଯ ଜଲଧଂ ରାଜଂଶ୍ଚକାର ତପ ଉତ୍ତମମ୍॥ 2-46-2 (13147)
ଦଶବର୍ଷସହସ୍ରାଣି ଶତାନି ଦଶ ପଞ୍ଚ ଚ।
ବ୍ରତୋପବାସତସ୍ତସ୍ଥୌ ସ୍ଯାଣୁମୌନବ୍ରତୋ ଦୃଢଃ॥ 2-46-3 (13148)
ତତଃ ଶମଦମାଭ୍ଯାଂ ଚ ବ୍ରହ୍ମଚର୍ଯେଣ ଚାନଘ।
ବ୍ରହ୍ମା ପ୍ରୀତମନାସ୍ତସ୍ଯ ତପସା ନିଯମେନ ଚ॥ 2-46-4 (13149)
ତତଃ ସ୍ବଯମ୍ଭୂର୍ଭଗବାନ୍ସ୍ବଯମାଗମ୍ଯ ଭୂପତେ।
ବିମାନେନାର୍କବର୍ଣେନ ହଂସଯୁକ୍ତେନ ଭାସ୍ବତା॥ 2-46-5 (13150)
ଆଦିତ୍ଯୈର୍ବସୁଭିଃ ସାଧ୍ଯୈର୍ମରୁଦ୍ଭିର୍ଦୈବତୈସ୍ତଥା।
ରୁଦ୍ରୈର୍ବିଶ୍ବସହାଯୈଶ୍ଚ ଯକ୍ଷରାକ୍ଷସକିନ୍ନରୈଃ॥ 2-46-6 (13151)
ଦିଶାଭିର୍ବିଦିଶାଭିଶ୍ଚ ନଦୀଭିଃ ସାଗରୈଃ ସହ।
ନକ୍ଷତ୍ରୈଶ୍ଚ ମୁହୂର୍ତୈଶ୍ଚ ଖେଚରୈଶ୍ଚାପରୈର୍ଗ୍ରହୈଃ॥ 2-46-7 (13152)
ଦେବର୍ଷିଭିସ୍ତପୋଯୁକ୍ତୈଃ ସିଦ୍ଧୈଃ ସପ୍ତର୍ଷିଭିସ୍ତଦା।
ରାଜର୍ଷିଭିଃ ପୁଣ୍ଯତମୈର୍ଗନ୍ଧର୍ବୈରପ୍ସରୋଗଣୈଃ॥ 2-46-8 (13153)
ଚରାଚରଗୁରୁଃ ଶ୍ରୀମାନ୍ବୃତଃ ସର୍ବସୁରୈସ୍ତଥା।
ବ୍ରହ୍ମା ବ୍ରହ୍ମବିଦାଂ ଶ୍ରେଷ୍ଠୋ ଦୈତ୍ଯମାଗମ୍ଯ ଚାବ୍ରବୀତ୍॥ 2-46-9 (13154)
ପ୍ରୀତୋଽସ୍ମି ତବ ଭକ୍ତସ୍ଯ ତପସାଽନେନ ସୁବ୍ରତ।
ବରଂ ବରଯ ଭଦ୍ରଂ ତେ ଯଥେଷ୍ଟଂ କାମମାପ୍ନୁହି॥ 2-46-10 (13155)
ହିରଣ୍ଯକଶିପୁରୁବାଚ। 2-46-11x (1465)
ନ ଦେବା ନ ଚ ଗନ୍ଧର୍ବା ନ ଯକ୍ଷୋରଗରାକ୍ଷସାଃ।
ନ ମାନୁଷାଃ ପିଶାଚାଶ୍ଚ ହନ୍ଯୁର୍ମାଂ ଦେବସତ୍ତମ॥ 2-46-11 (13156)
ଋଷଯୋ ବା ନ ମାଂ ଶାପୈଃ କ୍ରୁଦ୍ଧା ଲୋକପିତାମହ।
ଶପେଯୁସ୍ତପସା ଯୁକ୍ତା ବର ଏଷ ବୃତୋ ମଯା॥ 2-46-12 (13157)
ନ ଶସ୍ତ୍ରେଣ ନଚାସ୍ତ୍ରେଣ ଗିରିଣା ପାଦପେନ ଚ।
ନ ଶୁଷ୍କେଣ ନ ଚାର୍ଦେଣ ସ୍ଯାନ୍ନ ବାଽନ୍ଯେନ ମେ ବଧଃ॥ 2-46-13 (13158)
ନାକାଶେ ନାଥ ଭୂମୌ ବା ରାତ୍ରୌ ବା ଦିବସେପି ବା।
ନାନ୍ତର୍ବା ନ ବହିର୍ବାପି ସ୍ଯାଦ୍ବଧୋ ମେ ପିତାମହ॥ 2-46-14 (13159)
ପଶୁଭିର୍ବା ମୃଗୈର୍ନ ସ୍ଯାତ୍ପକ୍ଷିଭିର୍ବା ସରୀସୃପୈଃ।
ଦଦାସି ଚେଦ୍ବରାନେତନ୍ଦେବଦେବ ବୃଣୋମ୍ଯହମ୍।। 2-46-15 (13160)
ବ୍ରହ୍ମୋବାଚ। 2-46-16x (1466)
ଏତେ ଦିବ୍ଯା ବରାସ୍ତାତ ମଯା ଦତ୍ତାସ୍ତବାଦ୍ଭୁତାଃ।
ସର୍ବକାମବରାଂସ୍ତାତ ପ୍ରାପ୍ସ୍ଯସି ତ୍ବମସଂଶଯମ୍॥ 2-46-16 (13161)
ଏବମୁକ୍ତ୍ବା ସ ଭଗବାଞ୍ଜଗାମାକାଶମେବ ହି।
ରରାଜ ବ୍ରହ୍ମଲୋକେ ହି ବ୍ରହ୍ମର୍ଷିଗଣସେବିତଃ॥ 2-46-17 (13162)
ତତୋ ଦେବାଶ୍ଚ ନାଗାଶ୍ଚ ଗନ୍ଧର୍ବା ମୁନଯସ୍ତଥା।
ବରପ୍ରଦାନଂ ଶ୍ରୁତ୍ବୈବ ତେ ବ୍ରହ୍ମାଣମୁପସ୍ଥିତଃ॥ 2-46-18 (13163)
ଦେବା ଊଚୁଃ। 2-46-19x (1467)
ବରେଣାନେ ଭଗବନ୍ବାଧିଷ୍ଯତି ସ ନୋଽସୁରଃ।
ତତ୍ପ୍ରସୀଦସ୍ବ ଭଗବନ୍ବଧୋପାଯୋଽସ୍ଯ ଚିନ୍ତ୍ଯତାମ୍॥ 2-46-19 (13164)
ଭୀଷ୍ମ ଉବାଚ॥ 2-46-20x (1468)
ତତୋ ଲୋକହିତଂ ବାକ୍ଯଂ ଶ୍ରୁତ୍ବା ଦେବଃ ପ୍ରଜାପତିଃ।
ପ୍ରୋବାଚ ଭଗବାନ୍ବାକ୍ଯଂ ସର୍ବଦେବଗଣାଂସ୍ତଦା॥ 2-46-20 (13165)
ଅବଶ୍ଯଂ ତ୍ରିଦଶାସ୍ତେନ ପ୍ରାପ୍ତବ୍ଯଂ ତପସଃ ଫଲମ୍।
ତପସୋଽନ୍ତେଽସ୍ଯ ଭଗବାନ୍ବଧଂ କୃଷ୍ଣଃ କରିଷ୍ଯତି॥ 2-46-21 (13166)
ଏତଚ୍ଛ୍ରୁତ୍ବା ସୁରାଃ ସର୍ବେ ବ୍ରହ୍ମଣା ତସ୍ଯ ବୈ ବଧମ୍।
ସ୍ବାନି ସ୍ଥାନାନି ଦିବ୍ଯାନି ଜଗ୍ମୁସ୍ତେ ବୈ ମୁଦାନ୍ବିତାଃ॥ 2-46-22 (13167)
ଲବ୍ଧମାତ୍ରେ ବରେ ଚାପି ସର୍ବାସ୍ତା ବାଧତେ ପ୍ରଜାଃ।
ହିରଣ୍ଯକଶିପୁର୍ଦୈତ୍ଯୋ ବରଦାନେନ ଦର୍ପିତଃ॥ 2-46-23 (13168)
ରାଜ୍ଯଂ ଚକାର ଦୈତ୍ଯେନ୍ଦ୍ରୋ ଦୈତ୍ଯସଙ୍ଘୈଃ ସମାବୃତଃ।
ସପ୍ତଦ୍ବୀପାନ୍ବଶେଚକେ ଲୋକାଲୋକାନ୍ତରଂ ବଲାତ୍॥ 2-46-24 (13169)
ଦିବ୍ଯଭୋଗାନ୍ସମସ୍ତାନ୍ବୈ ଲୋକେ ସର୍ବାନବାପ ସଃ।
ଦେବାଂସ୍ତ୍ରିଭୁବନସ୍ଥାଂସ୍ତୁ ପରାଜିତ୍ଯ ମହାସୁରଃ॥ 2-46-25 (13170)
ତ୍ରୈଲୋକ୍ଯଂ ବଶମାନୀଯ ସ୍ବର୍ଗେ ବସତି ଦାନବଃ।
ଯଦା ବରମଦୋନ୍ମତ୍ତୋ ନ୍ଯବସଦ୍ଦାନବୋ ଦିବି॥ 2-46-26 (13171)
ଅଥ ଲୋକାନ୍ସଗସ୍ତାଂଶ୍ଚ ବିଜିତ୍ଯ ସ ମହାବଲଃ।
ଭବେଯମହମେବେନ୍ଦ୍ରଃ ସୋମୋଽଗ୍ନିର୍ମାରୁତୋ ରବିଃ॥ 2-46-27 (13172)
ସଲିଲଂ ଚାନ୍ତରିକ୍ଷଂ ଚ ନକ୍ଷତ୍ରାଣି ଦିଶୋ ଦଶ।
ଅହଂ କ୍ରୋଧଶ୍ଚ କାମଶ୍ଚ ବରୁଣୋ ବସବୋଽର୍ଯମା॥ 2-46-28 (13173)
ଧନଦଶ୍ଚ ଧନାଧ୍ଯକ୍ଷୋ ଯକ୍ଷକିମ୍ପୁରୁଷାଧିପଃ।
ଏତେ ଭବେଯମିତ୍ଯୁକ୍ତ୍ବା ସ୍ବଯଂ ଭୂତ୍ବା ବଲାତ୍ସ ଚ॥ 2-46-29 (13174)
ଏଷାଂ ଗୃହୀତ୍ବା ସ୍ଥାନାନି ତେଷାଂ କାର୍ଯାଣ୍ଯବାପ ସଃ।
ଇଜ୍ଯଶ୍ଚାସୀନ୍ମଖବରୈର୍ଦେବକିନ୍ନରସତ୍ତମୈଃ॥ 2-46-30 (13175)
ନରକସ୍ଥାନ୍ସମାନୀଯ ସ୍ବର୍ଗସ୍ଥାଂଶ୍ଚ ଚକାର ସଃ।
ଏବମାଦୀନି କର୍ମାଣି କୃତ୍ବା ଦୈତ୍ଯପତିର୍ବଲୀ॥ 2-46-31 (13176)
ଆଶ୍ରମେଷୁ ମହାଭାଗାନ୍ମୁନୀନ୍ବୈ ଶଂସିତବ୍ରତାନ୍।
ସତ୍ଯଧର୍ମପରାନ୍ଦାନ୍ତାନ୍ପୁରା ଧର୍ଷିତବାଂସ୍ତୁ ସଃ॥ 2-46-32 (13177)
ଯାଜ୍ଞୀଯାନ୍କୃତବାନ୍ଦୈତ୍ଯନ୍ଯାଜକାଂଶ୍ଚୈବ ଦେବତାଃ।
ଯତ୍ରଯତ୍ର ସୁରା ଜଗ୍ମୁସ୍ତତ୍ରତତ୍ର ବ୍ରଜତ୍ଯୁତ॥ 2-46-33 (13178)
ସ୍ଥାନାନି ଦେବତାନାଂ ତୁ ହୃତ୍ବା ରାଜ୍ଯମକାରଯତ୍।
ପଞ୍ଚକୋଟ୍ଯଶ୍ଚ ବର୍ଷାଣି ଅଯୁତାନ୍ଯେକଷଷ୍ଟି ଚ॥ 2-46-34 (13179)
ଷଷ୍ଟିଶ୍ଚୈବ ସହସ୍ରାଣାଂ ଜଗ୍ମୁସ୍ତସ୍ଯ ଦୁରାତ୍ମନଃ।
ଏତଦ୍ବର୍ଷଂ ସ ଦୈତ୍ଯେନ୍ଦ୍ରୋ ଭୋଗୈଶ୍ଚର୍ଯମବାପ ସଃ॥ 2-46-35 (13180)
ତେନାତିବାଧ୍ଯମାନାସ୍ତେ ଦୈତ୍ଯେନ୍ଦ୍ରେଣ ବଲୀଯସା।
ବ୍ରହ୍ମଲୋକଂ ସୁରା ଜଗ୍ମୁଃ ଶର୍ବଶକ୍ରପୁରୋଗମାଃ॥ 2-46-36 (13181)
ପିତାମହଂ ସମାସାଦ୍ଯ ଖିନ୍ନାଃ ପ୍ରାଞ୍ଜଲଯୋଽବ୍ରୁବନ୍ ॥ 2-46-37 (13182)
ଦେବା ଊଚୁଃ। 2-46-38x (1469)
ଭଗବନ୍ଭୂତଭବ୍ଯେଶ ନସ୍ତ୍ରାଯସ୍ବ ଇହାଗତାନ୍।
ଭଯଂ ଦିତିସୁତାଦ୍ଘୋରାଦ୍ଭବତ୍ଯଦ୍ଯ ଦିବାନିଶମ୍॥ 2-46-38 (13183)
ଭଗବନ୍ସର୍ବଦୈତ୍ଯାନାଂ ସ୍ବଯମ୍ଭୂରାଦିକୃତ୍ପ୍ରଭୁଃ।
ସ୍ରଷ୍ଟା ତ୍ବଂ ହବ୍ଯକବ୍ଯାନାମବ୍ଯକ୍ତଃ ପ୍ରକୃତିର୍ଧ୍ରୁବଃ॥ 2-46-39 (13184)
ବ୍ରହ୍ମୋବାଚ। 2-46-40x (1470)
ଶ୍ରୂଯତାମାପଦେବଂ ହି ଦୁର୍ବିଜ୍ଞେଯା ମଯାପି ଚ।
ନାରାଯଣସ୍ତୁ ପୁରୁଷୋ ବିଶ୍ବରୂପୋ ମହାଦ୍ଯୁତିଃ॥ 2-46-40 (13185)
ଅବ୍ଯକ୍ତଃ ସର୍ବଭୂତାନାମଚିନ୍ତ୍ଯୋ ବିଭୁରବ୍ଯଯଃ।
ମମାପି ସ ତୁ ଯୁଷ୍ମାକଂ ବ୍ଯସନେ ପରମା ଗତିଃ॥ 2-46-41 (13186)
ନାରାଯଣଃ ପରୋଽବ୍ଯକ୍ତାଦହମବ୍ଯକ୍ତସମ୍ଭବଃ।
ମତ୍ତୋ ଜଜ୍ଞୁଃ ପ୍ରଜା ଲୋକାଃ ସର୍ବେ ଦେବାସୁରାଶ୍ଚ ତେ॥ 2-46-42 (13187)
ଦେବା ଯଥାହଂ ଯୁଷ୍ମାକଂ ତଥା ନାରାଯଣୋ ମମ।
ପିତାମହୋଽହଂ ସର୍ବସ୍ଯ ସ ବିଷ୍ଣୁଃ ପ୍ରପିତାମହଃ॥ 2-46-43 (13188)
ନିଶ୍ଚିତଂ ବିଷୁଧା ଦୈତ୍ଯଂ ସ ବିଷ୍ଣୁସ୍ତଂ ହନିଷ୍ଯତି।
ତସ୍ଯ ନାସ୍ତି ନ ଶକ୍ଯଂ ଚ ତସ୍ମାଦ୍ବ୍ରଜତ ମାଚିରମ୍॥ 2-46-44 (13189)
ଭୀଷ୍ମ ଉବାଚ॥ 2-46-45x (1471)
ପିତାମହବଚଃ ଶ୍ରୁତ୍ବା ସର୍ବେ ତେ ଭରତର୍ଷଭ।
ବିବୁଧା ବ୍ରହ୍ମଣା ସାର୍ଧଂ ଜଗ୍ମୁଃ କ୍ଷୀରୋଦଧିଂ ପ୍ରତି॥ 2-46-45 (13190)
ଆଦିତ୍ଯା ବସବଃ ସାଧ୍ଯା ବିଶ୍ବେ ଚ ମରୁତସ୍ତଥା।
ରୁଦ୍ରା ମହର୍ଷଯଶ୍ଚୈବ ଅଶ୍ବିନୌ ଚ ସୁରୂପିଣୌ॥ 2-46-46 (13191)
ଅନ୍ଯେ ଚ ଦିବ୍ଯା ଯେ ରାଜଂସ୍ତେ ସର୍ବେ ସଗଣାଃ ସୁରାଃ।
ଚତୁର୍ମୁଖଂ ପୁରସ୍କୃତ୍ଯ ଶ୍ବେତଦ୍ବୀପମୁପାଗତାଃ॥ 2-46-47 (13192)
ଦେବା ଊଚୁଃ। 2-46-48x (1472)
ତ୍ରାଯସ୍ବ ନୋଽଦ୍ଯ ଦେବେଶ ହିରଣ୍ଯକଶିପୋର୍ବଧାତ୍।
ତ୍ବଂ ହି ନଃ ପରମୋ ଧାତା ବ୍ରହ୍ମାଦୀନାଂ ସୁରୋତ୍ତମ॥ 2-46-48 (13193)
ଉତ୍ଫୁଲ୍ଲାମ୍ବୁଜପତ୍ରାକ୍ଷ ଶତ୍ରୁପକ୍ଷଭଯଙ୍କର।
କ୍ଷଯାଯ ଦିତିବଂଶସ୍ଯ ଶରଣଂ ତ୍ବଂ ଭବିଷ୍ଯସି॥ 2-46-49 (13194)
ଭୀଷ୍ଣ ଉବାଚ॥ 2-46-50x (1473)
ତଦ୍ଦେବାନାଂ ବଚଃ ଶ୍ରୁତ୍ବା ତଦା ବିଷ୍ଣୁଃ ଶୁଚିଶ୍ରବାଃ।
ଅଦୃଶ୍ଯଃ ସର୍ବଭୂତାତ୍ମା ବକ୍ତୁମେବୋପଚକ୍ରମେ॥ 2-46-50 (13195)
ବିଷ୍ଣୁରୁବାଚ॥ 2-46-51x (1474)
ଭଯଂ ତ୍ଯଜଧ୍ବମମରା ଅଭଯଂ ବୋ ଦଦାମ୍ଯହମ୍।
ତଦେବ ତ୍ରିଦିବଂ ଦେବାଃ ପ୍ରତିପଦ୍ଯତ ମାଚିରମ୍॥ 2-46-51 (13196)
ଏଷୋଽହଂ ସଗଣଂ ଦୈତ୍ଯଂ ବରଦାନେନ ଦର୍ପିତମ୍।
ଅବଧ୍ଯମମରେନ୍ଦ୍ରାଣାଂ ଦାନବେନ୍ଦ୍ରଂ ନିହନ୍ମ୍ଯହମ୍॥ 2-46-53 ବ୍ରହ୍ମୋବାଚ॥ 2-46-52 (13197)
ଭହବନ୍ଦେବଦେବେଶ ଖିନ୍ନା ଏତେ ଭୃଶଂ ସୁରାଃ।
ତସ୍ମାତ୍ତ୍ବଂ ଜହି ଦୈତ୍ଯେନ୍ଦ୍ରଂ କ୍ଷିପ୍ରଂ କାଲୋଽସ୍ଯ ମାଚିରମ୍।
ଏଷ ତ୍ବଂ ସଗଣଂ ଦୈତ୍ଯଂ ବରଦାନେନ ଦର୍ପିତମ୍॥ 2-46-53 (13198)
ବିଷ୍ଣୁରୁବାଚ॥ 2-46-54x (1475)
କ୍ଷିପ୍ରମେବ କରିଷ୍ଯାମି ତ୍ବରଯା ଦୈତ୍ଯନାଶନମ୍।
ତସ୍ମାତ୍ତ୍ବଂ ବିବୁଧାଶ୍ଚୈବ ପ୍ରତିପଦ୍ଯତ ବୈ ଦିବମ୍॥ 2-46-54 (13199)
ଭୀଷ୍ମ ଉବାଚ॥ 2-46-55x (1476)
ଏବମୁକ୍ତ୍ବା ତୁ ଭଗବାନ୍ବିସୃଜ୍ଯ ତ୍ରିଦିବେଶ୍ବରାନ୍।
ନରସ୍ଯାର୍ଧତନୁର୍ଭୂତ୍ବା ସିଂହସ୍ଯାର୍ଧତନୁଃ ପୁନଃ॥ 2-46-55 (13200)
ନାରସିଂହେନ ବପୁଷା ପାଣିଂ ସଂସ୍ପୃଶ୍ଯ ପାଣିନା।
ଭୀମରୂପୋ ମହାତେଜା ବ୍ଯାଦିତାସ୍ଯ ଇବାନ୍ତକଃ॥ 2-46-56 (13201)
ହିରଣ୍ଯକଶିପୁଂ ରାଜଞ୍ଜଗାମ ହରିରୀଶ୍ବରଃ।
ଦୈତ୍ଯାସ୍ତମାଗତଂ ଦୃଷ୍ଟ୍ବା ନାରସିଂହଂ ମହାବଲମ୍॥ 2-46-57 (13202)
ବବର୍ଷୁଃ ଶସ୍ତ୍ରବର୍ଷୈସ୍ତେ ସୁସଙ୍କ୍ରୁଦ୍ଧାସ୍ତଦା ହରିମ୍।
ତୈଃ ସୃଷ୍ଟସର୍ବଶସ୍ତ୍ରାଣି ଭକ୍ଷଯାମାସ ବୈ ହରିଃ॥ 2-46-58 (13203)
ଜଘାନ ନ ରଣେ ଦୈତ୍ଯାନ୍ସହସ୍ରାଣି ବହୂନି ଚ।
ତାନ୍ନିହତ୍ଯ ଚ ଦୈତେଯାନ୍ସର୍ବାନ୍କ୍ରୁଦ୍ଧାନ୍ମହାବଲାନ୍॥ 2-46-59 (13204)
ଅଭ୍ଯଧାବତ୍ସୁସଙ୍କ୍ରୁଦ୍ଧୋ ଦୈତ୍ଯେନ୍ଦ୍ରଂ ବଲଗର୍ବିତମ୍।
ଜୀମୂତଘନସଙ୍କାଶୋ ଜୀମୂତଘନନିସ୍ବନଃ॥ 2-46-60 (13205)
ଜୀମୂତ ଇବ ଦୀପ୍ତୌଜା ଜୀମୂତ ଇବ ବେଗବାନ୍।
ଦୈତ୍ଯଂ ସୋଽତିବଲଂ ଦୃପ୍ତଂ ଦୃପ୍ତଶାର୍ଦୂଲବିକ୍ରମମ୍॥ 2-46-61 (13206)
ଦୃପ୍ତୈର୍ଦୈତ୍ଯଗଣୈର୍ଗୁପ୍ତଂ ଖରୈର୍ନଖମୁକୈରୁତ।
ତତଃ କୃତ୍ବା ତୁ ଯୁଦ୍ଧଂ ବୈ ତେନ ଦୈତ୍ଯେନ ବୈ ହରିଃ॥ 2-46-62 (13207)
ସନ୍ଧ୍ଯାକାଲେ ମହାତେଜା ଭବନାନ୍ତେ ତ୍ବରାନ୍ବିତଃ।
ଊରୌ ନିଧାଯ ଦୈତ୍ଯେନ୍ଦ୍ରଂ ନିର୍ବିଭେଦ ନଖୈସ୍ତଦା॥ 2-46-63 (13208)
ମହାବଲଂ ମହାବୀର୍ଯଂ ବରଦାନେନ ଗର୍ବିତମ୍।
ଦୈତ୍ଯଶ୍ରେଷ୍ଠଂ ସୁରଶ୍ରେଷ୍ଠୋ ଜଘାନ ତରସା ହରିଃ॥ 2-46-64 (13209)
ହିରଣ୍ଯକଶିପୁଂ ହତ୍ବା ସର୍ବଦୈତ୍ଯାଂଶ୍ଚ ବୈ ତଦା।
ବିବୁଧାନାଂ ପ୍ରଜାନାଂ ଚ ହିତଂ କୃତ୍ବା ମହାଦ୍ଯୁତିଃ॥ 2-46-65 (13210)
ପ୍ରମୁମୋଦ ହରିର୍ଦେବଃ ପ୍ରାପ୍ଯ ଧର୍ମଂ ତଦା ଭୁବି।
ଏଷ ତେ ନାରସିଂହୋଽତ୍ର କଥିତଃ ପାଣ୍ଡୁନନ୍ଦନ। 2-46-66 (13211)
ଶୃଣୁ ତ୍ବଂ ବାମନଂ ନାମ ପ୍ରାଦୁର୍ଭାବଂ ମହାତ୍ମନଃ॥ ॥ 2-46-67 (13212)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅର୍ଘାହରଣପର୍ବଣି ଷଟ୍ଚତ୍ବାରିଂଶୋଽଧ୍ଯାଯଃ॥ 46॥
ସଭାପର୍ବ - ଅଧ୍ଯାଯ 047
॥ ଶ୍ରୀଃ ॥
2.47. ଅଧ୍ଯାଯଃ 047
Mahabharata - Sabha Parva - Chapter Topics
ବଲିନିପୀଡିତୈରିନ୍ଦ୍ରାଦିଭିଃ ପ୍ରାର୍ଧିତେନ ହରିଣା ଅଦିତ୍ଯାଂ ବାମନତ୍ବେନାବତୀର୍ଯ ବଲି ମ୍ପ୍ରତି ଯାଚନମ୍॥ 1॥ ତ୍ରିବିକ୍ରମରୂପିଣୋ ହରେଃ ପାଦାଙ୍ଗୁଷ୍ଠନଖନିର୍ଭିଣ୍ଣୋର୍ଧ୍ବାଣ୍ଡାଦ୍ଗଙ୍ଗାଯାଃ ପ୍ରାଦୁ ର୍ଭାବୋ ବଲିନିଗ୍ରହଶ୍ଚ ॥ 2॥Mahabharata - Sabha Parva - Chapter Text
ଭୀଷ୍ମ ଉବାଚ॥
ପୁରା ତ୍ରେତାଯୁଗେ ରାଜନ୍ବଲିର୍ବୈରୋଜନୋଽଭବତ୍।
ଦୈତ୍ଯାନାଂ ପାର୍ଥିବୋ ବୀରୋ ବଲେନାପ୍ରତିମୋ ବଲୀ॥ 2-47-1 (13213)
ତଦା ବଲିର୍ମହାରାଜ ଦୈତ୍ଯସଙ୍ଘୈଃ ସମାବୃତଃ।
ବିଜେତୁଂ ତରସା ଶକ୍ରମିନ୍ଦ୍ରସ୍ଥାନମବାପ ସଃ॥ 2-47-2 (13214)
ତେନ ବିତ୍ରାସିତା ଦେବା ବଲିନାଽଽଖଣ୍ଡଲାଦଯଃ।
ବ୍ରହ୍ମାଣଂ ତୁ ପୁରସ୍କୃତ୍ଯ ଗତ୍ବା କ୍ଷୀରୋଦଧିଂ ତଦା॥ 2-47-3 (13215)
ତୁଷ୍ଟୁବୁଃ ସହିତାଃ ସର୍ବେ ଦେବଂ ନାରାଯଣଂ ପ୍ରଭୁମ୍।
ସ ତେଷାଂ ଦର୍ଶନଂ ଚକ୍ରେ ବିବୁଧାନାଂ ହରିସ୍ତଦା॥ 2-47-4 (13216)
ପ୍ରସାଦଜଂ ତସ୍ଯ ବିଭୋରଦିତ୍ଯାଂ ଜନ୍ମ ଉଚ୍ଯତେ।
ଅଦିତେରପି ପୁତ୍ରତ୍ବମେତ୍ଯ ଯାଦବନନ୍ଦନଃ॥ 2-47-5 (13217)
ଏଷ ବିଷ୍ଣୁରିତି ଖ୍ଯାତ ଇନ୍ଦ୍ରସ୍ଯାବରଜୋଽଭବତ୍।
ତସ୍ମିନ୍ନେବ ଚ କାଲେ ତୁ ଦୈତ୍ଯେନ୍ଦ୍ରୋ ବଲବୀର୍ଯବାନ୍॥ 2-47-6 (13218)
ଅଶ୍ବମେଧଂ କ୍ରତୁଶ୍ରେଷ୍ଠମାହର୍ତୁମୁପଚକ୍ରମେ।
ବର୍ତମାନେ ତଦା ଯଜ୍ଞେ ଦୈତ୍ଯେନ୍ଦ୍ରସ୍ଯ ଯୁଧିଷ୍ଠିର॥ 2-47-7 (13219)
ସ ବିଷ୍ଣୁର୍ମାନବୋ ଭୂତ୍ବା ପ୍ରଚ୍ଛନ୍ନୋ ବ୍ରହ୍ମସଂବୃତଃ।
ମୁଣ୍ଡୋ ଯତ୍ରୋପବୀତୀ ଚ କୃଷ୍ଣାଜିନଧରଃ ଶିଖୀ॥ 2-47-8 (13220)
ପାଲାଶଦଣ୍ଡଂ ସଙ୍ଗୃହ୍ଯ ବାମନୋଽଦ୍ଭୁତଦର୍ଶନଃ।
ପ୍ରବିଶ୍ଯ ସ ବଲେର୍ଯଜ୍ଞେ ବର୍ତମାନୋ ଚ ଦକ୍ଷିଣାମ୍॥ 2-47-9 (13221)
ଦେହୀତ୍ଯୁବାଚ ଦୈତ୍ଯେନ୍ଦ୍ରଂ ବିକ୍ରମାଂସ୍ତ୍ରୀନିହୈବ ହ।
ଦୀଯତାଂ ତ୍ରିପଦୀମାତ୍ରମିତ୍ଯଯାଚନ୍ମହାସୁରମ୍॥ 2-47-10 (13222)
ସ ତଥେତି ପ୍ରତିଶ୍ରୁତ୍ଯ ପ୍ରଦଦୌ ବିଷ୍ଣବେ ତଦା।
ତେନ ଲବ୍ଧ୍ବା ହିରର୍ଭୂମିଂ ଜୃମ୍ଭଯାମାସ ବୈ ଭୃଶମ୍॥ 2-47-11 (13223)
ସ ଶିଶୁଃ ସଦିବଂ ଖଂ ଚ ପୃଥିବୀଂ ବଚ ବିଶାମ୍ପତେ।
ତ୍ରିଭିର୍ବିକ୍ରମଣୈଶ୍ଚୈବ ସର୍ବମାକ୍ରମତାଭିଭୂଃ॥ 2-47-12 (13224)
ବଲେର୍ବଲବତୋ ଯଜ୍ଞେ ବଲିନା ବିଷ୍ଣୁନା ପୁରା।
ବିକ୍ରମୈସ୍ତ୍ରିଭିରକ୍ଷୋଭ୍ଯାଃ କ୍ଷୋଭିତାସ୍ତେ ମହାସୁରାଃ॥ 2-47-13 (13225)
ବିପ୍ରଚିତ୍ତିମୁଖାଃ କ୍ରୁଦ୍ଧାଃ ସର୍ବସଙ୍ଘା ମହାସୁରାଃ।
ନାନାବକ୍ରା ମହାକାଯା ନାନାବେଷଧରା ନୃପ॥ 2-47-14 (13226)
ନାନାପ୍ରହରଣା ରୌଦ୍ରା ନାନାମାଲ୍ଯାନୁଲେପନାଃ।
ସ୍ବାନ୍ଯାଯୁଧାନି ସଙ୍ଗୃହ୍ଯ ପ୍ରଦୀପ୍ତା ଇବ ତେଜସା॥ 2-47-15 (13227)
କ୍ରମମାଣଂ ହରି ତତ୍ର ଉପାବର୍ତନ୍ତ ଭାରତ।
ପ୍ରମଥ୍ଯ ସର୍ବାନ୍ଦୈତେଯାନ୍ପାଦହସ୍ତତଲୈସ୍ତୁ ତାନ୍॥ 2-47-16 (13228)
ରୂପଂ କୃତ୍ବା ମହାଭୀମଂ ଜହାରାଶୁ ସ ମେଦିନୀମ୍।
ସମ୍ପ୍ରାପ୍ଯ ଦିବମାକାଶମାଦିତ୍ଯସଦନେ ସ୍ଥିତଃ॥ 2-47-17 (13229)
ଅତ୍ଯରୋଚତ ଭୂତାତ୍ମା ଆଦିତ୍ଯସ୍ଯୈବ ତେଜସା।
ପ୍ରକାଶଯନ୍ଦିଶଃ ସର୍ବାଃ ପ୍ରଦିଶଶ୍ଚ ମହାଯଶାଃ॥ 2-47-18 (13230)
ଶୁଶୁଭେ ସ ମହାବାହୁଃ ସର୍ବଲୋକାନ୍ପ୍ରକାଶଯନ୍।
ତସ୍ଯ ବିକ୍ରମତୋ ଭୂମିଂ ଚନ୍ଦ୍ରାଦିତ୍ଯୌ ସ୍ତନାନ୍ତରେ॥ 2-47-19 (13231)
ନଭସ୍ତୁ କ୍ରମମାଣସ୍ଯ ନାଭ୍ଯାଂ କିଲ ତଦା ସ୍ଥିତୌ।
ପରମାକ୍ରମମାଣସ୍ଯ ନାନୁଭ୍ଯାଂ ତୌ ବ୍ଯବସ୍ଥିତୌ॥ 2-47-20 (13232)
ବିଷ୍ଣୋରମିତବୀର୍ଯସ୍ଯ ବଦନ୍ତ୍ଯେବଂ ଦ୍ବିଜାତଯଃ।
ଅଥାସ୍ଯ ପାଦାକ୍ରମଣାତ୍ପଫାଲାଣ୍ଡୋ ଯୁଧିଷ୍ଠିରଃ॥ 2-47-21 (13233)
ତଚ୍ଛିଦ୍ରାତ୍ସ୍ଯନ୍ଦିନୀ ତସ୍ଯ ପାଦଭ୍ରଷ୍ଟା ତୁ ନିମ୍ନଗା।
ସସାର ସାଗରଂ ସା ତୁ ପାବନୀ ସାଗରଂଗମା॥ 2-47-22 (13234)
ଜହାର ମେଦିନୀଂ ସର୍ବାଂ ହତ୍ବା ଦାନବପୁଙ୍ଗବାନ୍।
ଆସୁରୀ ଶ୍ରିଯମାହୃତ୍ଯ ତ୍ରୀଲ୍ଲୋକାନ୍ସ ଜନାର୍ଦନ॥ 2-47-23 (13235)
ସପୁତ୍ରଦାରାନସୁରାନ୍ପାତାଲେ ସଂନ୍ଯବେଶଯତ୍।
ନମୁଚିଃ ଶମ୍ବରଶ୍ଚୈବ ପ୍ରହ୍ଲାଦଶ୍ଚ ମହାମନାଃ॥ 2-47-24 (13236)
ମହାଭୂତାନି ଭୂତାତ୍ମା ସବିଶେଷାନି ବୈ ହରିଃ।
କାଲଂ ଚ ସକଲଂ ରାଜନ୍ଗାତ୍ରଭୂତାନ୍ଯଦର୍ଶଯତ୍॥ 2-47-25 (13237)
ତସ୍ଯ ଗାତ୍ରେ ଜଗତ୍ସର୍ବମାନୀତମଧିପଶ୍ଯତି।
ନ କିଞ୍ଚିଦସ୍ତି ଲୋକେଷୁ ଯଦନାପ୍ତଂ ମହାତ୍ମନା॥ 2-47-26 (13238)
ତଦ୍ଧି ରୂପମୁପେନ୍ଦ୍ରସ୍ଯ ଦେବଦାନବମାନବାଃ।
ଦୃଷ୍ଟ୍ବା ସଂମୁମୁହୁଃ ସର୍ବେ ବିଷ୍ଣୁତେଜୋଽଭିପୀଡିତାଃ॥ 2-47-27 (13239)
ବଲିର୍ବଦ୍ଧୋଽଭିମାନୀ ଚ ଯଜ୍ଞବାଟେ ମହାତ୍ମନା।
ବିରୋଚନକୁଲଂ ସର୍ବଂ ପାତାଲେ ବିନିବେଶିତମ୍॥ 2-47-28 (13240)
ଏବଂବିଧାନି କର୍ମାଣି କୃତ୍ବା ଗରୁଡାବାହନଃ।
ନ ବିସ୍ମଯମୁପାଗଚ୍ଛତ୍ପାରମେଷ୍ଠ୍ଯେନ ତେଜସା॥ 2-47-29 (13241)
ସ ସର୍ବମସୁରୈଶ୍ବର୍ଯଂ ସମ୍ପ୍ରଦାଯ ଶଚୀପତେଃ।
ତ୍ରୈଲୋକ୍ଯଂ ଚ ଦଦୌ ଶକ୍ରେ ବିଷ୍ଣୁର୍ଦାନବସୂଦନଃ॥ 2-47-30 (13242)
ଏଷ ତେ ବାମନୋ ନାମ ପ୍ରାଦୁର୍ଭାବୋ ମହାତ୍ମନଃ।
ବେଦବିଦ୍ଭିର୍ଦ୍ବିଜୈରେତଚ୍ଛ୍ରୂଯତେ ବୈଷ୍ଣବଂ ଯଶଃ।
ମାନୁଷେଷୁ ତତୋ ବିଷ୍ଣୋଃ ପ୍ରାଦୁର୍ଭାବାଂସ୍ତଥା ଶୃଣୁ॥ ॥ 2-47-31 (13243)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅର୍ଘାହରଣପର୍ବଣି ସପ୍ତଚତ୍ବାରିଂଶୋଽଧ୍ଯାଯଃ॥ 47 ॥
ସଭାପର୍ବ - ଅଧ୍ଯାଯ 048
॥ ଶ୍ରୀଃ ॥
2.48. ଅଧ୍ଯାଯଃ 048
Mahabharata - Sabha Parva - Chapter Topics
ଦତ୍ତାତ୍ରେଯନାମ୍ନାଽବତୀର୍ଣସ୍ଯ ହରେଃ କାର୍ତବୀର୍ଯାର୍ଜୁନସ୍ଯ ବରଦାନାଦିକମ୍॥ 1॥Mahabharata - Sabha Parva - Chapter Text
ଭୀଷ୍ଣ ଉବାଚ॥
ବିଷ୍ଣୋଃ ପୁନର୍ମହାଭାଗଃ ପ୍ରାଦୁର୍ଭାବୋ ମହାତ୍ମନଃ।
ଦତ୍ତାତ୍ରେଯ ଇତି ଖ୍ଯାତ ଋଷିରାସୀନ୍ମହାଯଶାଃ॥ 2-48-1 (13244)
ତେନ ନଷ୍ଟେଷୁ ବେଦେଷୁ କ୍ରିଯାସୁ ଚ ମଖେଷୁ ଚ।
ଚାତୁର୍ବର୍ଣ୍ଯେ ଚ ସଙ୍କୀର୍ଣେ ଧର୍ମେ ଶିଥିଲତାଂ ଗତେ॥ 2-48-2 (13245)
ଅଭବର୍ଧତି ଚାଧର୍ମେ ସତ୍ଯେ ନଷ୍ଟେ ସ୍ଥିତେଽନୃତେ।
ପ୍ରଜାସୁ କ୍ଷୀଯମାଣାସୁ ଧର୍ମେ ଚାମୂଲତାଂ ପତେ॥ 2-48-3 (13246)
ସଯଜ୍ଞାଃ ସକ୍ରିଯା ବେଦାଃ ପ୍ରତ୍ଯାନୀତା ହି ତେନ ବୈ।
ଚାତୁର୍ବର୍ଣ୍ଯମସଙ୍କୀର୍ଣଂ କୃତଂ ତେନ ମହାତ୍ମନା॥ 2-48-4 (13247)
ସ ଏବ ବୈ ଯଦା ପ୍ରାଦାଦ୍ଧୈହଯାଧିପତେର୍ବରମ୍।
ତଂ ହୈହଯାନାମଧିପସ୍ତ୍ବର୍ଜୁନୋଽଭିପ୍ରସାଦଯନ୍॥ 2-48-5 (13248)
ବନଂ ପର୍ଯଚରନ୍ସମ୍ଯକ୍ଛୁଶ୍ରୂଷୁରନୁସୂଯକଃ।
ନିର୍ମମୋ ନିରହଙ୍କାରୋ ଦୀର୍ଘକାଲମତୋଷଯତ୍॥ 2-48-6 (13249)
ଆରାଧ୍ଯ ଦତ୍ତାତ୍ରେଯଂ ହି ଅଗୃଙ୍ଣାତ୍ସ ବରାନିମାନ୍।
ଆପ୍ତାଦାପ୍ତତରାନ୍ବିପ୍ରାଦ୍ବିଦ୍ବାନ୍ବିଦ୍ବନ୍ନିଷେବିତାତ୍॥ 2-48-7 (13250)
ଋତେଽମରତ୍ବଂ ବିପ୍ରେଣ ଦତ୍ତାତ୍ରେଯେଣ ଧୀମତା।
ବରୈଶ୍ଚତୁର୍ଭିଃ ପ୍ରବୃତ ଇମାନ୍ବବ୍ରେ ବରାନ୍ନୃପଃ॥ 2-48-8 (13251)
ଶ୍ରୀମାନ୍ମନସ୍ବୀ ବଲବାନ୍ସତ୍ଯବାଗନସୂଯକଃ।
ସହସ୍ରବାହୁର୍ଭୂଯାସମେଷୁ ମେ ପ୍ରଥମୋ ବରଃ॥ 2-48-9 (13252)
ଜରାଯୁଜାଣ୍ଡଜଂ ସର୍ବଂ ସର୍ବଂ ଚୈବ ଚରାଚରମ୍।
ଶାସ୍ତୁମିଚ୍ଛାମି ଧର୍ମେଣ ଦ୍ବିତୀଯସ୍ତ୍ବେଷ ମେ ବରଃ॥ 2-48-10 (13253)
ପିତୃନ୍ଦେବାନୃଷୀନ୍ବିପ୍ରାନ୍ଯଜେଯଂ ବିପୁଲୈର୍ମଖୈଃ।
ଅମିତ୍ରାଂଶ୍ଚ ଶିତୈର୍ବାଣୈସ୍ତୃତୀଯୋ ବ୍ରର ଏଷ ମେ॥ 2-48-11 (13254)
ଯସ୍ଯ ନାସୀନ୍ନ ଭବିତା ନ ଚାସ୍ତି ସଦୃଶଃ ପୁମାନ୍।
ଇହ ବା ଦିବି ବା ଲୋକେ ସ ମେ ହନ୍ତା ଭବେଦିତି॥ 2-48-12 (13255)
ସୋଽର୍ଜୁନଃ କୃତବୀର୍ଯସ୍ଯ ବରଃ ପୁତ୍ରୋଽଭବଦ୍ଯୁଧି।
ସ ସହସ୍ରଂ ସହସ୍ରାଣାଂ ମାହିଷ୍ମତ୍ଯାମବର୍ଧତ॥ 2-48-13 (13256)
ସ ଭୂମିମଖିଲାଂ ଜିତ୍ବା ଦ୍ବୀପାଂଶ୍ଚାପି ସମୁଦ୍ରିଣଃ।
ନଭସୀବାଜ୍ବଲତ୍ସୂର୍ଯଃ ପୁଣ୍ଯୈଃ କର୍ମଭିର୍ଜୁନଃ॥ 2-48-14 (13257)
ଇନ୍ଦ୍ରଦ୍ବୀପଂ କଶେରୁଂ ଚ କାମଦ୍ବୀପଂ ଗଭସ୍ତିତମ୍।
ଗନ୍ଧର୍ବବରୁଣଦ୍ବୀପଂ ସୌହୃଷ୍ଟମମିତପ୍ରଭଃ॥ 2-48-15 (13258)
ପୂର୍ବୈରଜିତପୂର୍ବାଂଶ୍ଚ ଦ୍ବୀପନଜଯଦର୍ଜୁନଃ।
ଇଦଂ ତୁ କାର୍ତବୀର୍ଯସ୍ଯ ବଭୂବାସଦୃଶଂ ଜନୈଃ॥ 2-48-16 (13259)
ନ ପୂର୍ବେ ନାପରେ ତସ୍ଯ ଗମିଷ୍ଯନ୍ତି ଗତିଂ ନୃପାଃ।
ଯଦର୍ଣବେ ପ୍ରଯାତସ୍ଯ ବସ୍ତ୍ରଂ ନ ପରିଷିଚ୍ଯତେ॥ 2-48-17 (13260)
ସୌବର୍ଣଂ ସର୍ବମପ୍ଯାସୀଦ୍ବିମାନବରମୁତ୍ତମମ୍।
ଚତୁର୍ଧା ବ୍ଯଭଜଦ୍ରାଷ୍ଟ୍ରଂ ତଦ୍ବିଭଜ୍ଯାନ୍ବପାଲଯତ୍॥ 2-48-18 (13261)
ଏକାଂଶେନାହରତ୍ସେନାମେକାଂଶେନାବସଦ୍ଗୃହାନ୍।
ଯସ୍ତୁ ତସ୍ଯ ତୃତୀଯାଂଶୋ ରାଜ୍ଞୋଽଭୂଜ୍ଜନସଙ୍ଗ୍ରହେ॥ 2-48-19 (13262)
ଆପ୍ତଃ ପରମକଲ୍ଯାଣସ୍ତେନ ଯଜ୍ଞାନକଲ୍ପଯତ୍।
ଯେ ଦସ୍ଯବୋ ଗ୍ରାମଚରା ଅରମ୍ଯେ ଚ ବସନ୍ତି ଯେ॥ 2-48-20 (13263)
ଚତୁର୍ଥେନ ତୁ ସୋଂଽଶେନ ତାନ୍ସର୍ବାନ୍ପ୍ରତ୍ଯଷେଧଯତ୍।
ଦ୍ବାରାଣି ନାପିଧୀଯନ୍ତେ ପୁରେଷୁ ନଗରେଷୁ ଚ॥ 2-48-21 (13264)
ସ ଏବ ରାଷ୍ଟ୍ରପାଲୋଽଭୂତ୍ସ୍ରୀପାଲୋଽଭବଦର୍ଜୁନଃ।
ସ ଏବାସୀଦ୍ଜାପାଲଃ ସଃ ଗୋପାଲୋ ବିଶାମ୍ପତେ॥ 2-48-22 (13265)
ଶତଂ ବର୍ଷସହସ୍ରାଣାମନୁଶିଷ୍ଯାର୍ଜୁନୋ ମହୀମ୍।
ଦତ୍ତାତ୍ରେଯପ୍ରସାଦେନ ଏବଂ ରାଜ୍ଯଂ ଚକାର ସଃ॥ 2-48-23 (13266)
ଏବଂ ବହୂନି କର୍ମାଣି ଚକ୍ରେ ଲୋକହିତାଯ ସଃ॥
ଦତ୍ତାତ୍ରେଯ ଇତି ଖ୍ଯାତଃ ପ୍ରାଦୁର୍ଭାବୋ ହ୍ଯଯଂ ହରେଃ।
କଥିତୋ ଭରତଶ୍ରେଷ୍ଟ ଶୃଣୁ ଭୂଯୋ ମହାତ୍ମନଃ॥ ॥ 2-48-24 (13267)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅର୍ଘାହରଣପର୍ବଣି ଅଷ୍ଟଚତତ୍ବାରିଂଶୋଽଧ୍ଯାଯଃ॥ 48 ॥
ସଭାପର୍ବ - ଅଧ୍ଯାଯ 049
॥ ଶ୍ରୀଃ ॥
2.49. ଅଧ୍ଯାଯଃ 049
Mahabharata - Sabha Parva - Chapter Topics
ଶ୍ରୀହରେର୍ଜମଦଗ୍ନିଗୃହେ ରାମନାମ୍ନାଽବତରଣମ୍॥ 1॥ ପରଶୁରାମେଣ କାର୍ତବୀର୍ଯାର୍ଜୁନହନନମ୍॥ 2॥। ତ୍ରିସ୍ସପ୍ତକୃତ୍ବଃ କ୍ଷତ୍ରିଯାନ୍ନିହତ୍ଯ ତଦ୍ରକ୍ତଜଲୈଃ ସ୍ବପିତୄଣାଂ ତର୍ପଣମ୍॥3॥ କାଶ୍ଯପାଯାଖଣ୍ଡଭୂମଣ୍ଡଲଂ ଦତ୍ତ୍ବା ସାଲ୍ବେନାଯୋଧନେ କୁମାରୀଣାଂ ବାଣ୍ଯା ତଂ ବିସୃଜ୍ଯ ଶସ୍ତ୍ରନ୍ଯାସପୂର୍ବକଂ ତପଶ୍ଚରଣମ୍॥ 4॥Mahabharata - Sabha Parva - Chapter Text
ଭୀଷ୍ମ ଉବାଚ॥
ତଥା ଭୃଗୁକୁଲେ ଜନ୍ମ ଯଦର୍ଥଂ ଚ ମହାତ୍ମନଃ।
ଜାମଦଗ୍ନ୍ଯ ଇତି ଖ୍ଯାତଃ ପ୍ରାଦୁର୍ଭାବଶ୍ଚ ବୈଷ୍ଣବଃ॥ 2-49-1 (13268)
ଜମଦଗ୍ନିସୁତୋ ରାଜନ୍ତ୍ରାମୋ ନାମ ସ ବୀର୍ଯବାନ୍।
ହେହଯାନ୍ତକରୋ ରାଜନ୍ସ ରାମୋ ବଲିନାଂ ବରଃ॥ 2-49-2 (13269)
କାର୍ତାବୀର୍ଯୋ ମହାବୀର୍ଯୋ ବଲେନାପ୍ରତିମସ୍ତଦା।
ରାମେଣ ଜାମଦଗ୍ନ୍ଯେନ ହତୋ ବିଷମମାଚରନ୍॥ 2-49-3 (13270)
ତଂ କାର୍ତବୀର୍ଯଂ ରାଜାନଂ ହେହଯାନାମରିନ୍ଦମମ୍।
ରଥସ୍ଥଂ ପାର୍ଥିବଂ ରାମଃ ପାତଯିତ୍ବାଽବଧୀଦ୍ରଣେ॥ 2-49-4 (13271)
ଜମ୍ଭସ୍ଯ ଯଜ୍ଞଂ ହତ୍ବା ସ ଋତ୍ବିଜଶ୍ଚୈବ ସଂସ୍ତରେ।
ଜମ୍ଭସ୍ଯ ମୂର୍ଧ୍ନି ଭେତ୍ତା ଚ ହନ୍ତା ଚ ଶତଦୁନ୍ଦୁଭେଃ॥ 2-49-5 (13272)
ସ ଏଷ କୃଷ୍ଣୋ ଗୋବିନ୍ଦୋ ଜାତୋ ଭୃଗୁଷୁ ବୀର୍ଯବାନ୍।
ସହସ୍ରବାହୁମୁଦ୍ଧର୍ତୁଂ ସହସ୍ରଜିତମାହବେ॥ 2-49-6 (13273)
କ୍ଷତ୍ରିଯାଣାଂ ଚତୁଷ୍ପଷ୍ଟିମଯୁତାନି ମହାଯଶାଃ।
ସରସ୍ବତ୍ଯାଂ ସମେତାନି ଏଷ ବୈ ଧନୁଷାଽଜଯତ୍॥ 2-49-7 (13274)
ବ୍ରହ୍ମଦ୍ବିଷାଂ ଧେ ତସ୍ମିନ୍ମହସ୍ରାଣି ଚତୁର୍ଦଶ।
ପୁନର୍ଜଘାନ ଶୂରାଣାମତିକ୍ରୂରୋ ରଥର୍ଷଭଃ॥ 2-49-8 (13275)
ତତୋ ରାଜ୍ଞାଂ ସହସ୍ରଂ ସ ଭଙ୍କ୍ତା ପୂର୍ବମରିନ୍ଦମଃ।
ସହସ୍ରଂ ମୁସଲେନାହନ୍ସହସ୍ରମୁଦକୃନ୍ତତ॥ 2-49-9 (13276)
ଚତୁର୍ଦଶସହସ୍ରାଣି କୃଣଦୂମମପାଯଯତ୍।
ଶିଷ୍ଟାନ୍ବ୍ରହ୍ମଦ୍ବିଷୋ ଜିତ୍ବା ତତୋଽସ୍ନାଯତ ଭାର୍ଗବଃ 2-49-10 (13277)
ରାମରାମେତ୍ଯମିକ୍ରୁଷ୍ଟୋ ବ୍ରାହ୍ମଣୈଃ କ୍ଷତ୍ରିଯାର୍ଦିତୈଃ।
ନିଘ୍ନଞ୍ଶତସହସ୍ରାଣି ରାମଃ ପରଶୁନାଭିଭୂଃ॥ 2-49-11 (13278)
ନ ହ୍ଯମୃଷ୍ଯତ ତାଂ ବାଚମାର୍ତୈର୍ଭୃଶମୁଦୀରିତାମ୍।
ଭୃଗୋ ରାମାଭିଧାବେତି ଯଦାଽକ୍ରନ୍ଦନ୍ଦ୍ବିଜାତଯଃ॥ 2-49-12 (13279)
କାଶ୍ମୀରାନ୍ଦରଦାନ୍କୁନ୍ତୀନ୍କ୍ଷୁଦ୍ରକାନ୍ମାଲବାଞ୍ଛବାନ୍।
ଚେଦିକାଶିକରୂଶାଂଶ୍ଚ ଋଷିକାନ୍କ୍ରଥକୈଶିକାନ୍॥ 2-49-13 (13280)
ଅଙ୍ଗାନ୍ବଙ୍ଗାନ୍କଲିଙ୍ଗାଂଶ୍ଚ ମାଗଧାନ୍କାଶିକୋସଲାନ୍।
ରାତ୍ରାଯଣାନ୍ବୀତିହୋତ୍ରାନ୍କିରାତାନ୍କାର୍ତିକାବତାନ୍॥ 2-49-14 (13281)
ଏତାନନ୍ଯାଂଶ୍ଚ ରାଜନ୍ଯାନ୍ଦେଶେଦେଶେ ସହସ୍ରଶଃ।
ନିକୃତ୍ଯ ନିଶିତୈର୍ବାଣୈଃ ସମ୍ପ୍ରଦାଯ ବିବସ୍ବତେ॥ 2-49-15 (13282)
କୀର୍ଣା କ୍ଷତ୍ରିଯକୋଟୀଭିର୍ମେରୁମନ୍ଦରଭୂଷଣା।
ତ୍ରିଃ ସପ୍ତକୃତ୍ବଃ ପୃଥିବୀ ତେନ ନିଃକ୍ଷତ୍ରିଯା କୃତା॥ 2-49-16 (13283)
କୃତ୍ବା ନିଃକ୍ଷତ୍ରିଯାଂ ଚୈବ ଭାର୍ଗବଃ ସ ମହାଯଶାଃ।
ଇନ୍ଦ୍ରଗୋପକବର୍ଣସ୍ଯ ଜୀବଞ୍ଜୀବନିଭସ୍ଯ ଚ॥ 2-49-17 (13284)
ପୂରଯିତ୍ବା ଚ ସରିତଃ କ୍ଷତଜସ୍ଯ ସରାଂସି ଚ।
ଚକାର ତର୍ପଣଂ ବୀରଃ ପିତୄଣାଂ ତାସୁ ତେଷୁ ଚ॥ 2-49-18 (13285)
ସର୍ବାନଷ୍ଟାଦଶ ଦ୍ବୀପାନ୍ବଶମାନୀଯ ଭାର୍ଗବଃ।
ସୋଽଶ୍ବମେଧସହସ୍ରାଣି ନରମେଧଶତାନି ଚ॥ 2-49-19 (13286)
ଇଷ୍ଟ୍ବା ସାଗରପର୍ଯନ୍ତାଂ କାଶ୍ଯପାଯ ମହୀଂ ଦଦୌ।
ତସ୍ଯାଗ୍ରେଣାନୁପର୍ଯେତି ଭୂମିଂ କୃତ୍ବା ବିପାଂସୁଲାମ୍॥ 2-49-20 (13287)
ତତଃ କାଲକୃତାଂ ସତ୍ଯାଂ ଭାର୍ଗବାଯ ମହାତ୍ମନେ।
ଗାଧାମପ୍ଯତ୍ର ଗାଯନ୍ତି ଯେ ପୁରାଣବିଦୋ ଜନାଃ॥ 2-49-21 (13288)
ବେଦିମଷ୍ଟାଦଶୋତ୍ସେଧାଂ ହିରଣ୍ଯସ୍ଯାତିପୌରୁଷୀମ୍।
ରାମେଣ ଜାମଦଗ୍ନ୍ଯେନ ପ୍ରତିଜଗ୍ରାହ କାଶ୍ଯପଃ॥ 2-49-22 (13289)
ଏବମିଷ୍ଟ୍ବା ମହାବାହୁଃ କ୍ରତୁଭିର୍ଭୂରିଦକ୍ଷିଣୈଃ।
ଅନ୍ଯଦ୍ବର୍ଷଶତଂ ରାମଃ ସୌଭେ ସାଲ୍ବମଯୋଧଯତ୍॥ 2-49-23 (13290)
ତତଃ ସ ଭୃଗୁଶାର୍ଦୂଲସ୍ତଂ ସୌଭଂ ଯୋଧଯନ୍ପ୍ରଭୁଃ।
ସୁବନ୍ଧୁରଂ ରଥଂ ରାଜନ୍ନାସ୍ଥାଯ ଭରତର୍ଷଭ॥ 2-49-24 (13291)
ନଗ୍ନିକାନାଂ କୁମାରୀଣାଂ ଗାଯନ୍ତୀନାମୁପାଶୃଣୋତ୍।
ରାମରାମ ମହାବାହୋ ଭୃଗୂଣାଂ କୀର୍ତିବର୍ଧନ॥ 2-49-25 (13292)
ତ୍ଯଜ ଶସ୍ତ୍ରାଣି ସର୍ବାଣି ନ ତ୍ବଂ ସୌଭଂ ବଧିଷ୍ଯସି।
ଶଙ୍ଖଚକ୍ରଗଦାପାଣିର୍ଦେବାନାମଭଯଙ୍ଗରଃ॥ 2-49-26 (13293)
ଯୁଧି ପ୍ରଦ୍ଯୁମ୍ନସାମ୍ବାଭ୍ଯାଂ କୃଷ୍ଣଃ ସୌଭଂ ବଧିଷ୍ଯତି।
ତଚ୍ଛ୍ରୁତ୍ବା ପୁରୁଷବ୍ଯାଘ୍ରସ୍ତତ ଏବ ବନଂ ଯଯୌ॥ 2-49-27 (13294)
ନ୍ଯସ୍ଯ ସର୍ବାଣି ଶସ୍ତ୍ରାଣି କାଲକାଙ୍କ୍ଷୀ ମହାଯଶାଃ।
ରଥଂ ସର୍ବାଯୁଧଂ ଚୈବ ଶରାନ୍ପରଶୁମେବ ଚ॥ 2-49-28 (13295)
ଧନୂଂଷ୍ଯପ୍ସୁ ପ୍ରତିଷ୍ଠାପ୍ଯ ରାମସ୍ତେପେ ପରଂ ତପଃ।
ହ୍ରିଯଂ ପ୍ରଜ୍ଞାଂ ଶ୍ରିଯଂ କୀର୍ତିଂ ଲକ୍ଷ୍ମୀଂ ଚାମିତ୍ରକର୍ଶନଃ॥ 2-49-29 (13296)
ପଞ୍ଚାଧିଷ୍ଠାଯ ଧର୍ମାତ୍ମା ତଂ ରଥଂ ବିସସର୍ଜ ହ।
ଆଦିକାଲେ ପ୍ରବୃତ୍ତଂ ତୁ ବ୍ଯଭଜତ୍କରମୀଶ୍ବରଃ॥ 2-49-30 (13297)
ନାଘ୍ନତଂ ଶ୍ରଦ୍ଧଯା ସୌଭଂ ନ ହ୍ଯଶକ୍ତୋ ମହାଯଶାଃ।
ଜାମଦଗ୍ନ୍ଯ ଇତି ଖ୍ଯାତୋ ଯସ୍ତ୍ବଯଂ ଭଗବାନୁପିଃ। 2-49-31 (13298)
ସୋଽସ୍ଯ ଭାଗସ୍ତପସ୍ତେପେ ଭାର୍ଗବୋ ଲୋକବିଶ୍ରୁତଃ॥ ॥ 2-49-32 (13299)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅର୍ଘାହରଣପର୍ବଣି ଏକୋନପଞ୍ଚାଶୋଽଧ୍ଯାଯଃ॥ 49॥
ସଭାପର୍ବ - ଅଧ୍ଯାଯ 050
॥ ଶ୍ରୀଃ ॥
2.50. ଅଧ୍ଯାଯଃ 050
Mahabharata - Sabha Parva - Chapter Topics
ଶ୍ରୀବିଷ୍ଣୋର୍ଦଶରଥଗୃହେ ରାମତ୍ବେନାବତାରଃ॥ 1॥ ବିଶ୍ବାମିତ୍ରେଣ ସ୍ବାଶ୍ରମଂ ନୀତେନ ସଲକ୍ଷ୍ମଣେନ ରାମେଣ ସୁବାହ୍ବାଦିହନନମ୍॥ 2॥ ସୀତାମୁଦୂହ୍ଯ ନିଜନଗରମେତ୍ଯ ପିତୃନିଦେଶେନ ସୀତାଲକ୍ଷ୍ମଣାଭ୍ଯାଂ ସହ ବନଂ ଗତେନ ରାମେଣ ସ୍ବରଦୂଷଣାଦିହନନମ୍॥ 3॥ ସୀତାବିଯୋଗିନଃ ସୁଗ୍ରୀବେଣ ସଖ୍ଯମେତ୍ଯ ବାଲିନଂ ସଂହୃତବତୋ ରାମସ୍ଯ ହନୁମଦ୍ବଚନେନ ଲଙ୍କ ାଗମନମ୍॥ 4॥ ରାବଣାଦୀନ୍ନିହତ୍ଯ ସୀତାପ୍ରମୁଖୈଃ ସହାଯୋଧ୍ଯାଂ ଗତେନ ରାମେଣ ଲବଣାସୁରଂ ଶତ୍ରୁଘ୍ନେନ ଘ ାତଯିତ୍ବା ପ୍ରଜାପାଲନମ୍॥ 5॥ ସଙ୍ଗ୍ରହେଣ ଶ୍ରୀକୃଷ୍ଣଚରିତ୍ରନିରୂପଣଂ କଲ୍କ୍ଯବତାରକଥନଂ ଚ॥ 6॥Mahabharata - Sabha Parva - Chapter Text
ଭୀଷ୍ମ ଉବାଚ॥
ଶୃଣୁ ରାଜଂସ୍ତତୋ ବିଷ୍ଣୋଃ ପ୍ରାଦୁର୍ଭାବଂ ମହାତ୍ମନଃ।
ଅଷ୍ଟାବିଂଶେ ଯୁଗେ ଚାପି ମାର୍କଣ୍ଡେଯପୁରଃ ସରଃ॥ 2-50-1 (13300)
ତିଥୌ ନାବମିକେ ଜଜ୍ଞେ ତଥା ଦଶରଥାଦପି।
କୃତ୍ବାଽଽତ୍ମାନଂ ମହାବାହୁଶ୍ଚତୁର୍ଧା ବିଷ୍ଣୁରବ୍ଯଯଃ॥ 2-50-2 (13301)
ଲୋକେ ରାମ ଇତି ଖ୍ଯାତସ୍ତେଜସା ଭାସ୍କରୋପମଃ।
ପ୍ରସାଦନାର୍ଥଂ ଲୋକସ୍ଯ ବିଷ୍ଣୁସ୍ତତ୍ର ସନାତନଃ॥ 2-50-3 (13302)
ଧର୍ମାର୍ଥମେବ କୌନ୍ତେଯ ଜଜ୍ଞେ ତତ୍ର ମହାଯଶାଃ।
ତମପ୍ଯାହୁର୍ମନୁଷ୍ଯେନ୍ଦ୍ରଂ ସର୍ବଭୂତପତେସ୍ତନୁମ୍॥ 2-50-4 (13303)
ଯଜ୍ଞବିଘ୍ନକରସ୍ତତ୍ର ବିଶ୍ବାମିତ୍ରସ୍ଯ ଭାରତ।
ସୁବାହୁର୍ନିହତସ୍ତେନ ମାରୀଚସ୍ତାଡିତୋ ଭୃଶମ୍॥ 2-50-5 (13304)
ତସ୍ମୈ ଦତ୍ତାନି ଚାସ୍ରାଣି ବିଶ୍ବମିତ୍ରେଣ ଧୀମତା।
ବଧାର୍ଥଂ ସର୍ବଶତ୍ରୂଣାଂ ଦୁର୍ବାରାଣି ସୁରୈରପି॥ 2-50-6 (13305)
ବର୍ତମାନେ ମହାଯଜ୍ଞେ ଜନକସ୍ଯ ମହାତ୍ମନଃ।
ଭଗ୍ନଂ ମାହେଶ୍ବରଂ ଚାପଂ କ୍ରୀଡତା ଲୀଲଯା ଭୃଶମ୍॥ 2-50-7 (13306)
ତତସ୍ତୁ ସୀତାଂ ଜଗ୍ରାହ ଭାର୍ଯାର୍ଥେ ଜାନକୀଂ ବିଭୁଃ।
ନଗରୀଂ ପୁନରାସାଦ୍ଯ ମୁମୁଦେ ତତ୍ର ସୀତଯା॥ 2-50-8 (13307)
କସ୍ଯଚିତ୍ତ୍ବଥ କାଲସ୍ଯ ପିତ୍ରା ତତ୍ରାଭିଚୋଦିତଃ।
କୈକେଯ୍ଯାଃ ପ୍ରିଯମନ୍ବିଚ୍ଛନ୍ବନମଭ୍ଯବପଦ୍ଯତ॥ 2-50-9 (13308)
ଯଃ ସମାଃ ସର୍ବଧର୍ମଜ୍ଞଶ୍ଚତୁର୍ଦଶ ବନେ ବସନ।
ଲକ୍ଷ୍ମଣାନୁଚରୋ ରାମଃ ସର୍ବଭୂତହିତେ ରତଃ॥ 2-50-10 (13309)
ଚତୁର୍ଦଶ ବନେ ତୀର୍ତ୍ବା ତଦା ବର୍ଷାଣି ଭାରତ।
ରୂପିଣୀ ଯସ୍ଯ ପାର୍ଶ୍ବସ୍ଥା ସୀତେତ୍ଯଭିହିତା ଜନୈଃ॥ 2-50-11 (13310)
ପୂର୍ବୋଚିତତ୍ବାତ୍ସା ଲକ୍ଷ୍ମୀର୍ଭର୍ତାରମନୁଶୋଚତି।
ଜନସ୍ଥାନେ ବସନ୍କାର୍ଯଂ ତ୍ରିଦଶାନାଂ ଚକାର ସଃ॥ 2-50-12 (13311)
ମାରୀଚଂ ଦୂଷଣଂ ହୁତ୍ବା ଖରଂ ତ୍ରିଶିରସଂ ତଥା।
ଚତୁର୍ଦଶ ସହସ୍ରାଣି ରକ୍ଷସାଂ ଘୋରକର୍ମଣାମ୍॥ 2-50-13 (13312)
ଜଘାନ ରାମୋ ଧର୍ମାତ୍ମା ପ୍ରଜାନାଂ ହିତକାମ୍ଯଯ।
ବିରାଧଂ ଚ କବନ୍ଧଂ ଚ ରାକ୍ଷସୌ ଘୋରକର୍ମିଣୌ॥ 2-50-14 (13313)
ଜଘାନ ଚ ତଦା ରାମୋ ଗନ୍ଧର୍ବୌ ଶାଷବିକ୍ଷତୌ।
ସ ରାବଣସ୍ଯ ଭଗିନୀନାସାଚ୍ଛେଦମକାରଯତ୍॥ 2-50-15 (13314)
ଭାର୍ଯାବିଯୋଗଂ ତଂ ପ୍ରାପ୍ଯ ମୃଗଯନ୍ବ୍ଯଚରଦ୍ବନମ୍।
ସ ତସ୍ମାଦୃଶ୍ଯମୂକଂ ତୁ ଗତ୍ବା ପମ୍ପାମତୀତ୍ଯ ଚ॥ 2-50-16 (13315)
ସୁଗ୍ରୀବଂ ମାରୁତିଂ ଦୃଷ୍ଟ୍ବା ଚକ୍ରେ ମୈତ୍ରୀଂ ତଯୋଃ ସ ବୈ।
ଅଥ ଗତ୍ବା ସ କିଷ୍କିନ୍ଧାଂ ସୁଗ୍ରୀବେଣ ତଦା ସହ॥ 2-50-17 (13316)
ନିହତ୍ଯ ବାଲିନଂ ଯୁଦ୍ଧେ ବାନରେଦ୍ରଂ ମହାବଲମ୍।
ଅଭ୍ଯପିଞ୍ଚତ୍ତଦା ରାମଃ ସୁଗ୍ରୀବଂ ବାନରେଶ୍ବରମ୍॥ 2-50-18 (13317)
ତତଃ ସ ବୀର୍ଯବାନ୍ରାଜଂସ୍ତ୍ବରଯା ବୈ ସମୁତ୍ସୁକଃ।
ବିଚିତ୍ଯ ବାଯୁପୁତ୍ରେଣ ଲଙ୍କାଦେଶଂ ନିବେଦିତଃ॥ 2-50-19 (13318)
ମେତୁଂ ବଦ୍ଧ୍ବା ସମୁଦ୍ରସ୍ଯ ବାନରୈଃ ସ ସମୁତ୍ସୁକଃ।
ସୀତାଯାଃ ପଦମନ୍ବିଚ୍ଛନ୍ରାମୋ ଲଙ୍କାଂ ବିବେଶ ବୈ॥ 2-50-20 (13319)
ଦେବୋରଗଗଣାନାଂ ହି ଯକ୍ଷରାକ୍ଷସପକ୍ଷିଣାମ୍।
ତତ୍ରାବଦ୍ଯଂ ରାକ୍ଷସେନ୍ଦ୍ରଂ ରାବଣଂ ଯୁଧି ଦୁର୍ଜଯମ୍॥ 2-50-21 (13320)
ଯୁକ୍ତଂ ରାକ୍ଷସକୋଟୀଭିର୍ଭିନ୍ନାଞ୍ଜନଚଯୋପମମ୍।
ଦୁର୍ନିରୀକ୍ଷ୍ଯଂ ସୁରଗଣୈର୍ବରଦାନେନ ଦର୍ପିତମ୍॥ 2-50-22 (13321)
ଜଘାନ ସଚିବୈଃ ସାର୍ଧଂ ସାନ୍ବଯଂ ରାବଣଂ ରଣେ॥ 2-50-23 (13322)
ତ୍ରୈଲୋକ୍ଯକଣ୍ଟକଂ ବୀରଂ ମହାକାଯଂ ମହାବଲମ୍।
ରାବମଂ ସଗଣଂ ହତ୍ବା ରାମୋ ଭୂତପତିଃ ପୁରା॥ 2-50-24 (13323)
ଲଙ୍କାଯାଂ ତଂ ମହାତ୍ମାନଂ ରାକ୍ଷସେନ୍ଦ୍ରଂ ବିଭୀଷଣମ୍।
ଅଭିଷିଚ୍ଯ ତତୋ ରାମ ଅମରତ୍ବଂ ଦଦୌ ତଦା॥ 2-50-25 (13324)
ଆରୁହ୍ଯ ପୁଷ୍ପକଂ ରାମଃ ସୀତାମାଦାଯ ପାଣ୍ଡବ।
ସବଲଂ ସ୍ବପୁରଂ ଗତ୍ବା ଧର୍ମରାଜ୍ଯମପାଲଯତ୍॥ 2-50-26 (13325)
ଦାନବୋ ଲବଣୋ ନାମ ମଧୋଃ ପୁତ୍ରୋ ମହାବଲଃ।
ଶତ୍ରୁଘ୍ନେନ ହତୋ ରାଜଂସ୍ତଦା ରାମସ୍ଯ ଶାସନାତ୍॥ 2-50-27 (13326)
ଏବଂ ବହୂନି କର୍ମାଣି କୃତ୍ବା ଲୋକହିତାଯ ସଃ।
ରାଜଂ ଚକାର ବିଧିବଦ୍ରାମୋ ଧର୍ମଭୃତାଂ ବରଃ॥ 2-50-28 (13327)
ଶତାଶ୍ବମେଧାନାଜହ୍ରେ ଜ୍ଯୋତିରୁକ୍ଥ୍ଯାନ୍ନିରର୍ଗଲାନ୍।
ନାଶ୍ରୂଯନ୍ତାଶୁଭା ବାଚୋ ନାତ୍ଯଯଃ ପ୍ରାଣିନାଂ ତଦା। 2-50-29 (13328)
ନ ଦସ୍ଯୁଜଂ ଭଯଂ ଚାସୀଦ୍ରାମେ ରାଜ୍ଯଂ ପ୍ରଶସତି।
ଋଷୀଣାଂ ଦେବତାନାଂ ଚ ମନୁଷ୍ଯାଣାଂ ତଥୈବ ଚ॥ 2-50-30 (13329)
ପୃଥିବ୍ଯାଂ ଧାର୍ମିକାଃ ସର୍ବେ ରାମେ ରାଜ୍ଯଂ ପ୍ରଶାସତି।
ନାଧର୍ମିଷ୍ଠୋ ନରଃ କଶ୍ଚିଦ୍ବଭୂବ ପ୍ରାଣିନାଂ କ୍ବଚିତ୍॥ 2-50-31 (13330)
ପ୍ରାଣାପାନୌ ସମୌ ହ୍ଯାସ୍ତାଂ ରାମେ ରାଜ୍ଯଂ ପ୍ରଶାସତି।
ଗାଧାମପ୍ଯତ୍ର ଗାଯନ୍ତି ଯେ ପୁରାଣବିଦୋ ଜନାଃ॥ 2-50-32 (13331)
ଶ୍ଯାମୋ ଯୁବା ଲୋହିତାକ୍ଷୋ ମାତଙ୍ଗାନାମିବର୍ଷଭଃ।
ଆଜାନୁବାହୁଃ ସୁମୁଖଃ ସିଂହସ୍କନ୍ଧୋ ମହାବଲଃ॥ 2-50-33 (13332)
ଦଶବର୍ଷସହସ୍ରାଣି ଦଶବର୍ଷଶତାନି ଚ।
ରାଜ୍ଯଂ ଭୋଗଂ ଚ ସମ୍ପ୍ରାପ୍ଯ ଶଶାସ ପୃଥିବୀମିମାମ୍॥ 2-50-34 (13333)
ରାମୋ ରାମୋ ରାମ ଇତି ପ୍ରାଜାନାମଭବନ୍କଥାଃ।
ରାମଭୂତଂ ଜଗଦିଦଂ ରାମେ ରାଜ୍ଯଂ ପ୍ରଶାସତି॥ 2-50-35 (13334)
ଋଗ୍ଯଜୁଃ ସାମହୀନାଶ୍ଚ ନ ତଦାଽସନ୍ଦ୍ବିଜାଯଃ।
ଉଷିତ୍ବା ଦଣ୍ଡକେ କାର୍ଯଂ ତ୍ରିଦଶାନାଂ ଚକାର ସଃ॥ 2-50-36 (13335)
ପୂର୍ବାପକାରିଣଂ ତଂ ତୁ ପୌଲସ୍ତ୍ଯଂ ମନୁଜର୍ଷଭମ୍।
ଦେବଗନ୍ଧର୍ବନାଗାନାମରିଂ ସ ନିଜଘାନହ॥ 2-50-37 (13336)
ସତ୍ବବାନ୍ଗୁଣସମ୍ପନ୍ନୋ ଦୀପ୍ଯମାନଃ ସ୍ବତେଜସା।
ଏବମେବ ମହାବାହୁରିକ୍ଷ୍ବାକୁକୁଲବର୍ଧନଃ॥ 2-50-38 (13337)
ରାବଣଂ ସଗଣଂ ହତ୍ବା ଦିବମାକ୍ରମତାଭିଭୂଃ।
ଇତି ଦାଶରଥେଃ ଖ୍ଯାତଃ ପ୍ରାଦୁର୍ଭାବୋ ମହାତ୍ମନଃ॥ 2-50-39 (13338)
ତତଃ କୃଷ୍ଣୋ ମହାବାହୁର୍ଭୀତାନାମଭଯଙ୍କରଃ।
ଅଷ୍ଟାବିଂଶେ ଯୁଗେ ରାଜଞ୍ଜଜ୍ଞେ ଶ୍ରୀବତ୍ସଲକ୍ଷଣଃ॥ 2-50-40 (13339)
ପେଶଲଶ୍ଚ ବଦାନ୍ଯଶ୍ଚଲୋକେ ବହୁମତୋ ନୃଷୁ।
ସ୍ମୃତିମାନ୍ଦେଶକାଲଜ୍ଞଃ ଶଙ୍ଖଚକ୍ରଗଦାସିଭୃତ୍॥ 2-50-41 (13340)
ବାସୁଦେବ ଇତି ଖ୍ଯାତୋ ଲୋକାନାଂ ହିତକୃତ୍ସଦା।
ବୃଷ୍ଣୀନାଂ ଚ କୁଲେ ଜାତୋ ଭୂମେଃ ପ୍ରିଯଚିକୀର୍ଷଯା॥ 2-50-42 (13341)
ଶତ୍ରୂଣାଂ ଭଯକୃଦ୍ଦାତା ମଧୁହେତି ସ ବିଶ୍ରୁତଃ।
ଶକଟାର୍ଜୁନରାମାଣାଂ କୀଲସ୍ଥାନାନ୍ଯସୂଦଯତ୍॥ 2-50-43 (13342)
କଂସାଦୀନ୍ନିଜଘାନାଜୌ ଦୈତ୍ଯାନ୍ମାନୁଷବିଗ୍ରହାନ୍।
ଅଯଂ ଲୋକହିତାର୍ଥାଯ ପ୍ରାଦୁର୍ଭାବୋ ମହାତ୍ମନଃ॥ 2-50-44 (13343)
କଲ୍କୀ ବିଷ୍ଣୁଯଶା ନାମ ଭୂଯଶ୍ଚୋତ୍ପତ୍ସ୍ଯତେ ହରିଃ।
ଲେର୍ଯୁଗାନ୍ତେ ସମ୍ପ୍ରାପ୍ତେ ଧର୍ମେ ଶିଥିଲତାଂ ଗତେ॥ 2-50-45 (13344)
ପାଷଣ୍ଡିନାଂ ଗଣାନାଂ ହି ବଧାର୍ଥଂ ଭରତର୍ଷଭ।
ଧର୍ମସ୍ଯ ଚ ବିବୃଦ୍ଧ୍ଯର୍ଥଂ ବିପ୍ରାଣାଂ ହିତକାମ୍ଯଯା॥ 2-50-46 (13345)
ଏତେ ଚାନ୍ଯେ ଚ ବହବୋ ବିଷ୍ଣୋର୍ଦେବଗଣୈର୍ଯୁତାଃ।
ପ୍ରାଦୁର୍ଭାବାଃ ପୁରାଣେଷୁ ଗୀଯନ୍ତେ ବ୍ରହ୍ମବାଦିଭିଃ॥ ॥ 2-50-47 (13346)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅର୍ଘାହରଣପର୍ବଣି ପଞ୍ଚାଶୋଽଧ୍ଯାଯଃ॥ 50॥
ସଭାପର୍ବ - ଅଧ୍ଯାଯ 051
॥ ଶ୍ରୀଃ ॥
2.51. ଅଧ୍ଯାଯଃ 051
Mahabharata - Sabha Parva - Chapter Topics
ଯୁଧିଷ୍ଠିରେଣ ଭୀଷ୍ମମ୍ପ୍ରତି ବିସ୍ତରେଣ କୃଷ୍ଣକଥାକଥନପ୍ରାର୍ଥନା॥ 1॥ ଦେବାସୁରଯୁଦ୍ଧେ ପରାଜିତାନାଂ ଦେବାନାଂ ସ୍ମରଣମାତ୍ରସଂନିହିତେନ ହରିଣା ଦୈତ୍ଯାନାଂ ପରା ଜଯଃ॥ 2॥ ଭୂମ୍ଯା ସ୍ବଭାରାବତରଣଂ ପ୍ରାର୍ଥିତେଽସ୍ଯ ବିଷ୍ଣୋଃ ଭୂମାବବତାରନିର୍ଧାରଣମ୍॥ 3॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ଏବମୁକ୍ତେ ତୁ କୌନ୍ତେଯସ୍ତତଃ କୌରବନନ୍ଦନଃ।
ଆବଭାଷେ ପୁନର୍ଭୀଷ୍ଣେ ଧର୍ମରାଜୋ ଯୁଧିଷ୍ଠିରଃ॥ 2-51-1 (13347)
ଭୂଯ ଏବ ମନୁଷ୍ଯେନ୍ଦ୍ର ଉପେନ୍ଦ୍ରସ୍ଯ ଯଶସ୍ବିନଃ।
ଜନ୍ମ ବୃଷ୍ଣିଷୁ ବିଜ୍ଞାତୁମିଚ୍ଛାମି ବଦତାଂ ବର॥ 2-51-2 (13348)
ଯଥୈବ ଭଗବାଞ୍ଜାତଃ କ୍ଷିତାବିହ ଜନାର୍ଦନଃ।
ମାଧବେଷୁ ମହାବୁଦ୍ଧିସ୍ତନ୍ମେ ବ୍ରୂହି ପିତାମହ॥ 2-51-3 (13349)
ବୈଶମ୍ପାଯନ ଉବାଚ। 2-51-4x (1477)
ଏବମୁକ୍ତସ୍ତତୋ ଭୀଷ୍ମଃ କେଶବସ୍ଯ ମହାତ୍ମନଃ।
ମାଧବେଷୁ ତଥା ଜନ୍ମ କଥଯାମାସ ବୀର୍ଯବାନ୍॥ 2-51-4 (13350)
ହନ୍ତ ତେ କଥଯିଷ୍ଯାମି ଯୁଧିଷ୍ଠିର ଯଥାତଥମ୍।
ଯତୋ ନାରାଯଣସ୍ଯେହ ଜନ୍ମ ବୃଷ୍ଣିଷୁ କୌରବ॥ 2-51-5 (13351)
ପୁରା ଲୋକେ ମହାରାଜ ବର୍ତମାନେ କୃତେ ଯୁଗେ।
ଆସୀତ୍ରୈଲୋକ୍ଯବିଖ୍ଯାତଃ ସଙ୍ଗ୍ରାମସ୍ତାରକାମଯଃ॥ 2-51-6 (13352)
ବିରୋଚନୋ ମଯସ୍ତାରୋ ବରାହଃ ଶ୍ବେତ ଏବ ଚ।
ବିପ୍ରଚିତ୍ତିଃ ପ୍ରଲମ୍ବଶ୍ଚ ବୃତ୍ରଜମ୍ଭବଲାଦଯଃ॥ 2-51-7 (13353)
ନମୁଚିଃ କାଲନେମିଶ୍ଚ ପ୍ରହ୍ଲାଦ ଇତି ବିଶ୍ରୁତଃ।
ଲମ୍ବଃ କିଶୋରଃ ସ୍ବର୍ଭାନୁରରିଷ୍ଟୋ ରାକ୍ଷସେଶ୍ବରଃ॥ 2-51-8 (13354)
ଏତେ ଚାନ୍ଯେ ଚ ବହବୋ ଦୈତ୍ଯସଙ୍ଘାଃ ସହସ୍ରଶଃ।
ନାନାଶସ୍ତ୍ରଧରା ରାଜନ୍ନାନାଭୂଷଣବାହନାଃ॥ 2-51-9 (13355)
ଦେବତାନାମଭିମୁଖାସ୍ତସ୍ଥୁର୍ଦୈତେଯଦାନବାଃ।
ଦେବାସ୍ତୁ ଯୁଧ୍ଯମାନାସ୍ତେ ଦାନବାନଭ୍ଯଯୂ ରଣେ॥ 2-51-10 (13356)
ଆଦିତ୍ଯା ବସବୋ ରୁଦ୍ରାଃ ସାଧ୍ଯା ବିଶ୍ବେ ମରୁଦ୍ଗଣାଃ।
ଇନ୍ଦ୍ରୋ ଯମଶ୍ଚ ବରୁଣଶ୍ଚନ୍ଦ୍ରଶ୍ଚୈବ ଧନେଶ୍ବରଃ॥ 2-51-11 (13357)
ଅଶ୍ବିନୌ ଚ ମହାବୀର୍ଯୌ ଯେ ଚାନ୍ଯେ ଦେବତାଗଣାଃ।
ଚକ୍ରୁର୍ଯୁଦ୍ଧଂ ମହାଘୋରଂ ଦାନବୈଶ୍ଚ ଯଥାକ୍ରମମ୍॥ 2-51-12 (13358)
ଯୁଧ୍ଯମାନାଃ ସମେଯୁଶ୍ଚ ଦେବା ଦୈତେଯଦାନବୈଃ।
ତଦ୍ଯୁଦ୍ଧମଭବଦ୍ଘୋରଂ ଦେବଦାନବସଙ୍କୁଲମ୍॥ 2-51-13 (13359)
ତାଭ୍ଯାଂ ବଲାଭ୍ଯାଂ ସଞ୍ଜଜ୍ଞେ ତୁମୁଲୋ ବିଗ୍ରହସ୍ତଦା।
ତୀକ୍ଷ୍ଣଶସ୍ତ୍ରୈଃ କିରନ୍ତୋଽଥ ଅଭ୍ଯଯୁର୍ଦେବଦାନବାଃ॥ 2-51-14 (13360)
ଘ୍ରନ୍ତି ଦେବାନ୍ସଗନ୍ଧର୍ବାନ୍ସଯକ୍ଷୋରଗଚାରଣାନ୍।
ତେ ବଧ୍ଯମାନା ଦୈତେଯୈର୍ଦେବସଙ୍ଘାସ୍ତଦା ରଣେ॥ 2-51-15 (13361)
ତ୍ରାତାରଂ ମନସା ଜଗ୍ମୁର୍ଦେବଂ ନାରାଯମଂ ପ୍ରଭୁମ୍।
ଏତସ୍ମିନ୍ନନ୍ତରେ ତତ୍ର ଜଗାମ ହରିରୀଶ୍ବରଃ॥ 2-51-16 (13362)
ଦୀପଯଞ୍ଜ୍ଯୋତିଷା ଭୂମିଂ ଶଙ୍ଖଚକ୍ରଗଦାଧରଃ।
ତମାଗତଂ ସୁପର୍ଣସ୍ଥଂ ବିଷ୍ଣୁଂ ଲୋକନମସ୍କୃତମ୍॥ 2-51-17 (13363)
ଦୃଷ୍ଟ୍ବା ମୁଦା ଯୁତାଃ ସର୍ବେ ଭଯଂ ତ୍ଯକ୍ତ୍ବା ରମେ ସୁରାଃ।
ଚକ୍ରୁର୍ଯୁଦ୍ଧଂ ପୁନଃ ସର୍ବେ ଦେବା ଦୈତେଯଦାନବୈଃ॥ 2-51-18 (13364)
ତଦ୍ଯୁଦ୍ଧମଭବଦ୍ଘୋରମଚିନ୍ତ୍ଯଂ ରୋମହର୍ଷଣମ୍।
ଜଘ୍ରୁର୍ଦୈତ୍ଯାନ୍ତ୍ରଣେ ଘୋରାଃ ସର୍ବେ ଶକ୍ରପୁରୋଗମାଃ॥ 2-51-19 (13365)
ତେ ବାଧ୍ଯମାନା ବିବୁଧୈର୍ଦୁଦ୍ରୁବୁଦୈତ୍ଯଦାନବାଃ॥ 2-51-20 (13366)
ବିଦ୍ରୁତାନ୍ଦାନବାନ୍ଦୃଷ୍ଟ୍ବା ତଦା ଭାରତ ସଂଯୁଗେ।
କାଲନେମିରିତି ଖ୍ଯାତୋ ଦାନବଃ ପ୍ରତ୍ଯଦୃଶ୍ଯତା॥ 2-51-21 (13367)
ଶତ୍ରୁପ୍ରହରଣେ ଘୋରଃ ଶତବାହୁଃ ଶତାନନଃ।
ଶତଶୀର୍ଷଃ ସ୍ଥିତଃ ଶ୍ରୀମାଞ୍ଛତଶୃଙ୍ଗଂ ଇବାଚଲଃ॥ 2-51-22 (13368)
ଭାସ୍କରାକାରମୁକୁଟଃ ଶିଞ୍ଜିତାଭରଣାଙ୍ଗଦଃ।
ଧୂମ୍ରକେତୁର୍ହରିଶ୍ମଶ୍ରୁର୍ନିର୍ଦଷ୍ଟୋଷ୍ଠପୁଟାନନଃ॥ 2-51-23 (13369)
ତ୍ରୈଲୋକ୍ଯାନ୍ତରବିସ୍ତାରଂ ଧାରଯନ୍ବିପୁଲଂ ବପୁଃ।
ତର୍ଜଯନ୍ବୈ ରଣେ ଦେବାଞ୍ଛାଦଯନ୍ବୈ ଦିଶୋ ଦଶ॥ 2-51-24 (13370)
ଅଭ୍ଯଧାବତ୍ସୁସଙ୍କ୍ରୁଦ୍ଧୋ ବ୍ଯାଦିତାସ୍ଯ ଇବାନ୍ତକଃ।
ତତ୍ର ଶସ୍ତ୍ରପ୍ରତାନୈଶ୍ଚ ଦେବାନ୍ଧର୍ଷିତବାନ୍ତ୍ରଣେ॥ 2-51-25 (13371)
ଅଭ୍ଯାଯଯୁଃ ସୁରାନ୍ସର୍ବାନ୍ପୁନସ୍ତେ ଦୈତ୍ଯଦାନବାଃ।
ଆପୀଡଯନ୍ତ୍ରଣେ କ୍ରୁଦ୍ଧାସ୍ତତୋ ଦେବାନ୍ଯୁଧିଷ୍ଠିର॥ 2-51-26 (13372)
ତେ ବଧ୍ଯମାନା ବିବୁଧାଃ ସମରେ କାଲନେମିନା।
ଦୈତ୍ଯୈଶ୍ଚୈବ ମହାରାଜ ଦୁଦ୍ରୁବୁସ୍ତେ ଦିଶୋ ଦଶ॥ 2-51-27 (13373)
ବିବୁଧାନ୍ବିଦ୍ରୁତାନ୍ଦୃଷ୍ଟ୍ବା କାଲନେମିର୍ମହା।ଞସୁରଃ।
ଇନ୍ଦ୍ରଂ ଯମଂ ଚ ବରୁଣଂ ବାଯୁଂ ଚ ଧନଦଂ ରବିମ୍॥ 2-51-28 (13374)
ଏତାଂଶ୍ଚାନ୍ଯାନ୍ବଲାଞ୍ଜିତ୍ବା ତେଷାଂ କାର୍ଯାଣ୍ଯବାପ ସଃ।
ତାନ୍ସର୍ବାନ୍ସହସା ଜିତ୍ବା କାଲନେମିର୍ମହାସୁରଃ॥ 2-51-29 (13375)
ଦଦର୍ଶ ଗଗନେ ବିଷ୍ଣୁଂ ସୁପର୍ଣସ୍ଥଂ ମହାଦ୍ଯୁତିମ୍।
ତଂ ଦୃଷ୍ଟ୍ବା କ୍ରୋଧତାମ୍ରାକ୍ଷସ୍ତର୍ଜଯନ୍ନଭ୍ଯଯାତ୍ତଦା॥ 2-51-30 (13376)
ସ ବାହୁଶତମୁଦ୍ଯମ୍ଯ ସର୍ବାସ୍ତ୍ରଗ୍ରହଣଂ ରଣେ।
ରୋଷାଦ୍ଭାରତ ଦୈତ୍ଯେନ୍ଦ୍ରୋ ବିଷ୍ଣୋରୁରସି ପାତଯତ୍॥ 2-51-31 (13377)
ଦୈତ୍ଯାଶ୍ଚ ଦାନବାଶ୍ଚୈବ ସର୍ବେ ମଯପୁରୋଗମାଃ।
ସ୍ବାନ୍ଯାଯୁଧାନି ସଙ୍ଗୃହ୍ଯ ସର୍ବେ ବିଷ୍ଣୁମୁପାଦ୍ରବନ୍॥ 2-51-32 (13378)
ସ ତାଡ୍ଯମାନୋ।ଞତିବଲୈର୍ଦୈତ୍ଯୈଃ ସର୍ବାଯୁଘୋଦ୍ଯତୈଃ।
ନ ଚଚାଲ ହରିର୍ଯୁଦ୍ଧେଽକମ୍ପମାନ ଇବାଚଲଃ॥ 2-51-33 (13379)
ପୁନରୁଦ୍ଯମ୍ଯ ସଙ୍କ୍ରୁଦ୍ଧଃ କାଲନେମିର୍ଦୃଢାଂ ଗଦାମ୍।
ଜଘାନ ଗଦଯା ରାଜଂସ୍ତଂ ବିଷ୍ଣୁଂ ଗରୁଡଂ ଚ ବୈ॥ 2-51-34 (13380)
ତଂ ଦୃଷ୍ଟ୍ବା ଗୁରଡଂ ଶ୍ରାନ୍ତଂ ଚକ୍ରମୁଦ୍ଯସ୍ଯ ବୈ ହରିଃ।
ଶତଂ ଶିରାଂସି ବାହୂଂଶ୍ଚ ସୋଚ୍ଛିନତ୍କାଲନେମିନଃ॥ 2-51-35 (13381)
ଜଘାନାନ୍ଯାଂସ୍ଚ ତାନ୍ସର୍ବାନ୍ସମରେ ଦୈତ୍ଯଦାନବାନ୍।
ବିବୁଧାନାମୃଷୀଣାଂ ଚ ସ୍ବାନି ସ୍ଥାନାନି ବୈ ଦଦୌ॥ 2-51-36 (13382)
ଦତ୍ତ୍ବା ସୁରାଣାଂ ସୁଗ୍ରୀତୋ ଯୋଗ୍ଯକର୍ମାଣି ଭାରତ।
ଜଗାମ ବ୍ରହ୍ମଣା ସାର୍ଧଂ ବ୍ରହ୍ମଲୋକଂ ତଦା ହରିଃ॥ 2-51-37 (13383)
ବ୍ରହ୍ମଲୋକଂ ପ୍ରବିଶ୍ଯାଶ୍ଚ ପ୍ରାପ୍ଯ ନାରାଯଣଃ ପ୍ରଭୁଃ।
ପୌରାଣଂ ବ୍ରହ୍ମସଦନଂ ଦିବ୍ଯଂ ନାରାଯଣାଶ୍ରଯମ୍॥ 2-51-38 (13384)
ସ ପ୍ରବିଶ୍ଯ ତଦା ଦେବଃ ସ୍ତୂଯମାନୋ ମହର୍ଷିଭିଃ।
ସହସ୍ରଶୀର୍ଷା ଭୂତ୍ବା ଚ ଶଯନାଯୋପଚକ୍ରମେ॥ 2-51-39 (13385)
ଆଦିଦେବଃ ପୁରାଣାତ୍ମା ନିଦ୍ରାବଶମୁପାଗତଃ।
ଶେତେ ସୁଖଂ ସଦା ବିଷ୍ଣୁର୍ମୋହଯଞ୍ଜଗଦବ୍ଯଯଃ॥ 2-51-40 (13386)
ଜଗ୍ମୁସ୍ତସ୍ଯାଥ ବର୍ଷାଣି ଶଯାନସ୍ଯ ମହାତ୍ମନଃ।
ଷଟ୍ତ୍ରିଂଶଚ୍ଛତସାହସ୍ରଂ ମାନୁଷେଣେହ ସଙ୍ଖ୍ଯଯା॥ 2-51-41 (13387)
ଜଗ୍ମୁଃ କୃତଯୁଗତ୍ରେତାଦ୍ବାପରାନ୍ତେ ବୁବୋଧ ହ।
ବ୍ରହ୍ମାଦିଭିଃ ସ୍ତୂଯମାନଃ ସୁରୈଶ୍ଚାପି ସହର୍ଷିଭିଃ॥ 2-51-42 (13388)
ଉତ୍ପତ୍ଯ ଶଯନାଦ୍ବିଷ୍ଣୁର୍ବ୍ରହ୍ମଣା ବିବୁଧୈଃ ସହ।
ଦେବାନାଂ ଚ ହିତାର୍ଥାଯ ଯଯୌ ଦେବସଭାଂ ପ୍ରତି॥ 2-51-43 (13389)
ମେରୋଃ ଶିରସି ବିନ୍ଯସ୍ତାଂ ଜ୍ବଲନ୍ତୀଂ ତାଂ ଶୁଭାଂ ସଭାମ୍।
ବିବିଶୁସ୍ତେ ସୁରାଃ ସର୍ବେ ବ୍ରହ୍ମଣା ସହ ଭାରତ॥ 2-51-44 (13390)
ଜଗ୍ମୁସ୍ତତ୍ର ନିଷେଦୁସ୍ତେ ସା ନିଃଶବ୍ଦା ହ୍ଯଭୂତ୍ତଦା।
ତତ୍ର ଭୂମିରୁବାଚାଥ ଖେଦାତ୍କରୁଣଭାଷିଣୀ॥ 2-51-45 (13391)
ରାଜ୍ଞାଂ ବଲୈର୍ବଲବତାଂ ଖିନ୍ନାସ୍ମି ଭୃଶପୀଡିତା।
ନିତ୍ଯଂ ଭାରପରିଶ୍ରାନ୍ତା ଦୁଃଖଂ ଜୀବାମ୍ଯହଂ ସୁରାଃ॥ 2-51-46 (13392)
ପୁରେ ପୁରେ ଚ ନୃପତିଃ କୋଟିସଙ୍ଖ୍ଯୈର୍ବଲୈର୍ବୃତଃ।
ରାଷ୍ଟ୍ରେ ରାଷ୍ଟ୍ରେ ଚ ଶତଶୋ ଗ୍ରାମାଃ କୁଲସହସ୍ରିଣଃ॥ 2-51-47 (13393)
ଭୂମିପାନାଂ ସହସ୍ରୈଶ୍ଚ ତେଷାଂ ଚ ବିଲନାଂ ବଲୈଃ।
ଗ୍ରାମାଯୁତୈଃ ପୁରୈ ରାଷ୍ଟ୍ରୈରହଂ ନିର୍ବିବରୀକୃତା॥ 2-51-48 (13394)
ତସ୍ମାଦ୍ଧାରଯିତୁଂ ଶକ୍ତ୍ଯା ନ କ୍ଷମାସି ଜନାନହମ୍।
ଦୈତ୍ଯୈଶ୍ଚ ବାଧ୍ଯମାନାସ୍ତାଃ ପ୍ରାଜ ନିତ୍ଯଂ ଦୁରାତ୍ମଭିଃ॥ 2-51-49 (13395)
ଭୀଷ୍ଣ ଉବାଚ। 2-51-50x (1478)
ଭୂମେସ୍ତୁ ବଚନଂ ଶ୍ରୁତ୍ବା ଦେବୋ ନାରାଯଣସ୍ତଦା।
ବ୍ଯାଦିଶ୍ଯ ତାନ୍ସୁରାନ୍ସର୍ବାନ୍କ୍ଷିତୌ ବସ୍ତୁଂ ମନୋ ଦଧେ॥ ॥ 2-51-50 (13396)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅର୍ଘାହରଣପର୍ବଣି ଏକପଞ୍ଚାଶୋଽଧ୍ଯାଯଃ॥ 51॥
Mahabharata - Sabha Parva - Chapter Footnotes
2-51-42 କୃତଯୁଗତ୍ରେତାଦ୍ବାପରାଃ ଅନ୍ତ ଇତି ଛେଦଃ॥ସଭାପର୍ବ - ଅଧ୍ଯାଯ 052
॥ ଶ୍ରୀଃ ॥
2.52. ଅଧ୍ଯାଯଃ 052
Mahabharata - Sabha Parva - Chapter Topics
ବିଷ୍ଣୁନା ଦେବାନାଂ ଭୂମାବୁତ୍ପତ୍ତଯେ ଆଜ୍ଞାପନମ୍॥ 1॥ ଅବତୀର୍ଣେ କୃଷ୍ଣେ ସ୍ବର୍ଗାଦାଗତାନାମିନ୍ଦ୍ରାଦୀନାଂ ଶ୍ରୀକୃଷ୍ଣଂ ସ୍ତୁତ୍ବା ପୁନଃ ସ୍ବ ଲୋକଗମନମ୍॥ 2॥ ଶ୍ରୀକୃଷ୍ଣେନ ଶକଟାସୁରବଧଃ। ଅର୍ଜୁନତରୁଭଞ୍ଜନମ୍। ବୃନ୍ଦାବଂ ଗତ୍ବା ବନେ ବିହରଣମ୍॥ 3॥Mahabharata - Sabha Parva - Chapter Text
ଭୀଷ୍ଣ ଉବାଚ।
ଯଚ୍ଚକେ ଭଗବାନ୍ବିଷ୍ଣୁର୍ବସୁଦେବସୁତସ୍ତଦା।
ତତ୍ତେଽହଂ ସମ୍ପ୍ରବକ୍ଷ୍ଯାମି ଶୃଣୁ ସ୍ରବମଶେଷତଃ॥ 2-52-1 (13397)
ବାସୁଦେବସ୍ଯ ମହାତ୍ମ୍ଯଂ ଚରିତଂ ଚ ମହାତ୍ମନଃ।
ହିତାର୍ଥଂ ସୁରସର୍ତ୍ଯାନାଂ ଲୋକାନାଂ ଚ ହିତାଯ ଚ॥ 2-52-2 (13398)
ଯଦା ଦିବି ବିଭୁସ୍ତାତ ନ ରେମେ ଭଗବାନସୌ।
ତତୋ ବ୍ଯାଦିଶଯ ଭୂତାନି ବିଭୁର୍ଭୂମିସୁଖାବହଃ॥ 2-52-3 (13399)
ନିଗ୍ରହାର୍ଥାଯ ଦୈତ୍ଯାନାଂ ଚୋଦଯାମାସ ବୈ ତଦା।
ମୁରୁତଶ୍ଚ ବସୂଂଶ୍ଚୈବ ସୂର୍ଯାଚନ୍ଦ୍ରମସାବୁଭୌ॥ 2-52-4 (13400)
ଗନ୍ଧର୍ବାପ୍ସରସଶ୍ଚୈବ ରୁଦ୍ରାଦିତ୍ଯାଂସ୍ତଥାଽଶ୍ବିନୌ।
ଜାଯଧ୍ବଂ ମାନୁଷେ ଲୋକେ ସର୍ବଲୋକମହେଶ୍ବରାଃ॥ 2-52-5 (13401)
ଜଙ୍ଗମାନି ବିଶାଲାକ୍ଷୋ ହ୍ଯାତ୍ମାର୍ଥମସୃଜତ୍ପ୍ରଭୁଃ।
ଜାଯନ୍ତାମିତି ଗୋବିନ୍ଦସ୍ତିର୍ଯଗ୍ଯୋନିଗତୈଃ ସହ॥ 2-52-6 (13402)
ତାନି ସର୍ବାଣି ସର୍ବଜ୍ଞୋ ବ୍ଯଜାଯତ ଯଦୋଃ କୁଲେ।
ଆତ୍ମାନମାତ୍ମନା ତାତ କୃତ୍ବା ବହୁବିଧଂ ହରିଃ।
ରତ୍ଯର୍ଥମିହ ଗାସ୍ତତ୍ର ରରକ୍ଷ ପୁରୁଷୋତ୍ତମଃ। 2-52-7 (13403)
ଅଜାତଶତ୍ରୋ ଜାତସ୍ତୁ ଯଥେଷ୍ଟ ଭୁବି ଭୂମିପ।
କୀର୍ତ୍ଯମାନଂ ମଯା ତାତ ନିବୋଧ ଭରତର୍ଷଭ॥ 2-52-8 (13404)
ସାଗରାଃ ସମକମ୍ପନ୍ତ ମୁଦା ଚେଲୁଶ୍ଚ ପର୍ବତାଃ।
ଜଜ୍ବଲୁଶ୍ଚାଗ୍ନଯଃ ଶାନ୍ତା ଜାଯମାନେ ଜନାର୍ଦନେ॥ 2-52-9 (13405)
ଶିବାଃ ସମ୍ପ୍ରବବୁର୍ବାତାଃ ପ୍ରଶାନ୍ତମଭବଦ୍ରଜଃ।
ଜ୍ଯୋତୀଂଷି ସମ୍ପ୍ରକାଶନ୍ତ ଜାଯମାନେ ଜନାର୍ଦନେ॥ 2-52-10 (13406)
ଦେବଦୁନ୍ଦୁଭଯଶ୍ଚାପି ସସ୍ବନୁର୍ଭୃଶମମ୍ବରେ।
ଅଭ୍ଯବର୍ଷଂସ୍ତଦାଽଽଗମ୍ଯ ଦେବତାଃ ପୁଷ୍ପବୃଷ୍ଟିଭିଃ॥ 2-52-11 (13407)
ଗୀର୍ଭିର୍ମଙ୍ଗଲଯୁକ୍ତାଭିଃ ସ୍ତୁବନ୍ବୈ ମଧୁସଦନମ୍।
ଉପତସ୍ଥୁସ୍ତଦା ପ୍ରୀତାଃ ପ୍ରାଦୁର୍ଭାବେ ମହର୍ଷଯଃ॥ 2-52-12 (13408)
ତତସ୍ତାନଭିସମ୍ପ୍ରେକ୍ଷ୍ଯ ନାରଦପ୍ରମୁଖାନୃଷୀନ୍।
ଉପାନୃତ୍ଯନ୍ନୁପଜଗୁର୍ଗନ୍ଧର୍ବାପ୍ସରସାଂ ଗଣାଃ॥ 2-52-13 (13409)
ଉପତସ୍ଥେ ଚ ଗୋବିନ୍ଦଂ ସହସ୍ରାକ୍ଷଃ ଶଚୀପତିଃ।
ଅଭ୍ଯଭାଷତ ତେଜସ୍ବୀ ମହର୍ଷୀନ୍ପୂଜଯଂସ୍ତଦା॥ 2-52-14 (13410)
କୃତ୍ବା ଚ ଦେବକାର୍ଯାଣି କୃତ୍ବା ଦେବହିତାନି ଚ।
ଖଂ ଲୋକଂ ଲୋକକୃଦ୍ଦେବଃ ପୁନର୍ଗଚ୍ଛତି ତେଜସା॥ 2-52-15 (13411)
ଇତ୍ଯୁକ୍ତ୍ବା ଋଷିଭିଃ ସାର୍ଘଂ ଜଗାମ ତ୍ରିଦିବଂ ପୁନଃ।
ଅଭ୍ଯନୁଜ୍ଞାଯ ତାନ୍ସର୍ବାଞ୍ଛାଦଯନ୍ପ୍ରକୃତିଂ ପରାମ୍॥ 2-52-16 (13412)
ନନ୍ଦଗୋପକୁଲେ କୃଷ୍ଣ ଉବାସ ବହୁଲାଃ ସମାଃ।
ତତଃ କଦାଚିତ୍ସୁପ୍ତଂ ତଂ ଶକଟସ୍ଯ ତ୍ବଧଃ ଶିଶୁମ୍॥ 2-52-17 (13413)
ଯଶୋଦା ସମ୍ପରିତ୍ଯଜ୍ଯ ଜଗାମ ଯମୁନାଂ ନଦୀମ୍।
ଶିଶୁଲୀଲାଂ ତତଃ କୁର୍ବନ୍ସ୍ବହସ୍ତଚରଣୌ କ୍ଷିପନ୍॥ 2-52-18 (13414)
ରୁରୋଦ ମଧୁରଂ କୃଷ୍ଣଃ ପାଦାବୂର୍ଧ୍ବଂ ପ୍ରସାରଯନ୍।
ପାଦାଙ୍ଗୁଷ୍ଠେନ ଶକଟଂ ଦାରଯନ୍ନଥ କେଶବଃ॥ 2-52-19 (13415)
ତତ୍ର ଏକେନ ପାଦେନ ପାତଯିତ୍ବା ତଥା ଶିଶୁଃ।
ନ୍ଯୁବ୍ଜଂ ପଯୋଧରାକାଙ୍କ୍ଷୀ ସସାର ଚ ରୁରୋଦ ଚ॥ 2-52-20 (13416)
ପାଟିତଂ ଶକଟଂ ଦୃଷ୍ଟ୍ବା ଭିନ୍ନଭାଣ୍ଡପୁଟୀକଟମ୍।
ଜନାସ୍ତେ ଶିଶୁନା ତେନ ବିସ୍ମଯଂ ପରମଂ ଯଯୁଃ॥ 2-52-21 (13417)
ପ୍ରତ୍ଯକ୍ଷଂ ଶୂରସେନାନାଂ ଦୃଶ୍ଯତେ ମହଦଦ୍ଭୁତମ୍।
ଶଯାନେନ ହତଃ କଂସପକ୍ଷବାଂସ୍ତିଗ୍ମତେଜସା॥ 2-52-22 (13418)
ପୂତନା ଚାପି ନିହତା ମହାକାଯା ମହାସ୍ତନୀ।
ତତଃ କାଲେ ମହାରାଜ ସଂସକ୍ତୌ ରାମକେଶବୌ॥ 2-52-23 (13419)
କୃଷ୍ଣଃ ସଙ୍କର୍ଷଣଶ୍ଚୋଭୌ ରିଙ୍ଖିଣୌ ଚ ବଭୂବତୁଃ।
ଅନ୍ଯୋନ୍ଯକିରଣାକ୍ରାନ୍ତୌ ଚନ୍ଦ୍ରସୂର୍ଯାବିବାମ୍ବରେ॥ 2-52-24 (13420)
ବିସର୍ପନ୍ତୌ ଚ ସର୍ବତ୍ର ମହାସର୍ପଭୁଜୌ ତଦା।
ରେଜତୁଃ ପାଂସୁଦିଗ୍ଧାଙ୍ଗୌ ରାମକୃଷ୍ଣୌ ତଦା ନୃପ॥ 2-52-25 (13421)
କ୍ବଚିଚ୍ଚ ଜାନୁଭିଃ ସ୍ପୃଷ୍ଟୌ କ୍ରୀଡମାନୌ କ୍ବଚିଦ୍ବନେ।
ପିବନ୍ତୌ ଦଧିକୁଲ୍ଯାଂଶ୍ଚ ମଥ୍ଯମାନେ ଚ ଭାରତ॥ 2-52-26 (13422)
ତତଃ ସ ବାଲୋ ଗୋବିନ୍ଦୋ ନବନୀତଂ ତଦା କ୍ଷଯମ୍।
ଗ୍ରାସମାନସ୍ତୁ ତତ୍ରାଯଂ ଗୋପୀଭିର୍ଦଦୃଶେ ତଥା॥ 2-52-27 (13423)
ଦାମ୍ନାଽଥୋଲୂଖଲେ କୃଷ୍ଣୋ ଗୋପୀଭିଶ୍ଚ ନିବନ୍ଧିତଃ।
ତତ୍ତଥା ଶିଶୁନା ତେନ କର୍ଷତା ଚାର୍ଜୁନାବୃଭୌ॥ 2-52-28 (13424)
ସମୂଲବିଟପୌ ଭଗ୍ନୌ ତଦଦ୍ଭୁତମିବାଭବତ୍।
ତତସ୍ତୌ ବାଲ୍ଯମୁତ୍ତୀର୍ଣୌ କୃଷ୍ଣସଙ୍କର୍ଷଣାବୁଭୌ॥ 2-52-29 (13425)
ତସ୍ମିନ୍ନେବ ବ୍ରଜସ୍ଥାନେ ସପ୍ତବର୍ଷୈ ବଭୂବତୁଃ।
ନୀଲପୀତାମ୍ବରଧରୌ ପୀତଶ୍ବେତାନୁଲେପନୌ॥ 2-52-30 (13426)
ବଭୁବତୁର୍ବତ୍ସପାଲୌ କାକପକ୍ଷଧରାବୁଭୌ।
ପର୍ଣବାଦ୍ଯଂ ଶ୍ରୁତିସୁଖଂ ବାଦଯନ୍ତୌ ବରାନନୌ॥ 2-52-31 (13427)
ଶୁଶୁଭାତେ ବନଗତୌ ତ୍ରିଶୀର୍ଷାବିବ ପନ୍ନଗୌ।
ମଯୂରାଙ୍ଗଜକର୍ଣୌ ତୌ ପଲ୍ଲବାପୀଡଧାରିଣୌ॥ 2-52-32 (13428)
ବନମାଲାପରିକ୍ଷିପ୍ତୌ ସାଲପୋତାବିବୋଦ୍ଗତୌ।
ଅରବିନ୍ଦକୃତାପୀଡୌ ରଜ୍ଜୁଯଜ୍ଞୋପବୀତିନୌ॥ 2-52-33 (13429)
ସଶିକ୍ଯତୁମ୍ବୁରୁକରୌ ଗୋପବେଣୁପ୍ରବାଦକୌ।
କ୍ବଚିଦ୍ବସନ୍ତାବନ୍ଯୋନ୍ଯଂ କ୍ରଡମାନୌ କ୍ବଚିଦ୍ବନେ॥ 2-52-34 (13430)
ପର୍ଣଶଯ୍ଯାସୁ ତୌ ସୁପ୍ତୌ କ୍ବଚିନ୍ନିଦ୍ରାନ୍ତରୈଷିଣୌ।
ତୌ ବତ୍ସାନ୍ପାଲଯନ୍ତୌ ହି ଶୋଭଯନ୍ତୌ ମହଦ୍ବନମ୍॥ 2-52-35 (13431)
ଚଞ୍ଚୂର୍ଯନ୍ତୌ ରମନ୍ତୌ ଚ ରାଜନ୍ନେବଂ ତଦା ଶୁଭମ୍।
ତତୋ ବୃନ୍ଦାବନଂ ଗତ୍ବା ବସୁଦେବସୁତାବୁଭୌ।
ଗୋକୁଲଂ ତତ୍ର କୌନ୍ଯେଯ ଚାରଯନ୍ତୌ ବିଜହ୍ରତୁଃ॥ ॥ 2-52-36 (13432)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅର୍ଘାହରଣପର୍ବଣି ଦ୍ବିପଞ୍ଚାଶୋଽଧ୍ଯାଯଃ॥ 52॥
ସଭାପର୍ବ - ଅଧ୍ଯାଯ 053
॥ ଶ୍ରୀଃ ॥
2.53. ଅଧ୍ଯାଯଃ 053
Mahabharata - Sabha Parva - Chapter Topics
କୃଷ୍ଣେନ ବାଲକୈଃ ସହ ବିହୃତ୍ଯ କାଲିଯମର୍ଦନମ୍॥ 1॥ ବଲରାମେଣ ଧେନୁକାସୁରହନନମ୍॥ 2॥ କୃଷ୍ଣେନ ଗୋବର୍ଧନୋଦ୍ଧରଣମ୍॥ 3॥ ଅରିଷ୍ଟାସୁରାଦିହନନମ୍॥ 4॥ ମଧୁରାଯାଂ କଂସଂ ହତ୍ବା ପିତ୍ରୋଃ ପାଦାଭିବନ୍ଦନମ୍॥ 5।Mahabharata - Sabha Parva - Chapter Text
ଭୀଷ୍ଣ ଉବାଚ।
ତତଃ କଦଚିଦ୍ଗୋବିନ୍ଦୋ ଜ୍ଯେଷ୍ଠଂ ସଙ୍କର୍ଷଣଂ ବିନା।
ଚଚାର ତଦ୍ବନଂ ରମ୍ଯଂ ସୁସ୍ବରୂପୋ ବରାନନଃ॥ 2-53-1 (13433)
କାକପକ୍ଷଧରଃ ଶ୍ରୀମାଞ୍ଛ୍ଯାମଃ ପଦ୍ମନିଭେକ୍ଷଣଃ।
ଶ୍ରୀବତ୍ସେନୋରସା ଯୁକ୍ତଃ ଶଶାଙ୍କ ଇବ ଲକ୍ଷ୍ମଣା॥ 2-53-2 (13434)
ରଜ୍ଜୁଯଜ୍ଞୋପବୀତୀ ସ ପୀତାମ୍ବରଧରୋ ଯୁବା।
ଶ୍ବେତଚନ୍ଦ୍ରନଲିପ୍ରାଙ୍ଗୋ ନୀଲକୁଞ୍ଚିତମୂର୍ଧଜଃ॥ 2-53-3 (13435)
ରାଜତା ବର୍ହିପତ୍ରେଣ ମନ୍ଦମାରୁତକମ୍ପିନା।
କ୍ବଚିଦ୍ଗାଯନ୍କ୍ବଞ୍ଚିତ୍କ୍ରୀଡନ୍କ୍ବଚିନ୍ନୃତ୍ଯନ୍କ୍ବଚିଦ୍ଧସନ୍॥ 2-53-4 (13436)
ଗୋପବେଣୁଂ ସୁମଧୁରଂ କାମଂ ତଦପି ବାଦଯନ୍।
ପ୍ରହ୍ଲାଦନାର୍ଥଂ ଚ ଗବାଂ କ କ୍ବଚିଦ୍ବନଗତୋ ଯୁବା॥ 2-53-5 (13437)
ଗୋକୁଲେ ମେଘକାଲେ ତୁ ଚଚାର ଦ୍ଯୁତିମାନ୍ପ୍ରଭୁଃ।
ବହୁରମ୍ଯେଷୁ ଦେଶେଷୁ ବନସ୍ଯ ବନରାଜିପୁ॥ 2-53-6 (13438)
ତାସୁ କୃଷ୍ଣୋ ମୁଦା ଯୁକ୍ତଃ କ୍ରୀଡଯନ୍ଭରତର୍ଷଭ।
ସ କଦାଚିଦ୍ବନେ ତସ୍ମିନ୍ଗୋଭିଃ ସହ ପରିବ୍ରଜନ୍॥ 2-53-7 (13439)
ଭାଣ୍ଡୀରଂ ନାମ ଦୃଷ୍ଟ୍ବାଽଥ ନ୍ଯଗ୍ରୋଧଂ କେଶବୋ ମହାନ୍।
ତଚ୍ଛାଯାଯାଂ ମତିଂ ଚକ୍ରେ ନିବାସାଯ ତଦା ପ୍ରଭୁଃ॥ 2-53-8 (13440)
ସ ତତ୍ର ବଯସା ତୁଲ୍ଯୈର୍ବତ୍ସପାଲୈସ୍ତଦାଽନଘ।
ରେମେ ସ ଦିବସଂ କୃଷ୍ଣଃ ପୁରା ସ୍ବର୍ଗଗତୋ ଯଥା॥ 2-53-9 (13441)
ତଂ କ୍ରୀଡମାନଂ ଗୋପାଲାଃ କୃଷ୍ଣଂ ଭାଣ୍ଡୀରବାସିନଃ।
ରମଯନ୍ତି ସ୍ମ ବହବୋ ମାନ୍ଯୈଃ କ୍ରୀଡନକୈସ୍ତଦା॥ 2-53-10 (13442)
ଅନ୍ଯେ ସ୍ମ ପରିଗାଯନ୍ତି ଗୋପା ମୁଦିତମାନସାଃ।
ଗୋପାଲକୃଷ୍ଣମେବାନ୍ଯେ ଗାଯନ୍ତି ସ୍ମ ବନପ୍ରିଯାଃ॥ 2-53-11 (13443)
ତେଷାଂ ସଙ୍ଗାଯତାମେବ ବାଦଯାମାସ କେଶବଃ।
ପର୍ଣବାଦ୍ଯାନ୍ତରେ ବେଣୁଂ ତୁମ୍ବବୀଣାଂ ଚ ତତ୍ର ବୈ॥ 2-53-12 (13444)
ଏବଂ କ୍ରୀଡାନ୍ତରୈଃ କୃଷ୍ଣୋ ଗୋପାଲୈର୍ବିଜହାର ସଃ।
ତେନ ବାଲେନ କୌନ୍ତେଯ କୃତଂ ଲୋକହିତଂ ତଦା॥ 2-53-13 (13445)
ପଶ୍ଯତାଂ ସର୍ବଭୂତାନାଂ ବାସୁଦେବେନ ଭାରତ।
ହ୍ରଦେ ନିପାତତା ତତ୍ର କ୍ରୀଡିତଂ ନାଗମୂର୍ଧନି॥ 2-53-14 (13446)
ଶାସଯିତ୍ବା ତୁ କାଲୀଯଂ ସର୍ବଲୋକସ୍ଯ ପଶ୍ଯତଃ।
ବିଜହାର ତତଃ କୃଷ୍ଣୋ ବଲେଦବସହାଯବାନ୍॥ 2-53-15 (13447)
ଧେନୁକୋ ଦାରୁଣୋ ରାଜନ୍ଦୈତ୍ଯୋ ରାସଭବିଗ୍ରହଃ।
ତଦା ତାଲବନେ ରାଜନ୍ବଲଦେବେନ ବୈ ହତଃ॥ 2-53-16 (13448)
ତତଃ କଦାଚିତ୍କୌନ୍ତେଯ ରାମକୃଷ୍ଣୌ ବନଂ ଗତୌ।
ଚାରଯନ୍ତୌ ପ୍ରବୃଦ୍ଧାନି ଗୋଧନାନି ଶୁଭାନନୌ॥ 2-53-17 (13449)
ବିହରନ୍ତୌ ମୁଦା ଯୁକ୍ତୌ ବୀକ୍ଷମାଣୌ ବନାନି ବୈ।
ଶ୍ବେଲଯନ୍ତୌ ପ୍ରଗାଯନ୍ତୌ ବିଚିନ୍ବନ୍ତୌ ଚ ପାଦପାନ୍॥ 2-53-18 (13450)
ନାମଭିର୍ବ୍ଯାହରନ୍ତୌ ଚ ବତ୍ସାନ୍ଗାଶ୍ଚ ପରନ୍ତପୌ।
ଚେରତୁର୍ଲୋକସିଦ୍ଧାଭିଃ କ୍ରୀଡାଭିରପରାଜିତୌ॥ 2-53-19 (13451)
ତୌ ଦେବୌ ମାନୁଷୀଂ ଦୀକ୍ଷାଂ ବହନ୍ତୌ ସୁରପୂଜିତୌ।
ତଜ୍ଜାତିଗୁଣଯୁକ୍ତାଭିଃ କ୍ରୀଡାଭିଶ୍ଚେରତୁର୍ବନମ୍॥ 2-53-20 (13452)
ଏବଂ ବାଲ୍ଯେଽପି ଗୋପାଲୈଃ କ୍ରୀଡାଭିଶ୍ଚ ବିଜହ୍ରତୁଃ॥ 2-53-21 (13453)
ତତଃ କୃଷ୍ଣୋ ମହାତେଜାସ୍ତଦା ଗତ୍ବା ତୁ ଗୋବ୍ରଜମ୍।
ଗିରିଯଜ୍ଞଂ ତମେବୈଷ ପ୍ରବୃତ୍ତଂ ଗୋପଦାରକୈଃ॥ 2-53-22 (13454)
ବୁଭୁଜେ ପାଯସଂ ଶୌରିରୀଶ୍ବରଃ ସର୍ବଭୂତକୃତ୍।
ତଂ ଦୃଷ୍ଟ୍ବା ଗୋପକାଃ ସର୍ବେ କୃଷ୍ଣମେବ ସମର୍ଚଯନ୍॥ 2-53-23 (13455)
ପୂଜ୍ଯମାନସ୍ତଦା ଦେବୈର୍ଦିବ୍ଯଂ ବପୁରଧାରଯତ୍।
ଧୃତୋ ଗୋବର୍ଧନୋ ନାମ ସପ୍ତାହଂ ପର୍ବତୋ ଧୃତଃ॥ 2-53-24 (13456)
ଶିଶୁନା ବାସୁଦେବେନ ଗବାର୍ଥମରିମର୍ଦନ।
କ୍ରୀଡମାନସ୍ତଦା କୃଷ୍ଣଃ କୃତବାନ୍କର୍ମ ଦୁଷ୍କରମ୍॥ 2-53-25 (13457)
ତଦଦ୍ଭୁତମତୀବାସୀତ୍ସର୍ବଲୋକସ୍ଯ ଭାରତ।
ଦେବଦେବଃ କ୍ଷିତଂ ଗତ୍ବା କୃଷ୍ଣଂ ନତ୍ବା ମୁଦାନ୍ବିତଃ। 2-53-26 (13458)
ଗୋବିନ୍ଦ ଇତି ତଂ ହ୍ଯୁକ୍ତ୍ବା ହ୍ଯଭ୍ଯଷିଞ୍ଚତ୍ପୁରନ୍ଦରଃ।
ଇତ୍ଯୁକ୍ତ୍ବାଶ୍ଲିଷ୍ଯ ଗୋବିନ୍ଦଂ ପୁରୁହୂତୋଭ୍ଯଯାଦ୍ଦିବମ୍॥ 2-53-27 (13459)
ଅଥାରିଷ୍ଟ ଇତି ଖ୍ଯାତଂ ଦୈତ୍ଯଂ ବୃଷଭବିଗ୍ରହମ୍।
ଜଘାନ ତରସା କୃଷ୍ଣଃ ପଶୂନାଂ ହିତକାମ୍ଯଯା॥ 2-53-28 (13460)
କେଶିନାମା ତତୋ ଦୈତ୍ଯୋ ରାଜଂସ୍ତୁରଗବିଗ୍ରହଃ।
ତଥା ବନଗତଂ ପାର୍ଥ ଗଜାଯୁତବଲଂ ହଯମ୍॥ 2-53-29 (13461)
କରାମ୍ଭୋରୁହବଜ୍ରେଣ ଜଘାନ ମଧୁସୂଦନଃ।
ଅଥ ମଲ୍ଲଂ ତୁ ଚାଣୂରଂ ନିଜଘାନ ମହାଽସୁରମ୍॥ 2-53-30 (13462)
ସୁଦାମାନମମିତ୍ରଘ୍ନ ସର୍ବସୈନ୍ଯପୁରସ୍କୃତମ୍।
ବାଲରୂପେଣ ଗୋବିନ୍ଦୋ ନିଜଘାନ ଚ ଭାରତ॥ 2-53-31 (13463)
ବଲଦେବେନ ଚାଯତ୍ନାତ୍ସମାଜେ ମୁଷ୍ଟିକୋ ହତଃ।
ତାଡିତଶ୍ଚ ସହାମାତ୍ଯଃ କଂସଃ କୃଷ୍ଣେନ ଭାରତ॥ 2-53-32 (13464)
ହତ୍ବା କଂସମମିତ୍ରଘ୍ନଃ ସର୍ବେଷାଂ ପଶ୍ଯତାଂ ତଦା।
ଅଭିଷିଚ୍ଯୋଗ୍ରସେନଂ ତଂ ପିତ୍ରୋଃ ପାଦମବନ୍ଦତ। 2-53-33 (13465)
ଏବମାଦୀନି କର୍ମାଣି କୃତବାନ୍ବୈ ଜନାର୍ଦନଃ॥ ॥ 2-53-34 (13466)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅର୍ଘାହରଣପର୍ବଣି ତ୍ରିପଞ୍ଚାଶୋଽଧ୍ଯାଯଃ॥53 ॥
