Kumbhaghonam Edition in Odia/Oriya Script
7. ଦ୍ରୋଣପର୍ବ
ଦ୍ରୋଣପର୍ବ - ଅଧ୍ଯାଯ 001
॥ ଶ୍ରୀଃ ॥
7.1. ଅଧ୍ଯାଯଃ 001
Mahabharata - Drona Parva - Chapter Topics
ଧୃତରାଷ୍ଟ୍ରେଣ ସଞ୍ଜଯଂପ୍ରତି ଭୀପ୍ମପାତାନନ୍ତରୀଯକଦୁର୍ଯୋଧନାଦିବୃତ୍ତାନ୍ତପ୍ରଶ୍ନଃ॥ 1 ॥ ସଞ୍ଜଯେନ ଯୋଧାନାଂ ଶରଣତ୍ବେନ କର୍ଣାହ୍ବାନେ କଥିତେ ଧୃତରାଷ୍ଟ୍ରସ୍ଯ କର୍ଣବୃତ୍ତାନ୍ତପ୍ରଶ୍ନଃ॥ 2 ॥Mahabharata - Drona Parva - Chapter Text
7-1-0 (44647)
ଶ୍ରୀବେଦବ୍ଯାସାଯ ନମଃ। 7-1-0x (4256)
ନାରାଯଣଂ ନମସ୍କୃତ୍ଯ ନରଂ ଚୈବ ନରୋତ୍ତମମ୍।
ଦେବୀଂ ସରସ୍ବତୀଂ ବ୍ଯାସଂ ତତୋ ଜଯମୁଦୀରଯେତ୍॥ 7-1-1 (44648)
ଜନମେଜଯ ଉବାଚ। 7-1-1x (4257)
ତମପ୍ରତିମସତ୍ବୌଜୋବଲବୀର୍ଯପରାକ୍ରମମ୍।
ହତଂ ଦେବବ୍ରତଂ ଶ୍ରୁତ୍ବା ପାଞ୍ଚାଲ୍ଯେନ ଶିଖଣ୍ଡିନା॥ 7-1-1 (44649)
ଧୃତରାଷ୍ଟ୍ରସ୍ତତୋ ରାଜା ଶୋକବ୍ଯାକୂଲଲୋଚନଃ।
କିମଚେଷ୍ଟତ ବିପ୍ରର୍ଷେ ହତେ ପିତାx ବୀର୍ଯବାନ୍॥ 7-1-2 (44650)
ତସ୍ଯ ପୁତ୍ରୋ ହି ଭଗବାନ୍ଭୀଷ୍ଭଦ୍ରୋଣମୁଖୈ ରଥୈଃ।
ପମଜିତ୍ଯ ମହେଷ୍ବାସାନ୍ପାଣ୍ଡବ ରାଜ୍ଯମିଚ୍ଛତି॥ 7-1-3 (44651)
ତସ୍ମିନ୍ହା ତୁ ଭଗବନ୍କତୌ ସର୍ବଧନୁଷ୍ମତାମ୍।
ଯଦଚେଷ୍ଟତ କୌରବସ୍ତନ୍ମେ ବ୍ରୂହି ତପୌଧନ॥ 7-1-4 (44652)
ବୈଶମ୍ପାଯନ ଉବାଚ। 7-1-5x (4258)
ନିହତଂ ପିତରଂ ଶ୍ରୁତ୍ବା ଧୃତରାଷ୍ଟ୍ରୋ ଜନାଧିପଃ।
ଲେଭେ ନ ଶାନ୍ତିଂ କୌରବ୍ଯଶ୍ଚିନ୍ତାଶୌକପରାଯଣଃ॥ 7-1-5 (44653)
ତତ୍ବ ଚିନ୍ତଯତୋ ଦୁଃଖମନିଶଂ ପାର୍ଥିବସ୍ଯ ତତ୍।
ଆଜଗାମ ବିଶୁଦ୍ଧାତ୍ମା ପୁନର୍ଗାବଲ୍ଗଣିସ୍ତଦା॥ 7-1-6 (44654)
`ବ୍ଯାସପ୍ରସାଦାଦ୍ବିଜ୍ଞାଯ ସର୍ବଂ ବୃତ୍ତାନ୍ତମୁତ୍ତମମ୍।
ସୈନିକାନାଂ ଚ ସର୍ବେଷାଂ ସେନଯୋରୁଭଯୋସ୍ତଦା'॥ 7-1-7 (44655)
ଶିବିରାତ୍ସଞ୍ଜଯଂ ପ୍ରାପ୍ତଂ ନିଶି ନାଗାହ୍ବଯଂ ପୁରମ୍।
ଆଭ୍ବିକେଯୋ ମାହାରଜ ଧୃତରାଷ୍ଟ୍ରୋଽନ୍ବପୃଚ୍ଛତ॥ 7-1-8 (44656)
ଶ୍ରୁତ୍ବା ଭୀଷ୍ମସ୍ଯ ନିଧନମପ୍ରହୃଷ୍ଟମନା ଭୃଶମ୍।
ପୁତ୍ରାଣାଂ ଜଯମାକାଙ୍କ୍ଷନ୍ବିଲଲାପାତୁରୋ ଯଥା॥ 7-1-9 (44657)
ଧୃତରାଷ୍ଟ୍ର ଉବାଚ। 7-1-10x (4259)
ସଂଶୋଚ୍ଯ ତୁ ମହାତ୍ମାନଂ ଭୀଷ୍ମଂ ଭୀମପରାକ୍ରମମ୍।
କିମକାର୍ଷୁଃପରଂ ତାତ କୁରବଃ କାଲଚୋଦିତାଃ॥ 7-1-10 (44658)
ତସ୍ମିନ୍ବିନିହତେ ଶୂରେ ଦୁରାଧର୍ଷେ ମହାତ୍ମନି।
କିଂ ନୁ ସ୍ବିତ୍କୁରବୋଽକାର୍ଷୁର୍ନିମଗ୍ନାଃ ଶୋକସାଗରେ॥ 7-1-11 (44659)
ତଦୁଦୀର୍ଣଂ ମହତ୍ସୈନ୍ଯଂ ତ୍ରୈଲୋକ୍ଯସ୍ଯାପି ସଞ୍ଜଯ।
ଭଯମୁତ୍ପାଦଯେତ୍ତୀବ୍ରଂ ପାଣ୍ଡବାନାଂ ମହାତ୍ମନାମ୍॥ 7-1-12 (44660)
କୋ ହି ଦୌର୍ଯୋଧନେ ସୈନ୍ଯେ ପୁମାନାସୀନ୍ମହାରଥଃ।
ଯଂ ପ୍ରାପ୍ଯ ସମରେ ବୀରା ନ ତ୍ରସ୍ଯନ୍ତି ମହାଭଯେ॥ 7-1-13 (44661)
ଦେବବ୍ରତେ ତୁ ନିହତେ କୁରୂଣାମୃଷଭେ ତଦା।
କିମକାର୍ଷୁର୍ନୃପତଯସ୍ତନ୍ମମାଚକ୍ଷ୍ବ ସଞ୍ଜଯା॥ 7-1-14 (44662)
ସଞ୍ଜଯ ଉବାଚ। 7-1-15x (4260)
ଶୃଣୁ ରାଜନ୍ନେକମନା ବଚନଂ ବ୍ରୁବତୋ ମମ।
ଯତ୍ତେ ପୁତ୍ରାସ୍ତଦାକାର୍ଷୁର୍ହତେ ଦେବବ୍ରତେ ମୃଧେ॥ 7-1-15 (44663)
ନିହତେ ତୁ ତଦା ଭୀଷ୍ମେ ରାଜନ୍ସତ୍ଯପରାକ୍ରମେ।
ତାବକାଃ ପାଣ୍ଡବେଯାଶ୍ଚ ପ୍ରାଧ୍ଯାଯନ୍ତ ପୃଥକ୍ପୃଥକ୍॥ 7-1-16 (44664)
ବିସ୍ମିତାଶ୍ଚ ପ୍ରହୃଷ୍ଟାଶ୍ଚ କ୍ଷତ୍ରଧର୍ମଂ ନିଶାମ୍ଯ ତେ।
ସ୍ବଧର୍ମଂ ନିନ୍ଦମାନାସ୍ତେ ପ୍ରମିପତ୍ଯ ମହାତ୍ମନେ॥ 7-1-17 (44665)
ଶଯନଂ କଲ୍ପଯାମାସୁର୍ଭୀଷ୍ମାଯାମିତକର୍ମଣେ।
ସୋପଧାନଂ ନରବ୍ଯାଘ୍ର ଶରୈଃ ସନ୍ନତପର୍ବଭିଃ॥ 7-1-18 (44666)
ବିଧାଯ ରକ୍ଷାଂ ଭୀଷ୍ମାଯ ସମାଭାଷ୍ଯ ପରସ୍ପରମ୍।
ଅନୁମାନ୍ଯ ଚ ଗାଙ୍ଗେଯଂ କୃତ୍ବା ଚାପି ପ୍ରଦକ୍ଷିଣମ୍॥ 7-1-19 (44667)
କ୍ରୋଧସଂରକ୍ତନଯନାଃ ସମବେତ୍ଯ ପରସ୍ପରମ୍।
ପୁନର୍ଯୁଦ୍ଧାଯ ନିର୍ଜଗ୍ମୁଃ କ୍ଷତ୍ରିଯାଃ କାଲଚୋଦିତାଃ॥ 7-1-20 (44668)
ତତସ୍ତୂର୍ଯନିନାଦୈଶ୍ଚ ଭେରୀଣାଂ ନିନଦେନ ଚ।
ତାବକାନାମନୀକାନି ପରେଷାଂ ଚ ବିନିର୍ଯଯୁଃ॥ 7-1-21 (44669)
ବ୍ଯାବୃତ୍ତେଽର୍ଯମ୍ଣି ରାଜେନ୍ଦ୍ର ପତିତେ ଜାହ୍ନବୀସୁତେ।
ଅମର୍ପବଶମାପନ୍ନାଃ କାଲୋପହତଚେତସଃ॥ 7-1-22 (44670)
ଅନାଦୃତ୍ଯ ବଚଃ ପଥ୍ଯଂ ଗାଙ୍ଗେଯସ୍ଯ ମହାତ୍ମନଃ।
ନିର୍ଯଯୁର୍ଭରତଶ୍ରେଷ୍ଟାଃ ଶସ୍ତ୍ରାଣ୍ଯାଦାଯ ସତ୍ବରାଃ॥ 7-1-23 (44671)
ମୋହାତ୍ତବ ସପୁତ୍ରସ୍ଯ ବଧାଚ୍ଛାନ୍ତନବସ୍ଯ ଚ।
କୌରବା ମ୍ନୃତ୍ଯୁନାଽଽହୂତାଃ ସହିତାଃ ସର୍ବରାଜଭିଃ॥ 7-1-24 (44672)
ଅଜାବଯ ଇବାଗୋପା ବନେ ଶ୍ବାପଦସଂକୁଲେ।
`କର୍ଣକର୍ଣେତି ଚାକ୍ରନ୍ଦଞ୍ଛେଷା ଭାରତ ପାର୍ଥିବାଃ'।
ଭୃଶମୁଦ୍ବିଗ୍ନମନସୋ ହୀନା ଦେବବ୍ରତେନ ତେ॥ 7-1-25 (44673)
ପତିତେ ଭରତଶ୍ରେଷ୍ଠେ ବଭୂବ କୁରୁବାହିନୀ।
ଦ୍ଯୌରିବାପେତନକ୍ଷତ୍ରା ହୀନଂ ଖମିବ ବାଯୁନା॥ 7-1-26 (44674)
ବିପନ୍ନସସ୍ଯେବ ମହୀ ବାକ୍ଚୈବାସଂସ୍କୃତା ଯଥା।
ଆସୁରୀବ ଯଥା ସେନା ନିଗୃହୀତେ ନୃପେ ବଲୌ॥ 7-1-27 (44675)
ବିଧବେବ ବାରାରୋହା ଶୁଷ୍କତୋଯେବ ନିମ୍ନଗା।
ବୃକୈରିବ ବନେ ରୁଦ୍ଧା ପୃପତୀ ହତଯୂଥପା॥ 7-1-28 (44676)
ଶରଭାଽଽହତସିଂହେବ ମହତୀ ଗିରିକନ୍ଦରା।
ସା ସେନା ଭରତଶ୍ରେଷ୍ଠେ ପତିତେ ଜାହ୍ନବୀସୁତେ॥ 7-1-29 (44677)
ବିଷ୍ବଗ୍ବାତାହତିଶୁବ୍ଧା ନୌରିବାସୀନ୍ମହାର୍ଣବେ।
ବଲିଭିଃ ପାଣ୍ଡବୈର୍ବୀରୈର୍ଲବ୍ଧଲକ୍ଷୈର୍ଭୃଶାର୍ଦିତା॥ 7-1-30 (44678)
ସା ତଦାସୀଦ୍ଭୃଶଂ ସେନା ବ୍ଯାକୁଲାଶ୍ବରଥଦ୍ବିପା।
ବିପନ୍ନଭୂଯିଷ୍ଠନରା କୃପଣା ଧ୍ବସ୍ତମାନସା॥ 7-1-31 (44679)
ତସ୍ଯାଂ ତ୍ରସ୍ତା ନୃପତଯଃ ସୈନିକାଶ୍ଚ ପୃଥଗ୍ବିଧାଃ।
ପାତାଲ ଇବ ମଜ୍ଜନ୍ତୋ ହୀନା ଦେବବ୍ରତେନ ତେ। 7-1-32 (44680)
କର୍ଣସ୍ଯ କୁରବୋଽସ୍ମାର୍ଷୁଃ ସ ହି ଦେବବ୍ରତୋପମଃ।
ସର୍ବଶସ୍ତ୍ରଭୃତାଂ ଶ୍ରେଷ୍ଠଂ ରୋଚମାନମିବାତିଥିମ୍॥ 7-1-33 (44681)
ବନ୍ଧୁମାପଦ୍ଗତସ୍ଯେବ ତମେବୋପାଗମନ୍ମନଃ।
ଚୁକ୍ରୁଶୁଃ କର୍ମକର୍ଣେତି ତତ୍ର ଭାରତ ପାର୍ଥିବାଃ॥ 7-1-34 (44682)
ରାଧେଯଂ ହିତମସ୍ମାକଂ ସୂତପୁତ୍ରଂ ତନୁତ୍ଯଜମ୍।
ସ ହି ନାବୁଧ୍ଯତ ତଦା ଦଶାହାନି ମହାଯଶାଃ॥ 7-1-35 (44683)
ସାମାତ୍ଯବନ୍ଧୁଃ କର୍ଣୋ ବୈ ତମାନଯତ ମାଚିରମ୍।
ଭୀଷ୍ଣେଣ ହି ମହାବାହୁଃ ସର୍ବକ୍ଷତ୍ରସ୍ଯ ପଶ୍ଯତଃ॥ 7-1-36 (44684)
ରଥେଷୁ ଗଣ୍ଯମାନେଷୁ ବଲବିକ୍ରମଶାଲିଷୁ।
ଶଙ୍ଖ୍ଯାତୋଽର୍ଧରଥଃ କର୍ଣୋ ଦ୍ବିଗୁଣଃ ସନ୍ନରର୍ଷଭଃ॥ 7-1-37 (44685)
ରଥାତିରକ୍ଷସଙ୍ଖ୍ଯାଯାଂ ଯୋଽଗ୍ରଣୀଃ ଶୂରସମ୍ଭତଃ।
ସାସୁରାନପି ଦେବେଶାନ୍ରଣେ ଯୋ ଯୋଦ୍ଧୁମୃତ୍ସହେତ୍॥ 7-1-38 (44686)
ସ ତୁ ତେନୈବ କୋପେନ ରାଜନ୍ଗାଙ୍ଗେଯମୁକ୍ତବାନ୍।
ତ୍ବଯି ଜୀକତେ କୌରବ୍ଯ ନାହଂ ଯୋତ୍ସ୍ଯେ କଦାଚନ। 7-1-39 (44687)
ତ୍ବଯା ତୁ ପାଣ୍ଡବେଯେଷୁ ନିହତେଷୁ ମହାମୃଧେ।
ଦୁର୍ଯୋଧନମନୁଜ୍ଞାପ୍ଯ ବନଂ ଯାସ୍ଯାମି କୌରବ॥ 7-1-40 (44688)
ହତେ ବା ତ୍ବଯି ପାର୍ଥୈସ୍ତୁ ଯୁଧି ସ୍ବର୍ଗମୁପେଯୁଷି।
ହନ୍ତାସ୍ମ୍ଯେକରଥେନୈବ କୃତ୍ସ୍ନାନ୍ବାନ୍ମନ୍ଯସେ ରଥା॥ 7-1-41 (44689)
ଏବମୁକ୍ତ୍ବା ମହାବାହୁର୍ଦଶାହାନ୍ଯେକ ଏବ ସ।
ନାଯୁଧ୍ଯତ ତତଃ କର୍ଣଃ ପୁତ୍ରସ୍ଯ ତବ ସଂଯତେ॥ 7-1-42 (44690)
ଭୀଷ୍ମଃ ସମରବିକ୍ରାନ୍ତଃ ପାଣ୍ଡବେଯସ୍ଯ ଭାରତ।
ଜଘାନ ସମରେ ଯୋଧାନସଙ୍ଖ୍ଯେଯପରାକ୍ରମଃ॥ 7-1-43 (44691)
ତସ୍ମିଂସ୍ତୁ ନିହତେ ଶୂରେ ସତ୍ଯସନ୍ଧେ ମହୌଜସି।
ତ୍ବତ୍ସୁତାଃ ବର୍ଣମସ୍ମାର୍ପୁସ୍ତର୍ତୁକାମା ଇବ ପ୍ଲବମ୍॥ 7-1-44 (44692)
ତାବକାସ୍ତବ ପୁତ୍ରାଶ୍ଚ ସହିତାଃ ସର୍ବରାଜଭିଃ।
ହା କର୍ଣ ଇତି ଚାକ୍ରନ୍ଦନ୍କାଲୋଽଯମିତି ଅବ୍ରବନ୍॥ 7-1-45 (44693)
ଏବଂ ତେ ସ୍ମ ହି ରାଧେଯଂ ସୂତପୁତ୍ରଂ ନତxxxx
ଚୁକ୍ରୁଶୁଃ ସହିତା ଯୋଧାxxxxxxxxxxx॥ 7-1-46 (44694)
ଜାମଦଗ୍ନ୍ଯାଭ୍ଯନୁଜ୍ଞାତମସ୍ତ୍ରେ ଦୁର୍ବାରପୌରୁଷମ୍।
ଅଗମନ୍ନୋ ମନଃ କର୍ଣଂ ବନ୍ଧୁମାତ୍ଯଯିକେଷ୍ବିବ॥ 7-1-47 (44695)
ସ ହି ଶକ୍ତୋ ରଣେ ରାଜଞ୍ସ୍ତ୍ରାତୁମସ୍ମାନ୍ମହାଭଯାତ୍॥
ତ୍ରିଦଶାନିବ ଗୋବିନ୍ଦଃ ସତତଂ ସୁମହାଭଯାତ୍॥ 7-1-48 (44696)
ବୈଶମ୍ପାଯନ ଉବାଚ। 7-1-49x (4261)
ତଥା ତୁ ସଞ୍ଜଯଂ କର୍ଣଂ କୀର୍ତଯନ୍ତଂ ପୁନଃ ପୁନଃ।
ଆଶୀବିଷବଦୁଚ୍ଛ୍ବସ୍ଯ ଧୃତରାଷ୍ଟ୍ରୋଽବ୍ରବୀଦିଦମ୍॥ 7-1-49 (44697)
ଧୃତରାଷ୍ଟ୍ର ଉବାଚ। 7-1-50x (4262)
ଯତ୍ତଦ୍ବୈକର୍ତନଂ କର୍ଣମଗମଦ୍ବୋ ମନସ୍ତଦା।
ଉପ୍ଯରକ୍ଷତ୍ସ ରାଧେଯଃ ସୂତପୁତ୍ରସ୍ତନୁତ୍ଯଜଃ॥ 7-1-50 (44698)
ଅପି ତନ୍ନ ମୃଷାକାର୍ଷୀତ୍କଚ୍ଚିତ୍ସତ୍ଯପରାକ୍ରମଃ।
ସମ୍ଭାନ୍ତାନାଂ ତଦାର୍ତାନାଂ ତ୍ରସ୍ତାନାଂ ତ୍ରାଣମିଚ୍ଛତାଂ॥ 7-1-51 (44699)
ଅପି ତତ୍ପୂରଯାଂଚକ୍ରେ ଧନୁର୍ଧରବରୋ ଯୁଧି।
ଯତ୍ତଦ୍ବିନିହତେ ଭୀଷ୍ମେ କୌରବାଣାମପାକୃତମ୍॥ 7-1-52 (44700)
ତତ୍ଖଣ୍ଡଂ ପୂରଯନ୍କର୍ଣଃ ପରେଷାମାଦଧଦ୍ଭଯମ୍।
ସ ହି ବୈ ପୁରୁଷବ୍ଯାଘ୍ରୋ ଲୋକେ ସଞ୍ଜଯ କଥ୍ଯତେ॥ 7-1-53 (44701)
7-1-54 (44702)
ଆର୍ତାନାଂ ବାନ୍ଧବାନାଂ ଚ କ୍ରନ୍ଦତାଂ ଚ ବିଶେଷତଃ।
ପରିତ୍ଯଜ୍ଯ ରଣେ ପ୍ରାଣାଂସ୍ତତ୍ତ୍ରାଣାର୍ଥଂ ଚ ଶର୍ମ ଚ।
କୃତବାନ୍ମମ ପୁତ୍ରାଣାଂ ଜଯାଶାଂ ସଫଲାମପି॥
ଦ୍ରୋଣପର୍ବ - ଅଧ୍ଯାଯ 002
॥ ଶ୍ରୀଃ ॥
7.2. ଅଧ୍ଯାଯଃ 002
Mahabharata - Drona Parva - Chapter Topics
କର୍ଣେନ ପାଣ୍ଡବୋଚ୍ଛେଦନପୂର୍ବକଂ ଦୁର୍ଯୋଧନାଯ ରାଜ୍ଯଦାନଂ ପ୍ରତିଜ୍ଞାଯ ଯୁଦ୍ଧାଯାଭିଯାନମ୍॥ 1 ॥Mahabharata - Drona Parva - Chapter Text
7-2-0 (44703)
ସଞ୍ଜଯ ଉବାଚ। 7-2-0x (4263)
ହତଂ ଭୀଷ୍ମମଥାଧିରଥିର୍ବିଦିତ୍ବା
ଭିନ୍ନାଂ ନାବଂ ବାରିଧାବତ୍ଯଗାଧେ।
ସୋଦର୍ଯବଦ୍ବ୍ଯସନାତ୍ସୂତପୁତ୍ରଃ
ସଂତାରଯିଷ୍ଯଂସ୍ତବ ପୁତ୍ରସ୍ଯ ସେନାମ୍॥ 7-2-1 (44704)
ଶ୍ରୁତ୍ବା ତୁ କର୍ଣଃ ପୁରୁଷେନ୍ଦ୍ରମଚ୍ଯୁତଂ
ନିପାତିତଂ ଶାନ୍ତନବଂ ମହାରଥମ୍।
ଅଥୋପଯାଯାତ୍ସହସାରିକର୍ଷଣୋ
ଧନୁର୍ଧରାଣାଂ ପ୍ରବରସ୍ତଦା ନୃପ॥ 7-2-2 (44705)
ହତେ ତୁ ରଥସତ୍ତମେ ପରୈର୍ନିମଜ୍ଜତୀଂ ନାବମିବାର୍ଣବେ କୁରୂନ୍।
ପିତେବ ପୁତ୍ରାଂସ୍ତ୍ବରିତୋଽଭ୍ଯଯାତ୍ତତଃ ସନ୍ତାରଯିଷ୍ଯଂସ୍ତବ ପୁତ୍ରସ୍ଯ ସେନାମ୍॥ 7-2-3 (44706)
ସମ୍ମୃଜ୍ଯ ଦିବ୍ଯଂ ଧନୁରାତତଜ୍ଯଂ ସ ରାମଦତ୍ତଂ ରିପୁସଙ୍ଘହନ୍ତା।
ବାଣାଂଶ୍ଚ କାଲାନଲବାଯୁକଲ୍ପାନୁଲ୍ଲାଲଯନ୍ବାକ୍ଯମିଦଂ ବଭାଷେ। 7-2-4 (44707)
କର୍ଣ ଉବାଚ।
ଯସ୍ମିନ୍ଧୃତିର୍ବୁଦ୍ଧିପରାକ୍ରମୌଜଃ ସତ୍ଯଂ ସ୍ମୃତିର୍ବୀରଗୁଣାଶ୍ଚ ସର୍ବେ।
ଅସ୍ତ୍ରାଣି ଦିବ୍ଯାନ୍ଯଥ ସଂନତିହ୍ରୀଃ ପ୍ରିଯା ଚ ବାଗନସୂଯା ଚ ଭୀଷ୍ମେ॥ 7-2-4x (4264)
ସଦା କୃତଜ୍ଞେ ଦ୍ବିଜଶତ୍ରୁଘାତକେ ସନାତନଂ ଚନ୍ଦ୍ରମସୀବ ଲକ୍ଷ୍ମୀଃ।
ସ ଚେତ୍ପ୍ରଶାନ୍ତଃ ପରବୀରହନ୍ତା ମନ୍ଯେ ହତାନେବ ଚ ସର୍ବବୀରାନ୍॥ 7-2-5 (44708)
ନେହ ଧ୍ରୁବଂ କିଙ୍ଚନ ଜାତୁ ବିଦ୍ଯତେ। ଲୋକେ ହ୍ଯସ୍ମିନ୍କର୍ମଣୋଽନିତ୍ଯଯୋଗାତ୍।
ସୂର୍ଯୋଦଯେ କୋ ହି ବିମୁକ୍ତସଙ୍ଶଯୋ ଭାବଂ କୁର୍ବୀତାର୍ଯମହାବ୍ରତେ ହତେ॥ 7-2-6 (44709)
ବସୁପ୍ରଭାବେ ବସୁବୀର୍ଯସଂଭବେ ଗତେ ବସୂନେବ ବସୁଂଧରାଧିପେ।
ବସୂନି ପୁତ୍ରାଂଶ୍ଚ ବସୁଂଧରାଂ ତଥା କୁରୂଂଶ୍ଚ ଶୋଚଧ୍ବମିମାଂ ଚ ବାହିନୀମ୍॥ 7-2-7 (44710)
ସଞ୍ଜଯ ଉବାଚ। 7-1-8x (4265)
ମହାପ୍ରଭାବେ ବରଦେ ନିପାତିତେ ଲୋକେଶ୍ବରେ ଶାସ୍ତରି ଚାମିତୌଜସି।
ପରାଜିତେଷୁ ଭରତେଷୁ ଦୁର୍ମନାଃ କର୍ଣୋ ଭୃଶଂ ନ୍ଯଶ୍ବସଦଶ୍ରୁ ବର୍ତଯନ୍॥ 7-2-8 (44711)
ଇଦଂ ଚ ରାଧେଯବଚୋ ନିଶମ୍ଯ ସୁତାଶ୍ଚ ରାଜଂସ୍ତବ ସୈନିକାଶ୍ଚ ହ।
ପରସ୍ପରଂ ଚୁକ୍ରୁଶୁରାର୍ତିଜଂ ମୁହୁସ୍ତଦାଶ୍ରୁ ନେତ୍ରୈର୍ମୁମୁଚୁଶ୍ଚ ଶବ୍ଦବତ୍॥ 7-2-9 (44712)
ପ୍ରବର୍ତମାନେ ତୁ ପୁନର୍ମହାହବେ ବିଗାହ୍ଯମାନାସୁ ଚମୂଷୁ ପାର୍ଥିବୈଃ।
ଅଥାବ୍ରବୀଦ୍ଧର୍ଷକରଂ ତଦା ବଚୋ ରଥର୍ପଭାନ୍ସର୍ବମହାରଥର୍ଷଭଃ॥ 7-2-10 (44713)
ଜଗତ୍ଯନିତ୍ଯେ ସତତଂ ପ୍ରଧାବତି ପ୍ରଚିନ୍ତଯନ୍ନସ୍ଥିରମଦ୍ଯ ଲକ୍ଷଯେ।
ଭବତ୍ସୁ ତିଷ୍ଠତ୍ସ୍ବିହ ପାତିତୋ ମୃଧେ ନିରିପ୍ରକାଶଃ କୁରୁପୁଙ୍ଗବଃ କଥମ୍॥ 7-2-11 (44714)
ନିପାତିତେ ଶାନ୍ତନବେ ମହାରଥେ ଦିବାକରେ ଭୂତଲମାସ୍ଥିତେ ଯଥା।
ନ ପାର୍ଥିବାଃ ସୋଢୁମଲଂ ଧନଂଜଯଂ ଗିରିପ୍ରବୋଢାରମିବାନିଲଂ ଦ୍ରୁମାଃ॥ 7-2-12 (44715)
ହତପ୍ରଧାନଂ ତ୍ବିଦମାର୍ତରୂପଂ ପରୈର୍ହତୋତ୍ସାହମନାଥମଦ୍ଯ ବୈ।
ମର୍ଯା କୁଖ୍ଣାଂ ପରିପାଲ୍ଯମାହବେ ବଲଂ ଯଥା ତେନ ମହାତ୍ମନା ତଥା॥ 7-2-13 (44716)
ସମାହିତେ ଚାତ୍ମନି ଭାରମୀଦୃଶଂ ଜଗତ୍ତଥାଽନିତ୍ଯମିଦଂ ଚ ଲକ୍ଷଯେ।
ନିପାତିତଂ ଚାହବଶୌଣ୍ଡମାହଖେ କଥଂ ନୁ କୁର୍ଯାମହମୀଦୃଶେ ଭଯମ୍॥ 7-2-14 (44717)
ଅହଂ ତୁ ତାନ୍କୁରୁବୃଷଭାନଜିହ୍ମଗୈଃ ପ୍ରବେଶଯନ୍ଯମସଦନଂ ଚରନ୍ରଣେ।
ଯଶଃ ପରଂ ଜଗତି ବିଭାବ୍ଯ ବର୍ତିତା ପରୈର୍ହତୋ ଭୁବି ଶଯିତାଥବା ପୁନଃ॥ 7-2-15 (44718)
ଯୁଧିଷ୍ଠିରୋ ଧୃତିମତିସତ୍ଯସତ୍ବବାନ୍ ବୃକୋଦରୋ ଗଜଶତତୁଲ୍ଯବିକ୍ରମଃ।
ତଥାର୍ଜୁନସ୍ତ୍ରିଦଶବରାତ୍ମଜୋ ଯୁବା ନ ତଦ୍ବଲଂ ସୁଜଯମିହାମରୈରପି॥ 7-2-16 (44719)
ଯମୌ ରଣେ ଯତ୍ର ଯମୋପମୌ ବଲେ ସସାତ୍ଯକିର୍ଯତ୍ର ଚ ଦେବକୀସୁତଃ।
ନ ତଦ୍ବଲଂ କାପୁରୁଷୋଽଭ୍ଯୁପେଯିବାନ୍ନିବର୍ତତେ ଭୃତ୍ଯୁମୁଖାଦିବାସୁଭୃତ୍॥ 7-2-17 (44720)
ତପୋଽଭ୍ଯୁଦୀର୍ଣଂ ତପସୈବ ବାଧ୍ଯତେ ବଲଂ ବଲେନୈବ ତଥା ମନସ୍ବିଭିଃ।
ମନଶ୍ଚ ମେ ଶତ୍ରୁନିବାରଣେ ଧ୍ରୁଂ ସ୍ବରକ୍ଷଣେ ଚାଚଲବଦ୍ବ୍ଯବସ୍ଥିତମ୍॥ 7-2-18 (44721)
ଏବଂ ଚୈଷାଂ ବାଧମାନଃ ପ୍ରଭାବଂ ଗତ୍ବୈବାହଂ ତାଞ୍ଜଯାମ୍ଯଦ୍ଯ ସୂତ।
ମିତ୍ରଦ୍ରୋହୋ ମର୍ଷଣୀଯୋ ନ ମେଽଯଂ ଭଗ୍ନେ ସୈନ୍ଯେ ଯଃ ସମେଯାତ୍ସ ମିତ୍ରମ୍॥ 7-2-19 (44722)
କର୍ତାସ୍ମ୍ଯେତତ୍ସତ୍ପୁରୁଷାର୍ଯକର୍ମ ତ୍ଯକ୍ତ୍ବା ପ୍ରାଣାନନୁଯାସ୍ଯାମି ଭୀଷ୍ମମ୍।
ସର୍ବାନ୍ସଙ୍ଖ୍ଯେ ଶତ୍ରୁଶଙ୍ଘାନ୍ହନିଷ୍ଯେ ହତସ୍ତୈର୍ବା ବୀରଲୋକଂ ପ୍ରପତ୍ସ୍ଯେ॥ 7-2-20 (44723)
ସଂପ୍ରାକ୍ରୁଷ୍ଟେ ରୁଦିତସ୍ତ୍ରୀକୁମାରେ ପରାହତେ ପୌରୁଷେ ଧାର୍ତରାଷ୍ଟ୍ରେ।
ମଯା କୃତ୍ଯମିତି ଜାନାମି ସୂତ ତସ୍ମାଦ୍ରାଜ୍ଞସ୍ତ୍ବଦ୍ଯ ଶତ୍ରୂନ୍ବିଜେଷ୍ଯେ॥ 7-2-21 (44724)
କୁରୂନ୍ରକ୍ଷନ୍ପାଣ୍ଡୁପୁତ୍ରାଞ୍ଜିଘାଂସଂସ୍ତ୍ଯକ୍ତ୍ବା ପ୍ରାଣାନ୍ଘୋରରୂପେ ରଣେଽସ୍ମିନ୍।
ସର୍ବାନ୍ସଙ୍ଖ୍ଯେ ଶତ୍ରୁସଙ୍ଘାନ୍ନିହତ୍ଯ ଦାସ୍ଯାମ୍ଯହଂ ଧର୍ମxxxxxxxx 7-2-22 (44725)
ନିବଧ୍ଯତାଂ ମେ କବଚଂ ବିଚିତ୍ରଂ ହୈମଂ ଶୁଭ୍ରଂ ମଣିରତ୍ନାବଭାସି।
ଶିରସ୍ତ୍ରାଣଂ ଚାର୍କସମାନଭାସଂ ଧନୁଃ ଶରାଂଶ୍ଚାଗ୍ନିବିପାହିକଲ୍ପାନ୍॥ 7-2-23 (44726)
ଉପାସଙ୍ଗାନ୍ପୋଡଶ ଯୋଜଯନ୍ତୁ ଧନୂମ୍ପି ଦିବ୍ଯାନି ତଥାଽଽହରନ୍ତୁ।
ଅସୀଂଶ୍ଚ ଶକ୍ତୀଶ୍ଚ ଗଦାଶ୍ଚ ଗୁର୍ବୀଃ ଶଙ୍ଖଂ ଚ ଜାମ୍ବୂନଦଚିତ୍ରନାଲମ୍॥ 7-2-24 (44727)
ଇମାଂ ରୌକ୍ମୀଂ ନାଗକକ୍ଷ୍ଯାଂ ବିଚିତ୍ରାଂ ଧ୍ବଜଂ ଜୈତ୍ରଂ ଦିବ୍ଯମିନ୍ଦୀବରାଙ୍କମ୍।
ଶ୍ଲକ୍ଷ୍ଣୈର୍ବସ୍ତ୍ରୈର୍ବିପ୍ରମୃଜ୍ଯାନଯନ୍ତୁ ଚିତ୍ରାଂ ମାଲାଂ ଚାରୁବଦ୍ଧାଂ ସଲାଜାମ୍॥ 7-2-25 (44728)
ଅଶ୍ବାନଗ୍ର୍ଯାନ୍ପାଣ୍ଡୁରାଭ୍ରପ୍ରକାଶାନ୍ ପୁଷ୍ଟାନ୍ସ୍ନାତାନ୍ମନ୍ତ୍ରପୂତାଭିରଦ୍ଭିଃ।
ତପ୍ତୈର୍ଭାଣ୍ଡୈଃ କାଞ୍ଚନୈରଭ୍ଯୁପେତାନ୍ ଶୀଘ୍ରାଞ୍ଶୀଘ୍ରଂ ସୂତପୁତ୍ରାନଯସ୍ବ॥ 7-2-26 (44729)
ରଥଂ ଚାଗ୍ର୍ଯଂ ହେମମାଲାବନଦ୍ଧଂ ରତ୍ନୈଶ୍ଚିତ୍ରଂ ସୂର୍ଯଚନ୍ଦ୍ରପ୍ରକାଶୈଃ।
ଦ୍ରବ୍ଯୈର୍ଯୁକ୍ତଂ ସମ୍ପ୍ରହାରୋପପନ୍ନୈର୍ବାହୈର୍ଯୁକ୍ତଂ ତୂର୍ଣମାବର୍ତଯସ୍ବ॥ 7-2-27 (44730)
ଚିତ୍ରାଣି ଚାପାନି ଚ ବେଗବନ୍ତି ଜ୍ଯାଶ୍ଚୋତ୍ତମାଃ ସନ୍ନହନୋପପନ୍ନାଃ।
ତୂଣାଂଶ୍ଚ ପୂର୍ଣାନ୍ମହତଃ ଶରାଣାମାସାଦ୍ଯ ଗାତ୍ରାବରଣାନି ଚୈବ॥ 7-2-28 (44731)
ପ୍ରାଯାତ୍ରିକଂ ଚାନଯତାଶୁ ସର୍ବଂ ପୂର୍ଣଂ କାନ୍ତ୍ଯା ବୀରକାଂସ୍ଯାଂ ଚ ହୈମମ୍।
ଆନୀଯ ମାଲାମବବଧ୍ଯ ଚାଙ୍ଗେ ପ୍ରବାଦଯନ୍ତ୍ବାଶୁ ଜଯାଯ ଭେରୀଃ॥ 7-2-29 (44732)
ପ୍ରଯାହି ମୂତାଶୁ ଯତଃ କିରୀଟୀ ବୃକୋଦରୋ ଧର୍ମସୁତୋ ଯମୌ ଚ।
ତାନ୍ବା ହନିଷ୍ଯାମି ସମେତ୍ଯ ସଙ୍ଖ୍ଯେ ଭୀଷ୍ମୋ ଯଥୈଷ୍ଯାମି ହତୋ ଦ୍ବିଷଦ୍ଭିଃ॥ 7-2-30 (44733)
ଯସ୍ମିନ୍ରାଜା ସତ୍ଯଧୃତିର୍ଯୁଧିଷ୍ଠିରଃ ସମାସ୍ଥିତୋ ଭୀମସେନାର୍ଜୁନୌ ଚ।
ବାସୁଦେବଃ ସାତ୍ଯକିଃ ସୃଂଜଯାଶ୍ଚ ମନ୍ଯେ ବଲଂ ତଦଜଯ୍ଯଂ ମହୀପୈଃ॥ 7-2-31 (44734)
ତଂ ଚେନ୍ମୃତ୍ଯୁଃ ସର୍ବହରୋଽଭିରକ୍ଷେତ୍ସଦାଽପ୍ରମତ୍ତଃ ସମରେ କିରୀଟିନମ୍।
ତଥାପି ହନ୍ତାସ୍ମି ସମେତ୍ଯ ସଙ୍ଖ୍ଯେ ଯାସ୍ଯାମି ବା ଭୀଷ୍ମମୁଖୋ ଯମାଯ॥ 7-2-32 (44735)
ନ ତ୍ବେବାହଂ ନ ଗମିଷ୍ଯାମି ତେଷାଂ ମଧ୍ଯେ ଶରାଣାଂ ତତ୍ର ଚାହଂ ବ୍ରବୀମି।
ମିତ୍ରଦ୍ରୁହୋ ଦୁର୍ବଲଭକ୍ତଯୋ ଯେ ପାପାତ୍ମାନୋ ନ ମମୈତେ ସହାଯାଃ॥ 7-2-33 (44736)
ସଞ୍ଜଯ ଉବାଚ। 7-2-34x (4266)
ସମୃଦ୍ଧିମନ୍ତଂ ରଥମୁତ୍ତମଂ ଦୃଢଂ ସକୂବରଂ ହେମପରିଷ୍କୃତଂ ଶୁଭମ୍।
ପତାକିନଂ ବାତଜବୈର୍ହଯୋତ୍ତମୈର୍ଯୁକ୍ତଂ ସମାସ୍ଥାଯ ଯଯୌ ଜଯାଯ॥ 7-2-34 (44737)
ସମ୍ପୂଜ୍ଯମାନଃ କୁରୁଭିର୍ମହାତ୍ମା ରଥର୍ଷଭୋ ଦେବଗଣୈର୍ଯଥେନ୍ଦ୍ରଃ।
ଯଯୌ ତଦାଯୋଧନମୁଗ୍ରଧନ୍ବା ଯତ୍ରାବସାନଂ ଭରତର୍ଷଭସ୍ଯ॥ 7-2-35 (44738)
ବରୂଥିନା ମହତା ସଧ୍ବଜେନ ସୁବର୍ଣମୁକ୍ତାମଣିରତ୍ନମାଲିନା।
ସଦଶ୍ବଯୁକ୍ତେନ ରଥେନ କର୍ଣୋ ମେଘସ୍ବନେନାର୍କ ଇବାମିତୌଜାଃ॥ 7-2-36 (44739)
ହୁତାଶନାଭଃ ସ ହୁତାଶନପ୍ରଭେ ଶୁଭଃ ଶୁଭେ ବୈ ସ୍ବରଥେ ଧନୁର୍ଧରଃ।
ସ୍ଥିତୋ ରରାଜାଧିରଥିର୍ମହାରଥଃ ସ୍ବଯଂ ବିମାନେ ସୁରରାଡିବାସ୍ଥିତଃ॥ ॥ 7-2-37 (44740)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣାଭିଷେକପର୍ବଣି ଦ୍ବିତୀଯୋଽଧ୍ଯାଯଃ॥ 2 ॥
Mahabharata - Drona Parva - Chapter Footnotes
5-2-1 5-2- 5-2- 5-2- 5-2- 5-2- 5-2- 5-2- 5-2- 5-2- 5-2- 5-2-ଦ୍ରୋଣପର୍ବ - ଅଧ୍ଯାଯ 003
॥ ଶ୍ରୀଃ ॥
7.3. ଅଧ୍ଯାଯଃ 003
Mahabharata - Drona Parva - Chapter Topics
କର୍ଣେନ ଭୀଷ୍ମମେତ୍ଯ ଯୁଦ୍ଧାନଜ୍ଞାଯାଚନମ୍॥ 1 ॥Mahabharata - Drona Parva - Chapter Text
7-1-0 (44741)
ସଞ୍ଜଯ ଉବାଚ। 7-1-0x (4267)
ଶରବଲ୍ପେ ମହାତ୍ମାନଂ ଶଯାନମମିତୌଜସମ୍।
ମହାଶତସମୂଂହନ ସମୁଦ୍ରମିବ ଶୋଷିତମ୍॥ 7-1-1 (44742)
ଦୃଷ୍ଟ୍ବା ପିତାମହଂ ଭୀଷ୍ମଂ ସର୍ବକ୍ଷତ୍ରାନ୍ତକଂ ଗୁରୁମ୍।
ଦିବ୍ଯୈରସ୍ତ୍ରୈର୍ମହେଷ୍ବାସଂ ପାତିତଂ ସବ୍ଯସାଚିନା।
ଜଯାଣା ତବ ପୁତ୍ରାଣାଂ ସଂଭଗ୍ନା ଶର୍ମ ବର୍ମ ଚ॥ 7-1-2 (44743)
ଅପାxଣାମିବ ଦ୍ବୀପମଗାଧେ ଗାଧମିଚ୍ଛତାମ୍।
ସ୍ତୋତମା ଯାମୁନେନେବ ଶରୌଘେଣ ପରିପ୍ଲୁତମ୍॥ 7-1-3 (44744)
ମହାନ୍ତମିବ ମୈନାକମହାର୍ଯଂ ଭୁବି ପାତିତମ୍।
ତxxxଯୁତମିବାଦିତ୍ଯଂ ଶକ୍ରସ୍ଯେବାମୃତଂ ହୃତମ୍॥ 7-1-4 (44745)
ଶତକ୍ରତୁଭିବାଚିନ୍ତ୍ଯଂ ପୁରା ବୃତ୍ରେଣା ନିର୍ଜିତମ୍।
ମହୋନଂ ସର୍ବସୈନ୍ଯସ୍ଯ ଯୁଧି ଭୀଷ୍ମଂ ନିପାତିତମ୍॥ 7-1-5 (44746)
କକୁଦଂ ସର୍ବସୈନ୍ଯାନାଂ ଲକ୍ଷ୍ମ ସର୍ବଧନୁଷ୍ମତାମ୍।
ଧନନ୍ତଯଶରୈର୍ବ୍ଯାପ୍ତଂ ପିତରଂ ତେ ମହାବ୍ରତମ୍। 7-1-6 (44747)
ତଂ ବୀରଶଯନେ ବୀରଂ ଶଯାନଂ ପୁରୁଷର୍ପଭମ୍।
ଭୀଷ୍ମମାଧିରଥିର୍ଦୃଷ୍ଟ୍ବା ଭରତାନାଂ ପିତାମହମ୍॥ 7-1-7 (44748)
ପ୍ରସ୍କନ୍ଦ୍ଯ ସ ରଥାତ୍ତୂର୍ଣଂ ଶୋକମୋହପରିପ୍ଲୁତଃ।
`ପଦ୍ଯ୍ଭାମେବ ଜଗାମାର୍ତୋ ବାଷ୍ପବ୍ଯାକୁଲଲୋଚନଃ'॥
ଅଭିବାଦ୍ଯାଞ୍ଜଲିଂ ବଦ୍ଧ୍ବା ବନ୍ଦମାନୋଽଭ୍ଯଭାଷତ॥ 7-1-8 (44749)
କର୍ଣୋଽହମସ୍ମି ଭଦ୍ରଂ ତେ ବଦ ମାମଭି ଭାରତ।
ପୁଣ୍ଯଯା କ୍ଷେମଯା ବାଚା ଚକ୍ଷୁଷା ଚାବଲୋକଯ॥ 7-1-9 (44750)
ନ ନୂନଂ ସୁକୃତସ୍ଯେହ ଫଲଂ କଶ୍ଚିତ୍ସମଶ୍ନୁତେ।
ଯତ୍ର ଧର୍ମପରୋ ବୃଦ୍ଧଃ ଶେତେ ଭୁବି ଭବାନିହ॥ 7-1-10 (44751)
କୋଶସଞ୍ଚଯନେ ମନ୍ତ୍ରେ ବ୍ଯୂହେ ପ୍ରହରଣେଷୁ ଚ।
ନାହମନ୍ଯଂ ପ୍ରପଶ୍ଯାମି କୁରୂଣାଂ କୁରୁପୁଙ୍ଗବ॥ 7-1-11 (44752)
ବୁଦ୍ଧ୍ଯା ବିଶୁଦ୍ଧଯା ଯୁକ୍ତୋ ଯଃ କୁରୂଂସ୍ତାରଯେଦ୍ଭଯାତ୍।
ଯୋଧାଂସ୍ତ୍ବମପ୍ଲୁବେ ହିତ୍ବା ପିତୁଲୋକଂ ଗମିଷ୍ଯସି॥ 7-1-12 (44753)
ଅଦ୍ଯପ୍ରଭୃତି ସଙ୍କ୍ରୁଦ୍ଧା ବ୍ଯାଘ୍ରା ଇବ ମୃଗକ୍ଷଯମ୍।
ପାଣ୍ଡବା ଭରତଶ୍ରେଷ୍ଠ କରିଷ୍ଯନ୍ତି କୁରୁକ୍ଷଯମ୍॥ 7-1-13 (44754)
ଅଦ୍ଯ ଗାଣ୍ଡୀବଧୋପେଣ ବୀର୍ଯଜ୍ଞାଃ ସବ୍ଯସାଚିନଃ।
କୁରବଃ ସନ୍ତ୍ରସିଷ୍ଯନ୍ତି ବଜ୍ରଘୋଷାଦିବାସୁରାଃ॥ 7-1-14 (44755)
ଅଦ୍ଯ ଗାଣ୍ଡୀବମୁକ୍ତାନାମଶନୀନାମିବ xxxଃ।
ତ୍ରାସଯିଷ୍ଯତି ବାଣାନାଂ କୁରୂନନ୍ଯାଂଶ୍ଚ ପଥିxx 7-1-15 (44756)
ସମିଦ୍ଧୋଽଗ୍ନିର୍ଯଥା ବୀର ମହାଜ୍ବାଲୋ ଦ୍ରୁମାନ୍ଦxxxତ୍।
ଧାର୍ତରାଷ୍ଟ୍ରାଃ ଇଧକ୍ଷ୍ଯନ୍ତି ତଥା ବାଣାଃ କିରୀଟିxx 7-1-16 (44757)
ଯେନ ଯେନ ପ୍ରସରତୋ ବାଯ୍ବଗ୍ନୀ ସହିତୌ ବନେ।
ତେନ ତେନ ପ୍ରଦହତୋ ଭୂରିଗୁଲ୍ମତୃଣଦ୍ରୁମାନ୍॥ 7-1-17 (44758)
ଯାଦୃଶୋଽଗ୍ନିଃ ସମୁଦ୍ଭୂତସ୍ତାଦୃକ୍ପାର୍ଥୋ ନ ସଂଶଯଃ।
ଯଥା ବାଯୁର୍ନରବ୍ଯାଘ୍ର ତଥା କୃଷ୍ଣୋ ସଂଶଯଃ॥ 7-1-18 (44759)
xxଦତଃ ପାଞ୍ଚଜନ୍ଯସ୍ଯ ରସତୋ ଗାଣ୍ଡିବସ୍ଯ ଚ।
ଶ୍ରୁତ୍ବା ସର୍ବାଣି ସୈନ୍ଯାନି ତ୍ରାସଂ ଯାସ୍ଯନ୍ତି ଭାରତ। 7-1-19 (44760)
କପିଧ୍ବଜସ୍ଯୋତ୍ପତତୋ ରଥସ୍ଯାମିତ୍ରକର୍ଶିନଃ।
ଶବ୍ଦଂ ସୋଢୁଂ ନ ଶକ୍ଷ୍ଯନ୍ତି ତ୍ବାମୃତେ ବୀର ପାର୍ଥିବାଃ॥ 7-1-20 (44761)
କୋ ହ୍ଯର୍ଜୁନଂ ଯୋଧଯିତୁଂ ତ୍ବଦନ୍ଯଃ ପାର୍ଥିବୋଽର୍ହତି।
ଯସ୍ଯ ଦିବ୍ଯାନି କର୍ମାଣି ପ୍ରବଦନ୍ତି ମନୀଷିଣଃ। 7-1-21 (44762)
ଅମାନୁଷୈଶ୍ଚ ସଂଗ୍ରାମଂ ତ୍ର୍ଯମ୍ବକେଣ ମହାତ୍ମନା।
ତସ୍ମାଚ୍ଚୈବ ବରଂ ପ୍ରାପ୍ତୋ ଦୁଷ୍ପ୍ରାପଶ୍ଚାକୃତାତ୍ମଭିଃ॥ 7-1-22 (44763)
କୋଽନ୍ଯଃ ଶକ୍ତୋ ରଣେ ଜେତୁଂ ପୂର୍ବଂ ଯୋ ନ ଜିତସ୍ତ୍ବଯା।
ଜିତୋ ଯେନ ରଣେ ରାମୋ ଭବତା ବୀର୍ଯଶାଲିନା। 7-1-23 (44764)
କ୍ଷତ୍ରିଯାନ୍ତକରୋ ଘୋରୋ ଦେବଦାନବଦର୍ପହା।
`ସୋପ୍ଯଦ୍ଯାଭିହତଃ ଶେତେ ଶରୈଃ ପ୍ରୋତଃ ଶିଖଣ୍ଡିନା॥ 7-1-24 (44765)
ତମଦ୍ଯାହଂ ପାଣ୍ଡବଂ ଯୁଦ୍ଧଶୌଣ୍ଡମମୃଷ୍ଯମାଣୋ ଭବତା ଚାନୁଶିଷ୍ଟଃ।
ଆଶୀବିଷଂ ହଷ୍ଟିହରଂ ସୁଘୋରଂ ଶୂରଂ ଶକ୍ଷ୍ଯାମ୍ଯସ୍ତ୍ରବଲାନ୍ନିହନ୍ତୁମ୍॥ ॥ 7-1-25 (44766)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣାଭିଷେକପର୍ବଣି ତୃତୀଯୋଽଧ୍ଯାଯଃ॥ 3 ॥
Mahabharata - Drona Parva - Chapter Footnotes
5-1-6 କକୁଦଂ ଶ୍ରେଷ୍ଠମ୍ 5-1-19 xxxତଃ ଶବ୍ଦଂ କୁର୍ବତଃ॥ 5-1-22 ଅମାନୁଷୈର୍ନିବାତକବଚାଦିଭିଃ॥ 5-1-3 ତୃତୀଯୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 004
॥ ଶ୍ରୀଃ ॥
7.4. ଅଧ୍ଯାଯଃ 004
Mahabharata - Drona Parva - Chapter Topics
ଭୀଷ୍ମାନୁଜ୍ଞାତସ୍ଯ କର୍ଣସ୍ଯ ଯୁଦ୍ଧାଯାଽଽଗମନମ୍॥ 1 ॥Mahabharata - Drona Parva - Chapter Text
7-1-0 (44767)
ସଞ୍ଜଯ ଉବାଚ। 7-1-0x (4268)
ତସ୍ଯ ଲାଲପ୍ଯମାନସ୍ଯ କୁରୁବୃଦ୍ଧଃ ପିତାମହଃ।
ଦେଶକାଲୋଚିତଂ ବାକ୍ଯମବ୍ରବୀତ୍ପ୍ରୀତମାନସଃ॥ 7-1-1 (44768)
ଭୀଷ୍ମ ଉବାଚ। 7-1-2x (4269)
ସମୁଦ୍ର ଇବ ସିନ୍ଧୂନାଂ ଜ୍ଯୋତିଷାମିବ ଭାସ୍କରଃ।
ସତ୍ଯସ୍ଯ ଚ ଯଥା ସନ୍ତୋ ବୀଜାନାମିବ ଚୋର୍ବରା॥ 7-1-2 (44769)
ପର୍ଜନ୍ଯ ଇବ ଭୂତାନାଂ ପ୍ରତିଷ୍ଠା ସୁହୃଦାଂ ଭବାନ୍।
ବାନ୍ଧବାସ୍ତ୍ବାଽନୁଜୀବନ୍ତୁ ସ୍ବାଦୁବୃକ୍ଷମିବାଣ଼୍ଡଜାଃ॥ 7-1-3 (44770)
ମାନହା ଭବ ଶତ୍ରୂଣାଂ ମିତ୍ରାଣାଂ ନନ୍ଦିବର୍ଧନଃ।
କୌରବାଣାଂ ଭବ ଗତିର୍ଯଥା ବିଷ୍ଣୁର୍ଦିବୌକସାମ୍॥ 7-1-4 (44771)
ସ୍ବବାହୁବଲବୀର୍ଯେଣ ଧାର୍ତରାଷ୍ଟ୍ରପ୍ରିଯୈଷିଣା।
କର୍ଣ ରାଜପୁରଂ ଗତ୍ବା କାମ୍ଭୋଜା ନିର୍ଜିତାସ୍ତ୍ବଯା॥ 7-1-5 (44772)
ଗିରିବ୍ରଜଗତାଶ୍ଚାପି ନଗ୍ନଜିତ୍ପ୍ରମୁଖା ନୃପାଃ।
ଅମ୍ବଷ୍ଠାଶ୍ଚ ବିଦେହାଶ୍ଚ ଗାନ୍ଧାରାଶ୍ଚ ଜିତାସ୍ତ୍ବଯା॥ 7-1-6 (44773)
ହିମବଦ୍ଦୁର୍ଗନିଲଯାଃ କିରାତା ରଣକର୍କଶାଃ।
ଦୁର୍ଯୋଧନସ୍ଯ ବଶଗାସ୍ତ୍ବଯା କର୍ଣ ପୁରା କୃତାଃ॥ 7-1-7 (44774)
ଉତ୍କଲା ମେକଲାଃ ପୌଣ୍ଡ୍ରାଃ କଲିଙ୍ଗାନ୍ଧ୍ରାଶ୍ଚ ସଂଯୁଗେ।
ନିଷାଦାଶ୍ଚ ତ୍ରିଗର୍ତାଶ୍ଚ ବାହ୍ଲୀକାଶ୍ଚ ଜିତାସ୍ତ୍ବଯା 7-1-8 (44775)
ତତ୍ରତତ୍ର ଚ ସଂଗ୍ରାମେ ଦୁର୍ଯୋଧନହିତୈଷିଣା।
ବହବଶ୍ଚ ଜିତାଃ କର୍ଣ ତ୍ବଯା ବୀରା ମହୌଜସା॥ 7-1-9 (44776)
ଯଥା ଦୁର୍ଯୋଧନସ୍ଯାତଃ ସଜ୍ଞାତିକୁଲବାନ୍ଧବଃ।
ତଥା ତ୍ବମପି ସର୍ବେଷାଂ କୌରବାଣାଂ ଗତିର୍ଭବ॥ 7-1-10 (44777)
ଶିବେଶନାଭିବଦାମି ତ୍ବାଂ ଗଚ୍ଛ ଯୁଧ୍ଯସ୍ବ ଶତ୍ରୁଭିଃ।
ଅନୁଶାସ୍ଯ କୁରୂନ୍ସର୍ବାନ୍ଧତ୍ସ୍ବ ଦୁର୍ଯୋଧନେ ଜଯମ୍॥ 7-1-11 (44778)
ଭବାନ୍ପୌତ୍ରସମୋଽସ୍ମାକଂ ଯଥା ଦୁର୍ଯୋଧନସ୍ତଥା।
ତବାପି ଧର୍ମତଃ ସର୍ବେ ଯଥା ତସ୍ଯ ବଯଂ ତଥା॥ 7-1-12 (44779)
ଯୌନାତ୍ସମ୍ବନ୍ଧକାଲ୍ଲୋକେ ବିଶିଷ୍ଟଂ ସଙ୍ଗତଂ ସତାମ୍।
ସଦ୍ଭିଃ ସଙ୍ଗମମିଚ୍ଛନ୍ତି ତସ୍ମାତ୍ପ୍ରାଜ୍ଞାଃ ପରୈରପି॥ 7-1-13 (44780)
ସ ସତ୍ଯସଙ୍ଗରୋ ଭୂତ୍ବା ମମେଦମିତି ନିଶ୍ଚିତଃ।
କୁରୂଣାଂ ପାଲଯ ବଲଂ ଯଥା ଦୁର୍ଯୋଧନସ୍ତଥା॥ 7-1-14 (44781)
`ଯଥା ଚ କୁରବୋ ଯୁଦ୍ଧେ ଯୋଧଯନ୍ତି ସ୍ମ ପାଣ୍ଡବାନ୍।
ତଥା କର୍ଣ ତ୍ବଯା କାର୍ଯଂ ଦୁର୍ଯୋଧନହିତୈଷିଣା'॥ 7-1-15 (44782)
ନିଶମ୍ଯ ବଚନଂ ତସ୍ଯ ଚରଣାବଭିବାଦ୍ଯ ଚ।
ଯଯୌ ବୈକର୍ତନଃ କର୍ଣସ୍ତୂର୍ଣମାଯୋଧନଂ ପ୍ରତି॥ 7-1-16 (44783)
ସୋଽଭିବୀକ୍ଷ୍ଯ ନରୌଘାଣାଂ ସ୍ଥାନମପ୍ରତିମଂ ମହତ୍।
ବ୍ଯୂଢପ୍ରହରଣୋରସ୍କଂ ସୈନ୍ଯଂ ତତ୍ସମବୃଂହଯତ୍॥ 7-1-17 (44784)
ହୃଷିତାଃ କୁରବଃ ସର୍ବେ ଦୁର୍ଯୋଧନପୁରୋଗମାଃ।
ଉପାଗତଂ ମହାବାହୁଂ ସର୍ବାନୀକପୁରଃସରମ୍॥ 7-1-18 (44785)
7-1-19 (44786)
କର୍ଣଂ ଦୃଷ୍ଟ୍ବା ମହାତ୍ମାନଂ ଯୁଦ୍ଧାଯ ସମୁପସ୍ଥିତମ୍।
କ୍ଷ୍ବେଡିତାସ୍ଫୋଟିତରବୈଃ ସିଂହନାଦରବୈରପି।
ଧନୁଃଶବ୍ଦୈଶ୍ଚ ବିବିଧୈଃ କୁରବଃ ସମପୂଜଯନ୍॥
Mahabharata - Drona Parva - Chapter Footnotes
5-1-3 ଅର୍ଥପତିଃ ପ୍ରଧାନସ୍ବାମୀ॥ଦ୍ରୋଣପର୍ବ - ଅଧ୍ଯାଯ 005
॥ ଶ୍ରୀଃ ॥
7.5. ଅଧ୍ଯାଯଃ 005
Mahabharata - Drona Parva - Chapter Topics
ଦୁର୍ଯୋଧନପୃଷ୍ଟେନ କର୍ଣେନ ତମ୍ପ୍ରତି ଦ୍ରୋଣସ୍ଯ ସୈନାପତ୍ଯକରଣବିଧାନମ୍॥ 1 ॥Mahabharata - Drona Parva - Chapter Text
7-1-0 (44787)
ସଞ୍ଜଯ ଉବାଚ। 7-1-0x (4270)
ରଥସ୍ଥଂ ପୁରୁଷବ୍ଯାଘ୍ରଂ ଦୃଷ୍ଟା କର୍ଣମବସ୍ଥିତମ୍।
ହୃଷ୍ଟୋ ଦୁର୍ଯୋଧନୋ ରାଜନ୍ନିଦଂ ବଚନମବ୍ରବୀତ୍॥ 7-1-1 (44788)
ସନାଥମିବ ମନ୍ଯେଽହଂ ଭବତା ପାଲିତଂ ବଲମ୍।
ଅତ୍ର କିଂ ନୁ ସମର୍ଥଂ ଯଦ୍ଧିତଂ ତତ୍ସମ୍ପ୍ରଧାର୍ଯତାମ୍॥ 7-1-2 (44789)
କର୍ଣ ଉବାଚ। 7-1-3x (4271)
ବ୍ରୂହି ନଃ ପୁରୁଷବ୍ଯାଘ୍ର ତ୍ବଂ ହି ପ୍ରାଜ୍ଞତମୋ ନୃଷୁ।
ଯଥା ଚାର୍ଥପତିଃ କୃତ୍ଯଂ ପଶ୍ଯତେ ନ ତଥେତରଃ॥ 7-1-3 (44790)
ତେ ସ୍ମ ସର୍ବେ ତବ ବଚଃ ଶ୍ରୋତୁକାମା ନରେଶ୍ବର।
ନାନ୍ଯାଯ୍ଯଂ ହି ଭବାନ୍ବାକ୍ଯଂ ବ୍ରୂଯାଦିତି ମତିର୍ମମ॥ 7-1-4 (44791)
ଦୁର୍ଯୋଧନ ଉବାଚ। 7-1-5x (4272)
ଭୀଷ୍ମଃ ସେନାପ୍ରଣେତାଽଽସୀଦ୍ବଯସା ବିକ୍ରମେଣ ଚ।
ଶ୍ରୁତେନ ଚୋପସମ୍ପନ୍ନଃ ସର୍ବୈର୍ଯୋଧଗଣୈସ୍ତଥା॥ 7-1-5 (44792)
ତେନାତିଯଶସା କର୍ଣ ଘ୍ନତା ଶତ୍ରୁଗଣାନ୍ମମ।
ସୁଯୁଦ୍ଧେନ ଦଶାହାନି ପାଲିତାଃ ସ୍ମୋ ମହାତ୍ମନା॥ 7-1-6 (44793)
ତସ୍ମିନ୍ନସୁକରଂ କର୍ମ କୃତବତ୍ଯାସ୍ଥିତେ ଦିବମ୍।
କଂ ତୁ ସେନାପ୍ରଣେତାରଂ ମନ୍ଯସେ ତଦନନ୍ତରମ୍॥ 7-1-7 (44794)
ନ ବିନା ନାଯକଂ ସେନା ମୁହୂର୍ତମପି ତିଷ୍ଠତି।
`ଆହବେଷୁ ବିଶେଷେଣ ଭ୍ରଷ୍ଟନେତ୍ରେଷ୍ବିବାଞ୍ଜନମ୍।'
ଆହବେଷ୍ବାହବଶ୍ରେଷ୍ଠ ନେତୃହୀନେବ ନୌର୍ଜଲେ॥ 7-1-8 (44795)
ଯଥା ହ୍ଯକର୍ଣଧାରା ନୌ ରଥଶ୍ଚାସାରଥିର୍ଯଥା।
ଦ୍ରବେଦ୍ଯଥେଷ୍ଟଂ ତଦ୍ବତ୍ସ୍ଯାଦୃତେ ସେନାପତିଂ ବଲମ୍॥ 7-1-9 (44796)
ଅଦେଶିକୋ ଯଥା ସାର୍ଥଃ ସର୍ବଃ କୃଚ୍ଛ୍ରଂ ସମୃଚ୍ଛତି।
ଅନାଯକା ତଥା ସେନା ସର୍ବାନ୍ଦୋଷାନ୍ସମର୍ଚ୍ଛତି॥ 7-1-10 (44797)
ସ ଭାବନ୍ବୀକ୍ଷ୍ଯ ସର୍ବେଷୁ ମାମକେଷୁ ମହାତ୍ମସୁ।
ପଶ୍ଯ ସେନାପତିଂ ଯୁକ୍ତମନୁ ଶାନ୍ତନବାଦିହ॥ 7-1-11 (44798)
ଯଂ ହି ସେନାପ୍ରମେତାରଂ ଭବାନ୍ବକ୍ଷ୍ଯତି ସଂଯୁଗେ।
ତଂ ବଯଂ ସହିତାଃ ସର୍ବେ କରିଷ୍ଯାମୋ ନ ସଂଶଯଃ। 7-1-12 (44799)
କର୍ଣ ଉବାଚ। 7-1-13x (4273)
ସର୍ବ ଏବ ମହାତ୍ମାନ ଇମେ ପୁରୁଷସତ୍ତମାଃ।
ସେନାପତିତ୍ବମର୍ହନ୍ତି ନାତ୍ର କାର୍ଯା ବିଚାରଣା॥ 7-1-13 (44800)
କୁଲସଂହନନଜ୍ଞାନୈର୍ବଲବିକ୍ରମବୁଦ୍ଧିଭିଃ।
ଯୁକ୍ତାଃ ଶ୍ରୁତଜ୍ଞା ଧୀମନ୍ତ ଆହବେଷ୍ବନିବର୍ତିନଃ॥ 7-1-14 (44801)
ଯୁଗପନ୍ନ ତୁ ତେ ଶକ୍ଯାଃ କର୍ତୁଂ ସର୍ବେ ପୁରଃସରାଃ।
ଏକ ଏବ ତୁ କର୍ତବ୍ଯୋ ଯସ୍ମିନ୍ବୈଶେଷିକା ଗୁଣାଃ॥ 7-1-15 (44802)
ଅନ୍ଯୋନ୍ଯସ୍ପର୍ଧିନାଂ ହ୍ଯେଷାଂ ଯଦ୍ଯେକଂ ତ୍ବଂ କରିଷ୍ଯସି।
ଶେଷା ବିମନସୋ ବ୍ଯକ୍ତଂ ନ ଯୋତ୍ସ୍ଯନ୍ତି ହିତାସ୍ତବ॥ 7-1-16 (44803)
ଅଯଂ ଚ ସର୍ବଯୋଧାନାମାଚାର୍ଯଃ ସ୍ଥିବରୋ ଗୁରୁଃ।
ଯୁକ୍ତଃ ସେନାପତିଃ କର୍ତୁଂ ଦ୍ରୋଣଃ ଶସ୍ତ୍ରଭୃତାଂ ବରଃ॥ 7-1-17 (44804)
କୋ ହି ତିଷ୍ଠତି ଦୁର୍ଧର୍ଷେ ଦ୍ରୋଣେ ଶସ୍ତ୍ରଭୃତାଂ ବରେ।
ସେନାପତିଃସ୍ଯାଦନ୍ଯୋସ୍ମାଚ୍ଛୁକ୍ରାଙ୍ଗିରସଦର୍ଶନାତ୍॥ 7-1-18 (44805)
ନ ଚ ସୋଽପ୍ଯସ୍ତି ତେ ଯୋଧଃ ସର୍ବରାଜସୁ ଭାରତ।
ଦ୍ରୋଣଂ ଯଃ ସମରେ ଯାନ୍ତମନୁଯାସ୍ଯତି ସଂଯୁଗେ॥ 7-1-19 (44806)
ଏଷ ସେନାପ୍ରଣେତୄଣାମେଷ ଶସ୍ତ୍ରଭୃତାମପି।
ଏଷ ବୁଦ୍ଧିମତାଂ ଚୈବ ଶ୍ରେଷ୍ଠୋ ରାଜନ୍ଗୁରୁସ୍ତବ॥ 7-1-20 (44807)
ଏବଂ ଦୁର୍ଯୋଧନାଚାର୍ଯମାଶୁ ସେନାପତିଂ କୁରୁ।
ଜିଗୀଷନ୍ତୋ ସୁରାନ୍ସଙ୍ଖ୍ଯେ କାର୍ତିକେଯମିବାମରାଃ॥ ॥ 7-1-21 (44808)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣାଭିଷେକପର୍ବଣି ପଞ୍ଚମୋଽଧ୍ଯାଯଃ॥ 5 ॥
Mahabharata - Drona Parva - Chapter Footnotes
5-1-8 ନେତା କର୍ଣଧାରଃ॥ 5-1-10 ଅଦେଶିକୋଽଗ୍ରେସରରହିତଃ। 5-1-14 ସଂହନନଂ ଶରୀରମ୍॥ 5-1-18 ଶୁକ୍ରାଙ୍ଗିରସଦର୍ଶନାଚ୍ଛୁକ୍ରବୃହସ୍ପତିତୁଲ୍ଯାତ୍। 5-1-5 ପଞ୍ଚମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 006
॥ ଶ୍ରୀଃ ॥
7.6. ଅଧ୍ଯାଯଃ 006
Mahabharata - Drona Parva - Chapter Topics
ଦୁର୍ଯୋଧନେନ ଦ୍ରୋଣମ୍ପ୍ରତି ସୈନାପତ୍ଯସ୍ବୀକାରପ୍ରାର୍ଥନା॥ 1 ॥Mahabharata - Drona Parva - Chapter Text
7-1-0 (44809)
ସଞ୍ଜଯ ଉବାଚ। 7-1-0x (4274)
କର୍ଣସ୍ଯ ବଚନଂ ଶ୍ରୁତ୍ବା ରାଜା ଦୁର୍ଯୋଧନସ୍ତଦା।
ସେନାମଧ୍ଯଗତଂ ଦ୍ରୋଣମିଦଂ ବଚନମବ୍ରବୀତ୍॥ 7-1-1 (44810)
ଦୁର୍ଯୋଧନ ଉବାଚ। 7-1-2x (4275)
ବର୍ଣଶ୍ରୈଷ୍ଠ୍ଯାତ୍କୁଲୋତ୍ପତ୍ତ୍ଯା ଶ୍ରୁତେନ ବଯସା ଧିଯା।
ବୀର୍ଯାଦ୍ଦାକ୍ଷ୍ଯାଦଧୃଷ୍ଯତ୍ବାଦର୍ଥଜ୍ଞାନାନ୍ନଯାଜ୍ଜଯାତ୍॥ 7-1-2 (44811)
ତପସା ଚ କୃତଜ୍ଞତ୍ବାଦ୍ବୃଦ୍ଧଃ ସର୍ବଗୁଣୈରପି।
ଯୁକ୍ତୋ ଭବତ୍ସଶ୍ରୋ ଗୋପ୍ତା ରାଜ୍ଞାମନ୍ଯୋ ନ ବିଦ୍ଯତେ॥ 7-1-3 (44812)
ସ ଭବାନ୍ପାତୁ ନଃ ସର୍ବାନ୍ଦେବାନିବ ଶତକ୍ରତୁଃ।
ଭବନ୍ନେତ୍ରାଃ ପରାଞ୍ଜେତୁମିଚ୍ଛାମୋ ଦ୍ବିଜସତ୍ତମ॥ 7-1-4 (44813)
ରୁଦ୍ରାଣାମିବ କାପାଲିର୍ବସୂନାମିବ ପାବକଃ।
କୁବେର ଇବ ଯକ୍ଷାଣାଂ ମରୁତାମିବ ବାସବଃ॥ 7-1-5 (44814)
ବସିଷ୍ଠ ଇବ ବିପ୍ରାଣାଂ ତେଜସାମିବ ଭାସ୍କରଃ।
ପିତୄଣାମିବ ଧର୍ମେନ୍ଦ୍ରୋ ଯାଦସାମିବ ଚାମ୍ବୁରାଟ୍॥ 7-1-6 (44815)
ନକ୍ଷତ୍ରାଣାମିବ ଶଶୀ ଦିତିଜାନାମିବୋଶନାଃ।
`ସର୍ବେଷାମିବ ଲୋକାନାଂ ବିଶ୍ବସ୍ଯ ଚ ଯଥା କ୍ଷଯଃ'॥ 7-1-7 (44816)
ବିଶ୍ବୋତ୍ପତ୍ତିସ୍ଥିତିଲଯେ ଶ୍ରେଷ୍ଠୋ ନାରାଯଣଃ ପ୍ରଭୁଃ।
ଏବଂ ସେନାପ୍ରଣେତୄଣାଂ ମମ ସେନାପତିର୍ଭବ॥ 7-1-8 (44817)
ଅକ୍ଷୌହିଣ୍ଯୋ ଦଶୈକା ଚ ବଶଗାଃ ସନ୍ତୁ ତେଽନଘ।
ତାଭିଃ ଶତ୍ରୂନ୍ପ୍ରତିବ୍ଯୂହ୍ଯ ଜହୀନ୍ଦ୍ରୋ ଦାନବାନିବ॥ 7-1-9 (44818)
ପ୍ରଯାତୁ ନୋ ଭବାନଗ୍ରେ ଦେବାନାମିବ ପାବକିଃ।
ଅନୁଯାସ୍ଯାମହେ ତ୍ବାଽଽଜୌ ସୌରଭେଯା ଇବର୍ଷଭମ୍॥ 7-1-10 (44819)
ଉଗ୍ରଧନ୍ବା ମହେଷ୍ବାସୋ ଦିବ୍ଯଂ ବିଷ୍ଫାରଯନ୍ଧନୁଃ।
ଦୃଷ୍ଟ୍ବା ଭବନ୍ତଂ ସଙ୍ଗ୍ରାମେ ନାର୍ଜୁନଃ ପ୍ରହରିଷ୍ଯତି॥ 7-1-11 (44820)
ଧ୍ରୁବଂ ଯୁଧିଷ୍ଠିରଂ ସଙ୍ଖ୍ଯେ ସାନୁବନ୍ଧଂ ସବାନ୍ଧବମ୍।
ଜେଷ୍ଯାମି ପୁରୁଷବ୍ଯାଘ୍ର ଭବାନ୍ସେନାପତିର୍ଯଦି॥ 7-1-12 (44821)
ସଞ୍ଜଯ ଉବାଚ। 7-1-13x (4276)
ଏବମୁକ୍ତେ ତତୋ ଦ୍ରୋଣଂ ଜଯେତ୍ଯୂଚୁର୍ନରାଧିପାଃ।
ସିଂହନାଦେନ ମହତା ହର୍ଷଯନ୍ତସ୍ତବାତ୍ମଜମ୍॥ 7-1-13 (44822)
ସୈନିକାଶ୍ଚ ମୁଦା ଯୁକ୍ତା ବର୍ଧଯନ୍ତି ଦ୍ବିଜୋତ୍ତମମ୍।
ଦୁର୍ଯୋଧନଂ ପୁରସ୍କୃତ୍ଯ ପ୍ରାର୍ଥଯନ୍ତୋ ମହଦ୍ଯଶଃ।
ଦୁର୍ଯୋଧନଂ ତତୋ ରାଜନ୍ଦ୍ରୋଣୋ ବଚନମବ୍ରବୀତ୍॥ ॥ 7-1-14 (44823)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣାଭିଷେକପର୍ବଣି ଷଷ୍ଠୋଽଧ୍ଯାଯଃ॥ 6 ॥
Mahabharata - Drona Parva - Chapter Footnotes
5-1-4 ଭବାନ୍ନେସ୍ରଂ ତେନା ଯେଷାଂ ତେ॥ 5-1-6 ଧର୍ମେନ୍ଦ୍ରୋ ଯମଃ। ଅମ୍ବୁରାଟ୍ ବରୁଣଃ॥ 5-1-10 ପାବକିଃ ସ୍କନ୍ଦଃ॥ 5-1-6 ଷଷ୍ଟୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 007
॥ ଶ୍ରୀଃ ॥
7.7. ଅଧ୍ଯାଯଃ 007
Mahabharata - Drona Parva - Chapter Topics
ଦୁର୍ଯୋଧନେନ ଦ୍ରୋଣସ୍ଯ ସୈନାପତ୍ଯେଽଭିଷେଚନମ୍॥ 1 ॥ ଦ୍ରୋଣଯୁଦ୍ଧବର୍ଣନମ୍॥ 2 ॥Mahabharata - Drona Parva - Chapter Text
7-1-0 (44824)
ଦ୍ରୋଣ ଉବାଚ। 7-1-0x (4277)
ବେଦଂ ଷଡଙ୍ଗଂ ବେଦାହମର୍ଥବିଦ୍ଯାଂ ଚ ମାନବୀମ୍।
ତ୍ରୈଯ୍ଯମ୍ବକମଥେଷ୍ବସ୍ତ୍ରଂ ଶସ୍ତ୍ରାଣି ବିବିଧାନି ଚ॥ 7-1-1 (44825)
ଯେ ଚାପ୍ଯୁକ୍ତା ମଯି ଗୁଣା ଭବଦ୍ଭିର୍ଜଯକାଙ୍କ୍ଷିଭିଃ।
ଚିକୀର୍ଷୁସ୍ତାନହଂ ସର୍ବାନ୍ଯୋଧଯିଷ୍ଯାମି ପାଣ୍ଡବାନ୍॥ 7-1-2 (44826)
ପାର୍ଷତଂ ତୁ ରଣେ ରାଜନ୍ନ ହନିଷ୍ଯେ କଥଞ୍ଚନ।
ସ ହି ସୃଷ୍ଟୋ ବଧାର୍ଥାଯ ମମୈବ ପୁରୁଷର୍ଷଭଃ॥ 7-1-3 (44827)
ଯୋଧଯିଷ୍ଯାମି ସୈନ୍ଯାନି ନାଶଯନ୍ସର୍ବସୋମକାନ୍।
ନ ଚ ମାଂ ପାଣ୍ଡବା ଯୁଦ୍ଧେ ଯୋଧଯିଷ୍ଯନ୍ତି ହର୍ଷିତାଃ॥ 7-1-4 (44828)
ସଞ୍ଜଯ ଉବାଚ। 7-1-5x (4278)
ସ ଏବମଭ୍ଯନୁଜ୍ଞାତଶ୍ଚକ୍ରେ ସେନାପତିଂ ତତଃ।
ଦ୍ରୋଣଂ ତବ ସୁତୋ ରାଜନ୍ବିଧିଦୃଷ୍ଟେନ କର୍ମଣା॥ 7-1-5 (44829)
ଅଥାଭିଷିଷିଚୁର୍ଦ୍ରୋଣଂ ଦୁର୍ଯୋଧନମୁଖା ନୃପାଃ।
`ସ୍ବସ୍ତିବାଦରବୈଶ୍ଚାନ୍ଯୈଃ ଶ୍ଲକ୍ଷ୍ଣୈଶ୍ଚାନ୍ଯୈର୍ମନୋରମୈଃ'।
ସୈନାପତ୍ଯେ ଯଥା ସ୍କନ୍ଦଂ ପୁରା ଶକ୍ରମୁଖାଃ ସୁରାଃ॥ 7-1-6 (44830)
ତତୋ ବାଦିତ୍ରଘୋଷେଣ ଶଙ୍ଖାନାଂ ଚ ମହାସ୍ବନୈଃ।
ପ୍ରାଦୁରାସୀତ୍କୃତେ ଦ୍ରୋଣେ ହର୍ଷଃ ସେନାପତୌ ତଦା॥ 7-1-7 (44831)
ତତଃ ପୁଣ୍ଯାହଘୋଷେଣ ସାଶୀର୍ବାଦସ୍ବନେନ ଚ।
ସଂସ୍ତବୈର୍ଗୀତଶବ୍ଦୈଶ୍ଚ ସୂତମାଗଧବନ୍ଦିନାମ୍॥ 7-1-8 (44832)
ଜଯଶବ୍ଦୈର୍ଦ୍ବିଜାଗ୍ର୍ଯାଣାଂ ସୁଭଗାନର୍ତିତୈସ୍ତଥା।
ସତ୍କୃତ୍ଯ ବିଧିନା ଦ୍ରୋଣଂ ମେନିରେ ପାଣ୍ଡବାଞ୍ଜିତାନ୍॥ 7-1-9 (44833)
ସଞ୍ଜଯ ଉବାଚ। 7-1-10x (4279)
ସୈନାପତ୍ଯଂ ତୁ ସଂପ୍ରାପ୍ଯ ଭାରଦ୍ବାଜୋ ମହାରଥଃ।
ଯୁଯୁତ୍ସୁର୍ବ୍ଯୂହ୍ଯ ସୈନ୍ଯାନି ପ୍ରାଯାତ୍ତବ ସୁତୈଃ ସହ॥ 7-1-10 (44834)
ସୈନ୍ଧବଶ୍ଚ କଲିଙ୍ଗଶ୍ଚ ବିକର୍ଣଶ୍ଚ ତବାତ୍ମଜଃ।
ଦକ୍ଷିଣଂ ପାର୍ଶ୍ବମାସ୍ଥାଯ ସମତିଷ୍ଠନ୍ତ ଦଂଶିତାଃ॥ 7-1-11 (44835)
ପ୍ରପକ୍ଷଃ ଶକୁନିସ୍ତେଷାଂ ପ୍ରବରୈର୍ହଯସାଦିଭିଃ।
ଯଯୌ ଗାନ୍ଧାରକୈଃ ସାର୍ଧଂ ବିମଲପ୍ରାସଯୋଧିଭିଃ॥ 7-1-12 (44836)
କୃପଶ୍ଚ କୃତବର୍ମା ଚ ଚିତ୍ରସେନୋ ବିବିଂଶତିଃ।
ଦୁଃଶାସନମୁଖା ଯତ୍ତାଃ ସବ୍ଯଂ ପକ୍ଷମପାଲଯନ୍॥ 7-1-13 (44837)
ତେଷାଂ ପ୍ରପକ୍ଷାଃ କାମ୍ଭୋଜାଃ ସୁଦକ୍ଷିଣପୁସ୍ସରାଃ।
ଯଯୁରଶ୍ଚୈର୍ମହାବେଗୈଃ ଶକାଶ୍ଚ ଯବନୈଃ ସହ॥ 7-1-14 (44838)
ମଦ୍ରାସ୍ତ୍ରିଗର୍ତାଃ ସାମ୍ବଷ୍ଠାଃ ପ୍ରତୀଚ୍ଯୋଦୀଚ୍ଯମାଲବାଃ।
ଶିବଯଃ ଶୂରସେନାଶ୍ଚ ଶୂଦ୍ରାଶ୍ଚ ମଲଦୈଃ ସହ॥ 7-1-15 (44839)
ସୌବୀରାଃ କିତବାଃ ପ୍ରାଚ୍ଯା ଦାକ୍ଷିଣାତ୍ଯାଶ୍ଚ ସର୍ବଶଃ।
ନବାତ୍ମଜଂ ପୁରସ୍କୃତ୍ଯ ସୂତପୁତ୍ରସ୍ଯ ପୃଷ୍ଠତଃ॥ 7-1-16 (44840)
ହର୍ଷଯନ୍ତଃ ସ୍ବସୈନ୍ଯାନି ଯଯୁସ୍ତବ ସୁତୈଃ ସହ।
ପ୍ରବରଃ ସର୍ବଯୋଧାନାଂ ବଲେଷୁ ବଲମାଦଧମ୍॥ 7-1-17 (44841)
ଯଯୌ ବୈକର୍ତନଃ କର୍ଣଃ ପ୍ରମୁଖେ ସର୍ବଧନ୍ବିନାମ୍।
ତସ୍ଯ ଦୀପ୍ତୋ ମହାକାଯଃ ସ୍ବାନ୍ଯନୀକାନିହର୍ଷଯନ୍॥ 7-1-18 (44842)
ହସ୍ତିକକ୍ଷ୍ଯୋ ଗହାକେତୁର୍ବଭୌ ସୂର୍ଯସମଦ୍ଯୁତିଃ।
ନ ଭୀଷ୍ମବ୍ଯସନଂ କଶ୍ଚିଦୃଷ୍ଟ୍ବା କର୍ଣମମନ୍ଯତ॥ 7-1-19 (44843)
ବିଶୋକାଶ୍ଚାଭବନ୍ସର୍ବେ ରାଜାନଃ କୁରୁଭିଃ ସହ।
ହୃଷ୍ଟାଶ୍ଚ ବହବୋ ଯୋଧାସ୍ତତ୍ରାଜଲ୍ପନ୍ତ ବେଗତଃ॥ 7-1-20 (44844)
ନ ହି କର୍ଣଂ ରଣେ ଦୃଷ୍ଟ୍ବା ଯୁଧି ସ୍ଥାସ୍ଯନ୍ତି ପାଣ୍ଡବାଃ।
କର୍ଣୋ ହି ସମରେ ଶକ୍ତୋ ଜେତୁଂ ଦେବାନ୍ସବାସବାନ୍॥ 7-1-21 (44845)
କିମୁ ପାଣ୍ଡୁସୁତାନ୍ଯୁଦ୍ଧେ ହୀନବୀର୍ଯପରାକ୍ରମାନ୍।
ଭୀଷ୍ମେଣ ତୁ ରଣେ ପାର୍ଥାଃ ପାଲିତା ବାହୁଶାଲିନା॥ 7-1-22 (44846)
ତାଂସ୍ତୁ କର୍ଣଃ ଶରୈସ୍ତୀକ୍ଷ୍ଣୈର୍ନାଶଯିଷ୍ଯତି ସଂଯୁଗେ।
ଏବଂ ବ୍ରୁବନ୍ତସ୍ତେଽନ୍ଯୋନ୍ଯଂ ହୃଷ୍ଟରୂପା ବିଶାଂପତେ॥ 7-1-23 (44847)
ରାଧେଯଂ ପୂଜଯନ୍ତଶ୍ଚ ପ୍ରଶଂସନ୍ତଶ୍ଚ ନିର୍ଯଯୁଃ।
ଅସ୍ମାକଂ ଶକଟବ୍ଯୂହୋଂ ଦ୍ରୋଣେନ ବିହିତୋଽଭବତ୍॥ 7-1-24 (44848)
ପରେଷାଂ କ୍ରୌଞ୍ଚ ଏବାସୀଦ୍ବ୍ଯୂହୋ ରାଜନ୍ମହାତ୍ମନାମ୍।
ପ୍ରୀଯମାଣେନ ବିହିତୋ ଧର୍ମରାଜେନ ଭାରତ॥ 7-1-25 (44849)
ବ୍ଯୂହପ୍ରମୁଖତସ୍ତେଷାଂ ତସ୍ଥତୁଃ ପୁରୁଷର୍ଷଭୌ।
ବାନରଧ୍ବଜମୁଚ୍ଛ୍ରିତ୍ଯ ବିଷ୍ବକ୍ସେନଧନଂଜଯୌ॥ 7-1-26 (44850)
କକୁଦଂ ସର୍ବସୈନ୍ଯାନାଂ ଧାମ ସର୍ବଧନୁଷ୍ମତାମ୍।
ଆଦିତ୍ଯପଥଗଃ କେତୁଃ ପାର୍ଥସ୍ଯାମିତତେଜସଃ॥ 7-1-27 (44851)
ଦୀପଯାମାସ ତତ୍ସୈନ୍ଯଂ ପାଣ୍ଡବସ୍ଯ ମହାତ୍ମନଃ।
ଯଥା ପ୍ରଜ୍ବଲିତଃ ସୂର୍ଯୋ ଯୁଗାନ୍ତେ ବୈ ବସୁଂଧରାମ୍॥ 7-1-28 (44852)
ଦୀପ୍ଯନ୍ଦୃଶ୍ଯେତ ହି ତଥା କେତୁଃ ସର୍ବତ୍ର ଧୀମତଃ।
ଯୋଧାନାମର୍ଜୁନଃ ଶ୍ରେଷ୍ଠୋ ଗାଣ୍ଡୀବଂ ଧନୁଷାଂ ବରମ୍॥ 7-1-29 (44853)
ବାସୁଦେବଶ୍ଚ ଭୂତାନାଂ ଚକ୍ରାଣାଂ ଚ ସୁଦର୍ଶନମ୍।
ଚତ୍ବାର୍ଯେତାନି ତେଜାଞ୍ସି ବହଞ୍ଶ୍ବେତହଯୋ ରଥଃ॥ 7-1-30 (44854)
ପରେଷାମଗ୍ରତସ୍ତସ୍ଥୌ କାଲଚକ୍ରମିବୋଦ୍ଯତମ୍।
ଏବଂ ତୌ ସୁମହାତ୍ମାନୌ ବଲସେନାଗ୍ରଗାବୁଭୌ॥ 7-1-31 (44855)
ତାବକାନାଂ ମୁଖେ କର୍ଣଃ ପରେଷାଂ ଚ ଧନଂଜଯଃ।
ତତୋ ଜଯାଭିସଂରବ୍ଧୌ ପରସ୍ପରବଧୈଷିଣୌ॥ 7-1-32 (44856)
ଅବେକ୍ଷେତାଂ ତଦାନ୍ଯୋନ୍ଯଂ ସମରେ କର୍ଣପାଣ୍ଡବୌ।
ତତଃ ପ୍ରଯାତେ ସହସା ଭାରଦ୍ବାଜେ ମହାରଥେ॥ 7-1-33 (44857)
ସିଂହନାଦେନ ଘୋରେଣ ବସୁଧା ସମକମ୍ପତ।
ତତସ୍ତୁମୁଲମାକାଶମାବୃଣୋତ୍ସଦିବାକରମ୍॥ 7-1-34 (44858)
ବାତୋଦ୍ଭୂତଂ ରଜସ୍ତୀବ୍ରଂ କୌଶେଯନିକରୋପମମ୍।
ବବର୍ଷ ଦ୍ଯୌରନଭ୍ରାଽପି ମାଂସାସ୍ଥିରୁଧିରାଣ୍ଯୁତ॥ 7-1-35 (44859)
ଗୃଧ୍ରାଃ ଶ୍ଯେନା ବକାଃ କଙ୍କା ବାଯସାଶ୍ଚ ସହସ୍ରଶଃ।
ଉପର୍ଯୁପରି ସେନାଂ ତେ ତଦା ପର୍ଯପତନ୍ନୃପ॥ 7-1-36 (44860)
ଗୋମାଯବଶ୍ଚ ପ୍ରାକ୍ରୋଶନ୍ଭଯଦାନ୍ଦାରୁଣାନ୍ରବାନ୍।
ଅକାର୍ଷୁରପସବ୍ଯଂ ଚ ବହୁଶଃ ପୃତନାଂ ତବ॥ 7-1-37 (44861)
ଚିଖାଦିଷନ୍ତୋ ମାଂସାନି ପିପାସନ୍ତଶ୍ଚ ଶୋଣିତମ୍।
ଅପତଦ୍ଦୀପ୍ଯମାନା ଚ ସନିର୍ଘାତା ସକମ୍ପନା॥ 7-1-38 (44862)
ଉଲ୍କା ଜ୍ବଲନ୍ତୀ ସଙ୍ଗ୍ରାମେ ପୁଚ୍ଛେନାବୃତ୍ଯ ସର୍ବଶଃ।
ପରିବେଷୋ ମହାଂଶ୍ଚାପି ସବିଦ୍ଯୁତ୍ସ୍ତନଯିତ୍ନୁମାନ୍॥ 7-1-39 (44863)
ଭାସ୍କରସ୍ଯାଭବଦ୍ରାଜନ୍ପ୍ରଯାତେ ବାହିନୀପତୌ।
ଏତେ ଚାନ୍ଯେ ଚ ବହବଃ ପ୍ରାଦୁରାସନ୍ସୁଦାରୁଣାଃ।
ଉତ୍ପାତା ଯୁଧି ବୀରାଣାଂ ଜୀବିତକ୍ଷଯକାରିଣଃ॥ 7-1-40 (44864)
ତତଃ ପ୍ରବବୃତେ ଯୁଦ୍ଧଂ ପରସ୍ପରବଧୈଷିଣାମ୍।
କୁରୁପାଣ୍ଡବସୈନ୍ଯାନାଂ ଶବ୍ଦେନାପୂରଯଜ୍ଜଗତ୍॥ 7-1-41 (44865)
ତେ ତ୍ବନ୍ଯୋନ୍ଯଂ ସୁସଂରବ୍ଧାଃ ପାଣ୍ଡବାଃ କୌରବୈଃ ସହ।
ଅଭ୍ଯଘ୍ନନ୍ନିଶିତୈଃ ଶସ୍ତ୍ରୈର୍ଜଯଗୃଦ୍ଧାଃ ପ୍ରହାରିଣଃ॥ 7-1-42 (44866)
ସ ପାଣ୍ଡବାନାଂ ମହତୀଂ ମହେଷ୍ବାସୋ ମହାଦ୍ଯୁତିଃ।
ବେଗେନାଭ୍ଯଦ୍ରବତ୍ସେନାଂ କିରଞ୍ଶରଶତୈଃ ଶିତୈଃ॥ 7-1-43 (44867)
ଦ୍ରୋଣମଭ୍ଯୁଦ୍ଯତଂ ଦୃଷ୍ଟ୍ବା ପାଣ୍ଡବାଃ ସହସୃଞ୍ଜଯୈଃ।
ପ୍ରତ୍ଯଗୃହ୍ଣଂସ୍ତଦା ରାଜଞ୍ଛରବର୍ଷୈଃ ପୃଥକ୍ପୃଥକ୍॥ 7-1-44 (44868)
ବିକ୍ଷୋଭ୍ଯମାଣଆ ଦ୍ରୋଣେନ ଭିଦ୍ଯମାନା ମହାଚମୂଃ।
ବ୍ଯଶୀର୍ଯତ ସପାଞ୍ଚାଲା ବାତେନେବ ବଲାହକାଃ॥ 7-1-45 (44869)
ବହୂନୀହ ବିକୁର୍ବାଣୋ ଦିବ୍ଯାନ୍ଯସ୍ତ୍ରାଣି ସଂଯୁଗେ।
ଅପୀଡଯତ୍କ୍ଷଣେନୈବ ଦ୍ରୋଣଃ ପାଣ୍ଡବସୃଞ୍ଜଯାନ୍॥ 7-1-46 (44870)
ତେ ବଧ୍ଯମାନା ଦ୍ରୋଣେନ ବାସବେନେବ ଦାନବାଃ।
ପାଞ୍ଚାଲାଃ ସମକମ୍ପନ୍ତ ଧୃଷ୍ଟଦ୍ଯୁମ୍ନପୁରୋଗମାଃ॥ 7-1-47 (44871)
ତତୋ ଦିବ୍ଯାସ୍ତ୍ରବିଚ୍ଛୂରୋ ଯାଜ୍ଞସେନିର୍ମହାରଥଃ।
ଅଭିନଚ୍ଛରବର୍ଷେଣ ଦ୍ରୋଣାନୀକମନେକଧା॥ 7-1-48 (44872)
ଦ୍ରୋଣସ୍ଯ ଶରବର୍ଷାଣି ଶରବର୍ଷେଣ ପାର୍ଷତଃ।
ସନ୍ନିବାର୍ଯ ତତଃ ସର୍ବାନ୍କୁରୂନପ୍ଯବଧୀଦ୍ବଲୀ॥ 7-1-49 (44873)
ସଂଯମ୍ଯ ତୁ ତତୋ ଦ୍ରୋଣଃ ସମବସ୍ଥାପ୍ଯ ଚାହବେ।
ସ୍ବମନୀକଂ ମହେଷ୍ବାସଃ ପାର୍ଷତଂ ସମୁପାଦ୍ରବତ୍॥ 7-1-50 (44874)
ସ ବାଣବର୍ଷଂ ସୁମହଦସୃଜତ୍ପାର୍ଷତଂ ପ୍ରତି।
ମଘବାନ୍ସମଭିକ୍ରୁଦ୍ଧଃ ସହସା ଦାନବାନିବ॥ 7-1-51 (44875)
ତେ କମ୍ପ୍ଯମାନା ଦ୍ରୋଣେନ ବାଣୈଃ ପାଣ୍ଡବସୃଞ୍ଜଯାଃ।
ପୁନଃପୁନରଭଜ୍ଯନ୍ତ ସିଂହେନୈବେତରେ ମୃଗାଃ॥ 7-1-52 (44876)
ତଥା ପର୍ଯପତଦ୍ରୋଣଃ ପାଣ୍ଡବାନାଂ ବଲେ ବଲୀ।
ଅଲାତଚକ୍ରବଦ୍ରାଜଂସ୍ତଦଦ୍ଭୁତମିବାଭବତ୍॥ 7-1-53 (44877)
ଖଚରନଗରକଲ୍ପଂ କଲ୍ପିତଂ ଶାସ୍ତ୍ରଦୃଷ୍ଟ୍ଯା ଚଲଦନିଲପତାକଂ ହ୍ଲାଦନଂ ବଲ୍ଗିତାଶ୍ବମ୍।
ସ୍ଫଟିକବିମଲକେତୁଂ ତ୍ରାସନଂ ଶାତ୍ରବାଣାଂ ରଥବରମଧିରୂଢଃ ସଞ୍ଜହାରାରିସେନାମ୍॥ ॥ 7-1-54 (44878)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣାଭିଷେକପର୍ବଣି
Mahabharata - Drona Parva - Chapter Footnotes
5-1-9 ସୁଭଗାନର୍ତିତୈଃ ସୌଭାଗ୍ଯବତୀନୃତ୍ତୈଃ॥ 5-1-27 ଆଦିତ୍ଯପଥଗଃ ଆକାଶଗଃ॥ 5-1-54 ହ୍ଲାଦନଂ ଯୋଦ୍ଭୁରାନନ୍ଦଜନନମ୍॥ 5-1-7 ସପ୍ତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 008
॥ ଶ୍ରୀଃ ॥
7.8. ଅଧ୍ଯାଯଃ 008
Mahabharata - Drona Parva - Chapter Topics
ସଞ୍ଜଯେନ ଧୃତରାଷ୍ଟ୍ରଂ ପ୍ରତି ଦ୍ରୋଣପରାକ୍ରମବର୍ଣନପୂର୍ବକଂ ତନ୍ନିଧନକଥନମ୍॥ 1 ॥Mahabharata - Drona Parva - Chapter Text
7-1-0 (44879)
ସଞ୍ଜଯ ଉବାଚ। 7-1-0x (4280)
ତଥା ଦ୍ରୋଣମଭିଘ୍ନନ୍ତଂ ସାଶ୍ବସୂତରଥଦ୍ବିପାନ୍।
ବ୍ଯଥିତାଃ ପାଣ୍ଡବା ଦୃଷ୍ଟ୍ବା ନ ଚୈନଂ ପର୍ଯବାରଯନ୍॥ 7-1-1 (44880)
ତତୋ ଯୁଧିଷ୍ଠିରୋ ରାଜା ଧୃଷ୍ଟଦ୍ଯୁମ୍ନଧନଞ୍ଜଯୌ।
ଅବ୍ରବୀତ୍ସର୍ବତୋ ଯତ୍ତୈଃ କୁମ୍ଭଯୋନିର୍ନିବାର୍ଯତାମ୍॥ 7-1-2 (44881)
ତତ୍ରୈନମର୍ଜୁନଶ୍ଚୈବ ଧୃଷ୍ଟଦ୍ଯୁମ୍ନଶ୍ଚ ପାର୍ଷତଃ।
`ଯେ ଚାନ୍ଯେ ପାର୍ଥିବା ରାଜନ୍ପାଣ୍ଡବସ୍ଯାନୁସୈନିକାଃ।
ପ୍ରତ୍ଯଗୃହ୍ଣଂସ୍ତତସ୍ତତ୍ର ସମାଗଚ୍ଛନ୍ମହାରଥାଃ॥ 7-1-3 (44882)
କେକଯା ଭୀମସେନଶ୍ଚ ସୌଭଦ୍ରୋଽଥ ଘଟୋତ୍କଚଃ।
ଯୁଧିଷ୍ଠିରୋ ଯମୌ ମାତ୍ସ୍ଯୋ ଦ୍ରୁଦଶ୍ଚାତ୍ମଜୈଃ ସହ॥ 7-1-4 (44883)
ଦ୍ରୌପଦେଯାଶ୍ଚ ସଂହୃଷ୍ଟା ଧୃଷ୍ଟକେତୁଃ ସସାତ୍ଯକିଃ।
ଚେକିତାନଶ୍ଚ ସଙ୍କ୍ରୁଦ୍ଧୋ ଯୁଯୁତ୍ସୁଶ୍ଚ ମହାରଥଃ॥ 7-1-5 (44884)
ଯେ ଚାନ୍ଯେ ପାର୍ଥିବା ରାଜନ୍ପାଣ୍ଡବସ୍ଯାନୁଯାଯିନଃ।
କୁଲବୀର୍ଯାନୁରୂପାଣି ଚକ୍ରୁଃ କର୍ମାଣ୍ଯନେକଶଃ॥ 7-1-6 (44885)
ସଂଭିଦ୍ଯମାନାଂ ତାଂ ଦୃଷ୍ଟ୍ବା ପାଣ୍ଡବୈର୍ବାହିନୀଂ ରଣେ।
ବ୍ଯାବୃତ୍ଯ ଚକ୍ଷୁଷୀ କୋପାଦ୍ଭାରଦ୍ବାଜୋଽନ୍ବବୈକ୍ଷତ॥ 7-1-7 (44886)
ସ ତୀବ୍ରଂ କୋପମାସ୍ଥାଯ ରଥେ ସମରଦୁର୍ଜଯଃ।
ବ୍ଯଧମତ୍ପାଣ୍ଡବାନୀକଂ ମହାଭ୍ରାଣୀବ ମାରୁତଃ॥ 7-1-8 (44887)
ରଥାନଶ୍ବାନ୍ନରାନ୍ନାଗାନଭିଧାବନ୍ନିତସ୍ତତଃ।
ଚଚାରୋନ୍ମତ୍ତବଦ୍ଦ୍ରୋଣୋ ବୃଦ୍ଧୋଽପି ତରୁଣୋ ଯଥା॥ 7-1-9 (44888)
ତସ୍ଯ ଶୋଣିତଦିଗ୍ଧାଙ୍ଗାଃ ଶୋଣାସ୍ତେ ବାତରଂହସଃ।
ଆଜାନେଯା ହଯା ରାଜନ୍ନବିଶ୍ରାନ୍ତାଃ ସୁଖଂ ଯଯୁଃ॥ 7-1-10 (44889)
ତମନ୍ତକମିବ କ୍ରୁଦ୍ଧମାପତନ୍ତଂ ଯତବ୍ରତମ୍।
ଦୃଷ୍ଟ୍ବା ସମ୍ପ୍ରାଦ୍ରବନ୍ଯୋଧାଃ ପାଣ୍ଡବସ୍ଯ ତତସ୍ତତଃ॥ 7-1-11 (44890)
ତେଷାଂ ପ୍ରାଦ୍ରବତାଂ ଭୀମଃ ପୁନରାବର୍ତତାମପି॥
ପଶ୍ଯତାଂ ତିଷ୍ଠତାଂ ଚାସୀଚ୍ଛବ୍ଦଃ ପରମଦାରୁଣଃ॥ 7-1-12 (44891)
ଶୂରାଣାଂ ହର୍ଷଜନନୋ ଭୀରୂଣାଂ ଭଯବର୍ଧନଃ।
ଦ୍ଯାବାପୃଥିବ୍ଯୋର୍ବିବରଂ ପୂରଯାମାସ ସର୍ବତଃ॥ 7-1-13 (44892)
ତତଃ ପୁନରପି ଦ୍ରୋଣୋ ନାମ ବିଶ୍ରାବଯନ୍ଯୁଧି।
ଅକରୋଦ୍ରୌଦ୍ରମାତ୍ମାନଂ କିରଞ୍ଛରଶତୈଃ ପରାନ୍॥ 7-1-14 (44893)
ସ ତଥା ତେଷ୍ବନୀକେଷୁ ପାଣ୍ଡୁପୁତ୍ରସ୍ଯ ମାରିଷ।
କାଲବଦ୍ବ୍ଯଚରଦ୍ଦ୍ରୋଣୋ ଯୁବେବ ସ୍ଥବିରୋ ବଲୀ॥ 7-1-15 (44894)
ଉତ୍କୃତ୍ଯ ଚ ଶିରାଂସ୍ଯୁଗ୍ରୋ ବାହୂନପି ସୁଭୂଷଣାନ୍।
କୃତ୍ବା ଶୂନ୍ଯାନ୍ରଥୋପସ୍ଥାନୁଦକ୍ରୋଶନ୍ମହାରବାନ୍॥ 7-1-16 (44895)
ତସ୍ଯ ହର୍ଷପ୍ରଣାଦେନ ବାଣବର୍ଷେଣ ଚ ପ୍ରଭୋ।
ପ୍ରାକମ୍ପନ୍ତ ରଣେ ଯୋଧା ଗାବଃ ଶୀତାର୍ଦିତା ଇବ॥ 7-1-17 (44896)
ଦ୍ରୋଣସ୍ଯ ରଥଘୋଷେଣ ମୌର୍ବୀନିଷ୍ପେଷଣେନ ଚ।
ଧନୁଃଶବ୍ଦେନ ଚାକାଶେ ଶବ୍ଦଃ ସମଭବନ୍ମହାନ୍॥ 7-1-18 (44897)
ଅଥାସ୍ଯ ଧନୁଷୋ ବାଣା ନିସ୍ସରନ୍ତଃ ସହସ୍ରଶଃ।
ବ୍ଯାପ୍ଯ ସର୍ବା ଦିଶଃ ପେତୁର୍ନାଗାଶ୍ବରଥପତ୍ତିଷୁ। 7-1-19 (44898)
ତଂ କାର୍ମୁକମହାବେଗମସ୍ତ୍ରଜ୍ବଲିତପାବକମ୍।
ଦ୍ରୋଣମାସାଦଯାଞ୍ଚକ୍ରୁଃ ପାଞ୍ଚାଲାଃ ପାଣ୍ଡବୈଃ ସହ॥ 7-1-20 (44899)
ସନାଗରଥପତ୍ତ୍ଯଶ୍ବାନ୍ପ୍ରାହିଣୋଦ୍ଯମସାଦନମ୍।
ଅଚିରାଦକରୋଦ୍ଦୋଣୋ ମହୀଂ ଶୋଣିତକର୍ଦମାମ୍॥ 7-1-21 (44900)
ତନ୍ବତା ପରମାସ୍ତ୍ରାଣି ଶରାନ୍ସତତମସ୍ଯତା।
ଦ୍ରୋଣେନ ବିହିତଂ ଦିକ୍ଷୁ ଶରଜାଲମଦୃଶ୍ଯତ॥ 7-1-22 (44901)
ପଦାତିଷୁ ରଥାଶ୍ବେଷୁ ବାରଣେଷୁ ଚ ସର୍ବଶଃ।
ତସ୍ଯ ବିଦ୍ଯୁଦିବାଭ୍ରେଷୁ ଚରନ୍କେତୁରଦୃଶ୍ଯତ॥ 7-1-23 (44902)
ସକେକଯାନାଂ ପ୍ରବରାଂଶ୍ଚ ପଞ୍ଚ ପାଞ୍ଚାଲରାଜଂ ଚ ଶରୈଃ ପ୍ରମଥ୍ଯ।
ଯୁଧିଷ୍ଠିରାନୀକମଦୀନସତ୍ବୋ ଦ୍ରୋଣୋଽଭ୍ଯଯାତ୍କାର୍ମୁକବାଣପାଣିଃ॥ 7-1-24 (44903)
ତଂ ଭୀମସେନଶ୍ଚ ଧନଞ୍ଜଯଶ୍ଚ ଶିନେଶ୍ଚ ନପ୍ତା ଦ୍ରୁପଦାତ୍ମଜଶ୍ଚ।
ଶୈବ୍ଯାତ୍ମଜଃ କାଶିପତିଃ ଶିବିଶ୍ଚ ଦୃଷ୍ଟ୍ବା ନଦନ୍ତୋ ବ୍ଯକିରଞ୍ଛରୌଘୈଃ॥ 7-1-25 (44904)
`ତେଷାଂ ଶରା ଦ୍ରୋଣଶରୈର୍ନିକୃତ୍ତା ଭୂମାବଦୃଶ୍ଯନ୍ତ ବିବର୍ତମାନାଃ।
ଶ୍ରେଣୀକୃତାଃ ସଂଯତି ମୋଘବେଗା ଦ୍ବୀପେ ନଦୀନାମିବ କାଶରୋହାଃ'॥ 7-1-26 (44905)
ତେ ଦ୍ରୋଣବାଣାସନବିପ୍ରମୁକ୍ତାଃ ପତତ୍ରିଣଃ କାଞ୍ଚନଚିତ୍ରପୁଙ୍ଖାଃ।
ଭିତ୍ତ୍ବା ଶରୀରାଣି ଗଜାଶ୍ବଯୂନାଂ ଜଗ୍ମୁର୍ମହୀଂ ଶୋଣିତଦିଗ୍ଧବାଜାଃ॥ 7-1-27 (44906)
ସା ଯୋଧସଙ୍ଘୈଶ୍ଚ ରଥୈଶ୍ଚ ଭୂମିଃ ଶରୈର୍ବିଭିନ୍ନୈର୍ଗଜବାଜିଭିଶ୍ଚ।
ପ୍ରଚ୍ଛାଦ୍ଯମାନା ପତିତୈର୍ବଭୂବ ସମାବୃତା ଦ୍ଯୌରିବ କାଲମେଘୈଃ॥ 7-1-28 (44907)
ଶୈନେଯଭୀମାର୍ଜୁନବାହିନୀଶଂ ସୌଭ୍ରଦ୍ରପାଞ୍ଚାଲସକାଶିରାଜମ୍।
ଅନ୍ଯାଂଶ୍ଚ ବୀରାନ୍ସମରେ ମମର୍ଦ ଦ୍ରୋଣଃ ସୁତାନାଂ ତବ ଭୂତିକାମଃ॥ 7-1-29 (44908)
ଏତାନି ଚାନ୍ଯାନି ଚ କୌରବେନ୍ଦ୍ର କର୍ମାଣି କୃତ୍ବା ସମରେ ମହାତ୍ମା।
ପ୍ରତାପ୍ଯ ଲୋକାନିବ କାଲସୂର୍ଯୋ ଦ୍ରୋଣୋ ଗତଃ ସ୍ବର୍ଗମିତୋ ହି ରାଜନ୍॥ 7-1-30 (44909)
ଏବଂ ରୁକ୍ମରଥଃ ଶୂରୋ ହତ୍ବା ଶତସହସ୍ରଶଃ।
ପାଣ଼୍ଡବାନାଂ ରଣେ ଯୋଧାନ୍ପାର୍ଷତେନ ନିପାତିତଃ॥ 7-1-31 (44910)
ଅକ୍ଷୌହିଣୀମଭ୍ଯଧିକାଂ ଶୂରାଣାମନିବର୍ତିନାମ୍।
ନିହତ୍ଯ ପଶ୍ଚାଦ୍ଧୃତିମାନଗଚ୍ଛତ୍ପରମାଂ ଗତିମ୍॥ 7-1-32 (44911)
ପାଣ୍ଡବୈଃ ସହପାଞ୍ଚାଲୈରଶିବୈଃ କ୍ରୂରକର୍ମଭିଃ।
ହତୋ ରୁକ୍ମରଥୋ ରାଜନ୍କୃତ୍ବା କର୍ମ ସୁଦୁଷ୍କରମ୍॥ 7-1-33 (44912)
ତତୋ ନିନାଦୋ ଭୂତାନାମାକାଶେ ସମଜାଯତ।
ସୈନ୍ଯାନାଂ ଚ ତତୋ ରାଜନ୍ନାଚାର୍ଯେ ନିହତେ ଯୁଧି॥ 7-1-34 (44913)
ଦ୍ଯାଂ ଧରାଂ ଖଂ ଦିଶୋ ବାପି ପ୍ରଦିଶର୍ଶ୍ଚାନୁନାଦଯନ୍।
ଅହୋ ଧିଗିତି ଭୂତାନାଂ ଶବ୍ଦଃ ସମଭାବଦ୍ଭୃଶମ୍॥ 7-1-35 (44914)
ଦେବତାଃ ପିତରଶ୍ଚୈବ ପୂର୍ବେ ଯେ ଚାସ୍ଯ ବାନ୍ଧବାଃ।
ଦଦୃଶୁର୍ନିହତଂ ତତ୍ର ଭାରଦ୍ବାଜଂ ମହାରଥମ୍॥ 7-1-36 (44915)
ପାଣ୍ଡବାସ୍ତୁ ଜଯଂ ଲବ୍ଧ୍ବା ସିଂହନାଦାନ୍ପ୍ରଚକ୍ରିରେ।
ସିଂହନାଦେନ ମହତା ସମକମ୍ପତ ମେଦିନୀ॥ 7-1-37 (44916)
`ବିଚିତ୍ରଜାମ୍ବୂନଦଭୂଷିତଧ୍ବଜଂ ମହାରଥଂ ରୁକ୍ମରଥଂ ନିପାତିତମ୍। ॥ 7-1-38 (44917)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣାଭିଷେକପର୍ବଣି ଅଷ୍ଟମୋଽଧ୍ଯାଯଃ॥ 8 ॥
Mahabharata - Drona Parva - Chapter Footnotes
5-1-12 ଭୀମଃ ଶବ୍ଦ ଇତି ସମ୍ବନ୍ଧଃ॥ 5-1-8 ଅଷ୍ଟମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 009
॥ ଶ୍ରୀଃ ॥
7.9. ଅଧ୍ଯାଯଃ 009
Mahabharata - Drona Parva - Chapter Topics
ଦ୍ରୋଣମରଣଶ୍ରାବିଣୋ ଧୃତରାଷ୍ଟ୍ରସ୍ଯ ତଦ୍ଗୁଣାନୁବର୍ଣନପୂର୍ବକଂ ଶୋଚନମ୍॥ 1 ॥Mahabharata - Drona Parva - Chapter Text
7-1-0 (44918)
ଧୃତରାଷ୍ଟ୍ର ଉବାଚ। 7-1-0x (4281)
କିଂ କୁର୍ବାଣଂ ରଣେ ଦ୍ରୋଣଂ ଜଘ୍ରୁଃ ପାଣ୍ଡବସୃଞ୍ଜଯାଃ।
ତଥା ନିପୁଣମସ୍ତ୍ରେଷୁ ସର୍ବଶସ୍ତ୍ରଭୃତାମପି॥ 7-1-1 (44919)
ରଥଃ ପର୍ଯପତଦ୍ବାଽସ୍ଯ ଧନୁର୍ବାଽଶୀର୍ଯତାସ୍ଯତଃ।
ପ୍ରମତ୍ତୋ ବାଽଭବଦ୍ଦୋଣୋ ଯଥା ମୃତ୍ଯୁମୁପେଯିବାନ୍॥ 7-1-2 (44920)
କଥଂ ନୁ ପାର୍ଷତସ୍ତାତ ଶତ୍ରୁଭିର୍ଦୁଷ୍ପ୍ରଧର୍ଷଣମ୍।
କିରନ୍ତମିଷୁସଙ୍ଘାତାନ୍ରୁକ୍ମପୁଙ୍ଖାନନେକଶଃ॥ 7-1-3 (44921)
କ୍ଷିପ୍ରହସ୍ତଂ ଦ୍ବିଜଶ୍ରେଷ୍ଠଂ କୃତିନଂ ଚିତ୍ରଯୋଧିନମ୍।
ଦୂରେଷୁପାତିନଂ ଦାନ୍ତମସ୍ତ୍ରଯୁଦ୍ଧେଷୁ ପାରଗମ୍॥ 7-1-4 (44922)
ପାଞ୍ଚାଲପୁତ୍ରୋ ନ୍ଯବଧୀଦ୍ଦିବ୍ଯାସ୍ତ୍ରଧରମଚ୍ଯୁତମ୍।
କୁର୍ବାଣଂ ଦାରୁଣଂ କର୍ମ ରଣେ ଯତ୍ତଂ ମହାରଥମ୍॥ 7-1-5 (44923)
ବ୍ଯକ୍ତଂ ହି ଦୈବଂ ବଲବତ୍ପୌରୁଷାଦିତି ମେ ମତିଃ।
ଯଦ୍ଦ୍ରୋଣୋ ନିହତଃ ଶୂରଃ ପାର୍ଷତେନ ମହାତ୍ମନା॥ 7-1-6 (44924)
ଅସ୍ତ୍ରଂ ଚତୁର୍ବିଧଂ ବୀରେ ଯସ୍ମିନ୍ନାସୀତ୍ପ୍ରତିଷ୍ଠିତମ୍।
ତମିଷ୍ବସ୍ତ୍ରଧରାଚାର୍ଯଂ ଦ୍ରୋଣଂ ଶଂସସି ମେ ହତମ୍॥ 7-1-7 (44925)
ଶ୍ରୁତ୍ବା ହତଂ ରୁକ୍ମରଥଂ ବୈଯାଘ୍ରପରିବାରଣମ୍।
ଜାତରୂପପରିଷ୍କାରଂ ନାଦ୍ଯ ଶୋକମପାନୁଦେ॥ 7-1-8 (44926)
ନ ନୂନଂ ପରଦୁଃଖେନ ମ୍ରିଯତେ କୋଽପି ସଞ୍ଜଯ।
ଯତ୍ର ଦ୍ରୋଣମହଂ ଶ୍ରୁତ୍ବା ହତଂ ଜୀବାମି ମନ୍ଦଧୀଃ।
ଦୈବମେବ ପରଂ ମନ୍ଯେ ନନ୍ବନର୍ଥଂ ହି ପୌରୁଷମ୍॥ 7-1-9 (44927)
ଅଶ୍ମସାରମଯଂ ନୂର୍ନ ହୃଦଯଂ ସୁଦୃଢଂ ମମ।
ଯଚ୍ଛ୍ରୁତ୍ବା ନିହତଂ ଦ୍ରୋଣଂ ଶତଧା ନ ବିଦୀର୍ଯତେ॥ 7-1-10 (44928)
ବ୍ରାହ୍ମେ ଦୈବେ ତଥେଷ୍ବସ୍ତ୍ରେ ଯମୁପାସନ୍ଗୁଣାର୍ଥିନଃ।
ବ୍ରାହ୍ମଣା ରାଜପୁତ୍ରାଶ୍ଚ ସ କଥଂ ମୃତ୍ଯୁନା ହୃତଃ॥ 7-1-11 (44929)
ଶୋଷଣଂ ସାଗରସ୍ଯେବ ମେରୋରିବ ବିସର୍ପଣମ୍।
ପତନଂ ଭାସ୍କରସ୍ଯେବ ନ ମୃଷ୍ଯେ ଦ୍ରୋଣପାତନମ୍॥ 7-1-12 (44930)
ଦୁଷ୍ଟାନାଂ ପ୍ରତିଷେଦ୍ଧାସୀଦ୍ଧାର୍ମିକାଣାଂ ଚ ରକ୍ଷିତା।
ଯୋଽହାସୀତ୍କୃପଣସ୍ଯାର୍ଥେ ପ୍ରାଣାନପି ପରନ୍ତପଃ॥ 7-1-13 (44931)
ମନ୍ଦାନାଂ ମମ ପୁତ୍ରାଣାଂ ଜଯାଶା ଯସ୍ଯ ବିକ୍ରମେ।
ବୃହସ୍ପତ୍ଯୁଶନସ୍ତୁଲ୍ଯୋ ବୁଦ୍ଧ୍ଯା ସ ନିହତଃ କଥମ୍॥ 7-1-14 (44932)
`ଗୁଣାନାଂ ସର୍ବଯୋଧାନାଂ ସ୍ଥିତିରାସୀନ୍ମହାଦ୍ଯୁତିଃ।
ଯଂ ମୃତ୍ଯୁର୍ବଶଗସ୍ତିଷ୍ଠେତ୍ସ କଥଂ ମୃତ୍ଯୁନା ହତଃ'॥ 7-1-15 (44933)
ତେ ଚ ଶୋଣା ବୃହନ୍ତୋଽଶ୍ବାଶ୍ଛନ୍ନା ଜାଲୈର୍ହିରଣ୍ମଯୈଃ।
ରଥେ ବାତଜବା ଯୁକ୍ତାଃ ସର୍ବଶସ୍ତ୍ରାତିଗା ରଣେ॥ 7-1-16 (44934)
ବଲିନୋ ହେଷିଣୋ ଦାନ୍ତାଃ ସୈନ୍ଧବାଃ ସାଧୁବାହିନଃ।
ଦୃଢାଃ ସଙ୍ଗ୍ରାମମଧ୍ଯେଷୁ କଚ୍ଚିଦାସନ୍ନ ବିହ୍ବଲାଃ॥ 7-1-17 (44935)
କରିଣାଂ ବୃଂହତାଂ ଯୁଦ୍ଧେ ଶଙ୍ଖଦୁନ୍ଦୁଭିନିଃସ୍ବନୈଃ।
ଜ୍ଯାକ୍ଷେପଶରବର୍ଷାଣାଂ ଶସ୍ତ୍ରାଣାଂ ଚ ସହିଷ୍ଣବଃ॥ 7-1-18 (44936)
ଆଶଂସନ୍ତଃ ପରାଞ୍ଜେତୁଂ ଜିତଶ୍ବାସା ଜିତବ୍ଯଥାଃ।
ହଯାଃ ପରାଜିତାଃ ଶୀଘ୍ରା ଭାରଦ୍ବାଜରଥୋଦ୍ବହାଃ॥ 7-1-19 (44937)
ତେ ସ୍ମ ରୁକ୍ମରଥେ ଯୁକ୍ତା ନରବୀରସମାସ୍ଥିତାଃ।
କଥଂ ନାଭ୍ଯତରଂସ୍ତାତ ପାଣ୍ଡବାନାମନୀକିନୀମ୍॥ 7-1-20 (44938)
ଜାତରୂପପରିଷ୍କରାମାସ୍ଥାଯ ରଥମୁତ୍ତମମ୍।
ଭାରଦ୍ବାଜଃ କିମକରୋଦ୍ଯୁଧି ସତ୍ଯପରାକ୍ରମଃ॥ 7-1-21 (44939)
ବିଦ୍ଯାଂ ଯସ୍ଯୋପଜୀବନ୍ତି ସର୍ବଲୋକଧନୁର୍ଧରାଃ।
ସ ସତ୍ଯସନ୍ଧୋ ବଲବାନ୍ଦ୍ରୋଣଃ କିମକରୋଦ୍ଯୁଧି॥ 7-1-22 (44940)
ଦିବି ଶକ୍ରମିବ ଶ୍ରେଷ୍ଠଂ ମହାମାତ୍ରଂ ଧନୁର୍ଭୃତାମ୍।
କେ ନୁ ତଂ ରୌଦ୍ରକର୍ମାଣଂ ଯୁଦ୍ଧେ ପ୍ରତ୍ଯୁଦ୍ଯଯୂ ରଥାଃ॥ 7-1-23 (44941)
ନନୁ ରୁକ୍ମରଥଂ ଦୃଷ୍ଟ୍ବା ପ୍ରାଦ୍ରବନ୍ତି ସ୍ମ ପାଣ୍ଡବାଃ।
ଦିବ୍ଯମସ୍ତ୍ରଂ ବିକୁର୍ବାଣଂ ରଣେ ତସ୍ମିନ୍ମହାବଲମ୍॥ 7-1-24 (44942)
ଉତାହୋ ସର୍ବସୈନ୍ଯେନ ଧର୍ମରାଜଃ ସହାନୁଜଃ।
ପାଞ୍ଚାଲପ୍ରଗ୍ରହୋ ଦ୍ରୋଣଂ ସର୍ବତଃ ସମବାରଯତ୍॥ 7-1-25 (44943)
ନୂନମାବାରଯତ୍ପାର୍ଥୋ ରଥିନୋଽନ୍ଯାନଜିହ୍ମଗୈଃ।
ତତୋ ଦ୍ରୋଣଂ ସମହରତ୍ପାର୍ଷତଃ ପାପକର୍ମକୃତ୍॥ 7-1-26 (44944)
ନହ୍ଯହଂ ପରିପଶ୍ଯାମି ବଧେ କଞ୍ଚନ ଶୁଷ୍ମିଣଃ।
ଧୃଷ୍ଟଦ୍ଯୁମ୍ନାଦୃତେ ରୌଦ୍ରାତ୍ପାଲ୍ଯମାନାତ୍କିରୀଟିନା॥ 7-1-27 (44945)
`ଉତାହୋ ସର୍ବସୈନ୍ଯେନ ଧର୍ମରାଜଃ ସହାନୁଜଃ।
ଉତ୍ସୃଜ୍ଯ ସର୍ବସୈନ୍ଯାନି ଦ୍ରୋଣଂ ତମଭିଦୁଦ୍ରୁବେ'॥ 7-1-28 (44946)
ତୈର୍ବୃତଃ ସର୍ବତଃ କ୍ଷୁଦ୍ରୈଃ ପାଞ୍ଚାଲାପଶଦୈସ୍ତତଃ।
କେକଯୈଶ୍ଚେଦିକାରୂଶୈର୍ମତ୍ସ୍ଯୈରନ୍ଯୈଶ୍ଚ ଭୂମିପୈଃ॥ 7-1-29 (44947)
ବ୍ଯାକୁଲୀକୃତମାଚାର୍ଯଂ ପିପୀଲୈରୁରଗଂ ଯଥା।
କର୍ମଣ୍ଯସୁକରେ ସକ୍ତଂ ଜଘାନେତି ମତିର୍ମମ॥ 7-1-30 (44948)
ଯୋଽଧୀତ୍ଯ ଚତୁରୋ ବେଦାନ୍ସାଙ୍ଗାନାଖ୍ଯାନପଞ୍ଚମାନ୍।
ବ୍ରାହ୍ମଣାନାଂ ପ୍ରତିଷ୍ଠାସୀତ୍ସ୍ରୋତସାମିବ ସାଗରଃ॥ 7-1-31 (44949)
କ୍ଷତ୍ରଂ ଚ ବ୍ରହ୍ମ ଚୈବେହ ଯୋଽଭ୍ଯତିଷ୍ଠତ୍ପରନ୍ତପଃ।
`ଦୃପ୍ତାନାଂ ପ୍ରତିଷେଦ୍ଧା ଚ ଚକ୍ଷୁରାସୀଦଚକ୍ଷୁଷାମ୍॥ 7-1-32 (44950)
ଅମର୍ଷୀ ଚାବଲିପ୍ତେଷୁ ଧାର୍ମିକେଷୁ ଚ ଧାର୍ମିକଃ'।
ସ କଥଂ ବ୍ରାହ୍ମଣୋ ବୃଦ୍ଧଃ ଶସ୍ତ୍ରେଣ ବଧମାପ୍ତବାନ୍॥ 7-1-33 (44951)
ଅମର୍ଷିଣା ମର୍ଷିତବାନ୍କ୍ଲିଶ୍ଯମାନାନ୍ସଦା ମଯା।
ଅନର୍ହମାଣାନ୍କୌନ୍ତେଯାନ୍କର୍ମଣସ୍ତସ୍ଯ ତତ୍ଫଲମ୍॥ 7-1-34 (44952)
ଯସ୍ଯ କର୍ମାନୁଜୀବନ୍ତି ଲୋକେ ସର୍ବଧନୁର୍ଭୃତଃ।
ସ ସତ୍ଯସନ୍ଧଃ ସୁକୃତୀ ଶ୍ରୀକାମୈର୍ନିହତଃ କଥମ୍॥ 7-1-35 (44953)
ଦିବି ଶକ୍ର ଇବ ଶ୍ରେଷ୍ଠୋ ମହାସତ୍ବୋ ମହାବଲଃ।
ସ କଥଂ ନିହତଃ ପାର୍ଥୈଃ କ୍ଷୁଦ୍ରମତ୍ସ୍ଯୈର୍ଯଥା ତିମିଃ॥ 7-1-36 (44954)
କ୍ଷିପ୍ରହସ୍ତଶ୍ଚ ବଲବାନ୍ଦୃଢଘନ୍ବାରିମର୍ଦନଃ।
ନ ଯସ୍ଯ ବିଜଯାକାଙ୍କ୍ଷୀ ବିଷଯଂ ପ୍ରାପ୍ଯ ଜୀବତି॥ 7-1-37 (44955)
ଯଂ ଦ୍ବୌ ନ ଜହତଃ ଶବ୍ଦୌ ଜୀବମାନଂ କଦାଚନ।
ବ୍ରାହ୍ମଶ୍ଚ ବେଦକାମାନାଂ ଜ୍ଯାଘୋଷଶ୍ଚ ଧନୁଷ୍ମତାମ୍॥ 7-1-38 (44956)
ଅଦୀନଂ ପୁରୁଷବ୍ଯାଘ୍ରଂ ହୀମନ୍ତମପରାଜିତମ୍।
ତମିଷ୍ବାସବରାଚାର୍ଯେ ଦ୍ରୋଣଂ ଜଘ୍ନୁଃ କଥଂ ରଥାଃ॥ 7-1-39 (44957)
`ନାହଂ ମନ୍ଯେ ହତଂ ଦ୍ରୋଣଂ ସ ହି ଲୋକମଯୋତ୍ସ୍ଯତ।
କୋ ହି ଶକ୍ତୋ ରଣେ ଜେତୁମନାଧୃଷ୍ଯଯଶୋବଲମ୍॥ 7-1-40 (44958)
ବ୍ରହ୍ମକଲ୍ପୋ ଭବେଦ୍ବ୍ରାହ୍ମେ କ୍ଷାତ୍ରେ ନାରାଯଣୋପମଃ।
ବ୍ରହ୍ମକ୍ଷତ୍ରେ ଚ ଯସ୍ଯାସ୍ତାଂ ବଶେ ସ୍ଥାଣୋରିବାଖିଲେ॥ 7-1-41 (44959)
ସର୍ବାନ୍ହି ମାମକାନ୍ବୀରାନ୍ସହାଶ୍ବରଥକୁଞ୍ଜରାନ୍।
ଯୁଧିଷ୍ଠିରସ୍ଯ ତପସା ହତାନ୍ମନ୍ଯାମହେ କୁରୂନ୍'॥ 7-1-42 (44960)
କଥଂ ସଞ୍ଜଯ ଦୁର୍ଧର୍ଷମନାଧୃଷ୍ଯଯଶୋବଲମ୍।
ପଶ୍ଯତାଂ ପୁରୁଷେନ୍ଦ୍ରାଣାଂ ସମରେ ପାର୍ଷତୋଽବଧୀତ୍॥ 7-1-43 (44961)
କେ ପୁରସ୍ତାଦଯୁଧ୍ଯନ୍ତ ରକ୍ଷନ୍ତୋ ଦ୍ରୋଣମନ୍ତିକାତ୍।
କେ ନୁ ପଶ୍ଚାଦବର୍ତନ୍ତ ଗଚ୍ଛତୋ ଦୁର୍ଗମାଂ ଗତିମ୍॥ 7-1-44 (44962)
କେଽରକ୍ଷନ୍ଦକ୍ଷିଣଂ ଚକ୍ରଂ ସବ୍ଯଂ କେ ଚ ମହାତ୍ମନଃ।
ପୁରସ୍ତାତ୍କେ ଚ ବୀରସ୍ଯ ଯୁଧ୍ଯମାନସ୍ଯ ସଂଯୁଗେ॥ 7-1-45 (44963)
କେ ଚ ତସ୍ମିଂସ୍ତନୂସ୍ତ୍ଯକ୍ତ୍ବା ପ୍ରତୀପଂ ମୃତ୍ଯୁମାବ୍ରଜନ୍।
ଦ୍ରୋଣସ୍ଯ ସମରେ ବୀରାଃ କେଽକୁର୍ବନ୍ତ ପରାଂ ଧୃତିମ୍॥ 7-1-46 (44964)
କଚ୍ଚିନ୍ନୈନଂ ଭଯାନ୍ମନ୍ଦାଃ କ୍ଷତ୍ରିଯା ବ୍ଯଜହନ୍ରଣେ।
ରକ୍ଷିତାରସ୍ତତଃ ଶୂନ୍ଯେ କଚ୍ଚିତ୍ତୈର୍ନ ହତଃ ପରୈଃ॥ 7-1-47 (44965)
ନ ସ ପୃଷ୍ଠମରେସ୍ତ୍ରାସାଦ୍ରଣେ ଶୌର୍ଯାତ୍ପ୍ରଦର୍ଶଯେତ୍।
ପରାମପ୍ଯାପଦଂ ପ୍ରାପ୍ଯ ସ କଥଂ ନିହତଃ ପରୈଃ॥ 7-1-48 (44966)
ଏତଦାର୍ଯେଣ କର୍ତବ୍ଯଂ କୃଚ୍ଛ୍ରାସ୍ବାପତ୍ସୁ ସଞ୍ଜଯ।
ପରାକ୍ରମେଦ୍ଯଥା ଶକ୍ତ୍ଯା ତଚ୍ଚ ତସ୍ମିନ୍ପ୍ରତିଷ୍ଠିତମ୍।
`ଯୋ ଯଥାଶକ୍ତି ଯୁଦ୍ଧ୍ଯେତ ଦ୍ବିଷଦ୍ଭିଃସ୍ବାଂଶ୍ଚ ପାଲଯନ୍॥ 7-1-49 (44967)
କଚ୍ଚିନ୍ନୈନଂ ଭଯାତ୍କ୍ଷୁଦ୍ରାଃ ପାର୍ଥେଭ୍ଯଃ ପ୍ରଦଦୂ ରଣେ।
ଗୋପ୍ତୃଭିସ୍ତୈଃ ସମୁତ୍ସୃଷ୍ଟଃ କଚ୍ଚିନ୍ନୈଷ ପରୈର୍ହତଃ॥ 7-1-50 (44968)
ଧୃଷ୍ଟଦ୍ଯୁମ୍ନଂ ପ୍ରପଶ୍ଯାମି ନିଘ୍ନନ୍ତମିବ ବ୍ରାହ୍ମଣମ୍।
ବାର୍ଯମାଣଂ ରଣେ ତାତ ଦ୍ରୌଣିନାଽମିତତେଜସା'॥ 7-1-51 (44969)
ମୁହ୍ଯତେ ମେ ମନସ୍ତାତ କଥା ତାବନ୍ନିବାର୍ଯତାମ୍।
ଭୂଯସ୍ତୁ ଲବ୍ଧସଂଜ୍ଞସ୍ତ୍ବାଂ ପରିପୃଚ୍ଛାମି ସଞ୍ଜଯ॥ ॥ 7-1-52 (44970)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣାଭିଷେକପର୍ବଣି ନବମୋଽଧ୍ଯାଯଃ॥ 9 ॥
Mahabharata - Drona Parva - Chapter Footnotes
5-1-2 ଅସ୍ଯତଃ ଶରାନିତି ଶେଷଃ॥ 5-1-17 ବଲିନସ୍ତେଜସ୍ବିନଃ॥ 5-1-23 ମହାମାତ୍ରଂ ପ୍ରଧାନମ୍॥ 5-1-25 ପାଞ୍ଚାଲମ୍ପ୍ରଗ୍ରହଃ ପାଞ୍ଜାଲଃ ପ୍ରଗ୍ରହୋ ବନ୍ଧରଜୁର୍ଯସ୍ଯ 5-1-27 ଶୁଷ୍ମିଣସ୍ତେଜସ୍ବିନଃ॥ 5-1-29 ଅପଶଦୋଽଧମଃ॥ 5-1-31 ଆଖ୍ଯାନଂ ପୁରାଣଭାରତାଦି॥ 5-1-9 ନବମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 010
॥ ଶ୍ରୀଃ ॥
7.10. ଅଧ୍ଯାଯଃ 010
Mahabharata - Drona Parva - Chapter Topics
ଦ୍ରୋଣମରଣଶ୍ରବଣେନ ମୂର୍ଛିତସ୍ଯ ଧୃତରାଷ୍ଟ୍ରସ୍ଯ ପିରଚାରିକାଭିର୍ଜଲସେଚନାଦିନା ସମୁଦ୍ବୋଧନମ୍॥ 1 ॥ ଧୃତରାଷ୍ଟ୍ରେଣ ସଞ୍ଜଯମ୍ପ୍ରତି ଯୁଦ୍ଧକଥନଚୋଦନା॥ 2 ॥Mahabharata - Drona Parva - Chapter Text
7-10-0 (44971)
ବୈଶମ୍ପାଯନ ଉବାଚ। 7-10-0x (4282)
ଏବଂ ପୃଷ୍ଟ୍ବା ସୂତପୁତ୍ରଂ ହୃଚ୍ଛୋକେନାର୍ଦିତୋ ଭୃଶମ୍।
ଜଯେ ନିରାଶଃ ପୁତ୍ରାଣାଂ ଧୃତରାଷ୍ଟ୍ରୋଽପତତ୍କ୍ଷିତୌ॥ 7-10-1 (44972)
ତଂ ବିସଂଜ୍ଞଂ ନିପତିନ୍ତ ସିଷିଚୁଃ ପରିଚାରିକାଃ।
ଜଲେନାତ୍ଯର୍ଥଶୀତେନ ଜୀବନ୍ତ୍ଯଃ ପୁଣ୍ଯଗନ୍ଧିନା॥ 7-10-2 (44973)
ପତିତଂ ଚୈନମାଲୋକ୍ଯ ସମସ୍ତା ଭରତସ୍ତ୍ରିଯଃ।
ପରିବବ୍ରୁର୍ମହାରାଜମସ୍ପୃଶଂଶ୍ଚୈବ ପାଣିଭିଃ॥ 7-10-3 (44974)
ଉତ୍ଥାପ୍ଯ ଚୈନଂ ଶନକୈ ରାଜାନଂ ପୃଥିବୀତଲାତ୍।
ଆସନଂ ପ୍ରାପଯାମାସୁର୍ବାଷ୍ପକଣ୍ଠ୍ଯୋ ବରାନନାଃ॥ 7-10-4 (44975)
ଆସନଂ ପ୍ରାପ୍ଯ ରାଜା ତୁ ମୂର୍ଚ୍ଛଯାଽଭିପରିପ୍ଲୁତଃ।
ନିଶ୍ଚେଷ୍ଟୋଽତିଷ୍ଠତ ତଦା ବୀଜ୍ଯମାନଃ ସମନ୍ତତଃ॥ 7-10-5 (44976)
ସ ଲବ୍ଧ୍ବା ଶନକୈଃ ସଂଜ୍ଞାଂ ବେପମାନୋ ମହୀପତିଃ।
ପୁନର୍ଗାବଲ୍ଗଣିଂ ସୂତଂ ପର୍ଯପୃଚ୍ଛଦ୍ଯଥାତଥମ୍॥ 7-10-6 (44977)
ଧୃତରାଷ୍ଟ୍ର ଉବାଚ। 7-10-7x (4283)
ଯଃ ସ ଉଦ୍ଯନ୍ନିବାଦିତ୍ଯୋ ଜ୍ଯୋତିଷା ପ୍ରଣୁଦଂସ୍ତମଃ।
ଅଜାତଶତ୍ରୁମାଯାନ୍ତଂ କସ୍ତଂ ଦ୍ରୋଣାଦବାରଯତ୍॥ 7-10-7 (44978)
ପ୍ରଭିନ୍ନମିବ ମାତଙ୍ଗଂ ଯଥା କ୍ରୁଦ୍ଧଂ ତରସ୍ବିନମ୍।
ପ୍ରସନ୍ନବଦନଂ ଦୃଷ୍ଟ୍ବା ପ୍ରତିଦ୍ବିରଦଗାମିନମ୍॥ 7-10-8 (44979)
ବାସିତାସଙ୍ଗମେ ଯଦ୍ବଦଜଯ୍ଯଂ ପ୍ରତିଯୂଥପୈଃ।
ନିଜଘାନ ରଣେ ବୀରାନ୍ବୀରଃ ପୁରୁଷସତ୍ତମଃ॥ 7-10-9 (44980)
ଯୋ ହ୍ଯେକୋ ହି ମହାବୀର୍ଯୋ ନିର୍ଦହେଦ୍ଧୋରଚକ୍ଷୁଷା।
କୃତ୍ସ୍ନଂ ଦୁର୍ଯୋଧନବଲଂ ଧୃତିମାନ୍ସତ୍ଯସଙ୍ଗରଃ॥ 7-10-10 (44981)
ଚକ୍ଷୁର୍ହଣଂ ଜଯେ ସକ୍ତମିଷ୍ବାସଧରମଚ୍ଯୁତମ୍।
ଦାନ୍ତଂ ବହୁମତଂ ଲୋକେ କେ ଶୂରାଃ ପର୍ଯବାରଯନ୍॥ 7-10-11 (44982)
କେ ଦୁଷ୍ପ୍ରଧର୍ଷଂ ରାଜାନମିଷ୍ବାସଧରମଚ୍ଯୁତମ୍।
ସମାସେଦୁର୍ନରବ୍ଯାଘ୍ରଂ କୌନ୍ତେଯଂ ତତ୍ର ମାମକାଃ॥ 7-10-12 (44983)
ତରସୈବାଭିପଦ୍ଯାଥ ଯୋ ବୈ ଦ୍ରୋଣମୁପାଦ୍ରବତ୍।
ଯଃ କରୋତି ମହତ୍କର୍ମ ଶତ୍ରୂଣାଂ ବୈ ମହାବଲଃ॥ 7-10-13 (44984)
ମହାକାଯୋ ମହୋତ୍ସାହୋ ନାଗାଯୁତସମୋ ବଲେ।
ତଂ ଭୀମସେନମାଯାନ୍ତଂ କେ ଶୂରାଃ ପର୍ଯବାରଯନ୍॥ 7-10-14 (44985)
ଯଦାଯାଜ୍ଜଲଦପ୍ରଖ୍ଯୋ ରଥଃ ପରମବୀର୍ଯବାନ୍।
ପର୍ଜନ୍ଯ ଇବ ବୀଭତ୍ସୁସ୍ତୁମୁଲାମଶନୀଂ ସୃଜନ୍॥ 7-10-15 (44986)
ବିସୃଜଞ୍ଛରଜାଲାନି ବର୍ଷାଣି ମଘବାନିବ।
ଅବସ୍ଫୂର୍ଜନ୍ଦିଶଃ ସର୍ବାସ୍ତଲନେମିସ୍ବନେନ ଚ॥ 7-10-16 (44987)
ଚାପବିଦ୍ଯୁତ୍ପ୍ରଭୋ ଘୋରୋ ରଥଗୁଲ୍ମବଲାହକଃ।
ସନେମିଘୋଷସ୍ତନିତଃ ଶରଶବ୍ଦାତିବନ୍ଧୁରଃ॥ 7-10-17 (44988)
ରୋଷନିର୍ଜିତଜୀମୂତୋ ମନୋଭିପ୍ରାଯଶୀଘ୍ରଗଃ।
ମର୍ମାତିଗୋ ବାଣଧରସ୍ତୁମୁଲଃ ଶୋଣିତୋଦକୈଃ॥ 7-10-18 (44989)
ସମ୍ପ୍ଲାବଯନ୍ଦିଶଃ ସର୍ବା ମାନବୈରାସ୍ତରନ୍ମହୀମ୍।
ଭୀମନିଃସ୍ବନିତୋ ରୌଦ୍ରୋ ଦୁର୍ଯୋଧନପୁରୋଗମାନ୍॥ 7-10-19 (44990)
ଯୁଦ୍ଧେଽଭ୍ଯଷିଞ୍ଚଦ୍ବିଜଯୋ ଗାର୍ଧ୍ରପତ୍ରୈଃ ଶିଲାଶିତୈଃ।
ଗାଣ୍ଡୀବଂ ଧାରଯନ୍ଧୀମାନ୍କୀଦୃଶଂ ବୋ ମନସ୍ତଦା॥ 7-10-20 (44991)
ଇଷୁସମ୍ବାଧମାକାଶଂ କୁର୍ବନ୍କପିବରଧ୍ବଜଃ।
ଯଦାଯାତ୍କଥମାସୀତ୍ତୁ ତଦା ପାର୍ଥଂ ସମୀକ୍ଷତାମ୍॥ 7-10-21 (44992)
କଚ୍ଚିଦ୍ଗାଣ୍ଡୀବଶବ୍ଦେନ ନ ପ୍ରଣଶ୍ଯତି ବୈ ବଲମ୍।
ଯଦ୍ବଃ ସଭୈରବଂ କୁର୍ବନ୍ନର୍ଜୁନୋ ଭୃଶମନ୍ବଯାତ୍॥ 7-10-22 (44993)
କଚ୍ଚିନ୍ନାପାନୁଦତ୍ପ୍ରାମାନିଷୁଭିର୍ବୋ ଧନଞ୍ଜଯଃ।
ବାତୋ ବେଗାଦିବାବିଧ୍ଯନ୍ମେଘାଞ୍ଶରଗଣୈର୍ନୃପାନ୍॥ 7-10-23 (44994)
କୋ ହି ଗାଣ୍ଡୀବଧନ୍ବାନଂ ରଣେ ସୋଢୁଂ ନରୋଽର୍ହତି।
ଯମୁଷଶ୍ଚୁତ୍ଯ ସେନାଗ୍ରେ ଜନଃ ସର୍ବୋ ବିଦୀର୍ଯତେ॥ 7-10-24 (44995)
ଯତ୍ସେନାଃ ସମକମ୍ପନ୍ତ ଯଦ୍ବୀରାନସ୍ପୃଶଦ୍ଭଯମ୍।
କେ ତତ୍ର ନାଜହୁର୍ଦ୍ରୋଣଂ କେ କ୍ଷୁଦ୍ରାଃ ପ୍ରାଦ୍ରବନ୍ଭଯାତ୍॥ 7-10-25 (44996)
କେ ବା ତତ୍ର ତନୂସ୍ତ୍ଯକ୍ତ୍ବା ପ୍ରତୀପଂ ମୃତ୍ଯୁମାବ୍ରଜନ୍।
ଅମାନୁଷାଣାଂ ଜେତାରଂ ଯୁଦ୍ଧେଷ୍ବପି ଧନଞ୍ଜଯମ୍॥ 7-10-26 (44997)
ନ ଚ ବେଗଂ ସିତାଶ୍ବସ୍ଯ ବିସହିଷ୍ଯନ୍ତି ମାମକାଃ।
ଗାଣ୍ଡୀବସ୍ଯ ଚ ନିର୍ଘୋଷଂ ପ୍ରାବୃଡ୍ଜଲଦନିଃସ୍ବନମ୍॥ 7-10-27 (44998)
ବିଷ୍ବକ୍ସେନୋ ଯସ୍ଯ ଯନ୍ତା ଯସ୍ଯ ଯୋଦ୍ଧା ଧନଞ୍ଚଯଃ।
ଅଶକ୍ଯଃ ସ ରଥୋ ଜେତୁଂ ମନ୍ଯେ ଦେବାସୁରୈରପି॥ 7-10-28 (44999)
ସୁକୁମାରୋ ଯୁବା ଶୂରୋ ଦର୍ଶନୀଯଶ୍ଚ ପାଣ୍ଡବଃ।
ମେଧାବୀ ନିପୁଣୋ ଧୀମାନ୍ଯୁଧି ସତ୍ଯପରାକ୍ରମଃ॥ 7-10-29 (45000)
ଆରାବଂ ବିପୁଲଂ କୁର୍ବନ୍ବ୍ଯଥଯନ୍ସର୍ବସୈନିକାନ୍।
ଯଦାଯାନ୍ନକୁଲୋ ଦ୍ରୋଣଂ କେ ଶୂରାଃ ପର୍ଯବାରଯନ୍॥ 7-10-30 (45001)
ଆଶୀବିଷ ଇବ କ୍ରୁଦ୍ଧଃ ସହଦେବୋ ଯଦାଽଭ୍ଯଯାତ୍।
କଦନଂ କରିଷ୍ଯଞ୍ଶତ୍ରୂଣାଂ ତେଜସା ଦୁର୍ଜଯୋ ଯୁଧି॥ 7-10-31 (45002)
ଆର୍ଯବ୍ରତମମୋଘେଷୁଂ ହୀମନ୍ତମପରାଜିତମ୍।
ସହଦେବଂ ତମାଯାନ୍ତଂ କେ ଶୂରାଃ ପର୍ଯବାରଯନ୍॥ 7-10-32 (45003)
ଯସ୍ତୁ ସୌବୀରରାଜସ୍ଯ ପ୍ରମଥ୍ଯ ମହତୀଂ ଚମୂମ୍।
ଆଦତ୍ତ ମହିଷୀଂ ଭୋଜାଂ କାମ୍ଯାଂ ସର୍ବାଙ୍ଗଶୋଭନାମ୍॥ 7-10-33 (45004)
ସତ୍ଯଂ ଧୃତିଶ୍ଚ ଶୌର୍ଯଂ ଚ ବ୍ରହ୍ମଚର୍ଯଂ ଚ କେବଲମ୍।
ସର୍ବାଣି ଯୁଯୁଧାନେଽସ୍ମିନ୍ନିତ୍ଯାନି ପୁରୁଷର୍ଷଭେ॥ 7-10-34 (45005)
ବଲିନଂ ସତ୍ଯକର୍ମାଣମଦୀନମପରାଜିତମ୍।
ବାସୁଦେବସମଂ ଯୁଦ୍ଧେ ବାସୁଦେବାଦନନ୍ତରମ୍॥ 7-10-35 (45006)
ଧନଞ୍ଜଯୋପଦେଶେନ ଶ୍ରେଷ୍ଠମିଷ୍ବସ୍ତ୍ରକର୍ମଣି।
ପାର୍ଥେନ ସମମସ୍ତ୍ରେଷୁ କସ୍ତଂ ଦ୍ରୋଣାଦବାରଯତ୍॥ 7-10-36 (45007)
ବୃଷ୍ଣୀନାଂ ପ୍ରବରଂ ବୀରଂ ଶୂରଂ ସର୍ବଧନୁଷ୍ମତାମ୍।
ରାମେଣ ସମମସ୍ତ୍ରେଷୁ ଯଶସା ବିକ୍ରମେଣ ଚ॥ 7-10-37 (45008)
ସତ୍ଯଂ ଧୃତିର୍ମତିଃ ଶୌର୍ଯଂ ବ୍ରାହ୍ମଂ ଚାସ୍ତ୍ରମନୁତ୍ତମମ୍।
ସାତ୍ବତେ ତାନି ସର୍ବାଣି ତ୍ରୈଲୋକ୍ଯମିବ କେଶବେ॥ 7-10-38 (45009)
ତମେବଙ୍ଗୁଣସମ୍ପନ୍ନଂ ଦୁର୍ବାରମପି ଦୈବତୈଃ।
ସମାସାଦ୍ଯ ମହେଷ୍ବାସଂ କେ ଶୂରାଃ ପର୍ଯବାରଯନ୍॥ 7-10-39 (45010)
ପାଞ୍ଚାଲେଷୂତ୍ତମଂ ବୀରମୁତ୍ତମାଭିଜନପ୍ରିଯମ୍।
ନିତ୍ଯମୁତ୍ତମକର୍ମାଣମୁତ୍ତମୌଜସମାହବେ॥ 7-10-40 (45011)
ଯୁକ୍ତଂ ଧନଞ୍ଜଯହିତେ ମମାନର୍ଥାର୍ଥମୁତ୍ଥିତମ୍।
ଯମବୈଶ୍ରବଣାଦିତ୍ଯମହେନ୍ଦ୍ରବରୁଣୋପମମ୍॥ 7-10-41 (45012)
ମହାରଥଂ ସମାଖ୍ଯାତଂ ଦ୍ରୋଣାଯୋଦ୍ଯତମାହବେ।
ତ୍ଯଜନ୍ତଂ ତୁମୁଲେ ପ୍ରାଣାନ୍କେ ଶୂରାଃ ସମବାରଯନ୍॥ 7-10-42 (45013)
ଏକୋପସୃତ୍ଯ ଚେଦିଭ୍ଯଃ ପାଣ୍ଡବାନ୍ଯଃ ସମାଶ୍ରିତଃ।
ଧୃଷ୍ଟକେତୁଂ ସମାଯାନ୍ତଂ ଦ୍ରୋଣଂ କସ୍ତଂ ନ୍ଯବାରଯତ୍॥ 7-10-43 (45014)
ଯୋଽବଧୀତ୍କେତୁମାନ୍ବୀରୋ ରାଜପୁତ୍ରଂ ଦୁରାସଦମ୍।
ଅପରାନ୍ତଗିରିଦ୍ବାରେ ଦ୍ରୋଣାତ୍କସ୍ତଂ ନ୍ଯବାରଯତ୍॥ 7-10-44 (45015)
ସ୍ତ୍ରୀମ୍ପୁସଯୋର୍ନରବ୍ଯାଘ୍ରୋ ଯଃ ସ ବେଦ ଗୁଣାଗୁଣାନ୍।
ଶିଖଣ୍ଡିନଂ ଯାଜ୍ଞସେନିମମ୍ଲାନମନସଂ ଯୁଧି॥ 7-10-45 (45016)
ଦେବବ୍ରତସ୍ଯ ସମରେ ହେତୁଂ ମୃତ୍ଯୋର୍ମହାତ୍ମନଃ।
ଦ୍ରୋଣାଯାଭିମୁଖଂ ଯାନ୍ତଂ କେ ଶୂରାଃ ପର୍ଯବାରଯନ୍॥ 7-10-46 (45017)
ଯସ୍ମିନ୍ନଭ୍ଯଧିକା ବୀରେ ଗୁଣାଃ ସର୍ବେ ଧନଞ୍ଜଯାତ୍।
ଯସ୍ମିନ୍ନସ୍ତ୍ରାଣି ସତ୍ଯଂ ଚ ବ୍ରହ୍ମଚର୍ଯଂ ଚ ସର୍ବଦା॥ 7-10-47 (45018)
ବାସୁଦେବସମଂ ବୀର୍ଯେ ଧନଞ୍ଜଯସମଂ ବଲେ।
ତେଜସାଽଽଦିତ୍ଯସଦୃଶଂ ବୃହସ୍ପତିସମଂ ମତୌ॥ 7-10-48 (45019)
ଅଭିମନ୍ଯୁଂ ମହାତ୍ମାନଂ ବ୍ଯାତ୍ତାନନମିବାନ୍ତକମ୍।
ଦ୍ରୋଣାଯାଭିମୁଖଂ ଯାନ୍ତଂ କେ ଶୂରାଃ ସମବାରଯନ୍॥ 7-10-49 (45020)
ତରୁଣସ୍ତରୁଣପ୍ରଜ୍ଞଃ ସୌଭଦ୍ରଃ ପରବୀରହା।
ଯଦାଭ୍ଯଧାବଦ୍ବୈ ଦ୍ରୋଣଂ ତଦାଽଽସୀଦ୍ବୋ ମନଃ କଥଂ॥ 7-10-50 (45021)
ଦ୍ରୌପଦେଯା ନରବ୍ଯାଘ୍ରାଃ ସମୁଦ୍ରମିବ ସିନ୍ଧବଃ।
ଯଦ୍ରୋଣମାଦ୍ରବନ୍ସଙ୍ଖ୍ଯେ କେ ଶୂରାସ୍ତାନ୍ନ୍ଯବାରଯନ୍॥ 7-10-51 (45022)
ଏତେ ଦ୍ବାଦଶ ବର୍ଷାଣି କ୍ରୀଡାମୁତ୍ସୃଜ୍ଯ ବାଲକାଃ।
ଅସ୍ତ୍ରାର୍ଥମବସନ୍ଭୀଷ୍ମେ ବିଭ୍ରତୋ ବ୍ରତମୁତ୍ତମମ୍॥ 7-10-52 (45023)
କ୍ଷତ୍ରଞ୍ଜଯଃ କ୍ଷତ୍ରଦେବଃ କ୍ଷତ୍ରବର୍ମା ଚ ମାନଦଃ।
ଧୃଷ୍ଟଦ୍ଯୁମ୍ନାତ୍ମଜା ବୀରାଃ କେ ତାନ୍ଦ୍ରୋଣାଦବାରଯନ୍॥ 7-10-53 (45024)
ଶତାଦ୍ବିଶିଷ୍ଟଂ ଯଂ ଯୁଦ୍ଧେ ସମମନ୍ଯନ୍ତ ବୃଷ୍ଣଯଃ।
ଚେକିତାନଂ ମହେଷ୍ବାସଂ କସ୍ତଂ ଦ୍ରୋଣାଦବାରଯତ୍॥ 7-10-54 (45025)
ବାର୍ଧକ୍ଷେମିଃ କଲିଙ୍ଗାନାଂ ଯଃ କନ୍ଯାମାହରଦ୍ଯୁଧି।
ଅନାଧୃଷ୍ଟିରଦୀନାତ୍ମା କସ୍ତଂ ଦ୍ରୋଣାଦବାରଯତ୍॥ 7-10-55 (45026)
ଭ୍ରାତରଃ ପଞ୍ଚ କୈକେଯା ଧାର୍ମିକାଃ ସତ୍ଯବିକ୍ରମାଃ।
ଇନ୍ଦ୍ରଗୋପକସଙ୍କାଶା ରକ୍ତବର୍ମାଯୁଧଧ୍ବଜାଃ॥ 7-10-56 (45027)
ମାତୃଷ୍ବସୁଃ ସୁତା ବୀରାଃ ପାଣ୍ଡବାନାଂ ଜଯାର୍ଥିନଃ।
ତାନ୍ଦ୍ରୋଣଂ ହନ୍ତୁମାଯାତାନ୍କେ ବୀରାଃ ପର୍ଯବାରଯନ୍॥ 7-10-57 (45028)
ଯଂ ଯୋଧଯନ୍ତୋ ରାଜାନୋ ନାଜଯନ୍ବାରଣାବତେ।
ଷଣ୍ମାସାନପି ସଂରବ୍ଧା ଜିଘାଂସନ୍ତୋ ଯୁଧାଂ ପତିଂ॥ 7-10-58 (45029)
ଧନୁଷ୍ମତାଂ ବରଂ ଶୂରଂ ସତ୍ଯସନ୍ଧଂ ମହାବଲମ୍।
ଦ୍ରୋଣାତ୍କସ୍ତଂ ନରବ୍ଯାଘ୍ରଂ ଯୁଯୁତ୍ସୁଂ ପର୍ଯବାରଯତ୍॥ 7-10-59 (45030)
ଯଃ ପୁତ୍ରଂ କାଶିରାଜସ୍ଯ ବାରାଣସ୍ଯାଂ ମହାରଥମ୍।
ସମରେ ସ୍ତ୍ରୀଷୁ ଗୃଧ୍ଯନ୍ତଂ ଭଲ୍ଲେନାପାହରଦ୍ରଥାତ୍॥ 7-10-60 (45031)
ଧୃଷ୍ଟଦ୍ଯୁମ୍ନଂ ମହେଷ୍ବାସଂ ପାର୍ଥାନାଂ ମନ୍ତ୍ରଧାରିଣମ୍।
ଯୁକ୍ତଂ ଦୁର୍ଯୋଧନାନର୍ଥେ ସୃଷ୍ଟଂ ଦ୍ରୋଣବଧାଯ ଚ॥ 7-10-61 (45032)
ନିର୍ଦହନ୍ତଂ ରଣେ ଯୋଧାନ୍ଦାରଯନ୍ତଂ ଚ ସର୍ବତଃ।
ଦ୍ରୋଣାଭିମୁଖମାଯାନ୍ତଂ କେ ଶୂରାଃ ପର୍ଯବାରଯନ୍॥ 7-10-62 (45033)
ଉତ୍ସଙ୍ଗ ଇବ ସମ୍ବୃଦ୍ଧଂ ଦ୍ରୁପଦସ୍ଯାସ୍ତ୍ରବିତ୍ତମମ୍।
ଶୈଖଣ୍ଡିନଂ ଶସ୍ତ୍ରଗୁପ୍ତଂ କେ ଦ୍ରୋଣାଦବାରଯନ୍॥ 7-10-63 (45034)
ଯ ଇମାଂ ପୃଥିବୀଂ କୃତ୍ସ୍ନାଂ ଚର୍ମବତ୍ସମବେଷ୍ଟଯତ୍।
ମହତା ରଥଘୋଷେଣ ମୁଖ୍ଯାରିଘ୍ନୋ ମହାରଥଃ॥ 7-10-64 (45035)
ଦଶାଶ୍ବମେଧାନାଜହେ ସ୍ବନ୍ନପାନାପ୍ତଦକ୍ଷିଣାନ୍।
ନିରର୍ଗଲାନ୍ସର୍ବମେଧାନ୍ପୁତ୍ରବତ୍ପାଲଯନ୍ପ୍ରଜାଃ॥ 7-10-65 (45036)
ବିସୃଷ୍ଟା ଦକ୍ଷିଣା ଯସ୍ଯ ଗଙ୍ଗାଜଲମବାରଯତ୍।
ଗଙ୍ଗାସ୍ରୋତସି ଯାବତ୍ଯଃ ସିକତା ଅପ୍ଯଶେଷତଃ।
ତାବତୀର୍ଗା ଦଦୌ ବୀର ଉଶୀନରସୁତୋଽଧ୍ବରେ॥ 7-10-66 (45037)
ନ ପୂର୍ବେ ନାପରେ ଚକ୍ରୁରିଦଂ କେଚନ ମାନବାଃ।
ଇତୀଦଂ ଚୁକ୍ରୁଶୁର୍ଦେବାଃ କୃତେ କର୍ମଣି ଦୁଷ୍କରେ॥ 7-10-67 (45038)
ପଶ୍ଯାମସ୍ତ୍ରିଷୁ ଲୋକେଷୁ ନ ତଂ ସଂସ୍ଥାସ୍ନୁଚାରିଷୁ।
ଜାତଂ ଚାପି ଜନିଷ୍ଯନ୍ତଂ ଦ୍ବିତୀଯଂ ଚାପି ସାମ୍ପ୍ରତମ୍॥ 7-10-68 (45039)
ଅନ୍ଯମୌଶୀନରାଚ୍ଛେବ୍ଯାଦ୍ଧୁରୋ ବୋଢାରମିତ୍ଯୁତ।
ଗତିଂ ଯସ୍ଯ ନ ଯାସ୍ଯନ୍ତି ମାନୁଷା ଲୋକବାସିନଃ॥ 7-10-69 (45040)
ତସ୍ଯ ନପ୍ତାରମାଯାନ୍ତଂ ଶୈବ୍ଯଂ କଃ ସମବାରଯତ୍।
ଦ୍ରୋଣାଯାଭିମୁଖଂ ଯତ୍ତଂ ବ୍ଯାତ୍ତାନନମିବାନ୍ତକମ୍॥ 7-10-70 (45041)
ବିରାଟସ୍ଯ ରଥାନୀକଂ ମତ୍ସ୍ଯସ୍ଯାମିତ୍ରଘାତିନଃ।
ପ୍ରେପ୍ସନ୍ତଂ ସମରେ ଦ୍ରୋଣଂ କେ ବୀରାଃ ପର୍ଯବାରଯନ୍॥ 7-10-71 (45042)
ସଦ୍ଯୋ ବୃକୋଦରାଜ୍ଜାତୋ ମହାବଲପରାକ୍ରମଃ।
ମାଯାବୀ ରାକ୍ଷସୋ ବୀରୋ ଯସ୍ମାନ୍ମମ ମହଦ୍ଭଯମ୍॥ 7-10-72 (45043)
ପାର୍ଥାନାଂ ଜଯକାମଂ ତଂ ତଂ ପୁତ୍ରାଣାଂ ମମ କଣ୍ଟକମ୍।
ଘଟୋତ୍କଚଂ ମହାତ୍ମାନଂ କସ୍ତଂ ଦ୍ରୋଣାଦବାରଯତ୍॥ 7-10-73 (45044)
ଏତେ ଚାନ୍ଯେ ଚ ବହବୋ ଯେଷାମଜିତଂ ଯୁଧି।
ତ୍ଯକ୍ତାରଃ ସଂଯୁଗେ ପ୍ରାଣାନ୍କିଂ ତେଷାମଜିତଂ ଯୁଧି॥ 7-10-74 (45045)
ଯେଷାଂ ଚ ପୁରୁଷବ୍ଯାଘ୍ରଃ ଶାର୍ଙ୍ଗଧନ୍ବା ବ୍ଯପାଶ୍ରଯଃ॥
ଲୋକାନାଂ ଗୁରୁରତ୍ଯର୍ଥଂ ଲୋକନାଥଃ ସନାତନଃ। 7-10-75 (45046)
ନାରାଯଣୋରଣେ ନାଥୋ ଦିବ୍ଯୋ ଦିବ୍ଯାତ୍ମକଃ ପ୍ରଭୁଃ॥
ଯସ୍ଯ ଦିବ୍ଯାନି କର୍ମାଣି ପ୍ରବଦନ୍ତି ମନୀଷିଣଃ। 7-10-76 (45047)
ତାନ୍ଯହଂ କୀର୍ତଯିଷ୍ଯାମି ଭକ୍ତ୍ଯା ସ୍ଥୈର୍ଯାର୍ଥମାତ୍ମନଃ॥ ॥ 7-10-77 (45048)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣାଭିଷେକପର୍ବଣି ଦଶମୋଽଧ୍ଯାଯଃ॥ 10 ॥
Mahabharata - Drona Parva - Chapter Footnotes
5-10-8 ସଃ ପ୍ରସିଦ୍ଧଃ। ତମଜାତଶତ୍ରୁମ୍ ଆଯାନ୍ତଂ ଦୃଷ୍ଟ୍ବା ଦ୍ରୋଣାତ୍କଃ ଅବାରଯଦିତ୍ଯନ୍ବଯଃ॥ 5-10-15 ଯଦା ଅଯାତ୍ ଯଦା ଚ ଦୁର୍ଯୋଧନପୁରୋଗମାନ୍ଗାର୍ଧ୍ରପତ୍ରୈରଭ୍ଯଷିଞ୍ଚତ୍ତଦା ବୋ ମନଃ କ୍ରୀଦୃଶମଭୂଦିତି ଷଷ୍ଠେନାନ୍ବଯଃ॥ 5-10-34 ଯୁଯୁଧାନେ ସାତ୍ଯକୌ॥ 5-10-38 ସାତ୍ବତେ ସାତ୍ଯକୌ॥ 5-10-68 ସ୍ଥାସ୍ରୁଚାରିଷୁ ସ୍ଥାବରଜଙ୍ଗମାତ୍ମକେଷୁ। ସ୍ନମିତ୍ଯସ୍ଯ ବ୍ଯବହିତେନ ପଶ୍ଯାମ ଇତ୍ଯନେନ ସମ୍ବନ୍ଧଃ॥ 5-10-10 ଦଶମୋଽଧ୍ଯାଯଃ॥ 10 ॥ଦ୍ରୋଣପର୍ବ - ଅଧ୍ଯାଯ 011
॥ ଶ୍ରୀଃ ॥
7.11. ଅଧ୍ଯାଯଃ 011
Mahabharata - Drona Parva - Chapter Topics
ଧୃତରାଷ୍ଟ୍ରେଣ ପ୍ରସଙ୍ଗାଦ୍ଭକ୍ତ୍ଯୁଦ୍ରେକେଣ--ଶ୍ରୀକୃଷ୍ଣଚରିତ୍ରାନୁକୀର୍ତନମ୍॥ 1 ॥ ଧୃତରାଷ୍ଟ୍ରେଣ ବହୁଧା ବିଚିନ୍ତ୍ଯ ସଞ୍ଜଯମ୍ପ୍ରତି ଯୁଦ୍ଧକଥନଚୋଦନା॥ 2 ॥Mahabharata - Drona Parva - Chapter Text
7-11-0 (45049)
ଧୃତରାଷ୍ଟ୍ର ଉବାଚ। 7-11-0x (4284)
ଶୃଣୁ ଦିବ୍ଯାନି କର୍ମାଣି ବାସୁଦେବସ୍ଯ ସଞ୍ଜଯ।
କୃତବାନ୍ଯାନି ଗୋବିନ୍ଦୋ ଯଥା ନାନ୍ଯାଃପୁମାନ୍କ୍ବଚିତ୍॥ 7-11-1 (45050)
ସଂବର୍ଧତା ଗୋପକୁଲେ ବାଲେନୈବ ମହାତ୍ମନା।
ବିଖ୍ଯାପିତଂ ବଲଂ ବାହ୍ବୋସ୍ତ୍ରିଷୁ ଲୋକେଷୁ ସଞ୍ଜଯ॥ 7-11-2 (45051)
ପୂତନାଂ ଶକଟଂ ହତ୍ବା କେଶିନଂ ଚୈବ ବାଜିନମ୍।
ଋଷଭଂ ଧେନୁକଂ ଚୈବ ଅରିଷ୍ଟଂ ଚ ମହାବଲମ୍॥ 7-11-3 (45052)
ଦାବାନ୍ମୁକ୍ତ୍ବା ମହାବାହୁର୍ଧୃତ୍ବା ଗୋବର୍ଧନଂ ନିଗିମ୍।
ଚାଣୂରଂ ମୁଷ୍ଟିକଂ ଚୈବ ରଙ୍ଗମଧ୍ଯେ ନିହତ୍ଯ ଚ॥ 7-11-4 (45053)
ପ୍ରଲମ୍ବଂ ନରକଂ ଜମ୍ଭଂ ପୀଠଂ ଚାପି ମହାସୁରମ୍।
ମୁରୁଂ ଚାନ୍ତକସଙ୍କାଶମବଧୀତ୍ପୁଷ୍କରେକ୍ଷଣଃ॥ 7-11-5 (45054)
ତଥା କଂସୋ ମହାତେଜା ଜରାସନ୍ଧେନ ପାଲିତଃ।
ବିକ୍ରମେଣୈବ କୃଷ୍ଣେନ ସଗଣଃ ପାତିତୋ ରଣେ॥ 7-11-6 (45055)
ସୁନାମା ରଣବିକ୍ରାନ୍ତଃ ସମଗ୍ରାକ୍ଷୌହିଣୀପତିଃ।
ଭୋଜରାଜସ୍ଯ ମଧ୍ଯସ୍ଥୋ ଭ୍ରାତା କଂସସ୍ଯ ବୀର୍ଯବାନ୍॥ 7-11-7 (45056)
ବଲଦେବଦ୍ବିତୀଯେନ କୃଷ୍ଣେନାମିତ୍ରଘାତିନା।
ତରସ୍ବୀ ସମରେ ଦଗ୍ଧଃ ସସୈନ୍ଯଃ ଶୂରସେନରାଟ୍॥ 7-11-8 (45057)
ଦୁର୍ବାସା ନାମ ବିପ୍ରର୍ଷିସ୍ତଥା ପରମକୋପନଃ।
ଆରାଧିତଃ ସଦାରେଣ ସ ଚାସ୍ମୈ ପ୍ରଦଦୌ ବରାନ୍॥ 7-11-9 (45058)
ତଥା ଗାନ୍ଧାରରାଜସ୍ଯ ସୁତାଂ ବୀରଃ ସ୍ବଯଂବରେ।
ନିର୍ଜିତ୍ଯ ପୃଥିବୀପାଲାନାବହତ୍ପୁଷ୍କରେକ୍ଷଣଃ॥ 7-11-10 (45059)
ଅମୃଷ୍ଯମାଣା ରାଜାନୋ ଯସ୍ଯ ଜାତ୍ଯା ହଯା ଇବ।
ରଥେ ବୈବାହିକେ ଯୁକ୍ତାଃ ପ୍ରତୋଦେନ କୃତବ୍ରଣାଃ॥ 7-11-11 (45060)
ଜରାସନ୍ଧଂ ମହାବାହୁମୁପାଯେନ ଜନାର୍ଦନଃ।
ପରେଣ ଘାତଯାମାସ ସମଗ୍ରାକ୍ଷୌହିଣୀପତିମ୍॥ 7-11-12 (45061)
ଚେଦିରାଜଂ ଚ ବିକ୍ରାନ୍ତଂ ରାଜସେନାପତିଂ ବଲୀ।
ଅର୍ଘେ ବିବଦମାନଂ ଚ ଜଘାନ ପଶୁବତ୍ତଦା॥ 7-11-13 (45062)
ସୌଭଂ ଦୈତ୍ଯପୁରଂ ଖସ୍ଥଂ ଶାଲ୍ବଗୁପ୍ତଂ ଦୁରାସଦମ୍।
ସମୁଦ୍ରକୁକ୍ଷୌ ବିକ୍ରମ୍ଯ ପାତଯାମାସ ମାଧବଃ॥ 7-11-14 (45063)
ଅଙ୍ଗାନ୍ବଙ୍ଗାନ୍କଲିଙ୍ଗଂଶ୍ଚ ମାଗଧାନ୍କାଶିକୋସଲାନ୍।
ବାତ୍ସ୍ଯଗାର୍ଗ୍ଯକରୂଷାଂଶ୍ଚ ପୌଣ୍ଡ୍ରାଂଶ୍ଚାପ୍ଯଜଯଦ୍ରଣେ॥ 7-11-15 (45064)
ଆବନ୍ତ୍ଯାନ୍ଦାକ୍ଷିଣାତ୍ଯାଂଶ୍ଚ ପାର୍ବତୀଯାନ୍ଦଶେରକାନ୍।
କାଶ୍ମୀରକାନୌରସିକାନ୍ପିଶାଚାଂଶ୍ଚ ସମୁଦ୍ଗଲାନ୍॥ 7-11-16 (45065)
କାମ୍ଭୋଜାନ୍ବାଟଧାନାଂଶ୍ଚ ଚୋଲାନ୍ପାଣ୍ଡ୍ଯାଂଶ୍ଚ ସଞ୍ଜଯ।
ତ୍ରିଗର୍ତାନ୍ମାଲବାଂଶ୍ଚୈବ ଦରଦାଂଶ୍ଚ ସୁଦୁର୍ଜଯାନ୍॥ 7-11-17 (45066)
ନାନାଦିଗ୍ଭ୍ଯଶ୍ଚ ସମ୍ପ୍ରାପ୍ତାନ୍ଖଶାଂଶ୍ଚୈବ ଶକାଂସ୍ତଥା।
ଜିତବାନ୍ପୁଣ୍ଡରୀକାକ୍ଷୋ ଯବନଂ ଚ ସହାନୁଗମ୍॥ 7-11-18 (45067)
ପ୍ରବିଶ୍ଯ ମକରାବାସଂ ଯାଦୋଗଣନିଷେବିତମ୍।
ଜିଗାଯ ବରୁଣଂ ସଙ୍ଖ୍ଯେ ସଲିଲାନ୍ତର୍ଗତଂ ପୁରା॥ 7-11-19 (45068)
ଯୁଧି ପଞ୍ଚଜନଂ ହତ୍ବା ଦୈତ୍ଯଂ ପାତାଲବାସିନମ୍।
ପାଞ୍ଚଜନ୍ଯଂ ହୃଷୀକେଶୋ ଦିବ୍ଯଂ ଶଙ୍ଖମବାପ୍ତବାନ୍॥ 7-11-20 (45069)
ଖାଣ୍ଡବେ ପାର୍ଥସହିତସ୍ତୋଷଯିତ୍ବା ହୁତାଶନମ୍।
ଆଗ୍ନେଯମସ୍ତ୍ରଂ ଦୁର୍ଧର୍ଷଂ ଚକ୍ରଂ ଲେଭେ ମହାବଲଃ॥ 7-11-21 (45070)
ବୈନତେଯଂ ସମାରୁହ୍ଯ ତ୍ରାସଯିତ୍ବାଽମରାବତୀମ୍।
ମହେନ୍ଦ୍ରଭବନାଦ୍ବୀରଃ ପାରିଜାତମୁପାନଯତ୍॥ 7-11-22 (45071)
ତଚ୍ଚ ମର୍ଷିତବାଞ୍ଶକ୍ରୋ ଜାନଂସ୍ତସ୍ଯ ପରାକ୍ରମମ୍।
ରାଜ୍ଞାଂ ଚାପ୍ଯଜିତଂ କଂଚିତ୍କୃଷ୍ଣେନେହ ନ ଶୁଶ୍ରୁମ॥ 7-11-23 (45072)
ଯଚ୍ଚ ତନ୍ମହଦାଶ୍ଚର୍ଯଂ ସଭାଯାଂ ମମ ସଞ୍ଜଯ।
କୃତବାନ୍ପୁଣ୍ଡରୀକାକ୍ଷଃ କସ୍ତଦନ୍ଯ ଇହାର୍ହତି॥ 7-11-24 (45073)
ଯଚ୍ଚ ଭକ୍ତ୍ଯା ପ୍ରସନ୍ନୋଽହମଦ୍ରାକ୍ଷଂ କୃଷ୍ଣମୀଶ୍ବରମ୍।
ତନ୍ମେ ସୁବିଦିତଂ ସର୍ବଂ ପ୍ରତ୍ଯକ୍ଷମିବ ଚାଗମମ୍॥ 7-11-25 (45074)
ନାନ୍ତୋ ବିକ୍ରମଯୁକ୍ତସ୍ଯ ବୁଦ୍ଧ୍ଯା ଯୁକ୍ତସ୍ଯ ବା ପୁନଃ।
କର୍ମଣାଂ ଶକ୍ଯତେ ଗନ୍ତୁଂ ହୃଷୀକେଶସ୍ଯ ସଞ୍ଜଯ॥ 7-11-26 (45075)
ତଥା ଗଦଶ୍ଚ ସାମ୍ବଶ୍ଚ ପ୍ରଦ୍ଯୁମ୍ନୋଽଥ ବିଦୂରଥଃ।
ଅଗାବହୋଽନିରୁଦ୍ଧଶ୍ଚ ଚାରୁଦେଷ୍ଣଃ ସସାରଣଃ॥ 7-11-27 (45076)
ଉଲ୍ମୁକୋ ନିଶଠଶ୍ଚୈବ ଝିଲ୍ଲୀ ବଭ୍ରୁଶ୍ଚ ବୀର୍ଯବାନ୍।
ପୃଥୁଶ୍ଚ ବିପୃଥୁଶ୍ଚୈବ ଶମୀଙ୍କୋଽଥାରିମେଜଯଃ॥ 7-11-28 (45077)
ଏତେଽନ୍ଯେ ବଲବନ୍ତଶ୍ଚ ବୃଷ୍ଣିବୀରାଃ ପ୍ରହାରିଣଃ।
କଥଂଚିତ୍ପାଣ୍ଜବାନୀକଂ ଶ୍ରଯେଯୁଃ ସମରେ ସ୍ଥିତାଃ॥ 7-11-29 (45078)
ଆହୂତା ବୃଷ୍ଣିବୀରେଣ କେଶବେନ ମହାତ୍ମନା।
ତତଃ ସଂଶଯିତଂ ସର୍ବେ ଭବେଦିତି ମତିର୍ମମ॥ 7-11-30 (45079)
ନାଗାଯୁତବଲୋ ବୀରଃ କୈଲାସଶିଖରୋପମଃ।
ବନମାଲୀ ହଲୀ ରାମସ୍ତତ୍ର ଯତ୍ର ଜନାର୍ଦନଃ॥ 7-11-31 (45080)
ଯମାହୁଃ ସର୍ବପିତରଂ ବାସୁଦେବଂ ଦ୍ବିଜାତଯଃ।
ଅପି ବା ହ୍ଯେଷ ପାଣ୍ଡୂନାଂ ଯୋତ୍ସ୍ଯତେଽର୍ଥାଯ ସଞ୍ଜଯ॥ 7-11-32 (45081)
ସ ଯଦା ତାତ ସନ୍ନହ୍ଯେତ୍ପାଣ୍ଡବାର୍ଥାଯ ସଞ୍ଜଯ।
ନ ତଦା ପ୍ରତିସଂଯୋଦ୍ଧା ଭବିତା ତତ୍ର କଶ୍ଚନ॥ 7-11-33 (45082)
ଯଦି ସ୍ମ କୁରବଃ ସର୍ବେ ଜଯେଯୁର୍ନାମ ପାଣ୍ଡବାନ୍।
ବାର୍ଷ୍ଣେଯୋଽର୍ଥାଯ ତେଷାଂ ବୈ ଗୃହ୍ଣୀଯାଚ୍ଛସ୍ତ୍ରମୁତ୍ତମମ୍॥ 7-11-34 (45083)
ତତଃ ସର୍ବାନ୍ନରବ୍ଯାଘ୍ରୋ ହତ୍ବା ନରପତୀନ୍ରଣେ।
କୌରବାଂଶ୍ଚ ମହାବାହୁଃକୁନ୍ତ୍ଯୈ ଦଦ୍ଯାତ୍ସ ମେଦିନୀମ୍॥ 7-11-35 (45084)
ଯସ୍ଯ ଯନ୍ତା ହୃଷୀକେଶୋ ଯୋଦ୍ଧା ଯସ୍ଯ ଧନଞ୍ଜଯଃ।
ରଥସ୍ଯ ତସ୍ଯ କଃ ସଙ୍ଖ୍ଯେ ପ୍ରତ୍ଯନୀକୋ ଭବେଦ୍ରଥଃ॥ 7-11-36 (45085)
ନ କେନଚିଦୁପାଯେନ କୁରୂଣାଂ ଦୃଶ୍ଯତେ ଜଯଃ।
ତସ୍ମାନ୍ମେ ସର୍ବମାଚକ୍ଷ୍ବ ଯଥା ଯୁଦ୍ଧମବର୍ତତ॥ 7-11-37 (45086)
ଅର୍ଜୁନଃ କେଶବସ୍ଯାତ୍ମା କୃଷ୍ଣୋଽପ୍ଯାତ୍ମା କିରୀଟିନଃ।
ଅର୍ଜୁନେ ବିଜଯୋ ନିତ୍ଯଂ କୃଷ୍ଣେ କୀର୍ତିଶ୍ଚ ଶାଶ୍ବତୀ॥ 7-11-38 (45087)
ସର୍ବେଷ୍ବପି ଚ ଲୋକେଷୁ ବୀଭତ୍ସୁରପରାଜିତଃ।
ପ୍ରାଧାନ୍ଯେନୈବ ଭୂଯିଷ୍ଠମମେଯାଃ କେଶବେ ଗୁଣାଃ॥ 7-11-39 (45088)
ମୋହାଦ୍ଦୁର୍ଯୋଧନଃ କୃଷ୍ଣଂ ଯୋ ନ ବେତ୍ତୀହ କେଶବମ୍।
ମୋହିତୋ ଦୈବଯୋଗେନ ମୃତ୍ଯୁପାଶପୁରସ୍କୃତଃ। 7-11-40 (45089)
ନ ବେଦ କୃଷ୍ଣଂ ଦାଶାର୍ହମର୍ଜୁନଂ ଚୈବ ପାଣ୍ଡବମ୍।
ପୂର୍ବଦେବୌ ମହାତ୍ମାନୌ ନରନାରାଯଣାବୁଭୌ॥ 7-11-41 (45090)
ଏକାତ୍ମାନୌ ଦ୍ବିଧାଭୂତୌ ଦୃଶ୍ଯେତେ ମାନବୈର୍ଭୁବି।
ମନସାପି ହି ଦୁର୍ଧର୍ଷୌ ସେନାମେତାଂ ଯଶସ୍ବିନୌ॥ 7-11-42 (45091)
ନାଶଯେତାମିହେଚ୍ଛନ୍ତୌ ମାନୁଷତ୍ବାଚ୍ଚ ନେଚ୍ଛତଃ।
ଯୁଗସ୍ଯେବ ବିପର୍ଯାସୋ ଲୋକାନାମିବ ମୋହନମ୍॥ 7-11-43 (45092)
ଭୀଷ୍ମସ୍ଯ ଚ ବଧସ୍ତାତ ଦ୍ରୋଣସ୍ଯ ଚ ମହାତ୍ମନଃ।
ନ ହ୍ଯେବ ବ୍ରହ୍ମଚର୍ଯେଣ ନ ବେଦାଧ୍ଯଯନେନ ଚ॥ 7-11-44 (45093)
ନ କ୍ରିଯାଭିର୍ନ ଚାସ୍ତ୍ରେଣ ମୃତ୍ଯୋଃ କଶ୍ଚିନ୍ନିର୍ବାଯତେ।
ଲୋକସମ୍ଭାବିତୌ ବୀରୌ କୃତାସ୍ତ୍ରୌ ଯୁଦ୍ଧଦୁର୍ମଦୌ॥ 7-11-45 (45094)
ଭୀଷ୍ମଦ୍ରୋଣୌ ହତୌ ଶ୍ରୁତ୍ବା କିନ୍ନୁ ଜୀବାମି ସଞ୍ଜଯ।
ଯାଂ ତାଂ ଶ୍ରିଯମସୂଯାମଃ ପୁରା ଦୃଷ୍ଟ୍ବା ଯୁଧିଷ୍ଠିରେ॥ 7-11-46 (45095)
ଅଦ୍ଯ ତାମନୁଜାନୀମୋ ଭୀଷ୍ମଦ୍ରୋଣବଧେନ ହ।
ମତ୍କୃତେ ଚାପ୍ଯନୁପ୍ରାପ୍ତଃ କୁରୂଣାମେଷ ସଙ୍କ୍ଷଯଃ॥ 7-11-47 (45096)
ପକ୍ବାନାଂ ହି ବଧେ ସୂତ ବଜ୍ରାଯନ୍ତେ ତୃଣାନ୍ଯୁତ।
ଅନନ୍ତମିଦମୈଶ୍ବର୍ଯଂ ଲୋକେ ପ୍ରାପ୍ତୋ ଯୁଧିଷ୍ଠିରଃ॥ 7-11-48 (45097)
ଯସ୍ଯ କୋପାନ୍ମହାତ୍ମାନୌ ଭୀଷ୍ମଦ୍ରୋଣୌ ନିପାତିତୌ।
ପ୍ରାପ୍ତଃ ପ୍ରକୃତିତୋ ଧର୍ମୋ ନ ଧର୍ମୋ ମାମକାନ୍ପ୍ରତି॥ 7-11-49 (45098)
କ୍ରୂରଃ ସର୍ବବିନାଶାଯ କାଲୋଽସୌ ନାତିବର୍ତତେ।
ଅନ୍ଯଥା ଚିନ୍ତିତା ହ୍ଯର୍ଥା ନରୈସ୍ତାତ ମନସ୍ବିଭିଃ।
ଅନ୍ଯଥୈବ ପ୍ରପଦ୍ଯନ୍ତେ ଦୈବାଦିତି ମତିର୍ମମ॥ 7-11-50 (45099)
ତସ୍ମାଦପରିହାର୍ଯେଽର୍ଥେ ସମ୍ପ୍ରାପ୍ତେ କୃଚ୍ଛ୍ର ଉତ୍ତମେ।
ଅପାରଣୀଯେ ଦୁଶ୍ଚିନ୍ତ୍ଯେ ଯଥାଭୂତଂ ପ୍ରଚକ୍ଷ୍ବ ମେ॥ ॥ 7-11-51 (45100)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣାଭିଷେକପର୍ବଣି ଏକାଦଶୋଽଧ୍ଯାଯଃ॥ 11 ॥
Mahabharata - Drona Parva - Chapter Footnotes
5-11-6 ବିକ୍ରମେଣୈବ ଅସ୍ତ୍ରଂ ଚିନା॥ 5-11-12 ପରେଣ ଭୀମେନ॥ 5-11-11 ଏକାଦଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 012
॥ ଶ୍ରୀଃ ॥
7.12. ଅଧ୍ଯାଯଃ 012
Mahabharata - Drona Parva - Chapter Topics
ଦ୍ରୋଣଚୋଦିତେନ ଦୁର୍ଯୋଧନେନ ଯୁଧିଷ୍ଠିରସ୍ଯ ଜୀବଗ୍ରାହଂ ଗ୍ରହଣବରଣମ୍॥ 1 ॥ ଦ୍ରୋଣେନ ଅର୍ଜୁନାସନ୍ନିଧାନେ ତଦ୍ବ୍ରହଣେ ପ୍ରତିଜ୍ଞାତେ ଦୁର୍ଯୋ ଧନେନ ତଦୁଦ୍ଧୋଷଣମ୍॥ 2 ॥Mahabharata - Drona Parva - Chapter Text
7-12-0 (45101)
ସଞ୍ଜଯ ଉବାଚ। 7-12-0x (4285)
`ଶୁଶ୍ରୂଷସ୍ବ ସ୍ଥିରୋ ଭୂତ୍ବାଂ ଶଂସତୋ ମମ ଭାରତ'।
ହନ୍ତ ତେ କଥଯିଷ୍ଯାମି ସର୍ବଂ ପ୍ରତ୍ଯକ୍ଷଦର୍ଶିବାନ୍।
ଯଥା ସତ୍ଯପରୋ ଦ୍ରୋଣଃ ସାଦିତାଃ ପାଣ୍ଡୁସୃଞ୍ଜଯୈଃ॥ 7-12-1 (45102)
ସେନାପତିତ୍ବଂ ସମ୍ପ୍ରାପ୍ଯ ଭାରଦ୍ବାଜୋ ମହାରଥଃ।
ମଧ୍ଯେ ସର୍ବସ୍ଯ ସୈନ୍ଯସ୍ଯ ପୁତ୍ରଂ ତେ ବାକ୍ଯମବ୍ରବୀତ୍॥ 7-12-2 (45103)
ଯତ୍କୌରବାଣାମୃଷଭାଦାପଗେଯାଦନନ୍ତରମ୍।
ସୈନାପତ୍ଯେ ତ୍ବଯା ରାଜନ୍ନଦ୍ଯ ସତ୍କୃତବାନହମ୍॥ 7-12-3 (45104)
ସଦୃଶଂ କର୍ମଣସ୍ତସ୍ଯ ଫଲଂ ପ୍ରାପ୍ନୁହି ଭାରତ।
କରୋମି କାମଂ କଂ ତେଽଦ୍ଯ ପ୍ରବୃଣୀଷ୍ବ ଯମିଚ୍ଛସି॥ 7-12-4 (45105)
ସଞ୍ଜଯ ଉବାଚ। 7-12-5x (4286)
ତତୋ ଦୁର୍ଯୋଧନୋ ରାଜା କର୍ଣଦୁଃଶାସନାଦିଭିଃ।
ସମ୍ମନ୍ତ୍ର୍ଯୋବାଚ ଦୁର୍ଧର୍ଷମାଚାର୍ଯଂ ଜଯତାଂ ବରମ୍॥ 7-12-5 (45106)
ଦଦାସି ଚେଦ୍ବରଂ ମହ୍ଯଂ ଜୀବଗ୍ରାହଂ ଯୁଧିଷ୍ଠିରମ୍।
ଗୃହୀତ୍ବା ରଯିନାଂ ଶ୍ରେଷ୍ଠଂ ମତ୍ସମୀପମିହାନଯ॥ 7-12-6 (45107)
`ଇଚ୍ଛେଯଂ ବୈ ମହାତ୍ମାନଂ ଧର୍ମାତ୍ମାନଂ ଯୁଧିଷ୍ଠିରମ୍।
ଭ୍ରାତୃଣାଂ ପଶ୍ଯତାମେବ ଜୀବଗ୍ରାହେଣ ମେ ଦ୍ବିଜ॥ 7-12-7 (45108)
ଗୃହୀତ୍ବା ରଥିନାଂ ଶ୍ରେଷ୍ଠଂ ମତ୍ସକାଶମିହାନଯ।
ପ୍ରୀଣାମ୍ଯନେନ କାର୍ଯେଣ ସସୁହୃଜ୍ଜନବାନ୍ଧବଃ॥ 7-12-8 (45109)
ସଞ୍ଜଯ ଉବାଚ। 7-12-9x (4287)
ତତଃ କୁରୂଣାମାଚାର୍ଯଃ ଶ୍ରୁତ୍ବା ପୁତ୍ରସ୍ଯ ତେ ବଚଃ।
ସେନାଂ ପ୍ରହର୍ଷଯନ୍ସର୍ବାମିଦଂ ବଚନମବ୍ରବୀତ୍॥ 7-12-9 (45110)
ଧନ୍ଯଃ କୁନ୍ତୀସୁତୋ ରାଜନ୍ଯସ୍ଯ ଗ୍ରହଣମିଚ୍ଛସି।
ନ ବଧଂ ତସ୍ଯ ଦୁର୍ଧର୍ଷ ବରମଦ୍ଯ ପ୍ରଯାଚସେ॥ 7-12-10 (45111)
କିମର୍ଥଂ ଚ ନରବ୍ଯାଘ୍ର ନ ବଧଂ ତସ୍ଯ କାଙ୍କ୍ଷସେ।
ନାଶଂସସି କ୍ରିଯାମେତାଂ ମତ୍ତୋ ଦୁର୍ଯୋଧନ ଧ୍ରୁବମ୍॥ 7-12-11 (45112)
ଆହୋସ୍ବିଦ୍ଧର୍ମରାଜସ୍ଯ ଦ୍ବେଷ୍ଟା କଶ୍ଚିନ୍ନ ବିଦ୍ଯତେ।
ଯଦୀଚ୍ଛସି ତ୍ବଂ ଜୀବନ୍ତଂ କୁଲଂ ରକ୍ଷସି ଚାତ୍ମନଃ॥ 7-12-12 (45113)
ଅଥବା ଭରତଶ୍ରେଷ୍ଠ ନିର୍ଜିତ୍ଯ ଯୁଧି ପାଣ୍ଡବାନ୍।
ରାଜ୍ଯାଂଶଂ ପ୍ରତି ଦତ୍ତ୍ବା ଚ ସୌଭ୍ରାତ୍ରଂ କର୍ତୁମିଚ୍ଛସି॥ 7-12-13 (45114)
ଧନ୍ଯଃ କୁନ୍ତୀସୁତୋ ରାଜା ସୁଜାତଂ ଚାସ୍ଯ ଧୀମତଃ।
ଅଜାତଶତ୍ରୁତା ସତ୍ଯା ତସ୍ଯ ଯତ୍ସ୍ନିହ୍ଯତେ ଭବାନ୍॥ 7-12-14 (45115)
ସଞ୍ଜଯ ଉବାଚ। 7-12-15x (4288)
ଦ୍ରୋଣେନ ଚୈବମୁକ୍ତସ୍ଯ ତବ ପୁତ୍ରସ୍ଯ ଭାରତ।
ସହସା ନିଃସୃତୋ ଭାବୋ ଯୋସ୍ଯ ନିତ୍ଯଂ ହୃଦି ସ୍ଥିତଃ॥ 7-12-15 (45116)
ନାକାରୋ ଗୂହିତୁଂ ଶକ୍ଯୋ ବୃହସ୍ପତିସମୈରପି।
ତସ୍ମାତ୍ତବ ସୁତୋ ରାଜନ୍ପ୍ରହୃଷ୍ଟୋ ବାକ୍ଯମବ୍ରବୀତ୍॥ 7-12-16 (45117)
ବଧେ କୁନ୍ତୀସୁତସ୍ଯାଜୌ ନାଚାର୍ଯ ବିଜଯୋ ମମ।
ହତେ ଯୁଧିଷ୍ଠିରେ ପାର୍ଥା ହନ୍ଯୁଃସର୍ବାନ୍ହି ନୋ ଧ୍ରୁବମ୍॥ 7-12-17 (45118)
ନୈବ ଶକ୍ଯା ରଣେ ସର୍ବେ ନିହନ୍ତୁମମରୈରପି।
`ଯଦି ସର୍ବେ ହନିଷ୍ଯନ୍ତେ ପାଣ୍ଡବାଃ ସସୁତା ମୃଧେ॥ 7-12-18 (45119)
ତତଃ କୃତ୍ସ୍ନଂ ବଶେ କୃତ୍ବା ନିଃଶେଷଂ ନୃପମଣ୍ଡଲମ୍।
ସସାଗରବନାଂ ସ୍ଫୀତାଂ ବିଜିତ୍ଯ ବସୁଧାମିମାମ୍॥ 7-12-19 (45120)
ବିଷ୍ଣୁର୍ଦାସ୍ଯତି କୃଷ୍ଣାଯୈ କୁନ୍ତ୍ଯୈ ବା ପୁରୁଷୋତ୍ତମଃ'।
ଯଦ୍ଯେଷ ଚୈଷାଂ ଶେଷଃସ୍ଯାତ୍ସ ଏବାସ୍ମାନ୍ନ ଶେଷଯେତ୍॥ 7-12-20 (45121)
ସତ୍ଯପ୍ରତିଜ୍ଞେ ତ୍ବାନୀତେ ପୁନର୍ଦ୍ଯୂତେନ ନିର୍ଜିତେ।
`ତସ୍ମିଞ୍ଜୀବତି ଚାଯାତେ ହ୍ଯୁପାଯୈର୍ବହୁଭିଃ କୃତୈଃ'।
ପୁନର୍ଯାସ୍ଯନ୍ତ୍ଯରଣ୍ଯାଯ ପାଣ୍ଡବାସ୍ତମନୁବ୍ରତାଃ॥ 7-12-21 (45122)
ସୋଽଯଂ ମମ ଜଯୋ ବ୍ଯକ୍ତଂ ଦୀର୍ଘକାଲଂ ଭବିଷ୍ଯତି।
ଅତୋ ନ ବଧମିଚ୍ଛାମି ଧର୍ମରାଜସ୍ଯ କର୍ହିଚିତ୍॥ 7-12-22 (45123)
ସଞ୍ଜଯ ଉବାଚ। 7-12-23x (4289)
ତସ୍ଯ ଜିହ୍ମମଭିପ୍ରାଯଂ ଜ୍ଞାତ୍ବା ଦ୍ରୋଣୋଽର୍ଥତତ୍ତ୍ବବିତ୍।
ତଂ ବରଂ ସାନ୍ତରଂ ତସ୍ମୈ ଦଦୌ ସଂଚିନ୍ତ୍ଯ ବୁଦ୍ଧିମାନ୍॥ 7-12-23 (45124)
ଦ୍ରୋଣ ଉବାଚ। 7-12-24x (4290)
ନ ଚେଦ୍ଯୁଧିଷ୍ଠିରଂ ବୀରଃ ପାଲଯେଦର୍ଜୁନୋ ଯୁଧି।
ମନ୍ଯସ୍ବ ପାଣ୍ଡବଶ୍ରେଷ୍ଠମାନୀତଂ ବଶମାତ୍ମନଃ॥ 7-12-24 (45125)
ନ ହି ଶକ୍ଯୋ ରଣେ ପାର୍ଥଃ ସେନ୍ଦ୍ରୈର୍ଦେବାସୁରୈରପି।
ପ୍ରତ୍ଯୁଦ୍ଯାତୁମତସ୍ତାତ ନ ତସ୍ମାଦ୍ଧର୍ଷଯାମ୍ଯହମ୍॥ 7-12-25 (45126)
ଅସଂଶଯଂ ସ ମେ ଶିଷ୍ଯୋ ମତ୍ପୂର୍ବଶ୍ଚାସ୍ତ୍ରକର୍ମଣି।
ତରୁଣଃ ସୁକୃତୀ ଯୁକ୍ତ ଏକାଯନଗତଶ୍ଚ ସଃ॥ 7-12-26 (45127)
ଅସ୍ତ୍ରାଣୀନ୍ଦ୍ରାଚ୍ଚ ରୁଦ୍ରାଚ୍ଚ ଭୂଯାଂସି ସମବାପ୍ତବାନ୍।
ଅମର୍ଷିତଶ୍ଚ ତେ ରାଜଂସ୍ତତୋ ନାମର୍ଷଯାମ୍ଯହମ୍॥ 7-12-27 (45128)
ସ ଚାପକ୍ରମ୍ଯତାଂ ଯୁଦ୍ଧାଦ୍ଯେନୋପାଯେନ ଶକ୍ଯତେ।
ଅପନୀତେ ତତଃ ପାର୍ଥେ ଧର୍ମରାଜୋ ଜିତସ୍ତ୍ବଯା॥ 7-12-28 (45129)
ଗ୍ରହଣେ ହି ଜଯସ୍ତସ୍ଯ ନ ବଧେ ପୁରୁଷର୍ଷଭ।
`ଗ୍ରହଣଂ ହି ବଧାତ୍ତସ୍ଯ ଧର୍ମରାଜସ୍ଯ ମନ୍ଯସେ'।
ଅନେନୈବାଭ୍ଯୁପାଯେନ ଗ୍ରହଣଂ ସମୁପୈଷ୍ଯସି॥ 7-12-29 (45130)
ଅହଂ ଗୃହୀତ୍ବା ରାଜାନଂ ସତ୍ଯଧର୍ମପରାଯଣମ୍।
ଆନଯିଷ୍ଯାମି ତେ ରାଜନ୍ବଶମଦ୍ଯ ନ ସଂଶଯଃ॥ 7-12-30 (45131)
ଯଦି ସ୍ଯାସ୍ଯତି ସଙ୍ଗ୍ରାମେ ମୁହୂର୍ତମପି ମେଽଗ୍ରତଃ।
ଅପନୀତେ ନରବ୍ଯାଘ୍ରେ କୁନ୍ତୀପୁତ୍ରେ ଧନଞ୍ଜଯେ॥ 7-12-31 (45132)
ଫଲ୍ଗୁନସ୍ଯ ସମୀପେ ତୁ ନ ହି ଶକ୍ଯୋ ଯୁଧିଷ୍ଠିରଃ।
ଗ୍ରହୀତୁଂ ସମରେ ରାଜନ୍ସେନ୍ଦ୍ରୈରପି ସୁରାସୁରୈଃ॥ 7-12-32 (45133)
ସଞ୍ଜଯ ଉବାଚ। 7-12-33x (4291)
`ଏବମୁକ୍ତେ ତଦା ତସ୍ମିନ୍ଯୁଦ୍ଧେ ଦେବାସୁରୋପମେ'।
ସାନ୍ତରଂ ତୁ ପ୍ରତିଜ୍ଞାତେ ରାଜ୍ଞୋ ଦ୍ରୋଣେନ ନିଗ୍ରହେ।
ଗୃହୀତଂ ତମମନ୍ଯନ୍ତ ତବ ପୁତ୍ରାଃ ସୁବାଲିଶାଃ॥ 7-12-33 (45134)
ତତୋ ଦୁର୍ଯୋଧନେନାପି ଗ୍ରହଣଂ ପାଣ୍ଡବସ୍ଯ ତତ୍।
`ସ୍କନ୍ଧାବାରେଷୁ ସର୍ବେଷୁ ଯଥାସ୍ଥାନେଷୁ ମାରିଷ'।
ସୈନ୍ଯସ୍ଥାନେଷୁ ସର୍ବେଷୁ ସୁଘୋଷିତମରିନ୍ଦମ॥ 7-12-34 (45135)
ପାଣ୍ଡବେଯେଷୁ ସାପେକ୍ଷଂ ଦ୍ରୋଣଂ ଜାନାତି ତେ ସୁତଃ।
ତତଃ ପ୍ରତିଜ୍ଞାସ୍ଥୈର୍ଯାର୍ଥଂ ସ ମନ୍ତ୍ରୋ ବହୁଲୀକୃତଃ॥ ॥ 7-12-35 (45136)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣାଭିଷେକପର୍ବଣି ଦ୍ବାଦଶୋଽଧ୍ଯାଯଃ॥ 12 ॥
Mahabharata - Drona Parva - Chapter Footnotes
5-12-11 ଏତାଂ ବଧରୂପାଂ କ୍ରିଯାଂ ମତ୍ତୋ ନାଶଂସସି ନ ସମ୍ଭାବଯସି॥ 5-12-12 ତଦିଚ୍ଛସି ତ୍ବଂ ଇତି କ.ଖ.ପାଠଃ॥ 5-12-14 ସୁଜାତଂ ଶୋଭନଂ ଜନ୍ମ 5-12-22 ବ୍ଯକ୍ତଂ ନିଯତମ୍॥ 5-12-26 ମତ୍ପୂର୍ବଃ ଅହଂ ପୂର୍ବୋ ଗୁରୁର୍ଯସ୍ଯ ଏକାଯନଗତଃ ଜଯମରଣାନ୍ଯତରନିଶ୍ଚଯବାନ୍॥ 5-12-35 ବହୁଲୀକୃତଃ ପ୍ରତିଜ୍ଞାଂ ନ ତ୍ଯଜେଦିତି ବହୁଷୁ ପ୍ରକାଶିତଃ॥ 5-12-12 ଦ୍ବାଦଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 013
॥ ଶ୍ରୀଃ ॥
7.13. ଅଧ୍ଯାଯଃ 013
Mahabharata - Drona Parva - Chapter Topics
ଅର୍ଜୁନେନ ଦ୍ରୋଣପ୍ରତିଜ୍ଞାଭୀତସ୍ଯ ଯୁଧିଷ୍ଠିରସ୍ଯ ସମାଶ୍ବାସନମ୍॥ 1 ॥ ଯୁଦ୍ଧାରମ୍ଭୋ ଦ୍ରୋଣପରାକ୍ରମଶ୍ଚ॥ 2 ॥Mahabharata - Drona Parva - Chapter Text
7-13-0 (45137)
ସଞ୍ଜଯ ଉବାଚ। 7-13-0x (4292)
ସାନ୍ତରେ ତୁ ପ୍ରତିଜ୍ଞାନେ ରାଜ୍ଞୋ ଦ୍ରୋଣେନ ନିଗ୍ରହେ।
ତତସ୍ତେ ସୈନିକାଃ ଶ୍ରୁତ୍ବା ତଂ ଯୁଧିଷ୍ଠିରନିଗ୍ରହମ୍।
ସିଂହନାଦରବାଂଶ୍ଚକ୍ରୁର୍ବାହୁଶବ୍ଦାଂଶ୍ଚ କୃତ୍ସ୍ନଶଃ॥ 7-13-1 (45138)
ତଚ୍ଚ ସର୍ବଂ ଯଥାନ୍ଯାଯଂ ଧର୍ମରାଜେନ ଭାରତ।
ଆପ୍ତୈଶ୍ଚାରୈଃ ପରିଜ୍ଞାତଂ ଭାରଦ୍ବାଜଚିକୀର୍ଷିତମ୍॥ 7-13-2 (45139)
ତତଃ ସର୍ବାନ୍ସମାନାଯ୍ଯ ଭ୍ରାତୃନନ୍ଯାଂଶ୍ଚ ସର୍ବଶଃ।
ଅବ୍ରବୀଦ୍ଧର୍ମରାଜସ୍ତୁ ଧନଞ୍ଜଯମିଦଂ ବଚଃ॥ 7-13-3 (45140)
ଶ୍ରୁତଂ ତେ ପୁରୁଷବ୍ଯାଘ୍ର ଦ୍ରୋଣସ୍ଯାଦ୍ଯ ଚିକୀର୍ଷିତମ୍।
ଯଥା ତନ୍ନ ଭବେତ୍ସତ୍ଯଂ ତଥା ନୀତିର୍ବିଧୀଯତାମ୍॥ 7-13-4 (45141)
ସାନ୍ତରଂ ହି ପ୍ରତିଜ୍ଞାତଂ ଦ୍ରୋଣେନାମିତ୍ରଘାତିନା।
ତଚ୍ଚାନ୍ତରମମୋଘେଷୌ ତ୍ବଯି ତେନ ସମାହିତମ୍॥ 7-13-5 (45142)
ତତ୍ତ୍ବମଦ୍ଯ ମହାବାହୋ ଯୁଧ୍ଯସ୍ବ ମଦନନ୍ତରମ୍।
ଯଥା ଦୁର୍ଯୋଧନଃ କାମଂ ନେମଂ ଦ୍ରୋଣାଦବାପ୍ନୁଯାତ୍॥ 7-13-6 (45143)
ଅର୍ଜୁନ ଉବାଚ। 7-13-7x (4293)
ଯଥା ମେ ନ ବଧଃ କାର୍ଯ ଆଚାର୍ଯସ୍ଯ କଥଞ୍ଚନ।
ତଥା ତବ ପରିତ୍ଯାଗୋ ନ ମେ ରାଜଂଶ୍ଚିକୀର୍ଷିତଃ॥ 7-13-7 (45144)
ଅପ୍ଯେବଂ ପାଣ୍ଡବ ପ୍ରାଣାନୁତ୍ସୃଜେଯମହଂ ଯୁଧି।
ପ୍ରତିଯାତାଽହମାଚାର୍ଯଂ ତ୍ବାଂ ନ ଜହ୍ଯାଂ କଥଞ୍ଚନ॥ 7-13-8 (45145)
ତ୍ବାଂ ନିଗୃହ୍ଯାହବେ ରାଜନ୍ଧାର୍ତରାଷ୍ଟ୍ରୋ ଯମିଚ୍ଛତି।
ନ ସ ତଂ ଜୀବଲୋକେଽସ୍ମିନ୍କାମଂ ପ୍ରାପ୍ତା କଥଞ୍ଚନ॥ 7-13-9 (45146)
ପ୍ରପତେଦ୍ଦ୍ଯୌଃ ସନକ୍ଷତ୍ରା ପୃଥିବୀ ଶକଲୀ ଭବେତ୍।
ନ ତ୍ବାଂ ଦ୍ରୋଣୋ ନିଗୃହ୍ଣୀଯାଜ୍ଜୀବମାନେ ମଯି ଧ୍ରୁବମ୍॥ 7-13-10 (45147)
ଯଦି ତସ୍ଯ ରଣେ ସାହ୍ଯଂ କୁରୁତେ ବଜ୍ରଭୃତ୍ସ୍ବଯମ୍।
ବିଷ୍ଣୁର୍ବା ସହିତୋ ଦେବୈର୍ନ ତ୍ବାଂ ପ୍ରାପ୍ସ୍ଯତ୍ଯସୌ ମୃଧେ॥ 7-13-11 (45148)
ମଯି ଜୀବତି ରାଜେନ୍ଦ୍ର ନ ଭଯଂ କର୍ତୁମର୍ହସି।
ଦ୍ରୋଣାଦସ୍ତ୍ରଭୃତାଂ ଶ୍ରେଷ୍ଠାତ୍ସର୍ବଶସ୍ତ୍ରଭୃତାମପି॥ 7-13-12 (45149)
ଅନ୍ଯଚ୍ଚ ବ୍ରୂଯାଂ ରାଜେନ୍ଦ୍ର ପ୍ରତିଜ୍ଞାଂ ମମ ନିଶ୍ଚଲାମ୍॥ 7-13-13 (45150)
ନ ସ୍ମରାମ୍ଯନୃତଂ ତାବନ୍ନ ସ୍ମରାମି ପରାଜଯମ୍।
ନ ସ୍ମରାମି ପ୍ରତିଶ୍ରୁତ୍ଯ ବିସ୍ମୃତ୍ଯ ମନସ୍ବଽକୃତମ୍॥ 7-13-14 (45151)
ସଞ୍ଜଯ ଉବାଚ। 7-13-15x (4294)
ତତଃ ଶଙ୍ଖାଶ୍ଚ ଭେର୍ଯଶ୍ଚ ମୃଦଙ୍ଗାଶ୍ଚାନକୈଃ ସହ।
ପ୍ରାବାଦ୍ଯନ୍ତ ମହାରାଜ ପାଣ୍ଡବାନାଂ ନିବେଶନେ॥ 7-13-15 (45152)
ସିଂହନାଦଶ୍ଚ ସଂଜଜ୍ଞେ ପାଣ୍ଡବାନାଂ ମହାତ୍ମନାମ୍॥
ଧନୁର୍ଜ୍ଯାତଲଶବ୍ଦଶ୍ଚ ଗଗନସ୍ପୃକ୍ସୁଭୈରବଃ॥ 7-13-16 (45153)
ଶ୍ରୁତ୍ବା ଶଙ୍ଖସ୍ଯ ନିର୍ଘୋଷଂ ପାଣ୍ଡବସ୍ଯ ମହୌଜସଃ।
ତ୍ବଦୀଯେଷ୍ବପ୍ଯନୀକେଷୁ ବାଦିତ୍ରାଣ୍ଯଭିଜଘ୍ନିରେ॥ 7-13-17 (45154)
ତତୋ ବ୍ଯୂଢାନ୍ଯନୀକାନି ତବ ତେଷାଂ ଚ ଭାରତ।
ଶନୈରୁପେଯୁରନ୍ଯୋନ୍ଯଂ ଯୋତ୍ସ୍ଯମାନାନି ସଂଯୁଗେ॥ 7-13-18 (45155)
ତତଃ ପ୍ରବବୃତେ ଯୁଦ୍ଧଂ ତୁମୁଲଂ ରୋମହର୍ଷଣମ୍।
ପାଣ୍ଡବାନାଂ କୁରୂଣାଂ ଚ ଦ୍ରୋଣପାଞ୍ଚାଲ୍ଯଯୋରପି॥ 7-13-19 (45156)
ଯତମାନାଃ ପ୍ରଯତେନ ଦ୍ରୋଣାନୀକବିଶାତନେ।
ନ ଶେକୁଃ ସୃଞ୍ଜଯା ଯୁଦ୍ଧେ ତଦ୍ଧି ଦ୍ରୋଣେନ ପାଲିତମ୍॥ 7-13-20 (45157)
ତଥୈବ ତବ ପୁତ୍ରସ୍ଯ ରଥୋଦାରାଃ ପ୍ରହାରିଣଃ।
ନ ଶେକୁଃ ପାଣ୍ଡବୀଂ ସେନାଂ ପାଲ୍ଯମାନାଂ କିରୀଟୀନା॥ 7-13-21 (45158)
ଆସ୍ତାଂ ତେ ସ୍ତିମିତେ ସେନେ ରକ୍ଷ୍ଯମାଣେ ପରସ୍ପରମ୍।
ସମ୍ପ୍ରସୁପ୍ତେ ଯଥା ନକ୍ତଂ ବନରାଜ୍ଯୌ ସୁପୁଷ୍ପିତେ॥ 7-13-22 (45159)
ତତୋ ରୁକ୍ମରଥୋ ରାଜନ୍ନର୍କେଣେବ ବିରାଜତା।
ବରୂଥିନା ବିନିଷ୍ପତ୍ଯ ବ୍ଯଚରତ୍ପୃତନାମୁଖେ॥ 7-13-23 (45160)
ତମୁଦ୍ଯନ୍ତଂ ରଥେନୈକମାଶୁକାରିଣମାହବେ।
ଅନେକମିବ ସନ୍ତ୍ରସାନ୍ମେନିରେ ପାଣ୍ଡୁସୃଞ୍ଜଯାଃ॥ 7-13-24 (45161)
ତେନ ମୁକ୍ତାଃ ଶରା ଘୋରା ବିଚେରୁଃ ସର୍ବତୋଦିଶମ୍।
ତ୍ରାସଯନ୍ତୋ ମହାରାଜ ପାଣ୍ଡବେଯସ୍ଯ ବାହିନୀମ୍॥ 7-13-25 (45162)
ମଧ୍ଯନ୍ଦିନମନୁପ୍ରାପ୍ତୋ ଗଭସ୍ତିଶତସଂବୃତଃ।
ଯଥା ଦୃଶ୍ଯେତ ଘର୍ମୋଶୁସ୍ତଥା ଦ୍ରୋଣୋଽପ୍ଯଦୃଶ୍ଯତ॥ 7-13-26 (45163)
ନ ଚୈନଂ ପାଣ୍ଡବେଯାନାଂ କଶ୍ଚିଚ୍ଛକ୍ନୋତି ଭାରତ।
ବୀକ୍ଷିତୁଂ ସମରେ କ୍ରୁଦ୍ଧଂ ମହେନ୍ଦ୍ରମିବ ଦାନବାଃ॥ 7-13-27 (45164)
ମୋହଯିତ୍ବା ତତଃ ସୈନ୍ଯଂ ଭାରଦ୍ବାଜଃ ପ୍ରତାପବାନ୍।
ଧୃଷ୍ଟଦ୍ଯୁମ୍ନବଲଂ ତୂର୍ଣଂ ବ୍ଯଧମନ୍ନିଶିତୈଃ ଶରୈଃ॥ 7-13-28 (45165)
ସ ଦିଶଃ ସର୍ବତୋ ରୁଦ୍ଧ୍ବା ସଂବୃତ୍ଯ ଖମଜିହ୍ମଗୈଃ।
ପାର୍ଷତୋ ଯତ୍ର ତତ୍ରୈନାମଭିନତ୍ପାଣ୍ଡୁବାହିନୀମ୍॥ ॥ 7-13-29 (45166)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣାଭିଷେକପର୍ବଣି ଏକାଦଶଦିବସଯୁଦ୍ଧେ ତ୍ରଯୋଦଶୋଽଧ୍ଯାଯଃ॥ 13 ॥
Mahabharata - Drona Parva - Chapter Footnotes
5-13-22 ସମ୍ପ୍ରସୁପ୍ତେ କୃତପତ୍ରସଙ୍କୋଚେ॥ 5-13-23 ବରୂଥିନା ରଥେନ॥ 5-13-13 ତ୍ରଯୋଦଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 014
॥ ଶ୍ରୀଃ ॥
7.14. ଅଧ୍ଯାଯଃ 014
Mahabharata - Drona Parva - Chapter Topics
ଦ୍ରୋଣଯୁଦ୍ଧଂ ଦ୍ବୈରଥଯୁଦ୍ଧମଭିମନ୍ଯୁପରାକ୍ରମଶ୍ଚ॥ 1 ॥Mahabharata - Drona Parva - Chapter Text
7-14-0 (45167)
ସଞ୍ଜଯ ଉବାଚ। 7-14-0x (4295)
ତତଃ ସ ପାଣ୍ଡବାନୀକେ ଜନଯନ୍ସୁମହଦ୍ଭଯମ୍।
ବ୍ଯଚରତ୍ପୃତନାଂ ଦ୍ରୋଣୋ ଦହନ୍କକ୍ଷମିବାନଲଃ॥ 7-14-1 (45168)
ନିର୍ଦହନ୍ତମନୀକାନି ସାକ୍ଷାଦଗ୍ନିମିବୋତ୍ଥିତମ୍।
ଦୃଷ୍ଟ୍ବା ରୁକ୍ମରଥଂ କ୍ରୁଦ୍ଧଂ ସମକମ୍ପନ୍ତ ସୃଞ୍ଜଯାଃ॥ 7-14-2 (45169)
ସତତଂ କୃଷ୍ଯତଃ ସଙ୍ଖ୍ଯେ ଧନୁଷୋଽସ୍ଯାଶୁକାରିଣଃ।
ଜ୍ଯାଘୋଷଃ ଶୁଶ୍ରୁବେଽତ୍ଯର୍ଥଂ ବିସ୍ଫୂର୍ଜିତମିବାଶନେଃ॥ 7-14-3 (45170)
ରଥିନଃ ସାଦିନଶ୍ଚୈବ ନାଗାନଶ୍ବାନ୍ପଦାତିନଃ।
ରୌଦ୍ରା ହସ୍ତବତା ମୁକ୍ତାଃ ସମ୍ମୃଦ୍ଗନ୍ତି ସ୍ସ ସାଯକାଃ॥ 7-14-4 (45171)
ନାନଦ୍ଯମାନଃ ପର୍ଜନ୍ଯଃ ପ୍ରବୃଦ୍ଧଃ ଶୁଚିସଙ୍କ୍ଷଯେ।
ଅଶ୍ମବର୍ଷମିବାବର୍ଷତ୍ପରେଷାମାବହଦ୍ଭଯମ୍॥ 7-14-5 (45172)
ବିଚରନ୍ସ ଦିଶଃ ସର୍ବାଃ ସେନାଂ ସଙ୍କ୍ଷୋଭଯନ୍ପ୍ରଭୁଃ।
ବର୍ଧଯାମାସ ସନ୍ତ୍ରାସଂ ଶାତ୍ରବାଣାମମାନୁଷମ୍॥ 7-14-6 (45173)
ତସ୍ଯ ବିଦ୍ଯୁଦିବାଭ୍ରେଷୁ ଚାପଂ ହେମପରିଷ୍କୃତମ୍।
ଭ୍ରାଜମାନଂ ରଥେ ତସ୍ମିନ୍ଦୃଶ୍ଯତେ ସ୍ମ ମହାଭଯମ୍॥ 7-14-7 (45174)
ସ ବୀରଃ ସତ୍ଯବାନ୍ପ୍ରାଜ୍ଞୋ ଧର୍ମନିତ୍ଯଃ ସଦା ପୁନଃ।
ଯୁଗାନ୍ତକାଲବଦ୍ଧୋରାଂ ରୌଦ୍ରାଂ ପ୍ରାବର୍ତଯନ୍ନଦୀମ୍॥ 7-14-8 (45175)
ଅମର୍ଷବେଗପ୍ରଭବାଂ କ୍ରବ୍ଯାଦଗଣସଙ୍କୁଲାମ୍।
ବଲୌଘୈଃ ସର୍ବତଃ ପୂର୍ଣାଂ ଧ୍ବଜବୃକ୍ଷାପହାରିଣୀମ୍॥ 7-14-9 (45176)
ଶୋଣିତୋଦାଂ ରଥାବର୍ତାଂ ହସ୍ତ୍ଯଶ୍ବକୃତରୋଧସମ୍।
କବଚୋଡୁପସଂଯୁକ୍ତାଂ ମାଂସପଙ୍କସମାକୁଲାମ୍॥ 7-14-10 (45177)
ମେଦୋମଜ୍ଜାସ୍ଥିସିକତାମୁଷ୍ମୀଷଚଯଫେନିଲାମ୍॥
ସଙ୍ଗ୍ରାମଜଲଦାପୂର୍ଣାଂ ପ୍ରାସମତ୍ସ୍ଯସମାକୁଲାମ୍॥ 7-14-11 (45178)
ନରନାଗାଶ୍ବକଲିଲାଂ ଶରବେଗୌଘବାହିନୀମ୍।
ଶରୀରଦାରୁସଙ୍ଘାଟାଂ ରଥକଚ୍ଛପସଙ୍କୁଲାମ୍॥ 7-14-12 (45179)
ଉତ୍ତମାଙ୍ଗୈଃ ପଙ୍କଜିନୀଂ ନିସ୍ତ୍ରିଂଶଝଷସଙ୍କୁଲାମ୍।
ରଥନାଗହୂଦୋପେତାଂ ନାନାଭାରଣଭୂଷିତାମ୍॥ 7-14-13 (45180)
ମହାରଥଶତାବର୍ତାଂ ଭୂମିରେଣୂର୍ମିମାଲିନୀମ୍।
ମହାବୀର୍ଯବତାଂ ସଙ୍ଖ୍ଯେ ସୁତରାଂ ଭୀରୁଦୁସ୍ତରାମ୍॥ 7-14-14 (45181)
ଶରୀରଶତସମ୍ବାଧାଂ ଗୃଧ୍ରକଙ୍କନିଷେବିତାମ୍।
ମହାରଥସହସ୍ରାଣି ନଯନ୍ତୀଂ ଯମସାଦନମ୍॥ 7-14-15 (45182)
ଶୂଲବ୍ଯାଲସମାକୀର୍ଣାଂ ପ୍ରାଣିବାଜିନିଷେବିତାମ୍।
ଛିନ୍ନକ୍ଷତ୍ରମହାହଂସାଂ ମୁକୁଟାଣ୍ଡଜସେବିତାମ୍॥ 7-14-16 (45183)
ଚକ୍ରକୂର୍ମାଙ୍ଗଦାନକ୍ରାଂ ଶରକ୍ଷୁଦ୍ରଝଷାକୁଲାମ୍।
ବକଗୃଧ୍ରସୃଗାଲାନାଂ ଘୋରସଙ୍ଘୈର୍ନିଷେବିତାମ୍॥ 7-14-17 (45184)
ନିହତାନ୍ପ୍ରାଣିନଃ ସଙ୍ଖ୍ଯେ ଦ୍ରୋଣେନ ବଲିନା ରଣେ।
ବହନ୍ତୀଂ ପିତୃଲୋକାଯ ଶତଶୋ ରାଜସତ୍ତମ॥ 7-14-18 (45185)
ଶର଼ୀରଶତସମ୍ବାଧାଂ କେଶଶୈବଲଶାଦ୍ବଲାମ୍।
ନଦୀଂ ପ୍ରାବର୍ତଯଦ୍ରାଜନ୍ଭୀରୂପଣାଂ ଭଯବର୍ଧିନୀମ୍॥ 7-14-19 (45186)
ତର୍ଜଯନ୍ତମନୀକାନି ତାନି ତାନି ମହାରଥମ୍।
ସର୍ବତୋଽଭ୍ଯଦ୍ରବନ୍ଦ୍ରୋଣଂ ଯୁଧିଷ୍ଠିରପୁରୋଗମାଃ॥ 7-14-20 (45187)
ତାନଭିଦ୍ରବତଃ ଶୂରାଂସ୍ତାବକା ଦୃଢବିକ୍ରମାଃ।
ସର୍ବତଃ ପ୍ରତ୍ଯଗୃହ୍ଣନ୍ତ ତଦଭୂଦ୍ରୋମହର୍ଷଣମ୍॥ 7-14-21 (45188)
ଶତମାଯସ୍ତୁ ଶକୁନିଃ ସହଦେବଂ ସମାଦ୍ରବତ୍।
ସନିଯନ୍ତୃଧ୍ବଜରଥଂ ବିବ୍ଯାଘ ନିଶିତୈଃ ଶରୈଃ॥ 7-14-22 (45189)
ତସ୍ଯ ମାଦ୍ରୀସୁତଃ କେତୁଂ ଧନୁଃ ସୂତଂ ହଯାନପି।
ନାତିକ୍ରୁଦ୍ଧଃ ଶରୈଶ୍ଛିତ୍ତ୍ବା ଷଷ୍ଠ୍ଯା ବିବ୍ଯାଧ ସୌବଲମ୍।
`ଭିତ୍ତ୍ବା ଚ ଶରବର୍ଷେଣ ଶକୁନିଂ ପ୍ରତ୍ଯବାରଯତ୍'॥ 7-14-23 (45190)
ଗଦାଂ ଗୃହୀତ୍ବା ଶକୁନିଃ ପ୍ରଚସ୍କନ୍ଦ ରଥୋତ୍ତମାତ୍।
ସ ତସ୍ଯ ଗଦଯା ରାଜନ୍ରଥାତ୍ସୂତମପାତଯତ୍॥ 7-14-24 (45191)
ତତସ୍ତୌ ବିରଥୌ ରାଜନ୍ଗଦାହସ୍ତୌ ମହାବଲୌ।
ଚିକ୍ରୀଡତୂ ରଣେ ଶୂରୌ ସଶୃଙ୍ଗାବିବ ପର୍ବତୌ॥ 7-14-25 (45192)
ଦ୍ରୋଣଃ ପାଞ୍ଚାଲଦାଯାଦଂ ବିବ୍ଯାଧ ନିଶିତୈଃ ଶରୈଃ।
ତଯୋସ୍ତତ୍ର ମହାରାଜ ବାଣବର୍ଷୈଃ ପ୍ରକାଶିତମ୍।
ଖଦ୍ଯୋତୈରିବ ଚାକାଶଂ ପ୍ରଦୋଷେ ପୁରୁଷର୍ଷଭ॥ 7-14-26 (45193)
ବିବିଂଶତିଂ ଭୀମସେନୋ ବିଂଶତ୍ଯା ନିଶିତୈଃ ଶରୈଃ।
ବିଦ୍ଧ୍ବା ନାକମ୍ପଯଦ୍ବୀରସ୍ତଦଦ୍ଭୁତମିବାଭବତ୍॥ 7-14-27 (45194)
ବିବିଂଶତିସ୍ତୁ ସହସା ବ୍ଯଶ୍ବକେତୁଶରାସନମ୍।
ଭୀମଂ ଚକ୍ରେ ମହାରାଜ ତତଃ ସୈନ୍ଯାନ୍ଯପୂଜଯନ୍॥ 7-14-28 (45195)
ସ ତନ୍ନ ମମୃଷେ ବୀରଃ ଶତ୍ରୋର୍ବିକ୍ରମମାହବେ।
ତତୋଽସ୍ଯ ଗଦଯା ଦାନ୍ତାନ୍ହଯାତ୍ସର୍ବାନପାତଯତ୍॥ 7-14-29 (45196)
ହତାଶ୍ବାତ୍ସ ରଥାଦ୍ରାଜନ୍ଗୃହ୍ଯ ଚର୍ମ ମହାବଲଃ।
ଅଭ୍ଯଯାଦ୍ଭୀମସେନଂ ତୁ ମତ୍ତୋ ମତ୍ତମିବ ଦ୍ବିପମ୍॥ 7-14-30 (45197)
ଶଲ୍ଯସ୍ତୁ ନକୁଲଂ ବୀରଃ ସ୍ବସ୍ରୀଯଂ ପ୍ରିଯମାତ୍ମନଃ।
ବିବ୍ଯାଧ ପ୍ରହସନ୍ବାଣୈର୍ଲାଲଯନ୍କୋପଯନ୍ନିବ॥ 7-14-31 (45198)
ତସ୍ଯାଶ୍ବାନାତପତ୍ରଂ ଚ ଧ୍ବଜଂ ସୂତମଥୋ ଧନୁଃ।
ନିପାତ୍ଯ ନକୁଲଃ ସଙ୍ଖ୍ଯେ ଶଙ୍ଖଂ ଦଧ୍ମୌ ପ୍ରତାପବାନ୍॥ 7-14-32 (45199)
ଧୃଷ୍ଟକେତୁଃ କୃପେଣାସ୍ତାଞ୍ଛିତ୍ତ୍ବା ବହୁବିଧାଞ୍ଛରାନ୍।
କୃପଂ ବିବ୍ଯାଧ ସପ୍ତତ୍ଯା ଧ୍ବଜଂ ଚାସ୍ଯ ତ୍ରିଭିଃ ଶରୈଃ॥ 7-14-33 (45200)
ତଂ କୃପଃ ଶରବର୍ଷେଣ ମହତା ସମବାରଯତ୍।
ବିବ୍ଯାଧ ଚ ରଣେ ବିପ୍ରୋ ଧୃଷ୍ଟକେତୁମମର୍ଷଣମ୍॥ 7-14-34 (45201)
ସାତ୍ଯକିଃ କୃତବର୍ମାଣଂ ନାରାଚେନ ସ୍ତନାନ୍ତରେ।
ବିଦ୍ଧ୍ବା ବିବ୍ଯାଧ ସପ୍ତତ୍ଯା ପୁନରନ୍ଯୈଃ ସ୍ମଯନ୍ନିବ॥ 7-14-35 (45202)
ତଂ ଭୋଜଃ ସପ୍ତସପ୍ତତ୍ଯା ବିଦ୍ଧ୍ବାଽଽଶୁ ନିଶିତୈଃ ଶରୈଃ।
ନାକମ୍ପଯତ ଶୈନେଯଂ ଶୀଘ୍ରୋ ବାଯୁରିବାଚଲମ୍॥ 7-14-36 (45203)
ସେନାପତିଃ ସୁଶର୍ମାଣଂ ଭୃଶଂ ମର୍ମସ୍ବତାଡଯତ୍।
ସ ଚାପି ତଂ ତୋମରେଣ ଜତ୍ରୁଦେଶେଽଭ୍ଯତାଡଯତ୍॥ 7-14-37 (45204)
ବୈକର୍ତନଂ ତୁ ସମରେ ବିରାଟଃ ପ୍ରତ୍ଯବାରଯତ୍।
ସହ ମତ୍ସ୍ଯୈର୍ମହାବୀର୍ଯୈସ୍ତଦଦ୍ଭୁତମିବାଭବତ୍॥ 7-14-38 (45205)
ତତ୍ପୌରୁଷମଭୂତ୍ତତ୍ର ସୂତପୁତ୍ରସ୍ଯ ଦାରୁଣମ୍।
ଯତ୍ସୈନ୍ଯଂ ବାରଯାମାସ ଶରୈଃ ସନ୍ନତପର୍ବଭିଃ॥ 7-14-39 (45206)
ଦ୍ରୁପଦସ୍ତୁ ସ୍ବଯଂ ରାଜା ଭଗଦତ୍ତେନ ସଙ୍ଗତଃ।
ତଯୋର୍ଯୁଦ୍ଧଂ ମହାରାଜ ଚିତ୍ରରୂପମିବାଭବତ୍॥ 7-14-40 (45207)
ଭଗଦତ୍ତସ୍ତୁ ରାଜାନଂ ଦ୍ରୁପଦଂ ନତପର୍ବଭିଃ।
ସନିଯନ୍ତୃଧ୍ବଜରଥଂ ବିବ୍ଯାଧ ପୁରୁଷର୍ଷଭଃ॥ 7-14-41 (45208)
ଦ୍ରୁପଦସ୍ତୁ ତତଃ କ୍ରୁଦ୍ଧୋ ଭଗଦତ୍ତଂ ମହାରଥମ୍।
ଆଜଘାନୋରସି କ୍ଷିପ୍ରଂ ଶରେଣାନତପର୍ବଣା॥ 7-14-42 (45209)
ଯୁଦ୍ଧଂ ଯୋଧବରୌ ଲୋକେ ସୌମଦତ୍ତିଶିଖଣ୍ଡିନୌ।
ଭୂତାନାଂ ତ୍ରାସଜନନଂ ଚକ୍ରାତେଽସ୍ତ୍ରବିଶାରଦୌ॥ 7-14-43 (45210)
ଭୂରିଶ୍ରବା ରଣେ ରାଜନ୍ଯାଜ୍ଞସେନିଂ ମହାରଥମ୍।
ମହତା ସାଯକୌଘେନ ଚ୍ଛାଦଯାମାସ ବୀର୍ଯବାନ୍॥ 7-14-44 (45211)
ଶିଖଣ୍ଡୀ ତୁ ତତଃ କ୍ରୁଦ୍ଧଃ ସୌମଦତ୍ତିଂ ବିଶାମ୍ପତେ।
ନବତ୍ଯା ସାଯକାନାଂ ତୁ କମ୍ପଯାମାସ ଭାରତ॥ 7-14-45 (45212)
ରାକ୍ଷସୌ ରୌଦ୍ରକର୍ମାଣୌ ହେଡିମ୍ବାଲମ୍ବୁସାବୁଭୌ।
ଚକ୍ରାତେଽତ୍ଯୁଦ୍ଭୁତଂ ଯୁଦ୍ଧଂ ପରସ୍ପରଜଯୈଷିଣୌ॥ 7-14-46 (45213)
ମାଯାଶତସୃଜୌ ଦୃପ୍ତୌ ମାଯାଭିରିତରେତରମ୍।
ଅନ୍ତର୍ହିତୌ ଚେରତୁସ୍ତୌ ଭୃଶଂ ବିସ୍ମଯକାରିଣୌ॥ 7-14-47 (45214)
ଚେକିତାନୋଽନୁବିନ୍ଦେନ ଯୁଯୁଧେ ଚାତିଭୈରବମ୍।