ସଭାପର୍ବ - ଅଧ୍ଯାଯ 054
॥ ଶ୍ରୀଃ ॥
2.54. ଅଧ୍ଯାଯଃ 054
Mahabharata - Sabha Parva - Chapter Topics
ରାମକୃଷ୍ଣଯୋଃ ବିଦ୍ଯାଭ୍ଯାସାର୍ଥଂ ସାନ୍ଦୀର୍ପିନ୍ଯାଚାର୍ଯସମୀପଗମନମ୍॥ 1॥ ସାନ୍ଦୀପିନିନା ଗୁରୁଦକ୍ଷିଣାତ୍ବେନ ମୃତପୁତ୍ରାନଯନଂ ଚୋଦିତେନ କୃଷ୍ଣେନ ସ୍ବେନୋଜ୍ଜୀବି ତସ୍ଯ ପୁତ୍ରସ୍ଯ ସମର୍ପଣମ୍॥2॥ କଂସପରାକ୍ରମାଦିବର୍ଣନମ୍॥ 3॥ କୃଷ୍ଣେନ ଜରାସନ୍ଧପରାଜଯଃ॥ 4॥Mahabharata - Sabha Parva - Chapter Text
ଭୀଷ୍ମ ଉବାଚ॥
ତତସ୍ତୌ ଜଗ୍ମତୁସ୍ତତ୍ର ଗୁରୁଂ ସାନ୍ଦୀପିନିଂ ପୁନଃ।
ଗୁରୁଶୁଶ୍ରୂଷଣାଯୁକ୍ତୌ ଧର୍ମଜ୍ଞୌ ଧର୍ମଚାରିଣୌ॥ 2-54-1 (13467)
ବ୍ରତମୁଗ୍ରଂ ମହାତ୍ମାନୌ ବିଚରନ୍ତାବବନ୍ତିଷୁ।
ଅହୋରାତ୍ରୈଶ୍ଚତୁଷ୍ପଷ୍ଟ୍ଯା ସାଙ୍ଗାନ୍ବେଦାନବାପତୁଃ॥ 2-54-2 (13468)
ଲେଖ୍ଯଂ ଚ ଗଣିତଂ ଚୋଭୌ ପ୍ରାପ୍ନୁତାଂ ଯଦୁନନ୍ଦନୌ।
ଗାନ୍ଧର୍ବବେଦଂ ବୈଦ୍ଯଂ ଚ ସକଲଂ ସମାବାପତୁଃ॥ 2-54-3 (13469)
ହସ୍ତିଶିକ୍ଷାମଶ୍ବିଶିକ୍ଷାଂ ଦ୍ବାଦଶାହେନ ଚାପ୍ନୁତାମ୍।
ତାବୁଭୌ ଜଗ୍ମତୁର୍ବୀରୌ ଗୁରୁଂ ସାନ୍ଦୀପିନିଂ ପୁନଃ॥ 2-54-4 (13470)
ଧନୁର୍ବେଦଚିକୀର୍ଷାର୍ଥଂ ଧର୍ମଜ୍ଞୌ ଧର୍ମଚାରିଣୌ।
ତାବିଷ୍ବାସବରାଚାର୍ଯମଭିଗମ୍ଯ ପ୍ରଣମ୍ଯ ଚ॥ 2-54-5 (13471)
ତେନ ବୈ ସତ୍କୃତୌ ରାଜଂଶ୍ଚରନ୍ତୌ ତାବବନ୍ତିଷୁ।
ପଞ୍ଚାଶଦ୍ଭିରହୋରାତ୍ରୈର୍ଦଶାଙ୍ଗଂ ସୁପ୍ରତିଷ୍ଠିତମ୍॥ 2-54-6 (13472)
ସରହସ୍ଯଂ ଧନୁର୍ବେଦଂ ସକଲଂ ତାବବାପତୁଃ।
ଦୃଷ୍ଟ୍ବା କୃତାର୍ଥୋ ବିପ୍ରେନ୍ଦ୍ରୋ ଗୁର୍ବର୍ଥେ ତାବଚୋଦଯତ୍॥ 2-54-7 (13473)
ଅଯାଚତାର୍ଥଂ ଗୋବିନ୍ଦଂ ତଦା ସାନ୍ଦୀପିନିର୍ବିଭୁମ୍।
ମମ ପୁତ୍ରଃ ସମୁଦ୍ରେଽସ୍ମିଂସ୍ତିମିନା ଚାପବାହିତଃ॥ 2-54-8 (13474)
ପୁତ୍ରମାନଯ ଭଦ୍ରଂ ତେ ଭକ୍ଷିତଂ ତିମିନା ମମ।
ଆର୍ତାଯ ଗୁରବେ ତତ୍ର ପ୍ରତିଶୁଶ୍ରାବ ଦୁଷ୍କରମ୍॥ 2-54-9 (13475)
ଅଶକ୍ଯଂ ସର୍ବଭୂତେଷୁ କର୍ତୁମନ୍ଯେନ କେନଚିତ୍।
ଯଶ୍ଚ ସାନ୍ଦୀପିନେଃ ପୁତ୍ରଂ ଜହାର ଭରତର୍ଷଭ॥ 2-54-10 (13476)
ସୋଽସୁରଃ ସମରେ ତାଭ୍ଯାଂ ସମୁଦ୍ରେ ବିନିପାତିତଃ।
ତତଃ ସାନ୍ଦୀପିନେଃ ପୁତ୍ରଃ ପ୍ରସାଦାଦମିତୌଜସଃ॥ 2-54-11 (13477)
ଦୀର୍ଘକାଲଂ କୃତଃ ପ୍ରେତଃ ପୁନରାସୀଚ୍ଛରୀରବାନ୍।
ତଦଶକ୍ଯମଚିନ୍ତ୍ଯଂ ଚ ଦୃଷ୍ଟ୍ବା ସୁମହଦଦ୍ଭୁତମ୍॥ 2-54-12 (13478)
ସର୍ବେଷାମେବ ଭୂତାନାଂ ବିସ୍ମଯଃ ସମଜାଯତ।
ଆସନାନି ଚ ସର୍ବାଣି ଗବାଶ୍ବଂ ଚ ଧନାଦିକମ୍॥ 2-54-13 (13479)
ସର୍ବଂ ତଦୁପଜହାତେ ଗୁରବେ ରାମକେଶବୌ।
ଗଦାପରିଘଯୁଦ୍ଧେ ଚ ସର୍ବାସ୍ତ୍ରେଷୁ ଚ କେଶବଃ॥ 2-54-14 (13480)
ପରମାଂ ମୁଖ୍ଯତାଂ ପ୍ରାପ୍ତଃ ସର୍ବଲୋକେଷୁ ବିଶ୍ରୁତଃ।
କଶ୍ଚ ନାରାଯଣାଦନ୍ଯଃ ସର୍ବରତ୍ନବିଭୂଷିତମ୍॥ 2-54-15 (13481)
ରଥମାଦିତ୍ଯସଙ୍କାଶମାତିଷ୍ଠେତ ଶଚୀପତେଃ।
କସ୍ଯ ଚାପ୍ରତିମୋ ଯନ୍ତା ବଜ୍ରପାଣେଃ ପ୍ରିଯଃ ସଖା॥ 2-54-16 (13482)
ମାତଲିଃ ସଙ୍ଗୃହୀତା ସ୍ଯାଦନ୍ଯତ୍ର ପୁରୁଷୋତ୍ତମାତ୍।
ଭୋଜରାଜାତ୍ମଜୋ ବାପି କଂସସ୍ତାତ ଯୁଧିଷ୍ଠିର॥ 2-54-17 (13483)
ଅସ୍ତ୍ରଜାତେ ବଲେ ବୀର୍ଯେ କାର୍ତବୀର୍ଯସମୋଽଭବତ୍।
ତସ୍ଯ ଭୋଜପତେଃ ପୁତ୍ରାଦ୍ଭୋଜରାଜନ୍ଯବର୍ଧନାତ୍॥ 2-54-18 (13484)
ଉଦ୍ବିଜନ୍ତେ ସ୍ମ ରାଜାନଃ ସୁପର୍ଣାଦିବ ପନ୍ନଗାଃ।
ଚିତ୍ରକାର୍ମୁକନିସ୍ତ୍ରିଂଶବିମଲପ୍ରାସଯୋଧିନଃ॥ 2-54-19 (13485)
ଶତଂ ଶତସହସ୍ରାଣି ପାଦାତାସ୍ତସ୍ଯ ଭାରତ।
ଅଷ୍ଟୌ ଶତସହସ୍ରାଣି ଶୂରାଣାମନିବର୍ତିନାମ୍॥ 2-54-20 (13486)
ଅଭବନ୍ଭୋଜରାଜସ୍ଯ ଜାମ୍ବୂନଦମଯା ଧ୍ବଜାଃ।
ରୁକ୍ମକାଞ୍ଚନକକ୍ଷ୍ଯାସ୍ତୁ ରଥାସ୍ତସ୍ଯ ଯୁଧିଷ୍ଠି॥ 2-54-21 (13487)
ଅଭବନ୍ଭୋଜପୁତ୍ରସ୍ଯ ଦ୍ବିପାସ୍ତାବଦ୍ଧି ତଦ୍ବଲମ୍।
ଚିତ୍ରକାର୍ମୁକନିସ୍ତ୍ରିଂଶବିମଲପ୍ରାସଯୋଧିନାମ୍॥ 2-54-22 (13488)
ଷୋଡଶାଶ୍ବସହସ୍ରାଣି କିଂଶୁକାଭାନି ତସ୍ଯ ବୈ।
ଅପରସ୍ତୁ ମହାବ୍ଯୂହଃ କିଶୋରଣାଂ ଯୁଧିଷ୍ଠିର॥ 2-54-23 (13489)
ଆରୋହବରସମ୍ପନ୍ନୋ ଦୁର୍ଧର୍ଷଃ କେନଚିଦ୍ବଲାନ୍।
ସ ଚ ଷୋଡଶସାହସ୍ରଃ କଂସଭ୍ରାତୃପୁରଃ ସରଃ॥ 2-54-24 (13490)
ସୁନାମା ସର୍ବତସ୍ତ୍ବେନଂ ସ କଂସଂ ପର୍ଯପାଲଯତ୍।
ସଗଣୋ ମିଶ୍ରକୋ ନାମ ଷଷ୍ଟିମସାହସ୍ର ଉଚ୍ଯତେ॥ 2-54-25 (13491)
କଂସରୋଷମହାବେଗାଂ ବୈବସ୍ବତବଶାନୁଗାମ୍॥
ମତ୍ତଦ୍ବିପମହାଗ୍ରାହାଂ ବୈବସ୍ବତବଶାନୁଗାମ୍॥ 2-54-26 (13492)
ଶସ୍ରଜାଲମହାଫେନାଂ ସାଦିବେଗମହାଜଲାମ୍।
ଗଦାପରିଘପାଠୀନାଂ ନାନାକବଚଶୈବଲାମ୍॥ 2-54-27 (13493)
ରଥନାଗମହାବର୍ତାଂ ନାନାରୁଧିରକର୍ଦମାମ୍।
ଚିତ୍ରକାର୍ମୁକକଲ୍ଲୋଲାଂ ରଥାଶ୍ବକଲିଲହ୍ରଦାମ୍॥ 2-54-28 (13494)
ମହାମୃଧନଦୀଂ ଘୋରାଂ ଯୋଧାବର୍ତନନିସ୍ବନାମ୍।
କୋଽନ୍ଯୋ ନାରାଯଣାଦେତ୍ଯ କଂସହନ୍ତା ଯୁଧିଷ୍ଠିର॥ 2-54-29 (13495)
ଏଷ ଶକ୍ରରଥେ ତିଷ୍ଠଂସ୍ତାନ୍ଯନୀକାନି ଭାରତ।
ବ୍ଯଧମଦ୍ଭୋଜପୁତ୍ରସ୍ଯ ମହାଭ୍ରାଣୀବ ମାରୁତଃ॥ 2-54-30 (13496)
ତଂ ସଭାସ୍ଥଂ ସହାମାତ୍ଯଂ ହତ୍ବା କଂସଂ ସହାନ୍ବଯମ୍।
ଆନଯାମାସ ମାନାର୍ହାଂ ଦେବକୀଂ ସମୁହୃଦ୍ଗଣାମ୍॥ 2-54-31 (13497)
ଯଶୋଦାଂ ରୋହିଣୀଂ ଚୈବ ଅଭିବାଦ୍ଯ ପୁନଃ ପୁନଃ।
ଉଗ୍ରସେନଂ ଚ ରାଜାନମଭିଷିଚ୍ଯ ଜନାର୍ଦନଃ॥ 2-54-32 (13498)
ଅର୍ଚିତୋ ଯଦୁମୁଖ୍ଯୈଶ୍ଚ ଭଗବାନ୍ବାସବାନୁଜଃ।
ତତଃ ପାର୍ଥିବମାଯାନ୍ତଂ ସହିତଂ ସର୍ବରାଜଭିଃ।
ସରସ୍ବତ୍ଯାଂ ଜରାସନ୍ଧମଜଯତ୍ପୁରୁଷୋତ୍ତମଃ॥ ॥ 2-54-33 (13499)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅର୍ଘାହରଣପର୍ବଣି ଚତୁଃ ପଞ୍ଚାଶୋଽଧ୍ଯାଯଃ॥ 54॥
ସଭାପର୍ବ - ଅଧ୍ଯାଯ 055
॥ ଶ୍ରୀଃ ॥
2.55. ଅଧ୍ଯାଯଃ 055
Mahabharata - Sabha Parva - Chapter Topics
କୃଷ୍ଣସ୍ଯ ମଧୁରାଂ ତ୍ଯକ୍ତ୍ବା ଦ୍ବାରକାଗମନମ୍॥1॥ ନରକାସୁରପ୍ରତାପବର୍ଣନମ୍॥ 2॥ ଇନ୍ଦ୍ରେଣ ଦ୍ବାରକାମେତ୍ଯ କୃଷ୍ଣଂ ପ୍ରତି ନରକବଧପ୍ରାର୍ଥନମ୍॥ 3॥ ଗରୁଡମାରୁହ୍ଯ ପ୍ରାଗ୍ଜ୍ଯୋତିଚଂ ଗତେନ କୃଷ୍ଣେନ ନିହତେ ଧରଣ୍ଯା ତସ୍ମୈ କୁଣ୍ଡଲାର୍ପଣମ୍ ॥ 4॥Mahabharata - Sabha Parva - Chapter Text
ଭୀଷ୍ଣ ଉବାଚ॥
ଶୂରସେନପୁରଂ ତ୍ଯକ୍ତ୍ବା ତତୋ ଯାଦବନନ୍ଦନଃ।
ଦ୍ବାରକାଂ ଭଗବାନ୍କୃଷ୍ଣଃ ପ୍ରତ୍ଯପଦ୍ଯତ ଭାରତ॥ 2-55-1 (13500)
ତତୋ ମହାତ୍ମା ଯାନାନି ରତ୍ନାନି ବିବିଧାନି ଚ।
ଯଥାର୍ହଂ ପୁଣ୍ଡରୀକାକ୍ଷୋ ନୈର୍ଋତାତ୍ପ୍ରତ୍ଯପଦ୍ଯତ॥ 2-55-2 (13501)
ତତ୍ର ବିଘ୍ନଂ ଚରନ୍ତି ସ୍ମ ଦୈତେଯାଃ ସହଦାନବୈଃ।
ତାଞ୍ଜଘାନ ମହାବାହୁର୍ବରମତ୍ତାନ୍ମହାସୁରାନ୍॥ 2-55-3 (13502)
ସ ବିଘ୍ନମକରୋତ୍ତତ୍ର ନରକୋ ନାମ ନୈର୍ଋତଃ।
ଅଦିତିଂ ଧର୍ଷଯାମାସ କୁଣ୍ଡଲାର୍ଥଂ ଯୁଧିଷ୍ଠିର॥ 2-55-4 (13503)
ନ ଚାସୁରଗଣୈଃ ସର୍ବୈଃ ସହିତୈଃ କର୍ମ ତତ୍ପୁରା।
କୃତପୂର୍ବଂ ମହାଘୋରଂ ଯଦକାର୍ଷୀନ୍ମହାସୁରଃ॥ 2-55-5 (13504)
ଯଂ ମହୀ ସୁଷୁବେ ଦେବୀ ଯସ୍ଯ ପ୍ରାଗ୍ଜ୍ଯୋତିଷଂ ପୁରମ୍।
ବିଷଯାନ୍ତପାଲାଶ୍ଚତ୍ବାରୋ ଯସ୍ଯାସନ୍ଯୁଦ୍ଧଦୁର୍ମଦାଃ॥ 2-55-6 (13505)
ଆଦେବଯାନମାବୃତ୍ଯ ପନ୍ଥାନଂ ପର୍ଯବସ୍ଥିତାଃ।
ତ୍ରାସନାଃ ସୁରସଙ୍ଘାନାଂ ବିରୂପୈ ରାକ୍ଷସୈଃ ସହ॥ 2-55-7 (13506)
ହଯଗ୍ରୀବୋ ନିକୁମ୍ଭଶ୍ଚ ଘୋରଃ ପଞ୍ଚଜନସ୍ତଦା।
ମୁରଃ ପୁତ୍ରସହସ୍ରୈଶ୍ଚ ବରମତ୍ତୋ ମହାସୁରଃ॥ 2-55-8 (13507)
ତଦ୍ବଧାର୍ଥଂ ମହାବାହୁରେଷ ଚକ୍ରଗଦାସିଭୃତ୍।
ଜାତୋ ବୃଷ୍ଣିଷୁ ଦେବକ୍ଯାଂ ବାସୁଦେବୋ ଜନାର୍ଦନଃ॥ 2-55-9 (13508)
ତସ୍ଯାସ୍ଯ ପୁରୁଷେନ୍ଦ୍ରସ୍ଯଲୋକପ୍ରଥିତତେଜସଃ।
ନିବାସୋ ଦ୍ବାରକାଯାଂ ତୁ ବିଦିତୋ ବଃ ପ୍ରଧାନତଃ॥ 2-55-10 (13509)
ଅତୀବ ହି ପୁରୀ ରମ୍ଯା ଦ୍ବାରକା ବାସବକ୍ଷଯାତ୍।
ଅତିବୈରାଜମପ୍ଯଦ୍ଧା ପ୍ରତ୍ଯକ୍ଷସ୍ତେ ଯୁଧିଷ୍ଠିର॥ 2-55-11 (13510)
ତସ୍ମିନ୍ଦେବପୁରପ୍ରଖ୍ଯେ ସା ସଭା ବୃଷ୍ଣ୍ଯୁପାଶ୍ରଯା।
ସୁଧର୍ମେତି ଚ ବିଖ୍ଯାତା ଯୋଜନାଯତବିସ୍ତୃତା॥ 2-55-12 (13511)
ତତ୍ର ବୃଷ୍ଣ୍ଯନ୍ଦକାଃ ସର୍ବେ ରାମକୃଷ୍ଣପୁରୋଗମାଃ।
ଲୋକଯାତ୍ରାମିମାଂ କୃତ୍ସ୍ନାଂ ପରିରକ୍ଷନ୍ତ ଆସତେ॥ 2-55-13 (13512)
ତତ୍ରାସୀନେଷୁ ସର୍ବେଷୁ କଦାଚିଦ୍ଭରତର୍ଷଭ।
ଦିବ୍ଯଗନ୍ଧା ବବୁର୍ବାତାଃ କୁସୁମାନାଂ ଚ ବୃଷ୍ଟଯଃ॥ 2-55-14 (13513)
ତତଃ ସୂର୍ଯସହସ୍ରାଭସ୍ତେଜୋରାଶିର୍ମହାଦ୍ଭୁତଃ।
ମଧ୍ଯେ ତୁ ତେଜସସ୍ତସ୍ଯ ପାଣ୍ଡରଂ ଗଜମାସ୍ଥିତଃ। 2-55-15 (13514)
ବୃତୋ ଦେବଗଣୈଃ ସର୍ବୈର୍ବାସବଃ ପ୍ରତ୍ଯଦୃଶ୍ଯତ॥
ରାମକୃଷ୍ଣୌ ଚ ରାଜା ଚ ବୃଷ୍ଣ୍ଯନ୍ଧକଗଣୈଃ ସହ। 2-55-16 (13515)
ଉତ୍ପତ୍ଯ ସହସା ଦେବେ ନମସ୍କାରମକୁର୍ବତ॥
ସୋଽବତୀର୍ଯ ଗଜାତ୍ତୂର୍ଣଂ ପରିଷ୍ବଜ୍ଯ ଜନାର୍ଦନମ୍। 2-55-17 (13516)
ସସ୍ବଜେ ବଲଦେବଂ ଚ ରାଜାନଂ ଚ ତମାହୁକମ୍॥
ବାସୁଦେବୋଦ୍ଧବୌ ଚୈବ ବିକଦ୍ରୁଂ ଚ ମହାମତିମ୍। 2-55-18 (13517)
ପ୍ରଦ୍ଯୁମ୍ନସାମ୍ବନିଶଠାନନିରୁଦ୍ଧଂ ଚ ସାତ୍ଯକିମ୍॥
ଗଦଂ ସାରଣମକ୍ରୂରଂ ଭାନୁଝଲ୍ଲିବିଡୂରଥାନ୍। 2-55-19 (13518)
ତଥୈବ କୃତବର୍ଣାଣାଂ ଚାରୁଦେଷ୍ଣଂ ମହାବଲମ୍॥
ଦେବକଲ୍ପାନ୍ମହାରାଜ ତାନ୍ଦାଶାର୍ହପୁରୋଗମାନ୍। 2-55-20 (13519)
ପିରିଷ୍ବଜ୍ଯ ଚ ଦୃଷ୍ଟ୍ବା ଚ ଭଗବାନ୍ଭୂତଭାବନଃ॥
ବୃଷ୍ଣ୍ଯନ୍ଧକମହାମାତ୍ରାନ୍ପରିଷ୍ବଜ୍ଯାଥ ବାସବଃ। 2-55-21 (13520)
ପ୍ରଗୃହ୍ଯ ପୂଜାଂ ତୈର୍ଦତ୍ତାଂ ଭଗବାନ୍ପାକଶାସନଃ॥
ସୋଽଦିତେର୍ବଚନାତ୍ତାତ କୁଣ୍ଡଲାର୍ଥେ ଜନାର୍ଦନମ୍। 2-55-22 (13521)
ଉବାଚ ପରମପ୍ରୀତୋ ଜହି ଭୌମଂ ନରେଶ୍ବ॥ 2-55-23 (13522)
ଭୀଷ୍ଣ ଉବାଚ।
ନିହତ୍ଯ ନରକଂ ଭୌମମାହରିଷ୍ଯାମି କୁଣ୍ଡଲେ। 2-55-23x (1479)
ଏବମୁକ୍ତ୍ବାଽଥ ଗୋବିନ୍ଦୋ ରାମମେବାଭ୍ଯଭାଷତ॥
ପ୍ରଦ୍ଯୁମ୍ନମନିରୁଦ୍ଧଂ ଚ ସାମ୍ବଂ ଚାପ୍ରତିମଂ ବଲେ। 2-55-24 (13523)
ଏତାଂଶ୍ଚୋଚ୍ତ୍କା ତଥା ତତ୍ର ବାସୁଦେବୋ ମହାଯଶାଃ॥
ଅଥାରୁହ୍ଯ ସୁପର୍ଣଂ ବୈ ଶଙ୍ଖଚକ୍ରଗଦାସିଭୃତ୍। 2-55-25 (13524)
ଯଯୌ ତଦା ହୃଷୀକେଶୋ ଦେବାନାଂ ହିତକାମ୍ଯଯା॥
ତଂ ପ୍ରଯାନ୍ତମମିତ୍ରଘ୍ନଂ ଦେବାଃ ସହପୁରନ୍ଦରାଃ। 2-55-26 (13525)
ପୃଷ୍ଠତୋଽନୁଯଯୁଃ ପ୍ରୀତ୍ଯା ସ୍ତୁବନ୍ତୋ ବିଷ୍ଣୁମଚ୍ଯୁତମ୍।
ଉଗ୍ରାନ୍ତ୍ରକ୍ଷୋଗଣାନ୍ହତ୍ବା ନରକସ୍ଯ ମହାସୁରାନ୍। 2-55-27 (13526)
କ୍ଷୁରାନ୍ତାନ୍ମୌରବାନ୍ପାଶାନ୍ଷଟ୍ସହସ୍ରଂ ଦଦର୍ଶ ସଃ॥
ସ଼ଞ୍ଛିଦ୍ଯ ପାଶାଚ୍ଛସ୍ତ୍ରେଣ ମୁରଂ ହତ୍ବା ସହାନ୍ବଯମ୍। 2-55-28 (13527)
ଶୈଲସଙ୍ଘାନତିକ୍ରମ୍ଯ ନିଶୁମ୍ଭଂ ଚ ବ୍ଯପୋଥଯତ୍॥ 2-55-29 (13528)
ଯଃ ସହସ୍ରସହସ୍ତ୍ବେକଃ ସର୍ବାନ୍ଦେବାନପୋଥଯତ୍।
ତଂ ଜଘାନ ମହାବୀର୍ଯଂ ହଯଗ୍ରୀବଂ ମହାବଲମ୍॥ 2-55-30 (13529)
ଅପାରତେଜା ଦୁର୍ଧର୍ଷଃ ସର୍ବଯାଦବନନ୍ଦନଃ॥
ମଧ୍ଯେ ଲୋହିତଗଙ୍ଗାଯାଂ ଭଗବାନ୍ଦେବକୀସୁତଃ॥ 2-55-31 (13530)
ଔଦକାଯାଂ ବିରୂପାକ୍ଷଂ ଜଘାନ ମଧୁସୂଦନଃ।
ତତଃ ପ୍ରାଗ୍ଜ୍ଯୋତିଷଂ ନାମ ଦୀପ୍ଯମାନମିବ ଶ୍ରିଯା।
ପୁରମାସାଦଯାମାସ ତତ୍ର ଯୁଦ୍ଧମବର୍ତତ॥ 2-55-32 (13531)
ତଦ୍ଯୁଦ୍ଧମଭବଦ୍ଘୋରଂ ତେନ ଭୌମେନ ଭାରତ।
କୁଣ୍ଡଲାର୍ଥେ ସୁରେଶସ୍ଯ ନରକେଣ ମହାତ୍ମନା॥ 2-55-33 (13532)
ମୁହୂର୍ତଂ ଲାଲଯିତ୍ବା ତୁ ନରକଂ ମଧୂସୂଦନଃ।
ପ୍ରବୃତ୍ତଚକ୍ରଂ ଚକ୍ରେଣ ପ୍ରମମାଥ ବଲାଦ୍ବଲୀ॥ 2-55-34 (13533)
ଚକ୍ରପ୍ରମଥିତଂ ତସ୍ଯ ପପାତ ସହସା ଭୁବି।
ଉତ୍ତମାଙ୍ଗଂ ହତାଙ୍ଗସ୍ଯ ବୃତ୍ରେ ବଜ୍ରହତେ ଯଥା॥ 2-55-35 (13534)
ଭୂମିସ୍ତୁ ପତିତଂ ଦୃଷ୍ଟ୍ବା ପ୍ରାଯଚ୍ଛତ୍କୁଣ୍ଡଲେ ସୁତମ୍।
ପ୍ରଦାଯ ଚ ମହାବାହୁମିଦଂ ବଚନମବ୍ରବୀତ୍॥ 2-55-36 (13535)
ସୃଷ୍ଟସ୍ତ୍ବଯୈବ ମଧୁହଂସ୍ତ୍ବଯୈବ ବିନିପାତିତଃ।
ଯଥେଚ୍ଛସି ତଥା କ୍ରୀଡା ପ୍ରଜାସ୍ତସ୍ଯାନୁପାଲଯ॥ 2-55-37 (13536)
ଶ୍ରୀବାସୁଦେବ ଉବାଚ। 2-55-38x (1480)
ଦେବାନାଂ ଚ ମୁନୀନାଂ ଚ ପିତୄଣାଂ ଚ ମହାତ୍ମନାମ୍।
ଉଦ୍ବେଜନୀଯୋ ଭୂତାନାଂ ବ୍ରହ୍ମଦ୍ବିଦ୍ ପୁରୁଷାଧମଃ॥ 2-55-38 (13537)
ଲୋକଦ୍ବିଷ୍ଟଃ ସୁତସ୍ତେ ତୁ ଦେବାରିର୍ଲୋକକଣ୍ଟକଃ।
ସର୍ବଲୋକନମସ୍କାର୍ଯାମଦିତଂ ବାଧଯଦ୍ବଲୀ॥ 2-55-39 (13538)
କୁଣ୍ଡଲେ ହୃତବାନ୍ଦର୍ପାତ୍ତତସ୍ତେ ନିହତଃ ସୁତଃ।
ନୈବ ମନ୍ଯୁସ୍ତ୍ବଯା କାର୍ଯୋ ଯତ୍କୃତଂ ମଯି ଭାମିନି ॥ 2-55-40 (13539)
ତ୍ବତ୍ପ୍ରଭାବାଚ୍ଚ ତେ ପୁତ୍ରୋ ଲବ୍ଧବାନ୍ଗତିମୁତ୍ତମାମ୍।
ତସ୍ମାଦ୍ଗଚ୍ଛ ମହାଭାଗେ ଭାରାବତରଣଂ କୃତମ୍॥ ॥ 2-55-41 (13540)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅର୍ଘାହରଣପର୍ବଣି ପଞ୍ଚପଞ୍ଚାଶୋଽଧ୍ଯାଯଃ॥55 ॥
ସଭାପର୍ବ - ଅଧ୍ଯାଯ 056
॥ ଶ୍ରୀଃ ॥
2.56. ଅଧ୍ଯାଯଃ 056
Mahabharata - Sabha Parva - Chapter Topics
କୃଷ୍ଣସ୍ଯ ନରକଂ ନିହତ୍ଯ ତଦୀଯଧନରତ୍ନାଦିକଂ ଶତୋତ୍ତରଷୋଡଶସହସ୍ରସ୍ତ୍ରୀସହିତଂ ମଣିପର୍ବ ତଂ ଚ ଗରୁଡମାରୋପ୍ଯ ସ୍ବର୍ଗଲୋକଗମନମ୍॥ 1॥ ରାମକୃଷ୍ଣଯୋଃ ଅଦିତ୍ଯୈ କୁଣ୍ଡଲାଦିକଂ ଦତ୍ତ୍ବା ଅଦିତିଶଚୀଭ୍ଯାଂ ସତ୍କୃତଯା ସତ୍ଯଭାମଯା ସହ ଦ୍ବାରକାଂ ପ୍ରତ୍ଯାଗମନମ୍॥ 2॥Mahabharata - Sabha Parva - Chapter Text
ଭୀଷ୍ଣ ଉବାଚ॥
ନିହତ୍ଯ ନରକଂ ଭୌମଂ ସତ୍ଯଭାମାସହାଯବାନ୍।
ସହିତୋ ଲୋକପାଲୈଶ୍ଚ ଦଦର୍ଶ ନରକାଲଯମ୍॥ 2-56-1 (13541)
ଅଥାସ୍ଯ ଗୃହମାସାଦ୍ଯ ନାରକସ୍ଯ ମହାତ୍ମନଃ।
ଦଦର୍ଶ ଧନମକ୍ଷଯ୍ଯଂ ରତ୍ନାନି ବିବିଧାନି ଚ। 2-56-2 (13542)
ମଣିମୁକ୍ତାପ୍ରବାଲାନି ବୈଡୂର୍ଯବିକୃତାନି ଚ।
ବିସ୍ତାରାଲ୍ପାଂଶ୍ଚାର୍କମଣୀନ୍ବିପୁଲାନ୍ସ୍ଫାଟିକାନପି॥ 2-56-3 (13543)
ଜାମ୍ବୂନଦମଯାନ୍ଯେବ ଶାତକୁମ୍ଭମଯାନି ଚ।
ପ୍ରଦୀପ୍ତଜ୍ବଲନାଭାନି ଶୀତରଶ୍ମିପ୍ରଭାଣି ଚ॥ 2-56-4 (13544)
ହିରଣ୍ଯବର୍ଣଂ ରୁଚିରଂ ଶ୍ବେତମଭ୍ଯନ୍ତରଂ ଗୃହମ୍।
ତଦକ୍ଷଯ୍ଯଂ ଗୃହେ ଦୃଷ୍ଟଂ ନରକସ୍ଯ ଧନଂ ବହୁ॥ 2-56-5 (13545)
ନ ହି ରାଜ୍ଞଃ କୁବେରସ୍ଯ ତାବଦ୍ଧନସମୁଚ୍ଛ୍ରଯଃ।
ଦୃଷ୍ଟପୂର୍ବଃ ପୁରା ସାକ୍ଷାନ୍ମହେନ୍ଦ୍ରଭବନେଷ୍ବପି॥ 2-56-6 (13546)
ହତେ ଭୌମେ ନିଶୁମ୍ଭେ ଚ ବାସବଃ ସଗଣୋଽବ୍ରବୀତ୍।
ଦାଶାର୍ହପତିମାସୀନମାହୃତ୍ଯ ମଣିକୁଣ୍ଡଲେ॥ 2-56-7 (13547)
ହେମସୂତ୍ରା ମହାକକ୍ଷ୍ଯାସ୍ତୋମରୈର୍ବୀର୍ଯଶାଲିନଃ।
ବିମଲାନି ପତାକାନି ବାସାଂସି ବିବିଧାନି ଚ॥ 2-56-8 (13548)
ଭୀମରୂପାଶ୍ଚ ମାତଙ୍ଗାଃ ପ୍ରବାଲବିକୃତାଃ କୁଥାଃ।
ତେ ଚ ବିଂଶତିସାହସ୍ରା ଦ୍ବାସ୍ତାବତ୍ଯଃ କରେଣବଃ॥ 2-56-9 (13549)
ଅଷ୍ଟୌ ଶତସହସ୍ରାଣି ଦେଶଜାଶ୍ଚୋତ୍ତମା ହଯାଃ।
ଗୋଭିଶ୍ଚାବିକୃତୈର୍ଯାବତ୍କାମାତ୍ତବ ଜନାର୍ଦନ॥ 2-56-10 (13550)
ଏତତ୍ତେ ପ୍ରାପଯିଷ୍ଯାଣି ବୃଷ୍ଣ୍ଯାବାସମରିନ୍ଦମ।
ବସୁ ଯତ୍ରିଷୁ ଲୋକେଷୁ ଧର୍ମେଣାବର୍ଜିତଂ ତ୍ବଯା॥ 2-56-11 (13551)
ଭୀଷ୍ମ ଉବାଚ। 2-56-12x (1481)
ଦେବଗନ୍ଧର୍ବରତ୍ନାନି ଦୈତେଯାସୁରଜାନି ଚ।
ଯାନି ସନ୍ତି ହିରଣ୍ଯାନି ନରକସ୍ଯ ନିବେଶନେ॥ 2-56-12 (13552)
ଏତତ୍ତୁ ଗରୁଡେ ସର୍ବଂ କ୍ଷିପ୍ରମାରୋପ୍ଯ ବାସବଃ।
ଦାର୍ଶାର୍ହପତିନା ସାର୍ଧମୁପାଯାନ୍ମଣିପର୍ବତମ୍॥ 2-56-13 (13553)
ଚିତ୍ରଗ୍ରଥିତମେଘାଭଃ ପ୍ରବଭୌ ମଣିପର୍ବତଃ।
ହେମଚିତ୍ରବିତାନୈଶ୍ଚ ପ୍ରାସାଦୈରୁପଶୋଭିତଃ॥ 2-56-14 (13554)
ହର୍ମ୍ଯାଣି ଚ ବିଶାଲାନି ମଣିସୋପାନବନ୍ତି ଚ।
ତତ୍ରସ୍ଥା ବରବର୍ଣିନ୍ଯୋ ଦଦୃଶୁର୍ମଧୁସୂଦନମ୍॥ 2-56-15 (13555)
ଗନ୍ଧର୍ବସୁରମୁଖ୍ଯାନାଂ ପ୍ରିଯା ଦୁହିତରସ୍ତଦା।
ତ୍ରିବିଷ୍ଟପସମେ ଦେଶେ ତିଷ୍ଠନ୍ତମପରାଜିତମ୍॥ 2-56-16 (13556)
ପରିବବ୍ରୁର୍ମହାବାହୁମେକବେଣୀଧରାଃ ସ୍ତ୍ରିଯଃ।
ପର୍ବାଃ କାଷାଯବାସିନ୍ଯଃ ସର୍ବାଶ୍ଚ ନିଯତେନ୍ଦ୍ରିଯାଃ॥ 2-56-17 (13557)
ବ୍ରତସନ୍ତାପଜଃ ଶୋକେ ନାତ୍ର କଶ୍ଚିଦପୀଡଯତ୍।
ଅରଜାଂସି ଚ ବାସାଂସି ବିଭ୍ରତ୍ଯଃ କୌଶିକାନ୍ଯପି॥ 2-56-18 (13558)
ସମେତ୍ଯ ଯଦୁସିଂହସ୍ଯ ଚକ୍ରୁରସ୍ଯାଞ୍ଜଲିଂ ସ୍ତ୍ରିଯଃ।
ଊଚୁଶ୍ଚୈନଂ ହୃଷୀକେଶଂ ସର୍ବାସ୍ତାଃ କମଲେକ୍ଷଣାଃ॥ 2-56-19 (13559)
ନାରଦେନ ସମାଖ୍ଯାତମସ୍ମାକଂ ପୁରୁଷୋତ୍ତମ।
ଆଗମିଷ୍ଯତି ଗୋବିନ୍ଦଃ ସୁରକାର୍ଯାର୍ଥସିଦ୍ଧଯେ॥ 2-56-20 (13560)
ସୋଽସୁରଂ ନରକଂ ହତ୍ବା ନିଶୁମ୍ଭଂ ମୁରମେବ ଚ।
ଭୌମଂ ଚ ସପରୀବାରଂ ହଯଗ୍ରୀବଂ ଚ ଦାନବମ୍॥ 2-56-21 (13561)
ତଥା ପଞ୍ଚଜନଂ ଚୈବ ପ୍ରାପ୍ସ୍ଯତେ ଧନମକ୍ଷଯମ୍।
ସୋଽଚିରେଣୈବ କାଲେନ ଯୁଷ୍ମନ୍ମୋକ୍ତା ଭବିଷ୍ଯତି॥ 2-56-22 (13562)
ଏବମୁକ୍ତ୍ବାଗମଦ୍ଧୀରୋ ଦେବର୍ଷିର୍ନାରଦସ୍ତଥା।
ତ୍ବାଂ ଚିନ୍ତଯାନାଃ ସତତଂ ତପୋ ଘୋରମୁପାସ୍ମହେ॥ 2-56-23 (13563)
କାଲେଽତୀତେ ମହାବାହୁଂ କଦା ଦ୍ରକ୍ଷ୍ଯାମ ମାଧବମ୍।
ଇତ୍ଯେବଂ ହୃଦି ସଙ୍କଲ୍ପଂ କୃତ୍ବା ପୁରୁଷସତ୍ତମ।
ତପଶ୍ଚରାମ ସତତଂ ରକ୍ଷ୍ଯମାଣା ହି ଦାନବୈଃ॥ 2-56-24 (13564)
ତତୋଽସ୍ମତ୍ପ୍ରିଯକାମାର୍ଥଂ ଭଗବାନ୍ମାରୁତୋଽବ୍ରବୀତ୍।
ଯଥୋକ୍ତଂ ନାରଦେନାଥ ନ ଚିରାତ୍ତଦ୍ଭବିଷ୍ଯତି॥ 2-56-25 (13565)
ଭୀଷ୍ଣ ଉବାଚ॥ 2-56-26x (1482)
ତାସାଂ ପରମନାରୀଣାମୃଷଭାକ୍ଷଂ ପୁରଃ ସ୍ଥିତମ୍।
ଦଦୃଶୁର୍ଦେବଗନ୍ଧର୍ବା ଗୃଷ୍ଟୀନାମିବ ଗୋପତିମ୍॥ 2-56-26 (13566)
ତସ୍ଯ ଚନ୍ଦ୍ରୋପମଂ ବକ୍ତ୍ରମୁଦୀକ୍ଷ୍ଯ ମୁଦିତେନ୍ଦ୍ରିଯାଃ।
ସମ୍ପ୍ରହୃଷ୍ଟା ମହାବାହୁମିଦଂ ବଚନମବ୍ରୁବନ୍। 2-56-27 (13567)
ସତ୍ଯବ୍ରତ ପୁରା ବାଯୁରିଦମସ୍ମାନିହାବ୍ରବୀତ୍।
ସର୍ବଭୂତହିତଜ୍ଞଶ୍ଚ ମହର୍ଷିରପି ନାରଦଃ॥ 2-56-28 (13568)
ବିଷ୍ଣୁର୍ନାରାଯଣୋ ଦେବଃ ଶଙ୍ଖଚକ୍ରଗଦାସିଭୃତ୍।
ସ ଭୌମଂ ନରକଂ ହତ୍ବା ଭର୍ତା ବୋ ଭବିତା ଧ୍ରୁବମ୍॥ 2-56-29 (13569)
ଦିଷ୍ଟ୍ଯା ତସ୍ଯର୍ଷିମୁଖ୍ଯସ୍ଯ ନାରଦସ୍ଯ ମହାତ୍ମନଃ।
ବଚନାଦେବ ସତ୍ଯଂ ନୋ ଭର୍ତା ଭବିତୁମର୍ହସି॥ 2-56-30 (13570)
ଯତ୍ପ୍ରିଯଂ ବତ ପଶ୍ଯାମ ଶ୍ରୁତଂ ପ୍ରିଯମରିନ୍ଦମ।
ଦର୍ଶନେନ କୃତାର୍ଥାଃ ସ୍ମୋ ବଯମସ୍ଯ ମହାତ୍ମନଃ॥ 2-56-31 (13571)
ଉବାଚ ହି ଯଦୁଶ୍ରେଷ୍ଠଃ ସର୍ବାସ୍ତା ଜାତମନ୍ମଥାଃ।
ଯଥା ବ୍ରୂତ ବିଶାଲାକ୍ଷ୍ଯସ୍ତତ୍ସର୍ବଂ ବୋ ଭବିଷ୍ଯତି॥ 2-56-32 (13572)
ତତସ୍ତା ଗରୁଡେ ସର୍ବାଃ ସରତ୍ନଧନସଞ୍ଚଯାଃ।
କ୍ଷିପ୍ରମାରୋପଯାଞ୍ଚକ୍ରେ ଭଗବାନ୍ଦେବକୀସୁତଃ॥ 2-56-33 (13573)
ସପକ୍ଷିଗଣମାତଙ୍ଗଂ ସବ୍ଯାଲମୃଗପନ୍ନଗମ୍।
ଶାଖାମୃଗଗଣୈର୍ଜୁଷ୍ଟଂ ସପ୍ରସ୍ତରଶିଲାତଲମ୍॥ 2-56-34 (13574)
ନ୍ଯଙ୍କୁଭିଶ୍ଚ ବରାହୈଶ୍ଚ ରୁରୁଭିଶ୍ଚ ନିଷେବିତମ୍।
ସପ୍ରପାତମହାସାନୁଂ ବିଚିତ୍ରଶିଖିସଙ୍କୁଲମ୍॥ 2-56-35 (13575)
ସ ମହେନ୍ଦ୍ରାନୁଜଃ ଶୌରିଶ୍ଚକାର ଗୁରୁଡୋପରି।
ପଶ୍ଯତାଂ ସର୍ବଭୂତାନାମୁତ୍ପାଟ୍ଯ ମଣିପର୍ବତମ୍॥ 2-56-36 (13576)
ଉପେନ୍ଦ୍ରଂ ବଲଦେବଂ ଚ ବାସବଂ ଚ ମହାବଲମ୍।
ସ୍ବପକ୍ଷବଲବିକ୍ଷେପୈର୍ମହାଦ୍ରିଶିଖରୋପମଃ॥ 2-56-37 (13577)
ଦିକ୍ଷୁ ସର୍ବାସୁ ସଂରାବଂ ସ ଚକ୍ରେ ଗରୁଡୋ ବହନ୍।
ଆରୁଜନ୍ପର୍ବତାଗ୍ରାଣି ପାଦପାଂଶ୍ଚ ସମୁତ୍କ୍ଷିପନ୍॥ 2-56-38 (13578)
ସଞ୍ଜହାର ମହାଭ୍ରାଣି ବୈଶ୍ବାନରପଥଂ ଗତଃ।
ଗ୍ରହନକ୍ଷତ୍ରତାରାଣାଂ ସପ୍ତର୍ଷୀଣାଂ ସ୍ବତେଜସା॥ 2-56-39 (13579)
ପ୍ରଭାଜାଲମତିକ୍ରମ୍ଯ ଚାଶ୍ବିନୋଶ୍ଚ ପରନ୍ତପ।
ପ୍ରାପ୍ଯ ପୁଣ୍ଯତମଂ ସ୍ଥାନଂ ଦେବଲୋକମରିନ୍ଦମଃ॥ 2-56-40 (13580)
ଶକ୍ରସଦ୍ମ ସମାସାଦ୍ଯ ଚାବରୁହ୍ଯ ଜନାର୍ଦନଃ।
ସୋଽଭିବାଦ୍ଯାଦିତେଃ ପାଦାବର୍ଚିତଃ ସର୍ବଦୈବତୈଃ।
ବ୍ରହ୍ମଦକ୍ଷପୁରୋଗୈଶ୍ଚ ପ୍ରଜାପତିଭିରେବ ଚ॥ 2-56-41 (13581)
ଅଦିତେଃ କୁଣ୍ଡଲେ ଦିବ୍ଯେ ଦଦାବଥ ତଦା ବିଭୁଃ।
ରତ୍ନାନ ଚ ପରାର୍ଘ୍ଯାଣି ରାମେଣ ସହ କେଶବଃ॥ 2-56-42 (13582)
ପ୍ରତିଗୃହ୍ଯ ଚ ତତ୍ସର୍ବମଦିତିର୍ବାସବାନୁଜମ୍।
ପୂଜଯାମାସ ଦାଶାର୍ହଂ ରାମଂ ଚ ବିଗତଜ୍ବରା॥ 2-56-43 (13583)
ଶଚୀ ମହେନ୍ଦ୍ରମହିଷୀ କୃଷ୍ଣସ୍ଯ ମହିଷୀଂ ତଦା।
ସତ୍ଯଭାମାଂ ତୁ ସଙ୍ଗୃହ୍ଯ ଅଦିତ୍ଯୈ ସା ନ୍ଯବେଦଯତ୍॥ 2-56-44 (13584)
ସା ତସ୍ଯାଃ ସତ୍ଯଭାମାଯାଃ କୃଷ୍ଣାପ୍ରିଯଚିକୀର୍ଷଯା।
ବରଂ ପ୍ରାଦାଦ୍ଦେବମାତା ସତ୍ଯାଯୈ ବିଗତଜ୍ବରା॥ 2-56-45 (13585)
ଜରାଂ ନ ଯାସ୍ଯସି ଶୁଭେ ଯାବତ୍କୃଷ୍ଣୋଽସ୍ତି ଭୂତଲେ।
ସର୍ବଗନ୍ଧଗୁଣୋପେତା ଭବିଷ୍ଯସି ବରାନନେ॥ 2-56-46 (13586)
ବିସୃଜ୍ଯ ସତ୍ଯଭାମା ବୈ ପୌଲୋମୀଂ ଚ ସୁମଧ୍ଯମା।
ଶଚ୍ଯାପି ସମନୁଜ୍ଞାତା ଯଯୌ କୃଷ୍ଣନିବେଶନମ୍॥ 2-56-47 (13587)
ସମ୍ପୂଜ୍ଯମାନସ୍ତ୍ରିଦଶୈର୍ମହର୍ଷିଗଣସେବିତଃ।
ଦ୍ବାରକାଂ ପ୍ରଯଯୌ କୃଷ୍ଣୋ ଦେବଲୋକାଦରିନ୍ଦମଃ॥ 2-56-48 (13588)
ଶୀଘ୍ରାଦେତ୍ଯ ମହାବାହୁର୍ଦୀର୍ଘମଧ୍ବାନମଚ୍ଯୁତଃ।
ବର୍ଘମାନପୁରଦ୍ବାରମାସସାଦ ସୁରୋତ୍ତମଃ॥ ॥ 2-56-49 (13589)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅର୍ଘାହରଣପର୍ବଣି ଷଟ୍ପଞ୍ଚାଶୋଽଧ୍ଯାଯଃ॥ 56॥
ସଭାପର୍ବ - ଅଧ୍ଯାଯ 057
॥ ଶ୍ରୀଃ ॥
2.57. ଅଧ୍ଯାଯଃ 057
Mahabharata - Sabha Parva - Chapter Topics
ଦ୍ବାରକାବର୍ଣନମ୍॥ 1॥ ରୁକ୍ମିଣୀସତ୍ଯଭାମାଦିଗୃହବର୍ଣନମ୍॥2॥ କୃଷ୍ଣେନ ସ୍ବର୍ଗାଦାନୀତସ୍ବ ପାରିଜାତସ୍ଯ ପ୍ରତିଷ୍ଠାପନମୁଦ୍ଯାନ ବର୍ଣନଂ ଚ॥ 3॥Mahabharata - Sabha Parva - Chapter Text
ଭୀଷ୍ଣ ଉବାଚ॥
ତାଂ ପୁରୀ ଦ୍ବାରକୀଂ ଦୃଷ୍ଟ୍ବା ବିଭୁର୍ନାରାଯଣୋ ହରିଃ।
ହୃଷ୍ଟଃ ସର୍ବାର୍ଥସମ୍ପନ୍ନଃ ପ୍ରବେଷ୍ଟୁମୁପଚକ୍ରମେ॥ 2-57-1 (13590)
ସୋଽପଶ୍ଯଦ୍ବୃକ୍ଷଷଣ୍ଡାଂଶ୍ଚ ରମ୍ଯାନ୍ନାନାଜନାନ୍ବହୂନ୍।
ସମନ୍ତତୋ ଦ୍ବାରବତ୍ଯାଂ ନାନାପୁଷ୍ପଫଲାନ୍ବିତାନ୍॥ 2-57-2 (13591)
ଅର୍କଚନ୍ଦ୍ରପ୍ରତୀକାଶୈର୍ମେରୁକୂଟନିଭୈର୍ଗୃହୈଃ।
ଦ୍ବାରକାମାବୃତାଂ ରମ୍ଯାଂ ସୁକୃତାଂ ବିଶ୍ବକର୍ମଣା॥ 2-57-3 (13592)
ପଦ୍ମଷଣ୍ଡାକୁଲାଭିଶ୍ଚ ହଂସସେବିତବାରିଭିଃ।
ଗଙ୍ଗାସିନ୍ଧୁପ୍ରକାଶାଭିଃ ପରିଘାଭିରଲଙ୍କୃତାମ୍॥ 2-57-4 (13593)
ପ୍ରାକାରେଣାର୍କବର୍ଣେନ ପାଣ୍ଡରେଣ ବିରାଜିତାମ୍।
ବିଯନ୍ମୂର୍ଧ୍ନି ନିବିଷ୍ଟେନ ଦ୍ଯାମିବାଭ୍ରପରିଚ୍ଛଦାମ୍॥ 2-57-5 (13594)
ନନ୍ଦନପ୍ରତିମୈଶ୍ବାପି ମିଶ୍ରକପ୍ରତିମୈର୍ବନୈଃ।
ତତ୍ର ସା ବିହିତା ସାକ୍ଷାନ୍ନଗରୀ ବିଶ୍ବକର୍ମଣା॥ 2-57-6 (13595)
କାଞ୍ଚନୈର୍ମଣିସୋପାନୈରୁପେତା ଜନହର୍ଷିଣୀ।
ଗୀତଘୋଷମହାଘୋଷୈଃ ପ୍ରସାଦପ୍ରବରୈଃ ଶୁଭା॥ 2-57-7 (13596)
ତସ୍ମିନ୍ପୁରବାରଶ୍ରେଷ୍ଠେ ଦାଶାର୍ହାଣାଂ ଯଶସ୍ବିନାମ୍।
ନେଶ୍ମାନି ଜହୃଷେ ଦୃଷ୍ଟ୍ବା ଭଗବାନ୍ପାକଶାସନଃ॥ 2-57-8 (13597)
ସମୁଚ୍ଛ୍ରିତପତାକାନି ପାରିପ୍ଲବନିଭାନି ଚ।
କାଞ୍ଚନାଭାନି ଭାଖନ୍ତି ମେରୁକୂଟନିଭାନି ଚ॥ 2-57-9 (13598)
ସୁଧାପାଣ୍ଡରଶୃଙ୍ଗୈଶ୍ଚ ଶାତକୁମ୍ଭପରିଚ୍ଛଦୈଃ।
ରତ୍ନସାନୁମହାଶୃଙ୍ଗୈଃ ସର୍ବରତ୍ନସମନ୍ବିତୈଃ? 2-57-10 (13599)
ସହର୍ମ୍ଯୈଃ ସାର୍ଧଚନ୍ଦ୍ରୈଶ୍ଚ ସନିର୍ଯୂହୈଃ ସପଞ୍ଜରୈଃ।
ସଯନ୍ତ୍ରଗୃହସଂବାଧୈଃ ସଧାତୁଭିରିବାଦ୍ରିଭିଃ॥ 2-57-11
ମଣିକାଞ୍ଚନଭୋମେଶ୍ଚ ସୁଧାମୃଷ୍ଟତଲୈସ୍ତଥା।
ଜାମ୍ବୂନଦମଯଦ୍ବାରୈର୍ବୈଡୂର୍ଯବିକୃତାର୍ଗଲୈଃ॥ 2-57-11 (13600)
ସର୍ବର୍ତୁସୁଖସଂସ୍ଯର୍ଶୈର୍ମହାଧନପରିଚ୍ଛଦୈଃ।
ରମ୍ଯସାନୁଗୃହୈଃ ଶୃଙ୍ଗୈର୍ବିଚିତ୍ରୈରିବ ପର୍ବତୈଃ॥ 2-57-13 (13601)
ପଞ୍ଚବର୍ଣସବର୍ଣୈଶ୍ଚ ପୁଷ୍ପବୃଷ୍ଟିସମପ୍ରଭୈଃ।
ତୁଲ୍ଯୈଃ ପର୍ଜନ୍ଯନିର୍ଘୋଷୈର୍ହ୍ରାଦୈର୍ଭୋଗବତୀ ଯଥା॥ 2-57-14 (13602)
କୃଷ୍ଣଧ୍ବଜୋପବାହ୍ଯୈଶ୍ଚ ଦାଶାର୍ହାଯୁଧରୋହିତୈଃ।
ବୃଷ୍ଣିବୀରମଯୂରୈଶ୍ଚ ସ୍ତ୍ରୀସହସ୍ରପ୍ରଜାକୁଲୈଃ॥ 2-57-15 (13603)
ବାସୁଦେବୈନ୍ଦ୍ରପର୍ଜନ୍ଯୈର୍ଗୃହମେଘୈରଲଙ୍କୃତା।
ଦଦୃଶେ ଦ୍ବାରକାଽତୀବ ମେଘୈର୍ଦ୍ଯୈରିବ ସଂବୃତା॥ 2-57-16 (13604)
ସାକ୍ଷାଦ୍ଭଗବତୋ ବେଶ୍ମ ବିହିତଂ ବିଶ୍ବକର୍ମଣା।
ଦଦୃଶୁର୍ବାସୁଦେବସ୍ଯ ଚତୁର୍ଯୋଜନମାଯତମ୍॥ 2-57-17 (13605)
ତାବଦେବ ସୁବିସ୍ତୀର୍ଣଂ ସୁସମ୍ପୂର୍ଣଂ ମହାଧନୈଃ।
ପ୍ରାସାଦବରସମ୍ପନ୍ନଂ ଯୁକ୍ତଂ ଜଗତି ପର୍ବତୈଃ॥ 2-57-18 (13606)
ଯଂ ଚକାର ମହାଭାଗସ୍ତ୍ବଷ୍ଟା ବାସବଚୋଦିତଃ।
ପ୍ରାସାଦଂ ହେମନାଭସ୍ଯ ସର୍ବତୋ ଯୋଜନାଯତମ୍॥ 2-57-19 (13607)
ମେରୋରିବ ଗିରେଃ ଶୃଙ୍ଗମୁଚ୍ଛ୍ରିତଂ କାଞ୍ଚନାଲଯମ୍।
ରୁକ୍ମିଣ୍ଯାଃ ପ୍ରବରୋ ବାସୋ ନିର୍ମିତଃ ସୁମହାତ୍ମନା॥ 2-57-20 (13608)
ସତ୍ଯଭାମା ପୁନର୍ବେଶ୍ମ ସଦା ବସତି ପାଣ୍ଡରମ୍।
ବିଚିତ୍ରମଣିସୋପାନଂ ଯଂ ବିଦୁଃ ଶୀତବାନିତି॥ 2-57-21 (13609)
ବିମଲାଦିତ୍ଯବର୍ଣାଭିଃ ପତାକାଭିରଲଙ୍କୃତମ୍।
ବ୍ଯକ୍ତବଦ୍ଧଂ ଯଥୋଦ୍ଦେଶେ ଚତୁର୍ଦଶମହାଧ୍ବଜମ୍॥ 2-57-22 (13610)
ସର୍ବପ୍ରାସାଦମୁଖ୍ଯୋଽତ୍ର ଜାମ୍ବବତ୍ଯା ବିଭୂଷିତଃ।
ପ୍ରଭାଯା ଜୃମ୍ଭଣୈଶ୍ଚିତ୍ରୈସ୍ତ୍ରୈଲୋକ୍ଯମିବ ଭାସଯନ୍॥ 2-57-23 (13611)
ଯସ୍ତୁ ପାଣ୍ଡରବର୍ଣାଭସ୍ତଯୋରନ୍ତରମାଶ୍ରିତଃ।
ବିଶ୍ବକର୍ମାକରୋଦେନଂ କୈଲାସଶିଖରୋପମମ୍॥ 2-57-24 (13612)
ଜାମ୍ବୂନଦପ୍ରଦୀପ୍ତାଗ୍ରଃ ପ୍ରଦୀପ୍ତଜ୍ବଲନୋପମଃ।
ସାଗରପ୍ରତିମୋଽତିଷ୍ଠନ୍ମେରୁରିତ୍ଯଭିବିଶ୍ରୁତଃ॥ 2-57-25 (13613)
ତସ୍ମିନ୍ଗାନ୍ଧାରରାଜସ୍ଯ ଦୁହିତା କୁଲଶାଲିନୀ।
ସୁକେଶୀ ନାମ ବିଖ୍ଯାତା କେଶବେନ ନିବେଶିତା॥ 2-57-26 (13614)
ପଦ୍ମକୂଟ ଇତି ଖ୍ଯାତଃ ପଦ୍ମବର୍ଣୋ ମହାପ୍ରଭଃ।
ସୁପ୍ରଭାଯା ମହାବାହୋ ବାସଃ ସ ପରମୋଚ୍ଛ୍ରିତଃ॥ 2-57-27 (13615)
ଯସ୍ତୁ ସୂର୍ଯପ୍ରଭୋ ନାମ ପ୍ରାସାଦବର ଉଚ୍ଯତେ।
ଲକ୍ଷଣାଯାଃ କୁରୁଶ୍ରେଷ୍ଠ ସ ଦତ୍ତଃ ଶାର୍ଙ୍ଗଧନ୍ବନା॥ 2-57-28 (13616)
ବୈଡୂର୍ଯବରବର୍ଣାଭଃ ପ୍ରାସାଦୋ ହରିତପ୍ରଭଃ।
ଶ୍ବେତଜାଲା ହି ଯତ୍ରୈବ ଯତ୍ରୈବ ଚ ନିବେଶିତା॥ 2-57-29 (13617)
ଯଂ ବିଦୁଃ ସର୍ବଭୂତାନି ହରିରିତ୍ଯେବ ଭାରତ।
ସୁମିତ୍ରବିଜଯାବାସୋ ଦେବର୍ଷିଗଣପୂଜିତଃ॥ 2-57-30 (13618)
ମହିଷ୍ଯା ବାସୁଦେବସ୍ଯ ଭୂଷଣଂ ସର୍ବବେଶ୍ମନାମ୍।
ଯସ୍ତୁ ପ୍ରାସାଦମୁଖ୍ଯୋଽତ୍ର ବିହିତଃ ସର୍ବଶିଲ୍ପିଭିଃ॥ 2-57-31 (13619)
ମହିଷ୍ଯା ବାସୁଦେବସ୍ଯ କେତୁମାନିତି ବିଶ୍ରୁତଃ।
ପ୍ରସାଦୋ ବିରଜୋ ନାମ ବିରଜସ୍କୋ ମହାତ୍ମନଃ॥ 2-57-32 (13620)
ଉପସ୍ଥାନଗୃହଂ ତାତ କେଶବସ୍ଯ ମହାତ୍ମନଃ।
ଯସ୍ତୁ ପ୍ରାସାଦମୁଖ୍ଯୋଽତ୍ର ଯଂ ତ୍ବଷ୍ଟା ବ୍ଯଦଧାତ୍ସ୍ବଯମ୍॥ 2-57-33 (13621)
ଯୋଜନାଯତବିଷ୍କମ୍ଭଂ ସର୍ବରତ୍ନମଯଂ ବିଭୋଃ।
ତେଷାଂ ତୁ ବିହିତାଃ ସର୍ବେ ରୁକ୍ମଦଣ୍ଡାଃ ପତାକିନଃ॥ 2-57-34 (13622)
ସଦନେ ବାସୁଦେବସ୍ଯ ମାର୍ଗସଞ୍ଜନନା ଧ୍ବଜାଃ।
ଘଣ୍ଟାଜାଲାନି ତତ୍ରୈବ ସର୍ବେଷାଂ ନିବେଶନେ॥ 2-57-35 (13623)
ଆହୃତ୍ଯ ଯଦୁସିଂହେନ ବୈଜଯନ୍ତଚ୍ଛଲୋ ମହାତ୍।
ହଂସକୂଟସ୍ଯ ଯଚ୍ଛ୍ରଙ୍ଗମିନ୍ଦ୍ରଦ୍ଯୁମ୍ନସରୋ ମହତ୍॥ 2-57-36 (13624)
ଷଷ୍ଟିତାଲସମୁତ୍ସେଧମର୍ଧଯୋଜନବିସ୍ତୃତମ୍।
ସକିନ୍ନରମହାନାଦଂ ତଦପ୍ଯମିତତେଜସଃ॥ 2-57-37 (13625)
ପଶ୍ଯତାଂ ସର୍ବଭୂତାନାଂ ତ୍ରିଷୁ ଲୋକେଷୁ ବିଶ୍ରୁତମ୍।
ଆଦିତ୍ଯପଥଗଂ ଯତ୍ତନ୍ମେରୋଃ ଶିଖରମୁତ୍ତମମ୍॥ 2-57-38 (13626)
ଜାମ୍ବୂନଦମଯଂ ଦିବ୍ଯଂ ତ୍ରିଷୁ ଲୋକେଷୁ ବିଶ୍ରୁତମ୍।
ତଦପ୍ଯୁତ୍ପାଟ୍ଯ କୁଚ୍ଛ୍ରେଣ ସ୍ବଂ ନିବେଶନମାହୃତମ୍॥ 2-57-39 (13627)
ଭ୍ରାଜମାନଂ ପୁରା ତତ୍ର ସର୍ବୌଷଧିବିଦୀପିତମ୍।
ଯମିନ୍ଦ୍ରଭବନାଚ୍ଛୌରିରାଜହାର ପରନ୍ତପଃ॥ 2-57-40 (13628)
ପାରିଜାତଃ ସ ତତ୍ରୈବ କେଶବେନ ନିବେଶିତଃ।
ଲେପହସ୍ତଶତୈର୍ଜୁଷ୍ଟୋ ବିମାନୈଶ୍ଚ ହିରଣ୍ମଯୈଃ॥ 2-57-41 (13629)
ବିହିତା ବାସୁଦେବେନ ତତ୍ରୈବ ଚ ମହାଦ୍ରୁମାଃ।
ପଦ୍ମାକୁଲଜଲୋପେତା ରକ୍ତସୌଗନ୍ଧିକୋତ୍ପଲାଃ॥ 2-57-42 (13630)
ମଣିମୌକ୍ତିକବାଲୂକାଃ ପୁଷ୍କରିଣ୍ଯଃ ସରାଂସି ଚ।
ତାସାଂ ପରମକୂଲି ଶୋଭଯନ୍ତି ମହାଦ୍ରୁମାଃ॥ 2-57-43 (13631)
ସାଲତାଲାଶ୍ବକର୍ଣାଶ୍ଚ ଶତଶାଖାଶ୍ଚ ରୋହିଣଃ।
ଭଲ୍ଲାତକକପିତ୍ଥାଶ୍ଚ ଇନ୍ଦ୍ରବୃକ୍ଷାଶ୍ଚ ଚମ୍ପକାଃ॥ 2-57-44 (13632)
ଖାଦିରା ମୃତକାଶ୍ଚୈବ ସମନ୍ତାତ୍ପରିରୋପିତାଃ।
ଯେ ଚ ହୈମବତା ବୃକ୍ଷା ଯେ ଚ ନନ୍ଦନଜାସ୍ତଥା॥ 2-57-45 (13633)
ଆହୃତ୍ଯ ଯଦୁସିଂହେନ ତେଽପି ତତ୍ର ନିବେଶିତାଃ।
ରତ୍ନପୀତାରୁଣପ୍ରଖ୍ଯାଃ ସିତପୁଷ୍ପାଶ୍ଚ ପାଦପାଃ॥ 2-57-46 (13634)
ସର୍ବର୍ତୁଫଲପୂର୍ଣୋସ୍ତେ ତେ ଚ କାନନସିନ୍ଧୁଷୁ।
ସହସ୍ରପତ୍ରପଦ୍ମାଶ୍ଚ ମନ୍ଦରାଶ୍ଚ ସହସ୍ରଶଃ॥ 2-57-47 (13635)
ଅଶୋକାଃ କର୍ଣିକାରାଶ୍ଚ ତିଲକା ନାଗ ମଲ୍ଲିକାଃ।
କୁରକା ନାଗପୁଷ୍ପାଶ୍ଚ ଚମ୍ପକାସ୍ତୃଣପୁଲ୍ଲିକାଃ॥ 2-57-48 (13636)
ସପ୍ତବର୍ଣାଃ କବନ୍ଧାଶ୍ଚ ନୀପାଃ କୁରବକାସ୍ତଥା।
କେତକାଃ କେସରାଶ୍ଚୈବ ହିନତାଲତଲତାଟକାଃ॥ 2-57-49 (13637)
ତାଲାଃ ପ୍ରଲମ୍ବା ବକୁଲାଃ ପିଣ୍ଡିକା ବୀଜପୂରକାଃ।
ଦ୍ରୁତାମଲକଖର୍ଜୂରା ମହିତା ଜମ୍ବୁକାସ୍ତଥା॥ 2-57-50 (13638)
ଆମ୍ରାଃ ପନସବୃକ୍ଷାଶ୍ଚ ଚମ୍ପକାସ୍ତିଲତିନ୍ଦୁକାଃ।
ଲିକୁଚାମୃତାଶ୍ଚୈବ କ୍ଷୀରିକା କର୍ଣିକା ତଥା॥ 2-57-51 (13639)
ନାଲିକେରେଙ୍ଗୁଦାଶ୍ଚୈବ ଉତ୍କ୍ରୋଶକବନାନି ଚ।
କଦଲୀ ଜାତମଲ୍ଲୀ ଚ ପାଟଲୀ କୁମୁଦୋତ୍ପଲାଃ॥ 2-57-52 (13640)
ନୀଲୋତ୍ପଲକପୂର୍ଣାଶ୍ଚ ବାପ୍ଯଃ କୂପାଃ ସହସ୍ରଶଃ।
ଫୁଲ୍ଲାଶାକକପିତ୍ଥାଶ୍ଚ ତୈସ୍ତୀର୍ତ୍ବା ବନ୍ଧୁଜୀବକାଃ॥ 2-57-53 (13641)
ପ୍ରିଯାଲାଶୋକବାଦିର୍ଯାଃ ପ୍ରାଚୀନାଶ୍ଚାପି ସର୍ବଶଃ।
ପ୍ରିଯଙ୍ଗୁବଦରୀଭିଶ୍ଚ ଯବୈଃ ସ୍ଯନ୍ଦନଚନ୍ଦନୈଃ॥ 2-57-54 (13642)
ଶଚୀପୀଲୁପଲାଶ୍ଚୈଶ୍ଚ ପଲାଶବଧପିପ୍ଲୈଃ।
ଉଦୁମ୍ବରୈଶ୍ଚ ବିଲ୍ବୈଶ୍ଚ ପାଲାଶୈଃ ପାରିଭଦ୍ରକୈଃ॥ 2-57-55 (13643)
ଇନ୍ଦ୍ରବୃକ୍ଷାର୍ଜୁନୈଶ୍ଚୈବ ଅଶ୍ବତ୍ଥୈଶ୍ଚିରବିଲ୍ବକୈଃ।
ଭୌମଗଞ୍ଜନବୃକ୍ଷୈଶ୍ଚ ଭଲ୍ଲାଭୈରଶ୍ବସାହ୍ବଯୈଃ॥ 2-57-56 (13644)
ସଜ୍ଜୈସ୍ତାମ୍ବୂଲବଲ୍ଲୀଭିର୍ଲବଙ୍ଗୈଃ କ୍ରମୁକୈସ୍ତଥା।
ବଂଶୈଶ୍ଚ ବିବିଧୈସ୍ତତ୍ର ସମନ୍ତାତ୍ପରିରୋପିତୈଃ॥ 2-57-57 (13645)
ଯେ ଚ ନନ୍ଦନଜା ବୃକ୍ଷା ଯେ ଚ ଚୈତ୍ରରଥେ ବନେ।
ସର୍ବେ ତେ ଯଦୁନାଥେନ ସମନ୍ତାତ୍ପରିରୋପିତାଃ॥ 2-57-58 (13646)
ସମାହିତା ମହାନଦ୍ଯଃ ପୀତଲୋହିତବାଲୁକାଃ।
ତସ୍ମିନ୍ଗୃହବରେ ରମ୍ଯେ ମଣିଶକ୍ରସବାଲୁକାଃ॥ 2-57-59 (13647)
ମତ୍ତବର୍ହିଣନାଦାଶ୍ଚ କୋକିଲାଶ୍ଚ ମଦାବହାଃ।
ବଭୂବୁଃ ପରମୋପେତାଃ ସର୍ବେ ଜଗତି ପର୍ବତାଃ॥ 2-57-60 (13648)
ତତ୍ରୈବ ଗଜଯୂଥାନି ତତ୍ର ଗୋମହିଷାସ୍ତଥା।
ନିବାସାଶ୍ଚ କୃତାସ୍ତତ୍ର ବରାହା ମୃଗପକ୍ଷିଣାମ୍॥ 2-57-61 (13649)
ବିଶ୍ବକର୍ମକୃତଃ ଶୈଲଃ ପ୍ରାକାରସ୍ତତ୍ର ବେଶ୍ମନି।
ବ୍ଯକ୍ତକିଷ୍କୁଶତୋଦ୍ଯାମଃ ସୁଧାରସସମପ୍ରଭଃ॥ 2-57-62 (13650)
ତେନ ତେ ଚ ମହାଶୈଲାଃ ସରିତଶ୍ଚ ସରାଂସି ଚ।
ପରିକ୍ଷିପ୍ତାନି ବୈ ତସ୍ଯ ବନାନ୍ଯୁପବନାନି ଚ॥ ॥ 2-57-63 (13651)
ଇତି ଶ୍ରୀମନ୍ମହାଭାରତେ ସଭାପର୍ବଣ ଅର୍ଘାହରଣପର୍ବଣି ସପ୍ତପଞ୍ଚାଶୋଽଧ୍ଯାଯଃ॥ 57॥
ସଭାପର୍ବ - ଅଧ୍ଯାଯ 058
॥ ଶ୍ରୀଃ ॥
2.58. ଅଧ୍ଯାଯଃ 058
Mahabharata - Sabha Parva - Chapter Topics
କୃଷ୍ଣଦର୍ଶନାଯ ବସୁଦେବାଦୀନାମାଗମନମ୍॥1॥ ରାମକୃଷ୍ଣାଭ୍ଯାଂ ପିତ୍ରାଦିବନ୍ଦନପୂର୍ବକଂ ବନ୍ଧୁଭ୍ଯୋ ରତ୍ନାଦିବିତରଣମ୍॥ 2॥ ଇନ୍ଦ୍ରସ୍ଯ କୃଷ୍ଣଚରିତପ୍ରଶଂସନପୂର୍ବକଂ ସ୍ବଲୋକଗମନମ୍॥ 3॥Mahabharata - Sabha Parva - Chapter Text
ଭୀଷ୍ମ ଉବାଚ।
ଏବମାଲୋକଯାଞ୍ଚକ୍ରୁର୍ଦ୍ବାରକାମୃଷଭାସ୍ତ୍ରଯଃ।
ଉପେନ୍ଦ୍ରବଲଦେବୌ ଚ ବାସବଶ୍ଚ ମହାଯଶାଃ॥ 2-58-1 (13652)
ତତସ୍ତଂ ପାଣ୍ଡରଂ ଶୌରିର୍ମୂର୍ଧ୍ନି ତିଷ୍ଠନ୍ଗରୁତ୍ମତଃ।
ପ୍ରୀତଃ ଶଙ୍ଖମୁପାଧ୍ମାସୀଦ୍ଦ୍ବିଷତାଂ ରୋମହର୍ଷଣମ୍॥ 2-58-2 (13653)
ତସ୍ଯ ଶଙ୍ଖସ୍ଯ ଶବ୍ଦେନ ସାରଶ୍ଚୁକ୍ଷୁଭେ ଭୃଶମ୍।
ରରାସ ଚ ନଭଃ ସର୍ବଂ ତଚ୍ଚିତ୍ରମଭବତ୍ତଦା॥ 2-58-3 (13654)
ପାଞ୍ଚଜନ୍ଯସ୍ଯ ନିର୍ଘୋଷଂ ନିଶମ୍ଯ କୁକୁରାନ୍ଦକାଃ।
ପ୍ରୀଯମାଣାଃ ସମାଜଗ୍ମୁରାଲୋକ୍ଯ ମଧୁସୂଦନମ୍॥ 2-58-4 (13655)
ବସୁଦେବଂ ପୁରସ୍କୃତ୍ଯ ବେଣୁଶଙ୍ଖରବୈଃ ସହ।
ଉଗ୍ରସେନୋ ଯଯୌ ରାଜା ବାସୁଦେବନିବେଶନମ୍॥ 2-58-5 (13656)
ଆନନ୍ଦିତୁଂ ପର୍ଯଚନ୍ସ୍ବେଷୁ ବେଶ୍ମସୁ ଦେବକୀ।
ରୋହିଣୀ ଚ ଯଯୌ ଦେଶମାହୁକସ୍ଯ ଚ ଯାଃ ସ୍ତ୍ରିଯଃ॥ 2-58-6 (13657)
ହତା ବ୍ରହ୍ମଦ୍ବିଷଃ ସର୍ବେ ଜଯନ୍ତ୍ଯନ୍ଧକବୃଷ୍ଣଯଟଃ।
ଏବମୁକ୍ତଃ ସହ ସ୍ତ୍ରୀଭିରକ୍ଷତୈର୍ମଧୁସୂଦନଃ॥ 2-58-7 (13658)
ତତଃ ଶୌରିଃ ସୁପର୍ଣେନ ସ୍ବଂ ନିବେଶନମଭ୍ଯଯାତ୍।
ଚକାରାଥ ଯଥୋଦ୍ଦେଶମୀଶ୍ବରୋ ମଣିପର୍ବତମ୍॥ 2-58-8 (13659)
ତତୋ ଧନାନି ରତ୍ନାନି ସଭାଯାଂ ମଧୁସୂଦନଃ।
ନିଧାଯ ପୁଣ୍ଡରୀକାକ୍ଷଃ ପିତୁର୍ଦର୍ଶନଲାଲସଃ॥ 2-58-9 (13660)
ତତଃ ସାନ୍ଦୀପିନିଂ ପୂର୍ବଂ ବ୍ରାହ୍ମଣଂ ଚାପି ଭାରତ।
ଯଥାନ୍ଯାଯଂ ବାସୁଦେବ ଉପସ୍ପୃଷ୍ଟ୍ବା ମହାଯଶାଃ॥ 2-58-10 (13661)
ବବନ୍ଦେ ପୃଥୁତାମ୍ରାକ୍ଷଃ ପ୍ରୀଯମାଣୋ ମହାଯଶାଃ।
ତଥାଽଶ୍ରୁପରିପୂର୍ଣାକ୍ଷମାନନ୍ଦଭୃତଚେତସମ୍॥ 2-58-11 (13662)
ବବନ୍ଦେ ସହ ରାମେଣ ପିତରଂ ବାସବାନୁଜଃ।
ତାଭ୍ଯାଂ ଚ ମୂର୍ଧ୍ନ୍ଯୁପାଘ୍ରାତଃ କେଶବଃ ପରବୀରହା॥ 2-58-12 (13663)
ଯଥାଶ୍ରେଷ୍ଠମୁପାଗମ୍ଯ ସାତ୍ବତାନ୍ଯଦୁନନ୍ଦନଃ।
ସର୍ବେଷାଂ ନାମ ଜଗ୍ରାହ ଦାଶାର୍ହାଣାମଧୋକ୍ଷଜଃ॥ 2-58-13 (13664)
ତତଃ ସର୍ବାଣି ବିତ୍ତାନି ସର୍ବରତ୍ନମଯାନି ଚ।
ବ୍ଯଭଜତ୍ତାନି ତେଭ୍ଯୋଽଥ ସର୍ବେଭ୍ଯୋ ଯଦୁନନ୍ଦନଃ॥ 2-58-14 (13665)
ସା କେଶବମହାମାତ୍ରୈର୍ମହେନ୍ଦ୍ରପ୍ରତିମୈଃ ସଭା।
ଶୁଶୁଭେ ବୃଷ୍ଣିଶାର୍ଦୂଲୈଃ ସିଂହୈରିବ ଗିରେର୍ଗୁହା॥ 2-58-15 (13666)
ଅଥାସନଗତାନ୍ସର୍ବାନୁବାଚ ବିବୁଧାଧିପଃ।
ଶୁଭଯା ହର୍ଷଯନ୍ବାଚା ମହେନ୍ଦ୍ରସ୍ତାନ୍ମହାଯଶାଃ।
କୁକୁରାନ୍ଧକମୁଖ୍ଯାଂଶ୍ଚ ତଂ ଚ ରାଜାନମାହୁକମ୍॥ 2-58-16 (13667)
ଇନ୍ଦ୍ର ଉବାଚ। 2-58-17x (1483)
ଯଦର୍ଥଂ ଜନ୍ମ କୃଷ୍ଣସ୍ଯ ମାନୁଷେଷୁ ମହାତ୍ମନଃ।
ଯତ୍କୃତଂ ବାସୁଦେବେନ ତଦ୍ବକ୍ଷ୍ଯାମି ସମାସତଃ॥ 2-58-17 (13668)
ଅଯଂ ଶତସହସ୍ରାଣି ଦାନବାନାମରିନ୍ଦମଃ।
ନିହଯ୍ ପୁଣ୍ଡରୀକାକ୍ଷଃ ପାତାଲବିବରଂ ଯଯୌ॥ 2-58-18 (13669)
ଯଚ୍ଚ ନାଧିଗତଂ ପୂର୍ବୈଃ ପ୍ରହ୍ଲାଦବଲିଶମ୍ବରୈଃ।
ତଦିଦଂ ଶୌରିଣା ବିତ୍ତଂ ପ୍ରାପିତଂ ଭବତାମିହ॥ 2-58-19 (13670)
ସପାଶଂ ମୁରମାକ୍ରମଯ୍ ପାଞ୍ଚଜନ୍ଯଂ ଚ ଧୀମତା।
ଶିଲାସଙ୍ଘାନତିକ୍ରମ୍ଯ ନିଶୁମ୍ଭଃ ସଗଣୋ ହତଃ॥ 2-58-20 (13671)
ହଯଗ୍ରୀବଶ୍ଚ ବିକ୍ରାନ୍ତୋ ଦାନବୋ ନିହତୋ ବଲୀ।
ମଥିତଶ୍ଚ ମୃଧେ ଭୌମଃ କୁଣ୍ଡଲେ ଚାହୃତେ ପୁନଃ॥ 2-58-21 (13672)
ପୁନର୍ବାଣବଧେ ଶୌରିମାଦିତ୍ଯା ବସୁଭିଃ ସହ।
ମନ୍ମୁଖା ଆଗମିଷ୍ଯନ୍ତି ସାଧ୍ଯାଶ୍ଚ ମଧୁସୂଦନମ୍॥ 2-58-22 (13673)
ଏବମୁକ୍ତ୍ବା ତତଃ ସର୍ବାନାମନ୍ତ୍ର୍ଯ କୁକୁରାନ୍ଧକାନ୍।
ସସ୍ବଜେ ରାମକୃଷ୍ଣୌ ଚ ବସୁଦେବଂ ଚ ବାସବଃ॥ 2-58-23 (13674)
ପ୍ରଦ୍ଯୁମ୍ନସାମ୍ବପ୍ରମୁଖାନନିରୂଦ୍ଧଂ ଚ ସାରଣମ୍।
ବଭ୍ରୁଂ ଝଲ୍ଲିଂ ଗଦଂ ଭାନୁଂ ଚାରୁଦେଷ୍ଣଂ ଚ ବୃତ୍ରହା॥ 2-58-24 (13675)
ସତ୍କୃତ୍ଯ ସାରଣାକ୍ରୂରୌ ପୁନରାଭାଷ୍ଯ ସାତ୍ଯକିମ୍।
ସସ୍ବଜେ ବୃଷ୍ଣିରାଜାନମାହୁକଂ କୁକୁରାଧିପମ୍।
ଭୋଜଂ ଚ କୃତବର୍ଣାଣମନ୍ଯାଂଶ୍ଚାନ୍ଦକବୃଷ୍ଣିଷୁ॥ 2-58-25 (13676)
ଆମନ୍ତ୍ର୍ଯ ଦେବପ୍ରବରୈର୍ବାସବୋ ବାସବାନୁଜମ୍।
ତତଃ ଶ୍ବେତାଚଲପ୍ରଖ୍ଯଂ ଗଜମୈରାବତଂ ପ୍ରଭୁଃ॥ 2-58-26 (13677)
ପଶ୍ଯତାଂ ସର୍ବଭାତାନାମାରୁରୋହ ଶଚୀପତିଃ।
ପୃଥିବୀଂ ଚାନ୍ତରିକ୍ଷଂ ଚ ଦିବଂ ଚ ବରବାରଣମ୍॥ 2-58-27 (13678)
ମୁଖାଡମ୍ବରନିର୍ଘୋଷୈଃ ପୂରଯନ୍ତମିବାସକୃତ୍।
ହୈମଯନ୍ତ୍ରମହାକକ୍ଷ୍ଯଂ ହିରଣ୍ମଯବିଷାଣିନମ୍॥ 2-58-28 (13679)
ମନୋହରକୁଥାସ୍ତୀର୍ଣଂ ସର୍ବରତ୍ନବିଭୂଷିତମ୍।
ନିତ୍ଯସ୍ରୁତମଦସ୍ରାବଂ କ୍ଷରନ୍ତମିବ ତୋଯଦମ୍॥ 2-58-29 (13680)
ଦିଶାଗଜଂ ମହାମାତ୍ରଂ କାଞ୍ଚନସ୍ରଜମାସ୍ଥିତଃ।
ପ୍ରବଭୌ ମନ୍ଦରାଗ୍ରସ୍ଥଃ ପ୍ରତପନ୍ଭାନୁମାନିବ॥ 2-58-30 (13681)
ତତୋ ବଜ୍ମଯଂ ଭୀମଂ ପ୍ରଗୃହ୍ଯ ପରାମାଙ୍କୁଶମ୍।
ଯଯୌ ବଲବତା ସାର୍ଧଂ ପାବକେନ ଶଚୀପତିଃ॥ 2-58-31 (13682)
ତଂ କରେଣୁଗଜବ୍ରାତୈର୍ବିମାନୈଶ୍ଚ ମରୁଦ୍ଗଣାଃ।
ପୃଷ୍ଠତୋଽନୁଯଯୁଃ ପ୍ରୀତାଃ କୁବେରବରୁଣଗ୍ରହାଃ॥ 2-58-32 (13683)
ସ ବାଯୁପକ୍ଷମାସ୍ଥାଯ ବୈଶ୍ବାନରପଥଂ ଗତଃ।
ପ୍ରାପ୍ଯ ସୂର୍ଯପଥଂ ଦେବସ୍ତତ୍ରୈବାନ୍ତରଧୀଯତ॥ ॥ 2-58-33 (13684)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅର୍ଘାହରଣପର୍ବଣି ଅଷ୍ଟପଞ୍ଚାଶୋଽଧ୍ଯାଯଃ॥ 58॥
ସଭାପର୍ବ - ଅଧ୍ଯାଯ 059
॥ ଶ୍ରୀଃ ॥
2.59. ଅଧ୍ଯାଯଃ 059
Mahabharata - Sabha Parva - Chapter Topics
କୃଷ୍ଣେନାହୃତବିଭୂତିବିଲୋକନାଯ ଦେବକୀରୁକ୍ମିଣ୍ଯାଦିସ୍ତ୍ରୀଣାମାଗମନମ୍॥1॥ ସଭାମାଗତାଯାଃ ଯଶୋଦାସୁତାଯାଃ ରାମକୃଷ୍ଣାଭ୍ଯାଂ ସତ୍କାରଃ॥ 2॥ ସର୍ବେଷାଂ ସ୍ବସ୍ବଭବନଗମନମ୍॥ 3॥Mahabharata - Sabha Parva - Chapter Text
ଭୀଷ୍ମ ଉବାଚ॥
ତତଃ ସର୍ବଦଶାର୍ହାଣାମାହୁକସ୍ଯ ଚ ଯାଃ ସ୍ତ୍ରିଯଃ।
ନନ୍ଦଗୋପସ୍ଯ ମହିଷୀ ଯଶୋଦା ଲୋକବିଶ୍ରୁତା॥ 2-59-1 (13685)
ରେବତୀ ଚ ମହାଭାଗା ରୁକ୍ମିଣୀ ଚ ପତ୍ରିବ୍ରତା।
ସତ୍ଯା ଜାମ୍ବବତୀ ଚୋଭେ ଗାନ୍ଧାରୀ ଶିଂଶୁମାପି ଚ॥ 2-59-2 (13686)
ବିଶୋକା ଲକ୍ଷଣା ଚାପି ସୁମିତ୍ରା କେତୁମା ତଥା।
ବାସୁଦେବମହିଷ୍ଯୋଽନ୍ଯାଃ ଶ୍ରିଯା ସାର୍ଧଂ ଯଯୁସ୍ତଦା॥ 2-59-3 (13687)
ବିଭୂତିଂ ଦ୍ରଷ୍ଟୁମନସଃ କେଶବସ୍ଯ ମହାତ୍ମନଃ।
ପ୍ରୀଯମାଣାଃ ସଭାଂ ଜଗ୍ମୁରାଲୋକଯିତୁମଚ୍ଯୁତମ୍॥ 2-59-4 (13688)
ଦେବକୀ ସର୍ବଦେବୀନାଂ ରୋହିଣୀ ଚ ପୁରସ୍କୃତା।
ଦଦୃଶୁର୍ଦେବମାସୀନଂ କୃଷ୍ଣଂ ହଲଭୃତା ସହ॥ 2-59-5 (13689)
ତୌ ତୁ ପୂର୍ବମତିକ୍ରମ୍ଯ ରୋହିଣୀମଭିବାଦ୍ଯ ଚ।
ଅଭ୍ଯବାଦଯତାଂ ଦେବୌ ଦେବକୀଂ ରାମକେଶବୌ॥ 2-59-6 (13690)
ସା ତାଭ୍ଯାମୃଷଭାକ୍ଷାଭ୍ଯାଂ ପୁତ୍ରାଭ୍ଯାଂ ଶୁଶୁଭେଽଧିକମ୍।
ଦେବକୀ ଦେବମାତେବ ମିତ୍ରେଣ ବରୁଣେନ ଚ॥ 2-59-7 (13691)
ତତଃ ପ୍ରାପ୍ତା ଯଶୋଦାଯା ଦୁହିତା ବୈ କ୍ଷଣେନ ହି।
ଜାଜ୍ବଲ୍ଯମାନା ବପୁଷା ପ୍ରଭଯାଽତୀବ ଭାରତ॥ 2-59-8 (13692)
ଏକାନଙ୍ଗେତି ଯାମାହୁଃ କନ୍ଯାଂ ବୈ କାମରୂପିଣୀମ୍।
ଯତ୍କୃତେ ସଗଣଂ କଂସଂ ଜଘାନ ପୁରୁଷୋତ୍ତମଃ॥ 2-59-9 (13693)
ତତଃ ସ ଭଗବାନ୍ରାମସ୍ତାମୁପାକ୍ରମ୍ଯ ଭାମିନାମ୍।
ମୂର୍ଧ୍ନ୍ଯୁପାଘ୍ରାଯ ସବ୍ଯେନ ପରିଜଗ୍ରାହ ପାଣିନା॥ 2-59-10 (13694)
ତାଂ ଚ ତତ୍ରୋପସମ୍ପ୍ରାପ୍ଯ ପ୍ରିଯାମିବ ସଖୀମିମାମ୍।
ଦକ୍ଷିଣେନ କରାଗ୍ରେଣ ପିରଜଗ୍ରାହ ମାଧବଃ॥ 2-59-11 (13695)
ଦଦୃଶୁସ୍ତାଂ ସଭାମଧ୍ଯେ ଭଗିନୀଂ ରାମକୃଷ୍ଣଯୋଃ।
ରୁକ୍ମପଦ୍ମଶାଂ ପଦ୍ମଶ୍ରୀମିବୋତ୍ତମନାଭଯୋଃ॥ 2-59-12 (13696)
ଅଥାକ୍ଷତମହାବଷ୍ଟ୍ଯା ଲାଜପୁଷ୍ପଘୃତୈରପି।
ବୃଷ୍ଣଯୋଽବାକିରନ୍ପ୍ରୀତାଃ ସଙ୍କର୍ଷଣଜନାର୍ଦନୌ॥ 2-59-13 (13697)
ସବାଲାଃ ସହବୃଦ୍ଧାଶ୍ଚ ଯେ ଜ୍ଞାତିକୁଲବାନ୍ଧବାଃ।
ଉପୋପବିବିଶୁଃ ପ୍ରୀତା ବୃଷ୍ଣଯୋ ମଧୁସୂଦନମ୍॥ 2-59-14 (13698)
ପୂଜ୍ଯମାନୋ ମହାବାହୁଃ ପୌରାଣାଂ ରତିବର୍ଧନଃ।
ବିବେଶ ପୁରୁଷବ୍ଯାଘ୍ରଃ ସ୍ବବେଶ୍ମ ମଧୁସୂଦନଃ॥ 2-59-15 (13699)
ରୁକ୍ମିଣ୍ଯା ସହିତୋ ଦେବ୍ଯା ପ୍ରମୁମୋଦ ସୁଖୀ ସୁଖମ୍।
ଅନନ୍ତରଂ ଚ ସତ୍ଯାଯା ଜାମ୍ବବତ୍ଯାଶ୍ଚ ଭାରତ॥ 2-59-16 (13700)
ସର୍ବାସାଂ ଚ ଯଦୁଶ୍ରେଷ୍ଠୋ ଗେହେ ଗେହେ ବିହାରବାନ୍।
ଜଗାମ ଚ ହୃଷୀକେଶୋ ରୁକ୍ମିଣ୍ଯାଃ ସଦନଂ ପୁନଃ॥ 2-59-17 (13701)
ଏଷ ତାତ ମହାବାହୋ ବିଜଯଃ ଶାର୍ଙ୍ଗଧନ୍ବନଃ।
ଏତଦର୍ଥଂ ଚ ଜନ୍ମାହୁର୍ମାନୁଷେଷୁ ମହାତ୍ମନଃ॥ ॥ 2-59-18 (13702)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅର୍ଘାହରଣପର୍ବଣି ଏକୋନଷଷ୍ଟିତମୋଽଧ୍ଯାଯଃ॥ 59 ॥
ସଭାପର୍ବ - ଅଧ୍ଯାଯ 060
॥ ଶ୍ରୀଃ ॥
2.60. ଅଧ୍ଯାଯଃ 060
Mahabharata - Sabha Parva - Chapter Topics
ଶର୍ବବରଗର୍ବିତେନ ବାଣାସୁରେଣ ସ୍ବତନଯଯା ଉଷଯା ସହ ଗୂଢଂ ରମମାଣସ୍ଯ ଅନିରୁଦ୍ଘସ୍ଯ କାରା ଗୃହପ୍ରାଷଣମ୍॥1॥ ନାରଦାଦ୍ବିଦିତପୌତ୍ରବୃତ୍ତେନ କୃଷ୍ଣେନ ସରାମପ୍ରଦ୍ଯୁମ୍ନେନ ବାଣଂ ନିର୍ଜିତ୍ଯ ଉଷଯା ସହ ଅନିରୁଦ୍ଘାନଯନମ୍॥ 2॥Mahabharata - Sabha Parva - Chapter Text
ଭୀଷ୍ମ ଉବାଚ॥
ଦ୍ବାରକାଯାଂ ତତଃ କୃଷ୍ଣଃ ସ୍ବଦାରେଷୁ ଦିବାନିଶମ୍।
ସୁଖଂ ଲବ୍ଧ୍ବା ମହାରାଜ ପ୍ରମୁମୋଦ ମହାଯଶାଃ॥ 2-60-1 (13703)
ପୌତ୍ରସ୍ଯ କାରଣାଚ୍ଚକ୍ରେ ବିବୁଧାନାଂ ପ୍ରିଯଂ ତଦା।
ସାବସବୈଃ ସୁରୈଃ ସର୍ବୈର୍ଦୁଷ୍କରଂ ଭରତର୍ଷଭ॥ 2-60-2 (13704)
ବାଣୋ ନାମାଽଭବଦ୍ରାଜା ବଲେର୍ଜ୍ଯେଷ୍ଠସୁତୋ ବଲୀ।
ବୀର୍ଯବାନ୍ଭରତଶ୍ରେଷ୍ଠ ସ ଚ ବାହୁସହସ୍ରବାନ୍॥ 2-60-3 (13705)
ତତସ୍ତେପେ ତପସ୍ତୀବ୍ରଂ ସତ୍ବେନ ମନସା ନୃପ।
ରୁଦ୍ରମାରାଧଯାମାସ ସ ଚ ବାଣଃ ସମା ବହୁ॥ 2-60-4 (13706)
ତସ୍ମୈ ବହୁବରା ଦତ୍ତାଃ ଶଙ୍କରେଣ ମହାତ୍ମନା।
ତାଂଶ୍ଚ ଲବ୍ଧ୍ବା ବରାନ୍ବାଣୋ ଦୁର୍ଲଭାନସୁରୈର୍ଭୁବି॥ 2-60-5 (13707)
ସ ଶୋଣିତପୁରେ ରାଜ୍ଯଂ ଚକାରାପ୍ରତିମୋ ବଲୀ।
ତ୍ରାସିତାଶ୍ଚ ସୁରାଃ ସର୍ବେ ତେନ ବାଣେନ ପାଣ୍ଡବ॥ 2-60-6 (13708)
ବିଜିତ୍ଯ ବିବୁଧାନ୍ସେନ୍ଦ୍ରାନ୍ବାଣଃ ସଂବତ୍ସରାନ୍ବହୂନ୍।
ଅଶାସତ ମହଦ୍ରାଜ୍ଯଂ କୁବେର ଇବ ଭାରତ॥ 2-60-7 (13709)
ତତୋ ରାଜନ୍ନୁଷା ନାମ ବାଣସ୍ଯ ଦୁହିତା ଯଥା।
ଯେନୋପାଯେନ କୌନ୍ତେଯ ଅନିରୁଦ୍ଧୋ ମହାଦ୍ଯୁତିଃ॥ 2-60-8 (13710)
ପ୍ରାଦ୍ଯୁମ୍ନିସ୍ତାମୁଷାଂ ପ୍ରାପ୍ଯ ପ୍ରଚ୍ଛନ୍ନଃ ପ୍ରମୁମୋଦ ହ।
ଅଥ ବାଣୋ ମହାତେଜାସ୍ତଦା ତତ୍ର ଯୁଧିଷ୍ଠିର ॥ 2-60-9 (13711)
ତଂ ଗୃହ୍ଯନିଲଯଂ ଜ୍ଞାତ୍ବା ପ୍ରାଦ୍ଯୁମ୍ନିଂ ସୁତଯା ତଦା।
ଗୃହୀତ୍ବା କାରଯାମାସ ବସ୍ତୁଂ କାରାଗୃହେ ବଲାତ୍॥ 2-60-10 (13712)
ସ କୁମାରଃ ସୁଖାର୍ହୋଽଥ ତଦା ଦୁଃଖସମନ୍ବିତଃ।
ବାମେନ ଘାତିତୋ ରାଜନ୍ନନିରୁଦ୍ଧୋ ମୁମୋହ ଚ॥ 2-60-11 (13713)
ଏତସ୍ମିନ୍ନେବ କାଲେ ତୁ ନାରଦୋ ମୁନିପୁଙ୍ଗବଃ।
ଦ୍ବାରକାଂ ପ୍ରାପ୍ଯ କୌନ୍ତେଯ କୃଷ୍ଣଂ ଦୃଷ୍ଟ୍ବା ବଚୋଽବ୍ରବୀତ୍॥ 2-60-12 (13714)
କୃଷ୍ଣ କୃଷ୍ଣ ମହାବାହୋ ଯଦୂନାଂ କୀର୍ତିବର୍ଧନ।
ପୌତ୍ରସ୍ତେ ବାଧ୍ଯମାନୋଽତ୍ର ବାଣେନାମିତତେଜସା॥ 2-60-13 (13715)
କୃଚ୍ଛ୍ରଂ ପ୍ରାପ୍ତୋଽନିରୁଦ୍ଧୋ ବୈ ଶେତେ କାରାଗୃହେ ସଦା।
ଏତଦୁକ୍ତ୍ବା ସୁରର୍ଷିର୍ବୈ ବାଣସ୍ଯାଥ ପୁରଂ ଯଯୌ॥ 2-60-14 (13716)
ନାରଦସ୍ଯ ବଚଃ ଶ୍ରୁତ୍ବା ତତୋ ରାଜଞ୍ଜନାର୍ଦନଃ।
ଜାହୂଯ ବଲଦେବଂ ହି ପ୍ରଦ୍ଯୁମ୍ନଂ ଚ ମହାଦ୍ଯୁତିମ୍॥ 2-60-15 (13717)
ଆରୁରୋହ ଗରୁତ୍ମନ୍ତଂ ତାଭ୍ଯାଂ ସହ ଜନାର୍ଦନଃ।
ତତଃ ସୁପର୍ଣମାରୁହ୍ଯ ଜଯାଯ ଭରତର୍ଷଭ॥ 2-60-16 (13718)
ଜଗ୍ମୁଃ କ୍ରୁଧା ମହାବୀର୍ଯା ବାଣସ୍ଯ ନଗରଂ ପ୍ରତି।
ଅଥାସାଦ୍ଯ ମହାରାଜ ତତ୍ପୁରଂ ଦଦୃଶୁଶ୍ଚ ତେ॥ 2-60-17 (13719)
ତାମ୍ରପ୍ରାକାରସଙ୍ଗୁପ୍ତାଂ ହେମପ୍ରାସାଦସଙ୍କୁଲାମ୍।
ଦୃଷ୍ଟ୍ବା ମୁଦା ଯୁତାଃ ସର୍ବେ ବିସ୍ମଯଂ ପରମଂ ଯଯୁଃ॥ 2-60-18 (13720)
ତଥା ବାଣପୁରସ୍ଯାସନ୍ଦ୍ବାରସ୍ଥା ଦେବତାଃ ସଦା।
ମହେଶ୍ବରୋ ଗୁହଶ୍ଚୈବ ଭଦ୍ରକାଲୀ ବିନାଯକଃ॥ 2-60-19 (13721)
ଅଥ କୃଷ୍ଣୋ ବଲାଜ୍ଜିତ୍ବା ଦ୍ବାରପାଲାନ୍ଯୁଧିଷ୍ଠିର।
ସୁସଙ୍କ୍ରୁଦ୍ଧୋ ମହାତେଜାଃ ଶଙ୍ଖଚକ୍ରଗଦାସିଭୃତ୍॥ 2-60-20 (13722)
ଆସସାଦୋତ୍ତରଦ୍ବାରଂ ଶଙ୍କରେଣାଭିରକ୍ଷିତମ୍।
ତତ୍ର ତସ୍ଥୌ ମହାତେଜାଃ ଶୂଲପାଣିର୍ମହେଶ୍ବରଃ॥ 2-60-21 (13723)
ପିନାକଂ ସଶରଂ ଗୃହ୍ଯ ବାଣସ୍ଯ ହିତକାମ୍ଯଯା।
ଜ୍ଞାତ୍ବା ତମାଗତଂ କୃଷ୍ଣଂ ବ୍ଯାଦିତାସ୍ଯମିବାନ୍ତକମ୍॥ 2-60-22 (13724)
ତତସ୍ତୌ ଚକ୍ରତୁର୍ଯୁଦ୍ଧଂ ବାସୁଦେବମହେଶ୍ବରୌ।
ତଦ୍ଯୁଦ୍ଧମଭବଦ୍ଘୋରମଚିନ୍ତ୍ଯଂ ରୋମହର୍ଷଣମ୍॥ 2-60-23 (13725)
ଅନ୍ଯୋନ୍ଯଂ ତୌ ତତକ୍ଷାତେ ଅନ୍ଯୋନ୍ଯଜଯକାଙ୍କ୍ଷିଣୌ।
ଦିବ୍ଯାନ୍ଯସ୍ତ୍ରାଣି ତୌ ଦେବୌ କ୍ରୁଦ୍ଧୌ ମୁମୁଚତୁସ୍ତଦା॥ 2-60-24 (13726)
ତତଃ କୃଷ୍ଣୋ ରଣଂ କୃତ୍ବା ମୁହୂର୍ତଂ ଶୂଲପାଣିନା।
ବିଜିତ୍ଯ ତଂ ମହାଦେବଂ ତତୋ ଯୁଦ୍ଧେ ଶୂଲପାଣିନା।
ଅନ୍ଯାଂଶ୍ଚ ଜିତ୍ବା ଦ୍ବାରସ୍ଥାନ୍ପ୍ରବିବେଶ ପୁରୋତ୍ତମମ୍॥ 2-60-25 (13727)
ପ୍ରବିଶ୍ଯ ବାଣମାସାଦ୍ଯ ସ ତତ୍ରାଥ ଜନାର୍ଦନଃ।
ଚକ୍ରେ ଯୁଦ୍ଧଂ ମହାକ୍ରୁଦ୍ଧସ୍ତେନ ବାଣେନ ଭରତର୍ଷଭ। 2-60-26 (13728)
ବାଣୋଽପି ସର୍ବଶସ୍ତ୍ରାଣି ଶିତାନି ଭରତର୍ଷଭ।
ସୁସଙ୍କ୍ରୁଦ୍ଧସ୍ତଦା ଯୁଦ୍ଧେ ପାତଯାମାସ କେଶବେ॥ 2-60-27 (13729)
ପୁନରୁଦ୍ଯମ୍ଯ ଶସ୍ତ୍ରାଣି ସହସ୍ରଂ ସର୍ବବାହୁଭିଃ।
ମୁମୋଚ ବାଣଃ ସଙ୍କ୍ରୁଦ୍ଧଃ କୃଷ୍ଣଂ ପ୍ରତି ରଣାଜିରେ॥ 2-60-28 (13730)
ତତଃ କୃଷ୍ଣସ୍ତଦା କୃତ୍ତ୍ବା ତାନି ସର୍ବାଣି ଭାରତ।
କୃତ୍ତ୍ବା ମୁହୂର୍ତଂ ବାଣେନ ଯୁଦ୍ଧଂ ରାଜନ୍ନଗୋକ୍ଷଜଃ॥ 2-60-29 (13731)
ଚକ୍ରମୁଦ୍ଯମ୍ଯ ରୋଷାଦ୍ବୈ ଦିବ୍ଯଂ ଶସ୍ତ୍ରୋତ୍ତମଂ ତତଃ।
ସହସ୍ରବାହୂଂଶ୍ଚିଚ୍ଛେଦ ବାଣସ୍ଯାମିତତେଜସଃ॥ 2-60-30 (13732)
ତତୋ ବାଣୋ ମହାରାଜ କୃଷ୍ଣେନ ଭୃଶପୀଡିତଃ।
ଭିନ୍ନବାହୁଃ ପପାତାଶୁ ବିଶାଖ ଇବ ପାଦପଃ॥ 2-60-31 (13733)
ସ ପାତଯିତ୍ବା ବାଣୈସ୍ତଂ ବାଣଂ କୃଷ୍ଣସ୍ତ୍ବରାନ୍ବିତଃ।
ପ୍ରାଦ୍ଯୁମ୍ନିଂ ମୋଚଯାମାସ କ୍ଷିପ୍ରଂ ରାଜଗୃହାତ୍ତଦା॥ 2-60-32 (13734)
ମୋକ୍ଷଯିତ୍ବାଽଥ ଗୋବିନ୍ଦଃ ପ୍ରାଦ୍ଯୁମ୍ନିଂ ସହ ଭାର୍ଯଯା।
ବାଣସ୍ଯ ସର୍ବରତ୍ନାନି ଅସଙ୍ଖ୍ଯାନି ଜହାର ସଃ॥ 2-60-33 (13735)
ଗୋଧନାନି ଚ ସର୍ବସ୍ବଂ ସ ବାଣସ୍ଯାଲଯେ ବଲାତ୍।
ଜହାର ଚ ହୃଷୀକେଶୋ ଯଦୂନାଂ କୁଲବର୍ଧନଃ॥ 2-60-34 (13736)
ତତଃ ସ ସର୍ବରତ୍ନାନି ଚାହୃତ୍ଯ ମଧୁସୂଦନଃ।
କ୍ଷିପ୍ରମାରୋପଯାଞ୍ଚକ୍ରେ ସର୍ବସ୍ବଂ ଗରୁଡୋପରି॥ 2-60-35 (13737)
ତ୍ବରଯାଽଥ ସ କୌନ୍ତେଯ ବଲଦେବଂ ମହାବଲମ୍।
ପ୍ରାଦୁମ୍ନିଂ ଚ ମହାବୀର୍ଯମନିରୁଦ୍ଧଂ ମହାଦ୍ଯୁତିମ୍॥ 2-60-36 (13738)
ଉଷାଂ ଚ ସୁନ୍ଦରୀଂ ରାଜନ୍ଭୃତ୍ଯଦାରଗଣୈଃ ସହ।
ସର୍ବାନେତାନ୍ସମାରୋପ୍ଯ ଗରୁଡୋପରି ବୀର୍ଯବାନ୍॥ 2-60-37 (13739)
ମୁଦା ଯୁକ୍ତୋ ମହାତେଜାଃ ପୀତାମ୍ବରଧରୋ ବଲୀ।
ଦିବ୍ଯାଭରମଚିତ୍ରାଙ୍ଗଃ ଶଙ୍କଚକ୍ରଗଦାସିଭୃତ୍। 2-60-38ca ଆରୁରୋହ ଗରୁତ୍ମନ୍ତମୁଦଯଂ ଭାସ୍କରୋ ଯଥା॥ ॥ 2-60-38 (13740)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅର୍ଘାହରଣପର୍ବଣି ଷଷ୍ଟିତମୋଽଧ୍ଯାଯଃ॥ 60॥
ସଭାପର୍ବ - ଅଧ୍ଯାଯ 061
॥ ଶ୍ରୀଃ ॥
2.61. ଅଧ୍ଯାଯଃ 061
Mahabharata - Sabha Parva - Chapter Topics
ଭୀଷ୍ମେଣ ନରକବାଣାସୁରପ୍ରମୁଖଦୁଷ୍ଟନିଗ୍ରହାଦିରୂପାତୀତାନାଗତକୃଷ୍ଣଚରିତ୍ରନିରୂପଣମ୍॥ 1॥।Mahabharata - Sabha Parva - Chapter Text
ଭୀଷ୍ଣ ଉବାଚ॥
ସୂଦିତା ଦ୍ବାରପାଲାଶ୍ଚ ନିଶୁମ୍ଭନରକୌ ହତୌ।
କୃତକ୍ଷେମଃ ପୁନଃ ପନ୍ଥାଃ ପୁରଂ ପ୍ରାଗ୍ଜ୍ଯୋତିଷଂ ପ୍ରତି॥ 2-61-1 (13741)
ଶୌରିଣା ପୃଥିବୀପାଲାସ୍ତ୍ରାସିତା ଭରତର୍ଷଭ।
ଧନୁଷଶ୍ଚ ପ୍ରଣାଦେନ ପାଞ୍ଚଜନ୍ଯସ୍ବନେନ ଚ॥ 2-61-2 (13742)
ମେଘପ୍ରଖ୍ଯୈରନେକୈଶ୍ଚ ଦାକ୍ଷିଣାତ୍ଯାଭିସଂବୃତମ୍।
ରୁକ୍ମିଣଂ ତ୍ରାସଯାମାସ କେଶବୋ ଭରତର୍ଷଭ॥ 2-61-3 (13743)
ତତଃ ପର୍ଜନ୍ଯଘୋଷେଣ ରଥେନାଦିତ୍ଯବର୍ଚସା।
ଉବାହ ମହିଷୀଂ ଭୋଜ୍ଯାମେଷ ଚକ୍ରଗଦାଧରଃ॥ 2-61-4 (13744)
ଜାରୂଥ୍ଯ ଆହୃତକ୍ରୋଧଃ ଶିଶୁପାଲଶ୍ଚ ନିର୍ଜିତଃ।
ବକ୍ରଶ୍ଚ ସ ହତଃ ସଙ୍ଖ୍ଯେ ଶତଧନ୍ବା ଚ କ୍ଷତ୍ରିଯଃ॥ 2-61-5 (13745)
ଇନ୍ଦ୍ରଦ୍ଯୁମ୍ନୋ ହତଃ କୋପାଦ୍ଯବନଶ୍ଚ କଶେରୁକଃ।
ହତଃ ସୌଭପତିଶ୍ଚୈବ ସାଲ୍ବଶ୍ଚ କୃତଧନ୍ବନା॥ 2-61-6 (13746)
ପର୍ବତାନାଂ ସହସ୍ରଂ ଚ ଚକ୍ରେଣ ପୁରୁଷୋତ୍ତମଃ।
ବିଭଜ୍ଯ ପୁଣ୍ଡରୀକାକ୍ଷୋ ଦ୍ଯୁମତ୍ସେନମପୋଥଯତ୍॥ 2-61-7 (13747)
ମହେନ୍ଦ୍ରଶିଖରେ ଚୈବ ନିମେଷାନ୍ତରଚାରିଣୌ।
ଜଗ୍ରାହ ଭରତଶ୍ରେଷ୍ଠ ବାନରାବଭିତଶ୍ଚରୌ॥ 2-61-8 (13748)
ଇରାବତ୍ଯାଂ ମହାଭୋଜୋ ବହ୍ନିସୂର୍ଯସମୋ ବଲେ।
ଗୋପତିସ୍ତାଲକେତୁଶ୍ଚ ନିହତୌ ଶାର୍ଙ୍ଗଧନ୍ବନା॥ 2-61-9 (13749)
ଅକ୍ଷପ୍ରପତ୍ତନେ ରାଜନ୍ନବହେଲନତତ୍ପରୌ।
ଉଭୌ ତାବପି କୃଷ୍ଣେନ ସ୍ବରାଷ୍ଟ୍ରେ ବିନିପାତିତୌ॥ 2-61-10 (13750)
ଦଗ୍ଧା ବାରାଣସୀ ତାତ କେଶବେନ ମହାତ୍ମନା।
ପାଣ୍ଡ୍ଯଂ ପୌଣ୍ଡ୍ରଂ ଚ ମାତ୍ସ୍ଯଂ ଚ କଲିଙ୍ଗଂ ଚ ଜନାର୍ଦନଃ॥ 2-61-11 (13751)
ଜଘାନ ସହିତାନ୍ସର୍ବାନଙ୍ଗରାଜଂ ଚ ମାଧବଃ॥ 2-61-12 (13752)
ଏଷ ଚୈବ ଶତଂ ହତ୍ବା ରଥେନ କ୍ଷତ୍ରପୁଙ୍ଗବାନ୍।
ଗାନ୍ଧାରୀମବହତ୍କୃଷ୍ଣୋ ମହିଷୀଂ ଯାଦବର୍ଷଭଃ॥ 2-61-13 (13753)
ଅଥ ଗାଣ୍ଡୀବଧନ୍ବାନଂ କ୍ରୀଡାର୍ଥଂ ମଧୁସୂଦନଃ।
ଜିଗାଯ ଭରତଶ୍ରେଷ୍ଠ କୁନ୍ତ୍ଯାଶ୍ଚ ପ୍ରମୁଖେ ବିଭୁଃ॥ 2-61-14 (13754)
ଦ୍ରୌଣିଂ କୃପଂ ଚ କର୍ଣଂ ଚ ଭୀମସେନଂ ସୁଯୋଧନମ୍।
ଯୁଦ୍ଧାଯ ସହିତାନ୍ତ୍ରାଜଞ୍ଜିଗାଯ ଭରତର୍ଷଭ॥ 2-61-15 (13755)
ବଭ୍ରୋଶ୍ଚ ପ୍ରିଯମନ୍ବିଚ୍ଛନ୍ନେଷ ଚକ୍ରଗଦାଧରଃ।
ବେଣୁଦାରିବୃତାଂ ଭାର୍ଯାଂ ପ୍ରମମାଥ ଯୁଧିଷ୍ଠିର॥ 2-61-16 (13756)
ପର୍ଯାପ୍ତାଂ ପୃଥିବୀଂ ସର୍ବାଂ ସାଶ୍ବାଂ ସରଥକୁଞ୍ଜରାମ୍।
ବେଣୁଦାରିବଶେ ଯୁକ୍ତାଂ ଜିଗାଯ ମଧୁସୂଦନଃ॥ 2-61-17 (13757)
ଅବାପ୍ଯ ତପସା ବୀର୍ଯଂ ବଲମୋଜଶ୍ଚ ଭାରତ।
ତ୍ରାସିତାଃ ସଗଣାଃ ସର୍ବେ ବାଣେନ ବିବୁଧାଧିପାଃ॥ 2-61-18 (13758)
ବଜ୍ରାଶନିଗଦାବାମୈସ୍ତାଡଯଦ୍ଭିରନେକଶଃ।
ତସ୍ଯ ନାସୀଦ୍ରଣେ ମୃତ୍ଯୁର୍ଦେବୈରପି ସବାସବୈଃ॥ 2-61-19 (13759)
ସୋଽଭିଭୂତଶ୍ଚ କୃଷ୍ଣେନ ନ ହତଶ୍ଚ ମଗାତ୍ମନା।
ଛିତ୍ବା ବାହୁସହସ୍ରଂ ତୁ ଗୋବିନ୍ଦେନ ମହାତ୍ମନା॥ 2-61-20 (13760)
ଏଷୋଽପୀଡନ୍ମହାବାହୁଃ କଂସଂ ଚ ମଧୁସୂଦନଃ।
ଅବାପ୍ତଂ ତପସା ବୀର୍ଯଂ ବଲମୋଜଶ୍ଚ ଭାରତ।
କୈଟଭଂ ଚାତିଲୋମାନି ନିଜଘାନ ଜନାର୍ଦନଃ॥ 2-61-21 (13761)
ଜମ୍ବୁମୈରାବତଂ ଚୈବ ବିରୂପଂ ଚ ମହାଯଶାଃ। 2-61-22bଜଘାନ ଭରତଶ୍ରେଷ୍ଠ ଶମ୍ବରଂ ଚାରିମର୍ଦନମ୍॥ 2-61-22 (13762)
ଏଷ ଭୋଗବତୀଂ ଗତ୍ବା ବାସୁକିଂ ଭରତର୍ଷଭ।
ନିର୍ଜିତ୍ଯ ପୁଣ୍ଡରୀକାକ୍ଷୋ ରୌକ୍ମିଣେଯମମୋଚଯତ୍॥ 2-61-23 (13763)
ଏବଂ ବହୂନି କର୍ମାଣି ଶିଶୁରେବ ଜନାର୍ଦନଃ।
କୃତବାନ୍ପୁଣ୍ଡରୀକାକ୍ଷଃ ସଙ୍କର୍ଷଣସହାଯବାନ୍॥ 2-61-24 (13764)
ଏବମେଷୋଽସୁରାଣାଂ ଚସୁରାଣାମପି ସର୍ବଶଃ।
ଭଯାମଯକରଃ କୃଷ୍ଣଃ ସର୍ବଲୋକେଶ୍ବରଃ ପ୍ରଭୁଃ॥ 2-61-25 (13765)
ଏବମେବ ମହାବାହୁଃ ଶାସ୍ତା ସର୍ବଦୁରାତ୍ମନାମ୍।
କୃତ୍ବା ଦେବାର୍ଥମମିତଂ ସ୍ବସ୍ଥାନଂ ପ୍ରାପ୍ସ୍ଯତେ ପୁନଃ॥ 2-61-26 (13766)
ଏଷ ଭୋଗବତୀଂ ପୁଣ୍ଯାଂ ରବିକାନ୍ତିଂ ମହାଯଶାଃ।
ଦ୍ବାରକାମାତ୍ମସାତ୍କୃତ୍ବା ସାଗରଂ ପ୍ଲାବଯିଷ୍ଯତି॥ 2-61-27 (13767)
ସୁରାସୁରମନୁଷ୍ଯେଷୁ ନାଭୂନ୍ନ ଭବିତା କ୍ବଚିତ୍।
ଯସ୍ତାମଧ୍ଯବସଦ୍ରାଜା ନାନ୍ଯତ୍ର ମଧୁସୂଦନାତ୍॥ 2-61-28 (13768)
ଭ୍ରାଜମାନାସ୍ତୁ ବୈ ସର୍ବେ ବୃଷ୍ଣ୍ଯନ୍ଧକମହାରଥାଃ।
ତେଜିଷ୍ଠଂ ପ୍ରତିପତ୍ସ୍ଯନ୍ତେ ନାକପୃଷ୍ଟଂ ଗତାସବଃ॥ 2-61-29 (13769)
ଏବମେବ ଦଶାର୍ହାଣାଂ ବିଧାଯ ବିଧିନା ବିଧିମ୍।
ବିଷ୍ଣୁର୍ନାରାଯଣଃ ସାକ୍ଷାତ୍ସ୍ବସ୍ଥାନଂ ପ୍ରାପ୍ସ୍ଯତେ ଧ୍ରୁବମ୍॥ 2-61-30 (13770)
ଅପ୍ରମେଯୋଽନିଯୋଜ୍ଯଶ୍ଚ ଯତ୍ର କାମଗମୋ ବଶୀ। 2-61-32ab ମୋଦତେ ଭଗବାନ୍ପ୍ରୀତୋ ବାଲଃ କ୍ରୀଡାନକୈରିବ॥ 2-61-31 (13771)
ନୈଷ ଗର୍ଭତ୍ବମାପେଦେ ନ ଯୋନ୍ଯାମାବସତ୍ପ୍ରଭୁଃ।
ଆତ୍ମନସ୍ତେଜସା କୃଷ୍ଣଃ ସର୍ବେଷାଂ କୁରୁତେ ଗତିମ୍॥ 2-61-32 (13772)
ଯଥା ବୁଦ୍ବୁଦ ଉତ୍ଥାଯ ତତ୍ରୈବ ପ୍ରବିଲୀଯତେ।
ଚରାଚରାଣି ଭୂତାନି ତଥା ନାରାଯଣେ ସଦା॥ 2-61-33 (13773)
ନ ପ୍ରମାତୁଂ ମହାବାହୁଃ ଶକ୍ଯୋ ଭାରତ କେଶବଃ।
ପରଂ ହି ପରତସ୍ତସ୍ମାଦ୍ବିଶ୍ବରୂପାନ୍ନ ବିଦ୍ଯତେ॥ ॥ 2-61-34 (13774)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅର୍ଘାହରଣପର୍ବଣି ଏକଷଷ୍ଟିତମୋଽଧ୍ଯାଯଃ॥ 61॥
ସଭାପର୍ବ - ଅଧ୍ଯାଯ 062
॥ ଶ୍ରୀଃ ॥
2.62. ଅଧ୍ଯାଯଃ 062
Mahabharata - Sabha Parva - Chapter Topics
ଭୀଷ୍ମବାକ୍ଯୋପରମେ ସହଦେବେନ କୃଷ୍ଣପୂଜାବିରୁଦ୍ଧଭାଷିଣୋ ବଧେ ପ୍ରତିଜ୍ଞାତେ ରାଜ୍ଞାଂ ତ ୂଷ୍ଣୀମ୍ଭାବଃ॥ 1॥ ସହଦେବମୂର୍ଧ୍ନି ପୁଷ୍ପବୃଷ୍ଟିଃ। ଅଶରୀରବାଣୀଚ॥ 2॥ ନାଦରଦେନ କୃଷ୍ଣାନର୍ଚକସ୍ଯ ନିନ୍ଦନମ୍॥ 3॥ ସହଦେବେନ ସଭ୍ଯଷୂଜନପୂର୍ବକଂ କର୍ମସମାପନମ୍॥ 4॥ ଶିଶୁପାଲେନ ଯଜ୍ଞବିଘାତାଯ ରାଜ୍ଞାଂ ପ୍ରୋତ୍ସାହନମ୍॥ 5॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ଏବମୁକ୍ତ୍ବା ତତୋ ଭୀଷ୍ଣୋ ବିରରାମ ମହାବଲଃ।
ବ୍ଯାଜହାରୋତ୍ତରଂ ତତ୍ର ସହଦେବୋଽର୍ଥବଦ୍ବଚଃ॥ 2-62-1 (13775)
କେଶବଂ କେଶିହନ୍ତାରମପ୍ରମେଯପରାକ୍ରମମ୍।
ପୂଜ୍ଯମାନଂ ମଯା ଯୋ ବଃ କୃଷ୍ଣଂ ନ ସହତେ ନୃପାଃ॥ 2-62-2 (13776)
ସର୍ବେଷାଂ ବଲିନାଂ ମୂର୍ଧ୍ନି ମଯେଦଂ ନିହିତଂ ପଦମ୍।
ଏବମୁକ୍ତେ ମଯା ସମ୍ଯଗୁତ୍ତରଂ ପ୍ରବ୍ରବୀତୁ ସଃ॥ 2-62-3 (13777)
ସ ଏବ ହି ମଯା ବଧ୍ଯୋ ଭବିଷ୍ଯତି ନ ସଂଶଯଃ।
ମତିମନ୍ତଶ୍ଚ ଯେ କେଚିଦାଚାର୍ଯଂ ପିତରଂ ଗୁରୁମ୍॥ 2-62-4 (13778)
ଅର୍ଚ୍ଯମର୍ଚିତମର୍ଘାର୍ହମନୁଜାନନ୍ତୁ ତେ ନୃପାଃ।
ତତୋ ନ ବ୍ଯାଜହାରୈଷାଂ କଶ୍ଚିଦ୍ବୁଦ୍ଧିମତାଂ ସତାମ୍॥ 2-62-5 (13779)
ମାନିନାଂ ବଲିନାଂ ରାଜ୍ଞାଂ ମଧ୍ଯେ ବୈ ଦର୍ଶିତେ ପଦେ।
ତତୋଽପତତ୍ପୁଷ୍ପବୃଷ୍ଟିଃ ସହଦେବସ୍ଯ ମୂର୍ଧନି॥ 2-62-6 (13780)
ଅଦୃଶ୍ଯରୂପା ବାଚଶ୍ଚାପ୍ଯବ୍ରୁବନ୍ସାଧୁସାଧ୍ବିତି।
ଅବିଧ୍ଯଦଜିନଂ କୃଷ୍ଣଂ ଭବିଷ୍ଯଦ୍ଭୂତଜଲ୍ପନଃ॥ 2-62-7 (13781)
ସର୍ବସଂଶଯନିର୍ମୋକ୍ତା ନାରଦଃ ସର୍ବଲୋକବିତ୍।
ଉବାଚାଖିଲଭୂତାନାଂ ମଧ୍ଯେ ସ୍ପଷ୍ଟତରଂ ବଚଃ॥ 2-62-8 (13782)
କୃଷ୍ଣଂ କମଲପତ୍ରାକ୍ଷଂ ନାର୍ଚଯିଷ୍ଯନ୍ତି ଯେ ନରାଃ।
ଜୀବନ୍ମୃତାସ୍ତୁ ତେ ଜ୍ଞେଯା ନ ସଭାଷ୍ଯାଃ କଦାଚନା॥ 2-62-9 (13783)
ବୈଶମ୍ପାଯନ ଉବାଚ। 2-62-10x (1484)
ପୂଜଯିତ୍ବା ଚ ପୂଜାର୍ହାନ୍ବ୍ରହ୍ମକ୍ଷତ୍ରବିଶେଷବିତ୍।
ସହଦେବୋ ନୃଣାଂ ଦେବଃ ସମାପଯତ କର୍ମ ତତ୍॥ 2-62-10 (13784)
ତସ୍ମିନ୍ନଭ୍ଯର୍ଚିତେ କୃଷ୍ଣେ ସୁନୀଥଃ ଶତ୍ରୁକର୍ଷଣଃ।
ଅତିତାମ୍ରେକ୍ଷଣଃ କୋପାଦୁବାଚ ମନୁଜାଧିପାନ୍॥ 2-62-11 (13785)
ସ୍ଥିତଃ ସେନାପତିର୍ଯୋଽହଂ ମନ୍ବଧ୍ବଂ କିଂ ତୁ ସାମ୍ପ୍ରତମ୍।
ଯୁଧି ତିଷ୍ଠାମ ସନ୍ନହ୍ଯ ସମେତାନ୍ବୃଷ୍ଣିପାଣ୍ଡବାନ୍॥ 2-62-12 (13786)
ଇତି ସର୍ବାନ୍ସମୁତ୍ସାଦ୍ଯ ରାଜ୍ଞସ୍ତାଂଶଅଚେଦିପୁଙ୍ଗବଃ।
ଯଜ୍ଞୋପଘାତାଯ ତତଃ ସୋଽମନ୍ତ୍ରତଯ ରାଜଭିଃ॥ 2-62-13 (13787)
ତତ୍ରାହୂତାଗତାଃ ସର୍ବେ ସୁନୀଥପ୍ରମୁଖା ଗଣାଃ.