ଯଥା ଦେବାସୁରେ ଯୁଦ୍ଧେ ବଲଶକ୍ରୌ ମହାବଲୌ॥ 7-14-48 (45215)
ଲକ୍ଷ୍ମଣଃ କ୍ଷତ୍ରଦେବେନ ବିମର୍ଦମକରୋଦ୍ଭୃଶମ୍।
ଯଥା ବିଷ୍ଣୁଃ ପୁରା ରାଜନ୍ହିରଣ୍ଯାକ୍ଷେଣ ସଂଯୁଗେ॥ 7-14-49 (45216)
ତତଃ ପ୍ରଚଲିତାଶ୍ବେନ ବିଧିବତ୍କଲ୍ପିତେନ ଚ।
ରଥେନାଭ୍ଯପତଦ୍ରାଜନ୍ସୌଭଦ୍ରଂ ପୌରବୋ ପୌରବୋ ନଦନ୍॥ 7-14-50 (45217)
ତତୋଽଭ୍ଯଯାତ୍ସ ତ୍ବରିତୋ ଯୁଦ୍ଧାକାଙ୍କ୍ଷୀ ମହାବଲଃ।
ତେନ ଚକ୍ରେ ମହଦ୍ଯୁଦ୍ଧମଭିମନ୍ଯୁରରିନ୍ଦମଃ॥ 7-14-51 (45218)
ପୌରବସ୍ତ୍ବଥ ସୌଭଦ୍ରଂ ଶରବ୍ରାତୈରବାକିରତ୍।
ତସ୍ଯାର୍ଜୁନିର୍ଧ୍ବଜଂ ଛତ୍ରଂ ଧନୁଶ୍ଚୋର୍ବ୍ଯାମପାତଯତ୍॥ 7-14-52 (45219)
ସୌଭଦ୍ରଃ ପୌରବଂ ତ୍ବନ୍ଯୈର୍ବିଦ୍ଧ୍ବା ସପ୍ତଭିରାଶୁଗୈଃ।
ପଞ୍ଚଭିସ୍ତସ୍ଯ ବିବ୍ଯାଧ ହଯାନ୍ସୂନଂ ଚ ସାଯକୈଃ॥ 7-14-53 (45220)
ତତଃ ପ୍ରହର୍ଷଯନ୍ସେନାଂ ସିଂହବଦ୍ବିନଦନ୍ମୁହୁଃ।
ସମାଦତ୍ତାର୍ଜୁନିସ୍ତୂର୍ଣଂ ପୌରବାନ୍ତକରଂ ଶରମ୍॥ 7-14-54 (45221)
ତଂ ତୁ ସନ୍ଧିତମାଜ୍ଞାଯ ସାଯକଂ ଘୋରଦର୍ଶନମ୍।
ଦ୍ବାଭ୍ଯାଂ ଶରାଭ୍ଯାଂ ହାର୍ଦିକ୍ଯଶ୍ଚିଚ୍ଛେଦ ସଶରଂ ଧନୁଃ॥ 7-14-55 (45222)
ତଦୁତ୍ସୃଜ୍ଯ ଧନୁଶ୍ଛିନ୍ନଂ ସୌଭଦ୍ରଃ ପରବୀରହା।
ଉଦ୍ବବର୍ହ ସିତଂ ଖଙ୍ଗମାଦଦନାଃ ଶରାବରମ୍॥ 7-14-56 (45223)
ସ ତେନାନେକତାରେଣ ଚର୍ମଣା କୃତହସ୍ତବତ୍।
ଭ୍ରାନ୍ତାସିନା ଚରନ୍ମାର୍ଗାନ୍ଦର୍ଶଯନ୍ବୀର୍ଯମାତ୍ମନଃ॥ 7-14-57 (45224)
ଭ୍ରାମିତଂ ପୁନରୁଦ୍ଧାନ୍ତମାଧୂତଂ ପୁନରୁତ୍ଥିତମ୍।
ଚର୍ମନିସ୍ତ୍ରିଂଶଯୋ ରାଜନ୍ନିର୍ବିଶେଷମଦୃଶ୍ଯତ॥ 7-14-58 (45225)
ସ ପୌରବରଥସ୍ଯେଷାମାପ୍ଲୁତ୍ଯ ସହସା ନଦନ୍।
ପୌରବଂ ରଥମାସ୍ଥାଯ କେଶପକ୍ଷେ ପରାମୃଶତ୍॥ 7-14-59 (45226)
ଜଘାନାସ୍ଯ ପଦା ସୂତମସିନା ପାତଯଦ୍ଧୃଜମ୍।
ବିକ୍ଷୋଭ୍ଯାମ୍ଭୋନିଧିଂ ତାର୍କ୍ଷ୍ଯସ୍ତଂ ନାଗମିବ ଚାକ୍ଷିପତ୍॥ 7-14-60 (45227)
ତମାଗଲିତକେଶାନ୍ତଂ ଦଦୃଶୁଃ ସର୍ବପାର୍ଥିବାଃ।
ଉକ୍ଷାଣମିବ ସିଂହେନ ପାତ୍ଯମାନମଚେତସମ୍॥ 7-14-61 (45228)
ତମାର୍ଜୁନିବଶଂ ପ୍ରାପ୍ତଂ କୃଷ୍ଯମାଣମନାଥବତ୍।
ପୌରବଂ ପାତିତଂ ଦୃଷ୍ଟ୍ବା ନାମୃଷ୍ଯତ ଜଯଦ୍ରୂଥଃ॥ 7-14-62 (45229)
ସ ବର୍ହିବର୍ହାବତତଂ କିଙ୍କିଣୀଶତଜାଲବତ୍।
ଚର୍ମ ଚାଦାଯ ଖଙ୍ଗଂ ଚ ନଦନ୍ପର୍ଯପତଦ୍ରଥାତ୍॥ 7-14-63 (45230)
ତତଃ ସୈନ୍ଧବମାଲୋକ୍ଯ କାର୍ଷ୍ଣିରୁତ୍ସୃଜ୍ଯ ପୌରବମ୍।
ଉତ୍ପପାତ ରଥାତ୍ତୂର୍ଣଂ ଶ୍ଯେନବନ୍ନିପପାତ ଚ। 7-14-64 (45231)
ପ୍ରାସପଟ୍ଟିଶନିସ୍ତ୍ରିଂଶାଞ୍ଛତ୍ରୁଭିଃ ସମ୍ପ୍ରଚୋଦିତାନ୍।
ଚିଚ୍ଛେଦ ଚାସିନା କାର୍ଷ୍ଣିଶ୍ଚର୍ମଣା ସଂରୁରୋଧ ଚ॥ 7-14-65 (45232)
ସ ଦର୍ଶଯିତ୍ବା ସୈନ୍ଯାନାଂ ସ୍ବବାହୁବଲମାତ୍ମନଃ।
ତମୁଦ୍ଯମ୍ଯ ମହାଖଙ୍ଗଂ ଚର୍ମ ଚାଥ ପୁନର୍ବଲୀ॥ 7-14-66 (45233)
ବୃଦ୍ଧକ୍ଷତ୍ରସ୍ଯ ଦାଯାଦଂ ପିତୁରତ୍ଯନ୍ତବୈରିଣମ୍।
ସସାରାଭିମୁଖଃ ଶୂରଃ ଶାର୍ଦୂଲ ଇବ କୁଞ୍ଜରମ୍॥ 7-14-67 (45234)
ତୌ ପରସ୍ପରମାସାଦ୍ଯ ଖହ୍ଗଦନ୍ତନଖାଯୁଧୌ।
ହୃଷ୍ଟବତ୍ସମ୍ପ୍ରଜହାତେ ବ୍ଯାଘ୍ରକେସରିଣାବିବ॥ 7-14-68 (45235)
ସମ୍ପାତେଷ୍ବଭିଘାତେଷୁ ନିପାତେଷ୍ବସିଚର୍ମଣୋଃ।
ନ ତଯୋରନ୍ତରଂ କଶ୍ଚିଦ୍ଦଦର୍ଶ ନରସିଂହଯୋଃ॥ 7-14-69 (45236)
ଅବକ୍ଷେପୋଽସିନିର୍ହାଦଃ ଶସ୍ତ୍ରାନ୍ତରନିଦର୍ଶନମ୍।
ବାହ୍ଯାନ୍ତରନିପାତଶ୍ଚ ନିର୍ବିଶେମଦୃଶ୍ଯତ॥ 7-14-70 (45237)
ବାହ୍ଯମାଭ୍ଯନ୍ତରଂ ଚୈବ ଚରନ୍ତୌ ମାର୍ଗମୁତ୍ତମମ୍।
ଦଦୃଶାତେ ମହାତ୍ମାନୌ ସପକ୍ଷାବିବ ପର୍ବତୌ॥ 7-14-71 (45238)
ତତୋ ବିକ୍ଷିପତଃ ଖଙ୍ଗଂ ସୌଭଦ୍ରସ୍ଯ ଯଶସ୍ବିନଃ।
ଶରାବରଣପକ୍ଷାନ୍ତେ ପ୍ରଜହାର ଜଯଦ୍ରଥଃ॥ 7-14-72 (45239)
ରୁକ୍ମପତ୍ରାନ୍ତରେ ସକ୍ତସ୍ତସ୍ମିଂଶ୍ଚର୍ମଣି ଭାସ୍ବରେ।
ସିନ୍ଧୁରାଜବଲୋଦ୍ଧୂତଃ ସୋଽଭଜ୍ଯତ ମହାନସିଃ॥ 7-14-73 (45240)
ଭଗ୍ନମାଜ୍ଞାଯ ନିସ୍ତ୍ରିଂଶମବପ୍ଲୁତ୍ଯ ପଦାନି ଷଟ୍।
ଅଦୃଶ୍ଯତ ନିମେଷେଣ ସ୍ବରଥଂ ପୁନରାସ୍ଥିତଃ॥ 7-14-74 (45241)
ତଂ କାର୍ଷ୍ଣିଂ ସମରାନ୍ମୁକ୍ତମାସ୍ଥିତଂ ରଥମୁତ୍ତମମ୍।
ସହିତାଃ ସର୍ବରାଜାନଃ ପରିବବ୍ରୁଃ ସମନ୍ତତଃ॥ 7-14-75 (45242)
ତତଶ୍ଚର୍ମ ଚ ଖଙ୍ଗଂ ଚ ସମୁତ୍କ୍ଷିପ୍ଯ ମହାବଲଃ।
ନନାଦାର୍ଜୁନଦାଯାଦଃ ପ୍ରେକ୍ଷମାଣୋ ଜଯଦ୍ରଥମ୍॥ 7-14-76 (45243)
ସିନ୍ଧୁରାଜଂ ପରିତ୍ଯଜ୍ଯ ସୌଭଦ୍ରଃ ପରବୀରହା।
ତାପଯାମାସ ତତ୍ସୈନ୍ଯଂ ଭୁବନଂ ଭାସ୍କରୋ ଯଥା॥ 7-14-77 (45244)
ତସ୍ଯ ସର୍ବାଯସୀଂ ଶକ୍ତିଂ ଶଲ୍ଯଃ କନକଭୂଷଣାମ୍।
ଚିକ୍ଷେପ ସମରେ ଘୋରାଂ ଦୀପ୍ତାମଗ୍ନିଶିଖାମିବ॥ 7-14-78 (45245)
ତାମବପ୍ଲୁତ୍ଯ ଜଗ୍ରାହ ବିକୋଶଂ ଚାକରୋଦସିମ୍।
ବୈନତେଯୋ ଯଥା କାର୍ଷ୍ଣିଃ ପତନ୍ତମୁରଗୋତ୍ତମମ୍॥ 7-14-79 (45246)
ତସ୍ଯ ଲାଷବମାଜ୍ଞାଯ ସତ୍ବଂ ଚାମିତତେଜସଃ।
ସହିତାଃ ସର୍ବରାଜାନଃ ସିଂହନାଦମଥାନଦନ୍॥ 7-14-80 (45247)
ତତସ୍ତାମେବ ଶଲ୍ଯସ୍ଯ ସୌଭଦ୍ରଃ ପରବୀରହା।
ମୁମୋଚ ଭୁଜବୀର୍ଯେଣ ବୈଦୂର୍ଯବିକୃତାଂ ଶିତାମ୍॥ 7-14-81 (45248)
ସା ତସ୍ଯ ରଥମାସାଦ୍ଯ ନିର୍ମୁକ୍ତଭୁଜଗୋପମା।
ଜଘାନ ସୂତଂ ଶଲ୍ଯସ୍ଯ ରଥାଚ୍ଚୈନମପାତଯତ୍॥ 7-14-82 (45249)
ତତୋ ବିରାଟଦ୍ରୁପଦୌ ଧୃଷ୍ଟକେତୁର୍ଯୁଧିଷ୍ଠିରଃ।
ସାତ୍ଯକିଃ କେକଯା ଭୀମୋ ଧୃଷ୍ଟଦ୍ଯୁମ୍ନଶିଖଣ୍ଡିନୌ॥ 7-14-83 (45250)
ଯମୌ ଚ ଦ୍ରୌପଦେଯାଶ୍ଚ ସାଧୁସାଧ୍ବିତି ଚୁକ୍ରୁଶୁଃ।
ବାଣଶବ୍ଦାଶ୍ଚ ବିବିଧାଃ ସିଂହନାଦାଶ୍ଚ ପୁଷ୍କଲାଃ॥ 7-14-84 (45251)
ପ୍ରାଦୁରାସନ୍ହର୍ଷଯନ୍ତଃ ସୌଭଦ୍ରମପଲାଯିନମ୍।
ତନ୍ନାମୃଷ୍ଯନ୍ତ ପୁତ୍ରାସ୍ତେ ଶତ୍ରୋର୍ବିଜଯଲକ୍ଷଣମ୍॥ 7-14-85 (45252)
ଅଥୈନଂ ସହସା ସର୍ବେ ସମନ୍ତାନ୍ନିଶିତୈଃ ଶରୈଃ।
ଅଭ୍ଯାକିରନ୍ମହାରାଜ ଜଲଦା ଇବ ପର୍ବତମ୍॥ 7-14-86 (45253)
ତେଷାଂ ଚ ପ୍ରିଯମନ୍ବିଚ୍ଛନ୍ସୂତସ୍ଯ ଚ ପରାଭବମ୍।
ଆର୍ତାଯନିରମିତ୍ରଘ୍ନଃ କ୍ରୁଦ୍ଧଃ ସୌଭଦ୍ରମଭ୍ଯଯାତ୍॥ ॥ 7-14-87 (45254)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣାଭିଷେକପର୍ବଣି ଏକାଦଶଦିବସଯୁଦ୍ଧେ ଚତୁର୍ଦଶୋଽଧ୍ଯାଯଃ॥ 14 ॥
Mahabharata - Drona Parva - Chapter Footnotes
5-14-5 ଶୁଚିସଙ୍କ୍ଷଯେ ଗ୍ରୀଷ୍ମାନ୍ତେ॥ 5-14-16 ପ୍ରାଣିନ ଏବ ବାଜିନଃ ପକ୍ଷିଣଃ॥ 5-14-87 ପରାଭବଂ ପ୍ରେକ୍ଷ୍ଯେତି ଶେଷଃ॥ 5-14-14 ଚତୁର୍ଦଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 015
॥ ଶ୍ରୀଃ ॥
7.15. ଅଧ୍ଯାଯଃ 015
Mahabharata - Drona Parva - Chapter Topics
Mahabharata - Drona Parva - Chapter Text
7-15-0 (45255)
॥ 7-15-50 (45306)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣାଭିଷେକପର୍ବଣି
Mahabharata - Drona Parva - Chapter Footnotes
5-15-1 5-15- 5-15- 5-15- 5-15- 5-15- 5-15- 5-15- 5-15- 5-15- 5-15- 5-15-ଦ୍ରୋଣପର୍ବ - ଅଧ୍ଯାଯ 016
॥ ଶ୍ରୀଃ ॥
7.16. ଅଧ୍ଯାଯଃ 016
Mahabharata - Drona Parva - Chapter Topics
ଦ୍ରୋଣେନ ଯୁଧିଷ୍ଠିରଗ୍ରହଣୋଦ୍ଯମେ ଅର୍ଜୁମେନ ତଦ୍ଭଙ୍ଗଃ॥ 1 ॥Mahabharata - Drona Parva - Chapter Text
7-16-0 (45307)
ସଞ୍ଜଯ ଉବାଚ। 7-16-0x (4297)
ତଦ୍ବଲଂ ସୁମହଦ୍ଦୀର୍ଣଂ ତ୍ବଦୀଯଂ ପ୍ରେକ୍ଷ୍ଯ ବୀର୍ଯବାନ୍।
ଦଧାରୈକୋ ରଣେ ପାଣ୍ଡୂନ୍ବୃଷସେନୋଽସ୍ତ୍ରମାଯଯା॥ 7-16-1 (45308)
ଶରା ଦଶ ଦିଶୋ ମୁକ୍ତା ବୃଷସେନେନ ସଂଯୁଗେ।
ବିଚେରୁସ୍ତେ ବିନିର୍ଭିଦ୍ଯ ନରବାଜିରଥଦ୍ବିପାନ୍॥ 7-16-2 (45309)
ତସ୍ଯ ଦୀପ୍ତା ମହାବାଣା ବିବିଶ୍ଚେରୁଃ ସହସ୍ରଶଃ।
ଭାନୋରିବ ମହାରାଜ ଘର୍ମକାଲେ ମରୀଚଯଃ॥ 7-16-3 (45310)
ତେନାର୍ଦିତା ମହାରାଜ ରଥିନଃ ସାଦିନସ୍ତଥା।
ନିପେତୁରୁର୍ବ୍ଯାଂ ସହସା ବାତଭଗ୍ନା ଇବ ଦ୍ରୁମାଃ॥ 7-16-4 (45311)
ହଯୌଘାଂଶ୍ଚ ରଥୌଘାଂଶ୍ଚ ଗଜୌଘାଂଶ୍ଚ ମହାରଥଃ।
ଅପାତଯଦ୍ରଣେ ରାଜଞ୍ଶତଶୋଽଥ ସହସ୍ରଶଃ॥ 7-16-5 (45312)
ଦୃଷ୍ଟ୍ବା ତମେକଂ ସମରେ ବିଚରନ୍ତମଭୀତବତ୍।
ସହିତାଃ ସର୍ବରାଜାନଃ ପରିବବ୍ରୁଃ ସମନ୍ତତଃ॥ 7-16-6 (45313)
ନାକୁଲିସ୍ତୁ ଶତାନୀକୋ ବୃଷସେନଂ ସମଭ୍ଯଯାତ୍।
ବିବ୍ଯାଧ ଚୈନଂ ଦଶଭିର୍ନାରାଚୈର୍ମର୍ମଭେଦିଭିଃ॥ 7-16-7 (45314)
ତସ୍ଯ କର୍ଣାତ୍ମଜଶ୍ଚାପଂ ଛିତ୍ତ୍ବା କେତୁମପାତଯତ୍।
ତଂ ଭ୍ରାତରଂ ପରୀପ୍ସନ୍ତୋ ଦ୍ରୌପଦେଯାଃ ସମଭ୍ଯଯୁଃ॥ 7-16-8 (45315)
କର୍ଣାତ୍ମଜଂ ଶରବ୍ରାତୈରଦୃଶ୍ଯଂ ଚକ୍ରୁରଞ୍ଜସା।
ତାନ୍ନଦନ୍ତୋଽଭ୍ଯଧାବନ୍ତ ଦ୍ରୋଣପୁତ୍ରମୁଖା ରଥାଃ॥ 7-16-9 (45316)
ଛାଦଯନ୍ତୋ ମହାରାଜ ଦ୍ରୌପଦେଯାନ୍ମହାରଥାନ୍।
ଶରୈର୍ନାନାବିଧୈସ୍ତୂର୍ଣଂ ପର୍ବତାଞ୍ଜଲଦା ଇବ॥ 7-16-10 (45317)
ତାନ୍ପାଣ୍ଡବାଃ ପ୍ରତ୍ଯଗୃହ୍ଣଂସ୍ତ୍ବରିତାଃ ପୁତ୍ରଗୃଦ୍ଧିନଃ।
ପାଞ୍ଚାଲାଃ କେକଯା ମତ୍ସ୍ଯାଃ ସୃଞ୍ଜଯାଶ୍ଚୋଦ୍ଯତାଯୁଧାଃ॥ 7-16-11 (45318)
ତଦ୍ଯୁଦ୍ଧମଭବଦ୍ଧୋରଂ ସୁମହଦ୍ରୋମହର୍ଷଣମ୍।
ତ୍ବଦୀଯୈଃ ପାଣ୍ଡୁପୁତ୍ରାଣାଂ ଦେବାନାମିବ ଦାନବୈଃ॥ 7-16-12 (45319)
ଏବଂ ଯୁଯୁଧିରେ ବୀରାଃ ସଂରବ୍ଧାଃ କୁରୁପାଣ୍ଡବାଃ।
ପରସ୍ପରମୁଦୀକ୍ଷନ୍ତଃ ପରସ୍ପରକୃତାଗସଃ॥ 7-16-13 (45320)
ତେଷାଂ ଦଦୃଶିରେ କୋପାଦ୍ବପୂମ୍ଷ୍ଯମିତତେଜସାମ୍।
ଯୁଯୁତ୍ସୂନାମିବାକାଶେ ପତତ୍ତ୍ରିବରଭୋଗିନାମ୍॥ 7-16-14 (45321)
ଭୀମକର୍ଣକୃପଦ୍ରୋଣଦ୍ରୌଣିପାର୍ଷତସାତ୍ଯକୈଃ।
ବଭାସେ ସ ରଣୋଦ୍ଦେଶଃ କାଲସୂର୍ଯୈରିବୋଦିତୈଃ॥ 7-16-15 (45322)
`ପ୍ରଜାନାଂ ସଂକ୍ଷଯେ ଘୋରେ ଯଥା ସୂର୍ଯୋଦଯୋ ଭବେତ୍।
ଶୂରାଣାମୁଦଯସ୍ତଦ୍ବଦାସୀତ୍ପୁରୁଷସତ୍ତମ'॥ 7-16-16 (45323)
ତଦାସୀତ୍ତୁମୁଲଂ ଯୁଦ୍ଧଂ ନିଘ୍ନତାମିତରେତରମ୍।
ମହାବଲାନାଂ ବଲିଭିର୍ଦାନବାନାଂ ଯଥା ସୁରୈଃ॥ 7-16-17 (45324)
ତତୋ ଯୁଧିଷ୍ଠିରାନୀକମୁଦ୍ଧୂତାର୍ଣବନିଃସ୍ବନମ୍।
ତ୍ବଦୀଯମବଧୀତ୍ସୈନ୍ଯଂ ସଂପ୍ରଦ୍ରୁତମହାରଥମ୍॥ 7-16-18 (45325)
ତତ୍ପ୍ରଭଗ୍ନଂ ବଲଂ ଦୃଷ୍ଟ୍ବା ଶତ୍ରୁଭିର୍ଭୃଶମର୍ଦିତମ୍।
ଅଲଂ ଦ୍ରୁତେନ ବଃ ଶୂରା ଇତି ଦ୍ରୋଣୋଽଭ୍ଯଭାଷତ॥ 7-16-19 (45326)
`ଭାରଦ୍ବାଜମମର୍ଷଶ୍ଚ ବିକ୍ରମଶ୍ଚ ସମାବିଶତ୍।
ସମୁଦ୍ଧୃତ୍ଯ ନିଷଙ୍ଗାଚ୍ଚ ଧନୁର୍ଜ୍ଯାମବମୃଜ୍ଯ ଚ।
ମହାଶରଧନୁଷ୍ପାଣିର୍ଯନ୍ତାରମିଦମବ୍ରବୀତ୍॥ 7-16-20 (45327)
ସାରଥେ ଯାହି ଯତ୍ରୈଷ ପାଣ୍ଡରେଣ ବିରାଜତା।
ଧ୍ରିଯମାଣେନ ଚ୍ଛେଣ ରାଜା ତିଷ୍ଠତି ଧର୍ମରାଟ୍॥ 7-16-21 (45328)
ତଦେତଦ୍ଦୀର୍ଯତେ ସୈନ୍ଯଂ ଧାର୍ତରାଷ୍ଟ୍ରମନେକଧା।
ଏତତ୍ସଂସ୍ତମ୍ଭଯିଷ୍ଯାମି ପ୍ରତିବାର୍ଯ ଯୁଧିଷ୍ଠିରମ୍॥ 7-16-22 (45329)
ନ ହି ମାମଭିବର୍ଷନ୍ତଂ ସଂଯୁଗେ ତାତ ପାଣ୍ଡବାଃ।
ମାତ୍ସ୍ଯପାଞ୍ଚାଲରାଜାନଃ ସର୍ବେ ଚ ସହସୋମକାଃ॥ 7-16-23 (45330)
ଅର୍ଜୁନୋ ମତ୍ପ୍ରସାଦାଦ୍ଧି ମହାସ୍ତ୍ରାଣି ସମାପ୍ତବାନ୍।
ନ ମାମୁତ୍ସହତେ ତାତ ନ ଭୀମୋ ନ ଚ ସାତ୍ଯକିଃ॥ 7-16-24 (45331)
ମତ୍ପ୍ରସାଦାଦ୍ଧି ବୀଭତ୍ସୁଃ ପରମେଷ୍ବାସତାଂ ଗତଃ।
ମମୈବାସ୍ତ୍ରଂ ବିଜାନାତି ଧୃଷ୍ଟଦ୍ଯୁମ୍ନୋଽପି ପାର୍ଷତଃ॥ 7-16-25 (45332)
ନାଯଂ ସଂରକ୍ଷିତୁଂ କାଲଃ ପ୍ରାଣାଂସ୍ତାତ ଜଯୈଷିଣା।
ଯାହି ସର୍ଗଂ ପୁରସ୍କୃତ୍ଯ ଯଶସେ ଚ ଜଯାଯ ଚ॥ 7-16-26 (45333)
ସଞ୍ଜଯ ଉବାଚ। 7-16-27x (4298)
ଏବଂ ସଞ୍ଚୋଦିତୋ ଯନ୍ତା ଦ୍ରୋଣମଭ୍ଯବହତ୍ତତଃ॥ 7-16-27 (45334)
ତଦାଽଶ୍ବହୃଦଯେନାଶ୍ବାନଭିମନ୍ତ୍ର୍ଯାଶୁ ହର୍ଷଯନ୍।
ରଥେନ ସବରୂଥେନ ଭାସ୍ବରେଣ ବିରାଜତା॥ 7-16-28 (45335)
ତଂ କରୂଶାଶ୍ଚ ମାତ୍ସ୍ଯାଶ୍ଚ ଚେଦଯଶ୍ଚ ସସାତ୍ବତାଃ।
ପାଣ୍ଡବାଶ୍ଚ ସପାଞ୍ଚାଲାଃ ସହିତାଃ ପର୍ଯବାରଯନ୍'॥ 7-16-29 (45336)
ତତଃ ଶୋଣହଯଃ କ୍ରୁଦ୍ଧଶ୍ଚତୁର୍ଦନ୍ତ ଇବ ଦ୍ବିପଃ।
ପ୍ରବିଶ୍ଯ ପାଣ୍ଡବାନୀକଂ ଯୁଧିଷ୍ଠିରମୁପାଦ୍ରବତ୍॥ 7-16-30 (45337)
ତମାବିଧ୍ଯଚ୍ଛିତୈର୍ବାଣୈଃ କଙ୍କପତ୍ରୈର୍ଯୁଧିଷ୍ଠିରଃ।
ତସ୍ଯ ଦ୍ରୋଣୋ ଧନୁଶ୍ଛିତ୍ବା ତଂ ଦ୍ରୁତଂ ସମୁପାଦ୍ରବତ୍॥ 7-16-31 (45338)
ଚକ୍ରରକ୍ଷଃ କୁମାରସ୍ତୁ ପାଞ୍ଚାଲାନାଂ ଯଶସ୍କରଃ।
ଦଧାର ଦ୍ରୋଣମାଯାନ୍ତଂ ବେଲେବ ସରିତାଂ ପତିମ୍॥ 7-16-32 (45339)
ଦ୍ରୋଣଂ ନିବାରିତଂ ଦୃଷ୍ଟ୍ବା କୁମାରେଣ ଦ୍ବିଜର୍ଷଭମ୍।
ସିଂହନାଦରବୋ ହ୍ଯାସୀତ୍ସାଧୁସାଧ୍ବିତି ଭାଷିତମ୍॥ 7-16-33 (45340)
କୁମାରସ୍ତୁ ତତୋ ଦ୍ରୋଣଂ ସାଯକେନ ମହାହବେ।
ବିବ୍ଯାଧୋରସି ସଙ୍କ୍ରୁଦ୍ଧଃ ସିଂହବଚ୍ଚ ନଦନ୍ମୁହୁଃ॥ 7-16-34 (45341)
ସଂବାର୍ଯ ଚ ରଣେ ଦ୍ରୋଣଂ କୁମାରସ୍ତୁ ମହାବଲଃ।
ଶରୈରନେକସାହସ୍ରୈଃ କୃତହସ୍ତୋ ଜିତଶ୍ରମଃ॥ 7-16-35 (45342)
ତଂ ଶୂରମାର୍ଯବ୍ରତିନଂ ମନ୍ତ୍ରାସ୍ତ୍ରେଷୁ କୃତଶ୍ଚମମ୍।
ଚକ୍ରରକ୍ଷତଂ ପରାମୃଦ୍ରାତ୍କୁମାରଂ ଦ୍ବିଜପୁଙ୍ଗବଃ॥ 7-16-36 (45343)
ସ ମଧ୍ଯଂ ପ୍ରାପ୍ଯ ସୈନ୍ଯାନାଂ ସର୍ବାଃ ପ୍ରବିଚରନ୍ଦିଶଃ।
ତବ ସୈନ୍ଯସ୍ଯ ଗୋପ୍ତାସୀଦ୍ଭାରଦ୍ବାଜୋ ଦ୍ବିଜର୍ଷଭଃ॥ 7-16-37 (45344)
ଶିଖଣ୍ଡିନଂ ଦ୍ବାଦଶଭିର୍ବିଂଶତ୍ଯା ଚୋତ୍ତମୌଜସମ୍।
ନକୁଲଂ ପଞ୍ଚଭିର୍ବିଦ୍ଧ୍ବା ସହଦେବଂ ଚ ସପ୍ତଭିଃ॥ 7-16-38 (45345)
ଯୁଧିଷ୍ଠିରଂ ଦ୍ବାଦଶଭିର୍ଦ୍ରୌପଦେଯାଂସ୍ତ୍ରିଭିସ୍ତ୍ରିଭିଃ।
ସାତ୍ଯକିଂ ପଞ୍ଚଭିର୍ବିଦ୍ଧ୍ବା ମତ୍ସ୍ଯଂ ଚ ଦଶଭିଃ ଶରୈଃ॥ 7-16-39 (45346)
ବ୍ଯକ୍ଷୋଭଯଦ୍ରଣେ ଯୋଧାନ୍ଯଥାମୁଖ୍ଯମଭିଦ୍ରବନ୍।
ଅଭ୍ଯବର୍ତତଂ ସମ୍ପ୍ରେପ୍ସୁଃ କୁନ୍ତୀପୁତ୍ରଂ ଯୁଧିଷ୍ଠିରମ୍॥ 7-16-40 (45347)
ଯୁଗନ୍ଧରସ୍ତତୋ ରାଜନ୍ଭାରଦ୍ବାଜଂ ମହାରଥମ୍।
ବାରଯାମାସ ସଙ୍କ୍ରୁଦ୍ବଂ ବାତୋଦ୍ଧତମିବାର୍ଣବମ୍॥ 7-16-41 (45348)
ଯୁଧିଷ୍ଠିରଂ ସ ବିଦ୍ଧ୍ବା ତୁ ଶରୈଃ ସନ୍ନତପର୍ବଭିଃ।
ଯୁଗନ୍ଧରଂ ତୁ ଭଲ୍ଲନେ ରଥନୀଡାଦପାତଯତ୍॥ 7-16-42 (45349)
`ତଂ ବିଜିତ୍ଯ ମହାତେଜା ଭାରଦ୍ବାଜୋ ମହାମନାଃ।
ଅଭ୍ଯବର୍ତତ ସମ୍ପ୍ରେପ୍ସୁଃ କୁନ୍ତୀପୁତ୍ରଂ ଯୁଧିଷ୍ଠିରମ୍'॥ 7-16-43 (45350)
ତତୋ ବିରାଟଦ୍ରୁପଦୌ କେକଯାଃ ସାତ୍ଯକିଃ ଶିବିଃ।
ବ୍ଯାଘ୍ରଦତ୍ତଶ୍ଚ ପାଞ୍ଚଲ୍ଯଃ ସିଂହସେନଶ୍ଚ ବୀର୍ଯବାନ୍॥ 7-16-44 (45351)
ଏତେ ଚାନ୍ଯେ ଚ ବହବଃ ପରୀପ୍ସନ୍ତୋ ଯୁଧିଷ୍ଠିରମ୍।
ଆବବ୍ରୁସ୍ତସ୍ଯ ପନ୍ଥାନଂ କିରନ୍ତଃ ସାଯକାନ୍ବହୂନ୍॥ 7-16-45 (45352)
ବ୍ଯାଘ୍ରଦତ୍ତସ୍ତୁ ପାଞ୍ଚାଲ୍ଯୋ ଦ୍ରୋଣଂ ବିବ୍ଯାଧ ମାର୍ଗଣୈଃ।
ପଞ୍ଚାଶତା ଶିତୈ ରାଜଂସ୍ତତ ଉଚ୍ଚୁକ୍ରୁଶୁର୍ଜନାଃ॥ 7-16-46 (45353)
ତ୍ବରିତଂ ସିଂହସେନସ୍ତୁ ଦ୍ରୋଣଂ ବିଦ୍ଧ୍ବା ମହାରଥମ୍।
ପ୍ରାହସତ୍ସହସା ହୃଷ୍ଟସ୍ତ୍ରାସଯନ୍ବୈ ମହାରଥାନ୍॥ 7-16-47 (45354)
ତତୋ ବିଷ୍ଫାର୍ଯ ନଯନେ ଧନୁର୍ଜ୍ଯାମବମୃଜ୍ଯ ଚ।
ତଲଶବ୍ଦଂ ମହତ୍କୃତ୍ବା ଦ୍ରୋଣସ୍ତଂ ସମୁପାଦ୍ରବତ୍॥ 7-16-48 (45355)
ତତସ୍ତୁ ସିଂହସେନସ୍ଯ ଶିରଃ କାଯାତ୍ସକୁଣ୍ଡଲମ୍।
ବ୍ଯାଘ୍ରଦତ୍ତସ୍ଯ ଚାକ୍ରମ୍ଯ ଭଲ୍ଲାଭ୍ଯାମାହରଦ୍ବଲୀ॥ 7-16-49 (45356)
ତାନ୍ପ୍ରମୃଜ୍ଯ ଶରବ୍ରାତୈଃ ପାଣ୍ଡବାନାଂ ମହାରଥାନ୍।
ଯୁଧିଷ୍ଠିରରଥାଭ୍ଯାଶେ ତସ୍ଥୌ ମୃତ୍ଯୁରିବାନ୍ତକଃ॥ 7-16-50 (45357)
ତତୋଽଭବନ୍ମହାଶବ୍ଦୋ ରାଜନ୍ଯୌଧିଷ୍ଠିରେ ବଲେ।
ହୃତୋ ରାଜେତି ଯୋଧାନାଂ ସମୀପସ୍ଥେ ଯତବ୍ରତେ॥ 7-16-51 (45358)
ଅବ୍ରୁବନ୍ସୈନିକାସ୍ତତ୍ର ଦୃଷ୍ଟ୍ବା ଦ୍ରୋଣସ୍ଯ ବିକ୍ରମମ୍।
ଅଦ୍ଯ ରାଜା ଧାର୍ତରାଷ୍ଟ୍ରଃ କୃତାର୍ଥୋ ବୈ ଭବିଷ୍ଯତି॥ 7-16-52 (45359)
ଅସ୍ମିନ୍ମହୂର୍ତେ ଦ୍ରୋଣସ୍ତୁ ପାଣ୍ଡବଂ ଗୃହ୍ଯ ହର୍ଷିତଃ।
ଆଗମିଷ୍ଯତି ନୋ ନୂନଂ ଧାର୍ତରାଷ୍ଟ୍ରସ୍ଯ ସଂଯୁଗେ॥ 7-16-53 (45360)
ଏବଂ ସଞ୍ଜଲ୍ପତାଂ ତେଷାଂ ତାବକାନାଂ ମହାରଥଃ।
ଆଯାଜ୍ଜବେନ କୌନ୍ତେଯୋ ରଥଘୋଷେଣ ନାଦଯନ୍॥ 7-16-54 (45361)
ଶୋଣିତୋଦାଂ ରଥାବର୍ତାଂ କୃତ୍ବା ବିଶସନେ ନଦୀମ୍।
ଶୂରାସ୍ଥିଚଯସଙ୍କୀର୍ଣାଂ ପ୍ରେତକୂଲାପହାରିଣୀମ୍॥ 7-16-55 (45362)
ତାଂ ଶରୌଘମହାଫେନାଂ ପ୍ରାସମତ୍ସ୍ଯସମାକୁଲାମ୍।
ନଦୀମୁତ୍ତୀର୍ଯ ବେଗେନ କୁରୂନ୍ବିଦ୍ରାବ୍ଯ ପାଣ୍ଡବଃ॥ 7-16-56 (45363)
ତତଃ କିରୀଟି ସହସା ଦ୍ରୋଣାନୀକମୁପାଦ୍ରବତ୍।
ଛାଦଯନ୍ନିଷୁଜାଲେନ ମହତା ମୋହଯନ୍ନିବ॥ 7-16-57 (45364)
ଶୀଘ୍ରମଭ୍ଯସ୍ଯତୋ ବାଣାନ୍ସନ୍ଦଧାନସ୍ଯ ଚାନିଶମ୍।
ନାନ୍ତରଂ ଦଦୃଶେ କଶ୍ଚିତ୍କୌନ୍ତେଯସ୍ଯ ଯଶସ୍ବିନଃ॥ 7-16-58 (45365)
ନ ଦିଶୋ ନାନ୍ତରିକ୍ଷଂ ଚ ନ ଦ୍ଯୌର୍ନୈବ ଚ ମେଦିନୀ।
ଅଦୃଶ୍ଯନ୍ତ ମହାରାଜ ବାଣଭୂତା ଇବାଭବନ୍॥ 7-16-59 (45366)
ନାଦୃଶ୍ଯତ ତଦା ରାଜଂସ୍ତତ୍ର କିଞ୍ଚନ ସଂଯୁଗେ।
ବାଣାନ୍ଧକାରେ ମହତି କୃତେ ଗାଣ୍ଡୀବଧନ୍ବନା॥ 7-16-60 (45367)
ସୂର୍ଯେ ଚାସ୍ତମନୁପ୍ରାପ୍ତେ ତମସା ଚାଭିସଂବୃତେ।
ନାଜ୍ଞାଯତ ତଦା ଶତ୍ରୁର୍ନ ସୁହୃନ୍ନ ଚ କଶ୍ଚନ। 7-16-61 (45368)
ତତୋଽବହାରଂ ଚକ୍ରୁସ୍ତେ ଦ୍ରୋଣଦୁର୍ଯୋଧନାଦଯଃ।
ତାନ୍ବିଦିତ୍ବା ପୁନସ୍ତ୍ରସ୍ତା ନ ଯୁଦ୍ଧମନସଃ ପରାନ୍॥ 7-16-62 (45369)
ସ୍ବାନ୍ଯନୀକାନି ବୀଭତ୍ସୁଃ ଶନକୈରବହାରଯତ୍।
ତତୋଽଭିତୁଷ୍ଟୁବୁଃ ପାର୍ଥଂ ପ୍ରହୃଷ୍ଟାଃ ପାଣ୍ଡୁସୃଞ୍ଜଯାଃ॥ 7-16-63 (45370)
ପାଞ୍ଚାଲାଶ୍ଚ ମନୋଜ୍ଞାଭିର୍ବାଗ୍ଭିଃ ସୂର୍ଯମିବର୍ଷଯଃ।
ଏଂ ସ୍ବଶିବିରଂ ପ୍ରାଯାଜ୍ଜିତ୍ବା ଶତ୍ରୂନ୍ଧନଞ୍ଜଯଃ॥ 7-16-64 (45371)
ପୃଷ୍ଠତଃ ସର୍ବସୈନ୍ଯାନାଂ ମୁଦିତୋ ବୈ ସକେଶବଃ॥
ମସାରଗଲ୍ବର୍କମୁବର୍ଣରୂପୈର୍ବଜ୍ରପ୍ରବାଲସ୍ଫଟିକୈଶ୍ଚ ମୁଖ୍ଯୈଃ। 7-16-65 (45372)
ଚିତ୍ରେ ରଥେ ପାଣ୍ଡୁସୁତୋ ବଭାସେ ନକ୍ଷତ୍ରଚିତ୍ରେ ବିଯତୀବ ଚନ୍ଦ୍ରଃ॥ ॥ 7-16-66 (45373)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣାଭିଷେକପର୍ବଣି ଏକାଦଶଦିବସଯୁଦ୍ଧେ ଷୋଡଶୋଽଧ୍ଯାଯଃ॥ 16 ॥
Mahabharata - Drona Parva - Chapter Footnotes
5-16-1 ଅସ୍ତ୍ରମାଯଯା ଅସ୍ତ୍ରକୌଶଲେନ॥ 5-16-14 ପତତ୍ତ୍ରିବରଭୋଗିନାମିବ ପତତ୍ତ୍ରିବରୋ ଗରୁଡଃ। ଭୋଗିନଃ ସର୍ପାଃ॥ 5-16-19 ଦ୍ରୁତେନ ପଲାଯିତେନ॥ 5-16-55 ବିଶସନେ ଯୁଦ୍ଧେ॥ 5-16-66 ମସାରଃ ଇନ୍ଦ୍ରନୀଲଃ। ଗଲ୍ବର୍କଃ ପଦ୍ମରାଗଃ॥ 5-16-16 ଷୋଡଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 017
॥ ଶ୍ରୀଃ ॥
7.17. ଅଧ୍ଯାଯଃ 017
Mahabharata - Drona Parva - Chapter Topics
ସଂଶପ୍ତକୈରାହୂତସ୍ଯାର୍ଜୁନସ୍ଯ ଯୁଧିଷ୍ଠିରରକ୍ଷଣେ ସତ୍ଯଜିତଂ ନିଯୋଜ୍ଯ ତାନ୍ପ୍ରତି ଯୁଦ୍ଧାଯ ଗମନମ୍॥ 1 ॥Mahabharata - Drona Parva - Chapter Text
7-17-0 (45374)
ସଞ୍ଜଯ ଉବାଚ। 7-17-0x (4299)
ତେ ସେନେ ଶିବିରଂ ଗତ୍ବା ନ୍ଯବିଶେତାଂ ବିଶାମ୍ପତେ।
ଯଥାଭାଗଂ ଯଥାନ୍ଯାଯଂ ଯଥାଗୁଲ୍ମଂ ଚ ସର୍ବଶଃ॥ 7-17-1 (45375)
କୃତ୍ବାଽବହାରଂ ସୈନ୍ଯାନାଂ ଦ୍ରୋଣଃ ପରମଦୁର୍ମନାଃ।
ଦୁର୍ଯୋଧନମଭିପ୍ରେକ୍ଷ୍ଯ ସବ୍ରୀଡମିଦମବ୍ରବୀତ୍॥ 7-17-2 (45376)
ଉକ୍ତମେତନ୍ମଯା ପୂର୍ବଂ ନ ତିଷ୍ଠତି ଧନ୍ଜଯେ।
ଶକ୍ଯୋ ଗ୍ରହୀତୁଂ ସଙ୍ଗ୍ରାମେ ଦେବୈରପି ଯୁଧିଷ୍ଠିରଃ॥ 7-17-3 (45377)
ଇତି ତଦ୍ବଃ ପ୍ରଯତତାଂ କୃତଂ ପାର୍ଥେନ ସଂଯୁଗେ।
ମା ବିଶଙ୍କୀର୍ବଚୋ ମହ୍ଯମଜେଯୌ କୃଷ୍ଣପାଣ୍ଡବୌ॥ 7-17-4 (45378)
ଅପନୀତେ ତୁ ଯୋଗେନ କେନଚିଚ୍ଛ୍ବେତବାହନେ।
ତତ ଏଷ୍ଯତି ତେ ରାଜନ୍ବଶମେଷ ଯୁଧିଷ୍ଠିରଃ॥ 7-17-5 (45379)
କଶ୍ଚିଦାହୂଯ ତଂ ସଙ୍ଖ୍ଯେ ଦେଶମନ୍ଯଂ ପ୍ରକର୍ଷତୁ।
ତମଜିତ୍ବା ନ କୌନ୍ତେଯୋ ନିବର୍ତେତ କଥଞ୍ଚନ॥ 7-17-6 (45380)
ଏତସ୍ମିନ୍ନନ୍ତରେ ଶୂନ୍ଯେଧର୍ମରାଜମହଂ ନୃପ।
ଗ୍ରହୀଷ୍ଯାମି ଚମୂଂ ଭିତ୍ତ୍ବା ଧୃଷ୍ଟଦ୍ଯୁମ୍ନସ୍ଯ ପଶ୍ଯତଃ॥ 7-17-7 (45381)
ଅର୍ଜୁନେନ ପରିତ୍ଯକ୍ତୋ ନ ଚେତ୍ତ୍ରାସାତ୍ପଲାଯତେ।
ମାମୁପାଯାନ୍ତମାଲୋକ୍ଯ ଗୃହୀତଂ ବିଦ୍ଧି ପାଣ୍ଡବମ୍॥ 7-17-8 (45382)
ଏବଂ ତେଽହଂ ମହାରାଜ ଧର୍ମପୁତ୍ରଂ ଯୁଧିଷ୍ଠିରମ୍।
ସମାନେଷ୍ଯାମି ସଗଣଂ ବଶମଦ୍ଯ ନ ସଂଶଯଃ॥ 7-17-9 (45383)
ଯଦି ତିଷ୍ଠତି ସଙ୍ଗ୍ରାମେ ମୁହୂର୍ତମପି ପାଣ୍ଡବଃ।
ଅଥାପଯାତି ସଙ୍ଗ୍ରାମାଦ୍ବିଜଯାତ୍ତଦ୍ବିଶିଷ୍ଯତେ॥ 7-17-10 (45384)
ସଞ୍ଜଯ ଉବାଚ। 7-17-11x (4300)
ଦ୍ରୋଣସ୍ଯ ତଦ୍ବଚଃ ଶ୍ରୁତ୍ବା ତ୍ରିଗର୍ତାଧିପତିସ୍ତଦା।
ଭ୍ରାତୃଭିଃ ସହିତୋ ରାଜନ୍ନିଦଂ ବଚନମବ୍ରବୀତ୍॥ 7-17-11 (45385)
ବଯଂ ବିନିକୃତା ରାଜନ୍ସଦା ଗାଣ୍ଡୀବଧନ୍ବନା।
ଅନାଗଃସ୍ବପି ଚାଗସ୍ତତ୍କୃତମସ୍ମାସୁ ତେନ ବୈ॥ 7-17-12 (45386)
ତେ ବଯଂ ସ୍ମରମାଣାସ୍ତାନ୍ବିନିକାରାନ୍ପୃଥଗ୍ବିଧାନ୍।
କ୍ରୋଧାଗ୍ନିନା ଦହ୍ଯମାନା ହ୍ଯଶେମହି ସଦା ନିଶି॥ 7-17-13 (45387)
ସ ନୋ ଦିଷ୍ଟ୍ଯାଽସ୍ତ୍ରସମ୍ପନ୍ନଶ୍ଚକ୍ଷୁର୍ବିଷଯମାଗତଃ।
କର୍ତାରଃ ସ୍ମରଯଂ କର୍ମ ଯଚ୍ଚିକୀର୍ଷାମ ହୃଦ୍ଗତମ୍॥ 7-17-14 (45388)
ଭବତଶ୍ଚ ପ୍ରିଯଂ ଯତ୍ସ୍ଯାଦସ୍ମାକଂ ଚ ଯଶସ୍କରମ୍।
ବଯମେନଂ ହନିଷ୍ଯାମୋ ନିକୃଷ୍ଯାଯୋଧନାଦ୍ବହିଃ॥ 7-17-15 (45389)
ଅଦ୍ଯାସ୍ତ୍ବନର୍ଜୁନା ଭୂମିରତ୍ରିଗର୍ତାଽବା ପୁନଃ।
ସତ୍ଯଂ ତେ ପ୍ରତିଜାନୀମୋ ନୈତନ୍ମିଥ୍ଯା ଭବିଷ୍ଯତି॥ 7-17-16 (45390)
ଏବଂ ସତ୍ଯରଥଶ୍ଚୋକ୍ତ୍ବା ସତ୍ଯବର୍ମା ଚ ଭାରତ।
ସତ୍ଯବ୍ରତଶ୍ଚ ସତ୍ଯେଷୁଃ ସତ୍ଯକର୍ମା ତଥୈବ ଚ॥ 7-17-17 (45391)
ସହିତା ଭ୍ରାତରଃ ପଞ୍ଚ ରଥାନାମଯୁତେନ ଚ।
ନ୍ଯବର୍ତନ୍ତ ମହାରାଜ କୃତ୍ବା ଶପଥମାହବେ॥ 7-17-18 (45392)
ମାଲବାସ୍ତୁଣ୍ଡିକେରାଶ୍ଚ ରଥାନାମଯୁତୈସ୍ତ୍ରିଭିଃ।
ସୁଶର୍ମା ଚ ନରବ୍ଯାଘ୍ରସ୍ତ୍ରିଗର୍ତଃ ପ୍ରସ୍ଥଲାଧିପଃ॥ 7-17-19 (45393)
ମାବେଲ୍ଲକୈର୍ଲଲିତ୍ଥୈଶ୍ଚ ସହିତୋ ମଦ୍ରକୈରପି।
ରଥାନାମଯୁତେନୈବ ସୋଽଗମଦ୍ଧାତୃଭିଃ ସହ॥ 7-17-20 (45394)
ନାନାଜନପଦେଭ୍ଯଶ୍ଚ ରଥାନାମଯୁତଂ ପୁନଃ।
ସମୁତ୍ଥିତଂ ବିଶିଷ୍ଟାନାଂ ଶପଥାର୍ଥମୁପାଗମତ୍॥ 7-17-21 (45395)
ତତୋ ଜ୍ବଲନମାନର୍ଚ୍ଯ ହୁତ୍ବା ସର୍ବେ ପୃଥକ୍ପୃଥକ୍।
ଜଗୃହୁଃ କୁଶଚୀରାଣି ଚିତ୍ରାଣି କବଚାନି ଚ॥ 7-17-22 (45396)
ତେ ଚ ବଦ୍ଧତନୁତ୍ରାଣା ଘୃତାକ୍ତାଃ କୁଶଚୀରିଣଃ।
ମୌର୍ବୀମେଖଲିନୋ ବୀରାଃ ସହସ୍ରଶତଦକ୍ଷିଣାଃ॥ 7-17-23 (45397)
ଯଜ୍ବାନଃ ପୁତ୍ରିଣୋ ଲୋକ୍ଯାଃ କୃତକୃତ୍ଯାସ୍ତନୁତ୍ଯଜଃ।
ଯୋକ୍ଷ୍ଯମାଣାସ୍ତଦାଽଽତ୍ମାନଂ ଯଶସା ବିଜଯେନ ଚ॥ 7-17-24 (45398)
ବ୍ରହ୍ମଚର୍ଯୁଶ୍ରୁତିମୁଖୈଃ କ୍ରତୁଭିଶ୍ଚାପ୍ତଦକ୍ଷିଣୈଃ।
ପ୍ରାପ୍ଯାଁଲ୍ଲୋକାନ୍ସୁଯୁଦ୍ଧେନ କ୍ଷିପ୍ରମେବ ଯିଯାସବଃ॥ 7-17-25 (45399)
ବ୍ରାହ୍ମମାଂସ୍ତର୍ପଯିତ୍ବା ଚ ନିଷ୍କାନ୍ଦତ୍ବା ପୃଥକ୍ପୃଥକ୍।
ଗାଶ୍ଚ ବାସାଂସି ଚ ପୁନଃ ସମାଭାଷ୍ଯ ପରସ୍ପରମ୍॥ 7-17-26 (45400)
`ଦ୍ବିଜମୁଖ୍ଯୈଃ ସମୁଦିତୈଃ କୃତସ୍ବସ୍ତ୍ଯଯନାଶିଷଃ।
ମୁଦିତାଶ୍ଚ ପ୍ରହୃଷ୍ଟାଶ୍ଚ ଜଲଂ ସଂସ୍ପୃଶ୍ଯ ନିର୍ମଲମ୍'॥ 7-17-27 (45401)
ପ୍ରଜ୍ବାଲ୍ଯ କୃଷ୍ଣବର୍ତ୍ମାନମୁପାଗମ୍ଯ ରଣବ୍ରତମ୍।
ତସ୍ମିନ୍ନଗ୍ନୌ ତଦା ଚକ୍ରୁଃ ପ୍ରତିଜ୍ଞାଂ ଦୃଢନିଶ୍ଚଯାଃ॥ 7-17-28 (45402)
ଶୃଣ୍ବତାଂ ସର୍ବଭୂତାନାମୁଚ୍ଚୈର୍ବାଚୋ ବଭାଷିରେ।
ସର୍ବେ ଧନଞ୍ଜଯବଧେ ପ୍ରତିଜ୍ଞାଂ ଚାପି ଚକ୍ରିରେ। 7-17-29 (45403)
ଯେ ବୈ ଲୋକାଶ୍ଚାବ୍ରତିନାଂ ଯେ ଚୈବ ବ୍ରହ୍ମଘାତିନାମ୍।
ମଦ୍ଯପସ୍ଯ ଚ ଯେ ଲୋକା ଗୁରୁଦାରରତସ୍ଯ ଚ॥ 7-17-30 (45404)
ବ୍ରହ୍ମସ୍ବହାରିଣଶ୍ଚୈବ ରାଜପିଣ୍ଡାପହାରିଣଃ।
ଶରଣାଗତଂ ଚ ତ୍ଯଜତୋ ଯାଚମାନଂ ତଥା ଘ୍ନତଃ॥ 7-17-31 (45405)
ଅଗାରଦାହିନାଂ ଚୈବ ଯେ ଚ ଗାଂ ନିଘ୍ନତାମପି।
ଅପକାରିଣାଂ ଚ ଯେ ଲୋକା ଯେ ଚ ବ୍ରହ୍ମଦ୍ବିଷାମପି॥ 7-17-32 (45406)
ସ୍ବଭାର୍ଯାମୃତୁକାଲେଷୁ ମୋହାଦ୍ବୈ ନାଭିଗଚ୍ଛତାମ୍।
ଶ୍ରାଦ୍ଧମୈଥୁନିକାନାଂ ଚ ଯେ ଚାପ୍ଯାତ୍ମାପହାରିଣାମ୍॥ 7-17-33 (45407)
ନ୍ଯାସାପହାରିଣାଂ ଯେ ଚ ଶ୍ରୁତଂ ନାଶଯତାଂ ଚ ଯେ।
କ୍ଲୀବନେ ଯୁଧ୍ଯମାନାନାଂ ଯେ ଚ ନୀଚାନୁସାରିଣାମ୍॥ 7-17-34 (45408)
ନାସ୍ତିକାନାଂ ଚ ଯେ ଲୋକା ଯେଽଗ୍ନିମାତୃପିତୃତ୍ଯଜାମ୍।
ତାନାପ୍ନୁଯାମହେ ଲୋକାନ୍ଯେ ଚ ପାପକୃତାମପି॥ 7-17-35 (45409)
ଯଦ୍ଯହତ୍ବା ବଯଂ ଯୁଦ୍ଧେ ନିବର୍ତେମ ଧନଞ୍ଜଯମ୍।
ତେନ ଚାଭ୍ଯର୍ଦିତାସ୍ତ୍ରାସାଦ୍ଭବେମହି ପରାଙ୍ମୁଖାଃ॥ 7-17-36 (45410)
ଯଦି ତ୍ବସୁକରଂ ଲୋକେ କର୍ମ କୁର୍ଯାମ ସଂଯୁଗେ।
ଇଷ୍ଟାଁଲ୍ଲୋକାନ୍ପ୍ରାପ୍ନୁଯାମୋ ବଯମଦ୍ଯ ନ ସଂଶଯଃ॥ 7-17-37 (45411)
ଏବମୁକ୍ତ୍ବା ତଦା ରାଜଂସ୍ତେଽଭ୍ଯବର୍ତନ୍ତ ସଂଯୁଗେ।
ଆହ୍ବଯନ୍ତୋଽର୍ଜୁନଂ ବୀରାଃ ପିତୃଜୁଷ୍ଟାଂ ଦିଶଂ ପ୍ରତି॥ 7-17-38 (45412)
ଆହୂତସ୍ତୈର୍ନରବ୍ଯାଘ୍ରୈଃ ପାର୍ଥଃ ପରପୁରଞ୍ଚଯଃ।
ଧର୍ମରାଜମିଦଂ ବାକ୍ଯମପଦାନ୍ତରମବ୍ରବୀତ୍॥ 7-17-39 (45413)
ଆହୂତୋ ନ ନିବର୍ତେଯମିତି ମେ ବ୍ରତମାହିତମ୍।
ସଂଶପ୍ତକାଶ୍ଚ ମାଂ ରାଜନ୍ନାହ୍ବଯନ୍ତି ମହାମୃଧେ॥ 7-17-40 (45414)
ଏଷ ଚ ଭ୍ରାତୃଭିଃ ସାର୍ଧଂ ସୁଶର୍ମାଽଽହ୍ବଯତେ ରଣେ।
ବଧାଯ ସଗଣସ୍ଯାସ୍ଯ ମାମନୁଜ୍ଞାତୁମର୍ହସି॥ 7-17-41 (45415)
ନୈତଚ୍ଛକ୍ନୋମି ସଂସୋଢୁମାହ୍ବାନଂ ପୁରୁଷର୍ଷଭ।
ସତ୍ଯଂ ତେ ପ୍ରତିଜାନାମି ହତାନ୍ବିଦ୍ଧି ପରାନ୍ଯୁଧି॥ 7-17-42 (45416)
ଯୁଧିଷ୍ଠିର ଉବାଚ। 7-17-42x (4301)
ଶ୍ରୁତଂ ତେ ତତ୍ତ୍ବତସ୍ତାତ ଯଦ୍ଦ୍ରୋଣସ୍ଯ ଚିକୀର୍ଷିତମ୍।
ଯଥା ତଦନୃତଂ ତସ୍ଯ ଭବେତତ୍ତ୍ବଂ ସମାଚର॥ 7-17-43 (45417)
ଦ୍ରୋଣୋ ହି ବଲବାଞ୍ଶୂରଃ କୃତାସ୍ତ୍ରଶ୍ଚ ଜିତଶ୍ରମଃ।
ପ୍ରତିଜ୍ଞାତଂ ଚ ତେନୈତଦ୍ଗ୍ରହଣଂ ମେ ମହାରଥ॥ 7-17-44 (45418)
ଅର୍ଜୁନ ଉବାଚ। 7-17-45x (4302)
ଅଯଂ ବୈ ସତ୍ଯଜିଦ୍ରାଜନ୍ନଦ୍ଯ ତ୍ବାଂ ରକ୍ଷିତା ଯୁଧି।
ଧ୍ରିଯମାଣେ ଚ ପାଞ୍ଚାଲ୍ଯେ ନାଚାର୍ଯଃ କାମମାପ୍ସ୍ଯତି॥ 7-17-45 (45419)
ହତେ ତୁ ପୁରୁଷବ୍ଯାଘ୍ରେ ରଣେ ସତ୍ଯଜିତି ପ୍ରଭୋ।
ସର୍ବୈରପି ସମେତୈର୍ବା ନ ସ୍ଥାତବ୍ଯଂ କଥଂଚନ॥ 7-17-46 (45420)
ସଞ୍ଜଯ ଉବାଚ। 7-17-47x (4303)
ଅନୁଜ୍ଞାତସ୍ତତୋ ରାଜ୍ଞା ପରିଷ୍ବକ୍ତଶ୍ଚ ଫଲ୍ଗୁନଃ।
ପ୍ରେମ୍ଣା ଦୃଷ୍ଟଶ୍ଚ ବହୁଧା ହ୍ଯାଶିଷଶ୍ଚାସ୍ଯ ଯୋଜିତାଃ॥ 7-17-47 (45421)
ବିହାଯୈନଂ ତତଃ ପାର୍ଥସ୍ତ୍ରିଗର୍ତାନ୍ପ୍ରତ୍ଯଯାଦ୍ବଲୀ।
କ୍ଷୁଧିତଃ କ୍ଷୁଦ୍ବିଘାତାର୍ଥଂ ସିଂହୋ ମୃଗଗଣାନିବ॥ 7-17-48 (45422)
ତତୋ ଦୌର୍ଯୋଧନଂ ସୈନ୍ଯଂ ମୁଦା ପରମଯା ଯୁତମ୍।
ଋତେଽର୍ଜୁନଂ ଭୃଶଂ କ୍ରୁଦ୍ଧଂ ଧର୍ମରାଜସ୍ଯ ନିଗ୍ରହେ॥ 7-17-49 (45423)
ତତୋଽନ୍ଯୋନ୍ଯେନ ତେ ସୈନ୍ଯେ ସମାଜଗ୍ମତୁରୋଜସା।
ଗଙ୍ଗାସରଯ୍ବୌ ବେଗେନ ପ୍ରାବୃଷୀବୋଲ୍ବଣୋଦକେ॥ ॥ 7-17-50 (45424)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣାଭିଷେକପର୍ବଣି ସପ୍ତଦଶୋଽଧ୍ଯାଯଃ॥ 17 ॥
Mahabharata - Drona Parva - Chapter Footnotes
5-17-5 ଯୋଗେନ ଉପାଯେନ॥ 5-17-24 ଲୋକ୍ଯାଃ ପୁଣ୍ଯଲୋକାର୍ହାଃ॥ 5-17-25 ବ୍ରହ୍ମଚର୍ଯଂ ବେଦବ୍ରତାଚରଣମ୍। ଶ୍ରୁତିର୍ବେଦାଧ୍ଯଯନଂ ତେ ଏବ ମୁଖଂ ପ୍ରଧାନଂ ଯେଷୁ ତୈଃ। କର୍ମଭିରିତି ଶେଷଃ॥ 5-17-33 ଆତ୍ମାପହାରିଣାଂ ସ୍ବଜାତିଗୋପକାନାମ୍॥ 5-17-34 ଶ୍ରୁତଂ ପ୍ରତିଜ୍ଞାତମ୍॥ 5-17-39 ଅପଦାନ୍ତରମବ୍ଯବହିତମ୍॥ 5-17-17 ସପ୍ତଦଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 018
॥ ଶ୍ରୀଃ ॥
7.18. ଅଧ୍ଯାଯଃ 018
Mahabharata - Drona Parva - Chapter Topics
ଅର୍ଜୁନସ୍ଯ ସଂଶପ୍ତକୈଃ ସହ ଯୁଦ୍ଧମ୍॥ 1 ॥Mahabharata - Drona Parva - Chapter Text
7-18-0 (45425)
ସଞ୍ଜଯ ଉବାଚ। 7-18-0x (4304)
ତତଃ ସଂଶପ୍ତକା ରାଜନ୍ସମେ ଦେଶେ ବ୍ଯବସ୍ଥିତାଃ।
ବ୍ଯୂଢାନୀକୈ ରଥୈରେବ ଚନ୍ଦ୍ରାର୍ଧାଖ୍ଯୈର୍ମୁଦା ଯୁତାଃ॥ 7-18-1 (45426)
ତେ କିରୀଟିନମାଯାନ୍ତଂ ଦୃଷ୍ଟ୍ବା ହର୍ଷେଣ ମାରିଷ।
`ଅତୀବ ସମ୍ପ୍ରହୃଷ୍ଟାସ୍ତେ ହ୍ଯୁପଲକ୍ଷ୍ଯ ଧନଞ୍ଜଯମ୍'।
ଉଦକ୍ରୋଶନ୍ନରବ୍ଯାଘ୍ରାଃ ଶବ୍ଦେନ ମହତା ତଦା॥ 7-18-2 (45427)
ସ ଦିଶଃ ପ୍ରଦିଶଃ ସର୍ବା ନଭଶ୍ଚୈବ ସମାବୃଣୋତ୍।
ଆବୃତତ୍ବାଚ ଲୋକସ୍ଯ ନାସୀତ୍ତତ୍ର ପ୍ରତିସ୍ବନଃ॥ 7-18-3 (45428)
ସୋଽତୀବ ସଂପ୍ରହୃଷ୍ଟାଂସ୍ତାନୁପଲଭ୍ଯ ଧନଞ୍ଜଯଃ।
କିଞ୍ଚିଦଭ୍ଯୁତ୍ସ୍ମଯନ୍କୃଷ୍ଣମିଦଂ ବଚନମବ୍ରବୀତ୍॥ 7-18-4 (45429)
ଦେବକୀପୁତ୍ର ପଶ୍ଯେମାନ୍ମୁମୂର୍ଷୂନଦ୍ଯ ସଂଯୁଗେ।
ଭ୍ରାତୄଂସ୍ତ୍ରୈଗର୍ତକାନେତାନ୍ରୋଦିତବ୍ଯେ ପ୍ରହର୍ଷିତାନ୍॥ 7-18-5 (45430)
ଅଥବା ହର୍ଷକାଲୋଽଯଂ ତ୍ରୈଗର୍ତାନାମସଂଶଯମ୍।
କୁନରୈର୍ଦୁରବାପାନ୍ହି ଲୋକାନ୍ପ୍ରାପ୍ସ୍ଯନ୍ତି ସଂଯୁଗେ।
`ମଯା ହତା ହିଂ ସଙ୍ଗ୍ରାମେ ଲୋକାନ୍ପ୍ରାପ୍ସ୍ଯନ୍ତି ପୁଷ୍କଲାନ୍'
ଏବମୁକ୍ତ୍ବା ମହାବାହୁର୍ହୃଷୀକେଶଂ ତତୋଽର୍ଜୁନଃ।
ଆସସାଦ ରଣେ ବ୍ଯୂଢାଂ ତ୍ରିଗର୍ତାନାମନୀକିନୀମ୍॥ 7-18-6 (45431)
ସ ଦେବଦତ୍ତମାଦାଯ ଶଙ୍ଖଂ ହେମପରିଷ୍କୃତମ୍।
ଦଧ୍ମୌ ବେଗେନ ମହତା ଘୋଷେଣାପୂରଯନ୍ଦିଶଃ॥ 7-18-8 (45432)
ତେନ ଶବ୍ଦେନ ବିତ୍ରସ୍ତା ସଂଶପ୍ତକବରୂଥିନୀ।
ବିଚେଷ୍ଟାଽବସ୍ଥିତା ସଙ୍ଖ୍ଯେ ହ୍ଯଶ୍ମସାରମଯୀ ଯଥା॥ 7-18-9 (45433)
`ସା ସେନା ଭରତଶ୍ରେଷ୍ଠ ନିଶ୍ଚେଷ୍ଟା ଶୁଶୁଭେ ତଦା।
ଚିତ୍ରେ ପଟେ ଯଥା ନ୍ଯସ୍ତା କୁଶଲୈଃ ଶିଲ୍ପିଭିର୍ନରୈଃ॥ 7-18-10 (45434)
ସ୍ବନେନ ତେନ ସୈନ୍ଯାନାଂ ଦିବମାବୃଣ୍ବତା ତଦା।
ସସ୍ବନା ପୃଥିବୀ ସର୍ବା ତଥୈବ ଚ ମହୋଦଧିଃ।
ସ୍ବନେନ ତେନ ସୈନ୍ଯାନାଂ କର୍ଣାସ୍ତୁ ବଧିରୀକୃତାଃ'॥ 7-18-11 (45435)
ବାହାସ୍ତେଷାଂ ବିବୃତ୍ତାକ୍ଷାଃ ସ୍ତବ୍ଧକର୍ଣଶିରୋଧରାଃ।
ବିଷ୍ଟବ୍ଧଚରଣା ମୂତ୍ରଂ ରୁଧିରଂ ଚ ପ୍ରସୁସ୍ରୁବୁଃ।
`ତତୋ ବ୍ଯୁପାରମଚ୍ଛବ୍ଦଃ ପ୍ରହୃଷ୍ଟାସ୍ତେ ତତୋଽଭବନ୍'॥ 7-18-12 (45436)
ଉପଲଭ୍ଯ ତତଃ ସଂଜ୍ଞାମବସ୍ଥାପ୍ଯ ଚ ବାହିନୀମ୍।
ଯୁଗପତ୍ପାଣ୍ଡୁପୁତ୍ରାଯ ଚିକ୍ଷିପୁଃ କଙ୍କପତ୍ରିଣଃ॥ 7-18-13 (45437)
ତାନର୍ଜୁନଃ ସହସ୍ରାଣି ଦଶପଞ୍ଚଭିରାଶୁଗୈଃ।
ଅନାଗତାନେବ ଶରୈଶ୍ଚିଚ୍ଛେଦାଶୁ ପରାକ୍ରମୀ॥ 7-18-14 (45438)
ତତୋ଼ର୍ଜୁନଂ ଶିତୈର୍ବାଣୈର୍ଦଶଭିର୍ଦଶଭିଃ ପୁନଃ।
ପ୍ରାବିଧ୍ଯନ୍ତ ତତଃ ପାର୍ଥସ୍ତାନବିଧ୍ଯତ୍ତ୍ରିଭିସ୍ତ୍ରିଭିଃ॥ 7-18-15 (45439)
ଏକୈକସ୍ତୁ ତତଃ ପାର୍ଥଂ ରାଜନ୍ବିବ୍ଯାଧ ପଞ୍ଚଭିଃ।
ସ ଚ ତାନ୍ପ୍ରତିବିବ୍ଯାଧ ଦ୍ବାଭ୍ଯାଂ ଦ୍ବାଭ୍ଯାଂ ପରାକ୍ରମୀ॥ 7-18-16 (45440)
ଭୂଯ ଏବ ତୁ ସଙ୍କ୍ରୁଦ୍ଧାସ୍ତ୍ବର୍ଜୁନଂ ସହକେଶବମ୍।
ଆପୂରଯଞ୍ଶରୈସ୍ତୀକ୍ଷ୍ଣୈସ୍ତଟାକମିବ ବୃଷ୍ଟିଭିଃ॥ 7-18-17 (45441)
ତତଃ ଶରସହସ୍ରାଣି ପ୍ରାପତନ୍ନର୍ଜୁନଂ ପ୍ରତି।
ଭ୍ରମରାଣାମିବ ବ୍ରାତାଃ ଫୁଲ୍ଲଂ ଦ୍ରୁମଗଣଂ ବନେ॥ 7-18-18 (45442)
ତତଃ ସୁବାହୁସ୍ତ୍ରିଂଶଦ୍ଭିରଦ୍ରିସାରମଯୈଃ ଶରୈଃ।
ଅବିଧ୍ଯଦିଷୁଭିର୍ଗାଢଂ କିରୀଟେ ସବ୍ଯସାଚିନମ୍॥ 7-18-19 (45443)
ତୈଃ କିରୀଟି କିରୀଟସ୍ଥୈର୍ହେମପୁଙ୍ଖୈରଜିହ୍ମଗୈଃ।
ଶାତକୁମ୍ଭମଯାପୀଡୋ ବଭୌ ଯୂପ ଇବୋଚ୍ଛ୍ରିତଃ॥ 7-18-20 (45444)
ହସ୍ତାବାପଂ ସୁବାହୋସ୍ତୁ ଭଲ୍ଲେନ ଯୁଧି ପାଣ୍ଡବଃ।
ଚିଚ୍ଛେଦ ତଂ ଚୈବ ପୁନଃ ଶରବର୍ଷୈରବାକିରତ୍॥ 7-18-21 (45445)
ତତଃ ସୁଶର୍ମା ଦଶଭିଃ ସୁରଥସ୍ତୁ କିରୀଟିନମ୍।
ସୁଧର୍ମା ସୁଧନୁଶ୍ଚୈବ ସୁବାହୁଶ୍ଚ ସମାର୍ପଯତ୍॥ 7-18-22 (45446)
ତାଂସ୍ତୁ ସର୍ବାନ୍ପୃଥଗ୍ବାଣୈର୍ବାନରପ୍ରବରଧ୍ବଜଃ।
ପ୍ରତ୍ଯବିଧ୍ଯଦ୍ଧ୍ବଜାଂଶ୍ଚୈଷାଂ ଭଲ୍ଲୈଶ୍ଚିଚ୍ଛେଦ ସାଯକାନ୍॥ 7-18-23 (45447)
ସୁଧନ୍ବନୋ ଧନୁଶ୍ଛିତ୍ତ୍ବା ହଯାଂଶ୍ଚାସ୍ଯାବଧୀଚ୍ଛରୈଃ।
ଅଥାସ୍ଯ ସଶିରସ୍ତ୍ରାଣଂ ଶିରଃ କାଯାଦପାତଯତ୍॥ 7-18-24 (45448)
`ଜହାର ପାର୍ଥଃ ସୈନ୍ଯେଷୁ ସହସ୍ରେ ଦ୍ବେ ଚ ଯୋଧିନାମ୍'।
ତସ୍ମିନ୍ନିପତିତେ ବୀରେ ତ୍ରସ୍ତାସ୍ତସ୍ଯ ପଦାନୁଗାଃ॥ 7-18-25 (45449)
`ଭୂଯିଷ୍ଠଂ ପ୍ରତିରୁଦ୍ଧା ଯେ ହତୈର୍ଯୋଧୈର୍ଯଶସ୍ବିନଃ'।
ବ୍ଯଦ୍ରବନ୍ତ ଭଯାଦ୍ଭୀତା ଯତ୍ର ଦୌର୍ଯୋଧନଂ ବଲମ୍॥ 7-18-26 (45450)
ତତୋ ଜଘାନଂ ସଙ୍କ୍ରୁଦ୍ଧୋ ବାସବିସ୍ତାଂ ମହାଚମୂମ୍।
ଶରଜାଲୈରବିଚ୍ଛିନ୍ନୈସ୍ତମଃ ସୂର୍ଯ ଇବାଂଶୁଭିଃ॥ 7-18-27 (45451)
ତତୋ ଭଗ୍ନେ ବଲେ ତସ୍ମିନ୍ବିପ୍ରଲୀନେ ସମନ୍ତତଃ।
ସବ୍ଯସାଚିନି ସଙ୍କ୍ରୁଦ୍ବେ ତ୍ରୈଗର୍ତାନ୍ଭଯମାବିଶତ୍॥ 7-18-28 (45452)
ତେ ବଧ୍ଯମାନାଃ ପାର୍ଥେନ ଶରୈଃ ସନ୍ନତପର୍ବଭିଃ।
ଅମୁହ୍ଯଂସ୍ତତ୍ରତତ୍ରୈବ ତ୍ରସ୍ତା ମୃଗଗଣା ଇବ॥ 7-18-29 (45453)
ତତସ୍ତ୍ରିଗର୍ତରାଟ୍ କ୍ରୁଦ୍ଧସ୍ତାନୁବାଚ ମହାରଥାନ୍।
ଅଲଂ ଦ୍ରୁତେନ ବଃ ଶୂରା ନ ଭଯଂ କର୍ତୁମର୍ହଥ॥ 7-18-30 (45454)
ଶପ୍ତ୍ବାଽଥ ଶପଥାନ୍ଘୋରାନ୍ସର୍ବସୈନ୍ଯସ୍ଯ ପଶ୍ଯତଃ।
ଗତ୍ବା ଦୌର୍ଯୋଧନଂ ସୈନ୍ଯଂ କିଂ ବୈ ବକ୍ଷ୍ଯଥ ମୁଖ୍ଯଶଃ। 7-18-31 (45455)
ନାବହାସ୍ଯାଃ କଥଂ ଲୋକେ କର୍ମଣାଽନେନ ସଂଯୁଗେ।
ଭବେମ ସହିତାଃ ସର୍ବେ ନିବର୍ତଧ୍ବଂ ଯଥାବଲମ୍॥ 7-18-32 (45456)
ଏବମୁକ୍ତାସ୍ତୁ ତେ ରାଜନ୍ନୁଦକ୍ରୋଶନ୍ମୁହୁର୍ମୁହୁଃ।
ଶଙ୍ଖାଂଶ୍ଚ ଦଧ୍ମିରେ ବୀରା ହର୍ଷଯନ୍ତଃ ପରସ୍ପରମ୍॥ 7-18-33 (45457)
ତତସ୍ତେ ସନ୍ନ୍ଯବର୍ତନ୍ତଂ ସଂଶପ୍ତକଗଣାଃ ପୁନଃ।
ନାରାଯଣାଶ୍ଚ ଗୋପାଲା ମୃତ୍ଯୁଂ କୃତ୍ବାଽନିବର୍ତନମ୍॥ ॥ 7-18-34 (45458)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣାଭିଷେକପର୍ବଣି ଅଷ୍ଟାଦଶୋଽଧ୍ଯାଯଃ॥ 18 ॥
Mahabharata - Drona Parva - Chapter Footnotes
5-18-1 ବ୍ଯୁହ୍ଯାନୀକଂ ରଥୈରେବ ଚନ୍ଦ୍ରାକାରଂ ମୁଦା ଯୁତାଃ ଇତି ଝ ପାଠଃ॥ 5-18-18 ଅଷ୍ଟାଦଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 019
॥ ଶ୍ରୀଃ ॥
7.19. ଅଧ୍ଯାଯଃ 019
Mahabharata - Drona Parva - Chapter Topics
ଅର୍ଜୁନସ୍ଯ ସଂଶପ୍ତକୈଃ ସହ ଯୁଦ୍ଧମ୍॥ 1 ॥Mahabharata - Drona Parva - Chapter Text
7-19-0 (45459)
ସଞ୍ଚ ଉବାଚ। 7-19-0x (4305)
ଦୃଷ୍ଟା ତୁ ସନ୍ନିବୃତ୍ତାଂସ୍ତାନ୍ସଂଶପ୍ତକଗଣାନ୍ପୁନଃ।
ବାସୁଦେବଂ ମହାତ୍ମାନମର୍ଜୁନଃ ସମଭାଷତ॥ 7-19-1 (45460)
ଚୋଦଯାଶ୍ବାନ୍ହୃଷୀକେଶ ସଂଶପ୍ତକଗଣାନ୍ପ୍ରତି।
ନୈତେ ହାସ୍ଯନ୍ତି ସଙ୍ଗ୍ରାମଂ ଜୀବନ୍ତ ଇତି ମେ ମତିଃ॥ 7-19-2 (45461)
ପଶ୍ଯ ମେଽସ୍ତ୍ରବଲଂ ଘୋରଂ ବାହ୍ବୋରିଷ୍ବସନସ୍ଯ ଚ।
ଅଦ୍ଯୈତାନ୍ପାତଯିଷ୍ଯାମି କ୍ରୁଦ୍ଧୋ ରୁଦ୍ରଃ ପଶୂନିବ॥ 7-19-3 (45462)
ସଞ୍ଜଯ ଉବାଚ। 7-19-4x (4306)
ତତଃ କୃଷ୍ଣଃ ସ୍ମିତଂ କୃତ୍ବା ପ୍ରତିନନ୍ଦ୍ଯ ଶିବେନ ତମ୍।
ପ୍ରାବେଶଯତ ଦୁର୍ଧର୍ଷୋ ଯତ୍ରଯତ୍ରୈଚ୍ଛଦର୍ଜୁନଃ॥ 7-19-4 (45463)
ସ ରଥୋ ଭ୍ରାଜତେଽତ୍ଯର୍ଥମୁହ୍ଯମାନୋ ରଣେ ତଦା।
ଉହ୍ଯମାନମିବାକାଶେ ବିମାନଂ ପାଣ୍ଡୁରୈର୍ହଯୈଃ॥ 7-19-5 (45464)
ମଣ୍ଡଲାନି ତତଶ୍ଚକ୍ରେ ଗତପ୍ରତ୍ଯାଗତାନି ଚେ।
ଯଥା ଶକ୍ରରଥୋ ରାଜନ୍ଯୁଦ୍ଧେ ଦେବାସୁରେ ପୁରା॥ 7-19-6 (45465)
ଅଥ ନାରାଯଣାଃ କ୍ରୁଦ୍ଧା ବିବିଧାଯୁଧପାଣଯଃ।
ଛାଦଯନ୍ତଃ ଶରବ୍ରାତୈଃ ପରିବବ୍ରୁର୍ଧନଞ୍ଜଯମ୍॥ 7-19-7 (45466)
ଅଦୃଶ୍ଯଂ ଚ ମୁହୂର୍ତେନ ଚକ୍ରୁସ୍ତେ ଭରତର୍ଷଭ।
କୃଷ୍ଣେନ ସହିତଂ ଯୁଦ୍ଧେ କୁନ୍ତୀପୁତ୍ରଂ ଧନଞ୍ଜଯମ୍॥ 7-19-8 (45467)
କ୍ରୁଦ୍ଧସ୍ତୁ ଫଲ୍ଗୁନଃ ସଙ୍ଖ୍ଯେ ଦ୍ବିଗୁଣୀକୃତବିକ୍ରମଃ।
ଗାଣ୍ଡୀବଂ ଧନୁରାମୃଜ୍ଯ ତୂର୍ଣଂ ଜଗ୍ରାହ ସଂଯୁଗେ॥ 7-19-9 (45468)
ବଦ୍ଧ୍ବା ଚ ଭ୍ରୁକୁଟିଂ ବକ୍ତ୍ରେ କ୍ରୋଧସ୍ଯ ପ୍ରତିଲକ୍ଷଣମ୍।
ଦେବଦତ୍ତଂ ମହାଶଙ୍ଖଂ ପୂରଯାମାସ ପାଣ୍ଡବଃ॥ 7-19-10 (45469)
ଅଥାସ୍ତ୍ରମରିସଙ୍ଘଘ୍ନଂ ତ୍ବାଷ୍ଟ୍ରମଭ୍ଯସ୍ଯଦର୍ଜୁନଃ।
ତତୋ ରୂପସହସ୍ରାଣି ପ୍ରାଦୁରାସନ୍ପୃଥକ୍ପୃଥକ୍॥ 7-19-11 (45470)
ଅର୍ଜୁନପ୍ରତିରୂପୈସ୍ତୈର୍ନାନାରୂପୈର୍ବିମୋହିତାଃ।
ଅନ୍ଯୋନ୍ଯେନାର୍ଜୁନଂ ମତ୍ବା ସ୍ବମାତ୍ମାନଂ ଚ ଜଘ୍ନିରେ॥ 7-19-12 (45471)
ଅଯମର୍ଜୁନୋଽଯଂ ଗୋବିନ୍ଦ ଇମୌ ପାଣ୍ଡବଯାଦବୌ।
ଇତି ବ୍ରୁବାଣାଃ ସଂମୂଢା ଜଘ୍ନୁରନ୍ଯୋନ୍ଯମାହବେ॥ 7-19-13 (45472)
`ଅନ୍ଯୋନ୍ଯଂ ସମରେ ଜଘ୍ନୁସ୍ତାବକା ଭରତର୍ଷଭ'।
ମୋହିତାଃ ପରମାସ୍ତ୍ରେଣ କ୍ଷଯଂ ଜଗ୍ମୁଃ ପରସ୍ପରମ୍॥ 7-19-14 (45473)
`ରୁଧିରୋକ୍ଷିତଗାତ୍ରାସ୍ତେ ପ୍ରେକ୍ଷମାଣଃ ପରସ୍ପରମ୍'।
ଅଶୋଭନ୍ତ ରଣେ ଯୋଧାଃ ପୁଷ୍ପିତା ଇବ କିଂଶୁକାଃ॥ 7-19-15 (45474)
`ରୁଧିରୋତ୍ପୀଡନାସ୍ତେ ତୁ ରୁଧିରେଣ ସମୁକ୍ଷିତାଃ।
ଚନ୍ଦନସ୍ଯ ରସେନେବ ବ୍ଯଭ୍ରାଜନ୍ତ ରଣାଜିରେ॥ 7-19-16 (45475)
ତତଃ ପ୍ରସହ୍ଯ ବୀଭତ୍ସୁର୍ବ୍ଯାକ୍ଷିପଦ୍ଗାଣ୍ଡିବଂ ଧନୁଃ।
ନ୍ଯହନତ୍ତାଞ୍ଛରୈସ୍ତୀକ୍ଷ୍ଣୈସ୍ତମଃ ସୂର୍ଯ ଇବାଂଶୁଭିଃ॥ 7-19-17 (45476)
ହତାବଶିଷ୍ଟାସ୍ତେ ଭୂଯଃ ପରିବାର୍ଯ ଧନଞ୍ଜଯମ୍।
ସାଶ୍ବଧ୍ବଜରଥଂ ଚକ୍ରୁରଦୃଶ୍ଯଂ ଶରବୃଷ୍ଟିଭିଃ'॥ 7-19-18 (45477)
ତତଃ ଶରସହସ୍ରାଣି ତୈର୍ବିମୁକ୍ତାନି ଭସ୍ମସାତ୍।
କୃତ୍ବା ତଦସ୍ତ୍ରଂ ତାନ୍ବୀରାନନଯଦ୍ଯମସାଦନମ୍॥ 7-19-19 (45478)
ଅଥ ପ୍ରହସ୍ଯ ବୀଭତ୍ସୁର୍ଲଲିତ୍ଥାନ୍ମାଲବାନପି।
ମାବେଲ୍ଲକାଂସ୍ତ୍ରିଗର୍ତାଂଶ୍ଚ ଯୌଧେଯାଂଶ୍ଚାର୍ଦଯଚ୍ଛରୈଃ॥ 7-19-20 (45479)
ତେ ହନ୍ଯମାନା ବୀରେଣ କ୍ଷତ୍ରିଯାଃ କାଲଚୋଦିତାଃ।
ବ୍ଯସୃଜଞ୍ଛରଜାଲାନି ପାର୍ଥେ ନାନାବିଧାନି ଚ॥ 7-19-21 (45480)
ନ ଧ୍ବଜୋ ନାର୍ଜୁନସ୍ତତ୍ର ନ ରଥୋ ନ ଚ କେଶବଃ।
ପ୍ରତ୍ଯଦୃଶ୍ଯତ ଘୋରେଣ ଶରବର୍ଷେଣ ସଂବୃତଃ॥ 7-19-22 (45481)
ତତସ୍ତେ ଲବ୍ଧଲକ୍ଷତ୍ବାଦନ୍ଯୋନ୍ଯମଭିଚୁକ୍ରୁଶୁଃ।
ହତୌ କୃଷ୍ଣାବିତି ପ୍ରୀତ୍ଯା ବାସାଂସ୍ଯାଦୁଧୁବୁସ୍ତଦା॥ 7-19-23 (45482)
ଭେରୀମୃଦଙ୍ଗଶଙ୍ଖାଂଶ୍ଚ ଦଧ୍ମୁର୍ବୀରାଃ ସହସ୍ରଶଃ।
ସିଂହନାଦରବାଂଶ୍ଚୋଗ୍ରାଂଶ୍ଚକ୍ରିରେ ତତ୍ର ମାରିଷ॥ 7-19-24 (45483)
ତତଃ ପ୍ରସିଷ୍ବିଦେ କୃଷ୍ଣଃ ଖିନ୍ନଶ୍ଚାର୍ଜୁନମବ୍ରବୀତ୍।
କ୍ବାସି ପାର୍ଥ ନ ପଶ୍ଯାମି କଚ୍ଚିଜ୍ଜୀବସି ଶତ୍ରୁହନ୍॥ 7-19-25 (45484)
ତସ୍ଯ ତଦ୍ଭାଷିତଂ ଶ୍ରୁତ୍ବା ତ୍ବରମାଣୋ ଧନଞ୍ଜଯଃ।
ବାଯବ୍ଯାସ୍ତ୍ରେଣ ତୈରସ୍ତାଂ ଶରବୃଷ୍ଟିମପାହରତ୍॥ 7-19-26 (45485)
ତତଃ ସଂଶପ୍ତକବ୍ରାତାନ୍ସାଶ୍ବଦ୍ବିପରଥାଯୁଧାନ୍।
ଉବାହ ଭଗବାନ୍ବାଯୁଃ ଶୁଷ୍କପର୍ମଚଯାନିବ॥ 7-19-27 (45486)
ଉହ୍ଯମାନାସ୍ତୁ ତେ ରାଜନ୍ବହ୍ବଶୋଭନ୍ତ ବାଯୁନା।
ପ୍ରଡୀନାଃ ପକ୍ଷିଣଃ କାଲେ ବୃକ୍ଷେଭ୍ଯ ଇବ ମାରିଷ॥ 7-19-28 (45487)
ତାଂସ୍ତଥା ବ୍ଯାକୁଲୀକୃତ୍ଯ ତ୍ବରମାଣୋ ଧନଞ୍ଜଯଃ।
ଜଘାନ ନିଶିତୈର୍ବାଣୈଃ ସହସ୍ରାଣି ଶତାନି ଚ॥ 7-19-29 (45488)
ଶିରାଂସି ଭଲ୍ଲୈରହରଦ୍ବାହୂନପି ଚ ସାଯୁଧାନ୍।
ହସ୍ତିହସ୍ତୋପମାଂଶ୍ଚୋରୂଞ୍ଶରୈରୁର୍ବ୍ଯାମପାତଯତ୍॥ 7-19-30 (45489)
ପୃଷ୍ଠଚ୍ଛିନ୍ନାନ୍ବିଚରଣାନ୍ବିମସ୍ତକଦୃଗଙ୍ଗୁଲୀନ୍।
ନାନାଙ୍ଗାବଯବୈର୍ହୀନାଂଶ୍ଚକାରାରୀନ୍ଧନଞ୍ଜଯଃ॥ 7-19-31 (45490)
ଗନ୍ଧର୍ବନଗରାକାରାନ୍ବିଧିବତ୍କଲ୍ପିତାନ୍ରଥାନ୍।
ଶରୈର୍ବିଶକଲୀକୁର୍ବଂଶ୍ଚକ୍ରେ ବ୍ଯଶ୍ବରଥଦ୍ବିପାନ୍॥ 7-19-32 (45491)
ମୁଣ୍ଡତାଲବନାନୀବ ତତ୍ରତତ୍ର ଚକାଶିରେ।
ଛିନ୍ନା ରଥଧ୍ବଜବ୍ରାତାଃ କେଚିତ୍ତତ୍ର କ୍ବଚିତ୍କ୍ବଚିତ୍॥ 7-19-33 (45492)
ସୋତ୍ତରାଯୁଧିନୋ ନାଗାଃ ସପତାକାଙ୍କୁଶଧ୍ବଜାଃ।
ପେତୁଃ ଶକ୍ରାଶନିହତା ଦ୍ରୁମବନ୍ତ ଇବାଚଲାଃ॥ 7-19-34 (45493)
ଚାମରାପୀଡକବଚାଃ ସ୍ରସ୍ତାନ୍ତ୍ରନଯନାସ୍ତଥା।
ସାରୋହାସ୍ତୁରଗାଃ ପେତୁଃ ପାର୍ତବାଣହତାଃ କ୍ଷିତୌ॥ 7-19-35 (45494)
ବିପ୍ରବିଦ୍ଧାସିନାରାଚାଶ୍ଛିନ୍ନବର୍ମର୍ଷ୍ଟିଶକ୍ତଯଃ।
ପତ୍ତଯଶ୍ଚିନ୍ନବର୍ମାଣଃ କୃପଣାଃ ଶେରତେ ହତାଃ॥ 7-19-36 (45495)
ତୈର୍ହତୈର୍ହନ୍ଯମାନୈଶ୍ଚ ପତଦ୍ଭିଃ ପତିତୈରପି।
ଭ୍ରମଦ୍ଭିର୍ନିଷ୍ଟନଦ୍ଭିଶ୍ଚ କ୍ରୂରମାଯୋଧନଂ ବଭୌ॥ 7-19-37 (45496)
ରଜଶ୍ଚ ଚାପ୍ଯଭବଦ୍ଦୁର୍ଗା କବନ୍ଧଶତସଙ୍କୁଲା॥
ତଦ୍ବଭୌ ରୌଦ୍ରବୀଭତ୍ସଂ ବୀଭତ୍ସୋର୍ଯାନମାହବେ। 7-19-38 (45497)
ଆକ୍ରୀଡମିବ ରୁଦ୍ରସ୍ଯ ଘ୍ନତଃ କାଲାତ୍ଯଯେ ପଶୂନ୍॥
କତେ ବଧ୍ଯମାନାଃ ପାର୍ଥେନ ବ୍ଯାକୁଲାଶ୍ବରଥଦ୍ବିପାଃ। 7-19-39 (45498)
ତମେବାଭିମୁଖାଃ କ୍ଷୀଣାଃ ଶକ୍ରସ୍ଯାତିଥିତାଂ ଗତାଃ॥
ସା ଭୂମୀର୍ଭରତଶ୍ରେଷ୍ଠ ନିହତୈସ୍ତୈର୍ମହାରଥୈଃ। 7-19-40 (45499)
ଆସ୍ତୀର୍ଣା ସମ୍ବଭୌ ସର୍ବା ପ୍ରେତୀଭୂତୈଃ ସମନ୍ତତଃ॥
ଏତସ୍ମିନ୍ନନ୍ତରେ ଚୈବ ପ୍ରମତ୍ତେ ସବ୍ଯସାଚିନି। 7-19-41 (45500)
ବ୍ଯୂଢାନୀକସ୍ତତୋ ଦ୍ରୋଣୋ ଯୁଧିଷ୍ଠିରମୁପାଦ୍ରବତ୍॥
ତଂ ପ୍ରତ୍ଯଗୃହ୍ଣଂସ୍ତ୍ବରିତା ବ୍ଯୂଢାନୀକାଃ ପ୍ରହାରିଣଃ। 7-19-42 (45501)
ଯୁଧିଷ୍ଠିରଂ ପରୀପ୍ସନ୍ତସ୍ତଦାସୀତ୍ତୁମୁଲଂ ମହତ୍॥ ॥ 7-19-43 (45502)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ସଂଶପ୍ତକବଧପର୍ବଣି ଦ୍ବାଦଶଦିବସଯୁଦ୍ଧେ ଏକୋନବିଂଶୋଽଧ୍ଯାଯଃ॥ 19 ॥
Mahabharata - Drona Parva - Chapter Footnotes
5-19-34 ସୋତ୍ତରାଯୁଧିନଃ ଉପରିଗତୈର୍ଯୋଧୈଃ ସହିତାଃ॥ 5-19-19 ଏକୋନବିଂଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 020
॥ ଶ୍ରୀଃ ॥
7.20. ଅଧ୍ଯାଯଃ 020
Mahabharata - Drona Parva - Chapter Topics
ସଙ୍କୁଲଯୁଦ୍ଧବର୍ଣନମ୍॥ 1 ॥Mahabharata - Drona Parva - Chapter Text
7-20-0 (45503)
ସଞ୍ଜଯ ଉବାଚ। 7-20-0x (4307)
ପରିଣାମ୍ଯ ନିଶାଂ ତାଂ ତୁ ଭାରଦ୍ବାଜୋ ମହାରଥଃ।
ଉକ୍ତ୍ବା ସୁବହୁ ରାଜେନ୍ଦ୍ର ବଚନଂ ବୈ ସୁଯୋଧନମ୍॥ 7-20-1 (45504)
ବିଧାଯ ଗୋପ୍ତୄନ୍ପାର୍ଥସ୍ଯ ସଂଶପ୍ତକଗଣୈଃ ସହ।
ନିଷ୍କ୍ରାନ୍ତେ ଚ ତଦା ପାର୍ଥେ ସଂଶପ୍ତକବଧଂ ପ୍ରତି॥ 7-20-2 (45505)
ବ୍ଯୂଢାନୀକସ୍ତତୋ ଦ୍ରୋଣଃ ପାଣ୍ଡବାନାଂ ମହାଚମୂମ୍।
ଅଭ୍ଯଯାଦ୍ଭରତଶ୍ରେଷ୍ଠ ଧର୍ମରାଜଜିଘୃକ୍ଷଯା॥ 7-20-3 (45506)
ବ୍ଯୂଢାଂ ଦୃଷ୍ଟ୍ବା ସୁପର୍ଣେନ ଭାରଦ୍ବାଜସ୍ଯ ତାଂ ଚମୂମ୍।
ବ୍ଯୂହେନ ମଣ୍ଡଲାର୍ଧେନ ପ୍ରତ୍ଯବ୍ଯୂହଦ୍ଯୁଧିଷ୍ଠିରଃ॥ 7-20-4 (45507)
ମୁଖଂ ତ୍ବାସୀତ୍ସୁପର୍ଣସ୍ଯ ଭାରଦ୍ବାଜୋ ମହାରଥଃ।
ଶିରୋ ଦୁର୍ଯୋଧନୋ ରାଜା ସୋଦର୍ଯୈଃ ସାନୁଗୈର୍ବୃତଃ॥ 7-20-5 (45508)
ଚକ୍ଷୁଷୀ କୃତବର୍ମାଽଽସୀଦ୍ଗୌତମଶ୍ଚାସ୍ଯତାଂ ବରଃ॥ 7-20-6 (45509)
ଭୂତଶର୍ମା କ୍ଷେମଶର୍ମା କରକାକ୍ଷଶ୍ଚ ବୀର୍ଯବାନ୍।
କଲିଙ୍ଗାଃ ସିଂହଲାଃ ପ୍ରାଚ୍ଯାଃ ଶୂରା ଭୀରା ଦଶେରକାଃ॥ 7-20-7 (45510)
ଶକା ଯବନକାମ୍ଭୋଜାସ୍ତଥା ହଂସପଥାଶ୍ଚ ଯେ।
ଗ୍ରୀବାଯାଂ ଶୂରସେନାଶ୍ଚ ଦରନ୍ଦା ମଦ୍ରକେକଯାଃ।
ଗଜାଶ୍ବରଥପତ୍ତ୍ଯୋଘାସ୍ତସ୍ଥୁଃ ପରମଦଂଶିତାଃ॥ 7-20-8 (45511)
ଭୂରିଶ୍ରବାସ୍ତଥା ଶଲ୍ଯଃ ସୋମଦତ୍ତଶ୍ଚ ବାହ୍ଲିକଃ।
ଅକ୍ଷୌହିଣ୍ଯା ବୃତା ବୀରା ଦକ୍ଷିଣଂ ପାର୍ଶ୍ବମାସ୍ଥିତାଃ॥ 7-20-9 (45512)
ବିନ୍ଦାନୁବିନ୍ଦାବାବନ୍ତ୍ଯୌ କାମ୍ଭୋଜଶ୍ଚ ସୁଦକ୍ଷିଣଃ।
ବାମଂ ପାର୍ଶ୍ବଂ ସମାଶ୍ରିତ୍ଯ ଦ୍ରୋଣପୁତ୍ରାଗ୍ରତଃ ସ୍ଥିତାଃ॥ 7-20-10 (45513)
ପୃଷ୍ଠେ କଲିଙ୍ଗାଃ ସାମ୍ବଷ୍ଠା ମାଗଧାଃ ପୌଣ୍ଡ୍ରମଦ୍ରକାଃ।
ଗାନ୍ଧାରାଃ ଶକୁନାଃ ପ୍ରାଚ୍ଯାଃ ପାର୍ବତୀଯା ବସାତଯଃ॥ 7-20-11 (45514)
ପୁଚ୍ଛେ ବୈକର୍ତନଃ କର୍ଣଃ ସପୁତ୍ରଜ୍ଞାତିବାନ୍ଧବଃ।
ମହତ୍ଯା ସେନଯା ତସ୍ଥୌ ନାନାଜନପଦୋତ୍ଥଯା॥ 7-20-12 (45515)
ଜଯଦ୍ରଥୋ ଭୀମରଥଃ ସମ୍ପାତିର୍ଋଷଭୋ ଜଯଃ।
ଭୂମିଞ୍ଜଯୋ ବୃଷକ୍ରାଥୋ ନୈଷଧଶ୍ଚ ମହାବଲଃ॥ 7-20-13 (45516)
ବୃତା ବଲେନ ମହତା ବ୍ରହ୍ମଲୋକପରିଷ୍କୃତାଃ।
ବ୍ଯୂହସ୍ଯୋରସି ତେ ରାଜନ୍ସ୍ଥିତା ଯୁଦ୍ଧବିଶାରଦାଃ॥ 7-20-14 (45517)
ଦ୍ରୋଣେନ ବିହିତୋ ବ୍ଯୂହଃ ପଦାତ୍ଯଶ୍ବରଥଦ୍ବିପୈଃ।
ବାତୋଦ୍ଧୂତାର୍ଣବାକାରଃ ପ୍ରନୃତ୍ତ ଇବ ଲକ୍ଷ୍ଯତେ॥ 7-20-15 (45518)
ତସ୍ଯ ପକ୍ଷପ୍ରପକ୍ଷେଭ୍ଯୋ ନିଷ୍ପତନ୍ତି ଯୁଯୁତ୍ସବଃ।
ସବିଦ୍ଯୁତ୍ସ୍ତନିତା ମେଘାଃ ସର୍ବଦିଗ୍ଭ୍ଯଃ ଇବୋଷ୍ଣଗେ॥ 7-20-16 (45519)
ତସ୍ଯ ପ୍ରାଗ୍ଜ୍ଯୋତିଷୋ ମଧ୍ଯେ ବିଧିବତ୍କଲ୍ପିତଂ ଗଜମ୍।
ଆସ୍ଥିତଃ ଶୁଶୁଭେ ରାଜନ୍ନଂଶୁମାନୁଦଯେ ଯଥା॥ 7-20-17 (45520)
ମାଲ୍ଯଦାମବତା ରାଜଞ୍ଶ୍ବେତଚ୍ଛତ୍ରେଣ ଧାର୍ଯତା।
କୃତ୍ତିକାଯୋଗଯୁକ୍ତେନ ପୌର୍ଣମାସ୍ଯାମିବେନ୍ଦୁନା॥ 7-20-18 (45521)
ନୀଲାଞ୍ଜନଚଯପ୍ରଖ୍ଯୋ ମଦାନ୍ଧୋ ଦ୍ବିରଦୋ ବଭୌ।
ଅତିବୃଷ୍ଟୋ ମହାମେଘୈର୍ଯଥା ସ୍ଯାତ୍ପର୍ବତୋ ମହାନ୍॥ 7-20-19 (45522)
ନାନାନୃପତିଭିର୍ବୀରୈ ର୍ବିବିଧାଯୁଧଭୂଷଣୈଃ।
ସମନ୍ବିତଃ ପାର୍ବତୀଯୈଃ ଶକ୍ରୋ ଦେବଗଣୈରିବ॥ 7-20-20 (45523)
ତତୋ ଯୁଧିଷ୍ଠିରଃ ପ୍ରେକ୍ଷ୍ଯ ବ୍ଯୂହଂ ତମତିମାନୁଷମ୍।
ଅଜଯ୍ଯମରିଭିଃ ସଙ୍ଖ୍ଯେ ପାର୍ଷତଂ ବାକ୍ଯମବ୍ରବୀତ୍॥ 7-20-21 (45524)
ବ୍ରାହ୍ମଣସ୍ଯ ବଶଂ ନାହମିଯାମଦ୍ଯ ଯଥା ପ୍ରଭୋ।
ପାରାବତସବର୍ଣାଶ୍ବ ତଥା ନୀତିର୍ବିଧୀଯତାମ୍॥ 7-20-22 (45525)
ଧୃଷ୍ଟଦ୍ଯୁମ୍ନ ଉବାଚ। 7-20-23x (4308)
ଦ୍ରୋଣସ୍ଯ ଯତମାନସ୍ଯ ବଶଂ ନୈଷ୍ଯସି ସୁବ୍ରତ।
ଅହମାବାରଯିଷ୍ଯାମି ଦ୍ରୋଣମଦ୍ଯ ସହାନୁଗମ୍॥ 7-20-23 (45526)
ମଯି ଜୀବତି କୌରବ୍ଯ ନୋଦ୍ବେଗଂ କର୍ତୁମର୍ହସି।
ନ ହି ଶକ୍ତୋ ରଣେ ଦ୍ରୋଣୋ ବିଜେତୁଂ ମାଂ କଥଞ୍ଚନ॥ 7-20-24 (45527)
ସଞ୍ଜଯ ଉବାଚ। 7-20-25x (4309)
ଏବମୁକ୍ତ୍ବା କିରନ୍ବାଣାନ୍ଦ୍ରୁପଦସ୍ଯ ସୁତୋ ବଲୀ।
ପାରାବତସବର୍ଣାଶ୍ବଃ ସ୍ବଯଂ ଦ୍ରୋଣମୁପାଦ୍ରବତ୍॥ 7-20-25 (45528)
ଅନିଷ୍ଟଦର୍ଶନଂ ଦୃଷ୍ଟ୍ବା ଧୃଷ୍ଟଦ୍ଯୁମ୍ନମବସ୍ଥିତମ୍।
କ୍ଷଣେନୈବାଭବଦ୍ଦ୍ରୋଣୋ ନାତିହୃଷ୍ଟମନା ଇବ॥ 7-20-26 (45529)
`ସ ହି ଜାତୋ ମହାରାଜ ଦ୍ରୋଣସ୍ଯ ନିଧନଂ ପ୍ରତି॥ 7-20-27 (45530)
ମର୍ତ୍ଯଧର୍ମତଯା ତସ୍ମାଦ୍ଭାରଦ୍ବାଜୋ ବ୍ଯମୁହ୍ଯତ।
ନାଶକତ୍ତତ୍ର ତତ୍କିଞ୍ଚିଦନୀକଂ ପ୍ରତିବୀକ୍ଷିତୁମ୍॥ 7-20-28 (45531)
ତତଃ କିରନ୍ନିଷୂଂସ୍ତୀକ୍ଷ୍ଣାନ୍ଦ୍ରୁପଦସ୍ଯ ବରୂଥିନୀମ୍।
ଭରାଦ୍ବାଜୋ ଯଯୌ ତୂର୍ଣଂ ପାର୍ଷତଂ ବର୍ଜଯନ୍ଯୁଧି।
ଦ୍ରୁପଦସ୍ଯ ମହତ୍ସୈନ୍ଯଂ ଦାରଯାମାସ ବ୍ରାହ୍ମଣଃ'॥ 7-20-29 (45532)
ତଂ ତୁ ସମ୍ପ୍ରେକ୍ଷ୍ଯ ପୁତ୍ରସ୍ତେ ଦୁର୍ମୁଖଃ ଶତ୍ରୁକର୍ଷଣଃ।
ପ୍ରିଯଂ ଚିକୀର୍ଷୁର୍ଦ୍ରୋଣସ୍ଯ ଧୃଷ୍ଟଦ୍ଯୁମ୍ନମବାରଯତ୍॥ 7-20-30 (45533)
ସ ସମ୍ପ୍ରହାରସ୍ତୁମୁଲଃ ସୁଘୋରଃ ସମପଦ୍ଯତ।
ପାର୍ଷତସ୍ଯ ଚ ଶୂରସ୍ଯ ଦୁର୍ମୁଖସ୍ଯ ଚ ଭାରତ॥ 7-20-31 (45534)
ପାର୍ଷତଃ ଶରଜାଲେନ କ୍ଷିପ୍ରଂ ପ୍ରଚ୍ଛାଦ୍ଯ ଦୁର୍ମୁଖମ୍।
ଭାରଦ୍ବାଜଂ ଶରୌଘେଣ ମହତା ସମବାରଯତ୍॥ 7-20-32 (45535)
ଦ୍ରୋଣାବାରିତଂ ଦୃଷ୍ଟ୍ବା ଭୃଶାଯସ୍ତସ୍ତବାତ୍ମଜଃ।
ନାନାଲିଙ୍ଗୈଃ ଶରବ୍ରାତୈଃ ପାର୍ଷତଂ ସମମୋହଯତ୍॥ 7-20-33 (45536)
ତଯୋର୍ବିଷକ୍ତଯୋଃ ସଙ୍ଖ୍ଯେ ପାଞ୍ଚାଲ୍ଯକୁରୁମୁଖ୍ଯଯୋଃ।
ଦ୍ରୋଣୋ ଯୌଧିଷ୍ଠିରଂ ସୈନ୍ଯଂ ବହୁଧା ବ୍ଯଧମଚ୍ଛରୈଃ॥ 7-20-34 (45537)
ଅନିଲେନ ଯଥାଽଭ୍ରାଣି ବିଚ୍ଛିନ୍ନାନି ସମନ୍ତତଃ।
ତଥା ପାର୍ଥସ୍ଯ ସୈନ୍ଯାନି ବିଚ୍ଛିନ୍ନାନି କ୍ବଚିତ୍କ୍ବଚିତ୍॥ 7-20-35 (45538)
ମୁହୂର୍ତମିବ ତଦ୍ଯୁଦ୍ଧମାସୀନ୍ମଧୁରଦର୍ଶନମ୍।
ତତ ଉନ୍ମତ୍ତବଦ୍ରାଜନ୍ନିର୍ମର୍ଯାଦମବର୍ତତ॥ 7-20-36 (45539)
`ନୈବ ଖଂ ନ ଦିଶୋ ଭୂମିର୍ବଭାସେ ନ ଚ ଭାସ୍କରଃ'।
ନୈବ ସ୍ବେ ନ ପରେ ରାଜନ୍ନାଜ୍ଞାଯନ୍ତ ପରସ୍ପରମ୍।
ଅନୁମାନେନ ସଂଜ୍ଞାଭିର୍ଯୁଦ୍ଧଂ ତତ୍ସମବର୍ତତ॥ 7-20-37 (45540)
ଚୂଡାମଣିଷୁ ନିଷ୍କେଷୁ ଭୂଷଣେଷ୍ବପି ବର୍ମସୁ।
ତେଷାମାଦିତ୍ଯବର୍ଣାଭା ରଶ୍ମଯଃ ପ୍ରଚକାଶିରେ॥ 7-20-38 (45541)
ତତ୍ପ୍ରକୀର୍ଣପତାକାନାଂ ରଥବାରଣବାଜିନାମ୍।
ବଲାକାଶବଲାଭ୍ରାମଂ ଦଦୃଶେ ରୂପମାହବେ॥ 7-20-39 (45542)
ନରାନେବ ନରା ଜଘ୍ନରୁଦଗ୍ରାଶ୍ଚ ହଯା ହଯାନ୍।
ରଥାଂଶ୍ଚ ରଥିନୋ ଜଘ୍ନୁର୍ବାରଣା ବରବାରଣାନ୍॥ 7-20-40 (45543)
ସମୁଚ୍ଛ୍ରିତପତାକାନାଂ ଗଜାନାଂ ପରମଦ୍ବିପୈଃ।
କ୍ଷଣେନ ତୁମୁଲୋ ଘୋରଃ ସଙ୍ଗ୍ରାମଃ ସମପଦ୍ଯତ॥ 7-20-41 (45544)
ତେଷାଂ ସଂସକ୍ତଗାତ୍ରାଣାଂ କର୍ଷତାମିତରେତରମ୍।
ଦନ୍ତସଙ୍ଘାତସଙ୍ଘର୍ଷାତ୍ସଧୂମୋଽଗ୍ନିରଜାଯତ॥ 7-20-42 (45545)
ବିପ୍ରକୀର୍ଣପତାକାସ୍ତେ ବିଷାଣଜନିତାଗ୍ନଯଃ।
ବଭୂବୁଃ ଖଂ ସମାସାଦ୍ଯ ସବିଦ୍ଯୁତ ଇବାମ୍ବୁଦାଃ॥ 7-20-43 (45546)
ବିକ୍ଷିପଦ୍ଭିର୍ନଦଦ୍ଭିଶ୍ଚ ନିପତଦ୍ଭିଶ୍ଚ ବାରଣୈଃ।
ସମ୍ବଭୂବ ମହୀ କୀର୍ଣା ମେଘୈର୍ଦ୍ଯୌରିବ ବାର୍ଷିକୀ॥ 7-20-44 (45547)
ତେଷାମାହନ୍ଯମାନାନାଂ ବାଣତୋମରଋଷ୍ଟିଭିଃ।
ବାରଣାନାଂ ରବୋ ଜଜ୍ଞେ ମେଘାନାମିବ ସମ୍ପୁବେ॥ 7-20-45 (45548)
ତୋମରାଭିହତାଃ କେଚିଦ୍ବାଣୈଶ୍ଚ ପରମଦ୍ବିପାଃ।
ବିତ୍ରେସୁଃ ସର୍ବନାଗାନାଂ ଶବ୍ଦମେବାପରେଽସୃଜନ୍॥ 7-20-46 (45549)
ବିଷାଣାଭିହତାଶ୍ଚାପି କେଚିତ୍ତତ୍ର ଗଜା ଗଜୈଃ।
ଚକ୍ରୁରାର୍ତସ୍ବନଂ ଘୋରମୁତ୍ପାତଜଲଦା ଇବ॥ 7-20-47 (45550)
ପ୍ରତୀପାଃ କ୍ରିଯମାଣାଶ୍ଚ ବାରଣା ବରବାରଣୈଃ।
ଉନ୍ମଥ୍ଯ ପୁନରାଜଗ୍ମୁଃ ପ୍ରେରିତାଃ ପରମାଙ୍କୁଶୈଃ॥ 7-20-48 (45551)
ମହାମାତ୍ରୈର୍ମହାମାତ୍ରାସ୍ତାଡିତାଃ ଶରତୋମରୈଃ।
ଗଜେଭ୍ଯଃ ପୃଥିବୀଂ ଜଗ୍ମୁର୍ମୁକ୍ତପ୍ରହରଣାଙ୍କୁଶାଃ॥ 7-20-49 (45552)
ନିର୍ମନୁଷ୍ଯାଶ୍ଚ ମାତଙ୍ଗା ବିନଦନ୍ତସ୍ତତସ୍ତତଃ।
ଛିନ୍ନାଭ୍ରାଣୀବ ସମ୍ପେତୁଃ ସମ୍ପ୍ରବିଶ୍ଯ ପରସ୍ପରମ୍॥ 7-20-50 (45553)
ହତାନ୍ପରିବହନ୍ତଶ୍ଚ ପତିତାନ୍ପତିତାଯୁଧାନ୍।
ଦିଶୋ ଜଗ୍ମୁର୍ମହାନାଗାଃ କେଚିଦେକଚରା ଇବ॥ 7-20-51 (45554)
ତାଡିତାସ୍ତାଡ୍ଯମାନାଶ୍ଚ ତୋମରର୍ଷ୍ଟିପରଶ୍ବଥୈଃ।
ପେତୁରାର୍ତସ୍ବନଂ କୃତ୍ବା ତଦା ବିଶସନେ ଗଜାଃ॥ 7-20-52 (45555)
ତେଷାଂ ଶୈଲୋପମୈଃ କାଯୈର୍ନିପତଦ୍ଭିଃ ସମନ୍ତତଃ।
ଆହତା ସହସା ଭୂମିଶ୍ଚକମ୍ପେ ଚ ନନାଦ ଚ॥ 7-20-53 (45556)
ସାଦିତୈଃ ସଗଜାରୋହୈଃ ସପତାକୈଃ ସମନ୍ତତଃ।
ମାତଙ୍ଗୈଃ ଶୁଶୁଭେ ଭୂମିର୍ବିକୀର୍ଣୈରିବ ପର୍ବତୈଃ॥ 7-20-54 (45557)
ଗଜସ୍ଥାଶ୍ଚ ମହାମାତ୍ରା ନିର୍ଭିନ୍ନହୃଦଯା ରଣେ।
ରଥିଭିଃ ପାତିତା ଭଲ୍ଲୈର୍ବିକୀର୍ଣାଙ୍କୁଶତୋମରାଃ॥ 7-20-55 (45558)
କ୍ରୌଞ୍ଚବଦ୍ବିନଦନ୍ତୋଽନ୍ଯେ ନାରାଚାଭିହତା ଗଜାଃ।
ପରାନ୍ସ୍ବାଂଶ୍ଚାପି ମୃଦ୍ଗନ୍ତଃ ପରିପେତୁର୍ଦିଶୋ ଦଶ॥ 7-20-56 (45559)
ଗଜାଶ୍ବରଥଯୋଧାନାଂ ଶରୀରୌଘସମାବୃତା।
ବଭୂବ ପୃଥିବୀ ରାଜନ୍ମାଂସଶୋଣିତକର୍ଦମା॥ 7-20-57 (45560)
ପ୍ରମଥ୍ଯ ଚ ବିଷାଣାଗ୍ରୈଃ ସମୁତ୍କ୍ଷିପ୍ତାଶ୍ଚ ବାରଣୈଃ।
ସଚକ୍ରାଶ୍ଚ ବିଚକ୍ରାଶ୍ଚ ରଥୈରେବ ମହାରଥାଃ॥ 7-20-58 (45561)
ରଥାଶ୍ଚ ରଥିଭିର୍ହୀନା ନିର୍ମନୁଷ୍ଯାଶ୍ଚ ବାଜିନଃ।
ହତାରୋହାଶ୍ଚ ମାତଙ୍ଗା ଦିଶୋ ଜଗ୍ମୁର୍ଭଯାତୁରାଃ॥ 7-20-59 (45562)
ଜଘାନାତ୍ର ପିତା ପୁତ୍ରଂ ପୁତ୍ରଶ୍ଚ ପିତରଂ ତଥା।
ଇତ୍ଯାସୀତ୍ତୁମୁଲଂ ଯୁଦ୍ଧଂ ନ ପ୍ରାଜ୍ଞାଯତ କିଞ୍ଚନ॥ 7-20-60 (45563)
ଆଗୁଲ୍ଫେଭ୍ଯୋଽବସୀଦନ୍ତେ ନରା ଲୋହିତକର୍ଦମୈଃ।
ଦୀପ୍ଯମାନୈଃ ପରିକ୍ଷିପ୍ତା ଦାବୈରିବ ମହାଦ୍ରୁମାଃ॥ 7-20-61 (45564)
ଶୋଣିତୈଃ ସିଚ୍ଯମାନାନି ବସ୍ତ୍ରାଣି କବଚାନି ଚ।
ଛତ୍ରାଣି ଚ ପତାକାଶ୍ଚ ସର୍ବଂ ରକ୍ତମଦୃଶ୍ଯତ॥ 7-20-62 (45565)
ହଯୌଘାଶ୍ଚ ରଥୌଘାଶ୍ଚ ନରୌଘାଶ୍ଚ ନିପାତିତାଃ।
ସଂକ୍ଷୁଣ୍ଣାଃ ପୁନରାବୃତ୍ଯ ବହୁଧା ରଥନେମିଭିଃ॥ 7-20-63 (45566)
ସଗଜୌଘମହାବେଗଃ ପରାସୁନରଶୈବଲଃ।
ରଥୌଘତୁମୁଲାବର୍ତଃ ପ୍ରବଭୌ ସୈନ୍ଯସାଗରଃ॥ 7-20-64 (45567)
ତଂ ବାହନମହାନୌଭିର୍ଯୋଧା ଜଯଧନୈଷିଣଃ।
ଅବଗାହ୍ଯାଥ ମଜ୍ଜନ୍ତୋ ନୈବ ମୋହଂ ପ୍ରଚକ୍ରିରେ॥ 7-20-65 (45568)
ଶରବର୍ଷାଭିବୃଷ୍ଟେଷୁ ଯୋଧେଷ୍ବଞ୍ଚିତଲକ୍ଷ୍ମସୁ।
ନ ତେଷ୍ବଚିତ୍ତତାଂ ଲେଭେ କଶ୍ଚିଦାହତଲକ୍ଷଣଃ॥ 7-20-66 (45569)
ବର୍ତମାନେ ତଥା ଯୁଦ୍ଧେ ଘୋରରୂପେ ଭଯଙ୍କରେ।
ମୋହଯିତ୍ବା ପରାନ୍ଦ୍ରୋଣୋ ଯୁଧିଷ୍ଠିରମୁପାଦ୍ରବତ୍॥ ॥ 7-20-67 (45570)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ସଂଶପ୍ତକବଧପର୍ବଣି ଦ୍ବାଦଶଦିବସଯୁଦ୍ଧେ ବିଂଶୋଽଧ୍ଯାଯଃ॥ 20 ॥
Mahabharata - Drona Parva - Chapter Footnotes
5-20-16 ଉଷ୍ଣଗେ ଘର୍ମାତ୍ଯଯେ॥ 5-20-18 ପୌର୍ଣମାସ୍ଯାଂ କୃତ୍ତିକାଯୋଗଯୁକ୍ତେନ ଇନ୍ଦୁନା। ଶାରଦପୂର୍ଣଚନ୍ଦ୍ରେଣେତ୍ଯର୍ଥଃ॥ 5-20-26 ଅନିଷ୍ଟଦର୍ଶନଂ ସ୍ବମୃତ୍ଯୁହେତୁତ୍ବାତ୍॥ 5-20-33 ଭୃଶାଯସ୍ତୋଽତିପ୍ରଯତ୍ନବାନ୍॥ 5-20-51 ଏକଚରାଃ ଦ୍ବିପାନ୍ତରଦର୍ଶନାସହାଃ॥ 5-20-66 ଅଚିତ୍ତତାଂ ମୋହମ୍॥ 5-20-20 ବିଂଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 021
॥ ଶ୍ରୀଃ ॥
7.21. ଅଧ୍ଯାଯଃ 021
Mahabharata - Drona Parva - Chapter Topics
ଯୁଧିଷ୍ଠିରଂ ଜିଘୃକ୍ଷତୋ ଦ୍ରୋଣସ୍ଯ ସତ୍ଯଜିତା ନିରାଧଃ॥ 1 ॥ ଦ୍ରୋଣେନ ସତ୍ଯଜିତି ନିହତେ ଭଯାଦ୍ଯୁଧିଷ୍ଠିରସ୍ଯାପଯାନମ୍॥ 2 ॥ ପୁନର୍ଯୁଧିଷ୍ଠିରଂ ଜିଘୃକ୍ଷୁଣା ଦ୍ରୋଣେନ ପାଞ୍ଚାଲ୍ଯାଦୀନାଂ ହନନମ୍॥ 3 ॥Mahabharata - Drona Parva - Chapter Text
7-21-0 (45571)
ସଞ୍ଜଯ ଉବାଚ। 7-21-0x (4310)
ତତୋ ଯୁଧିଷ୍ଠିରୋ ଦ୍ରୋଣଂ ଦୃଷ୍ଟ୍ବାନ୍ତିକମୁପାଗତମ୍।
ମହତା ଶରବର୍ଷେଣ ପ୍ରତ୍ଯଗୃହ୍ଣାଦଭୀତବତ୍॥ 7-21-1 (45572)
ତତୋ ହଲହଲାଶବ୍ଦ ଆସୀଦ୍ଯୌଧିଷ୍ଠିରେ ବଲେ।
ଜିଘୃକ୍ଷତି ମହାସିଂହେ ଗଜାନାମିବ ଯୂଥପମ୍॥ 7-21-2 (45573)
ଦୃଷ୍ଟ୍ବା ଦ୍ରୋଣଂ ତତଃ ଶୂରଃ ସତ୍ଯଜିତ୍ସତ୍ଯବିକ୍ରମଃ।
ଯୁଧିଷ୍ଠିରମଭିପ୍ରେପ୍ସୁରାଚାର୍ଯଂ ସମୁପାଦ୍ରବତ୍॥ 7-21-3 (45574)
ତତ ଆଚାର୍ଯପାଞ୍ଚାଲ୍ଯୌ ଯୁଯୁଧାତେ ମହାବଲୌ।
ବିକ୍ଷୋଭଯନ୍ତୌ ତତ୍ସୈନ୍ଯମିନ୍ଦ୍ରବୈରୋଚନାବିବ॥ 7-21-4 (45575)
ତତୋ ଦ୍ରୋଣଂ ମହେଷ୍ବାସଃ ସତ୍ଯଜିତ୍ସତ୍ଯବିକ୍ରମଃ।
ଅବିଧ୍ଯନ୍ନିଶିତାଗ୍ରେଣ ପରମାସ୍ତ୍ରଂ ବିଦର୍ଶଯନ୍॥ 7-21-5 (45576)
ତଥାସ୍ଯ ସାରଥେଃ ପଞ୍ଚ ଶରାନ୍ସର୍ପବିଷୋପମାନ୍।
ଅମୁଞ୍ଚଦନ୍ତକପ୍ରଖ୍ଯାନ୍ସଂମୁମୋହାସ୍ଯ ସାରଥିଃ॥ 7-21-6 (45577)
ଅଥାସ୍ଯ ସହସାଽବିଧ୍ଯଦ୍ଧଯାନ୍ଦଶଭିରାଶୁଗୈଃ।
ଦଶଭିର୍ଦଶଭିଃ କ୍ରୁଦ୍ଧ ଉଭୌ ଚ ପାର୍ଷ୍ଣିସାରଥୀ॥ 7-21-7 (45578)
ମଣ୍ଡଲଂ ତୁ ସମାବୃତ୍ଯ ବିଚରନ୍ପୃତନାମୁଖେ।
ଧ୍ବଜଂ ଚିଚ୍ଛେଦ ଚ କ୍ରୁଦ୍ଧୋ ଦ୍ରୋଣସ୍ଯାମିତ୍ରକର୍ଷଣଃ॥ 7-21-8 (45579)
ଦ୍ରୋଣସ୍ତୁ ତତ୍ସମାଲୋକ୍ଯ ଚରିତଂ ତସ୍ଯ ସଂଯୁଗେ।
ମନସା ଚିନ୍ତଯାମାସ ପ୍ରାପ୍ତକାଲମରିନ୍ଦମଃ॥ 7-21-9 (45580)
ତତଃ ସତ୍ଯଜିତଂ ତୀକ୍ଷ୍ଣୈର୍ଦଶଭିର୍ମର୍ମଭେଦଭିଃ।
ଅବିଧ୍ଯଚ୍ଛୀଘ୍ରମାଚାର୍ଯଶ୍ଛିତ୍ତ୍ବାଽସ୍ଯ ସଶରଂ ଧନୁଃ॥ 7-21-10 (45581)
ସ ଶୀଘ୍ରତରମାଦାଯ ଧନୁରନ୍ଯତ୍ପ୍ରତାପବାନ୍।
ଦ୍ରୋଣମବ୍ଯହନଦ୍ରାଜଂସ୍ତ୍ରିଂଶତା କଙ୍କପତ୍ରିଭିଃ॥ 7-21-11 (45582)
ଦୃଷ୍ଟ୍ବା ସତ୍ଯଜିତା ଦ୍ରୋଣଂ ଗ୍ରସ୍ଯମାନମିବାହବେ।
ବୃକଃ ଶରଶତୈସ୍ତୀକ୍ଷ୍ଣୈଃ ପାଞ୍ଚାଲ୍ଯୋ ଦ୍ରୋଣମାର୍ଦଯତ୍॥ 7-21-12 (45583)
ସଞ୍ଛାଦ୍ଯମାନଂ ସମରେ ଦ୍ରୋଣଂ ଦୃଷ୍ଟ୍ବା ମହାରଥମ୍।
ଚୁକ୍ରୁଶୁଃ ପାଣ୍ଡବା ରାଜନ୍ବସ୍ତ୍ରାଣି ଦୁଧୁବୁଶ୍ଚ ହ॥ 7-21-13 (45584)
ବୃକସ୍ତୁ ପରମକ୍ରୁଦ୍ଧୋ ଦ୍ରୋଣଂ ଷଷ୍ଟ୍ଯା ସ୍ତନାନ୍ତରେ।
ବିବ୍ଯାଧ ବଲବାନ୍ରାଜଂସ୍ତଦଦ୍ଭୁତମିବାଭବତ୍॥ 7-21-14 (45585)
ଦ୍ରୋଣସ୍ତୁ ଶରବର୍ଷେଣ ଚ୍ଛାଦ୍ଯମାନୋ ମହାରଥଃ।
ବେଗଂ ଚକ୍ରେ ମହାବେଗଃ କ୍ରୋଧାଦୁଦ୍ବୃତ୍ଯ ଚକ୍ଷୁଷୀ॥ 7-21-15 (45586)
ତତଃ ସତ୍ଯଜିତଶ୍ଚାପଂ ଛିତ୍ତ୍ବା ଦ୍ରୋଣୋ ବୃକସ୍ଯ ଚ।
ଷଡ୍ଭିଃ ସସୂତଂ ସହଯଂ ଶରୈର୍ଦ୍ରୋଣୋଽବଧୀଦ୍ବୃକମ୍॥ 7-21-16 (45587)
ଅଥାନ୍ଯଦ୍ଧନୁରାଦାଯ ସତ୍ଯଜିଦ୍ବେଗବତ୍ତରମ୍।
ସାଶ୍ବଂ ସସୂତଂ ବିଶିଖୈର୍ଦ୍ରୋଣଂ ବିବ୍ଯାଧ ସଧ୍ବଜମ୍॥ 7-21-17 (45588)
ସ ତନ୍ନ ମମୃଷେ ଦ୍ରୋଣଃ ପାଞ୍ଚାଲ୍ଯେନାର୍ଦିତୋ ମୃଧେ।
ତତସ୍ତସ୍ଯ ବିନାଶାଯ ସତ୍ବରଂ ବ୍ଯସୃଜଚ୍ଛରାନ୍॥ 7-21-18 (45589)
ହଯାନ୍ଧ୍ବଜଂ ଧନୁର୍ମୁଷ୍ଟିମୁଭୌ ଚ ପାର୍ଷ୍ଣିସାରଥୀ।
ଅବାକିରତ୍ତତୋ ଦ୍ରୋଣଃ ଶରବର୍ଷୈଃ ସହସ୍ରଶଃ॥ 7-21-19 (45590)
ତଥା ସଞ୍ଛିଦ୍ଯମାନେଷୁ କାର୍ମୁକେଷୁ ପୁନଃପୁନଃ।
ପାଞ୍ଚାଲ୍ଯଃ ପରମାସ୍ତ୍ରଜ୍ଞଃ ଶୋଣାଶ୍ବଂ ସମଯୋଧଯତ୍॥ 7-21-20 (45591)
ସ ସତ୍ଯଜିତମାଲୋକ୍ଯ ତଥୋଦୀର୍ଣଂ ମହାହବେ।
ଅର୍ଧଚନ୍ଦ୍ରେଣ ଚିଚ୍ଛେଦ ଶିରସ୍ତସ୍ଯ ମହାତ୍ମନଃ॥ 7-21-21 (45592)
ତସ୍ମିନ୍ହତେ ମହାମାତ୍ରେ ପାଞ୍ଚାଲାନାଂ ମହାରଥେ।
ଅପାଯାଜ୍ଜବନୈରଶ୍ବୈର୍ଦ୍ରୋଣାତ୍ତ୍ରସ୍ତୋ ଯୁଧିଷ୍ଠିରଃ॥ 7-21-22 (45593)
ପାଞ୍ଚାଲାଃ କେକଯା ମାତ୍ସ୍ଯାଶ୍ଚେଦିକାରୂଶକୋସଲାଃ।
ଯୁଧିଷ୍ଠିରମଭୀପ୍ସନ୍ତୋ ଦୃଷ୍ଟ୍ବା ଦ୍ରୋଣମୁପାଦ୍ରବନ୍॥ 7-21-23 (45594)
ତତୋ ଯୁଧିଷ୍ଠିରଂ ପ୍ରେପ୍ସୁରାଚାର୍ଯଃ ଶତ୍ରୁପୂଗହା।
ବ୍ଯଧମତ୍ତାନ୍ଯନୀକାନି ତୂଲରାଶିମିବାନଲଃ॥ 7-21-24 (45595)
ନିର୍ଦହନ୍ତମନୀକାନି ତାନି ତାନି ପୁନଃପୁନଃ।
ଦ୍ରୋଣଂ ମତ୍ସ୍ଯାଦବରଜଃ ଶତାନୀକୋଽଭ୍ଯବର୍ତତ॥ 7-21-25 (45596)
ସୂର୍ଯରଶ୍ମିପ୍ରତୀକାଶୈଃ କର୍ମାରପରିମାର୍ଜିତୈଃ।
ଷଡ୍ଭିଃ ସସୂତଂ ସହଯଂ ଦ୍ରୋଣଂ ବିଦ୍ଧ୍ବାଽନଦଦ୍ଭୃଶମ୍॥ 7-21-26 (45597)
କ୍ରୂରାଯ କର୍ମଣେ ଯୁକ୍ତଶ୍ଚିକୀର୍ଷୁଃ କର୍ମ ଦୁଷ୍କରମ୍।
ଅବାକିରଚ୍ଛରଶତୈର୍ଭାରଦ୍ବାଜଂ ମହାରଥମ୍॥ 7-21-27 (45598)
ତସ୍ଯ ନାନଦତୋ ଦ୍ରୋଣଃ ଶିରଃ କାଯାତ୍ସକୁଣ୍ଡଲମ୍।
କ୍ଷୁରେଣାପାହରତ୍ତୁର୍ଣଂ ତତୋ ମତ୍ସ୍ଯାଃ ପ୍ରଦୁଦ୍ରୁବୁଃ॥ 7-21-28 (45599)
ମତ୍ସ୍ଯାଞ୍ଜିତ୍ବାଽଜଯଚ୍ଚେଦୀନ୍କରୂଶାନ୍କେକଯାନପି।
ପାଞ୍ଚାଲାନ୍ସୃଞ୍ଜଯାନ୍ପାଣ୍ଡୂନ୍ଭାରଦ୍ବାଜଃ ପୁନଃପୁନଃ॥ 7-21-29 (45600)
ତଂ ଦହନ୍ତମନୀକାନି କ୍ରୁଦ୍ଧମଗ୍ନିଂ ଯଥା ବନମ୍।
ଦୃଷ୍ଟ୍ବା ରୁକ୍ମରଥଂ ବୀରଂ ସମକମ୍ପନ୍ତ ସୃଞ୍ଜଯାଃ॥ 7-21-30 (45601)
ଉଭାଭ୍ଯାଂ ସନ୍ଦଧାନସ୍ଯ ଧନୁରସ୍ଯାଶୁକାରିଣଃ।
ଜ୍ଯାଘୋଷୋ ନିଘ୍ନତୋଽମିତ୍ରାନ୍ଦିକ୍ଷୁସର୍ବାସୁ ଶୁଶ୍ରୁବେ॥ 7-21-31 (45602)
ନାଗାନଶ୍ବାନ୍ପଦାତୀଂଶ୍ଚ ରଥିନୋ ଗଜସାଦିନଃ।
ରୌଦ୍ରା ହସ୍ତବତା ମୁକ୍ତାଃ ପ୍ରମଥ୍ନନ୍ତି ସ୍ମ ସାଯକାଃ॥ 7-21-32 (45603)
ନାନଦ୍ଯମାନଃ ପର୍ଜନ୍ଯୋ ମିଶ୍ରବାତୋ ହିମାତ୍ଯଯେ।
ଅଶ୍ମବର୍ଷମିବାବର୍ଷନ୍ପରେଷାଂ ଭଯମାଦଧତ୍॥ 7-21-33 (45604)
ସର୍ବା ଦିଶଃ ସମଚରତ୍ସୈନ୍ଯଂ ବିକ୍ଷୋଭଯନ୍ନିବ।
ବଲୀ ଶୂରୋ ମହେଷ୍ବାସୋ ମିତ୍ରାଣାମଭଯଙ୍କରଃ॥ 7-21-34 (45605)
ତସ୍ଯ ବିଦ୍ଯୁଦିବାଭ୍ରେଷୁ ଚାପଂ ହେମପରିଷ୍କୃତମ୍।
ଦିକ୍ଷୁ ସର୍ବାସୁ ପଶ୍ଯାମୋ ଦ୍ରୋଣସ୍ଯାମିତତେଜସଃ॥ 7-21-35 (45606)
ଶୋଭମାନାଂ ଧ୍ବଜେ ଚାସ୍ଯ ବେଦୀମଦ୍ରାକ୍ଷ୍ଯ ଭାରତ।
ହିମବଚ୍ଛିଖରାକାରଂ ଚରତଃ ସଂଯୁଗେ ଭୃଶମ୍॥ 7-21-36 (45607)
ଦ୍ରୋଣସ୍ତୁ ପାଣ୍ଡବାନୀକେ ଚକାର କଦନଂ ମହତ୍।
ଯଥା ଦୈତ୍ଯଗଣେ ବିଷ୍ଣୁଃ ସୁରାସୁରନମସ୍କୃତଃ॥ 7-21-37 (45608)
ସ ଶୂରଃ ସତ୍ଯବାକ୍ପ୍ରାଜ୍ଞୋ ବଲବାନ୍ସତ୍ଯବିକ୍ରମଃ।
ମହାନୁଭାବଃ କଲ୍ପାନ୍ତେ ରୌଦ୍ରାଂ ଭୀରୁବିଭୀଷଣାମ୍॥ 7-21-38 (45609)
କବଚୋର୍ମିଧ୍ବଜାବର୍ତାଂ ମର୍ତ୍ଯକୂଲାପହାରିଣୀମ୍॥
ଗଜବାଜିମହାଗ୍ରାହାମସିମୀନାଂ ଦୁରାସଦାମ୍॥ 7-21-39 (45610)
ବୀରାସ୍ଯିଶର୍କରାଂ ରୌଦ୍ରାଂ ଭେରୀମୁରଜକଚ୍ଛପାମ୍।
ଚର୍ମବର୍ମପ୍ଲବାଂ ଘୋରାଂ କେଶଶୈବଲଶାଦ୍ବଲାମ୍॥ 7-21-40 (45611)
ଶରୌଘିଣୀଂ ଧନୁଃସ୍ରୋତାଂ ବାହୁପନ୍ନଗସଙ୍କୁଲାମ୍।
ରଣଭୂମିବହାଂ ତୀବ୍ରାଂ କୁରୁସୃଞ୍ଜଯବାହିନୀମ୍॥ 7-21-41 (45612)
ମନୁଷ୍ଯଶୀର୍ଷପାଷାଣାଂ ଶକ୍ତିମୀନାଂ ଗଦୋଡୁପାମ୍।
ଉଷ୍ଣୀଷଫେନବସନାଂ ବିକୀର୍ଣାନ୍ତ୍ରସରୀସୃପାମ୍॥ 7-21-42 (45613)
ବୀରାପହାରିଣୀମୁଗ୍ରାଂ ମାଂସଶୋମିତକର୍ଦମାମ୍।
ହସ୍ତିଗ୍ରାହାଂ କେତୁବୃକ୍ଷାଂ କ୍ଷତ୍ରିଯାଣାଂ ନିମଜ୍ଜନୀମ୍॥ 7-21-43 (45614)
କ୍ରୂରାଂ ଶରୀରସଙ୍ଘାଟାଂ ସାଦିନକ୍ରାଂ ଦୁରତ୍ଯଯାମ୍।
ଦ୍ରୋଣଃ ପ୍ରାବର୍ତଯତ୍ତତ୍ର ନଦୀମନ୍ତକଗାମିନୀମ୍॥ 7-21-44 (45615)
କ୍ରବ୍ଯାଦଗଣସଞ୍ଜୁଷ୍ଟାଂ ଶ୍ବଶୃଗାଲଗଣାଯୁତାମ୍।
ନିଷେବିତାଂ ମହାରୌଦ୍ରୈଃ ପିଶିତାଶୈଃ ସମନ୍ତତଃ॥ 7-21-45 (45616)
ତଂ ଦହନ୍ତମନୀକାନି ରଥୋଦାରଂ କୃତାନ୍ତବତ୍।
ସର୍ବତୋଽଭ୍ଯଦ୍ରବନ୍ଦ୍ରୋଣଂ କୁନ୍ତୀପୁତ୍ରପୁରୋଗମାଃ॥ 7-21-46 (45617)
ତେ ଦ୍ରୋଣଂ ସହିତାଃ ଶୂରାଃ ସର୍ବତଃ ପ୍ରତ୍ଯବାରଯନ୍।
ଗଭସ୍ତିଭିରିବାଦିତ୍ଯଂ ତପନ୍ତଂ ଭୁବନଂ ଯଥା॥ 7-21-47 (45618)
ତଂ ତୁ ଶୂରଂ ମହେଷ୍ବାସଂ ତାବକାଽଭ୍ଯୁଦ୍ଯତାଯୁଧାଃ।
ରାଜାନୋ ରାଜପୁତ୍ରାଶ୍ଚ ସମନ୍ତାତ୍ପର୍ଯବାରଯନ୍॥ 7-21-48 (45619)
ଶିଖଣ୍ଡୀ ତୁ ତତୋ ଦ୍ରୋଣଂ ପଞ୍ଚଭିର୍ନତପର୍ବଭିଃ।
କ୍ଷତ୍ରବର୍ମା ଚ ବିଂଶତ୍ଯା ବସୁଦାନଶ୍ଚ ପଞ୍ଚଭିଃ॥ 7-21-49 (45620)
ଉତ୍ତମୌଜାସ୍ତ୍ରିଭିର୍ବାଣୈଃ କ୍ଷତ୍ରଦେବଶ୍ଚ ସପ୍ତଭିଃ।
ସାତ୍ଯକିଶ୍ଚ ଶତେନାଜୌ ଯୁଧାମନ୍ଯୁସ୍ତଥାଽଷ୍ଟଭିଃ॥ 7-21-50 (45621)
ଯୁଧିଷ୍ଠିରୋ ଦ୍ବାଦଶଭିର୍ଦ୍ରୋଣଂ ବିବ୍ଯାଧ ସାଯକୈଃ।
ଧୃଷ୍ଟଦ୍ଯୁମ୍ନଶ୍ଚ ଦଶଭିଶ୍ଚେକିତାନସ୍ତ୍ରିଭିଃ ଶରୈଃ॥ 7-21-51 (45622)
ତତୋ ଦ୍ରୋଣଃ ସତ୍ଯସନ୍ଧଃ ପ୍ରଭିନ୍ନ ଇବ କୁଞ୍ଜରଃ।
ଅଭ୍ଯତୀତ୍ଯ ସ୍ଥାନୀକଂ ଦୃଢସେନମପାତଯତ୍॥ 7-21-52 (45623)
ତତୋ ରାଜାନମାସାଦ୍ଯ ପ୍ରହରନ୍ତମଭୀତବତ୍।
ଅବିଧ୍ଯନ୍ନବଭିଃ କ୍ଷେମଂ ସ ହତଃପ୍ରାପତଦ୍ରଥାତ୍॥ 7-21-53 (45624)
ସ ମଧ୍ଯଂ ପ୍ରାପ୍ଯ ସୈନ୍ଯାନାଂ ସର୍ବାଃ ପ୍ରବିଚରନ୍ଦିଶଃ।
ତ୍ରାତା ହ୍ଯଭବଦନ୍ଯେଷାଂ ନ ତ୍ରାତବ୍ଯଃ କଥଂଚନ॥ 7-21-54 (45625)
ଶିଖଣ୍ଡିନଂ ଦ୍ବାଦଶଭିର୍ବିଂଶତ୍ଯା ଚୋତ୍ତମୌଜସମ୍।
ବସୁଦାନଂ ଚ ଭଲ୍ଲେନ ପ୍ରୈଷଯଦ୍ଯମସାଦନମ୍॥ 7-21-55 (45626)
ଅଶୀତ୍ଯା କ୍ଷତ୍ରବର୍ମାଣଂ ଷଡ୍ବିଂଶତ୍ଯା ସୁଦକ୍ଷିଣମ୍।
କ୍ଷତ୍ରଦେବଂ ତୁ ଭଲ୍ଲେନ ରଥନୀଡାଡପାତଯତ୍॥ 7-21-56 (45627)
ଯୁଧାମନ୍ଯୁଂ ଚତୁଃଷଷ୍ଟ୍ଯା ତ୍ରିଂଶତା ଚୈବ ସାତ୍ଯକିମ୍।
ବିଦ୍ଧ୍ବା ରୁକ୍ମରଥସ୍ତୂର୍ଣଂ ଯୁଧିଷ୍ଠିରମୁପାଦ୍ରବତ୍॥ 7-21-57 (45628)
ତତୋ ଯୁଧିଷ୍ଠିରଃ କ୍ଷିପ୍ରଂ ଗୁରୁତୋ ରାଜସତ୍ତମଃ।
ଅପାଯାଞ୍ଜବନୈରଶ୍ବୈଃ ପାଞ୍ଚାଲ୍ଯୋ ଦ୍ରୋଣମଭ୍ଯଯାତ୍॥ 7-21-58 (45629)
ତଂ ଦ୍ରୋଣଃ ସଧନୁଷ୍କଂ ତୁ ସାଶ୍ବଯନ୍ତାରମାକ୍ଷିଣୋତ୍।
ସ ହତଃ ପ୍ରାପତଦ୍ଭୂମୌ ରଥାଜ୍ଜ୍ଯୋତିରିବାମ୍ବରାତ୍।
`ହତ୍ବା ତଂ ବିବଭୌ ଦ୍ରୋଣଃ କୁରୁଭିଃ ପରିବାରିତଃ॥ 7-21-59 (45630)
ବାର୍ଧକ୍ଷେମିସ୍ତୁ ବାର୍ଷ୍ଣେଯୋ ଦ୍ରୋଣଂ ବିଦ୍ଧ୍ବା ଶରୋତ୍ତମୈଃ।
ନବଭିଶ୍ଚ ମହୀପାଲଃ ପୁନର୍ବିବ୍ଯାଧ ପଞ୍ଚଭିଃ॥ 7-21-60 (45631)
ସ ସାତ୍ଯକିଶ୍ଚତୁଷ୍ଷଷ୍ଟ୍ଯା ରାଜନ୍ବିବ୍ଯାଧ ସାଯକୈଃ।
ସୁଚିତ୍ରୋ ଦଶଭିର୍ବାଣୈର୍ଦ୍ରୋଣଂ ବିଦ୍ବ୍ବାଽନଦଦ୍ବଲୀ॥ 7-21-61 (45632)
ତଂ ଦ୍ରୋଣଃ ସମରେ ରାଜଞ୍ଶରବର୍ଷୈରବାକିରତ୍।
ଅପାତଯତ୍ତଯୋ ଦ୍ରୋଣଃ ସୁଚିତ୍ରଂ ସହସାରଥିମ୍॥ 7-21-62 (45633)
ସାଶ୍ବଂ ଚ ସମରେ ରାଜନ୍ହତୋ ବୈ ପ୍ରାପତତ୍କ୍ଷିତୌ।
ପାତ୍ଯମାନୋ ମହାରାଜ ବଭୌ ଜ୍ଯୋତିରିବାମ୍ବରାତ୍॥ 7-21-63 (45634)
ତସ୍ମିନ୍ହତେ ରାଜପୁତ୍ରେ ପାଞ୍ଚାଲାନାଂ ଯଶସ୍କରେ।
ହତ ଦ୍ରୋଣଂ ହତ ଦ୍ରୋଣମିତ୍ଯାସୀନ୍ନିଃସ୍ବନୋ ମହାନ୍॥ 7-21-64 (45635)
ତାଂସ୍ତଥା ଭୃଶସଂରବ୍ଧାନ୍ପାଞ୍ଚାଲାନ୍ମତ୍ସ୍ଯକେକଯାନ୍।
ସୃଞ୍ଜଯାନ୍ପାଣ୍ଡବାଂଶ୍ଚୈବ ଦ୍ରୋଣୋ ବ୍ଯକ୍ଷୋଭଯଦ୍ବଲୀ॥ 7-21-65 (45636)
ସାତ୍ଯକିଂ ଚେକିତାନଂ ଚ ଧୃଷ୍ଟଦ୍ଯୁମ୍ନଶିଖଣ଼୍ଡିନୌ।
ବାର୍ଧକ୍ଷେମିଂ ଚୈତ୍ରସେନିଂ ସେନାବିନ୍ଦୁଂ ସୁବର୍ଚସମ୍॥ 7-21-66 (45637)
ଏତାଂଶ୍ଚାନ୍ଯାଂଶ୍ଚ ସୁବହୂନ୍ନାନାଜନପଦେଶ୍ବରାନ୍।
ସର୍ବାନ୍ଦ୍ରୋଣୋଽଜଯଦ୍ଯୁଦ୍ଧେ କୁରୁଭିଃ ପରିବାରିତଃ॥ 7-21-67 (45638)
ତାବକାଶ୍ଚ ମହାରାଜ ଜଯଂ ଲବ୍ଧ୍ବା ମହାହବେ।
ପାଣ୍ଡବେଯାନ୍ରଣେ ଜଘ୍ନୁର୍ଦ୍ରବମାଣାନ୍ସମନ୍ତତଃ॥ 7-21-68 (45639)
ତେ ଦାନବା ଇବେନ୍ଦ୍ରେଣ ବଧ୍ଯମାନା ମହାତ୍ମନା।
ପାଞ୍ଚାଲାଃ କେକଯା ମାତ୍ସ୍ଯାଃ ସମକମ୍ପନ୍ତ ଭାରତ॥ ॥ 7-21-69 (45640)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ସଂଶପ୍ତକବଧପର୍ବଣି ଦ୍ବାଦଶଦିବସଯୁଦ୍ଧେ ଏକବିଂଶୋଽଧ୍ଯାଯଃ॥ 21 ॥
Mahabharata - Drona Parva - Chapter Footnotes
5-21-55 ଉଭଯତ୍ର ବିଦ୍ବ୍ବେତି ଶେଷଃ॥ 5-21-58 ପାଞ୍ଚାଲ୍ଯୋ ନାମ୍ନା॥ 5-21-21 ଏକବିଂଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 022
॥ ଶ୍ରୀଃ ॥
7.22. ଅଧ୍ଯାଯଃ 022
Mahabharata - Drona Parva - Chapter Topics
ଦ୍ରୋଣପରାକ୍ରମହୃଷ୍ଟେନ ଦୁର୍ଯୋଧନେନ କର୍ଣଂ ସମ୍ବୋଧ୍ଯ ଭୀମସେନାଦ୍ଯବଜ୍ଞାନେ କୃତେ କର୍ଣେନ ଭୀମାଦୀନାଂ ପ୍ରଶଂସନପୂର୍ବକମନବଜ୍ଞେଯତ୍ବକଥନମ୍॥ 1 ॥Mahabharata - Drona Parva - Chapter Text
7-22-0 (45641)
ଧୃତରାଷ୍ଟ୍ର ଉବାଚ। 7-22-0x (4311)
ଭାରଦ୍ବାଜେନ ଭଗ୍ନେଷୁ ପାଣ୍ଡବେଷୁ ମହାମୃଧେ।
ପାଞ୍ଚାଲେଷୁ ଚ ସର୍ବେଷୁ କଶ୍ଚିଦନ୍ଯୋଽଭ୍ଯବର୍ତତ॥ 7-22-1 (45642)
ଆର୍ଯାଂ ଯୁଦ୍ଧେ ମତିଂ କୃତ୍ବା କ୍ଷତ୍ରିଯାଣାଂ ଯଶସ୍କରୀମ୍।
ଅସେବିତାଂ କାପୁରୁଷୈଃ ସେବିତାଂ ପୁରୁଷର୍ଷଭୈଃ॥ 7-22-2 (45643)
ସ ହି ବୀରୋନ୍ନତଃ ଶୂରୋ ଯୋ ଭଗ୍ନେଷୁ ନିବର୍ତତେ।
ଅହୋ ନାସୀତ୍ପୁମାନ୍କଶ୍ଚିଦ୍ଦୃଷ୍ଟ୍ବା ଦ୍ରୋଣଂ ବ୍ଯବସ୍ଥିତମ୍॥ 7-22-3 (45644)
ଜୃମ୍ଭମାଣମିବ ବ୍ଯାଘ୍ରଂ ପ୍ରଭିନ୍ନମିବ କୁଞ୍ଜରମ୍।
ତ୍ଯଜନ୍ତମାହବେ ପ୍ରାଣାନ୍ସନ୍ନଦ୍ଧଂ ଚିତ୍ରଯୋଧିନମ୍॥ 7-22-4 (45645)
ମହେଷ୍ବାସଂ ନରବ୍ଯାଘ୍ରଂ ଦ୍ବିଷତାଂ ଭଯବର୍ଧନମ୍।
କୃତଜ୍ଞଂ ସତ୍ଯନିରତଂ ଦୁର୍ଯୋଧନହିତୈଷିଣମ୍॥ 7-22-5 (45646)
ଭାରଦ୍ବାଜଂ ତଥାଽନୀକେ ଦୃଷ୍ଟ୍ବା ଶୂରମବସ୍ଥିତମ୍।
କେ ଶୂରାଃ ସନ୍ନ୍ଯବର୍ତନ୍ତ ତନ୍ମମାଚକ୍ଷ୍ବ ସଞ୍ଜଯ॥ 7-22-6 (45647)
ସଞ୍ଚଯ ଉବାଚ। 7-22-7x (4312)
ତାନ୍ଦୃଷ୍ଟ୍ବା ଚଲିତାନ୍ସଙ୍ଖ୍ଯେ ପ୍ରଣୁନ୍ନାନ୍ଦ୍ରୋଣସାଯକୈଃ।
ପାଞ୍ଚାଲାନ୍ପାଣ୍ବାନ୍ମାତ୍ସ୍ଯାନ୍ସୃଞ୍ଜଯାଂଶ୍ଚେଦିକେକଯାନ୍॥ 7-22-7 (45648)
ଦ୍ରୋଣଚାପବିମୁକ୍ତେନ ଶରୌଘେଣାଶୁ ହାରିଣା।
ସିନ୍ଧୋରିବ ମହୌଧେନ ହିଯମାଣାନ୍ଯଥା ପ୍ଲବାନ୍॥ 7-22-8 (45649)
କୌରବାଃ ସିଂହନାଦେନ ନାନାବାଦ୍ଯସ୍ବନେନ ଚ।
ରଥଦ୍ବିପନରାଂଶ୍ଚୈବ ସର୍ବତଃ ସମବାରଯନ୍॥ 7-22-9 (45650)
ତାନ୍ପଶ୍ଯନ୍ସୈନ୍ଯମଧ୍ଯସ୍ଥୋ ରାଜା ସ୍ବଜନସମ୍ବୃତଃ।
ଦୁର୍ଯୋଧନୋଽବ୍ରବୀତ୍କର୍ଣଂ ପ୍ରହୃଷ୍ଟଃ ପ୍ରହସନ୍ନିବ॥ 7-22-10 (45651)
ଦୁର୍ଯୋଧନ ଉବାଚ। 7-22-11x (4313)
ପଶ୍ଯ ରାଧେଯ ପାଞ୍ଚାଲାନ୍ପ୍ରଣୁନ୍ନାନ୍ଦ୍ରୋଣସାଯକୈଃ।
ସିଂହେନେବ ମୃଗାନ୍ବନ୍ଯାଂସ୍ତ୍ରାସିତାନ୍ଦୃଢଧନ୍ବନା॥ 7-22-11 (45652)
ନୈତେ ଜାତୁ ପୁନର୍ଯୁଦ୍ଧମୀହେଯୁରିତି ମେ ମତିଃ।
ଯଥା ତୁ ଭଗ୍ନା ଦ୍ରୋଣେନ ବାତେନେବ ମହାଦ୍ରୁମାଃ॥ 7-22-12 (45653)
ଅର୍ଦ୍ଯମାନାଃ ଶରୈରେତେ ରୁକ୍ମପୁଙ୍ଖୈର୍ମହାତ୍ମନା।
ପଥା ନୈକେନ ଗଚ୍ଛନ୍ତି ଘୂର୍ଣମାନାସ୍ତତସ୍ତତଃ॥ 7-22-13 (45654)
ସନ୍ନିରୁଦ୍ଧାଶ୍ଚ କୌରବ୍ଯୈର୍ଦ୍ରୋଣେନ ଚ ମହାତ୍ମନା।
ଏତେଽନ୍ଯେ ମଣ୍ଡଲୀଭୂତାଃ ପାବକେନେବ କୁଞ୍ଜରାଃ॥ 7-22-14 (45655)
ଭ୍ରମରୈରିବ ଚାବିଷ୍ଟା ଦ୍ରୋଣସ୍ଯ ନିଶିତୈଃ ଶରୈଃ।
ଅନ୍ଯୋନ୍ଯଂ ସମଲୀଯନ୍ତ ପଲାଯନପରାଯଣାଃ॥ 7-22-15 (45656)
ଏଷ ଭୀମୋ ମହାକ୍ରୋଧୀ ହୀନଃ ପାଣ୍ଡବସୃଞ୍ଜଯୈଃ।
ମଦୀଯୈରାବୃତୋ ଯୋଧୈଃ କର୍ଣ ନନ୍ଦଯତୀବ ମାମ୍॥ 7-22-16 (45657)
ବ୍ଯକ୍ତଂ ଦ୍ରୋଣମଯଂ ଲୋକମଦ୍ଯ ପଶ୍ଯତି ଦୁର୍ମତିଃ।
ନିରାଶୋ ଜୀବିତାନ୍ନୂନମଦ୍ଯ ରାଜ୍ଯାଚ୍ଚ ପାଣ୍ଡବଃ॥ 7-22-17 (45658)
କର୍ଣ ଉବାଚ। 7-22-18x (4314)
ନୈଷ ଜାତୁ ମହାବାହୁର୍ଜୀବନ୍ନାହବମୁତ୍ସୃଜେତ୍।
ନ ଚେମାନ୍ପୁରୁଷବ୍ଯାଘ୍ର ସିଂହନାଦାନ୍ସହିଷ୍ଯତି॥ 7-22-18 (45659)
ନ ଚାପି ପାଣ୍ଡବା ଯୁଦ୍ଧେ ଭଜ୍ଯେରନ୍ନିତି ମେ ମତିଃ।
ଶୂରାଶ୍ଚ ବଲବନ୍ତଶ୍ଚ କୃତାସ୍ତ୍ରା ଯୁଦ୍ଧଦୁର୍ମଦାଃ॥ 7-22-19 (45660)
ବିଷାଗ୍ନିଦ୍ଯୂତସଙ୍କ୍ଲେଶାନ୍ବନବାସଂ ଚ ପାଣ୍ଡବାଃ।
ସ୍ମରମାଣା ନ ହାସ୍ଯନ୍ତି ସଙ୍ଗ୍ରାମମିତି ମେ ମତିଃ॥ 7-22-20 (45661)
ନିବୃତ୍ତୋ ହି ମହାବାହୁରମିତୌଜା ବୃକୋଦରଃ।
ବରାନ୍ବରାନ୍ହି କୌନ୍ତେଯୋ ରଥୋଦାରାନ୍ହନିଷ୍ଯତି॥ 7-22-21 (45662)
ଅସିନା ଧନୁଷା ଶକ୍ଯା ହଯୈର୍ନାଗୈର୍ନରୈ ସ୍ଥୈଃ।
ଆଯସେନ ଚ ଦଣ୍ଡେନ ବ୍ରାତାନ୍ବ୍ରାତାନ୍ହନିଷ୍ଯତି॥ 7-22-22 (45663)
ତମେନମନୁବର୍ତନ୍ତେ ସାତ୍ଯକିପ୍ରମୁଖା ରଥାଃ।
ପାଞ୍ଚାଲାଃ କେକଯା ମାସ୍ତ୍ଯାଃ ପାଶ୍ଡବାଶ୍ଚ ବିଶେଷତଃ॥ 7-22-23 (45664)
ଶୂରାଶ୍ଚ ବଲବନ୍ତଶ୍ଚ ବିକ୍ରାନ୍ତାଶ୍ଚ ମହାରଥାଃ।
ବିନିଘ୍ନନ୍ତଶ୍ଚ ଭୀମେନ ସଂରବ୍ଧେନାଭିଚୋଦିତାଃ॥ 7-22-24 (45665)
ତେ ଦ୍ରୋଣମଭିବର୍ତନ୍ତେ ସର୍ବତଃ କୁରୁପୁଙ୍ଗବାଃ।
ବୃକୋଦରଂ ପରୀପ୍ସନ୍ତଃ ସୂର୍ଯମଭ୍ରଗଣା ଇବ॥ 7-22-25 (45666)
`ସମରେଷୁ ତୁ ନିର୍ଦିଷ୍ଟାଃ ପାଣ୍ଡବାଃ କୃଷ୍ଣବାନ୍ଧବାଃ।
ପାଞ୍ଚାଲାଃ କେକଯା ମାତ୍ସ୍ଯାଃ ପାଣ୍ଡବେଯାଶ୍ଚ ସର୍ବଶଃ॥ 7-22-26 (45667)
ଶୂରାଶ୍ଚ ବଲବନ୍ତଶ୍ଚ ବିକ୍ରାନ୍ତାଶ୍ଚ ମହାରଥାଃ।
ହୀମନ୍ତଃ ଶତ୍ରୁମରଣେ ନିପୁଣାଃ ପୁଣ୍ଯଲକ୍ଷଣାଃ॥ 7-22-27 (45668)
ବହବଃ ପାର୍ଥିବା ରାଜଂସ୍ତେଷାଂ ବଶଗତା ରଣେ।
ମାବମଂସ୍ଥାଃ ପାଣ୍ଡବାଂସ୍ତ୍ବଂ ନାରାଯଣପୁରୋଗମାନ୍॥ 7-22-28 (45669)
ଏକାଯନଗତା ହ୍ଯେତେ ପୀଡଯେଯୁର୍ଯତବ୍ରତମ୍।
ଅରକ୍ଷମାଣଂ ଶଲଭା ଯଥା ଦୀପଂ ମୁମୂର୍ଷବଃ॥ 7-22-29 (45670)
ଅସଂଶଯଂ କୃତାସ୍ତ୍ରାଶ୍ଚ ପର୍ଯାପ୍ତାଶ୍ଚାପି ବାରଣେ।
ଅତିଭାରମହଂ ମନ୍ଯେ ଭାରଦ୍ବାଜେ ସମାହିତମ୍॥ 7-22-30 (45671)
ତେ ଶୀଘ୍ରମନୁଗଚ୍ଛାମୋ ଯତ୍ର ଦ୍ରୋଣୋ ବ୍ଯବସ୍ଥିତଃ।
କୋକା ଇବ ମହାନାଗଂ ମା ବୈ ହନ୍ଯୁର୍ଯତବ୍ରତମ୍॥ 7-22-31 (45672)
ସଞ୍ଜଯ ଉବାଚ। 7-22-32x (4315)
ରାଧେଯସ୍ଯ ବଚଃ ଶ୍ରୁତ୍ବା ରାଜା ଦୁର୍ଯୋଧନସ୍ତତଃ।
ଭ୍ରାତୃଭିଃ ସହିତୋ ରାଜନ୍ପ୍ରାଯାଦ୍ଦ୍ରୋଣରଥଂ ପ୍ରତି॥ 7-22-32 (45673)
ତତ୍ରାରାବୋ ମହାନାସୀଦେକଂ ଦ୍ରୋଣଂ ଜିଘାଂସତାମ୍।
ପାଣ୍ଡବାନାଂ ନିବୃତ୍ତାନାଂ ନାନାବର୍ଣୈର୍ହଯୋତ୍ତମୈଃ॥ ॥ 7-22-33 (45674)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ସଂଶପ୍ତକବଧପର୍ବଣି ଦ୍ବାଦଶଦିବସଯୁଦ୍ଧେ ଦ୍ବାବିଂଶୋଽଧ୍ଯାଯଃ॥ 22 ॥
Mahabharata - Drona Parva - Chapter Footnotes
5-22-1 ଅଭ୍ଯବର୍ତତ କିମ୍॥ 5-22-31 କୋକୋ ବୃକଃ॥ 5-22-22 ଦ୍ବାବିଂଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 023
॥ ଶ୍ରୀଃ ॥
7.23. ଅଧ୍ଯାଯଃ 023
Mahabharata - Drona Parva - Chapter Topics
Mahabharata - Drona Parva - Chapter Text
7-23-0 (45675)
ଧୃତରାଷ୍ଟ୍ର ଉବାଚ। 7-23-0x (4316)
ସର୍ବେଷାମେବ ମେ ବ୍ରୂହି ରଥଚିହ୍ବାନି ସଞ୍ଜଯ।
ଯେ ଦ୍ରୋଣମଭ୍ଯବର୍ତନ୍ତ କ୍ରୁଦ୍ଧା ଭୀମପୁରୋଗମାଃ।
`ତାନ୍ଯହଂ ଶ୍ରୋତୁମିଚ୍ଛାମି ବିସ୍ତରେଣ ପୃଥକ୍ପୃଥକ୍॥ 7-23-1 (45676)
ଦୂଯତେ ମେ ମନସ୍ତାତ ଦ୍ରୋଣଂ ପ୍ରତି ପରନ୍ତପମ୍।
ଶ୍ରୁତ୍ବା ଭୀଷ୍ମସ୍ଯ ନିଧନଂ ତଦ୍ବଦେତଦ୍ଭବିଷ୍ଯତି'॥ 7-23-2 (45677)
ସଞ୍ଜଯ ଉବାଚ। 7-23-3x (4317)
ଋକ୍ଷବର୍ଣୈର୍ହଯୈର୍ଦୃଷ୍ଟ୍ବା ବ୍ଯାଯଚ୍ଛନ୍ତଂ ବୃକୋଦରମ୍।
ରଜତାଶ୍ବସ୍ତତଃ ଶୂରଃ ଶୈନେଯଃ ସନ୍ନ୍ଯବର୍ତତ॥ 7-23-3 (45678)
ସାରଙ୍ଗାଶ୍ବୋ ଯୁଧାମନ୍ଯୁଃ ସ୍ବଯଂ ପ୍ରତ୍ବରଯନ୍ହଯାନ୍।
ପର୍ଯବର୍ତତ ଦୁର୍ଧର୍ଷଃ କ୍ରୁଦ୍ଧୋ ଦ୍ରୋଣରଥଂ ପ୍ରତି॥ 7-23-4 (45679)
ପାରାବତସବର୍ଣୈସ୍ତୁ ହେମଭାଣ୍ଡୈର୍ମହାଜବୈଃ।
ପାଞ୍ଚାଲରାଜସ୍ଯ ସୁତୋ ଧୃଷ୍ଟଦ୍ଯୁମ୍ନୋ ନ୍ଯବର୍ତତ॥ 7-23-5 (45680)
ପିତରଂ ତୁ ପରିପ୍ରେପ୍ସୁଃ କ୍ଷତ୍ରଧର୍ମା ଯତବ୍ରତଃ।
ସିଦ୍ଧିଂ ଚାସ୍ଯ ପରାଂ କାଙ୍କ୍ଷଞ୍ଶୋଣାଶ୍ବଃ ସନ୍ନ୍ଯବର୍ତତ॥ 7-23-6 (45681)
ପଦ୍ମପତ୍ରନିଭାଂଶ୍ଚାଶ୍ବାନ୍ମଲ୍ଲିକାକ୍ଷାନ୍ସ୍ବଲଙ୍କୃତାନ୍।
ଶୈଖଣ଼୍ଡିଃ କ୍ଷତ୍ରଦେବସ୍ତୁ ସ୍ବଯଂ ପ୍ରତ୍ବରଯନ୍ଯଯୌ॥ 7-23-7 (45682)
ଦର୍ଶନୀଯାସ୍ତୁ କାମ୍ଭୋଜାଃ ଶୁକପତ୍ରପରିଚ୍ଛଦାଃ।
ବହନ୍ତୋ ନକୁଲଂ ଶୀଘ୍ରଂ ତାବକାନାଭିଦୁଦ୍ରୁବୁଃ॥ 7-23-8 (45683)
କୃଷ୍ଣାସ୍ତୁ ମେଘସଙ୍କାଶା ଅବହନ୍ନୁତ୍ତମୌଜସମ୍।
ଦୁର୍ଧର୍ଷାଯାଭିସନ୍ଧାଯ କ୍ରୁଦ୍ଧଂ ଯୁଦ୍ଧାଯ ଭାରତ॥ 7-23-9 (45684)
ତଥା ତିତ୍ତିରିକଲ୍ମାଷା ହଯା ବାତସମା ଜବେ।
ଅବହଂସ୍ତୁମୁଲେ ଯୁଦ୍ଧେ ସହଦେବମୁଦାଯୁଧମ୍॥ 7-23-10 (45685)
ଦନ୍ତବର୍ଣାସ୍ତୁ ରାଜାନଂ କାଲବାଲା ଯୁଧିଷ୍ଠିରମ୍।
ଭୀମବେଗା ନରବ୍ଯାଘ୍ରମବହନ୍ବାତରଂହସଃ॥ 7-23-11 (45686)
ହେମୋତ୍ତମପ୍ରତିଚ୍ଛନ୍ନୈର୍ହଯୈର୍ବାତସମୈର୍ଜବେ।
ଅଭ୍ଯବର୍ତନ୍ତ ସୈନ୍ଯାନି ସର୍ବାଣ୍ଯେବ ଯୁଧିଷ୍ଠିରମ୍॥ 7-23-12 (45687)
ରାଜ୍ଞସ୍ତ୍ବନନ୍ତରୋ ରାଜା ପାଞ୍ଚାଲ୍ଯୋ ଦ୍ରୁପଦୋଽଭବତ୍।
ଜାତରୂପମଯଚ୍ଛତ୍ରଃ ସର୍ବୈସ୍ତୈରଭିରକ୍ଷିତଃ॥ 7-23-13 (45688)
ଲଲାମୈର୍ହରିଭିର୍ଯୁକ୍ତଃ ସର୍ବଶବ୍ଦକ୍ଷମୈର୍ଯୁଧି।
ରାଜ୍ଞଂ ମଧ୍ଯେ ମହେଷ୍ବାସଃ ଶାନ୍ତଭୀରଭ୍ଯବର୍ତତ॥ 7-23-14 (45689)
ତଂ ବିରାଟୋଽନ୍ବଯାଚ୍ଛୀଘ୍ରଂ ସହ ସର୍ବୈର୍ମହାରଥୈଃ।
କେକଯାଶ୍ଚ ସିଖଣ୍ଡୀ ଚ ଧୃଷ୍ଟକେତୁସ୍ତଥୈବ ଚ।
ସ୍ବୈଃ ସ୍ବୈଃ ସୈନ୍ଯୈଃ ପରିବୃତା ମାତ୍ସ୍ଯରାଜାନମନ୍ବଯୁଃ॥ 7-23-15 (45690)
ତଂ ତୁ ପାଟଲିପୁଷ୍ପାଣାଂ ସମବର୍ଣା ହଯୋତ୍ତମାଃ।
ବହମାନା ବ୍ଯରାଜନ୍ତ ମାସ୍ତ୍ଯସ୍ଯାମିତ୍ରଘାତିନଃ॥ 7-23-16 (45691)
ହରିଦ୍ରାସମବର୍ଣାସ୍ତୁ ଜବନା ହେମମାଲିନଃ।
ପୁତ୍ରଂ ବିରାଟରାଜସ୍ଯ ସତ୍ବରଂ ସମୁଦାବହନ୍॥ 7-23-17 (45692)
ଇନ୍ଦ୍ରଗୋପକବର୍ଣୈଶ୍ଚ ଭ୍ରାତରଃ ପଞ୍ଚ କେକଯାଃ।
ଜାତରୂପସମାଭାସାଃ ସର୍ବେ ଲୋହିତକଧ୍ବଜାଃ॥ 7-23-18 (45693)
ତେ ହେମମାଲିନଃ ଶୂରାଃ ସର୍ବେ ଯୁଦ୍ଧବିଶାରଦାଃ।
ବର୍ଷନ୍ତ ଇବ ଜୀମୂତାଃ ପ୍ରତ୍ଯଦୃଶ୍ଯନ୍ତ ଦଂଶିତାଃ॥ 7-23-19 (45694)
ଆମପାତ୍ରନିକାଶାସ୍ତୁ ପାଞ୍ଚାଲ୍ଯମମିତୌଜସମ୍।
ଦତ୍ତାସ୍ତୁମ୍ବୁରୁଣା ଦିବ୍ଯାଃ ଶିଖଣ୍ଡିନମୁଦାବହନ୍॥ 7-23-20 (45695)
ତଥା ଦ୍ବାଦଶସାହସ୍ରାଃ ପାଞ୍ଚାଲାନାଂ ମହାରଥାଃ।
ତେଷାଂ ତୁ ଷଟ୍ସହସ୍ରାଣି ଯେ ଶିଖଣ୍ଡିନମନ୍ବଯୁଃ॥ 7-23-21 (45696)
ପୁତ୍ରଂ ତୁ ଶିଶୁପାଲସ୍ଯ ନରସିଂହସ୍ଯ ମାରିଷ।
ଆକ୍ରୀଡନ୍ତୋ ବହନ୍ତି ସ୍ମ ସାରଙ୍ଗଶବଲା ହଯାଃ॥ 7-23-22 (45697)
ଧୃଷ୍ଟକେତୁସ୍ତୁ ଚେଦୀନାମୃଷଭୋଽତିବଲୋଦିତଃ।
କାମ୍ଭୋଜୈଃ ଶବଲୈରଶ୍ବୈରଭ୍ଯବର୍ତତ ଦୁର୍ଜଯଃ॥ 7-23-23 (45698)
ବୃହତ୍କ୍ଷତ୍ରଂ ତୁ କୈକେଯଂ ସୁକୁମାରଂ ହଯୋତ୍ତମାଃ।
ପଲାଲଧୂମସଙ୍କାଶାଃ ସୈନ୍ଧବାଃ ଶୀଘ୍ରମାବହନ୍॥ 7-23-24 (45699)
ମଲ୍ଲିକାକ୍ଷାଃ ପଦ୍ମବର୍ଣା ବାହ୍ଲିଜାତାଃ ସ୍ବଲଙ୍କୃତାଃ।
ଶୂରଂ ଶିଖଣ୍ଡିନଃ ପୁତ୍ରମୃକ୍ଷଦେବମୁଦାବହନ୍॥ 7-23-25 (45700)
ରୁକ୍ମଭାଣ୍ଡପ୍ରତିଚ୍ଛନ୍ନାଃ କୌଶେଯସଦୃଶା ହଯାଃ।
କ୍ଷମାବନ୍ତୋଽବହନ୍ସଙ୍ଖ୍ଯେ ସେନାବିନ୍ଦୁମରିନ୍ଦମମ୍॥ 7-23-26 (45701)
ଯୁବାନମବହନ୍ଯୁଦ୍ଧେ କ୍ରୌଞ୍ଚବର୍ଣା ହଯୋତ୍ତମାଃ।
କାଶ୍ଯସ୍ଯାଭିଭୁବଃ ପୁତ୍ରଂ ସୁକୁମାରଂ ମହାରଥମ୍॥ 7-23-27 (45702)
ଶ୍ବେତାସ୍ତୁ ପ୍ରତିବିନ୍ଧ୍ଯନ୍ତଂ କୃଷ୍ଣଗ୍ରୀବା ମନୋଜବାଃ।
ଯନ୍ତୁଃ ପ୍ରେଷ୍ଯକରା ରାଜନ୍ରାଜପୁତ୍ରମୁଦାବହନ୍॥ 7-23-28 (45703)
ସୁତସୋମଂ ତୁ ଯୋଧାଗ୍ର୍ଯଂ ଭୀମପୁତ୍ରଂ ମହାବଲମ୍।
ମାଷପୁଷ୍ପସବର୍ଣାସ୍ତମବହନ୍ବାଜିନୋ ରଣେ॥ 7-23-29 (45704)
ସହସ୍ରସୋମପ୍ରତିମୋ ବଭୂବ ପୁରେ କୁରୂଣାମୁଦଯେନ୍ଦୁନାମ୍ନି।
ତସ୍ମିଞ୍ଜାତଃ ସୋମସଂକ୍ରନ୍ଦମଧ୍ଯେ ଯସ୍ମାତ୍ତସ୍ମାତ୍ସୁତସୋମୋଽଭବତ୍ସଃ॥ 7-23-30 (45705)
ନାକୁଲିଂ ତୁ ଶତାନୀକଂ ଶାଲପୁଷ୍ପନିଭା ହଯାଃ।
ଆଦିତ୍ଯତରୁଣପ୍ରଖ୍ଯାଃ ଶ୍ଲାଘନୀଯମୁଦାବହନ୍॥ 7-23-31 (45706)
କାଞ୍ଚନାପିହିତୈର୍ଯୋକ୍ତ୍ରୈର୍ମଯୂରଗ୍ରୀବସନ୍ନିଭାଃ।
ଦ୍ରୌପଦେଯଂ ନରବ୍ଯାଘ୍ରଂ ଶ୍ରୁତକର୍ମାଣମାହବେ॥ 7-23-32 (45707)
ଶ୍ରୁତକୀର୍ତିଂ ଶ୍ରୁତନିଧିଂ ଦ୍ରୌପଦେଯଂ ହଯୋତ୍ତମାଃ।
ଊହୁଃ ପାର୍ଥସମଂ ଯୁଦ୍ଧେ ଚାଷପତ୍ରନିଭା ହଯାଃ॥ 7-23-33 (45708)
ଯମାହୁରଧ୍ଯର୍ଧଗୁଣଂ କୃଷ୍ଣାତ୍ପାର୍ଥାଚ୍ଚ ସଂଯୁଗେ।
ଅଭିମନ୍ଯୁଂ ପିଶଙ୍ଗାସ୍ତଂ କୁମାରମବହନ୍ରଣେ॥ 7-23-34 (45709)
ଏକସ୍ତୁ ଧାର୍ତରାଷ୍ଟ୍ରେଭ୍ଯଃ ପାଣ୍ଡବାନ୍ଯଃ ସମାଶ୍ରିତଃ।
ତଂ ବୃହନ୍ତୋ ମହାକାଯା ଯୁଯୁତ୍ସୁମବହନ୍ରଣେ।
`ଯେ ତୁ ପୁଷ୍କରସାରସ୍ଯ ତୁଲ୍ଯବର୍ଣା ହଯୋତ୍ତମାଃ'॥ 7-23-35 (45710)
ପଲାଲକାଣ୍ଡବର୍ଣାସ୍ତୁ ବାର୍ଧକ୍ଷେମିଂ ତରସ୍ବିନମ୍।
ଊହୁଃ ସୁତୁମୁଲେ ଯୁଦ୍ଧେ ହଯା ହୃଷ୍ଟାଃ ସ୍ବଲଙ୍କୃତାଃ॥ 7-23-36 (45711)
କୁମାରଂ ଶିତିପାଦାସ୍ତୁ ରୁକ୍ମଚିତ୍ରୈରୁରଶ୍ଛଦୈଃ।
ସୌଚିତ୍ତିମବହଦ୍ଯୁଦ୍ଧେ ଯନ୍ତୁଃ ପ୍ରେଷ୍ଯକରା ହଯାଃ॥ 7-23-37 (45712)
ରୁକ୍ମପୀଠାବକୀର୍ଣାସ୍ତୁ କୌଶେଯସଦୃଶା ହଯାଃ।
ସୁବର୍ଣମାଲିନଃ କ୍ଷାନ୍ତାଃ ଶ୍ରେଣିମନ୍ତମୁଦାବହନ୍॥ 7-23-38 (45713)
ରୁକ୍ମମାଲାଧରାଃ ଶୂରା ହେମପୃଷ୍ଠାଃ ସ୍ବଲଙ୍କୃତାଃ।
କାଶିରାଜଂ ନରଶ୍ରେଷ୍ଠଂ ଶ୍ଲାଘନୀଯମୁଦାବହନ୍॥ 7-23-39 (45714)
ଅସ୍ତ୍ରାଣାଂ ଚ ଧନୁର୍ବେଦେ ବ୍ରାହ୍ମେ ବେଦେ ଚ ପାରଗମ୍।
ତଂ ସତ୍ଯଧୃତିମାଯାନ୍ତମରୂଣାଃ ସମୁପାବହନ୍॥ 7-23-40 (45715)
ଯଃ ସ ପାଞ୍ଚାଲସେନାନୀଦ୍ରୋଣମଂଶମକଲ୍ପଯତ୍।
ପାରାବତସବର୍ଣାସ୍ତଂ ଧୃଷ୍ଟଦ୍ଯୁମ୍ନମୁଦାବହନ୍॥ 7-23-41 (45716)
ତମନ୍ବଯାତ୍ସତ୍ଯଧୃତିଃ ସୌଚିତ୍ତିର୍ଯୁଦ୍ଧଦୁର୍ମଦଃ।
ଶ୍ରେଣିମାନ୍ବସୁଦାନଶ୍ଚ ପୁତ୍ରଃ କାଶ୍ଯସ୍ଯ ଚାଭିଭୂଃ॥ 7-23-42 (45717)
ଯୁକ୍ତୈଃ ପରମକାମ୍ଭୋଜୈର୍ଜବନୈର୍ହେମମାଲିଭିଃ।
ଭୀଷଯନ୍ତୋ ଦ୍ବିଷତ୍ସୈନ୍ଯଂ ଯମବୈଶ୍ରବଣୋପମାଃ॥ 7-23-43 (45718)
ପ୍ରଭଦ୍ରକାସ୍ତୁ କାମ୍ଭୋଜାଃ ଷଟ୍ସହସ୍ରାଣ୍ଯୁଦାଯୁଧାଃ।
ନାନାବର୍ଣୈର୍ହଯୈଃ ଶ୍ରେଷ୍ଠୈର୍ହେମବର୍ଣରଥଧ୍ବଜାଃ॥ 7-23-44 (45719)
ଶରବ୍ରାତୈର୍ବିଧୁନ୍ବନ୍ତଃ ଶତ୍ରୂନ୍ବିତତକାର୍ମୁକାଃ।
ସମାନମୃତ୍ଯବୋ ଭୂତ୍ବା ଧୃଷ୍ଟଦ୍ଯୁମ୍ନଂ ସମନ୍ବଯୁଃ॥ 7-23-45 (45720)
ବଭ୍ରୁକୌଶେଯବର୍ଣାସ୍ତୁ ସୁବର୍ଣବରମାଲିନଃ।
ଊହୁରମ୍ଲାନମନସଶ୍ଚେକିତାନଂ ହଯୋତ୍ତମାଃ॥ 7-23-46 (45721)
ଇନ୍ଦ୍ରାଯୁଧସବର୍ଣୈସ୍ତୁ କୁନ୍ତିଭୋଜୋ ହଯୋତ୍ତମୈଃ।
ଆଯାତ୍ସଦଶ୍ବୈଃ ପୁରୁଜିନ୍ମାତୁଲଃ ସବ୍ଯସାଚିନଃ॥ 7-23-47 (45722)
ଅନ୍ତରିକ୍ଷସବର୍ଣାସ୍ତୁ ତାରକାଚିତ୍ରିତା ଇବ।
ରାଜାନଂ ରୋଚମାନଂ ତେ ହଯାଃ ସଙ୍ଖ୍ଯେ ସମାବହନ୍॥ 7-23-48 (45723)
କର୍ବୁରାଃ ଶିତିପାଦାସ୍ତୁ ସ୍ବର୍ଣଜାଲପରିଚ୍ଛଦାଃ।
ଜାରାସନ୍ଧିଂ ହଯାଃ ଶ୍ରେଷ୍ଠାଃ ସହଦେବମୁଦାବହନ୍॥ 7-23-49 (45724)
ଯେ ତୁ ପୁଷ୍କରନାଲସ୍ଯ ସମବର୍ଣା ହଯୋତ୍ତମାଃ।
ଜବେ ଶ୍ଯେନସମାଶ୍ଚିତ୍ରାଃ ସୁଦାମାନମୁଦାବହନ୍॥ 7-23-50 (45725)
ଶଶଲୋହିତବର୍ଣାସ୍ତୁ ପାଣ୍ଡୁରୋଦ୍ଗତରାଜଯଃ।
ପାଞ୍ଚାଲ୍ଯଂ ଗୋପତେଃ ପୁତ୍ରଂ ସିଂହସେନମୁଦାବହନ୍॥ 7-23-51 (45726)
ପାଞ୍ଚାଲାନାଂ ନରବ୍ଯାଘ୍ରୋ ଯଃ ଖ୍ଯାତୋ ଜନମେଜଯଃ।
ତସ୍ଯ ସର୍ଷପପୁଷ୍ପାଣାଂ ତୁଲ୍ଯବର୍ଣା ହଯୋତ୍ତମାଃ॥ 7-23-52 (45727)
ମାଷବର୍ଣାଶ୍ଚ ଜବନା ବୃହନ୍ତୋ ହେମମାଲିନଃ।
ଦଧିପୃଷ୍ଠାଶ୍ଚିତ୍ରମୁଖାଃ ପାଞ୍ଚାଲ୍ଯମବହନ୍ଦ୍ରୁତମ୍॥ 7-23-53 (45728)
ଶୂରାଶ୍ଚ ଭଦ୍ରକାଶ୍ଚୈବ ଶରକାଣ୍ଡନିଭା ହଯାଃ।
ପଦ୍ମକିଞ୍ଜଲ୍କବର୍ଣାଭା ଦଣ୍ଡଧାରମୁଦାବହନ୍॥ 7-23-54 (45729)
ରାସଭାରୁଣବର୍ଣାଭାଃ ପୃଷ୍ଠତୋ ମୂଷିକପ୍ରଭାଃ।
ବଲ୍ଗନ୍ତ ଇବ ସଂଯତ୍ତା ବ୍ଯାଘ୍ରଦତ୍ତମୁଦାବହନ୍॥ 7-23-55 (45730)
ହରଯଃ କାଲକାଶ୍ଚିତ୍ରାଶ୍ଚିତ୍ରମାଲ୍ଯବିଭୂଷିତାଃ।
ସୁଧନ୍ବାନଂ ନରବ୍ଯାଘ୍ରଂ ପାଞ୍ଚାଲ୍ଯଂ ସମୁଦାବହନ୍॥ 7-23-56 (45731)
ଇନ୍ଦ୍ରାଶନିସମସ୍ପର୍ଶା ଇନ୍ଦ୍ରଗୋପକସନ୍ନିଭାଃ।
କାଯେ ଚିତ୍ରାନ୍ତରାଶ୍ଚିତ୍ରାଶ୍ଚିତ୍ରାଯୁଧମୁଦାବହନ୍॥ 7-23-57 (45732)
ବିଭ୍ରତୋ ହେପମାଲାସ୍ତୁ ଚକ୍ରବାକୋଦରା ହଯାଃ।
କୋସଲାଧିପତେଃ ପୁତ୍ରଂ ସୁକ୍ଷତ୍ରଂ ବାଜିନୋଽବହନ୍॥ 7-23-58 (45733)
ଶବଲାସ୍ତୁ ବୃହନ୍ତୋଽଶ୍ବା ଦାନ୍ତା ଜାମ୍ବୂନଦସ୍ରଜଃ।
ଯୁଦ୍ଧେ ସତ୍ଯଧୃତିଂ କ୍ଷେମିମବହନ୍ପ୍ରାଂଶବଃ ଶୁଭାଃ॥ 7-23-59 (45734)
ଏକବର୍ଣେନ ସର୍ବେଣ ଧ୍ବଜେନ କବଚେନ ଚ।
ଅଶ୍ବୈଶ୍ଚ ଧନୁଷା ଚୈବ ଶୁକ୍ଲୈଃ ଶୁକ୍ଲୋ ନ୍ଯବର୍ତତ॥ 7-23-60 (45735)
ସମୁଦ୍ରସେନପୁତ୍ରଂ ତୁ ସାମୁଦ୍ରା ରୁଦ୍ରତେଜସମ୍।
ଅଶ୍ବାଃ ଶଶାଙ୍କସଦୃଶାଶ୍ଚନ୍ଦ୍ରସେନମୁଦାବହନ୍॥ 7-23-61 (45736)
ନୀଲୋତ୍ପଲସବର୍ଣାସ୍ତୁ ତପନୀଯବିଭୂଷିତାଃ।
ଶୈବ୍ଯଂ ଚିତ୍ରରଥଂ ସଙ୍ଖ୍ଯେ ଚିତ୍ରମାଲ୍ଯାଽବହନ୍ହଯାଃ॥ 7-23-62 (45737)
କଲାଯପୁଷ୍ପବର୍ଣାସ୍ତୁ ଶ୍ବେତଲୋହିତରାଜଯଃ।
ରଥସେନଂ ହଯଶ୍ରେଷ୍ଠାଃ ସମୂହୁର୍ଯୁଦ୍ଧଦୁର୍ମଦମ୍॥ 7-23-63 (45738)
ଯଂ ତୁ ସର୍ବମନୁଷ୍ଯେଭ୍ଯଃ ପ୍ରାହୁଃ ଶୂରତରଂ ନୃପମ୍।
ତଂ ପଟଚ୍ଚରହନ୍ତାରଂ ଶୁକବର୍ଣାଽବହନ୍ହଯାଃ॥ 7-23-64 (45739)
ଚିତ୍ରାଯୁଧଂ ଚିତ୍ରମାଲ୍ଯଂ ଚିତ୍ରବର୍ମାଯୁଧଧ୍ବଜମ୍।
ଊହୁଃ କିଂଶୁକପୁଷ୍ପାଣାଂ ସମବର୍ଣା ହଯୋତ୍ତମାଃ॥ 7-23-65 (45740)
ଏକବର୍ଣେନ ସର୍ବେଣ ଧ୍ବଜେନ କବଚେନ ଚ।
ଧନୁଷା ରଥବାହୈଶ୍ଚ ନୀଲୈର୍ନୀଲୋଽଭ୍ଯବର୍ତତ॥ 7-23-66 (45741)
ନାନାରୂପୈ ରତ୍ନଚିହ୍ନୈର୍ବରୂଥରଥକାର୍ମୁକୈଃ।
ବାଜିଧ୍ବଜପତାକାଭିଶ୍ଚିତ୍ରୈଶ୍ଚିତ୍ରୋଽଭ୍ଯବର୍ତତ॥ 7-23-67 (45742)
ଯେ ତୁ ପୁଷ୍କରବର୍ଣସ୍ଯ ତୁଲ୍ଯବର୍ଣା ହଯୋତ୍ତମାଃ।
ତେ ରୋଚମାନସ୍ଯ ସୁତଂ ହେମବର୍ଣମୁଦାବହନ୍॥ 7-23-68 (45743)
ଯୋଧାଶ୍ଚ ଭଦ୍ରକାରାଶ୍ଚ ଶରଦଣ୍ଡାନୁଦଣ୍ଡଯଃ।
ଶ୍ବେତାଣ୍ଡାଃ କୁକ୍କୁଟାଣ୍ଡାଭା ଦଣ୍ଡକେତୁଂ ହଯାଽବହନ୍॥ 7-23-69 (45744)
କେଶବେ ନ ହତେ ସଙ୍ଖ୍ଯେ ପିତର୍ଯଥ ନରାଧିପେ।
ଭିନ୍ନେ କପାଟେ ପାଣ଼୍ଡାନାଂ ବିଦ୍ରୁତେଷୁ ଚ ବନ୍ଧୁଷୁ॥ 7-23-70 (45745)
ଭୀଷ୍ମାଦବାପ୍ଯ ଚାସ୍ତ୍ରାଣି ଦ୍ରୋଣାଦ୍ରାମାତ୍କୃପାତ୍ତଥା।
ଅସ୍ତ୍ରୈଃ ସମତ୍ବଂ ସମ୍ପ୍ରାପ୍ଯ ରୁକ୍ମିକର୍ଣାର୍ଜୁନାଚ୍ଯୁତୈଃ॥ 7-23-71 (45746)
ଇଯେଷ ଦ୍ବାରକାଂ ହନ୍ତୁଂ କୃତ୍ସ୍ନାଂ ଜେତୁଂ ଚ ମେଦିନୀମ୍।
ନିବାରିତସ୍ତତଃ ପ୍ରାଜ୍ଞୈଃ ସୁହୃଦ୍ଭିର୍ହିତକାମ୍ଯଯା॥ 7-23-72 (45747)
ବୈରାନୁବନ୍ଧମୁତ୍ସଜ୍ଯ ସ୍ବରାଜ୍ଯମନୁଶାସ୍ତି ଯଃ।
ସ ସାଗରଧ୍ବଜଃ ପାଣ୍ଡ୍ଯଶ୍ଚନ୍ଦ୍ରରଶ୍ମିନିଭୈର୍ହଯୈଃ॥ 7-23-73 (45748)
ବୈଡୂର୍ଯଜାଲସଞ୍ଛନ୍ନୈର୍ବୀର୍ଯଦ୍ରବିଣମାଶ୍ରିତଃ।
ଦିବ୍ଯଂ ବିସ୍ଫାରଯଂଶ୍ଚାପଂ ଦ୍ରୋଣମଭ୍ଯଦ୍ରବଦ୍ବଲୀ॥ 7-23-74 (45749)
ଆରକୂଟକବର୍ଣାଶ୍ଚ ହଯାଃ ପାଣ୍ଡ୍ଯାନୁଯାଯିନାମ୍।
ଅବହନ୍ରଥମୁଖ୍ଯାନାମଯୁତାନି ଚତୁର୍ଦଶ॥ 7-23-75 (45750)
ନାନାବର୍ଣେନ ରୂପେଣ ନାନାକୃତିମୁଖା ହଯାଃ।
ରଥଚକ୍ରଧ୍ବଜଂ ବୀରଂ ଘଟୋତ୍କଚମୁଦାବହନ୍॥ 7-23-76 (45751)
ଭାରତାନାଂ ସମେତାନାମୁତ୍ସୃଜ୍ଯୈକୋ ମତାନି ଯଃ।
ଗତୋ ଯୁଧିଷ୍ଠିରଂ ଭକ୍ତ୍ଯା ତ୍ଯକ୍ତ୍ବା ସର୍ବମଭୀପ୍ସିତମ୍॥ 7-23-77 (45752)
ଲୋହିତାକ୍ଷଂ ମହାବାହୁଂ ଯୁଯୁତ୍ସୁଂ ମକରଧ୍ବଜମ୍।
ମହାସତ୍ବା ମହାକାଯାଃ ସୌବର୍ଣସ୍ଯନ୍ଦନେ ସ୍ଥିତମ୍॥ 7-23-78 (45753)
ସୁବର୍ଣବର୍ଣା ଧର୍ମଜ୍ଞମନୀକସ୍ଥଂ ଯୁଧିଷ୍ଠିରମ୍।
ରାଜଶ୍ରେଷ୍ଠଂ ହଯଶ୍ରେଷ୍ଠାଃ ସର୍ବତଃ ପୃଷ୍ଠତୋଽନ୍ବଯୁଃ॥ 7-23-79 (45754)
ବର୍ଣୈରୁଚ୍ଚାବଚୈରନ୍ଯୈଃ ସଦଶ୍ବାନାଂ ପ୍ରଭଦ୍ରକାଃ।
ସନ୍ନ୍ଯବର୍ତନ୍ତ ଯୁଦ୍ଧାଯ ବହବୋ ଦେବରୂପିଣଃ॥ 7-23-80 (45755)
ତେ ଯତ୍ତା ଭୀମସେନେନ ସହିତାଃ କାଞ୍ଚନଧ୍ବଜାଃ।
ପ୍ରତ୍ଯଦୃଶ୍ଯନ୍ତ ରାଜେନ୍ଦ୍ର ସେନ୍ଦ୍ରା ଇବ ଦିବୌକସଃ॥ 7-23-81 (45756)
ଅତ୍ଯରୋଚତ ତାନ୍ସର୍ବାନ୍ଧୃଷ୍ଠଦ୍ଯୁମ୍ନଃ ସମାଗତାନ୍।
ସର୍ବାଣ୍ଯତି ଚ ସୈନ୍ଯାନି ଭାରଦ୍ବାଜୋ ବ୍ଯରୋଚତ॥ 7-23-82 (45757)
ଅତୀବ ଶୁଶୁଭେ ତସ୍ଯ ଧ୍ବଜଃ କୃଷ୍ଣାଜିନୋତ୍ତରଃ।
କମଣ୍ଡଲୁର୍ମହାରାଜ ଜାତରୂପମଯଃ ଶୁଭଃ॥ 7-23-83 (45758)
ଧ୍ବଜଂ ତୁ ଭୀମସେନସ୍ଯ ବୈ2ଡୂର୍ଯମଣିଲୋଚନମ୍।
ଭ୍ରାଜମାନଂ ମହାସିଂହଂ ରାଜନ୍ତଂ ଦୃଷ୍ଟବାନହମ୍॥ 7-23-84 (45759)
ଧ୍ବଜଂ ତୁ କୁରୁରାଜସ୍ଯ ପାଣ୍ଡବସ୍ଯ ମହୌଜସଃ।
ଦୃଷ୍ଟବାନସ୍ମି ସୌବର୍ଣଂ ସୋମଂ ଗ୍ରହଗଣାନ୍ବିତମ୍॥ 7-23-85 (45760)
ମୃଦଙ୍ଗୌ ଚାତ୍ର ବିପୁଲୌ ଦିବ୍ଯୌ ନନ୍ଦୋପନନ୍ଦକୌ।
ଯନ୍ତ୍ରେଣାହନ୍ଯମାନୌ ଚ ସୁସ୍ବନୌ ହର୍ଷବର୍ଧନୌ॥ 7-23-86 (45761)
ଶରଭଂ ପୃଷ୍ଠସୌବର୍ଣଂ ନକୁଲସ୍ଯ ମହାଧ୍ବଜମ୍।
ଅପଶ୍ଯାମ ରଥେତ୍ଯୁଗ୍ରଂ ଭୀଷଯାଣମବସ୍ଥିତମ୍॥ 7-23-87 (45762)
ହଂସସ୍ତୁ ରାଜତଃ ଶ୍ରୀମାନ୍ଧ୍ବଜେ ଘଣ୍ଟାପତାକବାନ୍।
ସହଦେବସ୍ଯ ଦୁର୍ଧର୍ଷୋ ଦ୍ବିଷତାଂ ଶୋକବର୍ଧନଃ॥ 7-23-88 (45763)
ପଞ୍ଚାନାଂ ଦ୍ରୌପଦେଯାନାଂ ପ୍ରତିମାଧ୍ବଜଭୂଷଣମ୍।
ଧର୍ମମାରୁତଶକ୍ରାଣାମଶ୍ବିନୋଶ୍ଚ ମହାତ୍ମନୋଃ॥ 7-23-89 (45764)
ଅଭିମନ୍ଯୋଃ କୁମାରସ୍ଯ ଶାର୍ଙ୍ଗପକ୍ଷୀ ହିରଣ୍ମଯଃ।
ରଥେ ଧ୍ବଜବରୋ ରାଜଂସ୍ତପ୍ତଚାମୀକରୋଜ୍ଜ୍ବଲଃ॥ 7-23-90 (45765)
ଘଟୋତ୍କଚସ୍ଯ ରାଜେନ୍ଦ୍ର ଧ୍ବଜେ ଗୃଧ୍ରୋ ବ୍ଯରୋଚତ।
ଅଶ୍ବାଶ୍ଚ କାମଗାସ୍ତସ୍ଯ ରାବଣସ୍ଯ ପୁରା ଯଥା॥ 7-23-91 (45766)
ମାହେନ୍ଦ୍ରଂ ଚ ଧନୁର୍ଦିବ୍ଯଂ ଧର୍ମରାଜେ ଯୁଧିଷ୍ଠିରେ।
ବାଯବ୍ଯଂ ଭୀମସେନସ୍ଯ ଧନୁର୍ଦିବ୍ଯମଭୂନ୍ନୃପ॥ 7-23-92 (45767)
ତ୍ରୈଲୋକ୍ଯରକ୍ଷଣାର୍ଥାଯ ବ୍ରହ୍ମଣା ସୃଷ୍ଟମାଯୁଧମ୍।
ତଦ୍ଦିବ୍ଯମଜରଂ ଚୈବ ଫାଲ୍ଗୁନାର୍ଥାଯ ବୈ ଧନୁଃ॥ 7-23-93 (45768)
ବୈଷ୍ଣବଂ ନକୁଲାଯାଥ ସହଦେବାଯ ଚାଶ୍ଚିଜମ୍।
ଘଟୋତ୍କଚାଯ ପୌଲସ୍ତ୍ଯଂ ଧନୁର୍ଦିବ୍ଯଂ ଭଯାମକମ୍॥ 7-23-94 (45769)
ରୌଦ୍ରମାଗ୍ନେଯକୌବେରଂ ଯାମ୍ଯଂ ଗିରିଶମେବ ଚ।
ପଞ୍ଚାନାଂ ଦ୍ରୌପଦେଯାନାଂ ଧନୂରତ୍ନାନି ଭାରତ॥ 7-23-95 (45770)
ରୌଦ୍ରଂ ଧନୁର୍ବରଂ ଶ୍ରେଷ୍ଠଂ ଲେଭେ ଯଦ୍ରୋହିଣୀସୁତଃ।
ତତ୍ତୁଷ୍ଟଃ ପ୍ରଦଦୌ ରାମଃ ସୌଭଦ୍ରାଯ ମହାତ୍ମନେ॥ 7-23-96 (45771)
ଏତେ ଚାନ୍ଯେ ଚ ବହବୋ ଧ୍ବଜା ହେମବିଭୂଷିତାଃ।
ତତ୍ରାଦୃଶ୍ଯନ୍ତ ଶୂରାଣାଂ ଦ୍ବିଷତାଂ ଶୋକବର୍ଧନାଃ॥ 7-23-97 (45772)
ତଦଭୂଦ୍ଧ୍ବଜସମ୍ବାଧମକାପୁରୁଷସେବିତମ୍।
ଦ୍ରୋଣାନୀକଂ ମହାରାଜ ପଟେ ଚିତ୍ରମିବାର୍ପିତମ୍॥ 7-23-98 (45773)
ଶୁଶ୍ରୁବୁନାର୍ମଗୋତ୍ରାଣି ବୀରାଣାଂ ସଂଯୁଗେ ତଦା।
ଦ୍ରୋଣମାଦ୍ରବତାଂ ରାଜନ୍ସ୍ବଯଂବର ଇବାହବେ॥ ॥ 7-23-99 (45774)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ସଂଶପ୍ତକବଧପର୍ବଣି ଦ୍ବାଦଶଦିବସଯୁଦ୍ଧେ ତ୍ରଯୋବିଂଶୋଽଧ୍ଯାଯଃ॥ 23 ॥
Mahabharata - Drona Parva - Chapter Footnotes
5-23-1 ରଥଚିହ୍ନାନି ହଯାନ୍ ଧ୍ବଜାଂଶ୍ଚେତ୍ଯର୍ଥଃ॥ 5-23-3 ବ୍ଯାଯଚ୍ଛନ୍ତଂ ନିବର୍ତମାନମ୍॥ 5-23-4 ସିତନୀଲାରୁଣୋ ବର୍ଣଃ ସାରଙ୍ଗସଦୃଶଶ୍ଚ ସଃ॥ 5-23-5 ପାରାବତକପୋତାଭଃ ସିତନୀଲସମନ୍ବଯାତ୍॥ 5-23-6 ଶୋଣଃ କୋକନଦଚ୍ଛବିଃ॥ 5-23-7 ମଲ୍ଲିକାକ୍ଷାନ୍ନିର୍ମଲେକ୍ଷଣାନ୍॥ 5-23-8 ମହାଲଲାଟଜଧନସ୍କନ୍ଧବକ୍ଷୋଜବା ହଯାଃ। ଦୀର୍ଘଗ୍ରୀବାଯତା ହସ୍ବମୁଷ୍କାଃ କାମ୍ଭୋଜକାଃ ସ୍ମୃତାଃ। ଶୁକପତ୍ରପରିଚ୍ଛଦାଃ ଶୁକପତ୍ରାଭରୋମାଣଃ॥ 5-23-11 ଦନ୍ତବର୍ଣଃ ଗଜଦନ୍ତଗୌରାଃ॥ 5-23-14 ଶ୍ବେତଂ ଲଲାଟମଧ୍ଯଶ୍ଥଂ ତାରାରୂପଂ ହଯସ୍ଯ ଯତ୍। ଲଲାମଂ ଚାପି ତତ୍ପ୍ରାହୁର୍ଲଲାମୋଽଶ୍ବସ୍ତଦନ୍ବିତଃ। ସକେସରାଣି ରୋମାଣି ସୁବର୍ଣଭାନି ଯସ୍ଯ ତୁ। ହରିଃସ ସ ବର୍ଣତୋଽଶ୍ବସ୍ତୁ ପୀତକୌଶେଯସନ୍ନିଭଃ॥ 5-23-16 ପାଟଲିପୁଷ୍ପାଣାଂ ସମବର୍ଣାଃ ଶ୍ବେତରକ୍ତାଃ॥ 5-23-17 ବିରାଟରାଜସ୍ଯ ପୁତ୍ର ଉତ୍ତରମ୍॥ 5-23-20 ଆମପାତ୍ରନିକାଶାଃ ମଲିନଶ୍ବେତାଃ॥ 5-23-26 କ୍ଷମାବନ୍ତୋ ବିନୀତାଃ॥ 5-23-28 ପ୍ରେଷ୍ଯକରାଃ ଇଚ୍ଛାନୁବିଧାଯିନଃ॥ 5-23-30 ସହସ୍ରସୋମପ୍ରତିମଃ ସୋମସହସ୍ରସମଃ ସୌମ୍ଯତମ ଇତ୍ଯର୍ଥଃ। ତସ୍ମିନ୍ ଉଦଯେନ୍ଦୁନାମ୍ନି ଉଦଯେନ୍ଦୁପର୍ଯାଯେ ପୁରେ ଶକ୍ରପ୍ରସ୍ଥ ଏବ ସୋମସଙ୍କ୍ରନ୍ଦଃ ସୋମାଭିଷବଣଂ ତସ୍ଯ ମଧ୍ଯେ। ତମଧିକୃତ୍ଯ ତତ୍ଫେନେନେତ୍ଯର୍ଥସ୍ତସ୍ମାଦ୍ଧୋତୋଃ॥ 5-23-31 ଶାଲପୁଷ୍ପନିଭାଃ ରକ୍ତପୀତାଃ॥ 5-23-32 ଯୋକ୍ତ୍ରୈରାବନ୍ଧୈଃ। ମଯୂରଗ୍ରୀବୋ ମରକତବିଶେଷଃ॥ 5-23-34 ପିଶଙ୍ଗାଃ କପିଲାଃ॥ 5-23-36 ପଲାଲକାଣ୍ଡୋ ନିଷ୍ଫଲବ୍ରୀହିଦଣ୍ଡସ୍ତଦ୍ବର୍ଣାଃ॥ 5-23-37 ରୁକ୍ମପୀଠେନ ରୁକ୍ମବର୍ଣେନ ପୀଠେନ ପୃଷ୍ଠେନାବକୀର୍ଣା ବ୍ଯାପ୍ତାଃ॥ 5-23-40 ଅରୁଣା ଅବ୍ଯକ୍ତରାଗାଃ॥ 5-23-41 ଧୃଷ୍ଟଦ୍ଯୁମ୍ନସ୍ଯ ପୁନର୍ବଚନଂ ଦ୍ରୋଣହନ୍ତୃତ୍ବଦୃଢୀକରଣାର୍ଥମ୍॥ 5-23-46 ବଭ୍ରୁକୌଶେଯବର୍ଣାଃ ପିଙ୍ଗଗୌରାଃ ॥ 5-23-47 ଇନ୍ଦ୍ରାଯୁଧସବର୍ଣୈଂସ୍ତ୍ରିବର୍ଣୈଃ॥ 5-23-48 ଅନ୍ତରିକ୍ଷସବର୍ଣା ନୀଲାଃ ॥ 5-23-49 କର୍ବୁରାଶ୍ଚିତ୍ରାଃ॥ 5-23-53 ମାଷବର୍ଣାଃ ମଲିନଶ୍ଯାମାଃ॥ 5-23-54 ଭଦ୍ରକାଃ ଶୋଭନଶିରସଃ। ଶରକାଣ୍ଡନିଭାଃ ସିତଗୌରାଃ॥ 5-23-55 ରାସଭାରୁଣବର୍ଣାଭା ଅରୁଣମଲିନାଃ। ମୂଷିକପ୍ରଭାଃ ମଲିନଶ୍ବେତାଃ॥ 5-23-56 କାଲକାଃ କୃଷ୍ଣମସ୍ତକାଃ॥ 5-23-57 ଚିତ୍ରାନ୍ତରା ବିଚିତ୍ରାବକାଶାଃ। ଚିତ୍ରା ଅଦ୍ଭୁତଦର୍ଶନାଃ॥ 5-23-58 ଚକ୍ରବାକୋଦରା ଈଷଚ୍ଛ୍ବେତାଃ॥ 5-23-63 କଲାଯପୁଷ୍ପବର୍ଣାଃ ମିଶ୍ରଶ୍ଯାମାଃ॥ 5-23-64 ପଟଚ୍ଚରାଣାମସୁରବିଶେଷାଣାଂ ହନ୍ତାରଂ ସମୁଦ୍ରାଧିପମ୍॥ 5-23-69 ଯୋଧା ଯୁଦ୍ଧକ୍ଷମାଃ। ଭଦ୍ରକାରାଃ ଶୋଭନକ୍ରିଯାଃ। ଶରଦଣ୍ଡଃ ଶରପ୍ରକାଣ୍ଡ ଇବ ଅନୁଦଣ୍ଡିଃ ପୃଷ୍ଠବଂଶୋ ଯେଷାମ୍। ସିତଗୌରପୃଷ୍ଠା ଇତ୍ଯର୍ଥଃ॥ 5-23-70 କପାଟେ ନଗରବିଶେଷେ॥ 5-23-75 ଆଟରୂଷକବର୍ଣାଭାଃ ଇତି ଝ ପାଠଃ। ତତ୍ର ଆଟରୂଷକସ୍ଯ ବାସକସ୍ଯ କୁସୁମଂ ତଦ୍ବର୍ଣସଦୃଶବର୍ଣା ଇତ୍ଯର୍ଥଃ॥ 5-23-78 ହଯା ଅବହନ୍ ଇତି ପୂର୍ବସ୍ମାଦନୁକୃଷ୍ଯତେ॥ 5-23-79 ସୁବର୍ଣବର୍ଣା ଇତି ପୂର୍ବୋତ୍ତରାନ୍ବଯି॥ 5-23-86 ନନ୍ଦୋପନନ୍ଦକୌ ନାମ୍ନା॥ 5-23-23 ତ୍ରଯୋବିଂଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 024
॥ ଶ୍ରୀଃ ॥
7.24. ଅଧ୍ଯାଯଃ 024
Mahabharata - Drona Parva - Chapter Topics
ଧୃତରାଷ୍ଟ୍ରେଣ ପୁତ୍ରାନ୍ପ୍ରତି ଶୋଚନପୂର୍ବକଂ ସଞ୍ଜଯମ୍ପ୍ରତି ଯୁଦ୍ଧକଥନଚୋଦନା॥ 1 ॥Mahabharata - Drona Parva - Chapter Text
7-24-0 (45775)
ଧୃତରାଷ୍ଟ୍ର ଉବାଚ। 7-24-0x (4318)
ବ୍ଯଥଯେଯୁରିମେ ସେନାଂ ଦେବାନାମପି ସଞ୍ଜଯ।
ଆହବେ ଯେ ନ୍ଯବର୍ତନ୍ତ ବୃକୋଦରମୁଖା ନୃପାଃ॥ 7-24-1 (45776)
ସମ୍ପ୍ରଯୁକ୍ତଃ କିଲୈବାଯଂ ଦିଷ୍ଟୈର୍ଭବତି ପୂରୁଷଃ।
ତସ୍ମିନ୍ନେବ ଚ ସର୍ବାର୍ଥାଃ ପ୍ରଦୃଶ୍ଯନ୍ତେ ପୃଥଗ୍ବିଧାଃ॥ 7-24-2 (45777)
ଦୀର୍ଘଂ ବିପ୍ରୋଷିତଃ କାଲମରଣ୍ଯେ ଜଟିଲୋଽଜିନୀ।
ଅଜ୍ଞାତଶ୍ଚୈବ ଲୋକସ୍ଯ ବିଜହାର ଯୁଧିଷ୍ଠିରଃ॥ 7-24-3 (45778)
ସ ଏବ ମହତୀଂ ସେନାଂ ସମାବର୍ତଯଦାହବେ।
କିମନ୍ଯଦ୍ଦୈବସଂଯୋଗାନ୍ମମ ପୁତ୍ରାଭବାଯ ଚ॥ 7-24-4 (45779)
ଯୁକ୍ତ ଏବ ହି ଭାଗ୍ଯେନ ଧ୍ରୁବମୁତ୍ପଦ୍ଯତେ ନରଃ।
ସ ତଥାଽଽକୃଷ୍ଯତେ ତେନ ନ ଯଥା ସ୍ବଯମିଚ୍ଛତି॥ 7-24-5 (45780)
ଦ୍ଯୂତବ୍ଯସନମାସାଦ୍ଯ କ୍ଲେଶିତୋ ହି ଯୁଧିଷ୍ଠିରଃ।
ସ ପୁନର୍ଭାଗଧେଯେନ ସହାଯାନୁପଲବ୍ଧବାନ୍॥ 7-24-6 (45781)
ଅର୍ଥେ ମେ କେକଯା ଲବ୍ଧାଃ କାଶିକା କୋସଲାଶ୍ଚଯେ।
ଚେଦୀନାଂ ଚାର୍ଧମପରେ ମାମେ ବ ସମୁପାଶ୍ରିତାଃ॥ 7-24-7 (45782)
ପୃଥିବୀ ଭୂଯସୀ ତାତ ମମ ପାର୍ଥସ୍ଯ ନୋ ତଥା।
ଇତି ମାମବ୍ରବୀତ୍ସୂତ ମନ୍ଦୋ ଦୁର୍ଯୋଧନଃ ପୁରା॥ 7-24-8 (45783)
ତସ୍ଯ ସେନାସମୂହସ୍ଯ ମଧ୍ଯେ ଦ୍ରୋଣଃ ସୁରକ୍ଷିତଃ।
ନିହତଃ ପାର୍ଷତେନାଜୌ କିମନ୍ଯଦ୍ଭାଗଧେଯତଃ॥ 7-24-9 (45784)
ମଧ୍ଯେ ରାଜ୍ଞାଂ ମହାବାହୁଂ ସଦା ଯୁଦ୍ଧାଭିନନ୍ଦିନମ୍।
ସର୍ବାସ୍ତ୍ରପାରଗଂ ଦ୍ରୋଣଂ କଥଂ ମୃତ୍ଯୁରୁପେଯିବାନ୍॥ 7-24-10 (45785)
ସମନୁପ୍ରାପ୍ତକୃଚ୍ଛ୍ରୋଽହଂ ମୋହଂ ପରମମାଗତଃ।
ଭୀଷ୍ମଦ୍ରୋଣୌ ହତୌ ଶ୍ରୁତ୍ବା ନାହଂ ଜୀବିତୁମୁତ୍ସହେ॥ 7-24-11 (45786)
ଯନ୍ମାଂ କ୍ଷତ୍ତାଽବ୍ରବୀତ୍ତାତ ପ୍ରପଶ୍ଯନ୍ପୁତ୍ରଗୃଦ୍ଧିନମ୍।
ଦୁର୍ଯୋଧନେନ ତତ୍ସର୍ବଂ ପ୍ରାପ୍ତଂ ସୂତ ମଯା ସହ॥ 7-24-12 (45787)
ନୃଶଂସଂ ତୁ ପରଂ ତାତ ତ୍ଯକ୍ତ୍ବା ଦୁର୍ଯୋଧନଂ ଯଦି।
ପୁତ୍ରଶେଷଂ ଚିକୀର୍ଷେଯଂ କୃତ୍ସ୍ନଂ ନ ମରଣଂ ବ୍ରଜେତ୍॥ 7-24-13 (45788)
ଯୋ ହି ଧର୍ମଂ ପରିତ୍ଯଜ୍ଯ ଭବତ୍ଯର୍ଥପରୋ ନରଃ।
ସୋଽସ୍ମାଚ୍ଚ ହୀଯତେ ଲୋକାତ୍କ୍ଷୁଦ୍ରଭାବଂ ଚ ଗଚ୍ଛତି॥ 7-24-14 (45789)
ଅଦ୍ଯ ଚାପ୍ଯସ୍ଯ ରାଷ୍ଟ୍ରସ୍ଯ କୃତୋଚ୍ଛେଦସ୍ଯ ସଞ୍ଜଯ।
ଅବଶେଷଂ ନ ପଶ୍ଯାମି କକୁଦେ ମୃଦିତେ ସତି॥ 7-24-15 (45790)
କଥଂ ସ୍ଯାଦବଶେଷୋ ହି ଧୁର୍ଯଯୋରଭ୍ଯତୀତଯୋଃ।
ଯୌ ନିତ୍ଯମୁପଜୀବାମଃ କ୍ଷମିଣୌ ପୁରୁଷର୍ଷଭୌ॥ 7-24-16 (45791)
ବ୍ଯକ୍ତମେବ ଚ ମେ ଶଂସ ଯଥା ଯୁଦ୍ଧମବର୍ତତ।
କେଽଯୁଧ୍ଯନ୍କେ ବ୍ଯପାକୁର୍ବନ୍କେ କ୍ଷୁଦ୍ରାଃ ପ୍ରାଦ୍ରବନ୍ଭଯାତ୍॥ 7-24-17 (45792)
ଧନୁଞ୍ଜଯଂ ଚ ମେ ଶଂସ ଯଦ୍ଯଚ୍ଚକ୍ରେ ରଥର୍ଷଭଃ।
ତସ୍ମାଦ୍ଭଯଂ ନୋ ଭୂଯିଷ୍ଠଂ ଭ୍ରାତୃବ୍ଯାଚ୍ଚ ବୃକୋଦରାତ୍॥ 7-24-18 (45793)
ଯଥାଽସୀଚ୍ଚ ନିବୃତ୍ତେଷୁ ପାଣ୍ଡବେଯେଷୁ ସଞ୍ଜଯ।
ମମ ସୈନ୍ଯାବଶେଷସ୍ଯ ସନ୍ନିପାତଃ ସୁଦାରୁଣଃ॥ 7-24-19 (45794)
କଥଂ ଚ ବୋ ମନସ୍ତାତ ନିବୃତ୍ତେଷ୍ବଭବତ୍ତଦା।
ମାମକାନାଂ ଚ ଯେ ଶୂରାଃ କେ କାଂସ୍ତତ୍ର ନ୍ଯବାରଯନ୍॥ ॥ 7-24-20 (45795)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ସଂଶପ୍ତକବଧପର୍ବଣି ଚତୁର୍ବିଂଶୋଽଧ୍ଯାଯଃ॥ 24 ॥
Mahabharata - Drona Parva - Chapter Footnotes
5-24-2 ସଂପ୍ରଯୁକ୍ତଃ ସମ୍ବଦ୍ଧଃ। ଭବତି ଉତ୍ପଦ୍ଯତେ। ତସ୍ମିନ୍ ଦିଷ୍ଟ ଏବ॥ 5-24-18 ଭ୍ରାତୃବ୍ଯାଦମିତ୍ରାତ୍॥ 5-24-24 ଚତୁର୍ବିଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 025
॥ ଶ୍ରୀଃ ॥
7.25. ଅଧ୍ଯାଯଃ 025
Mahabharata - Drona Parva - Chapter Topics
ଦ୍ବନ୍ଦ୍ବଯୁଦ୍ଧବର୍ଣନମ୍॥ 1 ॥Mahabharata - Drona Parva - Chapter Text
7-25-0 (45796)
ସଞ୍ଜଯ ଉବାଚ। 7-25-0x (4319)
ମହଦ୍ଭୈରବମାସୀନ୍ନଃ ସନ୍ନିବୃତ୍ତେଷୁ ପାଣ୍ଡୁଷୁ।
ଦୃଷ୍ଟ୍ବା ଦ୍ରୋଣଂ ଛାଦ୍ଯମାନଂ ତୈର୍ଭାସ୍କରମିବାମ୍ବୁଦୈଃ॥ 7-25-1 (45797)
ତୈଶ୍ଚୋଦ୍ଭୂତଂ ରଜସ୍ତୀବ୍ରମବଚକ୍ରେ ଚମୂଂ ତବ।
ତତୋ ହତମମଂସ୍ଯାମ ଦ୍ରୋଣଂ ଦୃଷ୍ଟିପଥେ ହତେ॥ 7-25-2 (45798)
ତାଂସ୍ତୁ ଶୂରାନ୍ମହେଷ୍ବାସାନ୍କ୍ରୂରଂ କର୍ମ ଚିକୀର୍ଷତଃ।
ଦୃଷ୍ଟ୍ବା ଦୁର୍ଯୋଧନସ୍ତୂର୍ଣଂ ସ୍ବସୈନ୍ଯଂ ସମଚୂଚୁଦତ୍॥ 7-25-3 (45799)
ଯଥାଶକ୍ତି ଯଥୋତ୍ସାହଂ ଯଥାସତ୍ବଂ ନରାଧିପାଃ।
ବାରଯଧ୍ବଂ ଯଥାଯୋଗଂ ପାଣ୍ଡବାନାମନୀକିନୀମ୍॥ 7-25-4 (45800)
ତତୋ ଦୁର୍ମର୍ଷଣୋ ଭୀମମଭ୍ଯଗଚ୍ଛତ୍ସୁତସ୍ତବ।
ଆରାଦ୍ଦୃଷ୍ଟ୍ବା କିରନ୍ବାଣୈରିଚ୍ଛନ୍ଦୋଣସ୍ଯ ଜୀବିତମ୍॥ 7-25-5 (45801)
ତଂ ବାଣେରବତସ୍ତାର କ୍ରୁଦ୍ଧୋ ମୃତ୍ଯୁରିବାହବେ।
ତଂ ଚ ଭୀମୋଽତୁଦଦ୍ବାଣୈସ୍ତଦାଽଽସୀତ୍ତୁମୁଲଂ ମହତ୍॥ 7-25-6 (45802)
ତ ଈଶ୍ବରସମାଦିଷ୍ଟାଃ ପ୍ରାଜ୍ଞାଃ ଶୂରାଃ ପ୍ରହାରିଣଃ।
ରାଜ୍ଯଂ ମୃତ୍ଯୁଭଯଂ ତ୍ଯକ୍ତ୍ବା ପ୍ରତ୍ଯତିଷ୍ଠନ୍ପରାନ୍ଯୁଧି॥ 7-25-7 (45803)
କୃତବର୍ମା ଶିନେଃ ପୌତ୍ରଂ ଦ୍ରୋଣଂ ପ୍ରେପ୍ସୁଂ ବିଶାମ୍ପତେ।
ପର୍ଯବାରଯଦାଯାନ୍ତଂ ଶୂରଂ ସମରଶୋଭିନମ୍॥ 7-25-8 (45804)
ତଂ ଶୈନେଯଃ ଶରବ୍ରାତୈଃ କ୍ରୁଦ୍ଧଃ କ୍ରୁଦ୍ଧମବାରଯତ୍।
କୃତବର୍ମା ଚ ଶୈନେଯଂ ମତ୍ତୋ ମତ୍ତମିବ ଦ୍ବିପମ୍॥ 7-25-9 (45805)
ସୈନ୍ଧବଃ କ୍ଷତ୍ରବର୍ମାଣମାଯାନ୍ତଂ ନିଶିତୈଃ ଶରୈଃ।
ଉଗ୍ରଧନ୍ବା ମହେଷ୍ବାସଂ ଯତ୍ତତୋ ଦ୍ରୋଣାଦବାରଯତ୍॥ 7-25-10 (45806)
କ୍ଷତ୍ରବର୍ମା ସିନ୍ଧୁପତେଶ୍ଛିତ୍ତ୍ବା କେତତନକାର୍ମୁକେ।
ନାରାଚୈର୍ଦଶଭିଃ କ୍ରୁଦ୍ଧଃ ସର୍ବମର୍ମସ୍ବତାଡଯତ୍॥ 7-25-11 (45807)
ଅଥାନ୍ଯଦ୍ଧନୁରାଦାଯ ସୈନ୍ଧବଃ କୃତହସ୍ତବତ୍।
ବିବ୍ଯାଧ କ୍ଷତ୍ରବର୍ମାଣଂ ରଣେ ସର୍ବାଯସୈଃ ଶରୈଃ॥ 7-25-12 (45808)
ଯୁଯୁତ୍ସୁଂ ପାଣ୍ଡବାର୍ଥାଯ ଯତମାନଂ ମହାରଥମ୍।
ସୁବାହୁର୍ଭାରତଂ ଶୂରଂ ଯତ୍ତୋ ଦ୍ରୋଣାଦବାରଯତ୍॥ 7-25-13 (45809)
ସୁବାହୋଃ ସଧନୁର୍ବାଣାବସ୍ଯତଃ ପରିଘୋପମୌ।
ଯୁଯୁତ୍ସୁଃ ଶିତପୀତାଭ୍ଯାଂ କ୍ଷୁରାଭ୍ଯାମଚ୍ଛିନଦ୍ଭୁଜୌ॥ 7-25-14 (45810)
ରାଜାନଂ ପାଣ୍ଡବଶ୍ରେଷ୍ଠଂ ଧର୍ମାତ୍ମାନଂ ଯୁଧିଷ୍ଠିରମ୍।
ବେଲେବ ସାଗରଂ କ୍ଷୁବ୍ଧଂ ମଦ୍ରରାଟ୍ ସମବାରଯତ୍॥ 7-25-15 (45811)
ତଂ ଧର୍ମରାଜୋ ବହୁଭିର୍ମର୍ମଭିଦ୍ଭିରବାକିରତ୍।
ମଦ୍ରେଶସ୍ତଂ ଚତୁଃଷଷ୍ଟ୍ଯା ଶରୈର୍ବିଦ୍ଧ୍ବାଽନଦଦ୍ଭୃଶମ୍॥ 7-25-16 (45812)
ତସ୍ଯ ନାନଦତଃ କେତୁମୁଚ୍ଚକର୍ତ ଚ କାର୍ମୁକମ୍।
କ୍ଷୁରାଭ୍ଯାଂ ପାଣ୍ଡବୋ ଜ୍ଯେଷ୍ଠସ୍ତତ ଉଚ୍ଚୁକ୍ରୁଶୁର୍ଜନାଃ॥ 7-25-17 (45813)
ତଥୈବ ରାଜା ବାହ୍ଲୀକୋ ରାଜାନଂ ଦ୍ରୁପଦଂ ଶରୈଃ।
ଆଦ୍ରବନ୍ତଂ ସହାନୀକଃ ସହାନୀକଂ ନ୍ଯବାରଯତ୍॥ 7-25-18 (45814)
ତଦ୍ଯୁଦ୍ଧମଭବଦ୍ଧୋରଂ ବୃଦ୍ଧଯୋଃ ସହସେନଯୋଃ।
ଯଥା ମହାଯୂଥପଯୋର୍ଦ୍ବିପଯୋଃ ସମ୍ପ୍ରଭିନ୍ନଯୋଃ॥ 7-25-19 (45815)
ବିନ୍ଦାନୁବିନ୍ଦାବାବନ୍ତ୍ଯୌ ବିରାଟଂ ମତ୍ସ୍ଯମାର୍ଚ୍ଛତାମ୍।
ସହସୈନ୍ଯୌ ସହାନୀକଂ ଯଥେନ୍ଦ୍ରାଗ୍ନୀ ପୁରା ବଲିମ୍॥ 7-25-20 (45816)
ତଦୁତ୍ପିଞ୍ଜଲକଂ ଯୁଦ୍ଧମାସୀଦ୍ଦେବାସୁରୋପମମ୍।
ମତ୍ସ୍ଯାନାଂ କେକଯୈଃ ସାର୍ଧମଭୀତାଶ୍ବରଥଦ୍ବିପମ୍॥ 7-25-21 (45817)
ନାକୁଲିଂ ତୁ ଶତାନୀକଂ ଭୂତକର୍ମା ସଭାପତିଃ।
ଅସ୍ଯନ୍ତମିଷୁଜାଲାନି ଯାନ୍ତଂ ଦ୍ରୋଣାଦବାରଯତ୍॥ 7-25-22 (45818)
ତତୋ ନକୁଲଦାଯାଦସ୍ତ୍ରିଭିର୍ଭଲ୍ଲୈଃ ସୁସଂଶିତୈଃ।
ଚକ୍ରେ ବିବାହୁଶିରସଂ ଭୂତକର୍ମାଣମାହବେ॥ 7-25-23 (45819)
ସୁତସୋମଂ ତୁ ବିକ୍ରାନ୍ତମାଯାନ୍ତଂ ତଂ ଶରୌଘିଣମ୍।
ଦ୍ରୋଣାଯାଭିମୁଖଂ ବୀରଂ ସାଲ୍ବୋ ବାଣୈରବାରଯତ୍॥ 7-25-24 (45820)
ସ ତୁ ଭୀମରଥଃ ସାଲ୍ବମାଶୁଗୈରାଯସୈଃ ଶିତୈଃ।
ଷଡ୍ଭିଃ ସାଶ୍ବନିଯନ୍ତାରମନଯଦ୍ଯମସାଦନମ୍॥ 7-25-25 (45821)
ଶ୍ରୁତକୀର୍ତିଂ ସମାଯାନ୍ତଂ ମଯୂରସଦୃଶୈର୍ହଯୈଃ।
ଚିତ୍ରସେନୋ ମହାରାଜ ତବ ପୌତ୍ରଂ ନ୍ଯବାରଯତ୍॥ 7-25-26 (45822)
ତମାର୍ଜୁନିଃ ଶରୈଶ୍ଚକ୍ରେ ପିତୃବ୍ଯଂ ଜର୍ଝରଚ୍ଛବିମ୍।
ଶରୈଶ୍ଚ ଦ୍ରୌପଦୀପୁତ୍ରଂ ଚିତ୍ରସେନଃ ସମାବୃଣୋତ୍॥ 7-25-27 (45823)
କିରନ୍ତଂ ଶରଜାଲାନି ପ୍ରଭିନ୍ନମିବ କୁଞ୍ଜରମ୍।
ଶ୍ରୁତକର୍ମାଣମାଯାନ୍ତଂ ଦୌଶ୍ଶାସନିରବାରଯତ୍॥ 7-25-28 (45824)
ତୌ ପୌତ୍ରୌ ତବ ଦୁର୍ଧର୍ଷୌ ପରସ୍ପରବଧୈଷିଣୌ।
ପିତୄଣାମର୍ଥସିଦ୍ଧ୍ଯର୍ଥଂ ଚକ୍ରତୁର୍ଯୁଦ୍ଧମୁତ୍ତମମ୍॥ 7-25-29 (45825)
ତିଷ୍ଠନ୍ତମଗ୍ରେ ତଂ ଦୃଷ୍ଟ୍ବା ପ୍ରତିବିନ୍ଧ୍ଯଂ ମହାହବେ।
ଦ୍ରୌଣିର୍ମାନଂ ପିତୁଃ କୁର୍ବନ୍ମାର୍ଗଣୈଃ ସମବାରଯତ୍॥ 7-25-30 (45826)
ତଂ କ୍ରୁଦ୍ଧଂ ପ୍ରତିବିବ୍ଯାଧ ପ୍ରତିବିନ୍ଧ୍ଯଃ ଶିତୈଃ ଶରୈଃ।
ସିଂହଲାଙ୍ଗୂଲଲକ୍ଷ୍ମାଣଂ ପିତୁରର୍ଥେ ବ୍ଯବସ୍ଥିତମ୍॥ 7-25-31 (45827)
ପ୍ରବପନ୍ନିବ ବୀଜାନି ବୀଜକାଲେ କୃଷୀବଲଃ।
ଦ୍ରୌଣାଯନିର୍ଦ୍ରୌପଦେଯଂ ଶରବର୍ଷୈରବାକିରତ୍॥ 7-25-32 (45828)
ଯସ୍ତୁ ଶୂରତମୋ ରାଜନ୍ନୁଭଯୋଃ ସେନଯୋର୍ମତଃ।
ତଂ ପଟଚ୍ଚରହନ୍ତାରଂ ଲକ୍ଷ୍ମଣଃ ସମବାରଯତ୍॥ 7-25-33 (45829)
ସ ଲକ୍ଷ୍ମଣସ୍ଯେଷ୍ବସନଂ ଛିତ୍ତ୍ବା ଲକ୍ଷ୍ମ ଚ ଭାରତ।
ଲକ୍ଷ୍ମଣେ ଶରଜାଲାନି ବିସୃଜନ୍ବହ୍ବଶୋଭତ॥ 7-25-34 (45830)
ତତୋଽଭିମନ୍ଯୁଃ କର୍ମାଣି କୁର୍ବନ୍ତଂ ଚିତ୍ରଯୋଧିନମ୍।
ଆର୍ଜୁନିଃ କୃତିନଂ ଶୂରଂ ଲକ୍ଷ୍ମଣଂ ସମଯୋଧଯତ୍॥ 7-25-35 (45831)
ସ ସମ୍ପ୍ରହାରସ୍ତୁମୁଲସ୍ତଯୋରାସୀନ୍ମହାତ୍ମନୋଃ।
ଶ୍ରୋତୄଣାମୀକ୍ଷିତୄଣାଂ ଚ ଭୃଶଂ ପ୍ରୀତିବିବର୍ଧନଃ॥ 7-25-36 (45832)
ବିକର୍ଣସ୍ତୁ ମହାପ୍ରାଜ୍ଞୋ ଯାଜ୍ଞସେନିଂ ଶିଖଣ୍ଡିନମ୍।
ପର୍ଯବାରଯଦାଯାନ୍ତଂ ଯୁବାନଂ ସମରେ ଯୁବା॥ 7-25-37 (45833)
ତତସ୍ତମିଷୁଜାଲେନ ଯାଜ୍ଞସେନିଃ ସମାବୃଣୋତ୍।
ବିଧୂଯ ତଦ୍ବାଣଜାଲଂ ବଭୌ ତବ ସୁତୋ ବଲୀ॥ 7-25-38 (45834)
ଅଙ୍ଗଦୋଽଭିମୁଖଂ ବୀରମୁତ୍ତମୌଜସମାହବେ।
ଦ୍ରୋଣାଯାଭିମୁଖଂ ଯାନ୍ତଂ ଶରୌଘେଣ ନ୍ଯବାରଯତ୍॥ 7-25-39 (45835)
ସ ସମ୍ପ୍ରହାରସ୍ତୁମୁଲସ୍ତଯୋଃ ପୁରୁଷସିଂହଯୋଃ।
ସୈନିକାନାଂ ଚ ସର୍ବେଷାଂ ତଯୋଶ୍ଚ ପ୍ରୀତିବର୍ଧନଃ॥ 7-25-40 (45836)
ଦୁର୍ମୁଖସ୍ତୁ ମହେଷ୍ବାସୋ ବୀରଂ ପୁରୁଜିତଂ ବଲୀ।
ଦ୍ରୋଣାଯାଭିମୁଖଂ ଯାନ୍ତଂ ବତ୍ସଦନ୍ତୈରବାରଯତ୍॥ 7-25-41 (45837)
ସ ଦୁର୍ମୁଖଂ ଭ୍ରୁବୋର୍ମଧ୍ଯେ ନାରାଚେନାଭ୍ଯତାଡଯତ୍।
ତସ୍ଯ ତଦ୍ଧି ବଭୌ ବକ୍ତ୍ରଂ ସନାଲମିବ ପଙ୍କଜମ୍॥ 7-25-42 (45838)
କର୍ଣସ୍ତୁ କେକଯାନ୍ଭ୍ରାତୄନ୍ପଞ୍ଚ ଲୋହିତକଧ୍ବଜାନ୍।
ଦ୍ରୋଣାଯାଭିମୁଖଂ ଯାତାଞ୍ଶରବର୍ଷୈରବାରଯତ୍॥ 7-25-43 (45839)
ତେ ଚୈନଂ ଭୃଶସନ୍ତପ୍ତାଃ ଶରବର୍ଷୈରବାକିରନ୍।
ସ ଚ ତାଂଶ୍ଛାଦଯାମାସ ଶରଜାଲୈଃ ପୁନଃ ପୁନଃ॥ 7-25-44 (45840)
ନୈବ କର୍ଣୋ ନ ତେ ପଞ୍ଚ ଦଦୃଶର୍ବାଣସଂବୃତାଃ।
ସାଶ୍ବସୂତଧ୍ବଜରଥାଃ ପରସ୍ପରଶରାଚିତାଃ॥ 7-25-45 (45841)
ପୁତ୍ରାସ୍ତେ ଦୁର୍ଜଯଶ୍ଚୈବ ଜଯଶ୍ଚ ବିଜଯଶ୍ଚ ହ।
ନୀଲକାଶ୍ଯଜଯତ୍ସେନାଂସ୍ତ୍ରଯସ୍ତ୍ରୀନ୍ପ୍ରତ୍ଯବାରଯନ୍॥ 7-25-46 (45842)
ତଦ୍ଯୁଦ୍ଧମଭବଦ୍ଧୋରମୀକ୍ଷିତୃପ୍ରୀତିବର୍ଧନମ୍।
ସିଂହବ୍ଯାଘ୍ରତରକ୍ଷୂଣାଂ ଯଥର୍କ୍ଷମହିଷର୍ଷଭୈଃ॥ 7-25-47 (45843)
କ୍ଷେମଧୂର୍ତିବୃହନ୍ତୌ ତୁ ଭ୍ରାତରୌ ସାତ୍ବତଂ ଯୁଧି।
ଦ୍ରୋଣାଯାଭିମୁଖଂ ଯାନ୍ତଂ ଶରୈସ୍ତୀକ୍ଷ୍ଣୈସ୍ତତକ୍ଷତୁଃ॥ 7-25-48 (45844)
ତଯୋସ୍ତସ୍ଯ ଚ ତଦ୍ଯୁଦ୍ଧମତ୍ଯଦ୍ଭୁତମିବାଭବତ୍।
ସିଂହସ୍ଯ ଦ୍ବିପମୁଖ୍ଯାଭ୍ଯାଂ ପ୍ରଭିନ୍ନାଭ୍ଯାଂ ଯଥା ବନେ। 7-25-49 (45845)
ରାଜାନଂ ତୁ ତଥାମ୍ବଷ୍ଠମେକଂ ଯୁଦ୍ଧାଭିନନ୍ଦିନମ୍।
ଚେଦିରାଜଃ ଶରାନସ୍ଯନ୍କ୍ରୁଦ୍ଧୋ ଦ୍ରୋଣାଦବାରଯତ୍॥ 7-25-50 (45846)
ତତୋଽମ୍ବଷ୍ଠୋଽସ୍ଥିଭେଦିନ୍ଯା ନିରଭିଦ୍ଯଚ୍ଛଲାକଯା।
ସ ତ୍ଯକ୍ତ୍ବା ସଶରଂ ଚାପଂ ରଥାଦ୍ଭୂମିମୁପାଗମତ୍॥ 7-25-51 (45847)
ବାର୍ଧକ୍ଷେମିଂ ତୁ ବାର୍ଷ୍ଣେଯଂ କୃପଃ ଶାରଦ୍ବତଃ ଶରୈଃ।
ଅକ୍ଷୁଦ୍ରଃ କ୍ଷୁଦ୍ରକୈର୍ବାଣୈଃ କ୍ରୁଦ୍ଧରୂପମବାରଯତ୍॥ 7-25-52 (45848)
ଯୁଧ୍ଯନ୍ତୌ କୃପବାର୍ଷ୍ଣେଯୌ ଯେଽପଶ୍ଯଂଶ୍ଚିତ୍ରଯୋଧିନୌ।
ତେ ଯୁଦ୍ଧାସକ୍ତମନସୋ ନାନ୍ଯଂ ବୁବୁଧିରେ କ୍ରିଯାମ୍॥ 7-25-53 (45849)
ସୌମଦତ୍ତିସ୍ତୁ ରାଜାନଂ ମଣିମନ୍ତମତନ୍ଦ୍ରିତମ୍।
ପର୍ଯବାରଯଦାଯାନ୍ତଂ ଯଶୋ ଦ୍ରୋଣସ୍ଯ ବର୍ଘଯନ୍॥ 7-25-54 (45850)
ସ ସୌମଦତ୍ତେସ୍ତ୍ବରିତଶ୍ଚିତ୍ରେଷ୍ବସନକେତନେ।
ପୁନଃ ପତାକାଂ ସୂତଂ ଚଚ୍ଛତ୍ରଂ ଚାପାତଯଦ୍ରଥାତ୍॥ 7-25-55 (45851)
ଅଥାପ୍ଲୁତ୍ଯ ରଥାତ୍ତୂର୍ଣଂ ଯୂପକେତୁରମିତ୍ରହା।
ସାଶ୍ବସୂତଧ୍ବଜରଥଂ ତଂ ଚକର୍ତ ବରାସିନା॥ 7-25-56 (45852)
ରଥଂ ଚ ସ୍ବଂ ସମାସ୍ଥାଯ ଧନୁରାଦାଯ ଚାପରମ୍।
ସ୍ବଯଂ ଯଚ୍ଛନ୍ହଯାନ୍ରାଜନ୍ବ୍ଯଧମତ୍ପାଣ୍ଡବୀଂ ଚମୂମ୍॥ 7-25-57 (45853)
ପାଣ୍ଡ୍ଯମିନ୍ଦ୍ରମିବାଯାନ୍ତମସୁରାନ୍ପ୍ରତି ଦୁର୍ଜଯମ୍।
ସମର୍ଥଃ ସାଯକୌଘେନ ବୃଷସେନୋ ନ୍ଯବାରଯତ୍॥ 7-25-58 (45854)
`ଅଥାଜଗାମ ହୈଡିମ୍ବୋ ମହାମାଯୋ ମହାବଲଃ।
ପିତୄଣାଂ ହିତମନ୍ବିଚ୍ଛନ୍ଦହନ୍କୌରବବାହିନୀମ୍'॥ 7-25-59 (45855)
ଗଦାପରିଘନିସ୍ତ୍ରିଂଶପଟ୍ଟସାଯୋଘନୋପଲୈଃ।
କଡଙ୍ଗରୈର୍ଭୁଶୁଣ୍ଡୀଭିଃ ପ୍ରାସୈସ୍ତୋମରସାଯକୈଃ॥ 7-25-60 (45856)
ମୁସଲୈର୍ମୁଦ୍ଗରୈଶ୍ଚକ୍ରୈର୍ନ୍ଭିଣ୍ଡିପାଲପରଶ୍ବଥୈଃ।
ପାଂସୁବାତାଗ୍ନିସଲିଲୈର୍ଭସ୍ମଲୋଷ୍ଠତୃଣଦ୍ରୁମୈଃ॥ 7-25-61 (45857)
ଆତୁଦନ୍ପ୍ରରୁଜନ୍ଭଞ୍ଜନ୍ନିଘ୍ନନ୍ବିଦ୍ରାବଯନ୍କ୍ଷିପନ୍।
ସେନାଂ ବିଭୀଷଯନ୍ନାଯାଦ୍ଦୋଣପ୍ରେପ୍ସୁର୍ଘଟୋତ୍କଚଃ॥ 7-25-62 (45858)
ତଂ ତୁ ନାନାପ୍ରହରଣୈର୍ନାନାଯୁଦ୍ଧବିଶେଷଣୈଃ।
ରାକ୍ଷସଂ ରାକ୍ଷସଃ କ୍ରୁଦ୍ଧଃ ସମାଜଘ୍ନେ ହ୍ଯଲମ୍ବୁସଃ॥ 7-25-63 (45859)
ତଯୋସ୍ତଦଭବଦ୍ଯୁଦ୍ଧଂ ରକ୍ଷୋଗ୍ରାମଣିମୁଖ୍ଯଯୋଃ।
ତାଦୃଗ୍ଯାଦୃକ୍ପୁରାବୃତ୍ତଂ ଶମ୍ବରାମରରାଜଯୋଃ॥ 7-25-64 (45860)
ଏବଂ ଦ୍ବନ୍ଦ୍ବଶତାନ୍ଯାସନ୍ରଥବାରଣବାଜିନାମ୍।
ପଦାତୀନାଂ ଚ ଭଦ୍ରଂ ତେ ତବ ତେଷାଂ ଚ ସଙ୍କୁଲେ॥ 7-25-65 (45861)
ନୈତାଦୃଶୋ ଦୃଷ୍ଟପୂର୍ବଃ ସଙ୍ଗ୍ରାମୋ ନୈବ ଚ ଶ୍ରୁତଃ।
ଦ୍ରୋଣସ୍ଯାଭାବଭାବେ ତୁ ପ୍ରସକ୍ତାନାଂ ପରସ୍ପରମ୍॥ 7-25-66 (45862)
ଇଦଂ ଘୋରମିଦଂ ଚିତ୍ରମିଦଂ ରୌଦ୍ରମିତି ପ୍ରଭୋ।
ତତ୍ର ଯୁଦ୍ଧାନ୍ଯଦୃଶ୍ଯନ୍ତ ପ୍ରତତାନି ବହୂନି ଚ॥ ॥ 7-25-67 (45863)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ସଂଶପ୍ତକବଧପର୍ବଣି ଦ୍ବାଦଶଦିବସଯୁଦ୍ଧେ ପଞ୍ଚବିଂଶୋଽଧ୍ଯାଯଃ॥ 25 ॥
Mahabharata - Drona Parva - Chapter Footnotes
5-25-1 ଭୀରୋର୍ଭାବୋ ଭୈରବଂ ଭଯମିତି ଯାବତ୍॥ 5-25-2 ଦୃଷ୍ଟିପଥେ ଗତେ ଇତି ଙ ପାଠଃ॥ 5-25-7 ବାହ୍ଯଂ ମୃତ୍ଯୁଭଯଂ ଇତି କ.ଙ.ପାଠଃ॥ 5-25-21 ଉତ୍ପିଞ୍ଜଲକମତ୍ଯନ୍ତାକୁଲମ୍। ତଦଦ୍ଭୁତତମଂ ଯୁଦ୍ଧଂ ଇତି କ.ଙ.ପାଠଃ॥ 5-25-22 ଭୂତକର୍ମା ସଭାପତିରିତି ଦ୍ବିନାମା॥ 5-25-25 ଭୀମରଥୋ ରାଜଭ୍ରାତା॥ 5-25-45 ଦଦୃଶୁଃ ଦଦୃଶିରେ॥ 5-25-51 ଶଲାକଯା ଶଙ୍କୁନା॥ 5-25-60 ଅଯୋଘାନା କଡଙ୍ଗରୈର୍ଦଣ୍ଡୈଃ॥ 5-25-62 ଆତୁଦନ୍ ବ୍ଯଥଯନ୍। ପ୍ରରୁଜନ୍ବିଧ୍ଯନ୍। ଭଞ୍ଜନ୍ ଆମର୍ଦଯନ୍। ନିଘ୍ନନ୍ ମାରଯନ୍। ବିଦ୍ରାବଯନ୍ପଲାଯଯନ୍। କ୍ଷିପନ୍ପ୍ରେରଯନ୍॥ 5-25-66 ଆଭାବଭାବେ ମାରଣେ ରକ୍ଷଣେ ଚ॥ 5-25-25 ପଞ୍ଚବିଂଶୋଽଧ୍ଯାଯଃ॥ 25 ॥ଦ୍ରୋଣପର୍ବ - ଅଧ୍ଯାଯ 026
॥ ଶ୍ରୀଃ ॥
7.26. ଅଧ୍ଯାଯଃ 026
Mahabharata - Drona Parva - Chapter Topics
ଭଗଦତ୍ତପରାକ୍ରମବର୍ଣନମ୍॥ 1 ॥Mahabharata - Drona Parva - Chapter Text
7-26-0 (45864)
ଧୃତରାଷ୍ଟ୍ର ଉବାଚ। 7-26-0x (4320)
ତେଷ୍ବେବଂ ସନ୍ନିବୃତ୍ତେଷୁ ପ୍ରତ୍ଯୁଦ୍ଯାତେଷୁ ଭାଗଶଃ।
କଥଂ ଯୁଯୁଧିରେ ପାର୍ଥା ମାମକାଶ୍ଚ ତରସ୍ବିନଃ॥ 7-26-1 (45865)
କିମର୍ଜୁନଶ୍ଚାପ୍ଯକରୋତ୍ସଂଶପ୍ତକବଲଂ ପ୍ରତି।
ସଂଶପ୍ତକା ବା ପାର୍ଥସ୍ଯ କିମକୁର୍ବତ ସଞ୍ଜଯ॥ 7-26-2 (45866)
ସଞ୍ଜଯ ଉବାଚ। 7-26-3x (4321)
ତଥା ତେଷୁ ନିବୃତ୍ତେଷୁ ପ୍ରତ୍ଯୁଦ୍ଯାତେଷୁ ଭାଗଶଃ।
ସ୍ବଯମଭ୍ଯଦ୍ରବଦ୍ଭୀମଂ ନାଗାନୀକେନ ତେ ସୁତଃ॥ 7-26-3 (45867)
ସ ନାଗ ଇବ ନାଗେନ ଗୋବୃଷେଣେବ ଗୋବୃଷଃ।
ସମାହୂତଃ ସ୍ବଯଂ ରାଜ୍ଞା ନାଗାନୀକମୁପାଦ୍ରବତ୍॥ 7-26-4 (45868)
ସ ଯୁଦ୍ଧକୁଶଲଃ ପାର୍ଥୋ ବାହୁବୀର୍ଯେଣ ଚାନ୍ବିତଃ।
ଅଭିନତ୍କୁଞ୍ଜରାନୀକମଚିରେଣୈବ ମାରିଷ॥ 7-26-5 (45869)
ତେ ଗଜା ଗିରିସଙ୍କାଶାଃ କ୍ଷରନ୍ତଃ ସର୍ବତୋ ମଦମ୍।
ଭୀମସେନସ୍ଯ ନାରାଚୈର୍ବିମୁଖା ବିମଦୀକୃତାଃ॥ 7-26-6 (45870)
ବିଧମେଦଭ୍ରଜାଲାନି ଯଥା ବାଯୁଃ ସମୁଦ୍ଧତଃ।
ବ୍ଯଧମତ୍ତାନ୍ଯନୀକାନି ତଥୈବ ପବନାତ୍ମଜଃ॥ 7-26-7 (45871)
ସ ତେଷୁ ବିସୃଜନ୍ବାଣାନ୍ଭୀମୋ ନାଗେଷ୍ବଶୋଭତ।
ଭୁବନେଷ୍ବିବ ସର୍ବେଷୁ ଗଭସ୍ତୀନୁଦିତୋ ରବିଃ॥ 7-26-8 (45872)
ତେ ଭୀମବାଣାଭିହତାଃ ସଂସ୍ଯୂତା ବିବଭୁର୍ଗଜାଃ।
ଗଭସ୍ତିଭିରିବାର୍କସ୍ଯ ବ୍ଯୋମ୍ନି ନାନାବଲାହକାଃ॥ 7-26-9 (45873)
ତଥା ଗଜାନାଂ କଦନଂ କୁର୍ବାଣମନିଲାତ୍ମଜମ୍।
କ୍ରୁଦ୍ଧୋ ଦୁର୍ଯୋଧନୋଽଭ୍ଯେତ୍ଯ ପ୍ରତ୍ଯବିଧ୍ଯଚ୍ଛିତୈଃ ଶରୈଃ॥ 7-26-10 (45874)
ତତଃ କ୍ଷଣେନ କ୍ଷିତିପଂ କ୍ଷତଜପ୍ରତିମେକ୍ଷଣଃ।
କ୍ଷଯଂ ନିନୀଷୁର୍ନିଶିତୈର୍ଭୀମୋ ବିବ୍ଯାଧ ପତ୍ରିଭିଃ॥ 7-26-11 (45875)
ସ ଶରାଚିତସର୍ବାଙ୍ଗଃ କ୍ରୁଦ୍ଧୋ ବିବ୍ଯାଧ ପାଣ୍ଡବମ୍।
ନାରାଚୈରର୍କରଶ୍ମ୍ଯାଭୈର୍ଭୀମସେନଂ ସ୍ମଯନ୍ନିବ॥ 7-26-12 (45876)
ତସ୍ଯ ନାଗଂ ମଣିମଯଂ ରତ୍ନଚିତ୍ରଧ୍ବଜେ ସ୍ଥିତମ୍।
ଭଲ୍ଲାଭ୍ଯାଂ କାର୍ମୁକଂ ଚୈବ କ୍ଷିପ୍ରଂ ଚିଚ୍ଛେଦ ପାଣ୍ଡବଃ॥ 7-26-13 (45877)
ଦୁର୍ଯୋଧନଂ ପୀଡ୍ଯମାନଂ ଦୃଷ୍ଟ୍ବା ଭୀମେନ ମାରିଷ।
ଚୁକ୍ଷୋଭଯିଷୁରଭ୍ଯାଗାଦଙ୍ଗୋ ମାତଙ୍ଗମାସ୍ଥିତଃ॥ 7-26-14 (45878)
ତମାପତନ୍ତଂ ନାଗେନ୍ଦ୍ରମମ୍ବୁଦପ୍ରତିମସ୍ବନମ୍।
କୁମ୍ଭାନ୍ତରେ ଭୀମସେନୋ ନାରାଚୈରାର୍ଦଯଦ୍ଭୃଶମ୍॥ 7-26-15 (45879)
ତସ୍ଯ କାଯଂ ବିନିର୍ଭିଦ୍ଯ ନ୍ଯମଜ୍ଜଦ୍ଧରଣୀତଲେ।
ତତଃ ପପାତ ଦ୍ବିରଦୋ ବଜ୍ରାହତ ଇବାଚଲଃ॥ 7-26-16 (45880)
ତସ୍ବାବର୍ଜିତନାଗସ୍ଯ ମ୍ଲେଚ୍ଛସ୍ଯାଧଃ ପତିଷ୍ଯତଃ।
ଶିରଶ୍ଚିଚ୍ଛେଦ ଭଲ୍ଲେନ କ୍ଷିପ୍ରକାରୀ ବୃକୋଦରଃ॥ 7-26-17 (45881)
ତସ୍ମିନ୍ନିପତିତେ ବୀରେ ସମ୍ପ୍ରାଦ୍ରବତ ସା ଚମୂଃ।
ସମ୍ଭ୍ରାନ୍ତାଶ୍ବଦ୍ବିପରଥା ପଦାତୀନବମୃଦ୍ଗତୀ॥ 7-26-18 (45882)
ତେଷ୍ବନୀକେଷୁ ଭଗ୍ନେଷୁ ବିଦ୍ରବତ୍ସୁ ସମନ୍ତତଃ।
ପ୍ରାଗ୍ଜ୍ଯୋତିଷସ୍ତତୋ ଭୀମଂ କୁଞ୍ଜରେଣ ସମାଦ୍ରବତ୍॥ 7-26-19 (45883)
ଯେନ ନାଗେନ ମଘବାନଜଯଦ୍ଦୈତ୍ଯଦାନବାନ୍।
ତଦନ୍ବଯେନ ନାଗେନ ଭୀମସେନମୁପାଦ୍ରବତ୍॥ 7-26-20 (45884)
ସ ନାଗପ୍ରବରୋ ଭୀମଂ ସହସା ସମୁପାଦ୍ରବତ୍।
ଶ୍ରବଣାଭ୍ଯାମଥୋ ଦ୍ବାଭ୍ଯାଂ ସଂହତେନ କରେଣ ଚ॥ 7-26-21 (45885)
ବ୍ଯାବୃତ୍ତନଯନଃ କ୍ରୁଦ୍ବଃ ପ୍ରମଥନ୍ନିବ ପାଣ୍ଡବମ୍।
ବୃକୋଦରରଥଂ ସାଶ୍ବମବିଶେଷମଚୂର୍ଣଯତ୍॥ 7-26-22 (45886)
ପଦ୍ଭ୍ଯାଂ ଭୀମୋଽପ୍ଯଥୋ ଧାବଂସ୍ତସ୍ଯ ଗାତ୍ରେଷ୍ବଲୀଯତ।
ଜାନନ୍ନଞ୍ଜଲିକାବେଧଂ ନାପାକ୍ରାମତ ପାଣ୍ଡବଃ॥ 7-26-23 (45887)
ଗାତ୍ରାଭ୍ଯନ୍ତରଗୋ ଭୂତ୍ବା କରେଣାତାଡଯନ୍ମୁହୁଃ।
ଲାଲଯାମାସ ତଂ ନାଗଂ ବଧାକାଙ୍କ୍ଷିଣମବ୍ଯଯମ୍॥ 7-26-24 (45888)
କୁଲାଲଚକ୍ରବନ୍ନାଗସ୍ତଦା ତୂର୍ଣମଥାଭ୍ରମତ୍।
ନାଗାଯୁତବଲଃ ଶ୍ରୀମାନ୍କାଲଯାନୋ ବୃକୋଦରମ୍॥ 7-26-25 (45889)
ଭୀମୋଽପି ନିଷ୍କ୍ରମ୍ଯ ତତଃ ସୁପ୍ରତୀକାଗ୍ରତୋଽଭବତ୍।
ଭୀମଂ କରେଣାବନମ୍ଯ ଜାନୁଭ୍ଯାମଭ୍ଯତାଡଯତ୍॥ 7-26-26 (45890)
ଗ୍ରୀବାଯାଂ ବେଷ୍ଟଯିତ୍ବୈନଂ ସ ଗଜୋ ହନ୍ତୁମୈହତ।
କରବେଷ୍ଟଂ ଭୀମସେନୋ ଭ୍ରମଂ ଦତ୍ତ୍ବା ବ୍ଯମୋଚଯତ୍॥ 7-26-27 (45891)
ପୁନର୍ଗାତ୍ରାଣି ନାଗସ୍ଯ ପ୍ରବିବେଶ ବୃକୋଦରଃ।
ଯାବତ୍ପ୍ରତିଗଜାଯାତଂ ସ୍ବବଲଂ ପ୍ରତ୍ଯବୈକ୍ଷତ।
ଭୀମୋପି ନାଗଗାତ୍ରେଭ୍ଯୋ ବିନିଃସୃତ୍ଯାପଯାଜ୍ଜବାତ୍॥ 7-26-28 (45892)
ତତଃ ସର୍ବସ୍ଯ ସୈନ୍ଯସ୍ଯ ନାଦଃ ସମଭବନ୍ମହାନ୍।
ଅହୋ ଧିଙ୍ଗିହତୋ ଭୀମଃ କୁଜ୍ଜରେଣେତି ମାରିଷ॥ 7-26-29 (45893)
ତେନ ନାଗେନ ସନ୍ତ୍ରସ୍ତା ପାଣ୍ଡବାନାମନୀକିନୀ।
ସହସାଽଭ୍ଯଦ୍ରବଦ୍ରାଜନ୍ଯତ୍ର ତସ୍ଯୌ ବୃକୋଦରଃ॥ 7-26-30 (45894)
ତତୋ ଯୁଧିଷ୍ଠିରୋ ରାଜା ହତଂ ମତ୍ବା ବୃକୋଦରମ୍।
ଭଗଦତ୍ତଂ ସପାଞ୍ଚାଲ୍ଯଃ ସର୍ବତଃ ସମବାରଯତ୍॥ 7-26-31 (45895)
ତଂ ରଥଂ ରଥିନାଂ ଶ୍ରେଷ୍ଠାଃ ପରିବାର୍ଯ ପରନ୍ତପାଃ।
ଅବାକିରଞ୍ଶରୈସ୍ତୀକ୍ଷ୍ଣୈଃ ଶତଶୋଽଥ ସହସ୍ରଶଃ॥ 7-26-32 (45896)
ସ ବିଘାତଂ ପୃଷତ୍କାନାମଙ୍କୁଶେନ ସମାହରନ୍।
କ୍ଷଣେନ ପାଣ୍ଡୁପାଞ୍ଜାଲାନ୍ବ୍ଯଧମତ୍ପର୍ବତେଶ୍ବରଃ॥ 7-26-33 (45897)
ତଦଦ୍ଭୁତମପଶ୍ଯାମ ଭଗଦତ୍ତସ୍ଯ ସଂଯୁଗେ।
ତଥା ବୃଦ୍ଧସ୍ଯ ଚରିତଂ କୁଞ୍ଜରେଣ ବିଶାମ୍ପତେ॥ 7-26-34 (45898)
ତତୋ ରାଜା ଦଶାର୍ଣାନାଂ ପ୍ରାଗ୍ଜ୍ଯୋତିଷମୁପାଦ୍ରବତ୍।
ତିର୍ଯଗ୍ଯାତେନ ନାଗେନ ସମଦେନାଶୁଗାମିନା॥ 7-26-35 (45899)
ତଯୋର୍ଯୁଦ୍ଧଂ ସମଭବନ୍ନାଗଯୋର୍ଭୀମରୂପଯୋଃ।
ସପକ୍ଷଯୋଃ ପର୍ବତଯୋର୍ଯଥା ସଦ୍ରୁମଯୋଃ ପୁରା॥ 7-26-36 (45900)
ପ୍ରାଗ୍ଜ୍ଯୋତିଷପତେର୍ନାଗଃ ସନ୍ନିବୃତ୍ତ୍ଯାପସୃତ୍ଯ ଚ।
ପାର୍ଶ୍ବେ ଦଶାର୍ଣାଧିପତେର୍ଭିତ୍ତ୍ବା ନାଗମପାତଯତ୍॥ 7-26-37 (45901)
ତୋମରୈଃ ସୂର୍ଯରଶ୍ମ୍ଯାଭୈର୍ଭଗଦତ୍ତୋଽଥ ସପ୍ତଭିଃ।
ଜଘାନ ଦ୍ବିରଦସ୍ଥଂ ତଂ ଶତ୍ରୁଂ ପ୍ରଚଲିତାସନମ୍॥ 7-26-38 (45902)
ବ୍ଯବଚ୍ଛିଦ୍ଯ ତୁ ରାଜାନଂ ଭଗଦତ୍ତଂ ଯୁଧିଷ୍ଠିରଃ।
ରଥାନୀକେନ ମହତା ସର୍ବତଃ ପର୍ଯବାରଯତ୍॥ 7-26-39 (45903)
ସ କୁଞ୍ଜରସ୍ଥୋ ରଥିଭିଃ ଶୁଶୁଭେ ସର୍ବତୋ ବୃତଃ।
ପର୍ବତେ ବନମଧ୍ଯସ୍ଥୋ ଜ୍ବଲନ୍ନିବ ହୁତାଶନଃ॥ 7-26-40 (45904)
ମଣ୍ଡଲଂ ସର୍ବତଃ ଶ୍ଲିଷ୍ଟଂ ରଥିନାମୁଗ୍ରଧନ୍ବିନାମ୍।
କିରତାଂ ଶରବର୍ଷାଣି ସ ନାଗଃ ପର୍ଯବର୍ତତ॥ 7-26-41 (45905)
ତତଃ ପ୍ରାଗ୍ଜ୍ଯୋତିଷୋ ରାଜା ପରିଗୃହ୍ଯ ମହାଗଜମ୍।
ପ୍ରେଷଯାମାସ ସହସା ଯୁଯୁଧାନରଥଂ ପ୍ରତି॥ 7-26-42 (45906)
`ଆପତନ୍ତଂ ଚ ସମ୍ପ୍ରେକ୍ଷ୍ଯ ନାଗଂ ସାତ୍ବତପୁଙ୍ଗବଃ।
ଅବିଧ୍ଯତ୍ପଞ୍ଚଭିର୍ବାଣୈଃ ଶିତୈରାଶୀବିଷୋପମୈଃ'॥ 7-26-43 (45907)
ଶିନେଃ ପୌତ୍ରସ୍ଯ ତୁ ରଥଂ ପରିଗୃହ୍ଯ ମହାଦ୍ବିପଃ।
ଅଭିଚିକ୍ଷେପ ବେଗେନ ଯୁଯୁଧାନସ୍ତ୍ବପାକ୍ରମତ୍॥ 7-26-44 (45908)
ବୃହତଃ ସୈନ୍ଧବାନଶ୍ବାନ୍ସମୁତ୍ଥାପ୍ଯଥ ସାରଥିଃ।
ତସ୍ଥୌ ସାତ୍ଯକିମାସାଦ୍ଯ ସମ୍ପ୍ଲୁତସ୍ତଂ ରଥଂ ପ୍ରତି॥ 7-26-45 (45909)
ସ ତୁ ଲବ୍ଧ୍ବାନ୍ତରଂ ନାଗସ୍ତ୍ବରିତୋ ରଥମଣ୍ଡଲାତ୍।
ନିଷ୍ପତନ୍ସତତଂ ସର୍ବାନ୍ପରିଚିକ୍ଷେପ ପାର୍ଥିବାନ୍॥ 7-26-46 (45910)
ତେ ତ୍ବାଶୁଗତିନା ତେନ ତ୍ରାସ୍ଯମାନା ନରର୍ଷଭାଃ।
ତମେକଂ ଦ୍ବିରଦଂ ସଙ୍ଖ୍ଯେ ମେନିରେ ଶତଶୋ ଦ୍ବିପାନ୍॥ 7-26-47 (45911)
ତେ ଗଜସ୍ଥେନ କାଲ୍ଯନ୍ତେ ଭଗଦତ୍ତେନ ପାର୍ଥିବାଃ।
ଐରାବତସ୍ଥେନ ଯଥା ଦେବରାଜେନ ଦାନବାଃ॥ 7-26-48 (45912)
ତେଷାଂ ପ୍ରଦ୍ରବତାଂ ଭୀମଃ ପାଞ୍ଚାଲାନାମିତସ୍ତତଃ।
ଗଜବାଜିକୃତଃ ଶବ୍ଦଃ ସୁମହାନ୍ସମଜାଯତ॥ 7-26-49 (45913)
ଭଗଦତ୍ତେନ ସମରେ କାଲ୍ଯମାନେଷୁ ପାଣ୍ଡୁଷୁ।
ପ୍ରାଗ୍ଜ୍ଯୋତିଷମଭିକ୍ରୁଦ୍ଧଃ ପୁନର୍ଭୀମଃ ସମଭ୍ଯଯାତ୍॥ 7-26-50 (45914)
ତସ୍ଯାଭିଦ୍ରବତୋ ବାହାନ୍ହସ୍ତମୁକ୍ତେନ ବାରିଣା।
ସିକ୍ତ୍ବା ବ୍ଯତ୍ରାସଯନ୍ନାଗସ୍ତେ ପାର୍ଥସହରଂସ୍ତତଃ॥ 7-26-51 (45915)
ତତସ୍ତମଭ୍ଯଯାତ୍ତୂର୍ଣଂ ରୁଚିପର୍ବା କୃତୀସୁତଃ।
ସମଘ୍ନଞ୍ଛରବର୍ଷେଣ ରଥସ୍ଯୋଽନ୍ତକସନ୍ନିଭଃ॥ 7-26-52 (45916)
ତତଃ ସ ରୁଚିପର୍ବାଣଂ ଶରେଣାନତପର୍ବଣା।
ସୁପର୍ବା ପର୍ବତପତିର୍ନିନ୍ଯେ ବୈବସ୍ବତକ୍ଷଯମ୍॥ 7-26-53 (45917)
ତସ୍ମିନ୍ନିପତିତେ ବୀରେ ସୌଭଦ୍ରୋ ଦ୍ରୌପଦୀସୁତଃ।
ଚେକିତାନୋ ଧୃଷ୍ଟକେତୁର୍ଯଯୁତ୍ସୁଶ୍ଚାର୍ଦଯନ୍ଦ୍ବିପମ୍॥ 7-26-54 (45918)
ତ ଏନଂ ଶରଧାରାଭିର୍ଧାରାଭିରିବ ତୋଯଦାଃ।
ସିଷିଚୁର୍ଭୈରବାନ୍ନାଦାନ୍ବିନଦନ୍ତୋ ଜିଘାଂସବଃ॥ 7-26-55 (45919)
ତତଃ ପାର୍ଷ୍ଣ୍ଯଙ୍କୁଶାଙ୍ଗୁଷ୍ଠୈଃ କୃତିନା ଚୋଦିତୋ ଦ୍ବିପଃ।
ପ୍ରସାରିତକରଃ ପ୍ରାଯାତ୍ସ୍ତବ୍ଧକର୍ଣେକ୍ଷଣୋ ଦ୍ରୁତମ୍॥ 7-26-56 (45920)
ସୋଽଧିଷ୍ଠାଯ ପଦା ବାହାନ୍ଯୁଯୁତ୍ସୋଃ ସୂତମାରୁଜତ୍।
ଯୁଯୁତ୍ସୁସ୍ତୁ ରଥାଦ୍ରାଜନ୍ନପାକ୍ରାମତ୍ତ୍ବରାନ୍ବିତଃ॥ 7-26-57 (45921)
ତତଃ ପାଣ୍ଡବଯୋଧାସ୍ତେ ନାଗରାଜଂ ଶରୈର୍ଦ୍ରୁତମ୍।
ସିଷିଚୁର୍ଭୈରବାନ୍ନାଦାନ୍ବିନଦନ୍ତୋ ଜିଘାଂସବଃ॥ 7-26-58 (45922)
ପୁତ୍ରସ୍ତୁ ତବ ସମ୍ଭ୍ରାନ୍ତଃ ସୌଭଦ୍ରସ୍ଯାପ୍ଲୁତୋ ରଥମ୍।
ସ କୁଞ୍ଜରସ୍ଥୋ ବିସୃଜନ୍ନିଷୂନରିଷୁ ପାର୍ଥିବଃ।
ବଭୌ ରଶ୍ମୀନିବାଦିତ୍ଯୋ ଭୁବନେଷୁ ସମୁତ୍ସୃଜନ୍॥ 7-26-59 (45923)
ତମାର୍ଜୁନିର୍ଦ୍ବାଦଶଭିର୍ଯୁଯୁତ୍ସୁର୍ଦଶଭିଃ ଶରୈଃ।
ତ୍ରିଭିସ୍ତ୍ରିଭିର୍ଦ୍ରୌପଦେଯା ଧୃଷ୍ଟକେତୁଶ୍ଚ ବିବ୍ଯଧୁଃ॥ 7-26-60 (45924)
`ଚେକିତାନଃ ଚତୁଃଷଷ୍ଟ୍ଯା ସୋତ୍ତରାଯୁଧିକଂ ପୁନଃ।
ପ୍ରତ୍ଯବିଧ୍ଯତ୍ତତଃ ସର୍ବାନ୍ଭଗଦତ୍ତସ୍ତ୍ରିଭିସ୍ତ୍ରିଭିଃ'॥ 7-26-61 (45925)
ସୋଽତିଯତ୍ନାର୍ପିତୈର୍ବାଣୈରାଚିତୋ ଦ୍ବିରଦୋ ବଭୌ।
ସଂସ୍ଯୂତ ଇବ ସୂର୍ଯସ୍ଯ ରଶ୍ମିଭିର୍ଜଲଦୋ ମହାନ୍॥ 7-26-62 (45926)
ନିଯନ୍ତୁଃ ଶିଲ୍ପଯତ୍ନାଭ୍ଯାଂ ପ୍ରେରିତୋଽରିଶରାର୍ଦିତଃ।
ପରିଚିକ୍ଷେପ ତାନ୍ନାଗଃ ସ ରିପୂନ୍ସବ୍ଯଦକ୍ଷିଣମ୍॥ 7-26-63 (45927)
ଗୋପାଲ ଇବ ଦଣ୍ଡେନ ଯଥା ପଶୁଗଣାନ୍ବନେ।
ସଙ୍କାଲଯତି ତାଂ ସେନାଂ ଭଗଦତ୍ତସ୍ତଥା ମୁହୁଃ॥ 7-26-64 (45928)
କ୍ଷିପ୍ରଂ ଶ୍ଯେନାଭିପ୍ରନ୍ନାନାଂ ବାଯସାନାମିବ ସ୍ବନଃ।
ବଭୂବ ପାଣ୍ଡବେଯାନାଂ ଭୃଶଂ ବିଦ୍ରବତାଂ ସ୍ବନଃ॥ 7-26-65 (45929)
ସ ନାଗରାଜଃ ପ୍ରବରାଙ୍କୁଶାହତଃ
ପୁରା ସପକ୍ଷୋଽଦ୍ରିବରୋ ଯଥା ନୃପ।
ଭଯଂ ତଦା ରିପୁଷୁ ସମାଦଧଦ୍ଭୃଶଂ
ବଣିଗ୍ଜନାନାଂ କ୍ଷୁଭିତୋ ଯଥାଽର୍ଣବଃ॥ 7-26-66 (45930)
ତତୋ ଧ୍ବନିର୍ଦ୍ବିରଦରଥାଶ୍ବପାର୍ଥିବୈ
ର୍ଭଯାଦ୍ରବଦ୍ଭିର୍ଜନିତୋଽତିଭୈରବଃ।
କ୍ଷିତିଂ ବିଯଦ୍ ଦ୍ଯାଂ ବିଦିଶୋ ଦିଶସ୍ତଥା
ସମାବୃଣୋତ୍ପାର୍ଥିବସଂଯୁଗେ ତତଃ॥ 7-26-67 (45931)
ସ ତେନ ନାଗପ୍ରବରେଣ ପାର୍ଥିବୋ
ଭୃଶଂ ଜଗାହେ ଦ୍ବିଷତାମନୀକିନୀମ୍।
ପୁରା ସୁଗୁପ୍ତାଂ ବିବୁଧୈରିବାହବେ
ବିରୋଚନୋ ଦେବବରୂତିନୀମିବ॥ 7-26-68 (45932)
ଭୃଶଂ ବବୌ ଜ୍ବଲନସଖୋ ବିଯଦ୍ରଜଃ
ସମାବୃଣୋନ୍ମୁହୁରପି ଚୈବ ସୈନିକାନ୍।
ତମେକନାଗଂ ଗଣଶୋ ଯଥା ଗଜାନ୍
ସମନ୍ତତୋ ଦ୍ରୁତମଥ ମେନିରେ ଜନାଃ॥ ॥ 7-26-69 (45933)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ସଂଶପ୍ତକବଧପର୍ବଣି ଦ୍ବାଦଶଦିବସଯୁଦ୍ଧେ ଷଡ୍ବିଂଶୋଽଧ୍ଯାଯଃ॥ 26 ॥
Mahabharata - Drona Parva - Chapter Footnotes
5-26-17 ଆବର୍ଜିତଃ ପତନପ୍ରବଣୋ ନାଗୋ ଯସ୍ଯ॥ 5-26-21 ସଂହତେନ ସଙ୍କୁଚିତେନ ॥ 5-26-35 ତିର୍ଯଗ୍ଯାତେନ ପାର୍ଶ୍ବତୋଗାମିନା॥ 5-26-39 ବ୍ଯବଚ୍ଛିଦ୍ଯ ବିଦ୍ଧ୍ବା॥ 5-26-41 ପର୍ଯବର୍ତତ ଭ୍ରାନ୍ତବାନ୍॥ 5-26-45 ସମୁତ୍ଥାପ୍ଯ ସ୍ଥିରୀକୃତ୍ଯ॥ 5-26-52 ସୁପର୍ବା ପାର୍ବତୀସୁତଃ ଇତି କ.ଙ.ପାଠଃ॥ 5-26-53 ସୁପର୍ବା ଶୋଭନାଙ୍ଗସଂଧିଃ॥ 5-26-67 ବିଯଦାକାଶମ୍। ଦ୍ଯାଂ ସ୍ବର୍ଗମ୍॥ 5-26-26 ଷଡ୍ବିଂଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 027
॥ ଶ୍ରୀଃ ॥
7.27. ଅଧ୍ଯାଯଃ 027
Mahabharata - Drona Parva - Chapter Topics
ଅର୍ଜୁନେନ ସଂଶପ୍ତକାନାଂ ହନନମ୍॥ 1 ॥Mahabharata - Drona Parva - Chapter Text
7-27-0 (45934)
ସଞ୍ଜଯ ଉବାଚ। 7-27-0x (4322)
ଯନ୍ମାଂ ପାର୍ଥସ୍ଯ ସଙ୍ଗ୍ରାମେ କର୍ମାଣି ପରିପୃଚ୍ଛସି।
ତୃଚ୍ଛୃଣୁଷ୍ବ ମହାବାହୋ ପାର୍ଥୋ ଯଦକରୋଦ୍ରଣେ॥ 7-27-1 (45935)
ରଜୋ ଦୃଷ୍ଟ୍ବା ସମୁଦ୍ଭୂତଂ ଶ୍ରୁତ୍ବା ଚ ଗଜନିଃସ୍ବନମ୍।
ଭଗଦତ୍ତେ ବିକୁର୍ବାଣେ କୌନ୍ତେଯଃ କୃଷ୍ଣମବ୍ରବୀତ୍॥ 7-27-2 (45936)
ଯଥା ପ୍ରାଗ୍ଜ୍ଯୋତିଷୋ ରାଜା ଗଜେନ ମଧୁସୂଦନ।
ତ୍ବରମାଣୋଽଭିନିଷ୍କ୍ରାନ୍ତୋ ଧ୍ରୁବଂ ତସ୍ଯୈଷ ନିଃସ୍ବନଃ॥ 7-27-3 (45937)
ଇନ୍ଦ୍ରାଦନବରଃ ସଙ୍ଖ୍ଯେ ଗଜଯାନବିଶାରଦଃ।
ପ୍ରଥମୋ ଗଜଘୋଧାନାଂ ପୃଥିବ୍ଯାମିତି ମେ ମତିଃ॥ 7-27-4 (45938)
ସ ଚାପି ଦ୍ବିରଦଶ୍ରେଷ୍ଠଃ ସଦାଽପ୍ରତିଗଜୋ ଯୁଧି।
ସର୍ବଶସ୍ତ୍ରାତିଗଃ ସଙ୍ଖ୍ଯେ କୃତକର୍ମା ଜିତକ୍ଲମଃ॥ 7-27-5 (45939)
ସହଃ ସସ୍ତ୍ରନିପାତାନାମଗ୍ନିସ୍ପର୍ଶସ୍ଯ ଚାନଘ।
ସ ପାଣ଼୍ଡବବଲଂ ସର୍ବମଦ୍ଯୈକୋ ନାଶଯିଷ୍ଯତି॥ 7-27-6 (45940)
`ସିଂହନାଦଂ ମହତ୍କୃତ୍ବା ଧନୁର୍ବାଣରବୈଃ ସହ।
ବିଦ୍ରାବ୍ଯମାଣଂ ସମ୍ପଶ୍ଯ ହତଭୂଯିଷ୍ଠନାଯକମ୍।
ଦୃଷ୍ଟ୍ବା ବିନଦ୍ଯ ସହସା ମମ ସେନାଂ ପ୍ରମୃଦ୍ଗତି'॥ 7-27-7 (45941)
ନ ଚାବାଭ୍ଯାମୃତେଽନ୍ଯୋଽସ୍ତି ଶକ୍ତସ୍ତଂ ପ୍ରତିବାଧିତୁମ୍।
ତ୍ବରମାଣସ୍ତତୋ ଯାହି ଯତଃ ପ୍ରାଗ୍ଜ୍ଯୋତିଷାଧିପଃ॥ 7-27-8 (45942)
ଦୃପ୍ତଂ ସଙ୍ଖ୍ଯେ ଦ୍ବିପବଲାଦ୍ବଯସା ଚାପି ବିସ୍ମିତମ୍।
ଅଦ୍ଯୈନଂ ପ୍ରେଷଯିଷ୍ଯାମି ବଲହନ୍ତୁଃ ପ୍ରିଯାତିଥିମ୍॥ 7-27-9 (45943)
ବଚନାଦଥ କୃଷ୍ଣସ୍ତୁ ପ୍ରଯଯୌ ସବ୍ଯସାଚିନଃ।
ଦୀର୍ଯତେ ଭଗଦତ୍ତେନ ଯତ୍ର ପାଣ୍ଡବବାହିନୀ॥ 7-27-10 (45944)
ତଂ ପ୍ରଯାନ୍ତଂ ତତଃ ପଶ୍ଚାଦାହ୍ବଯନ୍ତୋ ମହାରଥାଃ।
ସଂଶପ୍ତକାଃ ସମାରୋହନ୍ସହସ୍ରାଣି ଚତୁର୍ଦଶ॥ 7-27-11 (45945)
ଦଶୈବ ତୁ ସହସ୍ରାଣି ତ୍ରିଗର୍ତାନାଂ ମହାରଥାଃ।
ଚତ୍ବାରି ଚ ସହସ୍ରାଣି ବାସୁଦେବସ୍ଯ ଚାନୁଗାଃ॥ 7-27-12 (45946)
ଦୀର୍ଯମାଣାଂ ଚମୂଂ ଦୃଷ୍ଟ୍ବା ଭଗଦତ୍ତେନ ମାନିଷ।
ଆହୂଯମାନସ୍ଯ ଚ ତୈରଭବଦ୍ଧୃଦଯଂ ଦ୍ବିଧା॥ 7-27-13 (45947)
କିନ୍ନୁ ଶ୍ରେଯସ୍କରଂ କର୍ମ ଭବେଦଦ୍ଯେତ୍ଯଚିନ୍ତଯତ୍।
ଇହ ବା ବିନିବର୍ତେଯଂ ଗଚ୍ଛେଯଂ ବା ଯୁଧିଷ୍ଠିରମ୍॥ 7-27-14 (45948)
ତସ୍ଯ ବୁଦ୍ଧ୍ଯା ବିଚାର୍ଯୈବମର୍ଜୁନସ୍ଯ କୁରୂଦ୍ବହ।
ଅଭବଦ୍ଭୂଯସୀ ବୁଦ୍ଧିଃ ସଂଶପ୍ତକବଧେ ସ୍ଥିରା॥ 7-27-15 (45949)
ସ ସନ୍ନିବୃତ୍ତଃ ସହସା କପିପ୍ରବରକେତନଃ।
ଏକୋ ରଥସହସ୍ରାଣି ନିହନ୍ତୁଂ ବାସବୀ ରଣେ॥ 7-27-16 (45950)
ସା ହି ଦୁର୍ଯୋଧନସ୍ଯାସୀନ୍ମତିଃ କର୍ଣସ୍ଯ ଚୋଭଯୋଃ।
ଅର୍ଜୁନସ୍ଯ ବଧୋପାଯେ ଯା ବୈ ଦ୍ବୈଧମକଲ୍ପଯତ୍॥ 7-27-17 (45951)
ସ ତୁ ଦୋଲାଯମାନୋଽବୂଦ୍ଦ୍ବୈଧୀଭାବେନ ପାଣ୍ଡବଃ।
ବଧେନ ତୁ ନରାଗ୍ର୍ଯାଣାମକରୋତ୍ତାଂ ମୃଷା ତଦା॥ 7-27-18 (45952)
ତତଃ ଶତସହସ୍ରାଣି ଶରାଣାଂ ନତପର୍ବଣାମ୍।
ଅସୃଜନ୍ନର୍ଜୁନେ ରାଜନ୍ସଂଶପ୍ତକମହାରଥାଃ॥ 7-27-19 (45953)
ନୈବ କୁନ୍ତୀସୁତଃ ପାର୍ଥୋ ନୈବ କୃଷ୍ଣୋ ଜନାର୍ଦନଃ।
ନ ହଯା ନ ରଥୋ ରାଜନ୍ଦୃଶ୍ଯନ୍ତେ ସ୍ମ ଶରୈଶ୍ଚିତାଃ॥ 7-27-20 (45954)
ତଦା ମୋହମନୁପ୍ରାପ୍ତଃ ସିଷ୍ବିଦେ ହି ଜନାର୍ଦନଃ।
ତତସ୍ତାନ୍ପ୍ରାଯଶଃ ପାର୍ଥୋ ବ୍ରହ୍ମାସ୍ତ୍ରେଣ ନିଜଘ୍ନିବାନ୍॥ 7-27-21 (45955)
ଶତଶଃ ପାଣଯଶ୍ଛିନ୍ନାଃ ସେଷୁଜ୍ଯାତଲକାର୍ମୁକାଃ।
କେତବୋ ବାଜିନଃ ସୂତା ରଥିନଶ୍ଚାପତନ୍କ୍ଷିତୌ॥ 7-27-22 (45956)
ଦ୍ରୁମାଚଲାଗ୍ରାମ୍ବୁଧରୈଃ ସମକାଯାଃ ସୁକଲ୍ପିତାଃ।
ହତାରୋହାଃ କ୍ଷିତୌ ପେତୁର୍ଦ୍ବିପାଃ ପାର୍ଥଶରାହତାଃ॥ 7-27-23 (45957)
ବିପ୍ରବିଦ୍ଧକୁଥା ନାଗାଶ୍ଛିନ୍ନଭାଣ୍ଡାଃ ପରାସବଃ।
ସାରୋହାସ୍ତୁ ରଣେ ପେତୁର୍ମଥିତା ମାର୍ଗଣୈର୍ଭୃଶମ୍॥ 7-27-24 (45958)
ସର୍ଷ୍ଟିପ୍ରାସାସିନଖରାଃ ସମୁଦ୍ଗରପରଶ୍ବଥାଃ।
ବିଚ୍ଛିନ୍ନା ବାହବଃ ପେତୁର୍ନୃଣାଂ ଭଲ୍ଲୈଃ କିରୀଟିନା॥ 7-27-25 (45959)
ବାଲାଦିତ୍ଯାମ୍ବୁଜେନ୍ଦୂନାଂ ତୁଲ୍ଯରୂପାଣି ମାରିଷ।
ସଂଚ୍ଛିନ୍ନାନ୍ଯର୍ଜୁନଶରୈଃ ଶିରାଂସ୍ଯୁର୍ବୀ ପ୍ରପେଦିରେ॥ 7-27-26 (45960)
ଜଜ୍ବାଲାଲଙ୍କୃତା ସେନା ପତ୍ରିଭିଃ ପ୍ରାଣିଭୋଜନୈଃ।
ନାନାରୂପୈସ୍ତଦାଽମିତ୍ରାନ୍କ୍ରୁଦ୍ଧେନିଘ୍ନତି ଫଲ୍ଗୁନେ॥ 7-27-27 (45961)
କ୍ଷୋଭଯନ୍ତଂ ତଦା ସେନାଂ ଦ୍ବିରଦଂ ନଲିନୀମିବ।
ଧନଞ୍ଜଯଂ ଭୂତଗଣାଃ ସାଧୁସାଧ୍ବିତ୍ଯପୂଜଯନ୍॥ 7-27-28 (45962)
ଦୃଷ୍ଟ୍ବା ତତ୍କର୍ମ ପାର୍ଥସ୍ଯ ବାସବସ୍ଯେବ ମାଧବଃ।
ବିସ୍ମଯଂ ପରମଂ ଗତ୍ବା ପ୍ରାଞ୍ଜଲିସ୍ତମୁବାଚ ହ॥ 7-27-29 (45963)
କର୍ମୈତତ୍ପାର୍ଥ ଶକ୍ରେଣ ଯମେନ ଧନଦେନ ଚ।
ଦୁଷ୍କରଂ ସମରେ ଯତ୍ତେ କୃତମଦ୍ଯେତି ମେ ମତିଃ॥ 7-27-30 (45964)
ଯୁଗପଚ୍ଚୈବ ସଙ୍ଗ୍ରାମେ ଶତଶୋଽଥ ସହସ୍ରଶଃ।
ପତିତା ଏବ ମେ ଦୃଷ୍ଟାଃ ସଂଶପ୍ତକମହାରଥାଃ॥ 7-27-31 (45965)
ସଂଶପ୍ତକାଂସ୍ତତୋ ହତ୍ବା ଭୂଯିଷ୍ଠା ଯେ ବ୍ଯବସ୍ଥିତାଃ।
ଭଗଦତ୍ତାଯ ଯାହୀତି କୃଷ୍ଣଂ ପାର୍ଥୋଽଭ୍ଯନୋଦଯତ୍॥ ॥ 7-27-32 (45966)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ସଂଶପ୍ତକବଧପର୍ବଣି ଦ୍ବାଦଶଦିବସଯୁଦ୍ଧେ ସପ୍ତବିଂଶୋଽଧ୍ଯାଯଃ॥ 27 ॥
Mahabharata - Drona Parva - Chapter Footnotes
5-27-2 ବିକୁର୍ବାଣେ ବିବିଧାଃ କ୍ରିଯାଃ କୁର୍ବାଣେ॥ 5-27-6 ସହଃ ସୋଢା। ପଚାଦ୍ଯଚ॥ 5-27-9 ବିସ୍ମିତଂ ରୂଢାହଙ୍କାରମ୍॥ 5-27-11 ସମାରୋହନ୍ସଂବୃତବନ୍ତଃ॥ 5-27-27 ସପ୍ତବିଂଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 028
॥ ଶ୍ରୀଃ ॥
7.28. ଅଧ୍ଯାଯଃ 028
Mahabharata - Drona Parva - Chapter Topics
ଭଗଦତ୍ତାର୍ଜୁନସମାଗମଃ॥ 1 ॥Mahabharata - Drona Parva - Chapter Text
7-28-0 (45967)
ସଞ୍ଜଯ ଉବାଚ। 7-28-0x (4323)
ଯିଯାସତସ୍ତତଃ କୃଷ୍ଣଃ ପାର୍ଥସ୍ଯାଶ୍ବାନ୍ମନୋଜବାନ୍।
ସମ୍ପ୍ରୈଷୀଦ୍ଧେମସଞ୍ଛନ୍ନାନ୍ଦ୍ରୋଣାନୀକାଯ ସନ୍ତ୍ବରନ୍॥ 7-28-1 (45968)
ତଂ ପ୍ରଯାନ୍ତଂ କୁରୁଶ୍ରେଷ୍ଠଂ ସ୍ବାଂସ୍ତ୍ରାତୁଂ ଦ୍ରୋଣତାପିତାନ୍।
ସୁଶର୍ମା ଭ୍ରାତୃଭିଃ ସାର୍ଧଂ ଯୁଦ୍ଧାର୍ଥୀ ପୃଷ୍ଠତୋଽନ୍ବଯାତ୍॥ 7-28-2 (45969)
ତତଃ ଶ୍ବେତହଯଃ କୃଷ୍ଣମବ୍ରବୀଦଜିତଞ୍ଜଯଃ।
ଏଷ ମାଂ ଭ୍ରାତୃଭିଃ ସାର୍ଧଂ ସୁଶର୍ମାଽଽହ୍ବଯତେଽଚ୍ଯୁତ॥ 7-28-3 (45970)
ଦୀର୍ଯତେ ଚୋତ୍ତରେଣୈବ ତତ୍ସୈନ୍ଯଂ ମଧୁସୂଦନ।
ଦ୍ବୈଧୀଭୂତଂ ମନୋ ମେଽଦ୍ଯ କୃତଂ ସଂଶପ୍ତକୈରିଦମ୍॥ 7-28-4 (45971)
କିନ୍ନୁ ସଂଶପ୍ତକାନ୍ହନ୍ମି ସ୍ବାନ୍ରକ୍ଷାମ୍ଯହିତାର୍ଦିତାନ୍।
ଇତି ମେ ତ୍ବଂ ମତଂ ବେତ୍ସି ତତ୍ର କିଂ ସୁକୃତଂ ଭବେତ୍॥ 7-28-5 (45972)
ଏବମୁକ୍ତସ୍ତୁ ଦାଶାର୍ହଃ ସ୍ଯନ୍ଦନଂ ପ୍ରତ୍ଯବର୍ତଯତ୍।
ଯେନ ତ୍ରିଗର୍ତାଧିପତିଃ ପାଣ୍ଡବଂ ସମୁପାହ୍ବଯତ୍॥ 7-28-6 (45973)
ତତୋଽର୍ଜୁନଃ ସୁଶର୍ମାଣଂ ବିଦ୍ଧ୍ବା ସପ୍ତଭିରାଶୁଗୈଃ।
ଧ୍ବଜଂ ଧନୁଶ୍ଚାସ୍ଯ ତଥା କ୍ଷୁରାଭ୍ଯାଂ ସମକୃନ୍ତତ॥ 7-28-7 (45974)
ତ୍ରିଗର୍ତାଧିପତେଶ୍ଚାପି ଭ୍ରାତରଂ ଷଙ୍ଭିରାଶୁଗୈଃ।
ସାଶ୍ବଂ ସସୂତଂ ତ୍ବରିତଃ ପାର୍ଥଃ ପ୍ରୈଷୀଦ୍ଯମକ୍ଷଯମ୍॥ 7-28-8 (45975)
ତତୋ ଭୁଜଗସଙ୍କାଶାଂ ସୁଶର୍ମା ଶକ୍ତିମାଯସୀମ୍।
ଚିକ୍ଷେପାର୍ଜୁନମାଦିଶ୍ଯ ବାସୁଦେବାଯ ତୋମରମ୍॥ 7-28-9 (45976)
ଶକ୍ତିଂ ତ୍ରିଭିଃ ଶରୈଶ୍ଛିତ୍ତ୍ବା ତୋମରଂ ତ୍ରିଭିରର୍ଜୁନଃ।
ସୁଶର୍ମାଣଂ ଶରବ୍ରାତୈର୍ମୋହଯିତ୍ବା ନ୍ଯବର୍ତଯତ୍॥ 7-28-10 (45977)
ତଂ ବାସବମିବାଯାନ୍ତଂ ଭୂରିବର୍ଷଂ ଶରୌଘିଣମ୍।
ରାଜଂସ୍ତାବକସୈନ୍ଯାନାଂ ନୋଗ୍ରଂ କଶ୍ଚିଦବାରଯତ୍॥ 7-28-11 (45978)
ତତୋ ଧନଞ୍ଜଯୋ ବାଣୈଃ ସର୍ବାନେବ ମହାରଥାନ୍।
ଆଯାଦ୍ବିନିଘ୍ନନ୍କୌରବ୍ଯାନ୍ଦହନ୍କକ୍ଷମିବାନଲଃ॥ 7-28-12 (45979)
ତସ୍ଯ ବେଗମସହ୍ଯଂ ତଂ କୁନ୍ତୀପୁତ୍ରସ୍ଯ ଧୀମତଃ।
ନାଶକ୍ନୁବଂସ୍ତେ ସଂସୋଢୁଂ ସ୍ପର୍ଶମଗ୍ନେରିବ ପ୍ରଜାଃ॥ 7-28-13 (45980)
ସଂବେଷ୍ଟଯନ୍ନନୀକାନି ଶରବର୍ଷେଣ ପାଣ୍ଡବଃ।
ସୁପର୍ଣ ଇବ ନାଗେନ୍ଦ୍ରଂ ପ୍ରାଯାତ୍ପ୍ରାଗ୍ଜ୍ଯୋତିଷଂ ପ୍ରତି॥ 7-28-14 (45981)
ଯତ୍ତଦାନାମଯଜ୍ଜିଷ୍ଣୁର୍ଭରତାନାମପାପିନାମ୍।
ଧନୁଃ କ୍ଷେମକରଂ ସଙ୍ଖ୍ଯେ ଦ୍ବିଷତାମଶ୍ରୁବର୍ଧନମ୍॥ 7-28-15 (45982)
ତଦେବ ତବ ପୁତ୍ରସ୍ଯ ରାଜନ୍ଦୁର୍ଦ୍ଯୂତଦେବିନଃ।
କୃତେ କ୍ଷତ୍ରବିନାଶାଯ ଧନୁରାଯଚ୍ଛଦର୍ଜୁନଃ॥ 7-28-16 (45983)
ତଥା ବିକ୍ଷୋଭ୍ଯମାଣା ସା ପାର୍ଥେନ ତବ ବାହିନୀ।
ବ୍ଯଶୀର୍ଯତ ମହାରାଜ ନୌରିବାସାଦ୍ଯ ପର୍ବତମ୍॥ 7-28-17 (45984)
ତତୋ ଦଶସହସ୍ରାଣି ନ୍ଯବର୍ତନ୍ତ ଧନୁଷ୍ମତାମ୍।
ମତିଂ କୃତ୍ବା ରଣେ କ୍ରୂରାଂ ବୀରା ଜଯପରାଜଯେ॥ 7-28-18 (45985)
ବ୍ଯପେତହୃଦଯତ୍ରାସା ଆବବ୍ରୁସ୍ତଂ ମହାରଥାଃ।
ଆର୍ଚ୍ଛତ୍ପାର୍ଥୋ ଗୁରୁଂ ଭାରଂ ସର୍ବଭାରସହୋ ଯୁଧି॥ 7-28-19 (45986)
ଯଥା ନଲବନଂ କ୍ରୁଦ୍ଧଃ ପ୍ରଭିନ୍ନଃ ଷଷ୍ଟିହାଯନଃ।
ମୃଦ୍ଗୀଯାତ୍ତଦ୍ବଦାଯସ୍ତଃ ପାର୍ଥୋଽମୃଦ୍ଗାଚ୍ଚମୂଂ ତବ॥ 7-28-20 (45987)
ତସ୍ମିନ୍ପ୍ରମଥିତେ ସୈନ୍ଯେ ଭଗଦତ୍ତୋ ନରାଧିପଃ।
ତେନ ନାଗେନ ସହସା ଧନଞ୍ଜଯମୁପାଦ୍ରବତ୍॥ 7-28-21 (45988)
ତଂ ରଥେନ ନରବ୍ଯାଘ୍ରଃ ପ୍ରତ୍ଯଗୃହ୍ଣାଦ୍ଧନଞ୍ଜଯଃ।
ସ ସନ୍ନିପାତସ୍ତୁମୁଲୋ ବଭୂବ ନରନାଗଯୋଃ॥ 7-28-22 (45989)
କଲ୍ପିତାଭ୍ଯାଂ ଯଥାଶାସ୍ତ୍ରଂ ରଥେନ ଚ ଗଜେନ ଚ।
ସଙ୍ଗ୍ରାମେ ଚେରତୁର୍ବୀରୌ ଭଗଦତ୍ତଧନଞ୍ଜଯୌ॥ 7-28-23 (45990)
ତତୋ ଜୀମୂତସଙ୍କାଶାନ୍ନାଗାଦିନ୍ଦ୍ର ଇବ ପ୍ରଭୁଃ।
ଅଭ୍ଯବର୍ଷଚ୍ଛରୌଘେଣ ଭଗଦତ୍ତୋ ଧନଞ୍ଜଯମ୍॥ 7-28-24 (45991)
ସ ଚାପି ଶରବର୍ଷଂ ତଂ ଶରବର୍ଷେଣ ବାସିବଃ।
ଅପ୍ରାପ୍ତମେବ ଚିଚ୍ଛେଦ ଭଗଦତ୍ତସ୍ଯ ବୀର୍ଯବାନ୍॥ 7-28-25 (45992)
ତତଃ ପ୍ରାଗ୍ଜ୍ଯୋତିଷୋ ରାଜା ଶରବର୍ଷେ ନିବାରିତେ।
ସଂରକ୍ତନଯନୋ ରୋଷାତ୍ପାର୍ଥଂ ପୁନରବାକିରତ୍॥ 7-28-26 (45993)
ସ ତଥା ଶରବର୍ଷେଣ ପାର୍ଥଂ ସମଭିହତ୍ଯ ବୈ।
ଚୋଦଯାମାସ ତଂ ନାଗଂ ବଧାଯାଚ୍ଯୁତପାର୍ଥଯୋଃ॥ 7-28-27 (45994)
ତମାପତନ୍ତଂ ଦ୍ବିରଦଂ ଦୃଷ୍ଟ୍ବା କ୍ରୁଦ୍ଧମିବାନ୍ତକମ୍।
ଚକ୍ରେଽପସବ୍ଯଂ ତ୍ବରିତଃ ସ୍ଯନ୍ଦନେନ ଜନାର୍ଦନଃ॥ 7-28-28 (45995)
ସମ୍ପ୍ରାପ୍ତମପି ନେଯେଷ ପରାବୃତ୍ତଂ ମହାଦ୍ବିପମ୍।
ସାରୋହଂ ମୃତ୍ଯୁସାତ୍କର୍ତୁଂ ସ୍ମରନ୍ଧର୍ମଂ ଧନଞ୍ଜଯଃ॥ 7-28-29 (45996)
ସ ତୁ ନାଗୋ ଦ୍ବିପରଥାନ୍ହଯାଂଶ୍ଚାମୃଦ୍ଯ ମାରିଷ।
ପ୍ରାହିଣୋନ୍ମୃତ୍ଯୁଲୋକାଯ ତତଃ କ୍ରୁଦ୍ଧୋ ଧନଞ୍ଜଯଃ॥ ॥ 7-28-30 (45997)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ସଂଶପ୍ତକବଧପର୍ବଣି ଦ୍ବାଦଶଦିବସଯୁଦ୍ଧେ ଅଷ୍ଟାବିଂଶୋଽଧ୍ଯାଯଃ॥ 28 ॥
Mahabharata - Drona Parva - Chapter Footnotes
5-28-16 ଆଯଚ୍ଛଦ୍ଗୃହୀତବାନ୍। ଯଦେବାର୍ଜୁନସ୍ଯ ଧନୁର୍ଭରତାନାଂ କ୍ଷେମକରମାସୀତ୍ତଦେବ ତ୍ବତ୍ପୁତ୍ରନିମିତ୍ତଂ କ୍ଷତ୍ରକ୍ଷଯକରମଭବଦିତି ବାକ୍ଯାର୍ଥଃ 5-28-28 ଅଷ୍ଟାବିଂଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 029
॥ ଶ୍ରୀଃ ॥
7.29. ଅଧ୍ଯାଯଃ 029
Mahabharata - Drona Parva - Chapter Topics
ଅର୍ଜୁନେନ ସଗଜସ୍ଯ ଭଗଦତ୍ତସ୍ଯ ବଧଃ॥ 1 ॥Mahabharata - Drona Parva - Chapter Text
7-29-0 (45998)
ଧୃତରାଷ୍ଟ୍ର ଉବାଚ। 7-29-0x (4324)
ତଥା କ୍ରୁଦ୍ଧଃ କିମକରୋଦ୍ଭଗଦତ୍ତସ୍ଯ ପାଣ୍ଡବଃ।
ପ୍ରାଗ୍ଜ୍ଯୋତିଷୋ ବା ପାର୍ଥସ୍ଯ ତନ୍ମେ ଶଂସ ଯଥାତଥମ୍॥ 7-29-1 (45999)
ସଞ୍ଜଯ ଉବାଚ। 7-29-2x (4325)
ପ୍ରାଗ୍ଜ୍ଯୋତିଷେଣ ସଂସକ୍ତାବୁଭୌ ଦାଶାର୍ହପାଣ୍ଡବୌ।
ମୃତ୍ଯୁଦଂଷ୍ଟ୍ରାନ୍ତିକଂ ପ୍ରାପ୍ତୌ ସର୍ବଭୂତାନି ମେନିରେ॥ 7-29-2 (46000)
ତଥା ତୁ ଶରବର୍ଷାଣି ପାତଯତ୍ଯନିଶଂ ପ୍ରଭୋ।
ଗଜସ୍କନ୍ଧାନ୍ମହାରାଜ କୃଷ୍ଣଯୋଃ ସ୍ଯନ୍ଦନସ୍ଥଯୋଃ॥ 7-29-3 (46001)
ଅଥ କାର୍ଷ୍ଣାଯସୈର୍ବାଣୈଃ ପୂର୍ଣକାର୍ମୁକନିଃସୃତୈଃ।
ଅବିଧ୍ଯଦ୍ଦେବକୀପୁତ୍ରଂ ହେମପୁଙ୍ଖୈଃ ଶିଲାଶିତୈଃ॥ 7-29-4 (46002)
ଅଗ୍ନିସ୍ପର୍ଶସମାସ୍ତୀକ୍ଷ୍ଣା ଭଗଦତ୍ତେନ ଚୋଦିତାଃ।
ନିର୍ଭିଦ୍ଯ ଦେବକୀପୁତ୍ରଂ କ୍ଷିତିଂ ଜଗ୍ମୁଃ ସୁବାସସଃ॥ 7-29-5 (46003)
ତସ୍ଯ ପାର୍ଥୋ ଧନୁଶ୍ଛିତ୍ତ୍ବା ପରିବାରଂ ନିହତ୍ଯ ଚ।
ଲାଲଯନ୍ନିବ ରାଜାନଂ ଭଗଦତ୍ତମଯୋଧଯତ୍॥ 7-29-6 (46004)
ସୋଽର୍କରଶ୍ମିନିଭାଂସ୍ତୀକ୍ଷ୍ଣାଂସ୍ତୋମରାନ୍ବୈ ଚତୁର୍ଦଶ।
ଅପ୍ରେଷଯତ୍ସବ୍ଯସାଚୀ ଦ୍ବିଧୈକୈକମଥାଚ୍ଛିନତ୍॥ 7-29-7 (46005)
ତତୋ ନାଗସ୍ଯ ତଦ୍ବର୍ମ ବ୍ଯଧମତ୍ପାକଶାସନିଃ।
ଶରଜାଲେନ ମହତା ତଦ୍ବ୍ଯଶୀର୍ଯତ ଭୂତଲେ॥ 7-29-8 (46006)
ଶୀର୍ଣବର୍ମା ସ ତୁ ଗଜଃ ଶରୈଃ ସୁଭୃଶମର୍ଦିତଃ।
ବଭୌ ଧାରାନିପାତାକ୍ତୋ ବ୍ଯଭ୍ରଃ ପର୍ବତରାଡିବ॥ 7-29-9 (46007)
ତତଃ ପ୍ରାଗ୍ଜ୍ଯୋତିଷଃ ଶକ୍ତିଂ ହେମଦଣ୍ଡାମଯସ୍ମଯୀମ୍।
ବ୍ଯସୃଜଦ୍ବାସୁଦେବାଯ ଦ୍ବିଧା ତାମର୍ଜୁନୋଽଚ୍ଛିନତ୍॥ 7-29-10 (46008)
ତତଶ୍ଛତ୍ରଂ ଧ୍ବଜଂ ଚୈବ ଚ୍ଛିତ୍ତ୍ବା ରାଜ୍ଞୋଽର୍ଜୁନଃ ଶରୈଃ।
ବିବ୍ଯାଧ ଦଶଭିସ୍ତୂର୍ଣମୁତ୍ସ୍ମଯନ୍ପର୍ବତେଶ୍ବରମ୍॥ 7-29-11 (46009)
ସୋଽତିବିଦ୍ଧୋଽର୍ଜୁନଶରୈଃ ସୁପୁଙ୍ଖୈଃ କଙ୍କପତ୍ରିଭିଃ।
ଭଗଦତ୍ତସ୍ତତଃ କ୍ରୁଦ୍ଧଃ ପାଣ୍ଡବସ୍ଯ ଜନାଧିପଃ॥ 7-29-12 (46010)
ବ୍ଯସୃଜତ୍ତୋମରାନ୍ମୂର୍ଧ୍ନି ଶ୍ବେତାଶ୍ବସ୍ଯୋନ୍ନାଦ ଚ।
ତୈରର୍ଜୁନସ୍ଯ ସମରେ କିରୀଟଂ ପରିବର୍ତିତମ୍॥ 7-29-13 (46011)
ପରିବୃତ୍ତଂ କିରୀଟଂ ତଦ୍ଯମଯନ୍ନେବ ପାଣ୍ଡବଃ।
ସୁଦୃଷ୍ଟଃ କ୍ରିଯତାଂ ଲୋକ ଇତି ରାଜାନମବ୍ରବୀତ୍॥ 7-29-14 (46012)
ଏବମୁକ୍ତସ୍ତୁ ସଙ୍କ୍ରୁଦ୍ଧଃ ଶରବର୍ଷେଣ ପାଣ୍ଡବମ୍।
ଅଭ୍ଯବର୍ଷତ୍ସ ଗୋବିନ୍ଦଂ ଧନୁରାଦାଯ ଭାସ୍ବରମ୍॥ 7-29-15 (46013)
ତସ୍ଯ ପାର୍ଥୋ ଧନୁଶ୍ଛିତ୍ତ୍ବା ତୂଣୀରାନ୍ସନ୍ନିକୃତ୍ଯ ଚ।
ତ୍ବରମାଣୋ ଦ୍ବିସପ୍ତତ୍ଯା ସର୍ବମର୍ମସ୍ବତାଡଯତ୍॥ 7-29-16 (46014)
ବିଦ୍ଧସ୍ତତୋଽତିବ୍ଯଥିତୋ ବୈଷ୍ଣବାସ୍ତ୍ରମୁଦୀରଯନ୍।
ଅଭିମନ୍ତ୍ର୍ଯାଙ୍କୁଶଂ କ୍ରୁଦ୍ଧୋ ବ୍ଯସୃଜତ୍ପାଣ୍ଡବୋରସି॥ 7-29-17 (46015)
ବିସୃଷ୍ଟଂ ଭଗଦତ୍ତେନ ତଦସ୍ତ୍ରଂ ସର୍ବଘାତି ବୈ।
ଉରସା ପ୍ରତିଜଗ୍ରାହ ପାର୍ଥଂ ସଞ୍ଛାଦ୍ଯ କେଶବଃ॥ 7-29-18 (46016)
ବୈଜଯନ୍ତ୍ଯଭବନ୍ମାଲା ତଦସ୍ତ୍ରଂ କେଶବୋରସି।
ପଦ୍ମକୋଶବିଚିତ୍ରା ସା ସର୍ବର୍ତୁକୁସୁମୋତ୍କରା॥ 7-29-19 (46017)
ଜ୍ବଲନାର୍କେନ୍ଦୁବର୍ଣାଭା ପାବକୋଜ୍ଜ୍ବଲପଲ୍ଲବା।
ତଯା ପଦ୍ମପଲାଶିନ୍ଯା ବାତକମ୍ପିତପତ୍ରଯା॥ 7-29-20 (46018)
ଶୁଶୁଭେଽଭ୍ଯଧିକଂ ଶୌରିରତସୀପୁଷ୍ପସନ୍ନିଭଃ।
ତତୋଽର୍ଜୁନଃ କ୍ଲାନ୍ତମନାଃ କେଶବଂ ପ୍ରତ୍ଯଭାଷତ॥ 7-29-21 (46019)
ଅଯୁଧ୍ଯମାନସ୍ତୁରଗାନ୍ସଂଯନ୍ତାସ୍ମି ଜନାର୍ଦନ।
ଇତ୍ଯୁକ୍ତ୍ବା ପୁଣ୍ଡରୀକାକ୍ଷ ପ୍ରତିଜ୍ଞାଂ ସ୍ବାଂ ନ ରକ୍ଷସି॥ 7-29-22 (46020)
ଯଦ୍ଯହଂ ବ୍ଯସନୀ ବା ସ୍ଯାମଶକ୍ତୋ ବା ନିବାରଣେ।
ତତସ୍ତ୍ବଯୈବଂ କାର୍ଯଂ ସ୍ଯାନ୍ନ ତୁ କାର୍ଯଂ ମଯି ସ୍ଥିତେ॥ 7-29-23 (46021)
ସବାଣଃ ସଧନୁଶ୍ଚାହଂ ସସୁହାସୁରମାନୁଷାନ୍।
ଶକ୍ତୋ ଲୋକାନିମାଞ୍ଜେତୁଂ ତଚ୍ଚାପି ବିଦିତଂ ତବ॥ 7-29-24 (46022)
ତତୋଽର୍ଜୁନଂ ବାସୁଦେବଃ ପ୍ରତ୍ଯୁବାଚାର୍ଯବଦ୍ବଚଃ।
ଶୃଣୁ ଗୁହ୍ଯମିଦଂ ପାର୍ଥ ପୁରାବୃତ୍ତଂ ଯଥାଽନଘ॥ 7-29-25 (46023)
`ଯେଯଂ ଭୂତଧରା ଦେବୀ ସର୍ବଭୂତଧରା ଧରା।
ସକାମା ଲୋକକର୍ତାରଂ ନାରାଯଣମୁପସ୍ଥିତା॥ 7-29-26 (46024)
ସ ସଙ୍ଗତ୍ଯ ତଯା ସାର୍ଧଂ ପ୍ରୀତସ୍ତସ୍ଯା ବରଂ ଦଦୌ।
ସା ବବ୍ରେ ବିଷ୍ଣୁସଦୃଶଂ ପୁତ୍ରମସ୍ତ୍ରଂ ଚ ବୈଷ୍ଣବମ୍॥ 7-29-27 (46025)
ବଭୂବ ଚ ସୁତସ୍ତସ୍ଯା ନରକୋ ନାମ ବିଶ୍ରୁତଃ।
ଅସ୍ତ୍ରଂ ଚ ବୈଷ୍ଣବଂ ତସ୍ମୈ ଦଦୌ ନାରାଯଣଃ ସ୍ବଯମ୍॥ 7-29-28 (46026)
ତଦେବଂ ନରକସ୍ଯାସୀଦସ୍ତ୍ରଂ ସର୍ବାହିତାନ୍ତକମ୍।
ତସ୍ମାତ୍ପ୍ରାଗ୍ଜ୍ଯୋତିଷଂ ପ୍ରାପ୍ତଂ ସର୍ବଶସ୍ତ୍ରବିଘାତନମ୍॥ 7-29-29 (46027)
ନାସ୍ଯାବଧ୍ଯୋଽସ୍ତି ଲୋକେଽସ୍ମିନ୍ମଦନ୍ଯଃ କଶ୍ଚିଦର୍ଜୁନ।
ତସ୍ମାନ୍ମଯା କୃତଂ ହ୍ଯେତନ୍ମା ଭୂତ୍ତେ ବୁଦ୍ଧିରନ୍ଯଥା॥ 7-29-30 (46028)
ସଞ୍ଜଯ ଉବାଚ। 7-29-31x (4326)
ଅନୁନୀଯ ତୁ ଦାଶାର୍ହଃ ପାଣ୍ଡବଂ ତ୍ବରିତୋଽବ୍ରବୀତ୍।
ଜହି ପ୍ରାଗ୍ଜ୍ଯୋତିଷଂ କ୍ଷିପ୍ରଂ ବାକ୍ଯଶେଷଂ ଚ ମେ ଶୃଣୁ'॥ 7-29-31 (46029)
ଚତୁର୍ମୂର୍ତିରହଂ ଶଶ୍ବଲ୍ଲୋକତ୍ରାଣାର୍ଥମୁଦ୍ଯତଃ।
ଆତ୍ମାନଂ ପ୍ରବିଭଜ୍ଯେହ ଲୋକାନାଂ ହିତମାଦଧେ॥ 7-29-32 (46030)
ଏକା ମୂର୍ତିସ୍ତପଶ୍ଚର୍ଯାଂ କୁରୁତେ ମେ ଭୁବି ସ୍ଥିତା।
ଅପରା ପଶ୍ଯତି ଜଗତ୍କୁର୍ବାଣଂ ସାଧ୍ବସାଧୁନୀ॥ 7-29-33 (46031)
ଅପରା କୁରୁତେ କର୍ମ ମାନୁଷଂ ଲୋକମାଶ୍ରିତା।
ଶେତେ ଚତୁର୍ଥୀଂ ତ୍ବପରା ନିଦ୍ରାଂ ବର୍ଷସହସ୍ରିକୀମ୍॥ 7-29-34 (46032)
ଯାଽସୌ ବର୍ଷସହସ୍ରାନ୍ତେ ମୂର୍ତିରୁତ୍ତିଷ୍ଠତେ ମମ।
ବରାର୍ହେଭ୍ଯୋ ବରାଞ୍ଶ୍ରେଷ୍ଠାଂସ୍ତସ୍ମିନ୍କାଲେ ଦଦାତି ସା॥ 7-29-35 (46033)
ତଂ ତୁ କାଲମନୁପ୍ରାପ୍ତଂ ବିଦିତ୍ବା ପୃଥିବୀ ତଦା।
ଅଯାଚତ ବରଂ ଯନ୍ମାଂ ନରକାର୍ଥାଯ ତଚ୍ଛୃଣୁ॥ 7-29-36 (46034)
ଦେବାନାଂ ଦାନବାନାଂ ଚ ଅବଧ୍ଯସ୍ତନଯୋଽସ୍ତୁ ମେ।
ଉପେତୋ ବୈଷ୍ଣବାସ୍ତ୍ରେଣ ତନ୍ମେ ତ୍ବଂ ଦାତୁମର୍ହସି॥ 7-29-37 (46035)
ଏବଂ ବରମହଂ ଶ୍ରୁତ୍ବା ଜଗତ୍ଯାସ୍ତନଯେ ତଦା।
ଅମୋଘମସ୍ତ୍ରଂ ପ୍ରାଯଚ୍ଛଂ ବୈଷ୍ଣବଂ ପରମଂ ପୁରା॥ 7-29-38 (46036)
ଅବୋଚଂ ଚୈତଦସ୍ତ୍ରଂ ବୈ ହ୍ଯମୋଘଂ ଭବତୁ କ୍ଷମେ।
ନରକସ୍ଯାଭିରକ୍ଷାର୍ଥଂ ନୈନଂ କଶ୍ଚିଦ୍ବଧିଷ୍ଯତି॥ 7-29-39 (46037)
ଅନେନାସ୍ତ୍ରେଣ ତେ ଗୁପ୍ତଃ ସୁତଃ ପରବଲାର୍ଦନଃ।
ଭବିଷ୍ଯତି ଦୁରାଧର୍ଷଃ ସର୍ବଲୋକେଷୁ ସର୍ବଦା॥ 7-29-40 (46038)
ତଥେତ୍ଯୁକ୍ତ୍ବା ଗତା ଦେବୀ କୃତକାମା ମନସ୍ବିନୀ।
ସ ଚାପ୍ଯାସୀଦ୍ଦୁରାଧର୍ଷୋ ନରକଃ ଶତ୍ରୁତାପନଃ॥ 7-29-41 (46039)
ତସ୍ମାତ୍ପ୍ରାଗ୍ଜ୍ଯୋତିଷଂ ପ୍ରାପ୍ତଂ ତଦସ୍ତ୍ରଂ ପାର୍ଥ ମାମକମ୍।
ନାସ୍ଯାବଧ୍ଯୋଽସ୍ତି ଲୋକେଷୁ ସେନ୍ଦ୍ରରୁଦ୍ରେଷୁ ମାରିଷ॥ 7-29-42 (46040)
ତନ୍ମଯା ତ୍ବତ୍କୃତେ ଚୈତଦନ୍ଯଥୈବୋପନିର୍ମିତମ୍।
ବିଯୁକ୍ତଂ ପରମାସ୍ତ୍ରେଣ ଜହି ପାର୍ଥ ମହାସୁରମ୍॥ 7-29-43 (46041)
`ଅବଧ୍ଯୋଽଯଂ ମହାସ୍ତ୍ରେଣ ଭଗଦତ୍ତଃ ସୁରାସୁରୈଃ'।
ବୈରିଣଂ ଜହି ଦୁର୍ଧର୍ଷଂ ଭଗଦତ୍ତଂ ସୁରଦ୍ବିଷମ୍।
ଯଥାଽହଂ ଜଘ୍ନିବାନ୍ପୂର୍ବଂ ହିତାର୍ଥଂ ନରକଂ ତଥା॥ 7-29-44 (46042)
ସଞ୍ଜଯ ଉବାଚ। 7-29-45x (4327)
ଏବମୁକ୍ତସ୍ତଦା ପାର୍ଥଃ କେଶବେନ ମହାତ୍ମନା।
ଭଗଦତ୍ତଂ ଶିତୈର୍ବାଣୈଃ ସହସା ସମବାକିରତ୍॥ 7-29-45 (46043)
ତତଃ ପାର୍ଥୋ ମହାବାହୁରସମ୍ଭ୍ରାନ୍ତୋ ମହାମନାଃ।
କୁମ୍ଭଯୋରନ୍ତରେ ନାଗଂ ନାରାଚେନ ସମାର୍ପଯତ୍॥ 7-29-46 (46044)
ସ ସମାସାଦ୍ଯ ତଂ ନାଗଂ ବାଣୋ ବଜ୍ର ଇବାଚଲମ୍।
ଅଭ୍ଯଗାତ୍ସହ ପୁଙ୍ଖେନ ବଲ୍ମୀକମିବ ପନ୍ନଗଃ॥ 7-29-47 (46045)
ସ କରୀ ଭଗଦତ୍ତେନ ପ୍ରେର୍ଯମାଣୋ ମୁହୁର୍ମୁହୁଃ।
ନ କରୋତି ବଚସ୍ତସ୍ଯ ଦରିଦ୍ରସ୍ଯେବ ଯୋଷିତା॥ 7-29-48 (46046)
ସ ତୁ ବିଷ୍ଟଭ୍ଯ ଗାତ୍ରାଣି ଦନ୍ତାଭ୍ଯାମବନିଂ ଯଯୌ।
ନଦନ୍ନାର୍ତସ୍ବନଂ ପ୍ରାଣାନୁତ୍ସସର୍ଜ ମହାଦ୍ବିପଃ॥ 7-29-49 (46047)
ତତୋ ଗାଣ୍ଡୀବଧନ୍ବାନମଭ୍ଯଭାଷତ କେଶବଃ।
ଅଯଂ ମହତ୍ତରଃ ପାର୍ଥ ପଲିତେନ ସମାବୃତଃ॥ 7-29-50 (46048)
ବଲୀସଞ୍ଛନ୍ନନଯନଃ ଶୂରଃ ପରମଦ୍ରୁର୍ଜଯଃ।
ଅକ୍ଷ୍ଣୋରୁନ୍ମୀଲନାର୍ଥାଯ ବଦ୍ଧପଟ୍ଟୋ ହ୍ଯସୌ ନୃପଃ॥ 7-29-51 (46049)
ଦେବବାକ୍ଯାତ୍ପ୍ରଚିଚ୍ଛେଦ ଶରେଣ ଭୃଶମର୍ଜୁନଃ।
ଛିନ୍ନମାତ୍ରେଂଽଶୁକେ ତସ୍ମିନ୍ରୁଦ୍ଧନେତ୍ରୋ ବଭୂବ ସଃ॥ 7-29-52 (46050)
ତମୋମଯଂ ଜଗନ୍ମେନେ ଭଗଦତ୍ତଃ ପ୍ରତାପବାନ୍।
ତତଶ୍ଚନ୍ଦ୍ରାର୍ଧବିମ୍ବେନ ବାଣେନ ନତପର୍ବଣା॥ 7-29-53 (46051)
ବିଭେଦ ହୃଦଯଂ ରାଜ୍ଞୋ ଭଗଦତ୍ତସ୍ଯ ପାଣ୍ଡବଃ।
ସ ଭିନ୍ନହୃଦଯୋ ରାଜା ଭଗଦତ୍ତଃ କିରୀଟିନା॥ 7-29-54 (46052)
ଶରାସନଂ ଶରାଂଶ୍ଚୈବ ଗତାସୁଃ ପ୍ରମୁମୋଚ ହ।
ଶିରସସ୍ତସ୍ଯ ବିଭ୍ରଷ୍ଟଂ ପପାତ ଚ ବରାଂଶୁକମ୍।
ନାଲତାଡନବିଭ୍ରଷ୍ଟଂ ପଲାଶଂ ନଲିନାଦିବ॥ 7-29-55 (46053)
ସ ହେମମାଲୀ ତପନୀଯଭାଣ୍ଡା
ତ୍ପପାତ ନାଗାଦ୍ଗିରିସନ୍ନିକାଶାତ୍।
ସୁପୁଷ୍ପିତୋ ମାରୁତବେଗଭଗ୍ନୋ
ମହୀଧରାଗ୍ରାଦିବ କର୍ଣିକାରଃ॥ 7-29-56 (46054)
ନିହତ୍ଯ ତଂ ନରପତିମିନ୍ଦ୍ରବିକ୍ରମଂ
ସସ୍ବାଯମିନ୍ଦ୍ରସ୍ଯ ତଦୈନ୍ଦ୍ରିରାହବେ।
ତତୋଽପରାଂସ୍ତବ ଜଯକାଙ୍କ୍ଷିଣୋ ନରାନ୍
ବଭଞ୍ଜ ବାଯୁର୍ବଲବାନ୍ଦ୍ରୁମାନିବ॥ ॥ 7-29-57 (46055)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ସଂଶପ୍ତକବଧପର୍ବଣି ଦ୍ବାଦଶଦିବସଯୁଦ୍ଧେ ଏକୋନତ୍ରିଂଶୋଽଧ୍ଯାଯଃ॥ 29 ॥
Mahabharata - Drona Parva - Chapter Footnotes
5-29-33 ଏକା ମୂର୍ତିର୍ବଦରିକାଶ୍ରମେ ନାରାଯଣରୂପା। ଅଷରା ପରମାତ୍ମରୂପା ॥ 5-29-34 ଅପରା ରାମକୃଷ୍ଣାଦିରୂପା। ଅପରା ଜଲଶାଯିନୀ॥ 5-29-48 ଯୋଷିତା ଭାଗୁରିମତେ ଟାପ୍॥ 5-29-29 ଏକୋନତ୍ରିଂଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 030
॥ ଶ୍ରୀଃ ॥
7.30. ଅଧ୍ଯାଯଃ 030
Mahabharata - Drona Parva - Chapter Topics
ଅର୍ଜୁନଯୁଦ୍ଧବର୍ଣନମ୍॥ 1 ॥Mahabharata - Drona Parva - Chapter Text
7-30-0 (46056)
ସଞ୍ଜଯ ଉବାଚ। 7-30-0x (4328)
ପ୍ରିଯମିନ୍ଦ୍ରସ୍ଯ ସତତଂ ସଖାଯମମିତୌଜସମ୍।
ହତ୍ବା ପ୍ରାଗ୍ଜ୍ଯୋତିଷଂ ପାର୍ଥଃ ପ୍ରଦକ୍ଷିଣମବର୍ତତ॥ 7-30-1 (46057)
ତତୋ ଗାନ୍ଧାରରାଜସ୍ଯ ସୁତୌ ପରପୁରଞ୍ଜଯୌ।
ଅର୍ଦେତାମର୍ଜୁନଂ ସଙ୍ଖ୍ଯେ ଭ୍ରାତରୌ ବୃଷକାଚଲୌ॥ 7-30-2 (46058)
ତୌ ସମେତ୍ଯାର୍ଜୁନଂ ବୀରୌ ପୁରଃ ପଶ୍ଚାଚ୍ଚ ଧନ୍ବିତୌ।
ଅବିଧ୍ଯେତାଂ ମହାବେଗୈର୍ନିଶିତୈରାଶୁଗୈର୍ଭୃଶମ୍॥ 7-30-3 (46059)
ବୃଷକସ୍ଯ ହଯାନ୍ସୂତଂ ଧନୁଶ୍ଛତ୍ରଂ ରଥଂ ଧ୍ବଜମ୍।
ତିଲଶୋ ବ୍ଯଧମତ୍ପାର୍ଥଃ ସୌବଲସ୍ଯ ଶିତୈଃ ଶରୈଃ॥ 7-30-4 (46060)
ତତୋଽର୍ଜୁନଃ ଶରବ୍ରାତୈର୍ଜାନାପ୍ରହରଣୈରପି।
ଗାନ୍ଧାରାନାକୁଲାଂଶ୍ଚକ୍ରେ ସୌବଲପ୍ରମୁଖାନ୍ପୁନଃ॥ 7-30-5 (46061)
ତତଃ ପଞ୍ଚଶତାନ୍ବୀରାନ୍ଗାନ୍ଧାରାନୁଦ୍ଯତାଯୁଧାନ୍।
ପ୍ରାହିଣୋନ୍ମୃତ୍ଯୁଲୋକାଯ କ୍ରୁଦ୍ଧୋ ବାଣୈର୍ଧନଞ୍ଜଯଃ॥ 7-30-6 (46062)
ହତାଶ୍ବାତ୍ତୁ ରଥାତ୍ତୂର୍ଣମବତୀର୍ଯ ମହାଭୁଜଃ।
ଆରୁରୋହ ରଥଂ ଭ୍ରାତୁରନ୍ଯଶ୍ଚ ଧନୁରାଦଦେ॥ 7-30-7 (46063)
ତାବେକରଥମାରୂଢୌ ଭ୍ରାତରୌ ବୃଷକାଚଲୌ।
ଶରବର୍ଷେଣ ବୀଭତ୍ସୁମବିଧ୍ଯେତାଂ ମୁହୁର୍ମୁହୁଃ॥ 7-30-8 (46064)
ସ୍ଯାଲୌ ତବ ମହାତ୍ମାନୌ ରାଜାନୌ ବୃଷକାଚଲୌ।
ଭୃଶଂ ବିଜଘ୍ନତୁଃ ପାର୍ଥମିନ୍ଦ୍ରଂ ବୃତ୍ରବଲାବିବ॥ 7-30-9 (46065)
ଲବ୍ଧଲକ୍ଷୌ ତୁ ଗାନ୍ଧାରାବହତାଂ ପାଣ୍ଡବଂ ପୁନଃ।
ନୈଦାଘବାର୍ଷିକୌ ମାସୌ ଲୋକଂ ଘର୍ମାଂଶୁଭିର୍ଯଥା॥ 7-30-10 (46066)
ତୌ ରଥସ୍ଥୌ ନରବ୍ଯାଘ୍ରୌ ରାଜାନୌ ବୃଷକାଚଲୌ।
ସଂଶ୍ଚିଷ୍ଟାଙ୍ଗୌ ସ୍ଥିତୌ ରାଜଞ୍ଜଘାନୈକେଷୁଣାଽର୍ଜୁନଃ॥ 7-30-11 (46067)
ତୌ ରଥାତ୍ସିଂହସଂକାଶୌ ଲୋହିତାକ୍ଷୌ ମହାଭୁଜୌ।
ରାଜନ୍ସମ୍ପେତତୁର୍ବୀରୌ ସୋଦର୍ଯାବେକଲକ୍ଷଣୌ॥ 7-30-12 (46068)
ତଯୋର୍ଭୂମିଂ ଗତୌ ଦେହୌ ରଥାଦ୍ବନ୍ଧୁଜନପ୍ରିଯୌ।
ଯଶୋ ଦଶଃ ଦିଶଃ ପୁଣ୍ଯଂ ଗମଯିତ୍ବା ବ୍ଯବସ୍ଥିତୌ॥ 7-30-13 (46069)
ଦୃଷ୍ଟ୍ବା ବିନିହତୌ ସଙ୍ଖ୍ଯେ ମାତୁଲାବପଲାଯିନୌ।
ଭୃଶଂ ମୁମୁଚୁରଶ୍ରୂଣି ପୁତ୍ରାସ୍ତବ ବିଶାଂପତେ॥ 7-30-14 (46070)
ନିହତୌ ଭ୍ରାତରୌ ଦୃଷ୍ଟ୍ବା ମାଯାଶତବିଶାରଦଃ।
କୃଷ୍ଣୌ ସମ୍ମୋହନ୍ମାଯାଂ ବିଦଧେ ଶକୁନିସ୍ତତଃ॥ 7-30-15 (46071)
ଲଗୁଡାଯୋଗୁଡାଶ୍ମାନଃ ଶତଘ୍ନ୍ଯଶ୍ଚ ସଶକ୍ତଯଃ।
ଗଦାପରିଘନିସ୍ତ୍ରିଂଶଶୂଲମୁଦ୍ଗରପଟ୍ଟସାଃ॥ 7-30-16 (46072)
ସକମ୍ପନର୍ଷ୍ଟିନଖରା ମୁସଲାନି ପରଶ୍ବଥାଃ।
କ୍ଷୁରାଃ କ୍ଷୁରପ୍ରନାଲୀକା ବତ୍ସଦନ୍ତାସ୍ଥିସନ୍ଧଯଃ॥ 7-30-17 (46073)
ଚକ୍ରାଣି ବିଶିଖାଃ ପ୍ରାସା ବିବିଧାନ୍ଯାଯୁଧାନି ଚ।
ପ୍ରପେତୁଃ ଶତଶୋ ଦିଗ୍ଭ୍ଯଃ ପ୍ରଦିଗ୍ଭ୍ଯଶ୍ଚାର୍ଜୁନଂ ପ୍ରତି॥ 7-30-18 (46074)
ଖରୋଷ୍ଟ୍ରମହିଷାଃ ସିଂହା ବ୍ଯାଘ୍ରାଃ ସୃମରଚିତ୍ରକାଃ।
ଋକ୍ଷାଃ ସାଲାବୃକା ଗୃଧ୍ରାଃ କପଯଶ୍ଚ ସରୀସୃପାଃ॥ 7-30-19 (46075)
ବିବିଧାନି ଚ ରକ୍ଷାଂସି କ୍ଷୁଧିତାନ୍ଯର୍ଜୁନଂ ପ୍ରତି।
ସଙ୍କ୍ରୁଦ୍ଧାନ୍ଯଭ୍ଯଧାବନ୍ତ ବିବିଧାନି ବଯାଂସି ଚ॥ 7-30-20 (46076)
ତତୋ ଦିବ୍ଯାସ୍ତ୍ରବିଚ୍ଛୂରଃ କୁନ୍ତୀପୁତ୍ରୋ ଧନଞ୍ଜଯଃ।
ବିସୃଜନ୍ନିଷୁଜାଲାନି ସହସା ତାନ୍ଯତାଡଯତ୍॥ 7-30-21 (46077)
ତେ ହନ୍ଯମାନାଃ ଶୂରେଣ ପ୍ରବରୈଃ ସାଯକୈର୍ଦୃଢୈଃ।
ବିରୁବନ୍ତୋ ମହାରାବାନ୍ବିନେଶୁଃ ସର୍ବତୋ ହତାଃ॥ 7-30-22 (46078)
ତତସ୍ତମଃ ପ୍ରାଦୁରଭୂଦର୍ଜୁନସ୍ଯ ରଥଂ ପ୍ରତି।
ତସ୍ମାଚ୍ଚ ତମସୋ ବଚାଃ କ୍ରୂରାଃ ପାର୍ଥମଭର୍ତ୍ସଯନ୍॥ 7-30-23 (46079)
ତତ୍ତମୋ ଭୈରବଂ ଘୋରଂ ଭଯକର୍ତୃ ମହାହବେ।
ଉତ୍ତମାସ୍ତ୍ରେଣ ମହତା ଜ୍ଯୌତିଷେଣାର୍ଜୁନୋଽବଧୀତ୍॥ 7-30-24 (46080)
ହତେ ତସ୍ମିଞ୍ଜଲୌଘାସ୍ତୁ ପ୍ରାଦୁରାସନ୍ଭଯାନକାଃ।
ଅମ୍ଭସସ୍ତସ୍ଯ ନାଶାର୍ଥମାଦିତ୍ଯାସ୍ତ୍ରମଥାର୍ଜୁନଃ।
ପ୍ରାଯୁଙ୍କ୍ତାମ୍ଭସ୍ତତସ୍ତେନ ପ୍ରାଯଶୋଽସ୍ତ୍ରେଣ ଶୋଷିତମ୍॥ 7-30-25 (46081)
ଏବଂ ବହୁବିଧା ମାଯାଃ ସୌବଲସ୍ଯ କୃତାଃ କୃତାଃ।
ଜଘାନାସ୍ତ୍ରବଲେନାଶୁ ପ୍ରହସନ୍ନର୍ଜୁନୋଽବ୍ରବୀତ୍॥ 7-30-26 (46082)
`ଦୁର୍ଦ୍ଯୂତଦେବିନ୍ଗାନ୍ଧାରେ ନାକ୍ଷାନ୍କ୍ଷିପତି ଗାଣ୍ଡିବମ୍।
ଜ୍ବଲିତାନ୍ନିଶିତାଂସ୍ତୀକ୍ଷ୍ଣାଞ୍ଶରାନ୍କ୍ଷିପତିଗାଣ୍ଡିବଂ'॥ 7-30-27 (46083)
ତଦା ହତାସୁ ମାଯାସୁ ତ୍ରସ୍ତୋଽର୍ଜୁନଶରାହତଃ।
ଅପାଯାଞ୍ଜବନୈରଶ୍ବୈଃ ଶକୁନିଃ ପ୍ରାକୃତୋ ଯଥା॥ 7-30-28 (46084)
ତତୋଽର୍ଜୁନୋଽସ୍ତ୍ରବିଚ୍ଛୈଘ୍ର୍ଯଂ ଦର୍ଶଯନ୍ନାତ୍ମନୋଽରିଷୁ।
ଅଭ୍ଯବର୍ଷଚ୍ଛରୌଧେଣ କୌରବାଣାମନୀକିନୀମ୍॥ 7-30-29 (46085)
ସା ହନ୍ଯମାନା ପାର୍ଥେନ ତବ ପୁତ୍ରସ୍ଯ ବାହିନୀ।
ଦ୍ବୈଧୀଭୂତା ମହାରାଜ ଗଙ୍ଗେବାସାଦ୍ଯ ପର୍ବତମ୍॥ 7-30-30 (46086)
ଦ୍ରୋଣମେବାନ୍ବପଦ୍ଯନ୍ତ କେଚିତ୍ତତ୍ର ନରର୍ଷଭାଃ।
କେଚିଦ୍ଦୁର୍ଯୋଧନଂ ରାଜନ୍ନର୍ଦ୍ଯମାନାଃ କିରୀଟିନା॥ 7-30-31 (46087)
ନାପଶ୍ଯାମ ତତସ୍ତ୍ବେନଂ ସୈନ୍ଯେ ବୈ ରଜସାବୃତେ।
ଗାଣ୍ଡୀବସ୍ଯ ଚ ନିର୍ଘୋଷଃ ଶ୍ରୁତୋ ଦକ୍ଷିଣତୋ ମଯା॥ 7-30-32 (46088)
ଶଙ୍ଖଦୁନ୍ଦୁଭିନିର୍ଘୋଷଂ ବାଦିତ୍ରାଣାଂ ଚ ନିଃସ୍ବନମ୍।
ଗାଣ୍ଡୀବସ୍ଯ ତୁ ନିର୍ଘୋଷୋ ବ୍ଯତିକ୍ରମ୍ଯାସ୍ପୃଶଦ୍ଦିବମ୍॥ 7-30-33 (46089)
ତତଃ ପୁନର୍ଦକ୍ଷିଣତଃ ସଙ୍ଗ୍ରାମଶ୍ଚିତ୍ରଯୋଧିନାମ୍।
ସୁଯୁଦ୍ଧଂ ଚାର୍ଜୁନସ୍ଯାସୀଦହଂ ଦ୍ରୋଣମନ୍ବିଯାମ୍॥ 7-30-34 (46090)
ଯୌଧିଷ୍ଠିରାଭ୍ଯନୀକାନି ପ୍ରହରନ୍ତି ତତସ୍ତତଃ।
ନାନାବିଧାନ୍ଯନୀକାନି ପୁତ୍ରାଣାଂ ତବ ଭାରତ।
ଅର୍ଜୁନୋ ବ୍ଯଧମତ୍କାଲେ ଦିବୀବାଭ୍ରାଣି ମାରୁତଃ॥ 7-30-35 (46091)
ତଂ ବାସବମିବାଯାନ୍ତଂ ଭୂରିବର୍ଷଂ ଶରୌଘିଣମ୍।
ମହେଷ୍ବାସା ନରବ୍ଯାଘ୍ରା ନୋଗ୍ରଂ କେଚିଦବାରଯନ୍॥ 7-30-36 (46092)
ତେ ହନ୍ଯମାନାଃ ପାର୍ଥେନ ତ୍ବଦୀଯା ବ୍ଯଥିତା ଭୃଶମ୍।
ସ୍ବାନେବ ବହବୋ ଜଘ୍ନୁର୍ବିଦ୍ରବନ୍ତସ୍ତତସ୍ତତଃ॥ 7-30-37 (46093)
ତେଽର୍ଜୁନେନ ଶରା ମୁକ୍ତାଃ କଙ୍କପତ୍ରାସ୍ତନୁଚ୍ଛିଦଃ।
ଶଲଭା ଇବ ସମ୍ପେତୁଃ ସଂବୃଣ୍ବାନା ଦିଶୋ ଦଶ॥ 7-30-38 (46094)
ତୁରଗଂ ରଥିନଂ ନାଗଂ ପଦାତିମପି ମାରିଷ।
ବିନିର୍ଭିଦ୍ଯ କ୍ଷିତିଂ ଜଗ୍ମୁର୍ବଲ୍ମୀକମିବ ପନ୍ନଗାଃ॥ 7-30-39 (46095)
ନ ଚ ଦ୍ବିତୀଯଂ ବ୍ଯସୃଜତ୍କୁଞ୍ଜରାଶ୍ବନରେଷୁ ସଃ।
ପୃଥଗେକଶରାରୁଗ୍ଣା ନିପେତୁସ୍ତେ ଗତାସବଃ॥ 7-30-40 (46096)
ହତୈର୍ମନୁଷ୍ଯୌର୍ଦ୍ବିରଦୈଶ୍ଚ ସର୍ବତଃ
ଶରାଭିସୃଷ୍ଟୈଶ୍ଚ ହଯୈର୍ନିପାତିତୈଃ।
ତଦାଽଶ୍ବଗୋମାଯୁବଲାଭିନାଦିତଂ
ବିଚିତ୍ରମାଯୋଧଶିରୋ ବଭୂବ ତତ୍॥ 7-30-41 (46097)
ପିତା ସୁତଂ ତ୍ଯଜତି ସୁହୃଦ୍ବରଂ ସୁହୃତ୍
ତଥୈବ ପୁତ୍ରଃ ପିତରଂ ଶରାତୁରଃ।
ସ୍ବରକ୍ଷଣେ କୃତମତଯସ୍ତଦା ଜନା
ସତ୍ଯଜନ୍ତି ବାହାନପି ପାର୍ଥପୀଡିତାଃ॥ ॥ 7-30-42 (46098)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣାଭିଷେକପର୍ବଣି
Mahabharata - Drona Parva - Chapter Footnotes
5-30-10 ବର୍ଷଶବ୍ଦୋଽଯମୃତୁବଚନଃ। ନିଦାଘର୍ତୁସମ୍ବନ୍ଧିନାବିତ୍ଯର୍ଥଃ। ଘର୍ମାଂଶୁଭିସ୍ତୀକ୍ଷ୍ଣକିରଣୈଃ। ଲୋକଂ ଘର୍ମୋମ୍ବୁଭିର୍ଯଥା ଇତି କ.ଙ.ପାଠଃ॥ 5-30-17 କମ୍ପନଯଷ୍ଟ୍ଯଃ। କ୍ଷୁରା କ୍ଷୁରାକୃତିଫଲକାଃ। କ୍ଷୁରପ୍ରାସ୍ତୂଗ୍ରମଧ୍ଯଫଲକାଃ। ନାଲୀକା ନଲିକଯା କ୍ଷେପ୍ଯାଃ। ବତ୍ସଦନ୍ତା ଗୋପୋତକଦନ୍ତାକାରଫଲକାଃ। ଅସ୍ଥିସନ୍ଧଯୋଽସ୍ଥିମଯଫଲକାଃ॥ 5-30-18 ବିଶିଖାଃ ଫଣିତ୍ରାକାରଫଲକାଃ॥ 5-30-19 ସୂମରା ଗବଯାଃ। ଚିତ୍ରକୋ ବ୍ଯାଘ୍ରଭେଦଃ। ସାଲାବୃକାଃ ଶ୍ବାନଃ॥ 5-30-32 ଏନମର୍ଜୁନମ୍॥ 5-30-41 ଶରାଭିସୃଷ୍ଟୈର୍ବାଣାଭିହତୈଃ। ଆଯୋଧଶିରୋ ରଣାଙ୍ଗଣମ୍॥ 5-30-30 ତ୍ରିଂଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 031
॥ ଶ୍ରୀଃ ॥
7.31. ଅଧ୍ଯାଯଃ 031
Mahabharata - Drona Parva - Chapter Topics
ଅଶ୍ବତ୍ଥାମ୍ନା ନୀଲସ୍ଯ ବଧଃ॥ 1 ॥Mahabharata - Drona Parva - Chapter Text
7-31-0 (46099)
ଧୃତରାଷ୍ଟ୍ର ଉବାଚ। 7-31-0x (4329)
ତେଷ୍ବନୀକେଷୁ ଭଗ୍ନେଷୁ ପାଣ୍ଡୁପୁତ୍ରେଣ ସଞ୍ଜଯ। 5-31-1bଚଲିତାନାଂ ଦ୍ରୁତାନାଂ ଚ କଥମାସୀନ୍ମନାଂସି ବଃ॥ 7-31-1 (46100)
ଆନୀକାନାଂ ପ୍ରଭଗ୍ନାନାମବସ୍ଥାନମପଶ୍ଯତାମ୍।
ଦୁଷ୍କରଂ ପ୍ରତିସନ୍ଧାନଂ ତନ୍ମମାଚକ୍ଷ୍ବ ସଞ୍ଜଯ॥ 7-31-2 (46101)
ସଞ୍ଜଯ ଉବାଚ। 7-31-3x (4330)
ତଥାପି ତବ ପୁତ୍ରସ୍ଯ ପ୍ରିଯକାମା ବିଶାମ୍ପତେ।
ଯଶଃ ପ୍ରବୀରା ଲୋକେଷୁ ରକ୍ଷନ୍ତୋ ଦ୍ରୋଣମନ୍ବଯୁଃ॥ 7-31-3 (46102)
ସମୁଦ୍ଯତେଷୁ ଚାସ୍ତ୍ରେଷୁ ସମ୍ପ୍ରାପ୍ତେ ଚ ଯୁଧିଷ୍ଠିରେ।
ଅକୁର୍ବନ୍ନାର୍ଯକର୍ମାଣି ଭୈରବେ ସତ୍ଯଭୀତବତ୍॥ 7-31-4 (46103)
ଅନ୍ତରଂ ଭୀମସେନସ୍ଯ ପ୍ରାପତନ୍ନମିତୌଜସଃ।
ସାତ୍ଯକେଶ୍ଚୈବ ବୀରସ୍ଯ ଧୃଷ୍ଟଦ୍ଯୁମ୍ନସ୍ଯ ବା ବିଭୋ॥ 7-31-5 (46104)
ଦ୍ରୋଣଂ ଦ୍ରୋଣମିତି କ୍ରୂରାଃ ପାଞ୍ଚାଲାଃ ସମଚୋଦଯନ୍।
ମା ଦ୍ରୋଣମିତି ପୁତ୍ରାସ୍ତେ କୁରୂନ୍ସର୍ବାନଚୋଦଯନ୍॥ 7-31-6 (46105)
ଦ୍ରୋଣଂ ଦ୍ରୋଣମିତି ହ୍ଯେକେ ମା ଦ୍ରୋଣମିତି ଚାପରେ।
କୁରୂଣାଂ ପାଣ୍ଡବାନାଂ ଚ ଦ୍ରୋଣଦ୍ଯୂତମବତେତ॥ 7-31-7 (46106)
ଯଂଯଂ ପ୍ରମଥତେ ଦ୍ରୋଣଃ ପାଞ୍ଚାଲାନାଂ ରଥବ୍ରଜମ୍।
ତତ୍ରତତ୍ର ତୁ ପାଞ୍ଚାଲ୍ଯୋ ଧୃଷ୍ଟଦ୍ଯୁମ୍ନୋଽଭ୍ଯବର୍ତତ॥ 7-31-8 (46107)
ତେଷାଂ ଭାଗ୍ଯବିପର୍ଯାସୈଃ ସଙ୍ଗ୍ରାମେ ଭୈରବେ ସତି।
ବୀରାଃ ସମାସଦନ୍ବୀରାନ୍କୁର୍ବନ୍ତୋ ଭୈରବଂ ରବମ୍॥ 7-31-9 (46108)
ଅକମ୍ପନୀଯାଃ ଶତ୍ରୂଣାଂ ବଭୂବୁସ୍ତତ୍ର ପାଣ୍ଡବାଃ।
ଅକମ୍ପଯନ୍ନନୀକାନି ସ୍ମରନ୍ତଃ କ୍ଲେଶମାତ୍ମନଃ॥ 7-31-10 (46109)
ତେ ତ୍ବମର୍ଷବଶଂ ପ୍ରାପ୍ତା ହୀମନ୍ତଃ ସତ୍ବଚୋଦିତାଃ।
ତ୍ଯକ୍ତ୍ବା ପ୍ରାଣାନ୍ନ୍ଯବର୍ତନ୍ତ ଘ୍ନନ୍ତୋ ଦ୍ରୋଣଂ ମହାହବେ॥ 7-31-11 (46110)
ଅଯାସମିବ ସମ୍ପାତଃ ଶିଲାନାମିବ ଚାଭବତ୍।
ଦୀବ୍ଯତାଂ ତୁମୁଲେ ଯୁଦ୍ଧେ ପ୍ରାଣୈରମିତତେଜସାମ୍॥ 7-31-12 (46111)
ନାନୁସ୍ମରନ୍ତି ସଙ୍ଗ୍ରାମମପି ବୃଦ୍ଧାସ୍ତଥାବିଧମ୍।
ଯେ ପୂର୍ବଦେବୈର୍ଦେବାନାମପଶ୍ଯନ୍ଯୁଦ୍ଧମଦ୍ଭୁତମ୍॥ 7-31-13 (46112)
ପ୍ରାକମ୍ପତେବ ପୃଥିବୀ ତସ୍ମିନ୍ବୀରାବସାଦନେ।
ନିବର୍ତତା ବଲୌଘେନ ମହତା ଭାରପୀଡିତା॥ 7-31-14 (46113)
ଘୂର୍ଣତୋଽପି ବଲୌଘସ୍ଯ ଦିବଂ ସ୍ତବ୍ଧ୍ବେବ ନିଃସ୍ବନଃ।
ଅଜାତଶତ୍ରୋସ୍ତତ୍ସୈନ୍ଯମାବିବେଶ ସୁଭୈରବଃ॥ 7-31-15 (46114)
ସମାସାଦ୍ଯ ତୁ ପାଣ୍ଡୂନାମନୀକାନି ସହସ୍ରଶଃ।
ଦ୍ରୋଣେନ ଚରତା ସଙ୍ଖ୍ଯେ ପ୍ରଭଗ୍ନାନି ଶିତୈଃ ଶରୈଃ॥ 7-31-16 (46115)
ତେଷୁ ପ୍ରମଥ୍ଯମାନେଷୁ ଦ୍ରୋଣେନାଦ୍ଭୁତକର୍ମଣା।
ପର୍ଯବରାଯଦାସାଦ୍ଯ ଦ୍ରୋଣଂ ସେନାପତିଃ ସ୍ବଯମ୍॥ 7-31-17 (46116)
ତଦଦ୍ଭୁତମଭୂଦ୍ଯୁଦ୍ଧଂ ଦ୍ରୋଣପାଞ୍ଚାଲଯୋସ୍ତଥା।
ନୈବ ତସ୍ଯୋପମା କାଚିଦିତି ମେ ନିଶ୍ଚିତା ମତିଃ॥ 7-31-18 (46117)
ତତୋ ନୀଲୋଽନଲପ୍ରଖ୍ଯୋ ଦଦାହ କୁରୁବାହିନୀମ୍।
ଶରସ୍କୁଲିଙ୍ଗଶ୍ଚାପାର୍ଚିର୍ଦିହନ୍କକ୍ଷମିବାନଲଃ॥ 7-31-19 (46118)
ତଂ ଦହନ୍ତମନୀକାନି ଦ୍ରୋଣପୁତ୍ରଃ ପ୍ରତାପବାନ୍।
ପୂର୍ବାଭିଭାଷୀ ସୁଶ୍ଲକ୍ଷ୍ଣଂ ସ୍ମଯମାନୋଽଭ୍ଯଭାଷତ॥ 7-31-20 (46119)
ନୀଲ କିଂ ବହୁଭିର୍ଦଗ୍ଧୈସ୍ତବ ଯୋଧୈଃ ସରାର୍ଚିଷା।
ମଯୈକେନ ହି ଯୁଧ୍ଯସ୍ବ କ୍ରୁଦ୍ଧଃ ପ୍ରହର ଚାଶୁ ମାମ୍॥ 7-31-21 (46120)
ତଂ ପଦ୍ମନିକରାକାରଂ ପଦ୍ମପତ୍ରନିଭେକ୍ଷଣମ୍।
ବ୍ଯାକୋଶପଦ୍ମାଭମୁଖୋ ନୀଲୋ ବିବ୍ଯାଧ ସାଯକୈଃ॥ 7-31-22 (46121)
ତେନାପି ବିଦ୍ଧଃ ସହସା ଦ୍ରୌଣିର୍ଭଲ୍ଲୈଃ ଶିତୈସ୍ତ୍ରିଭିଃ।
ଧନୁର୍ଧ୍ବଜଂ ଚ ଚ୍ଛତ୍ରଂ ଚ ଦ୍ବିଷତଃ ସନ୍ନ୍ଯକୃନ୍ତତ॥ 7-31-23 (46122)
ସ ପ୍ଲୁତଃ ସ୍ଯନ୍ଦନାତ୍ତସ୍ମାନ୍ନୀଲଶ୍ଚର୍ମବରାସିଭୃତ୍।
ଦ୍ରୌଣାଯନେଃ ଶିରଃ କାଯାଦ୍ଧର୍ତୁମୈଚ୍ଛତ୍ପତତ୍ତ୍ରିବତ୍॥ 7-31-24 (46123)
ତସ୍ଯୋଦ୍ଯତାସେଃ ସୁନସଂ ଶିରଃ କାଯାତ୍ସକୁଣ୍ଡଲମ୍।
ଭଲ୍ଲେନାପାହରଦ୍ଦ୍ରୌଣିଃ ସ୍ମଯମାନ ଇବାନଘ॥ 7-31-25 (46124)
ସମ୍ପୂର୍ଣଚନ୍ଦ୍ରାଭମୁଖଃ ପଦ୍ମପତ୍ରନିଭେକ୍ଷଣଃ।
ପ୍ରାଂଶୁରୁତ୍ପଲପତ୍ରାଭୋ ନିହତୋ ନ୍ଯପତଦ୍ଭୁବି॥ 7-31-26 (46125)
ତତଃ ପ୍ରବିବ୍ଯଥେ ସେନା ପାଣ୍ଡବୀ ଭୃଶମାକୁଲା।
ଆଚାର୍ଯପୁତ୍ରେଣ ହତେ ନୀଲେ ଜ୍ବଲିତତେଜସି॥ 7-31-27 (46126)
ଅଚିନ୍ତଯଂଶ୍ଚ ତେ ସର୍ବେ ପାଣ୍ଡବାନାଂ ମହାରଥାଃ।
କଥଂ ନୋ ବାସବିସ୍ତ୍ରାଯାଚ୍ଛତ୍ରୁଭ୍ଯ ଇତି ମାରିଷ॥ 7-31-28 (46127)
ଦକ୍ଷିଣେନ ତୁ ସେନାଯାଃ କୁରୁତେ କଦନଂ ବଲୀ।
ସଂଶପ୍ତକାବଶେଷସ୍ଯ ନାରାଯଣବଲସ୍ଯ ଚ॥ ॥ 7-31-29 (46128)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ସଂଶପ୍ତକବଧପର୍ବଣି ଦ୍ବାଦଶଦିବସଯୁଦ୍ଧେ ଏକତ୍ରିଂଶୋଽଧ୍ଯାଯଃ॥ 31 ॥
Mahabharata - Drona Parva - Chapter Footnotes
5-31-5 ଅନ୍ତରଂ ଛିଦ୍ରମ୍। ପ୍ରାପତନ୍ସୃତବନ୍ତଃ॥ 5-31-7 ପାଣ୍ଡବାନ୍ଯାମ ଇତ୍ଯେବ ମା ଦ୍ରୋଣମିତି ଚାପରେ ଇତି କଃ ପାଠଃ॥ 5-31-9 ସମାସଦନ୍ପ୍ରତିଗତବନ୍ତଃ॥ 5-31-11 ନ୍ଯବର୍ତନ୍ତ ଭଯେଭ୍ଯୋ ନିବୃତ୍ତାଃ। ସତ୍ଯଚୋଦିତାଃ ଇତି କ.ଘ.ଙ. ପାଠଃ॥ 5-31-31 ଏକତ୍ରିଂଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 032
॥ ଶ୍ରୀଃ ॥
7.32. ଅଧ୍ଯାଯଃ 032
Mahabharata - Drona Parva - Chapter Topics
ସଙ୍କୁଲଯୁଦ୍ଧବର୍ଣନମ୍॥ 1 ॥Mahabharata - Drona Parva - Chapter Text
7-32-0 (46129)
ସଞ୍ଜଯ ଉବାଚ। 7-32-0x (4331)
ପ୍ରତିଘାତଂ ତୁ ସୈନ୍ଯସ୍ଯ ନାମୃଷ୍ଯତ ବୃକୋଦରଃ।
ସୋଽଭ୍ଯାହନଦ୍ଗୁରୁଂ ଷଷ୍ଟ୍ଯା କର୍ଣଂ ଚ ଦଶଭିଃ ଶରୈଃ॥ 7-32-1 (46130)
ତସ୍ଯ ଦ୍ରୋଣଃ ଶିତୈର୍ବାଣୈସ୍ତୀକ୍ଷ୍ଣଧାରୈରଜିହ୍ମଗୈଃ।
ଜୀବିତାନ୍ତମଭିପ୍ରେପ୍ସୁର୍ମର୍ମଣ୍ଯାଶୁ ଜଘାନ ହ॥ 7-32-2 (46131)
ଆନନ୍ତର୍ଯମଭିପ୍ରେପ୍ସୁଃ ଷଡ୍ବିଂଶତ୍ଯା ଶମାର୍ପଯତ୍।
କର୍ଣୋ ଦ୍ବାଦଶଭିର୍ବାଣୈରଶ୍ବତ୍ଥାମା ଚ ସପ୍ତଭିଃ॥ 7-32-3 (46132)
ଷଙ୍ଭିର୍ଦୁର୍ଯୋଧନୋ ରାଜା ତତ ଏନମଥାକିରତ୍।
ଭୀମସେନୋଽପି ତାନ୍ସର୍ବାନ୍ପ୍ରତ୍ଯବିଧ୍ଯନ୍ମହାବଲଃ॥ 7-32-4 (46133)
ଦ୍ରୋଣଂ ପଞ୍ଚାଶତେଷୂଣାଂ କର୍ଣଂ ଚ ଦଶଭିଃ ଶରୈଃ।
ଦର୍ଯୋଧନଂ ଦ୍ବାଦଶଭିର୍ଦୌଣିମଷ୍ଟାଭିରାଶୁଗୈଃ॥ 7-32-5 (46134)
ଆରାବଂ ତୁମୁଲଂ କୁର୍ବନ୍ନଭ୍ଯବର୍ତତ ତାନ୍ରଣେ।
ତସ୍ମିନ୍ସନ୍ତ୍ଯତି ପ୍ରାମାନ୍ମୃତ୍ଯୁସାଧାରଣୀକୃତେ॥ 7-32-6 (46135)
ଅଜାତଶତ୍ରୁସ୍ତାନ୍ଯୋଧାନ୍ଭୀମଂ ତ୍ରାତେତ୍ଯଚୋଦଯତ୍।
ତେ ଯଯୁର୍ଭୀମସେନସ୍ଯ ସମୀପମମିତୌଜସଃ॥ 7-32-7 (46136)
ଯୁଯୁଧାନପ୍ରଭୃତଯୋ ମାଦ୍ରୀପୁତ୍ରୌ ଚ ପାଣ୍ଡବୌ।
ତେ ସମେତ୍ଯ ସୁସଂରବ୍ଧାଃ ସହିତାଃ ପୁରୁଷର୍ଷଭାଃ॥ 7-32-8 (46137)
ମହେଷ୍ବାସବରୈର୍ଗୁପ୍ତା ଦ୍ରୋଣାନୀକଂ ବିଭିତ୍ସବଃ।
ସମାପେତୁର୍ମହାବୀର୍ଯା ଭୀମପ୍ରଭୃତଯୋ ରଥାଃ॥ 7-32-9 (46138)
ତାନ୍ପ୍ରତ୍ଯଗୃହ୍ଣାଦବ୍ଯଗ୍ରୋ ଦ୍ରୋଣୋଽପି ରଥିନାଂ ବରଃ।
ମହାରଥାନତିବଲାନ୍ବୀରାନ୍ସମରଯୋଧିନଃ॥ 7-32-10 (46139)
ବାହ୍ଯଂ ମୃତ୍ଯୁଭଯଂ କୃତ୍ବା ତାବକାନ୍ପାଣ୍ଡବା ଯଯୁଃ।
ସାଦିନଃ ସାଦିନୋଽବ୍ଯଘ୍ନଂସ୍ତଥୈବ ରଥିନୋ ରଥାନ୍॥ 7-32-11 (46140)
ଅସିଶକ୍ତ୍ଯୃଷ୍ଟିସଙ୍ଘାତୈର୍ଯୁଦ୍ଧମାସୀତ୍ପରଶ୍ବଥୈଃ।
ପ୍ରକୃଷ୍ଟମସିଯୁଦ୍ଧଂ ଚ ବଭୂବ କଟୁକୋଦଯମ୍॥ 7-32-12 (46141)
କୁଞ୍ଜରାଣାଂ ଚ ସମ୍ପାତେ ଯୁଦ୍ଧମାସୀତ୍ସୁଦାରୁଣମ୍।
ଅପତତ୍କୁଞ୍ଜରାଦନ୍ଯୋ ହଯାଦନ୍ଯସ୍ତ୍ବବାକ୍ଶିରାଃ॥ 7-32-13 (46142)
ନରୋ ବାଣବିନିର୍ଭିନ୍ନୋ ରଥାଦନ୍ଯଶ୍ଚ ମାରିଷ।
ତତ୍ରାନ୍ଯସ୍ଯ ଚ ସମ୍ପର୍ଦେ ପତିତସ୍ଯ ବିବର୍ମଣଃ॥ 7-32-14 (46143)
ଶିରଃ ପ୍ରଧ୍ବଂସଯାମାସ ବକ୍ଷସ୍ଯାକ୍ରମ୍ଯ କୁଞ୍ଜରଃ।
ଅପରାଂଶ୍ଚାପରେଽମୃଦ୍ରନ୍ବାରଣାଃ ପତିତାନ୍ନରାନ୍॥ 7-32-15 (46144)
ବିଷାଣୈଶ୍ଚାବନିଂ ଗତ୍ବା ବ୍ଯଭିନ୍ଦନ୍ରଥିନୋ ବହୂନ୍।
ନରାନ୍ତ୍ରୈଃ କେଚିଦପରେ ବିଷାଣାଲଗ୍ନସଂଶ୍ରଯୈଃ॥ 7-32-16 (46145)
ବଭ୍ରମୁଃ ସମରେ ନାଗା ମୃଦ୍ରନ୍ତଃ ଶତଶୋ ନରାନ୍।
କାର୍ଷ୍ଣାଯସତନୁତ୍ରାଣାନ୍ନରାଶ୍ବରଥକୁଞ୍ଜରାନ୍॥ 7-32-17 (46146)
ପତିତାନ୍ପୋଥଯାଞ୍ଚକ୍ରୁର୍ଦ୍ବିପାଃ ସ୍ଥୂଲନଲାନିବ।
ଗୃଧ୍ରପତ୍ରାଧିବାସାଂସି ଶଯନାନି ନାରଧିପାଃ॥ 7-32-18 (46147)
ହୀମନ୍ତଃ କାଲସମ୍ପର୍କାତ୍ସୁଦୁଃସ୍ବାନ୍ଯନୁଶେରତେ।
ହନ୍ତି ସ୍ମାତ୍ର ପିତା ପୁତ୍ରଂ ରଥେନାଭ୍ଯେତ୍ଯ ସଂଯୁଗେ॥ 7-32-19 (46148)
ପୁତ୍ରଶ୍ଚ ପିତରଂ ମୋହାନ୍ନିର୍ମର୍ଯାଦମବର୍ତତ।
ରଥୋ ଭଗ୍ନୋ ଧ୍ବଜଶ୍ଛିନ୍ନଶ୍ଛତ୍ରମୁର୍ବ୍ଯୋଂ ନିପାତିତମ୍॥ 7-32-20 (46149)
ଯୁଗାର୍ଧଂ ଚ୍ଛିନ୍ନମାଦାଯ ପ୍ରଦୁଦ୍ରାବ ତଥା ହଯଃ।
ସାସିର୍ବାହୁର୍ନିପତିତଃ ଶିରଶ୍ଛିନ୍ନଂ ସକୁଣ୍ଡଲମ୍॥ 7-32-21 (46150)
ଗଜେନାକ୍ଷିପ୍ଯ ବଲିନା ରଥଃ ସଞ୍ଚୂର୍ଣିତଃ କ୍ଷିତୌ।
ରଥିନା ତାଡିତୋ ନାଗୋ ନାରାଚେନାପତତ୍କ୍ଷିତୌ॥ 7-32-22 (46151)
ସାରୋହଶ୍ଚାପତଦ୍ବାଜୀ ଗେଜେନାଭ୍ଯାହତୋ ଭୃଶମ୍।
ନିର୍ମର୍ଯାଦଂ ମହଦ୍ଯୁଦ୍ଧମବର୍ତତ ସୁଦାରୁଣମ୍॥ 7-32-23 (46152)
ହା ତାତ ହା ପୁତ୍ର ସଖେ କ୍ବାସି ତିଷ୍ଠ କ୍ବ ଧାବସି।
ପ୍ରହରାହର ଜହ୍ମେନଂ ସ୍ମିତଶ୍ବେଡିତଗର୍ଜିତୈଃ।
ଇତ୍ଯେବମୁଚ୍ଚୈରତ୍ଯର୍ଥଂ ଶ୍ରୂଯନ୍ତେ ବିବିଧା ଗିରଃ॥ 7-32-24 (46153)
ନରସ୍ଯାଶ୍ବସ୍ଯ ନାଗ୍ସ୍ଯ ସମସଞ୍ଜତ ଶୋଣିତମ୍।
ଉପାଶାମ୍ଯଦ୍ରଜୋ ଭୌମଂ ଭୀରୂନ୍କଶ୍ମଲମାବିଶତ୍॥ 7-32-25 (46154)
ଚକ୍ରେଣ ଚକ୍ରମାସାଦ୍ଯ ବୀରୋ ବୀରସ୍ଯ ସଂଯୁଗେ।
ଅତୀତେଷୁପଥେ କାଲେ ଜହାର ଗଦଯା ସିରଃ॥ 7-32-26 (46155)
ଅସୀତ୍କେଶପରାମର୍ଶୋ ମୁଷ୍ଟିଯୁଦ୍ଧଂ ଚ ଦାରୁଣମ୍।
ନଖୈର୍ଦନ୍ତୈଶ୍ଚ ସୂରାଣାମଦ୍ବୀପେ ଦ୍ବୀପମିଚ୍ଛତାମ୍॥ 7-32-27 (46156)
ତତ୍ରାଚ୍ଛିଦ୍ଯତ ଶୂରସ୍ଯ ସଖଙ୍ଗୋ ବାହୁରୁଦ୍ଯତଃ।
ସଧୁନଶ୍ଚାପରସ୍ଯାପି ସଶରଃ ସାଙ୍କୁଶସ୍ତଥା॥ 7-32-28 (46157)
ଆକ୍ରୋଶଦନ୍ଯମନ୍ଯୋଽତ୍ର ତଥାଽନ୍ଯୋ ବିମୁଖୋଽଦ୍ରବତ୍।
ଅନ୍ଯଃ ପ୍ରାପ୍ତସ୍ଯ ଚାନ୍ଯସ୍ଯ ଶିରଃ କାଯାଦପାହରତ୍॥ 7-32-29 (46158)
ସଶବ୍ଦମଦ୍ରବଚ୍ଚାନ୍ଯଃ ଶବ୍ଦାଦନ୍ଯୋଽତ୍ରସଦ୍ଭୃଶମ୍।
ସ୍ବାନନ୍ଯୋଽଥ ପରାନନ୍ଯୋ ଜଘାନ ନିଶିତୈଃ ଶରୈଃ॥ 7-32-30 (46159)
ଗିରିଶୃଙ୍ଗୋପମଶ୍ଚାତ୍ର ନାରାଚେନ ନିପାତିତଃ।
ମାତଙ୍ଗୋ ନ୍ଯପତଦ୍ଭୂମୌ ନଦୀରୋଧ ଇବୋଷ୍ଣଗେ॥ 7-32-31 (46160)
ତଥୈବ ରଥିନଂ ନାଗଃ କ୍ଷରନ୍ଗିରିରିବାରୁଜନ୍।
ଅଭ୍ଯତିଷ୍ଠତ୍ପଦା ଭୂମୌ ସହାଶ୍ବଂ ସହସାରଥିମ୍॥ 7-32-32 (46161)
ଶୂରାନ୍ପ୍ରହରତୋ ଦୃଷ୍ଟ୍ବା କୃତାଶ୍ସ୍ତ୍ରାନ୍ରୁଧିରୋକ୍ଷିତାନ୍।
ବହୂନପ୍ଯାବିଶନ୍ମୋହୋ ଭୀରୂନ୍ହୃଦଯଦୁର୍ବଲାନ୍॥ 7-32-33 (46162)
ସର୍ବମାବିଗ୍ନମଭବନ୍ନ ପ୍ରାଜ୍ଞାଯତ କିଞ୍ଚନ।
ସୈନ୍ଯେନ ରଜସା ଧ୍ବସ୍ତଂ ନିର୍ମର୍ଯାଦମବର୍ତତ॥ 7-32-34 (46163)
ତତଃ ସେନାପତିଃ ଶୀଘ୍ରମଯଂ କ୍ରାଲ ଇତି ବ୍ରୁବନ୍।
ନିତ୍ଯାଭିତ୍ବରିତାନେବ ତ୍ବରଯାମାସ ପାଣ୍ଡବାନ୍॥ 7-32-35 (46164)
କୁର୍ବନ୍ତଃ ଶାସନଂ ତସ୍ଯ ପାଣ୍ଡବା ବାହୁଶାଲିନଃ।
ସରୋ ହଂସା ଇବାପେତୁର୍ଘ୍ନନ୍ତୋ ଦ୍ରୋଣରଥଂ ପ୍ରତି॥ 7-32-36 (46165)
ଗୃହ୍ଣୀତାଦ୍ରବତାନ୍ଯୋନ୍ଯଂ ବିଭୀତା ବିନିକୃନ୍ତତ।
ଇତ୍ଯାସୀତ୍ତୁମୁଲଃ ଶବ୍ଦୋ ଦୁର୍ଧର୍ଷସ୍ଯ ରଥଂ ପ୍ରତି॥ 7-32-37 (46166)
ତତୋ ଦ୍ରୋଣଃ କୃପଃ କର୍ଣୋ ଦ୍ରୌଣୀ ରାଜା ଜଯଦ୍ରଥଃ।
ବିନ୍ଦାନୁବିନ୍ଦାବାବନ୍ତ୍ଯୌ ଶଲ୍ଯଶ୍ଚୈତାନ୍ନ୍ଯବାରଯନ୍॥ 7-32-38 (46167)
ତେ ତ୍ବାର୍ଯଧର୍ମସଂରବ୍ଧା ଦୁର୍ନିବାରା ଦୁରାସଦାଃ।
ଶରାର୍ତା ନ ଜହୁର୍ଦ୍ରୋଣଂ ପାଞ୍ଚାଲାଃ ପାଣ୍ଡବୈ ସହ॥ 7-32-39 (46168)
ତତୋ ଦ୍ରୋଣୋଽତିସଂକ୍ରୁଦ୍ଧୋ ବିସୃଜଞ୍ଶତଶଃ ଶରାନ୍।
ଚେଦିପାଞ୍ଚାଲପାଣ୍ଡୂନାମକରୋତ୍କଦନଂ ମହତ୍॥ 7-32-40 (46169)
ତସ୍ଯ ଜ୍ଯାତଲନିର୍ଘୋଷଃ ଶୁଶ୍ରୁବେ ଦିକ୍ଷଂ ମାରିଷ।
ବଜ୍ରସଂହ୍ରାଦସଙ୍କାଶସ୍ତ୍ରାସଯନ୍ମାନବାନ୍ବହୂନ୍॥ 7-32-41 (46170)
ଏତସ୍ମିନ୍ନନ୍ତରେ ଜିଷ୍ଣୁର୍ଜିତ୍ବା ସଂଶପ୍ତକାନ୍ବହୂନ୍।
ଅଭ୍ଯଯାତ୍ତତ୍ର ଯତ୍ରାସୌ ଦ୍ରୋଣଃ ପାଣ୍ଡୂନ୍ପ୍ରମର୍ଦତି॥ 7-32-42 (46171)
ତାଞ୍ଶରୌଘାନ୍ମହାବର୍ତାଞ୍ଶୋଣିତୋଦାନ୍ମହାହଦାନ୍।
ତୀର୍ଣଃ ସଂଶପ୍ତକାନ୍ହତ୍ବା ପ୍ରତ୍ଯଦୃଶ୍ଯତ ଫଲ୍ଗୁନଃ॥ 7-32-43 (46172)
ତସ୍ଯ କୀର୍ତିମତୋ ଲକ୍ଷ୍ମ ସୂର୍ଯପ୍ରତିମତେଜସଃ।
ଦୀପ୍ଯମାନମପଶ୍ଯାମ ତେଜସା ବାନରଧ୍ବଜମ୍॥ 7-32-44 (46173)
ସଂଶପ୍ତକସମୁଦ୍ରଂ ତମୁଚ୍ଛୋଷ୍ଯାସ୍ତ୍ରଗଭସ୍ତିଭିଃ।
ସ ପାଣ୍ଡବଯୁଗାନ୍ତାର୍କଃ କୁରୂନପ୍ଯଭ୍ଯତୀତପତ୍॥ 7-32-45 (46174)
ପ୍ରଦଦାହ କୁରୂନ୍ସର୍ବାନର୍ଜୁନଃ ଶସ୍ତ୍ରତେଜସା।
ଯୁଗାନ୍ତେ ସର୍ବଭୂତାନି ଧୂମକେତୁରିବୋତ୍ଥିତଃ॥ 7-32-46 (46175)
ତେନ ବାଣସହସ୍ରୌଧୈର୍ଗଜାଶ୍ବରଥଯୋଧିନଃ।
ତାଡ୍ଯମାନାଃ କ୍ଷିତିଂ ଜଗ୍ମୁର୍ମୁକ୍ତକେଶାଃଶରାର୍ଦିତାଃ॥ 7-32-47 (46176)
କେଚିଦାର୍ତସ୍ବନଂ ଚକ୍ରୁର୍ବିନେଶୁରପରେ ପୁନଃ।
ପାର୍ଥବାଣହତାଃ କେଚିନ୍ନିପେତୁର୍ବିଗତାସବଃ॥ 7-32-48 (46177)
ତେଷାମୁତ୍ପତିତାନ୍କାଂଶ୍ଚିତ୍ପତିତାଂଶ୍ଚ ପରାଙ୍ମୁଖାନ୍।
ନ ଜଘାନାର୍ଜୁନୋ ଯୋଧାନ୍ଯୋଧବ୍ରତମନୁସ୍ମରନ୍॥ 7-32-49 (46178)
ତେ ବିକୀର୍ଣରଥାଶ୍ଚିତ୍ରାଃ ପ୍ରାଯଶଶ୍ଚ ପରାଙ୍ମୁଖଃ।
କୁରବଃ କର୍ଣକର୍ଣେତି ହାହେତି ଚ ବିଚୁକ୍ରୁଶୁଃ॥ 7-32-50 (46179)
ତମାଧିରଥିରାକ୍ରନ୍ଦଂ ବିଜ୍ଞାଯ ଶରଣୈଷିଣାମ୍।
ମା ଭୈଷ୍ଟେତି ପ୍ରତିଶ୍ରୁତ୍ଯ ଯଯାବଭିମୁଖୋଽର୍ଜୁନମ୍॥ 7-32-51 (46180)
ସ ଭାରତରଥଶ୍ରେଷ୍ଠଃ ସର୍ବଭାରତହର୍ଷଣଃ।
ପ୍ରାଦୁଶ୍ଚକ୍ରେ ତଦାଗ୍ନେଯମସ୍ତ୍ରମସ୍ତ୍ରବିଦାଂ ବାରଃ॥ 7-32-52 (46181)
ତସ୍ଯ ଦୀପ୍ତଶରୌଘସ୍ଯ ଦୀପ୍ତଚାପଧରସ୍ଯ ଚ।
`ବାରୁଣେନ ତଦସ୍ତ୍ରେଣ ବିଧୂଯାଥ ଧନଞ୍ଜଯଃ'।
ଶରୌଘାଞ୍ଶରଜାଲେନ ବିଦୁଧାବ ଧନଞ୍ଜଯଃ॥ 7-32-53 (46182)
ତଥୈବାଧିରଥିସ୍ତସ୍ଯ ବାଣାଜ୍ଜ୍ବଲିତତେଜସଃ।
ଅସ୍ତ୍ରମସ୍ତ୍ରେଣ ସଂବାର୍ଯ ପ୍ରାଣଦଦ୍ବିସୃଜଞ୍ଶରାନ୍॥ 7-32-54 (46183)
ଧୃଷ୍ଟଦ୍ଯୁମ୍ନଶ୍ଚ ଭୀମଶ୍ଚ ସାତ୍ଯକିଶ୍ଚ ମହାରଥଃ।
ବିବ୍ଯଧୁଃ କର୍ଣମାସାଦ୍ଯ ତ୍ରିଭିସ୍ତ୍ରିଭିରଜିହ୍ମଗୈଃ॥ 7-32-55 (46184)
ଅର୍ଜୁନାସ୍ତ୍ରଂ ତୁ ରାଧେଯଃ ସଂବାର୍ଯ ଶରବୃଷ୍ଟିଭିଃ।
ତେଷାଂ ତ୍ରଯାଣାଂ ଚାପାନି ଚିଚ୍ଛେଦ ବିଶିଖୈସ୍ତ୍ରିଭିଃ॥ 7-32-56 (46185)
ତେ ନିକୃତ୍ତାଯୁଘାଃ ଶୂରା ନିର୍ବିଷା ଭୁଜଗା ଇବ।
ରଥଶକ୍ତୀଃ ସମୁତ୍କ୍ଷିପ୍ଯ ଭୃଶଂ ସିଂହା ଇବାନଦନ୍॥ 7-32-57 (46186)
ତା ଭୁଜାଗ୍ରୈର୍ମହାବେଗା ନିସୃଷ୍ଟା ଭୁଜଗୋପମାଃ।
ଦୀପ୍ଯମାନା ମହାଶକ୍ତ୍ଯୋ ଜଗ୍ମୁରାଧିରଥିଂ ପ୍ରତି॥ 7-32-58 (46187)
ତା ନିକୃତ୍ଯ ଶରବ୍ରାତୈସ୍ତ୍ରିଭିସ୍ତ୍ରିଭିରଜିହ୍ମଗୈଃ।
ନନାଦ ବଲବାନ୍କର୍ଣଃ ପାର୍ଥାଯ ବିସୃଜଞ୍ଶରାନ୍॥ 7-32-59 (46188)
ଅର୍ଜୁନଶ୍ଚାପି ରାଧେଯଂ ବିଦ୍ଧ୍ବା ସପ୍ତଭିରାଶୁଗୈଃ।
କର୍ଣାଦବରଜଂ ବାଣୈର୍ଜଘାନ ନିଶିତୈଃ ଶରୈଃ॥ 7-32-60 (46189)
ତତଃ ଶତ୍ରୁଂଜଯଂ ହତ୍ବା ପାର୍ଥଃ ଷଙ୍ଭିରଜିହ୍ମଗୈଃ।
ଜହାର ସଦ୍ଯୋ ଭଲ୍ଲେନ ବିପାଟସ୍ଯ ଶିରୋ ରଥାତ୍॥ 7-32-61 (46190)
ପଶ୍ଯତାଂ ଧାର୍ତରାଷ୍ଟ୍ରାଣାମେକେନୈବ କିରୀଟିନା।
ପ୍ରମୁଖେ ସୂତପୁତ୍ରସ୍ଯ ସୋଦର୍ଯା ନିହତାସ୍ତ୍ରଯଃ॥ 7-32-62 (46191)
ତତୋ ଭୀମଃ ସମୁତ୍ପତ୍ଯ ସ୍ବରଥାଦ୍ବୈନତେଯବତ୍।
ବରାସିନା କର୍ଣପକ୍ଷାଞ୍ଜଧାନ ଦଶ ପଞ୍ଚ ଚ॥ 7-32-63 (46192)
ପୁନସ୍ତୁ ରଥମାସ୍ଥାଯ ଧନୁରାଦାଯ ଚାପରମ୍।
ବିବ୍ଯାଧ ଦଶଭିଃ କର୍ଣଂ ସୂତମଶ୍ବାଂଶ୍ଚ ପଞ୍ଚଭିଃ॥ 7-32-64 (46193)
ଧୃଷ୍ଟଦ୍ଯୁମ୍ନୋଽପ୍ଯସିବରଂ ଚର୍ମ ଚାଦାଯ ଭାସ୍ବରମ୍।
ଜଘାନ ଚନ୍ଦ୍ରବର୍ମାଣଂ ବୃହତ୍କ୍ଷତ୍ରଂ ଚ ନୈଷଧମ୍॥ 7-32-65 (46194)
ତତଃ ସ୍ବରଥମାସ୍ଥାଯ ପାଞ୍ଚାଲ୍ଯୋଽନ୍ଯଚ୍ଚ କାର୍ମୁକମ୍।
ଆଦାଯ କର୍ଣଂ ବିବ୍ଯାଧ ତ୍ରିସପ୍ତତ୍ଯା ନଦନ୍ରଣେ॥ 7-32-66 (46195)
ଶୈନେଯୋଽପ୍ଯନ୍ଯଦାଦାଯ ଧନୁରିନ୍ଦୁସମଦ୍ଯୁତିଃ।
ସୂତପୁତ୍ରଂ ଚତୁଃଷଷ୍ଟ୍ଯା ବିଦ୍ଧ୍ବା ସିଂହ ଇବାନଦତ୍॥ 7-32-67 (46196)
ଭଲ୍ଲାଭ୍ଯାଂ ସାଧୁ ମୁକ୍ତାଭ୍ଯାଂ ଛିତ୍ତ୍ବା କର୍ଣସ୍ଯ କାର୍ମୁକମ୍।
ପୁନଃ କର୍ଣଂ ତ୍ରିଭିର୍ବାଣୈର୍ବାହ୍ବୋରୁରସି ଚାର୍ପଯତ୍॥ 7-32-68 (46197)
ତତୋ ଦୁର୍ଯୋଧନୋ ଦ୍ରୋଣୋ ରାଜା ଚୈବ ଜଯଦ୍ରଥଃ।
ନିମ଼ଜ୍ଜମାନଂ ରାଧେଯମୁଜ୍ଜହ୍ରୁଃ ସାତ୍ଯକାର୍ଣବାତ୍॥ 7-32-69 (46198)
ପତ୍ତ୍ଯଶ୍ବରଥମାତଙ୍ଗାସ୍ତ୍ବଦୀଯାଃ ଶତଶୋଽପରେ।
କର୍ଣମେବାଭ୍ଯଧାବନ୍ତ ତ୍ରାସ୍ଯମାନାଃ ପ୍ରହାରିଣଃ॥ 7-32-70 (46199)
ଧୃଷ୍ଟଦ୍ଯୁମ୍ନଶ୍ଚ ଭୀମଶ୍ଚ ସୌଭଦ୍ରୋଽର୍ଜୁନ ଏବ ଚ।
ନକୁଲଃ ସହଦେବଶ୍ଚ ସାତ୍ଯକିଂ ଜୁଗୁପୂ ରଣେ॥ 7-32-71 (46200)
ଏବମେଷ ମହାରୌଦ୍ରଃ କ୍ଷଯାର୍ଥଂ ସର୍ବଧନ୍ବିନାମ୍।
ତାବକାନାଂ ପରେଷାଂ ଚ ତ୍ଯକ୍ତ୍ବା ପ୍ରାଣାନଭୂଦ୍ରଣଃ॥
ପଦାତିରଥନାଗାଶ୍ବା ଗଜାଶ୍ବରଥପତ୍ତିଭିଃ।
ରଥିନୋ ନାଗପତ୍ତ୍ଯଶ୍ବୈରଥ ପତ୍ତୀରଥ ଦ୍ବିପୈଃ॥ 7-32-72 (46201)
ଅଶ୍ବୈରଶ୍ବା ଗଜୈର୍ନାଗା ରଥିନୋ ରଥିଭିଃ ସହ।
ସଂଯୁକ୍ତାଃ ସମଦୃଶ୍ଯନ୍ତ ପତ୍ତଯଶ୍ଚାପି ପତ୍ତିଭିଃ॥
ଏବଂ ସୁକଲିଲଂ ଯୁଦ୍ଧମାସୀତ୍କ୍ରବ୍ଯାଦହର୍ଷଣମ୍।
ମହଦ୍ଭିସ୍ତୈରଭୀତାନାଂ ଯମରାଷ୍ଟ୍ରବିବର୍ଧନମ୍॥ 7-32-74 (46202)
ତତୋ ହତା ନରରଥବାଜିକୁଞ୍ଜରୈ
ରନେକଶୋ ଦ୍ବିପରଥପତ୍ତିବାଜିନଃ।
ଗଜୈର୍ଗଜା ରଥିଭିରୁଦାଯୁଧା ରଥା।
ହଯୈର୍ହଯାଃ ପତ୍ତିଗଣୈଶ୍ଚ ପତ୍ତଯଃ॥ 7-32-76 (46203)
ରଥୈର୍ଦ୍ବିପା ଦ୍ବିରଦବରୈର୍ମହାହଯା
ହଯୈର୍ନରା ବରରଥିଭିଶ୍ଚ ବାଜିନଃ।
ନିରସ୍ତଜିହ୍ବାଦଶନେକ୍ଷଣାଃ କ୍ଷିତୌ
କ୍ଷଯଂ ଗତାଃ ପ୍ରମଥିତବର୍ମଭୂଷଣାଃ॥ 7-32-77 (46204)
ତଥା ପରୈର୍ବହୁକରଣୈର୍ବରାଯୁଧୈ-
ର୍ହତା ଗତାଃ ପ୍ରତିଭଯଦର୍ଶନାଃ କ୍ଷିତିମ୍।
ବିପୋଥିତା ହଯଗଜପାଦତାଡିତା
ଭୃଶାକୁଲା ରଥମୁଖନେମିଭିଃ କ୍ଷତାଃ॥ 7-32-78 (46205)
ପ୍ରମୋଦନେ ଶ୍ବାପଦପକ୍ଷିରକ୍ଷସାଂ
ଜନକ୍ଷଯେ ବର୍ତତି ତତ୍ର ଦାରୁଣେ।
ମହାବଲାସ୍ତେ କୁପିତାଃ ପରସ୍ପରଂ
ନିଷୂଦଯନ୍ତଃ ପ୍ରବିଚେରୁରୋଜସା॥ 7-32-79 (46206)
ତତୋ ବଲେ ଭୃଶଲୁଲିତେ ପରସ୍ପରଂ
ନିରୀକ୍ଷମାଣେ ରୁଧିରୌଘସମ୍ପ୍ଲୁତେ।
ଦିବାକରେଽସ୍ତଂଗିରିମାସ୍ଥିତେ ଶନୈ
ରୁଭେ ପ୍ରଯାତେ ଶିବିରାଯ ଭାରତ॥ ॥ 7-32-80 (46207)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ସଂଶପ୍ତକବଧପର୍ବଣି ଦ୍ବାଦଶଦିବସଯୁଦ୍ଧାବହାରେ ଦ୍ବାତ୍ରିଂଶୋଽଧ୍ଯାଯଃ॥ 32 ॥
Mahabharata - Drona Parva - Chapter Footnotes
5-32-6 ମୃତ୍ଯୁସାଧାରଣୀକୃତେ ମରଣତୁଲ୍ଯାବସ୍ଥାଂ ଗମିତେ॥ 5-32-12 କଟୁକସ୍ଯ ପରୁଷସ୍ଯୋଦଯୋ ଯତ୍ର॥ 5-32-16 ଅବିନଂ ଗତ୍ବା ଅଭିତ୍ଯ। ବିଷାଣାଲଗ୍ନସଂଶ୍ରଯୈଃ ଦନ୍ତଲଗ୍ନୈକଦେଶୈଃ॥ 5-32-18 ଗୃଧ୍ରପକ୍ଷାଧିବାସାଂସି ଗୃଧ୍ରପକ୍ଷାସ୍ତରଣାନି॥ 5-32-25 ସମସଜ୍ଜତ ଘନତାମଗମତ୍॥ 5-32-26 ଅତୀତଃ ଇଷୁପଥଃ ଶରାବକାଶୋ ଯତ୍ର॥ 5-32-27 ଦ୍ବୀପମାଶ୍ରଯମ୍॥ 5-32-29 ଆକ୍ରୋଶତ୍ ଆହୂତବାନ୍॥ 5-32-32 କ୍ଷରନ୍ମଦମିତି ଶେଷଃ। ରଥିନଂ ତଥୈବ ସହସାରଥିଂ ଅର୍ଥାଦ୍ରଥଂ ଚ ପଦା ଆରୁଜନ୍ ଭୂମୌ ଅଭ୍ଯତିଷ୍ଠଦିତ୍ଯନ୍ବଯଃ॥ 5-32-37 ବିଭୀତା ଅଭୀତାଃ। ଦୁର୍ଧର୍ଷସ୍ଯ ଦ୍ରୋଣସ୍ଯ॥ 5-32-39 ଆର୍ଯଧର୍ମେଣ ସଂରବ୍ଧାଃ ସୋଦ୍ଯମାଃ॥ 5-32-53 ବିଦୁଧାବ ଖଣ୍ଡିତବାନ୍॥ 5-32-61 ବିଘାତସ୍ଯ ଶିର ଇତି କ.ପାଠଃ॥ 5-32-72 ପ୍ରାଣାଂସ୍ତ୍ଯକ୍ତ୍ବା ଯୁଧ୍ଯତାମିତି ଶେଷଃ॥ 5-32-75 ଅଭୀତାନାମଭିମୁଖାଗତାନାଂ ଭଯହୀନାନାଂ ବା॥ 5-32-78 ବହୁକରଣୈରନେକପ୍ରକ୍ରିଯୈଃ। ରଥମୁଖାନାଂ ରଥମୁଖ୍ଯାନାଂ ନେମିଭିଶ୍ଚକ୍ରାନ୍ତୈଃ॥ 5-32-32 ଦ୍ବାତ୍ରିଂଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 033
॥ ଶ୍ରୀଃ ॥
7.33. ଅଧ୍ଯାଯଃ 033
Mahabharata - Drona Parva - Chapter Topics
ଯୁଧିଷ୍ଠିରସ୍ଯାଗ୍ରହଣାତ୍ ଦୁର୍ମନାଯମାନଂ ଦୁର୍ଯୋଧନଂ ପ୍ରତି ଦ୍ରୋଣେନ କସ୍ଯଚିନ୍ମହାରଥସ୍ଯ ହନନପ୍ରତିଜ୍ଞା॥ 1 ॥ ସଞ୍ଜଯେନ ଧୃତରାଷ୍ଟ୍ରଂ ପ୍ରତି ସଙ୍କ୍ଷେପତୋଽଭିମନ୍ଯୁବଧକଥନମ୍॥ 2 ॥Mahabharata - Drona Parva - Chapter Text
7-33-0 (46208)
ସଞ୍ଜଯ ଉବାଚ। 7-33-0x (4332)
ପୂର୍ବମସ୍ମାସୁ ଭଗ୍ନେଷୁ ଫଲ୍ଗୁଗେନାମିତୌଜସା।
ଦ୍ରୋଣେ ଚ ମୋଘସଙ୍କଲ୍ପେ ରକ୍ଷିତେ ଚ ଯୁଧିଷ୍ଠିରେ॥ 7-33-1 (46209)
ସର୍ବେ ବିଧ୍ବସ୍ତକବଚାସ୍ତାବକା ଯୁଧି ନିର୍ଜିତାଃ।
ରଜସ୍ବଲା ଭୃଶୋଦ୍ବିଗ୍ନା ବୀକ୍ଷମାଣା ଦିଶୋ ଦଶ॥ 7-33-2 (46210)
ଅବହାରଂ ତତଃ କୃତ୍ବା ଭାରଦ୍ବାଜସ୍ଯ ସମ୍ମତେ।
ଲବ୍ଧଲକ୍ଷୈଃ ଶରୈର୍ଭିନ୍ନା ଭୃଶାବହସିତା ରଣେ॥ 7-33-3 (46211)
ଶ୍ଲାଘମାନେଷୁ ଭୂତେଷୁ ଫଲ୍ଗୁନସ୍ଯାମିତାନ୍ଗୁଣାନ୍।
କେଶବସ୍ଯ ଚ ସୌହାର୍ଦେ କୀର୍ତ୍ଯମାନେଽର୍ଜୁନଂ ପ୍ରତି॥ 7-33-4 (46212)
ଅଭିଶସ୍ତା ଇବାଭୂବନ୍ଧ୍ଯାନମୂକତ୍ବମାସ୍ଥିତାଃ।
ତତଃ ପ୍ରଭାତସମଯେ ଦ୍ରୋଣଂ ଦ୍ରୁଯୋଧନୋଽବ୍ରବୀତ୍॥ 7-33-5 (46213)
ପ୍ରଣଯାଦଭିମାନାଚ୍ଚ ଦ୍ବିଷଦ୍ବୃଦ୍ଧ୍ଯା ଚ ଦୁର୍ମନାଃ।
ଶୃଣ୍ବତାଂ ସର୍ବଯୋଧାନାଂ ସଂରବ୍ଧୋ ବାକ୍ଯକୋବିଦଃ॥ 7-33-6 (46214)
ନୂନଂ ବଯଂ ବଧ୍ଯପକ୍ଷେ ଭବତୋ ଦ୍ବିଜସତ୍ତମ।
ତଥାହି ନାଗ୍ରହୀଃ ପ୍ରାପ୍ତଂ ସମୀପେଽଦ୍ଯ ଯୁଧିଷ୍ଠିରମ୍॥ 7-33-7 (46215)
ଇଚ୍ଛତସ୍ତେ ନ ମୁଚ୍ଯେତ ଚକ୍ଷୁଃପ୍ରାପ୍ତୋ ରଣେ ରିପୁଃ।
ଜିଘୃକ୍ଷତୋ ରକ୍ଷ୍ଯମାଣଃ ସାମରୈରପି ପାଣ୍ଡବୈଃ॥ 7-33-8 (46216)
ବରଂ ଦତ୍ତ୍ବା ମମ ପ୍ରୀତଃ ପଶ୍ଚାଦ୍ବିକୃତବାନସି।
ଆଶାଭଙ୍ଗଂ ନ କୁର୍ବନ୍ତି ଭକ୍ତସ୍ଯାର୍ଯାଃ କଥଞ୍ଚନ॥ 7-33-9 (46217)
ସଞ୍ଜଯ ଉବାଚ। 7-33-10x (4333)
ତତୋଽପ୍ରୀତସ୍ତଥୋକ୍ତଃ ସନ୍ଭାରଦ୍ବାଜୋଽବ୍ରବୀନ୍ନୃପମ୍।
ନାର୍ହସେ ମାଂ ତଥା ଜ୍ଞାତୁଂ ଘଟମାନଂ ତବ ପ୍ରିଯେ॥ 7-33-10 (46218)
ସସୁରାସୁରଗନ୍ଧର୍ବାଃ ସଯକ୍ଷୋରଗରାକ୍ଷସାଃ।
ନାଲଂ ଲୋକା ରଣେ ଜେତୁଂ ପାଲ୍ଯମାନଂ କିରୀଟିନା॥ 7-33-11 (46219)
ବିଶ୍ବସୃଗ୍ଯତ୍ର ଗୋବିନ୍ଦଃ ପୃତନାନୀସ୍ତଥାଽର୍ଜୁନଃ।
ତତ୍ର କସ୍ଯ ବଲଂ କ୍ରାମେଦନ୍ଯତ୍ର ତ୍ର୍ଯମ୍ବକାତ୍ପ୍ରଭୋଃ॥ 7-33-12 (46220)
ସତ୍ଯଂ ତାତ ବ୍ରବୀମ୍ଯଦ୍ଯ ନୈତଜ୍ଜାତ୍ବନ୍ଯଥା ଭବେତ୍।
ଅଦ୍ଯୈକଂ ପ୍ରବରଂ କଞ୍ଚିତ୍ପାତଯିଷ୍ଯେ ମହାରଥମ୍॥ 7-33-13 (46221)
ଚକ୍ରବ୍ଯୂହଂ ବିଧାସ୍ଯାମି ଯୋଽଭେଦ୍ଯସ୍ତ୍ରିଦଶୈରପି।
ଯୋଗେନ କେନଚିଦ୍ରାଜନ୍ନର୍ଜୁନସ୍ତ୍ବପନୀଯତାମ୍॥ 7-33-14 (46222)
ନ ହ୍ଯଜ୍ଞାତମସାଧ୍ଯଂ ବା ତସ୍ଯ ସଙ୍ଖ୍ଯେଽସ୍ତି କିଞ୍ଚନ।
ତେନ ହ୍ଯୁପାତ୍ତଂ ସକଲଂ ସର୍ବଜ୍ଞାନମିତସ୍ତତଃ॥ 7-33-15 (46223)
ଦ୍ରୋଣେନ ବ୍ଯାହୃତେ ତ୍ବେବଂ ସଂଶପ୍ତକଗଣାଃ ପୁନଃ।
ଆହ୍ବଯନ୍ନର୍ଜୁନଂ ସଙ୍ଖ୍ଯେ ଦକ୍ଷିଣାମଭିତୋ ଦିଶମ୍॥ 7-33-16 (46224)
ତତୋଽର୍ଜୁନସ୍ଯାଥ ପରୈଃ ସାର୍ଧଂ ସମଭବଦ୍ରଣଃ।
ତାଦୃଶୋ ଯାଦୃଶୋ ନାନ୍ଯଃ ଶ୍ରୁତୋ ଦୃଷ୍ଟୋପି ବା କ୍ବଚିତ୍। 7-33-17 (46225)
ତତ୍ର ଦ୍ରୋଣେନ ବିହିତୋ ବ୍ଯୂହୋ ରାଜନ୍ବ୍ଯରୋଚତ।
ଚରନ୍ମଧ୍ଯନ୍ଦିନେ ସୂର୍ଯଃ ପ୍ରତପନ୍ନିବ ଦୁର୍ଦୃଶଃ॥ 7-33-18 (46226)
ତଂ ଚାଭିମନ୍ଯୁର୍ବଚନାତ୍ପିତୁର୍ଜ୍ଯେଷ୍ଠସ୍ଯ ଭାରତ।
ବିଭେଦ ଦୁର୍ଭିଦଂ ସଙ୍ଖ୍ଯେ ଚକ୍ରବ୍ଯୂହମନେକଧା॥ 7-33-19 (46227)
ସ କୃତ୍ବା ଦୁଷ୍କରଂ କର୍ମ ହତ୍ବା ବୀରାନ୍ସହସ୍ରଶଃ।
ରାଜପୁତ୍ରଶତଂ ହତ୍ବା କୌସଲ୍ଯଂ ଚ ବୃହଦ୍ବଲମ୍॥ 7-33-20 (46228)
ମହାରଥଂ ଶଲ୍ଯପୁତ୍ରଂ ପୌତ୍ରଂ ତେ ଲକ୍ଷ୍ମଣଂ ତଥା।
ଷଟ୍ସୁ ବୀରେଷୁ ସଂସକ୍ତୋ ଦୌଃଶାସନିବଶଂ ଗତଃ।
ସୌଭଦ୍ରଃ ପୃଥିବୀପାଲ ଜହୌ ପ୍ରାଣାନ୍ପରନ୍ତପ॥ 7-33-21 (46229)
ବଯଂ ପରମସଂହୃଷ୍ଟାଃ ପାଣ୍ଡବାଃ ଶୋକକର୍ଶିତାଃ।
ସୌଭଦ୍ରେ ନିହତେ ରାଜନ୍ନବହାରମକୁର୍ମହି॥ 7-33-22 (46230)
`ଜନମେଜଯ ଉବାଚ। 7-33-23x (4334)
ସମରୋଦ୍ଯୁକ୍ତକର୍ମାଣଃ କର୍ମଭିର୍ବ୍ଯଞ୍ଜିତଶ୍ରମାଃ।
ସକୃଷ୍ଣାଃ ପାଣ୍ଡବାଃ ପଞ୍ଚ ଦେବୈରପି ଦୁରାସଦାଃ॥ 7-33-23 (46231)
ଶଶ୍ବତ୍କର୍ମାନ୍ବଯୈର୍ବୁଦ୍ଧ୍ଯା ପ୍ରକୃତ୍ଯା ଯଶସା ଶ୍ରିଯା।
ନ ଭୂତୋ ଭବିତା ବାପି କୃଷ୍ଣସ୍ଯ ସଦୃଶଃ ପୁମାନ୍॥ 7-33-24 (46232)
ସତ୍ଯଧର୍ମତପୋଦାନୈର୍ଦ୍ବିଜପୂଜାଦିଭିର୍ଗୁଣୈଃ।
ସଦେହସ୍ତ୍ରିଦିବଂ ପ୍ରାପ୍ତୋ ରାଜା କିଲ ଯୁଧିଷ୍ଠିରଃ॥ 7-33-25 (46233)
ଯୁଗାନ୍ତେ ଚାନ୍ତକଶ୍ଚୈବ ଜାମଦଗ୍ନ୍ଯଶ୍ଚ କୀର୍ତିମାନ୍।
ରଣସ୍ଥୋ ଭୀମସେନଶ୍ଚ କଥ୍ଯନ୍ତେ ସଦୃଶାସ୍ତ୍ରଯଃ॥ 7-33-26 (46234)
ପ୍ରତିଜ୍ଞାକର୍ମଦକ୍ଷସ୍ଯ ରଣେ ଗାଣ୍ଡୀବଧନ୍ବନଃ।
ଉପମାଂ ନାଧିଗଚ୍ଛାମି ପାର୍ଥସ୍ଯ ସଦୃଶୀଂ କ୍ଷିତୌ॥ 7-33-27 (46235)
ଗୁରୁବାତ୍ସଲ୍ଯମତ୍ଯନ୍ତଂ ନୈଭୃତ୍ଯଂ ବିନଯୋ ଦମଃ।
ନକୁଲେ ତ୍ବାଭିରୂପ୍ଯଂ ଚ ଶୌର୍ଯଂ ଚ ନିଯତାନି ଷଟ୍॥ 7-33-28 (46236)
ଶ୍ରୁତମାଧୁର୍ଯଗାମ୍ଭୀର୍ଯସତ୍ତ୍ବରୂପପରାକ୍ରମୈଃ।
ସଦୃଶୋ ଦେବଯୋର୍ବୀରଃ ସହଦେବଃ କିଲାଶ୍ବିନୋଃ॥ 7-33-29 (46237)
ଯେ ଚ କୃଷ୍ଣେ ଗୁଣାଃ ସ୍ଫୀତାଃ ପାଣ୍ଡବେଷୁ ଚ ଯେ ଗୁଣାଃ।
ଅଭିମନ୍ଯୌ କିଲୈକସ୍ଥା ଦୃଶ୍ଯନ୍ତେ ତେ ଗୁଣାଃ ଶୁଭାଃ॥ 7-33-30 (46238)
ଯୁଧିଷ୍ଠିରସ୍ଯ ଶୌର୍ଯେଣ କୃଷ୍ଣସ୍ଯ ଚରିତେନ ଚ।
କର୍ମଣା ଭୀମସେନସ୍ଯ ସଦୃଶଂ ଭୀମକର୍ମଣଃ॥ 7-33-31 (46239)
ଧନଞ୍ଜଯସ୍ଯ ରୂପେଣ ବିକ୍ରମେଣ ଶୁଭେନ ଚ।
ବିନଯେ ସହଦେବସ୍ଯ ସଦୃଶଂ ନକୁଲସ୍ଯ ଚ॥ 7-33-32 (46240)
ଅଭିମନ୍ଯୁଂ ଦ୍ବିଜଶ୍ରେଷ୍ଠ ସୌଭଦ୍ରମପରାଜିତମ୍।
ଶ୍ରୋତୁମିଚ୍ଛାମି କାର୍ତ୍ସ୍ନ୍ଯେନ କଥମାଯୋଧନେ ହତଃ॥ 7-33-33 (46241)
ବୈଶମ୍ପାଯନ ଉବାଚ। 7-33-34x (4335)
ଅଭିମନ୍ଯୁଂ ହତଂ ଶ୍ରୁତ୍ବା ଧୃତରାଷ୍ଟ୍ରୋ ଜନାଧିପଃ।
ବିସ୍ତରେଣ ମହାରାଜ ପର୍ଯପୃଚ୍ଛତ୍ସ ସଞ୍ଜଯମ୍'॥ 7-33-34 (46242)
ଧୃତରାଷ୍ଟ୍ର ଉବାଚ। 7-33-35x (4336)
ପୁତ୍ରଂ ପୁରୁଷସିଂହସ୍ଯ ସଞ୍ଜଯାପ୍ରାପ୍ତଯୌବନମ୍।
ରଣେ ବିନିହତଂ ଶ୍ରୁତ୍ବା ଭୃଶଂ ମେ ଦୀର୍ଯତେ ମନଃ॥ 7-33-35 (46243)
ଦାରୁଣଃ କ୍ଷତ୍ରଧର୍ମୋଽଯଂ ବିହିତୋ ଧର୍ମକର୍ତୃଭିଃ।
ଯତ୍ର ରାଜ୍ଯେପ୍ସବଃ ଶୂରା ବାଲେ ଶସ୍ତ୍ରମପାତଯନ୍॥ 7-33-36 (46244)
ବାଲମତ୍ଯନ୍ତସୁଖିନଂ ବିଚରନ୍ତମଭୀତବତ୍।
କୃତାସ୍ତ୍ରା ବହବୋ ଜଘ୍ନୁର୍ବ୍ରୂହି ଗାବଲ୍ଗଣେ କଥମ୍॥ 7-33-37 (46245)
ବିବିତ୍ସତା ରଥାନୀକଂ ସୌଭଦ୍ରେଣାମିତୌଜସା।
ବିକ୍ରୀଡିତଂ ଯଥା ସଙ୍ଖ୍ଯେ ତନ୍ମମାଚକ୍ଷ୍ବ ସଞ୍ଜଯ॥ 7-33-38 (46246)
ସଞ୍ଜଯ ଉବାଚ। 7-33-39x (4337)
ଯନ୍ମାଂ ପୃଚ୍ଛସି ରାଜେନ୍ଦ୍ର ସୌଭଦ୍ରସ୍ଯ ନିପାତନମ୍।
ତତ୍ତେ କାର୍ତ୍ସ୍ନ୍ଯେନ ବକ୍ଷ୍ଯାମି ଶୃଣୁ ରାଜନ୍ସମାହିତଃ॥ 7-33-39 (46247)
ବିକ୍ରୀଡିତଂ କୁମାରେଣ ଯଥାନୀକଂ ବିଭିତ୍ସତା।
ଆରୁଗ୍ଣାଶ୍ଚ ଯଥା ବୀରା ଦୁଃସାଧ୍ଯାଶ୍ଚାପି ବିପ୍ଲୁବେ॥ 7-33-40 (46248)
ଦାବାଗ୍ନ୍ଯଭିପରୀତାନାଂ ଭୂରିଗୁଲ୍ମତୃଣଦ୍ରୁମେ।
ବନୌକସାମିବାରଣ୍ଯେ ତ୍ବଦୀଯାନାମଭୂଦ୍ଭଯମ୍॥ ॥ 7-33-41 (46249)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ତ୍ରଯସ୍ତ୍ରିଂଶୋଽଧ୍ଯାଯଃ॥ 33 ॥
Mahabharata - Drona Parva - Chapter Footnotes
5-33-2 ରଜସ୍ବଲା ଧୂଲିବ୍ଯାପ୍ତାଃ॥ 5-33-9 ବିକୃତବାନନ୍ଯଥା କୃତବାନ୍॥ 5-33-15 କଲାଭିଃ ସହିତଂ ସକଲମ୍। ଇତୋଽସ୍ମତ୍ତଃ। ତତୋଽନ୍ଯତଃ॥ 5-33-21 ଷଟ୍ସୁ ଦ୍ରୋଣଦ୍ରୌଣିକୃପକର୍ଣଭୋଜଶଲ୍ଯେଷୁ॥ 5-33-28 ନୈଭୃତ୍ଯଂ କୃତକର୍ତବ୍ଯାପ୍ରକାଶନମ୍॥ 5-33-36 ଧର୍ମକର୍ତୃଭିର୍ମନ୍ବାଦିଭିଃ॥ 5-33-33 ତ୍ରଯସ୍ତ୍ରିଂଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 034
॥ ଶ୍ରୀଃ ॥
7.34. ଅଧ୍ଯାଯଃ 034
Mahabharata - Drona Parva - Chapter Topics
ଦ୍ରୋଣେନ ପଦ୍ମବ୍ଯୂହରଚନା॥ 1 ॥Mahabharata - Drona Parva - Chapter Text
7-34-0 (46250)
ସଞ୍ଜଯ ଉବାଚ। 7-34-0x (4338)
ସ୍ଥିରୋ ଭବ ମହାରାଜ ଶୋକଂ ଧାରଯ ଦୁର୍ଧରମ୍।
ମହାନ୍ତଂ ବନ୍ଧୁନାଶଂ ତେ କଥଯିଷ୍ଯାମି ତଚ୍ଛୃଶୁ॥ 7-34-1 (46251)
ପଦ୍ମବ୍ଯୂହୋ ମହାରାଜ ଆଚାର୍ଯେଣାଭିକଲ୍ପିତଃ।
ତତ୍ର ପଦ୍ମୋପମାଃ ସର୍ବେ ରାଜାନୋ ବିନିବେଶିତାଃ॥ 7-34-2 (46252)
କୁମାରା ରାଜଲୋକସ୍ଯ ନିକ୍ଷିପ୍ତାଃ କେସରୋପାମାଃ।
କର୍ଣିକାସ୍ଥୋ ମହାରାଜ ତସ୍ଯ ଦୁର୍ଯୋଧନୋଽଭବତ୍॥ 7-34-3 (46253)
କୃତାଭିସମଯାଃ ସର୍ବେ ସୁବର୍ଣବିକୃତଧ୍ବଜାଃ।
ରକ୍ତାମ୍ବରଧରାଃ ସର୍ବେ ସର୍ବେ ରକ୍ତବିଭୂଷଣାଃ॥ 7-34-4 (46254)
ସର୍ବେ ରକ୍ତପତାକାଶ୍ଚ ସର୍ବେ ବୈ ହେମମାଲିନଃ।
ଚନ୍ଦନାଗୁରୁଦିଗ୍ଧାଙ୍ଗାଃ ସ୍ରଗ୍ବିଣଃ ସୂକ୍ଷ୍ମବାସସଃ॥ 7-34-5 (46255)
ସହିତାଃ ପର୍ଯଧାବନ୍ତ କାର୍ଷ୍ଣି ପ୍ରତିଯୁଯୁତ୍ସବଃ।
ତେଷାଂ ଦଶସହସ୍ରାଣି ବଭୂବୁର୍ଦୃଢଧନ୍ବିନାମ୍॥ 7-34-6 (46256)
ପୌତ୍ରଂ ତବ ପୁରସ୍କୃତ୍ଯ ଲକ୍ଷ୍ମଣଂ ପ୍ରିଯଦର୍ଶନମ୍।
ଅନ୍ଯୋନ୍ଯସମଦୁଃଖାସ୍ତେ ଅନ୍ଯୋନ୍ଯସମସାହସାଃ॥ 7-34-7 (46257)
ଅନ୍ଯୋନ୍ଯଂ ସ୍ପର୍ଧମାନାଶ୍ଚ ଅନ୍ଯୋନ୍ଯସ୍ଯ ହିତେ ରତାଃ।
ଦୁର୍ଯୋଧନସ୍ତୁ ରାଜେନ୍ଦ୍ର ସୈନ୍ଯମଧ୍ଯେ ବ୍ଯବସ୍ଥିତଃ॥ 7-34-8 (46258)
କର୍ଣଦୁଃଶାସନକୃପୈର୍ବୃତୋ ରାଜା ମହାରଥୈଃ।
ଦେବରାଜୋପମଃ ଶ୍ରୀମାଞ୍ଶ୍ବେତଚ୍ଛତ୍ରାଭିସଂବୃତଃ॥ 7-34-9 (46259)
ଚାମରବ୍ଯଜନାକ୍ଷେପୈରୁଦଯନ୍ନିବ ଭାସ୍କରଃ।
ପ୍ରମୁଖେ ତସ୍ଯ ସୈନ୍ଯସ୍ଯ ଦ୍ରୋଣୋଽବସ୍ଥିତ ନାଯକଃ॥ 7-34-10 (46260)
ସିନ୍ଧୁରାଜସ୍ତଥାଽତିଷ୍ଠଚ୍ଛ୍ରୀମାନ୍ମେରୁରିବାଚଲଃ।
ସିନ୍ଧୁରାଜସ୍ଯ ପାର୍ଶ୍ବସ୍ଥା ଅଶ୍ବତ୍ଥାମପୁରୋଗମାଃ॥ 7-34-11 (46261)
ସୁତାସ୍ତବ ମହାରାଜ ତ୍ରିଂଶତ୍ତ୍ରିଦଶସନ୍ନିଭାଃ।
ଗାନ୍ଧାରରାଜଃ କିତବଃ ଶଲ୍ଯୋ ଭୂରିଶ୍ରବାସ୍ତଥା॥ 7-34-12 (46262)
ପାର୍ଶ୍ବତଃ ସିନ୍ଧୁରାଜସ୍ଯ ବ୍ଯରାଜନ୍ତ ମହାରଥାଃ।
ତତଃ ପ୍ରବବୃତେ ଯୁଦ୍ଧଂ ତୁମୁଲଂ ଲୋମହର୍ଷଣମ୍।
ତାବକାନାଂ ପରେଷାଂ ଚ ମୃତ୍ଯୁଂ କୃତ୍ବା ନିବର୍ତନମ୍॥ ॥ 7-34-13 (46263)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ତ୍ରଯୋଦଶଦିବସଯୁଦ୍ଧେ ଚତୁସ୍ତ୍ରିଂଶୋଽଧ୍ଯାଯଃ॥ 34 ॥
Mahabharata - Drona Parva - Chapter Footnotes
5-34-2 ଚକ୍ରବ୍ଯୂହ ଇତି ଝ.ପାଠଃ॥ 5-34-10 ପ୍ରମୁଖେଽଗ୍ରେ। ସୈନ୍ଯସ୍ଯ ନାଯକୋ ଦ୍ରୋଣଃ। ଅବସ୍ଥିତେତିଚ୍ଛନ୍ଦୋନୁରୋଧାଦ୍ବିସର୍ଗଲୋପଃ॥ 5-34-34 ଚତୁସ୍ତ୍ରିଂଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 035
॥ ଶ୍ରୀଃ ॥
7.35. ଅଧ୍ଯାଯଃ 035
Mahabharata - Drona Parva - Chapter Topics
ଯୁଧିଷ୍ଠିରେଣାଭିମନ୍ଯୁମ୍ପ୍ରତି ପଦ୍ମବ୍ଯୂହଭେଦନଚୋଦନା॥ 1 ॥Mahabharata - Drona Parva - Chapter Text
7-35-0 (46264)
ସଞ୍ଜଯ ଉବାଚ। 7-35-0x (4339)
ତଦନୀକମନାଧୃଷ୍ଟଂ ଭାରଦ୍ବାଜେନ ରକ୍ଷିତମ୍।
ପାର୍ଥାଃ ସମଭ୍ଯବର୍ତନ୍ତ ଭୀମସେନପୁରୋଗମାଃ॥ 7-35-1 (46265)
ସାତ୍ଯକିଶ୍ଚେକିତାନଶ୍ଚ ଧୃଷ୍ଟଦ୍ଯୁମ୍ନଶ୍ଚ ପାର୍ଷତଃ।
କୁନ୍ତିଭୋଜଶ୍ଚ ବିକ୍ରାନ୍ତୋ ଦ୍ରୁପଦଶ୍ଚ ମହାରଥଃ॥ 7-35-2 (46266)
ଆର୍ଜୁନିଃ କ୍ଷତ୍ରଧର୍ମା ଚ ବୃହତ୍କ୍ଷତ୍ରଶ୍ଚ ବୀର୍ଯବାନ୍।
ଚେଦିପୋ ଧୃଷ୍ଟକେତୁଶ୍ଚ ମାଦ୍ରୀପୁତ୍ରୌ ଘଟୋତ୍କଚଃ॥ 7-35-3 (46267)
ଯୁଧାମନ୍ଯୁଶ୍ଚ ବିକ୍ରାନ୍ତଃ ଶିଖଣ୍ଡୀ ଚାପରାଜିତଃ।
ଉତକ୍ତମୌଜାଶ୍ଚ ଦୁର୍ଧର୍ଷୋ ବିରାଟଶ୍ଚ ମହାରଥଃ॥ 7-35-4 (46268)
ଦ୍ରୌପଦେଯାଶ୍ଚ ସଂରବ୍ଧାଃ ଶୈଶୁପାଲିଶ୍ଚ ବୀର୍ଯବାନ୍।
କେକଯାଶ୍ଚ ମହାବୀର୍ଯାଃ ସୃଞ୍ଜଯାଶ୍ଚ ସହସ୍ରଶଃ॥ 7-35-5 (46269)
ଏତେ ଚାନ୍ଯେ ଚ ସଗଣାଃ କୃତାସ୍ତ୍ରା ଯୁଦ୍ଧଦୁର୍ମଦାଃ।
ସମଭ୍ଯଧାବନ୍ସହସା ଭାରଦ୍ବାଜଂ ଯୁଯୁତ୍ସବଃ॥ 7-35-6 (46270)
ସମୀପେ ବର୍ତମାନାଂସ୍ତାନ୍ଭାରଦ୍ବାଜୋଽତିବୀର୍ଯବାନ୍।
ଅସମ୍ଭ୍ରାନ୍ତଃ ଶରୌଘେଣ ମହତା ସମବାରଯତ୍॥ 7-35-7 (46271)
ମହୌଘଃ ସଲିଲସ୍ଯେବ ଗିରିମାସାଦ୍ଯ ଦୁର୍ଭିଦମ୍।
ଦ୍ରୋଣଂ ତେ ନାଭ୍ଯବର୍ତନ୍ତ ବେଲାମିବ ଜଲାଶଯାଃ॥ 7-35-8 (46272)
ପୀଡ୍ଯମାନାଃ ଶରୈ ରାଜନ୍ଦ୍ରୋଣଚାପବିନିଃସୃତୈଃ।
ନ ଶେକୁଃ ପ୍ରମୁଖେ ସ୍ଥାତୁଂ ଭାରଦ୍ବାଜସ୍ଯ ପାଣ୍ଡବାଃ॥ 7-35-9 (46273)
ତଦଦ୍ଭୁତମପଶ୍ଯାମ ଦ୍ରୋଣସ୍ଯ ଭୁଜଯୋର୍ବଲମ୍।
ଯଦେନଂ ନାଭ୍ଯବର୍ତନ୍ତ ପାଞ୍ଚାଲାଃ ସୃଞ୍ଜଯୈଃ ସହ॥ 7-35-10 (46274)
ତମାଯାନ୍ତମଭିକ୍ରୁଦ୍ଧଂ ଦ୍ରୋଣଂ ଦୃଷ୍ଟ୍ବା ଯୁଧିଷ୍ଠିରଃ।
ବହୁଧା ଚିନ୍ତଯାମାସ ଦ୍ରୋଣସ୍ଯ ପ୍ରତିବାରଣମ୍॥ 7-35-11 (46275)
ଅଶକ୍ଯଂ ତୁ ତମନ୍ଯେନ ଦ୍ରୋଣଂ ମତ୍ତ୍ବା ଯୁଧିଷ୍ଠିରଃ।
ଅବିଷହ୍ଯଂ ଗୁର ଭାରଂ ସୌଭଦ୍ରେ ସମବାସୃଜତ୍॥ 7-35-12 (46276)
ବାସୁଦେବାଦନବରଂ ଫଲ୍ଗୁନାଚ୍ଚାମିତୌଜସମ୍।
ଅବ୍ରବୀତ୍ପରବୀରଘ୍ନମଭିମନ୍ଯୁମିଦଂ ବଚଃ॥ 7-35-13 (46277)
ଯୁଧିଷ୍ଠିର ଉବାଚ। 7-35-14x (4340)
ଏତ୍ଯ ନୋ ନାର୍ଜୁନୋ ଗର୍ହେଦ୍ଯଥା ତାତ ତଥା କୁରୁ।
ଦ୍ରୋଣାନୀକସ୍ଯ ନ ବଯଂ ବିଦ୍ମୋ ଭେଦଂ କଥଞ୍ଚନ॥ 7-35-14 (46278)
ତ୍ବଂ ବାଽର୍ଜୁନୋ ବା କୃଷ୍ଣୋ ବା ଭିନ୍ଦ୍ଯାତ୍ପ୍ରଦ୍ଯୁମ୍ନ ଏବ ବା।
ଦ୍ରୋଣାନୀକଂ ମହାବାହୋ ପଞ୍ଚମୋ ନୋପପଦ୍ଯତେ॥ 7-35-15 (46279)
ଅଭିମନ୍ଯୋ ବରଂ ତାତ ଯାଚେ ତ୍ବାଂ ଦାତୁମର୍ହସି।
ପିତୄଣାଂ ମାତୁଲାନାଂ ଚ ସୈନ୍ଯାନାଂ ଚୈବ ସର୍ବଶଃ॥ 7-35-16 (46280)
ଧନଞ୍ଜଯୋ ହି ନସ୍ତାତ ଗର୍ହଯେଦେତ୍ଯ ସଂଯୁଗାତ୍।
କ୍ଷିପ୍ରମସ୍ତ୍ରଂ ସମାଦାଯ ଦ୍ରୋଣାନୀକଂ ବିଶାତଯ॥ 7-35-17 (46281)
ଅଭିମନ୍ଯୁରୁବାଚ। 7-35-18x (4341)
ଦ୍ରୋଣସ୍ଯ ଦୃଢମତ୍ଯୁଗ୍ରମନୀକପ୍ରବରଂ ଯୁଧି।
ପିତୄଣାଂ ଜଯମାକାଙ୍କ୍ଷନ୍ନବଗାହେଽବିଲମ୍ବିତମ୍॥ 7-35-18 (46282)
ଉପଦିଷ୍ଟୋ ହି ମେ ପିତ୍ରା ଯୋଗୋଽନୀକବିଶାତନେ।
ନୋତ୍ସହେ ହି ବିନିର୍ଗନ୍ତୁମହଂ କସ୍ଯାଞ୍ଚିଦାପଦି॥ 7-35-19 (46283)
ଯୁଧିଷ୍ଠିର ଉବାଚ। 7-35-20x (4342)
ଭିନ୍ଧ୍ଯନୀକଂ ଯୁଧାଂଶ୍ଚେଷ୍ଠ ଦ୍ବାରଂ ସଞ୍ଜନଯସ୍ବ ନଃ।
ବଯଂ ତ୍ବାଽନୁଗମିଷ୍ଯାମୋ ଯେନ ତ୍ବଂ ତାତ ଯାସ୍ଯସି॥ 7-35-20 (46284)
ଧନଞ୍ଜଯସମଂ ଯୁଦ୍ଧେ ତ୍ବାଂ ବଯଂ ତାତ ସଂଯୁତେ।
ପ୍ରଣିଧାଯାନୁଯାସ୍ଯାମୋ ରକ୍ଷନ୍ତଃ ସର୍ବତୋମୁଖାଃ॥ 7-35-21 (46285)
ଭୀମ ଉବାଚ। 7-35-22x (4343)
ଅହଂ ତ୍ବାଽନୁଗମିଷ୍ଯାମି ଧୃଷ୍ଟଦ୍ଯୁମ୍ନୋଽଥ ସାତ୍ଯକିଃ।
ପାଞ୍ଚଲାଃ କେକଯା ମାତ୍ସ୍ଯାସ୍ତଥା ସର୍ବେ ପ୍ରଭଦ୍ରକାଃ॥ 7-35-22 (46286)
ସକୃଦ୍ଭିନ୍ନଂ ତ୍ବଯା ବ୍ଯୂହଂ ତତ୍ର ତତ୍ର ପୁନଃ ପୁନଃ।
ବଯଂ ପ୍ରଧ୍ବଂସଯିଷ୍ଯାମୋ ନିଘ୍ନାମାନା ବରାନ୍ବରାନ୍॥ 7-35-23 (46287)
ଅଭିମନ୍ଯୁରୁବାଚ। 7-35-24x (4344)
ଅହମେତତ୍ପ୍ରବେକ୍ଷ୍ଯାମି ଦ୍ରୋଣାନୀକଂ ଦୁରାସଦମ୍।
ପତଙ୍ଗ ଇବ ସଙ୍କ୍ରୁଦ୍ଧୋ ଜ୍ବଲିତଂ ଜାତବେଦସମ୍॥ 7-35-24 (46288)
ତତ୍କର୍ମାଦ୍ଯ କରିଷ୍ଯାମି ହିତଂ ଯଦ୍ବଂଶଯୋର୍ଦ୍ବଯୋଃ।
ମାତୁଲସ୍ଯ ଚ ଯତ୍ପ୍ରୀତିଂ କରିଷ୍ଯତି ପିତୁଶ୍ଚ ମେ॥ 7-35-25 (46289)
ଶିଶୁନୈକେନ ସଙ୍ଗ୍ରମେ କାଲ୍ଯମାନାନି ସଙ୍ଘଶଃ।
ଦ୍ରକ୍ଷ୍ଯନ୍ତି ସର୍ବଭୂତାନି ଦ୍ବିଷତ୍ସୈନ୍ଯାନି ବୈ ମଯା॥ 7-35-26 (46290)
ନାହଂ ପାର୍ଥେନ ଜାତଃ ସ୍ଯାଂ ନ ଚ ଜାତଃ ସୁଭଦ୍ରଯା।
ଯଦି ମେ ସଂଯୁଗେ କଶ୍ଚିଜ୍ଜୀବିତୋ ନାଦ୍ଯ ମୁଚ୍ଯତେ॥ 7-35-27 (46291)
ଯଦି ଚୈକରଥେନାହଂ ସମଗ୍ରଂ କ୍ଷତ୍ରମଣ୍ଡଲମ୍।
ନ କରୋମ୍ଯଷ୍ଟଧା ଯୁଦ୍ଧେ ନ ଭବାମ୍ଯର୍ଜୁନାତ୍ମଜଃ॥ 7-35-28 (46292)
ଯୁଧିଷ୍ଠିର ଉବାଚ। 7-35-29x (4345)
ଏବଂ ତେ ଭାଷମାଣସ୍ଯ ବଲଂ ସୌଭଦ୍ର ବର୍ଧତାମ୍।
ଯତ୍ସମୁତ୍ସହସେ ଭେତ୍ତୁଂ ଦ୍ରୋଣାନୀକଂ ଦୁରାସଦମ୍॥ 7-35-29 (46293)
ରକ୍ଷିତଂ ପୁରୁଷବ୍ଯାଘ୍ରୈର୍ମହେଷ୍ବାସୈର୍ମହାବଲୈ।
ସାଧ୍ଯରୁଦ୍ରମରୁତ୍ତୁଲ୍ଯୈର୍ବସ୍ବଗ୍ନ୍ଯାଦିତ୍ଯବିକ୍ରମୈଃ॥ 7-35-30 (46294)
ସଞ୍ଜଯ ଉବାଚ। 7-35-31x (4346)
ତସ୍ଯ ତଦ୍ବଚନଂ ଶ୍ରୁତ୍ବା ସ ଯନ୍ତାରମଚୋଦଯତ୍॥ 7-35-31 (46295)
ସୁମିତ୍ରାଶ୍ବାନ୍ରଣେ କ୍ଷିପ୍ରଂ ଦ୍ରୋଣାନୀକାଯ ଚୋଦଯ॥ ॥ 7-35-32 (46296)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ତ୍ରଯୋଧଶଦିବସଯୁଦ୍ଧେ ପଞ୍ଚତ୍ରିଂଶୋଽଧ୍ଯାଯଃ॥ 35 ॥
Mahabharata - Drona Parva - Chapter Footnotes
5-35-16 ମାତୁଲାନାଂ ସାତ୍ଯକିପ୍ରଭୃତୀନାମ୍॥ 5-35-19 ଯୋଗ ଉପାଯୋ ଯୁକ୍ତିର୍ବା ॥ 5-35-21 ପ୍ରଣିଧାଯ ପ୍ରବିଶ୍ଯ॥ 5-35-35 ପଞ୍ଚତ୍ରିଂଶୋଃଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 036
॥ ଶ୍ରୀଃ ॥
7.36. ଅଧ୍ଯାଯଃ 036
Mahabharata - Drona Parva - Chapter Topics
ଅଭିମନ୍ଯୁଯୁଦ୍ଧବର୍ଣନମ୍॥ 1 ॥Mahabharata - Drona Parva - Chapter Text
7-36-0 (46297)
ସଞ୍ଜଯ ଉବାଚ। 7-36-0x (4347)
ସୌଭଦ୍ରସ୍ତଦ୍ବଚଃ ଶ୍ରୁତ୍ବା ଧର୍ମରାଜସ୍ଯ ଧୀମତଃ।
ଅଚୋଦଯତ ଯନ୍ତାରଂ ଦ୍ରୋଣାନୀକାଯ ଭାରତ॥ 7-36-1 (46298)
ତେନ ସଞ୍ଚୋଦ୍ଯମାନସ୍ତୁ ଯାହିଯାହୀତି ସାରଥିଃ।
ପ୍ରତ୍ଯୁବାଚ ତତୋ ରାଜନ୍ନଭିମନ୍ଯୁମିଦଂ ବଚଃ॥ 7-36-2 (46299)
ଅତିଭାରୋଽଯମାଯୁଷ୍ମନ୍ନାହିତସ୍ତ୍ବଯି ପାଣ୍ଡବୈଃ।
ସମ୍ପ୍ରଧାର୍ଯ କ୍ଷଣଂ ବୁଦ୍ଧ୍ଯା ତତସ୍ତ୍ବଂ ଯୋଦ୍ଧୁମର୍ହସି॥ 7-36-3 (46300)
ଆଚାର୍ଯୋ ହି କୃତୀ ଦ୍ରୋଣଃ ପରମାସ୍ତ୍ରେ କୃତଶ୍ରମଃ।
ତ୍ବଂ ତୁ ବାଲଃ ସ ବଲବାନ୍ସଙ୍ଗ୍ରାମାଣାମକୋବିଦଃ॥ 7-36-4 (46301)
ତତୋଽଭିମନ୍ଯୁଃ ପ୍ରହସନ୍ସାରଥିଂ ବାକ୍ଯମବ୍ରବୀତ୍।
ସାରଥେ କୋନ୍ବଯଂ ଦ୍ରୋଣଃ ସମଗ୍ରଂ କ୍ଷତ୍ରମେବ ବା॥ 7-36-5 (46302)
`ବ୍ଯବସାଯୋ ହି ମେ ଯୋଦ୍ଧୁଂ ରଣୋତ୍ସବସମୁଦ୍ଯତଃ'।
ଐରାବତଗତଂ ଶକ୍ରଂ ସହାମରଗଣୈରହମ୍॥ 7-36-6 (46303)
ଅଥବା ରୁଦ୍ରମୀଶାନଂ ସର୍ବଭୂତଗଣାର୍ଚିତମ୍।
ଯୋଧଯେଯଂ ରଣମୁଖେ ନ ମେ କ୍ଷତ୍ରେଽଦ୍ଯ ବିସ୍ମଯଃ॥ 7-36-7 (46304)
`ଯଚ୍ଚୈତତ୍ପଶ୍ଯସେ ସୂତ ସଯୋଧାଶ୍ବରଥଦ୍ବିପମ୍'।
ତନ୍ମମାଦ୍ଯ ଦ୍ବିଷତ୍ସୈନ୍ଯଂ କଲାମର୍ହତି ଷୋଡଶୀମ୍॥ 7-36-8 (46305)
ଅପି ବିଶ୍ବଜିତଂ ବିଷ୍ଣୁଂ ମାତୁଲଂ ପ୍ରାପ୍ଯ ସୂତଜ।
ପିତରଂ ଚାର୍ଜୁନଂ ଯୁଦ୍ଧେ ନ ଭୀର୍ମାମୁପଯାସ୍ଯତି॥ 7-36-9 (46306)
ସଞ୍ଜଯ ଉବାଚ। 7-36-10x (4348)
ଏବମପ୍ଯୁଚ୍ଯମାନଃ ସ ସାରଥିସ୍ତଂ ପୁନଃ ପୁନଃ।
ବୀର ତେ ତେନ ମା ଯୁଦ୍ଧମିତି ସୌଭଦ୍ରମବ୍ରବୀତ୍'॥ 7-36-10 (46307)
ଅଭିମନ୍ଯୁଶ୍ଚ ତାଂ ବାଚଂ କଦର୍ଥୀକୃତ୍ଯ ସାରଥେଃ।
ଯାହୀତ୍ଯେବାବ୍ରବୀଦେନଂ ଦ୍ରୋଣାନୀକାଯ ମାଚିରମ୍॥ 7-36-11 (46308)
ତତଃ ସନ୍ନୋଦଯାମାସ ହଯାନାଶୁ ତ୍ରିହାଯନାନ୍।
ନାତିହୃଷ୍ଟମନାଃ ସୂତୋ ହେମଭାଣ୍ଡପରିଚ୍ଛଦାନ୍॥ 7-36-12 (46309)
ତେ ପ୍ରେଷିତାଃ ସୁମିତ୍ରେଣ ଦ୍ରୋଣାନୀକାଯ ବାଜିନଃ।
ଦ୍ରୋଣମଭ୍ଯଦ୍ରବନ୍ରାଜନ୍ମହାବେଗା ମହାବଲାଃ॥ 7-36-13 (46310)
ତମୁଦୀକ୍ଷ୍ଯ ତଥାଯାନ୍ତଂ ସର୍ବେ ଦ୍ରୋଣପୁରୋଗମାଃ।
ଅଭ୍ଯବର୍ତନ୍ତ କୌରବ୍ଯାଃ ପାଣ୍ଡବାଶ୍ଚ ତମନ୍ବଯୁଃ॥ 7-36-14 (46311)
ସକର୍ଣିକାରପ୍ରବରୋଚ୍ଛ୍ରିତଧ୍ବଜଃ
ସୁବର୍ଣବର୍ମାଽଽର୍ଜୁନିରର୍ଜୁନାଦ୍ବରଃ।
ଯୁଯୁତ୍ସଯା ଦ୍ରୋଣମୁଖାନ୍ମହାରଥାନ୍
ସମାସଦତ୍ସିଂହଶିଶୁର୍ଯଥା ଦ୍ବିପାନ୍॥ 7-36-15 (46312)
ତେ ବିଂଶତିପଦେ ଯତ୍ତାଃ ସମ୍ପ୍ରହାରଂ ପ୍ରଚକ୍ରିରେ।
ଆସୀଦ୍ଗାଙ୍ଗ ଇବାବର୍ତୋ ମୁହୂର୍ତମୁଦଧାବିବ॥ 7-36-16 (46313)
ଶୂରାଣାଂ ଯୁଧ୍ଯମାନାନାଂ ନିଘ୍ନତାମିତରେତରମ୍।
ସଙ୍ଗ୍ରାମସ୍ତୁମୁଲୋ ରାଜନ୍ପ୍ରାବର୍ତତ ସୁଦାରୁଣଃ॥ 7-36-17 (46314)
ପ୍ରବର୍ତମାନେ ସଙ୍ଗ୍ରାମେ ତସ୍ମିନ୍ନତିଭଯଙ୍କରେ।
ଦ୍ରୋଣସ୍ଯ ମିଷତୋ ବ୍ଯୂହଂ ଭିତ୍ତ୍ବା ବ୍ଯଚରଦାର୍ଜୁନିଃ॥ 7-36-18 (46315)
`ତଦଭେଦ୍ଯମନାଧୃଷ୍ଯଂ ଦ୍ରୋଣାନୀକଂ ସୁଦୁର୍ଜଯମ୍।
ଭିତ୍ତ୍ବାର୍ଜୁନିରସମ୍ଭ୍ରାନ୍ତୋ ବିବେଶାଚିନ୍ତ୍ଯବିକ୍ରମଃ'॥ 7-36-19 (46316)
ତଂ ପ୍ରବିଷ୍ଟଂ ବିନିଘ୍ନନ୍ତଂ ଶତ୍ରୁସଙ୍ଘାନ୍ମହାବଲମ୍।
ହସ୍ତ୍ଯଶ୍ବରଥପତ୍ତ୍ଯୌଘାଃ ପରିବବ୍ରୁରୁଦାଯୁଧାଃ॥ 7-36-20 (46317)
ନାନାବାଦିତ୍ରନିନଦୈଃ କ୍ଷ୍ବେଡିତୋତ୍କ୍ରୁଷ୍ଟଗର୍ଜିତୈଃ।
ହୁଙ୍କାରୈଃ ସିଂହନାଦୈଶ୍ଚ ତିଷ୍ଠ ତିଷ୍ଠେତି ନିଃସ୍ବନୈଃ॥ 7-36-21 (46318)
ଘୋରୈର୍ହଲହଲାଶବ୍ଦୈର୍ମାଗାସ୍ତିଷ୍ଠୈହି ମାମିତି।
ଅସାବହମମିତ୍ରେତି ପ୍ରବଦନ୍ତୋ ମୁହୁର୍ମୁହୁଃ॥ 7-36-22 (46319)
ବୃଂହିତୈଃ ଶିଞ୍ଜିତୈର୍ହାସୈଃ କରନେମିସ୍ବନୈରପି।
ସନ୍ନାଦଯନ୍ତୋ ବସୁଧାମଭିଦୁଦ୍ରୁବୁରାର୍ଜୁନିମ୍॥ 7-36-23 (46320)
ତେଷାମାପତତାଂ ବୀରଃ ଶୀଘ୍ରଯୋଧୀ ମହାବଲଃ।
କ୍ଷିପ୍ରାସ୍ତ୍ରୋ ନ୍ଯବଧୀଦ୍ରାଜନ୍ମର୍ମଜ୍ଞୋ ମର୍ମଭେଦିଭିଃ॥ 7-36-24 (46321)
ତେ ହନ୍ଯମାନା ବିବଶା ନାନାଲିଙ୍ଗୈଃ ଶିତୈଃ ଶରୈଃ।
ଅଭିପେତୁଃ ସୁବହୁଶଃ ଶଲଭା ଇବ ପାବକମ୍॥ 7-36-25 (46322)
ତତସ୍ତେଷାଂ ଶରୀରୈଶ୍ଚ ଶରୀରାବଯବୈଶ୍ଚ ସଃ।
ସନ୍ତଂସ୍ତାର କ୍ଷିତିଂ କ୍ଷିପ୍ରଂ କୁଶୈର୍ବେଦିମିବାଧ୍ବରେ॥ 7-36-26 (46323)
ବଦ୍ଧଗୋଧାଙ୍ଗୁଲିତ୍ରାଣାନ୍ସଶରାସନସାଯକାନ୍।
ସାସିଚର୍ମାଙ୍କୁଶାଭୀଷୂନ୍ସତୋମରପରଶ୍ବଥାନ୍॥ 7-36-27 (46324)
ସଗଦାଯୋଗୁଡପ୍ରାସାନ୍ସର୍ଷ୍ଟିତୋମରପଟ୍ଟସାନ୍।
ସଭିଣ୍ଡିପାଲପରିଘାନ୍ଯଶକ୍ତିବରକମ୍ପନାନ୍॥ 7-36-28 (46325)
ସପ୍ରତୋଦମହାଶଙ୍ଖାନ୍ସକୁନ୍ତାନ୍ସକଚଗ୍ରହାନ୍।
ସମୁଦ୍ଗରକ୍ଷେପଣୀଯାନ୍ସପାଶପରିଘୋପଲାନ୍॥ 7-36-29 (46326)
ସକେଯୂରାଙ୍ଗଦାନ୍ବାହୂନ୍ହୃଦ୍ଯଗନ୍ଧାନୁଲେପନାନ୍।
ସ଼ଞ୍ଚିଚ୍ଛେଦାର୍ଜୁନିର୍ବୃତ୍ତାଂସ୍ତ୍ବଦୀଯାନାଂ ସହସ୍ରଶଃ॥ 7-36-30 (46327)
ତୈଃ ସ୍ଫୁରଦ୍ଭିର୍ମହାରାଜ ଶୁଶୁଭେ ଭୂଃ ସୁଲୋହିତୈଃ।
ପଞ୍ଚାସ୍ଯୈଃ ପନ୍ନଗୈଶ୍ଛିନ୍ନୈର୍ଗରୁଡେନେବ ମାରିଷ॥ 7-36-31 (46328)
ସୁନାସାନନକେଶାନ୍ତୈରବ୍ରଣୈଶ୍ଚାରୁକୁଣ୍ଡଲୈଃ।
ସନ୍ଦଷ୍ଟୌଷ୍ଠପୁଟୈଃ କ୍ରୋଧାତ୍କ୍ଷରଦ୍ଭିଃ ଶୋଣିତଂ ବହୁ॥ 7-36-32 (46329)
ସଚାରୁମୁକୁଟୋଷ୍ଣୀଷୈର୍ମଣିରତ୍ନବିଭୂଷିତୈଃ।
ବିନାଲନଲିନାକାରୈର୍ଦିବାକରଶଶିପ୍ରଭୈଃ॥ 7-36-33 (46330)
ହିତପ୍ରିଯଂବଦୈଃ କାଲେ ବହୁଭିଃ ପୁଣ୍ଯଗନ୍ଧିଭିଃ।
ଦ୍ବିଷଚ୍ଛିରୋଭିଃ ପୃଥିବୀଂ ସ ବୈ ତସ୍ତାର ଫାଲ୍ଗୁନିଃ॥ 7-36-34 (46331)
ଗନ୍ଧର୍ବନଗରାକାରାନ୍ବିଧିବତ୍କଲ୍ପିତାନ୍ରଥାନ୍।
ବୀଷାମୁଖାନ୍ବିତ୍ରିବେଣୂନ୍ନ୍ଯସ୍ତଦଣ୍ଡକବନ୍ଧୁରାନ୍॥ 7-36-35 (46332)
ବିଜଙ୍ଘାକୂବରାଂସ୍ତତ୍ର ବିନେମୀଂଶ୍ର ବ୍ଯରାନପି।
ବିଚକ୍ରୋପସ୍କରୋପସ୍ଥାନ୍ଭଗ୍ନୋପକରଣାନପି॥ 7-36-36 (46333)
`ସମାସ୍ଥିତାନ୍ଯୋଧବରୈର୍ଦାନ୍ତାଶ୍ବାନ୍ସାଧୁସାରଥୀନ୍।
ବିପତାକାଧ୍ବଜଚ୍ଛତ୍ରାନ୍ବିତୂଣୀରାଯୁଧାନପି॥ 7-36-37 (46334)
ପ୍ରପାତିତୋପସ୍ତରଣାନ୍ହତଯୋଧାନ୍ସହସ୍ରଶଃ।
ଶରୈର୍ବିଶକଲୀକୁର୍ବନ୍ଦିକ୍ଷୁ ସର୍ବାସ୍ବଦୃଶ୍ଯତ॥ 7-36-38 (46335)
ପୁନର୍ଦ୍ବିପାନ୍ଦ୍ବିପାରୋହାନ୍ବୈଜଯନ୍ତ୍ଯଙ୍କୁଶଧ୍ବଜାନ୍।
ତୂଣାନ୍ବର୍ମାଣ୍ଯଥୋ କକ୍ଷ୍ଯା ଗ୍ରୈବେଯାଂଶ୍ଚ ସକମ୍ବଲାନ୍॥ 7-36-39 (46336)
ଘଣ୍ଟାଃ ଶୁଣ୍ଡାବିଷାଣାଗ୍ରାଞ୍ଛତ୍ରମାଲାଃ ପଦାନୁଗାନ୍।
ଶରୈର୍ନିଶିତଧାରାଗ୍ରୈଃ ଶାତ୍ରବାଣାମଶାତଯତ୍॥ 7-36-40 (46337)
ବନାଯୁଜାନ୍ପାର୍ବତୀଯାନ୍କାମ୍ଭୋଜାନଥ ବାହ୍ଲିକାନ୍।
ସ୍ଥିରବାଲଧିକର୍ଣାକ୍ଷାଞ୍ଜବନାନ୍ସାଧୁବାହିନଃ॥ 7-36-41 (46338)
ଆରୂଢାଞ୍ଶିକ୍ଷିତୈର୍ଯୋଧୈଃ ଶକ୍ତ୍ଯୃଷ୍ଟିପ୍ରାସଯୋଧିଭିଃ।
ବିଧ୍ବସ୍ତଚାମରମୁଖାନ୍ବିପ୍ରବିଦ୍ଧପ୍ରକୀର୍ଣକାନ୍॥ 7-36-42 (46339)
ନିରସ୍ତଜିହ୍ବାନଯନାନ୍ନିଷ୍କୀର୍ଣାନ୍ତ୍ରଯକୃଦ୍ଧନାନ୍।
ହତାରୋହାଂଶ୍ଛିନ୍ନଘଣ୍ଟାନ୍କ୍ରବ୍ଯାଦଗଣମୋଦକାନ୍॥ 7-36-43 (46340)
ନିକୃତ୍ତଚର୍ମକବଚାଞ୍ଶକୃନ୍ମୂତ୍ରାସୃଗାପ୍ଲୁତାନ୍।
ନିପାତଯନ୍ନଶ୍ବବରାଂସ୍ତାବକାନ୍ସ ବ୍ଯରୋଚତ।
ଏକୋ ବିଷ୍ଣୁରିବାଚିନ୍ତ୍ଯଂ କୃତ୍ବା କର୍ମ ସୁଦୁଷ୍କରମ୍॥ 7-36-44 (46341)
ତଥା ନିର୍ମାଥିତଂ ତେନ ଚତୁରଙ୍ଗବଲଂ ମହତ୍।
ଯଥାଽସୁରବଲଂ ଘୋରଂ ତ୍ର୍ଯମ୍ବକେନ ମହୌଜସା॥ 7-36-45 (46342)
କୃତ୍ବା କର୍ମ ରଣେଽସହ୍ଯଂ ପରୈରାର୍ଜୁନିରାହବେ।
ଅଭିନଚ୍ଚ ପଦାତ୍ଯୋଘାଂସ୍ତ୍ବଦୀଯାନେବ ସର୍ବଶଃ॥ 7-36-46 (46343)
ଏବମେକେନ ତାଂ ସେନାଂ ସୌଭଦ୍ରେଣ ସିତୈଃ ଶରୈଃ।
ଭୃଶଂ ବିପ୍ରହତାଂ ଦୃଷ୍ଟ୍ବା ସ୍କନ୍ଦେନେବାସୁରୀଂ ଚମୂମ୍॥ 7-36-47 (46344)
ତ୍ବଦୀଯାସ୍ତବ ପୁତ୍ରାଶ୍ଚ ବୀକ୍ଷମାଣା ଦିଶୋ ଦଶ।
ସଂଶୁଷ୍କାସ୍ଯାଶ୍ଚଲନ୍ନେତ୍ରାଃ ପ୍ରସ୍ବିନ୍ନା ରୋମହର୍ଷିଣଃ॥ 7-36-48 (46345)
ପଲାଯନକୃତୋତ୍ସାହା ନିରୁତ୍ସାହା ଦ୍ବିଷଜ୍ଜଯେ।
ଗୋତ୍ରନାମଭିରନ୍ଯୋନ୍ଯଂ କ୍ରନ୍ଦନ୍ତୋ ଜୀବିତୈଷିଣଃ॥ 7-36-49 (46346)
ହତାନ୍ପୁତ୍ରାନ୍ପିତୄନ୍ଭ୍ରାତୄନ୍ବନ୍ଧୂନ୍ସମ୍ବନ୍ଧିନସ୍ତଥା।
ପ୍ରାତିଷ୍ଠନ୍ତ ସମୁତ୍ସୃଜ୍ଯ ତ୍ବରଯନ୍ତୋ ହଯଦ୍ବିପାନ୍॥ ॥ 7-36-50 (46347)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ତ୍ରଯୋଦଶଦିବସଯୁଦ୍ଧେ ଷଟ୍ତ୍ରିଂଶୋଽଧ୍ଯାଯଃ॥ 36 ॥
Mahabharata - Drona Parva - Chapter Footnotes
5-36-16 ବିଂଶତିରିତି ବ୍ଯୂହପର୍ଯାଯଃ। ତଦୁକ୍ତଂ। ବିଂଶତ୍ଯଙ୍ଗତଯା ବ୍ଯୂହୋ ବିଂଶତିର୍ବ୍ଯପଦିଶ୍ଯତେ ଇତି। ବିଂଶତେଃ ପଦେ ରକ୍ଷଣେ। ପଦଂ ବ୍ଯବସିତତ୍ରାଣସ୍ଥାନଲକ୍ଷ୍ମାଙ୍ଗ୍ରିବସ୍ତୁଷ୍ବିତ୍ଯମରଃ। ତଂ ବିଶନ୍ତଂ ତତୋ ଯତ୍ତା ଇତି କ। ପାଠଃ। ତେ ବିଶନ୍ତଂ ମୁଦା ଯୁକ୍ତା ଇତି ଘ.ଙ. ପାଠଃ॥ 5-36-21 କ୍ଷ୍ବେଡିତଂ ଧ୍ବନିବିଶେଷଃ। ଉତ୍କ୍ରୁଷ୍ଟମାହ୍ବାନମ୍। ଗାର୍ଜିତଂ ହନ୍ଯନ୍ତାଂ ହନ୍ଯନ୍ତାମିତି ବଚଃ॥ 5-36-29 କଚଗ୍ରହୋଽଙ୍କୁଶଃ॥ 5-36-36 ଉପସ୍ଥୋ ରଥକ୍ରୋଡଃ॥ 5-36-43 ଯକୃତ୍କାଲଖଣ୍ଡମ୍॥ 5-36-45 ବ୍ଯଙ୍ଗଂ ତବ ବଲଂ ମହତ୍ ଇତି ଝ.ପାଠଃ॥ 5-36-36 ଷଟ୍ତ୍ରିଂଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 037
॥ ଶ୍ରୀଃ ॥
7.37. ଅଧ୍ଯାଯଃ 037
Mahabharata - Drona Parva - Chapter Topics
ଅଭିମନ୍ଯୁପରାକ୍ରମବର୍ଣନମ୍॥ 1 ॥Mahabharata - Drona Parva - Chapter Text
7-37-0 (46348)
ସଞ୍ଜଯ ଉବାଚ। 7-37-0x (4349)
ତାଂ ପ୍ରଭାଗ୍ନାଂ ଚମୂଂ ଦୃଷ୍ଟ୍ବା ସୌଭଦ୍ରେଣାମିତୌଜସା।
ଦୁର୍ଯୋଧନୋ ଭୃଶଂ କ୍ରୁଦ୍ଧଃ ସ୍ବଯଂ ସୌଭଦ୍ରମଭ୍ଯଯାତ୍॥ 7-37-1 (46349)
ତତୋ ରାଜାନମାବୃତ୍ତଂ ସୌଭଦ୍ରଂ ପ୍ରତି ସଂଯୁଗେ।
ଦୃଷ୍ଟ୍ବା ଦ୍ରୋଣୋଽବ୍ରବୀଦ୍ଯୋଧାନ୍ପରୀପ୍ସଧ୍ବଂ ନରାଧିପମ୍॥ 7-37-2 (46350)
ପୁରାଽଭିମନ୍ଯୁର୍ଲକ୍ଷଂ ନଃ ପଶ୍ଯତାଂ ହନ୍ତି ବୀର୍ଯବାନ୍।
ତମାଦ୍ରବତ ମାଭୈଷ୍ଟ କ୍ଷିପ୍ରଂ ରକ୍ଷତ କୌରବମ୍। 7-37-3 (46351)
ସଞ୍ଜଯ ଉବାଚ। 7-37-4x (4350)
`ଏବମୁକ୍ତାସ୍ତତସ୍ତେନ ଭାରଦ୍ବାଜେନ ଧୀମତା'।
କୃତଜ୍ଞାନବଲୋତ୍ସେଧାଃ ସୁହୃଦୋ ଜିତକାଶିନଃ।
ତ୍ରାସ୍ଯମାନା ଭଯାଦ୍ବୀରଂ ପରିବବ୍ରୁସ୍ତବାତ୍ମଜମ୍॥ 7-37-4 (46352)
ଦ୍ରୋଣୋ ଦ୍ରୌଣିଃ କୃପଃ କର୍ଣଃ କୃତବର୍ମା ଚ ସୌବଲଃ।
ବୃହଦ୍ବଲୋ ମଦ୍ରରାଜୋ ଭୂରିର୍ଭୂରିଶ୍ରବାଃ ଶଲଃ॥ 7-37-5 (46353)
ପୌରବୋ ବୃଷସେନଶ୍ଚ ବିସୃଜନ୍ତଃ ଶିତାଞ୍ଶରାନ୍।
ସୌଭଦ୍ରଂ ଶରବର୍ଷେଣ ମହତା ସମବାକିରନ୍॥ 7-37-6 (46354)
ସମ୍ମୋହଯିତ୍ବା ତମଥ ଦୁର୍ଯୋଧନମମୋଚଯନ୍।
ଆସ୍ଯାଦ୍ଗ୍ରାସମିବାକ୍ଷିପ୍ତଂ ମମୃଷେ ନାର୍ଜୁନାତ୍ମଜଃ॥ 7-37-7 (46355)
ତାଞ୍ଶରୌଘେଣ ମହତା ସାଶ୍ବସୂତାନ୍ମହାରଥାନ୍।
ବିମୁଖୀକୃତ୍ଯ ସୌଭଦ୍ରଃ ସିଂହନାଦମଥାନଦତ୍॥ 7-37-8 (46356)
ତସ୍ଯ ନାଦଂ ତତଃ ଶ୍ରୁତ୍ବା ସିଂହସ୍ଯେବାମିଷୈଷିଣଃ।
ନାମୃଷ୍ଯନ୍ତ ସୁସଂରବ୍ଧାଃ ପୁନର୍ଦ୍ରୋଣମୁଖା ରଥାଃ॥ 7-37-9 (46357)
ତ ଏନଂ କୋଷ୍ଠକୀକୃତ୍ଯ ରଥବଂଶେନ ମାରିଷ।
ବ୍ଯସୃଜନ୍ନିଷୁଜାଲାନି ନାନାଲିଙ୍ଗାନି ସଙ୍ଘଶଃ॥ 7-37-10 (46358)
ତାନ୍ଯନ୍ତରିକ୍ଷେ ଚିଚ୍ଛେଦ ପୌତ୍ରସ୍ତେ ନିଶିତୈଃ ଶରୈଃ।
ତାଂଶ୍ଚୈବ ପ୍ରତିବିବ୍ଯାଧ ତଦଦ୍ଭୁତମିବାଭବତ୍॥ 7-37-11 (46359)
`ତତୋ ରଥପଦାତ୍ଯୋଘାଃ କୁଞ୍ଜରାଃ ସାଦିନଶ୍ଚ ହ'।
କୋପିତାସ୍ତେନ ଶୂରେଣ ଶରୈରାଶୀବିଷୋପମୈଃ।
ପରିବବ୍ରୁର୍ଜିଘାଂସନ୍ତଃ ସୌଭଦ୍ରମପରାଜିତମ୍॥ 7-37-12 (46360)
ସମୁଦ୍ରମିବ ପର୍ଯସ୍ତଂ ତ୍ବଦୀଯଂ ତଂ ବଲାର୍ଣବମ୍।
ଦଧାରୈକୋଽର୍ଜୁନିର୍ବାଣୈର୍ବେଲେବୋଦ୍ବୃତ୍ତମର୍ଣବମ୍॥ 7-37-13 (46361)
ଶୂରାଣାଂ ଯୁଧ୍ଯମାନାନାଂ ନିଘ୍ନତାମିତରେତରମ୍।
ଅଭିମନ୍ଯୋଃ ପରେଷାଂ ଚ ନାସୀତ୍କଶ୍ଚିତ୍ପରାଙ୍ମୁଖଃ॥ 7-37-14 (46362)
ତସ୍ମିଂସ୍ତୁ ଘୋରେ ସଙ୍ଗ୍ରାମେ ବର୍ତମାନେ ଭଯଙ୍କରେ।
ଦୁଃସହୋ ନବଭିର୍ବାଣୈରଭିମନ୍ଯୁମବିଧ୍ଯତ॥ 7-37-15 (46363)
ଦୁଃଶାନୋ ଦ୍ବାଦଶଭିଃ କୃପଃ ଶାରଦ୍ବତସ୍ତ୍ରିଭିଃ।
ଦ୍ରୋଣସ୍ତୁ ସପ୍ତଦଶଭିଃ ଶରୈରାଶୀବିଷୋପମୈଃ॥ 7-37-16 (46364)
ବିବିଂଶତିସ୍ତୁ ସପ୍ତତ୍ଯା କୃତବର୍ମା ଚ ସପ୍ତଭିଃ।
ବୃହଦ୍ବଲସ୍ତଥାଽଷ୍ଟାଭିରଶ୍ବତ୍ଥାମା ଚ ସପ୍ତଭିଃ॥ 7-37-17 (46365)
ଭୂରିଶ୍ରବାସ୍ତ୍ରିଭିର୍ବାଣୈର୍ମଦ୍ରେଶଃ ଷଙ୍ଭିରାଶୁଗୈଃ।
ଦ୍ବାଭ୍ଯାଂ ଶରାଭ୍ଯାଂ ଶକୁନିସ୍ତ୍ରିଭିର୍ଦୁର୍ଯୋଧନୋ ନୃପଃ॥ 7-37-18 (46366)
ସ ତୁ ତାନ୍ପ୍ରତିବିବ୍ଯାଧ ତ୍ରିଭିସ୍ତ୍ରିଭିରଜିହ୍ମଗୈଃ। 7-37-19 (46367)
ନୃତ୍ଯନ୍ନିବ ମହାରାଜ ଚାପହସ୍ତଃ ପ୍ରତାପବାନ୍॥ 7-37-19 (46368)
ତତୋଽଭିମନ୍ଯୁଃ ସଙ୍କ୍ରୁଦ୍ଧସ୍ତ୍ରାସ୍ଯମାନସ୍ତବାତ୍ମଜୈଃ।
ବିଦର୍ଶଯନ୍ବୈ ସୁମହଚ୍ଛିକ୍ଷୌରସକୃତଂ ବଲମ୍॥ 7-37-20 (46369)
ଗରୁଡାନିଲରଂହୋଭିର୍ଯନ୍ତୁର୍ବାକ୍ଯକରୈର୍ହଯୈଃ।
ଅଭ୍ଯଦ୍ରବତ ତଂ କାର୍ଷ୍ଣିମଶ୍ମକେନ୍ଦ୍ରଃ କୃତତ୍ବରଃ॥ 7-37-21 (46370)
ଅଶ୍ବାଶ୍ଚାଶ୍ମକମାଦାଯ ତ୍ବରମାଣାଽଭ୍ଯହାରଯନ୍।
ବିବ୍ଯାଧ ଦଶଭିର୍ବାଣୈସ୍ତିଷ୍ଠତିଷ୍ଠେତି ଚାବ୍ରବୀତ୍॥ 7-37-22 (46371)
ତସ୍ଯାଭିମନ୍ଯୁର୍ଦଶଭିର୍ହଯାନ୍ସୂତଂ ଧ୍ବଜଂ ଶରୈଃ।
ବାହୂ ଧନୁଃ ଶିରଶ୍ଚୋର୍ବ୍ଯାଂ ସ୍ମଯମାନୋଽଭ୍ଯପାତଯତ୍॥ 7-37-23 (46372)
ତତସ୍ତସ୍ମିନ୍ହତେ ବୀରେ ସୌଭଦ୍ରେଣାଶ୍ମକେଶ୍ବରେ।
ସଞ୍ଚଚାଲ ବଲଂ ସର୍ବଂ ପଲାଯନପରାଯଣମ୍॥ 7-37-24 (46373)
ତତଃ କର୍ଣଃ କୃପୋ ଦ୍ରୋଣୋ ଦ୍ରୌଣିର୍ଗାନ୍ଧାରରାଟ୍ ଶଲଃ।
ଶଲ୍ଯୋ ଭୂରିଶ୍ରବାଃ କ୍ରାଥଃ ସୋମଦତ୍ତୋ ବିବିଂଶତିଃ।
ବୃଷସେନଃ ସୁଷେଣଶ୍ଚ କୁଣ୍ଡଭେଦୀ ପ୍ରତର୍ଦନଃ॥ 7-37-25 (46374)
ବୃନ୍ଦାରକୋ ଲଲିତ୍ଥଶ୍ଚ ପ୍ରବାହୁର୍ଦୀର୍ଘଲୋଚନଃ।
ଦୁର୍ଯୋଧନଶ୍ଚ ସଙ୍କ୍ରୁଦ୍ଧଃ ଶରବର୍ଷୈରବାକିରନ୍॥ 7-37-26 (46375)
ସୋଽତିବିଦ୍ଧୋ ମହେଷ୍ବାସୈରଭିମନ୍ଯୁରଜିହ୍ମଗୈଃ।
ଶରମାଦତ୍ତ କର୍ଣାଯ ବର୍ମକାଯାବଭେଦିନମ୍॥ 7-37-27 (46376)
ତସ୍ଯ ଭିତ୍ତ୍ବା ତନୁତ୍ରାଣଂ ଦେହଂ ନିର୍ଭିଦ୍ଯ ଚାଶୁଗଃ।
ପ୍ରାବିଶଦ୍ଧରଣୀଂ ବେଗାଦ୍ବଲ୍ମୀ କମିବ ପନ୍ନଗଃ॥ 7-37-28 (46377)
ସ ତେନାତିପ୍ରହାରେଣ ବ୍ଯଥିତୋ ବିହ୍ବଲନ୍ନିବ।
ସଞ୍ଚଚାଲ ରଣେ କର୍ଣଃ କ୍ଷିତିକମ୍ପେ ଯଥାଽଚଲଃ॥ 7-37-29 (46378)
ତଥାନ୍ଯୈର୍ନିଶିତୈର୍ବାଣୈଃ ସୁଷେଣଂ ଦୀର୍ଘଲୋଚନମ୍।
କୁଣ୍ଡଭେଦିଂ ଚ ସଙ୍କ୍ରୁଦ୍ଧସ୍ତ୍ରିଭିସ୍ତ୍ରୀନବଧୀଦ୍ବଲୀ॥ 7-37-30 (46379)
କର୍ଣସ୍ତଂ ପଞ୍ଚବିଂଶତ୍ଯା ନାରାଚାନାଂ ସମାର୍ପଯତ୍।
ଅଶ୍ବତ୍ଥାମା ଚ ବିଂଶତ୍ଯା କୃତବର୍ମା ଚ ସପ୍ତଭିଃ॥ 7-37-31 (46380)
ସ ଶରାଚିତସର୍ବାଙ୍ଗଃ କ୍ରୁଦ୍ଧଃ ଶକ୍ରାତ୍ମଜାତ୍ମଜଃ।
ବିଚରନ୍ଦଦୃଶେ ସୈନ୍ଯେ ପାଶହସ୍ତ ଇବାନ୍ତକଃ॥ 7-37-32 (46381)
ଶଲ୍ଯଂ ଚ ଶରବର୍ଷେଣ ସମୀପସ୍ଥାମବାକିରତ୍।
ଉଦକ୍ରୋଶନ୍ମହାବାହୁସ୍ତବ ସୈନ୍ଯାନି ଭୀଷଯନ୍॥ 7-37-33 (46382)
ତତଃ ସ ବିଦ୍ଧୋଽସ୍ତ୍ରବିଦା ମର୍ମଭିଦ୍ଭିରଜିହ୍ମଗୈଃ।
ଶଲ୍ଯୋ ରାଜନ୍ରଥୋପସ୍ଥେ ନିଷସାଦ ମୁମୋହ ଚ॥ 7-37-34 (46383)
ତଂ ହି ଦୃଷ୍ଟ୍ବା ତଥା ବିଦ୍ଧଂ ସୌଭଦ୍ରେଣ ଯଶାସ୍ବିନା।
ସମ୍ପ୍ରାଦ୍ରବଚ୍ଚମୂଃ ସର୍ବା ଭାରଦ୍ବାଜସ୍ଯ ପଶ୍ଯତଃ॥ 7-37-35 (46384)
ସମ୍ପ୍ରେକ୍ଷ୍ଯ ତଂ ମହାବାହୁଂ ରୁକ୍ମପୁଙ୍ଖୈଃ ସମାବୃତମ୍।
ତ୍ବଦୀଯାଃ ପ୍ରପଲାଯନ୍ତେ ମୃଗାଃ ସିଂହାର୍ଦିତା ଇବ॥ 7-37-36 (46385)
`ସୌଭଦ୍ରଶରନିର୍ଭଗ୍ନାଃ ସମରେଽମରବିକ୍ରମାଃ।
ଏବଂ ଶଲ୍ଯୋ ବିମୃଦିତସ୍ତବ ପୌତ୍ରେଣ ଭାରତ'॥ 7-37-37 (46386)
ସ ତୁ ରଣଯଶସାଽଭିପୂଜ୍ଯମାନଃ
ପିତୃସୁରଚାରଣସିଦ୍ଧଯକ୍ଷସଙ୍ଗୈଃ
ଅବନିତଲଗତୈଶ୍ଚ ଭୂତସଙ୍ଘୈ--
ରତିବିବଭୌ ହୁତଭୁଗ୍ଯଥାଽଽଜ୍ଯସିକ୍ତଃ॥ ॥ 7-37-38 (46387)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ତ୍ରଯୋଦଶଦିବସଯୁଦ୍ଧେ ସପ୍ତତ୍ରିଂଶୋଽଧ୍ଯାଯଃ॥ 37 ॥
Mahabharata - Drona Parva - Chapter Footnotes
5-37- ତ୍ରାସ୍ଯମାନାଃ ପାଲଯିଷ୍ଯନ୍ତଃ॥ 5-37- ପର୍ଯସ୍ତଂ ଉତ୍କ୍ରାନ୍ତମର୍ଯାଦମ୍॥ 5-37- ଶିକ୍ଷୌରସକୃତଂ ଅଭ୍ଯାସକୃତଂ ନିସର୍ଗଭବଂ ଚ॥ଦ୍ରୋଣପର୍ବ - ଅଧ୍ଯାଯ 038
॥ ଶ୍ରୀଃ ॥
7.38. ଅଧ୍ଯାଯଃ 038
Mahabharata - Drona Parva - Chapter Topics
ଅଭିମନ୍ଯୁପରାକ୍ରମବର୍ଣନମ୍॥ 1 ॥Mahabharata - Drona Parva - Chapter Text
7-38-0 (46388)
ଧୃତରାଷ୍ଟ୍ର ଉବାଚ। 7-38-0x (4351)
ତଥା ପ୍ରମଥମାନଂ ତଂ ମହେଷ୍ବାସାନଜିହ୍ମଗୈଃ।
ଆର୍ଜୁନିଂ ମାମକାଃ ସଙ୍ଖ୍ଯେ କେ ତ୍ବେନଂ ସମବାରଯନ୍॥ 7-38-1 (46389)
ସଞ୍ଜଯ ଉବାଚ। 7-38-2x (4352)
ଶୃଣୁ ରାଜନ୍କୁମାରସ୍ଯ ରଣେ ବିକ୍ରୀଡିତଂ ମହତ୍।
ବିଭିତ୍ସତୋ ରଥାନୀକଂ ଭାରଦ୍ବାଜେନ ରକ୍ଷିତମ୍॥ 7-38-2 (46390)
ମଦ୍ରେଶଂ ସାଦିତଂ ଦୃଷ୍ଟ୍ବା ସୌଭଦ୍ରେଣାଶୁଗୈ ରଣେ।
ଶଲ୍ଯାଦବରଜଃ କ୍ରୁଦ୍ଧ କ୍ରିନ୍ବାଣାନ୍ସମଭ୍ଯଯାତ୍॥ 7-38-3 (46391)
ସ ବିଦ୍ଧ୍ବା ଦଶଭିର୍ବାଣୈଃ ସାଶ୍ବଯନ୍ତାରମାର୍ଜୁନିମ୍।
ଉଦକ୍ରୋଶନ୍ମହାଶବ୍ଦଂ ତିଷ୍ଠତିଷ୍ଠେତି ଚାବ୍ରବୀତ୍॥ 7-38-4 (46392)
ତସ୍ଯାର୍ଜୁନିଃ ଶିରୋଗ୍ରୀବଂ ପାଣିପାଦଂ ଧନୁର୍ହଯାନ୍।
ଛତ୍ରଂ ଧ୍ବଜଂ ନିଯନ୍ତାରଂ ତ୍ରିବେଣୁଂ ଚାପ୍ଯୁପସ୍କରମ୍॥ 7-38-5 (46393)
ଚକ୍ରଂ ଯୁଗଂ ଚ ତୂଣୀରଂ ହ୍ଯନୁକର୍ଷଂ ସାଯକୈଃ।
ପତାକାଂ ଚକ୍ରଗୋପ୍ତାରୌ ସର୍ବୋପକରଣାନି ଚ॥ 7-38-6 (46394)
ଲଘୁହସ୍ତଃ ପ୍ରଚିଚ୍ଛେଦ ଦଦୃଶେ ତଂ ନ କଶ୍ଚନ।
ସ ପପାତ କ୍ଷିତୌ କ୍ଷୀଣଃ ପ୍ରବିଦ୍ଧାଭରଣାମ୍ବରଃ॥ 7-38-7 (46395)
ବାଯୁନେବ ମହାଚୈତ୍ଯଃ ସମୂଲଂ ଚିତ୍ରବେଦିକଃ।
ଅନୁଗାସ୍ତସ୍ଯ ବିତ୍ରସ୍ତାଃ ପ୍ରାଦ୍ରବନ୍ସର୍ବତୋ ଦିଶଃ॥ 7-38-8 (46396)
ଆର୍ଜୁନେଃ କର୍ମ ତଦ୍ଦୃଷ୍ଟ୍ବା ସମ୍ପ୍ରଣେଦୁଃ ସମନ୍ତତଃ।
ନାଦେନ ସର୍ବଭୂତାନି ସାଧୁସାଧ୍ବିତି ଭାରତ॥ 7-38-9 (46397)
ଶଲ୍ଯଭ୍ରାତର୍ଯଥାରୁଗ୍ଣେ ବହୁଶସ୍ତସ୍ଯ ସୈନିକାଃ।
କୁଲାଧିବାସନାମାନି ଶ୍ରାବଯନ୍ତୋଽର୍ଜୁନାତ୍ମଜମ୍॥ 7-38-10 (46398)
ଅଭ୍ଯଧାବନ୍ତ ସଙ୍କ୍ରୁଦ୍ଧା ବିବିଧାଯୁଧପାଣଯଃ।
ରଥୈରଶ୍ବୈର୍ଗଜୈଶ୍ଚାନ୍ଯେ ପଦ୍ଭିଶ୍ଚାନ୍ଯେ ବଲୋତ୍କଟାଃ॥ 7-38-11 (46399)
ବାଣଶବ୍ଦେନ ମହତା ରଥନେମିସ୍ବନେନ ଚ।
ହୁଂକାରୈଃ କ୍ଷ୍ବେଡିତୋତ୍କୃଷ୍ଟୈଃ ସିଂହନାଦୈଃ ସଗର୍ଜିତୈଃ॥ 7-38-12 (46400)
ଜ୍ଯାତଲତ୍ରସ୍ବନୈରନ୍ଯେ ଗର୍ଜନ୍ତୋଽର୍ଜୁନନନ୍ଦନମ୍।
ବ୍ରୁବନ୍ତଶ୍ଚ ନ ନୋ ଜୀବନ୍ମୋକ୍ଷ୍ଯସେ ଜୀବିତାଦିତି॥ 7-38-13 (46401)
ତାଂସ୍ତଥା ବ୍ରୁବତୋ ଦୃଷ୍ଟ୍ବା ସୌଭଦ୍ରଃ ପ୍ରହସନ୍ନିବ।
ଯୋ ଯୋସ୍ମୈ ପ୍ରାହରତ୍ପୂର୍ବଂ ତଂ ତଂ ବିବ୍ଯାଧ ପତ୍ରିଭିଃ॥ 7-38-14 (46402)
ସନ୍ଦର୍ଶଯିଷ୍ଯନ୍ନସ୍ତ୍ରାଣି ବିଚିତ୍ରାଣି ଲଘୂନି ଚ।
ଆର୍ଜୁନିଃ ସମରେ ଶୂରୋ ମୃଦୁପୂର୍ବମଯୁଧ୍ଯତ॥ 7-38-15 (46403)