ସମଦୃଶ୍ଯନ୍ତ ସଙ୍କ୍ରୁଦ୍ଧା ବିବର୍ଣବଦନାସ୍ତଥା॥ 2-62-14 (13788)
ଯୁଧିଷ୍ଠିରାଭିଷେକଂ ଚ ବାସୁଦେବସ୍ଯ ଚାର୍ହଣମ୍।
ନ ସ୍ଯାଦ୍ଯଥା ତଥା କାର୍ଯମେବଂ ସର୍ବେ ତଦାଽବ୍ରୁବନ୍॥ 2-62-15 (13789)
ନିଷ୍କର୍ଷାନ୍ନିଶ୍ଚଯାତ୍ସର୍ବେ ରାଜାନଃ କ୍ରୋଧମୂର୍ଛିତାଃ।
ଅବ୍ରୁବଂସ୍ତତ୍ର ରାଜାନୋ ନିର୍ବେଦାଦାତ୍ମନିଶ୍ଚଯାତ୍॥ 2-62-16 (13790)
ସୁହୃଦ୍ଭିର୍ବାର୍ଯମାଣାନାଂ ତେଷାଂ ହି ବପୁରାବଭୌ।
ଆମିଷାଦପକୃଷ୍ଟାନାଂ ସିହାନାମିବ ଗର୍ଜତାମ୍॥ 2-62-17 (13791)
ତଂ ବଲୌଘମପର୍ଯନ୍ତଂ ରାଜସାଗାରମକ୍ଷଯମ୍।
କୁର୍ବାଣଂ ସମଯଂ କୃଷ୍ଣୋ ଯୁଦ୍ଧାଯ ବୁବୁଧେ ତଦା॥ ॥ 2-62-18 (13792)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅର୍ଘାହରଣପର୍ବଣି ଦ୍ବିଷଷ୍ଟିତମୋଽଧ୍ଯାଯଃ॥ 62॥
ସଭାପର୍ବ - ଅଧ୍ଯାଯ 063
॥ ଶ୍ରୀଃ ॥
2.63. ଅଧ୍ଯାଯଃ 063
Mahabharata - Sabha Parva - Chapter Topics
ରାଜ୍ଞାଂ ରଣୋଦ୍ଯମାଦ୍ବିଭ୍ଯତୋ ଯୁଧିଷ୍ଠିରସ୍ଯ ଭୀଷ୍ଣେଣ ସମାଶ୍ବାସନମ୍॥ 1॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ତତଃ ସାଗରସଙ୍କାଶଂ ଦୃଷ୍ଟ୍ବା ନୃପତିମଣ୍ଡଲମ୍।
ସଂବର୍ତବାତାଭିହତଂ ଭୀମଂ କ୍ଷୁବ୍ଧମିବାର୍ଣବମ୍। 2-63-1 (13793)
ରୋଷାତ୍ପ୍ରଚଲିତଂ ସର୍ବମିଦମାହ ଯୁଧିଷ୍ଠିରଃ।
ଭୀଷ୍ମଂ ମତିମତାଂ ମୁଖ୍ଯଂ ବୃଦ୍ଧଂ କୁରୁପିତାମହମ୍।
ବୃହସ୍ପତିଂ ବୃହତ୍ତେଜାଃ ପୁରୁହୂତ ଇବାରିହା। 2-63-2 (13794)
ଅସୌ ରୋଷାତ୍ପ୍ରଚଲିତୋ ମହାନ୍ନୃପତିସାଗରଃ।
ଅତ୍ର ଯତ୍ପ୍ରତିପତ୍ତବ୍ଯଂ ତନ୍ମେ ବ୍ରୂହି ପିତାମହ॥ 2-63-3 (13795)
ଯଜ୍ଞସ୍ଯ ଚ ନ ବିଘ୍ନଃ ସ୍ଯାତ୍ପ୍ରଜାନାଂ ଚ ହିତଂ ଭବେତ୍।
ଯଥା ସର୍ବତ୍ର ତତ୍ସର୍ବଂ ବ୍ରୂହି ମେଽଦ୍ଯ ପିତାମହ॥ 2-63-4 (13796)
ଇତ୍ଯୁକ୍ତବତି ଧର୍ମଜ୍ଞେ ଧର୍ମରାଜେ ଯୁଧିଷ୍ଠିରେ।
ଉବାଚେଦଂ ବଚୋ ଭୀଷ୍ମସ୍ତତଃ କୁରୁପିତାମହଃ॥ 2-63-5 (13797)
ମା ଭୈସ୍ତ୍ବଂ କୁରୁଶାର୍ଦୂଲ ଶ୍ବା ସିଂହଂ ହନ୍ତୁମର୍ହତି।
ଶିବଃ ପନ୍ଥାଃ ସୁନୀତୋଽତ୍ର ମଯା ପୂର୍ବତରଂ ବୃତଃ॥ 2-63-6 (13798)
ପ୍ରସୁପ୍ତେ ହି ଯଥା ସିଂହେ ଶ୍ବାନସ୍ତାତ ସମାଗତାଃ।
ଭଷେଯୁଃ ସହିତାଃ ସର୍ବେ ତଥେମେ ବସୁଧାଧିପାଃ॥ 2-63-7 (13799)
ବୃଷ୍ଣିସିଂହସ୍ଯ ସୁପ୍ତସ୍ଯ ତଥାଽମୀ ପ୍ରମୁକେ ସ୍ଥିତାଃ।
ଭଷନ୍ତେ ତାତ ସଙ୍କ୍ରୁଦ୍ଧାଃ ଶ୍ବାନଃ ସିଂହସ୍ଯ ସନ୍ନିଧୌ॥ 2-63-8 (13800)
ନ ହି ସମ୍ବୁଧ୍ଯତେ ଯାବତ୍ସୁପ୍ତଃ ସିଂହ ଇବାଚ୍ଯୁତଃ।
` ତଦିଦଂ ଜ୍ଞାତପୂର୍ବଂ ହି ତବ ସଂସ୍ତୋତୁମିଚ୍ଛସି'।
ତେନ ସିଂହୀକରୋତ୍ଯେତାନସିଂହଶ୍ଚେଦିପୁଙ୍ଗବଃ॥ 2-63-9 (13801)
ପାର୍ଥିବାନ୍ପାର୍ଥିବଶ୍ରେଷ୍ଠ ଶିଶୁପାଲୋଽଲ୍ପଚେତନଃ।
ସର୍ବାନ୍ସର୍ବାତ୍ମନା ତାତ ନେତୁକାମୋ ଯମକ୍ଷଯମ୍॥ 2-63-10 (13802)
ନୂନମେତତ୍ସମାଦାତୁଂ ପୁନରିଚ୍ଛତ୍ଯଧୋକ୍ଷଜଃ।
ଯଦସ୍ଯ ଶିଶୁପାଲସ୍ଯ ତେଜସ୍ତିଷ୍ଠତି ଭାରତ॥ 2-63-11 (13803)
ବିପ୍ଲୁତା ଚାସ୍ଯ ଭଦ୍ରଂ ତେ ବୁଦ୍ଧିର୍ବୁଦ୍ଧିମତାଂ ବର।
ଚେଦିରାଜସ୍ଯ କୌନ୍ତେଯ ସର୍ବେଷାଂ ଚ ମହୀକ୍ଷିତମ୍॥ 2-63-12 (13804)
ଆଦାତୁଂ ଚ ନରବ୍ଯାଘ୍ରୋ ଯଂ ଯମିଚ୍ଛତ୍ଯଯଂ ତଦା।
ତସ୍ଯ ବିପ୍ଲବତେ ବୁଦ୍ଧିରେବଂ ଚେଦିପତେର୍ଯଥା॥ 2-63-13 (13805)
ଚତୁର୍ବିଧାନାଂ ଭୂତାନାଂ ତ୍ରିଷୁ ଲୋକେଷୁ ମାଧବଃ।
ପ୍ରଭବଶ୍ଚୈବ ସର୍ବେଷାଂ ନିଧନଂ ଚ ଯୁଧିଷ୍ଠିର॥ 2-63-14 (13806)
ବୈଶମ୍ପାଯନ ଉବାଚ। 2-63-15x (1485)
ଇତି ତସ୍ଯ ବଚଃ ଶ୍ରୁତ୍ବା ତତଶ୍ଚେଦିପତିର୍ନୃପଃ।
ଭୀଷ୍ମଂ ରୂକ୍ଷାକ୍ଷରା ବାଚଃ ଶ୍ରାବଯାମାସ ଭାରତ॥ ॥ 2-63-15 (13807)
ଇତି ଶ୍ରୀମନ୍ମହାଭାରତେ ସଭାପର୍ବଣି ଶିଶୁପାଲବଧପର୍ବଣି ତ୍ରିଷଷ୍ଟିତମୋଽଧ୍ଯାଯଃ॥ 63॥
Mahabharata - Sabha Parva - Chapter Footnotes
2-63-7 ଭଷଣଂ ଶ୍ବରବଃ॥ସଭାପର୍ବ - ଅଧ୍ଯାଯ 064
॥ ଶ୍ରୀଃ ॥
2.64. ଅଧ୍ଯାଯଃ 064
Mahabharata - Sabha Parva - Chapter Topics
ଶିଶୁପାଲେନ ଭୀଷ୍ମସ୍ତୃତକୃଷ୍ଣଚରିତ୍ରାପହସନପୂର୍ବକଂ ଭୀଷ୍ମୋପାଲମ୍ଭନମ୍॥Mahabharata - Sabha Parva - Chapter Text
ଶିଶୁପାଲ ଉବାଚ।
ବିଭୀଷିକାଭିର୍ବହ୍ବୀଭିର୍ଭୀଷଯନ୍ଭୀଷ୍ମ ପାର୍ଥିବାନ୍।
ନ ବ୍ଯପତ୍ରପସେ କସ୍ମାଦ୍ବୃଦ୍ଧଃ ସନ୍କୁଲପାଂସନଃ॥ 2-64-1 (13808)
ଯୁକ୍ତମେତତ୍ତୃତୀଯାଯାଂ ପ୍ରକୃତୌ ବର୍ତତା ତ୍ବଯା।
ବକ୍ତୁଂ ଧର୍ମାଦପେତାର୍ଥଂ ତ୍ବଂ ହି ସର୍ବକୁରୂତ୍ତମଃ॥ 2-64-2 (13809)
ନାବି ନୌରିବ ସମ୍ବଦ୍ଧା ଯଥାନ୍ଧୋ ବାନ୍ଧମନ୍ବିଯାତ୍।
ତଥାଭୂତା ହି କୌରବ୍ଯା ଯେଷାଂ ଭୀଷ୍ମ ତ୍ବମଗ୍ରଣୀଃ॥ 2-64-3 (13810)
ପୂତନାଘାତପୂର୍ବାଣି କର୍ମାଣ୍ଯସ୍ଯ ବିଶେଷତଃ।
ତ୍ବଯା କୀର୍ତଯତାଽସ୍ମାକଂ ଭୂଯଃ ପ୍ରବ୍ଯଥିତଂ ମନଃ॥ 2-64-4 (13811)
ଅବଲିପ୍ତସ୍ଯ ମୂର୍ଶସ୍ଯ କେଶବଂ ସ୍ତୋତୁମିଚ୍ଛତଃ।
କଥଂ ଭୀଷ୍ମ ନ ତେ ଜିହ୍ବା ଶତଧେଯଂ ବିଦୀର୍ଯତେ॥ 2-64-5 (13812)
ଯତ୍ର କୁତ୍ସା ପ୍ରଯୋକ୍ତବ୍ଯା ଭୀଷ୍ମ ବାଲତରୈର୍ନରୈଃ।
ତମିମଂ ଜ୍ଞାନବୃଦ୍ଧଃ ସନ୍ଗୋପଂ ସଂସ୍ତୋତୁମିଚ୍ଛସି॥ 2-64-6 (13813)
ଯଦ୍ଯନେନ ହତା ବାଲ୍ଯେ ଶକୁନିଶ୍ଚିତ୍ରମତ୍ର କିମ୍।
ତୌ ବାଽଶ୍ବବୃଷଭୌ ଭୀଷ୍ଣ ଯୌ ନ ଯୁଦ୍ଧବିଶାରଦୌ॥ 2-64-7 (13814)
ଚେତନାରହିତଂ କାଷ୍ଠଂ ଯଦ୍ଯନେନ ନିପାତିତମ୍।
ପାଦେନ ଶକଟଂ ଭୀଷ୍ଣ ତତ୍ର କିଂ କୃତମଦ୍ଭୁତମ୍॥ 2-64-8 (13815)
`ଅର୍କପ୍ରମାଣୌ ତୌ ବୃକ୍ଷୌ ଯଦ୍ଯନେନ ନିପାତିତୌ। '
ନାଗଶ୍ଚ ଦମିତୋଽନେନ ତତ୍ର କୋ ବିସ୍ମଯଃ କୃତଃ'॥ 2-64-9 (13816)
ବଲ୍ମୀକମାତ୍ରଃ ସପ୍ତାହଂ ଯଦ୍ଯନେନ ଧୃତୋଽଚଲଃ।
ତଦା ଗୋବର୍ଧନୋ ଭୀଷ୍ମ ନ ତଚ୍ଚିତ୍ରଂ ମତଂ ମମ॥ 2-64-10 (13817)
ଭୁକ୍ତମେତେନ ବହ୍ବନ୍ନଂ କ୍ରୀଡତା ନଗମୂର୍ଧନି।
ଇତି ତେ ଭୀଷ୍ଣ ଶୃଣ୍ବାନାଃ ପରେ ବିସ୍ମଯମାଗତାଃ॥ 2-64-11 (13818)
ଯସ୍ଯ ଚାନେନ ଧର୍ମଜ୍ଞ ଭୁକ୍ତମନ୍ନଂ ବଲୀଯସଃ।
ସ ଚାନେନ ହତଃ କଂସ ଇତ୍ଯେତତ୍ତୁ ବଲୀଯସଃ। 2-64-12 (13819)
ସ ଚାନେନ ହତଃ କଂସ ଇତ୍ଯେତତ୍ତୁ ମହାଦ୍ଭୁତମ୍॥
ନ ତେ ଶ୍ରୁତମିଦଂ ଭୀଷ୍ମ ନୂନଂ କଥଯତାଂ ସତାମ୍। 2-64-13 (13820)
ଯଦ୍ବକ୍ଷ୍ଯେ ତ୍ବାମଧର୍ମଜ୍ଞଂ ବାକ୍ଯଂ କୁରୁକୁଲାଧମ॥
ସ୍ତ୍ରୀଷୁ ଗୋଷୁ ନ ଶସ୍ତ୍ରାଣି ପାତଯେଦ୍ବ୍ରାହ୍ମଣେଷୁ ଚ। 2-64-14 (13821)
ଇତି ସନ୍ତୋଽନୁଶାସନ୍ତି ସଞ୍ଜନା ଧର୍ମିଣଃ ସଦା।
ଭୀଷ୍ମ ଲୋକେ ହି ତତ୍ସର୍ବଂ ବିତଥଂ ତ୍ବଯି ଦୃଶ୍ଯତେ॥ 2-64-15 (13822)
ଜ୍ଞାନବୃଦ୍ଧଂ ଚ ବୃଦ୍ଧଂ ଚ ଭୂଯାଂସଂ କେଶବଂ ମମ।
ଅଜାନତ ଇବାଖ୍ଯାସି ସଂସ୍ତୁବନ୍କୌରବାଧମ॥ 2-64-16 (13823)
ଗୋଘ୍ରଃ ସ୍ତ୍ରୀଘ୍ନଶ୍ଚ ସନ୍ଭୀଷ୍ମ ତ୍ବଦ୍ବାକ୍ଯାଦ୍ଯଦି ପୂଜ୍ଯତେ।
ଏବମ୍ଭୂତଶ୍ଚ ଯୋ ଭୀଷ୍ମ କଥଂ ସଂସ୍ତବମର୍ହତି॥ 2-64-17 (13824)
ଅସୌ ମତିମତାଂ ଶ୍ରେଷ୍ଠୋ ଯ ଏଷ ଜଗତଃ ପ୍ରଭୁଃ।
ସମ୍ଭାବଯତି ଚାପ୍ଯେବଂ ତ୍ବଦ୍ବାକ୍ଯାଚ୍ଚ ଜନାର୍ଦନଃ।
ଏବମେତତ୍ସର୍ବମିତି ତତ୍ସର୍ବଂ ବିତଥଂ ଧ୍ରୁବମ୍॥ 2-64-18 (13825)
ଆତ୍ମାନମାତ୍ମନାଽଽଧାତୁଂ ଯଦି ଶକ୍ତୋ ଜନାର୍ଦନଃ।
ଅକାମଯନ୍ତଂ ତଂ ଭୀଷ୍ମ କଥଂ ସାଧ୍ବିବ ପଶ୍ଯସି॥ 2-64-19 (13826)
ନ ଗାଥା ଗାଥିନଂ ଶାସ୍ତି ବହୁଚେଦପି ଗାଯତି।
ପ୍ରକୃତିଂ ଯାନ୍ତି ଭୂତାନି କୁଲିଙ୍ଗଶକୁନିର୍ଯଥା॥ 2-64-20 (13827)
ନୂନଂ ପ୍ରକୃତିରେଷା ତେ ଜଘନ୍ଯା ନାତ୍ର ସଂଶଯଟଃ।
`ନଦୀସୁତତ୍ବାତ୍ତେ ଚିତ୍ତଂ ଚଞ୍ଚଲଂ ନ ସ୍ଥିରଂ ସ୍ମୃତମ୍' ॥ 2-64-21 (13828)
ଅତଃ ପାପୀଯସୀ ଚୈଷାଂ ପାଣ୍ଡବାନାମପୀଷ୍ଯତେ।
ଯେଷାମର୍ଚ୍ଯତମଃ କୃଷ୍ଣସ୍ତ୍ବଂ ଚ ଯେଷାଂ ପ୍ରଦର୍ଶକଃ॥ 2-64-22 (13829)
ଧର୍ମବାଂସ୍ତ୍ବମଧର୍ମଜ୍ଞଃ ସତାଂ ମାର୍ଗାଦବପ୍ଲୁତଃ।
କୋ ହି ଧର୍ମିଣମାତ୍ମାନଂ ଜାନଞ୍ଜ୍ଞାନବିଦାଂ ବରଃ॥ 2-64-23 (13830)
କୁର୍ଯାଦ୍ଯଥା ତ୍ବଯା ଭୀଷମ କୃତଂ ଧର୍ମମବେକ୍ଷତା।
ଚେତ୍ତ୍ବଂ ଧର୍ମଂ ବିଜାନାସି ଯଦି ପ୍ରାଜ୍ଞା ମତିସ୍ତବ॥ 2-64-24 (13831)
ଅନ୍ଯକାମା ହି ଧର୍ମଜ୍ଞା କନ୍ଯକା ପ୍ରାଜ୍ଞମାନିନା।
ଅମ୍ବା ନାମେତି ଭଦ୍ରଂ ତେ କଥଂ ସାଽପହୃତା ତ୍ବଯା॥ 2-64-25 (13832)
ତାଂ ତ୍ବଯାଽପହୃତାଂ ଭୀଷ୍ମ କନ୍ଯାଂ ନୈଷିତବାନ୍ନୃପଃ।
ଭ୍ରାତା ବିଚିତ୍ରବୀର୍ଯସ୍ତେ ସତାଂ ମାର୍ଗମନୁସ୍ମରନ୍॥ 2-64-26 (13833)
ଭାର୍ଯଯୋର୍ଯସ୍ଯ ଚାନ୍ଯେନ ମିଷତଃ ପ୍ରାଜ୍ଞମାନିନଃ।
ତବ ଜାତାନ୍ଯପତ୍ଯାନି ସଜ୍ଜନାଚରିତେ ପଥି॥ 2-64-27 (13834)
କୋ ହି ଧର୍ମୋଽସ୍ତି ତେ ଭୀଷମ ବ୍ରହ୍ମଚର୍ଯମିଦଂ ବୃଥା।
ଯଦ୍ଧାରଯସି ମୋହାଦ୍ବା କ୍ଲୀବତ୍ବାଦ୍ବା ନ ସଂଶଯଃ॥ 2-64-28 (13835)
ନ ତ୍ବଂ ତବ ଧର୍ମଜ୍ଞ ପଶ୍ଯାମ୍ଯୁପଚରଂ କ୍ବଚିତ୍।
ନ ହି ତେ ସେବିତା ବୃଦ୍ଧା ଯ ଏବଂ ଧର୍ମମବ୍ରବୀଃ॥ 2-64-29 (13836)
ଇଷ୍ଟଂ ଦତ୍ତମଧୀତଂ ଚ ଯଜ୍ଞାଶ୍ଚ ବହୁଦକ୍ଷିଣାଃ।
ସର୍ବମେତଦପତ୍ଯସ୍ଯ କଲାଂ ନାର୍ହନ୍ତି ଷୋଡଶୀମ୍॥ 2-64-30 (13837)
ବ୍ରତୋପବାସୈର୍ବହୁଭିଃ କୃତଂ ଭବତି ଭୀଷ୍ମ ଯତ୍।
ସର୍ବଂ ତଦନପତ୍ଯସ୍ଯ ମୋଘଂ ଭବତି ନିଶ୍ଚଯାତ୍॥ 2-64-31 (13838)
ସୋଽନପତ୍ଯଶ୍ଚ ବୃଦ୍ଧଶ୍ଚ ମିଥ୍ଯାଧର୍ମାନୁଶାସନାତ୍।
ହଂସବତ୍ତ୍ବମପୀଦାନୀଂ ଜ୍ଞାତିଭ୍ଯଃ ପ୍ରାପ୍ନୁଯା ବଧମ୍॥ 2-64-32 (13839)
ଏବଂ ହି କଥଯନ୍ତ୍ଯନ୍ଯେ ନରା ଜ୍ଞାନବିଦଃ ପୁରା।
ଭୀଷ୍ମ ଯତ୍ତଦହଂ ସମ୍ଯଗ୍ବକ୍ଷ୍ଯାମି ତବ ଶୃଣ୍ବତଃ॥ 2-64-33 (13840)
ବୃଦ୍ଧଃ କିଲ ସମୁଦ୍ରାନ୍ତେ କଶ୍ଚିଦ୍ଧଂସୋଽଭବତ୍ପୁରା।
ଧର୍ମବାଗନ୍ଯଥାବୃତ୍ତଃ ପକ୍ଷିଣଃ ସୋଽନୁଶାସ୍ତି ଚ॥ 2-64-34 (13841)
ଧର୍ମ ଚରତ ମାଽଧର୍ମମିତି ତସ୍ଯ ବଚଃ କିଲ।
ପକ୍ଷିଣଃ ଶୁଶ୍ରୁବୁର୍ଭୀଷ୍ମ ସତତଂ ଧର୍ମବାଦିନଃ॥ 2-64-35 (13842)
ହଂସସ୍ଯ ତୁ ବଚଃ ଶ୍ରୁତ୍ବା ମୁଦିତାଃ ସର୍ବପକ୍ଷିଣଃ।
ଊଚୁଶ୍ଚୈବ ସ୍ବଗା ହଂସଂ ପରିବାର୍ଯ ଚ ସର୍ବଶଃ॥ 2-64-36 (13843)
କଥଯସ୍ବ ଭବାନ୍ସର୍ବଂ ପକ୍ଷିଣାଂ ତୁ ସମାସତଃ।
କୋ ହି ନାମ ଦ୍ବିଜଶ୍ରେଷ୍ଠ ବ୍ରୂହି ନୋ ଧର୍ମ ଉତ୍ତମଃ॥ 2-64-37 (13844)
ହଂସ ଉବାଚ॥ 2-64-38x (1486)
ପ୍ରଜାସ୍ବହିଂସା ଧର୍ମୋ ବୈ ହିଂସାଽଧର୍ମଃ ଖଗବ୍ରଜାଃ।
ଏତଦେବାନୁବୋଦ୍ଧବ୍ଯଂ ଧର୍ମାଧର୍ମଃ ସମାସତଃ॥ 2-64-38 (13845)
ଶିଶୁପାଲ ଉବାଚ॥ 2-64-39x (1487)
ବୃଦ୍ଧହଂସବଚଃ ଶ୍ରୁତ୍ବା ପକ୍ଷିଣସ୍ତେ ସୁସଂହିତାଃ।
ଊଚୁଶ୍ଚ ଧର୍ମଲୁବ୍ଧାସ୍ତେ ସ୍ମଯମାନା ଇବାଣ୍ଡଜାଃ॥ 2-64-39 (13846)
ଧର୍ମଂ ଯଃ କୁରୁତେ ନିତ୍ଯଂ ଲୋକେ ଧୀରତରୋଽଣ୍ଡଜଃ।
ସ ଯତ୍ର ଗଚ୍ଛେଦ୍ଧର୍ମାତ୍ମା ତନ୍ମେ ବ୍ରୂହୀହ ତତ୍ତ୍ବତଃ॥ 2-64-40 (13847)
ହଂସ ଉବାଚ॥ 2-64-41x (1488)
ବାଲା ଯୂଯଂ ନ ଜାନୀଧ୍ବଂ ଧର୍ମସୂକ୍ଷ୍ମଂ ବିହଙ୍ଗମାଃ।
ଧର୍ମଂ ଯଃ କୁରୁତେ ଲୋକେ ସତତଂ ଶୁଭବୁଦ୍ଧିନା।
ନ ଚାଯୁଷୋଽନ୍ତେ ସ୍ବଂ ଦେହଂ ତ୍ଯକ୍ତ୍ବା ସ୍ବର୍ଗଂ ସ ଗଚ୍ଛତି॥ 2-64-41 (13848)
ତଥାଽହମପି ଚ ତ୍ଯକ୍ତ୍ବା କାଲେ ଦେହମିମଂ ଦ୍ବିଜାଃ।
ସ୍ବର୍ଗଲୋକଂ ଗମିଷ୍ଯାମି ଇଯଂ ଧର୍ମସ୍ଯ ବୈ ଗତିଃ॥ 2-64-42 (13849)
ଏବଂ ଧର୍ମକଥାଂ ଚକ୍ରେ ସ ହଂସଃ ପକ୍ଷିଣାଂ ଭୃଶମ୍।
ପକ୍ଷିଣଃ ଶୁଶ୍ରୁବୁର୍ଭୀଷ୍ମ ସତତଂ ଧର୍ମମେବ ତେ॥ 2-64-43 (13850)
ଅଥାସ୍ଯ ଭକ୍ଷ୍ଯମାଜହ୍ରୁଃ ସମୁଦ୍ରଜଲଚାରିଣଃ।
ଅଣ୍ଡଜା ଭୀଷ୍ମ ତସ୍ଯାନ୍ଯେ ଧର୍ମାର୍ଥମିତି ଶୁଶ୍ରୁମ॥ 2-64-44 (13851)
ତେ ଚ ତସ୍ଯ ସମଭ୍ଯାଶେ ନିକ୍ଷିପ୍ଯାଣ୍ଡାନି ସର୍ବଶଃ।
ସମୁଦ୍ରାମ୍ଭସ୍ଯମୋଦନ୍ତ ଚରନ୍ତୋ ଭୀଷ୍ମ ପକ୍ଷିଣଃ॥ 2-64-45 (13852)
ତେଷାମଣ୍ଡାନି ସର୍ବେଷାଂ ଭକ୍ଷଯାମାସ ପାପକୃତ୍।
ସ ହଂସଃ ସମ୍ପ୍ରମତ୍ତାନାମପ୍ରମତ୍ତଃ ସ୍ବକର୍ମଣି॥ 2-64-46 (13853)
ତତଃ ପ୍ରକ୍ଷୀଯମାଣେଷୁ ତେଷୁ ତେଷ୍ବଣ୍ଡଜୋଽପରଃ।
ଅଶଙ୍କତ ମହାପ୍ରାଜ୍ଞଃ ସ କଦାଚିଦ୍ଦଦର୍ଶ ହ॥ 2-64-47 (13854)
ତତଃ ସଙ୍କଥଯାମାସ ଦୃଷ୍ଟ୍ବା ହଂସସ୍ଯ କିଲ୍ବିଷମ୍।
ତେଷାଂ ପରମଦୁଃଖାର୍ତଃ ସ ପକ୍ଷୀ ସର୍ବପକ୍ଷିଣାମ୍॥ 2-64-48 (13855)
ତତଃ ପ୍ରତ୍ଯକ୍ଷତୋ ଦୃଷ୍ଟ୍ବା ପକ୍ଷିଣସ୍ତେ ସମୀପଗାଃ।
ନିଜଘ୍ନସ୍ତଂ ତଦା ହଂସଂ ମିଥ୍ଯାବୃତ୍ତଂ କୁରୂଦ୍ବହ॥ 2-64-49 (13856)
ଏବଂ ତ୍ବାଂ ହଂସଧର୍ମାଣମପୀମେ ବସୁଧାଧିପାଃ।
ନିହନ୍ଯୁର୍ଭୀଷ୍ମ ସଙ୍କ୍ରୁଦ୍ଧାଃ ପକ୍ଷିଣସ୍ତଂ ଯଥାଣ୍ଡଜମ୍॥ 2-64-50 (13857)
ଗାଥାମପ୍ଯତ୍ର ଗାଯନ୍ତି ଯେ ପୁରାଣବିଦୋ ଜନାଃ।
ଭୀଷ୍ମ ଯାଂ ତାଂ ଚ ତେ ସମ୍ଯକ୍ବଥଯିଷ୍ଯାମି ଭାରତ॥ 2-64-51 (13858)
ଅନ୍ତରାତ୍ମନ୍ଯଭିହତେ ରୌଷି ପତ୍ରରଥାଶୁଚି।
ଅଣ୍ଡଭକ୍ଷଣକର୍ମୈତତ୍ତବ ବାଚମତୀଯତେ॥ ॥ 2-64-52 (13859)
ଇତି ଶ୍ରୀମନ୍ମହାଭାରତେ ସଭାପର୍ବଣି ଶିଶୁପାଲବଧପର୍ବଣି ଚତୁଃଷଷ୍ଟିତୋଽଧ୍ଯାଯଃ॥ 64 ॥
Mahabharata - Sabha Parva - Chapter Footnotes
2-64-2 ତୃତୀଯାଯାଂ ପ୍ରକୃତୌ ନପୁଂସକତ୍ବେ॥ 2-64-20 କୁଲିଗୋନାମ ଭୂଶାଯୀ ପକ୍ଷୀ ମାସାହସମିତ୍ଯନିଶଂ ବଦନ୍ନପି ସିଂହଦଂଷ୍ଟାନ୍ତରସ୍ଥଂ ମାଂସମା ଦତ୍ତେ ସ୍ବଯଂ ସାହସମତିଶଯିତଂ କରୋତି॥ସଭାପର୍ବ - ଅଧ୍ଯାଯ 065
॥ ଶ୍ରୀଃ ॥
2.65. ଅଧ୍ଯାଯଃ 065
Mahabharata - Sabha Parva - Chapter Topics
କୃଷ୍ଣନିନ୍ଦାଶ୍ରବଣେନ ଶିଶୁପାଲଜିଘାଂସଯା ଉତ୍ପତତୋ ଭୀମସ୍ଯ ଭୀଷ୍ମେଣ ବିନିବର୍ତନମ୍॥ 1॥Mahabharata - Sabha Parva - Chapter Text
ଶିଶୁପାଲ ଉବାଚ।
ସ ମେ ବହୁମତୋ ରାଜା ଜରାସନ୍ଧୋ ମହାବଲଃ।
ଯୋଽନେନ ଯୁଦ୍ଧଂ ନେଯେଷ ଦାକ୍ଷୋଽଯମିତି ସଂଯୁଗେ॥ 2-65-1 (13860)
କେଶବେନ କୃତଂ କର୍ମ ଜରାସନ୍ଧବଧେ ତଦା।
ଭୀମସେନାର୍ଜୁନାଭ୍ଯାଂ ଚ କସ୍ତତ୍ସାଧ୍ବିତି ମନ୍ଯତେ॥ 2-65-2 (13861)
ଉଦ୍ବାରେଣ ପ୍ରବିଷ୍ଟେନ ଛଦ୍ମନା ବ୍ରହ୍ମବାଦିନା।
ଦୃଷ୍ଟଃ ପ୍ରଭାବଃ କୃଷ୍ଣେନ ଜରାସନ୍ଧସ୍ଯ ଭୂପତେଃ॥ 2-65-3 (13862)
ଯେନ ଧର୍ମାତ୍ମନାଽଽତ୍ମାନଂ ବ୍ରହ୍ମଣ୍ଯମଭିଜାନତା।
ପ୍ରେଷିତଂ ପାଦ୍ଯମସ୍ମୈ ତଦ୍ଦାତୁମଗ୍ରେ ଦୂରାତ୍ମନେ॥ 2-65-4 (13863)
ଭୁଜ୍ଯତାମିତି ତେନୋକ୍ତାଃ କୃଷ୍ଣବୀମଧନଞ୍ଜଯାଟଃ।
ଜରାସନ୍ଧେନ କୌରବ୍ଯ କୃଷ୍ଣେନ ବିକୃତଂ କୃତମ୍॥ 2-65-5 (13864)
ଯଦ୍ଯଯଂ ଜଗତଃ କର୍ତା ଯଥୈନଂ ମୂର୍ଖ ମନ୍ଯସେ।
କସ୍ମାନ୍ନ ବ୍ରାହ୍ମଣଂ ସମ୍ଯଗାତ୍ମାନମବଗଚ୍ଛତି॥ 2-65-6 (13865)
ଇଦଂ ତ୍ବାଶ୍ଚର୍ଯଭୂତଂ ମେ ଯଦିଭେ ପାଣ୍ଡବାସ୍ତ୍ବଯା।
ଅପକୃଷ୍ଟାଃ ସତାଂ ମାର୍ଗାନ୍ମନ୍ଯନ୍ତେ ତଚ୍ଚ ସାଧ୍ବିତି॥ 2-65-7 (13866)
ଅଥବା ନୈତଦାଶ୍ଚର୍ଯଂ ଯେଷାଂ ତ୍ବମସି ଭାରତ।
ସ୍ତ୍ରୀସଧର୍ମା ଚ ବୃଦ୍ଧଶ୍ଚ ସର୍ବାର୍ଥାନାଂ ପ୍ରଦର୍ଶକଃ॥ 2-65-8 (13867)
ବୈଶମ୍ପାଯନ ଉବାଚ॥ 2-65-9x (1489)
ତସ୍ଯ ତଦ୍ବଚନଂ ଶ୍ରୁତ୍ବା ରୂକ୍ଷଂ ରୂକ୍ଷାକ୍ଷରଂ ବହୁ।
ଚକୋପ ବଲିନାଂ ଶ୍ରେଷ୍ଠୋ ଭୀମସେନଃ ପ୍ରତାପବାନ୍॥ 2-65-9 (13868)
ତଥା ପଦ୍ମପ୍ରତୀକାଶେ ସ୍ବଭାବାଯତବିସ୍ତୃତେ।
ଭୂଯଃ କ୍ରୋଧାଭିତାମ୍ରାକ୍ଷେ ରକ୍ତେ ନେତ୍ରେ ବଭୂବତୁଃ॥ 2-65-10 (13869)
ତ୍ରିଶିଖାଂ ଭ୍ରକୁଟୀଂ ଚାସ୍ଯ ଦଦୃଶୁଃ ସର୍ବପାର୍ଥିବାଃ।
ଲଲାଟସ୍ଥାଂ ତ୍ରିକୂଟସ୍ଥାଂ ଗଙ୍ଗାଂ ତ୍ରିପଥଗାମିବ॥ 2-65-11 (13870)
ଦନ୍ତାନ୍ସନ୍ଦଶତସ୍ତସ୍ଯ କୋପାଦ୍ଦଦୃଶୁରାନନମ୍।
ଯୁଗାନ୍ତେ ସର୍ବଭୂତାନି କାଲସ୍ଯେବ ଜିଘତ୍ସତଃ॥ 2-65-12 (13871)
ଉତ୍ପତନ୍ତଂ ତୁ ବେଗେନ ଜଗ୍ରାହୈନଂ ମନସ୍ବିନ୍।
ଭୀଷ୍ମ ଏବ ମହାବାହୁର୍ମହାସେନମିବେଶ୍ବରଃ॥ 2-65-13 (13872)
ତସ୍ବ ଭୀମସ୍ଯ ଭୀଷ୍ମେଣ ବାର୍ଯମାଣସ୍ଯ ଭାରତ।
ଗୁରୁଣା ବିବିଧୈର୍ବାକ୍ଯୈଃ କ୍ରୋଧଃ ପ୍ରଶମମାଗତଃ॥ 2-65-14 (13873)
ନାତିଚକ୍ରାମ ଭୀଷ୍ମସ୍ଯ ସ ହି ବାକ୍ଯମରିନ୍ଦମଃ।
ସମୁଦ୍ବୃତ୍ତୋ ଘନାପାଯେ ବେଲାମିବ ମହୋଦଧିଃ॥ 2-65-15 (13874)
ଶିଶୁପାଲସ୍ତୁ ସଙ୍କ୍ରୁଦ୍ଧେ ଭୀମସେନେ ଜନାଧିପ।
ନାକମ୍ପତ ତଦା ବୀରଃ ପୌରୁଷେ ବ୍ଯବସ୍ଥିତଃ॥ 2-65-16 (13875)
ଉତ୍ପତନ୍ତଂ ତୁ ବେଗେନ ପୁନଃ ପୁନରରିନ୍ଦମଃ।
ନ ସ ତଂ ଚିନ୍ତଯାମାସ ସିଂହଃ କ୍ରୁଦ୍ଧୋ ମୃଗଂ ଯଥା॥ 2-65-17 (13876)
ପ୍ରହସଂଶ୍ଚାବ୍ରବୀଦ୍ବାକ୍ଯଂ ଚେଦିରାଜଃ ପ୍ରତାପବାନ୍।
ଭୀମସେନମଭିକ୍ରୁଦ୍ଧଂ ଦୃଷ୍ଟ୍ବା ଭୀମପରାକ୍ରମମ୍॥ 2-65-18 (13877)
ମୁଞ୍ଚୈନଂ ଭୀଷ୍ମ ପଶ୍ଯନ୍ତୁ ଯାବଦେନଂ ନରାଧିପଃ।
ମତ୍ପ୍ରଭାବବିନିର୍ଦଗ୍ଧଂ ପତଙ୍ଗମିବ ବହ୍ନିନା॥ 2-65-19 (13878)
ତତଶ୍ଚେଦିପତେର୍ବାକ୍ଯଂ ଶ୍ରୁତ୍ବା ତତ୍କୁରୁସତ୍ତମଃ।
ଭୀମସେନମୁବାଚେଦଂ ଭୀଷ୍ମେ ମତିମତାଂ ବରଃ॥ 2-65-20 (13879)
`ନୈଷା ଚେଦିପତେର୍ବୁଦ୍ଧିର୍ଯତ୍ତ୍ବାମାହ୍ବଯତେଽଚ୍ଯୁତମ୍।
ଭୀମସେନ ମହାବାହୋ କୃଷ୍ଣସ୍ଯୈବ ବିନିଶ୍ଚଯଃ'॥ ॥ 2-65-21 (13880)
ଇତି ଶ୍ରୀମନ୍ମହାଭାରତେ ସଭାପର୍ବଣି ଶିଶୁପାଲବଧପର୍ବଣି ପଞ୍ଚଷଷ୍ଟିତମୋଽଧ୍ଯାଯଃ॥65॥
Mahabharata - Sabha Parva - Chapter Footnotes
2-65-13 ମହାସେନ କାର୍ତିକଯମ୍॥ସଭାପର୍ବ - ଅଧ୍ଯାଯ 066
॥ ଶ୍ରୀଃ ॥
2.66. ଅଧ୍ଯାଯଃ 066
Mahabharata - Sabha Parva - Chapter Topics
ଭୀଷ୍ମେଣ ଶିଶୁପାଲବୃତ୍ତାନ୍ତକଥନପୂର୍ବକଂ ସ୍ବେନ ଭୀମନିଷେଧନେ ସ୍ବାଭିପ୍ରାଯାବିଷ୍କରଣମ୍॥ 1॥Mahabharata - Sabha Parva - Chapter Text
ଭୀଷ୍ମ ଉବାଚ॥
ଚେଦିରାଜକୁଲେ ଜାତଖ୍ଯକ୍ଷ ଏଷ ଚତୁର୍ଭୁଜଃ।
ରାସଭାରାବସଦୃଶଂ ରରାସ ଚ ନନାଦ ଚ॥ 2-66-1 (13881)
ତେନାସ୍ଯ ମାତାପିତରୌ ତ୍ରେସତୁସ୍ତୌ ସବାନ୍ଧବୌ।
ବୈକୃତଂ ତସ୍ଯତ ତୌ ଦୃଷ୍ଟ୍ବା ତ୍ଯାଗାଯାକୁରୁତାଂ ମତିମ୍॥ 2-66-2 (13882)
ତତଃ ସଭାର୍ଯଂ ନୃପତିଂ ସାମାତ୍ଯଂ ସପୁରୋହିତମ୍।
ଚିନ୍ତାସଂମୂଢହୃଦଯଂ ବାଗୁବାଚାଶରୀରେଣୀ॥ 2-66-3 (13883)
ଏଷ ତେ ନୃପତେ ପୁତ୍ରଃ ଶ୍ରୀମାଞ୍ଜାତୋ ବଲାଧିକଃ।
ତସ୍ମାଦସ୍ମାନ୍ନ ଭେତବ୍ଯମବ୍ଯଗ୍ରଃ ପାହି ବୈ ଶିଶୁମ୍॥ 2-66-4 (13884)
ନ ଚ ବୈ ତସ୍ଯ ମୃତ୍ଯୁସ୍ତ୍ବଂ ନ କାଲଃ ପ୍ରତ୍ଯୁପସ୍ଥିତଃ।
ଯଶ୍ଚ ଶସ୍ତ୍ରେଣ ହନ୍ତାଽସ୍ଯ ସ ଚୋତ୍ପନ୍ନୋ ନରାଧିପ॥ 2-66-5 (13885)
ସଂଶ୍ରୁତ୍ଯୋଦାହୃତଂ ବାକ୍ଯଂ ଭୂତମନ୍ତର୍ହିତଂ ତତଃ।
ପୁତ୍ରସ୍ନେହାଭିସନ୍ତପ୍ତା ଜନନୀ ବାକ୍ଯମବ୍ରବୀତ୍॥ 2-66-6 (13886)
ଯେନେଦମୀରିତଂ ବାକ୍ଯଂ ମମୈତଂ ତନଯଂ ପ୍ରତି।
ପ୍ରାଞ୍ଜଲିସ୍ତଂ ନମସ୍ଯାମି ବ୍ରବୀତୁ ସ ପୁନର୍ବଚଃ॥ 2-66-7 (13887)
ଯାଥାତଥ୍ଯେନ ଭଗବାନ୍ଦେବୋ ବା ଯଦି ବେତରଃ।
ଶ୍ରୋତୁମିଚ୍ଛାମି ପୁତ୍ରସ୍ଯ କୋଽସ୍ଯ ମୃତ୍ଯୁର୍ଭବିଷ୍ଯତି॥ 2-66-8 (13888)
ଅନ୍ତର୍ଭୂତଂ ତତୋ ଭୂତମୁବାଚେଦଂ ପୁନର୍ବଚଃ।
ଯସ୍ଯୋତ୍ସଙ୍ଗେ ଗୃହୀତସ୍ଯ ଭୁଜାବଭ୍ଯଧିକାବୁଭୌ॥ 2-66-9 (13889)
ପତିଷ୍ଯତଃ କ୍ଷିତିତଲେ ପଞ୍ଚଶୀର୍ଷାବିବୋରଗୌ।
ତୃତୀଯମେତଦ୍ବାଲସ୍ଯ ଲଲାଟସ୍ଥଂ ତୁ ଲୋଚନମ୍॥ 2-66-10 (13890)
ନିମଜ୍ଜିଷ୍ଯତି ଯଂ ଦୃଷ୍ଟ୍ବା ସୋଽସ୍ଯ ମୃତ୍ଯୁର୍ଭବିଷ୍ଯତି।
ତ୍ର୍ଯକ୍ଷଂ ଚତୁର୍ଭୁଜଂ ଶ୍ରୁତ୍ବା ତଥା ଚ ସମୁଦାହୃତମ୍॥ 2-66-11 (13891)
ପୃଥିବ୍ଯାଂ ପାର୍ଥିବାଃ ସର୍ବେ ଅଭ୍ଯାଗଚ୍ଛନ୍ଦିଦୃକ୍ଷବଃ।
ତାନ୍ପୂଜଯିତ୍ବା ସମ୍ପ୍ରାପ୍ତାନ୍ଯଥାର୍ହଂ ସ ମହୀପତିଃ॥ 2-66-12 (13892)
ଏକୈକସ୍ଯ ନୃପସ୍ଯାଙ୍କେ ପୁତ୍ରମାରୋପଯତ୍ତଦା।
ଏବଂ ରାଜସହସ୍ରାଣା ପୃଥକ୍ତ୍ବେନ ଯଥାକ୍ରମମ୍॥ 2-66-13 (13893)
ଶିଶୁରଙ୍କେ ସମାରୂଢୋ ନ ତତ୍ପ୍ରାଯ ନିଦର୍ଶନମ୍।
ଏତଦେବ ତୁ ସଂଶ୍ରୁତ୍ଯ ଦ୍ବାରବତ୍ଯାଂ ମହାବଲୌ॥ 2-66-14 (13894)
ତତଶ୍ଚେଦିପୁରଂ ପ୍ରାପ୍ତୌ ସଙ୍କର୍ଷଣଜନାର୍ଦନୌ।
ଯାଦବୌ ଯାଦବୀଂ ଦ୍ରୁଷ୍ଟୁଂ ସ୍ବସାରଂ ତୌ ପିତୁସ୍ତଦା॥ 2-66-15 (13895)
ଅଭିବାଦ୍ଯ ଯଥାନ୍ଯାଯଂ ଯଥାଶ୍ରେଷ୍ଠଂ ନୃପଂ ଚ ତାମ୍।
କୁଶଲାନାମଯଂ ପୃଷ୍ଟ୍ବା ନିଷଣ୍ଣୌ ରାମକେଶବୌ॥ 2-66-16 (13896)
ସାଽଭ୍ଯର୍ଚ୍ଯ ତୌ ତଦା ବୀରୌ ପ୍ରୀତ୍ଯା ଚାଭ୍ଯଧିକଂ ତତଃ।
ପୁତ୍ରଂ ଦାମୋଦରୋତ୍ସଙ୍ଗେ ଦେବୀ ସଂନ୍ଯଦଧାତ୍ସ୍ବଯମ୍॥ 2-66-17 (13897)
ନ୍ଯସ୍ତମାତ୍ରସ୍ଯ ତସ୍ଯାଙ୍କେ ଭୁଜାବଭ୍ଯଧିକାବୁଭୌ।
ପେତତୁସ୍ତଚ୍ଚ ନଯନଂ ନ୍ଯମଜ୍ଜତ ଲଲାଟଜମ୍॥ 2-66-18 (13898)
ତଦ୍ଦୃଷ୍ଟ୍ବା ବ୍ଯଥିତା ତ୍ରସ୍ତା ବରଂ କୃଷ୍ଣମଯାଚତ।
ଦଦସ୍ବ ମେ ବରଂ କୃଷ୍ଣ ଭଯାର୍ତାଯା ମହାଭୁଜ॥ 2-66-19 (13899)
ତ୍ବଂ ହ୍ଯାର୍ତାନାଂ ସମାଶ୍ବାସୋ ଭୀତାନାମଭଯପ୍ରଦଃ।
ଏବମୁକ୍ତସ୍ତତଃ କୃଷ୍ଣଃ ସୋଽବ୍ରବୀଦ୍ଯଦୁନନ୍ଦନଃ॥ 2-66-20 (13900)
ମା ଭୈସ୍ତ୍ବଂ ଦେବି ଧର୍ମଜ୍ଞେ ନ ମତ୍ତୋଽସ୍ତି ଭଯଂ ତବ।
ଦଦାମି କଂ ବରଂ କିଂ ଚ କରବାଣି ପିତୃଷ୍ବସଃ॥ 2-66-21 (13901)
ଶକ୍ଯଂ ବା ଯଦି ବାଽଶକ୍ଯଂ କରିଷ୍ଯାଣି ବଚସ୍ତବ।
ଏବମୁକ୍ତା ତତଃ କୃଷ୍ଣମବ୍ରବୀଦ୍ଯଦୁନନ୍ଦନମ୍॥ 2-66-22 (13902)
ଶିଶୁପାଲସ୍ଯାପରାଧାନ୍କ୍ଷମେଥାସ୍ତ୍ବଂ ମହାବଲ।
ମତ୍କୃତେ ଯଦୁଶାର୍ଦୂଲ ବିଦ୍ଧ୍ଯେନଂ ମେ ବରଂ ପ୍ରଭୋ॥ 2-66-23 (13903)
କୃଷ୍ଣ ଉବାଚ। 2-66-24x (1490)
ଅପରାଧଶତଂ କ୍ଷାମ୍ଯଂ ମଯା ହ୍ଯସ୍ଯ ପିତୃଷ୍ବସଃ।
ପୁତ୍ରସ୍ଯ ତେ ବଧାର୍ହସ୍ଯ ମା ତ୍ବଂ ଶୋକେ ମନଃ କୃଥାଃ॥ 2-66-24 (13904)
ଭୀଷ୍ମ ଉବାଚ। 2-66-25x (1491)
`ସ ଜାନନ୍ନାତ୍ମନୋ ମୃତ୍ଯୁଂ କୃଷ୍ଣଂ ଯଦୁସୁଖାବହମ୍'।
ଏବମେଷ ନୃପଃ ପାପଃ ଶିଶୁପାଃ ସୁମନ୍ଦଧୀଃ।
ତ୍ବାଂ ସମାହ୍ବଯତେ ବୀର ଗୋବିନ୍ଦବରଦର୍ପିତଃ॥ ॥ 2-66-25 (13905)
ଇତି ଶ୍ରୀମନ୍ମହାଭାରତେ ସଭାପର୍ବଣି ଶିଶୁପାଲବଧପର୍ବଣି ଷଟ୍ଷଷ୍ଟିତମୋଽଧ୍ଯାଯଃ॥ 66 ॥
ସଭାପର୍ବ - ଅଧ୍ଯାଯ 067
॥ ଶ୍ରୀଃ ॥
2.67. ଅଧ୍ଯାଯଃ 067
Mahabharata - Sabha Parva - Chapter Topics
ଶିଶୁପାଲେନ ରାଜ୍ଞାଂ ପ୍ରଶଂସନପୂର୍ବକଂ ଗର୍ହିତେନ ଭୀଷ୍ମେଣ ରାଜ୍ଞାଂ ତିରସ୍କରଣାଦିକମ୍॥ 1॥Mahabharata - Sabha Parva - Chapter Text
ଭୀଷ୍ମ ଉବାଚ॥
ନୈଷା ଚେଦିପତେର୍ବୁଦ୍ଧିର୍ଯଯା ତ୍ବାହ୍ବଯତେଽଚ୍ଯୁତମ୍।
ନୂନମେବ ଜଗଦ୍ଭର୍ତୁଃ କୃଷ୍ଣସ୍ଯୈବ ବିନିଶ୍ଚଯଃ। 2-67-1 (13906)
କୋ ହି ମାଂ ଭୀମସେନାଦ୍ଯ କ୍ଷିତାବର୍ହତି ପାର୍ଥିବଃ।
କ୍ଷେପ୍ତୁଂ କାଲପରୀତାତ୍ମା ଯଥୈଷ କୁଲପାଂସନଃ॥ 2-67-2 (13907)
ଏଷ ହ୍ଯସ୍ଯ ମହାବାହୁସ୍ତେର୍ଜୋଶଶ୍ଚ ହରେର୍ଧ୍ରୁବମ୍।
ତମେବ ପୁନରାଦାତୁଂ କୁରୁତେଽତ୍ର ମତିଂ ହରିଃ॥ 2-67-3 (13908)
ଯେନୈଷ କୁରୁଶାର୍ଦୂଲ ଶାର୍ଦୂଲ ଇବ ଚେଦିରାଟ୍।
ଗର୍ଜତ୍ଯତୀବ ଦୁର୍ବୁଦ୍ଧିଃ ସର୍ବାନସ୍ମାନଚିନ୍ତଯନ୍॥ 2-67-4 (13909)
ବୈଶମ୍ପାଯନ ଉବାଚ॥ 2-67-5x (1492)
ତତୋ ନ ମମୃଷେ ଚୈଦ୍ଯସ୍ତଦ୍ଭୀଷ୍ମବଚନଂ ତଦା।
ଉବାଚ ଚୈନ ସଙ୍କ୍ରୁଦ୍ଧଃ ପୁନର୍ଭୀଷ୍ମମଥୋତ୍ତରମ୍॥ 2-67-5 (13910)
ଶିଶୁପାଲ ଉବାଚ॥ 2-67-6x (1493)
ଦ୍ବିଷତାଂ ନୋଽସ୍ତୁ ଭୀଷ୍ମୈଷ ପ୍ରଭାବଃ କେଶବସ୍ଯ ଯଃ।
ଯସ୍ଯ ସଂସ୍ତବବକ୍ତା ତ୍ବଂ ବନ୍ଦିବତ୍ସତତୋତ୍ଥିତଃ॥ 2-67-6 (13911)
ସଂସ୍ତବେ ଚମନୋ ଭୀଷ୍ମ ପରେଷାଂ ରମତେ ଯଦି।
ତଦା ସଂସ୍ତୁହି ରାଜ୍ଞସ୍ତ୍ବମିମଂ ହିତ୍ବା ଜନାର୍ଦନମ୍॥ 2-67-7 (13912)
ଦରଦଂ ସ୍ତୁହି ବାହ୍ଲୀକମିମଂ ପାର୍ଥିବସତ୍ତମମ୍।
ଜାଯମାନେନ ଯେନେଯଭବଦ୍ଦାରିତା ମହୀ॥ 2-67-8 (13913)
ବଙ୍ଗାଙ୍ଗବିଷଯାଧ୍ଯକ୍ଷଂ ସହସ୍ରାକ୍ଷସମଂ ବଲେ।
ସ୍ତୁହି କର୍ଣମିମଂ ଭୀଷ୍ମ ମହାଚାପବିକର୍ଷଣମ୍॥ 2-67-9 (13914)
ଯସ୍ଯେମେ କୁଣ୍ଡଲେ ଦିବ୍ଯେ ସହଜେ ଦେବନିର୍ମିତେ।
କବଚଂ ଚ ମହାବାହୋ ବାଲାର୍କସଦୃଶପ୍ରଭମ୍॥ 2-67-10 (13915)
ବାସବପ୍ରତିମୋ ଯେନ ଜରାସନ୍ଧୋଽତିଦୁର୍ଜଯଃ।
ବିଜିତୋ ବାହୁଯୁଦ୍ଧେନ ଦେହଭେଦଂ ଚ ଲମ୍ଭିତଃ॥ 2-67-11 (13916)
ଦ୍ରୋଣଂ ଦ୍ରୌଣିଂ ଚ ସାଧୁ ତ୍ବଂ ପିତାପୁତ୍ରୌ ମହାରଥୌ।
ସ୍ତୁହି ସ୍ତୁତ୍ଯାବୁଭୌ ଭୀଷ୍ମ ସତତଂ ଦ୍ବିଜସତ୍ତମୌ॥ 2-67-12 (13917)
ଯଯୋରନ୍ଯତରୋ ଭୀଷ୍ମ ସଙ୍କ୍ରୁଦ୍ଧଃ ସଚରାଚରାମ୍।
ଇମାଂ ବସୁମତୀଂ କୁର୍ଯାନ୍ନିଃ ଶେଷାମିତି ମେ ମତିଃ॥ 2-67-13 (13918)
ଦ୍ରୋଣସ୍ଯ ହି ସମଂ ଯୁଦ୍ଧେ ନ ପଶ୍ଯାମି ନରାଧିପମ୍।
ନାଶ୍ବତ୍ଥାମ୍ନଃ ସମଂ ଭୀଷ୍ମ ନ ଚ ତୌ ସ୍ତୋତୁମିଚ୍ଛସି॥ 2-67-14 (13919)
ପୃଥିବ୍ଯାଂ ସାଗରାନ୍ତାଯାଂ ଯୋ ବୈପ୍ରତିସମୋ ଭବେତ୍।
ଦୁର୍ଯୋଧନଂ ତ୍ବଂ ରାଜେନ୍ଦ୍ରମତିକ୍ରମ୍ଯ ମହାଭୁଜମ୍॥ 2-67-15 (13920)
ଜଯଦ୍ରଥଂ ଚ ରାଜାନଂ କୃତାସ୍ତ୍ରଂ ଦୃଢବିକ୍ରମମ୍।
ଦ୍ରୁମଂ କିମ୍ପୁରୁଷାଚାର୍ଯଂ ଲୋକେ ପ୍ରଥିତବିକ୍ରମମ୍।
ଅତିକ୍ରମ୍ଯ ମହାବୀର୍ଯଂ କିଂ ପ୍ରଶଂସସି କେଶବମ୍॥ 2-67-16 (13921)
ବୃଦ୍ଧଂ ଚ ଭରତାଚାର୍ଯଂ ତଥା ଶାରଦ୍ବତଂ କୃପମ୍।
ଅତିକ୍ରମ୍ଯ ମହାବୀର୍ଯଂ କିଂ ପ୍ରଶଂସସି କେଶବମ୍॥ 2-67-17 (13922)
ଧନୁର୍ଧରାଣାଂ ପ୍ରବରଂ ରୁକ୍ମିଣଂ ପୁରୁଷୋତ୍ତମମ୍।
ଅତିକ୍ରମ୍ଯ ମହାବୀର୍ଯଂ କିଂ ପ୍ରଶଂସସି କେଶବମ୍॥ 2-67-18 (13923)
ଭୀଷ୍ମକଂ ଚ ମହାବୀର୍ଯଂ ଦନ୍ତବକ୍ତ୍ରଂ ଚ ଭୂମିପମ୍।
ଭଗଦତ୍ତଂ ଯୂପକେଥୁ ଜଯତ୍ସେନଂ ଚ ମାଗଧମ୍॥ 2-67-19 (13924)
ବିରାଟଦ୍ରୁପଦୌ ଚୋଭୌ ଶକୁନିଂ ଚ ବହଦ୍ବଲମ୍।
ବିନ୍ଦାନୁବିନ୍ଦାବାବନ୍ତ୍ଯୌ ପାଣ୍ଡ୍ଯଂ ଶ୍ବେତମଥୋତ୍ତମମ୍॥ 2-67-20 (13925)
ଶଙ୍ଖଂ ଚ ସୁମହାଭାଗଂ ବୃଷସେନଂ ଚ ମାନିନମ୍।
ଏକଲବ୍ଯଂ ଚ ବିକ୍ରାନ୍ତଂ କାଲିଙ୍ଗଂ ଚ ମହାରଥମ୍॥ 2-67-21 (13926)
ଅତିକ୍ରମ୍ଯ ମହାବୀର୍ଯଂ କିଂ ପ୍ରଶଂସତି କେଶବମ୍।
ଶଲ୍ଯାଦୀନପି କସ୍ମାତ୍ତ୍ବଂ ନ ସ୍ତୌଷି ବସୁଧାଧିପାନ୍।
ସ୍ତବାଯ ଯଦି ତେ ବୁଦ୍ଧିର୍ବର୍ତତେ ଭୀଷ୍ମ ବସୁଧାଧିପାନ୍। 2-67-22 (13927)
କିଂ ହି ଶକ୍ଯଂ ମଯା କର୍ତୁଂ ଯଦ୍ବୃଦ୍ଧାନାଂ ତ୍ବଯା ନୃପ।
ପୁରା କଥଯତାଂ ନୂନଂ ନ ଶ୍ରୁତଂ ଧର୍ମବାଦିନାମ୍॥ 2-67-23 (13928)
ଆତ୍ମନିନ୍ଦାତ୍ମପୂଜା ଚ ପରନିନ୍ଦା ପରସ୍ତବଃ।
ଅନାଚରିତମାର୍ଯାଣାମିତି ତେ ଭୀଷ୍ମ ନ ଶ୍ରୁତମ୍॥ 2-67-24 (13929)
ଯଦସ୍ତବ୍ଯମିମଂ ଶଶ୍ବନ୍ମୋହାତ୍ସଂସ୍ତୌଷି ଭକ୍ତିତଃ।
କେଶବଂ ତଚ୍ଚ ତେ ଭୀଷ୍ମ ନ କଶ୍ଚିଦନୁମନ୍ଯତେ॥ 2-67-25 (13930)
କଥଂ ଭୋଜସ୍ଯ ପୁରୁଷେ ବତ୍ସପାଲେ ଦୁରାତ୍ମନି।
ସମାବେଶଯସେ ସର୍ବଂ ଜଗତ୍କେବଲକାମ୍ଯଯା॥ 2-67-26 (13931)
ଅଥ ଚୈଷା ନ ତେ ବୁଦ୍ଧିଃ ପ୍ରକୃତିଂ ଯାତି ଭାରତ।
ମଯୈବ କଥିତଂ ପୂର୍ବଂ କୁଲିଙ୍ଗଶକୁନିର୍ଯଥା॥ 2-67-27 (13932)
କୁଲିଙ୍ଗଶକୁନିର୍ନାମ ପାର୍ଶ୍ବେ ହିମବତଃ ପରେ।
ଭୀଷ୍ମ ତସ୍ଯାଃ ସଦା ବାଚଃ ଶ୍ରୂଯନ୍ତେଽର୍ଥବିଗର୍ହିତାଃ॥ 2-67-28 (13933)
ମା ସାହସମିତୀଦଂ ସା ସତତଂ ବାଶତେ କିଲ।
ସାହସଂ ଚାତ୍ମନାତୀବ ଚରନ୍ତୀ ନାବବୁଧ୍ଯତେ॥ 2-67-29 (13934)
ସା ହି ମାଂସାର୍ଗଲଂ ଭୀଷ୍ମ ମୁଖାତ୍ସିଂହସ୍ଯ ଖାଦତଃ।
ଦନ୍ତାନ୍ତରବିଲଗ୍ନଂ ଯତ୍ତଦାଦତ୍ତେଽଲ୍ପଚେତନା॥ 2-67-30 (13935)
ଇଚ୍ଛତଃ ସା ହି ସିଂହସ୍ଯ ଭୀଷ୍ମ ଜୀବତ୍ଯସଂଶଯମ୍।
ତଦ୍ବତ୍ତ୍ବମପ୍ଯଧର୍ମିଷ୍ଠ ସଦା ବାଚଃ ପ୍ରଭାଷସେ॥ 2-67-31 (13936)
ଇଚ୍ଛତାଂ ଭୂମିପାଲାନାଂ ଭୀଷ୍ମ ଜୀବସ୍ଯସଂଶଯମ୍।
ଲୋକବିଦ୍ବିଷ୍ଟକର୍ମା ହି ନାନ୍ଯୋଽସ୍ତି ଭବତା ସମଃ॥ 2-67-32 (13937)
ବୈଶମ୍ପାଯନ ଉବାଚ॥ 2-67-33x (1494)
ତତଶ୍ଚେଦିପତେଃ ଶ୍ରୁତ୍ବା ଭୀଷ୍ମଃ ସ କଟୁକଂ ବଚଃ।
ଉବାଚେଦଂ ବଚୋ ରାଜଂଶ୍ଚେଦିରାଜସ୍ଯ ଶୃଣ୍ବତଃ॥ 2-67-33 (13938)
ଇଚ୍ଛତାଂ କିଲ ନାମାହଂ ଜୀବାମ୍ଯେଷାଂ ମହୀକ୍ଷିତାମ୍।
ସୋଽହଂ ନ ଗଣଯାମ୍ଯେତାଂସ୍ତୃଣେନାପି ନରାଧିପାନ୍॥ 2-67-34 (13939)
ଏବମୁକ୍ତେ ତୁ ଭୀଷ୍ମେଣ ତତଃ ସଞ୍ଚୁକ୍ରୁଶୁର୍ନୃପାଃ।
କେଚିଜ୍ଜହୃଷିରେ ତତ୍ର କେଚିଦ୍ଭୀଷ୍ମଂ ଜଗର୍ହିରେ॥ 2-67-35 (13940)
କେଚିଦୂଚୁର୍ମହେଷ୍ବାସାଃ ଶ୍ରୁତ୍ବା ଭୀଷ୍ମସ୍ଯ ଯଦ୍ବଚଃ।
ପାପୋଽବଲିପ୍ତୋ ବୃଦ୍ଧଶ୍ଚ ନାଯଂ ଭୀଷ୍ମୋଽର୍ହତି କ୍ଷମାମ୍॥ 2-67-36 (13941)
ହନ୍ଯତାଂ ଦୁର୍ମତିର୍ଭୀଷ୍ମଃ ପଶୁବତ୍ସାଧ୍ବଯଂ ନୃପାଃ।
ସର୍ବୈଃ ସମେତ୍ଯ ସଂରବ୍ଧୈର୍ଦହ୍ଯତାଂ ବା କଟାଗ୍ନିନା॥ 2-67-37 (13942)
ଇତି ତେଷାଂ ବଚଃ ଶ୍ରୁତ୍ବା ତତଃ କୁରୁପିତାମହଃ।
ଉବାଚ ମତିମାନ୍ଭୀଷ୍ମସ୍ତାନେବ ବସୁଧାଧିପାନ୍॥ 2-67-38 (13943)
ଉକ୍ତସ୍ଯୋକ୍ତସ୍ଯ ନେହାନ୍ତମହଂ ସମୁପଲକ୍ଷଯେ।
ଯତ୍ତୁ ବକ୍ଷ୍ଯାମି ତତ୍ସର୍ବଂ ଶୃଣୁଧ୍ବଂ ବସୁଧାଧିପାଃ॥ 2-67-39 (13944)
ପଶୁବଦ୍ଘାତନଂ ବା ମେ ଦହନଂ ବା କଟାଗ୍ନିନା।
କ୍ରିଯତାଂ ମୂର୍ଧ୍ନି ବୋ ନ୍ଯସ୍ତଂ ମଯେଦଂ ସକଲଂ ପଦମ୍॥ 2-67-40 (13945)
ଏଷ ତିଷ୍ଠତି ଗୋବିନ୍ଦଃ ପୂଜିତୋଽସ୍ମାଭିରଚ୍ଯୁତଃ।
ଯସ୍ଯ ବସ୍ତ୍ବରତେ ବୁଦ୍ଧିର୍ମରଣାଯ ସ ମାଧବମ୍॥ 2-67-41 (13946)
କୃଷ୍ଣମାହ୍ବଯତାମଦ୍ଯ ଯୁଦ୍ଧେ ଚକ୍ରଗଦାଧରମ୍।
ଯାଦବସ୍ଯୈବ ଦେବସ୍ଯ ଦେହଂ ବିଶତୁ ପାତିତଃ॥ ॥ 2-67-42 (13947)
ଇତି ଶ୍ରୀମନ୍ମହାଭାରତେ ସଭାପର୍ବଣି ଶିଶୁପାଲବଧପର୍ବଣି ସପ୍ତଷଷ୍ଟିତମୋଽଧ୍ଯାଯଃ॥ 67 ॥
Mahabharata - Sabha Parva - Chapter Footnotes
2-67-15 ବୈପ୍ରତିସମଃ ବିଗତଃ ପ୍ରତିସମୋ ଯସ୍ଯ ସ ତଥା। ସ୍ବାର୍ଥେ ତଦ୍ଧିତଃ। ଅତୁଲ ଇତ୍ଯର୍ଥଃ॥ 2-67-27 କୁଲିଙ୍ଗଶକୁନିରିତି ସ୍ତ୍ରୀପକ୍ଷିବିଶେଷଃ॥ 2-67-37 କଟାଗ୍ନିନା କକ୍ଷାଗ୍ନିନା॥ସଭାପର୍ବ - ଅଧ୍ଯାଯ 068
॥ ଶ୍ରୀଃ ॥
2.68. ଅଧ୍ଯାଯଃ 068
Mahabharata - Sabha Parva - Chapter Topics
ଭୀଷ୍ମବାକ୍ଯାତ୍କୁପିତେନ ଶଶୁପାଲେନ ରାଜ୍ଞଃ ସଜ୍ଞାହ୍ଯ ଯୁଯୁତ୍ସଯା କୃଷ୍ଣସ୍ଯାହ୍ବାନମ୍ ॥ 1॥ କୃଷ୍ଣେନ ସ୍ବସ୍ମିନ୍ ଶିଶୁପାଲକୃତାପରାଧାନ୍ବିଶ୍ରାବ୍ଯ ବିଭୀଷିତାନାଂ ରାଜ୍ଞାଂ ପଲାଯନମ ୍॥ 2॥ ଅପଗତେଷୁ ରାଜସୁ ଶିଶୁପାଲସ୍ଯ ଏକାକିନଃ କୃଷ୍ଣଂ ପ୍ରତି ଯୁଦ୍ଧାଯ ଗମନମ୍॥ 3॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ବଚଃ ଶ୍ରୁତ୍ବୈବ ଭୀଷ୍ମସ୍ଯ ଚେଦିରାଡୁରୁବିକ୍ରମଃ।
ଯୁଯୁତ୍ସୁର୍ବାସୁଦେବେନ ବାସୁଦେବମୁବାଚ ହ॥ 2-68-1 (13948)
ଆହ୍ବଯେ ତ୍ବାଂ ରଣଂ ଗଚ୍ଛ ମଯା ସାର୍ଧଂ ଜନାର୍ଦନ।
ଯାବଦଦ୍ଯ ନିହନ୍ମି ତ୍ବାଂ ସହିତଂ ସର୍ବପାଣ୍ଡବୈଃ॥ 2-68-2 (13949)
ସହ ତ୍ବଯା ହି ମେ ବଧ୍ଯାଃ ସର୍ବଥା କୃଷ୍ଣ ପାଣ୍ଡବାଃ।
ନୃପତୀନ୍ସମତିକ୍ରମ୍ଯ ଯୈରରାଜା ତ୍ବମର୍ଚିତଃ॥ 2-68-3 (13950)
ଯେ ତ୍ବାଂ ଦାସମରାଜାନଂ ବାଲ୍ଯାଦର୍ଚନ୍ତି ଦୁର୍ମତିମ୍।
ଅନର୍ହମର୍ହବତ୍କୃଷ୍ଣ ବଧ୍ଯାସ୍ତ ଇତି ମେ ମତିଃ॥ 2-68-4 (13951)
ଇତ୍ଯୁକ୍ତ୍ବା ରାଜଶାର୍ଦୂଲ `ଶାର୍ଦୂଲ ଇବ ନାଦଯନ୍।
ପଶ୍ଯତାଂ ସର୍ବଭୂତାନାଂ ଶିଶୁପାଲଃ ପ୍ରତାପବାନ୍॥ 2-68-5 (13952)
ସ ରଣାଯୈବ ସଙ୍କ୍ରୁଦ୍ଧଃ ସନ୍ନଦ୍ଧଃ ସର୍ବରାଜଭିଃ।
ସୁନୀଥଃ ପ୍ରଯଯୌ କ୍ଷିପ୍ରଂ ପାର୍ଥଯଜ୍ଞଜିଘାଂସଯା॥ 2-68-6 (13953)
ତତଶ୍ଚକ୍ରଗଦାପାଣିଃ କେଶବଃ କେଶିହା ହରିଃ।
ସଧ୍ବଜଂ ରଥମାସ୍ଥାଯ ଦାରୁକେଣ ସୁସତ୍କୃତମ୍।
ଭୀଷ୍ମେଣ ଦତ୍ତହସ୍ତୋଽସାବାରୁହୋହ ରଥୋତ୍ତମମ୍॥ 2-68-7 (13954)
ତେନ ପାପସ୍ବଭାବେନ କୋପିତାନ୍ସର୍ବପାର୍ଥିବାନ୍।
ଆସସାଦ ରଣେ କୃଷ୍ଣଃ ସଜ୍ଜିତୈକରଥଃ ସ୍ଥିତଃ॥ 2-68-8 (13955)
ତତଃ ପୁଷ୍କରପତ୍ରାକ୍ଷଂ ତାର୍କ୍ଷ୍ଯଧ୍ବଜରଥେ ସ୍ଥିତମ୍।
ଦିବାକରମିବୋଦ୍ଯନ୍ତଂ ଦଦୃଶୁଃ ସର୍ବପାର୍ଥିବାଃ॥ 2-68-9 (13956)
ଆରୋପଯନ୍ତଂ ଜ୍ଯାଂ କୃଷ୍ଣଂ ପ୍ରତପନ୍ତମିବୌଜସା।
ସ୍ଥିତଂ ପୁଷ୍ପରଥେ ଦିବ୍ଯେ ପୁଷ୍ପକେତୁମିବାପରମ୍॥ 2-68-10 (13957)
ଦୃଷ୍ଟ୍ବା କୃଷ୍ଣଂ ତଥା ଯାନ୍ତଂ ପ୍ରତପନ୍ତମିବୌଜସା।
ଯଥାର୍ହଂ କେଶବେ ବୃତ୍ତିମବଶାଃ ପ୍ରତିପେଦିରେ॥ 2-68-11 (13958)
ତାନୁବାଚ ମହାବାହୁର୍ମହାଽସୁରନିବର୍ହଣଃ।
ବୃଷ୍ଣିବୀରସ୍ତଦା ରାଜନ୍ସାନ୍ତ୍ବଯନ୍ପରବୀରହା॥ 2-68-12 (13959)
ଶ୍ରୀଭଗବାନୁବାଚ॥ 2-68-13x (1495)
ଅପେତ ସବଲାଃ ସର୍ବ ଆସ୍ବସ୍ତା ମମ ଶାସନାତ୍।
ମା ଦୃଷ୍ଟୋ ଦୂଷଯେତ୍ପାପ ଏଷ ବଃ ସର୍ବପାର୍ଥିପାଃ॥ 2-68-13 (13960)
ଏଷ ନଃ ଶତ୍ରୁରତ୍ଯନ୍ତମେଷ ବୃଷ୍ଣିବିମର୍ଦନଃ।
ସାତ୍ବତାଂ ସାତ୍ବତୀପୁତ୍ରୋ ବୈରଂ ଚରତି ଶାଶ୍ବତମ୍'॥ 2-68-14 (13961)
ପ୍ରାଗ୍ଜ୍ଯୋତିଷପୁରଂ ଯାତାନସ୍ମାଞ୍ଜ୍ଞାତ୍ବା ନୃଶଂସକୃତ୍।
ଅଦହଦ୍ଦ୍ବାରକାମେଷ ସ୍ବସ୍ତ୍ରୀଯଃ ସନ୍ନରାଧିପାଃ॥ 2-68-15 (13962)
କ୍ରୀଡତୋ ଭୋଜରାଜସ୍ଯ ଏବ ରୈବତକେ ଗିରୌ।
ହତ୍ବା ବଧ୍ବା ଚ ତାନ୍ସାର୍ବାନୁପାଯାତ୍ସ୍ବପୁରଂ ପୁରା॥ 2-68-16 (13963)
ଅଶ୍ବମେଧେ ହଯଂ ମେଧ୍ଯମୁତ୍ସୃଷ୍ଟଂ ରକ୍ଷିଭିର୍ବୃତମ୍।
ପିତୁର୍ମେ ଯଜ୍ଞବିଘ୍ନାର୍ଥମହରତ୍ପାପନିଶ୍ଚଯଃ॥ 2-68-17 (13964)
ସୌବୀରାନ୍ପ୍ରତିଯାତାଂ ଚ ବଭ୍ରୋରେଷ ତପସ୍ବିନଃ।
ଭାର୍ଯାମଭ୍ଯହରନ୍ମୋହାଦକାମାଂ ତାମିତୋ ଗତାମ୍॥ 2-68-18 (13965)
ଏଷ ମାଯାପ୍ରତିଚ୍ଛନ୍ନଃ କାରୂଶାର୍ଥେ ତପସ୍ବିନୀମ୍।
ଜହାର ଭଦ୍ରାଂ ବୈଶାଲୀଂ ମାତୁଲସ୍ଯ ନୃଶଂସକୃତ୍॥ 2-68-19 (13966)
ବୃଷ୍ଣିଦାରାନ୍ବିଲାପ୍ଯୈବ ହତ୍ବା ଚ କୁକୁରାନ୍ଧକାନ୍।
ପାପାବୁଦ୍ଧିରୁପାତିଷ୍ଠତ୍ସ ପ୍ରବିଶ୍ଯ ସସମ୍ଭ୍ରମମ୍॥ 2-68-20 (13967)
ବିଶାଲରାଜ୍ଞୋ ଦୁହିତାଂ ମମ ପିତ୍ରା ବୃତାଂ ସତୀମ୍।
ଅନେନ କୃତ୍ବା ସନ୍ଧାନଂ କରୂଶେନ ଜିଗୀଷଯା॥ 2-68-21 (13968)
ଜରାସନ୍ଧଂ ସମାଶ୍ରିତ୍ଯ କୃତବାନ୍ବିପ୍ରିଯାଣି ମେ।
ତାନି ସର୍ବାଣି ସଙ୍ଖ୍ଯାତୁଂ ନ ଶକ୍ନୋମି ନରାଧିପାଃ॥ 2-68-22 (13969)
ଏବମେତଦପର୍ଯନ୍ତମେଷ ବୃଷ୍ଣିଷୁ କିଲ୍ବିଷୀ।
ଅସ୍ମାକମଯମାରମ୍ଭାଂଶ୍ଚକାର ପରଭାନୃଜୁଃ॥ 2-68-23 (13970)
ଶତଂ କ୍ଷନ୍ତବ୍ଯମସ୍ମାଭିର୍ବଧାର୍ହାଣାଂ କିଲାଗସାମ୍।
ବଦ୍ଧୋଽସ୍ମି ସମଯୈର୍ଘୋରୈର୍ମାତୁରସ୍ଯୈବ ସଙ୍ଗରେ॥ 2-68-24 (13971)
ତତ୍ତଥା ଶତମସ୍ମାକଂ କ୍ଷାନ୍ତଂ କ୍ଷଯକରଂ ମଯା।
ଦ୍ବୌ ତୁ ମେ ବଧକାଲେଽସ୍ମିନ୍ନ କ୍ଷନ୍ତବ୍ଯୌ କଥଞ୍ଚନ॥ 2-68-25 (13972)
ଯଜ୍ଞବିଘ୍ନକରଂ ହନ୍ଯାଂ ପାଣ୍ଡବାନାଂ ଚ ଦୁର୍ହୃଦମ୍।
ଇତି ମେ ବର୍ତତେ ଭାବସ୍ତମତୀଯାଂ କଥଂ ନ୍ବହମ୍॥ 2-68-26 (13973)
ପିତୃଷ୍ବସୁଃ କୃତେ ଦୁଃଖଂ ସୁମହନ୍ମର୍ଷଯାମ୍ଯହମ୍।
ଦିଷ୍ଟ୍ଯା ହୀଦଂ ସର୍ବରାଜ୍ଞାଂ ସନ୍ନିଧାବଦ୍ଯ ବର୍ତତେ॥ 2-68-27 (13974)
ପଶ୍ଯନ୍ତି ହି ଭବନ୍ତୋଽଦ୍ଯ ମଯ୍ଯତୀବ ବ୍ଯତିକ୍ରମମ୍।
କୃତାନି ତୁ ପରୋକ୍ଷଂ ମେ ଯାନି ତାନି ନିବୋଧତ॥ 2-68-28 (13975)
ଇମଂ ତ୍ବସ୍ଯ ନ ଶକ୍ଷ୍ଯାମି କ୍ଷନ୍ତୁମଦ୍ଯ ବ୍ଯତିକ୍ରମମ୍।
ଅବଲେପାଦ୍ବଧାର୍ହସ୍ଯ ସମଗ୍ରେ ରାଜମଣ୍ଡଲେ॥ 2-68-29 (13976)
ରୁକ୍ମିଣ୍ଯାମସ୍ଯ ମୂଢସ୍ଯ ପ୍ରାର୍ଥନାଽଽସୀନ୍ମୁମୂର୍ଷତଃ।
ନ ଚ ତାଂ ପ୍ରାପ୍ତବାନ୍ମୂଢଃ ଶୂଦ୍ରୋ ବେଦଶ୍ରୁତୀମିବ॥ 2-68-30 (13977)
ବୈଶମ୍ପାଯନ ଉବାଚ॥ 2-68-31x (1496)
ଏବମାଦି ତତଃ ସର୍ବେ ସହିତାସ୍ତେ ନରାଧିପାଃ।
ଗର୍ହଣଂ ଶିଶୁପାଲସ୍ଯ ବାସୁଦେବେନ ବିଶ୍ରୁତଃ॥ 2-68-31 (13978)
ବାସୁଦେବବଚଃ ଶ୍ରୁତ୍ବା ଚେଦିରାଜଂ ବ୍ଯଗର୍ହଯନ୍।
ରଥୋପସ୍ଥେ ଧନୁଷ୍ମନ୍ତଂ ଶରାନ୍ସନ୍ଦଧତଂ ରୁଷା॥ 2-68-32 (13979)
ଶ୍ରୁତ୍ବାଽପି ଚ ବିଲୋକ୍ଯାଶୁ ଦୁଦ୍ରୁବୁଃ ସର୍ବପାର୍ଥିବାଃ।
ବିହାଯ ପରମୋଦ୍ବିଗ୍ନାଶ୍ଚେଦିରାଜଂ ଚମୂମୁଖେ॥ 2-68-33 (13980)
ତସ୍ଯ ତଦ୍ବଚନଂ ଶ୍ରୁତ୍ବା ଶିଶୁପାଲଃ ପ୍ରତାପବାନ୍।
ଜହାସ ସ୍ବନବଦ୍ଧାସଂ ବାକ୍ଯଂ ଚେଦମୁବାଚ ହ॥ 2-68-34 (13981)
ମତ୍ପୂର୍ବାଂ ରୁକ୍ମିଣୀଂ କୃଷ୍ଣ ସଂସତ୍ସୁ ପରିକୀର୍ତଯନ୍।
ବିଶେଷତଃ ପାର୍ଥିବେଷୁ ବ୍ରୀଡାଂ ନ କୁରୁଷେ କଥମ୍॥ 2-68-35 (13982)
ମନ୍ଯମାନୋ ହି କଃ ସତ୍ସୁ ପୁରୁଷଃ ପରିକୀର୍ତଯେତ୍।
ଅନ୍ଯପୂର୍ବା ସ୍ତ୍ରିଯଂ ଜାତୁ ତ୍ବଦନ୍ଯୋ ମଧୂସୂଦନ॥ 2-68-36 (13983)
କ୍ଷମା ବା ଯଦି ତେ ଶ୍ରଦ୍ଧା ମା ବା କୃଷ୍ଣ ମମ କ୍ଷମ।
କ୍ରୁଦ୍ଧାଦ୍ବାପି ପ୍ରସନ୍ନାଦ୍ବା କିଂ ମେ ତ୍ବତ୍ତୋ ଭବିଷ୍ଯତେ॥ 2-68-37 (13984)
`ବୈଶମ୍ପାଯନ ଉବାଚ॥ 2-68-38x (1497)
ସ ତାଂସ୍ତୁ ବିଦ୍ରୁତାନ୍ସର୍ବାନ୍ସାଶ୍ବପତ୍ତିରଥଦ୍ବିପାନ୍।
କୃଷ୍ଣତେଜୋହତାନ୍ସର୍ବାନ୍ସମୀକ୍ଷ୍ଯ ବସୁଧାଧିପାନ୍॥ 2-68-38 (13985)
ଶିଶୁପାଲୋ ରଥେନୈକଃ ପ୍ରତ୍ଯୁପାଯାତ୍ସ କେଶବମ୍।
ରୁଷା ତାମ୍ରେକ୍ଷଣୋ ରାଜଞ୍ଛଲଭଃ ପାବକଂ ଯଥା॥ ॥ 2-68-39 (13986)
ଇତି ଶ୍ରୀମନ୍ମହାଭାରତେ ସଭାପର୍ବଣି ଶିଶୁପାଲବଧପର୍ବଣି ଅଷ୍ଟଷଷ୍ଟିତମୋଽଧ୍ଯାଯଃ॥ 68॥
Mahabharata - Sabha Parva - Chapter Footnotes
2-68-31 ବିଶ୍ରୁତାଃ ଶ୍ରାବିତାଃ॥ସଭାପର୍ବ - ଅଧ୍ଯାଯ 069
॥ ଶ୍ରୀଃ ॥
2.69. ଅଧ୍ଯାଯଃ 069
Mahabharata - Sabha Parva - Chapter Topics
ଶିଶୁପାଲେ ସନ୍ନଦ୍ଧେ ସତି ଉତ୍ପାତଦର୍ଶନେନ ଯୁଧିଷ୍ଠିରସ୍ଯ ପ୍ରଶ୍ନେ ନାରଦେନ ତତ୍ତଦୁତ ୍ପାତାନାଂ ବିଶିଷ୍ଯ ଫଲକଥନମ୍॥ 1॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ତତୋ ଯୁଦ୍ଧାଯ ସଂନଦ୍ଧଂ ଚେଦିରାଜଂ ଯୁଧିଷ୍ଠିରଃ।
ଦୃଷ୍ଟ୍ବା ମତିମତାଂ ଶ୍ରେଷ୍ଠୋ ନାରଦଂ ସମୁବାଚ ହ॥ 2-69-1 (13987)
ଯୁଧିଷ୍ଠିର ଉବାଚ॥ 2-69-2x (1498)
ଅନ୍ତରିକ୍ଷେ ଚ ଭୂମୌ ଚ ତେଽସ୍ତ୍ଯବିଦିତଂ କ୍ବଚିତ୍।
ଯାନି ରାଜବିନାଶାଯ ଭୌମାନି ଚ ଖଗାନି ଚ॥ 2-69-2 (13988)
ନିମିତ୍ତାନୀହ ଜାଯନ୍ତେ ଉତ୍ପାତାଶ୍ଚ ପୃଥଗ୍ବିଧାଃ।
ଏତଦିତ୍ଛାମି କାର୍ତ୍ସ୍ନ୍ଯେନ ଶ୍ରୋତୁଂ ତ୍ବତ୍ତୋ ମହାମୁନେ॥ 2-69-3 (13989)
ବୈଶମ୍ପାଯନ ଉବାଚ। 2-69-4x (1499)
ଇତ୍ଯେବଂ ମିତମାନ୍ବିପ୍ରଃ କୁରୁରାଜସ୍ଯ ଧୀମତଃ।
ପୃଚ୍ଛତଃ ସର୍ବମବ୍ଯଗ୍ରମାଚଚକ୍ଷେ ମହାଯଶାଃ॥ 2-69-4 (13990)
ନାରଦ ଉବାଚ॥ 2-69-5x (1500)
ପରାକ୍ରମଂ ଚ ମାର୍ଗଂ ଚ ସଂନିପାତଂ ସମୁଚ୍ଛ୍ରଯମ୍।
ଆରୋହଣଂ କୁରୁଶ୍ରେଷ୍ଠ ଅନ୍ଯୋନ୍ଯଂ ପ୍ରତିସର୍ପଣମ୍॥ 2-69-5 (13991)
ପଶ୍ମୀନାଂ ବ୍ଯତିସଂସର୍ଗଂ ବ୍ଯାଯାମଂ ବୃତ୍ତିପୀଡନମ୍।
ଦର୍ଶନାଦର୍ଶନଂ ଚୈବ ଅଦୃଶ୍ଯାନାଂ ଚ ଦର୍ଶନମ୍॥ 2-69-6 (13992)
ହାନିଂ ବୃଦ୍ଧିଂ ଚ ହ୍ରାସଂ ଚ ବର୍ଣସ୍ଥାନଂ ବଲାବଲମ୍।
ସର୍ବମେତତ୍ପରୀକ୍ଷେତ ଗ୍ରହାଣାଂ ଗ୍ରହକୋବିଦଃ॥ 2-69-7 (13993)
ଭୌମାଃ ପୂର୍ବଂ ପ୍ରବର୍ତନ୍ତେ ଖେଚରାଶ୍ଚ ତତଃ ପରମ୍।
ଉତ୍ପଦ୍ଯନ୍ତେ ଚ ଲୋକେଽସ୍ମିନ୍ନୁତ୍ପାତା ଦେବନିର୍ମିତାଃ॥ 2-69-8 (13994)
ଯଦା ତୁ ସର୍ବଭୂତାନାଂ ଛାଯା ନ ପରିବର୍ତତେ।
ଅପରେଣ ଗତେ ସୂର୍ଯେ ତତ୍ପରାଭବଲକ୍ଷଣମ୍॥ 2-69-9 (13995)
ଅଚ୍ଛାଯେ ବିମଲଚ୍ଛାଯା ପ୍ରତିଚ୍ଛାଯେବ ଦୃଶ୍ଯତେ।
ଯତ୍ର ଚୈତ୍ଯକବୃକ୍ଷାଣାଂ ତତ୍ର ବିଦ୍ଯାନ୍ମହଦ୍ଭଯମ୍॥ 2-69-10 (13996)
ଶୀର୍ଣପର୍ଣପ୍ରବାଲାଶ୍ଚ ଶୁଷ୍କପର୍ଣାଶ୍ଚ ଚୈତ୍ଯକାଃ।
ଅପଭ୍ରଷ୍ଟପ୍ରବାଲାଶ୍ଚ ତତ୍ରାଭାବଂ ବିନିର୍ଦିଶେତ୍॥ 2-69-11 (13997)
ସ୍ନିଗ୍ଧପର୍ଣପ୍ରବାଲାଶ୍ଚ ଦୃଶ୍ଯନ୍ତେ ଯତ୍ର ଚୈତ୍ଯକାଃ।
ଈହମାନାଶ୍ଚ ବୃକ୍ଷାଶ୍ଚ ଭାବସ୍ତତ୍ର ନ ସଂଶଯଟଃ॥ 2-69-12 (13998)
ପୁଷ୍ପେ ପୁଷ୍ପଂ ପ୍ରଜାଯେତ ଫଲେ ବା ଫଲମାଶ୍ରିତମ୍।
ରାଜା ବା ରାଜମାତ୍ରୋ ବା ମରଣାଯୋପପଦ୍ଯତେ॥ 2-69-13 (13999)
ପ୍ରାବୃଟ୍ଛରଦି ହେମନ୍ତେ ବସନ୍ତେ ବାପି ସର୍ବଶଃ।
ଆକାଲିକଂ ପୁଷ୍ପଫଲଂ ରାଷ୍ଟ୍ରକ୍ଷୋଭଂ ବିନିର୍ଦିଶେତ୍॥ 2-69-14 (14000)
ନଦୀନାଂ ସ୍ତ୍ରୋତସୋଽକାଲେ ଦ୍ଯୋତଯନ୍ତି ମହାଭଯମ୍।
ବନସ୍ପତିଃ ପୂଜ୍ଯମାନଃ ପୂଜିତୋଽପୂଜିତୋଽପି ବା॥ 2-69-15 (14001)
ଯଦା ଭଜ୍ଯେତ ବାତେନ ଭିଦ୍ଯତେ ନମିତୋଽପି ବା।
ଅଗ୍ନିବାଯୁଭଯଂ ବିଦ୍ଯାଚ୍ଛ୍ରେଷ୍ଠୋ ବାପି ବିନଶ୍ଯତି॥ 2-69-16 (14002)
ଦିଶଃ ସର୍ବାଶ୍ଚ ଦୀପ୍ଯନ୍ତେ ଜାଯନ୍ତେ ରାଜବିଭ୍ରମାଃ।
ଭିଦ୍ଯମାନୋ ଯଦା ବୃକ୍ଷୋ ନିନଦେଚ୍ଚାପି ପାତିତଃ।
ସହ ରାଷ୍ଟ୍ରଂ ଚ ପତିତଂ ନତଂ ବୃକ୍ଷଂ ପ୍ରପାତଯେତ୍॥ 2-69-17 (14003)
ଅଥୈନଂ ଛେଦଯେତ୍କଶ୍ଚିତ୍ପ୍ରତିକ୍ରୁଦ୍ଧୋ ବନସ୍ପତିଃ।
ଛେତ୍ତା ଭେତ୍ତା ପତିଶ୍ଚୈବ କ୍ଷିପ୍ରମେବ ନଶିଷ୍ଯତି॥ 2-69-18 (14004)
ଦେବତାନାଂ ଚ ପତନଂ ମଷ୍ଟପାନାଂ ଚ ପାତନମ୍।
ଅଚଲାନାଂ ପ୍ରକମ୍ପଶ୍ଚ ତତ୍ପରାଭବଲକ୍ଷଣମ୍॥ 2-69-19 (14005)
ନିଶି ଚେନ୍ଦ୍ରଧନୁର୍ଦୃଷ୍ଟଂ ତତୋପି ଚ ମହଦ୍ଭଯମ୍।
ତଦ୍ଦ୍ରଷ୍ଟରେବ ଭୀତିଃ ସ୍ଯାନ୍ନାନ୍ଯେଷାଂ ଭରତର୍ଷଭ॥ 2-69-20 (14006)
ରାତ୍ରାବିନ୍ଦ୍ରଧନୁର୍ଦୃଷ୍ଟ୍ବା ତଦ୍ରାଷ୍ଟ୍ରଂ ପରିବର୍ଜଯେତ୍॥ 2-69-21 (14007)
ଅର୍ଚା ଯତ୍ର ପ୍ରନୃତ୍ଯନ୍ତ ନଦନ୍ତି ଚ ହସନ୍ତି ଚ।
ଉନ୍ମୀଲନ୍ତି ନିମୀଲନ୍ତି ରାଷ୍ଟ୍ରକ୍ଷୋଭଂ ବିନିର୍ଦିଶେତ୍॥ 2-69-22 (14008)
ଶିଲା ଯଦି ପ୍ରସିଞ୍ଚନ୍ତି ସ୍ନେହାଂଶ୍ଚୋଦକସମ୍ଭବାନ୍।
ଅନ୍ଯଦ୍ବା ବିକୃତଂ କିଞ୍ଚିତ୍ତଦ୍ଭଯସ୍ଯ ନିଦର୍ଶନମ୍॥ 2-69-23 (14009)
ମ୍ରିଯନ୍ତେ ବା ମହାମାତ୍ରା ରାଜା ସପରିବାରକଃ।
ପୁରସ୍ଯ ଯା ଭବେଦ୍ବ୍ଯାଧୀ ରାଷ୍ଟ୍ରେ ଦେଶେ ଚ ବିଭ୍ରମାଃ॥ 2-69-24 (14010)
ଦେବତାନାଂ ଯଦାଽଽବାସେ ରାଜ୍ଞାଂ ବା ଯତ୍ର ବେଶ୍ମନି।
ଭାଣ୍ଡାଗାରାଯୁଧାଗାରେ ନିବିଶେତ ଯଦା ମଧୁ॥ 2-69-25 (14011)
ସର୍ବଂ ତଦା ଭବେତ୍ସ୍ଥାନଂ ହନ୍ଯମାନଂ ବଲୀଯସା।
ଆଗନ୍ତୁକଂ ଭଯଂ ତତ୍ର ଭବେଦିତ୍ଯେବ ନିର୍ଦିଶେତ୍॥ 2-69-26 (14012)
ପାଦପଶ୍ଚୈବ ଯୋ ଯତ୍ର ରକ୍ତଂ ସ୍ରବତି ଶୋଣିତମ୍।
ଦନ୍ତାଗ୍ରାତ୍କୁଞ୍ଜରୋ ବାପି ଶୃଙ୍ଗାଦ୍ବା ବୃଷଭସ୍ତଥା॥ 2-69-27 (14013)
ପାଦପାଦ୍ରାଷ୍ଟ୍ରିବିଭ୍ରଂଶଃ କୁଞ୍ଜରାଦ୍ରାଜବିଭ୍ରମଃ।
ଗୋବ୍ରାହ୍ମଣବିନାଶଃ ସ୍ଯାଦ୍ବୃବଭସ୍ଯେତି ନିର୍ଦିଶେତ୍॥ 2-69-28 (14014)
ଛତ୍ରଂ ନରପତେର୍ଯତ୍ର ନିପତେତ୍ପୃଥିବୀତଲେ।
ସରାଷ୍ଟ୍ରୋ ନୃପତୀ ରାଜନ୍କ୍ଷିପ୍ରମେବ ବିନଶ୍ଯତି॥ 2-69-29 (14015)
ଦେବାଗାରେଷୁ ବା ଯତ୍ର ରାଜ୍ଞୋ ବା ଯତ୍ର ବେଶ୍ମନି।
ବିକୃତଂ ଯଦି ଦୃଶ୍ଯେତ ନାଗାବାସେଷୁ ବା ପୁନଃ॥ 2-69-30 (14016)
ତସ୍ଯ ଦେଶସ୍ଯ ପୀଡା ସ୍ଯାଦ୍ରାଜ୍ଞୋ ଜନପଦସ୍ଯ ବା।
ଅନାବୃଷ୍ଟିଭଯଂ ଘୋରମତିଦୁର୍ଭିକ୍ଷମାଦିଶେତ୍॥ 2-69-31 (14017)
ଅର୍ଚାଯା ବାହୁଭଙ୍ଗେନ ଗୃହସ୍ଥାନାଂ ଭଯଂ ଭବେତ୍।
ଭଗ୍ନେ ପ୍ରହରଣେ ବିଦ୍ଯାତ୍ସେନାପତିବିନାଶନମ୍॥ 2-69-32 (14018)
ଆଗନ୍ତୁକା ତୁ ପ୍ରତିମା ସ୍ଥାନଂ ଯତ୍ର ନ ବିନ୍ଦତି।
ଜଭ୍ଯନ୍ତରେଣ ଷଣ୍ମାସାଦ୍ରାଜା ତ୍ଯଜତି ତତ୍ପୁରମ୍॥ 2-69-33 (14019)
ପ୍ରଦୀର୍ଯତେ ମହୀ ଯତ୍ର ବିନଦତ୍ଯପି ପାତ୍ଯତେ।
ମ୍ରିଯତେ ତତ୍ର ରାଜା ଚ ତତ୍ର ରାଷ୍ଟ୍ରଂ ବିନଶ୍ଯତି॥ 2-69-34 (14020)
ଏଣୀପଦାନ୍ବା ସର୍ପାନ୍ବା ଡୁଣ୍ଡୁଭାନଥ ଦୀପ୍ଯକାନ୍।
ମଣ୍ଡୂକୋ ଗ୍ରସତେ ଯତ୍ର ତତ୍ର ରାଜା ବିନଶ୍ଯତି॥ 2-69-35 (14021)
ଅଭିନ୍ନଂ ବାପ୍ଯପକ୍ବଂ ବା ଯତ୍ରାନ୍ନମୁପଚୀଯତେ।
ଜୀର୍ଯନ୍ତେ ବା ମ୍ରିଯନ୍ତେ ବା ତଦନ୍ନଂ ନୋପଭୁଞ୍ଜତେ॥ 2-69-36 (14022)
ଉଦପାନେ ଚ ଯତ୍ରାପୋ ବିବର୍ଧନ୍ତେ ଯୁଧିଷ୍ଠିର।
ସ୍ଥାବରେଷୁ ପ୍ରବର୍ତନ୍ତେ ନିର୍ଗଚ୍ଛେନ୍ନ ପୁନସ୍ତତଃ॥ 2-69-37 (14023)
ଅପାଦଂ ବା ତ୍ରିପାଦଂ ବା ଦ୍ବିଶୀର୍ଷଂ ବା ଚତୁର୍ଭୁଜମ୍।
ସ୍ତ୍ରିଯୋ ଯତ୍ର ପ୍ରସୂଯନ୍ତେ ବ୍ରୂଯାତ୍ତତ୍ର ପରାଭବମ୍॥ 2-69-38 (14024)
ଅଜୈଡକାଃ ସ୍ତ୍ରିଯୋ ଗାବୋ ଯେ ଚାନ୍ଯେ ଚ ବିଯୋନଯଃ।
ବିକୃତାନି ପ୍ରଜାଯନ୍ତେ ତତ୍ର ତତ୍ର ପରାଭବଃ॥ 2-69-39 (14025)
ନଦୀ ଯତ୍ର ପ୍ରତିସ୍ରୋତା ଆବହେତ୍କଲୁଷୋଦକମ୍।
ଦିଶଶ୍ଚ ନ ପ୍ରକାଶନ୍ତେ ତତ୍ପରାଭବଲକ୍ଷଣମ୍॥ 2-69-40 (14026)
ଏତାନି ଚ ନିମିତ୍ତାନି ଯାନି ଚାନ୍ଯାନି ଭାରତ।
କେଶବାଦେବ ଜାଯନ୍ତେ ଭୌମାନି ଚ ଖଗାନି ଚ॥ 2-69-41 (14027)
ଚନ୍ଦ୍ରାଦିତ୍ଯୌ ଗ୍ରହାଶ୍ଚୈବ ନକ୍ଷତ୍ରାଣି ଚ ଭାରତ।
ବାଯୁରଗ୍ନିସ୍ତଥା ଚାପଃ ପୃଥିବୀ ଚ ଜନାର୍ଦନାତ୍॥ 2-69-42 (14028)
ଯସ୍ଯ ଦେଶସ୍ଯ ହାନିଂ ବା ବୃଦ୍ଧିଂ ବା କର୍ତୁମିଚ୍ଛତି।
ତସ୍ମିନ୍ଦେଶେ ନିମିତ୍ତାନି ତାନି ତାନି କରୋତ୍ଯଯମ୍॥ 2-69-43 (14029)
ସୋସୌ ଚେଦିପତେସ୍ତାତ ବିନାଶଂ ସମୁପସ୍ଥିତମ୍।
ନିବେଦଯତି ଗୋବିନ୍ଦଃ ସ୍ବୈରୁପାଯୈର୍ନ ସଂଶଯଃ॥ 2-69-44 (14030)
ଇଯଂ ପ୍ରଚଲିତା ଭୂମିରଶିବା ବାନ୍ତି ମାରୁତାଃ।
ରାହୁଶ୍ଚାପ୍ଯପତତ୍ସୋମମପର୍ବଣି ବିଶାମ୍ପତେ॥ 2-69-45 (14031)
ସନିର୍ଘାତାଃ ପତନ୍ତ୍ଯୁଲ୍କାସ୍ତମଃ ସଞ୍ଜାଯତେ ଭୃଶମ୍।
ଚେଦିରାଜବିନାଶାଯ ହରିରେଷ ବିଜୃମ୍ଭତେ॥ 2-69-46 (14032)
ବୈଶମ୍ପାଯନ ଉବାଚ॥ 2-69-47x (1501)
ଏବମୁକ୍ତ୍ବା ତୁ ଦେବର୍ଷିର୍ନାରଦୋ ବିରରାମ ହ।
ତାଭ୍ଯାଂ ପୁରୁଷସିଂହାଭ୍ଯାଂ ତସ୍ମିନ୍ଯୁଦ୍ଧ ଉପସ୍ଥିତେ। 2-69-47 (14033)
ଦଦୃଶୁର୍ଭୂମିପାଲାସ୍ତେ ଘୋରାନୌତ୍ପାତିକାନ୍ବହୂନ୍॥
ତତ୍ର ବୈ ଦୃଶ୍ଯମାନାନାଂ ଦିକ୍ଷୁ ସର୍ବାସୁ ଭାରତ। 2-69-48 (14034)
ଅଶ୍ରୂଯନ୍ତ ତଦା ରାଜଞ୍ଛିବାନାମଶିବା ରବାଃ॥
ରରାସ ଚ ମହୀ କୃତ୍ସ୍ନା ସବୃକ୍ଷବନପର୍ବତା। 2-69-49 (14035)
ଅପର୍ବଣି ଚ ମଧ୍ଯାହ୍ନେ ମୂର୍ଯଂ ସ୍ବର୍ଭାନୁରଗ୍ରସତ୍॥
ଧ୍ବଜାଗ୍ରେ ଚେଦିରାଜସ୍ଯ ସର୍ବରତ୍ନପରିଷ୍କୃତେ। 2-69-50 (14036)
ଅପତତ୍ଖାଚ୍ଚ୍ଯୁତୋ ଗୃଧ୍ରସ୍ତୀକ୍ଷ୍ଣତୁଣ୍ଡଃ ପରନ୍ତପ॥
ଆରଣ୍ଯୈଃ ସହସା ହୃଷ୍ଟା ଗ୍ରାମ୍ଯାଶ୍ଚ ମୃଗପକ୍ଷିଣଃ। 2-69-51 (14037)
ଚୁକ୍ରୁଶୁର୍ଭୈରବଂ ତତ୍ର ତସ୍ମିନ୍ଯୁଦ୍ଧ ଉପସ୍ଥିତେ॥
ଏବମାଦିନି ଘୋରାଣି ଭୌମାନି ଚ ସ୍ବଗାନି ଚ। 2-69-52 (14038)
ଔତ୍ପାତିକାନ୍ଯଦୃଶ୍ଯନ୍ତ ସଙ୍କ୍ରୁଦ୍ଧେ ଶାର୍ଙ୍ଗଧନ୍ବନି॥ ॥ 2-69-53 (14039)
ଇତି ଶ୍ରୀମନ୍ମହାଭାରତେ ସଭାପର୍ବଣି ଶିଶୁପାଲବଧପର୍ବଣି ଏକୋନସପ୍ତତିତମୋଽଧ୍ଯାଯଃ॥ 69 ॥
ସଭାପର୍ବ - ଅଧ୍ଯାଯ 070
॥ ଶ୍ରୀଃ ॥
2.70. ଅଧ୍ଯାଯଃ 070
Mahabharata - Sabha Parva - Chapter Topics
କୃଷ୍ଣଶିଶୁପାଲଯୋର୍ଯୁଦ୍ଧବର୍ଣନମ୍॥ 1॥ ଶିଶୁପାଲବଧଃ॥ 2॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ତତୋ ବିଷ୍ଫାରଯନ୍ରାଜା ମହଚ୍ଚୈଦିପତିର୍ଧନୁଃ।
ଅଭିଯାସ୍ଯନ୍ହୃଷୀକେଶମୁବାଚ ମଧୁସୂଦନମ୍॥ 2-70-1 (14040)
ଏକସ୍ତ୍ବମସି ମେ ଶତ୍ରୁସ୍ତତ୍ତ୍ବାଂ ହତ୍ବାଽଦ୍ଯ ମାଧବ।
ତତଃ ସାଗରପର୍ଯନ୍ତାଂ ପାଲଯିଷ୍ଯାମି ମେଦିନୀମ୍॥ 2-70-2 (14041)
ଦ୍ବୈରଥଂ କାଙ୍କ୍ଷିତଂ ଯଦ୍ବୈ ତଦିଦଂ ପର୍ଯୁପସ୍ଥିତମ୍।
ଚିରସ୍ଯ ବତ ମେ ଦିଷ୍ଟ୍ଯା ବାସୁଦେବ ସହ ତ୍ବଯା।
ଅଦ୍ଯ ତ୍ବାଂ ନିହନିଷ୍ଯାମି ଭୀଷ୍ମଂ ଚ ସହ ପାଣ୍ଡବୈଃ॥ 2-70-3 (14042)
ବୈଶମ୍ପାଯନ ଉବାଚ। 2-70-4x (1502)
ଏବମୁକ୍ତ୍ବା ସ ତଂ ବାଣୈର୍ନିଶିତୈରତ୍ତତେଜନୈଃ।
ବିବ୍ଯାଧ ଯୁଧି ତୀକ୍ଷ୍ଣାଗ୍ରୈଶ୍ଚେଦିରାଡ୍ଯପୁଙ୍ଗବମ୍? 2-70-4 (14043)
କଙ୍କପତ୍ରଚ୍ଛଦା ବାଣାଶ୍ଚେଦିରାଜଧନୁଶ୍ଚ୍ଯୁତାଃ।
ବିବିଶୁସ୍ତେ ତଦା କୃଷ୍ଣଂ ଭୁଜଙ୍ଗା ଇବ ପର୍ବତମ୍? 2-70-5 (14044)
ନାଦଦାନସ୍ଯ ଚୈଦ୍ଯସ୍ଯ ଶରାନତ୍ଯସ୍ଯତୋପି ବା।
ଦଧୃଶୁର୍ବିବରଂ କେଚିଦ୍ଗତିଂ ବାଯୋରିବାମ୍ବରେ? 2-70-6 (14045)
ଚେଦିରାଜମହାମେଧଃ ଶରଜାଲାମ୍ବୁମାଂସ୍ତଦା।
ଅଭ୍ଯବର୍ଷଦ୍ଧୃଷୀକେଶଂ ପଯୋଦ ଇବ ପର୍ବତମ୍? 2-70-7 (14046)
ତତଃ ଶାର୍ଙ୍ଗମମିତ୍ରଘ୍ନଃ କୃତ୍ବା ସଶରମଚ୍ଯୁତଃ।
ଆବଭାଷେ ମହବାହୁଃ ସୁନୀଥଂ ପରବୀରହା।। 2-70-8 (14047)
ଅଯଂ ତ୍ବଂ ଭାମକସ୍ତୀକ୍ଷ୍ଣଶ୍ଚେଦିରାଜ ମହାଶରଃ।
ଭେତ୍ତୁମର୍ହତି ବେଗେନ ମହାଶନିରିବାଚଲମ୍॥ 2-70-9 (14048)
ବୈଶମ୍ପାଯନ ଉବାଚ। 2-70-10x (1503)
ଏବଂ ବ୍ରୁବତି ଗୋବିନ୍ଦେ ତତଶ୍ଚେଦିପତିଃ ପୁନଃ।
ମୁମୋଚ ନିଶିତାନନ୍ଯାନ୍କୃଷ୍ଣଂ ପ୍ରତି ଶରାନ୍ବହୂନ୍॥ 2-70-10 (14049)
ଅଥ ବାଣାର୍ଦିତଃ କୃଷ୍ଣଃ ଶାର୍ଙ୍ଗମାଯମ୍ଯ ଦୀପ୍ତିମାନ୍।
ମୁମୋଚ ନିଶିତାନ୍ବାଣାଞ୍ଛତଶୋଥ ସହସ୍ରଶଃ॥ 2-70-11 (14050)
ତାଞ୍ଛରାଂସ୍ତୁ ସ ଚିଚ୍ଛେଦ ଶରବର୍ଷୈସ୍ତୁ ଚେଦିରାଟ୍।
ଷଡ୍ଭିଶ୍ଚାନ୍ଯୈର୍ଜଘାନାଶୁ କେଶବଂ ଚେଦିପୁଙ୍ଗବଃ॥ 2-70-12 (14051)
ତତୋଽସ୍ରଂ ସହସା କୃଷ୍ଣଃ ପ୍ରମୁମୋଚ ଜଗଦ୍ଗୁରୁଃ।
ଅସ୍ତ୍ରେଣ ତନ୍ମହାବାହୁର୍ବାରଯାମାସ ଚେଦିରାଟ୍॥ 2-70-13 (14052)
ତତଃ ଶତସହସ୍ରେଣ ଶରାଣାଂ ନତପର୍ବଣାମ୍।
ସର୍ବତଃ ସମବାକୀର୍ଯ ଶୌରିଂ ଦାମୋଦରଂ ତଦା॥ 2-70-14 (14053)
ନନାଦ ବଲବାନ୍କ୍ରୁଦ୍ଧଃ ଶିଶୁପାଲଃ ପ୍ରତାପବାନ୍।
ଇଦଂ ଚୋବାଚ ସଂରବ୍ଧଃ କେଶବଂ ପରବୀରହା॥ 2-70-15 (14054)
ଶିଶୁପାଲ ଉବାଚ॥ 2-70-16x (1504)
ଅଦ୍ଯାଙ୍ଗଂ ମାମକା ବାଣା ଭେତ୍ସ୍ଯନ୍ତି ତବ ସଂଯୁଗେ।
ହତ୍ବା ତ୍ବାଂ ସମୁତାମାତ୍ଯଂ ପାଣ୍ଡବାଂଶ୍ଚ ତରସ୍ବିନଃ॥ 2-70-16 (14055)
ଅନୃଣ୍ଯମଦ୍ଯଯ ଯାସ୍ଯାମି ଜରାସନ୍ଧସ୍ଯ ଧୀମତଃ।
କଂସସ୍ଯ କେଶିନଶ୍ଚୈବ ନରକସ୍ଯ ତଥୈବ ହ॥ 2-70-17 (14056)
ବୈଶମ୍ପାଯନ ଉବାଚ॥ 2-70-18x (1505)
ଇତ୍ଯୁକ୍ତ୍ବା କ୍ରୋଧତାମ୍ରାକ୍ଷଃ ଶିଶୁପାଲୋ ଜନାର୍ଦନମ୍।
ଅଦୃଶ୍ଯଂ ଶରବର୍ଷେଣ ସର୍ବତଃ ସ ଚକାର ହ॥ 2-70-18 (14057)
ତତୋଽସ୍ତ୍ରେଣୈବ ଚାନ୍ଯୋନ୍ଯଂ ନିକୃତ୍ଯ ଚ ଶରାନ୍ବହୂନ୍।
ଶରବର୍ଷୈସ୍ତଦା ଚୈଦ୍ଯମନ୍ତର୍ଧାତୁଂ ପ୍ରଚକ୍ରମେ॥ 2-70-19 (14058)
ଅନ୍ତର୍ଧାନଗତୌ ବୀରୌ ଶୁଶୁଭାତେ ମହାରଥୌ।
ତୌ ଦୃଷ୍ଟ୍ବା ସର୍ବଭୂତାନି ସାଧୁସାଧ୍ବିତ୍ଯପୂଜଯନ୍॥ 2-70-20 (14059)
ନ ଦୃଷ୍ଟପୂର୍ବମସ୍ମାଭିର୍ଯୁଦ୍ଧମୀଦୃଶକଂ ପୁରା।
ତତଃ କୃଷ୍ଣଂ ଜଘାନାଶୁ ଶୁଶୁପାଲସ୍ତ୍ରିଭିଃ ଶରୈଃ॥ 2-70-21 (14060)
କୃଷ୍ଣୋଽପି ବାଣୈର୍ବିବ୍ଯାଧ ସୁନୀଥଂ ପଞ୍ଚଭିର୍ଯୁଧି।
ତତଃ ସୁନୀଥଂ ସପ୍ତତ୍ଯା ନାରାଚୈର୍ଦଯଦ୍ବଲୀ। 2-70-22 (14061)
ତତୋଽତିବିଦ୍ଧଃ କୃଷ୍ଣେନ ସୁନୀଥଃ କ୍ରୋଧମୂର୍ଛିତଃ।
ବିବ୍ଯାଧ ନିଶିତୈର୍ବାଣୈର୍ବାସୁଦେବଂ ସ୍ତନାନ୍ତରେ॥ 2-70-23 (14062)
ପୁନଃ କୃଷ୍ଣଂ ତ୍ରିଭିର୍ବିଦ୍ଧ୍ବା ନନାଦାବସରେ ନୃପଃ।
ତତୋଽତିଦାରୁଣଂ ଯୁଦ୍ଧଂ ସହସା ଚକ୍ରତୁସ୍ତଦା॥ 2-70-24 (14063)
ନୌ ନଖୈରିବ ଶାର୍ଦୂଲୌ ଦନ୍ତୈରିବ ମହାଗଜୌ।
ଦଂଷ୍ଟ୍ରାଭିରିବ ପଞ୍ଚାସ୍ଯୌ ଚରଣୈରିବ କୁକ୍କୁଟୌ॥ 2-70-25 (14064)
ଦାରଯେତାଂ ଶରୈସ୍ତୀକ୍ଷ୍ଣୈରନ୍ଯୋନ୍ଯଂ ଯୁଧି ତାବୁଭୌ।
ତତୋ ମୁମୁଚତୁଃ କ୍ରୁଦ୍ଧୌ ଶରବର୍ଷମନୁତ୍ତମମ୍॥ 2-70-26 (14065)
ଶରୈରେବ ଶରାଞ୍ଛିତ୍ବା ତାବୁଭୌ ପୁରୁଷର୍ଷଭୌ।
ଚକ୍ରାତେଽସ୍ତ୍ରମଯଂ ଯୁଦ୍ଧଂ ଘୋରଂ ତଦତିମାନୁଷମ୍॥ 2-70-27 (14066)
ଆଗ୍ନେଯମସ୍ତ୍ରଂ ମୁମୁଚେ ଶିଶୁପାଲଃ ପ୍ରତାପବାନ୍।
ବାରୁଣାସ୍ତ୍ରେଣ ତଚ୍ଛ୍ରୀଘ୍ରଂ ନାଶଯାମାସ କେଶବଃ॥ 2-70-28 (14067)
କୌବେରମସ୍ତ୍ରଂ ସହସା ଚେଦିରାଟ୍ ପ୍ରମୁମୋଚ ହ। 2-70-29 କୌବେରଣୈବ ସହସାଽନାଶଯତ୍ତଂ ଜଗତ୍ପ୍ରଭୁଃ॥ 2-70-29 (14068)
ଯାମ୍ଯମସ୍ତ୍ରଂ ତତଃ କ୍ରୁଦ୍ଧୋ ମୁମୁଚେ କାଲମୋହିତଃ।
ଯାମ୍ଯେନୈବାସ୍ତ୍ରଯୋଗେନ ଯାମ୍ଯମସ୍ତ୍ରଂ ବ୍ଯନାଶଯତ୍॥ 2-70-30 (14069)
ଗାନ୍ଧର୍ବେଣ ଚ ଗାନ୍ଧର୍ବଂ ମାନବଂ ମାନବେନ ଚ।
ବାଯବ୍ଯେନ ଚ ବାଯବ୍ଯଂ ରୌଦ୍ରଂ ରୌଦ୍ରେଣ ଚାଭିଭୂଃ॥ 2-70-31 (14070)
ଐନ୍ଦ୍ରମୈନ୍ଦ୍ରେଣ ଭଗବାନ୍ବୈଷ୍ଣବେନ ଚ ବୈଷ୍ଣବମ୍।
ଏବମସ୍ତ୍ରାଣି କୁର୍ବାଣୌ ଯୁଯୁଧାତେ ମହାବଲୌ॥ 2-70-32 (14071)
ତତୋ ମାଯାଂ ବିକୁର୍ବାଣୋ ଦମଗୋଷସୁତୋ ବଲୀ।
ଗଦାମୁସଲସଂଯୁକ୍ତାଞ୍ଛକ୍ତିତୋମରସାଯକାନ୍॥ 2-70-33 (14072)
ପରଶ୍ବଥମୁସଣ୍ଡୀଶ୍ଚ ବବର୍ଷ ଯୁଧି କେଶବମ୍।
ଅମୋଘାସ୍ତ୍ରେଣ ଭଗବାନ୍ନାଶଯାମାସ କେଶିହା॥ 2-70-34 (14073)
ଶିଲାବର୍ଷଂ ମହାଘୋରଂ ବବର୍ଷ ଯୁଧି ଚେଦିରାଟ୍।
ବଜ୍ରାସ୍ତ୍ରେଣାଭିସଙ୍କ୍ରୁଦ୍ଧଶ୍ଚୂର୍ଣଂ ତଦକରୋତ୍ପ୍ରଭୁଃ॥ 2-70-35 (14074)
ଜଲବର୍ଷଂ ତତୋ ଘୋରଂ ବ୍ଯସ଼ଜଚ୍ଚେଦିପୁଙ୍ଗବଃ।
ବାଯବ୍ଯାସ୍ତ୍ରେଣ ଭଗବାନ୍ବ୍ଯାକ୍ଷିପଚ୍ଛତଶୋ ହି ତତ୍॥ 2-70-36 (14075)
ନିହତ୍ଯ ସର୍ବମାଯାଂ ବୈ ସୁନୀତସ୍ଯ ଜନାର୍ଦନଃ।
ସ ମୁହୂର୍ତଂ ଚକାରାଶୁ ଦ୍ବନ୍ଦ୍ବଯୁଦ୍ଧଂ ମହାରଥଃ॥ 2-70-37 (14076)
ସ ବାଣଯୁଦ୍ଧଂ କୁର୍ବାଣୋ ଭର୍ତ୍ସଯାମାସ ଚେଦିରାଟ୍।
ଦମଘୋଷସୁତୋ ଧୃଷ୍ଟମୁବାଚ ଯଦୁପୁଙ୍ଗବମ୍॥ 2-70-38 (14077)
ଅଦ୍ଯ କୃଷ୍ଣମକୃଷ୍ଣଂ ତୁ କୁର୍ବନ୍ତୁ ମମ ସାଯକାଃ।
ଇତ୍ଯେବମୁକ୍ତ୍ବା ଦୁଷ୍ଟାତ୍ମା ଶରବର୍ଷଂ ଜନାର୍ଦନେ॥ 2-70-39 (14078)
ମୁମୋଚ ପୁରୁଷବ୍ଯାଘ୍ରୋ ଘୋରଂ ବୈ ଚେଦିପୁଙ୍ଗବଃ।
ଶରସଂଙ୍କୃତ୍ତଗାତ୍ରସ୍ତୁ କ୍ଷଣେନ ଯଦୁନନ୍ଦନଃ॥ 2-70-40 (14079)
ରୁଧିରଂ ପରିସୁସ୍ରାବ ମଦଂ ମତ୍ତ ଇବ ଦ୍ବିପଃ।
ନ ଯନ୍ତା ନ ରଥୋ ବାପି ନ ଚାଶ୍ବାଃ ପର୍ବତୋପମାଃ॥ 2-70-41 (14080)
ଦୃଶ୍ଯନ୍ତେ ଶରସଞ୍ଛନ୍ନାଃ କେଶବସ୍ଯ ମହାତ୍ମନଃ।
କେଶବଂ ତଦବସ୍ଥଂ ତୁ ଦୃଷ୍ଟ୍ବା ଭୂତାନି ଚକ୍ରୁଶୁଃ॥ 2-70-42 (14081)
ଦାରୁକସ୍ତୁ ତଦା ପ୍ରାହ କୃଷ୍ଣଂ ଯାଦବନନ୍ଦନମ୍।
ନେଦୃଶୋ ଦୃଷ୍ଟପୂର୍ବୋ ହି ସଙ୍ଗ୍ରାମୋ ବୈ ପୁରା ମଯା॥ 2-70-43 (14082)
ସ୍ଥାତବ୍ଯମିତି ତିଷ୍ଠାମି ତ୍ବତ୍ପ୍ରଭାବେଣ ମାଧବ।
ଅନ୍ଯଥା ନ ଚ ମେ ପ୍ରାଣା ଧରାଯେଯୁର୍ଜନାର୍ଦନ॥ 2-70-44 (14083)
ଅତଃ ସଞ୍ଚିନ୍ତ୍ଯ ଗୋବିନ୍ଦ କ୍ଷିପ୍ରମସ୍ଯ ବଧଂ କୁରୁ।
ଏବମୁକ୍ତସ୍ତୁ ସୂତେନ କେଶବୋ ବାକ୍ଯମବ୍ରବୀତ୍॥ 2-70-45 (14084)
ଏଷ ହ୍ଯତିବଲୋ ଦୈତ୍ଯୋ ହିରଣ୍ଯକଶିପୁଃ ପୁରା।
ରିପୁଃ ସୁରାଣାମଭବଦ୍ବରଦାନେନ ଗର୍ବିତଃ॥ 2-70-46 (14085)
ତଥାଽଽସୀଦ୍ରାବଣୋ ନାମ ରାକ୍ଷସୋ ହ୍ଯତିବୀର୍ଯବାନ୍।
ତେନୈବ ବଲବୀର୍ଯେଣ ବଲଂ ନାଗଣଯନ୍ମମ॥ 2-70-47 (14086)
ଅହଂ ମୃତ୍ଯୁଶ୍ଚ ଭବିତା କାଲେ କାଲେ ଦୁରାତ୍ମନଃ।
ନ ଭେତବ୍ଯଂ ତଥା ସୂତ ନୈଷ କଶ୍ଚିନ୍ମଯି ସ୍ଥିତେ॥ 2-70-48 (14087)
ଇତ୍ଯେବମୁକ୍ତ୍ବା ଭଗବାନ୍ନନର୍ଦ ଗରୁଡଧ୍ବଜଃ।
ପାଞ୍ଚଜନ୍ଯଂ ମହାଶଙ୍ଖଂ ପୂରଯାମାସ କେଶବଃ॥ 2-70-49 (14088)
ସଂମୋହଯିତ୍ବା ଭଗବାଂଶ୍ଚକ୍ରଂ ଦିବ୍ଯଂ ସମାଦଦେ।
ଚିଚ୍ଛେଦ ଚ ସୁନୀଥସ୍ଯ ଶିରଶ୍ଚକ୍ରେଣ ସଂଯୁଗେ'॥ 2-70-50 (14089)
ସ ପପାତ ମହାବାହୁର୍ବଜ୍ରାହତ ଇବାଚଲଃ।
ତତଶ୍ଚେଦିପତେର୍ଦେହାତ୍ତେଜୋଽଗ୍ର୍ଯଂ ଦଦୃଶୁର୍ନୃପାଃ॥ 2-70-51 (14090)
ଉତ୍ପତନ୍ତଂ ମହାରାଜ ଗଗନାଦିବ ଭାସ୍କରମ୍।
ତତଃ କମଲପତ୍ରାକ୍ଷଂ କୃଷ୍ଣଂ ଲୋକନମସ୍କୃତମ୍।
ବବନ୍ଦେ ତତ୍ତଦା ତେଜୋ ବିବେଶ ଚ ନରାଧିପ॥ 2-70-52 (14091)
ତଦଦ୍ଭୁତମମନ୍ଯନ୍ତ ଦୃଷ୍ଟ୍ବା ସର୍ବେ ମହୀକ୍ଷିତଃ।
ଯଦ୍ବିବେଶ ମହାବାହୁଂ ତତ୍ତେଜଃ ପୁରୁଷୋତ୍ତମମ୍॥ 2-70-53 (14092)
ଅନଭ୍ରେ ପ୍ରବବର୍ଷ ଦ୍ଯୌଃ ପପାତ ଜ୍ବଲିତାଶନିଃ।
କୃଷ୍ଣେନ ନିହତେ ଚୈଦ୍ଯେ ଚଚାଲ ନ ବସୁନ୍ଧରା॥ 2-70-54 (14093)
ତତଃ କେଚିନ୍ମହୀପାଲା ନାବ୍ରୁବଂସ୍ତତ୍ର କିଞ୍ଚନ।
ଅତୀତବାକ୍ପଥେ କାଲେ ପ୍ରେକ୍ଷମାଣା ଜନାର୍ଦନମ୍॥ 2-70-55 (14094)
ହସ୍ତୈର୍ହସ୍ତାଗ୍ରମପରେ ପ୍ରତ୍ଯପିଂଷନ୍ନମର୍ଷିତାଃ।
ଅପରେ ଦଶନୈରୋଷ୍ଠାନଦଶନ୍କ୍ରୋଧମୂର୍ଛିତାଃ॥ 2-70-56 (14095)
ରହଶ୍ଚ କେଚିଦ୍ବାର୍ଷ୍ଣେଯଂ ପ୍ରଶଶଂସୁର୍ନରାଧିପାଃ।
କେଚିଦେବ ସୁସଂରବ୍ଧା ମଧ୍ଯସ୍ଥାସ୍ତ୍ବପରେଽଭବନ୍॥ 2-70-57 (14096)
ପ୍ରହୃଷ୍ଟାଃ କେଶବଂ ଜଗ୍ମୁଃ ସଂସ୍ତୁବନ୍ତୋ ମହର୍ଷଯଃ।
ବ୍ରାହ୍ମଣାଶ୍ଚ ମହାତ୍ମାନଃ ପାର୍ଥିବାଶ୍ଚ ମହାବଲାଃ।
ଶଶଂସୁର୍ନିର୍ବୃତାଃ ସର୍ବେ ଦୃଷ୍ଟ୍ବା କୃଷ୍ଣସ୍ଯ ବିକ୍ରମମ୍॥ 2-70-58 (14097)
`ସଦେବଗନ୍ଧର୍ବଗଣା ରାଜାନୋ ଭୁବି ବିଶ୍ରୁତାଃ।
ପ୍ରଣାମଂ ହି ହୃଷୀକେଶେ ପ୍ରାକୁର୍ବତ ମହାତ୍ମନି॥ 2-70-59 (14098)
ଯେ ତ୍ବାସୁରଗଣାଃ ପକ୍ଷାଃ ସମ୍ଭୂତାଃ କ୍ଷତ୍ରିଯା ଇହ।
ତେ ନିନ୍ଦନ୍ତି ହୃଷୀକେଶଂ ଦୁରାତ୍ମାନୋ ଗତାଯୁଷଃ॥ 2-70-60 (14099)
ପ୍ରଜାପତିଗଣା ଯେ ତୁ ମଧ୍ଯସ୍ଥାଶ୍ଚ ମହାତ୍ମନି।
ବ୍ରହ୍ମର୍ଷଯଶ୍ଚ ସିଦ୍ଧାଶ୍ଚ ଗନ୍ଧର୍ବୋରଗଚାରଣାଃ॥ 2-70-61 (14100)
ତେ ବୈ ସ୍ତୁବନ୍ତି ଗୋବିନ୍ଦଂ ଦିବ୍ଯୈର୍ମଙ୍ଗଲସଂଯୁତୈଃ।
ପରସ୍ପରଂ ଚ ନୃତ୍ଯନ୍ତି ଗୀତେନ ବିବିଧେନ ଚ।
ଉପତିଷ୍ଠନ୍ତି ଗୋବିନ୍ଦଂ ପ୍ରୀତିଯୁକ୍ତା ମହାତ୍ମନି॥ 2-70-62 (14101)
ପ୍ରହୃଷ୍ଟାଃ କେଶବଂ ଜଗ୍ମୁଃ ସଂସ୍ତୁବନ୍ତୋ ମହର୍ଷଯଃ।
ବ୍ରାହ୍ମଣାଶ୍ଚାପି ସୁପ୍ରୀତାଃ ପାଣ୍ଡବାଶ୍ଚ ମହାବଲାଃ॥ 2-70-63 (14102)
ପାଣ୍ଡବସ୍ତ୍ବବ୍ରବୀଦ୍ଭାତୄନ୍ସତ୍କାରେଣ ମହୀପତିମ୍।
ଦମଘୋଷାତ୍ମଜଂ ଶୂରଂ ସଂସ୍କାରଯତ ମା ଚିରମ୍॥ 2-70-64 (14103)
କୁରୁରାଜବଚଃ ଶ୍ରୁତ୍ବା ଭ୍ରାତରସ୍ତେ ତ୍ବରାନ୍ବିତାଃ।
ତଥା ଚ କୃତବନ୍ତସ୍ତେ ଭ୍ରାତୁର୍ବୈ ଶାସନଂ ତଦା॥ 2-70-65 (14104)
ଚେଦୀନାମାଧିପତ୍ଯେ ଚ ପୁତ୍ରଂ ତସ୍ଯାଜ୍ଞଯା ହରେଃ।
ଅଭ୍ଯଷିଞ୍ଚତ ତଂ ପାର୍ଥଃ ସହିତୈର୍ବସୁଧାଧିପୈଃ॥ ॥ 2-70-66 (14105)
ଇତି ଶ୍ରୀମନ୍ମହାଭାରତେ ସଭାପର୍ବଣି ଶିଶୁପାଲବଧପର୍ବଣି ସପ୍ତତିତମୋଽଧ୍ଯାଯଃ॥ 70॥
ସଭାପର୍ବ - ଅଧ୍ଯାଯ 071
॥ ଶ୍ରୀଃ ॥
2.71. ଅଧ୍ଯାଯଃ 071
Mahabharata - Sabha Parva - Chapter Topics
ବିସ୍ତରେଣ ରାଜସୂଯବର୍ଣନମ୍॥ 1॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ତତଃ ପ୍ରବବୃତେ ଯଜ୍ଞୋ ଧର୍ମରାଜସ୍ଯ ଧୀମତଃ।
ଶାନ୍ତବିଘ୍ନାର୍ହଣକ୍ଷୋଭୋ ମହର୍ଷିଗଣସଙ୍କୁଲଃ॥ 2-71-1 (14106)
ତଂ ତୁ ଯଜ୍ଞଂ ମହାବାହୁରାସମାପ୍ତେର୍ଜନାର୍ଦନଃ।
ରରକ୍ଷ ଭଗବାଞ୍ଛୌରିଃ ଶାର୍ଙ୍ଗଚକ୍ରଗଦାଧରଃ॥ 2-71-2 (14107)
ତସ୍ମିନ୍ଯଜ୍ଞେ ପ୍ରବୃତ୍ତେ ତୁ ବାଗ୍ମିନୋ ହେତୁବାଦିନଃ।
ହେତୁବାଦାନ୍ବହୂନ୍ପ୍ରାହୁଃ ପରପକ୍ଷଜିଗୀଷବଃ॥ 2-71-3 (14108)
ଦଦୃଶୁସ୍ତେ ନୃପତଯୋ ଯଜ୍ଞସ୍ଯ ବିଧିମୁତ୍ତମମ୍।
ଉପେନ୍ଦ୍ରସ୍ଯେବ ବିହିତଂ ସହଦେବେନ ଭାରତ॥ 2-71-4 (14109)
ତଦ୍ଯଜ୍ଞେ ନ୍ଯବସନ୍ରାଜନ୍ବ୍ରାହ୍ମଣା ଭୃଶମୁତ୍ସୁକାଃ।
କଥଯନ୍ତଃ କଥାଃ ପୁଣ୍ଯାଃ ପଶ୍ଯନ୍ତୋ ନଟନର୍ତକାନ୍॥ 2-71-5 (14110)
ଦଦୃଶୁସ୍ତୋରଣାନ୍ଯତ୍ର ହେମତାଲମଯାନି ଚ।
ଦୀପ୍ତଭାସ୍କରତୁଲ୍ଯାନି ପ୍ରଦୀପ୍ତାନୀବ ତେଜସା॥ 2-71-6 (14111)
ସ ଯଜ୍ଞସ୍ତୋରଣୈସ୍ତତ୍ର ଗ୍ରହୈର୍ଦ୍ଯୋରିବ ସମ୍ବଭୌ।
ଶଯ୍ଯାସନବିହାରାଂଶ୍ଚ ସୁବହୂନ୍ରତ୍ନସଂବୃତାନ୍॥ 2-71-7 (14112)
ଘଟାନ୍ପାତ୍ରୀକଟାହାନି କଲଶାନି ସମନ୍ତତଃ।
ନ ତେ କିଞ୍ଚିଦସୌବର୍ଣମପଶ୍ଯଂସ୍ତତ୍ର ପାର୍ଥିବାଃ॥ 2-71-8 (14113)
ଭୁଞ୍ଜାନାନାଂ ଚ ବିପ୍ରାଣାଂ ସ୍ବାଦୁଭୋଜ୍ଯୈଃ ପୃଥଗ୍ବିଧୈଃ।