ବାସୁଦେବାଦୁପାତ୍ତଂ ଯଦସ୍ତ୍ରଂ ଯଚ୍ଚ ଧନଞ୍ଜଯାତ୍।
ଅଦର୍ଶଯତ ତତ୍କାର୍ଷ୍ଣିଃ କୃଷ୍ଣାଭ୍ଯାମବିଶେଷବତ୍॥ 7-38-16 (46404)
ଦୂରମସ୍ଯ ଗୁରୁଂ ଭାରଂ ସାଧ୍ବସଂ ଚ ପୁନଃ ପୁନଃ।
ସନ୍ଦଧଦ୍ବିସୃଜଂଶ୍ଚେଷୂନ୍ନିର୍ବିଶେଷମଦୃଶ୍ଯତ॥ 7-38-17 (46405)
ଚାପମଣ୍ଡଲମେବାସ୍ଯ ବିସ୍ଫୁରଦ୍ଦିକ୍ଷ୍ବଦୃଶ୍ଯତ।
ସୁଦୀପ୍ତସ୍ଯ ଶରତ୍କାଲେ ସବିତୁର୍ମଣ୍ଡଲଂ ଯଥା॥ 7-38-18 (46406)
ଜ୍ଯାଶବ୍ଦଃ ଶୁଶ୍ରୁବେ ତସ୍ଯ ତଲଶବ୍ଦଶ୍ଚ ଦାରୁଣଃ।
ମହାଶନିମୁଚଃ କାଲେ ପଯୋଦସ୍ଯେବ ନିଃସ୍ବନଃ॥ 7-38-19 (46407)
ହୀମାନମର୍ଷୀ ସୌଭଦ୍ରୋ ମାନକୃତ୍ପ୍ରିଯଦର୍ଶନଃ।
ସମ୍ମିମାନଯିଷୁର୍ବୀରାନିଷ୍ବସ୍ତ୍ରୈଶ୍ଚାପ୍ଯଯୁଧ୍ଯତ॥ 7-38-20 (46408)
ମୃଦୁର୍ଭୂତ୍ବା ମହାରାଜ ଦାରୁଣଃ ସମପଦ୍ଯତ।
ବର୍ଷାଭ୍ଯତୀତୋ ଭଗବାଞ୍ଶରଦୀବ ଦିବାକରଃ॥ 7-38-21 (46409)
ଶରାନ୍ବିଚିତ୍ରାନ୍ସୁବହୂନ୍ରୁକ୍ମପୁଙ୍ଖାଞ୍ଶିଲାଶିତାନ୍।
ମୁମୋଚ ଶତଶଃ କ୍ରୁଦ୍ଧୋ ଗଭସ୍ତୀନିବ ଭାସ୍କରଃ॥ 7-38-22 (46410)
କ୍ଷୁରପ୍ରୈର୍ବତ୍ସଦନ୍ତୈଶ୍ଚ ବିପାଠେଶ୍ଚ ମହାଯଶାଃ।
ନାରାଚୈରର୍ଧଚନ୍ଦ୍ରାଭୈର୍ଭଲ୍ଲୈରଞ୍ଜଲିକୈରପି॥ 7-38-23 (46411)
ଅବାକିରଦ୍ରଥାନୀକଂ ଭାରଦ୍ବାଜସ୍ଯ ପଶ୍ଯତଃ।
ତତସ୍ତତ୍ସୈନ୍ଯମଭବଦ୍ବିମୁଖଂ ଶରପୀଡିତମ୍॥ ॥ 7-38-24 (46412)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ତ୍ରଯୋଦଶଦିବସଯୁଦ୍ଧେ ଅଷ୍ଟତ୍ରିଂଶୋଽଧ୍ଯାଯଃ॥ 38 ॥
Mahabharata - Drona Parva - Chapter Footnotes
5-38-5 ତଲ୍ପଂ ଇତି ପାଠେ ରଥଗତଶଯ୍ଯାମ୍॥ 5-38-10 ଅଧିବାସୋ ନିବାସଃ॥ 5-38-16 ଅବିଶେଷବତ୍ତୁଲ୍ଯମିତ୍ଯର୍ଥଃ॥ 5-38-17 ଅସ୍ଯ ନିରସ୍ଯ॥ 5-38-38 ଅଷ୍ଟତ୍ରିଂଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 039
॥ ଶ୍ରୀଃ ॥
7.39. ଅଧ୍ଯାଯଃ 039
Mahabharata - Drona Parva - Chapter Topics
ଦୁଶ୍ଶାସନାଭିମନ୍ଯୁସମାଗମଃ॥ 1 ॥Mahabharata - Drona Parva - Chapter Text
7-39-0 (46413)
ଧୃତରାଷ୍ଟ୍ର ଉବାଚ। 7-39-0x (4353)
ଦ୍ବୈଧୀଭବତି ମେ ଚିତ୍ତଂ ଶୁଚା ତୁଷ୍ଟ୍ଯା ଚ ସଞ୍ଜଯ।
ମମ ପୁତ୍ରସ୍ଯ ଯତ୍ନୈନ୍ଯଂ ସୌଭଦ୍ରଃ ସମବାରଯତ୍॥ 7-39-1 (46414)
ବିସ୍ତରେଣୈବ ମେ ଶଂସ ସର୍ବଂ ଗାବଲ୍ଗଣେ ପୁନଃ।
ବିକ୍ରୀଡିତଂ କୁମାରସ୍ଯ ସ୍କନ୍ଦସ୍ଯେବାସୁରୈଃ ସହ॥ 7-39-2 (46415)
ସଞ୍ଜଯ ଉବାଚ। 7-39-3x (4354)
ହନ୍ତ ତେ ସମ୍ପ୍ରବକ୍ଷ୍ଯାମି ବିମର୍ଦମତିଦାରୁଣମ୍।
ଏକସ୍ଯ ଚ ବହୂନାଂ ଚ ଯଥାସୀତ୍ତୁମୁଲୋ ରଣଃ॥ 7-39-3 (46416)
ଅଭିମନ୍ଯୁଃ କୃତୋତ୍ସାହଃ କୃତୋତ୍ସାହାନରିନ୍ଦମାନ୍।
ରଥସ୍ଥୋ ରଥିନଃ ସର୍ବାଂସ୍ତାବକାନଭ୍ଯବର୍ଷଯତ୍॥ 7-39-4 (46417)
ଦ୍ରୋଣଂ କର୍ଣଂ କୃପଂ ଶଲ୍ଯଂ ଦ୍ରୌଣିଂ ଭୋଜଂ ବୃହଦ୍ବଲମ୍॥
ଦୁର୍ଯୋଧନଂ ସୌମଦତ୍ତିଂ ଶକୁନିଂ ଚ ମହାବଲମ୍॥ 7-39-5 (46418)
ନାନାନୃପାନ୍ନୃପସୁତାନ୍ସୈନ୍ଯାନି ବିବିଧାନି ଚ।
ଅଲାତଚକ୍ରବତ୍ସର୍ବାଂଶ୍ଚରନ୍ବାଣୈଃ ସମାର୍ପଯତ୍॥ 7-39-6 (46419)
ନିଘ୍ନନ୍ନମିତ୍ରାନ୍ସୌଭଦ୍ରଃ ପରମାସ୍ତ୍ରୈଃ ପ୍ରତାପବାନ୍।
ଅଦର୍ଶଯତ ତେଜସ୍ବୀ ଦିକ୍ଷୁ ସର୍ବାସୁ ଭାରତ॥ 7-39-7 (46420)
ତଦ୍ଦୃଷ୍ଟ୍ବା ଚରିତଂ ତସ୍ଯ ସୌଭଦ୍ରସ୍ଯାମିତୌଜସଃ।
ସମକମ୍ପନ୍ତ ସୈନ୍ଯାନି ତ୍ବଦୀଯାନି ସହସ୍ରଶଃ॥ 7-39-8 (46421)
ଅଥାବ୍ରବୀନ୍ମହାପ୍ରାଜ୍ଞୋ ଭାରଦ୍ବାଜଃ ପ୍ରତାପବାନ୍।
ହର୍ଷେଣୋତ୍ଫୁଲ୍ଲନଯନଃ କୃପମାଭାଷ୍ଯ ସତ୍ବରମ୍॥ 7-39-9 (46422)
ଘଟଯନ୍ନିବ ମର୍ମାଣି ପୁତ୍ରସ୍ଯ ତବ ଭାରତ।
ଅଭିମନ୍ଯୁଂ ରଣେ ଦୃଷ୍ଟ୍ବା ତଦା ରଣବିଶାରଦମ୍॥ 7-39-10 (46423)
ଦ୍ରୋଣ ଉବାଚ। 7-39-11x (4355)
ଏଷ ଗଚ୍ଛତି ସୌଭଦ୍ରଃ ପାର୍ଥାନାଂ ପ୍ରଥିତୋ ଯୁବା।
ନନ୍ଦଯନ୍ସୁହୃଦଃ ସର୍ବାନ୍ରାଜାନଂ ଚ ଯୁଧିଷ୍ଠିରମ୍॥ 7-39-11 (46424)
ନକୁଲଂ ସହଦେବଂ ଚ ଭୀମସେନଂ ଚ ପାଣ୍ଡବମ୍।
ବନ୍ଧୂନ୍ସମ୍ବନ୍ଧିନଶ୍ଚାନ୍ଯାନ୍ମଧ୍ଯସ୍ଥାନ୍ସୁହୃଦସ୍ତଥା॥ 7-39-12 (46425)
ନାସ୍ଯ ଯୁଦ୍ଧେ ସମଂ ମନ୍ଯେ କଞ୍ଚିଦନ୍ଯଂ ଧନୁର୍ଧରମ୍।
ଇଚ୍ଛନ୍ହନ୍ଯାଦିମାଂ ସେନାଂ କିମର୍ଥମପି ନେଚ୍ଛତି॥ 7-39-13 (46426)
ସଞ୍ଜଯ ଉବାଚ। 7-39-14x (4356)
ଦ୍ରୋଣସ୍ଯ ପ୍ରୀତିସଂଯୁକ୍ତଂ ଶ୍ରୁତ୍ବା ବାକ୍ଯଂ ତବାତ୍ମଜଃ।
ଆର୍ଜୁନିଂ ପ୍ରତି ସଙ୍କ୍ରୁଦ୍ଧୋ ଦ୍ରୋଣଂ ଦୃଷ୍ଟ୍ବା ସ୍ମଯନ୍ନିବ॥ 7-39-14 (46427)
ଅଥ ଦୁର୍ଯୋଧନଃ କର୍ଣମବ୍ରବୀଦ୍ବାହ୍ଲିକଂ ନୃପଃ।
ଦୁଃଶାସନଂ ମଦ୍ରରାଜଂ ତାଂସ୍ତଥାଽନ୍ଯାନ୍ମହାରଥାନ୍॥ 7-39-15 (46428)
ସର୍ବଭୂର୍ଧାଭିଷିକ୍ତାନାମାଚାର୍ଯୋ ବ୍ରହ୍ମବିତ୍ତମଃ।
ଅର୍ଜୁନସ୍ଯ ସୁତଂ ମୂଢଂ ନାଯଂ ହନ୍ତୁମିହେଚ୍ଛତି॥ 7-39-16 (46429)
ନ ହ୍ଯସ୍ଯ ସମରେ ଯୁଦ୍ଧ୍ଯେଦନ୍ତକୋଽପ୍ଯାତତାଯିନଃ।
କିମଙ୍ଗ ପୁନରେବାନ୍ଯୋ ମର୍ତ୍ଯଃ ସତ୍ଯଂ ବ୍ରବୀମି ବଃ॥ 7-39-17 (46430)
ଅର୍ଜୁନସ୍ଯ ସୁତଂ ତ୍ବେଷ ଶିଷ୍ଯତ୍ବାଦଭିରକ୍ଷତି।
ଶିଷ୍ଯାଃ ପୁତ୍ରାଶ୍ଚ ଦଯିତାସ୍ତଦପତ୍ଯଂ ଚ ଧର୍ମିଣାମ୍॥ 7-39-18 (46431)
ସଂରକ୍ଷ୍ଯମାଣୋ ଦ୍ରୋଣେନ ମନ୍ଯତେ ବୀର୍ଯମାତ୍ମନଃ।
ଆତ୍ମସମ୍ଭାବିତୋ ମୂଢସ୍ତଂ ପ୍ରମଥ୍ନୀତ ମାଚିରମ୍॥ 7-39-19 (46432)
ଏବମୁକ୍ତାସ୍ତୁ ତେ ରାଜ୍ଞା ସାତ୍ବତୀପୁତ୍ରମଭ୍ଯଯୁଃ।
ସଂରବ୍ଧାସ୍ତେ ଜିଘାଂସନ୍ତୋ ଭାରଦ୍ବାଜସ୍ଯ ପଶ୍ଯତଃ॥ 7-39-20 (46433)
ଦୁଃଶାସନସ୍ତୁ ତଚ୍ଛ୍ରୁତ୍ବା ଦୁର୍ଯୋଧନବଚସ୍ତଦା।
ଅବ୍ରବୀତ୍କୁରୁଶାର୍ଦୂଲ ଦୁର୍ଯୋଧନମିଦଂ ବଚଃ॥ 7-39-21 (46434)
ଅହମେନଂ ହନିଷ୍ଯାମି ମହାରାଜ ବ୍ରବୀମି ତେ।
ମିଷତାଂ ପାଣ୍ଡୁ ପୁତ୍ରାଣାଂ ପାଞ୍ଚାଲାନାଂ ଚ ପଶ୍ଯତାମ୍॥ 7-39-22 (46435)
ଗ୍ରସିଷ୍ଯାମ୍ଯଦ୍ଯ ସୌଭଦ୍ରଂ ଯଥା ରାହୁର୍ଦିବାକରମ୍।
ଉତ୍କ୍ରୁଶ୍ଯ ଚାବ୍ରବୀଦ୍ବାକ୍ଯଂ କୁରୁରାଜମିଦଂ ପୁନଃ॥ 7-39-23 (46436)
ଶ୍ରୁତ୍ବା କୃଷ୍ଣୌ ମଯା ଗ୍ରସ୍ତଂ ସୌଭଦ୍ରମତିମାନିନୌ।
ଗମିଷ୍ଯତଃ ପ୍ରେତଲୋକଂ ଜୀବଲୋକାନ୍ନ ସଂଶଯଃ॥ 7-39-24 (46437)
ତୌ ଚ ଶ୍ରୁତ୍ବା ମୃତୌ ବ୍ଯକ୍ତଂ ପାଣ୍ଡୋଃ କ୍ଷେତ୍ରୋଦ୍ଭବାଃ ସୁତାଃ।
ଏକାହ୍ବା ସସୁହୃଦ୍ବର୍ଗାଃ କ୍ଲୈବ୍ଯାଦ୍ଧାସ୍ଯନ୍ତି ଜୀବିତମ୍॥ 7-39-25 (46438)
ତସ୍ମାଦସ୍ମିନ୍ହତେ ଶତ୍ରୌ ହତାଃ ସର୍ବେଽହିତାସ୍ତବ।
ଶିବେନ ମାଂ ଧ୍ଯାହି ରାଜନ୍ନେଷ ହନ୍ମି ରିପୂଂସ୍ତବ॥ 7-39-26 (46439)
ସଞ୍ଜଯ ଉବାଚ। 7-39-27x (4357)
ଏବମୁକ୍ତ୍ବାଽନଦଦ୍ରାଜନ୍ପୁତ୍ରୋ ଦୁଃଶାସନସ୍ତବ।
ସୌଭଦ୍ରମଭ୍ଯଯାତ୍କ୍ରୁଦ୍ଧଃ ଶରବର୍ଷୈରବାକିରନ୍॥ 7-39-27 (46440)
ତମତିକ୍ରୁଦ୍ଧମାଯାନ୍ତଂ ତବ ପୁତ୍ରମରିଂଦମଃ।
ଅଭିମନ୍ଯୁଃ ଶରୈସ୍ତୀକ୍ଷ୍ଣୈଃ ଷଡ୍ବିଂଶତ୍ଯା ସମାର୍ପଯତ୍॥ 7-39-28 (46441)
ଦୁଃଶାସନସ୍ତୁ ସଙ୍କ୍ରୁଦ୍ଧଃ ପ୍ରଭିନ୍ନ ଇବ କୁଞ୍ଜରଃ।
ଅଯୋଧଯତ ସୌଭଦ୍ରମଭିମନ୍ଯୁଶ୍ଚ ତଂ ରଣେ॥ 7-39-29 (46442)
ତୌ ମଣ୍ଡଲାନି ଚିତ୍ରାଣି ରଥାଭ୍ଯାଂ ସବ୍ଯଦକ୍ଷିଣମ୍।
ଚରମାଣାବଯୁଧ୍ଯେତାଂ ରଥଶିକ୍ଷାବିଶାରଦୌ॥ 7-39-30 (46443)
ଅଥ ପଣବମୃଦଙ୍ଗଦୁନ୍ଦୁଭୀନାଂ
କ୍ରକଚମହାନକଭେରିଝର୍ଝରାଣମ୍।
ନିନଦମତିଭୃଶଂ ନରାଃ ପ୍ରଚକ୍ରୁ--
ର୍ଲବଣଜଲୋଦ୍ଭବସିଂହନାଦମିଶ୍ରମ୍॥ ॥ 7-39-31 (46444)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ତ୍ରଯୋଦଶଦିବସଯୁଦ୍ଧେ ଏକୋନଚତ୍ବାରିଂଶୋଽଧ୍ଯାଯଃ॥ 39 ॥
Mahabharata - Drona Parva - Chapter Footnotes
5-39-17 ଅଙ୍ଗେତ୍ଯସୂଯାଯାମ୍॥ 5-39-18 ଧର୍ମିଣାମିତି ସୋଲ୍ଲୁଣ୍ଠମ୍॥ 5-39-19 ଆତ୍ମସଂଭାବିତଃ ଅହମେବେତି ସମ୍ଭାବନାମାରୂଢଃ॥ 5-39-31 ଲବଣଜଲୋଦ୍ଭବଃ ଶଙ୍ଖଃ॥ 5-39-39 ଏକୋନଚତ୍ବାରିଂଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 040
॥ ଶ୍ରୀଃ ॥
7.40. ଅଧ୍ଯାଯଃ 040
Mahabharata - Drona Parva - Chapter Topics
ଅଭିମନ୍ଯୁନା କର୍ଣଦୁଃଶାସନପରାଜଯଃ॥ 1 ॥Mahabharata - Drona Parva - Chapter Text
7-40-0 (46445)
ସଞ୍ଜଯ ଉବାଚ। 7-40-0x (4358)
`ତତଃ ସମଭବଦ୍ଯୁଦ୍ଧଂ ତଯୋଃ ପୁରୁଷସିଂହଯୋଃ।
ତସ୍ମିନ୍କାଲେ ମହାବାହୁଃ ସୌଭଦ୍ରଃ ପରବୀରହା॥ 7-40-1 (46446)
ସଶରଂ କାର୍ମୁକଂ ଛିତ୍ତ୍ବା ଲାଘବେନ ବ୍ଯପାତଯତ୍।
ଦୁଃଶାସନଂ ଶରୈସ୍ତୀକ୍ଷ୍ଣୈଃ ସଂତତକ୍ଷ ସମନ୍ତତଃ'॥ 7-40-2 (46447)
ଶରବିକ୍ଷତଗାତ୍ରଂ ତୁ ପ୍ରତ୍ଯମିତ୍ରମବସ୍ଥିତମ୍।
ଅଭିମନ୍ଯୁଃ ସ୍ମଯନ୍ଧୀମାନ୍ଦୁଃଶାସନମଥାବ୍ରବୀତ୍॥ 7-40-3 (46448)
ଦିଷ୍ଟ୍ଯା ପଶ୍ଯାମି ସଙ୍ଗ୍ରମେ ମାନିନଂ ଶୂରମାଗତମ୍।
ନିଷ୍ଠୁରଂ ତ୍ଯକ୍ତଧର୍ମାଣମାକ୍ରୋଶନପରାଯଣମ୍॥ 7-40-4 (46449)
ଯତ୍ସଭାଯାଂ ତ୍ବଯା ରାଜ୍ଞୋ ଧୃତରାଷ୍ଟ୍ରସ୍ଯ ଶୃଣ୍ବତଃ।
କୋପିତଃ ପରୁଷୈର୍ବାକ୍ଯୈର୍ଧର୍ମରାଜୋ ଯୁଧିଷ୍ଠିରଃ॥ 7-40-5 (46450)
ଜଯୋନ୍ମତ୍ତେନ ଭୀମଶ୍ଚ ବହ୍ବବଦ୍ଧଂ ପ୍ରଭାଷିତଃ।
ଅକ୍ଷକୂଟଂ ସମାଶ୍ରିତ୍ଯ ସୌବଲସ୍ଯାତ୍ମନୋ ବଲମ୍॥ 7-40-6 (46451)
ତତ୍ତ୍ବଯେଦମନୁପ୍ରାପ୍ତଂ ତସ୍ଯ କୋପାନ୍ମହାତ୍ମନଃ।
ପରବିତ୍ତାପହାରସ୍ଯ କୋଧସ୍ଯାପ୍ରଶମସ୍ଯ ଚ॥ 7-40-7 (46452)
ଲୋଭସ୍ଯ ଜ୍ଞାନନାଶସ୍ଯ ଦ୍ରୋହସ୍ଯାତ୍ଯାହିତସ୍ଯ ଚ।
ପିତୄଣାଂ ମମ ରାଜ୍ଯସ୍ଯ ହରଣସ୍ଯୋଗ୍ରଧନ୍ବିନାମ୍॥ 7-40-8 (46453)
ତତ୍ତ୍ବଯେଦମନୁପ୍ରାପ୍ତଂ ପ୍ରକୋପାଦ୍ବୈ ମହାତ୍ମନାମ୍।
ସ ତସ୍ଯୋଗ୍ରମଧର୍ମସ୍ଯ ଫଲଂ ପ୍ରାପ୍ନୁହି ଦୁର୍ମତେ॥ 7-40-9 (46454)
ଶାସିତାଽସ୍ମ୍ଯଦ୍ଯ ତେ ବାଣୈଃ ସର୍ବସୈନ୍ଯସ୍ଯ ପଶ୍ଯତଃ।
ଅଦ୍ଯାହମନୃଣସ୍ତସ୍ଯ କୋପସ୍ଯ ଭବିତା ରଣେ॥ 7-40-10 (46455)
ଅମର୍ଷିତାଯାଃ କୃଷ୍ଣାଯାଃ କାଙ୍କ୍ଷିତସ୍ଯ ଚ ମେ ପିତୁଃ।
ଅଦ୍ଯ କୌରବ୍ଯ ଭୀମସ୍ଯ ଭବିତାସ୍ମ୍ଯନୃଣୋ ଯୁଧି।
ନ ହି ମେ ମୋକ୍ଷ୍ଯସେ ଜୀବନ୍ଯଦି ନୋତ୍ସୃଜସେ ରଣଂ॥ 7-40-11 (46456)
ସଞ୍ଜଯ ଉବାଚ। 7-40-12x (4359)
ଏବମୁକ୍ତ୍ବା ମହାବାହୁର୍ବାଣଂ ଦୁଃଶାସନାନ୍ତକମ୍।
ସଂଦଧେ ପରବୀରଘ୍ନଃ କାଲାଗ୍ନ୍ଯନିଲବର୍ଚସମ୍॥ 7-40-12 (46457)
ତସ୍ଯୋରସ୍ତୂର୍ଣମାସାଦ୍ଯ ଜତ୍ରୁଦେଶେ ବିଭିଦ୍ଯ ତମ୍।
ଜଗାମ ସହ ପୁଙ୍ଖେନ ବଲ୍ମୀକମିବ ପନ୍ନଗଃ।
ଅଥୈନଂ ପଞ୍ଚବିଂଶତ୍ଯା ପୁନରେବ ସମାର୍ପଯତ୍॥ 7-40-13 (46458)
ଶରୈରଗ୍ନିସମସ୍ପର୍ଶୈରାକର୍ଣସମଚୋଦିତୈଃ।
ସ ଗାଢବିଦ୍ଧୋ ବ୍ଯଥିତୋ ରଥୋପସ୍ଥ ଉପାବିଶତ୍।
ଦୁଃଶାସନୋ ମହାରାଜ କଶ୍ମଲଂ ଚାବିଶନ୍ମହତ୍॥
ସାରଥିସ୍ତ୍ବରମାଣସ୍ତୁ ଦୁଃଶାସନମଚେତନମ୍।
ରଣମଧ୍ଯାଦପୋବାହ ସୌଭଦ୍ରଶରପୀଡିତମ୍॥ 7-40-14 (46459)
ପାଣ୍ଡବା ଦ୍ରୌପଦେଯାଶ୍ଚ ବିରାଟଶ୍ଚ ସମୀକ୍ଷ୍ଯ ତମ୍।
ପାଞ୍ଚାଲାଃ କେକଯାଶ୍ଚୈବ ସିଂହନାଦମଥାନଦନ୍॥ 7-40-16 (46460)
ବାଦିତ୍ରାଣି ଚ ସର୍ବାଣି ନାନାଲିଙ୍ଗାନି ସର୍ବଶଃ।
ପ୍ରାବାଦଯନ୍ତ ସଂହୃଷ୍ଟାଃ ପାଣ୍ଡୂନାଂ ତତ୍ର ସୈନିକାଃ॥ 7-40-17 (46461)
ଅପଶ୍ଯନ୍ସ୍ମଯମାନାଶ୍ଚ ସୌଭଦ୍ରସ୍ଯ ବିଚେଷ୍ଟିତମ୍।
ଅତ୍ଯନ୍ତବୈରିଣଂ ଦୃପ୍ତଂ ଦୃଷ୍ଟ୍ବା ଶତ୍ରୁଂ ପରାଜିତମ୍॥ 7-40-18 (46462)
ଧର୍ମମାରୁତଶକ୍ରାଣାମଶ୍ବିନୋଃ ପ୍ରତିମାସ୍ତଥା।
ଧାରଯନ୍ତୋ ଧ୍ବଜାଗ୍ରେଷୁ ଦ୍ରୌପଦେଯା ମହାରଥାଃ॥ 7-40-19 (46463)
ସାତ୍ଯକିଶ୍ଚେକିତାନଶ୍ଚ ଧୃଷ୍ଟଦ୍ଯୁମ୍ନଶିଖଣ୍ଡିନୌ।
କେକଯା ଧୃଷ୍ଟକେତୁଶ୍ଚ ମାତ୍ସ୍ଯାଃ ପାଞ୍ଚାଲସୃଞ୍ଜଯାଃ॥ 7-40-20 (46464)
ପାଣ୍ଡବାଶ୍ଚ ମୁଦା ଯୁକ୍ତା ଯୁଧିଷ୍ଠିରପୁରୋଗମାଃ।
ଅଭ୍ଯଦ୍ରବନ୍ତ ତ୍ବରିତା ଦ୍ରୋଣାନୀକଂ ବିଭିତ୍ସବଃ॥ 7-40-21 (46465)
ତତୋଽଭବନ୍ମହାଯୁଦ୍ଧଂ ତ୍ବଦୀଯାନାଂ ପରୈଃ ସହ।
ଜଯମାକାଙ୍କ୍ଷମାଣାନାଂ ଶୂରାଣାମନିବର୍ତିନାମ୍॥ 7-40-22 (46466)
ତଥା ତୁ ବର୍ତମାନେ ବୈ ସଙ୍ଗ୍ରାମେଽତିଭଯଂକରେ।
ଦୁର୍ଯୋଧନୋ ମହାରାଜ ରାଧେଯମିଦମବ୍ରବୀତ୍॥ 7-40-23 (46467)
ପଶ୍ଯ ଦୁଃଶାସନଂ ବୀରମଭିମନ୍ଯୁବଶଂଗତମ୍।
ପ୍ରତପନ୍ତମିବାଦିତ୍ଯଂ ନିଘ୍ନନ୍ତଂ ଶାତ୍ରବାନ୍ରଣେ। 7-40-24 (46468)
ଅଥ ଚୈତେ ସୁସଂରବ୍ଧାଃ ସିଂହା ଇବ ବଲୋତ୍କଟାଃ।
ସୌଭଦ୍ରମୁଦ୍ଯତାସ୍ତ୍ରାତୁମଭ୍ଯଧାବନ୍ତ ପାଣ୍ଡବାଃ॥ 7-40-25 (46469)
ସଞ୍ଜଯ ଉବାଚ। 7-40-26x (4360)
ତତଃ କର୍ଣଃ ଶରୈସ୍ତୀକ୍ଷ୍ଣୈରଭିମନ୍ଯୁଂ ଦୁରାସଦମ୍।
ଅଭ୍ଯବର୍ଷତ ସଙ୍କ୍ରୁଦ୍ଧଃ ପୁତ୍ରସ୍ଯ ହିତକୃତ୍ତବ॥ 7-40-26 (46470)
ତସ୍ଯ ଚାନୁଚରାଂସ୍ତୀକ୍ଷ୍ଣୈର୍ବିବ୍ଯାଘ ପରମେଷୁଭିଃ।
ଅବଜ୍ଞାପୂର୍ବକଂ ଶୂରଃ ସୌଭଦ୍ରସ୍ଯ ପରଣାଜିରେ॥ 7-40-27 (46471)
ଅଭିମନ୍ଯୁସ୍ତୁ ରାଧେଯଂ ତ୍ରିସପ୍ତତ୍ଯା ଶିଲୀମୁଖୈଃ।
ଅବିଧ୍ଯତ୍ତ୍ବରିତୋ ରାଜନ୍ଦ୍ରୋଣଂ ପ୍ରେପ୍ସୁର୍ମହାମନାଃ॥ 7-40-28 (46472)
ତଂ ତଥା ନାଶକତ୍କଶ୍ଚିଦ୍ଦୋଣାଦ୍ବାରଯିତୁଂ ରଥୀ।
ଆରୁଜନ୍ତଂ ରଥବ୍ରାତାନ୍ବଜ୍ରହସ୍ତାତ୍ମଜାତ୍ମଜମ୍॥ 7-40-29 (46473)
ତତଃ କର୍ଣୋ ଜଯପ୍ରେପ୍ସୁର୍ମାନୀ ସର୍ବଧନୁଷ୍ମତାମ୍।
ସୌଭଦ୍ରଂ ଶତଶୋଽବିଧ୍ଯଦୁତ୍ତମାସ୍ତ୍ରାଣି ଦର୍ଶଯନ୍॥ 7-40-30 (46474)
ସୋଽସ୍ତ୍ରୈରସ୍ତ୍ରବିଦାଂ ଶ୍ରେଷ୍ଠୋ ରାମଶିଷ୍ଯଃ ପ୍ରତାପବାନ୍।
ସମରେ ଶତ୍ରୁଦୁର୍ଧର୍ଷମଭିମନ୍ଯୁମପୀଡଯତ୍॥ 7-40-31 (46475)
ସ ତଥା ପୀଡ୍ଯମାନସ୍ତୁ ରାଧେଯେନାସ୍ତ୍ରବୃଷ୍ଟିଭିଃ।
ସମରେଽମରସଙ୍କାଶଃ ସୌଭଦ୍ରୋ ନ ବ୍ଯଶୀର୍ଯତ॥ 7-40-32 (46476)
ତତଃ ଶିଲାଶିତୈସ୍ତୀକ୍ଷ୍ଣୈର୍ଭଲ୍ଲୈରାନତପର୍ବଭିଃ।
ଛିତ୍ତ୍ବା ଧନୂଂଷି ଶୂରାଣାମାର୍ଜୁନିଃ କର୍ଣମାର୍ଦଯତ୍॥ 7-40-33 (46477)
ଧନୁର୍ମଣ୍ଡଲନିର୍ମୁକ୍ତୈଃ ଶରୈରାଶୀବିଷୋପମୈଃ।
ସଚ୍ଛତ୍ରଧ୍ବଜଯନ୍ତାରଂ ସାଶ୍ବମାଶୁ ସ୍ମଯନ୍ନିବ॥ 7-40-34 (46478)
କର୍ଣୋଽପି ଚାସ୍ଯ ଚିକ୍ଷେପ ବାଣାନ୍ସନ୍ନତପର୍ବଣଃ।
ଅସମ୍ବ୍ରାନ୍ତଶ୍ଚ ତାନ୍ସର୍ବାନଗୃହ୍ଣାତ୍ଫଲ୍ଗୁନାତ୍ମଜଃ॥ 7-40-35 (46479)
ତତୋ ମୁହୂର୍ତାତ୍କର୍ଣସ୍ଯ ବାଣେନୈକେନ ବୀର୍ଯବାନ୍।
ସଧ୍ବଜଂ କାର୍ମୁକଂ ବୀରଶ୍ଛିତ୍ତ୍ବା ଭୂମାବପାତଯତ୍॥ 7-40-36 (46480)
ତତଃ କୃଚ୍ଛ୍ରଗତଂ କର୍ଣଂ ଦୃଷ୍ଟ୍ବା କର୍ଣାଦନନ୍ତରଃ।
ସୌଭଦ୍ରମଭ୍ଯଯାତ୍ତୂର୍ଣଂ ଦୃଢମୁଦ୍ଯମ୍ଯ କାର୍ମୁକମ୍॥ 7-40-37 (46481)
ତତ ଉଚ୍ଚୁକ୍ରୁଶୁଃ ପାର୍ଥାସ୍ତେଷାଂ ଚାନୁଚରା ଜନାଃ।
ବାଦିତ୍ରାଣି ଚ ସଞ୍ଜଘ୍ନଃ ସୌଭଦ୍ରଂ ଚାପି ତୁଷ୍ଟୁବୁଃ॥ ॥ 7-40-38 (46482)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ତ୍ରଯୋଦଶଦିବସଯୁଦ୍ଧେ ଚତ୍ବାରିଂଶୋଽଧ୍ଯାଯଃ॥ 40 ॥
Mahabharata - Drona Parva - Chapter Footnotes
5-40-8 ଅତ୍ଯାହିତସ୍ଯ ଜୀବାନପେକ୍ଷକର୍ମଣଃ। ସାହସସ୍ଯେତିଯାବତ୍॥ 5-40-40 ଚତ୍ବାରିଂଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 041
॥ ଶ୍ରୀଃ ॥
7.41. ଅଧ୍ଯାଯଃ 041
Mahabharata - Drona Parva - Chapter Topics
ଅଭିମନ୍ଯୁପରାକ୍ରମବର୍ଣନମ୍॥ 1 ॥Mahabharata - Drona Parva - Chapter Text
7-41-0 (46483)
ସଞ୍ଜଯ ଉବାଚ। 7-41-0x (4361)
ସୋଽଭ୍ଯଗଚ୍ଛଦ୍ଧନୁଷ୍ପାଣିର୍ଜ୍ଯାଂ ବିକର୍ଷନ୍ପୁନଃ ପୁନଃ।
ସଚ୍ଛତ୍ରଧ୍ବଜଯନ୍ତାରଂ ସାଶ୍ବମାଶୁ ସ୍ମଯନ୍ନିବ॥ 7-41-1 (46484)
ସୋଽପିଧ୍ଯଦ୍ଦଶଭିର୍ବାଣୈରଭିମନ୍ଯୁଂ ଦୁରାସଦମ୍।
ସଚ୍ଛତ୍ରଧ୍ବଜଯନ୍ତାରଂ ସାଶ୍ବମାଶୁ ସ୍ମଯନ୍ନିବ॥ 7-41-2 (46485)
ପିତୃପୈତାମହଂ କର୍ମ କୁର୍ବାଣମତିମାନୁଷମ୍।
ଦୃଷ୍ଟ୍ବାର୍ଦିତଂ ଶରୈଃ କାର୍ଷ୍ମିଂ ତ୍ବଦୀଯା ହୃଷିତାଽଭବନ୍॥ 7-41-3 (46486)
ତସ୍ଯାଭିମନ୍ଯୁରାଯମ୍ଯ ସ୍ମଯନ୍ନେକେନ ପତ୍ରିଣା।
ଶିରଃ ପ୍ରଚ୍ଯାବଯାମାସ ତଦ୍ରଥାତ୍ପ୍ରାପତଦ୍ଭୁବି॥ 7-41-4 (46487)
କର୍ଣିକାରମିବାଧୂତଂ ବାତେନାପତିତଂ ନଗାତ୍।
`କର୍ଣାନୁଜଂ ଚ ସମ୍ପ୍ରେକ୍ଷ୍ଯ ତାବକା ବ୍ଯଥିତାଽଭବନ୍'।
ଭ୍ରାତରଂ ନିହତଂ ଦୃଷ୍ଟ୍ବା କର୍ଣଶ୍ଚାସୀତ୍ପରାଙ୍ମୁଖଃ॥ 7-41-5 (46488)
ବିମୁଖୀକୃତ୍ଯ କର୍ଣଂ ତୁ ସୌଭଦ୍ରଃ କଙ୍କପତ୍ରିଭିଃ।
ଅନ୍ଯାନପି ମହେଷ୍ବାସାଂସ୍ତୂର୍ଣମେବାଭିଦୁଦ୍ରୁବେ॥ 7-41-6 (46489)
ତତସ୍ତଦ୍ବିତତଂ ସେନ୍ଯଂ ହସ୍ତ୍ଯଶ୍ବରଥପତ୍ତିମତ୍।
କ୍ରଦ୍ଧୋଽଭିମନ୍ଯୁରଭିନତ୍ତିଗ୍ମତେଜା ମହାରଥଃ॥ 7-41-7 (46490)
କର୍ଣସ୍ତୁ ବହୁଭିର୍ବାଣୈରର୍ଦ୍ଯମାନୋଽଭିମନ୍ଯୁନା।
ଅପାଯାଜ୍ଜବନୈରଶ୍ବୈସ୍ତତୋଽନୀକମଭିଦ୍ରବତ୍॥ 7-41-8 (46491)
`ତିଂଷ୍ଠ କର୍ଣ ମହେଷ୍ବାସ କୃପ ଦୁର୍ଯୋଧନେତି ଚ।
ଦ୍ରୋଣସ୍ଯ କ୍ରୋଶତୋ ରାଜଂସ୍ତଦନୀକମଭଜ୍ଯତ'॥ 7-41-9 (46492)
ଶଲଭୈରିବ ଚାକାଶଂ ଧାରାଭିରିବ ପର୍ବତଃ।
ଅଭିମନ୍ଯୋ ଶରୈଶ୍ଛନ୍ନଂ ନ ପ୍ରାଜ୍ଞାଯତ କିଞ୍ଚନ॥ 7-41-10 (46493)
ତାବକାନାଂ ତୁ ଯୋଧାନାଂ ବଧ୍ଯତାଂ ନିଶିତୈଃ ଶରୈଃ।
ଅନ୍ଯତ୍ର ସୈନ୍ଧବାଦ୍ରାଜନ୍ନ ସ୍ମ କଶ୍ଚିଦତିଷ୍ଠତ॥ 7-41-11 (46494)
ସୌଭଦ୍ରସ୍ତୁ ତତଃ ଶଙ୍ଖଂ ପ୍ରଧ୍ମାଯ ପୁରୁଷର୍ଷଭଃ॥
ଶୀଘ୍ରମଭ୍ଯପତତ୍ସେନାଂ ଭାରତୀଂ ଭରତର୍ଷଭ॥ 7-41-12 (46495)
ସ କକ୍ଷେଽଗ୍ନିରିବୋତ୍ସୃଷ୍ଟୋ ନିର୍ଦହଂସ୍ତରସା ରିପୂନ୍।
ମଧ୍ଯେ ଭାରତସୈନ୍ଯାନାମାର୍ଜୁନିଃ ପର୍ଯବର୍ତତ॥ 7-41-13 (46496)
ରଥନାଗାଶ୍ବମନୁଜାନର୍ଦଯନ୍ନିଶିତୈଃ ଶରୈଃ।
ସମ୍ପ୍ରବିଶ୍ଯାକରୋଦ୍ଭୂମିଂ କବନ୍ଧଗଣସଙ୍କୁଲାମ୍॥ 7-41-14 (46497)
ସୌଭଦ୍ରଚାପପ୍ରଭବୈର୍ନିକୃତ୍ତାଃ ପରମେଷୁଭିଃ।
ସ୍ବାନେବାଭିମୁଖାନ୍ଧ୍ନନ୍ତଃ ପ୍ରାଦ୍ରବଞ୍ଜୀବିତାର୍ଥିନଃ॥ 7-41-15 (46498)
ତେ ଘୋରା ରୌଦ୍ରକର୍ମାଣୋ ବିପାଠା ବହବଃ ଶିତାଃ।
ନିଘ୍ନ୍ତୋ ରଥନାଗାଶ୍ବାଞ୍ଜଗ୍ମୁରାଶୁ ବସୁନ୍ଧରାମ୍॥ 7-41-16 (46499)
ସାଯୁଧାଃ ସାଙ୍ଗୁଲିତ୍ରାଣାଃ ସଗଦାଃ ସାଙ୍ଗଦା ରଣେ।
ଦୃଶ୍ଯନ୍ତେ ବାହବଶ୍ଚିନ୍ନା ହେମାଭାରଣଭୂଷିତାଃ॥ 7-41-17 (46500)
ଶରାଶ୍ଚାପାନି ଖଙ୍ଗାଶ୍ଚ ଶରୀରାଣି ଶିରାଂସି ଚ।
ସକୁଣ୍ଡଲାନି ସ୍ରଗ୍ବୀଣି ଭୂମାବାସନ୍ସହସ୍ରଶଃ॥ 7-41-18 (46501)
ସୋପସ୍କରୈରଧିଷ୍ଠାନୈରୀଷାଦଣ୍ଡକବନ୍ଧୁରୈଃ।
ଅକ୍ଷୈର୍ବିମଥିତୈଶ୍ଚକ୍ରୈର୍ବହୁଧା ପତିତୈର୍ଯୁଗୈଃ॥ 7-41-19 (46502)
ଶକ୍ତିଚାପାସିଭିଶ୍ଚୈବ ପତିତୈଶ୍ଚ ମହାଧ୍ବଜୈଃ।
ଚର୍ମଚାପଶରୈଶ୍ଚୈବ ବ୍ଯବକୀର୍ଣୈଃ ସମନ୍ତତତଃ॥ 7-41-20 (46503)
ନିହତୈଃ କ୍ଷତ୍ରିଯୈରଶ୍ବୈର୍ବାରଣୈଶ୍ଚ ବିଶାମ୍ପତେ।
ଅଗମ୍ଯରୂପା ପୃଥିବୀ କ୍ଷଣେନାସୀତ୍ସୁଦାରୁଣା॥ 7-41-21 (46504)
ବଧ୍ଯତାଂ ରାଜପୁତ୍ରାଣାଂ କ୍ରନ୍ଦତାମିତରେତରମ୍।
ପ୍ରାଦୁରାସୀନ୍ମହାଶବ୍ଦୋ ଭୀରୂଣାଂ ଭଯବର୍ଧନଃ॥ 7-41-22 (46505)
ସ ଶବ୍ଦୋ ଭରତଶ୍ଚେଷ୍ଠ ଦିଶଃ ସର୍ବା ବ୍ଯନାଦଯତ୍॥
ସୌଭଦ୍ରଶ୍ଚାଦ୍ରବତ୍ସେନାଂ ଘ୍ନନ୍ବରାଶ୍ବରଥଦ୍ବିପାନ୍॥ 7-41-23 (46506)
କକ୍ଷମଗ୍ନିରିବୋତ୍ସୃଷ୍ଟୋ ନିର୍ଦହଂସ୍ତରସା ରିପୂନ୍।
ମଧ୍ଯେ ଭାରତସୈନ୍ଯାନାମାର୍ଜୁନିଃ ପ୍ରତ୍ଯଦୃଶ୍ଯତ॥ 7-41-24 (46507)
ବିଚରନ୍ତଂ ଦିଶଃ ସର୍ବାଃ ପ୍ରଦିଶଶ୍ଚାପି ଭାରତ।
ତଂ ତଦା ନାନୁପଶ୍ଯାମଃ ସୈନ୍ଯେ ଚ ରଜସାଽଽବୃତେ॥ 7-41-25 (46508)
ଆଦଦାନଂ ଗଜାଶ୍ବାନାଂ ଣାଂ ଚାଯୁଂଷି ଭାରତ।
କ୍ଷମେନ ଭୂଯଃ ପଶ୍ଯାମଃ ସୂର୍ଯଂ ମଧ୍ଯଂଦିନେ ଯଥା॥ 7-41-26 (46509)
ଅଭିମନ୍ଯୁଂ ମହାରାଜ ପ୍ରତପନ୍ତଂ ଦ୍ବିଷଦ୍ଗଣାନ୍।
ସ ବାସବସମଃ ସଙ୍ଖ୍ଯେ ବାସବସ୍ଯାତ୍ମଜାତ୍ମଜଃ॥ 7-41-27 (46510)
ଅଭିମନ୍ଯୁର୍ମହାରାଜ ସୈନ୍ଯମଧ୍ଯେ ବ୍ଯରୋଚତ।
`ଯଥା ପୁରା ବହ୍ନିସୁତଃ ସୁରସୈନ୍ଯେଷୁ ବୀର୍ଯବାନ୍'॥ ॥ 7-41-28 (46511)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ତ୍ରଯୋଦଶଦିବସଯୁଦ୍ଧେ ଏକଚତ୍ବାରିଂଶୋଽଧ୍ଯାଯଃ॥ 41 ॥
ଦ୍ରୋଣପର୍ବ - ଅଧ୍ଯାଯ 042
॥ ଶ୍ରୀଃ ॥
7.42. ଅଧ୍ଯାଯଃ 042
Mahabharata - Drona Parva - Chapter Topics
ସ଼ଞ୍ଜଯେନ ଧୃତରାଷ୍ଟ୍ରଂ ପ୍ରତି ଅଭିମନ୍ଯୁମନୁଗତାନାଂ ଜଯଦ୍ଗଥେନ ନିରୋଧକଥନମ୍॥ 1 ॥ ତଥା ଜଯଦ୍ଗଥସ୍ଯ ରୁଦ୍ରାତ୍ ପାଣ୍ଡବନିରୋଧରୂପବରଲାଭକଥନମ୍॥ 2 ॥Mahabharata - Drona Parva - Chapter Text
7-42-0 (46512)
ଧୃତରାଷ୍ଟ୍ର ଉବାଚ। 7-42-0x (4362)
ବାଲମତ୍ଯନ୍ତସୁଖିନଂ ସ୍ବବାହୁବଲଦର୍ପିତମ୍।
ଯୁଦ୍ଧେଷ୍ବକୁଶଲଂ ବୀରଂ କୁଲପୁତ୍ରଂ ତନୁତ୍ଯଜମ୍॥ 7-42-1 (46513)
ଗାହମାନମନୀକାନି ସଦଶ୍ବୈଶ୍ଚ ତ୍ରିହାଯନୈଃ।
ଅପି ଯୌଧିଷ୍ଠିରାତ୍ସୈନ୍ଯାତ୍କଶ୍ଚିଦନ୍ବପତଦ୍ବଲୀ॥ 7-42-2 (46514)
ସଞ୍ଜଯ ଉବାଚ। 7-42-3x (4363)
ଯୁଧିଷ୍ଠିରୋ ଭୀମସେନଃ ଶିଖଣ୍ଡୀ ସାତ୍ଯକିର୍ଯମୌ।
ଧୃଷ୍ଟଦ୍ଯୁମ୍ନୋ ବିରାଟଶ୍ଚ ଦ୍ରୁପଦଶ୍ଚ ସଙ୍କେକଯଃ॥ 7-42-3 (46515)
ଧୃଷ୍ଟକେତୁଶ୍ଚ ସଂରବ୍ଧୋ ମାତ୍ସ୍ଯାଶ୍ଚାଭ୍ଯପତନ୍ରଣେ।
ତେନୈବ ତୁ ପଥା ଯାନ୍ତଃ ପିତରୋ ମାତୁଲୈଃ ସହ॥ 7-42-4 (46516)
ଅଭ୍ଯଦ୍ରବନ୍ପରୀପ୍ସନ୍ତୋ ବ୍ଯୂଢାନୀକାଃ ପ୍ରହାରିଣଃ।
ତାନ୍ଦୃଷ୍ଟ୍ବା ଦ୍ରବତଃ ଶୂରାଂସ୍ତ୍ବଦୀଯା ବିମୁଖାଽଭବନ୍॥ 7-42-5 (46517)
ତତସ୍ତଦ୍ବିମୁଖଂ ଦୃଷ୍ଟ୍ବା ତବ ସୂନୋର୍ମହଦ୍ବଲମ୍।
ଜାମାତା ତବ ତେଜସ୍ବୀ ସଂସ୍ତମ୍ଭଯିଷୁରାଦ୍ରବତ୍॥ 7-42-6 (46518)
ସୈନ୍ଧବସ୍ଯ ମହାରାଜ ପୁତ୍ରୋ ରାଜା ଜଯଦ୍ରଥଃ।
ସ ପୁତ୍ରଗୃଦ୍ଧିନଃ ପାର୍ଥାନ୍ସହସୈନ୍ଯାନବାରଯତ୍॥ 7-42-7 (46519)
ଉଗ୍ରଧନ୍ବା ମହେଷ୍ବାସୋ ଦିବ୍ଯମସ୍ତ୍ରମୁଦୀରଯନ୍।
ବାର୍ଧକ୍ଷତ୍ରିରୁପାସେଧତ୍ପ୍ରବଣାଦିବ କୁଞ୍ଜରଃ॥ 7-42-8 (46520)
ଧୃତରାଷ୍ଟ୍ର ଉବାଚ। 7-42-9x (4364)
କତିଭାରମହଂ ମନ୍ଯେ ସୈନ୍ଧବେ ସଞ୍ଜଯାହିତମ୍।
ଯଦେକଃ ପାଣ୍ଡବାନ୍କ୍ରୁଦ୍ଧାନ୍ପୁପ୍ରେପ୍ସୂନବାରଯତ୍॥ 7-42-9 (46521)
ଅତ୍ଯଦ୍ଭୁତମହଂ ମନ୍ଯେ ବଲଂ ଶୌର୍ଯଂ ଚ ସୈନ୍ଧବେ।
ତସ୍ଯ ପ୍ରବ୍ରୂହି ମେ ବୀର୍ଯଂ କର୍ମ ଚାଗ୍ର୍ଯଂ ମହାତ୍ମନଃ॥ 7-42-10 (46522)
କିଂ ଜପ୍ତଂ ହୁତମିଷ୍ଟଂ ବା କିଂ ସୁତପ୍ତମଥୋ ତପଃ।
`ଦମୋ ବା ବ୍ରହ୍ମଚର୍ଯଂ ବା ସୂତ ଯଚ୍ଚାସ୍ଯ ସତ୍ତମ॥ 7-42-11 (46523)
ଦେବଂ କତମମାରାଧ୍ଯ ବିଷ୍ଣୁମୀଶାନମବ୍ଜଜମ୍।
ସିନ୍ଧୁରାଟ୍ ତନଯେ ସକ୍ତାନ୍କ୍ରୁଦ୍ଧାନ୍ପାର୍ଥାନବାରଯତ୍॥ 7-42-12 (46524)
ନୈବଂ କୃତଂ ମହତ୍କର୍ମ ଭୀଷ୍ମେଣାଜ୍ଞାସିଷଂ ତଥା'।
ସିନ୍ଧୁରାଜୋ ହି ଯେନୈକଃ ପାଣ୍ଡବାନ୍ସମବାରଯତ୍॥ 7-42-13 (46525)
ସଞ୍ଜଯ ଉବାଚ। 7-42-14x (4365)
ଦ୍ବୀପଦୀହରଣେ ଯତ୍ତଦ୍ଭୀମସେନେନ ନିର୍ଜିତଃ।
ମାନାତ୍ସ ତପ୍ତବାନ୍ରାଜା ବରାର୍ଥୀ ସୁମହତ୍ତପଃ॥ 7-42-14 (46526)
ଇନ୍ଦ୍ରିଯାଣୀନ୍ଦ୍ରିଯାର୍ଥେଭ୍ଯଃ ପ୍ରିଯେଭ୍ଯଃ ସନ୍ନିବର୍ତ୍ଯ ସଃ।
କ୍ଷୁତ୍ପିପାସାତକପସହଃ କୃଶୋ ଧମନିସନ୍ତତଃ॥ 7-42-15 (46527)
ଦେବମାରାଧଯଚ୍ଛର୍ବଂ ଗୃଣନ୍ବ୍ରହ୍ମ ସନାତନମ୍।
ଭକ୍ତାନୁକମ୍ପୀ ଭଗବାଂସ୍ତସ୍ଯ ଚକ୍ରେ ତତୋ ଦଯାମ୍॥ 7-42-16 (46528)
ସ୍ବପ୍ନାନ୍ତେଽପ୍ଯଥ ଚୈବାହ ହରଃ ସିନ୍ଧୁପତେଃ ସୁତମ୍।
ବରଂ ବୃଣୀଷ୍ବ ପ୍ରୀତୋଽସ୍ମି ଜଯଦ୍ରଥ କିମିଚ୍ଛସି॥ 7-42-17 (46529)
ଏବମୁକ୍ତସ୍ତୁ ଶର୍ବେଣ ସିନ୍ଧୁରାଜୋ ଜଯଦ୍ରଥଃ।
ଉବାଚ ପ୍ରଣତୋ ରୁଦ୍ରଂ ପ୍ରାଞ୍ଜଲିର୍ନିଯତାତ୍ମବାନ୍॥ 7-42-18 (46530)
ପାଣ୍ଡବେଯାନହଂ ସଙ୍ଖ୍ଯେ ଭୀମବୀର୍ଯପରାକ୍ରମାନ୍।
ବାରଯେଯଂ ରଥେନୈକଃ ସମସ୍ତାନିତି ଭାରତ॥ 7-42-19 (46531)
ଏବମୁକ୍ତସ୍ତୁ ଦେବେଶୋ ଜଯଦ୍ରଥମଥାବ୍ରବୀତ୍।
ଦଦାମି ତେ ବରଂ ସୌମ୍ଯ ବିନା ପାର୍ଥଂ ଧନଞ୍ଜଯମ୍।
ବାରଯିଷ୍ଯସି ସଙ୍ଗ୍ରାମେ ଚତୁରଃ ପାଣ୍ଡୁନନ୍ଦନାନ୍॥ 7-42-20 (46532)
`ଏକାହମିତି ରାଜେନ୍ଦ୍ର ତତ୍ରୈବାନ୍ତରଧୀଯତ'।
ଏବମସ୍ତ୍ବିତି ଦେବେଶମୁକ୍ତ୍ବାବୁଦ୍ଧ୍ଯତ ପାର୍ଥିବଃ॥ 7-42-21 (46533)
ସ ତେନ ବରଦାନେନ ଦିବ୍ଯେନାସ୍ତ୍ବଲେନ ଚ।
ଏକଃ ସଂବାରଯାମାସ ପାଣ୍ଡବାନାମନୀକିନୀମ୍॥ 7-42-22 (46534)
ତସ୍ଯ ଜ୍ଯାତଲଘୋଷେଣ କ୍ଷତ୍ରିଯାନ୍ଭଯମାବିଶତ୍।
ପରାଂସ୍ତୁ ତବ ସୈନ୍ଯସ୍ଯ ହର୍ଷଃ ପରମକୋଽଭବତ୍॥ 7-42-23 (46535)
ଦୃଷ୍ଟ୍ବା ତୁ କ୍ଷତ୍ରିଯା ଭାରଂ ସୈନ୍ଧବେ ସର୍ବମାହିତମ୍।
ଉତ୍କ୍ରୁଶ୍ଯାଭ୍ଯଦ୍ରବନ୍ରାଜନ୍ଯେନ ଯୌଧିଷ୍ଠିରଂ ବଲମ୍॥ ॥ 7-42-24 (46536)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ତ୍ରଯୋଦଶଦିବସଯୁଦ୍ଧେ ଦ୍ବିଚତ୍ବାରିଂଶୋଽଧ୍ଯାଯଃ॥ 42 ॥
Mahabharata - Drona Parva - Chapter Footnotes
5-42-8 ପ୍ରବଣାନ୍ନିମ୍ନପ୍ରଦେଶଂ ପ୍ନାପ୍ଯ॥ 5-42-10 ବଲଂ ସାମର୍ଥ୍ଯମ୍। ଶୌର୍ଯମୁତ୍ସାହଃ ବୀର୍ଯଂ ପ୍ରଭାବମ୍॥ 5-42-42 ଦ୍ବିଚତ୍ବାରିଂଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 043
॥ ଶ୍ରୀଃ ॥
7.43. ଅଧ୍ଯାଯଃ 043
Mahabharata - Drona Parva - Chapter Topics
ଜଯଦ୍ରଥେନ ରୁଦ୍ରବରାତ୍ ବ୍ଯୂହପଥଂ ପିଧାଯ ପାଣ୍ଡବାଦିନିରୋଧଃ॥ 1 ॥Mahabharata - Drona Parva - Chapter Text
7-43-0 (46537)
ସଞ୍ଜଯ ଉବାଚ। 7-43-0x (4366)
ଯନ୍ମାଂ ପୃଚ୍ଛସି ରାଜେନ୍ଦ୍ର ସିନ୍ଧୁରାଜସ୍ଯ ବିକ୍ରମମ୍।
ଶୃଣୁ ତତ୍ସର୍ବମାଖ୍ଯାସ୍ଯେ ଯଥା ପାଣ୍ଡୂନଯୋଧଯତ୍॥ 7-43-1 (46538)
ତମୂହୁର୍ବାଜିନୋ ବଶ୍ଯାଃ ସୈନ୍ଧବାଃ ସାଧୁବାହିନଃ।
ବିକୁର୍ବାଣା ବୃହନ୍ତୋଽଶ୍ବାଃ ଶ୍ବସନୋପରଂହସଃ॥ 7-43-2 (46539)
ଗନ୍ଧର୍ବନଗରାକାରଂ ବିଧିବତ୍କଲ୍ପିତଂ ରଥମ୍।
ତସ୍ଯାଭ୍ଯଶୋଭଯତ୍କେତୁର୍ବାରାହୋ ରାଜତୋ ମହାନ୍॥ 7-43-3 (46540)
ଶ୍ବେତଶ୍ଚତ୍ରପତାକାଭିଶ୍ଚାମରବ୍ଯଜନେନ ଚ।
ସ ବଭୌ ରାଜଲିଙ୍ଗୈସ୍ତୈସ୍ତାରାପତିରିବାମ୍ବରେ॥ 7-43-4 (46541)
ମୁକ୍ତାବଜ୍ରମଣିସ୍ବର୍ଣୈର୍ଭୂଷିତଂ ତଦଯସ୍ମଯମ୍।
ବରୂଥଂ ବିବଭୌ ତସ୍ଯ ଜ୍ଯୋତିର୍ଭିଃ ଖମିବାବୃତମ୍॥ 7-43-5 (46542)
ସ ବିଷ୍ଫାର୍ଯ ମହଚ୍ଚାପଂ କିରନ୍ନିଷୁଗଣାନ୍ବହୂନ।
ତତ୍କଣ୍ଡଂ ପୂରଯାମାସ ଯଦାର୍ଜୁନିରଦାରଯତ୍॥ 7-43-6 (46543)
ସ ସାତ୍ଯକିଂ ତ୍ରିଭିର୍ବାଣୈରଷ୍ଟଭିଶ୍ଚ ବୃକୋଦରମ୍।
ଧୃଷ୍ଟଦ୍ଯୁମ୍ନଂ ତଥା ଷଷ୍ଟ୍ଯା ବିରାଟଂ ଦଶଭିଃ ଶରୈଃ॥ 7-43-7 (46544)
ଦ୍ରୁପଦଂ ପଞ୍ଚଭିସ୍ତୀକ୍ଷ୍ଣୈଃ ସପ୍ତଭିଶ୍ଚ ଶିଖଣ୍ଡିନମ୍।
କେକଯାନ୍ପଞ୍ଚବିଂଶତ୍ଯା ଦ୍ରୌପଦେଯାଂସ୍ତ୍ରିଭିସ୍ତ୍ରିଭିଃ॥ 7-43-8 (46545)
ଯୁଧିଷ୍ଠିରଂ ତୁ ସପ୍ତତ୍ଯା ତତଃ ଶେଷାନପାନୁଦତ୍।
ଇଷୁଜାଲେନ ମହତା ତଦଦ୍ଭୁତମିବାଭବତ୍॥ 7-43-9 (46546)
ଅଥାସ୍ଯ ଶିତପୀତେନ ଭଲ୍ଲେନାଦିଶ୍ଯ କାର୍ମୁକମ୍।
ଚିଚ୍ଛେଦ ପ୍ରହସନ୍ରାଜା ଧର୍ମପୁତ୍ରଃ ପ୍ରତାପବାନ୍॥ 7-43-10 (46547)
ଅକ୍ଷ୍ଣୋର୍ନିମେଷମାତ୍ରେଣ ସୋଽନ୍ଯଦାଦାଯ କାର୍ମୁକମ୍।
ବିବ୍ଯାଧ ଦଶଭିଃ ପାର୍ଥଂ ତାଂଶ୍ଚୈବାନ୍ଯାଂସ୍ତ୍ରିଭିସ୍ତ୍ରିଭିଃ॥ 7-43-11 (46548)
ତତ୍ତସ୍ଯ ଲାଘବଂ ଜ୍ଞାତ୍ବା ଭୀମୋ ଭଲ୍ଲୈସ୍ତ୍ରିଭିସ୍ତ୍ରିଭିଃ।
ଧନୁର୍ଧ୍ବଜଂ ଚ ଚ୍ଛତ୍ରଂ ଚ କ୍ଷିତୌ କ୍ଷିପ୍ରମପାତଯତ୍॥ 7-43-12 (46549)
ସୋଽନ୍ଯଦାଦାଯ ବଲବାନ୍ସଜ୍ଜଂ କୃତ୍ବା ଚ କାର୍ମୁକମ୍।
ଭୀମସ୍ଯାପାତଯତ୍କେତୁଂ ଧନୁରଶ୍ବାଂଶ୍ଚ ମାରିଷ॥ 7-43-13 (46550)
ସ ହତାଶ୍ବାଦବପ୍ଲୁତ୍ଯ ଚ୍ଛିନ୍ନଧନ୍ବା ରଥୋତ୍ତମାତ୍।
ସୋତ୍ଯକେରାପ୍ଲୁତୋ ଯାନଂ ଗିର୍ଯଗ୍ରମିବ କେସରୀ॥ 7-43-14 (46551)
ତତସ୍ତ୍ବଦୀଯାଃ ସଂହୃଷ୍ଟାଃ ସାଧୁସାଧ୍ବିତି ବାଦିନଃ।
ସିନ୍ଧୁରାଜସ୍ଯ ତତ୍କର୍ମ ପ୍ରେକ୍ଷ୍ଯାଶ୍ରଦ୍ଧେଯମଦ୍ଭୁତମ୍॥ 7-43-15 (46552)
ସଙ୍କ୍ରୁଦ୍ଧାନ୍ପାଣ୍ଡବାନେକୋ ଯଦ୍ଦଧାରାସ୍ତ୍ରତେଜସା।
ତତ୍ତସ୍ଯ କର୍ମ ଭୂତାନି ସର୍ବାଣ୍ଯେବାଭ୍ଯପୂଜଯନ୍॥ 7-43-16 (46553)
ସୌଭଦ୍ରେଣ ହତୈଃ ପୂର୍ବଂ ସୋତ୍ତରାଯୋଧିଭିର୍ଦ୍ବିପୈଃ।
ପାଣ୍ଡୂନାଂ ଦର୍ଶିତଃ ପନ୍ଥାଃ ସୈନ୍ଧବେନ ନିବାରିତଃ॥ 7-43-17 (46554)
ଯତମାନାସ୍ତୁ ତେ ବୀରା ମାତ୍ସ୍ଯପାଞ୍ଚାଲକେକଯାଃ।
ପାଣ୍ଡବାଶ୍ଚାନ୍ବପଦ୍ଯନ୍ତ ପ୍ରତିଶେକୁର୍ନ ସୈନ୍ଧବମ୍॥ 7-43-18 (46555)
ଯୋ ଯୋ ହି ଯତତେ ଭେତ୍ତୁଂ ଦ୍ରୋଣାନୀକଂ ତବାହିତଃ।
ତତ୍ତମେବ ବରଂ ପ୍ରାପ୍ଯ ସୈନ୍ଧବଃ ପ୍ରତ୍ଯବାରଯତ୍॥ ॥ 7-43-19 (46556)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭମନ୍ଯୁବଧପର୍ବଣି ତ୍ରଯୋଦଶଦିବସଯୁଦ୍ଧେ ତ୍ରିଚତ୍ବାରିଂଶୋଽଧ୍ଯାଯଃ॥ 43 ॥
Mahabharata - Drona Parva - Chapter Footnotes
5-43-5 ବରୂଥଂ ରଥବେଷ୍ଟନମ୍॥ 5-43-10 ଆଦିଶ୍ଯ ଏଷ ଚ୍ଛିନଦ୍ମୀତ୍ଯୁଦ୍ଦିଶ୍ଯ॥ 5-43-43 ତ୍ରିଚତ୍ବାରିଂଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 044
॥ ଶ୍ରୀଃ ॥
7.44. ଅଧ୍ଯାଯଃ 044
Mahabharata - Drona Parva - Chapter Topics
ଅଭିମନ୍ଯୁପରାକ୍ରମବର୍ଣନମ୍॥ 1 ॥Mahabharata - Drona Parva - Chapter Text
7-44-0 (46557)
ସଞ୍ଜଯ ଉବାଚ। 7-44-0x (4367)
ସୈନ୍ଧବେନ ନିରୁଦ୍ଧେଷୁ ଜଯଗୃଦ୍ଧିଷୁ ପାଣ଼୍ଡୁଷୁ।
ସୁଘୋରମଭବଦ୍ଯୁଦ୍ଧଂ ତ୍ବଦୀଯାନାଂ ପରୈଃ ସହ॥ 7-44-1 (46558)
ପ୍ରବିଶ୍ଯାଥାର୍ଜୁନିଃ ସେନାଂ ସତ୍ଯସନ୍ଧୋ ଦୁରାସଦଃ।
ବ୍ଯକ୍ଷୋଭଯତ ତେଜସ୍ବୀ ମକରଃ ସାଗରଂ ଯଥା॥ 7-44-2 (46559)
ତଂ ତଥା ଶରବର୍ଷେଣ ଛାଦଯନ୍ତମରିଂଦମମ୍।
ଯଥା ପ୍ରଧାନାଃ ସୌଭଦ୍ରମଭ୍ଯଯୁଃ କୁରୁସତ୍ତମାଃ॥ 7-44-3 (46560)
ତେଷାଂ ତସ୍ଯ ଚ ସମ୍ମର୍ଦୋ ଦାରୁଣଃ ସମପଦ୍ଯତ।
ସୃଜତାଂ ଶରବର୍ଷାଣି ପ୍ରସକ୍ତମମିତୌଜସାମ୍॥ 7-44-4 (46561)
ରଥବ୍ରଜେନ ସଂରୁଦ୍ଧସ୍ତୈରମିତ୍ରୈସ୍ତଥାଽଽର୍ଜୁନିଃ।
ବୃଷସେନସ୍ଯ ଯନ୍ତାରଂ ହତ୍ବା ଚିଚ୍ଛେଦ କାର୍ମୁକମ୍॥ 7-44-5 (46562)
ତଂ ଚ ବିବ୍ଯାଧ ବଲବାଂସ୍ତସ୍ଯ ଚାଶ୍ବାନଜିହ୍ମଗୈଃ।
ବାତାଯମାନୈସ୍ତୈରଶ୍ବୈର୍ବିସଂଜ୍ଞୋଽପହୃତୋ ରଣାତ୍॥ 7-44-6 (46563)
ତେନାନ୍ତରେଣାଭିମନ୍ଯୋର୍ଯନ୍ତାପାସାରଯଦ୍ରଥମ୍।
ରଥବ୍ରଜାସ୍ତତୋ ହୃଷ୍ଟାଃ ସାଧୁସାଧ୍ବିତି ଚୁକ୍ରୁଶୁଃ॥ 7-44-7 (46564)
ତଂ ସିଂହମିବ ସଙ୍କ୍ରୁଦ୍ଧଂ ପ୍ରମଥ୍ନନ୍ତଂ ଶରୈରରୀନ୍।
ଆରାଦାଯାନ୍ତମଭ୍ଯେତ୍ଯ ବସାତୀଯୋଽଭ୍ଯଯାଦ୍ଦ୍ରୁତମ୍॥ 7-44-8 (46565)
ସୋଽଭିମନ୍ଯୁଂ ଶରୈଃ ଷଷ୍ଟ୍ଯା ରୁକ୍ମପୁଙ୍କୈରବାକିରତ୍।
ଅବ୍ରବୀଚ୍ଚ ନ ମେ ଜୀବଞ୍ଜୀବତୋ ଯୁଧି ମୋକ୍ଷ୍ଯସେ॥ 7-44-9 (46566)
ତମଯସ୍ମଯବର୍ମାଣମିଷୁଣା ଦୂରପାତିନା।
ବିବ୍ଯାଧ ହୃଦି ସୌଭଦ୍ରଃ ସ ପପାତ ବ୍ଯସୁଃ କ୍ଷିତୌ॥ 7-44-10 (46567)
ବସାତୀଯଂ ହତଂ ଦୃଷ୍ଟ୍ବା କ୍ରୁଦ୍ଧାଃ କ୍ଷତ୍ରିଯପୁଙ୍ଗବାଃ।
ପରିବବ୍ରୁସ୍ତଦା ରାଜଂସ୍ତବ ପୌତ୍ରଂ ଜିଘାଂସବଃ॥ 7-44-11 (46568)
ବିଷ୍ଫାରଯନ୍ତଶ୍ଚାପାନି ନାନାରୂପାଣ୍ଯନେକଶଃ।
ତଦ୍ଯୁଦ୍ଧମଭବଦ୍ରୌଦ୍ରଂ ସୌଭଦ୍ରସ୍ଯାରିଭିଃ ସହ॥ 7-44-12 (46569)
ତେଷାଂ ଶରାନ୍ସେଷ୍ବସନାଞ୍ଶରୀରାଣି ଶିରାଂସି ଚ।
ସକୁଣ୍ଡଲାନି ସ୍ରଗ୍ବୀଣି କ୍ରୁଦ୍ଧଶ୍ଚିଚ୍ଛେଦ ଫାଲ୍ଗୁନିଃ॥ 7-44-13 (46570)
ସଖଙ୍ଗାଃ ସାଙ୍ଗୁଲିତ୍ରାଣାଃ ସପଟ୍ଟସପରଶ୍ବଥାଃ।
ଅଦୃଶ୍ଯନ୍ତ ଭୁଜାଶ୍ଛିନ୍ନା ହେମାଭରଣଭୂଷିତାଃ॥ 7-44-14 (46571)
ସ୍ରଗ୍ଭିରାଭରଣୈର୍ବସ୍ତ୍ରୈଃ ପତିତୈର୍ବିବିଧୈର୍ଧ୍ବଜୈଃ।
ବର୍ମଭିଶ୍ଚର୍ମଭିର୍ହାରୈର୍ମୁକୁଟୈଶ୍ଛତ୍ରଚାମରୈଃ॥ 7-44-15 (46572)
ଉପସ୍କରୈରଧିଷ୍ଠାନୈରୀଷାଦଣ୍ଡକବନ୍ଧୁରୈଃ।
ଅକ୍ଷୈର୍ବିମଥିତୈଶ୍ଚକ୍ରୈର୍ଭଗ୍ନୈଶ୍ଚ ବହୁଧା ଯୁଗୈଃ॥ 7-44-16 (46573)
ଅନୁକର୍ଷୈଃ ପତାକାଭିସ୍ତଥା ସାରଥିବାଜିଭିଃ।
ରଥୈଶ୍ଚ ଭଗ୍ନୈର୍ନାଗୈଶ୍ଚ ହତୈଃ କୀର୍ଣାଭବନ୍ମହୀ॥ 7-44-17 (46574)
ନିହତୈଃ କ୍ଷତ୍ରିଯୈଃ ଶୂରୈର୍ନାନାଜନପଦେଶ୍ବରୈଃ।
ଜଯଗୃଦ୍ଧୈର୍ବୃତା ଭୂମିର୍ଦାରୁଣା ସମପଦ୍ଯତ॥ 7-44-18 (46575)
ଦିଶୋ ବିଚରତସ୍ତସ୍ଯ ସର୍ବାଶ୍ଚ ପ୍ରଦିଶସ୍ତଥା।
ରଣେଽଭିମନ୍ଯୋଃ କ୍ରୁଦ୍ଧସ୍ଯ ରୂପମନ୍ତରଧୀଯତ॥ 7-44-19 (46576)
କାଞ୍ଚନଂ ଯଦ୍ଯଦସ୍ଯାସୀଦ୍ବର୍ମ ଚାଭରଣାନି ଚ।
ଧନୁଷଶ୍ଚ ଶରାଣାଂ ଚ ତଦପଶ୍ଯାମ କେବଲମ୍॥ 7-44-20 (46577)
ତଂ ତଦା ନାଶକତ୍କଶ୍ଚିଚ୍ଚକ୍ଷୁର୍ଭ୍ଯାମଭିବୀକ୍ଷିତୁମ୍।
ଆଦଦାନଂ ଶରୈର୍ଯୋଧାନ୍ମଧ୍ଯେ ସୂର୍ଯମିବ ସ୍ଥିତମ୍॥ ॥ 7-44-21 (46578)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ତ୍ରଯୋଦଶଦିବସଯୁଦ୍ଧେ ଚତୁଶ୍ଚତ୍ବାରିଂଶୋଽଧ୍ଯାଯଃ॥ 44 ॥
ଦ୍ରୋଣପର୍ବ - ଅଧ୍ଯାଯ 045
॥ ଶ୍ରୀଃ ॥
7.45. ଅଧ୍ଯାଯଃ 045
Mahabharata - Drona Parva - Chapter Topics
ଅଭିମନ୍ଯୋଃ ପରାକ୍ରମଃ ତେନ ଦୁର୍ଯୋଧନପରାଜଯଃ॥ 1 ॥Mahabharata - Drona Parva - Chapter Text
7-45-0 (46579)
ସଞ୍ଜଯ ଉବାଚ। 7-45-0x (4368)
ଆଦଦାନସ୍ତୁ ଶୂରାଣାମାଯୁଂଷ୍ଯଭବଦାର୍ଜୁନିଃ।
ଅନ୍ତକଃ ସର୍ବଭୂତାନାଂ ପ୍ରାଣାନ୍କାଲ ଇବାଗତେ॥ 7-45-1 (46580)
ସ ଶକ୍ର ଇବ ବିକ୍ରାନ୍ତଃ ଶକ୍ରସୂନୋଃ ସୁତୋ ବଲୀ।
ଅଭିମନ୍ଯୁସ୍ତଦାନୀକଂ ଲୋଡଯନ୍ସମଦୃଶ୍ଯତ॥ 7-45-2 (46581)
ପ୍ରବିଶ୍ଯୈବ ତୁ ରାଜେନ୍ଦ୍ର କ୍ଷତ୍ରିଯେନ୍ଦ୍ରାନ୍ତକୋପମଃ।
ସତ୍ଯଶ୍ରବସମାଦତ୍ତ ବ୍ଯାଘ୍ରୋ ମୃଗମିବୋଲ୍ବଣଃ॥ 7-45-3 (46582)
ସତ୍ଯଶ୍ରବସି ଚାକ୍ଷିପ୍ତେ ତ୍ବରମାଣା ମହାରଥାଃ।
ପ୍ରଗୃହ୍ଯ ବିପୁଲଂ ଶସ୍ତ୍ରମଭିମନ୍ଯୁମୁପାଦ୍ରବନ୍॥ 7-45-4 (46583)
ଅହଂପୂର୍ବମହଂପୂର୍ବମିତି କ୍ଷତ୍ରିଯପୁଙ୍ଗବାଃ।
ସ୍ପର୍ଧମାନାଃ ସମାଜଗ୍ମୁର୍ଜିଘାଂସନ୍ତୋଽର୍ଜୁନାତ୍ମଜମ୍॥ 7-45-5 (46584)
କ୍ଷତ୍ରିଯାଣାମନୀକାନି ପ୍ରଦ୍ରୁତାନ୍ଯଭିଧାବତାମ୍।
ଜଗ୍ରାହ ତିମିରାସାଦ୍ଯ କ୍ଷୁଦ୍ରମତ୍ସ୍ଯାନିବାର୍ଣିବେ॥ 7-45-6 (46585)
ଯେ କେଚନ ଗତାସ୍ତସ୍ଯ ସମୀପମପଲାଯିନଃ।
ନ ତେ ପ୍ରତିନ୍ଯବର୍ତନ୍ତ ସମୁଦ୍ରାଦିବ ସିନ୍ଧବଃ॥ 7-45-7 (46586)
ମହାଗ୍ରହଗୃହୀତେବ ବାତବେଗଭଯାର୍ଦିତା।
ସମକମ୍ପତ ସା ସେନା ବିଭ୍ରଷ୍ଟା ନୌରିବାର୍ଣବେ॥ 7-45-8 (46587)
ଅଥ ରୁକ୍ମରଥୋ ନାମ ମଦ୍ରେଶ୍ବରସୁତୋ ବଲୀ।
ତ୍ରସ୍ତାମାଶ୍ବାସଯନ୍ସେନାମତ୍ରସ୍ତୋ ବାକ୍ଯମବ୍ରବୀତ୍॥ 7-45-9 (46588)
ଅଲଂ ତ୍ରାସେନ ବଃ ଶୂରା ନୈଷ କଶ୍ଚିନ୍ମଯି ସ୍ଥିତେ।
ଅହମେନଂ ଗ୍ରୀହଷ୍ଯାମି ଜୀବଗ୍ରାହଂ ନ ସଂଶଯଃ॥ 7-45-10 (46589)
ଏବମୁକ୍ତ୍ବା ତୁ ସୌଭଦ୍ରମଭିଦୁଦ୍ରାବ ବୀର୍ଯବାନ୍।
ସୁକଲ୍ପିତେନୋହ୍ଯମାନଃ ସ୍ଯନ୍ଦନେନ ବିରାଜତା॥ 7-45-11 (46590)
ସୋଽଭିମନ୍ଯୁଂ ତ୍ରିଭିର୍ବାଣୈର୍ବିଦ୍ଧ୍ବା ବକ୍ଷସ୍ଯଥାନଦତ୍।
ତ୍ରିଭିଶ୍ଚ ଦକ୍ଷିଣେ ବାହୌ ସବ୍ଯେ ଚ ନିଶିତୈସ୍ତ୍ରିଭିଃ॥ 7-45-12 (46591)
ସ ତସ୍ଯେଷ୍ବସନଂ ଛିତ୍ତ୍ବା ଫାଲ୍ଗୁନିଃ ସବ୍ଯଦକ୍ଷିଣୌ।
ଭୁଜୌ ଶିରଶ୍ଚ ସ୍ବକ୍ଷିଭ୍ରୁ କ୍ଷିତୌ କ୍ଷିପ୍ରମପାତଯତ୍॥ 7-45-13 (46592)
ଦୃଷ୍ଟ୍ବା ରୁକ୍ମରଥଂ ରୁଗ୍ଣଂ ପୁତ୍ରଂ ଶଲ୍ଯସ୍ଯ ମାନିନମ୍।
ଜୀବଗ୍ରାହଂ ଜିଘୃକ୍ଷନ୍ତଂ ସୌଭଦ୍ରେଣ ଯଶସ୍ବିନା॥ 7-45-14 (46593)
ସଙ୍ଗ୍ରାମଦୁର୍ମଦା ରାଜନ୍ରାଜପୁତ୍ରାଃ ପ୍ରହାରିଣଃ।
ବଯସ୍ଯାଃ ଶଲ୍ଯପୁତ୍ରସ୍ଯ ସୁବର୍ଣବିକୃତଧ୍ବଜାଃ॥ 7-45-15 (46594)
ତାଲମାତ୍ରାଣି ଚାପାନି ବିକର୍ଷନ୍ତୋ ମହାବଲାଃ।
ଆର୍ଜୁନିଂ ଶରବର୍ଷେଣ ସମନ୍ତାତ୍ପର୍ଯବାରଯନ୍॥ 7-45-16 (46595)
ଶୂରୈଃ ନିକ୍ଷାବଲୋପେତୈସ୍ତରୁଣୈରତ୍ଯମର୍ଷଣୈଃ।
ଦୃଷ୍ଟ୍ବୈକଂ ସମରେ ଶୂରଂ ସୌଭଦ୍ରମପରାଜିତମ୍॥ 7-45-17 (46596)
ଛାଦ୍ଯମାନଂ ଶରବ୍ରାତୈର୍ହୃଷ୍ଟୋ ଦୁର୍ଯୋଧନୋଽଭବତ୍।
ବୈବସ୍ବତସ୍ଯ ଭବନଂ ଗତଂ ହ୍ଯେମମନ୍ଯତ॥ 7-45-18 (46597)
ସୁବର୍ଣପୁଙ୍ଖୈରିଷୁଭିର୍ନାନାଲିଙ୍ଗୈଃ ସୁତେଜନୈଃ।
ଅଦୃଶ୍ଯମାର୍ଜୁନିଂ ଚକ୍ରୁର୍ନିମେଷାତ୍ତେ ନୃପାତ୍ମଜାଃ॥ 7-45-19 (46598)
ସସୂତାଶ୍ବଧ୍ବଜଂ ତସ୍ଯ ସ୍ଯନ୍ଦନଂ ତଂ ଚ ମାରିଷ।
ଆଚିତଂ ସମପଶ୍ଯାମ ଶ୍ବାବିଧଂ ଶଲଲୈରିବ॥ 7-45-20 (46599)
ସ ଗାଢବିଦ୍ଧଃ କ୍ରୁଦ୍ଧଶ୍ଚ ତୋତ୍ରୈର୍ଗଜ ଇବାର୍ଦିତଃ।
ଗାନ୍ଧର୍ବମସ୍ତ୍ରମାଯଚ୍ଛଦ୍ରଥମାଯାଂ ଚ ଭାରତ॥ 7-45-21 (46600)
ଅର୍ଜୁନୋ ତପସ୍ତପ୍ତ୍ବା ଗନ୍ଧର୍ବେଭ୍ଯୋ ଯଦାହୃତମ୍।
ତୁମ୍ବୁରୁପ୍ରମୁଖେଭ୍ଯୋ ବୈ ତେନାମୋହଯତାହିତାନ୍॥ 7-45-22 (46601)
ଏକଧା ଶତଧା ରାଜନ୍ଦୃଶ୍ଯତେ ସ୍ମ ସହସ୍ରଧା।
ଅଲାତଚକ୍ରବତ୍ସଙ୍ଖ୍ଯେ କ୍ଷିପ୍ରମସ୍ତ୍ରାଣି ଦର୍ଶଯନ୍॥ 7-45-23 (46602)
ରଥଚର୍ଯାସ୍ତ୍ରମାଯାଭିର୍ମୋହଯିତ୍ବା ପରନ୍ତପଃ।
ବିଭେଦ ଶତଧା ରାଜଞ୍ଶରୀରାଣି ମହୀକ୍ଷିତାମ୍॥ 7-45-24 (46603)
ପ୍ରାଣାଃ ପ୍ରାଣଭୃତାଂ ସଙ୍ଖ୍ଯେ ପ୍ରେଷିତା ନିଶିତୈଃ ଶରୈଃ।
ରାଜନ୍ପ୍ରାପୁରସୁଂ ଲୋକଂ ଶରୀରାଣ୍ଯବନିଂ ଯଯୁଃ॥ 7-45-25 (46604)
ଧନୂଂଷ୍ଯଶ୍ବାନ୍ନିଯନ୍ତୄଂଶ୍ଚ ଧ୍ବଜାନ୍ବାହୂଂଶ୍ଚ ସାଙ୍ଗଦାନ୍।
ସିରାଂସି ଚ ଶିତୈର୍ବାଣୈସ୍ତେଷାଂ ଚିଚ୍ଛେଦ ଫାଲ୍ଗୁନିଃ॥ 7-45-26 (46605)
ଚୂତାରାମୋ ଯଥା ଭଗ୍ନଃ ପଞ୍ଚବର୍ଷଃ ଫଲୋପଗଃ।
ରାଜପୁତ୍ରଶତଂ ତଦ୍ବତ୍ସୌଭଦ୍ରେଣ ନିପାତିତମ୍॥ 7-45-27 (46606)
କ୍ରୁଦ୍ଧାଶୀବିଷସଙ୍କାଶାନ୍ସୁକୁମାରାନ୍ସୁଖୋଚିତାନ୍।
ଏକେନ ନିହତାନ୍ଦୃଷ୍ଟ୍ବା ଭୀତୋ ଦୁର୍ଯୋଧନୋଽଭବତ୍॥ 7-45-28 (46607)
ରଥିନଃ କୁଞ୍ଜରାନଶ୍ବାନ୍ପଦାତୀଂଶ୍ଚାବମର୍ଦିତାନ୍।
ଦୃଷ୍ଟ୍ବା ଦୁର୍ଯୋଧନଃ କ୍ଷିପ୍ରମୁପାଯାତ୍ତମମର୍ଷିତଃ॥ 7-45-29 (46608)
ତଯୋଃ କ୍ଷଣମିବାପୂର୍ବଃ ସଙ୍ଗ୍ରାମଃ ସମପଦ୍ଯତ।
ଅଥାଭବତ୍ତେ ବିମୁଖଃ ପୁତ୍ରଃ ଶରଶତାହତଃ॥ ॥ 7-45-30 (46609)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ତ୍ରଯୋଦଶଦିସଯୁଦ୍ଧେ ପଞ୍ଚତ୍ବାରିଂଶୋଽଧ୍ଯାଯଃ॥ 45 ॥
Mahabharata - Drona Parva - Chapter Footnotes
5-45- ଆଯଚ୍ଛତ୍ପ୍ରଯୁକ୍ତବାନ୍। ରଥମାଯାଂ ଦୁର୍ଲକ୍ଷ୍ଯାଂ ରଥଶିକ୍ଷାମ୍॥ 5-45- ଫଲୋପଗଃ ଫଲୋନ୍ମୁଖଃ॥ 5-45- ପଞ୍ଚଚତ୍ବାରିଂଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 046
॥ ଶ୍ରୀଃ ॥
7.46. ଅଧ୍ଯାଯଃ 046
Mahabharata - Drona Parva - Chapter Topics
ଅଭିମନ୍ଯୁନା ଦୁର୍ଯୋଧନସୂନୋର୍ଲକ୍ଷ୍ମଣସ୍ଯ ବଧଃ॥ 1 ॥Mahabharata - Drona Parva - Chapter Text
7-46-0 (46610)
ଧୃତରାଷ୍ଟ୍ର ଉବାଚ। 7-46-0x (4369)
ଯଥା ବଦସି ମେ ସୂତ ଏକସ୍ଯ ବହୁଭିଃ ସହ।
ସଙ୍ଗ୍ରାମଂ ତୁମୁଲଂ ଘୋରଂ ଜଯଂ ଚୈବ ମହାତ୍ମନଃ॥ 7-46-1 (46611)
ଅଶ୍ରଦ୍ଧେଯମିବାଶ୍ଚର୍ଯଂ ସୌଭଦ୍ରସ୍ଯାଥ ବିକ୍ରମମ୍।
କିନ୍ତୁ ନାତ୍ଯଦ୍ଭୁତଂ ତେଷାଂ ଯେଷାଂ ଧର୍ମୋ ବ୍ଯପାଶ୍ରଯଃ॥ 7-46-2 (46612)
ଦୁର୍ଯୋଧନେ ଚ ବିମୁଖେ ରାଜପୁତ୍ରଶତେ ହତେ।
ସୌଭଦ୍ରେ ପ୍ରତିପତ୍ତିଂ କାଂ ପ୍ରତ୍ଯପଦ୍ଯନ୍ତ ମାମକାଃ॥ 7-46-3 (46613)
ସଞ୍ଜଯ ଉବାଚ। 7-46-4x (4370)
ସଂଶୁଷ୍କାସ୍ଯାଶ୍ଚଲନ୍ନେତ୍ରାଃ ପ୍ରସ୍ବିନ୍ନା ରୋମହର୍ଷଣାଃ।
ପାଲଯନକୃତୋତ୍ସାହା ନିରୁତ୍ସାହା ଦ୍ବିଷ଼ଜ୍ଜଯେ॥ 7-46-4 (46614)
ହତାନ୍ଭ୍ରାତୄନ୍ପିତୄନ୍ପୁତ୍ରାନ୍ସୁହୃତ୍ସମ୍ବନ୍ଧିବାନ୍ଧବାନ୍।
ଉତ୍ସୃଜ୍ଯୋତ୍ସୃଜ୍ଯ ସଞ୍ଜଗ୍ମୁସ୍ତ୍ବରଯନ୍ତୋ ହଯଦ୍ବିପାନ୍॥ 7-46-5 (46615)
ତାନ୍ପ୍ରଭଗ୍ନାଂସ୍ତଥା ଦୃଷ୍ଟ୍ବା ଦ୍ରୋଣୋ ଦ୍ରୌଣିର୍ବୃହଦ୍ବଲଃ।
କୃପୋ ଦୁର୍ଯୋଧନଃ କର୍ଣଃ କୃତବର୍ମାଥ ସୌବଲଃ॥ 7-46-6 (46616)
ଅଭ୍ଯଧାବନ୍ସୁସଙ୍କ୍ରୁଦ୍ଧାଃ ସୌଭଦ୍ରମପରାଜିତମ୍।
ତେ ତୁ ପୌତ୍ରେଣ ତେ ରାଜନ୍ପ୍ରାଯଶୋ ବିମୁଖୀକୃତାଃ।
`ସୌଭଦ୍ରେଣ ମହାରାଜ ଶକ୍ରପ୍ରତିମତେଜସା'॥ 7-46-7 (46617)
ଏକସ୍ତୁ ସୁଖସଂବୃଦ୍ଧୋ ବାଲ୍ଯାଦ୍ଦର୍ପାଚ୍ଚ ନିର୍ଭଯଃ।
ଇଷ୍ବସ୍ତ୍ରବିନ୍ମହାତେଜା ଲକ୍ଷ୍ମଣୋଽର୍ଜୁନିମଭ୍ଯଯାତ୍॥ 7-46-8 (46618)
ତମନ୍ବଗେବାସ୍ଯ ପିତା ପୁତ୍ରଗୃଦ୍ଧୀ ନ୍ଯବର୍ତତ।
ଅନୁଦୁର୍ଯୋଧନଂ ଚାନ୍ଯେ ନ୍ଯବର୍ତନ୍ତ ମହାରଥାଃ॥ 7-46-9 (46619)
ତଂ ତେଽଭିଷିଷିଚୁର୍ବାଣୈର୍ମେଘା ଗିରିମିବାମ୍ବୁଭିଃ।
ସ ତୁ ତାନ୍ପ୍ରମମାଥୈକୋ ବିଷ୍ବଗ୍ବାତୋ ଯଥାମ୍ବୁଦାନ୍॥ 7-46-10 (46620)
ପୌତ୍ରଂ ତବ ଚ ଦୁର୍ଧର୍ଷଂ ଲକ୍ଷ୍ମଣଂ ପ୍ରିଯଦର୍ଶନମ୍।
ପିତୁଃ ସମୀପେ ତିଷ୍ଠନ୍ତଂ ଶୂରମୁଦ୍ଯତକାର୍ମୁକମ୍॥ 7-46-11 (46621)
ଅତ୍ଯନ୍ତସୁଖସଂବୃଦ୍ଧଂ ଧନେଶ୍ବରସୁତୋପମମ୍।
ଆସସାଦ ରଣେ କାର୍ଷ୍ଣିର୍ମତ୍ତୋ ମତ୍ତମିବ ଦ୍ବିପମ୍।
`ସିଂହଶାବୋ ବନେ ଶଶ୍ବତ୍ପୁଣ୍ଡରୀକଶିଶୁଂ ଯଥା'॥ 7-46-12 (46622)
ଲକ୍ଷ୍ମଣେନ ତୁ ସଙ୍ଗମ୍ଯ ସୌଭଦ୍ରଃ ପରବୀରହା।
ଶରୈଃ ସୁନିଶିତୈସ୍ତୀକ୍ଷ୍ଣୈର୍ବାହ୍ବୋରୁରସି ଚାର୍ପଯତ୍॥ 7-46-13 (46623)
ସଙ୍କ୍ରୁଦ୍ଧୌ ବୈ ମହାରାଜ ଦଣ୍ଡାହତ ଇବୋରଗଃ।
ପୌତ୍ରସ୍ତବ ମହାରାଜ ତବ ପୌତ୍ରମଭାଷତ॥ 7-46-14 (46624)
ସୁଦୃଷ୍ଟଃ କ୍ରିଯତାଂ ଲୋକୋ ହ୍ଯମୁଂ ଲୋକଂ ଗମିଷ୍ଯସି।
ପଶ୍ଯତାଂ ବାନ୍ଧବାନାଂ ତ୍ବାଂ ନଯାମି ଯମସାଦନମ୍॥ 7-46-15 (46625)
ଏବମୁକ୍ତ୍ବା ତତୋ ଭଲ୍ଲଂ ସୌଭଦ୍ରଃ ପରବୀରହା।
ଉଦ୍ବବର୍ହ ମହାବାହୁର୍ନିର୍ମୁକ୍ତୋରଗସନ୍ନିଭମ୍॥ 7-46-16 (46626)
ସ ତସ୍ଯ ଭୁଜନିର୍ମୁକ୍ତୋ ଲକ୍ଷ୍ମଣସ୍ଯ ସୁଦର୍ଶନମ୍।
ସୁନସଂ ସୁଭ୍ରୁ କେଶାନ୍ତଂ ଶିରୋଽହାର୍ଷୀତ୍ସକୁଣ୍ଡଲମ୍॥ 7-46-17 (46627)
`ପୌତ୍ରସ୍ତୁ ତବ ଦୁର୍ଧର୍ଷଂ ଲକ୍ଷ୍ମଣଂ ପ୍ରିଯଦର୍ଶନମ୍।
ପିତୁଃ ସମୀପେ ତିଷ୍ଠନ୍ତଂ ପ୍ରାହିଣୋଦ୍ଯମସାଦନମ୍॥ 7-46-18 (46628)
ଅତ୍ଯନ୍ତସୁଖସଂବୃଦ୍ଧଂ ଧନେଶ୍ବରସୁତୋପମମ୍'।
ଲକ୍ଷ୍ମଣାଂ ନିହତଂ ଦୃଷ୍ଟ୍ବା ହାହେତ୍ଯୁଚ୍ଚୁକ୍ରୁଶୁର୍ଜନାଃ॥ 7-46-19 (46629)
ତତୋ ଦୁର୍ଯୋଧନଃ କ୍ରୁଦ୍ଧଃ ପ୍ରିଯେ ପୁତ୍ରେ ନିପାତିତେ।
ହତୈନମିତି ଚୁକ୍ରୋଶ କ୍ଷତ୍ରିଯାନ୍କ୍ଷତ୍ରିଯର୍ଷଭଃ॥ 7-46-20 (46630)
ତତୋ ଦ୍ରୋଣଃ କୃପଃ କର୍ଣୋ ଦ୍ରୋଣପୁତ୍ରୋ ବୃହଦ୍ବଲଃ।
କୃତବର୍ମା ଚ ହାର୍ଦିକ୍ଯଃ ଷଡ୍ରଥାଃ ପର୍ଯବାରଯନ୍॥ 7-46-21 (46631)
ତାଂସ୍ତୁ ବିଦ୍ଧା ଶିତୈର୍ବାଣୈର୍ବିମୁଖୀକୃତ୍ଯ ଚାର୍ଜୁନିଃ।
ବେଗେନାଭ୍ଯପତତ୍କ୍ରୁଦ୍ଧଃ ସୈନ୍ଧବସ୍ଯ ମହଦ୍ବଲମ୍॥ 7-46-22 (46632)
ଆବବ୍ରୁସ୍ତସ୍ଯ ପନ୍ଥାନଂ ଗଜାନୀକେନ ଦଂଶିତାଃ।
କଲିଙ୍ଗାଶ୍ଚ ନିଷାଦାଶ୍ଚ କ୍ରାଥପୁତ୍ରଶ୍ଚ ବୀର୍ଯବାନ୍।
ତତ୍ପ୍ରସକ୍ତମିବାତ୍ଯର୍ଥଂ ଯୁଦ୍ଧମାସୀଦ୍ବିଶାମ୍ପତେ॥ 7-46-23 (46633)
ତତସ୍ତତ୍କୁଞ୍ଜରାନୀକଂ ବ୍ଯଧମଦ୍ଧୃଷ୍ଟମାର୍ଜୁନିଃ।
ଯଥା ବାଯୁର୍ନିତ୍ଯଗତିର୍ଜଲଦାଞ୍ଶତଶୋଽମ୍ବରେ॥ 7-46-24 (46634)
ତତଃ କ୍ରୁଦ୍ଧାଃ ଶରବ୍ରାତୈ ରାଜାନଃ ସମବାରଯନ୍।
ଅଥେତରେ ସନ୍ନିବୃତ୍ତାଃ ପୁନର୍ଦ୍ରୋଣମୁଖା ରଥାଃ।
ପରମାସ୍ତ୍ରାଣି ଧୁନ୍ବାନାଃ ସୌଭଦ୍ରମଭିଦୁଦ୍ରୁବୁଃ॥ 7-46-25 (46635)
ତାନ୍ନିବାର୍ଯାର୍ଜୁନିର୍ବାଣୈଃ କ୍ରାଥପୁତ୍ରମଯୋଧଯତ୍।
ଶରୌଘେଣାପ୍ରମେଯେଣ ତ୍ବରମାଣୋ ଜିଘୌସଯା॥ 7-46-26 (46636)
ସଧନୁର୍ବାଣକେଯୂରୌ ବାହୂ ସମୁକୁଟଂ ଶିରଃ।
ସଚ୍ଛତ୍ରଧ୍ବଜଯନ୍ତାରଂ ରଥଂ ଚାଶ୍ବାନ୍ନ୍ଯପାତଯତ୍॥ 7-46-27 (46637)
କୁଲଶୀଲଶ୍ରୁତିବଲୈଃ କୀର୍ତ୍ଯା ଚାସ୍ତ୍ରବଲେନ ଚ।
ଯୁକ୍ତେ ତସ୍ମିନ୍ହତେ ବୀରାଃ ପ୍ରାଯଶୋ ବିମୁଖାଽଭବନ୍॥ ॥ 7-46-28 (46638)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ତ୍ରଯୋଦଶଦିବସଯୁଦ୍ଧେ ଷଟ୍ଚତ୍ବାରିଂଶୋଽଧ୍ଯାଯଃ॥ 46 ॥
Mahabharata - Drona Parva - Chapter Footnotes
5-46-3 ପ୍ରତିପତ୍ତିଂ ପ୍ରତିବିଧାନମ୍॥ 5-46-10 ବିଷ୍ବଗ୍ବାତୋଽଶେଷଦିଗ୍ବାତଃ॥ 5-46-17 କେଶାନ୍ତଂ କେଶୈର୍ମନୋହରମ୍। ଅନ୍ତଃ ପ୍ରାନ୍ତେଽନ୍ତିକେ ମଧ୍ଯେ ସ୍ବରୂପେ ଚ ମନୋହରେ ଇତ୍ଯଭିଧାନାତ୍॥ 5-46-23 ଧୃଷ୍ଟଂ ପ୍ରଗଲ୍ଭମ୍॥ 5-46-46 ଷଟ୍ଚତ୍ବାରିଂଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 047
॥ ଶ୍ରୀଃ ॥
7.47. ଅଧ୍ଯାଯଃ 047
Mahabharata - Drona Parva - Chapter Topics
ଅଭିମନ୍ଯୁପରାକ୍ରମବର୍ଣନମ୍॥ 1 ॥Mahabharata - Drona Parva - Chapter Text
7-47-0 (46639)
ଧୃତରାଷ୍ଟ୍ର ଉବାଚ। 7-47-0x (4371)
ତଥା ପ୍ରବିଷ୍ଟଂ ତରୁଣଂ ସୌଭଦ୍ରମପରାଜିତମ୍।
କୁଲାନୁରୂପଂ କୁର୍ବାଣଂ ସଙ୍ଗ୍ରାମେଷ୍ବପରାଜିତମ୍॥ 7-47-1 (46640)
ଆଜାନେଯୈଃ ସୁବଲିଭିର୍ଯାନ୍ତମଶ୍ବୈସ୍ତ୍ରିହାଯନୈଃ।
ପ୍ଲବମାନମିବାକାଶେ କେ ଶୂରାଃ ସମବାରଯନ୍॥ 7-47-2 (46641)
ସଞ୍ଜଯ ଉବାଚ। 7-47-3x (4372)
ଅଭିମନ୍ଯୁଃ ପ୍ରବିଶ୍ଯୈତାଂସ୍ତାବକାନ୍ନିଶିତୈଃ ଶରୈଃ।
ଅକରୋତ୍ପାର୍ଥିବାନ୍ସର୍ବାନ୍ବିମୁଖାନ୍ପାଣ୍ଡୁନନ୍ଦନଃ॥ 7-47-3 (46642)
ତଂ ତୁ ଦ୍ରୋଣଃ କୃପଃ କର୍ଣୋ ଦ୍ରୌଣିଶ୍ଚ ସବୃହଦ୍ବଲଃ।
କୃତବର୍ମା ଚ ହାର୍ଦିକ୍ଯଃ ଷଡ୍ରଥାଃ ପର୍ଯବାରଯନ୍॥ 7-47-4 (46643)
ଦୃଷ୍ଟ୍ବା ତୁ ସୈନ୍ଧବେ ଭାରମତିମାତ୍ରଂ ସମାହିତମ୍।
ସୈନ୍ଯଂ ତବ ମହାରାଜ ଯୁଧିଷ୍ଠିରମୁପାଦ୍ରବତ୍॥ 7-47-5 (46644)
ସୌଭଦ୍ରମିତରେ ବୀରମଭ୍ଯବର୍ଷଞ୍ଶରାମ୍ବୁଭିଃ।
ତାଲମାତ୍ରାଣି ଚାପାନି ବିକର୍ଷନ୍ତୋ ମହାବଲାଃ॥ 7-47-6 (46645)
ତାଂସ୍ତୁ ସର୍ବାନ୍ମହେଷ୍ବାସାନ୍ସର୍ବବିଦ୍ଯାସୁ ନିଷ୍ଠିତାନ୍।
ବ୍ଯଦୃଷ୍ଟମ୍ଭଯଦ୍ରଣେ ବାଣୈଃ ସୌଭଦ୍ରଃ ପରବୀରହା॥ 7-47-7 (46646)
ଦ୍ରୋଣଂ ପଞ୍ଚାଶତାବିଧ୍ଯଦ୍ବିଂଶତ୍ଯା ଚ ବୃହଦ୍ବଲମ୍।
ଅଶୀତ୍ଯା କୃତବର୍ମାଣଂ କୃପଂ ଷଷ୍ଟ୍ଯା ଶିଲୀମୁଖୈଃ॥ 7-47-8 (46647)
ରୁକ୍ମପୁଙ୍ଖୈର୍ମହାବେଗୈରାକର୍ଣସମଚୋଦିତୈଃ।
ଅବିଧ୍ଯଦ୍ଦଶଭିର୍ବାଣୈରଶ୍ବତ୍ଥାମାନମାର୍ଜୁନିଃ॥ 7-47-9 (46648)
କର୍ଣଂ ଚ କର୍ଣିନା କର୍ଣେ ପୀତେନ ଚ ଶିତେନ ଚ।
ଫାଲ୍ଗୁନିର୍ଦ୍ବିଷତାଂ ମଧ୍ଯେ ବିବ୍ଯାଧ ପରମେଷୁଣା॥ 7-47-10 (46649)
ପାତଯିତ୍ବା କୃପସ୍ଯାଶ୍ବାଂସ୍ତଥୋଭୌ ପାର୍ଷ୍ଣିସାରଥୀ।
ଅଥୈନଂ ଦଶଭିର୍ବାଣୈଃ ପ୍ରତ୍ଯବିଧ୍ଯତ୍ସ୍ତନାନ୍ତରେ॥ 7-47-11 (46650)
ତତୋ ବୃନ୍ଦାରକଂ ବୀରଂ କୁରୂଣାଂ କୀର୍ତିବର୍ଧନମ୍।
ପୁତ୍ରାଣାଂ ତବ ବୀରାଣାଂ ପଶ୍ଯତାମବଧୀଦ୍ବଲୀ॥ 7-47-12 (46651)
ତଂ ଦ୍ରୌଣିଃ ପଞ୍ଚବିଂଶତ୍ଯା କ୍ଷୁଦ୍ରକାଣାଂ ସମାର୍ପଯତ୍।
ବରଂବରମମିତ୍ରାଣାମାରୁଜନ୍ତମଭୀତବତ୍॥ 7-47-13 (46652)
ସ ତୁ ବାଣୈଃ ଶିତୈସ୍ତୂର୍ଣଂ ପ୍ରତ୍ଯବିଧ୍ଯତ ମାରିଷ।
ପଶ୍ଯତାଂ ଧାର୍ତରାଷ୍ଟ୍ରାଣାମଶ୍ବତ୍ଥାମାନମାର୍ଜୁନିଃ॥ 7-47-14 (46653)
ଷଷ୍ଟ୍ଯା ଶରାଣାଂ ତଂ ଦ୍ରୌଣିସ୍ତିଗ୍ମଧାରୈଃ ସୁତେଜନୈଃ।
ଉଗ୍ରୈର୍ନାକମ୍ପଯଦ୍ବିଦ୍ଧ୍ବା ମୈନାକମିବ ପର୍ବତମ୍॥ 7-47-15 (46654)
ସ ତୁ ଦ୍ରୌଣିଂ ତ୍ରିସପ୍ତତ୍ଯା ହେମପୁଙ୍ଘୈରଜିହ୍ମଗୈଃ।
ପ୍ରତ୍ଯବିଧ୍ଯନ୍ମହାତେଜା ବଲବାନପକାରିଣମ୍॥ 7-47-16 (46655)
ତସ୍ମିନ୍ଦ୍ରୋଣୋ ବାଣଶତଂ ପୁତ୍ରଗୃଦ୍ଧୀ ନ୍ଯପାତଯତ୍।
ଅଶ୍ବତ୍ଥାମା ତଥାଽଷ୍ଟୌ ଚ ପରୀପ୍ସନ୍ପିତରଂ ରଣେ॥ 7-47-17 (46656)
କର୍ଣୋ ଦ୍ବାବିଂଶତିଂ ଭଲ୍ଲାନ୍କୃତବର୍ମା ଚ ବିଂଶତିମ୍।
ବୃହଦ୍ବଲସ୍ତୁ ପଞ୍ଚାଶତ୍କୃପଃ ଶାରଦ୍ବତୋ ଦଶ॥ 7-47-18 (46657)
ତାଂସ୍ତୁ ପ୍ରତ୍ଯବଧୀତ୍ସର୍ବାନ୍ଦଶଭିର୍ଦଶଭିଃ ଶରୈଃ।
ତୈରର୍ଦ୍ଯମାନଃ ସୌଭଦ୍ରଃ ସର୍ବତୋ ନିଶିତୈଃ ଶରୈଃ॥ 7-47-19 (46658)
ତଂ କୋସଲାନାମଧିପଃ କର୍ଣିନାଽତାଡଯଦ୍ଧୃଦି।
ସ ତସ୍ଯାଶ୍ବାନ୍ଧ୍ବଜଂ ଚାପଂ ସୂତଂ ଚାପାତଯତ୍କ୍ଷିତୌ॥ 7-47-20 (46659)
ଅଥ କୋସଲରାଜସ୍ତୁ ବିରଥଃ ଖଙ୍ଗ୍ରଚର୍ମଧୃତ୍।
ଇଯେଷ ଫାଲ୍ଗୁନେଃ କାଯାଚ୍ଛିରୋ ହର୍ତୁଂ ସକୁଣ୍ଡଲମ୍॥ 7-47-21 (46660)
ସ କୋସଲାନାମଧିପଂ ରାଜପୁତ୍ରଂ ବୃହଦ୍ବଲମ୍।
ହୃଦି ବିବ୍ଯାଧ ବାଣେନ ସ ଭିନ୍ନହୃଦଯୋଽପତତ୍॥ 7-47-22 (46661)
ବଭଞ୍ଜ ଚ ସହସ୍ରାଣି ଦଶ ରାଜ୍ଞାଂ ମହାତ୍ମନାମ୍।
ସୃଜତାମଶିବା ବାଚଃ ଖଙ୍ଗକାର୍ମୁକଧାରିଣାମ୍॥ 7-47-23 (46662)
ତଥା ବୃହଦ୍ବଲଂ ହତ୍ବା ସୌଭଦ୍ରୋ ବ୍ଯଚରଦ୍ରଣେ।
ବ୍ଯଷ୍ଟମ୍ଭଯନ୍ମହେଷ୍ବାସୋ ଯୋଧାଂସ୍ତବ ଶରାମ୍ବୁଭିଃ॥ ॥ 7-47-24 (46663)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ତ୍ରୋଯଦଶଦିବସଯୁଦ୍ଧେ ସପ୍ତଚତ୍ବାରିଂଶୋଽଧ୍ଯାଯଃ॥ 47 ॥
ଦ୍ରୋଣପର୍ବ - ଅଧ୍ଯାଯ 048
॥ ଶ୍ରୀଃ ॥
7.48. ଅଧ୍ଯାଯଃ 048
Mahabharata - Drona Parva - Chapter Topics
ଦ୍ରୋଣାଦିଭିଃ ଷଡ୍ଭିରଭିମନ୍ଯୋର୍ବିରଥୀକରଣମ୍॥ 1 ॥Mahabharata - Drona Parva - Chapter Text
7-48-0 (46664)
ସଞ୍ଜଯ ଉବାଚ। 7-48-0x (4373)
ସ କର୍ଣଂ କର୍ଣିନା କର୍ଣେ ପୁନର୍ବିବ୍ଯାଧ ଫାଲ୍ଗୁନିଃ।
ଶରୈଃ ପଞ୍ଚାଶତା ଚୈନମବିଧ୍ଯତ୍କୋପଯନ୍ଭୃଶମ୍॥ 7-48-1 (46665)
ପ୍ରତିବିବ୍ଯାଧ ରାଧେଯସ୍ତାବଦ୍ଭିରଥ ତଂ ପୁନଃ।
ଶରୈରାଚିତସର୍ବାଙ୍ଗୋ ବହ୍ବଶୋଭତ ଭାରତ॥ 7-48-2 (46666)
କର୍ଣଂ ଚାପ୍ଯକରୋତ୍କ୍ରୁଦ୍ଧୋ ରୁଧିରୋତ୍ପୀଡବାହିନମ୍।
କର୍ଣୋଽପି ବିବଭୌ ଶୂରଃ ଶରୈଶ୍ଛିନ୍ନୋଽସୃଗାତପ୍ଲୁଃ।
`ସନ୍ଧାନୁଗତପର୍ଯନ୍ତଃ ଶରଦୀବ ଦିବାକରଃ'॥ 7-48-3 (46667)
ତାବୁଭୌ ଶରଚିତ୍ରାଙ୍ଗୌ ରୁଧିରେଣ ସମୁକ୍ଷିତୌ।
ବଭୂବତୁର୍ମହାତ୍ମାନୌ ପୁଷ୍ପିତାବିବ କିଂଶୁକୌ॥ 7-48-4 (46668)
ଅଥ କର୍ଣସ୍ଯ ସଚିବାନ୍ଷଟ୍ ଶୂରାଂଶ୍ଚିତ୍ରଯୋଧିନଃ।
ସାଶ୍ବସୂତଧ୍ବଜରଥାନ୍ସୌଭଦ୍ରୋ ନିଜଘାନ ହ॥ 7-48-5 (46669)
ତଥେତରାନ୍ମହେଷ୍ବାସାନ୍ଦଶଭିର୍ଦଶଭିଃ ଶରୈଃ।
ପ୍ରତ୍ଯବିଧ୍ଯଦସମ୍ଭ୍ରାନ୍ତସ୍ତଦଦ୍ଭୁତମିବାଭବତ୍॥ 7-48-6 (46670)
ମାଗଧସ୍ଯ ତଥା ପୁତ୍ରଂ ହତ୍ବା ଷଡ୍ଭିରଜିହ୍ମଗୈଃ।
ସାଶ୍ବଂ ସସୂତଂ ତରୁଣମଶ୍ବକେତୁମପାତଯତ୍॥ 7-48-7 (46671)
ମାର୍ତିକାବତକଂ ଭୋଜଂ ତତଃ କୁଞ୍ଜରକେତନମ୍।
କ୍ଷୁରପ୍ରେଣ ସମୁନ୍ମଥ୍ଯ ନନାଦ ବିସୃଜନ୍ଶରାନ୍॥ 7-48-8 (46672)
ତସ୍ଯ ଦୌଃଶାସନିର୍ବିଦ୍ଧ୍ବା ଚତୁର୍ଭିଶ୍ଚତୁରୋ ହଯାନ୍।
ସୂତମେକେନ ବିବ୍ଯାଧ ଦଶଭିଶ୍ଚାର୍ଜୁନାତ୍ମଜମ୍॥ 7-48-9 (46673)
ତତୋ ଦୌଃଶାସନିଂ କାର୍ଷ୍ଣିର୍ବିଦ୍ଧ୍ବା ସପ୍ତଭିରାଶୁଗୈଃ।
ସଂରମ୍ଭାଦ୍ରକ୍ତନଯନୋ ବାକ୍ଯମୁଚ୍ଚୈରଥାବ୍ରବୀତ୍॥ 7-48-10 (46674)
ପିତା ତବାହବଂ ତ୍ଯକ୍ତ୍ବା ଗତଃ କାପୁରୁଷୋ ଯଥା।
ଦିଷ୍ଟ୍ଯା ତ୍ବମପି ଜାନୀଷେ ଯୋଦ୍ଧୁଂ ନ ତ୍ବଦ୍ଯ ମୋକ୍ଷ୍ଯସେ॥ 7-48-11 (46675)
ଏତାବଦୁକ୍ତ୍ବା ବଚନଂ କର୍ମାରପରିମାର୍ଜିତମ୍।
ନାରାଚଂ ବିସସର୍ଜାସ୍ମୈ ତଂ ଦ୍ରୌଣିସ୍ତ୍ରିଭିରାଚ୍ଛିନତ୍॥ 7-48-12 (46676)
ତସ୍ଯାର୍ଜୁନିର୍ଧ୍ବଜଂ ଛିତ୍ତ୍ବା ଶଲ୍ଯଂ ତ୍ରିଭିରତାଡଯତ୍।
ତଂ ଶଲ୍ଯୋ ନବଭିର୍ବାଣୈର୍ଗାର୍ଧ୍ରପତ୍ରୈରତାଡଯତ୍॥ 7-48-13 (46677)
ହୃଦ୍ଯସମ୍ଭ୍ରାନ୍ତବଦ୍ରାଜଂସ୍ତଦଦ୍ଭୁତମିବାଭବତ୍।
ତସ୍ଯାର୍ଜୁନିର୍ଧ୍ବଜଂ ଛିତ୍ତ୍ବା ହତ୍ବୋଭୌ ପାର୍ଷ୍ଣିସାରଥୀ॥ 7-48-14 (46678)
ତଂ ବିବ୍ଯାଧାଯସୈଃ ଷଡ୍ଭିଃ ସୋପାକ୍ରାମଦ୍ରଥାନ୍ତରମ୍।
ଶତ୍ରୁଞ୍ଜଯଂ ଚନ୍ଦ୍ରକେତୁଂ ମେଘବେଗଂ ସୁବର୍ଚସମ୍॥ 7-48-15 (46679)
ସୂର୍ଯଭାସଂ ଚ ପଞ୍ଚୈତାନ୍ହତ୍ବା ବିବ୍ଯାଧ ସୌବଲମ୍।
ତଂ ସୌବଲସ୍ତ୍ରିଭିର୍ବିଦ୍ଧ୍ବା ଦୁର୍ଯୋଧନମଥାବ୍ରବୀତ୍॥ 7-48-16 (46680)
ସର୍ବ ଏନଂ ବିମଥ୍ନୀମଃ ପୁରୈକୈକଂ ହିନସ୍ତି ନଃ।
ଅଥାବ୍ରବୀତ୍ପୁନର୍ଦ୍ରୋଣଂ କର୍ଣୋ ବୈକର୍ତନୋ ରଣେ॥ 7-48-17 (46681)
ପୁରା ସର୍ବାନ୍ପ୍ରମଥ୍ନାତି ବ୍ରୂହ୍ଯସ୍ଯ ବଧମ୍ମାଶୁ ନଃ।
ତତୋ ଦ୍ରୋଣୋ ମହେଷ୍ବାସଃ ସର୍ବାଂସ୍ତାନ୍ପ୍ରତ୍ଯଭାଷତ॥ 7-48-18 (46682)
ଅସ୍ତି ବାଽସ୍ଯାନ୍ତରଂ କିଞ୍ଚିତ୍କୁମାରସ୍ଯାଥ ପଶ୍ଯତ।
ଅନ୍ବସ୍ଯ ପିତରଂ ଚାଦ୍ଯ ଚରତଃ ସର୍ବତୋ ଦିଶମ୍॥ 7-48-19 (46683)
ଶୀଘ୍ରତାଂ ନରସିଂହସ୍ଯ ପାଣ୍ଡବେଯସ୍ଯ ପଶ୍ଯତ।
ଧନୁର୍ମଣ୍ଡଲମେବାସ୍ଯ ରଥମାର୍ଗେଷୁ ଦୃଶ୍ଯତେ॥ 7-48-20 (46684)
ସଂଦଧାନସ୍ଯ ବିଶିଖାଞ୍ଶୀଘ୍ରଂ ଚୈବ ବିମୁଞ୍ଚତଃ।
ଆରୁଜନ୍ନପି ମେ ପ୍ରାଣାନ୍ମୋହଯନ୍ନପି ସାଯକୈଃ॥ 7-48-21 (46685)
ପ୍ରହର୍ଷଯତି ମାଂ ଭୂଯଃ ସୌଭଦ୍ରଃ ପରବୀରହା।
ଅତିମାନଂ ଦଧାତ୍ଯେଷ ସୌଭଦ୍ରୋ ବିଚରନ୍ରଣେ॥ 7-48-22 (46686)
ଅନ୍ତରଂ ଯସ୍ଯ ସଂରବ୍ଧା ନ ପଶ୍ଯନ୍ତି ମହାରଥାଃ।
ଅସ୍ଯତୋ ଲଘୁହସ୍ତସ୍ଯ ଦିଶଃ ସର୍ବା ମହେଷୁଭିଃ।
ନ ବିଶେଷଂ ପ୍ରପଶ୍ଯାମି ରଣେ ଗାଣ୍ଡୀବଧନ୍ବନଃ॥ 7-48-23 (46687)
ସଞ୍ଜଯ ଉବାଚ। 7-48-24x (4374)
ଅଥ କର୍ଣଃ ପୁନର୍ଦ୍ରୋଣମାହାର୍ଜୁନିଶରାହତଃ।
ସ୍ଥାତବ୍ଯମିତି ତିଷ୍ଠାମି ପୀଡ୍ଯମାନୋଽଭିମନ୍ଯୁନା॥ 7-48-24 (46688)
ତେଜସ୍ବିନଃ କୁମାରସ୍ଯ ଶରାଃ ପରମଦାରୁଣାଃ।
କ୍ଷିଣ୍ବନ୍ତି ହୃଦଯଂ ମେଽଦ୍ଯ ଘୋରାଃ ପାବକତେଜସଃ॥ 7-48-25 (46689)
ତମାଚାର୍ଯୋଽବ୍ରବୀତ୍କର୍ଣଂ ଶନକୈଃ ପ୍ରହସନ୍ନିବ।
ଅଭେଦ୍ଯମସ୍ଯ କବଚଂ ଯୁବା ଚାଶୁପରାକ୍ରମଃ॥ 7-48-26 (46690)
ଉପଦିଷ୍ଟା ମଯା ଚାସ୍ଯ ପିତୁଃ କବଚଧାରଣା।
ତାମେଷ ନିଖିଲାଂ ବେତ୍ତି ଧ୍ରୁବଂ ପରପୁରଞ୍ଜଯଃ॥ 7-48-27 (46691)
ଶକ୍ଯଂ ତ୍ବସ୍ଯ ଧନୁଶ୍ଛେତ୍ତୁଂ ଜ୍ଯାଂ ଚ ବାଣୈଃ ସମାହିତୈଃ।
ଅଭୀଷୂଂଶ୍ଚ ହଯାଂଶ୍ଚୈବ ତଥୋଭୌ ପାର୍ଷ୍ଣିସାରଥୀ॥ 7-48-28 (46692)
ଏତତ୍କୁରୁ ମହେଷ୍ବାସ ରାଧେଯ ଯଦି ଶକ୍ଯତେ।
ଅଥୈନଂ ବିମୁଖୀକୃତ୍ଯ ପଶ୍ଚାତ୍ପ୍ରହରଣଂ କୁରୁ॥ 7-48-29 (46693)
ସଧନୁଷ୍କୋ ନ ଶକ୍ଯୋଽଯମପି ଜେତୁଂ ସୁରାସୁରୈଃ।
ବିରଥଂ ବିଧନୁଷ୍କଂ ଚ କୁରୁଷ୍ବୈନଂ ଯଦୀଚ୍ଛସି॥
`ପୁନଃ ସ୍ଥିତେନ କେନାପି ଦୁଃଶକୋ ଜେତୁମାର୍ଜୁନିଃ'॥ 7-48-30 (46694)
ସଞ୍ଜଯ ଉବାଚ। 7-48-31x (4375)
ତଦାଚାର୍ଯବଚଃ ଶ୍ରୁତ୍ବା କର୍ଣୋ ବୈକର୍ତନସ୍ତ୍ବରନ୍।
ଅସ୍ଯତୋ ଲଘୁହସ୍ତସ୍ଯ ପୃଷ୍ଠତୋ ଧନୁରାଚ୍ଛିନତ୍॥ 7-48-31 (46695)
ଅଶ୍ବାନସ୍ଯାବଧୀଦ୍ଦୋଣୋ ଗୌତମଃ ପାର୍ଷ୍ଣିସାରଥୀ।
ଶେଷାସ୍ତୁ ଚ୍ଛିନ୍ନଧନ୍ବାନଂ ଶରବର୍ଷୈରବାକିରନ୍॥ 7-48-32 (46696)
ତ୍ବରମାଣାସ୍ତ୍ବରାକାଲେ ବିରଥଂ ଷଣ୍ମହାରଥାଃ।
ଶରବର୍ଷୈରକରୁଣା ବାଲମେକମବାକିରନ୍॥ 7-48-33 (46697)
ସ ଚ୍ଛିନ୍ନଧନ୍ବା ବିରଥଃ ସ୍ବଧର୍ମମନୁପାଲଯନ୍।
ଖଙ୍ଗଚର୍ମଧରଃ ଶ୍ରୀମାନୁତ୍ପପାତ ବିହାଯସା॥ 7-48-34 (46698)
ମାର୍ଗୈଃ ସକୌଶିକାଦ୍ଯୈଶ୍ଚ ଲାଘବେନ ବଲେନ ଚ।
ଆର୍ଜୁନିର୍ବ୍ଯଚରଦ୍ଯ୍ବୋମ୍ନି ଭୃଶଂ ବୈ ପକ୍ଷିରାଡିବ॥ 7-48-35 (46699)
ମଯ୍ଯେବ ନିପତତ୍ଯେଷ ସାସିରିତ୍ଯୂର୍ଧ୍ବଦୃଷ୍ଟଯଃ।
ବିବ୍ଯଧୁସ୍ତଂ ମହେଷ୍ବାସଂ ସମରେ ଛିଦ୍ରଦର୍ସିନଃ॥ 7-48-36 (46700)
କ୍ଷୁରପ୍ରେଣ ମହାତେଜାସ୍ତ୍ବରମାଣଃ ସପତ୍ନଜିତ୍॥ 7-48-37 (46701)
ରାଧେଯୋ ନିଶିତୈର୍ବାଣୈର୍ବ୍ଯଧମଚ୍ଚର୍ମ ଚୋତ୍ତମମ୍॥ 7-48-38 (46702)
ବ୍ଯସିଚର୍ମେଷୁପୂର୍ଣାଙ୍ଗଃ ସୋଽନ୍ତରିକ୍ଷାତ୍ପୁନଃ କ୍ଷିତିମ୍।
ଆସ୍ଥିତଶ୍ଚକ୍ରମୁଦ୍ଯମ୍ଯ ଦ୍ରୋଣଂ କ୍ରୁଦ୍ଧୋଽଭ୍ଯଧାବତ॥ 7-48-39 (46703)
ସ ଚକ୍ରରେଣୂକଜ୍ଜ୍ବଲଶୋଭିତାଙ୍ଗୋ
ବଭାବତୀବୋଜ୍ଜ୍ବଲଚକ୍ରପାଣିଃ।
ରଣେଽଭିମନ୍ଯୁଃ କ୍ଷଣମାସ ରୌଦ୍ରଃ
ସ ବାସୁଦେବାନୁକୃତିଂ ପ୍ରକୁର୍ବନ୍॥ 7-48-40 (46704)
ସ୍ରୁତରୁଧିରକୃତୈକରାଗବସ୍ତ୍ରୋ
ଭ୍ରୁକୁଟିପୁଟାକୁଲିତୋଽତିସିଂହନାଦଃ।
ପ୍ରଭୁରମିତବଲୋ ରଣେଽଭିମନ୍ଯୁ--
ର୍ନୃପବରମଧ୍ଯଗତୋ ଭୃଶଂ ବ୍ଯରାଜତ୍॥ ॥ 7-48-41 (46705)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ତ୍ରଯୋଦଶଦିବସଯୁଦ୍ଧେ ଅଷ୍ଟଚତ୍ବାରିଂଶୋଽଧ୍ଯାଯଃ॥ 48 ॥
Mahabharata - Drona Parva - Chapter Footnotes
5-48-18 ବଧଂ ବଧୋପାଯମ୍॥ 5-48-19 ଅଣ୍ବପ୍ଯସ୍ଯାନ୍ତରଂ ହ୍ଯଦ୍ଯ ଇତି ଝ.ପାଠଃ॥ 5-48-35 କୌଶିକଂ ସର୍ବତୋଭଦ୍ରମ୍॥ 5-48-48 ଅଷ୍ଟଚତ୍ବାରିଂଶୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 049
॥ ଶ୍ରୀଃ ॥
7.49. ଅଧ୍ଯାଯଃ 049
Mahabharata - Drona Parva - Chapter Topics
ଅଭିମନ୍ଯୁବଧଃ॥ 1 ॥Mahabharata - Drona Parva - Chapter Text
7-49-0 (46706)
ସଞ୍ଜଯ ଉବାଚ। 7-49-0x (4376)
ବିଷ୍ଣୋଃ ସ୍ବସୁର୍ନନ୍ଦକରଃ ସ ବିଷ୍ଣ୍ବାଯୁଧଭୂଷଣଃ।
ରରାଜାତିରଥଃ ସଙ୍ଖ୍ଯେ ଜନାର୍ଦନ ଇବାପରଃ॥ 7-49-1 (46707)
ମାରୁତୋଦ୍ଧୂତକେଶାନ୍ତମୁଦ୍ଯତାରିବରାଯୁଧମ୍।
ବପୁଃ ସମୀକ୍ଷ୍ଯ ପୃଥ୍ବୀଶା ଦୁଃସମୀକ୍ଷ୍ଯଂ ସୁରୈରପି॥ 7-49-2 (46708)
`ଯଦି ପାଣିତଲାଦେତଚ୍ଚକ୍ରଂ ମୁଞ୍ଚେତ ଫାଲ୍ଗୁନିଃ।
ବରଦାନାନ୍ମାତୁଲସ୍ଯ ବିଷ୍ଣୋଶ୍ଚକ୍ରମିବାପତେତ୍'॥ 7-49-3 (46709)
ତଚ୍ଚକ୍ରଂ ଭୃଶମୁଦ୍ବିଗ୍ନାଃ ସଂଚିଚ୍ଛିଦୁରନେକଧା।
ମହାରଥସ୍ତତଃ କାର୍ଷ୍ମିଃ ସ ଜଗ୍ରାହ ମହାଗଦାମ୍॥ 7-49-4 (46710)
ବିଧନୁଃସ୍ଯନ୍ଦନାସିସ୍ତୈର୍ବିଚକ୍ରଶ୍ଚାରିଭିଃ କୃତଃ।
ଅଭିମନ୍ଯୁର୍ଗଦାପାଣିରଶ୍ବତ୍ଥାମାନମାର୍ଦଯତ୍॥ 7-49-5 (46711)
ସ ଗଦାମୁଦ୍ଯତାଂ ଦୃଷ୍ଟ୍ବା ଜ୍ବଲନ୍ତୀମଶନୀମିବ।
ଅପାକ୍ରାମଦ୍ରଥୋପସ୍ଥାଦ୍ବିକ୍ରମାଂସ୍ତ୍ରୀନ୍ନରର୍ଷଭଃ॥ 7-49-6 (46712)
ତସ୍ଯାଶ୍ବାନ୍ଗଦଯା ହତ୍ବା ତଥୋଭୌ ପାର୍ଷ୍ଣିସାରଥୀ।
ଶରାଚିତାଙ୍ଗଃ ସୌଭଦ୍ରଃ ଶ୍ବାବିଦ୍ବତ୍ସମଦୃଶ୍ଯତ॥ 7-49-7 (46713)
ତତଃ ସୁବଲଦାଯାଦଂ କାଲିକେଯମପୋଥଯତ୍।
ଜଘାନ ଚାସ୍ଯାନୁଚରାନ୍ଗାନ୍ଧାରାନ୍ସପ୍ତସପ୍ତତିମ୍॥ 7-49-8 (46714)
ପୁନଶ୍ଚୈବ ବସାତୀଯାଞ୍ଜଘାନ ରଥିନୋ ଦଶ।
କେକଯାନାଂ ରଥାନ୍ସପ୍ତ ହତ୍ବା ଚ ଦଶ କୁଞ୍ଜରାନ୍।
ଦୌଃଶାସନିରଥଂ ସାଶ୍ବଂ ଗଦଯା ସମପୋଥଯତ୍॥ 7-49-9 (46715)
ତତୋ ଦୌଃଶସନିଃ କ୍ରୁଦ୍ଧୋ ଗଦାମୁଦ୍ଯମ୍ଯ ମାରିଷ।
ଅଭିଦୁଦ୍ରାବ ସୌଭଦ୍ରଂ ତିଷ୍ଠତିଷ୍ଠେତି ଚାବ୍ରବୀତ୍॥ 7-49-10 (46716)
ତାବୁଦ୍ଯତଗଦୌ ବୀରାବନ୍ଯୋନ୍ଯବଧକାଙ୍କ୍ଷିଣୌ।
ଭ୍ରାତୃବ୍ଯୌ ସମ୍ପ୍ରଜହାତେ ପୁରେବ ତ୍ର୍ଯମ୍ବକାନ୍ଧକୌ॥ 7-49-11 (46717)
ତାବନ୍ଯୋନ୍ଯଂ ଗଦାଗ୍ରାଭ୍ଯାମାହତ୍ଯ ପତିତୌ କ୍ଷିତୌ।
ଇନ୍ଦ୍ରଧ୍ବଜାବିବୋତ୍ସୃଷ୍ଟୌ ରଣମଧ୍ଯେ ପରଂତପୌ॥ 7-49-12 (46718)
ଦୌଃଶାସନିରଥୋତ୍ଥାଯ କୁରୂଣାଂ କୀର୍ତିବର୍ଧନଃ।
ଉତ୍ତିଷ୍ଠମାନଂ ସୌଭଦ୍ରଂ ଗଦଯା ମୂର୍ଧ୍ନ୍ଯତାଡଯତ୍॥ 7-49-13 (46719)
ଗଦାବେଗେନ ମହତା ବ୍ଯାଯାମେନ ଚ ମୋହିତଃ।
ବିଚେତା ନ୍ଯପତଦ୍ଭୂମୌ ସୌଭଦ୍ରଃ ପରବୀରହା॥ 7-49-14 (46720)
ଏବଂ ବିନିହତୋ ରାଜନ୍ନେକୋ ବହୁଭିରାହବେ।
କ୍ଷୋଭଯିତ୍ବା ଚମୂଂ ସର୍ବାଂ ନଲିନୀମିବ କୁଞ୍ଜରଃ॥ 7-49-15 (46721)
ଅଶୋଭତ ହତୋ ବୀରୋ ବ୍ଯାଧୈର୍ବନଗଜୋ ଯଥା।
ତଂ ତଥା ପତିତଂ ଶୂରଂ ତାବକାଃ ପର୍ଯବାରଯନ୍॥ 7-49-16 (46722)
ଦାବଂ ଦଗ୍ଧ୍ବା ଯଥା ଶାନ୍ତଂ ପାବକଂ ଶିଶିରାତ୍ଯଯେ।
ବିମୃଦ୍ବ୍ଯ ନଗଶୃଙ୍ଗାଣି ସନ୍ନିବୃତ୍ତମିବାନିଲମ୍॥ 7-49-17 (46723)
ଅସ୍ତିଂ ଗତମିବାଦିତ୍ଯଂ ତପ୍ତ୍ବା ଭାରତ ବାହିନୀମ୍।
ଉପପ୍ଲୁତଂ ଯଥା ସୋମଂ ସଂଶୁଷ୍କମିବ ସାଗସ୍ମ୍॥ 7-49-18 (46724)
ପୂର୍ଣଚନ୍ଦ୍ରାଭବଦନଂ କାକପକ୍ଷବୃତାଲିକମ୍।
ତଂ ଭୂମୌ ପତିତଂ ଦୃଷ୍ଟ୍ବା ତାବକାସ୍ତେ ମହାରଥାଃ।
ମୁଦା ପରମଯା ଯୁକ୍ତାଶ୍ଚୁକ୍ରୁଶୁଃ ସିଂହବନ୍ମୁହୁଃ॥ 7-49-19 (46725)
ଆସୀତ୍ପରମକୋ ହର୍ଷସ୍ତାବକାନାଂ ବିଶାମ୍ପତେ।
ଇତରେଷାଂ ତୁ ବୀରାଣାଂ ନେତ୍ରେଭ୍ଯଃ ପ୍ରାପତଜ୍ଜଲମ୍॥ 7-49-20 (46726)
ଅନ୍ତରିକ୍ଷେ ଚ ଭୂତାନି ପ୍ରାକ୍ରୋଶନ୍ତ ବିଶାମ୍ପତେ।
ଦୃଷ୍ଟ୍ବା ନିପତିତଂ ବୀରଂ ଚ୍ଯୁତଂ ଚନ୍ଦ୍ରମିବାମ୍ବରାତ୍॥ 7-49-21 (46727)
ଦ୍ରୋଣକର୍ଣମୁଖୈଃ ଷଡ୍ଭିର୍ଧାର୍ତରାଷ୍ଟ୍ରୈର୍ମହାରଥୈଃ।
ଏକୋଽଯଂ ନିହତଃ ଶେତେ ନୈଷ ଧର୍ମୋ ମତୋ ହି ନଃ॥ 7-49-22 (46728)
ତସ୍ମିନ୍ବିନିହତେ ବୀରେ ବହ୍ବଶୋଭତ ମେଦିନୀ।
ଦ୍ଯୌର୍ଯଥା ପୂର୍ଣଚନ୍ଦ୍ରେଣ ନକ୍ଷତ୍ରଗଣମାଲିନୀ॥ 7-49-23 (46729)
ରୁକ୍ମପୁଙ୍ଖୈଶ୍ଚ ସମ୍ପୂର୍ଣା ରୁଧିରୌଘପରିପ୍ଲୁତା।
ଉତ୍ତମାଙ୍ଗୈଶ୍ଚ ଶୂରାଣାଂ ଭ୍ରାଜମାନୈଃ ସକୁଣ୍ଡଲୈଃ॥ 7-49-24 (46730)
ବିଚିତ୍ରୈଶ୍ଚ ପରିସ୍ତୋମୈଃ ପତାକାଭିଶ୍ଚ ସଂବୃତା।
ଚାମରୈଶ୍ଚ କୁଥାଭିଶ୍ଚ ପ୍ରବିଦ୍ଧୈଶ୍ଚାମ୍ବରୋତ୍ତମୈଃ॥ 7-49-25 (46731)
ରଥାଶ୍ବନରନାଗାନାମଲଙ୍କାରୈଶ୍ଚ ସୁପ୍ରଭୈଃ।
ଖଙ୍ଗୈଃ ସୁନିଶିତୈଃ ପୀତୈର୍ନିର୍ମୁକ୍ତୈର୍ଭୁଜଗୈରିବ॥ 7-49-26 (46732)
ଚାପୈଶ୍ଚ ବିବିଧୈଶ୍ଛିନ୍ନୈଃ ଶକ୍ତ୍ଯୃଷ୍ଟିପ୍ରାସକମ୍ପନୈଃ।
ବିବିଧୈଶ୍ଚାଯୁଧୈଶ୍ଚାନ୍ଯୈଃ ସଂବୃତା ଭୂରଶୋଭତ॥ 7-49-27 (46733)
`ନିଷ୍ଟନଦ୍ଭିରତୀବାନ୍ଯୈରୁଦ୍ବହଦ୍ରୁଧିରସ୍ରବୈଃ।
ନରୈଃ ପତଦ୍ଭିଃ ପତିତୈରବନୀ ସ୍ବଧିକଂ ବଭୌ॥ 7-49-28 (46734)
ବାଜିଭିଶ୍ଚାପି ନିର୍ଜୀବୈଃ ଶ୍ବସଦ୍ଭିଃ ଶୋଣିତୋକ୍ଷିତୈଃ।
ସାରୋହୈର୍ବିଷମା ଭୂମିଃ ସୌଭଦ୍ରେଣ ନିପାତିତୈଃ॥ 7-49-29 (46735)
ସାଙ୍କୁଶୈଃ ସମହାମାତ୍ରୈଃ ସର୍ବମାଯୁଧକେତୁଭିଃ।
ପର୍ବତୈରିବ ବିଧ୍ବସ୍ତୈର୍ବିଶିଖୈର୍ମଥିତୈର୍ଗଜୈଃ॥ 7-49-30 (46736)
ପୃଥିବ୍ଯାନୁକୀର୍ଣୈଶ୍ଚ ଅଶ୍ବସାରଥିଯୋଧିଭିଃ।
ହଦୈରିବ ପ୍ରକ୍ଷୁଭିତୈର୍ହୃତନାଗୈ ରଥୋତ୍ତମୈଃ॥ 7-49-31 (46737)
ପଦାତିସଙ୍ଘୈଶ୍ଚ ହତୈର୍ବିବିଧାଯୁଧଭୂଷଣୈଃ।
ଭୀରୂଣାଂ ତ୍ରାସଜନନୀ ଘୋରରୂପାଽଭବନ୍ମହୀ॥ 7-49-32 (46738)
ତଂ ଦୃଷ୍ଟ୍ବା ପତିତଂ ଭୂମୌ ଚନ୍ଦ୍ରାର୍କସଦୃଶଦ୍ଯୁତିମ୍।
ତାବକାନାଂ ପରା ପ୍ରୀତିଃ ପାଣ୍ଡୂନାଂ ଚାଭବଦ୍ବ୍ଯଥା॥ 7-49-33 (46739)
ଅଭିମନ୍ଯୌ ହତେ ରାଜଞ୍ଶିଶୁକେଽପ୍ରାପ୍ତଯୌବନେ।
ସମ୍ପ୍ରାଦ୍ରବଚ୍ଚମୂଃ ସର୍ବା ଧର୍ମରାଜସ୍ଯ ପଶ୍ଯତଃ॥ 7-49-34 (46740)
ଦୀର୍ଯମାଣଂ ବଲଂ ଦୃଷ୍ଟ୍ବା ସୌଭଦ୍ରେ ବିନିପାତିତେ।
ଅଜାତଶତ୍ରୁସ୍ତାନ୍ବୀରାନିଦଂ ବଚନମବ୍ରବୀତ୍॥ 7-49-35 (46741)
ସ୍ବର୍ଗମେଷ ଗତଃ ଶୂରୋ ଯୋ ହତୋ ନ ପରାଙ୍ମୁଖଃ।
ସଂସ୍ତମ୍ଭଯତ ମାଭୈଷ୍ଟ ବିଜେଷ୍ଯାମୋ ରଣେ ରିପୂନ୍॥ 7-49-36 (46742)
ଇତ୍ଯେବଂ ସ ମହାତେଜା ଦୁଃଖିତେଭ୍ଯୋ ମହାଦ୍ଯୁତିଃ।
ଧର୍ମରାଜୋ ଯୁଧାଂ ଶ୍ରେଷ୍ଠୋ ବ୍ରୁବନ୍ଦୁଃଖମପାନୁଦତ୍॥ 7-49-37 (46743)
ଯୁଦ୍ଧେ ହ୍ଯାଶୀବିଷାକାରାନ୍ରାଜପୁତ୍ରାନ୍ରଣେ ରିପୂନ୍।
ପୂର୍ବଂ ନିହତ୍ଯ ସଙ୍ଗ୍ରାମେ ପଶ୍ଚାଦାର୍ଜୁନିରଭ୍ଯଯାତ୍॥ 7-49-38 (46744)
ହତ୍ବା ଦଶସହସ୍ରାଣି କୌସଲ୍ଯଂ ଚ ମହାରଥମ୍।
କୃଷ୍ଣାର୍ଜୁନସମଃ କାର୍ଷ୍ଣିଃ ଶକ୍ରଲୋକଂ ଗତୋ ଧ୍ରୁବମ୍॥ 7-49-39 (46745)
ରଥାଶ୍ବନରମାତଙ୍ଗାନ୍ବିନିହତ୍ଯ ସହସ୍ରଶଃ।
ଅବିତୃପ୍ତଃ ସ ସଙ୍ଗ୍ରାମାଦଶୋଚ୍ଯଃ ପୁଣ୍ଯକର୍ମକୃତ୍। 7-49-40 (46746)
ଗତଃ ପୁଣ୍ଯକୃତାଂ ଲୋକାଞ୍ଶାଶ୍ବତାନ୍ପୁଣ୍ଯନିର୍ଜିତାନ୍॥ ॥ 7-49-41 (46747)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ତ୍ରଯୋଦଶଦିବସଯୁଦ୍ଧେ ଏକୋନପଞ୍ଚାଶତ୍ତମୋଽଧ୍ଯାଯଃ॥ 49 ॥
Mahabharata - Drona Parva - Chapter Footnotes
5-49-18 ଉପପ୍ଲୁତଂ ରାହୁଗ୍ରସ୍ତମ୍॥ 5-49-19 କାକପକ୍ଷାବୃତାକ୍ଷିକଂ ଇତି ଝ ପାଠଃ॥ 5-49-30 ବିଶାଖୋନ୍ମଥିତୈର୍ଗଜୈଃ ଇତି କ.ପାଠଃ॥ 5-49-31 ବ୍ଯଶ୍ବସାରଥିଯୋଧିଭିଃ ଇତି କ.ପାଠଃ॥ 5-49-49 ଏକୋନପଞ୍ଚାଶତ୍ତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 050
॥ ଶ୍ରୀଃ ॥
7.50. ଅଧ୍ଯାଯଃ 050
Mahabharata - Drona Parva - Chapter Topics
ଯୁଦ୍ଧଭୂମିବର୍ଣନମ୍॥ 1 ॥Mahabharata - Drona Parva - Chapter Text
7-50-0 (46748)
ସଞ୍ଜଯ ଉବାଚ। 7-50-0x (4377)
ବଯଂ ତୁ ପ୍ରବରଂ ହତ୍ବା ତେଷାଂ ତୈଃ ଶରପୀଡିତାଃ।
ନିବେଶାଯାଭ୍ଯୁପାଯାମଃ ସାଯାହ୍ନେ ରୁଧିରୋକ୍ଷିତାଃ॥ 7-50-1 (46749)
ନିରୀକ୍ଷମାଣାସ୍ତୁ ବଯଂ ପରେ ଚାଯୋଧନଂ ଶନୈଃ।
ଅପଯାତା ମହାରାଜ ଗ୍ଲାନିଂ ପ୍ରାପ୍ତା ବିଚେତସଃ॥ 7-50-2 (46750)
ତତୋ ନିଶାଯା ଦିବସସ୍ଯ ଚାଶିବଃ
ଶିବାରୁତୈଃ ସନ୍ଧିରବର୍ତତାଦ୍ଭୁତଃ।
କୁଶେଶଯାପୀଡନିଭେ ଦିବାକରେ
ବିଲମ୍ବମାନେଽସ୍ତମୁପେତ୍ଯ ପର୍ବତମ୍॥ 7-50-3 (46751)
ବରାସିଶକ୍ତ୍ଯୃଷ୍ଟିବରୂଥଚର୍ମଣାଂ
ବିଭୂଷଣାନାଂ ଚ ସମାକ୍ଷିପନ୍ପ୍ରଭାଃ।
ଦିବଂ ଚ ଭୂମିଂ ଚ ସମାନଯନ୍ନିବ
ପ୍ରିଯାଂ ତନୁଂ ଭାନୁରୁପୈତି ପାବକମ୍॥ 7-50-4 (46752)
ମହାଭ୍ରକୂଟାଚଲଶୃଙ୍ଗସନ୍ନିଭୈ--
ର୍ଗଜୈରନେକୈରିବ ବଜ୍ରପାତିତୈଃ।
ସବୈଜଯନ୍ତ୍ଯଙ୍କୁଶବର୍ମଯନ୍ତୃଭି--
ର୍ନିପାତିତୈର୍ନଷ୍ଟଗତିଶ୍ଚିତା କ୍ଷିତିଃ॥ 7-50-5 (46753)
ହତେଶ୍ବରୈଶ୍ଚୂର୍ଣିତଚକ୍ରକୂବରୈ--
ର୍ହତାଶ୍ବସୂତୈର୍ବିପତାକକେତୁଭିଃ।
ମହାରଥୈର୍ଭୂଃ ଶୁଶୁଭେ ବିଚୂର୍ଣିତୈଃ
ପୁରୈରିବାମିତ୍ରହତୈର୍ନରାଧିପ॥ 7-50-6 (46754)
ରଥାଶ୍ବବୃନ୍ଦୈଃ ସହସାଦିଭିର୍ହତୈଃ
ପ୍ରବିଦ୍ଧଭାଣ୍ଡାଭରଣୈଃ ପୃଥଗ୍ବିଧୈଃ।
ନିରସ୍ତଜିହ୍ବାଦଶନାନ୍ତ୍ରଲୋଚନୈ--
ର୍ଧରା ବଭୌ ଘୋରବିରୂପଦର୍ଶନା॥ 7-50-7 (46755)
ପ୍ରବିଦ୍ଧବର୍ମାଭଣାମ୍ବରାଯୁଧା
ବିପନ୍ନହସ୍ତ୍ଯଶ୍ବରଥାନୁଗା ନରାଃ।
ମହାର୍ହଶଯ୍ଯାସ୍ତରଣୋଚିତାସ୍ତଦା
କ୍ଷିତାବନାଥା ଇବ ଶେରତେ ହତାଃ॥ 7-50-8 (46756)
ଅତୀବ ହୃଷ୍ଟାଃ ଶ୍ବଶୃଗାଲବାଯସା
ବକାଃ ସୁପର୍ଣାଶ୍ଚ ବୃକାସ୍ତରକ୍ଷବଃ।
ବଯାଂସ୍ଯସୃକ୍ପାନ୍ଯଥ ରକ୍ଷସାଂ ଗଣାଃ
ପିଶାଚସଙ୍ଘାଶ୍ଚ ସୁଦାରୁଣା ରଣେ॥ 7-50-9 (46757)
ତ୍ବଚୋ ବିନିର୍ଭିଦ୍ଯ ପିବନ୍ବସାମସୃକ୍
ତଥୈବ ମଜ୍ଜାଃ ପିଶିତାନି ଚାଶ୍ନୁବନ୍।
ବପାଂ ବିଲୁମ୍ପନ୍ତି ହସନ୍ତି ଗାନ୍ତି ଚ
ପ୍ରକର୍ଷମାଣାଃ କୁଣପାନ୍ଯନେକଶଃ॥ 7-50-10 (46758)
ଶରୀରସଙ୍ଘାଟବହା ହ୍ଯସୃଗ୍ଜଲା
ରଥୋଡୁପା କୁଞ୍ଜରଶୈଲସଙ୍କଟା।
ମନୁଷ୍ଯଶୀର୍ଷୋପଲମାଂସକର୍ଦମା
ପ୍ରବିଦ୍ଧନାନାବିଧଶସ୍ତ୍ରମାଲିନୀ॥ 7-50-11 (46759)
ଭଯାବହା ବୈତରଣୀବ ଦୁସ୍ତରା
ପ୍ରବର୍ତିତା ଯୋଧବରୈସ୍ତଦା ନଦୀ।
ଉବାହ ମଧ୍ଯେନ ରଣାଜିରେ ଭୃଶଂ
ଭଯାବହା ଦୀନମୃତପ୍ରବାହିନୀ॥ 7-50-12 (46760)
ପିବନ୍ତି ଚ ସ୍ନାନ୍ତି ଚ ଯତ୍ର ଦୁର୍ଦୃଶାଃ
ପିଶାଚସଙ୍ଘାସ୍ତୁ ନଦନ୍ତି ଭୈରବାଃ।
ସୁନନ୍ଦିତାଃ ପ୍ରଣଭୃତାଂ କ୍ଷଯଂକରାଃ
ସମାନଭକ୍ଷାଃ ଶ୍ବସୃଗାଲପକ୍ଷିଣଃ॥ 7-50-13 (46761)
ତଥା ତଦାଯୋଧନମୁଗ୍ରଦର୍ଶନଂ
ନିଶାମୁଖେ ପିତୃପତିରାଷ୍ଟ୍ରବର୍ଧନମ୍।
ନିରୀକ୍ଷମାଣଃ ଶନକୈର୍ଜହୁର୍ନରାଃ
ସମୁତ୍ଥିତା ନୃତ୍ତକବନ୍ଧସଙ୍କୁଲମ୍॥ 7-50-14 (46762)
ଅପେତବିଧ୍ବସ୍ତମହାର୍ହଭୂଷଣଂ
ନିପାତିତଂ ଶକ୍ରସମଂ ମହାବଲମ୍।
ରଣେଽଭିମନ୍ଯୁଂ ଦଦୃଶୁସ୍ତଦା ଜନା
ବ୍ଯପୋଢହବ୍ଯଂ ସଦସୀବ ପାବକମ୍॥ ॥ 7-50-15 (46763)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ତ୍ରଯୋଦଶଦିବସଯୁଦ୍ଧାବହାରେ ପଞ୍ଚାଶତ୍ତମୋଽଧ୍ଯାଯଃ॥ 50 ॥
ଦ୍ରୋଣପର୍ବ - ଅଧ୍ଯାଯ 051
॥ ଶ୍ରୀଃ ॥
7.51. ଅଧ୍ଯାଯଃ 051
Mahabharata - Drona Parva - Chapter Topics
ଯୁଧିଷ୍ଠିରସ୍ଯାଭିମନ୍ଯୁମନୁଶୋଚ୍ଯ ବିଲାପଃ॥ 1 ॥Mahabharata - Drona Parva - Chapter Text
7-51-0 (46764)
ସଞ୍ଜଯ ଉବାଚ। 7-51-0x (4378)
ହତେ ତସ୍ମିନ୍ମହାବୀର୍ଯେ ସୌଭଦ୍ରେ ରଥଯୂଥପେ।
ବିମୁକ୍ତରଥସନ୍ନାହାଃ ସର୍ବେ ନିକ୍ଷିପ୍ତକାର୍ମୁକାଃ॥ 7-51-1 (46765)
ଉପୋପବିଷ୍ଟା ରାଜାନଂ ପରିବାର୍ଯ ଯୁଧିଷ୍ଠିରମ୍।
ତଦେବ ଯୁଦ୍ଧଂ ଧ୍ଯାଯନ୍ତଃ ସୌଭଦ୍ରଗତମାନସାଃ॥ 7-51-2 (46766)
ତତୋ ଯୁଧିଷ୍ଠିରୋ ରାଜା ବିଲଲାପ ସୁଦୁଃଖିତଃ।
ତତୋ ଯୁଧିଷ୍ଠିରୋ ରାଜା ବିଲଲାପ ସୁଦୁଃଖିତଃ। 7-51-3 (46767)
ଅଭିମନ୍ଯୌ ହତେ ବୀରେ ଭ୍ରାତୁଃ ପୁତ୍ରେ ମହାରଥେ॥ 7-51-4 (46768)
ଯୁଧିଷ୍ଠିର ଉବାଚ। 7-51-4x (4379)
ଏନଂ ଜିତ୍ବା କୃପଂ ଶଲ୍ଯଂ ରାଜାନଂ ଚ ସୁଯୋଧନମ୍।
ଦ୍ରୋଁଣଂ ଦ୍ରୌଣିଂ ମହେଷ୍ବାସଂ ତଥୈବାନ୍ଯାନ୍ମହାରଥାନ୍॥ 7-51-4 (46769)
ଦ୍ରୋଣାନୀକମସମ୍ବାଧଂ ମମ ପ୍ରିଯଚିକୀର୍ଷଯା।
`ହତ୍ବା ଶତ୍ରୁଗଣାନ୍ବୀରାନେଷ ଶେତେ ମହାରଥଃ॥ 7-51-5 (46770)
କୃତାସ୍ତ୍ରଯୁ ଦ୍ଧକୁଶଲାନ୍ମହେଷ୍ବାସାନ୍ମହାବଲାନ୍।
କୁଲଶଃ ପୂଣୈର୍ଯୁକ୍ତାଞ୍ଛୂରାନ୍ବିଖ୍ଯାତପୌରୁଷାନ୍॥ 7-51-6 (46771)
ଦ୍ରୋଣେନ ର୍ପ୍ରାହେତଂ ବ୍ଯୂହମଭେଦ୍ଯମମରୈରପି।
ଅଦୃଷ୍ଟପୂର୍ବମସ୍ମାଭିଃ ପଦ୍ମଂ ଚକ୍ରାଯୁଧପ୍ରିଯଃ'॥ 7-51-7 (46772)
ଭିତ୍ତ୍ବା ମଧ୍ଯଂ ପ୍ରବିଷ୍ଟୋଽସୌ ଗୋମଧ୍ଯମିବ କେସରୀ।
`ବିକ୍ରୀଡିତଂ ରଣେ ତେନ ନିଘ୍ନତା ବୈ ପରାନ୍ବରାନ୍'॥ 7-51-8 (46773)
ଯସ୍ଯ ଶୂରା ମହେଷ୍ବାସାଃ ପ୍ରତ୍ଯନୀକଗତା ରଣେ।
ପ୍ରଭଗ୍ନା ବିନିବର୍ତନ୍ତେ କୃତାସ୍ତ୍ରା ଯୁଦ୍ଧଦୁର୍ମଦାଃ॥ 7-51-9 (46774)
ଅତ୍ଯନ୍ତଶତ୍ରୁରସ୍ମାକଂ ଯେନ ଦୁଃଶାସନଃ ଶରୈଃ।
କ୍ଷିପ୍ରଂ ହ୍ଯଭିମୁଖଃ ସଙ୍ଖ୍ଯେ ବିସଂଜ୍ଞୋ ବିମୁଖୀକୃତଃ॥ 7-51-10 (46775)
ସ ତୀର୍ତ୍ବା ଦୁସ୍ତରଂ ବୀରୋ ଦ୍ରୋଣାନୀକମହାର୍ଣବମ୍।
ପ୍ରାପ୍ଯ ଦୌଃଶାସନିଂ କାର୍ଷ୍ଣିଃ ପ୍ରାପ୍ତୋ ବୈବସ୍ବତକ୍ଷଯମ୍॥ 7-51-11 (46776)
କଥଂ ଦ୍ରକ୍ଷ୍ଯାମି କୌନ୍ତେଯଂ ସୌଭଦ୍ରେ ନିହତେଽର୍ଜୁନମ୍।
ସୁଭଦ୍ରାଂ ବା ମହାଭାଗାଂ ପ୍ରିଯଂ ପୁତ୍ରମପଶ୍ଯତୀମ୍॥ 7-51-12 (46777)
`ହତବତ୍ସାଂ ଯଥା ଧେନୁଂ ତଦ୍ଦୃର୍ଶନକୃତୋନ୍ମୁଖୀମ୍'।
କିଂସ୍ବିଦ୍ବକ୍ଷ୍ଯାମ୍ଯପେତାର୍ଥମକ୍ଲିଷ୍ଟମସମଞ୍ଜସମ୍।
ତାବୁଭୌ ପ୍ରତିବକ୍ଷ୍ଯାମି ହୃଷୀକେଶଧନଞ୍ଜଯୌ॥ 7-51-13 (46778)
ଅହମେବ ସୁଭଦ୍ରାଯାଃ କେଶବାର୍ଜୁନଯୋରପି।
ପ୍ରିଯକାମୋ ଜଯାକାଙ୍କ୍ଷୀ କୃତବାନିଦମପ୍ରିଯମ୍॥ 7-51-14 (46779)
ନ ଲୁବ୍ଧୋ ବୁଧ୍ଯତେ ଦୋଷାଁଲ୍ଲୋଭାନ୍ମୋହାତ୍ପ୍ରବର୍ତତେ।
ମଧୁଲିପ୍ସୁର୍ହି ନାପଶ୍ଯଂ ପ୍ରପାତମହମୀଦୃଶମ୍॥ 7-51-15 (46780)
ଯୋ ହି ଭୋଜ୍ଯେ ପୁରସ୍କାର୍ଯୋ ଯାନେଷୁ ଶଯନେଷୁ ଚ।
ଭୂଷଣେଷୁ ଚ ସୋଽସ୍ମାଭିର୍ବାଲୋ ଯୁଧି ପୁରସ୍କୃତଃ॥ 7-51-16 (46781)
କଥଂ ହି ବାଲସ୍ତରୁଣୋ ଯୁଦ୍ଧାନାମବିଶାରଦଃ।
ସଦଶ୍ବ ଇବ ସମ୍ବାଧେ ବିଷମେ କ୍ଷେମମର୍ହତି॥ 7-51-17 (46782)
ନୋ ଚେଦ୍ଧି ବଯମପ୍ଯେନଂ ମହୀମନୁଶଯୀମହି।
ବୀଭତ୍ସୋଃ କୋପଦୀପ୍ତସ୍ଯ ଦଗ୍ଧାଃ କୃପଣଚକ୍ଷୁଷା॥ 7-51-18 (46783)
ଅଲୁବ୍ଧୋ ମିତମାନ୍ହୀମାନ୍କ୍ଷମାବାନ୍ରୂପବାନ୍ବଲୀ।
ବପୁଷ୍ମାନ୍ମାନକୃଦ୍ବୀରଃ ପ୍ରିଯଃ ସତ୍ଯପରାକ୍ରମଃ॥ 7-51-19 (46784)
ଯସ୍ଯ ଶ୍ଲାଘନ୍ତି ବିବୁଧାଃ କର୍ମାଣ୍ଯୂର୍ଜିତକର୍ମଣଃ।
ନିବାତକବଚାଞ୍ଜଘ୍ନେ କାଲକେଯାଂଶ୍ଚ ବୀର୍ଯବାନ୍॥ 7-51-20 (46785)
ମହେନ୍ଦ୍ରଶତ୍ରବୋ ଯେନ ହିରଣ୍ଯପୁରବାସିନଃ।
ଅକ୍ଷ୍ଣୋର୍ନିମେଷମାତ୍ରେଣ ପୌଲୋଭାଃ ସଗଣା ହତାଃ॥ 7-51-21 (46786)
ପରେଭ୍ଯୋଽପ୍ଯଭଯାର୍ଥିଭ୍ଯୋ ଯୋ ଦଦାତ୍ଯଭଯଂ ବିଭୁଃ।
ତସ୍ଯାସ୍ମାଭିର୍ନ ଶକିତସ୍ତ୍ରାତୁମପ୍ଯାତ୍ମଜୋ ବଲୀ॥ 7-51-22 (46787)
ଭଯଂ ତୁ ସୁମହତ୍ପ୍ରାପ୍ତଂ ଧାର୍ତରାଷ୍ଟ୍ରାନ୍ମହାବଲାନ୍।
ପାର୍ଥଃ ପୁତ୍ରବଧାତ୍କ୍ରୁଦ୍ଧଃ କୌରବାଞ୍ଶୋଷଯିଷ୍ଯତି॥ 7-51-23 (46788)
କ୍ଷୁଦ୍ରଃ କ୍ଷୁଦ୍ରସହାଯଶ୍ଚ ସ୍ବପକ୍ଷକ୍ଷଯକାରକଃ।
ବ୍ଯକ୍ତଂ ଦୁର୍ଯୋଧନୋ ଦୃଷ୍ଟ୍ବା ଶୋଚନ୍ହାସ୍ଯତି ଜୀବିତଂ॥ 7-51-24 (46789)
ନ ମେ ଜଯଃ ପ୍ରୀତିକରୋ ନ ରାଜ୍ଯଂ
ନ ଚାମରତ୍ବଂ ନ ସୁରୈଃ ସଲୋକତା।
ଇମଂ ସମୀକ୍ଷ୍ଯାପ୍ରତିବୀର୍ଯପୌରୁଷଂ
ନିପାତିତଂ ଦେବବରାତ୍ମଜାତ୍ମଜମ୍॥ ॥ 7-51-25 (46790)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ଏକପଞ୍ଚାଶତ୍ତମୋଽଧ୍ଯାଯଃ॥ 51 ॥
Mahabharata - Drona Parva - Chapter Footnotes
5-51-5 ଅସଂବାଧଂ ଅପ୍ରତୀଘାତମ୍॥ 5-51-13 ଅସମଞ୍ଜସମଯୁକ୍ତରୂପମ୍॥ 5-51-17 ସମ୍ବାଧେ ଗହନେ॥ 5-51-19 ଏନଂ ଅଭିମନ୍ଯୁଂ ଅନୁଚେନ୍ନ ମହୀଂ ଶଯୀମହି ତଦା କ୍ରୋଧଦୀପ୍ତସ୍ଯ ବୀଭତ୍ସୋଃ କୃପଣେନାବସନ୍ନେନ ଚକ୍ଷୁଷା ଦଗ୍ଧା ଭବେମହୀତ୍ଯନ୍ବଯଃ॥ 5-51-19 ବପୁଷ୍ମାଂସ୍ତେଜସ୍ବୀ॥ 5-51-51 ଏକପଞ୍ଚାଶତ୍ତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 052
॥ ଶ୍ରୀଃ ॥
7.52. ଅଧ୍ଯାଯଃ 052
Mahabharata - Drona Parva - Chapter Topics
ଯୁଧିଷ୍ଠିରାଶ୍ବାସନାଯ ବ୍ଯାସେନ ତମ୍ପ୍ରତି ଅକମ୍ପନୋପାଖ୍ଯାନକଥନୋପକ୍ରମଃ॥ 1 ॥Mahabharata - Drona Parva - Chapter Text
7-52-0 (46791)
ସଞ୍ଜଯ ଉବାଚ। 7-52-0x (4380)
ଏବଂ ବିଲପମାନେ ତୁ କୁନ୍ତୀପୁତ୍ରେ ଯୁଧିଷ୍ଠିରେ।
କୃଷ୍ଣଦ୍ବୈପାଯନସ୍ତତ୍ର ଆଜଗାମ ମହାନୃଷିଃ॥ 7-52-1 (46792)
ଅଥ ଦୃଷ୍ଟ୍ବା ମହାତ୍ମାନଂ ପାଣ୍ଡୁପୁତ୍ରୋ ଯୁଧିଷ୍ଠିରଃ।
ଯୁକ୍ତାସନୋ ଦୀନମନାଃ ପୂଜାଂ ଚକ୍ରେ ମହାତ୍ମନଃ॥ 7-52-2 (46793)
ଅର୍ଚଯିତ୍ବା ଯଥାନ୍ଯାଯମୁପବିଷ୍ଟଂ ଯୁଧିଷ୍ଠିରଃ।
ଅବ୍ରବୀଚ୍ଛୋକସନ୍ତପ୍ତୋ ଭ୍ରାତୁଃ ପୁତ୍ରବଧେନ ଚ॥ 7-52-3 (46794)
ଅଧର୍ମଯୁକ୍ତୈର୍ବହୁଭିଃ ପରିବାର୍ଯ ମହାରଥୈଃ।
ଯୁଧ୍ଯମାନୋ ମହେଷ୍ବାସୈଃ ସୌଭଦ୍ରୋ ନିହତୋ ରଣେ॥ 7-52-4 (46795)
ବାଲଶ୍ଚ ବାଲବୁଦ୍ଧିଶ୍ଚ ବୀରଶ୍ଚ ପରବୀରହା।
ଅନୁପାଯେନ ସଙ୍ଗ୍ରାମେ ଯୁଧ୍ଯମାନୋ ବିନାଶିତଃ॥ 7-52-5 (46796)
ମଯା ପ୍ରୋକ୍ତଃ ସ ସଙ୍ଗ୍ରାମେ ଦ୍ବାରଂ ସଞ୍ଜନଯସ୍ବ ନଃ।
ପ୍ରବିଷ୍ଟେଽଭ୍ଯନ୍ତରେ ତସ୍ମିନ୍ସୈନ୍ଧବେନ ନିବାରିତାଃ॥ 7-52-6 (46797)
ନନୁ ନାମ ସମଂ ଯୁଦ୍ଧମେଷ୍ଟବ୍ଯଂ ଯୁଦ୍ଧଜୀବିଭିଃ।
ଇଦଂ ଚୈବାସମଂ ଯୁଦ୍ଧମୀଦୃଶଂ ଯତ୍କୃତଂ ପରୈଃ॥ 7-52-7 (46798)
ତେନାସ୍ମି ଭୃଶସନ୍ତପ୍ତଃ ଶୋକବାଷ୍ପସମାକୁଲଃ।
ଶମଂ ନୈବାଧିଗଚ୍ଛାମି ଚିନ୍ତଯାନଃ ପୁନଃ ପୁନଃ॥ 7-52-8 (46799)
ସଞ୍ଜଯ ଉବାଚ। 7-52-9x (4381)
ତଂ ତଥା ବିଲପନ୍ତଂ ବୈ ଶୋକବ୍ଯାକୁଲମାନସମ୍।
ଉବାଚ ସାନ୍ତ୍ବଯନ୍ବ୍ଯାସୋ ଯୁଧିଷ୍ଠିରମିଦଂ ବଚଃ॥ 7-52-9 (46800)
ବ୍ଯାସ ଉବାଚ। 7-52-10x (4382)
ଯୁଧିଷ୍ଠିର ମହାପ୍ରାଜ୍ଞ ସର୍ବଶାସ୍ତ୍ରବିଶାରଦ।
ବ୍ଯସନେଷୁ ନ ମୁହ୍ଯନ୍ତି ତ୍ବାଦୃଶା ଭରତର୍ଷଭ॥ 7-52-10 (46801)
ସ୍ବର୍ଗମେଷ ଗତଃ ଶୂରଃ ଶତ୍ରୂନ୍ହତ୍ବା ବହୂନ୍ରଣେ।
ଅବାଲସଦୃଶଂ କର୍ମ କୃତ୍ବା ବୈ ପୁରୁଷୋତ୍ତମଃ॥ 7-52-11 (46802)
ଅନତିକ୍ରମଣୀଯୋ ବୈ ବିଧିରେଷ ଯୁଧିଷ୍ଠିର।
ଦେବଦାନବଗନ୍ଧର୍ବାନ୍ମୂତ୍ଯୁର୍ହରତି ଭାରତ॥ 7-52-12 (46803)
ଯୁଧିଷ୍ଠିର ଉବାଚ। 7-52-13x (4383)
ଇମେ ବୈ ପୃଥିବୀପାଲାଃ ଶେରତେ ପୃଥିବୀତଲେ।
ନିହତାଃ ପୃତନାମଧ୍ଯେ ମୃତସଂଜ୍ଞା ମହାବଲାଃ॥ 7-52-13 (46804)
ନାଗାଯୁତବଲାଶ୍ଚାନ୍ଯେ ବାଯୁବେଗବଲାସ୍ତଥା।
ତ ଏତେ ନିହତାଃ ସଙ୍ଖ୍ଯେ ତୁଲ୍ଯରୂପା ନରୈର୍ନରାଃ॥ 7-52-14 (46805)
ନୈଷାଂ ପଶ୍ଯାମି ହନ୍ତାରଂ ପ୍ରାଣିନାଂ ସଂଯୁଗେ କ୍ବଚିତ୍।
ବିକ୍ରମେଣୋପସମ୍ପନ୍ନାସ୍ତପୋବଲସମନ୍ବିତାଃ॥ 7-52-15 (46806)
ଜେତବ୍ଯମିତି ଚାନ୍ଯୋନ୍ଯଂ ଯେଷାଂ ନିତ୍ଯଂ ହୃଦି ସ୍ଥିତମ୍।
ଅଥ ଚେମେ ହତାଃ ପ୍ରାଜ୍ଞାଃ ଶେରତେ ବିଗତାଯୁଷଃ॥ 7-52-16 (46807)
ମୃତା ଇତି ଚ ଶବ୍ଦୋଯଂ ବର୍ତତେ ଚ ତତୋଽର୍ଥବତ୍।
ଇମେ ମୃତା ମହୀପାଲାଃ ପ୍ରାଯଶୋ ଭୀମବିକ୍ରମାଃ॥ 7-52-17 (46808)
ନିଶ୍ଚେଷ୍ଟା ନିରଭୀମାନାଃ ଶୂରାଃ ଶତ୍ରୁବଶଂଗତାଃ।
ରାଜପୁତ୍ରାଶ୍ଚ ସଂରବ୍ଧା ବୈଶ୍ବାନରମୁଖଂ ଗତାଃ॥ 7-52-18 (46809)
ଅତ୍ର ମେ ସଂଶଯଃ ପ୍ରାପ୍ତଃ କୁତଃ ସଂଜ୍ଞା ମୃତା ଇତି।
କସ୍ଯ ମୃତ୍ଯୁଃ କୁତୋ ମୃତ୍ଯୁଃ କେନ ମୃତ୍ଯୁରିମାଃ ପ୍ରଜାଃ।
ହରତ୍ଯମରସଙ୍କାଶ ତନ୍ମେ ବ୍ରୂହି ପିତାମହ॥ 7-52-19 (46810)
ସଞ୍ଜଯ ଉବାଚ। 7-52-20x (4384)
ତଂ ତଥା ପରିପୃଚ୍ଛନ୍ତଂ କୁନ୍ତୀପୁତ୍ରଂ ଯୁଧିଷ୍ଠିରମ୍।
ଆଶ୍ବାସନମିଦଂ ବାକ୍ଯମୁବାଚ ଭଗବାନୃଷିଃ॥ 7-52-20 (46811)
ବ୍ଯାସ ଉବାଚ। 7-52-21x (4385)
ଅତ୍ରାପ୍ଯୁଦାହରନ୍ତୀମମିତିହାସଂ ପୁରାତନମ୍।
ଅକମ୍ପନସ୍ଯ କଥିତଂ ନାରଦେନ ପୁରା ନୃପ॥ 7-52-21 (46812)
ସ ଚାପି ରାଜା ରାଜେନ୍ଦ୍ର ପୁତ୍ରବ୍ଯସନମୁତ୍ତମମ୍।
ଅପ୍ରସହ୍ଯତମଂ ଲୋକେ ପ୍ରାପ୍ତବାନିତି ନଃ ଶ୍ରୁତମ୍॥ 7-52-22 (46813)
ତଦହଂ ସମ୍ପ୍ରବକ୍ଷ୍ଯାମି ମୃତ୍ଯୋଃ ପ୍ରଭବମୁତ୍ତମମ୍।
ତତସ୍ତ୍ବଂ ମୋକ୍ଷ୍ଯସେ ଦୁଃଖାତ୍ସ୍ନେହବନ୍ଧନସଂଶ୍ରଯାତ୍॥ 7-52-23 (46814)
ସମସ୍ତପାପରାଶିଘ୍ନଂ ଶୃଣୁ କୀର୍ତଯତୋ ମମ।
ଧନ୍ଯମାଖ୍ଯାନମାଯୁଷ୍ଯଂ ଶୋକଘ୍ନଂ ପୁଷ୍ଟିବର୍ଧନମ୍॥ 7-52-24 (46815)
ପବିତ୍ରମରିସଙ୍ଘଘ୍ନଂ ପଙ୍ଗଲାନାଂ ଚ ମଙ୍ଗଲମ୍।
ଯଥୈବ ବେଦାଧ୍ଯଯନମୁପାଖ୍ଯାନମିଦଂ ତଥା॥ 7-52-25 (46816)
ଶ୍ରବଣୀଯଂ ମହାରାଜ ପ୍ରାତର୍ନିତ୍ଯଂ ନୃପୋତ୍ତମୈଃ।
ପୁତ୍ରାନାଯୁଷ୍ମତୋ ରାଜ୍ଯମୀହମାନୈଃ ଶ୍ରିଯଂ ତଥା॥ 7-52-26 (46817)
ପୁରା କୃତଯୁଗେ ତାତ ଆସୀଦ୍ରାଜା ହ୍ଯକମ୍ପନଃ।
ସ ଶତ୍ରୁବଶମାପନ୍ନୋ ମଧ୍ଯେ ସଙ୍ଗ୍ରାମମୂର୍ଧନି।
`ଯୋଧଯାମାସ ବଲବାନ୍ବଦ୍ଧଶ୍ଚାସୀଦକମ୍ପନଃ'॥ 7-52-27 (46818)
ତସ୍ଯ ପୁତ୍ରୋ ହରିର୍ନାମ ନାରାଯଣସମୋ ବଲେ।
ଶ୍ରୀମାନ୍କୃତାସ୍ତ୍ରୋ ମେଧାବୀ ଯୁଧି ଶକ୍ରୋପମୋ ବଲୀ॥ 7-52-28 (46819)
`ସ ଦୃଷ୍ଟ୍ବା ପିତରଂ ଯୁଦ୍ଧେ ତଦବସ୍ଥଂ ମହାଦ୍ଯୁତିଃ।
ଅଚିନ୍ତଯିତ୍ବା ମରଣଂ ଶତ୍ରୁମଧ୍ଯଂ ତତୋଽବିଶତ୍॥ 7-52-29 (46820)
ସ ଶତ୍ରୁଭିଃ ପରିବୃତୋ ବହୁଧା ରଣମୂର୍ଧନି।
ଯୋଧଯାମାସ ତାନ୍ସର୍ବାନ୍ସର୍ବାସ୍ତ୍ରକୁଶଲୋ ବଲୀ॥ 7-52-30 (46821)
ବର୍ଷନ୍ବାଣସହସ୍ରାଣି ଶତ୍ରୁଷ୍ବମିତବିକ୍ରମଃ।
ପଦାତିରଥନାଗାଶ୍ବାନ୍ପ୍ରମମାଥ ମହାବଲଃ॥ 7-52-31 (46822)
ସ ଶରୈରାଚିତଶ୍ଚକ୍ରୈର୍ଗଦାଭିର୍ମୁସଲୈରପି।
ମୃଦ୍ଗନ୍ରଥସହସ୍ରାଣି ପଦାତୀନ୍ବାଜିବାରଣାନ୍॥ 7-52-32 (46823)
ପରାନୀକଂ ବିଭିଦ୍ଯାଜୌ ମୋକ୍ଷଯିତ୍ବା ଚ ତଂ ନୃପମ୍।
ପୁନରେବାକରୋଦ୍ଯୁଦ୍ଧଂ ଶତ୍ରୁମଧ୍ଯଗତୋ ବଲୀ॥ 7-52-33 (46824)
ତତସ୍ତେ ରଥିନଃ ସର୍ବେ ସମେତ୍ଯ ପୁନରାହବେ।
ଜଘ୍ନୁସ୍ତଂ ପରିବାର୍ଯୈକଂ ତୋମରୈରିବ କୁଞ୍ଜରମ୍'॥ 7-52-34 (46825)
ସ କର୍ମ ଦୁଷ୍କରଂ କୃତ୍ବା ସଙ୍ଗ୍ରାମେ ଶତ୍ରୁତାପନଃ।
ଶତ୍ରୁଭିର୍ନିହତଃ ସଙ୍ଖ୍ଯେ ପୃତାନାଯାଂ ଯୁଧିଷ୍ଠିର॥ 7-52-35 (46826)
ଦ୍ବିଷଦ୍ଭିର୍ନିହତଂ ଦୃଷ୍ଟ୍ବା ପ୍ରିଯଂ ପୁତ୍ରମକମ୍ପନଃ।
ଅମର୍ଷଜନିତକ୍ରୋଧ ଆହବାତ୍ସହସାଽଽଗତଃ॥ 7-52-36 (46827)
ସ ରାଜା ପ୍ରେତକୃତ୍ଯାନି ତସ୍ଯ କୃତ୍ବା ଶୁଚାନ୍ବିତଃ।
ଶୋଚନ୍ନହନି ରାତ୍ରୌ ଚ ନାଲଭତ୍ସୁଖମାତ୍ମନଃ॥ 7-52-37 (46828)
ତସ୍ଯ ଶୋକଂ ବିଦିତ୍ବା ତୁ ପୁତ୍ରବ୍ଯସନସମ୍ଭବମ୍।
ଆଜଗାମାଥ ଦେବର୍ଷିର୍ନାରଦୋଽସ୍ଯ ସମୀପତଃ॥ 7-52-38 (46829)
ସ ତୁ ରାଜା ମହାଭାଗୋ ଦୃଷ୍ଟ୍ବା ଦେବର୍ଷିସତ୍ତମମ୍।
ପୂଜଯିତ୍ବା ଯଥାନ୍ଯାଯଂ କଥାମକଥଯତ୍ତଦା॥ 7-52-39 (46830)
ତସ୍ଯ ସର୍ବଂ ସମାଚଷ୍ଟ ଯଥାବୃତ୍ତଂ ଯୁଧିଷ୍ଠିର।
ଶତ୍ରୁଭିର୍ବିଜଯଂ ସଙ୍ଖ୍ଯେ ପୁତ୍ରସ୍ଯ ଚ ବଧଂ ତଥା॥ 7-52-40 (46831)
ଅକମ୍ପନ ଉବାଚ। 7-52-41x (4386)
ମମ ପୁତ୍ରୋ ମହାବୀର୍ଯ ଇନ୍ଦ୍ରବିଷ୍ଣୁସମଦ୍ଯୁତିଃ।
ଶତ୍ରୁଭିର୍ବହୁଭିଃ ସଙ୍ଖ୍ଯେ ପରାକ୍ରମ୍ଯ ହତୋ ବଲୀ॥ 7-52-41 (46832)
ଶୃଣୁ ମେ ପ୍ରାଣିନାଂ ଚାପି ମୃତ୍ଯୁଃ ପ୍ରଭବତେ କିଲ।
କ ଏଷ ମୃତ୍ଯୁର୍ଭଗବନ୍କିଂବୀର୍ଯବଲପୌରୁଷଃ।
ଏତଦିଚ୍ଛାମି ତତ୍ତ୍ବେନ ଶ୍ରୋତୁଂ ମତିମତାଂ ବର॥ 7-52-42 (46833)
ବ୍ଯାସ ଉବାଚ। 7-52-43x (4387)
ତସ୍ଯ ତଦ୍ବଚନଂ ଶ୍ରୁତ୍ବା ନାରଦୋ ବରଦଃ ପ୍ରଭୁଃ।
ଆଖ୍ଯାନମିଦମାଚଷ୍ଟ ପୁତ୍ରଶୋକାପହଂ ମହତ୍॥ 7-52-43 (46834)
ନାରଦ ଉବାଚ। 7-52-44x (4388)
ଶୃଣୁ ରାଜନ୍ମହାବାହୋ ଆଖ୍ଯାନଂ ବହୁବିସ୍ତରମ୍।
ଯଥାବୃତ୍ତଂ ଶ୍ରୁତଂ ଚୈବ ମଯାଽପି ବସୁଧାଧିପ॥ 7-52-44 (46835)
ପ୍ରଜାଃ ସୃଷ୍ଟା ତଦା ବ୍ରହ୍ମା ଆଦିସର୍ଗେ ପିତାମହଃ।
ଅସଂହୃତଂ ମହାତେଜା ଦୃଷ୍ଟ୍ବା ଜଗଦିଦଂ ପ୍ରଭୁଃ॥ 7-52-45 (46836)
ତସ୍ଯ ଚିନ୍ତା ସମୁତ୍ପନ୍ନା ସଂହାରଂ ପ୍ରତି ପାର୍ଥିବ।
ଚିନ୍ତଯନ୍ନ ହ୍ଯସୌ ଦେବ ସଂହାରଂ ବସୁଧାଧିପ॥ 7-52-46 (46837)
ତସ୍ଯ ରୋଷାନ୍ମହାରାଜ ମୁଖେଭ୍ଯୋଽଗ୍ନିରଜାଯତ।
ତେନ ସର୍ବା ଦିଶୋ ବ୍ଯାପ୍ତାଃ ସାନ୍ତର୍ଦେଶା ଦିଧକ୍ଷତା॥ 7-52-47 (46838)
ତତୋ ଦିବଂ ଭୁବଂ ଚୈବ ଜ୍ବାଲାମାଲାସମାକୁଲମ୍।
ଚାରଚରଂ ଜଗତ୍ସର୍ବଂ ଦଦାହ ଭଗବାନ୍ପ୍ରଭୁଃ॥ 7-52-48 (46839)
ତତୋ ହତାନି ଭୂତାନି ଚରାଣି ସ୍ଥାବରାଣି ଚ।
ମହତା କ୍ରୋଧବେଗେନ ତ୍ରାସଯନ୍ନିବ ବୀର୍ଯବାନ୍। 7-52-49 (46840)
ତତୋ ରୁଦ୍ରୋ ଜଟୀ ସ୍ଯାଣୁର୍ନିଶାଚରପତିର୍ହରଃ।
ଜଗାମ ଶରଣଂ ଦେବଂ ବ୍ରହ୍ମାଣଂ ପରମେଷ୍ଠିନମ୍॥ 7-52-50 (46841)
ତସ୍ମିନ୍ନାପତିତେ ସ୍ଥାଣୌ ପ୍ରଜାନାଂ ହିତକାମ୍ଯଯା।
ଅବ୍ରବୀତ୍ପରମୋ ଦେବୋ ଜ୍ବଲନ୍ନିବ ମହାମୁନିଃ॥ 7-52-51 (46842)
କିଂ କର୍ମ କାମଂ କାମାର୍ହ କାମାଜ୍ଜାତୋଽସି ପୁତ୍ରକ।
କରିଷ୍ଯାମି ପ୍ରିଯଂ ସର୍ବଂ ବ୍ରୂହି ସ୍ଥାଣୋ ଯଦିଚ୍ଛସି॥ ॥ 7-52-52 (46843)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ଦ୍ବିପଞ୍ଚାଶତ୍ତମୋଽଧ୍ଯାଯଃ॥ 52 ॥
Mahabharata - Drona Parva - Chapter Footnotes
5-52-6 ଦ୍ବାରଂ ସଞ୍ଜନଯସ୍ବେତି ମଯା ଉକ୍ତ ଇତି ସମ୍ବନ୍ଧଃ। ନିବାରିତଃ ତମନୁପ୍ରବିଶନ୍ତ ଇତି ଶେଷଃ॥ 5-52-19 କସ୍ଯ ମୃତ୍ଯୁଃ କ ଇତି ଶେଷଃ॥ 5-52-47 ଖେଭ୍ଯ ଇତି ପାଠେ ଶ୍ରୋତ୍ରାଦିଚ୍ଛିଦ୍ରେଭ୍ଯଃ॥ 5-52-52 ଦ୍ବିପଞ୍ଚାଶତ୍ତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 053
॥ ଶ୍ରୀଃ ॥
7.53. ଅଧ୍ଯାଯଃ 053
Mahabharata - Drona Parva - Chapter Topics
ବ୍ରହ୍ମରୁଦ୍ରସଂବାଦଃ॥ 1 ॥ ବ୍ରହ୍ମଣା ପ୍ରଜାସଂହାରାଯ ମୃତ୍ଯୁଦେବୀସର୍ଜନମ୍॥ 2 ॥Mahabharata - Drona Parva - Chapter Text
7-53-0 (46844)
ସ୍ଥାଣୁରୁବାଚ। 7-53-0x (4389)
ପ୍ରଜାସର୍ଗନିମିତ୍ତଂ ହି କୃତୋ ଯତ୍ନସ୍ତ୍ବଯା ବିଭୋ।
ତ୍ବଯା ସୃଷ୍ଟାଶ୍ଚ ବୃଦ୍ଧାଶ୍ଚ ଭୂତଗ୍ରାମାଃ ପୃଥଗ୍ବିଧାଃ॥ 7-53-1 (46845)
ତାସ୍ତବେହ ପୁନଃ କ୍ରୋଧାତ୍ପ୍ରଜା ନଶ୍ଯନ୍ତି ସର୍ବଶଃ।
ତା ଦୃଷ୍ଟ୍ବା ମମ କାରୁଣ୍ଯଂ ପ୍ରସୀଦ ଭଗବନ୍ପ୍ରଭୋ॥ 7-53-2 (46846)
ବ୍ରହ୍ମୋବାଚ। 7-53-3x (4390)
ସଂହର୍ତୁଂ ନ ଚ ମେ କାମ ଏତଦେବଂ ଭବେଦିତି।
ପୃଥିବ୍ଯା ହିତକାମଂ ତୁ ତତୋ ମାଂ ମନ୍ଯୁରାବିଶତ୍॥ 7-53-3 (46847)
ଇଯଂ ସନ୍ନା ତଦା ଦେବୀ ଭାରାର୍ତା ସମଚୂଚୁଦତ୍।
ସଂହାରାର୍ଥଂ ମହାଦେବ ଭାରେଣାଭିହତା ସତୀ॥ 7-53-4 (46848)
ତତୋଽହଂ ନାଧିଗଚ୍ଛାମି ବୁଦ୍ଧ୍ଯା ବହୁ ବିଚାରଯନ୍।
ସଂହାରମପ୍ରମେଯସ୍ଯ ତତୋ ମାଂ ମନ୍ଯୁରାବିଶତ୍॥ 7-53-5 (46849)
ରୁଦ୍ର ଉବାଚ। 7-53-6x (4391)
ସଂହାରାର୍ଥଂ ପ୍ରସୀଦସ୍ବ ମାରୁଷୋ ବସୁଧାଧିପ।
ମା ପ୍ରଜାଃ ସ୍ଥାବରାଶ୍ଚୈବ ଜଙ୍ଗମାଶ୍ଚ ବ୍ଯନୀନଶଃ॥ 7-53-6 (46850)
ତବ ପ୍ରସାଦାଦ୍ଭଗବନ୍ନିଦଂ ବର୍ତେତ୍ତ୍ରିଧା ଜଗତ୍।
ଅନାଗତମତୀତଂ ଚ ଯଚ୍ଚ ସମ୍ପ୍ରତି ବର୍ତତେ॥ 7-53-7 (46851)
ଭଗବନ୍କ୍ରୋଧସନ୍ଦୀପ୍ତଃ କ୍ରୋଧାଦଗ୍ନିମବାସୃଜତ୍।
ସ ଦହତ୍ଯଶ୍ମକୂଟାନି ଦ୍ରୁମାଂଶ୍ଚ ସରିତସ୍ତଥା॥ 7-53-8 (46852)
ପଲ୍ବଲାନି ଚ ସର୍ବାଣି ସର୍ବୈ ଚୈବ ତୃଣୋଲପାଃ।
ସ୍ଥାବରଂ ଜଙ୍ଗମଂ ଚୈବ ନିଃଶେଷଂ କୁରୁତେ ଜଗତ୍॥ 7-53-9 (46853)
ତଦେତଦ୍ଭସ୍ମସାଦ୍ଭୂତଂ ଜଗତ୍ସ୍ଥାବରଜଙ୍ଗମମ୍।
ପ୍ରସୀଦ ଭଗବନ୍ସ ତ୍ବଂ ରୋଷୋ ନ ସ୍ଯାଦ୍ବରୋ ମମ॥ 7-53-10 (46854)
ସର୍ବେ ହି ସୃଷ୍ଟା ନଶ୍ଯନ୍ତି ତବ ଦେବ କଥଂଚନ।
ତସ୍ମାନ୍ନିବର୍ତତାଂ ତେଜସ୍ତ୍ବଯ୍ଯେବେଦଂ ପ୍ରଲୀଯତାମ୍॥ 7-53-11 (46855)
ଉପାଯମନ୍ଯଂ ସମ୍ପଶ୍ଯ ପ୍ରଜାନାଂ ହିତକାମ୍ଯଯା।
ଯଥେମେ ପ୍ରାଣିନଃ ସର୍ବେ ନିର୍ବର୍ତେରଂସ୍ତଥା କୁରୁ॥ 7-53-12 (46856)
ଅଭାବଂ ନେହ ଗଚ୍ଛେଯୁରୁତ୍ସନ୍ନଜନନାଃ ପ୍ରଜାଃ।
ଭବତା ହି ନିଯୁକ୍ତୋଽହଂ ପ୍ରାନାଂ ପାଲନେ ବିଭା।
ଦଯା ତେ ନ ସମୁତ୍ପନ୍ନା ପ୍ରଜାସୁ ବିବୁଧେଶ୍ବର॥ 7-53-13 (46857)
ମା ବିନଶ୍ଯେଜ୍ଜଗନ୍ନାଥ ଜଗତ୍ସ୍ଥାବରଜଙ୍ଗମମ୍।
ପ୍ରସାଦାଭିମୁଖଂ ଦେବଂ ତସ୍ମାଦେବଂ ବ୍ରବୀମ୍ଯହମ୍॥ 7-53-14 (46858)
ନାରଦ ଉବାଚ। 7-53-15x (4392)
ଶ୍ରୁତ୍ବା ହି ବଚନଂ ଦେବଃ ପ୍ରଜାନାଂ ହିତକାରଣେ।
ତେଜଃ ସନ୍ଧାରଯାମାସ ପୁନରେବାନ୍ତରାତ୍ମନି॥ 7-53-15 (46859)
ତତୋଽଗ୍ନିମୁପସଂହୃତ୍ଯ ଭଗବାଁଲ୍ଲୋକସତ୍କୃତଃ।
ପ୍ରବୃତ୍ତଂ ଚ ନିବୃତ୍ତଂ ଚ କଲ୍ପଯାମାସ ବୈ ପ୍ରଭୁଃ॥ 7-53-16 (46860)
ଉପସଂହରତସ୍ତସ୍ଯ ତମଗ୍ନିଂ ରୋଷଜଂ ତଥା।
ପ୍ରାଦୁର୍ବଭୂବ ବିଶ୍ବେଭ୍ଯୋ ଗୋଭ୍ଯୋନାରୀ ମହାତ୍ମନଃ॥ 7-53-17 (46861)
କୃଷ୍ଣରକ୍ତା ତଥା ପିଙ୍ଗା ରକ୍ତଜିହ୍ବାସ୍ଯଲୋଚନା।
କୁଣ୍ଡଲାଭ୍ଯାଂ ଚ ରାଜେନ୍ଦ୍ର ତପ୍ତାଭ୍ଯାଂ ତପ୍ତଭୂଷଣା॥ 7-53-18 (46862)
ସା ନିଃସୃତ୍ଯ ତଥା ଖେଭ୍ଯୋ ଦକ୍ଷିଣାଂ ଦିଶମାଶ୍ରିତା।
ସ୍ମଯମାନା ଚ ସାଽବେକ୍ଷ୍ଯ ଦେବୌ ବିଶ୍ବେଶ୍ବରାବୁଭୌ॥ 7-53-19 (46863)
`ତାଂ ତୁ ତତ୍ର ତଦା ଦେବୀଂ ବ୍ରହ୍ମା ଲୋକପିତାମହଃ।
ଉକ୍ତବାନ୍ମଧୁରଂ ବାକ୍ଯଂ ସାନ୍ତ୍ବଯିତ୍ବା ପୁନଃ ପୁନଃ'।
ମୃତ୍ଯୋ ଇତି ମହୀପାଲ ଜହି ଚେମାଃ ପ୍ରଜା ଇତି॥ 7-53-20 (46864)
ତ୍ବଂ ହି ସଂହାରବୁଦ୍ଧ୍ଯାଽଥ ପ୍ରାଦୁର୍ଭୂତା ରୁଷୋ ମମ।
ତସ୍ମାତ୍ସଂହର ସର୍ବାସ୍ତ୍ବଂ ପ୍ରଜାଃ ସଜଡପଣ୍ଡିତାଃ॥ 7-53-21 (46865)
ଅବିଶେଷେଣ ଚୈବ ତ୍ବଂ ପ୍ରଜାଃ ସଂହର ଭାମିନି।
ମମ ତ୍ବଂ ହି ନିଯୋଗେନ ତତଃ ଶ୍ରେଯୋ ହ୍ଯବାପ୍ସ୍ଯାସି॥ 7-53-22 (46866)
ନାରଦ ଉବାଚ। 7-53-23x (4393)
ଏବମୁକ୍ତା ତୁ ସା ତେନ ମୃତ୍ଯୁଃ କମଲଲୋଚନା।
ପ୍ରାରୁଦଦ୍ଭୃଶସଂବିଗ୍ନା ପ୍ରାପତନ୍ନଶ୍ରୁବିନ୍ଦବଃ॥ 7-53-23 (46867)
ପାଣିଭ୍ଯାଂ ପ୍ରତିଜଗ୍ରାହ ତାନ୍ଯଶ୍ରୂଣି ପିତାମହଃ।
ସର୍ବଭୂତହିତାର୍ଥାଯ ତାଂ ଚାପ୍ଯନୁନଯତ୍ତଦା॥ ॥ 7-53-24 (46868)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ତ୍ରିପଞ୍ଚାଶତ୍ତମୋଽଧ୍ଯାଯଃ॥ 53 ॥
Mahabharata - Drona Parva - Chapter Footnotes
5-53-2 କାରୁଣ୍ଯଂ ଜାତମିତି ଶେଷଃ॥ 5-53-5 ଅପ୍ରମେଯସ୍ଯାନନ୍ତସ୍ଯ ଜଗତ ଇତି ଶେଷଃ। ଅହିଂସ୍ଯସ୍ଯେତିବାର୍ଥଃ॥ 5-53-6 ସଂହାରାର୍ଥଂ ମାରୁଷଃ ରୋଷଂ ମାକାର୍ଷୀଃ କିନ୍ତୁ ପ୍ରସୀଦସ୍ବ॥ 5-53-10 ତବ ରୋଷୋ ନ ସ୍ଯାଦିତି ମମ ମହ୍ଯଂ ବରୋଽସ୍ତ୍ବିତି ଯୋଜନା॥ 5-53-13 ଉତ୍ସନ୍ନଜନନାଃ ପ୍ରକ୍ଷୀଣସନ୍ତାନାଃ॥ 5-53-16 ପ୍ରବୃତ୍ତଂ କର୍ମ ସୃଷ୍ଟିହେତୁମ୍। ନିବୃତ୍ତଂ କର୍ମ ମୋକ୍ଷହେତୁମ୍॥ 5-53-17 ଗୋଭ୍ଯ ଇନ୍ଦ୍ରିଯଚ୍ଛିଦ୍ରେଭ୍ଯଃ॥ 5-53-19 ଦେବୌ ବ୍ରହ୍ମରୁଦ୍ରୌ॥ 5-53-20 ମରୁଣଂ ମୃତ୍ପ୍ରାଣବିଯୋଗସ୍ତମନ୍ଯସ୍ଯେଚ୍ଛତୀତି ମୃତ୍ଯୁରିତ୍ମର୍ଥଃ। ଇତି ଆହେତି ଶେଷଃ॥ 5-53-21 ରୁଷୋ ରୋଷାତ୍॥ 5-53-53 ତ୍ରିପଞ୍ଚାଶତ୍ତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 054
॥ ଶ୍ରୀଃ ॥
7.54. ଅଧ୍ଯାଯଃ 054
Mahabharata - Drona Parva - Chapter Topics
ନାରଦେନ ମୃତ୍ଯୁବ୍ରହ୍ମସଂବାଦକଥନେନ ଅକମ୍ପନସ୍ଯ ଶୋକପରିହରଣମ୍॥ 1 ॥ ବ୍ଯାସେନାକମ୍ପନୋପାଖ୍ଯାନକଥନାତ୍ ଯୁଧିଷ୍ଠିରସ୍ଯ ଶୋକାପନୋଦନମ୍॥ 2 ॥Mahabharata - Drona Parva - Chapter Text
7-54-0 (46869)
ନାରଦ ଉବାଚ। 7-54-0x (4394)
ବିନୀଯ ଦୁଃକମବଲା ଆତ୍ମନ୍ଯେବ ପ୍ରଜାପତିମ୍।
ଉବାଚ ପ୍ରାଞ୍ଜଲିର୍ଭୂତ୍ବା ଲତେବାବର୍ଜିତା ପୁନଃ॥ 7-54-1 (46870)
ମୃତ୍ଯୁରୁବାଚ। 7-54-2x (4395)
ତ୍ବଯା ସୃଷ୍ଟା କଥଂ ନାରୀ ଈଦୃଶୀ ବଦତାଂ ବର।
କ୍ରୂରଂ କର୍ମାହିତଂ କୁର୍ଯାଂ ମୂଢେବ ପରିଜାନତୀ॥ 7-54-2 (46871)
ବିଭେମ୍ଯହମଧର୍ମାଦ୍ଧି ପ୍ରସୀଦ ଭଗବନ୍ପ୍ରଭୋ।
ପ୍ରିଯାନ୍ପୁତ୍ରାନ୍ବଯସ୍ଯାଂଶ୍ଚ ଭାତୃନ୍ମାତୄଃ ପିତୄନ୍ପତୀନ୍॥ 7-54-3 (46872)
ଅପଧ୍ଯାସ୍ଯନ୍ତି ଯେ ଦେବ ମୃତାଂସ୍ତେଭ୍ଯୋ ବିଭେମ୍ଯହମ୍।
କୃପଣାନାଂ ହି ରୁଦତାଂ ଯେ ପତନ୍ତ୍ଯଶ୍ରୁବିନ୍ଦବଃ॥ 7-54-4 (46873)
ତେଭ୍ଯୋଽହଂ ଭଗବନ୍ଭୀତା ଶରଣଂ ତ୍ବାଽହମାଗତା।
ଯମସ୍ଯ ଭବନଂ ଦେବ ଗଚ୍ଛେଯଂ ନ ସୁରୋତ୍ତମ॥ 7-54-5 (46874)
କାଯେନ ବିନଯୋପେତା ମୂର୍ଧ୍ନୋଦଗ୍ରନଖେନ ଚ।
ଏତଦିଚ୍ଛାମ୍ଯହଂ କାମଂ ତ୍ବତ୍ତୋ ଲୋକପିତାମହ॥ 7-54-6 (46875)
ଇଚ୍ଛେଯଂ ତ୍ବତ୍ପ୍ରସାଦାଦ୍ଧି ତପସ୍ତପ୍ତୁଂ ପ୍ରଜେଶ୍ବର।
ପ୍ରଦିଶେମଂ ବରଂ ଦେବ ତ୍ବଂ ମହ୍ଯଂ ଭଗବନ୍ପ୍ରଭୋ॥ 7-54-7 (46876)
ତ୍ବଯା ହ୍ଯୁକ୍ତା ଗମିଷ୍ଯାମି ଧେନୁକାଶ୍ରମମୁତ୍ତମମ୍।
ତତ୍ର ତପ୍ସ୍ଯେ ତପସ୍ତୀତ୍ରଂ ତବୈବାରାଧନେ ରତା॥ 7-54-8 (46877)
ନ ହି ଶକ୍ଷ୍ଯାମି ଦେବେଶ ପ୍ରାଣାନ୍ପ୍ରାଣଭୃତାଂ ପ୍ରିଯାନ୍।
ହର୍ତୁଂ ବିଲପମାନାନାମଧର୍ମାଦଭିରକ୍ଷ ମାମ୍॥ 7-54-9 (46878)
ବ୍ରହ୍ମୋବାଚ। 7-54-10x (4396)
ମୃତ୍ଯୋ ସଙ୍କଲ୍ପିତାଽସି ତ୍ବଂ ପ୍ରଜାସଂହାରହେତୁନା।
ଗଚ୍ଛ ସଂହର ସର୍ବାସ୍ତ୍ବଂ ପ୍ରଜା ମା ତେ ବିଚାରଣା॥ 7-54-10 (46879)
ଭବିତା ତ୍ବେତଦେବଂ ହି ନୈତଜ୍ଜାତ୍ବନ୍ଯଥା ଭବେତ୍।
ଭବ ତ୍ବନିନ୍ଦିତା ଲୋକେ କୁରୁଷ୍ବ ବଚନଂ ମମ॥ 7-54-11 (46880)
ନାରଦ ଉବାଚ। 7-54-12x (4397)
ଏବମୁକ୍ତା ଭଗବତା ପ୍ରାଞ୍ଜଲିଶ୍ଚାପ୍ଯବାଙ୍ମୁଖୀ।
ସଂହାରେ ନାକରୋଦ୍ବୁଦ୍ଧିଂ ପ୍ରଜାନାଂ ହିତକାମ୍ଯଯା॥ 7-54-12 (46881)
ତୂଷ୍ଣୀମାସୀତ୍ତଦା ଦେବଃ ପ୍ରଜାନାମୀଶ୍ବରେଶ୍ବରଃ।
ପ୍ରସାଦଂ ଚାଗମତ୍କ୍ଷିପ୍ରମାତ୍ମନୈବ ପ୍ରଜାପତିଃ॥ 7-54-13 (46882)
ସ୍ମଯମାନଶ୍ଚ ଦେବେଶୋ ଲୋକାନ୍ସର୍ବାନବେକ୍ଷ୍ଯ ଚ।
ଲୋକାସ୍ତ୍ବାସନ୍ଯଥାପୂର୍ବଂ ଦୃଷ୍ଟାସ୍ତେନାପମନ୍ଯୁନା॥ 7-54-14 (46883)
ନିବୃତ୍ତରୋଷେ ତସ୍ମିଂସ୍ତୁ ଭଗବତ୍ଯପରାଜିତେ।
ସା କନ୍ଯାଽପି ଜଗାମାଽଥ ସମୀପାତ୍ତସ୍ଯ ଧୀମତଃ॥ 7-54-15 (46884)
ଅପମୃତ୍ଯାପ୍ରତିଶ୍ରୁତ୍ଯ ପ୍ରଜାସଂହରଣଂ ତଦା।
ତ୍ବରମାଣା ଚ ରାଜେନ୍ଦ୍ର ମୃତ୍ଯୁର୍ଧେନୁକମଭ୍ଯଗାତ୍॥ 7-54-16 (46885)
ସା ତତ୍ର ପରମଂ ତୀବ୍ରଂ ଚଚାର ବ୍ରତମୁତ୍ତମମ୍।
ସା ତଦ ହ୍ଯେକପାଦେନ ତସ୍ଥୌ ପଦ୍ମାନି ଷୋଡଶ॥ 7-54-17 (46886)
ପଞ୍ଚ ଚାବ୍ଦାନି କାରୁଣ୍ଯାତ୍ପ୍ରଜାନାଂ ତୁ ହିତୈଷିଣୀ।
ଇନ୍ଦ୍ରିଯାଣୀନ୍ଦ୍ରିଯାର୍ଥେଭ୍ଯଃ ପ୍ରିଯେଭ୍ଯଃ ସନ୍ନିବର୍ତ୍ଯ ସା॥ 7-54-18 (46887)
ତତସ୍ତ୍ବେକେନ ପାଦେନ ପୁନରନ୍ଯାନି ସପ୍ତ ବୈ।
ତସ୍ଥୌ ପଦ୍ମାନି ଷଟ୍ ଚୈବ ସପ୍ତ ଚୈକଂ ଚ ପାର୍ଥିବା॥ 7-54-19 (46888)
ତତଃ ପଦ୍ମାଯୁତଂ ତାତ ମୃଗୈଃ ସହ ଚଚାର ସା।
ପୁନର୍ଗତ୍ବା ତତୋ ନନ୍ଦାଂ ପୁଣ୍ଯାଂ ଶୀତାମଲୋଦକାମ୍॥ 7-54-20 (46889)
ଅପ୍ସୁ ବର୍ଷସହସ୍ରାଣି ସପ୍ତ ଚୈକଂ ଚ ସାଽନଯତ୍।
ଧାରଯିତ୍ବା ତୁ ନିଯମଂ ନନ୍ଦାଯାଂ ବୀତକଲ୍ମଷା॥ 7-54-21 (46890)
ସା ପୂର୍ବଂ କୌଶିକୀଂ ପୁଣ୍ଯାଂ ଜଗାମ ନିଯମୈଧିତା।
ତତ୍ର ବାଯୁଜଲାହାରା ଚଚାର ନିଯମଂ ପୁନଃ॥ 7-54-22 (46891)
ସପ୍ତଗଙ୍ଗାସୁ ସା ପୁଣ୍ଯା କନ୍ଯା ବେତସକେଷୁ ଚ।
ତପୋବିଶେଷୈର୍ବହୁଭିଃ କର୍ଷଯଦ୍ଦେହମାତ୍ମନଃ॥ 7-54-23 (46892)
ତତୋ ଗତ୍ବା ତୁ ସା ଗଙ୍ଗାଂ ମହାମେରୁଂ ଚ କେବଲମ୍।
ତସ୍ଥୌ ଚାଶ୍ମେବ ନିଶ୍ଚେଷ୍ଟା ପ୍ରାଣାଯାମପରାଯଣା॥ 7-54-24 (46893)
ପୁନର୍ହିମବତୋ ମୂର୍ଧ୍ନି ଯତ୍ର ଦେବାଃ ପୁରାଽଯଜନ୍।
ତତ୍ରାଙ୍ଗୁଷ୍ଠେନ ସା ତସ୍ଥୌ ନିଖର୍ବଂଲ ପରମା ଶୁଭା॥ 7-54-25 (46894)
ପୁଷ୍କରେଷ୍ବଥ ଗୋକର୍ଣେ ନୈମିଷେ ମଲଯେ ତଥା।
ଅକର୍ଶଯତ୍ସ୍ବକଂ ଦେହଂ ନିଯମୈର୍ମାନସପ୍ରିଯୈଃ॥ 7-54-26 (46895)
ଅନନ୍ଯଦେବତା ନିତ୍ଯଂ ଦୃଢଭକ୍ତା ପିତାମହେ।
ତସ୍ଥୌ ପିତାମହଂ ଚୈବ ତୋଷଯାମାସ ଧର୍ମତଃ॥ 7-54-27 (46896)
ତତସ୍ତାମବ୍ରବୀତ୍ପ୍ରୀତୋ ଲୋକାନାଂ ପ୍ରଭବୋଽବ୍ଯଯଃ।
ସୌମ୍ଯେନ ମନସା ରାଜନ୍ପ୍ରୀତଃ ପ୍ରୀତମନାସ୍ତଦା॥ 7-54-28 (46897)
ମୃତ୍ଯୋ କିମିଦମତ୍ଯନ୍ତଂ ତପାଂସି ଚରସୀତି ହ।
ତତୋଽବ୍ରବୀତ୍ପୁନର୍ମୃତ୍ଯୁର୍ଭଗବନ୍ତଂ ପିତାମହମ୍॥ 7-54-29 (46898)
ନାଽହଂ ହନ୍ଯାଂ ପ୍ରଜା ଦେବ ସ୍ବସ୍ଥାଶ୍ଚାକ୍ରୋଶତୀସ୍ତଥା।
ଏତଦିଚ୍ଛାମି ସର୍ବେଶ ତ୍ବତ୍ତୋ ବରମହଂ ପ୍ରଭୋ॥ 7-54-30 (46899)
ଅଧର୍ମଭଯଭୀତାଽସ୍ମି ତତୋଽହଂ ତପ ଆସ୍ଥିତା।
ଭୀତାଯାସ୍ତୁ ମହାଭାଗ ପ୍ରଯଚ୍ଛାଭଯମବ୍ଯଯ॥ 7-54-31 (46900)
ଆର୍ତା ଚାନାଗସୀ ନାରୀ ଯାଚାମି ଭବ ମେ ଗତିଃ।
ତାମବ୍ରବୀତ୍ତତୋ ଦେବୋ ଭୂତଭବ୍ଯଭବିଷ୍ଯବିତ୍॥ 7-54-32 (46901)
ଅଧର୍ମୋ ନାସ୍ତି ତେ ମୃତ୍ଯୋ ସଂହରନ୍ତ୍ଯା ଇମାଃ ପ୍ରଜାଃ।
ମଯା ଚୋକ୍ତଂ ମୃଷା ଭଦ୍ରେ ଭବିତା ନ କଥଞ୍ଚନ॥ 7-54-33 (46902)
ତସ୍ମାତ୍ସଂହର କଲ୍ଯାଣି ପ୍ରଜାଃ ସର୍ବାଶ୍ଚତୁର୍ବିଧାଃ।
ଧର୍ମଃ ସନାତନଶ୍ଚ ତ୍ବାଂ ସର୍ବଥା ପାବଯିଷ୍ଯତି॥ 7-54-34 (46903)
ଲୋକପାଲୋ ଯମଶ୍ଚୈବ ସହାଯା ବ୍ଯାଧଯଶ୍ଚ ତେ।
ଅହଂ ଚ ବିବୁଧାଶ୍ଚୈବ ପୁନର୍ଦାସ୍ଯାମ ତେ ବରମ୍॥ 7-54-35 (46904)
ଯଥା ତ୍ବମେନସା ମୁକ୍ତା ବିରଜାଃ ଖ୍ଯାତିମେଷ୍ଯସି। 7-54-36 (46905)
ନାରଦ ଉବାଚ।
ସୈବମୁକ୍ତା ମହାରାଜ କୃତାଞ୍ଜଲିରିଦଂ ବିଭୁମ୍। 7-54-36x (4398)
ପୁନରେବାବ୍ରବୀଦ୍ବାକ୍ଯଂ ପ୍ରସାଦ୍ଯ ଶିରସା ତଦା।
ଯଦ୍ଯେବମେତତ୍କର୍ତବ୍ଯଂ ଧର୍ମତୋ ନାସ୍ତ୍ଯତୋ ଭଯମ୍॥ 7-54-37 (46906)
ତବାଜ୍ଞା ମୂର୍ଧ୍ନି ମେ ନ୍ଯସ୍ତା ଯତ୍ତେ ବକ୍ଷ୍ଯାମି ତଚ୍ଛୃଣୁ।
ଲୋଭଃ କ୍ରୋଧୋଽଭ୍ଯସୂଯେର୍ଷ୍ଯା ଦ୍ରୋହୋ ମୋହଶ୍ଚ ଦେହିନାଂ॥ 7-54-38 (46907)
ଅହୂଶ୍ଚାନ୍ଯୋନ୍ଯପରୁଷା ଦେହଂ ଭିନ୍ଦ୍ଯୁଃ ପୃଥିଗ୍ବଧାଃ। 7-54-39 (46908)
ବ୍ରହ୍ମୋବାଚ। 7-54-39x (4399)
ତଥା ଭବିଷ୍ଯତେ ମୃତ୍ଯୋ ସାଧୁ ସଂହର ଭୋଃ ପ୍ରଜାଃ।
ଅଧର୍ମସ୍ତେ ନ ଭବିତା ନାପଧ୍ଯାସ୍ଯାମ୍ଯହଂ ଶୁଭେ॥ 7-54-39 (46909)
ଯାନ୍ଯଶ୍ରୁବିନ୍ଦୂନି କରେ ମମାସଂ--
ସ୍ତେ ବ୍ଯାଧଯଃ ପ୍ରାଣିନାମାତ୍ମଜାତାଃ।
ତେ ମାରଯିଷ୍ଯନ୍ତି ନରାନ୍ଗତାସୂ--
ନ୍ନାଧର୍ମସ୍ତେ ଭବିତା ମା ସ୍ମ ଭୈଷୀଃ॥ 7-54-40 (46910)
ନାଧର୍ମସ୍ତେ ଭବିତା ପ୍ରାଣିନାଂ ବୈ
ତ୍ବଂ ବୈ ଧର୍ମସ୍ତ୍ବଂ ହି ଧର୍ମସ୍ଯ ଚେଶା।
ଧର୍ମ୍ଯା ଭୂତ୍ବା ଧର୍ମନିତ୍ଯା ଧରିତ୍ରୀ
ତସ୍ମାତ୍ପ୍ରାଣାନ୍ସର୍ବଥେମାନ୍ନିଯଚ୍ଛ॥ 7-54-41 (46911)
`ପ୍ରାପ୍ତା ତଥା ନୋ ଭବିତା କଦାଚି--
ଦେବଂ ମଯାଦ୍ଯୈବ ନିଯୋଜ୍ଯସେ ତ୍ବମ୍'।
ସର୍ବେଷାଂ ବୈ ପ୍ରାଣିନାଂ କାମରୋଷୌ
ସନ୍ତ୍ଯଜ୍ଯ ତ୍ବଂ ସଂହରସ୍ବେହ ଜୀବାନ୍।
ଯେଷାଂ ଧର୍ମାସ୍ତେ ଭବିଷ୍ଯନ୍ତ୍ଯନନ୍ତା
ମିଥ୍ଯାବୃତ୍ତଂ ମାରଯିଷ୍ଯତ୍ଯଧର୍ମଃ॥ 7-54-42 (46912)
ତେନାତ୍ମାନଂ ପାବଯସ୍ବାତ୍ମନା ତ୍ବଂ
ପାପେଽଽତ୍ମାନଂ ମଜ୍ଜଯିଷ୍ଯନ୍ତ୍ଯସତ୍ଯାତ୍।
ତସ୍ମାତ୍କାମଂ ରୋଷମପ୍ଯାଗତଂ ତ୍ବଂ
ସନ୍ତ୍ଯଜ୍ଯାନ୍ତଃ ସଂହରସ୍ବେତି ଜୀବାନ୍॥ 7-54-43 (46913)
ନାରଦ ଉବାଚ। 7-54-44x (4400)
ସା ବୈ ଭୀମା ମୃତ୍ଯୁସଂଜ୍ଞୋପଦେଶା--
ଚ୍ଛାପାଦ୍ଭୀତା ବାଢମିତ୍ଯବ୍ରବୀତ୍ତମ୍।
ସା ଚ ପ୍ରାଣଂ ପ୍ରାଣିନାମନ୍ତକାଲେ
କାମକ୍ରୋଧୌ ତ୍ଯଜ୍ଯ ହରତ୍ଯସକ୍ତା॥ 7-54-44 (46914)
ମୃତ୍ଯୁସ୍ତ୍ବେଷାଂ ବ୍ଯାଧଯସ୍ତତ୍ପ୍ରସୂତା
ବ୍ଯାଧୀ ରୋଗୋ ରୁଜ୍ଯତେ ଯେନ ଜନ୍ତୁଃ।
ସର୍ବେଷାଂ ଚ ପ୍ରାଣିନାଂ ପ୍ରାଯଣାନ୍ତେ
ତସ୍ମାଚ୍ଛୋକଂ ମାକୃଥା ନିଷ୍ଫଲଂ ତ୍ବମ୍॥ 7-54-45 (46915)
ସର୍ବେ ଦେବାଃ ପ୍ରାଣିଭିଃ ପ୍ରାଯଣାନ୍ତେ
ଗତ୍ବା ବୃତ୍ତାଃ ସନ୍ନିବୃତ୍ତାସ୍ତଥୈବ।
ଏବଂ ସର୍ବେ ପ୍ରାଣିନସ୍ତତ୍ର ଗତ୍ବା
ବୃତ୍ତା ଦେବା ମର୍ତ୍ଯବଦ୍ରାଜସିଂହ॥ 7-54-46 (46916)
ବାଯୁର୍ଭୀମୋ ଭୀମନାଦୋ ମହୌଜା
ଭେତ୍ତା ଦେହାନ୍ପ୍ରାଣିନାଂ ସର୍ବଗୋଽସୌ।
ନୋ ବା ବୃତ୍ତିଂ କଦାଚି--
ତ୍ପ୍ରାପ୍ନୋତ୍ଯୁଗ୍ରୋଽନନ୍ତତେଜୋବିଶିଷ୍ଟଃ॥ 7-54-47 (46917)
ସର୍ବେ ଦେବା ମର୍ତ୍ଯସଂଜ୍ଞାବିଶିଷ୍ଟା--
ସ୍ତସ୍ମାତ୍ପୁତ୍ରଂ ମାଶୁଚୋ ରାଜସିଂହ।
ସ୍ବର୍ଗଂ ପ୍ରାପ୍ତୋ ମୋଦତେ ତେ ତନୂଜୋ
ନିତ୍ଯଂ ରମ୍ଯାନ୍ବୀରଲୋକାନବାପ୍ଯ॥ 7-54-48 (46918)
ତ୍ଯକ୍ତ୍ବା ଦୁଃଖଂ ସଙ୍ଗତଃ ପୁଣ୍ଯକୃଦ୍ଭି--
ରେଷା ମୃତ୍ଯୁର୍ଦେବଦିଷ୍ଟା ପ୍ରଜାନାମ୍।
ପ୍ରାପ୍ତେ କାଲେ ସଂହରନ୍ତୀ ଯଥାବ--
ତ୍ସ୍ବଯଂ କୃତା ପ୍ରାଣହରା ପ୍ରଜାନାମ୍॥ 7-54-49 (46919)
ଆତ୍ମାନଂ ବୈ ପ୍ରାଣିନୋ ଘ୍ନନ୍ତି ସର୍ବେ
ନୈତାନ୍ମୃତ୍ଯୁର୍ଦଣ୍ଡପାଣିର୍ହିନସ୍ତି।
ତସ୍ମାନ୍ମୃତାନ୍ନାନୁଶୋଚନ୍ତି ଧୀରା
ମୃତ୍ଯୁଂ ଜ୍ଞାତ୍ବା ନିଶ୍ଚଯଂ ବ୍ରହ୍ମସୃଷ୍ଟମ୍।
ଇତ୍ଥଂ ସୃଷ୍ଟିଂ ଦେବକ୍ଲୃପ୍ତାଂ ବିଦିତ୍ବା
ପୁତ୍ରାନ୍ନଷ୍ଟାଚ୍ଛୋକମାଶୁ ତ୍ଯଜସ୍ବ॥ 7-54-50 (46920)
ଦ୍ବୈପାଯନ ଉବାଚ। 7-54-51x (4401)
ଏତଚ୍ଛ୍ରୁତ୍ବାର୍ଥବଦ୍ବାକ୍ଯଂ ନାରଦେନ ପ୍ରକାଶିତମ୍।
ଉବାଚାକମ୍ପନୋ ରାଜା ସଖାଯଂ ନାରଦଂ ତଥା॥ 7-54-51 (46921)
ବ୍ଯପେତଶୋକଃ ପ୍ରୀତୋଽସ୍ମି ଭଗବନ୍ନୃଷିସତ୍ତମ।
ଶ୍ରୁତ୍ବେତିହାସଂ ତ୍ବତ୍ତସ୍ତୁ କୃତାର୍ଥୋଽସ୍ମ୍ଯଭିବାଦଯେ॥ 7-54-52 (46922)
ତଥୋକ୍ତୋ ନାରଦସ୍ତେନ ରାଜ୍ଞା ଦେବର୍ଷିସତ୍ତମଃ।
ଜଗାମ ନନ୍ଦନଂ ଶୀଘ୍ରମଶୋକବନମାତ୍ମନଃ॥ 7-54-53 (46923)
ପୁଣ୍ଯଂ ଯଶସ୍ଯଂ ସ୍ବର୍ଗ୍ଯଂ ଚ ଧନ୍ଯମାଯୁଷ୍ଯମେବ ଚ।
ଅସ୍ଯେତିହାସସ୍ଯ ସଦା ଶ୍ରବଣଂ ଶ୍ରାବଣଂ ତଥା॥ 7-54-54 (46924)
ଏତଦର୍ଥପଦଂ ଶ୍ରୁତ୍ବା ତଦା ରାଜା ଯୁଧିଷ୍ଠିର।
କ୍ଷତ୍ରଧର୍ମଂ ଚ ବିଜ୍ଞାଯ ଶୂରାଣାଂ ଚ ପରାଂ ଗତିମ୍।
ସମ୍ପ୍ରାପ୍ତୋଽସୌ ମହାବୀର୍ଯଃ ସ୍ବର୍ଗଲୋକଂ ମହାରଥଃ॥ 7-54-55 (46925)
ଅଭିମନ୍ଯୁଃ ପରାନ୍ହତ୍ବା ପ୍ରମୁଖେ ସର୍ବଧନ୍ବିନାମ୍।
ଯୁଧ୍ଯମାନୋ ମହେଷ୍ବାସୋ ହତଃ ସୋଽଭିମୁଖୋ ରଣେ॥ 7-54-56 (46926)
ଅସିନା ଗଦଯା ଶକ୍ତ୍ଯା ଧନୁଷା ଚ ମହାରଥଃ।
ବିରଜାଃ ସୋମସୂନୁଃ ସ ପୁନସ୍ତତ୍ର ପ୍ରଲୀଯତେ॥ 7-54-57 (46927)
ତସ୍ମାତ୍ପରାଂ ଧୃତିଂ କୃତ୍ବା ଭ୍ରାତୃଭିଃ ସହ ପାଣ୍ଡବ।
ଅପ୍ରମତ୍ତଃ ସୁସନ୍ନଦ୍ଧଃ ଶୀଘ୍ରଂ ଯୋଦ୍ଧୁମୁପାକ୍ରମ॥ ॥ 7-54-58 (46928)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ଚତୁଃପଞ୍ଚାଶୋଽଧ୍ଯାଯଃ॥ 54 ॥
Mahabharata - Drona Parva - Chapter Footnotes
5-54-6 ଉଦଗ୍ରନଖେନ ଅଞ୍ଜଲିନା। ବିନଯୋପେତା ଶରଣାଗତାସ୍ମୀତ୍ଯର୍ଥଃ॥ 5-54-14 ଅପମନ୍ଯୁନା ଗତାମର୍ଷେଣେତ୍ଯର୍ଥଃ॥ 5-54-16 ଅପ୍ରତିଶ୍ରୁତ୍ଯାନଙ୍ଗୀକୃତ୍ଯ॥ 5-54-17 ପଦ୍ମଂ ଶତଂ କୋଠ୍ଯୋ ବର୍ଷାଣି ତାନି ଷୋଡଶ ପଞ୍ଚ ଚ॥ 5-54-39 ଅନ୍ଯୋନ୍ଯପରୁଷା ବାଗିତି ଶେଷଃ॥ 5-54-45 ପ୍ରାଯଣାନ୍ତେ ଆଯୁଷ୍ଯକର୍ମଣୋଽବସାନେ॥ 5-54-46 ସର୍ବେ ଇତି। ଦେବା ଇନ୍ଦ୍ରିଯାଣି। ପ୍ରାଣିଭିଃ ଜୀବୈଃ) ସହ। ଗତ୍ବା ତତ୍ରୈବ ପରଲୋକେ। ବୃତ୍ତା ବୃତ୍ତବନ୍ତଃ। ପୁନର୍ଭୂତ୍ବା ସନ୍ନିବୃତ୍ତା ଭବନ୍ତି। ମର୍ତ୍ଯଭାବାର୍ଥା ଏବ ଦେବା ଇନ୍ଦ୍ରାଦଯଃ ମର୍ତ୍ଯବଦେବ ଗତ୍ବା ବୃତ୍ତା ଭବନ୍ତି ନତୁ ନିବୃତ୍ତା ଭବନ୍ତି ମର୍ତ୍ଯଭାବାଯ। କର୍ମଦେବା ଏବ ନିବର୍ତନ୍ତେ ନତ୍ବାଜାନଦେବାସ୍ତେଷାଂ କ୍ରମମୁକ୍ତିଯୋଗ୍ଯତ୍ବାଦିତି ଭାବଃ॥ 5-54-48 ସର୍ବେଦେବା ଇତି। ମର୍ତ୍ଯତ୍ବଂ ମରଣଧର୍ମତ୍ବଂ ବ୍ରହ୍ମାଦୀନାମପି ସ୍ବାଭାବିକମସ୍ତ୍ଯତୋଽନର୍ଥକଃ ଶୋକ ଇତ୍ଯର୍ଥଃ॥ 5-54-49 ସ୍ବଯମେବ ସ୍ବସ୍ଯ ମୃତ୍ଯୁଃ ଅଥାପି ଜନାନାଂ ପ୍ରାଣହରା ମୃତ୍ଯୁର୍ଜନାଦନ୍ଯେତି କଲ୍ପନା କୃତା ଅନଭିଜ୍ଞୈରିତି ଶେଷଃ॥ 5-54-50 ନଷ୍ଟାତ ଜାତମିତି ଶେଷଃ॥ 5-54-53 ଚତୁଃପଞ୍ଚାଶତ୍ତମୋଽଧ୍ଯାଯଃ॥ 54 ॥ଦ୍ରୋଣପର୍ବ - ଅଧ୍ଯାଯ 055
॥ ଶ୍ରୀଃ ॥
7.55. ଅଧ୍ଯାଯଃ 055
Mahabharata - Drona Parva - Chapter Topics
ବ୍ଯାସେନ ଯୁଧିଷ୍ଠିରଂ ପ୍ରତି ଷୋଡଶରାଜକୀଯାଖ୍ଯାନକଥନପ୍ରାରମ୍ଭଃ॥ 1 ॥ ନାରଦେନ ସୃଞ୍ଜଯମ୍ପ୍ରତି ମରୁତ୍ତରାଜଚରିତକଥନମ୍॥ 2 ॥Mahabharata - Drona Parva - Chapter Text
7-55-0 (46929)
ସଞ୍ଜଯ ଉବାଚ। 7-55-0x (4402)
ଶ୍ରୁତ୍ବା ମୃତ୍ଯୁସମୁତ୍ପତ୍ତିଂ କର୍ମାଣ୍ଯନୁପମାନି ଚ।
ଧର୍ମରାଜଃ ପୁନର୍ବାକ୍ଯଂ ପ୍ରସାଦ୍ଯୈନମଥାବ୍ରବୀତ୍॥ 7-55-1 (46930)
ଯୁଧିଷ୍ଠିର ଉବାଚ। 7-55-2x (4403)
ଗୁରବଃ ପୁଣ୍ଯକର୍ମାଣଃ ଶକ୍ରପ୍ରତିମବିକ୍ରମାଃ।
ପୂର୍ବଂ ରାଜର୍ଷଯୋ ବ୍ରହ୍ମନ୍କିଯନ୍ତୋ ମୃତ୍ଯୁନା ହତାଃ॥ 7-55-2 (46931)
ଭୂଯ ଏବ ତୁ ମାଂ ତଥ୍ଯୈର୍ବଚୋଭିରଭିବୃଂହଯ।
ରାଜର୍ଷୀଣାଂ ପୁରାଣାନାଂ ସମାଶ୍ବାସଯ କର୍ମଭିଃ॥ 7-55-3 (46932)
କିଯନ୍ତ୍ଯୋ ଦକ୍ଷିଣା ଦତ୍ତାଃ କାଶ୍ଚ ଦତ୍ତା ମହାତ୍ମଭିଃ।
ରାଜର୍ଷିଭିଃ ପୁଣ୍ଯକୃଦ୍ଭିସ୍ତଦ୍ଭବାନ୍ପ୍ରବ୍ରବୀତୁ ମେ॥ 7-55-4 (46933)
`ବ୍ଯାସ ଉବାଚ। 7-55-5x (4404)
ଅନ୍ଯେପି ଯଜ୍ବନାଂ ଲୋକା ଅନ୍ଯେ ଚାପି ତପସ୍ବିନାମ୍।
କ୍ଷମାବତାଂ ଚ ତ୍ରୀଂଲ୍ଲୋକାଞ୍ଶୂରା ଗଚ୍ଛନ୍ତି ଭାରତ॥ 7-55-5 (46934)
କ୍ଷତ୍ରିଯସ୍ଯ ତୁଂ ସଙ୍ଗ୍ରାମେ ଶତ୍ରୂନ୍ହତ୍ବା ହତସ୍ଯ ବା।
ଫଲମତ୍ଯନ୍ତମିତ୍ଯାହୁର୍ଧର୍ମଶାସ୍ତ୍ରବିଦୋ ଜନାଃ॥ 7-55-6 (46935)
ବେଦବିଦ୍ଯାବ୍ରତସ୍ନାତା ଯଜ୍ବାନଃ ପୁତ୍ରିଣଶ୍ଚ ଯେ।
ତେଭ୍ଯଃ ପରାର୍ଥ୍ଯା ଯଜ୍ବାନୋ ଯଜ୍ବଭ୍ଯଶ୍ଚ ତନୁତ୍ଯଜଃ॥ 7-55-7 (46936)
ସ ବୀରୋ ଯଜ୍ବନୋ ନିତ୍ଯଂ କ୍ଷତ୍ରିଯାନାର୍ଜୁନିର୍ଗତଃ।
ଲୋକାନ୍ପୁଣ୍ଯତମାନିଷ୍ଟାନିତି ବିଦ୍ଧି ବିଶାମ୍ପତେ॥ 7-55-8 (46937)
ସର୍ବେଷାଂ ନୃପସିଂହାନାଂ ଶୃଣୁ ଯଜ୍ଞାନ୍ନୃପୋତ୍ତମ।
ତାନତିକ୍ରମ୍ଯ ଗଚ୍ଛନ୍ତି ସ୍ବର୍ଗକାମାସ୍ତନୁତ୍ଯଜଃ॥ 7-55-9 (46938)
ଯୁଧିଷ୍ଠିର ଉବାଚ। 7-55-10x (4405)
ସର୍ବେଷାଂ ଯଜ୍ବନାଂ ଯଜ୍ଞଂ ଶ୍ରୋତୁମିଚ୍ଛାମି ସୁବ୍ରତ।
ଦକ୍ଷିଣାଶ୍ଚାନୁରୂପେଭ୍ଯୋ ଦତ୍ତା ରାଜର୍ଷିସତ୍ତମୈଃ'॥ 7-55-10 (46939)
ବ୍ଯାସ ଉବାଚ। 7-55-11x (4406)
ଶୈବ୍ଯସ୍ଯ ନୃପତେଃ ପୁନଃ ସୃଞ୍ଜଯୋ ନାମ ନାମତଃ।
ସଖାଯୌ ତସ୍ଯ ଚେବୋଭୌ ଋଷୀ ପର୍ବତନାରଦୌ॥ 7-55-11 (46940)
ତୌ କଦାଚିଦ୍ଗୃହଂ ତସ୍ଯ ପ୍ରବିଷ୍ଟୌ ତଦ୍ଦିଦୃକ୍ଷଯା।
ବିଧିବଚ୍ଚାର୍ଚିତୌ ତେନ ପ୍ରୀତୌ ତତ୍ରୋଷତୁଃ ସୁଖମ୍॥ 7-55-12 (46941)
ତଂ କଦାଚିତ୍ସୁଖାସୀନଂ ତାଭ୍ଯାଂ ସହ ଶୁଚିସ୍ମିତା।
ଦୁହିତାଽଭ୍ଯାଗମତ୍କନ୍ଯା ସୃଞ୍ଜଯଂ ବରବର୍ଣିନୀ॥ 7-55-13 (46942)
ତଯାଽଭିବାଦିତଃ କନ୍ଯାମଭ୍ଯନନ୍ଦଦ୍ଯଥାବିଧି।
ତତ୍ସଲିଙ୍ଗାଭିରାଶୀର୍ଭିରିଷ୍ଟାଭିରଭିତଃ ସ୍ଥିତାମ୍॥ 7-55-14 (46943)
ତାଂ ନିରୀକ୍ଷ୍ଯାବ୍ରବୀଦ୍ବାକ୍ଯଂ ପର୍ବତଃ ପ୍ରହସନ୍ନିବ।
କସ୍ଯେଯଂ ଚଞ୍ଚଲାପାଙ୍ଗୀ ସର୍ବଲକ୍ଷଣସମ୍ମତା॥ 7-55-15 (46944)
ଉଷା ସ୍ବିଦ୍ଭାଃ ସ୍ବିଦର୍କସ୍ଯ ଜ୍ବଲନସ୍ଯ ଶିଖାପି ବା।
ଶ୍ରୀର୍ଦ୍ଦ୍ରିଃ କୀର୍ତିଂର୍ଧୃତିଃ ଷୁଷ୍ଟିଃ ସିଦ୍ଧିଶ୍ଚନ୍ଦ୍ରମସଃ ପ୍ରଭା॥ 7-55-16 (46945)
ସଞ୍ଜଯ ଉବାଚ। 7-55-17x (4407)
ଏବଂ ବ୍ରୁବାଣଂ ଦେବର୍ଷିଂ ନୃପତିଃ ସୃଞ୍ଜଯୋଽବ୍ରବୀତ୍।
ମମେଯଂ ଭଗବନ୍କନ୍ଯା ବର୍ଯା ବରମଭୀପ୍ସତି॥ 7-55-17 (46946)
ନାରଦସ୍ତ୍ବବ୍ରବୀଦେନଂ ଦେହି ମହ୍ଯମିମାଂ ନୃପ।
ଭାର୍ଯାର୍ଥଂ ସୁମହଚ୍ଛ୍ରେଯଃ ପ୍ରାପ୍ତୁଂ ଚେଦିଚ୍ଛସେ ନୃପ॥ 7-55-18 (46947)
ଦଦାନୀତ୍ଯେବଂ ସଂହୃଷ୍ଟଃ ସୃଞ୍ଜଯଃ ପ୍ରାହ ନାରଦମ୍। 7-55-19 (46948)
ବ୍ଯାସ ଉବାଚ।
`ଏବମୁକ୍ତେ ନୃପତିନା କ୍ରୋଧପର୍ଯାକୁଲେକ୍ଷଣଃ'।
ପର୍ବତସ୍ତୁ ସୁସଙ୍କ୍ରୁଦ୍ଧୋ ନାରଦଂ ବାକ୍ଯମବ୍ରବୀତ୍॥ 7-55-19x (4408)
ପୂର୍ବଂ ମମୈବ ମନସା ବିଦ୍ଧି ଭାର୍ଯାଂ ବୃତାମୃଷେ।
ଯସ୍ମାଦପାଚରସ୍ତସ୍ମାତ୍ସ୍ବର୍ଗଂ ନ ଗଚ୍ଛସି॥ 7-55-20 (46949)
ଏବମୁକ୍ତୋ ନାରଦସ୍ତଂ ପ୍ରତ୍ଯୁବାଚୋତ୍ତରଂ ବଚଃ।
ମନୋବାଗ୍ବୁଦ୍ଧିସମ୍ଭାଷା ସତ୍ଯଂ ତୋଯମଥାଗ୍ନଯଃ॥ 7-55-21 (46950)
ପାଣିଗ୍ରହମମନ୍ତ୍ରାଶ୍ଚ ପ୍ରଥିତଂ ଦାରଲକ୍ଷଣମ୍।
ନ ତ୍ବେଷାଂ ନିଶ୍ଚିତା ନିଷ୍ଠା ତ୍ବଯା ସା ମନସା ସ୍ମୃତା॥ 7-55-22 (46951)
`ଏବଂ ବିଦ୍ବାଂସ୍ତୁ ମାଂ ଯସ୍ମାଦନୁବ୍ଯାହୃତବାନସି'।
ତସ୍ମାତ୍ତ୍ବମପି ନ ସ୍ବର୍ଗଂ ଗମିଷ୍ଯସି ମଯା ବିନା।
ଅନ୍ଯୋନ୍ଯମେବଂ ଶପ୍ତ୍ବା ବୈ ତସ୍ଥତୁସ୍ତତ୍ର ତୌ ତଦା॥ 7-55-23 (46952)
ଅଥ ସୋଽପି ନୃପୋ ବିପ୍ରାନ୍ପାନାଚ୍ଛାଦନଭୋଜନୈଃ।
ପୁତ୍ରକାମଃ ପରଂ ଶକ୍ତ୍ଯା ଯତ୍ନାଚ୍ଚୋପାଚରଚ୍ଛୁଚିଃ॥ 7-55-24 (46953)
ତସ୍ଯ ପ୍ରସନ୍ନା ବିପ୍ରେନ୍ଦ୍ରାଃ କଦାଚିତ୍ପୁତ୍ରଦର୍ଶିନଃ।
ତପଃସ୍ବାଧ୍ଯାଯନିରତା ବେଦବେଦାଙ୍ଗପାରଗାଃ॥ 7-55-25 (46954)
ସହିତା ନାରଦଂ ପ୍ରାହୁର୍ଦେହ୍ଯସ୍ମୈ ପୁତ୍ରମୀପ୍ସିତମ୍।
ତଥେତ୍ଯୁକ୍ତ୍ବା ଦ୍ବିଜୈରୁକ୍ତଃ ସୃଞ୍ଜଯଂ ନାରଦୋଽବ୍ରବୀତ୍॥ 7-55-26 (46955)
ତୁଭ୍ଯଂ ପ୍ରସନ୍ନା ରାଜର୍ଷେ ପୁତ୍ରମୀପ୍ସନ୍ତି ବ୍ରାହ୍ମଣାଃ।
ବରଂ ବୃଣୀଷ୍ବ ଭଦ୍ରଂ ତେ ଯାଦୃଶଂ ପୁତ୍ରମୀପ୍ସିତମ୍॥ 7-55-27 (46956)
ତଥୋକ୍ତଃ ପ୍ରାଞ୍ଜଲୀ ରାଜା ପୁତ୍ରଂ ବବ୍ରେ ଗୁଣାନ୍ବିତମ୍।
ଯଶସ୍ବିନଂ କୀର୍ତିମନ୍ତଂ ତେଜସ୍ବିନମରିନ୍ଦମମ୍॥ 7-55-28 (46957)
ଯସ୍ଯ ମୂତ୍ରଂ ପୁରୀଷଂ ଚ କ୍ଲେଦଃ ସ୍ବେଦଶ୍ଚ କାଞ୍ଚନମ୍।
`ସର୍ବଂ ଭବେତ୍ପ୍ରସାଦାଦ୍ବୈ ତାଦୃଶଂ ତନଯଂ ବୃଣେ॥ 7-55-29 (46958)
ବ୍ଯାସ ଉବାଚ। 7-55-30x (4409)
ତଥା ଭବିଷ୍ଯତୀତ୍ଯୁକ୍ତେ ଜଜ୍ଞେ ତସ୍ଯୋପ୍ସିତଃ ସୁତଃ।
କାଞ୍ଚନସ୍ଯାକରଃ ଶ୍ରୀମାନ୍ପ୍ରସାଦାଦ୍ବୈ ସୁକାଙ୍କ୍ଷିତଃ॥ 7-55-30 (46959)
ରୁଦିତସ୍ଯ ଚ ନେତ୍ରାଭ୍ଯାମପତତ୍ତସ୍ଯ ନେତ୍ରଜମ୍।
ମୂତ୍ରଂ ପୁରୀଷଂ ସ୍ବେଦଶ୍ଚ ସର୍ବଂ ଭବତି କାଞ୍ଚନମ୍'।
ସୁବର୍ଣଷ୍ଠୀବିରିତ୍ଯେବ ତସ୍ଯ ନାମାଭବତ୍କୃତମ୍॥ 7-55-31 (46960)
ତସ୍ମିନ୍ବରପ୍ରଦାନେନ ବର୍ଧଯତ୍ଯମିତଂ ଧନମ୍।
କାରଯାମାସ ନୃପତିଃ ସୌବର୍ଣଂ ସର୍ବମୀପ୍ସିତମ୍॥ 7-55-32 (46961)
ଗୃହପ୍ରାକାରଦୁର୍ଗାଣି ବ୍ରାହ୍ମଣାବସଥାନ୍ଯପି।
ଶଯ୍ଯାସନାନି ଯାନାନି ସ୍ଥାଲୀପିଠରଭାଜନମ୍॥ 7-55-33 (46962)
ତସ୍ଯ ରାଜ୍ଞୋଽପି ଯଦ୍ବେଶ୍ମ ବାହ୍ଯାଶ୍ଚୋପସ୍କରାଶ୍ଚ ଯେ।
ସର୍ବଂ ତତ୍କାଞ୍ଚନମଯଂ କାଲେନ ପରିବର୍ଧିତମ୍॥ 7-55-34 (46963)
ଅଥ ଦସ୍ଯୁଗଣାଃ ଶ୍ରୁତ୍ବା ଦୃଷ୍ଟ୍ବା ଚୈନଂ ତଥାବିଧମ୍।
ସମ୍ଭୂଯ ତସ୍ଯ ନୃପତେଃ ସମାରବ୍ଧାଶ୍ଚିକୀର୍ଷିତୁମ୍॥ 7-55-35 (46964)
କେଚିତ୍ତତ୍ରାବ୍ରୁବନ୍ରାଜ୍ଞଃ ପୁତ୍ରଂ ଗୃହ୍ଣୀମ ବୈ ସ୍ବଯମ୍।
ସୋଽସ୍ଯାକରଃ କାଞ୍ଚନସ୍ଯ ତସ୍ଯ ଯତ୍ନଂ ଚରାମହେ॥ 7-55-36 (46965)
ତତସ୍ତେ ଦସ୍ଯବୋ ଲୁବ୍ଧାଃ ପ୍ରବିଶ୍ଯ ନୃପତେର୍ଗୃହମ୍।
ରାଜପୁତ୍ରଂ ତଥାଽଽଜହ୍ରୁଃ ସୁବର୍ଣଷ୍ଠୀବିନଂ ବଲାତ୍॥ 7-55-37 (46966)
ଗୃହ୍ଯୈନମନୁପାଯଜ୍ଞା ନୀତ୍ବାଽରଣ୍ଯମଚେତସଃ।
ହତ୍ବା ବିଶସ୍ଯ ଚାପଶ୍ଯଁ ଲ୍ଲୁବ୍ଧା ବସୁ ନ କିଞ୍ଚନ॥ 7-55-38 (46967)
ତସ୍ଯ ପ୍ରାଣୈର୍ବିମୁକ୍ତସ୍ଯ ନଷ୍ଟଂ ତତ୍କାଞ୍ଚନଂ ବରମ୍।
ଦସ୍ଯବଶ୍ଚ ତଦାଽନ୍ଯୋନ୍ଯଂ ଜଘ୍ନୁର୍ମୂର୍ଖା ବିଚେତସଃ॥ 7-55-39 (46968)
ହତ୍ବା ପରସ୍ପରଂ ନଷ୍ଟାଃ କୁମାରଂ ଚାଦ୍ଭୁତଂ ଭୁବି।
ଅସମ୍ଭାବ୍ଯଂ ଗତା ଘୋରଂ ନରକଂ ଦୁଷ୍ଟକାରିଣଃ॥ 7-55-40 (46969)
ତଂ ଦୃଷ୍ଟ୍ବା ନିହତଂ ପୁତ୍ରଂ ବରଦତ୍ତଂ ମହାତପାଃ।
ବିଲଲାପ ସୁଦୁଃଖାର୍ତୋ ବହୁଧା କରୁଣଂ ନୃପଃ॥ 7-55-41 (46970)
ବିଲପନ୍ତଂ ନିଶମ୍ଯାଥ ପୁତ୍ରଶୋକହତଂ ନୃପମ୍।
ପ୍ରତ୍ଯଦୃଶ୍ଯତ ଦେବର୍ଷିର୍ନାରଦସ୍ତସ୍ଯ ସନ୍ନିଧୌ॥ 7-55-42 (46971)
ଉବାଚ ଚୈନଂ ଦୁଃଖାର୍ତଂ ବିଲପନ୍ତମଚେତସମ୍।
ସୃଞ୍ଜଯଂ ନାରଦୋ ଯଦ୍ଯତ୍ତନ୍ନିବୋଧ ଯୁଧିଷ୍ଠିର॥ 7-55-43 (46972)
ନାରଦ ଉବାଚ। 7-55-44x (4410)
`ତ୍ଯଜ ଶୋକଂ ମହାରାଜ ବୈକ୍ଲବ୍ଯଂ ତ୍ଯଜ ବୁଦ୍ଧିମନ୍।
ନ ମୃତଃ ଶୋଚତୋ ଜୀବେନ୍ମୁହ୍ଯତୋ ବା ନରାଧିପ॥ 7-55-44 (46973)
ତ୍ଯଜ ଶୋକଂ ନୃପଶ୍ରେଷ୍ଠ ନ ଶୋଚନ୍ତି ଭବଦ୍ବିଧାଃ।
ବୀରୋ ଭବାନ୍ମହାରାଜ ଜ୍ଞାନବୃଦ୍ଧୋଽପି ମେ ମତଃ'।
କାମାନାମବିତୃପ୍ତସ୍ତ୍ବଂ ସୃଞ୍ଜଯେହ ମରିଷ୍ଯସି॥ 7-55-45 (46974)
ଯସ୍ଯ ଚୈତେ ବଯଂ ଗେହେ ଉଷିତା ବ୍ରହ୍ମବାଦିନଃ।
ଆବିକ୍ଷିତଂ ମରୁତ୍ତଂ ଚ ମୃତଂ ସୃଞ୍ଜଯ ଶୁଶ୍ରୁମ॥ 7-55-46 (46975)
ସଂବର୍ତୋ ଯାଜଯାମାସ ସ୍ପର୍ଧଯା ବୈ ବୃହସ୍ପତେଃ।
ଯସ୍ମୈ ରାଜର୍ଷଯେ ପ୍ରାଦାଦ୍ଧନଂ ସ ଭଗବାନ୍ପ୍ରଭୁଃ।
ହୈମଂ ହିମବତଃ ପାଦଂ ଯିଯକ୍ଷୋର୍ବିବିଧୈଃ ସବୈଃ॥ 7-55-47 (46976)
ଯସ୍ଯ ସେନ୍ଦ୍ରାମରଗଣା ବୃହସ୍ପତିପୁରୋଗମାଃ।
ଦେବା ବିଶ୍ବସୃଜଃ ସର୍ବେ ଯଜନାନ୍ତେ ସମାସତେ।
ଯଜ୍ଞବାଟସ୍ଯ ସୌବର୍ଣାଃ ସର୍ବେ ଚାସନ୍ପରିଚ୍ଛଦାଃ॥ 7-55-48 (46977)
ଯସ୍ଯ ସର୍ବଂ ତଦା ହ୍ଯନ୍ନଂ ମନୋଭିପ୍ରାଯଗଂ ଶୁଚି।
କାମତୋ ବୁଭୁଜୁର୍ବିପ୍ରାଃ ସର୍ବେ ଚାନ୍ନାର୍ଥିନୋ ଦ୍ବିଜାଃ।
ପଯୋ ଦଧି ଘୃତଂ କ୍ଷୌଦ୍ରଂ ଭକ୍ଷ୍ଯଂ ଭୋଜ୍ଯଂ ଚ ଶୋଭନମ୍॥ 7-55-49 (46978)
ଯସ୍ଯ ଯଜ୍ଞେଷୁ ସର୍ବେଷୁ ବାସାଂସ୍ଯାଭରଣାନି ଚ।
ଈପ୍ସିତାନ୍ଯୁପତିଷ୍ଠନ୍ତେ ପ୍ରହୃଷ୍ଟାନ୍ବେଦପାରଗାନ୍॥ 7-55-50 (46979)
ମରୁତଃ ପରିବେଷ୍ଟାରୋ ମରୁତ୍ତସ୍ଯାଭବନ୍ଗୃହେ।
ଆବିକ୍ଷିତସ୍ଯ ରାଜର୍ଷେର୍ବିଶ୍ବେଦେବାଃ ସଭାସଦଃ॥ 7-55-51 (46980)
ଯସ୍ଯ ବୀର୍ଯବତୋ ରାଜ୍ଞଃ ସୁବୃଷ୍ଟ୍ଯା ସସ୍ଯସମ୍ପଦଃ।
ହବିର୍ଭିସ୍ତର୍ପିତା ଯେନ ସମ୍ଯକ୍କ୍ଲୃପ୍ତୈର୍ଦିବୌକସଃ॥ 7-55-52 (46981)
ଋଷୀଣାଂ ଚ ପିତୄଣାଂ ଚ ଦେବାନାଂ ସୁଖଜୀବିନମ୍।
ବ୍ରହ୍ମଚର୍ଯଶ୍ରୁତିମୁଖୈଃ ସର୍ବୈର୍ଦାନୈଶ୍ଚ ସର୍ବଦା॥ 7-55-53 (46982)
ଶଯନାସନପାନାନି ସ୍ବର୍ଣରାଶୀଶ୍ଚ ଦୁସ୍ତ୍ଯଜାଃ।
ତତ୍ସର୍ବମମିତଂ ବିତ୍ତଂ ଦତ୍ତଂ ବିପ୍ରେଭ୍ଯ ଇଚ୍ଛଯା॥ 7-55-54 (46983)
ସୋନୁଧ୍ଯାତସ୍ତୁ ଶକ୍ରେଣ ପ୍ରଜାଃ କୃତ୍ବା ନିରାମଯାଃ।
ଶ୍ରଦ୍ଦଧାନୋ ଜିତାଁଲ୍ଲୋକାନ୍ଗତଃ ପୁଣ୍ଯଦୁହୋଽକ୍ଷଯାନ୍॥ 7-55-55 (46984)
ସପ୍ରଜଃ ସନୃପାମାତ୍ଯଃ ସଦାରାପତ୍ଯବାନ୍ଧବଃ।
ଯୌବନେନ ସହସ୍ରାବ୍ଦଂ ମରୁତ୍ତୋ ରାଜ୍ଯମନ୍ବଶାତ୍॥ 7-55-56 (46985)
ସ ଚେନ୍ମମାର ସୃଞ୍ଜଯ ଚତୁର୍ଭଦ୍ରତରସ୍ତ୍ବଯା।
ପୁତ୍ରାତ୍ପୁଣ୍ଯତରସ୍ତୁଭ୍ଯଂ ମା ପୁତ୍ରମନୁତପ୍ଯଥାଃ।
ଅଯଜ୍ବାନମଦକ୍ଷିଣ୍ଯମଭି ଶ୍ବୈତ୍ଯେତ୍ଯୁଦାହରତ୍॥ ॥ 7-55-57 (46986)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ଷୋଡଶରାଜକୀଯେ ପଞ୍ଚପଞ୍ଚାଶତ୍ତମୋଽଧ୍ଯାଯଃ॥ 55 ॥
Mahabharata - Drona Parva - Chapter Footnotes
5-55-14 ତତ୍ସଲିଙ୍ଗାଭିସ୍ତସ୍ଯାନୁରୂପାଭିଃ। ଅଭିତଃ ପାର୍ଶ୍ବତଃ॥ 5-55-22 ନତ୍ବେଷା ନିଶ୍ଚିତା ନିଷ୍ଠା ମୈତ୍ରୀ ସପ୍ତପଦୀ ସତାଂ ଇତି ଙ. ପାଠଃ। ନିଷ୍ଠା ସପ୍ତମଦୀ ସତାଂ ଇତି ଘ. ପାଠଃ। ସପ୍ତପଦୀ ସ୍ମୃତା ଇତି ଝ. ପାଠଃ॥ 5-55-23 ଶପ୍ତ୍ବାବୈ ତତ୍ର ବତ୍ସରମୂଷତୁଃ ଇତି କ.ପାଠଃ॥ 5-55-25 ପୁତ୍ରମୀପ୍ସବଃ ଇତି ଘ.ଙ.ଝ.ପାଠଃ॥ 5-55-26 ଦ୍ବିଜୈରୁକ୍ତତୋ ନାରଦସ୍ତଥେତ୍ଯୁକ୍ତ୍ବା ସୃଞ୍ଜଯମବ୍ରବୀଦିତ୍ଯନ୍ବଯଃ॥ 5-55-29 କ୍ଲେଦଃ ଶ୍ଲେଷ୍ମାଦିଃ॥ 5-55-31 ସୁବର୍ଣଷ୍ଠୀବିରିତ୍ଯନେନ ଗଣ୍ଡୂଷାଦିକମପି କାଞ୍ଚନଂ ଭବତୀତି ସୂଚିତମ୍॥ 5-55-35 ଚିକୀର୍ଷିତୁମପକାରଂ କର୍ତୁମ୍। କୄହିଂସାଯାମିତ୍ଯସ୍ଯ ରୂପମ୍॥ 5-55-47 ସବୈଃ ଯଜ୍ଞୈଃ॥ 5-55-57 ଚତୁର୍ଭଦ୍ରତରଃ ଧର୍ମଜ୍ଞାନବୈରାଗ୍ଯୈଶ୍ବର୍ଯାଣି ଚତ୍ବାରି ଭଦ୍ରାଣି। ଧର୍ମାର୍ଥକାମବଲାନୀତ୍ଯନ୍ଯେ ତୁଭ୍ଯଂ ତବ। ଅଯଜ୍ବାନମଦକ୍ଷିଣ୍ଯଂ ପୁତ୍ରଂ ଅଭିଲକ୍ଷ୍ଯ ମାନୁତପ୍ଯଥାଃ ହେ ଶ୍ବୈତ୍ଯ ଶ୍ବିତ୍ଯପୁତ୍ର ଇତି ଉଦାହରନ୍ନାରଦଃ ସୃଞ୍ଜଯଂ ପ୍ରତୀତି ବ୍ଯାସବାକ୍ଯମ୍। ଅଦାକ୍ଷିଣ୍ଯଂ ଇତି ଝ.ପାଠଃ॥ 5-55-55 ପଞ୍ଚପଞ୍ଚାଶତ୍ତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 056
॥ ଶ୍ରୀଃ ॥
7.56. ଅଧ୍ଯାଯଃ 056
Mahabharata - Drona Parva - Chapter Topics
ନାରଦେନ ସୃଞ୍ଜଯମ୍ପ୍ରତି ସୁହୋତ୍ରଚରିତ୍ରକୀର୍ତନମ୍॥ 1 ॥Mahabharata - Drona Parva - Chapter Text
7-56-0 (46987)
ନାରଦ ଉବାଚ। 7-56-0x (4411)
ସୁହୋତ୍ରଂ ନାମ ରାଜାନଂ ମୃତଂ ସୃଞ୍ଜଯ ଶୁଶ୍ରୁମ।
ଏକବୀରମଶକ୍ଯଂ ତମମରୈରଭିବୀକ୍ଷିତୁମ୍॥ 7-56-1 (46988)
ଯଃ ପ୍ରାପ୍ଯ ରାଜ୍ଯଂ ଧର୍ମେଣ ଋତ୍ବିଙ୍ମନ୍ତ୍ରିପୁରୋହିତାନ୍।
ସମ୍ମାନ୍ଯ ଚାତ୍ମନଃ ଶ୍ରେଯଃ ପୃଷ୍ଟ୍ବା ତେଷାଂ ମତେ ସ୍ଥିତଃ॥ 7-56-2 (46989)
ପ୍ରଜାନାଂ ପାଲନଂ ଧର୍ମୋ ଦାନମିଜ୍ଯା ଦ୍ବିଷଜ୍ଜଯଃ।
ଏତତ୍ସୁହୋତ୍ରୋ ବିଜ୍ଞାଯ ଧର୍ମ୍ଯମୈଚ୍ଛଦ୍ଧନାଗମମ୍॥ 7-56-3 (46990)
ଧର୍ମେଣାରାଧଯନ୍ଦେବାନ୍ବାଣୈଃ ଶତ୍ରୂଞ୍ଜଯଂସ୍ତଥା।
ସର୍ବାଣ୍ଯପି ଚ ଭୂତାନି ସ୍ବଗୁଣୈରନ୍ବରଞ୍ଜଯତ୍॥ 7-56-4 (46991)
ଯୋ ଭୁକ୍ତ୍ବେମାଂ ବସୁମତୀଂ ମ୍ଲେଚ୍ଛାଟବିକବର୍ଜିତାମ୍।
ଯସ୍ମୈ ବବର୍ଷ ପର୍ଜନ୍ଯୋ ହିରଣ୍ଯଂ ପରିବତ୍ସରାନ୍॥ 7-56-5 (46992)
ହୈରଣ୍ଯାସ୍ତତ୍ର ବାହିନ୍ଯଃ ସ୍ବୈରିଣ୍ଯୋ ବ୍ଯବହନ୍ପୁରା।
ଗ୍ରାହାନ୍କର୍କଟକାଂଶ୍ଚୈବ ମତ୍ସ୍ଯାଂଶ୍ଚ ବିବିଧାନ୍ବହୂନ୍॥ 7-56-6 (46993)
କାମାନ୍ବର୍ଷତି ପର୍ଜନ୍ଯୋ ରୂପ୍ଯାଣି ବିବିଧାନି ଚ।
ସୌବର୍ଣାନ୍ଯପ୍ରମେଯାଣି ବାପ୍ଯଶ୍ଚ କ୍ରୋଶସମ୍ମିତାଃ॥ 7-56-7 (46994)
ସହସ୍ରଂ ବାମନାନ୍କୁବ୍ଜାନ୍ନକ୍ରାନ୍ମକରକଚ୍ଛପାନ୍।
ସୌବର୍ଣାନ୍ବିହିତାନ୍ଦୃଷ୍ଟ୍ବା ତତୋଽସ୍ମଯତ ବୈ ତଦା॥ 7-56-8 (46995)
ତତ୍ସୁବର୍ଣମପର୍ଯନ୍ତଂ ରାଜର୍ଷିଃ କୁରୁଜାଙ୍ଗଲେ।
ଈଜାନୋ ବିତତେ ଯଜ୍ଞେ ବ୍ରାହ୍ମଣେଭ୍ଯୋ ହ୍ଯମନ୍ଯତ॥ 7-56-9 (46996)
ସୋଽଶ୍ବମେଧସହସ୍ରେଣ ରାଜସୂଯଶତେନ ଚ।
ପୁଣ୍ଯୈଃ କ୍ଷତ୍ରିଯଯଜ୍ଞୈଶ୍ଚ ପ୍ରଭୂତବରଦକ୍ଷିଣୈଃ॥ 7-56-10 (46997)
କାମ୍ଯନୈମିତ୍ତିକାଜସ୍ରୈରିଷ୍ଟ୍ବେଷ୍ଟାଂ ଗତିମାପ୍ତବାନ୍।
ସ ଚେନ୍ମମାର ସୃଞ୍ଜଯ ଚତୁର୍ଭଦ୍ରତରସ୍ତ୍ବଯା॥ 7-56-11 (46998)
ପୁତ୍ରାତ୍ପୁଣ୍ଯତରସ୍ତୁଭ୍ଯଂ ମା ପୁତ୍ରମନୁତପ୍ଯଥାଃ।
ଅଯଜ୍ବାନମଦକ୍ଷିଣ୍ଯମଭି ଶ୍ବୈତ୍ଯେତ୍ଯୁଦାହରତ୍॥ ॥ 7-56-12 (46999)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ଷୋଡଶରାଜକୀଯେ ଷଟ୍ପଞ୍ଚାଶତ୍ତମୋଽଧ୍ଯାଯଃ॥ 56 ॥
Mahabharata - Drona Parva - Chapter Footnotes
5-56-6 ହୈରଣ୍ଯା ହିରଣ୍ମଯାଃ ଗ୍ରାହାଦଯୋଽପି। ବାହିନ୍ଯୋ ନଦ୍ଯଃ। ସ୍ବୈରିଣ୍ଯଃ ସର୍ବଜନୋପଭୋଗ୍ଯାଃ॥ 5-56-56 ଷଟ୍ପଞ୍ଚାଶତ୍ତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 057
॥ ଶ୍ରୀଃ ॥
7.57. ଅଧ୍ଯାଯଃ 057
Mahabharata - Drona Parva - Chapter Topics
ନାରଦେନ ସୃଞ୍ଜଯମ୍ପ୍ରତି ଅଙ୍ଗରାଜଗୁଣବର୍ଣନମ୍॥ 1 ॥Mahabharata - Drona Parva - Chapter Text
7-57-0 (47000)
ନାରଦ ଉବାଚ। 7-57-0x (4412)
ଅଙ୍ଗଂ ଚ ପୌରବଂ ବୀରଂ ମୃତଂ ସୃଞ୍ଜଯ ଶୁଶ୍ରୁମ।
ସହସ୍ରଂ ଯଃ ସହସ୍ରାଣାଂ ଶ୍ବେତାନଶ୍ବାନବାସୃଜତ୍॥ 7-57-1 (47001)
ତସ୍ଯାଶ୍ବମେଧେ ରାଜର୍ଷେର୍ଦେଶାଦ୍ଦେଶାତ୍ସମୀଯୁଷାମ୍।
ଶିକ୍ଷାକ୍ଷରବିଧିଜ୍ଞାନାଂ ନାସୀତ୍ସଙ୍ଖ୍ଯା ବିପଶ୍ଚିତାମ୍॥ 7-57-2 (47002)
ବେଦବିଦ୍ଯାବ୍ରତସ୍ନାତା ବଦାନ୍ଯାଃ ପ୍ରିଯଦର୍ଶନାଃ।
ସୁଭିକ୍ଷାଚ୍ଛାଦନଗୃହାଃ ସୁଶଯ୍ଯାସନଭୋଜନାଃ॥ 7-57-3 (47003)
ନଟନର୍ତକଗନ୍ଧର୍ବୈଃ ପୂର୍ଣକୈର୍ବର୍ଧମାନକୈଃ।
ନିତ୍ଯୋଦ୍ଯୋଗୈଶ୍ଚ କ୍ରୀଡଦ୍ଭିସ୍ତତ୍ର ସ୍ମ ପରିହର୍ଷିତାଃ॥ 7-57-4 (47004)
ଯଜ୍ଞେ ଯଜ୍ଞେ ଯଥାକାଲଂ ଦକ୍ଷିଣାଃ ସୋଽତ୍ଯକାଲଯତ୍।
ଦ୍ବିପାନ୍ଦଶସହସ୍ରାଖ୍ଯାନଦାତ୍କାଞ୍ଚନସଂବୃତାନ୍॥ 7-57-5 (47005)
ଯଃ ସହସ୍ରଂ ସହସ୍ରାଣି କନ୍ଯା ହେମବିଭୂଷିତାଃ॥
ଧୂର୍ଯୁଜାଶ୍ବଗଜାରୂଢାଃ ସଗୃହକ୍ଷେତ୍ରଗୋଶତାଃ। 7-57-6 (47006)
ଶତଂ ଶତସହସ୍ରାଣି ସ୍ବର୍ଣମାଲାନଥର୍ଷଭାନ୍॥
ଗବାଂ ସହସ୍ରାନୁଚରାନ୍ଦକ୍ଷିଣାମତ୍ଯକାଲଯତ୍। 7-57-7 (47007)
ହେମଶୃଙ୍ଗ୍ଯୋ ରୌପ୍ଯଖୁରାଃ ସବତ୍ସାଃ କାଂସ୍ଯଦୋହନାଃ॥
ଦାସୀଦାସଖରୋଷ୍ଟ୍ରାଂଶ୍ଚ ପ୍ରାଦାଦାଜାବିକଂ ବହୁ। 7-57-8 (47008)
ରତ୍ନାନାଂ ବିବିଧାନାଂ ଚ ବିବିଧାଂଶ୍ଚାନ୍ନପର୍ବତାନ୍॥
ତସ୍ମିନ୍ସଂବିତତେ ଯଜ୍ଞେ ଦକ୍ଷିଣାମତ୍ଯକାଲଯତ୍। 7-57-9 (47009)
ତତ୍ରାସ୍ଯ ଗାଥା ଗାଯନ୍ତି ଯେ ପୁରାଣବିଦୋ ଜନାଃ॥
`ଅଙ୍ଗସ୍ଯ ଯଜମାନସ୍ଯ ଅପି ବିଷ୍ଣୁପଦେ ବଯମ୍। 7-57-10 (47010)
ଅମାଦ୍ଯଦିନ୍ଦ୍ରୁଃ ସୋମେନ ଦକ୍ଷିଣାଭିର୍ଦ୍ବିଜାତଯଃ।
ଦେବମାନୁଷଗନ୍ଧର୍ବାଂଶ୍ଚାତ୍ଯରୋଚନ୍ତ ଦକ୍ଷିଣାଃ'॥ 7-57-11 (47011)
ଅଙ୍ଗସ୍ଯ ଯଜମାନସ୍ଯ ସ୍ବଧର୍ମାଧିଗତାଃ ଶୁଭାଃ।
ଗୁଣୋତ୍ତରାସ୍ତୁ କ୍ରତବସ୍ତସ୍ଯାସନ୍ସାର୍ବକାମିକାଃ॥ 7-57-12 (47012)
ସ ଚେନ୍ମମାର ସୃଞ୍ଜଯ ଚତୁର୍ଭଦ୍ରତସ୍ତ୍ବଯା।
ପୁତ୍ରାତ୍ପୁଣ୍ଯତରସ୍ତୁଭ୍ଯଂ ମା ପୁତ୍ରମନୁତପ୍ଯଥାଃ।
ଅଯଜ୍ବାନମଦକ୍ଷିଣ୍ଯମଭି ଶ୍ବୈତ୍ଯେତ୍ଯୁଦାହରତ୍॥ ॥ 7-57-13 (47013)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ଷୋଡଶରାଜକୀଯେ ସପ୍ତପଞ୍ଚାଶତ୍ତମୋଽଧ୍ଯାଯଃ॥ 57 ॥
Mahabharata - Drona Parva - Chapter Footnotes
5-57-2 ରାଜର୍ଷେଃ ସର୍ବେ ଦେବାଃ ସମାଯଯୁଃ ଇତି ଢ.ପାଠଃ॥ 5-57-4 ପୂର୍ଣକୈଃ ସ୍ବର୍ଣଚୂଡୈଃ। ବର୍ଧମାନକୈଃ ଆରାର୍ତିକହସ୍ତୈଃ॥ 5-57-7 ଧୂର୍ଯୁଜା ରଥାଃ॥ 5-57-57 ସପ୍ତପଞ୍ଚାଶତ୍ତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 058
॥ ଶ୍ରୀଃ ॥
7.58. ଅଧ୍ଯାଯଃ 058
Mahabharata - Drona Parva - Chapter Topics
ନାରଦେନ ସୃଞ୍ଜଯମ୍ପ୍ରତି ଶିବିବୈଭବଶଂସନମ୍॥ 1 ॥Mahabharata - Drona Parva - Chapter Text
7-58-0 (47014)
ନାରଦ ଉବାଚ। 7-58-0x (4413)
ଶିବିମୌଶୀନରଂ ଚାପି ମୃତଂ ସୃଞ୍ଜଯ ଶୁଶ୍ରୁମ।
ଯ ଇମାଂ ପୃଥିବୀଂ ସର୍ବାଂ ଚର୍ମବତ୍ପର୍ଯବେଷ୍ଟଯତ୍॥ 7-58-1 (47015)
ସାଦ୍ରିଦ୍ବୀପାର୍ଣବବନାଂ ରଥଘୋଷେଣ ନାଦଯନ୍।
ସ ଶିବିର୍ଯଷ୍ଟୁମନ୍ବିଚ୍ଛନ୍ମୁଖ୍ଯଃ ସର୍ବସପତ୍ନଜିତ୍॥ 7-58-2 (47016)
ତେନ ଯଜ୍ଞୈର୍ବହୁବିଧୈରିଷ୍ଟଂ ପର୍ଯାପ୍ତଦକ୍ଷିଣୈଃ।
ଅବିହିଂସ୍ଯ ଜନାନନ୍ଯାନବାପ ବସୁ ପୁଷ୍କଲମ୍॥ 7-58-3 (47017)
ସର୍ବମୂର୍ଧାଭିଷିକ୍ତାନାଂ ସମ୍ମତଃ ସୋଽଭବଦ୍ଯୁଧି।
ଅଜଯଚ୍ଚାଶ୍ବମେଧୈର୍ଯୋ ବିଜିତ୍ଯ ପୃଥିବୀମିମାମ୍॥ 7-58-4 (47018)
ନିରର୍ଗଲୈର୍ବହୁଫଲୈର୍ନିଷ୍କକୋଟିସହସ୍ରଦଃ।
`ବିଭର୍ତି ଦକ୍ଷିଣା ଯସ୍ଯ ଗଙ୍ଗାଯାଃ ସ୍ରୋତ ଆବୃଣୋତ୍'॥ 7-58-5 (47019)
ହସ୍ତ୍ଯଶ୍ବପଶୁଭିର୍ଧାନ୍ଯୈର୍ମୃଗୈର୍ଗୋଜାବିଭିସ୍ତଥା।
ବିବିଧୈଃ ପୃଥିବୀଂ ପୁଣ୍ଯାଂ ଶିବିର୍ବ୍ରାହ୍ମଣସାତ୍କରୋତ୍॥ 7-58-6 (47020)
ଯାବତ୍ଯୋ ବର୍ଷତୋ ଧାରା ଯାବତ୍ଯୋ ଦିବି ତାରକାଃ।
ଯାବତ୍ଯଃ ସିକତା ଗାଙ୍ଗ୍ଯୋ ଯାବନ୍ମେରୋର୍ମହୋପଲାଃ॥ 7-58-7 (47021)
ଉଦନ୍ବତି ଚ ଯାବନ୍ତି ରତ୍ନାନି ପ୍ରାଣିନୋଽପି ଚ।
ତାବତୀରଦଦଦ୍ଗା ବୈ ଶିବିରୌଶୀନରୋଽଧ୍ବରେ॥ 7-58-8 (47022)
ନୋଦ୍ଯନ୍ତାରଂ ଧୁରସ୍ତସ୍ଯ କଞ୍ଚିଦନ୍ଯଂ ପ୍ରଜାପତିଃ।
ଭୂତଂ ଭବ୍ଯଂ ଭବନ୍ତଂ ବା ନାଧ୍ଯଗଚ୍ଛନ୍ନରୋତ୍ତମମ୍॥ 7-58-9 (47023)
ତସ୍ଯାସନ୍ବିବିଧା ଯଜ୍ଞାଃ ସର୍ବକାମୈଃ ସମନ୍ବିତାଃ।
ହେମଯୂପାସନଗୃହା ହେମପ୍ରାକାରତୋରଣାଃ॥ 7-58-10 (47024)
ଶୁଚିସ୍ବାଦ୍ବନ୍ନପାନଂ ଚ ବ୍ରାହ୍ମଣାଃ ପ୍ରଯୁତାଯୁତାଃ।
ନାନାଭକ୍ଷ୍ଯୈଃ ପ୍ରିଯକଥାଃ ପଯୋଦଧିମହାହଦାଃ॥ 7-58-11 (47025)
ତସ୍ଯାସନ୍ଯଜ୍ଞବାଟେଷୁ ନଦ୍ଯଃ ଶୁଭ୍ରାନ୍ନପର୍ବତାଃ।
ପିବତ ସ୍ନାତ ଖାଦଧ୍ବମିତି ଯତ୍ରୋଚ୍ଯତେ ଜନୈଃ॥ 7-58-12 (47026)
ଯସ୍ମୈ ପ୍ରାଦାଦ୍ବରଂ ରୁଦ୍ରସ୍ତୁଷ୍ଟଃ ପୁଣ୍ଯେନ କର୍ମଣା।
ଅକ୍ଷଯଂ ଦଦତୋ ବିତ୍ତଂ ଶ୍ରଦ୍ଧା କୀର୍ତିସ୍ତଥା କ୍ରିଯାଃ॥ 7-58-13 (47027)
ଯଥୋକ୍ତମେବ ଭୂତାନାଂ ପ୍ରିଯତ୍ବଂ ସ୍ବର୍ଗମୁତ୍ତମମ୍।
ଏତାଁଲ୍ଲବ୍ଧ୍ବା ବରାନିଷ୍ଟାଞ୍ଶିବିଃ କାଲେ ଦିବଂ ଗତଃ॥ 7-58-14 (47028)
ସ ଚେନ୍ମମାର ସୃଞ୍ଜଯ ଚତୁର୍ଭଦ୍ରତରସ୍ତ୍ବଯା।
ପୁତ୍ରାତ୍ପୁଣ୍ଯତରସ୍ତୁଭ୍ଯଂ ମା ପୁତ୍ରମନୁତପ୍ଯଥାଃ।
ଅଯଜ୍ବାନମଦକ୍ଷିଣ୍ଯମଭି ଶ୍ବୈତ୍ଯେତ୍ଯୁଦାହରତ୍॥ ॥ 7-58-15 (47029)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ଷୋଡଶରାଜକୀଯେ ଅଷ୍ଟପଞ୍ଚାଶତ୍ତମୋଽଧ୍ଯାଯଃ॥ 58 ॥
Mahabharata - Drona Parva - Chapter Footnotes
5-58-1 ପର୍ଯବେଷ୍ଟଯତ୍ ସ୍ବାଧୀନାମକରୋତ୍॥ 5-58-5 କୋଟିସହସ୍ରଶଃ ଇତି କ.ଘ.ଙ.ପାଠଃ॥ 5-58-9 ତସ୍ଯ ଶିବେର୍ଧୁରଃ କାର୍ଯଭାରସ୍ଯ ଉଯନ୍ତାରଂ ବୋଢାରଂ ପ୍ରଜ୍ଞାପତିଃ ସ୍ରଷ୍ଟା ସ୍ବସୃଷ୍ଟୌ ନାଧ୍ଯଗଚ୍ଛତ୍॥ 5-58-13 ଦଦତୋ ରାଜ୍ଞୋ ବିତ୍ତାଦିକମକ୍ଷଯମସ୍ତ୍ବିତି ରୁଦ୍ରୋ ବରଂ ଦଦାବିତି ସମ୍ବନ୍ଧଃ॥ 5-58-58 ଅଷ୍ଟପଞ୍ଚାଶତ୍ତମୋଽଧ୍ଯାଯଃ॥ 58 ॥ଦ୍ରୋଣପର୍ବ - ଅଧ୍ଯାଯ 059
॥ ଶ୍ରୀଃ ॥
7.59. ଅଧ୍ଯାଯଃ 059
Mahabharata - Drona Parva - Chapter Topics
ସୃଞ୍ଜଯମ୍ପ୍ରତି ନାରଦେନ ରାମମଙିମାନୁବର୍ଣନମ୍॥ 1 ॥Mahabharata - Drona Parva - Chapter Text
7-59-0 (47030)
ନାରଦ ଉବାଚ। 7-59-0x (4414)
ରାମଂ ଦାଶରଥିଂ ଚୈବ ମୃତଂ ସୃଞ୍ଜଯ ଶୁଶ୍ରୁମ।
ଯଂ ପ୍ରଜା ଅନ୍ବମୋଦନ୍ତ ପିତା ପୁତ୍ରମିବୌରସମ୍।
ଅସଙ୍ଖ୍ଯେଯା ଗୁଣା ଯସ୍ମିନ୍ନାସନ୍ନମିତତେଜସି॥ 7-59-1 (47031)
ଯଶ୍ଚତୁର୍ଦଶବର୍ଷାଣି ନିଦେଶାତ୍ପିତୁରଚ୍ଯୁତଃ।
ବନେ ବନିତଯା ସାର୍ଧମବସଲ୍ଲକ୍ଷ୍ମଣାଗ୍ରଜଃ॥ 7-59-2 (47032)
ଜଘାନ ଚ ଜନସ୍ଥାନେ ରାକ୍ଷସାନ୍ମନୁଜର୍ଷଭଃ।
ତପସ୍ବିନାଂ ରକ୍ଷଣାର୍ଥଂ ସହସ୍ରାଣି ଚତୁର୍ଦଶ॥ 7-59-3 (47033)
ତତ୍ରୈବ ବସତସ୍ତସ୍ଯ ରାବଣୋ ନାମ ରାକ୍ଷସଃ।
ଜହାର ଭାର୍ଯାଂ ବୈଦେହୀଂ ସମ୍ମୋହ୍ଯୈନଂ ସହାନୁଜମ୍॥ 7-59-4 (47034)
`ରାମୋ ହୃତାଂ ରାକ୍ଷସେନ ଭାର୍ଯାଂ ଶ୍ରୁତ୍ବା ଜଟାଯୁଷଃ।
ଆତୁରଃ ଶୋକସନ୍ତପ୍ତୋ ରାମୋଽଗଚ୍ଛଦ୍ଧରୀଶ୍ବରମ୍॥ 7-59-5 (47035)
ତେନ ରାମଃ ସୁସଙ୍ଗମ୍ଯ ବାନରୈଶ୍ଚ ମହାବଲୈଃ।
ଆଜଗାମୋଦଧେଃ ପାରଂ ସେତୁଂ କୃତ୍ବା ମହାର୍ଣବେ॥ 7-59-6 (47036)
ତତ୍ର ହତ୍ବା ତୁ ପୌଲସ୍ତ୍ଯାନ୍ସସୁହୃଦ୍ଗଣବାନ୍ଧବାନ୍।
ମାଯାବିନଂ ମହାଘୋରଂ ରାବଣଂ ଲୋକକଣ୍ଟକମ୍'॥ 7-59-7 (47037)
ସୁରାସୁରୈରବଧ୍ଯଂ ତଂ ଦେବବ୍ରାହ୍ମଣକଣ୍ଟକମ୍।
ଜଘାନ ସ ମହାବାହୁଃ ପୌଲସ୍ତ୍ଯଂ ସଗଣଂ ରଣେ॥ 7-59-8 (47038)
`ହତ୍ବା ତତ୍ର ରିପୁଂ ସଙ୍ଖ୍ଯେ ଭାର୍ଯଯା ସହ ସଙ୍ଗତଃ।
ସ ଚ ଲଙ୍କେଶ୍ବରଂ ଚକ୍ରେ ଧର୍ମାତ୍ମାନଂ ବିଭୀଷଣମ୍॥ 7-59-9 (47039)
ଭାର୍ଯଯା ସହ ସଂଯୁକ୍ତସ୍ତତୋ ବାନରସେନଯା।
ଅଯୋଧ୍ଯାମାଗତୋ ବୀରଃ ପୁଷ୍ପକେଣ ବିରାଜତା॥ 7-59-10 (47040)
ତତ୍ର ରାଜନ୍ପ୍ରବିଷ୍ଟଃ ସନ୍ନଯୋଧ୍ଯାଯାଂ ମହାଯଶାଃ।
ମାତୄର୍ବଯସ୍ଯାନ୍ସଚିବାନୃତ୍ବିଜଃ ସପୁରୋହିତାନ୍॥ 7-59-11 (47041)
ଶୁଶ୍ରୂଷମାଣଃ ସତତଂ ମନ୍ତ୍ରିଭିଶ୍ଚାଭିଷେଚିତଃ।
ବିସୃଜ୍ଯ ହରିରାଜାନଂ ହନୁମନ୍ତଂ ସହାଙ୍ଗଦମ୍॥ 7-59-12 (47042)
ଭ୍ରାତରଂ ଭରତଂ ବୀରଂ ଶତ୍ରୁଘ୍ନଂ ଚୈବ ଲକ୍ଷ୍ମଣମ୍।
ପୂଜଯନ୍ପରଯା ପ୍ରୀତ୍ଯା ବୈଦେହ୍ଯା ଚାଭିପୂଜିତଃ॥ 7-59-13 (47043)
ଦଶବର୍ଷସହସ୍ରାଣି ଦଶବର୍ଷଶତାନି ଚ।
ଚତୁଃସଗାରପର୍ଯନ୍ତାଂ ପୃଥିବୀମନ୍ବଶାସତ॥ 7-59-14 (47044)
ଅଶ୍ବମେଧଶତୈରୀଜଂ କ୍ରତୁଭିର୍ଭୂରିଦକ୍ଷିଣୈଃ।
ଯଶ୍ଚ ବିପ୍ରପ୍ରସାଦେନ ସର୍ବକାମାନବାପ୍ଯ ଚ'॥ 7-59-15 (47045)
ସମ୍ପ୍ରାପ୍ଯ ବିଧିବଦ୍ରାଜ୍ଯଂ ସର୍ବଭୂତାନୁକମ୍ପନଃ।
`ସର୍ବଦ୍ବୀପାନବଷ୍ଟଭ୍ଯ ପ୍ରଜା ଧର୍ମେଣ ପାଲଯନ୍'॥ 7-59-16 (47046)
ସ ନିର୍ଗଲଂ ମୁଖ୍ଯତମମଶ୍ବମେଧଶତଂ ପ୍ରଭୁଃ।
ଆଜହାର ସୁରେଶସ୍ଯ ହବିଷା ମୁଦମାହରନ୍।
ଅନ୍ଯୈଶ୍ଚ ବିବିଧୈର୍ଯଜ୍ଞୈରୀଜେ ବହୁଗୁଣୈର୍ନୃପଃ॥ 7-59-17 (47047)
କ୍ଷୁତ୍ପିପାସେଽଜଯଦ୍ରାମଃ ସର୍ବରୋଗାଂଶ୍ଚ ଦେହିନାମ୍।
ସତତଂ ଗୁଣସମ୍ପନ୍ନୋ ଦୀପ୍ଯମାନଃ ସ୍ବତେଜସା॥ 7-59-18 (47048)
ଅତିସର୍ବାଣି ଭୂତାନି ରାମୋ ଦାଶରଥିର୍ବଭୌ।
ଋଷୀଣାଂ ଦେବତାନାଂ ଚ ମାନୁଷାଣାଂ ଚ ସର୍ବଶଃ।
ପୃଥିବ୍ଯାଂ ସହ ବାସୋଽଭୂଦ୍ରାମେ ରାଜ୍ଯଂ ପ୍ରଶାସତି॥ 7-59-19 (47049)
ନାହୀଯତ ତଦା ପ୍ରାମଃ ପ୍ରାଣିନାଂ ନ ତଦା ବ୍ଯଥା।
ପ୍ରାଣାପାନୌ ସମାବାସ୍ତାଂ ରାମେ ରାଜ୍ଯଂ ପ୍ରଶାସତି॥ 7-59-20 (47050)
ପର୍ଯଦୀପ୍ଯନ୍ତ ତେଜାଂସି ତଦାଽନର୍ଥାଶ୍ଚ ନାଭବନ୍।
ଦୀର୍ଘାଯୁଷଃ ପ୍ରଜାଃ ସର୍ବା ଯୁବା ନ ମ୍ରିଯତେ ତଦା॥ 7-59-21 (47051)
ବେଦୈଶ୍ଚତୁର୍ଭିଃ ସୁପ୍ରୀତାଃ ପ୍ରାପ୍ନୁବନ୍ତି ଦିବୌକସଃ।
ହବ୍ଯଂ କବ୍ଯଂ ଚ ବିବିଧଂ ନିଷ୍ପୂର୍ତଂ ହୁତମେବ ଚ॥ 7-59-22 (47052)
ଅଦଂଶମଶକା ଦେଶା ନଷ୍ଟବ୍ଯାଲସରୀସୃପାଃ।
ନାପ୍ଯୁ ପ୍ରାଣଭୃତାଂ ମୃତ୍ଯୁର୍ନାକାଲେ ଜ୍ବଲନୋଽଦହତ୍॥ 7-59-23 (47053)
ଅଧର୍ମରୁଚଯୋ ଲୁବ୍ଧା ମୂର୍ଖା ବା ନାଭବଂସ୍ତଦା।
ଶିଷ୍ଟେଷ୍ଟପ୍ରାଜ୍ଞକର୍ମାଣଃ ସର୍ବେ ବର୍ଣାସ୍ତଦାଽଭବନ୍॥ 7-59-24 (47054)
ସ୍ବଧାଂ ପୂଜାଂ ଚ ରକ୍ଷୋଭିର୍ଜନସ୍ଥାନେ ପ୍ରଣାଶିତାମ୍।
ପ୍ରାଦାନ୍ନିହତ୍ଯ ରକ୍ଷାଂସି ପିତୃଦେବେଭ୍ଯ ଈଶ୍ବରଃ॥ 7-59-25 (47055)
ସହସ୍ରପୁତ୍ରାଃ ପୁରୁଷା ଦଶବର୍ଷଶତାଯୁଷଃ।
ନ ଚ ଜ୍ଯେଷ୍ଠାଃ କନିଷ୍ଠେଭ୍ଯସ୍ତଦା ଶ୍ରାଦ୍ଧାନି କୁର୍ବତେ॥ 7-59-26 (47056)
ଶ୍ଯାମୋ ଯୁବା ଲୋହିତାକ୍ଷୋ ମତ୍ତମାତଙ୍ଗବିକ୍ରମଃ।
ଆଜାନୁବାହୁଃ ସୁଭୁଜଃ ସିଂହସ୍କନ୍ଧୋ ମହାବଲଃ॥ 7-59-27 (47057)
ଦଶବର୍ଷସହସ୍ରାଣି ଦଶବର୍ଷଶତାନି ଚ।
ସର୍ବଭୂତମନଃକାନ୍ତୋ ରାମୋ ରାଜ୍ଯମକାରଯତ୍॥ 7-59-28 (47058)
ରାମୋ ରାମୋ ରାମ ଇତି ପ୍ରଜାନାମଭବତ୍କଥା।
ରାମଭୂତଂ ଜଗଦଭୂଦ୍ରାମେ ରାଜ୍ଯଂ ପ୍ରଶାସତି॥ 7-59-29 (47059)
ଚତୁର୍ବିଧାଃ ପ୍ରଜା ରାମଃ ସ୍ବର୍ଗଂ ନୀତ୍ବା ଦିବଂ ଗତଃ।
ଆତ୍ମେଚ୍ଛଯା ପ୍ରତିଷ୍ଠାପ୍ଯ ରାଜବଂଶମିହାଷ୍ଟଧା॥ 7-59-30 (47060)
ସ ଚେନ୍ମମାର ସୃଞ୍ଜଯ ଚତୁର୍ଭଦ୍ରତରସ୍ତ୍ବଯା।
ପୁତ୍ରାତ୍ପୁଣ୍ଯତରସ୍ତୁଭ୍ଯଂ ମା ପୁତ୍ରମନୁତପ୍ଯଥାଃ।
ଅଯଜ୍ବାନମଦକ୍ଷିଣ୍ଯମଭି ଶ୍ବୈତ୍ଯେତ୍ଯୁଦାହରତ୍॥ ॥ 7-59-31 (47061)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ଷୋଡଶରାଜକୀଯେ ଏକୋନଷଷ୍ଟିତମୋଽଧ୍ଯାଯଃ॥ 59 ॥
Mahabharata - Drona Parva - Chapter Footnotes
5-59-17 ସ ନିରର୍ଗଲଜାନ୍ମୁଖ୍ଯାନଶ୍ବମେଧାଞ୍ଶତଂ ପ୍ରଭୁଃ ଇତି ଙ. ପାଠଃ। ଆଜହାର ମହାଜଜ୍ଞଂ ପ୍ରଜା ଧର୍ମେଣ ପାଲଯନ୍। ନିରର୍ଗଲଂ ସଜାରୂଥ୍ଯମଶ୍ବମେଧଂ ଚ ତଂ ବିଭୁଃ ଇତି ଝ. ପାଠଃ। ଆଜହାର ରମେଶସ୍ଯ ଇତି ଙ. ପାଠଃ॥ 5-59-19 ପୃଥିବ୍ଯାଂ ମାନୁଷାଣାଂ ପ୍ରତ୍ଯକ୍ଷା ଦେବାଦଯୋ ବିଚରନ୍ତି ପୁଣ୍ଯାତିଶଯାତ୍॥ 5-59-20 ପ୍ରାଣୋ ବଲମ୍॥ 5-59-22 ନିଷ୍ପୂର୍ତଂ ଜଠୀକାରାମାଦି। ହୁତମିଷ୍ଠମ୍। ସୁପ୍ରୀତା ବ୍ରାହ୍ମଣାଃ ଶାଖପାରଗାଃ ଇତି ଙ. ପାଠଃ॥ 5-59-29 ରାମାଦ୍ରାମଂ ଜଗଦଭୂତ୍ ଇତି ଘ.ଝ.ପାଠଃ। ତତ୍ର ରାମଂ ଅଭିରାମମ୍॥ 5-59-59 ଏକୋନଷଷ୍ଟିତମୋଽଧ୍ଯାଯଃ॥ 59 ॥ଦ୍ରୋଣପର୍ବ - ଅଧ୍ଯାଯ 060
॥ ଶ୍ରୀଃ ॥
7.60. ଅଧ୍ଯାଯଃ 060
Mahabharata - Drona Parva - Chapter Topics
ନାରଦେନ ସୃଞ୍ଜଯମ୍ପ୍ରତି ଭଗୀରଥଚରିତ୍ରକଥନମ୍॥ 1 ॥Mahabharata - Drona Parva - Chapter Text
7-60-0 (47062)
ନାରଦ ଉବାଚ। 7-60-0x (4415)
ଭଗୀରଥଂ ଚ ରାଜାନଂ ମୃତଂ ସୃଞ୍ଜଯ ଶୁଶ୍ରୁମ।
`ପରିତ୍ରାଣାଯ ପୂର୍ବେଷାଂ ଯେନ ଗଙ୍ଗାଽବତାରିତା॥ 7-60-1 (47063)
ଯସ୍ଯେନ୍ଦ୍ରୋ ବାହୁବୀର୍ଯେଣ ପ୍ରୀତୋ ରାଜ୍ଞୋ ମହାତ୍ମନଃ।
ସୋଽଶ୍ବମେଧଶତୈରୀଜେ ସମାପ୍ତବରଦକ୍ଷିଣୈଃ॥ 7-60-2 (47064)
ହବିର୍ମନ୍ତ୍ରାନ୍ନସମ୍ପନ୍ନୈର୍ଦେବାନାମାଦଧୌ ମୁଦମ୍'।
ଯେନ ଭାଗୀରଥୀ ଗଙ୍ଗା ଚଯନୈଃ କାଞ୍ଚନୈଶ୍ଚିତା॥ 7-60-3 (47065)
ଯଃ ସହସ୍ରଂ ସହସ୍ରାଣାଂ କନ୍ଯା ହେମବିଭୂଷିତାଃ।
ରାଜ୍ଞଶ୍ଚ ରାଜପୁତ୍ରାଂଶ୍ଚ ବ୍ରାହ୍ମଣେଭ୍ଯୋ ହ୍ଯମନ୍ଯତ॥ 7-60-4 (47066)
ସର୍ବା ରଥଗତାଃ କନ୍ଯା ରଥାଃ ସର୍ବେ ଚତୁର୍ଯୁଜଃ।
ରଥେରଥେ ଶତଂ ନାଗାଃ ସର୍ବେ ବୈ ହେମମାଲିନଃ॥ 7-60-5 (47067)
ସହସ୍ରମଶ୍ବାଶ୍ଚୈକୈକଂ ଗଜାନାଂ ପୃଷ୍ଠତୋଽନ୍ବଯୁଃ।
ଅଶ୍ବେଅଶ୍ବେ ଶତଂ ଗାବୋ ଗବାଂ ପଶ୍ଚାଦଜାବିକମ୍॥ 7-60-6 (47068)
ତେନାକ୍ରାନ୍ତା ଜନୌଘେନ ଦକ୍ଷିଣା ଭୂଯସୀର୍ଦଦତ୍।
ଉପହ୍ବରେଽତିବ୍ଯଥିତା ତସ୍ଯାଙ୍କେ ନିଷସାଦ ହ॥ 7-60-7 (47069)
ତଥା ମାଗୀରଥୀ ଗଙ୍ଗା ହ୍ଯୂର୍ଧ୍ବଗା ହ୍ଯଭବତ୍ପୁରା।
ଦୁହିତୃତ୍ବଂ ଗତା ରାଜ୍ଞଃ ପୁତ୍ରତ୍ବମଗମତ୍ତଦା॥ 7-60-8 (47070)
ତାଂ ତୁ ଗାଥା ଜଗୁଃ ପ୍ରୀତା ଗନ୍ଧର୍ବାଃ ସୂର୍ଯବର୍ଚସଃ।
ପିତୃଦେବମନୁଷ୍ଯାଣାଂ ଶୃଣ୍ବତାଂ ବଲ୍ଗୁବାଦିନଃ॥ 7-60-9 (47071)
ଭଗୀରଥଂ ଯଜମାନମୈକ୍ଷ୍ବାକୁଂ ଭୂରିଦକ୍ଷିଣମ୍।
ଗଙ୍ଗା ସମୁଦ୍ରଗା ଦେବୀ ବବ୍ରେ ପିତରମୀଶ୍ବରମ୍॥ 7-60-10 (47072)
ତସ୍ଯ ସେନ୍ଦ୍ରୈଃ ସୁରଗଣୈର୍ଦେବୈର୍ଯଜ୍ଞଃ ସ୍ବଲଙ୍କୃତଃ।
ସମ୍ଯକ୍ପରିଗୃହୀତଶ୍ଚ ଶାନ୍ତବିଘ୍ନୋ ନିରାମଯଃ॥ 7-60-11 (47073)
ଯୋ ଯ ଇଚ୍ଛେତ ବିପ୍ରୋ ବୈ ଯତ୍ରଯତ୍ରାତ୍ମନଃ ପ୍ରିଯମ୍।
ଭଗୀରଥସ୍ତଦା ପ୍ରୀତସ୍ତତ୍ରତତ୍ରାଦଦଦ୍ବଶୀ॥ 7-60-12 (47074)
ନାଦେଯଂ ବ୍ରାହ୍ମଣସ୍ଯାସୀଦ୍ଯସ୍ଯ ଯତ୍ସ୍ଯାତ୍ପ୍ରିଯଂ ଧନମ୍।
ସୋଽପି ବିପ୍ରପ୍ରସାଦେନ ବ୍ରହ୍ମଲୋକଂ ଗତୋ ନୃପଃ॥ 7-60-13 (47075)
ଯେନ ଯାତୌ ମଖମୁଖୌ ଦିଶାଶାବିହ ପାଦପାଃ।
ତେନାବସ୍ଥାତୁମିଚ୍ଛନ୍ତି ତଂ ଗତ୍ବା ରାଜମୀଶ୍ବରମ୍॥ 7-60-14 (47076)
ସ ଚେନ୍ମମାର ସୃଞ୍ଜଯ ଚତୁର୍ଭଦ୍ରତରସ୍ତ୍ବଯା।
ପୁତ୍ରାତ୍ପୁଣ୍ଯତରସ୍ତୁଭ୍ଯଂ ମା ପୁତ୍ରମନୁତପ୍ଯଥାଃ।
ଅଯଜ୍ବାନମଦକ୍ଷିଣ୍ଯମଭି ଶ୍ବୈତ୍ଯେତ୍ଯୁଦାହରତ୍॥ ॥ 7-60-15 (47077)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ଷୋଡଶରାଜକୀଯେ ଷଷ୍ଟିତମୋଽଧ୍ଯାଯଃ॥ 60 ॥
Mahabharata - Drona Parva - Chapter Footnotes
5-60-3 ଚଯନୈଃ କାଞ୍ଚନୈଶ୍ଚିତା ସ୍ବର୍ଣେଷ୍ଟକମଯୈଃ କ୍ରତ୍ବର୍ଥସ୍ଯଣ୍ଡିଲୈର୍ବ୍ଯାପ୍ତା ଚଯନୈରିଷ୍ଟକାସୋପାନୈର୍ବା କୂଲଦ୍ବଯେ ଉଦ୍ଗମାତ୍ସଂଗମପର୍ଯନ୍ତଂ ନିଚିତେତି ବାର୍ଥଃ॥ 5-60-4 ରାଜ୍ଞଶ୍ଚ ରାଜପୁତ୍ରାଂଶ୍ଚାତିକ୍ରମ୍ଯେତି ଶେଷଃ। ବ୍ରାହ୍ମଣେଭ୍ଯଃ ଅମନ୍ଯତ ଦତ୍ତବାନ୍॥ 5-60-7 ଯେନ ହେତୁନା ଉପହ୍ବରେ ସମୀପେ ଭୂଯସୀର୍ଦକ୍ଷିଣା ଦଦତ୍ ରାଜା ଆସ୍ତେ ତେନ ହେତୁନା ଗଙ୍ଗା ଜନୌଘଭାରେଣ ଆକ୍ରାନ୍ତା ବେତ୍ରଯଷ୍ଟିବତ୍ତୀରପ୍ରଦେଶେ ନତିଂ ପ୍ରାପ୍ତା ସତୀ ଅତିବ୍ଯଥିତାଽତସ୍ତସ୍ଯାଙ୍କେ ନିଷସାଦହ। ଦକ୍ଷିଣାଭାରେଣ ତୀରପ୍ରଦେଶେଽବନତେ ପ୍ରବାହାମ୍ବୁ ରାଜ୍ଞୋଽଙ୍କପର୍ଯନ୍ତମାଗତମିତ୍ଯର୍ଥଃ॥ 5-60-8 ପୁତ୍ରତ୍ବଂ ନରକାତ୍ତ୍ରାଣକର୍ତୃତ୍ବମ୍॥ 5-60-12 ବଶୀ ଯୋଗୀ ଯୋଗପ୍ରଭାବାତ୍। ଯୋ ଯତ୍ର ଦେଶେ ଯତ୍ ଇଚ୍ଛେତ୍ସ ତତ୍ର ପ୍ରାପ୍ନୁ ଯାଦିତ୍ଯର୍ଥଃ॥ 5-60-14 ଯେଽନୁଯାତା ଅଭିମୁଖା ଦିଂଶମଦ୍ଯାପି ପାଦପାଃ। ଆନତାସ୍ତସ୍ଥୁରିଚ୍ଛନ୍ତସ୍ତମନ୍ବାଗନ୍ତୁମୀଶ୍ବରମ୍ ଇତି କ.ପାଠଃ। ଅନେତ୍ରାସ୍ତସ୍ଥୁଃ ଇତି କ. ଙ. ପାଠଃ॥ 5-60-60 ଷଷ୍ଟିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 061
॥ ଶ୍ରୀଃ ॥
7.61. ଅଧ୍ଯାଯଃ 061
Mahabharata - Drona Parva - Chapter Topics
ନାରଦେନ ସଞ୍ଜଯମ୍ପ୍ରତି ଦିଲୀପପ୍ରଭାବବର୍ଣନମ୍॥ 1 ॥Mahabharata - Drona Parva - Chapter Text
7-61-0 (47078)
ନାରଦ ଉବାଚ। 7-61-0x (4416)
ଦିଲୀପଂ ଚାପି ରାଜେନ୍ଦ୍ର ମୃତାଂ ସୃଞ୍ଜଯ ଶୁଶ୍ରୁମ।
ଯସ୍ଯ ଯଜ୍ଞଶତେଷ୍ବାସନ୍ପ୍ରଯୁତାଯୁତଶୋ ଦ୍ବିଜାଃ॥ 7-61-1 (47079)
ତନ୍ତ୍ରଜ୍ଞାନାର୍ଥସମ୍ପନ୍ନା ଯଜ୍ବାନଃ ପୁତ୍ରପୌତ୍ରିଣଃ।
`ସ୍ବଚ୍ଛନ୍ଦାଃ ପୁଣ୍ଯଗନ୍ଧାଶ୍ଚ ସୁଭକ୍ଷା ହେମମାଲିନଃ।
ଯସ୍ଯ କର୍ମାଣି ଭୂରିଣି କଥଯନ୍ତି ମନୀଷିଣଃ'॥ 7-61-2 (47080)
ଯ ଇମାଂ ବସୁସମ୍ପୂର୍ଣାଂ ବସୁଧାଂ ବସୁଧାଧିପଃ।
ଈଜାନୋ ବିତତେ ଯଜ୍ଞେ ବ୍ରାହ୍ମଣେଭ୍ଯୋ ହ୍ଯମନ୍ଯତ॥ 7-61-3 (47081)
`ରାଜାନୋ ବିତତେ ଯଜ୍ଞେ ଉପହାରାନୁପାହରନ୍'।
ଦିଲୀପସ୍ଯ ତୁ ଯଜ୍ଞେଷୁ କୃତଃ ପନ୍ଥା ହିରଣ୍ମଯଃ।
ତଂ ଧର୍ମ ଇବ କୁର୍ବାଣାଃ ସେନ୍ଦ୍ରା ଦେବାଃ ସମାଗମନ୍॥ 7-61-4 (47082)
ସହସ୍ରଂ ଯତ୍ର ମାତଙ୍ଗା ଅଗଚ୍ଛନ୍ପର୍ବତୋପମାଃ।
ସୌବର୍ଣଂ ଚାଭବତ୍ସର୍ବଂ ସଦଃ ପରମଭାସ୍ବରମ୍॥ 7-61-5 (47083)
ରସାନାଂ ଚାଭବନ୍କୁଲ୍ଯା ଭକ୍ଷ୍ଯାଣାଂ ଚାପି ପର୍ବତାଃ।
ସହସ୍ରବ୍ଯାମା ନୃପତେ ଯୂପାଶ୍ଚାସନ୍ହିରଣ୍ମଯାଃ॥ 7-61-6 (47084)
ଚଷାଲପ୍ରଚଷାଲୌ ଚ ଯସ୍ଯ ଯୂପେ ହିରଣ୍ମଯୌ।
ନୃତ୍ଯନ୍ତ୍ଯପ୍ସରସୋ ଯତ୍ର ଷଟ୍ସହସ୍ରାଣି ସପ୍ତ ଚ॥ 7-61-7 (47085)
ଯତ୍ର ବୀଣାଂ ବାଦଯତି ପ୍ରୀତ୍ଯା ବିଶ୍ବାବସୁଃ ସ୍ବଯମ୍।
ସର୍ବଭୂତାନ୍ଯମନ୍ଯନ୍ତ ମମ ବାଦଯତୀତି ତମ୍॥ 7-61-8 (47086)
ରାଗଖାଣ୍ଡବଭୋଜ୍ଯୈଶ୍ଚ ମତ୍ତାଃ ପତିଷୁ ଶେରତେ॥ 7-61-9 (47087)
ତଦେତଦଦ୍ଭୁତଂ ମନ୍ଯେ ଅନ୍ଯୈର୍ନ ସଦୃଶଂ ନୃପୈଃ।
ଯଦପ୍ସୁ ଯୁଧ୍ଯମାନସ୍ଯ ଚକ୍ରେ ନ ପରିପେତତୁଃ॥ 7-61-10 (47088)
ରାଜାନଂ ଦୃଢଧନ୍ବାନଂ ଦିଲୀପଂ ସତ୍ଯବାଦିନମ୍।
ଯେଽପଶ୍ଯନ୍ଭୂରିଦକ୍ଷିଣ୍ଯଂ ତେଽପି ସ୍ବର୍ଗଜିତୋ ନରାଃ॥ 7-61-11 (47089)
ପଞ୍ଚ ଶବ୍ଦା ନ ଜୀର୍ଯନ୍ତି ଦିଲୀପସ୍ଯ ନିବେଶନେ।
ସ୍ବାଧ୍ଯାଯଘୋଷୋ ଜ୍ଯାଘୋଷଃ ପିବତାଶ୍ନୀତ ଖାଦତ॥ 7-61-12 (47090)
ସ ଚେନ୍ମମାର ସୃଞ୍ଜଯ ଚତୁର୍ଭଦ୍ରତରସ୍ତ୍ବଯା।
ପୁତ୍ରାତ୍ପୁଣ୍ଯତରସ୍ତୁଭ୍ଯଂ ମା ପୁତ୍ରମନୁତପ୍ଯଥାଃ।
ଅଯଜ୍ବାନମଦକ୍ଷିଣ୍ଯମଭି ଶ୍ବୈତ୍ଯେତ୍ଯୁଦାହରତ୍॥ ॥ 7-61-13 (47091)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ଷୋଡଶରାଜକୀଯେ ଏକଷଷ୍ଟିତମୋଽଧ୍ଯାଯଃ॥ 61 ॥
Mahabharata - Drona Parva - Chapter Footnotes
5-61-2 ତନ୍ତ୍ର କ୍ରିଯା॥ 5-61-4 ପନ୍ଥା ହିରଣ୍ମଯଃ। ହିରଣ୍ମଯ୍ଯଃ ସ୍ରୁଚୋ ଭବନ୍ତୀତି ବିଧିମାର୍ଗସ୍ତତ ଆରଭ୍ଯ ପ୍ରବୃତ୍ତ ଇତ୍ଯର୍ଥଃ॥ 5-61-9 ରାଗଖଣ୍ଡବଂ ଗୁଡୋଦନମ୍। ପର୍ପଟିକେତି ବୈଦର୍ଭାଃ। ଯଦ୍ଯୋଷା ହେମସଚ୍ଛନ୍ନା ମତ୍ତାଃ ପଥିଷୁ ଶେରତେ ଇତି ଙ.ଡ.ପାଠଃ। ପଥି ସୁଶେରତେ ଇତି କ. ପାଠଃ। ରାଗସ୍ବାଣ୍ଡବଭୋଜ୍ଯୈଶ୍ଚ ମତ୍ତାଃ ପଥିଷୁ ଶେରତେ ଇତି ଘ.ପାଠଃ॥ 5-61-10 ଅପ୍ସୁ ନ ପରିପେତତୁଃ ନ ମମଜ୍ଜତୁଃ। ଯସ୍ଯାପ୍ଯଯୁଧ୍ଯମାନସ୍ଯ ଚକ୍ରେ ନ ପରିମର୍ଦନମ୍ ଇତି କ. ପାଠଃ॥ 5-61-61 ଏକଷଷ୍ଟିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 062
॥ ଶ୍ରୀଃ ॥
7.62. ଅଧ୍ଯାଯଃ 062
Mahabharata - Drona Parva - Chapter Topics
ନାରଦେନ ସୃଞ୍ଜଯମ୍ପ୍ରତି ମାନ୍ଧାତୃଚରିତାଭିଧାନମ୍॥ 1 ॥Mahabharata - Drona Parva - Chapter Text
7-62-0 (47092)
ନାରଦ ଉବାଚ। 7-62-0x (4417)
ମାନ୍ଧତାରଂ ଯୌବନାଶ୍ବଂ ମୃତଂ ସୃଞ୍ଜଯ ଶୁଶ୍ରୁମ।
ଯଂ ଦେବାବଶ୍ବିନୌ ଗର୍ଭେ ପିତୁଃ ପାର୍ଶ୍ବେ ଚକର୍ଷତୁଃ॥ 7-62-1 (47093)
ମୃଗଯାଂ ବିଚରନ୍ରାଜା ତୃଷିତଃ କ୍ଲାନ୍ତବାହନଃ।
ଧୂମଂ ଦୃଷ୍ଟ୍ବାଽଗମତ୍ସତ୍ରଂ ପୃଷଦାଜ୍ଯମବାପ ସଃ॥ 7-62-2 (47094)
ତଂ ଦୃଷ୍ଟ୍ବା ଯୁବନାଶ୍ବସ୍ଯ ଜଠରେ ରବିସନ୍ନିଭମ୍।
ଗର୍ଭଂ ନିରୂହତୁର୍ଦେବାବଶ୍ବିନୌ ଭିଷଜାଂ ବରୌ॥ 7-62-3 (47095)
ତଂ ଦୃଷ୍ଟ୍ବା ପିତୁରୁତ୍ସଙ୍ଗେ ଶଯାନଂ ଦେବବର୍ଚସମ୍।
ଅନ୍ଯୋନ୍ଯମବ୍ରୁବନ୍ଦେବାଃ କମଯଂ ଧାସ୍ଯତୀତି ବୈ॥ 7-62-4 (47096)
ମାମେବାଯଂ ଧଯତ୍ବଙ୍ଗ ଇତି ହ ସ୍ମାହ ବାସବଃ।
ତତୋଙ୍ଗୁଲିଭ୍ଯୋ ହୀନ୍ଦ୍ରସ୍ଯ ପ୍ରାଦୁରାସୀତ୍ପଯୋଽମୃତମ୍॥ 7-62-5 (47097)
ମାଂ ଧାସ୍ଯତୀତି କାରଣ୍ଯାଦ୍ଯଦିନ୍ଦ୍ରୋ ହ୍ଯନ୍ବକମ୍ପଯତ୍।
ତସ୍ମାତ୍ତୁ ମାନ୍ଧାତେତ୍ଯେବଂ ନାମ ତସ୍ଯାଦ୍ଭୁତଂ କୃତମ୍॥ 7-62-6 (47098)
ତତସ୍ତୁ ଧାରାଂ ପଯସୋ ଘୃତସ୍ଯ ଚ ମହାତ୍ମନଃ।
ତସ୍ଯାସ୍ଯେ ଯୌବନାଶ୍ବସ୍ଯ ପାଣିରିନ୍ଦ୍ରସ୍ଯ ଚାସ୍ରବତ୍॥ 7-62-7 (47099)
ଅପିବତ୍ପାଣିମିନ୍ଦ୍ରସ୍ଯ ସ ଚାପ୍ଯହ୍ଗାଽଭ୍ଯବର୍ଧତ।
ସୋଽଭବଦ୍ଦ୍ବାଦଶସମୋ ଦ୍ବାଦଶାହେନ ବୀର୍ଯବାନ୍॥ 7-62-8 (47100)
ଇମାଂ ଚ ପୃଥିବୀଂ କୃତ୍ସ୍ନାମେକାହ୍ନା ସ ବ୍ଯଜୀଜଯତ୍।
ଧର୍ମାତ୍ମା ଧୃତିମାନ୍ବୀରଃ ସତ୍ଯସନ୍ଧୋ ଜିତେନ୍ଦ୍ରିଯଃ॥ 7-62-9 (47101)
ଜନମେଜଯଂ ସୁଧନ୍ବାନଂ ଗଯଂ ପୂରୁଂ ବୃହଦ୍ରଥମ୍।
ଅସିତଂ ଚ ନୃଗଂ ଚୈବ ମାନ୍ଧାତା ମାନବୋଽଜଯତ୍॥ 7-62-10 (47102)
ଉଦେତି ଚ ଯତଃ ସୂର୍ଯୋ ଯତ୍ର ଚ ପ୍ରତିତିଷ୍ଠତି।
ତତ୍ସର୍ବଂ ଯୌବନାଶ୍ବସ୍ଯ ମାନ୍ଧାତୁଃ କ୍ଷେତ୍ରମୁଚ୍ଯତେ॥ 7-62-11 (47103)
ସୋଽଶ୍ବମେଧଶତୈରିଷ୍ଟ୍ବା ରାଜସୂଯଶତେନ ଚ।
ଅଦଦଦ୍ରୋହିତାନ୍ମତ୍ସ୍ଯାନ୍ବ୍ରାହ୍ମଣେଭ୍ଯୋ ବିଶାମ୍ପତେ॥ 7-62-12 (47104)
ହୈରଣ୍ଯାନ୍ଯୋଜନୋତ୍ସେଧାନାଯତାଞ୍ଶତଯୋଜନମ୍।
ବହୁପ୍ରକାରାନ୍ସୁସ୍ବାଦୂନ୍ଭକ୍ଷ୍ଯଭୋଜ୍ଯାନ୍ନପର୍ବତାନ୍॥ 7-62-13 (47105)
ଅତିରିକ୍ତଂ ବ୍ରାହ୍ମଣେଭ୍ଯୋ ଭୁଞ୍ଜାନୋ ହୀଯତେ ଜନଃ॥ 7-62-14 (47106)
ଭକ୍ଷ୍ଯାନ୍ନପାନନିଚଯାଃ ଶୁଶୁଭୁସ୍ତ୍ବନ୍ନପର୍ବତାଃ।
ଘୃତହଦାଃ ସୂପପଙ୍କା ଦଧିଫେନାଂ ଗୁଡୋଦକାଃ॥ 7-62-15 (47107)
ରୁରୁଧୁଃ ପର୍ବତାନ୍ନଦ୍ଯୋ ମଧୁକ୍ଷୀରବହାଃ ଶୁଭାଃ।
ଦେବାସୁରା ନରା ଯକ୍ଷା ଗନ୍ଧର୍ବୋରଗପକ୍ଷିଣଃ॥ 7-62-16 (47108)
ବିପ୍ରାସ୍ତତ୍ରାଗତାଶ୍ଚାସନ୍ବେଦବେଦାଙ୍ଗପାରଗାଃ।
ବ୍ରାହ୍ମଣା ଋଷଯଶ୍ଚାପି ନାସଂସ୍ତତ୍ରାବିପଶ୍ଚିତଃ॥ 7-62-17 (47109)
ସମୁଦ୍ରାନ୍ତାଂ ବସୁମତୀଂ ବସୁପୂର୍ଣାଂ ତୁ ସର୍ବତଃ।
ସ ତାଂ ବ୍ରାହ୍ମଣସାତ୍କୃତ୍ବା ଜଗାମ ସ୍ବାନ୍ଗୃହାନ୍ପ୍ରତି॥ 7-62-18 (47110)
`ରାଜାଽପି ବିବିଧୈରିଷ୍ଟ୍ବା ଯଜ୍ଞୈର୍ବିବିଧଦକ୍ଷିଣୈଃ'।
ଗତଃ ପୁଣ୍ଯକୃତାଂ ଲୋକାନ୍ବ୍ଯାପ୍ଯ ସ୍ବଯଶସା ଦିଶଃ॥ 7-62-19 (47111)
ସ ଚେନ୍ମମାର ସୃଞ୍ଜଯ ଚତୁର୍ଭଦ୍ରତରସ୍ତ୍ବଯା।
ପୁତ୍ରାତ୍ପୁଣ୍ଯତରସ୍ତୁଭ୍ଯଂ ମା ପୁତ୍ରମନୁତପ୍ଯଥାଃ।
ଅଯଜ୍ବାନମଦକ୍ଷିଣ୍ଯମଭି ଶ୍ବୈତ୍ଯେତ୍ଯୁଦାହରତ୍॥ ॥ 7-62-20 (47112)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ଷୋଡଶରାଜକୀଯେ ଦ୍ବିଷଷ୍ଟିତମୋଽଧ୍ଯାଯଃ॥ 62 ॥
Mahabharata - Drona Parva - Chapter Footnotes
5-62-6 ତସ୍ମାନ୍ମାନ୍ଧାତରିତ୍ଯେବଂ ଇତି କ.ପାଠଃ॥ 5-62-8 ଦ୍ବାଦଶସମୋ ଦ୍ବାଦଶବାର୍ଷିକଃ। ଶଯ ଇତି ପାଠେ ଦ୍ବାଦଶହସ୍ତଃ। ବ୍ଯଜୀଜଯଦ୍ବିଜିତବାନ୍॥ 5-62-13 ରୋହିତାନ୍ ଲୋହିତଭୂପ୍ରଦେଶାନ୍ପଦ୍ମରାଗଖନିମତୋ ବା ମତ୍ସ୍ଯାନ୍ଦେଶବିଶେଷାନ୍। ହୈରଣ୍ଯାନ୍ ସ୍ବର୍ଣାକରଯୁକ୍ତାନ୍। ଜନୋତ୍ସେଧାନ୍ ଜନେଷୁ ଉତ୍ସେଧ ଉଚ୍ଛ୍ରାଯୋ ଯେଷାଂ ତାନ୍। ମତ୍ସ୍ଯଦେଶୋତ୍ପନ୍ନେ ହି ନଦ୍ଯାବଦ୍ଯାପି ପରମ୍ପରଯା ପୂର୍ବାପରୌ ସମୁଦ୍ରୌ ଗଚ୍ଛତ ଇତି ତେଷାମୁଚ୍ଛ୍ରିତତ୍ବଂ ପ୍ରସିଦ୍ଧମ୍। ରୋହିତାନଶ୍ବାନ୍ ଇତି କ.ଙ.ପାଠଃ॥ 5-62-14 ଅତିରିକ୍ତମବଶିଷ୍ଟଂ ଭୁଞ୍ଜାନୋ ଜନ ଏବ ହୀଯତେ ତତ୍ବନ୍ନମିତ୍ଯର୍ଥଃ॥ 5-62-62 ଦ୍ବିଷଷ୍ଟିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 063
॥ ଶ୍ରୀଃ ॥
7.63. ଅଧ୍ଯାଯଃ 063
Mahabharata - Drona Parva - Chapter Topics
ନାରଦ ଉବାଚ।Mahabharata - Drona Parva - Chapter Text
7-63-0 (47113)
ନାରଦ ଉବାଚ। 7-63-0x (4418)
ଯଯାତିଂ ନାହୁଷଂ ଚୈବ ମୃତଂ ସୃଞ୍ଜଯ ଶୁଶ୍ରୁମ।
`ଯ ଇମାଂ ପୃଥିବୀଂ ଜିତ୍ବା ସସମୁଦ୍ରାଂ ସପର୍ବତାମ୍॥ 7-63-1 (47114)
ଶମ୍ଯାପ୍ରାସେନ ନିର୍ମାଯ ବେଦୀଃ ସନ୍ନତଦକ୍ଷିଣାଃ।
ଈଜାନଃ କ୍ରତୁଭିଃ ପୁଣ୍ଯୈଃ ପର୍ଯଗଚ୍ଛତ୍ପ୍ରଦକ୍ଷିଣମ୍'॥ 7-63-2 (47115)
ରାଜସୂଯଶତୈରିଷ୍ଟ୍ବା ସୋଽଶ୍ବମେଧଶତେନ ଚ।
ପୁଣ୍ଡରୀକସହସ୍ରେଣ ବାଜପେଯଶତୈସ୍ତଥା॥ 7-63-3 (47116)
ଅତିରାତ୍ରସହସ୍ରେଣ ଚାତୁର୍ମାସ୍ଯୈଶ୍ଚ କାମତଃ।
ଅଗ୍ନିଷ୍ଟୋମୈଶ୍ଚ ବିବିଧୈଃ ସତ୍ରୈଶ୍ଚ ପ୍ରାଜ୍ଯଦକ୍ଷିଣୈଃ॥ 7-63-4 (47117)
ଅବ୍ରାହ୍ମଣାନାଂ ଯଦ୍ବିତ୍ତଂ ପୃଥିବ୍ଯାମସ୍ତି କିଞ୍ଚନ।
ତତ୍ସର୍ବଂ ପରିସଙ୍ଖ୍ଯାଯ ତତୋ ବ୍ରାହ୍ମଣସାତ୍କରୋତ୍॥ 7-63-5 (47118)
ସରସ୍ବତୀ ପୁଣ୍ଯତମା ନଦୀନାଂ
ତଥା ସମୁଦ୍ରାଃ ସରିତଃ ସାଦ୍ରଯଶ୍ଚ।
ଈଜାନାଯ ପୁଣ୍ଯତମାଯ ରାଜ୍ଞେ
ଘୃତଂ ପଯୋ ଦୁଦୁହୁର୍ନାହୁଷାଯ॥ 7-63-6 (47119)
ବ୍ଯୂଢେ ଦେବାସୁରେ ଯୁଦ୍ଧେ କୃତ୍ବା ଦେବସହାଯତାମ୍।
ଚତୁର୍ଧା ବ୍ଯଭଜତ୍ସର୍ବାଂ ଚତୁର୍ଭ୍ଯଃ ପୃଥିବୀମିମାମ୍॥ 7-63-7 (47120)
ଯଜ୍ଞୈର୍ନାନାବିଧୈରିଷ୍ଟ୍ବା ପ୍ରଜାମୁତ୍ପାଦ୍ଯ ଚୋତ୍ତମାମ୍।
ଦେବଯାନ୍ଯାଂ ଚୌଶନସ୍ଯାଂ ଶର୍ମିଷ୍ଠାଯାଂ ଚ ଧର୍ମତଃ॥ 7-63-8 (47121)
ଦେବାରଣ୍ଯେଷୁ ସର୍ବେଷୁ ବିଜହାରାମରୋପମଃ।
ଆତ୍ମନଃ କାମଚାରେଣ ଦ୍ବିତୀଯ ଇବ ବାରାବଃ॥ 7-63-9 (47122)
ଯଦା ନାଭ୍ଯଗମଚ୍ଛାନ୍ତିଂ କାମାନାଂ ସର୍ବବେଦବିତ୍।
ତତୋ ଗାଥାମିମାଂ ଗୀତ୍ବା ସଦାରଃ ପ୍ରାବିଶଦ୍ବନମ୍॥ 7-63-10 (47123)
ଯତ୍ପୃଥିବ୍ଯାଂ ବ୍ରୀହିଯବଂ ହିରଣ୍ଯଂ ପଶବଃ ସ୍ତ୍ରିଯଃ।
ନାଲମେକସ୍ଯ ତତ୍ସର୍ବମିତି ମତ୍ବା ଶମଂ ବ୍ରଜେତ୍॥ 7-63-11 (47124)
ଏବଂ କାମାନ୍ପରିତ୍ଯଜ୍ଯ ଯଯାତିର୍ଧୃତିମେତ୍ଯ ଚ।
ପୂରୁଂ ରାଜ୍ଯେ ପ୍ରତିଷ୍ଠାପ୍ଯ ପ୍ରଯାତୋ ବନମୀଶ୍ବରଃ॥ 7-63-12 (47125)
ସ ଚେନ୍ମମାର ସୃଞ୍ଜଯ ଚତୁର୍ଭଦ୍ରତରସ୍ତ୍ବଯା।
ପୁତ୍ରାତ୍ପୁଣ୍ଯତରସ୍ତୁଭ୍ଯଂ ମା ପୁତ୍ରମନୁତପ୍ଯଥାଃ।
ଅଯଜ୍ବାନମଦକ୍ଷିଣ୍ଯମଭି ଶ୍ବୈତ୍ଯେତ୍ଯୁଦାହରତ୍॥ ॥ 7-63-13 (47126)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ଷୋଡଶରାଜକୀଯେ ତ୍ରିଷଷ୍ଟିତମୋଽଧ୍ଯାଯଃ॥ 63 ॥
Mahabharata - Drona Parva - Chapter Footnotes
5-63-4 ପ୍ରାଜ୍ଯଦକ୍ଷିଣୈଃ ବହୁଦକ୍ଷିଣୈଃ॥ 5-63-5 ଅବ୍ରାହ୍ମଣାନାଂ ବ୍ରାହ୍ମଣଦ୍ବେଷିଣାମ୍। ମ୍ଲେଚ୍ଛାନାମିତି ଯାବତ୍। ପରିସଙ୍କ୍ଯାଯ ଅପହୃତ୍ଯ॥ 5-63-7 ଚତୁର୍ଭ୍ଯଃ ଋତ୍ବିଗ୍ଭ୍ଯଃ। ପ୍ରାଚୀଦିଗ୍ଘୋତୁର୍ଦକ୍ଷିଣାଧ୍ବର୍ଯୋରିତ୍ଯାଦିଶ୍ରୁତେଃ॥ 5-63-63 ତ୍ରିଷଷ୍ଟିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 064
॥ ଶ୍ରୀଃ ॥
7.64. ଅଧ୍ଯାଯଃ 064
Mahabharata - Drona Parva - Chapter Topics
ନାରଦେନ ସୃଞ୍ଜଯମ୍ପ୍ରତ୍ଯମ୍ବରୀଷବିଭବାଭିଧାନମ୍॥ 1 ॥Mahabharata - Drona Parva - Chapter Text
7-64-0 (47127)
ନାରଦ ଉବାଚ। 7-64-0x (4419)
ନାଭାଗମମ୍ବରୀଷଂ ଚ ମୃତଂ ସୃଞ୍ଜଯ ଶୁଶ୍ରୁମ।
ଯଃ ସହସ୍ରଂ ସହସ୍ରାଣାଂ ରାଜ୍ଞାଂ ଚୈକସ୍ତ୍ବଯୋଧଯତ୍॥ 7-64-1 (47128)
ଜିଗୀଷମାଣାଃ ସଙ୍ଗ୍ରାମେ ସମନ୍ତାଦ୍ବୈରିଣୋଽଭ୍ଯଯୁଃ।
ଅସ୍ତ୍ରଯୁଦ୍ଧବିଦୋ ଘୋରାଃ ସୃଜନ୍ତଶ୍ଚାଶିବା ଗିରଃ॥ 7-64-2 (47129)
ବଲଲାଘବଶିକ୍ଷାଭିସ୍ତେଷାଂ ସୋଽସ୍ତ୍ରବଲେନ ଚ।
ଛତ୍ରାଯୁଧଧ୍ବଜରଥାଂଶ୍ଛିତ୍ତ୍ବା ପ୍ରାସାନ୍ଗତବ୍ଯଥଃ॥ 7-64-3 (47130)
ତ ଏନଂ ମୁକ୍ତସନ୍ନାହାଃ ପ୍ରାର୍ଥଯଞ୍ଜୀବିତୈଷିଣଃ।
ଶରଣ୍ଯମୀଯୁଃ ଶରଣଂ ତବ ସ୍ମ ଇତି ବାଦିନଃ॥ 7-64-4 (47131)
ସ ତୁ ତାନ୍ବଶଗାନ୍କୃତ୍ବା ଜିତ୍ବା ଚେମାଂ ବସୁନ୍ଧରାମ୍।
ଈଜେ ଯଜ୍ଞଶତୈରିଷ୍ଟୈର୍ଯଥା ଶକ୍ରସ୍ତଥାଽନଘଃ॥ 7-64-5 (47132)
ବୁଭୁଜୁଃ ସର୍ବସମ୍ପନ୍ନମନ୍ନମନ୍ଯେ ଜନାଃ ସଦା।
ତସ୍ମିନ୍ଯଜ୍ଞେ ତୁ ବିପ୍ରେନ୍ଦ୍ରାଃ ସନ୍ତୃପ୍ତାଃ ପରମାର୍ଚିତାଃ॥ 7-64-6 (47133)
ମୋଦକାନ୍ପୂରିକାପୂପାନ୍ସ୍ବାଦୁପୂର୍ଣାଶ୍ଚ ଶଷ୍କୁଲୀଃ।
କରମ୍ଭାନ୍ପୃଥୁମୃଦ୍ବୀକା ଅନ୍ନାନି ସୁକୃତାନି ଚ॥ 7-64-7 (47134)
ସୂପାନ୍ମୈରେଯକାପୂପାନ୍ରାଗଷାଡବପାନକାନ୍।
ମୃଷ୍ଟାନ୍ନାନି ସୁଯୁକ୍ତାନି ମୃଦୂନି ସୁରଭୀଣି ଚ॥ 7-64-8 (47135)
ଘୃତଂ ମଧୁ ପଯସ୍ତୋଯଂ ଦଧୀନି ରସବନ୍ତି ଚ।
ଫଲଂ ମୂଲଂ ସୁସ୍ବାଦୁ ଦ୍ବିଜାସ୍ତତ୍ରୋପଭୁଞ୍ଜତେ॥ 7-64-9 (47136)
ମଦନୀଯାନି ପାପାନି ବିଦିତ୍ବା ଚାତ୍ମନଃ ସୁଖମ୍।
ଅପିବନ୍ତ ଯଥାକାମଂ ପାନପା ଗୀତବାଦିତୈଃ॥ 7-64-10 (47137)
ତତ୍ର ସ୍ମ ଗାଥା ଗାଯନ୍ତି କ୍ଷୀବା ହୃଷ୍ଟାଃ ପଠନ୍ତି ଚ।
ନାଭାଗସ୍ତୁତିସଂଯୁକ୍ତା ନନୃତୁଶ୍ଚ ସହସ୍ରଶଃ॥ 7-64-11 (47138)
ତେଷୁ ଯଜ୍ଞେଷ୍ବମ୍ବରୀଷୋ ଦକ୍ଷିଣାମତ୍ଯକାଲଯତ୍।
ରାଜ୍ଞାଂ ଶତସହସ୍ରାଣି ଦଶପ୍ରଯୁତଯାଜିନାମ୍॥ 7-64-12 (47139)
ହିରଣ୍ଯକବଚାନ୍ସର୍ବାଞ୍ଶ୍ବେତଚ୍ଛତ୍ରପ୍ରକୀର୍ଣକାନ୍।
ହିରଣ୍ଯସ୍ଯନ୍ଦନାରୂଢାନ୍ସାନୁଯାତ୍ରପରିଚ୍ଛାଦାନ୍॥ 7-64-13 (47140)
ଈଜାନୋ ବିତତେ ଯଜ୍ଞେ ଦକ୍ଷିଣାମତ୍ଯକାଲଯତ୍।
ମୂର୍ଧାଭିଷିକ୍ତାଂଶ୍ଚ ନୃପାନ୍ରାଜପୁତ୍ରଶତାନି ଚ॥ 7-64-14 (47141)
ସ ଦଣ୍ଡକୋଶନିଚଯାନ୍ବ୍ରାହ୍ମଣେଭ୍ଯୋ ହ୍ଯମନ୍ଯତ।
ନୈବଂ ପୂର୍ବେ ଜନାଶ୍ଚକ୍ରୁର୍ନ କରିଷ୍ଯନ୍ତି ଚାପରେ॥ 7-64-15 (47142)
ଯଦମ୍ବରୀଷୋ ନୃପତିଃ କରୋତ୍ଯମିତଦକ୍ଷିଣଃ।
ଇତ୍ଯେବମନୁମୋଦନ୍ତେ ପ୍ରୀତା ଯସ୍ଯ ମହର୍ଷଯଃ॥ 7-64-16 (47143)
ସ ଚେନ୍ମମାର ସୃଞ୍ଜଯ ଚତୁର୍ଭଦ୍ରତରସ୍ତ୍ବଯା।
ପୁତ୍ରାତ୍ପୁଣ୍ଯତରସ୍ତୁଭ୍ଯଂ ମା ପୁତ୍ରମନୁତପ୍ଯଥାଃ।
ଅଯଜ୍ବାନମଦକ୍ଷିଣ୍ଯମଭି ଶ୍ବୈତ୍ଯେତ୍ଯୁଦାହରତ୍॥ ॥ 7-64-17 (47144)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ଷୋଡଶରାଜକୀଯେ ଚତୁଃଷଷ୍ଟିତମୋଽଧ୍ଯାଯଃ॥ 64 ॥
Mahabharata - Drona Parva - Chapter Footnotes
5-64-8 ସୂପାଦ୍ଯୋରଣ୍ଡକାନ୍ଯୂଷାନ୍ ଇତି କ.ଙ.ପାଠଃ॥ 5-64-10 ମାଦନୀଯାନି ମଦକରାଣି ସୁରାଦୀନି। ପାପାନି ପାପହେତୂନୀତି ଜ୍ଞାତ୍ବାପି ସୁଖଲିପ୍ସବଃ ପିବନ୍ତୀତ୍ଯର୍ଥଃ। ମଦନୀଯାନି ପାନାନି ବିଦଂଶାନାତ୍ମନଃ ପ୍ରିଯାନ୍। ପପୁସ୍ତତ୍ର ଯଥାକାମଂ ପାନପା(କା) ଗୀତକାଃ ପରମ୍ ଇତି କ.ପାଠଃ)॥ 5-64-12 ଅତ୍ଯକାଲଯଦ୍ଦାତୁଂ ନିଷ୍କାସିତବାନ୍। ଜିତା ରାଜାନ୍ ଏବ ସୋପସ୍କରଦକ୍ଷିଣାତ୍ବେନ ଦତ୍ତାଃ। ତେଷାଂ ରାଜ୍ଯାନି ତେ ରାଜାନଶ୍ଚ ବ୍ରାହ୍ମଣସାତ୍କୃତା ଇତ୍ଯର୍ଥଃ॥ 5-64-64 ଚତୁଃଷଷ୍ଠିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 065
॥ ଶ୍ରୀଃ ॥
7.65. ଅଧ୍ଯାଯଃ 065
Mahabharata - Drona Parva - Chapter Topics
ନାରଦେନ ସୃଞ୍ଜଯମ୍ପ୍ରତି ଶଶିବିନ୍ଦୁଯଶୋନୁବର୍ଣନମ୍॥ 1 ॥Mahabharata - Drona Parva - Chapter Text
7-65-0 (47145)
ନାରଦ ଉବାଚ। 7-65-0x (4420)
ଶଶିବିନ୍ଦୁଂ ଚ ରାଜାନଂ ମୃତଂ ସୃଞ୍ଜଯ ଶୁଶ୍ରୁମ।
ଯ ଈଜେ ବିବିଧୈର୍ଯଜ୍ଞୈଃ ଶ୍ରୀମାନ୍ସତ୍ଯପରାକ୍ରମଃ॥ 7-65-1 (47146)
ତସ୍ଯ ଭାର୍ଯାସହସ୍ରାଣାଂ ଶତମାସୀନ୍ମହାତ୍ମନଃ।
ଏକୈକସ୍ଯାଂ ଚ ଭାର୍ଯାଯାଂ ସହସ୍ରଂ ତନଯାଭବନ୍॥ 7-65-2 (47147)
ତେ କୁମାରାଃ ପରାକ୍ରାନ୍ତାଃ ସର୍ବେ ନିଯୁତଯାଜିନଃ।
ରାଜାନଃ କ୍ରତୁଭିର୍ମୁଖ୍ଯୈରୀଜାନା ବେଦପାରଗାଃ॥ 7-65-3 (47148)
ହିରଣ୍ଯକବଚାଃ ସର୍ବେ ସର୍ବେ ଚୋତ୍ତମଧନ୍ବିନଃ।
ସର୍ବେଽଶ୍ବମେଧୈରୀଜାନାଃ କୁମାରାଃ ଶାଶିବିନ୍ଦବାଃ॥ 7-65-4 (47149)
ତାନଶ୍ବମେଧେ ରାଜେନ୍ଦ୍ରୋ ବ୍ରାହ୍ମଣେଭ୍ଯୋଦଦତ୍ପିତା।
ଶତଂଶତଂ ରଥଗଜା ଏକୈକଂ ପୃଷ୍ଠତୋଽନ୍ବଯୁଃ॥ 7-65-5 (47150)
ରାଜପୁତ୍ରଂ ତଦା କନ୍ଯାସ୍ତପନୀଯସ୍ବଲଙ୍କୃତାଃ।
କନ୍ଯାଙ୍କନ୍ଯାଂ ଶତଂ ନାଗା ନାଗେନାଗେ ଶତଂ ରଥାଃ॥ 7-65-6 (47151)
ରଥେରଥେ ଶତଂ ଚାଶ୍ବା ବଲିନୋ ହେମମାଲିନଃ।
ଅଶ୍ବେଅଶ୍ବେ ଗୋସହସ୍ରଂ ଗବାଂ ପଞ୍ଚାଶଦାବିକାଃ॥ 7-65-7 (47152)
ଏତଦ୍ଧନମପର୍ଯାପ୍ତମଶ୍ବମେଧେ ମହାମସ୍ବେ।
ଶଶିବିନ୍ଦୁର୍ମହାଭାଗୋ ବ୍ରାହ୍ମଣେଭ୍ଯୋ ହ୍ଯମନ୍ଯତ॥ 7-65-8 (47153)
ବାର୍କ୍ଷାଶ୍ଚ ଯୂପା ଯାବନ୍ତ ଅଶ୍ବମେଧେ ମହାମଖେ।
ତେ ତଥୈବ ପୁନଶ୍ଚାନ୍ଯେ ତାବନ୍ତଃ କାଞ୍ଚନାଭବନ୍॥ 7-65-9 (47154)
ଭକ୍ଷ୍ଯାନ୍ନପାନନିଚଯାଃ ପର୍ବତାଃ କ୍ରୋଶମୁଚ୍ଛ୍ରିତାଃ।
ତସ୍ଯାଶ୍ବମେଧେ ନିର୍ବୃତ୍ତେ ରାଜ୍ଞଃ ଶିଷ୍ଟାସ୍ତ୍ରଯୋଦଶ॥ 7-65-10 (47155)
ତୁଷ୍ଟପୁଷ୍ଟଜନାକୀର୍ଣାଂ ଶାନ୍ତବିଘ୍ନାମନାମଯାମ୍। 7-65-11 (47156)
ଶଶିବିନ୍ଦୁରିମାଂ ଭୂମିଂ ଚିରଂ ଭୁକ୍ତ୍ବା ଦିବଂ ଗତଃ॥ 7-65-11 (47157)
ସ ଚେନ୍ମମାର ସୃଞ୍ଜଯ ଚତୁର୍ଭଦ୍ରତରସ୍ତ୍ବଯା।
ପୁତ୍ରାତ୍ପୁଣ୍ଯତରସ୍ତୁଭ୍ଯଂ ମା ପୁତ୍ରମନୁତପ୍ଯଥାଃ।
ଅଯଜ୍ବାନମଦକ୍ଷିଣ୍ଯମଭି ଶ୍ବୈତ୍ଯେତ୍ଯୁଦାହରତ୍॥ ॥ 7-65-12 (47158)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ଷୋଡଶରାଜକୀଯେ ପଞ୍ଚଷଷ୍ଟିତମୋଽଧ୍ଯାଯଃ॥ 65 ॥
Mahabharata - Drona Parva - Chapter Footnotes
5-65- ତ୍ରଯୋଦଶାସ୍ତ୍ର ନିଚଯାଃ ଶିଷ୍ଟାଃ॥ 5-65- ପଞ୍ଚଷଷ୍ଟିତମୋଽଧ୍ଯାଯଃ॥ 65 ॥ଦ୍ରୋଣପର୍ବ - ଅଧ୍ଯାଯ 066
॥ ଶ୍ରୀଃ ॥
7.66. ଅଧ୍ଯାଯଃ 066
Mahabharata - Drona Parva - Chapter Topics
ନାରଦେନ ସୃଞ୍ଜଯମ୍ପ୍ରତି ଗଯଗୁଣାନୁବର୍ଣନମ୍॥ 1 ॥Mahabharata - Drona Parva - Chapter Text
7-66-0 (47159)
ନାରଦ ଉବାଚ। 7-66-0x (4421)
ଗଯଂ ଚାଧୂର୍ତରଜସଂ ମୃତଂ ସୃଞ୍ଜଯ ଶୁଶ୍ରୁମ।
ଯେ ବୈ ବର୍ଷଶତ ରାଜା ହୁତଶିଷ୍ଟାଶନୋଽଭବତ୍॥ 7-66-1 (47160)
ତସ୍ମୈ ହ୍ଯଗ୍ନିର୍ବରଂ ପ୍ରାଦାତ୍ତତୋ ବବ୍ରେ ବରଂ ଗଯଃ।
ତପସା ବ୍ରହ୍ମଚର୍ଯେଣ ବ୍ରତେନ ନିଯମେନ ଚ॥ 7-66-2 (47161)
ଗୁରୂଣାଂ ଚ ପ୍ରସାଦେନ ବେଦାନିଚ୍ଛାମି ବେଦିତୁମ୍।
ସ୍ବଧର୍ମେଣାବିହିଂସ୍ଯାନ୍ଯାନ୍ଧନମିଚ୍ଛାମି ଚାକ୍ଷଯମ୍॥ 7-66-3 (47162)
ବିପ୍ରେଷୁ ଦଦତଶ୍ଚୈବ ଶ୍ରଦ୍ଧା ଭବତୁ ନିତ୍ଯଶଃ।
କନ୍ଯାସୁ ଚ ସବର୍ଣାସୁ ସୁପ୍ରଜସ୍ତ୍ବଂ ଚ ମେ ଭବେତ୍॥ 7-66-4 (47163)
ଅନ୍ନମୋଜୋ ମହୋ ମହ୍ଯଂ ଧର୍ମେ ମେ ରମତାଂ ମନଃ।
ଅବିଘ୍ନଂ ଚାସ୍ତୁ ମେ ନିତ୍ଯଂ ଧର୍ମକାର୍ଯେଷୁ ପାବକ॥ 7-66-5 (47164)
ତଥା ଭିଷ୍ଯତୀତ୍ଯୁକ୍ତ୍ବା ତତ୍ରୈବାନ୍ତରଧୀଯତ।
ଗଯୋ ହ୍ଯବାପ୍ଯ ତତ୍ସର୍ବଂ ଧର୍ମେଣାରାଧଯଞ୍ଜଗତ୍॥ 7-66-6 (47165)
ସ ଦର୍ଶପୂର୍ଣମାସାଭ୍ଯାଂ କାଲେଷ୍ବାଗ୍ରଯଣେନ ଚ।
ଚାତୁର୍ମାସ୍ଯୈଶ୍ଚ ବିବିଧୈର୍ଯଜ୍ଞୈଶ୍ଚାବାପ୍ତଦକ୍ଷିଣୈଃ॥ 7-66-7 (47166)
ଅଯଜଚ୍ଛ୍ରଦ୍ଧଯା ରାଜା ପରିସଂବତ୍ସରାଞ୍ଶତମ୍।
ଗବାଂ ଶତସହସ୍ରାଣି ଶତମଶ୍ବଶତାନି ଚ॥ 7-66-8 (47167)
ଶତଂ ନିଷ୍କସହସ୍ରାଣି ଗବାଂ ଚାପ୍ଯଯୁତାନି ଷଟ୍।
ଉତ୍ଥାଯୋତ୍ଥାଯ ସମ୍ପ୍ରାଦାତ୍ପରିସଂବତ୍ସରାଞ୍ଶତମ୍॥ 7-66-9 (47168)
ନକ୍ଷତ୍ରେଷୁ ଚ ସର୍ବେଷୁ ଦଦନ୍ନକ୍ଷତ୍ରଦକ୍ଷିଣାଃ।
ଈଜେ ଚ ବିବିଧୈର୍ଯଜ୍ଞୈର୍ଯଥା ସୋମୋଽଙ୍ଗିରା ଯଥା॥ 7-66-10 (47169)
ସୌବର୍ଣାଂ ପୃଥିବୀଂ କୃତ୍ବା ଯ ଇମାଂ ପ୍ରମିଶର୍କରାମ୍।
ବିପ୍ରେଭ୍ଯଃ ପ୍ରାଦଦଦ୍ରାଜା ସୋଽଶ୍ବମେଧେ ମହାମଖେ॥ 7-66-11 (47170)
ଜାମ୍ବୂନଦମଯା ଯୂପାଃ ସର୍ବେ ରତ୍ନପରିଚ୍ଛଦାଃ।
ଗଯସ୍ଯାସନ୍ସମୃଦ୍ଧାସ୍ତୁ ସର୍ବଭୂତମନୋହରାଃ॥ 7-66-12 (47171)
ସର୍ବକାମସମୃଦ୍ଧଂ ଚ ପ୍ରାଦାଦନ୍ନଂ ଗଯସ୍ତଦା।
ବ୍ରାହ୍ମମେଭ୍ଯଃ ପ୍ରହୃଷ୍ଟେଭ୍ଯଃ ସର୍ବଭୂତେଭ୍ଯ ଏବ ଚ॥ 7-66-13 (47172)
ସସମୁଦ୍ରବନଦ୍ବୀପନଦୀନଦବନେଷୁ ଚ।
ନଗରେଷୁ ଚ ରାଷ୍ଟ୍ରେଷୁ ଦିବି ବ୍ଯୋମ୍ନି ଚ ଯେଽବସନ୍॥ 7-66-14 (47173)
ଭୂତଗ୍ରାମାଶ୍ଚ ବିବିଧାଃ ସନ୍ତୃପ୍ତା ଯଜ୍ଞସମ୍ପଦା।
ଗଯସ୍ଯ ସଦୃଶୋ ଯଜ୍ଞୋ ନାସ୍ତ୍ଯନ୍ଯ ଇତି ତେଽବ୍ରୁବନ୍॥ 7-66-15 (47174)
ଷଟ୍ତ୍ରିଂଶଦ୍ଯୋଜନାଯାମା ତ୍ରିଂଶଦ୍ଯୋଜନମାଯତା।
ପଶ୍ଚାତ୍ପୁରଶ୍ଚତୁର୍ବିଂଶଦ୍ବେଦୀ ହ୍ଯାସୀଦ୍ଧିରଣ୍ମଯୀ॥ 7-66-16 (47175)
ଗଯସ୍ଯ ଯଜମାନସ୍ଯ ମୁକ୍ତାବଜ୍ରମଣିସ୍ତୃତା।
ପ୍ରାଦାତ୍ସ ବ୍ରାହ୍ମଣେଭ୍ଯୋଽଥ ବାସାଂସ୍ଯାଭରଣାନି ଚ॥ 7-66-17 (47176)
ଯଥୋକ୍ତା ଦକ୍ଷିଣାଶ୍ଚାନ୍ଯା ବିପ୍ରେଭ୍ଯୋ ଭୂରିଦକ୍ଷିଣଃ।
ଯତ୍ର ଭୋଜନଶିଷ୍ଟସ୍ଯ ପର୍ବତାଃ ପଞ୍ଚବିଂଶତିଃ॥ 7-66-18 (47177)
କୁଲ୍ଯାଶ୍ଚ କ୍ଷୀରବାହିନ୍ଯୋ ରସାନାଂ ଚାପଭବଂସ୍ତଦା।
ବସ୍ତ୍ରାଭରଣଗନ୍ଧାନାଂ ଶାରଯଶ୍ଚ ପୃଥଗ୍ବିଧାଃ॥ 7-66-19 (47178)
ଯସ୍ଯ ପ୍ରଭାବାଚ୍ଚ ଗଯସ୍ତ୍ରିଷୁ ଲୋକେଷୁ ବିଶ୍ରୁତଃ।
ବଟଶ୍ଚାକ୍ଷଯ୍ଯକରଣଃ ପୁଣ୍ଯଂ ବ୍ରହ୍ମସରଶ୍ଚ ତତ୍॥ 7-66-20 (47179)
ସ ଚେନ୍ମମାର ସ଼ଞ୍ଜଯ ଚତୁର୍ଭଦ୍ରତରସ୍ତ୍ବଯା।
ପୁତ୍ରାତ୍ପୁଣ୍ଯତରସ୍ତୁଭ୍ଯଂ ମା ପୁତ୍ରମନୁତପ୍ଯଥାଃ।
ଅଯଜ୍ବାନମଦକ୍ଷିଣ୍ଯମଭି ଶ୍ବୈତ୍ଯେତ୍ଯୁଦାହରତ୍॥ ॥ 7-66-21 (47180)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ଷୋଡଶରାଜକୀଯେ ଷଟ୍ଷଷ୍ଟିତମୋଽଧ୍ଯାଯଃ॥ 66 ॥
Mahabharata - Drona Parva - Chapter Footnotes
5-66-1 ଗଯଂ ଚାମୂର୍ତରଯସଂ ଇତି ଘ. ଝ.ପାଠଃ॥ 5-66-4 ପାତ୍ରେଷୁ ଦଦତଃ ସାମେ ଶ୍ରଦ୍ଧା ଭବତୁ ଇତି କ.ଙ.ଡ.ପାଠଃ॥ 5-66-7 ପୌର୍ଣମାସାଭ୍ଯ ଇତି ଘ. ପାଠଃ॥ 5-66-10 ନକ୍ଷତ୍ରବିହିତା ଦକ୍ଷିଣାଃ॥ 5-66-20 ଯସ୍ଯ ପ୍ରସାଦାଦ୍ରାଯତ୍ରୀ ତ୍ରିଷୁ ଲୋକେଷୁ ବିଶ୍ରୁତା ଇତି କ.ପାଠଃ॥ 5-66-66 ଷଟ୍ଷଷ୍ଟିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 067
॥ ଶ୍ରୀଃ ॥
7.67. ଅଧ୍ଯାଯଃ 067
Mahabharata - Drona Parva - Chapter Topics
ନାରଦେନ ସୃଞ୍ଜଯମ୍ପ୍ରତି ରନ୍ତିଦେବଚରିତ୍ରକୀର୍ତନମ୍॥ 1 ॥Mahabharata - Drona Parva - Chapter Text
7-67-0 (47181)
ନାରଦ ଉବାଚ। 7-67-0x (4422)
ସାଙ୍କୃତିଂ ରନ୍ତିଦେବଂ ଚ ମୃତଂ ସୃଞ୍ଜଯ ଶୁଶ୍ରୁମ।
ଯସ୍ଯ ଦ୍ବିଶତସାହସ୍ରା ଆସନ୍ସୂଦା ମହାତ୍ମନଃ॥ 7-67-1 (47182)
ଗୃହାନଭ୍ଯାଗତାନ୍ବିପ୍ରାନତିଥୀନ୍ପରିବେଷକାଃ।
ପକ୍ବଂପକ୍ବଂ ଦିବାରାତ୍ରଂ ବରାନ୍ନମମୃତୋପମମ୍॥ 7-67-2 (47183)
ନ୍ଯାଯେନାଧିଗତଂ ବିତ୍ତଂ ବ୍ରାହ୍ମଣେଭ୍ଯୋ ହ୍ଯମନ୍ଯତ।
ବେଦାନଧୀତ୍ଯ ଧର୍ମେଣ ଯଶ୍ଚକ୍ରେ ଦ୍ବିଷତୋ ବଶେ॥ 7-67-3 (47184)
ଉପସ୍ଥିତାଶ୍ଚ ପଶବଃ ସ୍ବଯଂ ଯଂ ଶଂସିତବ୍ରତମ୍।
ବହବଃ ସ୍ବର୍ଗମିଚ୍ଛନ୍ତୋ ବିଧିବତ୍ସତ୍ରଯାଜିନମ୍॥ 7-67-4 (47185)
ନଦୀ ମହାନସାଦ୍ଯସ୍ଯ ପ୍ରବୃତକ୍ତା ଚର୍ମରାଶିତଃ।
ତସ୍ମାଚ୍ଚର୍ମଣ୍ବତୀ ନାମ ଖ୍ଯାତା ପୁଣ୍ଯା ସରିଦ୍ବରା॥ 7-67-5 (47186)
ବ୍ରାହ୍ମଣେଭ୍ଯୋ ଦଦନ୍ନିଷ୍କାନ୍ସୌବର୍ଣାନ୍ସ ପ୍ରଭାବତଃ।
ତୁଭ୍ଯଂ ନିଷ୍କଂ ତୁଭ୍ଯଂ ନିଷ୍କମିତି ହ ସ୍ମ ପ୍ରଭାଷତେ॥ 7-67-6 (47187)
ତୁଭ୍ଯନ୍ତୁଭ୍ଯମିତି ପ୍ରାଦାନ୍ନିଷ୍କାନ୍ନିଷ୍କାନ୍ସହସ୍ରଶଃ।
ତତ ପୁନଃ ସମାଶ୍ବାସ୍ଯ ନିଷ୍କାନେବ ପ୍ରଯଚ୍ଛତି॥ 7-67-7 (47188)
ଅଲ୍ପଂ ଦତ୍ତଂ ମଯାଽଦ୍ଯେତି ନିଷ୍କକୋଟିଂ ସହସ୍ରଶଃ।
ଏକାହ୍ନା ତାମ୍ଯତି ତତଃ କ୍ବାଦ୍ଯ ବିପ୍ରା ଇତି ବ୍ରୁବନ୍॥ 7-67-8 (47189)
ଦ୍ବିଜପାଣିବିଯୋଗେନ ଦୁଃଖଂ ମେ ଶାଶ୍ବତଂ ମହତ୍।
ଭବିଷ୍ଯତି ନ ସନ୍ଦେହ ଏବଂ ରାଜାଽଦଦଦ୍ବସୁ॥ 7-67-9 (47190)
ସହସ୍ରଶଶ୍ଚ ସୌବର୍ଣାନ୍ବୃଷଭାନ୍ଗୋଶତାନୁଗାନ୍।
ସାଷ୍ଟଂ ଶତଂ ସୁବର୍ଣାନାଂ ନିଷ୍କମାହୁର୍ଧନଂ ତଥା॥ 7-67-10 (47191)
ଅଧ୍ଯର୍ଧମାସମଦଦଦ୍ବ୍ରାହ୍ମଣେଭ୍ଯଃ ଶତଂ ସମାଃ।
ଅଗ୍ନିହୋତ୍ରୋପକରଣଂ ଯଜ୍ଞୋପକରଣଂ ଚ ଯତ୍॥ 7-67-11 (47192)
ଋଷିଭ୍ଯଃ କରକାନ୍କୁମ୍ଭାନ୍ସ୍ଥାଲୀଃ ପିଠରମେବ ଚ।
ଶଯନାସନାଯାନାନି ପ୍ରାସାଦାଂଶ୍ଚ ଗୃହାଣି ଚ॥ 7-67-12 (47193)
ବୃକ୍ଷାଂଶ୍ଚ ବିବିଧାନ୍ଦଦ୍ଯାଦନ୍ନାନି ଚ ଧନାନି ଚ।
ସର୍ବଂ ସୌବର୍ଣମେବାସୀଦ୍ରନ୍ତିଦେବସ୍ଯ ଧୀମତଃ॥ 7-67-13 (47194)
ତତ୍ରାସ୍ଯ ଗାଥା ଗାଯନ୍ତି ଯେ ପୁରାଣବିଦୋ ଜନାଃ।
ରନ୍ତିଦେବସ୍ଯ ତାଂ ଦୃଷ୍ଟ୍ବା ସମୃଦ୍ଧିମତିମାନୁଷୀମ୍॥ 7-67-14 (47195)
ନୈତାଦୃଶଂ ଦୃଷ୍ଟପୂର୍ବଂ କୁବେରସଦନେଷ୍ବପି।
ଧନଂ ଚ ପୂର୍ଯମାଣଂ ନଃ କିଂ ପୁନର୍ମନୁଜେଷ୍ବିତି॥ 7-67-15 (47196)
ବ୍ଯକ୍ତଂ ବସ୍ବୋକସାରେଯମିତ୍ଯୁଚୁସ୍ତତ୍ର ବିସ୍ମିତାଃ।
ସାଙ୍କୃତେ ରନ୍ତିଦେବସ୍ଯ ଯାଂ ରାତ୍ରିମତିଥିର୍ବସେତ୍॥ 7-67-16 (47197)
ଆଲଭ୍ଯନ୍ତ ତଦା ଗାବଃ ସହସ୍ରାଣ୍ଯେକବିଂଶତିଃ।
ତତ୍ର ସ୍ମ ସୂଦାଃ କ୍ରୋଶନ୍ତି ସୁମୃଷ୍ଟମଣିକୁଣ୍ଡଲାଃ॥ 7-67-17 (47198)
ସୂପଂ ଭୂଯିଷ୍ଠମଶ୍ନୀଧ୍ବଂ ନାଦ୍ଯ ମାଂସଂ ଯଥା ପୁରା।
ରନ୍ତିଦେବସ୍ଯ ଯତ୍କିଞ୍ଚିତ୍ସୌବର୍ଣମଭବତ୍ତଦା॥ 7-67-18 (47199)
ତତ୍ସର୍ବଂ ବିତତେ ଯଜ୍ଞେ ବ୍ରାହ୍ମଣେଭ୍ଯୋ ହ୍ଯମନ୍ଯତ।
ପ୍ରତ୍ଯକ୍ଷଂ ତସ୍ଯ ହବ୍ଯାନି ପ୍ରତିଗୃହ୍ଣନ୍ତି ଦେବତାଃ॥ 7-67-19 (47200)
କବ୍ଯାନି ପିତରଃ କାଲେ ସର୍ବକାମାନ୍ଦ୍ବିଜୋତ୍ତମାଃ।
ସ ଚେନ୍ମମାର ସୃଞ୍ଜଯ ଚତୁର୍ଭଦ୍ରତରସ୍ତ୍ବଯା॥ 7-67-20 (47201)
ପୁତ୍ରାତ୍ପୁଣ୍ଡତରସ୍ତୁଭ୍ଯଂ ମା ପୁତ୍ରମନୁତପ୍ଯଥାଃ।
ଅଯଜ୍ବାନମଦକ୍ଷିଣ୍ଯମଭି ଶ୍ବୈତ୍ଯେତ୍ଯୁଦାହରତ୍॥ ॥ 7-67-21 (47202)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ଷୋଡଶରାଜକୀଯେ ସପ୍ତଷଷ୍ଟିତମୋଽଧ୍ଯାଯଃ॥ 67 ॥
Mahabharata - Drona Parva - Chapter Footnotes
5-67-3 ନ୍ଯାଯେନାଧିଗତଂ ବିତ୍ତଂ ଯେନାକ୍ଷଯ୍ଯଂ ଇତି କ.ଙ. ପାଠଃ॥ 5-67-8 ଏକାନ୍ହା ଦାସ୍ଯତି ପୁନଃ କୋଽନ୍ଯସ୍ତତ୍ସମ୍ପ୍ରଦାସ୍ଯତି ଇତି ଘ.ଝ.ପାଠଃ॥ 5-67-10 ପାରିଭାଷିକଂ ନିଷ୍କମାହ ସହସ୍ରଶ ଇତି॥ 5-67-11 ଅଧ୍ଯର୍ଧମାସଂ ପକ୍ଷେ ପକ୍ଷେ ଇତ୍ଯର୍ଥଃ। ଶତଂ ସମା ଇତି ବାକ୍ଯଶେଷାତ୍॥ 5-67-15 ଧନଂ ଚ ପୂର୍ଣମାସାଦ୍ଯ ଇତି ଘ.ଙ.ପାଠଃ॥ 5-67-16 ବସ୍ବୋକସାରା ସଲୋପ ଆର୍ଷଃ। କନକମଯାନି ଓକାଂସି ସାରୋ ଯସ୍ଯାଃ ସା ତଥା॥ 5-67-18 ନାଦ୍ଯାଶ୍ନୀତ ଯଥା ପୁରା ଇତି କ. ପାଠଃ॥ 5-67-67 ସପ୍ତଷଷ୍ଟିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 068
॥ ଶ୍ରୀଃ ॥
7.68. ଅଧ୍ଯାଯଃ 068
Mahabharata - Drona Parva - Chapter Topics
ନାରଦେନ ସୃଞ୍ଜଯମ୍ପ୍ରତି ଭରତଚରିତକଥନମ୍॥ 1 ॥Mahabharata - Drona Parva - Chapter Text
7-68-0 (47203)
ନାରଦ ଉବାଚ। 7-68-0x (4423)
ଦୌଷ୍ଯନ୍ତି ଭରତଂ ଚାପି ମୃତଂ ସୃଞ୍ଜଯ ଶୁଶ୍ରୁମ।
କର୍ମାଣ୍ଯସୁକରାଣ୍ଯନ୍ଯୈଃ କୃତବାନ୍ଯଃ ଶିଶୁର୍ବନେ॥ 7-68-1 (47204)
ହିମାବଦାତାନ୍ଯଃ ସିଂହାନ୍ନଖଦଂଷ୍ଟ୍ରାଯୁଧାନ୍ବଲୀ।
ନିର୍ବୀର୍ଯାଂସ୍ତରସା କୃତ୍ବା ବିଚକର୍ଷ ବବନ୍ଧ ଚ॥ 7-68-2 (47205)
କ୍ରୂରାଂଶ୍ଚୋଗ୍ରତରାନ୍ବ୍ଯାଘ୍ରାନ୍ଦମିତ୍ବା ଚାକରୋଦ୍ବଶେ।
ମନଃଶିଲା ଇବ ଶିଲାଃ ସଂଯୁକ୍ତା ଜତୁରାଶିଭିଃ॥ 7-68-3 (47206)
ତ୍ରାଯଲାଦୀଂଶ୍ଚାତିବଲବାନ୍ସୁପ୍ରତୀକାନ୍ଗଜାନପି।
ଦଂଷ୍ଟ୍ରାସୁ ଗୃହ୍ଯ ବିମୁଖାଞ୍ଶୁଷ୍କାସ୍ଯାନକରୋଦ୍ବଶେ॥ 7-68-4 (47207)
ମହିଷାନପ୍ଯତିବଲୋ ବଲିନୋ ବିଚକର୍ଷ ହ।
ସିଂହାନାଂ ଚ ସୁଦୃପ୍ତାନାଂ ଶତାନ୍ଯାକର୍ଷଯଦ୍ବଲାତ୍॥ 7-68-5 (47208)
ବଲିନଃ ସୃମରାନ୍ଖଙ୍ଗାନ୍ନାନାସତ୍ତ୍ବାନି ଚାପ୍ଯୁତ।
କୃଚ୍ଛ୍ରପ୍ରାଣାନ୍ବନେ ବଦ୍ଧ୍ବା ଦମଯିତ୍ବାପ୍ଯବାସୃଜତ୍॥ 7-68-6 (47209)
ତଂ ସର୍ବଦମନେତ୍ଯାହୁର୍ଦ୍ବିଜାସ୍ତେନାସ୍ଯ କର୍ମଣା।
ତଂ ପ୍ରତ୍ଯଷେଧଜ୍ଜନନୀ ମା ସତ୍ବାନି ବ୍ଯନୀନଶଃ॥ 7-68-7 (47210)
ସୋଽଶ୍ବମେଧଶତେନେଜେ ଯମୁନାମନୁ ବୀର୍ଯବାନ୍।
ତ୍ରିଶତୈଶ୍ଚ ସରସ୍ବତ୍ଯାଂ ଗଙ୍ଗାମନୁ ଚତୁଃଶତୈଃ॥ 7-68-8 (47211)
ସୌଽଶ୍ବମେଧସହସ୍ରେଣ ରାଜସୂଯଶତେନ ଚ।
ପୁନରୀଜେ ମହାଯଜ୍ଞୈଃ ସମାପ୍ତବରଦକ୍ଷିଣୈଃ॥ 7-68-9 (47212)
ଅଗ୍ନିଷ୍ଟୋମାତିରାତ୍ରାଣାମୁକ୍ଥ୍ଯବିଶ୍ବଜିତାଂ ଚ ସଃ।
ବାଜପେଯସହସ୍ରାମାଂ ସହସ୍ରୈଶ୍ଚ ସୁସଂବୃତୈଃ॥ 7-68-10 (47213)
ଇଷ୍ଟ୍ବା ଶାକୁନ୍ତଲୋ ରାଜା ତର୍ପଯିତ୍ବା ଦ୍ବିଜାନ୍ଧନୈଃ।
ସହସ୍ରଂ ଯତ୍ର ପଦ୍ମାନାଂ କଣ୍ବାଯ ଭରତୋ ଦଦୌ।
ଜାମ୍ବୂନଦସ୍ଯ ଶୁଦ୍ଧସ୍ଯ କନକସ୍ଯ ମହାଯଶାଃ॥ 7-68-11 (47214)
ଯସ୍ଯ ଯୂପାଃ ସତବ୍ଯାମାଃ ପରିଣାହେନ କାଞ୍ଚନାଃ।
ସମାଗମ୍ଯ ଦ୍ବିଜୈଃ ସାର୍ଧେ ସେନ୍ଦ୍ରୈର୍ଦେବୈଃ ସମୁଚ୍ଛ୍ରିତାଃ॥ 7-68-12 (47215)
ଅଲଙ୍କୃତାନ୍ରାଜମାନାନ୍ସର୍ବରତ୍ନୈର୍ମନୋହରୈଃ।
ହୈରଣ୍ଯାନ୍ଦ୍ବିରଦାନଶ୍ବାନ୍ରଥାନୁଷ୍ଟ୍ରାନଜାବିକାନ୍॥ 7-68-13 (47216)
ଦାସୀ ଦାସଂ ଧନଂ ଧାନ୍ଯଂ ଗାଃ ସବତ୍ସାଃ ପଯସ୍ବିନୀଃ।
ଗ୍ରାମାନ୍ଗୃହାଂଶ୍ଚ କ୍ଷେତ୍ରାଣି ବିବିଧାଂଶ୍ଚ ପରିଚ୍ଛଦାନ୍॥ 7-68-14 (47217)
କୋଟୀଶତାଯୁତାଂଶ୍ଚୈବ ବ୍ରାହ୍ମଣେଭ୍ଯୋ ହ୍ଯମନ୍ଯତ।
ଚକ୍ରବର୍ତୀ ହ୍ଯଦୀନାତ୍ମା ଜିତାରିର୍ହ୍ଯଜିତଃ ପରୈଃ॥ 7-68-15 (47218)
ସ ଚେନ୍ମମାର ସୃଞ୍ଜଯ ଚତୁର୍ଭଦ୍ରତରସ୍ତ୍ବଯା।
ପୁତ୍ରାତ୍ପୁଣ୍ଯତରସ୍ତୁଭ୍ଯଂ ମା ପୁତ୍ରମନୁତପ୍ଯଥାଃ।
ଅଯଜ୍ବାନମଦକ୍ଷିଣ୍ଯମଭି ଶ୍ବୈତ୍ଯେତ୍ଯୁଦାହରତ୍॥ ॥ 7-68-16 (47219)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ଷୋଡଶରାଜକୀଯେ ଅଷ୍ଟଷଷ୍ଟିତମୋଽଧ୍ଯାଯଃ॥ 68 ॥
Mahabharata - Drona Parva - Chapter Footnotes
5-68-1 ଶୁଚିର୍ବନେ ଇତି କ.ଙ.ପାଠଃ॥ 5-68-3 କ୍ରୁରାନିତି। ଯଥା ମନଃଶିଲାମଯାଃ ଶିଲାଃ ଜତୁରାଶିଭିର୍ଲାଭାପୁଜ୍ଜୈର୍ଯୁକ୍ତାସ୍ତତ୍ସଦୃଶାନ୍ ରକ୍ତବିନ୍ଦୁଯୁକ୍ତାନ୍ ରକ୍ତପୀତବର୍ଣାନ୍ ବ୍ଯାଘ୍ରବିଶେଷାନ୍ ବଶେଽକରୋଦିତ୍ଯର୍ଥଃ। ଶିଲାଃ ପ୍ରଭୁତ୍ବାଜ୍ଜନକାଶିନଃ ଇତି କ. ପାଠଃ॥ 5-68-12 ବ୍ଯାମୋ ହସ୍ତଚତୁଷ୍ଟଯମ୍। ପରିଣାହେନ ଦୈର୍ଘ୍ଯେଣ ॥ 5-68-68 ଅଷ୍ଟଷଷ୍ଟିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 069
॥ ଶ୍ରୀଃ ॥
7.69. ଅଧ୍ଯାଯଃ 069
Mahabharata - Drona Parva - Chapter Topics
ନାରଦେନ ସୃଞ୍ଜଯମ୍ପ୍ରତି ପୃଥୁଚରିବ୍ରକଥନମ୍॥ 1 ॥Mahabharata - Drona Parva - Chapter Text
7-69-0 (47220)
ନାରଦ ଉବାଚ। 7-69-0x (4424)
ପୁଥୁଂ ବୈନ୍ଯଂ ଚ ରାଜାନଂ ମୃତଂ ସୃଞ୍ଜଯ ଶୁଶ୍ରୁମ।
ଯମବ୍ଯଷିଞ୍ଚତ୍ସମ୍ମନ୍ତ୍ର୍ଯ ରାଜସୂଯେ ମହର୍ଷଯଃ॥ 7-69-1 (47221)
ଅଯଂ ନଃ ପ୍ରଥଯିଷ୍ଯେତ ସର୍ବାନିତ୍ଯଭବତ୍ପୃଥୁଃ।
କ୍ଷତାନ୍ନସ୍ତ୍ରାସ୍ଯତେ ସର୍ବାନତ୍ଯେବଂ କ୍ଷତ୍ରିଯୋଽଭବତ୍॥ 7-69-2 (47222)
ପୃଥୁଂ ବୈନ୍ଯଂ ପ୍ରଜା ଦୃଷ୍ଟ୍ବା ରକ୍ତାଃ ସ୍ମେତି ଯଦବ୍ରୁବନ୍।
ତତୋ ରାଜେତି ନାମାସ୍ଯ ଅନୁରାଗାଦଜାଯତ॥ 7-69-3 (47223)
ଅକୃଷ୍ଟପଚ୍ଯା ପୃଥିବୀ ଆସୀଦ୍ବୈନ୍ଯସ୍ଯ କାମଧୁକ୍।
ସର୍ବାଃ ସମାଦୁଘା ଗାବଃ ପୁଟକେପୁଟକେ ମଧୁ॥ 7-69-4 (47224)
ଆସନ୍ହିରଣ୍ମଯା ବୃକ୍ଷାଃ ସୁଖସ୍ପର୍ଶାଃ ସୁଖାବହାଃ।
ତେଷାଂ ଚୀରxx ସଂବୀତାଃ ପ୍ରଜାସ୍ତେଷ୍ବେବ ଶେରତେ॥ 7-69-5 (47225)
ଫଲାନ୍ଯମୃତକଲ୍ପାନି ସ୍ବାଦୂନି ଚ ମଧୂନି ଚ।
ତେଷାମାସୀତ୍ତଦାଽଽହାରୋ ନିରାହାରାଶ୍ଚ ନାଭବନ୍॥ 7-69-6 (47226)
ଅରୋଗାଃ ସର୍ବସିଦ୍ଧାର୍ଥା ମନୁଷ୍ଯା ହ୍ଯକୁତୋଭଯାଃ।
ନ୍ଯବସନ୍ତ ଯଥାକାମଂ ବୃକ୍ଷେଷୁ ଚ ଗୁହାସୁ ଚ॥ 7-69-7 (47227)
ପ୍ରବିଭାଗୋ ନ ରାଷ୍ଟ୍ରାଣାଂ ପୁରାଣାଂ ଚାଭବତ୍ତଦା।
ଯଥାସୁଖଂ ଯଥାକାମଂ ତଥୈତା ମୁଦିତାଃ ପ୍ରଜାଃ॥ 7-69-8 (47228)
ତସ୍ଯ ସଂସ୍ତମ୍ଭିତା ହ୍ଯାପଃ ସମୁଦ୍ରମଭିଯାସ୍ଯତଃ।
ପର୍ବତାଶ୍ଚ ଦଦୁର୍ମାର୍ଗଂ ଧ୍ବଜଭଙ୍ଗଶ୍ଚ ନାଭବତ୍॥ 7-69-9 (47229)
ତଂ ବନସ୍ପତଯଃ ଶୈଲା ଦେବାସୁରନରୋରଗାଃ।
ସପ୍ତର୍ଷଯଃ ପୁଣ୍ଯଜନା ଗନ୍ଧର୍ବାପ୍ସରସୋଽପି ଚ।
ପିତରଶ୍ଚ ସୁଖାସୀନମଭିଗମ୍ଯେଦମବ୍ରୁବନ୍॥ 7-69-10 (47230)
ସମ୍ରାଡସି କ୍ଷତ୍ରିଯୋଽସି ରାଜା ଗୋପ୍ତା ପିତାଽସି ନଃ।
ଦେହ୍ଯସ୍ମଭ୍ଯଂ ମହାରାଜ ପ୍ରଭୁଃ ସନ୍ନୀପ୍ସିତାନ୍ବରାନ୍।
ଯୈର୍ବଯଂ ଶାଶ୍ବତଂ ତୃପ୍ତା ବର୍ତଯିଷ୍ଯାମହେ ସୁଖମ୍॥ 7-69-11 (47231)
`ବିଜ୍ଞାପିତଃ ପ୍ରଜାଭିସ୍ତୁ ପ୍ରଜାନାଂ ହିତକାମ୍ଯଯା।
ଧନୁର୍ଗୃହ୍ଯ ପୃଷତ୍କାଂଶ୍ଚ ବସୁଧାମାଦ୍ରବଦ୍ବଲୀ॥ 7-69-12 (47232)
ତତୋ ବୈନ୍ଯଭଯାଦ୍ରାଜନ୍ଗୌର୍ଭୂତ୍ବା ପ୍ରାଦ୍ରବନ୍ମହୀ।
ତାଂ ପୃଥୁର୍ଧନୁରାଦାଯ ଦ୍ରବନ୍ତୀମନ୍ବସାରଯତ୍॥ 7-69-13 (47233)
ସା ଲୋକାନ୍ବ୍ରହ୍ମଲୋକାଦୀନ୍ଗତ୍ବା ବୈନ୍ଯଭଯାର୍ଦିତା।
ସା ଦଦର୍ଶାଗ୍ରତୋ ବୈନ୍ଯଂ କାର୍ମୁକୋଦ୍ଯତପାଣିକମ୍॥ 7-69-14 (47234)
ଜ୍ବଲଦ୍ଭିର୍ବିଶିଖୈର୍ବାଣୈର୍ଦୀପ୍ତତେଜଃସମଦ୍ଯୁତିମ୍।
ମହାଯୋଗଂ ମହାତ୍ମାନଂ ଦୁର୍ଧର୍ଷମମରୈରପି॥ 7-69-15 (47235)
ଅଲଭନ୍ତୀ ପରିତ୍ରାଣଂ ବୈନ୍ଯମେବାଭ୍ଯପଦ୍ଯତ।
କୃତାଞ୍ଜଲିପୁଟା ରାଜନ୍ପୂଜ୍ଯଂ ଲୋକୈସ୍ତ୍ରିଭିସ୍ତଦା॥ 7-69-16 (47236)
ଉବାଚ ଚୈନଂ ନାଧର୍ମ୍ଯଂ ସ୍ତ୍ରୀବଧଂ କର୍ତୁମର୍ହସି।
କଥଂ ଧାରଯିତା ଚାସି ପ୍ରଜା ରାଜନ୍ମଯା ବିନା॥ 7-69-17 (47237)
ପୃଥୁରୁବାଚ। 7-69-18x (4425)
ଏକସ୍ଯାର୍ଥାଯ ଯୋ ହନ୍ଯାଦାତ୍ମନୋ ବା ପରସ୍ଯ ବା।
ଏକଂ ପ୍ରାଣାନ୍ବହୂନ୍ବାପି ପ୍ରାଣିନାଂ ନାସ୍ତି ପାତକଂ॥ 7-69-18 (47238)
ଯସ୍ମିଂସ୍ତୁ ନିହତେ ଭଦ୍ରେ ବହବଃ ସୁଖମେଧତେ।
ତସ୍ମିନ୍ହତେ ତ୍ବଧଂ ନାସ୍ତି ପାତକଂ ନୋପଭୁଜ୍ଯତେ॥ 7-69-19 (47239)
ସୋଽହଂ ପାଲନିମିତ୍ତଂ ତ୍ବାଂ ବଧିଷ୍ଯାମି ବସୁଂଧରେ।
ଯଦି ଚେଦ୍ବଚନାଦଦ୍ଯ ନ କରିଷ୍ଯସି ମେ ପ୍ରିଯମ୍॥ 7-69-20 (47240)
ତ୍ବାଂ ନିହତ୍ଯ ତୁ ବାଣେନ ମଚ୍ଛାସନପରାଙ୍ମୁଖୀମ୍।
ଆତ୍ମାନଂ ପ୍ରଥଯିତ୍ବାଽହଂ ପ୍ରଜା ଧାରଯିତା ସ୍ବଯଂ॥ 7-69-21 (47241)
ସୁଖଂ ବଚନମାସ୍ଥାଯ ମମ ଧର୍ମଭୃତାଂ ବରେ।
ସ଼ଞ୍ଜୀବଯ ପ୍ରଜା ନିତ୍ଯଂ ଶକ୍ତା ହ୍ଯସି ବସୁନ୍ଧରେ॥ 7-69-22 (47242)
ଦୁହିତୃତ୍ବଂ ଚ ମେ ଗଚ୍ଛ ଏବମେତନ୍ମହାଶରମ୍।
ନିଯଚ୍ଛେଯଂ ତ୍ବଦର୍ଥାଯ ଉଦ୍ଯତଂ ଘୋରଦର୍ଶନମ୍॥ 7-69-23 (47243)
ଭୂମିରୁବାଚ। 7-69-24x (4426)
ସର୍ବମେତନ୍ମହାରାଜ ବିଧାସ୍ଯାସି ପରନ୍ତପ।
ବତ୍ସଂ ତ୍ବଂ ପଶ୍ଯ ରାଜନ୍ବୈ କ୍ଷରେଯଂ ଯେନ ବତ୍ସଲା॥ 7-69-24 (47244)
ସମାଂ ତୁ କୁରୁ ସର୍ବଜ୍ଞ ମାଂ ତୁ ଧର୍ମଭୃତାଂ ବର।
ଯଥା ବିଷ୍ଯନ୍ଦମାନଂ ବୈ କ୍ଷୀରଂ ସର୍ବତ୍ର ଭାବଯେ॥ 7-69-25 (47245)
ନାରଦ ଉବାଚ। 7-69-26x (4427)
ତତ ଉତ୍ସାରଯାମାସ ଶିଲାଜାଲାନି ସର୍ବଶଃ।
ପୃଥୁର୍ବୈନ୍ଯସ୍ତଦା ରାଜା ତେନ ଶୈଲା ବିବର୍ଧିତାଃ॥ 7-69-26 (47246)
ନ ହି ପୂର୍ବନିସର୍ଗେ ବୈ ବିଷମେ ବସୁଧାତଲେ।
ପ୍ରବିଭାଗଃ ପୁରାଣାଂ ବା ଗ୍ରାମାଣାଂ ବା ମହୀପତେ॥ 7-69-27 (47247)
ନ ସସ୍ଯାନି ନ ଗୋରକ୍ଷ୍ଯଂ ନ କୃଷିର୍ନ ବଣିକ୍ପଥଃ।
ବୈନ୍ଯାତ୍ପ୍ରଭୃତି ରାଜେନ୍ଦର ସର୍ବସ୍ଯୈତସ୍ଯ ସମ୍ଭବଃ॥ 7-69-28 (47248)
ଯତ୍ରଯତ୍ର ଚ ସାମ୍ଯଂ ତୁ ଭୂମାବାସୀତ୍କିଲାନଘ।
ତତ୍ରତତ୍ର ପ୍ରଜାସ୍ତାତ ନିବାସମଭିରୋଚଯନ୍।
କୃଚ୍ଛ୍ରେଣ ଚ ମହାରାଜ ଇତ୍ଯେବମନୁଶୁଶ୍ରୁମ॥ 7-69-29 (47249)
ତଥେତ୍ଯୁକ୍ତ୍ବା ପୁନର୍ବୈନ୍ଯୋ ଗୃହୀତ୍ବାଽଽଜଗବଂ ଧନୁଃ।
ଶରାଂଶ୍ଚାପ୍ରତିମାନ୍ଘୋରାଂଶ୍ଚିନ୍ତଯିତ୍ବାଽବ୍ରବୀନ୍ମହୀମ୍॥ 7-69-30 (47250)
ପୃଥୁରୁବାଚ। 7-69-31x (4428)
ଏହ୍ଯେହି ବସୁଧେ କ୍ଷିପ୍ରଂ କ୍ଷରୈଭ୍ଯଃ କାଙ୍କ୍ଷିତଂ ପଯଃ।
ମଚ୍ଛସନାତିଗାଂ ବୈ ତ୍ବାଂ ପ୍ରମଥିଷ୍ଯାମ୍ଯହଂ ଶରୈଃ॥ 7-69-31 (47251)
ନାରଦ ଉବାଚ। 7-69-32x (4429)
ତଥୋକ୍ତା ସାଽତ୍ମନଃ ଶ୍ରେଯଶ୍ଚିନ୍ତଯିତ୍ବାଽବ୍ରବୀତ୍ପୃଥୁମ୍। 7-69-32 (47252)
ଭୂମିରୁବାଚ।
ବତ୍ସଂ ପାତ୍ରାଣି ଦୋଗ୍ଧୄଂଶ୍ଚ କ୍ଷୀରାଣି ଚ ସମାଦିଶ॥ 7-69-32x (4430)
ତତୋ ଦାସ୍ଯାମ୍ଯହଂ ଭଦ୍ର ସର୍ବଂ ଯସ୍ଯ ଯଥେପ୍ସିତମ୍।
ଦୁହିତୃତ୍ବେ ଚ ମାଂ ବୀର ସଙ୍କଲ୍ପଯିତୁମର୍ହସି॥ 7-69-33 (47253)
ନାରଦ ଉବାଚ।' 7-69-34x (4431)
ତଥେତ୍ଯୁକ୍ତ୍ବା ପୃଥୁଃ ସର୍ବଂ ବିଧାନମକରୋଦ୍ବଶୀ।
ତତୋ ଭୂତନିକାଯାସ୍ତାଂ ବସୁଧାଂ ଦୁଦୁହୁସ୍ତଦା॥ 7-69-34 (47254)
ତାଂ ବନସ୍ପତଯଃ ପୂର୍ବଂ ସମୁତ୍ତସ୍ଥୁର୍ଦୁଧୁକ୍ଷବଃ।
ସାଽତିଷ୍ଠଦ୍ବତ୍ସଲା ବତ୍ସଂ ଦୋଗ୍ଧୃପାତ୍ରାଣି ଚେଚ୍ଛତୀ॥ 7-69-35 (47255)
ବତ୍ସୋଽଭୂତ୍ପୁଷ୍ପିତଃ ସାଲଃ ପ୍ଲକ୍ଷୋ ଦୋଗ୍ଧାଽଭବତ୍ତଦା।
ଛିନ୍ନପ୍ରରୋହଣଂ ଦୁଗ୍ଧଂ ପାତ୍ରମୌଦୁମ୍ବରଂ ଶୁଭମ୍॥ 7-69-36 (47256)
ଉଦଯଃ ପର୍ବତୋ ବତ୍ସୋ ମେରୁର୍ଦୋଗ୍ଧା ମହାଗିରିଃ।
ରତ୍ନାନ୍ଯୋଷଧଯୋ ଦୁଗ୍ଧଂ ପାତ୍ରମସ୍ତମଯଂ ତଥା॥ 7-69-37 (47257)
`ଦେବାନାଂ ବତ୍ସ ଇନ୍ଦ୍ରୋଽଭୂତ୍ପାତ୍ରଂ ଦାରୁମଯଂ ତଥା'।
ଦୋଗ୍ଧା ଚ ସବିତା ଦେବୋ ଦୁଗ୍ଧମୂର୍ଜସ୍କରଂ ପ୍ରିଯମ୍॥ 7-69-38 (47258)
ଅସୁରା ଦୁଦୁହୁର୍ମାଯାମଯଃପାତ୍ରେ ତୁ ତାଂ ତଦା।
ଦୋଗ୍ଧା ଦ୍ବିମୂର୍ଧା ତତ୍ରାସୀଦ୍ବତ୍ସଶ୍ଚାସୀଦ୍ବିରୋଚନଃ॥ 7-69-39 (47259)
କୃଷିଂ ଚ ସସ୍ଯଂ ଚ ନରା ଦୁଦୁହୁଃ ପୃଥିବୀତଲେ।
ସ୍ବାଯଂଭୁବୋ ମନୁର୍ବତ୍ସସ୍ତେଷାଂ ଦୋଗ୍ଧାଽଭବତ୍ପୃଥୁଃ॥ 7-69-40 (47260)
ଅଲାବୁପାତ୍ରେ ଚ ତଥା ବିଷଂ ଦୁଗ୍ଧା ବସୁନ୍ଧରା।
ଧୃତରାଷ୍ଟ୍ରୋଽଭବଦ୍ଦୋଗ୍ଧା ତେଷାଂ ବତ୍ସସ୍ତୁ ତକ୍ଷକଃ॥ 7-69-41 (47261)
ସପ୍ତର୍ଷିଭିର୍ବ୍ରହ୍ମ ଦୁଗ୍ଧା ତଥା ଚାକ୍ଲିଷ୍ଟକର୍ମଭିଃ।
ଦୋଗ୍ଧା ବୃହସ୍ପତିଃ ପାତ୍ରଂ ଛନ୍ଦୋ ବତ୍ସଶ୍ଚ ସୋମରାଟ୍॥ 7-69-42 (47262)
ଅନ୍ତର୍ଧାନଂ ଚାମପାତ୍ରେ ଦୁଗ୍ଧା ପୁଣ୍ଯଜନୈର୍ବିରାଟ୍।
ଦୋଗ୍ଧା ବୈଶ୍ରବଣସ୍ତେଷାଂ ବତ୍ସଶ୍ଚାସୀଦ୍ବୃଷଧ୍ବଜଃ॥ 7-69-43 (47263)
ପୁଣ୍ଯଗନ୍ଧାନ୍ପଦ୍ମପାତ୍ରେ ଗନ୍ଧର୍ବାପ୍ସରସୋଽଦୁହନ୍।
ବତ୍ସଶ୍ଚିତ୍ରରଥସ୍ତେଷାଂ ଦୋଗ୍ଧା ବିଶ୍ବରୁଚିଃ ପ୍ରଭୁଃ॥ 7-69-44 (47264)
ସ୍ବଧାଂ ରଜତପାତ୍ରେଷୁ ଦୁଦୁହୁଃ ପିତରଶ୍ଚ ତାମ୍।
ବତ୍ସୋ ବୈବସ୍ବତସ୍ତେଷାଂ ଯମୋ ଦୋଗ୍ଧାନ୍ତକସ୍ତଦା॥ 7-69-45 (47265)
ଏବଂ ନିକାଯୈସ୍ତୈର୍ଦୁଗ୍ଧା ପଯୋଽଭୀଷ୍ଟଂ ହି ସା ବିରାଟ୍।
ଯୈର୍ବର୍ତଯନ୍ତି ତେ ହ୍ଯଦ୍ଯ ପାତ୍ରୈର୍ବତ୍ସୈଶ୍ଚ ନିତ୍ଯଶଃ॥ 7-69-46 (47266)
ଯଜ୍ଞୈଶ୍ଚ ବିବିଧୈରିଷ୍ଟ୍ବା ପୃଥୁର୍ବୈନ୍ଯଃ ପ୍ରତାପବାନ୍।
ସନ୍ତର୍ପଯିତ୍ବା ଭୂତାନି ସର୍ବୈଃ କାମୈର୍ମନଃପ୍ରିଯୈଃ॥ 7-69-47 (47267)
ହୈରଣ୍ଯାନକରୋଦ୍ରାଜା ଯେ କେଚିତ୍ପାର୍ଥିବା ଭୁବି।
ତାନ୍ବ୍ରାହ୍ମଣେଭ୍ଯଃ ପ୍ରାଯଚ୍ଛଦଶ୍ବମେଧେ ମହାମଖେ॥ 7-69-48 (47268)
ସ ଷଷ୍ଟିଂ ଗୋସହସ୍ରାଣି ଷଷ୍ଟିଂ ନାଗଶତାନି ଚ।
ସୌବର୍ଣାନକରୋଦ୍ରାଜା ବ୍ରାହ୍ମଣେଭ୍ଯଶ୍ଚ ତାନ୍ଦଦୌ॥ 7-69-49 (47269)
ଇମାଂ ଚ ପୃଥିବୀଂ ସର୍ବାଂ ମଣିରତ୍ନବିଭୂଷିତାମ୍।
ସୌବର୍ଣୀମକରୋଦ୍ରାଜା ବ୍ରାହ୍ମଣେଭ୍ଯଶ୍ଚ ତାଂ ଦଦୌ॥ 7-69-50 (47270)
ସ ଚେନ୍ମମାର ସୃଞ୍ଜଯ ଚତୁର୍ଭଦ୍ରତରସ୍ତ୍ବଯା।
ପୁତ୍ରାତ୍ପୁଣ୍ଯତରସ୍ତୁଭ୍ଯଂ ମା ପୁତ୍ରମନୁତପ୍ଯଥାଃ।
ଅଯଜ୍ବାନମଦକ୍ଷିଣ୍ଯମଭି ଶ୍ବୈତ୍ଯେତ୍ଯୁଦାହରତ୍॥ ॥ 7-69-51 (47271)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ଷୋଡଶରାଜକୀଯେ ଏକୋନସପ୍ତତିତମୋଽଧ୍ଯାଯଃ॥ 69 ॥
Mahabharata - Drona Parva - Chapter Footnotes
5-69-1 ଧ୍ବଜଭଙ୍ଗସ୍ତୋରଣାଦିନା॥ 5-69-39 ଦ୍ବିମୂର୍ଧା ଶୁକ୍ରୋଽଭୂତ୍ ଇତି କ.ଙ.ଡ.ପାଠଃ॥ 5-69-43 ବିରାଟ୍ ପୃଥିବୀ। ବତ୍ସଶ୍ଚାସୀତ୍କୁବେରକଃ ଇତି.ପାଠଃ॥ 5-69-44 ଦୋଗ୍ଧା ବସୁରପି ପ୍ରଭୁଃ ଇତି କ.ଙ.ଡ.ପାଠଃ॥ 5-69-45 ବତ୍ସୋଽତ୍ର ବତ୍ସରସ୍ତେଷାଂ କ.ଙ.ପାଠଃ॥ 5-69-46 ନିବର୍ତଯନ୍ତି ତେ ରୁଦ୍ରାଦିଷ୍ଟେ ବୈନ୍ଯେନ ସର୍ବଶଃ ଇତି କ. ପାଠଃ। ଯୈର୍ବର୍ତଯନ୍ତି ତେ ତୃପ୍ତାଦିଷ୍ଟେ ବୈନ୍ଯେନ ସର୍ବଶଃ ଇତି ଙ. ପାଠଃ। ଯେ ବର୍ଷଯନ୍ତି ତେ ପାତ୍ରୈଃ ବତ୍ସୈର୍ଦୋଗ୍ଧୈଶ୍ଚ ନିତ୍ଯଶଃ ଇତି ଙ. ପାଠଃ॥ 5-69-48 ପାର୍ଥିବାଃ ପୃଥ୍ବୀସଂବନ୍ଧିପଦାର୍ଥାଃ॥ 5-69-69 ଏକୋନସପ୍ତତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 070
॥ ଶ୍ରୀଃ ॥
7.70. ଅଧ୍ଯାଯଃ 070
Mahabharata - Drona Parva - Chapter Topics
ସୃଞ୍ଜଯମ୍ପ୍ରତି ନାରଦେନ ପରଶୁରାମପ୍ରଭାବବର୍ଣନମ୍॥ 1 ॥Mahabharata - Drona Parva - Chapter Text
7-70-0 (47272)
ନାରଦ ଉବାଚ। 7-70-0x (4432)
ରାମୋ ମହାତପାଃ ଶୂରୋ ବୀରୋ ଲୋକନମସ୍କୃତଃ।
ଜାମଦଗ୍ନ୍ଯୋଽପ୍ଯତିଯଶା ଅବିତୃପ୍ତୋ ମରିଷ୍ଯତି॥ 7-70-1 (47273)
ଯଶ୍ଚାସ୍ତ୍ରମନୁପର୍ଯେତି ଭୂମିଂ କୁର୍ବନ୍ବିପାଂସୁଲାମ୍।
ନଚାସୀଦ୍ବିକ୍ରିଯା ଯସ୍ଯ ପ୍ରାପ୍ଯ ଶ୍ରିଯମନୁତ୍ତମାମ୍॥ 7-70-2 (47274)
`ଜାମଦଗ୍ନ୍ଯୋ ନ ତେ ରାଜନ୍କଚ୍ଚିଚ୍ଛ୍ରୋତ୍ରମୁପାଗତଃ।
ଯେନୈକେନ ପୁରା ରାଜନ୍କ୍ରୁଦ୍ଧେନ ହତବନ୍ଧୁନା॥ 7-70-3 (47275)
ଭୃଗୁଭିସ୍ତାମ୍ଭମାନେନ ତ୍ରାହି ରାମେତି ବିସ୍ବରମ୍।
ତ୍ରିଃସପ୍ତକୃତ୍ବୋ ଭୂମିର୍ଯତ୍କୃତା ନିଃକ୍ଷତ୍ରିଯା ପୁରା'॥ 7-70-4 (47276)
ଯଃ କ୍ଷତ୍ରିଯୈଃ ପରାମୃଷ୍ଟେ ବତ୍ସେ ପିତରି ଚାବ୍ରୁବନ୍।
ତତୋଽବଧୀତ୍କାର୍ତବୀର୍ଯମଜିତଂ ସମରେ ପରୈଃ॥ 7-70-5 (47277)
କ୍ଷତ୍ରିଯାଣାଂ ଚତୁଃଷଷ୍ଟିମଯୁତାନି ସହସ୍ରଶଃ।
ତଦା ମୃତ୍ଯୋଃ ସମେତାନି ଏକେନ ଧନୁଷାଽଜଯତ୍॥ 7-70-6 (47278)
ବ୍ରହ୍ମଦ୍ବିଷାଂ ଚାଥ ତସ୍ମିନ୍ହସ୍ରାଣି ଚତୁର୍ଦଶ।
ପୁନରନ୍ଯାନ୍ନିଜଗ୍ରାହ ଦନ୍ତକୂରେ ଜଘାନ ହ॥ 7-70-7 (47279)
ସହସ୍ରଂ ମୁସଲେନାହନ୍ସହସ୍ରମସିନାଽବଧୀତ୍।
ଉଦ୍ବନ୍ଧନାତ୍ସହସ୍ରଂ ଚ ସହସ୍ରମୁଦକେ କୃତମ୍॥ 7-70-8 (47280)
ଦନ୍ତାନ୍ଭଙ୍କ୍ତ୍ବା ସହସ୍ରସ୍ଯ ଭିନ୍ନକର୍ଣାଂସ୍ତଥାଽକରୋତ୍।
ତତଃ ସପ୍ତସହସ୍ରାଣାଂ କୁଟୁଧୃପମପାଯଯତ୍॥ 7-70-9 (47281)
ଶିଷ୍ଟାନ୍ବଧ୍ବା ଚ ହତ୍ବା ବୈ ତେଷାଂ ମୃର୍ଧ୍ନି ବିଭିଦ୍ଯ ଚ।
ଗୁଣାବତୀମୁତ୍ତରେଣ ଖାଣ୍ଡବାଦ୍ଦକ୍ଷିଣେନ ଚ।
ଗିର୍ଯନ୍ତେ ଶତସାହସ୍ରା ହୈହଯାଃ ସମରେ ହତାଃ॥ 7-70-10 (47282)
ସରଥାଶ୍ବଗଜା ବୀରା ନିହତାସ୍ତତ୍ର ଶେରତେ।
ପିତୁର୍ବଧାମର୍ଷିତେନ ଜାମଦଗ୍ନ୍ଯେନ ଧୀମତା॥ 7-70-11 (47283)
ନିଜଘ୍ନେ ଦଶସାହସ୍ରାନ୍ରାମଃ ପରଶୁନା ତଦା।
ନ ହ୍ଯମୃଷ୍ଯତ ତା ବାଚୋ ଯାସ୍ତୈର୍ଭୃଶମୁଦୀରିତାଃ॥ 7-70-12 (47284)
ଭୃଗୌ ରାମାଭିଧାବେତି ଯଦାକ୍ରନ୍ଦନ୍ଦ୍ବିଜୋତ୍ତମାଃ।
ତତଃ କାଶ୍ମୀରଦରଦାନ୍କୁନ୍ତିକ୍ଷୁଦ୍ରକମାଲବାନ୍॥ 7-70-13 (47285)
ଅଙ୍ଗବଙ୍ଗକଲିଙ୍ଗାଂଶ୍ଚ ବିଦେହାଂସ୍ତାମ୍ରଲିପ୍ତକାନ୍।
ରକ୍ଷୋବାହାନ୍ବୀତିହୋତ୍ରାଂସ୍ତ୍ରିଗର୍ତାନ୍ମାର୍ତିକାବତାନ୍॥ 7-70-14 (47286)
ଶିବୀନନ୍ଯାଂଶ୍ଚ ରାଜନ୍ଯାନ୍ଦେଶାନ୍ଦେଶାନ୍ସହସ୍ରଶଃ।
ନିଜଘାନ ଶିତୈର୍ବାଣୈର୍ଜାମଦଗ୍ନ୍ଯଃ ପ୍ରତାପବାନ୍॥ 7-70-15 (47287)
କୋଟୀଶତସହସ୍ରାଣି କ୍ଷତ୍ରିଯାଣାଂ ସହସ୍ରଶଃ।
ଇନ୍ଦ୍ରଗୋପକବର୍ଣସ୍ଯ ବନ୍ଧୁଜୀବନିଭସ୍ଯ ଚ॥ 7-70-16 (47288)
ରୁଧିରସ୍ଯ ପରୀବାହୈଃ ପୂରଯିତ୍ବା ସରାଂସି ଚ।
ସର୍ବାନଷ୍ଟାଦଶ ଦ୍ବୀପାନ୍ବଶମାନୀଯ ଭାର୍ଗବଃ॥ 7-70-17 (47289)
ଈଜେ କ୍ରତୁଶତୈଃ ପୁଣ୍ଯୈଃ ସମାପ୍ତବରଦକ୍ଷିଣୈଃ।
ବେଦୀମଷ୍ଟନଲୋତ୍ସେଧାଂ ସୌବର୍ଣାଂ ବିଧିନିର୍ମିତାମ୍॥ 7-70-18 (47290)
ସର୍ବରତ୍ନଶତୈଃ ପୂର୍ଣାଂ ପତାକାଶତମାଲିନୀମ୍।
ଗ୍ରାମ୍ଯାରଣ୍ଯୈଃ ପଶୁଗଣୈଃ ସମ୍ପୂର୍ଣାଂ ଚ ମହୀମିମାମ୍॥ 7-70-19 (47291)
ରାମସ୍ଯ ଜାମଦଗ୍ନ୍ଯସ୍ଯ ପ୍ରତିଜଗ୍ରାହ କଶ୍ଯପଃ।
ତତଃ ଶତସହସ୍ରାଣି ଦ୍ବିପେନ୍ଦ୍ରାନ୍ହେମଭୂଷଣାନ୍॥ 7-70-20 (47292)
ନିର୍ଦସ୍ଯୁଂ ପୃଥିବୀଂ କୃତ୍ବା ଶିଷ୍ଟେଷ୍ଟଜନସଙ୍କୁଲାମ୍।
କଶ୍ଯପାଯ ଦଦୌ ରାମୋ ହଯମେଧେ ମହାମଖେ॥ 7-70-21 (47293)
ତ୍ରିଃସପ୍ତକୃତ୍ବଃ ପୃଥିବୀଂ କୃତ୍ବା ନିଃକ୍ଷତ୍ରିଯାଂ ପ୍ରଭୁଃ।
ଇଷ୍ଟ୍ବା କ୍ରତୁଶତୈର୍ବୀରୋ ବ୍ରାହ୍ମଣେଭ୍ଯୋ ହ୍ଯମନ୍ଯତ॥ 7-70-22 (47294)
ସପ୍ତଦ୍ବୀପାଂ ବସୁମତୀଂ ମାରୀଚୋଽଗୃହ୍ଣତ ଦ୍ବିଜଃ।
ରାମଂ ପ୍ରୋବାଚ ନିର୍ଗଚ୍ଛ ବସୁଧାତୋ ମମାଜ୍ଞଯା॥ 7-70-23 (47295)
ସ କଶ୍ଯପସ୍ଯ ବଚନାତ୍ପ୍ରୋତ୍ସାର୍ଯ ସରିତାମ୍ପତିମ୍।
ଇଷୁପାତେ ଯୁଧାଂ ଶ୍ରେଷ୍ଠଃ କୁର୍ବନ୍ବ୍ରାହ୍ମଣଶାସନମ୍॥ 7-70-24 (47296)
ଅଧ୍ଯାବସଦ୍ଗିରିଶ୍ରେଷ୍ଠଂ ମହେନ୍ଦ୍ରଂ ପର୍ବତୋତ୍ତମମ୍।
ଏବଂ ଗୁଣଶତୈର୍ଯୁକ୍ତୋ ଭୃଗୂଣାଂ କୀର୍ତିବର୍ଧନଃ॥ 7-70-25 (47297)
ଜାମଦଗ୍ନ୍ଯୋ ହ୍ଯତିଯଶା ମରିଷ୍ଯତି ମହାଦ୍ଯୁତିଃ।
ତ୍ବଯା ଚତୁର୍ଭଦ୍ରତରଃ ପୁଣ୍ଯାତ୍ପୁଣ୍ଯତରସ୍ତବ॥ 7-70-26 (47298)
ଅଯଜ୍ବାନମଦକ୍ଷିଣ୍ଯଂ ମା ପୁତ୍ରମନୁତପ୍ଯଥାଃ।
ଏତେ ଚତୁର୍ଭଦ୍ରତରାସ୍ତ୍ବଯା ଭଦ୍ରଶତାଧିକାଃ।
ମୃତା ନରବରଶ୍ରେଷ୍ଠ ମରିଷ୍ଯନ୍ତି ଚ ସୃଞ୍ଜଯ॥ ॥ 7-70-27 (47299)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ଷୋଡଶରାଜକୀଯେ ସପ୍ତତିତମୋଽଧ୍ଯାଯଃ॥ 70 ॥
Mahabharata - Drona Parva - Chapter Footnotes
5-70-1 ଯେ ମୃତାସ୍ତେଽତୀତା ଯେ ବର୍ତମାନାସ୍ତେଽପି। ମରିଷ୍ଯନ୍ତ୍ଯେବେତ୍ଯାହ ରାମ ଇତି॥ 5-70-5 କ୍ଷତ୍ରିଯୈଃ କାର୍ତବୀର୍ଯପୁତ୍ରୈଃ। ଅବ୍ରୁବନ୍ନବିକତ୍ଥଯନ୍॥ 5-70-6 ମୃତ୍ଯୋର୍ମୃତ୍ଯୁମବଧୀକୃତ୍ଯ॥ 5-70-7 ତସ୍ମିଂସ୍ତନ୍ମଧ୍ଯେ ଏବ। ଦନ୍ତକ୍ରୂରମିତି ପାଠେ ତଦ୍ଦେଶାଧିପତିମ୍॥ 5-70-8 ଉଦ୍ବନ୍ଧନାଦ୍ବୃକ୍ଷଶାଖାବଲମ୍ବନାତ୍॥ 5-70-9 କଣଧୂମମପାଯଯତ୍ ଇତି କ.ଙ.ପାଠଃ॥ 5-70-12 ତୈରାଶ୍ରମବାସିଭିଃ॥ 5-70-18 ଅଷ୍ଟନଲେତ୍ଯତ୍ର ନଲଶବ୍ଦଶ୍ଚତୁର୍ହସ୍ତବଚନଃ॥ 5-70-70 ସପ୍ତତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 071
॥ ଶ୍ରୀଃ ॥
7.71. ଅଧ୍ଯାଯଃ 071
Mahabharata - Drona Parva - Chapter Topics
ଯୁଧିଷ୍ଠିରଂ ସମାଶ୍ବାସ୍ଯ ସ୍ବାଶ୍ରମଗମନମ୍॥ 1 ॥Mahabharata - Drona Parva - Chapter Text
7-71-0 (47300)
ବ୍ଯାସ ଉବାଚ। 7-71-0x (4433)
ପୁଣ୍ଯମାଖ୍ଯାନମାଯୁଷ୍ଯଂ ଶ୍ରୁତ୍ବା ଷୋଡଶରାଜକମ୍।
ଅବ୍ଯାହରନ୍ନରପତିସ୍ତୂଷ୍ଣୀମାସୀତ୍ସ ସୃଞ୍ଜଯଃ॥ 7-71-1 (47301)
ତମବ୍ରବୀତ୍ତଦା ଦୀନଂ ନାରଦୋ ଭଗବାନୃଷିଃ।
କଚ୍ଚିନ୍ମଯା ବ୍ଯାହୃତଂ ଯଦ୍ଧୃଦଯେ ତତ୍ସ୍ଥିତଂ ତବ॥ 7-71-2 (47302)
ଆହୋସ୍ବିଦନ୍ତତୋ ନଷ୍ଟଂ ଶ୍ରାଦ୍ଧଂ ଶୂଦ୍ରୀପତାବିବ।
ସ ଏବମୁକ୍ତଃ ପ୍ରତ୍ଯାହ ପ୍ରାଞ୍ଜଲିଃ ସୃଞ୍ଜଯସ୍ତଦା॥ 7-71-3 (47303)
ପୁତ୍ରଶୋକାପହଂ ଶ୍ରୁତ୍ବା ଧନ୍ଯମାଖ୍ଯାନମୁତ୍ତମମ୍।
ରାଜର୍ଷୀଣାଂ ପୁରାଣାନାଂ ଯଜ୍ବନାଂ ଦକ୍ଷିଣାବତାମ୍॥ 7-71-4 (47304)
ବିସ୍ମଯେନ ହୃତେ ଶୋକେ ତମସୀବାର୍କତେଜସା।
ବିପାପ୍ମାଽସ୍ମ୍ଯବ୍ଯଥୋପେତୋ ବ୍ରୂହି କିଂ କରବାଣ୍ଯହମ୍॥ 7-71-5 (47305)
ନାରଦ ଉବାଚ। 7-71-6x (4434)
ଦିଷ୍ଟ୍ଯାପହତଶୋକସ୍ତ୍ବଂ ବୃଣୀଷ୍ବେହ ଯଦିଚ୍ଛସି।
ତତ୍ତେ ସମ୍ପତ୍ସ୍ଯତେ ସର୍ବଂ ନ ମୃଷାବାଦିନୋ ବଯମ୍॥ 7-71-6 (47306)
ସୃଞ୍ଜଯ ଉବାଚ। 7-71-7x (4435)
ପାବିତୋଽହମନେନୈବ ପ୍ରସନ୍ନୋ ଯଦ୍ଭବାନ୍ମମ୍।
ପ୍ରସନ୍ନୋ ଯସ୍ଯ ଭଗବାନ୍ନ ତସ୍ଯାସ୍ତୀହ ଦୁର୍ଲଭମ୍॥ 7-71-7 (47307)
ନାରଦ ଉବାଚ। 7-71-8x (4436)
ପୁନର୍ଦଦାମି ତେ ପୁତ୍ରଂ ଦସ୍ଯୁଭିର୍ନିହତଂ ବୃଥା।
ଉଦ୍ଧୃତ୍ଯ ନରକାତ୍କଷ୍ଟାତ୍ପଶୁବତ୍ପ୍ରୋକ୍ଷିତଂ ଯଥା॥ 7-71-8 (47308)
ବ୍ଯାସ ଉବାଚ। 7-71-9x (4437)
ପ୍ରାଦୁରାସୀତ୍ତତଃ ପୁତ୍ରଃ ସୃଞ୍ଜଯସ୍ଯାଦ୍ଭୁତପ୍ରଭଃ।
ପ୍ରସନ୍ନେନର୍ଷିଣା ଦତ୍ତଃ କୁବେରତନଯୋପମଃ॥ 7-71-9 (47309)
ତତଃ ସଙ୍ଗମ୍ଯ ପୁତ୍ରେଣ ପ୍ରୀତିମାନଭବନ୍ନୃପଃ।
ଈଜେ ଚ କ୍ରତୁଭିଃ ପୁଣ୍ଯୈଃ ସମାପ୍ତବରଦକ୍ଷିଣୈଃ॥ 7-71-10 (47310)
ଅକୃତାର୍ଥଶ୍ଚ ଭୀତଶ୍ଚ ନ ଚ ସନ୍ନାହକୋବିଦଃ।
ଅଯଜ୍ବାଚାନପତ୍ଯଶ୍ଚ ତତୋଽସୌ ଜୀବିତଃ ପୁନଃ॥ 7-71-11 (47311)
ଶୂରୋ ବୀରଃ କୃତାର୍ଥଶ୍ଚ ପ୍ରମଥ୍ଯାରୀନ୍ସହସ୍ରଶଃ।
ଅଭିମନ୍ଯୁର୍ଗତଃ ସ୍ବର୍ଗଂ ସଙ୍ଗ୍ରାମେଽଭିମୁଖାହତଃ॥ 7-71-12 (47312)
ବ୍ରହ୍ମଚର୍ଯେଣ ଯାଁଲ୍ଲୋକାନ୍ପ୍ରଜଯା ଚ ଶ୍ରୁତେନ ଚ।
ଇଷ୍ଟୈଶ୍ଚ କ୍ରତୁଭିର୍ଯାନ୍ତି ତାଂସ୍ତେ ପୁତ୍ରୋଽକ୍ଷଯାନ୍ଗତଃ॥ 7-71-13 (47313)
ବିଦ୍ବାଂସଃ କର୍ମଭିଃ ପୁଣ୍ଯୈଃ ସ୍ବର୍ଗମୀହନ୍ତି ନିତ୍ଯଶଃ।
ନ ତୁ ସ୍ବର୍ଗାଦଯଂ ଲୋକଃ କାମ୍ଯତେ ସ୍ବର୍ଗବାସିଭିଃ॥ 7-71-14 (47314)
ତସ୍ମାତ୍ସ୍ବର୍ଗଗତଂ ପୁତ୍ରମର୍ଜୁନସ୍ଯ ହତଂ ରଣେ।
ନ ଚେହାନଯିତୁଂ ଶକ୍ଯଂ କିଞ୍ଚିଦପ୍ରାପ୍ଯମୀହିତମ୍॥ 7-71-15 (47315)
ଯାଂ ଯୋଗିନୋ ଧ୍ଯାନବିବିକ୍ତଦର୍ଶନାଃ
ପ୍ରଯାନ୍ତି ଯାଂ ଚୋତ୍ତମଯଜ୍ବିନୋ ଜନାଃ।
ତପୋଭିରିଦ୍ଧୈରନୁଯାନ୍ତି ଯାଂ ତଥା
ତାମକ୍ଷଯାଂ ତେ ତନଯୋ ଗତୋ ଗତିମ୍॥ 7-71-16 (47316)
ଅନ୍ତାତ୍ପୁନର୍ଭାବଗତୋ ବିରାଜତେ
ରାଜେବ ବୀରୋ ହ୍ଯମୃତାତ୍ମରଶ୍ମିଭିଃ।
ତାମୈନ୍ଦବୀମାତ୍ମତନୁଂ ଦ୍ବିଜୋଚିତାଂ
ଗତୋଽଭିମନ୍ଯୁର୍ନ ସ ଶୋକମର୍ହତି॥ 7-71-17 (47317)
ଏବଂ ଜ୍ଞାତ୍ବା ସ୍ଥିରୋ ଭୂତ୍ବା ମା ଶୁଚୋ ଧୈର୍ଯମାପ୍ନୁହି।
ଜୀବନ୍ହି ପୁରୁଷଃ ଶୋଚ୍ଯୋ ନ ତୁ ସ୍ବର୍ଗଗତୋଽନଘ॥ 7-71-18 (47318)
ଶୋଚତୋ ହି ମହାରାଜ ଅଘମେବାଭିବର୍ଧତେ।
ତସ୍ମାଚ୍ଛୋକଂ ପରିତ୍ଯଜ୍ଯ ଶ୍ରେଯସେ ପ୍ରଯତେଦ୍ବୁଧଃ॥ 7-71-19 (47319)
ପ୍ରହର୍ଷଂ ପ୍ରୀତିମାନନ୍ଦଂ ପ୍ରିଯମୁତ୍ସିକ୍ତଚିତ୍ତତାମ୍।
ଏତଦାହୁର୍ବୁଧାଃ ଶୌଚମଶୌଚଂ ଶୋକ ଉଚ୍ଯତେ॥ 7-71-20 (47320)
ଏବଂ ବିଦ୍ବନ୍ସମୁତ୍ତିଷ୍ଠ ପ୍ରଯତୋ ଭବ ମା ଶୁଚଃ।
ଶ୍ରୁତସ୍ତେ ସମ୍ଭବୋ ମୃତ୍ଯୋସ୍ତପାଂସ୍ଯନୁପମାନି ଚ॥ 7-71-21 (47321)
ସର୍ବଭୂତସମତ୍ବଂ ଚ ବ୍ରହ୍ମଣା ଚାପି ଚୋଦିତମ୍।
ସୃଞ୍ଜଯସ୍ଯ ତୁ ପୁତ୍ରୋଽସୌ ମୃତଃ ସଞ୍ଜୀବିତଃ ଶ୍ରୁତଃ॥ 7-71-22 (47322)
ଏବଂ ବିଦ୍ବନ୍ମହାରାଜ ମା ଶୁଚଃ ସାଧଯାମ୍ଯହମ୍।
ଏତାବଦୁକ୍ତ୍ବା ଭଗବାଂସ୍ତତ୍ରୈବାନ୍ତରଧୀଯତ॥ 7-71-23 (47323)
ବାଗୀଶାନେ ଭଗବତି ବ୍ଯାସେ ବ୍ଯଭ୍ରନଭଃପ୍ରଭେ।
ଗତେ ମତିମତାଂ ଶ୍ରେଷ୍ଠେ ସମାଶ୍ବାସ୍ଯ ଯୁଧିଷ୍ଠିରମ୍॥ 7-71-24 (47324)
ପୂର୍ବେଷାଂ ପାର୍ଥିବେନ୍ଦ୍ରାଣଆଂ ମହେନ୍ଦ୍ରପ୍ରତିମୌଜସାମ୍।
ନ୍ଯାଯାଧିଗତବିତ୍ତାନାଂ ତାଂ ଶ୍ରୁତ୍ବା ଯଜ୍ଞସମ୍ପଦମ୍॥ 7-71-25 (47325)
ସମ୍ପୂଜ୍ଯ ମନସା ବିଦ୍ବାନ୍ବିଶୋକୋଽଭୂଦ୍ଯୁଧିଷ୍ଠିରଃ।
ପୁନଶ୍ଚାଚିନ୍ତଯଦ୍ଦୀନଃ କିଂସ୍ବିଦ୍ବକ୍ଷ୍ଯେ ଧନଞ୍ଜଯମ୍॥ ॥ 7-71-26 (47326)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଅଭିମନ୍ଯୁବଧପର୍ବଣି ଏକସପ୍ତତିତମୋଽଧ୍ଯାଯଃ॥ 71 ॥
Mahabharata - Drona Parva - Chapter Footnotes
5-71-5 ବିସ୍ମଯେନ ପୁଣ୍ଯାଖ୍ଯାନଶ୍ରବଣଜନିତଚିତ୍ତବିସ୍ତାରେଣ॥ 5-71-15 ନେହାନିଯତିନା ହ୍ଯସ୍ଯ କିଂ ଚିଦବ୍ଯାପ୍ତମୀହତେ ଇତି କ.ପାଠଃ। ନ ଚେହାନଯିତୁଂ ଶକ୍ଯଂ କିଂ ଚିରଂ ପ୍ରାପ୍ଯମୀହତା ଇତି ଙ. ପାଠଃ। ନେହାନେଯତିନା ହ୍ଯସ୍ଯ କିଞ୍ଚିଦପ୍ରାପ୍ଯମୀଶିତୁଃ ଇତି ଡ.ପାଠଃ॥ 5-71-17 ଅନ୍ତାନ୍ମରଣାତ୍। ଭାବଗତଃ ସମ୍ପତ୍ପ୍ରାପ୍ତଃ। ଦ୍ବିଜୋଚିତାଂ ଦ୍ବିଜୈରଭିମତାମ୍॥ 5-71-19 ଅଧଂ ଦୁଃଖମ୍॥ 5-71-71 ଏକସପ୍ତତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 072
॥ ଶ୍ରୀଃ ॥
7.72. ଅଧ୍ଯାଯଃ 072
Mahabharata - Drona Parva - Chapter Topics
ଅଭିମନ୍ଯୁମନୁଶୋଚ୍ଯାର୍ଜୁନସ୍ଯ ବିଲାପଃ॥ 1 ॥Mahabharata - Drona Parva - Chapter Text
7-72-0 (47327)
ଧୃତରାଷ୍ଟ୍ର ଉବାଚ। 7-72-0x (4438)
ଅଥ ସଂଶପ୍ତକୈଃ ସାର୍ଧଂ ଯୁଧ୍ଯମାନେ ଧନଞ୍ଜଯେ।
ଅଭିମନ୍ଯୌ ହତେ ଚାପି ବାଲେ ବଲବତାଂ ବରେ॥ 7-72-1 (47328)
ମହର୍ଷିସତ୍ତମେ ଯାତେ ବ୍ଯାସେ ସ ତୁ ଯୁଧିଷ୍ଠିରଃ।
ପାଣ୍ଡବାଃ କିମଥାଽକାର୍ଷୁଃ ଶୋକୋପହତଚେତସଃ॥ 7-72-2 (47329)
କଥଂ ସଂଶପ୍ତକେଭ୍ଯୋ ବା ନିବୃତ୍ତୋ ବାନରଧ୍ବଜଃ।
କେନ ବା କଥିତସ୍ତସ୍ଯ ପ୍ରଶାନ୍ତଃ ସୁତପାବକଃ।
ଏତନ୍ମେ ଶଂସ ତତ୍ତ୍ବେନ ସର୍ବମେବେହ ସଞ୍ଜଯ॥ 7-72-3 (47330)
ସଞ୍ଜଯ ଉବାଚ। 7-72-4x (4439)
ଶୃଣୁ ରାଜନ୍ଯଥା ତେଭ୍ଯୋ ନିବୃତ୍ତଃ କୃଷ୍ଣସାରଥିଃ।
ତତଃ ସର୍ବାଣି ସୈନ୍ଯାନି ଦହନ୍କୃଷ୍ଣଗତିର୍ଯଥା॥ 7-72-4 (47331)
ସମ୍ପ୍ରଯାତେଽସ୍ତମାଦିତ୍ଯେ ସଂଧ୍ଯାକାଲ ଉପସ୍ଥିତେ।
ଅଯାତସ୍ଯାତ୍ମଶିବିରଂ ନିମିତ୍ତୈରଘଶଂସିଭିଃ॥ 7-72-5 (47332)
ଯଚ୍ଚାସୀନ୍ମାନସଂ ତସ୍ଯ ଯଚ୍ଚ କୃଷ୍ଣେନ ଭାଷିତମ୍।
ଯଥା ଚ କଥିତସ୍ତସ୍ଯ ନିହତଃ ସୁତପାବକଃ।
ବିସ୍ତରେଣୈବ ମେ ସର୍ବଂ ବ୍ରୁବତଃ ଶୃଣୁ ମାରିଷ'॥ 7-72-6 (47333)
ତସ୍ମିନ୍ନହନି ନିର୍ବୃତ୍ତେ ଘୋରେ ପ୍ରାଣଭୃତାଂ କ୍ଷଯେ।
ଆଦିତ୍ଯେଽସ୍ତଙ୍ଗତେ ଶ୍ରୀମାନ୍ସନ୍ଧ୍ଯାକାଲ ଉପସ୍ଥିତେ॥ 7-72-7 (47334)
ବ୍ଯପଯାତେଷୁ ବାସାଯ ସର୍ବେଷୁ ଭରତର୍ଷଭ।
ହତ୍ବା ସଂଶପ୍ତକବ୍ରାତାନ୍ଦିବ୍ଯୈରସ୍ତ୍ରୈଃ କପିଧ୍ବଜଃ॥ 7-72-8 (47335)
ପ୍ରାଯାତ୍ସ୍ବଶିବିରଂ ଜିଷ୍ଣୁର୍ଜୈତ୍ରମାସ୍ଥାଯ ତଂ ରଥମ୍।
ଗଚ୍ଛନ୍ନେବ ଚ ଗୋବିନ୍ଦଂ ସାଶ୍ରୁକଣ୍ଠୋଽଭ୍ଯଭାଷତ॥ 7-72-9 (47336)
କିଂ ତୁ ମେ ହୃଦଯଂ ତ୍ରସ୍ତଂ ବାକ୍ବ ସଜ୍ଜତି କେଶବ।
ସ୍ଯନ୍ଦନେ ନାବତିଷ୍ଠାମି ଗାତ୍ରୈଃ ସୀଦାମି ଚାଚ୍ଯୁତ॥ 7-72-10 (47337)
ଅନିଷ୍ଟଂ ଚୈବ ମେ ଶ୍ଲିଷ୍ଟଂ ହୃଦଯାନ୍ନାପସର୍ପତି।
ଭୁବିଯେ ଦିକ୍ଷୁ ଚାତ୍ଯୁଗ୍ରା ଉତ୍ପାତାସ୍ତ୍ରାସଯନ୍ତି ମାମ୍॥ 7-72-11 (47338)
ବହୁପ୍ରକାରା ଦୃଶ୍ଯନ୍ତେ ସର୍ବ ଏବାଘଶଂସିନଃ।
ଅପି ସ୍ବସ୍ତି ଭବେଦ୍ରାଜ୍ଞଃ ସାମାତ୍ଯସ୍ଯ ଗୁରୋର୍ମମ॥ 7-72-12 (47339)
ବାସୁଦେବ ଉବାଚ। 7-72-13x (4440)
ବ୍ଯକ୍ତଂ ଶିବଂ ସହଭ୍ରାତୁର୍ଧର୍ମରାଜସ୍ଯ ପାଣ୍ଡବ।
ମା ଶୁଚଃକିଞ୍ଚିଦେବାନ୍ଯତ୍ତତ୍ରାନିଷ୍ଟଂ ଭବିଷ୍ଯତି॥ 7-72-13 (47340)
ସଞ୍ଜଯ ଉବାଚ। 7-72-14x (4441)
ତତଃ ସନ୍ଧ୍ଯାମୁପାସ୍ଯୈବ ବୀରୌ ବୀରାବସାଦନେ।
କଥଯନ୍ତୌ ରଣେ ବୃତ୍ତଂ ପ୍ରଯାତୌ ରଥମାସ୍ଥିତୌ॥ 7-72-14 (47341)
ତତଃ ସ୍ବଶିବିରଂ ପ୍ରାପ୍ତୌ ହତାମିତ୍ରୌ ହତଦ୍ବିଷୌ।
ବାସୁଦେବୋଽର୍ଜୁନଶ୍ଚୈବ କୃତ୍ବା କର୍ମ ସୁଦୁଷ୍କରମ୍॥ 7-72-15 (47342)
ଧ୍ବସ୍ତାକାରମିବାଲେଖ୍ଯଂ ସଂବୀକ୍ଷ୍ଯ ଶିବିରଂ ସ୍ବକମ୍।
ବୀଭତ୍ସୁରବ୍ରବୀତ୍କୃଷ୍ଣମସ୍ବସ୍ଥହୃଦଯସ୍ତତଃ॥ 7-72-16 (47343)
ନଦନ୍ତି ନାଦ୍ଯ ତୂର୍ଯାଣି ମଙ୍ଗଲ୍ଯାନି ଜନାର୍ଦନ।
ମିଶ୍ରା ଦୁନ୍ଦୁଭିନିର୍ଧୋଷୈଃ ଶଙ୍ଖାଶ୍ଚାଡମ୍ବରୈଃ ସହ॥ 7-72-17 (47344)
ବୀଣା ନୈବାଦ୍ଯ ବାଦ୍ଯନ୍ତେ ଶମ୍ଯାତାଲସ୍ବନୈଃ ସହ।
ମଙ୍ଗଲ୍ଯାନି ଚ ଗୀତାନି ନ ଗାଯନ୍ତି ପଠନ୍ତି ଚ॥ 7-72-18 (47345)
ସ୍ତୁତିଯୁକ୍ତାନି ରମ୍ଯାଣି ମମାନୀକେଷୁ ବନ୍ଦିନଃ।
ଯୋଧାଶ୍ଚାପି ହି ମାଂ ଦୃଷ୍ଟ୍ବା ନିବର୍ତନ୍ତେ ହ୍ଯଧୋମୁଖାଃ॥ 7-72-19 (47346)
କର୍ମାଣି ଚ ଯଥାପୂର୍ବଂ କୃତ୍ବା ନାଭିବଦନ୍ତି ମାମ୍।
ଅପି ସ୍ବସ୍ତି ଭବେଦଦ୍ଯ ଭ୍ରାତୃଭ୍ଯୋ ମମ ମାଧବ॥ 7-72-20 (47347)
ନ ହି ଶୁଦ୍ଧ୍ଯତି ମେ ଭାବୋ ଦୃଷ୍ଟ୍ବା ସ୍ବଜନମାକୁଲମ୍।
ଅପି ପାଞ୍ଚାଲରାଜସ୍ଯ ବିରାଟସ୍ଯ ଚ ମାନଦ॥ 7-72-21 (47348)
ସର୍ବେଷାଂ ଚୈବ ଯୋଧାନାଂ ସାମଗ୍ର୍ଯଂ ସ୍ଯାନ୍ମମାଚ୍ଯୁତ।
ନ ଚ ମାମଦ୍ଯ ସୌଭଦ୍ରଃ ପ୍ରହୃଷ୍ଟୋ ଭ୍ରାତୃଭିଃ ସହ।
ରଣାଦାଯାନ୍ତମୁଚିତଂ ପ୍ରତ୍ଯୁଦ୍ଯାତି ହସନ୍ନିବ॥ 7-72-22 (47349)
ସଞ୍ଜଯ ଉବାଚ। 7-72-23x (4442)
ଏବଂ ସଙ୍କଥଯନ୍ତୌ ତୌ ପ୍ରବିଷ୍ଟୌ ଶିବିରଂ ସ୍ବକମ୍।
ଦଦୃଶାତେ ଭୃଶାସ୍ବସ୍ଥାନ୍ପାଣ୍ଡବାନ୍ନଷ୍ଟଚେତସଃ॥ 7-72-23 (47350)
ଦୃଷ୍ଟ୍ବା ଭ୍ରାତୃଂଶ୍ଚ ପୁତ୍ରାଂଶ୍ଚ ବିମନା ବାନରଧ୍ବଜଃ।
ଅପଶ୍ଯଂଶ୍ଚୈବ ସୌଭଦ୍ରମିଦଂ ବଚନମବ୍ରବୀତ୍॥ 7-72-24 (47351)
ମୁଖବର୍ଣୋଽପ୍ରସନ୍ନୋ ବଃ ସର୍ବେଷାମେବ ଲକ୍ଷ୍ଯତେ।
ନ ଚାଭିମନ୍ଯୁଂ ପଶ୍ଯାମି ନ ଚ ମାଂ ପ୍ରତିନନ୍ଦଥ॥ 7-72-25 (47352)
ମଯା ଶ୍ରୁତଶ୍ଚ ଦ୍ରୋଣେନ ପଦ୍ମବ୍ଯୂହୋ ବିନିର୍ମିତଃ।
ନ ଚ ବସ୍ତସ୍ଯ ଭେତ୍ତାଽସ୍ତି ବିନା ସୌଭଦ୍ରମର୍ଭକମ୍॥ 7-72-26 (47353)
ନ ଚୋପଦିଷ୍ଟସ୍ତସ୍ଯାସୀନ୍ମଯାନୀକାଦ୍ବିନିର୍ଗମଃ।
କଚ୍ଚିନ୍ନ ବାଲୋ ଯୁଷ୍ମାଭିଃ ପରାନୀକଂ ପ୍ରବେଶିତଃ॥ 7-72-27 (47354)
ଭିତ୍ତ୍ବାଽନୀକଂ ମହେଷ୍ବାସଃ ପରେଷାଂ ବହୁଭିର୍ଯୁଧି।
କଚ୍ଚିନ୍ନ ନିହତଃ ସଙ୍ଖ୍ଯେ ସୌଭଦ୍ରଃ ପରବୀରହା॥ 7-72-28 (47355)
ଲୋହିତାକ୍ଷଂ ମହାବାହୁଂ ଜାତଂ ସିଂହମିବାଦ୍ରିଷୁ।
ଉପେନ୍ଦ୍ରସଦୃଶଂ ବ୍ରୂତ କଥମାଯୋଧନେ ହତଃ॥ 7-72-29 (47356)
ସୁକୁମାରଂ ମହେଷ୍ବାସଂ ବାସବସ୍ଯାତ୍ମଜାତ୍ମଜମ୍।
ସଦା ମମ ପ୍ରିଯଂ ବ୍ରୂତ କଥମାଯୋଧନେ ହତଃ॥ 7-72-30 (47357)
ସୁଭଦ୍ରାଯାଃ ପ୍ରିଯଂ ପୁତ୍ରଂ ଦ୍ରୌପଦ୍ଯାଃ କେଶବସ୍ଯ ଚ।
ଅମ୍ବାଯାଶ୍ଚ ପ୍ରିଯଂ ନିତ୍ଯଂ କୋବଧୀତ୍କାଲମୋହିତଃ॥ 7-72-31 (47358)
ସଦୃଶୋ ବୃଷ୍ଣିବୀରସ୍ଯ କେଶବସ୍ଯ ମହାତ୍ମନଃ।
ବିକ୍ରମଶ୍ରୁତମାହାତ୍ମ୍ଯୈଃ କଥମାଯୋଧନେ ହତଃ॥ 7-72-32 (47359)
ବାର୍ଷ୍ଣେଯୀଦଯିତଂ ଶୂରଂ ମଯା ସତତଲାଲିତମ୍।
ଯଦି ପୁତ୍ରଂ ନ ପଶ୍ଯାମି ଯାସ୍ଯାମି ଯମସାଦନମ୍॥ 7-72-33 (47360)
ମୃଦୁକୁଞ୍ଚିତକେଶାନ୍ତଂ ବାଲଂ ବାଲମୃଗେକ୍ଷଣମ୍।
ମତ୍ତଦ୍ବିରଦବିକ୍ରାନ୍ତଂ ସିଂହପୋତମିବୋଦ୍ଗତମ୍॥ 7-72-34 (47361)
ସ୍ମିତାଭିଭାଷିଣଂ ଦାନ୍ତଂ ଗୁରୁବାକ୍ଯକରଂ ସଦା।
ବାଲ୍ଯେଽପ୍ଯତୁଲକର୍ମାଣଂ ପ୍ରିଯବାକ୍ଯମମତ୍ସରମ୍॥ 7-72-35 (47362)
ମହୋତ୍ସାହଂ ମହାବାହୁଂ ଦୀର୍ଘରାଜୀବଲୋଚନମ୍।
ଭକ୍ତାନୁକମ୍ପିନଂ ଦାନ୍ତଂ ନ ଚ ନୀଚାନୁସାରିଣମ୍॥ 7-72-36 (47363)
କୃତଜ୍ଞଂ ଜ୍ଞାନସମ୍ପନ୍ନଂ କୃତାସ୍ତ୍ରଭନିବର୍ତିନମ୍।
ଯୁଦ୍ଧାଭିନନ୍ଦିନଂ ନିତ୍ଯଂ ଦ୍ବିଷତାଂ ଭଯବର୍ଧନମ୍॥ 7-72-37 (47364)
ସ୍ବେଷାଂ ପ୍ରିଯହିତେ ଯୁକ୍ତଂ ପିତୄଣାଂ ଜଯଗୃଦ୍ଧିନମ୍।
ନ ଚ ପୂର୍ବଂ ପ୍ରହର୍ତାରଂ ସମ୍ପ୍ରମେ ନଷ୍ଟସମ୍ଭ୍ରମମ୍।
ଯଦି ପୁତ୍ରଂ ନ ପଶ୍ଯାମି ଯାସ୍ଯାମି ଯମସାଦନମ୍॥ 7-72-38 (47365)
ରଥେଷୁ ଗଣ୍ଯମାନେଷୁ ଗଣିତଂ ତଂ ମହାରଥମ୍।
ମଯାଽଧ୍ଯର୍ଧଗୁଣଂ ସଙ୍ଖ୍ଯେ ତରୁଣଂ ବାହୁଶାଲିନମ୍॥ 7-72-39 (47366)
ପ୍ରଦ୍ଯୁମ୍ନସ୍ଯ ପ୍ରିଯଂ ନିତ୍ଯଂ କେଶବସ୍ଯ ମମୈବ ଚ।
ଯଦି ପୁତ୍ରଂ ନ ପଶ୍ଯାମି ଯାସ୍ଯାମି ଯମସାଦନମ୍॥ 7-72-40 (47367)
ସୁନସଂ ସୁଲଲାଟାନ୍ତଂ ସ୍ବକ୍ଷିଭ୍ରୂଦଶନଚ୍ଛଦମ୍।
ଅପଶ୍ଯତସ୍ତଦ୍ବଦନଂ କା ଶାନ୍ତିର୍ହୃଦଯସ୍ଯ ମେ॥ 7-72-41 (47368)
ତନ୍ତ୍ରୀସ୍ବନସୁଖଂ ରମ୍ଯଂ ପୁଂସ୍କୋକିଲସମଧ୍ବନିମ୍।
ଅଶୃଣ୍ବତଃ ସ୍ବନଂ ତସ୍ଯ କା ଶାନ୍ତିର୍ହୃଦଯସ୍ଯ ମେ॥ 7-72-42 (47369)
ରୂପଂ ଚାପ୍ରତିମଂ ତସ୍ଯ ତ୍ରିଦଶୈଶ୍ଚାପି ଦୁର୍ଲଭମ୍।
ଅପଶ୍ଯତୋ ହି ବୀରସ୍ଯ କା ଶାନ୍ତିର୍ହୃଦଯସ୍ଯ ମେ॥ 7-72-43 (47370)
ଅଭିବାଦନଦକ୍ଷଂ ତଂ ପିତୄଣାଂ ବଚନେ ରତମ୍।
ନାଦ୍ଯାହଂ ଯଦି ପଶ୍ଯାମି କା ଶାନ୍ତିର୍ହୃଦଯସ୍ଯ ମେ॥ 7-72-44 (47371)
ସୁକୁମାରଃ ସଦା ବୀରୋ ମହାର୍ହଶଯନୋଚିତଃ।
ଭୂମାବନାଥବଚ୍ଛେତେ ନୂନଂ ନାଥବତାଂ ବରଃ॥ 7-72-45 (47372)
ଶଯାନଂ ସମୁପାସନ୍ତି ଯଂ ପୁରା ପରମସ୍ତ୍ରିଯଃ।
ତମଦ୍ଯ ବିପ୍ରବିଦ୍ଧାଙ୍ଗମୁପାସନ୍ତ୍ଯଶିବାଃ ଶିବାଃ॥ 7-72-46 (47373)
ଯଃ ପୁରା ବୋଧ୍ଯତେ ସୁପ୍ତଃ ସୂତମାଗଧବନ୍ଦିଭିଃ।
ବୋଧଯନ୍ତ୍ଯଦ୍ଯ ତଂ ନୂନଂ ଶ୍ବାପଦା ବିକୃତୈଃ ସ୍ବନୈଃ॥ 7-72-47 (47374)
ଛତ୍ରଚ୍ଛାଯାସମୁଚିତଂ ତସ୍ଯ ତଦ୍ବଦନଂ ଶୁଭମ୍।
ନୂନମଦ୍ଯ ରଜୋଧ୍ବସ୍ତଂ ରଣରେଣୁଃ କରିଷ୍ଯତି॥ 7-72-48 (47375)
ହା ପୁତ୍ରକାବିତୃପ୍ତସ୍ଯ ସତତଂ ପୁତ୍ରଦର୍ଶନେ।
ଭାଗ୍ଯହୀନସ୍ଯ କାଲେନ ଯଥା ମେ ନୀଯସେ ବଲାତ୍॥ 7-72-49 (47376)
ସା ଚ ସଂଯମନୀ ନୂନଂ ସଦା ସୁକୃତିନାଂ ଗତିଃ।
ସ୍ବଭାଭିର୍ମୋହିତା ରମ୍ଯା ତ୍ବଯାଽତ୍ଯର୍ଥଂ ବିରାଜତେ॥ 7-72-50 (47377)
ନୂନଂ ବୈବସ୍ବତଶ୍ଚ ତ୍ବାଂ ବରୁଣଶ୍ଚ ପ୍ରିଯାତିଥିମ୍।
ଶତକ୍ରତୁର୍ଧନେଶଶ୍ଚ ପ୍ରାପ୍ତମର୍ଚନ୍ତ୍ଯଭୀରୁକମ୍॥ 7-72-51 (47378)
ସଞ୍ଜଯ ଉବାଚ। 7-72-52x (4443)
ଏବଂ ବିଲପ୍ଯ ବହୁଧା ଭିନ୍ନପୋତୋ ବଗିଗ୍ଯଥା।
ଦୁଃଖେନ ମହତାଽବିଷ୍ଟୋ ଯୁଧିଷ୍ଠିରମପୃଚ୍ଛତ॥ 7-72-52 (47379)
`କଥଂ ତ୍ବଯି ଚ ଭୀମେ ଚ ଧୃଷ୍ଟଦ୍ଯୁମ୍ନେ ଚ ଜୀବତି।
ସାତ୍ଯକେ ଶକ୍ରବିକ୍ରାନ୍ତେ ସୌଭଦ୍ରୋ ନିହତଃ ପରୈଃ'॥ 7-72-53 (47380)
କଚ୍ଚିତ୍ସ କଦନଂ କୃତ୍ବା ପରେଷାଂ କୁରୁନନ୍ଦନ।
ସ୍ବର୍ଗତୋଽଭିମୁଖଃ ସଙ୍ଖ୍ଯେ ଯୁଧ୍ଯମାନୋ ନରର୍ଷଭୈଃ॥ 7-72-54 (47381)
ସ ନୂନଂ ବହୁଭିର୍ଯତ୍ତୈର୍ଯୁଧ୍ଯମାନୋ ନରର୍ଷଭୈଃ।
ଅସହାଯଃ ସହାଯାର୍ଥୀ ମାମନୁଧ୍ଯାତବାନ୍ଧ୍ରୁବମ୍॥ 7-72-55 (47382)
ପୀଡ୍ଯମାନଃ ଶରୈର୍ବାଲସ୍ତାତ ସାଧ୍ବଭିଧାବ ମାମ୍।
ଇତି ବିପ୍ରଲପନ୍ମନ୍ଯେ ନୃଶଂସୈର୍ଭୁବି ପାତିତଃ॥ 7-72-56 (47383)
ଅଥବା ମତ୍ପ୍ରସୂତଃ ସ ସ୍ବସ୍ରୀଯୋ ମାଧବସ୍ଯ ଚ।
ସୁଭଦ୍ରାଯାଂ ଚ ସମ୍ଭୂତୋ ନ ଚୈବଂ ବକ୍ତୁମର୍ହତି॥ 7-72-57 (47384)
ବଜ୍ରସାରମଯଂ ନୂନଂ ହୃଦଯଂ ସୁଦୃଢଂ ମମ।
ଅପଶ୍ଯତୋ ଦୀର୍ଘବାହୁଂ ରକ୍ତାକ୍ଷଂ ଯନ୍ନ ଦୀର୍ଯତେ॥ 7-72-58 (47385)
କଥଂ ବାଲେ ମହେଷ୍ବାସା ନୃଶଂସା ମର୍ମଭେଦିନଃ।
ସ୍ବସ୍ରୀଯେ ବାସୁଦେବସ୍ଯ ମମ ପୁତ୍ରେଽକ୍ଷିପଞ୍ଶରାନ୍॥ 7-72-59 (47386)
ଯୋ ମାଂ ନିତ୍ଯମଦୀନାତ୍ମା ପ୍ରତ୍ଯୁଦ୍ଗମ୍ଯାଭିନନ୍ଦତି।
ଉପଯାନ୍ତଂ ରିପୂନ୍ହତ୍ବା ସୋଽଦ୍ଯ ମାଂ କିଂ ନ ପଶ୍ଯତି॥ 7-72-60 (47387)
ନୂନଂ ସ ପାତିତଃ ଶେତେ ଧରଣ୍ଯାଂ ରୁଧିରୋକ୍ଷିତଃ।
ଶୋଭଯନ୍ମେଦିନୀଂ ଗାତ୍ରୈରାଦିତ୍ଯ ଇବ ପାତିତଃ॥ 7-72-61 (47388)
ସୁଭଦ୍ରାମନୁଶୋଚାମି ଯା ପୁତ୍ରମପଲାଯିନମ୍।
ରଣେ ବିନିହତଂ ଶ୍ରୁତ୍ବା ଶୋକାର୍ତା ବୈ ବିନଙ୍କ୍ଷତି॥ 7-72-62 (47389)
ସୁଭଦ୍ରା ବକ୍ଷ୍ଯତେ କିଂ ମାମବିମନ୍ଯୁମପଶ୍ଯତୀ।
ଦ୍ରୌପଦୀଂ ଚୈବ ଦୁଃଖାର୍ତାଂ କିଂ ବା ବକ୍ଷ୍ଯାମି ତାମହମ୍॥ 7-72-63 (47390)
ବଜ୍ରସାରମଯଂ ନୂନଂ ହୃଦଯଂ ଯନ୍ନ ଯାସ୍ଯତି।
ସହସ୍ରଧା ବଧୂଂ ଦୃଷ୍ଟ୍ବା ରୁଦତୀଂ ଶୋକକର୍ଶିତାମ୍॥ 7-72-64 (47391)
ହୃଷ୍ଟାନାଂ ଧାର୍ତରାଷ୍ଟ୍ରାଣାଂ ସିଂହନାଦୋ ମଯା ଶ୍ରୁତଃ।
ଯୁଯୁତ୍ସୁଶ୍ଚାପି କୃଷ୍ଣେନ ଶ୍ରୁତୋ ବୀରାନୁପାଲଭନ୍॥ 7-72-65 (47392)
ଅଶକ୍ନୁବନ୍ତଃ ପାର୍ଥସ୍ଯ ବାଲଂ ହତ୍ବା ମହାବଲମ୍।
କିଂ ନ ଲଜ୍ଜନ୍ତ୍ଯଧର୍ମଜ୍ଞାଃ ପାର୍ଥିବା ଦୃଶ୍ଯତାଂ ବଲମ୍॥ 7-72-66 (47393)
କିଂ ତଯୋର୍ବିପ୍ରିଯଂ କୃତ୍ବା କେଶବାର୍ଜୁନଯୋର୍ମୃଧେ।
ସିଂହବନ୍ନଦଥ ପ୍ରୀତାଃ ଶୋକକାଲ ଉପସ୍ଥିତେ॥ 7-72-67 (47394)
ଆଗମିଷ୍ଯତି ବଃ କ୍ଷିପ୍ରଂ ଫଲଂ ପାପସ୍ଯ କର୍ମଣଃ।
ଅଧର୍ମୋ ହି କୃତସ୍ତୀବ୍ରଃ କଥଂ ସ୍ଯାଦଫଲଶ୍ଚିରମ୍॥ 7-72-68 (47395)
ଇତି ତାନ୍ପରିଭାଷନ୍ବୈ ବୈଶ୍ଯାପୁତ୍ରୋ ମହାମତିଃ।
ଅପାଯାଚ୍ଛସ୍ତ୍ରମୁତ୍ସୃଜ୍ଯ କୋପଦୁଃଖସମନ୍ବିତଃ॥ 7-72-69 (47396)
କିମର୍ଥମେତନ୍ନାଖ୍ଯାତଂ ତ୍ବଯା କୃଷ୍ଣ ରଣେ ମମ।
ଅଧକ୍ଷ୍ଯଂ ତାନହଂ କ୍ରୂରାଂସ୍ତଦା ସର୍ବାନ୍ମହାରଥାନ୍॥ 7-72-70 (47397)
ସଞ୍ଜଯ ଉବାଚ। 7-72-71x (4444)
ପୁତ୍ରଶୋକାର୍ଦିତଂ ପାର୍ଥଂ ଧ୍ଯାଯନ୍ତଂ ସାଶ୍ରୁଲୋଚନମ୍।
ନିଗୃହ୍ଯ ବାସୁଦେବସ୍ତଂ ପୁତ୍ରାଧିଭିରଭିପ୍ଲୁତମ୍।
ମୈବମିତ୍ଯବ୍ରବୀତ୍କୃଷ୍ଣସ୍ତୀବ୍ରଶୋକସମନ୍ବିତମ୍॥ 7-72-71 (47398)
ସର୍ବେଷାମେଷ ବୈ ପନ୍ଥାଃ ଶୂରାଣାମନିବର୍ତିନାମ୍।
କ୍ଷତ୍ରିଯାଣାଂ ବିଶେଷେଣ ଯେଷାଂ ନଃ ଶସ୍ତ୍ରଜୀବିକା॥ 7-72-72 (47399)
ଏଷା ବୈ ଯୁଧ୍ଯମାନାନାଂ ଶୂରାଣାମନିବର୍ତିନାମ୍।
ବିହିତା ସର୍ବଶାସ୍ତ୍ରଜ୍ଞୈର୍ଗତିର୍ମତିମତାଂ ବର॥ 7-72-73 (47400)
ଧ୍ରୁବଂ ହି ଯୁଦ୍ଧେ ମରଣଂ ଶୂରାମାମନିବର୍ତିନାମ୍।
ଗତଃ ପୁଣ୍ଯକୃତାଂ ଲୋକାନଭିମନ୍ଯୁର୍ନ ସଂଶଯଃ॥ 7-72-74 (47401)
ଏତଚ୍ଚ ସର୍ବବୀରାଣାଂ କାଙ୍କ୍ଷିତଂ ଭରତର୍ଷଭ।
ସଙ୍ଗ୍ରାମେଽଭିମୁଖା ମୃତ୍ଯୁଂ ପ୍ରାପ୍ନୁଯାମେତି ମାନଦ॥ 7-72-75 (47402)
ସ ଚ ବୀରାନ୍ରଣେ ହତ୍ବା ରାଜପୁତ୍ରାନ୍ମହାବଲାନ୍।
ବୀରୈରାକାଙ୍କ୍ଷିତଂ ମୃତ୍ଯୁଂ ସମ୍ପ୍ରାପ୍ତୋଽଭିମୁଖଂ ରଣେ॥ 7-72-76 (47403)
ମା ଶୁଚଃ ପୁରୁଷବ୍ଯାଘ୍ର ପୂର୍ବୈରେଷ ସନାତନଃ।
ଧର୍ମକୃଦ୍ଭିଃ କୃତୋ ଧର୍ମଃ କ୍ଷତ୍ରିଯାଣାଂ ରଣେ କ୍ଷଯଃ॥ 7-72-77 (47404)
ଇମେ ତେ ଭ୍ରାତରଃ ସର୍ବେ ଦୀନା ଭରତସତ୍ତମ।
ତ୍ବଯି ଶୋକସମାବିଷ୍ଟେ ନୃପାଶ୍ଚ ସୁହୃଦସ୍ତବ॥ 7-72-78 (47405)
ଏତାଂଶ୍ଚ ବଚସା ସାମ୍ନା ସମାଶ୍ବାସଯ ମାନଦ।
ବିଦିତଂ ବେଦିତବ୍ଯଂ ତେ ନ ଶୋକଂ କର୍ତୁମର୍ହସି॥ 7-72-79 (47406)
ସଞ୍ଜଯ ଉବାଚ। 7-72-80x (4445)
ଏବମାଶ୍ବାସିତଃ ପାର୍ଥଃ କୃଷ୍ଣେନାଦ୍ଭୁତକର୍ମଣା।
ତତୋଽବ୍ରବୀତ୍ତଦା ଭ୍ରାତୄନ୍ସର୍ବାନ୍ପାର୍ଥଃ ସଗଦ୍ଗଦମ୍॥ 7-72-80 (47407)
ସ ଦୀର୍ଘବାହୁଃ ପୃଥ୍ବଂସୋ ଦୀର୍ଘରାଜୀବଲୋଚନଃ।
ଅଭିମନ୍ଯୁର୍ଯଥା ବୃତ୍ତଃ ଶ୍ରୋତୁମିଚ୍ଛାମ୍ଯହଂ ତଥା॥ 7-72-81 (47408)
ସନାଗସ୍ଯନ୍ଦନହଯାନ୍ସଙ୍ଗ୍ରାମେ ନିହତାନ୍ମଯା।
କ୍ଷିପ୍ରଂ ଦ୍ରକ୍ଷ୍ଯନ୍ତି ତେ ନୂନଂ ମମ ପୁତ୍ରଂ ନିହତ୍ଯ ବୈ॥ 7-72-82 (47409)
କଥଂ ଚ ବଃ କୃତାସ୍ତ୍ରାଣାଂ ସର୍ବେଷାଂ ଶସ୍ତ୍ରପାଣିନାମ୍।
ସୌଭଦ୍ରୋ ନିଧନଂ ଗଚ୍ଛେଦ୍ବଜ୍ରିଣାପି ସମାଗତଃ॥ 7-72-83 (47410)
ଯଦ୍ଯେବମହମଜ୍ଞାସ୍ଯମଶକ୍ତାନ୍ରକ୍ଷଣେ ମମ।
ସୂନୋଃ ପାଣ୍ଡବପାଞ୍ଚାଲାନଗୋପ୍ସ୍ଯଂ ତଂ ମହାରଣେ॥ 7-72-84 (47411)
କଥଂ ଚ ବୋ ରଥସ୍ଯାନାଂ ଶରବର୍ଷାଣି ମୁଞ୍ଚତାମ୍।
ନୀତୋଽଭିମନ୍ଯୁର୍ନିଧନଂ କଦର୍ଥୀକୃତ୍ଯ ବଃ ପରୈଃ॥ 7-72-85 (47412)
ଅହୋ ବଃ ପୌରୁଷଂ ନାସ୍ତି ନ ଚ ବୋଽସ୍ତି ପରାକ୍ରମଃ।
ଯତ୍ରାଭିମନ୍ଯୁଃ ସମରେ ପଶ୍ଯତାଂ ବୋ ନିପାତିତଃ॥ 7-72-86 (47413)
ଆତ୍ମାନମେବ ଗର୍ହେଯଂ ଯଦହଂ ବୈ ସୁଦୁର୍ବଲାନ୍।
ଯୁଷ୍ମାନାଜ୍ଞାଯ ନିର୍ଯାତୋ ଭୀରୂନକୃତନିଶ୍ଚଯାନ୍॥ 7-72-87 (47414)
ଆହୋସ୍ବିଦ୍ଭୂଷଣାର୍ଥାଯ ବର୍ମଶସ୍ତ୍ରାଯୁଧାନି ବଃ।
ବାଚସ୍ତୁ ବକ୍ତୁଂ ସଂସତ୍ସୁ ମମ ପୁତ୍ରମରକ୍ଷତାମ୍॥ 7-72-88 (47415)
ସଞ୍ଜଯ ଉବାଚ। 7-72-89x (4446)
ଏବମୁକ୍ତ୍ବା ତତୋ ବାକ୍ଯମତିଷ୍ଠଦ୍ବୈ ବରାସିମାନ୍।
ନ ସ୍ମାଶକ୍ଯତ ବୀଭତ୍ସୁଃ କେନଚିତ୍ପ୍ରସମୀକ୍ଷିତୁମ୍॥ 7-72-89 (47416)
ତମନ୍ତକମିବ କ୍ରୁଦ୍ଧଂ ନିଃଶ୍ବସନ୍ତଂ ମୁହୁର୍ମୁହୁଃ।
`ମହେନ୍ଦ୍ରମିବ ତିଷ୍ଠନ୍ତଂ ବଜ୍ରୋଦ୍ଯତମହାଭୁଜମ୍'।
ପୁତ୍ରଶୋକାଭିସନ୍ତପ୍ତମଶ୍ରୁପୂର୍ଣମୁଖଂ ତଦା॥ 7-72-90 (47417)
ନ ଭାଷିତୁଂ ଶକ୍ନୁବନ୍ତି ଦ୍ରଷ୍ଟୁଂ ବା ସୁହୃଦୋଽର୍ଜୁନମ୍।
ଅନ୍ଯତ୍ର ବାସୁଦେବାଦ୍ବା ଜ୍ଯେଷ୍ଠାଦ୍ବା ପାଣ୍ଡୁନନ୍ଦନାତ୍॥ 7-72-91 (47418)
ସର୍ବାସ୍ବବସ୍ଥାସୁ ହିତାବର୍ଜୁନସ୍ଯ ମନୋନୁଗୌ।
ବହୁମାନାତ୍ପ୍ରିଯତ୍ବାଚ୍ଚ ତାବେନଂ ବକ୍ତମର୍ହତଃ॥ 7-72-92 (47419)
ତତସ୍ତଂ ପୁତ୍ରଶୋକେନ ଭୃଶଂ ପୀଡିତମାନସମ୍।
ରାଜୀବଲୋଚନଂ କ୍ରୁଦ୍ଧଂ ରାଜା ବଚନମବ୍ରବୀତ୍॥ ॥ 7-72-93 (47420)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ପ୍ରତିଜ୍ଞାପର୍ବଣି ଦ୍ବିସପ୍ତତିତମୋଽଧ୍ଯାଯଃ॥ 72 ॥
Mahabharata - Drona Parva - Chapter Footnotes
5-72-11 ଶ୍ଲିଷ୍ଟମନୁବଦ୍ଧମ୍॥ 5-72-17 ଆଡମ୍ବରୈସ୍ତୂର୍ଯରବୈଃ॥ 5-72-49 ଯଥେତି କଥମର୍ଥେ॥ 5-72-70 ବାସୁଦେବ ଉବାଚ। କିମର୍ଥମେତନ୍ନାଖ୍ଯାତଂ ତ୍ବଯା ପାର୍ଥ ରଣେ ମମ ଇତି ଟ.ପାଠଃ॥ 5-72-72 ଦ୍ବିସପ୍ତତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 073
॥ ଶ୍ରୀଃ ॥
7.73. ଅଧ୍ଯାଯଃ 073
Mahabharata - Drona Parva - Chapter Topics
ଯୁଧିଷ୍ଠିରେଣାର୍ଜୁନମ୍ପ୍ରତ୍ଯଭିମନ୍ଯୁନିଧନପ୍ରକାରକଥନମ୍॥ 1 ॥ ଅର୍ଜୁନେନ ସଶପଥଂ ଜଯଦ୍ରଥବଧପ୍ରତିଜ୍ଞା॥ 2 ॥Mahabharata - Drona Parva - Chapter Text
7-73-0 (47421)
ଯୁଧିଷ୍ଠିର ଉବାଚ। 7-73-0x (4447)
ତ୍ବଯି ଯାତେ ମହାବାହୋ ସଂଶପ୍ତକବଲଂ ପ୍ରତି।
ପ୍ରଯତ୍ନମକରୋତ୍ତୀବ୍ରମାଚାର୍ଯୋ ପ୍ରହଣେ ମମ॥ 7-73-1 (47422)
ବ୍ଯୂଢାନୀକଂ ତତୋ ଦ୍ରୋଣଂ ଯତମାନଂ ମହାମୃଧେ।
ପ୍ରତିବ୍ଯୂହ୍ଯ ସହାନୀକାଃ ପ୍ରତ୍ଯରୁଧ୍ମ ବଯଂ ବଲାତ୍॥ 7-73-2 (47423)
ସ ବାର୍ଯମାଣୋ ରଥିଭିର୍ମଯି ଚାପି ସୁରକ୍ଷିତେ।
ଅସ୍ମାନଭିଜଗାମାଶୁ ପୀଡଯନ୍ନିଶିତୈଃ ଶରୈଃ॥ 7-73-3 (47424)
ତେ ପୀଡ୍ଯମାନା ଦ୍ରୋଣେନ ଦ୍ରୋଣାନୀକଂ ନ ଶକ୍ନୁମଃ।
ପ୍ରତିବୀକ୍ଷିତୁମପ୍ଯାଜୌ ଭେତ୍ତୁଂ ତତ୍କୁତ ଏବ ତୁ॥ 7-73-4 (47425)
ତତସ୍ତମପ୍ରତିରଥମହଂ ସୌଭଦ୍ରମବ୍ରବମ୍।
ଦ୍ରୋଣାନୀକମିଦଂ ଭିନ୍ଦ୍ଧି ଦ୍ବାରଂ ସଞ୍ଜନଯସ୍ବ ନଃ॥ 7-73-5 (47426)
ସ ତଥା ଚୋଦିତୋଽସ୍ମାଭିଃ ସଦଶ୍ବ ଇବ ବୀର୍ଯବାନ୍।
ଅସହ୍ଯମପି ତଂ ଭାରଂ ବୋଢୁମେବୋପଚକ୍ରମେ॥ 7-73-6 (47427)
ସ ତବାସ୍ତ୍ରୋପଦେଶେନ ବୀର୍ଯେଣ ଚ ସମନ୍ବିତଃ।
ପ୍ରାବିଶତ୍ତଦ୍ବଲଂ ବାଲଃ ସୁପର୍ଣ ଇବ ସାଗରମ୍॥ 7-73-7 (47428)
ତେଽନୁଯାତା ବଯଂ ବୀରଂ ସାତ୍ବତୀପୁତ୍ରମାହବେ।
ପ୍ରବେଷ୍ଟୁକାମାସ୍ତେନୈବ ଯେନ ସ ପ୍ରାବିଶଚ୍ଚମୂମ୍॥ 7-73-8 (47429)
ତତଃ ସୈନ୍ଧବକୋ ରାଜା କ୍ଷୁଦ୍ରସ୍ତାତ ଜଯଦ୍ରଥଃ।
ବରଦାନେନ ରୁଦ୍ରସ୍ଯ ସର୍ବାନ୍ନଃ ସମବାରଯତ୍॥ 7-73-9 (47430)
ତତୋ ଦ୍ରୋଣଃ କୃପଃ କର୍ଣୋ ଦ୍ରୌଣିଃ କୌସଲ୍ଯ ଏବ ଚ।
କୃତବର୍ମା ଚ ସୌଭଦ୍ରଂ ଷଡ୍ରଥାଃ ପର୍ଯବାରଯନ୍॥ 7-73-10 (47431)
ପରିବାର୍ଯ ତୁ ତୈଃ ସର୍ବୈର୍ଯୁଧି ବାଲୋ ମହାରଥୈଃ।
ଯତମାନଃ ପରଂ ଶକ୍ତ୍ଯା ବହୁଭିର୍ବିରଥୀକୃତଃ॥ 7-73-11 (47432)
ତତୋ ଦୌଃଶାସନିଃ କ୍ଷିପ୍ରଂ ତଥା ତୈର୍ବିରଥୀକୃତମ୍।
`ସଂଶଯଂ ପରମଂ ପ୍ରାପ୍ତଂ ପଦାତିନମବସ୍ଥିତମ୍।
ଗଦାହସ୍ତୋଽଭ୍ଯଯାତ୍ତୂର୍ଣଂ ଜିଘାଂସୁରପରାଜିତମ୍॥ 7-73-12 (47433)
ଗଦିନଂ ତ୍ବଥ ତଂ ଦୃଷ୍ଟ୍ବା ବାସବସ୍ଯାତ୍ମଜାତ୍ମଜଃ।
ସ ଜଗ୍ରାହ ଗଦାଂ ବୀରୋ ଗଦାଯୁଦ୍ଧବିଶାରଦଃ॥ 7-73-13 (47434)
ଗଦାମଣ୍ଡଲମାର୍ଗସ୍ଥୌ ସର୍ବକ୍ଷତ୍ରସ୍ଯ ପଶ୍ଯତଃ।
ତୌ ସମ୍ପ୍ରଜଗ୍ମତୁର୍ବୀରାବନ୍ଯୋନ୍ଯସ୍ଯାନ୍ତରୈଷଣୌ॥ 7-73-14 (47435)
ତାବନ୍ଯୋନ୍ଯଂ ଗଦାଗ୍ରାଭ୍ଯାଂ ତାଡିତୌ ଯୁଦ୍ଧଦୁର୍ମଦୌ।
ଇନ୍ଦ୍ରଧ୍ବଜାବିବୋତ୍ସୃଷ୍ଟୌ ଗତସତ୍ବୌ ମହୀଂଗତୌ॥ 7-73-15 (47436)
ଦୌଃଶାସନିରଥୋତ୍ଥାଯ କୁରୂଣାଂ କୀର୍ତିବର୍ଧନଃ।
ଉତ୍ତିଷ୍ଠମାନଂ ସୌଭଦ୍ରଂ ଗଦଯା ମୂର୍ଧ୍ନ୍ଯତାଡଯତ୍॥ 7-73-16 (47437)
ଗଦାବେଗେନ ମହତା ବ୍ଯାଯାମେନ ଚ ମୋହିତଃ।
ବିମନା ନ୍ଯପତଦ୍ଭୂମୌ ସୌଭଦ୍ରଃ ପରବୀରହା॥ 7-73-17 (47438)
ସ ତୁ ହତ୍ବା ସହସ୍ରାଣି ଦ୍ବିପାଶ୍ବରଥପତ୍ତିନାମ୍'।
ରାଜପୁତ୍ରଶତଂ ଚାଗ୍ର୍ଯଂ ବୀରାଂଶ୍ଚାଲକ୍ଷିତାନ୍ବହୂନ୍॥ 7-73-18 (47439)
ବୃହଦ୍ବଲଂ ଚ ରାଜାନଂ ସ୍ବର୍ଗେଣ ସମଯୋଜଯତ୍।
`ଗତଃ ସୁକୃତିନାଂ ଲୋକାନ୍ଯେ ଚ ସ୍ବର୍ଗଜିତାଂ ଶୁଭାଃ॥ 7-73-19 (47440)
ଅଦୀନସ୍ତ୍ରାସଯଞ୍ଛତ୍ରୂନ୍ନନ୍ଦଯିତ୍ବା ଚ ବାନ୍ଧବାନ୍।
ଅସକୃନ୍ନାମ ବିଶ୍ରାବ୍ଯ ପିତୄଣାଂ ମାତୁଲସ୍ଯ ଚ'॥ 7-73-20 (47441)
ବୀରୋ ଦିଷ୍ଟାନ୍ତମାପନ୍ନଃ ଶୋଚଯନ୍ବାନ୍ଧବାନ୍ବହୂନ୍।
`ତତଃ ସ୍ମ ଶୋକସନ୍ତପ୍ତା ଭବତାଽଦ୍ଯ ସମେଯୁଷଃ'॥ 7-73-21 (47442)
ଏତାବଦେବ ନିର୍ବୃତ୍ତମସ୍ମାକଂ ଶୋକବର୍ଧନମ୍।
ସ ଚୈବଂ ପୁରୁଷବ୍ଯାଘ୍ରଃ ସ୍ବର୍ଗଲୋକମବାପ୍ତବାନ୍॥ 7-73-22 (47443)
ସଞ୍ଜଯ ଉବାଚ। 7-73-23x (4448)
ତତୋଽର୍ଜୁନୋ ବଚଃ ଶ୍ରୁତ୍ବା ଧର୍ମରାଜେନ ଭାଷିତମ୍।
ହା ପୁତ୍ର ଇତି ନିଃଶ୍ବସ୍ଯ ବ୍ଯଥିତୋ ନ୍ଯପତଦ୍ଭୁବି॥ 7-73-23 (47444)
ବିଷଣ୍ଣବଦନାଃ ସର୍ବେ ପରିବାର୍ଯ ଧନଞ୍ଜଯମ୍।
ନେତ୍ରୈରନିମିଷୈର୍ଦୀନାଃ ପ୍ରତ୍ଯବୈକ୍ଷନ୍ପରସ୍ପରମ୍॥ 7-73-24 (47445)
ପ୍ରତିଲଭ୍ଯ ତତଃ ସଂଜ୍ଞାଂ ବାସବିଃ କ୍ରୋଧମୂର୍ଚ୍ଛିତଃ।
କମ୍ପମାନୋ ଜ୍ବରେଣେବ ନିଃଶ୍ବସଂଶ୍ଚ ମୁହୁର୍ମୁହୁଃ॥ 7-73-25 (47446)
ପାଣିଂ ପାଣୌ ବିନିଷ୍ପିଷ୍ଯ ଦନ୍ତାନ୍କଟକଟାଯ୍ଯ ଚ।
`ତ୍ରିଶିଖାଂ ଭ୍ରୁକୁଟୀଂ କୃତ୍ବା କ୍ରୋଧସଂରକ୍ତଲୋଚନଃ'।
ଉନ୍ମତ୍ତ ଇବ ବିପ୍ରେକ୍ଷନ୍ନିଦଂ ବଚନମବ୍ରବୀତ୍॥ 7-73-26 (47447)
ଅର୍ଜୁନ ଉବାଚ। 7-73-27x (4449)
ସତ୍ଯଂ ବଃ ପ୍ରତିଜାନାମି ଶ୍ବୋଽସ୍ମି ହନ୍ତାଽଜଯଦ୍ରଥମ୍।
ନ ଚେଦ୍ବଧଭଯାଦ୍ଭୀତୋ ଧାର୍ତରାଷ୍ଟ୍ରାନ୍ପ୍ରହାସ୍ଯତି॥ 7-73-27 (47448)
ନ ଚାସ୍ମାଞ୍ଶରଣଂ ଗଚ୍ଛେତ୍କୃଷ୍ଣଂ ବା ପୁରୁଷୋତ୍ତମମ୍।
ଭବନ୍ତଂ ବା ମହାରାଜ ଶ୍ବୋଽସ୍ମି ହନ୍ତା ଜଯଦ୍ରଥମ୍॥ 7-73-28 (47449)
ଧାର୍ତରାଷ୍ଟ୍ରପ୍ରିଯକରଂ ମଯି ବିସ୍ମୃତସୌହୃଦମ୍।
ପାପଂ ବାଲବଧେ ହେତୁଂ ଶ୍ବୋଽସ୍ମି ହନ୍ତା ଜଯଦ୍ରଥମ୍॥ 7-73-29 (47450)
ରକ୍ଷମାଣାଶ୍ଚ ତଂ ସଙ୍ଖ୍ଯେ ଯେ ମାଂ ଯୋତ୍ସ୍ଯନ୍ତି କେଚନ।
ଅପି ଦ୍ରୋଣକୃପୌ ରାଜଞ୍ଛାଦଯିଷ୍ଯାମି ତାଞ୍ଛରୈଃ॥ 7-73-30 (47451)
ଯଦ୍ଯେତଦେବଂ ସଙ୍ଗ୍ରାମେ ନ କୁର୍ଯାଂ ପୁରୁଷର୍ଷଭାଃ।
ମା ସ୍ମ ପୁଣ୍ଯକୃତାଂ ଲୋକାନ୍ପ୍ରାପ୍ନୁଯାଂ ଶୂରସମ୍ମତାନ୍॥ 7-73-31 (47452)
ଯେ ଲୋକା ମାତୃହନ୍ତୄଣାଂ ଯେ ଚାପି ପିତୃଘାତିନାମ୍।
ଗୁରୁଦାରଗତାନାଂ ଯେ ପିଶୁନାନାଂ ଚ ଯେ ସଦା॥ 7-73-32 (47453)
ସାଧୂନସୂଯତାଂ ଯେ ଚ ଯେ ଚାପି ପରିବାଦିନାମ୍।
ଯେ ଚ ନିକ୍ଷେପହନ୍ତୄଣାଂ ଯେ ଚ ବିଶ୍ବାସଘାତିନାମ୍॥ 7-73-33 (47454)
ଭୁକ୍ତପୂର୍ବାଂ ସ୍ତ୍ରିଯଂ ଯେ ଚ ନିନ୍ଦତାମଘଶଂସିନାମ୍।
ବ୍ରହ୍ମଘ୍ନାନାଂ ଚ ଯେ ଲୋକା ଯେ ଚ ଗୋଘାତିନାମପି॥ 7-73-34 (47455)
ପାଯସଂ ବା ଯବାନ୍ନଂ ବା ଶାକଂ କୃସରମେବ ବା।
ସଂଯାବାପୂପମାଂସାନି ଯେ ଚ ଲୋକା ବୃଥାଶ୍ନତାମ୍।
ତାନନ୍ହାଯାଧିଗଚ୍ଛେଯଂ ନ ଚେଦ୍ଧନ୍ଯାଂ ଜଯଦ୍ରଥମ୍॥ 7-73-35 (47456)