ଅନିଶଂ ଶ୍ରୂଯତେ ତତ୍ର ମୁଦିତାନାଂ ମହାତ୍ମନାମ୍॥ 2-71-9 (14114)
ଦୀଯତାଂ ଦୀଯତାମେଷାଂ ଭୁଜ୍ଯତାଂ ଭୁଜ୍ଯତାମିତି।
ଏବମ୍ପ୍ରକାରାଃ ସଞ୍ଜଲ୍ପାଃ ଶ୍ରୂଯନ୍ତେ ତତ୍ର ନିତ୍ଯଶଃ॥ 2-71-10 (14115)
ଓଦନାନାଂ ବିକାରାଣି ସ୍ବାଦୂନି ଚ ବହୂନି ଚ।
ବିବିଧଆନି ଚ ଭକ୍ଷ୍ଯାଣି ପେଯାନି ମଧୁରାଣି ଚ॥ 2-71-11 (14116)
ଦଦୁର୍ଦ୍ବିଜାନାଂ ସତତଂ ରାଜପ୍ରେଷ୍ଯା ମହାଧ୍ବରେ।
ପୂର୍ଣେ ଶତସହସ୍ରେ ତୁ ବିପ୍ରାଣାଂ ଭୁଞ୍ଜତାଂ ତଦା॥ 2-71-12 (14117)
ସ୍ଥାପିତସ୍ତତ୍ର ସଞ୍ଜ୍ଞାର୍ଥଂ ଶଙ୍ଖୋଽଧ୍ମାଯତ ନିତ୍ଯଶଃ।
ମୁହୁର୍ମୁହୁଃ ପ୍ରଣାଦସ୍ତୁ ତସ୍ଯ ଶଙ୍ଖସ୍ଯ ଭାରତ॥ 2-71-13 (14118)
ଉତ୍ତମଃ ଶ୍ରୂଯତେ ଶବ୍ଦଃ ଶ୍ରୁତ୍ବା ବିସ୍ମଯମାଗମନ୍।
ଏବଂ ପ୍ରବୃତ୍ତେ ଯଜ୍ଞେ ତୁ ତୁଷ୍ଟପୁଷ୍ଟଜନାଯୁତେ॥ 2-71-14 (14119)
ଅନ୍ନସ୍ଯ ବହୁଶୋ ରାଜନ୍ନୁତ୍ସେଧାଃ ପର୍ବତୋପମାଃ।
ଦଧିକୁଲ୍ଯାଶ୍ଚ ଦଦୃଶୁଃ ସର୍ପିଷଶ୍ଚ ହ୍ରଦାଞ୍ଜନାଃ॥ 2-71-15 (14120)
ଜମ୍ବୂଦ୍ବୀପୋ ହି ସକଲୋ ନାନାଜନପଦାଯୁତଃ।
ରାଜନ୍ନଦୃଶ୍ଯତୈକସ୍ଥୋ ରାଜ୍ଞସ୍ତସ୍ମିନ୍ମହାକ୍ରତୌ॥ 2-71-16 (14121)
ତତ୍ର ରାଜସହସ୍ରାଣି ପୁରୁଷାଣାଂ ତତସ୍ତତଃ।
ଗୃହୀତ୍ବା ଧନମାଜଗ୍ମୁସ୍ତସ୍ଯ ରାଜ୍ଞୋ ମହାକ୍ରତୌ॥ 2-71-17 (14122)
ରାଜାନଃ ସ୍ରଗ୍ବିଣଶ୍ଚୈବ ସଂମୃଷ୍ଟମଣିକୁଣ୍ଡଲାଃ।
ତାନ୍ପରୀବିବିଷୁର୍ବିପ୍ରାଞ୍ଛତଶୋଽଥ ସହସ୍ରଶଃ॥ 2-71-18 (14123)
ବିବିଧାନ୍ଯନ୍ନପାନାନି ଲେହ୍ଯାନି ବିବିଧାନି ଚ।
ତେଷାଂ ନୃପୋପଭୋଗ୍ଯାନି ବ୍ରାହ୍ମଣେଭ୍ଯୋ ଦଦୁଃ ସ୍ମ ତେ॥ 2-71-19 (14124)
ନାନାବିଧାନି ଭକ୍ଷ୍ଯାଣି ସ୍ବାଦୁପୁଷ୍ପଫଲାନି ଚ।
ଗୁଲାନି ସ୍ବାଦୁକ୍ଷୌଦ୍ରାଣି ଦଦୁସ୍ତେ ବ୍ରାହ୍ମଣେଷୁ ବୈ॥ 2-71-20 (14125)
ଏତାନି ସତତଂ ଭୁକ୍ତ୍ବା ତସ୍ମିନ୍ଯଜ୍ଞେ ଦ୍ବିଜାତଯଃ।
ପରାଂ ପ୍ରୀତିଂ ଯଯୁଃ ସର୍ବେ ମୋଦମାନାସ୍ତତସ୍ତତଃ॥ 2-71-21 (14126)
ଏବଂ ପ୍ରମୁଦିତଂ ସର୍ବଂ ବହୁଶୋ ଧନଧାନ୍ଯବତ୍।
ଯଜ୍ଞବାଟଂ ନୃପା ଦୃଷ୍ଟ୍ବା ବିସ୍ମଯଂ ପରମଂ ଯଯୁଃ॥ 2-71-22 (14127)
ଯଥାବଦ୍ଧୂଯମାନାଗ୍ନିଂ ରାଜସୂଯଂ ମହାକ୍ରତୁମ୍।
ପାଣ୍ଡବସ୍ଯ ଯଥାଶାସ୍ତ୍ରଂ ଜୁହୁବୁଃ ସର୍ବଯାଜକାଃ॥ 2-71-23 (14128)
ବ୍ଯାସଧୌମ୍ଯାଦଯଃ ସର୍ବେ ବିଧିବତ୍ଷୋଡଶର୍ତ୍ବିଜଃ।
ସ୍ବସ୍ବକର୍ମାଣି ଚକ୍ରୁସ୍ତେ ପାଣ୍ଡବସ୍ଯ ମହାକ୍ରତୌ॥ 2-71-24 (14129)
ନାଷଡଙ୍ଗବିଦତ୍ରାସୀତ୍ସଦସ୍ଯୋ ନାବହୁଶ୍ରୁତଃ।
ନାବ୍ରତୋ ନାନୁପାଧ୍ଯାଯୋ ନ ପାପୋ ନାକ୍ଷମୋ ଦ୍ବିଜଃ॥ 2-71-25 (14130)
ନ ତତ୍ର କୃପଣଃ କଶ୍ଚିଦ୍ଦରିଦ୍ରୋ ନ ବଭୂବ ହ।
କ୍ଷୁଧିତୋ ଦୁଃଖିତୋ ବାପି ପ୍ରାକୃତୋ ବାପି ମାନୁଷଃ॥ 2-71-26 (14131)
ଭୋଜନଂ ଭୋଜନାର୍ଥିଭ୍ଯୋ ଦାପଯାମାସ ସର୍ବଦା।
ସହଦେବୋ ମହାତେଜାଃ ସତତଂ ରାଜଶାସନାତ୍॥ 2-71-27 (14132)
ସଂସ୍ତରେ କୁଶଲାଶ୍ଚାପି ସର୍ବକର୍ମାଣି ଯାଜକାଃ।
ଦିବସ ଦିବସେ ଚକ୍ରୁର୍ଯଥାଶାସ୍ତ୍ରାର୍ଥଚକ୍ଷୁଷଃ॥ 2-71-28 (14133)
ବ୍ରାହ୍ମଣା ଦେବଶାସ୍ତ୍ରଜ୍ଞଃ କଥାଶ୍ଚକ୍ରୁଶ୍ଚ ସର୍ବତଃ।
ରେମିରେ ଚ କଥାନ୍ତେ ତୁ ସର୍ବେ ତସ୍ମିନ୍ମହାକ୍ରତୌ॥ 2-71-29 (14134)
ସା ବେଦିର୍ବେଦସମ୍ପନ୍ନୈର୍ଦେବଦ୍ବିଜମହର୍ଷିଭିଃ।
ଆବଭାସେ ତଦା କୀର୍ଣା ନକ୍ଷତ୍ରୈର୍ଦ୍ଯୌରିବାମଲା॥ 2-71-30 (14135)
ପାଣ୍ଡିତ୍ଯଦର୍ଶନାର୍ଥାଯ କେଚନ ଦ୍ବିଜସତ୍ତମାଃ।
ତର୍କାର୍ଥମାଗତାଃ କେଚିତ୍କେଚିଦ୍ବିଦ୍ଯାଭିମାନିନଃ॥ 2-71-31 (14136)
କେଚିଦ୍ଦିଦୃକ୍ଷଯା କେଚିଦ୍ଭୀତ୍ଯା ରାଜ୍ଞଃ ପ୍ରତାପିନଃ।
ସର୍ବେଽପ୍ଯବଭୃଥସ୍ନାତା ଯାଜକାଃ କେଚନ ଦ୍ବିଜାଃ॥ 2-71-32 (14137)
ତତୋ ବୈ ହେମଯୂପାଂଶ୍ଚ ସର୍ବରତ୍ନସମାଚିତାନ୍।
ଶୋଭାର୍ଥଂ କାରଯାମାସ ସହଦେବୋ ମହାଦ୍ଯୁତିଃ॥ 2-71-33 (14138)
ଦଦୃଶୁସ୍ତୋରଣାନ୍ଯତ୍ର ହେମତାଲମଯାନି ଚ।
ସ ଯଜ୍ଞସ୍ତୋରଣୈସ୍ତୈଶ୍ଚ ଗ୍ରହୈର୍ଦ୍ଯୋରିବ ସମ୍ବଭୌ॥ 2-71-34 (14139)
ତାଲାନାଂ ତୋରଣୈର୍ହୈମୈର୍ଦାନ୍ତୈରିବ ଦିଶାଗଜୈଃ।
ଦିକ୍ଷୁ ସର୍ବାସୁ ବିନ୍ଯସ୍ତୈସ୍ତେଜୋଭିର୍ଭାସ୍କରୈର୍ଯଥା॥ 2-71-35 (14140)
ସକିରୀଟୈର୍ନୃପୈଶ୍ଚୈବ ଶୁଶୁଭେ ତତ୍ସଦସ୍ତଦା।
ଦେବୈର୍ଦିବ୍ଯୈଶ୍ଚ ଯକ୍ଷୈଶ୍ଚ ଉରଗୈର୍ଦିବ୍ଯମାନୁଷୈଃ॥ 2-71-36 (14141)
ବିଦ୍ଯାଧରଗଣୈଃ କୀର୍ଣଃ ପାଣ୍ଡବସ୍ଯ ମହାତ୍ମନଃ।
ସ ରାଜସୂଯଃ ଶୁଶୁଭେ ଧର୍ମରାଜସ୍ଯ ଧୀମତଃ॥ 2-71-37 (14142)
ଗନ୍ଧର୍ବଗଣସଙ୍କୀର୍ଣଃ ଶୋଭିତୋଽପ୍ସରସାଂ ଗଣୈଃ।
ଦେବୈର୍ମୁନିଗଣୈର୍ଯକ୍ଷୈର୍ଦେବଲୋକ ଇବାପରଃ॥ 2-71-38 (14143)
ସ କିମ୍ପୁରୁଷଗୀତୈଶ୍ଚ କିନ୍ନରୈରୁପଶୋଭିତଃ।
ନାରଦଶ୍ଚ ଜଗୌ ତତ୍ର ତୁମ୍ବୁରୁଶ୍ଚ ମହାଦ୍ଯୁତିଃ॥ 2-71-39 (14144)
ବିଶ୍ବାସୁଶ୍ଚିତ୍ରସେନସ୍ତଥାଽନ୍ଯେ ଗୀତକୋବିଦାଃ।
ରମଯନ୍ତି ସ୍ମ ତାନ୍ସର୍ବାନ୍ଯଜ୍ଞକର୍ମାନ୍ତରେଷ୍ବଥ॥ 2-71-40 (14145)
ତତ୍ର ଚାପ୍ସରସଃ ସର୍ବାଃ ସୁନ୍ଦର୍ଯଃ ପ୍ରିଯଦର୍ଶନାଃ।
ନନୃତୁଶ୍ଚ ଜଗୁଶ୍ଚାତ୍ର ନିତ୍ଯଂ କର୍ମାନ୍ତରେଷ୍ବଥ॥ 2-71-41 (14146)
ଇତିହାସପୁରାଣାନି ଆଖ୍ଯାନାନି ଚ ସର୍ବଶଃ।
ଊଚୁର୍ବୈ ଶବ୍ଦଶାସ୍ତ୍ରଜ୍ଞା ନିତ୍ଯଂ କର୍ମାନ୍ତରେଷ୍ବଥ॥ 2-71-42 (14147)
ଭେର୍ଯଶ୍ଚ ମୁରଜାଶ୍ଚୈବ ମଡ୍ଡୁକା ଗୋମୁଖାଶ୍ଚ ଯେ।
ଶୃଙ୍ଗବଂଶାମ୍ବୁଜା ବୀଣାଃ ଶ୍ରୂଯନ୍ତେ ସ୍ମ ସହସ୍ରଶଃ॥ 2-71-43 (14148)
ଲୋକେଽସ୍ମିନ୍ସର୍ବବିପ୍ରାଶ୍ଚ ବୈଶ୍ଯାଃ ଶୂଦ୍ରା ନୃପାଦଯଃ।
ସର୍ବେ ମ୍ଲେଚ୍ଛାଃ ସର୍ବଗଣାସ୍ତ୍ବାଦିମଧ୍ଯାନ୍ତଜାସ୍ତଥା। 2-71-44 (14149)
ନାନାଦେଶସମୁଦ୍ଭୂତୈର୍ନାନାଜାତିଭିରାଗତୈଃ।
ପର୍ଯାପ୍ତ ଇବ ଲୋକୋଽଯଂ ଯୁଧିଷ୍ଠିରନିବେଶନେ॥ 2-71-45 (14150)
ଭୀଷ୍ମଦ୍ରୋଣାଦଯଃ ସର୍ବେ କୁରବଃ ସସୁଯୋଧନାଃ।
ବୃଷ୍ଣଯଶ୍ଚ ସମଗ୍ରାଶ୍ଚ ପାଞ୍ଚାଲାଶ୍ଚାପି ସର୍ବଶଃ॥ 2-71-46 (14151)
ଯଜ୍ଞେଽସ୍ମିନ୍ସର୍ବକର୍ମାଣି ଚକ୍ରୁର୍ଦାସା ଇବ କ୍ରତୌ।
ଏବଂ ପ୍ରବୃତ୍ତୋ ଯଜ୍ଞଃ ସ ଧର୍ମରାଜସ୍ଯ ଧୀମତଃ॥ 2-71-47 (14152)
ଶୁଶୁଭେ ଚ ମହାବାହୋ ସୋମସ୍ଯେବ କ୍ରତୁର୍ଯଥା।
ବସ୍ତ୍ରାଣି କମ୍ବଲାଂଶ୍ଚୈବ ପ୍ରାବାରାଂଶ୍ଚୈବ ସର୍ବଦା॥ 2-71-48 (14153)
ନିଷ୍କହେମଜଭାଣ୍ଡାନି ଭୂଷଣାନି ଚ ସର୍ବଶଃ।
ପ୍ରଦଦୌ ତତ୍ର ବିପ୍ରାଣାଂ ଧର୍ମରାଜୋ ଯୁଧିଷ୍ଠିରଃ॥ 2-71-49 (14154)
ଯାନି ତତ୍ର ମହୀପାଲୈର୍ଲବ୍ଧବାନ୍ଭରତର୍ଷଭଃ।
ତାନି ସର୍ବାଣି ରତ୍ନାନି ବ୍ରାହ୍ମଣାନାଂ ଦଦୌ ତଦା'॥ ॥ 2-71-50 (14155)
ଇତି ଶ୍ରୀମନ୍ମହାଭାରତେ ସଭାପର୍ବଣି ଶିଶୁପାଲବଧପର୍ବଣି ଏକସପ୍ତତିତମୋଽଧ୍ଯାଯଃ॥71 ॥
ସଭାପର୍ବ - ଅଧ୍ଯାଯ 072
॥ ଶ୍ରୀଃ ॥
2.72. ଅଧ୍ଯାଯଃ 072
Mahabharata - Sabha Parva - Chapter Topics
ଯୁଧିଷ୍ଠିରେଣ ବ୍ଯାସାଦୀନାଂ ପୂଜନମ୍॥ 1॥ ରାଜ୍ଞାଂ ଯୁଧିଷ୍ଠିରମାମନ୍ତ୍ର୍ଯ ସ୍ବସ୍ବଦେଶଗମନମ୍॥ 2॥ ଶ୍ରୀକୃଷ୍ଣସ୍ଯ ଯୁଧିଷ୍ଠିରାଦୀନାମନ୍ତ୍ର୍ଯ ଦ୍ବାରକାଂ ପ୍ରତି ଗମନମ୍॥ 3॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ତତଃ ସ କୁରୁରାଜସ୍ଯ ସର୍ବକର୍ମସମୃଦ୍ଧିମାନ୍।
ଯଜ୍ଞଃ ପ୍ରୀତିକରୋ ରାଜନ୍ସଂବଭୌ ବିପୁଲୋତ୍ସବଃ॥ 2-72-1 (14156)
ଶାନ୍ତବିଘ୍ନଃ ସୁଖାରମ୍ଭଃ ପ୍ରଭୂତଧନଧାନ୍ଯବାନ୍।
ଅନ୍ନବାନ୍ବହୁଭକ୍ଷ୍ଯଶ୍ଚ କେଶବେନ ସୁରକ୍ଷିତଃ॥ 2-72-2 (14157)
ସମାପଯାମାସ ଚ ତଂ ରାଜସୂଯଂ ମହାକ୍ରତୁମ୍।
`କୋଟିସହସ୍ରଂ ପ୍ରଦଦୌ ବ୍ରାହ୍ମଣାନାଂ ମହାତ୍ମନାମ୍॥ 2-72-3 (14158)
ନ କରିଷ୍ଯତି ତଂ ଲୋକେ କଶ୍ଚିଦନ୍ଯୋ ମହୀପତିଃ।
ଯାଜକାଃ ସର୍ବକାମୈଶ୍ଚ ସତତଂ ତତୃପୁର୍ଧନୈଃ॥ 2-72-4 (14159)
ତତଶ୍ଚାବଭୃଥସ୍ନାତଃ ସ ରାଜା ପାଣ୍ଡୁନନ୍ଦନଃ।
ବ୍ଯାସଂ ଧୌମ୍ଯଂ ବସିଷ୍ଠଂ ଚ ନାରଦଂ ଚ ମହାମୁନିମ୍॥ 2-72-5 (14160)
ସୁମନ୍ତୁ ଜୈମିନିଂ ପୈଲଂ ବୈଶମ୍ପାଯନମେବ ଚ।
ଯାଜ୍ଞବଲ୍କ୍ଯଂ ଚ କପିଲଂ କପାଲଂ କୌଶିକଂ ତଥା।
ସର୍ବାଂଶ୍ଚ ଋତ୍ବିକ୍ପ୍ରବରାନ୍ପୂଜଯାମାସ ସତ୍କୃତାନ୍॥ 2-72-6 (14161)
ଯୁଧିଷ୍ଠିର ଉବାଚ॥ 2-72-7x (1506)
ଯୁଷ୍ମତ୍ପ୍ରସାଦାତ୍ପ୍ରାପ୍ତୋଽଯଂ ରାଜସୂଯୋ ମହାକ୍ରତୁଃ।
ଜନାର୍ଦନପ୍ରସାଦାଦ୍ଧି ସମ୍ପୂର୍ଣୋ ମେ ମନୋରଥଃ॥ 2-72-7 (14162)
ବୈଶମ୍ପାଯନ ଉବାଚ॥ 2-72-8x (1507)
ଅଥ ଯଜ୍ଞଂ ସମାପ୍ଯାନ୍ତେ ପୂଜଯାମାସ ମାଧବମ୍।
ବଲଦେବ ଚ ଦେବେଶଂ ଭୀଷ୍ମାଦ୍ଯାଂଶ୍ଚ କୁରୂଦ୍ବହାନ୍'॥ 2-72-8 (14163)
ତତସ୍ତ୍ବବଭୃଥସ୍ନାତଂ ଧର୍ମାତ୍ମାନଂ ଯୁଧିଷ୍ଠିରମ୍।
ସମସ୍ତଂ ପାର୍ଥିବଂ କ୍ଷତ୍ରମୁପଗମ୍ଯେଦମବ୍ରବୀତ୍॥ 2-72-9 (14164)
ଦିଷ୍ଟ୍ଯା ବର୍ଧସି ଧର୍ମଜ୍ଞ ସାମ୍ରାଜ୍ଯଂ ପ୍ରାପ୍ତବାନସି।
ଆଜମୀଢାଜମୀଢାନାଂ ଯଶଃ ସଂବର୍ଧିତଂ ତ୍ବଯା॥ 2-72-10 (14165)
କର୍ମଣୈତେନ ରାଜେନ୍ଦ୍ର ଧର୍ମଶ୍ଚ ସୁମହାନ୍କୃତଃ।
ଆପୃଚ୍ଛାମୋ ନରବ୍ଯାଘ୍ର ସର୍ବକାମୈଃ ସୂପୂଜିତାଃ॥ 2-72-11 (14166)
ସ୍ବରାଷ୍ଟ୍ରାଣି ଗମିଷ୍ଯାମସ୍ତଦନୁଜ୍ଞାତୁମର୍ହସି।
ଶ୍ରୁତ୍ବା ତୁ ବଚନଂ ରାଜ୍ଞାଂ ଧର୍ମରାଜୋ ଯୁଧିଷ୍ଠିରଃ॥ 2-72-12 (14167)
ଯଥାର୍ହଂ ପୂଜ୍ଯ ନୃପତୀନ୍ଭ୍ରାତୄନ୍ସର୍ବାନୁବାଚ ହ।
ରାଜାନଃ ସର୍ବ ଏବୈତେ ପ୍ରୀତ୍ଯାଽସ୍ମାନ୍ପ୍ତମୁପାଗତାଃ॥ 2-72-13 (14168)
ପ୍ରସ୍ଥିତାଃ ସ୍ବାନି ରାଷ୍ଟ୍ରାଣି ମାମାପୃଚ୍ଛଯ ପରନ୍ତପାଃ।
ଅନୁବ୍ରଜତ ଭଦ୍ରଂ ବୋ ବିଷଯାନ୍ତଂ ନୃପୋତ୍ତମାନ୍॥ 2-72-14 (14169)
ଭ୍ରାତୁର୍ବଚନମାଜ୍ଞାଯ ପାଣ୍ଡବା ଧର୍ମଚାରିଣଃ।
ଯଥାର୍ହଂ ନୃପତୀନ୍ସର୍ବାନେକୈକଂ ସମନୁବ୍ରଜନ୍॥ 2-72-15 (14170)
ବିରାଯଟମନ୍ବାଯାତ୍ତୂର୍ଣଂ ଧୃଷ୍ଟହ୍ଯୁମ୍ନଃ ପ୍ରତାପବାନ୍।
ଧନଞ୍ଜଯୋ ଯଜ୍ଞସେନଂ ମହାତ୍ମାନଂ ମହାରଥମ୍॥ 2-72-16 (14171)
ଭୀଷ୍ମଂ ଚ ଧୃତରାଷ୍ଟ୍ରଂ ଚ ଭୀମସେନୋ ମହାବଲଃ।
ଦ୍ରୋଣଂ ତୁ ସସୁତଂ ବୀରଂ ସହଦେବୋ ଯୁଧାଂ ପତିଃ॥ 2-72-17 (14172)
ନକୁଲଃ ସୁବଲଂ ରାଜନ୍ସହପୁତ୍ରଂ ସମନ୍ବଯାତ୍।
ଦ୍ରୌପଦେଯାଃ ସସୌଭଦ୍ରାଃ ପାର୍ବତୀଯାନ୍ମହାରଥାନ୍॥ 2-72-18 (14173)
ଅନ୍ବଗଚ୍ଛଂସ୍ତଥୈବାନ୍ଯାନ୍କ୍ଷତ୍ରିଯାନ୍କ୍ଷତ୍ରିଯର୍ଷଭାଃ।
ଏବଂ ସୁପୂଜିତାଃ ସର୍ବେ ଜଗ୍ମୁର୍ବିପ୍ରାଃ ସହସ୍ରଶଃ॥ 2-72-19 (14174)
ଗତେଷୁ ପାର୍ଥିବେନ୍ଦ୍ରେଷୁ ସର୍ବେଷୁ ବ୍ରାହ୍ମଣେଷୁ ଚ।
ଯୁଧିଷ୍ଠିରମୁବାଚେଦଂ ବାସୁଦେବଃ ପ୍ରତାପବାନ୍॥ 2-72-20 (14175)
ଆପୃଚ୍ଛେ ତ୍ବାଂ ଗମିଷ୍ଯାମି ଦ୍ବାରକାଂ କୁରୁନନ୍ଦନ।
ରାଜସୂଯଂ କ୍ରତୁଶ୍ରେଷ୍ଠଂ ଦିଷ୍ଟ୍ଯା ତ୍ବଂ ପ୍ରାପ୍ତବାନସି॥ 2-72-21 (14176)
ତମୁବାଚୈବମୁକ୍ତସ୍ତୁ ଧର୍ମରାଜୋ ଜନାର୍ଦନମ୍।
ତବ ପ୍ରସାଦାଦ୍ଗୋବିନ୍ଦ ପ୍ରାପ୍ତଃ କ୍ରତୁବରୋ ମଯା॥ 2-72-22 (14177)
କ୍ଷତ୍ରଂ ସମଗ୍ରମପି ଚ ତ୍ବତ୍ପ୍ରସାଦାଦ୍ବଶେ ସ୍ଥିତମ୍।
ଉପାଦାଯ ବଲିଂ ମୁଖ୍ଯଂ ମାମେବ ସମୁପସ୍ଥିତମ୍॥ 2-72-23 (14178)
କଥଂ ତ୍ବଦ୍ଗମନାର୍ଥଂ ମେ ବାଣୀ ବିତରତେଽନଘ॥ 2-72-24 (14179)
ନ ହ୍ଯହଂ ତ୍ବାମୃତେ ବୀରଂ ରତିଂ ପ୍ରାପ୍ନୋମି କର୍ହଚିତ୍।
ଅବଶ୍ଯଂ ଚୈବ ଗନ୍ତବ୍ଯା ଭବତା ଦ୍ବାରକା ପୁରୀ॥ 2-72-25 (14180)
ବୈଶମ୍ପାଯନ ଉବାଚ॥ 2-72-26x (1508)
ଏବମୁକ୍ତଃ ସ ଧର୍ମାତ୍ମା ଯୁଧିଷ୍ଠିରସହାଯବାନ୍।
ଅଭିଗମ୍ଯାବ୍ରବୀତ୍ପ୍ରୀତଃ ପୃଥାଂ ପୃଥୁଯଶା ହରିଃ॥ 2-72-26 (14181)
ସାମ୍ରାଜ୍ଯଂ ସମନୁପ୍ରାପ୍ତାଃ ପୁତ୍ରାସ୍ତେଽଦ୍ଯ ପିତୃଷ୍ବସଃ।
ସିଦ୍ଧାର୍ଥା ବସୁମନ୍ତଶ୍ଚ ସା ତ୍ବଂ ପ୍ରୀତିମବାପ୍ନୁହି॥ 2-72-27 (14182)
ଅନୁଜ୍ଞାତସ୍ତ୍ବଯା ଚାହଂ ଦ୍ବାରକାଂ ଗନ୍ତୁମୁତ୍ସହେ।
ସୁଭଦ୍ରାଂ ଦ୍ରୌପଦୀଂ ଚୈବ ସଭାଜଯତ କେଶବଃ॥ 2-72-28 (14183)
ନିଷ୍କ୍ରମ୍ଯାନ୍ତଃ ପୁରାତ୍ତସ୍ମାଦ୍ଯୁଧିଷ୍ଠିରସହାଯବାନ୍।
ସ୍ନାତଶ୍ଚ କୃତଜପ୍ଯଶ୍ଚ ବ୍ରାହ୍ମଣାନ୍ସ୍ବସ୍ତି ବାଚ୍ଯ ଚ॥ 2-72-29 (14184)
ତତୋ ମେଘବପୁଃ ପ୍ରଗ୍ବ୍ଯଂ ସ୍ଯନ୍ଦନଂ ଚ ସୁକଲ୍ପିତମ୍।
ଯୋଜଯିତ୍ବା ମହାବାହୁର୍ଦାରୁକଃ ସମୁପସ୍ଥିତଃ॥ 2-72-30 (14185)
ଉପସ୍ଥିତଂ ରଥଂ ଦୃଷ୍ଟ୍ବା ତାର୍କ୍ଷ୍ଯପ୍ରବରକେତନମ୍।
ପ୍ରଦକ୍ଷିଣମୁପାବୃତ୍ଯ ସମାରୁହ୍ଯ ମହାମନାଃ॥ 2-72-31 (14186)
ପ୍ରଯଯୌ ପୁଣ୍ଡରୀକାକ୍ଷସ୍ତତୋ ଦ୍ବାରବତୀଂ ପୁରୀମ୍॥ 2-72-32 (14187)
ତଂ ପଦ୍ଭ୍ଯାମନୁବବ୍ରାଜ ଧର୍ମରାଜୋ ଯୁଧିଷ୍ଠିରଃ।
ଭ୍ରାତୃଭିଃ ସହିତଃ ଶ୍ରୀମାନ୍ବାସୁଦେବଂ ମହାବଲମ୍॥ 2-72-33 (14188)
ତତୋ ମୁହୂର୍ତଂ ସଙ୍ଗୃହ୍ଯ ସ୍ଯନ୍ଦନପ୍ରବରଂ ହରିଃ।
ଅବ୍ରବୀତ୍ପୁଣ୍ଡରୀକାକ୍ଷଃ କୁନ୍ତୀପୁତ୍ରଂ ଯୁଧିଷ୍ଠିରମ୍॥ 2-72-34 (14189)
ଅପ୍ରମତ୍ତଃ ସ୍ଥିତୋ ନିତ୍ଯଂ ପ୍ରଜାଃ ପାହି ବିଶାମ୍ପତେ।
ପର୍ଜନ୍ଯମିବ ଭୂତାନି ମହାଦ୍ରୁମମିବ ଦ୍ବିଜାଃ॥ 2-72-35 (14190)
ବାନ୍ଧବାସ୍ତ୍ବୋପଜୀବନ୍ତୁ ସହସ୍ରାକ୍ଷମିବାମରାଃ।
କୃତ୍ବା ପରସ୍ପରେଣୈବ ସଂବାଦଂ କୃଷ୍ଣପାଣ୍ଡବୌ॥ 2-72-36 (14191)
ଅନ୍ଯୋନ୍ଯଂ ସମନୁଜ୍ଞାପ୍ଯ ଜଗ୍ମତୁଃ ସ୍ବଗୃହାନ୍ପ୍ରତି।
ଗତେ ଦ୍ବାରବତୀଂ କୃଷ୍ଣେ ସାତ୍ବତପ୍ରବରେ ନୃପ॥ 2-72-37 (14192)
ମହାଦୁର୍ଯୋଧନୋ ରାଜା ଶକୁନିଶ୍ଚାପି ସୌବଲଃ।
`ସୂତପୁତ୍ରଶ୍ଚ ଗଧେଯଃ ସହ ଦୁଃଶାସନାଦିଭିଃ॥ 2-72-38 (14193)
ସର୍ବକାମଗୁଣୋପେତୈରର୍ଚ୍ଯମାନାସ୍ତୁ ଭାରତ'।
ତସ୍ଯାଂ ସଭାଯାଂ ଦିବ୍ଯାଯାମବସଂସ୍ତତ୍ର ପାଣ୍ଡବୈଃ॥ ॥ 2-72-39 (14194)
ଇତି ଶ୍ରୀମନ୍ମହାଭାରତେ ସଭାପର୍ବଣି ଶିଶୁପାଲବଧପର୍ବଣି ଦ୍ବିସପ୍ତତିତମୋଽଧ୍ଯାଯଃ॥72 ॥
Mahabharata - Sabha Parva - Chapter Footnotes
2-72-28 ସଭାଜଯତ ପ୍ରୀଣିତବାନ୍॥ସଭାପର୍ବ - ଅଧ୍ଯାଯ 073
॥ ଶ୍ରୀଃ ॥
2.73. ଅଧ୍ଯାଯଃ 073
Mahabharata - Sabha Parva - Chapter Topics
ବ୍ଯାସମ୍ପ୍ରତି ଯୁଧିଷ୍ଠିରେଣ ଉତ୍ପାତଫଲପ୍ରଶ୍ନେ ବ୍ଯାସେନ ତତ୍କଥନପୂର୍ବକଂ କୈଲାସଗମନମ ୍॥ 1॥ ବ୍ଯାସୋକ୍ତଂ ଭ୍ରାତୃଷୁ ନିବେଦ୍ଯ ଶୋଚତୋ ଯୁଧିଷ୍ଠିରସ୍ଯ ଅର୍ଜୁନେନ ସମାଶ୍ବାସନମ୍॥ 2। । ଯିଧିଷ୍ଠିରେଣ ସମଯକରଣମ୍॥ 3॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
`ଅନୁସଂସାର୍ଯ ନୃପତୀନ୍ପାଣ୍ଡବାଃ ପାଣ୍ଡବାଗ୍ରଜମ୍।
ଅଭିଜଗ୍ମୁର୍ମହେଷ୍ବାସା ଧର୍ମରାଜଂ ଯୁଧିଷ୍ଠିରମ୍॥ 2-73-1 (14195)
ସୋଽନୁମେନେ ମହାବାହୁର୍ଭାତୄଂଶ୍ଚ ସୁହୃଦସ୍ତଥା'।
ଶିଷ୍ଯୈଃ ପରିବୃତୋ ବ୍ଯାସଃ ପୁରସ୍ତାତ୍ସମପଦ୍ଯତ॥ 2-73-2 (14196)
ସୋଽଭ୍ଯଯାଦାସନାତ୍ତୂର୍ଣଂ ଭ୍ରାତୃଭିଃ ପରିବାରିତଃ।
ପାଦ୍ଯେନାସନଦାନେନ ପିତାମହମପୂଜଯତ୍॥ 2-73-3 (14197)
ଅଥୋପବିଶ୍ଯ ଭଗବାନ୍କାଞ୍ଚନେ ପରମାସନେ।
ଆସ୍ଯତାମିତି ଚୋବାଚ ଧର୍ମରାଜଂ ଯୁଧିଷ୍ଠିରମ୍॥ 2-73-4 (14198)
ଅଥୋପବିଷ୍ଟଂ ରାଜାନଂ ଭ୍ରାତୃଭିଃ ପରିବାରିତମ୍।
ଉବାଚ ଭଗବାନ୍ବ୍ଯାସସ୍ତତ୍ତଦ୍ବାକ୍ଯବିଶାରଦଃ॥ 2-73-5 (14199)
ଦିଷ୍ଟ୍ଯା ବର୍ଧସି କୌନ୍ତେଯ ସାମ୍ରାଜ୍ଯଂ ପ୍ରାପ୍ଯ ଦୁର୍ଲଭମ୍।
ବର୍ଧିତାଃ କୁରବଃ ସର୍ବେ ତ୍ବଯା କୁରୁକୁଲୋଦ୍ବହ॥ 2-73-6 (14200)
ଆପୃଚ୍ଛେ ତ୍ବାଂ ଗମିଷ୍ଯାମି ପୂଜିତୋଽସ୍ମି ବିଶାମ୍ପତେ।
ଏବମୁକ୍ତଃ ସ କୃଷ୍ଣେନ ଧର୍ମରାଜୋ ଯୁଧିଷ୍ଠିରଃ॥ 2-73-7 (14201)
ଅଭିବାଦ୍ଯୋପସଙ୍ଗୃହ୍ଯ ପିତାମହମଥାବ୍ରବୀତ୍॥ 2-73-8 (14202)
ଯୁଧିଷ୍ଠିର ଉବାଚ। 2-73-8x (1509)
ସଂଶଯୋ ଦ୍ବିପଦାଂ ଶ୍ରେଷ୍ଠ ମମୋତ୍ପନ୍ନଃ ସୁଦୁର୍ଲଭଃ।
ତସ୍ଯ ନାନ୍ଯୋଽସ୍ତି ବକ୍ତା ବୈ ତ୍ବାମୃତେ ଦ୍ବିଜପୁଙ୍ଗବ॥ 2-73-9 (14203)
ଉତ୍ପାତାଂସ୍ତ୍ରିବିଧାନ୍ପ୍ରାହ ନାରଦୋ ଭଗବାନୃଷିଃ।
ଦିବ୍ଯାଂଶ୍ଚୈବାନ୍ତରିକ୍ଷାଂଶ୍ଚ ପାର୍ଥିବାଂଶ୍ଚ ପିତାମହ॥ 2-73-10 (14204)
`ସୁମହଚ୍ଚ ଫଲଂ ତେଷାଂ ଭବିତେତି ନ ସଂଶଯଃ'।
ଅପି ଚୈଦ୍ଯସ୍ଯ ପତନାଚ୍ଛାନ୍ତମୌତ୍ପାତିକଂ ମହତ୍॥ 2-73-11 (14205)
ବୈଶମ୍ପାଯନ ଉବାଚ॥ 2-73-12x (1510)
ରାଜ୍ଞସ୍ତୁ ବଚନଂ ଶ୍ରୁତ୍ବା ପରାଶରସୁତଃ ପ୍ରଭୁଃ।
କୃଷ୍ଣଦ୍ବୈପାଯନୋ ବ୍ଯାସ ଇଦଂ ବଚନମବ୍ରବୀତ୍॥ 2-73-12 (14206)
ତ୍ରଯୋଦଶ ସମା ରାଜନ୍ନୁତ୍ପାତାନାଂ ଫଲଂ ମହତ୍।
ସର୍ବକ୍ଷତ୍ରବିନାଶାଯ ଭବିଷ୍ଯତି ବିଶାମ୍ପତେ॥ 2-73-13 (14207)
ତ୍ବାମେକଂ କାରଣଂ କୃତ୍ବା କାଲେନ ଭରତର୍ଷଭ।
ସମେତଂ ପାର୍ଥିବଂ କ୍ଷତ୍ରଂ କ୍ଷଯଂ ଯାସ୍ଯତି ଭାରତ।
ଦୁର୍ଯୋଧନାପରାଧେନ ଭୀମାର୍ଜୁନବଲେନ ଚ॥ 2-73-14 (14208)
ସ୍ବପ୍ନଂ ଦ୍ରକ୍ଷ୍ଯସି ରାଜେନ୍ଦ୍ର ତସ୍ମିନ୍କାଲ ଉପସ୍ଥିତେ।
ତତ୍ତେଽହଂ ସମ୍ପ୍ରବକ୍ଷ୍ଯାମି ତନ୍ନିବୋଧ ଯୁଧିଷ୍ଠିର॥ 2-73-15 (14209)
ଯାନ୍ତଂ ଦ୍ରକ୍ଷ୍ଯସି ରାଜେନ୍ଦ୍ର କ୍ଷପାନ୍ତେ ତ୍ବଂ ବୃଷଧ୍ବଜମ୍।
ନୀଲକଣ୍ଠଂ ଭବଂ ସ୍ଥାଣୁଂ କପାଲିଂ ତ୍ରିପୁରାନ୍ତକମ୍॥ 2-73-16 (14210)
ଉଗ୍ରଂ ରୁଦ୍ରଂ ପଶୁପତିଂ ମହାଦେବମୁମାପତିମ୍।
ହରଂ ଶର୍ବଂ ବୃଷଂ ଶୂଲଂ ପିନାକିଂ କୃତ୍ତିବାସସମ୍॥ 2-73-17 (14211)
କୈଲାସକୂଡପ୍ରତିମେ ବୃଷଭେଽବସ୍ଥିତଂ ଶିବମ୍।
ନିରୀକ୍ଷମାଣଂ ସତତଂ ପିତୃରାଜାଶ୍ରିତାଂ ଦିଶମ୍॥ 2-73-18 (14212)
ଏବମୀଦୃଶକଂ ସ୍ବପ୍ନଂ ଦ୍ରକ୍ଷ୍ଯସି ତ୍ବଂ ବିଶାମ୍ପତେ।
ମା ତତ୍କୃତେ ହ୍ଯନୁଧ୍ଯାହି କାଲୋ ହି ଦୁରତିକ୍ରମଃ॥ 2-73-19 (14213)
ସ୍ବସ୍ତି ତେଽସ୍ତୁ ଗମିଷ୍ଯାମି କୈଲାସଂ ପର୍ବତଂ ପ୍ରତି।
ଅପ୍ରମତ୍ତଃ ସ୍ଥିତୋ ଦାନ୍ତଃ ପୃଥିବୀଂ ପରିପାଲଯ॥ 2-73-20 (14214)
ବୈଶମ୍ପାଯନ ଉବାଚ॥ 2-73-21x (1511)
ଏବମୁକ୍ତ୍ବା ସ ଭଗବାନ୍କୈଲାସଂ ପର୍ବତଂ ଯଯୌ।
କୃଷ୍ଣଦ୍ବୈପାଯନୋ ବ୍ଯାସଃ ସହ ଶିଷ୍ଯୈଃ ସହାନୁଗୈଃ॥ 2-73-21 (14215)
ଗତେ ପିତାମହେ ରାଜା ଚିନ୍ତାଶୋକସମନ୍ବିତଃ।
ନିଃ ଶ୍ବସନ୍ନୁଷ୍ଣମସକୃତ୍ତମେବାର୍ଥଂ ବିଚିନ୍ତଯନ୍॥ 2-73-22 (14216)
କଥଂ ତୁ ଦୈବଂ ଶକ୍ଯେତ ପୌରୁଷେଣ ପ୍ରବାଧିତୁମ୍।
ଅବଶ୍ଯମେବ ଭବିତା ଯଦୁକ୍ତଂ ପରମର୍ଷିଣା॥ 2-73-23 (14217)
ତତୋଽବ୍ରବୀନ୍ମହାତେଜାଃ ସର୍ବାନ୍ଭ୍ରାତୄନ୍ଯୁଧିଷ୍ଠିରଃ।
ଶ୍ରୁତଂ ବୈ ପୁରୁଷବ୍ଯାଘ୍ରା ଯନ୍ମାଂ ଦ୍ବୈପାଯନୋଽବ୍ରବୀତ୍॥ 2-73-24 (14218)
ତଦା ତଦ୍ବଚନଂ ଶ୍ରୁତ୍ବା ମରଣେ ନିଶ୍ଚିତା ମତିଃ।
ସର୍ବକ୍ଷତ୍ରସ୍ଯ ନିଧନେ ଯଦ୍ଯହଂ ହେତୁରୀପ୍ସିତଃ॥ 2-73-25 (14219)
କାଲେନ ନିର୍ମିତସ୍ତାତ କୋ ମମାର୍ଥୋଽସ୍ତି ଜୀବତଃ।
ଏବଂ ବ୍ରୁବନ୍ତଂ ରାଜାନଂ ଫାଲ୍ଗୁନଃ ପ୍ରତ୍ଯଭାଷତ॥ 2-73-26 (14220)
ମା ରାଜନ୍କଶ୍ମଲଂ ଘୋରଂ ପ୍ରବିଶୋ ବୁଦ୍ଧିନାଶନମ୍।
ସମ୍ପ୍ରଧାର୍ଯ ମହାରାଜ ଯତ୍କ୍ଷମଂ ତତ୍ସମାଚର॥ 2-73-27 (14221)
ବୈଶମ୍ପାଯନ ଉବାଚ॥ 2-73-28x (1512)
ତତୋଽବ୍ରବୀତ୍ସତ୍ଯଧୃତିର୍ଭ୍ରାତୄନ୍ସର୍ବାନ୍ଯୁଧିଷ୍ଠିରଃ।
ଦ୍ବୈପାଯନସ୍ଯ ବଚନଂ ତତ୍ରୈବ ସମଚିନ୍ତଯତ୍॥ 2-73-28 (14222)
ଅଦ୍ଯପ୍ରଭୃତି ଭଦ୍ରଂ ବଃ ପ୍ରତିଜ୍ଞାଂ ମେ ନିବୋଧତ।
ତ୍ରଯୋଦଶ ସମାସ୍ତାତ କୋ ମମାର୍ଥୋ ଽସ୍ତି ଜୀବତଃ॥ 2-73-29 (14223)
ନ ପ୍ରବକ୍ଷ୍ଯାମି ପରୁଷଂ ଭ୍ରାତୄନନ୍ଯାଂଶ୍ଚ ପାର୍ଥିବାନ୍।
ସ୍ଥିତୋ ନିଦେଶେ ଜ୍ଞାତୀନାଂ ଯୋକ୍ଷ୍ଯେ ତତ୍ସୁମୁଦାହରନ୍॥ 2-73-30 (14224)
ଏବଂ ମେ ବର୍ତମାନସ୍ଯ ସ୍ବସୁତେଽଷ୍ବିତରେଷୁ ଚ।
ଭେଦୋ ନ ଭବିତା ଲୋକେ ଭେଦମୂଲୋ ହି ବିଗ୍ରହଃ॥ 2-73-31 (14225)
ବିଗ୍ରହଂ ଦୂରତୋ ରକ୍ଷନ୍ପ୍ରିଯାଣ୍ଯେବ ସମାଚରନ୍।
ବାଚ୍ଯତାଂ ନ ଗମିଷ୍ଯାମି ଲୋକେଷୁ ମନୁଜର୍ଷଭାଃ॥ 2-73-32 (14226)
ଭ୍ରାତୃର୍ଜ୍ଯେଷ୍ଠସ୍ଯ ବଚନଂ ପାଣ୍ଡବାଃ ସଂନିଶମ୍ଯ ତତ।
ତମେବ ସମବର୍ତନ୍ତ ଧର୍ମରାଜହିତେ ରତାଃ॥ 2-73-33 (14227)
ସଂସତ୍ସୁ ସମଯଂ କୃତ୍ବା ଧର୍ମରାଡ୍ଭ୍ରାତୃଭିଃ ସହ।
ପିତୄଂସ୍ତର୍ପ୍ଯ ଯଥାନ୍ଯାଯଂ ଦେବତାଶ୍ଚ ବିଶାମ୍ପତେ॥ 2-73-34 (14228)
କୃତମଙ୍ଗଲକଲ୍ଯାମୋ ଭ୍ରାତୃଭିଃ ପିରବାରିତଃ।
ଗତେଷୁ କ୍ଷତ୍ରିଯେନ୍ଦ୍ରେଷୁ ସର୍ବେଷୁ ଭରତର୍ଷଭ॥ 2-73-35 (14229)
ଯୁଧିଷ୍ଠିରଃ ସହାମାତ୍ଯଃ ପ୍ରବିବେଶ ପୁରୋତ୍ତମମ୍।
ଦୁର୍ଯୋଧନୋ ମହାରାଜ ଶକୁନିଶ୍ଚାପି ସୌବଲଃ।
ସଭାଯାଂ ସମଣୀଯାଯାଂ ତତ୍ରୈବାସ୍ତେ ନରାଧିପ॥ ॥ 2-73-36 (14230)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦ୍ଯୂତପର୍ବଣି ତ୍ରିସପ୍ତତିତମୋଽଧ୍ଯାଯଃ॥ 73 ॥
ସଭାପର୍ବ - ଅଧ୍ଯାଯ 074
॥ ଶ୍ରୀଃ ॥
2.74. ଅଧ୍ଯାଯଃ 074
Mahabharata - Sabha Parva - Chapter Topics
ଯୁଧିଷ୍ଠିରସଭାଯାଂ ଦୁର୍ଯୋଧନେ ନିର୍ଜଲଦେଶେ ଜଲଭ୍ରମେଣ ପରିଧାନମୁତ୍କର୍ଷତି ସତି ତଥା ସ ଜଲଦେଶେ ସ୍ଥଲଭ୍ରାନ୍ତ୍ଯା ଭବନଧାନଗମନେନ ଜଲେ ପତତି ଚ ସତି ଭୀମାଦିଭିରୁପହାସଃ॥ 1॥ ଚିନ୍ତାତାନ୍ତଂ ଦୁର୍ଯୋଧନଂ ପ୍ରତି ଶକୁନିନା ଚିନ୍ତାହେତୁପ୍ରଶ୍ନେ ଦୁର୍ଯୋଧନେନ ତତ୍କଥନ ପୂର୍ବକଂ ଧୃତରାଷ୍ଟ୍ରେ ସ୍ବଦୁଃ ଶନିବେଦନାଯ ଶକୁନିମ୍ପ୍ରତି ଚୋଦନମ୍॥ 2॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ବସନ୍ଦୁର୍ଯୋଧନସ୍ତସ୍ଯାଂ ସଭାଯାଂ ପୁରୁଷର୍ଷଭ।
ଶନୈର୍ଦଦର୍ଶ ତାଂ ସର୍ବାଂ ସଭାଂ ଶକୁନିନା ସହ॥ 2-74-1 (14231)
ତସ୍ଯାଂ ଦିବ୍ଯାନଭିପ୍ରାଯାନ୍ଦଦର୍ଶ କୁରୁନନ୍ଦନଃ।
ନ ଦୃଷ୍ଟପୂର୍ବା ଯେ ତେନ ନଗରେ ନାଗସାହ୍ବଯେ॥ 2-74-2 (14232)
ସ କଦାଚିତ୍ସଭାମଧ୍ଯେ ଧାର୍ତରାଷ୍ଟ୍ରୋ ମହୀପତିଃ।
ସ୍ଫାଟିକଂ ସ୍ଥଲମାସାଦ୍ଯ ଜଲମିତ୍ଯଭିଶଙ୍କଯା॥ 2-74-3 (14233)
ସ୍ବବସ୍ତ୍ରୋତ୍କର୍ଷଣଂ ରାଜା କୃତବାନ୍ବୁଦ୍ଧିମୋହିତଃ।
ଦୁର୍ମନା ବିମୁଖଶ୍ଚୈବ ପରିଚକ୍ରାମ ତାଂ ସଭାମ୍॥ 2-74-4 (14234)
ତତଃ ସ୍ଥଲେ ନିପତିତୋ ଦୁର୍ମନା ବ୍ରୀଡିତୋ ନୃପଃ।
ନିଃ ଶ୍ବସନ୍ବିମୁଖଶ୍ଚାପି ପରିଚକ୍ରାମ ତାଂ ସଭାମ୍॥ 2-74-5 (14235)
ତତଃ ସ୍ଫାଟିକତୋଯାଂ ବୈ ସ୍ଫାଟିକାମ୍ବୁଜଶୋଭିତାମ୍।
ବାପୀଂ ମତ୍ବା ସ୍ଥଲମିବ ସବାସାଃ ପ୍ରାପତଞ୍ଜଲେ॥ 2-74-6 (14236)
ଜଲେ ନିପତିତଂ ଦୃଷ୍ଟ୍ବା ଭୀମସେନୋ ମହାବଲଃ।
ଜହାସ ଜହସୁଶ୍ଚୈବ କିଙ୍କରାଶ୍ଚ ସୁଯୋଧନମ୍॥ 2-74-7 (14237)
ବାସାଂସି ଚ ଶୁଭାନ୍ଯସ୍ମୈ ପ୍ରଦଦୂ ରାଜଶାସନାତ୍।
ତଥାଗତଂ ତୁ ତଂ ଦୃଷ୍ଟ୍ବା ଭୀମସେନୋ ମହାବଲଃ॥ 2-74-8 (14238)
ଅର୍ଜୁନଶ୍ଚ ଯମୌ ଚୋଭୌ ସର୍ବେ ତେ ପ୍ରାହସଂସ୍ତଦା।
ନାମର୍ଷଯତ୍ତତସ୍ତେଷାମବହାସମମର୍ଷଣଃ॥ 2-74-9 (14239)
ଆକାରଂ ରକ୍ଷମାଣସ୍ତୁ ନ ସ ତାନ୍ସମୁଦୈକ୍ଷତ।
ପୁନର୍ବସନମୁତ୍କ୍ଷିପ୍ଯ ପ୍ରତିରିଷ୍ଯନ୍ନିବ ସ୍ଥଲମ୍॥ 2-74-10 (14240)
ଆରୁରୋହ ତତଃ ସର୍ବେ ଜହସୁଶ୍ଚ ପୁନର୍ଜନାଃ।
ଦ୍ବାରଂ ତୁ ପିହିତାକାରଂ ସ୍ଫାଟିକଂ ପ୍ରେକ୍ଷ୍ଯ ଭୂମିପଃ।
ପ୍ରବିଶନ୍ନାହତୋ ମୂର୍ଧ୍ନି ବ୍ଯାଘୂର୍ଣିତ ଇବ ସ୍ଥିତଃ॥ 2-74-11 (14241)
ତାଦୃଶଂ ଚ ପରଂ ଦ୍ବାରଂ ସ୍ଫାଟିକୋରୁକବାଟକମ୍।
ବିଘଟ୍ଟଯନ୍କରାଭ୍ଯାଂ ତୁ ନିଷ୍କ୍ରମ୍ଯାଗ୍ରେ ପପାତ ହା॥ 2-74-12 (14242)
ଦ୍ବାରଂ ତୁ ବିତତାକାରଂ ସମାପେଦେ ପୁନଶ୍ଚ ସଃ।
ତଦ୍ବୃତ୍ତଂ ଚେତି ମନ୍ବାନୋ ଦ୍ବାରସ୍ଥାନାଦୁପାରମତ୍॥ 2-74-13 (14243)
ଏବଂ ପ୍ରଲମ୍ଭାନ୍ବିବିଧାନ୍ପ୍ରାପ୍ଯ ତତ୍ର ବିଶାମ୍ପତେ।
ପାଣ୍ଡବେଯାଭ୍ଯନୁଜ୍ଞାତସ୍ତତୋ ଦୁର୍ଯୋଧନୋ ନୃପଃ॥ 2-74-14 (14244)
ଅପହୃଷ୍ଟେନ ମନସା ରାଜସୂଯେ ମହାକ୍ରତୌ।
ପ୍ରେକ୍ଷ୍ଯ ତାମଦ୍ଭୁତାମୃଦ୍ଧିଂ ଜଗାମ ଗଜସାହ୍ବଯମ୍॥ 2-74-15 (14245)
ପାଣ୍ଡବଶ୍ରୀପ୍ରତପ୍ତସ୍ଯ ଧ୍ଯାଯମାନସ୍ଯ ଗଚ୍ଛତଃ।
ଦୁର୍ଯୋଧନସ୍ଯ ନୃପତେଃ ପାପା ମତିରଜାଯତ॥ 2-74-16 (14246)
ପାର୍ଥାନ୍ସୁମନସୋ ଦୃଷ୍ଟ୍ବା ପାର୍ଥିବାଂଶ୍ଚ ବଶାନୁଗାନ୍।
କୃତ୍ସ୍ନଂ ଚାପି ହିତଂ ଲୋକମାକୁମାରଂ କୁରୂଦ୍ବହ॥ 2-74-17 (14247)
ମହିମାନଂ ପରଂ ଚାପି ପାଣ୍ଡବାନାଂ ମହାତ୍ମନାମ୍।
ଦୂର୍ଯୋଧନୋ ଧାର୍ତରାଷ୍ଟ୍ରୋ ବିବର୍ଣଃ ସମପଦ୍ଯତ॥ 2-74-18 (14248)
ସ ତୁ ଗଚ୍ଛନ୍ନନେକାଗ୍ନଃ ସଭାମେକୋଽନ୍ବଚିନ୍ତଯତ୍।
ଶ୍ରିଯଂ ଚ ତାମନୁପମାଂ ଧର୍ମରାଜସ୍ଯ ଧୀମତଃ॥ 2-74-19 (14249)
ପ୍ରମତ୍ତୋ ଧୃତରାଷ୍ଟ୍ରସ୍ଯ ପୁତ୍ରୋ ଦୁର୍ଯୋଧନସ୍ତଦା।
ନାଭ୍ଯଭାଷତ୍ସୁବଲଜଂ ଭାଷମାଣଂ ପୁନଃ ପୁନଃ॥ 2-74-20 (14250)
ଅନେକାଗ୍ରଂ ତୁ ତଂ ଦୃଷ୍ଟ୍ବା ଶକୁନିଃ ପ୍ରତ୍ଯଭାଷତ।
ଦୁର୍ଯୋଧନ କୃତୋମୂଲଂ ନିଃଶ୍ବସନ୍ନିବ ଗଚ୍ଛସି॥ 2-74-21 (14251)
ଦୁର୍ଯୋଧନ ଉବାଚ॥ 2-74-22x (1513)
ଦୃଷ୍ଟ୍ବେମାଂ ପୃଥିବୀଂ କୃତ୍ସ୍ନାଂ ଯୁଧିଷ୍ଠିରବଶାନୁଗାମ୍।
ଜିତାମସ୍ତ୍ରପ୍ରତାପେନ ଶ୍ବେତାଶ୍ବସ୍ଯ ମହାତ୍ମନଃ॥ 2-74-22 (14252)
ତଂ ଚ ଯଜ୍ଞଂ ତଥାଭୂତଂ ଦୃଷ୍ଟ୍ବା ପାର୍ଥସ୍ଯ ମାତୁଲ।
ଯଥା ଶକ୍ରସ୍ଯ ଦେବେଷୁ ତଥାଭୂତଂ ମହାଦ୍ଯୁତେଃ॥ 2-74-23 (14253)
ଅମର୍ଷେଣ ତୁ ସମ୍ପୂର୍ଣୋ ଦହ୍ଯମାନୋ ଦିବାନିଶମ୍।
ଶୁଚିଶୁକ୍ରାଗମେ କାଲେ ଶୁଷ୍ଯେ ତୋଯମିବାଲ୍ପକମ୍॥ 2-74-24 (14254)
ପଶ୍ଯ ସାତ୍ବତମୁଖ୍ଯେନ ଶିଶୁପାଲୋ ନିପାତିତଃ।
ନ ଚ ତତ୍ର ପୁମାନାସୀତ୍କଶ୍ଚିତ୍ତସ୍ଯ ପଦାନୁଗଃ॥ 2-74-25 (14255)
ଦହ୍ଯମାନା ହି ରାଜାନଃ ପାଣ୍ଡବୋତ୍ଥେନ ବହ୍ନିନା।
କ୍ଷାନ୍ତବନ୍ତୋଽପରାଧଂ ତେ କୋ ହି ତତ୍କ୍ଷନ୍ତୁମର୍ହତି॥ 2-74-26 (14256)
ବାସୁଦେବେନ ତତ୍କର୍ମ ଯଥାଽଯୁକ୍ତଂ ମହତ୍କୃତମ୍।
ସିଦ୍ଧଂ ଚ ପାଣ୍ଡୁପୁତ୍ରାଣାଂ ପ୍ରତାପେନ ମହାତ୍ମନାମ୍॥ 2-74-27 (14257)
ତଥାହି ରତ୍ନନ୍ଯାଦାଯ ବିବିଧାନି ନୃପା ନୃପମ୍।
ଉପାତିଷ୍ଠନ୍ତ କୌନ୍ଯେଯଂ ବୈଶ୍ଯା ଇବ କରପ୍ରଦାଃ॥ 2-74-28 (14258)
ଶ୍ରିଯଂ ତଥାଗତଂ ଦୃଷ୍ଟ୍ବା ଜ୍ବଲନ୍ତୀମିବ ପାଣ୍ଡବେ।
ଅମର୍ଷବଶମାପନ୍ନୋ ଦହ୍ଯାମି ନ ତଥୋଚିତଃ॥ 2-74-29 (14259)
ବହ୍ନିମେବ ପ୍ରବେକ୍ଷ୍ଯାମି ଭକ୍ଷଯିଷ୍ଯାମି ବା ବିଷମ୍।
ଅପୋ ବାପି ପ୍ରବେକ୍ଷ୍ଯାମିନ ହି ଶକ୍ଷ୍ଯାମି ଜୀବିତୁମ୍॥ 2-74-30 (14260)
କୋ ହି ନାମ ପୁମାଂଲ୍ଲୋକେ ମର୍ଷଯିଷ୍ଯତି ସତ୍ବବାନ୍।
ସପତ୍ନାନୃଦ୍ଧ୍ଯତୋ ଦୃଷ୍ଟ୍ବା ହୀନମାତ୍ମାନମେବ ଚ॥ 2-74-31 (14261)
ସୋଽହଂ ନ ସ୍ତ୍ରୀ ନ ଚାପ୍ଯସ୍ତ୍ରୀ ନ ପୁମାନ୍ନାପୁମାନପି।
ଯୋଽହଂ ତାଂ ମର୍ଷଯାମ୍ଯଦ୍ଯ ତାଦୃଶୀଂ ଶ୍ରିଯମାଗତାମ୍॥ 2-74-32 (14262)
ଈଶ୍ବରତ୍ବଂ ପୃଥିବ୍ଯାଶ୍ଚ ବସୁମତ୍ତାଂ ଚ ତାଦୃଶୀମ୍।
ଯଜ୍ଞଂ ଚ ତାଦୃଶଂ ଦୃଷ୍ଟ୍ବା ମାଦୃଶଃ କୋ ନ ସଂଞ୍ଜ୍ବରେତ୍॥ 2-74-33 (14263)
ଅଶକ୍ତଶ୍ଚୈକ ଏବାହଂ ତାମାହର୍ତୁଂ ନୃପଶ୍ରିଯମ୍।
ସହାଯାଂଶ୍ଚ ନ ପଶ୍ଯାମି ତେନ ମୃତ୍ଯୁଂ ବିଚିନ୍ତଯେ॥ 2-74-34 (14264)
ଦୈବମେବ ପରଂ ମନ୍ଯେ ପୌରୁଷଂ ଚ ନିରର୍ଥକମ୍।
ଦୃଷ୍ଟ୍ବା କୁନ୍ତୀସୁତେ ଶୁଦ୍ଧାଂ ଶ୍ରିଯଂ ତାମହତାଂ ତଥା॥ 2-74-35 (14265)
କୃତୋ ଯତ୍ନୋ ମଯା ପୂର୍ବଂ ବିନାଶେ ତସ୍ଯ ସୌବଲ।
ତଚ୍ଚ ସର୍ବମତିକ୍ରମ୍ଯ ସଂବୃଦ୍ଧୋଽପ୍ସ୍ବିବ ପଙ୍ଗଜମ୍॥ 2-74-36 (14266)
ତେନ ଦୈବଂ ପରଂ ମନ୍ଯେ ପୌରୁଷଂ ଚ ନିରର୍ଥକମ୍।
ଧାର୍ତରାଷ୍ଟ୍ରାଶ୍ଚ ହୀଯନ୍ତେ ପାର୍ଥା ବର୍ଧନ୍ତି ନିତ୍ଯଶଃ। 2-74-38c`କୃଷ୍ଣସ୍ତୁ ସୁମନାସ୍ତେଷାଂ ବିବର୍ଧଯତି ସମ୍ପଦଃ'॥ 2-74-37 (14267)
ସୋଽହଂ ଶ୍ରିଯଂ ଚ ତାଂ ଦୃଷ୍ଟ୍ବା ସଭାଂ ତାଂ ଚ ତଥାବିଧାମ୍।
ରକ୍ଷିଭିଶ୍ଚାବହାସଂ ତଂ ପରିତପ୍ଯେ ଯଥାଽଗ୍ନିନା॥ 2-74-38 (14268)
ଅମର୍ଷଂ ଚ ସମାବିଷ୍ଟଂ ଧୃତରାଷ୍ଟ୍ରେ ନିବେଦଯ॥ ॥ 2-74-39 (14269)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦ୍ଯୂତପର୍ବଣି ଚତୁଃସପ୍ତତିତମୋଽଧ୍ଯାଯଃ॥ 74॥
ସଭାପର୍ବ - ଅଧ୍ଯାଯ 075
॥ ଶ୍ରୀଃ ॥
2.75. ଅଧ୍ଯାଯଃ 075
Mahabharata - Sabha Parva - Chapter Topics
ଶକୁନିନା ଦୁର୍ଯୋଧନମ୍ପ୍ରତି ପାଣ୍ଡବାନାଂ ପୌରୁଷେଣାଜଯ୍ଯତ୍ବକଥନପୂର୍ବକଂ ଦ୍ଯୂତେନ ଜେଷ ୍ଯାମୀତି ସମାଶ୍ବାସନାଦିକମ୍॥ 1॥Mahabharata - Sabha Parva - Chapter Text
ଶକୁନିରୁବାଚ॥
ଦୁର୍ଯୋଧନ ନ ତେଽମର୍ଷଃ କାର୍ଯଃ ପ୍ରତି ଯୁଧିଷ୍ଠିରମ୍।
ଭାଗଧେଯାନି ହି ସ୍ବାନି ପାଣ୍ଡବା ଭୁଞ୍ଜତେ ସଦା॥ 2-75-1 (14270)
ବିଧାନଂ ବିବିଧାକାରଂ ପରଂ ତେଷାଂ ବିଧାନତଃ।
ଅନେକୈରଭ୍ଯୁପାଯୈଶ୍ଚ ତ୍ବଯା ନ ଶକିତାଃ ପୁରା॥ 2-75-2 (14271)
ଆରବ୍ଧା ହି ମହାରାଜ ପୁନଃ ପୁନରରିନ୍ଦମ।
ବିମୁକ୍ତାଶ୍ଚ ନରବ୍ଯାଘ୍ରା ଭଗଧେଯପୁରସ୍କୃତାଃ।
`ଉତ୍ସାହବନ୍ତଃ ପୁରୁଷା ନାବସୀଦନ୍ତି କର୍ମସୁ'॥ 2-75-3 (14272)
ତୈର୍ଲବ୍ଧା ଦ୍ରୌପଦୀ ଭାର୍ଯା ଦ୍ରୁପଦଶ୍ଚ ସୁତୈଃ ସହ।
ସହାଯାଃ ପୃଥିବୀପାଲା ବାସୁଦେବଶ୍ଚ ବୀର୍ଯବାନ୍॥ 2-75-4 (14273)
ଲବ୍ଧଶ୍ଚାନଭିଭୂତାର୍ଥୈଃ ପିତ୍ର୍ଯୋଂଶଃ ପୃଥିବୀପତେ।
ବିବୃଦ୍ଧସ୍ତେଜସା ତେଷାଂ ତତ୍ର କା ପରିଦେବନା॥ 2-75-5 (14274)
ଧନଞ୍ଜଯେନ ଗାଣ୍ଡୀବମକ୍ଷଯ୍ଯୌ ଚ ମହେଷୁଧୀ।
ଲବ୍ଧାନ୍ଯସ୍ତ୍ରାଣି ଦିବ୍ଯାନି ତୋଷଯିତ୍ବା ହୁତାଶନମ୍॥ 2-75-6 (14275)
ତେନ କାର୍ମୁକମୁଖ୍ଯେନ ବାହୁବୀର୍ଯେଣ ଚାତ୍ମନଃ।
କୃତା ବଶେ ମହୀପାଲାସ୍ତତ୍ର କା ପରିଦେବନା॥ 2-75-7 (14276)
ଅଗ୍ନିଦାହାନ୍ମଯଂ ଚାପି ମୋକ୍ଷଯିତ୍ବା ସ ଦାନବମ୍।
ସଭାଂ ତାଂ କାରଯାମାସ ସବ୍ଯସାଚୀ ପରନ୍ତପଃ॥ 2-75-8 (14277)
ତେନ ଚୈବ ମଯେନୋକ୍ତାଃ କିଙ୍କରା ନାମ ରାକ୍ଷସାଃ।
ବହନ୍ତି ତାଂ ସଭାଂ ଭୀମାସ୍ତତ୍ର କା ପରିଦେବନା॥ 2-75-9 (14278)
ଯଚ୍ଚାସହାଯତାଂ ରାଜନ୍ନୁକ୍ତବାନସି ଭାରତ।
ତନ୍ମିଥ୍ଯା ଭ୍ରାତରୋ ହୀମେ ତବ ସର୍ବେ ବଶାନୁଗାଃ॥ 2-75-10 (14279)
ଦ୍ରୋଣସ୍ତବ ମହେଷ୍ବାସଃ ସହ ପୁତ୍ରେଣ ବୀର୍ଯବାନ୍।
ମୂତପୁତ୍ରଶ୍ଚ ରାଧେଯୋ ଦୃଢଧନ୍ବା ମହାରଥଃ॥ 2-75-11 (14280)
`ସ ଏକଃ ସମରେ ସର୍ବାନ୍ପାଣ୍ଡବାନ୍ସହସୋମକାନ୍।
ବିଜେଷ୍ଯତି ମହାବାହୋ କିଂ ସହାଯୈଃ କରିଷ୍ଯସି॥ 2-75-12 (14281)
ଭୀଷ୍ମଶ୍ଚ ପୁରୁଷବ୍ଯାଘ୍ରୋ ଗୌତମଶ୍ଚ ମହାରଥଃ।
ଜଯଦ୍ରଥଶ୍ଚ ବଲାବାନ୍ସୋମଦତ୍ତସ୍ତଥୈବ ଚ'॥ 2-75-13 (14282)
ଅହଂ ଚ ସହ ସୋଦର୍ଯୈଃ ସୌମଦତ୍ତିଶ୍ଚ ପାର୍ଥିବଃ।
ଏତୈସ୍ତ୍ବଂ ସହିତଃ ସର୍ବୈର୍ଜଯ କୃତ୍ସ୍ନଂ ବସୁନ୍ଦରାମ୍॥ 2-75-14 (14283)
ଦୁର୍ଯୋଧନ ଉବାଚ। 2-75-15x (1514)
ତ୍ବଯା ଚ ସହିତୋ ରାଜନ୍ନେତୈଶ୍ଚାନ୍ଯୈର୍ମହାରଥୈଃ।
ଏତାନହଂ ବିଜେଷ୍ଯାମି ଯଦି ତ୍ବମନୁମନ୍ଯସେ॥ 2-75-15 (14284)
ଏତେଷୁ ବିଜିତେଷ୍ବଦ୍ଯ ଭବିଷ୍ଯତି ମହୀ ମମ।
ସର୍ବେ ଚ ପୃଥିବୀପାଲାଃ ସଭା ସା ଚ ମହାଧନା॥ 2-75-16 (14285)
ଶକୁନିରୁବାଚ॥ 2-75-17x (1515)
ଧନଞ୍ଜଯୋ ବାସୁଦେବୋ ଭୀମସେନୋ ଯୁଧିଷ୍ଠିରଃ।
ନକୁଲଃ ସହଦେବଶ୍ଚ ଦ୍ରୁପଦଶ୍ଚ ସହାତ୍ମଜୈଃ॥ 2-75-17 (14286)
ନୈତେ ଯୁଧି ପରାଜେତୁଂ ଶକ୍ଯା ଦେବଗଣୈରପି।
ମହାରଥା ମହେଷ୍ବାସାଃ କୃତାସ୍ତ୍ରା ଯୁଦ୍ଧଦୁର୍ମଦାଃ॥ 2-75-18 (14287)
ଅହଂ ତୁ ତଦ୍ବିଜାନାମି ବିଜେତୁଂ ଯେନ ଶକ୍ଯତେ।
ଯୁଧିଷ୍ଠିରଂ ସ୍ବଯଂ ରାଜଂସ୍ତନ୍ନିବୋଧ ଜୁଷସ୍ବ ଚ॥ 2-75-19 (14288)
ଦୁର୍ଯୋଧନ ଉବାଚ॥ 2-75-20x (1516)
ଅପ୍ରମାଦେନ ସୁହୃଦାମନ୍ଯେଷାଂ ଚ ମହାତ୍ମନାମ୍।
ଯଦି ଶକ୍ଯା ବିଜେତୁଂ ତେ ତନ୍ମମାଚକ୍ଷ୍ବ ମାତୁଲ॥ 2-75-20 (14289)
ଶକୁନିରୁବାଚ। 2-75-21x (1517)
ଦ୍ଯୂତପ୍ରିଯଶ୍ଚ କୌନ୍ତେଯୋ ନ ସ ଜାନାତି ଦେବିତୁମ୍।
ସମାହୂତଶ୍ଚ ରାଜେନ୍ଦ୍ରୋ ନ ଶକ୍ଷ୍ଯତି ତିବର୍ତିତୁମ୍॥ 2-75-21 (14290)
ଦେବନେ କୁଶଲଶ୍ଚାହଂ ନ ମେଽସ୍ତି ସଦୃଶୋ ଭୁବି।
ତ୍ରିଷୁ ଲୋକେଷୁ କୌରବ୍ଯ ତଂ ତ୍ବଂ ଦ୍ଯୂତେ ସମାହ୍ବଯ॥ 2-75-22 (14291)
ତସ୍ଯାକ୍ଷକୁଶଲୋ ରାଜନ୍ନାଦାସ୍ଯେଽହମସଂଶଯମ୍।
ରାଜ୍ଯଂ ଶ୍ରିଯଂ ଚ ତାଂ ଦୀପ୍ତାଂ ତ୍ବଦର୍ଥଂ ପୁରୁଷର୍ଷଭ॥ 2-75-23 (14292)
ଇଦଂ ତୁ ସର୍ବଂ ତ୍ବଂ ରାଜ୍ଞେ ଦୁର୍ଯୋଧନ ନିବେଦଯ।
ଅନୁଜ୍ଞାତସ୍ତୁ ତେ ପିତ୍ରା ବିଜେଷ୍ଯେ ତାନ୍ନ ସଂଶଯଃ॥ 2-75-24 (14293)
ଦୁର୍ଯୋଧନ ଉବାଚ। 2-75-25x (1518)
ତ୍ବମେବ କରୁମୁଖ୍ଯାଯ ଧୃତରାଷ୍ଟ୍ରାଯ ସୌବଲ।
ନିବେଦଯ ଯଥାନ୍ଯାଯଂ ନାହଂ ଶକ୍ଷ୍ଯେ ନିବେଦିତୁମ୍॥ ॥ 2-75-25 (14294)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦ୍ଯୂତପର୍ବଣି ପଞ୍ଚସପ୍ତତିତମୋଽଧ୍ଯାଯଃ॥75 ॥
ସଭାପର୍ବ - ଅଧ୍ଯାଯ 076
॥ ଶ୍ରୀଃ ॥
2.76. ଅଧ୍ଯାଯଃ 076
Mahabharata - Sabha Parva - Chapter Topics
ଶକୁନିନା ଦୁର୍ଯୋଧନସ୍ଯ ଚିନ୍ତଯା କାର୍ଶ୍ଯାଦିକଂ ବୋଧିତେନ ଧୃତରାଷ୍ଟ୍ରେଣ ଦୁର୍ଯୋଧନମ୍ ପ୍ରତି ଚିନ୍ତାକାରଣପ୍ରଶ୍ନଃ॥ 1॥ ଦୁର୍ଯୋଧନେନ ତତ୍କଥନପୁର୍ବକଂ ଧୃତରାଷ୍ଟ୍ରଂ ପ୍ରତି ଦ୍ଯୂତାଭ୍ଯନୁଜ୍ଞାନପ୍ରାର୍ଥନମ୍॥ 2॥ ଧୃତରାଷ୍ଟ୍ରେଣ ଦ୍ଯୂତସଭାନିର୍ମାଣାଜ୍ଞାପନପୂର୍ବକଂ ପାଣ୍ଡବାନଯନାଯ ବିଦୁରଂ ପ୍ରତି ଚୋଦ ନମ୍॥ 3॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ଅନୁଭୂଯ ତୁ ରାଜ୍ଞସ୍ତଂ ରାଜସୂଯଂ ସୁଦୁର୍ମତିଃ।
`ଯୁଧିଷ୍ଠିରସ୍ଯ ଶକୁନିର୍ଦୁର୍ଯୋଧସୁସଂଯୁତଃ॥ 2-76-1 (14295)
ବିବେଶ ହାସ୍ତିନପୁରଂ ଦୁର୍ଯୋଧନମତେନ ସଃ।
ବାଢମିତ୍ଯେବ ଶକୁନିର୍ଦୃଢଂ ହୃଦି ଚକାର ହ॥ 2-76-2 (14296)
ଅସ୍ବସ୍ଥତାଂ ଚତାଂ ଦୃଷ୍ଟ୍ବା ଧାର୍ତରାଷ୍ଟ୍ରସ୍ଯ ପାପକୃତ୍।
ଭାରତାନାଂ ଚ ଦୁଷ୍ଟାତ୍ମା କ୍ଷଯାଯ ହି ନୃପକ୍ଷଯଃ'॥ 2-76-3 (14297)
ପ୍ରିଯକୃନ୍ମତମାଜ୍ଞାଯ ପୂର୍ବଂ ଦୁର୍ଯୋଧନସ୍ଯ ତତ୍।
ପ୍ରଜ୍ଞାଚକ୍ଷୁଷମାସୀନଂ ଶକୁନିଃ ସୌବଲସ୍ତଦା॥ 2-76-4 (14298)
ଦୁର୍ଯୋଧନବଚଃ ଶ୍ରୁତ୍ବା ଧୃତରାଷ୍ଟ୍ରଂ ଜନାଧିପମ୍।
ଉପଗମ୍ଯ ମହାପ୍ରାଜ୍ଞଂ ଶକୁନିର୍ବାକ୍ଯମବ୍ରବୀତ୍॥ 2-76-5 (14299)
ଶକୁନିରୁବାଚ। 2-76-6x (1519)
ଦୁର୍ଯୋଧନୋ ମହାରାଜ ବିବର୍ଣୋ ହରିଣଃ କୃଶଃ।
ଦୀନଶ୍ଚିନ୍ତାପରଶ୍ଚୈବ ତଂ ବିଦ୍ଧି ମନୁଜାଧିପ॥ 2-76-6 (14300)
ନ ବୈ ପରୀକ୍ଷସେ ସମ୍ଯଗସହ୍ଯଂ ଶତ୍ରୁସଂଭବମ୍।
ଜ୍ଯେଷ୍ଠପୁତ୍ରସ୍ଯ ହୃଚ୍ଛୋକଂ କିମର୍ଥଂ ନାବବୁଧ୍ଯସେ॥ 2-76-7 (14301)
`ଏବମୁକ୍ତଃ ଶକୁନିନା ଧୃତରାଷ୍ଟ୍ରୋ ଜନେଶ୍ବରଃ।
ଦୁର୍ଯୋଧନଂ ସମାହୂଯଂ ଇଦଂ ବଚନମବ୍ରବୀତ୍'॥ 2-76-8 (14302)
ଧୃତରାଷ୍ଟ୍ର ଉବାଚ। 2-76-9x (1520)
ଦୁର୍ଯୋଧନ କୃତୋମୂଲଂ ଭୃଶମାର୍ତୋଽସି ପୁତ୍ରକ।
ଶ୍ରୋତବ୍ଯଶ୍ଚେନ୍ମଯା ସୋଽର୍ଥୋ ବ୍ରୂହି ମେ କୁରୁନନ୍ଦନ॥ 2-76-9 (14303)
ଅଯଂ ତ୍ବାଂ ଶକୁନିଃ ପ୍ରାହ ବିବର୍ଣଂ ହରିମଂ କୃଶମ୍।
ଚିନ୍ତଯଂଶ୍ଚ ନ ପଶ୍ଯାମି ଶୋକସ୍ଯ ତବ ସମ୍ଭବମ୍॥ 2-76-10 (14304)
ଐଶ୍ବର୍ଯଂ ହି ମହତ୍ପୁତ୍ର ତ୍ବଯି ସର୍ବଂ ପ୍ରତିଷ୍ଠିତମ୍।
ଭ୍ରାତରଃ ସୁହୃଦଶ୍ଚୈବ ନାଚରନ୍ତି ତବାପ୍ରିଯମ୍॥ 2-76-11 (14305)
ଆଚ୍ଛାଦଯସି ପ୍ରାବାରାନଶ୍ନାସି ପିଶିତୌଦନମ୍।
ଆଜାନେଯା ବହନ୍ତ୍ଯଶ୍ବାଃ କେନାସି ହରିଣଃ କୃଶଃ॥ 2-76-12 (14306)
ଶଯନାନି ମହାର୍ହାଣି ଯୋଷିତଶ୍ଚ ମନୋରମାଃ।
ଗୁଣବନ୍ତି ଚ ବେଶ୍ମାନି ବିହାରାଶ୍ଚ ଯଥାସୁଖମ୍॥ 2-76-13 (14307)
ଦେବନାମିବ ତେ ସର୍ବଂ ବାଚି ବଦ୍ଧଂ ନ ସଂଶଯଃ।
ସ ଦୀନ ଇବ ଦୁର୍ଧର୍ଷ କସ୍ମାଚ୍ଛୋଚସି ପୁତ୍ରକ॥ 2-76-14 (14308)
`ମାତ୍ରା ପିତ୍ରା ଚ ପୁତ୍ରସ୍ଯ ଯଦ୍ବୈ କାର୍ଯଂ ପରଂ ସ୍ମୃତମ୍।
ପ୍ରାପ୍ତସ୍ତ୍ବମସି ତତ୍ତାତ ନିଖିଲାଂ ନଃ କୁଲଶ୍ରିଯମ୍॥ 2-76-15 (14309)
ଉପସ୍ଥିତଃ ସର୍ବକାମୈସ୍ତ୍ରିଦିବେ ବାସବୋ ଯଥା।
ବିବିଧୈରନ୍ନପାନୈଶ୍ଚ ପ୍ରବରୈଃ କିଂ ନୁ ଶୋଚସି॥ 2-76-16 (14310)
ନିରୁକ୍ତଂ ନିଗମଂ ଛନ୍ଦଃ ଷଡଙ୍ଗାନ୍ଯସ୍ତ୍ରଶାସ୍ତ୍ରବାନ୍।
ଅଧୀତୀ କୃତବିଦ୍ଯସ୍ତ୍ବଂ ଦଶବ୍ଯାକରଣୈଃ କୃପାତ୍॥ 2-76-17 (14311)
ହଲାଯୁଧାତ୍କୃପାଦ୍ଦ୍ରୋଣାଦସ୍ତ୍ରବିଦ୍ଯାମଧୀତବାନ୍।
ଭ୍ରାତାଜ୍ଯେଷ୍ଠଃ ସ୍ଥିତୋ ରାଜ୍ଯେ କିମୁ ଶୋଚସି ପୁତ୍ରକ॥ 2-76-18 (14312)
ପୃଥଗ୍ଜନୈରଲଭ୍ଯଂ ଯଦଶନାଚ୍ଛାଦନଂ ବହୁ।
ପ୍ରଭୁଃ ସନ୍ଭୁଞ୍ଜସେ ପୁତ୍ର ସଂସ୍ତୁତଃ ସୂତମାଗଧୈଃ॥ 2-76-19 (14313)
ତସ୍ଯ ତେ ବିଦିତପ୍ରଜ୍ଞ ଶୋକମୂଲମିଦଂ କଥମ୍।
ଲୋକେସ୍ମିଞ୍ଜ୍ଯେଷ୍ଠଭାଗନ୍ଯସ୍ତନ୍ମମାଚକ୍ଷ୍ବ ପୃଚ୍ଛତଃ॥ 2-76-20 (14314)
ବୈଶମ୍ପାଯନ ଉବାଚ॥ 2-76-21x (1521)
ତସ୍ଯ ତଦ୍ବଚନଂ ଶ୍ରୁତ୍ବା ମନ୍ଦଃ କ୍ରୋଧବଶାନୁଗଃ।
ପିତରଂ ପ୍ରତ୍ଯୁବାଚେଦଂ ସ୍ବମତିଂ ସମ୍ପ୍ରକାଶଯନ୍ '॥ 2-76-21 (14315)
ଦୁର୍ଯୋଧନ ଉବାଚ॥ 2-76-22x (1522)
ଅଶ୍ନାମ୍ଯାଚ୍ଛାଦଯେ ଚାହଂ ଯଥା କୁପୁରୁଷସ୍ତଥା।
ଅମର୍ଷଂ ଧାରଯେ ଚୋଗ୍ରଂ ନିନୀଷୁଃ କାଲପର୍ଯଯମ୍॥ 2-76-22 (14316)
ଅମର୍ଷଣଃ ସ୍ବାଃ ପ୍ରକୃତୀରଭିଭୂଯ ପରଂ ସ୍ଥିତଃ।
କ୍ଲେଶାନ୍ମୁମୁକ୍ଷୁଃ ପରଜାନ୍ସ ବୈ ପୁରୁଷ ଉଚ୍ଯତେ॥ 2-76-23 (14317)
ସନ୍ତୋଷୋ ବୈ ଶ୍ରିଯଂ ହନ୍ତି ହ୍ଯଭିମାନଂ ଚ ଭାରତ।
ଅନୁକ୍ରୋଶଭଯେ ଚୋଭେ ଯୈର୍ବୃତୋ ନାଶ୍ନୁତେ ମହତ୍॥ 2-76-24 (14318)
ନ ମାଂ ପ୍ରୀଣାତି ମଦ୍ଭୁକ୍ତଂ ଶ୍ରିଯଂ ଦୃଷ୍ଟ୍ବା ଯୁଧିଷ୍ଠେରେ।
ଅତିଜ୍ବଲନ୍ତୀଂ କୌନ୍ତେଯେ ବିବର୍ଣକରଣୀଂ ମମ॥ 2-76-25 (14319)
ସପତ୍ନାନୃଦ୍ବ୍ଯତୋତ୍ମାନଂ ହୀଯମାନଂ ନିଶାମ୍ଯ ଚ।
ଅଦୃଶ୍ଯାମପି କୌନ୍ତେଯ ଶ୍ରିଯଂ ପଶ୍ଯନ୍ନିବୋଦ୍ଯତାମ୍॥ 2-76-26 (14320)
ତସ୍ମାଦହଂ ବିବର୍ଣଶ୍ଚ ଦୀନଶ୍ଚ ହରିମଃ କୃଶଃ।
ଅଷ୍ଟାଶୀତିସହସ୍ରାଣି ସ୍ନାତକା ଗୃହମେଧିନଃ॥ 2-76-27 (14321)
ତ୍ରିଂଶଦ୍ଦାସୀକ ଏକୈକୋ ଯାନ୍ବିଭର୍ତି ଯୁଧିଷ୍ଠିରଃ।
ଦଶାନ୍ଯାନି ସହସ୍ରାଣି ଯତୀନାମୂର୍ଧ୍ବରେତସାମ୍।
ଭୁଞ୍ଜତେ ରୁକ୍ମପାତ୍ରୀଭିର୍ଯୁଧିଷ୍ଠିରନିବେଶନେ॥ 2-76-28 (14322)
କଦଲୀମୃଗମୋକାନି କୃଷ୍ଣଶ୍ଯାମାରୁଣାନି ଚ।
କାମ୍ଭୋଜଃ ପ୍ରାହିଣୋତ୍ତସ୍ମୈ ପରାର୍ଧ୍ଯାନପି କମ୍ବଲାନ୍।
ଗଜଯୋଷିଦ୍ଗବାଶ୍ବସ୍ଯ ଶତଶୋଽଥ ସହସ୍ରଶଃ॥ 2-76-29 (14323)
ତ୍ରିଶତଂ ଚୋଷ୍ଟ୍ରବାମୀନାଂ ଶତାନି ବିଚରନ୍ତ୍ଯୁତ।
ରାଜନ୍ଯା ବଲିମାଦାଯ ସମେତା ହି ନୃପକ୍ଷଯେ॥ 2-76-30 (14324)
ପୃଥଗ୍ବିଧାନି ରତ୍ନାନ ପାର୍ଥିବାଃ ପୃଥିବୀପତେ।
ଆହରନ୍କ୍ରତୁମୁଖ୍ଯେଽସ୍ମିନ୍କୁନ୍ତୀପୁତ୍ରାଯ ଭୂରିଶଃ॥ 2-76-31 (14325)
ନ କ୍ବଚିଦ୍ଧି ମଯା ତାଦୃଗ୍ଦୃଷ୍ଟପୂର୍ବୋ ନ ଚ ଶ୍ରୁତଃ।
ଯାଦୃଗ୍ଧନାଗମୋ ଯଜ୍ଞେ ପାଣ୍ଡୁପୁତ୍ରସ୍ଯ ଧୀମତଃ॥ 2-76-32 (14326)
`ଅସତ୍ଯଂ ଚେଦିଦଂ ସର୍ବଂ ସଞ୍ଜଯଂ ପ୍ରଷ୍ଟୁମର୍ହସି'।
ଅପର୍ଯନ୍ତଂ ଧନୌଘଂ ତଂ ଦୃଷ୍ଟ୍ବା ଶତ୍ରୋରହଂ ନୃପ।
ଶର୍ମ ନୈବାଭିଗଚ୍ଛାମି ଚିନ୍ତଯାନୋ ବିଶାମ୍ପତେ॥ 2-76-33 (14327)
ବ୍ରହ୍ମଣା ବାଟଧାନାଶ୍ଚ ଗୋମନ୍ତଃ ଶତସଙ୍ଘଶଃ।
ତ୍ରିଖର୍ବଂ ବଲିମାଦାଯ ଦ୍ବାରି ତିଷ୍ଠନ୍ତି ବାରିତାଃ॥ 2-76-34 (14328)
କମଣ୍ଡଲୂନୁପାଦାଯ ଜାତରୂପମଯାଞ୍ଶୁଭାନ୍।
ତ୍ରୈଖର୍ବାଃ ପ୍ରତିବେଦ୍ଯାସ୍ମୈ ଲେଭିରେଽଥ ପ୍ରବେଶନମ୍॥ 2-76-35 (14329)
ଯଥୈବ ମଧୁ ଶକ୍ରାଯ ଧାରଯନ୍ତ୍ଯମରସ୍ତ୍ରିଯଟଃ।
ତଦସ୍ମୈ କାଂସ୍ଯମାହାର୍ଷୀଦ୍ବାରୁଣଂ କଲଶୋଦଧିଃ॥ 2-76-36 (14330)
ଶଙ୍ଖପ୍ରବରମାଦାଯ ବାସୁଦେବୋଽଭିଷିକ୍ତବାନ୍।
ଶକ୍ଯଂ ରୁକ୍ମସହସ୍ରସ୍ଯ ବହୁରତ୍ନବିଭୂଷିତମ୍॥ 2-76-37 (14331)
ଦୃଷ୍ଟ୍ବା ଚ ମମ ତତ୍ସର୍ବଂ ଜ୍ବରରୂପମିବାଭବତ୍।
ଗୃହୀତ୍ବା ତତ୍ତୁ ଗଚ୍ଛନ୍ତି ସମୁଦ୍ରୌ ପୂର୍ବଦକ୍ଷିଣୌ॥ 2-76-38 (14332)
ତଥୈବ ପଶ୍ଚିମଂ ଯାନ୍ତି ଗୃହୀତ୍ବା ଭରତର୍ଷଭ।
ଉତ୍ତରଂ ତୁ ନ ଗଚ୍ଛନ୍ତି ବିନା ତାତ ପତତ୍ରିଣଃ।
ତତ୍ର ଗତ୍ବାଽର୍ଜୁନୋ ଦଣ୍ଡମାଜହାରାମିତଂ ଧନମ୍॥ 2-76-39 (14333)
`କୃତାଂ ବୈନ୍ଦୁସରୈ ରତ୍ନୈର୍ମଯେନ ସ୍ଫାଟିକଚ୍ଛଦାମ୍।
ଅପଶ୍ଯଂ ନଲିନୀଂ ପୂର୍ଣାମୁଦକସ୍ଯେବ ଭାରତ॥ 2-76-40 (14334)
ଉତ୍କର୍ଷନ୍ତଂ ଚ ବାସଶ୍ଚ ପ୍ରାହସନ୍ମାଂ ବୃକୋଦରଃ।
କିଙ୍କରାଶ୍ଚ ସଭାପାଲା ଜହସୁର୍ଭରତର୍ଷଭ॥ 2-76-41 (14335)
ପିତ୍ରୋରର୍ଥେ ବିଶେଷେଣ ପ୍ରାବୃଣ୍ବଂ ତତ୍ର ଜୀବିତମ୍।
ତତ୍ର ତ୍ମ ଯଦି ଶକ୍ତଃ ସ୍ଯାଂ ଘାତଯେଯଂ ବୃକୋଦରମ୍॥ 2-76-42 (14336)
ସପତ୍ନେନାପହାସୋ ହି ସ ମାଂ ଦହତି ଭାରତ॥ 2-76-43 (14337)
ତତ୍ର ସ୍ଫାଟିକତୋଯାଂ ହି ସ୍ଫାଟିକାମ୍ବୁଜଶୋଭିତାମ୍।
ସଭାଂ ପୁଷ୍କରିଣୀଂ ମତ୍ବା ପତିତୋଽସ୍ମି ନରାଧିପ॥ 2-76-44 (14338)
ତତ୍ର ମାମହସଦ୍ଭୀମଃ ସହ ପାର୍ଥେନ ସସ୍ବରମ୍।
ଦ୍ରୌପଦୀ ଚସହ ସ୍ତ୍ରୀଭିଃ ପାତଯନ୍ତୀ ମନୋ ମମ॥ 2-76-45 (14339)
କ୍ଲିନ୍ନବସ୍ତ୍ରସ୍ଯ ଚ ଜଲେ କିଙ୍କରା ରାଜଚୋଦିତାଃ।
ଦଦୁର୍ବାସାଂସି ମେଽନ୍ଯାନି ତଚ୍ଚ ଦୁଃଖତରଂ ମମ॥ 2-76-46 (14340)
ଅସ୍ତମ୍ଭା ଇବ ତିଷ୍ଠନ୍ତି ସ୍ତମ୍ଭା ଇବ ସହସ୍ରଶଃ।
ସୋହଂ ତତ୍ରାହତୋ ରାଜନ୍ସ୍ଫଟିକାଭ୍ଯନ୍ତରେ ବିଭୋ॥ 2-76-47 (14341)
ଅଦ୍ବାରେଣ ବିନିର୍ଗଚ୍ଛନ୍ଦ୍ବାରସଂସ୍ଥାନରୂପିଣା।
ଅଭିହତ୍ଯ ଶିଲାଂ ଭୂଯୋ ଲଲାଟେନାସ୍ମି ବିକ୍ଷତଃ॥ 2-76-48 (14342)
ଆମୃଶନ୍ନିବ ତାଂ ଦୃଷ୍ଟ୍ବା ମାର୍ଗାନ୍ତରମୁପାବିଶମ୍।
ଇଦଂ ଦ୍ବାରମିଦଂ ରାଜନ୍ନଦ୍ବାରମିତି ମାଂ ପ୍ରତି।
ଅଦ୍ଭୁତଂ ପ୍ରହସନ୍ବାକ୍ଯଂ ବଭାଷେ ସ ବୃକୋଦରଃ॥ 2-76-49 (14343)
ସ୍ତ୍ରିଯଶ୍ଚ ତତ୍ର ମାଂ ଦୃଷ୍ଟ୍ବା ଜହସୁସ୍ତାଦୃଶଂ ନୃପ।
ସର୍ବଂ ହାସକରଂ ତେଷାଂ ସଦସ୍ଯାନାଂ ନରର୍ଷଭ॥ 2-76-50 (14344)
ନ ଶ୍ରୁତାନି ନ ଦୃଷ୍ଟାନି ଯାନି ରତ୍ନାନ ମେ କ୍ବଚିତ୍।
ତାନି ମେ ତତ୍ର ଦୃଷ୍ଟାନି ତେନ ତପ୍ତୋସ୍ମି ଦୁଃଖିତଃ॥ 2-76-51 (14345)
ହୁତାଶନଂ ପ୍ରବେକ୍ଷ୍ଯାମି ପ୍ରବେକ୍ଷ୍ଯାମି ମହୋଦଧିମ୍।
ସମ୍ଭାବିତସ୍ଯ ଚାକୀର୍ତିର୍ମରଣାଦତିରିଚ୍ଯତେ'॥ 2-76-52 (14346)
ଇଦଂ ଚାଦ୍ଭୁତମତ୍ରାସୀତ୍ତନ୍ମେ ନିଗଦତଃ ଶୃଣୁ॥ 2-76-53 (14347)
ପୂର୍ଣେ ଶତସହସ୍ରେ ତୁ ବିପ୍ରାଣାଂ ଭୁଞ୍ଜତାଂ ସଦା।
ସ୍ଥାପିତସ୍ତତ୍ର ସଞ୍ଜ୍ଞାର୍ଥଂ ଶଙ୍ଖୋ ଧ୍ମାଯତି ନିତ୍ଯସଃ॥ 2-76-54 (14348)
ମୁହୁର୍ମୁହୁଃ ପ୍ରଣଦତସ୍ତସ୍ଯ ଶଙ୍ଖସ୍ଯ ଭାରତ।
ଅନିଶଂ ଶବ୍ଦମଶ୍ରୌଷଂ ତତୋ ରୋମାଣି ମେଽହୃଷନ୍॥ 2-76-55 (14349)
ପାର୍ଥିବୈର୍ବହୁଭିଃ କୀର୍ଣମୁପସ୍ଥାନଂ ଦିଦୃକ୍ଷୁଭିଃ।
ଅଶୋଭତ ମହାରାଜ ନକ୍ଷତ୍ରୈର୍ଦ୍ଯୈରିବାମଲା॥ 2-76-56 (14350)
ସର୍ବରତ୍ନାନ୍ଯୁପାଦାଯ ପାର୍ଥିବା ବୈ ଜନେଶ୍ବର।
ଯଜ୍ଞେ ତସ୍ଯ ମହାରାଜ ପାଣ୍ଡୁପୁତ୍ରସ୍ଯ ଧୀମତଃ॥ 2-76-57 (14351)
ବୈଶ୍ଯା ଇବ ମହୀପାଲା ଦ୍ବିଜାତିପରିବେଷକାଃ।
ନ ସା ଶ୍ରୀର୍ଦେବରାଜସ୍ଯ ଯମସ୍ଯ ବରୁଣସ୍ଯ ଚ।
ଗୁହ୍ଯକାଧିପତେର୍ବାପି ଯା ଶ୍ରୀ ରାଜନ୍ଯୁଧିଷ୍ଠିରେ॥ 2-76-58 (14352)
ତାଂ ଦୃଷ୍ଟ୍ବା ପାଣ୍ଡୁପୁତ୍ରସ୍ଯ ଶ୍ରିଯଂ ପରମିକ୍ରାମହମ୍।
ଶାନ୍ତିଂ ନ ପରିଗଚ୍ଛାମି ଦହ୍ଯମାନେନ ଚେତସା॥ 2-76-59 (14353)
`ଅପ୍ରାପ୍ଯ ପାଣ୍ଡବୈଶ୍ବର୍ଯଂ ଶମୋ ମମ ନ ବିଦ୍ଯତେ।
ଅରୀନ୍ବାଣୈଃ ଶାଯଯିଷ୍ଯେ ଶଯିଷ୍ଯେ ବା ହତଃ ପରୈଃ॥ 2-76-60 (14354)
ଏତାଦୃଶସ୍ଯ ମେ କିଂ ତୁ ଜୀବିତେନ ପରନ୍ତପ।
ବର୍ଧନ୍ତେ ପାଣ୍ଡବା ରାଜନ୍ବଯଂ ହି ସ୍ଥିତବୃଦ୍ଧଯଃ'॥ 2-76-61 (14355)
ଶକୁନିରୁବାଚ॥ 2-76-62x (1523)
ଯାମେତାମତୁଲାଂ ଲକ୍ଷ୍ମୀଂ ଦୃଷ୍ଟବାନସି ପାଣ୍ଡବେ।
ତସ୍ଯାଟଃ ପ୍ରାପ୍ତାବୁପାଯଂ ମେ ଶୃଣୁ ସତ୍ଯପରାକ୍ରମ॥ 2-76-62 (14356)
ଅହମକ୍ଷେଷ୍ବଭିଜ୍ଞୋଽସ୍ମି ପୃଥିବ୍ଯାମପି ଭାରତ।
ହୃଦଯଜ୍ଞଃ ପଣଜ୍ଞଶ୍ଚ ବିଶେଷଜ୍ଞଶ୍ଚ ଦେବନେ॥ 2-76-63 (14357)
ଦ୍ଯୂତପ୍ରିଯଶ୍ଚ କୌନ୍ତେଯୋ ନ ଚ ଜାନାତି ଦେବିତୁମ୍।
ଆହୂତଶ୍ଚୈଷ୍ଯତି ବ୍ଯକ୍ତଂ ନିତ୍ଯମେବାହ୍ବଯତ୍ସ୍ବଯମ୍॥ 2-76-64 (14358)
ନିଯତଂ ତଂ ବିଜେଷ୍ଯାମି କୃତ୍ବା ତୁ କପଟଂ ବିଭୋ।
ଆନଯାମି ସମୃଦ୍ଧିଂ ତାଂ ଦିବ୍ଯାଂ ଚୋପାହ୍ବଯସ୍ବ ତମ୍॥ 2-76-65 (14359)
ବୈଶମ୍ପାଯନ ଉବାଚ॥ 2-76-66x (1524)
ଏବମୁକ୍ତଃ ଶକୁନିନା ରାଜା ଦୁର୍ଯୋଧନସ୍ତତଃ।
ଧୃତରାଷ୍ଟ୍ରମିଦଂ ବାକ୍ଯମପଦାନ୍ତରମବ୍ରବୀତ୍॥ 2-76-66 (14360)
ଅଯମୁତ୍ସହତେ ରାଜଞ୍ଶ୍ରିଯମାହର୍ତୁମକ୍ଷବିତ୍।
ଦ୍ଯୂତେନ ପାଣ୍ଡୁପୁତ୍ରସ୍ଯ ତଦନୁଜ୍ଞାତୁମର୍ହସି॥ 2-76-67 (14361)
ଧୃତରାଷ୍ଟ୍ର ଉବାଚ॥ 2-76-68x (1525)
କ୍ଷତ୍ତା ମନ୍ତ୍ରୀ ମହାପ୍ରାଜ୍ଞଃ ସ୍ଥିତୋ ଯସ୍ଯାସ୍ମି ଶାସନେ।
ତେନ ସଙ୍ଗମ୍ଯ ବେତ୍ସ୍ଯାମି କାର୍ଯସ୍ଯାସ୍ଯ ବିନିଶ୍ଚଯମ୍॥ 2-76-68 (14362)
ସ ହି ଧର୍ମଂ ପୁରସ୍କୃତ୍ଯ ଦୀର୍ଘଦର୍ଶୀ ପରଂ ହିତମ୍।
ଉଭଯୋଟଃ ପକ୍ଷଯୋର୍ଯୁକ୍ତଂ ବକ୍ଷ୍ଯତ୍ଯର୍ଥବିନିଶ୍ଚଯମ୍॥ 2-76-69 (14363)
ଦୁର୍ଯୋଧନ ଉବାଚ। 2-76-70x (1526)
ନିବର୍ତଯିଷ୍ଯତି ତ୍ବାଽସୌ ଯଦି କ୍ଷତ୍ତା ସମେଷ୍ଯତି।
ନିବୃତ୍ତେ ତ୍ବଯି ରାଜେନ୍ଦ୍ର ମରିଷ୍ଯେଽହମସଂଶଯମ୍॥ 2-76-70 (14364)
ସ ତ୍ବଂ ମଯି ମୃତେ ରାଜନ୍ବିଦୁରେଣ ସୁଖୀ ଭବ।
ଭୋକ୍ଷ୍ଯସେ ପୃଥିବୀଂ କୃତ୍ସ୍ନାଂ କିଂ ମଯା ତ୍ବଂ କରିଷ୍ଯସି॥ 2-76-71 (14365)
ବୈଶମ୍ପାଯନ ଉବାଚ॥ 2-7-72x (1527)
ଆର୍ତବାକ୍ଯଂ ତୁ ତତ୍ତସ୍ଯ ପ୍ରଣଯୋକ୍ତଂ ନିଶମ୍ଯ ସଃ।
ଧୃତରାଷ୍ଟ୍ରୋଽବ୍ରବୀତ୍ପ୍ରେଷ୍ଯନ୍ଦୁର୍ଯୋଧନମତେ ସ୍ଥିତଃ॥ 2-76-72 (14366)
ସ୍ଥୂଣାସହସ୍ରୈର୍ବୃହତୀଂ ଶତଦ୍ବାରାଂ ସଭାଂ ମମ।
ମନୋରମାଂ ଦର୍ଶନୀଯାମାଶୁ କୁର୍ବନ୍ତୁଂ ଶିଲ୍ପିନଃ॥ 2-76-73 (14367)
ତତଃ ସଂସ୍ତୀର୍ଯ ରତ୍ନୈସ୍ତାଂ ତକ୍ଷ୍ଣ ଆନାଯ୍ଯ ସର୍ବଶଃ।
ସୁକୃତାଂ ସୁପ୍ରବେଶାଂ ଚ ନିବେଦଯତ ମେଽଶନୈଃ॥ 2-76-74 (14368)
ଦୂର୍ଯୋଧନସ୍ଯ ଶାନ୍ତ୍ଯର୍ଥମିତି ନିଶ୍ଚିତ୍ଯ ଭୂମିପଃ।
ଧୃତରାଷ୍ଟ୍ରୋ ମହାରାଜ ପ୍ରାହିଣୋଦ୍ବିଦୁରାଯ ବୈ॥ 2-76-75 (14369)
ଅପୃଷ୍ଟ୍ବା ବିଦୁରଂ ସ୍ବସ୍ଯନ ନାସୀତ୍କଶ୍ଚିଦ୍ବିନିଶ୍ଚଯଃ।
ଦ୍ଯୂତେ ଦୋଷାଂଶ୍ଚ ଜାନନ୍ସ ପୁତ୍ରସ୍ନେହାଦକୃଷ୍ଯତ॥ 2-76-76 (14370)
ତଚ୍ଛ୍ରୁତ୍ବା ବିଦୁରୋ ଧୀମାନ୍କଲିଦ୍ବାରମୁପସ୍ଥିତମ୍।
ବିନାଶମୁଖମୁତ୍ପନ୍ନଂ ଧୃତରାଷ୍ଟ୍ରମୁପାଦ୍ରବତ୍॥ 2-76-77 (14371)
ସୋଽଭିଗମ୍ଯ ମହାତ୍ମାନଂ ଭ୍ରାତା ଭ୍ରାତରମଗ୍ରଜମ୍।
ମୂର୍ଧ୍ନା ପ୍ରଣମ୍ଯ ଚରଣାବିଦଂ ବଚନମବ୍ରବୀତ୍॥ 2-76-78 (14372)
ବିଦୁର ଉବାଚ। 2-76-79x (1528)
ନାଭିନନ୍ଦାମି ତେ ରାଜନ୍ବ୍ଯବସାଯମିମଂ ପ୍ରଭୋ।
ପୁତ୍ରୈର୍ଭେଦୋ ଯଥା ନ ସ୍ଥାଦ୍ଦ୍ଯୂତହେତୋସ୍ତଥା କୁରୁ॥ 2-76-79 (14373)
ଧୃତରାଷ୍ଟ୍ର ଉବାଚ। 2-76-80x (1529)
କ୍ଷତ୍ତଃ ପୁତ୍ରେଷୁ ପୁତ୍ରୈର୍ମେ କଲହୋ ନ ଭବିଷ୍ଯତି।
ଯଦି ଦେବାଃ ପ୍ରସାଦଂ ନଃ କରିଷ୍ଯନ୍ତି ନ ସଂଶଯଃ॥ 2-76-80 (14374)
ଅଶୁଭଂ ବା ଶୁଭଂ ବାପି ହିତଂ ବା ଯଦି ବାଽହିତମ୍। 2-76-81 (14375)
ମଯି ସନ୍ନିହିତେ ଦ୍ରୋଣେ ଭୀଷ୍ମେ ତ୍ବଯି ଚ ଭାରତ।
ଅନଯୋ ଦୈବବିହିତୋ ନ କଥଞ୍ଚିଦ୍ଭବିଷ୍ଯତି॥ 2-76-82 (14376)
ଗଚ୍ଛ ତ୍ବଂ ରଥମାସ୍ଥାଯ ହଯୈର୍ବାତସମୈର୍ଜବେ।
ଖାଣ୍ଡବପ୍ରସ୍ଥମଦ୍ଯୈବ ସମାନଯ ଯୁଧିଷ୍ଠିରମ୍॥ 2-76-83 (14377)
ନ ବାଚ୍ଯୋ ବ୍ଯବସାଯୋ ମେ ବିଦୁରୈତଦ୍ବ୍ରବୀମି ତେ।
ଦୈବମେବ ପରଂ ମନ୍ଯେ ଯେନୈତଦୁପପଦ୍ଯତେ॥ 2-76-84 (14378)
ଇତ୍ଯୁକ୍ତୋ ବିଦୁରୋ ଧୀମାନ୍ନେଦମସ୍ତୀତି ଚିନ୍ତଯନ୍।
ଆପଗେଯଂ ମହାପ୍ରାଜ୍ଞମଭ୍ଯଗଚ୍ଛତ୍ସୁଦୁଃ ଖିତଃ॥ ॥ 2-76-85 (14379)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦ୍ଯୂତପର୍ବଣି ଷଟ୍ସପ୍ତତିତମୋଽଧ୍ଯାଯଃ॥ 76 ॥
Mahabharata - Sabha Parva - Chapter Footnotes
2-76-9 କୁତୋମୂଲଂ କିଂମୁଲମ୍। କୁତଇତି ପ୍ରଥମାର୍ଥେ ତସିଃ॥ 2-76-29 କଦଲୀମୃଗା ହରିଣବିଶେଷାସ୍ତେଷାଂ ମୋକାନ୍ଯଜିନାନି ତାନ୍ଯେବ କୃଷ୍ଣଶ୍ଯାମାରୁଣାନି ଚିତ୍ର ବର୍ଣାନୀତ୍ଯର୍ଥଃ॥ 2-76-34 ବାଟାଃ କ୍ଷେତ୍ରାଦିବୃତ୍ତଯସ୍ତାସାଂ ଧାନା ଅଭିନବୋଦ୍ଭେଦୋ ଯେଷାଂ ତେ ସସ୍ଯାଦିସମ୍ପନ୍ନକ ୍ଷେତ୍ରାଦିବୃତ୍ତିମନ୍ତ ଇତ୍ଯର୍ଥଃ॥ 2-76-37 ଶୈକ୍ଯଂ ବରତ୍ରାମଯଂ ପାତ୍ରାଧାରଭୂତଂ ଶିକ୍ଯଂ କାବଡୀତି ପ୍ରସିଦ୍ଧଂ ତତ୍ର ସ୍ଥିତଂ ପାତ୍ ରଂ ଶୈକ୍ଯମ୍। ଏତେନ ସାମୁଦ୍ରଯ ଆପ ଉକ୍ତାଃ॥ସଭାପର୍ବ - ଅଧ୍ଯାଯ 077
॥ ଶ୍ରୀଃ ॥
2.77. ଅଧ୍ଯାଯଃ 077
Mahabharata - Sabha Parva - Chapter Topics
ଜନମେଜଯେନ ବିସ୍ତରେଣ ଦ୍ଯୂତବୃତ୍ତାନ୍ତକଥନପ୍ରାର୍ଥନମ୍॥ 1॥ ଧୃତରାଷ୍ଟ୍ରେଣ ଦୁର୍ଯୋଧନମ୍ପ୍ରତି ଦ୍ଯୂତନିଷେଧନମ୍॥ 2॥ ଦୁର୍ଯୋଧନେନ ଧୃତରାଷ୍ଟ୍ରମ୍ପ୍ରତି ଭୀମାଦିକୃତସ୍ବାପହସନାଦିକଥନମ୍॥ 3॥Mahabharata - Sabha Parva - Chapter Text
ଜନମେଜଯ ଉବାଚ॥
କଥଂ ସମଭବଦ୍ଦ୍ଯୂତଂ ଭ୍ରାତୄଣାଂ ତନ୍ମହାତ୍ଯଯମ୍।
ଯତ୍ର ତଦ୍ବ୍ଯସନଂ ପ୍ରାପ୍ତଂ ପାଣ୍ଡବୈର୍ମେ ପିତାମହୈଃ॥ 2-77-1 (14380)
କେ ଚ ତତ୍ର ସମାସ୍ତାରା ରାଜାନୋ ବ୍ରହ୍ମବିତ୍ତମ।
କେ ଚୈନମନ୍ବମୋଦନ୍ତ କେ ଚୈନଂ ପ୍ରତ୍ଯଷେଧଯନ୍॥ 2-77-2 (14381)
ବିସ୍ତରେଣୈତଦିଚ୍ଛାମି କଥ୍ଯମାନଂ ତ୍ବଯା ଦ୍ବିଜ।
ମୂଲଂ ହ୍ଯେତଦ୍ବିନାଶସ୍ଯ ପୃଥିବ୍ଯା ଦ୍ବିଜସତ୍ତମ॥ 2-77-3 (14382)
ସୌତିରୁବାଚ। 2-77-4x (1530)
ଏବମୁକ୍ତସ୍ତତୋ ରାଜ୍ଞା ବ୍ଯାସଶିଷ୍ଯଃ ପ୍ରତାପବାନ୍।
ଆଚଚକ୍ଷେଽଥ ଯଦ୍ବୃତ୍ତଂ ତତ୍ସର୍ବଂ ବେଦତତ୍ତ୍ବବିଦ୍॥ 2-77-4 (14383)
ବୈଶମ୍ପାଯନ ଉବାଚ॥ 2-77-5x (1531)
ଏବମୁକ୍ତସ୍ତତୋ ରାଜ୍ଞା ବ୍ଯାସଶିଷ୍ଯଃ ପ୍ରତାପବାନ୍।
ଆଚଚକ୍ଷେଽଥ ଯଦ୍ବୃତ୍ତଂ ତତ୍ସର୍ବଂ ବେଦତତ୍ତ୍ବବିତ୍॥ 2-77-5 (14384)
ବିଦୁରସ୍ଯ ମତିଂ ଜ୍ଞାତ୍ବା ଧୃତରାଷ୍ଟ୍ରୋଽମ୍ବିକାସୁତଃ।
ଦୁର୍ଯୋଧନମିଦଂ ବାକ୍ଯମୁବାଚ ବିଜନେ ପୁନଃ॥ 2-77-6 (14385)
ଅଲଂ ଦ୍ଯୂତେନ ଗାନ୍ଧାରେ ବିଦୁରୋ ନ ପ୍ରଶଂସତି।
ନ ହ୍ଯସୌ ସୁମହାବୁଦ୍ଧିରହିତଂ ନୋ ବଦିଷ୍ଯତି॥ 2-77-7 (14386)
ହିତଂ ହି ପରମଂ ମନ୍ଯେ ବିଦୁରୋ ଯତ୍ପ୍ରଭାଷତେ।
କ୍ରିଯତାଂ ପୁତ୍ର ତତ୍ସର୍ବମେତନ୍ମନ୍ଯେ ହିତଂ ତବ॥ 2-77-8 (14387)
ଦେବର୍ଷିର୍ବାସବାଗୁରୁର୍ଦେବରାଜାଯ ଧୀମତେ।
ଯତ୍ପ୍ରାହ ଶାସ୍ତ୍ରଂ ଭଗବାନ୍ବୃହସ୍ପତିରୁଦାରଧୀଃ।
ତଦ୍ଦେ ବିଦୁରଃ ସର୍ବଂ ସରହସ୍ଯଂ ମହାକବିଃ॥ 2-77-9 (14388)
ସ୍ଥିତସ୍ତୁ ବଚନେ ତସ୍ଯ ସଦାଽହମପି ପୁତ୍ରକ।
ବିଦୁରୋ ବାପି ମେଧାବୀ କୁରୂଣାଂ ପ୍ରବରୋ ମତଃ॥ 2-77-10 (14389)
ଉଦ୍ଧବୋ ବା ମହାବୁଦ୍ଧିର୍ବୃଷ୍ଣୀନାମର୍ଚିତୋ ନୃପ।
ତଦଲଂ ପୁତ୍ର ଦ୍ଯୂତେନ ଦ୍ଯୂତେ ଭେଦୋ ହି ଦୃଶ୍ଯତେ॥ 2-77-11 (14390)
ଭେଦେ ବିନାଶୋ ରାଜ୍ଯସ୍ଯ ତତ୍ପୁତ୍ର ପରିବର୍ଜଯ॥ 2-77-12 (14391)
ପିତ୍ରା ମାତ୍ରା ଚ ପୁତ୍ରସ୍ଯ ଯଦ୍ବୈ କାର୍ଯଂ ପରଂ ସ୍ମୃତମ୍।
ପ୍ରାପ୍ତସ୍ତ୍ବମସି ତନ୍ନାମ ପିତୃପୈତାମହଂ ପଦମ୍॥ 2-77-13 (14392)
ଅଧୀତବାନ୍କୃତୀ ଶାସ୍ତ୍ରେ ଲାଲିତଃ ସତତଂ ଗୃହେ।
ଭ୍ରାତୃଜ୍ଯେଷ୍ଠଃ ସ୍ଥିତୋ ରାଜ୍ଯେ ବିନ୍ଦସରେ କିଂ ନ ଶୋଭନମ୍॥ 2-77-14 (14393)
ପୃଥଗ୍ଜନୈରଲଭ୍ଯଂ ଯଦ୍ଭୋଜନାଚ୍ଛାଦନଂ ପରମ୍।
ତତ୍ପ୍ରାପ୍ତୋସି ମହାବାହୋ କସ୍ମାଚ୍ଛୋନସି ପୁତ୍ରକ॥ 2-77-15 (14394)
ସ୍ଫୀତଂ ରାଷ୍ଟ୍ରଂ ମହାବାହୋ ପିତୃପୈତାମହଂ ମହତ୍।
ନିତ୍ଯମାଜ୍ଞାପଯନ୍ଭାସି ଦିବି ଦେବେଶ୍ବରୋ ଯଥା॥ 2-77-16 (14395)
`ଯାଦୃଶଂ ଚ ତବୈଶ୍ବର୍ଯଂ ତଦନ୍ଯେଷାଂ ସୁଦୁର୍ଲଭମ୍।
ଯେ ଚୋପଭୋଗାସ୍ତେ ରାଜନ୍ମଯା ତେ ପରିକୀର୍ତିତାଃ'॥ 2-77-17 (14396)
ତସ୍ଯ ତେ ବିଦିତପ୍ରଜ୍ଞ ଶୋକମୂଲମିଦଂ କଥମ୍।
ସମୁତ୍ଥିତଂ ଦୁଃଖକରଂ ତନ୍ମେ ଶଂସିତୁମର୍ହସି॥ 2-77-18 (14397)
ଦୁର୍ଯୋଧନ ଉବାଚ॥ 2-77-19x (1532)
ଅଶ୍ନାମ୍ଯାଚ୍ଛାଦଯାମୀତି ପ୍ରପଶ୍ଯନ୍ହୀନପୌରୁଷଃ।
ନାମର୍ଷଂ କୁରୁତେ ଯସ୍ତୁ ପୁରୁଷଃ ସୋଽଧମଃ ସ୍ମୃତଃ॥ 2-77-19 (14398)
ନ ମାଂ ପ୍ରୀଣାତି ରାଜେନ୍ଦ୍ର ଲକ୍ଷ୍ମୀଃ ସାଧାରଣୀ ବିଭୋ।
ଜ୍ବଲିତାମେବ କୌନ୍ଯେଯେ ଶ୍ରିଯଂ ଦୃଷ୍ଟ୍ବା ଚ ବିବ୍ଯଥେ॥ 2-77-20 (14399)
ସର୍ବାଂ ଚ ପୃଥିବୀଂ ଚୈବ ଯୁଧିଷ୍ଠିରବଶାନୁଗାମ୍।
ସ୍ଥିରୋଽସ୍ମି ଯୋଽହଂ ଜୀବାମି ଦୁଃଖାଦେତଦ୍ବ୍ରବୀମି ତେ। 2-77-21 (14400)
ଆବର୍ଜିତା ଇବାଭାନ୍ତି ନୀପାଶ୍ଚିତ୍ରକକୌକୁରାଃ।
କାରସ୍କାରା ଲୋହଜଙ୍ଘା ଯୁଧିଷ୍ଠିରନିବେଶନେ॥ 2-77-22 (14401)
ହିମବତ୍ସାଗରାନୁପାଃ ସର୍ବେ ରତ୍ନାକରାସ୍ତଥା।
ଅନ୍ତ୍ଯାଃ ସର୍ବେ ପର୍ଯୁଦସ୍ତା ଯୁଧିଷ୍ଠିରନିବେଶନେ॥ 2-77-23 (14402)
ଜ୍ଯେଷ୍ଠୋଽଯମିତି ମାଂ ମତ୍ବା ଶ୍ରେଷ୍ଠଶ୍ଚେତି ବିଶାମ୍ପତେ।
ଯୁଧିଷ୍ଠିରେଣ ସତ୍କୃତ୍ଯ ଯୁକ୍ତୋ ରତ୍ନପରିଗ୍ରହେ॥ 2-77-24 (14403)
ଉପସ୍ଥିତାନାଂ ରତ୍ନାନାଂ ଶ୍ରେଷ୍ଠାନାମର୍ଘହାରିଣାମ୍।
ନାଦୃଶ୍ଯତ ପରଃ ପାରୋ ନାପରସ୍ତତ୍ର ଭାରତ॥ 2-77-25 (14404)
ନ ମେ ହସ୍ତଃ ସମଭବଦ୍ବସୁ ତତ୍ପ୍ରତିଗୃହ୍ଣତଃ।
ଅତିଷ୍ଠନ୍ତ ମଯି ଶ୍ରାନ୍ତେ ଗୃଗ୍ଯ ଦୂରାହୃତଂ ବସୁ॥ 2-77-26 (14405)
କୃତାଂ ବିନ୍ଦୁସରୋରତ୍ନୈର୍ମଯେନ ସ୍ଫାଟିକଚ୍ଛଦାମ୍।
ଅପଶ୍ଯଂ ନଲିନୀଂ ପୂର୍ଣାମୁଦକସ୍ଯେବ ଭାରତ॥ 2-77-27 (14406)
ବସ୍ତ୍ରମୁତ୍କର୍ଷତି ମଯି ପ୍ରାହସତ୍ସ ବୃକୋଦରଃ।
ଶତ୍ରୋର୍ଋଦ୍ଧିବିଶେଷେଣ ବିମୂଢ ରତ୍ତବର୍ଜିତମ୍॥ 2-77-28 (14407)
ତତ୍ର ସ୍ମ ଯଦି ଶକ୍ତଃ ସ୍ଯଂ ପାତଯେଽହଂ ବୃକୋଦରମ୍।
ଯଦି କୁର୍ଯାଂ ସମାରମ୍ଭଂ ଭୀମଂ ହନ୍ତୁଂ ନରାଧିପ॥ 2-77-29 (14408)
ଶିଶୁପାଲ ଇବାସ୍ମାକଂ ଗତିଃ ସ୍ଯାନ୍ନାତ୍ର ସଂଶଯଃ।
ସପତ୍ନେନାବହାସୋ ମେ ସ ମାଂ ଦହତି ଭାରତ॥ 2-77-30 (14409)
ପୁନଶ୍ଚ ତାଦୃଶୀମେବ ବାପୀଂ ଜଲଜଶାଲିନୀମ୍।
ମତ୍ବା ଶିଲାସମାଂ ତୋଯେ ପତିତୋଽସ୍ମି ନରାଧିପ॥ 2-77-31 (14410)
ତତ୍ର ମାଂ ପ୍ରାହସତ୍କୃଷ୍ଣଃ ପାର୍ଥେନ ସହ ସୁସ୍ବରମ୍।
ଦ୍ରୌପଦୀ ଚ ସହ ସ୍ତ୍ରୀଭିର୍ବ୍ଯଥଯନ୍ତୀ ମନୋ ମମ॥ 2-77-32 (14411)
କ୍ଲିନ୍ନବସ୍ତ୍ରସ୍ଯ ତୁ ଜଲେ କିଙ୍କରା ରାଜନୋଦିତାଃ।
ଦଦୁର୍ବାସାଂସି ମେଽନ୍ଯାନି ତଚ୍ଚ ଦୁଃଖଂ ପରଂ ମମ॥ 2-77-33 (14412)
ପ୍ରଲମ୍ଭଂ ଚ ଶୃଣୁଷ୍ବାନ୍ଯଦ୍ବଦତୋ ମେ ନରାଧିପ।
ଅଦ୍ବାରେଣ ବିନିର୍ଗଚ୍ଛନ୍ଦ୍ବାରସଂସ୍ଥାନରୂପିଣା।
ଅଭିହତ୍ଯ ଶିଲାଂ ଭୂଯୋ ଲଲାଟେନାସ୍ମି ବିକ୍ଷତଃ॥ 2-77-34 (14413)
ତତ୍ର ମାଂ ଯମଜୌ ଦୂରାଦାଲୋକ୍ଯାଭିହତଂ ତଦା।
ବାହୁଭିଃ ପରିଗୃହ୍ଣୀତାଂ ଶୋଚନ୍ତୌ ସହିତାବୁଭୌ॥ 2-77-35 (14414)
ଉବାଚ ସହଦେବସ୍ତୁ ତତ୍ର ମାଂ ବିସ୍ମଯନ୍ନିବ।
ଇଦ ଦ୍ବାରଂ ଧାର୍ତରାଷ୍ଟ୍ର ମା ଗଚ୍ଛେତି ପୁନଃ ପୁନଃ॥ 2-77-36 (14415)
ଭୀମସେନେନ ତତ୍ରୋକ୍ତୋ ଧୃତରାଷ୍ଟ୍ରାତ୍ମଜେତି ଚ।
ସମ୍ବୋଧ୍ଯ ପ୍ରହସିତ୍ବା ଚ ଇତୋ ଦ୍ବାରଂ ନରାଧିପ॥ 2-77-37 (14416)
ନାମଧେଯାନି ରତ୍ନାନାଂ ପୁରସ୍ତାନ୍ନ ଶ୍ରୁତାନି ମେ।
ଯାନି ଦୃଷ୍ଟାନି ମେ ତସ୍ଯାଂ ମନସ୍ତପତି ତଚ୍ଚ ମେ॥ ॥ 2-77-38 (14417)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦ୍ଯୂତପର୍ବଣି ସପ୍ତସପ୍ତତିତମୋଽଧ୍ଯାଯଃ॥ 77 ॥
Mahabharata - Sabha Parva - Chapter Footnotes
2-77-22 ନୀପାଦଯୋ ରାଜାନଃ। ଆବର୍ଜିତା ଦାସବଦ୍ବଶଗାଃ॥ 2-77-23 ପର୍ଯୁଦସ୍ତା ଦୂରକ୍ଷିପ୍ତାଃ॥ 2-77-26 ନ ସମଭବତ୍ ସମର୍ଥୋ ନାଭବତ୍॥ସଭାପର୍ବ - ଅଧ୍ଯାଯ 078
॥ ଶ୍ରୀଃ ॥
2.78. ଅଧ୍ଯାଯଃ 078
Mahabharata - Sabha Parva - Chapter Topics
ଦୁର୍ଯୋଧନେନ ଧୃତରାଷ୍ଟ୍ରସମୀପେ ଯୁଧିଷ୍ଠିରାଯ ନାନାଦେଶୀଯରାଜୋପାହୃତୋପାଯନବର୍ଣନମ୍॥ 1॥Mahabharata - Sabha Parva - Chapter Text
ଦୁର୍ଯୋଧନ ଉବାଚ॥
ଯନ୍ମଯା ପାଣ୍ଡବୋଯାନାଂ ଦୃଷ୍ଟଂ ତଚ୍ଛୃଣୁ ଭାରତ।
ଆହୃତଂ ଭୂମିପାଲୈର୍ହି ବସୁ ମୁଖ୍ଯଂ ତତସ୍ତତଃ॥ 2-78-1 (14418)
ନାବିଦଂ ମୂଢମାତ୍ମାନଂ ଦୃଷ୍ଟ୍ବାହଂ ତଦରେର୍ଧନମ୍।
ଫଲତୋ ଭୂମିତୋ ବାଽପି ପ୍ରତିପଦ୍ଯସ୍ବ ଭାରତ॥ 2-78-2 (14419)
ଔର୍ଣାନ୍ବୈଲାନ୍ବାର୍ଷଦଂଶାନ୍ ଜାତରୂପପରିଷ୍କୃତାନ୍।
ପ୍ରାବାରାଜିନମୁଖ୍ଯାଂଶ୍ଚ କାମ୍ଭୋଜଃ ପ୍ରଦଦୌ ବହୂନ୍॥ 2-78-3 (14420)
ଅଶ୍ବାଂସ୍ତିତ୍ତିରିକଲ୍ମାଷାଂସ୍ତ୍ରିଶତଂ ଶୁକନାସିକାନ୍।
ଅଷ୍ଟ୍ରବାମୀସ୍ତ୍ରିଗର୍ତାଶ୍ଚ ପୁଷ୍ଟାଃ ପୀଲୁଶମୀଙ୍ଗୁଦୈଃ॥ 2-78-4 (14421)
ଗୋପାଃ ସ୍ବୀଯେନ ସହିତାସ୍ତଦାଦାଯ ଚତୁଷ୍ପଦମ୍।
ବସାତଯୋଽନ୍ଯଦ୍ଦ୍ରବ୍ଯଂ ଦ୍ବାରି ତସ୍ଯାବତସ୍ଥିରେ॥ 2-78-5 (14422)
କମଣ୍ଡଲୂନୁପାଦାଯ ଜାତରୂପମଯଞ୍ଛିବାନ୍।
ରତ୍ନାନି ଚ ହିରଣ୍ଯଂ ଚ ସୁବର୍ଣଂ ଚୈବ କେବଲମ୍। 2-78-6 (14423)
ପ୍ରୀଯମାଣଃ ପ୍ରସନ୍ନାତ୍ମା ସ୍ବଯଂ ସ୍ବଜନସଂବୃତଃ।
ତ୍ରୈଖର୍ବୋ ରଥମୁଖ୍ଯେଶଃ ପାଣ୍ଡବାଯ ନ୍ଯବେଦଯତ୍॥ 2-78-7 (14424)
ଯଶ୍ଚ ସ ଦ୍ବିଜମୁଖ୍ଯେନ ରାଜ୍ଞଃ ଶଙ୍ଖୋ ନିବେଦିତଃ।
ପ୍ରୀତ୍ଯା ଦତ୍ତଃ କୁବିନ୍ଦେନ ଧର୍ମରାଜାଯ ଧୀମତେ॥ 2-78-8 (14425)
ତଂ ସର୍ବେ ଭ୍ରାତରୋ ଭ୍ରାତ୍ରେ ଦଦୁଃ ଶଙ୍ଖଂ କିରୀଟିନେ।
ତଂ ପ୍ରତ୍ଯଗୃହ୍ଣାଦ୍ବୀଭତ୍ସୁସ୍ତୋଯଜଂ ହେମମାଲିନମ୍॥ 2-78-9 (14426)
ଚିତ୍ରଂ ନିଷ୍କସହସ୍ରେଣ ଭ୍ରାଜମାନଂ ସ୍ବତେଜସା।
ରୁଚିରଂ ଦର୍ଶନୀଯଂ ଚ ପୂଜିତଂ ବିଶ୍ବକର୍ମଣା॥ 2-78-10 (14427)
ଅଧାରଯଚ୍ଚ ଧର୍ମଶ୍ଚ ତଂ ନମସ୍ଯ ପୁନଃ ପୁନଃ।
ଯୋଽନାଦନେଽପି ନଦତି ସ ନନାଦାଧିକଂ ତଦା॥ 2-78-11 (14428)
ପ୍ରଣାଦାଦ୍ଭୂମିପାସ୍ତସ୍ଯ ପେତୁର୍ହୀନାଃ ଖତେଜସା।
ଧୃଷ୍ଟଦ୍ଯୁମ୍ନଃ ପାଣ୍ଡବାଶ୍ଚ ସାତ୍ଯକିଃ କେଶବୋଽଷ୍ଟମଃ॥ 2-78-12 (14429)
ସତ୍ବେନ ସ୍ବେନ ସମ୍ପନ୍ନା ଅନ୍ଯୋନ୍ଯପ୍ରିଯକାରିଣଃ।
ବିସଞ୍ଜ୍ଞାନ୍ଭୂମିପାନ୍ଦୃଷ୍ଟ୍ବା ମାଂ ଚ ତେ ପ୍ରାହସଂସ୍ତଦା॥ 2-78-13 (14430)
ତତଃ ପ୍ରହୃଷ୍ଟୋ ବୀଭତ୍ସୁରଦଦାଦ୍ଧେମଶୃଙ୍ଗିଣଃ।
ଶତାନନଡୁହାନ୍ପଞ୍ଚ ଦ୍ବିଜମୁଖ୍ଯାଯ ଭାରତ॥ 2-78-14 (14431)
ସୁମୁଖେନ ବଲିର୍ମୁଖ୍ଯଃ ପ୍ରେଷିତୋଽଜାତଶତ୍ରବେ।
କୁବିନ୍ଦେନ ହିରଣ୍ଯଂ ଚ ବାସାଂସି ବିବିଧାନି ଚ॥ 2-78-15 (14432)
କାଶ୍ମୀରରାଜୋ ମାର୍ଦ୍ବୀକଂ ଶୁଦ୍ଧଂ ଚ ସରସଂ ମଧୁ।
ବଲିଂ ଚ କୁତ୍ସ୍ନମାଦାଯ ପାଣ୍ଡବାଯାଭ୍ଯୁଟପାଗମତ୍॥ 2-78-16 (14433)
ଯବନା ହଯାନୁପାଦାଯ ପାର୍ବତୀଯାନ୍ମନୋଜବାନ୍।
ଆସନାନି ମହାର୍ହାଣି କମ୍ବଲାଂଶ୍ଚ ମହାଧନାନ୍॥ 2-78-17 (14434)
ନବାନ୍ସୂକ୍ଷ୍ମାଂଶ୍ଚ ହୃଦ୍ଯାଂଶ୍ଚ ପରାର୍ଥ୍ଯାନ୍ସୁପ୍ରଦର୍ଶନାନ୍।
ଅନ୍ଯଚ୍ଚ ବିବିଧଂ ରତ୍ନଂ ଦ୍ବାରି ତେ ନ୍ଯବତସ୍ଥିରେ॥ 2-78-18 (14435)
ଶ୍ରୁତାଯୁରପି କାଲିଙ୍ଗୋ ମଣିରତ୍ନମନୁତ୍ତମମ୍।
ଅଙ୍ଗଃ ସ୍ତ୍ରିଯୋ ଦର୍ଶନୀଯା ଜାତରୂପବିଭୂଷିତାଃ॥ 2-78-19 (14436)
ବଙ୍ଗୋ ଜାମ୍ବୂନଦମଯାନ୍ପର୍ଯଙ୍ଗାଞ୍ଛତଶୋ ନୃପ।
ଦକ୍ଷିଣାତ୍ସାଗରାଭ୍ଯାଶାତ୍ପ୍ରାବାରାଂଶ୍ଚ ପରଶ୍ଶତମ୍॥ 2-78-20 (14437)
ଔଦକାନି ସରତ୍ନାନି ବଲିଂ ଚାଦାଯ ଭାରତ।
ଅନ୍ଯେଭ୍ଯୋ ଭୂମିପାଲେଭ୍ଯଃ ପାଣ୍ଡବାଯ ନ୍ଯବେଦଯତ୍॥ 2-78-21 (14438)
ଦାର୍ଦୁରଂ ଚନ୍ଦନଂ ମୁଖ୍ଯଂ ଭାରଂ ଷଣ୍ଣବତି ଦ୍ରୁତମ୍।
ପାଣ୍ଡବାଯ ଦଦୌ ପାଣ୍ଡ୍ଯଃ ଶଙ୍ଖାଂସ୍ତାବତ ଏବ ଚ॥ 2-78-22 (14439)
ଚନ୍ଦନାଗରୁ ଚାନନ୍ତଂ ମୁକ୍ତାବୈଡୂର୍ଯଚିତ୍ରିତାଃ।
ଚୋଲଶ୍ଚ କେରଲଶ୍ଚୋମୌ ଦଦତୁଃ ପାଣ୍ଡବାଯ ବୈ॥ 2-78-23 (14440)
ଅଶ୍ମକୋ ହେମଶୃଙ୍ଗୀଶ୍ଚ ଦୋଗ୍ଧ୍ରୀର୍ହେମବିଭୂଷିତଃ।
ସବତ୍ସାଃ କୁମ୍ଭଦୋହାଶ୍ଚ ସହସ୍ରାଣ୍ଯଦଦାଦ୍ଦଶ॥ 2-78-24 (14441)
ସୈନ୍ଧବାନାଂ ସହସ୍ରାଣି ହଯାନାଂ ପଞ୍ଚବିଂଶତିମ୍।
ଅଦଦାତ୍ସୈନ୍ଧବୋ ରାଜା ହେମମାଲ୍ଯୈରଲଙ୍କୃତାନ୍॥ 2-78-25 (14442)
ସୌବୀରୋ ହସ୍ତିଭିର୍ଯୁକ୍ତାନ୍ରଥାଂଶ୍ଚ ତ୍ରିଶତଂ ପରାନ୍।
ଜାତରୂପପରିଷ୍କାରାନ୍ମଣିରତ୍ନବିଭୂଷିତାନ୍॥ 2-78-26 (14443)
ମଧ୍ଯନ୍ଦିନାର୍କପ୍ରତିମାଂସ୍ତେଜସା ଜ୍ବଲିତାନିବ।
ବଲିଂ ଚ କୃତ୍ସ୍ନମାଦାଯ ପାଣ୍ଡବାଯ ନ୍ଯବେଦଯତ୍॥ 2-78-27 (14444)
ଅବନ୍ତିରାଜୋ ରତ୍ନାନି ବିବିଧାନି ସହସ୍ରଶଃ।
ହାରାଙ୍ଗଦାଂଶ୍ଚ ମୁଖ୍ଯାନ୍ବୈ ବିବିଧଂ ଚ ବିଭୂଷଣମ୍॥ 2-78-28 (14445)
ଦାସୀନାମଯୁତଂ ଚାପି ବଲିମାଦାଯ ଭାରତ।
ସଭାଦ୍ବାରି ନରଶ୍ରେଷ୍ଠ ଦିଦୃକ୍ଷୁରବତିଷ୍ଠତେ॥ 2-78-29 (14446)
ଦଶାର୍ଣଶ୍ଚେଦିରାଜଶ୍ଚ ଶୂରସେନଶ୍ଚ ବୀର୍ଯବାନ୍।
ବସ୍ତ୍ରାଣି ମୁଖ୍ଯାନ୍ଯାଦାଯ ରତ୍ନାନି ବିବିଧାନି ଚ।
ବଲିଂ ଚ କୃତ୍ସ୍ନମାଦାଯ ପାଣ୍ଡବାଯ ନ୍ଯବେଦଯତ୍॥ 2-78-30 (14447)
କାଶିରାଜେନ ହୃଷ୍ଟେନ ବଲୀ ରାଜ୍ଞି ନିବେଦିତଃ।
ଅଶୀତିଗୋସହସ୍ରାଣି ଶତାନ୍ଯଷ୍ଟୌ ଚ ଦନ୍ତିନାମ୍॥ 2-78-31 (14448)
ଅଯୁତଂ ଚ ନଦୀଜାନାଂ ହଯାନାଂ ହେମମାଲିନାମ୍।
ବିବିଧାନି ଚ ରତ୍ନାନି କାଶିରାଜୋ ବଲିଂ ଦଦୌ॥ 2-78-32 (14449)
କୃତକ୍ଷଣଶ୍ଚ ବୈଦେହଃ କୌସଲଶ୍ଚ ବୃହଦ୍ବଲଃ।
ଦଦତୁର୍ବାଜିମୁଖ୍ଯାଂଶ୍ଚ ସହସ୍ରାଣି ଚତୁର୍ଦଶ॥ 2-78-33 (14450)
ଶୈବ୍ଯୋ ବସାଦିଭିଃ ସାର୍ଧଂ ତ୍ରିଗର୍ତୋ ମାଲବୈଃ ସହ।
ତେଭ୍ଯୋ ରତ୍ନାନି ଦଦତୁରେକୈକୋ ଭୂମିପୋଽମିତମ୍॥ 2-78-34 (14451)
ହାରାନ୍ମୁଖ୍ଯାନ୍ପରାର୍ଧ୍ଯାଂଶ୍ଚ ବିବିଧଂ ଚ ବିଭୂଷଣମ୍।
ଶତଂ ଦାସୀସହସ୍ରାଣି କାର୍ପାସିକନିବାସିନାମ୍॥ 2-78-35 (14452)
ଶ୍ଯାମାସ୍ତନ୍ବୀର୍ଦୀର୍ଘକେଶୀର୍ହେମାଭରଣଭୂଷିତାଃ।
ବଲିଂ ଚ କୃତ୍ସ୍ନମାଦାଯ ଭାରୁକଚ୍ଛୋ ନରର୍ଷଭ॥ 2-78-36 (14453)
ଶୁଦ୍ଧାନ୍ବିପ୍ରୋତ୍ତମାର୍ହାଂଶ୍ଚ କମ୍ବଲପ୍ରବରାନ୍ଦଦୌ।
ତେ ସର୍ବେ ପାଣ୍ଡୁପୁତ୍ରସ୍ଯ ଦ୍ବାର୍ଯତିଷ୍ଠନ୍ଦିଦୃକ୍ଷବଃ॥ 2-78-37 (14454)
ଉପାଯନଂ ଯଦା ଦଦ୍ଯୁସ୍ତଦା ଦ୍ବାରମଲଭ୍ଯତ।
ଇନ୍ଦ୍ରକୃଷ୍ଟୈର୍ବର୍ଧଯନ୍ତି ଧାନ୍ଯୈର୍ନଦମୁଖୈସ୍ତୁ ଯେ॥ 2-78-38 (14455)
ସମୁଦ୍ରନିକଟେ ଜାତାଃ ପରିସିନ୍ଧୁନିବାସିନଃ।
ତେ ବୈ ଦ୍ରୁମାଃ ପାରଦାଶ୍ଚ କାଶ୍ଯକୈରାତକୈଃ ସହ॥ 2-78-39 (14456)
ବଲିଂ ବିବିଧମାଦାଯ ରତ୍ନାନି ବିବିଧାନି ଚ।
ଅଜାବିକଂ ଗୋହିରଣ୍ଯଂ ଖରୋଷ୍ଟ୍ରଂ ଫଲବନ୍ମଧୁ॥ 2-78-40 (14457)
କମ୍ବଲାନ୍ବିବିଧାଂଶ୍ଚୈବ ଦ୍ବାରି ତିଷ୍ଠନ୍ତି ବାରିତାଃ।
ପ୍ରାଗ୍ଜ୍ଯୋତିଷପତିଃ ଶୂରୋ ମ୍ଲେଚ୍ଛାନାମଧିପୋ ବଲୀ॥ 2-78-41 (14458)
ଯବନୈଃ ସହିତୋ ରାଜା ଭଗଦତ୍ତୋ ମହାବଲଃ।
ଆଜାନେଯାନ୍ହଯାଞ୍ଛୀଘ୍ରମାଦାଯାନିଲରଂହସଃ॥ 2-78-42 (14459)
ବଲିଂ ଚ କୃତ୍ସ୍ନମାଦାଯ ଦ୍ବାରି ତିଷ୍ଠତି ବାରିତଃ।
ଅଶ୍ବସାରମଯାନ୍ଭାଣ୍ଡାଞ୍ଛୁଭାନ୍ଦନ୍ତତ୍ସରୂନସୀନ୍॥ 2-78-43 (14460)
ପ୍ରାଗ୍ଜ୍ଯୋତିଷାଧିପୋ ଦତ୍ତ୍ବା ଭଗଦତ୍ତୋଽବ୍ରଜତ୍ତଦା।
ବ୍ଯକ୍ଷାଙ୍ଖ୍ଯକ୍ଷାଂଲ୍ଲଲାଟାକ୍ଷାନ୍ନାନାଦିଗ୍ଭ୍ଯଃ ସମାଗତାନ୍॥ 2-78-44 (14461)
ଔଷ୍ଣୀଷଆନହଯାଂଶ୍ଚୈବ ବାହୁକାନ୍ପୁରୁଷାଦକାନ୍।
ଏକପାଦାଂଶ୍ଚ ତତ୍ରାହମପଶ୍ଯଂ ଦ୍ବାରି ବାରିତାନ୍॥ 2-78-45 (14462)
ବଲ୍ଯର୍ଥଂ ଦଦତସ୍ତସ୍ଯ ହିରଣ୍ଯଂ ରଜତଂ ବସୁ।
ଇନ୍ଦ୍ରଗୋପକସଙ୍କାଶାଞ୍ଛୁକବର୍ଣାନ୍ମନୋଜବାନ୍॥ 2-78-46 (14463)
ତଥୈବେନ୍ଦ୍ରାଯୁଧନିଭାନ୍ସନ୍ଧ୍ଯାଭ୍ରସଦୃଶାନପି।
ଅନେକବର୍ଣାନାରଣ୍ଯାନ୍ଗୃହୀତ୍ବାଶ୍ବାଂସ୍ତଥା ବହୂନ୍॥ 2-78-47 (14464)
ଜାତରୂପମନର୍ଘ୍ଯଂ ଚ ଦଦୁସ୍ତସ୍ଯୈକପାଦକାଃ।
ସିଂହଲଶ୍ଚ ତଦା ରାଜା ପରିଗୃହ୍ଯ ଧନଂ ବହୁ॥ 2-78-48 (14465)
ଗୋଶୀର୍ଷଂ ହରିତଶ୍ଯାମଂ ଚନ୍ଦନପ୍ରବରଂ ମହତ୍।
ଭାରାଣାଂ ଶତମେକଂ ତୁ ଦ୍ବାରି ତିଷ୍ଠତି ବାରିତଃ॥ 2-78-49 (14466)
ଯେ ନଗ୍ନବିଷଯା ରାଜନ୍ବର୍ବରେଯାଶ୍ଚ ବିଶ୍ରୁତାଃ।
ଶତଂ ଦାସୀସହସ୍ରାଣାଂ କମ୍ବଲାଂଶ୍ଚ ସହସ୍ରଶଃ।
ପରିଗୃହ୍ଯ ମହାରାଜ ଦ୍ବାରି ତିଷ୍ଠନ୍ତି ବାରିତାଃ॥ 2-78-50 (14467)
ପୌଣ୍ଡ୍ରାଶ୍ଚ ଦାମଲିପ୍ତାଶ୍ଚ ଯଥାକାମକୃତୋ ନୃପାଃ।
କାଲେଯକଂ ଚ ରୂପ୍ଯଂ ଚ ପରିଗୃହ୍ଯ ପରିଚ୍ଛଦାନ୍॥ 2-78-51 (14468)
ଅଗରୂନ୍ସ୍ଫାଟିକାଂଶ୍ଚୈବ ଦନ୍ତାଞ୍ଜାତୀଫଲାନି ଚ।
ତକ୍କୋଲାଂଶ୍ଚ ଲବଙ୍ଗାଶ୍ଚ କର୍ପୂରାଂଶ୍ଚ ମହାବଲ॥ 2-78-52 (14469)
ଅନ୍ଯାଂଶ୍ଚ ବିବିଧାନ୍ଦ୍ରବ୍ଯାନ୍ପରିଗୃହ୍ଯୋପତସ୍ଥିରେ।
ଏତେ ସର୍ବେ ମହାତ୍ମାନୋ ଦ୍ବାରି ତିଷ୍ଠନ୍ତି ବାରିତାଃ॥ 2-78-53 (14470)
ଶୈଲେଯଶ୍ଚ ତତୋ ରାଜା ପତ୍ରୋର୍ଣାନ୍ପରିଗୃହ୍ଯ ସଃ।
ଦ୍ବାରି ତିଷ୍ଠନ୍ମହାରାଜ ଦ୍ବାରପାଲୈର୍ନିବାରିତଃ॥ 2-78-54 (14471)
ଚୀନା ହୂଣାଃ କଷାଃ କାଚାଃ ପର୍ବତାନ୍ତରବାସିନଃ।
ଆହାର୍ଷୁର୍ଦଶସାହସ୍ରାନ୍ବିନ୍ନୀତାନ୍ଦିକ୍ଷୁ ବିଂଶ୍ରୁତାନ୍॥ 2-78-55 (14472)
ଔଷ୍ଣୀକଂ କମ୍ବଲଂ ଚୈବ କୀଟଜଂ ମଣିଜଂ ତଥା।
ପ୍ରମାଣରାଗସ୍ପର୍ଶାଢ୍ଯଂ ବାହ୍ବୀଚୀନସମୁଦ୍ଭବମ୍॥ 2-78-56 (14473)
ରସାନ୍ ଗନ୍ଧାନ୍ପ୍ରଶଂସନ୍ତସ୍ତତୋ ଦ୍ବାରମଲଭ୍ଯତ।
ଖର୍ବଟାସ୍ତୋମରାଶ୍ଚୈବ ଶୂରା ବର୍ଧନକାସ୍ତଥା॥ 2-78-57 (14474)
ଚେଲାନ୍ବହୁବିଧାନ୍ଗୃହ୍ଯ ଦ୍ବାରି ତିଷ୍ଠନ୍ତି ବାରିତାଃ।
ପ୍ରାକ୍କୋଟା ନାଟକେଯାଶ୍ଚ ନନ୍ଦୀନଗରକାସ୍ତଥା॥ 2-78-58 (14475)
ନାପିତାସ୍ତ୍ରୈପୁରାଶ୍ଚୈବ ପଞ୍ଚମେଯାଃ ସହୋରୁଜାଃ।
ତଥା ଚାଟବିକାଃ ସର୍ବେ ନାନାଦ୍ରବ୍ଯପରିଚ୍ଛଦାନ୍॥ 2-78-59 (14476)
ପରିଗୃହ୍ଯ ମହାରାଜ ଦ୍ବାରି ତିଷ୍ଠନ୍ତି ବାରିତାଃ।
ଶକାସ୍ତୁଷାରାଃ କୌରବ୍ଯ ରୋମକାଃ ଶୃଙ୍ଗିଣୋଶ୍ମକାଃ॥ 2-78-60 (14477)
ବଲାଦୂରୁଗମା ରାଜନ୍ଗଣିତଂ ଚାର୍ବୁଦଂ ମଯା।
କୂଟୀକୃତଂ ସୁବର୍ଣଂ ଚ ପଦ୍ମକିଞ୍ଜଲ୍କସଂନିଭମ୍॥ 2-78-61 (14478)
ଶିତାନ୍ଦୀର୍ଘାନସୀନନ୍ଯାନ୍ଯଷ୍ଟିଶକ୍ତିପରଶ୍ବଥାନ୍।
ଶ୍ଲକ୍ଷ୍ଣଂ ବସ୍ତ୍ରମକାର୍ପସମାବିକଂ ମୃଦୁ ଚାଜିନମ୍॥ 2-78-62 (14479)
ବଲଂ ମତ୍ତଂ ସମାଦାଯ ଦ୍ବାରି ତିଷ୍ଠନ୍ତି ବାରିତାଃ।
ଆସନାନି ମହାର୍ହାଣି ଯାନାନି ଶଯନାନି ଚ॥ 2-78-63 (14480)
ମଣିକାଞ୍ଚନଚିତ୍ରାଣି ଗଜଦନ୍ତମଯାନି ଚ।
ରଥାଂଶ୍ଚ ବିବିଧାକାରାଞ୍ଜାମ୍ବୂନଦପରିଷ୍କୃତାନ୍॥ 2-78-64 (14481)
ହଯୈର୍ବିନୀତୈଃ ସମ୍ପନ୍ନାନ୍ବୈଯାଘ୍ରପରିବାରିତାନ୍।
ବିଚିତ୍ରାନ୍ସପରିସ୍ତୋମାଂଶ୍ଚାପାନି ବିବିଧାନି ଚ। 2-78-65 (14482)
ନାରାଚାନର୍ଘନାରାଚାଞ୍ଛସ୍ତ୍ରାଣି ବିବିଧାନି ଚ।
ଏତଦ୍ଦ୍ରବ୍ଯଂ ମହଦ୍ଗୃହ୍ଯ ପୂର୍ବଦେଶାଧିପୋ ନୃପଃ॥ 2-78-66 (14483)
ପ୍ରବିଷ୍ଟୋ ଯଜ୍ଞସଦନଂ ପାଣ୍ଡବସ୍ଯ ମହାତ୍ମନଃ।
ଜନ୍ତୁଚେଲାନ୍ଦ୍ବିସାହସ୍ରାନ୍ଦୁକୂଲାନ୍ଯଯୁତାନି ଚ॥ 2-78-67 (14484)
କାଂସ୍ଯାନି ଚୈବ ଭାଣ୍ଡାନି ମହାର୍ହାଣି କୁଥାନି ଚ।
ଏତାନ୍ଯନ୍ଯାନି ରତ୍ନାନି ଦଦୌ ପାର୍ଥସ୍ଯ ବୈ ମୁଦା॥ 2-78-68 (14485)
ଅନ୍ଯାନ୍ବହୁବିଧାନ୍ରାଜନ୍ନରଃ ସାଗରମାଶ୍ରିତାଃ।
ରତ୍ନାନି ବିବିଧାନ୍ଗୃହ୍ଯ ଦଦୁସ୍ତେ ପାଣ୍ଡବାଯ ତୁ॥ 2-78-69 (14486)
ମାଲବାଶ୍ଚ ତତୋ ରାଜନ୍ରତ୍ନାନି ବିବିଧାନି ଚ।
ଗୋଧୂମାନାଂ ଚ ରାଜେନ୍ଦ୍ର ଦ୍ରୋଣାନାଂ କୋଟିସଂମିତମ୍॥ 2-78-70 (14487)
ଅନ୍ଯାଂଶ୍ଚ ବିବିଧାନ୍ଧାନ୍ଯାନ୍ପରିଗୃହ୍ଯ ମହାବଲଃ।
ପାଣ୍ଡବାଯ ଦଦୌ ପ୍ରୀତ୍ଯା ପ୍ରବିବେଶ ମହାଧ୍ବରମ୍॥ 2-78-71 (14488)
ନାନାରତ୍ନାନ୍ବହୂନ୍ଗୃହ୍ଯ ସୁରାଷ୍ଟ୍ରାଧିପତିର୍ନୃପଃ।
ତୈଲକୁମ୍ଭାନ୍ମହାରାଜ ଦ୍ରୋଣାନାମଯୁତାନି ଚ॥ 2-78-72 (14489)
ଗୁଡାନପି ସ ତାନ୍ସ୍ବାଦୂନ୍ସହସ୍ରଶକଟୈର୍ନୃପଃ।
ଏତାନି ସର୍ବାଣ୍ଯାଦାଯ ଦଦୌ କୁନ୍ତୀସୁତାଯ ସଃ॥ 2-78-73 (14490)
ଅନ୍ଯେ ଚ ପାର୍ଥିବା ରାଜନ୍ନାନାଦେଶସମାଗତାଃ।
ରତ୍ନାନି ବିବିଧାନ୍ଗୃହ୍ଯ ଦଦୁସ୍ତେ କୌରବାଯ ତୁ॥ 2-78-74 (14491)
ଜମ୍ବୂଦ୍ବୀପେ ସମସ୍ତେ ତୁ ସରାଷ୍ଟ୍ରବନପର୍ବତେ।
କରଂ ତୁ ନ ପ୍ରଯଚ୍ଛେତ ନାସ୍ତି ପାର୍ଥସ୍ଯ ପାର୍ଥିବଃ॥ 2-78-75 (14492)
ନରଃ ସପ୍ତସୁ ବର୍ଷେସୁ ତଦ୍ଯଜ୍ଞେ ନାସ୍ତି ନାଗତଃ।
କ୍ରତୁର୍ନାନାଗଣୈଃ କୀର୍ଣୋ ବଭୌ ଶକ୍ରସଦୋ ଯଥା॥ 2-78-76 (14493)
ଇମାଂଶ୍ଚ ଦାଯାନ୍ବିବିଧାନ୍ନିବୋଧ ମମ ପାର୍ଥିବ।
ଯଜ୍ଞାପ୍ଥେ ରାଜଭିର୍ଦତ୍ତାନ୍ମହତୋ ଧନସଞ୍ଚଯାନ୍॥ 2-78-77 (14494)
ମେରୁମନ୍ଦରଯୋର୍ମଧ୍ଯେ ଶୈଲୋଦାମଭିତୋ ନଦୀମ୍।
ଯେ ତେ କୀଚକବେଣୂନାଂ ଛାଯାଂ ରମ୍ଯାମୁପାସତେ॥ 2-78-78 (14495)
ଖଷା ଏକାସନାଦ୍ଯର୍ହାଃ ପ୍ରଦରା ଦୀର୍ଘବେଣବଃ।
ପାରଦାଶ୍ଚ କୁଲିନ୍ଦାଶ୍ଚ ତଙ୍କଣାଃ ପରତଙ୍କଣାଃ॥ 2-78-79 (14496)
ତଦ୍ବୈ ପିପୀଲିକଂ ନାମ ଉଦ୍ଧୃତଂ ଯତ୍ପିପୀଲିକୈଃ।
ଜାତରୂପଂ ଦ୍ରୋଣମେଯମହାର୍ଷୁଃ କୁଞ୍ଜଶୋ ନରାଃ॥ 2-78-80 (14497)
କୃଷ୍ଣବାଲାଂଶ୍ଚ ଚମରାଞ୍ଛୁକ୍ଲବାଲାଂସ୍ତଥା ପରାନ୍।
ହିମବତ୍ପୁଷ୍ପଜଂ ଚୈବ ସ୍ବାଦୁକ୍ଷୌଦ୍ରରସଂ ବହୁ॥ 2-78-81 (14498)
ଉତ୍ତରେଭ୍ଯଃ କୁରୁଭ୍ଯଶ୍ଚ ବ୍ଯୂଢମାଲ୍ଯୈର୍ମହାତ୍ମଭିଃ।
ଉତ୍ତରାଦପି କୈଲାସାଦୋଷଧୀଃ ସୁମହାବଲାଃ॥ 2-78-82 (14499)
ପାର୍ବତୀଯାଶ୍ଚରାଜାନ ଆହୃତ୍ଯ ପ୍ରଣତାଃ ସ୍ଥିତାଃ।
ଅଜାତଶତ୍ରବେ ରାଜନ୍ଦ୍ବାରି ତିଷ୍ଠନ୍ତି ବାରିତାଃ॥ 2-78-83 (14500)
ଯେ ପରାର୍ଘ୍ଯା ହିମବତଃ ସୂର୍ଯୋଦଯଗିରେରନୁ।
ଏବଂରୂପାଃ ସମୁଦ୍ରାନ୍ତେ ଲୌହିତ୍ଯମଭିତଶ୍ଚ ଯେ॥ 2-78-84 (14501)
ଫଲମୂଲାଶନା ଯେ ଚ କିରାତାଶ୍ଚର୍ମବାସସଃ।
ଚନ୍ଦ୍ନାଗରୁମୁଖ୍ଯାନି ମହାର୍ହାନ୍କମ୍ବଲାନି ଚ॥ 2-78-85 (14502)
ଚର୍ମରତ୍ନସୁବର୍ଣାନି ଗନ୍ଧାନୁଚ୍ଚାବଚାନି ଚ।
କୈରାତକୀନାମଯୁତଂ ଦାସୀନାଂ ଚ ବିଶଂପତେ ॥ 2-78-86 (14503)
ଆହୃତ୍ଯ ରମଣୀଯାର୍ଥାନ୍ଦୂରଗାନ୍ମୃଗପକ୍ଷିଣଃ।
ନିଚିତଂ ପର୍ବତେଭ୍ଯଶ୍ଚ ହିରଣ୍ଯଂଭୂରିବର୍ଚସମ୍॥ 2-78-87 (14504)
ବଲିଂ ଚ କୃତ୍ସ୍ତ୍ରମାଦାଯ ଦ୍ବାରି ତିଷ୍ଟନ୍ତି ବାରିତାଃ।
କାପବ୍ଯା ଦରଦା ଦର୍ବାଃ ଶୂରା ବୈ ଯମକାସ୍ତଥା॥ 2-78-88 (14505)
ଔଦୁମ୍ବରା ଦୁର୍ବିଭାଗା ଦ୍ବାରି ତିଷ୍ଟନ୍ତି ବାରିତାଃ।
କାଶ୍ମୀରାଶ୍ଚ କୁମାରାଶ୍ଚ ଗୌରକା ହଂସକାସ୍ତଥା॥ 2-78-89 (14506)
ଶିବିତ୍ରୈଗର୍ତଯୌଧେଯା ରାଜନ୍ଯା ମଦ୍ରକୈଃ ସହ।
ବସୁତେଯାଃ ସମୌଲେଯା ଦାହକ୍ଷୁଦ୍ରକମାଲବୈଃ॥ 2-78-90 (14507)
ଚୌଣ୍ଡିକାଶ୍ଚୌଦକାଶ୍ଚୈବ ସାଲ୍ବାଶ୍ଚୈବ ବିଶମ୍ପତେ।
ଅଙ୍କବଙ୍କାଶ୍ଚ ଯବନା ଅନବଦ୍ଯା ଗଯୈଃ ସହ॥ 2-78-91 (14508)
ସୁଜାତଯଃ ଶ୍ରେଣିମନ୍ତଃ ଶ୍ରେଯାଂସଃ ଶସ୍ତ୍ରଧାରିଣଃ।
ଆହାର୍ଷୁଃ କ୍ଷତ୍ରିଯା ବିତ୍ତଂ ଶତଶୋଽଜାତଶତ୍ରବୈ॥ 2-78-92 (14509)
ବଙ୍କାଃ କଲିଙ୍ଗା ମଗଧାସ୍ତାମ୍ରଲିପ୍ତାଃ ସପୁଣ୍ଡ୍ରକାଃ।
ଦୁକୂଲଂ କୌଶିକଂ ଚୈବ ପତ୍ରୋର୍ଣଂ ଚୈବ ଭାରତ॥ 2-78-93 (14510)
ଉପାବୃତ୍ତା ନୃପାସ୍ତସ୍ଯ ଦଦୁଃ ପ୍ରୀତିଂ ନ ଚାଗମନ୍।
ଉଚ୍ଯନ୍ତେ ତତ୍ର ହି ଦ୍ବାର୍ସ୍ଥୈର୍ବଲିମାଦାଯ ବିଷ୍ଠିତାଃ॥ 2-78-94 (14511)
ଈଷାଦନ୍ତାନ୍ହେମକକ୍ଷ୍ଯାନ୍ପଦ୍ମବର୍ଣାନ୍କୁଥାବୃତାନ୍।
ଶୈଲାଭାନ୍ନିତ୍ଯମତ୍ତାଂଶ୍ଚାପ୍ଯଭିତଃ କାମ୍ଯକଂ ସରଃ॥ 2-78-95 (14512)
କ୍ଷମାବତଃ କୁଲୀନାଂଶ୍ଚ କୁଞ୍ଜରାନ୍ସପରିଚ୍ଛଦାନ୍।
ଦତ୍ତ୍ବୈକୈକୋ ଦଶଶତାନ୍ଦ୍ବାରେଣ ପ୍ରବିଶନ୍ତ୍ବିତି॥ 2-78-96 (14513)
ବୈଦେହକାଶ୍ଚ ପୁଣ୍ଡ୍ରାଶ୍ଚ ଗୌଲେଯାସ୍ତାମ୍ରଲିପ୍ତକାଃ।
ମରୁକାଃ କାଶିକା ଦର୍ଦା ଭୌମେଯା ନଟନାଟକାଃ॥ 2-78-97 (14514)
କର୍ଣାଟାଃ କାଂସ୍ଯକୁଟ୍ଟାଶ୍ଚ ପଦ୍ମଜାଲାଃ ସତୀନରାଃ।
ଦାକ୍ଷିଣାତ୍ଯାଃ ପୁଲିନ୍ଦାଶ୍ଚ ଶବେରାସ୍ତଙ୍କଣାଃ ଶଷାଃ॥ 2-78-98 (14515)
ବର୍ବରା ଯବନାଶ୍ଚୈବ ଗର୍ଗରାଭୀରକାସ୍ତଥା।
ପଲ୍ଲବାଃ ଶକକାରୂଶାସ୍ତୁମ୍ବକାଃ କାଶିକାସ୍ତଦା॥ 2-78-99 (14516)
ଏତେ ଚାନ୍ଯେ ଚ ବହବୋ ନାନାଦିଗଭ୍ଯଃ ସମାଗତାଃ।
ଅନ୍ଯୈଶ୍ଚୋପହୃତାନ୍ଯତ୍ର ରତ୍ନାନି ହି ମହାତ୍ମଭିଃ॥ 2-78-100 (14517)
ସମୁଦ୍ରସାରବୈଡୂର୍ଯାନ୍ମୁକ୍ତାଃ ଶଙ୍ଖାସ୍ତଥୈବ ଚ।
ଶୁଭାବର୍ତାଞ୍ଛୁଭାଞ୍ଛୁକ୍ତୀଃ ସିଂହଲାଃ ସମୁପାହରନ୍॥ 2-78-101 (14518)
ସମ୍ଭୃତାନ୍ମଣିଚୀରୈଶ୍ଚ ଶ୍ଯାମାଂସ୍ତାମ୍ରାନ୍ତଲୋଚନାନ୍।
ରାଜା ଚିତ୍ରରଥୋ ନାମ ଗନ୍ଧର୍ବୋ ବାସବାନୁଗଃ।
ଶତାନି ଚତ୍ବାର୍ଯଦଦଦ୍ଧଯାନାଂ ବାତରଂହସାମ୍॥ 2-78-102 (14519)
ତୁମ୍ବୁରୁସ୍ତୁ ପ୍ରମୁଦିତୋ ଗନ୍ଧର୍ବୋ ବାଜିନାଂ ଶତମ୍।
ଆମ୍ରପତ୍ରସବର୍ଣାନାମଦଦଦ୍ଧେମମାଲିନାମ୍॥ 2-78-103 (14520)
କୃତୀ ରାଜା ଚ କୌରବ୍ଯ ଶୂକରାଣାଂ ବିଶାମ୍ପତେ।
ଅଦଦଦ୍ଗଜରତ୍ନାନାଂ ଶତାନି ସୁବହୂନ୍ଯଥ॥ 2-78-104 (14521)
ବିରାଟେନ ତୁ ମତ୍ସ୍ଯେନ ବଲ୍ଯର୍ଥଂ ହେମମାଲିନାମ୍।
କୁଞ୍ଜରାଣାଂ ସହସ୍ରେ ଦ୍ବେ ମତ୍ତାନାଂ ସମୁପାହୃତେ॥ 2-78-105 (14522)
ପାଂସୁରାଷ୍ଟ୍ରାଦ୍ବମୁଦାନୋ ରାଜା ଷଡ୍ବିଂଶତିଂ ଗଜାନ୍।
ଅଶ୍ବାନାଂ ଚସହସ୍ରେ ଦ୍ବେ ରାଜନ୍କାଞ୍ଚନମାଲିନାମ୍॥ 2-78-106 (14523)
ଜବସତ୍ବୋପପନ୍ନାନାଂ ବଯସ୍ଥାନାଂ ନରାଧିପ।
ବଲିଂ ଚ କୃତ୍ସ୍ନମାଦାଯ ପାଣ୍ଡବେଭ୍ଯୋ ନ୍ଯବେଦଯତ୍॥ 2-78-107 (14524)
ଯଜ୍ଞସେନେନ ଦାସୀନାଂ ସହସ୍ରାଣି ଚତୁର୍ଦଶ।
ଦାସାନାମଯୁତଂ ଚୈବ ସଦାରାଣାଂ ବିଶାମ୍ପତେ॥ 2-78-108 (14525)
ଗଜଯୁକ୍ତା ମହାରାଜ ରଥାଃ ଷଡ୍ବିଂଶତିସ୍ତଥା।
ରାଜ୍ଯଂ ଚ କୃତ୍ସ୍ନଂ ପାର୍ଥେଭ୍ଯୋ ଯଜ୍ଞାର୍ଥଂ ବୈ ନିବେଦିତମ୍॥ 2-78-109 (14526)
ବାସୁଦେବୋଽପି ବାର୍ଷ୍ଣେଯୋ ମାନଂ କୁର୍ବନ୍କିରୀଟିନଃ।
ଅଦଦଦ୍ଗଜମୁଖ୍ଯାନାଂ ସହସ୍ରାଣି ଚତୁର୍ଦଶ॥ 2-78-110 (14527)
ଆତ୍ମା ହି କୃଷ୍ଣଃ ପାର୍ଥସ୍ଯ କୃଷ୍ଣସ୍ଯାତ୍ମା ଧନଞ୍ଜଯଃ।
ଯଦ୍ବ୍ରୂଯାଦର୍ଜୁନଃ କୃଷ୍ଣଂ ସର୍ବଂ କୁର୍ଯାଦସଂଶଯମ୍॥ 2-78-111 (14528)
କୃଷ୍ଣୋ ଧନଞ୍ଜଯସ୍ଯାର୍ଥେ ସ୍ବର୍ଗଲୋକମପି ତ୍ଯଜେତ୍।
ତଥୈବ ପାର୍ଥଃ କୃଷ୍ଣାର୍ଥେ ପ୍ରାଣାନପି ପରିତ୍ଯଜେତ୍॥ 2-78-112 (14529)
ସୁରଭୀଂଶ୍ଚନ୍ଦନରସାନ୍ହେମକୁମ୍ଭସମାସ୍ଥିତାନ୍।
ମଲଯାଦ୍ଦର୍ଦୁରାଚ୍ଚୈବ ଚନ୍ଦନାଗୁରୁସଞ୍ଚଯାନ୍॥ 2-78-113 (14530)
ମଣିରତ୍ନାନି ଭାସ୍ବନ୍ତି କାଞ୍ଚନଂ ସୂକ୍ଷ୍ମବସ୍ତ୍ରକମ୍।
ଚୋଲପାଣ୍ଡ୍ଯାବପି ଦ୍ବାରଂ ନ ଲେଭାତେ ହ୍ଯୁପସ୍ଥିତୌ॥ 2-78-114 (14531)
ସମୁଦ୍ରସାରଂ ବୈଦୂର୍ଯଂ ମୁକ୍ତାସଙ୍ଘାଂସ୍ତଥୈବ ଚ।
ଶତଶଶ୍ଚ କୁଥାଂସ୍ତତ୍ର ସିଂହଲାଃ ସମୁପାହରନ୍॥ 2-78-115 (14532)
ସଂବୃତା ମଣିଚୀରୈସ୍ତୁ ଶ୍ଯାମାସ୍ତାମ୍ରାନ୍ତଲୋଚନାଃ।
ତା ଗୃହୀତ୍ବା ନରାସ୍ତତ୍ର ଦ୍ବାରି ତିଷ୍ଠନ୍ତି ବାରିତାଃ॥ 2-78-116 (14533)
ପ୍ରୀତ୍ଯର୍ଥଂ ବ୍ରାହ୍ମଣଶ୍ଚୈବ କ୍ଷତ୍ରିଯାଶ୍ଚ ବିନିର୍ଜିତାଃ।
ଉପାଜହ୍ରୁର୍ବିଶଶ୍ଚୈବ ଶୂଦ୍ରାଃ ଶୁଶ୍ରୂଷବସ୍ତଥା॥ 2-78-117 (14534)
ପ୍ରୀତ୍ଯା ଚ ବହୁମାନାଚ୍ଚାପ୍ଯୁପାଗଚ୍ଛନ୍ଯୁଧିଷ୍ଠିରମ୍।
ସର୍ବେ ମ୍ଲେଚ୍ଛାଃ ସର୍ବବର୍ଣା ଆଦିମଧ୍ଯାନ୍ତଜାସ୍ତଥା॥ 2-78-118 (14535)
ନାନାଦେଶସମୁତ୍ଥୈଶ୍ଚନ ନାନାଜିତିଭିରେବ ଚ।
ପର୍ଯସ୍ତ ଇବ ଲୋକୋଽଯଂ ଯୁଧିଷ୍ଠିରନିବେଶନେ॥ 2-78-119 (14536)
ଉଚ୍ଚାବଚାନୁପଗ୍ରାହାନ୍ରାଜଭିଃ ପ୍ରାପିତାନ୍ବହୂନ୍।
ଶତ୍ରୂଣାଂ ପଶ୍ଯତୋ ଦୁଃଖାନ୍ମୁମୂର୍ଷା ମେ ବ୍ଯଜାଯତ॥ 2-78-120 (14537)
ଭୃତ୍ଯାସ୍ତୁ ଯେ ପାଣ୍ଡବାନାଂ ତାଂସ୍ତେ ବକ୍ଷ୍ଯାମି ପାର୍ଥିବ।
ଯେଷାମାମଂ ଚ ପକ୍ବଂ ଚ ସଂବିଧତ୍ତେ ଯୁଧିଷ୍ଠିରଃ॥ 2-78-121 (14538)
ଅଯୁତଂ ତ୍ରୀଣି ପଦ୍ମାନି ଗଜାରୋହାଃ ସସାଦିନଃ।
ରଥାନାମର୍ବୁଦଂ ଚାପି ପାଦାତା ବହବସ୍ତଥା॥ 2-78-122 (14539)
ପ୍ରମୀଯମାଣମାଂ ଚ ପଚ୍ଯମାନଂ ତଥୈବ ଚ।
ବିସୃଜ୍ଯମାନଂ ଚାନ୍ଯତ୍ର ପୁଣ୍ଯାହସ୍ବନ ଏବ ଚ॥ 2-78-123 (14540)
ନାଭୁକ୍ତବନ୍ତଂ ନାପୀତଂ ନାଲଙ୍କୃତମସତ୍କୃତମ୍।
ଅପଶ୍ଯଂ ସର୍ବବର୍ଣାନାଂ ଯୁଧିଷ୍ଠିରନିବେଶନେ॥ 2-78-124 (14541)
ଅଷ୍ଟାଶୀତିସହସ୍ରାଣି ସ୍ନାତକା ଗୃହମେଧିନଃ।
ତ୍ରିଂଶଦ୍ଦାସୀକ ଏକୈକୋ ଯାନ୍ବିଭର୍ତି ଯୁଧିଷ୍ଠିରଃ।
ସୁପ୍ରୀତାଃ ପରିତୃଷ୍ଟାଶ୍ଚ ତେ ହ୍ଯାଶଂସତ୍ତ୍ଯରିକ୍ଷଯମ୍॥ 2-78-125 (14542)
ଦଶାନ୍ଯାନି ସହସ୍ରାଣି ଯତୀନାମୂର୍ଧ୍ବରେତସାମ୍।
ଭୁଞ୍ଜତେ ରୁକ୍ମପାତ୍ରୀଭିର୍ଯୁଧିଷ୍ଠିରନିବେଶନେ॥ 2-78-126 (14543)
ଅଭୁକ୍ତଂ ଭୁକ୍ତବଦ୍ବାପି ସର୍ବମାକୁବ୍ଜବାମନମ୍।
ଅଭୁଞ୍ଜାନା ଯାଜ୍ଞସେନୀ ପ୍ରତ୍ଯବୈକ୍ଷଦ୍ବିଶାମ୍ପତେ॥ 2-78-127 (14544)
ଦ୍ବୌ କରୌ ନ ପ୍ରଯଚ୍ଛେତାଂ କୁନ୍ତୀପୁତ୍ରାଯ ଭାରତ।
ସାମ୍ବନ୍ଧିକେନପାଞ୍ଚାଲାଃ ସଖ୍ଯେନାନ୍ଧକବୃଷ୍ଣଯଃ॥ ॥ 2-78-128 (14545)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦ୍ଯୂତପର୍ବଣି ଅଷ୍ଟସପ୍ତତିତମୋଽଧ୍ଯାଯଃ॥78॥
Mahabharata - Sabha Parva - Chapter Footnotes
2-78-2 ନାବିଦମିତି ସମ୍ବନ୍ଧଃ। ଅପି ତଥାପି ମୁଖ୍ଯତୋ ବକ୍ଷ୍ଯମାଣଂ ଧନଂ ପ୍ରତିପଦ୍ଯସ୍ବେତ୍ଯର୍ଥ ଃ। ଫଲତୋ ଜାତଂ ବସ୍ତ୍ରାଦି। ଭୂମିତୋ ଜାତଂ ହୀରାଦି ॥ 2-78-5 ବସ୍ତ୍ରାଣି ଧାନ୍ଯଦ୍ରବ୍ଯଂ ଚ ଘ.ପାଠଃ ॥ 2-78-104ସଭାପର୍ବ - ଅଧ୍ଯାଯ 079
॥ ଶ୍ରୀଃ ॥
2.79. ଅଧ୍ଯାଯଃ 079
Mahabharata - Sabha Parva - Chapter Topics
ଦୁର୍ଯୋଧନେନ ଧୃତରାଷ୍ଟ୍ରସମୀପେ ରାଜସୂଯବର୍ଣନାଦି॥ 1॥Mahabharata - Sabha Parva - Chapter Text
ଦୁର୍ଯୋଧନ ଉବାଚ॥
ଆର୍ଯାସ୍ତୁ ଯେ ବୈ ରାଜାନଃ ସତ୍ଯସନ୍ଧା ମହାବ୍ରତାଃ।
ପର୍ଯାପ୍ତବିଦ୍ଯା ବକ୍ତାରୋ ବେଦାନ୍ତାବଭୃଥପ୍ଲୁତାଃ॥ 2-79-1 (14546)
ଧୃତିମନ୍ତୋ ହ୍ରୀନିଷେବା ଧର୍ମାତ୍ମାନୋ ନାଶସ୍ବିନଃ।
ମୂର୍ଧାଭିଷିକ୍ତାସ୍ତେ ଚୈନଂ ରାଜାନଃ ପର୍ଯୁପାଂସତେ॥ 2-79-2 (14547)
ଦକ୍ଷିଣାର୍ଥଂ ସମାନୀତ ରାଜଭିଃ କାଂସ୍ଯଦୋହନାଃ।
ଆରଣ୍ଯା ବହୁସାହସ୍ରା ଅପଶ୍ଯଂସ୍ତତ୍ରତତ୍ର ଗାଃ॥ 2-79-3 (14548)
ଆଜହ୍ରସ୍ତତ୍ର ସତ୍କୃତ୍ଯ ସ୍ବଯମୁଦ୍ଯମ୍ଯ ଭାରତ।
ଅଭିଷେକାର୍ଥମବ୍ଯଗ୍ରା ଭାଣ୍ଡମୁଚ୍ଚାବଚଂ ନୃପାଃ॥ 2-79-4 (14549)
ବାହ୍ଲୀକୋ ରଥମାହାର୍ଷୀଜ୍ଜାମ୍ବୂନଦବିଭୂଷିତମ୍।
ସୁଦକ୍ଷିଣସ୍ତୁ ଯୁଯୁଜେ ଶ୍ବେତୈଃ କାମ୍ଭୋଜଜୈର୍ହଯୈଃ॥ 2-79-5 (14550)
ସୁନୀଥଃ ପ୍ରୀତିମାଂଶ୍ଚୈବ ହ୍ଯନୁକର୍ଷଂ ମହାବଲଃ।
ଧ୍ବଜଂ ଚେଦିପତିଶ୍ଚୈବମହାର୍ଷୀତ୍ସ୍ବଯମୁଦ୍ଯତମ୍॥ 2-79-6 (14551)
ଦାକ୍ଷିଣାତ୍ଯଃ ସନ୍ନହନଂ ସ୍ରଗୁଷ୍ଣୀଷେ ଚ ମାଗଧଃ।
ବସୁଦାନୋ ମହେଷ୍ବାସୋ ଗଜେନ୍ଦ୍ରଂ ଷଷ୍ଟିହାଯନମ୍॥ 2-79-7 (14552)
ମତ୍ସ୍ଯସ୍ତ୍ବକ୍ଷାନ୍ହେମନଦ୍ଧାନେକଲବ୍ଯ ଉପାନହୌ।
ଆବନ୍ତ୍ଯସ୍ତ୍ବଭିଷେକାର୍ଥମପୋ ବହୁବିଧାସ୍ତଥା॥ 2-79-8 (14553)
ଚେକିତାନ ଉପାସଙ୍ଗଂ ଧନୁଃ କାଶ୍ଯ ଉପାହରତ୍।
ଅସିଂ ଚ ସୁତ୍ସରୁଂ ଶଲ୍ଯଃ ଶୈକ୍ଯଂ କାଞ୍ଚନଭୂଷଣମ୍॥ 2-79-9 (14554)
ଅଭ୍ଯପିଞ୍ଚତ୍ତତୋ ଧୌମ୍ଯୋ ବ୍ଯାସଶ୍ଚ ସମୁହାତପାଃ।
ନାରଦଂ ଚ ପୁରସ୍କୃତ୍ଯ ଦେବଲଂ ଚାସିତଂ ମୁନିମ୍॥ 2-79-10 (14555)
ପ୍ରୀତିମନ୍ତ ଉପାତିଷ୍ଠନ୍ନଭିଷେକଂ ମହର୍ଷଯଃ।
ଜାମଦଗ୍ନ୍ଯେନ ସହିତାସ୍ତଥାନ୍ଯେ ବେଦପାରଗାଃ॥ 2-79-11 (14556)
ଅଭିଜଗ୍ମର୍ମହାତ୍ମାନୋ ମନ୍ତ୍ରବଦ୍ଭୂରିଦକ୍ଷିଣମ୍।
ମହେନ୍ଦ୍ରମିବ ଦେବେନ୍ଦ୍ରଂ ଦିବି ସପ୍ତର୍ଷଯୋ ଯଥା॥ 2-79-12 (14557)
ଅଧାରଯଚ୍ଛତ୍ରମସ୍ଯ ସାତ୍ଯକିଃ ସତ୍ଯବିକ୍ରମଃ।
ଧନଞ୍ଜଯଶ୍ଚ ବ୍ଯଜନେ ଭୀମସେନଶ୍ଚ ପାଣ୍ଡବଃ॥ 2-79-13 (14558)
ଚାମରେ ଚାପି ଶୁଦ୍ଧେ ଦ୍ବେ ଯମୌ ଜଗୃହତୁସ୍ତଥା।
ଉପାଗୃହ୍ଣାଦ୍ଯମିନ୍ଦ୍ରାଯ ପୁରାକଲ୍ପେ ପ୍ରଜାପତିଃ॥ 2-79-14 (14559)
ତମସ୍ମୈ ଶଙ୍ଖମାହାର୍ଷୀଦ୍ବାରୁଣଂ କଲଶୋଦଧିଃ।
ଶୈକ୍ଯଂ ନିଷ୍କସହସ୍ରେଣ ସୁକୃତଂ ବିଶ୍ବକର୍ମଣା॥ 2-79-15 (14560)
ତେନାଭିଷିକ୍ତଃ କୃଷ୍ଣେନ ତତ୍ର ମେ କଶ୍ମଲୋଽଭବତ୍।
ଗଚ୍ଛନ୍ତି ପୂର୍ବାଦପରଂ ସମୁଦ୍ରଂ ଚାପି ଦକ୍ଷିଣମ୍॥ 2-79-16 (14561)
ଉତ୍ତରଂ ତୁ ଗଚ୍ଛନ୍ତି ବିନା ତାତ ପତତ୍ର୍ରିଭିଃ।
ତତ୍ର ସ୍ମ ଦଧ୍ମୁଃ ଶତଶଃ ଶଙ୍ଖାନ୍ମଙ୍ଗଲକାରକାନ୍॥ 2-79-17 (14562)
ପ୍ରାଣଦନ୍ତ ସମାଧ୍ମାତାସ୍ତତୋ ରୋମାଣି ମେଽହୃଷନ୍।
ପ୍ରାପତନ୍ଭୂମିପାଲାଶ୍ଚ ଯେ ତୁ ହୀନାଃ ସ୍ବତେଜସା॥ 2-79-18 (14563)
ଧୃଷ୍ଟଦ୍ଯୁମ୍ନଃ ପାଣ୍ଡବାଶ୍ଚ ସାତ୍ଯକିଃ କେଶବୋଽଷ୍ଟମଃ।
ସତ୍ବସ୍ଥା ବୀର୍ଯସମ୍ପନ୍ନା ହ୍ଯନ୍ଯୋନ୍ଯପ୍ରିଯଦର୍ଶନାଃ॥ 2-79-19 (14564)
ବିସଞ୍ଜ୍ଞାନ୍ଭୂମିପାନ୍ଦୃଷ୍ଟ୍ବା ମାଂ ଚ ତେ ପ୍ରାହସଂସ୍ତଦା।
ତତଃ ପ୍ରହୃଷ୍ଟୋ ବୀଭତ୍ସୁଃ ପ୍ରାଦାଦ୍ଧେମବିଷାଣିନାମ୍॥ 2-79-20 (14565)
ଶତାନ୍ଯନଡୁହାଂ ପଞ୍ଚ ଦ୍ବିଜମୁଖ୍ଯେଷୁ ଭାରତ।
ନ ରନ୍ତିଦେବୋ ନାଭାଗୋ ଯୌବନାଶ୍ବୋ ମନୁର୍ନ ଚ॥ 2-79-21 (14566)
ନ ଚ ରାଜା ପୃଥୁର୍ବୈନ୍ଯୋ ନ ଚାପ୍ଯାସୀଦ୍ଭଗୀରଥଃ।
ଯଯାତିର୍ନହୁଷୋ ବାପି ଯଥା ରାଜା ଯୁଧିଷ୍ଠିରଃ॥ 2-79-22 (14567)
ଯଥାଽତିମାତ୍ରଂ କୌନ୍ତେଯଃ ଶ୍ରିଯା ପରମଯା ଯୁତଃ।
ରାଜସୂଯମବାପ୍ଯୈବଂ ହରିଶ୍ଚନ୍ଦ୍ର ଇବ ପ୍ରଭୁଃ॥ 2-79-23 (14568)
ଏତାଂ ଦୃଷ୍ଟା ଶ୍ରିଯଂ ପାର୍ଥେ ହରିଶ୍ଚନ୍ଦ୍ରେ ଯଥା ବିଭୋ।
କଥଂ ତୁ ଜୀବିତଂ ଶ୍ରେଯୋ ମମ ପଶ୍ଯସି ଭାରତ॥ 2-79-24 (14569)
ଅନ୍ଧେନେବ ଯୁଗଂ ନଦ୍ଧଂ ବିପର୍ଯସ୍ତଂ ନରାଧିପ।
କନୀଯାଂସୋ ବିବର୍ଧନ୍ତେ ଜ୍ଯେଷ୍ଠା ହୀଯନ୍ତ ଏବ ଚ॥ 2-79-25 (14570)
ଏବଂ ଦୃଷ୍ଟ୍ବା ନାଭିବିନ୍ଦାମି ଶର୍ମ
ସମୀକ୍ଷମାଣୋଽପି କୁରୁପ୍ରବୀର।
ତେନାହମେବଂ କୃଶତାଂ ଗତଶ୍ଚ
ବିବର୍ଣତାଂ ଚୈବ ସଶୋକତାଂ ଚ॥ ॥ 2-79-26 (14571)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦ୍ଯୂତପର୍ବଣି ଊନାଶୀତିତମୋଽଧ୍ଯାଯଃ॥79 ॥
Mahabharata - Sabha Parva - Chapter Footnotes
2-79-2 ହୀନିଷେବା ଲଜ୍ଜାବନ୍ତଃ॥ସଭାପର୍ବ - ଅଧ୍ଯାଯ 080
॥ ଶ୍ରୀଃ ॥
2.80. ଅଧ୍ଯାଯଃ 080
Mahabharata - Sabha Parva - Chapter Topics
ଦୁର୍ଯୋଧନମ୍ପ୍ରତି ଧୃତରାଷ୍ଟ୍ରେଣ ପାଣ୍ଡବେଷୁ ଦ୍ବେଷନିଷେଧନମ୍॥ 1॥Mahabharata - Sabha Parva - Chapter Text
ଧୃତରାଷ୍ଟ୍ର ଉବାଚ।
ତ୍ବଂ ବୈ ଜ୍ଯେଷ୍ଠୋ ଜ୍ଯୈଷ୍ଠିନେଯଃ ପୁତ୍ର ମା ପାଣ୍ଡବାନ୍ଦ୍ବିଷଃ।
ଦ୍ବେଷା ହ୍ଯସୁଖମାଦତ୍ତେ ଯଥୈବ ନିଘନଂ ତଥା॥ 2-80-1 (14572)
ଅବ୍ଯୁତ୍ପନ୍ନଂ ସମାନାର୍ଥଂ ତୁଲ୍ଯମିତ୍ରଂ ଯୁଧିଷ୍ଠିରମ୍।
ଅଦ୍ବିଷନ୍ତଂ କଥଂ ଦ୍ବିଷ୍ଯାତ୍ତ୍ବାଦୃଶୋ ଭରତର୍ଷଭ॥ 2-80-2 (14573)
ତୁଲ୍ଯାଭିଜନବୀର୍ଯଶ୍ଚ କଥଂ ଭ୍ରାତୁଃ ଶ୍ରିଯଂ ନୃପ।
ପୁତ୍ର କାମଯସେ ମୋହାନ୍ମୈବଂ ଭୂଃ ଶାମ୍ଯ ମା ଶୁଚଃ॥ 2-80-3 (14574)
ଅଥ ଯଜ୍ଞବିଭୂତିଂ ତାଂ କାଙ୍କ୍ଷସେ ଭରତର୍ଷଭ।
ଋତ୍ବିଜସ୍ତବ ତନ୍ବନ୍ତୁ ସପ୍ତତନ୍ତୁଂ ମହାଧ୍ବରମ୍॥ 2-80-4 (14575)
ଆହରିଷ୍ଯନ୍ତି ରାଜାନସ୍ତବାପି ବିପୁଲଂ ଧନମ୍।
ପ୍ରୀତ୍ଯା ଚ ବହୁମାନାଚ୍ଚ ରତ୍ନାନ୍ଯାଭରଣାନି ଚ॥ 2-80-5 (14576)
ଅନାର୍ଯାଚରିତଂ ତାତ ପରସ୍ବସ୍ପୃହଣଂ ଭୃଶମ୍।
ସ୍ବସନ୍ତୁଷ୍ଟଃ ସ୍ବଧର୍ମସ୍ଥୋ ଯଃ ସ ବୈ ସୁଖମେଧତେ॥ 2-80-6 (14577)
`ମହୀ କାମଦୁଘା ସା ହି ବୀରପତ୍ନୀତି ଚୋଚ୍ଯତେ।
ତଥା ବୀରସ୍ଯ ଭାର୍ଯା ଶ୍ରୀସ୍ତେ ଇମେ ହି କଲତ୍ରବତ୍॥ 2-80-7 (14578)
ତବାପ୍ଯସ୍ତି ହେ ଚେଦ୍ବୀର୍ଯଂ ଭୋକ୍ଷ୍ଯସେ ହି ମହୀମିମାମ୍॥ 2-80-8 (14579)
ଅଯୁକ୍ତମିଦମେତତ୍ତୁ ପରସ୍ବହରଣଂ ଭୃଶମ୍।
ଉଭଯୋର୍ଲୋକଯୋର୍ଦୁଃଖଂ ସୁହୃଦାଂ କାଙ୍କ୍ଷତୋଽନଯମ୍॥ 2-80-9 (14580)
ଅବ୍ଯାପାରଃ ପରାର୍ତେଷୁ ନିତ୍ଯୋଦ୍ଯୋଗଃ ସ୍ବକର୍ମସୁ।
ରକ୍ଷଣଂ ସମୁପାତ୍ତାନାମେତଦ୍ବୈଭବଲକ୍ଷଣମ୍॥ 2-80-10 (14581)
ବିପତ୍ତିଷ୍ବବ୍ଯଥୋ ଦକ୍ଷୋ ନିତ୍ଯମୁତ୍ଥାନବାନ୍ନରଃ।
ଅପ୍ରମତ୍ତୋ ବିନୀତାତ୍ମା ନିତ୍ଯଂ ଭଦ୍ରାଣି ପଶ୍ଯତି॥ 2-80-11 (14582)
ବାହୂନିବୈତାନ୍ମା ଚ୍ଛେତ୍ସୀଃ ପାଣ୍ଡୁପୁତ୍ରାସ୍ତଥୈବ ତେ।
ଭ୍ରାତୃଣାଂ ତଦ୍ଧନାର୍ଥଂ ବୈ ମିତ୍ରଦ୍ରୋହଂ ଚ ମା କୁରୁ॥ 2-80-12 (14583)
ପାଣ୍ଡୋଃ ପୁତ୍ରାନ୍ମା ଦ୍ବିଷସ୍ବେହ ରାଜଂ-
ସ୍ତଥୈବ ତେ ଭ୍ରାତୃଧନଂ ସମଗ୍ରମ୍।
ମିତ୍ରଦ୍ରୋହେ ତାତ ମହାନଘର୍ମଃ
ପିତାମହା ଯେ ତବ ତେଽପି ତେଷାମ୍॥ 2-80-13 (14584)
ଅନ୍ତର୍ବେଦ୍ଯାଂ ଦଦଦ୍ବିତ୍ତଂ କାମାନନୁଭବନ୍ପ୍ରିଯାନ୍।
କ୍ରୀଡନ୍ସ୍ତ୍ରୀଭିର୍ନିରାତଙ୍କଃ ପ୍ରଶାମ୍ଯ ଭରତର୍ଷଭ॥ ॥ 2-80-14 (14585)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦ୍ଯୂତପର୍ବଣି ଅଶୀତିତମୋଽଧ୍ଯାଯଃ॥80 ॥
Mahabharata - Sabha Parva - Chapter Footnotes
2-80-1 ଜ୍ଯେଷ୍ଠାଯା ଅପତ୍ଯଂ ଜ୍ଯୈଷ୍ଠିନେଯଃ॥ 2-80-2 ଅବ୍ଯୁତ୍ପନ୍ନଂ ପରକପଟାନଭିଜ୍ଞମ୍। ସମାନାର୍ଥଂ ତୁଲ୍ଯଧନମ୍। ତୁଲ୍ଯମିତ୍ରଂ ତ୍ବନ୍ମିତ୍ରା ଦ୍ରୋହିଣମ୍ ଅଦ୍ବିଷନ୍ତଂ ଚ ତ୍ବାମପୀତି ଶେଷଃ॥ସଭାପର୍ବ - ଅଧ୍ଯାଯ 081
॥ ଶ୍ରୀଃ ॥
2.81. ଅଧ୍ଯାଯଃ 081
Mahabharata - Sabha Parva - Chapter Topics
ଦୁର୍ଯୋଧନେନ ଧୃତରାଷ୍ଟ୍ରୋକ୍ତିପ୍ରତିକୂଲଭାଷଣମ୍॥ 1॥Mahabharata - Sabha Parva - Chapter Text
ଦୁର୍ଯୋଧନ ଉବାଚ॥
ଯସ୍ଯ ନାସ୍ତି ନିଜା ପ୍ରଜ୍ଞା କେବଲଂ ତୁ ବହୁଶ୍ରୁତଃ।
ନ ସ ଜାନାତି ଶାସ୍ତ୍ରାର୍ଥଂ ଦର୍ବୀ ସୂପରସାନିବ॥ 2-81-1 (14586)
ଜାନନ୍ବୈ ମୋହଯତି ମାଂ ନାବି ନୌରିବ ସଂଯତା।
ସ୍ବାର୍ଥେ କିଂ ନାବଧାନଂ ତେ ଉତାହୋ ଦ୍ବେଷ୍ଟି ମାଂ ଭବାନ୍॥ 2-81-2 (14587)
ନ ସନ୍ତୀମେ ଧାର୍ତରାଷ୍ଟ୍ରା ଯେଷାଂ ତ୍ବମନୁଶାସିତା।
ଭବିଷ୍ଯମର୍ଥମାଖ୍ଯାସି ସର୍ବଦା କୃତ୍ଯମାତ୍ମନଃ॥ 2-81-3 (14588)
ପରନେଯୋଽଗ୍ରଣୀର୍ଯସ୍ଯ ସ ମାର୍ଗାନ୍ପ୍ରତିମୁହ୍ଯତି।
ପନ୍ଥାନମନୁଗଚ୍ଛେଯୁଃ କଥଂ ତସ୍ଯ ପଦାନୁଗାଃ॥ 2-81-4 (14589)
ରାଜନ୍ପରିଣତପ୍ରଜ୍ଞୋ ବୃଦ୍ଧସେବୀ ଜିତେନ୍ଦ୍ରିଯଃ।
ପ୍ରତିପନ୍ନାନ୍ସ୍ବକାର୍ଯେଷୁ ସଂମୋହଯସି ନୋ ଭୃଶମ୍॥ 2-81-5 (14590)
ଲୋକବୃତ୍ତାଦ୍ରାଜବୃତ୍ତମନ୍ଯଦାହ ବୃହସ୍ପତିଃ।
ତସ୍ମାଦ୍ରାଜ୍ଞାଽପ୍ରମତ୍ତେନ ସ୍ବାର୍ଥଶ୍ଚିନ୍ତ୍ଯଃ ସଦୈବ ହି॥ 2-81-6 (14591)
କ୍ଷତ୍ରିଯସ୍ଯ ମହାରାଜ ଜଯେ ବୃତ୍ତିଃ ସମାହିତା।
ସ ବୈ ଧର୍ମସ୍ତ୍ବଧର୍ମୋ ବା ସ୍ବବୃତ୍ତୌ କା ପରୀକ୍ଷଣା॥ 2-81-7 (14592)
ପ୍ରକାଲଯେଦ୍ଦିଶଃ ସର୍ବାଃ ପ୍ରତୋଦେନେବ ସାରଥିଃ।
ପ୍ରତ୍ଯମିତ୍ରଶ୍ରିଯଂ ଦୀପ୍ତାଂ ଜିଘୃକ୍ଷୁର୍ଭରତର୍ଷଭ॥ 2-81-8 (14593)
ପ୍ରଚ୍ଛନ୍ନୋ ବା ପ୍ରକାଶୋ ବା ଯୋଗୋ ଯୋଽରିଂ ପ୍ରବାଧତେ।
ତଦ୍ବୈ ଶସ୍ତ୍ରଂ ଶସ୍ତ୍ରବିଦାଂ ନ ଶସ୍ତ୍ରଂ ଛେଦନଂ ସ୍ମୃତମ୍॥ 2-81-9 (14594)
ଶତ୍ରୁଶ୍ଚୈବ ହି ମିତ୍ରଂ ଚ ନ ଲେଖ୍ଯଂ ନ ଚ ମାତୃକା।
ଯୋ ବୈ ସନ୍ତାପଯତି ଯଂ ସ ଶତ୍ରୁଃ ପ୍ରୋଚ୍ଯତେ ନୃପ॥ 2-81-10 (14595)
ଅସନ୍ତୋଷଃ ଶ୍ରିଯୋ ମୂଲଂ ତସ୍ମାତ୍ତଂ କାମଯାମ୍ଯହମ୍।
ସମୁଚ୍ଛ୍ରଯେ ଯୋ ଯତତେ ସ ରାଜନ୍ପରମୋ ନଯଃ॥ 2-81-11 (14596)
ମମତ୍ବଂ ହି ନ କର୍ତବ୍ଯମୈଶ୍ବର୍ଯେ ବା ଧନେଽପି ବା।
ପୂର୍ବାବାପ୍ତଂ ହରନ୍ତ୍ଯନ୍ଯେ ରାଜଧ୍ରମଂ ହି ତଂ ବିଦୁଃ॥ 2-81-12 (14597)
ଅଦ୍ରୋହସମଂଯ କୃତ୍ବା ଚିଚ୍ଛେଦ ନମୁଚେଃ ଶିରଃ।
ଶକ୍ରଃ ସାଽଭିମତା ତସ୍ଯ ରିପୌ ବୃତ୍ତିଃ ସନାତନୀ॥ 2-81-13 (14598)
ଦ୍ବାବେତୌ ଗ୍ରସତେ ଭୂମିଃ ସର୍ପୋ ବିଲଶଯାନିବ।
ରାଜାନଂ ଚାବିରୋଦ୍ଧାରଂ ବ୍ରାହ୍ମଣଂ ଚାପ୍ରବାସିନମ୍॥ 2-81-14 (14599)
ନାସ୍ତି ବୈ ଜାତିତଃ ଶତ୍ରୁଃ ପୁରୁଷସ୍ଯ ବିଶାମ୍ପତେ।
ଯେନ ସାଧାରଣୀ ବୃତ୍ତିଃ ସ ଶତ୍ରୁର୍ନେତରୋ ଜନଃ॥ 2-81-15 (14600)
ଶତ୍ରୁପକ୍ଷଂ ସମୃଧ୍ଯନ୍ତଂ ଯୋ ମୋହାତ୍ସମୁପେକ୍ଷତେ।
ବ୍ଯାଧିରାପ୍ଯାଯିତ ଇବ ତସ୍ଯ ମୂଲଂ ଛିନତ୍ତି ସଃ॥ 2-81-16 (14601)
ଅଲ୍ପୋଽପି ହ୍ଯରିରତ୍ଯର୍ଥଂ ବର୍ଧମାନଃ ପରାକ୍ରମୈଃ।
ବଲ୍ମୀକୋ ମୂଲଜ ଇବ ଗ୍ରସତେ ବୃକ୍ଷମନ୍ତିକାତ୍॥ 2-81-17 (14602)
ଆଜମୀଢ ରିପୋର୍ଲକ୍ଷ୍ମୀର୍ମା ତେ ରୋଚିଷ୍ଟ ଭାରତ।
ଏଷ ଭାରଃ ସତ୍ବବତାଂ ନ ଯଃ ଶିରସି ଧିଷ୍ଠିତଃ॥ 2-81-18 (14603)
ଜନ୍ମବୃଦ୍ଧିମିବାର୍ଥାନାଂ ଯୋ ବୃଦ୍ଧିମାଭିକାଙ୍କ୍ଷତେ।
ଏଧତେ ଜ୍ଞାତିଷୁ ସ ବୈ ସଦ୍ଯୋ ବୃଦ୍ଧିର୍ହି ବିକ୍ରମଃ॥ 2-81-19 (14604)
ନାପ୍ରାପ୍ଯ ପାଣ୍ଡବୈଶ୍ବର୍ଯଂ ସଂଶଯୋ ମେ ଭବିଷ୍ଯତି।
ଅବାପ୍ସ୍ଯେ ବା ଶ୍ରିଯଂ ତାଂ ହି ଶଯିଷ୍ଯେ ବା ହତୋ ଯୁଧି॥ 2-81-20 (14605)
ଏତାଦୃଶସ୍ଯ କିଂ ମେଽଦ୍ଯ ଜୀବିତେନ ବିଶାମ୍ପତେ।
ବର୍ଧନ୍ତେ ପାଣ୍ଡବା ନିତ୍ଯଂ ବଯଂ ସ୍ବସ୍ଥିରବୃଦ୍ଧଯଃ॥ ॥ 2-81-21 (14606)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦ୍ଯୂତପର୍ବଣି ଏକାଶୀତିତମୋଽଧ୍ଯାଯଃ॥81 ॥
Mahabharata - Sabha Parva - Chapter Footnotes
2-81-3 କୃତ୍ଯଂ ଇଦାନୀଂ କର୍ତବ୍ଯମ୍॥ 2-81-14 ଅପ୍ରବାସିନଂ ତୀର୍ଥାଟନାଦିରହିତମ୍॥ 2-81-15 ସାଧାରଣୀ ତୁଲ୍ଯା ବୃତ୍ତିର୍ଜୀବିକା। ଏକାମିଷତ୍ବମିତ୍ଯର୍ଥଃ॥ସଭାପର୍ବ - ଅଧ୍ଯାଯ 082
॥ ଶ୍ରୀଃ ॥
2.82. ଅଧ୍ଯାଯଃ 082
Mahabharata - Sabha Parva - Chapter Topics
ଦୁର୍ଯୋଧନମ୍ପ୍ରତି ଶକୁନିନା ଦ୍ଯୂତାଯ ପ୍ରୋତ୍ସାହନମ୍॥ 1॥ ଧୃତରାଷ୍ଟ୍ରାଜ୍ଞଯା ଶିଲ୍ପିଭିଃ ସଭାନିର୍ମାଣମ୍॥ 2॥ ଧୃତରାଷ୍ଟ୍ରେଣ ପାଣ୍ଡବାନଯନାଯ ବିଦୁରପ୍ରେଷଣମ୍॥ 3॥Mahabharata - Sabha Parva - Chapter Text
ଶକୁନିରୁବାଚ॥
ଯାଂ ତ୍ବମେତାଂ ଶ୍ରିଯଂ ପାଣ୍ଡୁପୁତ୍ରେ ଯୁଧିଷ୍ଠିରେ।
ତପ୍ଯସେ ତାଂ ହରିଷ୍ଯାମି ଦ୍ଯୂତେନ ଜଯତାଂ ବର॥ 2-82-1 (14607)
ଆହୂଯତାଂ ପରଂ ରାଜନ୍କୁନ୍ତୀପୁତ୍ରୋ ଯୁଧିଷ୍ଠିରଃ।
ଅଗତ୍ବା ସଂଶଯମହମଯୁଦ୍ଧ୍ବା ଚ ଚମୂମୁଖେ॥ 2-82-2 (14608)
ଅକ୍ଷାନ୍କ୍ଷିପନ୍ନକ୍ଷତଃ ସନ୍ବିଦ୍ବାନବିଦୁଷୋ ଜଯେ।
ଗ୍ଲହାନ୍ଧନୂଂଷି ମେ ବିଦ୍ଧି ଶରାନକ୍ଷାଂଶ୍ଚ ଭାରତ॥ 2-82-3 (14609)
ଅକ୍ଷାଣାଂ ହୃଦଯଂ ମେ ଜ୍ଯାଂ ରଥଂ ବିଦ୍ଧି ମମାସ୍ଫୁରମ୍॥ 2-82-4 (14610)
ଦୁର୍ଯୋଧନ ଉବାଚ। 2-82-5x (1533)
ଅଯମୁତ୍ସହତେ ରାଜଚ୍ଛ୍ରିଯମାହର୍ତୁମକ୍ଷବିତ୍।
ଦ୍ଯୂତେନ ପାଣ୍ଡୁପୁତ୍ରେଭ୍ଯସ୍ତଦନୁଜ୍ଞାତୁମର୍ହସି॥ 2-82-5 (14611)
ଧୃତରାଷ୍ଟ୍ର ଉବାଚ। 2-82-6x (1534)
ସ୍ଥିତୋଽସ୍ମି ଶାସନେ ଭ୍ରାତୁର୍ବିଦୁରସ୍ଯ ମହାତ୍ମନଃ।
ତେନ ସଙ୍ଗମ୍ଯ ବେତ୍ସ୍ଯାମି କାର୍ଯସ୍ଯାସ୍ଯ ବିନିଶ୍ଚଯମ୍॥ 2-82-6 (14612)
ଦୁର୍ଯୋଧନ ଉବାଚ॥ 2-82-7x (1535)
`କୃଷ୍ଣାଦଭ୍ଯାଧିକଃ ସୋଽପି କ୍ଷତ୍ତା ବୋଦ୍ଧା ବିଶାମ୍ପତେ।
କେବଲଂ ଧର୍ମମେବାହ ନ ତଦ୍ବିଜଯସାଧକମ୍॥ 2-82-7 (14613)
ଜଯଶ୍ଚ ଧର୍ମତୋପେତସ୍ତଥୈବ ଭରତର୍ଷଭ।
ତସ୍ମାଦ୍ବିନଯତୋ ଜେତା ତାବୁଭୌ ଚ ବିରୋଧିନୌ'॥ 2-82-8 (14614)
ବ୍ଯପନେଷ୍ଯତି ତେ ବୁଦ୍ଧିଂ ବିଦୁରୋ ମୁକ୍ତସଂଶଯଃ।
ପାଣ୍ଡବାନାଂ ହିତେ ଯୁକ୍ତୋ ନ ତଥା ମମ କୌରବ॥ 2-82-9 (14615)
ନାରଭେତାନ୍ଯସାମର୍ଥ୍ଯାତ୍ପୁରୁଷଃ କାର୍ଯମାତ୍ମନଃ।
ମତିସାମ୍ଯଂ ଦ୍ବଯୋର୍ନାସ୍ତି କାର୍ଯେଷୁ କୁରୁନନ୍ଦନ॥ 2-82-10 (14616)
ଭଯଂ ପରିହରନ୍ମତ୍ତ ଆତ୍ମାନଂ ପରିପାଲଯନ୍।
ବର୍ଷାସୁ କ୍ଲିନ୍ନବଟବତ୍ତିଷ୍ଠନ୍ନୈବାବସୀଦତି॥ 2-82-11 (14617)
ନ ବ୍ଯାଧଯୋ ନାପି ଯମଃ ପ୍ରାପ୍ତୁଂ ଶ୍ରେଯଃ ପ୍ରତୀକ୍ଷତେ।
ଯାବଦେବ ଭବେତ୍କଲ୍ପସ୍ତାବଚ୍ଛ୍ରେଯଃ ସମାଚରେତ୍॥ 2-82-12 (14618)
ଧୃତରାଷ୍ଟ୍ର ଉବାଚ॥ 2-82-13x (1536)
ସର୍ବଥା ପୁତ୍ର ବଲିଭିର୍ବିଗ୍ରହୋ ମେ ରୋଚତେ।
ବୈରଂ ବିକାରଂ ସୃଜତି ତଦ୍ବୈ ଶସ୍ତ୍ରମନାଯସମ୍॥ 2-82-13 (14619)
ଅନର୍ଥମର୍ଥଂ ମନ୍ଯସେ ରାଜପୁତ୍ର
ସଙ୍ଗ୍ରନ୍ଥନଂ କଲହସ୍ଯାତିଯାତି।
ତଦ୍ବୈ ପ୍ରବୃତ୍ତଂ ତୁ ଯଥାକଥଞ୍ଚିତ୍
ସୃଜେଦସୀନ୍ନିଶିତାନ୍ସାଯକାଂଶ୍ଚ॥ 2-82-14 (14620)
ଦୁର୍ଯୋଧନ ଉବାଚ॥ 2-82-15x (1537)
ଦ୍ଯୂତେ ପୁରାଣୈର୍ବ୍ଯବହାରଃ ପ୍ରଣୀତ-
ସ୍ତତ୍ରାତ୍ଯଯୋ ନାସ୍ତି ନ ସମ୍ପ୍ରହାରଃ।
ତଦ୍ରୋଚତାଂ ଶକୁନେର୍ବାକ୍ଯମଦ୍ଯ
ସଭାଂ କ୍ଷିପ୍ରଂ ତ୍ବମିହାଜ୍ଞାପଯସ୍ବ॥ 2-82-15 (14621)
ସ୍ବର୍ଗଦ୍ବାରଂ ଦୀବ୍ଯତାଂ ନୋ ବିଶିଷ୍ଟଂ
ତଦ୍ବର୍ତିନାଂ ଚାପି ତଥୈବ ଯୁକ୍ତମ୍।
ଭବେଦେବଂ ହ୍ଯାତ୍ମନା ତୁଲ୍ଯମେବ
ଦୁରୋଦରଂ ପାଣ୍ଡବୈସ୍ତ୍ବଂ କୁରୁଷ୍ବ॥ 2-82-16 (14622)
ଧୃତରାଷ୍ଟ୍ର ଉବାଚ। 2-82-17x (1538)
ବାକ୍ଯଂ ନ ମେ ରୋଚତେ ଯତ୍ତ୍ବଯୋକ୍ତଂ
ଯତ୍ତେ ପ୍ରିଯଂ ତତ୍କ୍ରିଯତାଂ ନରେନ୍ଦ୍ର।
ପଶ୍ଚାତ୍ତପ୍ସ୍ଯସେ ତଦୁପାକ୍ରମ୍ଯ ବାକ୍ଯଂ
ନ ହୀଦୃଶଂ ଭାବି ବଚୋ ହି ଧର୍ମ୍ଯମ୍॥ 2-82-17 (14623)
ଦୃଷ୍ଟଂ ହ୍ଯେତଦ୍ବିଦୁରେଣୈ ସର୍ବଂ
ବିପଶ୍ଚିତା ବୁଦ୍ଧିବିଦ୍ଯାନୁଗେନ।
ତଦେବୈତଦବଶସ୍ଯାଭ୍ଯୁପୈତି
ମହଦ୍ଭଯଂ କ୍ଷତ୍ରିଯଜୀବଘାତି॥ 2-82-18 (14624)
ବୈଶମ୍ପାଯନ ଉବାଚ॥ 2-82-19x (1539)
ଏବମୁକ୍ତ୍ବା ଧୃତରାଷ୍ଟ୍ରୋ ମନୀଷୀ
ଦୈବଂ ମତ୍ବା ପରମଂ ଦୁସ୍ତରଂ ଚ।
ଶଶାସୋଚ୍ଚୈଃ ପୁରୁଷାନ୍ପୁତ୍ରବାକ୍ଯେ
ସ୍ଥିତୋ ରାଜା ଦୈବସଂମୂଢଚେତାଃ॥ 2-82-19 (14625)
ସହସ୍ରସ୍ତମ୍ଭାଂ ହେମବୈଦୂର୍ଯଚିତ୍ରାଂ
ଶତଦ୍ବାରାଂ ତୋରଣସ୍ଫାଟିକାଢ୍ଯାମ୍।
ସଭାମଗ୍ର୍ଯାଂ କ୍ରୋଶମାତ୍ରାଯତାଂ ମେ
ତଦ୍ବିସ୍ତାରାମାଶୁ କୁର୍ବନ୍ତୁ ଯୁକ୍ତାଃ॥ 2-82-20 (14626)
ଶ୍ରୁତ୍ବା ତସ୍ଯ ତ୍ବରିତା ନିର୍ବିଶଙ୍କାଃ
ପ୍ରାଜ୍ଞା ଦକ୍ଷାସ୍ତାଂ ତଦା ଚକ୍ରୁରାଶୁ।
ସର୍ବଦ୍ରବ୍ଯାଣ୍ଯୁପଜହ୍ରୁଃ ସଭାଯାଂ
ସହସ୍ରଶଃ ଶିଲ୍ପିନଶ୍ଚୈବ ଯୁକ୍ତାଃ॥ 2-82-21 (14627)
କାଲେନାଲ୍ପେନାଥ ନିଷ୍ଠାଂ ଗତାଂ ତାଂ
ସଭାଂ ରମ୍ଯାଂ ବହୁରତ୍ନାଂ ବିଚିତ୍ରାମ୍।
ଚିତ୍ରୈର୍ହୈମୈରାସନୈରଭ୍ଯୁପେତା-
ମାଚଖ୍ଯୁସ୍ତେ ତସ୍ଯ ରାଜ୍ଞଃ ପ୍ରତୀତାଃ॥ 2-82-22 (14628)
ତତୋ ବିଦ୍ବାନ୍ବିଦୁରଂ ମନ୍ତ୍ରିମୁଖ୍ଯ-
ମୁବାଚେଦଂ ଧୃତରାଷ୍ଟ୍ରୋ ନରେନ୍ଦ୍ରଃ।
ଯୁଧିଷ୍ଠିରଂ ରାଜପୁତ୍ରଂ ଚ ଗତ୍ବା
ମଦ୍ବାକ୍ଯେନ କ୍ଷିପ୍ରମିହାନଯସ୍ବ॥ 2-82-23 (14629)
ସଭେଯଂ ମେ ବହୁରତ୍ନା ବିଚିତ୍ରା
ଶଯ୍ଯାସନୈରୁପପନ୍ନା ମହାର୍ହୈଃ।
ସା ଦୃଶ୍ଯତାଂ ଭ୍ରାତୃଭିଃ ସାର୍ଧମେତ୍ଯ
ମୁହୃଦ୍ଦ୍ଯୂତଂ ବର୍ତତାମତ୍ର ଚେତି॥ 2-82-24 (14630)
ବୈଶମ୍ପାଯନ ଉବାଚ॥ 2-82-25x (1540)
ମତମାଜ୍ଞାଯ ପୁତ୍ରସ୍ଯ ଧୃତରାଷ୍ଟ୍ରୋ ନରାଧିପଃ।
ମତ୍ବା ଚ ଦୁସ୍ତରଂ ଦୈବମେତଦ୍ରାଜଂଶ୍ଚକାର ହ॥ 2-82-25 (14631)
ଅନ୍ଯାଯେନ ତଥୋକ୍ତସ୍ତୁ ବିଦୁରୋ ବିଦୁଷାଂ ବରଃ।
ନାଭ୍ଯନନ୍ଦଦ୍ବଚୋ ଭ୍ରାତୁର୍ବଚନଂ ଚେଦମବ୍ରବୀତ୍॥ 2-82-26 (14632)
ବିଦୁର ଉବାଚ॥ 2-82-27x (1541)
ନାଭିନନ୍ଦେ ନୃପତେ ପ୍ରୈଷମେତଂ
ମୈବଂ କୃଥାଃ କୁଲନାଶାଦ୍ବିଭେମି।
ପୁତ୍ରୈର୍ଭିନ୍ନଃ କଲହସ୍ତେ ଧ୍ରୁବଂ ସ୍ଯା-
ଦେତଚ୍ଛଙ୍କେ ଦ୍ଯୂତକୃତେ ନରେନ୍ଦ୍ର॥ 2-82-27 (14633)
ଧୃତରାଷ୍ଟ୍ର ଉବାଚ। 2-82-28x (1542)
ନେହ କ୍ଷତ୍ତଃ କଲହସ୍ତପ୍ସ୍ଯତେ ମାଂ
ନ ଚେଦ୍ଦୈବଂ ପ୍ରତିଲୋମଂ ଭବିଷ୍ଯତ୍।
ଛାତ୍ରା ତୁ ଦିଷ୍ଟସ୍ଯ ବଶେ କିଲେଦଂ
ସର୍ବଂ ଜଗଚ୍ଚେଷ୍ଟତି ନ ସ୍ବତନ୍ତ୍ରମ୍॥ 2-82-28 (14634)
ତଦଦ୍ଯ ବିଦୁର ପ୍ରାପ୍ଯ ରାଜାନଂ ମମ ଶାସନାତ୍।
କ୍ଷିପ୍ରମାନଯ ଦୁର୍ଧର୍ଷଂ କୁନ୍ତୀପୁତ୍ରଂ ଯୁଧିଷ୍ଠିରମ୍॥ ॥ 2-82-29 (14635)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦ୍ଯୂତପର୍ବଣି ଦ୍ବ୍ଯଶୀତିତମୋଽଧ୍ଯାଯଃ॥ 82 ॥
Mahabharata - Sabha Parva - Chapter Footnotes
2-82-3 ଗ୍ଲହାନ୍ ପଣାନ୍॥ 2-82-4 ଆସ୍ଫୁରମକ୍ଷବିନ୍ଯାସପାତନାଦିସ୍ଥାନମ୍ ॥ 2-82-8 ବିନଯତଃ ଅନଯାତ୍॥ 2-82-16 ଦୁରୋଦରଂ ଦ୍ଯୂତମ୍॥ସଭାପର୍ବ - ଅଧ୍ଯାଯ 083
॥ ଶ୍ରୀଃ ॥
2.83. ଅଧ୍ଯାଯଃ 083
Mahabharata - Sabha Parva - Chapter Topics
ବିଦୁରସ୍ଯ ଇନ୍ଦ୍ରପ୍ରସ୍ଥଗମନମ୍॥ 1॥ ପାଣ୍ଡବାନାଂ ଦ୍ଯୂତସଭାପ୍ରବେଶଃ॥ 2॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ତତଃ ପ୍ରାଯାଦ୍ବିଦୁରୋଽଶ୍ବୈରୁଦାରୈ-
ର୍ମହାଜବୈର୍ବଲିଭିଃ ସାଧୁ ଦାନ୍ତୈଃ।
ବଲାନ୍ନିଯୁକ୍ତୋ ଧୃତରାଷ୍ଟ୍ରେଣ ରାଜ୍ଞା
ମନୀଷିଣାଂ ପାଣ୍ଡବାନାଂ ସକାଶେ॥ 2-83-1 (14636)
ସୋଽଭିପତ୍ଯ ତଦଧ୍ବାନମାସାଦ୍ଯ ନୃପତେଃ ପୁରମ୍।
ପ୍ରବିବେଶ ମହାବୁଦ୍ଧିଃ ପୂଜ୍ଯମାନୋ ଦ୍ବିଜାତିଭିଃ॥ 2-83-2 (14637)
ସ ରାଜଗୃହମାସାଦ୍ଯ କୁବେରଭବନୋପମମ୍।
ଅଭ୍ଯାଗଚ୍ଛତ ଧର୍ମାତ୍ମା ଧର୍ମପୁତ୍ରଂ ଯୁଧିଷ୍ଠିରମ୍॥ 2-83-3 (14638)
ତଂ ବୈ ରାଜା ସତ୍ଯଧୃତିର୍ମହାତ୍ମା
ଅଜାତଶତ୍ରୁର୍ବିଦୁରଂ ଯଥାବତ୍।
ପୂଜାପୂର୍ବଂ ପ୍ରତିଗୃହ୍ଯାଜମୀଢ-
ସ୍ତତୋଽପୃଚ୍ଛଦ୍ଧୃତରାଷ୍ଟ୍ରଂ ସପୁତ୍ରମ୍॥ 2-83-4 (14639)
ଯୁଧିଷ୍ଠିର ଉବାଚ॥ 2-83-5x (1543)
ବିଜ୍ଞାଯତେ ତେ ମନସୋଽପ୍ରହର୍ଷଃ
କଚ୍ଚିତ୍କ୍ଷତ୍ତଃ କୁଶଲେନାଗତୋଽସି।
କଚ୍ଚିତ୍ପୁତ୍ରାଃ ସ୍ଥବିରସ୍ଯାନୁଲୋମା
ବଶାନୁଗାଶ୍ଚାପି ବିଶୋଽଥ କଚ୍ଚିତ୍॥ 2-83-5 (14640)
ବିଦୁର ଉବାଚ॥ 2-83-6x (1544)
ରାଜା ମହାତ୍ମା କୁଶଲୀ ସପୁତ୍ର
ଆସ୍ତେ ବୃତୋ ଜ୍ଞାତିଭିରିନ୍ଦ୍ରକଲ୍ପଃ।
ପ୍ରୀତୋ ରାଜନ୍ପୁତ୍ରଗୁଣୈର୍ବିନୀତୋ
ବିଶୋକ ଏବାତ୍ମରତିର୍ମହାତ୍ମା॥ 2-83-6 (14641)
ଇଦଂ ତୁ ତ୍ବାଂ କୁରୁରାଜୋଽଭ୍ଯୁବାଚ
ପୂର୍ବଂ ପୃଷ୍ଟ୍ବା କୁଶଲଂ ଚାବ୍ଯଯଂ ଚ।
ଇଯଂ ସଭା ତ୍ବତ୍ସଭାତୁଲ୍ଯରୂପା
ଭ୍ରାତୄଣାଂ ତେ ଦୃସ୍ଯତାମେତ୍ଯ ପୁତ୍ର॥ 2-83-7 (14642)
ସମାଗମ୍ଯ ଭ୍ରାତୃଭିଃ ପାର୍ଥ ତସ୍ଯାଂ
ସୁହୃଦ୍ଦ୍ଯୂତଂ କ୍ରିଯତାଂ ରମ୍ଯତାଂ ଚ।
ପ୍ରୀଯାମହେ ଭବତାଂ ସଙ୍ଗମେନ
ସମାଗତାଃ କୁରବଶ୍ଚାପି ସର୍ବେ॥ 2-83-8 (14643)
ଦୁରୋଦରା ବିହିତା ଯେ ତୁ ତତ୍ର
ମହାତ୍ମନା ଧୃତରାଷ୍ଟ୍ରେଣ ରାଜ୍ଞା।
ତାନ୍ଦ୍ରକ୍ଷ୍ଯସେ କିତବାନ୍ସନ୍ନିବିଷ୍ଟା-
ନିତ୍ଯାଗତୋଽହଂ ନୃପତେ ତଜ୍ଜୁଷସ୍ବ॥ 2-83-9 (14644)
ଯୁଧିଷ୍ଠର ଉବାଚ॥ 2-83-10x (1545)
ଦ୍ଯୂତେ କ୍ଷତ୍ତଃ କଲହୋ ବିଦ୍ଯତେ ନଃ
କୋ ବୈ ରୋଚତନେ ବୁଧ୍ଯମାନଃ।
କିଂ ବା ଭବାନ୍ମନ୍ଯତେ ଯୁକ୍ତରୂପଂ
ଭବଦ୍ବାକ୍ଯେ ସର୍ବ ଏବ ସ୍ଥିତାଃ ସ୍ମଃ॥ 2-83-10 (14645)
ବିଦୁର ଉବାଚ॥ 2-83-11x (1546)
ଜାନାମ୍ଯହଂ ଦ୍ଯୂତମନର୍ଥମୂଲଂ
କୃତଶ୍ଚ ଯତ୍ନୋଽସ୍ଯ ମଯା ନିବାରଣେ।
ରାଜା ଚ ମାଂ ପ୍ରାହିମୋତ୍ତ୍ବତ୍ସକାଶଂ
ଶ୍ରୁତ୍ବା ବିଦ୍ବଞ୍ଶ୍ରେଯ ଇହାଚରସ୍ବ॥ 2-83-11 (14646)
ଯୁଧିଷ୍ଠିର ଉବାଚ॥ 2-83-12x (1547)
କେ ତତ୍ରାନ୍ଯେ କିତବା ଦୀବ୍ଯମାନା
ବିନା ରାଜ୍ଞୋ ଧୃତରାଷ୍ଟ୍ରସ୍ଯ ପୁତ୍ରୈଃ।
ପୃଚ୍ଛାମି ତ୍ବାଂ ବିଦୁର ବ୍ରୂହି ନସ୍ତାନ୍
ଯୈର୍ଦୀବ୍ଯାମଃ ଶତଶଃ ସନ୍ନିପତ୍ଯ॥ 2-83-12 (14647)
ବିଦୁର ଉବାଚ॥ 2-83-13x (1548)
ଗନ୍ଧାରରାଜଃ ଶକୁନିର୍ବିଶାମ୍ପତେ
ରାଜାଽତିଦେବୀ କୃତହସ୍ତୋ ମତାକ୍ଷଃ।
ବିନିଂଶତିଶ୍ଚିତ୍ରସେନଶ୍ଚ ରାଜା
ସତ୍ଯବ୍ରତଃ ପୁରୁମିତ୍ରୋ ଜଯଶ୍ଚ॥ 2-83-13 (14648)
ଯୁଧିଷ୍ଠିର ଉବାଚ॥ 2-83-14x (1549)
ମହାଭଯାଃ କିତବାଃ ସନ୍ନିବିଷ୍ଟା
ମାଯୋପଧା ଦେବିତାରୋଽତ୍ର ସନ୍ତି।
ଧାତ୍ରା ତୁ ଦିଷ୍ଟସ୍ଯ ବଶେ କିଲେଦଂ
ସର୍ବଂ ଜଗତ୍ତିଷ୍ଠତି ନ ସ୍ବତନ୍ତ୍ରମ୍॥ 2-83-14 (14649)
ନାହଂ ରାଜ୍ଞୋ ଧୃତରାଷ୍ଟ୍ରସ୍ଯ ଶାସନା-
ନ୍ନ ଗନ୍ତୁମିଚ୍ଛାମି କବେ ଦୁରୋଦରମ୍।
ଇଷ୍ଟୋ ହି ପୁତ୍ରସ୍ଯ ପିତା ସଦୈବ
ତଦସ୍ମି କର୍ତା ବିଦୁରାତ୍ଥ ମାଂ ଯଥା॥ 2-83-15 (14650)
ନ ଚାକାମଃ ଶକୁନିନା ଦେବିତାହଂ
ନ ଚେନ୍ମାଂ ଜିଷ୍ଣୁରାହ୍ବଯିତା ସଭାଯାମ୍।
ଆହୂତୋଽହଂ ନ ନିବର୍ତେ କଦାଚିତ୍
ତଦାହିତଂ ଶାଶ୍ବତଂ ବୈ ବ୍ରତଂ ମେ॥ 2-83-16 (14651)
ବୈଶମ୍ପାଯନ ଉବାଚ॥ 2-83-17x (1550)
ଏବମୁକ୍ତ୍ବା ବିଦୁରଂ ଧର୍ମରାଜଃ
ପ୍ରାଯାତ୍ରିକଂ ସର୍ବମାଜ୍ଞାପ୍ଯ ତୂର୍ଣମ୍।
ପ୍ରାଯାଚ୍ଛ୍ବୋଭୂତେ ସଗଣଃ ସାନୁଯାତ୍ରଃ
ସହ ସ୍ତ୍ରୀଭିର୍ଦୌପଦାମାଦି କୃତ୍ବା॥ 2-83-17 (14652)
ଦୈବଂ ହି ପ୍ରଜ୍ଞାଂ ମୁଷ୍ଣାତି ଚକ୍ଷୁସ୍ତେଜ ଇବାପତତ୍।
ଧାତୁଶ୍ଚ ବଶମନ୍ବେତି ପାଶୈରିବ ନରଃ ସିତଃ॥ 2-83-18 (14653)
ଇତ୍ଯୁକ୍ତ୍ବା ପ୍ରଯଯୌ ରାଜା ସହ କ୍ଷତ୍ର୍ରା ଯୁଧିଷ୍ଠିରଃ।
ଅମୃଷ୍ଯମାଣସ୍ତସ୍ଯାଥ ସମାହ୍ବାନମରିନ୍ଦମଃ॥ 2-83-19 (14654)
ବାହ୍ଲିକେନ ରଥଂ ଯତ୍ତମାସ୍ଥାଯ ପରବୀରହା।
ପରିଚ୍ଛନ୍ନୋ ଯଯୌ ପାର୍ଥୋ ଭ୍ରାତୃଭିଃ ସହ ପାଣ୍ଡବଃ।
ରାଜଶ୍ରିଯା ଦୀପ୍ଯମାନୋ ଯଯୌ ବ୍ରହ୍ମପୁରଃ ସରଃ॥ 2-83-20 (14655)
`ସନ୍ଦିଦେଶ ତତଃ ପ୍ରେଷ୍ଯାନାଗତାନ୍ନଗରଂ ପ୍ରତି।
ତତସ୍ତେ ନୃପଶାର୍ଦୂଲ ଚକ୍ରୁର୍ବୈ ନୃପଶାସନମ୍॥ 2-83-21 (14656)
ତତୋ ରାଜା ମହାତେଜାଃ ସଂଯମ୍ଯ ସପରିଚ୍ଛଦମ୍।
ବ୍ରାହ୍ମଣୈଃ ସ୍ବସ୍ତି ବାଚ୍ଯାଥ ପ୍ରଯଯୌ ମନ୍ଦିରାଦ୍ବହିଃ 2-83-22 (14657)
ବ୍ରାହ୍ମଣେଭ୍ଯୋ ଧନଂ ଦତ୍ତ୍ବା ଗତ୍ଯର୍ଥଂ ସ ଯଥାବିଧି।
ଅନ୍ଯେଭ୍ଯଃ ସ ତୁ ଦତ୍ତ୍ବା ଚ ଗନ୍ତୁମେବୋପଚକ୍ରମେ॥ 2-83-23 (14658)
ସର୍ବଲକ୍ଷଣସମ୍ପନ୍ନଂ ରାଜହଂସପରିଚ୍ଛଦମ୍।
ତମାରୁହ୍ଯ ମହାରାଜୋ ଗଜେନ୍ଦ୍ରଂ ଷଷ୍ଟିହାଯନମ୍॥ 2-83-24 (14659)
ହାରୀ କିରୀଟୀ ହେମାଭଃ ସର୍ବାଭରଣଭୂଷିତଃ।
ରରାଜ ରାଜନ୍ପାର୍ଥୋ ବୈ ପରଯା ନୃପଶୋଭଯା॥ 2-83-25 (14660)
ରୁକ୍ମବେଦିଗତଃ ପ୍ରାଜ୍ଯୋ ଜ୍ବଲନ୍ନିବ ହୁତାଶନଃ।
ତତୋ ଜଗାମ ରାଜା ସ ପ୍ରହୃଷ୍ଟନରବାହନଃ॥ 2-83-26 (14661)
ରଥଘୋଷେଣ ମହତା ପୂରଯନ୍ବୈ ନଭଃ ସ୍ଥଲମ୍।
ସଂସ୍ତୂଯମାନଃ ସ୍ତୁତିଭିଃ ସୂତମାଗଧବନ୍ଦିଭିଃ॥ 2-83-27 (14662)
ମହାସୈନ୍ଯେନ ସହିତୋ ଯଥାଦିତ୍ଯଃ ସ୍ବରଶ୍ମିଭିଃ।
ପାଣ୍ଡୁରେଣାତପତ୍ରେଣ ଧ୍ରିଯମାଣେନ ମୂର୍ଧନି॥ 2-83-28 (14663)
ବଭୌ ଯୁଧିଷ୍ଠିରୋ ରାଜା ପୌର୍ଣମାସ୍ଯାମିବୋଡୁରାଟ୍।
ଚାମରୈର୍ହେମଦଣ୍ଡୈଶ୍ଚ ଧୂଯମାନଃ ସମନ୍ତତଃ॥ 2-83-29 (14664)
ଜଯାଶିଷଃ ପ୍ରହୃଷ୍ଟାନାଂ ନରାଣାଂ ପଥି ପାଣ୍ଡବଃ।
ପ୍ରତ୍ଯଗୃହ୍ଣାଦ୍ଯଥାନ୍ଯାଯଂ ଯଥଆବଦ୍ଭରତର୍ଷଭଃ॥ 2-83-30 (14665)
ତଥୈବ ସୈନିକା ରାଜନ୍ରାଜାନମନୁଯାନ୍ତି ଯେ।
ତେଷାଂ ହଲହଲାଶବ୍ଦୋ ଦିବଂ ସ୍ତବ୍ଧଃ ପ୍ରତିଷ୍ଠିତଃ॥ 2-83-31 (14666)
ନୃପସ୍ଯାଗ୍ନେ ଯଯୌ ରାଜନ୍ଭୀମସେନୋ ରଥୀ ବଲୀ।
ଉଭୌ ପାର୍ଶ୍ବଗତୌ ରାଜ୍ଞଃ ସତଲ୍ପୌ ବୈ ସୁକଲ୍ପିତୌ॥ 2-83-32 (14667)
ଅଧିରୂଢୌ ଯମୌ ଚାପି ଜଗ୍ମତୁର୍ଭରତର୍ଷଭ।
ଶୋଭଯନ୍ତୌ ମହାସୈନ୍ଯଂ ତାବୁଭୌ ରୂପଶାଲିନୌ॥ 2-83-33 (14668)
ପୃଷ୍ଠତୋଽନୁଯଯୌ ଜିଷ୍ଣୁର୍ବୀରଃ ଶସ୍ତ୍ରଭୃତାଂ ବରଃ।
ଶ୍ବେତାଶ୍ବୋ ଗାଣ୍ଡିବଂ ଗୃହ୍ଯ ଅଗ୍ନିଦତ୍ତଂ ରଥଂ ଗତଃ॥ 2-83-34 (14669)
ସୈନ୍ଯମଧ୍ଯେ ଯଯୌ ରାଜନ୍କୁରୁରାଜୋ ଯୁଧିଷ୍ଠିରଃ।
ଦ୍ରୌପଦୀପ୍ରମୁଖା ନାର୍ଯଃ ସାନୁଗାଃ ସପରିଚ୍ଛଦାଃ॥ 2-83-35 (14670)
ଆରୁହ୍ଯ ତା ବିଚିତ୍ରାଙ୍ଗ୍ଯୋ ଯାନାନି ବିବିଧାନି ଚ।
ମହତ୍ଯା ସେନଯା ରାଜନ୍ନଗ୍ରେ ଯାନାନି ବିବିଧାନି ଚ। 2-83-36 (14671)
ସମୃଦ୍ଧନରନାଗାଶ୍ବଂ ସପତାକରଥଧ୍ବଜମ୍।
ସଂନଦ୍ଧବରନିସ୍ତ୍ରିଂଶଂ ପଥି ନିର୍ଘୋଷନିଃ ସ୍ବନମ୍॥ 2-83-37 (14672)
ଶଙ୍ଖଦୁନ୍ଦୁଭିତାଲାନାଂ ବେଣୁବୀଣାନୁବନାଦିତମ୍।
ଶୁଶୁଭେ ପାଣ୍ଡବଂ ସୈନ୍ଯଂ ପ୍ରଯାସ୍ଯତ୍ତତ୍ତଦା ନୃପ॥ 2-83-38 (14673)
ଯଥା କୁବେରୋ ଲଙ୍କାଯାଂ ପୁରା ଚାତ୍ଯନ୍ତଶୋଭଯା।
ମହତ୍ଯା ସେନଯା ସାର୍ଧଂ ଗୁରୁମିନ୍ଦ୍ରଂ ସ ଗଚ୍ଛତି॥ 2-83-39 (14674)
ତଥା ଯଯୌ ସ ପାର୍ଥୋଽପି ଅସଙ୍ଖ୍ଯେଯବିଭୂତିନା।
ସୁସମୃଦ୍ଧେନ ସୈନ୍ଯେନ ଯଥା ବୈଶ୍ରବଣସ୍ତଥା॥ 2-83-40 (14675)
ସ ସରାଂସି ନଦୀଶ୍ଚୈବ ବନାନ୍ଯୁପବନାନି ଚ।
ଅତ୍ଯକ୍ରାମନ୍ମହାରାଜ ପୁରୀଂ ଚାଭ୍ଯବପଦ୍ଯତ॥ 2-83-41 (14676)
ସ ହାସ୍ତିନସମୀପେ ତୁ କୁରୁରାଜୋ ଯୁଧିଷ୍ଠିରଃ।
ଚକ୍ରେ ନିବେଶନଂ ତତ୍ର ତତଃ ସ ସହସୈନିକାଃ॥ 2-83-42 (14677)
ଶିବେ ଦେଶେ ସମେ ଚୈବ ନ୍ଯବସତ୍ପାଣ୍ଡବସ୍ତଦା।
ତତୋରାଜନ୍ସମାହୂଯ ଶୋକବିହ୍ବଲଯା ଗିରା॥ 2-83-43 (14678)
ଏତଦ୍ବାକ୍ଯଂ ଚ ସର୍ବସ୍ବଂ ଧୃତରାଷ୍ଟ୍ରଚିକୀର୍ଷିତମ୍।
ଆଚଚକ୍ଷେ ଯଥାବୃତ୍ତଂ ବିଦୁରୋଽଥ ନୃପସ୍ଯ ହ॥ 2-83-44 (14679)
ତଚ୍ଛ୍ରୁତ୍ବା ଭାଷିତଂ ତେନ ଧର୍ମରାଜୋଽବ୍ରବୀଦିଦମ୍।
ନ ମର୍ଷଯାମ୍ଯହଂ କ୍ଷତ୍ତଃ ସମାହ୍ବାନଂ ବ୍ରତଂ ହି ମେ।
ସ୍ବସ୍ତ୍ଯସ୍ତୁ ଲୋକେ ବିପ୍ରାଣାଂ ପ୍ରଜାନାଂ ଚୈବ ସର୍ବଦା॥ 2-83-45 (14680)
ବୈଶମ୍ପାଯନ ଉବାଚ॥ 2-83-46x (1551)
ପ୍ରବିବେଶ ତତୋ ରାଜା ନଗରଂ ନାଗସାହ୍ବଯମ୍।
ଧୃତରାଷ୍ଟ୍ରେଣ ଚାହୂତଃ କାଲସ୍ଯ ସମଯେନ ଚ'॥ 2-83-46 (14681)
ସ ହାସ୍ତିନପୁରଂ ଗତ୍ବା ଧୃତରାଷ୍ଟ୍ରଗୃହଂ ଯଯୌ।
ସମିଯାଯ ଚ ଧର୍ମାତ୍ମା ଧୃତରାଷ୍ଟ୍ରେଣ ପାଣ୍ଡବଃ॥ 2-83-47 (14682)
ତଥା ଭୀଷ୍ମେଣ ଦ୍ରୋଣେନ କର୍ଣେନ ଚ କୃପେଣ ଚ।
ସମିଯାଯ ଯଥାନ୍ଯାଯଂ ଦ୍ରୌଣିନା ଚ ବିଭୁଃ ସହ 2-83-48 (14683)
ସମେତ୍ଯ ଚ ମହାବାହୁଃ ସୋମଦତ୍ତେନ ଚୈବ ହ।
ଦୂର୍ଯୋଧନେନ ସଭ୍ରାତ୍ରା ସୌବଲେନ ଚ ବୀର୍ଯବାନ୍॥ 2-83-49 (14684)
ଯେ ଚାନ୍ଯେ ତତ୍ର ରାଜାନଃ ପୂର୍ବମେବ ସମାଗତାଃ।
ଦୁଃଶାସନେନ ବୀରେଣ ସର୍ବୈର୍ଭ୍ରାତୃଭିରେବ ଚ॥ 2-83-50 (14685)
ଜଯଦ୍ରଥେନ ଚ ତଥା କୁରୁଭିଶ୍ଚାପି ସର୍ବଶଃ।
ତତଃ ସର୍ବୈର୍ମହାବାହୁର୍ଭ୍ରାତୃଭିଃ ପିରବାରିତଃ॥ 2-83-51 (14686)
ପ୍ରବିବେଶ ଗୃହଂ ରାଜ୍ଞୋ ଧୃତରାଷ୍ଟ୍ରସ୍ଯ ଧୀମତଃ।
ଦଦର୍ଶ ତତ୍ର ଗାନ୍ଧାରୀଂ ଦେବୀଂ ପତିମନୁବ୍ରତାମ୍॥ 2-83-52 (14687)
ସ୍ନୁଷାଭିଃ ସଂବୃତାଂ ଶଶ୍ବତ୍ତାରାଭିରିବ ରୋହିଣୀମ୍।
ଅଭିବାଦ୍ଯ ସ ଗାନ୍ଧାରୀଂ ତଯା ଚ ପ୍ରତିନନ୍ଦିତଃ॥ 2-83-53 (14688)
ଦଦର୍ଶ ପିତରଂ ବୃଦ୍ଧଂ ପ୍ରଜ୍ଞାଚକ୍ଷୁଷମୀଶ୍ବରମ୍॥ 2-83-54 (14689)
ରାଜ୍ଞା ମୂର୍ଧନ୍ଯୁପାଘ୍ରାତାସ୍ତେ ଚ କୌରବନନ୍ଦନାଃ।
ଚତ୍ବାରଃ ପାଣ୍ଡବା ରାଜନ୍ଭୀମସେନପୁରୋଗମାଃ॥ 2-83-55 (14690)
ତତୋ ହର୍ଷଃ ସମଭବତ୍କୌରବାଣାଂ ବିଶାମ୍ପତେ।
ତାନ୍ଦୃଷ୍ଟ୍ବା ପୁରୁଷବ୍ଯାଘ୍ରାନ୍ପାଣ୍ଡବାନ୍ପ୍ରିଯଦର୍ଶନାନ୍॥ 2-83-56 (14691)
ବିବିଶୁସ୍ତେଽଭ୍ଯନୁଜ୍ଞାତା ରତ୍ନବନ୍ତି ଗୃହାଣି ଚ।
ଦଦୃଶୁଶ୍ଚୋପଯାତାରୋ ଦ୍ରୋପଦୀପ୍ରମୁଖାଃ ସ୍ତ୍ରିଯଃ॥ 2-83-57 (14692)
ଯାଜ୍ଞସେନ୍ଯାଃ ପରାମୃଦ୍ଧିଂ ଦୃଷ୍ଟ୍ବା ପ୍ରଜ୍ବଲିତାମିବ।
ସ୍ନୁଷାସ୍ତା ଧୃତରାଷ୍ଟ୍ରସ୍ଯ ନାତିପ୍ରମନସୋଽଭବନ୍॥ 2-83-58 (14693)
ତତସ୍ତେ ପୁରୁଷବ୍ଯାଘ୍ରା ଗ୍ତବା ସ୍ତ୍ରୀଭିସ୍ତୁ ସଂବିଦମ୍।
କୃତ୍ବା ବ୍ଯାଯାମପୂର୍ବାଣି କୃତ୍ଯାନି ପ୍ରତିକର୍ମ ଚ॥ 2-83-59 (14694)
ତତଃ କୃତାହ୍ନିକାଃ ସର୍ବେ ଦିବ୍ଯଚନ୍ଦନଭୂଷିତାଃ।
କଲ୍ଯାଣମନସଶ୍ଚୈବ ବ୍ରାହ୍ମଣାନ୍ସ୍ବସ୍ତି ବାଚ୍ଯ ଚ॥ 2-83-60 (14695)
ମନୋଜ୍ଞମଶନଂ ଭୁକ୍ତ୍ବା ବିବିଶୁଃ ଶରଣାନ୍ଯଥ।
ଉପଗୀଯମାନା ନାରୀଭିରସ୍ବପନ୍କୁରୁପୁଙ୍ଗବାଃ॥ 2-83-61 (14696)
ଜଗାମ ତେଷାଂ ସା ରାତ୍ରିଃ ପୁଣ୍ଯା ରତିବିହାରିଣାମ୍।
ସ୍ତୂଯମାନାଶ୍ଚ ବିଶ୍ରାନ୍ତାଃ କାଲେ ନିଦ୍ରାମଥାତ୍ଯଜନ୍॥ 2-83-62 (14697)
ମୁଖୋଷିତାସ୍ତେ ରଜନୀଂ ପ୍ରାତଃ ସର୍ବେ କୃତାହ୍ନିକାଃ।
ସଭାଂ ରମ୍ଯାଂ ପ୍ରବିବିଶୁଃ କିତବୈରଭିନନ୍ଦିତାଃ॥ ॥ 2-83-63 (14698)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦ୍ଯୂତପର୍ବଣି ବ୍ଯଶୀତିତମୋଽଧ୍ଯାଯଃ॥83 ॥
Mahabharata - Sabha Parva - Chapter Footnotes
2-83-2 ଦ୍ବିଜାତିଭିସ୍ତ୍ରୈବର୍ଣିକୈଃ॥ 2-83-6 ଆତ୍ମରତିଃ ଆତ୍ମନଃ ସ୍ବସ୍ଯୋତ୍କର୍ଷ ଏବ ରତିର୍ଯସ୍ଯ ନତୁ ଧର୍ମମନ୍ବୀକ୍ଷତେ ଇତି ଭାବଃ॥ 2-83-7 ଅବ୍ଯଯଂ ଧନାଦେରବିନାଶମ୍॥ 2-83-9 ଦୁରୋଦରା ଦ୍ଯୂତକରାଃ॥ 2-83-17 ଆଦି ଅବିଭକ୍ତିକନିର୍ଦେଶଃ॥ 2-83-57 ଯାତାରଃ ଯାତରଃ॥ 2-83-59 ସଂବିଦଂ ମିଥଃ କଥାମ୍। ବ୍ଯାଯାମଃ ଶ୍ରମାନୋଦନବ୍ଯାପାରଃ ପୂର୍ବୋ ଯେଷାଂ ତାନି। ପ୍ରତିକର ୍ମ କେଶପ୍ରସାଧନାଦିପରିଷ୍କାରମ୍॥ସଭାପର୍ବ - ଅଧ୍ଯାଯ 084
॥ ଶ୍ରୀଃ ॥
2.84. ଅଧ୍ଯାଯଃ 084
Mahabharata - Sabha Parva - Chapter Topics
ଶକୁନିଯୁଧିଷ୍ଠିରଯୋଃ ସଂବାଦଃ॥ 1॥ ଦ୍ଯୂତନିର୍ଧାରଣମ୍॥2॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ପ୍ରବିଶ୍ଯ ତାଂ ସଭାଂ ପାର୍ଥା ଯୁଧିଷ୍ଠିରପୁରୋଗମାଃ।
ସମେତ୍ଯ ପାର୍ଥିବାନ୍ସର୍ବାନ୍ପୂଜାର୍ହାନଭିପୂଜ୍ଯ ଚ॥ 2-84-1 (14699)
ଯଥାବଯଃ ସମେଯାନା ଉପବିଷ୍ଟା ଯଥାର୍ହତଃ।
ଆସନେଷୁ ବିଚିତ୍ରେଷୁ ସ୍ପର୍ଦ୍ଧ୍ଯାସ୍ତରଣବତ୍ସୁ ଚ॥ 2-84-2 (14700)
ତେଷୁ ତତ୍ରୋପବିଷ୍ଟେଷୁ ସର୍ବେଷ୍ବଥ ନୃପେଷୁ ଚ।
ଶକୁନିଃ ସୌବଲସ୍ତତ୍ର ଯୁଧିଷ୍ଠିରମଭାଷତ॥ 2-84-3 (14701)
ଶକୁନିରୁବାଚ॥ 2-84-4x (1552)
ଉପସ୍ତୀର୍ଣା ସଭା ରାଜନ୍ସର୍ବେ ତ୍ବଯି କୃତକ୍ଷଣାଃ।
ଅକ୍ଷାନୁପ୍ତ୍ବା ଦେବନସ୍ଯ ସମଯୋଽସ୍ତୁ ଯୁଧିଷ୍ଠିର॥ 2-84-4 (14702)
ଯୁଧିଷ୍ଠିର ଉବାଚ। 2-84-5x (1553)
ନିତିର୍ଦେବନଂ ପାପଂ ନ କ୍ଷାତ୍ରୋଽତ୍ର ପରାକ୍ରମଃ।
ନ ଚ ନୀତିର୍ଧ୍ରୁବା ରାଜନ୍କିଂ ତ୍ବଂ ଦ୍ଯୂତଂ ପ୍ରଶଂସସି॥ 2-84-5 (14703)
ନ ହି ମାନଂ ପ୍ରଶଂସନ୍ତି ନିକୃତୌ କିତବସ୍ଯ ହି।
ଶକୁନେ ମୈବଂ ନୋଽଜୈଷୀରମାର୍ଗେଣ ନୃଶଂସବତ୍॥ 2-84-6 (14704)
ଶକୁନିରୁବାଚ। 2-84-7x (1554)
ଯୋ ବେତ୍ତି ସଙ୍ଖ୍ଯା ନିକୃତୌ ବିଧିଜ୍ଞ-
ଶ୍ଚେଷ୍ଟାସ୍ବଖିନ୍ନଃ କିତବୋଽକ୍ଷଜାସୁ।
ମହାମତିର୍ଯଶ୍ଚ ଜାନାତି ଦ୍ଯୂତଂ
ସ ବୈ ସର୍ବଂ ସହତେ ପ୍ରକ୍ରିଯାସୁ॥ 2-84-7 (14705)
ଅକ୍ଷଗ୍ଲହଃ ସୋଽଭିଭବେତ୍ପରଂ ନ-
ସ୍ତେନୈବ ଦୋଷୋ ଭବତୀହ ପାର୍ଥ।
ଦୀବ୍ଯାମହେ ପାର୍ଥିବ ମା ବିଶଙ୍କାଂ
କୁରୁଷ୍ବ ପାଣଂ ଚ ଚିରଂ ଚ ମା କୃଥାଃ॥ 2-84-8 (14706)
ଯୁଧିଷ୍ଠିର ଉବାଚ। 2-84-9x (1555)
ଏବମାହାଯମସିତୋ ଦେବଲୋ ମୁନିସତ୍ତମଃ।
ଇମାନି ଲୋକଦ୍ବାରାଣି ଯୋ ବୈ ଭ୍ରାମ୍ଯତି ସର୍ବଦା॥ 2-84-9 (14707)
ଇଦଂ ବୈ ଦେବନଂ ପାପଂ ନିକୃତ୍ଯା କିତବୈଃ ସହ।
ଧର୍ମେଣ ତୁ ଜଯୋ ଯୁଦ୍ଧେ ତତ୍ପରଂ ନ ତୁ ଦେବନମ୍॥ 2-84-10 (14708)
ନାର୍ଯା ମ୍ଲେଚ୍ଛନ୍ତି ଭାଷାଭିର୍ମାଯଯା ନ ଚରନ୍ତ୍ଯୁତ।
ଅଜିହ୍ଯମଶଠଂ ଯୁଦ୍ଧମେତତ୍ସତ୍ପୁରୁଷବ୍ରତମ୍॥ 2-84-11 (14709)
ଶକ୍ତିତୋ ବ୍ରାହ୍ମଣାର୍ଥାଯ ଶିକ୍ଷିତୁଂ ପ୍ରଯତାମହେ।
ତଦ୍ବୈ ବିତ୍ତଂ ମାତିଦେବୀର୍ମାଜୈଷୀଃ ଶକୁନେ ପରାନ୍॥ 2-84-12 (14710)
ନିକୃତ୍ଯା କାମଯେ ନାହଂ ସୁଖାନ୍ଯୁତ ଧନାନି ବା।
କିତବସ୍ଯେହ କୃତିନୋ ବୃତ୍ତମେତନ୍ନ ପୂଜ୍ଯତେ॥ 2-84-13 (14711)
ଶକୁନିରୁବାଚ। 2-84-14x (1556)
ଶ୍ରୋତ୍ରିଯଃ ଶ୍ରୋତ୍ରିଯାନେତି ନିକୃତ୍ଯୈବ ଯୁଧିଷ୍ଠିର।
ବିଦ୍ବାନବିଦୁଷୋଽଭ୍ଯେତି ନାହୁସ୍ତାଂ ନିକୃତିଂ ଜନାଃ॥ 2-84-14 (14712)
ଅକ୍ଷୈର୍ହି ଶିକ୍ଷିତୋଽଭ୍ଯେତି ନିକୃତ୍ଯୈବ ଯୁଧିଷ୍ଠିର।
ବିଦ୍ବାନବିଦୁଷୋଽଭ୍ଯେତି ନାହୁସ୍ତାଂ ନିକୃତିଂ ଜନାଃ॥ 2-84-15 (14713)
ଅକୃତାସ୍ତ୍ରଂ କୃତାସ୍ରଶ୍ଚ ଦୁର୍ବଲଂ ବଲବତ୍ତରଃ।
ଏବଂ କର୍ମସୁ ସର୍ବେଷୁ ନିକୃତ୍ଯୈବ ଯୁଧିଷ୍ଠିରଃ।
ବିଦ୍ବାନବିଦୁଷୋଭ୍ଯେତି ନାହୁସ୍ତାଂ ନିକୃତିଂ ଜନାଃ॥ 2-84-16 (14714)
ଏବଂ ତ୍ବଂ ମାମିହାଭ୍ଯେତ୍ଯ ନିକୃତିଂ ଯଦି ମନ୍ଯସେ।
ଦେବନାଦ୍ବିନିବର୍ତସ୍ବ ଯଦି ତେ ବିଦ୍ଯତେ ଭଯମ୍॥ 2-84-17 (14715)
ଯୁଧିଷ୍ଠିର ଉବାଚ॥ 2-84-18x (1557)
ଆହୂତୋ ନ ନିବର୍ତେଯମିତି ମେ ବ୍ରତମାହିତମ୍।
ବିଧିଶ୍ଚ ବଲବାନ୍ରାଜନ୍ଦିଷ୍ଟସ୍ଯାସ୍ମି ବଶେ ସ୍ଥିତଃ॥ 2-84-18 (14716)
ଅସ୍ମିନ୍ସମାଗମେ କେନ ଦେବନଂ ମେ ଭବିଷ୍ଯତି।
ପ୍ରତିପାଣଶ୍ଚ କୋଽନ୍ଯୋସ୍ତି ତତୋ ଦ୍ଯୂତଂ ପ୍ରବର୍ତତାମ୍॥ 2-84-19 (14717)
ଦୁର୍ଯୋଧନ ଉବାଚ। 2-84-20x (1558)
ଅହଂ ଦାତାସ୍ମି ରତ୍ନାନାଂ ଧନାନାଂ ଚ ବିଶାମ୍ପତେ।
ମଦର୍ଥେ ଦେବିତା ଚାଯଂ ଶକୁନିର୍ମାତୁଲୋ ମମ॥ 2-84-20 (14718)
ଯୁଧିଷ୍ଠିର ଉବାଚ॥ 2-84-21x (1559)
ଅନ୍ଯେନାନ୍ଯସ୍ଯ ବୈ ଦ୍ଯୂତଂ ବିଷମଂ ପ୍ରତିଭାତି ମେ।
ଏତଦ୍ବିଦ୍ବିନ୍ନୁପାଦତ୍ସ୍ବ କାମମେବଂ ପ୍ରବର୍ତତମ୍॥ ॥ 2-84-21 (14719)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦ୍ଯୂତପର୍ବଣି ଚତୁରଶୀତିତମୋଽଧ୍ଯାଯଃ॥84 ॥
Mahabharata - Sabha Parva - Chapter Footnotes
2-84-5 ପାପଂ ପାପହେତୁଃ॥ 2-84-8 ପାଣଂ ପଣନୀଯଦ୍ରବ୍ଯମ୍॥ସଭାପର୍ବ - ଅଧ୍ଯାଯ 085
॥ ଶ୍ରୀଃ ॥
2.85. ଅଧ୍ଯାଯଃ 085
Mahabharata - Sabha Parva - Chapter Topics
ଭୀଷମଦ୍ରୋଣାଦୀନାଂ ଦ୍ଯୂତସଭାପ୍ରବେଶଃ॥ 1॥ ଦ୍ଯୂତୀପକ୍ରମଃ॥ 2॥ ଯୁଧିଷ୍ଠିରେଣ ପଣୀକୃତାନାଂ ସର୍ବବସ୍ତୂନାଂ ଶକୁନିନା ଅପହାରଃ॥ 3॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ଉପୋହ୍ଯମାନେ ଦ୍ଯୂତେ ତୁ ରାଜାନଃ ସର୍ବ ଏବ ତେ।
ଧୃତରାଷ୍ଟ୍ରଂ ପୁରସ୍କୃତ୍ଯ ବିବିଶୁସ୍ତାଂ ସଭାଂ ତତଃ॥ 2-85-1 (14720)
ଭୀଷ୍ମୋ ଦ୍ରୋଣଃ କୃପଶ୍ଚୈବ ବିଦୁରଶ୍ଚ ମହାମତିଃ।
ନାତିପ୍ରୀତେନ ମନସା ତେଽନ୍ବବର୍ତନ୍ତ ଭାରତ॥ 2-85-2 (14721)
ତେ ଦ୍ବନ୍ଦ୍ବଶଃ ପୃଥଚ୍କୈବ ସିଂହଗ୍ରୀବା ମହୌଜସଃ।
ସିଂହାସନାନି ଭୂରିଣୀ ବିଚିତ୍ରାଣି ଚ ଭେଜିରେ॥ 2-85-3 (14722)
ଶୁଶୁଭେ ସା ସଭା ରାଜନ୍ରାଜଭିସ୍ତୈଃ ସମାଗତୈଃ।
ଦେବୈରିବ ମହାଭାଗୈଃ ସମବେତୈସ୍ତ୍ରିବିଷ୍ଟପମ୍॥ 2-85-4 (14723)
ସର୍ବେ ବେଦବିଦଃ ଶୂରାଃ ସର୍ବେ ଭାସ୍ବରମୂର୍ତଯଃ।
ପ୍ରବର୍ତତ ମହାରାଜ ସୁହୃଦ୍ଦ୍ଯୂତମନନ୍ତରମ୍॥ 2-85-5 (14724)
ଯୁଧିଷ୍ଠିର ଉବାଚ॥ 2-85-6x (1560)
ଅଯଂ ବୁହଧନୋ ରାଜନ୍ସାଗରାବର୍ତସମ୍ଭବଃ।
ମଣିର୍ହାରୋତ୍ତରଃ ଶ୍ରୀମାନ୍କନକୋତ୍ତମଭୂଷଣଃ॥ 2-85-6 (14725)
ଏତଦ୍ରାଜନ୍ମମ ଧନଂ ପ୍ରତିପାଣୋଽସ୍ତି କସ୍ତବ।
ଯେନ ମାଂ ତ୍ବଂ ମହାରାଜ ଧନେନ ପ୍ରତିଦୀବ୍ଯସେ॥ 2-85-7 (14726)
ଦୁର୍ଯୋଧନ ଉବାଚ॥ 2-85-8x (1561)
ସନ୍ତି ମେ ମଣଯଶ୍ଚୈବ ଧନାନି ସୁବହୂନି ଚ।
ମତ୍ସରଶ୍ଚ ନ ମେଽର୍ଥେଷୁ ଜଯସ୍ବୈନଂ ଦୁରୋଦରମ୍॥ 2-85-8 (14727)
ବୈଶମ୍ପାଯନ ଉବାଚ॥ 2-85-9x (1562)
ତତୋ ଜଗ୍ରାହ ଶକୁନିସ୍ତାନକ୍ଷାନକ୍ଷତତ୍ତ୍ବବିତ୍।
ଜିତମିତ୍ଯେବ ଶକୁନିର୍ଯୁଧିଷ୍ଠିରମଭାଷତ॥ 2-85-9 (14728)
ଯୁଧିଷ୍ଠିର ଉବାଚ॥ 2-85-10x (1563)
ମତ୍ତ କୈତକେନୈବ ଯଜ୍ଜିତୋଽସ୍ମି ଦୁରୋଦରେ।
ଶକୁନେ ହନ୍ତ ଦୀବ୍ଯାମୋ ଗ୍ଲହମାନାଃ ପରସ୍ପରମ୍॥ 2-85-10 (14729)
ସନ୍ତି ନିଷ୍କସହସ୍ରସ୍ଯ ଭାଣ୍ଡିନ୍ଯୋ ଭରିତାଃ ଶୁଭାଃ।
କୋଶୋ ହିରଣ୍ଯମକ୍ଷଯ୍ଯଂ ଜାତରୂପମନେକଶଃ।
ଏତଦ୍ରାଜନ୍ମମ ଧନଂ ତେନ ଦୀବ୍ଯାମ୍ଯହଂ ତ୍ବଯା॥ 2-85-11 (14730)
ବୈଶମ୍ପାଯନ ଉବାଚ॥ 2-85-12x (1564)
କୌରବାଣାଂ କୁଲକରଂ ଜ୍ଯେଷ୍ଠଂ ପାଣ୍ଡବମଚ୍ଯୁତମ୍।
ଇତ୍ଯୁକ୍ତଃ ଶକୁନିଃ ପ୍ରାହ ଜିତମିତ୍ଯେବ ତଂ ନୃପମ୍॥ 2-85-12 (14731)
ଯୁଧିଷ୍ଠିର ଉବାଚ॥ 2-85-13x (1565)
ଅଯଂ ସହସ୍ରସମିତୋ ବୈଯାଘ୍ରଃ ସୁପ୍ରତିଷ୍ଠିତଃ।
ସୁଚକ୍ରୋପସ୍କରଃ ଶ୍ରୀମାନ୍କିଙ୍କିଣୀଜାଲମଣ୍ଡିତଃ॥ 2-85-13 (14732)
ସଂହ୍ରାଦନୋ ରାଜରଥୋ ଯ ଇହାସ୍ମାନୁପାବହତ୍।
ଜୌତ୍ରୋ ରଥବରଃ ପୁଣ୍ଯୋ ମେଘସାଗରନିଃ ସ୍ବନଃ॥ 2-85-14 (14733)
ଅଷ୍ଟୌ ଯଂ କୁରରଚ୍ଛାଯାଃ ସଦଶ୍ବା ରାଷ୍ଟ୍ରସଂମତାଃ।
ବହନ୍ତି ନୈଷାଂ ମୁଚ୍ଯେତ ପଦାଦ୍ଭୂମିମୁପସ୍ପୃଶନ୍।
ଏତଦ୍ରାଜନ୍ଧନଂ ମହ୍ଯଂ ତେନ ଦୀବ୍ଯାମ୍ଯହଂ ତ୍ବଯା॥ 2-85-15 (14734)
ବୈଶମ୍ପାଯନ ଉବାଚ॥ 2-85-16x (1566)
ଏବଂ ଶ୍ରୁତ୍ବା ବ୍ଯବସିତୋ ନିକୃତିଂ ସମୁପାଶ୍ରିତଃ।
ଜିତମିତ୍ଯେବ ଶକୁନିର୍ଯୁଧିଷ୍ଠିରମଭାଷତ॥ 2-85-16 (14735)
ଯୁଧିଷ୍ଠିର ଉବାଚ॥ 2-85-17x (1567)
ଶତଂ ଦାସୀସହସ୍ରାଣି ତରୁଣ୍ଯୋ ହେମଭଦ୍ରିକାଃ।
କମ୍ବୁକେଯୂରଧାରିଣ୍ଯୋ ନିଷ୍କକଣ୍ଠ୍ଯଃ ସ୍ବଲଙ୍କୃତାଃ॥ 2-85-17 (14736)
ମହାର୍ହମାଲ୍ଯାଭରଣାଃ ସୁବସ୍ତ୍ରାଶ୍ଚନ୍ଦନୋକ୍ଷିତାଃ।
ମଣୀନ୍ହେମ ଚ ବିଭ୍ରତ୍ଯଶ୍ଚତୁଃଷଷ୍ଟିବିଶାରଦାଃ॥ 2-85-18 (14737)
ଅନୁସେବାଂ ଚରନ୍ତୀମାଃ କୁଶଲା ନୃତ୍ତସାମସୁ।
ସ୍ନାତକାନାମମାତ୍ଯାନାଂ ରାଜ୍ଞାଂ ଚ ମମ ଶାସନାତ୍।
ଏତଦ୍ରାଜନ୍ମମ ଧନଂ ତେନ ଦୀବ୍ଯାମ୍ଯହଂ ତ୍ବଯା॥ 2-85-19 (14738)
ବୈଶମ୍ପାଯନ ଉବାଚ॥ 2-85-20x (1568)
ଏତଚ୍ଛୁତ୍ବା ବ୍ଯବସିତୋ ନିକୃତିଂ ସମୁପାଶ୍ରିତଃ।
ଜିତମିତ୍ଯେବ ଶକୁନିର୍ଯୁଧିଷ୍ଠିରମଭାଷତ॥ 2-85-20 (14739)
ଯୁଧିଷ୍ଠିର ଉବାଚ। 2-85-21x (1569)
ଏତାବନ୍ତି ଚ ଦାସାନାଂ ସହସ୍ରାଣ୍ଯୁତ ସନ୍ତି ମେ।
ପ୍ରଦକ୍ଷିଣାନୁଲୋମାଶ୍ଚ ପ୍ରାବାରବସନାଃ ସଦା॥ 2-85-21 (14740)
ପ୍ରାଜ୍ଞା ମେଧାବିନୋ ଦାନ୍ତା ଯୁବାନୋ ମୃଷ୍ଟକୁଣ୍ଡଲାଃ।
ପାତ୍ରୀହସ୍ତା ଦିବାରାତ୍ରମତିଥୀନ୍ଭୋଜଯନ୍ତ୍ଯୁତ।
ଏତଦ୍ରାଜନ୍ମମ ଧନଂ ତେନ ଦୀବ୍ଯାମ୍ଯହଂ ତ୍ବଯା॥ 2-85-22 (14741)
ବୈଶମ୍ପାଯନ ଉବାଚ॥ 2-85-23x (1570)
ଏତଚ୍ଛ୍ରୁତ୍ବା ବ୍ଯବସିତୋ ନିକୃତିଂ ସମୁପାଶ୍ରିତଃ।
ଜିତମିତ୍ଯେବ ଶକୁନିର୍ଯୁଧିଷ୍ଠିରଭାଷତ॥ 2-85-23 (14742)
ଯୁଧିଷ୍ଠିର ଉବାଚ॥ 2-85-24x (1571)
ସହସ୍ରସଙ୍ଖ୍ଯା ନଗା ମେ ମତ୍ତାସ୍ତିଷ୍ଠନ୍ତି ସୌବଲ।
ହେମକକ୍ଷାଃ କୃତାପୀଡାଃ ପଦ୍ମିନୋ ହେମମାଲିନଃ॥ 2-85-24 (14743)
ସୁଦାନ୍ତା ରାଜବହନାଃ ସର୍ବଶବ୍ଦକ୍ଷମା ଯୁଧି।
ଈଷାଦନ୍ତା ମହାକାଯାଃ ସର୍ବେ ଚାଷ୍ଟକରେଣବଃ॥ 2-85-25 (14744)
ସର୍ବେ ଚ ପୁରଭେତ୍ତାରୋ ନବମେଘନିଭା ଗଜାଃ।
ଏତଦ୍ରାଜନ୍ମମ ଧନଂ ତେନ ଦୀବ୍ଯାମ୍ଯହଂ ତ୍ବଯା॥ 2-85-26 (14745)
ବୈଶମ୍ପାଯନ ଉବାଚ॥ 2-85-27x (1572)
ଇତ୍ଯେବଂବାଦିନଂ ପାର୍ଥଂ ପ୍ରହସନ୍ନିବ ସୌବଲଃ।