ବେଦାଧ୍ଯାଯିନମତ୍ଯର୍ଥଂ ସଂଶିତଂ ବା ଦ୍ବିଜୋତ୍ତମମ୍।
ଅବମନ୍ଯମାନୋ ଯାନ୍ଯାତି ବୃଦ୍ଧାନ୍ସାଧୂନ୍ଗୁରୂଂସ୍ତଥା॥ 7-73-36 (47457)
ସ୍ପୃଶତୋ ବ୍ରାହ୍ମଣଂ ଗାଂ ଚ ପାଦେନାଗ୍ନିଂ ଚ ଯା ଭବେତ୍।
ଯାଽପ୍ସୁ ଶ୍ଲେଷ୍ମ ପୁରୀଷଂ ଚ ମୂତ୍ରଂ ବା ମୁଞ୍ଚତାଂ ଗତିଃ।
ତାଂ ଗଚ୍ଛେଯଂ ଗତିଂ କଷ୍ଟାଂ ନ ଚେଦ୍ଧନ୍ଯାଂ ଜଯଦ୍ରଥମ୍॥ 7-73-37 (47458)
ନଗ୍ନସ୍ଯ ସ୍ନାଯମାନସ୍ଯ ଯା ଚ ବନ୍ଧ୍ଯାଽତିଥେର୍ଗତିଃ।
ଉତ୍କୋଚିନାଂ ମୃଷୋକ୍ତୀନାଂ ବଞ୍ଚକାନାଂ ଚ ଯା ଗତିଃ॥ 7-73-38 (47459)
ଆତ୍ମାପହାରିଣାଂ ଯା ଚ ଯା ଚ ମିଥ୍ଯାଭିଶଂସିନାମ୍।
ଭୃତ୍ଯୈଃ ସନ୍ଦୃଶ୍ଯମାନାନାଂ ପୁତ୍ରଦାରାଶ୍ରିତୈସ୍ତଥା॥ 7-73-39 (47460)
ଅସଂବିଭଜ୍ଯ କ୍ଷୁଦ୍ରାଣାଂ ଯା ଗତିର୍ମିଷ୍ଟମଶ୍ନତାମ୍।
ତାଂ ଗଚ୍ଛେଯଂ ଗତିଂ ଘୋରାଂ ନ ଚେଦ୍ଧନ୍ଯାଂ ଜଯଦ୍ରଥମ୍॥ 7-73-40 (47461)
ସଂଶ୍ରିତଂ ଚାପି ଯସ୍ତ୍ଯକ୍ତ୍ବା ସାଧୁଂ ତଦ୍ବଚନେ ରତମ୍।
ନ ବିଭର୍ତି ନୃସଂସାତ୍ମା ନିନ୍ଦତେ ଚୋପକାରିଣମ୍॥ 7-73-41 (47462)
ଅର୍ହତେ ପ୍ରାତିବେଶ୍ଯାଯ ଶ୍ରାଦ୍ଧଂ ଯୋ ନ ଦଦାତି ଚ।
ଅନର୍ହେଭ୍ଯଶ୍ଚ ଯୋ ଦଦ୍ଯାଦ୍ବୃଷଲୀପତଯେ ତଥା॥ 7-73-42 (47463)
ମଦ୍ଯପୋ ଭିନ୍ନମର୍ଯାଦଃ କୃତଘ୍ନୋ ଭର୍ତୃନିନ୍ଦକଃ।
ତେଷାଂ ଗତିମିଯାଂ କ୍ଷିପ୍ରଂ ନ ଚେଦ୍ଧାନ୍ଯାଂ ଜଯଦ୍ରଥମ୍॥ 7-73-43 (47464)
ଭୁଞ୍ଜାନାନାଂ ତୁ ସବ୍ଯେନ ଉତ୍ସଙ୍ଗେ ଚାପି ଖାଦତାମ୍।
ପାଲାଶମାସନଂ ଚୈବ ତିନ୍ଦୁକୈର୍ଦନ୍ତଧାବନମ୍॥ 7-73-44 (47465)
ଯେ ଚାବର୍ଜଯତାଂ ଲୋକାଃ ସ୍ବପତାଂ ଚ ତଥୋଷସି।
ଶୀତଭୀତାଶ୍ଚ ଯେ ବିପ୍ରା ରଣଭୀତାଶ୍ଚ କ୍ଷତ୍ରିଯାଃ॥ 7-73-45 (47466)
ଏକକୂପୋଦକଗ୍ରାମେ ବେଦଧ୍ବନିବିବର୍ଜିତେ।
ଷଣ୍ମାସଂ ତତ୍ର ବସତାଂ ତଥା ଶାସ୍ତ୍ରଂ ବିନିନ୍ଦତାମ୍॥ 7-73-46 (47467)
ଦିବାମୈଥୁନିନାଂ ଚାପି ଦିବସେଷୁ ଚ ଶେରତେ।
ଅଗାରଦାହିନାଂ ଚୈବ ଗରଦାନାଂ ଚ ଯେ ମତାଃ॥ 7-73-47 (47468)
ଅଗ୍ନ୍ଯାତିଥ୍ଯବିହୀନାଶ୍ଚ ଗୋପାନେଷୁ ଚ ବିଘ୍ନଦାଃ।
ରଜସ୍ବଲାଂ ସେବଯନ୍ତଃ କନ୍ଯାଂ ଶୁଲ୍କେନ ଦାଯିନଃ॥ 7-73-48 (47469)
ଯା ଚ ବୈ ବହୁଯାଜିନାଂ ବ୍ରାହ୍ମଣାନାଂ ଶ୍ବବୃତ୍ତିନାମ୍।
ଆସ୍ଯମୈଥୁନିକାନାଂ ଚ ଯେ ଦିବାମୈଥୁନେ ରତାଃ॥ 7-73-49 (47470)
ବ୍ରାହ୍ମଣସ୍ଯ ପ୍ରତିଶ୍ରୁତ୍ଯ ଯୋ ବୈ ଲୋଭାଦ୍ଦଦାତି ନ।
ତେଷାଂ ଗତିଂ ଗମିଷ୍ଯାମି ଶ୍ବୋ ନ ହନ୍ଯାଂ ଜଯଦ୍ରଥମ୍॥ 7-73-50 (47471)
ଧର୍ମାଦପେତା ଯେ ଚାନ୍ଯେ ମଯା ନାତ୍ରାନୁକୀର୍ତିତାଃ।
ଯେ ଚାନୁକୀର୍ତିତାସ୍ତେଷାଂ ଗତିଂ କ୍ଷିପ୍ରମବାପ୍ନୁଯାମ୍॥ 7-73-51 (47472)
ଯଦି ବ୍ଯୁଷ୍ଟାମିମାଂ ରାତ୍ରିଂ ଶ୍ବୋ ନ ହନ୍ଯାଂ ଜଯଦ୍ରଥମ୍।
ଇମାଂ ଚାପ୍ଯପରାଂ ଭୂଯଃ ପ୍ରତିଜ୍ଞାଂ ମେ ନିବୋଧତ॥ 7-73-52 (47473)
ଯଦ୍ଯସ୍ମିନ୍ନ ହତ୍ତେ ପାପେ ସୂର୍ଯୋଽସ୍ତମୁପଯାସ୍ଯତି।
ଇହୈବ ସମ୍ପ୍ରବେଷ୍ଟାଽହଂ ଜ୍ବଲିତଂ ଜାତବେଦସମ୍॥ 7-73-53 (47474)
ଅସୁରସୁରମନୁଷ୍ଯାଃ ପକ୍ଷିଣୋ ବୋରଗା ବା
ପିତୃରଜନିଚରା ବା ବ୍ରହ୍ମଦେବର୍ଷଯୋ ବା।
ଚରମଚରମପୀଦଂ ଯତ୍ପରଂ ଚାପି ତସ୍ମା--
ତ୍ତଦପି ମମ ରିପୁଂ ତଂ ରକ୍ଷିତୁଂ ନୈବ ଶକ୍ତାଃ॥ 7-73-54 (47475)
ଯଦି ବିଶତି ରସାତଲଂ ତଦଗ୍ର୍ଯଂ
ବିଯଦପି ଦେବପୁରଂ ଦିତେଃ ପୁରଂ ବା।
ତଦପି ଶରଶତୈରହଂ ପ୍ରଭାତେ
ଭୃଶମଭିମନ୍ଯୁରିପୋଃ ଶିରୋଽଭିହର୍ତା॥ 7-73-55 (47476)
ସଞ୍ଜଯ ଉବାଚ। 7-73-56x (4450)
ଏବମୁକ୍ତ୍ବା ବିଚିକ୍ଷେପ ଗାଣ୍ଡୀବଂ ସବ୍ଯଦକ୍ଷିଣମ୍।
ତସ୍ଯ ସର୍ବମତିକ୍ରମ୍ଯ ଧନୁଃଶବ୍ଦୋଽସ୍ପୃଶଦ୍ଦିବମ୍॥ 7-73-56 (47477)
ଅର୍ଜୁନେନ ପ୍ରତିଜ୍ଞାତେ ପାଞ୍ଚଜନ୍ଯଂ ଜନାର୍ଦନଃ।
ପ୍ରଦଧ୍ମୌ ତତ୍ର ସଙ୍କ୍ରୁଦ୍ଧୋ ଦେବଦତ୍ତଂ ଚ ଫଲ୍ଗୁନଃ॥ 7-73-57 (47478)
ସ ପାଞ୍ଚଜନ୍ଯୋଽଚ୍ଯୁତବକ୍ତ୍ରବାଯୁନା
ଭୃଶଂ ସୁପୂର୍ଣୋଦରନିଃସୃତଧ୍ବନିଃ।
ଜଗତ୍ସପାତାଲବିଯଦ୍ଦିଗୀଶ୍ବରଂ
ପ୍ରକମ୍ପଯାମାସ ଯୁଗାତ୍ଯଯେ ଯଥା॥ 7-73-58 (47479)
ତତୋ ବାଦିତ୍ରଘୋଷାଶ୍ଚ ପ୍ରାଦୁରାସନ୍ସହସ୍ରଶଃ।
ସିଂହନାଦଶ୍ଚ ପାଣ୍ଡୂନାଂ ପ୍ରତିଜ୍ଞାତେ ମହାତ୍ମନା॥ 7-73-59 (47480)
`ପ୍ରାନୃତ୍ଯଦିବ ଗାଣ୍ଡୀବଂ ଶରାସ୍ତୂଣୀଗତା ମୁଦା।
ନିରାକ୍ରାମନ୍ନିବ ତଦା ସ୍ବଯମେବ ମୃଧୈଷିଣଃ॥ 7-73-60 (47481)
ଭୀମସେନଃ ସୁସଂହୃଷ୍ଟଃ ପ୍ରତ୍ଯଭାଷତ ଭାରତ।
ଧନଞ୍ଜଯମଭିପ୍ରେକ୍ଷ୍ଯ ହର୍ଷଗଦ୍ଗଦଯା ଗିରା॥ 7-73-61 (47482)
ପ୍ରତିଜ୍ଞୋଦ୍ଭବଶବ୍ଦେନ କୃଷ୍ଣଶଙ୍ଖସ୍ବନେନ ଚ।
ନିହତୋ ଧାର୍ତରାଷ୍ଟ୍ରୋଽଯଂ ସାନୁବନ୍ଧଃ ସୁଯୋଧନଃ॥ 7-73-62 (47483)
ଅଥ ମୃଦିତତମାଗ୍ର୍ଯଦାମମାଲ୍ଯଂ
ତବ ସୁତଶୋକମଯଂ ଚ ରୋଷଜାତମ୍।
ବ୍ଯପନୁଦତି ମହାପ୍ରଭାବସେନ--
ନ୍ନରବର ବାକ୍ଯମିଦଂ ମହାର୍ଥମିଷ୍ଟମ୍॥ 7-73-63 (47484)
ସଞ୍ଜଯ ଉବାଚ। 7-73-64x (4451)
ଅଥ ଶଙ୍ଖ୍ଯୈଶ୍ଚ ଭେରୀଭିଃ ପଣବୈଃ ସୈନିକାସ୍ତଥା।
ସସୂତମାଗଧା ଜିଷ୍ଣୁଂ ସ୍ତୁତିଭିଃ ସମପୂଜଯନ୍॥ 7-73-64 (47485)
ତଦା ଭୀମଂ ବଲଂ ସର୍ବେ ତେନ ନାଦେନ ମୋହିତମ୍।
ତାବକଂ ତନ୍ମହାରାଜ ବିଷଣ୍ଣଂ ସମପଦ୍ଯତ'॥ ॥ 7-73-65 (47486)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ପ୍ରତିଜ୍ଞାପର୍ବଣି ତ୍ରିସପ୍ତତିତମୋଽଧ୍ଯାଯଃ॥ 73 ॥
Mahabharata - Drona Parva - Chapter Footnotes
5-73-38 ବନ୍ଧ୍ଯାପତେଃ ଇତି ଙ. ପାଠଃ। ଉତ୍କ୍ରୋଶକାନୃତାନାଂ ଚ ଇତି କ. ପାଠଃ। ଉତ୍କୋଟିକାନୃତାନାଂ ଚ ଇତି ଟ.ଙ.ପାଠଃ॥ 5-73-39 ଆତ୍ମାପହାରିଣାଂ ଆତ୍ମାନମନ୍ଯଥା ପ୍ରକାଶଯତାମ୍॥ 5-73-42 ବୃଷଲୀ ଶୂଦ୍ରା କନ୍ଯାଭାବେ ରଜସ୍ବଲା ବା॥ 5-73-55 ଦିତେରିତି। କାର୍ଯେ କାରଣୋପଚାରାଦ୍ଦୈତ୍ଯାନାମିତ୍ଯର୍ଥଃ॥ 5-73-73 ତ୍ରିସପ୍ତତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 074
॥ ଶ୍ରୀଃ ॥
7.74. ଅଧ୍ଯାଯଃ 074
Mahabharata - Drona Parva - Chapter Topics
ଅର୍ଜୁନପ୍ରତିଜ୍ଞାଶ୍ରବଣଚକିତସ୍ଯ ଜଯଦ୍ରଥସ୍ଯ ଦ୍ରୋଣତୁର୍ଯୋଧନାଶ୍ଯାସନମ୍॥ 1 ॥Mahabharata - Drona Parva - Chapter Text
7-74-0 (47487)
ସଞ୍ଜଯ ଉବାଚ। 7-74-0x (4452)
ଶ୍ରୁତ୍ବା ତୁ ତଂ ମହାଶବ୍ଦଂ ପାଣ୍ଡୂନାଂ ପୁତ୍ରଗୃଦ୍ଧିନାମ୍।
ଚାରୈଃ ପ୍ରବେଦିତସ୍ତ୍ରସ୍ତଃ ସମୁତ୍ଥାଯ ଜଯଦ୍ରଥଃ॥ 7-74-1 (47488)
ଶୋକସମ୍ମୂଢହୃଦଯୋ ଦୁଃଖେନାଭ୍ଯାହତୋ ଭୃଶମ୍।
ମଜ୍ଜମାନ ଇବାଗାଧେ ବିପୁଲେ ଶୋକସାଗରେ।
ଜଗାମ ସମିତିଂ ରାଜ୍ଞାଂ ସୈନ୍ଧବୋ ବିମୃଶନ୍ବହୁ॥ 7-74-2 (47489)
ସ ତେଷାଂ ନରଦେବାନାଂ ସକାଶେ ପର୍ଯଦେବଯତ୍।
ଅଭିମନ୍ଯୁପିତୁର୍ଭୀତଃ ସବ୍ରୀଡୋ ବାକ୍ଯମବ୍ରବୀତ୍॥ 7-74-3 (47490)
ଯୋଽସୌ ପାଣ୍ଡୋଃ କିଲ କ୍ଷେତ୍ରେ ଜାତଃ ଶକ୍ରେଣ କାମିନା।
ସ ନିନୀଷତି ଦୁର୍ବୁଦ୍ଧିର୍ମାଂ କିଲୈକଂ ଯମକ୍ଷଯମ୍॥ 7-74-4 (47491)
ସ୍ବସ୍ତି ବୋଽସ୍ତୁ ଗମିଷ୍ଯାମି ସ୍ବଗୃହଂ ଜୀବିତେପ୍ସଯା। 7-74-5 (47492)
ଅଥବାସ୍ତ୍ରପ୍ରତିବଲାସ୍ତ୍ରାତ ମାଂ କ୍ଷତ୍ରିଯର୍ଷଭାଃ।
ପାର୍ଥେନ ପ୍ରାର୍ଥିତଂ ବୀରାସ୍ତେ ସନ୍ଦତ୍ତ ମମାଭଯମ୍॥ 7-74-6 (47493)
ଦ୍ରୋଣଦୁର୍ଯୋଧନକୃପାଃ କର୍ଣମଦ୍ରେଶବାହ୍ଲିକାଃ।
ଦୁଃଶାସନାଦଯଃ ଶକ୍ତାସ୍ତ୍ରାତୁମପ୍ଯନ୍ତକାର୍ଦିତମ୍॥ 7-74-7 (47494)
କିମଙ୍ଗ ପୁନରେକେନ ଫଲ୍ଗୁନେନ ଜିଘାଂସତା।
ନ ତ୍ରାସ୍ଯନ୍ତି ଭବନ୍ତୋ ମାଂ ସମସ୍ତାଃ ପତଯଃ କ୍ଷିତେଃ॥ 7-74-8 (47495)
ପ୍ରତିଜ୍ଞାଂ ପାଣ୍ଡବେଯାନାଂ ଶ୍ରୁତ୍ବା ମମ ମହଦ୍ଭଯମ୍।
ସୀଦନ୍ତି ମମ ଗାତ୍ରାଣି ମୁମୂର୍ଷୋରିବ ପାର୍ଥିବାଃ॥ 7-74-9 (47496)
ବଧୋ ନୂନଂ ପ୍ରତିଜ୍ଞାତୋ ମମ ଗାଣ୍ଡୀବଧନ୍ବନା।
ତଥାହି ହୃଷ୍ଟାଃ କ୍ରୋଶନ୍ତି ଶୋକକାଲେଽପି ପାଣ୍ଡବାଃ॥ 7-74-10 (47497)
ତନ୍ନ ଦେବା ନ ଗନ୍ଧର୍ବା ନାସୁରୋରଗରାକ୍ଷସାଃ।
ଉତ୍ସହନ୍ତେଽନ୍ଯଥା କର୍ତୁଂ କୁତ ଏବ ନରାଧିପାଃ॥ 7-74-11 (47498)
ତସ୍ମାନ୍ମାମନୁଜାନୀତ ଭଦ୍ରଂ ବୋଽସ୍ତୁ ନରର୍ଷଭାଃ।
ଅଦର୍ଶନଂ ଗମିଷ୍ଯାମି ନ ମାଂ ଦ୍ରକ୍ଷ୍ଯନ୍ତି ପାଣ୍ଡବାଃ॥ 7-74-12 (47499)
ସଞ୍ଜଯ ଉବାଚ। 7-74-13x (4453)
ଏବଂ ବିଲପମାନଂ ତଂ ଭଯାଦ୍ବ୍ଯାକୁଲଚେତସମ୍।
ଆତ୍ମକାର୍ଯଗରୀଯସ୍ତ୍ବାଦ୍ରାଜା ଦୁର୍ଯୋଧନୋଽବ୍ରବୀତ୍॥ 7-74-13 (47500)
ନ ଭେତବ୍ଯଂ ନରବ୍ଯାଘ୍ର କୋ ହି ତ୍ବାଂ ପୁରୁଷର୍ଷଭ।
ମଧ୍ଯେ କ୍ଷତ୍ରିଯବୀରାଣାଂ ତିଷ୍ଠନ୍ତଂ ପ୍ରାର୍ଥଯେଦ୍ଯୁଧି॥ 7-74-14 (47501)
`ଏତେଷାଂ ନରଦେବାନାଂ ମତ୍ତମାତଙ୍ଗଗାମିନାମ୍।
ସଙ୍ଘାତମୁପଯାତାନାମପି ବିଭ୍ଯେତ୍ପୁରନ୍ଦରଃ'॥ 7-74-15 (47502)
ଅହଂ ବୈକର୍ତନଃ କର୍ଣଶ୍ଚିତ୍ରସେନୋ ବିବିଂଶତିଃ।
ଭୂରିଶ୍ରବାଃ ଶଲଃ ଶଲ୍ଯୋ ବୃଷସେନୋ ଦୁରାସଦଃ॥ 7-74-16 (47503)
ପୁରୁମିତ୍ରୋ ଜଯୋ ଭୋଜଃ କାମ୍ଭୋଜଶ୍ଚ ସୁଦକ୍ଷିଣଃ।
ସତ୍ଯବ୍ରତୋ ମହାବାହୁର୍ବିକର୍ଣୋ ଦୁର୍ମୁଖଶ୍ଚ ହ॥ 7-74-17 (47504)
ଦୁଃଶାସନଃ ସୁବାହୁଶ୍ଚ କାଲିଙ୍ଗଶ୍ଚାପ୍ଯୁଦାଯୁଧଃ।
ବିନ୍ଦାନୁବିନ୍ଦାବାବନ୍ତ୍ଯୌ ଦ୍ରୋଣୋ ଦ୍ରୌଣିଶ୍ଚ ସୌବଲଃ॥ 7-74-18 (47505)
`ମାଯାବୀ ବଲବାଞ୍ଛୂରୋ ରାକ୍ଷସଶ୍ଚାପ୍ଯଲମ୍ବୁସଃ'।
ଏତେ ଚାନ୍ଯେ ଚ ବହବୋ ନାନାଜନପଦେଶ୍ବରାଃ।
ସସୈନ୍ଯାସ୍ତ୍ବାଭିଗୋପ୍ସ୍ଯନ୍ତି ବ୍ଯେତୁ ତେ ମାନସୋ ଜ୍ବରଃ॥ 7-74-19 (47506)
ତ୍ବଂ ଚାପି ରଥିନାଂ ଶ୍ରେଷ୍ଠଃ ସ୍ବଯଂ ଶୂରୋଽମିତଦ୍ଯୁତେ।
ସ କଥଂ ପାଣ୍ଡବେଯେଭ୍ଯୋ ଭଯଂ ପଶ୍ଯସି ବୈନ୍ଧବ॥ 7-74-20 (47507)
ଅକ୍ଷୌହିଣ୍ଯୋ ମହାବୀର୍ଯ ମଦୀଯାସ୍ତବ ରକ୍ଷଣେ।
ଯତ୍ତା ଯୋତ୍ସ୍ଯନ୍ତି ମାଭୈସ୍ତ୍ବଂ ସୈନ୍ଧବ ବ୍ଯେତୁ ତେ ଭଯମ୍॥ 7-74-21 (47508)
ସଞ୍ଜଯ ଉବାଚ। 7-74-22x (4454)
ଏବମାଶ୍ବାସିତୋ ରାଜନ୍ପୁତ୍ରେଣ ତବ ସୈନ୍ଧବଃ।
ଦୁର୍ଯୋଧନେନ ସହିତୋ ଦ୍ରୋଣଂ ରାତ୍ରାବୁପାଗମତ୍॥ 7-74-22 (47509)
ଉପସଙ୍ଗୃହ୍ଯ ଚରଣୌ ଦ୍ରୋଣାଯ ସ ବିଶାମ୍ପତିଃ।
ଉପୋପବିଶ୍ଯ ପ୍ରଣତଃ ପର୍ଯପୃଚ୍ଛଦିଦଂ ବଚଃ॥ 7-74-23 (47510)
ନିମିତ୍ତେ ଦୂରପାତିତ୍ବେ ଲଘୁତ୍ବେ ଦୃଢବେଧନେ।
ମମ ବ୍ରବୀତୁ ଭଗବାନ୍ବିଶେଷଂ ଫଲ୍ଗୁନସ୍ଯ ଚ॥ 7-74-24 (47511)
ବିଦ୍ଯାବିଶେଷମିଚ୍ଛାମି ଜ୍ଞାତୁମାଚାର୍ଯ ତତ୍ତ୍ବତଃ।
ଅର୍ଜୁନସ୍ଯାତ୍ମନଶ୍ଚୈବ ଯାଥାତଥ୍ଯଂ ପ୍ରଚକ୍ଷ୍ବ ମେ॥ 7-74-25 (47512)
ଦ୍ରୋଣ ଉବାଚ। 7-74-26x (4455)
ସମମାଚାର୍ଯକଂ ତାତ ତବ ଚୈବାର୍ଜୁନସ୍ଯ ଚ।
ଯୋଗାଦ୍ଦୁଃଖୋଷିତତ୍ବାଚ୍ଚ ତସ୍ମାତ୍ତ୍ବତ୍ତୋଽଧିକୋଽର୍ଜୁନଃ॥ 7-74-26 (47513)
ନ ତୁ ତେ ଯୁଧି ସନ୍ତ୍ରାସଃ କାର୍ଯଃ ପାର୍ଥାତ୍କଥଞ୍ଚନ।
ଅହଂ ହି ରକ୍ଷିତା ତାତ ଭଯାତ୍ତ୍ବାଂ ନାତ୍ର ସଂଶଯଃ॥ 7-74-27 (47514)
ନ ହି ମଦ୍ବାହୁଗୁପ୍ତସ୍ଯ ପ୍ରଭବନ୍ତ୍ଯମରା ଅପି।
ବ୍ଯୂହଯିଷ୍ଯାମି ତଂ ବ୍ଯୂହଂ ଯଂ ପାର୍ଥୋ ନ ତରିଷ୍ଯତି॥ 7-74-28 (47515)
ତସ୍ମାଦ୍ଯୁଧ୍ଯସ୍ବ ମାଭୈସ୍ତ୍ବଂ ସ୍ବଧର୍ମମନୁପାଲଯ।
ପିତୃପୈତାମହଂ ମାର୍ଗମନୁଯାହି ମହାରଥ॥ 7-74-29 (47516)
ଅଧୀତା ବିଧିବଦ୍ବେଦା ଅଗ୍ନଯଃ ସୁହୁତାସ୍ତ୍ବଯା।
ଇଷ୍ଟଂ ଚ ବହୁଭିର୍ଯଜ୍ଞୈର୍ନ ତେ ମୃତ୍ଯୁର୍ଭଯଙ୍କରଃ॥ 7-74-30 (47517)
ଦୁର୍ଲଭଂ ମାନୁଷୈର୍ମନ୍ଦୈର୍ମହାଭାଗ୍ଯମବାପ୍ଯ ତୁ।
ଭୁଜବୀର୍ଯାର୍ଜିତାଁଲ୍ଲୋକାନ୍ଦିବ୍ଯାନ୍ପ୍ରାପ୍ସ୍ଯସ୍ଯନୁତ୍ତମାନ୍॥ 7-74-31 (47518)
କୁରବଃ ପାଣ୍ଡବାଶ୍ଚୈବ ବୃଷ୍ଣଯୋଽନ୍ଯେ ଚ ମାନବାଃ।
ଅହଂ ଚ ସହପୁତ୍ରେଣ ଅଧ୍ରୁବା ଇତି ଚିନ୍ତ୍ଯତାମ୍॥ 7-74-32 (47519)
ପର୍ଯାଯେଣ ବଯଂ ସର୍ବେ କାଲେନ ବଲିନା ହତାଃ।
ପରଲୋକଂ ଗମିଷ୍ଯାମଃ ସ୍ବୈଃସ୍ବୈଃ କର୍ମଭିରନ୍ବିତାଃ॥ 7-74-33 (47520)
ତପସ୍ତପ୍ତ୍ବା ତୁ ଯାଁଲ୍ଲୋକାନ୍ପ୍ରାପ୍ନୁବନ୍ତି ତପସ୍ବିନଃ।
କ୍ଷତ୍ରଧର୍ମାଶ୍ରିତାଃ ବୀରାଃ କ୍ଷତ୍ରିଯାଃ ପ୍ରାପ୍ନୁବନ୍ତି ତାନ୍॥ 7-74-34 (47521)
ଏବମାଶ୍ବାସିତୋ ରାଜା ଭାରଦ୍ବାଜେନ ସୈନ୍ଧବଃ।
ଅପାନୁଦଦ୍ଭଯଂ ପାର୍ଥାଦ୍ଯୁଦ୍ଧାଯ ଚ ମନୋ ଦଧେ॥ 7-74-35 (47522)
ତତଃ ପ୍ରହର୍ଷଃ ସୈନ୍ଯାନାଂ ତସ୍ଯ ଚାସୀଦ୍ବିଶାମ୍ପତେ।
ବାଦିତ୍ରାଣାଂ ଧ୍ବନିଶ୍ଚୋଗ୍ରଃ ସିଂହନାଦରବୈଃ ସହ॥ ॥ 7-74-36 (47523)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ପ୍ରତିଜ୍ଞାପର୍ବଣି ଚତୁଃସପ୍ତତିତମୋଽଧ୍ଯାଯଃ॥ 74 ॥
Mahabharata - Drona Parva - Chapter Footnotes
5-74-4 କିଲେତ୍ଯରୁଚୌ॥ 5-74-5 ସ୍ବଗୃହାଜ୍ଜୀବିତେପ୍ସଯା ଇତି ଙ. ପାଠଃ॥ 5-74-6 ପାର୍ଥେନ ପାର୍ଥିବା ବୀରାସ୍ତଂଦ୍ଦଦଧ୍ବଂ ମମାଭଯମ୍ ଇତି କ.ଟ.ପାଠଃ॥ 5-74-24 ନିମିତ୍ତେ ଲକ୍ଷ୍ଯଭେଦନେ॥ 5-74-26 ଯୋଗାଦଭ୍ଯାସାତ୍। ଦୁଃଖୋଚିତତ୍ବାଚ୍ଚ ଇତି କ.ଟ.ଙ.ପାଠଃ॥ 5-74-30 ମୃତ୍ଯୁଭବଂ ଭଯମ୍ ଇତି କ.ପାଠଃ॥ 5-74-74 ଚତୁଃସପ୍ତତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 075
॥ ଶ୍ରୀଃ ॥
7.75. ଅଧ୍ଯାଯଃ 075
Mahabharata - Drona Parva - Chapter Topics
ଶ୍ରୀକୃଷ୍ଣେନାର୍ଜୁନମ୍ପ୍ରତି ଦ୍ରୋଣାଦିଭିର୍ଜଯଦ୍ରଥରକ୍ଷଣପ୍ରତିଜ୍ଞାଦିକଥନମ୍॥ 1 ॥Mahabharata - Drona Parva - Chapter Text
7-75-0 (47524)
ସଞ୍ଜଯ ଉବାଚ। 7-75-0x (4456)
ପ୍ରତିଜ୍ଞାତେ ତୁ ପାର୍ଥେନ ସିନ୍ଧୁରାଜବଧେ ତଦା।
ବାସୁଦେବୋ ମହାବାହୁର୍ଧନଞ୍ଜଯମଭାଷତ॥ 7-75-1 (47525)
ଭ୍ରାତୄଣାଂ ମତମଜ୍ଞାଯ ତ୍ବଯା ବାଚା ପ୍ରତିଶ୍ରୁତମ୍।
ସୈନ୍ଧବଂ ଚାସ୍ମି ହନ୍ତେତି ତତ୍ସାହସମିଦଂ କୃତମ୍॥ 7-75-2 (47526)
ଅସମ୍ମନ୍ତ୍ର୍ଯ ମଯା ସାର୍ଧମତିଭାରୋଽଯମୁଦ୍ଯତଃ।
କଥଂ ତୁ ସର୍ବଲୋକସ୍ଯ ନାବହାସ୍ଯା ଭବେମହି॥ 7-75-3 (47527)
ଧାର୍ତରାଷ୍ଟ୍ରସ୍ଯ ଶିବିରେ ଯେ ତୁ ପ୍ରଣିହିତାଶ୍ଚରାଃ।
ତ ଇମେ ଶୀଘ୍ରମାଗମ୍ଯ ପ୍ରବୃତ୍ତିଂ ବେଦଯନ୍ତି ନଃ॥ 7-75-4 (47528)
ତ୍ବଯା ବୈ ସମ୍ପ୍ରତିଜ୍ଞାତେ ସିନ୍ଧୁରାଜବଧେ ପ୍ରଭୋ।
ସିଂହନାଦଃ ସବାଦିତ୍ରଃ ସୁମହାନିହ ତୈଃ ଶ୍ରୁତଃ॥ 7-75-5 (47529)
ତେନ ଶବ୍ଦେନ ବିତ୍ରସ୍ତା ଧାର୍ତରାଷ୍ଟ୍ରାଃ ସସୈନ୍ଧବାଃ।
ନାକସ୍ମାତ୍ସିଂହନାଦୋଽଯମିତି ମତ୍ବା ବ୍ଯବସ୍ଥିତାଃ॥ 7-75-6 (47530)
ସୁମହାଞ୍ଶବ୍ଦସମ୍ପାତଃ କୌରବାଣାଂ ମହାଭୁଜ।
ଆସୀନ୍ନାଗାଶ୍ବପତ୍ତୀନାଂ ରଥଘୋଷଶ୍ଚ ଭୈରବଃ॥ 7-75-7 (47531)
ଅଭିମନ୍ଯୋର୍ବଧଂ ଶ୍ରୁତ୍ବା ଧ୍ରୁବମାର୍ତୋ ଧନଞ୍ଜଯଃ।
ରାତ୍ରୌ ନିର୍ଯାସ୍ଯତି କ୍ରୋଧାତିତି ମତ୍ତ୍ବା ବ୍ଯବସ୍ଥିତାଃ॥ 7-75-8 (47532)
ତୈଶ୍ଚାରେଭ୍ଯ ଇଯଂ କୃତ୍ସ୍ନା ଶ୍ରୁତା ସତ୍ଯବତସ୍ତବ।
ପ୍ରତିଜ୍ଞା ସିନ୍ଧୁରାଜସ୍ଯ ବଧେ ରାଜୀବଲୋଚନ॥ 7-75-9 (47533)
ତତୋ ବିମନସଃ ସର୍ବେ ତ୍ରସ୍ତାଃ କ୍ଷୁଦ୍ରମୃଗା ଇବ।
ଆସନ୍ସୁଯୋଧନାମାତ୍ଯାଃ ସ ଚ ରାଜା ଜଯଦ୍ରଥଃ॥ 7-75-10 (47534)
ଅଥୋତ୍ଥାଯ ସହାମାତ୍ଯୈର୍ଦୀନଃ ସ୍ବଶିବିରାତ୍କିଲ।
ଅଯାତ୍ସୌବୀରସିନ୍ଧୂନାମୀଶ୍ବରୋ ରାଜସଂସଦମ୍॥ 7-75-11 (47535)
ସ ମନ୍ତ୍ରକାଲେ ସଂମନ୍ତ୍ର୍ଯ ସର୍ବାଂ ନୈଶ୍ରେଯସୀଂ କ୍ରିଯାମ୍।
ସୁଯୋଧନମିଦଂ ବାକ୍ଯମବ୍ରବୀଦ୍ରାଜସଂସଦି॥ 7-75-12 (47536)
ମାମସୌ ପୁତ୍ରହନ୍ତେତି ଶ୍ବୋଽଭିଯାତା ଧନଞ୍ଜଯଃ।
ପ୍ରତିଜ୍ଞାତୋ ହି ସେନାଯା ମଧ୍ଯେ ତେନ ବଧୋ ମମ॥ 7-75-13 (47537)
ତାଂ ନ ଦେବା ନ ଗନ୍ଧର୍ବା ନାସୁରୋରଗରାକ୍ଷସାଃ।
ଉତ୍ସହନ୍ତେଽନ୍ଯଥା କର୍ତୁଂ ପ୍ରତିଜ୍ଞାଂ ସବ୍ଯସାଚିନଃ॥ 7-75-14 (47538)
ତେ ମାଂ ରକ୍ଷତ ସଙ୍ଗ୍ରାମେ ମା ବୋ ମୂର୍ଧ୍ନି ଧନଞ୍ଜଯଃ।
ପଦଂ କୃତ୍ବାଽଽପ୍ନୁଯାଲ୍ଲକ୍ଷ୍ଯଂ ଯୁକ୍ତଂ ପ୍ରତିବିଧୀଯତାମ୍॥ 7-75-15 (47539)
ଅଥ ରକ୍ଷା ନ ମେ ସମ୍ଯକ୍କ୍ରିଯତେ କୁରୁନନ୍ଦନ।
ଅନୁଜାନୀହି ମାଂ ରାଜନ୍ଗମିଷ୍ଯାମି ଗୃହାନ୍ପ୍ରତି॥ 7-75-16 (47540)
ଏବମୁକ୍ତସ୍ତ୍ବବାକ୍ଶୀର୍ଷୋ ବିମନାଃ ସସୁଯୋଧନଃ।
ଶ୍ରୁତ୍ବା ତଂ ସମଯଂ ତସ୍ଯ ଧ୍ଯାନମେବାନ୍ବପଦ୍ଯତ॥ 7-75-17 (47541)
ତମାର୍ତମଭିସମ୍ପ୍ରେକ୍ଷ୍ଯ ରାଜା କିଲ ସ ସୈନ୍ଧବଃ।
ମୃଦୁ ଚାତ୍ମହିତଂ ଚୈବ ସାପେକ୍ଷମିଦମୁକ୍ତବାନ୍॥ 7-75-18 (47542)
ନେହ ପଶ୍ଯାମି ଭବତାଂ ତଥାବୀର୍ଯଂ ଧନୁର୍ଧରମ୍।
ଯୋଽର୍ଜୁନସ୍ଯାସ୍ତ୍ରମସ୍ତ୍ରେଣ ପ୍ରତିହନ୍ଯାନ୍ମହାହବେ॥ 7-75-19 (47543)
ବାସୁଦେବସହାଯସ୍ଯ ଗାଣ୍ଡୀବଂ ଧୁନ୍ବତୋ ଧନୁଃ।
କୋଽର୍ଜୁନସ୍ଯାଗ୍ରତସ୍ତିଷ୍ଠେତ୍ସାକ୍ଷାଦପି ଶତକ୍ରତୁଃ॥ 7-75-20 (47544)
ମହେଶ୍ବରୋଽପି ପାର୍ଥେନ ଶ୍ରୂଯତେ ଯୋଧିନଃ ପୁରା।
ପଦାତିନା ମହାବୀର୍ଯୋ ଗିରୌ ହିମବତି ପ୍ରଭୁଃ॥ 7-75-21 (47545)
ଦାନବାନାଂ ସହସ୍ରାଣି ହିରଣ୍ଯପୁରବାସିନାମ୍।
ଜଘାନୈକରଥେନୈବ ଦେବରାଜପ୍ରଚୋଦିତଃ॥ 7-75-22 (47546)
ସମାଯୁକ୍ତୋ ହି କୌନ୍ତେଯୋ ବାସୁଦେବେନ ଧୀମତା।
ସାମରାନପି ଲୋକାଂସ୍ତ୍ରୀନ୍ହନ୍ଯାଦିତି ମତିର୍ମମ॥ 7-75-23 (47547)
ସୋଽହମିଚ୍ଛାମ୍ଯନୁଜ୍ଞାତୁଂ ରକ୍ଷିତୁଂ ବା ମହାତ୍ମନା।
ଦ୍ରୋଣେନ ସହପୁତ୍ରେଣ ବୀରେଣ ଯଦି ମନ୍ଯସେ॥ 7-75-24 (47548)
ଶ୍ରୀଭଗବାନୁବାଚ। 7-75-25x (4457)
ସ ରାଜ୍ଞା ସ୍ବଯମାଚାର୍ଯୋ ଭୃଶମତ୍ରାର୍ଥିତୋଽର୍ଜୁନ।
ସଂବିଧାନଂ ଚ ବିହିତଂ ରଥାଶ୍ଚ କିଲ ସଜ୍ଜିତାଃ॥ 7-75-25 (47549)
କର୍ଣୋ ଭୂରିଶ୍ରବା ଦ୍ରୌଣିର୍ବୃଷସେନଶ୍ଚ ଦୁର୍ଜଯଃ।
କୃପଶ୍ଚ ମଦ୍ରରାଜଶ୍ଚ ଷଡେତେଽସ୍ଯ ପୁରୋଗମାଃ॥ 7-75-26 (47550)
ଶକଟଃ ପଦ୍ମକଶ୍ଚାର୍ଧୋ ବ୍ଯୂହୋ ଦ୍ରୋଣେନ ନିର୍ମିତଃ।
ପଦ୍ମକର୍ଣିକମଧ୍ଯସ୍ଥଃ ସୂଚୀ ପାର୍ଶ୍ବେ ଜଯଦ୍ରଥଃ॥ 7-75-27 (47551)
ସ୍ଥାସ୍ଯତେ ରକ୍ଷିତେ ବୀରୈଃ ସିନ୍ଧୁରାଟ୍ ସ ସୁଦୁର୍ମଦଃ।
ଧନୁଷ୍ଯସ୍ତ୍ରେ ଚ ବୀର୍ଯେ ଚ ପ୍ରାଣେ ଚୈବ ତଥୌରସେ॥ 7-75-28 (47552)
ଅବିଷହ୍ଯତମା ହ୍ଯେତେ ନିଶ୍ଚିତାଃ ପାର୍ଥ ଷଡ୍ରଥାଃ।
ଏତାନଜିତ୍ବା ସଗଣାନ୍ନୈବ ପ୍ରାପ୍ଯୋ ଜଯଦ୍ରଥଃ॥ 7-75-29 (47553)
ତେଷାମେକୈକଶୋ ବୀର୍ଯଂ ଷଣ୍ଣାଂ ତ୍ବମନୁଚିନ୍ତଯ।
ସହିତା ହି ନରବ୍ଯାଘ୍ର ନ ଶକ୍ଯା ଜେତୁମଞ୍ଜସା॥ 7-75-30 (47554)
ଭୂଯସ୍ତୁ ମନ୍ତ୍ରଯିଷ୍ଯାମି ନୀତିମାତ୍ମହିତାଯ ବୈ।
ମନ୍ତ୍ରଜ୍ଞୈଃ ସଚିବୈଃ ସାର୍ଧଂ ସୁହୃଦ୍ଭିଃ କାର୍ଯସିଦ୍ଧଯେ॥ ॥ 7-75-31 (47555)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ପ୍ରତିଜ୍ଞାପର୍ବଣି ପଞ୍ଚସପ୍ତତିତମୋଽଧ୍ଯାଯଃ॥ 75 ॥
Mahabharata - Drona Parva - Chapter Footnotes
5-75-2 ଅଶବ୍ଦୋ ନିଷେଧେ। ଅଜ୍ଞାତ୍ବେତ୍ଯର୍ଥଃ॥ 5-75-25 ସଂବିଧାନଂ ପ୍ରତିବିଧାନମ୍॥ 5-75-27 ପଦ୍ମବ୍ଯୂହଃ ପଶ୍ଚାର୍ଧେ ପଶ୍ଚାଦ୍ଭାଗେ ଯସ୍ଯ। ସୂଚୀ ସୂଚୀମୁଖୋ ବ୍ଯୂହଃ॥ 5-75-75 ପଞ୍ଚସପ୍ତତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 076
॥ ଶ୍ରୀଃ ॥
7.76. ଅଧ୍ଯାଯଃ 076
Mahabharata - Drona Parva - Chapter Topics
ଅର୍ଜୁନେନ ଶ୍ରୀକୃଷ୍ଣମ୍ପ୍ରତି ସ୍ବସାମର୍ଥ୍ଯକଥନମ୍॥ 1 ॥Mahabharata - Drona Parva - Chapter Text
7-76-0 (47556)
ଅର୍ଜୁନ ଉବାଚ। 7-76-0x (4458)
ଷଡ୍ରଥାନ୍ଧାର୍ତରାଷ୍ଟ୍ରସ୍ଯ ମନ୍ଯସେ ଯାନ୍ବଲାଧିକାନ୍।
ତେଷାଂ ବୀର୍ଯଂ ମମାର୍ଧେନ ନ ତୁଲ୍ଯମିତି ମେ ମତିଃ॥ 7-76-1 (47557)
ଅସ୍ତ୍ରମସ୍ତ୍ରେଣ ସର୍ବେଷାମେତେଷାଂ ମଧୁସୂଦନ।
ମଯା ଦ୍ରକ୍ଷ୍ଯସି ନିର୍ଭିନ୍ନଂ ଜଯଦ୍ରଥବଧୈଷିଣା॥ 7-76-2 (47558)
ଦ୍ରୋଣସ୍ଯ ମିଷତଶ୍ଚାହଂ ସଗଣସ୍ଯ ବିପଶ୍ଚିତଃ।
ମୂର୍ଧାନଂ ସିନ୍ଧୁରାଜସ୍ଯ ପାତଯିଷ୍ଯାମି ଭୂତଲେ॥ 7-76-3 (47559)
ଯଦି ସାଧ୍ଯାଶ୍ଚ ରୁଦ୍ରାଶ୍ଚ ବସବଶ୍ଚ ସହାଶ୍ବିନଃ।
ମରୁତଶ୍ଚ ସହେନ୍ଦ୍ରେଣ ବିଶ୍ବେଦେବାଃ ସହେଶ୍ବରାଃ॥ 7-76-4 (47560)
ପିତରଃ ସହଗନ୍ଧର୍ବାଃ ସୁପର୍ଣାଃ ସାଗରାଦ୍ରଯଃ।
ଦ୍ଯୌର୍ବିଯତ୍ପୃଥିବୀ ଚେଯଂ ଦିଶଶ୍ଚ ସଦିଗୀଶ୍ବରାଃ॥ 7-76-5 (47561)
ଗ୍ରାମ୍ଯାରଣ୍ଯାନି ଭୂତାନି ସ୍ଥାବରାଣି ଚରାଣି ଚ।
ତ୍ରାତାରଃ ସିନ୍ଧୁରାଜସ୍ଯ ଭବନ୍ତି ମଧୁସୂଦନ॥ 7-76-6 (47562)
ତଥାପି ବାଣୈର୍ନିହତଂ ଶ୍ବୋ ଦ୍ରଷ୍ଟାସି ରଣେ ମଯା।
ସତ୍ଯେନ ଚ ଶପେ କୃଷ୍ଣ ତଥୈବାଯୁଧମାଲଭେ॥ 7-76-7 (47563)
ଯସ୍ଯ ଗୋପ୍ତା ମହେଷ୍ବାସୋ ଦ୍ରୋଣଃ ପାପସ୍ଯ ଦୁର୍ମତେଃ।
ତମେବ ପ୍ରଥମଂ ଦ୍ରୋଣମଭିଯାସ୍ଯାମି କେଶବ॥ 7-76-8 (47564)
ତସ୍ମିନ୍ଯୁଦ୍ଧମିଦଂ ବଦ୍ଧଂ ମନ୍ଯତେ ସ ସୁଯୋଧନଃ।
ତସ୍ମାତ୍ତସ୍ଯୈବ ସେନାଗ୍ରଂ ଭିତ୍ତ୍ବା ଯାସ୍ଯାମି ସୈନ୍ଧବମ୍॥ 7-76-9 (47565)
ଦ୍ରଷ୍ଟାସି ଶ୍ବୋ ମହେଷ୍ବାସାନ୍ନାରାଚୈସ୍ତିଗ୍ମତେଜିତୈଃ।
ଶୃଙ୍ଗାଣୀବ ଗିରେର୍ବଜ୍ରୈର୍ଦାର୍ଯମାଣାନ୍ମଯା ଯୁଧି॥ 7-76-10 (47566)
ନରନାଗାଶ୍ବଦେହେଭ୍ଯୋ ବିସ୍ରବିଷ୍ଯତି ଶୋଣିତମ୍।
ପତଦ୍ଧ୍ଯଃ ପତିତେଭ୍ଯଶ୍ଚ ବିଭିନ୍ନେଭ୍ଯଃ ଶିତୈଃ ଶରୈଃ॥ 7-76-11 (47567)
ଗାଣ୍ଡୀବପ୍ରେଷିତା ବାଣା ମନୋଽନିଲସମା ଜବେ।
ନୃନାଗାଶ୍ବାନ୍ବିଦେହାସୂନ୍କର୍ତାରଶ୍ଚ ସହସ୍ରଶଃ॥ 7-76-12 (47568)
ଶକ୍ରାଦ୍ଭୀଷ୍ମାତ୍କୃପାଦ୍ଦ୍ରୋଣାଦ୍ଦେବାଦ୍ରୁଦ୍ରାଚ୍ଚ ଯନ୍ମଯା।
ଉପାତ୍ତମସ୍ତ୍ରଂ ଘୋରଂ ତଦ୍ଦଷ୍ଟାରୋଽତ୍ର ନରା ଯୁଧି॥ 7-76-13 (47569)
ବ୍ରାହ୍ମେଣାସ୍ତ୍ରେଣ ଚାସ୍ତ୍ରାଣି ହନ୍ଯମାନାନି ସଂଯୁଗେ।
ମଯା ଦ୍ରଷ୍ଟାଽସି ସର୍ବେଷାଂ ସୈନ୍ଧବସ୍ଯାଭିରକ୍ଷିଣାମ୍॥ 7-76-14 (47570)
ଶରବେଗସମୁତ୍କୃତ୍ତୈ ରାଜ୍ଞାଂ କେଶବ ମୂର୍ଧଭିଃ।
ଆସ୍ତୀର୍ଯମାଣାଂ ପୃଥିବୀଂ ଦ୍ରଷ୍ଟାଽସି ଶ୍ବୋ ମଯା ଯୁଧି॥ 7-76-15 (47571)
କ୍ରବ୍ଯାଦାଂସ୍ତର୍ପଯିଷ୍ଯାମି ଦ୍ରାବଯିଷ୍ଯାମି ଶାତ୍ରବାନ୍।
ସୁହୃଦୋ ନନ୍ଦଯିଷ୍ଯାମି ପ୍ରମଥିଷ୍ଯାମି ସୈନ୍ଧବମ୍॥ 7-76-16 (47572)
ବହ୍ବାଗସ୍କୃତ୍କୁସଂବନ୍ଧୀ ପାପଦେଶସମୁଦ୍ଭବଃ।
ମଯା ସୈନ୍ଧବକୋ ରାଜା ହତଃ ସ୍ବାଞ୍ଶୋଚଯିଷ୍ଯତି॥ 7-76-17 (47573)
ସର୍ବେ କ୍ଷୀରାନ୍ନଭୋକ୍ତାରଃ ପାପାଚାରା ରଣାଜିରେ।
ମଯା ସରାଜକା ବାଣୈର୍ହତା ନଶ୍ଯନ୍ତି ସୈନ୍ଧବାଃ॥ 7-76-18 (47574)
ତଥା ପ୍ରଭାତେ କର୍ତାଽସ୍ମି ଯଥା କୃଷ୍ଣ ସୁଯୋଧନଃ।
ନାନ୍ଯଂ ଧନୁର୍ଧରଂ ଲୋକେ ମଂସ୍ଯତେ ମତ୍ସମଂ ଯୁଧି॥ 7-76-19 (47575)
`ଗାଣ୍ଡୀବଂ ଚ ଧନୁର୍ଦିବ୍ଯଂ ଯୋଦ୍ଧାରଂ ଚ ଧନଞ୍ଜମ୍।
ଯନ୍ତାରଂ ଚ ହୃଷୀକେଶଂ କୋଽତିବର୍ତେତ ସଂଯୁଗେ'॥ 7-76-20 (47576)
ତବ ପ୍ରସାଦାଦ୍ଭଗବନ୍କିଂନାବାପ୍ତଂ ରଣେ ମମ।
ଅବିଷହ୍ଯଂ ହୃଷୀକେଶ କିଂ ଜାନନ୍ମାଂ ବିଗର୍ହସେ॥ 7-76-21 (47577)
ଯଥା ଲକ୍ଷ୍ମ ସ୍ଥିରଂ ଚନ୍ଦ୍ରେ ସମୁଦ୍ରେ ଚ ଯଥା ଜଲମ୍।
ଏବମେତାଂ ପ୍ରତିଜ୍ଞାଂ ମେ ସତ୍ଯାଂ ବିଦ୍ଧି ଜନାର୍ଦନ॥ 7-76-22 (47578)
ମାବମଂସ୍ଥା ମମାସ୍ତ୍ରାଣି ମାବମଂସ୍ଥାଶ୍ଚ ଗାଣ୍ଡିବମ୍।
ମାବମଂସ୍ଥା ବଲଂ ବାହ୍ବୋର୍ମାବମଂସ୍ଥା ଧନଞ୍ଜଯମ୍॥ 7-76-23 (47579)
ଗାଣ୍ଡୀବଂ ଚ ଧନୁର୍ଦିବ୍ଯଂ ଯୋଦ୍ଧା ଚାହଂ ନରର୍ଷଭ।
ତ୍ବଂ ଚ ଯନ୍ତା ହୃଷୀକେଶ କିନ୍ନୁ ସ୍ଯାଦଜିତଂ ମଯା॥ 7-76-24 (47580)
ଯଥାଭିଯାଯ ସଙ୍ଗ୍ରମଂ ନ ଜିତୋ ବୈ ଜଯାମି ଚ।
ତେନ ସତ୍ଯେନ ସଙ୍ଗ୍ରାମେ ହତଂ ବିଦ୍ଧି ଜଯଦ୍ରଥମ୍॥ 7-76-25 (47581)
`ତ୍ବଂ ଚ ମାଧବ ସର୍ବଂ ତତ୍ତଥା ପ୍ରତିବିଧାସ୍ଯସି।
ଯଥା ରିପୂଣାଂ ମିଷତାଂ ପ୍ରମଥିଷ୍ଯାମି ସୈନ୍ଧବମ୍'॥ 7-76-26 (47582)
ଧ୍ରୁବଂ ବୈ ବ୍ରାହ୍ମଣେ ସତ୍ଯଂ ଧ୍ରୁବା ସାଧୁଷୁ ସନ୍ନତିଃ।
ଶ୍ରୀର୍ଧ୍ରୁବାଽପି ଚ ଦକ୍ଷେଷୁ ଧ୍ରୁବୋ ନାରାଯଣେ ଜଯଃ॥ 7-76-27 (47583)
ସଞ୍ଜଯ ଉବାଚ। 7-76-28x (4459)
ଏବମୁକ୍ତ୍ବା ହୃଷୀକେଶଂ ସ୍ବଯମାତ୍ମାନମାତ୍ମନା।
ସନ୍ଦିଦେଶାର୍ଜୁନୋ ନର୍ଦନ୍ବାସବିଃ କେଶବଂ ପ୍ରଭୁମ୍॥ 7-76-28 (47584)
ଯଥା ପ୍ରଭାତାଂ ରଜନୀଂ କଲ୍ପିତଃ ସ୍ଯାଦ୍ରଥୋତ୍ତମଃ।
ତଥା କାର୍ଯଂ ତ୍ବଯା କୃଷ୍ଣ ପ୍ରତିଜ୍ଞା ସ୍ଯାଦ୍ଯଥା ଧ୍ରୁବା॥ ॥ 7-76-29 (47585)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ପ୍ରତିଜ୍ଞାପର୍ବଣି ଷଟ୍ସପ୍ତତିତମୋଽଧ୍ଯାଯଃ॥ 76 ॥
Mahabharata - Drona Parva - Chapter Footnotes
5-76-9 ତସ୍ମିନ୍ ଦ୍ରୋଣେ। ଯୁଦ୍ଧଂ ବଦ୍ଧମିବ ବଦ୍ଧଂ ଏକାନ୍ତଜଯେନ ସ୍ଥିରୀକୃତମ୍ ॥ 5-76-76 ଷଟ୍ସପ୍ତତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 077
॥ ଶ୍ରୀଃ ॥
7.77. ଅଧ୍ଯାଯଃ 077
Mahabharata - Drona Parva - Chapter Topics
ଶ୍ରୀକୃଷ୍ଣେନ ସୁଭଦ୍ରାସମାଶ୍ବାସନମ୍॥ 1 ॥Mahabharata - Drona Parva - Chapter Text
7-77-0 (47586)
ସଞ୍ଜଯ ଉବାଚ। 7-77-0x (4460)
ତାଂ ନିଶାଂ ଦୁଃଖଶୋକାର୍ତୌ ନିଃଶ୍ବସନ୍ତାବିବୋରଗୌ।
ନିଦ୍ରାଂ ନୈବୋପଲେଭାତେ ବାସୁଦେବଧନଞ୍ଜଯୌ॥ 7-77-1 (47587)
ନରନାରାଯଣୌ କ୍ରୁଦ୍ଧୌ ଜ୍ଞାତ୍ବା ଦେବାଃ ସବାସବାଃ।
ବ୍ଯଥିତାଶ୍ଚିନ୍ତଯାମାସୁଃ କିଂସ୍ବିଦେତଦ୍ଭବିଷ୍ଯତି॥ 7-77-2 (47588)
ବବୁଶ୍ଚ ଦାରୁଣା ବାତା ରୂକ୍ଷା ଘୋରାଭିଶଂସିନଃ।
ସକବନ୍ଧସ୍ତଥାଽଽଦିତ୍ଯେ ପରିଘଃ ସମଦୃଶ୍ଯତ॥ 7-77-3 (47589)
ଶୁଷ୍କାଶନ୍ଯଶ୍ଚ ନିଷ୍ପେତୁଃ ସନିର୍ଘାତାଃ ସବିଦ୍ଯୁତଃ।
ଚଚାଲ ଚାପି ପୃଥିବୀ ସଶୈଲବନକାନନା॥ 7-77-4 (47590)
ଚୁକ୍ଷୁଭୁଶ୍ଚ ମହାରାଜ ସାଗାରା ମକରାଲଯାଃ।
ପ୍ରତିସ୍ରୋତଃପ୍ରବୃତ୍ତାଶ୍ଚ ତଥା ଗନ୍ତୁଂ ସମୁଦ୍ରଗାଃ॥ 7-77-5 (47591)
ରଥାଶ୍ବନରନାଗାନାଂ ପ୍ରବୃତ୍ତମଧରୋତ୍ତରମ୍।
କ୍ରବ୍ଯାଦାନାଂ ପ୍ରମୋଦାର୍ଥଂ ଯମରାଷ୍ଟ୍ରବିବୃଦ୍ଧଯେ॥ 7-77-6 (47592)
ବାହନାନି ଶକୃନ୍ମୂତ୍ରେ ମୁମୁଚୂ ରୁରୁଦୁଶ୍ଚ ହ।
ତାନ୍ଦୃଷ୍ଟ୍ବା ଦାରୁଣାନ୍ସର୍ବାନୁତ୍ପାତାଁଲ୍ଲୋମହର୍ଷଣାନ୍॥ 7-77-7 (47593)
ସର୍ବେ ତେ ବ୍ଯଥିତାଃ ସୈନ୍ଯାସ୍ତ୍ବଦୀଯା ଭରତର୍ଷଭା।
ଶ୍ରୁତ୍ବା ମହାବଲସ୍ଯୋଗ୍ରାଂ ପ୍ରତିଜ୍ଞାଂ ସବ୍ଯସାଚିନଃ॥ 7-77-8 (47594)
ଅଥ କୃଷ୍ଣଂ ମହାବାହୁରବ୍ରବୀତ୍ପାକଶାସନିଃ।
ଆଶ୍ବାସଯ ସୁଭଦ୍ରାଂ ତ୍ବଂ ଭଗିନୀଂ ସ୍ନୁଷଯା ସହ॥ 7-77-9 (47595)
ସ୍ନୁଷାଂ ଚାସ୍ଯା ବଯସ୍ଯାଶ୍ଚ ବିଶୋକାଃ କୁରୁ ମାଧବ।
ସାମ୍ନା ସତ୍ଯେନ ଯୁକ୍ତେନ ବଚସାଽଽଶ୍ବାସଯ ପ୍ରଭୋ॥ 7-77-10 (47596)
ତତୋଽର୍ଜୁନଗୃହଂ ଗତ୍ବା ବାସୁଦେବଃ ସୁଦୁର୍ମନାଃ।
ଭଗିନୀଂ ପୁତ୍ରଶୋକାର୍ତାମାଶ୍ବାସଯତ ଦୁଃଖିତାମ୍॥ 7-77-11 (47597)
ବାସୁଦେବ ଉବାଚ। 7-77-12x (4461)
ମା ଶୋକଂ କୁରୁ ବାର୍ଷ୍ଣେଯି କୁମାରଂ ପ୍ରତି ସସ୍ନୁଷା।
ସର୍ବେଷାଂ ପ୍ରାଣିନାଂ ଭୀରୁ ନିଷ୍ଠୈଷା କାଲନିର୍ମିତା॥ 7-77-12 (47598)
କୁଲେ ଜାତସ୍ଯ ବୀରସ୍ଯ କ୍ଷତ୍ରିଯସ୍ଯ ବିଶେଷତଃ।
ସଦୃଶଂ ମରଣଂ ହ୍ଯେତତ୍ତବ ପୁତ୍ରସ୍ଯ ମା ଶୁଚଃ॥ 7-77-13 (47599)
ଦିଷ୍ଟ୍ଯା ମହାରଥୋ ଧୀରଃ ପିତୁସ୍ତୁଲ୍ଯପରାକ୍ରମଃ।
କ୍ଷାତ୍ରେଣ ବିଧିନା ପ୍ରାପ୍ତୋ ବୀରାଭିଲଷିତାଂ ଗତିମ୍॥ 7-77-14 (47600)
ଜିତ୍ବା ସୁବହୁଶଃ ଶତ୍ରୂନ୍ପ୍ରେଷଯିତ୍ବା ଚ ମୃତ୍ଯବେ।
ଗତଃ ପୁଣ୍ଯକୃତାଂ ଲୋକାନ୍ସର୍ବକାମଦୁହୋଽକ୍ଷଯାନ୍॥ 7-77-15 (47601)
ତପସା ବ୍ରହ୍ମଚର୍ଯେଣ ଶ୍ରୁତେନ ପ୍ରଜ୍ଞଯାପି ଚ।
ସନ୍ତୋ ଯାଂ ଗତିମିଚ୍ଛନ୍ତି ତାଂ ପ୍ରାପ୍ତସ୍ତବ ପୁତ୍ରକଃ॥ 7-77-16 (47602)
ବୀରସୂର୍ବୀରପତ୍ନୀ ତ୍ବଂ ବୀରଜା ବୀରବାନ୍ଧବା।
ମା ଶୁଚସ୍ତନଯଂ ଭଦ୍ରେ ଗତଃସ ପରମାଂ ଗତିମ୍॥ 7-77-17 (47603)
`ସ୍ବାଧ୍ଯାଯଯୁକ୍ତଂ ବ୍ରାହ୍ମମୀ ଯାଚିତାରଂ
`ସ୍ବାଧ୍ଯାଯଯୁକ୍ତଂ ବ୍ରାହ୍ମଣୀ ଯାଚିତାରଂ
ଗୌର୍ବୋଢାରଂ କ୍ଷିପ୍ରଗନ୍ତାରମଶ୍ବା।
ଦାସଂ ଶୂଦ୍ରା କର୍ମକାରଂ ତୁ ବୈଶ୍ଯା
ଶୂରଂ ସୂତେ ତ୍ବଦ୍ବିଧା ରାଜପୁତ୍ରୀ'॥ 7-77-18 (47604)
ପ୍ରାପ୍ସ୍ଯତେ ଚାପ୍ଯସୌ ପାପଃ ସୈନ୍ଧବୋ ବାଲଘାତକଃ।
ଅଧର୍ମସ୍ଯାସ୍ଯ ତୁ ଫଲଂ ସସୁହୃଦ୍ଗଣବାନ୍ଧବଃ॥ 7-77-19 (47605)
ବ୍ଯୁଷ୍ଟାଯାଂ ତୁ ବରାରୋହେ ରଜନ୍ଯାଂ ପାପକର୍ମକୃତ୍।
ନ ହି ମୋକ୍ଷ୍ଯତି ପାର୍ଥାତ୍ସ ପ୍ରବିଷ୍ଟୋଽପ୍ଯମରାବତୀମ୍॥ 7-77-20 (47606)
ଶ୍ବଃ ଶିରଃ ପାଦମୂଲଂ ତେ ସୈନ୍ଧବସ୍ଯାହୃତଂ ଧ୍ରୁବମ୍।
ପଦ୍ଧ୍ଯାଂ ପ୍ରମଥିତାସି ତ୍ବଂ ବିଶୋକା ଭବ ମା ରୁଦଃ॥ 7-77-21 (47607)
କ୍ଷତ୍ରଧର୍ମଂ ପୁରସ୍କୃତ୍ଯ ଗତଃ ଶୂରଃ ସତାଂ ଗତିମ୍।
ବଯଂ ଚ ପ୍ରାପ୍ନୁଯାମେହ ଯେ ଚାନ୍ଯେ ଶସ୍ତ୍ରଜୀବିନଃ॥ 7-77-22 (47608)
ବ୍ଯୂଢୋରସ୍କୋ ମହାବାହୁରନିବର୍ତୀ ରିପୁବ୍ରଜାତ୍।
ଗତସ୍ତବ ବରାରୋହେ ପୁତ୍ରଃ ସ୍ବର୍ଗଂ ଜ୍ବରଂ ଜହି॥ 7-77-23 (47609)
ଅନୁଯାତଶ୍ଚ ପିତରଂ ମାତୃପକ୍ଷଂ ଚ ବୀର୍ଯବାନ୍।
ସହସ୍ରଶୋ ରିପୂନ୍ହତ୍ବା ହତଃ ଶୂରୋ ମହାରଥଃ॥ 7-77-24 (47610)
ଆଶ୍ବାସଯ ସ୍ନୁଷାଂ ରାଜ୍ଞି ମା ଶୁଚଃ କ୍ଷତ୍ରିଯେ ଭୃଶମ୍।
ଶ୍ବଃ ପ୍ରିଯଂ ସୁମହଚ୍ଛ୍ରୁତ୍ବା ବିଶୋକା ଭବ ନନ୍ଦିନି॥ 7-77-25 (47611)
ଯତ୍ପାର୍ଥେନ ପ୍ରତିଜ୍ଞାତଂ ତତ୍ତଥା ନ ତଦନ୍ଯଥା।
ଚିକୀର୍ଷିତଂ ହି ତେ ଭର୍ତୁର୍ନ ଭବେଜ୍ଜାତୁ ନିଷ୍ଫଲମ୍॥ 7-77-26 (47612)
ଯଦି ଚ ମନୁଜପନ୍ନଗାଃ ପିଶାଚା
ରଜନିଚଚାରାଃ ପତଗାଃ ସୁରାସୁରାଶ୍ଚ।
ରଣଗତମଭିଯାନ୍ତି ସିନ୍ଧୁରାଜଂ
ନ ସ ଭବିତା ସହ ତୈରପି ପ୍ରଭାତେ॥ ॥ 7-77-27 (47613)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ପ୍ରତିଜ୍ଞାପର୍ବଣି ସପ୍ତସପ୍ତତିତମୋଽଧ୍ଯାଯଃ॥ 77 ॥
Mahabharata - Drona Parva - Chapter Footnotes
5-77-27 ଅଭିଯାନ୍ତି ରକ୍ଷିଷ୍ଯନ୍ତି॥ 5-77-77 ସପ୍ତସପ୍ତତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 078
॥ ଶ୍ରୀଃ ॥
7.78. ଅଧ୍ଯାଯଃ 078
Mahabharata - Drona Parva - Chapter Topics
ଅଭିମନ୍ଯୁମନୁଶୋଚ୍ଯ ବିଲପନ୍ତ୍ଯାଃ ସୁଭଦ୍ରାଯାଃ କୃଷ୍ଣେନାଶ୍ବାସନମ୍॥ 1 ॥Mahabharata - Drona Parva - Chapter Text
7-78-0 (47614)
ସଞ୍ଜଯ ଉବାଚ। 7-78-0x (4462)
ଏତଚ୍ଛ୍ରୁତ୍ବା ବଚସ୍ତସ୍ଯ କେଶବସ୍ଯ ମହାତ୍ମନଃ।
ସୁଭଦ୍ରା ପୁତ୍ରଶୋକାର୍ତା ବିଲଲାପ ସୁଦୁଃଖିତା॥ 7-78-1 (47615)
ହା ପୁତ୍ରା ମମ ମନ୍ଦାଯାଃ କଥମେତ୍ଯାସି ସଂଯୁଗମ୍।
ନିଧନଂ ପ୍ରାପ୍ତବାଂସ୍ତାତ ପିତୁସ୍ତୁଲ୍ଯପରାକ୍ରମଃ॥ 7-78-2 (47616)
କଥମିନ୍ଦୀବରଶ୍ଯାମଂ ସୁଦଂଷ୍ଟ୍ରଂ ଚାରୁଲୋଚନମ୍।
ମୁଖଂ ତେ ଦୃଶ୍ଯତେ ବତ୍ସ ଗୁଣ୍ଠିତଂ ରଣରେଣୁନା॥ 7-78-3 (47617)
ନୂନଂ ଶୂରଂ ନିପତିତଂ ତ୍ବାଂ ପଶ୍ଯନ୍ତ୍ଯନିବର୍ତିନମ୍।
ସୁଶିରୋଗ୍ରୀବବାହ୍ବଂସଂ ବ୍ଯୂଢୋରସ୍କଂ ନତୋଦରମ୍॥ 7-78-4 (47618)
ଚାରୂପଚିତସର୍ବାଙ୍ଗଂ ସ୍ବକ୍ଷଂ ଶସ୍ତ୍ରକ୍ଷତାଚିତମ୍।
ଭୂତାନି ତ୍ବାଂ ନିରୀକ୍ଷନ୍ତେ ଭୂମୌ ଚନ୍ଦ୍ରମିବୋଦିତମ୍॥ 7-78-5 (47619)
ଶଯନୀଯଂ ପୁରାଽଧ୍ଯୁଷ୍ଯ ସ୍ପର୍ଧ୍ଯାସ୍ତରଣସଂବୃତମ୍।
ଭୂମାବଦ୍ଯ କଥଂ ଶେଷେ ବିପ୍ରବିଦ୍ଧଃ ସୁଖୋଚିତଃ॥ 7-78-6 (47620)
ଯୋଽନ୍ବାସ୍ଯତ ପୁରା ବୀରୋ ବରସ୍ତ୍ରୀଭିର୍ମହାଭୁଜଃ।
କଥମନ୍ବାସ୍ଯତେ ସୋଽଦ୍ଯ ଶିବାଭିଃ ପତିତୋ ମୃଧେ॥ 7-78-7 (47621)
ଯୋଽସ୍ତୂଯତ ପୁରା ହୃଷ୍ଟୈଃ ସୂତମାଗଧବନ୍ଦିଭିଃ।
ସୋଽଦ୍ଯ କ୍ରବ୍ଯାଦ୍ଗଣୈର୍ଘୋରୈର୍ବିନଦଦ୍ଭିରୁପାସ୍ଯେତ॥ 7-78-8 (47622)
ପାଣ୍ଡବେଷୁ ଚ ନାଥେଷୁ ବୃଷ୍ଣିବୀରେଷୁ ବା ବିଭୋ।
ପାଞ୍ଚାଲେଷୁ ଚ ବୀରେଷୁ ହତଃ କେନାସ୍ଯନାଥବତ୍॥ 7-78-9 (47623)
`ଯତ୍ର ତ୍ବଂ କେଶବେ ନାଥେ ସତ୍ଯନାଥୋ ଯଥା ହତଃ'।
ଅତୃପ୍ତଦର୍ଶନା ପୁତ୍ର ଦର୍ଶନସ୍ଯ ତବାନଘ।
ମନ୍ଦଭାଗ୍ଯା ଗମିଷ୍ଯାମି ବ୍ଯକ୍ତମଦ୍ଯ ଯମକ୍ଷଯମ୍॥ 7-78-10 (47624)
ବିଶାଲାକ୍ଷଂ ସୁକେଶାନ୍ତଂ ଚାରୁବାକ୍ଯଂ ସୁଗନ୍ଧି ଚ।
ତବ ପୁତ୍ର କଦା ଭୂଯୋ ମୁଖଂ ଦ୍ରକ୍ଷ୍ଯାମି ନିର୍ବ୍ରଣମ୍॥ 7-78-11 (47625)
ଧିଗ୍ବଲଂ ଭୀମସେନସ୍ଯ ଧିକ୍ପାର୍ଥସ୍ଯ ଧନୁଷ୍ମତାମ୍।
ଧିଗ୍ବୀର୍ଯଂ ବୃଷ୍ଣିବୀରାଣାଂ ଚାଞ୍ଚାଲାନାଂ ଚ ଧିଗ୍ବଲଂ॥ 7-78-12 (47626)
ଧିକ୍କେକଯାଂସ୍ତଥା ଚେଦୀନ୍ମତ୍ସ୍ଯାଂଶ୍ଚୈବାଥ ସୃଞ୍ଜଯାନ୍।
ଯେ ତ୍ବାଂ ରଣଗତଂ ବୀରଂ ନ ଶେକୁରଭିରକ୍ଷିତୁମ୍॥ 7-78-13 (47627)
ଅଦ୍ଯ ପଶ୍ଯାମି ପୃଥିବୀଂ ଶୂନ୍ଯାମିବ ହତତ୍ବିଷମ୍।
ଅଭିମନ୍ଯୁମପଶ୍ଯନ୍ତୀ ଶୋକବ୍ଯାକୁଲଲୋଚନା॥ 7-78-14 (47628)
ସ୍ବସ୍ରୀଯଂ ବାସୁଦେବସ୍ଯ ପୁତ୍ରଂ ଗାଣ୍ଡବୀଧନ୍ବନଃ।
କଥଂ ତ୍ବାଽତିରଥଂ ବୀରଂ ଦ୍ରକ୍ଷ୍ଯାମ୍ଯଦ୍ଯ ନିପାତିତମ୍॥ 7-78-15 (47629)
ଏହ୍ଯେହି ତୃଷିତୋ ବତ୍ସ ସ୍ତନୌ ପୂର୍ଣୌ ପିବାଶୁ ମେ।
ଅଙ୍କମାରୁହ୍ଯ ମନ୍ଦାଯା ହ୍ଯତୃପ୍ତାଯାଶ୍ଚ ଦର୍ଶନେ॥ 7-78-16 (47630)
ହା ବୀର ଦୃଷ୍ଟୋ ନଷ୍ଟଶ୍ଚ ଧନଂ ସ୍ବପ୍ନ ଇବାସି ମେ।
ଅହୋ ହ୍ଯନିତ୍ଯଂ ମାନୁଷ୍ଯଂ ଜଲବୁଦ୍ବୁଦଚଞ୍ଚଲମ୍॥ 7-78-17 (47631)
ଇମାଂ ତେ ତରୁଣୀଂ ଭାର୍ଯାଂ ତବାଧିଭିରଭିପ୍ଲୁତାମ୍।
`ଉତ୍ତରାମୁତ୍ତମାଂ ଜାତ୍ଯା ସୁଶୀଲାଂ ପ୍ରିଯ ଭାଷିଣୀମ୍॥ 7-78-18 (47632)
ଶନକୈଃ ପରିରଭ୍ଯୈନାଂ ସ୍ନୁଷାଂ ମମ ଯଶସ୍ବିନୀମ୍।
ସୁକୁମାରୀଂ ବିଶାଲାକ୍ଷୀଂ ପୂର୍ଣଚନ୍ଦ୍ରନିଭାନନାମ୍॥ 7-78-19 (47633)
ବାଲପଲ୍ଲବତନ୍ବଙ୍ଗୀଂ ମତ୍ତମାତଙ୍ଗଗାମିନୀମ୍।
ବିମ୍ବାଧରୋଷ୍ଠୀମବଲାମଭିମନ୍ଯୋ ପ୍ରହର୍ଷଯ॥ 7-78-20 (47634)
ତ୍ବଯା ବିନା କଥଂ ପୁତ୍ର ଜୀର୍ଣାଂ ପତିତମାନସାମ୍'।
ଇମାଂ ସନ୍ଧାରଯିଷ୍ଯାମି ବୃଷଭାଦିବ ଧେନୁକାମ୍॥ 7-78-21 (47635)
ଅହୋ ହ୍ଯକାଲେ ପ୍ରସ୍ଥାନଂ କୃତବାନସି ପୁତ୍ରକ।
ବିହାଯ ଫଲକାଲେ ମାଂ ସୁଗୃଦ୍ଧାଂ ତବ ଦର୍ଶନେ॥ 7-78-22 (47636)
ନୂନଂ ଗତିଃ କୃତାନ୍ତସ୍ଯ ପ୍ରାଜ୍ଞୈରପି ସୁଦୁର୍ବିଦା।
ଯତ୍ର ତ୍ବଂ କେଶବେ ନାଥେ ସଙ୍ଗ୍ରାମେଽନାଥବଦ୍ଧତଃ॥ 7-78-23 (47637)
ଯଜ୍ବନାଂ ଦାନଶୀଲାନାଂ ବ୍ରାହ୍ମଣାନାଂ କୃତାତ୍ମନାମ୍।
ଚରିତବ୍ରହ୍ମଚର୍ଯାଣାଂ ପୁଣ୍ଯତୀର୍ଥାବଗାହିନାମ୍॥ 7-78-24 (47638)
କୃତଜ୍ଞାନାଂ ବଦାନ୍ଯାନାଂ ଗୁରୁଶୁଶ୍ରୂଷିଣାମପି।
ସହସ୍ରଦକ୍ଷିଣାନାଂ ଚ ଯା ଗତିସ୍ତାମବାପ୍ନୁହି॥ 7-78-25 (47639)
ଯା ଗତିର୍ଯୁଧ୍ଯମାନାନାଂ ଶୂରାଣାମନିବର୍ତିନାମ୍।
ହତ୍ବାରୀନ୍ନିହତାନାଂ ଚ ସଙ୍ଗ୍ରାମେ ତାଂ ଗତି ବ୍ରଜ॥ 7-78-26 (47640)
ଗୋସହସ୍ରପ୍ରଦାତୄଣାଂ କ୍ରତୁଦାନାଂ ଚ ଯା ଗତିଃ।
ନୈବେଶିକଂ ଚାଭିମତଂ ଦଦତାଂ ଯା ଗତିଃ ଶୁଭା॥ 7-78-27 (47641)
ବ୍ରାହ୍ମଣେଭ୍ଯଃ ଶରଣ୍ଯେଭ୍ଯୋ ନିଧିଂ ନିଦଧତାଂ ଚ ଯା।
ଯା ଚାପି ନ୍ଯସ୍ତଦଣ୍ଡାନାଂ ତାଂ ଗତିଂ ବ୍ରଜ ପୁତ୍ରକ॥ 7-78-28 (47642)
ବ୍ରହ୍ମଚର୍ଯେଣ ଯାଂ ଯାନ୍ତି ମୁନଯଃ ସଂଶିତବ୍ରତାଃ।
ଏକପତ୍ନ୍ଯଶ୍ଚ ଯାଂ ଯାନ୍ତି ତାଂ ଗତିଂ ବ୍ରଜ ପୁତ୍ରକ॥ 7-78-29 (47643)
ରାଜ୍ଞା ସୁଚରିତୈର୍ଯା ଚ ଗତିର୍ଭବତି ଶାଶ୍ବତୀ।
ଚରମାଶ୍ରମିଣାଂ ପୁଣ୍ଯୈଃ ସେବିତାନାଂ ପୁରଃ ସ୍ଥିତୈଃ॥ 7-78-30 (47644)
ଦୀନାନୁକମ୍ପିନାଂ ଯା ଚ ସତତଂ ସଂବିଭାଗିନାମ୍।
ପୈଶୁନ୍ଯାଚ୍ଚ ନିବୃତ୍ତାନାଂ ତାଂ ଗତିଂ ବ୍ରଜ ପୁତ୍ରକ॥ 7-78-31 (47645)
ବ୍ରତିନାଂ ଧର୍ମଶୀଲାନାଂ ଗୁରୁଶୁଶ୍ରୂଷିଣାମପି।
ଅମୋଘାତିଥିନାଂ ଯା ଚ ତାଂ ଗତିଂ ବ୍ରଜ ପୁତ୍ରକ॥ 7-78-32 (47646)
କୃଚ୍ଛ୍ରେଷୁ ଯା ଧାରଯତାମାତ୍ମାନଂ ବ୍ଯସନେଷୁ ଚ।
ଗତିଃ ଶୋକାଗ୍ନିଦଗ୍ଧାନାଂ ତାଂ ଗତିଂ ବ୍ରଜ ପୁତ୍ରକ॥ 7-78-33 (47647)
ମାତାପିତ୍ରୋଶ୍ଚ ଶୁଶ୍ରୂଷାଂ କଲ୍ପଯନ୍ତୀହ ଯେ ସଦା।
ସ୍ବଦାରନିରତାନାଂ ଚ ଯା ଗତିସ୍ତାମବାପ୍ନୁହି॥ 7-78-34 (47648)
ଋତୁକାଲେ ସ୍ବକାଂ ଭାର୍ଯାଂ ଗଚ୍ଛତାଂ ଯା ମନୀଷିଣାମ୍।
ପରସ୍ତ୍ରୀଭ୍ଯୋ ନିବୃତ୍ତାନାଂ ତାଂ ଗତିଂ ବ୍ରଜ ପୁତ୍ରକ॥ 7-78-35 (47649)
ସାମ୍ନା ଯେ ସର୍ବଭୂତାନି ପଶ୍ଯନ୍ତି ଗତମତ୍ସରାଃ।
ନାରୁନ୍ତୁଦାନାଂ କ୍ଷମିଣାଂ ଯା ଗତିସ୍ତାମବାପ୍ନୁହି॥ 7-78-36 (47650)
ମଧୁମାଂସାନ୍ନିବୃତ୍ତାନାଂ ମଦାଦ୍ଦୃମ୍ଭାତ୍ତଥାଽନୃତାତ୍।
ପରୋପତାପାଦନ୍ଯାଯାତ୍ତାଂ ଗତିଂ ବ୍ରଜ ପୁତ୍ରକ॥ 7-78-37 (47651)
ହୀମନ୍ତଃ ସର୍ବଶାସ୍ତ୍ରଜ୍ଞା ଜ୍ଞାନତୃପ୍ତା ଜିତେନ୍ଦ୍ରିଯାଃ।
ଯାଂ ଗତିଂ ସାଧବୋ ଯାନ୍ତି ତାଂ ଗତିଂ ବ୍ରଜ ପୁତ୍ରକ॥ 7-78-38 (47652)
ସଞ୍ଜଯ ଉବାଚ। 7-78-39x (4463)
ଏବଂ ବିଲପତୀଂ ଦୀନାଂ ସୁଭଦ୍ରାଂ ଶୋକକର୍ଶିତାମ୍।
ଅନ୍ବପଦ୍ଯତ ପାଞ୍ଚାଲୀ ବୈରାଟିସହିତାଂ ତଦା॥ 7-78-39 (47653)
ସା ପ୍ରକାମଂ ରୁଦିତ୍ବା ଚ ବିଲପ୍ଯ ଚ ସୁଦୁଃଖିତା।
ଉନ୍ମତ୍ତବତ୍ତଦା ରାଜନ୍ବିସଂଜ୍ଞା ପତିତା କ୍ଷିତୌ॥ 7-78-40 (47654)
ସୋପଚାରସ୍ତୁ କୃଷ୍ଣସ୍ତାଂ ଦୁଃଖିତାଂ ଭୃଶଦୁଃଖିତଃ।
ସିକ୍ତ୍ବାମ୍ଭସା ସମାଶ୍ବାସ୍ଯ ତତ୍ତଦୁକ୍ତ୍ବା ହିତଂ ବଚଃ॥ 7-78-41 (47655)
ବିସଂଜ୍ଞକଲ୍ପାଂ ରୁଦତୀମପବିଦ୍ଧାଂ ପ୍ରବେପତୀମ୍।
ଭଗିନୀଂ ପୁଣ୍ଡରୀକାକ୍ଷ ଇଦଂ ବଚନମବ୍ରବୀତ୍॥ 7-78-42 (47656)
ସୁଭଦ୍ରେ ମା ଶୁଚଃ ପୁତ୍ରଂ ପାଞ୍ଚାଲ୍ଯାଶ୍ବାସଯୋତ୍ତରାମ୍।
ଗତୋଽଭିମନ୍ଯୁଃ ପ୍ରଥିତାଂ ଗତିଂ କ୍ଷତ୍ରିଯପୁଙ୍ଗବଃ॥ 7-78-43 (47657)
ଯେ ଚାନ୍ଯେଽପି କୁଲେ ସନ୍ତି ପୁରୁଷା ନୋ ବରାନନେ।
ସର୍ବେ ନ ତେ ଗତିଂ ଯାନ୍ତି ଯାଽଭିମନ୍ଯୋର୍ଯଶସ୍ବିନଃ॥ 7-78-44 (47658)
କୁର୍ଯାମ ତଦ୍ବଯଂ କର୍ମ କୁର୍ଯୁର୍ଯୁତ୍ସୁହୃଦଶ୍ଚ ନଃ।
କୃତବାନ୍ଯାଦୃଗଦ୍ଯୈକସ୍ତବ ପୁତ୍ରୋ ମହାରଥଃ॥ 7-78-45 (47659)
ସଞ୍ଜଯ ଉବାଚ। 7-78-46x (4464)
ଏବମାଶ୍ବାସ୍ଯ ଭଗିନୀଂ ଦ୍ରୌପଦୀମପି ଚୋତ୍ତରାମ୍।
ପାର୍ଥସ୍ଯୈବ ମହାବାହୁଃ ପାର୍ଶ୍ବମାଗାଦରିନ୍ଦମଃ॥ 7-78-46 (47660)
ତତୋଽଭ୍ଯନୁଜ୍ଞାଯ ନୃପାନ୍କୃଷ୍ଣୋ ବନ୍ଧୂଂସ୍ତଥାଽର୍ଜୁନମ୍।
ବିବେଶାନ୍ତଃ ପୁରେ ରାଜଂସ୍ତେ ଚ ଜଗ୍ମୁଃ ସ୍ବମାଲଯମ୍॥ ॥ 7-78-47 (47661)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ପ୍ରତିଜ୍ଞାପର୍ବଣି ଅଷ୍ଟସପ୍ତତିତମୋଽଧ୍ଯାଯଃ॥ 78 ॥
Mahabharata - Drona Parva - Chapter Footnotes
5-78-27 ନୈବେଶିକଂ ସୋପକରଣଂ ଗୃହମ୍। ନୈବେଶିକାଯେତି ପାଠେ ଗୃହାଶ୍ରମୋନ୍ମୁଖାଯ ବିଦ୍ଯାବ୍ରତସ୍ନାତାଯ। ଅଭିମତଂ ବିବାହୋପଯୁକ୍ତମ୍॥ 5-78-28 ନ୍ଯସ୍ତଦଣ୍ଡାନାଂ ନିରସ୍ତାଭିମାନାନାମ୍। ଦଣ୍ଡୋ ସ୍ତ୍ରୀ ଲଗୁଡେ ପୁମାନିତ୍ଯୁ ପକ୍ରମ୍ଯ ଦମେ ଯମେଽବିମାନେଚେତି ମେଦିନୀ॥ 5-78-29 ଏକପତ୍ନ୍ଯଃ ପତିବ୍ରତାଃ॥ 5-78-78 ଅଷ୍ଟସପ୍ତତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 079
॥ ଶ୍ରୀଃ ॥
7.79. ଅଧ୍ଯାଯଃ 079
Mahabharata - Drona Parva - Chapter Topics
ଶ୍ରୀକୃଷ୍ଣେନ ରାତ୍ରାବର୍ଜୁନେନ ତ୍ର୍ଯମ୍ବକାଯ ବଲିପ୍ରଦାପନମ୍॥ 1 ॥ କୃଷ୍ଣଦାରୁକସମ୍ଭାଷଣମ୍॥ 2 ॥Mahabharata - Drona Parva - Chapter Text
7-79-0 (47662)
ସଞ୍ଜଯ ଉବାଚ। 7-79-0x (4465)
ତତୋଽର୍ଜୁନସ୍ଯ ଭବନଂ ପ୍ରବିଶ୍ଯାପ୍ରତିମଂ ବିଭୁଃ।
ସ୍ପୃଷ୍ଟ୍ବାମ୍ଭଃ ପୁଣ୍ଡରୀକାକ୍ଷଃ ସ୍ଥଣ୍ଡିଲେ ଶୁଭଲକ୍ଷଣେ।
ସନ୍ତସ୍ତାର ଶୁଭାଂ ଶଯ୍ଯାଂ ଦର୍ଭୈର୍ବୈଦୂର୍ଯସନ୍ନିଭୈଃ॥ 7-79-1 (47663)
ତତୋ ମାଲ୍ଯେନ ବିଧିବଲ୍ଲାଜୈର୍ଗନ୍ଧୈଃ ସୁମଙ୍ଗଲୈଃ।
ଅଲଞ୍ଚକାର ତାଂ ଶଯ୍ଯାଂ ପରିବାର୍ଯାଯୁଧୋତ୍ତମୈଃ॥ 7-79-2 (47664)
ତତଃ ସ୍ପୃଷ୍ଟୋଦକଂ ପାର୍ଥଂ ବିନୀତପରିଚାରକମ୍।
ନୈତ୍ଯକଂ ଦର୍ଶଯାଞ୍ଚକ୍ରେ ନୈଶଂ ତ୍ରୈଯମ୍ବକଂ ବଲିମ୍॥ 7-79-3 (47665)
ତତଃ ପ୍ରୀତମନାଃ ପାର୍ଥୋ ଗନ୍ଧମାଲ୍ଯୈଶ୍ଚ ମାଧବମ୍।
ଅଲଙ୍କୃତ୍ଯୋପହାରଂ ତଂ ନୈଶଂ ତସ୍ମୈ ନ୍ଯବେଦଯତ୍॥ 7-79-4 (47666)
ସାଧୁସାଧ୍ବିତି ଗୋବିନ୍ଦଃ ଫଲ୍ଗୁନଂ ପ୍ରତ୍ଯଭାଷତ॥ 7-79-5 (47667)
ସୁପ୍ଯତାଂ ପାର୍ଥ ଭଦ୍ରଂ ତେ କଲ୍ଯାଣାଯ ବ୍ରଜାମ୍ଯହମ୍।
ସ୍ଥାପଯିତ୍ବା ତତୋ ଦ୍ବାସ୍ଥାନ୍ଗୋପ୍ତୄଂଶ୍ଚାତ୍ତାଯୁଧାନ୍ନରାନ୍॥ 7-79-6 (47668)
ଦାରୁକାନୁଗତଃ ଶ୍ରୀମାନ୍ବିବେଶ ଶିବିରଂ ସ୍ବକମ୍।
ଶିଶ୍ଯେ ଚ ଶଯନେ ଶୁଭ୍ରେ ବହୁକୃତ୍ଯ ବିଚିନ୍ତଯନ୍॥ 7-79-7 (47669)
ପାର୍ଥାଯ ସର୍ବଂ ଭଗବାଞ୍ଶୋକଦୁଃଖାପହଂ ବିଧିମ୍।
ବ୍ଯଦଧାତ୍ପୁଣ୍ଡରୀକାକ୍ଷସ୍ତେଜୋଦ୍ଯୁତିବିବର୍ଧନମ୍॥ 7-79-8 (47670)
ଯୋଗମାସ୍ଥାଯ ଯୁକ୍ତାତ୍ମା ସର୍ବେଷାମୀଶ୍ବରେଶ୍ବରଃ।
ଶ୍ରେଯସ୍କାମଃ ପୃଥୁଯଶା ବିଷ୍ଣୁର୍ଜିଷ୍ଣୁପ୍ରିଯଙ୍କରଃ॥ 7-79-9 (47671)
ନ ପାଣ୍ଡବାନାଂ ଶିବିରେ କଶ୍ଚିତ୍ସୁଷ୍ବାପ ତାଂ ନିଶାମ୍।
ପ୍ରଜାଗରଃ ସର୍ବଜନଂ ହ୍ଯାବିବେଶ ବିଶାମ୍ପତେ॥ 7-79-10 (47672)
ପୁତ୍ରଶୋକାଭିତପ୍ତେନ ପ୍ରତିଜ୍ଞାତୋ ମହାତ୍ମନା।
ଶ୍ବଃ ସିନ୍ଧୁରାଜସ୍ଯ ବଧଃ କାର୍ଯୋ ଗାଣ୍ଡୀବଧନ୍ବନା॥ 7-79-11 (47673)
ତତ୍କଥଂ ନୁ ମହାବାହୁର୍ବାସବିଃ ପରବୀରହା।
ପ୍ରତିଜ୍ଞାଂ ସଫଲାଂ କୁର୍ଯାଦିତି ତେ ସମଚିନ୍ତଯନ୍॥ 7-79-12 (47674)
କଷ୍ଟଂ ହୀଦଂ ବ୍ଯବସିତଂ ପାଣ୍ଡବେନ ମହାତ୍ମନା।
ପୁତ୍ରଶୋକାଭିଭୂତେନ ପ୍ରତିଜ୍ଞା ମହତୀ କୃତା॥ 7-79-13 (47675)
ଭ୍ରାତରଶ୍ଚାପି ବିକ୍ରାନ୍ତା ବହୁଲାନି ବଲାନି ଚ।
ଧୃତରାଷ୍ଟ୍ରସ୍ଯ ପୁତ୍ରେଣ ସର୍ବତଃ ସନ୍ନିବେଶିତାଃ॥ 7-79-14 (47676)
ସ ହତ୍ବା ସୈନ୍ଧବଂ ସଙ୍ଖ୍ଯେ ପୁନରେତୁ ଜଯୀ ସୁଖୀ।
`ହତ୍ବା ରିପୁଗଣଂ ସର୍ବଂ ପାରଯିତ୍ବା ମହାବ୍ରତମ୍॥ 7-79-15 (47677)
ଯଦ୍ଯସ୍ତି ସୁକୃତଂ କିଞ୍ଚିଦସ୍ମାକଂ ହନ୍ତୁ ସୈନ୍ଧବମ୍।
ଜିତ୍ବା ସର୍ବାନ୍ରିପୂନ୍ପାର୍ଥସ୍ତ୍ରାତୁ ନୋଽସ୍ମାନ୍ମହାଭଯାତ୍॥ 7-79-16 (47678)
ଏବମାଶଂସମାନାସ୍ତେ କେଚିତ୍ତସ୍ଥୁରୁପଶ୍ରୁତିମ୍।
ଶ୍ରୁତ୍ବା ଚେଷ୍ଟଂ ସୁମନସୋ ବ୍ଯକ୍ତମାଶଂସିରେ ଜଯମ୍॥ 7-79-17 (47679)
ଭବିତା ନୁ କଥଂ କୃତ୍ଯମିଦମିତ୍ଯବ୍ରୁବଞ୍ଜନାଃ'।
ଶ୍ବୋଽହତ୍ବା ସିନ୍ଧୁରାଜଂ ବୈ ଧୂମକେତୁଂ ପ୍ରବେକ୍ଷ୍ଯତି॥ 7-79-18 (47680)
ନ ଶକ୍ଯମନୃତାଂ କର୍ତୁଂ ପ୍ରତିଜ୍ଞାଂ ବିଜଯେନ ହି।
`ମହଦ୍ଧି ସାହସଂ ପାର୍ଥଃ କୃତବାଚ୍ଛୋକମୋହିତଃ'॥ 7-79-19 (47681)
ଧର୍ମପୁତ୍ରଃ କଥଂ ରାଜା ଭବିଷ୍ଯତି ମୃତେଽର୍ଜୁନେ।
ତସ୍ମିନ୍ହି ବିଜଯଃ କୃତ୍ସ୍ନଃ ପାଣ୍ଡବେନ ସମାହିତଃ॥ 7-79-20 (47682)
ଯଦି ନୋଽସ୍ତି କୃତଂ କିଞ୍ଚିଦ୍ଯଦି ଦତ୍ତଂ ହୁତଂ ଯଦି।
ଫଲେନ ତସ୍ଯ ସର୍ବସ୍ଯ ସବ୍ଯସାଚୀ ଜଯତ୍ବରୀନ୍॥ 7-79-21 (47683)
ସଞ୍ଜଯ ଉବାଚ। 7-79-22x (4466)
ଏବଂ କଥଯତାଂ ତେଷାଂ ଜଯମାଶଂସତାଂ ପ୍ରଭୋ।
କୃଚ୍ଛ୍ରେଣ ମହତା ରାଜନ୍ରଜନୀ ବ୍ଯତ୍ଯବର୍ତତ॥ 7-79-22 (47684)
ତସ୍ଯା ରଜନ୍ଯା ମଧ୍ଯେ ତୁ ପ୍ରତିବୁଦ୍ଧୋ ଜନାର୍ଦନଃ।
ସ୍ମୃତ୍ବା ପ୍ରତିଜ୍ଞାଂ ପାର୍ଥସ୍ଯ ଦାରୁକଂ ପ୍ରତ୍ଯଭାଷତ॥ 7-79-23 (47685)
ଅର୍ଜୁନେନ ପ୍ରତିଜ୍ଞାତମାର୍ତେନ ହତବନ୍ଧୁନା।
ଜଯଦ୍ରଥଂ ବଧିଷ୍ଯାମି ଶ୍ବୋଭୂତ ଇତି ଦାରୁକ॥ 7-79-24 (47686)
ତତ୍ତୁ ଦୁର୍ଯୋଧନଃ ଶ୍ରୁତ୍ବା ମନ୍ତ୍ରିଭିର୍ମନ୍ତ୍ରଯିଷ୍ଯତି।
ଯଥା ଜଯଦ୍ରଥଂ ପାର୍ଥୋ ନ ହନ୍ଯାଦିତି ସଂଯୁଗେ॥ 7-79-25 (47687)
ଅକ୍ଷୌହିଣ୍ଯୋ ହି ତାଃ ସର୍ବା ରକ୍ଷିଷ୍ଯନ୍ତି ଜଯଦ୍ରଥମ୍।
ଦ୍ରୋଣଶ୍ଚ ସହପୁତ୍ରେଣ ସର୍ବାସ୍ତ୍ରବିଧିପାରଗଃ॥ 7-79-26 (47688)
ଏକୋ ବୀରଃ ସହସ୍ରାକ୍ଷୋ ଦୈତ୍ଯଦାନବଦର୍ପହା।
ସୋଽପି ତଂ ନୋତ୍ସହେତାଜୌ ହନ୍ତୁଂ ଦ୍ରୋଣେନ ରକ୍ଷିତମ୍॥ 7-79-27 (47689)
ସୋଽହଂ ଶ୍ବସ୍ତତ୍କରିଷ୍ଯାମି ଯଥା କୁନ୍ତୀସୁତୋଽର୍ଜୁନଃ।
ଅପ୍ରାପ୍ତେଽସ୍ତଂ ଦିନକରେ ହନିଷ୍ଯତି ଜଯଦ୍ରଥମ୍॥ 7-79-28 (47690)
ନ ହି ଦାରା ନ ମିତ୍ରାଣି ଜ୍ଞାତଯୋ ନ ଚ ବାନ୍ଧବାଃ।
କଶ୍ଚିଦନ୍ଯଃ ପ୍ରିଯତରଃ କୁନ୍ତୀପୁତ୍ରାନ୍ମମାର୍ଜୁନାତ୍॥ 7-79-29 (47691)
ଅନର୍ଜୁନମିମଂ ଲୋକଂ ମୁହୂର୍ତମପି ଦାରୁକ।
ଉଦୀକ୍ଷିତୁଂ ନ ଶକ୍ତୋଽହଂ ଭବିତା ନ ଚ ତତ୍ତଥା॥ 7-79-30 (47692)
ଅହଂ ବିଜିତ୍ଯ ତାନ୍ସର୍ବାନ୍ସହସା ସହଯଦ୍ବିପାନ୍।
ଅର୍ଜୁନାର୍ଥେ ହନିଷ୍ଯାମି ସକର୍ଣାନ୍ସସୁଯୋଧନାନ୍॥ 7-79-31 (47693)
ଶ୍ବୋ ନିରୀକ୍ଷନ୍ତୁ ମେ ବୀର୍ଯଂ ତ୍ରଯୋ ଲୋକା ମହାହବେ।
ଧନଞ୍ଜଯାର୍ଥେ ସମରେ ପରାକ୍ରାନ୍ତସ୍ଯ ଦାରୁକ॥ 7-79-32 (47694)
ଶ୍ବୋ ନରେନ୍ଦ୍ରସହସ୍ରାଣି ରାଜପୁତ୍ରଶତାନି ଚ।
ସାଶ୍ବଦ୍ବିପରଥାନ୍ଯାଜୌ ବିଦ୍ରବିଷ୍ଯାମି ଦାରୁକ॥ 7-79-33 (47695)
ଶ୍ବସ୍ତାଂ ଚକ୍ରପ୍ରମଥିତାଂ ଦ୍ରକ୍ଷ୍ଯସେ ନୃପବାହିନୀମ୍।
ମଯା କ୍ରୁଦ୍ଧେନ ସମରେ ପାଣ୍ଡବାର୍ଥେ ନିପାତିତାମ୍॥ 7-79-34 (47696)
ଶ୍ବଃ ସଦେବାଃ ସଗନ୍ଧର୍ବାଃ ପିଶାଚୋରଗରାକ୍ଷସାଃ।
ଜ୍ଞାସ୍ଯନ୍ତି ଲୋକାଃ ସର୍ବେ ମାଂ ସୁହୃଦଂ ସବ୍ଯସାଚିନଃ॥ 7-79-35 (47697)
ଯସ୍ତଂ ଦ୍ବେଷ୍ଟି ସ ମାଂ ଦ୍ବେଷ୍ଟି ଯସ୍ତଂ ଚାନୁ ସ ମାମନୁ।
ଇତି ସଙ୍କଲ୍ପ୍ଯତାଂ ବୁଦ୍ଧ୍ଯା ଶରୀରାର୍ଧଂ ମମାର୍ଜୁନଃ॥ 7-79-36 (47698)
ଯଥା ତ୍ବଂ ମେ ପ୍ରଭାତାଯାମସ୍ଯାଂ ନିଶି ରଥୋତ୍ତମମ୍।
କଲ୍ପଯିତ୍ବା ଯଥାଶାସ୍ତ୍ରମାଦାଯ ବ୍ରଜ ସଂଯତଃ॥ 7-79-37 (47699)
ଗଦାଂ କୌମୋଦକୀଂ ଦିବ୍ଯାଂ ଶକ୍ତିଂ ଚକ୍ରଂ ଧନୁଃ ଶରାନ୍।
ଆରୋପ୍ଯ ବୈ ରଥେ ସୂତ ସର୍ବୋପକରଣାନି ଚ॥ 7-79-38 (47700)
ସ୍ଥାନଂ ଚ କଲ୍ପଯିତ୍ବାଽଥ ରଥୋପସ୍ଥେ ଧ୍ବଜସ୍ଯ ମେ।
ବୈନତେଯସ୍ଯ ବୀରସ୍ଯ ସମରେ ରଥଶୋଭିନଃ॥ 7-79-39 (47701)
ଛତ୍ରଂ ଜାମ୍ବୂନଦୈର୍ଜାଲୈରର୍କଜ୍ବଲନସପ୍ରଭୈଃ॥
ବିଶ୍ବକର୍ମକୃତୈର୍ଦିବ୍ଯୈରଶ୍ବାନପି ବିଭୂଷଯ॥ 7-79-40 (47702)
ବଲାହକଂ ମେଘପୁଷ୍ପଂ ଶୈବ୍ଯଂ ସୁଗ୍ରୀବମେବ ଚ।
ଯୁକ୍ତ୍ବା ବାଜିବରାଂସ୍ତତ୍ର କବଚୀ ତିଷ୍ଠ ଦାରୁକ॥ 7-79-41 (47703)
ପାଞ୍ଚଜନ୍ଯସ୍ଯ ନିର୍ଘୋଷଂ ପର୍ଜନ୍ଯନିନଦୋପମମ୍।
ଶ୍ରୁତ୍ବା ଚ ଭୈରବଂ ନାଦମୁପେଯାସ୍ତ୍ବଂ ଜବେନ ମାମ୍॥ 7-79-42 (47704)
ଏକାହ୍ନାଽହମମର୍ଷଂ ଚ ସର୍ବଦୁଃଖାନି ଚୈବ ହ।
ଭ୍ରାତୁଃ ପୈତୃଷ୍ବସେଯସ୍ଯ ବ୍ଯପନେଷ୍ଯାମି ଦାରୁକ॥ 7-79-43 (47705)
ସର୍ବୋପାଯୈର୍ଯତିଷ୍ଯାମି ଯଥା ବୀଭତ୍ସୁରାହବେ।
ପଶ୍ଯତାଂ ଧାର୍ତରାଷ୍ଟ୍ରାଣାଂ ହନିଷ୍ଯତି ଜଯଦ୍ରଥମ୍॥ 7-79-44 (47706)
ଯସ୍ଯଯସ୍ଯ ଚ ବୀଭତ୍ସୁର୍ବଧେ ଯତ୍ନଂ କରିଷ୍ଯତି।
ଆଶଂସେଽହଂ ରଣେ ତନ୍ତଂ ତତ୍ରତତ୍ର ହନିଷ୍ଯତି॥ 7-79-45 (47707)
ଦାରୁକ ଉବାଚ। 7-79-46x (4467)
ଜଯ ଏବ ଧ୍ରୁବସ୍ତସ୍ଯ କୁତ ଏବ ପରାଜଯଃ।
ଯସ୍ଯ ତ୍ବଂ ପୁରୁଷବ୍ଯାଘ୍ର ସାରଥ୍ଯମୁପଜଗ୍ମିବାନ୍॥ 7-79-46 (47708)
ଏବଂ ଚୈତତ୍କରିଷ୍ଯାମି ଯଥା ମାମନୁଭାଷସେ।
ସୁପ୍ରଭାତାମିମାଂ ରାତ୍ରିଂ ଜଯାଯ ବିଜଯସ୍ଯ ହି॥ ॥ 7-79-47 (47709)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ପ୍ରତିଜ୍ଞାପର୍ବଣି ଏକୋନାଶୀତିତମୋଽଧ୍ଯାଯଃ॥ 79 ॥
Mahabharata - Drona Parva - Chapter Footnotes
5-79-3 ଲାଜୈରକ୍ଷତୈଃ॥ 5-79-4 ତସ୍ମୈ ତ୍ର୍ଯମ୍ବକାଯ॥ 5-79-8 ପାର୍ଥାଯ ତାଦର୍ଥ୍ଯେ ଚତୁର୍ଥୀ। ତେଜଃ ପ୍ରତାପଃ॥ 5-79-13 ମହାତ୍ମନା ଇତ୍ଯସ୍ଯାନନ୍ତରଂ ସ ଚ ରାଜା ମହାବୀର୍ଯଃ ପାରଯତ୍ବର୍ଜୁନଃ ସ ତାମ୍ ଇତ୍ଯେକମର୍ଧ ଙ. ଚ.ଝ.ଞ. ପୁସ୍ତକେଷୁ ଅଧିକଂ ବର୍ତତେ॥ 5-79-31 ସହସା ବଲେନ॥ 5-79-36 ଅନୁ ଅନୁଗତଃ॥ 5-79-79 ଏକୋନାଶୀତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 080
॥ ଶ୍ରୀଃ ॥
7.80. ଅଧ୍ଯାଯଃ 080
Mahabharata - Drona Parva - Chapter Topics
ଅର୍ଜୁନସ୍ଯ ସ୍ବପ୍ନେ କୃଷ୍ଣେନ ସହ କୈଲାସଗମନମ୍॥ 1 ॥ ତଥା ସ୍ତୁତ୍ଯା ରୁଦ୍ରପ୍ରସାଦନମ୍॥ 2 ॥Mahabharata - Drona Parva - Chapter Text
7-80-0 (47710)
ସଞ୍ଜଯ ଉବାଚ। 7-80-0x (4468)
ଧାର୍ତରାଷ୍ଟ୍ରସ୍ଯ ତଂ ମନ୍ତ୍ରଂ ସ୍ମରନ୍ନେବ ଧନଞ୍ଜଯଃ।
ପ୍ରତିଜ୍ଞାମାତ୍ମନୋ ରକ୍ଷନ୍ମୁମୋହାଚିନ୍ତ୍ଯବିକ୍ରମଃ॥ 7-80-1 (47711)
ତଂ ତୁ ଶୋକେନ ସନ୍ତପ୍ତଂ ସ୍ବପ୍ନେ କପିବରଧ୍ବଜମ୍।
ଆସସାଦ ମହାତେଜା ଧ୍ଯାଯନ୍ତଂ ଗରୁଡଧ୍ବଜଃ॥ 7-80-2 (47712)
ପ୍ରତ୍ଯୁତ୍ଥାନଂ ଚ କୃଷ୍ଣସ୍ଯ ସର୍ବାବସ୍ଥାସୁ ଫଲ୍ଗୁନଃ।
ନ ଲୋପଯତି ଧର୍ମାତ୍ମା ଭକ୍ତ୍ଯା ପ୍ରେମ୍ଣା ଚ ସର୍ବଦା॥ 7-80-3 (47713)
ପ୍ରତ୍ଯୁତ୍ଥାଯ ଚ ଗୋବିନ୍ଦଂ ସ୍ବଂ ତସ୍ମୈ ଚାସନଂ ଦଦୌ।
ନ ଚାସନେ ସ୍ବଯଂ ବୁଦ୍ଧିଂ ବୀଭତ୍ସୁର୍ବ୍ଯଦଧାତ୍ତଦା॥ 7-80-4 (47714)
ତତଃ କୃଷ୍ଣୋ ମହାତେଜା ଜାନଁଲ୍ଲୋକସ୍ଯ ନିଶ୍ଚଯମ୍।
କୁନ୍ତୀପୁତ୍ରମିଦଂ ବାକ୍ଯମାସୀନଃ ସ୍ଥିତମବ୍ରବୀତ୍॥ 7-80-5 (47715)
ମା ବିଷାଦେ ମନଃ ପାର୍ଥ କୃଥାଃ କାଲୋ ହି ଦୁର୍ଜଯଃ।
କାଲଃ ସର୍ବାଣି ଭୂତାନି ନିଯଚ୍ଛତି ଭବାଭବେ॥ 7-80-6 (47716)
କିମର୍ଥଂ ଚ ବିଷାଦସ୍ତେ ତଦ୍ବ୍ରୂହି ଦ୍ବିପଦାଂ ବର।
ନ ଶୋଚ୍ଯଂ ବିଦୁଷାଂ ଶ୍ରେଷ୍ଠ ଶୋକଃ କାର୍ଯବିନାଶନଃ॥ 7-80-7 (47717)
ଯତ୍ତୁ କାର୍ଯଂ ଭବେତ୍କାର୍ଯଂ କର୍ମଣା ତତ୍ସମାଚର।
ହୀନଚେଷ୍ଟସ୍ଯ ଯଃ ଶୋକଃ ସ ହି ଶତ୍ରୁର୍ଧନଞ୍ଜଯ॥ 7-80-8 (47718)
ଶୋଚନ୍ନନ୍ଦଯତେ ଶତ୍ରୂନ୍କର୍ଶଯତ୍ଯପି ବାନ୍ଧବାନ୍।
କ୍ଷୀଯତେ ଚ ନରସ୍ତସ୍ମାନ୍ନ ତ୍ବଂ ଶୋଚିତୁମର୍ହସି॥ 7-80-9 (47719)
ସଞ୍ଜଯ ଉବାଚ। 7-80-10x (4469)
ଇତ୍ଯୁକ୍ତୋ ବାସୁଦେବେନ ବୀଭତ୍ସୁରପରାଜିତଃ।
ଆବଭାଷେ ତଦା ବିଦ୍ବାନିଦଂ ବଚନମର୍ଥବତ୍॥ 7-80-10 (47720)
ମଯା ପ୍ରତିଜ୍ଞା ମହତୀ ଜଯଦ୍ରଥବଧେ କୃତା।
ଶ୍ବୋଽସ୍ମି ହନ୍ତା ଦୁରାତ୍ମାନଂ ପୁତ୍ରଘ୍ନମିତି କେଶବ॥ 7-80-11 (47721)
ମତ୍ପ୍ରତିଜ୍ଞାବିଘାତାର୍ଥଂ ଧାର୍ତରାଷ୍ଟ୍ରୈଃ କିଲାଚ୍ଯୁତ।
ପୃଷ୍ଠତଃ ସୈନ୍ଧବଃ କାର୍ଯଃ ସର୍ବୈର୍ଗୁପ୍ତୋ ମହାରଥୈଃ॥ 7-80-12 (47722)
ଦଶ ଚୈକା ଚ ତାଃ କୃଷ୍ଣ ଅକ୍ଷୌହିଣ୍ଯଃ ସୁଦୁର୍ଜଯାଃ।
ହତାବଶେଷାସ୍ତତ୍ରେମା ହନ୍ତ ମାଧବ ସଙ୍ଖ୍ଯଯା॥ 7-80-13 (47723)
ତାଭିଃ ପରିବୃତଃ ସଙ୍ଖ୍ଯେ ସର୍ବୈଶ୍ଚୈବ ମହାରଥୈଃ।
କଥଂ ଶକ୍ଯେତ ସନ୍ଦ୍ରଷ୍ଟୁଂ ଦୁରାତ୍ମା କୃଷ୍ଣ ସୈନ୍ଧବଃ॥ 7-80-14 (47724)
ପ୍ରତିଜ୍ଞାପାରଣଂ ଚାପି ନ ଭବିଷ୍ଯତି କେଶବ।
ପ୍ରତିଜ୍ଞାଯାଂ ଚ ହୀନାଯାଂ କଥଂ ଜୀବତି ମଦ୍ବିଧଃ॥ 7-80-15 (47725)
ଦୁଃଖାପାଯସ୍ଯ ମେ ବୀର ବିକାଙ୍କ୍ଷା ପରିବର୍ତତେ।
ଦ୍ରୁତଂ ଚ ଯାତି ସବିତା ତତ ଏତଦ୍ବ୍ରବୀମ୍ଯହମ୍॥ 7-80-16 (47726)
ସଞ୍ଜଯ ଉବାଚ। 7-80-17x (4470)
ଶୋକସ୍ଥାନଂ ତୁ ତଚ୍ଛ୍ରୁତ୍ବା ପାର୍ଥସ୍ଯ ଦ୍ବିଜକେତନଃ।
ସଂସ୍ପୃଶ୍ଯାମ୍ଭସ୍ତତଃ କୃଷ୍ଣଃ ପ୍ରାଙ୍ମୁଖଃ ସମବସ୍ଥିତଃ॥ 7-80-17 (47727)
ଇଦଂ ବାକ୍ଯଂ ମହାତେଜା ବଭାଷେ ପୁଷ୍କରେକ୍ଷଣଃ।
ହିତାର୍ଥଂ ପାଣ୍ଡୁପୁତ୍ରସ୍ଯ ସୈନ୍ଧବସ୍ଯ ବଧେ କୃତୀ॥ 7-80-18 (47728)
ଶ୍ରୀଭଗବାନୁବାଚ। 7-80-19x (4471)
ପାର୍ଥ ପାଶୁପତଂ ନାମ ପରମାସ୍ତ୍ରଂ ସନାତନମ୍।
ଯେନ ସର୍ବାନ୍ମୃଧେ ଦେତ୍ଯାଞ୍ଜଘ୍ନେ ଦେବୋ ମହେଶ୍ବରଃ॥ 7-80-19 (47729)
ଯଦି ତଦ୍ବିଦିତଂ ତେଽଦ୍ଯ ଶ୍ବୋ ହନ୍ତାଽସି ଜଯଦ୍ରଥମ୍।
ଅଥ ଜ୍ଞାତଂ ପ୍ରପଦ୍ଯସ୍ଯ ମନସା ବୃଷଭଧ୍ବଜମ୍॥ 7-80-20 (47730)
ତଂ ଦେବଂ ମନସା ଧ୍ଯାତ୍ବା ଜୋଷମାସ୍ସ୍ବ ଧନଞ୍ଜଯ।
ତତସ୍ତସ୍ଯ ପ୍ରସାଦାତ୍ତ୍ବଂ ଭକ୍ତ୍ଯା ପ୍ରାପ୍ସ୍ଯସି ତନ୍ମହତ୍॥ 7-80-21 (47731)
ସଞ୍ଜଯ ଉବାଚ। 7-80-22x (4472)
ତତଃ କୃଷ୍ଣବଚଃ ଶ୍ରୁତ୍ବା ସଂସ୍ପୃଶ୍ଯାମ୍ଭୋ ଧନଞ୍ଜଯଃ।
ଭୂମାବାସୀନ ଏକାଗ୍ରୋ ଜଗାମ ମନସା ଭବମ୍॥ 7-80-22 (47732)
ତତଃ ପ୍ରଣିହିତୋ ବ୍ରାହ୍ମେ ମୁହୂର୍ତେ ଶୁଭଲକ୍ଷଣେ।
ଆତ୍ମାନମର୍ଜୁନୋଽପଶ୍ଯଦ୍ଗନେ ସହକେଶବମ୍॥ 7-80-23 (47733)
ପୁଣ୍ଯଂ ହିମବତଃ ପାଦଂ ମଣିମନ୍ତଂ ଚ ପର୍ବତମ୍।
ଜ୍ଯୋତିର୍ଭିଶ୍ଚ ସମାକୀର୍ଣଂ ସିଦ୍ଧଚାରଣସେବିତମ୍॥ 7-80-24 (47734)
ବାଯୁବେଗଗତିଃ ପାର୍ଥଃ ଖଂ ଭେଜେ ସହକେଶବଃ।
କେଶବେନ ଗୃହୀତଃ ସ ଦକ୍ଷିଣେ ବିଭୁନା ଭୁଜେ॥ 7-80-25 (47735)
ପ୍ରେକ୍ଷମାଣୋ ବହୂନ୍ଭାବାଞ୍ଜଗାମାଦ୍ଭୁତଦର୍ଶନାନ୍।
ଉଦୀଚ୍ଯାଂ ଦିଶି ଧର୍ମାତ୍ମା ସୋପଶ୍ଯଚ୍ଛ୍ବେତପର୍ବତମ୍॥ 7-80-26 (47736)
କୁବେରସ୍ଯ ବିରାହେ ଚ ନଲିନୀଂ ପଦ୍ମଭୂଷିତାମ୍।
ସରିଚ୍ଛ୍ରେଷ୍ଠାଂ ଚ ତାଂ ଗଙ୍ଗାଂ ବୀକ୍ଷମାଣୋ ବହୂଦକାମ୍॥ 7-80-27 (47737)
ସଦା ପୁଷ୍ପଫଲୈର୍ବୃକ୍ଷୈରୁପେତାଂ ସ୍ଫଟିକୋପଲାମ୍।
ସିଂହବ୍ଯାଘ୍ରସମାକୀର୍ଣାଂ ନାନାମୃଗସମାକୁଲାମ୍॥ 7-80-28 (47738)
ପୁଣ୍ଯାଶ୍ରମବତୀଂ ରମ୍ଯାଂ ମନୋଜ୍ଞାଣ୍ଡଜସେବିତାମ୍।
ମନ୍ଦରସ୍ଯ ପ୍ରଦେଶାଂଶ୍ଚ କିନ୍ନରୋଦ୍ଗୀତନାଦିତାନ୍॥ 7-80-29 (47739)
ହେମରୂପ୍ଯମଯୈଃ ଶୃଙ୍ଗୈର୍ନାନୌଷଧିବିଦୀପିତାନ୍।
ତଥା ମନ୍ଦାରବୃକ୍ଷୈଶ୍ଚ ପୁଷ୍ପିତୈରୁପଶୋଭିତାନ୍। 7-80-30 (47740)
ସ୍ନିଗ୍ଧାଞ୍ଜନଚଯାକାରଂ ସମ୍ପ୍ରାପ୍ତଃ କାଲପର୍ବତମ୍।
ବ୍ରହ୍ମତୁଙ୍ଗଂ ନଦୀଶ୍ଚାନ୍ଯାସ୍ତଥା ଜନପଦାନପି॥ 7-80-31 (47741)
ସ ତୁଙ୍ଗଂ ଶତଶୃଙ୍ଗଂ ଚ ଶର୍ଯାତିବନମେବ ଚ।
ପୁଣ୍ଯମଶ୍ବଶିରସ୍ଥାନଂ ସ୍ଥାନମାଥର୍ବଣସ୍ଯ ଚ॥ 7-80-32 (47742)
ବୃଷଦଂଶଂ ଚ ଶୈଲେନ୍ଦ୍ରଂ ମହାମନ୍ଦରମେବ ଚ।
ଅପ୍ସରୋଭିଃ ସମାକୀର୍ଣଂ କିନ୍ନରୈଶ୍ଚୋପଶୋଭିତମ୍॥ 7-80-33 (47743)
ତସ୍ମିଞ୍ଶୈଲେ ବ୍ରଜନ୍ପାର୍ଥଃ ସକୃଷ୍ଣଃ ସମବୈକ୍ଷତ।
ଶୁଭୈଃ ପ୍ରସ୍ରବଣୈର୍ଜୁଷ୍ଟାଂ ହେମଧାତୁବିଭୂଷିତାମ୍॥ 7-80-34 (47744)
ଚନ୍ଦ୍ରରଶ୍ମିପ୍ରକାଶାଙ୍ଗୀଂ ପୃଥିବୀଂ ପୁରମାଲିନୀମ୍।
ସମୁଦ୍ରାଂଶ୍ଚାଦ୍ଭୁତାକାରାନପଶ୍ଯଦ୍ବହୁଲାକରାନ୍॥ 7-80-35 (47745)
ବିଯଦ୍ଦ୍ଯାଂ ପୃଥିବୀଂ ଚୈବ ତଥା ବିଷ୍ଣୁପଦଂ ବ୍ରଜନ୍।
ବିସ୍ମିତଃ ସହ କୃଷ୍ଣେନ କ୍ଷିପ୍ତୋ ବାଣ ଇବାଭ୍ଯଗାତ୍॥ 7-80-36 (47746)
ଗ୍ରହନକ୍ଷତ୍ରସୋମାନାଂ ସୂର୍ଯାଗ୍ନ୍ଯୋଶ୍ଚ ସମତ୍ବିଷମ୍।
ଅପଶ୍ଯତ ତଦା ପାର୍ଥୋ ଜ୍ବଲନ୍ତମିବ ପର୍ବତମ୍॥ 7-80-37 (47747)
ସମାସାଦ୍ଯ ତୁ ତଂ ଶୈଲଂ ଶୈଲାଗ୍ରେ ସମବସ୍ଥିତମ୍।
ତପୋନିତ୍ଯଂ ମହାତ୍ମାନମପଶ୍ଯଦ୍ବୄଷଭଧ୍ବଜମ୍। 7-80-38 (47748)
ସହସ୍ରମିବ ସୂର୍ଯାଣାଂ ଦୀପ୍ଯମାନଂ ସ୍ବତେଜସା।
ଶୂଲିନଂ ଜଟିଲଂ ଗୌରଂ ବଲ୍କଲାଜିନବାସସମ୍॥ 7-80-39 (47749)
ନଯନାନାଂ ସହସ୍ରୈଶ୍ଚ ବିଚିତ୍ରାଙ୍ଗଂ ମହୌଜସମ୍।
ପାର୍ବତ୍ଯା ସହିତଂ ଦେବଂ ଭୂତସଙ୍ଘୈଶ୍ଚ ଭାସ୍ବରୈଃ॥ 7-80-40 (47750)
ଗୀତବାଦିତ୍ରସନ୍ନାଦୈର୍ହାସ୍ଯଲାସ୍ଯସମନ୍ବିତମ୍।
ବଗ୍ଲିତାସ୍ଫୋଟିତୋତ୍କ୍ରୁଷ୍ଟୈଃ ପୁଣ୍ଯୈର୍ଗନ୍ଧୈଶ୍ଚ ସେବିତମ୍॥ 7-80-41 (47751)
ସ୍ତୂଯମାନଂ ସ୍ତବୈର୍ଦିବ୍ଯୈର୍ଋଷିଭିର୍ବ୍ରହ୍ମବାଦିଭିଃ।
ଗୋପ୍ତାରଂ ସର୍ବଭୂତାନାମୀଶାନଂ ବରଦଂ ଶିବମ୍॥ 7-80-42 (47752)
ବାସୁଦେବସ୍ତୁ ତଂ ଦୃଷ୍ଟ୍ବା ଜଗାମ ଶିରସା କ୍ଷିତିମ୍।
ପାର୍ଥେନ ସହ ଧର୍ମାତ୍ମା ଗୃଣନ୍ବ୍ରହ୍ମ ସନାତନମ୍॥ 7-80-43 (47753)
ଲୋକାଦିଂ ବିଶ୍ବକର୍ମାଣମଜମୀଶାନମବ୍ଯଯମ୍।
ମନସଃ ପରମଂ ଯୋନିଂ ଖଂ ବାଯୁଂ ଜ୍ଯୋତିଷାଂ ନିଧିମ୍॥ 7-80-44 (47754)
ସ୍ରଷ୍ଟାରଂ ବାରିଧାରାଣାଂ ଭୁବଶ୍ଚ ପ୍ରକୃତିଂ ପରାମ୍।
ଦେବଦାନବଯକ୍ଷାଣାଂ ମାନବାନାଂ ଚ ଶାସକମ୍॥ 7-80-45 (47755)
ଯୋଗାନାଂ ଚ ପରଂ ଧାମ ଦୃଷ୍ଟଂ ବ୍ରହ୍ମବିଦାଂ ନିଧିମ୍।
ଚାରଚରସ୍ଯ ସ୍ରଷ୍ଟାରଂ ପ୍ରତିହର୍ତାରମେବ ଚ॥ 7-80-46 (47756)
କାଲକୋପଂ ମହାତ୍ମାନଂ ଶକ୍ରସୂର୍ଯଗୁଣୋଦଯମ୍।
ବବନ୍ଦତୁସ୍ତଦା କୃଷ୍ଣୌ ବାଙ୍ମନୋବୁଦ୍ଧିକର୍ମଭିଃ॥ 7-80-47 (47757)
ଯଂ ପ୍ରପଦ୍ଯନ୍ତି ବିଦ୍ବାଂସଃ ସୂକ୍ଷ୍ମାଧ୍ଯାତ୍ମପଦୈଷିଣଃ।
ତମଜଂ କାରମାତ୍ମାନଂ ଜଗ୍ମତୁଃ ଶରଣଂ ଭବମ୍॥ 7-80-48 (47758)
ଅର୍ଜୁନଶ୍ଚାପି ତଂ ଦେବଂ ଭୂଯୋ ଭୂଯୋଽପ୍ଯବନ୍ଦତ।
ଜ୍ଞାତ୍ବା ତଂ ସର୍ବଭୂତାଦିଂ ଭୂତଭବ୍ଯଭବୋଦ୍ଭବମ୍॥ 7-80-49 (47759)
`ଶରଣ୍ଯଂ ଶରଣଂ ଦେବମୀଶାନଂ ପରମେଶ୍ବରମ୍।
ଜଗାମ ଜଗତାଂ ନାଥମର୍ଜୁନଃ ସଜନାର୍ଦନଃ'॥ 7-80-50 (47760)
ତତସ୍ତାବାଗତୌ ଦୃଷ୍ଟ୍ବା ନରନାରାଯଣାବୁଭୌ।
ସୁପ୍ରସନ୍ନମନାଃ ଶର୍ବଃ ପ୍ରୋବାଚ ପ୍ରହସନ୍ନିବ॥ 7-80-51 (47761)
ସ୍ବାଗତଂ ବାଂ ନରଶ୍ଚେଷ୍ଠାବୁତ୍ତିଷ୍ଠେତାଂ ଗତକ୍ଲମୌ।
କିଞ୍ଚ ବାମୀପ୍ସିତଂ ବୀରୌ ମନସଃ କ୍ଷିପ୍ରମୁଚ୍ଯତାମ୍॥ 7-80-52 (47762)
ଯେନ କାର୍ଯେଣ ସମ୍ପ୍ରାପ୍ତୌ ଯୁବାଂ ତତ୍ସାଧଯାମି କିମ୍।
ବ୍ରିଯତାମାତ୍ମନଃ ଶ୍ରେଯସ୍ତତ୍ସର୍ବଂ ପ୍ରଦଦାନି ବାମ୍॥ 7-80-53 (47763)
ସଞ୍ଜଯ ଉବାଚ। 7-80-54x (4473)
ତତସ୍ତଦ୍ବଚନଂ ଶ୍ରୁତ୍ବା ପ୍ରତ୍ଯୁତ୍ଥାଯ କୃତାଞ୍ଜଲୀ।
ବାସୁଦେବାର୍ଜୁନୌ ଶର୍ବଂ ତୁଷ୍ଟୁବାତେ ମହାମତୀ।
ଭକ୍ତ୍ଯାସ୍ତବେନ ଦିବ୍ଯେନ ମହାତ୍ମାନାବନିନ୍ଦିତୌ॥ 7-80-54 (47764)
କୃଷ୍ଣାର୍ଜୁନାବୂଚତୁଃ। 7-80-55x (4474)
ନମୋ ଭବାଯ ଶର୍ବାଯ ରୁଦ୍ରାଯ ବରଦାଯ ଚ।
ପଶୂନାଂ ପତଯେ ନିତ୍ଯମୁଗ୍ରାଯ ଚ କପର୍ଦିନେ॥ 7-80-55 (47765)
ମହାଦେବାଯ ଭୀମାଯ ତ୍ର୍ଯମ୍ବକାଯ ଚ ଶାନ୍ତଯେ।
ଈଶାନାଯ ମଖଘ୍ନାଯ ନମୋଽସ୍ତ୍ବନ୍ଧକଘାତିନେ॥ 7-80-56 (47766)
କୁମାରଗୁରବେ ତୁଭ୍ଯଂ ନୀଲଗ୍ରୀବାଯ ବେଧସେ।
ପିନାକିନେ ହବିଷ୍ଯାଯ ସତ୍ଯାଯ ବିଭବେ ସଦା॥ 7-80-57 (47767)
ବିଲୋହିତାଯ ଧ୍ରୂମ୍ରାଯ ବ୍ଯାଧାଯାନପରାଜିତେ।
ନିତ୍ଯଂ ନୀଲଶିଖଣ୍ଡାଯ ଶୂଲିନେ ଦିବ୍ଯଚକ୍ଷୁଷେ॥ 7-80-58 (47768)
ହୋତ୍ରେ ପୋତ୍ରେ ତ୍ରିନେତ୍ରାଯ ବ୍ଯାଧାଯ ବସୁରେତସେ।
ଅଚିନ୍ତ୍ଯାଯାମ୍ବିକାଭର୍ତ୍ରେ ସର୍ବଦେବସ୍ତୁତାଯ ଚ॥ 7-80-59 (47769)
ବୃଷଧ୍ବଜାଯ ମୁଣ୍ଡାଯ ଜଟିନେ ବ୍ରହ୍ମଚାରିଣେ।
ତପ୍ଯମାନାଯ ସଲିଲେ ବ୍ରହ୍ମଣ୍ଯାଯାଜିତାଯ ଚ॥ 7-80-60 (47770)
ବିଶ୍ବାତ୍ମନେ ବିଶ୍ବସୃଜେ ବିଶ୍ବମାବୃତ୍ଯ ତିଷ୍ଠତେ।
ନମୋନମସ୍ତେ ସେବ୍ଯାଯ ଭୂତାନାଂ ପ୍ରଭବେ ସଦା॥ 7-80-61 (47771)
ବ୍ରହ୍ମବକ୍ତ୍ରାଯ ସର୍ବାଯ ଶଂକରାଯ ଶିବାଯ ଚ।
ନମୋସ୍ତୁ ବାଚସ୍ପତଯେ ପ୍ରଜାନାଂ ପତଯେ ନମଃ॥ 7-80-62 (47772)
`ଅଭିଗମ୍ଯାଯ କାମ୍ଯାଯ ସ୍ତୁତ୍ଯାଯାର୍ଯାଯ ସର୍ବଦା।
ନମୋଽସ୍ତୁ ଦେବଦେବାଯ ମହାଭୂତଧରାଯ ଚ।
ନମୋ ବିଶ୍ବସ୍ଯ ପତଯେ ପତ୍ତୀନାଂ ପତଯେ ନମଃ'॥ 7-80-63 (47773)
ନମୋ ବିଶ୍ବସ୍ଯ ପତଯେ ମହତାଂ ପତଯେ ନମଃ।
ନମଃ ସହସ୍ରଶିରସେ ସହସ୍ରଭୁଜମୃତ୍ଯବେ॥
ସହସ୍ରନେତ୍ରପାଦାଯ ନମୋଽସଙ୍ଖ୍ଯେଯକର୍ମଣେ। 7-80-64 (47774)
ନମୋ ହିରଣ୍ଯବର୍ଣାଯ ହିରଣ୍ଯକବଚାଯ ଚ।
ଭକ୍ତାନୁକମ୍ପିନେ ନିତ୍ଯଂ ସିଧ୍ଯତାଂ ନୋ ବରଃ ପ୍ରଭୋ॥ 7-80-65 (47775)
ସଞ୍ଜଯ ଉବାଚ। 7-80-66x (4475)
ଏବଂ ସ୍ତୁତ୍ବା ମହାଦେବଂ ବାସୁଦେବଃ ସହାର୍ଜୁନଃ।
ପ୍ରସାଦଯାମାସ ଭବଂ ତଦା ହ୍ଯସ୍ତ୍ରୋପଲବ୍ଧଯେ॥ ॥ 7-80-66 (47776)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ପ୍ରତିଜ୍ଞାପର୍ବଣି ଅଶୀତିତମୋଽଧ୍ଯାଯଃ॥ 80 ॥
Mahabharata - Drona Parva - Chapter Footnotes
5-80-7 ନ ଶୋଚ୍ଯଂ ଶୋକୋ ନାଚରଣୀଯଃ॥ 5-80-8 କାର୍ଯେ କୃତ୍ଯଂ କାର୍ଯଂ କରଣୀଯଂ ଭବେଦିତ୍ଯନ୍ବଯଃ॥ 5-80-23 ପ୍ରଣିହିତଃ ସମାତିxxxx॥ 5-80-32 ଅଥର୍ବଣସ୍ଯ ମୁନେଃ॥ 5-80-36 ତଥା ଚ ବ୍ରଜନ୍ବିଷ୍ଣୁପଦମାକାଶମଭ୍ଯଗାଦିତ୍ଯନ୍ବଯଃ॥ 5-80-41 ଲାସ୍ଯଂ ନୃତ୍ତମ୍। ବଲ୍ଗିତମିତସ୍ତତଃ ପ୍ରଚାରଃ। ଆସ୍ଫୋଟିତଂ ଭୁଜାଡମ୍ବରଃ। ଉକ୍ତ୍ରୁଷ୍ଟମୁଚ୍ଚୈଃ ସ୍ବନିତମ୍॥ 5-80-44 ବିଶ୍ବଂ ଜଗତ୍କର୍ମ ପ୍ରାପ୍ଯଂ ଯସ୍ଯ। ଈଶାନମପ୍ରତିହତେଚ୍ଛମ୍। ଅବ୍ଯଯମବିକାରମ୍। ମନସଃ ପରମଂ ପ୍ରବୃତ୍ତିନିବୃତ୍ତିକାରଣମ୍। ଯୋନିମୁତ୍ପତ୍ତିସ୍ଥାନଂ ଚ। ଜ୍ଯୋତିଷାଂ ତେଜସାଂ ନିଧିମଧିଷ୍ଠାନମ୍॥ 5-80-46 ଯୋଗାନାଂ ଯୋଗଦର୍ଶିନାଂ ପରଂ ଧାମ ପରମାଶ୍ରଯମ୍। ଦୃଷ୍ଟଂ ସାକ୍ଷାଦ୍ଭୂତଂ ବ୍ରହ୍ମତତ୍ତ୍ବଂ ତଦ୍ବିଦାଂ ନିର୍ଧି ରହସ୍ଯମ୍॥ 5-80-47 କାଲଇବ କୋପୋ ଯସ୍ଯ। ଶକ୍ରସ୍ଯ ଗୁଣା ଐଶ୍ବର୍ଯାଦଯଃ ସୂର୍ଯସ୍ଯ ଗୁଣାଃ ପ୍ରତାପାଦଯଃ ତେଷାମୁଦଯୋ ଯସ୍ମାତ୍। କାଲକେଶଂ ଇତି କ. ପାଠଃ॥ 5-80-48 କାରଣାତ୍ମାନଂ କାରଣୈକସ୍ବଭାବମ୍॥ 5-80-55 ଭାବଃ ସର୍ବପ୍ରଭୁତ୍ବାତ୍। ଶର୍ବଃ ସଂହରଣାତ୍॥ 5-80-56 ଶାନ୍ତିଃ ଶମପ୍ରଧାନତ୍ବାତ୍॥ 5-80-57 ହବିଷ୍ଯଃ ହବିଷ୍ଯଯୋଗ୍ଯତ୍ବାତ୍। ବିଭୁର୍ବ୍ଯାପକତ୍ବାତ୍॥ 5-80-58 ବ୍ଯାଧାଯ ମୃଗହନନାତ୍। ଦ୍ବିରୁକ୍ତିର୍ଦ୍ବିସ୍ତଥାକରଣାତ୍। ଅନାତ୍ପ୍ରାଣିନଃ ପରାଜଯତୀତି ଅନପରାଜିତ୍ସର୍ବଭୂତୋତ୍ତମତ୍ବାତ୍। ନୀଲଶିଖଣ୍ଡୋ ନୀଲକେଶତ୍ବାତ୍॥ 5-80-59 ହୋତା ଦୀକ୍ଷିତଃ ଭାବେନ ହବନଶୀଲତ୍ବାତ୍। ବସୁରେତା ଅଗ୍ନୌ ରେତଃ କ୍ଷେପଣାତ୍॥ 5-80-60 ମୁଣ୍ଡୋ ଦୀକ୍ଷିତତ୍ବାତ୍। ବ୍ରହ୍ମଚାରୀ ରେତୋବିଧାରଣାତ୍॥ 5-80-61 ଭୂତାନାଂ ପ୍ରାଣିନାଂ ପ୍ରମଥାଦୀନାମ୍॥ 5-80-62 ବ୍ରହ୍ମବକ୍ରୋ ବେଦପୂର୍ଣମୁଖତ୍ବାତ୍। ଶିବୋ ମୋକ୍ଷହେତୁତ୍ବାତ୍। ବାଚସ୍ପତିର୍ବାଙ୍ଯଯପ୍ରବର୍ତନାତ୍॥ 5-80-80 ଅଶୀତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 081
॥ ଶ୍ରୀଃ ॥
7.81. ଅଧ୍ଯାଯଃ 081
Mahabharata - Drona Parva - Chapter Topics
ଅର୍ଜୁନେନ ସ୍ବପ୍ନେ ଶଂକରାତ୍ପାଶୁପତାସ୍ତ୍ରମୁପଲକ୍ଷ୍ଯ କୃଷ୍ଣେନସହ ପୁନଃ ଶିବିରଂ ପ୍ରତ୍ଯାଗମନମ୍॥ 1 ॥Mahabharata - Drona Parva - Chapter Text
7-81-0 (47777)
ସଞ୍ଜଯ ଉବାଚ। 7-81-0x (4476)
ତତଃ ପାର୍ଥଃ ପ୍ରସନ୍ନାତ୍ମା ପ୍ରାଞ୍ଜଲିର୍ବୃଷଭଧ୍ବଜମ୍।
ଦଦର୍ଶୋତ୍ଫୁଲ୍ଲନଯନଃ ସମସ୍ତଂ ତେଜସାଂ ନିଧିମ୍॥ 7-81-1 (47778)
ତଂ ଚୋପହାରଂ ସୁକୃତଂ ନୈଶଂ ନୈତ୍ଯକମାତ୍ମନା।
ଦଦର୍ଶ ତ୍ର୍ଯମ୍ବକାଭ୍ଯାଶେ ବାସୁଦେବନିବେଦିତମ୍॥ 7-81-2 (47779)
ତତୋଽଭିପୂଜ୍ଯ ମନସା କୃଷ୍ଣଂ ଶର୍ବଂ ଚ ପାଣ୍ଡବଃ।
ଇଚ୍ଛାମ୍ଯହଂ ଦିବ୍ଯମସ୍ତ୍ରମିତ୍ଯଭାଷତ ଶଙ୍କରମ୍॥ 7-81-3 (47780)
ତତଃ ପାର୍ଥସ୍ଯ ବିଜ୍ଞାଯ ବରାର୍ଥେ ବଚନଂ ତଦା।
ବାସୁଦେବାର୍ଜୁନୌ ଦେବଃ ସ୍ମଯମାନୋଽଭ୍ଯଭାଷତ॥ 7-81-4 (47781)
ସ୍ବାଗତଂ ବାଂ ନରଶ୍ରେଷ୍ଠୌ ବିଜ୍ଞାତଂ ମନସେପ୍ସିତମ୍।
ଯେନ କାମେନ ସମ୍ପ୍ରାପ୍ତୌ ଭବଦ୍ଧ୍ଯାଂ ତଂ ଦଦାମ୍ଯହମ୍॥ 7-81-5 (47782)
ସରୋଽମୃତମଯଂ ଦିବ୍ଯମଭ୍ଯାଶେ ଶତ୍ରୁସୂଦନୌ।
ତତ୍ର ମେ ତଦ୍ଧନୁର୍ଦିବ୍ଯଂ ଶରଶ୍ଚ ନିହିତଃ ପୁରା॥ 7-81-6 (47783)
ଯେନ ଦେବାରଯଃ ସର୍ବେ ମଯା ଯୁଧି ନିପାତିତାଃ।
ତତ ଆନୀଯତାଂ କୃଷ୍ଣୌ ସଶରଂ ଧନୁରୁତ୍ତମମ୍॥ 7-81-7 (47784)
ତଥେତ୍ଯୁକ୍ତ୍ବା ତୁ ତୌ ବୀରୌ ସର୍ବପାରିଷଦୈଃ ସହ।
ପ୍ରସ୍ଥିତୌ ତତ୍ସରୋ ଦିବ୍ଯଂ ଦିବ୍ଯୈଶ୍ବର୍ଯଶତୈର୍ଯୁତମ୍॥ 7-81-8 (47785)
ନିର୍ଦିଷ୍ଟଂ ଯଦ୍ବୃଷାଙ୍କେଣ ପୁଣ୍ଯଂ ସର୍ବାର୍ଥସାଧକମ୍।
ତୌ ଜଗ୍ମତୁରସମ୍ଭ୍ରାନ୍ତୌ ନରନାରାଯଣାବୃଷୀ॥ 7-81-9 (47786)
ତତସ୍ତୌ ତତ୍ସରୋ ଗତ୍ବା ସୂର୍ଯମଣ୍ଡଲସନ୍ନିଭମ୍।
ନାଗମନ୍ତର୍ଜଲେ ଘୋରଂ ଦଦୃଶାତେଽର୍ଜୁନାଚ୍ଯୁତୌ॥ 7-81-10 (47787)
ଦ୍ବିତୀଯଂ ଚାପରଂ ନାଗଂ ସହସ୍ରଶିରସଂ ବରମ୍।
ବମନ୍ତଂ ବିପୁଲା ଜ୍ବାଲା ଦଦୃଶାତେଽଗ୍ନିବର୍ଚସମ୍॥ 7-81-11 (47788)
ତତଃ କୃଷ୍ଣଶ୍ଚ ପାର୍ଥଶ୍ଚ ସଂସ୍ପୃଶ୍ଯାମ୍ଭଃ କୃତାଞ୍ଜଲୀ।
ତୌ ନାଗାବୁପତସ୍ଥାତେ ନମସ୍ଯନ୍ତୌ ବୃଷଧ୍ବଜମ୍॥ 7-81-12 (47789)
ଗୃଣନ୍ତୌ ବେଦବିଦ୍ବାଂସୌ ତଦ୍ବ୍ରହ୍ମ ଶତରୁଦ୍ରିଯମ୍।
ଅପ୍ରମେଯପ୍ରମାଣଂ ତୌ ଗତ୍ବା ସର୍ବାତ୍ମନା ଭବମ୍॥ 7-81-13 (47790)
ତତସ୍ତୌ ରୁଦ୍ରମାହାତ୍ମ୍ଯାଦ୍ଧିତ୍ବା ରୂପଂ ମହୋରଗୌ।
ଧନୁର୍ବାଣଶ୍ଚ ଶତ୍ରୁଘ୍ନଂ ତଦ୍ଦ୍ବନ୍ଦ୍ବଂ ସମପଦ୍ଯତ॥ 7-81-14 (47791)
ତୌ ତଜ୍ଜଗୃହତୁଃ ପ୍ରୀତୌ ଧନୁର୍ବାଣଂ ଚ ସୁପ୍ରଭମ୍।
ଆଜହୂତୁର୍ମହାତ୍ମାନୌ ଦଦତୁଶ୍ଚ ମହାତ୍ମନେ॥ 7-81-15 (47792)
ତତଃ ପାଶ୍ବାଦ୍ବୄଷାଙ୍କସ୍ଯ ବ୍ରହ୍ମଚାରୀ ନ୍ଯବର୍ତତ।
ପିଙ୍ଗାକ୍ଷସ୍ତପସଃ କ୍ଷେତ୍ରଂ ବଲବାନ୍ନୀଲଲୋହିତଃ। 7-81-16 (47793)
ସ ତଦ୍ଗୃହ୍ଯ ଧନୁଃଶ୍ରେଷ୍ଠଂ ତସ୍ଥୌ ସ୍ଥାନଂ ସମାହିତଃ।
ବିଚକର୍ଷାଥ ବିଧିବତ୍ସଶରଂ ଧନୁରୁତ୍ତମମ୍॥ 7-81-17 (47794)
ତସ୍ଯ ମୌର୍ବୀ ଚ ମୁଷ୍ଟିଂ ଚ ସ୍ଥାନଂ ଚାଲକ୍ଷ୍ଯ ପାଣ୍ଡବଃ।
ଶ୍ରୁତ୍ବା ମନ୍ତ୍ରଂ ଭବପ୍ରୋକ୍ତଂ ଜଗ୍ରାହାଚିନ୍ତ୍ଯବିକ୍ରମଃ॥ 7-81-18 (47795)
ସ ସରସ୍ଯେବ ତଂ ବାଣଂ ମୁମୋଚାତିବଲଃ ପ୍ରଭୁଃ।
ଚିକ୍ଷେପ ଚ ପୁନର୍ବୀରସ୍ତସ୍ମିନ୍ସରସି ତଦ୍ଧନୁଃ॥ 7-81-19 (47796)
ତତଃ ପ୍ରୀତଂ ଭବଂ ଜ୍ଞାତ୍ବା ସ୍ମୃତିମାନର୍ଜୁନସ୍ତଦା।
ବରମାରଣ୍ଯକେ ଦତ୍ତଂ ଦର୍ଶନଂ ଶଙ୍କରସ୍ଯ ଚ।
ମନସା ଚିନ୍ତଯାମାସ ତନ୍ମେ ସମ୍ପଦ୍ଯତାଂ ଭବ॥ 7-81-20 (47797)
ତସ୍ଯ ତନ୍ମତମାଜ୍ଞାଯ ପ୍ରୀତଃ ପ୍ରାଦାଦ୍ବରଂ ଭବଃ।
ତଚ୍ଚ ପାଶୁପତଂ ଘୋରଂ ପ୍ରତିଜ୍ଞାଯାଶ୍ଚ ପାରଣମ୍॥ 7-81-21 (47798)
ତତଃ ପାଶୁପତଂ ଦିବ୍ଯମବାପ୍ଯ ପୁନରୀଶ୍ବରାତ୍।
ସଂହୃଷ୍ଟରୋମା ଦୁର୍ଧର୍ଷଃ କୃତଂ କାର୍ଯମମନ୍ଯତ॥ 7-81-22 (47799)
`ତତୋଽର୍ଜୁନହୃଷୀକୈଶୌ ପୁନଃ ପୁନରରିଂଦମୌ'।
ବବନ୍ଦତୁଶ୍ଚ ସଂହୃଷ୍ଟୌ ଶିରୋଭ୍ଯାଂ ତଂ ମହେଶ୍ବରମ୍॥ 7-81-23 (47800)
ଅନୁଜ୍ଞାତୌ କ୍ଷଣେ ତସ୍ମିନ୍ଭବେନାର୍ଜୁନକେଶବୌ।
ପ୍ରାପ୍ତୌ ସ୍ବଶିବିରଂ ବୀରୌ ମୁଦା ପରମଯା ଯୁତୌ॥ 7-81-24 (47801)
ତଥା ଭବେନାନୁମତୌ ମହାସୁରନିଘାତିନା।
ଇଦ୍ରାବୀଷ୍ଣୂ ଯଥା ପ୍ରୀତୌ ଜମ୍ଭସ୍ଯ ବଧକାଙ୍କ୍ଷିଣୌ॥ ॥ 7-81-25 (47802)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ପ୍ରତିଜ୍ଞାପର୍ବଣି ଏକାଶୀତିତମୋଽଧ୍ଯାଯଃ॥ 81 ॥
Mahabharata - Drona Parva - Chapter Footnotes
5-81-2 ଆତ୍ମନା ସୁକୃତଂ ସୂପକଲ୍ପିତମ୍॥ 5-81-14 ଦ୍ବନ୍ଦ୍ବଂ ଯୁଗଲମ୍॥ 5-81-16 ନୀଲଲୋହିତଃ ଭଗବତୋଽପରା ତନୁଃ॥ 5-81-17 ସ୍ଥାନଂ ସ୍ଥାପନକମ୍ 5-81-18 ଜଗ୍ରାହ ମନସି କୃତବାନ୍॥ 5-81-81 ଏକାଶୀତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 082
॥ ଶ୍ରୀଃ ॥
7.82. ଅଧ୍ଯାଯଃ 082
Mahabharata - Drona Parva - Chapter Topics
ଶ୍ରୀକୃଷ୍ଣସ୍ଯ କୃତାହ୍ନିକଂ ଯୁଧିଷ୍ଠିରଂ ପ୍ରତ୍ଯାଗମନମ୍॥ 1 ॥Mahabharata - Drona Parva - Chapter Text
7-82-0 (47803)
ସଞ୍ଜଯ ଉବାଚ। 7-82-0x (4477)
ତଯୋଃ ସଂବଦତୋରେବ କୃଷ୍ଣଦାରୁକଯୋସ୍ତଥା।
ସାଽତ୍ଯଗାଦ୍ରଜନୀ ରାଜନ୍ନଥ ରାଜା ସ୍ମ ବୋଧ୍ଯତେ॥ 7-82-1 (47804)
ପଠନ୍ତି ପାଣିଧ୍ବନିକା ମାଗଧାଃ ସ୍ତବଗାଯକାଃ।
ବୈତାଲିକାଶ୍ଚ ସୂତାଶ୍ଚ ତୁଷ୍ଟୁବୁଃ ପୁରୁଷର୍ଷଭମ୍॥ 7-82-2 (47805)
ନର୍ତକାଶ୍ଚାପ୍ଯନୃତ୍ଯନ୍ତ ଜଗୁର୍ଗୀତାନି ଗାଯକାଃ।
କୁରୁବଂଶସ୍ତବାର୍ଥାନି ମଧୁରଂ ରକ୍ତକଣ୍ଠିନଃ॥ 7-82-3 (47806)
ମୃଦଙ୍ଗା ଝର୍ଝରା ଭେର୍ଯଃ ପଣବାନକଗୋମୁଖାଃ।
ଆଡମ୍ବରାଶ୍ଚ ଶଙ୍ଖାଶ୍ଚ ଦୁନ୍ଦୁଭ୍ଯଶ୍ଚ ମହାସ୍ବନାଃ॥ 7-82-4 (47807)
ଏବମେତାନି ସର୍ବାଣି ତଥାନ୍ଯାନ୍ଯପି ଭାରତ।
ବାଦଯନ୍ତି ସ୍ମ ସଂହୃଷ୍ଟାଃ କୁଶଲାଃ ସାଧୁଶିକ୍ଷିତାଃ॥ 7-82-5 (47808)
ସ ମେଘସମନିର୍ଘୋଷୋ ମହାଞ୍ଶବ୍ଦୋଽସ୍ପୃଶଦ୍ଦିବମ୍।
ପାର୍ଥିବପ୍ରବରଂ ସୁପ୍ତଂ ଯୁଧିଷ୍ଠିରମବୋଧଯତ୍॥ 7-82-6 (47809)
ପ୍ରତିବୁଦ୍ଧଃ ସୁଖଂ ସୁପ୍ତୋ ମହାର୍ହେ ଶଯନୋତ୍ତମେ।
ଉତ୍ଥାଯାବଶ୍ଯକାର୍ଯାର୍ଥଂ ଯଯୌ ସ୍ନାନଗୃହଂ ନୃପଃ॥ 7-82-7 (47810)
ତତଃ ଶୁକ୍ଲାମ୍ବରାଃ ସ୍ନାତାସ୍ତରୁଣାଃ ଶତମଷ୍ଟ ଚ।
ସ୍ନାପକାଃ କାଞ୍ଚନୈଃ କୁମ୍ଭୈଃ ପୂର୍ଣୈଃ ସମୁପତସ୍ଥିରେ॥ 7-82-8 (47811)
ଭଦ୍ରାସନେ ସୂପବିଷ୍ଟଃ ପରିଧାଯାମ୍ବରଂ ଲଘୁ।
ସସ୍ନୌ ଚନ୍ଦନସଂଯୁକ୍ତୈଃ ପାନୀଯୈରଭିମନ୍ତ୍ରିତୈଃ॥ 7-82-9 (47812)
ଉତ୍ସାଦିତଃ କଷାଯେଣ ବଲବଦ୍ଭିଃ ସୁଶିକ୍ଷିତୈଃ।
ଆପ୍ଲୁତଃ ସାଧିବାସେନ ଜଲେନ ସସୁଗନ୍ଧିନା॥ 7-82-10 (47813)
ରାଜହଂସନିଭଂ ପ୍ରାପ୍ଯ ଉଷ୍ଣୀଷଂ ଶିଥିଲାର୍ପିତମ୍।
ଜଲକ୍ଷଯନିମିତ୍ତଂ ବୈ ବେଷ୍ଟଯାମାସ ମୂର୍ଧନି॥ 7-82-11 (47814)
ହରିଣା ଚନ୍ଦନେନାଙ୍ଗମୁପଲିପ୍ଯ ମହାଭୁଜଃ।
ସ୍ରଗ୍ବୀ ଚାକ୍ଲିଷ୍ଟବସନଃ ପ୍ରାଙ୍ମୁଖଃ ପ୍ରାଞ୍ଜଲିଃ ସ୍ଥିତଃ॥ 7-82-12 (47815)
`କୃତ୍ବେନ୍ଦ୍ରିଯାଣାମୈକାଗ୍ର୍ଯଂ ମନସଶ୍ଚ ମହାମନାଃ'।
ଜଜାପ ଜପ୍ଯଂ କୌନ୍ତେଯଃ ସତାଂ ମାର୍ଗମନୁଷ୍ଠିତଃ।
ତତ୍ରାଗ୍ନିଶରଣଂ ଦୀପ୍ତଂ ପ୍ରବିବେଶ ବିନୀତବତ୍॥ 7-82-13 (47816)
ସମିଦ୍ଭିଃ ସ ପବିତ୍ରାଭିରଗ୍ନିମାହୁତିଭିସ୍ତଥା।
ମନ୍ତ୍ରପୂତାଭିରର୍ଚିତ୍ବା ନିଶ୍ଚକ୍ରାମ ଗୃହାତ୍ତତଃ॥ 7-82-14 (47817)
ଦ୍ବିତୀଯାଂ ପୁରୁଷବ୍ଯାଘ୍ରଃ କକ୍ଷ୍ଯାଂ ନିର୍ଗମ୍ଯ ପାର୍ଥିବଃ।
ତତୋ ବେଦବିଦୋ ବୃଦ୍ଧାନପଶ୍ଯଦ୍ବ୍ରାହ୍ମଣର୍ଷଭାନ୍॥ 7-82-15 (47818)
ଦାନ୍ତାନ୍ବେଦବ୍ରତସ୍ନାତାନ୍ସ୍ନାତାନବଭୃଥେଷୁ ଚ।
ସହସ୍ରାନୁଚରାନ୍ସୌରାନ୍ସହସ୍ରଂ ଚାଷ୍ଟ ଚାପରାନ୍॥ 7-82-16 (47819)
ଅକ୍ଷତୈଃ ସୁମନୋଭିଶ୍ଚ ବାଚଯିତ୍ବା ମହାଭୁଜଃ।
ତାନ୍ଦ୍ବିଜାନ୍ମଧୁସର୍ପିର୍ଭ୍ଯାଂ ଫଲୈଃ ଶ୍ରେଷ୍ଠୈଃ ସୁମଙ୍ଗଲୈଃ॥ 7-82-17 (47820)
ପ୍ରାଦାତ୍କାଞ୍ଚନମେକୈକଂ ନିଷ୍କଂ ବିପ୍ରାଯ ପାଣ୍ଡବଃ।
ଅଲଙ୍କୃତଂ ଚାଶ୍ବଶତଂ ବାସାଂସୀଷ୍ଟାଶ୍ଚ ଦକ୍ଷିଣାଃ॥ 7-82-18 (47821)
ତଥା ଗାଃ କପିଲା ଦୋଗ୍ଧ୍ରୀଃ ସବତ୍ସାଃ ପାଣ୍ଡୁନନ୍ଦନଃ।
ହେମଶୃଙ୍ଗା ରୌପ୍ଯଖୁରା ଦତ୍ତ୍ବା ତେଭ୍ଯଃ ପ୍ରଦକ୍ଷିଣମ୍॥ 7-82-19 (47822)
ସ୍ବସ୍ତିକାନ୍ବର୍ଧମାନାଂଶ୍ଚ ନନ୍ଦ୍ଯାବର୍ତାଂଶ୍ଚ କାଞ୍ଚନାନ୍।
ମାଲ୍ଯଂ ଚ ଜଲକୁମ୍ଭାଂଶ୍ଚ ଜ୍ବଲିତଂ ଚ ହୁତାଶନମ୍॥ 7-82-20 (47823)
ପୂର୍ଣାନ୍ଯକ୍ଷତପାତ୍ରାଣି ରୁଚକଂ ରୋଚନାସ୍ତଥା।
ସ୍ବଲଙ୍କୃତାଃ ଶୁଭାଃ କନ୍ଯା ଦଧିସର୍ପିର୍ମଧୂଦକମ୍॥ 7-82-21 (47824)
ମଙ୍ଗଲ୍ଯାନ୍ପକ୍ଷିଣଶ୍ଚୈବ ଯଚ୍ଚାନ୍ଯଦପି ପୂଜିତମ୍।
ଦୃଷ୍ଟ୍ବା ସ୍ପୃଷ୍ଟ୍ବା ଚ କୌନ୍ତେଯୋ ବାହ୍ଯାଂ କକ୍ଷ୍ଯାଂ ତତୋଽଗମତ୍॥ 7-82-22 (47825)
ତତସ୍ତସ୍ଯାଂ ନହାବାହୋସ୍ତିଷ୍ଠତଃ ପରିଚାରକାଃ।
ସୌବର୍ଣଂ ସର୍ବତୋଭଦ୍ରଂ ମୁକ୍ତାବୈଦୂର୍ଯମଣ୍ଡିତମ୍॥ 7-82-23 (47826)
ପରାର୍ଧ୍ଯାସ୍ତରଣାସ୍ତୀର୍ଣଂ ସୋତ୍ତରଚ୍ଛଦମୃଦ୍ଧିମତ୍।
ବିଶ୍ବକର୍ମକୃତଂ ଦିବ୍ଯମୁପଜହ୍ରୁର୍ବରାସନମ୍॥ 7-82-24 (47827)
ତତ୍ର ତସ୍ଯୋପବିଷ୍ଟସ୍ଯ ଭୂଷଣାନି ମହାତ୍ମନଃ।
ଉପାଜହ୍ରୁର୍ମହାର୍ହାଣି ପ୍ରେପ୍ଯାଃ ଶୁଭ୍ରାଣି ସର୍ବଶଃ॥ 7-82-25 (47828)
ଯୁକ୍ତାଭରଣବେଷସ୍ଯ କୌନ୍ତେଯସ୍ଯ ମହାତ୍ମନଃ।
ରୂପମାସୀନ୍ମହାରାଜ ଦ୍ବିଷତାଂ ଶୋକବର୍ଧନମ୍॥ 7-82-26 (47829)
ଚାମରୈଶ୍ଚନ୍ଦ୍ରରଶ୍ମ୍ଯାଭୈର୍ହେମଦଣ୍ଡୈଃ ସୁଶୋଭନୈଃ।
ଦୋଧୂଯମାନୈଃ ଶୁଶୁଭେ ବିଦ୍ଯୁଦ୍ଭିରିବ ତୋଯଦଃ॥ 7-82-27 (47830)
ସଂସ୍ତୂଯମାନଃ ସୂତ୍ରୈଶ୍ଚ ବନ୍ଦ୍ଯମାନଶ୍ଚ ବନ୍ଦିଭିଃ।
ଉପଗୀଯମାନୋ ଗନ୍ଧର୍ବୈରାସ୍ତେ ସ୍ମ କୁରୁନନ୍ଦନଃ॥ 7-82-28 (47831)
ତତୋ ମୁହୂର୍ତମାସୀଚ୍ଚ ବନ୍ଦିନାଂ ନିନଦୋ ମହାନ୍।
ରଥାନାଂ ନେମିଘୋଷଶ୍ଚ ଖୁରଘୋଷଶ୍ଚ ବାଜିନାମ୍॥ 7-82-29 (47832)
ହାଦେନ ଗଜଘଣ୍ଟାନାଂ ଶଙ୍ଖାନାଂ ନିନଦେନ ଚ।
ନରାଣାଂ ପଦଶବ୍ଦୈଶ୍ଚ କମ୍ପତୀବ ସ୍ମ ମେଦିନୀ॥ 7-82-30 (47833)
ତତଃ ଶୁଦ୍ଧାନ୍ତମାସାଦ୍ଯ ଜାନୁଭ୍ଯାଂ ଭୂତଲେ ସ୍ଥିତଃ।
ଶିରସା ବନ୍ଦନୀଯଂ ତମଭିବାଦ୍ଯ ଜନେଶ୍ବରମ୍॥ 7-82-31 (47834)
କୁଣ୍ଡଲୀ ବଦ୍ଧନିସ୍ତ୍ରିଂଶଃ ସନ୍ନଦ୍ଧକବଚୋ ଯୁବା।
ଅଭିପ୍ରଣମ୍ଯ ଶିରସା ଦ୍ବାସ୍ଥୋ ଧର୍ମାତ୍ମଜାଯ ବୈ॥ 7-82-32 (47835)
ନ୍ଯବେଦଯଦ୍ଧୃଷୀକେଶମୁପଯାନ୍ତଂ ମହାତ୍ମନେ।
ସୋଽବ୍ରବୀତ୍ପୁରୁଷବ୍ଯାଘ୍ରଃ ସ୍ବାଗତେନୈବ ମାଧବଃ॥ 7-82-33 (47836)
`ପ୍ରବେଶ୍ଯତାଂ ସମୀପଂ ମେ କିମର୍ଥଂ ପ୍ରବିଲମ୍ବସେ'।
ଆସନଂ ଚ ମଧୁଘ୍ନାଯ ଦୀଯତାଂ ପରମାର୍ଚିତମ୍।
ତତଃ ପ୍ରବେଶ୍ଯ ବାର୍ଷ୍ଣେଯମୁପବେଶ୍ଯ ବରାସନେ॥ 7-82-34 (47837)
ସତ୍କୃତ୍ଯ ସତ୍କୃତସ୍ତେନ ପର୍ଯପୃଚ୍ଛଦ୍ଯୁଧିଷ୍ଠିରଃ॥ ॥ 7-82-35 (47838)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ପ୍ରତିଜ୍ଞାପର୍ବଣି ଦ୍ବ୍ଯଶୀତିତମୋଽଧ୍ଯାଯଃ॥ 82 ॥
Mahabharata - Drona Parva - Chapter Footnotes
5-82-2 ପାଣିଧ୍ବନିକା ହସ୍ତେନ ତାଲସ୍ବନଂ କୁର୍ବତେ॥ 5-82-3 ରକ୍ତକଣ୍ଠିନୋ ରଞ୍ଜକସ୍ବରାଃ॥ 5-82-4 ଝର୍ଝରା ଝିଲ୍ଲିକାଃ। ଭେର୍ଯୋ ବୃହଢ୍ଢକ୍କାଃ। ପଣବା ମୁରଜାଃ। ଆନକାଃ ପଟହାଃ। ଗୋମୁଖାଃ ତ୍ରାଗଡାଃ। ଆଡମ୍ବରାଶ୍ଚ କ୍ଷୁଦ୍ରପଟହାଃ। ଦୁନ୍ଦୁଭ୍ଯୋ ଢକ୍କାଃ॥ 5-82-9 ଭଦ୍ରାସନେ ଚତୁଃସମାସନେ॥ 5-82-10 କଷାଯେଣ ସର୍ବୌଷଧ୍ଯାଦିକଲ୍କେନ॥ 5-82-12 ଅକ୍ଲିଷ୍ଟମନୁପହତଂ ବସନଂ ଯସ୍ଯ॥ 5-82-13 ଦୀପ୍ତଂ ଜ୍ବଲଦଗ୍ନିମ୍॥ 5-82-16 ସୌରାନ୍ସୂର୍ଯୋପାସକାନ୍॥ 5-82-19 ପ୍ରଦକ୍ଷିଣଂ କୃତ୍ବେତି ଶେଷଃ॥ 5-82-20 ସ୍ବସ୍ତିକାନାଲିଙ୍ଗନାନି। ବର୍ଧମାନାନ୍ ଶରାବାନ୍। ନନ୍ଦ୍ଯାବର୍ତାନ୍ସମ୍ପୁଟିତାଦ୍ଯର୍ଘପାତ୍ରାଣି॥ 5-82-21 ରୁଚକଂ ମାତୁଲୁଙ୍ଗକମ୍॥ 5-82-24 ବିଶ୍ବକର୍ମକୃତଂ ବିଶ୍ବକର୍ମପ୍ରଣୀତେନ ବିଧିନା ନିର୍ମିତମ୍॥ 5-82-28 ବନ୍ଦ୍ଯମାନଃ ସ୍ତୂଯମାନଃ। ସ୍ତୁତ୍ଯର୍ଥସ୍ଯ ବଦେ ରୂପମ୍॥ 5-82-31 ଶୁଦ୍ଧାନ୍ତଂ କକ୍ଷ୍ଯାଭ୍ଯନ୍ତରମ୍॥ 5-82-82 ଦ୍ବ୍ଯଶୀତିତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 083
॥ ଶ୍ରୀଃ ॥
7.83. ଅଧ୍ଯାଯଃ 083
Mahabharata - Drona Parva - Chapter Topics
ଜଯଦ୍ରଥବଧସ୍ଯ ଦୁଷ୍କରତ୍ବାଶଙ୍କିନୋ ଯୁଧିଷ୍ଠିରସ୍ଯ କୃଷ୍ଣେନ ସମାଶ୍ବାସନମ୍॥ 1 ॥Mahabharata - Drona Parva - Chapter Text
7-83-0 (47839)
ଯୁଧିଷ୍ଠିର ଉବାଚ। 7-83-0x (4478)
ସୁଖେନ ରଜନୀ ବ୍ଯୁଷ୍ଟା କଚ୍ଚିତ୍ତେ ମଧୁସୂଦନ।
କଚ୍ଚିଜ୍ଜ୍ଞାନାନି ସର୍ବାଣି ପ୍ରସନ୍ନାନି ତବାଚ୍ଯୁତ॥ 7-83-1 (47840)
ସଞ୍ଜାଯ ଉବାଚ। 7-83-2x (4479)
ବାସୁଦେବୋଽପି ତଦ୍ଯୁକ୍ତଂ ପ୍ରତ୍ଯୁବାଚ ଯୁଧିଷ୍ଠିରମ୍।
ଦର୍ଶନାଦେବ ତେ ସୌମ୍ଯ ନ କିଞ୍ଚିଦଶୁଭଂ ମମ॥ 7-83-2 (47841)
ସଞ୍ଜଯ ଉବାଚ। 7-83-3x (4480)
ତତଶ୍ଚ ପ୍ରକୃତୀଃ କ୍ଷତ୍ତା ନ୍ଯବେଦଯଦୁପସ୍ଥିତାଃ।
ଅନୁଜ୍ଞାତଶ୍ଚ ରାଜ୍ଞା ସ ପ୍ରାବେଶଯତ ତଂ ଜନମ୍॥ 7-83-3 (47842)
ବିରାଟଂ ଭୀମସେନଂ ଚ ଧୃଷ୍ଟଦ୍ଯୁମ୍ନଂ ଚ ସାତ୍ଯକିମ୍।
ଚେଦିପଂ ଧୃଷ୍ଟକେତୁଂ ଚ ଦ୍ରୁପଦଂ ଚ ମହାରଥମ୍॥ 7-83-4 (47843)
ଶିଖଣ଼୍ଡିନଂ ଯମୌ ଚୈବ ଚେକିତାନଂ ସକେକଯମ୍।
ଯୁଯୁପ୍ସୁଂ ଚୈବ କୌରବ୍ଯଂ ପାଞ୍ଚାଲ୍ଯଂ ଚୋତ୍ତମୌଜସମ୍॥ 7-83-5 (47844)
ଯୁଧାମନ୍ଯୁ ସୁବାହୁଂ ଚ ଦ୍ରୌପଦେଯାଂଶ୍ଚ ସର୍ବଶଃ।
ଏତାଂଶ୍ଚ ସୁହୃଦଶ୍ଚାନ୍ଯାନ୍ଦର୍ଶଯାମାସ ପାଣ୍ଡବମ୍॥ 7-83-6 (47845)
ଅନୁଜ୍ଞାତାଶ୍ଚ ପାର୍ଥେନ ସ୍ବାସୀନା ଆସନେଷୁ ତେ।
ସର୍ବେଷ୍ବଥ ପରାର୍ଧ୍ଯେଷୁ ଯଥାର୍ହଂ ବନ୍ଦ୍ଯ ପାଣ୍ଡବମ୍॥ 7-83-7 (47846)
ଏକସ୍ମିନ୍ନାସନେ ବୀରାବୁପବିଷ୍ଟୌ ମହାବଲୌ।
କୃଷ୍ଣଶ୍ଚ ଯୁଯୁଧାନଶ୍ଚ ବେଦ୍ଯାମିବ ହୁତାଶନୌ॥ 7-83-8 (47847)
ତତୋ ଯୁଧିଷ୍ଠିରସ୍ତେଷାଂ ଶୃଣ୍ବତାଂ ମଧୁସୂଦନମ୍।
ଅବ୍ରବୀତ୍ପୁଣ୍ଡରୀକାକ୍ଷମାଭାଷ୍ଯ ମଧୁରଂ ବଚଃ॥ 7-83-9 (47848)
ଏକଂ ତ୍ବାଂ ବଯମାଶ୍ରିତ୍ଯ ସହସ୍ରାକ୍ଷମିବାମରାଃ।
ପ୍ରାର୍ଥଯାମୋ ଜଯଂ ଯୁଦ୍ଧେ ଶାଶ୍ବତାନି ସୁଖାନି ଚ॥ 7-83-10 (47849)
ତ୍ବଂ ହି ରାଜ୍ଯବିନାଶଂ ଚ ଦ୍ବିଷଦ୍ଭିଶ୍ଚ ନିରାକ୍ରିଯାମ୍।
କ୍ଲେଶାଂଶ୍ଚ ବିବିଧାନ୍କୃଷ୍ଣ ସର୍ବାଂସ୍ତାନପି ବେତ୍ଥ ନଃ॥ 7-83-11 (47850)
ତ୍ବଯି ସର୍ବେଶ ସର୍ବେଷାମସ୍ମାକଂ ଭକ୍ତବତ୍ସଲ।
ସୁଖମାଯତ୍ତମତ୍ଯର୍ଥଂ ଯାତ୍ରା ଚ ମଧୁସୂଦନ॥ 7-83-12 (47851)
ସ ତଥା କୁରୁ ବାର୍ଷ୍ଣେଯ ଯଥା ତ୍ବଯି ମନୋ ମମ।
ଅର୍ଜୁନସ୍ଯ ଯଥା ସତ୍ଯା ପ୍ରତିଜ୍ଞା ସ୍ଯାଚ୍ଚିକୀର୍ଷିତା॥ 7-83-13 (47852)
ସ ଭବାଂସ୍ତାରଯତ୍ବସ୍ମାଦ୍ଦୁଃଖାମର୍ଷମହାର୍ଣବାତ୍।
ପରାଂ ତିତୀର୍ଷତାମଦ୍ଯ ପ୍ଲୁବୋ ନୋ ଭବ ମାଧବ॥ 7-83-14 (47853)
ନହି ତତ୍କୁରୁତେ ଯୋଧଃ କାର୍ତବୀର୍ଯସମୋଽପି ଯଃ।
ଯୁଧି ଯତ୍କୁରୁଷେ କୃଷ୍ଣ ସାରଥ୍ଯଂ ତ୍ବଂ ସମାସ୍ଥିତଃ॥ 7-83-15 (47854)
ଯଥୈବ ସର୍ବାସ୍ବାପତ୍ସୁ ପାସି ବୃଷ୍ଣୀଞ୍ଜନାର୍ଦନ।
ତଥୈବାସ୍ମାନ୍ମହାବାହୋ ବୃଜିନାତ୍ତ୍ରାତୁମର୍ହସି॥ 7-83-16 (47855)
ତ୍ବମଗାଧେଽପ୍ଲବେ ମଗ୍ନାନ୍ପାଣ୍ଡବାନ୍କୁରୁସାଗରେ।
ସମୁଦ୍ଧର ପ୍ଲୁବୋ ଭୂତ୍ବା ଶଙ୍ଖଚକ୍ରଗଦାଧର॥ 7-83-17 (47856)
ନମସ୍ତେ ଦେବଦେବେଶ ସନାତନ ବିଶାତନ।
ବିଷ୍ଣୋ ଜିଷ୍ଣୋ ହରେ କୃଷ୍ଣ ବୈକୁଣ୍ଠ ପୁରୁଷୋତ୍ତମ॥ 7-83-18 (47857)
ନାରଦସ୍ତ୍ବାଂ ସମାଚଖ୍ଯୌ ପୁରାଣମୃଷିସତ୍ତମମ୍।
ବରଦଂ ଶାର୍ଙ୍ଗିଣଂ ଶ୍ରେଷ୍ଠଂ ତତ୍ସତ୍ଯଂ କୁରୁ ମାଧବ॥ 7-83-19 (47858)
ଇତ୍ଯୁକ୍ତଃ ପୁଣ୍ଡରୀକାକ୍ଷୋ ଧର୍ମରାଜେନ ସଂସଦି।
ତୋଯମେଘସ୍ବନୋ ବାଗ୍ମୀ ପ୍ରତ୍ଯୁବାଚ ଯୁଧିଷ୍ଠିରମ୍॥ 7-83-20 (47859)
ବାସୁଦେବ ଉବାଚ। 7-83-21x (4481)
ସାମରେଷ୍ବପି ଲୋକେଷୁ ସର୍ବେଷୁ ନ ତଥାବିଧଃ।
ଶରାସନଧରଃ କଶ୍ଚିଦ୍ଯଥା ପାର୍ଥୋ ଧନଞ୍ଜଯଃ॥ 7-83-21 (47860)
ବୀର୍ଯବାନସ୍ତ୍ରସମ୍ପନ୍ନଃ ପରାକ୍ରାନ୍ତୋ ମହାବଲଃ।
ଯୁଦ୍ଧଶୌଣ୍ଡଃ ସଦାମର୍ଷୀ ତେଜସା ପରମୋ ନୃଣାମ୍॥ 7-83-22 (47861)
ସ ଯୁବା ବୃଷଭସ୍କନ୍ଧୋ ଦୀର୍ଘବାହୁର୍ମହାବଲଃ।
ସିଂହର୍ଷଭଗତିଃ ଶ୍ରୀମାନ୍ଦ୍ବିଷତସ୍ତେ ହନିଷ୍ଯତି॥ 7-83-23 (47862)
ଅହଂ ଚ ତତ୍କରିଷ୍ଯାମି ତଥା କୁନ୍ତୀସୁତୋଽର୍ଜୁନଃ।
ଧାର୍ତରାଷ୍ଟ୍ରସ୍ଯ ସୈନ୍ଯାନି ଧକ୍ଷ୍ଯତ୍ଯଗ୍ନିରିବେନ୍ଧନମ୍॥ 7-83-24 (47863)
ଅଦ୍ଯ ତଂ ପାପକର୍ମାଣଂ କ୍ଷୁଦ୍ରଂ ସୌଭଦ୍ରଘାତିନମ୍।
ଅପୁନର୍ଦର୍ଶନଂ ମାର୍ଗମିଷୁଭିଃ କ୍ଷେପ୍ସ୍ଯତେଽର୍ଜୁନଃ॥ 7-83-25 (47864)
ତସ୍ଯାଦ୍ଯ ଗୃଧ୍ରାଃ ଶ୍ଯେନାଶ୍ଚ ଚଣ୍ଡଗୋମାଯବସ୍ତଥା।
ଭକ୍ଷଯିଷ୍ଯନ୍ତି ମାଂସାନି ଯେ ଚାନ୍ଯେ ପୁରୁଷାଦକାଃ॥ 7-83-26 (47865)
ଯଦ୍ଯସ୍ଯ ଦେବା ଗୋପ୍ତାରଃ ସେନ୍ଦ୍ରାଃ ସର୍ବେ ତଥାଽପ୍ଯସୌ।
ରାଜଧାନୀଂ ଯମସ୍ଯାଦ୍ଯ ହତଃ ପ୍ରାପ୍ସ୍ଯତି ଦୁର୍ମତିଃ॥ 7-83-27 (47866)
ନିହତ୍ଯ ସୈନ୍ଧବଂ ଜିଷ୍ଣୁରଦ୍ଯ ତ୍ବାମୁପଯାସ୍ଯତି।
ବିଶୋକୋ ବିଜ୍ବରୋ ରାଜନ୍ଭବ ଶାନ୍ତି ପୁରସ୍କୃତଃ॥ ॥ 7-83-28 (47867)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ପ୍ରତିଜ୍ଞାପର୍ବଣି ତ୍ର୍ଯଶୀତିତମୋଽଧ୍ଯାଯଃ॥ 83 ॥
Mahabharata - Drona Parva - Chapter Footnotes
5-83-11 ନିରାକ୍ରିଯାମପସାରଣମ୍॥ 5-83-12 ଯାତ୍ରା ସ୍ଥିତିଃ॥ 5-83-16 ବୃଜିନାତ୍ ବ୍ଯସନାତ୍॥ 5-83-18 ସନାତନ ଅନାଦିନିଧନ। ବିଶା ତନ ସଂହର୍ତଃ। କୃଷ୍ଣ ସଂସାରକର୍ଷକ। ପୁରୁଷୋତ୍ତମ ପରମାତ୍ମନ୍ ॥ 5-83-22 ଯୁଦ୍ଧଶୌଣ୍ଡଃ ଯୁଦ୍ଧପ୍ରବୀଣଃ॥ 5-83-83 ତ୍ର୍ଯଶୀତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 084
॥ ଶ୍ରୀଃ ॥
7.84. ଅଧ୍ଯାଯଃ 084
Mahabharata - Drona Parva - Chapter Topics
ଜଯଦ୍ରଥମ୍ପ୍ରତି ଗଚ୍ଛତାଽର୍ଜୁନେନ ଯୁଧିଷ୍ଠିରରକ୍ଷଣାଯ ସାତ୍ଯକିମ୍ପ୍ରତି ଚୋଦନା॥ 1 ॥Mahabharata - Drona Parva - Chapter Text
7-84-0 (47868)
ସଞ୍ଜଯ ଉବାଚ। 7-84-0x (4482)
ତଥା ତୁ ବଦତାଂ ତେଷାଂ ପ୍ରାଦୁରାସୀଦ୍ଧନଞ୍ଜଯଃ।
ଦିଦୃକ୍ଷୁର୍ଭରତଶ୍ରେଷ୍ଠଂ ରାଜାନଂ ସସୁହୃଦ୍ଗଣମ୍॥ 7-84-1 (47869)
ତଂ ପ୍ରବିଷ୍ଟଂ ଶୁଭାଂ କକ୍ଷ୍ଯାମଭିବନ୍ଦ୍ଯାଗ୍ରତଃ ସ୍ଯିତମ୍।
ତମୁତ୍ଥାଯାର୍ଜୁନଂ ପ୍ରେମ୍ଣା ସସ୍ବଜେ ପାଣ୍ଡବର୍ଷଭଃ॥ 7-84-2 (47870)
ମୂର୍ଧ୍ନି ଚୈନମୁପାଘ୍ରାଯ ପରିଷ୍ବଜ୍ଯ ଚ ବାହୁନା।
ଆଶିଷଃ ପରମାଃ ପ୍ରୋଚ୍ଯ ସ୍ମଯମାନୋଽଭ୍ଯଭାଷତ॥ 7-84-3 (47871)
ବ୍ଯକ୍ତମର୍ଜୁନ ସଙ୍ଗ୍ରାମେ ଧ୍ରୁବସ୍ତେ ବିଜଯୋ ମହାନ୍।
ତାଦୃଗ୍ରୂପା ଚ ତେ ଚ୍ଛାଯା ପ୍ରସନ୍ନଶ୍ଚ ଜନାର୍ଦନଃ॥ 7-84-4 (47872)
ସଞ୍ଜଯ ଉବାଚ। 7-84-5x (4483)
ତମବ୍ରବୀତ୍ତତୋ ଜିଷ୍ଣୁର୍ମହଦାଶ୍ଚର୍ଯମୁତ୍ତମମ୍।
ଦୃଷ୍ଟବାନସ୍ମି ଭଦ୍ରଂ ତେ କେଶବସ୍ଯ ପ୍ରସାଦଜମ୍॥ 7-84-5 (47873)
ତତସ୍ତତ୍କଥଯାମାସ ଯଥାଦୃଷ୍ଟଂ ଧନଞ୍ଜଯଃ।
ଆଶ୍ବାସନାର୍ଥଂ ସୁହୃଦାଂ ତ୍ର୍ଯମ୍ବକେଣ ସମାଗମମ୍॥ 7-84-6 (47874)
ତତଃ ଶିରୋଭିରବନିଂ ସ୍ପୃଷ୍ଟ୍ବା ସର୍ବେ ଚ ବିସ୍ମିତାଃ।
ନମସ୍କୃତ୍ଯ ବୃଷାଙ୍କାଯ ସାଧୁସାଧ୍ବିତ୍ଯଥାବ୍ରୁବନ୍॥ 7-84-7 (47875)
ଅନୁଜ୍ଞାତାସ୍ତତଃ ସର୍ବେ ସୁହୃଦୋ ଧର୍ମସୂନୁନା।
ତ୍ବରମାଣାଃ ସୁସନ୍ନଦ୍ଧା ହୃଷ୍ଟା ଯୁଦ୍ଧାଯ ନିର୍ଯଯୁଃ॥ 7-84-8 (47876)
ଅଭିବାଦ୍ଯ ତୁ ରାଜାନଂ ଯୁଯୁଧାନାଚ୍ଯୁତାର୍ଜୁନାଃ।
ହୃଷ୍ଟା ବିନିର୍ଯଯୁସ୍ତେ ବୈ ଯୁଧିଷ୍ଠିରନିବେଶନାତ୍॥ 7-84-9 (47877)
ରଥେନୈକେନ ଦୁର୍ଧର୍ଷୌ ଯୁଯୁଧାନଜନାର୍ଦନୌ।
ଜଗ୍ମତୁଃ ସହିତୌ ବୀରାବର୍ଜୁନସ୍ଯ ନିବେଶନମ୍॥ 7-84-10 (47878)
ତତ୍ର ଗତ୍ବା ହୃଷୀକେଶଃ କଲ୍ପଯାମାସ ଶାସ୍ତ୍ରବିତ୍।
ରଥଂ ରଥବରସ୍ଯାଜୌ ବାନରର୍ଷଭଲକ୍ଷଣମ୍॥ 7-84-11 (47879)
ସ ମେଘସମନିର୍ଘୋଷସ୍ତପ୍ତକାଞ୍ଚନସପ୍ରଭଃ।
ବଭୌ ରଥବରଃ କ୍ଲୃପ୍ତଃ ଶିଶୁର୍ଦିବସକୃଦ୍ଯଥା॥ 7-84-12 (47880)
ତତଃ ପୁରୁଷଶାର୍ଦୂଲଃ ସଜ୍ଜଂ ସର୍ବଂ ନ୍ଯବେଦଯତ୍।
ରଥଂ ପୁରୁଷସିଂହସ୍ଯ ସଧ୍ବଜଂ ସୁପତାକିନମ୍॥ 7-84-13 (47881)
ସ ତୁ ଲୋକବରଃ ପୁଂସାଂ କିରୀଟୀ ହେମବର୍ମଭୃତ୍।
ଚାପବାଣଧରୋ ବାହଂ ପ୍ରଦକ୍ଷିଣମବର୍ତତ॥ 7-84-14 (47882)
ତପୋବିଦ୍ଯାବଯୋବୃଦ୍ଧୈଃ କ୍ରିଯାବଦ୍ଭିର୍ଜିତେନ୍ଦ୍ରିଯୈଃ।
ସ୍ତୂଯମାନୋ ଜଯାଶୀର୍ଭିରାରୁରୋହ ମହାରଥମ୍॥ 7-84-15 (47883)
ଜୈତ୍ରୈଃ ସାଙ୍ଗ୍ରାମିକୈର୍ମନ୍ତ୍ରୈଃ ପୂର୍ବମେବ ରଥୋତ୍ତମମ୍।
ଅଭିମନ୍ତ୍ରିତମର୍ଚିଷ୍ମାନୁଦଯଂ ଭାସ୍କରୋ ଯଥା॥ 7-84-16 (47884)
ସ ରଥେ ରଥିନାଂ ଶ୍ରେଷ୍ଠଃ କାଞ୍ଚନେ କାଞ୍ଚନାବୃତଃ।
ବିବଭୌ ବିମଲୋଽର୍ଚିଷ୍ମାନ୍ମେରାବିବ ଦିବାକରଃ। 7-84-17 (47885)
ଅନ୍ବାରୁରୁହତୁଃ ପାର୍ଥଂ ଯୁଯୁଧାନଜନାର୍ଦନୌ।
ଶର୍ଯାତେର୍ଯଜ୍ଞମାଯାନ୍ତଂ ଯଥେନ୍ଦ୍ରଂ ଦେବମଶ୍ବିନୌ॥ 7-84-18 (47886)
ଅଥ ଜଗ୍ରାହ ଗୋବିନ୍ଦୋ ରଶ୍ମୀନ୍ରଶ୍ମିବିଦାଂବରଃ।
ମାତଲିର୍ବାସବସ୍ଯେବ ବୃତ୍ରଂ ହନ୍ତୁଂ ପ୍ରଯାସ୍ଯତଃ॥ 7-84-19 (47887)
ସ ତାଭ୍ଯାଂ ସହିତଃ ପାର୍ଥୋ ରଥପ୍ରବରମାସ୍ଥିତଃ।
ସହିତୋ ବୁଧଶୁକ୍ରାଭ୍ଯାଂ ତମୋ ନିଘ୍ନନ୍ଯଥା ଶଶୀ॥ 7-84-20 (47888)
ସୈନ୍ଧବସ୍ଯ ବଧପ୍ରେପ୍ସୁଃ ପ୍ରଯାତଃ ଶତ୍ରୁପୂଗହା।
ସହାମ୍ବୁପତିମିତ୍ରାଭ୍ଯାଂ ଯଥେନ୍ଦ୍ରସ୍ତାରକାମଯେ॥ 7-84-21 (47889)
ତତୋ ବାଦିତ୍ରନିର୍ଘୋଷୈର୍ମାଙ୍ଗଲ୍ଯୈଶ୍ଚ ସ୍ତବୈଃ ଶୁଭୈଃ।
ପ୍ରଯାନ୍ତମର୍ଜୁନଂ ବୀରଂ ମାଗଧାଶ୍ଚୈବ ତୁଷ୍ଟୁବୁଃ॥ 7-84-22 (47890)
ସଜଯାଶୀଃ ସପୁଣ୍ଯାହଃ ସୂତମାଗଧନିଃସ୍ବନଃ।
ଯୁକ୍ତୋ ବାଦିତ୍ରଘୋଷେଣ ତେଷାଂ ରତିକରୋଽଭବତ୍॥ 7-84-23 (47891)
ତମନୁପ୍ରବଣୋ ବାଯୁଃ ପୁଣ୍ଯଗନ୍ଧବହଃ ଶୁଭଃ।
ବବୌ ସଂହର୍ଷଯନ୍ପାର୍ଥଂ ଦ୍ବିଷତଶ୍ଚାପି ଶୋଷଯନ୍॥ 7-84-24 (47892)
ତତସ୍ତସ୍ମିନ୍କ୍ଷଣେ ରାଜନ୍ବିବିଧାନି ଶୁଭାନି ଚ।
ପ୍ରାଦୁରାସନ୍ନିମିତ୍ତାନି ବିଜଯାଯ ବହୂନି ଚ॥ 7-84-25 (47893)
ପାଣ୍ଡବାନାଂ ତ୍ବଦୀଯାନାଂ ବିପରୀତାନି ମାରିଷ।
ଦୃଷ୍ଟ୍ବାଽର୍ଜୁନୋ ନିମିତ୍ତାନି ବିଜଯାଯ ପ୍ରଦକ୍ଷିଣମ୍।
ଯୁଯୁଧାନଂ ମହେଷ୍ବାସମିଦଂ ବଚନମବ୍ରବୀତ୍॥ 7-84-26 (47894)
ଯୁଯୁଧାନାଦ୍ଯ ଯୁଦ୍ଧେ ମେ ଦୃଶ୍ଯତେ ବିଜଯୋ ଧ୍ରୁବଃ।
ଯଥାହୀମାନି ଲିଙ୍ଗାନି ଦୃଶ୍ଯନ୍ତେ ଶିନିପୁଙ୍ଗବ॥ 7-84-27 (47895)
ସୋଽହଂ ତତ୍ର ଗମିଷ୍ଯାମି ଯତ୍ର ସୈନ୍ଧବକୋ ନୃପଃ।
ଯିଯାସୁର୍ଯମଲୋକାଯ ମମ ବୀର୍ଯଂ ପ୍ରତୀକ୍ଷତେ॥ 7-84-28 (47896)
ଯଥା ପରମକଂ କୃତ୍ଯଂ ସୈନ୍ଧବସ୍ଯ ବଧୋ ମମ।
ତଥୈବ ସୁମହତ୍କୃତ୍ଯଂ ଧର୍ମରାଜସ୍ଯ ରକ୍ଷଣମ୍॥ 7-84-29 (47897)
ସ ତ୍ବମଦ୍ଯ ମହାବାହୋ ରାଜାନଂ ପରିପାଲଯ।
ଯଥୈବ ହି ମଯା ଗୁପ୍ତସ୍ତ୍ବଯା ଗୁପ୍ତୋ ଭବେତ୍ତଥା॥ 7-84-30 (47898)
ନ ପଶ୍ଯାମି ଚ ତଂ ଲୋକେ ଯସ୍ତ୍ବାଂ ଯୁଦ୍ଧେ ପରାଜଯେତ୍।
ବାସୁଦେବସମଂ ଯୁଦ୍ଧେ ସ୍ବଯମପ୍ଯମରେଶ୍ବରଃ॥ 7-84-31 (47899)
ତ୍ବଯି ଚାହଂ ପରାଶ୍ବସ୍ତଃ ପ୍ରଦ୍ଯୁମ୍ନେ ବା ମହାରଥେ।
ଶକ୍ନୁଯାଂ ସୈନ୍ଧବଂ ହନ୍ତୁମନପେକ୍ଷୋ ନରର୍ଷଭ॥ 7-84-32 (47900)
ମଯ୍ଯପେକ୍ଷା ନ କର୍ତବ୍ଯା ଗୋପ୍ତାଽଯଂ ମମ କେଶବଃ।
ରାଜ୍ଞ ଏବ ପରା ଗୁପ୍ତିଃ କାର୍ଯା ସର୍ବାତ୍ମନା ତ୍ବଯା॥ 7-84-33 (47901)
ନ ହି ଯତ୍ର ମହାବାହୁର୍ବାସୁଦେବୋ ବ୍ଯବସ୍ଥିତଃ।
କିଞ୍ଚିଦ୍ବ୍ଯାପଦ୍ଯତେ ତତ୍ର ଯତ୍ରାହମପି ଚ ଧ୍ରୁବମ୍॥ 7-84-34 (47902)
ଏବମୁକ୍ତସ୍ତୁ ପାର୍ଥେନ ସାତ୍ଯକିଃ ପରବୀରହା।
ତଥେତ୍ଯୁକ୍ତ୍ବାଽଗମତ୍ତତ୍ର ଯତ୍ର ରାଜା ଯୁଧିଷ୍ଠିରଃ॥ ॥ 7-84-35 (47903)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ପ୍ରତିଜ୍ଞାପର୍ବଣି ଚତୁରଶୀତିତମୋଽଧ୍ଯାଯଃ॥ 84 ॥
Mahabharata - Drona Parva - Chapter Footnotes
5-84-12 ଶିଶୁର୍ଦିବସକୃତ୍ ବାଲଃ ସୂର୍ଯଃ॥ 5-84-18 ଯଥା ଚ୍ଯବନମଶ୍ବିନୌ ଇତି କ.ଟ.ଡ.ପାଠଃ॥ 5-84-26 ପ୍ରଦକ୍ଷିଣଂ ଛନ୍ଦୋନୁବର୍ତିନମ୍॥ 5-84-33 ଅପେକ୍ଷା ଅନୁରୋଧଃ॥ 5-84-84 ଚତୁରଶୀତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 085
॥ ଶ୍ରୀଃ ॥
7.85. ଅଧ୍ଯାଯଃ 085
Mahabharata - Drona Parva - Chapter Topics
ଧୃତରାଷ୍ଟ୍ରେଣ ପୁତ୍ରାନ୍ପ୍ରତି ଶୋଚନପୂର୍ବକଂ ସଞ୍ଜଯମ୍ପ୍ରତ୍ଯଭିମନ୍ଯୁନିଧନାନନ୍ତରୀଯକଯୁଦ୍ଧକଥନଚୋଦନା॥ 1 ॥Mahabharata - Drona Parva - Chapter Text
7-85-0 (47904)
ଧୃତରାଷ୍ଟ୍ର ଉବାଚ। 7-85-0x (4484)
ଶ୍ବୋଭୂତେ କିମକାର୍ଷୁସ୍ତେ ଦୁଃଖଶୋକସମନ୍ବିତାଃ।
ଅଭିମନ୍ଯୌ ହତେ ତତ୍ର କୈର୍ବାଽଯୁଧ୍ଯନ୍ତ ପାଣ୍ଡବାଃ॥ 7-85-1 (47905)
ଜାନନ୍ତସ୍ତସ୍ଯ କର୍ମାଣି କୁରବଃ ସବ୍ଯସାଚିନଃ।
କଥଂ ତତ୍କିଲ୍ବିଷଂ କୃତ୍ବା ନିର୍ଭଯା ବ୍ରୂହି ମାମକାଃ॥ 7-85-2 (47906)
ପୁତ୍ରଶୋକାଭିସନ୍ତପ୍ତଂ କ୍ରୁଦ୍ଧଂ ମୃତ୍ଯୁମିବାନ୍ତକମ୍।
ଆଯାନ୍ତଂ ପୁରୁଷବ୍ଯାଘ୍ରଂ କଥଂ ଦଦୃଶୁରାହବେ॥ 7-85-3 (47907)
କପିରାଜଧ୍ବନଂ ସଙ୍ଖ୍ଯେ ବିଧୁନ୍ବାନଂ ମହଦ୍ଧନୁଃ।
ଦୃଷ୍ଟ୍ବା ପୁତ୍ରପରିଦ୍ଯୂନଂ କିମକୁର୍ବତ ମାମକାଃ॥ 7-85-4 (47908)
କିନ୍ତୁ ସଞ୍ଜଯ ସଙ୍ଗ୍ରମେ ବୃତ୍ତଂ ଦୁର୍ଯୋଧନଂ ପ୍ରତି।
ପରିଦେବୋ ମହାନଦ୍ଯ ଶ୍ରୂଯତେ ହି ଗୃହେଗୃହେ॥ 7-85-5 (47909)
ଭୂଯାଞ୍ଶବ୍ଦାନତୀତ୍ଯାନ୍ଯାଞ୍ଶବ୍ଦଃ ସୈନ୍ଧବବେଶ୍ମନି।
ପୌରାଣିକାନାଂ ତୂର୍ଯାଣାଂ ଶଙ୍ଖଦୁନ୍ଦୁଭିଘୋଷବାନ୍॥ 7-85-6 (47910)
ସୂତମାଗଧବନ୍ଦୀନାଂ ନର୍ତକାନାଂ ଚ ନିଃସ୍ବନଃ।
ସୋଽଦ୍ଯ ନ ଶ୍ରୂଯତେ ଶବ୍ଦଃ ସୂତ ପୁତ୍ର ଯଥା ପୁରା॥ 7-85-7 (47911)
ଶବ୍ଦୋ ନାନାବିଧୋଽଭୀଷ୍ଟମଭବଦ୍ଯତ୍ର ମେ ଶ୍ରୁତଃ।
ଦୀନାନାମଦ୍ଯ ତଂ ଶବ୍ଦଂ ନ ଶୃଣୋମି ସମୀରିତମ୍॥ 7-85-8 (47912)
ନିବେଶନେ ସତ୍ଯଧୃତେଃ ସୋମଦତ୍ତସ୍ଯ ସଞ୍ଜଯ।
ଆସୀନୋଽହଂ ପୁରା ତାତ ଶବ୍ଦମଶ୍ରୌଷମୁତ୍ତମମ୍॥ 7-85-9 (47913)
ତଦଦ୍ଯ ପୁଣ୍ଯହୀନୋଽହମାର୍ତସ୍ବରନିନାଦିତମ୍।
ନିବେଶନଂ ଗତୋତ୍ସାହଂ ବିକୃତଂ ତାତ ଲକ୍ଷଯେ॥ 7-85-10 (47914)
ବିବିଂଶତେର୍ଦୁର୍ମୁଖସ୍ଯ ଚିତ୍ରସେନବିକର୍ଣଯୋଃ।
ଅନ୍ଯେଷାଂ ଚ ସୁତାନାଂ ମେ ନ ତଥା ଶ୍ରୂଯତେ ଧ୍ବନିଃ॥ 7-85-11 (47915)
ବ୍ରାହ୍ମଣଆଃ କ୍ଷତ୍ରିଯା ବୈଶ୍ଯା ଯଂ ଶିଷ୍ଯାଃ ପର୍ଯୁପାସତେ।
ଦ୍ରୋଣପୁତ୍ରଂ ମହେଷ୍ବାସଂ ପୁତ୍ରାଣାଂ ମେ ପରାଯଣମ୍॥ 7-85-12 (47916)
ବିତଣ୍ଡାଲାପସଂଲାପୈର୍ଦ୍ରୁତବାଦିତ୍ରବାଦିତୈଃ।
ଗୀତୈଶ୍ଚ ବିବିଧୈରିଷ୍ଟୈ ରମତେ ଯୋ ଦିବାନିଶମ୍॥ 7-85-13 (47917)
ଉପାସ୍ଯମାନୋ ବହୁଭିଃ କୁରୁପାଣ୍ଡବସାତ୍ବତୈଃ।
ଶ୍ଲକ୍ଷ୍ଣସ୍ତସ୍ଯ ଗୃହେ ଶବ୍ଦୋ ନାଦ୍ଯ ଦ୍ରୌଣେର୍ଯଥା ପୁରା॥ 7-85-14 (47918)
ଦ୍ରୋଣପୁତ୍ରଂ ମହେଷ୍ବାସଂ ଗାଯନା ନର୍ତକାଶ୍ଚ ଯେ।
ଅତ୍ଯର୍ଥମୁପତିଷ୍ଠନ୍ତି ତେଷାଂ ନ ଶ୍ରୂଯତେ ଧ୍ବନିଃ॥ 7-85-15 (47919)
ବିନ୍ଦାନୁବିନ୍ଦଯୋଃ ସାଯଂ ଶିବିରେ ଯୋ ମହାଧ୍ବନିଃ।
ଶ୍ରୂଯତେ ସୋଽଦ୍ଯ ନ ତଥା କେକଯାନାଂ ଚ ବେଶ୍ମସୁ॥ 7-85-16 (47920)
ନିତ୍ଯଂ ପ୍ରମୁଦିତାନାଂ ଚ ତାଲଗୀତସ୍ବନୋ ମହାନ୍।
ନୃତ୍ଯତାଂ ଶ୍ରୂଯତେ ତାତ ଗଣାନାଂ ସୋଽଦ୍ଯ ନ ସ୍ବନଃ॥ 7-85-17 (47921)
ସପ୍ତତନ୍ତୂନ୍ବିତନ୍ବାନା ଯାଜକା ଯମୁପାସତେ।
ସୌମଦତ୍ତିଂ ଶ୍ରୁତନିଧିଂ ତେଷାଂ ନ ଶ୍ରୂଯତେ ଧ୍ବନିଃ॥ 7-85-18 (47922)
ଜ୍ଯାଘୋଷୋ ବ୍ରହ୍ମଘୋଷଶ୍ଚ ତୋମରାସିରଥଧ୍ବନିଃ।
ଦ୍ରୋଣସ୍ଯାସୀଦବିରତୋ ଗୃହେ ତଂ ନ ଶୃଣୋମ୍ଯହମ୍॥ 7-85-19 (47923)
ନାନାଦେଶସମୁତ୍ଥାନାଂ ଗୀତାନାଂ ଯୋଽଭବତ୍ସ୍ବନଃ।
ବାଦିତ୍ରନାଦିତାନାଂ ଚ ସୋଽଦ୍ଯ ନ ଶ୍ରୂଯତେ ମହାନ୍॥ 7-85-20 (47924)
ଯଦାପ୍ରଭୃତ୍ଯୁପପ୍ଲୁବ୍ଯାଚ୍ଛାନ୍ତିମିଚ୍ଛଞ୍ଜନାର୍ଦନଃ।
ଆଗତଃ ସର୍ବଭୂତାନାମନୁକମ୍ପାର୍ଥମଚ୍ଯୁତଃ॥ 7-85-21 (47925)
ତତୋଽହମବ୍ରୁବଂ ସୂତ ମନ୍ଦଂ ଦୁର୍ଯୋଧନଂ ତଦା।
ବାସୁଦେବେନ ତୀର୍ଥେନ ପୁତ୍ର ସଂଶାମ୍ଯ ପାଣ୍ଡବୈଃ॥ 7-85-22 (47926)
କାଲପ୍ରାପ୍ତମହଂ ମନ୍ଯେ ମା ତ୍ବଂ ଦୁର୍ଯୋଧନାତିଗାଃ।
`ସଂଶାମ୍ଯ ଭ୍ରାତୃଭିସ୍ତୈସ୍ତୁ କ୍ଷତ୍ରିଯାନଭିପାଲଯ'॥ 7-85-23 (47927)
ଶମଂ ଚେଦ୍ଯାଚମାନଂ ତ୍ବଂ ପ୍ରତ୍ଯାଖ୍ଯାସ୍ଯସି କେଶବମ୍।
ହିତାର୍ଥମଭିଜଲ୍ପନ୍ତଂ ନ ତବାସ୍ତି ରଣେ ଜଯଃ॥ 7-85-24 (47928)
ପ୍ରତ୍ଯାଚଷ୍ଟ ସ ଦାଶାର୍ହମୃଷଭଂ ସର୍ବଧନ୍ବିନାମ୍।
ଅନୁନେଯାନି ଜଲ୍ପନ୍ତମନଯାନ୍ନାନ୍ବପଦ୍ଯତ॥ 7-85-25 (47929)
`କର୍ଣଦୁଃଶାସନମତଃ ସୌବଲସ୍ଯ ଚ ଦୁର୍ମତେଃ।
ପ୍ରତ୍ଯାଖ୍ଯାତୋ ମହାବାହୁଃକୁଲାନ୍ତକରଣେନ ବୈ'॥ 7-85-26 (47930)
ତତୋ ଦୁଃଶାସନସ୍ଯୈବ କର୍ଣସ୍ଯ ଚ ମତଂ ଦ୍ବଯୋଃ।
ଅନ୍ବବର୍ତତ ମାଂ ହିତ୍ବା କୃଷ୍ଟଃ କାଲେନ ଦୁର୍ମତିଃ॥ 7-85-27 (47931)
ନ ହ୍ଯହଂ ଯୁଦ୍ଧମିଚ୍ଛାମି ବିଦୁରୋ ଦ୍ରୋଣ ଏବ ବା।
ବାହ୍ଲୀକଃ ସୋମଦତ୍ତୋ ବା ଭୀଷ୍ମୋ ଦ୍ରୌଣାଯନିସ୍ତଥା॥ 7-85-28 (47932)
ଶଲୋ ଭୂରିଶ୍ରବାଶ୍ଚୈବ ପୁରୁମିତ୍ରୋ ବିବିଂଶତିଃ।
ଜଯଃ କୃପୋ ବା ଧର୍ମାତ୍ମା ଯେ ଚାନ୍ଯେ ମମ ବାନ୍ଧବାଃ॥ 7-85-29 (47933)
ଏତେଷାଂ ମତମାସ୍ଥାଯ ଯଦି ବତ୍ସ୍ଯତି ପୁତ୍ରକଃ।
ଏତେଭ୍ଯଶ୍ଚ ମଦୂର୍ଧ୍ବଂ ଚ ଅଭୋକ୍ଷ୍ଯଦ୍ବସୁଧାମିମାମ୍॥ 7-85-30 (47934)
ଶ୍ଲକ୍ଷ୍ଣା ମଧୁରସମ୍ଭାଷା ଜ୍ଞାତିମଧ୍ଯେ ପ୍ରିଯଂବଦାଃ।
କୁଲୀନାଃ ସମ୍ମତାଃ ପ୍ରାଜ୍ଞାଃ ସୁଖଂ ଜୀବନ୍ତି ମାନବାଃ। 7-85-31 (47935)
ଧର୍ମାପେକ୍ଷୀ ନରୋ ନିତ୍ଯଂ ସର୍ବତ୍ର ଲଭତେ ସୁଖମ୍।
ପ୍ରେତ୍ଯଭାବେ ଚ କଲ୍ଯାଣଂ ପ୍ରସାଦଂ ପ୍ରତିପଦ୍ଯତେ॥ 7-85-32 (47936)
ଅର୍ହାସ୍ତେ ପୃଥିବୀଂ ଭୋକ୍ତୁଂ ସମର୍ଥାଃ ସାଧନେଽପି ଚ।
ତେଷାମପି ସମୁଦ୍ରାନ୍ତା ପିତୃପୈତାମହୀ ମହୀ॥ 7-85-33 (47937)
`ନ ଚ ତ୍ବାଽଭିଭବିଷ୍ଯନ୍ତି ହିତ୍ବା ଧର୍ମଂ ପୃଥାତ୍ମଜାଃ।
ନିଯୁଜ୍ଯମାନାଃ ସ୍ଥାସ୍ଯନ୍ତି ପାଣ୍ଡବା ଧର୍ମବର୍ତ୍ମନି॥ 7-85-34 (47938)
ସନ୍ତି ମେ ଜ୍ଞାତଯସ୍ତାତ ଯେଷାଂ ଶ୍ରୋଷ୍ଯନ୍ତି ପାଣ୍ଡବାଃ।
ଶଲ୍ଯସ୍ଯ ସୋମଦତ୍ତସ୍ଯ ଭୀଷ୍ମସ୍ଯ ଚ ମହାତ୍ମନଃ॥ 7-85-35 (47939)
ଦ୍ରୋଣସ୍ଯାଥ ବିକର୍ଣସ୍ଯ ବାହ୍ଲୀକସ୍ଯ କୃପସ୍ଯ ଚ।
ଅନ୍ଯେଷାଂ ଚୈବ ବୃଦ୍ଧାନାଂ ଭରତାନାଂ ମହାତ୍ମନାମ୍।
ତ୍ବଦର୍ଥମବ୍ରବଂ ତାତ ନ ଜହୁର୍ବଚନାନି ତେ॥ 7-85-36 (47940)
କଂ ବା ତ୍ବଂ ମନ୍ଯସେ ତେଷାଂ ଯସ୍ତ୍ବାଂ ବ୍ରୂଯାଦତୋଽନ୍ଯଥା।
କୃଷ୍ଣୋ ନ ଧର୍ମଂ ସଞ୍ଜହ୍ଯାତ୍ସର୍ବେ ତେ ହି ତଦନ୍ବଯାଃ॥ 7-85-37 (47941)
ମଯାଽପି ଚୋକ୍ତାସ୍ତେ ବୀରା ବଚନଂ ଧର୍ମସଂହିତମ୍।
ନାନ୍ଯଥା ପ୍ରକରିଷ୍ଯନ୍ତି ଧର୍ମାତ୍ମାନୋ ହି ପାଣ୍ଡବାଃ॥ 7-85-38 (47942)
ଇତ୍ଯହଂ ବିଲପନ୍ସୂତ ବହୁଶଃ ପୁତ୍ରମୁକ୍ତବାନ୍।
ନ ଚ ମେ ଶ୍ରୁତବାନ୍ମୂଢୋ ମନ୍ଯେ କାଲସ୍ଯ ପର୍ଯଯମ୍॥ 7-85-39 (47943)
ବୃକୋଦରାର୍ଜୁନୌ ଯତ୍ର ବୃଷ୍ଣିବୀରଶ୍ଚ ସାତ୍ଯକିଃ।
ଉତ୍ତମୌଜାଶ୍ଚ ପାଞ୍ଚାଲ୍ଯୋ ଯୁଧାମନ୍ଯୁଶ୍ଚ ଦୁର୍ଜଯଃ॥ 7-85-40 (47944)
ଧୃଷ୍ଟଦ୍ଯୁମ୍ନଶ୍ଚ ଦୁର୍ଧର୍ଷଃ ଶିଖଣ୍ଡୀ ଚାପରାଜିତଃ।
ଅଶ୍ମକାଃ କେକଯାଶ୍ଚୈବ କ୍ଷତ୍ରଧର୍ମା ଚ ସୌମକିଃ॥ 7-85-41 (47945)
ଚୈଦ୍ଯଶ୍ଚ ଚେକିତାନଶ୍ଚ ପୁତ୍ରଃ କାଶ୍ଯସ୍ଯ ଚାଭିଭୂଃ।
ଦ୍ରୌପଦେଯା ବିରାଟଶ୍ଚ ଦ୍ରୁପଦଶ୍ଚ ମହାରଥଃ॥ 7-85-42 (47946)
ଯମୌ ଚ ପୁରୁଷବ୍ଯାଘ୍ରୌ ମନ୍ତ୍ରୀ ଚ ମଧୁସୂଦନଃ।
କ ଏତାଞ୍ଜାତୁ ଯୁଧ୍ଯେତ ଲୋକେଽସ୍ମିନ୍ବୈ ଜିଜୀବିଷୁଃ॥ 7-85-43 (47947)
ଦିବ୍ଯମସ୍ତ୍ରଂ ବିକୁର୍ବାଣାନ୍ପ୍ରସହେଦ୍ବା ପରାନ୍ମମ।
ଅନ୍ଯୋ ଦୁର୍ଯୋଧନାତ୍କାର୍ଣାଚ୍ଛକୁନେଶ୍ଚାପି ସୌବଲାତ୍।
ଦୁଃଶାସନଚତୁର୍ଥାନାଂ ନାନ୍ଯଂ ପଶ୍ଯାମି ପଞ୍ଚମମ୍॥ 7-85-44 (47948)
ଯେଷାଂ ବଚନକୃତ୍ସ ସ୍ଯାଦ୍ବିଷ୍ବକ୍ସେନୋ ରଥେ ସ୍ଥିତଃ।
ସନ୍ନଦ୍ଧଶ୍ଚାର୍ଜୁନୋ ଯୋଦ୍ଧା ତେଷାଂ ନାସ୍ତି ପରାଜଯଃ॥ 7-85-45 (47949)
ତଥା ମମ ବିଲାପାନାଂ ନାଯଂ ଦୁର୍ଯୋଧନଃ ସ୍ମରେତ୍।
ହତୌ ହି ପୁରୁଷବ୍ଯାଘ୍ରୌ ଭୀଷ୍ମଦ୍ରୋଣୌ ତ୍ବମାତ୍ଥ ବୈ॥ 7-85-46 (47950)
ତେଷାଂ ବିଦୁରବାକ୍ଯାନାମୁକ୍ତାନାଂ ଦୀର୍ଘଦର୍ଶନାତ୍।
ଦୃଷ୍ଟ୍ବେମାଂ ଫଲନିର୍ବୃତ୍ତିଂ ମନ୍ଯେ ଶୋଚନ୍ତି ପୁତ୍ରକାଃ॥ 7-85-47 (47951)
ସେନାଂ ଦୃଷ୍ଟ୍ବାଽଭିଭୂତାଂ ମେ ଶୈନେଯେନାର୍ଜୁନେନ ଚ।
ଶୂନ୍ଯାନ୍ଦୃଷ୍ଟ୍ବା ରଥୋପସ୍ଥାନ୍ମନ୍ଯେ ଶୋଚନ୍ତି ପୁତ୍ରକାଃ॥ 7-85-48 (47952)
ହିମାତ୍ଯଯେ ଯଥା କକ୍ଷଂ ଶୁଷ୍କଂ ବାତେରିତୋ ମହାନ୍।
ଅଗ୍ନିର୍ଦହେତ୍ତଥା ସେନାଂ ମାମିକାଂ ସ ଧନଞ୍ଜଯଃ॥ 7-85-49 (47953)
ଆଚକ୍ଷ୍ବ ମମ ତତ୍ସର୍ବଂ କୁଶଲୋ ହ୍ଯସି ସଞ୍ଜଯ।
ଯଦୋପଯାତାଃ ସାଯାହ୍ନେ କୃତ୍ବା ପାର୍ଥସ୍ଯ କିଲ୍ବିଷଂ॥ 7-85-50 (47954)
ଅଭିମନ୍ଯୌ ହତେ ତାତ କଥମାସୀନ୍ମନୋ ହି ବଃ॥ 7-85-51 (47955)
ନ ଜାତୁ ତସ୍ଯ କର୍ମାଣି ଯୁଧି ଗାଣ୍ଡୀବଧନ୍ବନଃ।
ଅପକୃତ୍ଯ ମହତ୍ତାତ ସୋଢୁଂ ଶକ୍ଷ୍ଯନ୍ତି ମାମକାଃ॥ 7-85-52 (47956)
କିନ୍ନୁଃ ଦୁର୍ଯୋଧନଃ କୃତ୍ଯଂ କର୍ଣଃ କୃତ୍ଯଂ କିମବ୍ରବୀତ୍।
ଦୁଃଶାସନଃ ସୌବଲଶ୍ଚ ତେଷାମେବଂ ଗତେ ସତି॥ 7-85-53 (47957)
ସର୍ବେଷାଂ ସମବେତାନାଂ ପୁତ୍ରାଣାଂ ମମ ସଞ୍ଜଯ।
ଯଦ୍ବୃତ୍ତଂ ତାତ ସଙ୍ଗ୍ରାମେ ମନ୍ଦସ୍ଯାପନଯୈର୍ଭୃଶମ୍॥ 7-85-54 (47958)
ଲୋଭାନୁଗସ୍ଯ ଦୁର୍ବୁଦ୍ଧେଃ କ୍ରୋଧେନ ବିକୃତାତ୍ମନଃ।
ରାଜ୍ଯକାମସ୍ଯ ମୂଢସ୍ଯ ରାଗୋପହତଚେତସଃ।
ଦୁର୍ନୀତଂ ବା ସୁନୀତଂ ବା ତନ୍ମମାଚକ୍ଷ୍ବ ସଞ୍ଜଯ॥ ॥ 7-85-55 (47959)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ପଞ୍ଚାଶୀତିତମୋଽଧ୍ଯାଯଃ॥ 85 ॥
Mahabharata - Drona Parva - Chapter Footnotes
5-85-4 ପୁତ୍ରପରିଦ୍ଯୂନଂ ପୁତ୍ରବଧଦୁଃଖିତମ୍॥ 5-85-13 ସ୍ବପକ୍ଷସ୍ଥାପନହୀନଃ ପ୍ରତିପକ୍ଷେ ପ୍ରତିକ୍ଷେପୋ ବିତଣ୍ଡା। ଅଲାପୋ ଭାଷଣମ୍। ସଂଲାପୋ ମେଥୋ ଭାଷଣମ୍॥ 5-85-17 ଗଣାନାଂ ସଙ୍ଘାନାମ୍॥ 5-85-22 ତୀର୍ଥେନ ନିଦାନେନ ଉପାଯେନ ବା॥ 5-85-23 କାଲପ୍ରାପ୍ତଂ ସମଯୋଚିତମ୍॥ 5-85-25 ଅନୁନେଯନି ଅନୁକୂଲାନି॥ 5-85-31 ଶ୍ଲକ୍ଷ୍ଣ ଋଜବଃ॥ 5-85-33 ସାଧନେ ସ୍ବୀକରଣେ॥ 5-85-44 ଦିବ୍ଯମସ୍ତ୍ରଂ ବିକୁର୍ବାଣାଃ ସଂହରେଯୁରରିଂଦମାଃ ଇତି କ.ଟ.ପାଠଃ॥ 5-85-47 ଦୀର୍ଘଦର୍ଶନାଦନାଗତାନୁସନ୍ଧାନାତ୍॥ 5-85-52 ମହଦତ୍ଯର୍ଥମ୍॥ 5-85-53 ତେଷାଂ ମଧ୍ଯେ॥ 5-85-55 ରାଗୋ ମାତ୍ସର୍ଥଂ ରାଗସ୍ତୁ ମାତ୍ସର୍ଯେ ଇତି ମେଦିନୀ॥ 5-85-85 ପଞ୍ଚାଶୀତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 086
॥ ଶ୍ରୀଃ ॥
7.86. ଅଧ୍ଯାଯଃ 086
Mahabharata - Drona Parva - Chapter Topics
ସଞ୍ଜଯେନ ଧୃତରାଷ୍ଟ୍ରୋପାଲମ୍ଭପୂର୍ବକଂ ଯୁଦ୍ଧକଥନୋପକ୍ରମଃ॥ 1 ॥Mahabharata - Drona Parva - Chapter Text
7-86-0 (47960)
ସଞ୍ଜଯ ଉବାଚ। 7-86-0x (4485)
ହନ୍ତ ତେ ସମ୍ପ୍ରବକ୍ଷ୍ଯାମି ସର୍ବଂ ପ୍ରତ୍ଯକ୍ଷଦର୍ଶିବାନ୍।
ଶୁଶ୍ରୂଷସ୍ବ ସ୍ଥିରୋ ଭୂତ୍ବା ତବ ହ୍ଯପନଯୋ ମହାନ୍॥ 7-86-1 (47961)
ଗତୋଦକେ ସେତୁବନ୍ଧୋ ଯାଦୃକ୍ତାଦୃଗଯଂ ତବ।
ବିଲାପୋ ନିଷ୍ଫଲୋ ରାଜନ୍ମା ଶୁଚୋ ଭରତର୍ଷଭ॥ 7-86-2 (47962)
ଅନତିକ୍ରମଣୀଯୋଽଯଂ କୃତାନ୍ତସ୍ଯାଦ୍ଭୁତୋ ବିଧିଃ।
ମା ଶୁଚୋ ଭରତଶ୍ରେଷ୍ଠ ଦିଷ୍ଟମେତତ୍ପୁରାତନମ୍॥ 7-86-3 (47963)
ଯଦି ତ୍ବଂ ହି ପୁରା ଦ୍ଯୂତାତ୍କୁନ୍ତୀପୁତ୍ରଂ ଯୁଧିଷ୍ଠିରମ୍।
ନିବର୍ତଯେଥାଃ ପୁତ୍ରାଂଶ୍ଚ ନ ତ୍ବାଂ ବ୍ଯସନମାବ୍ରଜେତ୍॥ 7-86-4 (47964)
ଯୁଦ୍ଧକାଲେ ପୁନଃ ପ୍ରାପ୍ତେ ତଦୈବ ଭବତା ଯଦି।
ନିବର୍ତିତାଃ ସ୍ଯୁଃ ସଂରବ୍ଧା ନ ତ୍ବାଂ ବ୍ଯସନମାବ୍ରଜେତ୍॥ 7-86-5 (47965)
ଦୁର୍ଯୋଧନଂ ଚାବିଧେଯଂ ବଧ୍ନୀଯାସ୍ତ୍ବଂ ପୁରା ଯଦି।
ଅବେକ୍ଷ୍ଯ କୌରବାନ୍ରାଜନ୍ପ୍ରାପ୍ସ୍ଯସେ ତ୍ବଂ ମହଦ୍ଯଶଃ॥ 7-86-6 (47966)
ତତ୍ତେ ବୁଦ୍ଧିବ୍ଯତୀଚାରମୁପଲପ୍ସ୍ଯନ୍ତି ତଜ୍ଜନାଃ।
ପାଞ୍ଚାଲା ବୃଷ୍ଣଯଃ ସର୍ବେ ଯେ ଚାନ୍ଯେଽପି ନରାଧିପାଃ॥ 7-86-7 (47967)
ସ କୃତ୍ବା ପିତୃକର୍ମ ତ୍ବଂ ପୁତ୍ରଂ ସଂସ୍ଥାପ୍ଯ ସତ୍ପଥେ।
ବର୍ତେଥା ଯଦି ଧର୍ମେଣ ନ ତ୍ବାଂ ବ୍ଯସନମାବ୍ରଜେତ୍॥ 7-86-8 (47968)
ତ୍ବଂ ତୁ ପ୍ରାଜ୍ଞତମୋ ଲୋକେ ହିତ୍ବା ଧର୍ମଂ ସନାତନମ୍।
ଦୁର୍ଯୋଧନସ୍ଯ କର୍ଣସ୍ଯ ଶକୁନେଶ୍ଚାନ୍ବଗା ମତମ୍॥ 7-86-9 (47969)
ତତ୍ତେ ବିଲପିତଂ ସର୍ବଂ ମଯା ରାଜନ୍ନିଶାମିତମ୍।
ଅର୍ଥେ ନିବିଶମାନସ୍ଯ ବିଷମିଶ୍ରଂ ଯଥା ମଧୁ॥ 7-86-10 (47970)
ନ ତଥା ମନ୍ଯତେ କୃଷ୍ଣୋ ନ ଚ ରାଜା ଯୁଧିଷ୍ଠିରଃ।
ନ ଭୀଷ୍ମୋ ନୈବ ଚ ଦ୍ରୋଣୋ ଯଥା ତ୍ବଂ ମନ୍ଯସେ ନୃପ॥ 7-86-11 (47971)
ବ୍ଯଜାନୀତ ଯଦା ତୁ ତ୍ବାଂ ଲୁବ୍ଧଂ ଧର୍ମପ୍ରବାଦିନମ୍।
ତଦାପ୍ରଭୃତି କୃଷ୍ମସ୍ତ୍ବାଂ ନ ତଥା ବହୁମନ୍ଯତେ॥ 7-86-12 (47972)
ପରୁଷାଣ୍ଯୁଚ୍ଯମାନାଂଶ୍ଚ ଯଥା ପାର୍ଥାନୁପେକ୍ଷସେ।
ତସ୍ଯାନୁବନ୍ଧଃ ପ୍ରାପ୍ତସ୍ତ୍ବାଂ ପୁତ୍ରାମାଂ ରାଜ୍ଯକାମୁକ॥ 7-86-13 (47973)
ପିତୃପୈତାମହଂ ରାଜ୍ଯମପାବୃତ୍ତଂ ତ୍ବଯାଽନଘ।
ଅଥ ପାର୍ଥୈର୍ଜିତାଂ କୃତ୍ସ୍ନାଂ ପୃଥିବୀଂ ପ୍ରତ୍ଯପଦ୍ଯଥାଃ॥ 7-86-14 (47974)
ପାଣ୍ଡୁନା ନିର୍ଜିତଂ ରାଜ୍ଯଂ କୌରବାଣାଂ ଯଶସ୍ତଥା।
ଏତଚ୍ଚାପ୍ଯଧିକଂ ଭୂଯଃ ପାଣ୍ଡବୈର୍ଧର୍ମଚାଖିଭିଃ॥ 7-86-15 (47975)
ତେଷାଂ ତତ୍ତାଦୃଶଂ କର୍ମ ତ୍ବାମାସାଦ୍ଯ ସୁନିଷ୍ଫଲମ୍।
ଯତ୍ପିତ୍ର୍ଯାଦ୍ଧଂଶିତା ରାଜ୍ଯାତ୍ତ୍ବଯେହାମିଷଗୃଦ୍ଧିନା॥ 7-86-16 (47976)
ଯତ୍ପୁନର୍ଯୁଦ୍ଧକାଲେ ତ୍ବଂ ପୁତ୍ରାନ୍ଗର୍ହଯସେ ନୃପ।
ବହୁଧା ବ୍ଯାହରନ୍ଦୋଷାନ୍ନ ତଦଦ୍ଯୋପପଦ୍ଯତେ॥ 7-86-17 (47977)
ନ ହି ରକ୍ଷନ୍ତି ରାଜାନୋ ଯୁଧ୍ଯନ୍ତୋ ଜୀବିତଂ ରଣେ।
ଚମୂଂ ବିଗାହ୍ଯ ପାର୍ଥାନାଂ ଯୁଧ୍ଯନ୍ତେ କ୍ଷତ୍ରିଯର୍ଷଭାଃ॥ 7-86-18 (47978)
ଯାଂ ତୁ କୃଷ୍ଣାର୍ଜୁନୌ ସେନାଂ ଯାଂ ସାତ୍ଯକିବୃକୋଦରୌ।
ରକ୍ଷେରନ୍କୋ ନୁ ତାଂ ଯୁଧ୍ଯେଚ୍ଚମୂମନ୍ଯତ୍ର କୌରବାତ୍॥ 7-86-19 (47979)
ଯେଷାଂ ଯୋଦ୍ଧା ଗୁଡାକେଶୋ ଯେଷାଂ ମନ୍ତ୍ରୀ ଜନାର୍ଦନଃ।
ଯେଷାଂ ଚ ସାତ୍ଯକିର୍ଯୋଦ୍ଧା ଯେଷାଂ ଯୋଦ୍ଧା ବୃକୋଦରଃ॥ 7-86-20 (47980)
କୋ ହି ତାନ୍ବିଷହେଦ୍ଯୋଦ୍ଧୁଂ ମର୍ତ୍ଯଧର୍ମା ଧନୁର୍ଧରଃ।
ଅନ୍ଯତ୍ର କୌରବେଯେଭ୍ଯୋ ଯେ ବା ତେଷାଂ ପଦାନୁଗାଃ॥ 7-86-21 (47981)
ଯାବତ୍ତୁ ଶକ୍ଯତେ କର୍ତୁମନ୍ତରଜ୍ଞୈର୍ଜନାଧିପୈଃ।
କ୍ଷତ୍ରଧର୍ମରତୈଃ ଶୂରୈସ୍ତାବତ୍କୁର୍ବନ୍ତି କୌରବାଃ॥ 7-86-22 (47982)
ଯଥା ତୁ ପୁରୁଷବ୍ଯାଘ୍ରୈର୍ଯୁଦ୍ଧଂ ପରମସଙ୍କଟମ୍।
କୁରୂଣାଂ ପାଣ୍ଡବୈଃ ସାର୍ଧଂ ତତ୍ସର୍ବଂ ଶୃଣୁ ତତ୍ତ୍ବତଃ॥ ॥ 7-86-23 (47983)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଷ଼ଡଶୀତିତମୋଽଧ୍ଯାଯଃ॥ 86 ॥
Mahabharata - Drona Parva - Chapter Footnotes
5-86-17 ତେ ତବ ବୁଦ୍ଧେର୍ବ୍ଯତିଚାରଂ ବୈଷମ୍ଯମୁପଲପ୍ସ୍ଯନ୍ତ୍ଯନୁଭବିଷ୍ଯନ୍ତି॥ 5-86-13 ଅର୍ଥେ ନିବିଶମାନାନାଂ ଯଥା ପାର୍ଥାନୁପେକ୍ଷସେ ଇତି କ.ଟ. ପାଠଃ॥ 5-86-22 ଅନ୍ତରଜ୍ଞୈରବସରବେଦିଭିଃ॥ 5-86-86 ଷଡଶୀତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 087
॥ ଶ୍ରୀଃ ॥
7.87. ଅଧ୍ଯାଯଃ 087
Mahabharata - Drona Parva - Chapter Topics
ଦ୍ରୋଣେନ ଶକଟବ୍ଯୂହନିର୍ମାଣମ୍॥ 1 ॥Mahabharata - Drona Parva - Chapter Text
7-87-0 (47984)
ସଞ୍ଜଯ ଉବାଚ। 7-87-0x (4486)
ତସ୍ଯାଂ ନିଶାଯାଂ ବ୍ଯୁଷ୍ଟାଯାଂ ଦ୍ରୋଣଃ ଶସ୍ତ୍ରଭୃତାଂ ବରଃ।
ସ୍ବାନ୍ଯନୀକାନି ସର୍ବାଣି ପ୍ରାକ୍ରାମଦ୍ବ୍ଯୂହିତୁଂ ତତଃ॥ 7-87-1 (47985)
ଶୂରାଣାଂ ଗର୍ଜତାଂ ରାଜନ୍ସଙ୍କ୍ରୁଦ୍ଧାନାମମର୍ଷିଣାମ୍।
ଶ୍ରୂଯନ୍ତେ ସ୍ମ ଗିରଶ୍ଚିତ୍ରାଃ ପରସ୍ପରବଧୈଷିଣାମ୍॥ 7-87-2 (47986)
ବିଷ୍ଫାର୍ଯ ଚ ଧନୂଂଷ୍ଯନ୍ଯେ ଜ୍ଯାଃ ପରେ ପରିମୃଜ୍ଯ ଚ।
ବିନିଃଶ୍ବସନ୍ତଃ ପ୍ରାକ୍ରୋଶନ୍କ୍ବେଦାନୀଂ ସ ଧନଞ୍ଜଯଃ॥ 7-87-3 (47987)
ବିକୋଶାନ୍ସୁତ୍ସରୂନନ୍ଯେ କୃତଧାରାନ୍ସମାହିତାନ୍।
ପୀତାନାକାଶସଙ୍କାଶାନସୀନ୍କେଚିଚ୍ଚ ଚିକ୍ଷିପୁଃ॥ 7-87-4 (47988)
ଚରନ୍ତସ୍ତ୍ବସିମାର୍ଗାଂଶ୍ଚ ଧନୁର୍ମାର୍ଗାଂଶ୍ଚ ଶିକ୍ଷିତାଃ।
ସଙ୍ଗ୍ରାମମନସଃ ଶୂରା ଦୃଶ୍ଯନ୍ତେ ସ୍ମ ସହସ୍ରଶଃ॥ 7-87-5 (47989)
ସଘଣ୍ଟାଶ୍ଚନ୍ଦନାଦିଗ୍ଧାଃ ସ୍ବର୍ଣବଜ୍ରବିଭୂଷିତାଃ।
ସମୁତ୍କ୍ଷିପ୍ଯ ଗଦାଶ୍ଚାନ୍ଯେ ପର୍ଯପୃଚ୍ଛନ୍ତ ପାଣ୍ଡବମ୍। 7-87-6 (47990)
ଅନ୍ଯେ ବଲମଦୋନ୍ମତ୍ତାଃ ପରିଘୈର୍ବାହୁଶାଲିନଃ।
ଚକ୍ରୁଃ ସମ୍ବାଧମାକାଶମୁଚ୍ଛ୍ରିତେନ୍ଦ୍ରଧ୍ବଜୋପମୈଃ॥ 7-87-7 (47991)
ନାନାପ୍ରହରଣୈଶ୍ଚାନ୍ଯେ ବିଚିତ୍ରସ୍ରଗଲଙ୍କୃତାଃ।
ସଙ୍ଗ୍ରାମମନସଃ ଶୂରାସ୍ତତ୍ରତତ୍ର ବ୍ଯବସ୍ଥିତାଃ॥ 7-87-8 (47992)
କ୍ବାର୍ଜୁନଃ କ୍ବ ସ ଗୋବିନ୍ଦଃ କ୍ବ ଚ ମାନୀ ବୃକୋଦରଃ।
କ୍ବ ଚ ତେ ସୁହୃଦସ୍ତେଷାମାହ୍ବଯନ୍ତେ ରଣେ ତଦା॥ 7-87-9 (47993)
ତତଃ ଶଙ୍ଖମୁପାଧ୍ମାଯ ତ୍ବରଯନ୍ବାଜିନଃ ସ୍ବଯମ୍।
ଇତସ୍ତତସ୍ତାନ୍ରଚଯନ୍ଦ୍ରୋଣଶ୍ଚରତି ବେଗିତଃ॥ 7-87-10 (47994)
ତେଷ୍ବନୀକେଷୁ ସର୍ବେଷୁ ସ୍ଥିତେଷ୍ବାହବନନ୍ଦିଷୁ।
ଭାରଦ୍ବାଜୋ ମହାରାଜ ଜଯଦ୍ରଥମଥାବ୍ରବୀତ୍॥ 7-87-11 (47995)
ତ୍ବଂ ଚୈବ ସୌମଦତ୍ତିଶ୍ଚ କର୍ଣଶ୍ଚୈବ ମହାରଥଃ।
ଅଶ୍ବତ୍ଥାମା ଚ ଶଲ୍ଯଶ୍ଚ ବୃଷସେନଃ କୃପସ୍ତଥା॥ 7-87-12 (47996)
ଶତଂ ଚାଶ୍ବସହସ୍ରାଣାଂ ରଥାନାମଯୁତାନି ଷଟ୍।