ଜିତମିତ୍ଯେବ ଶକୁନିର୍ଯୁଧିଷ୍ଠିରମଭାଷତ॥ 2-85-27 (14746)
ଯୁଧିଷ୍ଠିର ଉବାଚ॥ 2-85-28x (1573)
ରଥାସ୍ତାବନ୍ତ ଏବେମେ ହେମଦଣ୍ଡାଃ ପତାକିନଃ।
ହଯୈର୍ବିନୀତୈଃ ସମ୍ପନ୍ନା ରଥିଭିଶ୍ଚିତ୍ରଯୋଧିଭିଃ॥ 2-85-28 (14747)
ଏକୈକୋ ହ୍ଯତ୍ର ଲଭତେ ସହସ୍ରପରମାଂ ଭୃତିମ୍।
ଯୁଧ୍ଯତୋଽଯୁଧ୍ଯତୋ ବାପି ବେତନଂ ମାସକାଲିକମ୍।
ଏତଦ୍ରାଜନ୍ମ ଧନଂ ତେନ ଦୀବ୍ଯାମ୍ଯହଂ ତ୍ବଯା॥ 2-85-29 (14748)
ବୈଶମ୍ପାଯନ ଉବାଚ॥ 2-85-30x (1574)
ଇତ୍ଯେବମୁକ୍ତେ ବଚନେ କୃତବୈରୋ ଦୁରାତ୍ମବାନ୍।
ଜିତମିତ୍ଯେବ ଶକୁନିର୍ଯୁଧିଷ୍ଠିରମଭାଷତ॥ 2-85-30 (14749)
ଯୁଧିଷ୍ଠିର ଉବାଚ॥ 2-85-31x (1575)
ଅଶ୍ବାଂସ୍ତିତ୍ତିରିକଲ୍ମାଷାନ୍ଗାନ୍ଧର୍ବାନ୍ହେମମାଲିନଃ।
ଦଦୌ ଚିତ୍ରରଥସ୍ତୁଷ୍ଟୋ ଯାଂସ୍ତାନ୍ଗାଣ୍ଡୀବଧନ୍ବନେ॥ 2-85-31 (14750)
ଯୁଦ୍ଧେ ଜିତଃ ପରାଭୂତଃ ପ୍ରୀତିପୂର୍ବମରିନ୍ଦମଃ।
ଏତଦ୍ରାଜନ୍ମମ ଧନଂ ତେନ ଦୀବ୍ଯାମ୍ଯହଂ ତ୍ବଯା॥ 2-85-32 (14751)
ବୈଶମ୍ପାଯନ ଉବାଚ॥ 2-85-33x (1576)
ଏତଚ୍ଛ୍ରୁତ୍ବା ବ୍ଯବସିତୋ ନିକୃତିଂ ସମୁପାଶ୍ରିତଃ।
ଜିତମିତ୍ଯେବ ଶକୁନିର୍ଯୁଧିଷ୍ଠିରମଭାଷତ॥ 2-85-33 (14752)
ଯୁଧିଷ୍ଠିର ଉବାଚ॥ 2-85-34x (1577)
ରଥାନାଂ ଶକଟାନାଂ ଚ ଶ୍ରେଷ୍ଠାନାଂ ଚାଯୁତାନି ମେ।
ଯୁକ୍ତାନ୍ଯେବ ହି ତିଷ୍ଠନ୍ତି ବାହୈରୁଚ୍ଚାବଚୈସ୍ତଥା॥ 2-85-34 (14753)
ଏବଂ ବର୍ଣସ୍ଯ ବର୍ଣସ୍ଯ ସମୁଚ୍ଚୀଯ ସହସ୍ରଶଃ।
ଯଥା ସମୁଦିତା ବୀରାଃ ସର୍ବେ ବୀରପରାକ୍ରମାଃ॥ 2-85-35 (14754)
କ୍ଷୀରଂ ପିବନ୍ତସ୍ତିଷ୍ଠନ୍ତି ଭୁଞ୍ଜାନାଃ ଶାଲିତଣ୍ଡୁଲାନ୍।
ଷଷ୍ଟିସ୍ତାନି ସହସ୍ରାଣି ସର୍ବେ ବିପୁଲବକ୍ଷସଃ।
ଏତଦ୍ରାଜନ୍ମମ ଧନଂ ତେନ ଦୀବ୍ଯାମ୍ଯହଂ ତ୍ବଯା॥ 2-85-36 (14755)
ବୈଶମ୍ପାଯନ ଉବାଚ॥ 2-85-37x (1578)
ଏତଚ୍ଛ୍ରତ୍ବା ବ୍ଯବସିତୋ ନିକୃତି ସମୁପାଶ୍ରିତଃ।
ଜିତମିତ୍ଯେବ ଶକୁନିର୍ଯୁଧିଷ୍ଠିରମଭାଷତ॥ 2-85-37 (14756)
ଯୁଧିଷ୍ଠିର ଉବାଚ। 2-85-38x (1579)
ତାମ୍ରଲୋହୈଃ ପରିବୃତା ନିଧଯୋ ଯେ ଚତୁଃ ଶତାଃ।
ପଞ୍ଚଦ୍ରୌଣିକ ଏକୈକଃ ସୁବର୍ଣସ୍ଯାହତସ୍ଯ ବୈ॥ 2-85-38 (14757)
ଜାତରୂପସ୍ଯ ମୁଖ୍ଯସ୍ଯ ନାର୍ଘୋ ଯସ୍ଯ ହି ଭାରତ।
ଏତଦ୍ରାଜନ୍ମମ ଧନଂ ତେନ ଦୀବ୍ଯାମ୍ଯହଂ ତ୍ବଯା॥ 2-85-39 (14758)
ବୈଶମ୍ପାଯନ ଉବାଚ॥ 2-85-40x (1580)
ଏତଚ୍ଛ୍ରୁତ୍ବା ବ୍ଯବସିତୋ ନିକୃତିଂ ସମୁପାଶ୍ରିତଃ।
ଜିତମିତ୍ଯେବ ଶକୁନିର୍ଯୁଧିଷ୍ଠିରମଭାପତଃ॥ ॥ 2-85-40 (14759)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦ୍ଯୂତପର୍ବଣି ପଞ୍ଚାଶୀତିତମୋଽଧ୍ଯାଯଃ॥85 ॥
Mahabharata - Sabha Parva - Chapter Footnotes
2-85-8 ଦୁରୋଦରଂ ପଣମ୍॥ 2-85-11 ଭାଣ୍ଡିନ୍ଯୋ ମଞ୍ଜଷାଃ॥ 2-85-17 କମ୍ବବଃ ଶଙ୍ଖବଲଯାନି। ନିଷ୍ପୋ ବକ୍ଷୋଭୂଷଣମ୍॥ 2-85-18 ଚତୁଷ୍ଷଷ୍ଟିକଲାସୁ ବିଶାରଦାଃ॥ 2-85-19 ନୃତ୍ତସାମସୁ ନର୍ତନେ ଗୀତିବିଶେଷେଷୁ ଚ॥ 2-85-24 କୃତପୀଡାଃ କୃତଭୂଷଣାଃ॥ 2-85-25 ଈଷା ଲାଙ୍ଗଲଦଣ୍ଡଃ। ଅଷ୍ଟକରେଣବଃ, ଅଷ୍ଟହସ୍ତିନୀକାଃ॥ସଭାପର୍ବ - ଅଧ୍ଯାଯ 086
॥ ଶ୍ରୀଃ ॥
2.86. ଅଧ୍ଯାଯଃ 086
Mahabharata - Sabha Parva - Chapter Topics
ବିଦୁରେଣ ଧୃତରାଷ୍ଟ୍ରଂ ପ୍ରତି ଦୁର୍ଯୋଧନନିନ୍ଦାପୂର୍ବକଂ ଦ୍ଯୂତୋପରମଚୋଦନମ୍॥1॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ଏବଂ ପ୍ରବର୍ତିତେ ଦ୍ଯୂତେ ଘୋରେ ସର୍ବାପହାରିଣି।
ସର୍ବସଂଶଯନିର୍ମୋକ୍ତା ବିଦୁରୋ ବାକ୍ଯମବ୍ରବୀତ୍॥ 2-86-1 (14760)
ମହାରାଜ ବିଜାନୀହି ଯତ୍ତ୍ବାଂ ବକ୍ଷ୍ଯାମି ଭାରତ।
ମୁମୂର୍ଷୋରୌଷଧମିବ ନ ରୋଚେତାପି ତେ ଶ୍ରୁତମ୍॥ 2-86-2 (14761)
ଯଦ୍ବୈ ପୁରା ଜାତମାତ୍ରୋ ରୁରାବ
ଗୋମାଯୁବଦ୍ବିସ୍ବରଂ ପାପଚେତାଃ।
ଦୁର୍ଯୋଧନୋ ଭାରତାନାଂ କୁଲଘ୍ନଃ
ସୋଽଯଂ ଯୁକ୍ତୋ ଭବତାଂ କାଲହେତୁଃ॥ 2-86-3 (14762)
ଗୃହେ ବସନ୍ତଂ ଗୋମାଯୁଂ ତ୍ବଂ ବୈ ମୋହାନ୍ନ ବୁଧ୍ଯସେ।
ଦୁର୍ଯୋଧନସ୍ଯ ରୂପେଣ ଶୃଣୁ କାବ୍ଯାଂ ଗିରଂ ମମ॥ 2-86-4 (14763)
ମଧୁ ବୈ ମାଧ୍ବିକୋ ଲବ୍ଧ୍ବା ପ୍ରପାତଂ ନୈବ ବୁଧ୍ଯତେ।
ଆରୁହ୍ଯ ତଂ ମଜ୍ଜତି ବା ପତନଂ ଚାଧିଗଚ୍ଛତି॥ 2-86-5 (14764)
ସୋଽଯଂ ମତ୍ତୋଽକ୍ଷଦ୍ଯୂତେନ ମଧୁବନ୍ନ ପୀରକ୍ଷତେ।
ପ୍ରପାତଂ ବୁଧ୍ଯତେ ନୈବ ବୈରଂ କୃତ୍ବା ମହାରଥୈଃ॥ 2-86-6 (14765)
ବିଦିତଂ ମେ ମହାପ୍ରାଜ୍ଞ ଭୋଜେଷ୍ବେବାସମଞ୍ଜସମ୍।
ପୁତ୍ରଂ ସଂତ୍ଯକ୍ତବାନ୍ପୂର୍ବଂ ପୌରାଣାଂ ହିତକାମ୍ଯଯା॥ 2-86-7 (14766)
ଅନ୍ଧକା ଯାଦବା ଭୋଜାଃ ସମେତାଃ କଂସମତ୍ଯଜନ୍।
ନିଯୋଗାତ୍ତୁ ହତେ ତସ୍ମିନ୍କୃଷ୍ଣେନାମିତ୍ରଘାତିନା॥ 2-86-8 (14767)
ଏବଂ ତେ ଜ୍ଞାତଯଃ ସର୍ବେ ମୋଦମାନାଃ ଶତଂ ସମାଃ।
ତ୍ବନ୍ନିଯୁକ୍ତଃ ସବ୍ଯସାଚୀ ନିଗୃହ୍ଣାତୁ ସୁଯୋଧନମ୍॥ 2-86-9 (14768)
ନିଗ୍ରହାଦସ୍ଯ ପାଦସ୍ଯ ମୋଦନ୍ତାଂ କୁରବଃ ସୁଖମ୍।
କାକେନେମାଂଶ୍ଚିତ୍ରବର୍ହାଞ୍ଶାର୍ଦୂଲାନ୍କ୍ରୋଷ୍ଟୁକେନ ଚ।
କ୍ରୀଣୀଷ୍ବ ପାଣ୍ଡବାନ୍ରାଜନ୍ମା ମଜ୍ଜୀଃ ଶୋକସାଗରେ॥ 2-86-10 (14769)
ତ୍ଯଜେତ୍କୁଲାର୍ଥେ ପୁରୁଷଂ ଗ୍ରାମସ୍ଯାର୍ଥେ କୁଲଂ ତ୍ଯଜେତ୍।
ଗ୍ରାମଂ ଜନପଦସ୍ଯାର୍ଥେ ଆତ୍ମାର୍ଥେ ପୃଥିବୀଂ ତ୍ଯଜେତ୍॥ 2-86-11 (14770)
ସର୍ବଜ୍ଞଃ ସର୍ବଭାବଜ୍ଞଃ ସର୍ବଶତ୍ରୁଭଯଙ୍କରଃ।
ଇତି ସ୍ମ ଭାଷତେ କାବ୍ଯୋ ଜମ୍ଭତ୍ଯାଗେ ମହାଽସୁରାନ୍॥ 2-86-12 (14771)
ହିରଣ୍ଯଷ୍ଠୀବିନଃ କାଂଶ୍ଚିତ୍ପକ୍ଷିଣୋ ବନଗୋଚରାନ୍।
ଗୃହେ କିଲ କୃତାବାସାଁଲ୍ଲୋଭାଦ୍ରାଜା ନ୍ଯପୀଡଯତ୍।
ସ ଚୋପଭୋଗଲୋଭାନ୍ଧୋ ହିରଣ୍ଯାର୍ଥୀ ପରନ୍ତପ॥ 2-86-13 (14772)
ଆଯତିଂ ଚ ତଦାତ୍ବଂ ଚ ଉଭେ ସଦ୍ଯୋ ବ୍ଯନାଶଯତ୍।
ତଦର୍ଥକାମସ୍ତଦ୍ବତ୍ତ୍ବଂ ମାଦ୍ରୁହଃ ପାଣ୍ଡବାନ୍ନୃପ॥ 2-86-14 (14773)
ମୋହାତ୍ମା ତପ୍ସ୍ଯସେ ପଶ୍ଚାତ୍ପତ୍ରିହା ପୁରୁଷୋ ଯଥା।
ଜାତଞ୍ଜାତଂ ପାଣ୍ଡବେଭ୍ଯଃ ପୁଷ୍ପମାଦତ୍ସ୍ବ ଭାରତ॥ 2-86-15 (14774)
ମାଲାକାର ଇବାରାମେ ସ୍ନେହଂ କୁର୍ବନ୍ପୁନଃ ପୁନଃ।
ବୃକ୍ଷାନଙ୍ଗାରକାରୀବ ମୈନାଦ୍ଯାକ୍ଷୀଃ ସମୂଲକାନ୍।
ମା ଗମଃ ସମୁତାମାତ୍ଯଃ ସବଲଶ୍ଚ ଯମକ୍ଷଯମ୍॥ 2-86-16 (14775)
ସମବେତାନ୍ହି କଃ ପାର୍ଥାନ୍ପ୍ରତିଯୁଧ୍ଯେତ ଭାରତ।
ମରୁଦ୍ଭିଃ ସହିତୋ ରାଜନ୍ନପି ସାକ୍ଷାନ୍ମରୁତ୍ପତିଃ॥ 2-86-17 (14776)
ଦ୍ଯୂତଂ ମୂଲଂ କଲହସ୍ଯାଭ୍ଯୁପୈତି
ମିଥୋ ଭେଦଂ ମହତେ ଦାରୁଣାଯ।
ତଦା ସ୍ଥିତୋଽଯଂ ଧୃତରାଷ୍ଟ୍ରସ୍ଯ ପୁତ୍ରୋ
ଦୁର୍ଯୋଧନଃ ସୃଜତେ ବୈରମୁଗ୍ରମ୍॥ 2-86-18 (14777)
ପ୍ରାତିପେଯାଃ ଶାନ୍ତନବା ଭୀମସେନାଃ ସବାହ୍ନିକାଃ।
ଦୁର୍ଯୋଧନାପରାଧେନ କୃଚ୍ଛ୍ରଂ ପ୍ରାପ୍ସ୍ଯନ୍ତି ସର୍ବଶଃ॥ 2-86-19 (14778)
ଦୁର୍ଯୋଧନୋ ମଦେନୈବ କ୍ଷେମଂ ବ୍ଯପୋହତି।
ବିଷାଣଂ ଗୌରିବ ମଦାତ୍ସ୍ବଯମାରୁଜତେତ୍ମନଃ॥ 2-86-20 (14779)
ଯଶ୍ଚିତ୍ତମନ୍ବେତି ପରସ୍ଯ ରାଜନ୍
ବୀରଃ କବିଃ ସ୍ବାମବମତ୍ଯ ଦୃଷ୍ଟିମ୍।
ନାବଂ ସମୁଦ୍ର ଇବ ବାଲନେତ୍ରା-
ମାରୁହ୍ଯ ଘୋରେ ବ୍ଯସନେ ନିମଜ୍ଜେତ୍॥ 2-86-21 (14780)
ଦୁର୍ଯୋଧନୋ ଗ୍ଲହତେ ପାଣ୍ଡବେନ
ପ୍ରୀଯାଯସେ ତ୍ବଂ ଜଯତୀତି ତଚ୍ଚ।
ଅତିନର୍ମା ଜାଯତେ ସଂପ୍ରହାରୋ
ଯତୋ ବିନାଶଃ ସମୁପୈତି ପୁଂସାମ୍॥ 2-86-22 (14781)
ଆକର୍ଷସ୍ତେଽବାକ୍ଫଲଃ ସୁପ୍ରଣୀତୋ
ହୃଦି ପ୍ରୌଢୋ ମନ୍ତ୍ରପଦଃ ସମାଧିଃ।
ଯୁଧିଷ୍ଠିରେଣ କଲହସ୍ତବାଯ-
ମଚିନ୍ତିତୋଽଭିମତଃ ସ୍ବବନ୍ଧୁନା॥ 2-86-23 (14782)
ପ୍ରାତିପେଯାଃ ଶାନ୍ତନବାଃ ଶୃଣୁଧ୍ବଂ
କାବ୍ଯାଂ ବାଚଂ ସଂସଦି କୌରବାଣାମ୍।
ବୈଶ୍ବାନରଂ ପ୍ରଜ୍ବଲିତଂ ସୁଘୋରଂ
ମା ଯାସ୍ଯଧ୍ବଂ ମନ୍ଦମନୁପ୍ରପନ୍ନଃ॥ 2-86-24 (14783)
ଯଦା ମନ୍ଯୁଂ ପାଣ୍ଡବୋଽଜାତଶତ୍ରୁ-
ର୍ନ ସଂଯଚ୍ଛେଦକ୍ଷମଦାଭିଭୂତଃ।
ବୃକୋଦରଃ ସବ୍ଯସାଚୀ ଯମୌ ଚ
କୋଽତ୍ର ଦ୍ବୀପଃ ସ୍ଯାତ୍ତୁମୁଲେ ବସ୍ତଦାନୀମ୍॥ 2-86-25 (14784)
ମହାରାଜ ପ୍ରଭବସ୍ତ୍ବଂ ଧନାନାଂ
ପୁରା ଦ୍ଯୂତାନ୍ମନସା ଯାବଦିଚ୍ଛେଃ।
ବହୁବିତ୍ତାନ୍ପାଣ୍ଡବାଂଶ୍ଚେଜ୍ଜଯସ୍ତ୍ବଂ
କିଂ ତେ ତତ୍ସ୍ଯାଦ୍ବସୁ ବିନ୍ଦେହ ପାର୍ଥାନ୍॥ 2-86-26 (14785)
ଜାନୀମହେ ଦେବିତଂ ସୌବଲସ୍ଯ
ବେଦ ଦ୍ଯୂତେ ନିକୃତିଂ ପାର୍ବତୀଯଃ।
ଯତଃ ପ୍ରାପ୍ତଃ ଶକୁନିସ୍ତତ୍ର ଯାତୁ
ମା ଯୂଯୁଧୋ ଭାରତ ପାଣ୍ଡବେଯାନ୍॥ ॥ 2-86-27 (14786)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦ୍ଯୂତପର୍ବଣି ଷଡଶୀତିତମୋଽଧ୍ଯାଯଃ॥ 86॥
Mahabharata - Sabha Parva - Chapter Footnotes
2-86-4 କାବ୍ଯଂ କବିନା ଶୁକ୍ରେଣୋକ୍ତାଂ ନୀତିଗିରମ୍॥ 2-86-5 ମାଧ୍ବିକୋ ମଧୁପଣ୍ଯବାନ୍। ପ୍ରପାତଂ ଭୃଗୁମ୍ ॥ 2-86-8 ନିଯୋଗାଦ୍ଦୈବଯୋଗାତ୍॥ 2-86-10 ଚିତ୍ରବର୍ହାନ୍ ମଯୂରାନ୍॥ 2-86-14 ଆଯତିମୁତ୍ତରକାଲମ୍। ତଦାତ୍ବଂ ସାଂପ୍ରତମ୍। ତତ୍ତସ୍ମାତ୍। ଅର୍ଥକାମୋ ଧନକାମଃ॥ 2-86-15 ପତ୍ରିହା ପକ୍ଷିହା ॥ 2-86-21 ବାଲନେତ୍ରାମବ୍ଯୁତ୍ପନ୍ନନେତୃକାମ୍॥ 2-86-22 ଗ୍ଲହତେ ପଣଂ କରୋତି। ପ୍ରୀଯାଯସେ ଅତିଶଯେନ ପ୍ରୀଯସେ॥ 2-86-23 ଆକର୍ଷୋ ଦ୍ଯୂତମ୍ ॥ 2-86-26 ଜଯଃ ଅଜଯଃ॥ସଭାପର୍ବ - ଅଧ୍ଯାଯ 087
॥ ଶ୍ରୀଃ ॥
2.87. ଅଧ୍ଯାଯଃ 087
Mahabharata - Sabha Parva - Chapter Topics
ଦୁର୍ଯୋଧନେନ ବିଦୁରୋପାଲମ୍ଭଃ॥ 1॥ ବିଦୁରେଣ ଧୃତରାଷ୍ଟ୍ରସ୍ଯ ହିତୋପଦେଶଃ॥ 2॥Mahabharata - Sabha Parva - Chapter Text
ଦୁର୍ଯୋଧନ ଉବାଚ॥
ପରେଷାମେବ ଯଶସା ଶ୍ଲୋଘସେ ତ୍ବଂ
ସଦା କ୍ଷତ୍ତଃ କୁତ୍ସଯନ୍ଧାର୍ତରାଷ୍ଟ୍ରାନ୍।
ଜାନୀମହେ ବିଦୁର ଯତ୍ପ୍ରିଯସ୍ତ୍ବଂ
ବାଲାନିବାସ୍ମାନବମନ୍ଯସେ ନିତ୍ଯମେବ॥ 2-87-1 (14787)
ସ ବିଜ୍ଞେଯଃ ପୁରୁଷୋଽନ୍ଯତ୍ରକାମୋ
ନିନ୍ଦାପ୍ରଶଂସେ ହି ତଥା ଯୁନକ୍ତି।
ଜିହ୍ବାଽଽତ୍ମନୋ ହୃଦଯସ୍ଥଂ ବ୍ଯନକ୍ତି
ଜାନୀମହେ ତ୍ବନ୍ମନସଃ ପ୍ରାତିକୂଲ୍ଯମ୍॥ 2-87-2 (14788)
ଉତ୍ସଙ୍ଗେ ଚ ବ୍ଯାଲ ଇବାହିତୋଽସି
ମାର୍ଜରବତ୍ପୋଷକଂ ଚୋପହଂସି।
ଭର୍ତୃଘ୍ନଂ ତ୍ବାଂ ନ ହି ପାପୀଯ ଆହୁ-
ସ୍ତସ୍ମାତ୍କ୍ଷତ୍ତଃ କିଂ ନ ବିଭେଷି ପାପାତ୍॥ 2-87-3 (14789)
ଜିତ୍ବା ଶତ୍ରୂନ୍ଫଲମାପ୍ତଂ ମହଦ୍ବୈ
ମାଽସ୍ମାନ୍କ୍ଷତ୍ତଃ ପରୁଷାମୀହ ବୋଚଃ।
ଦ୍ବିଷଦ୍ଭିସ୍ତ୍ବଂ ସମ୍ପ୍ରଯୋଗାଭିନନ୍ଦୀ
ମୁହୁର୍ଦେଷଂ ଯାସି ନଃ ସମ୍ପ୍ରଯୋଗାତ୍॥ 2-87-4 (14790)
ଅମିତ୍ରତାଂ ଯାତି ନରୋଽକ୍ଷମଂ ବ୍ରୁବ-
ନ୍ନିଗୂହତେ ଗୁହ୍ଯମମିତ୍ରସଂସ୍ତବେ।
ତଦାଶ୍ରିତୋଽପତ୍ରପ କିଂ ନୁ ବାଧସେ
ଯଦିଚ୍ଛସି ତ୍ବଂ ତଦିହାଭିଭାଷତସେ॥ 2-87-5 (14791)
ମା ନୋଽବମଂସ୍ଥା ବିଦ୍ଯ ମାନସ୍ତବେଦଂ
ଶିକ୍ଷସ୍ବ ବୁଦ୍ଧିଂ ସ୍ଥବିରାଣାଂ ସକାଶାତ୍।
ଯଶୋ ରକ୍ଷସ୍ବ ବିଦୁର ସମ୍ପ୍ରଣୀତଂ
ମା ବ୍ଯାପୃତଃ ପରକାର୍ଯେଶୁ ଭୂସ୍ତ୍ବମ୍॥ 2-87-6 (14792)
ଅହଂ କର୍ତେତି ବିଦୂର ମା ଚ ମଂସ୍ଥା
ମା ନୋ ନିତ୍ଯଂ ପରୁଷାଣୀହ ବୋଚଃ।
ନ ତ୍ବାଂ ପୃଚ୍ଛାମି ବିଦୁର ଯଦ୍ଧିତଂ ମେ
ସ୍ବସ୍ତି କ୍ଷତ୍ତର୍ମା ତିତିକ୍ଷୂନ୍ କ୍ଷିଣ୍ ତ୍ବମ୍॥ 2-87-7 (14793)
ଏକଃ ଶାସ୍ତା ନ ଦ୍ବିତୀଯୋଽସ୍ତି ଶାସ୍ତା
ଗର୍ଭେ ଶଯାନଂ ପୁରୁଷଂ ଶାସ୍ତି ଶାସ୍ତା।
ତେନାନୁଶିଷ୍ଟଃ ପ୍ରବଣାଦିବାମ୍ଭୋ
ଯଥା ନିଯୁକ୍ତୋଽସ୍ତି ତଥା ଭବାମି॥ 2-87-8 (14794)
ଭିନତ୍ତି ଶିରସା ଶୈଲମହିଂ ଭୋଜଯତେ ଚ ଯଃ।
ଧୀରେବ କୁରୁତେ ତସ୍ଯ କାର୍ଯାଣାମନୁଶାସନମ୍।
ଯୋ ବଲାଦନୁଶାସ୍ତୀହ ସୋଽମିତ୍ରଂ ତେନ ବିନ୍ଦତି॥ 2-87-9 (14795)
ମିତ୍ରତାମନୁବୃତ୍ତଂ ତୁ ସମୁପେକ୍ଷତ୍ଯପଣ୍ଡିତଃ।
ଦୀପ୍ଯ ଯଃ ପ୍ରଦୀପ୍ତାଗ୍ନିଂ ପ୍ରାଚ୍କିରଂ ନାଭିଧାବତି।
ଭସ୍ମାପି ନ ସ ବିନ୍ଦେତ ଶିଷ୍ଟଂ କ୍ବଚନ ଭାରତ॥ 2-87-10 (14796)
ନ ବାସଯେତ୍ପାରବର୍ଗ୍ଯଂ ଦ୍ବିଷନ୍ତଂ
ବିଶେଷତଃ କ୍ଷତ୍ତରହିତଂ ମନୁପ୍ଯମ୍।
ସ ଯତ୍ରେଚ୍ଛସି ବିଦୁର ତତ୍ର ଗଚ୍ଛ
ସୁସାନ୍ତ୍ବିତା ହ୍ଯସତୀ ସ୍ତ୍ରୀ ଜହାତି॥ 2-87-11 (14797)
ବିଦୁର ଉବାଚ॥ 2-87-12x (1581)
ଏତାବତା ପୁରୁଷଂ ଯେ ତ୍ଯଜନ୍ତି
ତେଷାଂ ସଖ୍ଯମନ୍ତବଦ୍ବ୍ରୂହି ରାଜନ୍।
ରାଜ୍ଞାଂ ହି ଚିତ୍ତାନି ପରିପ୍ଲୁତାନି
ସାନ୍ତ୍ବଂ ଦତ୍ବା ମୁସଲୈର୍ଘାତଯନ୍ତି॥ 2-87-12 (14798)
ଅବାଲତ୍ବଂ ମନ୍ଯସେ ରାଜପୁତ୍ର
ବାଲୋଽହମିତ୍ଯେବ ସୁମନ୍ଦବୁଦ୍ଧେ।
ଯଃ ସୌହୃଦେ ପୁରୁଷଂ ସ୍ଥାପଯିତ୍ବା
ପଶ୍ଚାଦେନଂ ଦୂଷଯତେ ସ ବାଲଃ॥ 2-87-13 (14799)
ନ ଶ୍ରେଯସେ ନୀଯତେ ମନ୍ଦବୁଦ୍ଧିଃ
ସ୍ତ୍ରୀ ଶ୍ରୋତ୍ରିଯସ୍ଯେବ ଗୃହେ ପ୍ରଦୁଷ୍ଟା।
ଧ୍ରୁବଂ ନ ରୋଚେଦ୍ଭରତର୍ଷଭସ୍ଯ
ପତିଃ କୁମାର୍ଯା ଇବ ଷଷ୍ଟିବର୍ଷଃ॥ 2-87-14 (14800)
ଅତଃ ପ୍ରିଯଂ ଚେଦନୁକାଙ୍କ୍ଷସେ ତ୍ବଂ
ସର୍ବେଷୁ କାର୍ଯେଷୁ ହିତାହିତେଷୁ
ସ୍ତ୍ରିଯଶ୍ଚ ରାଜଞ୍ଜଡପଙ୍ଗୁକାଂଶ୍ଚ
ପୃଚ୍ଛ ତ୍ବଂ ବୈ ତାଦୃଶାଂଶ୍ଚୈବ ସର୍ବାନ୍॥ 2-87-15 (14801)
ଲଭ୍ଯତେ ଖଲୁ ପାପୀଯାନ୍ନରୋଽନୁ ପ୍ରିଯବାଗିହ।
ଅପ୍ରିଯସ୍ଯ ହି ପଥ୍ଯସ୍ଯ ବକ୍ତା ଶ୍ରୋତା ଚ ଦୁର୍ଲଭଃ 2-87-16 (14802)
ଯସ୍ତୁ ଧର୍ମପରଶ୍ଚ ସ୍ଯାଦ୍ଧିତ୍ବା ଭର୍ତୁଃ ପ୍ରିଯାପ୍ରିଯେ।
ଅପ୍ରିଯାଣ୍ଯାହ ପଥ୍ଯାନି ତେନ ରାଜା ସହାଯବାନ୍॥ 2-87-17 (14803)
ଅବ୍ଯାଧଇଜଂ କଟୁଜଂ ତୀକ୍ଷ୍ଣମୁଷ୍ଣଂ
ଯଶୋମୁଷଂ ପରୁଷଂ ପୂତିଗନ୍ଧିମ୍।
ସତାଂ ପେଯଂ ଯନ୍ନ ପିବନ୍ତ୍ଯସନ୍ତୋ
ମନ୍ଯୁଂ ମହାରାଜ ପିବ ପ୍ରଶାମ୍ଯ ॥ 2-87-18 (14804)
ବୈଚିତ୍ରବୀର୍ଯସ୍ଯ ଯଶୋ ଧନଂ ଚ
ବାଞ୍ଛାମ୍ଯହଂ ସହପୁତ୍ରସ୍ଯ ଶଶ୍ବତ୍।
ଯଥା ତଥା ତେଽସ୍ତୁ ନମଶ୍ଚତେଽସ୍ତୁ
ମମାପି ଚ ସ୍ବସ୍ତି ଦିଶନ୍ତୁ ବିପ୍ରାଃ॥ 2-87-19 (14805)
ଆଶୀବିଷାନ୍ନେତ୍ରବିଷାନ୍କୋପଯେନ୍ନ ଚ ପଣ୍ଡିତଃ।
ଏବଂ ତେଽହଂ ବଦାମୀଦଂ ପ୍ରଯତଃ କୁରୁନନ୍ଦନ॥ ॥ 2-87-20 (14806)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦ୍ଯୂତପର୍ବଣି ସପ୍ତାଶୀତିତମୋଽଧ୍ଯାଯଃ॥ 87 ॥
Mahabharata - Sabha Parva - Chapter Footnotes
2-87-3 ପାପୀଯଃ ପାପୀଯାଂସମ୍॥ 2-87-11 ପାରବର୍ଗ୍ଯଂ ଶତ୍ରୁପକ୍ଷଜାତମ୍॥ସଭାପର୍ବ - ଅଧ୍ଯାଯ 088
॥ ଶ୍ରୀଃ ॥
2.88. ଅଧ୍ଯାଯଃ 088
Mahabharata - Sabha Parva - Chapter Topics
ସପତ୍ନୀଭ୍ରାତୃକସ୍ଯ ଯୁଧିଷ୍ଠିରସ୍ଯ ଶକୁନିନା ପରାଜଯଃ॥ 1॥Mahabharata - Sabha Parva - Chapter Text
ଶକୁନିରୁବାଚ॥
ବହୁବିତ୍ତଂ ପରାଜୈଷୀଃ ପାଣ୍ଡବାନାଂ ଯୁଧିଷ୍ଠିର।
ଆଚକ୍ଷ୍ବ ବିତ୍ତଂ କୌନ୍ତେଯ ଯଦି ତେଽସ୍ତ୍ଯପରାଜିତମ୍॥ 2-88-1 (14807)
ଯୁଧିଷ୍ଠିର ଉବାଚ॥ 2-88-2x (1582)
ମମ ବିତ୍ତମସଙ୍ଖ୍ଯେଯଂ ଯଦହଂ ବେଦ ସୌବଲ।
ଅଥ ତ୍ବଂ ଶକୁନେ କସ୍ମାଦ୍ବିତ୍ତଂ ସମନୁପୃଚ୍ଛସି॥ 2-88-2 (14808)
ଅଯୁତଂ ପ୍ରଯୁତଂ ଚୈବ ଶଙ୍କୁଂ ପଦ୍ମଂ ତଥାର୍ବୁଦମ୍।
ଖର୍ବଂ ଶଙ୍ଖଂ ନିଖର୍ବଂ ଚ ମହାପଦ୍ମଂ ଚ କୋଟଯଃ॥ 2-88-3 (14809)
ମଧ୍ଯଂ ଚୈବ ପରାର୍ଧଂ ଚ ସପରଂ ଚାତ୍ର ପଣ୍ଯତାମ୍।
ଏତନ୍ମମ ଧନଂ ରାଜଂସ୍ତେନ ଦୀବ୍ଯାମ୍ଯହଂ ତ୍ବଯା॥ 2-88-4 (14810)
ବୈଶମ୍ପାଯନ ଉବାଚ॥ 2-88-5x (1583)
ଏତଚ୍ଛୁତ୍ବା ବ୍ଯବସିତୋ ନିକୃତିଂ ସମୁପାଶ୍ରିତଃ।
ଜିତମିତ୍ଯେବ ଶକୁନିର୍ଯୁଧିଷ୍ଠିରମଭାଷତ॥ 2-88-5 (14811)
ଯୁଧିଷ୍ଠିର ଉବାଚ॥ 2-88-6x (1584)
ଗବାଶ୍ବଂ ବହୁଧେନୂକମସଙ୍ଖ୍ଯେଯମଜାବିକମ୍।
ଯତ୍କିଞ୍ଚିଦନୁ ପର୍ଣାଶାଂ ପ୍ରାକ୍ ସିନ୍ଧୋରପି ସୌବଲ।
ଏତନ୍ମମ ଧନଂ ସର୍ବଂ ତେନ ଦୀବ୍ଯାମ୍ଯହଂ ତ୍ବଯା॥ 2-88-6 (14812)
ବୈଶମ୍ପାଯନ ଉବାଚ॥ 2-88-7x (1585)
ଏତଚ୍ଛୁତ୍ବା ବ୍ଯବସିତୋ ନିକୃତିଂ ସମୁପାଶ୍ରିତଃ।
ଜିତମିତ୍ଯେବ ଶକୁନିର୍ଯୁଧିଷ୍ଠିରମଭାଷତ॥ 2-88-7 (14813)
ଯୁଧିଷ୍ଠିର ଉବାଚ॥ 2-88-8x (1586)
ପୁରଂ ଜନପଦୋ ଭୂମିରବ୍ରାହ୍ମଣଧନୈଃ ସହ।
ଅବ୍ରାହ୍ମଣାଶ୍ଚ ପୁରୁଷା ରାଜଞ୍ଶିଷ୍ଟଂ ଧନଂ ମମ।
ଏତଦ୍ରାଜନ୍ମମ ଧନଂ ତେନ ଦୀବ୍ଯାମ୍ଯହଂ ତ୍ବଯା॥ 2-88-8 (14814)
ବୈଶମ୍ପାଯନ ଉବାଚ॥ 2-88-9x (1587)
ଏତଚ୍ଛ୍ରୁତ୍ବା ବ୍ଯବସିତୋ ନିକୃତିଂ ସମୁପାଶ୍ରିତଃ।
ଜିତମିତ୍ଯେବ ଶକୁନିର୍ଯୁଧିଷ୍ଠିରମଭାଷତ॥ 2-88-9 (14815)
ଯୁଧିଷ୍ଠିର ଉବାଚ॥ 2-88-10x (1588)
ରାଜପୁତ୍ରା ଇମେ ରାଜଞ୍ଛୋମନ୍ତେ ଯୈର୍ବିଭୂଷିତାଃ।
କୁମ୍ଡଲାନି ଚ ନିଷ୍କାଶ୍ଚ ସର୍ବଂ ରାଜବିଭୂଷଣମ୍।
ଏତନ୍ମମ ଧନଂ ରାଜଂସ୍ତେନ ଦୀବ୍ଯାମ୍ଯହଂ ତ୍ବଯା॥ 2-88-10 (14816)
ବୈଶମ୍ପାଯନ ଉବାଚ॥ 2-88-11x (1589)
ଏତଚ୍ଛ୍ରୁତ୍ବା ବ୍ଯବସିତୋ ନିକୃତିଂ ସମୁପାଶ୍ରିତଃ।
ଜିତମିତ୍ଯେବ ଶକୁନିର୍ଯୁଧିଷ୍ଠିରମଭାଷତ॥ 2-88-11 (14817)
ଯୁଧିଷ୍ଠିର ଉବାଚ॥ 2-88-12x (1590)
ଶ୍ଯାମୋ ଯୁବା ଲୋହିତାକ୍ଷଃ ସିଂହସ୍କନ୍ଧୋ ମହାଭୁଜଃ।
ନକୁଲୋ ଗ୍ଲହ ଏବୈକୀ ବିଦ୍ଧ୍ଯେତନ୍ମମ ତଦ୍ଧନମ୍॥ 2-88-12 (14818)
ଶକୁନିରୁବାଚ। 2-88-13x (1591)
ପ୍ରିଯସ୍ତେ ନକୁଲୋ ରାଜନ୍ରାଜପୁତ୍ରୋ ଯୁଧିଷ୍ଠିର।
ଅସ୍ମାକଂ ବଶତାଂ ପ୍ରାପ୍ତୋ ଭୂଯଃ କେନେହ ଦୀବ୍ଯସେ॥ 2-88-13 (14819)
ବୈଶମ୍ପାଯନ ଉବାଚ॥ 2-88-14x (1592)
ଏବମୁକ୍ତ୍ବା ତୁ ତାନକ୍ଷାଞ୍ଶକୁନିଃ ପ୍ରତ୍ଯଦୀବ୍ଯତ।
ଜିତମିତ୍ଯେବ ଶକୁନିର୍ଯୁଧିଷ୍ଠିରମଭାଷତ॥ 2-88-14 (14820)
ଯୁଧିଷ୍ଠିର ଉବାଚ॥ 2-88-15x (1593)
ଅଯଂ ଧର୍ମାନ୍ସହଦେବୋଽନୁଶାସ୍ତି
ଲୋକେ ହ୍ଯସ୍ମିନ୍ପଣ୍ଡିତାଖ୍ଯାଂ ଗତଶ୍ଚ।
ଅନର୍ହତା ରାଜପୁତ୍ରେଣ ତେନ
ଦୀବ୍ଯାମ୍ଯହଂ ଚାପ୍ରିଯବତ୍ପ୍ରିଯେଣ॥ 2-88-15 (14821)
ବୈଶମ୍ପାଯନ ଉବାଚ॥ 2-88-16x (1594)
ଏତଚ୍ଛ୍ରୁତ୍ବା ବ୍ଯବସିତୋ ନିକୃତିଂ ସମୁପାଶ୍ରିତଃ।
ଜିତମିତ୍ଯେବ ଶକୁନିର୍ଯୁଧିଷ୍ଠିରମଭାଷତ॥ 2-88-16 (14822)
ଶକୁନିରୁବାଚ॥ 2-88-17x (1595)
ମାଦ୍ରୀପୁତ୍ରୌ ପ୍ରିଯୌ ରାଜଂସ୍ତବେମୌ ବିଜିତୌ ମଯା।
ଗରୀଯାଂସୌ ତୁ ମନ୍ଯେ ଭୀମସେନଧନଞ୍ଜଯୌ॥ 2-88-17 (14823)
ଯୁଧିଷ୍ଠିର ଉବାଚ। 2-88-18x (1596)
ଅଧର୍ମଂ ଚରସେ ନୂନଂ ଯୋ ନାବେକ୍ଷସି ବୈ ନଯମ୍।
ଯୋ ନଃ ସୁମନସାଂ ମୂଢ ବିଭେଦଂ କର୍ତୁମିଚ୍ଛସି॥ 2-88-18 (14824)
ଶକୁନିରୁବାଚ॥ 2-88-19x (1597)
ଗର୍ତେ ମତ୍ତଃ ପ୍ରପତତେ ପ୍ରମତ୍ତଃ ସ୍ଥାଣୁମୃଚ୍ଛତି।
ଜ୍ଯେଷ୍ଠୋ ରାଜନ୍ବ୍ରରିଷ୍ଠୋଽସି ନମସ୍ତେ ଭରତର୍ଷଭ॥ 2-88-19 (14825)
ସ୍ବପ୍ନେ ତାନି ନ ଦୃଶ୍ଯନ୍ତେ ଜାଗ୍ରତୋ ବା ଯୁଧିଷ୍ଠିର।
କିତବା ଯାନି ଦୀବ୍ଯନ୍ତଃ ପ୍ରଲପନ୍ତ୍ଯୁତ୍କଟା ଇବ॥ 2-88-20 (14826)
ଯୁଧିଷ୍ଠିର ଉବାଚ॥ 2-88-21x (1598)
ଯୋ ନଃ ସଙ୍ଖ୍ଯେ ନୌରିବ ପାରନେତା
ଜେତା ରିପୂଣାଂ ରାଜପୁତ୍ରସ୍ତରସ୍ବୀ।
ଅନର୍ହତା ଲୋକବୀରେଣ ତେନ
ଦୀବ୍ଯାମ୍ଯହଂ ଶକୁନେ ଫାଲ୍ଗୁନେନ॥ 2-88-21 (14827)
ବୈଶମ୍ପାଯନ ଉବାଚ॥ 2-88-22x (1599)
ଏତଚ୍ଛ୍ରୁତ୍ବା ବ୍ଯବସିତୋ ନିକୃତିଂ ସମୁପାଶ୍ରିତଃ।
ଜିତମିତ୍ଯେବ ଶକୁନିର୍ଯୁଧିଷ୍ଠିରମଭାଷତ॥ 2-88-22 (14828)
ଶକୁନିରୁବାଚ। 2-88-23x (1600)
ଅଯଂ ମଯା ପାଣ୍ଡବାନାଂ ଧନିର୍ଧରଃ
ପରାଜିତଃ ପାଣ୍ଡବଃ ସବ୍ଯସାଚୀ।
ଭୀମେନ ରାଜନ୍ଦଯିତେନ ଦୀବ୍ଯ
ଯତ୍କୈତବଂ ପାଣ୍ଡବ ତେଽବଶିଷ୍ଟମ୍॥ 2-88-23 (14829)
ଯୁଧିଷ୍ଠିର ଉବାଚ॥ 2-88-24x (1601)
ଯୋ ନୋ ନେତା ଯୋ ଯୁଧି ନଃ ପ୍ରଣେତା
ଯଥା ବଜ୍ରୀ ଦାନବଶତ୍ରୁରେକଃ।
ତିର୍ଯକ୍ପ୍ରେକ୍ଷୀ ସନ୍ନତଭ୍ରୂର୍ମହାତ୍ମା
ସିଂହସ୍କନ୍ଧୋ ଯଶ୍ଚ ସଦାଽତ୍ଯମର୍ଷୀ॥ 2-88-24 (14830)
ବଲେନ ତୁଲ୍ଯୋ ଯସ୍ଯପ ପୁମାନ୍ନ ବିଦ୍ଯତେ
ଗଦାଭୃତାମଗ୍ର୍ଯ ଇହାରିମର୍ଦନଃ।
ଅନର୍ହତା ରାଜପୁତ୍ରେଣ ତେନ
ଦୀବ୍ଯାମ୍ଯହଂ ଭୀମସେନେନ ରାଜନ୍॥ 2-88-25 (14831)
ବୈଶମ୍ପାଯନ ଉବାଚ॥ 2-88-26x (1602)
ଏତଚ୍ଛ୍ରୁତ୍ବା ବ୍ଯବସିତୋ ନିକୃତିଂ ସମୁପାଶ୍ରିତଃ।
ଜିତମିତ୍ଯେବ ଶକୁନିର୍ଯୁଧିଷ୍ଠିରମଭାଷତ॥ 2-88-26 (14832)
ଶକୁନିରୁବାଚ। 2-88-27x (1603)
ବହୁବିତ୍ତଂ ପରାଜୈଷୀର୍ଭ୍ରାତୄଂଶ୍ଚ ସହଯଦ୍ବିପାନ୍।
ଆଚକ୍ଷ୍ବ ବିତ୍ତଂ କୌନ୍ତେଯ ଯଦି ତେଽସ୍ତ୍ଯପରାଜିତମ୍॥ 2-88-27 (14833)
ଯୁଧିଷ୍ଠିର ଉବାଚ॥ 2-88-28x (1604)
ଅହଂ ବିଶିଷ୍ଟଃ ସର୍ବେଷାଂ ଭ୍ରାତୄଣାଂ ଦଯିତସ୍ତଥା।
କୁର୍ଯାମହଂ ଜିତଃ କର୍ମ ସ୍ବଯମାତ୍ମନ୍ଯୁପଲ୍ପୁତେ॥ 2-88-28 (14834)
ବୈଶମ୍ପାଯନ ଉବାଚ॥ 2-88-29x (1605)
ଏତଚ୍ଛ୍ରୁତ୍ବା ବ୍ଯବସିତୋ ନିକୃତିଂ ସମୁପାଶ୍ରିତଃ।
ଜିତମିତ୍ଯେବ ଶକୁନିର୍ଯୁଧିଷ୍ଠିରମଭାଷତ॥ 2-88-29 (14835)
ଶକୁନିରୁବାଚ। 2-88-30x (1606)
ଏତତ୍ପାପିଷ୍ଠମକରୋର୍ଯଦାତ୍ମାନଂ ପରାଜଯେଃ।
ଶିଷ୍ଟେ ସତି ଧନେ ରାଜନ୍ପାପ ଆତ୍ମପରାଜଯଃ॥ 2-88-30 (14836)
ବୈଶମ୍ପାଯନ ଉବାଚ॥ 2-88-31x (1607)
ଏବମୁକ୍ତ୍ବା ମତାକ୍ଷସ୍ତାନ୍ ଗ୍ଲହେ ସର୍ବାନବସ୍ଥିତାନ୍।
ପରାଜଯଲ୍ଲୋକବୀରାନୁକ୍ତ୍ବା ରାଜ୍ଞାଂ ପୃଥକ୍ ପୃଥକ୍॥ 2-88-31 (14837)
ଶକୁନିରୁବାଚ॥ 2-88-32x (1608)
ଅସ୍ତି ତେ ବୈ ପ୍ରିଯା ରାଜନ୍ ଗ୍ଲହ ଏକୋଽପରାଜିତଃ।
ପଣସ୍ବ କୃଷ୍ଣାଂ ପାଞ୍ଚାଲୀଂ ତଯାତ୍ମାନଂ ପୁନର୍ଜଯ॥ 2-88-32 (14838)
ଯୁଧିଷ୍ଠିର ଉବାଚ॥ 2-88-33x (1609)
ନୈବ ହ୍ରସ୍ବା ନ ମହତୀ ନ କୃଶା ନାତିରୋହିଣୀ।
ନୀଲକୁଞ୍ଚିତକଶୀ ଚ ତଯା ଦୀବ୍ଯାମ୍ଯହଂ ତ୍ବଯା॥ 2-88-33 (14839)
ଶାରଦୋତ୍ପଲପତ୍ରାକ୍ଷ୍ଯା ଶାରଦୋତ୍ପଲଗନ୍ଧଯା।
ଶାରଦୋତ୍ପଲସେବିନ୍ଯା ରୂପେଣ ଶ୍ରୀସମାନଯା॥ 2-88-34 (14840)
ତଥୈବ ସ୍ଯାଦାନୁଶଂସ୍ଯାତ୍ତଥ ସ୍ଯାଦ୍ରୂପସମ୍ପଦା।
ତଥା ସ୍ଯାଚ୍ଛୀଲସମ୍ପତ୍ତ୍ଯା ଯାମିଚ୍ଛେତ୍ପୁରୁଷଃ ସ୍ତ୍ରିଯମ୍॥ 2-88-35 (14841)
ସର୍ବୈର୍ଗୁଣୈର୍ହି ସମ୍ପନ୍ନାମନୁକୂଲାଂ ପ୍ରିଯଂବଦାମ୍।
ଯାଦୃଶୀଂ ଧର୍ମକାମାର୍ଥସିଦ୍ଧିମିଚ୍ଛେନ୍ନରଃ ସ୍ତ୍ରିଯମ୍॥ 2-88-36 (14842)
ଚରମଂ ସଂବିଶତି ଯା ପ୍ରଥମଂ ପ୍ରତିବୁଧ୍ଯତେ।
ଆଗୋପାଲାବିପାଲେଭ୍ଯଃ ସର୍ବଂ ବେଦ କୃତାକୃତମ୍॥ 2-88-37 (14843)
ଆଭାତି ପଦ୍ମବଦ୍ବକ୍ତ୍ରଂ ସସ୍ବେଦଂ ମଲ୍ଲିକେବ ଚ।
ବେଦୀମଧ୍ଯା ଦୀର୍ଘକେଶୀ ତାମ୍ରାସ୍ଯା ନାତିଲୋମଶା॥ 2-88-38 (14844)
ତଯୈବଂବିଧଯା ରାଜନ୍ପାଞ୍ଚାଲ୍ଯାହଂ ସୁମଧ୍ଯମା।
ଗ୍ଲହଂ ଦୀବ୍ଯାମି ଚାର୍ବଙ୍ଗ୍ଯା ଦ୍ରୌପଦ୍ଯା ହନ୍ତ ସୌବଲ॥ 2-88-39 (14845)
ବୈଶମ୍ପାଯନ ଉବାଚ॥ 2-88-40x (1610)
ଏବମୁକ୍ତେ ତୁ ବଚନେ ଧର୍ମରାଜେନ ଧୀମତା।
ଧିଗ୍ଧିଗିତ୍ଯେବ ବୃଦ୍ଧାନାଂ ସଭ୍ଯାନାଂ ନିଃ ସୃତା ଗିରଃ॥ 2-88-40 (14846)
ଚୁକ୍ଷୁଭେ ସା ସଭା ରାଜନ୍ରାଜ୍ଞାଂ ସଞ୍ଜତ୍ରିରେ ଶୁଚଃ।
ଭୀଷ୍ମଦ୍ରୋଣକୃପାଦୀନାଂ ସ୍ବେଦଶ୍ଚ ସମଜାଯତ॥ 2-88-41 (14847)
ଶିରୋ ଗୃହୀତ୍ବା ବିଦୁରୋ ଗତସତ୍ବ ଇବାଭବତ୍।
ଆସ୍ତେ ଧ୍ଯାଯନ୍ନଧୋବକ୍ତ୍ରୋ ନିଃ ଶ୍ବସନ୍ନିବ ପନ୍ନଗଃ॥ 2-88-42 (14848)
`ବାହ୍ଲୀକଃ ସୋମଦତ୍ତଶ୍ଚ ପ୍ରାତିପେଯଶ୍ଚ ସଞ୍ଜଯଃ।
ଦ୍ରୌଣିର୍ଭୂରିଶ୍ରବାଶ୍ଚୈବ ଯୁଯୁତ୍ସୁର୍ଧୃତରାଷ୍ଟ୍ରଜଃ।
ଆସୁର୍ବୀକ୍ଷ୍ଯ ତ୍ବଧୋବକ୍ତ୍ରା ନିଶ୍ବସନ୍ତ ଇବୋରଗାଃ'॥ 2-88-43 (14849)
ଧୃତରାଷ୍ଟ୍ରସ୍ତୁ ସଂହୃଷ୍ଟଃ ପର୍ଯପୃଚ୍ଛତ୍ପୁନଃ ପୁନଃ।
କିଂ ଜିତଂ କିଂ ଜିତମିତି ହ୍ଯାକାରଂ ନାଭ୍ଯରକ୍ଷତ॥ 2-88-44 (14850)
ଜହର୍ଷ କର୍ଣୋଽତିଭୃଶଂ ସହ ଦୁଃଶାସନାଦିଭିଃ।
ଇତରେଷାଂ ତୁ ସଭ୍ଯାନାଂ ନେତ୍ରେଭ୍ଯଃ ପ୍ରାପତଞ୍ଜଲମ୍॥ 2-88-45 (14851)
ସୌବଲସ୍ତ୍ବଭିଘାଯୈବ ଜିତକାଶୀ ମଦୋତ୍କଟଃ।
ଜିତମିତ୍ଯେବ ତାନକ୍ଷାନ୍ପୁରରେବାନ୍ବପଦ୍ଯତ॥ ॥ 2-88-46 (14852)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦ୍ଯୂତପର୍ବଣି ଅଷ୍ଟାଶୀତିତମୋଽଧ୍ଯାଯଃ॥88॥
Mahabharata - Sabha Parva - Chapter Footnotes
2-88-6 ପର୍ଣାଶା ନଦୀ॥ 2-88-23 କୈତବ କିତବେଭ୍ଯ ଆହର୍ତବ୍ଯଂ ଧନମ୍॥ 2-88-46 ଜିତକାଶୀ ଜଯଶୋଭୀ॥ସଭାପର୍ବ - ଅଧ୍ଯାଯ 089
॥ ଶ୍ରୀଃ ॥
2.89. ଅଧ୍ଯାଯଃ 089
Mahabharata - Sabha Parva - Chapter Topics
ଦୁଶ୍ଶାସନେନ ଦ୍ରୌପଦ୍ଯାଃ ସଭାଂ ପ୍ରତ୍ଯାନଯନମ୍॥ 1॥ ଦ୍ରୌପଦ୍ଯା ସଭ୍ଯାନ୍ପ୍ରତି ପ୍ରଶ୍ନଃ॥ 2॥Mahabharata - Sabha Parva - Chapter Text
ଦୁର୍ଯୋଧନ ଉବାଚ॥
ଏହି କ୍ଷତ୍ତର୍ଦ୍ରୌପଦୀମାନସ୍ବ
ପ୍ରିଯାଂ ଭାର୍ଯାଂ ସଂମତାଂ ପାଣ୍ଡବାନାମ୍।
ସଂମାର୍ଜତାଂ ବେଶ୍ମ ପରୈତୁ ଶୀଘ୍ରଂ
ତତ୍ରାସ୍ତୁ ଦାସୀଭିରପୁଣ୍ଯଶୀଲା॥ 2-89-1 (14853)
ବିଦୁର ଉବାଚ॥ 2-89-2x (1611)
ଦର୍ବିଭାଷଂ ଭାଷିତଂ ତ୍ବାଦୃଶେନ
ନ ମନ୍ଦ ସମ୍ବୁଦ୍ଧ୍ଯସି ପାଶବଦ୍ଧଃ।
ପ୍ରପାତେ ତ୍ବଂ ଲମ୍ବମାନୋ ନ ବେତ୍ସି
ବ୍ଯାଘ୍ରାନ୍ମୃଗଃ କୋପଯସେଽତିବେଲମ୍॥ 2-89-2 (14854)
ଆଶୀବିଷାସ୍ତେ ଶିରସି ପୂର୍ଣକୋପା ମହାବିଷାଃ।
ମା କୋପିଷ୍ଠାଃ ସୁମନ୍ଦାତ୍ମନ୍ମା ଗମସ୍ତ୍ବଂ ଯମକ୍ଷଯମ୍॥ 2-89-3 (14855)
ନ ହି ଦାସୀତ୍ବମାପନ୍ନା କୃଷ୍ଣା ଭବିତୁମର୍ହତି।
ଜନୀଶେନ ହି ରାଜ୍ଞୈଷା ପଣେ ନ୍ଯସ୍ତେତି ମେ ମତିଃ॥ 2-89-4 (14856)
ଅଯଂ ଦତ୍ତେ ବେଣୁରିବାତ୍ମଘାତୀ
ଫଲଂ ରାଜା ଧୃତରାଷ୍ଟ୍ରସ୍ଯ ପୁତ୍ରଃ।
ଦ୍ଯୂତଂ ହି ବୈରାଯ ମହାଭଯାଯ
ମତ୍ତୋ ନ ବୁଧ୍ଯତ୍ଯଯମନ୍ତକାଲମ୍॥ 2-89-5 (14857)
ନାରୁନ୍ତୁଦଃ ସ୍ଯାନ୍ନ ନୃଶଂସବାଦୀ
ନ ହୀନତାଃ ପରମଭ୍ଯାଦଦୀତ।
ଯଯାସ୍ଯ ବାଚା ପର ଉଦ୍ବିଜେତ
ନ ତାଂ ବଦେଦୁଶତୀ ପାପଲୋକ୍ଯାମ୍॥ 2-89-6 (14858)
ସମୁଚ୍ଚରନ୍ତ୍ଯତିବାଦାଶ୍ଚ ବକ୍ତ୍ରା-
ଧ୍ଯୌରାହତଃ ଶୌଚତି ରାତ୍ର୍ଯହାନି।
ପରସ୍ଯ ନାମର୍ମସୁ ତେ ପତନ୍ତି
ତାନ୍ପଣ୍ଡିତୋ ନାବସୃଜେତ୍ପରେଷୁ॥ 2-89-7 (14859)
ଅଜୋ ହି ଶସ୍ତ୍ରମଗିଲତ୍କିଲୈକଃ
ଶସ୍ତ୍ରେ ବିପନ୍ନେ ଶିରସାସ୍ଯ ଭୂମୌ।
ନିକୃନ୍ତନଂ ସ୍ବସ୍ଯ କଣ୍ଠସ୍ଯ ଘୋରଂ
ତଦ୍ବଦ୍ବେରଂ ମା କୃଥାଃ ପାଣ୍ଡୁପୁତ୍ରୈଃ॥ 2-89-8 (14860)
ନ କିଞ୍ଚିଦିତ୍ଥଂ ପ୍ରବଦନ୍ତି ପାର୍ଥା
ବନେଚରଂ ବା ଗୃହମେଧିନଂ ବା।
ତପସ୍ବିନଂ ବା ପରିପୂର୍ଣବିଦ୍ଯଂ
ଭଷନ୍ତି ହୈବଂ ଶ୍ବନରାଃ ସଦୈବ॥ 2-89-9 (14861)
ଦ୍ବାରଂ ସୁଘୋରଂ ନରକସ୍ଯ ଜିହ୍ଯଂ
ନ ବୁଧ୍ଯତେ ଧୃତରାଷ୍ଟ୍ରସ୍ଯ ପୁତ୍ରଃ।
ତମନ୍ବେତାରୋ ବହବଃ କୁରୂଣାଂ
ଦ୍ଯୂତୋଦଯେ ସହ ଦୁଃଶାସନେନ॥ 2-89-10 (14862)
ମଜ୍ଜନ୍ତ୍ଯଲାବୂନି ଶିଲାଃ ପ୍ଲବନ୍ତେ
ମୁହ୍ଯନ୍ତି ନାବୋମ୍ଭସି ଶଶ୍ବଦେବ।
ମୂଢୋ ରାଜା ଧୃତରାଷ୍ଟ୍ରସ୍ଯ ପୁତ୍ରୋ
ନ ମେ ବାଚଃ ପଥ୍ଯରୂପାଃ ଶୃଣୋତି॥ 2-89-11 (14863)
ଅନ୍ତୋ ନୂଂ ଭବିତାଯଂ କରୂଣାଂ
ସୁଦାରୁଣଃ ସର୍ବହରୋ ବିନାଶଃ।
ବାଚଃ କାବ୍ଯାଃ ସୁହୃଦାଂ ପଥ୍ଯରୂପା
ନ ଶ୍ରୂଯନ୍ତେ ବର୍ଧତେ ଲୋଭ ଏବ॥ 2-89-12 (14864)
ବୈଶମ୍ପାଯନ ଉବାଚ॥ 2-89-13x (1612)
ଧିଗସ୍ତୁ କ୍ଷତ୍ତାରମିତି ବ୍ରୁବାଣୋ
ଦର୍ପେଣ ମତ୍ତୋ ଧୃତରାଷ୍ଟ୍ରସ୍ଯ ପୁତ୍ରଃ।
ଅବୈକ୍ଷତ ପ୍ରାତିକାମୀଂ ସଭାଯା-
ମୁବାଚ ଚୈନଂ ପରମାର୍ଯମଧ୍ଯେ॥ 2-89-13 (14865)
ଦୁର୍ଯୋଧନ ଉବାଚ॥ 2-89-14x (1613)
ତ୍ବଂ ପ୍ରାତିକାମିନ୍ଦ୍ରୌପଦୀମାନଯସ୍ବ
ନ ତେ ଭଯଂ ବିଦ୍ଯତେ ପାଣ୍ଡବେଭ୍ଯଃ।
କ୍ଷତ୍ତା ହ୍ଯଯଂ ବିବଦତ୍ଯେବ ଭୀତୋ
ନ ଚାସ୍ମାକଂ ବୃଦ୍ଧିକାମଃ ସଦୈବ॥ 2-89-14 (14866)
ବୈଶମ୍ପାଯନ ଉବାଚ॥ 2-89-15x (1614)
ଏବମୁକ୍ତଃ ପ୍ରାତିକାମୀ ସ ସୂତଃ
ପ୍ରାଯାଚ୍ଛୀଘ୍ରଂ ରାଜବଚୋ ନିଶମ୍ଯ।
ପ୍ରବିଶ୍ଯ ଚ ଶ୍ବେବ ହି ସିଂହଗେଷ୍ଠଂ
ସମାସଦନ୍ମହିଷୀଂ ପାଣ୍ଡବାନାମ୍॥ 2-89-15 (14867)
ପ୍ରାତିକାମ୍ଯୁବାଚ। 2-89-16x (1615)
ଯୁଧିଷ୍ଠିରୋ ଦ୍ଯୂତମଦେନ ମତ୍ତୋ
ଦୁର୍ଯୋଧନୋ ଦ୍ରୌପଦି ତ୍ବାମଜୈଷୀତ୍।
ସା ତ୍ବଂ ପ୍ରପଦ୍ଯସ୍ବ ଧୃତରାଷ୍ଟ୍ରସ୍ଯ ବେଶ୍ମ
ନଯାମି ତ୍ବାଂ କର୍ମଣି ଯାଜ୍ଞସେନି॥ 2-89-16 (14868)
ଦ୍ରୌପଦ୍ଯୁବାଚ॥ 2-89-17x (1616)
କଥଂ ତ୍ବେବଂ ବଦସି ପ୍ରାତିକାମି-
କୋ ହି ଦୀବ୍ଯେଦ୍ଭାର୍ଯଯା ରାଜପୁତ୍ରଃ।
ମୂଡୋ ରାଜା ଦ୍ଯୂତମଦେନ ମତ୍ତୋ
ହ୍ଯଭୂନ୍ନାନ୍ଯତ୍କୈତବମସ୍ଯ କିଞ୍ଚିତ୍॥ 2-89-17 (14869)
ପ୍ରାତିକାମ୍ଯୁବାଚ॥ 2-89-18x (1617)
ଯଦା ନାଭୂତ୍କୈତବମନ୍ଯଦସ୍ଯ
ତଦାଽଦେବୀତ୍ପାଣ୍ଡବୋଽଜାତଶତ୍ରୁଃ।
ନ୍ଯସ୍ତାଃ ପୂର୍ବଂ ଭ୍ରାତରସ୍ତେନ ରାଜ୍ଞା
ସ୍ବଯଂ ଚାତ୍ମା ତ୍ବମଥୋ ରାଜପୁତ୍ରି॥ 2-89-18 (14870)
ଦ୍ରୌପଦ୍ଯୁବାଚ॥ 2-89-19x (1618)
ଗଚ୍ଛ ତ୍ବଂ କିତବଂ ଗତ୍ବା ସଭାଯାଂ ପୃଚ୍ଛ ସୂତଜ।
କିଂ ତୁ ପୂର୍ବଂ ପରାଜୈଷୀରାତ୍ମାନମଥବା ନୁ ମାମ୍॥ 2-89-19 (14871)
ଏତଜ୍ଜ୍ଞାତ୍ବା ସମାଗଚ୍ଛ ତତୋ ମାଂ ନଯଂ ସୂତଜ।
ଜ୍ଞାତ୍ବା ଚିକୀର୍ଷିତମହଂ ରାଜ୍ଞୋ ଯାସ୍ଯାମି ଦୁଃଖିତା॥ 2-89-20 (14872)
ବୈଶମ୍ପାଯନ ଉବାଚ॥ 2-89-21x (1619)
ସଭାଂ ଗତ୍ବା ସ ଚୋବାଚ ଦ୍ରୌପଦ୍ଯସ୍ତଦ୍ବଚସ୍ତଦା।
ଯୁଧିଷ୍ଠିରଂ ନରେନଦ୍ରାଣାଂ ମଧ୍ଯେ ସ୍ଥିତମିଦଂ ବଚଃ॥ 2-89-21 (14873)
କସ୍ଯେଶୋ ନଃ ପରାଜୈଷୀରିତି ତ୍ବାମାହ ଦ୍ରୌପଦୀ।
କିଂ ନୁ ପୂର୍ବଂ ପରାଜୈଷୀରାତ୍ମାନମଥବାପି ମାମ୍॥ 2-89-22 (14874)
ବୈଶମ୍ପାଯନ ଉବାଚ॥ 2-89-23x (1620)
ଯୁଧିଷ୍ଠିରସ୍ତୁ ନିଶ୍ଚେତା ଗତସତ୍ବ ଇବାଭବତ୍।
ନ ତଂ ସୂତଂ ପ୍ରତ୍ଯୁବାଚ ବଚନଂ ସାଧ୍ବସାଧୁ ବା॥ 2-89-23 (14875)
ଦୁର୍ଯୋଧନ ଉବାଚ॥ 2-89-24x (1621)
ଇହୈବାଗତ୍ଯ ପାଞ୍ଚାଲୀ ପ୍ରଶ୍ନମେନଂ ପ୍ରଭାଷତାମ୍।
ଇହୈବ ସର୍ବେ ଶୃଣ୍ବନ୍ତୁ ତସ୍ଯାଶ୍ଚୈତସ୍ଯ ଯଦ୍ବଚଃ॥ 2-89-24 (14876)
ବୈଶମ୍ପାଯନ ଉବାଚ॥ 2-89-25x (1622)
ସ ଗତ୍ବା ରାଜଭବନଂ ଦୁର୍ଯୋଧନବଶାନୁଗଃ।
ଉବାଚ ଦ୍ରୌପଦୀଂ ସୂତଃ ପ୍ରାତିକାମୀ ବ୍ଯଥନ୍ନିବ॥ 2-89-25 (14877)
ସଭ୍ଯାସ୍ତ୍ବମୀ ରାଜପୁତ୍ର୍ଯାହ୍ବଯନ୍ତି
ମନ୍ଯେ ପ୍ରାପ୍ତଃ ସଂଶଯଃ କୌରବାଣାମ୍।
ନ ବୈ ସମୃଦ୍ଦିଂ ପାଲଯତେ ଲଘୀଯାନ୍
ଯସ୍ତ୍ବାଂ ସଭାଂ ନେଷ୍ଯତି ରାଜପୁତ୍ରି॥ 2-89-26 (14878)
ଦ୍ରୌପଦ୍ଯୁବାଚ॥ 2-89-27x (1623)
ଏବଂ ନୂନଂ ବ୍ଯଦଧାତ୍ସଂବିଧାତା
ସ୍ପର୍ଶାବୁଭୌ ସ୍ପୃଶତୋ ବୃଦ୍ଧବାଲୌ।
ଧର୍ମଂ ତ୍ବେକଂ ପରମଂ ପ୍ରାହ ଲୋକେ
ସ ନଃ ଶମଂ ଧାସ୍ଯତି ଗୋପ୍ଯମାନଃ॥ 2-89-27 (14879)
ସୋଽଯଂ ଧର୍ମୋ ମା ତ୍ଯଗାତ୍କୌରବାନ୍ବୈ
ସଭ୍ଯାନ୍ଗତ୍ବା ପୃଚ୍ଛ ଧର୍ମ୍ଯଂ ବଚୋ ମେ।
ତେ ମାଂ ବ୍ରୂଯୁର୍ନିଶ୍ଚିତଂ ତତ୍କରିଷ୍ଯେ
ଧର୍ମାତ୍ମାନୋ ନୀତିମନ୍ତୋ ବରିଷ୍ଠାଃ॥ 2-89-28 (14880)
ବୈଶମ୍ପାଯନ ଉବାଚ॥ 2-89-29x (1624)
ଶ୍ରୁତ୍ବା ସୂତସ୍ତଦ୍ବଚୋ ଯାଜ୍ଞସେନ୍ଯାଃ
ସଭାଂ ଗତ୍ବା ପ୍ରାହ ବାକ୍ଯଂ ତଦାନୀମ୍।
ଅଧୋମୁଖାସ୍ତେ ନ ଚ କିଞ୍ଚିଦୂଚୁ-
ର୍ନିର୍ବନ୍ଧଂ ତଂ ଧାର୍ତରାଷ୍ଟ୍ରସ୍ଯ ବୁଦ୍ଧ୍ବା॥ 2-89-29 (14881)
ଯୁଧିଷ୍ଠିରସ୍ତୁ ତଚ୍ଛ୍ରୁତ୍ବା ଦୁର୍ଯୋଧନଚିକୀର୍ଷିତମ୍।
ଦ୍ରୌପଦ୍ଯାଃ ସଂମତଂ ଦୂତଂ ପ୍ରାହିଣୋଦ୍ଭରତର୍ଷଭ॥ 2-89-30 (14882)
ଏକବସ୍ତ୍ର ତ୍ବଧୋନୀବୋ ରୋଦମାନା ରଜସ୍ବଲା।
ସଭାମାଗମ୍ଯ ପାଞ୍ଚାଲି ଶ୍ବଶୁରସ୍ଯାଗ୍ରତୋ ଭବ॥ 2-89-31 (14883)
ଅଥ ତ୍ବାମାଗତାଂ ଦୃଷ୍ଟ୍ବା ରାଜପୁତ୍ରୀଂ ସଭାଂ ତଦା।
ସଭ୍ଯାଃ ସର୍ବେ ବିନିନ୍ଦେରନ୍ମନୋର୍ଭିର୍ଧୃତରାଷ୍ଟ୍ରଜମ୍॥ 2-89-32 (14884)
ବୈଶମ୍ପାଯନ ଉବାଚ॥ 2-89-33x (1625)
ସ ଗତ୍ବା ତ୍ବରିତଂ ଦୂତଃ କୃଷ୍ଣାଯା ଭବନଂ ନୃପ।
ନ୍ଯବେଦଯନ୍ମତଂ ଧୀମାନ୍ଧର୍ମରାଜସ୍ଯ ନିଶ୍ଚିତମ୍॥ 2-89-33 (14885)
ପାଣ୍ଡବାଶ୍ଚ ମହାତ୍ମାନୋ ଦୀନା ଦୁଃଖସମନ୍ବିତାଃ।
ସତ୍ଯେନାତିପରୀତାଙ୍ଗା ନୋଦୀକ୍ଷନ୍ତେ ସ୍ମ କିଞ୍ଚନ॥ 2-89-34 (14886)
ତତସ୍ତ୍ବେଷାଂ ମୁଖମାଲୋକ୍ଯ ରାଜା
ଦୁର୍ଯୋଧନଃ ସୂତମୁବାଚ ହୃଷ୍ଟଃ।
ଇହୈବୈତାମାନଯ ପ୍ରାତିକାମିନ୍
ପ୍ରତ୍ଯକ୍ଷମସ୍ଯାଃ କୁରବୋ ବ୍ରୁବନ୍ତଃ॥ 2-89-35 (14887)
ତତଃ ସୂତସ୍ତସ୍ଯ ବଶାନୁଗାମୀ
ଭୀତଶ୍ଚ କୋପାଦ୍ଦ୍ରୁପଦାତ୍ମଜାଯାଃ।
ବିହାଯ ମାନଂ ପୁନରେବ ସଭ୍ଯା-
ନୁବାଚ କୃଷ୍ଣାଂ କିମହଂ ବ୍ରବୀମି॥ 2-89-36 (14888)
ଦୂର୍ଯୋଧନ ଉବାଚ। 2-89-37x (1626)
ଦୁଃଶାସନୈଷ ମମ ସୂତପୁତ୍ରୋ
ବୃକୋଦରାଦୁଦ୍ବିଜତେଽଲ୍ପଚେତାଃ।
ସ୍ବଯଂ ପ୍ରଗୃହ୍ଯାନଯ ଯାଜ୍ଞସେନୀଂ
କିଂ ତେ କରିଷ୍ଯନ୍ତ୍ଯବଶାଃ ସପତ୍ନାଃ॥ 2-89-37 (14889)
ବୈଶମ୍ପାଯନ ଉବାଚ॥ 2-89-38x (1627)
ତତଃ ସମୁତ୍ଥାଯ ସ ରାଜପୁତ୍ରଃ
ଶ୍ରୁତ୍ବା ଭ୍ରାତୁଃ ଶାସନଂ ରକ୍ତଦୃଷ୍ଟିଃ।
ପ୍ରବିଶ୍ଯ ତଦ୍ବେଶ୍ମ ମହାରଥାନା-
ମିତ୍ଯବ୍ରବୀଦ୍ଦ୍ରୌପଦୀଂ ରାଜପୁତ୍ରୀମ୍॥ 2-89-38 (14890)
ଏହ୍ଯେହି ପାଞ୍ଚାଲି ରାଜପୁତ୍ରୀମ୍।
ଦୁର୍ଯୋଧନଂ ପଶ୍ଯ ବିମୁକ୍ତଲଜ୍ଜା।
କୁରୂନ୍ଭଜସ୍ବାଯତପତ୍ରନେତ୍ରେ
ଧର୍ମେଣ ଲବ୍ଧାଽସି ସଭାଂ ପରୈହି॥ 2-89-39 (14891)
ତତଃ ସମୁତ୍ଥାଯ ସୁଦୂର୍ମନାଃ ସା
ବିବର୍ଣମାମୃଜ୍ଯ ମୁଖଂ କରେଣ।
ଆର୍ତା ପ୍ରଦୁଦ୍ରାବ ଯତଃ ସ୍ତ୍ରିଯସ୍ତା
ବୃଦ୍ଧସ୍ଯ ରାଜ୍ଞଃ କୁରୁପୁଙ୍ଗବସ୍ଯ॥ 2-89-40 (14892)
ତତୋ ଜବେନାଭିସସାର ରୋଷା-
ଦ୍ଦୁଃଶାସନସ୍ତାମଭିଗର୍ଜମାନଃ।
ଦୀର୍ଘେଷୁ ନୀଲେଷ୍ବଥ ଚୋର୍ମିମତ୍ସୁ
ଜଗ୍ରାହ କେଶେଷୁ ନରେନ୍ଦ୍ରପତ୍ନୀମ୍॥ 2-89-41 (14893)
ଯେ ରାଜସୂଯାବଭୃଥେ ଜଲେନ
ମହାକ୍ରତୌ ମନ୍ତ୍ରପୂତେନ ସିକ୍ତାଃ।
ତେ ପାଣ୍ଡବାନାଂ ପରିଭୂଯ ବୀର୍ଯଂ
ବଲାତ୍ପ୍ରମୃଷ୍ଟା ଧୃତରାଷ୍ଟ୍ରଜେନ ॥ 2-89-42 (14894)
ସ ତାଂ ପରାକୃଷ୍ଯ ସଭାସମୀପ-
ମାନୀଯ କୃଷ୍ଣାମତିଦୀର୍ଘକେଶୀମ୍।
ଦୁଃଶାସନୋ ନାଥବତୀମନାଥବ-
ଚ୍ଚକର୍ଷ ବାଯୁଃ କଦଲୀମିବାର୍ତାମ୍॥ 2-89-43 (14895)
ସା କୃଷ୍ଣମାଣା ନମିତାଙ୍ଗଯଷ୍ଟିଃ
ଶନୈରୁବାଚାଥ ରଜସ୍ବଲାଽସ୍ମି।
ଏକଂ ଚ ବାସୋ ମମ ମନ୍ଦବୁଦ୍ଧେ
ସଭାଂ ନେତୁଂ ନାର୍ହସି ମାମନାର୍ଯ॥ 2-89-44 (14896)
ତତୋଽବ୍ରବୀତ୍ତାଂ ପ୍ରସଭଂ ନିଗୃହ୍ଯ
କେଶେଶୁ କୃଷ୍ଣେଷୁ ତଦା ସ କୃଷ୍ଣାମ୍।
କୃଷ୍ଣଂ ଚ ଜିଷ୍ଣୁଂ ଚ ହରିଂ ନରଂ ଚ
ତ୍ରାଯାଯ ବିକ୍ରୋଶତି ଯାଜ୍ଞସେନି॥ 2-89-45 (14897)
ରଜସ୍ବଲା ବା ଭବ ଯାଜ୍ଞସେନି
ଏକାମ୍ବରା ବାପ୍ଯଥବା ବିବସ୍ତ୍ରା।
ଦ୍ଯୂତେ ଜିତା ଚାସି କୃତାଽସି ଦାସୀ
ଦାସୀଷୁ ବାସଶ୍ଚ ଯଥୋପଜୋଷମ୍॥ 2-89-46 (14898)
ବୈଶମ୍ପାଯନ ଉବାଚ। 2-89-47x (1628)
ପ୍ରକୀର୍ଣକେଶୀ ପତିତାର୍ଧବସ୍ତ୍ରା
ଦୁଃଶାସନେନ ବ୍ଯବଧୂଯମାନା।
ହୀମତ୍ଯମର୍ଷେଣ ଚ ଦହ୍ଯମାନା
ଶନୈରିଦଂ ବାକ୍ଯମୁବାଚ କୃଷ୍ଣା॥ 2-89-47 (14899)
ଦ୍ରୌପଦ୍ଯୁବାଚ। 2-89-48x (1629)
ଇମେ ସମାଯାମୁପନୀତଶାସ୍ତ୍ରାଃ
କ୍ରିଯାବନ୍ତଃ ସର୍ବ ଏବେନ୍ଦ୍ରକଲ୍ପାଃ।
ଗୁରୁସ୍ଥାନା ଗୁରବଶ୍ଚୈବ ସର୍ବେ
ତେଷାମଗ୍ରେ ନୋତ୍ସହେ ସ୍ଥାତୁମେବମ୍॥ 2-89-48 (14900)
ନଶଂସକର୍ମଂସ୍ତ୍ବମନାର୍ଯବୃତ
ମା ମା ବିବସ୍ତ୍ରାଂ କୁରୁ ମା ବିକାର୍ଷୀଃ।
ନ ମର୍ଷଯେଯୁସ୍ତବ ରାଜପୁତ୍ରାଃ
ସେନ୍ଦ୍ରାପି ଦେବା ଯଦି ତେ ସହାଯାଃ॥ 2-89-49 (14901)
ଧର୍ମେ ସ୍ଥିତୋ ଧର୍ମସୁତୋ ମହାତ୍ମା
ଧର୍ମଶ୍ଚ ସୂକ୍ଷ୍ମୋ ନିପୁଣୋପଲକ୍ଷ୍ଯଃ।
ବାଚାପି ଭର୍ତୁଃ ପରମାଣୁମାତ୍ର-
ମିଚ୍ଛାମି ଦୋଷଂ ନ ଗୁଣାନ୍ବିସୃଜ୍ଯ॥ 2-89-50 (14902)
ଇଦଂ ତ୍ବକାର୍ଯଂ କୁରୁବୀରମଧ୍ଯେ
ରଜସ୍ବଲାଂ ଯତ୍ପରିକର୍ଷସେ ମାମ୍।
ନ ଚାପି କଶ୍ଚିତ୍କୁରୁତେଽତ୍ର କୁତ୍ସାଂ
ଧ୍ରୁବଂ ତବେଦଂ ମତମଭ୍ଯୁପେତଃ॥ 2-89-51 (14903)
ଧିଗସ୍ତୁ ନଷ୍ଟଃ ଖଲୁ ଭାରତାନାଂ
ଧର୍ମସ୍ତଥା କ୍ଷତ୍ରବିଦାଂ ଚ ବୃତ୍ତମ୍।
ଯତ୍ର ହ୍ଯତୀତାଂ କୁରୁଧର୍ମବେଲାଂ
ପ୍ରେକ୍ଷନ୍ତି ସର୍ବେ କୁରବଃ ସଭାଯାମ୍॥ 2-89-52 (14904)
ଦ୍ରୋଣସ୍ଯ ଭୀଷ୍ମସ୍ଯ ଚ ନାସ୍ତି ସତ୍ତ୍ବଂ
କ୍ଷତ୍ତୁସ୍ତଥୈବାସ୍ଯ ଚନାସ୍ତି ସତ୍ତ୍ବଂ
କ୍ଷତ୍ତୁସ୍ତଥୈବାସ୍ଯ ମହାତ୍ମନୋପି।
ନ ଲକ୍ଷଯନ୍ତି କୁରୁବୃଦ୍ଧମୁଖ୍ଯାଃ॥ 2-89-53 (14905)
ବୈଶମ୍ପାଯନ ଉବାଚ॥ 2-89-54x (1630)
ତଥା ବ୍ରୁବନ୍ତୀ କରୁଣଂ ସୁମଧ୍ଯମା
ଭର୍ତୄନ୍କଟାକ୍ଷୈଃ କୁପିତାନପଶ୍ଯତ୍।
ସା ପାଣ୍ଡବାନ୍କୋପପରୀତଦେହା-
ନ୍ସନ୍ଦୀପଯାମାସ କଟାକ୍ଷପାତୈଃ॥ 2-89-54 (14906)
ହୃତେନ ରାଜ୍ଯେନ ତଥା ଧନେନ
ରତ୍ନୈଶ୍ଚ ମୁଖ୍ଯୈର୍ନ ତଥା ବଭୂବ।
ଯଥା ତ୍ରପାକୋପସମୀରିତେନ
କୃଷ୍ଣାକଟାକ୍ଷେଣ ବଭୂବ ଦୁଃଖମ୍॥ 2-89-55 (14907)
ଦୁଃଶାସନଶ୍ଚାପି ସମୀକ୍ଷ୍ଯ କୃଷ୍ଣା-
ମବେକ୍ଷମାଣାଂ କୃପଣାନ୍ପତୀଂସ୍ତାନ୍।
ଆଧୂଯ ବେଗେନ ବିସଞ୍ଜ୍ଞକଲ୍ପା-
ମୁବାଚ ଦାସୀତି ହସନ୍ସଶବ୍ଦମ୍॥ 2-89-56 (14908)
କର୍ଣସ୍ତୁ ତଦ୍ବାକ୍ଯମତୀବ ହୃଷ୍ଟଃ
ସମ୍ପୂଜଯାମାସ ହସନ୍ସଶବ୍ଦମ୍।
ଗାନ୍ଧାରରାଜଃ ସୁବଲସ୍ଯ ପୁତ୍ର-
ସ୍ତଥୈବ ଦୁଃଶାସନମଭ୍ଯନନ୍ଦତ୍॥ 2-89-57 (14909)
ସଭ୍ଯାସ୍ତୁ ଯେ ତତ୍ର ବଭୂବୁରନ୍ଯେ
ତାଭ୍ଯାମୃତେ ଧାର୍ତରାଷ୍ଟ୍ରେଣ ଚୈବ।
ତେଷାମଭୂଦ୍ଦୁଃ ଖମତୀବ କୃଷ୍ଣାଂ
ଦୃଷ୍ଟ୍ବା ସଭାଯାଂ ପରିକୃଷ୍ଯମାଣାମ୍॥ 2-89-58 (14910)
ଭୀଷ୍ମ ଉବାଚ। 2-89-59x (1631)
ନ ଧର୍ମସୌକ୍ଷ୍ମ୍ଯାତ୍ସୁଭଗେ ବିବେକ୍ତୁଂ
ଶକ୍ରୋମି ତେ ପ୍ରଶ୍ନମିମଂ ଯଥାବତ୍।
ଅସ୍ବାମ୍ଯଶକ୍ତଃ ପଣିତୁଂ ପରସ୍ବଂ
ସ୍ତ୍ରିଯାଶ୍ଚ ଭର୍ତୁର୍ବଶତାଂ ସମୀକ୍ଷ୍ଯ॥ 2-89-59 (14911)
ତ୍ଯଜେତ ସର୍ବାଂ ପୃଥିବୀଂ ସମୃଦ୍ଧାଂ
ଯୁଧିଷ୍ଠିରୋ ଧର୍ମମଥୋ ନ ଜହ୍ଯାତ୍।
ଉକ୍ତଂ ଜିତୋଽସ୍ମୀତି ଚ ପାଣ୍ଡବେନ
ତସ୍ମାନ୍ନ ଶକ୍ନୋମି ବିବେକ୍ତୁମେତତ୍॥ 2-89-60 (14912)
ଦ୍ବ୍ଯୂତେଽଦ୍ବିତୀଯଃ ଶକୁନିର୍ନରେଷୁ
କୁନ୍ତୀସୁତସ୍ତେନ ନିସୃଷ୍ଟକାମଃ।
ନ ମନ୍ଯତେ ତାଂ ନିକୃତିଂ ଯୁଧିଷ୍ଠିର-
ସ୍ତସ୍ମାନ୍ ତେ ପ୍ରଶ୍ନମିମଂ ବ୍ରବୀମି॥ 2-89-61 (14913)
ଦ୍ରୌପଦ୍ଯୁବାଚ। 2-89-61x (1632)
ଆହୂଯ ରାଜା କୁଶଲୈରନାର୍ଯୈ-
ର୍ଦୁଷ୍ଟାତ୍ମଭିର୍ନୈକୃତିକୈଃ ସଭାଯାମ୍।
ଦ୍ଯୂତପ୍ରିଯୈର୍ନାତିକୃତପ୍ରଯତ୍ନଃ
କସ୍ମାଦଯଂ ନାମ ନିସୃଷ୍ଟକାମଃ॥ 2-89-62 (14914)
ଅଶୁଦ୍ଧଭାବୈର୍ନିକୃତିପ୍ରବୃତ୍ତୈ-
ରବୁଧ୍ଯମାନଃ କୁରୁପାଣ୍ଡବାଗ୍ର୍ଯଃ।
ସମ୍ଭୂଯ ସର୍ବୈଶ୍ଚ ଜିତୋଽପି ଯସ୍ମା-
ତ୍ପଶ୍ଚାଦଯଂ କୈତବମଭ୍ଯୁପେତଃ॥ 2-89-63 (14915)
ତିଷ୍ଠନ୍ତି ଚେମେ କୁରବଃ ସଭାଯା-
ମୀଶାଃ ସୁତାନାଂ ଚ ତଥା ସ୍ନୁପାଣାମ୍।
ସମୀକ୍ଷ୍ଯ ସର୍ବେ ମମ ଚାପି ବାକ୍ଯଂ
ବିବ୍ରୂତ ମେ ପ୍ରଶ୍ନମିମଂ ଯଥାବତ୍॥ 2-89-64 (14916)
ନ ସା ସଭା ଯତ୍ର ନ ସନ୍ତି ବୃଦ୍ଧା
ନ ତେ ବୃଦ୍ଧା ଯେ ନ ବଦନ୍ତି ଧର୍ମମ୍।
ନାସୌ ଧର୍ମୋ ଯତ୍ର ନ ସତ୍ଯମସ୍ତି
ନ ତତ୍ସତ୍ଯଂ ଯଚ୍ଛଲେନାନୁବିଦ୍ଧମ୍॥ 2-89-65 (14917)
ବୈଶମ୍ପାଯନ ଉବାଚ॥ 2-89-66x (1633)
ତଥା ବ୍ରୁବନ୍ତୀଂ କରୁଣଂ ରୁଦନ୍ତୀ-
ମବେକ୍ଷମାଣାଂ କୃପଣାନ୍ପତୀଂସ୍ତାନ୍।
ଦୁଃଶାସନଃ ପରୁଷାଣ୍ଯପ୍ରିଯାଣି
ବାକ୍ଯାନ୍ଯୁବାଚାମଧୁରାଣି ଚୈବ॥ 2-89-66 (14918)
ତାଂ କୃଷ୍ଯମାଣାଂ ଚ ରଜସ୍ବଲାଂ ଚ
ସ୍ରସ୍ତୋତ୍ତରୀଯାମତଦର୍ହମାଣାମ୍।
ବୃକୋଦରଃ ପ୍ରେକ୍ଷ୍ଯ ଯୁଧିଷ୍ଠିରଂ ଚ
ଚକାର କୋପଂ ପରମାର୍ତରୂପଃ॥ ॥ 2-89-67 (14919)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦ୍ଯୂତପର୍ବଣି ଏକୋନନବତିତମୋଽଧ୍ଯାଯଃ॥ 89॥
Mahabharata - Sabha Parva - Chapter Footnotes
2-89-17 କୈତବଂ କିତବେଭ୍ଯୋ ଦେଯଂ ଧନମ୍॥ 2-89-27 ସ୍ପର୍ଶୋ ସୁଖଦୁଃଖେ ବୃଦ୍ଧବାଲୌ ସ୍ପୃଶତଃ ପ୍ରାପ୍ନୁତଃ । ଶମଂ ସ୍ବାସ୍ଥ୍ଯମ୍॥ 2-89-41 ଊର୍ମିମତ୍ସୁ ପ୍ରବହନ୍ନଦୀଜଲବନ୍ନିମ୍ନୋନ୍ନତେଷୁ ॥ 2-89-49 ସେନ୍ଦ୍ରପି ସେନ୍ଦ୍ରା ଅପି॥ 2-89-64 ବିବ୍ରୂତ ବିସ୍ପଷ୍ଟ ବ୍ରୂତ ନତୁ ଭଈଷ୍ମବତ୍ସନ୍ଦିଗ୍ଧମିତି ଭାବଃ॥ସଭାପର୍ବ - ଅଧ୍ଯାଯ 090
॥ ଶ୍ରୀଃ ॥
2.90. ଅଧ୍ଯାଯଃ 090
Mahabharata - Sabha Parva - Chapter Topics
ଭୌମବଚନମ୍॥ 1॥ ବିକର୍ଣବଚନମ୍॥ 2॥ ଦୁଃଶାସନେନ ଦ୍ରୌପଦୀବସ୍ତ୍ରାପହାରଃ॥3॥ ଶ୍ରୀକୃଷ୍ଣପ୍ରସାଦାତ୍ ଦ୍ରୌପଦ୍ଯଃ ବସ୍ତ୍ରରାଶିପ୍ରାଦୁର୍ଭାବଃ॥ 4॥ ବିଦୁରବଚନମ୍॥ 5॥Mahabharata - Sabha Parva - Chapter Text
ଭୀମ ଉବାଚ।
ଭବନ୍ତି ଗେହେ ବନ୍ଧକ୍ଯଃ କିତବାନାଂ ଯୁଧିଷ୍ଠିର।
ଭବନ୍ତି ଦୀବ୍ଯନ୍ତି ଦଯା ଚୈବାସ୍ତି ତାବସ୍ବପି॥ 2-90-1 (14920)
କାଶ୍ଯୋ ଯଦ୍ଧନମାହାର୍ଷୀଦ୍ଦ୍ରବ୍ଯଂ ଯଚ୍ଚାନ୍ଯଦୁତ୍ତମମ୍।
ତଥାଽନ୍ଯେ ପୃଥିବୀପାଲା ଯାନି ରତ୍ନାନ୍ଯୁପାହରନ୍॥ 2-90-2 (14921)
ବାହନାନି ଧନଂ ଚୈବ କବଚାନ୍ଯାଯୁଧାନି ଚ।
ରାଜ୍ଯମାତ୍ମା ବଯଂ ଚୈବ କୈତବେନ ହୃତଂ ପରୈଃ॥ 2-90-3 (14922)
ନ ଚ ମେ ତତ୍ର କୋପୋଽଭୂତ୍ସର୍ବସ୍ଯେଶୋ ହି ନୋ ଭବାନ୍।
ଇମଂ ତ୍ବତିକ୍ରମଂ ମନ୍ଯୋ ଦ୍ରୌପଦୀ ଯତ୍ର ପଣ୍ଯତେ॥ 2-90-4 (14923)
ଏଷା ହ୍ଯନର୍ହତୀ ବାଲା ପାଣ୍ଡବାନ୍ପ୍ରାପ୍ଯ କୌରବୈଃ।
ତ୍ବତ୍କୃତେ କ୍ଲିଶ୍ଯତେ କ୍ଷୁଦ୍ରୈର୍ନୃଶଂସୈରକୃତାତ୍ମଭିଃ॥ 2-90-5 (14924)
ଅସ୍ଯାଃ କୃତେ ମନ୍ଯୁରଯଂ ତ୍ବଯି ରାଜନ୍ନିପାତ୍ଯତେ।
ବାହୂ ତେ ସମ୍ପ୍ରଧକ୍ଷ୍ଯାମି ସହଦେବାଗ୍ନିମାନଯଃ॥ 2-90-6 (14925)
ଅର୍ଜୁନ ଉବାଚ। 2-90-7x (1634)
ନ ପୁରା ଭୀମସେନ ତ୍ବମୀଦୃଶୀର୍ବଦିତା ଗିରଃ।
ପରୈସ୍ତେ ନାଶିତଂ ନୂନଂ ନୃଶଂସୈର୍ଧର୍ମଗୌରବମ୍॥ 2-90-7 (14926)
ନ ସକାମାଃ ପରୋ କାର୍ଯା ଧର୍ମମେବାଚରୋତ୍ତମମ୍।
ଭ୍ରାତରଂ ଧାର୍ମିକଂ ଜ୍ଯେଷ୍ଠଂ କୋଽତିବର୍ତିତୁମର୍ହତି॥ 2-90-8 (14927)
ଆହୂତୋ ହି ପରୈ ରାଜା କ୍ଷାତ୍ରଂ ବ୍ରତମନୁସ୍ମରନ୍।
ଦୀବ୍ଯତେ ପରକାମେନ ତନ୍ନଃ କୀର୍ତିକରଂ ମହତ୍॥ 2-90-9 (14928)
ଭୀମସେନ ଉବାଚ॥ 2-90-10x (1635)
ଏବମସ୍ମିନ୍କୃତଂ ବିଦ୍ଯାଂ ଯଦି ନାହଂ ଧନଞ୍ଜଯ।
ଦୀପ୍ତେଽଗ୍ନୌ ସହିତୌ ବାହୂ ନିର୍ଦହେଯଂ ବଲାଦିବ॥ 2-90-10 (14929)
ବୈଶମ୍ପାଯନ ଉବାଚ॥ 2-90-11x (1636)
ତଥା ତାନ୍ଦୁଃ ଖିତାନ୍ଦୃଷ୍ଟ୍ବା ପାଣ୍ଡବାନ୍ଧୃତରାଷ୍ଟ୍ରଜଃ।
କୃଷ୍ଯମାଣାଂ ଚ ପାଞ୍ଚାଲୀଂ ବିକର୍ଣ ଇଦମବ୍ରବୀତ୍॥ 2-90-11 (14930)
ଯାଜ୍ଞସେନ୍ଯା ଯଦୁକ୍ତଂ ତଦ୍ବାକ୍ଯଂ ବିବ୍ରୂତ ପାର୍ଥିବାଃ।
ଅବିବେକେନ ବାକ୍ଯସ୍ଯ ନରକଃ ସଦ୍ଯ ଏବ ନଃ॥ 2-90-12 (14931)
ଭୀଷ୍ମଶ୍ଚ ଧୃତରାଷ୍ଟ୍ରଶ୍ଚ କୁରୁବୃଦ୍ଧତମାବୁଭୌ।
ସମେତ୍ଯ ନାହତୁଃ କିଞ୍ଚିଦ୍ବିଦୁରଶ୍ଚ ମହାମତିଃ॥ 2-90-13 (14932)
ଭାରଦ୍ବାଜଶ୍ଚ ସର୍ବେଷାମାଚାର୍ଯଃ କୃପ ଏବ ଚ।
କୁତ ଏତାବପି ପ୍ରଶ୍ନଂ ନାହତୁର୍ଦ୍ବିଜସତ୍ତମୌ॥ 2-90-14 (14933)
ଯେ ତ୍ବନ୍ଯେ ପୃଥିବୀପାଲାଃ ସମେତାଃ ସର୍ବତୋଦିଶମ୍।
କାମକ୍ରୋଧୌ ସମୁତ୍ସୃଜ୍ଯ ତେ ବ୍ରୁବନ୍ତୁ ଯଥାମତି॥ 2-90-15 (14934)
ଯଦିତଂ ଦ୍ରୌପଦୀ ବାକ୍ଯମୁକ୍ତବତ୍ଯସକୃଚ୍ଛୁଭା।
ବିମୃଶ୍ଯ କସ୍ଯ କଃ ପକ୍ଷଃ ପାର୍ଥିବା ବଦତୋତ୍ତରମ୍॥ 2-90-16 (14935)
ବାଶମ୍ପାଯନ ଉବାଚ॥ 2-90-17x (1637)
ଏବଂ ସ ବହୁଶଃ ସର୍ବାନୁକ୍ତବାଂସ୍ତାନ୍ସଭାସଦଃ।
ନ ଚ ତେ ପୃଥିବୀପାଲାସ୍ତମୂଚୁଃ ସାଧ୍ବସାଧୁ ବା॥ 2-90-17 (14936)
ଉକ୍ତ୍ବାଽସକୃତ୍ତଥା ସର୍ବାନ୍ବିକର୍ଣଃ ପୃଥିବୀପତୀନ୍।
ପାଣୌ ପାଣିଂ ବିନିଷ୍ପିଷ୍ଯ ନିଃଶ୍ବସନ୍ନିଦମବ୍ରବୀତ୍॥ 2-90-18 (14937)
ବିବ୍ରୂତ ପୃଥିବୀପାଲା ବାକ୍ଯଂ ମା ବା କଥଞ୍ଚନି।
ମନ୍ଯେ ନ୍ଯାଯ୍ଯଂ ଯଦତ୍ରାହଂ ତଦ୍ବି ବକ୍ଷ୍ଯାମି କୌରବାଃ॥ 2-90-19 (14938)
ଚତ୍ବାର୍ଯାହୁର୍ନଶ୍ରେଷ୍ଠା ବ୍ଯସନାନି ମହୀକ୍ଷିତାମ୍।
ମୃଗଯାଂ ପାନମକ୍ଷାଂଶ୍ଚ ଗ୍ରାମ୍ଯେ ଚୈବାତିରକ୍ତତାମ୍॥ 2-90-20 (14939)
ଏତେଷୁ ହି ନରଃ ସକ୍ତୋ ଧର୍ମମୁତ୍ସୃଜ୍ଯ ବର୍ତତେ।
ଯଥାଽଯୁକ୍ତେନ ଚ କୃତାଂ କ୍ରିଯାଂ ଲୋକୋ ନ ମନ୍ଯତେ॥ 2-90-21 (14940)
ତଥେଯଂ ପାଣ୍ଡୁପୁତ୍ରେଣ ବ୍ଯସନେ ବର୍ତତା ଭୃଶମ୍।
ସମାହୂତେନ କିତବୈରାସ୍ଥିତୋ ଦ୍ରୌପଦୀପଣଃ॥ 2-90-22 (14941)
ସାଧାରଣୀ ଚ ସର୍ବେଷାଂ ପାଣ୍ଡବାନାମନିନ୍ଦିତା।
ଜିତେନ ପୂର୍ବଂ ଚାନେନ ପାଣ୍ଡବେନ କୃତଃ ପଣଃ॥ 2-90-23 (14942)
ଇଯଂ ଚ କୀର୍ତିତା କୃଷ୍ଣା ସୌବଲେନ ପଣାର୍ଥିନା।
ଏତତ୍ସର୍ବଂ ବିଚାର୍ଯାହଂ ମନ୍ଯେ ନ ବିଜିତାମିମାମ୍॥ 2-90-24 (14943)
ବୈଶମ୍ପାଯନ ଉବାଚ॥ 2-90-25x (1638)
ଏତଚ୍ଛ୍ରୁତ୍ବା ମହାନ୍ନାଦଃ ସଭ୍ଯାନାମୁଦତିଷ୍ଠତ।
ବିକର୍ଣଂ ଶଂସମାନାନାଂ ସୌବଲଂ ଚାପି ନିନ୍ଦତାମ୍॥ 2-90-25 (14944)
ତସ୍ମିନ୍ନୁପରତେ ଶବ୍ଦେ ରାଧେଯଃ କ୍ରୋଧମୂର୍ଛିତଃ।
ପ୍ରଗୃହ୍ଯ ରୁଚିରଂ ବାହୁମିଦଂ ବଚନମବ୍ରବୀତ୍॥ 2-90-26 (14945)
କର୍ଣ ଉବାଚ॥ 2-90-27x (1639)
ଦୃଶ୍ଯନ୍ତେ ବୈ ବିକର୍ଣେହ ବୈକୃତାନି ବହୂନ୍ଯପି।
ତଜ୍ଜାତସ୍ତଦ୍ବିନାଶାଯ ଯଥାଽଗ୍ନିରରଣିପ୍ରଜଃ॥ 2-90-27 (14946)
ଏତେ ନ କିଞ୍ଚିଦପ୍ଯାହୁଶ୍ଚୋଦିତା ହ୍ଯପି କୃଷ୍ଣଯା।
ଧର୍ମେଣ ବିଜିତାମେତାଂ ମନ୍ଯନ୍ତେ ଦ୍ରପଦାତ୍ମଜାମ୍॥ 2-90-28 (14947)
ତ୍ବଂ ତୁ କେବଲବାଲ୍ଯେନ ଧାର୍ତରାଷ୍ଟ୍ର ବିଦୀର୍ଯସେ।
ଯଦ୍ବ୍ରବୀଷି ସଭାମ୍ଧ୍ଯେ ବାଲଃ ସ୍ଥବିରଭାଷିତମ୍॥ 2-90-29 (14948)
ନ ଚ ଧର୍ମ ଯଥାବତ୍ତ୍ବଂ କୃଷ୍ଣାଂ ଚ ଜିତେତି ସୁମନ୍ଦଧୀଃ।
ଯଦ୍ବ୍ରବୀଷି ଜିତାଂ କୃଷ୍ଣାଂ ନ ଜିତେତି ସୁମନ୍ଦଧୀଃ॥ 2-90-30 (14949)
କଥଂ ହ୍ଯବିଜିତାଂ କୃଷ୍ଣାଂ ମନ୍ଯସେ ଧୃତରାଷ୍ଟ୍ରଜ।
ଯଦା ସଭାଯାଂ ସର୍ବସ୍ବଂ ନ୍ଯସ୍ତବାନ୍ପାଣ୍ଡବାଗ୍ରଜଃ॥ 2-90-31 (14950)
ଅଭ୍ଯନ୍ତର ଚ ସର୍ବସ୍ବେ ଦ୍ରୌପଦୀ ଭରତର୍ଷଭ।
ଏବଂ ଧର୍ମଜିତାଂ କୃଷ୍ଣାଂ ମନ୍ଯସେ ନ ଜିତାଂ କଥମ୍॥ 2-90-32 (14951)
କୀର୍ତିତା ଦ୍ରୌପଦୀ ବାଚା ଅନୁଜ୍ଞାତା ଚ ପାଣ୍ଡବୈଃ।
ଭବତ୍ଯବିଜିତା କେନ ହେତୁନୈଷା ମତା ତବ॥ 2-90-33 (14952)
ମନ୍ଯସେ ବା ସଭାମେତାମାନୀତାମେକବାସସମ୍।
ଅଧର୍ମେଣେତି ତତ୍ରାପି ଶୃଣୁ ମେ ବାକ୍ଯମୁତ୍ତମମ୍॥ 2-90-34 (14953)
ଏକୋ ଭର୍ତା ସ୍ତ୍ରିଯା ଦେବୈର୍ବିହିତଃ କୁରୁନନ୍ଦନ।
ଇଯଂ ତ୍ବନେକବଶଗା ବନ୍ଧକୀତି ବିନିଶ୍ଚିତା॥ 2-90-35 (14954)
ଅସ୍ଯାଃ ସଭାମାନଯନଂ ନ ଚିତ୍ରମିତି ମେ ମତିଃ।
ଏକାମ୍ବରଧରତ୍ବଂ ବାଽପ୍ଯଥବାଽପି ବିବସ୍ତ୍ରତା॥ 2-90-36 (14955)
ଯଚ୍ଚୈଷାଂ ଦ୍ରବିଣଂ କିଞ୍ଚିଦ୍ଯ ଚୈଷା ଯେ ଚ ପାଣ୍ଡବାଃ।
ସୌବଲେନେହ ତତ୍ସର୍ବଂ ଧର୍ମେଣ ବିଜିତଂ ବସୁ॥ 2-90-37 (14956)
ଦୁଃଶାସନ ସୁବାଲୋଽଯଂ ବିକର୍ଣଃ ପ୍ରାଜ୍ଞବାଦିକଃ।
ପାଣ୍ଡବାନାଂ ଚ ବାସାଂସି ଦ୍ରୌପଦ୍ଯାଶ୍ଚାପ୍ଯୁପାହର॥ 2-90-38 (14957)
ବୈଶମ୍ପାଯନ ଉବାଚ॥ 2-90-39x (1640)
ତଚ୍ଛ୍ରୁତ୍ବା ପାଣ୍ଡବାଃ ସର୍ବେ ସ୍ବାନି ବାସାଂସି ଭାରତ।
ଅବକୀର୍ଯୋତ୍ତରୀଯାଣି ସଭାଯାଂ ସମୁପାବିଶନ୍॥ 2-90-39 (14958)
ତତୋ ଦୁଃଶାସନୋ ରାଜନ୍ଦ୍ରୌପଦ୍ଯା ବସନଂ ବଲାତ୍।
ସଭାମଧ୍ଯେ ସଭାକ୍ଷିପ୍ଯ ବ୍ଯପାକ୍ରଷ୍ଟୁଂ ପ୍ରଚକ୍ରମେ॥ 2-90-40 (14959)
`ଆକୃଷ୍ଯମାଣେ ବସନେ ବିଲଲାପ ସୁଦୁଃଖିତା।
ଜ୍ଞାତଂ ମଯା ବିସିଷ୍ଠେନ ପୁରା ଗୀତଂ ମହାତ୍ମନା॥ 2-90-41 (14960)
ମହତ୍ଯାପଦି ସମ୍ପ୍ରାପ୍ତେ ସ୍ମର୍ତବ୍ଯୋ ଭଗବାନ୍ହରିଃ।
ଇତି ନିଶ୍ଚିତ୍ଯ ମନସା ଶରଣାଗତବତ୍ସଲମ୍।
ଆକୃଷ୍ଯମାଣେ ବସନେ ଦ୍ରୌପଦୀ କୃଷ୍ଣମସ୍ତରତ୍॥ 2-90-42 (14961)
ଶଙ୍ଖଚକ୍ରଗଦାପାଣେ ଦ୍ବାରକାନିଲଯାଚ୍ଯୁତ।
ଗୋବିନ୍ଦ ପୁଣ୍ଡରୀକାକ୍ଷ ରକ୍ଷ ମାଂ ଶରଣାଗତାମ୍॥ 2-90-43 (14962)
ହା କୃଷ୍ଣ ଦ୍ବାରକାବାସିନ୍କ୍ବାସି ଯାଦବନ୍ଦନ।
ଇମାମବସ୍ଥାଂ ସମ୍ପ୍ରାପ୍ତାମନାଥାଂ କିମୁପେକ୍ଷସେ॥ 2-90-44 (14963)
ଗୋବିନ୍ଦ ଦ୍ବାରକାବାସିନ୍କୃଷ୍ଣ ଗୋପୀଜନପ୍ରିଯ।
କୌରବୈଃ ପରିଭୂତାଂ ମାଂ କିଂ ନ ଜାନାସି କେଶବ'॥ 2-90-45 (14964)
ହେ ନାଥ ହେ ରମାନାଥ ବ୍ରଜନାଥାର୍ତିନାଶନ।
କୌରବାର୍ଣବଗ୍ନାଂ ମାମୁଦ୍ଧରସ୍ବ ଜନାର୍ଦନ॥ 2-90-46 (14965)
କୃଷ୍ଣକୃଷ୍ଣ ମହାଯୋଗିନ୍ବିଶ୍ବାତ୍ମନ୍ବିଶ୍ବ୍ଭାବନ।
ପ୍ରପନ୍ନାଂ ପାହି ଗୋବିନ୍ଦ କୁରମଧ୍ଯେଽବସୀଦତୀମ୍॥ 2-90-47 (14966)
ଇତ୍ଯନୁସ୍ମୃତ୍ଯ କୃଷ୍ଣଂ ସା ହରିଂ ତ୍ରିଭୁବନେଶ୍ବରମ୍।
ପ୍ରାରୁଦଦ୍ଦୁଃ ଖିତା ରାଜନ୍ମୁଖମାଚ୍ଛାଦ୍ଯ ଭାମିନୀ॥ 2-90-48 (14967)
ତସ୍ଯ ପ୍ରସାଦ୍ଦ୍ରୌପଦ୍ଯାଃ କୃଷ୍ଣମାଣେଽମ୍ବରେ ତଦା।
ତଦ୍ରୂପମପରେ ବସ୍ତ୍ରଂ ପ୍ରାଦୁରାସୀଦନେକଶଃ॥ 2-90-49 (14968)
ନାନାରାଗବିରାଗାଣି ବସନାନ୍ଯଥ ବୈ ପ୍ରଭୋ।
ପ୍ରାଦୁର୍ଭବନ୍ତି ଶତଶୋ ଧର୍ମସ୍ଯ ପରିପାଲନାତ୍॥ 2-90-50 (14969)
ତତୋ ହଲହଲାଶବ୍ଦସ୍ତତ୍ରାସୀଦ୍ଘୋରଦର୍ଶନଃ।
ତଦଦ୍ଭୁତତମଂ ଲୋକେ ବୀକ୍ଷ୍ଯ ସର୍ବେ ମହୀଭୃତଃ॥ 2-90-51 (14970)
ଶଶଂସୁର୍ଦ୍ରୌପଦୀଂ ତତ୍ର କୁତ୍ସନ୍ତୋ ଧୃତରାଷ୍ଟ୍ରଜମ୍।
`ଧିଗ୍ଧିଗିତ୍ଯଶିବାଂ ବାଚମୁତ୍ସୃଜନ୍କୌରବାନ୍ପ୍ରତି'॥ 2-90-52 (14971)
ଯଦା ତୁ ବାସସାଂ ରାଶିଃ ସଭାମଧ୍ଯେ ସମାଚିତଃ'।
ତଦା ଦୁଃଶାସନଃ ଶ୍ରାନ୍ତୋ ବ୍ରୀଡିତଃ ସମୁପାବିଶତ୍ 2-90-53 (14972)
ଶଶାପ ତତ୍ର ଭୀମସ୍ତୁ ରାଜମଧ୍ଯେ ବୃହତ୍ସ୍ବନଃ।
କ୍ରୋଧାଦ୍ବିସ୍ଫୁରମାଣୌଷ୍ଠୋ ବିନିଷ୍ପିଷ୍ଯ କରେ କରମ୍॥ 2-90-54 (14973)
ଭୀମ ଉବାଚ॥ 2-90-55x (1641)
ଇଦଂ ମେ ବାକ୍ଯମାଦଧ୍ବଂ କ୍ଷତ୍ରିଯା ଲୋକବାସିନଃ।
ନୋକ୍ତପୂର୍ବଂ ନରୈରନ୍ଯୈର୍ନ ଚାନ୍ଯୋ ଯଦ୍ବଦିଷ୍ଯତି॥ 2-90-55 (14974)
ଯଦ୍ଯେତଦେବମୁକ୍ତ୍ବାଽହଂ ନ କୁର୍ଯାଂ ପୃଥିବୀଶ୍ବରାଃ।
ପିତାମହାନାଂ ପୂର୍ବେଷାଂ ନାହଂ ଗତିମବାପ୍ନୁଯାମ୍॥ 2-90-56 (14975)
ଅସ୍ଯ ପାପସ୍ଯ ଦୁର୍ବୁଦ୍ଧେର୍ଭାରତାପସଦସ୍ଯ ଚ।
ନ ପିବେଯଂ ବଲାଦ୍ବକ୍ଷୋ ଭିତ୍ତ୍ବା ଚେଦ୍ରୁଧିରଂ ଯୁଧି॥ 2-90-57 (14976)
ବୈଶମ୍ପାଯନ ଉବାଚ॥ 2-90-58x (1642)
ତସ୍ଯ ତେ ତଦ୍ବଚଃ ଶ୍ରୁତ୍ବା ରୌଦ୍ରଂ ଲୋମପ୍ରହର୍ଷଣମ୍॥
ପ୍ରଚକ୍ରୁର୍ବହୁଲାଂ ପୂଜାଂ କୁସନ୍ତୋ ଧୃତରାଷ୍ଟ୍ରଜମ୍॥ 2-90-58 (14977)
ନ ବିବ୍ରୁବନ୍ତି କୌରବ୍ଯାଃ ପ୍ରଶ୍ନମେତମିତି ସ୍ମ ହ।
ସୁଜନଃ କ୍ରୋଶତି ସ୍ମାତ୍ର ଧୃତରାଷ୍ଟ୍ରଂ ବିଗର୍ହଯନ୍॥ 2-90-59 (14978)
ବିଦୁର ଉବାଚ।
ଦ୍ରୌପଦୀ ପ୍ରଶ୍ନମୁକ୍ତ୍ବୈବଂ ରୋରବୀତି ତ୍ବନାଥବତ୍। 2-90-60 (14979)
ବୈଶମ୍ପାଯନ ଉବାଚ॥ 2-90-61x (1643)
ତସ୍ଯ ତେ ତଦ୍ବଚଃ ଶ୍ରୁତ୍ବା ରୌଦ୍ରଂ ଲୋମପ୍ରହର୍ଷଣମ୍।
ନ ଚ ବିବ୍ରୂତ ତଂ ପ୍ରଶ୍ନଂ ସଭ୍ଯା ଧର୍ମୋଽତ୍ର ପୀଡ୍ଯତେ॥ 2-90-61 (14980)
ସଭାଂ ପ୍ରପଦ୍ଯତେ ପ୍ରଶ୍ନଃ ପ୍ରଜ୍ବଲନ୍ନିବ ହବ୍ଯବାଦ୍।
ତଂ ବୈ ସତ୍ଯେନ ଧର୍ମେଣ ସଭ୍ଯାଃ ପ୍ରଶମଯନ୍ତ୍ଯୁତ॥ 2-90-62 (14981)
ଧର୍ମ୍ଯଂ ପ୍ରଶ୍ନମତୋ ବ୍ରୂଯାଦାର୍ଯଃ ସତ୍ଯେନ ମାନବଃ।
ବିବ୍ରୂଯୁସ୍ତତ୍ର ତଂ ପ୍ରଶ୍ନଂ କାମକ୍ରୋଧବଲାତିଗାଃ॥ 2-90-63 (14982)
ବିକର୍ଣେନ ଯଥାପ୍ରଜ୍ଞମୁକ୍ତଃ ପ୍ରଶ୍ନୋ ନରାଧିପାଃ।
ଭବନ୍ତୋଽପି ହି ତଂ ପ୍ରଶ୍ନଂ ବିବ୍ରୁବନ୍ତୁ ଯଥାମତି॥ 2-90-64 (14983)
ଯୋ ହି ପ୍ରଶ୍ନଂ ନ ବିବ୍ରୂଯାଦ୍ଧର୍ମଦର୍ଶୀ ସଭାଂ ଗତଃ।
ଅନୃତେ ଯା ଫଲାବାପ୍ତିସ୍ତସ୍ଯାଃ ସୋଽର୍ଧଂ ସମଶ୍ନୁତେ॥ 2-90-65 (14984)
ଯଃ ପୁନର୍ବିତଥଂ ବ୍ରୂଯାଦ୍ଧର୍ମଦଶୀଂ ସଭାଂ ଗତଃ।
ଅନୃତସ୍ଯ ଫଲଂ କୃତ୍ସ୍ନଂ ସ ପ୍ରାପ୍ନୋତୀତି ନିଶ୍ଚଯଃ॥ 2-90-66 (14985)
ଅତ୍ରାପ୍ଯୁଦାହରନ୍ତୀମମିତିହାସଂ ପୁରାତନମ୍।
ପ୍ରହ୍ଲାଦସ୍ଯ ଚ ସଂବାଦଂ ମୁନେରାଙ୍ଗିରସସ୍ଯ ଚ॥ 2-90-67 (14986)
ପ୍ରହ୍ଲାଦୋ ନାମ ଦୈତ୍ଯେନ୍ଦ୍ରସ୍ତସ୍ଯ ପୁତ୍ରୋ ବିରୋଚନଃ।
କନ୍ଯାହେତୋରାଙ୍ଗିରସଂ ସୁଧନ୍ବାନମୁପାଦ୍ରବତ୍॥ 2-90-68 (14987)
ଅହଂ ଜ୍ଯାଯାନହଂ ଜ୍ଯାଯାନିତି କନ୍ଯେପ୍ସଯା ତଦା।
ତଯୋର୍ଦେବନମତ୍ରାସୀତ୍ପ୍ରାଣଯୋରିତି ନଃ ଶ୍ରୁତମ୍॥ 2-90-69 (14988)
ତଯୋଃ ପ୍ରଶ୍ନବିବାଦୋଽଭୂତ୍ପ୍ରହ୍ଲାଦଂ ତାବପୃଚ୍ଛତାମ୍।
ଜ୍ଯାଯାନ୍କ ଆବଯୋରେକଃ ପ୍ରଶ୍ନଂ ପ୍ରବ୍ରୂହି ମା ମୃଷା॥ 2-90-70 (14989)
ସ ବୈ ବିବଦନାଦ୍ଭୀତଃ ସୁଧନ୍ବାନଂ ବିଲୋକଯନ୍।
ତଂ ସୁଧନ୍ବାବ୍ରବୀତ୍କ୍ରୁଦ୍ଧୋ ବ୍ରହ୍ମଦମ୍ଡ ଇବ ଜ୍ବଲନ୍॥ 2-90-71 (14990)
ଯଦି ବୈ ବକ୍ଷ୍ଯସି ମୃଷା ପ୍ରହ୍ଲାଦାଥ ନ ବକ୍ଷ୍ଯସି॥
ଶତଘା ତେ ଶିରୋ ବଜ୍ରୀ ବଜ୍ରେଣ ପ୍ରହରିଷ୍ଯତି॥ 2-90-72 (14991)
ସୁଧନ୍ବନା ତଥୋକ୍ତଃ ସନ୍ବ୍ଯଥିତୋଽଶ୍ବତ୍ଥପର୍ଣବତ୍।
ଜଗାମ କଶ୍ଯପଂ ଦୈତ୍ଯଃ ପରିପ୍ରଷ୍ଟୁଂ ମହୌଜସମ୍॥ 2-90-73 (14992)
ପ୍ରହ୍ଲାଦ ଉବାଚ॥ 2-90-74x (1644)
ତ୍ବଂ ବୈ ଧର୍ମସ୍ଯ ବିଜ୍ଞାତା ଦୈବସ୍ଯେହାସୁରସ୍ଯ ଚ।
ବ୍ରାହ୍ମଣସ୍ଯ ମହାଭାଗ ଧର୍ମକୃଚ୍ଛ୍ରମିଦଂ ଶୃଣୁ॥ 2-90-74 (14993)
ଯୋ ବୈ ପ୍ରଶ୍ନଂ ନ ବିବ୍ରୂଯାଦ୍ବିତଥଂ ଚୈବ ନିର୍ଦିଶେତ୍।
କେ ବୈ ତସ୍ଯ ପରେ ଲୋକାସ୍ତନ୍ମମାଚକ୍ଷ୍ବ ପୃଚ୍ଛତଃ॥ 2-90-75 (14994)
କଶ୍ଯପ ଉବାଚ॥ 2-90-76x (1645)
ଜାନନ୍ନବିବ୍ରୁବନ୍ପ୍ରଶ୍ନାନ୍କାମାତ୍କ୍ରୋଧାଦ୍ଭଯାତ୍ତଥା।
ସହସ୍ରଂ ବାରୁଣାନ୍ପାଶାନାତ୍ମନି ପ୍ରତିମୁଞ୍ଚତି॥ 2-90-76 (14995)
ସାକ୍ଷୀ ବା ବିବ୍ରୁବନ୍ସାକ୍ଷ୍ଯଂ ଗୋକର୍ଣଶିଥିଲଶ୍ବରନ୍।
ସହସ୍ରଂ ବାରୁଣାନ୍ପାଶାନାତ୍ମନି ପ୍ରତିମୁଞ୍ଜତି॥ 2-90-77 (14996)
ତସ୍ଯ ସଂବତ୍ସରେ ପୂର୍ଣେ ପାଶ ଏକଃ ପ୍ରମୁଚ୍ଯତେ।
ତସ୍ମାତ୍ସତ୍ଯଂ ତୁ ବକ୍ତବ୍ଯଂ ଜାନତା ସତ୍ଯମୁଞ୍ଜସା॥ 2-90-78 (14997)
ବିଦ୍ଧୋ ଧର୍ମୋ ହ୍ଯଧର୍ମେଣ ସଭାଂ ଯତ୍ରୋପପଦ୍ଯତେ।
ନ ଚାସ୍ଯ ଶଲ୍ଯଂ କୃନ୍ତନ୍ତି ବିଦ୍ଧାସ୍ତତ୍ର ସଭାସଦଃ॥ 2-90-79 (14998)
ଅର୍ଧଂ ହରତି ବୈ ଶ୍ରେଷ୍ଠଃ ପାଦୋ ଭବତି କର୍ତୃଷୁ।
ପାଦଶ୍ଚୈବ ସଭାସତ୍ସୁ ଯେ ନ ନିନ୍ଦନ୍ତି ନିନ୍ଦିତମ୍॥ 2-90-80 (14999)
ଅନେନା ଭବତି ଶ୍ରେଷ୍ଠୋ ମୁଚ୍ଯନ୍ତେ ଚ ସଭାସଦଃ।
ଏନୋ ଗଚ୍ଛତି କର୍ତାରଂ ନିନ୍ଦାର୍ହୋ ଯତ୍ର ନିନ୍ଦ୍ଯତେ॥ 2-90-81 (15000)
ବିତଥଂ ତୁ ବଦେଯୁର୍ଯେ ଧର୍ମଂ ପ୍ରହ୍ଲାଦ ପୃଚ୍ଛତେ।
ଇଷ୍ଟାପୂର୍ତଂ ଚ ତେ ଘ୍ନ୍ତି ସପ୍ତସପ୍ତ ପରାବରାନ୍॥ 2-90-82 (15001)
ହୃତସ୍ବସ୍ଯ ହି ଯଦ୍ଦୁଃଖଂ ହତପୁତ୍ରସ୍ଯ ଚୈବ ଯତ୍।
ଋଣିନଃ ପ୍ରତି ଯଚ୍ଚୈବ ସ୍ବାର୍ଥାଦ୍ଧଷ୍ଟସ୍ଯ ଚୈବ ଯତ୍॥ 2-90-83 (15002)
ସ୍ତ୍ରିଯାଃ ପତ୍ଯା ବିହୀନାଯା ରାଜ୍ଞା ଗ୍ରସ୍ତସ୍ଯ ଚୈବ ଯତ୍।
ଅପୁତ୍ରାଯାଶ୍ଚ ଯଦ୍ଦୁଃଖଂ ବ୍ଯାଘ୍ରାଘ୍ରାତସ୍ଯ ଚୈବ ଯତ୍॥ 2-90-84 (15003)
ଅଧ୍ଯୂଢାଯାଶ୍ଚ ଯଦ୍ଦୁଃଖଂ ବ୍ଯାଘ୍ରାଘ୍ରାତସ୍ଯ ଚୈବ ଯତ୍॥
ଏତାନି ବୈ ସମାନ୍ଯାହୁର୍ଦୁଃଖାନି ତ୍ରିଦିବେଶ୍ବରାଃ॥ 2-90-85 (15004)
ତାନି ସର୍ବାଣି ଦୁଃଖାନି ପ୍ରାପ୍ନୋତି ବିତଥଂ ବ୍ରୁବନ୍।
ସମକ୍ଷଦର୍ଶନାତ୍ସାକ୍ଷୀ ଶ୍ରବଣାଚ୍ଚେତି ଧାରଣାତ୍॥ 2-90-86 (15005)
ତସ୍ମାତ୍ସତ୍ଯଂ ବ୍ରୁବତ୍ସାକ୍ଷୀ ଧର୍ମାର୍ଥାଭ୍ଯାଂ ନ ହୀଯତେ।
କଶ୍ଯପସ୍ଯ ବଚଃ ଶ୍ରୁତ୍ବା ପ୍ରହ୍ଲାଦଃ ପୁତ୍ରମବ୍ରବୀତ୍॥ 2-90-87 (15006)
ଶ୍ରେଯାନ୍ସୁଧନ୍ବା ତ୍ବତ୍ତୋ ବୈ ମତ୍ତଃ ଶ୍ରେଯାଂସ୍ତଥାଙ୍ଗିରାଃ।
ମାତା ସୁଧନ୍ବାଽଯଂ ପ୍ରାଣାନାମୀଶ୍ବରସ୍ତବ॥
ବିରୋଚନ ସୁଧନ୍ବାଽଯଂ ପ୍ରାଣାନାମୀଶ୍ବରସ୍ତବ॥ 2-90-88 (15007)
ସୁଧନ୍ବୋବାଚ। 2-90-89x (1646)
ପୁତ୍ରସ୍ନେହଂ ପିରତ୍ଯଜ୍ଯ ଯସ୍ତ୍ବଂ ଧର୍ମେ ବ୍ଯବସ୍ଥିତଃ।
ଅନୁଜାନାମି ତେ ପୁତ୍ରଂ ଜୀବତ୍ବେବ ଶତଂ ସମାଃ॥ 2-90-89 (15008)
ବିଦୁର ଉବାଚ। 2-90-90x (1647)
ଏବଂ ବୈ ପରମଂ ଧର୍ମଂ ଶ୍ରୁତ୍ବା ସର୍ବେ ସଭାସଦଃ।
ଯଥାପ୍ରଶ୍ନଂ ତୁ କୃଷ୍ଣାଯା ମନ୍ଯଧ୍ବଂ ତତ୍ର କିଂ ପରମ୍॥ 2-90-90 (15009)
ବୈଶମ୍ପାଯନ ଉବାଚ॥ 2-90-91x (1648)
ବିଦୁରସ୍ଯ ବଚଃ ଶ୍ରୁତ୍ବା ନୋଚୁଃ କିଞ୍ଚନ ପାର୍ଥିବାଃ।
କର୍ଣୋ ଦୁଃଶାସନଂ ତ୍ବାହ କୃଷ୍ଣଂ ଦାସୀଂ ଗୃହାନ୍ନଯ॥ 2-90-91 (15010)
ତାଂ ବେପମାନାଂ ସବ୍ରୀଡାଂ ପ୍ରଲପନ୍ତୀଂ ସ୍ମ ପାଣ୍ଡବାନ୍।
ଦୁଃଶାସନଃ ସଭାମଧ୍ଯେ ବିଚକର୍ଷ ତପସ୍ବିନୀମ୍॥ ॥ 2-90-92 (15011)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦ୍ଯୂତପର୍ବଣି ନବତିତମୋଽଧ୍ଯାଯଃ॥ 90॥
Mahabharata - Sabha Parva - Chapter Footnotes
2-90-20 ଗ୍ରାମ୍ଯେ ସ୍ତ୍ରୀଭୋଗୀ॥ 2-90-41 ଆକୃଷ୍ଯମାଣେ ବସନେ ଦ୍ରୌପଦ୍ଯା ଚିନ୍ତିତୋ ହରିଃ। ଗୋବିନ୍ଦ ଦ୍ବାରକାନ୍ବାସିନ୍କୃଷ୍ଣ ଗୋ ପୀଜନପ୍ରିଯ। କୌରବୈଃ ପରିଭୂତାଂ ମାଂ କିଂ ଜ ଜାନାସି କେଶବ। ଇତି ଝ.ପାଠଃ॥ 2-90-77 ଗୋକର୍ଣଶିଥିଲ ଉଭଯକ୍ଷସ୍ପର୍ଶୀ॥ସଭାପର୍ବ - ଅଧ୍ଯାଯ 091
॥ ଶ୍ରୀଃ ॥
2.91. ଅଧ୍ଯାଯଃ 091
Mahabharata - Sabha Parva - Chapter Topics
ଦ୍ରୌପଦୀବଚନମ୍॥ 1॥ ଯୁଧିଷ୍ଠିରେଣୈବ ଦ୍ରୌପଦୀପ୍ରଶ୍ନସ୍ଯୋତ୍ତରଂ ବକ୍ତବ୍ଯମିତି ଭୀଷ୍ମବଚନମ୍॥ 2॥Mahabharata - Sabha Parva - Chapter Text
ଦ୍ରୌପଦ୍ଯୁବାଚ॥
ପୁରସ୍ତାତ୍କରଣୀଯଂ ମେ ନ କୃତଂ କାର୍ଯମୁତ୍ତରମ୍।
ବିହ୍ବଲାଽସ୍ମି କୃତାଽନେନ କର୍ଷତା ବଲିନା ବଲାତ୍॥ 2-91-1 (15012)
ଅଭିବାଦଂ କରୋମ୍ଯେଷାଂ କୁରୂଣାଂ କୁରୁସଂସଦି।
ନ ମେ ସ୍ଯାଦପରାଧୋଽଯଂ ତଦିଦଂ ନ କୃତଂ ମଯା॥
ବୈଶମ୍ପାଯନ ଉବାଚ॥ 2-91-2 (15013)
ସା ତେନ ଚ ସମାଧୂତା ଦୁଃଖେନ ଚ ତପସ୍ବିନୀ।
ପତିତା ବିଲଲାପେଦଂ ସଭାଯାମତଥୋଚିତା॥ 2-91-3 (15014)
ଦ୍ରୌପଦ୍ଯୁବାଚ। 2-91-4x (1649)
ସ୍ବଯଂବରେ ଯାସ୍ମି ନୃପୈଦୃଷ୍ଟା ରଙ୍ଗେ ସମାଗତୈଃ।
ନ ଦୃଷ୍ଟପୂର୍ବା ଚାନ୍ଯତ୍ର ସାଽହମଦ୍ଯ ସଭାଂ ଗତା॥ 2-91-4 (15015)
ଯାଂ ନ ବାଯୁର୍ନ ଚାଦିତ୍ଯୋ ଦୃଷ୍ଟବନ୍ତୌ ପୁରା ଗୃହେ।
ସାଽହମଦ୍ଯ ସଭାମଧ୍ଯେ ଦୃଷ୍ଟାସ୍ମି ଜନସଂସଦି॥ 2-91-5 (15016)
ଯାଂ ନ ମୃଷ୍ଯନ୍ତି ବାତେନ ସ୍ପୃଶ୍ଯମାନାଂ ଗୃହେ ପୁରା।
ସ୍ପୃଶ୍ଯମାନାଂ ସହନ୍ତେଽଦ୍ଯ ପାଣ୍ଡବାସ୍ତାଂ ଦୂରାତ୍ମନା॥ 2-91-6 (15017)
ମୃଷ୍ଯନ୍ତି କୁରବଶ୍ଚେମେ ମନ୍ଯେ କାଲସ୍ଯ ପର୍ଯଯମ୍।
ସ୍ନୁଷାଂ ଦୁହିତରଂ ଚୈବ କ୍ଲିଶ୍ଯମାନାମନର୍ହତୀମ୍॥ 2-91-7 (15018)
କିଂନ୍ବତଃ କୃପଣଂ ଭୂଯୋ ଯଦହଂ ସ୍ତ୍ରୀ ସତୀ ଶୁଭା।
ସଭାମଧ୍ଯଂ ବିଗାହେଽଦ୍ଯ କ୍ବ ନୁ ଧର୍ମୋ ମହୀକ୍ଷିତାମ୍॥ 2-91-8 (15019)
ଧର୍ମ୍ଯଂ ସ୍ତ୍ରିଯଂ ସଭାଂ ପୂର୍ବେ ନ ନଯନ୍ତୀତି ନଃ ଶ୍ରୁତମ୍।
ସ ନଷ୍ଟଃ କୌରବେଯେଷୁ ପୂର୍ବୋ ଧର୍ମଃ ସନାତନଃ॥ 2-91-9 (15020)
କଥଂ ହି ଭାର୍ଯା ପାଣ୍ଡୁନାଂ ପାର୍ଷତସ୍ଯ ସ୍ବସା ସତୀ।
ବାସୁଦେବସ୍ଯ ଚ ସଖୀ ପାର୍ଥିବାନାଂ ସଭାମିଯାମ୍॥ 2-91-10 (15021)
ତାମିମାଂ ଧର୍ମରାଜସ୍ଯ ଭାର୍ଯାଂ ସଦୃଶବର୍ଣଜାମ୍।
ବ୍ରୂତ ଦାସୀମଦାସୀଂ ବା ତତ୍କରିଷ୍ଯାମି କୌରବାଃ। 2-91-11 (15022)
ଅଯଂ ମାଂ ସୁଦୃଢଂ କ୍ଷୁଦ୍ରଃ କୌରବାଣାଂ ଯଶୋହରଃ.
କ୍ଲିଶ୍ନାତି ନାହଂ ତତ୍ସୋଢୁଂ କ୍ଷୁଦ୍ରଃ କୌରବାଣାଂ ଯଶୋହରଃ। 2-91-12 (15023)
ଜିତାଂ ବାଽପ୍ଯଜିତାଂ ବାପି ମନ୍ଯଧ୍ବଂ ମାଂ ଯଥା ନୃପାଃ।
ତଥା ପ୍ରତ୍ଯୁକ୍ତମିଚ୍ଛାମି ତତ୍କରିଷ୍ଯାମି କୌରବାଃ॥ 2-91-13 (15024)
ଭୀଷ୍ମ ଉବାଚ॥ 2-91-14x (1650)
ଉକ୍ତବାନସ୍ମି କଲ୍ଯାଣି ଧର୍ମସ୍ଯ ପରମା ଗତିଃ।
ଲୋକେ ନ ଶକ୍ଯତେ ଜ୍ଞାତୁମପି ବିଜ୍ଞୈର୍ମହାତ୍ମଭିଃ॥ 2-91-14 (15025)
ବଲବାଂଶ୍ଚ ଯଥା ଧର୍ମଂ ଲୋକେ ପଶ୍ଯତି ପୁରୁଷଃ॥
ସ ଧର୍ମୋ ଧର୍ମବେଲାଯାଂ ଭବତ୍ଯଭିହତଃ ପରଃ॥ 2-91-15 (15026)
ନ ବିବେକ୍ତୁଂ ଚ ତେ ପ୍ରଶ୍ନମିମଂ ଶକ୍ନୋମି ନିଶ୍ଚଯାତ୍।
ସୂକ୍ଷ୍ମତ୍ବାଦ୍ଗହନତ୍ବାଚ୍ଚ କାର୍ଯସ୍ଯାସ୍ଯ ଚ ଗୌରବାତ୍॥ 2-91-16 (15027)
ନୂନମନ୍ତଃ କୁଲସ୍ଯାସ୍ଯ ଭବିତା ନ ଚିରାଦିବ।
ତଥା ହି କୁରବଃ ସର୍ବେ ଲୋଭମୋହପରାଯଣାଃ॥ 2-91-17 (15028)
କୁଲେଷୁ ଜାତାଃ କଲ୍ଯାଣି ବ୍ଯସନୈରାହତା ଭୃଶମ୍।
ଧର୍ମ୍ଯାନ୍ମାର୍ଗାନ୍ନ ଚ୍ଯବନ୍ତେ ଯେଷାଂ ନସ୍ତ୍ବଂ ବଧୂଃ ସ୍ଥିତା॥ 2-91-18 (15029)
ଉପପନ୍ନଂ ଚ ପାଞ୍ଚାଲି ତବେଦଂ ବୃତ୍ତମୀଦୃଶମ୍।
ଯତ୍କୃଚ୍ଛ୍ରମପି ସମ୍ପ୍ରାପ୍ତା ଧର୍ମମେବାନ୍ବବେକ୍ଷସେ॥ 2-91-19 (15030)
ଏତେ ଦ୍ରୋଣାଦଯଶ୍ଚୈବ ବୃଦ୍ଧା ଧର୍ମବିଦୋ ଜନାଃ।
ଶୂନ୍ଯୈଃ ଶରୀରୈସ୍ତିଷ୍ଠନ୍ତି ଗତାସବ ଇବାନତାଃ॥ 2-91-20 (15031)
ଯୁଧିଷ୍ଠିରସ୍ତୁ ପ୍ରଶ୍ନୋଽସ୍ମିନ୍ପ୍ରମାଣମିତି ମେ ମତିଃ।
ଅଜିତାଂ ବା ଜିତାଂ ବେତି ସ୍ବଯଂ ବ୍ଯାଖ୍ଯାତୁମର୍ହତି॥ ॥ 2-91-21 (15032)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦ୍ଯୂତପର୍ବଣି ଏକନବତିତମୋଽଧ୍ଯାଯଃ॥91 ॥
ସଭାପର୍ବ - ଅଧ୍ଯାଯ 092
॥ ଶ୍ରୀଃ ॥
2.92. ଅଧ୍ଯାଯଃ 092
Mahabharata - Sabha Parva - Chapter Topics
ଦୁର୍ଯୋଧନବଚନମ୍॥ 1॥ ଦୁର୍ଯୋଧନେନ ଦ୍ରୌପଦୀଂ ପ୍ରତି ନିଜୋରୌ ପ୍ରଦର୍ଶିତେ ଭୀମେନ ତଦ୍ଭେଦନପ୍ରତିଜ୍ଞା॥2॥ ଅର୍ଜୁନାଦିଭିଃ କର୍ଣାଦିହନନପ୍ରତିଜ୍ଞା॥ 3॥ ଦ୍ରୌପଦ୍ଯା ଦୁର୍ଯୋଧନାଦୀନାଂ ଶାପଦାନସମଯେ ଅନ୍ତରିକ୍ଷାତ୍ପୁଷ୍ପବୃଷ୍ଟିଃ॥ 4॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ତଥା ତୁ ଦୃଷ୍ଟ୍ବା ବହୁ ତତ୍ର ଦେବୀଂ
ରୋରୂଯମାଣାଂ କୁରରୀମିବାର୍ତାମ୍।
ନୋଚୁର୍ବଚଃ ସାଧ୍ବଥବାଽପ୍ଯସାଧୁ
ମହୀକ୍ଷିତୋ ଧାର୍ତରାଷ୍ଟ୍ରସ୍ଯ ଭୀତାଃ॥ 2-92-1 (15033)
ଦୃଷ୍ଟ୍ବା ତଥା ପାର୍ଥିବପୁତ୍ରପୌତ୍ରାଂ-
ସ୍ତୂଷ୍ଣୀଂଭୂତାନ୍ଧୃତରାଷ୍ଟ୍ରସ୍ଯ ପୁତ୍ରଃ।
ସ୍ମଯନ୍ନିବେଦଂ ବଚନଂ ବଭାଷେ
ପାଞ୍ଚାଲରାଜସ୍ଯ ସୁତାଂ ତଦାନୀମ୍॥ 2-92-2 (15034)
ଦୁର୍ଯୋଧନ ଉବାଚ॥ 2-92-3x (1651)
ତିଷ୍ଠତ୍ବଯଂ ପ୍ରଶ୍ନ ଉଦାରସତ୍ବେ
ଭୀମେଽର୍ଜୁନେ ସହଦେବେ ତଥୈବ।
ପତ୍ଯୌ ଚ ତେ ନକୁଲେ ଯାଜ୍ଞସେନି
ବଦନ୍ତ୍ବେତେ ବଚନଂ ତ୍ବତ୍ପ୍ରସୂତମ୍॥ 2-92-3 (15035)
ଅନୀଶ୍ବରଂ ବିବ୍ରୁବନ୍ତ୍ବାର୍ଯମଧ୍ଯେ
ଯୁଧିଷ୍ଠିରଂ ତବ ପାଞ୍ଚାଲି ହେତୋଃ।
କୁର୍ବନ୍ତୁ ସର୍ବେ ଚାନୃତଂ ଧର୍ମରାଜଂ
ପାଞ୍ଚାଲି ତ୍ବଂ ମୋକ୍ଷ୍ଯସେ ଦାସଭାବାତ୍॥ 2-92-4 (15036)
ଧର୍ମେ ସ୍ଥିତୋ ଧର୍ମସୁତୋ ମହାତ୍ମା
ସ୍ବଯଂ ଚେଦଂ କଥଯତ୍ବିନ୍ଦ୍ରକଲ୍ପଃ।
ଈଶୋ ବା ତେ ହ୍ଯନୀଶୋଽଥବୈଷ
ବାକ୍ଯାଦସ୍ଯ କ୍ଷିପ୍ରମେକଂ ଭଜସ୍ବ॥ 2-92-5 (15037)
ସର୍ବେ ହୀମେ କୌରବେଯାଃ ସଭାଯାଂ
ଦୁଃଖାନ୍ତରେ ବର୍ତମାନାସ୍ତବୈବ।
ନ ବିବ୍ରୁବନ୍ତ୍ଯାର୍ଯସତ୍ବା ଯଥାବ-
ତ୍ପତୀଂଶ୍ଚ ତେ ସମବେକ୍ଷ୍ଯାଲ୍ପଭାଗ୍ଯାନ୍॥ 2-92-6 (15038)
ବୈଶମ୍ପାଯନ ଉବାଚ॥ 2-92-7x (1652)
ତତଃ ସଭ୍ଯାଃ କୁରୁରାଜସ୍ଯ ତସ୍ଯ
ବାକ୍ଯଂ ସର୍ବେ ପ୍ରଶଶଂସୁସ୍ତଥୋଚ୍ଚୈଃ।
ଚେଲାବେଧାଂଶ୍ଚାପି ଚକ୍ରୁର୍ନଦନ୍ତୋ
ହାହେତ୍ଯାସୀଦପି ଚୈବାର୍ତନାଦଃ॥ 2-92-7 (15039)
ଶ୍ରୁତ୍ବା ତୁଂ ତଦ୍ବାକ୍ଯମନୋହରଂ ତ-
ଦ୍ଧର୍ଷଶ୍ଚାସୀତ୍କୌରବାଣାଂ ସଭାଯାମ୍।
ସର୍ବେ ଚାସନ୍ପାର୍ଥିବାଃ ପ୍ରୀତିମନ୍ତଃ
କୁରୁଶ୍ରେଷ୍ଠଂ ଧାର୍ମିକଂ ପୂଜଯନ୍ତଃ॥ 2-92-8 (15040)
ଯୁଧିଷ୍ଠିରଂ ଚ ତେ ସର୍ବେ ସମୁଦୈକ୍ଷନ୍ତ ପାର୍ଥିବାଃ।
କିଂ ନୁ ବକ୍ଷ୍ଯତି ଧର୍ମଜ୍ଞ ଇତି ସାଚୀକୃତାନନାଃ॥ 2-92-9 (15041)
କିଂ ନୁ ବକ୍ଷ୍ଯତି ବୀଭତ୍ସୁରଜିତୋ ଯୁଧି ପାଣ୍ଡବଃ।
ଭୀମସେନୋ ଯମୌ ଚୋଭୌ ଭୃଶଂ କୌତୂହଲାନ୍ବିତାଃ॥ 2-92-10 (15042)
ତସ୍ମିନ୍ନୁପରତେ ଶବ୍ଦେ ଭୀମସେନୋଽବ୍ରବୀଦିଦମ୍।
ପ୍ରଗୃହ୍ଯ ରୁଚିରଂ ଦିବ୍ଯଂ ଭୁଜଂ ଚନ୍ଦନଚର୍ଚିତମ୍॥ 2-92-11 (15043)
ଯଦ୍ଯେଷ ଗୁରୁରସ୍ମାକଂ ଧର୍ମରାଜୋ ମହାମନାଃ।
ନ ପ୍ରଭୁଃ ସ୍ଯାତ୍କୁଲସ୍ଯାସ୍ଯ ନ ବଯଂ ମର୍ଷଯେମହି॥ 2-92-12 (15044)
ଈଶୋ ନଃ ପୁଣ୍ଯତପସାଂ ପ୍ରାଣାନାମପି ଚେଶ୍ବରଃ।
ମନ୍ଯତେ ଜିତମାତ୍ମାନଂ ଯଦ୍ଯେଷ ବିଜିତା ବଯମ୍॥ 2-92-13 (15045)
ନ ହି ମୁଚ୍ଯେତ ମେ ଜୀବନ୍ପଦା ଭୂମିମୁପସ୍ପୃଶନ୍।
ମର୍ତ୍ଯଧର୍ମା ପରାମୃଶ୍ଯ ପାଞ୍ଚାଲ୍ଯା ମୂର୍ଧଜାନିମାନ୍॥ 2-92-14 (15046)
ପଶ୍ଯଧ୍ବଂ ହ୍ଯାଯତୌ ବୃତ୍ତୌ ଭୁଜୌ ମେ ପରିଘାବିବ।
ନୈତଯୋରନ୍ତରଂ ପ୍ରାପ୍ଯ ମୁଚ୍ଯେତାପି ଶତକ୍ରତୁଃ॥ 2-92-15 (15047)
ଧର୍ମପାଶସିତସ୍ତ୍ବେବମଧିଗଚ୍ଛାମି ସଙ୍କଟମ୍।
ଗୌରବେଣ ନିରୁଦ୍ଧଶ୍ଚ ନିଗ୍ରହାଦର୍ଜୁନସ୍ଯ ଚ॥ 2-92-16 (15048)
ଧର୍ମରାଜନିସୃଷ୍ଟସ୍ତୁ ସିଂହଃ କ୍ଷୁଦ୍ରମୃଗାନିବ।
ଧାର୍ତରାଷ୍ଟାରାନିମାନ୍ପାପାନ୍ନିଷ୍ପଷେଯଂ ତଲାସିଭିଃ॥ 2-92-17 (15049)
ବୈଶମ୍ପାଯନ ଉବାଚ॥ 2-92-18x (1653)
ତମୁବାଚ ତଦା ଭୀଷ୍ମୋ ଦ୍ରୋଣୋ ବିଦୁର ଏବ ଚ।
କ୍ଷମ୍ଯତାମିଦମିତ୍ଯେବଂ ସର୍ବଂ ସମ୍ଭାବ୍ଯତେ ତ୍ବଯି॥ 2-92-18 (15050)
କର୍ଣ ଉବାଚ॥ 2-92-19x (1654)
ତ୍ରଯଃ କିଲେମେ ହ୍ଯଧନା ଭବନ୍ତି।
ଦାସଃ ପୁତ୍ରଶ୍ଚାସ୍ବତନ୍ତ୍ରା ଚ ନାରୀ।
ଦାସସ୍ଯ ପତ୍ନୀ ତ୍ବଧନସ୍ଯ ଭଦ୍ରେ
ହୀନଶ୍ବରା ଦାସଧନଂ ଚ ସର୍ବମ୍॥ 2-92-19 (15051)
ପ୍ରବିଶ୍ଯ ରାଜ୍ଞଃ ପରିବାରଂ ଭଜସ୍ବ
ତତ୍ତେ କାର୍ଯଂ ଶିଷ୍ଟମାଦିଶ୍ଯତେଽତ୍ର।
ଈଶାସ୍ତୁ ସର୍ବେ ତବ ରାଜପୁତ୍ରି
ଭବନ୍ତି ବୈ ଧାର୍ତରାଷ୍ଟ୍ରା ନ ପାର୍ଥାଃ॥ 2-92-20 (15052)
ଅନ୍ଯଂ ବୃଣୀଷ୍ବ ପତିମାଶୁ ଭାମିନି
ଯସ୍ମାଦ୍ଦାସ୍ଯଂ ନ ଲଭସି ଦେବନେନ।
ଅବାଚ୍ଯା ବୈ ପତିଷୁ କାମବୃତ୍ତି-
ର୍ନିତ୍ଯଂ ଦାସ୍ଯେ ବିଦିତଂ ତତ୍ତବାସ୍ତୁ॥ 2-92-21 (15053)
ପରାଜିତୋ ନକୁଲୋ ଭୀମସେନୋ
ଯୁଧିଷ୍ଠରଃ ସହଦେବାର୍ଜୁନୌ ଚ।
ଦାସୀଭୂତା ତ୍ବଂ ହି ବୈ ଯାଜ୍ଞସେନି
ପରାଜିତାସ୍ତେ ପତଯୋ ନୈବ ସନ୍ତି॥ 2-92-22 (15054)
ପ୍ରଯୋଜନଂ ଜନ୍ମନି କିଂ ନ ମନ୍ଯତେ
ପରାକ୍ରମଂ ପୌରୁଷଂ ଚୈବ ପାର୍ଥଟଃ।
ପାଞ୍ଚାଲ୍ଯସ୍ଯ ଦ୍ରୁପଦସ୍ଯାତ୍ମଜାମିମାଂ
ସଭାମଧ୍ଯେ ଯୋ ବ୍ଯଦେବୀଦ୍ଗ୍ଲହେଷୁ॥ 2-92-23 (15055)
ବୈଶମ୍ପାଯନ ଉବାଚ॥ 2-92-24x (1655)
ତଦ୍ବୈ ଶ୍ରୁତ୍ବା ଭୀମସେନୋଽତ୍ଯମର୍ଷୀ
ଭୃଶଂ ନିଶଶ୍ବାସ ତଦାଽର୍ତରୂପଃ।
ରାଜାନୁଗୋ ଧର୍ମପାଶାନୁବଦ୍ଧୋ
ଦହନ୍ନିବୈନଂ କ୍ରୋଧସଂରକ୍ତଦୃଷ୍ଟିଃ॥ 2-92-24 (15056)
ଭୀମ ଉବାଚ॥ 2-92-25x (1656)
ନାହଂ କୁପ୍ଯେ ସୂତପୁତ୍ରସ୍ଯ ରାଜ-
ନ୍ନେଷ ସତ୍ଯଂ ଦାସଧର୍ମଃ ପ୍ରଦିଷ୍ଟଃ।
କିଂ ବିଦ୍ବିଷୋ ବୈ ମାମେବଂ ବ୍ଯାହରେଯୁ-
ର୍ନାଦେବୀସ୍ତ୍ବଂ ଯଦ୍ଯନଯା ନରେନ୍ଦ୍ର॥ 2-92-25 (15057)
ବୈଶମ୍ପାଯନ ଉବାଚ॥ 2-92-26x (1657)
ଭୀମସେନବଚଃ ଶ୍ରୁତ୍ବା ରାଜା ଦୁର୍ଯୋଧନସ୍ତଦା।
ଯୁଧିଷ୍ଠିରମୁବାଚେଦଂ ତୂଷ୍ଣୀମ୍ଭୂତମଚେତନମ୍॥ 2-92-26 (15058)
ଭୀମାର୍ଜୁନୌ ଯମୌ ଚୈବ ସ୍ଥିତୌ ତେ ନୃପ ଶାସନେ।
ପ୍ରଶ୍ନଂ ବ୍ରୂହି ଚ କୃଷ୍ଣାଂ ତ୍ବମଜିତାଂ ଯଦି ମନ୍ଯସେ॥ 2-92-27 (15059)
ଏବମୁକ୍ତ୍ବା ତୁ କୌନ୍ଯେଯମପୋହ୍ଯ ବସନଂ ସ୍ବକମ୍।
ସ୍ମଯନ୍ନିବେକ୍ଷ୍ଯ ପାଞ୍ଚାଲୀମୈଶ୍ବର୍ଯମଦମୋହିତଃ॥ 2-92-28 (15060)
କଦଲୀଦଣ୍ଡସଦୃଶଂ ସର୍ବଲକ୍ଷଣସଂଯୁତମ୍।
ଗଜହସ୍ତପ୍ରତୀକାଶଂ ବଜ୍ରପ୍ରତିମଗୌରବମ୍॥ 2-92-29 (15061)
ଅଭ୍ଯୁତ୍ସ୍ମଯିତ୍ବା ରାଧେଯଂ ଭୀମମାଧର୍ଷଯନ୍ନିବ।
ଦ୍ରୌପଦ୍ଯାଃ ପ୍ରେକ୍ଷମାଣାଯାଃ ସବ୍ଯମୂରୁମଦର୍ଶଯତ୍॥ 2-92-30 (15062)
ଭୀମସେନସ୍ତମାଲୋକ୍ଯ ନେତ୍ରେ ଉତ୍ଫାଲ୍ଯ ଲୋହିତେ।
ପ୍ରୋବାଚ ରାଜମଧ୍ଯେ ତଂ ସଭାଂ ବିଶ୍ରାବଯନ୍ନିବ॥ 2-92-31 (15063)
ପିତୃଭିଃ ସହ ସାଲୋକ୍ଯଂ ମା ସ୍ମ ଗଚ୍ଛେଦ୍ବୃକୋଦରଃ।
ଯଦ୍ଯେତମୂରୁଂ ଗଦଯା ନ ଭିନ୍ଦ୍ଯାଂ ତେ ମହାହବେ॥ 2-92-32 (15064)
ବୈଶମ୍ପାଯନ ଉବାଚ॥ 2-92-33x (1658)
କ୍ରୁଦ୍ଧସ୍ଯ ତସ୍ଯ ସର୍ବେଭ୍ଯଃ ସ୍ରୋତୋଭ୍ଯଃ ପାବକାର୍ଚିଷଃ।
ବୃକ୍ଷସ୍ଯେବ ବିନିଶ୍ବେରୁଃ କୋଟରେଭ୍ଯଃ ପ୍ରଦହ୍ଯତଃ॥ 2-92-33 (15065)
ବିଦୁର ଉବାଚ॥ 2-92-34x (1659)
ପରଂ ଭଯଂ ପଶ୍ଯତ ଭୀମସେନା-
ତ୍ତଦ୍ବୁଧ୍ଯଧ୍ବଂ ପାର୍ଥିବାଃ ପ୍ରାତିପେଯାଃ।
ଦୈବେରିତୋ ନୂନମଯଂ ପୁରସ୍ତା-
ତ୍ପରୋଽନଯୋ ଭରତେଷୂଦପାଦି॥ 2-92-34 (15066)
ଅତିଦ୍ଯୂତଂ କୃତମିଦଂ ଧାର୍ତରାଷ୍ଟ୍ର
ଯସ୍ମାତ୍ସ୍ତ୍ରିଯଂ ବିବଦଧ୍ବଂ ସଭାଯାମ୍।
ଯୋଗକ୍ଷେମୌ ନଶ୍ଯତୋ ବଃ ସମଗ୍ରୌ
ପାପାନ୍ମନ୍ତ୍ରାନ୍କୁରବୋ ମନ୍ତ୍ରଯନ୍ତି॥ 2-92-35 (15067)
ଇମଂ ଧର୍ମଂ କୁରବୋ ଜାନତାଶୁ
ଧ୍ବସ୍ତେ ଧର୍ମେ ପରିଷତ୍ସମ୍ପ୍ରଦୁଷ୍ଯେତ୍।
ଇମାଂ ଚେତ୍ପୂର୍ବଂ କିତବୋଽଗ୍ଲହିଷ୍ଯ-
ଦୀଶୋଽଭବିଷ୍ଯଦପରାଜିତାତ୍ମା॥ 2-92-36 (15068)
ସ୍ବପ୍ନେ ଯଥୈତଦ୍ବିଜିତଂ ଧନଂ ସ୍ଯା-
ଦେବଂ ମନ୍ଯେ ଯସ୍ଯ ଦୀବ୍ଯତ୍ଯନୀଶଃ।
ଗାନ୍ଧାରରାଜସ୍ଯ ବଚୋ ନିଶମ୍ଯ
ଧର୍ମାଦସ୍ମାତ୍କୁରବୋ ମାଽପଯାତ॥ 2-92-37 (15069)
ଦୁର୍ଯୋଧନ ଉବାଚ॥ 2-92-38x (1660)
ଭୀମସ୍ଯ ବାକ୍ଯେ ତଦ୍ବଦେବାର୍ଜୁନସ୍ଯ
ସ୍ଥିତୋଽହଂ ବୈ ଯମଯୋଶ୍ଚୈବମେବ।
ଯୁଧିଷ୍ଠିରଂ ତେ ପ୍ରବଦନ୍ତ୍ବନୀଶ-
ମଥୋ ଦାସ୍ଯାନ୍ମୋକ୍ଷସେ ଯାଜ୍ଞସେନି॥ 2-92-38 (15070)
ଅର୍ଜୁନ ଉବାଚ॥ 2-92-39x (1661)
ଈଶୋ ରାଜା ପୂର୍ବମାସୀଦ୍ଗ୍ଲହେ ନଃ
କୁନ୍ତୀସୁତୋ ଧର୍ମରାଜୋ ମହାତ୍ମା।
ଈଶସ୍ତ୍ବଯଂ କସ୍ଯ ପରାଜିତାତ୍ମା
ତଜ୍ଜାନୀଧ୍ବଂ କୁରବଃ ସର୍ବ ଏବ॥ 2-92-39 (15071)
`କର୍ଣ ଉବାଚ॥ 2-92-40x (1662)
ଦୁଶ୍ଶାସନ ନିବୋଧେଦଂ ବଚନଂ ବୈ ପ୍ରଭାଷିତମ୍।
କିମନେନ ଚିରଂ ବୀର ନଯସ୍ବ ଦ୍ରପଦାତ୍ମଜାମ୍।
ଦାସୀଭାବେନ ଭୁଙ୍କ୍ଷ୍ବ ତ୍ବଂ ଯଥେଷ୍ଟଂ କୁରୁନନ୍ଦନ॥ 2-92-40 (15072)
ବୈଶମ୍ପାଯନ ଉବାଚ॥ 2-92-41x (1663)
ତତୋ ଗାନ୍ଧାରରାଜସ୍ଯ ପୁତ୍ରଃ ଶକୁନିରବ୍ରବୀତ୍।
ସାଧୁ କର୍ଣ ମହାବାହୋ ଯଥେଷ୍ଟଂ କ୍ରିଯତାମିତି॥ 2-92-41 (15073)
ତତୋ ଦୁଶ୍ଶାସନସ୍ତୂର୍ଣଂ ଦ୍ରୁପଦସ୍ଯ ସୁତାଂ ବଲାତ୍।
ପ୍ରବେଶଯିତୁମାରବ୍ଧଃ ସ ଚକର୍ଷ ଦୁରାତ୍ମବାନ୍॥
ତତୋ ବିକ୍ରୋଶତି ତଦା ପାଞ୍ଚାଲୀ ବରବର୍ଣିନୀ॥ 2-92-42 (15074)
ଦ୍ରୌପଦ୍ଯୁବାଚ। 2-92-44x (1664)
ପରିତ୍ରାଯସ୍ବ ମାଂ ଭୀଷ୍ଣ ଦ୍ରୋଣ ଦ୍ରୌଣେ ତଥା କୃପ।
ପରିତ୍ରାଯସ୍ବ ବିଦୁର ଧର୍ମିଷ୍ଠୋ ଧର୍ମବତ୍ସଲ॥ 2-92-44 (15075)
ଧୃତରାଷ୍ଟ୍ର ମହାରାଜ ପରିତ୍ରାଯସ୍ବ ବୈ ସ୍ନୁଷାମ୍।
ଗାନ୍ଧାରି ତ୍ବଂ ମହାଭାଗେ ସର୍ବଜ୍ଞେ ସର୍ବଦର୍ଶିନି।
ପିରତ୍ରାଯସ୍ବ ମାଂ ଭୀରୁଂ ସୁଯୋଧନଭଯାର୍ଦିତାମ୍॥ 2-92-45 (15076)
ତ୍ବମାର୍ଯେ ବୀରଜନନି କିଂ ମାଂ ପଶ୍ଯସି ଯାଦବୀମ୍।
କ୍ଲିଶ୍ଯମାନାମନାର୍ଯେଣ ନ ତ୍ରାଯସିବ ବଧୂଂ ସ୍ବକାମ୍॥ 2-92-46 (15077)
ଯଦି ଲାଲପ୍ଯମାନାଂ ମାଂ ନ କଶ୍ଚିତ୍କିଞ୍ଚିଦବ୍ରବୀତ୍।
ହା ହତାଽସ୍ମି ସୁମନ୍ଦାତ୍ମା ସୁଯୋଧନବଶଂ ଗତା॥ 2-92-47 (15078)
ନ ବୈ ପାଣ୍ଡୁର୍ନରପତିର୍ନ ଧର୍ମୋ ନ ଚ ଦେବରାଟ୍।
ନ ଚାଯୁର୍ନାଶ୍ବିନୌ ବାଽପି ପରିତ୍ରାଯନ୍ତି ବୈ ସ୍ନୁଷାମ୍॥
ଧିକ୍କଷ୍ଟଂ ଯଦି ଜୀବେଯଂ ମନ୍ଦଭାଗ୍ଯା ପତିବ୍ରତା॥ 2-92-48 (15079)
ବିଦୁର ଉବାଚ॥ 2-92-50x (1665)
ଶୃଣୋମି ବାକ୍ଯଂ ତବ ରାଜପୁତ୍ରି
ନେମେ ପାର୍ଥାଃ କିଞ୍ଚିଦପି ବ୍ରୁବନ୍ତି।
ସା ତ୍ବଂ ପ୍ରିଯାର୍ଥଂ ଶୃଣୁ ବାକ୍ଯମେତ-
ଦ୍ଯଦୁଚ୍ଯତେ ପାପମତିଃ କୃତଘ୍ନଃ॥ 2-92-50 (15080)
ସୁଯୋଧନଃ ସାନୁଚରଃ ସୁଦୁଷ୍ଟଃ
ସହୈବ ରାଜା ନିକୃତଃ ସୂନୁନା ଚ
ଯଦ୍ଯେଷ ବାଚଂ ମହଦୁଚ୍ଯମାନାଂ
ନ ଶ୍ରୋଷ୍ଯତେ ପାପମତିଃ ସୁଦୁଷ୍ଟଃ॥ 2-92-51 (15081)
ବୈଶମ୍ପାଯନ ଉବାଚ॥ 2-92-52x (1666)
ଇତ୍ଯେବମୁକ୍ତ୍ବା ଦ୍ରୁପଦସ୍ଯ ପୁତ୍ରୀଂ
କ୍ଷତ୍ତାଽବ୍ରବୀଦ୍ଧୃତରାଷ୍ଟ୍ରସ୍ଯ ପୁତ୍ରମ୍। 2-92-52 (15082)
ମା କ୍ଲିଶ୍ଯତାଂ ବୈ ଦ୍ରୁପଦସ୍ଯ ପୁତ୍ରୀଂ
ମା ତ୍ବଂ ଚରୀଂ ଦ୍ରକ୍ଷ୍ଯସି ରାଜପୁତ୍ର॥ 2-92-53 (15083)
ବିଦୁର ଉବାଚ॥ 2-92-54x (1667)
ଯଦ୍ଯେବଂ ତ୍ବଂ ମହାରାଜ ସଙ୍କ୍ଲେଶଯସି ଦ୍ରୌପଦୀମ୍।
ଅଚିରେଣୈବ କାଲେନ ପୁତ୍ରସ୍ତେ ସହ ମନ୍ତ୍ରିଭିଃ।
ଗମିଷ୍ଯତି କ୍ଷଯଂ ପାପଃ ପାଣ୍ଡବକ୍ଷଯକାରଣାତ୍॥ 2-92-54 (15084)
ଭୀମାର୍ଜୁନାଭ୍ଯାଂ କ୍ରୁଦ୍ଧାଭ୍ଯାଂ ମାଦ୍ରୀପୁତ୍ରଦ୍ବଯେନ ଚ।
ତସ୍ମାନ୍ନିବାରଯ ସୁତଂ ମା ବିନାଶଂ ବିଚିନ୍ତଯ॥ 2-92-55 (15085)
ବୈଶମ୍ପାଯନ ଉବାଚ॥ 2-92-56x (1668)
ଏତଚ୍ଛୁତ୍ବା ମନ୍ଦବୁଦ୍ଧିର୍ନୋତ୍ତରଂ କିଞ୍ଚିଦବ୍ରବୀତ୍।
ତତୋ ଦୁର୍ଯୋଧନସ୍ତତ୍ର ଦୈବମୋହବଲାତ୍କୃତଃ॥ 2-92-56 (15086)
ଅଚିନ୍ତ୍ଯ କ୍ଷତ୍ତୁର୍ବଚନଂ ହର୍ଷେଣାଯତଲୋଚନଃ।
ଊରୂ ଦର୍ଶଯତେ ପାପୋ ଦ୍ରୌପଦ୍ଯା ବୈ ମୁହୁର୍ମୁହୁଃ॥ 2-92-57 (15087)
ଊରୌ ସନ୍ଦର୍ଶ୍ଯମାନେ ତୁ ନିରୀକ୍ଷ୍ଯ ତୁ ସୁଯୋଧନମ୍।
ବୃକୋଦରସ୍ତଦାଲୋକ୍ଯ ନେତ୍ରେ ଚୋଲ୍ଫାଲ୍ଯ ଲୋହିତେ॥ 2-92-58 (15088)
ଏତତ୍ସମୀକ୍ଷ୍ଯାତ୍ମନି ଚାବମାନଂ
ନିଯମ୍ଯ ମନ୍ଯୁଂ ବଲନାନ୍ସ ମାନୀ।
ରାଜାନୁଜଃ ସଂସଦି କୌରବାଣାଂ
ବିନିଷ୍କ୍ରମନ୍ବାକ୍ଯମୁବାଚ ଭୀମଃ॥ 2-92-59 (15089)
ଅହଂ ଦୁର୍ଯୋଧନଂ ହନ୍ତା କର୍ଣଂ ହନ୍ତା ଧନଞ୍ଜଯଃ।
ଶକୁନିଂ ଚାକ୍ଷକିତବଂ ସହଦେବୋ ହନିଷ୍ଯତି॥ 2-92-60 (15090)
ଇଦଂ ଚ ଭୂଯୋ ବକ୍ଷ୍ଯାମି ସଭାମଧ୍ଯେ ବୃହଦ୍ବଚଃ।
ସତ୍ଯଂ ଦେବାଃ କରିଷ୍ଯନ୍ତି ଯନ୍ନୋ ଯୁଦ୍ଧଂ ଭବିଷ୍ଯତି॥ 2-92-61 (15091)
ସୁଯୋଧନମିମଂ ପାପଂ ହନ୍ତାଽସ୍ମି ଗଦଯା ଯୁଧି।
ଶିରଃ ପାଦେନ ଚାସ୍ଯାହମଧିଷ୍ଠାସ୍ଯାମି ଭୂତଲେ॥ 2-92-62 (15092)
ବକ୍ଷଃ ଶୂରସ୍ଯ ନିର୍ବାସ୍ଯ ପରୁଷସ୍ଯ ଦୁରାତ୍ମନଃ।
ଦୁଶ୍ଶାସନସ୍ଯ ରୁଧିରଂ ପାସ୍ଯାମି ମୃଗରାଡିବ॥ 2-92-63 (15093)
ଅର୍ଜୁନ ଉବାଚ॥ 2-92-64x (1669)
ଭୀମସେନ ନ ତେ ସନ୍ତି ଯେଷାଂ ବୈରଂ ତ୍ବଯା ସହ।
ନନ୍ଦା ଗୃହେଷୁ ନ ବୁଦ୍ଧ୍ଯନ୍ତେ ମହଦ୍ଭଯମ୍॥ 2-92-64 (15094)
ନୈବ ବାଚା ବ୍ଯବସିତଂ ଭୀମ ବିଜ୍ଞାଯତେ ସତାମ୍।
ଯଦି ସ୍ଥାସ୍ଯନ୍ତି ସଙ୍ଗ୍ରାମେ କ୍ଷତ୍ରଧର୍ମେଣ ବୈ ସହ॥ 2-92-65 (15095)
ଦୁର୍ଯୋଧନସ୍ଯ କର୍ଣସ୍ଯ ଶକୁନେଶ୍ଚ ଦୁରାତ୍ମନଃ।
ଦୁଶ୍ଶାସନଚତୁର୍ଥାନାଂ ଭୂମିଃ ପାସ୍ଯତି ଶୋଣିତମ୍॥ 2-92-66 (15096)
ଅସୂଯିତାରଂ ବକ୍ତାରଂ ପ୍ରହୃଷ୍ଟାନାଂ ଦୁରାତ୍ମନାମ୍।
ଭୀମସେନ ନିଯୋଗାତ୍ତେ ହନ୍ତାଽହଂ କର୍ଣମାହବେ॥ 2-92-67 (15097)
କର୍ଣଂ କର୍ଣାନୁଗାଂଶ୍ଚୈବ ରଣେ ହନ୍ତାଽସ୍ମି ପତ୍ରିଭିଃ।
ଯେ ଚାନ୍ଯେ ବିପ୍ରଯୋତ୍ସ୍ଯନ୍ତି ବୁଦ୍ଧିମୋହେନ ମାଂ ନୃପାଃ।
ତାନ୍ସ୍ମ ସର୍ବଞ୍ଛିତୈର୍ବାଣୈର୍ନେତାଽସ୍ମି ଯମସାଦନମ୍॥ 2-92-68 (15098)
ଚଲେଦ୍ବି ହିମବାନ୍ସ୍ଥାନାନ୍ନିଷ୍ପ୍ରଭଃ ସ୍ଯାଦ୍ଦିବାକରଃ।
ଶୈତ୍ଯଂ ସୋମାତ୍ପ୍ରଣଶ୍ଯେତ ମତ୍ସତ୍ଯଂ ବିଚଲେଦ୍ଯଦି॥ 2-92-69 (15099)
ବୈଶମ୍ପାଯନ ଉବାଚ॥ 2-92-70x (1670)
ଉତ୍ଯୁକ୍ତବତି ପାର୍ଥେ ତୁ ଶ୍ରୀମାନ୍ମାଦ୍ରବତୀସୁତଃ।
ପ୍ରଗୃହ୍ଯ ବିପୁଲଂ ବାହୁଂ ସହଦେବଃ ପ୍ରତାପବାନ୍॥ 2-92-70 (15100)
ସୌବଲସ୍ଯ ବଧପ୍ରେପ୍ସୁରିଦଂ ବଚନମବ୍ରବୀତ୍।
କ୍ରୋଧସଂରକ୍ତନଯନୋ ନିଶ୍ବସ୍ଯ ଚ ମୁହୁର୍ମୁହୁଃ॥ 2-92-71 (15101)
ସହଦେବ ଉବାଚ॥ 2-92-72x (1671)
ଯାନକ୍ଷାନ୍ମନ୍ଯସେ ମୂଢ ଗାନ୍ଧାରାଣାଂ ଯଶୋହର।
ନୈତେ ହ୍ଯକ୍ଷାଃ ଶିତା ବାଣାସ୍ତ୍ବଯୈତେ ସମରେ ଧୃତାଃ॥ 2-92-72 (15102)
ଯଥା ଚୈବୋକ୍ତବାନ୍ଭୀମସ୍ତ୍ବାମୁଦ୍ଦିଶ୍ଯ ସବାନ୍ଧବମ୍।
କର୍ତାଽହଂ କର୍ମଣା ଚାସ୍ଯ କୁରୁକାର୍ଯାଣି ସର୍ବଶଃ।
ଯଦି ସ୍ଥସ୍ଯାସି ସଙ୍ଗ୍ରାମେ କ୍ଷତ୍ରଧର୍ମେଣ ସୌବଲ॥ 2-92-73 (15103)
ବୈଶମ୍ପାଯନ ଉବାଚ॥ 2-92-74x (1672)
ସହଦେବବଚଃ ଶ୍ରୁତ୍ବା ନକୁଲୋଽପି ବିଶାମ୍ପତେ।
ଦର୍ଶନୀଯତମୋ ନୄଣାମିଦଂ ବଚନମବ୍ରବୀତ୍॥ 2-92-74 (15104)
ନକୁଲ ଉବାଚ॥ 2-92-75x (1673)
ସୁତେଯଂ ଯଜ୍ଞସେନସ୍ଯ ଦ୍ଯୂତେଽସ୍ମିନ୍ଧୃତରାଷ୍ଟ୍ରଜୈଃ।
ଯୈର୍ବାଚଃ ଶ୍ରାବିତା ରୂକ୍ଷା ଧୂର୍ତୈର୍ଦୁର୍ଯୋଧନପ୍ରିଯୈଃ॥ 2-92-75 (15105)
ଧାର୍ତରାଷ୍ଟ୍ରାନ୍ସୁଦୁର୍ବୃତ୍ତାନ୍ମୁମୂର୍ଷୂନ୍କାଲଚୋଦିତାନ୍।
ଦର୍ଶଯିଷ୍ଯାମି ଭୂଯିଷ୍ଠମହଂ ବୈବସ୍ବତକ୍ଷଯମ୍॥ 2-92-76 (15106)
ଉଲୂକଂ ଚ ଦୁରାତ୍ମାନଂ ସୌବଲସ୍ଯ ପ୍ରିଯଂ ସୁତମ୍।
ହନ୍ତାଽହମସ୍ମି ସମରେ ମମ ଶତ୍ରୁଂ ନରାଧମମ୍॥ 2-92-77 (15107)
ନିଦେଶାଦ୍ଧର୍ମରାଜସ୍ଯ ଦ୍ରୌପଦ୍ଯାଃ ପଦବୀଂ ଚରନ୍।
ନର୍ଧାର୍ତରାଷ୍ଟାଂ ପୃଥିବୀଂ କର୍ତାସ୍ମି ନଚିରାଦିବା॥ 2-92-78 (15108)
ଦ୍ରୌପଦ୍ଯୁବାଚ॥ 2-92-79x (1674)
ଯସ୍ମାଚ୍ଚୋରୁଂ ଦର୍ଶଯସେ ଯସ୍ମାଚ୍ଚୋରୁଂ ନିରୀକ୍ଷସେ।
ତସ୍ମାତ୍ତବ ହ୍ଯଧର୍ମିଷ୍ଠ ଊରୌ ମୃତ୍ଯୁର୍ଭବିଷ୍ଯତି॥ 2-92-79 (15109)
ଯସ୍ମାଚ୍ଚୈବଂ କ୍ଲେଶଯତି ଭ୍ରାତା ତେ ମାଂ ଦୁରାତ୍ମବାନ୍।
ତସ୍ମାଦୁଧିରମେବାସ୍ଯ ପାସ୍ଯତେ ବୈ ବୃକୋଦରଃ॥ 2-92-80 (15110)
ଇମଂ ଚ ପାପିଷ୍ଠମତିଂ କର୍ଣଂ ସମୁତବାନ୍ଧବମ୍।
ସାମାତ୍ଯଂ ସପରୀବାରଂ ହନିଷ୍ଯତି ଧନଞ୍ଜଯଃ॥ 2-92-81 (15111)
କ୍ଷୁଦ୍ରଧର୍ମଂ ନୈକୃତିକଂ ଶକୁନିଂ ପାପଚେତସମ୍।
ସହଦେବୋ ରଣେ କ୍ରୁଦ୍ଧୋ ହନିଷ୍ଯତି ସବାନ୍ଧବମ୍॥ 2-92-82 (15112)
ବୈଶମ୍ପାଯନ ଉବାଚ॥ 2-92-83x (1675)
ଏବମୁକ୍ତେ ତୁ ବଚନେ ଦ୍ରୌପଦ୍ଯା ଧର୍ମଶୀଲଯା।
ତତୋଽନ୍ତରିକ୍ଷାତ୍ସୁମହତ୍ପୁଷ୍ପବର୍ଷମବାପତତମ୍॥ 2-92-83 (15113)
ତେଷାଂ ତୁ ବଚନଂ ଶ୍ରୁତ୍ବା ନୋଚୁସ୍ତତ୍ର ସଭାସଦଃ।
ଅର୍ଜୁନସ୍ଯ ଭଯାଦ୍ରାଜନ୍ନଭୂନ୍ନିଶ୍ଶବ୍ଦମତ୍ର ବୈ॥ ॥ 2-92-84 (15114)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦ୍ଯୂତପର୍ବଣି ଦ୍ବିନବତିତମୋଽଧ୍ଯାଯଃ॥92 ॥
Mahabharata - Sabha Parva - Chapter Footnotes
2-92-13 ଦ୍ରୌପଦୀପଣନାତ୍ ପ୍ରାଗିତି ଶେଷଃ। ଅତୋ ଦ୍ରୌପଦୀ ନ ଦାସଭାବମାପନ୍ନେତି ଭାବଃ॥ 2-92-16 ପଶ୍ଯସିତଃ ପାଶବଦ୍ଧଃ॥ 2-92-33 ସ୍ରୋତୋଭ୍ଯଃ ରୋମକୂପେଭ୍ଯଃ॥ସଭାପର୍ବ - ଅଧ୍ଯାଯ 093
॥ ଶ୍ରୀଃ ॥
2.93. ଅଧ୍ଯାଯଃ 093
Mahabharata - Sabha Parva - Chapter Topics
କୁପ୍ଯତୋଽର୍ଜୁନସ୍ଯ ଯୁଧିଷ୍ଠିରେଣ ପରିସାନ୍ତ୍ବନମ୍॥ 1॥ ଧୃତରାଷ୍ଟ୍ରେଣ ବରଂ ବରଯେତି ଦ୍ରୌପଦୀମ୍ପ୍ରତି ଚୋଦନମ୍॥ 2॥ ତତ୍ପ୍ରାର୍ଥନଯା ଧୃତରାଷ୍ଟ୍ରେଣ ଯୁଧିଷ୍ଠିରାଦୀନାମଦାସତ୍ବବରଦାନମ୍॥ 3॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ଦ୍ରୌପଦ୍ଯା ବଚନଂ ଶ୍ରୁତ୍ବା ଚୁକୋପାଥ ଧନଞ୍ଜଯଃ।
ସ ତଦା କ୍ରୋଧତାମ୍ରାକ୍ଷ ଇଦଂ ବଚନମବ୍ରବୀତ୍॥ 2-93-1 (15115)
ଅଯଂ ତୁ ମାଂ ବାରଯତେ ଧର୍ମରାଜୋ ଯୁଧିଷ୍ଠିରଃ।
ଇତ୍ଯୁକ୍ତ୍ବା କ୍ରୋଧତାମ୍ରାକ୍ଷୋ ଧନୁରାଦାଯ ବୀର୍ଯବାନ୍॥ 2-93-2 (15116)
ସବ୍ଯସାଚୀ ସମୁତ୍ପତ୍ଯ ତାଞ୍ଛତ୍ରୂନ୍ସମୁଦୈକ୍ଷତ।
ଉଦ୍ଯତଂ ଫଲ୍ଗୁନଂ ତତ୍ର ଦଦୃଶୁଃ ସର୍ବପାର୍ଥିବାଃ॥ 2-93-3 (15117)
ଯୁଗାନ୍ତେ ସର୍ବଲୋକାଂସ୍ତୁ ଦହନ୍ତମିବ ପାବକମ୍।
ବୀକ୍ଷମାଣଂ ଧନୁଷ୍ପାମିଂ ହନ୍ତୁକାମଂ ମୁହୁର୍ମୁହୁଃ॥ 2-93-4 (15118)
ହନ୍ତୁକାମଂ ପଶୂନ୍କ୍ରୁଦ୍ଧଂ ରୁଦ୍ରଂ ଦକ୍ଷକ୍ରତୌ ଯଥା।
ତଥାଭୂତଂ ନରଂ ଦୃଷ୍ଟ୍ବା ବିଷେଦୁସ୍ତତ୍ର ମାନବାଃ॥ 2-93-5 (15119)
ଧନଞ୍ଜଯସ୍ଯବ ବୀର୍ଯଜ୍ଞା ନିରାଶା ଜୀବିତେ ତଦା।
ମୃତଭୂତା ଭବନ୍ସର୍ବେ ନେତ୍ରୈରନିମିଷୈରିବ॥ 2-93-6 (15120)
ଅର୍ଜୁନଂ ଧର୍ମପୁତ୍ରଂ ଚ ସମୁଦୈକ୍ଷନ୍ତ ପାର୍ଥିବାଃ।
କ୍ରୁଦ୍ଧଂ ତଦାଽର୍ଜୁନଂ ଦୃଷ୍ଟ୍ବା ପୃଥିବୀ ଚ ଚଚାଲ ହ॥ 2-93-7 (15121)
ଖେଚରାଣି ଚ ଭୂତାନି ବିତ୍ରେସୁର୍ବୈ ଭଯାର୍ଦିତାଃ।
ନାଦିତ୍ଯୋ ବିରରାଜାଥ ନାପି ବାନ୍ତି ଚ ମାରୁତାଃ। 2-93-8 (15122)
ନ ଚନ୍ଦ୍ରୋ ନ ଚ ନକ୍ଷତ୍ରଂ ଦ୍ଯୌର୍ଦିଶୋନ ନ ବିଭାନ୍ତି ହ।
ସର୍ବମାବିଦ୍ଧମଭବଜ୍ଜଗତ୍ସ୍ଥାବରଜଙ୍ଗମମ୍॥ 2-93-9 (15123)
ଉତ୍ପତନ୍ସ ବଭୌ ପାର୍ତୋ ଦିବାକର ଇବାମ୍ବରେ। 2-93-10 (15124)
ପାର୍ଥଂ ଦୃଷ୍ଟ୍ବା କ୍ରୁଦ୍ଧଂ କାଲାନ୍ତକଯମୋପମମ୍।
ଭୀମସେନୋ ମୁଦା ଯୁକ୍ତୋ ଯୁଦ୍ଧାଯୈବ ମନୋ ଦଧେ॥ 2-93-11 (15125)
ପାଞ୍ଚାଲୀ ଚ ଦଦର୍ଶାଥ ସୁସଙ୍କ୍ରୁଦ୍ଧଂ ଧନଞ୍ଜଯମ୍।
ହନ୍ତୁକାମଂ ରିପୂନ୍ମର୍ବାନ୍ସୁପର୍ଣମିବ ପନ୍ନଗାନ୍॥ 2-93-12 (15126)
ଦୁଷ୍ପ୍ରେକ୍ଷଃ ସୋଽଭବତ୍କ୍ରୁଦ୍ଧୋ ଯୁଗାନ୍ତାଗ୍ନିରିବ ଜ୍ବଲନ୍।
ତଂ ଦୃଷ୍ଟ୍ବା ତେଜସା ଯୁକ୍ତଂ ବିବ୍ଯଧୁଃ ପୁରବାସିନଃ॥ 2-93-13 (15127)
ଉତ୍ପତନ୍ତଂ ତୁ ବେଗେନ ତତୋ ଦୃଷ୍ଟ୍ବା ଧନଞ୍ଜଯମ୍।
ଜଗ୍ରାହ ସ ତଦା ରାଜା ପୁରୁହୂତୋ ଯଥା ହରିମ୍॥ 2-93-14 (15128)
ଉବାଚ ସ ଘୃଣୀ ଜ୍ଯେଷ୍ଠୋ ଧର୍ମରାଜୋ ଯୁଧିଷ୍ଠିରଃ।
ମା ପାର୍ଥ ସାହସଂ କାର୍ଷୀର୍ମା ବିନାଶଂ ଗମେଦ୍ଯଶଃ॥ 2-93-15 (15129)
ଅହମେତାନ୍ପାପକୃତୋ ଦ୍ଯୂତଜ୍ଞାନ୍ଦଗ୍ଧୁମୁତ୍ସହେ।
କନ୍ତ୍ତ୍ବସତ୍ଯଗତିଂ ଦୃଷ୍ଟ୍ବା କ୍ରୋଧୋ ନାଶମୁପୈତି ମେ॥ 2-93-16 (15130)
ତ୍ବମିମଂ ଜଗତୋଽର୍ଥେ ବୈ କୋପଂ ସଂଯଚ୍ଛ ପାଣ୍ଡବ॥ 2-93-17 (15131)
ବୈଶମ୍ପାଯନ ଉବାଚ॥ 2-93-18x (1676)
ଏବମୁକ୍ତସ୍ତଦା ରାଜ୍ଞା ପାଣ୍ଡବୋଽଥ ଧନଞ୍ଜଯଃ।
କ୍ରୋଧଂ ସଂଶମଯନ୍ପାର୍ଥୋ ଧାର୍ତରାଷ୍ଟ୍ରଂ ପ୍ରତି ସ୍ଥିତଃ॥ 2-93-18 (15132)
ତସ୍ମିନ୍ବୀରେ ପ୍ରଶାନ୍ତେ ତୁ ପାଣ୍ଡବେ ଫଲ୍ଗୁନେ ପୁନଃ।
ସୁସମ୍ପ୍ରହୃଷ୍ଟମଭବଜ୍ଜଗତ୍ସ୍ଥାବରଜଙ୍ଗମମ୍॥ 2-93-19 (15133)
ବାରିତଂ ଚ ତଥା ଦୃଷ୍ଟ୍ବା ଭ୍ରାତ୍ରା ପାର୍ଥଂ ବୃକୋଦରଃ।
ବଭୂବ ବିମନା ରାଜନ୍ନଭୂନ୍ନିଶ୍ଶବ୍ଦମତ୍ର ବୈ॥ 2-93-20 (15134)
ତତୋ ରାଜ୍ଞୋ ଧୃତରାଷ୍ଟ୍ରସ୍ଯ ଗେହେ
ଗୋମାଯୁରୁଚ୍ଚୈର୍ବ୍ଯାହରଦଗ୍ନିହୋତ୍ରେ।
ତଂ ରାସଭାଃ ପ୍ରତ୍ଯଭାଷନ୍ତ ରାଜ-
ନ୍ସମନ୍ତତଃ ପକ୍ଷିଣଶ୍ଚୈବ ରୌଦ୍ରାଃ॥ 2-93-21 (15135)
ତଂ ବୈ ଶବ୍ଦଂ ବିଦୁରସ୍ତତ୍ତ୍ବବେଦୀ
ଶୁଶ୍ରାବ ଘୋରଂ ସୁବଲାତ୍ମଜା ଚ।
ଭୀଷ୍ମୋ ଦ୍ରୋଣୋ ଗୌତମଶ୍ଚାପି ବିଦ୍ବାନ୍
ସ୍ବସ୍ତିସ୍ବସ୍ତୀତ୍ଯପି ଚୈବାହୁରୁଚ୍ଚୈଃ॥ 2-93-22 (15136)
ତତୋ ଗାନ୍ଧାରୀ ବିଦୁରଶ୍ଚାପି ବିଦ୍ବାଂ-
ସ୍ତମୁତ୍ପାତଂ ଘୋରମାଲକ୍ଷ୍ଯ ରାଜ୍ଞେ।
ନିବେଦଯାମାସତୁରାର୍ତବତ୍ତଦା
ତତୋ ରାଜା ବାକ୍ଯମିଦଂ ବଭାଷେ॥ 2-93-23 (15137)
ଧୃତରାଷ୍ଟ୍ର ଉବାଚ॥ 2-93-24x (1677)
ହତୋଽସି ଦୁର୍ଯୋଧନ ମନ୍ଦବୁଦ୍ଧେ
ଯସ୍ତ୍ବଂ ସଭାଯାଂ କୁରୁପୁଙ୍ଗବାନାମ୍।
ସ୍ତ୍ରିଯଂ ସମାଭାଷସି ଦୁର୍ବିନୀତ
ବିଶେଷତୋ ଦ୍ରୌପଦୀଂ ଧର୍ମପତ୍ନୀମ୍॥ 2-93-24 (15138)
ବୈଶମ୍ପାଯନ ଉବାଚ॥ 2-93-25x (1678)
ଏବମୁକ୍ତ୍ବା ଧୃତରାଷ୍ଟ୍ରୋ ମନୀଷୀ
ହିତାନ୍ବେଷୀ ବାନ୍ଧବାନାମପାଯାତ୍।
କୃଷ୍ଣାଂ ପାଞ୍ଚାଲୀମବ୍ରବୀତ୍ସାନ୍ତ୍ବପୂର୍ବଂ 2-93-25 (15139)
ବିମୃଶ୍ଯୈତତ୍ପ୍ରଜ୍ଞଯା ତତ୍ତ୍ବବୁଦ୍ଧିଃ॥ 2-93-26 (15140)
ଧୃତରାଷ୍ଟ ଉବାଚ॥
ବରଂ ବୃଣୀଷ୍ବ ପାଞ୍ଚାଲି ମତ୍ତୋ ଯଦଭିବାଞ୍ଛସି। 2-93-26x (1679)
ବଧୂନାଂ ହି ବିଶିଷ୍ଟା ମେ ତ୍ବଂ ଧର୍ମପରମା ସତୀ॥ 2-93-27 (15141)
ଦ୍ରୌପଦ୍ଯୁବାଚ॥ 2-93-27x (1680)
ଦଦାସି ଚେଦ୍ବରଂ ମହ୍ଯଂବୃଣୋମି ଭରତର୍ଷଭ।
ସର୍ବଧର୍ମାନୁଗଃ ଶ୍ରୀମାନଦାସୋଽସ୍ତୁ ଯୁଧିଷ୍ଠିରଃ॥ 2-93-27 (15142)
ମନସ୍ବିନମଜାନନ୍ତୋ ମୈବଂ ବ୍ରୂଯୁଃ କୁମାରକାଃ।
ଏତଂ ବୈ ଦାସପୁତ୍ରେତି ପ୍ରତିବିନ୍ଧ୍ଯଂ ମମାତ୍ମଜମ୍॥ 2-93-28 (15143)
ରାଜପୁତ୍ରଃ ପୁରା ଭୂତ୍ବା ଯଥା ନାନ୍ଯଃ ପୁମାନ୍କ୍ବଚିତ୍।
ଲାଲିତୋ ଦାସପୁତ୍ରତ୍ବଂ ପଶ୍ଯନ୍ନଶ୍ଯେଦ୍ଧି ଭାରତ॥ 2-93-29 (15144)
ଧୃତରାଷ୍ଟ୍ର ଉବାଚ॥ 2-93-30x (1681)
ଏବଂ ଭବତୁ କଲ୍ଯାଣି ଯଥା ତ୍ବମଭିଭାଷସେ।
ଦ୍ବିତୀଯଂ ତେ ବରଂ ଭଦ୍ରେ ଦଦାନି ବରଯସ୍ବ ହ।
ମନୋ ହି ମେ ବିତରତି ନୈକଂ ତ୍ବଂ ବରମର୍ହସି॥ 2-93-30 (15145)
ଦ୍ରୌପଦ୍ଯୁବାଚ॥ 2-93-31x (1682)
ସରଥୌ ସଘନୁଷ୍କୌ ନ ଭୀମସେନଧନଞ୍ଜଯୌ।
ଯମୌ ଚ ବରଯେ ରାଜନ୍ନଦାସାନ୍ସ୍ବବଶାନହମ୍॥ 2-93-31 (15146)
ଧୃତରାଷ୍ଟ୍ର ଉବାଚ॥ 2-93-32x (1683)
ତଥାଽସ୍ତୁ ତେ ମହାଭାଗେ ଯଥା ତ୍ବଂ ନନ୍ଦିନୀଚ୍ଛସି।
ତୃତୀଯଂ ବରଯାସ୍ମତ୍ତୋ ନାସି ଦ୍ବାଭ୍ଯାଂ ସୁସଂସ୍କୃତା। 2-93-32 (15147)
ତ୍ବଂ ହି ସର୍ବସ୍ନୁଷାଣାଂ ମେ ଶ୍ରେଯସୀ ଧର୍ମଚାରିଣୀ ॥ 2-93-33 (15148)
ଦ୍ରୌପଦ୍ଯୁବାଚ। 2-93-33x (1684)
ଲୋଭୋ ଧର୍ମସ୍ଯ ନାଶାଯ ଭଗବନ୍ନାହମୁତ୍ସହେ।
ଅନର୍ହା ବରମାଦାତୁଂ ତୃତୀଯଂ ରାଜସତ୍ତମ॥ 2-93-33 (15149)
ଏକାମାହୁର୍ବୈଶ୍ଯବରଂ ଦ୍ବୌ ତୁ କ୍ଷତ୍ରସ୍ତ୍ରିଯୋ ବରୌ।
ତ୍ରଯସ୍ତୁ ରାଜ୍ଞୋ ରାଜେନ୍ଦ୍ର ବ୍ରାହ୍ମଣସ୍ଯ ଶତଂ ବରାଃ॥ 2-93-34 (15150)
ପାପୀଯାଂସ ଇମେ ଭୂତ୍ବା ସନ୍ତୀର୍ଣାଃ ପତଯୋ ମମ।
ବେତ୍ସ୍ଯନ୍ତି ଚୈବ ଭଦ୍ରାଣି ରାଜନ୍ପୁଣ୍ଯେନ କର୍ମଣା॥ ॥ 2-93-35 (15151)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦ୍ଯୂତପର୍ବଣି ତ୍ରିନବତିତମୋଽଧ୍ଯାଯଃ॥93 ॥
Mahabharata - Sabha Parva - Chapter Footnotes
2-93-21 ଅଗ୍ନିହୋତ୍ରେ ଗୃହ୍ଯାଗ୍ନିସମୀପେ॥ସଭାପର୍ବ - ଅଧ୍ଯାଯ 094
॥ ଶ୍ରୀଃ ॥
2.94. ଅଧ୍ଯାଯଃ 094
Mahabharata - Sabha Parva - Chapter Topics
କର୍ଣପ୍ରଲପିତମ୍॥ 1॥ କ୍ରୁଦ୍ଧଂ ଭୀମଂ ନିବାର୍ଯ ଯୁଧିଷ୍ଠିରସ୍ଯ ଧୃତରାଷ୍ଟ୍ରସମୀପଗମନମ୍॥ 2॥Mahabharata - Sabha Parva - Chapter Text
କର୍ଣ ଉବାଚ॥
ଯା ନଃ ଶ୍ରୁତା ମନୁଷ୍ଯେଷୁ ସ୍ତ୍ରିଯୋ ରୂପେଣ ସଂମତାଃ।
ତାସାମେତାଦୃଶଂ କର୍ମ ନ କସ୍ଯାଶ୍ଚନ ଶୁଶ୍ରୁମ॥ 2-94-1 (15152)
କ୍ରୋଧାବିଷ୍ଟେଷୁ ପାର୍ଥେଷୁ ଧାର୍ତରାଷ୍ଟ୍ରେଷୁ ଚାପ୍ଯତି।
ଦ୍ରୌପଦୀ ପାଣ୍ଡୁପୁତ୍ରାଣାଂ କୃଷ୍ଣା ଶାନ୍ତିରିହାଭବତ୍॥ 2-94-2 (15153)
ଅପ୍ଲବେଽମ୍ଭସି ମଗ୍ନାନାମପ୍ରତିଷ୍ଠେ ନିମଜ୍ଜତାମ୍।
ପାଞ୍ଚାଲୀ ପାଣ୍ଡୁପୁତ୍ରାଣାଂ ନୌରେଷାଂ ପାରଗାଽଭବତ୍॥ 2-94-3 (15154)
ବୈଶମ୍ପାଯନ ଉବାଚ॥ 2-94-4x (1685)
ତଦ୍ବୈ ଶ୍ରୁତ୍ବା ଭୀମସେନଃ କୁରୁମଧ୍ଯେଽତ୍ଯମର୍ଷଣଃ।
ସ୍ତ୍ରୀ ଗତିଃ ପାଣ୍ଡୁପୁତ୍ରାଣାମିତ୍ଯୁବାଚ ସୁଦୁର୍ମନାଃ॥ 2-94-4 (15155)
ଭୀମ ଉବାଚ॥ 2-94-5x (1686)
ତ୍ରୀଣି ଜ୍ଯୋତୀଂଷି ପୁରୁଷ ଇତି ବୈ ଦେବଲୋଽବ୍ରବୀତ୍।
ଅପତ୍ଯଂ କର୍ମ ବିଦ୍ଯା ଚ ଯତଃ ସୃଷ୍ଟାଃ ପ୍ରଜାସ୍ତତଃ॥ 2-94-5 (15156)
ଅମେଧ୍ଯେ ବୈ ଗତପ୍ରାମେ ଶୂନ୍ଯେ ଜ୍ଞାତିଭିରୁଜ୍ଝିତେ।
ଦେହେ ତ୍ରିତଯମେବୈତତ୍ପୁରୁଷସ୍ଯୋପଯୁଜ୍ଯତେ॥ 2-94-6 (15157)
ତନ୍ନୋ ଜ୍ଯୋତିରଭିହତଂ ଦାରାଣାମଭିମର୍ଶନାତ୍।
ଧନଞ୍ଜଯ କଥଂ ସ୍ବିତ୍ସ୍ଯାଦପତ୍ଯମଭିମୃଷ୍ଟଜମ୍॥ 2-94-7 (15158)
ଅର୍ଜୁନ ଉବାଚ॥ 2-94-8x (1687)
ନ ଚୈବୋକ୍ତା ନ ଚାନୁକ୍ତା ହୀନତଃ ପରୁଷା ଗିରଃ।
ଭାରତ ପ୍ରତିଜଲ୍ପନ୍ତି ସଦା ତୂତ୍ତମପୂରୁଷାଃ॥ 2-94-8 (15159)
ସ୍ମରନ୍ତି ସୁକୃତାନ୍ଯେବ ନ ବୈରାଣି କୃତାନ୍ଯପି।
ସନ୍ତଃ ପ୍ରତିବିଜାନନ୍ତୋ ଲବ୍ଧସମ୍ଭାବନାଃ ସ୍ବଯମ୍॥ 2-94-9 (15160)
ଭୀମ ଉବାଚ॥ 2-94-10x (1688)
ଇହୈବୈତାନହଂ ସର୍ବାନ୍ହନ୍ମି ଶତ୍ରୂନ୍ସମାଗତାନ୍।
ଅଥ ନିଷ୍କ୍ରମ୍ଯ ରାଜେନ୍ଦ୍ର ସମୂଲାନ୍ହନ୍ମି ଭାରତ॥ 2-94-10 (15161)
କିଂ ନୋ ବିବଦିତେନେହ କିମୁକ୍ତେନ ଚ ଭାରତ।
ଅଦ୍ଯୈବୈତାନ୍ନିହନ୍ମୀହ ପ୍ରଶାଧି ପୃଥିବୀମିମାମ୍॥ 2-94-11 (15162)
ଇତ୍ଯୁକ୍ତ୍ବା ଭୀମସେନସ୍ତୁ କନିଷ୍ଠୈର୍ଭ୍ରାତୃଭିଃ ସହ।
ମୃଗମଧ୍ଯେ ଯଥା ସିଂହୋ ମୁହୁର୍ମୁହୁରୁଦୈକ୍ଷତ॥ 2-94-12 (15163)
ସାନ୍ତ୍ବ୍ଯମାନୋ ବୀକ୍ଷମାଣଃ ପାର୍ଥେନାକ୍ଲିଷ୍ଟକର୍ମଣା।
ଖିଦ୍ଯତ୍ଯେବ ମହାବାହୁରନ୍ତର୍ଦାହେନ ବୀର୍ଯବାନ୍॥ 2-94-13 (15164)
କ୍ରୁଦ୍ଧସ୍ଯ ତସ୍ଯ ସ୍ରୋତୋଭ୍ଯଃ କର୍ଣାଦିଭ୍ଯୋ ନରାଧିପ।
ସଧୂମଃ ସସ୍ଫୁଲିଙ୍ଗାର୍ଚିଃ ପାବକଃ ସମଜାଯତ॥ 2-94-14 (15165)
ଭ୍ରୁକୁଟୀକୃତଦୁଷ୍ପ୍ରେକ୍ଷ୍ଯମଭବତ୍ତସ୍ଯ ତନ୍ମୁଖମ୍।
ଯୁଗାନ୍ତକାଲେ ସମ୍ପ୍ରାପ୍ତେ କୃତାନ୍ତସ୍ଯେବ ରୂପିଣଃ॥ 2-94-15 (15166)
ଯୁଧିଷ୍ଠିରସ୍ତମାବାର୍ଯ ବାହୁନା ବାହୁଶାଲିନମ୍।
ମୈବମିତ୍ଯବ୍ରବୀଚ୍ଚୈନଂ ଜୋଷମାସ୍ବେତି ଭାରତ॥ 2-94-16 (15167)
ନିବାର୍ଯ ଚ ମହାବାହୁଂ କୋପସଂରକ୍ତଲୋଚନମ୍।
ପିତରଂ ସମୁପାତିଷ୍ଠଦ୍ଧୃତରାଷ୍ଟ୍ରଂ କୃତାଞ୍ଜଲିଃ॥ ॥ 2-94-17 (15168)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦ୍ଯୂତପର୍ବଣି ଚତୁର୍ନବତିତମୋଽଧ୍ଯାଯଃ॥94 ॥
Mahabharata - Sabha Parva - Chapter Footnotes
2-94-16 ଜୋଷଂ ତୂଷ୍ଣୀମ୍॥ସଭାପର୍ବ - ଅଧ୍ଯାଯ 095
॥ ଶ୍ରୀଃ ॥
2.95. ଅଧ୍ଯାଯଃ 095
Mahabharata - Sabha Parva - Chapter Topics
ଧୃତରାଷ୍ଟ୍ରାନୁଜ୍ଞଯା ସଭ୍ରାତୃକସ୍ଯ ଯୁଧିଷ୍ଠିରସ୍ଯ ଇନ୍ଦ୍ରପ୍ରସ୍ଥଗମନମ୍॥ 1॥Mahabharata - Sabha Parva - Chapter Text
ଯୁଧିଷ୍ଠର ଉବାଚ॥
ରାଜନ୍କିଂ କରବାମସ୍ତେ ପ୍ରଶାଧ୍ଯସ୍ମାଂସ୍ତ୍ବମୀଶ୍ବରଃ।
ନିତ୍ଯଂ ହି ସ୍ଥାତୁମିଚ୍ଛାମସ୍ତବ ଭାରତ ଶାସନେ॥ 2-95-1 (15169)
ଧୃତରାଷ୍ଟ୍ର ଉବାଚ॥ 2-95-2x (1689)
ଅଜାତଶତ୍ରୋ ଭଦ୍ରଂ ତେ ଅରିଷ୍ଟଂ ସ୍ବସ୍ତି ଗଚ୍ଛତ।
ଅନୁଜ୍ଞାତାଃ ସହଧନାଃ ସ୍ବରାଜ୍ଯମନୁଶାସତ॥ 2-95-2 (15170)
ଇଦଂ ଚୈବାବବୋଦ୍ଧବ୍ଯଂ ବୃଦ୍ଧସ୍ଯ ମମ ଶାସନମ୍।
ମଯା ନିଗଦିତଂ ସର୍ବଂ ପଥ୍ଯଂ ନିଃଶ୍ରେଯସଂ ପରମ୍॥ 2-95-3 (15171)
ବେତ୍ଥ ତ୍ବଂ ତାତ ଧର୍ମାଣାଂ ଗତିଂ ସୂକ୍ଷ୍ମାଂ ଯୁଧିଷ୍ଠିର।
ବିନୀତୋଽସି ମହାପ୍ରାଜ୍ଞ ବୃଦ୍ଧାନାଂ ପର୍ଯୁପାସିତା॥ 2-95-4 (15172)
ଯତୋ ବୁଦ୍ଧିସ୍ତତଃ ଶାନ୍ତିଃ ପ୍ରଶମଂ ଗଚ୍ଛ ଭାରତ।
ନାଦାରୁଣି ପତେଚ୍ଛସ୍ତ୍ରଂ ଦାରୁଣ୍ଯେତନ୍ନିପାତ୍ଯତେ॥ 2-95-5 (15173)
ନ ବୈରାଣ୍ଯଭିଜାନନ୍ତି ଗୁଣାନ୍ପଶ୍ଯନ୍ତି ନାଗୁଣାନ୍।
ବିରୋଧଂ ନାଧିଗଚ୍ଛନ୍ତି ଯେ ତ ଉତ୍ତମପୂରୁଷାଃ॥ 2-95-6 (15174)
ସ୍ମରନ୍ତି ସୁକୃତାନ୍ଯେବ ନ ବୈରାଣି କୃତାନ୍ଯପି।
ସନ୍ତଃ ପରାର୍ଥଂ କୁର୍ବାଣା ନାବେକ୍ଷନ୍ତି ପ୍ରତିକ୍ରିଯାମ୍॥ 2-95-7 (15175)
ସଂବାଦେ ପରୁଷାଣ୍ଯାହୁର୍ଯୁଧିଷ୍ଠିର ନରାଧମାଃ।
ପ୍ରତ୍ଯାହୁର୍ମଧ୍ଯମାସ୍ତ୍ବେତେଽନୁକ୍ତାଃ ନରାଧମାଃ। 2-95-8 (15176)
ନ ଚୋକ୍ତା ନୈବ ଚାନୁକ୍ତାସ୍ତ୍ବହିତାଃ ପରୁଷା ଗିରଃ।
ପ୍ରତିଜଲ୍ପନ୍ତି ବୈ ଧୀରାଃ ସଦା ତୂତ୍ତମପୁରୁଷାଃ॥ 2-95-9 (15177)
ସ୍ମରନ୍ତି ସୁକୃତାନ୍ଯେବ ନ ବୈରାଣି କୃତାନ୍ଯପି।
ସନ୍ତଃ ପ୍ରତିବିଜାନନ୍ତୋ ଲବ୍ଧ୍ବା ପ୍ରତ୍ଯଯମାତ୍ମନଃ॥ 2-95-10 (15178)
ଅସମ୍ଭିନ୍ନାର୍ଯମର୍ଯାଦାଃ ସାଧବଃ ପ୍ରିଯଦର୍ଶନାଃ।
ତଥା ଚରିତ୍ତଂମାର୍ଯେଣ ତ୍ବଯାଽସ୍ମିନ୍ସତ୍ସମାଗମେ॥ 2-95-11 (15179)
ଦୁର୍ଯୋଧନସ୍ଯ ପାରୁଷ୍ଯଂ ତତ୍ତାତ ହୃଦି ମା କୃଥାଃ।
ମାତରଂ ଚୈବ ଗାନ୍ଧାରୀଂ ମାଂ ଚ ତ୍ବଂ ଗୁଣକାଙ୍କ୍ଷଯା॥ 2-95-12 (15180)
ଉପସ୍ଥିତଂ ବୃଦ୍ଧମନ୍ଧଂ ପିତରଂ ପଶ୍ଯ ଭାରତ।
ପ୍ରେକ୍ଷାପୂର୍ବଂ ମଯା ଦ୍ଯୂତମିଦମାସୀଦୁପେକ୍ଷିତମ୍॥ 2-95-13 (15181)
ମିତ୍ରାଣି ଦ୍ରଷ୍ଟୁକାମେନ ପୁତ୍ରାଣାଂ ଚ ବଲାବଲମ୍।
ଅଶୋଚ୍ଯାଃ କୁରବୋ ରାଜନ୍ଯେଷାଂ ତ୍ବମନୁଶାସିତା॥ 2-95-14 (15182)
ମନ୍ତ୍ରୀ ଚ ବିଦୁରୋ ଧୀମାନ୍ସର୍ବଶାସ୍ତ୍ରବିଶାରଦଃ।
ତ୍ବଯି ଧର୍ମୋଽର୍ଜୁନେ ଧୈର୍ଯଂ ଭୀମସେନେ ପରାକ୍ରମଃ॥ 2-95-15 (15183)
ଶୁଦ୍ଧା ଚ ଗୁରୁଶୁଶ୍ରୂଷା ଯମଯୋଃ ପୁରୁଷାଗ୍ର୍ଯଯୋଃ।
ଅଜାତଶତ୍ରୋ ଭଦ୍ରଂ ତେ ଖାଣ୍ଡବପ୍ରସ୍ଥମାବିଶ।
ଭ୍ରାତୃଭିସ୍ତେଽସ୍ତୁ ସୌଭ୍ରାତ୍ରଂ ଧର୍ମେ ତେ ଧୀଯତାମ ମନଃ॥ 2-95-16 (15184)
ବୈଶମ୍ପାଯନ ଉବାଚ॥ 2-95-17x (1690)
ଇତ୍ଯୁକ୍ତୋ ଭରତଶ୍ରେଷ୍ଠ ଧର୍ମରାଜୋ ଯୁଧିଷ୍ଠିରଃ।
କୃତ୍ବାଽଽର୍ଯସମଯଂ ସର୍ବଂ ପ୍ରତସ୍ଥେ ଭ୍ରାତୃଭିଃ ସହ॥ 2-95-17 (15185)
ତେ ରଥାନ୍ମେଘସଙ୍କାଶାନାସ୍ଥାଯ ସହ କୃଷ୍ଣଯା।
ପ୍ରଯଯୁର୍ହୃଷ୍ଟମନସ ଇନ୍ଦ୍ରପ୍ରସ୍ଥଂ ପୁରୋତ୍ତମମ୍॥ ॥ 2-95-18 (15186)
ଇତି ଶ୍ରୀମନ୍ମହାଭାରତେ ସଭାପର୍ବଣି ଦ୍ଯୂତପର୍ବଣି ପଞ୍ଚନବତିତମୋଽଧ୍ଯାଯଃ॥95 ॥
ସଭାପର୍ବ - ଅଧ୍ଯାଯ 096
॥ ଶ୍ରୀଃ ॥
2.96. ଅଧ୍ଯାଯଃ 096
Mahabharata - Sabha Parva - Chapter Topics
ଦୁର୍ଯୋଧନେନ ଧୃତରାଷ୍ଟ୍ରସମୀପେ କାର୍ତବୀର୍ଯାର୍ଜୁନୋପାଖ୍ଯାନକଥନମ୍॥ 1॥Mahabharata - Sabha Parva - Chapter Text
ଜନମେଜଯ ଉବାଚ॥
ଅନୁଜ୍ଞାତାଂସ୍ତାନ୍ବିଦିତ୍ବା ସରତ୍ନଧନସଞ୍ଜଯାନ୍।
ପାଣ୍ଡବାନ୍ଧାର୍ତରାଷ୍ଟ୍ରାଣାଂ କଥମାସୀନ୍ମନସ୍ତଦା॥ 2-96-1 (15187)
ବୈଶମ୍ପାଯନ ଉବାଚ॥ 2-96-2x (1691)
ଅନୁଜ୍ଞାତାଂସ୍ତାନ୍ବିଦିତ୍ବା ଧୃତରାଷ୍ଟ୍ରେଣ ଧୀମତା।
ରାଜନ୍ଦୁଃ ଶାସନଃ କ୍ଷିପ୍ରଂ ଜଗାମ ଭ୍ରାତରଂ ପ୍ରତି॥ 2-96-2 (15188)
ଦୁର୍ଯୋଧନଂ ସମାସାଦ୍ଯ ସାମାତ୍ଯଂ ଭରତର୍ଷଭ।
ଦୁଃଖାର୍ତୋ ଭରତଶ୍ରେଷ୍ଠ ଇଦଂ ବଚନମବ୍ରବୀତ୍॥ 2-96-3 (15189)
ଦୁଃଶାସନ ଉବାଚ॥ 2-96-4x (1692)
ଦୁଃଖେନୈତତ୍ସମାନୀତଂ ସ୍ଥବିରୋ ନାଶଯତ୍ଯସୌ।
ଶତ୍ରୁସାଦ୍ଗମଯଦ୍ଦ୍ରବ୍ଯଂ ତଦ୍ବୁଧ୍ଯଧ୍ବଂ ମହାରଥାଃ॥ 2-96-4 (15190)
ଅଥ ଦୁର୍ଯୋଧନଃ କର୍ଣଃ ଶକୁନିଶ୍ଚାପି ସୌବଲଃ।
ମିଥଃ ସଙ୍ଗମ୍ଯ ସହିତାଃ ପାଣ୍ଡବାନ୍ପ୍ରତି ମାନିନଃ॥ 2-96-5 (15191)
ବୈଚିତ୍ରବୀର୍ଯଂ ରାଜାନଂ ଧୃତରାଷ୍ଟ୍ରଂ ମନୀଷିଣମ୍।
ଅଭିଗମ୍ଯ ତ୍ବରାଯୁକ୍ତାଃ ଶ୍ଲକ୍ଷ୍ଣଂ ବଚନମବ୍ରୁବନ୍॥ 2-96-6 (15192)
ଦୁର୍ଯୋଧନ ଉବାଚ॥ 2-96-7x (1693)
ନ ତ୍ବଯେଦଂ ଶ୍ରୁତଂ ରାଜନ୍ଯଜ୍ଜଗାଦ ବୃହସ୍ପତିଃ।
ଶକ୍ରସ୍ଯ ନୀତିଂ ପ୍ରବଦନ୍ବିଦ୍ବାନ୍ଦେବପୁରୋହିତଃ॥ 2-96-7 (15193)
ସର୍ବୋପାଯୈର୍ନିହନ୍ତବ୍ଯାଃ ଶତ୍ରବଃ ଶତ୍ରୁସୂଦନ।
ପୁରା ଯୁଦ୍ଧାଦ୍ବଲାଦ୍ବାପି ପ୍ରକୁର୍ବନ୍ତି ତବାହିତମ୍॥ 2-96-8 (15194)
ତେ ବଯଂ ପାଣ୍ଡବଧନୈଃ ସର୍ବାନ୍ସମ୍ପୂଜ୍ଯ ପାର୍ଥିବାନ୍।
ଯଦି ତାନ୍ଯୋଧଯିଷ୍ଯାମଃ କିଂ ବୈ ନିଃ ପରିହାସ୍ଯତି॥ 2-96-9 (15195)
ଅହୀନାଶୀବିଷାନ୍କ୍ରୁଦ୍ଧାନ୍ନାଶାଯ ସମୁପସ୍ଥିତାନ୍।
କୃତ୍ବା କଣ୍ଠେ ଚ ପୃଷ୍ଠେ ଚ କଃ ସମୁତ୍ସ୍ରଷ୍ଟୁମର୍ହତି॥ 2-96-10 (15196)
ଆତ୍ତଶସ୍ତ୍ରା ରଥଗତାଃ କୁପିତାସ୍ତାତ ପାଣ୍ଡବାଃ।
ନିଃଶେଷାନ୍ନଃ କରିଷ୍ଯନ୍ତି କ୍ରୁଦ୍ଧା ହ୍ଯାଶୀବିଷା ଇବ॥ 2-96-11 (15197)
ସନ୍ନଦ୍ଧୋ ହ୍ଯର୍ଜୁନୋ ଯାତି ବିଧୃତ୍ଯ ପରମେଷୁଧୀ।
ଗାଣ୍ଡୀବଂ ମୁହୁରାଦତ୍ତେ ନିଃଶ୍ବସଂଶ୍ଚ ନିରୀକ୍ଷତେ॥ 2-96-12 (15198)
ଗଦାଂ ଗୁର୍ବୀ ସମୁଦ୍ଯମ୍ଯ ତ୍ବରିତଶ୍ଚ ବୃକୋଦରଃ।
ସ୍ବରଥଂ ଯୋଜଯିତ୍ବାଽଶୁ ନିର୍ଯାତ ଇତି ନଃ ଶ୍ରୁତମ୍॥ 2-96-13 (15199)
ନକୁଲଃ ଖହ୍ଗମାଦାଯ ଚର୍ମ ଚାପ୍ଯର୍ଧଚନ୍ଦ୍ରବତ୍।
ସହଦେବଶ୍ଚ ରାଜା ଚ ଚକ୍ରୁରାକାରମିଙ୍ଗିତୈଃ॥ 2-96-14 (15200)
ତେ ତ୍ବାସ୍ଥାଯ ରଥାନ୍ସର୍ବେ ବହୁଶସ୍ତ୍ରପରିଚ୍ଛଦାନ୍।
ଅଭିଘ୍ନାନ୍ତୋ ରଥବ୍ରାତାନ୍ସେନାଯୋଗାଯ ନିର୍ଯଯୁଃ॥ 2-96-15 (15201)
ନ କ୍ଷଂସ୍ଯନ୍ତେ ତଥାଽସ୍ମାଭିର୍ଜାତୁ ବିପ୍ରକୃତା ହି ତେ।
ଦ୍ରୌପଦ୍ଯାଶ୍ଚ ପରିକ୍ଲେଶଂ କସ୍ତେଷାଂ କ୍ଷନ୍ତୁମର୍ହତି॥ 2-96-16 (15202)
` ନ ପଶ୍ଯାମି ରଣେ କ୍ରଦ୍ଧୁଂ ବୀଭତ୍ସୁଂ ପ୍ରତିବାରଣମ୍।
ଭୀଷ୍ମୋ ଦ୍ରୋଣଶ୍ଚ କର୍ଣଶ୍ଚ ଦ୍ରୌଣିଶ୍ଚ ରଥିନାଂ ବରଃ॥ 2-96-17 (15203)
କୃପଶ୍ଚ ବୃଷସେନଶ୍ଚ ବିକର୍ଣଶ୍ଚ ଜଯଦ୍ରଥଃ।
ବାହ୍ଲୀକଃ ସୋମଦତ୍ତଶ୍ଚ ଭୂରିର୍ଭୂରିଶ୍ରବାଃ ଶଲଃ॥ 2-96-18 (15204)
ଶକୁନିଃ ସସୁତଶ୍ଚୈବ ନୃପାଶ୍ଚାନ୍ଯେ ଚ କୌରବାଃ।
ନୈତେ ସର୍ବେ ରଣୋଦ୍ଯୁକ୍ତାଃ ପାର୍ଥଂ ସୋଢୁମଶକ୍ନୁବନ୍॥ 2-96-19 (15205)
ଅର୍ଜୁନେନ ସମୋ ଲୋକେ ନାସ୍ତି ବୀର୍ଯେ ଧନୁର୍ଧରଃ।
ଯୋଽର୍ଜୁନେନାର୍ଜୁନସ୍ତୁଲ୍ଯୋ ଦ୍ବିବାହୁର୍ବହୁବାହୁନା॥ 2-96-20 (15206)
ଧୃତରାଷ୍ଟ୍ର ଉବାଚ॥ 2-96-21x (1694)
କସ୍ତ୍ବଯୋକ୍ତଃ ପୁମାନ୍ବୀରୋ ବୀଭତ୍ସୁସମବିକ୍ରମଃ।
ତଂ ଯେ ବ୍ରୂହି ମହାବୀର୍ଯଂ ଶ୍ରୋତୁମିଚ୍ଛାମି ପୁତ୍ରକ॥ 2-96-21 (15207)
ଦୁର୍ଯୋଧନ ଉବାଚ॥ 2-96-22x (1695)
କାର୍ତବୀର୍ଯସ୍ଯ ଚରିତଂ ଶୃଣୁ ରାଜନ୍ମହାତ୍ମନଃ।
ଅବ୍ଯକ୍ତପ୍ରଭବୋ ବ୍ରହ୍ମା ସର୍ବଲୋକପିତାମହଃ॥ 2-96-22 (15208)
ବ୍ରହ୍ମଣୋଽତ୍ରିଃ ସୁତୋ ବିଦ୍ବାନତ୍ରେଃ ପୁତ୍ରୋ ନିଶାକରଃ।
ସୋମସ୍ଯ ତଦୁ ବୁଧଃ ପୁତ୍ରୋ ବୁଧସ୍ଯ ତୁ ପୁରୂରବାଃ॥ 2-96-23 (15209)
ତସ୍ଯାପ୍ଯଧ ସୁତୋଽପ୍ଯାଯୁରାଯୋସ୍ତୁ ନହୁଷଃ ସୁତଃ। 2-96-24 (15210)
ସ ଚାର୍ଜୁନୋଽଥ ତେଜସ୍ବୀ ତପଃ ପରମଦୁଶ୍ଚରମ୍।
ଦତ୍ତମାରାଧଯାମାସ ସୋଽର୍ଜୁନୋଽତ୍ରିସୁତଂ ମୁନିମ୍॥ 2-96-30 (15216)
ତସ୍ଯ ଦତ୍ତୋ ବରାନ୍ପ୍ରାଦାଚ୍ଚତୁରଃ ପାର୍ଥିବସ୍ଯ ବୈ।
ପୂର୍ବଂ ବାହୁସହସ୍ରଂ ତୁ ପ୍ରାର୍ଥିତଃ ପରମୋ ବରଃ॥ 2-96-31 (15217)
ଅଧର୍ମେ ପ୍ରୀଯମାଣସ୍ଯ ସଦ୍ଭିସ୍ତତ୍ର ନିବାରଣମ୍।
ଧର୍ମେଣ ପୃଥିବୀଂ ଜିତ୍ବା ଧର୍ମେଣୈବ ହି ରଞ୍ଜନମ୍॥ 2-96-32 (15218)
ସଙ୍ଗ୍ରାମାନ୍ସୁବହୂନ୍କୃତ୍ବା ହତ୍ବା ଚାରୀନ୍ସହସ୍ରଶଃ।
ସଙ୍ଗ୍ରାମେ ଯତମାନସ୍ଯ ବଧଶ୍ଚୈବାଧିକାଦ୍ରଣୈ॥ 2-96-33 (15219)
ତସ୍ଯ ବାହୁସହସ୍ରଂ ତୁ ଯୁଧ୍ଯତଃ କିଲ ଭାରତ।
ରଥୋ ଧ୍ବଜଶ୍ଚ ସଞ୍ଜଜ୍ଞ ଇତ୍ଯେବଂ ମେ ଶ୍ରୁତଂ ପରା॥ 2-96-34 (15220)
ତଥେଯଂ ପୃଥିବୀ ରାଜନ୍ତ୍ସପ୍ତଦ୍ବୀପା ସପତ୍ତନା।
ସସମୁଦ୍ରାକରା ତାତ ବିଧିନୋଗ୍ରେଣ ବୈ ଜିତା॥ 2-96-35 (15221)
ଚାର୍ଜୁନୋଽଥ ତେଜସ୍ବୀ ସପ୍ତଦ୍ବୀପେଶ୍ବରୋଽଭବତ୍।
ଚ ରାଜା ମହାଯଜ୍ଞାନାଜହାର ମହାବଲଃ।
ପ୍ରଶଶାସ ମହାବାହୁର୍ମହୀଂ ସ ଚ ସମା ବହୂଃ॥ 2-96-36 (15222)
ତତୋଽର୍ଜୁନଃ କଦାଚିଦ୍ବୈ ରାଜନ୍ମାହିଷ୍ମତୀପତିଃ।
ନର୍ମଦାଂ ଭରତଶ୍ରେଷ୍ଠଂ ତାଂ ତୁ ଦାରୈର୍ଯଯୌ ସହ॥ 2-96-37 (15223)
ତତସ୍ତାଂ ସ ନଦୀଂ ଗତ୍ବା ପ୍ରବିଶ୍ଯନ୍ତର୍ଜଲେ ତଦା।
କର୍ତୁଂ ରାଜଞ୍ଜଲକ୍ରୀଡାଂ ତତୋ ରାଜୋପଚକ୍ରମେ॥ 2-96-38 (15224)
ତସ୍ମିନ୍ନେବ ତତଃ କାଲେ ରାବମୋ ରାକ୍ଷସୈଃ ସହ।
ଲଙ୍କାଯା ଈଶ୍ବରସ୍ତାତ ତଂ ଦେଶଂ ପ୍ରଯଯୌ ବଲୀ॥ 2-96-39 (15225)
ତତସ୍ତମର୍ଜୁନଂ ଦୃଷ୍ଟ୍ବା ନର୍ମଦାଯାଂ ଦଶାନନଃ।
ନିତ୍ଯଂ କ୍ରୋଧପରୋ ଧୀରୋ ବରଦାନେନ ମୋହିତଃ॥ 2-96-40 (15226)
ଅଭ୍ଯଘାବତ୍ସୁସଙ୍କ୍ରୁଦ୍ଧୋ ମହେନ୍ଦ୍ରଂ ଶମ୍ବରୋ ଯଥା।
ଅର୍ଜୁନୋଽପ୍ଯଥ ତଂ ଦୃଷ୍ଟ୍ବା ରାବଣଂ ପ୍ରତ୍ଯବାରଯତ୍॥ 2-96-41 (15227)
ତତସ୍ତୌ ଚକ୍ରତୁର୍ଯୁଦ୍ଧଂ ରାବଣଶ୍ଚାର୍ଜୁନଶ୍ଚ ବୈ।
ତତସ୍ତୁ ଦୁର୍ଜଯଂ ବୀରଂ ବରଦାନେନ ଦର୍ପିତମ୍॥ 2-96-42 (15228)
ରାକ୍ଷସେନ୍ଦ୍ରଂ ମନୁଷ୍ଯେନ୍ଦ୍ରୋ ଜିତ୍ବା ବଧ୍ବା ରଣେ ବଲାତ୍।
ବଧ୍ବା ଧନୁର୍ଜ୍ଯଯା ରାଜନ୍ବିବେଶାଥ ପୁରୀଂ ସ୍ବକାମ୍॥ 2-96-43 (15229)
ସ ତୁ ତଂ ବନ୍ଧିତଂ ଶ୍ରୁତ୍ବା ପୁଲସ୍ତ୍ଯୋ ରାବଣଂ ତଦା।
ମୋକ୍ଷଯାଣାସ ବନ୍ଧାଦ୍ବୈ ପୁରେ ଦୃଷ୍ଟ୍ବାଽର୍ଜୁନଂ ତଦା॥ 2-96-44 (15230)
ତତଃ କଦାଚିତ୍ତେଜସ୍ବୀ କାର୍ତବୀର୍ଯୋର୍ଜୁନୋ ବଲୀ।
ସମୁଦ୍ରତୀରଂ ଗତ୍ବାଥ ବିରଚନ୍ଦର୍ପମୋହିତଃ॥ 2-96-45 (15231)
ଅବାକିରଚ୍ଛିତଶରୈଃ ସମୁଦ୍ରଂ ସ ତୁ ଭାରତ।
ତଂ ସମୁଦ୍ରୋ ନମସ୍କୃତ୍ଯ କୃତାଞ୍ଜଲିରଭାଷତ॥ 2-96-46 (15232)
ଆଶୁଗାନ୍ବୀର ମା ମୁଞ୍ଚ ବ୍ରୂହି କିଂ କରବାଣି ତେ।
ମଦାଶ୍ରଯାଣି ସତ୍ବାନି ତ୍ବଦ୍ବିସୃଷ୍ଟୈର୍ମହେଷୁଭିଃ।
ବାଧ୍ଯନ୍ତେ ରାଜଶାର୍ଦୂଲ ତେଭ୍ଯୋ ଦେହ୍ଯଭଯଂ ବିଭୋ॥ 2-96-47 (15233)
ଅର୍ଜୁନ ଉବାଚ॥ 2-96-48x (1696)
ଦେହି ସିନ୍ଧୁପତେ ଯୁଦ୍ଧମଦ୍ଯୈବ ତ୍ବରଯା ମମ।
ଅଥବା ପୀଡଯାମି ତ୍ବାଂ ତସ୍ମାତ୍ତ୍ବଂ କୁରୁ ମାଚିରମ୍॥ 2-96-48 (15234)
ସମୁଦ୍ର ଉବାଚ॥ 2-96-49x (1697)
ଲୋକେ ରାଜନ୍ମହାବୀର୍ଯା ବହବୋ ନିବସନ୍ତି ଯେ।
ତେଷାମେକେନ ରାଜେନ୍ଦ୍ର କୁରୁ ଯୁଦ୍ଧଂ ମହାବଲ॥ 2-96-49 (15235)
ଅର୍ଜୁନ ଉବାଚ॥ 2-96-50x (1698)
ମତ୍ସମୋ ଯଦି ସଙ୍ଗ୍ରାମେ ବରାଯୁଧଧରଃ କ୍ବଚିତ୍।
ବିଦ୍ଯତେ ତଂ ମମାଚକ୍ଷ୍ବ ଯଃ ସମାସେତ ମା ମୃଧେ॥ 2-96-50 (15236)
ସମୁଦ୍ର ଉବାଚ॥ 2-96-51x (1699)
ମହର୍ଷିର୍ଜମଦଗ୍ନିସ୍ତୁ ଯଦି ରାଜନ୍ପରିଶ୍ରୁତଃ।
ତସ୍ଯ ପୁତ୍ରୋ ରଣଂ ଦାତୁଂ ଯଥାବଦ୍ବୈ ତବାର୍ହତି॥ 2-96-51 (15237)
ଦୁର୍ଯୋଧନ ଉବାଚ॥ 2-96-52x (1700)
ସମୁଦ୍ରସ୍ଯ ବଚଃ ଶ୍ରୁତ୍ବା ରାଜା ମାହିଷ୍ମତୀପତିଃ।
ନାରଦସ୍ଯ ଚ ବୈ ପୂର୍ବଂ କ୍ରୋଧେନ ମହତା ବୃତଃ॥ 2-96-52 (15238)
ତତଃ ପ୍ରତିଯଯୌ ଶୀଘ୍ରଂ କ୍ରୋଧେନ ସହ ଭାରତ।
ସ ତମାଶ୍ରମମାଗତ୍ଯ କାମମେବାନ୍ବପଦ୍ଯତ॥ 2-96-53 (15239)
ସ କାମଂ ପ୍ରତିକୂଲାନି ଚକାର ସହ ବନ୍ଧୁଭିଃ।
ଆଯାସଂ ଜନଯାମାସ ରାମସ୍ଯ ସ ମହାତ୍ମନଃ॥ 2-96-54 (15240)
ତତସ୍ତେଜଃ ପ୍ରଜଜ୍ବାଲ ରାମସ୍ଯାମିତତେଜସଃ।
ପ୍ରଦହନ୍ନିବ ସୈନ୍ଯାନି ରଶ୍ମିମାନିବ ତେଜସା॥ 2-96-55 (15241)
ଅଥ ତୌ ଚକ୍ରତୁର୍ଯୁଦ୍ଧଂ ବୃତ୍ରବାସବଯୋରିବ॥ 2-96-56 (15242)
ତତଃ ପରଶୁମାଦାଯ ନୃପଂ ବାହୁସହସ୍ରିଣମ୍।
ଚିଚ୍ଛେଦ ସହସା ରାମୋ ବହୁଶାଖମିବ ଦ୍ରୁମମ୍॥ 2-96-57 (15243)
ତଂ ହତଂ ପତିତଂ ଦୃଷ୍ଟ୍ବା ସମେତାସ୍ତସ୍ଯ ବାନ୍ଧବାଃ।
ଅସୀନାଦାଯ ଶକ୍ତୀଶ୍ଚ ରାମଂ ତେ ପ୍ରତ୍ଯବାରଯନ୍॥ 2-96-58 (15244)
ରାମୋଽପି ରଥମାସ୍ଥାଯ ଧନୁରାଯମ୍ଯ ସତ୍ବରଃ।
ବିସୃଜନ୍ପରମାସ୍ତ୍ରାଣି ବ୍ଯଧମତ୍ପାର୍ଥିବାନ୍ବଲୀ॥ 2-96-59 (15245)
ତତସ୍ତୁ କ୍ଷତ୍ରିଯା ରାଜଞ୍ଜାମଦଗ୍ନ୍ଯଭଯାର୍ଦିତାଃ।
ବିବିଶୁର୍ଗିରିଦୁର୍ଗାଣି ମୃଗାଃ ସିଂହଭଯାଦିବ॥ 2-96-60 (15246)
ତେଷାଂ ସ୍ବବିହିତଂ କର୍ମ ତଦ୍ଭଯାନ୍ନାନୁତିଷ୍ଠତି।
ପ୍ରଜା ବୃଷଲତାଂ ପ୍ରାପ୍ତା ବ୍ରାହ୍ମଣାନାମଦର୍ଶନାତ୍॥ 2-96-61 (15247)
ତଥା ଚ ଦ୍ରବିଡାଃ କାଚାଃ ପୁଣ୍ଡାଶ୍ଚ ଶବରୈଃ ସହ।
ବୃଷଲତ୍ବଂ ପରିଗତା ବିଚ୍ଛିନ୍ନାଃ କ୍ଷତ୍ରଧର୍ମିଣଃ॥ 2-96-62 (15248)
ତତସ୍ତୁ ହତବୀରାସୁ କ୍ଷତ୍ରିଯାସୁ ପୁନଃ ପୁନଃ।
ଦ୍ବିଜୈରଭ୍ଯୁଦିତଂ କ୍ଷତ୍ରଂ ତାନି ରାମୋ ନିହତ୍ଯ ଚ॥ 2-96-63 (15249)
ତତସ୍ତ୍ରିସ୍ମପ୍ତମେ ଯାତେ ରାମଂ ବାଗଶରୀରିଣୀ।
ଦିବ୍ଯା ପ୍ରୋବାଚ ମଧୁରା ସର୍ବଲୋକପରିଶ୍ରୁତା॥ 2-96-64 (15250)
ରାମରାମ ନିବର୍ତସ୍ବ ସ୍ବଗୁଣଂ ନାତ୍ର ପଶ୍ଯସି।
କ୍ଷତ୍ରବନ୍ଧୂନିମାନ୍ପ୍ରାମୈର୍ବିପ୍ରଯୁଜ୍ଯ ପୁନଃ ପୁନଃ॥ 2-96-65 (15251)
ତଥୈବ ତଂ ମହାତ୍ମାନମୃଚୀକପ୍ରମୁଖାସ୍ତଥା।
ରାମରାମ ମହାବୀର୍ଯ ନିବର୍ତସ୍ବେତ୍ଯଥାବ୍ରୁବନ୍॥ 2-96-66 (15252)
ପିତୁର୍ବଧମସମୃଷ୍ଯଂସ୍ତୁ ରାମଃ ପ୍ରୋବାଚ ତାନୃଷୀନ୍।
ନାର୍ହା ହନ୍ତ ଭବନ୍ତୋ ମାଂ ନିବାରଯିତୁମିତ୍ଯୁତ॥ 2-96-67 (15253)
ପିତର ଊଚୁଃ। 2-96-68x (1701)
ନାର୍ହସି କ୍ଷତ୍ରବନ୍ଧୂଂସ୍ତ୍ବଂ ନିହନ୍ତୁଂ ଜଯତାଂ ବର।
ନ ହି ଯୁକ୍ତଂ ତ୍ବଯା ତାତ ବ୍ରାହ୍ମଣେନସତା ନୃପାନ୍॥ 2-96-68 (15254)
ଦୁର୍ଯୋଧନ ଉବାଚ॥ 2-96-69x (1702)
ପିତୄଣାଂ ବଚନଂ ଶ୍ରୁତ୍ବା କ୍ରୋଧଂ ତ୍ଯକ୍ତ୍ବା ସ ଭାର୍ଗବଃ।
ଅଶ୍ବମେଧସହସ୍ରାଣି ନରମେଧଶତାନି ଚ॥ 2-96-69 (15255)
ଇଷ୍ଟ୍ବା ସାଗରପର୍ଯନ୍ତାଂ କାଶ୍ଯପାଯ ଦଦୌ ମହୀମ୍।
ତେନ ରାମେଣ ସଙ୍ଗ୍ରାମେ ତୁଲ୍ଯସ୍ତାତ ଦଯଞ୍ଜଯଃ॥ 2-96-70 (15256)
କାର୍ତବୀର୍ଯେଣ ଚ ରଣେ ତୁଲ୍ଯଃ ପାର୍ଥୋ ନ ସଂଶଯଃ।
ରଣେ ବିକ୍ରମ୍ଯ ରାଜେନ୍ଦ୍ର ପାର୍ଥଂ ଜେତୁଂ ନ ଶକ୍ଯତେ॥ ॥ 2-96-71 (15257)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅନୁଦ୍ଯୂତପର୍ବଣି ଷଣ୍ଣବତିତମୋଽଧ୍ଯାଯଃ॥96 ॥
Mahabharata - Sabha Parva - Chapter Footnotes
2-96-4 ଗମଯତ୍ ଅଗମଯତ୍॥ 2-96-9 ପରିହାସ୍ଯତି ନଙ୍କ୍ଷ୍ଯତି॥ସଭାପର୍ବ - ଅଧ୍ଯାଯ 097
॥ ଶ୍ରୀଃ ॥
2.97. ଅଧ୍ଯାଯଃ 097
Mahabharata - Sabha Parva - Chapter Topics
ଦୁର୍ଯୋଧନେନ ଧୃତରାଷ୍ଟ୍ରସମୀପେ ଅର୍ଜୁନପ୍ରଭାବବର୍ଣନମ୍॥ 1॥ ଦୁର୍ଯୋଧନଦୁର୍ବୋଧନେନ ଧୃତରାଷ୍ଟ୍ରସ୍ଯ ପୁନର୍ଦ୍ଯୂତାଯ ପାଣ୍ଡବାନଯନାଭ୍ଯନୁଜ୍ଞା॥ 2॥Mahabharata - Sabha Parva - Chapter Text
ଦୁର୍ଯୋଧନ ଉବାଚ॥
ଶୃଣୁ ରାଜନ୍ପୁରାଽଚିନ୍ତ୍ଯାନର୍ଜୁନସ୍ଯ ଚ ସାହସାନ୍।
ଅର୍ଜୁନୋ ଧନ୍ବିନାଂ ଶ୍ରେଷ୍ଠୋ ଦୁଷ୍କରଂ କୃତବାନ୍ପୁରା॥ 2-97-1 (15258)
ଦ୍ରୁପଦସ୍ଯ ପୁରେ ରାଜନ୍ଦ୍ରୌପଦ୍ଯାଶ୍ଚ ସ୍ବଯଂବର॥
ଆବାଲବୃଦ୍ଧସଙ୍କ୍ଷୋଭେ ସର୍ବକ୍ଷତ୍ରସମାଗମେ।
କ୍ଷିପ୍ରକାରୀ ଜଲେ ମତ୍ସ୍ଯଂ ଦୁର୍ନିରୀକ୍ଷ୍ଯଂ ସସର୍ଜ ହ॥ 2-97-2 (15259)
ସର୍ବୈର୍ନୃପୈରସାଧ୍ଯଂ ତତ୍କାର୍ମୁକପ୍ରବରଂ ଚ ବୈ।
କ୍ଷଣେନ ସଜ୍ଯମକରୋତ୍ସର୍ବକ୍ଷତ୍ରସ୍ଯ ପଶ୍ଯତଃ॥ 2-97-3 (15260)
ତତୋ ଯନ୍ତ୍ରମଯଂ ବିଧ୍ବା ବିସାରଂ ଫଲ୍ଗୁନୋ ବଲୀ।
କୃଷ୍ଣଯା ହେମମାଲ୍ଯେନ ସ୍କନ୍ଧେ ସ ପରିବେଷ୍ଟିତଃ॥ 2-97-4 (15261)
ତତସ୍ତଯା ବୃତଂ ପାର୍ଥଂ ଦୃଷ୍ଟ୍ବା ସର୍ବେ ନୃପାସ୍ତଦା।
ରୋଷାତ୍ସର୍ବାଯୁଧାନ୍ଗୃହ୍ଯ କ୍ରୁଦ୍ଧା ବୀରା ମହୌଜସଃ।
ବୈକର୍ତନଂ ପୁରସ୍କୃତ୍ଯ ସର୍ବେ ପାର୍ଥମୁପାଦ୍ରବନ୍॥ 2-97-5 (15262)
ସ ସର୍ବାନ୍ପାର୍ଥିବାନ୍ଦୃଷ୍ଟ୍ବା କ୍ରୁଦ୍ଧାନ୍ପାର୍ଥୋ ମହାବଲଃ।
ବାରଯିତ୍ବା ଶରୈସ୍ତୀକ୍ଷ୍ଣୈରଜଯତ୍ତତ୍ର ସ ସ୍ବଯମ୍॥ 2-97-6 (15263)
ଜିତ୍ବା ତୁ ତାନ୍ମହୀପାଲାନ୍ସର୍ବାନ୍କର୍ଣପୁରୋଗମାନ୍।
ଲେଭେ କୃଷ୍ଣାଂ ଶୁଭାଂ ପାର୍ଥୋ ଯୁଧ୍ବା ବୀର୍ଯବଲାତ୍ତଦା॥ 2-97-7 (15264)
ସର୍ବକ୍ଷତ୍ରସମୂହେଷୁ ଅମ୍ବାଂ ଭୀଷ୍ମୋ ଯଥା ପୁରା।
ତତଃ କଦାଚିଦ୍ବୀଭତ୍ସୁସ୍ତୀର୍ଯଯାତ୍ରାଂ ଯଯୌ ସ୍ବଯମ୍॥ 2-97-8 (15265)
ଅଥୋଲୂପୀଂ ଶୁଭାଂ ତାତ ନାଗରାଜସତାଂ ତଦା।
ନାଗେଷ୍ବାପ ବରାଗ୍ର୍ଯେଷୁ ପ୍ରାର୍ଥିତୋଽଥ ଯଥା ତଥା॥ 2-97-9 (15266)
ତତୋ ଗୋଦାବରୀଂ କୃଷ୍ଣାଂ କାବେରୀଂ ଚାବଗାହତ।
ତତ୍ର ପାଣ୍ଡ୍ଯଂ ସମାସାଦ୍ଯ ତସ୍ଯ କନ୍ଯାମବାପ ସଃ॥ 2-97-10 (15267)
ଲବ୍ଧ୍ବା ଜିଷ୍ଣୁର୍ମୁଦଂ ତତ୍ର ତତୋ ଯାମ୍ଯାଂ ଦିଶଂ ଯଯୌ॥ 2-97-11 (15268)
ସ ଦକ୍ଷିଣଂ ସମୁଦ୍ରାନ୍ତଂ ଗତ୍ବା ଚାପ୍ସରସାଂ ଚ ବୈ।
କୁମାରତୀର୍ଥମାସାଦ୍ଯ ମୋକ୍ଷଯାମାସ ଚାର୍ଜୁନଃ॥ 2-97-12 (15269)
ଗ୍ରାହରୂପାଶ୍ଚ ତାଃ ପଞ୍ଚ ଅତିଶୌର୍ଯେଣ ବୈ ବଲାତ୍।
କନ୍ଯାତୀର୍ଥଂ ସମଭ୍ଯେତ୍ଯ ତତୋ ଦ୍ବାରବତୀଂ ଯଯୌ॥। 2-97-13 (15270)
ତତ୍ର କୃଷ୍ଣନିଦେଶାତ୍ସ ସୁଭଦ୍ରାଂ ପ୍ରାପ୍ଯ ଫଲ୍ଗୁନଃ।
ତାମାରୋପ୍ଯ ରଥୋପସ୍ଥେ ପ୍ରଯଯୌ ସ୍ବପୁରୀଂ ପ୍ରତି॥ 2-97-14 (15271)
ଅଥାଦାଯ ଗତେ ପାର୍ଥେ ତେ ଶ୍ରୁତ୍ବା ସର୍ବଯାଦବାଃ।
ତମଭ୍ଯଧାବନ୍ତ୍ସଙ୍କ୍ରୁଦ୍ଧାଃ ସିଂହବ୍ଯାଘ୍ରଗଣା ଇବ॥ 2-97-15 (15272)
ପ୍ରଦ୍ଯୁମ୍ନଃ କୃତବର୍ମା ଚ ଗଦଃ ସାରଣସାତ୍ଯକୀ।
ଆହୁକଶ୍ଚୈବ ସାମ୍ବଶ୍ଚ ଚାରୁଦେଷ୍ଣୋ ବିଦୂରଥଃ॥ 2-97-16 (15273)
ଅନ୍ଯେ ଚ ଯାଦବାଃ ସର୍ବେ ବଲଦେବପୁରୋଗମାଃ।
ଏକମେବ ପରେ କୃଷ୍ଣଂ ଗଜବାଜିରଥୈର୍ଯୁତାଃ॥ 2-97-17 (15274)
ଅଥାସାଦ୍ଯ ବନେ ଯାନ୍ତଂ ପରିବାର୍ଯ ଧନଞ୍ଜଯମ୍।
ଚକ୍ରୁର୍ଯୁଦ୍ଧଂ ସୁସଙ୍କ୍ରୁଦ୍ଧା ବହୁକୋଟ୍ଯଶ୍ଚ ଯାଦବାଃ॥ 2-97-18 (15275)
ଏକ ଏବ ତୁ ପାର୍ଥସ୍ତୈର୍ଯୁଦ୍ଧଂ ଚକ୍ରେ ସୁଦାରୁଣମ୍।
ତେନ ତେଷାଂ ସମଂ ଯୁଦ୍ଧଂ ମୁହୂର୍ତଂ ପ୍ରବଭୂବ ହ॥ 2-97-19 (15276)
ତତଃ ପାର୍ଥୋ ରଣେ ସର୍ବାନ୍ବାରଯିତ୍ବା ଶିତୈଃ ଶରୈଃ।
ବଲାଦ୍ବିଜିତ୍ଯ ରାଜେନ୍ଦ୍ର ବୀରସ୍ତାନ୍ସର୍ବଯାଦବାନ୍।
ତାଂ ସୁଭଦ୍ରାମଥାଦାଯ ଶକ୍ରପ୍ରସ୍ଥଂ ବିବେଶ ହ॥ 2-97-20 (15277)
ଭୂଯଃ ଶୃଣୁ ମହାରାଜ ଫଲ୍ଗୁନସ୍ଯ ଚ ସାହସମ୍।
ଦଦୌ ସ ବହ୍ନେର୍ବିଭତ୍ସୁଃ ପ୍ରାର୍ଥିତଂ ଖାଣ୍ଡବଂ ବନମ୍॥ 2-97-21 (15278)
ଲବ୍ଧମାତ୍ରେ ତୁ ତେନାଥ ଭଗବାନ୍ହବ୍ଯବାହନଃ।
ଭକ୍ଷିତୁଂ ଖାଣ୍ଡବଂ ରାଜଂସ୍ତତ୍ରସ୍ଥାନୁପଚକ୍ରମେ॥ 2-97-22 (15279)
ତତସ୍ତଂ ଭକ୍ଷଯନ୍ତଂ ବୈ ସବ୍ଯସାଚୀ ବିଭାବସୁମ୍।
ରଥା ଧନ୍ବୀ ଶରାନ୍ଗୃହ୍ଯ ସ କଲାପଯୁତଃ ପ୍ରଭୁଃ।
ପାଲଯାମାସ ରାଜେନ୍ଦ୍ର ସ୍ବବୀର୍ଯେଣ ମହାବଲଃ॥ 2-97-23 (15280)
ତତଃ ଶ୍ରୁତ୍ବା ମହେନଦ୍ରସ୍ତୁ ମେଘାଂସ୍ତାନ୍ସନ୍ଦିଦେଶ ହ।
ତେନୋକ୍ତା ମେଘସଙ୍ଘାସ୍ତେ ବବର୍ଷୁରତିବୃଷ୍ଟିଭିଃ॥ 2-97-24 (15281)
ତତୋ ମେଘଗାଣାନ୍ପାର୍ଥଃ ଶରବ୍ରାତୈଃ ସମାନ୍ତତଃ।
ଖଗମୈର୍ବାରଯାମାସ ତଦାଶ୍ଚର୍ଯମିବାଭବତ୍॥ 2-97-25 (15282)
ବାରିତାନ୍ମେଘସଙ୍ଘାଂଶ୍ଚ ଶ୍ରୁତ୍ବା କ୍ରୁଦ୍ଧଃ ପୁରନ୍ଦରଃ।
ପାଣ୍ଡରଂ ଗଜମାସ୍ଥାଯ ସର୍ବଦେବଗଣୈର୍ବୃତଃ।
ଯଯୌ ପାର୍ଥେନ ସଂଯୋଦ୍ଧୁଂ ରକ୍ଷାର୍ଥଂ ଖାଣ୍ଡବସ୍ଯ ଚ॥ 2-97-26 (15283)
ରୁଦ୍ରାଶ୍ଚ ମରୁତଶ୍ଚୈବ ବସବଶ୍ଚାଶ୍ବିନୌ ତଦା।
ଆଦିତ୍ଯାଶ୍ଚୈବ ସାଧ୍ଯାଶ୍ଚ ନିଶ୍ବେଦେବାଶ୍ଚ ଭାରତ।
ଗନ୍ଧର୍ବାଶ୍ଚୈବ ସହିତା ଅନ୍ଯେ ଦେବଗଣାଶ୍ଚ ଯେ॥ 2-97-27 (15284)
ତେ ସର୍ବେ ଶସ୍ତ୍ରସମ୍ପନ୍ନା ଦୀପ୍ଯମାନାଃ ସ୍ବତେଜସା।
ଧନଞ୍ଜଯଂ ଜିଘାଂସନ୍ତଃ ପ୍ରପେତୁର୍ବିବୁଧାଧିପାଃ॥ 2-97-28 (15285)
ଯୁଗାନ୍ତେ ଯାନି ଦୃଶ୍ଯନ୍ତେ ନିମିତ୍ତାନି ମହାନ୍ତ୍ଯପି।
ସର୍ବାଣି ତତ୍ର ଦୃଶ୍ଯନ୍ତେ ନିମିତ୍ତାନି ମହୀପତେ॥ 2-97-29 (15286)
ତତୋ ଦେବଗମାଃ ସର୍ବେ ପାର୍ଥଂ ସମଭିଦୁଦ୍ରୁବୁଃ।
ଅସମ୍ଭ୍ରାନ୍ତସ୍ତୁ ତାନ୍ଦୃଷ୍ଟ୍ବା ସ ତାଂ ଦେବମଯୀଂ ଚମୂମ୍॥ 2-97-30 (15287)
ତ୍ବରିତଃ ଫଲ୍ଗୁନୋ ଗୃହ୍ଯ ତୀକ୍ଷ୍ଣାଂସ୍ତାନାଶୁଗାଂସ୍ତଦା।
ଇନ୍ଦ୍ରଂ ଦେବାଂଶ୍ଚ ସମ୍ପ୍ରେକ୍ଷ୍ଯ ତସ୍ଥୌ କାଲ ଇବାତ୍ଯଯେ॥ 2-97-31 (15288)
ତତୋ ଦେବଗଣାଃ ସର୍ବେ ବୀଭତ୍ସୁଂ ସପୁରନ୍ଦରାଃ।
ଅବାକିରଞ୍ଛରବ୍ରାତୈର୍ମାନୁଷଂ ତଂ ମହୀପତେ॥ 2-97-32 (15289)
ତତଃ ପାର୍ଥୋ ମହାତେଜା ଗାଣ୍ଡିବଂ ଗୃହ୍ଯ ସତ୍ବରଃ।
ବାରଯାମାସ ଦେବାନାଂ ଶରବ୍ରାତୈଃ ଶରାଂସ୍ତଦା॥ 2-97-33 (15290)
ପୁନଃ କ୍ରୁଦ୍ଧାଃ ସୁରାଃ ସର୍ବେ ମର୍ତ୍ଯଂ ତଂ ସୁଭହାବଲାଃ।
ନାନାଶସ୍ତ୍ରୈର୍ବବର୍ଷୁସ୍ତଂ ସବ୍ଯସାଚୀ ମହୀପତେ॥ 2-97-34 (15291)
ତାନ୍ପାର୍ଥଃ ଶସ୍ତ୍ରବର୍ଷାନ୍ବୈ ବିସୃଷ୍ଟାନ୍ବିବୁଧୈସ୍ତଦା।
ଦ୍ବିଧା ତ୍ରିଧା ସ ଚିଚ୍ଛେଦ ସ ଏବ ନିଶିତୈଃ ଶରୈଃ॥ 2-97-35 (15292)
ପୁନଶ୍ଚ ପାର୍ଥଃ ସଙ୍କ୍ରୁଦ୍ଧୋ ମଣ୍ଡଲୀକୃତକାର୍ମୁକଃ।
ଦେବସଙ୍ଘାଞ୍ଛରୈସ୍ତୀକ୍ଷ୍ଣୈରର୍ପଯନ୍ବୈ ସମନ୍ତତଃ॥ 2-97-36 (15293)
ତତୋ ଦେବଗଣାଃ ସର୍ବେ ଯୁଧ୍ବା ପାର୍ଥେନ ବୈ ମୁହୁଃ।
ରଣେ ଜେତୁମଶକ୍ଯଂ ତଂ ଜ୍ଞାତ୍ବା ତେ ଭରତର୍ଷଭ॥ 2-97-37 (15294)
ଶାନ୍ତାସ୍ତେ ବିବୁଧାଃ ସର୍ବେ ପାର୍ଥବାଣାଭିପୀଡିତାଃ।
ସଦ୍ବିପଂ ବାସବଂ ତ୍ଯକ୍ତ୍ବା ଦୁଦ୍ରୁବୁଃ ସର୍ବତୋ ଦିଶମ୍॥ 2-97-38 (15295)
ପ୍ରାଚୀଂ ରୁଦ୍ରାଃ ସଗନ୍ଧର୍ବା ଦକ୍ଷିଣାଂ ମରୁତୋ ଯଯୁଃ।
ଦିଶଂ ପ୍ରତୀଚୀଂ ଭୀତାସ୍ତେ ବସବଶ୍ଚ ତଥାଽଶ୍ବିନୌ ॥ 2-97-39 (15296)
ଆଦିତ୍ଯାଶ୍ଚୈବ ବିଶ୍ବେ ଚ ଦୁଦ୍ରୁବୁର୍ବା ଉଦଙ୍ମୁଖାଃ।
ସାଧ୍ଯାଶ୍ଚୋର୍ଧ୍ବମୁଖା ଭୀତାଶ୍ଚିନ୍ତଯନ୍ତୋଽସ୍ଯ ସାଯକାନ୍॥ 2-97-40 (15297)
ଏବଂ ସୁରଗଣାଃ ସର୍ବେ ପ୍ରାଦ୍ରବନ୍ତ୍ସର୍ବତୋ ଦିଶମ୍।
ମୁହୁର୍ମୁହୁଃ ପ୍ରେକ୍ଷମାଣାଃ ପାର୍ଥମେବ ସକାର୍ମୁକମ୍॥ 2-97-41 (15298)
ବିଦ୍ରୁତାନ୍ଦେବସଙ୍ଘାଂସ୍ତାନ୍ରଣେ ଦୃଷ୍ଟ୍ବା ପୁରନ୍ଦରଃ।
ତତଃ କ୍ରୁଦ୍ଧୋ ମହାତେଜାଃ ପାର୍ଥଂ ବାଣୈରବାକିରତ୍॥ 2-97-42 (15299)
ପାର୍ଥୋଽପି ଶକ୍ରଂ ବିବ୍ଯାଥ ମାନୁଷୋ ବିବୁଧାଧିପମ୍॥ 2-97-43 (15300)
ତତଃ ସୋଽଶ୍ମମଯଂ ବର୍ଷଂ ବ୍ଯସୃଜଦ୍ବିବୁଧାଧିପଃ।
ତଚ୍ଛରୈରର୍ଜୁନୋ ବର୍ଷଂ ପ୍ରତିଜାଘ୍ନେଽତ୍ଯମର୍ଷଣଃ॥ 2-97-44 (15301)
ଅଥ ସଂବର୍ଧଯାମାସ ତଦ୍ବର୍ଷଂ ଦେବରାଡପି।
ଭୂଯ ଏବ ମହାବୀର୍ଯଂ ଜିଜ୍ଞାସୁଃ ସବ୍ଯସାଚିନଃ॥ 2-97-45 (15302)
ସୋଽଶ୍ମବର୍ଷଂ ମହାବେଗମିଷୁଭିଃ ପାଣ୍ଡବୋଽପି ଚ।
ବିଲଯଂ ଗମଯାମାସ ହର୍ଷଯନ୍ପାକଶାସନମ୍॥ 2-97-46 (15303)
ଉପାଦାଯ ତୁ ପାଣିଭ୍ଯାମଙ୍ଗଦଂ ନାମ ପର୍ବତମ୍।
ସଦ୍ରୁମଂ ବ୍ଯସୃଜଚ୍ଛକ୍ରୋ ଜିଘାଂସୁଃ ଶ୍ବେତବାହନମ୍॥ 2-97-47 (15304)
ତତୋଽର୍ଜୁନୋ ବେଗବଦ୍ଭିର୍ଜ୍ବଲମାନୈରଜିହ୍ଯଗୈଃ।
ବାଣୈର୍ବିଧ୍ବଂସଯାମାସ ଗିରିରାଜଂ ସହସ୍ରଧା॥ 2-97-48 (15305)
ଶକ୍ରଂ ଚ ପାତଯାମାସ ଶରୈଃ ପାର୍ଥୋ ମହାନ୍ଯୁଧି।
ତତଃ ଶକ୍ରୋ ମହାରାଜ ରଣେ ବୀରଂ ଧନଞ୍ଜଯମ୍॥ 2-97-49 (15306)
ଜ୍ଞାତ୍ବା ଜେତୁମଶକ୍ଯଂ ତଂ ତେଜୋବଲସମନ୍ବିତମ୍।
ପରାଂ ପ୍ରୀତି ଯଯୌ ତତ୍ର ପୁତ୍ରଶୌର୍ଯେଣ ବାସବଃ॥ 2-97-50 (15307)
ତଦା ତତ୍ର ନ ତସ୍ଯାସ୍ତି ଦିବି କଶ୍ଚିନ୍ମହାଯଶାଃ।
ସମର୍ଥୋ ନିର୍ଜଯେ ରାଜନ୍ନପି ସାକ୍ଷାତ୍ପ୍ରଜାପତିଃ॥ 2-97-51 (15308)
ତତଃ ପାର୍ଥଃ ଶରୈର୍ହତ୍ବା ଯକ୍ଷରାକ୍ଷସପନ୍ନଗାନ୍।
ଦୀପ୍ତେ ଚାଗ୍ନୌ ମହାତେଜାଃ ପାତଯାମାସ ସନ୍ତତମ୍॥ 2-97-52 (15309)
ପ୍ରତିଷେଧଯିତୁଂ ପାର୍ଥଂ ନ ଶେକୁସ୍ତତ୍ର କେଚନ।
ଦୃଷ୍ଟ୍ବା ନିବାରିତଂ ଶକ୍ରଂ ଦିବି ଦେବଗଣୈଃ ସହ॥ 2-97-53 (15310)
ଯଥା ସୁପର୍ଣଃ ସୋମାର୍ଥଂ ବିବୁଧାନଜଯତ୍ପୁରା।
ତଥା ଜିତ୍ବା ସୁରାନ୍ପାର୍ଥସ୍ତର୍ପଯାମାସ ପାବକମ୍॥ 2-97-54 (15311)
ତତୋଽର୍ଜୁନଃ ସ୍ବବୀର୍ଯେଣ ତର୍ପଯିତ୍ବା ବିଭାବସୁମ୍।
ରଥଂ ଧ୍ବଜଂ ଚ ସହଯଂ ଦିବ୍ଯାନସ୍ତ୍ରାଂଶ୍ଚ ପାଣ୍ଡବଃ॥ 2-97-55 (15312)
ଗାଣ୍ଡୀବଂ ଚ ଧନୁଃ ଶ୍ରେଷ୍ଠଂ ତୂଣୀ ଚାକ୍ଷଯସାଯକୌ।
ଏତାନ୍ଯପି ଚ ବୀଭତ୍ସୁର୍ଲେଭେ କୀର୍ତି ଚ ଭାରତ॥ 2-97-56 (15313)
ଭୂଯୋଽପି ଶୃଣୁ ରାଜେନ୍ଦ୍ର ପାର୍ଥୋ ଗତ୍ବୋତ୍ତରାଂ ଦିଶମ୍।
ବିଜିତ୍ଯ ନବବର୍ଷାଂଶ୍ଚ ସପୁରାଂଶ୍ଚ ସପର୍ବତାନ୍॥ 2-97-57 (15314)
ଜମ୍ବୁଦ୍ବୀପଂ ବଶେ କୃତ୍ବା ସର୍ବଂ ତଦ୍ଭରତର୍ଷଭ।
ବଲାଜ୍ଜିତ୍ବା ନୃପାନ୍ସର୍ବାନ୍କରେ ଚବିନିବେଶ୍ଯ ଚ॥ 2-97-58 (15315)
ରତ୍ନାନ୍ଯାଦାଯ ସର୍ବାଣି ଗତ୍ବା ଚୈବ ପୁନଃ ପୁରୀମ୍।
ତତୋ ଜ୍ଯେଷ୍ଠଂ ମହାତ୍ମାନଂ ଧର୍ମରାଜଂ ଯୁଧିଷ୍ଠିରମ୍।
ରାଜସୂଯଂ କ୍ରତୁଶ୍ରେଷ୍ଠଂ କାରଯାମାସ ଭାରତ॥ 2-97-59 (15316)
ସ ତାନ୍ଯନ୍ଯାନି କର୍ମାଣି କୃତବାନର୍ଜୁନଃ ପୁରା।
ଅର୍ଜୁନେନ ସମୋ ବୀର୍ଯେ ତ୍ରିଷୁ ଲୋକେଷୁ ନ କ୍ବଚିତ୍॥ 2-97-60 (15317)
ଦେବଦାନବଯକ୍ଷାଶ୍ଚ ପିଶାଚୋରଗରାକ୍ଷସାଃ।
ଭୀଷ୍ମଦ୍ରୋଣାଦଯଃ ସର୍ବେ କୁରବଶ୍ଚ ମହାରଥାଃ॥ 2-97-61 (15318)
ଲୋକେ ସର୍ବନୃପାଶ୍ଚୈବ ବୀରାଶ୍ଚାନ୍ଯେ ଧନୁର୍ଧରାଃ।
ଏତେ ପାର୍ଥଂ ରଣେ ଯୁକ୍ତାଃ ପ୍ରତିଯୋଦ୍ଧୁଂ ନ ଶକ୍ନୁଯୁଃ॥ 2-97-62 (15319)
ଅହଂ ହି ନିତ୍ଯଂ କୌରବ୍ଯ ଫଲ୍ଗୁନଂ ହୃଦି ସଂସ୍ଥିତମ୍।
ଅପଶ୍ଯଂ ଚିନ୍ତଯିତ୍ବା ତଂ ସମୁଦ୍ବିଗ୍ନୋଽସ୍ମି ତଦ୍ଭଯାତ୍॥ 2-97-63 (15320)
ଗୃହେ ଗୃହେ ଚ ପଶ୍ଯାମି ତାତ ପାର୍ଥମହଂ ସଦା।
ଶରଗାଣ୍ଡୀବସଂଯୁକ୍ତଂ ପାଶହସ୍ତମିବାନ୍ତକମ୍॥ 2-97-64 (15321)
ଅପି ପାର୍ଥସହସ୍ରାଣି ଭୀତଃ ପଶ୍ଯାମି ଭାରତ।
ପାର୍ଥଭୂତମିଦଂ ସର୍ବଂ ନଗରଂ ପ୍ରତିଭାତି ମେ॥ 2-97-65 (15322)
ପାର୍ଥମେବ ହି ପଶ୍ଯାମି ରହିତେ ତାତ ଭାରତ।
ଦୃଷ୍ଟ୍ବା ସ୍ବପ୍ନଗତଂ ପାର୍ଥମୁଦ୍ଧମାମି ବିଚେତନଃ॥ 2-97-66 (15323)
ଅକାରାଦୀନି ନାମାନି ଅର୍ଜୁନଗ୍ରସ୍ତଚେତସଃ।
ଅଶ୍ବାକ୍ଷରାମ୍ବୁଜାଶ୍ଚୈବ ତ୍ରାସଂ ସଞ୍ଜନଯନ୍ତି ମେ॥ 2-97-67 (15324)