ଦ୍ବିରଦାନାଂ ପ୍ରଭିନ୍ନାନାଂ ସହସ୍ରାଣି ଚତୁର୍ଦଶ॥ 7-87-13 (47997)
ପଦାତୀନାଂ ସହସ୍ରାଣି ଦଂଶିତାନ୍ଯେକବିଂଶତିଃ।
ଗବ୍ଯୂତିଷୁ ତ୍ରିମାତ୍ରାସୁ ମାମନାସାଦ୍ଯ ତିଷ୍ଠତ॥ 7-87-14 (47998)
ତତ୍ରସ୍ଥଂ ତ୍ବାଂ ନ ସଂସୋଢୁଂ ଶକ୍ତା ଦେବାଃ ସବାସବାଃ।
କିଂ ପୁନଃ ପାଣ୍ଡବାଃ ସର୍ବେ ସମାଶ୍ବସିହି ସୈନ୍ଧବ॥ 7-87-15 (47999)
ସଞ୍ଜଯ ଉବାଚ। 7-87-16x (4487)
ଏବମୁକ୍ତଃ ସମାଶ୍ବସ୍ତଃ ସିନ୍ଧୁରାଜୋ ଜଯଦ୍ରଥଃ।
ସମ୍ପ୍ରାଯାତ୍ସହଗାନ୍ଧାରୈର୍ବୃତସ୍ତୈଶ୍ଚ ମହାରଥୈଃ।
ବର୍ମିଭିଃ ସାଦିଭିର୍ଯତ୍ତୈଃ ପ୍ରାସପାଣିହଯସ୍ଥିତୈଃ॥ 7-87-16 (48000)
ଚାମରାପୀଡିନଃ ସର୍ବେ ଜାମ୍ବୂନଦବିଭୂଷିତାଃ।
ଜଯଦ୍ରଥସ୍ଯ ରାଜେନ୍ଦ୍ର ହଯାଃ ସାଧୁପ୍ରବାହିନଃ॥ 7-87-17 (48001)
ତେ ଚୈକସପ୍ତସାହସ୍ରାସ୍ତ୍ରିସାହସ୍ରାଶ୍ଚ ସୈନ୍ଧବାଃ॥ 7-87-18 (48002)
ମତ୍ତାନାଂ ସୁବିରୂଢାନାଂ ହସ୍ତ୍ଯାରୋହୈର୍ବିଶାରଦୈଃ।
ହସ୍ତିନାଂ ଭୀମରୂପାଣାଂ ବର୍ମିଣାଂ ରୌଦ୍ରକର୍ମିଣାମ୍॥ 7-87-19 (48003)
ଅଧ୍ଯର୍ଧେନ ସହସ୍ରେଣ ପୁତ୍ରୋ ଦୁର୍ମର୍ଷଣସ୍ତବ।
ଅଗ୍ରତଃ ସର୍ବସୈନ୍ଯାନାଂ ଯୋତ୍ସ୍ଯମାନୋ ବ୍ଯବସ୍ଥିତଃ॥ 7-87-20 (48004)
ତତୋ ଦୁଃଶାସନଶ୍ଚୈବ ବିକର୍ଣଶ୍ଚ ତବାତ୍ମଜୌ।
ସିନ୍ଧୁରାଜାର୍ଥସିଦ୍ଧ୍ଯର୍ଥମଗ୍ରାନୀକେ ବ୍ଯବସ୍ଥିତୌ॥ 7-87-21 (48005)
ଦୀର୍ଘୋ ଦ୍ବାଦଶଗବ୍ଯୂତିଃ ପଶ୍ଚାର୍ଧେ ପଞ୍ଚବିସ୍ତୃତଃ।
ବ୍ଯୂହସ୍ତୁ ଚକ୍ରଶକଟୋ ଭାରଦ୍ବାଜେନ ନିର୍ମିତଃ॥ 7-87-22 (48006)
ନାନାନୃପତିଭିର୍ବୀରୈସ୍ତତ୍ରତତ୍ର ବ୍ଯବସ୍ଥିତୈଃ।
ରଥାଶ୍ବଗଜପତ୍ତ୍ଯୋଘୈର୍ଦ୍ରୋଣେନ ବିହିତଃ ସ୍ବଯମ୍॥ 7-87-23 (48007)
ପଶ୍ଚାର୍ଧେ ତସ୍ଯ ପଦ୍ମସ୍ତୁ ଗର୍ଭବ୍ଯୂହଃ ପୁନଃ କୃତଃ।
ସୂଚୀପଦ୍ମସ୍ଯ ଗର୍ଭସ୍ଥୋ ଗୂଢୋ ବ୍ଯୂହଃ କୃତଃ ପୁନଃ॥ 7-87-24 (48008)
ଏବମେତଂ ମହାବ୍ଯୂହଂ ବ୍ଯୂହ୍ଯ ଦ୍ରୋଣୋ ବ୍ଯବସ୍ଥିତଃ।
ସୂଚୀମୁଖେ ମହେଷ୍ବାସଃ କୃତବର୍ମା ବ୍ଯବସ୍ଥିତଃ॥ 7-87-25 (48009)
ଅନନ୍ତରଂ ଚ କାମ୍ଭୋଜୋ ଜଲସନ୍ଧଶ୍ଚ ମାରିଷ।
ଦୁର୍ଯୋଧନଶ୍ଚ କର୍ଣଶ୍ଚ ତଦନନ୍ତରମେବ ଚ॥ 7-87-26 (48010)
ତତଃ ଶତସହସ୍ରାଣି ଯୋଦାନାନମନିବର୍ତିନାମ୍।
ବ୍ଯବସ୍ଥିତାନି ସର୍ବାଣି ଶକଟେ ମୁଖରକ୍ଷିଣାମ୍॥ 7-87-27 (48011)
ତେଷାଂ ଚ ପୃଷ୍ଠତୋ ରାଜା ବଲେନ ମହତା ବୃତଃ।
ଜଯଦ୍ରଥସ୍ତତୋ ରାଜା ସୂଚୀପାର୍ଶ୍ବେ ବ୍ଯବସ୍ଥିତଃ॥ 7-87-28 (48012)
ଶକଟସ୍ଯ ତୁ ରାଜେନ୍ଦ୍ର ଭାରଦ୍ବାଜୋ ମୁଖେ ସ୍ଥିତଃ।
ନାତ୍ର ତସ୍ଯାଭବଦ୍ଭୋଦୋ ଜୁଗୋପୈନଂ ତତଃ ସ୍ବଯମ୍॥ 7-87-29 (48013)
ଶ୍ବେତବର୍ମାମ୍ବରୋଷ୍ଣୀଷୋ ବ୍ଯୂଢୋରସ୍କୋ ମହାଭୁଜଃ।
ଧନୁର୍ବିସ୍ଫାରଯନ୍ଦ୍ରୋଣସ୍ତସ୍ଥୌ କ୍ରୁଦ୍ଧ ଇବାନ୍ତକଃ।
`ତସ୍ଯ ସୈନ୍ଯସ୍ଯ ସର୍ବସ୍ଯ ନେତା ଗୋପ୍ତା ଚ ବୀର୍ଯବାନ୍'॥ 7-87-30 (48014)
ତାକିନଂ ଶୋଣହଯଂ ବେଦୀକୃଷ୍ଣାଜିନଧ୍ବଜମ୍।
ଦ୍ରୋଣସ୍ଯ ରଥମାଲୋକ୍ଯ ପ୍ରହୃଷ୍ଟାଃ କୁରବୋଽଭବନ୍॥ 7-87-31 (48015)
ସିଦ୍ଧଚାରଣସଙ୍ଘାନାଂ ବିସ୍ମଯଃ ସୁମହାନଭୂତ୍।
ଦ୍ରୋଣେନ ବିହିତଂ ଦୃଷ୍ଟ୍ବା ବ୍ଯୂହଂ କ୍ଷୁବ୍ଧାର୍ଣବୋପମମ୍॥ 7-87-32 (48016)
ସଶୈଲସାଗରବନାଂ ନାନାଜନପଦାକୁଲାମ୍।
ଗ୍ରସେଦ୍ବ୍ଯୂହଃ କ୍ଷିତିଂ ସର୍ବାମିତି ଭୂତାନି ମେନିରେ॥ 7-87-33 (48017)
ବହୁରଥମନୁଜାଶ୍ବପତ୍ତିନାଗଂ
ପ୍ରତିଭଯନିଃସ୍ବନମଦ୍ଭୁତାନୁରୂପମ୍।
ଅହିତହୃଦଯଭେଦନଂ ମହଦ୍ବୈ
ଶକଟମବେକ୍ଷ୍ଯ କୃତଂ ନନନ୍ଦ ରାଜା॥ ॥ 7-87-34 (48018)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିସଯୁଦ୍ଧେ ସପ୍ତାଶୀତିତମୋଽଧ୍ଯାଯଃ॥ 87 ॥
Mahabharata - Drona Parva - Chapter Footnotes
5-87-4 ପୀତାନ୍ ପାଯିତୋଦକାନ୍॥ 5-87-9 କ୍ବଚେତି ଚକାର ଇତ୍ଯର୍ଥେ। ଇତ୍ଯାହ୍ବଯନ୍ତ ଇତ୍ଯନ୍ବଯଃ॥ 5-87-14 ତ୍ରିମାତ୍ରାସୁ ତ୍ରିସଖ୍ଯାସୁ ତିସୃଷ୍ବିତ୍ଯର୍ଥଃ॥ 5-87-22 ପଶ୍ଚାର୍ଧେ ପଶ୍ଚାଦ୍ଭାଗେ ପଞ୍ଚଗବ୍ଯୂତିଃ। ଚକ୍ରଶକଟଃ ଚକ୍ରଗର୍ଭଃ ଶକଟଃ॥ 5-87-34 ଅଦ୍ଭୁତାନୁରୂପମାଶ୍ଚର୍ଯରୂପଂ ଏତତ୍ସମଯଯୋଗ୍ଯଂ ଚ॥ 5-87-87 ସପ୍ତାଶୀତିତମୋଽଧ୍ଯାଯଃ॥ 87 ॥ଦ୍ରୋଣପର୍ବ - ଅଧ୍ଯାଯ 088
॥ ଶ୍ରୀଃ ॥
7.88. ଅଧ୍ଯାଯଃ 088
Mahabharata - Drona Parva - Chapter Topics
ଅର୍ଜୁନସ୍ଯ ରଣାଙ୍ଗଣପ୍ରବେଶଃ॥ 1 ॥Mahabharata - Drona Parva - Chapter Text
7-88-0 (48019)
ସଞ୍ଜଯ ଉବାଚ। 7-88-0x (4488)
ବ୍ଯୂଢେଷୁ ତବ ସୈନ୍ଯେଷୁ ସମୁତ୍କ୍ରୁଷ୍ଟେଷୁ ମାରିଷ।
ତାଡ୍ଯମାନାସୁ ଭେରୀଷୁ ମୃଦଙ୍ଗେଷ୍ବାନକେଷୁ ଚ॥ 7-88-1 (48020)
ଅନୀକାନାଂ ଚ ସଂହ୍ରାଦେ ବାଦିତ୍ରାଣାଂ ଚ ନିଃସ୍ବନେ।
ପ୍ରଧ୍ମାପିତେଷୁ ଶଙ୍ଖେଷୁ ସନ୍ନାଦେ ରୋମହର୍ଷଣେ॥ 7-88-2 (48021)
ପ୍ରଗୃହୀତେଷୁ ଶସ୍ତ୍ରେଷୁ ଭାରତେଷୁ ଯୁଯୁତ୍ସୁଷୁ।
ରୌଦ୍ରେ ମୁହୂର୍ତେ ସମ୍ପ୍ରାପ୍ତେ ସବ୍ଯସାଚୀ ବ୍ଯଦୃଶ୍ଯତ॥ 7-88-3 (48022)
ବଲାନାଂ ବାଯସାନାଂ ଚ ପୁରସ୍ତାତ୍ସବ୍ଯସାଚିନଃ।
ପିଶିତାସୃଗ୍ଭୁଜାଂ ସଙ୍ଘାଃ ପ୍ରଲୀଯନ୍ତେ ସହସ୍ରଶଃ॥ 7-88-4 (48023)
ମୃଗାଶ୍ଚ ଘୋରସନ୍ନାଦଃ ଶିବାଶ୍ଚାଶିବଦର୍ଶନାଃ॥
ଦକ୍ଷିଣେନ ପ୍ରଯାତାନାମସ୍ମାକଂ ନେଦୁରଧ୍ବନି॥ 7-88-5 (48024)
`ଲୋକକ୍ଷଯେ ମହାରାଜ ଯାଦୃଶାସ୍ତାଦୃଶା ହି ତେ।
ଅଶିବା ଧାର୍ତରାଷ୍ଟ୍ରାଣାଂ ଶିବାଃ ପାର୍ଥସ୍ଯ ସଂଯୁଗେ'॥ 7-88-6 (48025)
ସନିର୍ଘାତା ଜ୍ବଲନ୍ତ୍ଯଶ୍ଚ ପେତୁରୁଲ୍କାଃ ସହସ୍ରଶଃ।
ଚଚାଲ ଚ ମହୀ କୃତ୍ସ୍ନା ଭଯେ ଘୋରେ ସମୁତ୍ଥିତେ॥ 7-88-7 (48026)
ବିଷ୍ବଗ୍ବାତାଃ ସନୀହାରା ରୂକ୍ଷାଃ ଶର୍କରକର୍ଷିଣଃ।
ବବୁରାଯାତି କୌନ୍ତେଯେ ସଙ୍ଗ୍ରାମେ ସମୁପସ୍ଥିତେ॥ 7-88-8 (48027)
ନାକୁଲିଶ୍ଚ ଶତାନୀକୋ ଧୃଷ୍ଟଦ୍ଯୁମ୍ନଶ୍ଚ ପାର୍ଷତଃ।
ପାଣ୍ଡବାନାମନୀକାନି ପ୍ରାଜ୍ଞୌ ତୌ ବ୍ଯୂହତୁସ୍ତଦା॥ 7-88-9 (48028)
ତତୋ ରଥସହସ୍ରେଣ ଦ୍ବିରଦାନାଂ ଶତେନ ଚ।
ତ୍ରିଭିରଶ୍ବସହସ୍ରୈଶ୍ଚ ପଦାତୀନାଂ ଶତୈଃ ଶତୈଃ॥ 7-88-10 (48029)
ଅଧ୍ଯର୍ଧମାତ୍ରେ ଧନୁଷାଂ ସହସ୍ରେ ତନଯସ୍ତବ।
ଅଗ୍ରତଃ ସର୍ବସୈନ୍ଯାନାଂ ସ୍ଥିତ୍ବା ଦୁର୍ମର୍ଷଣୋଽବ୍ରବୀତ୍॥ 7-88-11 (48030)
ଅଦ୍ଯ ଗାଣ୍ଡୀବଧନ୍ବାନଂ ତପନ୍ତଂ ଯୁଦ୍ଧଦୁର୍ମଦମ୍।
ଅହମାବାରଯିଷ୍ଯାମି ବେଲେବ ମକରାଲଯମ୍॥ 7-88-12 (48031)
ଅଦ୍ଯ ପଶ୍ଯନ୍ତୁ ସଙ୍ଗ୍ରାମେ ଧନଞ୍ଜଯମମର୍ଷଣମ୍।
ବିଷକ୍ତଂ ମଯି ଦୁର୍ଧର୍ଷଂ ଭିନ୍ନଂ କୁମ୍ଭମିବାଶ୍ମନି॥ 7-88-13 (48032)
ତିଷ୍ଠଧ୍ବଂ ରଥିନୋ ଯୂଯଂ ସଙ୍ଗ୍ରାମମଭିକାଙ୍କ୍ଷିଣଃ।
ଯୁଧ୍ଯାମି ସଂହତାନେତାନ୍ଯଶୋ ମାନଂ ଚ ବର୍ଧଯନ୍॥ 7-88-14 (48033)
ଏବଂ ବ୍ରୁବନ୍ମହାରାଜ ମହାତ୍ମା ସ ମହୀପତିଃ।
ମହେଷ୍ବାସୈର୍ବୃତୋ ରାଜନ୍ମହେଷ୍ବାସୋ ବ୍ଯବସ୍ଥିତଃ॥ 7-88-15 (48034)
ତତୋଽର୍ଜୁନୋ ମହାରାଜ ମହାତ୍ମା ମହତାଂ ପତିଃ।
ମହାରଥସମାଖ୍ଯାତୋ ମହେଷ୍ବାସୋ ବ୍ଯବସ୍ଥିତଃ॥ 7-88-16 (48035)
କକ୍ଷାଗ୍ନିରିବ ଦୁଃସ୍ପର୍ଶଃ ସବଜ୍ର ଇବ ବାସବଃ।
ଦଣ୍ଡପାଣିରିବାସହ୍ଯୋ ମୃତ୍ଯୁଃ କାଲେନ ଚୋଦିତଃ॥ 7-88-17 (48036)
ଶୂଲପାଣିରିବାକ୍ଷୋଭ୍ଯୋ ବରୁଣଃ ପାଶବାନିବ।
ଯୁଗାନ୍ତାଗ୍ନିରିବାର୍ଚିଷ୍ମାନ୍ଦିଧକ୍ଷୁଃ ସ୍ଥାସ୍ନୁଜଙ୍ଗମମ୍॥ 7-88-18 (48037)
କ୍ରୋଧାମର୍ଷବଲୋଦ୍ଧୂତୋ ନିବାତକବଚାନ୍ତକଃ।
ଯୁଦ୍ଧେ ଜେତା ସ୍ଥିତଃ ସତ୍ଯେ ପାରଯିଷ୍ଯନ୍ମହାବ୍ରତମ୍॥ 7-88-19 (48038)
ଆମୁକ୍ତକବଚଃ ଖଙ୍ଗୀ ଜାମ୍ବୂନଦକିରୀଟଭୃତ୍।
ଶୁଭ୍ରମାଲ୍ଯାମ୍ବରଧରଃ ସ୍ବଙ୍ଗଦଶ୍ଚାରୁକୁଣ଼୍ଡଲଃ॥ 7-88-20 (48039)
ରଥପ୍ରବରମାସ୍ଥାଯ ନରୋ ନାରାଯଣାନୁଗଃ।
ବିଧୁନ୍ବନ୍ଗାଣ୍ଡିବଂ ସଙ୍ଖ୍ଯେ ବଭୌ ସୂର୍ଯ ଇବୋଦିତଃ॥ 7-88-21 (48040)
ଅଗ୍ରାନୀକସ୍ଯ ସୋଽଧ୍ଯର୍ଧ ଇଷୁପାତେ ଧନଞ୍ଜଯଃ।
ବ୍ଯବସ୍ଥାପ୍ଯ ରଥଂ ରାଜଞ୍ଶଙ୍ଖଂ ଦଧ୍ମୌ ପ୍ରତାପବାନ୍॥ 7-88-22 (48041)
ଅଥ କୃଷ୍ଣୋଽପ୍ଯସମ୍ଭ୍ରାନ୍ତଃ ପାର୍ଥେନ ସହ ମାରିଷ।
ପ୍ରାଧ୍ମାପଯତ୍ପାଞ୍ଚଜନ୍ଯଂ ଶଙ୍ଖପ୍ରବରମୋଜସା॥ 7-88-23 (48042)
ତଯୋଃ ଶଙ୍ଖପ୍ରଣାଦେନ ତବ ସୈନ୍ଯେ ବିଶାମ୍ପତେ।
ଆସନ୍ସଂହୃଷ୍ଟରୋମାଣଃ କମ୍ପିତା ଗତଚେତସଃ॥ 7-88-24 (48043)
ଯଥା ତ୍ରସ୍ଯନ୍ତି ଭୂତାନି ସର୍ବାଣ୍ଯଶନିନିଃସ୍ବନାତ୍।
ତଥା ଶଙ୍ଖପ୍ରଣାଦେନ ବିତ୍ରେସୁସ୍ତବ ସୈନିକାଃ॥ 7-88-25 (48044)
ପ୍ରସୁସ୍ରୁବୁଃ ଶକୃନ୍ମୂତ୍ରଂ ବାହନାନି ଚ ସର୍ବଶଃ।
ଏବଂ ସବାହନଂ ସର୍ବମାବିଗ୍ନମଭବଦ୍ବଲମ୍॥ 7-88-26 (48045)
ସୀଦନ୍ତି ସ୍ମ ନରା ରାଜଞ୍ଶଙ୍ଖଶବ୍ଦେନ ମାରିଷ।
ବିସଂଜ୍ଞାଶ୍ଚାଭବନ୍କେଚିତ୍କେଚିଦ୍ରାଜନ୍ବିତତ୍ରସୁଃ॥ 7-88-27 (48046)
ତତଃ କପିର୍ମହାନାଦଂ ସହଭୂତୈର୍ଧ୍ବଜାଲଯୈଃ।
ଅକରୋଦ୍ବ୍ଯାଦିତାସ୍ଯଶ୍ଚ ଭୀଷଯଂସ୍ତବ ସୈନିକାନ୍॥ 7-88-28 (48047)
ତତଃ ଶଙ୍ଖାଶ୍ଚ ଭେର୍ଯଶ୍ଚ ମୃଦଙ୍ଗାଶ୍ଚାନକୈଃ ସହ।
ପୁନରେବାଭ୍ଯହନ୍ଯନ୍ତ ତବ ସୈନ୍ଯପ୍ରହର୍ଷଣାଃ॥ 7-88-29 (48048)
ନାନାବାଦିତ୍ରସଂହାଦୈଃ କ୍ଷ୍ବେଡିତାସ୍ଫୋଟିତାକୁଲୈଃ।
ସିଂହନାଦୈଃ ସମୁତ୍କ୍ରୁଷ୍ଟୈଃ ସମାଧୂତୈର୍ମହାରଥୈଃ॥ 7-88-30 (48049)
ତସ୍ମିଂସ୍ତୁ ତୁମୁଲେ ଶବ୍ଦେ ଭୀରୂଣାଂ ଭଯବର୍ଧନେ।
ଅତୀବ ହୃଷ୍ଟୋ ଦାଶାର୍ହମବ୍ରବୀତ୍ପାକଶାସନିଃ॥ ॥ 7-88-31 (48050)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଅଷ୍ଟାଂଶୀତିତମୋଽଧ୍ଯାଯଃ॥ 88 ॥
Mahabharata - Drona Parva - Chapter Footnotes
5-88-10 ଶତୈଃ ଶତୈର୍ଦଶସହସ୍ରୈଃ॥ 5-88-30 ସମାଧୂତୈଃ ସଞ୍ଚାଲିତୈଃ॥ 5-88-88 ଅଷ୍ଟାଶୀତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 089
॥ ଶ୍ରୀଃ ॥
7.89. ଅଧ୍ଯାଯଃ 089
Mahabharata - Drona Parva - Chapter Topics
ଅର୍ଜୁନଯୁଦ୍ଧବର୍ଣନମ୍॥ 1 ॥Mahabharata - Drona Parva - Chapter Text
7-89-0 (48051)
ଅର୍ଜୁନ ଉବାଚ 7-89-0x (4489)
ଚୋଦଯାଶ୍ବାନ୍ହୃଷୀକେଶ ଯତ୍ର ଦୁର୍ମର୍ଷଣଃ ସ୍ଥିତଃ।
ଏତଦ୍ଭିତ୍ତ୍ବା ଗଜାନୀକଂ ପ୍ରବେକ୍ଷ୍ଯାମ୍ଯରିବାହିନୀମ୍॥ 7-89-1 (48052)
ସଞ୍ଜଯ ଉବାଚ। 7-89-2x (4490)
ଏବମୁକ୍ତୋ ମହାବାହୁଃ କେଶବଃ ସବ୍ଯସାଚିନା।
ଅଚୋଦଯଦ୍ଧଯାଂସ୍ତତ୍ର ଯତ୍ର ଦୁର୍ମର୍ଷଣଃ ସ୍ଥିତଃ॥ 7-89-2 (48053)
ସ ସମ୍ପ୍ରହାରସ୍ତୁମୁଲଃ ସମ୍ପ୍ରବୃତ୍ତଃ ସୁଦାରୁଣଃ।
ଏକସ୍ଯ ଚ ବହୂନାଂ ଚ ରଥନାଗନରକ୍ଷଯଃ॥ 7-89-3 (48054)
ତତଃ ସାଯକବର୍ଷେଣ ପର୍ଜନ୍ଯ ଇବ ବୃଷ୍ଟିମାନ୍।
ପରାନବାକିରତ୍ପାର୍ଥଃ ପର୍ବତାନିବ ନୀରଦଃ॥ 7-89-4 (48055)
ତେ ଚାପି ରଥିନଃ ସର୍ବେ ତ୍ବରିତାଃ କୃତହସ୍ତବତ୍।
ଅବାକିରନ୍ବାଣଜାଲୈସ୍ତତ୍ର କୃଷ୍ଣଧନଞ୍ଜଯୌ॥ 7-89-5 (48056)
ତତଃ କ୍ରୁଦ୍ଧୋ ମହାବାହୁର୍ବାର୍ଯମାଣଃ ପରୈର୍ଯୁଧି।
ଶିରାଂସି ରଥିନାଂ ପାର୍ଥଃ କାଯେଭ୍ଯୋଽପାହରଚ୍ଛରୈଃ॥ 7-89-6 (48057)
ଉଦ୍ଧାନ୍ତନଯନୈର୍ବକ୍ରୈଃ ସନ୍ଦଷ୍ଟୌଷ୍ଠପୁଟୈଃ ଶୁଭୈଃ।
ସକୁଣ୍ଡଲଶିରସ୍ତ୍ରାଣୈର୍ବସୁଧା ସମକୀର୍ଯତ॥ 7-89-7 (48058)
ପୁଣ୍ଡରୀକବନାନୀବ ବିଧ୍ବସ୍ତାନି ସମନ୍ତତଃ।
ବିନିକୀର୍ଣାନି ଯୋଧାନାଂ ବଦନାନି ଚକାଶିରେ॥ 7-89-8 (48059)
ସୁବର୍ଣଚିତ୍ରାଭରଣାଃ ସଂସିକ୍ତା ରୁଧିରେଣ ଚ।
ସଂସକ୍ତା ଇବ ଦୃଶ୍ଯନ୍ତେ ମେଘସଙ୍ଘାଃ ସବିଦ୍ଯୁତଃ॥ 7-89-9 (48060)
ଶିରସାଂ ପତତାଂ ରାଜଞ୍ଶବ୍ଦୋଽଭୂଦ୍ବସୁଧାତଲେ।
କାଲେନ ପରିପକ୍ବାନାଂ ତାଲାନାଂ ପତତାମିବ॥ 7-89-10 (48061)
କବନ୍ଧ ଉତ୍ଥିତଃ କଶ୍ଚିଦ୍ବିଷ୍ଫାର୍ଯ ସଶରଂ ଧନୁଃ।
କିଞ୍ଚିତ୍ଖଙ୍ଗଂ ବିନିଷ୍କୃଷ୍ଯ ଭୁଜେନୋଦ୍ଯମ୍ଯ ତିଷ୍ଠତି।
`ଗୃହୀତ୍ବାଽନ୍ଯସ୍ଯ କେଶେଷୁ ଶିରୋ ନୃତ୍ଯତି ଚାପରଃ'॥ 7-89-11 (48062)
ପତିତାନି ନ ଜାନନ୍ତି ଶିରାଂସି ପୁରୁଷର୍ଷଭାଃ।
ଅମୃଷ୍ଯମାଣାଃ ସଙ୍ଗ୍ରାମେ କୌନ୍ତେଯଂ ଜଯଗୃଦ୍ଧିନଃ॥ 7-89-12 (48063)
ହଯାନାମୁତ୍ତମାଙ୍ଗୈଶ୍ଚ ହସ୍ତିହସ୍ତୈଶ୍ଚ ମେଦିନୀ।
ବାହୁଭିଶ୍ଚ ଶିରୋଭିଶ୍ଚ ବୀରାଣାଂ ସମକୀର୍ଯତ॥ 7-89-13 (48064)
ଅଯଂ ପାର୍ଥଃ କୁତଃ ପାର୍ଥଃ ପାର୍ଥୋଽଯମିତି ସର୍ବଶଃ।
`ତିଷ୍ଠ ପାର୍ଥେହି ମାଂ ପାର୍ଥ କ୍ବ ଯାସୀତି ଚ ଜଲ୍ପତାମ୍'।
ତବ ସୈନ୍ଯେଷୁ ଯୋଧାନାଂ ପାର୍ଥଭୂତମିବାଭବତ୍॥ 7-89-14 (48065)
ଅନ୍ଯୋନ୍ଯମପି ଚାଜଘ୍ନୁରାତ୍ମାନମପି ଚାପରେ।
ପାର୍ଥଭୂତମମନ୍ଯନ୍ତ ଜନାଃ କାଲେନ ମୋହିତାଃ॥ 7-89-15 (48066)
ନିଷ୍ଟନନ୍ତଃ ସରୁଧିରା ବିସଂଜ୍ଞା ଗାଢବେଦନାଃ।
ଶଯାନା ବହବୋ ବୀରାଃ କୀର୍ତଯନ୍ତଃ ସ୍ବବାନ୍ଧବାନ୍॥ 7-89-16 (48067)
ସଭିଣ୍ଡିପାଲାଃ ସପ୍ରାସାଃ ସଶକ୍ତ୍ଯୃଷ୍ଟିପରଶ୍ବଥାଃ।
ସନିର୍ବ୍ଯୂହାଃ ସନିସ୍ତ୍ରିଂଶାଃ ସଶରାସନତୋମରାଃ॥ 7-89-17 (48068)
ସବାଣବର୍ମାଭରଣାଃ ସଗଦାଃ ସାଙ୍ଗଦା ରଣେ।
ମହାଭୁଜଗସଙ୍କାଶା ବାହବଃ ପରିଘୋପମାଃ॥ 7-89-18 (48069)
ଉଦ୍ବେଷ୍ଟନ୍ତି ବିଚେଷ୍ଟନ୍ତି ସଞ୍ଚେଷ୍ଟନ୍ତି ଚ ସର୍ବଶଃ।
ବେଗଂ କୁର୍ବନ୍ତି ସଂରବ୍ଧା ନିକୃତ୍ତାଃ ପରମେଷୁଭିଃ॥ 7-89-19 (48070)
ଯୋ ଯଃ ସ୍ମ ସମରେ ପାର୍ଥଂ ପ୍ରତିସଞ୍ଚରତେ ନରଃ।
ତସ୍ଯତସ୍ଯାନ୍ତକୋ ବାଣଃ ଶରୀରମୁପସର୍ପତି॥ 7-89-20 (48071)
ନୃତ୍ଯତୋ ରଥମାର୍ଗେଷୁ ଧନୁର୍ବ୍ଯାଯଚ୍ଛତସ୍ତଥା।
ନ କଶ୍ଚିତ୍ତତ୍ର ପାର୍ଥଶ୍ଚ ଦଦୃଶେଽନ୍ତରମଣ୍ବପି॥ 7-89-21 (48072)
ଯତ୍ତସ୍ଯ ଘଟମାନସ୍ଯ କ୍ଷିପ୍ରଂ ବିକ୍ଷିପତଃ ଶରାନ୍।
ଲାଘବାତ୍ପାଣ୍ଡୁପୁତ୍ରସ୍ଯ ବ୍ଯସ୍ମଯନ୍ତ ପରେ ଜନାଃ॥ 7-89-22 (48073)
ହସ୍ତିନଂ ହସ୍ତିଯନ୍ତାରମଶ୍ବମାଶ୍ବିକମେବ ଚ।
ଅଭିନତ୍ଫଲ୍ଗୁନୋ ବାଣୈ ରଥିନଂ ଚ ସସାରଥିମ୍॥ 7-89-23 (48074)
ଆବର୍ତମାନମାବୃତ୍ତଂ ଯୁଧ୍ଯମାନଂ ଚ ପାଣ୍ଡବଃ।
ପ୍ରମୁଖେ ତିଷ୍ଠମାନଂ ଚ ନ କଞ୍ଚିନ୍ନ ନିହନ୍ତି ସଃ॥ 7-89-24 (48075)
ଯଥୋଦଯନ୍ବୈ ଗଗନେ ସୂର୍ଯୋ ହନ୍ତି ମହତ୍ତମଃ।
ତଥାଽର୍ଜୁନୋ ଗଜାନୀକମବଧୀତ୍କଙ୍କପତ୍ରିଭିଃ॥ 7-89-25 (48076)
ହସ୍ତିଭିଃ ପତିତୈର୍ଭିନ୍ନୈସ୍ତବ ସୈନ୍ଯମଦୃଶ୍ଯତ।
ଅନ୍ତକାଲେ ଯଥା ଭୂମିର୍ବ୍ଯବକୀର୍ଣା ମହୀଧରୈଃ॥ 7-89-26 (48077)
ଯଥା ମଧ୍ଯଂଦିନେ ସୂର୍ଯୋ ଦୁଷ୍ପ୍ରେକ୍ଷ୍ଯଃ ପ୍ରାଣିଭିଃ ସଦା।
ତଥା ଧନଞ୍ଜଯଃ କ୍ରୁଦ୍ଧୋ ଦୁଷ୍ପ୍ରେକ୍ଷ୍ଯୋ ଯୁଧି ଶତ୍ରୁଭିଃ॥ 7-89-27 (48078)
ତତ୍ତଥା ତବ ପୁତ୍ରସ୍ଯ ସୈନ୍ଯଂ ଯୁଧି ପରନ୍ତପ।
ପ୍ରଭଗ୍ନଂ ଦ୍ରୁତମାବିଗ୍ନମତୀବ ଶରପୀଡିତମ୍॥ 7-89-28 (48079)
ମାରୁତେନେବ ମହତା ମେଘାନୀକଂ ବ୍ଯଦୀର୍ଯତ।
ପ୍ରକାଲ୍ଯମାନଂ ତତ୍ସୈନ୍ଯଂ ନାଶକତ୍ପ୍ରତିବୀକ୍ଷିତୁମ୍॥ 7-89-29 (48080)
ପ୍ରତୋଦୈଶ୍ଚାପକୋଟୀଭିର୍ହୁଂକାରୈଃ ସାଧୁବାହିତୈଃ।
କଶାପାର୍ଷ୍ଣ୍ଯଭିଘାତୈଶ୍ଚ ବାଗ୍ଭିରୁଗ୍ରାଭିରେବ ଚ॥ 7-89-30 (48081)
ଚୋଦଯନ୍ତୋ ହଯାଂସ୍ତୂର୍ଣଂ ପଲାଯନ୍ତେ ସ୍ମ ତାବକାଃ।
ସାଦିନୋ ରଥିନଶ୍ଚୈବ ପତ୍ତଯଶ୍ଚାର୍ଜୁନାର୍ଦିତାଃ॥ 7-89-31 (48082)
ପାର୍ଷ୍ଣ୍ଯଙ୍ଗୁଷ୍ଠାଙ୍କୁଶୈର୍ନାଗଂ ଚୋଦଯନ୍ତସ୍ତଥାଽପରେ।
ଶରୈଃ ସମ୍ମୋହିତାଶ୍ଚାନ୍ଯେ ତମେବାଭିମୁଖା ଯଯୁଃ॥ 7-89-32 (48083)
ତବ ଯୋଘ ହତୋତ୍ସାହା ବିଭ୍ରାନ୍ତମନସସ୍ତଦା॥ ॥ 7-89-33 (48084)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଏକୋନନବତିତମୋଽଧ୍ଯାଯଃ॥ 89 ॥
Mahabharata - Drona Parva - Chapter Footnotes
5-89-17 ନିର୍ବ୍ଯୂହ ଆଯୁଧବିଶେଷଃ॥ 5-89-20 ପ୍ରତିସଞ୍ଚରତେ ପ୍ରତ୍ଯୁଦ୍ରଚ୍ଛତି॥ 5-89-22 ଯତ୍ତସ୍ଯାବହିତସ୍ଯ॥ 5-89-28 ଦ୍ରୁତଂ ବିଦ୍ରୁତମ୍। ଆବିଗ୍ନଂ ଭୀତମ୍॥ 5-89-30 ସାଧୁବାହିତୈଃ ସୁଷ୍ଠୁ ବ୍ଯାପାରୀତୈଃ॥ 5-89-89 ଏକୋନନବତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 090
॥ ଶ୍ରୀଃ ॥
7.90. ଅଧ୍ଯାଯଃ 090
Mahabharata - Drona Parva - Chapter Topics
ଅର୍ଜୁନେନ ଦୁଃଶାସନପରାଜଯଃ॥ 1 ॥Mahabharata - Drona Parva - Chapter Text
7-90-0 (48085)
ଧୃତରାଷ୍ଟ୍ର ଉବାଚ। 7-90-0x (4491)
ତସ୍ମିନ୍ପ୍ରଭଗ୍ନେ ସୈନ୍ଯାଗ୍ରେ ବଧ୍ଯମାନେ କିରୀଟିନା।
କେତୁ ତତ୍ର ରଣେ ବୀରାଃ ପ୍ରତ୍ଯୁଦୀଯୁର୍ଧନଞ୍ଜଯମ୍॥ 7-90-1 (48086)
ଆହୋସ୍ବିଚ୍ଛକଟବ୍ଯୂହଂ ପ୍ରବିଷ୍ଟା ମୋଘନିଶ୍ଚଯାଃ॥
ଦ୍ରୋଣମାଶ୍ରିତ୍ଯ ତିଷ୍ଠନ୍ତି ପ୍ରାକାରମକୁତୋଭଯାଃ॥ 7-90-2 (48087)
ସଞ୍ଜଯ ଉବାଚ। 7-90-3x (4492)
ତଥାଽର୍ଜୁନେନ ସମ୍ଭଗ୍ନେ ତସ୍ମିଂସ୍ତବ ବଲେଽନଘ।
ହତବୀରେ ହତୋତ୍ସାହେ ପଲାଯନକୃତକ୍ଷଣେ॥ 7-90-3 (48088)
ପାକଶାସନିନାଽଭୀକ୍ଷ୍ଣଂ ବଧ୍ଯମାନେ ଶରୋତ୍ତମୈଃ।
ନ ତତ୍ର କଶ୍ଚିତ୍ସଙ୍ଗ୍ରାମେ ଶଶାକାର୍ଜୁନମୀକ୍ଷିତୁମ୍॥ 7-90-4 (48089)
ତତସ୍ତବ ସୁତୋ ରାଜନ୍ଦୃଷ୍ଟ୍ବା ସୈନ୍ଯଂ ତଥାଗତମ୍।
ଦୁଃଶାସନୋ ଭୃଶଂ କ୍ରୁଦ୍ଧୋ ଯୁଦ୍ଧାଯାର୍ଜୁନମଭ୍ଯଗାତ୍॥ 7-90-5 (48090)
ସକାଞ୍ଚନବିଚିତ୍ରେଣ କବଚେନ ସମାବୃତଃ।
ଜାମ୍ବୂନଦଶିରସ୍ତ୍ରାଣଃ ଶୂରସ୍ତୀବ୍ରପରାକ୍ରମଃ॥ 7-90-6 (48091)
ନାଗାନୀକେନ ମହତା ଗ୍ରସନ୍ନିବ ମହୀମିମାମ୍।
ଦୁଃଶାସନୋ ମହାରାଜ ସବ୍ଯସାଚିନମାବୃଣୋତ୍॥ 7-90-7 (48092)
ହାଦେନ ଗଜଘଣ୍ଟାନାଂ ଶଙ୍ଖାନାଂ ନିନଦେନ ଚ।
ଜ୍ଯାକ୍ଷେପନିନଦୈଶ୍ଚୈବ ବିରାବେଣ ଚ ଦନ୍ତିନାମ୍॥ 7-90-8 (48093)
ଭୂର୍ଦିଶଶ୍ଚାନ୍ତରିକ୍ଷଂ ଚ ଶବ୍ଦେନାସୀତ୍ସମାବୃତମ୍।
`ଯୁବରାଜୋ ବଲଶ୍ଲାଘୀ ପିଙ୍ଗଲଃ ପ୍ରିଯଦର୍ଶନଃ'।
ସ ମୁହୂର୍ତଂ ପ୍ରତିଭଯୋ ଦାରୁଣଃ ସମପଦ୍ଯତ॥ 7-90-9 (48094)
ତାନ୍ଦୃଷ୍ଟ୍ବା ପତତସ୍ତୂର୍ଣମଙ୍କୁଶୈରଭିଚୋଦିତାନ୍।
ବ୍ଯାଲମ୍ବହସ୍ତାନ୍ସଂରବ୍ଧାନ୍ସପକ୍ଷାନିବ ପର୍ବତାନ୍॥ 7-90-10 (48095)
ସିଂହନାଦେନ ମହତା ନରସିଂହୋ ଧନଞ୍ଜଯଃ।
`ତଦାଚଲଘନପ୍ରଖ୍ଯଂ ପତାକାଶତସଙ୍କୁଲମ୍'।
ଗଜାନୀକମମିତ୍ରାଣାମଭିତୋ ବ୍ଯଧମଚ୍ଛରୈଃ॥ 7-90-11 (48096)
ମହୋର୍ମିଣମିବୋଦ୍ଧୂତଂ ଶ୍ବସନେନ ମହାର୍ଣବମ୍।
କିରୀଟୀ ତଦ୍ଗଜାନୀକଂ ପ୍ରାବିଶନ୍ମକରୋ ଯଥା॥ 7-90-12 (48097)
ଖମାଶ୍ରିତ ଇବାଦିତ୍ଯଃ ପ୍ରତପନ୍ସ ଯୁଗକ୍ଷଯେ।
ଦଦୃଶେ ଦିକ୍ଷୁ ସର୍ବାସୁ ପାର୍ଥଃ ପରପୁରଞ୍ଜନଃ॥ 7-90-13 (48098)
ଖୁରଶବ୍ଦେନ ଚାଶ୍ବାନାଂ ନେମିଘୋଷେଣ ତେନ ଚ।
ତେନ ଚୋତ୍କ୍ରୁଷ୍ଟଶବ୍ଦେନ ଜ୍ଯାନିନାଦେନ ତେନ ଚ॥ 7-90-14 (48099)
ନାନାବାଦିତ୍ରଶବ୍ଦେନ ପାଞ୍ଚଜନ୍ଯସ୍ବନେନ ଚ।
ଦେବଦତ୍ତସ୍ଯ ଘୋଷେଣ ଗାଣ୍ଡୀବନିନଦେନ ଚ।
ମନ୍ଦବେଗା ନରା ନାଗା ବଭୂବୁସ୍ତେ ବିଚେତସଃ॥ 7-90-15 (48100)
ଶରୈରାଶୀବିଷସ୍ପର୍ଶୈର୍ନିର୍ଭିନ୍ନାଃ ସବ୍ଯସାଚିନା।
ତେ ଗଜାଃ ସମସୀଦନ୍ତ ମଗ୍ନାଃ ପଙ୍କାର୍ଣବେଷ୍ବିବ॥ 7-90-16 (48101)
ଯୁଗପଚ୍ଚ ସମାବିଷ୍ଟୈଃ ଶରୈର୍ଗାଣ୍ଡୀବଧନ୍ବନଃ।
ଅନେକଶତସାହସ୍ରୈର୍ଦ୍ରୁମା ମଧୁକରୈରିବ।
`ପୁଙ୍ଖାବଶିଷ୍ଟୈର୍ବହୁଭିଃ ଶୋଣିତୋତ୍ପୀଡବାହିଭିଃ'॥ 7-90-17 (48102)
ଆରାବଂ ପରମଂ କୃତ୍ବା ବଧ୍ଯମାନାଃ କିରୀଟିନା।
ନିପେତୁରନିଶଂ ଭୂମୌ ଛିନ୍ନପକ୍ଷା ଇବାଦ୍ରଯଃ॥ 7-90-18 (48103)
ଅପରେ ଦନ୍ତବେଷ୍ଟେଷୁ କୁମ୍ଭେଷୁ ଚ କଟେଷୁ ଚ।
ଶରୈଃ ସମର୍ପିତା ନାଗାଃ କ୍ରୌଞ୍ଚବଦ୍ବ୍ଯନଦନ୍ମୁହୁଃ॥ 7-90-19 (48104)
ଗଜସ୍କନ୍ଧଗତାନାଂ ଚ ପୁରୁଷାଣାଂ କିରୀଟିନା।
ଛିଦ୍ଯନ୍ତେ ଚୋତ୍ତମାଙ୍ଗାନି ଭୁଲ୍ଲୈଃ ସନ୍ନତପର୍ବଭିଃ॥ 7-90-20 (48105)
ସକୁଣ୍ଡଲାନାଂ ପତତାଂ ଶିରସାଂ ଧରଣୀତଲେ।
ପଦ୍ମାନାମିବ ସଙ୍ଘାତୈଃ ପାର୍ଥଶ୍ଚକ୍ରେ ନିବେଦନମ୍॥ 7-90-21 (48106)
ଯନ୍ତ୍ରବଦ୍ଧା ବିକବଚା ବ୍ରଣାର୍ତା ରୁଧିରୋକ୍ଷିତାଃ।
ଭ୍ରମତ୍ସୁ ଯୁଧି ନାଗେଷୁ ମନୁଷ୍ଯା ବିଲଲମ୍ବିରେ॥ 7-90-22 (48107)
କେଚିଦେକେନ ବାଣେନ ସୁଯୁକ୍ତେନ ସୁପତ୍ରିଣା।
ଦ୍ବୌ ତ୍ରଯଶ୍ଚ ବିନିର୍ଭିନ୍ନା ନିପେତୁର୍ଧରଣୀତଲେ॥ 7-90-23 (48108)
ଅପରେ ମଦସଂରବ୍ଧା ମାତଙ୍ଗାଃ ପର୍ବତୋପମାଃ।
ସାରୋହା ନ୍ଯପତନ୍ଭୂମୌ ଦ୍ରୁମବନ୍ତ ଇବାଚଲାଃ॥ 7-90-24 (48109)
ମୌର୍ବୀ ଧ୍ବଜଂ ଧନୁଶ୍ଚୈବ ଯୁଗମୀଷାଂ ତଥୈବ ଚ।
ରଥିନାଂ କୁଟ୍ଟଯାମାସ ଭଲ୍ଲୈଃ ସନ୍ନତପର୍ବଭିଃ॥ 7-90-25 (48110)
ନ ସନ୍ଦଧନ୍ନ ଚାକର୍ଷନ୍ନ ବିମୁଞ୍ଚନ୍ନ ଚୋଦ୍ବହନ୍।
ମଣ୍ଡଲେନୈବ ଧନୁଷା ନୃତ୍ଯନ୍ପାର୍ଥଃ ସ୍ମ ଦୃଶ୍ଯତେ॥ 7-90-26 (48111)
ଅତିବିଦ୍ଧାଶ୍ଚ ନାରାଚୈର୍ବମନ୍ତୋ ରୁଧିରଂ ମୁଖୈଃ।
ମୁହୂର୍ତାନ୍ନ୍ଯପତନ୍ନନ୍ଯେ ବାରଣା ବସୁଧାତଲେ॥ 7-90-27 (48112)
ଉତ୍ଥିତାନ୍ଯଗଣେଯାନି କବନ୍ଧାନି ସମନ୍ତତଃ।
ଅଦୃଶ୍ଯନ୍ତ ମହାରାଜ ତସ୍ମିନ୍ପରମସଙ୍କୁଲେ॥ 7-90-28 (48113)
ସଚାପାଃ ସାଙ୍ଗୁଲିତ୍ରାଣାଃ ସଖଙ୍ଗାଃ ସାଙ୍ଗଦା ରଣେ।
ଅଦୃଶ୍ଯନ୍ତ ଭୁଜାଶ୍ଛିନ୍ନା ହେମାଭରଣଭୂଷିତାଃ॥ 7-90-29 (48114)
ସୂପସ୍କରୈରଧିଷ୍ଠାନୈରୀଷାଦଣ୍ଡକବନ୍ଧୁରୈଃ।
ଚକ୍ରୈର୍ବିମଥିତୈରକ୍ଷୈର୍ଭଗ୍ନୈଶ୍ଚ ବହୁଧା ଯୁଗୈଃ॥ 7-90-30 (48115)
ଚର୍ମଚାପଧରୈଶ୍ଚୈବ ବ୍ଯବକୀର୍ଣୈସ୍ତତସ୍ତତଃ।
ସ୍ରଗ୍ଭିରାଭରଣୈର୍ବସ୍ତ୍ରୈଃ ପତିତୈଶ୍ଚ ମହାଧ୍ବଜୈଃ॥ 7-90-31 (48116)
ନିହତୈର୍ବାରଣୈରଶ୍ବୈଃ କ୍ଷତ୍ରିଯୈଶ୍ଚ ନିପାତିତୈଃ।
ଅଦୃଶ୍ଯତ ମହୀ ତତ୍ର ଦାରୁଣପ୍ରତିଦର୍ଶନା॥ 7-90-32 (48117)
ଏବଂ ଦୁଃଶାସନବଲଂ ବଧ୍ଯମାନଂ କିରୀଟିନା।
ସମ୍ପ୍ରାଦ୍ରବନ୍ମହାରାଜ ବ୍ଯଥିତଂ ସହନାଯକମ୍॥ 7-90-33 (48118)
`ଏବଂ ବଲେ ଦ୍ରୁତେ ଯାତେ ରାଜପୁତ୍ରଂ ମହାରଥମ୍।
ବିବ୍ଯାଧ ଦଶଭିର୍ବାଣୈସ୍ତିଷ୍ଠତିଷ୍ଠେତି ଚାବ୍ରବୀତ୍॥ 7-90-34 (48119)
ଜୀବିତେନ କଥଂ ଗନ୍ତା ଦୁରୁକ୍ତଂ ଯାବଦଦ୍ଯ ତେ।
ତଦ୍ବାକ୍ଯସଦୃଶଂ କର୍ମ କୁରୁ ତ୍ବଂ ଯଦି ମନ୍ଯସେ॥ 7-90-35 (48120)
ଏବମୁକ୍ତ୍ବା ତତୋ ରାଜା ପାର୍ଥଃ ପାର୍ଥିବମର୍ଦନଃ।
ଭୃଶଂ କ୍ରୁଦ୍ଧୋ ମହାରାଜ ଅବିଧ୍ଯତ୍ତନଯଂ ତବ'॥ 7-90-36 (48121)
ତତୋ ଦୁଃଶାସନସ୍ତ୍ରସ୍ତଃ ସହାନୀକଃ ଶରାର୍ଦିତଃ।
ଦ୍ରୋଣଂ ତ୍ରାତାରମାକାଙ୍କ୍ଷଞ୍ଶକଟବ୍ଯୂହମଭ୍ଯଗାତ୍॥ ॥ 7-90-37 (48122)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ନବତିତମୋଽଧ୍ଯାଯଃ॥ 90 ॥
Mahabharata - Drona Parva - Chapter Footnotes
5-90-3 ପଲାଯନେ କୃତଃ କ୍ଷଣୋଽବସରୋ ଯେନ॥ 5-90-9 ପ୍ରତିଭଯୋ ଭଯଙ୍କରଃ। ଦାରୁଣଃ କ୍ରୂରଃ॥ 5-90-19 ଦନ୍ତବେଷ୍ଟେଷୁ ଦନ୍ତମୂଲେଷୁ। କଟେଷୁ କଟିଷୁ॥ 5-90-21 ନିବେଦନମୁପାହାରମ୍॥ 5-90-22 ଯନ୍ତ୍ରବଦ୍ଧା ଯନ୍ତ୍ରୈରାଲିଖିତାଃ॥ 5-90-90 ନବତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 091
॥ ଶ୍ରୀଃ ॥
7.91. ଅଧ୍ଯାଯଃ 091
Mahabharata - Drona Parva - Chapter Topics
ଅର୍ଜୁନସ୍ଯ ବ୍ଯୂହମୁଖସ୍ଥେନ ଦ୍ରୋଣେନ କଞ୍ଚିତ୍କାଲଂ ଯୁଦ୍ଧ୍ବା ତମପହାଯ ବ୍ଯୂହପ୍ରବେଶଃ॥ 1 ॥Mahabharata - Drona Parva - Chapter Text
7-91-0 (48123)
ସଞ୍ଜଯ ଉବାଚ। 7-91-0x (4493)
ଦୁଃଶସନବଲଂ ହତ୍ବା ସବ୍ଯସାଚୀ ମହାରଥଃ।
ସିନ୍ଧୁରାଜଂ ପରୀପ୍ସନ୍ବୈ ଦ୍ରୋଣାନୀକମୁପାଦ୍ରବତ୍॥ 7-91-1 (48124)
ସ ତୁ ଦ୍ରୋଣଂ ସମାସାଦ୍ଯ ବ୍ଯୂହସ୍ଯ ପ୍ରମୁଖେ ସ୍ଥିତମ୍।
କୃତାଞ୍ଜଲିରିଦଂ ବାକ୍ଯଂ କୃଷ୍ଣସ୍ଯାନୁମତେଽବ୍ରବୀତ୍॥ 7-91-2 (48125)
ଶିବେନ ଧ୍ଯାହି ମାଂ ବ୍ରହ୍ମନ୍ସ୍ବସ୍ତି ଚୈବ ବଦସ୍ବ ମେ।
ଭବତ୍ପ୍ରସାଦାଦିଚ୍ଛାମି ପ୍ରବେଷ୍ଟଂ ଦୁର୍ଭିଦାଂ ଚମୂମ୍॥ 7-91-3 (48126)
ଭବାନ୍ପିତୃସମୋ ମହ୍ଯଂ ଧର୍ମରାଜସମୋଽପି ଚ।
ଧୌମ୍ଯକୃଷ୍ଣସମଶ୍ଚୈବ ସତ୍ଯମେତଦ୍ବ୍ରବୀମି ତେ॥ 7-91-4 (48127)
ଅଶ୍ବତ୍ଥାମା ଯଥା ତାତ ରକ୍ଷଣୀଯସ୍ତ୍ବଯାଽନଘ।
ତଥାଽହମପି ତେ ରକ୍ଷ୍ଯଃ ସଦୈବ ଦ୍ବିଜସତ୍ତମ॥ 7-91-5 (48128)
ତବ ପ୍ରସାଦାଦିଚ୍ଛେଯଂ ସିନ୍ଧୁରାଜାନମାହବେ।
ନିହନ୍ତୁଂ ଦ୍ବିପଦାଂ ଶ୍ରେଷ୍ଠ ପ୍ରତିଜ୍ଞାଂ ରକ୍ଷ ମେ ପ୍ରଭୋ॥ 7-91-6 (48129)
ସଞ୍ଜଯ ଉବାଚ। 7-91-7x (4494)
ଏବମୁକ୍ତସ୍ତଦାଽଽଚାର୍ଯଃ ପ୍ରତ୍ଯୁବାଚ ସ୍ମଯନ୍ନିବ।
ମାମଜିତ୍ବା ନ ବୀଭତ୍ସୋ ଶକ୍ଯୋ ଜେତୁଂ ଜଯଦ୍ରଥଃ॥ 7-91-7 (48130)
ଏତାବଦୁକ୍ତ୍ବା ତଂ ଦ୍ରୋଣଃ ଶରବ୍ରାତୈରବାକିରତ୍।
ସରଥାଶ୍ବଧ୍ବଜଂ ତୀକ୍ଷ୍ଣୈଃ ପ୍ରହସନ୍ବୈ ସସାରଥିମ୍॥ 7-91-8 (48131)
ତତୋଽର୍ଜୁନଃ ଶରବ୍ରାତାନ୍ଦ୍ରୋଣସ୍ଯାବାର୍ଯ ସାଯକୈଃ।
ଦ୍ରୋଣମଭ୍ଯର୍ଦଯଦ୍ବାଣୈର୍ଘୋରରୂପୈର୍ହତ୍ତରୈଃ॥ 7-91-9 (48132)
ବିବ୍ଯାଧ ଚ ରଣେ ଦ୍ରୋଣମନୁମାନ୍ଯ ବିଶାମ୍ପତେ।
କ୍ଷତ୍ରଧର୍ମଂ ସମାସ୍ଥାଯ ନବଭିଃ ସାଯକୈଃ ପୁନଃ॥ 7-91-10 (48133)
ତସ୍ଯେଷୂନିଷୁଭିଶ୍ଛିତ୍ତ୍ବା ଦ୍ରୋଣୋ ବିବ୍ଯାଧ ତାବୁଭୌ।
ବିଷାଗ୍ନିଜ୍ବଲିତପ୍ରଖ୍ଯୈରିଷୁଭିଃ କୃଷ୍ଣପାଣ୍ଡବୌ॥ 7-91-11 (48134)
ଇଯେପ ପାଣ୍ଡବସ୍ତସ୍ଯ ବାଣୈଶ୍ଛେତ୍ତୁଂ ଶରାସନମ୍।
ତସ୍ଯ ଚିନ୍ତଯତସ୍ତ୍ବେବ ଫଲ୍ଗୁନସ୍ଯ ମହାତ୍ମନଃ॥ 7-91-12 (48135)
ଦ୍ରୋଣଃ ଶରୈରସମ୍ଭ୍ରାନ୍ତୋ ଜ୍ଯାଂ ଚିଚ୍ଛେଦାଶୁ ବୀର୍ଯବାନ୍।
ବିବ୍ଯାଧ ଚ ହଯାନସ୍ଯ ଧ୍ବଜଂ ସାରଥିମେବ ଚ॥ 7-91-13 (48136)
ଅର୍ଜୁନଂ ଚ ଶରୈର୍ବୀରଃ ସ୍ମଯମାନୋଽଭ୍ଯବାକିରତ୍।
ଏତସ୍ମିନ୍ନନ୍ତରେ ପାର୍ଥଃ ସଜ୍ଯଂ କୃତ୍ବା ମହଦ୍ଧନୁଃ॥ 7-91-14 (48137)
ବିଶେଷଯିଷ୍ଯନ୍ନାଚାର୍ଯଂ ସର୍ବାସ୍ତ୍ରବିଦୁଷାଂ ବରଃ।
ମୁମୋଚ ଷଟ୍ଶତାନ୍ବାଣାନ୍ଗୃହୀତ୍ବୈକମିବ ଦ୍ରୁତମ୍॥ 7-91-15 (48138)
ପୁନଃ ସପ୍ତଶତାନନ୍ଯାନ୍ସହସ୍ରଂ ଚାନିବର୍ତିନଃ।
ଚିକ୍ଷେପାଯୁତଶଶ୍ଚାନ୍ଯାଂସ୍ତେଽଘ୍ନନ୍ଦ୍ରୋଣସ୍ଯ ତାଂ ଚମୂମ୍॥ 7-91-16 (48139)
ତୈଃ ସମ୍ଯଗସ୍ତୈର୍ବଲିନା କୃତିନା ଚିତ୍ରଯୋଧିନା।
ମନୁଷ୍ଯବାଜିମାତଙ୍ଗା ବିଦ୍ଧାଃ ପେତୁର୍ଗତାସବଃ॥ 7-91-17 (48140)
ବିସୂତାଶ୍ବଧ୍ବଜାଃ ପେତୁଃ ସଞ୍ଛିନ୍ନାଯୁଧଜୀବିତାଃ।
ରଥିନୋ ରଥମୁଖ୍ଯେଭ୍ଯଃ ସହସା ଶରପୀଡିତାଃ॥ 7-91-18 (48141)
ଚୂର୍ଣିତାକ୍ଷିପ୍ତଦଗ୍ଧାନାଂ ବଜ୍ରାନିଲହୁତାଶନୈଃ।
ତୁଲ୍ଯରୂପା ଗଜାଃ ପେତୁର୍ଗିର୍ଯଗ୍ରାମ୍ବୁଦବେଶ୍ମନାମ୍॥ 7-91-19 (48142)
ପେତୁରଶ୍ବସହସ୍ରାଣି ପ୍ରହତାନ୍ଯର୍ଜୁନେଷୁଭିଃ।
ହଂସା ହିମବତଃ ପୃଷ୍ଠେ ବାରିବିପ୍ରହତା ଇବ॥ 7-91-20 (48143)
ରଥାଶ୍ବଦ୍ବିପପତ୍ତ୍ଯୋଘାଃ ସଲିଲୌଘା ଇବାଦ୍ଭୁତାଃ।
ଯୁଗାନ୍ତାଦିତ୍ଯରଶ୍ମ୍ଯାଭୈଃ ପାଣ୍ଡବାସ୍ତ୍ରଶରୈର୍ହତାଃ॥ 7-91-21 (48144)
ତଂ ପାଣ୍ଡବାଦିତ୍ଯଶରାଂଶୁଜାଲଂ
କୁରୁପ୍ରବୀରାନ୍ଯୁଧି ନିଷ୍ଟପନ୍ତମ୍।
ସ ଦ୍ରୋଣମେଘଃ ଶରବୃଷ୍ଟିବେଗୈଃ
ପ୍ରାଚ୍ଛାଦଯନ୍ମେଘ ଇବାର୍କରଶ୍ମୀନ୍॥ 7-91-22 (48145)
ଅଥାତ୍ଯର୍ଥଂ ବିସୃଷ୍ଟେନ ଦ୍ବିଷତାମସୁଭୋଜିନା।
ଆଜଘ୍ନେ ବକ୍ଷସି ଦ୍ରୋଣୋ ନାରାଚେନ ଧନଞ୍ଜଯମ୍॥ 7-91-23 (48146)
ସ ବିହ୍ବଲିତସର୍ବାଙ୍ଗଃ କ୍ଷିତିକମ୍ପେ ଯଥାଽଚଲଃ।
ଧୈର୍ଯମାଲମ୍ବ୍ଯ ବୀଭତ୍ସୁର୍ଦ୍ରୋଣଂ ବିବ୍ଯାଧ ପତ୍ରିଭିଃ॥ 7-91-24 (48147)
ଦ୍ରୋଣସ୍ତୁ ପଞ୍ଚଭିର୍ବାଣୈର୍ବାସୁଦେବମତାଡଯତ୍।
ଅର୍ଜୁନଂ ଚ ତ୍ରିସପ୍ତତ୍ଯା ଧ୍ବଜଂ ଚାସ୍ଯ ତ୍ରିଭିଃ ଶରୈଃ॥ 7-91-25 (48148)
ବିଶେଷଯିଷ୍ଯଞ୍ଶିଷ୍ଯଂ ଚ ଦ୍ରୋଣୋ ରାଜନ୍ପରାକ୍ରମୀ।
ଅଦୃଶ୍ଯମର୍ଜୁନଂ ଚକ୍ରେ ନିମେଷାଚ୍ଛରବୃଷ୍ଟିଭିଃ॥ 7-91-26 (48149)
ପ୍ରସକ୍ତାନ୍ପତତୋଽଦ୍ରାକ୍ଷ୍ମ ଭାରଦ୍ବାଜସ୍ଯ ସାଯକାନ୍।
ମଣ୍ଡଲୀକୃତମେବାସ୍ଯ ଧନୁଶ୍ଚାଦୃଶ୍ଯତାଦ୍ଭୁତମ୍॥ 7-91-27 (48150)
ତେଽଭ୍ଯଯୁଃ ସମରେ ରାଜନ୍ବାସୁଦେବଧନଞ୍ଜଯୌ।
ଦ୍ରୋଣସୃଷ୍ଟାଃ ସୁବହବଃ କଙ୍କପତ୍ରପରିଚ୍ଛଦାଃ॥ 7-91-28 (48151)
ତତ୍ରାଦ୍ଭୁତମପଶ୍ଯାମ ଶିଲାନାମିବ ସର୍ପଣମ୍।
ଯଦ୍ଦ୍ରୋଣଂ ତରସା ପାର୍ଥୋ ବୃଦ୍ଧଂ ବାଲୋଽପି ନାତରତ୍॥ 7-91-29 (48152)
ଚିନ୍ତଯାମାସ ବାର୍ଷ୍ଣେଯୋ ଦୃଷ୍ଟ୍ବା ଦ୍ରୋଣସ୍ଯ ବିକ୍ରମମ୍।
ନାତିବର୍ତିଷ୍ଯତେ ହ୍ଯୋନଂ ବେଲାମିବ ମହାର୍ଣବଃ॥ 7-91-30 (48153)
ତତଃ ପାର୍ଥଂ ସମୁଦ୍ବିଗ୍ନଂ ଲକ୍ଷ୍ଯ ଚିନ୍ତଯତେଽଚ୍ଯୁତଃ।
ଦ୍ରୋଣସ୍ଯ ଚାପି ବିକ୍ରାନ୍ତଂ ଦୃଷ୍ଟ୍ବା ମଧୁନିଷୂଦନଃ।
ଇତ୍ଯବ୍ରବୀଦ୍ବାସୁଦେବୋ ଧନଞ୍ଜଯମୁଦାରଧୀଃ॥ 7-91-31 (48154)
ପାର୍ଥପାର୍ଥ ମହାବାହୋ ନ ନଃ କାଲାତ୍ଯଯୋ ଭବେତ୍।
ଦ୍ରୋଣମୁତ୍ସୃଜ୍ଯ ଗଚ୍ଛାମୋ ବ୍ରାହ୍ମଣୋଽସୌ ଗତକ୍ଲମଃ॥ 7-91-32 (48155)
ସଞ୍ଜଯ ଉବାଚ। 7-91-33x (4495)
ପାର୍ଥଶ୍ଚାପ୍ଯବ୍ରବୀତ୍କୃଷ୍ଣଂ ଯଥେଷ୍ଟମିତି କେଶବମ୍॥ 7-91-33 (48156)
ତତଃ ପ୍ରଦକ୍ଷିଣଂ କୃତ୍ବା ଦ୍ରୋଣଂ ପ୍ରାଯାନ୍ମହାଭୁଜମ୍।
ପରିବୃତ୍ତଶ୍ଚ ବୀଭତ୍ସୁରଗଚ୍ଛଦ୍ବିସୃଜଞ୍ଶରାନ୍॥ 7-91-34 (48157)
ତତୋଽବ୍ରବୀତ୍ସ୍ବଯଂ ଦ୍ରୋଣଃ କ୍ବେଦଂ ପାଣ୍ଡବ ଗମ୍ଯତେ।
ନନୁ ନାମ ରଣେ ଶତ୍ରୁମଜିତ୍ବା ନ ନିବର୍ତସେ॥ 7-91-35 (48158)
ଅର୍ଜୁନ ଉବାଚ। 7-91-36x (4496)
ଗୁରୁର୍ଭବାନ୍ନ ମେ ଶତ୍ରୁଃ ଶିଷ୍ଯଃ ପୁତ୍ରସମୋଽସ୍ମି ତେ।
ନ ଚାସ୍ତି ସ ପୁମାଁଲ୍ଲୋକେ ଯସ୍ତ୍ବାଂ ଯୁଧି ପରାଜଯେତ୍॥ 7-91-36 (48159)
ସଞ୍ଜଯ ଉବାଚ। 7-91-37x (4497)
ଏବଂ ବ୍ରୁବାଣୋ ବୀଭତ୍ସୁର୍ଜଯଦ୍ରଥବଧୋତ୍ସୁକଃ।
ତ୍ବରାଯୁକ୍ତୋ ମହାବାହୁସ୍ତ୍ବତ୍ସୈନ୍ଯଂ ସମୁପାଦ୍ରବତ୍॥ 7-91-37 (48160)
ତଂ ଚକ୍ରରକ୍ଷୌ ପାଞ୍ଚାଲ୍ଯୌ ଯୁଧାମନ୍ଯୂତ୍ତମୌଜସୌ।
ଅନ୍ବଯାତାଂ ମହାତ୍ମାନୌ ବିଶନ୍ତଂ ତାବକଂ ବଲମ୍॥ 7-91-38 (48161)
ତତୋ ଜଯୋ ମହାରାଜ କୃତବର୍ମା ଚ ସାତ୍ବତଃ।
କାମ୍ଭୋଜଶ୍ଚ ଶ୍ରୁତାଯୁଶ୍ଚ ଧନଞ୍ଜଯମବାରଯନ୍॥ 7-91-39 (48162)
ତେଷାଂ ଦଶସହସ୍ରାଣି ରଥାନାମନୁଯାଯିନାମ୍।
ଅଭୀଷାହାଃ ଶୂରସେନାଃ ଶିବଯୋଽଥ ବସାତଯଃ॥ 7-91-40 (48163)
ମାବେଲ୍ଲକା ଲଲିତ୍ଥାଶ୍ଚ କେକଯା ମଦ୍ରକାସ୍ତଥା।
ନାରାଯଣାଶ୍ଚ ଗୋପାଲାଃ କାମ୍ଭୋଜାନାଂ ଚ ଯେ ଗଣାଃ॥ 7-91-41 (48164)
କର୍ଣେନ ବିଜିତାଃ ପୂର୍ବଂ ସଙ୍ଗ୍ରାମେ ଶୂରସମ୍ମତାଃ।
ଭାରଦ୍ବାଜଂ ପୁରସ୍କୃତ୍ଯ ହୃଷ୍ଟାତ୍ମାନୋଽର୍ଜୁନଂ ପ୍ରତି॥ 7-91-42 (48165)
ପୁତ୍ରଶୋକାଭିସନ୍ତପ୍ତଂ କ୍ରୁଦ୍ଧଂ ମୃତ୍ଯୁମିବାନ୍ତକମ୍।
ତ୍ଯଜନ୍ତଂ ତୁମୁଲେ ପ୍ରାଣାନ୍ସନ୍ନଦ୍ଧଂ ଚିତ୍ରଯୋଧିନମ୍॥ 7-91-43 (48166)
ଗାହମାନମନୀକାନି ମାତଙ୍ଗମିବ ଯୂଥପମ୍।
ମହେଷ୍ବାସଂ ପରାକ୍ରାନ୍ତଂ ନରବ୍ଯାଘ୍ରମବାରଯନ୍॥ 7-91-44 (48167)
ତତଃ ପ୍ରବବୃତେ ଯୁଦ୍ଧଂ ତୁମୁଲଂ ରୋମହର୍ଷଣମ୍।
ଅନ୍ଯୋନ୍ଯଂ ବୈ ପ୍ରାର୍ଥଯତାଂ ଯୋଧାନାମର୍ଜୁନସ୍ଯ ଚ॥ 7-91-45 (48168)
ଜଯଦ୍ରଥବଧପ୍ରେପ୍ସୁମାଯାନ୍ତଂ ପୁରୁଷର୍ଷଭମ୍।
ନ୍ଯବାରଯନ୍ତ ସହିତାଃ କ୍ରିଯା ବ୍ଯାଧିମିବୋତ୍ଥିତଂ॥ ॥ 7-91-46 (48169)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶୋଦିସଯୁଦ୍ଧେ ଏକନବତିତତମୋଽଧ୍ଯାଯଃ॥ 91 ॥
Mahabharata - Drona Parva - Chapter Footnotes
5-91-19 ଗିର୍ଯଗ୍ରାମ୍ବୁଦବେଶ୍ମନାଂ ବଜ୍ରାନିଲହୁତାଶନୈଃ ଚୂର୍ଣିତାକ୍ଷିପ୍ତଦଗ୍ଧାନାଂ ଇତି ଯଥାସଙ୍ଖ୍ଯେନାନ୍ବଯଃ॥ 5-91-91 ଏକନବତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 092
॥ ଶ୍ରୀଃ ॥
7.92. ଅଧ୍ଯାଯଃ 092
Mahabharata - Drona Parva - Chapter Topics
ଅର୍ଜୁନେନ ଶ୍ରୁତାଯୁଧସୁଦକ୍ଷିଣଯୋର୍ବଧଃ॥ 1 ॥Mahabharata - Drona Parva - Chapter Text
7-92-0 (48170)
ସଞ୍ଜଯ ଉବାଚ। 7-92-0x (4498)
ସନ୍ନିରୁଦ୍ଧସ୍ତୁ ତୈଃ ପାର୍ଥୋ ମହାବଲପରାକ୍ରମଃ।
ଦ୍ରୁତଂ ସମନୁଯାତଶ୍ଚ ଦ୍ରୋଣେନ ରଥିନାଂ ବରଃ॥ 7-92-1 (48171)
କିରନ୍ନିଷୁଗଣାଂସ୍ତୀକ୍ଷ୍ଣାନ୍ସ ରଶ୍ମୀନିବ ଭାସ୍କରଃ।
ତାପଯାମାସ ତତ୍ସୈନ୍ଯଂ ଦେହଂ ବ୍ଯାଧିଗଣୋ ଯଥା॥ 7-92-2 (48172)
ଅଶ୍ବୋ ବିଦ୍ଧୋ ରଥଶ୍ଛିନ୍ନଃ ସାରୋହଃ ପାତିତୋ ଗଜଃ।
ଛତ୍ରାଣି ଚାପବିଦ୍ଧାନି ରଥାଶ୍ଚକ୍ରୈର୍ବିନା କୃତାଃ॥ 7-92-3 (48173)
ବିଦ୍ରୁତାନି ଚ ସୈନ୍ଯାନି ଶରାର୍ତାନି ସମନ୍ତତଃ।
ଇତ୍ଯାସୀତ୍ତୁମୁଲଂ ଯୁଦ୍ଧଂ ନ ପ୍ରାଜ୍ଞାଯତ କିଞ୍ଚନ॥ 7-92-4 (48174)
ତେଷାଂ ସଂଯଚ୍ଛତାଂ ସଙ୍ଖ୍ଯେ ପରସ୍ପରମଜିହ୍ମଗୈଃ।
ଅର୍ଜୁନୋ ଧ୍ବଜିନୀଂ ରାଜନ୍ନଭୀକ୍ଷ୍ଣଂ ସମକମ୍ପଯତ୍॥ 7-92-5 (48175)
ସତ୍ଯାଂ ଚିକୀର୍ଷମାଣସ୍ତୁ ପ୍ରତିଜ୍ଞାଂ ସତ୍ଯସଙ୍ଗରଃ।
ଅଭ୍ଯଦ୍ରବଦ୍ରଥଶ୍ରେଷ୍ଠଂ ଶୋଣାଶ୍ବଂ ଶ୍ବେତବାହନଃ॥ 7-92-6 (48176)
ତଂ ଦ୍ରୋଣଃ ପଞ୍ଚବିଂଶତ୍ଯା ମର୍ମଭିଦ୍ଭିରଜିହ୍ମଗୈଃ।
ଅନ୍ତେବାସିନମାଚାର୍ଯୋ ମହେଷ୍ବାସଂ ସମାର୍ପଯତ୍॥ 7-92-7 (48177)
ତଂ ତୂର୍ଣମିବ ବୀଭତ୍ସୁଃ ସର୍ବଶସ୍ତ୍ରଭୃତାଂ ବରଃ।
ଅଭ୍ଯଧାବଦିଷୂନସ୍ଯନ୍ନିଷୁବେଗବିଘାତକାନ୍॥ 7-92-8 (48178)
ତସ୍ଯାଶୁ କ୍ଷିପତୋ ଭଲ୍ଲାନ୍ଭଲ୍ଲୈଃ ସନ୍ନତପର୍ବଭିଃ।
ପ୍ରତ୍ଯବିଧ୍ଯଦମେଯାତ୍ମା ବ୍ରହ୍ମାସ୍ତ୍ରଂ ସମୁଦୀରଯନ୍॥ 7-92-9 (48179)
ତଦଦ୍ଭୁତମପଶ୍ଯାମ ଦ୍ରୋଣସ୍ଯାଚାର୍ଯକଂ ଯୁଧି।
ଯତମାନୋ ଯୁବା ନୈନଂ ପ୍ରତ୍ଯବିଧ୍ଯଦ୍ଯଦର୍ଜୁନଃ॥ 7-92-10 (48180)
କ୍ଷରନ୍ନିବ ମହାମେଘୋ ବାରିଧାରାଃ ସହସ୍ରଶଃ।
ଦ୍ରୋଣମେଘଃ ପାର୍ଥଶୈଲଂ ବବର୍ଷ ଶରବୃଷ୍ଟିଭିଃ॥ 7-92-11 (48181)
ଅର୍ଜୁନଃ ଶରବର୍ଷଂ ତଚ୍ଛରବର୍ଷେଣ ବୀର୍ଯବାନ୍।
ଅବାରଯଦସମ୍ଭ୍ରାନ୍ତୋ ନ ତ୍ବାଚାର୍ଯମପୀଡଯତ୍॥ 7-92-12 (48182)
ଦ୍ରୋଣସ୍ତୁ ପଞ୍ଚବିଂଶତ୍ଯା ଶ୍ବେତବାହନମାର୍ଦଯତ୍।
ବାସୁଦେବଂ ଚ ସପ୍ତତ୍ଯା ବାହ୍ବୋରୁରସି ଚାଶୁଗୈଃ॥ 7-92-13 (48183)
ପାର୍ଥସ୍ତୁ ପ୍ରହସନ୍ଧୀମାନାଚାର୍ଯଂ ସ ଶରୌଘିଣମ୍।
ବିସୃଜନ୍ତଂ ଶିତାନ୍ବାଣାନବାରଯତ ତଂ ଯୁଧି॥ 7-92-14 (48184)
ଅଥ ତୌ ବଧ୍ଯମାନୌ ତୁ ଦ୍ରୋଣେନ ରଥସତ୍ତମୌ।
ଅବର୍ଜଯେତାଂ ଦୁର୍ଧର୍ଷଂ ଯୁଗାନ୍ତାଗ୍ନିମିବୋତ୍ଥିତମ୍॥ 7-92-15 (48185)
ବର୍ଜଯନ୍ନିଶିତାନ୍ବାଣାନ୍ଦ୍ରୋଣଚାପବିନିଃ ସୃତାନ୍।
କିରୀଟମାଲୀ କୌନ୍ତେଯୋ ଭୋଜାନୀକମଥାବିଶତ୍॥ 7-92-16 (48186)
ସୋଽନ୍ତରା କୃତବର୍ମାଣଂ କାମ୍ଭୋଜଂ ଚ ସୁଦକ୍ଷିଣମ୍।
ଅଭ୍ଯଯାଦ୍ବର୍ଜଯନ୍ଦ୍ରୋଣଂ ମୈନାକମିବ ପର୍ବତମ୍॥ 7-92-17 (48187)
ତତୋ ଭୋଜୋ ନରବ୍ଯାଘ୍ରୋ ଦୁର୍ଧର୍ଷଂ କୁରୁସତ୍ତମମ୍।
ଅବିଧ୍ଯତ୍ତୂର୍ଣମବ୍ଯଗ୍ରୋ ଦଶଭିଃ କଙ୍କପତ୍ରିଭିଃ॥ 7-92-18 (48188)
ତମର୍ଜୁନଃ ଶତେନାଜୌ ରାଜନ୍ବିବ୍ଯାଧ ପତ୍ରିଣାମ୍।
ପୁନଶ୍ଚାନ୍ଯୈସ୍ତ୍ରିଭିର୍ବାଣୈର୍ମୋହଯନ୍ନିବ ସାତ୍ବତମ୍॥ 7-92-19 (48189)
ଭୋଜସ୍ତୁ ପ୍ରହସନ୍ପାର୍ଥଂ ବାସୁଦେବଂ ଚ ମାଧବମ୍।
ଏକୈକଂ ପଞ୍ଚବିଂଶତ୍ଯା ସାଯକାନାଂ ସମାର୍ପଯତ୍॥ 7-92-20 (48190)
ତସ୍ଯାର୍ଜୁନୋ ଧନୁଶ୍ଛିତ୍ତ୍ବା ବିଯାଧୈନଂ ତ୍ରିସପ୍ତଭିଃ।
ଶରୈରଗ୍ନିଶିଖାକାରୈଃ କ୍ରୁଦ୍ଧାଶୀବିଷସନ୍ନିଭୈଃ॥ 7-92-21 (48191)
ଅଥାନ୍ଯଦ୍ଧନୁରାଦାଯ କୃତବର୍ମା ମହାରଥଃ।
ପଞ୍ଚଭିଃ ସାଯକୈସ୍ତୂର୍ଣଂ ବିବ୍ଯାଧୋରସି ଭାରତ॥ 7-92-22 (48192)
ପୁନଶ୍ଚ ନିଶିତୈର୍ବାଣୈଃ ପାର୍ଥଂ ବିବ୍ଯାଧ ପଞ୍ଚଭିଃ।
ତଂ ପାର୍ଥୋ ନବଭିର୍ବାଣୈରାଜଘାନ ସ୍ତନାନ୍ତରେ॥ 7-92-23 (48193)
ଦୃଷ୍ଟ୍ବା ବିଷକ୍ତଂ କୌନ୍ତେଯଂ କୃତବର୍ମରଥଂ ପ୍ରତି।
ଚିନ୍ତଯାମାସ ବାର୍ଷ୍ଣେଯୋ ନ ନଃ କାଲାତ୍ଯଯୋ ଭବେତ୍॥ 7-92-24 (48194)
ତତଃ କୃଷ୍ଣୋଽବ୍ରବୀତ୍ପାର୍ଥଂ କୃତବର୍ମଣି ମା ଦଯାମ୍।
କୁରୁ ସମ୍ବନ୍ଧକଂ ହିତ୍ବା ପ୍ରମଥ୍ଯୈନଂ ବିଶାତଯ॥ 7-92-25 (48195)
ତତଃ ସ କୃତବର୍ମାଣଂ ମହୋଯିତ୍ବାଽର୍ଜୁନଃ ଶରୈଃ।
ଅଭ୍ଯଗାଜ୍ଜବନୈରଶ୍ବୈଃ କାମ୍ଭୋଜାନାମନୀକିନୀମ୍॥ 7-92-26 (48196)
ଅମର୍ଷିତସ୍ତୁ ହାର୍ଦିକ୍ଯଃ ପ୍ରବିଷ୍ଟେ ଶ୍ବେତବାହନେ।
ବିଧୁନ୍ବନ୍ସଶରଂ ଚାପଂ ପାଞ୍ଚାଲ୍ଯାଭ୍ଯାଂ ସମାଗତଃ॥ 7-92-27 (48197)
ଚକ୍ରରକ୍ଷୌ ତୁ ପାଞ୍ଚାଲ୍ଯାବର୍ଜୁନସ୍ଯ ପଦାନୁଗୌ।
ପର୍ଯବାରଯଦାଯାନ୍ତୌ କୃତବର୍ମା ରଥେଷୁଭିଃ॥ 7-92-28 (48198)
ତାବବିଧ୍ଯତ୍ତତୋ ଭୋଜଃ କୃତବର୍ମା ଶିତୈଃ ଶରୈଃ।
ତ୍ରିଭିରେବ ଯୁଧାମନ୍ଯୁଂ ଚତୁର୍ଭିଶ୍ଚୋତ୍ତମୌଜସମ୍॥ 7-92-29 (48199)
ତାବପ୍ଯେନଂ ବିବିଧତୁର୍ଦଶଭିର୍ଦଶଭିଃ ଶରୈଃ।
ତ୍ରିଭିରେବ ଯୁଧାମନ୍ଯୁରୁତ୍ତଗୌଜାସ୍ତ୍ରିଭିସ୍ତଥା।
ସଞ୍ଚିଚ୍ଛିଦତୁରପ୍ଯସ୍ଯ ଧ୍ବଜଂ କାର୍ମୁକମେବ ଚ॥ 7-92-30 (48200)
ଅଥାନ୍ଯଦ୍ଧନୁରାଦାଯ ହାର୍ଦିକ୍ଯଃ କ୍ରୋଧମୂର୍ଚ୍ଛିତଃ।
କୃତ୍ବା ବିଧନୁଷୌ ବୀରୌ ଶରବର୍ଷୈରବାକିରତ୍॥ 7-92-31 (48201)
ତାବନ୍ଯେ ଧନୁଷୀ ସଜ୍ଯେ କୃତ୍ବା ଭୋଜଂ ବିଜଘ୍ନତୁଃ।
ତେନାନ୍ତରେଷୁ ବୀଭତ୍ସୁର୍ବିବେଶାମିତ୍ରବାହିନୀମ୍॥ 7-92-32 (48202)
ନ ଲେଭାତେ ତୁ ତୌ ଦ୍ବାରଂ ବାରିତୌ କୃତବର୍ମଣା।
ଧାର୍ତରାଷ୍ଟ୍ରେଷ୍ବନୀକେଷୁ ଯତମାନୌ ନରର୍ଷଭୌ॥ 7-92-33 (48203)
ଅନୀକାନ୍ଯର୍ଦଯନ୍ଯୁଦ୍ଧେ ତ୍ବରିତଃ ଶ୍ବେତବାହନଃ।
ନାବଧୀତ୍କୃତବର୍ମାଣଂ ପ୍ରାପ୍ତମପ୍ଯରିସୂଦନଃ॥ 7-92-34 (48204)
ତଂ ଦୃଷ୍ଟ୍ବା ତୁ ତଥାଽଽଯାନ୍ତଂଶୂରୋ ରାଜା ଶ୍ରୁତାଯୁଧଃ।
ଅଭ୍ଯଦ୍ରବତ୍ସୁସଙ୍କ୍ରୁଦ୍ଧୋ ବିଧୁନ୍ବାନୋ ମହଦ୍ଧନୁଃ॥ 7-92-35 (48205)
ସ ପାର୍ଥଂ ତ୍ରିଭିରାନର୍ଚ୍ଛତ୍ସପ୍ତତ୍ଯା ଚ ଜନାର୍ଦନମ୍।
କ୍ଷୁରପ୍ରେଣ ସୁତୀକ୍ଷ୍ଣେନ ପାର୍ଥକେତୁମତାଡଯତ୍॥ 7-92-36 (48206)
ତତୋଽର୍ଜୁନୋ ନବତ୍ଯା ତୁ ଶରାଣାଂ ନତପର୍ବଣାମ୍।
ଆଜଘାନ ଭୃଶଂ କ୍ରୁଦ୍ଧସ୍ତୋତ୍ରୈରିବ ମହାଦ୍ବିପମ୍॥ 7-92-37 (48207)
ସ ତନ୍ନ ମମୃଷେ ରାଜନ୍ପାଣ୍ଡବେଯସ୍ଯ ବିକ୍ରମମ୍।
ଅଥୈନଂ ସପ୍ତସପ୍ତତ୍ଯା ନାରାଚାନାଂ ସମାର୍ପଯତ୍॥ 7-92-38 (48208)
ତସ୍ଯାର୍ଜୁନୋ ଧନୁଶ୍ଛିତ୍ତ୍ବା ଶରାବାପଂ ନିକୃତ୍ଯ ଚ।
ଆଜଘାନୋରସି କ୍ରୁଦ୍ଧଃ ସପ୍ତଭିର୍ନତପର୍ବଭିଃ॥ 7-92-39 (48209)
ଅଥାନ୍ଯଦ୍ଧନୁରାଦାଯ ସ ରାଜା କ୍ରୋଧମୂର୍ଚ୍ଛିତଃ।
ବାସବିଂ ନବଭିର୍ବାଣୈର୍ବାହ୍ବୋରୁରସି ଚାର୍ପଯତ୍॥ 7-92-40 (48210)
ତତୋଽର୍ଜୁନଃ ସ୍ମଯନ୍ନେବ ଶ୍ରୁତାଯୁଧମରିନ୍ଦମଃ।
ଶରୈରନେକସାହସ୍ରୈଃ ପୀଡଯାମାସ ଭାରତ॥ 7-92-41 (48211)
ଅଶ୍ବାଂଶ୍ଚାସ୍ଯାବଧୀତ୍ତୂର୍ଣଂ ସାରଥିଂ ଚ ମହାରଥଃ।
ବିବ୍ଯାଧ ଚୈନଂ ସପ୍ତତ୍ଯା ନାରାଚାନାଂ ମହାବଲଃ॥ 7-92-42 (48212)
ହତାଶ୍ବଂ ରଥମୁତ୍ସୃଜ୍ଯ ସ ତୁ ରାଜା ଶ୍ରୁତାଯୁଧଃ।
ଅଭ୍ଯଦ୍ରୁବଦ୍ରୁଣେ ପାର୍ଥଂ ଗଦାମୁଦ୍ଯମ୍ଯ ବୀର୍ଯବାନ୍॥ 7-92-43 (48213)
ବରୁଣସ୍ଯତ୍ମଜୋ ବୀରଃ ସ ତୁ ରାଜା ଶ୍ରୁତାଯୁଧଃ।
ପର୍ଣାଶାଜନନୀ ଯସ୍ଯ ଶୀତତୋଯା ମହାନଦୀ॥ 7-92-44 (48214)
ତସ୍ଯ ମାତାଽବ୍ରବୀଦ୍ରାଜନ୍ବରୁଣଂ ପୁତ୍ରକାରଣାତ୍।
ଅବଧ୍ଯୋଽଯଂ ଭବେଲ୍ଲୋକେ ଶତ୍ରୂଣାଂ ତନଯୋ ମମ॥ 7-92-45 (48215)
ବରୁଣସ୍ତ୍ବବ୍ରବୀତ୍ପ୍ରୀତୋ ଦଦାମ୍ଯସ୍ମୈ ବରଂ ହିତମ୍।
ଦିବ୍ଯମସ୍ତ୍ରଂ ସୁତସ୍ତେଽଯଂ ଯେନାବଧ୍ଯୋ ଭବିଷ୍ଯତି॥ 7-92-46 (48216)
ନାସ୍ତି ଚାପ୍ଯମରତ୍ବଂ ବୈ ମନୁଷ୍ଯସ୍ଯ କଥଞ୍ଚନ।
ସର୍ବେଣାବଶ୍ଯମର୍ତବ୍ଯଂ ଜାତେନ ସରିତାଂ ବରେ॥ 7-92-47 (48217)
ଦୁର୍ଧର୍ଷସ୍ତ୍ବେଷ ଶତ୍ରୂଣାଂ ରଣେଷୁ ଭବିତା ସଦା।
ଅସ୍ତ୍ରସ୍ଯାସ୍ଯ ପ୍ରଭାବାଦ୍ବୈ ବ୍ଯେତୁ ତେ ମାନସୋ ଜ୍ବରଃ॥ 7-92-48 (48218)
ଇତ୍ଯୁକ୍ତ୍ବା ବରୁଣଃ ପ୍ରାଦାଦ୍ଗଦାଂ ମନ୍ତ୍ରପୁରସ୍କୃତାମ୍।
ଯାମାସାଦ୍ଯ ଦୁରାଧର୍ଷଃ ସର୍ବଲୋକେ ଶ୍ରୁତାଯୁଧଃ॥ 7-92-49 (48219)
ଉବାଚ ଚୈନଂ ଭଗବାନ୍ପୁନରେବ ଜଲେଶ୍ବରଃ।
ଅଯୁଧ୍ଯତି ନ ମୋକ୍ତବ୍ଯା ସା ତ୍ବଯ୍ଯେବ ପତେଦିତି॥ 7-92-50 (48220)
ହନ୍ଯାଦେଷା ପ୍ରତୀପଂ ହି ପ୍ରଯୋକ୍ତାରମପି ପ୍ରଭୋ।
ନ ଚାକରୋତ୍ସ ତଦ୍ବାକ୍ଯଂ ପ୍ରାପ୍ତେ କାଲେ ଶ୍ରୁତାଯୁଧଃ॥ 7-92-51 (48221)
ସ ତଯା ବୀରଘାତିନ୍ଯା ଜନାର୍ଦନମତାଡଯତ୍।
ପ୍ରତିଜଗ୍ରାହ ତାଂ କୃଷ୍ଣଃ ପୀନେନାଂସେନ ବୀର୍ଯବାନ୍।
ନାକମ୍ପଯତ ଶୌରିଂ ସା ବିନ୍ଧ୍ଯଂ ଗିରିମିବାନିଲଃ॥ 7-92-52 (48222)
`ତତୋଽର୍ଜୁନଃ କ୍ଷୁରପ୍ରାଭ୍ଯାଂ ଭୁଜୌ ପରିଘସନ୍ନିଭୌ।
ଚିଚ୍ଛେଦ ପାଣ଼୍ଡବଃ ଶୀଘ୍ରଂ ଜଲେଶ୍ବରସୁତସ୍ଯ ବୈ॥ 7-92-53 (48223)
ସ ଜ୍ବଲନ୍ତୀ ମହୋଲ୍କେବ ସମାସାଦ୍ଯ ଜନାର୍ଦନମ୍'।
ପ୍ରତ୍ଯାଗତା ମହାବେଗା କୃତ୍ଯେବ ଦୁରଧିଷ୍ଠିତା॥ 7-92-54 (48224)
ଜଘାନ ଚାସ୍ଥିତଂ ବୀରଂ ଶ୍ରୁତାଯୁଧମମର୍ଷଣମ୍।
`ସ ପପାତ ହତୋ ଭୂମୌ ବିଶିରା ବିଭୁଜୋ ବଲୀ।
ସମ୍ଭଗ୍ନ ଇବ ବାତେନ ବହୁଶାଖୋ ବନସ୍ପତିଃ॥ 7-92-55 (48225)
ସା ବିସ୍ଫୁରନ୍ତୀ ଜ୍ବଲିତା ବଜ୍ରବେଗସମା ଗଦା'।
ହତ୍ବା ଶ୍ରୁତାଯୁଧଂ ବୀରଂ ଧରଣୀମନ୍ବପଦ୍ଯତ॥ 7-92-56 (48226)
ଗଦାଂ ନିବର୍ତିତାଂ ଦୃଷ୍ଟ୍ବା ନିହତଂ ଚ ଶ୍ରୁତାଯୁଧମ୍।
ହାହାକାରୋ ମହାଂସ୍ତତ୍ର ସୈନ୍ଯାନାଂ ସମଜାଯତ।
ସ୍ବେନାସ୍ତ୍ରେଣ ହତଂ ଦୃଷ୍ଟ୍ବା ଶ୍ରୁତାଯୁଧମରିନ୍ଦମମ୍॥ 7-92-57 (48227)
ଅଯୁଧ୍ଯମାନାଯ ତତଃ କେଶବାଯ ନରାଧିପ।
କ୍ଷିପ୍ତା ଶ୍ରୁତାଯୁଧେନାଥ ତସ୍ମାତ୍ତମବଧୀଦ୍ଗଦା॥ 7-92-58 (48228)
ଯଥୋକ୍ତଂ ବରୁଣେନାଜୌ ତଥା ସ ନିଧନଂ ଗତଃ।
ବ୍ଯସୁଶ୍ଚାପ୍ଯପତଦ୍ଭୂମୌ ପ୍ରେକ୍ଷତାଂ ସର୍ବଧନ୍ବିନାମ୍॥ 7-92-59 (48229)
ପତମାନସ୍ତୁ ସ ବଭୌ ପର୍ଣାଶାଯାଃ ପ୍ରିଯଃ ସୁତଃ।
ସମ୍ଭଗ୍ନ ଇବ ବାତେନ ବହୁଶାଖୋ ବନସ୍ପତିଃ॥ 7-92-60 (48230)
ତତଃ ସର୍ବାଣି ସୈନ୍ଯାନି ସେନାମୁଖ୍ଯାଶ୍ଚ ସର୍ବଶଃ।
ପ୍ରାଦ୍ରବନ୍ତ ହତଂ ଦୃଷ୍ଟ୍ବା ଶ୍ରୁତାଯୁଧମରିନ୍ଦମମ୍॥ 7-92-61 (48231)
ତତଃ କାମ୍ଭୋଜରାଜସ୍ଯ ପୁତ୍ରଃ ଶୂରଃ ସୁଦକ୍ଷିଣଃ।
ଅଭ୍ଯଯାଜ୍ଜବନୈରଶ୍ବୈଃ ଫଲ୍ଗୁନଂ ଶତ୍ରୁସୂଦନମ୍॥ 7-92-62 (48232)
ତସ୍ଯ ପାର୍ଥଃ ଶରାନ୍ସପ୍ତ ପ୍ରେଷଯାମାସ ଭାରତ।
ତେ ତଂ ଶୂରଂ ବିନିର୍ଭିଦ୍ଯ ପ୍ରାବିଶନ୍ଧରଣୀତଲମ୍॥ 7-92-63 (48233)
ସୋଽତିବିଦ୍ଧଃ ଶରୈସ୍ତୀକ୍ଷ୍ଣୈର୍ଗାଣ୍ଡୀବପ୍ରେଷିତୈର୍ମୃଧେ।
ଅର୍ଜୁନଂ ପ୍ରତିବିବ୍ଯାଧ ଦଶଭିଃ କଙ୍କପତ୍ରିଭିଃ॥ 7-92-64 (48234)
ବାସୁଦେବଂ ତ୍ରିଭିର୍ବିଦ୍ଧ୍ବା ପୁନଃ ପାର୍ଥଂ ଚ ପଞ୍ଚଭିଃ।
ତସ୍ଯ ପାର୍ଥୋ ଧନୁଶ୍ଛିତ୍ତ୍ବା କେତୁଂ ଚିଚ୍ଛେଦ ମାରିଷ॥ 7-92-65 (48235)
ଭଲ୍ଲାଭ୍ଯାଂ ଭୃଶତୀକ୍ଷ୍ଣାଭ୍ଯାଂ ତଂ ଚ ବିବ୍ଯାଧ ପାଣ୍ଡବଃ।
ସ ତୁ ପାର୍ଥଂ ତ୍ରିଭିର୍ବିଦ୍ଧ୍ବା ସିଂହନାଦମଥାନଦତ୍॥ 7-92-66 (48236)
ସର୍ବପାରଶବୀଂ ଚୈବ ଶକ୍ତିଂ ଶୂରଃ ସୁଦକ୍ଷିଣଃ।
ସଘଣ୍ଟାଂ ପ୍ରାହିଣୋଦ୍ଧୋରାଂ କ୍ରୁଦ୍ଧୋ ଗାଣ୍ଡୀବଧନ୍ବନେ॥ 7-92-67 (48237)
ସା ଜ୍ବଲନ୍ତୀ ମହୋଲ୍କେବ ତମାସାଦ୍ଯ ମହାରଥମ୍।
ସବିସ୍ଫୁଲିଙ୍ଗା ନିର୍ଭିଦ୍ଯ ନିପପାତ ମହୀତଲେ॥ 7-92-68 (48238)
ଶକ୍ଯା ତ୍ବଭିହତୋ ଗାଢଂ ମୂର୍ଚ୍ଛଯାଽଭିପରିପ୍ଲୁତଃ।
ସମାଶ୍ବାସ୍ଯ ମହାତେଜାଃ ସୃକ୍ବିଣୀ ପରିଲେଲିହନ୍॥ 7-92-69 (48239)
ତଂ ଚତୁର୍ଦଶଭିଃ ପାର୍ଥୋ ନାରାଚୈଃ କଙ୍କପତ୍ରିଭିଃ।
ସାଶ୍ବଧ୍ବଜଧନୁଃସୂତଂ ବିବ୍ଯାଧାଚିନ୍ତ୍ଯବିକ୍ରମଃ॥ 7-92-70 (48240)
ରଥଂ ଚାନ୍ଯୈଃ ସୁବହୁଭିଶ୍ଚକ୍ରେ ବିଶକଲଂ ଶରୈଃ।
ସୁଦକ୍ଷିଣଂ ତଂ କାମ୍ଭୋଜଂ ମୋଘସଙ୍କଲ୍ପବିକ୍ରମମ୍।
ବିଭେଦ ହୃଦି ବାଣେନ ପୃଥୁଧାରେଣ ପାଣ୍ଡବଃ॥ 7-92-71 (48241)
ସ ଭିନ୍ନବର୍ମା ସ୍ରସ୍ତାଙ୍ଗଃ ପ୍ରଭ୍ରଷ୍ଟମୁକୁଟାଙ୍ଗଦଃ।
ପପାତାଭିମୁଖଃ ଶୂରୋ ଯନ୍ତ୍ରମୁକ୍ତ ଇବ ଧ୍ବଜଃ॥ 7-92-72 (48242)
ଗିରେଃ ଶିଖରଜଃ ଶ୍ରୀମାନ୍ସୁଶାଖଃ ସୁପ୍ରତିଷ୍ଠିତଃ।
ନିର୍ଭଗ୍ନ ଇବ ବାତେନ କର୍ଣିକାରୋ ହିମାତ୍ଯଯେ।
ବିଶୀର୍ଣଃ ପତିତୋ ରାଜା ପ୍ରସାର୍ଯ ବିପୁଲୌ ଭୁଜୌ॥ 7-92-73 (48243)
ଶେତେ ସ୍ମ ନିହତୋ ଭୂମୌ କାମ୍ଭୋଜାସ୍ତରଣୋଚିତଃ।
ମହାର୍ହାଭରଣୋପେତଃ ସାନୁମାନିବ ପର୍ବତଃ॥ 7-92-74 (48244)
ସୁଦର୍ଶନୀଯସ୍ତାମ୍ରାକ୍ଷଃ କର୍ଣିନା ସ ସୁଦକ୍ଷିଣଃ।
ପୁତ୍ରଃ କାମ୍ଭୋଜରାଜସ୍ଯ ପାର୍ଥେନ ବିନିପାତିତଃ॥ 7-92-75 (48245)
ଧାରଯନ୍ନଗ୍ନିସଙ୍କାଶାଂ ଶିରସା କାଞ୍ଚନୀଂ ସ୍ରଜମ୍।
ଅଶୋଭତ ମହାବାହୁର୍ବ୍ଯସୁର୍ଭୂମୌ ନିପାତିତଃ॥ 7-92-76 (48246)
ତତଃ ସର୍ବାଣି ସୈନ୍ଯାନି ବ୍ଯଦ୍ରବନ୍ତ ସୁତସ୍ଯ ତେ।
ହତଂ ଶ୍ରୁତାଯୁଧଂ ଦୃଷ୍ଟ୍ବା କାମ୍ଭୋଜଂ ଚ ସୁଦକ୍ଷିଣମ୍॥ ॥ 7-92-77 (48247)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଦ୍ବିନବତିତମୋଽଧ୍ଯାଯଃ॥ 92 ॥
Mahabharata - Drona Parva - Chapter Footnotes
5-92-15 ତେଷାଂ ସଂଯଚ୍ଛତାଂ ବିଧାରଯତାମ୍॥ 5-92-10 ଆଚାର୍ଯକଂ ଶିକ୍ଷାମ୍॥ 5-92-28 ରଥେଷୁଭିଃ ଅଦୂରସ୍ଥାଯିଭିର୍ବାଣୈଃ॥ 5-92-54 କୃତ୍ଯା ଅଭିଚାରଦେବତା॥ 5-92-72 ଧ୍ବଜଃ ଶକ୍ରଧ୍ବଜଃ॥ 5-92-92 ଦ୍ବିନବତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 093
॥ ଶ୍ରୀଃ ॥
7.93. ଅଧ୍ଯାଯଃ 093
Mahabharata - Drona Parva - Chapter Topics
ଅର୍ଜୁନେନ ଶ୍ରୁତାଯୁଃପ୍ରଭୃତୀନାଂ ବଧଃ॥ 1 ॥Mahabharata - Drona Parva - Chapter Text
7-93-0 (48248)
ସଞ୍ଜଯ ଉବାଚ। 7-93-0x (4499)
ହତେ ସୁଦକ୍ଷିଣେ ରାଜନ୍ବୀରେ ଚୈବ ଶ୍ରୁତାଯୁଧେ।
ଜବେନାଭ୍ଯଦ୍ରବନ୍ପାର୍ଥଂ କୁପିତାଃ ସୈନିକାସ୍ତବ॥ 7-93-1 (48249)
ଅଭୀଷାହାଃ ଶୂରସେନାଃ ଶିବଯୋଽଥ ବସାତଯଃ।
ଅଭ୍ଯବର୍ଷଂସ୍ତତୋ ରାଜଞ୍ଶରବର୍ଷୈର୍ଧନଞ୍ଜଯମ୍॥ 7-93-2 (48250)
ତେଷାଂ ଷଷ୍ଟିଶତାନନ୍ଯାନ୍ପ୍ରାମଥ୍ନାତ୍ପାଣ୍ଡବଃ ଶରୈଃ।
ତେ ସ୍ମ ଭୀତାଃ ପଲାଯନ୍ତେ ବ୍ଯାଘ୍ରାତ୍କ୍ଷୁଦ୍ରମୃଗା ଇବ॥ 7-93-3 (48251)
ତେ ନିବୃତ୍ତାଃ ପୁନଃ ପାର୍ଥଂ ସର୍ବତଃ ପର୍ଯବାରଯନ୍।
ରଣେ ସପତ୍ନାନ୍ନିଘ୍ନନ୍ତଂ ଜିଗୀଷନ୍ତଂ ପରାନ୍ଯୁଧି॥ 7-93-4 (48252)
ତେଷାମାପତତାଂ ତୂର୍ଣଂ ଗାଣ୍ଡୀବପ୍ରେଷିତୈଃ ଶରୈଃ।
ଶିରାଂସି ପାତଯାମାସ ବାହୂଂଶ୍ଚାପି ଧନଞ୍ଜଯଃ॥ 7-93-5 (48253)
ଶିରୋଭିଃ ପାତିତୈସ୍ତତ୍ର ଭୂମିରାସୀନ୍ନିରନ୍ତରା।
ଅଭ୍ରଚ୍ଛାଯେବ ଚୈବାସୀଦ୍ଧ୍ବାଙ୍କ୍ଷଗୃଧ୍ରବଲୈର୍ଯୁଧି॥ 7-93-6 (48254)
ତେଷୁ ତୂତ୍ସାଦ୍ଯମାନେଷୁ କ୍ରୋଧାମର୍ଷସମନ୍ବିତୌ।
ସ୍ରୁତାଯୁଶ୍ଚାଶ୍ରୁତାଯୁଶ୍ଚ ଧନଞ୍ଜଯମଯୁଧ୍ଯତାମ୍॥ 7-93-7 (48255)
ବଲିନୌ ସ୍ପର୍ଧିନୌ ବୀରୌ କୁଲଜୌ ବାହୁଶାଲିନୌ।
ତାବେନଂ ଶରବର୍ଷାଣି ସବ୍ଯଦକ୍ଷିଣମସ୍ଯତାମ୍॥ 7-93-8 (48256)
ତ୍ବରାଯୁକ୍ତୌ ମହରାଜ ପ୍ରାର୍ଥଯାନୌ ମହଦ୍ଯଶଃ।
ଅର୍ଜୁନସ୍ଯ ବଧପ୍ରେପ୍ସୂ ପୁତ୍ରାର୍ଥେ ତବ ଧନ୍ବିନୌ॥ 7-93-9 (48257)
ତାବର୍ଜୁନଂ ସହସ୍ରେଣ ପତ୍ରିଣାଂ ନତପର୍ବଣାମ୍।
ପୂରଯାମାସତୁଃ କ୍ରୁଦ୍ଧୌ ତଟାକଂ ଜଲଦୌ ଯଥା॥ 7-93-10 (48258)
ଶ୍ରୁତାଯୁଶ୍ଚ ତତଃ କ୍ରୁଦ୍ଧସ୍ତୋମରେଣ ଧନଞ୍ଜଯମ୍।
ଆଜଘାନ ରଥଶ୍ରେଷ୍ଠଃ ପୀତେନ ନିଶିତେନ ଚ॥ 7-93-11 (48259)
ସୋଽତିବିଦ୍ଧୋ ବଲବତା ଶତ୍ରୁଣା ଶତ୍ରୁକର୍ଶନଃ।
ଜଗାମ ପରମଂ ମୋହଂ ମୋହଯନ୍କେଶବଂ ରଣେ॥ 7-93-12 (48260)
ଏତସ୍ମିନ୍ନେବ କାଲେ ତୁ ସୋଽଶ୍ରୁତାଯୁର୍ମହାରଥଃ।
ଶୂଲେନ ଭୃଶତୀକ୍ଷ୍ଣେନ ତାଡଯାମାସ ପାଣ୍ଡବମ୍॥ 7-93-13 (48261)
କ୍ଷତେ କ୍ଷାରଂ ସ ହି ଦଦୌ ପାଣ୍ଡବସ୍ଯ ମହାତ୍ମନଃ।
ପାର୍ଥୋଽପି ଭୃଶସଂବିଦ୍ଧୋ ଧ୍ବଜଯଷ୍ଟିଂ ସମାଶ୍ରିତଃ॥ 7-93-14 (48262)
ତତଃ ସର୍ବସ୍ଯ ସୈନ୍ଯସ୍ଯ ତାବକସ୍ଯ ବିଶାମ୍ପତେ।
ସିଂହନାଦୋ ମହାନାସୀଦ୍ଧତଂ ମତ୍ବା ଧନଞ୍ଜଯମ୍॥ 7-93-15 (48263)
କୃଷ୍ଣଶ୍ଚ ଭୃଶସନ୍ତପ୍ତୋ ଦୃଷ୍ଟ୍ବା ପାର୍ଥଂ ବିଚେତନମ୍।
ଆଶ୍ବାସଯତ୍ସୁହୃଦ୍ଯାଭିର୍ବାଗ୍ଭିସ୍ତତ୍ର ଧନଞ୍ଜଯମ୍॥ 7-93-16 (48264)
ତତସ୍ତୌ ରଥିନାଂ ଶ୍ରେଷ୍ଠୌ ଲବ୍ଧଲକ୍ଷୌ ଧନଞ୍ଜଯମ୍।
ବାସୁଦେବଂ ଚ ବାର୍ଷ୍ଣେଯଂ ଶରବର୍ଷୈଃ ସମନ୍ତତଃ॥ 7-93-17 (48265)
ସଚକ୍ରକୂବରରଥଂ ସାଶ୍ବଧ୍ବଜପତାକିନମ୍।
ଅଦୃଶ୍ଯଂ ଚକ୍ରତୁର୍ଯୁଦ୍ଧେ ତଦଦ୍ଭୁତମିବାଭବତ୍॥ 7-93-18 (48266)
ପ୍ରତ୍ଯାଶ୍ବସ୍ତସ୍ତୁ ବୀଭତ୍ସୁଃ ଶନକୈରିବ ଭାରତ।
ପ୍ରେତରାଜପୁରଂ ପ୍ରାପ୍ଯ ପୁନଃ ପ୍ରତ୍ଯାଗତୋ ଯଥା॥ 7-93-19 (48267)
ସଞ୍ଛନ୍ନଂ ଶରଜାଲେନ ରଥଂ ଦୃଷ୍ଟ୍ବା ସକେଶବମ୍।
ଶତ୍ରୂ ଚାଭିମୁଖୌ ଦୃଷ୍ଟ୍ବା ଦୀପ୍ଯମାନାବିବାନଲୌ॥ 7-93-20 (48268)
ପ୍ରାଦୁଶ୍ଚକ୍ରେ ତତଃ ପାର୍ଥଃ ଶାକ୍ରମସ୍ତ୍ରଂ ମହାରଥଃ।
ତସ୍ମାଦାସନ୍ସହସ୍ରାଣି ଶରାଣାଂ ନତପର୍ବଣାମ୍॥ 7-93-21 (48269)
ତେ ଜଘ୍ନୁସ୍ତୌ ମହେଷ୍ବାସୌ ତାଭ୍ଯାଂ ମୁକ୍ତାଂଶ୍ଚ ସାଯକାନ୍।
ବିଚେରୁରାକାଶଗତାଃ ପାର୍ଥଚାପବିନିଃସୃତାଃ॥ 7-93-22 (48270)
ପ୍ରତିହତ୍ଯ ସରାଂସ୍ତୂର୍ଣଂ ଶରବେଗେନ ପାଣ୍ଡବଃ।
ପ୍ରତସ୍ଥେ ତତ୍ରତତ୍ରୈବ ଯୋଧଯନ୍ବୈ ମହାରଥାନ୍॥ 7-93-23 (48271)
ତୌ ଚ ଫଲ୍ଗୁନବାଣୌଘୈର୍ବିବାହୁଶିରସୌ କୃତୌ।
ବସୁଧାମନ୍ବପଦ୍ଯେତାଂ ବାତନୁନ୍ନାବିବ ଦ୍ରୁମୌ॥ 7-93-24 (48272)
ଶ୍ରୁତାଯୁଷଶ୍ଚ ନିଧନଂ ବଧଶ୍ଚେବାଶ୍ରୁତାଯୁଷଃ।
ଲୋକବିସ୍ମାପନମଭୂତ୍ସମୁଦ୍ରସ୍ଯେବ ଶୋଷଣମ୍॥ 7-93-25 (48273)
ତଯୋଃ ପଦାନୁଗାନ୍ହତ୍ବା ପୁନଃ ପଞ୍ଚଶତଂ ରଥାନ୍।
ପ୍ରତ୍ଯଗାଦ୍ଭାରତୀଂ ସେନାଂ ନିଘ୍ନନ୍ପାର୍ଥୋ ବରାନ୍ବରାନ୍॥ 7-93-26 (48274)
ଶ୍ରୁତାଯୁଷଂ ଚ ନିହତଂ ପ୍ରେକ୍ଷ୍ଯ ଚୈବାଶ୍ରୁତାଯୁଷମ୍।
ନିଯତାଯୁଶ୍ଚ ସଙ୍କ୍ରୁଦ୍ଧୋ ଦୀର୍ଘାଯୁଶ୍ଚୈବ ଭାରତ॥ 7-93-27 (48275)
ପୁତ୍ରୌ ତଯୋର୍ନରଶ୍ରେଷ୍ଠୌ କୌନ୍ତେଯଂ ପ୍ରତି ଜଗ୍ମତୁଃ।
କିରନ୍ତୌ ବିବିଧାନ୍ବାଣାନ୍ପିତୃବ୍ଯସନକର୍ଶିତୌ॥ 7-93-28 (48276)
ତାବର୍ଜୁନୋ ମୁହୂର୍ତେନ ଶରୈଃ ସନ୍ନତପର୍ବଭିଃ।
ପ୍ରୈଷଯତ୍ପରମକ୍ରୁଦ୍ଧୋ ଯମସ୍ଯ ସଦନଂ ପ୍ରତି॥ 7-93-29 (48277)
ଲୋଡଯନ୍ତମନୀକାନି ଦ୍ବିପଂ ପଦ୍ମସରୋ ଯଥା।
ନାଶକ୍ନୁବନ୍ବାରଯିତୁଂ ପାର୍ଥଂ କ୍ଷତ୍ରିଯପୁଙ୍ଗବାଃ॥ 7-93-30 (48278)
ଅଙ୍ଗାସ୍ତୁ ଗଜସଙ୍ଘୈଶ୍ଚ ପାଣ୍ଡବଂ ପର୍ଯବାରଯନ୍।
କ୍ରୁଦ୍ଧାଃ ସହସ୍ରଶୋ ରାଜଞ୍ଶିକ୍ଷିତା ହସ୍ତିସାଦିନଃ॥ 7-93-31 (48279)
ଦୁର୍ଯୋଧନସମାଦିଷ୍ଟାଃ କୁଞ୍ଜରୈଃ ପର୍ବତୋପମୈଃ।
ପ୍ରାଚ୍ଯାଶ୍ଚ ଦାକ୍ଷିଣାତ୍ଯାଶ୍ଚ କଲିଙ୍ଗପ୍ରମୁଖା ନୃପାଃ॥ 7-93-32 (48280)
ତେଷାମାପତତାଂ ଶୀଘ୍ରଂ ଗାଣ୍ଡୀବପ୍ରେଷିତୈଃ ଶରୈଃ।
ନିଚକର୍ତ ଶିରାଂସ୍ଯୁଗ୍ରୋ ବାହୂନପି ସୁଭୂଷଣାନ୍॥ 7-93-33 (48281)
ତୈଃ ଶିରୋଭିର୍ମହୀ କୀର୍ଣା ବାହୁଭିଶ୍ଚ ସହାଙ୍ଗଦୈଃ।
ବଭୌ କନକପାଷାଣା ଭୁଜଗୈରିବ ସଂବୃତା॥ 7-93-34 (48282)
ବାହବୋ ବିଶିଖୈଶ୍ଛିନ୍ନାଃ ଶିରାଂସ୍ଯୁନ୍ମଥିତାନି ଚ।
ପତମାନାନ୍ଯଦୃଶ୍ଯନ୍ତ ଦ୍ରୁମେଭ୍ଯ ଇବ ପକ୍ଷିଣଃ॥ 7-93-35 (48283)
ଶରୈଃ ସହସ୍ରଶୋ ବିଦ୍ଧା ଦ୍ବିପାଃ ପ୍ରସୃତଶୋଣିତାଃ।
ଅଦୃଶ୍ଯନ୍ତାଦ୍ରଯଃ କାଲେ ଗୈରିକାମ୍ବୁସ୍ରବା ଇବ॥ 7-93-36 (48284)
ନିହତାଃ ଶେରତେ ସ୍ମାନ୍ଯେ ବୀଭତ୍ସୋର୍ନିଶିତୈଃ ଶରୈଃ।
ଗଜପୃଷ୍ଠଗତା ମ୍ଲେଚ୍ଛା ନାନାବିକୃତଦର୍ଶନାଃ॥ 7-93-37 (48285)
ନାନାବେଷଧରା ରାଜନ୍ନାନାଶସ୍ତ୍ରୌଘସଂବୃତାଃ।
ରୁଧିରେଣାନୁଲିପ୍ତାଙ୍ଗା ଭାନ୍ତି ଚିତ୍ରୈଃ ଶରୈର୍ହତାଃ॥ 7-93-38 (48286)
ଶୋଣିତଂ ନିର୍ବମନ୍ତି ସ୍ମ ଦ୍ବିପାଃ ପାର୍ଥଶରାହତାଃ।
ସହସ୍ରଶଶ୍ଛିନ୍ନଗାତ୍ରାଃ ସାରୋହାଃ ସପଦାନୁଗାଃ॥ 7-93-39 (48287)
ଚୁକ୍ରୁଶୁଶ୍ଚ ନିପେତୁଶ୍ଚ ବଭ୍ରମୁଶ୍ଚାପରେ ଦିଶଃ।
ଭୃଶଂ ତ୍ରସ୍ତାଶ୍ଚ ବହବଃ ସ୍ବାନେବ ମମୃଦୁର୍ଗଜାଃ॥ 7-93-40 (48288)
ସୋତ୍ତରାଯୁଧିନଶ୍ଚୈବ ଦ୍ବିପାସ୍ତୀକ୍ଷ୍ଣବିଷୋପମାଃ।
ବିଦନ୍ତ୍ଯସୁରମାଯାଂ ଯେ ସୁଘୋରା ଘୋରଚକ୍ଷୁଷଃ॥ 7-93-41 (48289)
ଯବନାଃ ପାରଦାଶ୍ଚୈବ ଶକାଶ୍ଚ ସହ ବାହ୍ଲିକୈଃ।
କାକବର୍ଣା ଦୁରାଚାରାଃ ସ୍ତ୍ରୀଲୋଲାଃ କଲହପ୍ରିଯାଃ॥ 7-93-42 (48290)
ଦ୍ରାବିଡାସ୍ତତ୍ର ଯୁଧ୍ଯନ୍ତେ ମତ୍ତମାତଙ୍ଗବିକ୍ରମାଃ।
ଗୋଯୋନିପ୍ରଭବା ମ୍ଲେଚ୍ଛାଃ କାଲକଲ୍ପାଃ ପ୍ରହାରିଣଃ॥ 7-93-43 (48291)
ଦାର୍ବାତିସାରା ଦରଦାଃ ପୁଣ୍ଡ୍ରାଶ୍ଚୈବ ସହସ୍ରଶଃ।
ତେ ନ ଶକ୍ଯାଃ ସ୍ମ ସଙ୍ଖ୍ଯାତୁଂ ବ୍ରାତାଃ ଶତସହସ୍ରଶଃ॥ 7-93-44 (48292)
ଅଭ୍ଯବର୍ଷନ୍ତ ତେ ସର୍ବେ ପାଣ୍ଡବଂ ନିଶିତୈଃ ଶରୈଃ।
ଅବାକିରଂଶ୍ଚ ତେ ମ୍ଲେଚ୍ଛା ନାନାଯୁଦ୍ଧବିଶାରଦାଃ॥ 7-93-45 (48293)
ତେଷାମପି ସସର୍ଜାଶୁ ଶରବୃଷ୍ଟିଂ ଧନଞ୍ଜଯଃ।
ସୃଷ୍ଟିସ୍ତଥାବିଧା ହ୍ଯାସୀଚ୍ଛଲଭାନାମିବାଯତିଃ॥ 7-93-46 (48294)
ଅଭ୍ରଚ୍ଛାଯାମିବ ଶରୈଃ ସୈନ୍ଯେ କୃତ୍ବା ଧନଞ୍ଜଯଃ।
ମୁଣ୍ଡାର୍ଧମୁଣ୍ଡାଞ୍ଜଟିଲାନଶୁଚୀଞ୍ଜଟିଲାନନାନ୍।
ମ୍ଲେଚ୍ଛାନଶାତଯତ୍ସର୍ବାନ୍ସମେତାନସ୍ତ୍ରତେଜସା॥ 7-93-47 (48295)
ଶରୈଶ୍ଚ ଶତଶୋ ବିଦ୍ଧାସ୍ତେ ସଙ୍ଘା ଗିରିଚାରିଣଃ।
ପ୍ରାଦ୍ରବନ୍ତ ରଣେ ଭୀତା ଗିରିଗହ୍ବରବାସିନଃ॥ 7-93-48 (48296)
ଗଜାଶ୍ବସାଦିମ୍ଲେଚ୍ଛାନାଂ ପତିତାନାଂ ଶିତୈଃ ଶରୈଃ।
ବକାଃ କଙ୍କା ବୃକା ଭୂମାବପିବନ୍ରୁଧିରଂ ମୁଦା॥ 7-93-49 (48297)
ପତ୍ତ୍ଯଶ୍ବରଥନାଗୈଶ୍ଚ ପ୍ରଚ୍ଛନ୍ନକୃତସଙ୍କ୍ରମାମ୍।
ଶରବର୍ଷପ୍ଲବାଂ ଘୋରାଂ କେଶଶୈବଲଶାଦ୍ବଲାମ୍।
ପ୍ରାବର୍ତଯନ୍ନଦୀମୁଗ୍ରାଂ ଶୋଣିତୌଘତରଙ୍ଗିଣୀମ୍॥ 7-93-50 (48298)
ଛିନ୍ନାଙ୍ଗୁଲୀକ୍ଷୁଦ୍ରମତ୍ସ୍ଯାଂ ଯୁଗାନ୍ତେ କାଲସନ୍ନିଭାମ୍।
ପ୍ରାକରୋଦ୍ଗଜସମ୍ବାଧାଂ ନଦୀମୁତ୍ତରଶୋଣିତାମ୍॥ 7-93-51 (48299)
ଦେହେଭ୍ଯୋ ରାଜପୁତ୍ରାଣାଂ ନାଗାଶ୍ବରଥସାଦିନାମ୍।
ଯଥା ସ୍ଥଲଂ ଚ ନିମ୍ନଂ ଚ ନ ସ୍ଯାଦ୍ବର୍ଷତି ବାସବେ।
ତଥାଽଽସୀତ୍ପୃଥିବୀ ସର୍ବା ଶୋଣିତେନ ପରିପ୍ଲୁତା॥ 7-93-52 (48300)
ଷଟ୍ସହସ୍ରାନ୍ହଯାନ୍ବୀରାନ୍ପୁନର୍ଦଶଶତାନ୍ବରାନ୍।
ପ୍ରାହିଣୋନ୍ମୃତ୍ଯୁଲୋକାଯ କ୍ଷତ୍ରିଯାନ୍କ୍ଷତ୍ରିଯର୍ଷଭଃ॥ 7-93-53 (48301)
ଶରୈଃ ସହସ୍ରଶୋ ବିଦ୍ଧା ବିଧିବତ୍କଲ୍ପିତା ଦ୍ବିପାଃ।
ଶେରତେ ଭୂମିମାସାଦ୍ଯ ଶୈଲା ବଜ୍ରହତା ଇବ॥ 7-93-54 (48302)
ସ ବାଜିରଥମାତଙ୍ଗାନ୍ନିଘ୍ନନ୍ବ୍ଯଚରଦର୍ଜୁନଃ।
ପ୍ରଭିନ୍ନ ଇବ ମାତଙ୍ଗୋ ମୃଦ୍ଗନ୍ନଲବନଂ ଯଥା॥ 7-93-55 (48303)
ଭୁରିଦ୍ରୁମଲତାଗୁଲ୍ମଂ ଶୁଷ୍କେନ୍ଧନତୃଣୋଲପମ୍।
ନିର୍ଦହେଦନଲୋଽରଣ୍ଯଂ ଯଥା ବାଯୁସମୀରିତଃ॥ 7-93-56 (48304)
ସେନାରଣ୍ଯଂ ତବ ତଥା କୃଷ୍ଣାନିଲସମୀରିତଃ।
ଶରାର୍ଚିରଦହତ୍କ୍ରୁଦ୍ଧଃ ପାଣ୍ଡବୋଽଗ୍ନିର୍ଧନଞ୍ଜଯଃ॥ 7-93-57 (48305)
ଶୂନ୍ଯାନ୍କୁର୍ବନ୍ରଥୋପସ୍ଥାନ୍ମାନବୈଃ ସଂସ୍ତରନ୍ମହୀମ୍।
ପ୍ରାନୃତ୍ଯଦିବ ସମ୍ବାଧେ ଚାପହସ୍ତୋ ଧନଞ୍ଜଯଃ।
ବଜ୍ରକଲ୍ପୈଃ ଶରୈର୍ଭୂମିଂ କୁର୍ବନ୍ନୁତ୍ତରଶୋଣିତାମ୍॥ 7-93-58 (48306)
`ତତଃ ପ୍ରାବର୍ତତ ନଦୀ ଶୋଣିତୌଘତରଙ୍ଗିଣୀ।
ନରାଶ୍ବଦ୍ବିପକାଯେଭ୍ଯଃ ପର୍ବତେଭ୍ଯ ଇବାପଗା॥ 7-93-59 (48307)
ଅସ୍ଥିଶର୍କରସମ୍ବାଧା ଧ୍ବଜବୃକ୍ଷା ରଥହଦା।
ସଞ୍ଛିନ୍ନଶୀର୍ଷପାଣାଣା ହସ୍ତିହସ୍ତମହାଗ୍ରହା॥ 7-93-60 (48308)
ମାଂସମଜ୍ଜାସ୍ଥିପଙ୍କାଢ୍ଯାଂ ହତାଶ୍ବମକରାକୁଲା।
ଉଷ୍ଣୀଷଫେନସଞ୍ଛନ୍ନା ଶରଘୋରଝଷାକୁଲା॥ 7-93-61 (48309)
ରୁଦ୍ରସ୍ଯାକ୍ରୀଡସଦୃଶୀଂ ଭୂମିଂ କୁର୍ବନ୍ବିଭୀଷଣାମ୍'।
ପ୍ରାବିଶଦ୍ଭାରତୀଂ ସେନାଂ ସଙ୍କ୍ରୁଦ୍ଧୋ ବୈ ଧନଞ୍ଜଯଃ॥ 7-93-62 (48310)
ତଂ ଶ୍ରୁତାଯୁସ୍ତଥାମ୍ବଷ୍ଠୋ ବ୍ରଜମାନଂ ନ୍ଯବାରଯତ୍॥ 7-93-63 (48311)
ତସ୍ଯାର୍ଜୁନଃ ଶରୈସ୍ତୀକ୍ଷ୍ଣୈଃ କଙ୍କପତ୍ରପରିଚ୍ଛଦୈଃ।
ନ୍ଯପାତଯଦ୍ଧଯାଞ୍ଶୀଘ୍ରଂ ଯତମାନସ୍ଯ ମାରିଷ।
ଧନୁଶ୍ଚାସ୍ଯାପରୈଶ୍ଛିତ୍ତ୍ବା ଶରୈଃ ପାର୍ଥୋ ବିଚକ୍ରମେ॥ 7-93-64 (48312)
ଅମ୍ବଷ୍ଠସ୍ତୁ ଗଦାଂ ଗୃହ୍ଯ କ୍ରୋଧପର୍ଯାକୁଲେକ୍ଷଣଃ।
ଆସସାଦ ରଣେ ପାର୍ଥଂ କେଶବଂ ଚ ମହାରଥମ୍॥ 7-93-65 (48313)
ତତଃ ସମ୍ପ୍ରହରନ୍ବୀରୋ ଗଦାମୁଦ୍ଯମ୍ଯ ଭାରତ।
ରଥମାବାର୍ଯ ଗଦଯା କେଶବଂ ସମତାଡଯତ୍॥ 7-93-66 (48314)
ଗଦଯା ତାଡିତଂ ଦୃଷ୍ଟ୍ବା କେଶବଂ ପରବୀରହା।
ଅର୍ଜୁନୋଽଥ ଭୃଶଂ କ୍ରୁଦ୍ଧଃ ସୋଽମ୍ବଷ୍ଠଂ ପ୍ରତି ଭାରତ॥ 7-93-67 (48315)
ତତଃ ଶରୈର୍ହେମପୁଙ୍ଖୈଃ ସଗଦଂ ରଥିନାଂ ବରମ୍।
ଛାଦଯାମାସ ସମରେ ମେଘଃ ସୂର୍ଯମିବୋଦିତମ୍॥ 7-93-68 (48316)
ଅଥାପରୈଃ ଶରୈଶ୍ଚାପି ଗଦାଂ ତସ୍ଯ ମହାତ୍ମନଃ।
ଅଚୂର୍ଣଯତ୍ତଦା ପାର୍ଥସ୍ତିଦଦ୍ଭୁତମିବାଭବତ୍॥ 7-93-69 (48317)
ଅଥ ତାଂ ପତିତାଂ ଦୃଷ୍ଟ୍ବା ଗୃହ୍ଯାନ୍ଯାଂ ଚ ମହାଗଦାମ୍।
ଅର୍ଜୁନଂ ବାସୁଦେବଂ ଚ ପୁନଃ ପୁନରତାଡଯତ୍॥ 7-93-70 (48318)
ତସ୍ଯାର୍ଜୁନଃ କ୍ଷୁରପ୍ରାଭ୍ଯାଂ ସଗଦାବୁଦ୍ଯତୌ ଭୁଜୌ।
ଚିଚ୍ଛେଦେନ୍ଦ୍ରଧ୍ବଜାକାରୌ ଶିରଶ୍ଚାନ୍ଯେନ ପତ୍ରିଣା॥ 7-93-71 (48319)
ସ ପପାତ ହତୋ ରାଜନ୍ବସୁଧାମନୁନାଦଯନ୍।
ଇନ୍ଦ୍ରଧ୍ବଜ ଇବୋତ୍ସୃଷ୍ଟୋ ଯନ୍ତ୍ରନିର୍ମୁକ୍ତବନ୍ଧନଃ॥ 7-93-72 (48320)
ଅମ୍ବଷ୍ଠେ ତୁ ତଦା ଭଗ୍ନେ ତବ ସୈନ୍ଯମଭଜ୍ଯତ॥ 7-93-73 (48321)
ରଥାନୀକାବଗାଢଶ୍ଚ ବାରଣାଶ୍ବଶତୈର୍ବୃତଃ।
ଅଦୃଶ୍ଯତ ପଦା ପାର୍ଥୋ ଘନୈଃ ସୂର୍ଯ ଇବାବୃତଃ॥ 7-93-74 (48322)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଧଶଦିବସଯୁଦ୍ଧେ ତ୍ରିନବତିତମୋଽଧ୍ଯାଯଃ॥ 93 ॥
Mahabharata - Drona Parva - Chapter Footnotes
5-93-43 ଗୋଯୋନିପ୍ରଭବା ନନ୍ଦିନ୍ଯାଂ ଜାତାଃ॥ 5-93-46 ସୃଷ୍ଟିଃ ସଂସୃଷ୍ଟିଃ॥ 5-93-47 ଜଟିଲାନନାନ୍ ଜଟିଲାନି ରୂଢଶ୍ମଶ୍ରୂଣ୍ଯାନନାନି ଯେଷାମ୍॥ 5-93-50 ପ୍ରଚ୍ଛନ୍ନେନ ପ୍ରଚ୍ଛାଦନେନ କୃତୋ ରଚିତଃ ସଙ୍କମୋ ଯସ୍ଯାମ୍॥ 5-93-51 ଉତ୍ତରଶୋଣିତ୍ତାଂ ଶୋଣିତପ୍ରଧାନାମ୍॥ 5-93-53 ହଯାନ୍ ଅଶ୍ବାରୋହାନ୍॥ 5-93-93 ତ୍ରିନବତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 094
॥ ଶ୍ରୀଃ ॥
7.94. ଅଧ୍ଯାଯଃ 094
Mahabharata - Drona Parva - Chapter Topics
ଅର୍ଜୁନାଦ୍ଭୀତେନ ଦୁର୍ଯୋଧନେନ ଦ୍ରୋଣମେତ୍ଯ ତଦୁପାଲମ୍ଭପୂର୍ବକଂ ଜଯଦ୍ରଥମ୍ପ୍ରତି ଶୋଚନମ୍॥ 1 ॥ ଦ୍ରୋଣେନ ଦୁର୍ଯୋଧନସ୍ଯ ମନ୍ତ୍ରୋଚ୍ଚାରଣପୂର୍ବକଂ କବଚମାବଧ୍ଯାର୍ଜୁନେନ ସହ ଯୁଦ୍ଧାଯ ପ୍ରେଷଣମ୍॥ 2 ॥Mahabharata - Drona Parva - Chapter Text
7-94-0 (48323)
ସଞ୍ଜଯ ଉବାଚ। 7-94-0x (4500)
ତତଃ ପ୍ରବିଷ୍ଟେ କୌନ୍ତେଯେ ସିନ୍ଧୁରାଜଜିଘାଂସଯା।
ଦ୍ରୋଣାନୀକଂ ବିନିର୍ଭିଦ୍ଯ ଭୋଜାନୀକଂ ଚ ଦୁସ୍ତରମ୍॥ 7-94-1 (48324)
କାମ୍ଭୋଜସ୍ଯ ଚ ଦାଯାଦେ ହତେ ରାଜନ୍ସୁଦକ୍ଷିଣେ।
ଶ୍ରୁତାଯୁଷି ଚ ବିକ୍ରାନ୍ତେ ନିହତେ ସବ୍ଯସାଚିନା॥ 7-94-2 (48325)
ବିପ୍ରଦ୍ରୁତେଷ୍ବନୀକେଷୁ ବିଧ୍ବସ୍ତେଷୁ ସମନ୍ତତଃ।
ପ୍ରଭଗ୍ନଂ ସ୍ବବଲଂ ଦୃଷ୍ଟ୍ବା ପୁତ୍ରସ୍ତେ ଦ୍ରୋଣମଭ୍ଯଯାତ୍॥ 7-94-3 (48326)
ତ୍ବରନ୍ନେକରଥେନୈବ ସମେତ୍ଯ ଦ୍ରୋଣମବ୍ରବୀତ୍।
ଗତଃ ସ ପୁରୁଷବ୍ଯାଘ୍ରଃ ପ୍ରମଥ୍ଯୈତାଂ ମହାଚମୂମ୍॥ 7-94-4 (48327)
ଅଥ ବୁଦ୍ଧ୍ଯା ସମୀକ୍ଷସ୍ବ କିନ୍ନୁ କାର୍ଯମନନ୍ତରମ୍।
ଅର୍ଜୁନସ୍ଯ ବିଘାତାଯ ଦାରୁଣେଽସ୍ମିଞ୍ଜନକ୍ଷଯେ॥ 7-94-5 (48328)
ଯଥା ସ ପୁରୁଷବ୍ଯାଘ୍ରୋ ନ ହନ୍ଯେତ ଜଯଦ୍ରଥଃ।
ତଥା ବିଧତ୍ସ୍ବ ଭଦ୍ରଂ ତେ ତ୍ବଂ ହି ନଃ ପରମା ଗତିଃ॥ 7-94-6 (48329)
ଅସୌ ଧନଞ୍ଜଯାଗ୍ନିର୍ହି କୋପମାରୁତଚୋଦିତଃ।
ସେନାକକ୍ଷଂ ଦହତି ମେ ବହ୍ନିଃ କକ୍ଷମିବୋତ୍ଥିତଃ॥ 7-94-7 (48330)
ଅତିକ୍ରାନ୍ତେ ହି କୌନ୍ତେଯେ ଭିତ୍ତ୍ବା ସୈନ୍ଯଂ ପରନ୍ତପ।
ଜଯଦ୍ରଥସ୍ଯ ଗୋପ୍ତାରଃ ସଂଶଯଂ ପରମଂ ଗତାଃ॥ 7-94-8 (48331)
ସ୍ଥିରା ବୁଦ୍ଧିର୍ନରେନ୍ଦ୍ରାଣମାସୀଦ୍ବ୍ରହ୍ମବିଦାଂ ବର।
ନାତିକ୍ରମିଷ୍ଯତି ଦ୍ରୋଣଂ ଜାତୁ ଜୀବନ୍ଧନଞ୍ଜଯଃ॥ 7-94-9 (48332)
ଯୋଽସୌ ପାଥୋ ବ୍ଯତିକ୍ରାନ୍ତୋ ମିଷତସ୍ତେ ମହାଦ୍ଯୁତେ।
ସର୍ବଂ ହ୍ଯଦ୍ଯାତୁରଂ ମନ୍ଯେ ନେଦମସ୍ତି ବଲଂ ମମ॥ 7-94-10 (48333)
ଜାନାମି ତ୍ବାଂ ମହାଭାଗ ପାଣ୍ଡବାନାଂ ହିତେ ରତମ୍।
ତତୋ ମୁହ୍ଯାମି ଚ ବ୍ରହ୍ମନ୍କାର୍ଯବତ୍ତାଂ ବିଚିନ୍ତଯନ୍॥ 7-94-11 (48334)
ଯଥାଶକ୍ତି ଚ ତେ ବ୍ରହ୍ମନ୍ବର୍ଧଯନ୍ବୃତ୍ତିମୁତ୍ତମାମ୍।
ପ୍ରୀଣାମି ଚ ଯଥାଶକ୍ତି ତଚ୍ଚ ତ୍ବଂ ନାବବୁଧ୍ଯସେ॥ 7-94-12 (48335)
ଅସ୍ମାନ୍ନ ତ୍ବଂ ସଦା ଭକ୍ତାନିଚ୍ଛସ୍ଯମିତବିକ୍ରମ।
ପାଣ୍ଡବାନ୍ସତତଂ ପ୍ରୀଣାସ୍ଯାସ୍ମାକଂ ବିପ୍ରିଯେ ରତାନ୍॥ 7-94-13 (48336)
ଅସ୍ମାନେବୋପଜୀବଂସ୍ତ୍ବମସ୍ମାକଂ ବିପ୍ରିଯେ ରତଃ।
ନ ହ୍ଯହଂ ତ୍ବାଂ ବିଜାନାମି ମଧୁଦିଗ୍ଧମିବ କ୍ଷୁରମ୍॥ 7-94-14 (48337)
`ନହ୍ଯହଂ ତ୍ବାଂ ବିଜାନାମି ସର୍ବଂ ମଣ୍ଡୂକରାବିଣମ୍'।
ନାଦାସ୍ଯଚ୍ଚେଦ୍ବରଂ ମହ୍ଯଂ ଭବାନ୍ପାଣ୍ଡବନିଗ୍ରହେ।
ନାବାରଯିଷ୍ଯଂ ଗଚ୍ଛନ୍ତମହଂ ସିନ୍ଧୁପତିଂ ଗୃହାନ୍॥ 7-94-15 (48338)
ମଯା ତ୍ବାଶଂସମାନେନ ତ୍ବତ୍ତସ୍ତ୍ରାଣମବୁଦ୍ଧିନା।
ଆଶ୍ବାସିତଃ ସିନ୍ଧୁପତିର୍ମୋହାଦ୍ଦତ୍ତଶ୍ଚ ମୃତ୍ଯବେ॥ 7-94-16 (48339)
ଯମଦଂଷ୍ଟ୍ରାନ୍ତରଂ ପ୍ରାପ୍ତୋ ମୁଚ୍ଯେତାପି ହି ମାନବଃ।
ନାର୍ଜୁନସ୍ଯ ବଶଂ ପ୍ରାପ୍ତୋ ମୁଚ୍ଯେତାଜୌ ଜଯଦ୍ରଥଃ॥ 7-94-17 (48340)
ସ ତଥା କୁରୁ ଶୋଣଶ୍ବ ଯଥା ମୁଚ୍ଯେତ ସୈନ୍ଧବଃ।
ମମ ଚାର୍ତପ୍ରଲାପାନାଂ ମାକ୍ରୁଧଃ ପାହି ସୈନ୍ଧବମ୍॥ 7-94-18 (48341)
ଦ୍ରୋଣ ଉବାଚ। 7-94-19x (4501)
ନାଭ୍ଯସୂଯାମି ତେ ବାକ୍ଯମଶ୍ବତ୍ଥାମ୍ନାଽସି ମେ ସମଃ।
ସତ୍ଯଂ ତୁ ତେ ପ୍ରବକ୍ଷ୍ଯାମି ତଜ୍ଜୁଷସ୍ବ ବିଶାମ୍ପତେ॥ 7-94-19 (48342)
ସାରଥିଃ ପ୍ରବରଃ କୃଷ୍ଣଃ ଶୀଘ୍ରାଶ୍ଚାସ୍ଯ ହଯୋତ୍ତମାଃ।
ଅଲ୍ପଂ ଚ ବିବରଂ କୃତ୍ବା ପୂର୍ଣଂ ଯାତି ଧନଞ୍ଜଯଃ॥ 7-94-20 (48343)
କିଂ ନ ପଶ୍ଯସି ବାଣୌଘାନ୍କ୍ରୋଶମାତ୍ରେ କିରୀଟିନଃ।
ପଶ୍ଚାଦ୍ରଥସ୍ଯ ପତିତାନ୍କ୍ଷିପ୍ତାଞ୍ଶୀଘ୍ରଂ ହି ଗଚ୍ଛତଃ॥ 7-94-21 (48344)
ନ ତାବଂ ଶୀଘ୍ରଯାନେଽଦ୍ଯ ସମର୍ଥୋ ବଯସାନ୍ବିତଃ।
ସେନାମୁଖେ ଚ ପାର୍ଥାନାମେତଦ୍ବଲମୁପସ୍ଥିତମ୍॥ 7-94-22 (48345)
ଯୁଧିଷ୍ଠିରଶ୍ଚ ମେ ଗ୍ରାହ୍ଯୋ ମିଷତାଂ ସର୍ବଧନ୍ବିନାମ୍।
ଏବଂ ମଯା ପ୍ରତିଜ୍ଞାତଂ କ୍ଷତ୍ରମଧ୍ଯେ ମହାଭୁଜ॥ 7-94-23 (48346)
ଧନଞ୍ଜଯେନ ଚୋତ୍ସୃଷ୍ଟୋ ବର୍ତତେ ପ୍ରମୁଖେ ନୃପ।
ତସ୍ମାଦ୍ବ୍ଯୂହମୁଖଂ ହିତ୍ବା ନାହଂ ଯାସ୍ଯାମି ଫଲ୍ଗୁନମ୍॥ 7-94-24 (48347)
ତୁଲ୍ଯାଭିଜନକର୍ମାଣଂ ଶତ୍ରୁମେକଂ ସହାଯବାନ୍।
ଗତ୍ବା ଯୋଧଯ ମା ଭୈସ୍ତ୍ବଂ ତ୍ବଂ ହ୍ଯସ୍ଯ ଜଗତଃ ପତିଃ॥ 7-94-25 (48348)
ରାଜା ଶୂରଃ କୃତୀ ଦକ୍ଷୋ ବୈରମୁତ୍ପାଦ୍ଯ ପାଣ୍ଡବୈଃ।
ବୀରଃ ସ୍ବଯଂ ପ୍ରଯାହ୍ଯାଶୁ ଯତ୍ର ପାର୍ଥୋ ଧନଞ୍ଜଯଃ॥ 7-94-26 (48349)
ଦୁର୍ଯୋଧନ ଉବାଚ। 7-94-27x (4502)
କଥଂ ତ୍ବାମପ୍ଯତିକ୍ରାନ୍ତଃ ସର୍ବଶସ୍ତ୍ରଭୃତାଂ ବରମ୍।
ଧନଞ୍ଜଯୋ ମଯା ଶକ୍ଯ ଆଚାର୍ଯ ପ୍ରତିବାଧିତୁମ୍॥ 7-94-27 (48350)
ଅପି ଶକ୍ଯୋ ରଣେ ଜେତୁଂ ବଜ୍ରହସ୍ତଃ ପୁରନ୍ଦରଃ।
ନାର୍ଜୁନଃ ସମରେ ଶକ୍ଯୋ ଜେତୁଂ ପରପୁରଞ୍ଜଯଃ॥ 7-94-28 (48351)
ଯେନ ଭୋଜଶ୍ଚ ହାର୍ଦିକ୍ଯୋ ଭବାଂଶ୍ଚ ତ୍ରିଦଶୋପମଃ।
ଅସ୍ତ୍ରପ୍ରତାପେନ ଜିତୌ ଶ୍ରୁତାଯୁଶ୍ଚ ନିବର୍ହିତଃ॥ 7-94-29 (48352)
ସୁଦକ୍ଷିଣଶ୍ଚ ନିହତଃ ସ ଚ ରାଜା ଶ୍ରୁତାଯୁଧଃ।
ଶ୍ରୁତାଯୁଶ୍ଚାଶ୍ରୁତାଯୁଶ୍ଚ ଭ୍ଲେଚ୍ଛାଶ୍ଚାଯୁତଶୋ ହତାଃ॥ 7-94-30 (48353)
ତଂ କଥଂ ପାଣ୍ଡବଂ ଯୁଦ୍ଧେ ଦହନ୍ତମିବ ପାବକମ୍।
ପ୍ରତିଯୋତ୍ସ୍ଯାମି ଦୁର୍ଧର୍ଷଂ ତନ୍ମମାଚକ୍ଷ୍ବ ସତ୍ତମ୍। 7-94-31 (48354)
କ୍ଷମଂ ଚେନ୍ମନ୍ଯସେ ଯୁଦ୍ଧଂ ମମ ତେନାଦ୍ଯ ଶାଧି ମାମ୍।
ପରବାନସ୍ମି ଭବତଃ ପ୍ରେଷ୍ଯବଦ୍ରକ୍ଷ ମେ ଯଶଃ॥ 7-94-32 (48355)
ଦ୍ରୋଣ ଉବାଚ। 7-94-33x (4503)
ସତ୍ଯଂ ବଦସି କୌରବ୍ଯ ଦୁରାଧର୍ଷୋ ଧନଞ୍ଜଯଃ।
ଅହଂ ତୁ ତତ୍କରିଷ୍ଯାମି ଯଥୈନଂ ପ୍ରସହିଷ୍ଯସି॥ 7-94-33 (48356)
ଅଦ୍ଭୁତଂ ଚାଦ୍ଯ ପଶ୍ଯନ୍ତୁ ଲୋକେ ସର୍ବଧନୁର୍ଧରାଃ।
ବିଷକ୍ତଂ ତ୍ବଯି କୌନ୍ତେଯଂ ବାସୁଦେବସ୍ଯ ପଶ୍ଯତଃ॥ 7-94-34 (48357)
ଏଷ ତେ କବଚଂ ରାଜଂସ୍ତଥା ବଧ୍ନାମି କାଞ୍ଚନମ୍।
ଯଥା ନ ବାଣା ନାସ୍ତ୍ରାଣି ପ୍ରହରିଷ୍ଯନ୍ତି ତେ ରଣେ॥ 7-94-35 (48358)
ଯଦି ତ୍ବାଂ ସାସୁରସୁରାଃ ସଯକ୍ଷୋରଗରାକ୍ଷସାଃ।
ଯୋଧଯନ୍ତି ତ୍ରଯୋ ଲୋକାଃ ସନରା ନାସ୍ତି ତେ ଭଯମ୍॥ 7-94-36 (48359)
ନ କୃଷ୍ଣୋ ନ ଚ କୌନ୍ତେଯୋ ନ ଚାନ୍ଯଃ ଶସ୍ତ୍ରଭୃଦ୍ରଣେ।
ଶରାନର୍ପଯିତୁଂ କଶ୍ଚିତ୍କବଚେ ତବ ଶକ୍ଷ୍ଯତି॥ 7-94-37 (48360)
ସ ତ୍ବଂ କବଚମାସ୍ଥାଯ କ୍ରୁଦ୍ଧମଦ୍ଯ ରଣେଽର୍ଜୁନମ୍।
ତ୍ବରମାଣଃ ସ୍ବଯଂ ଯାହି ନ ତ୍ବାଽସୌ ବିଷହିଷ୍ଯତି॥ 7-94-38 (48361)
ସଞ୍ଜଯ ଉବାଚ। 7-94-39x (4504)
ଏବମୁକ୍ତ୍ବା ତ୍ବରନ୍ଦ୍ରୋଣଃ ସ୍ପୃଷ୍ଟ୍ବାମ୍ଭୋ ବର୍ମ ଭାସ୍ବରମ୍।
ଆବବନ୍ଧାଦ୍ଭୁତତମଂ ଜପନ୍ମନ୍ତ୍ରଂ ଯଥାବିଧି॥ 7-94-39 (48362)
ରଣେ ତସ୍ମିନ୍ସୁମହତି ବିଜଯସ୍ଯ ସୁତସ୍ଯ ତେ।
ବିସିଷ୍ମାପଯିଷୁର୍ଲୋକାନ୍ବିଦ୍ଯଯା ବ୍ରହ୍ମବିତ୍ତମଃ॥ 7-94-40 (48363)
ଦ୍ରୋଣ ଉବାଚ। 7-94-41x (4505)
କରୋତୁ ସ୍ବସ୍ତି ତେ ବ୍ରହ୍ମା ସ୍ବସ୍ତି କୁର୍ବନ୍ତୁ ବ୍ରାହ୍ମଣାଃ।
ସରୀସୃପାଶ୍ଚ ଯେ ଶ୍ରେଷ୍ଠାସ୍ତେଭ୍ଯସ୍ତେ ସ୍ବସ୍ତି ଭାରତ॥ 7-94-41 (48364)
ଯଯାତିର୍ନହୁଷଶ୍ଚୈବ ଧୁନ୍ଧୁମାରୋ ଭଗୀରଥଃ।
ତୁଭ୍ଯଂ ରାଜର୍ଷଯଃ ସର୍ବେ ସ୍ବସ୍ତି କୁର୍ବନ୍ତୁ ତେ ସଦା॥ 7-94-42 (48365)
ସ୍ବସ୍ତି ତେଽସ୍ତ୍ବେକପାଦେଭ୍ଯୋ ବହୁପାଦେଭ୍ଯ ଏବ ଚ।
ସ୍ବସ୍ତ୍ଯସ୍ତ୍ବପାଦକେଭ୍ଯଶ୍ଚ ନିତ୍ଯଂ ତବ ମହାରଣେ॥ 7-94-43 (48366)
ସ୍ବାହା ସ୍ବଧା ଶଚୀ ଚୈବ ସ୍ବସ୍ତି କୁର୍ବନ୍ତୁ ତେ ସଦା।
ଲକ୍ଷ୍ମୀରରୁନ୍ଧତୀ ଚୈବ କୁରୁତାଂ ସ୍ବସ୍ତି ତେଽନଘ॥ 7-94-44 (48367)
ଅମିତୋ ଦେବଲଶ୍ଚୈବ ବିଶ୍ବାମିତ୍ରସ୍ତଥାଙ୍ଗିରାଃ।
ବସିଷ୍ଠଃ କଶ୍ଯପଶ୍ଚୈବ ସ୍ବସ୍ତି କୁର୍ବନ୍ତୁ ତେ ନୃପ॥ 7-94-45 (48368)
ଧାତା ବିଧାତା ଲୋକେଶୋ ଦିଶଶ୍ଚ ସଦିଗୀଶ୍ବରାଃ।
ସ୍ବସ୍ତି ତେଽଦ୍ଯ ପ୍ରଯଚ୍ଛନ୍ତୁ କାର୍ତିକେଯଶ୍ଚ ଷଣ୍ମୁଖଃ॥ 7-94-46 (48369)
`ଯେନ ଦେବାଃ ସକୃଦ୍ଭଗ୍ନାଃ ସଙ୍ଗ୍ରମେ ତାରକାମଯେ।
ଧୃତାଃ ସ ଚ ହତଃ ଶୂରୋ ହ୍ଯବଧ୍ଯୋ ଦେବତାଗଣୈଃ॥ 7-94-47 (48370)
ବିବସ୍ବାନ୍କୁରୁତାଂ ସ୍ବସ୍ତି ତଥା ବୈବସ୍ବତୋ ଯମଃ।
ପାର୍ଷିଦା ବଶଗା ଯସ୍ଯ ସ୍ବସ୍ତି ତୁଭ୍ଯଂ ପ୍ରଯଚ୍ଛତୁ'॥ 7-94-48 (48371)
ଦିଗ୍ଗଜାଶ୍ଚୈବ ଚତ୍ବାରଃ କ୍ଷିତିଶ୍ଚ ଗଗନଂ ଗ୍ରହାଃ।
`ଦିଶଶ୍ଚ ବିଦିଶଶ୍ଚୈବ ସିଦ୍ଧା ଲୋକହିତେ ରତାଃ।
ସ୍ବସ୍ତି କୁର୍ବନ୍ତୁ ତେ ନିତ୍ଯଂ ମନ୍ତ୍ରେଣାନେନ ରସ୍ତୁତାଃ'॥ 7-94-49 (48372)
ଅଧସ୍ତାଦ୍ଧରଣୀଂ ଯୋଽସୌ ସଦା ଧାରଯତେ ନୃପ।
ଶେଷଶ୍ଚ ପନ୍ନଗଶ୍ରେଷ୍ଠଃ ସ୍ବସ୍ତି ତୁଭ୍ଯଂ ପ୍ରଯଚ୍ଛତୁ॥ 7-94-50 (48373)
ଗାନ୍ଧାରେ ଯୁଧି ବିକ୍ରମ୍ଯ ନିର୍ଜିତେ ପାକଶାସନେଃ।
ପୁରା ବୃତ୍ରେଣ ଦୈତ୍ଯେନ ଭିନ୍ନଦେହାଃ ସହସ୍ରଶଃ॥ 7-94-51 (48374)
ହୃତତେଜୋବଲାଃ ସ୍ରବେ ତଦା ସେନ୍ଦ୍ରା ଦିବୌକସଃ।
ବ୍ରହ୍ମାଣଂ ଶରଣଂ ଜଗ୍ମୁର୍ବୃତ୍ରାଦ୍ଭୀତାଂ ମହାସୁରାତ୍॥ 7-94-52 (48375)
ଦେବା ଊଚୁଃ। 7-94-53x (4506)
ପ୍ରମାର୍ଦିତାନାଂ ବୃତ୍ରେଣ ଦେବାନାଂ ଦେବସତ୍ତମ।
ଗତିର୍ଭବ ସୁରଶ୍ରେଷ୍ଠ ତ୍ରାହି ନୋ ମହତୋ ଭଯାତ୍॥ 7-94-53 (48376)
ଅଥ ପାର୍ଶ୍ବେ ସ୍ଥିତଂ ବିଷ୍ଣୁଂ ଶକ୍ରାଦୀଂଶ୍ଚ ସୁରୋତ୍ତମାନ୍।
ପ୍ରାହ ପଥ୍ଯମିଦଂ ବାକ୍ଯଂ ବିଷଣ୍ଣାନ୍ସୁରସତ୍ତମାନ୍॥ 7-94-54 (48377)
ରକ୍ଷ୍ଯା ମେ ସତତଂ ଦେବାଃ ସହେନ୍ଦ୍ରାଃ ସଦ୍ବିଜାତଯଃ।
ତ୍ବଷ୍ଟୁଃ ସୁଦୁର୍ଧରଂ ତେଜୋ ଯେନ ବୃତ୍ରୋ ବିନିର୍ମିତଃ॥ 7-94-55 (48378)
ତ୍ବଷ୍ଟ୍ରା ପୁରା ତପସ୍ତପ୍ତ୍ବା ବର୍ଷାଯୁତଶତଂ ତଦା।
ବୃତ୍ରୋ ବିନିର୍ମିତୋ ଦେବାଃ ପ୍ରାପ୍ଯାନୁଜ୍ଞାଂ ମହେଶ୍ବରାତ୍॥ 7-94-56 (48379)
ଶଂକରସ୍ଯ ପ୍ରସାଦାଦ୍ବୈ ହନ୍ଯାଦ୍ଦେବରିପୁର୍ବଲୀ।
ନାଗତ୍ବା ଶଂକରସ୍ଥାନଂ ଭଗବାନ୍ଦୃଶ୍ଯତେ ହରଃ॥ 7-94-57 (48380)
ଦୃଷ୍ଟ୍ବା ଜେଷ୍ଯଥ ବୃତ୍ରଂ ତଂ କ୍ଷିପ୍ରଂ ଗଚ୍ଛତ ମନ୍ଦରମ୍।
ଯତ୍ରାସ୍ତେ ତପସାଂ ଯୋନିର୍ଦକ୍ଷଯଜ୍ଞବିନାଶନଃ॥ 7-94-58 (48381)
ପିନାକୀ ସର୍ବଭୂତେଶୋ ଭଗନେତ୍ରନିପାତନଃ।
ତେ ଗତ୍ବା ସହିତା ଦେବା ବ୍ରହ୍ମଣା ସହ ମନ୍ଦରମ୍॥ 7-94-59 (48382)
ଅପଶ୍ଯଂସ୍ତେଜସାଂ ରାଶିଂ ସୂର୍ଯକୋଟିସମପ୍ରଭମ୍।
ସୋଽବ୍ରବୀତ୍ସ୍ବାଗତଂ ଦେବା ବ୍ରୂତ କିଂ କରବାଣ୍ଯହମ୍॥ 7-94-60 (48383)
ଅମୋଘଂ ଦର୍ଶନଂ ମହ୍ଯଂ କାମପ୍ରାପ୍ତିରତୋଽସ୍ତୁ ବଃ।
ଏବମୁକ୍ତାସ୍ତୁ ତେ ସର୍ବେ ପ୍ରତ୍ଯୁଚୂସ୍ତଂ ଦିବୌକସଃ॥ 7-94-61 (48384)
ହୃତୌଜସାଂ ନୋ ବୃତ୍ରେଣ ଗତିର୍ଭବ ଦିବୌକସାମ୍।
ମୂର୍ତୀରୀକ୍ଷସ୍ବ ନୋ ଦେବ ପ୍ରହାରୈର୍ଜର୍ଜରୀକୃତାଃ।
ଶରଣଂ ତ୍ବାଂ ପ୍ରପନ୍ନାଃ ସ୍ମ ଗତିର୍ଭବ ମହେଶ୍ବର॥ 7-94-62 (48385)
ଶର୍ବେ ଉବାଚ।
ବିଦିତଂ ବୋ ଯଥା ଦେବାଃ କୃତ୍ଯେଯଂ ସୁମହାବଲା। 7-94-63 (48386)
ତ୍ବଷ୍ଟୁସ୍ତେଜୋଭବା ଘୋରା ଦୁର୍ନିବାର୍ଯାଽକୃତାତ୍ମଭିଃ॥
ଅବଶ୍ଯଂ ତୁ ମଯା କାର୍ଯଂ ସାହ୍ଯଂ ସର୍ବଦିବୌକସାମ୍। 7-94-64 (48387)
ମମେଦଂ ଗାତ୍ରଜଂ ଶକ୍ର କବଚଂ ଗୃହ୍ଯ ଭାସ୍ବରମ୍॥
ବଧାନାନେନ ମନ୍ତ୍ରେଣ ମାନସେନ ସୁରେଶ୍ବର। 7-94-65 (48388)
ବଧାଯାସୁରମୁଖ୍ଯସ୍ଯ ବୃତ୍ରସ୍ଯ ସୁରଘାତିନଃ॥ 7-94-66 (48389)
ଦ୍ରୋଣ ଉବାଚ। 7-94-66x (4507)
ଇତ୍ଯୁକ୍ତ୍ବା ବରଦଃ ପ୍ରାଦାଦ୍ବର୍ମ ତନ୍ମନ୍ତ୍ରମେବ ଚ।
ସ ତେନ ବର୍ମଣା ଗୁପ୍ତଃ ପ୍ରାଯାଦ୍ବୃତ୍ରଚମୂଂ ପ୍ରତି॥ 7-94-66 (48390)
ନାନାବିଧୈଶ୍ଚ ଶସ୍ତ୍ରୌଘୈଃ ପାତ୍ଯମାନୈର୍ମହାରଣେ।
ନ ସନ୍ଧିଃ ଶକ୍ଯତେ ଭେତ୍ତୁଂ ବର୍ମବନ୍ଧସ୍ଯ ତସ୍ଯ ତୁ॥ 7-94-67 (48391)
ସ ତେନ ବର୍ମଣା ଗୁପ୍ତୋ ବୃତ୍ରଂ ଦେବରିପୁଂ ତଦା।
ଜଘାନ ସମରେଽଭୀତଃ ଶକ୍ରୋ ଦେବାଗ୍ରଣୀସ୍ତଦା॥ 7-94-68 (48392)
ତଂ ଚ ମନ୍ତ୍ରମଯଂ ବନ୍ଧଂ ବର୍ମ ଚାଙ୍ଗିରସେ ଦଦୌ।
ଅଙ୍ଗିରାଃ ପ୍ରାହ ପୁତ୍ରସ୍ଯ ମନ୍ତ୍ରଜ୍ଞସ୍ଯ ବୃହସ୍ପତେଃ।
ବୃହସ୍ପତିରଥୋବାଚ ଅଗ୍ନିବେଶ୍ଯାଯ ଧୀମତେ॥ 7-94-69 (48393)
ଅଗ୍ନିବେଶ୍ଯୋ ମମ ପ୍ରାଦାତ୍ତେନ ବଧ୍ନାମି ବର୍ମ ତେ।
ତବାହ୍ଯ ଦେହରକ୍ଷାର୍ଥଂ ମନ୍ତ୍ରେଣ ନୃପସତ୍ତମ॥ 7-94-70 (48394)
ସଞ୍ଜଯ ଉବାଚ। 7-94-71x (4508)
ଏବମୁକ୍ତ୍ବା ତତୋ ଦ୍ରୋଣସ୍ତବ ପୁତ୍ରଂ ମହାଦ୍ଯୁତିମ୍।
ପୁନରେ ବଚଃ ପ୍ରାହ ଶନୈରାଚାର୍ଯପୁଙ୍ଗବଃ॥ 7-94-71 (48395)
ବ୍ରହ୍ମସୂତ୍ରେଣ ବଧ୍ନାମି କଥଚଂ ତବ ଭାରତ।
ହିରଣ୍ଯଗର୍ଭେଣ ଯଥା ବଦ୍ଧଂ ବିଷ୍ଣୋଃ ପୁରା ରଣେ॥ 7-94-72 (48396)
ଯଥା ଚ ବ୍ରହ୍ମଣା ବଦ୍ଧଂ ସଙ୍ଗ୍ରାମେ ତାରକାମଯେ।
ଶକ୍ରସ୍ଯ କବଚଂ ଦିବ୍ଯଂ ତଥା ବଧ୍ନାମ୍ଯହଂ ତବ॥ 7-94-73 (48397)
ସଞ୍ଜଯ ଉବାଚ। 7-94-74x (4509)
ବଦ୍ଧା ତୁ କବଚଂ ତସ୍ଯ ମନ୍ତ୍ରେଣ ବିଧିପୂର୍ବକମ୍।
ପ୍ରେଷଯାମାସ ରାଜାନଂ ଯୁଦ୍ଧାଯ ମହତେ ଦ୍ବିଜଃ॥ 7-94-74 (48398)
ସ ସନ୍ନଦ୍ଧୋ ମହାବାହୁରାଚାର୍ଯେଣ ମହାତ୍ମନା।
`ପ୍ରସ୍ଥିତଃ ସହସା ରାଜନ୍ଯତ୍ର ଯାତୋ ଧନଞ୍ଜଯଃ'॥ 7-94-75 (48399)
ରଥାନାଂ ଚ ସହସ୍ରେଣ ତ୍ରିଗର୍ତାନାଂ ପ୍ରହାରିଣାମ୍।
ତଥା ଦନ୍ତିସହସ୍ରେଣ ମତ୍ତାନାଂ ବୀର୍ଯଶାଲିନାମ୍॥ 7-94-76 (48400)
ଅଶ୍ବାନାଂ ନିଯୁତେନୈବ ତଥାଽନ୍ଯୈଶ୍ଚ ମହାରଥୈଃ।
ବୃତଃ ପ୍ରାଯାନ୍ମହାବାହୁରର୍ଜୁନସ୍ଯ ରଥଂ ପ୍ରତି॥ 7-94-77 (48401)
ନାନାବାଦିତ୍ରଘୋଷେଣ ଯଥା ବୈରୋଚନିସ୍ତଥା॥ 7-94-78 (48402)
ତତଃ ଶବ୍ଦୋ ମହାନାସୀତ୍ସୈନ୍ଯାନାଂ ତବ ଭାରତ।
ଅଗାଧଂ ପ୍ରସ୍ଥିତଂ ଦୃଷ୍ଟ୍ବା ସମୁଦ୍ରମିବ କୌରବମ୍॥ ॥ 7-94-79 (48403)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଚତୁର୍ନବତିତମୋଽଧ୍ଯାଯଃ॥ 94 ॥
Mahabharata - Drona Parva - Chapter Footnotes
5-94-10 ଆତୁରମନବସ୍ପିତମ୍॥ 5-94-12 ନାବବୁଧ୍ଯସେ ନ ସ୍ମରସି॥ 5-94-13 ନେଚ୍ଛସି ନାନୁରୁଧ୍ଯତେ॥ 5-94-14 ବଚସା ଲଲିତଂ ସଦା। ହୃଦଯେନ ଭୃଶଂ ତୀକ୍ଷ୍ଣଂ ଇତି କ. ପାଠଃ॥ 5-94-35 ତେ ତ୍ବାମ୍॥ 5-94-49 ଚତ୍ବାର ଐରାବତବାମନାଞ୍ଜନସାର୍ବଭୌମାଃ॥ 5-94-56 ଅନୁଜ୍ଞାଂ ବରମ୍॥ 5-94-57 ହନ୍ଯାଦ୍ଧନ୍ତୁମର୍ହତି॥ 5-94-65 ମାନସେନ ମନସୋଚ୍ଚାରଣୀଯେନ॥ 5-94-72 ବ୍ରହ୍ମସୂତ୍ରେଣ ବ୍ରହ୍ମଣା ସୂଚିତେନୋ ପଦେଶେନ॥ 5-94-94 ଚତୁର୍ନବତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 095
॥ ଶ୍ରୀଃ ॥
7.95. ଅଧ୍ଯାଯଃ 095
Mahabharata - Drona Parva - Chapter Topics
ରାଜ୍ଞାଂ ଦ୍ବନ୍ଦ୍ବୀଭୂଯ ଯୁଦ୍ଧାଯ ସମାଗମଃ॥ 1 ॥Mahabharata - Drona Parva - Chapter Text
7-95-0 (48404)
ସଞ୍ଜଯ ଉବାଚ। 7-95-0x (4510)
ପ୍ରବିଷ୍ଟଯୋର୍ମହାରାଜ ପାର୍ଥବାର୍ଷ୍ଣେଯଯୋ ରଣେ।
ଦୁର୍ଯୋଧନେ ପ୍ରଯାତେ ଚ ପୃଷ୍ଠତଃ ପୁରୁଷର୍ଷଭେ॥ 7-95-1 (48405)
ଜବେନାଭ୍ଯଦ୍ରବନ୍ଦ୍ରୋଣଂ ମହତା ନିଃସ୍ବନେନ ଚ।
ପାଣ୍ଡବାଃ ସୋମକୈଃ ସାର୍ଧଂ ତତୋ ଯୁଦ୍ଧମବର୍ତତ॥ 7-95-2 (48406)
ତଦ୍ଯୁଦ୍ଧମଭବତ୍ତୀବ୍ରଂ ତୁମୁଲଂ ରୋମହର୍ଷଣମ୍।
କୁରୂଣାଂ ପାଣ୍ଡବାନାଂ ଚ ବ୍ଯୂହସ୍ଯ ପୁରତୋଽଦ୍ଭୁତମ୍॥ 7-95-3 (48407)
ରାଜନ୍କଦାଚିନ୍ନାସ୍ମାଭିର୍ଦୃଷ୍ଟଂ ତାଦୃଙ୍କ ଚ ଶ୍ରୁତମ୍।
ଯାଦୃଙ୍ମଧ୍ଯଗତେ ସୂର୍ଯେ ଯୁଦ୍ଧମାସୀଦ୍ବିଶାମ୍ପତେ॥ 7-95-4 (48408)
ଧୃଷ୍ଟଦ୍ଯୁମ୍ନମୁଖାଃ ପାର୍ଥା ବ୍ଯୂଢାନୀକାଃ ପ୍ରହାରିଣଃ।
ଦ୍ରୋଣସ୍ଯ ସୈନ୍ଯଂ ତେ ସର୍ବେ ଶରବର୍ଷୈରବାକିରନ୍॥ 7-95-5 (48409)
ବଯଂ ଦ୍ରୋଣଂ ପୁରସ୍କୃତ୍ଯ ସର୍ବଶସ୍ତ୍ରଭୃତାଂ ବରମ୍।
ପାର୍ଷତପ୍ରମୁଖାନ୍ପାର୍ଥାନଭ୍ଯବର୍ଷାମ ସାଯକୈଃ॥ 7-95-6 (48410)
ମହାମେଘାବିବୋଦୀର୍ଣୌ ମିଶ୍ରବାତୌ ହିମାତ୍ଯଯେ।
ସେନାଗ୍ରେ ପ୍ରଚକାଶେତେ ରୁଚିରେ ରଥଭୂଷିତେ॥ 7-95-7 (48411)
ସମେତ୍ଯ ତୁ ମହାସେନେ ଚକ୍ରତୁର୍ବେଗମୁତ୍ତମମ୍।
ଜାହ୍ନବୀଯମୁନେ ନଦ୍ଯୌ ପ୍ରାବୃଷୀବୋଲ୍ବଣୋଦକେ॥ 7-95-8 (48412)
ନାନାଶସ୍ତ୍ରପୁରୋବାତୋ ଦ୍ବିପାଶ୍ବରଥସଂବୃତଃ।
ଗଦାବିଦ୍ଯୁନ୍ମହାରୌଦ୍ରଃ ସଙ୍ଗ୍ରାମଜଲଦୋ ମହାନ୍॥ 7-95-9 (48413)
ଭାରଦ୍ବାଜାନିଲୋଦ୍ଭୂତଃ ଶରଧାରାସହସ୍ରବାନ୍।
ଅଭ୍ଯବର୍ଷନ୍ମହାରୌଦ୍ରଂ ପାଣ୍ଡୁସେନାଗ୍ନିମୁଦ୍ଧତମ୍॥ 7-95-10 (48414)
ସମୁଦ୍ରମିବ ଘର୍ମାନ୍ତେ ବିଶନ୍ଘୋରୋ ମହାନିଲଃ।
ବ୍ଯକ୍ଷୋଭଯଦନୀକାନି ପାଣ୍ଡବାନାଂ ଦ୍ବିଜୋତ୍ତମଃ॥ 7-95-11 (48415)
ତେଽପି ସର୍ବପ୍ରଯତ୍ନେନ ଦ୍ରୋଣମେବ ସମାଦ୍ରବନ୍।
ବିଭିତ୍ସନ୍ତୋ ମହାସେତୁଂ ବାର୍ଯୋଘାଃ ପ୍ରବଲା ଇବ॥ 7-95-12 (48416)
ବାରଯାମାସ ତାନ୍ଦ୍ରୋଣୋ ଜଲୌଘମଚଲୋ ଯଥା।
ପାଣ୍ଡବାନ୍ସମରେ କ୍ରୁଦ୍ଧାନ୍ପାଞ୍ଚାଲାଂଶ୍ଚ ସକେକଯାନ୍॥ 7-95-13 (48417)
ଅଥାପରେ ଚ ରାଜାନଃ ପରିବୃତ୍ଯ ସମନ୍ତତଃ।
ମହାବଲା ରଣେ ଶୂରାଃ ପାଞ୍ଚାଲାନନ୍ବବାରଯନ୍॥ 7-95-14 (48418)
ତତୋ ରଣେ ନରବ୍ଯାଘ୍ରଃ ପାର୍ଷତଃ ପାଣ୍ଡବୈଃ ସହ।
ସଞ୍ଜଘାନାସକୃଦ୍ଦ୍ରୋଣଂ ବିଭିତ୍ସୁରରିବାହିନୀମ୍॥ 7-95-15 (48419)
ଯଥୈବ ଶରବର୍ଷାଣି ଦ୍ରୋଣୋ ବର୍ଷତି ପାର୍ଷତେ।
ତଥୈବ ଶରବର୍ଷାଣି ଧୃଷ୍ଟଦ୍ଯୁମ୍ନୋଽପ୍ଯବର୍ଷତ॥ 7-95-16 (48420)
ସନିସ୍ତ୍ରିଂଶପୁରୋବାତଃ ଶକ୍ତିପ୍ରାସର୍ଷ୍ଟିସଂବୃତଃ।
ଜ୍ଯାବିଦ୍ଯୁଚ୍ଚାପସଂହାଦୋ ଧୃଷ୍ଟଦ୍ଯୁମ୍ନବଲାହକଃ॥ 7-95-17 (48421)
ଶରଧାରାଶ୍ମବର୍ଷାଣି ବ୍ଯସୃଜତ୍ସର୍ବତୋ ଦିଶମ୍।
ନିଘ୍ନନ୍ରଥବରାଶ୍ବୌଘାନ୍ପ୍ଲାବଯାମାସ ବାହିନୀମ୍॥ 7-95-18 (48422)
ଯଂଯମାର୍ଚ୍ଛଚ୍ଛରୈର୍ଦ୍ରୋଣଃ ପାଣ୍ଡବାନାଂ ରଥବ୍ରଜମ୍।
ତତସ୍ତତଃ ଶରୈର୍ଦ୍ରୋଣମପାକର୍ଷତ ପାର୍ଷତଃ॥ 7-95-19 (48423)
ତଥା ତୁ ଯତମାନସ୍ଯ ଦ୍ରୋଣସ୍ଯ ଯୁଧି ଭାରତ।
ଧୃଷ୍ଟଦ୍ଯୁମ୍ନଂ ସମାସାଦ୍ଯ ତ୍ରିଧା ସୈନ୍ଯମଭିଦ୍ଯତ॥ 7-95-20 (48424)
ଭୋଜମେକେଽଭ୍ଯବର୍ତନ୍ତ ଜଲସନ୍ଧଂ ତଥାଽପରେ।
ପାଣ୍ଡବୈର୍ହନ୍ଯମାନାଶ୍ଚ ଦ୍ରୋଣମେବାପରେ ଯଯୁଃ॥ 7-95-21 (48425)
ସଙ୍ଘଟ୍ଟଯତି ସୈନ୍ଯାନି ଦ୍ରୋଣସ୍ତୁ ରଥିନାଂ ବରଃ।
ବ୍ଯଧମଚ୍ଚାପି ତାନ୍ଯସ୍ଯ ଧୃଷ୍ଟଦ୍ଯୁମ୍ନୋ ମହାରଥଃ॥ 7-95-22 (48426)
ଧାର୍ତରାଷ୍ଟ୍ରାସ୍ତଥା ଭୂତା ବଧ୍ଯନ୍ତେ ପାଣ୍ଡୁସୃଞ୍ଜଯୈଃ।
ଅଗୋପାଃ ପଶବୋଽରଣ୍ଯେ ବହୁଭିଃ ଶ୍ବାପଦୈରିବ॥ 7-95-23 (48427)
କାଲଃ ସ୍ମ ଗ୍ରସତେ ଯୋଧାନ୍ଧୃଷ୍ଟଦ୍ଯୁମ୍ନେନ ମୋହିତାନ୍।
ସଙ୍ଗ୍ରାମେ ତୁମୁଲେ ତସ୍ମିନ୍ନିତି ସମ୍ମେନିରେ ଜନାଃ॥ 7-95-24 (48428)
କୁନୃପସ୍ଯ ଯଥା ରାଷ୍ଟ୍ରଂ ଦୁର୍ଭିକ୍ଷବ୍ଯାଧିତସ୍କରୈଃ।
ଦ୍ରାବ୍ଯତେ ତଦ୍ବଦାପନ୍ନା ପାଣ୍ଡବୈସ୍ତବ ବାହିନୀ॥ 7-95-25 (48429)
ଅର୍କରଶ୍ମିବିମିଶ୍ରେଷୁ ଶସ୍ତ୍ରେଷୁ କବଚେଷୁ ଚ।
ଚକ୍ଷୂଂଷି ପ୍ରତ୍ଯହନ୍ଯନ୍ତ ସୈନ୍ଯେନ ରଜସା ତଥା॥ 7-95-26 (48430)
ତ୍ରିଧା ଭୂତେଷୁ ସୈନ୍ଯେଷୁ ବଧ୍ଯମାନେଷୁ ପାଣ୍ଡବୈଃ।
ଅମର୍ଷିତସ୍ତତୋ ଦ୍ରୋଣଃ ପାଞ୍ଚାଲାନ୍ବ୍ଯଧମଚ୍ଛରୈଃ॥ 7-95-27 (48431)
ମୃଦ୍ଗତସ୍ତାନ୍ଯନୀକାନି ନିଘ୍ନତଶ୍ଚାପି ସାଯକୈଃ।
ବଭୂବ ରୂପଂ ଦ୍ରୋଣସ୍ଯ କାଲାଗ୍ନେରିବ ଦୀପ୍ଯତଃ॥ 7-95-28 (48432)
ରଥଂ ନାଗଂ ହଯଂ ଚାପି ପତ୍ତିନଶ୍ଚ ବିଶାମ୍ପତେ।
ଏକୈକେନେଷୁଣା ସଙ୍ଖ୍ଯେ ନିର୍ବିଭେଦ ମହାରଥଃ॥ 7-95-29 (48433)
ପାଣ଼୍ଡବାନାଂ ତୁ ସୈନ୍ଯେଷୁ ନାସ୍ତି କଶ୍ଚିତ୍ସ ଭାରତ।
ଦଧାର ଯୋ ରଣେ ବାଣାନ୍ଦ୍ରୋଣଚାପଚ୍ଯୁତାନ୍ପ୍ରଭୋ॥ 7-95-30 (48434)
ତତ୍ପଚ୍ଯମାନମର୍କେଣ ଦ୍ରୋଣସାଯକତାପିତମ୍।
ବଭ୍ରାମ ପାର୍ଷତଂ ସୈନ୍ଯଂ ତତ୍ରତତ୍ରୈବ ଭାରତ॥ 7-95-31 (48435)
`ହନ୍ଯମାନଂ ତୁ ତତ୍ସୈନ୍ଯଂ ଭାରଦ୍ବାଜେନ ସର୍ବତଃ।
ଶରୈରଗ୍ନିଶିଖାକାରୈର୍ଦହ୍ଯତେ ଭରତର୍ଷଭ'॥ 7-95-32 (48436)
ତଥୈବ ପାର୍ଷତେନାପି କାଲ୍ଯମାନଂ ବଲଂ ତବ।
ଅଭବତ୍ସର୍ବତୋ ଦୀପ୍ତଂ ଶୁଷ୍କଂ ବନମିବାଗ୍ନିନା॥ 7-95-33 (48437)
ବାଧ୍ଯମାନେଷୁ ସୈନ୍ଯେଷୁ ଦ୍ରୋଣପାର୍ଷତସାଯକୈଃ।
ତ୍ଯକ୍ତ୍ବା ପ୍ରାଣାନ୍ପରଂ ଶକ୍ତ୍ଯା ଯୁଧ୍ଯନ୍ତେ ସ୍ବର୍ଗଲିପ୍ସବଃ॥ 7-95-34 (48438)
ତାବକାନାଂ ପରେଷାଂ ଚ ଯୁଧ୍ଯତାଂ ଭରତର୍ଷଭ।
ନାସୀତ୍କଶ୍ଚିନ୍ମହାରାଜ ଯୋଽତ୍ଯାକ୍ଷୀତ୍ସଂଯୁଗଂ ଭଯାତ୍॥ 7-95-35 (48439)
ଭୀମସେନଂ ତୁ କୌନ୍ତେଯଂ ସୋଦର୍ଯାଃ ପର୍ଯବାରଯନ୍।
ବିବିଂଶତିଶ୍ଚିତ୍ରସେନୋ ବିକର୍ଣଶ୍ଚ ମହାରଥଃ॥ 7-95-36 (48440)
ବିନ୍ଦାନୁବିନ୍ଦାବାବନ୍ତ୍ଯୌ କ୍ଷେମଧୂର୍ତିଶ୍ଚ ବୀର୍ଯବାନ୍।
ତ୍ରଯାଣାଂ ତବ ପୁତ୍ରାଣାଂ ତ୍ରଯ ଏବାନୁଯାଯିନଃ॥ 7-95-37 (48441)
ବାହ୍ଲୀକରାଜସ୍ତେଜସ୍ବୀ କୁଲପୁତ୍ରୋ ମହାରଥଃ।
ସହସେନଃ ସହାମାତ୍ଯୋ ଦ୍ରୌପଦେଯାନବାରଯତ୍॥ 7-95-38 (48442)
ଶୈବ୍ଯୋ ଗୋବାସନୋ ରାଜା ଯୋଧୈର୍ଦଶଶତାବରୈଃ।
କାଶ୍ଯସ୍ଯାଭିଭୁବଃ ପୁତ୍ରଂ ପରାକ୍ରାନ୍ତମବାରଯତ୍॥ 7-95-39 (48443)
ଅଜାତଶତ୍ରୁଂ କୌନ୍ତେଯଂ ଜ୍ବଲନ୍ତମିବ ପାବକମ୍।
ମଦ୍ରାଣାମୀଶ୍ବରଃ ଶଲ୍ଯୋ ରାଜା ରାଜାନମାବୃଣୋତ୍। 7-95-40 (48444)
ଦୁଃଶାସନସ୍ତ୍ବବସ୍ଥାପ୍ଯ ସ୍ବମନୀକମମର୍ଷଣଃ।
ସାତ୍ଯକିଂ ପ୍ରଯଯୌ କ୍ରୁଦ୍ଧଃ ଶୂରୋ ରଥବରଂ ଯୁଧି॥ 7-95-41 (48445)
ସ୍ବକେନାହମନୀକେନ ସନ୍ନଦ୍ଧଃ କବଚାବୃତଃ।
ଚତୁଃଶତୈର୍ମହେଷ୍ବାସୈଶ୍ଚେକିତାନମବାରଯମ୍॥ 7-95-42 (48446)
ଶକୁନିସ୍ତୁ ସହାନୀକୋ ମାଦ୍ରୀପୁତ୍ରାବବାରଯତ୍।
ଗାନ୍ଧାରକୈଃ ସପ୍ତଶତୈଶ୍ଚାପଶକ୍ତ୍ଯସିପାଣିଭିଃ॥ 7-95-43 (48447)
ବିନ୍ଦାନୁବିନ୍ଦାବାବନ୍ତ୍ଯୌ ବିରାଟଂ ମତ୍ସ୍ଯମାର୍ଚ୍ଛତାମ୍।
ପ୍ରାଣାଂସ୍ତକ୍ତ୍ବା ମହେଷ୍ବାସୌ ମିତ୍ରାର୍ଥେଽଭ୍ଯୁଦ୍ଯତାଯୁଧୌ॥ 7-95-44 (48448)
ଶିଖଣ୍ଡିନଂ ଯାଜ୍ଞସେନିଂ ରୁନ୍ଧାନମପରାଜିତମ୍।
ବାହ୍ଲୀକଃ ପ୍ରତିସଂଯତ୍ତଃ ପରାକ୍ରାନ୍ତମବାରଯତ୍॥ 7-95-45 (48449)
ଧୃଷ୍ଟଦ୍ଯୁମ୍ନଂ ତୁ ପାଞ୍ଚାଲ୍ଯଂ କ୍ରୂରୈଃ ସାର୍ଧଂ ପ୍ରଭଦ୍ରକୈଃ।
ଆବନ୍ତ୍ଯଃ ସହସୌବୀରୈଃ କ୍ରୁଦ୍ଧରୂପମବାରଯତ୍॥ 7-95-46 (48450)
ଘଟୋତ୍କଚଂ ତଥା ଶୂରଂ ରାକ୍ଷସଂ କ୍ରୂରକର୍ମିଣମ୍।
ଅଲାମୁଧୋଽଦ୍ରବତ୍ତୂର୍ଣଂ କ୍ରୁଦ୍ଧମାଯାନ୍ତମାହବେ॥ 7-95-47 (48451)
ଅଲମ୍ବୁସଂ ରାକ୍ଷସେନ୍ଦ୍ରଂ କୁନ୍ତିଭୋଜୋ ମହାରଥଃ।
ସୈନ୍ଯେନ ମହତା ଯୁକ୍ତଃ କ୍ରୁଦ୍ଧରୂପମବାରଯତ୍॥ 7-95-48 (48452)
ସୈନ୍ଧବଃ ପୃଷ୍ଠତସ୍ତ୍ବାସୀତ୍ସର୍ବସୈନ୍ଯସ୍ଯ ଭାରତ।
ରକ୍ଷିତଃ ପରମେଷ୍ବାସୈଃ କୃପପ୍ରଭୃତିଭୀ ରଥୈଃ॥ 7-95-49 (48453)
ତସ୍ଯାସ୍ତାଂ ଚକ୍ରରକ୍ଷୌ ଦ୍ବୌ ସୈନ୍ଧବସ୍ଯ ବୃହତ୍ତମୌ।
ଦ୍ରୌଣିର୍ଦକ୍ଷିଣତୋ ରାଜନ୍ସୂତପୁତ୍ରଶ୍ଚ ବାମତଃ॥ 7-95-50 (48454)
ପୃଷ୍ଠଗୋପାସ୍ତୁ ତସ୍ଯାସନ୍ସୌମଦତ୍ତିପୁରୋଗମାଃ।
କୃପଶ୍ଚ ବୃଷସେନଶ୍ଚ ଶଲଃ ଶଲ୍ଯଶ୍ଚ ଦୁର୍ଜଯଃ॥ 7-95-51 (48455)
ନୀତିମନ୍ତୋ ମହେଷ୍ବାସାଃ ସର୍ବେ ଯୁଦ୍ଧବିଶାରଦାଃ।
ସୈନ୍ଧବସ୍ଯ ବିଧାଯୈବଂ ରକ୍ଷାଂ ଯୁଯୁଧିରେ ତତଃ॥ ॥ 7-95-52 (48456)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ପଞ୍ଚନବତିତମୋଽଧ୍ଯାଯଃ॥ 95 ॥
Mahabharata - Drona Parva - Chapter Footnotes
5-95-7 ହିମାତ୍ଯଯେ ଶିଶିରେ। ସେନାଗ୍ରେ ପ୍ରଧାନେ ସେନେ॥ 5-95-18 ପ୍ଲାବଯାମାସ ବିଦ୍ରାବିତବାନ୍॥ 5-95-19 ଅପାକର୍ଷତ ବ୍ଯାବର୍ତିତବାନ୍॥ 5-95-22 ସଙ୍ଘଟ୍ଟଯତି ସମ୍ମେଲଯତି॥ 5-95-39 କାଶ୍ଯସ୍ଯ କାଶିରାଜସ୍ଯ॥ 5-95-46 ଆବନ୍ତ୍ଯୋଽନ୍ଯଃ॥ 5-95-95 ପଞ୍ଚନବତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 096
॥ ଶ୍ରୀଃ ॥
7.96. ଅଧ୍ଯାଯଃ 096
Mahabharata - Drona Parva - Chapter Topics
ରାଜ୍ଞାଂ ଦ୍ବନ୍ଦ୍ବଯୁଦ୍ଧବର୍ଣନମ୍॥ 1 ॥Mahabharata - Drona Parva - Chapter Text
7-96-0 (48457)
ସଞ୍ଜଯ ଉବାଚ। 7-96-0x (4511)
ରାଜନ୍ସଙ୍ଗ୍ରାମମାଶ୍ଚର୍ଯଂ ଶୃଣୁ କୀର୍ତଯତୋ ମମ।
କୁରୂଣାଂ ପାଣ୍ଡବାନାଂ ଚ ଯଥା ଯୁଦ୍ଧମବର୍ତତ॥ 7-96-1 (48458)
ଭାରଦ୍ବାଜଂ ସମାସାଦ୍ଯ ବ୍ଯୂହସ୍ଯ ପ୍ରମୁଖେ ସ୍ଥିତମ୍।
ଅଯୋଧଯନ୍ରଣେ ପାର୍ଥା ଦ୍ରୋଣାନୀକଂ ବିଭିତ୍ସବଃ॥ 7-96-2 (48459)
ରକ୍ଷମାଣଃ ସ୍ବଥଂ ବ୍ଯୂହଂ ଦ୍ରୋଣୋଽପି ସହ ସୈନିକୈଃ।
ଅଯୋଧଯଦ୍ରଣେ ପାର୍ଥାନ୍ପ୍ରାର୍ଥଯାନୋ ମହଦ୍ଯଶଃ॥ 7-96-3 (48460)
ବିନ୍ଦାନୁବିନ୍ଦାବାବନ୍ତ୍ଯୌ ବିରାଟଂ ଦଶଭିଃ ଶରୈଃ।
ଅଯୋଧଯଦ୍ରଣେ ପାର୍ଥାନ୍ପ୍ରାର୍ଥଯାନୋ ମହଦ୍ଯଶଃ॥ 7-96-4 (48461)
ବିନ୍ଦାନୁବିନ୍ଦାବାବନ୍ତ୍ଯୌ ବିରାଟଂ ଦଶଭିଃ ଶରୈଃ।
ପରାକ୍ରାନ୍ତୌ ପରାକ୍ରମ୍ଯ ଯୋଧଯାମାସ ସାନୁଗୌ॥ 7-96-5 (48462)
ତେଷାଂ ଯୁଦ୍ଧଂ ସମଭବଦ୍ଦାରୁଣଂ ଶୋଣିତୋଦକମ୍।
ସିଂହସ୍ଯ ଦ୍ବିପମୁଖ୍ଯାଭ୍ଯାଂ ପ୍ରଭିନ୍ନାଭ୍ଯାଂ ଯଥା ବନେ॥ 7-96-6 (48463)
ବାହ୍ଲୀକଂ ରଭସଂ ଯୁଦ୍ଧେ ଯାଜ୍ଞସେନିର୍ମହାବଲଃ।
ଆଜଘ୍ନେ ବିଶିଖୈସ୍ତୀକ୍ଷ୍ଣୈର୍ଘୋରୈର୍ମର୍ମାସ୍ଥିଭେଦିଭିଃ॥ 7-96-7 (48464)
ବାହ୍ଲୀକୋ ଯାଜ୍ଞସେନିଂ ତୁ ହେମପୁଙ୍ଖୈଃ ଶିଲାଶିତୈଃ।
ଆଜଘାନ ଭୃଶଂ କ୍ରୁଦ୍ଧୋ ନବଭିର୍ନତପର୍ବଭିଃ॥ 7-96-8 (48465)
ତଦ୍ଯୁଦ୍ଧମଭବଦ୍ଧୋରଂ ଶରଶକ୍ତିସମାକୁଲମ୍।
ଭୀରୂଣାଂ ତ୍ରାସଜନନଂ ଶୂରାଣାଂ ହର୍ଷବର୍ଧନମ୍॥ 7-96-9 (48466)
ତାଭ୍ଯାଂ ତତ୍ର ଶରୈର୍ମୁକ୍ତୈରନ୍ତରିକ୍ଷଂ ଦିଶସ୍ତଥା।
ଅଭବତ୍ସଂବୃତଂ ସର୍ବଂ ନ ପ୍ରାଜ୍ଞାଯତ କିଞ୍ଚନ॥ 7-96-10 (48467)
ଶୈବ୍ଯୋ ଗୋବାସନୋ ଯୁଦ୍ଧେ କାଶ୍ଯପୁତ୍ରଂ ମହାରଥମ୍।
ସସୈନ୍ଯୋ ଯୋଧଯାମାସ ଗଜଃ ପ୍ରତିଗଜଂ ଯଥା॥ 7-96-11 (48468)
ବାହ୍ଲୀକରାଜଃ ସଙ୍କ୍ରୁଦ୍ଧୋ ଦ୍ରୌପଦେଯାନ୍ମହାରଥାନ୍।
ମନଃ ପଞ୍ଚେନ୍ଦ୍ରିଯାଣୀବ ଶୁଶୁଭେ ଯୋଧଯନ୍ରଣେ॥ 7-96-12 (48469)
ଅଯୋଧଯଂସ୍ତେ ସୁଭୃଶଂ ତଂ ଶରୌଘୈଃ ସମନ୍ତତଃ।
ଇନ୍ଦ୍ରିଯାଣି ଯଥା ଦେହଂ ଶଶ୍ବଦ୍ଦେହବତାଂ ବର॥ 7-96-13 (48470)
ବାର୍ଷ୍ଣେଯଂ ସାତ୍ଯକିଂ ଯୁଦ୍ଧେ ପୁତ୍ରୋ ଦୁଃଶାସନସ୍ତବ।
ଆଜଘ୍ନେ ସାଯକୈସ୍ତୀକ୍ଷ୍ଣୈର୍ନବଭିର୍ନତପର୍ବଭିଃ॥ 7-96-14 (48471)
ସୋଽତିବିଦ୍ଧୋ ବଲବତା ମହେଷ୍ବାସେନ ଧନ୍ବିନା।
ଈଷନ୍ମୂର୍ଚ୍ଛାଂ ଜଗାମାଶୁ ସାତ୍ଯକିଃ ସତ୍ଯବିକ୍ରମଃ॥ 7-96-15 (48472)
ସମାଶ୍ବସ୍ତସ୍ତୁ ବାର୍ଷ୍ଣେଯସ୍ତବ ପୁତ୍ରଂ ମହାରଥମ୍।
ବିବ୍ଯାଧ ଦଶଭିସ୍ତୂର୍ଣଂ ସାଯକୈଃ କଙ୍କପତ୍ରିଭିଃ॥ 7-96-16 (48473)
ତାବନ୍ଯୋନ୍ଯଂ ଦୃଢଂ ବିଦ୍ଧାବନ୍ଯୋନ୍ଯଶରପୀଡିତୌ।
ରଜେତୁଃ ସମରେ ରାଜନ୍ପୁଷ୍ପିତାବିବ କିଂଶୁକୌ॥ 7-96-17 (48474)
ଅଲମ୍ବୁସସ୍ତୁ ସଙ୍କ୍ରୁଦ୍ଧଃ କୃନ୍ତିଭୋଜଶରାର୍ଦିତଃ।
ଅଶୋଭତ ଭୃଶଂ ଲକ୍ଷ୍ମ୍ଯା ପୁଷ୍ପାଢ୍ଯ ଇବ କିଂଶୁକଃ॥ 7-96-18 (48475)
କୁନ୍ତିଭୋଜଂ ତତୋ ରକ୍ଷୋ ବିଦ୍ଧ୍ବା ବହୁଭିରାଯସୈଃ।
ଅନଦଦ୍ଭୈରବଂ ନାଦଂ ବାହିନ୍ଯାଃ ପ୍ରମୁଖେ ତବ॥ 7-96-19 (48476)
ତତସ୍ତୌ ସମରେ ଶୂରୌ ଯୋଧଯନ୍ତୌ ପରସ୍ପରମ୍।
ଦଦୃଶୁଃ ସର୍ବସୈନ୍ଯାନି ଶକ୍ରଜମ୍ଭୌ ଯଥା ପୁରା॥ 7-96-20 (48477)
ଶକୁନିଂ ରଭସଂ ଯୁଦ୍ଧେ କୃତବୈରଂ ଚ ଭାରତ।
ମାଦ୍ରୀପୁତ୍ରୌ ଚ ସଂରବ୍ଧୌ ଶରୈଶ୍ଚାର୍ଦଯତାଂ ଭୃଶମ୍॥ 7-96-21 (48478)
ତୁମୁଲଃ ସ ମହାନ୍ରାଜନ୍ପ୍ରାବର୍ତତ ଜନକ୍ଷଯଃ।
ତ୍ବଯା ସଞ୍ଜନିତୋଽତ୍ଯର୍ଥଂ କର୍ଣେନ ଚ ବିବର୍ଧିତଃ॥ 7-96-22 (48479)
ରକ୍ଷିତସ୍ତବ ପୁତ୍ରୈଶ୍ଚ କ୍ରୋଧମୂଲୋ ହୁତାଶନଃ।
ଯ ଇମାଂ ପୃଥିବୀଂ ରାଜନ୍ଦଗ୍ଧୁଂ ସର୍ବାଂ ସମୁଦ୍ଯତଃ॥ 7-96-23 (48480)
ଶକୁନିଃ ପାଣ୍ଡୁପୁତ୍ରାଭ୍ଯାଂ କୃତଃ ସ ବିମୁଖଃ ଶରୈଃ।
ନ ସ୍ମ ଜାନାତି କର୍ତବ୍ଯଂ ଯୁଦ୍ଧେ କିଞ୍ଚିତ୍ପରାକ୍ରମମ୍॥ 7-96-24 (48481)
ବିମୁଖଂ ଚୈନମାଲୋକ୍ଯ ମାଦ୍ରୀପୁତ୍ରୌ ମହାରଥୌ।
ବବର୍ଷତୁଃ ପୁନର୍ବାଣୈର୍ଯଥା ମେଘୌ ମହାଗିରିମ୍॥ 7-96-25 (48482)
ସ ବଧ୍ଯମାନୋ ବହୁଭିଃ ଶରୈଃ ସନ୍ନତପର୍ବଭିଃ।
ସମ୍ପ୍ରାଯାଜ୍ଜବନୈରଶ୍ବୈର୍ଦ୍ରୋଣାନୀକାଯ ସୌବଲଃ॥ 7-96-26 (48483)
ଘଟୋତ୍କଚସ୍ତଥା ଶୂରଂ ରାକ୍ଷସଂ ତମଲାମୁଧମ୍।
ଅଭ୍ଯଯାଦ୍ରଭସଂ ଯୁଦ୍ଧେ ବେଗମାସ୍ଥାଯ ମଧ୍ଯମମ୍॥ 7-96-27 (48484)
ତଯୋର୍ଯୁଦ୍ଧଂ ମହାରାଜ ଚିତ୍ରରୂପମିବାଭବତ୍।
ଯାଦୃଶଂ ହି ପୁରାବୃତ୍ତଂ ରାମରାବଣଯୋର୍ମୃଧେ॥ 7-96-28 (48485)
ତତୋ ଯୁଧିଷ୍ଠିରୋ ରାଜା ମଦ୍ରରାଜାନମାହବେ।
ବିଦ୍ଧ୍ବା ପଞ୍ଚାଶତା ବାଣୈଃ ପୁନର୍ବିବ୍ଯାଧ ସପ୍ତଭିଃ॥ 7-96-29 (48486)
ତତଃ ପ୍ରବବୃତେ ଯୁଦ୍ଧଂ ତଯୋରତ୍ଯଦ୍ଭୁତଂ ନୃପ।
ଯଥା ପୂର୍ବଂ ମହଦ୍ଯୁଦ୍ଧଂ ଶମ୍ବରାମରରାଜଯୋଃ॥ 7-96-30 (48487)
ବିବିଂଶତିଶ୍ଚିତ୍ରସେନୋ ବିକର୍ଣଶ୍ଚ ତବାତ୍ମଜଃ।
ଅଯୋଧଯନ୍ଭୀମସେନଂ ମହତ୍ଯା ସେନଯା ବୃତାଃ॥ ॥ 7-96-31 (48488)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଷଣ୍ଣବତିତମୋଽଧ୍ଯାଯଃ॥ 96 ॥
Mahabharata - Drona Parva - Chapter Footnotes
5-96-23 ହୁତାଶନଃ ପ୍ରାବର୍ତତେତ୍ଯନୁଷଜ୍ଯତେ॥ 5-96-96 ଷଣ୍ଣବତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 097
॥ ଶ୍ରୀଃ ॥
7.97. ଅଧ୍ଯାଯଃ 097
Mahabharata - Drona Parva - Chapter Topics
ଦ୍ରୋଣଧୃଷ୍ଟଦ୍ଯୁମ୍ନଯୋର୍ଯୁଦ୍ଧମ୍॥ 1 ॥Mahabharata - Drona Parva - Chapter Text
7-97-0 (48489)
ସଞ୍ଜଯ ଉବାଚ। 7-97-0x (4512)
ତଥା ତସ୍ମିନ୍ପ୍ରବୃତ୍ତେ ତୁ ସଙ୍ଗ୍ରମେ ରୋମହର୍ଷଣେ।
କୌରବେଯାଂସ୍ତ୍ରିଧାଭୂତାନ୍ପାଣ୍ଡବାଃ ସମୁପାଦ୍ରବନ୍॥ 7-97-1 (48490)
ଜଲସନ୍ଧଂ ମହାବାହୁଂ ଭୀମସେନୋଽଭ୍ଯବର୍ତତ।
ଯୁଧିଷ୍ଠିରଃ ସହାନୀକଃ କୃତବର୍ମାଣମାହବେ॥ 7-97-2 (48491)
କିରଂସ୍ତୁ ଶରବର୍ଷାଣି ରୋଚମାନ ଇବାଂଶୁମାନ୍।
ଧୃଷ୍ଟଦ୍ଯୁମ୍ନୋ ମହାରାଜ ଦ୍ରୋଣମଭ୍ଯଦ୍ରବଦ୍ରଣେ॥ 7-97-3 (48492)
ତତଃ ପ୍ରବବୃତେ ଯୁଦ୍ଧଂ ତ୍ବରତାଂ ସର୍ବଧନ୍ବିନାମ୍।
କୁରୂଣାଂ ପାଣ୍ଡବାନାଂ ଚ ସଙ୍କ୍ରୁଦ୍ଧାନାଂ ପରସ୍ପରମ୍॥ 7-97-4 (48493)
ସଙ୍କ୍ଷଯେ ତୁ ତଥାଭୂତେ ବର୍ତମାନେ ମହାଭଯେ।
ଦ୍ବନ୍ଦବୀଭୂତେଷୁ ସୈନ୍ଯେଷୁ ଯୁଧ୍ଯମାନେଷ୍ବଭୀତବତ୍॥ 7-97-5 (48494)
ଦ୍ରୋଣଃ ପାଞ୍ଚାଲପୁତ୍ରେଣ ବଲୀ ବଲବତା ସହ।
ଯଦକ୍ଷିପତ୍ପୃଷତ୍କୌଘାଂସ୍ତଦଦ୍ଭୁତମିବାଭବତ୍॥ 7-97-6 (48495)
ପୁଣ୍ଡରୀକବନାନୀବ ବିଧ୍ବସ୍ତାନି ସମନ୍ତତଃ।
ଚକ୍ରାତେ ଦ୍ରୋଣପାଞ୍ଚାଲ୍ଯୌ ନୃଣାଂ ଶୀର୍ଷାଣ୍ଯନେକଶଃ॥ 7-97-7 (48496)
ବିନିକୀର୍ଣାନି ବୀରାଣାମନୀକେଷୁ ସମନ୍ତତଃ।
ବସ୍ତ୍ରାଭରଣଶସ୍ତ୍ରାଣି ଧ୍ବଜବର୍ମାଯୁଧାନି ଚ॥ 7-97-8 (48497)
ତପନୀଯତନୁତ୍ରାଣାଃ ସଂସିକ୍ତା ରୁଧିରେଣ ଚ।
କୋବିଦାରା ଇବାଭାନ୍ତି ପୁଷ୍ପିତାସ୍ତତ୍ର ଭାରତ।
ତାବକାଃ ସମରେ ଯୋଧାଃ ପାଣ୍ଡବେଯାଶ୍ଚ ବିକ୍ଷତାଃ॥ 7-97-9 (48498)
କୁଞ୍ଜରାଶ୍ବନରାନ୍ଯେ ପାତଯନ୍ତି ସ୍ମ ପତ୍ରିଭିଃ।
ତାଲମାତ୍ରାଣି ଚାପାନି ବିକର୍ଷନ୍ତୋ ମହାରଥାଃ॥ 7-97-10 (48499)
ଅସିଚର୍ମାଣି ଚାପାନି ଶିରାଂଶି କବଚାନି ଚ।
ବିପ୍ରକୀର୍ଯନ୍ତ ଶୂରାଣାଂ ସମ୍ପ୍ରହାରେ ମହାତ୍ମନାମ୍॥ 7-97-11 (48500)
ଉତ୍ଥିତାନ୍ଯଗଣେଯାନି କବନ୍ଧାନି ସମନ୍ତତଃ।
ଅଦୃଶ୍ଯନ୍ତ ମହାରାଜ ତସ୍ମିନ୍ପରମସଙ୍କୁଲେ॥ 7-97-12 (48501)
ଗୃଧ୍ରାଃ କଙ୍କା ବକାଃ ଶ୍ଯେନା ବାଯସା ଜମ୍ବୁକାସ୍ତଥା।
ବହୁଶଃ ପିଶିତାଶାଶ୍ଚ ତତ୍ରାଦୃଶ୍ଯନ୍ତ ମାରିଷ॥ 7-97-13 (48502)
ଭକ୍ଷଯନ୍ତଶ୍ଚ ମାଂସାନି ପିବନ୍ତଶ୍ଚାପି ଶୋଣିତମ୍।
ବିଲୁମ୍ପମାନାଃ କେଶାଂଶ୍ଚ ମଜ୍ଜାଶ୍ଚ ବହୁଧା ନୃପ॥ 7-97-14 (48503)
ଆକର୍ଷନ୍ତଃ ଶରୀରାଣି ଶରୀରାବଯବାଂସ୍ତଥା।
ନରାଶ୍ବଗଜସଙ୍ଘାନାଂ ଶିରାଂଶି ଚ ତତସ୍ତତଃ॥ 7-97-15 (48504)
କୃତାସ୍ତ୍ରା ରଣଶିକ୍ଷାଭିର୍ଦୀକ୍ଷିତା ରଣଶାଲିନଃ।
ରଣେ ଜଯଂ ପ୍ରାର୍ଥଯାନା ଭୃଶଂ ଯୁଯୁଧିରେ ତଦା॥ 7-97-16 (48505)
ଅସିମାର୍ଗାନ୍ବହୁବିଧାନ୍ବିଚେରୁଃ ସୈନିକା ରଣେ।
ଋଷ୍ଟିଭିଃ ଶକ୍ତିଭିଃ ପ୍ରାସୈଃ ଶୂଲତୋମରପଟ୍ଟସୈଃ॥ 7-97-17 (48506)
ଗଦାଭିଃ ପରିଘୈଶ୍ଚାନ୍ଯୈରାଯୁଧୈଶ୍ଚ ଭୁଜୈରପି।
ଅନ୍ଯୋନ୍ଯଂ ଜଘ୍ନିରେ କ୍ରୁଦ୍ଧା ଯୁଦ୍ଧରଙ୍ଗତା ନରାଃ॥ 7-97-18 (48507)
ରଥିନୋ ରଥିଭିଃ ସାର୍ଧମଶ୍ବାରୋହାଶ୍ଚ ସାଦିଭିଃ।
ମାତଙ୍ଗା ବରମାତଙ୍ଗୈଃ ପଦାତାଶ୍ଚ ପଦାତିଭିଃ॥ 7-97-19 (48508)
କ୍ଷୀବା ଇବାନ୍ଯେ ଚୋନ୍ମତ୍ତା ରଙ୍ଗେଷ୍ବିବ ଚ ବାରଣାଃ।
ଉଚ୍ଚୁକ୍ରୁଶୁରଥାନ୍ଯୋନ୍ଯଂ ଜଘ୍ନୁରନ୍ଯୋନ୍ଯମେବ ଚ॥ 7-97-20 (48509)
ବର୍ତମାନେ ତଥା ଯୁଦ୍ଧେ ନିର୍ମର୍ଯାଦେ ବିଶାମ୍ପତେ।
ଧୃଷ୍ଟଦ୍ଯୁମ୍ନୋ ହଯାନଶ୍ଚୈର୍ଦ୍ରୋଣସ୍ଯ ବ୍ଯତ୍ଯମିଶ୍ରଯତ୍॥ 7-97-21 (48510)
ତେ ହଯାଃ ସାଧ୍ବଶୋଭନ୍ତ ମିଶ୍ରିତା ବାତରଂହସଃ।
ପାରାବତସବର୍ଣାଶ୍ଚ ରକ୍ତଶୋଣାଶ୍ଚ ସଂଯୁଗେ॥ 7-97-22 (48511)
ପାରାବତସବର୍ଣାସ୍ତେ ରକ୍ତଶୋଣବିମିଶ୍ରିତାଃ।
ହଯାଃ ଶୁଶୁଭିରେ ରାଜନ୍ମେଘା ଇବ ସବିଦ୍ଯୁତଃ॥ 7-97-23 (48512)
ଧୃଷ୍ଟଦ୍ଯୁମ୍ନସ୍ତୁ ସମ୍ପ୍ରେକ୍ଷ୍ଯ ଦ୍ରୋଣମଭ୍ଯାଶମାଗତମ୍।
ଅସିଚର୍ମାଦଦେ ବୀରୋ ଧନୁରୁତ୍ସୃଜ୍ଯ ଭାରତ॥ 7-97-24 (48513)
ଚିକୀର୍ଷୁର୍ଦୁଷ୍କରଂ କର୍ମ ପାର୍ଷତଃ ପରବୀରହା।
ଈଷାଯାଃ ସମତିକ୍ରମ୍ଯ ଦ୍ରୋଣସ୍ଯ ରଥମାବିଶତ୍॥ 7-97-25 (48514)
ଅତିଷ୍ଠଦ୍ଯୁଗମଧ୍ଯେ ସ ଯୁଗସନ୍ନହନେଷୁ ଚ।
ଜଘନାର୍ଧେଷୁ ଚାଶ୍ବାନାଂ ତତ୍ସୈନ୍ଯାନ୍ଯଭ୍ଯପୂଜଯନ୍॥ 7-97-26 (48515)
ଖଙ୍ଗେନ ଚରତସ୍ତସ୍ଯ ଶୋଣାଶ୍ବାନଧିତିଷ୍ଠତଃ।
ନ ଦଦାର୍ଶାନ୍ତରଂ ଦ୍ରୋଣସ୍ତଦଦ୍ଭୁତମିବାଭବତ୍॥ 7-97-27 (48516)
ଯଥା ଶ୍ଯେନସ୍ଯ ପତନଂ ବନେଷ୍ବାମିଷଗୃଦ୍ଧିନଃ।
ତଥୈବାସୀଦଭୀସାରସ୍ତସ୍ଯ ଦ୍ରୋଣଂ ଜିଘାଂସତଃ॥ 7-97-28 (48517)
ତତଃ ଶରଶତେନାସ୍ଯ ଶତଚନ୍ଦ୍ରଂ ସମାକ୍ଷିପତ୍।
ଦ୍ରୋଣୋ ଦ୍ରୁପଦ ପୁତ୍ରସ୍ଯ ଖଙ୍ଗଂ ଚ ଦଶଭିଃ ଶରୈଃ॥ 7-97-29 (48518)
ହଯାଂଶ୍ଚୈବ ଚତୁଃଷଷ୍ଟ୍ଯା ଶରାଣାଂ ଜଘ୍ନିବାନ୍ବଲୀ।
ଧ୍ବଜଂ ଛତ୍ରଂ ଚ ଭଲ୍ଲାଭ୍ଯାଂ ତଥା ତୌ ପାର୍ଷ୍ଣିସାରଥୀ॥ 7-97-30 (48519)
ଅଥାସ୍ମୈ ତ୍ବରିତୋ ବାଣମପରଂ ଜୀବିତାନ୍ତକମ୍।
ଧୃଷ୍ଟଦ୍ଯୁମ୍ନାଯ ଚିକ୍ଷେପ ବଜ୍ରଂ ବଜ୍ରଧରୋ ଯଥା॥ 7-97-31 (48520)
ତଂ ଚତୁର୍ଦଶଭିସ୍ତୀକ୍ଷ୍ଣୈର୍ବାଣୈଶ୍ଚିଚ୍ଛେଦ ସାତ୍ଯକିଃ।
ଗ୍ରସ୍ତମାଚାର୍ଯମୁଖ୍ଯେନ ଧୃଷ୍ଟଦ୍ଯୁମ୍ନଂ ବ୍ଯମୋଚଯତ୍॥ 7-97-32 (48521)
ସିଂହେନେବ ମୃଗଂ ଗ୍ରସ୍ତଂ ନରସିଂହେନ ମାରିଷ।
ଦ୍ରୋଣାଦ୍ବୈ ମୋଚଯାମାସ ପାଞ୍ଚାଲ୍ଯଂ ଶିନିପୁଙ୍ଗବଃ॥ 7-97-33 (48522)
ସାତ୍ଯକିଂ ପ୍ରେକ୍ଷ୍ଯ ଗୋପ୍ତାରଂ ପାଞ୍ଚାଲ୍ଯଂ ଚ ମହାହବେ।
ଶରାଣାଂ ତ୍ବରିତୋ ଦ୍ରୋଣଃ ଷଡ୍ବିଂଶତ୍ଯା ସମାର୍ପଯତ୍॥ 7-97-34 (48523)
ତତୋ ଦ୍ରୋଣଂ ଶିନେଃ ପୌତ୍ରୋ ଗ୍ରସନ୍ତମପି ସୃଞ୍ଜଯାନ୍।
ପ୍ରତ୍ଯବିଧ୍ଯଚ୍ଛିତୈର୍ବାଣୈଃ ଷଡ୍ବିଂଶତ୍ଯା ସ୍ତନାନ୍ତରେ॥ 7-97-35 (48524)
ତତଃ ସର୍ବେ ରଥାସ୍ତୂର୍ଣଂ ପାଞ୍ଚାଲ୍ଯା ଜଯଗୃଦ୍ଧିନଃ।
ସାତ୍ବତାଭିସୃତେ ଦ୍ରୋଣେ ଧୃଷ୍ଟଦ୍ଯୁମ୍ନମବାକ୍ଷିପନ୍॥ ॥ 7-97-36 (48525)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ସପ୍ତନବତିତମୋଽଧ୍ଯାଯଃ॥ 97 ॥
Mahabharata - Drona Parva - Chapter Footnotes
5-97-26 ଯୁଗସନ୍ନହନେଷୁ ଯୁଗବନ୍ଧେଷୁ॥ 5-97-36 ଅବାକ୍ଷିତ୍ ଅପନୀତବନ୍ତଃ॥ 5-97-97 ସପ୍ତନବତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 098
॥ ଶ୍ରୀଃ ॥
7.98. ଅଧ୍ଯାଯଃ 098
Mahabharata - Drona Parva - Chapter Topics
ଦ୍ରୋଣସାତ୍ଯକ୍ଯୋର୍ଯୁଦ୍ଧମ୍॥ 1 ॥Mahabharata - Drona Parva - Chapter Text
7-98-0 (48526)
ଧୃତରାଷ୍ଟ୍ର ଉବାଚ। 7-98-0x (4513)
ବାଣେ ତସ୍ମିନ୍ନିକୃତ୍ତେ ତୁ ଧୃଷ୍ଟଦ୍ଯୁମ୍ନେ ଚ ମୋକ୍ଷିତେ।
ତେନ ବୃଷ୍ଣିପ୍ରବୀରେଣ ଯୁଯୁଧାନେନ ସଞ୍ଜଯ॥ 7-98-1 (48527)
ଅମର୍ଷିତୋ ମହେଷ୍ବାସଃ ସର୍ବଶସ୍ତ୍ରଭୃତାଂ ବରଃ।
ନରବ୍ଯାଘ୍ରଂ ଶିନେଃ ପୌତ୍ରଂ ଦ୍ରୋଣଃ କିମକରୋଦ୍ଯୁଧି॥ 7-98-2 (48528)
ସଞ୍ଜଯ ଉବାଚ। 7-98-3x (4514)
ସମ୍ପ୍ରସ୍ରୁତକ୍ରୋଧବିଷୋ ବ୍ଯାଦିତାସ୍ଯଶରାସନଃ।
ତୀକ୍ଷ୍ଣଧାରେଷୁଦଶନଃ ସିତନାରାଚଦଂଷ୍ଟ୍ରବାନ୍॥ 7-98-3 (48529)
ସଂରମ୍ଭାମର୍ଷତାମ୍ରାକ୍ଷୋ ମହୋରଗ ଇବ ଶ୍ବସନ୍।
ନରବୀରଃ ପ୍ରମୁଦିତଃ ଶୋଣୈରଶ୍ବୈର୍ମହାଜବୈଃ॥ 7-98-4 (48530)
ଉତ୍ପତଦ୍ଭିରିବାକାଶେ କ୍ରାମଦ୍ଭିରିବ ପର୍ବତମ୍।
ରୁକ୍ମପୁଙ୍ଖାଞ୍ଶରାନସ୍ଯନ୍ଯୁଯୁଧାନମୁପାଦ୍ରବତ୍॥ 7-98-5 (48531)
ଶରପାତମହାବର୍ଷଂ ରଥଘୋଷବଲାହକମ୍।
କାର୍ମୁକୈରାବୃତଂ ରାଜନ୍ନାରାଚବହୁବିଦ୍ଯୁତମ୍॥ 7-98-6 (48532)
ଶକ୍ତିଖଙ୍ଗାଶନିଧରଂ କ୍ରୋଧବେଗସମୁତ୍ଥିତମ୍।
ଦ୍ରୋଣମେଘମନାବାର୍ଯଂ ହଯମାରୁତଚୋଦିତମ୍॥ 7-98-7 (48533)
ଦୃଷ୍ଟ୍ବୈବାଭିପତନ୍ତଂ ତଂ ଶୂରଃ ପରପୁରଞ୍ଜଯଃ।
ଉବାଚ ସୂତଂ ଶୈନେଯଃ ପ୍ରହସନ୍ଯୁଦ୍ଧଦୁର୍ମଦଃ॥ 7-98-8 (48534)
ଏନଂ ବୈ ବ୍ରାହ୍ମଣଂ ଶୂରଂ ସ୍ବକର୍ମଣ୍ଯନବସ୍ଥିତମ୍।
ଆଶ୍ରଯଂ ଧାର୍ତରାଷ୍ଟ୍ରସ୍ଯ ଧର୍ମରାଜଭଯାବହମ୍॥ 7-98-9 (48535)
ଶୀଘ୍ରଂ ପ୍ରଜବିତୈରଶ୍ବୈଃ ପ୍ରତ୍ଯୁଦ୍ଯାହି ପ୍ରହୃଷ୍ଟବତ୍।
ଆଚାର୍ଯଂ ରାଜପୁତ୍ରାଣାଂ ସତତଂ ଶୂରମାନିନମ୍॥ 7-98-10 (48536)
ସଞ୍ଜଯ ଉବାଚ। 7-98-11x (4515)
`ଏବମୁକ୍ତସ୍ତତଃ ସୂତଃ ସାତ୍ଯକସ୍ଯାବହଦ୍ରଥମ୍'।
ତତୋ ରଜତସଙ୍କାଶା ମାଧବସ୍ଯ ହଯୋତ୍ତମାଃ।
ଦ୍ରୋଣସ୍ଯାଭିମୁଖାଃ ଶୀଘ୍ରମଗଚ୍ଛନ୍ବାତରଂହସଃ॥ 7-98-11 (48537)
ତତସ୍ତୌ ଦ୍ରୋଣଶୈନେଯୌ ଯୁଯୁଧାତେ ପରନ୍ତପୌ।
ଶରୈରନେକସାହସ୍ରୈସ୍ତାଡଯନ୍ତୌ ପରସ୍ପରମ୍॥ 7-98-12 (48538)
ଇଷୁଜାଲାବୃତଂ ବ୍ଯୋମ ଚକ୍ରତୁଃ ପୁରୁଷର୍ଷଭୌ।
ପୂରଯାମାସତୁର୍ବୀରାବୁଭୌ ଦଶ ଦିଶଃ ଶରୈଃ।
ମେଘାବିବାତପାପାଯେ ଧାରାଭିରିତରେତରମ୍॥ 7-98-13 (48539)
ନ ସ୍ମ ସୂର୍ଯସ୍ତଦା ଭାତି ନ ବବୌ ଚ ସମୀରଣଃ।
ହଷୁଜାଲାବୃତଂ ଘୋରମନ୍ଧକାରଂ ସମନ୍ତତଃ॥ 7-98-14 (48540)
ଅନାଧୃଷ୍ଯମିବାନ୍ଯେଷାଂ ଶୂରାଣାମଭବତ୍ତଦା।
ଅନ୍ଧକାରୀକୃତେ ଲୋକେ ଦ୍ରୋଣଶୈନେଯଯୋଃ ଶରୈଃ॥ 7-98-15 (48541)
ତଯୋଃ ଶୀଘ୍ରାସ୍ତ୍ରବିଦୁଷୋର୍ଦ୍ରୋଣସାତ୍ବତଯୋସ୍ତଦା।
ନାନ୍ତରଂ ଶରବୃଷ୍ଟୀନାଂ ଦଦୃଶେ ନରସିଂହଯୋଃ॥ 7-98-16 (48542)
ଇଷୂଣାଂ ସନ୍ନିପାତେନ ଶବ୍ଦୋ ଧାରାଭିଘାତଜଃ।
ଶୁଶ୍ରୁବେ ଶକ୍ରମୁକ୍ତାନାମଶନୀନାମିବ ସ୍ବନଃ॥ 7-98-17 (48543)
ନାରାଚୈର୍ବ୍ଯତିବିଦ୍ଧାନାଂ ଶରାଣାଂ ରୂପମାବଭୌ।
ଆଶୀବିଷବିଦଷ୍ଟାନାଂ ସର୍ପାଣାମିବ ଭାରତ॥ 7-98-18 (48544)
ତଯୋର୍ଜ୍ଯାତଲନିର୍ଘୋଷଃ ଶୁଶ୍ରୁବେ ଯୁଦ୍ଧଶୌଣ୍ଡଯୋଃ।
ଅଜସ୍ରଂ ଶୈଲଶୃଙ୍ଗାଣାଂ ବଜ୍ରେଣାହନ୍ଯତାମିବ॥ 7-98-19 (48545)
ଉଭଯୋସ୍ତୌ ରଥୌ ରାଜଂସ୍ତେ ଚାଶ୍ବାସ୍ତୌ ଚ ସାରଥୀ।
ରୁକ୍ମପୁଙ୍ଖୈଃ ଶରୈଛନ୍ନାଶ୍ଚିତ୍ରରୂପା ବଭୁସ୍ତଦା॥ 7-98-20 (48546)
ନିର୍ମଲାନାମଜିହ୍ମାନାଂ ନାରାଚାନାଂ ବିଶାମ୍ପତେ।
ନିର୍ମୁକ୍ତାଶୀବିପାଭାନାଂ ସମ୍ପାତୋଽଭୂତ୍ସୁଦାରୁଣଃ॥ 7-98-21 (48547)
ଉଭଯୋଃ ପତିତେ ଛତ୍ରେ ତଥୈବ ପତିତୌ ଧ୍ବଜୌ।
`ନିକୃନ୍ତତୋଃ ଶରୈସ୍ତୀକ୍ଷ୍ଣୈର୍ଦ୍ରୋଣସାତ୍ଯକଯୋ ରଣେ'॥ 7-98-22 (48548)
ଉଭୌ ରୁଧିରସିକ୍ତାଙ୍ଗାବୁଭୌ ଚ ବିଜଯୈଷିଣୌ।
ସ୍ରବଦ୍ଭିଃ ଶୋଣିତଂ ଗାତ୍ରୈଃ ପ୍ରସ୍ରୁତାବିବ ବାରଣୌ।
ଅନ୍ଯୋନ୍ଯମଭ୍ଯବିଧ୍ଯେତାଂ ଜୀବିତାନ୍ତକରୈଃ ଶରୈଃ॥ 7-98-23 (48549)
ଗର୍ଜିତୋତ୍କୃଷ୍ଟସନ୍ନାଦାଃ ଶଙ୍ଖଦୁନ୍ଦୁଭିନିଃସ୍ବନାଃ।
ଉପାରମନ୍ମହାରାଜ ବ୍ଯାଜହାର ନ କଶ୍ଚନ॥ 7-98-24 (48550)
ତୁଷ୍ଣୀଂଭୂତାନ୍ଯନୌକାନି ଯୋଧା ଯୁଦ୍ଧାଦୁପାରମନ୍।
ଦଦର୍ଶ ଦ୍ବୈରଥଂ ତାଭ୍ଯାଂ ଜାତକୌତୂହଲୋ ଜନଃ॥ 7-98-25 (48551)
ରଥିନୋ ହସ୍ତିଯନ୍ତାରୋ ହଯାରୋହାଃ ପଦାତଯଃ।
ଅବୈକ୍ଷନ୍ତାଚଲୈର୍ନେତ୍ରୈଃ ପରିବାର୍ଯ ନରର୍ଷଭୌ॥ 7-98-26 (48552)
ହସ୍ତ୍ଯନୀକାନ୍ଯତିଷ୍ଠନ୍ତ ତଥାନୀକାନି ବାଜିନାମ୍।
ତଥୈବ ରଥବାହିନ୍ଯଃ ପ୍ରତିବ୍ଯୂହ୍ଯ ବ୍ଯବସ୍ଥିତାଃ॥ 7-98-27 (48553)
ମୁକ୍ତାବିଦ୍ରୁମଚିତ୍ରୈଶ୍ଚ ମଣିକାଞ୍ଚନଭୂଷିତୈଃ।
ଧ୍ବଜୈରାଭରଣୈଶ୍ଚିତ୍ରୈଃ କବଚୈଶ୍ଚ ହିରଣ୍ମଯୈଃ॥ 7-98-28 (48554)
ବୈଜଯନ୍ତୀପତାକାଭିଃ ପରିସ୍ତୋମାଙ୍ଗକମ୍ବଲୈଃ।
ବିମଲୈର୍ନିଶିତୈଃ ଶସ୍ତ୍ରୈର୍ହଯାନାଂ ଚ ପ୍ରକୀର୍ଣକୈଃ॥ 7-98-29 (48555)
ଜାତରୂପମଯୀଭିଶ୍ଚ ରାଜତୀଭିଶ୍ଚ ମୂର୍ଧସୁ।
ଗଜାନାଂ କୁମ୍ଭମାଲାଭିର୍ଦନ୍ତବେଷ୍ଟୈଶ୍ଚ ଭାରତ॥ 7-98-30 (48556)
ସବଲାକାଃ ସଖଦ୍ଯୋତାଃ ସୈରାବତଶତହଦାଃ।
ଅଦୃଶ୍ଯନ୍ତୋଷ୍ଣପର୍ଯାଯେ ମେଘାନାମିବ ବାଗୁରାଃ॥ 7-98-31 (48557)
ଅପଶ୍ଯନ୍ନସ୍ମଦୀଯାଶ୍ଚ ତେ ଚ ଯୌଧିଷ୍ଠିରାଃ ସ୍ଥିତାଃ।
ତଦ୍ଯୁଦ୍ଧଂ ଯୁଯୁଧାନସ୍ଯ ଦ୍ରୋଣସ୍ଯ ଚ ମହାତ୍ମନଃ॥ 7-98-32 (48558)
ବିମାନାଗ୍ରଗତା ଦେବା ବ୍ରହ୍ମସୋମପୁରୋଗମାଃ।
ସିଦ୍ଧଚାରଣସଙ୍ଖାଶ୍ଚ ବିଦ୍ଯାଧରମହୋରଗାଃ॥ 7-98-33 (48559)
`ଗନ୍ଧର୍ବା ଦାନବା ଯକ୍ଷା ରାକ୍ଷସାପ୍ସରସଃ ଖଗାଃ'।
ଗତପ୍ରତ୍ଯାଗତାକ୍ଷେପୈଶ୍ଚିତୈରସ୍ତ୍ରବିଘାତିଭିଃ।
ବିବିଧୈର୍ବିସ୍ମଯଂ ଜଗ୍ମୁସ୍ତଯୋଃ ପୁରୁଷସିଂହଯୋଃ॥ 7-98-34 (48560)
ହସ୍ତଲାଘବମସ୍ତ୍ରେଷୁ ଦର୍ଶଯନ୍ତୌ ମହାବଲୌ।
ଅନ୍ଯୋନ୍ଯମଭିବିଧ୍ଯେତାଂ ଶରୈସ୍ତୌ ଦ୍ରୋଣସାତ୍ଯକୀ॥ 7-98-35 (48561)
ତତୋ ଦ୍ରୋଣସ୍ଯ ଦାଶାର୍ହଃ ଶରାଂଶ୍ଚିଚ୍ଛେଦ ସଂଯୁଗେ।
ପତ୍ରିଭିଃ ସୁଦୃଢୈରାଶୁ ଧନୁଶ୍ଚୈବ ମହାଦ୍ଯୁତେଃ॥ 7-98-36 (48562)
ନିମେଷାନ୍ତରମାତ୍ରେଣ ଭାରଦ୍ବାଜୋଽପରଂ ଧନୁଃ।
ସଜ୍ଯଂ ଚକାର ତଦପି ଚିଚ୍ଛେଦାସ୍ଯ ସ ସାତ୍ଯକିଃ॥ 7-98-37 (48563)
ତତସ୍ତ୍ବରନ୍ପୁନର୍ଦ୍ରୋଣୋ ଧନୁର୍ହସ୍ତୋ ବ୍ଯତିଷ୍ଠତ।
ସଜ୍ଯଂ ସଜ୍ଯଂ ଧନୁଶ୍ଚାସ୍ଯ ଚିଚ୍ଛେଦ ନିଶିଥୈଃ ଶରୈଃ॥ 7-98-38 (48564)
ଏବମେକଶତଂ ଛିନ୍ନଂ ଧନୁଷାଂ ଦୃଢଧନ୍ବିନା।
ନ ଚାନ୍ତରଂ ତଯୋର୍ଦୃଷ୍ଟଂ ସନ୍ଧାନେ ଚ୍ଛେଦନେଽପି ଚ॥ 7-98-39 (48565)
ତତୋଽସ୍ଯ ସଂଯୁଗେ ଦ୍ରୋଣୋ ଦୃଷ୍ଟ୍ବା କର୍ମାତିମାନୁଷମ୍।
ଯୁଯୁଧାନସ୍ଯ ରାଜେନ୍ଦ୍ର ମନସୈତଦଚିନ୍ତଯତ୍॥ 7-98-40 (48566)
ଏତଦସ୍ତ୍ରବଲଂ ରାମେ କାର୍ତବୀର୍ଯେ ଧନଞ୍ଜଯେ।
ଭୀଷ୍ମେ ଚ ପୁରୁଷବ୍ଯାଘ୍ରେ ଯଦିଦଂ ସାତ୍ବତାଂ ବରେ॥ 7-98-41 (48567)
ତଂ ଚାସ୍ଯ ମନସା ଦ୍ରୋଣଃ ପୂଜଯାମାସ ବିକ୍ରମମ୍।
ଲାଘବଂ ବାସବସ୍ଯେବ ସମ୍ପ୍ରେକ୍ଷ୍ଯ ଦ୍ବିଜସତ୍ତମଃ॥ 7-98-42 (48568)
ତୁତୋଷାସ୍ତ୍ରବିଦାଂ ଶ୍ରେଷ୍ଠସ୍ତଥା ଦେବାଃ ସବାସବାଃ।
ନ ତାମାଲକ୍ଷଯାମାସୁର୍ଲଘୁତାଂ ଶୀଘ୍ରଚାରିଣଃ॥ 7-98-43 (48569)
ଦେବାଶ୍ଚ ଯୁଯୁଧାନସ୍ଯ ଗନ୍ଧର୍ବାଶ୍ଚ ବିଶାମ୍ପତେ।
ସିଦ୍ଧଚାରଣସଙ୍ଘାଶ୍ଚ ବିଦୁର୍ଦ୍ରୋଣସ୍ଯ କର୍ମ ତତ୍॥ 7-98-44 (48570)
ତତୋଽନ୍ଯଦ୍ଧନୁରାଦାଯ ଦ୍ରୋଣଃ କ୍ଷତ୍ରିଯମର୍ଦନଃ।
ଅସ୍ତ୍ରୈରସ୍ତ୍ରବିଦାଂ ଶ୍ରେଷ୍ଠୋ ଯୋଧଯାମାସ ଭାରତ॥ 7-98-45 (48571)
ତସ୍ଯାସ୍ତ୍ରାଣ୍ଯସ୍ତ୍ରମାଯାଭିଃ ପ୍ରତିହତ୍ଯ ସ ସାତ୍ଯକିଃ।
ଜଘାନ ନିଶିତୈର୍ବାଣୈସ୍ତଦଦ୍ଭୁତମିବାଭବତ୍॥ 7-98-46 (48572)
ତସ୍ଯାତିମାନୁଷଂ କର୍ମ ଦୃଷ୍ଟ୍ବାଽନ୍ଯୈରସମଂ ରଣେ।
ଯୁକ୍ତଂ ଯୋଗେନ ଯୋଗଜ୍ଞାସ୍ତାବକାଃ ସମପୂଜଯନ୍॥ 7-98-47 (48573)
ଯଦସ୍ତ୍ରମସ୍ଯତି ଦ୍ରୋଣସ୍ତଦେବାସ୍ଯତି ସାତ୍ଯକିଃ।
ତମାଚାର୍ଯୋଽଥ ସମ୍ଭ୍ରାନ୍ତୋଽଯୋଧଯଚ୍ଛତ୍ରୁତାପନଃ॥ 7-98-48 (48574)
ତତଃ କ୍ରୁଦ୍ଧୋ ମହାରାଜ ଧନୁର୍ବେଦସ୍ଯ ପାରଗଃ।
ବଧାଯ ଯୁଯୁଧାନସ୍ଯ ଦିବ୍ଯମସ୍ତ୍ରମୁଦୈରଯତ୍॥ 7-98-49 (48575)
ତଦାଗ୍ନେଯଂ ମହାଘୋରଂ ରିପୁଘ୍ନମୁପଲକ୍ଷ୍ଯ ସଃ।
ଦିବ୍ଯମସ୍ତ୍ରଂ ମହେଷ୍ବାସୋ ବାରୁଣଂ ସମୁଦୈରଯତ୍॥ 7-98-50 (48576)
ହାହାକାରୋ ମହାନାସୀଦ୍ଦୃଷ୍ଟ୍ବା ଦିବ୍ଯାସ୍ତ୍ରଧାରିଣୌ।
ନ ବିଚେରୁସ୍ତଦାଽଽକାଶେ ଭୂତାନ୍ଯାକାଶଗାନ୍ଯପି॥ 7-98-51 (48577)
ଅସ୍ତ୍ରେ ତେ ବାରୁଣାଗ୍ନେଯେ ଯଦା ବାଣୈଃ ସମାହିତେ।
ନ ଯାବଦଭ୍ଯପଦ୍ଯେତାଂ ବ୍ଯାବର୍ତଦଥ ଭାସ୍କରଃ॥ 7-98-52 (48578)
ତତୋ ଯୁଧିଷ୍ଠିରୋ ରାଜା ଭୀମସେନଶ୍ଚ ପାଣ୍ଡବଃ।
ନକୁଲଃ ସହଦେବଶ୍ଚ ପର୍ଯରକ୍ଷନ୍ତ ସାତ୍ଯକିମ୍॥ 7-98-53 (48579)
ଧୃଷ୍ଟଦ୍ଯୁମ୍ନମୁଖୈଃ ସାର୍ଧଂ ବିରାଟଶ୍ଚ ସକେକଯଃ।
ମତ୍ସ୍ଯାଃ ସାଲ୍ବେଯସେନାଶ୍ଚ ଦ୍ରୋଣମାଜଗ୍ମୁରଞ୍ଜସା॥ 7-98-54 (48580)
ଦୁଃଶାସନଂ ପୁରସ୍କୃତ୍ଯ ରାଜପୁତ୍ରାଃ ସହସ୍ରଶଃ।
ଦ୍ରୋଣମଭ୍ଯୁପପଦ୍ଯନ୍ତ ସପତ୍ନୈଃ ପରିବାରିତମ୍॥ 7-98-55 (48581)
ରଜସା ସଂବୃତେ ଲୋକେ ଶରଜାଲସମାବୃତେ॥
ସର୍ବମାବିଗ୍ନମଭବନ୍ନ ପ୍ରାଜ୍ଞାଯତ କିଞ୍ଚନ। 7-98-56 (48582)
ସୈନ୍ଯେନ ରଜସା ଧ୍ବସ୍ତେ ନିର୍ମର୍ଯାଦମବର୍ତତ॥
`ତେନାନ୍ତରେଣ ପାର୍ଥସ୍ତୁ ରଣେ ଜିତ୍ବା ମହାରିପୂନ୍। 7-98-57 (48583)
ଅତିକ୍ରାନ୍ତସ୍ତଦା ଯୁଦ୍ଧଂ କୃତ୍ବା ପର୍ଯବତସ୍ଥିବାନ୍'॥