ନାସ୍ତି ପାର୍ଥାଦୃତେ ତାତ ପରବୀରାଦ୍ଭଯଂ ମମ।
ପ୍ରହ୍ଲାଦଂ ବା ବଲିଂ ବାପି ହନ୍ଯାଦ୍ଧି ବିଜଯୋ ରଣେ॥ 2-97-68 (15325)
ତସ୍ମାତ୍ତେନ ମହାରାଜ ଯୁଦ୍ଧଂ ନସ୍ତାତ ନ କ୍ଷମମ୍।
ଅହଂ ତସ୍ଯ ପ୍ରଭାବଜ୍ଞୋ ନିତ୍ଯଂ ଦୁଃଖଂ ବହାମି ଚ॥ 2-97-69 (15326)
ପୁରା ହି ଦଣ୍ଡକାରଣ୍ଯେ ମାରୀଚସ୍ଯ ଯଥା ଭଯମ୍।
ଭବେଦ୍ରାମେ ମହାବୀର୍ଯେ ତଥା ପାର୍ଥେ ଭଯଂ ମମ॥ 2-97-70 (15327)
ଧୃତରାଷ୍ଟ୍ର ଉବାଚ॥ 2-97-71x (1703)
ଜାନାମ୍ଯେବ ମହଦ୍ବୀଯଂ ଜିଷ୍ଣୋରେତଦ୍ଦୁରାସଦମ୍।
ଏତଦ୍ବୀରସ୍ଯ ପାର୍ଥସ୍ଯ କାର୍ଷୀସ୍ତ୍ବଂ ତୁ ବିପ୍ରିଯମ୍॥ 2-97-71 (15328)
ଦ୍ଯୂତଂ ବା ଶସ୍ତ୍ରଯୁଦ୍ଧଂ ବା ଦୁବାକ୍ଯଂ ବା କଥଞ୍ଚନ।
ଏତେଷ୍ବେବଂ କୃତେ ତସ୍ଯ ବିଗ୍ରହଶ୍ଚୈବ ବୋ ଭବେତ୍॥ 2-97-72 (15329)
ତସ୍ମାତ୍ତ୍ବଂ ପୁତ୍ର ପାର୍ଥେନ ନିତ୍ଯଂ ସ୍ନେହେନ ବର୍ତଯ।
ଯଶ୍ଚ ପାର୍ଥେନ ସମ୍ବନ୍ଧୋ ବର୍ତତେ ଚେନ୍ନରୋ ଭୁବି॥ 2-97-73 (15330)
ତସ୍ଯ ନାସ୍ତି ଭଯଂ କିଞ୍ଚିତ୍ରିଷୁ ଲୋକେଷୁ ଭାରତ।
ତସ୍ମାତ୍ତ୍ବଂ ଜିଷ୍ଣୁନା ବତ୍ସ ନିତ୍ଯଂ ସ୍ନେହେନ ବର୍ତଯ॥ 2-97-74 (15331)
ଦୁର୍ଯୋଧନ ଉବାଚ॥ 2-97-75x (1704)
ଦ୍ଯୂତେ ପାର୍ଥସ୍ଯ କୌରବ୍ଯ ମାଯଯା ନିକୃତିଃ କୃତା।
ତସ୍ମାଦ୍ବି ନୋ ଜଯସ୍ତାତ ଅନ୍ଯୋପାଯେନ ନୋ ଭବେତ୍॥ 2-97-75 (15332)
ଧୃତରାଷ୍ଟ୍ର ଉବାଚ॥ 2-97-76x (1705)
ଉପାଯଶ୍ଚ ନ କର୍ତବ୍ଯଃ ପାଣ୍ଡବାନ୍ପ୍ରତି ଭାରତ।
ପାର୍ଥାନ୍ପ୍ରତି ପୁରା ବତ୍ସ ବହୂପାଯାଃ କୃତାସ୍ତ୍ବଯା॥ 2-97-76 (15333)
ତାନୁପାଯାନ୍ହି କୌନ୍ତେଯା ବହୁଶୋ ବ୍ଯତିଚକ୍ରମୁଃ।
ତସ୍ମାଦ୍ବିତଂ ଜୀବିତାଯ ନଃ କୁଲସ୍ଯ ଜନସ୍ଯ ଚ॥ 2-97-77 (15334)
ତ୍ବଂ ଚିକୀର୍ଷସି ଚେଦ୍ବତ୍ସ ସମିତ୍ରଃ ସହବାନ୍ଧବଃ।
ସଭ୍ରାତୃକସ୍ତ୍ବଂ ପାର୍ଥେନ ନିତ୍ଯଂ ସ୍ନେହେନ ବର୍ତଯ॥ 2-97-78 (15335)
ବୈଶମ୍ପାଯନ ଉବାଚ॥ 2-97-79x (1706)
ଧୃତରାଷ୍ଟ୍ରବଚଃ ଶ୍ରୁତ୍ବା ରାଜା ଦୁର୍ଯୋଧନସ୍ତଦା।
ଚିନ୍ତଯିତ୍ବା ମୁହୂର୍ତଂ ତୁ ବିଧିନା ଚୋଦିତୋଽବ୍ରବୀତ୍'॥ 2-97-79 (15336)
ପୁନର୍ଦୀବ୍ଯାମ ଭଦ୍ରଂ ତେ ବନବାସାଯ ପାଣ୍ଡବୈଃ।
ଏବମେତାନ୍ବଶେ କର୍ତୁଂ ଶକ୍ଷ୍ଯାମଃ ପୁରୁଷର୍ଷଭ॥ଷ 2-97-80 (15337)
ତେ ବା ଦ୍ବାଦଶ ବର୍ଷାଣି ବଯଂ ବା ଦ୍ଯୂତନିର୍ଜିତାଃ।
ପ୍ରବିଶେମ ମହାରଣ୍ଯମଜିନୈଃ ପ୍ରତିବାସିତାଃ॥ 2-97-81 (15338)
ତ୍ରଯୋଦଶଂ ଚ ସ୍ବଜନୈରଜ୍ଞାତାଃ ପରିବତ୍ସରମ୍।
ଜ୍ଞାତାଶ୍ଚ ପୁନରନ୍ଯାନି ବନେ ବର୍ଷାଣି ଦ୍ବାଦଶ॥ 2-97-82 (15339)
ନିବସେମ ବଯଂ ତେ ବା ତଥା ଦ୍ଯୂତଂ ପ୍ରବର୍ତତାମ୍।
ଅକ୍ଷାନୁପ୍ତ୍ବା ପୁନର୍ଦ୍ଯୂତମିଦଂ କୁର୍ବନ୍ତୁ ପାଣ୍ଡବଃ॥ 2-97-83 (15340)
ଏତତ୍କୃତ୍ଯତମଂ ରାଜନ୍ନସ୍ମାକଂ ଭରତର୍ଷଭ।
ଅଯଂ ହି ଶକୁନିର୍ବେଦ ସବିଦ୍ଯାମକ୍ଷସମ୍ପଦମ୍॥ 2-97-84 (15341)
ଦୃଢମୂଲଂ ବଯଂ ରାଜ୍ଯେ ମିତ୍ରାଣି ପରିଗୃହ୍ଯ ଚ।
ସାରବଦ୍ବିପୁଲଂ ସୈନ୍ଯଂ ସତ୍କୃତ୍ଯ ଚ ଦୁରାସଦମ୍॥ 2-97-85 (15342)
ତେ ଚ ତ୍ରଯୋଦଶଂ ବର୍ଷଂ ପାରଯିଷ୍ଯନ୍ତି ଚେଦ୍ବ୍ରତମ୍।
ଜେଷ୍ଯାମସ୍ତାନ୍ବଯଂ ରାଜତ୍ରୋଚତାଂ ତେ ପରନ୍ତପ॥ 2-97-86 (15343)
ଧୃତରାଷ୍ଟ୍ର ଉବାଚ॥ 2-97-87x (1707)
ତୂର୍ଣଂ ପ୍ରତ୍ଯାନଯସ୍ବୈତାନ୍କାମଂ ବ୍ଯଧ୍ବଗତାନପି।
ଆଗଚ୍ଛନ୍ତୁ ପୁନର୍ଦ୍ଯୂତମିଦଂ କୁର୍ବନ୍ତୁ ପାଣ୍ଡବଃ॥ 2-97-87 (15344)
ବୈଶମ୍ପାଯନ ଉବାଚ॥ 2-97-88x (1708)
ତତୋ ଦ୍ରୋଣଃ ସୋମଦତ୍ତୋ ବାହ୍ଲୀକଶ୍ଚୈବ ଗୌତମଃ।
ବିଦୁରୋ ଦ୍ରୋଣପୁତ୍ରଶ୍ଚ ବୈଶ୍ଯାପୁତ୍ରଶ୍ଚ ବୀର୍ଯବାନ୍॥ 2-97-88 (15345)
ଭୂରିଶ୍ରବାଃ ଶାନ୍ତନବୋ ବିକର୍ଣଶ୍ଚ ମହାରଥଃ।
ମା ଦ୍ଯୂତମିତ୍ଯଭାଷନ୍ତ ଶମୋଽସ୍ତ୍ବିତି ଚ ସର୍ବଶଃ॥ 2-97-89 (15346)
ଅକାମାନାଂ ଚ ସର୍ବେଷାଂ ସୁହୃଦାମର୍ଥଦର୍ଶିନାମ୍।
ଅକରୋତ୍ପାଣ୍ଡବାହ୍ବାନଂ ଧୃତରାଷ୍ଟ୍ରଃ ସୁତପ୍ରିଯଃ॥ 2-97-90 (15347)
ଅଥାବ୍ରବୀନ୍ମହାରାଜ ଧୃତରାଷ୍ଟ୍ରଂ ଜନେଶ୍ବରମ୍।
ପୁତ୍ରହାର୍ଦାଦ୍ଧର୍ମଯୁକ୍ତା ଗାନ୍ଧାରୀ ଶୋକକର୍ଶିତା॥ 2-97-91 (15348)
ଜାତେ ଦୁର୍ଯୋଧନେ କ୍ଷତ୍ତା ମହାମତିରଭାଷତ।
ନୀଯତାଂ ପରଲୋକାଯ ସାଧ୍ବଯଂ କୁଲପାଂସନଃ॥ 2-97-92 (15349)
ବ୍ଯନଦଜ୍ଜାତମାତ୍ରୋ ହି ଗୋମାଯୁରିବ ଭାରତ।
ଅନ୍ତୋ ନୂନଂ କୁଲସ୍ଯାସ୍ଯ କୁରବସ୍ତନ୍ନିବୋଧତ॥ 2-97-93 (15350)
ମା ନିମଜ୍ଜୀଃ ସ୍ବଦୋଷେଣ ମହାପ୍ସୁ ତ୍ବଂ ହି ଭାରତ।
ମା ବାଲାନାମଶିଷ୍ଟାନାମଭିମଂସ୍ଥା ମତିଂ ପ୍ରଭୋ॥ 2-97-94 (15351)
ମା କୁଲସ୍ଯ କ୍ଷଯେ ଘୋରେ କାରଣଂ ତ୍ବଂ ଭବିଷ୍ଯସି।
ବଦ୍ଧଂ ସେତୁଂ କୋ ନୁ ଭିନ୍ଦ୍ଯାଦ୍ଧମେଚ୍ଛାନ୍ତଂ ଚ ପାବକମ୍॥ 2-97-95 (15352)
ଶମେ ସ୍ଥିତାନ୍କୋ ନୁ ପାର୍ଥାନ୍କୋପଯେଦ୍ଭରତର୍ଷଭ।
ସ୍ମରନ୍ତଂ ତ୍ବାମାଜମୀଢଂ ସ୍ମାରଯିଷ୍ଯାମ୍ଯହଂ ପୁନଃ॥ 2-97-96 (15353)
ଶାସ୍ତ୍ରଂ ନ ଶାସ୍ତି ଦୁର୍ବୁଦ୍ଧିଂ ଶ୍ରେଯସେ ଚେତରାଯ ଚ।
ନ ବୈ ବୃଦ୍ଧୋ ବାଲମତିର୍ଭବେଦ୍ରାଜନ୍କଥଞ୍ଚନ॥ 2-97-97 (15354)
ତ୍ବନ୍ନେତ୍ରାଃ ସନ୍ତୁ ତେ ପୁତ୍ରା ମା ତ୍ବାଂ ଦୀର୍ଣାଃ ପ୍ରହାସିଷୁଃ।
ତସ୍ମାଦଯଂ ମଦ୍ବଚନାତ୍ତ୍ଯଜ୍ଯତାଂ କୁଲପାଂସନଃ॥ 2-97-98 (15355)
ତଥା ତେ ନ କୃତଂ ରାଜନ୍ପୁତ୍ରସ୍ନେହାନ୍ନରାଧିପ।
ତସ୍ଯ ପ୍ରାପ୍ତଂ ଫଲଂ ବିଦ୍ଧି କୁଲାନ୍ତକରଣାଯ ଯତ୍॥ 2-97-99 (15356)
ଶମେନ ଧର୍ମେଣ ନଯେନ ଯୁକ୍ତା
ଯା ତେ ବୁଦ୍ଧିଃ ସାଽସ୍ତୁ ତେ ମା ପ୍ରମାଦୀଃ।
ପ୍ରଧ୍ବଂସିନୀ କ୍ରୂରସମାହିତା ଶ୍ରୀ-
ର୍ମୃଦୁପ୍ରୌଢା ଗଚ୍ଛତି ପୁତ୍ରପୌତ୍ରାନ୍॥ 2-97-100 (15357)
ଅଥାବ୍ରବୀନ୍ମହାରାଜୋ ଗାନ୍ଧାରୀଂ ଧର୍ମଦର୍ଶିନୀମ୍।
ଅନ୍ତଃ କାମଂ କୁଲସ୍ଯାସ୍ତୁ ନ ଶକ୍ନୋମି ନିବାରିତୁମ୍॥ 2-97-101 (15358)
ଯଥେଚ୍ଛନ୍ତି ତଥୈବାସ୍ତୁ ପ୍ରତ୍ଯାଗଚ୍ଛନ୍ତୁ ପାଣ୍ଡବାଃ।
ପୁନର୍ଦ୍ଯୂତଂ ଚ କୁର୍ବନ୍ତୁ ମାମକାଃ ପାଣ୍ଡବୈଃ ସହ॥ ॥ 2-97-102 (15359)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅନୁଦ୍ଯୂତପର୍ବଣି ସପ୍ତନବତିତମୋଽଧ୍ଯାଯଃ॥97॥
Mahabharata - Sabha Parva - Chapter Footnotes
2-97-90 ଅକାମାନାଂ ଦ୍ଯୂତମନିଚ୍ଛତାଂ ସତାମ୍॥ 2-97-98 ତ୍ବନ୍ନେତ୍ରାସ୍ତ୍ବମେବ ନେତା ଯେଷାଂ ତେ ତ୍ବନ୍ନେତ୍ରାଃ। ଦୀର୍ଣାସ୍ତ୍ବତ୍ତୋ ଭିନ୍ନର୍ମ ଯାଦାଃ॥ସଭାପର୍ବ - ଅଧ୍ଯାଯ 098
॥ ଶ୍ରୀଃ ॥
2.98. ଅଧ୍ଯାଯଃ 098
Mahabharata - Sabha Parva - Chapter Topics
ନିଜନଗରଂ ଗଚ୍ଛତୋ ଯୁଧିଷ୍ଠିରସ୍ଯ ମଧ୍ଯେମାର୍ଗଂ ଦୂତାହ୍ବାନେନ ପୁନର୍ନିବୃତ୍ତ୍ଯ ଦ୍ଯୂତ ସଭାପ୍ରବେଶଃ॥ 1॥ ଅନୁଦ୍ଯୂତେପି ଯୁଧିଷ୍ଠିରସ୍ଯ ଶକୁନିନା ପରାଜଯଃ॥ 2॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ତତୋ ବ୍ଯଧ୍ବଗତଂ ପାର୍ଥଂ ପ୍ରାତିକାମୀ ଯୁଧିଷ୍ଠିରମ୍।
ଉବାଚ ବଚନାଦ୍ରାଜ୍ଞୋ ଧୃତରାଷ୍ଟ୍ରସ୍ଯ ଧୀମତଃ॥ 2-98-1 (15360)
ଉପାସ୍ତୀର୍ଣା ସଭା ରାଜନ୍ନକ୍ଷାନୁପ୍ତ୍ବା ଯୁଧିଷ୍ଠିର।
ଏହି ପାଣ୍ଡବ ଦୀବ୍ଯେତି ପିତା ତ୍ବାହ ନରାଧିପଃ॥ 2-98-2 (15361)
ଯୁଧିଷ୍ଠିର ଉବାଚ॥ 2-98-3x (1709)
ଧାତୁର୍ନିଯୋଗାଦ୍ଭୂତାନି ପ୍ରାପ୍ନୁବନ୍ତି ଶୁଭାଶୁଭମ୍।
ନ ନିବୃତ୍ତିସ୍ତଯୋରସ୍ତି ଦେବତବ୍ଯଂ ପୁନର୍ଯଦି॥ 2-98-3 (15362)
ଅକ୍ଷଦ୍ଯୂତେ ସମାହ୍ବାନଂ ନିଯୋଗାତ୍ସ୍ଥବିରସ୍ଯ ଚ।
ଜାନନ୍ନପି କ୍ଷଯକରଂ ନାତିକ୍ରମିତୁମୁତ୍ସହେ॥ 2-98-4 (15363)
ବୈଶମ୍ପାଯନ ଉବାଚ॥ 2-98-5x (1710)
ଅସମ୍ଭବୋ ହେମମଯସ୍ଯ ଜନ୍ତୋ-
ସ୍ତଥାପି ରାମୋ ଲୁଲୁଭେ ମୃଗାଯ।
ପ୍ରାଯଃ ସମାସନ୍ନପରାଭବାଣାଂ
ଧିଯୋ ବିପର୍ଯସ୍ତତରା ଭବନ୍ତି॥ 2-98-5 (15364)
ଇତି ବ୍ରୁବନ୍ନିବବୃତେ ଭ୍ରାତୃଭିଃ ସହ ପାଣ୍ଡବଃ।
ଜାନାଂଶ୍ଚ ଶକୁନେର୍ମାଯାଂ ପାର୍ଥୋ ଦ୍ଯୂତମିଯାତ୍ପୁନଃ॥ 2-98-6 (15365)
ବିବିଶୁସ୍ତେ ସଭାଂ ତାଂ ତୁ ପୁନରେବ ମହାରଥାଃ।
ବ୍ଯଥଯନ୍ତି ସ୍ମ ଚେତାଂସି ମୁହୃଦାଂ ଭରତର୍ଷଭାଃ॥ 2-98-7 (15366)
ଯଥୋପଜୋଷମାସୀନାଃ ପୁନର୍ଦ୍ଯୂତପ୍ରବୃତ୍ତଯେ।
ସର୍ବଲୋକବିନାଶାଯ ଦୈବେନୋପନିପୀଡିତାଃ॥ 2-98-8 (15367)
ଶକୁନିରୁବାଚ॥ 2-98-9x (1711)
ଅମୁଞ୍ଚତ୍ସ୍ଥବିରୋ ଯଦ୍ବୋ ଧନଂ ପୂଜିତମେବ ତତ୍।
ମହାଧନଂ ଗ୍ଲହଂ ତ୍ବେକଂ ଶୃଣୁ ଭୋ ଭରତର୍ଷଭ॥ 2-98-9 (15368)
ବଯଂ ବା ଦ୍ବାଦଶାବ୍ଦାନି ଯୁଷ୍ମାଭିର୍ଦ୍ଯୂତନିର୍ଜିତାଃ।
ପ୍ରବିଶେମ ମହାରଣ୍ଯଂ ରୌରବାଜିନବାସସଃ॥ 2-98-10 (15369)
ତ୍ରଯୋଦଶଂ ଚ ସ୍ବଜନୈରଜ୍ଞାତାଃ ପରିବତ୍ସରମ୍।
ଜ୍ଞାତାଶ୍ଚ ପୁନରନ୍ଯାନି ବନେ ବର୍ଷାଣି ଦ୍ବାଦଶ॥ 2-98-11 (15370)
ଅସ୍ମାଭିର୍ନିର୍ଜିତା ଯୂଯଂ ବନେ ଦ୍ବାଦଶ ବତ୍ସରାନ୍।
ବସଧ୍ବଂ କୃଷ୍ଣଯା ସାର୍ଧମଜିନୈଃ ପ୍ରତିବାସିତାଃ॥ 2-98-12 (15371)
ତ୍ରଯୋଦଶଂ ଚ ସ୍ବଜନୈରଜ୍ଞାତାଃ ପିରବତ୍ସରମ୍।
ଜ୍ଞାତାଶ୍ଚ ପୁନରନ୍ଯାନି ବନେ ବର୍ଷାଣି ଦ୍ବାଦଶ॥ 2-98-13 (15372)
ତ୍ରଯୋଦଶେ ଚ ନିର୍ବୃତ୍ତେ ପୁନରେବ ଯଥୋଚିତମ୍।
ସ୍ବରାଜ୍ଯଂ ପ୍ରତିପତ୍ତବ୍ଯମିତରୈରଥବେତରୈଃ॥ 2-98-14 (15373)
ଅନେନ ବ୍ଯବସାଯେନ ସହାସ୍ମାଭିର୍ଯୁଧିଷ୍ଠିର।
ଅକ୍ଷାନୁପ୍ତ୍ବା ପୁନର୍ଦ୍ଯୂତମେହି ଦୀବ୍ଯସ୍ବ ଭାରତ॥ 2-98-15 (15374)
ଅଥ ସଭ୍ଯାଃ ସଭାମଧ୍ଯେ ସମୁଚ୍ଛ୍ରିତକରାସ୍ତଦା।
ଊଚୁରୁଦ୍ବିଗ୍ନମନସଃ ସଂବେଗାତ୍ସର୍ବ ଏବ ହି॥ 2-98-16 (15375)
ସଭ୍ଯା ଊଚୁଃ। 2-98-17x (1712)
ଅହୋ ଧିଗ୍ବାନ୍ଧବା ନୈନଂ ବୋଧଯନ୍ତି ମହଦ୍ଭଯମ୍।
ବୁଦ୍ଧ୍ଯା ବୁଦ୍ଧ୍ଯେନ୍ନ ବା ବୁଦ୍ଧ୍ଯେଦଯଂ ବୈ ଭରତର୍ଷଭ॥ 2-98-17 (15376)
ବୈଶମ୍ପାଯନ ଉବାଚ॥ 2-98-18x (1713)
ଜନପ୍ରବାଦାନ୍ସୁବହୂଞ୍ଶୃଣ୍ବନ୍ନପି ନରାଧିପଃ।
ହ୍ରିଯା ଚ ଧର୍ମସଂଯୋଗାତ୍ପାର୍ଥୋ ଦ୍ଯୂତମିଯାତ୍ପୁନଃ॥ 2-98-18 (15377)
ଜାନନ୍ନାପି ମହାବୁଦ୍ଧିଃ ପୁନର୍ଦ୍ଯୂତମବର୍ତଯତ୍।
ଅପ୍ଯାସନ୍ନୋ ବିନାଶଃ ସ୍ଯାତ୍କୁରୂଣାମିତିଚିନ୍ତଯନ୍॥ 2-98-19 (15378)
ଯୁଧିଷ୍ଠିର ଉବାଚ॥ 2-98-20x (1714)
କଥଂ ବୈ ମଦ୍ବିଧୋ ରାଜା ସ୍ବଧର୍ମମନୁପାଲଯନ୍।
ଆହୂତୋ ବିନିବର୍ତେତ ଦୀବ୍ଯାମି ଶକୁନେ ତ୍ବଯା॥ 2-98-20 (15379)
ଶକୁନିରୁବାଚ॥ 2-98-21x (1715)
ଗବାଶ୍ବଂ ବହୁଧେନୁକମପର୍ଯନ୍ତମଜାବିକମ୍।
ଗଜାଃ କୋଶୋ ହିରଣ୍ଯଂ ଚ ଦାସୀଦାସାଶ୍ଚ ସର୍ବଶଃ॥ 2-98-21 (15380)
ହିତ୍ବା ନୋ ଗ୍ଲହ ଏବୈକୋ ବନବାସାଯ ପାଣ୍ଡବାଃ।
ଯୂଯଂ ବଯଂ ବା ବିଜିତା ବସେମ ବନମାଶ୍ରିତାଃ॥ 2-98-22 (15381)
ତ୍ରଯୋଦଶଂ ଚ ବୈ ବର୍ଣମଜ୍ଞାତାଃ ସ୍ବଜନୈସ୍ତଥା।
ଅନେନ ବ୍ଯବସାଯେନ ଦୀବ୍ଯାମ ପୁରୁଷର୍ଷଭାଃ। 2-98-23 (15382)
ସମୁତ୍କ୍ଷେପେଣ ଚୈକେନ ବନବାସାଯ ଭାରତ॥ 2-98-24 (15383)
` ବୈଶମ୍ପାଯନ ଉବାଚ॥ 2-98-24x (1716)
ଏବଂ ଦୈବବଲାବିଷ୍ଟୋ ଧର୍ମରାଜୋ ଯୁଧିଷ୍ଠିରଃ।
ଭୀଷ୍ମଦ୍ରୋଣାଽଽବାର୍ଯମାଣୋ ବିଦୁରେଣ ଚ ଧୀମତା॥ 2-98-24 (15384)
ଯୁଯୁତ୍ସୁନା କୃପେଣାଥ ସଞ୍ଜଯେନ ଚ ଭାରତ।
ଗାନ୍ଧାର୍ଯା ପୃଥଯା ଚୈବ ଭୀମାର୍ଜୁନଯମୈସ୍ତଥା॥ 2-98-25 (15385)
ବିକର୍ଣେନ ଚ ବୀରେଣ ଦ୍ରୌପଦ୍ଯା ଦ୍ରୌଣିନା ତଥା।
ସୋମଦତ୍ତେନ ଚ ତଥା ବାହ୍ଲୀକେନ ଚ ଧୀମତା॥ 2-98-26 (15386)
ବାର୍ଯମାଣୋପି ସତତଂ ନ ଚ ରାଜନ୍ନିଯଚ୍ଛତି।
ଏବଂ ସଂବାର୍ଯମାଣୋପି କୌନ୍ତେଯୋ ହିତକାମ୍ଯଯା॥ 2-98-27 (15387)
ଦେବକାର୍ଯାର୍ଥସିଦ୍ଧ୍ଯର୍ଥଂ ମୁହୂର୍ତଂ କଲିମାବିଶତ୍।
ଅବିଷ୍ଟଃ କଲିନା ରାଜଞ୍ଛକୁନିଂ ପ୍ରତ୍ଯଭାଷତ॥ 2-98-28 (15388)
ଏବଂ ଭବତ୍ବିତି ତଦା ବନବାସାଯ ଦୀବ୍ଯତି'।
ପ୍ରତିଜଗ୍ରାହ ତଂ ପାର୍ଥୋ ଗ୍ଲହଂ ଜଗ୍ରାହ ସୌବଲଃ॥
ଜିତମିତ୍ଯେବ ଶକୁନିର୍ଯୁଧିଷ୍ଠିରମଭାଷତ॥ ॥ 2-98-29 (15389)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅନୁଦ୍ଯୂତପର୍ବଣି ଅଷ୍ଟନବତିତମୋଽଧ୍ଯାଯଃ॥ 98 ॥
Mahabharata - Sabha Parva - Chapter Footnotes
2-98-16 ସଂବେଗାଦତିଶଯାତ୍॥ସଭାପର୍ବ - ଅଧ୍ଯାଯ 099
॥ ଶ୍ରୀଃ ॥
2.99. ଅଧ୍ଯାଯଃ 099
Mahabharata - Sabha Parva - Chapter Topics
ବନାଯ ପ୍ରସ୍ଥିତାନ୍ପାଣ୍ଡବାନ୍ପ୍ରତି ଦୁଶ୍ଶାସନକୃତାପହାସଃ॥1॥ ପାଣ୍ଡବାନାଂ ବହୁପ୍ରତିଜ୍ଞାକରଣପୂର୍ବକଂ ଧୃତରାଷ୍ଟ୍ରସମୀପଗମନମ୍॥ 2॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ତତଃ ପରାଜିତାଃ ପାର୍ଥା ବନାବାସାଯ ଦୀକ୍ଷିତାଃ।
ଅଜିନାନ୍ଯୁତ୍ତରୀଯାଣି ଜଗୃହୁଶ୍ଚ ଯଥାକ୍ରମମ୍॥ 2-99-1 (15390)
ଅଜିନୈଃ ସଂବୃତାନ୍ଦୃଷ୍ଟ୍ବା ହୃତରାଜ୍ଯାନରିନ୍ଦମାନ୍।
ପ୍ରସ୍ଥିତାନ୍ବନବାସାଯ ତତୋ ଦୁଃଶାସନୋଽବ୍ରବୀତ୍॥ 2-99-2 (15391)
ପ୍ରବୃତ୍ତଂ ଧାର୍ତରାଷ୍ଟ୍ରସ୍ଯ ଚକ୍ରଂ ରାଜ୍ଞୋ ମହାତ୍ମନଃ।
ପରାଜିତାଃ ପାଣ୍ଡବେଯା ବିପତ୍ତିଂ ପରମାଂ ଗତାଃ॥ 2-99-3 (15392)
ଅଦ୍ଯ ଦେବାଃ ସମ୍ପ୍ରଯାତାଃ ସମୈର୍ବର୍ତ୍ମଭିରସ୍ଥଲୈଃ।
ଗୁଣଜ୍ଯେଷ୍ଠାସ୍ତଥା ଶ୍ରେଷ୍ଠାଃ ଶ୍ରେଯାଂସୋ ଯଦ୍ବଯଂ ପରୈଃ॥ 2-99-4 (15393)
ନରକଂ ପାତିତାଃ ପାର୍ଥା ଦୀର୍ଘକାଲମନନ୍ତକମ୍।
ମୁଖାଚ୍ଚ ହୀନା ରାଜ୍ଯାଚ୍ଚ ବିନଷ୍ଟାଃ ଶାଶ୍ବତୀଃ ସମାଃ॥ 2-99-5 (15394)
ଧନେନ ମତ୍ତା ଯେ ତେ ସ୍ମ ଧାର୍ତରାଷ୍ଟ୍ରାନ୍ପ୍ରହାସିଷୁଃ।
ତେ ନିର୍ଜିତା ହୃତଧନା ବନମେଷ୍ଯନ୍ତି ପାଣ୍ଡବଃ॥ 2-99-6 (15395)
ଚିତ୍ରାନ୍ସନ୍ନାହାନବମୁଞ୍ଚନ୍ତୁ ଚୈଷାଂ
ବାସାଂସି ଦିବ୍ଯାନି ଚ ଭାନୁମନ୍ତି॥
ବିବାସ୍ଯନ୍ତାଂ ରୁରୁଚର୍ମାଣି ସର୍ବେ
ଯଥା ଗ୍ଲହଂ ସୌବଲସ୍ଯାଭ୍ଯୁପେତାଃ॥ 2-99-7 (15396)
ନ ସନ୍ତି ଲୋକେଷୁ ପୁମାଂସ ଈଦୃଶା
ଇତ୍ଯେବ ଯେ ଭାବିତବୁଦ୍ଧଯଃ ସଦା।
ଜ୍ଞାସ୍ଯନ୍ତି ତେତ୍ମାନମିମେଽଦ୍ଯ ପାଣ୍ଡବା
ବିପର୍ଯଯେ ପାଣ୍ଢତିଲା ଇବାଫଲାଃ॥ 2-99-8 (15397)
ଇଦଂ ହି ବାସୋ ଯଦି ବେଦୃଶାନାଂ
ମନସ୍ବିନାଂ ରୌରବମାହବେଷୁ॥
ଆଦୀକ୍ଷିତାନାମଜିନାନି ଯଦ୍ବ-
ଦ୍ବଲୀଯସାଂ ପଶ୍ଯତ ପାଣ୍ଡବାନାମ୍॥ 2-99-9 (15398)
ମହାପ୍ରାଜ୍ଞଃ ସୌମକିର୍ଯଜ୍ଞସେନଃ
କନ୍ଯାଂ ପାଞ୍ଚାଲୀଂ ପାଣ୍ଡବେଭ୍ଯଃ ପ୍ରଦାଯ।
ଅକାର୍ଷିଦ୍ବୈ ସୁକୃତଂ ନେହ କିଞ୍ଚିତ୍
କ୍ଲୀବାଃ ପାର୍ଥାଃ ପତଯୋ ଯାଜ୍ଞସେନ୍ଯାଃ॥ 2-99-10 (15399)
ସୂକ୍ଷ୍ମପ୍ରାବାରାନଜିନୋତ୍ତରୀଯାନ୍
ଦୃଷ୍ଟ୍ବାଽରଣ୍ଯେ ନିର୍ଧନାନପ୍ରତିଷ୍ଠାନ୍।
କାଂ ତ୍ବଂ ପ୍ରୀତିଂ ଲପ୍ସ୍ଯସେ ଯାଜ୍ଞସେନି
ପତିଂ ବୃଣୀଷ୍ବେହ ଯମନ୍ଯମିଚ୍ଛସି॥ 2-99-11 (15400)
ଏତେ ହି ସର୍ବେ କୁରବଃ ସମେତାଃ
କ୍ଷାନ୍ତା ଦାନ୍ତାଃ ସୁଦ୍ରବିଣୋପପନ୍ନାଃ।
ଏଷାଂ ବୃଣୀଷ୍ବୈକତମଂ ପତିତ୍ବେ
ନ ତ୍ବାଂ ନଯେତ୍କାଲବିପର୍ଯଯୋଽଯମ୍॥ 2-99-12 (15401)
ଯଥାଽଫଲାଃ ଷଣ୍ଢତିଲା ଯଥା ଚର୍ମମଯା ମୃଗାଃ।
ତଥୈବ ପାଣ୍ଡବାଃ ସର୍ବେ ଯଥା କାକଯବା ଅପି॥ 2-99-13 (15402)
କିଂ ପାଣ୍ଡବାଂସ୍ତେ ପତିତାନୁପାସ୍ଯ
ମୋଘଃ ଶ୍ରମଃ ଷଣ୍ଢତିଲାନୁପାସ୍ଯ।
ଏବଂ ନୃଶଂସଃ ପରୁଷାଣି ପାର୍ଥା-
ନଶ୍ରାବଯଦ୍ଧୃତରାଷ୍ଟ୍ରସ୍ଯ ପୁତ୍ରଃ॥ 2-99-14 (15403)
ତଦ୍ବୈ ଶ୍ରୁତ୍ବା ଭୀମସେନୋଽତ୍ଯମର୍ଷୀ
ନିର୍ଭର୍ତ୍ସ୍ଯୋଚ୍ଚୈଃ ସନ୍ନିଗୃହ୍ଯୈବ ରୋଷାତ୍।
ଉବାଚ ଚୈନଂ ସହସୈବୋପଗମ୍ଯ
ସିଂହୋ ଯଥା ହୈମବତଃ ଶୃଗାଲମ୍॥ 2-99-15 (15404)
ଭୀମସେନ ଉବାଚ॥ 2-99-16x (1717)
କ୍ରୂର ପାପଜନୈର୍ଜୁଷ୍ଟମକୃତାର୍ଥଂ ପ୍ରଭାଷସେ।
ଗାନ୍ଧାରବିଦ୍ଯଯା ହି ତ୍ବଂ ରାଜମଧ୍ଯେ ବିକତ୍ଥସେ॥ 2-99-16 (15405)
ଯଥା ତୁଦସି ମର୍ମାଣି ବାକ୍ଛରୈରିହ ନୋ ଭୃଶମ୍।
ତଥା ସ୍ମାରଯିତା ତେଽହଂ କୃନ୍ତନ୍ମର୍ମାଣି ସଂଯୁଗେ॥ 2-99-17 (15406)
ଯେ ଚ ତ୍ବାମନୁବର୍ତନ୍ତେ କ୍ରୋଧଲୋଭବଶାନୁଗାଃ।
ଗୋପ୍ତାରଃ ସାନୁବନ୍ଧାଂସ୍ତାନ୍ନେତାଽସ୍ମି ଯମସାଦନମ୍॥ 2-99-18 (15407)
ବୈଶମ୍ପାଯନ ଉବାଚ॥ 2-99-19x (1718)
ଏବଂ ବ୍ରୁବାଣମଜିନୈର୍ବିବାସିତଂ
ଦୁଃଶାସନସ୍ତଂ ପରିନୃତ୍ଯତି ସ୍ମ।
ମଧ୍ଯେ କୁରୂଣାଂ ଧର୍ମନିବଦ୍ଧମାର୍ଗଂ
ଗୌର୍ଗୌରିତି ସ୍ମାହ୍ବଯନ୍ମୁକ୍ତଲଜ୍ଜଃ॥ 2-99-19 (15408)
ଭୀମସେନ ଉବାଚ॥ 2-99-20x (1719)
ନୃଶଂସ ପରୁଷଂ ବକ୍ତୁଂ ଦୁଃଶାସନ ତ୍ବଯା।
ନିକୃତ୍ଯା ହି ଧନଂ ଲବ୍ଧ୍ବା କୋ ବିକତ୍ଥିତୁମର୍ହତି॥ 2-99-20 (15409)
ମୈବ ସ୍ମ ସୁକୃତାଂ ଲୋକାନ୍ଗଚ୍ଛେତ୍ପାର୍ଥୋ ବୃକୋଦରଃ।
ଯଦି ବକ୍ଷୋ ହି ତେ ଭିତ୍ତ୍ବା ନ ପିବେଚ୍ଛୋଣିତଂ ରଣେ॥ 2-99-21 (15410)
ଧାର୍ତରାଷ୍ଟ୍ରାନ୍ରଣେ ହତ୍ତ୍ବା ମିଷତାଂ ସର୍ବଧନ୍ବିନାମ୍।
ଶମଂ ଗନ୍ତାଽସ୍ମି ନଚିରାତ୍ସତ୍ଯମେତଦ୍ବ୍ରବୀମି ତେ॥ 2-99-22 (15411)
ବୈଶମ୍ପାଯନ ଉବାଚ॥ 2-99-23x (1720)
ତସ୍ଯ ରାଜା ସିଂହଗତେଃ ସଖେଲଂ
ଦୁର୍ଯୋଧନୋ ଭୀମସେନସ୍ଯ ହର୍ଷାତ୍।
ଗତିଂ ସ୍ବଗତ୍ଯାଽନୁଚକାର ମନ୍ଦୋ
ନିର୍ଗଚ୍ଛତାଂ ପାଣ୍ଡବାନାଂ ସଭାଯାଃ॥ 2-99-23 (15412)
ନୈତାବତା କୃତମିତ୍ଯବ୍ରବୀତ୍ତଂ
ବୃକୋଦରଃ ସନ୍ନିବୃତ୍ତାର୍ଧକାଯଃ।
ଶୀଘ୍ରଂ ହି ତ୍ବାଂ ନିହତଂ ସାନୁବନ୍ଧଂ
ସଂସ୍ମାର୍ଯାହଂ ପ୍ରତିବକ୍ଷ୍ଯାମି ମୂଢ॥ 2-99-24 (15413)
ଏବଂ ସମୀକ୍ଷ୍ଯାତ୍ମନି ଚାବମାନଂ
ନିଯମ୍ଯ ମନ୍ଯୁଂ ବଲବାନ୍ସ ମାନୀ।
ରାଜାନୁଗଃ ସଂସଦି କୌରବାଣାଂ
ବିନିଷ୍କାମନ୍ବାକ୍ଯମୁବାଚ ଭୀମଃ॥ 2-99-25 (15414)
ଅହଂ ଦୁର୍ଯୋଧନଂ ହନ୍ତା କର୍ଣଂ ହନ୍ତା ଧନଞ୍ଜଯଃ।
ଶକୁନିଂ ଚାକ୍ଷକିତବଂ ସହଦେବୋ ହନିଷ୍ଯତି॥ 2-99-26 (15415)
ଇଦଂ ଚ ଭୂଯୋ ବକ୍ଷ୍ଯାମି ସଭାମଧ୍ଯେ ବୃହଦ୍ବଚଃ।
ସତ୍ଯଂ ଦେବାଃ କରିଷ୍ଯନ୍ତି ଯନ୍ନୋ ଯୁଦ୍ଧଂ ଭବିଷ୍ଯତି॥ 2-99-27 (15416)
ସୁଯୋଧନମିମଂ ପାପଂ ହନ୍ତାଽସ୍ମି ଗଦଯା ଯୁଧି।
ଶିରଃ ପାଦେନ ଚାସ୍ଯାହମଧିଷ୍ଠାସ୍ଯାମି ଭୂତଲେ॥ 2-99-28 (15417)
ବାକ୍ଯଶୂରସ୍ଯ ଚୈବାସ୍ଯ ପରୁଷସ୍ଯ ଦୁରାତ୍ମନଃ।
ଦୁଃଶାସନସ୍ଯ ରୁଧିରଂ ପାତାଽସ୍ମି ମୃଗରାଡିବ॥ 2-99-29 (15418)
ଅର୍ଜୁନ ଉବାଚ॥ 2-99-30x (1721)
`ଭୀମସେନ ନ ତେ ସନ୍ତି ଯେଷାଂ ବୈରଂ ତ୍ବଯା ତ୍ବିହ।
ମତ୍ତା ମୃଗେଷୁ ସୁଖିନୋ ନ ବୁଦ୍ଧ୍ଯନ୍ତେ ମହଦ୍ଭଯମ୍'॥ 2-99-30 (15419)
ନୈବଂ ବାଚା ବ୍ଯବସିତଂ ଭୀମ ବିଜ୍ଞାଯତେ ସତାମ୍।
ଇତଶ୍ଚତୁର୍ଦଶେ ବର୍ଷେ ଦ୍ରଷ୍ଟାରୋ ଯଦ୍ଭବିଷ୍ଯତି॥ 2-99-31 (15420)
ଭୀମସେନ ଉବାଚ॥ 2-99-32x (1722)
ଦୁର୍ଯୋଧନସ୍ଯ କର୍ଣସ୍ଯ ଶକୁନେଶ୍ଚ ଦୁରାତ୍ମନଃ।
ଦୁଃଶାସନଚତୁର୍ଥାନାଂ ଭୂମିଃ ପାସ୍ଯତି ଶୋଣିତମ୍॥ 2-99-32 (15421)
ଅର୍ଜୁନ ଉବାଚ॥ 2-99-33x (1723)
ଅସୂଯିତାରଂ ଦ୍ରଷ୍ଟାରଂ ପ୍ରବକ୍ତାରଂ ବିକତ୍ଥନମ୍।
ଭୀମସେନ ନିଯୋଗାତ୍ତେ ହନ୍ତାହଂ କର୍ଣମାହବେ॥ 2-99-33 (15422)
ଅର୍ଜୁନଃ ପ୍ରତିଜାନୀତେ ଭୀମସ୍ଯ ପ୍ରିଯକାମ୍ଯଯା।
କର୍ଣଂ କର୍ଣାନୁଗାଂଶ୍ଚୈବ ରଣେ ହନ୍ତାଽସ୍ମି ପତ୍ରିଭିଃ॥ 2-99-34 (15423)
ଯେ ଚାନ୍ଯେ ପ୍ରତିଯୋତ୍ସ୍ଯନ୍ତି ବୁଦ୍ଧିମୋହେନ ମାଂ ନୃପାଃ।
ତାଂଶ୍ଚ ସର୍ବାନହଂ ବାଣୈର୍ନେତାଽସ୍ମି ଯମସାଦନମ୍॥ 2-99-35 (15424)
ଚଲେଦ୍ବି ହିମବାନ୍ସ୍ଥାନାନ୍ନିଷ୍ପ୍ରଭଃ ସ୍ଯାଦ୍ଦିବାକରଃ।
ଶୈତ୍ଯଂ ସୋମାତ୍ପ୍ରଣଶ୍ଯେତ ମତ୍ସତ୍ଯଂ ବିଚଲେଦ୍ଯଦି॥ 2-99-36 (15425)
ନ ପ୍ରଦାସ୍ଯତି ଚେଦ୍ରାଜ୍ଯମିତୋ ବର୍ଷେ ଚତୁର୍ଦଶେ।
ଦୁର୍ଯୋଧନୋଽଭିସତ୍କୃତ୍ଯ ସତ୍ଯମେତଦ୍ଭବିଷ୍ଯତି॥ 2-99-37 (15426)
ବୈଶମ୍ପାଯନ ଉବାଚ॥ 2-99-38x (1724)
ଇତ୍ଯୁକ୍ତବତି ପାର୍ଥେ ତୁ ଶ୍ରୀମାନ୍ମାଦ୍ରବତୀସୁତଃ।
ପ୍ରଗୃହ୍ଯ ବିପୁଲଂ ବାହୁଂ ସହଦେବଃ ପ୍ରତାପବାନ୍॥ 2-99-38 (15427)
ସୌବଲସ୍ଯ ବଧଂ ପ୍ରେପ୍ସୁରିଦଂ ବଚନମବ୍ରବୀତ୍।
କ୍ରୋଧସଂରକ୍ତନଯନୋ ନିଃ ଶ୍ବସନ୍ନିବ ପନ୍ନଗଃ॥ 2-99-39 (15428)
ସହଦେବ ଉବାଚ॥ 2-99-40x (1725)
ଅକ୍ଷାନ୍ଯାନ୍ମନ୍ଯସେ ମୂଢ ଗାନ୍ଧାରାଣାଂ ଯଶୋହର।
ନୈତେଽକ୍ଷା ନିଶିତା ବାଣାସ୍ତ୍ବଯୈତେ ସମରେ ବୃତାଃ॥ 2-99-40 (15429)
ଯଥା ଚୈବୋକ୍ତବାନ୍ଭୀମସ୍ତ୍ବାମୁଦ୍ଦିଶ୍ଯ ସବାନ୍ଧବମ୍।
କର୍ତାହଂ କର୍ମଣସ୍ତସ୍ଯ କୁରୁ କାର୍ଯାଣି ସର୍ବଶଃ॥ 2-99-41 (15430)
ହନ୍ତାଽସ୍ମି ତରସା ଯୁଦ୍ଧେ ତ୍ବାମେବହେ ସବାନ୍ଧବମ୍।
ଯଦି ସ୍ଥାସ୍ଯସି ସଙ୍ଗ୍ରାମେ କ୍ଷତ୍ରଧର୍ମେଣ ସୌବଲ॥ 2-99-42 (15431)
ସହଦେବବଚଃ ଶ୍ରୁତ୍ବା ନକୁଲୋଽପି ବିଶାମ୍ପତେ।
ଦର୍ଶନୀଯତମୋ ନୄଣାମିଦଂ ବଚନମବ୍ରବୀତ୍॥ 2-99-43 (15432)
ସୁତେଯଂ ଯଜ୍ଞସେନସ୍ଯ ଦ୍ଯୂତେଽସ୍ମିନ୍ଧୃତରାଷ୍ଟ୍ରଜୈଃ।
ଯୈର୍ବାଚଃ ଶ୍ରାବିତା ରୂକ୍ଷାଃ ସ୍ଥିତୈର୍ଦୁର୍ଯୋଧନପ୍ରିଯେ॥ 2-99-44 (15433)
ତାନ୍ଧାର୍ତରାଷ୍ଟ୍ରାନ୍ଦୁର୍ବୃତ୍ତାନ୍ମୁମୂର୍ଷୂନ୍କାଲନୋଦିତାନ୍।
ଗମଯିଷ୍ଯାମି ଭୂଯିଷ୍ଠାନହଂ ବୈବସ୍ବତକ୍ଷଯମ୍॥ 2-99-45 (15434)
`ଉଲୂକଂ ଚ ଦୁରାତ୍ମାନଂ ସୌବଲସ୍ଯ ସୁତଂ ପ୍ରିଯମ୍।
କ୍ରୂରଂ ହନ୍ତାଽସ୍ମି ସମରେ ତଂ ବୈ କ୍ରୂରଂ ନରାଧମମ୍'॥ 2-99-46 (15435)
ନିଦେଶାଦ୍ଧର୍ମରାଜସ୍ଯ ଦ୍ରୌପଦ୍ଯାଃ ପଦବୀଂ ଚରନ୍।
ନିର୍ଧାର୍ତରାଷ୍ଟ୍ରାଂ ପୃଥିବୀଂ କର୍ତାଽସ୍ମି ନଚିରାଦିବ॥ 2-99-47 (15436)
ବୈଶମ୍ପାଯନ ଉବାଚ॥ 2-99-48x (1726)
ଏବଂ ତେ ପୁରୁଷବ୍ଯାଘ୍ରାଃ ସର୍ବେ ବ୍ଯାଯତବାହବଃ।
ପ୍ରତିଜ୍ଞା ବହୁଲାଃ କୃତ୍ବା ଧୃତରାଷ୍ଟ୍ରମୁପାଗମନ୍॥ ॥ 2-99-48 (15437)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅନୁଦ୍ଯୂତପର୍ବଣି ଏକୋନଶତତମୋଽଧ୍ଯାଯଃ॥ 99 ॥
Mahabharata - Sabha Parva - Chapter Footnotes
2-99-13 କାକଯବା ନିସ୍ତଣ୍ଡୁଲଂ ତୃଣଧାନ୍ଯମ୍॥ 2-99-17 ସ୍ମରଯିତା ସ୍ମାରଯିଷ୍ଯାମି ॥ସଭାପର୍ବ - ଅଧ୍ଯାଯ 100
॥ ଶ୍ରୀଃ ॥
2.100. ଅଧ୍ଯାଯଃ 100
Mahabharata - Sabha Parva - Chapter Topics
ଯୁଧିଷ୍ଠିରେଣ ବନଗମନାଯ ଭୀଷ୍ମାଦ୍ଯାମନ୍ତ୍ରଣମ୍॥ 1॥ ପାଣ୍ଡବାନ୍ପ୍ରତି ବିଦୁରବଚନମ୍॥ 2॥Mahabharata - Sabha Parva - Chapter Text
ଯୁଧିଷ୍ଠିର ଉବାଚ॥
ଆମନ୍ତ୍ରଯାମି ଭରତାଂସ୍ତଥା ବୃଦ୍ଧଂ ପିତାମହମ୍॥
ରାଜାନଂ ସୋମଦତ୍ତଂ ଚ ମହାରାଜଂ ଚ ବାହ୍ଲିକମ୍॥ 2-100-1 (15438)
ଦ୍ରୋଣଂ କୃପଂ ନୃପାଂଶ୍ଚାନ୍ଯାନଶ୍ବତ୍ଥାମାନମେବ ଚ।
ବିଦୁରଂ ଧୃତରାଷ୍ଟ୍ରଂ ଚ ଧାର୍ତରାଷ୍ଟ୍ରାଂଶ୍ଚ ସର୍ବଶଃ॥ 2-100-3a`ସୌମଦତ୍ତିଂ ମହାବୀର୍ଯଂ ବିକର୍ଣଂ ଚ ମହାମତିମ୍'।
ଯୁଯୁତ୍ସୁଂ ସଞ୍ଜଯଂ ଚୈବ ତଥୈବାନ୍ଯାନ୍ସଭାସଦଃ॥ 2-100-4a`ଗାନ୍ଧାରୀଂ ଚ ମହାଭାଗାଂ ମାତରଂ ଚ ତଥା ପୃଥାମ୍'।
ସର୍ବାନାମନ୍ତ୍ର୍ଯ ଗଚ୍ଛାମି ଦ୍ରଷ୍ଟାଽସ୍ମି ପୁନରେତ୍ଯ ବଃ॥ 2-100-2 (15439)
ବୈଶମ୍ପାଯନ ଉବାଚ॥ 2-100-5x (1727)
ନ ଚ କିଞ୍ଚିଦଥୋଚୁସ୍ତଂ ହ୍ରିଯାଽଽସନ୍ନା ଯୁଧିଷ୍ଠିରମ୍।
ମନୋଭିରେବ କଲ୍ଯାଣଂ ଦଧ୍ଯୁସ୍ତେ ତସ୍ଯ ଧୀମତଃ॥ 2-100-5 (15440)
ବିଦୁର ଉବାଚ॥ 2-100-6x (1728)
ଆର୍ଯା ପୃଥା ରାଜପୁତ୍ରୀ ନାରଣ୍ଯଂ ଗନ୍ତୁମର୍ହତି।
ସୁକୁମାରୀ ଚ ବୃଦ୍ଧା ଚ ନିତ୍ଯଂ ଚୈବ ସୁଖୋଚିତା॥ 2-100-6 (15441)
ଇହ ବତ୍ସ୍ଯତି କଲ୍ଯାଣୀ ସତ୍କୃତା ମମ ବେଶ୍ମନି।
ଇତି ପାର୍ଥା ବିଜାନୀଧ୍ବମଗଦଂ ବୋଽସ୍ତୁ ସର୍ବଶଃ॥ 2-100-7 (15442)
ପାଣ୍ଡବା ଊଚୁଃ। 2-100-8x (1729)
ତଥେତ୍ଯୁକ୍ତ୍ବାଽବ୍ରୁବନ୍ସର୍ବେ ଯଥା ନୋ ବଦସେଽନଘ।
ତ୍ବଂ ପିତୃବ୍ଯଃ ପିତୃସମୋ ବଯଂ ଚ ତ୍ବତ୍ପରାଯଣାଃ॥ 2-100-8 (15443)
ଯଥାଽଽଜ୍ଞାପଯସେ ବିଦ୍ବଂସ୍ତ୍ବଂ ହି ନଃ ପରମୋ ଗୁରୁଃ।
ଯଚ୍ଚାନ୍ଯଦପି କର୍ତବ୍ଯଂ ତଦ୍ବିଧତ୍ସ୍ବ ମହାମତେ॥ 2-100-9 (15444)
ବିଦୁର ଉବାଚ॥ 2-100-10x (1730)
ଯୁଧିଷ୍ଠିର ବିଜାନୀହି ମମେଦଂ ଭରତର୍ଷଭ।
ନାଧର୍ମେଣ ଜିତଃ କଶ୍ଚିଦ୍ବ୍ଯଥତେ ବୈ ପରାଜଯେ॥ 2-100-10 (15445)
ତ୍ବଂ ବୈ ଧର୍ମଂ ବିଜାନୀଷେ ଯୁଦ୍ଧେ ଜେତା ଧନଞ୍ଜଯଃ।
ହନ୍ତାଽରୀଣାଂ ଭୀମସେନୋ ନକୁଲସ୍ତ୍ବର୍ଥସଙ୍ଗ୍ରହୀ॥ 2-100-11 (15446)
ସଂଯନ୍ତା ସହଦେବସ୍ତୁ ଧୌମ୍ଯୋ ବ୍ରହ୍ମବିଦୁତ୍ତମଃ।
ଧର୍ମାର୍ଥକୁଶଲା ଚୈବ ଦ୍ରୌପଦୀ ଧର୍ମଚାରିଣୀ॥ 2-100-12 (15447)
ଅନ୍ଯୋନ୍ଯସ୍ଯ ପ୍ରିଯାଃ ସର୍ବେ ତଥୈବ ପ୍ରିଯଦର୍ଶନାଃ।
ପରୈରଭେଦ୍ଯାଃ ସନ୍ତୁଷ୍ଟାଃ କୋ ବୋନ ନ ସ୍ପୃହଯେଦିହ॥ 2-100-13 (15448)
ଏଷ ବୈ ସର୍ବକଲ୍ଯାଣଃ ସମାଧିସ୍ତବ ଭାରତ।
ନୈନଂ ଶତ୍ରୁର୍ବିଷହତେ ଶକ୍ରେଣାପି ସମୋଽପ୍ଯୁତ॥ 2-100-14 (15449)
ହିମବତ୍ଯନୁଶିଷ୍ଟୋଽସି ମେରୁସାବର୍ଣିନା ପୁରା।
ଦ୍ବୈପାଯନେନ କୃଷ୍ଣେନ ନଗରେ ବାରଣାବତେ॥ 2-100-15 (15450)
ଭୃଗୁତୁଙ୍ଗେ ଚ ରାମେଣ ଦୃଷ୍ଟଦ୍ବତ୍ଯାଂ ଚ ଶମ୍ଭୁନା।
ଅଶ୍ରୌଷୀରସି ତସ୍ଯାପି ମହର୍ଷେରଞ୍ଜନଂ ପ୍ରତି॥ 2-100-16 (15451)
କଲ୍ମାଷୀତୀରସଂସ୍ଥସ୍ଯ ଗତସ୍ତ୍ବଂ ଶିଷ୍ଯତାଂ ଭୃଗୋଃ।
ଦ୍ରଷ୍ଟା ସଦା ନାରଦସ୍ତେ ଧୌମ୍ଯସ୍ତେଽଯଂ ପୁରୋହିତଃ॥ 2-100-17 (15452)
ମାହାସୀଃ ସାମ୍ପରାଯେ ତ୍ବଂ ବୁଦ୍ଧିଂ ତାମୃଷିପୂଜିତାମ୍।
ପୁରୂରବସମୈଲଂ ତ୍ବଂ ବୁଦ୍ଧ୍ଯା ଜଯସି ପାଣ୍ଡବ॥ 2-100-18 (15453)
ଶକ୍ତ୍ଯା ଜଯସି ରାଜ୍ଞୋଽନ୍ଯାନୃଷୀନ୍ଧର୍ଗୋପସେବଯା।
ଐନ୍ଦ୍ରେ ଜଯେ ଧୃତମନା ଯାମ୍ଯେ କୋପବିଧାରଣେ॥ 2-100-19 (15454)
ତଥା ବିସର୍ଗେ କୌବେରେ ବାରୁଣେ କୋପବିଧାରଣେ॥
ଆତ୍ମପ୍ରଦାନଂ ସୌମ୍ଯତ୍ବମଦ୍ଭ୍ଯଶ୍ଚୈବୋପଜୀବନମ୍॥ 2-100-20 (15455)
ଭୂମେଃ କ୍ଷମା ଚ ତେଜଶ୍ଚ ସମଗ୍ରଂ ସୂର୍ଯମଣ୍ଡଲାତ୍।
ବାଯୋର୍ବଲଂ ପ୍ରାପ୍ନୁହି ତ୍ବଂ ଭୂତେଭ୍ଯଶ୍ଚାତ୍ମସମ୍ପଦମ୍॥ 2-100-21 (15456)
ଅଗଦଂ ବୋଽସ୍ତୁ ଭଦ୍ରଂ ବୋ ଦ୍ରଷ୍ଟାଽସ୍ମି ପୁନରାଗତାନ୍।
ଆପଦ୍ଧର୍ମାର୍ଥକୃଚ୍ଛ୍ରେଷୁ ସର୍ବକାର୍ଯେଷୁ ବା ପୁନଃ॥ 2-100-22 (15457)
ଯଥାବତ୍ପ୍ରତିପଦ୍ଯେଥାଃ କାଲେ କାଲେ ଯୁଧିଷ୍ଠିର।
ଆପୃଷ୍ଟୋଽସୀହ କୌନ୍ତେଯ ସ୍ବସ୍ତି ପ୍ରାପ୍ନୁହି ଭାରତ॥ 2-100-23 (15458)
କୃତାର୍ଥଂ ସ୍ବସ୍ମିମନ୍ତଂ ତ୍ବାଂ ଦ୍ରକ୍ଷ୍ଯାମଃ ପୁନରାଗତମ୍।
ନ ହି ବୋ ବୃଜିନଂ କିଞ୍ଚିଦ୍ବେଦ କଶ୍ଚିତ୍ପୁରାକୃତମ୍॥ 2-100-24 (15459)
ବୈଶମ୍ପାଯନ ଉବାଚ॥ 2-100-25x (1731)
ଏବମୁକ୍ତସ୍ତଥେତ୍ଯୁକ୍ତ୍ବା ପାଣ୍ଡବଃ ସତ୍ଯବିକ୍ରମଃ।
ଭୀଷ୍ମଦ୍ରୋଣୌ ନମସ୍କୃତ୍ଯ ପ୍ରାତିଷ୍ଠତ ଯୁଧିଷ୍ଠିରଃ॥ ॥ 2-100-25 (15460)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅନୁଦ୍ଯାତପର୍ବଣି ଶତତମୋଽଧ୍ଯାଯଃ॥ 100॥
Mahabharata - Sabha Parva - Chapter Footnotes
2-100-14 ସମାଧିର୍ମନଃ ସ୍ବାସ୍ଥ୍ଯକରୋ ନିଯମଃ॥ 2-100-19 ବିଧାରଣେ ନିଯମନେ ॥ 2-100-20 ବିସର୍ଗେ ଦାନେ। ସଂଯମେ ବଶୀକରଣେ । ଉପଜୀବନଂ ଜୀବନହେତୁତ୍ବମ୍॥ସଭାପର୍ବ - ଅଧ୍ଯାଯ 101
॥ ଶ୍ରୀଃ ॥
2.101. ଅଧ୍ଯାଯଃ 101
Mahabharata - Sabha Parva - Chapter Topics
ପାଣ୍ଡବାନାଂ ବନପ୍ରସ୍ଥାନେନ ଖିଦ୍ଯତାଂ ପୌରାଣାଂ ବଚନାନି॥ 1॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ତତଃ ସମ୍ପ୍ରସ୍ଥିତେ ତତ୍ର ଧର୍ମରାଜେ ତଦା ନୃପ।
ଜନାଃ ସମନ୍ତାଦ୍ଦ୍ରଷ୍ଟୁଂ ତଂ ସମାରୁରୁହୁରାତୁରାଃ॥ 2-101-1 (15461)
ତତଃ ପ୍ରାସାଦବର୍ଯାଣି ବିମାନଶିଖରାଣି ଚ।
ଗୋପୁରାଣି ଚ ସର୍ବାଣି ବୃକ୍ଷାନନ୍ଯାଂଶ୍ଚ ସର୍ବଶଃ॥ 2-101-2 (15462)
ଅଥାଧିରୁହ୍ଯ ସସ୍ତ୍ରୀକା ଉଦାସୀନା ବ୍ଯଲୋକଯନ୍।
ନ ହି ରଥ୍ଯାସ୍ତଦା ଶକ୍ଯା ଗନ୍ତୁଂ ତାଶ୍ଚ ଜନାକୁଲାଃ॥ 2-101-3 (15463)
ଆରୁହ୍ଯ ସ୍ମାନତାସ୍ତତ୍ର ଦୀନାଃ ପଶ୍ଯନ୍ତି ପାଣ୍ଡବାନ୍।
ପଦାତିଂ ବର୍ଜିତଚ୍ଛତ୍ରଂ ଚେଲଭୂଷଣବର୍ଜିତମ୍॥ 2-101-4 (15464)
ବଲ୍କଲାଜିନସଂବୀତଂ ପାର୍ଥଂ ଦୃଷ୍ଟ୍ବା ଜନାସ୍ତଦା।
ଊଚୁର୍ବହୁବିଧା ବାଚୋ ଭୃଶୋପହତଚେତସଃ॥ 2-101-5 (15465)
ଜନା ଊଚୁଃ। 2-101-6x (1732)
ଯଂ ଯାନ୍ତମନୁଯାତି ସ୍ମ ଚତୁରଙ୍ଗବଲଂ ମହତ୍।
ତମେକଂ କୃଷ୍ଣଯା ସାର୍ଧମନୁଗଚ୍ଛନ୍ତି ପାଣ୍ଡବାଃ॥ 2-101-6 (15466)
ଚତ୍ବାରୋ ଭ୍ରାତରଶ୍ଚୈବ ଧୌମ୍ଯଶ୍ଚୈବ ପୁରୋହିତଃ।
ଭୀମାର୍ଜୁନୌ ବାରଯିତ୍ବା ନିକୃତ୍ଯା ବଦ୍ଧକାର୍ମୁକୌ॥ 2-101-7 (15467)
ଧର୍ମ ଏବାସ୍ଥିତୋ ଯେନ ତ୍ଯକ୍ତ୍ବା ରାଜ୍ଯଂ ମହାତ୍ମନା।
ଯା ନ ଶକ୍ଯା ପୁରା ଦ୍ରଷ୍ଟୁଂ ଭୂତୈରାକାଶଗୈରପି॥ 2-101-8 (15468)
ତାମଦ୍ଯ କୃଷ୍ଣାଂ ପଶ୍ଯନ୍ତି ରାଜମାର୍ଗଗତା ଜନାଃ।
ଅଙ୍ଗରାଗୋଚିତାଂ କୃଷ୍ଣାଂ ରକ୍ତଚନ୍ଦନସେବିନୀମ୍॥ 2-101-9 (15469)
ବର୍ଷମୁଷ୍ଣଂ ଚ ଶୀତଂ ଚ ନେଷ୍ଯତ୍ଯାଶୁ ବିବର୍ଣତାମ୍।
ଅଦ୍ଯ ନୂନଂ ପୃଥା ଦେବୀ ସତ୍ଯମାବିଶ୍ଯ ଭାଷତେ॥ 2-101-10 (15470)
ପୁତ୍ରାନ୍ସ୍ନୁଷାଂ ଚ ଦେବୀ ତୁ ଦ୍ରଷ୍ଟୁମଦ୍ଯାଥ ନାର୍ହତି।
ନିର୍ଗୁଣସ୍ଯାପି ପୁତ୍ରସ୍ଯ କଥଂ ସ୍ଯାହୁଃ ସ୍ବଦର୍ଶନମ୍॥ 2-101-11 (15471)
କିମ୍ପୁନର୍ଯସ୍ଯ ଲୋକୋଽଯଂ ଜିତୋ ବୃତ୍ତେନ କେବଲମ୍।
ଆନୃଶଂସ୍ଯମନୁକ୍ରୋଶୋ ଧୃତିଃ ଶୀଲଂ ଦମଃ ଶମଃ॥ 2-101-12 (15472)
ପାଣ୍ଡବଂ ଶୋଭଯନ୍ତ୍ଯେତେ ଷଡ୍ଗୁଣାଃ ପୁରୁଷୋତ୍ତମମ୍।
ତସ୍ମାଦସ୍ଯୋପଘାତେନ ପ୍ରଜାଃ ପରମପୀଡିତାଃ॥ 2-101-13 (15473)
ଔଦକାନୀବ ସତ୍ବାନି ଗ୍ରୀଷ୍ମେ ସଲିଲସଙ୍କ୍ଷଯାତ୍।
ପୀଡଯା ପୀଡିତଂ ସର୍ବଂ ଜଗଦସ୍ଯ ଜଗତ୍ପତେଃ॥ 2-101-14 (15474)
ମୂଲସ୍ଯୈବୋପଘାତେନ ବୃକ୍ଷଃ ପୁଷ୍ପଫଲୋପଗଃ।
ମୂଲଂ ହ୍ଯେଷ ମନୁଷ୍ଯାଣାଂ ଧର୍ମରାଜୋ ମହାଦ୍ଯୁତିଃ॥ 2-101-15 (15475)
ପୁଷ୍ପଂ ଫଲଂ ଚ ପତ୍ରଂ ଚ ଶାଖାସ୍ତସ୍ଯେତରେ ଜନାଃ।
ତେ ଭ୍ରାତର ଇବ କ୍ଷିପ୍ରଂ ସପୁତ୍ରାଃ ସହବାନ୍ଧବାଃ॥ 2-101-16 (15476)
ଗଚ୍ଛନ୍ତମନୁଗଚ୍ଛାମୋ ଯେନ ଗଚ୍ଛତି ପାଣ୍ଡବଃ।
ଉଦ୍ଯାନାନି ପରିତ୍ଯଜ୍ଯ କ୍ଷେତ୍ରାଣି ଚ ଗୃହାଣି ଚ॥ 2-101-17 (15477)
ଏକଦୁଃଖସୁଖାଃ ପାର୍ଥମନୁଯାମ ସୁଧାର୍ମିକମ୍।
ସମୁଚ୍ଛ୍ରିତପତାକାନି ପରିଧ୍ବସ୍ତାଜିରାଣି ଚ॥ 2-101-18 (15478)
ଉପାତ୍ତଧନଧାନ୍ଯାନି ହୃତସାରାଣି ସର୍ବଶଃ।
ରଜସାଽପ୍ଯବକୀର୍ଣାନି ପରିତ୍ଯକ୍ତାନି ଦୈବତୈଃ॥ 2-101-19 (15479)
ମୂଷକୈଃ ପରିଧାବଦ୍ଭିରୁଦ୍ବଲୈରାବୃତାନି ଚ।
ଅପେତୋଦକଧୂମାନି ହୀନସଂମାର୍ଜନାନି ଚ॥ 2-101-20 (15480)
ପ୍ରନଷ୍ଟବଲିକର୍ମେଜ୍ଯାମନ୍ତ୍ରହୋମଜପାନି ଚ।
ଦୁଷ୍କାଲେନେବ ଭଗ୍ନାନି ଭିନ୍ନଭାଜନବନ୍ତି ଚ॥ 2-101-21 (15481)
ଅସ୍ମତ୍ତ୍ଯକ୍ତାନି ବେଶ୍ମାନି ସୌବଲଃ ପ୍ରତିପଦ୍ଯତାମ୍।
ବନଂ ନଗରମେବାସ୍ତୁ ଯେନ ଗଚ୍ଛନ୍ତି ପାଣ୍ଡବାଃ॥ 2-101-22 (15482)
ଅସ୍ମାଭିଶ୍ଚ ପରିତ୍ଯକ୍ତଂ ପୁରଂ ସମ୍ପଦ୍ଯତାଂ ବନମ୍।
ବିଲାନି ଦଂଷ୍ଟ୍ରିଣଃ ସର୍ବେ ବାନି ମୃଗପକ୍ଷିଣଃ॥ 2-101-23 (15483)
ତ୍ଯଜନ୍ତ୍ବସ୍ମଦ୍ଭଯାଦ୍ଭୀତା ଗଜାଃ ସିଂହା ବନାନ୍ଯପି।
ଅନାକ୍ରାନ୍ତଂ ପ୍ରପଦ୍ଯନ୍ତଃ ସେବମାନଂ ତ୍ଯଜନ୍ତୁ ଚ॥ 2-101-24 (15484)
ତୃଣମାଂସଫଲାଦାନାଂ ଦେଶାଂସ୍ତ୍ଯକ୍ତ୍ବା ମୃଗଦ୍ବିଜାଃ।
ବଯଂ ପାର୍ଥୈର୍ବନେ ସମ୍ଯକ୍ସହ ବତ୍ସ୍ଯାମ ନିର୍ବୃତାଃ॥ 2-101-25 (15485)
ଇତ୍ଯେବଂ ବିବିଧା ବାଚୋ ନାନାଜନସମୀରିତାଃ।
ଶୁଶ୍ରାବ ପାର୍ଥଃ ଶ୍ରୁତ୍ବା ଚ ନ ବିଚକ୍ରେଽସ୍ଯ ମାନସମ୍॥ 2-101-26 (15486)
ତତଃ ପ୍ରାସାଦସଂସ୍ଥାସ୍ତୁ ସମନ୍ତାଦ୍ବୈ ଗୃହେ ଗୃହେ।
ବ୍ରାହ୍ମଣକ୍ଷତ୍ରିଯବିଶାଂ ଶୂଦ୍ରାଣାଂ ଚୈବ ଯୋଷିତଃ॥ 2-101-27 (15487)
ଗତ୍ବା ସ୍ବଗୃହଜାଲାନି ଉତ୍ପାଟ୍ଯାବରଣାନି ଚ।
ଦଦୃଶୁଃ ପାଣ୍ଡବାନ୍ଦୀନାନ୍ବଲ୍କଲାଜିନବାସସଃ॥ 2-101-28 (15488)
କୃଷ୍ଣାଂ ତ୍ବଦୃଷ୍ଟପୂର୍ବାଂ ତାଂ ବ୍ରଜନ୍ତୀଂ ପଦ୍ଭିରେବ ଚ।
ଏକବସ୍ତ୍ରାଂ ରୁଦନ୍ତୀଂ ତାଂ ମୁକ୍ତକେଶୀଂ ରଜସ୍ବଲାମ୍॥ 2-101-29 (15489)
ଦୃଷ୍ଟ୍ବା ତଦା ସ୍ତ୍ରିଯଃ ସର୍ବା ବିବର୍ଣବଦନା ଭୃଶମ୍।
ବିଲପ୍ଯ ବହୁଧା ମୋହାଦ୍ଦୁଃଖଶୋକେନ ପୀଡିତାଃ।
ହାହା ଧିଗ୍ଧିଗ୍ଧିଗିତ୍ଯୁକ୍ତ୍ବା ନେତ୍ରୈରଶ୍ରୂଣ୍ଯବର୍ତଯନ୍॥ 2-101-30 (15490)
ଜନସ୍ଯାଥ ବଜଃ ଶ୍ରୁତ୍ବା ସ ରାଜା ଭ୍ରାତୃଭିଃ ସହ।
ଉଦ୍ଦିଶ୍ଯ ବନାବାସାଯ ପ୍ରତସ୍ଥେ କୃତନିଶ୍ଚଯଃ॥ 2-101-31 (15491)
ବୈଶମ୍ପାଯନ ଉବାଚ॥ 2-101-32x (1733)
ତସ୍ମିନ୍ସମ୍ପ୍ରସ୍ଥିତେ କୃଷ୍ଣା ପୃଥାଂ ପ୍ରାପ୍ଯ ଯଶସ୍ବିନୀମ୍।
ଅପୃଚ୍ଛଦ୍ଭୃଶଦୁଃଖାର୍ତା ଯାଶ୍ଚାନ୍ଯାସ୍ତତ୍ର ଯୋଷିତଃ॥ 2-101-32 (15492)
ତତୋ ନିନାଦଃ ସୁମହାନ୍ପାଣ୍ଡବାନ୍ତଃ ପୁରେଽଭବତ୍॥ 2-101-33 (15493)
କୁନ୍ତୀ ଚ ଭୃଶଶନ୍ତପ୍ତା ଦ୍ରୌପଦୀଂ ପ୍ରେକ୍ଷ୍ଯ ଗଚ୍ଛତୀମ୍।
ଶୋକବିହ୍ବଲଯା ବାଚା କୃଚ୍ଛ୍ରାଦ୍ବଚନମବ୍ରବୀତ୍॥ 2-101-34 (15494)
ବତ୍ସେ ଶୋକୋ ନ ତେ କାର୍ଯଃ ପ୍ରାପ୍ଯେଦଂ ବ୍ଯସନଂ ମହତ୍।
ସ୍ତ୍ରୀଧର୍ମାଣାମଭିଜ୍ଞାଽସି ଶୀଲାଚାରବତୀ ତଥା॥ 2-101-35 (15495)
ନ ତ୍ବାଂ ଶନ୍ଦେଷ୍ଟୁମର୍ହାମି ଭର୍ତୄନ୍ପ୍ରତି ଶୁଚିସ୍ମିତେ।
ସାଧ୍ବୀ ଗୁଣସମାପନ୍ନା ଭୂଷିତଂ ତେ କୁଲଦ୍ବଯମ୍॥ 2-101-36 (15496)
ସଭାଗ୍ଯାଃ କୁରବଶ୍ଚେମେ ଯେ ନ ଦଗ୍ଧାସ୍ତ୍ବଯାଽନଘେ।
ଅରିଷ୍ଟଂ ବ୍ରଜ ପନ୍ଥାନଂ ମଦନୁଧ୍ଯାନବୃଂହିତା॥ 2-101-37 (15497)
ଭାବିନ୍ଯର୍ଥେ ହି ସତ୍ସ୍ତ୍ରୀଣାଂ ବୈକୃତଂ ନୋପଜାଯତେ।
ଗୁରୁଧର୍ମାଭିଗୁପ୍ତା ଚ ଶ୍ରେଯଃ କ୍ଷିପ୍ରମବପ୍ସ୍ଯସି॥ 2-101-38 (15498)
ସହଦେବଶ୍ଚ ମେ ପୁତ୍ରଃ ସଦାଽବେକ୍ଷ୍ଯୋ ବନେ ବସନ୍।
ଯଥେଦଂ ବ୍ଯସନଂ ପ୍ରାପ୍ଯ ନାଯଂ ସୀଦେନ୍ମହାମତିଃ॥ 2-101-39 (15499)
ବୈଶମ୍ପାଯନ ଉବାଚ॥ 2-101-40x (1734)
ତଥେନ୍ଯୁକ୍ତ୍ବା ତୁ ସା ଦେବୀ ସ୍ରବନ୍ନେତ୍ରଜଲାବିଲା।
ଶୋଣିତାକ୍ତୈକବସନା ମୁକ୍ତକେଶୀ ବିନିର୍ଯଯୌ॥ 2-101-40 (15500)
ତାଂ କ୍ରୋଶନ୍ତୀଂ ପୃଥା ଦୁଃଖାଦନୁବବ୍ରାଜ ଗଚ୍ଛତୀମ୍।
ଅଥାପଶ୍ଯନ୍ସୁତାନ୍ସର୍ବାନ୍ହୃତାଭରଣବାସସଃ॥ 2-101-41 (15501)
ରୁରୁଚର୍ମାବୃତତନୂନ୍ହ୍ରିଯା କିଞ୍ଚିଦବାହ୍ମୁଖାନ୍।
ପରୈଃ ପରୀତାନ୍ସଂହୃଷ୍ଟୈଃ ସୁହୃଦ୍ଭିଶ୍ଚାନୁଶୋଚିତାନ୍॥ 2-101-42 (15502)
ତଦବସ୍ଥାନ୍ସୁତାନ୍ସର୍ବାନୁପସୃତ୍ଯାତିବତ୍ସଲା।
ସ୍ବଜମାନାଽବଦଚ୍ଛେକାତ୍ତତ୍ତଦ୍ବିଲପତୀ ବହୁ॥ 2-101-43 (15503)
କୁନ୍ତ୍ଯୁବାଚ। 2-101-44x (1735)
କଥଂ ସଦ୍ଧର୍ମଚାରିତ୍ରାନ୍ବୃତ୍ତସ୍ଥିତିବିଭୂଷିତାନ୍।
ଅକ୍ଷୁଦ୍ରାନ୍ଦୃଢଭକ୍ତାଂଶ୍ଚ ଦୈବତେଜ୍ଯାପରାନ୍ସଦା॥ 2-101-44 (15504)
ବ୍ଯସନଂ ବଃ ସମଭ୍ଯାଗାତ୍କୋଽଯଂ ବିଧିବିପର୍ଯଯଃ।
କସ୍ଯାପଧ୍ଯାନଜଂ ଚେଦମାଗଃ ପଶ୍ଯାମି ବୋ ଧିଯା॥ 2-101-45 (15505)
ସ୍ଯାତ୍ତୁ ମଦ୍ଭାଗ୍ଯଦୋଷୋଽଯଂ ଯାଽହଂ ଯୁଷ୍ମାନଜୀଜନମ୍।
ଦୁଃଖାଯାସଭୁଜୋଽତ୍ଯର୍ଥଂ ଯୁକ୍ତାନପ୍ଯୁତ୍ତମୈର୍ଗୁଣୈଃ॥ 2-101-46 (15506)
କଥଂ ବତ୍ସ୍ଯଥ ଦୁର୍ଗେଷୁ ବନେ ଋଦ୍ଧିବିନାକୃତାଃ।
ବୀର୍ଯସତ୍ବବଲୋତ୍ସାହତେଜୋଭିରକୃଶାଃ କୃଶାଃ॥ 2-101-47 (15507)
ଯଦ୍ଯେବମହମଜ୍ଞାସ୍ଯଂ ବନେ ବାସଂ ହି ବୋ ଧ୍ରୁବମ୍।
ଶତଶୃଙ୍ଗାନ୍ମୃତେ ପାଣ୍ଡୌ ନାଗମିଷ୍ଯଂ ଗଜାହ୍ବଯମ୍॥ 2-101-48 (15508)
ଧନ୍ଯଂ ବଃ ପିତରଂ ମନ୍ଯେ ତପୋମେଧାନ୍ବିତଂ ତଥା।
ଯଃ ପୁତ୍ରାଧିମସମ୍ପ୍ରାପ୍ଯ ସ୍ବର୍ଗେଚ୍ଛାମକରୋତ୍ପ୍ରିଯାମ୍॥ 2-101-49 (15509)
ଧନ୍ଯାଂ ଚାତୀନ୍ଦ୍ରିଯଜ୍ଞାନାମିମାଂ ପ୍ରାପ୍ତାଂ ପରାଂ ଗତିମ୍।
ମନ୍ଯେ ତୁ ମାଦ୍ରୀଂ ଧର୍ମଜ୍ଞାଂ କଲ୍ଯାଣୀଂ ସର୍ବଥୈବ ତୁ॥ 2-101-50 (15510)
ରତ୍ଯା ମତ୍ଯା ଚ ଗତ୍ଯା ଚ ଯଯାଽହମଭିସନ୍ଧିତା।
ଜୀବିତପ୍ରିଯତାଂ ମହ୍ଯଂ ଧିଙ୍ମାଂ ସଙ୍କ୍ଲେଶଭାଗିନୀମ୍॥ 2-101-51 (15511)
ପୁତ୍ରକା ନ ବିହାସ୍ଯେ ବଃ କୃଚ୍ଛ୍ରଲବ୍ଧାନ୍ପ୍ରିଯାନ୍ସତଃ।
ସାଽହଂ ଯାସ୍ଯାମି ହି ବନଂ ହା କୃଷ୍ଣେ କିଂ ଜହାସି ମାମ୍। 2-101-52 (15512)
ଅନ୍ତବତ୍ଯସୁଧର୍ମେଽସ୍ମିନ୍ଧାତ୍ରା କିଂ ନୁ ପ୍ରମାଦତଃ।
ମମାନ୍ତୋ ନୈବ ବିହିତସ୍ତେନାଯୁର୍ନ ଜହାତି ମାମ୍॥ 2-101-53 (15513)
ହା କୃଷ୍ଣ ଦ୍ବାରକାବାସିନ୍କ୍ବାସି ସଙ୍କର୍ଷଣାନୁଜ।
କସ୍ମାନ୍ନ ତ୍ରାଯସେ ଦୁଃଖାନ୍ମାଂ ଚେମାଂଶ୍ଚ ନରୋତ୍ତମାନ୍॥ 2-101-54 (15514)
ଅନାଦିନିଧନଂ ଯେ ତ୍ବାମନୁଧ୍ଯାଯନ୍ତି ବୈ ନରାଃ।
ତାଂସ୍ତ୍ବଂ ପାସୀତ୍ଯଯଂ ବାଦଃ ସ ଗତୋ ବ୍ଯର୍ଥତାଂ କଥମ୍॥ 2-101-55 (15515)
ଇମେ ସଦ୍ଧର୍ମମାହାତ୍ମ୍ଯଯଶୋବୀର୍ଯାନୁବର୍ତିନଃ।
ନାର୍ହନ୍ତି ବ୍ଯସନଂ ଭୋକ୍ତୁଂ ନନ୍ବେଷାଂ କ୍ରିଯତାଂ ଦଯା॥ 2-101-56 (15516)
ସେଯଂ ନୀତ୍ଯର୍ଥବିଜ୍ଞେଷୁ କଥମାପଦୁପାଗତା॥
ସ୍ଥିତେଷୁ କୁଲନାଥେଷୁ କଥମାପଦୁପାଗତା॥ 2-101-57 (15517)
ହା ପାଣ୍ଡୋ ହା ମହାରାଜ କ୍ବାସି କିଂ ସମୁପେକ୍ଷସେ।
ପୁତ୍ରାନ୍ବିବାସ୍ଯତଃ ସାଧୂନରିଭିର୍ଦ୍ଯୂତନିର୍ଜିତାନ୍॥ 2-101-58 (15518)
ସହଦେବ ନିବର୍ତସ୍ବ ନନୁ ତ୍ବମସି ମେ ପ୍ରିଯଃ।
ଶରୀରାଦପି ମାଦ୍ରେଯ ମାଂ ମା ତ୍ଯାକ୍ଷୀଃ କୁପୁତ୍ରବତ୍॥ 2-101-59 (15519)
ବ୍ରଜନ୍ତୁ ବ୍ରାତରସ୍ତେଽମୀ ଯଦି ସତ୍ଯାଭିସନ୍ଧିନଃ।
ମତ୍ପରିତ୍ରାଣଜଂ ଧର୍ମମିହୈବ ତ୍ବମବାପ୍ନୁହି॥ 2-101-60 (15520)
ବୈଶମ୍ପାଯନ ଉବାଚ॥ 2-101-61x (1736)
ଏବଂ ବିପଲତୀଂ କୁନ୍ତୀମଭିବାଦ୍ଯ ପ୍ରଣମ୍ଯ ଚ।
ପାଣ୍ଡବା ବିଗତାନନ୍ଦା ବନାଯୈବ ପ୍ରବବ୍ରଜୁଃ॥ 2-101-61 (15521)
ବିଦୁରଶ୍ଚାପି ତାମାର୍ତାଂ କୁନ୍ତୀମାଶ୍ବାସ୍ଯ ହେତୁଭିଃ।
ପ୍ରାବେଶଯଦ୍ଗୃହଂ କ୍ଷତ୍ତା ସ୍ବଯମାର୍ତତରଃ ଶନୈଃ॥ 2-101-62 (15522)
ଧାର୍ତରାଷ୍ଟ୍ରସ୍ତ୍ରିସ୍ତାଶ୍ଚ ନିଖିଲେନୋପଲଭ୍ଯ ତତ୍।
ଗମନଂ ପରିକର୍ଷଂ ଚ କୃଷ୍ଣାଯା ଦ୍ଯୂତମଣ୍ଡଲେ॥ 2-101-63 (15523)
ରୁରୁଦୁଃ ସୁସ୍ବନଂ ସର୍ବା ବିନିନ୍ଦନ୍ତ୍ଯଃ କୁରୂନ୍ଭୃଶମ୍।
ଦଧ୍ଯୁଶ୍ଚ ସୁଚିରଂ କାଲଂ କରାସକ୍ତମୁଖାମ୍ବୁଜାଃ॥ 2-101-64 (15524)
ରାଜା ଚ ଧୃତରାଷ୍ଟ୍ରସ୍ତୁ ପୁତ୍ରାଣାମନଯଂ ତଦା।
ଧ୍ଯାଯନ୍ନୁଦ୍ବିଗ୍ନହୃଦଯୋ ନ ଶାନ୍ତିମଧିଜଗ୍ମିବାନ୍॥ 2-101-65 (15525)
ସ ଚିନ୍ତଯନ୍ନନେକାଗ୍ରଃ ଶୋକବ୍ଯାକୁଲଚେତନଃ।
କ୍ଷତ୍ତୁଃ ସମ୍ପ୍ରେଷଯାମାସ ଶୀଘ୍ରମାଗମ୍ଯତାମିତି॥ 2-101-66 (15526)
ତତୋ ଜଗାମ ବିଦୁରୋ ଧୃତରାଷ୍ଟ୍ରନିବେଶନମ୍।
ତଂ ପର୍ଯପୃଚ୍ଛତ୍ସଂବିଗ୍ନୋ ଧୃତରାଷ୍ଟ୍ରୋ ଜନାଧିପଃ॥ ॥ 2-101-67 (15527)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅନୁଦ୍ଯୂତପର୍ବଣି ଏକୋତ୍ତରଶତତମୋଽଧ୍ଯାଯଃ॥ 101॥
Mahabharata - Sabha Parva - Chapter Footnotes
2-101-40 ଶୋଣିତାକ୍ତୈକବସନା ରଜସ୍ବଲା॥ 2-101-51 ମହ୍ଯଂ ମମ ॥ 2-101-53 ଅସୁଧର୍ମେ ପ୍ରାଣଧାରଣେ। ଅନ୍ତବତି ବିନାଶବତି॥ସଭାପର୍ବ - ଅଧ୍ଯାଯ 102
॥ ଶ୍ରୀଃ ॥
2.102. ଅଧ୍ଯାଯଃ 102
Mahabharata - Sabha Parva - Chapter Topics
ଧୃତରାଷ୍ଟ୍ରେଣ ବିଦୁରମ୍ପ୍ରତି ପାଣ୍ଡବାନାଂ ବନପ୍ରସ୍ଥାନସମଯେ ଚେଷ୍ଟବିଶେଷପ୍ରଶ୍ନେ ତତ ୍ତଚ୍ଚେଷ୍ଟାବିଶେଷକଥନପୂର୍ବକଂ ତତ୍ତଦଭିପ୍ରାଯାବିଷ୍କରଣମ୍ ॥ 1॥ ଦ୍ରୋଣେନ ଦୁର୍ଯୋଧନାଯ ହିତୋପଦେଶଃ॥ 2॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ତମାଗତମଥୋ ରାଜା ବିଦୁରଂ ଦୀର୍ଘଦର୍ଶିନମ୍।
ସାଶଙ୍କ ଇବ ପ୍ରପଚ୍ଛ ଧୃତରାଷ୍ଟୋଽମ୍ବିକାସୁତଃ॥ 2-102-1 (15528)
କଥଂ ଗଚ୍ଛତି କୌନ୍ତେଯୋ ଧର୍ମପୁତ୍ରୋ ଯୁଧିଷ୍ଠିରଃ।
ଭୀମସେନଃ ସବ୍ଯସାଚୀ ମାଦ୍ରୀପୁତ୍ରୀ ଚ ପାଣ୍ଡବୌ॥ 2-102-2 (15529)
ଧୌମ୍ଯଶ୍ଚୈବ କଥଂ କ୍ଷତ୍ତର୍ଦ୍ରୌପଦୀ ଚ ଯଶସ୍ବିନୀ।
ଶ୍ରୋତୁମିଚ୍ଛାମ୍ଯହଂ ସର୍ବଂ ତେଷାଂ ଶଂସ ବିଚେଷ୍ଟିତମ୍॥ 2-102-3 (15530)
ବିଦୁର ଉବାଚ॥ 2-102-4x (1737)
ବସ୍ତ୍ରେଣ ସଂବୃତ୍ଯ ମୁଖଂ କୁନ୍ତୀପୁତ୍ରୋ ଯୁଧିଷ୍ଠିରଃ।
ବାହୂ ବିଶାଲୌ ସମ୍ପଶ୍ଯନ୍ଭୀମୋ ଗଚ୍ଛତି ପାଣ୍ଡବଃ॥ 2-102-4 (15531)
ସିକତା ବପନ୍ସବ୍ଯସାଚୀ ରାଜାନମନୁଗଚ୍ଛତି।
ମାଦ୍ରୀପୁତ୍ରଃ ସହଦେବୋ ମୁଖମାଲିପ୍ଯ ଗଚ୍ଛତି॥ 2-102-5 (15532)
ପାଂସୂପଲିପ୍ତସର୍ବାଙ୍ଗୋ ନକୁଲଶ୍ଚିତ୍ତବିହ୍ବଲଃ।
ଦର୍ଶନୀଯତମୋ ଲୋକେ ରାଜାନମନୁଗଚ୍ଛତି॥ 2-102-6 (15533)
କୃଷ୍ଣା ତୁ କେଶୈଃ ପ୍ରଚ୍ଛାଦ୍ଯ ମୁଖମାଯତଲୋଚନା।
ଦର୍ଶନୀଯା ପ୍ରରୁଦତୀ ରାଜାନମନୁଗଚ୍ଛତି॥ 2-102-7 (15534)
ଧୌମ୍ଯୋ ରୌଦ୍ରାଣି ସାମାନି ଯାମ୍ଯାନି ଚ ବିଶାମ୍ପତେ।
ଗାଯନ୍ଗଚ୍ଛତି ମାର୍ଗେଷୁ କୁଶାନାଦାଯ ପାଣିନା॥ 2-102-8 (15535)
ଧୃତରାଷ୍ଟ୍ର ଉବାଚ॥ 2-102-9x (1738)
ବିବିଧାନୀହ ରୂପାଣି କୃତ୍ବା ଗଚ୍ଛନ୍ତି ପାଣ୍ଡବାଃ।
ତନ୍ମମାଚକ୍ଷ୍ବ ବିଦୁର କସ୍ମାଦେବଂ ବ୍ରଜନ୍ତି ତେ॥ 2-102-9 (15536)
ବିଦୁର ଉବାଚ॥ 2-102-10x (1739)
ନିକୃତସ୍ଯାପି ତେ ପୁତ୍ରୈର୍ହୃତେ ରାଜ୍ଯେ ଧନେଷୁ ଚ।
ନ ଧର୍ମାଚ୍ଚଲତେ ବୁଦ୍ଧିର୍ଧର୍ମରାଜସ୍ଯ ଧୀମତଃ॥ 2-102-10 (15537)
ଯୋଽସୌ ରାଜା ଘୃଣୀ ନିତ୍ଯଂ ଧାର୍ତରାଷ୍ଟ୍ରେଷୁ ଭାରତ।
ନିକୃତ୍ଯା ଭ୍ରଂଶିତଃ କ୍ରୋଧାନ୍ନୋନ୍ମୀଲଯତି ଲୋଚନେ॥ 2-102-11 (15538)
ନାହଂ ଜନଂ ନିର୍ଦହେଯଂ ଦୃଷ୍ଟ୍ବା ଘୋରେଣ ଚକ୍ଷୁଷା।
ସ ପିଧାଯ ମୁଖଂ ରାଜା ତସ୍ମାଦ୍ଗଚ୍ଛତି ପାଣ୍ଡବଃ॥ 2-102-12 (15539)
ଯଥା ଚ ଭୀମୋ ବ୍ରଜତି ନିଗଦତଃ ଶୃଣୁ।
ବାହ୍ବୋର୍ବଲେ ନାସ୍ତି ସମୋ ମମେତି ଭରତର୍ଷଭ॥ 2-102-13 (15540)
ବାହୂ ବିଶାଲୌ କୃତ୍ବାଽସୌ ତେନ ଭୀମୋପି ଗଚ୍ଛତି।
ବାହୂ ବିଦର୍ଶଯନ୍ରାଜନ୍ବାହୁଦ୍ରବିଣଦର୍ପିତଃ॥ 2-102-14 (15541)
ଚିକୀର୍ଷନ୍କର୍ମ ଶତ୍ରୁଭ୍ଯୋ ବାହୁଦ୍ରବ୍ଯାନୁରୂପତଃ।
ପ୍ରଦିଶଞ୍ଶରସମ୍ପାତାନ୍କୁନ୍ତୀପୁତ୍ରୋଽର୍ଜୁନସ୍ତଦା॥ 2-102-15 (15542)
ସିକତା ବପନ୍ସବ୍ଯସାଚୀ ରାଜାନମନୁଗଚ୍ଛତି।
ଅସକ୍ତାଃ ସିକତାସ୍ତସ୍ଯ ଯଥା ସମ୍ପ୍ରତି ଭାରତ।
ଅସକ୍ତଂ ଶରବର୍ଷାଣି ତଥା ମୋକ୍ଷ୍ଯତି ଶତ୍ରୁଷୁ॥ 2-102-16 (15543)
ନ ମେ କଶ୍ଚିଦ୍ବିଜାନୀଯାନ୍ମୁଖମଦ୍ଯେତି ଭାରତ।
ମୁଖମାଲିପ୍ଯ ତେନାସୌ ସହଦେବୋଽପି ଗଚ୍ଛତି॥ 2-102-17 (15544)
ନାହଂ ମନାଂସ୍ଯାଦଦେଯଂ ମାର୍ଗେ ସ୍ତ୍ରୀଣାମିତି ପ୍ରଭୋ।
ପାଂସୂପଲିପ୍ତସର୍ବାଙ୍ଗୋ ନକୁଲସ୍ତେନ ଗଚ୍ଛତି॥ 2-102-18 (15545)
ଏକବସ୍ତ୍ରା ପ୍ରରୁଦତୀ ମୁକ୍ତକେଶୀ ରଜସ୍ବଲା।
ଶୋଣିତେନାକ୍ତବସନା ଦ୍ରୌପଦୀ ବାକ୍ଯମବ୍ରବୀତ୍॥ 2-102-19 (15546)
ଯତ୍କୃତେଽହମିଦଂ ପ୍ରାପ୍ତା ତେଷାଂ ବର୍ଷେ ଚତୁର୍ଦଶେ।
ହତପତ୍ଯୋ ହତସୁତା ହତବନ୍ଧୁଜନପ୍ରିଯାଃ॥ 2-102-20 (15547)
ବନ୍ଧୁଶୋଣିତଦିଗ୍ଧାଙ୍ଗ୍ଯୋ ମୁକ୍ତକେଶ୍ଯୋ ରଜସ୍ବଲାଃ।
ଏବଂ କୃତୋଦକା ଭାର୍ଯାଃ ପ୍ରବେକ୍ଷ୍ଯନ୍ତି ଗଜାହ୍ବଯମ୍॥ 2-102-21 (15548)
କୃତ୍ବା ତୁ ନୈର୍ଋତାନ୍ଦର୍ଭାନ୍ଧୀରୋ ଧୌମ୍ଯଃ ପୁରୋହିତଃ।
ସାମାନି ଗାଯନ୍ଯାମ୍ଯାନି ପୁରତୋ ଯାତି ଭାରତ॥ 2-102-22 (15549)
ହତେଷୁ ଭରତେଷ୍ବାଜୌ କୁରୂଣାଂ ଗୁରବସ୍ତଦା।
ଏବଂ ସାମାନି -- ନ୍ତୀତ୍ଯୁକ୍ତ୍ବା ଧୌମ୍ଯୋପି ଗଚ୍ଛତି । 2-102-23 (15550)
`ପ୍ରସ୍ଥାପ୍ଯ ପାଣ୍ଡବାଞ୍ଶେଷାନ୍ନିଃ ଶେଷସ୍ତେ ଭବିଷ୍ଯତି।
ଇତି ଧୌମ୍ଯୋ ବ୍ଯବସିତୋ ରୌଦ୍ରସାମାନି ଗାଯତି॥ 2-102-24 (15551)
ଧୃତରାଷ୍ଟ୍ର ଉବାଚ॥ 2-102-25x (1740)
କିମବ୍ରୁବନ୍ନୈକୃତିକଃ କିଂ ବା ନାଗରିକା ଜନାଃ।
ତଥ୍ଯେନ ମେ ସମାଚକ୍ଷ୍ବ କ୍ଷତ୍ତଃ ସର୍ବମଶେଷତଃ ॥ 2-102-25 (15552)
ବିଦୁର ଉବାଚ॥ 2-102-26x (1741)
ବ୍ରାହ୍ମଣାଃ କ୍ଷତ୍ରିଯା ବୈଶ୍ଯାଃ ଶୂଦ୍ରା ଯେଽନ୍ଯେ ବଦନ୍ତ୍ଯଥ।
ତଚ୍ଛୃଣୁଷ୍ବ ମହାରାଜ ବକ୍ଷ୍ଯତେ ଚ ମଯା ତବ॥ 2-102-26 (15553)
ପ୍ରକୃତଯ ଊଚୁଃ। 2-102-27x (1742)
ହାହା ଗଚ୍ଛନ୍ତି ନୋ ନାଥାଃ ସମବେକ୍ଷଧ୍ବମୀଦୃଶମ୍।
ଅହୋ ଧିକ୍କୁରୁବୃଦ୍ଧାନାଂ ବାଲାନାମିବ ଚେଷ୍ଟିତମ୍॥ 2-102-27 (15554)
ରାଷ୍ଟ୍ରେଭ୍ଯଃ ପାଣ୍ଡୁଦାଯାଦାଁଲ୍ଲୋଭାନ୍ନିର୍ବାସଯନ୍ତି ଯେ।
ଅନାଥାଃ ସ୍ମ ବଯଂ ସର୍ବେ ବିଯୁକ୍ତାଃ ପାଣ୍ଡୁନନ୍ଦନୈଃ॥ 2-102-28 (15555)
ଦୁର୍ବିନୀତେଷୁ ଲୁବ୍ଧେଷୁ କା ପ୍ରୀତିଃ କୌରବେଷୁ ନଃ।
ଇତି ପୌରାଃ ସୁଦୁଃ ଖାର୍ତାଃ କ୍ରୋଶନ୍ତି ସ୍ମ ପୁନଃ ପୁନଃ॥ 2-102-29 (15556)
ଏବମାକାରଲିଙ୍ଗୈସ୍ତେ ବ୍ଯବସାଯଂ ମନୋଗତମ୍।
କଥଯନ୍ତଶ୍ଚ କୌନ୍ତେଯା ବନଂ ଜଗ୍ମୁର୍ମନସ୍ବିନଃ॥ 2-102-30 (15557)
ଏବଂ ତେଷୁ ନରାଗ୍ର୍ଯେଷୁ ନିର୍ଯତ୍ସୁ ଗଜସାହ୍ବଯାତ୍।
ଅନଭ୍ରେ ବିଦ୍ଯୁତଶ୍ଚାସନ୍ଭୂମିଶ୍ଚ ସମକମ୍ପତ॥ 2-102-31 (15558)
ରାହୁରଗ୍ରସଦାଦିତ୍ଯମପର୍ବଣି ବିଶାମ୍ପତେ।
ଉଲ୍କା ଚାପ୍ଯପସବ୍ଯେନ ପୁରଂ କୃତ୍ବା ବ୍ଯଶୀର୍ଯତ॥ 2-102-32 (15559)
ପ୍ରତ୍ଯାହରନ୍ତି କ୍ରବ୍ଯାଦା ଗୃଧ୍ରଗୋମାଯୁବାଯସାଃ।
ଦେବାଯତନଚୈତ୍ଯେଷୁ ପ୍ରାକାରାଟ୍ଟାଲକେଷୁ ଚ॥ 2-102-33 (15560)
ଏବମେତେ ମହୋତ୍ପାତାଃ ପ୍ରାଦୁରାସନ୍ଦୁରାସଦାଃ।
ଭରତାନାମଭାବାଯ ରାଜନ୍ଦୁର୍ମନ୍ତ୍ରିତେ ତବ॥ 2-102-34 (15561)
ବୈଶମ୍ପାଯନ ଉବାଚ॥ 2-102-35x (1743)
ଏବଂ ପ୍ରବଦତୋରେବ ତଯୋସ୍ତତ୍ର ବିଶାମ୍ପତେ।
ଧୃତରାଷ୍ଟ୍ରସ୍ଯ ରାଜ୍ଞଶ୍ଚ ବିଦୁରସ୍ଯ ଚ ଧୀମତଃ॥ 2-102-35 (15562)
ନାରଦଶ୍ଚ ସଭାମଧ୍ଯେ କୁରୂଣାମଗ୍ରତଃ ସ୍ଥିତଃ।
ମହର୍ଷିଭିଃ ପରିବୃତୋ ରୌଦ୍ରଂ ବାକ୍ଯମୁବାଚ ହ॥ 2-102-36 (15563)
ଇତଶ୍ଚତୁର୍ଦଶେ ବର୍ଷେ ବିଙ୍କ୍ଷ୍ଯନ୍ତୀହ କୌରବାଃ।
ଦୁର୍ଯୋଧନାପରାଧେନ ଭୀମାର୍ଜୁନବଲେନ ଚ॥ 2-102-37 (15564)
ଇତ୍ଯୁକ୍ତ୍ବା ଦିବମାକ୍ରମ୍ଯ କ୍ଷିପ୍ରମନ୍ତରଧୀଯତ।
ବ୍ରାହ୍ମୀଂ ଶ୍ରିଯଂ ସୁବିପୁଲାଂ ବିଭ୍ରଦ୍ଦେବର୍ଷିସତ୍ତମଃ॥ 2-102-38 (15565)
ତତୋ ଦୁର୍ଯୋଧନଃ କର୍ଣଃ ଶକୁନିଶ୍ଚାପି ସୌବଲଃ।
ଦ୍ରୋଣଂ ଦ୍ବୀପମମନ୍ଯନ୍ତ ରାଜ୍ଯଂ ଚାସ୍ମୈ ନ୍ଯବେଦଯନ୍॥ 2-102-39 (15566)
ଅଥାବ୍ରବୀତ୍ତତୋ ଦ୍ରୋଣୋ ଦୁର୍ଯୋଧନମମର୍ଷଣମ୍।
ଦୁଃଶାସନଂ ଚ କର୍ଣଂ ଚ ସର୍ବାନେବ ଚ ଭାରତାନ୍॥ 2-102-40 (15567)
ଅବଧ୍ଯାନ୍ପାଣ୍ଡବାନ୍ପ୍ରାହୁର୍ଦେବପୁତ୍ରାନ୍ଦ୍ବିଜାତଯଃ।
ଅହଂ ଚୈ ଶରଣଂ ପ୍ରାପ୍ତାନ୍ବର୍ତମାନୋ ଯଥାବଲମ୍॥ 2-102-41 (15568)
ଗନ୍ତା ସର୍ବାତ୍ମନା ଭକ୍ତ୍ଯା ଧାର୍ତରାଷ୍ଟ୍ରାନ୍ସରାଜକାନ୍।
ନୋତ୍ସହେଯଂ ପରିତ୍ଯକ୍ତୁଂ ଦୈବଂ ହି ବଲବତ୍ତରମ୍॥ 2-102-42 (15569)
ଧର୍ମତଃ ପାଣ୍ଡୁପୁତ୍ରା ବୈ ବନଂ ଗଚ୍ଛନ୍ତି ନିର୍ଜିତାଃ।
ତେ ଚ ଦ୍ବାଦଶ ବର୍ଷାଣି ବନେ ବତ୍ସ୍ଯନ୍ତି ପାଣ୍ଡବଃ॥ 2-102-43 (15570)
ଚରିତବ୍ରହ୍ମଚର୍ଯାଶ୍ଚ କ୍ରୋଧାମର୍ଷବଶାନୁଗାଃ।
ବୈରଂ ନିର୍ଯାତଯିଷ୍ଯନ୍ତି ମହଦ୍ଦୁଃଖାଯ ପାଣ୍ଡବାଃ॥ 2-102-44 (15571)
ମଯା ଚ ଭ୍ରଂଶିତୋ ରାଜନ୍ଦ୍ରୁପଦଃ ସଖିବିଗ୍ରହେ।
ପୁତ୍ରାର୍ଥମଯଜଦ୍ରାଜା ବଧାଯ ମମ ଭାରତ॥ 2-102-45 (15572)
ଯାଜୋପଯାଜତପସା ପୁତ୍ରଂ ଲେଭେ ସ ପାବକାତ୍।
ଧୃଷ୍ଟଦ୍ଯୁମ୍ନଂ ଦ୍ରୌପଦୀଂ ଚ ବେଦୀମଧ୍ଯାତ୍ସୁମଧ୍ଯମାମ୍॥ 2-102-46 (15573)
ଧୃଷ୍ଟଦ୍ଯୁମ୍ନସ୍ତୁ ପାର୍ଥାନାଂ ସ୍ଯାଲଃ ସମ୍ବନ୍ଧତୋ ମତଃ।
ପାଣ୍ଡବାନାଂ ପ୍ରିଯରତସ୍ତସ୍ମାନ୍ମାଂ ଭଯମାବିଶତ୍॥ 2-102-47 (15574)
ଜ୍ବାଲାବର୍ଣୋ ଦେବଦତ୍ତୋ ଧନୁଷ୍ମାନ୍କବଚୀ ଶରୀ।
ମର୍ତ୍ଯଧର୍ମତଯା ତସ୍ମାଦଦ୍ଯ ମେ ସାଧ୍ବସୋ ମହାନ୍॥ 2-102-48 (15575)
ଗତୋ ହି ପକ୍ଷତାଂ ତେଷାଂ ପାର୍ଷତଃ ପରବୀରହା।
ରଥାତିରଥସଙ୍ଖ୍ଯାଯାଂ ଯୋଽଗ୍ରଣୀରର୍ଜୁନୋ ଯୁବା॥ 2-102-49 (15576)
ସୃଷ୍ଟପ୍ରାଣୋ ଭୃଶତରଂ ତେନ ଚେତ୍ସଙ୍ଗମୋ ମମ।
କିମନ୍ଯଦ୍ଦୁଃଖମଧିକଂ ପରମଂ ଭୁବି କୌରବାଃ॥ 2-102-50 (15577)
ଧୃଷ୍ଟଦ୍ଯୁମ୍ନୋ ଦ୍ରୋଣମୃତ୍ଯୁରିତି ବିପ୍ରଥିତଂ ବଚଃ।
ମଦ୍ବଧାଯାଶ୍ରିତୋଽପ୍ଯେଷ ଲୋକେ ଚାପ୍ଯତିବିଶ୍ରୁତଃ॥ 2-102-51 (15578)
ସୋଽଯଂ ନୂନମନୁପ୍ରାପ୍ତସ୍ତ୍ବତ୍କୃତେ କାଲପର୍ଯଯଃ।
ତ୍ବରିତଂ କୁରୁତ ଶ୍ରେଯୋ ନୈତଦେତାବତା କୃତମ୍॥ 2-102-52 (15579)
ମୁହୂର୍ତଂ ସୁଖମେବୈତତ୍ତାଲଚ୍ଛାଯେବ ହୈମନୀ।
ଜଯଧ୍ବଂ ଚ ମହାଯଜ୍ଞୈର୍ଭୋଗାନଶ୍ନୀତ ଦତ୍ତ ଚ॥ 2-102-53 (15580)
ଇତଶ୍ଚତୁର୍ଦଶେ ବର୍ଷେ ମହତ୍ପ୍ରାପ୍ସ୍ଯଥ ବୈଶସମ୍।
ଦୁର୍ଯୋଧନ ନିଶମ୍ଯୈତତ୍ପ୍ରତିପଦ୍ଯ ଯଥେଚ୍ଛସି॥ 2-102-54 (15581)
ଶମଂ ବା ପାଣ୍ଡୁପୁତ୍ରେଣ ପ୍ରଯୁଙ୍କ୍ଷ୍ବ ଯଦି ମନ୍ଯସେ। 2-102-55 (15582)
ବୈଶମ୍ପାଯନ ଉବାଚ॥
ଦ୍ରୋଣସ୍ଯ --ଚନଂ ଶ୍ରୁତ୍ବା ଧୃତରାଷ୍ଟ୍ରୋଽବ୍ରବୀଦିଦମ୍॥ 2-102-55x (1744)
ସମ୍ଯଗାହ ଗୁରୁଃ କ୍ଷତ୍ତରୁପାବର୍ତଯ ପାଣ୍ଡବାନ୍।
ଯଦି ତେ ନ ନିବର୍ତନ୍ତେ ସତ୍କୃତା ଯାନ୍ତୁ ପାଣ୍ଡବାଃ। 2-102-56 (15583)
ସଶସ୍ତ୍ରରଥପାଦାତା ଭୋଗବନ୍ତଶ୍ଚ ପୁତ୍ରକାଃ॥ ॥ 2-102-57 (15584)
ଇତି ଶ୍ରୀମନ୍ମହାଭାରତେ ସଭାପର୍ବଣି ଅନୁଦ୍ଯତପର୍ବଣି ଦ୍ବ୍ଯଧିକଶତତମୋଽଧ୍ଯାଯଃ॥ 102॥
Mahabharata - Sabha Parva - Chapter Footnotes
2-102-16 ଅସକ୍ତାଃ ପରସ୍ପରମଲଗ୍ନାଃ॥ 2-102-39 ଦ୍ବୀପମାଶ୍ରଯମ୍॥ 2-102-48 ଦେବଦତ୍ତୋ ଦେବୈର୍ଦତ୍ତଃ॥ 2-102-50 ସଙ୍ଗମଃ ସଙ୍ଗ୍ରାମେ ଇତି ଶେଷଃ॥ 2-102-53 ହୈମନୀ ହେମନ୍ତସମ୍ବନ୍ଧିନୀ॥ 2-102-54 ବୈଶସଂ ନାଶମ୍॥ସଭାପର୍ବ - ଅଧ୍ଯାଯ 103
॥ ଶ୍ରୀଃ ॥
2.103. ଅଧ୍ଯାଯଃ 103
Mahabharata - Sabha Parva - Chapter Topics
ଧୃତରାଷ୍ଟ୍ରସଞ୍ଜଯଯୋଃ ସଂବାଦଃ॥ 1॥Mahabharata - Sabha Parva - Chapter Text
ବୈଶମ୍ପାଯନ ଉବାଚ॥
ବନଂ ଗତେଷୁ ପାର୍ଥେଷୁ ନିର୍ଜିତେଷୁ ଦୁରୋଦରେ।
ଧୃତରାଷ୍ଟ୍ରଂ ମହାରାଜ ତଦା ଚିନ୍ତା ସମାବିଶତ୍॥ 2-103-1 (15585)
ତଂ ଚିନ୍ତଯାନମାସୀନଂ ଧୃତରାଷ୍ଟ୍ରଂ ଜନେଶ୍ବରମ୍।
ନିଃ ଶ୍ବସନ୍ତମନେକାଗ୍ରମିତି ହୋବାଚ ସଞ୍ଜଯଃ॥ 2-103-2 (15586)
ଅବାପ୍ଯ ବସୁସମ୍ପୂର୍ଣାଂ ବସୁଧାଂ ବସୁଧାଧିପ।
ପ୍ରବ୍ରାଜ୍ଯ ପାଣ୍ଡବାନ୍ରାଜ୍ଯାଦ୍ରାଜନ୍କିମନୁଶୋଚସି॥ 2-103-3 (15587)
ଧୃତରାଷ୍ଟ୍ର ଉବାଚ॥ 2-103-4x (1745)
ଅଶୋଚ୍ଯତ୍ବଂ କୁତସ୍ତେଷାଂ ଯେଷାଂ ବୈରଂ ଭବିଷ୍ଯତି।
ପାଣ୍ଡବୈର୍ଯୁଦ୍ଧଶୌଣ୍ଡୈର୍ହି ବଲବଦ୍ଭିର୍ମହାରଥୈଃ॥ 2-103-4 (15588)
ସଞ୍ଜଯ ଉବାଚ॥ 2-103-5x (1746)
ତବେଦଂ ସୁକୃତଂ ରାଜନ୍ମହଦ୍ବୈରମୁପସ୍ଥିତମ୍।
ବିନାଶୋ ଯେନ ଲୋକସ୍ଯ ସାନୁବନ୍ଧୋ ଭବିଷ୍ଯତି॥ 2-103-5 (15589)
ବାର୍ଯମାଣୋ ହି ଭୀଷ୍ମେଣ ଦ୍ରୋଣେନ ବିଦୁରେଣ ଚ।
ପାଣ୍ଡବାନାଂ ପ୍ରିଯାଂ ଭାର୍ଯାଂ ଦ୍ରୌପଦୀଂ ଧର୍ମଚାରିଣୀମ୍। 2-103-6 (15590)
ପ୍ରାହିଣୋଦାନଯେହେତି ପୁତ୍ରୋ ଦୁର୍ଯୋଧନସ୍ତବ।
ସୂତପୁତ୍ରଂ ସୁମନ୍ଦାତ୍ମା ନିର୍ଲଜ୍ଜଃ ପ୍ରାତିକାମିନମ୍॥ 2-103-7 (15591)
ଯସ୍ମୈ ଦେବାଃ ପ୍ରଯଚ୍ଛନ୍ତି ପୁରୁଷାଯ ପରାଭବମ୍।
ବୁଦ୍ଧିଂ ତସ୍ଯାପକର୍ଷନ୍ତି ସୋଽବାଚୀନାନି ପଶ୍ଯତି॥ 2-103-8 (15592)
ବୁଦ୍ଧୌ କଲୁଷଭୂତାଯାଂ ବିନାଶେ ସମୁପସ୍ଥିତେ।
ଅନଯୋ ନଯସଙ୍କାଶୋ ହୃଦଯାନ୍ନାପସର୍ପତି॥ 2-103-9 (15593)
ଅନର୍ଥାଶ୍ଚାର୍ଥରୂପେଣ ଅର୍ଥାଶ୍ଚାନର୍ଥରୂପିଣଃ।
ଉତ୍ତିଷ୍ଠନ୍ତି ବିନାଶାଯ ନୂନଂ ତଚ୍ଚାସ୍ଯ ରୋଚତେ॥ 2-103-10 (15594)
ନ କାଲୋ ଦଣ୍ଡମୁଦ୍ଯମ୍ଯ ଶିରଃ କୃନ୍ତତି କସ୍ଯଚିତ୍।
କାଲସ୍ଯ ବଲମେତାର୍ବାଦ୍ବପରୀତାର୍ଥଦର୍ଶନମ୍॥ 2-103-11 (15595)
ଆସାଦିତମିଦଂ ଘୋରଂ ତୁମୁଲଂ ରୋମହର୍ଷଣମ୍।
ପାଞ୍ଚାଲୀମପକର୍ଷଦ୍ଭିଃ ସଭାମଧ୍ଯେ ତପସ୍ବିନୀମ୍॥ 2-103-12 (15596)
ଅଯୋନିଜାଂ ରୂପବତୀଂ କୁଲେ ଜାତାଂ ବିଭାବସୋଃ।
କୋ ନୁ ତାଂ ସର୍ବଧର୍ମଜ୍ଞାଂ ପରିଭୂଯ ଯଶସ୍ବିନୀମ୍॥ 2-103-13 (15597)
ପର୍ଯାନଯେତ୍ସଭାମଧ୍ଯେ ବିନା ଦୁର୍ଦ୍ଯୂତଦେବିନମ୍।
ସ୍ତ୍ରୀଧର୍ମିଣୀ ବରାରୋହା ଶୋଣିତେନ ପରିପ୍ଲୁତା॥ 2-103-14 (15598)
ଏକବସ୍ତ୍ରାଥ ପାଞ୍ଚାଲୀ ପାଣ୍ଡବାନଭ୍ଯବୈକ୍ଷତ।
ହୃତସ୍ବାନ୍ହୃତରାଜ୍ଯାଂଶ୍ଚ ହୃତବସ୍ତ୍ରାନ୍ହୃତଶ୍ରିଯଃ॥ 2-103-15 (15599)
ବିହୀନାନ୍ସର୍ବକାମେଭ୍ଯୋ ଦାସଭାବମୁପାଗତାନ୍।
ଧର୍ମପାଶପରିକ୍ଷିପ୍ତାନଶକ୍ତାନିବ ବିକ୍ରମେ॥ 2-103-16 (15600)
କ୍ରୁଦ୍ଧାଂ ଚାନର୍ହତୀଂ କୃଷ୍ଣାଂ ଦୁଃଖିତାଂ କୁରୁସଂସଦି।
ଦୁର୍ଯୋଧନଶ୍ଚ କର୍ଣଶ୍ଚ କଟୁକାନ୍ଯଭ୍ଯଭାଷତାମ୍॥ 2-103-17 (15601)
ଇତି ସର୍ବମିଦଂ ରାଜନ୍ନାକୁଲଂ ପ୍ରତିଭାତି ମେ। 2-103-18 (15602)
ଧୃତରାଷ୍ଟ୍ର ଉବାଚ॥
ତସ୍ଯାଃ କୃପଣଚକ୍ଷୁର୍ଭ୍ଯାଂ ପ୍ରଦହ୍ଯେତାପି ମେଦିନୀ॥ 2-103-18x (1747)
ଅପି ଶେଷଂ ଭବେଦଦ୍ଯ ପୁତ୍ରାଣାଂ ମମ ସଞ୍ଜଯ।
ଭରତାନାଂ ସ୍ତ୍ରିଯଃ ସର୍ବା ଗାନ୍ଧାର୍ଯା ସହ ସଙ୍ଗତାଃ॥ 2-103-19 (15603)
ପ୍ରାକୋଶନ୍ଭୈରବଂ ତତ୍ର ଦୃଷ୍ଟ୍ବା କୃଷ୍ଣାଂ ସଭାଗତାମ୍।
ଧର୍ମିଷ୍ଟାଂ ଧର୍ମପତ୍ନୀଂ ଚ ରୂପଯୌବନଶାଲିନୀମ୍॥ 2-103-20 (15604)
ପ୍ରଜାଭିଃସହ ସଙ୍ଗମ୍ଯ ହ୍ଯନୁଶୋଚନ୍ତି ନିତ୍ଯଶଃ।
ଅଗ୍ନିହୋତ୍ରାଣି ସାଯାହ୍ନେ ଚ ଚାହୂଯନ୍ତ ସର୍ବଶଃ॥ 2-103-21 (15605)
ବ୍ରାହ୍ମଣାଃ କୁପିତାଶ୍ଚାସନ୍ଦ୍ରୌପଦ୍ଯାଃ ପରିକର୍ଷଣେ।
ଆସୀନ୍ନିଷ୍ଠାନକୋ ଘୋରୋ ନିର୍ଘାତଶ୍ଚ ମହାନଭୂତ୍॥ 2-103-22 (15606)
ଦିବ ଉଲ୍କାଶ୍ଚାପତନ୍ତ ରାହୁଶ୍ଚାର୍କମୁପାଗ୍ରସତ୍।
ଅପର୍ବଣି ମହାଘୋରଂ ପ୍ରଜାନାଂ ଜଯନ୍ଭଯମ୍॥ 2-103-23 (15607)
ତଥୈବ ରଥଶାଲାସୁ ପ୍ରାଦୁରାସୀଦ୍ଧୁତାଶନଃ।
ଧ୍ବଜାଶ୍ଚାପି ବ୍ଯଶୀର୍ଯନ୍ତ ଭରତାନାମଭୂତଯେ॥ 2-103-24 (15608)
ଦୁର୍ଯୋଧନସ୍ଯାଗ୍ନିହୋତ୍ରେ ପ୍ରାକ୍ରୋଶନ୍ଭୈରବଂ ଶିବାଃ।
ତାସ୍ତଦା ପ୍ରତ୍ଯଭାଷନ୍ତ ରାସଭାଃ ସର୍ବତୋ ଦିଶଃ॥ 2-103-25 (15609)
ପ୍ରାତିଷ୍ଠତ ତତୋ ଭୀଷ୍ମୋ ଦ୍ରୋଣେନ ସହ ସଞ୍ଜଯ।
କୃପଶ୍ଚ ସୋମଦତ୍ତଶ୍ଚ ବାହ୍ଲୀକଶ୍ଚ ମହାମନାଃ॥ 2-103-26 (15610)
ତତୋଽହମବ୍ରୁବଂ ତତ୍ର ବିଦୁରେଣ ପ୍ରଚୋଦିତଃ।
ବରଂ ଦଦାନି କୃଷ୍ଣାଯୈ କାଙ୍କ୍ଷିତଂ ଯଦ୍ଯଦିଚ୍ଛତି॥ 2-103-27 (15611)
ଅବୃଣୋତ୍ତତ୍ର ପାଞ୍ଚାଲୀ ପାଣ୍ଡବାନା --ସତାମ୍।
ସରଥାନ୍ସଧନୁଷ୍କାଂଶ୍ଚାପ୍ଯନୁଜ୍ଞାସିଷମପ୍ଯହମ୍॥ 2-103-28 (15612)
ଅଥାବ୍ରବୀନ୍ମହାପ୍ରାଜ୍ଞୋ ବିଦୁରଃ ସର୍ବଧର୍ମବିତ୍।
ଏତଦନ୍ତାସ୍ତୁ ଭରତା ଯଦ୍ବ-କୃଷ୍ଣା ସଭାଂ ଗତା॥ 2-103-29 (15613)
ଯୈଷା ପାଞ୍ଚାଲରାଜସ୍ଯ ସୁତା ସା ଶ୍ରୀରନୁତ୍ତମା।
ପାଞ୍ଚାଲୀ ପାଣ୍ଡବାନେତାନ୍ଦୈବସୃଷ୍ଟୋପସର୍ପତି॥ 2-103-30 (15614)
ତସ୍ଯାଃ ପାର୍ଥାଃ ପରିକ୍ଲେଶଂ ନ କ୍ଷଂସ୍ଯନ୍ତେ ହ୍ଯମର୍ଷଣାଃ।
ବୃଷ୍ଣଯୋ ବା ମହେଷ୍ବାସାଃ ପାଞ୍ଚାଲା ବା ମହାରଥାଃ॥ 2-103-31 (15615)
ତେନ ସତ୍ଯାଭିସନ୍ଧେନ ବାସୁଦେବେନ ରକ୍ଷିତାଃ।
ଆଗମିଷ୍ଯତି ବୀଭତ୍ସୁଃ ପଞ୍ଚାଲୈଃ ପରିବାରିତଃ॥ 2-103-32 (15616)
ତେଷାଂ ମଧ୍ଯେ ମହେଷ୍ବାସୋ ଭୀମସେନୋ ମହାବଲଃ।
ଆଗମିଷ୍ଯତି ଧୁନ୍ବାନୋ ଗଦାଂ ଦଣ୍ଡମିବାନ୍ତକଃ॥ 2-103-33 (15617)
ତତୋ ଗାଣ୍ଡୀବନିର୍ଘୋଷଂ ଶ୍ରୁତ୍ବା ପାର୍ଥସ୍ଯ ଧୀମତଃ।
ଗଦାବେଗଂ ଚ ଭୀମସ୍ଯ ନାଲଂ ସୋଢୁଂ ନରାଧିପାଃ॥ 2-103-34 (15618)
ତତ୍ର ମେ ରୋଚତେ ନିତ୍ଯଂ ପାର୍ଥୈଃ ସାମ ନ ବିଗ୍ରହଃ।
କୁରୁଭ୍ଯୋ ହି ସଦା ମନ୍ଯେ ପାଣ୍ଡବାନ୍ବଲବତ୍ତରାନ୍॥ 2-103-35 (15619)
ତଥା ହି ବଲବାନ୍ରାଜା ଜରାସନ୍ଧୋ ମହାଦ୍ଯୁତିଃ।
ବାହୁପ୍ରହରଣେନୈବ ଭୀମେନ ନିହତୋ ଯୁଧି। 2-103-36 (15620)
ତସ୍ଯ ତେ ଶମ ଏବାସ୍ତୁ ପାଣ୍ଡବୈର୍ଭରତର୍ଷଭ।
ଉଭଯୋଃ ପକ୍ଷଯୋର୍ଯୁକ୍ତଂ କ୍ରିଯତାମବିଶଙ୍କଯା॥ 2-103-37 (15621)
ଏବଂ କୃତେ ମହାରାଜ ପରଂ ଶ୍ରେଯସ୍ତ୍ବମାପ୍ସ୍ଯସି।
ଏବଂ ଗାବଲ୍ଗଣେ କ୍ଷତ୍ତା ଧର୍ମାର୍ଥସହିତଂ ବଚଃ॥ 2-103-38 (15622)
ଉକ୍ତବାନ୍ନ ଗୃହୀତଂ ବୈ ମଯା ପୁତ୍ରହିତୈଷିଣା॥ ॥ 2-103-39 (15623)
ଇତି ଶ୍ରୀମନ୍ମହାଭାରତେ ଶତସାହସ୍ରଯାଂ ସଂହିତାଯାଂ ବୈଯାସିକ୍ଯାଂ ସଭାପର୍ବଣି ଅନୁଦ୍ଯୂତପର୍ବଣି ବ୍ଯଧିକଶତତମୋଽଧ୍ଯାଯଃ॥ 103॥ ॥ ସମାପ୍ତମନୁଦ୍ଯୂତପର୍ବ ସଭାପର୍ବ ଚ॥ ଇତଃ ପରଂ ବନପର୍ବ ଭବିଷ୍ଯତି ତସ୍ଯାଯମାଦ୍ଯଃ ଶ୍ଲୋକଃ। ଜନମେଜଯ ଉବାଚ॥ ଏବଂ ଦ୍ଯୂତଜିତାଃ ପାର୍ଥାଃ କୋପିତାଶ୍ଚ ଦୁରାତ୍ମଭିଃ। ଧାର୍ତରାଷ୍ଟ୍ରୈଃ ସହାମାତ୍ଯୈର୍ନିକୃତ୍ଯା ଦ୍ବିଜସତ୍ତମ॥ 1॥