॥ 7-98-58 (48584)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଅଷ୍ଟନବତିତମୋଽଧ୍ଯାଯଃ॥ 98 ॥
Mahabharata - Drona Parva - Chapter Footnotes
5-98-16 ଅନ୍ତରମବଚ୍ଛେଦଃ॥ 5-98-27 ରଥବାହିନ୍ଯୋ ରଥସେନାଃ॥ 5-98-29 ବୈଜଯନ୍ତୀ ବିଲକ୍ଷଣାଭିଃ ପତାକାଭିଃ। ପରିସ୍ତୋମୈର୍ବର୍ଣକମ୍ବଲୈଃ। ଅଙ୍ଗକମ୍ବଲୈଃ ସୂକ୍ଷ୍ମକମ୍ବଲୈଃ॥ 5-98-31 ଐରାବତମିନ୍ଦ୍ରଧନୁଃ। ଐରାବତୋଭ୍ରମାତଙ୍ଗୈ ଇତ୍ଯୁପକ୍ରମ୍ଯ ନପୁଂସକଂ ମହେନ୍ଦ୍ରସ୍ଯ ଋଜୁଦୀର୍ଘଶରାସନେ ଇତି ମେଦିନୀ॥ ଉଷ୍ଣସ୍ଯ ପର୍ଯାଯେ ଅପଗମେ ବାଗୁରାଃ ଜାଲାନି ସମୂହା ଇତିଯାବତ୍॥ 5-98-34 ପ୍ରତ୍ଯାଗତଂ ନିବର୍ତନମ୍। ଆକ୍ଷେପଃ ପ୍ରହରଣମ୍॥ 5-98-43 ଆଲକ୍ଷଯାମାସୁର୍ଲକ୍ଷିତବନ୍ତଃ॥ 5-98-44 ବିଦୁର୍ନେତ୍ଯନୁଷଜ୍ଯତେ॥ 5-98-47 ଯୋଗେନ ଯୁକ୍ତ୍ଯା॥ 5-98-52 ନ ଯାବଦଭ୍ଯପଦ୍ଯେତାଂ ଯାବଦେବ ନ ପରାଭୂତେ। ବ୍ଯାବର୍ତତ୍ ମଧ୍ଯାହ୍ନତଃ ପରାବୃତ୍ତୋଽଭୂତ୍॥ 5-98-98 ଅଷ୍ଟନବତିତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 099
॥ ଶ୍ରୀଃ ॥
7.99. ଅଧ୍ଯାଯଃ 099
Mahabharata - Drona Parva - Chapter Topics
ଅର୍ଜୁନେନ ରଣାଙ୍କଣେ ହଯାପ୍ଯାଯନାଯ ଶରୈଃ ସରୋନିର୍ମାଣମ୍॥ 1 ॥ ତଥା ଶରମଯବେଶ୍ମନିର୍ମାଣମ୍॥ 2 ॥Mahabharata - Drona Parva - Chapter Text
7-99-0 (48585)
ସଞ୍ଜଯ ଉବାଚ। 7-99-0x (4516)
`ବର୍ତମାନେ ତଦା ଯୁଦ୍ଧେ ଦ୍ରୋଣସ୍ଯ ସହ ପାଣ୍ଡୁଭିଃ'।
ପରିବର୍ତମାନ ଆଦିତ୍ଯେ ତତ୍ର ସୂର୍ଯେ ଚ ରଶ୍ମିଭିଃ।
ରଜସା କୀର୍ଯମାଣାଶ୍ଚ ମନ୍ଦୀଭୂତାଶ୍ଚ କୌରବାଃ॥ 7-99-1 (48586)
ତିଷ୍ଠତାଂ ଯୁଧ୍ଯମାନାନାଂ ପୁନରାବର୍ତତାମପି।
ଭଜ୍ଯତାଂ ଜଯତାଂ ଚୈବ ଜଗାମ ତଦହଃ ଶନୈଃ॥ 7-99-2 (48587)
ତଥା ତେଷୁ ବିଷକ୍ତେଷୁ ସୈନ୍ଯେଷୁ ଜଯଗୃଦ୍ଧିଷୁ।
ଅର୍ଜୁନୋ ବାସୁଦେବଶ୍ଚ ସୈନ୍ଧବାଯୈବ ଜଗ୍ମତୁଃ॥ 7-99-3 (48588)
ରଥମାର୍ଗପ୍ରମାଣଂ ତୁ କୌନ୍ତେଯୋ ନିଶିତୈଃ ଶରୈଃ।
ଚକାର ଯଂ ଚ ପନ୍ଥାନଂ ଯଯୌ ତେନ ଜନାର୍ଦନଃ॥ 7-99-4 (48589)
ଯତ୍ରଯତ୍ର ରଥୋ ଯାତି ପାଣ୍ଡବସ୍ଯ ମହାତ୍ମନଃ।
ତତ୍ରତତ୍ରୈବ ଦୀର୍ଯନ୍ତେ ସେନାସ୍ତବ ବିଶାମ୍ପତେ॥ 7-99-5 (48590)
ରଥଶିକ୍ଷାଂ ତୁ ଦାଶାର୍ହୋ ଦର୍ଶଯାମାସ ବୀର୍ଯବାନ୍।
ଉତ୍ତମାଧମମଧ୍ଯାନି ମଣ୍ଡଲାନି ବିଦର୍ଶଯନ୍॥ 7-99-6 (48591)
ତେ ତୁ ନାମାଙ୍କିତା ବାଣାଃ କାଲଜ୍ବଲନସନ୍ନିଭାଃ।
ସ୍ନାଯୁନଦ୍ଧାଃ ସୁପର୍ବାଣଃ ପୃଥବୋ ଦୀର୍ଘଗାମିନଃ॥ 7-99-7 (48592)
ବୈଣବାଶ୍ଚାଯସାଶ୍ଚୋଗ୍ରା ଗ୍ରସନ୍ତୋ ବିବିଧାନରୀନ୍।
ରୁଧିରଂ ପତଗୈଃ ସାର୍ଧଂ ପ୍ରାଣିନାଂ ପପୁରାହବେ॥ 7-99-8 (48593)
ରଥସ୍ଥିତୋଽଗ୍ରତଃ କ୍ରୋଶଂ ଯାନସ୍ଯତ୍ଯର୍ଜୁନଃ ଶରାନ୍।
ରଥେ କ୍ରୋଶମତିକ୍ରାନ୍ତେ ତସ୍ଯ ତେ ଘ୍ନନ୍ତି ଶାତ୍ରବାନ୍॥ 7-99-9 (48594)
ତାର୍କ୍ଷ୍ଯମାରୁତରଂହୋଭିର୍ବାଜିଭିଃ ସାଧୁବାହିଭିଃ।
ଯଥାଽଗଚ୍ଛଦ୍ଧୃଷୀକେଶଃ କୃତ୍ସ୍ନଂ ବିସ୍ମାପଯଞ୍ଜଗତ୍॥ 7-99-10 (48595)
ନ ତଥା ଗଚ୍ଛତି ରଥସ୍ତପନସ୍ଯ ବିଶାମ୍ପତେ।
ନେନ୍ଦ୍ରସ୍ଯ ନ ତୁ ରୁଦ୍ରସ୍ଯ ନାପି ବୈଶ୍ରବଣସ୍ଯ ଚ॥ 7-99-11 (48596)
ନାନ୍ଯସ୍ଯ ସମରେ ରାଜନ୍ଗତପୂର୍ବସ୍ତଥା ରଥଃ।
ଯଥା ଯଯାବର୍ଜୁନସ୍ଯ ମନୋଭିପ୍ରାଯଶୀଘ୍ରଗଃ॥ 7-99-12 (48597)
ପ୍ରବିଶ୍ଯ ତୁ ରଣେ ରାଜନ୍କେଶବଃ ପରବୀରହା।
ସେନାମଧ୍ଯେ ହଯାଂସ୍ତୂର୍ଣଂ ଚୋଦଯାମାସ ଭାରତ॥ 7-99-13 (48598)
ତତସ୍ତସ୍ଯ ରଥୌଘସ୍ଯ ମଧ୍ଯଂ ପ୍ରାପ୍ଯ ହଯୋତ୍ତମାଃ।
କୃଚ୍ଛ୍ରେଣରଥମୂହୁସ୍ତଂ କ୍ଷୁତ୍ପିପାସାସମନ୍ବିତାଃ॥ 7-99-14 (48599)
କ୍ଷତାଶ୍ଚ ବହୁଭିଃ ଶସ୍ତ୍ରୈର୍ଯୁଦ୍ଧଶୌଣ୍ଡୈରନେକଶଃ।
ମଣ୍ଡଲାନି ବିଚିତ୍ରାଣି ବିଚେରୁସ୍ତେ ମୁହୁର୍ମୁହୁଃ॥ 7-99-15 (48600)
ହତାନାଂ ବାଜିନାଗାନାଂ ରଥାନାଂ ଚ ନରୈଃ ସହ।
ଉପରିଷ୍ଟାଦତିକ୍ରାନ୍ତାଃ ଶୈଲାଭାନାଂ ସହସ୍ରଶଃ॥ 7-99-16 (48601)
`ଶ୍ରମେଣ ମହତା ଯୁକ୍ତାସ୍ତେ ହଯା ବାତରଂହସଃ।
ମନ୍ଦବେଗଗତା ରାଜନ୍ସଂବୃତ୍ତାସ୍ତତ୍ର ସଂଯୁଗେ'॥ 7-99-17 (48602)
ଏତସ୍ମିନ୍ନନ୍ତରେ ବୀରାବାବନ୍ତ୍ଯୌ ଭ୍ରାତରୌ ନୃପ।
ସହସେନୌ ସମାର୍ଚ୍ଛେତାଂ ପାଣ୍ଡବଂ କ୍ଲାନ୍ତବାହନମ୍॥ 7-99-18 (48603)
ତାବର୍ଜୁନଂ ଚତୁଃଷଷ୍ଟ୍ଯା ସପ୍ତତ୍ଯା ଚ ଜନାର୍ଦନମ୍।
ଶରାଣାଂ ଚ ଶତୈରଶ୍ବାନବିଧ୍ଯେତାଂ ମୁଦାନ୍ବିତୌ॥ 7-99-19 (48604)
ତାବର୍ଜୁନୋ ମହାରାଜ ନବଭିର୍ନତପର୍ବଭିଃ।
ଆଜଘାନ ରଣେ କ୍ରୁଦ୍ଧୋ ମର୍ମଜ୍ଞୋ ମର୍ମଭେଦିଭିଃ॥ 7-99-20 (48605)
ତତସ୍ତୌ ତୁ ଶରୌଘେଣ ବୀଭତ୍ସୁଂ ସହକେଶବମ୍।
ଆଚ୍ଛାଦଯେତାଂ ସଂରବ୍ଧୌ ସିଂହନାଦଂ ଚ ଚକ୍ରତୁଃ॥ 7-99-21 (48606)
ତଯୋସ୍ତୁ ଧନୁଷୀ ମୁଷ୍ଟୌ ଭଲ୍ଲାଭ୍ଯାଂ ଶ୍ବେତବାହନଃ।
ଚିଚ୍ଛେଦ ସମରେ ତୂର୍ଣଂ ଭୂଯ ଏବ ଧନଞ୍ଜଯଃ।
ଅଥାନ୍ଯୈର୍ବିଶିଖୈସ୍ତୂର୍ଣଂ ଧ୍ବଜୌ ଚ କନକୋଜ୍ଜ୍ବଲୌ॥ 7-99-22 (48607)
ଅଥାନ୍ଯେ ଧନୁଷୀ ରାଜନ୍ପ୍ରଗୃହ୍ଯ ସମରେ ତଦା।
ପାଣ୍ଡବଂ ଭୃଶସଙ୍କ୍ରୁଦ୍ଧାବର୍ଦଯାମାସତୁଃ ଶରୈଃ॥ 7-99-23 (48608)
ତଯୋସ୍ତୁ ଭୃଶସଙ୍କ୍ରୁଦ୍ଧଃ ଶରାଭ୍ଯାଂ ପାଣ୍ଡୁନନ୍ଦନଃ।
ଧନୁଷୀ ଚିଚ୍ଛିଦେ ତୂର୍ଣଂ ଭୂଯ ଏବ ଧନଞ୍ଜଯଃ॥ 7-99-24 (48609)
ତଥାନ୍ଯୈର୍ବିଶିଖୈସ୍ତୂର୍ଣଂ ରୁକ୍ମପୁଙ୍ଖୈଃ ଶିଲାଶିତୈଃ।
ଜଘାନାଶ୍ବାଂସ୍ତଥା ସୂତୌ ପାର୍ଷ୍ଣୀ ଚ ସପଦାନୁଗୌ॥ 7-99-25 (48610)
ଜ୍ଯେଷ୍ଠସ୍ଯ ଚ ଶିରଃ କାଯାତ୍କ୍ଷୁରପ୍ରେଣ ନ୍ଯକୃନ୍ତତ।
ସ ପପାତ ହତଃ ପୃଥ୍ବ୍ଯାଂ ବାତରୁଗ୍ଣ ଇବ ଦ୍ରୁମଃ॥ 7-99-26 (48611)
ବିନ୍ଦଂ ତୁ ନିହତଂ ଦୃଷ୍ଟ୍ବା ହ୍ଯନୁବିନ୍ଦଃ ପ୍ରତାପବାନ୍।
ହତାଶ୍ବଂ ରଥମୁତ୍ସୃଜ୍ଯ ଗଦାଂ ଗୃହ୍ଯ ମହାବଲଃ॥ 7-99-27 (48612)
ଅଭ୍ଯବର୍ତତ ସଙ୍ଗ୍ରାମେ ଭ୍ରାତୁର୍ବଧମନୁସ୍ମରନ୍।
ଗଦଯା ରଥିନାଂ ଶ୍ରେଷ୍ଠୋ ନୃତ୍ଯନ୍ନିବ ମହାରଥଃ॥ 7-99-28 (48613)
ଅନୁବିନ୍ଦସ୍ତୁ ଗଦଯା ଲଲାଟେ ମଧୁସୂଦନମ୍।
ସ୍ପଷ୍ଟ୍ବା ନାକମ୍ପଯତ୍କ୍ରୁଦ୍ଧୋ ମୈନାକମିବ ପର୍ବତମ୍॥ 7-99-29 (48614)
ତସ୍ଯାର୍ଜୁନଃ ଶରୈଃ ଷଡ୍ଭିର୍ଗ୍ରୀବାଂ ପାଦୌ ଭୁଜୌ ଶିରଃ।
ନିଚକର୍ତ ସ ସଞ୍ଛନ୍ନଃ ପପାତାଦ୍ରିଚଯୋ ଯଥା॥ 7-99-30 (48615)
ତତସ୍ତୌ ନିହତୌ ଦୃଷ୍ଟ୍ବା ତଯୋ ରାଜନ୍ପଦାନୁଗାଃ।
ଅଭ୍ଯଦ୍ରୁବନ୍ତ ସଙ୍କ୍ରୁଦ୍ଧାଃ କିରନ୍ତଃ ଶତଶଃ ଶରାନ୍॥ 7-99-31 (48616)
ତାନର୍ଜୁନଃ ଶରୈସ୍ତୂର୍ଣଂ ନିହତ୍ଯ ଭରତର୍ଷଭ।
ବ୍ଯରୋଚତ ଯଥା ବହ୍ନିର୍ଦାବଂ ଦଗ୍ଧ୍ବା ହିମାତ୍ଯଯେ॥ 7-99-32 (48617)
ତଯୋଃ ସେନାମତିକ୍ରମ୍ଯ କୃଚ୍ଛ୍ରାଦିବ ଧନଞ୍ଜଯଃ।
ବିବଭୌ ଜଲଦଂ ହିତ୍ବା ଦିବାକର ଇବୋଦିତଃ॥ 7-99-33 (48618)
ତଂ ଦୃଷ୍ଟ୍ବା କୁରବସ୍ତ୍ରସ୍ତାଃ ପ୍ରହୃଷ୍ଟାଶ୍ଚାଭବନ୍ପୁନଃ।
ଅଭ୍ଯବର୍ତନ୍ତ ପାର୍ଥଂ ଚ ସମନ୍ତାଦ୍ଭରତର୍ଷଭ॥ 7-99-34 (48619)
ଶ୍ରାନ୍ତଂ ଚୈନଂ ସମାଲକ୍ଷ୍ଯ ଜ୍ଞାତ୍ବା ଦୂରେ ଚ ସୈନ୍ଧବମ୍।
ସିଂହନାଦେନ ମହତା ସର୍ବତଃ ପର୍ଯବାରଯନ୍॥ 7-99-35 (48620)
ତାଂସ୍ତୁ ଦୃଷ୍ଟ୍ବା ସୁସଂରବ୍ଧାନୁତ୍ସ୍ମଯନ୍ପୁରୁଷର୍ଭଃ।
ଶନକୈରିବ ଦାଶାର୍ହମର୍ଜୁନୋ ବାକ୍ଯମବ୍ରବୀତ୍॥ 7-99-36 (48621)
ଶରାର୍ଦିତାଶ୍ଚ ଗ୍ଲାନାଶ୍ଚ ହଯା ଦୂରେ ଚ ସୈନ୍ଧବଃ।
କିମିହାନନ୍ତରଂ କାର୍ଯଂ ସାଧିଷ୍ଠଂ ତବ ରୋଚତେ॥ 7-99-37 (48622)
ବ୍ରୂହି କୃଷ୍ଣ ଯଥାତତ୍ତ୍ବଂ ତ୍ବଂ ହି ପ୍ରାଜ୍ଞତମଃ ସଦା।
ଭବନ୍ନେତ୍ରା ରଣେ ଶତ୍ରୂନ୍ବିଜେଷ୍ଯନ୍ତୀହ ପାଣ୍ଡବାଃ॥ 7-99-38 (48623)
ମମ ତ୍ବନନ୍ତରଂ କୃତ୍ଯଂ ଯଦ୍ବୈ ତତ୍ତ୍ବଂ ନିବୋଧ ମେ।
ହଯାନ୍ବିମୁଚ୍ଯ ହି ସୁଖଂ ବିଶଲ୍ଯାନ୍କୁରୁ ମାଧବ॥ 7-99-39 (48624)
ସଞ୍ଜଯ ଉବାଚ। 7-99-40x (4517)
ଏବମୁକ୍ତସ୍ତୁ ପାର୍ଥେନ କେଶବଃ ପ୍ରତ୍ଯୁବାଚ ତମ୍।
ମମାପ୍ଯେତନ୍ମତଂ ପାର୍ଥ ଯଦିତଂ ତେ ପ୍ରଭାଷିତମ୍॥ 7-99-40 (48625)
ଅର୍ଜୁନ ଉବାଚ। 7-99-41x (4518)
ଅହମାବାରଯିଷ୍ଯାମି ସର୍ବସୈନ୍ଯାନି କେଶବ।
ତ୍ବମପ୍ଯତ୍ର ଯଥାନ୍ଯାଯଂ କୁରୁ କାର୍ଯମନନ୍ତରମ୍॥ 7-99-41 (48626)
ସଞ୍ଜଯ ଉବାଚ। 7-99-42x (4519)
ସୋଽବତୀର୍ଯ ରଥୋପସ୍ଥାଦସମ୍ଭ୍ରାନ୍ତୋ ଧନଞ୍ଜଯଃ।
ଗାଣ୍ଡୀବଂ ଧନୁରାଦାଯ ତସ୍ଥୌ ଗିରିବିବାଚଲଃ)॥ 7-99-42 (48627)
ତମଭ୍ଯଧାବନ୍କ୍ରୋଶନ୍ତଃ କ୍ଷତ୍ରିଯା ଜଯକାଙ୍କ୍ଷିଣଃ।
ଇଦଂ ଛିଦ୍ରମିତି ଜ୍ଞାତ୍ବା ଧରଣୀସ୍ଥଂ ଧନଞ୍ଜଯମ୍॥ 7-99-43 (48628)
ତମେକଂ ରଥବଂଶେନ ମହତା ପର୍ଯବାରଯନ୍।
ବିକର୍ଷନ୍ତଶ୍ଚ ଚାପାନି ବିସୃଜନ୍ତଶ୍ଚ ସାଯକାନ୍॥ 7-99-44 (48629)
ଶସ୍ତ୍ରାଣି ଚ ବିଚିତ୍ରାଣି କ୍ରୁଦ୍ଧାସ୍ତତ୍ର ବ୍ଯଦର୍ଶଯନ୍।
ଛାଦଯନ୍ତଃ ଶରୈଃ ପାର୍ଥଂ ମେଘା ଇବ ଦିବାକରମ୍॥ 7-99-45 (48630)
ଅଭ୍ଯଦ୍ରବନ୍ତ ବେଗେନ କ୍ଷତ୍ରିଯାଃ କ୍ଷତ୍ରିଯର୍ଷଭମ୍।
ନରସିଂହଂ ରଥୋଦାରାଃ ସିଂହଂ ମତ୍ତା ଇବ ଦ୍ବିପାଃ॥ 7-99-46 (48631)
ତତ୍ର ପାର୍ଥସ୍ଯ ଭୁଜଯୋର୍ମହଦ୍ବଲମଦୃଶ୍ଯତ।
ଯତ୍କ୍ରୁଦ୍ଧୋ ବହୁଲାଃ ସେନାଃ ସର୍ବତଃ ସମବାରଯତ୍॥ 7-99-47 (48632)
ଅସ୍ତ୍ରୈରସ୍ତ୍ରାଣି ସଂବାର୍ଯ ଦ୍ବିଷତାଂ ସର୍ବତୋ ବିଭୁଃ।
ଇଷୁଭିର୍ବୁଭିସ୍ତୂର୍ଣଂ ସର୍ବାନେବ ସମାବୃଣୋତ୍॥ 7-99-48 (48633)
ତତ୍ରାନ୍ତରିକ୍ଷେ ବାଣାନାଂ ପ୍ରଗାଢାନାଂ ବିଶାମ୍ପତେ।
ସଙ୍ଘର୍ଷେଣ ମହାର୍ଚିଷ୍ମାନ୍ପାବକଃ ସମଜାଯତ॥ 7-99-49 (48634)
ତତ୍ରତତ୍ର ମହେଷ୍ବାସୈଃ ଶ୍ବସଦ୍ଭିଃ ଶୋଣିତୋକ୍ଷିତୈଃ।
ହଯୈର୍ନାଗୈଶ୍ଚ ସମ୍ଭିନ୍ନୈର୍ନଦଦ୍ଭିଶ୍ଚାରିକର୍ଶନ॥ 7-99-50 (48635)
ସଂରବ୍ଧୈଶ୍ଚାରିଭିର୍ବୀରୈଃ ପ୍ରାର୍ଥଯଦ୍ଭିର୍ଜଯଂ ମୃଧେ।
ଏକସ୍ଥୈର୍ବହୁଭିଃ କ୍ରୁଦ୍ଧୈରୂଷ୍ମେବ ସମଜାଯତ॥ 7-99-51 (48636)
ଶରୋର୍ମିଣଂ ଧ୍ବଜାବର୍ତଂ ନାଗନକ୍ରଂ ଦୁରତ୍ଯଯମ୍।
ପଦାତିମତ୍ସ୍ଯକଲିଲଂ ଶଙ୍ଖଦୁନ୍ଦୁଭିନିଃସ୍ବନମ୍॥ 7-99-52 (48637)
ଅସଙ୍ଖ୍ଯେଯମପାରଂ ଚ ରଜୋ ନୀରମତୀବ ଚ।
ଉଷ୍ଣୀଷକମଠଂ ଛତ୍ରପତାକାଫେନମାଲିନମ୍॥ 7-99-53 (48638)
ରଥସାଗରମକ୍ଷୋଭ୍ଯଂ ମାତଙ୍ଗାଙ୍ଗଶିଲାଚିତମ୍।
ବେଲାଭୂତସ୍ତଦା ପାର୍ଥଃ ପତ୍ରିଭିଃ ସମବାରଯତ୍॥ 7-99-54 (48639)
[ଧୃତରାଷ୍ଟ୍ର ଉବାଚ। 7-99-55x (4520)
ଅର୍ଜୁନେ ଧରଣୀଂ ପ୍ରାପ୍ତେ ହଯହସ୍ତେ ଚ କେଶବେ।
ଏତଦନ୍ତରମାସାଦ୍ଯ କଥଂ ପାର୍ଥୋ ନ ଘାତିତଃ॥ 7-99-55 (48640)
ସଞ୍ଜଯ ଉବାଚ। 7-99-56x (4521)
ସଦ୍ଯଃ ପାର୍ଥିବ ପାର୍ଥେନ ନିରୁଦ୍ଧାଃ ସର୍ବପାର୍ଥିବାଃ।
ରଥସ୍ଥା ଧରଣୀସ୍ଥେନ ବାକ୍ଯମଚ୍ଛାନ୍ଦସଂ ଯଥା॥ 7-99-56 (48641)
ସ ପାର୍ଥଃ ପାର୍ଥିବାନ୍ସର୍ବାନ୍ଭୂମିସ୍ଥୋପି ରଥସ୍ଥିତାନ୍।
ଏକୋ ନିବାରଯାମାସ ଲୋଭଃ ସର୍ବଗୁଣାନିବ॥] 7-99-57 (48642)
ତତୋ ଜନାର୍ଦନଃ ସଙ୍ଖ୍ଯେ ପ୍ରିଯଂ ପୁରୁଷସତ୍ତମମ୍।
ଅସମ୍ଭ୍ରାନ୍ତୋ ମହାବାହୁରର୍ଜୁନଂ ବାକ୍ଯମବ୍ରବୀତ୍॥ 7-99-58 (48643)
ଉଦପାନମିହାଶ୍ବାନାଂ ନାଲମସ୍ତି ରଣେଽର୍ଜୁନ।
ପରୀପ୍ସନ୍ତେ ଜଲଂ ଚେମେ ପେଯଂ ନ ତ୍ବବଗାହନମ୍॥ 7-99-59 (48644)
ଇଦମସ୍ତୀତ୍ଯସମ୍ଭ୍ରାନ୍ତୋ ବ୍ରୁବନ୍ନସ୍ତ୍ରେଣ ମେଦିନୀମ୍।
ଅଭିହତ୍ଯାର୍ଜୁନଶ୍ଚକ୍ରେ ବାଜିପାନଂ ସରଃ ଶୁଭମ୍॥ 7-99-60 (48645)
[ହଂସକାରଣ୍ଡବାକୀର୍ଣଂ ଚକ୍ରବାକୋପଶୋଭିତମ୍।
ସୁବିସ୍ତୀର୍ଣଂ ପ୍ରସନ୍ନାମ୍ଭଃ ପ୍ରଫୁଲ୍ଲବରପଙ୍କଜମ୍॥ 7-99-61 (48646)
କୂର୍ମମତ୍ସ୍ଯଗଣାକୀର୍ଣମଗାଧମୃଷିସେବିତମ୍।
ଆଗଚ୍ଛନ୍ନାରଦମୁନିର୍ଦର୍ଶନାର୍ଥଂ କୃତଂ କ୍ଷଣାତ୍॥] 7-99-62 (48647)
ଶରବଂଶଂ ଶରସ୍ଥୂଣଂ ଶରାଚ୍ଛାଦନମଦ୍ଭୁତମ୍।
ଶରବେଶ୍ମାକରୋତ୍ପାର୍ଥସ୍ତ୍ବଷ୍ଟେବାଦ୍ଭୁତକର୍ମକୃତ୍॥ 7-99-63 (48648)
ତତଃ ପ୍ରହସ୍ଯ ଗୋବିନ୍ଦଃ ସାଧୁସାଧ୍ବିତ୍ଯଥାବ୍ରବୀତ୍।
ଶରବେଶ୍ମନି ପାର୍ଥେନ କୃତେ ତସ୍ମିନ୍ମହାତ୍ମନା॥ ॥ 7-99-64 (48649)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଏକୋନଶତତମୋଽଧ୍ଯାଯଃ॥ 99 ॥
Mahabharata - Drona Parva - Chapter Footnotes
5-99-17 ସ୍ନାଯୁନଦ୍ଧାଃ ସୂକ୍ଷ୍ମଚର୍ମାଗ୍ରଗ୍ରଥିତାଃ॥ 5-99-9 କ୍ରୋଶଂ କୋଶମୁଦ୍ଦିଶ୍ଯ॥ 5-99-25 ସୂତୌ ସାରଥୀ। ପାଷ୍ଣୀଂ ପୃଷ୍ଠରକ୍ଷୌ॥ 5-99-30 ଅଦ୍ରିଚଯୋ ନିରିଶୃଙ୍ଗମ୍॥ 5-99-49 ପ୍ରଗାଢାନାଂ ବ୍ଯବଗାଢାନାମ୍॥ 5-99-54 ବେଲାଭୂତୋ ମର୍ଯାଦାରୂପଃ॥ 5-99-55 କୁଣ୍ଡଲିତାସ୍ତ୍ରଯଃ ଶ୍ଲୋକାଃ ଝ. ପାଠେ ଏବ ବର୍ତନ୍ତେ॥ 5-99-59 ଅଲଂ ପର୍ଯାପ୍ତମ୍॥ 5-99-60 ଅଭିହତ୍ଯ ଖାତ୍ବା। ଦାଜିପାନଂ ଅଶ୍ବପାନୀଯମ୍॥ 5-99-61 ହଂସକାରଣ୍ଡବାକୀର୍ଣମିତ୍ଯାଦିଯୋଗ୍ଯତଯା ବର୍ଣନମ୍॥ କୁଣ୍ଡଲିତୌ ଦ୍ବୌ ଶ୍ଲୋକୌ ଘ.ଝ.ପାଠଯୋରେବ॥ 5-99-63 ବଂଶଃ ଶାଲାଧାରକାଷ୍ଠମ୍। ସ୍ଥୂଣା ମଧ୍ଯସ୍ତମ୍ଭଃ॥ 5-99-99 ଏକୋନଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 100
॥ ଶ୍ରୀଃ ॥
7.100. ଅଧ୍ଯାଯଃ 100
Mahabharata - Drona Parva - Chapter Topics
ଶ୍ରୀକୃଷ୍ଣେନାର୍ଜୁନନିର୍ମିତସରସି ସ୍ନାପନାଦିନାଽଽପ୍ଯାଯିତାନାଂ ତୁରଗାଣାଂ ପୁନା ରଥେ ଯୋଜନମ୍॥ 1 ॥ ପୁନା ରଥମାରୂଢଯୋଃ କୃଷ୍ଣଃ ର୍ଜୁନଯୋର୍ଜଯଦ୍ରଥମ୍ପ୍ରତି ଗମନମ୍॥ 3 ॥Mahabharata - Drona Parva - Chapter Text
7-100-0 (48650)
ସଞ୍ଜଯ ଉବାଚ। 7-100-0x (4522)
ସଲିଲେ ଜନିତେ ତସ୍ମିନ୍କୌନ୍ତେଯେନ ମହାତ୍ମନା।
ନିସ୍ତାରିତେ ଦ୍ବିଷତ୍ସୈନ୍ଯେ କୃତେ ଚ ଶରବେଶ୍ମନି॥ 7-100-1 (48651)
ବାସୁଦେବୋ ରଥାତ୍ତୂର୍ଣମବତୀର୍ଯ ମହାଦ୍ଯୁତିଃ।
ମୋଚଯାମାସ ତୁରଗାନ୍ବିନୁନ୍ନାନ୍କଙ୍କପତ୍ରିଭିଃ॥ 7-100-2 (48652)
ଅଦୃଷ୍ଟପୂର୍ବଂ ତଦ୍ଦୃଷ୍ଟ୍ବା ସାଧୁବାଦୋ ମହାନଭୂତ୍।
ସିଦ୍ଧଚାରଣସଙ୍ଘାନାଂ ସୈନିକାନାଂ ଚ ସର୍ବଶଃ॥ 7-100-3 (48653)
ପଦାତିନଂ ତୁ କୌନ୍ତେଯଂ ଯୁଧ୍ଯମାନଂ ମହାରଥାଃ।
ନାଶକ୍ନୁବନ୍ବାରଯିତୁଂ ତଦଦ୍ଭୁତମିବାଭବତ୍॥ 7-100-4 (48654)
ଆପତତ୍ସୁ ରଥୌଘେଷୁ ପ୍ରଭୂତଗଜବାଜିଷୁ।
ନାସମ୍ଭ୍ରମତ୍ତଦା ପାର୍ଥସ୍ତଦସ୍ଯ ପୁରୁଷାନତି॥ 7-100-5 (48655)
ବ୍ଯସୃଜନ୍ତ ଶରୌଘାଂସ୍ତେ ପାଣ୍ଡବଂ ପ୍ରତି ପାର୍ଥିବାଃ।
ନ ଚାବ୍ଯଥତ ଧର୍ମାତ୍ମା ବାସବିଃ ପରବୀରହା॥ 7-100-6 (48656)
ଶତାନି ଶରଜାଲାନି ଗଦାଃ ପ୍ରାସାଂଶ୍ଚ ବୀର୍ଯବାନ୍।
ଆଗତାନଗ୍ରସତ୍ପାର୍ଥଃ ସରିତଃ ସାଗରୋ ଯଥା॥ 7-100-7 (48657)
ଅସ୍ତ୍ରବେଗେନ ମହତା ପାର୍ଥୋ ବାହୁବଲେନ ଚ।
ସର୍ବେଷାଂ ପାର୍ଥିବେନ୍ଦ୍ରାଣାମଗ୍ରସତ୍ତାଞ୍ଶରୋତ୍ତମାନ୍॥ 7-100-8 (48658)
ତତ୍ତୁ ପାର୍ଥସ୍ଯ ବିକ୍ରାନ୍ତଂ ବାସୁଦେବସ୍ଯ ଚୋଭଯୋଃ।
ଅପୂଜଯନ୍ମହାରାଜ କୌରବା ମହଦଦ୍ଭୁତମ୍॥ 7-100-9 (48659)
କୌରବା ଊଚୁଃ। 7-100-10x (4523)
କିମଦ୍ଭୁତତମଂ ଲୋକେ ଭବିତାଽପ୍ଯଥବା ହ୍ଯଭୂତ୍।
ଯଦଶ୍ବାନ୍ପାର୍ଥ ଗୋବିନ୍ଦୌ ପାଯଯାମାସତୂ ରଣେ॥ 7-100-10 (48660)
ଭଯଂ ବିପୁଲମସ୍ମାସୁ ତାବଧତ୍ତାଂ ନରୋତ୍ତମୌ।
ତେଜୋ ବିଦଧତୁଶ୍ଚୋଗ୍ରଂ ଯତ୍ସୈନ୍ଯଂ ତାବକଂ ବିଭୋ।
`ଦଧାରୈକୋ ରଣେ ପାର୍ଥୋ ବେଲେବୋଦ୍ବୃତ୍ତମର୍ଣବମ୍॥ 7-100-11 (48661)
ପାର୍ଥସ୍ଯ ଶରସଞ୍ଛନ୍ନେ ତସ୍ମିନ୍ସଦ୍ମନି ଭାରତ।
ଆକାଶମିବ ସମ୍ପ୍ରାପ୍ଯ ବିଚେରୁସ୍ତତ୍ର ପକ୍ଷିଣଃ॥ 7-100-12 (48662)
ନ ଚୈନଂ ଯୁଧି ତିଷ୍ଠନ୍ତଂ ସୈନ୍ଯେଷୁ ତବ ମାରିଷ।
ଅଭ୍ଯଦ୍ରବତ୍ସୁସଙ୍କ୍ରୁଦ୍ଧଃ ପୁମାନ୍କଶ୍ଚିତ୍ତୁ ତାବକଃ॥ 7-100-13 (48663)
ସର୍ବେ ବିମନସୋଽଭୂବଂସ୍ତବ ଯୋଧା ବିଶାମ୍ପତେ।
ସମ୍ପ୍ରେକ୍ଷ୍ଯ ତତ୍ର ଗୋବିନ୍ଦଂ ପାଣ୍ଡବଂ ଚ ଧନଞ୍ଜଯମ୍'॥ 7-100-14 (48664)
ଅଥ ସ୍ମଯନ୍ହୃଷୀକେଶଃ ସ୍ତ୍ରୀମଧ୍ଯ ଇବ ଭାରତ।
ଅର୍ଜୁନେନ କୃତେ ସଙ୍ଖ୍ଯେ ଶରଗର୍ଭଗୃହେ ତଦା॥ 7-100-15 (48665)
ଉପାବର୍ତଯଦବ୍ଯଗ୍ରସ୍ତାନଶ୍ବାନ୍ପୁଷ୍କରେକ୍ଷଣଃ।
ମିଷତାଂ ସର୍ବସୈନ୍ଯାନାଂ ତ୍ବଦୀଯାନାଂ ବିଶାମ୍ପତେ॥ 7-100-16 (48666)
`ଉପାବୃତ୍ତ୍ଯୋତ୍ଥିତାନଶ୍ବାନ୍ପାଣିଭ୍ଯାଂ ପୁଷ୍କରେକ୍ଷଣଃ।
ସମ୍ମାର୍ଜଯନ୍ରଣେ ରାଜନ୍ପଶ୍ଯତାଂ ସର୍ବଯୋଧିନାମ୍'॥ 7-100-17 (48667)
ତେଷାଂ ଶ୍ରମଂ ଚ ଗ୍ଲାନିଂ ଚ ବମଥୁଂ ବେପଥୁଂ ବ୍ରଣାନ୍।
ସର୍ବଂ ବ୍ଯପାନୁଦତ୍କୃଷ୍ଣଃ କୁଶଲୋ ହ୍ଯଶ୍ବକର୍ମଣି॥ 7-100-18 (48668)
ଶଲ୍ଯାନୁଦ୍ଧୃତ୍ଯ ପାଣିଭ୍ଯାଂ ପରିମୃଜ୍ଯ ଚ ତାନ୍ହଯାନ୍।
ଉପାବର୍ତ୍ଯ ଯଥାନ୍ଯାଯଂ ପାଯଯାମାସ ବାରି ସଃ॥ 7-100-19 (48669)
ସ ତାଁଲ୍ଲବ୍ଧୋଦକାନ୍ସ୍ନାତାଞ୍ଜଗ୍ଧାନ୍ନାନ୍ବିଗତକ୍ଲମାନ୍।
ଯୋଜଯାମାସ ସଂହୃଷ୍ଟଃ ପୁନରେବ ରଥୋତ୍ତମେ॥ 7-100-20 (48670)
ସ ତଂ ରଥବରଂ ଶୌରିଃ ସର୍ବଶସ୍ତ୍ରଭୃତାଂ ବରଃ।
ସମାସ୍ଥାଯ ମହାତେଜାଃ ସାର୍ଜୁନଃ ପ୍ରଯଯୌ ଦ୍ରୁତମ୍॥ 7-100-21 (48671)
`ଯୋଜଯିତ୍ବା ହଯାଂସ୍ତସ୍ଯ ବିଧିଦୃଷ୍ଟେନ କର୍ମଣା।
ରଣେ ଚଚାର ଗୋବିନ୍ଦସ୍ତୃଣୀକୃତ୍ଯ ମହାରଥାନ୍'॥ 7-100-22 (48672)
ରଥଂ ରଥବରସ୍ଯାଜୌ ଯୁକ୍ତଂ ଲବ୍ଧୋଦକୈର୍ହଯୈଃ।
ଦୃଷ୍ଟ୍ବା କୁରୁବଲଶ୍ରେଷ୍ଠାଃ ପୁନର୍ବିମନସୋଽଭବନ୍॥ 7-100-23 (48673)
ବିନିଃସ୍ବସନ୍ତସ୍ତେ ରାଜନ୍ଭଗ୍ନଦଂଷ୍ଟ୍ରା ଇବୋରଗାଃ।
ଘିଗହୋଽତିଗତଃ ପାର୍ଥଃ କୃଷ୍ଣଶ୍ଚେତ୍ଯବ୍ରୁବନ୍ପୃଥକ୍॥ 7-100-24 (48674)
ତତ୍ସୈନ୍ଯଂ ସର୍ବତୋ ଦୃଷ୍ଟ୍ବା ରୋମହର୍ଷଣମଦ୍ଭୁତମ୍।
ତ୍ବରଧ୍ବମିତି ଚାକ୍ରନ୍ଦନ୍ନୈତଦସ୍ତୀତି ଚାବୁବନ୍॥ 7-100-25 (48675)
ସର୍ବକ୍ଷତ୍ରସ୍ଯ ମିଷତୋ ରଥେନୈକେନ ଦଂଶିତୌ।
ବାଲଃ କ୍ରୀଡନକେନେବ କଦର୍ଥୀକୃତ୍ଯ ନୋ ବଲମ୍॥ 7-100-26 (48676)
କ୍ରୋଶତାଂ ଯତମାନାନାମସଂସକ୍ତୌ ପରନ୍ତପୌ।
ଦର୍ଶଯିତ୍ବାଽତ୍ମନୋ ବୀର୍ଯଂ ପ୍ରଯାତୌ ସର୍ବରାଜସୁ॥ 7-100-27 (48677)
`ଯଥା ଦେବାସୁରେ ଯୁଦ୍ଧେ ତୃଣୀକୃତ୍ଯ ଚ ଦାନବାନ୍।
ଇନ୍ଦ୍ରାବିଷ୍ଣୂ ପୁରା ରାଜଞ୍ଜମ୍ଭସ୍ଯ ବଧକାଙ୍କ୍ଷିଣୌ'॥ 7-100-28 (48678)
ତୌ ପ୍ରଯାତୌ ପୁନର୍ଦୃଷ୍ଟ୍ବା ତଦାଽନ୍ଯେ ସୈନିକାବ୍ରୁବନ୍।
ତ୍ବରଧ୍ବଂ କୁରବଃ ସର୍ବେ ବଧେ କୃଷ୍ଣକିରୀଟିନୋଃ॥ 7-100-29 (48679)
ରଥଂ ଯୁଙ୍କ୍ତ୍ବା ହି ଦାଶାର୍ହୋ ମିଷତାଂ ସର୍ବଧନ୍ବିନାମ୍।
ଜଯଦ୍ରଥାଯ ଯାତ୍ଯେଷ କଦର୍ଥୀକୃତ୍ଯ ନୋ ରଣେ॥ 7-100-30 (48680)
ତତ୍ର କେଚିନ୍ମିଥୋ ରାଜନ୍ସମଭାଷନ୍ତ ଭୂମିପାଃ।
ଅଦୃଷ୍ଟପୂର୍ବଂ ସଙ୍ଗ୍ରାମେ ତଦୃଷ୍ଟ୍ବା ମହଦଦ୍ଭୁତମ୍॥ 7-100-31 (48681)
ସର୍ବସୈନ୍ଯାନି ରାଜା ଚ ଧୃତରାଷ୍ଟ୍ରୋଽତ୍ଯଯଂ ଗତଃ।
ଦୁର୍ଯୋଧନାପରାଘେନ କ୍ଷତ୍ରଂ କୃତ୍ସ୍ନା ଚ ମେଦିନୀ॥ 7-100-32 (48682)
ବିଲଯଂ ସମନୁପ୍ରାପ୍ତା ତଚ୍ଚ ରାଜା ନ ବୁଧ୍ଯତେ।
ଇତ୍ଯେବଂ କ୍ଷତ୍ରିଯାସ୍ତତ୍ର ବ୍ରୁବନ୍ତ୍ଯନ୍ଯେ ଚ ଭାରତ॥ 7-100-33 (48683)
ସିନ୍ଧୁରାଜସ୍ଯ ଯତ୍କୃତ୍ଯଂ ଗତସ୍ଯ ଯମସାଦନମ୍।
ତତ୍କରୋତୁ ବୃଥାଦୃଷ୍ଟିର୍ଧାର୍ତରାଷ୍ଟ୍ରୋଽନୁପାଯବିତ୍॥ 7-100-34 (48684)
ତତଃ ଶୀଘ୍ରତରଂ ପ୍ରାଯାତ୍ପାଣ୍ଡବଃ ସୈନ୍ଧବଂ ପ୍ରତି।
ବିବର୍ତମାନେ ତିଗ୍ମାଂଶୌ ହୃଷ୍ଟୈଃ ପୀତୋଦକୈର୍ହଯୈଃ॥ 7-100-35 (48685)
ତଂ ପ୍ରଯାନ୍ତଂ ମହାବାହୁଂ ସର୍ବଶସ୍ତ୍ରଭୃତାଂ ବରମ୍।
ନାଶକ୍ନୁବନ୍ବାରଯିତୁଂ ଯୋଧାଃ କ୍ରୁଦ୍ଧମିବାନ୍ତକମ୍॥ 7-100-36 (48686)
ବିଦ୍ରାବ୍ଯ ତୁ ତତଃ ସୈନ୍ଯଂ ପାଣ୍ଡବଃ ଶତ୍ରୁତାପନଃ।
ଯଥା ମୃଗଗଣାନ୍ସିଂହଃ ସୈନ୍ଧବାର୍ଥେ ବ୍ଯଲୋଡଯତ୍॥ 7-100-37 (48687)
ଗାହମାନସ୍ତ୍ବନୀକାନି ତୂର୍ଣମଶ୍ବାନଚୋଦଯତ୍।
ବଲାକାଭଂ ତୁ ଦାଶାର୍ହଃ ପାଞ୍ଚଜନ୍ଯଂ ବ୍ଯନାଦଯତ୍॥ 7-100-38 (48688)
କୌନ୍ତେଯେନାଗ୍ରତଃ ସୃଷ୍ଟା ନ୍ଯପତନ୍ପୃଷ୍ଠତଃ ଶରାଃ।
ତୂର୍ଣାତ୍ତୂର୍ଣତରଂ ହ୍ଯଶ୍ବାଃ ପ୍ରାବହନ୍ବାତରଂହସଃ॥ 7-100-39 (48689)
ତତୋ ନୃପତଯଃ କ୍ରୁଦ୍ଧାଃ ପରିବବ୍ରୁର୍ଧନଞ୍ଜଯମ୍।
କ୍ଷତ୍ରିଯା ବହବଶ୍ଚାନ୍ଯେ ଜଯଦ୍ରଥବଧୈଷିଣମ୍॥ 7-100-40 (48690)
ସୈନ୍ଯେଷୁ ବିପ୍ରଯାତେଷୁ ଧିଷ୍ଠିତଂ ପୁରୁଷର୍ଷଭମ୍।
ଦୁର୍ଯୋଧନୋଽତ୍ବଯାତ୍ପାର୍ଥଂ ତ୍ବରମାଣୋ ମହାହବେ॥ 7-100-41 (48691)
ବାତୋଦ୍ଧୂତପତାକଂ ତଂ ରଥଂ ଜଲଦନିଃସ୍ବନମ୍।
ଘୋରଂ କପିଧ୍ବଜଂ ଦୃଷ୍ଟ୍ବା ବିଷଣ୍ଣା ରଥିନୋଽଭବନ୍॥ 7-100-42 (48692)
ଦିବାକରେଽଥ ରଜସା ସର୍ବତଃ ସଂବୃତେ ଭୃଶମ୍।
ଶରାର୍ତାଶ୍ଚରଣେ ଯୋଧାଃ ଶେକୁଃ କୃଷ୍ଣୌ ନ ବୀକ୍ଷିତୁମ୍॥ ॥ 7-100-43 (48693)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଶତତମୋଽଧ୍ଯାଯଃ॥ 100 ॥
Mahabharata - Drona Parva - Chapter Footnotes
5-100-5 ପୁରୁଷାନତି ପୁରୁଷେଭ୍ଯୋଽତିଶଯଃ। ଅସମ୍ଭ୍ରମତ୍। ଉପସର୍ଗାତ୍ପୂର୍ବମାର୍ଷୋଽଟ୍॥ 5-100-11 ବିଦଧତୁର୍ଦର୍ଶିତବନ୍ତୌ॥ 5-100-16 ଉପାବର୍ତଯତ୍ପରିଲୋଡିତବାନ୍॥ 5-100-18 ଶ୍ରମଂ ମନଃକାଯଖେଦମ୍। ଗ୍ଲାନି ବଲାପଚଯମ୍। ବମଥୁଂ ଫେନୋଦ୍ରମମ୍॥ 5-100-39 ପ୍ରାବହନ୍ ଅତ୍ଯକ୍ରାମନ୍॥ 5-100-49 ଧିଷ୍ଠିତଂ କିଞ୍ଚିଦବସ୍ଥିତମ୍॥ 5-100-100 ଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 101
॥ ଶ୍ରୀଃ ॥
7.101. ଅଧ୍ଯାଯଃ 101
Mahabharata - Drona Parva - Chapter Topics
ଜଯଦ୍ରଥଂ ଯିଯାସୋରର୍ଜୁନସ୍ଯ ଦୁର୍ଯୋଧନେନ ନିରୋଧଃ॥ 1 ॥Mahabharata - Drona Parva - Chapter Text
7-101-0 (48694)
ସଞ୍ଜଯ ଉବାଚ। 7-101-0x (4524)
ସ୍ରଂସନ୍ତ ଇବ ମଜ୍ଜାନସ୍ତାବକାନାଂ ଭଯାନ୍ନୃପ।
ତୌ ଦୃଷ୍ଟ୍ବା ସମତିକ୍ରାନ୍ତୌ ବାସୁଦେବଧନଞ୍ଜଯୌ॥ 7-101-1 (48695)
ସର୍ବେ ତୁ ପ୍ରତିସଂରବ୍ଧା ହୀମନ୍ତଃ ସତ୍ବଚୋଦିତାଃ।
ସ୍ଥିରୀଭୂତା ମହାତ୍ମାନଃ ପ୍ରତ୍ଯଗଚ୍ଛନ୍ଧନଞ୍ଜଯମ୍॥ 7-101-2 (48696)
ଯେ ଗତାଃ ପାଣ୍ଡବଂ ଯୁଦ୍ଧେ ରୋଷାମର୍ଷସମନ୍ବିତାଃ।
ତେଽଦ୍ଯାପି ନ ନିବର୍ତନ୍ତେ ସିନ୍ଧବଃ ସାଗରାଦିବ॥ 7-101-3 (48697)
ଅସନ୍ତସ୍ତୁ ନ୍ଯବର୍ତନ୍ତ ବେଦେଭ୍ଯ ଇବ ନାସ୍ତିକାଃ।
ନରକଂ ଭଜମାନାସ୍ତେ ପ୍ରତ୍ଯପଦ୍ଯନ୍ତ କିଲ୍ବିଷମ୍॥ 7-101-4 (48698)
ତାବତୀତ୍ଯ ରଥାନୀକଂ ବିମୁକ୍ତୌ ପୁରୁଷର୍ଷଭୌ।
ଦଦୃଶାତେ ଯଥା ରାହୋରାସ୍ଯାନ୍ମୁକ୍ତୌ ପ୍ରଭାକରୌ॥ 7-101-5 (48699)
ମତ୍ସ୍ଯାବିବ ମହାଜାଲଂ ବିଦାର୍ଯ ବିଗତକ୍ଲମୌ।
ତଥା କୃଷ୍ଣାବଦୃଶ୍ଯେତାଂ ସେନାଜାଲଂ ବିଦାର୍ଯ ତତ୍॥ 7-101-6 (48700)
ବିମୁକ୍ତୌ ଶସ୍ତ୍ରସମ୍ବାଧାଦ୍ରୋଣାନୀକାତ୍ସୁଦୁର୍ଭିଦାତ୍।
ଅଦୃଶ୍ଯେତାଂ ମହାତ୍ମାନୌ କାଲସୂର୍ଯାବିବୋଦିତୌ॥ 7-101-7 (48701)
ଅସ୍ତ୍ରସମ୍ବାଧନିର୍ମୁକ୍ତୌ ବିମୁକ୍ତୌ ଶସ୍ତ୍ରସଙ୍କଟାତ୍।
ଅଦୃଶ୍ଯେତାଂ ମହାତ୍ମାନୌ ଶତ୍ରୁସମ୍ବାଧକାରିଣୌ॥ 7-101-8 (48702)
ବିମୁକ୍ତୌ ଜ୍ବଲନସ୍ପର୍ଶାନ୍ମକରାସ୍ଯାଜ୍ଝଷାବିବ।
ଅକ୍ଷୋଭଯେତାଂ ସେନାଂ ତୌ ସମୁଦ୍ରଂ ମକରାବିବ॥ 7-101-9 (48703)
ତାବକାସ୍ତବ ପୁତ୍ରାଶ୍ଚ ଦ୍ରୋଣାନୀକସ୍ଥଯୋସ୍ତଯୋଃ।
ନୈତୌ ତରିଷ୍ଯତୋ ଦ୍ରୋଣମିତି ଚକ୍ରୁସ୍ତଦା ମତିମ୍॥ 7-101-10 (48704)
ତୌ ତୁ ଦୃଷ୍ଟ୍ବା ବ୍ଯତିକ୍ରାନ୍ତୌ ଦ୍ରୋଣାନୀକଂ ମହାଦ୍ଯୁତୀ।
ନାଶଶଂସୁର୍ମହାରାଜ ସିନ୍ଧୁରାଜସ୍ଯ ଜୀବିତମ୍॥ 7-101-11 (48705)
ଆଶା ବଲବତୀ ରାଜନ୍ସିନ୍ଧୁରାଜସ୍ଯ ଜୀବିତେ।
ଦ୍ରୋଣହାର୍ଦିକ୍ଯଯୋଃ କୃଷ୍ଣୌ ନ ମୋକ୍ଷ୍ଯେତେ ଇତି ପ୍ରଭୋ॥ 7-101-12 (48706)
ତାମାଶାଂ ବିଫଲୀକୃତ୍ଯ ସନ୍ତୀର୍ଣୌ ତୌ ପରନ୍ତପୌ।
ଦ୍ରୋଣାନୀକଂ ମହାରାଜ ଭୋଜାନୀକଂ ଚ ଦୁସ୍ତରମ୍॥ 7-101-13 (48707)
ଅଥ ଦୃଷ୍ଟ୍ବା ବ୍ଯତିକ୍ରାନ୍ତୌ ଜ୍ବଲିତାବିବ ପାବକୌ।
ନିରାଶାଃ ସିନ୍ଧୁରାଜସ୍ଯ ଜୀବିତଂ ନ ଶଶଂସିରେ॥ 7-101-14 (48708)
ମିଥଶ୍ଚ ସମଭାଷେତାମଭୀତୌ ଭଯବର୍ଧନୌ।
ଜଯଦ୍ରଥବଧେ ବାଚସ୍ତାସ୍ତାଃ କୃଷ୍ଣଧନଞ୍ଜଯୌ॥ 7-101-15 (48709)
ଅସୌ ମଧ୍ଯେ କୃତଃ ଷଙ୍ଭିର୍ଧାର୍ତରାଷ୍ଟ୍ରୈର୍ମହାରଥୈଃ।
ଚକ୍ଷୁର୍ବିଷଯସମ୍ପ୍ରାପ୍ତୋ ନ ମେ ମୋକ୍ଷ୍ଯତି ସୈନ୍ଧବଃ॥ 7-101-16 (48710)
ଯଦ୍ଯସ୍ଯ ସମରେ ଗୋପ୍ତା ଶକ୍ରୋ ଦେବଗଣୈଃ ସହ।
ତଥାପ୍ଯେନଂ ନିହଂସ୍ଯାବ ଇତି କୃଷ୍ଣାବଭାଷତାମ୍॥ 7-101-17 (48711)
ଇତି କୃଷ୍ଣୌ ମହାବାହୂ ମିଥଃ କଥଯତାଂ ତଦା।
ସିନ୍ଧୁରାଜମବେକ୍ଷନ୍ତୌ ତ୍ବତ୍ପୁତ୍ରା ବହୁ ଚୁକ୍ରୁଶୁଃ॥ 7-101-18 (48712)
ଅତୀତ୍ଯ ମରୁଧନ୍ବାନଂ ପ୍ରଯାନ୍ତୌ ତୃଷିତୌ ଗଜୌ।
ପୀତ୍ବା ବାରି ସମାଶ୍ବସ୍ତୌ ତଥୈବାସ୍ତାମରିନ୍ଦମୌ॥ 7-101-19 (48713)
ବ୍ଯାଘ୍ରସିଂହଗଜାକୀର୍ଣାନତିକ୍ରମ୍ଯ ଚ ପର୍ବତାନ୍।
ବଣିଜାବିବ ଦୃଶ୍ଯେତାଂ ହୀନମୃତ୍ଯୂ ଜରାତିଗୌ॥ 7-101-20 (48714)
ତଥାହି ମୁଖବର୍ଣୋଽଯମନଯୋରିତି ମେନିରେ।
ତାବକା ବୀକ୍ଷ୍ଯ ମୁକ୍ତୌ ତୌ ବିକ୍ରୋଶନ୍ତି ସ୍ମ ସର୍ବଶଃ॥ 7-101-21 (48715)
ଦ୍ରୋଣାଦାଶୀବିଷାକାରାଜ୍ଜ୍ବଲିତାଦିବ ପାବକାତ୍।
ଅନ୍ଯେଭ୍ଯଃ ପାର୍ଥିବେଭ୍ଯଶ୍ଚ ଭାସ୍ବନ୍ତାବିବ ଭାସ୍କରୌ॥ 7-101-22 (48716)
ବିମୁକ୍ତୌ ସାଗରପ୍ରଖ୍ଯାଦ୍ରୋଣାନୀକାଦର୍ରିଦମୌ।
ଅଦୃଶ୍ଯେତାଂ ମୁଦା ଯୁକ୍ତୌ ସମୁତ୍ତୀର୍ଯାର୍ଣବଂ ଯଥା॥ 7-101-23 (48717)
ଅସ୍ତ୍ରୌଘାନ୍ମହତୋ ମୁକ୍ତୌ ଦ୍ରୋଣହାର୍ଦିକ୍ଯରକ୍ଷିତାତ୍।
ରୋଚମାନାବଦୃଶ୍ଯେତାମିନ୍ଦ୍ରାଗ୍ନ୍ଯୋଃ ସଦୃଶୌ ରଣେ॥ 7-101-24 (48718)
ଉଦ୍ଭିନ୍ନରୁଧିରୌ କୃଷ୍ଣୌ ଭାରଦ୍ବାଜସ୍ଯ ସାଯକୈଃ।
ଶିତୈଶ୍ଚିତୌ ବ୍ଯରୋଚେତାଂ କର୍ଣିକାରୈରିବାଚଲୌ॥ 7-101-25 (48719)
ଦ୍ରୋଣଗ୍ରାହହୂଦାନ୍ମୁକ୍ତୌ ଶକ୍ତ୍ଯାଶୀବିଷସଙ୍କଟାତ୍।
ଅଯଃଶରୋଗ୍ରମକରାତ୍କ୍ଷତ୍ରିଯପ୍ରବରାମ୍ଭସଃ॥ 7-101-26 (48720)
ଜ୍ଯାଘୋଷତଲନିର୍ହାଦାଦ୍ଗଦାନିସ୍ତ୍ରିଂଶବିଦ୍ଯୁତଃ।
ଦ୍ରୋଣାସ୍ତ୍ରମେଘାନ୍ନିର୍ମୁକ୍ତୌ ସୂର୍ଯେନ୍ଦୂ ତିମିରାଦିବ॥ 7-101-27 (48721)
ବାହୁଭ୍ଯାମିବ ସନ୍ତୀର୍ଣୌ ସିନ୍ଧୁଷଷ୍ଠାଃ ସମୁଦ୍ରଗାଃ।
ତପାନ୍ତେ ସରିତଃ ପୂର୍ଣା ମହାଗ୍ରାହସମାକୁଲାଃ॥ 7-101-28 (48722)
`ମହାଶୈଲୋଚ୍ଚଯାଂ ଘୋରାଂ ଲଙ୍ଘଯିତ୍ବା ମହାନଦୀମ୍।
ନିସ୍ତୀର୍ଣାବଧ୍ବଗୌ ଯଦ୍ବତ୍ତଦ୍ବତ୍ତୌ ତାରିତୌ ରଣେ'॥ 7-101-29 (48723)
ଇତି କୃଷ୍ଣୌ ମହେଷ୍ବାସୌ ପ୍ରଶସ୍ତୌ ଲୋକବିଶ୍ରୁତୌ।
ସର୍ବଭୂତାନ୍ଯମନ୍ଯନ୍ତ ଦ୍ରୋଣାସ୍ତ୍ରବଲବାରଣାତ୍॥ 7-101-30 (48724)
ଜଯଦ୍ରଥଂ ସମୀପସ୍ଥମବେକ୍ଷନ୍ତୌ ଜିଘାଂସଯା।
ରୁରୁଂ ବନାନ୍ତେ ଲିପ୍ସନ୍ତୌ ବ୍ଯାଘ୍ରବତ୍ତାବତିଷ୍ଠତାମ୍॥ 7-101-31 (48725)
ଯଥା ହି ମୁଖବର୍ଣୋଽଯମନଯୋରିତି ମେନିରେ।
ତବ ଯୋଧା ମହାରାଜ ହତମେବ ଜଯଦ୍ରଥମ୍॥ 7-101-32 (48726)
ଲୋହିତାକ୍ଷୌ ମହାବାହୂ ସଂଯୁକ୍ତୌ କୃଷ୍ଣପାଣ୍ଡବୌ।
ସିନ୍ଧୁରାଜମଭିପ୍ରେକ୍ଷ୍ଯ ହୃଷ୍ଟୌ ବ୍ଯନଦତାଂ ମୁହୁଃ॥ 7-101-33 (48727)
ଶୌରେରଭୀଷୁହସ୍ତସ୍ଯ ପାର୍ଥସ୍ଯ ଚ ଧନୁଷ୍ମତଃ।
ତଯୋରାସୀତ୍ପ୍ରଭା ରାଜନ୍ସୂର୍ଯପାବକଯୋରିବ॥ 7-101-34 (48728)
ହର୍ଷ ଏବ ତଯୋରାସୀଦ୍ଦ୍ରୋଣାନୀକପ୍ରମୁକ୍ତଯୋଃ।
ସମୀପେ ସୈନ୍ଧବଂ ଦୃଷ୍ଟ୍ବା ଶ୍ଯେନଯୋରାମିଷଂ ଯଥା॥ 7-101-35 (48729)
ତୌ ତୁ ସୈନ୍ଧବମାଲୋକ୍ଯ ବର୍ତମାନମିବାନ୍ତିକେ।
ସହସା ପେତତୁଃକ୍ରୁଦ୍ଧୌ କ୍ଷିପ୍ରଂ ଶ୍ଯେନାବିବାମିପମ୍॥ 7-101-36 (48730)
ତୌ ଦୃଷ୍ଟ୍ବା ତୁ ବ୍ଯତିକ୍ରାନ୍ତୌ ହୃଷୀକେଶଧନଞ୍ଜଯୌ।
ସିନ୍ଧୁରାଜସ୍ଯ ରକ୍ଷାର୍ଥଂ ପରାକ୍ରାନ୍ତଃ ସୁତସ୍ତବ॥ 7-101-37 (48731)
ଦ୍ରୋଣେନାବଦ୍ଧକବଚୋ ରାଜା ଦୁର୍ଯୋଧନସ୍ତତଃ।
ଯଯାବେକରଥେନାଜୌ ହଯସଂସ୍କରାବିତ୍ପ୍ରଭୋ॥ 7-101-38 (48732)
କୃଷ୍ଣପାର୍ଥୌ ମହେଷ୍ବାସୌ ବ୍ଯତିକ୍ରମ୍ଯାଥ ତେ ସୁତଃ।
ଅଗ୍ରତଃ ପୁଣ୍ଡରୀକାକ୍ଷଂ ପ୍ରତୀଯାଯ ନରାଧିପ॥ 7-101-39 (48733)
ତତଃ ସର୍ବେଷୁ ସୈନ୍ଯେଷୁ ବାଦିତ୍ରାଣି ପ୍ରହୃଷ୍ଟବତ୍।
ପ୍ରାବାଦ୍ଯନ୍ତ ବ୍ଯତିକ୍ରାନ୍ତେ ତବ ପୁତ୍ରେ ଧନଞ୍ଜଯମ୍॥ 7-101-40 (48734)
ସିଂହନାଦରବାଶ୍ଚାସଞ୍ଶଙ୍ଖଶବ୍ଦବିମିଶ୍ରିତାଃ।
ଦୃଷ୍ଟ୍ବା ଦୁର୍ଯୋଧନଂ ତତ୍ର କୃଷ୍ଣଯୋଃ ପ୍ରମୁଖେ ସ୍ଥିତମ୍॥ 7-101-41 (48735)
ଯେ ଚ ତେ ସିନ୍ଧୁରାଜସ୍ଯ ଗୋପ୍ତାରଃ ପାବକୋପମାଃ।
ତେ ପ୍ରାହୃଷ୍ଯନ୍ତ ସମରେ ଦୃଷ୍ଟ୍ବା ପୁତ୍ରଂ ତବ ପ୍ରଭୋ॥ 7-101-42 (48736)
ଦୃଷ୍ଟ୍ବା ଦୁର୍ଯୋଧନଂ କୃଷ୍ଣୋ ବ୍ଯତିକ୍ରାନ୍ତଂ ସହାନୁଗମ୍।
ଅବ୍ରବୀଦର୍ଜୁନଂ ରାଜନ୍ପ୍ରାପ୍ତକାଲମିଦଂ ବଚଃ॥ ॥ 7-101-43 (48737)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଏକାଧିକଶତତମୋଽଧ୍ଯାଯଃ॥ 101 ॥
Mahabharata - Drona Parva - Chapter Footnotes
5-101-3 ଅମର୍ଷଶ୍ଚିରାନୁଂବଦ୍ଧଃ କୋପଃ॥ 5-101-5 ପ୍ରଭାକରୌ ଚନ୍ଦ୍ରାଦିତ୍ଯୌ॥ 5-101-19 ମରୁଧନ୍ବାନଂ ମରୁସ୍ଥଲମ୍॥ 5-101-28 ସିନ୍ଧୁଃ ଷଷ୍ଠୀ ଯାସାମ୍। ତାଶ୍ଚ ଶତଦ୍ରୁବିପାଶେରାବତୀଚନ୍ଦ୍ରଭାଗାବିତସ୍ତାଃ। ଏତାହି ନିତାନ୍ତଦୁସ୍ତରାଃ॥ 5-101-31 ରୁରୁଂ ନିପାନେ ଇତି ଟ. ପାଠଃ। ରୂରୁନ୍ନିପାତେ ଇତି କ. ପାଠଃ॥ 5-101-39 ଅଗ୍ରତଃ ପ୍ରମୁଖେ॥ 5-101-101 ଏକାଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 102
॥ ଶ୍ରୀଃ ॥
7.102. ଅଧ୍ଯାଯଃ 102
Mahabharata - Drona Parva - Chapter Topics
ଦୁର୍ଯୋଧନେ ନିରୁନ୍ଧାନେ କୃଷ୍ଣେନ ତଦ୍ଦୁଷ୍କୃତାନୁସ୍ମାରଣପୂର୍ବକମର୍ଜୁନମ୍ପ୍ରତି ତଦ୍ବଧଚୋଦନା॥ 1 ॥ ଅର୍ଜୁନମ୍ପ୍ରତି ଦୁର୍ଯୋଧନସ୍ଯ ବୀରବାଦଃ॥ 2 ॥Mahabharata - Drona Parva - Chapter Text
7-102-0 (48738)
ବାସୁଦେବ ଉବାଚ। 7-102-0x (4525)
ଦୁର୍ଯୋଧନମତିକ୍ରାନ୍ତମେତଂ ପଶ୍ଯ ଧନଞ୍ଜଯ।
ଆପଦ୍ଗତମିମଂ ମନ୍ଯେ ନାସ୍ତ୍ଯସ୍ଯ ସଦୃଶୋ ରଥଃ॥ 7-102-1 (48739)
ଦୂରପାତୀ ମହେଷ୍ବାସଃ କୃତାସ୍ତ୍ରୋ ଯୁଦ୍ଧଦୁର୍ମଦଃ।
ଦୃଢହସ୍ତଶ୍ଚିତ୍ରଯୋଧୀ ଧାର୍ତରାଷ୍ଟ୍ରୋ ମହାବଲଃ॥ 7-102-2 (48740)
ଅତ୍ଯନ୍ତସୁଖସଂବୃଦ୍ଧୋ ମାନିତଶ୍ଚ ମହାରଥୈଃ।
କୃତୀ ଚ ସତତଂ ପାର୍ଥ ନିତ୍ଯଂ ଦ୍ବେଷ୍ଟି ଚ ପାଣ୍ଡବାନ୍॥ 7-102-3 (48741)
ତେନ ଯୁଦ୍ଧମହଂ ମନ୍ଯେ ପ୍ରାପ୍ତକାଲଂ ତବାନଘ।
ଅତ୍ର ନୋ ଦ୍ଯୂତମାଯତ୍ତଂ ବିଜଯାଯେତରାଯ ବା॥ 7-102-4 (48742)
ଅତ୍ର କ୍ରୋଧବିଷଂ ପାର୍ଥ ବିମୁଞ୍ଚ ଚିରସମ୍ଭୃତମ୍॥
ଏଷ ମୂଲମନର୍ଥାନାଂ ପାଣ଼୍ବାନାଂ ମହାତ୍ମନାମ୍॥ 7-102-5 (48743)
ସୋଽଯଂ ପ୍ରାପ୍ତସ୍ତବାକ୍ଷେପଂ ପଶ୍ଯ ସାଫଲ୍ଯମାତ୍ମନଃ।
କଥଂ ହି ରାଜା ରାଜ୍ଯାର୍ଥୀ ତ୍ବଯା ଗଚ୍ଛେତ ସଂଯୁଗମ୍॥ 7-102-6 (48744)
ଦିଷ୍ଟ୍ଯା ତ୍ବିଦାନୀଂ ସମ୍ପ୍ରାପ୍ତ ଏଷ ତେ ବାଣଗୋଚରମ୍।
ଯଥାଽଯଂ ଜୀବିତଂ ଜହ୍ଯାତ୍ତଥା କୁରୁ ଧନଞ୍ଜଯ॥ 7-102-7 (48745)
ଐଶ୍ବର୍ଯମଦସମ୍ମୂଢୋ ନୈଷ ଦୁଃଖମୁପେଯିବାନ୍।
ନ ଚ ତେ ସଂଯୁଗେ ବୀର୍ଯଂ ଜାନାତି ପୁରୁଷର୍ଷଭ॥ 7-102-8 (48746)
ତ୍ବାଂ ହି ଲୋକାସ୍ତ୍ରଯଃ ପାର୍ଥ ସସୁରାସୁରମାନବାଃ।
ନୋତ୍ସହନ୍ତେ ରଣେ ଜେତୁଂ କିମୁତୈକଃ ସୁଯୋଧନଃ॥ 7-102-9 (48747)
ସ ଦିଷ୍ଟ୍ଯା ସମନୁପ୍ରାପ୍ତସ୍ତବ ପାର୍ଥ ରଥାନ୍ତିକମ୍।
ଜହ୍ଯେନଂ ତ୍ବଂ ମହାବାହୋ ଯଥା ବୃତ୍ରଂ ପୁରନ୍ଦରଃ॥ 7-102-10 (48748)
ଏଷ ହ୍ଯନର୍ଥେ ସତତଂ ପରାକ୍ରାନ୍ତସ୍ତବାନଘ।
ନିକୃତ୍ଯା ଧର୍ମରାଜଂ ଚ ଦ୍ଯୂତେ ବଞ୍ଚିତବାନଯମ୍॥ 7-102-11 (48749)
ବହୂନି ସୁନୃଶଂସାନି କୃତାନ୍ଯେତେନ ମାନଦ।
ଯୁଷ୍ମାସୁ ପାପମତିନା ଅପାପେଷ୍ବପି ନିତ୍ଯଦା॥ 7-102-12 (48750)
ତମନାର୍ଯଂ ସଦା କ୍ରୁଦ୍ଧଂ ପୁରୁଷଂ କାମରୂପିଣମ୍।
ଆର୍ଯାଂ ଯୁଦ୍ଧେ ମତିଂ କୃତ୍ବା ଜହି ପାର୍ଥାବିଚାରଯନ୍॥ 7-102-13 (48751)
ନିକୃତ୍ଯା ରାଜ୍ଯହରଣଂ ବନବାସଂ ଚ ପାଣ୍ଡବ।
ପରିକ୍ଲେଶଂ ଚ କୃଷ୍ଣାଯା ହୃଦି କୃତ୍ବା ପରାକ୍ରମ॥ 7-102-14 (48752)
ଦିଷ୍ଟ୍ଯୈଷ ତବ ବାଣାନାଂ ଗୋଚରେ ପରିବର୍ତତେ।
ପ୍ରତିଘାତାଯ କାର୍ଯସ୍ଯ ଦିଷ୍ଟ୍ଯା ଚ ଯତତେଽଗ୍ରତଃ॥ 7-102-15 (48753)
ଦିଷ୍ଟ୍ଯା ଜାନାତି ସଙ୍ଗ୍ରାମେ ଯୋଦ୍ଧବ୍ଯଂ ହି ତ୍ବଯା ସହ।
ଦିଷ୍ଟ୍ଯା ଚ ସଫଲାଃ ପାର୍ଥ ସର୍ବେ କାମା ହ୍ଯକାମିତାଃ॥ 7-102-16 (48754)
ତସ୍ମାଜ୍ଜହି ରଣେ ପାର୍ଥ ଧାର୍ତରାଷ୍ଟ୍ରଂ କୁଲାଧମମ୍।
ଯଥେନ୍ଦ୍ରେଣ ହତଃ ପୂର୍ବଂ ଜମ୍ଭୋ ଦେବାସୁରେ ମୃଧେ॥ 7-102-17 (48755)
ଅସ୍ମିନ୍ହତେ ତ୍ବଯା ସୈନ୍ଯମନାଥଂ ଭିଦ୍ଯତାମିଦମ୍।
ବୈରସ୍ଯ ଦିଷ୍ଟ୍ଯା ସହଜଂ ମୂଲଂ ଛିନ୍ଧି ଦୁରାତ୍ମନାମ୍॥ 7-102-18 (48756)
ସଞ୍ଜଯ ଉବାଚ। 7-102-19x (4526)
ତଂ ତଥେତ୍ଯବ୍ରବୀତ୍ପାର୍ଥଃ କୃତ୍ଯରୂପମିଦଂ ମମ।
ସର୍ବମନ୍ଯଦନାଦୃତ୍ଯ ଗଚ୍ଛ ଯତ୍ର ସୁଯୋଧନଃ॥ 7-102-19 (48757)
ଯେନୈତଦ୍ଦୀର୍ଘକାଲଂ ନୋ ଭୁକ୍ତଂ ରାଜ୍ଯମକଣ୍ଟକମ୍।
ଅପ୍ଯସ୍ଯ ଯୁଧି ବିକ୍ରମ୍ଯ ଚ୍ଛିନ୍ଦ୍ଯାଂ ମୂର୍ଧାନମାହବେ॥ 7-102-20 (48758)
ଅପି ତସ୍ଯ ହ୍ଯନର୍ହାଯାଃ ପରିକ୍ଲେଶସ୍ଯ ମାଧବ।
କୃଷ୍ଣାଯାଃ ଶକ୍ନୁଯାଂ ଗନ୍ତୁଂ ପଦଂ କେଶପ୍ରଧର୍ଷଣେ॥ 7-102-21 (48759)
`ଅପ୍ଯହଂ ତାନି ଦୁଃଖାନି ପୂର୍ବବୃତ୍ତାନି ମାଧବ।
ଦୁର୍ଯୋଧନଂ ରଣେ ହତ୍ବା ପ୍ରତିମୋକ୍ଷ୍ଯେ କଥଞ୍ଚନ'॥ 7-102-22 (48760)
ଇତ୍ଯେବଂବାଦିନୌ କୃଷ୍ଣୌ ହୃଷ୍ଟୌ ଶ୍ବେତାନ୍ହଯୋତ୍ତମାନ୍।
ପ୍ରେଷଯାମାସତୁଃ ସଙ୍ଖ୍ଯେ ପ୍ରେପ୍ସନ୍ତୌ ତଂ ନରାଧିପମ୍॥ 7-102-23 (48761)
ତଯୋଃ ସମୀପଂ ସମ୍ପ୍ରାପ୍ଯ ପୁତ୍ରସ୍ତେ ଭରତର୍ଷଭ।
ନ ଚକାର ଭଯଂ ପ୍ରାପ୍ତେ ଭଯେ ମହତି ମାରିଷ॥ 7-102-24 (48762)
ତଦସ୍ଯ କ୍ଷତ୍ରିଯାଃ କର୍ମ ସର୍ବ ଏବାଭ୍ଯପୂଜଯନ୍।
ଯଦର୍ଜୁନହୃଷୀକେଶୌ ପ୍ରତ୍ଯୁଦ୍ଯାତୌ ନ୍ଯବାରଯତ୍॥ 7-102-25 (48763)
ତତଃ ସର୍ବସ୍ଯ ସୈନ୍ଯସ୍ଯ ତାବକସ୍ଯ ବିଶାମ୍ପତେ।
ମହାନାଦୋ ହ୍ଯଭୂତ୍ତତ୍ର ଦୃଷ୍ଟ୍ବା ରାଜାନମାହବେ॥ 7-102-26 (48764)
ତସ୍ମିଞ୍ଜନସମୁନ୍ନାଦେ ପ୍ରବୃତ୍ତେ ଭୈରବେ ସତି।
କଦର୍ଥୀକୃତ୍ଯ ତେ ପୁତ୍ରଃ ପ୍ରତ୍ଯମିତ୍ରମବାରଯତ୍॥ 7-102-27 (48765)
ଆବାରିତସ୍ତୁ କୌନ୍ତେଯସ୍ତବ ପୁତ୍ରେଣ ଧନ୍ବିନା।
ସଂରମ୍ଭମଗମଦ୍ଭୂଯଃ ସ ଚ ତସ୍ମିନ୍ପରନ୍ତପଃ॥ 7-102-28 (48766)
ତୌ ଦୃଷ୍ଟ୍ବା ପ୍ରତିସଂରବ୍ଧୌ ଦୁର୍ଯୋଧନଧନଞ୍ଜଯୌ।
ଅଭ୍ଯବୈକ୍ଷନ୍ତ ରାଜାନୋ ଭୀମରୂପାଃ ସମନ୍ତତଃ॥ 7-102-29 (48767)
ଦୃଷ୍ଟ୍ବା ତୁ ପାର୍ଥଂ ସଂରବ୍ଧଂ ବାସୁଦେବଂ ଚ ମାରିଷ।
ପ୍ରହସନ୍ନେବ ପୁତ୍ରସ୍ତେ ଯୋଦ୍ଧୁକାମଃ ସମାହ୍ବଯତ୍॥ 7-102-30 (48768)
ତତଃ ପ୍ରହୃଷ୍ଟୋ ଦାଶାର୍ହଃ ପାଣ୍ଡବଶ୍ଚ ଧନଞ୍ଜଯଃ।
ବ୍ଯକ୍ରୋଶେତାଂ ମହାନାଦଂ ଦଧ୍ମତୁଶ୍ଚାମ୍ବୁଜୋତ୍ତମୌ॥ 7-102-31 (48769)
ତୌ ହୃଷ୍ଟରୂପୌ ସମ୍ପ୍ରେକ୍ଷ୍ଯ କୌରବେଯାସ୍ତୁ ସର୍ବଶଃ।
ନିରାଶାଃ ସମପଦ୍ଯନ୍ତ ପୁତ୍ରସ୍ଯ ତବ ଜୀବିତେ॥ 7-102-32 (48770)
ଶୋକମାପୁଃ ପରଂ ଚୈବ କୁରବଃ ସର୍ବ ଏବ ତେ।
ଅମନ୍ଯନ୍ତ ଚ ପୁତ୍ରଂ ତେ ବୈଶ୍ବାନରମୁଖେ ହୁତମ୍॥ 7-102-33 (48771)
ତଥା ତୁ ଦୃଷ୍ଟ୍ବା ଯୋଧାସ୍ତେ ପ୍ରହୃଷ୍ଟୌ କୃଷ୍ଣପାଣ୍ଡବୌ।
ହତୋ ରାଜା ହତୋ ରାଜେତ୍ଯୂଚିରେ ଚ ଭଯାର୍ଦିତାଃ॥ 7-102-34 (48772)
ଜନସ୍ଯ ସନ୍ନିନାଦଂ ତୁ ଶ୍ରୁତ୍ବା ଦୁର୍ଯୋଧନୋଽବ୍ରବୀତ୍।
ବ୍ଯେତୁ ବୋ ଭୀରହଂ କୃଷ୍ଣୌ ପ୍ରେଷଯିଷ୍ଯାମି ମୃତ୍ଯବେ॥ 7-102-35 (48773)
ଇତ୍ଯୁକ୍ତ୍ବା ସୈନିକାନ୍ସର୍ବାଞ୍ଜଯାପେକ୍ଷୀ ନରାଧିପଃ।
ପାର୍ଥମାଭାଷ୍ଯ ସଂରମ୍ଭାଦିଦଂ ବଚନମବ୍ରବୀତ୍॥ 7-102-36 (48774)
ପାର୍ଥ ଯଚ୍ଛିକ୍ଷିତଂ ତେଽସ୍ତ୍ରଂ ଦିବ୍ଯଂ ପାର୍ଥିବମେବ ଚ।
ତଦ୍ଦର୍ଶଯ ମଯି କ୍ଷିପ୍ରଂ ଯଦି ଜାତୋଽସି ପାଣ଼୍ଡୁନା॥ 7-102-37 (48775)
ଯଦ୍ବଲଂ ତବ ବୀର୍ଯଂ ଚ କେଶବସ୍ଯ ତଥୈବ ଚ।
ତତ୍କୁରୁଷ୍ବ ମଯି କ୍ଷିପ୍ରଂ ପଶ୍ଯାମସ୍ତବ ପୌରୁଷମ୍॥ 7-102-38 (48776)
ଅସ୍ମତ୍ପରୋକ୍ଷଂ କର୍ମାଣି କୃତାନି ପ୍ରବଦନ୍ତି ତେ।
ସ୍ବାମିସତ୍କାରଯୁକ୍ତାନି ଯାନି ତାନୀହ ଦର୍ଶଯ॥ ॥ 7-102-39 (48777)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଦ୍ବ୍ଯଦିକଶତତମୋଽଧ୍ଯାଯଃ॥ 102 ॥
Mahabharata - Drona Parva - Chapter Footnotes
5-102-1 ନାସ୍ତୀତ୍ଯର୍ଜୁନୋତ୍ତେଜନମ୍॥ 5-102-6 ଆକ୍ଷେପଂ ଶରଗୋଚରମ୍॥ 5-102-15 କାର୍ଯସ୍ଯ ଜଯଦ୍ରଥବଧରୂପସ୍ଯ॥ 5-102-19 କୃତ୍ଯରୂପମତ୍ଯନ୍ତକରଣୀଯମ୍॥ 5-102-29 ପଦଂ ପ୍ରତିପଦମ୍। ଗନ୍ତୁଂ ପଦବୀଂ କଲହସ୍ଯ ଚ ଇତି କ. ପାଠଃ॥ 5-102-39 ସ୍ବାମିସତ୍କାରୋ ବୀରପ୍ରଧାନୋଽଯମିତି ଯଦନ୍ଯୈଃ ସତ୍କରଣଂ ତେନ ଯୁକ୍ତାନି ଯୋଗ୍ଯତାଂ ଗତାନି॥ 5-102-102 ଦ୍ବ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 103
॥ ଶ୍ରୀଃ ॥
7.103. ଅଧ୍ଯାଯଃ 103
Mahabharata - Drona Parva - Chapter Topics
ଅର୍ଜୁନେନ ଦୁର୍ଯୋଧନପରାଜଯଃ॥ 1 ॥Mahabharata - Drona Parva - Chapter Text
7-103-0 (48778)
ସଞ୍ଜଯ ଉବାଚ। 7-103-0x (4527)
ଏବମୁକ୍ତ୍ବାଽର୍ଜୁନଂ ରାଜା ତ୍ରିଭିର୍ମର୍ମାତିଗୈଃ ଶରୈଃ।
ଅଭ୍ଯବିଧ୍ଯନ୍ମହାବେଗୈଶ୍ଚତୁର୍ଭିଶ୍ଚତୁରୋ ହଯାନ୍॥ 7-103-1 (48779)
ବାସୁଦେବଂ ଚ ଦଶଭିଃ ପ୍ରତ୍ଯବିଧ୍ଯତ୍ସ୍ତନାନ୍ତରେ।
ପ୍ରତୋଦଂ ଚାସ୍ଯ ଭଲ୍ଲେନ ଚ୍ଛିତ୍ତ୍ବା ଭୂମାବପାତଯତ୍॥ 7-103-2 (48780)
ତଂ ଚତୁର୍ଦଶଭିଃ ପାର୍ଥଶ୍ଚିତ୍ରପୁଙ୍ଖୈଃ ଶିଲାଶିତୈଃ।
ଅବିଧ୍ଯତ୍ତୂର୍ଣମବ୍ଯଗ୍ରସ୍ତେ ଚାଭ୍ରଶ୍ଯନ୍ତ ବର୍ମଣି॥ 7-103-3 (48781)
ତେଷାଂ ନୈଷ୍ଫଲ୍ଯମାଲୋକ୍ଯ ପୁନର୍ନବ ଚ ପଞ୍ଚ ଚ।
ପ୍ରାହିଣୋନ୍ନିଶିତାନ୍ବାଣାଂସ୍ତେ ଚାଭ୍ରଶ୍ଯନ୍ତ ବର୍ମଣଃ॥ 7-103-4 (48782)
ଅଷ୍ଟାବିଂଶାଂସ୍ତୁ ତାନ୍ବାଣାନସ୍ତାନ୍ବିପ୍ରେକ୍ଷ୍ଯ ନିଷ୍ଫଲାନ୍।
ଅବ୍ରବୀତ୍ପରବୀରଘ୍ନଃ କୃଷ୍ଣୋଽର୍ଜୁନମିଦଂ ବଚଃ॥ 7-103-5 (48783)
ଅଦୃଷ୍ଟପୂର୍ବଂ ପଶ୍ଯାମି ଶିଲାନାମିବ ସର୍ପଣମ୍।
ତ୍ବଯା ସମ୍ପ୍ରେଷିତାଃ ପାର୍ଥ ନାର୍ଥଂ କୁର୍ବନ୍ତି ପତ୍ରିଣଃ॥ 7-103-6 (48784)
କଚ୍ଚିଦ୍ଗାଣ୍ଡୀବଜଃ ପ୍ରାଣସ୍ତଥୈବ ଭରତର୍ଷଭ।
ମୁଷ୍ଟିଶ୍ଚ ତେ ଯଥା ପୂର୍ବଂ ଭୁଜଯୋଶ୍ଚ ବଲଂ ତବ॥ 7-103-7 (48785)
ନ ବା କଚ୍ଚିଦଯଂ କାଲଃ ପ୍ରାପ୍ତଃ ସ୍ଯାଦଦ୍ଯ ପଶ୍ଚିମଃ।
ତବ ଚୈବାସ୍ଯ ଶତ୍ରୋଶ୍ଚ ତନ୍ମମାଚକ୍ଷ୍ବ ପୃଚ୍ଛତଃ॥ 7-103-8 (48786)
ବିସ୍ମଯୋ ମେ ମହାନ୍ପାର୍ଥ ତବ ଦୃଷ୍ଟ୍ବା ଶରାନିମାନ୍।
ବ୍ଯର୍ଥାନ୍ନିପତିତାନ୍ସଙ୍ଖେ ଦୁର୍ଯୋଧନରଥଂ ପ୍ରତି॥ 7-103-9 (48787)
ବଜ୍ରାଶନିସମା ଘୋରାଃ ପରକାଯାବଭେଦିନଃ।
ଶରାଃ କୁର୍ବନ୍ତି ତେ ନାର୍ଥଂ ପାର୍ଥ କାଽଦ୍ଯ ବିଡମ୍ବନା॥ 7-103-10 (48788)
ଅର୍ଜୁନ ଉବାଚ। 7-103-11x (4528)
ଦ୍ରୋଣେନ ନିଯତଂ କୃଷ୍ଣ ଧାର୍ତରାଷ୍ଟ୍ରେ ନିଦର୍ଶିତମ୍।
ଅନ୍ତେ ବିହିତମସ୍ତ୍ରାଣାମେତତ୍କବଚଧାରଣମ୍॥ 7-103-11 (48789)
ଅସ୍ମିନ୍ନନ୍ତର୍ହିତଂ କୃଷ୍ଣ ତ୍ରୈଲୋକ୍ଯମପି ବର୍ମଣି।
ଏକୋ ଦ୍ରୋଣୋ ହି ବୈଦୈତଦହଂ ତସ୍ମାଚ୍ଚ ସତ୍ତମାତ୍॥ 7-103-12 (48790)
ନ ଶକ୍ଯମେତତ୍କବଚଂ ବାଣୈର୍ଭେତ୍ତୁଂ କଥଞ୍ଚନ।
ଅପି ବଜ୍ରେଣ ଗୋବିନ୍ଦ ସ୍ବଯଂ ମଘବତା ଯୁଧି॥ 7-103-13 (48791)
ଜାନଂସ୍ତ୍ବମପି ବୈ କୃଷ୍ଣ ମାଂ ବିମୋହଯସେ କଥମ୍।
ଯଦ୍ବୃତ୍ତଂ ତ୍ରିଷୁ ଲୋକେଷୁ ଯଚ୍ଚ କେଶବ ବର୍ତତେ॥ 7-103-14 (48792)
ଯଥା ଭବିଷ୍ଯଦ୍ଯଚ୍ଚୈବ ତତ୍ସର୍ବଂ ବିଦିତଂ ତବ।
ନ ତ୍ବିଦଂ ବେଦ ବୈ କଶ୍ଚିଦ୍ଯଥା ତ୍ବଂ ମଧୁସୂଦନ॥ 7-103-15 (48793)
ଏଷ ଦୁର୍ଯୋଧନଃ କୃଷ୍ଣ ଦ୍ରୋଣେନ ବିହିତାମିମାମ୍।
ତିଷ୍ଠତ୍ଯଭୀତବତ୍ସଙ୍ଖ୍ଯେ ବିଭ୍ରତ୍କବଚଧାରଣାମ୍॥ 7-103-16 (48794)
ଯତ୍ତ୍ବତ୍ର ବିହିତଂ କାର୍ଯଂ ନୈଷ ତଦ୍ବେତ୍ତି ମାଧବ।
ସ୍ତ୍ରୀବଦେଷ ବିଭର୍ତ୍ଯେତାଂ ଯୁକ୍ତାଂ କବଚଧାରଣାମ୍॥ 7-103-17 (48795)
ପଶ୍ଯ ବାହ୍ବୋଶ୍ଚ ମେ ବୀର୍ଯଂ ଧନୁଷଶ୍ଚ ଜନାର୍ଦନ।
ପରାଜଯିଷ୍ଯେ କୌରବ୍ଯଂ କବଚେନାପି ରକ୍ଷିତମ୍॥ 7-103-18 (48796)
ଇଦମଙ୍ଗିରସେ ପ୍ରାଦାଦ୍ଦେବେଶୋ ବର୍ମ ଭାସ୍ବରମ୍।
ତସ୍ମାଦ୍ବୃହସ୍ପତିଃ ପ୍ରାପ ତତଃ ପ୍ରାପ ପୁରନ୍ଦରଃ॥ 7-103-19 (48797)
ପୁନର୍ଦଦୌ ସୁରପତିର୍ମହ୍ଯଂ ବର୍ମ ସସଙ୍ଗ୍ରହମ୍।
ଦୈବଂ ଯଦ୍ଯସ୍ଯ ବର୍ମୈତଦ୍ବ୍ରହ୍ମଣା ବା ସ୍ବଯଂ କୃତମ୍।
ନୈନଂ ଗୋପ୍ସ୍ଯତି ଦୁର୍ବୁଦ୍ଧିମଦ୍ଯ ବାଣହତଂ ମଯା॥ 7-103-20 (48798)
ସଞ୍ଜଯ ଉବାଚ। 7-103-21x (4529)
ଏବମୁକ୍ତ୍ବାଽର୍ଜୁନୋ ବାଣାନଭିମନ୍ତ୍ର୍ଯ ବ୍ଯକର୍ଷଯତ୍।
ମାନବାସ୍ତ୍ରେଣ ମାନାର୍ହସ୍ତୀକ୍ଷ୍ଣାବରଣଭେଦିନା॥ 7-103-21 (48799)
ବିକୃଷ୍ଯମାଣାଂସ୍ତେନୈବ ଧନୁର୍ମଧ୍ଯଗତାଞ୍ଛରାନ୍।
ତାନସ୍ଯାସ୍ତ୍ରେଣ ଚିଚ୍ଛେଦ ଦ୍ରୌଣିଃ ସର୍ବାସ୍ତ୍ରଘାତିନା॥ 7-103-22 (48800)
ତାନ୍ନିକୃତ୍ତାନିଷୂନ୍ଦୃଷ୍ଟ୍ବା ଦୂରତୋ ବ୍ରହ୍ମବାଦିନା।
ନ୍ଯବେଦଯତ୍କେଶବାଯ ବିସ୍ମିତଃ ଶ୍ବେତବାହନଃ॥ 7-103-23 (48801)
ନୈତଦସ୍ତ୍ରଂ ମଯା ଶକ୍ଯଂ ଦ୍ବିଃ ପ୍ରଯୋକ୍ତୁଂ ଜନାର୍ଦନ।
ଅସ୍ତ୍ରଂ ମାମେବ ହନ୍ଯାଦ୍ଧି ହନ୍ଯାଚ୍ଚାପି ବଲଂ ମମ॥ 7-103-24 (48802)
ତତୋ ଦୁର୍ଯୋଧନଃ କୃଷ୍ଣୌ ନବଭିର୍ନବଭିଃ ଶରୈଃ।
ଅବିଧ୍ଯତ ରଣେ ରାଜଞ୍ଶରୈରାଶୀବିଷୋପମୈଃ॥ 7-103-25 (48803)
ଭୂଯ ଏବାଭ୍ଯବର୍ଷଚ୍ଚ ସମରେ କୃଷ୍ଣପାଣ୍ଡବୌ।
ଶରବର୍ଷେଣ ମହତା ତତୋଽହୃଷ୍ଯନ୍ତ ତାବକାଃ।
ଚକ୍ରୁର୍ବାଦିତ୍ରନିନଦାନ୍ସିଂହନାଦରବାଂସ୍ତଥା॥ 7-103-26 (48804)
ତତଃ କ୍ରୁଦ୍ଧୋ ରଣେ ପାର୍ଥଃ ସୃକ୍ବିଣୀ ପରିସଂଲିହନ୍।
ନାପଶ୍ଯଚ୍ଚ ତତୋଽସ୍ଯାଙ୍ଗଂ ଯନ୍ନ ସ୍ଯାଦ୍ବର୍ମରକ୍ଷିତମ୍॥ 7-103-27 (48805)
ତତୋଽସ୍ଯ ନିଶିତୈର୍ବାଣୈଃ ସୁମୁକ୍ତୈରନ୍ତକୋପମୈଃ।
ହଯାଂଶ୍ଚକାର ନିର୍ଦେହାନୁଭୌ ଚ ପାର୍ଷ୍ଣିସାରଥୀ॥ 7-103-28 (48806)
ଧନୁରସ୍ଯାଚ୍ଛିନତ୍ତୂର୍ଣଂ ହସ୍ତାବାପଂ ଚ ବୀର୍ଯବାନ୍।
ରଥଂ ଚ ଶକଲୀକର୍ତୁଂ ସବ୍ଯସାଚୀ ପ୍ରଚକ୍ରମେ॥ 7-103-29 (48807)
ଦୁର୍ଯୋଧନଂ ଚ ବାଣାଭ୍ଯାଂ ତୀକ୍ଷ୍ଣାଭ୍ଯାଂ ବିରଥୀକୃତମ୍।
ଆବିଦ୍ଧ୍ଯଦ୍ଧସ୍ତତଲଯୋରୁଭଯୋରର୍ଜୁନସ୍ତଦା॥ 7-103-30 (48808)
[ପ୍ରଯତ୍ନଜ୍ଞୋ ହି କୌନ୍ତଯୋ ନଖମାଂସାନ୍ତରେଷୁଭିଃ।
ସ ବେଦନାଭିରାବିଗ୍ନଃ ପଲାଯନପରାଯଣଃ॥] 7-103-31 (48809)
ତଂ କୃଚ୍ଛ୍ରାମାପଦଂ ପ୍ରାପ୍ତଂ ଦୃଷ୍ଟ୍ବା ପରମଧନ୍ବିନଃ।
ସମାପେତୁଃ ପରୀପ୍ସନ୍ତୋ ଧନଞ୍ଜଯଶରାର୍ଦିତମ୍॥ 7-103-32 (48810)
ତଂ ରଥୈର୍ବହୁସାହସ୍ରୈଃ କଲ୍ପିତୈଃ କୁଞ୍ଜରୈର୍ହଯୈଃ।
ପଦାତ୍ଯୋଘୈଶ୍ଚ ସଂରବ୍ଧୈଃ ପରିବବ୍ରୁର୍ଧନଞ୍ଜଯମ୍॥ 7-103-33 (48811)
ଅଥ ନାର୍ଜୁନଗୋବିନ୍ଦୌ ନ ରଥୋ ବା ବ୍ଯଦୃଶ୍ଯତ।
ଅସ୍ତ୍ରବର୍ଷେଣ ମହତା ଶରୌଘୈଶ୍ଚାପି ସଂବୃତୌ॥ 7-103-34 (48812)
ତତୋଽର୍ଜୁନୋଽସ୍ତ୍ରବୀର୍ଯେଣ ନିଜଘ୍ନେ ତାଂ ବରୂଥିନୀମ୍।
ତତ୍ର ବ୍ଯଙ୍ଗୀ କୃତାଃ ପେତୁଃ ଶତଶୋଽଥ ରଥଦ୍ବିପାଃ॥ 7-103-35 (48813)
ତେ ହତା ହନ୍ଯମାନାଶ୍ଚ ନ୍ଯଗୃହ୍ଣଂସ୍ତଂ ରଥୋତ୍ତମମ୍।
ସ ରଥଃ ସ୍ତମ୍ଭିତସ୍ତସ୍ଥୌ କ୍ରୋଶମାତ୍ରେ ସମନ୍ତତଃ॥ 7-103-36 (48814)
ତତୋଽର୍ଜୁନଂ ବୃଷ୍ଣିବୀରସ୍ତ୍ବରିତୋ ବାକ୍ଯମବ୍ରବୀତ୍।
ଧନୁର୍ବିଷ୍ଫାରଯାତ୍ଯର୍ଥମହଂ ଧ୍ମାସ୍ଯାମି ଚାମ୍ବୁଜମ୍॥ 7-103-37 (48815)
ତତୋ ବିଷ୍ଫାର୍ଯ ବଲବଦ୍ଗାଣ୍ଡୀବଂ ଜଘ୍ନିବାନ୍ରିପୂନ୍।
ମହତା ଶରବର୍ଷେଣ ତଲଶବ୍ଦେନ ଚାର୍ଜୁନଃ॥ 7-103-38 (48816)
ପାଞ୍ଚଜନ୍ଯଂ ଚ ବଲବାନ୍ଦଧ୍ମୌ ତାରେଣ କେଶବଃ।
ରଜସା ଧ୍ବସ୍ତପକ୍ଷ୍ମାନ୍ତଃ ପ୍ରସ୍ବିନ୍ନବଦନୋ ଭୃଶମ୍॥ 7-103-39 (48817)
`ତେନାଚ୍ଯୁତୋଷ୍ଠପୁଟପୂରିତମାରୁତେନ
ଶଙ୍ଖାନ୍ତରୋଦରବିବୃଦ୍ଧବିନିଃସୃତେନ।
ନାଦେନ ସାସୁରବିଯତ୍ସୁରଲୋକପାଲ--
ମୁଦ୍ବିଗ୍ନମୀଶ୍ବର ଜଗତ୍ସ୍ଫୁଟତୀବ ସର୍ବମ୍'॥ 7-103-40 (48818)
ତସ୍ଯ ଶଙ୍ଖସ୍ଯ ନାଦେନ ଧନୁଷୋ ନିଃସ୍ବନେନ ଚ।
ନିଃସତ୍ବାଶ୍ଚ ସସତ୍ବାଶ୍ଚ କ୍ଷିତୌ ପେତୁସ୍ତଦା ଜନାଃ॥ 7-103-41 (48819)
ତୈର୍ବିମୁକ୍ତୋ ରଥୋ ରେଜେ ବାଯ୍ବୀରିତ ଇବାମ୍ବୁଦଃ।
ଜଯଦ୍ରଥସ୍ଯ ଗୋପ୍ତାରସ୍ତତଃ କ୍ଷୁବ୍ଧାଃ ସହାନୁଗାଃ॥ 7-103-42 (48820)
ତେ ଦୃଷ୍ଟ୍ବା ସହସା ପାର୍ଥଂ ଗୋପ୍ତାରଃ ସୈନ୍ଧବସ୍ଯ ତୁ।
ଚକ୍ରୁର୍ନାଦାନ୍ମହେଷ୍ବାସାଃ କମ୍ପଯନ୍ତୋ ବସୁନ୍ଧରାମ୍॥ 7-103-43 (48821)
ବାଣଶବ୍ଦରବାଂଶ୍ଚୋଗ୍ରାନ୍ବିମିଶ୍ରାଞ୍ଶଙ୍ଖନିଃସ୍ବନୈଃ।
ପ୍ରାଦୁଶ୍ଚକ୍ରୁର୍ମହାତ୍ମାନଃ ସିଂହନାଦରବାନପି॥ 7-103-44 (48822)
ତଂ ଶ୍ରୁତ୍ବା ନିନଦଂ ଘୋରଂ ତାବକାନାଂ ସମୁତ୍ଥିତମ୍।
ପ୍ରଦଧ୍ମତୁଃ ଶଙ୍ଖବରୌ ବାସୁଦେବଧନଞ୍ଜଯୌ॥ 7-103-45 (48823)
ତେନ ଶବ୍ଦେନ ମହତା ପୂରିତେଯଂ ବସୁନ୍ଧରା।
ସଶୈଲା ସାର୍ଣବଦ୍ବୀପା ସପାତାଲା ବିଶାମ୍ପତେ॥ 7-103-46 (48824)
ସ ଶବ୍ଦୋ ଭରତଶ୍ରେଷ୍ଠ ବ୍ଯାପ୍ଯ ସର୍ବା ଦିଶୋ ଦଶ।
ପ୍ରତିସସ୍ବାନ ତତ୍ରୈବ କୁରୁପାଣ୍ଡବଯୋର୍ବଲେ॥ 7-103-47 (48825)
ତାବକା ରଥିନସ୍ତତ୍ର ଦୃଷ୍ଟ୍ବା କୃଷ୍ଣଧନଞ୍ଜଯୌ।
ସମ୍ଭ୍ରମଂ ପରମଂ ପ୍ରାପ୍ତାସ୍ତ୍ବରମାଣା ମହାରଥାଃ॥ 7-103-48 (48826)
ଅଥ କୃଷ୍ଣୌ ମହାଭାଗୌ ତାବକା ବୀକ୍ଷ୍ଯ ଦଂଶିତୌ।
ଅଭ୍ଯଦ୍ରବନ୍ତ ସଙ୍କ୍ରୁଦ୍ଧାସ୍ତଦଦ୍ଭୁତମିବାଭବତ୍॥ ॥ 7-103-49 (48827)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ତ୍ର୍ଯଧିକଶତତମୋଽଧ୍ଯାଯଃ॥ 103 ॥
Mahabharata - Drona Parva - Chapter Footnotes
5-103-7 ଗାଣ୍ଡୀବତୋ ବାଣାଃ ଇତି ଡ.ପାଠଃ। ଗଣ୍ଡୀବତଃ ପ୍ରାଣା ଇତି କ.ଟ.ପାଠଃ॥ 5-103-17 ଯୁକ୍ତାଂ ଅନ୍ଯପ୍ରଯୁକ୍ତାମ୍॥ 5-103-20 ସସଙ୍ଗ୍ରହଂ ସୋପଦେଶମ୍। ଦୈବଂ ଦୈବଃ କୃତମ୍॥ 5-103-28 ନିର୍ଦେହାନ୍ ନିକୃତ୍ତାବଯବାନ୍॥ 5-103-31 ନଖମାଂସାନ୍ତରେ ଇଷୁଭିରାବିଦ୍ଧ୍ଯଦିତି ପୂର୍ବେଣାନ୍ବଯଃ। ସନ୍ଧିରାର୍ଷଃ। ଅଯଂ ଶ୍ଲୋକଃ ଝ.ପାଠ ଏବାସ୍ତି॥ 5-103-36 କ୍ରୋଶମାତ୍ରେ ସୈଂଧବତୋର୍ଥାତ୍॥ 5-103-103 ତ୍ର୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 104
॥ ଶ୍ରୀଃ ॥
7.104. ଅଧ୍ଯାଯଃ 104
Mahabharata - Drona Parva - Chapter Topics
ଅର୍ଜୁନସ୍ଯ ଭୂରିଶ୍ରବଃପ୍ରଭୃତିଭିରଷ୍ଟଭିର୍ଯୁଦ୍ଧମ୍॥ 1 ॥Mahabharata - Drona Parva - Chapter Text
7-104-0 (48828)
ସଞ୍ଜଯ ଉବାଚ। 7-104-0x (4530)
ତାବକାସ୍ତ୍ବଭିସମ୍ପ୍ରେକ୍ଷ୍ଯ ବୃଷ୍ଣ୍ଯନ୍ଧକରୂଦ୍ବହୌ।
ସତ୍ବରାସ୍ତୌ ଜିଘାଂସନ୍ତସ୍ତଥୈବ ବିଜଯଃ ପରାନ୍॥ 7-104-1 (48829)
ସୁବର୍ଣଚିତ୍ରୈର୍ବୈଯାଘ୍ରୈଃ ସ୍ବନବଦ୍ଭିର୍ମହାରଥୈଃ।
ଦୀପଯନ୍ତୋ ଦିଶଃ ସର୍ବା ଜ୍ବଲଦ୍ଭିରିବ ପାବକୈଃ॥ 7-104-2 (48830)
ରୁକ୍ମପୁଙ୍ଖୈଶ୍ଚ ଦୁଷ୍ପ୍ରେକ୍ଷ୍ଯୈଃ କାର୍ମୁକୈଃ ପୃଥିବୀପତେ।
କୂଜଦ୍ଭିରତୁଲାନ୍ନାଦନ୍ରୋଷିତୈରୁରଗୈରିବ॥ 7-104-3 (48831)
ଭୂରିଶ୍ରବାଃ ଶଲଃ କର୍ଣୋ ବୃଷସେନୋ ଜଯଦ୍ରଥଃ।
କୃପଶ୍ଚ ମଦ୍ରରାଜଶ୍ଚ ଦ୍ରୋଣିଶ୍ଚ ରଥିନାଂ ବରଃ॥ 7-104-4 (48832)
ତେ ପିବନ୍ତ ଇବାକାଶମଶ୍ବୈରଷ୍ଟୌ ମହାରଥାଃ।
ବ୍ଯରାଜଯନ୍ଦଶ ଦିଶୋ ବୈଯାର୍ଘ୍ରୈର୍ହେମଚନ୍ଦ୍ରକୈଃ॥ 7-104-5 (48833)
ତେ ଦଂଶିତାଃ ସୁସଂରବ୍ଧା ରଥୈର୍ମେଘୌଘନିଃସ୍ବନୈଃ।
ସମାବୃଣ୍ବନ୍ଦଶ ଦିଶଃ ପାର୍ଥସ୍ଯ ନିଶିତୈଃ ଶରୈଃ॥ 7-104-6 (48834)
କୌଲୂତକା ହଯାଶ୍ଚିତ୍ରା ବହନ୍ତସ୍ତାନ୍ମହାରଥାନ୍।
ବ୍ଯଶୋଭନ୍ତ ତଦା ଶୀଘ୍ରା ଦୀପଯନ୍ତୋ ଦିଶୋ ଦଶ॥ 7-104-7 (48835)
ଆଜାନେଯୈର୍ମହାବେଗୈର୍ନାନାଦେଶସମୁତ୍ଥିତୈଃ।
ପାର୍ବତୀଯୈର୍ନଦୀଜୈଶ୍ଚ ସୈନ୍ଧବୈଶ୍ଚ ହଯୋତ୍ତମୈଃ॥ 7-104-8 (48836)
କୁରୁଯୋଧବରା ରାଜଂସ୍ତବ ପୁତ୍ରଂ ପରୀପ୍ସବଃ।
ଧନଞ୍ଜଯରଥଂ ଶୀଘ୍ରଂ ସର୍ବତଃ ସମୁପାଦ୍ରବନ୍॥ 7-104-9 (48837)
ତେ ପ୍ରଗୃହ୍ଯ ମହାଶଙ୍ଖାନ୍ଦଧ୍ମୁଃ ପୁରୁଷସତ୍ତମାଃ।
ପୂରଯନ୍ତୋ ଦିବଂ ରାଜନ୍ପୃଥିବୀଂ ଚ ସସାଗରାମ୍॥ 7-104-10 (48838)
ତଥୈବ ଦଧ୍ମତୁଃ ଶଙ୍ଖୌ ବାସୁଦେବଧନଞ୍ଜଯୌ।
ପ୍ରବରୌ ସର୍ବଦେବାନାଂ ସର୍ବଶଙ୍ଖବରୌ ଭୁବି॥ 7-104-11 (48839)
ଦେବଦତ୍ତଂ ଚ କୌନ୍ତେଯଃ ପାଞ୍ଚଜନ୍ଯଂ ଚ କେଶବଃ।
ଶବ୍ଦସ୍ତୁ ଦେବଦତ୍ତସ୍ଯ ଧନଞ୍ଜଯସମୀରିତଃ॥ 7-104-12 (48840)
ପୃଥିବୀଂ ଚାନ୍ତରିକ୍ଷଂ ଚ ଦିଶଶ୍ଚୈବ ସମାବୃଣୋତ୍।
ତଥୈବ ପାଞ୍ଚଜନ୍ଯୋଽପି ବାସୁଦେବସମୀରିତଃ॥ 7-104-13 (48841)
ସର୍ବଶବ୍ଦାନତିକ୍ରମ୍ଯ ପୂରଯାମାସ ରୋଦସୀ।
ତସ୍ମିଂସ୍ତଥା ବର୍ତମାନେ ଦାରୁଣେ ନାଦସଙ୍କୁଲେ॥ 7-104-14 (48842)
ଭୀରୂଣାଂ ତ୍ରାସଜନନେ ଶୂରାଣାଂ ହର୍ଷବର୍ଧନେ।
ପ୍ରବାଦିତାସୁ ଭେରୀଷୁ ଝର୍ଝରେଷ୍ବାନକେଷୁ ଚ॥ 7-104-15 (48843)
ମୃଦଙ୍ଗେଷ୍ବପି ରାଜେନ୍ଦ୍ର ବାଦ୍ଯମାନେଷ୍ବେନକଶଃ।
ମହାରଥସମାଖ୍ଯାତା ଦୁର୍ଯୋଧନହିତୈଷିଣଃ॥ 7-104-16 (48844)
ଅମୃଷ୍ଯମାଣାସ୍ତଂ ଶବ୍ଦଂ କ୍ରୁଦ୍ଧାଃ ପରମଧନ୍ବିନଃ।
କର୍ଣାଦଯୋ ମହେଷ୍ବାସାସ୍ତ୍ବତ୍ସୈନ୍ଯପରିରକ୍ଷିଣଃ॥ 7-104-17 (48845)
ଅମର୍ଷିତା ମହାଶଙ୍ଖାନ୍ଦଧ୍ମୁର୍ବୀରା ମହାରଥାଃ।
କୃତେ ପ୍ରତିକରିଷ୍ଯନ୍ତଃ କେଶବସ୍ଯାର୍ଜୁନସ୍ଯ ଚ॥ 7-104-18 (48846)
ବଭୂବ ତବ ତତ୍ସୈନ୍ଯଂ ଶଙ୍ଖଶବ୍ଦେ ସମୀରିତେ।
ଉଦ୍ବିଗ୍ନରଥନାଗାଶ୍ବମସ୍ବସ୍ଥମିବ ଚାଭିଭୋଂ॥ 7-104-19 (48847)
ତତ୍ପ୍ରହୃଷ୍ଟଜନାବାଧଂ ଭେରୀଶଙ୍ଖନିନାଦିତମ୍।
ବଭୂବ ଭୃଶମୁଦ୍ବିଗ୍ନଂ ନିର୍ଘାତୈରିବ ସଂବୃତମ୍॥ 7-104-20 (48848)
ସ ଶବ୍ଦଃ ସୁମହାନ୍ରାଜନ୍ଦିଶଃ ସର୍ବା ବ୍ଯନାଦଯତ୍।
ତ୍ରାସଯାମାସ ତତ୍ସୈନ୍ଯଂ ଯୁଗାନ୍ତ ଇବ ସମ୍ଭୃତଃ॥ 7-104-21 (48849)
ତତୋ ଦୁର୍ଯୋଧନୋଽଷ୍ଟୌ ଚ ରାଜାନସ୍ତେ ମହାରଥାଃ।
ଜଯଦ୍ରଥସ୍ଯ ରକ୍ଷାର୍ଥଂ ପାଣ୍ଡବଂ ପର୍ଯବାରଯନ୍॥ 7-104-22 (48850)
ତତୋ ଦ୍ରୌଣିସ୍ତ୍ରିସପ୍ତତ୍ଯା ବାସୁଦେବମତାଡଯତ୍।
ଅର୍ଜୁନଂ ଚ ତ୍ରିଭିର୍ଭଲ୍ଲୈର୍ଧ୍ବଜମଶ୍ବାଂଶ୍ଚ ପଞ୍ଚଭିଃ॥ 7-104-23 (48851)
ତମର୍ଜୁନଃ ପୃଷତ୍କାନାଂ ଶତୈଃ ଷଙ୍ଭିରତାଡଯତ୍।
ଅତ୍ଯର୍ଥମିବ ସଙ୍କ୍ରୁଦ୍ଧଃ ପ୍ରତିବିଦ୍ଧେ ଜନାର୍ଦନେ॥ 7-104-24 (48852)
କର୍ଣଂ ଚ ଦଶଭିର୍ବିଦ୍ଧ୍ବା ବୃଷସେନଂ ତ୍ରିଭିସ୍ତଥା।
ଶଲ୍ଯସ୍ଯ ସଶରଂ ଚାପଂ ମୁଷ୍ଟୌ ଚିଚ୍ଛେଦ ବୀର୍ଯବାନ୍॥ 7-104-25 (48853)
ଗୃହୀତ୍ବା ଧନୁରନ୍ଯତ୍ତୁ ଶଲ୍ଯୋ ବିବ୍ଯାଧ ପାଣ୍ଡବମ୍।
ଭୂରିଶ୍ରବାସ୍ତ୍ରିଭିର୍ବାଣୈର୍ହେମପୁଙ୍ଖୈଃ ଶିଲାଶିତୈଃ॥ 7-104-26 (48854)
କର୍ଣୋ ଦ୍ବାତ୍ରିଂଶତା ଚୈବ ବୃଷସେନଶ୍ଚ ସପ୍ତଭିଃ।
ଜଯଦ୍ରଥସ୍ତ୍ରିସପ୍ତତ୍ଯା କୃପଶ୍ଚ ଦଶଭିଃ ଶରୈଃ।
ମଦ୍ରାଜଶ୍ଚ ଦଶଭିର୍ବିବ୍ଯଧୁଃ ଫଲ୍ଗୁନଂ ରଣେ॥ 7-104-27 (48855)
ତତଃ ଶରାଣାଂ ଷଷ୍ଟ୍ଯା ତୁ ଦ୍ରୌଣିଃ ପାର୍ଥମବାକିରତ୍।
ବାସୁଦେବଂ ଚ ବିଂଶତ୍ଯା ପୁନଃ ପାର୍ଥଂ ଚ ପଞ୍ଚଭିଃ॥ 7-104-28 (48856)
ପ୍ରହସଂସ୍ତୁ ନରବ୍ଯାଘ୍ରଃ ଶ୍ବେତାଶ୍ବଃ କୃଷ୍ଣସାରଥିଃ।
ପ୍ରତ୍ଯବିଧ୍ଯତ୍ସ ତାନ୍ସର୍ବାନ୍ଦର୍ଶଯନ୍ପାଣିଲାଘବମ୍॥ 7-104-29 (48857)
କର୍ଣଂ ଦ୍ବାଦଶଭିର୍ବିଦ୍ବ୍ବା ବୃଷସେନଂ ତ୍ରିଭିଃ ଶରୈଃ।
ଶଲ୍ଯସ୍ଯ ସଶରଂ ଚାପଂ ମୁଷ୍ଟିଦେଶେ ବ୍ଯକୃନ୍ତତ॥ 7-104-30 (48858)
ସୌମଦତ୍ତିଂ ତ୍ରିଭିର୍ବିଦ୍ବ୍ବା ଶଲ୍ଯଂ ଚ ଦଶଭିଃ ଶରୈଃ।
ଶିତୈରଗ୍ନିଶିଖାକାରୈର୍ଦ୍ରୌଣିଂ ବିବ୍ଯାଧ ଚାଷ୍ଟଭିଃ॥ 7-104-31 (48859)
ଗୌତମଂ ପଞ୍ଚବିଂଶତ୍ଯା ସୈନ୍ଧବଂ ଚ ଶତେନ ହ।
ପୁନର୍ଦ୍ରୌଣିଂ ଚ ସପ୍ତତ୍ଯା ଶରାଣାଂ ସୋଽଭ୍ଯତାଡଯତ୍॥ 7-104-32 (48860)
ଭୂରିଶ୍ରବାସ୍ତୁ ସଙ୍କ୍ରୁଦ୍ଧଃ ପ୍ରତୋଦଂ ଚିଚ୍ଛିଦେ ହରେଃ।
ଅର୍ଜୁନଂ ଚ ତ୍ରିସପ୍ତତ୍ଯା ବାଣାନାମାଜଘାନ ହ॥ 7-104-33 (48861)
ତତଃ ଶରଶତୈସ୍ତୀକ୍ଷ୍ଣୈସ୍ତାନରୀନ୍ଶ୍ବେତବାହନଃ।
ପ୍ରତ୍ଯଷେଧଦ୍ଦ୍ରୁତଂ କ୍ରୁଦ୍ଧୋ ମହାବାତୋ ଘନାନିବ॥ ॥ 7-104-34 (48862)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଚତୁରଧିକଶତତମୋଽଧ୍ଯାଯଃ॥ 104 ॥
Mahabharata - Drona Parva - Chapter Footnotes
5-104-2 ବୈଯାଘ୍ରୈର୍ବ୍ଯାଘ୍ରଚର୍ମଚିତ୍ରୈଃ॥ 5-104-7 କୌଲତକାଃ କୁଲୂତଦେଶଜାଃ ପାର୍ବତୀଯସମାନଲକ୍ଷଣାଃ॥ 5-104-8 ଆଜାନେଯୈଃ କୁଲୀନୈଃ। ନଦୀଜୈର୍ନଦୀତୀରଜୈଃ॥ 5-104-104 ଚତୁରଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 105
॥ ଶ୍ରୀଃ ॥
7.105. ଅଧ୍ଯାଯଃ 105
Mahabharata - Drona Parva - Chapter Topics
ସଞ୍ଜଯେନ ରଥାନାଂ ଧ୍ବଜବର୍ଣନମ୍॥ 1 ॥Mahabharata - Drona Parva - Chapter Text
7-105-0 (48863)
ଧୃତରାଷ୍ଟ୍ର ଉବାଚ। 7-105-0x (4531)
ଧ୍ବଜାନ୍ବହୁବିଧାକାରାନ୍ଭ୍ରାଜମାନାନତିଶ୍ରିଯା।
ପାର୍ଥାନାଂ ମାମକାନାଂ ଚ ତାନ୍ମମାଚକ୍ଷ୍ବ ସଞ୍ଜଯ॥ 7-105-1 (48864)
ସଞ୍ଜଯ ଉବାଚ। 7-105-2x (4532)
ଧ୍ବଜାନ୍ବହୁବିଧାକାରାଞ୍ଶୃଣୁ ତେଷାଂ ମହାତ୍ମନାମ୍।
ରୂପତୋ ବର୍ଣତଶ୍ଚୈବ ନାମତଶ୍ଚ ନିବୋଧ ମେ॥ 7-105-2 (48865)
ତେଷାଂ ତୁ ରଥମୁଖ୍ଯାନାଂ ରଥେଷୁ ବିବିଧା ଧ୍ବଜାଃ।
ପ୍ରତ୍ଯଦୃଶ୍ଯନ୍ତ ରାଜେନ୍ଦ୍ର ଜ୍ବଲିତା ଇବ ପାବକାଃ॥ 7-105-3 (48866)
କାଞ୍ଚନାଃ କାଞ୍ଚନାପୀଡାଃ କାଞ୍ଚନସ୍ରଗଲଙ୍କୃତାଃ।
କାଞ୍ଚନାନୀବ ଶୃଙ୍ଗାଣି କାଞ୍ଚନସ୍ଯ ମହାଗିରେଃ॥ 7-105-4 (48867)
ଅନେକବର୍ଣା ବିବିଧା ଧ୍ବଜାଃ ପରମଶୋଭନାଃ।
ତେ ଧ୍ବଜାଃ ସଂବୃତାସ୍ତେଷାଂ ପତାକାଭିଃ ସମନ୍ତତଃ।
ନାନାବର୍ଣବିରାଣାଭିଃ ଶୁଶୁଭୁଃ ସର୍ବତୋ ବୃତାଃ॥ 7-105-5 (48868)
ପତାକାଶ୍ଚ ତତସ୍ତାସ୍ତୁ ଶ୍ବସନେନ ସମୀରିତାଃ।
ନୃତ୍ଯମାନା ବ୍ଯଦୃଶ୍ଯନ୍ତ ରଙ୍ଗମଧ୍ଯେ ବିଲାସିକାଃ॥ 7-105-6 (48869)
ଇନ୍ଦ୍ରାଯୁଧସବର୍ଣାଭାଃ ପତାକା ଭରତର୍ଷଭ।
ଦୋଧୂଯମାନା ରଥିନାଂ ଶୋଭଯନ୍ତି ମହାରଥାନ୍॥ 7-105-7 (48870)
ସିଂହଲାଙ୍ଗୂଲ ଉଗ୍ରାସ୍ଯୋ ଧ୍ବଜୋ ବାନରଲକ୍ଷଣଃ।
ଧନଞ୍ଜଯସ୍ଯ ସଙ୍ଗ୍ରାମେ ପ୍ରତ୍ଯଦୃଶ୍ଯତ ଭାରତ॥ 7-105-8 (48871)
ସ ବାନରଧ୍ବଜୋ ରାଜନ୍ପତାକାଭିରଲଙ୍କୃତଃ।
ତ୍ରାସଯାମାସ ତତ୍ସୈନ୍ଯଂ ଧ୍ବଜୋ ଗାଣ୍ଡୀବଧନ୍ବନଃ॥ 7-105-9 (48872)
ତଥୈବ ସିଂହଲାଙ୍ଗୂଲଂ ଦ୍ରୋଣପୁତ୍ରସ୍ଯ ଭାରତ।
ଧ୍ବଜାଘ୍ରଂ ସମପଶ୍ଯାମ ବାଲସୂର୍ଯସମପ୍ରଭମ୍॥ 7-105-10 (48873)
କାଞ୍ଚନଂ ପବନୋଦ୍ଧୂତଂ ଶକ୍ରଧ୍ବଜସମପ୍ରଭମ୍।
ନନ୍ଦନଂ କୌରବେନ୍ଦ୍ରାଣାଂ ଦ୍ରୌଣେର୍ଲକ୍ଷ୍ମ ସମୁଚ୍ଛ୍ରିତମ୍॥ 7-105-11 (48874)
ହସ୍ତିକକ୍ଷ୍ଯା ପୁନର୍ହୈମୀ ବଭୂବାଧିରଥେର୍ଧ୍ବଜଃ।
ଆହବେ ଖଂ ମହାରାଜ ଦଦୃଶେ ପୂରଯନ୍ନିବ॥ 7-105-12 (48875)
ପତାକୀ କାଞ୍ଚନଃ ସ୍ରଗ୍ବୀ ଧ୍ବଜଃ କର୍ଣସ୍ଯ ସଂଯୁଗେ।
ନୃତ୍ଯତୀବ ରଥୋପସ୍ଥେ ଶ୍ବସନେନ ସମୀରିତଃ॥ 7-105-13 (48876)
ଆଚାର୍ଯସ୍ଯ ତୁ ପାଣ୍ଡୂନାଂ ବ୍ରାହ୍ମଣସ୍ଯ ତପସ୍ବିନଃ।
ଗୋବୃଷୋ ଗୌତମସ୍ଯାସୀତ୍କୃପସ୍ଯ ସୁପରିଷ୍କୃତଃ॥ 7-105-14 (48877)
ସ ତେନ ଭ୍ରାଜତେ ରାଜନ୍ଗୋବୃଷେଣ ମହାରଥଃ।
ତ୍ରିପୁରଘ୍ନରଥୋ ଯଦ୍ବଦ୍ଗୋବୃଷେଣ ବିରାଜତା॥ 7-105-15 (48878)
ମଯୂରୋ ବୃଷସେନସ୍ଯ କାଞ୍ଚନୋ ମଣିରତ୍ନବାନ୍।
ବ୍ଯାହରିଷ୍ଯନ୍ନିବାତିଷ୍ଠତ୍ସେନାଗ୍ରମୁପଶୋଭଯନ୍॥ 7-105-16 (48879)
ତେନ ତସ୍ଯ ରଥୋ ଭାତି ମଯୂରେଣ ମହାତ୍ମନଃ।
ଯଥା ସ୍କନ୍ଦସ୍ଯ ରାଜେନ୍ଦ୍ର ମଯୂରେଣ ବିରାଜତା॥ 7-105-17 (48880)
ମଦ୍ରରାଜସ୍ଯ ଶଲ୍ଯସ୍ଯ ଧ୍ବଜାଗ୍ରେଽଗ୍ନିଶିଖାମିବ।
ସୌବର୍ଣୀଂ ପ୍ରତିପଶ୍ଯାମ ସୀତାମପ୍ରତିମାଂ ଶୁଭାମ୍॥ 7-105-18 (48881)
ସା ସୀତା ଭ୍ରାଜତେ ତସ୍ଯ ରଥମାସ୍ଥାଯ ମାରିଷ।
ସର୍ବବୀଜବିରୂଢେବ ଯଥା ସୀତା ଶ୍ରିଯା ବୃତା॥ 7-105-19 (48882)
ବରାହଃ ସିନ୍ଧୁରାଜସ୍ଯ ରାଜତୋଽଭିବିରାଜତେ।
ଧ୍ବଜାଗ୍ରେ ଲୋହିତାଙ୍ଗାଭୋ ହେମଜାଲପରିଷ୍କୃତଃ॥ 7-105-20 (48883)
ଶୁଶୁଭେ କେତୁନା ତେନ ରାଜତେନ ଜଯଦ୍ରଥଃ।
ଯଥା ଦେବାସୁରେ ଯୁଦ୍ଧେ ପୁରା ପୂଷା ସ୍ମ ଶୋଭତେ॥ 7-105-21 (48884)
ସୌମଦତ୍ତେଃ ପୁନର୍ଯୂପୋ ଯଜ୍ଞଶୀଲସ୍ଯ ଧୀମତଃ।
ଧ୍ବଜଃ ସୂର୍ଯ ଇବାଭାତି ସୋମଶ୍ଚାତ୍ର ପ୍ରଦୃଶ୍ଯତେ॥ 7-105-22 (48885)
ସ ଯୂପଃ କାଞ୍ଚନୋ ରାଜନ୍ସୌମଦତ୍ତେର୍ବିରାଜତେ।
ରାଜସୂଯେ ମଖଶ୍ରେଷ୍ଠେ ଯଥା ଯୂପଃ ସମୁଚ୍ଛ୍ରିତଃ॥ 7-105-23 (48886)
ଶଲସ୍ଯ ତୁ ମହାରାଜ ରାଜତୋ ଦ୍ବିରଦୋ ମହାନ୍।
କେତୁଃ କାଞ୍ଚନଚିତ୍ରାଙ୍ଗୈର୍ମଯୂରୈରୁପଶୋଭିତଃ॥ 7-105-24 (48887)
ସ କେତୁଃ ଶୋଭଯାମାସ ସୈନ୍ଯଂ ତେ ଭରତର୍ଷଭ।
ଯଥା ଶ୍ବେତୋ ମହାନାଗୋ ଦେବରାଜଚମୂଂ ତଥା॥ 7-105-25 (48888)
ନାଗୋ ମଣିମଯୋ ରାଜ୍ଞୋ ଧ୍ବଜଃ କନକସଂବୃତଃ।
କିଙ୍କିଣୀଶତସଂହାଦୋ ଭ୍ରାଜଂଶ୍ଚିତ୍ରୋ ରଥୋତ୍ତମେ॥ 7-105-26 (48889)
ବ୍ଯଭ୍ରାଜତ ଭୃଶଂ ରାଜନ୍ପୁତ୍ରସ୍ତବ ବିଶାମ୍ପତେ।
ଧ୍ବଜେନ ମହତା ସଙ୍ଖ୍ଯେ କୁରୂଣାମୃଷଭସ୍ତଦା॥ 7-105-27 (48890)
ନବୈତେ ତବ ବାହିନ୍ଯାମୁଚ୍ଛ୍ରିତାଃ ପରମଧ୍ବଜାଃ।
ବ୍ଯଦୀପଯଂସ୍ତେ ପୃତନାଂ ଯୁଗାନ୍ତାଦିତ୍ଯସନ୍ନିଭାଃ॥ 7-105-28 (48891)
ଦଶମସ୍ତ୍ବର୍ଜୁନସ୍ଯାସୀଦେକ ଏବ ମହାକପିଃ।
ଅଦୀପ୍ଯତାର୍ଜୁନୋ ଯେନ ହିମବାନିବ ଶମ୍ଭୁନା॥ 7-105-29 (48892)
ତତଶ୍ଚିତ୍ରାଣି ଶୁଭ୍ରାଣି ସୁମହାନ୍ତି ମହାରଥାଃ।
କାର୍ମୁକାଣ୍ଯାଦଦୁସ୍ତୂର୍ଣମର୍ଜୁନାର୍ଥେ ପରନ୍ତପାଃ॥ 7-105-30 (48893)
ତଥୈବ ଧନୁରାଯଚ୍ଛତ୍ପାର୍ଥଃ ଶତ୍ରୁବିନାଶନଃ।
ଗାଣ୍ଡୀବଂ ଦିବ୍ଯକର୍ମା ତଦ୍ରାଜନ୍ଦୁର୍ମନ୍ତ୍ରିତେ ତବ॥ 7-105-31 (48894)
ତବାପରାଧାଦ୍ରାଜାନୋ ନିହତା ବହୁଶୋ ଯୁଧି।
ନାନାଦିଗ୍ଭ୍ଯଃ ସମାହୂତାଃ ସହଯାଃ ସରଥଦ୍ବିପାଃ॥ 7-105-32 (48895)
ତେଷାମାସୀଦ୍ବ୍ଯାତିକ୍ଷେପୋ ଗଜର୍ତାମିତରେତରମ୍।
ଦୁର୍ଯୋଧନମୁଖାନାଂ ଚ ପାଣ୍ଡୂନାମୃଷଭସ୍ଯ ଚ॥ 7-105-33 (48896)
ତତ୍ରାଦ୍ଭୁତଂ ପରଂ ଚକ୍ରେ କୌନ୍ତେଯଃ କୃଷ୍ଣସାରଥିଃ।
ଯଦେକୋ ବହୁଭିଃ ସାର୍ଘଂ ସମାଗଚ୍ଛଦଭୀତବତ୍॥ 7-105-34 (48897)
ଅଶୋଭତ ମହାବାହୁର୍ଗାଣ୍ଡୀବଂ ବିକ୍ଷିପନ୍ଧନୁଃ।
ଜିଗୀଷୁସ୍ତାନ୍ନରବ୍ଯାଘ୍ରୋ ଜିଘାଂସୁଶ୍ଚ ଜଯଦ୍ରଥମ୍॥ 7-105-35 (48898)
ତତ୍ରାର୍ଜୁନୋ ନରବ୍ଯାଘ୍ରଃ ଶରୈର୍ମୁକ୍ତୈଃ ସହସ୍ରଶଃ।
ଅଦୃଶ୍ଯାଂସ୍ତାବକାନ୍ଯୋଧାନ୍ପ୍ରଚକ୍ରେ ଶତ୍ରୁତାପନଃ॥ 7-105-36 (48899)
ତତସ୍ତେଽପି ନରବ୍ଯାଘ୍ରାଃ ପାର୍ଥଂ ସର୍ବେ ମହାରଥାଃ।
ଅଦୃଶ୍ଯଂ ସମରେ ଚକ୍ରୁଃ ସାଯକୌଘୈଃ ସମନ୍ତତଃ॥ 7-105-37 (48900)
ସଂବୃତେ ନରସିଂହୈସ୍ତୁ କୂରୂଣାମୃଷଭେଽର୍ଜୁନେ।
ମହାନାସୀତ୍ସମୁଦ୍ଭୂତସ୍ତସ୍ଯ ସୈନ୍ଯସ୍ଯ ନିଃସ୍ବନଃ॥ ॥ 7-105-38 (48901)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ପଞ୍ଚାଧିକଶତତମୋଽଧ୍ଯାଯଃ॥ 105 ॥
Mahabharata - Drona Parva - Chapter Footnotes
5-105-2 ରୂପମାକାରଃ॥ 5-105-10 ଧ୍ବଜାଗ୍ରଂ ଧ୍ବଜମୁଖ୍ଯମ୍॥ 5-105-11 କାଞ୍ଚନମ୍ କାଞ୍ଚନମଯମ୍॥ 5-105-16 ବ୍ଯାହରିଷ୍ଯନ୍ବଦିଷ୍ଯନ୍॥ 5-105-33 ବ୍ଯତିକ୍ଷେପଃ ଅନ୍ଯୋନ୍ଯାଭିଘାତଃ॥ 5-105-105 ପଞ୍ଚାଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 106
॥ ଶ୍ରୀଃ ॥
7.106. ଅଧ୍ଯାଯଃ 106
Mahabharata - Drona Parva - Chapter Topics
ଦ୍ରୋଣଯୁଧିଷ୍ଠିରଯୋର୍ଯୁଦ୍ଧମ୍॥ 1 ॥Mahabharata - Drona Parva - Chapter Text
7-106-0 (48902)
ଧୃତରାଷ୍ଟ୍ର ଉବାଚ। 7-106-0x (4533)
ଅର୍ଜୁନେ ସୈନ୍ଧବଂ ପ୍ରାପ୍ତେ ଭାରଦ୍ବାଜେନ ସଂବୃତାଃ।
ପାଞ୍ଚାଲାଃ କୁରୁଭିଃ ସାର୍ଧଂ କିମକୁର୍ବତ ସ଼ଞ୍ଜଯ॥ 7-106-1 (48903)
ସଞ୍ଜଯ ଉବାଚ। 7-106-2x (4534)
ଅପରାହ୍ଣେ ମହାରାଜ ସଙ୍ଗ୍ରମେ ରୋମହର୍ଷଣେ।
ପାଞ୍ଚାଲାନାଂ କୁରୂଣାଂ ଚ ଦ୍ରୋଣଦ୍ଯୂତମବର୍ତତ॥ 7-106-2 (48904)
ପାଞ୍ଚାଲା ହି ଜିଘାଂସନ୍ତୋ ଦ୍ରୋଣଂ ସଂହୃଷ୍ଟଚେତସଃ।
ଅଭ୍ଯମୁଞ୍ଚନ୍ତ ଗର୍ଜନ୍ତଃ ଶରବର୍ଷାଣି ମାରିଷ॥ 7-106-3 (48905)
ତତସ୍ତୁଲ ତୁମୁଲସ୍ତେଷାଂ ସଙ୍ଗ୍ରାମୋଽବର୍ତତାଦ୍ଭୁତଃ।
ପାଞ୍ଚାଲାନାଂ କୁରୂଣାଂ ଚ ଘୋରୋ ଦେବାସୁରୋପମଃ॥ 7-106-4 (48906)
ସର୍ବେ ଦ୍ରୋଣରଥଂ ପ୍ରାପ୍ଯ ପାଞ୍ଚାଲାଃ ପାଣ୍ଡବୈଃ ସହ।
ତଦନୀକଂ ବିଭିତ୍ସନ୍ତୋ ମହାସ୍ତ୍ରାଣି ବ୍ଯଦର୍ଶଯନ୍॥ 7-106-5 (48907)
ଦ୍ରୋଣସ୍ଯ ରଥପର୍ଯନ୍ତଂ ରଥିନୋ ରଥମାସ୍ଥିତାଃ।
କମ୍ପଯନ୍ତୋଽଭ୍ଯବର୍ତନ୍ତ ବେଗମାସ୍ଥାଯ ମଧ୍ଯମମ୍॥ 7-106-6 (48908)
ତମଭ୍ଯଯାଦ୍ବୃହତ୍କ୍ଷତ୍ରଃ କେକଯାନାଂ ମହାରଥଃ।
ବିମୁଞ୍ଚନ୍ନିଶିତାନ୍ବାଣାନ୍ମହେନ୍ଦ୍ରାଶନିସନ୍ନିଭାନ୍॥ 7-106-7 (48909)
ତଂ ତୁ ପ୍ରତ୍ଯୁଦ୍ଯଯୌ ଶୀଘ୍ରଂ କ୍ଷେମଧୂର୍ତିର୍ମହାଯଶାଃ।
ବିମୁଞ୍ଚନ୍ନିଶିତାନ୍ବାଣାଞ୍ଶତଶୋଽଥ ସହସ୍ରଶଃ॥ 7-106-8 (48910)
ଧୃଷ୍ଟକେତୁଶ୍ଚ ଚେଦୀନାମୃଷଭୋଽତିବଲୋଦିତଃ।
ତ୍ବରିତୋଽଭ୍ଯଦ୍ରବଦ୍ଦ୍ରୋଣଂ ମହେନ୍ଦ୍ରମିବ ଶମ୍ବରଃ॥ 7-106-9 (48911)
ତମାପତନ୍ତଂ ସହସା ବ୍ଯାଦିତାସ୍ଯମିବାନ୍ତକମ୍।
ବୀରଧନ୍ବା ମହେଷ୍ବାସସ୍ତ୍ବରମାଣଃ ସମଭ୍ଯଯାତ୍॥ 7-106-10 (48912)
ଯୁଧିଷ୍ଠିରଂ ମହାରାଜଂ ଜିଗୀଷୁଂ ସମବସ୍ଥିତମ୍।
ସହାନୀକଂ ତତୋ ଦ୍ରୋଣୋ ନ୍ଯବାରଯତ ବୀର୍ଯବାନ୍॥ 7-106-11 (48913)
ନକୁଲଂ କୁଶଲଂ ଯୁଦ୍ଧେ ପରାକ୍ରନ୍ତଂ ପରାକ୍ରମୀ।
ଅଭ୍ଯଗଚ୍ଛତ୍ସମାଯାନ୍ତଂ ବିକର୍ଣସ୍ତେ ସୁତଃ ପ୍ରଭୋ॥ 7-106-12 (48914)
ସହଦେବଂ ତଥାଽଽଯାନ୍ତଂ ଦୁର୍ମୁଖଃ ଶତ୍ରୁକର୍ଶନଃ।
ଶୈରରନେକସାହସ୍ରୈଃ ସମବାକିରଦାଶୁଗୈଃ॥ 7-106-13 (48915)
ସାତ୍ଯକିଂ ତୁ ନରବ୍ଯାଘ୍ରଂ ବ୍ଯାଘ୍ରଦତ୍ତସ୍ତ୍ବବାରଯତ୍।
ଶରୈଃ ସୁନିଶିତୈସ୍ତୀକ୍ଷ୍ଣୈଃ କମ୍ପଯନ୍ବୈ ମୁହୁର୍ମୁହୁଃ॥ 7-106-14 (48916)
ଦ୍ରୌପଦେଯାନ୍ନରବ୍ଯାଘ୍ରାନ୍ମୁଞ୍ଚତଃ ସାଯକୋତ୍ତମାନ୍।
ସଂରବ୍ଧାନ୍ରଥିନଃ ଶ୍ରେଷ୍ଠାନ୍ସୌମଦତ୍ତିରବାରଯତ୍॥ 7-106-15 (48917)
ଭୀମସେନଂ ତଦା କ୍ରୁଦ୍ଧଂ ଭୀମରୂପୋ ଭଯାନକଃ।
ପ୍ରତ୍ଯବାରଯଦାଯାନ୍ତମାର୍ଶ୍ଯଶୃଙ୍ଗିର୍ମହାବଲଃ॥ 7-106-16 (48918)
ତଯୋଃ ସମଭବଦ୍ଯୁଦ୍ଧଂ ନରରାକ୍ଷସଯୋର୍ମୃଧେ।
ଯାଦୃଗେବ ପୁରାବୃତ୍ତଂ ରାମରାବଣଯୋର୍ନୃପ॥ 7-106-17 (48919)
ତତୋ ଯୁଧିଷ୍ଠିରୋ ଦ୍ରୋଣଂ ନବତ୍ଯା ନତପର୍ବଣାମ୍।
ଆଜଘ୍ନେ ଭରତଶ୍ରେଷ୍ଠଃ ସର୍ବମର୍ମସୁ ଭାରତ॥ 7-106-18 (48920)
ତଂ ଦ୍ରୋଣଃ ପଞ୍ଚବିଂଶତ୍ଯା ନିଜଘାନ ସ୍ତନାନ୍ତରେ।
ରୋଷିତୋ ଭରତଶ୍ରେଷ୍ଠ କୌନ୍ତେଯେନ ଯଶସ୍ବିନା॥ 7-106-19 (48921)
ଅଦୃଶ୍ଯଂ ସମରେ ଚକ୍ରେ ରାଜାନଂ ସାଯକୋତ୍ତମୈଃ।
ସାଶ୍ବସୂତଧ୍ବଜଂ ଦ୍ରୋଣଃ ପଶ୍ଯତାଂ ସର୍ବଧନ୍ବିନାମ୍॥ 7-106-20 (48922)
ତାଞ୍ଶରାନ୍ଦ୍ରୋଣମୁକ୍ତାଂସ୍ତୁ ଶରବର୍ଷେଣ ପାଣ୍ଡବଃ।
ଅବାରଯତ ଧର୍ମାତ୍ମା ଦର୍ଶଯନ୍ପାଣିଲାଘବମ୍॥ 7-106-21 (48923)
ତତୋ ଦ୍ରୋଣୋ ଭୃଶଂ କ୍ରୁଦ୍ଧୋ ଦର୍ମରାଜସ୍ଯ ସଂଯୁଗେ।
ଚିଚ୍ଛେଦ ସମରେ ଧନ୍ବୀ ଧନୁସ୍ତସ୍ଯ ମହାତ୍ମନଃ॥ 7-106-22 (48924)
ଅଥୈନଂ ଛିନ୍ନଧନ୍ବାନଂ ତ୍ବରମାଣୋ ମହାରଥଃ।
ଶରୈରନେକସାହସ୍ରୈଃ ପୂରଯାମାସ ସର୍ବତଃ॥ 7-106-23 (48925)
ଅଦୃଶ୍ଯଂ ବୀକ୍ଷ୍ଯ ରାଜାନଂ ଭାରଦ୍ବାଜସ୍ଯ ସାଯକୈଃ।
ସର୍ବଭୂତାନ୍ଯମନ୍ଯନ୍ତ ହତମେବ ଯୁଧିଷ୍ଠିରମ୍॥ 7-106-24 (48926)
କେଚିଚ୍ଚୈନମମନ୍ଯନ୍ତ ତଥୈବ ବିମୁଖୀକୃତମ୍।
ହୃତୋ ରାଜେତି ରାଜେନ୍ଦ୍ର ବ୍ରାହ୍ମଣେନ ମହାତ୍ମନା॥ 7-106-25 (48927)
ସ କୃଚ୍ଛ୍ରଂ ପରମଂ ପ୍ରାପ୍ତୋ ଧର୍ମରାଜୋ ଯୁଧିଷ୍ଠିରଃ।
ତ୍ଯକ୍ତ୍ବା ତତ୍କାର୍ମୁକଂ ଛିନ୍ନଂ ଭାରଦ୍ବାଜେନ ସଂଯୁଗେ।
ଆଦଦେଽନ୍ଯଦ୍ଧନୁର୍ଦିବ୍ଯଂ ଭାରଘ୍ନଂ ବେଗବତ୍ତରମ୍॥ 7-106-26 (48928)
ତତସ୍ତାନ୍ସାଯକାଂସ୍ତତ୍ର ଦୋଣନୁନ୍ନାନ୍ସହସ୍ରଶଃ।
ଚିଚ୍ଛେଦ ସମରେ ବୀରସ୍ତଦଦ୍ଭୁତମିବାଭବତ୍॥ 7-106-27 (48929)
ଛିତ୍ତ୍ବା ତୁ ତାଞ୍ଶରାନ୍ରାଜକ୍ରୋଧସଂରକ୍ତଲୋଚନଃ।
ଶକ୍ତଂ ଜଗ୍ରାହ ସମରେ ଗିରୀଣାମପି ଦାରିଣୀମ୍।
ସ୍ବର୍ଣଦଣ୍ଡାଂ ମହାଘୋରାମଷ୍ଟଘଣ୍ଟାଂ ଭଯାବହାମ୍॥ 7-106-28 (48930)
ସମୁତ୍କ୍ଷିପ୍ଯ ଚ ତାଂ ହୃଷ୍ଟୋ ନନାଦ ବଲବଦ୍ବଲୀ।
ନାଦେନ ସର୍ବଭୂତାନି ତ୍ରାସଯନ୍ନିବ ଭାରତ॥ 7-106-29 (48931)
ଶକ୍ତିଂ ସମୁଦ୍ଯତାଂ ଦୃଷ୍ଟ୍ବା ଧର୍ମରାଜେନ ସଂଯୁଗେ।
ସ୍ବସ୍ତି ଦ୍ରୋଣାଯ ସହସା ସର୍ବଭୂତାନ୍ଯଥାବ୍ରୁବନ୍॥ 7-106-30 (48932)
ସା ରାଜଭୁଜନିର୍ମୁକ୍ତା ନିର୍ମୁକ୍ତୋରଗସନ୍ନିଭା।
ପ୍ରଜ୍ବାଲଯନ୍ତୀ ଗଗନଂ ଦିଶଃ ସପ୍ରଦିଶସ୍ତଥା।
ଦ୍ରୋଣାନ୍ତିକମନୁପ୍ରାପ୍ତା ଦୀପ୍ତାସ୍ଯା ପନ୍ନଗୀ ଯଥା॥ 7-106-31 (48933)
ତାମାପତନ୍ତୀଂ ସହସା ଦୃଷ୍ଟ୍ବା ଦ୍ରୋଣୋ ବିଶାମ୍ପତେ।
ପ୍ରାଦୁଶ୍ଚକ୍ରୈ ତତୋ ବ୍ରାହ୍ମମସ୍ତ୍ରମସ୍ତ୍ରବିଦାଂ ବରଃ॥ 7-106-32 (48934)
ତଦସ୍ତ୍ରଂ ଭସ୍ମସାତ୍କୃତ୍ବା ତାଂ ଶକ୍ତିଂ ଘୋରଦର୍ଶନାମ୍।
ଜଗାମ ସ୍ଯନ୍ଦନଂ ତୂର୍ଣଂ ପାଣ୍ଡବସ୍ଯ ଯଶସ୍ବିନଃ॥ 7-106-33 (48935)
ତତୋ ଯୁଧିଷ୍ଠିରୋ ରାଜା ଦ୍ରୋଣାସ୍ତ୍ରଂ ତତ୍ସମୁଦ୍ଯତମ୍।
ଅଶାମଯନ୍ମହାପ୍ରାଜ୍ଞୋ ବ୍ରହ୍ମାସ୍ତ୍ରେଣୈବ ମାରିଷ॥ 7-106-34 (48936)
ବିଦ୍ବ୍ବା ତଂ ଚ ରଣେ ଦ୍ରୋଣଂ ପଞ୍ଚଭିର୍ନତପର୍ବଭିଃ।
କ୍ଷୁରପ୍ରେଣ ସୁତୀକ୍ଷ୍ଣେନ ଚିଚ୍ଛେଦାସ୍ଯ ମହଦ୍ଧନୁଃ॥ 7-106-35 (48937)
ତଦପାସ୍ଯ ଧନୁଶ୍ଛିନ୍ନଂ ଦ୍ରୋଣଃ କ୍ଷତ୍ରିଯମର୍ଦନଃ।
ଗଦାଂ ଚିକ୍ଷେପ ସହସା ଧର୍ମପୁତ୍ରାଯ ମାରିଷ॥ 7-106-36 (48938)
ତାମାପତନ୍ତୀଂ ସହସା ଗଦାଂ ଦୃଷ୍ଟ୍ବା ଯୁଧିଷ୍ଠିରଃ।
ଗଦାମେବାଗ୍ରହୀତ୍କ୍ରୁଦ୍ଧଶ୍ଚିକ୍ଷେପ ଚ ପରନ୍ତପ॥ 7-106-37 (48939)
ତେ ଗଦେ ସହସା ମୁକ୍ତେ ସମାସାଦ୍ଯ ପରସ୍ପରମ୍।
ସଙ୍ଘର୍ଷାତ୍ପାବକଂ ମୁକ୍ତ୍ବା ସମେଯାତାଂ ମହୀତଲେ॥ 7-106-38 (48940)
ତତୋ ଦ୍ରୋଣୋ ଭୃଶଂ କ୍ରୁଦ୍ଧୋ ଧର୍ମରାଜସ୍ଯ ମାରିଷ।
ଚତୁର୍ଭିର୍ନିଶିତୈସ୍ତୀକ୍ଷ୍ଣୈର୍ହଯାଞ୍ଜଘ୍ନେ ଶରୋତ୍ତମୈଃ॥ 7-106-39 (48941)
ଚିଚ୍ଛେଦୈକେନ ଭଲ୍ଲେନ ଧନୁଶ୍ଚେନ୍ଦ୍ରଧ୍ବଜୋପମମ୍।
କେତୁମେକେନ ଚିଚ୍ଛେଦ ପାଣ୍ଡବଂ ଚାର୍ଦଯତ୍ତ୍ରିଭିଃ॥ 7-106-40 (48942)
ହତାଶ୍ବାତ୍ତୁଲ ରଥାତ୍ତୂର୍ଣମବପ୍ଲୁତ୍ଯ ଯୁଧିଷ୍ଠିରଃ।
ତସ୍ଥାବୂର୍ଧ୍ବଭୁଜୋ ରାଜା ବ୍ଯାଯୁଧୋ ଭରତର୍ଷଭ॥ 7-106-41 (48943)
ବିରଥଂ ତଂ ସମାଲୋକ୍ଯ ବ୍ଯାଯୁଧଂ ଚ ବିଶେଷତଃ।
ଦ୍ରୋଣୋ ବ୍ଯମୋହଯଚ୍ଛତ୍ରୂନ୍ସର୍ବସୈନ୍ଯାନି ଚାଭିଭୋ॥ 7-106-42 (48944)
ମୁଞ୍ଚଂଶ୍ଚେଷୁଗଣାଂସ୍ତୀକ୍ଷ୍ଣାଁଲ୍ଲଘୁହସ୍ତୋ ଦୃଢବ୍ରତଃ।
ଅଭିଦୁଦ୍ରାବ ରାଜାନଂ ସିଂହୋ ମୃଗମିବୋଲ୍ବଣଃ॥ 7-106-43 (48945)
ତମଭିଦ୍ରୁତମାଲୋକ୍ଯ ଦ୍ରୋଣେନାମିତ୍ରଘାତିନା।
ହାହେତି ସୁମହାଞ୍ଶବ୍ଦଃ ପାଣ୍ଡୂନାଂ ସମଜାଯତ॥ 7-106-44 (48946)
ହୃତୋ ରାଜା ହୃତୋ ରାଜା ଭାରଦ୍ବାଜେନ ମାରିଷ।
ଇତ୍ଯାଂସୀତ୍ସୁମହାଞ୍ଶବ୍ଦଃ ପାଣ୍ଡୂସୈନ୍ଯସ୍ଯ ସର୍ବତଃ॥ 7-106-45 (48947)
ତତସ୍ତ୍ବରିତମାରୁହ୍ଯ ସହଦେବରଥଂ ନୃପଃ।
ଅପାଯାଜ୍ଜବନୈରଶ୍ବୈଃ କୁନ୍ତୀପୁତ୍ରୋ ଯୁଧିଷ୍ଠିରଃ॥ ॥ 7-106-46 (48948)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଷଡଧିକଶତତମୋଽଧ୍ଯାଯଃ॥ 106 ॥
Mahabharata - Drona Parva - Chapter Footnotes
5-106-2 ଦ୍ରୋଣେ ଯୁଦ୍ଧମବର୍ତତ କ. ଙ. ପାଠଃ। ଘୋରଂ ଯୁଦ୍ଧମବର୍ତତ ଇତି ଟ.ପାଠଃ॥ 5-106-6 କମ୍ପଯନ୍ତୋ ଭୁବମିତି ଶେଷଃ॥ 5-106-15 ସୌମଦତ୍ତିଃ ଶଲଃ॥ 5-106-25 ଇତୋ ରାଜେତି ଅମନ୍ଯନ୍ତେତ୍ଯନୁଷଙ୍ଗଃ॥ 5-106-106 ଷ଼ଡଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 107
॥ ଶ୍ରୀଃ ॥
7.107. ଅଧ୍ଯାଯଃ 107
Mahabharata - Drona Parva - Chapter Topics
ସଙ୍କୁଲଯୁଦ୍ଧବର୍ଣନମ୍॥ 1 ॥Mahabharata - Drona Parva - Chapter Text
7-107-0 (48949)
ସଞ୍ଜଯ ଉବାଚ। 7-107-0x (4535)
ବୃହତ୍କ୍ଷତ୍ରମଥାଯାନ୍ତଂ କେକଯଂ ଦୃଢବିକ୍ରମମ୍।
କ୍ଷେମଧୂର୍ତିର୍ମହାରାଜ ବିବ୍ଯାଧୋରସି ମାର୍ଗଣୈଃ॥ 7-107-1 (48950)
ବୃହତ୍କ୍ଷତ୍ରସ୍ତୁ ତଂ ରାଜା ନବତ୍ଯା ନତପର୍ବଣାମ୍।
ଆଜଘ୍ନେ ତ୍ବରିତୋ ରାଜନ୍ଦ୍ରୋଣାନୀକବିଭିତ୍ସଯା॥ 7-107-2 (48951)
କ୍ଷେମଧୂର୍ତିସ୍ତୁ ସଙ୍କ୍ରୁଦ୍ଧଃ କେକଯସ୍ଯ ମହାତ୍ମନଃ।
ଧନୁଶ୍ଚିଚ୍ଛେଦ ଭଲ୍ଲେନ ପୀତେନ ନିଶିତେନ ହ॥ 7-107-3 (48952)
ଅଥୈନଂ ଛିନ୍ନଧନ୍ବାନଂ ଶରେଣାନତପର୍ବଣା।
ବିବ୍ଯାଧ ସମରେ ତୂର୍ଣଂ ପ୍ରବରଂ ସର୍ବଧନ୍ବିନାମ୍॥ 7-107-4 (48953)
ଅଥାନ୍ଯଦ୍ଧନୁରାଦାଯ ବୃହତ୍କ୍ଷତ୍ରୋ ହସନ୍ନିବ।
ବ୍ଯଶ୍ବସୂତରଥଂ ଚକ୍ରେ କ୍ଷମଦୂର୍ତିଂ ମହାରଥମ୍॥ 7-107-5 (48954)
ତତୋଽପରେଣ ଭଲ୍ଲେନ ପୀତେନ ନିଶିତେନ ଚ।
ଜହାର ନୃପତେଃ କାଯାଚ୍ଛିରୋଽଜ୍ବଲିତକୁଣ଼୍ଡଲମ୍॥ 7-107-6 (48955)
ତଚ୍ଛିନ୍ନଂ ସହସା ତସ୍ଯ ଶିରଃ କୁଞ୍ଚିତମୂର୍ଧଜମ୍।
ସକିରୀଟଂ ମହୀଂ ପ୍ରାପ୍ଯ ବଭୌ ଜ୍ଯୋତିରିବାମ୍ବରାତ୍॥ 7-107-7 (48956)
ତଂ ନିହତ୍ଯ ରଣେ ହୃଷ୍ଟୋ ବୃହତ୍କ୍ଷତ୍ରୋ ମହାରଥଃ।
ସହସାଽଭ୍ଯପତତ୍ସୈନ୍ଯଂ ତାବକଂ ପାର୍ଥକାରଣାତ୍॥ 7-107-8 (48957)
ଧୃଷ୍ଟକେତୁଂ ତଥାଽଽଯାନ୍ତଂ ଦ୍ରୋଣହେତୋଃ ପରାକ୍ରମୀ।
ବୀରଧନ୍ବା ମହେଷ୍ବାସୋ ବାରଯାମାସ ଭାରତ॥ 7-107-9 (48958)
ତୌ ପରସ୍ପରମାସାଦ୍ଯ ଶରଦଂଷ୍ଟ୍ରୌ ତରସ୍ବିନୌ।
ଶରୈରନେକସାହସ୍ରେରନ୍ଯୋନ୍ଯମଭିଜଘ୍ନତୁଃ॥ 7-107-10 (48959)
ତାବୁଭୌ ନରଶାର୍ଦୂଲୌ ଯୁଯୁଧାତେ ପରସ୍ପରମ୍।
ମହାବନେ ତୀବ୍ରମଦୌ ବାରଣାବିବ ଯୂଥପୌ॥ 7-107-11 (48960)
ଗିରିଗହ୍ବରମାସାଦ୍ଯ ଶାର୍ଦୂଲାବିବ ରୋଷିତୌ।
ଯୁଯୁଧାତେ ମହାବୀର୍ଯୌ ପରସ୍ପରଜିଘାଂସଯା॥ 7-107-12 (48961)
ତଦ୍ଯୁଦ୍ଧମାସୀତ୍ତୁମୁଲଂ ପ୍ରେକ୍ଷଣୀଯଂ ବିଶାମ୍ପତେ।
ସିଦ୍ଧଚାରଣସଙ୍ଘାନାଂ ବିସ୍ମଯାଦ୍ଭୁତଦର୍ଶନମ୍॥ 7-107-13 (48962)
ବୀରଧନ୍ବା ତତଃ କ୍ରୁଦ୍ଧୋ ଧୃଷ୍ଟକେତୋଃ ଶରାସନମ୍।
ଦ୍ବିଧା ଚିଚ୍ଛେଦ ଭଲ୍ଲେନ ପ୍ରହସନ୍ନିବ ଭାରତ॥ 7-107-14 (48963)
ତଦୁତ୍ସୃଜ୍ଯ ଧନୁଚ୍ଛିନ୍ନଂ ଚେଦିରାଜୋ ମହାରଥଃ।
ଶକ୍ତିଂ ଜଗ୍ରାହ ବିପୁଲାଂ ହେମଦଣ୍ଡାମଯସ୍ମଯୀମ୍॥ 7-107-15 (48964)
ତାଂ ତୁ ଶକ୍ତିଂ ମହାବୀର୍ଯାଂ ଦୋର୍ଭ୍ଯାମାଯସ୍ଯ ଭାରତ।
ଚିକ୍ଷେପ ସହସା ଯତ୍ତୋ ବୀରଧନ୍ବରଥଂ ପ୍ରତି॥ 7-107-16 (48965)
ତଯା ତୁ ବୀରଘାତିନ୍ଯା ଶକ୍ତ୍ଯା ତ୍ବଭିହତୋ ଭୃଶମ୍।
ନିର୍ଭିନ୍ନହୃଦଯସ୍ତୂର୍ଣଂ ନିପପାତ ରଥାନ୍ମହୀମ୍॥ 7-107-17 (48966)
ତସ୍ମିନ୍ବିନିହତେ ବୀରେ ତ୍ରୈଗର୍ତାନାଂ ମହାରଥେ।
ବଲଂ ତେଽଭଜ୍ଯତ ବିଭୋ ପାଣ୍ଡବେଯୈଃ ସମନ୍ତତଃ॥ 7-107-18 (48967)
ସହଦେବେ ତତଃ ଷଷ୍ଟିଂ ସାଯକାନ୍ଦୁର୍ମୁଖୋଽକ୍ଷିପତ୍।
ନନାଦ ଚ ମହାନାଦଂ ତର୍ଜଯନ୍ପାଣ୍ଡବଂ ରଣେ॥ 7-107-19 (48968)
ମାଦ୍ରେଯସ୍ତୁ ତତଃ କ୍ରୁଦ୍ଧୋ ଦୁର୍ମୁଖଂ ଚ ଶିତୈଃ ଶରୈଃ।
ଭ୍ରାତା ଭ୍ରାତରମାଯତ୍ତୋ ବିବ୍ଯାଧ ପ୍ରହସନ୍ନିବ॥ 7-107-20 (48969)
ତଂ ରଣେ ରଭସଂ ଦୃଷ୍ଟ୍ବା ସହଦେବଂ ମହାବଲମ୍।
ଦୁର୍ମୁଖୋ ନବଭିର୍ବାଣୈସ୍ତାଡଯାମାସ ଭାରତ॥ 7-107-21 (48970)
ଦୁର୍ମୁଖସ୍ଯ ତୁ ଭଲ୍ଲେନ ଚ୍ଛିତ୍ତ୍ବା କେତୁଂ ମହାବଲଃ।
ଜଘାନ ଚତୁରୋ ବାହାଂଶ୍ଚତୁର୍ଭିର୍ନିଶିତୈଃ ଶରୈଃ॥ 7-107-22 (48971)
ଅଥାପରେଣ ଭଲ୍ଲେନ ପୀତେନ ନିଶିତେନ ହ।
ଚିଚ୍ଛେଦ ସାରଥେଃ କାଯାଚ୍ଛିରୋ ଜ୍ବଲିତକୁଣ୍ଡଲମ୍॥ 7-107-23 (48972)
କ୍ଷୁରପ୍ରେଣ ଚ ତୀକ୍ଷ୍ଣେନ କୌରବ୍ଯସ୍ଯ ମହଦ୍ଧନୁଃ।
ସହଦେବୋ ରଣେ ଛିତ୍ତ୍ବା ତଂ ଚ ବିବ୍ଯାଧ ପଞ୍ଚଭିଃ॥ 7-107-24 (48973)
ହତାଶ୍ବଂ ତୁ ରଥଂ ତ୍ଯକ୍ତ୍ବା ଦୁର୍ମୁଖୋ ବିମନାସ୍ତଦା।
ଆରୁରୋହ ରଥଂ ରାଜନ୍ନିରମିତ୍ରସ୍ଯ ଭାରତ॥ 7-107-25 (48974)
ସହଦେବସ୍ତତଃ କ୍ରୁଦ୍ଧୋ ନିରମିତ୍ରଂ ମହାହବେ।
ଜଘାନ ପୃଥୁଧାରେଣ ଭଲ୍ଲେନ ପରବୀରହା॥ 7-107-26 (48975)
ସ ପପାତ ରଥୋପସ୍ଥାନ୍ନିରମିତ୍ରୋ ଜନେଶ୍ବରଃ।
ତ୍ରିଗର୍ତରାଜସ୍ଯ ସୁତୋ ବ୍ଯଥଯଂସ୍ତବ ବାହିନୀମ୍॥ 7-107-27 (48976)
ତଂ ତୁ ହତ୍ବା ମହାବାହୁଃ ସହଦେବୋ ବ୍ଯରୋଚତ।
ଯଥା ଦାଶରଥୀ ରାମଃ ଖରଂ ହତ୍ବା ମହାବଲମ୍॥ 7-107-28 (48977)
ହାହାକାରୋ ମହାନାସୀତ୍ତ୍ରିଗର୍ତାନାଂ ଜନେଶ୍ବର।
ରାଜପୁତ୍ରଂ ହତଂ ଦୃଷ୍ଟ୍ବା ନିରମିତ୍ରଂ ମହାରଥମ୍॥ 7-107-29 (48978)
ନକୁଲସ୍ତେ ସୁତଂ ରାଜନ୍ବିକର୍ଣଂ ପୃଥୁଲୋଚନମ୍।
ମୁହୂର୍ତାଜ୍ଜିତବାଁଲ୍ଲୋକେ ତଦଦ୍ଭୁତମିବାଭବତ୍॥ 7-107-30 (48979)
ସାତ୍ଯକିଂ ବ୍ଯାଘ୍ରଦତ୍ତସ୍ତୁ ଶରୈଃ ସନ୍ନତପର୍ବଭିଃ।
ଚକ୍ରେଽଦୃଶ୍ଯଂ ସାଶ୍ବସୂତଂ ସଧ୍ବଜଂ ପୃତନାନ୍ତରେ॥ 7-107-31 (48980)
ତାନ୍ନିବାର୍ଯ ଶରାଞ୍ଶୂରଃ ଶୈନେଯଃ କୃତହସ୍ତବତ୍।
ସାଶ୍ବସୂତଧ୍ବଜଂ ବାଣୈର୍ବ୍ଯାଘ୍ରଦତ୍ତମପାତଯତ୍॥ 7-107-32 (48981)
କୁମାରେ ନିହତେ ତସ୍ମିନ୍ମାଗଧସ୍ଯ ସୁତେ ପ୍ରଭୋ।
ମାଗଧାଃ ସର୍ବତୋ ଯତ୍ତା ଯୁଯୁଧାନମୁପାଦ୍ରବନ୍॥ 7-107-33 (48982)
ବିସୃଜନ୍ତଃ ଶରାଂଶ୍ଚୈବ ତୋମରାଂଶ୍ଚ ସହସ୍ରଶଃ।
ମିଣ୍ଡିପାଲାଂସ୍ତଥା ପ୍ରାସାନ୍ମୁଦ୍ରାନ୍ମୁସଲାନପି॥
ଅଯୋଧଯନ୍ରଣେ ଶୂରାଃ ସାତ୍ବତଂ ଯୁଦ୍ଧଦୁର୍ମଦମ୍॥ 7-107-34 (48983)
ତାଂସ୍ତୁ ସର୍ବାନ୍ସ ବଲବାନ୍ସାତ୍ଯକିର୍ଯୁଦ୍ଧଦୁର୍ମଦଃ।
ନାତିକୃଚ୍ଛ୍ରାଦ୍ଧସନ୍ନେବ ବିଜିଗ୍ଯେ ପୁରୁଷର୍ଷଭଃ॥ 7-107-35 (48984)
ମାଗଧାନ୍ଦ୍ରବତୋ ଦୃଷ୍ଟ୍ବା ହତଶେଷାନ୍ସମନ୍ତତଃ।
ବଲଂ ତେଽଭଜ୍ଯତ ବିଭୋ ଯୁଯୁଧାନଶରାର୍ଦିତମ୍॥ 7-107-36 (48985)
ନାଶଯିତ୍ବା ରଣେ ସୈନ୍ଯଂ ତ୍ବଦୀଯଂ ତୁ ସମନ୍ତତଃ।
ବିଧୁନ୍ବାନୋ ଧନୁଃଶ୍ରେଷ୍ଠଂ ବ୍ଯଭ୍ରାଜତ ମହାଯଶାଃ॥ 7-107-37 (48986)
ଭଜ୍ଯମାନଂ ବଲଂ ରାଜନ୍ସାତ୍ବତେନ ମହାତ୍ମନା।
ନାଭ୍ଯବର୍ତତ ଯୁଦ୍ଧାଯ ତ୍ରାସିତଂ ଦୀର୍ଘବାହୁନା॥ 7-107-38 (48987)
ତତୋ ଦ୍ରୋଣୋ ଭୃଶଂ କ୍ରୁଦ୍ଧଃ ସହସୋଦ୍ବୃତ୍ଯ ଚକ୍ଷୁଷୀ।
ସାତ୍ଯକିଂ ସତ୍ଯକର୍ମାଣଂ ସ୍ବଯମେବାଭିଦୁଦ୍ରୁବେ॥ ॥ 7-107-39 (48988)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ସପ୍ତାଧିକଶତତମୋଽଧ୍ଯାଯଃ॥ 107 ॥
ଦ୍ରୋଣପର୍ବ - ଅଧ୍ଯାଯ 108
॥ ଶ୍ରୀଃ ॥
7.108. ଅଧ୍ଯାଯଃ 108
Mahabharata - Drona Parva - Chapter Topics
ଦ୍ରୌପଦେଯୈଃ ଶଲବଧଃ॥ 1 ॥ ଭୀମସେନେନାଲମ୍ବୁସପରାଜଯଃ॥ 2 ॥Mahabharata - Drona Parva - Chapter Text
7-108-0 (48989)
ସଞ୍ଜଯ ଉବାଚ। 7-108-0x (4536)
ଦ୍ରୌପଦେଯାନ୍ମହେଷ୍ବାସାନ୍ସୌମଦତ୍ତିର୍ମହାଯଶାଃ।
ଏକୈକଂ ପଞ୍ଚଭିର୍ବିଦ୍ବ୍ବା ପୁନର୍ବିବ୍ଯାଧ ସପ୍ତଭିଃ॥ 7-108-1 (48990)
ତେ ପୀଡିତା ଭୃଶଂ ତେନ ରୌଦ୍ରେଣ ସହସା ବିଭୋ।
ପ୍ରମୂଢା ନୈବ ବିବିଦୁର୍ମୃଧେ କୃତ୍ଯଂ ସ୍ମ କିଂଚନ॥ 7-108-2 (48991)
ନାକୁଲିଶ୍ଚ ଶତାନୀକଃ ସୌମଦତ୍ତିଂ ନରର୍ଷଭମ୍।
ଦ୍ବାଭ୍ଯାଂ ବିଦ୍ବ୍ବାଽନଦଦ୍ବୃଷ୍ଟଃ ଶରାଭ୍ଯାଂ ଶତ୍ରୁକର୍ଶନଃ॥ 7-108-3 (48992)
ତଥେତରେ ରଣେ ଯତ୍ତାସ୍ତ୍ରିଭିସ୍ତ୍ରିଭିରଜିହ୍ମଗୈଃ।
ବିବ୍ଯଧୁଃ ସମରେ ତୂର୍ଣଂ ସୌମଦତ୍ତିମମର୍ଷଣମ୍॥ 7-108-4 (48993)
ସ ତାନ୍ପ୍ରତି ମହାରାଜ ପଞ୍ଚ ଚିକ୍ଷେପ ସାଯକାନ୍।
ଏକୈକଂ ହୃଦି ଚାଜଘ୍ନେ ଏକୈକେନ ମହାଯଶାଃ॥ 7-108-5 (48994)
ତତସ୍ତେ ଭ୍ରାତରଃ ପଞ୍ଚ ଶରୈର୍ବିଦ୍ଧା ମହାତ୍ମନା।
ପରିବାର୍ଯ ରଣେ ବୀରଂ ବିବ୍ଯଧୁଃ ସାଯକୈର୍ଭୃଶମ୍॥ 7-108-6 (48995)
ଅର୍ଜୁନିସ୍ତୁ ହଯାଂସ୍ତସ୍ଯ ଚତୁର୍ଭିର୍ନିଶିତୈଃ ଶରୈଃ।
ପ୍ରେଷଯାମାସ ସଙ୍କ୍ରୁଦ୍ଧୋ ଯମସ୍ଯ ସଦନଂ ପ୍ରତି॥ 7-108-7 (48996)
ଭୈମସେନିର୍ଧନୁଶ୍ଛିତ୍ତ୍ବା ସୌମଦତ୍ତେର୍ମହାତ୍ମନଃ।
ନନାଦ ବଲବନ୍ନାଦଂ ବିବ୍ଯାଧ ଚ ଶିତୈଃ ଶରୈଃ॥ 7-108-8 (48997)
ଯୌଧିଷ୍ଠିରିର୍ଧ୍ବଜଂ ତସ୍ଯ ଚ୍ଛିତ୍ତ୍ବା ଭୂମାବପାତଯତ୍।
ନାକୁଲିଶ୍ଚାଥ ଯନ୍ତାରଂ ରଥନୀଡାଦପାହରତ୍॥ 7-108-9 (48998)
ସାହଦେବିସ୍ତୁ ତଂ ଜ୍ଞାତ୍ବା ଭ୍ରାତୃଭିର୍ବିମୁଖୀକୃତମ୍।
କ୍ଷୁରପ୍ରେଣ ଶିରୋ ରାଜନ୍ନିଚକର୍ତ ମହାତ୍ମନଃ॥ 7-108-10 (48999)
ତଚ୍ଛିରୋ ନ୍ଯପତଦ୍ଭୂତୌ ତପନୀଯବିଭୂଷିତମ୍।
ଅଭାସଯଦ୍ରୁଣୋଦ୍ଦେଶଂ ବାଲସୂର୍ଯସମପ୍ରଭମ୍॥ 7-108-11 (49000)
ସୌମଦତ୍ତେଃ ଶିରୋ ଦୃଷ୍ଟ୍ବା ନିପତତ୍ତନ୍ମହାତ୍ମନଃ।
ବିତ୍ରସ୍ତାସ୍ତାବକା ରାଜନ୍ପ୍ରଦୁଦ୍ରୁବୁରନେକଧା॥ 7-108-12 (49001)
ଅଲମ୍ବୁସସ୍ତୁ ସମରେ ଭୀମସେନଂ ମହାବଲମ୍।
ଯୋଧଯାମସ ସଙ୍କ୍ରୁଦ୍ଧୋ ଲକ୍ଷ୍ମଣଂ ରାବଣିର୍ଯଥା॥ 7-108-13 (49002)
ସମ୍ପ୍ରଯୁଦ୍ଧୌ ରମେ ଦୃଷ୍ଟ୍ବା ତାବୁଭୌ ନରରାକ୍ଷସୌ।
ବିସ୍ମଯଃ ସର୍ବଭୂତାନାଂ ଭଯଂ ଚାସୀତ୍ସୁଦାରୁଣମ୍॥ 7-108-14 (49003)
ଆର୍ଶ୍ଯଶୃଙ୍ଗିଂ ତତୋ ଭୀମୋ ନବଭିର୍ନିଶିତୈଃ ଶରୈଃ।
ବିବ୍ଯାଧ ପ୍ରହସନ୍ରାଜନ୍ରାକ୍ଷସେନ୍ଦ୍ରମମର୍ଷଣମ୍॥ 7-108-15 (49004)
ତଦ୍ରକ୍ଷଃ ସମରେ ବିଦ୍ଧଂ କୃତ୍ବା ନାଦଂ ଭଯାବହମ୍।
ଅଭ୍ଯଦ୍ରବତ୍ତତୋ ଭୀମଂ ଯେ ଚ ତସ୍ଯ ପଦାନୁଗାଃ॥ 7-108-16 (49005)
ସ ଭୀମଂ ପଞ୍ଛଭିର୍ବିଦ୍ବ୍ବା ଶରୈଃ ସନ୍ନତପର୍ବଭିଃ।
ଭୈମାନ୍ପରିଜଘାନାଶୁ ରଥାଂସ୍ତ୍ରିଶତମାହବେ।
ପୁନଶ୍ଚତୁଃଶତାନ୍ହତ୍ବା ଭୀମଂ ବିବ୍ଯାଧ ପତ୍ରିଣା॥ 7-108-17 (49006)
ସୋଽତିବିଦ୍ଧସ୍ତଥା ଭୀମୋ ରାକ୍ଷସେନ ମହାବଲଃ।
ନିଷସାଦ ରଥୋପସ୍ଥେ ମୂର୍ଚ୍ଛଯାଽଭିପରିପ୍ଲୁତଃ॥ 7-108-18 (49007)
ପ୍ରତିଲଭ୍ଯ ତତଃ ସଂଜ୍ଞାଂ ମାରୁତିଃ କ୍ରୋଧମୂର୍ଚ୍ଛିତଃ।
ବିକୃଷ୍ଯ କାର୍ମୁକଂ ଘୋରଂ ଭାରସାଧନମୁତ୍ତମମ୍।
ଅଲମ୍ବୁସଂ ଶରୈସ୍ତୀକ୍ଷ୍ଣୈରର୍ଦଯାମାସ ସର୍ବତଃ॥ 7-108-19 (49008)
ସ ବିଦ୍ଧୋ ବହୁଭିର୍ବାଣୈର୍ନୀଲାଞ୍ଜନଚଯୋପମଃ।
ଶୁଶୁଭେ ସର୍ବତୋ ରାଜନ୍ପ୍ରଫୁଲ୍ଲ ଇବ କିଂଶୁକଃ॥ 7-108-20 (49009)
ସ ବଧ୍ଯମାନଃ ସମରେ ଭୀମଚାପଚ୍ଯୁତୈଃ ଶରୈଃ।
ସ୍ମରନ୍ଭ୍ରାତୃବଧଂ ଚୈବ ପାଣ୍ଡବେନ ମହାତ୍ମନା।
ଘୋରଂ ରୂପମଥୋ କୃତ୍ବା ଭୀମସେନମଭାଷତ॥ 7-108-21 (49010)
ତିଷ୍ଠେଦାନୀଂ ରଣେ ପାର୍ଥ ପଶ୍ଯ ମେଽଦ୍ଯ ପରାକ୍ରମମ୍॥
ବାକୋ ନାମ ସୁଦୁର୍ବୁଦ୍ଧେ ରାକ୍ଷସପ୍ରବରୋ ବଲୀ। 7-108-22 (49011)
ପରୋକ୍ଷଂ ମମ ତଦ୍ବୃତ୍ତଂ ଯଦ୍ଧାତା ମେ ହତସ୍ତ୍ବଯା॥ 7-108-23 (49012)
ସଞ୍ଜଯ ଉବାଚ। 7-108-24x (4537)
ଏବମୁକ୍ତ୍ବା ତତୋ ଭୀମମନ୍ତର୍ଧାନଂ ଗତସ୍ତଦା।
ମହତା ଶରବର୍ଷେଣ ଭୃଶଂ ତଂ ସମବାକିରତ୍॥ 7-108-24 (49013)
ଭୀମସ୍ତୁ ସମରେ ରାଜନ୍ନଦୃଶ୍ଯେ ରାକ୍ଷସେ ତଦା।
ଆକାଶଂ ପୂରଯାମାସ ଶରୈଃ ସନ୍ନତପର୍ବଭିଃ॥ 7-108-25 (49014)
ସ ବଧ୍ଯମାନୋ ଭୀମେନ ନିମେଷାଦ୍ରଥମାସ୍ଥିତଃ।
ଜଗାମ ଧରଣୀଂ ଚୈବ କ୍ଷୁଦ୍ରଃ ଖଂ ସହସାଽଗମତ୍॥ 7-108-26 (49015)
ଉଚ୍ଚାବଚାନି ରୂପାଣି ଚକାର ସୁବହୂନି ଚ।
ଅଣୁର୍ବୃହତ୍ପୁନଃ ସ୍ଥୂଲୋ ନାଦାନ୍ମୁଞ୍ଚନ୍ନିବାମ୍ବୁଦଃ॥ 7-108-27 (49016)
[ନିପେତୁର୍ଗଗନାଚତ୍ଚୈବ ଶରଧାରାଃ ସହସ୍ରଶଃ।
ଶକ୍ତଯଃ କଣପାଃ ପ୍ରାସାଃ ଶୂଲପଟ୍ଟସତୋମରାଃ॥ 7-108-28 (49017)
ଶତଘ୍ନ୍ଯଃ ପରିଘାଶ୍ଚୈବ ଭିଣ଼୍ଡିପାଲାଃ ପରଶ୍ବଥାଃ।
ଶିଲାଃ ଖଙ୍ଘା ଗୁଡାଶ୍ଚୈବ ଋଷ୍ଟୀର୍ବଜ୍ରାଣି ଚୈବ ହ॥ 7-108-29 (49018)
ସା ରାକ୍ଷସବିସୃଷ୍ଟା ତୁ ଶସ୍ତ୍ରବୃଷ୍ଟିଃ ସୁଦାରୁଣା।
ଜଘାନ ପାଣ୍ଡୁପୁତ୍ରସ୍ଯ ସୈନିକାନ୍ରଣମୂର୍ଧନି॥] 7-108-30 (49019)
ଉଚ୍ଚାବଚାସ୍ତଥା ବାଚୋ ବ୍ଯାଜହାର ସମନ୍ତତଃ।
ତେନ ପାଣ୍ଡବସୈନ୍ଯାନାଂ ସୂଦିତା ଯୁଧି ବାରଣାଃ॥ 7-108-31 (49020)
ହଯାଶ୍ଚ ବହବୋ ରାଜନ୍ପତ୍ତଯଶ୍ଚ ତଥା ପୁନଃ।
ରଥେଭ୍ଯୋ ରଥିନଃ ପେତୁସ୍ତସ୍ଯ ନୁନ୍ନାଃ ସ୍ମ ସାଯକୈଃ॥ 7-108-32 (49021)
ଶୋଣିତୋଦାଂ ରଥାବର୍ତାଂ ହସ୍ତିଗ୍ରାହସମାକୁଲାମ୍।
ଛତ୍ରହଂସାଂ କର୍ଦମିନୀଂ ବାହୁପନ୍ନଗସଙ୍କୁଲାମ୍॥ 7-108-33 (49022)
ନଦୀଂ ପ୍ରବର୍ତଯାମାସ ରକ୍ଷୋଗଣସମାକୁଲାମ୍।
ବହନ୍ତୀଂ ବହୁଧା ରାଜଂଶ୍ଚେଦିପାଞ୍ଚାଲସୃଞ୍ଜଯାନ୍॥ 7-108-34 (49023)
ତଂ ତଥା ସମରେ ରାଜନ୍ବିଚରନ୍ତମଭୀତବତ୍।
ପାଣ୍ଡବା ଭୃଶସଂବିଗ୍ନାଃ ପ୍ରାପଶ୍ଯଂସ୍ତସ୍ଯ ବିକ୍ରମମ୍॥ 7-108-35 (49024)
ତାବକାନାଂ ତୁ ସୈନ୍ଯାନାଂ ପ୍ରହର୍ଷଃ ସମଜାଯତ।
ବାଦିତ୍ରନିନଦଶ୍ଚୋଗ୍ରଃ ସୁମହାନ୍ରୋମହର୍ଷଣଃ॥ 7-108-36 (49025)
ତଂ ଶ୍ରୁତ୍ବା ନିନଦଂ ଘୋରଂ ତବ ସୈନ୍ଯସ୍ଯ ପାଣ୍ଡବଃ।
ନାମୃଷ୍ଯତ ଯଥା ନାଗସ୍ତଲଶବ୍ଦଂ ସମୀରିତମ୍॥ 7-108-37 (49026)
ତତଃ କ୍ରୋଧାଭିତାମ୍ରାକ୍ଷୋ ନିର୍ଦହନ୍ନିବ ପାବକଃ।
ସନ୍ଦଧେ ତ୍ବାଷ୍ଟ୍ରମସ୍ତ୍ରଂ ସ ସ୍ବଯଂ ତ୍ବଷ୍ଟେବ ମାରୁତିଃ॥ 7-108-38 (49027)
ତତଃ ଶରସହସ୍ରାଣି ପ୍ରାଦୁରାସନ୍ସମନ୍ତତଃ।
ତୈଃ ଶରୈସ୍ତବ ସୈନ୍ଯସ୍ଯ ବିଦ୍ରବଃ ସୁମହାନଭୂତ୍॥ 7-108-39 (49028)
ତଦସ୍ତ୍ରଂ ପ୍ରେରିତଂ ତେନ ଭୀମସେନେନ ସଂଯୁଗେ।
ରାକ୍ଷସସ୍ଯ ମହାମାଯାଂ ହତ୍ବା ରାକ୍ଷସମାର୍ଦଯତ୍॥ 7-108-40 (49029)
ସ ବଧ୍ଯମାନୋ ବହୁଧା ଭୀମସେନେନ ରାକ୍ଷସଃ।
ସନ୍ତ୍ଯଜ୍ଯ ସମରେ ଭୀମଂ ଦ୍ରୋଣାନୀକମୁପାଦ୍ରବତ୍॥ 7-108-41 (49030)
ତସ୍ମିଂସ୍ତୁ ନିର୍ଜିତେ ରାଜନ୍ରାକ୍ଷସେନ୍ଦ୍ରେ ମହାତ୍ମନା।
ଅନାଦଯନ୍ସିଂହନାଦୈଃ ପାଣ୍ଡବାଃ ସର୍ବତୋ ଦିଶମ୍॥ 7-108-42 (49031)
ଅପୂଜଯନ୍ମାରୁତିଂ ଚ ସଂହୃଷ୍ଟାସ୍ତେ ମହାବଲମ୍।
ପ୍ରହାଦମିବ ଦୈତେଯା ଯଥା ଶକ୍ରଂ ମରୁଦ୍ଗଣାଃ॥ ॥ 7-108-43 (49032)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଅଷ୍ଟାଧିକଶତତମୋଽଧ୍ଯାଯଃ॥ 108 ॥
Mahabharata - Drona Parva - Chapter Footnotes
5-108-12 ସୌମଦତ୍ତେଃ ଶଲସ୍ଯ॥ 5-108-27 ବୃହତ୍ ବୃହନ୍॥ 5-108-28 କୁଣ୍ଡଲିତଃ ପାଠୋ ଙ. ଝ.ଞ. ପୁସ୍ତକେଷୁ ଦୃଶ୍ଯତେ॥ 5-108-29 ଋଷ୍ଟୀଃ ଋଷ୍ଟଯଃ॥ 5-108-108 ଅଷ୍ଟାଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 109
॥ ଶ୍ରୀଃ ॥
7.109. ଅଧ୍ଯାଯଃ 109
Mahabharata - Drona Parva - Chapter Topics
ଘଟୋତ୍କଚେନାଲମ୍ବୁସବଧଃ॥ 1 ॥Mahabharata - Drona Parva - Chapter Text
7-109-0 (49033)
ସଞ୍ଜଯ ଉବାଚ। 7-109-0x (4538)
`କିରନ୍ତଂ ଶରବର୍ଷାଣି ରୋଷାଦ୍ଦୋଣଂ ମହାହବେ।
ବିତ୍ରାସଯନ୍ତଂ ତାଂ ସେନାଂ କୌନ୍ତେଯାନାଂ ମହୀପତେ॥ 7-109-1 (49034)
ଦୃଷ୍ଟ୍ବା ତତୋ ମହେଷ୍ବାସୋ ନିଘ୍ନନ୍ତଂ ଚ ରଥାନ୍ଭୃଶମ୍।
ଘଟୋତ୍କଚୋ ମହାବାହୂ ରଣାଯାଭିଜଗାମ ହ॥ 7-109-2 (49035)
ପିଶାଚବଦନୈର୍ଯୁକ୍ତଂ ରଥଂ କାଞ୍ଚନଭୂଷିତମ୍।
ସମାସ୍ଥାଯ ମହାରାଜ ନାନାପ୍ରହରଣୈର୍ଯୁତଃ॥ 7-109-3 (49036)
ଦଂଶିତସ୍ତପନୀଯେନ କବଚେନ ସୁବର୍ଚସା।
ଭୂଷଣୈରାଚିତାଙ୍ଗଶ୍ଚ ନଦନ୍ନିବ ଚ ତୋଯଦଃ॥ 7-109-4 (49037)
ହୈଡିମ୍ବେଯଃ ସୁସଙ୍କ୍ରୁଦ୍ଧୋ ଦ୍ରୋଣମଭ୍ଯଦ୍ରବଦ୍ବଲୀ।
ତମଭ୍ଯଧାବଦାଯାନ୍ତଂ କ୍ରଦ୍ଧରୂପଲମ୍ବୁସଃ॥ 7-109-5 (49038)
ଋକ୍ଷଚର୍ମପରିକ୍ଷିପ୍ତଂ ରଥମାସ୍ଥାଯ ଦଂଶିତଃ।
ରକ୍ତୋଷ୍ଠଃ ସଧନୁଷ୍ପାଣିଃ ପ୍ରାଂଶୁଃ କଲ୍ପ ଇବ ସ୍ଥିତଃ॥ 7-109-6 (49039)
କ୍ଷିପଞ୍ଛତଘ୍ନୀର୍ବିପୁଲା ମୁସଲୋପମତୋମରାନ୍।
ମୁସଣ୍ଠୀର୍ବହୁଲାଶ୍ଚୈବ ତ୍ରିଶୂଲାନପି ପଟ୍ଟସାନ୍॥ 7-109-7 (49040)
କର୍ପରାଞ୍ଛତଧାରାଂଶ୍ଚ ପିନାକାନ୍ବିବିଧାଂସ୍ତଥା।
ଚକ୍ରାଣି ଚ କ୍ଷୁରପ୍ରାଣି କ୍ଷେପଣୀଶ୍ଚ କଟଙ୍କଟାନ୍॥ 7-109-8 (49041)
ନାରାଯାନ୍ବିବିଧାନସ୍ଯନ୍ସକଙ୍କୋଲୂକବାଯସାନ୍।
ଚିକ୍ଷେପ ଧନୁରାଦାଯ ନିନଦନ୍ଭୈରବାନ୍ରବାନ୍॥ 7-109-9 (49042)
ତଂ ରୌଦ୍ରଂ କ୍ରୂରମାଯାନ୍ତଂ ଦୃଷ୍ଟ୍ବା କାଲମିବାଗତମ୍।
ପ୍ରାଦ୍ରବଦ୍ଭଯସଂବିଗ୍ନା ରାଜନ୍ପାଣ୍ଡବବାହିନୀ॥ 7-109-10 (49043)
ସାତ୍ଯକିସ୍ତୁ ରଥବ୍ଯାଘ୍ରୋ ଦୃଷ୍ଟ୍ବା ତଂ ରାକ୍ଷସଂ ଯୁଧି।
ଅଭ୍ଯଯାଦମରପ୍ରଖ୍ଯୋ ଭ୍ରାମଯିତ୍ବା ମହଦ୍ଧନୁଃ॥ 7-109-11 (49044)
ଅଭ୍ଯଦ୍ରବଚ୍ଚ ତଦ୍ରକ୍ଷସ୍ତିଷ୍ଠତିଷ୍ଠେତି ଚାବ୍ରବୀତ୍।
ଅଲମ୍ବୁସଂ ରାକ୍ଷସେନ୍ଦରଂ ସୋଽସ୍ତ୍ରବର୍ଷୈରବାକିରତ୍॥ 7-109-12 (49045)
ତତଃ ପାଣ୍ଡବସୈନ୍ଯାନି ବିଦ୍ରୁତାନ୍ଯଥ ଭାରତ।
ନିରୀକ୍ଷ୍ଯାଭ୍ଯଦ୍ରବତ୍ତୂର୍ଣଂ ତ୍ବରମାଣୋ ଘଟୋତ୍କଚଃ॥ 7-109-13 (49046)
ଚିକ୍ଷେପ ଚ ଗଦାଶକ୍ତୀସ୍ତୋମରାନଥ ପଟ୍ଟସାନ୍।
ହେମଚିତ୍ରତ୍ସରୂନୁଗ୍ରାନ୍ଖଙ୍ଗାନାକାଶସପ୍ରଭାନ୍॥ 7-109-14 (49047)
ଅନ୍ଯୋନ୍ଯମରାଦାଲୋକ୍ଯ ରାକ୍ଷସୌ ତୌ ମହାବଲୌ।
ଭୈରବଂ ନଦତୁର୍ନାଦାନ୍ସତୋଯାବିବ ତୋଯଦୌ॥ 7-109-15 (49048)
ତତଃ ପ୍ରବବୃତେ ଯୁଦ୍ଧଂ ଘୋରଂ ରାକ୍ଷସସିଂହଯୋଃ।
ଯାଦୃଗେବ ପୁରା ବୃତ୍ତଂ ରାମରାବଣଯୋର୍ମୃଧେ॥ 7-109-16 (49049)
ସ ଶକ୍ତୀଶ୍ଚ ପିନାକାଂଶ୍ଚ ବଜ୍ରାନ୍ଖଙ୍ଗାନ୍ପରଶ୍ବଥାନ୍।
ଅନ୍ଯୋନ୍ଯମଭିସଙ୍କ୍ରୁଦ୍ଧୌ ତଦା ବ୍ଯସୃଜତାମୁଭୌ॥ 7-109-17 (49050)
ଆକୃଷ୍ଯମାଣେ ଧନୁଷି ତଯୋର୍ବାହୁବଲେନ ଚ।
ଯନ୍ତ୍ରେଣେବ ତଦା ରାଜନ୍ଭୃଶଂ ନାଦାନ୍ପ୍ରଚକ୍ରତୁଃ॥ 7-109-18 (49051)
ଅଲମ୍ବୁସସ୍ତତଶ୍ଚକ୍ରଂ କୃତାନ୍ତଜ୍ବଲନପ୍ରଭମ୍।
ଘଟୋତ୍କଚାଯ ଚିକ୍ଷେପ ଯତ୍ନମାସ୍ଥାଯ ବୀର୍ଯବାନ୍॥ 7-109-19 (49052)
ତଦ୍ଭୈମସେନିଃ ସମ୍ପ୍ରେକ୍ଷ୍ଯ ଚକ୍ରଂ ବେଗବଦନ୍ତରେ।
ଗଦଯା ତାଡଯାମାସ ତଦ୍ଦୀର୍ଣଂ ଶତଧାଽଭବତ୍॥ 7-109-20 (49053)
ତତୋଽଗ୍ନିଚୂର୍ଣୈଃ ସହସା ଚକ୍ରଘାତବିନିଃସୃତୈଃ।
ଦଂଶକୈରିବ ସା ସେନା ପତଦ୍ଭିର୍ଭୃଶସଂକୁଲା॥ 7-109-21 (49054)
ତତଃ ପ୍ରତିହତେ ଚକ୍ରେ ସ ବୀରୋ ରୋଷସଂକୁଲଃ।
ପ୍ରାହିଣୋତ୍ତରସା ଶୂଲଂ ଶକ୍ତୀର୍ଦଶଶତଂ ତଦା॥। 7-109-22 (49055)
ଜ୍ବଲନ୍ତୀଶ୍ଚ କିରନ୍ତୀଶ୍ଚ ଜ୍ବାଲାମାଲାଃ ସମନ୍ତତଃ।
ଯୁଗାନ୍ତୋଲ୍କାନିଭାସ୍ତୀକ୍ଷ୍ଣା ହେମଦଣ୍ଡା ମହାସ୍ବନାଃ॥ 7-109-23 (49056)
ତାଶ୍ଚାପତନ୍ତୀଃ ସମ୍ପ୍ରେକ୍ଷ୍ଯ ରାକ୍ଷସସ୍ଯ ଘଟୋତ୍କଚଃ।
ଅର୍ଧଚନ୍ଦ୍ରୈଃ ପ୍ରଚିଚ୍ଛେଦ ନାରାଚୈଃ କଙ୍କପତ୍ରିଭିଃ॥ 7-109-24 (49057)
ତତୋ ରୋଷପରୀତାଙ୍ଗଃ ପ୍ରମୁମୋଚ ସ ରାକ୍ଷସଃ।
ଶରବର୍ଷଂ ମହାଘୋରଂ ଘଟୋତ୍କଚରଥଂ ପ୍ରତି'॥ 7-109-25 (49058)
ତଯୋଃ ପ୍ରତିଭଯଂ ଯୁଦ୍ଧମାସୀଦ୍ରାକ୍ଷସସିଂହଯୋଃ।
କୁର୍ବତୋର୍ବିବିଧା ମାଯାଃ ଶକ୍ରଶମ୍ବରଯୋରିବ॥ 7-109-26 (49059)
ଅଲମ୍ବୁସୋ ଭୃଶଂ କ୍ରୁଦ୍ଧୋ ଘଟୋତ୍କଚମତାଡଯତ୍॥ 7-109-27 (49060)
ତଯୋର୍ଯୁଦ୍ଧଂ ସମଭବଦ୍ରକ୍ଷୋଗ୍ରାମଣିମୁଖ୍ଯଯୋଃ।
ଯାଦୃଗେବ ପୁରା ବୃତ୍ତଂ ରାମରାବଣଯୋଃ ପ୍ରଭୋ॥ 7-109-28 (49061)
ଘଟୋତ୍କଚସ୍ତୁ ବିଂଶତ୍ଯା ନାରାଚାନାଂ ସ୍ତନାନ୍ତରେ।
ଅଲମ୍ବୁସମଥୋ ବିଦ୍ଧା ସିଂହବଦ୍ବ୍ଯନଦନ୍ମୁହୁଃ॥ 7-109-29 (49062)
ତଥୈବାଲମ୍ବୁସୋ ରାଜନ୍ହୈଡିମ୍ବିଂ ଯୁଦ୍ଧଦୁର୍ମଦମ୍।
ବିଦ୍ବ୍ବା ବିଦ୍ବୃଽନଦଦ୍ବୃଷ୍ଟଃ ପୂରଯନ୍ଖଂ ସମନ୍ତତଃ॥ 7-109-30 (49063)
ତଥା ତୌ ଭୃଶସଙ୍କ୍ରୁଦ୍ଧୌ ରାକ୍ଷସେନ୍ଦ୍ରୌ ମହାବଲୌ।
ନିର୍ବିଶେଷମଯୁଧ୍ଯେତାଂ ମାଯାଭିରିତରେତରମ୍॥ 7-109-31 (49064)
ମାଯାଶତସୃଜୌ ନିତ୍ଯଂ ମୋହଯନ୍ତୌ ପରସ୍ପରମ୍।
ମାଯାଯୁଦ୍ଧେଷୁ କୁଶଲୌ ମାଯାଯୁଦ୍ଧମଯୁଧ୍ଯତାମ୍॥ 7-109-32 (49065)
ଯାଂଯାଂ ଘଟୋତ୍କଚୋ ଯୁଦ୍ଧେ ମାଯାଂ ଦର୍ଶଯତେ ନୃପ।
ତାଂ ତାମଲମ୍ବୁସୋ ରାଜନ୍ମାଯଯୈବ ନିଜଘ୍ନିବାନ୍॥ 7-109-33 (49066)
ତଂ ତଥା ଯୁଧ୍ଯମାନଂ ତୁ ମାଯାଯୁଦ୍ଧବିଶାରଦମ୍।
ଅଲମ୍ବୁସଂ ରାକ୍ଷସେନ୍ଦ୍ରଂ ଦୃଷ୍ଟ୍ବାଽକ୍ରୁଧ୍ଯନ୍ତ ପାଣ୍ଡବାଃ॥ 7-109-34 (49067)
ତ ଏନଂ ଭୃଶସଂବିଗ୍ନାଃ ସର୍ବତଃ ପ୍ରବରା ରଥୈଃ।
ଅଭ୍ଯଦ୍ରବନ୍ତ ସଙ୍କୁଦ୍ଧା ଭୀମସେନାଦଯୋ ନୃପ॥ 7-109-35 (49068)
ତ ଏନଂ କୋଷ୍ଠକୀକୃତ୍ଯ ରଥବଂଶେନ ମାରିଷ।
ସର୍ବତୋ ବ୍ଯକିରନ୍ବାଣୈରୁଲ୍କାଭିରିବ କୁଞ୍ଜରମ୍॥ 7-109-36 (49069)
ସ ତେଷାମସ୍ତ୍ରବେଗଂ ତଂ ପ୍ରତିହତ୍ଯାସ୍ତ୍ରମାଯଯା।
ତସ୍ମାଦ୍ରଥବ୍ରଜାନ୍ମୁକ୍ତୋ ବନଦାହାଦିବ ଦ୍ବିପଃ॥ 7-109-37 (49070)
ସ ବିଷ୍ଫାର୍ଯ ଅନୁର୍ଧୋରମିନ୍ଦ୍ରାଶନିସମସ୍ବନମ୍।
ମାରୁତିଂ ପଞ୍ଚବିଂଶତ୍ଯା ଭୈମସେନିଂ ଚ ପଞ୍ଚଭିଃ॥ 7-109-38 (49071)
ଯୁଧିଷ୍ଠିରଂ ତ୍ରିଭିର୍ବିଦ୍ଧା ସହଦେବଂ ଚ ସପ୍ତଭିଃ।
ନକୁଲଂ ଚ ତ୍ରିସପ୍ତତ୍ଯା ଦ୍ରୋପଦେଯାଂଶ୍ଚ ମାରିଷ।
ପଞ୍ଚଭିଃପଞ୍ଚଭିର୍ବିଦ୍ଧ୍ବା ଘୋରଂ ନାଦଂ ନନାଦ ହ॥ 7-109-39 (49072)
ତଂ ଭୀମସେନୋ ନବଭିଃ ସହଦେବସ୍ତୁ ପଞ୍ଚଭିଃ।
ଯୁଧିଷ୍ଠିରଃ ଶତେନୈବ ରାକ୍ଷସଂ ପ୍ରତ୍ଯବିଧ୍ଯତ।
ନକୁଲସ୍ତୁ ଚତୁଃଷଷ୍ଟ୍ଯା ଦ୍ରୌପଦେଯାସ୍ତ୍ରିଭିସ୍ତ୍ରିଭିଃ॥ 7-109-40 (49073)
ହୈଡିମ୍ବୋ ରାକ୍ଷସଂ ବିଦ୍ଧ୍ବା ଯୁଦ୍ଧେ ପଞ୍ଚାଶତା ଶରୈଃ।
ପୁନର୍ବିବ୍ଯାଧ ସପ୍ତତ୍ଯା ନନାଦ ଚ ମହାବଲଃ॥ 7-109-41 (49074)
ତସ୍ଯ ନାଦେନ ମହତା କମ୍ପିତେଯଂ ବସୁନ୍ଧରା।
ସପର୍ବତବନା ରାଜନ୍ସପାଦପଜଲାଶଯା॥ 7-109-42 (49075)
ସୋଽତିବିଦ୍ଧୋ ମହେଷ୍ବାସୈଃ ସର୍ବତସ୍ତୈର୍ମହାରଥୈଃ।
ପ୍ରତିବିବ୍ଯାଧ ତାନ୍ସର୍ବାନ୍ପଞ୍ଚଭିଃ ପଞ୍ଚଭିଃ ଶରୈଃ॥ 7-109-43 (49076)
ତଂ କ୍ରୁଦ୍ଧଂ ରାକ୍ଷସଂ ଯୁଦ୍ଧେ ପ୍ରତିକ୍ରୁଦ୍ଧସ୍ତୁ ରାକ୍ଷସଃ।
ହୈଡିମ୍ବୋ ଭରତଶ୍ରେଷ୍ଠ ଶରୈର୍ବିବ୍ଯାଧ ସପ୍ତଭିଃ॥ 7-109-44 (49077)
ସୋଽତିବିଦ୍ଧୋ ବଲବତା ରାକ୍ଷସେନ୍ଦ୍ରୋ ମହାବଲଃ।
ବ୍ଯସୃଜତ୍ସାଯକାଂସ୍ତୂର୍ଣଂ ରୁକ୍ମପୁଙ୍ଖାଞ୍ଶିଲାଶିତାନ୍॥ 7-109-45 (49078)
ତେ ଶର଼ା ନତପର୍ବାଣୋ ଭୈମସେନିବିନିର୍ଭିଦଃ।
ରୁଷିତାଃ ପନ୍ନଗା ଯଦ୍ବଦ୍ଯୋଧମୁଖ୍ଯାନୁପାଗମନ୍॥ 7-109-46 (49079)
ତତସ୍ତେ ପାଣ୍ଡବା ରାଜନ୍ସମନ୍ତାନ୍ନିଶିତାଞ୍ଶରାନ୍।
ପ୍ରେଷଯାମାସୁରୁଦ୍ବିଗ୍ନା ହୈଡିମ୍ବଶ୍ଚ ଘଟୋତ୍କଚଃ॥ 7-109-47 (49080)
ସ ବିଧ୍ଯମାନଃ ସମରେ ପାଣ୍ଡବୈର୍ଜିତକାଶିଭିଃ।
`*ନାଭ୍ଯପଦ୍ଯତ କର୍ତବ୍ଯମାର୍ଶ୍ଯଶୃଙ୍ଗିର୍ମହାବଲଃ॥ 7-109-48 (49081)
ଘଟୋତ୍କଚଂ ମହାରାଜ ଶରବର୍ଷୈରବାକିରତ୍।
ଦଗ୍ଧାଦ୍ରିକୂଟସଦୃଶଂ ତମଞ୍ଜନଚଯୋପରମମ୍॥ 7-109-49 (49082)
ଘଟୋତ୍କଚୋଽପ୍ଯସମ୍ଭ୍ରାନ୍ତଃ ଶରବର୍ଷଂ ମହତ୍ତରମ୍।
ଅଲମ୍ବୁସବଧପ୍ରେପ୍ସୁର୍ମୁମୋଚାଗ୍ନିରିବ ଜ୍ବଲନ୍॥ 7-109-50 (49083)
ଅଲମ୍ବୁସବଧାଚ୍ଚୋଗ୍ରାଦ୍ଧଟୋତ୍କଚବଧାଦପି।
ଶରାଃ ପ୍ରାଦୁର୍ଭବନ୍ତି ସ୍ମ ଦ୍ବିରେଫା ଇବ ଶାଖିନଃ॥ 7-109-51 (49084)
ଅଭ୍ରଚ୍ଛାଯେବ ରଚିତା ବାଣୈସ୍ତତ୍ର ନରେଶ୍ବର।
ନ ସ୍ମ ବିଜ୍ଞାଯତେ କିଞ୍ଚିଦନ୍ଧକାରେ କୃତେ ଶରୈଃ॥ 7-109-52 (49085)
ତତ ଆକର୍ଣମୁକ୍ତେନ ଭଲ୍ଲେନ ଚ ଘଟୋତ୍କଚଃ।
ଅଲମ୍ବୁସସ୍ଯ ଚିଚ୍ଛେଦ ଶିରୋ ଯନ୍ତୁର୍ମହାବଲଃ॥ 7-109-53 (49086)
ତତୋଽପରୈର୍ବେଗବଦ୍ଭିଃ କ୍ଷୁରୈସ୍ତସ୍ଯ ଘଟୋତ୍କଚଃ।
ଅକ୍ଷମୀଷାଂ ଯୁଗଂ ଚୈବ ଚିଚ୍ଛେଦ ଯୁଧି ତାଡଯନ୍॥ 7-109-54 (49087)
ଅବସ୍କନ୍ଦ୍ଯ ରଥାତ୍ତୂର୍ଣଂ କୈର୍ମୀରଃ କ୍ରୋଧମୂର୍ଚ୍ଛିତଃ।
ତସ୍ମିନ୍ମାଯାମଯଂ ଘୋରମସ୍ତ୍ରବର୍ଷଂ ବବର୍ଷ ହ॥ 7-109-55 (49088)
ଘଟୋତ୍କଚୋଽପ୍ଯାଶୁ ରଥାତ୍ପ୍ରସ୍କନ୍ଦ୍ଯ ସ ତମେବ ଚ।
ମାଯାସ୍ତ୍ରେଣୈବ ମାଯାସ୍ତ୍ରଂ ବ୍ଯଧମତ୍ସମରେ ରିପୋଃ॥ 7-109-56 (49089)
ହୈଡିମ୍ବେନାର୍ଦ୍ଯମାନସ୍ତୁ ଯୁଧି ସୋଽଲମ୍ବୁସୋଽଦ୍ରବତ୍।
ଅନ୍ତର୍ହିତୋ ମହାରାଜ ଘଟୋତ୍କଚମଯୋଧଯତ୍॥ 7-109-57 (49090)
ଅନ୍ତର୍ଧାନଗତଂ ଦୃଷ୍ଟ୍ବା ତତ୍ରତତ୍ର ଘଟୋତ୍କଚଃ।
ଗଦଯା ତାଡଯାମାସ ବେଗବତ୍ଯା ମହାବଲଃ॥ 7-109-58 (49091)
ଉତ୍ପପାତ ତତୋ ବ୍ଯୋମ୍ନି ପ୍ରହାରପରିପୀଡିତଃ।
ଅଲମ୍ବୁସୋ ରାକ୍ଷସେନ୍ଦ୍ରଃ ସହସା ପକ୍ଷିରାଡିବ॥ 7-109-59 (49092)
ଘଟୋତ୍କଚୋଽପ୍ଯସମ୍ଭ୍ରାନ୍ତଃ ଖଙ୍ଗପାଣିରଥୋତ୍ପତତ୍।
ତତୋ ବେଗେନ ମହତା ବିବର୍ଷିଷୁରିବାମ୍ବୁଦଃ॥ 7-109-60 (49093)
ତମାପତନ୍ତଂ ସମ୍ପ୍ରେକ୍ଷ୍ଯ କୈର୍ମୀରୀ ରାକ୍ଷସୋତ୍ତମଃ।
ଅଭିଦୁଦ୍ରାବ ବେଗେନ ସିଂହଃ ସିଂହମିବ ସ୍ଥିତମ୍॥ 7-109-61 (49094)
ଦକ୍ଷିଣେନାସିମୁଦ୍ଯମ୍ଯ ବକ୍ଷଃ ପ୍ରଚ୍ଛାଦ୍ଯ ବର୍ମଣା।
ଅଭିଦୁଦ୍ରାବ ବେଗେନ ବେଗବନ୍ତଂ ଘଟୋତ୍କଚଃ॥ 7-109-62 (49095)
ତାବୁଭୌ ବେଗସଂରବ୍ଧାବଲମ୍ବୁସଘଟୋତ୍କଚୌ।
ଅନ୍ଯୋନ୍ଯସ୍ଯ ତଥୈବୋରୂ ସମାଜଘ୍ନତୁରଞ୍ଜସା॥ 7-109-63 (49096)
ଅନ୍ଯୋନ୍ଯସ୍ଯାଭିଘାତେନ ତଯୋ ରାକ୍ଷସସିଂହଯୋଃ।
ଶୈଲେନାଭିହତସ୍ଯେବ ଶୈଲସ୍ଯାଭୂନ୍ମହାସ୍ବନଃ॥ 7-109-64 (49097)
ତତୋଽପସୃତ୍ଯ ସହସା ପୁନରାପେତତୁର୍ଭୃଶମ୍।
ଚରନ୍ତାବସିମାର୍ଗାଂସ୍ତାନ୍ବିବିଧାନ୍ରାକ୍ଷସୋତ୍ତମୌ॥ 7-109-65 (49098)
ତଯୋର୍ଗାତ୍ରେଷୁ ପତିତାବସୀ ଭିନ୍ନୌ ନିପେତତୁଃ।
ବେଗୋତ୍ସୃଷ୍ଟେ ମଘବତା ବଜ୍ରେ ଶୈଲତଟେଷ୍ବିବ॥ 7-109-66 (49099)
ତତଃ ସୈନ୍ଯାନି ଦଦୃଶୁସ୍ତଦ୍ଯୁଦ୍ଧମତିଦାରୁଣମ୍।
ଯୁଦ୍ଧଂ ତଯୋ ରାକ୍ଷସଯୋରାମିଷେ ଶ୍ଯେନଯୋରିବ॥ 7-109-67 (49100)
ତତୋ ଲୋହିତରକ୍ତାକ୍ଷାବୁଭୌ ତୌ ରାକ୍ଷସୋତ୍ତମୌ।
ତଥୈକ୍ଷ୍ଯେତାଂ ତୁ ଶାର୍ଦୂଲୌ ସନ୍ଧ୍ଯାରକ୍ତାବିବାମ୍ବୁଦୌ॥ 7-109-68 (49101)
ଚକ୍ରାତେ ଶ୍ଯେନବଚ୍ଚୈବ ମଣ୍ଡଲାନି ସହସ୍ରଶଃ।
ଉଭୌ ନିସ୍ତ୍ରିଂଶହସ୍ତୌ ତୌ ସପକ୍ଷାବିବ ପକ୍ଷିଣୌ॥ 7-109-69 (49102)
ଭ୍ରାମଯିତ୍ବା ତୁ ତଂ ଖଙ୍ଗଂ ପାଣ୍ଡୋଃ କିର୍ମୀରନନ୍ଦନଃ।
ଚିକ୍ଷେପାସ୍ଯ ଶିରୋ ହର୍ତୁଂ ସ ଚ ତସ୍ଯ ଘଟୋତ୍କଚଃ॥ 7-109-70 (49103)
ତାବସୀ ଯୁଗପଦ୍ଦୀପ୍ତୌ ସମେତ୍ଯ ବିପୁଲୌ ଭୁବି।
ପତିତୌ ତୌ ତୁ ବାହୁଭ୍ଯାଂ ରାକ୍ଷସୌ ସମସଜ୍ଜତାମ୍॥ 7-109-71 (49104)
ଶୀର୍ଷାଘାତାଂସଧାତୈଶ୍ଚ ପରସ୍ପରମଥାହତୌ।
ପୁନର୍ବିମିଶ୍ରିତୌ ବୀରୌ ବ୍ଯାଯୁଧ୍ଯେତେ ମୁହୁର୍ମୁହୁଃ॥ 7-109-72 (49105)
ଭୈମସେନିରଥୋତ୍କ୍ଷିପ୍ଯ ସମାବିଧ୍ଯ ପୁନଃ ପୁନଃ।
ନିଷ୍ପିପେଷ କ୍ଷିତୌ କ୍ଷିପ୍ରଂ ପୂର୍ଣକୁମ୍ଭମିବାଶ୍ମନି॥ 7-109-73 (49106)
ବଲଲାଘବସମ୍ପନ୍ନଃ ସମ୍ପନ୍ନୋ ବିକ୍ରମେଣ ଚ।
ଭୈମସେନିରଥ କ୍ରୁଦ୍ଧଃ ସର୍ବସୈନ୍ଯସ୍ଯ ପଶ୍ଯତଃ॥ 7-109-74 (49107)
ଅସୃକ୍କ୍ଷରିତସର୍ବାଙ୍ଗଶ୍ଚୂର୍ଣିତାସ୍ଥିବିଭୂଷଣଃ।
ଘଟୋତ୍କଚେନ ନିଷ୍ପିଷ୍ଟୋ ହତଃ ସାଲକଟଙ୍କଟଃ॥ 7-109-75 (49108)
ପାଣ୍ଡବାନାଂ ତତଃ ସେନା ତଂ ଦୃଷ୍ଟ୍ବା ବିନିପାତିତମ୍।
ନନାଦ ସୁମହାନାଦଂ ହର୍ଷବେଗସମାପ୍ଲୁତା॥ 7-109-76 (49109)
ତତସ୍ତୁ ନିପପାତାଶୁ ଗତାସୁର୍ଭୁବି ରାକ୍ଷସଃ।
ଶିଖରଂ ପର୍ବତସ୍ଯେବ ବଜ୍ରବେଗେନ ପାତିତମ୍॥ 7-109-77 (49110)
ପତତା ତେନ ମହତା ରଥିନାଂ ଦନ୍ତିନାଂ ଦଶ।
ତବ ସୈନ୍ଯେ ମହାରାଜ ନିହତାଃ ସୁବୃହତ୍ତଯା॥ 7-109-78 (49111)
ତତୋ ଘଟୋତ୍କଚୋ ହତ୍ବା ତଦ୍ରକ୍ଷୋ ବୃତ୍ରସନ୍ନିଭମ୍।
ପୁନଃ ସ ରଥମାସ୍ଥାଯ ବିଜିଗୀଷୁର୍ନନାଦହ'॥ 7-109-79 (49112)
ତତଃ ସୁମନସଃ ପାର୍ଥା ହତେ ତସ୍ମିନ୍ନିଶାଚରେ।
ଚୁକ୍ରୁଶୁଃ ସିଂହନାଦାଂଶ୍ଚ ବାସାଂସ୍ଯାଦୁଧୁବୁଶ୍ଚ ହ॥ 7-109-80 (49113)
ତାବକାଶ୍ଚ ହତଂ ଦୃଷ୍ଟ୍ବା ରାକ୍ଷସେନ୍ଦ୍ରଂ ମହାବଲମ୍।
ଅଲମ୍ବୁସଂ ତଥା ଶୂରା ବିଶୀର୍ଣମିବ ପର୍ବତମ୍।
ହାହାକାରମକାର୍ଷୁଶ୍ଚ ସୈନ୍ଯାନି ଭରତର୍ଷଭ॥ 7-109-81 (49114)
ଜନାଶ୍ଚ ତଦ୍ଦଦୃଶିରେ ରକ୍ଷଃ କୌତୂହଲାନ୍ବିତାଃ।
ଯଦୃଚ୍ଛଯା ନିପତିତଂ ଭୂମାବଙ୍ଗାରକଂ ଯଥା॥ 7-109-82 (49115)
ଘଟୋତ୍କଚସ୍ତୁ ତଦ୍ଧତ୍ବା ରକ୍ଷୋ ବଲବତାଂ ବରମ୍।
ମୁମୋଚ ବଲବନ୍ନାଦଂ ବଲଂ ହତ୍ବେବ ବାସବଃ॥ 7-109-83 (49116)
ସ ପୂଜ୍ଯମାନଃ ପିତୃଭିଃ ସବାନ୍ଧବୈ--
ର୍ଘଟୋତ୍କଚଃ କର୍ମଣି ଦୁଷ୍କରେ କୃତେ।
ରିପୁଂ ନିହତ୍ଯାଭିନନନ୍ଦ ବୈ ତଦା
ହ୍ଯଲମ୍ବୁସଂ ପକ୍ବମଲମ୍ବୁଷଂ ଯଥା॥ 7-109-84 (49117)
ତତୋ ନିନାଦଃ ସୁମହାନ୍ସମୁତ୍ଥିତଃ
ସଶଙ୍ଖନାନାବିଧବାଣଘୋଷବାନ୍।
ନିଶମ୍ଯ ତଂ ପ୍ରତ୍ଯନଦଂସ୍ତୁ ପାଣ୍ଡବା--
ସ୍ତତୋ ଧ୍ବନିର୍ଭୁବନମଥାଽସ୍ପୃଶଦ୍ଭୃଶମ୍॥ 7-109-85 (49118)
`ତତୋଽଭିଗମ୍ଯ ରାଜାନଂ ଧର୍ମପୁତ୍ରଂ ଯୁଧିଷ୍ଠିରମ୍।
ସ୍ବକର୍ମାବେଦଯନ୍ମୂର୍ଧ୍ନା ପ୍ରାଞ୍ଜଲିର୍ନିପପାତ ହ॥ 7-109-86 (49119)
ମୂର୍ଧ୍ନ୍ଯୁପାଘ୍ରାଯ ତଂ ଜ୍ଯେଷ୍ଠଃ ପରିଷ୍ବଜ୍ଯ ଚ ପାଣ୍ଡବଃ।
ପ୍ରିତୋଽସ୍ମୀତ୍ଯବ୍ରବୀଦ୍ରାଜନ୍ହର୍ଷାଦୁତ୍ଫୁଲ୍ଲଲୋଚନଃ॥ 7-109-87 (49120)
ଘଟୋତ୍କଚେନ ନିଷ୍ପିଷ୍ଟେ ହତେ ସାଲକଟଙ୍କଟେ।
ବଭୂବୁର୍ମୁଦିତାଃ ସର୍ବେ ହତେ ତସ୍ମିନ୍ନିଶାଚରେ'॥ ॥ 7-109-88 (49121)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ନବାଧିକଶତତମୋଽଧ୍ଯାଯଃ॥ 109 ॥
Mahabharata - Drona Parva - Chapter Footnotes
5-109-1 ରକ୍ଷୋଗ୍ରାମଣିମୁଖ୍ଯଯୋଃ ରକ୍ଷଃପତିପ୍ରଘାନଯୋଃ॥ 5-109-* ନାଭ୍ଯପଦ୍ଯତେତ୍ଯାରଭ୍ଯ ବିଜିଗୀଷୁର୍ନନାଦହେତି 79 ତମଶ୍ଲୋକପର୍ଯନ୍ତଂ ବିଦ୍ଯମାନାନାଂ ଶ୍ଲୋକାନାଂ ସ୍ଥାନେ ଅଧୋଲିଖିତାଃ ସାର୍ଧଷଟ୍ଶ୍ଲୋକା ଏବ ଝ.ପୁସ୍ତକେ ସନ୍ତି। ମର୍ତ୍ଯଧର୍ମମନୁପ୍ରାପ୍ତଃ କର୍ତବ୍ଯଂ ନାନ୍ବପଦ୍ଯତ। ତତଃସମରଶୌଣ୍ଡୋ ବୈ ଭୈମସେନିର୍ମହାବଲଃ॥ ସମୀକ୍ଷ୍ଯ ତଦବସ୍ଥଂ ତଂ ବଧାଯାସ୍ଯ ମନୋ ଦଧେ। ବେଗଂ ଚକ୍ରେ ମହାନ୍ତଂ ଚ ରାକ୍ଷସେନ୍ଦ୍ରଥଂ ପ୍ରତି॥ ଦଗ୍ଧାଦ୍ରିକୂଟଶୃଙ୍ଗାଭଂ ଭିନ୍ନାଞ଼୍ଜନଚଯୋପମମ୍। ରଥାଦ୍ରଥମଭିଦ୍ରୁତ୍ଯ କ୍ରୁଦ୍ଧୋ ହୈଡିମ୍ବିରାକ୍ଷିପତ୍॥ ଉଦ୍ବବର୍ହ ରଥାଚ୍ଚାପି ପନ୍ନାଗଂ ଗରୁଡୋ ଯଥା। ସମୁତ୍କ୍ଷିପ୍ଯ ଚ ବାହୁଭ୍ଯାମାବିଦ୍ବ୍ଯ ଚ ପୁନଃ ପୁନଃ॥ ନିଷ୍ପିପେଷ କ୍ଷିତୌ କ୍ଷିପ୍ରଂ ପୂର୍ଣକୁମ୍ଭମିବାଶ୍ମନି। ବଲଲାଘବସମ୍ପନ୍ନଃ ସମ୍ପନ୍ନୋ ବିକ୍ରମେଣ ଚ॥ ଭୈମସେନୀ ରଣେ କ୍ରୁଦ୍ଧଃ ସର୍ବସୈନ୍ଯାନ୍ଯଭୀଷଯତ୍। ସ ବିଷ୍ଫାରିତସର୍ବାଙ୍ଗଶ୍ଚୂର୍ଣିତାସ୍ଥିର୍ବିଭୀଷଣଃ॥ ଘଟୋତ୍କଚେନ ବୀରେଣ ହତଃ ସାଲକଟଙ୍କଟଃ। 5-109-15 ଭୁବନଂ ସ୍ବର୍ଲୋକମ୍॥ 5-109-109 ନବାଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 110
॥ ଶ୍ରୀଃ ॥
7.110. ଅଧ୍ଯାଯଃ 110
Mahabharata - Drona Parva - Chapter Topics
ରଣାଙ୍କଣୋ ପାଞ୍ଚଜନ୍ଯସ୍ବନେ ଶ୍ରୁତେ ଅଶ୍ରୁତେଚ ଗାଣ୍ଡୀବଘୋଷେ ଅର୍ଜୁନସ୍ଯ ବିପଦମାଶଙ୍କମାନେନ ଯୁଧିଷ୍ଠିରେଣ ସାତ୍ଯକିମ୍ପ୍ରତି ଅର୍ଜୁନବୃତ୍ତାନ୍ତପରିଜ୍ଞାନାଯ ଗମନଚୋଦନା॥ 1 ॥Mahabharata - Drona Parva - Chapter Text
7-110-0 (49122)
ଧୃତରାଷ୍ଟ୍ର ଉବାଚ। 7-110-0x (4539)
ଭାରଦ୍ବାଜଂ କଥଂ ଯୁଦ୍ଧେ ଯୁଯୁଧାନୋ ନ୍ଯବାରଯତ୍।
ସଞ୍ଜଯାଚକ୍ଷ୍ବ ତତ୍ତ୍ବେନ ପରଂ କୌତୂହଲଂ ହି ମେ॥ 7-110-1 (49123)
ସଞ୍ଜଯ ଉବାଚ। 7-110-2x (4540)
ଶୃଣୁ ରାଜନ୍ମହାପ୍ରାଜ୍ଞ ସଙ୍ଗ୍ରାମଂ ରୋମହର୍ଷଣମ୍।
ଦ୍ରୋଣସ୍ଯ ପାଣ୍ଡବୈଃ ସାର୍ଧଂ ଯୁଯୁଧାନପୁରୋଗମୈଃ॥ 7-110-2 (49124)
ବଧ୍ଯମାନଂ ବଲଂ ଦୃଷ୍ଟ୍ବା ଯୁଯୁଧାନେନ ମାରିଷ।
ଅଭ୍ଯଦ୍ରବତ୍ସ୍ବଯଂ ଦ୍ରୋଣଃ ସାତ୍ଯକିଂ ସତ୍ଯବିକ୍ରମମ୍॥ 7-110-3 (49125)
ତମାପତନ୍ତଂ ସହସା ଭାରଦ୍ବାଜଂ ମହାରଥମ୍।
ସାତ୍ଯକିଃ ପଞ୍ଚବିଂଶତ୍ଯା କ୍ଷୁଦ୍ରକାଣାଂ ସମାର୍ପଯତ୍॥ 7-110-4 (49126)
ଦ୍ରୋଣୋଽପି ଯୁଧି ବିକ୍ରାନ୍ତୋ ଯୁଯୁଧାନଂ ସମାହିତଃ।
ଅବିଧ୍ଯତ୍ପଞ୍ଚଭିସ୍ତୂର୍ଣଂ ହେମପୁଙ୍ଖୈଃ ଶରୈଃ ଶିତୈଃ॥ 7-110-5 (49127)
ତେ ବର୍ମ ଭିତ୍ତ୍ବା ସୁଦୃଢଂ ଦ୍ବିଷତ୍ପିଶିତଭୋଜନାଃ।
ଅଭ୍ଯଯୁର୍ଧରଣୀଂ ରାଜନ୍ବଲ୍ମୀକମିବ ପନ୍ନଗାଃ॥ 7-110-6 (49128)
ଦୀର୍ଘବାହୁରଭିକ୍ରୁଦ୍ଧସ୍ତୋତ୍ରାର୍ଦିତ ଇବ ଦ୍ବିପଃ।
ଦ୍ରୋଣଂ ପଞ୍ଚାଶତାଽବିଧ୍ଯନ୍ନାରାଚୈରଗ୍ନିସନ୍ନିଭୈଃ॥ 7-110-7 (49129)
ଭାରଦ୍ବାଜୋ ରଣେ ବିଦ୍ଧୋ ଯୁଯୁଧାନେନ ସତ୍ବରମ୍।
ସାତ୍ଯକିଂ ବହୁଭିର୍ବାଣୈର୍ଯତମାନମବିଧ୍ଯତ॥ 7-110-8 (49130)
ତତଃ କ୍ରୁଦ୍ଧୋ ମହେଷ୍ବାସୋ ଭୂଯ ଏବ ମହାବଲଃ।
ସାତ୍ବତଂ ପୀଡଯାମାସ ବ୍ରାତେନ ନତପର୍ବଣାମ୍॥ 7-110-9 (49131)
ସ ବଧ୍ଯମାନଃ ସମରେ ଭାରଦ୍ବାଜେନ ସାତ୍ଯକିଃ।
ନାନ୍ବପଦ୍ଯତ କର୍ତବ୍ଯଂ କିଞ୍ଚିଦେବ ବିଶାମ୍ପତେ॥ 7-110-10 (49132)
ବିଷଣ୍ଣବଦନଶ୍ଚାପି ଯୁଯୁଧାନୋଽଭବନ୍ନୃପ।
ଭାରଦ୍ବାଜଂ ରଣେ ଦୃଷ୍ଟ୍ବା ବିସୃଜନ୍ତଂ ଶିତାଞ୍ଶରାନ୍॥ 7-110-11 (49133)
ତଂ ତୁ ସମ୍ପ୍ରେକ୍ଷ୍ଯ ତେ ପୁତ୍ରାଃ ସୈନିକାଶ୍ଚ ବିଶାମ୍ପତେ।
ପ୍ରହୃଷ୍ଟମନସୋ ଭୂତ୍ବା ସିଂହବଦ୍ବ୍ଯନଦନ୍ମୁହୁଃ॥ 7-110-12 (49134)
ତଂ ଶ୍ରୁତ୍ବା ନିନଦଂ ଘୋରଂ ପୀଡ୍ଯମାନଂ ଚ ମାଧବମ୍।
ଯୁଧିଷ୍ଠିରୋଽବ୍ରବୀଦ୍ରାଜା ସର୍ବସୈନ୍ଯାନି ଭାରତ॥ 7-110-13 (49135)
ଏଷ ବୃଷ୍ଣିବରୋ ବୀରଃ ସାତ୍ଯକିଃ ସତ୍ଯବିକ୍ରମଃ।
ଗ୍ରସ୍ଯତେ ଯୁଧି ବୀରେଣ ଭାନୁମାନିବ ରାହୁଣା।
ଅଭିଦ୍ରବତ ଗଚ୍ଛଧ୍ବଂ ସାତ୍ଯକିର୍ଯତ୍ର ଯୁଧ୍ଯତେ॥ 7-110-14 (49136)
ଅଭିଦ୍ରବତ ଗଚ୍ଛଦ୍ବଂ ସାତ୍ଯକିର୍ଯତ୍ର ଯୁଧ୍ଯତେ॥
ଧୃଷ୍ଟଦ୍ଯୁମ୍ନଂ ଚ ପାଞ୍ଚାଲ୍ଯମିଦମାହ ଜନାଧିପଃ।
`ଦ୍ରୋଣଂ ବାରଯ ସୁକ୍ଷିତ୍ରଂ ସାତ୍ଯକିଂ ମାବଧୀଦ୍ଦ୍ବିଜଃ'॥ 7-110-15 (49137)
ଅଭିଦ୍ରବ ଦ୍ରୁତଂ ଦ୍ରୋଣଂ କିମୁ ତିଷ୍ଠସି ପାର୍ପତ।
ନ ପଶ୍ଯସି ଭଯଂ ଦ୍ରୋଣାଦ୍ଧୋରଂ ନଃ ସମୁପସ୍ଥିତମ୍॥ 7-110-16 (49138)
ଅସୌ ଦ୍ରୋଣୋ ମହେଷ୍ବାସୋ ଯୁଯୁଧାନେନ ସଂଯୁଗେ।
କ୍ରୀଡତେ ସୂତ୍ରବଦ୍ଧେନ ପକ୍ଷିଣା ବାଲକୋ ଯଥା॥ 7-110-17 (49139)
ତତ୍ରୈବ ସର୍ବେ ଗଚ୍ଛନ୍ତୁ ଭୀମସେନପୁରୋଗମାଃ।
ତ୍ବଯୈବ ସହିତାଃ ସର୍ବେ ଯୁଯୁଧାନରଥଂ ପ୍ରତି॥ 7-110-18 (49140)
ପୃଷ୍ଠତୋଽନୁଗମିଷ୍ଯାମି ତ୍ବାମହଂ ସହସୈନିକଃ।
ସାତ୍ଯକିଂ ମୋକ୍ଷଯସ୍ବାଦ୍ଯ ଯମଦଂଷ୍ଟ୍ରାନ୍ତରଂ ଗତମ୍॥ 7-110-19 (49141)
ସଞ୍ଜଯ ଉବାଚ। 7-110-20x (4541)
ଏବମୁକ୍ତ୍ବା ତତୋ ରାଜା ସର୍ବସୈନ୍ଯେନ ଭାରତ।
ଅଭ୍ଯଦ୍ରବଦ୍ରଣେ ଦ୍ରୋଣଂ ଯୁଯୁଧାନସ୍ଯ କାରଣାତ୍॥ 7-110-20 (49142)
ତତ୍ରାରାବୋ ମହାନାସୀଦ୍ଦ୍ରୋଣମେକଂ ଯୁଯୁତ୍ସତାମ୍।
ପାଣ୍ଡବାନାଂ ଚ ଭଦ୍ରଂ ତେ ସୃଞ୍ଜଯାନାଂ ଚ ସର୍ବଶଃ॥ 7-110-21 (49143)
ତେ ସମେତ୍ଯ ନରବ୍ଯାଘ୍ରା ଭାରଦ୍ବାଜଂ ମହାରଥମ୍।
ଅଭ୍ଯବର୍ଷଞ୍ଶରୈସ୍ତୀକ୍ଷ୍ଣୈଃ କଙ୍କବର୍ହିଣବାଜିତୈଃ॥ 7-110-22 (49144)
ସ୍ମଯନ୍ନେବ ତୁ ତାନ୍ବୀରାନ୍ଦ୍ରୋଣଃ ପ୍ରତ୍ଯଗ୍ରହୀତ୍ସ୍ବଯମ୍।
ଅତିଥୀନାଗତାନ୍ଯଦ୍ବତ୍ସଲିଲେନାସନେନ ଚ॥ 7-110-23 (49145)
ତର୍ପିତାସ୍ତେ ଶରୈସ୍ତସ୍ଯ ଭାରଦ୍ବାଜସ୍ଯ ଧନ୍ବିନଃ।
ଆତିଥେଯଂ ଗୃହଂ ପ୍ରାପ୍ଯ ତର୍ପ୍ଯନ୍ତେଽତିଥଯୋ ଯଥା॥ 7-110-24 (49146)
ଭାରଦ୍ବାଜଂ ଚ ତେ ସର୍ବେ ନ ଶେକୁଃ ପ୍ରତିବୀକ୍ଷିତୁମ୍।
ମଧ୍ଯନ୍ଦିନମନୁପ୍ରାପ୍ତଂ ସହସ୍ରାଂଶୁମିବ ପ୍ରଭୋ॥ 7-110-25 (49147)
ତାଂସ୍ତୁ ସର୍ବାନ୍ମହେଷ୍ବାସାନ୍ଦ୍ରୋଣଃ ଶସ୍ତ୍ରଭୃତାଂ ବରଃ।
ଅତାପଯଚ୍ଛରବ୍ରାତୈର୍ଗଭସ୍ତିଭିରିବାଂଶୁମାନ୍॥ 7-110-26 (49148)
ବଧ୍ଯମାନା ମହାରାଜ ପାଣ୍ଡବାଃ ସୃଞ୍ଜଯାସ୍ତଥା।
ତ୍ରାତାରଂ ନାଧ୍ଯଗଚ୍ଛନ୍ତ ପଙ୍କମଗ୍ନା ଇବ ଦ୍ବିପାଃ॥ 7-110-27 (49149)
ଦ୍ରୋଣସ୍ଯ ଚ ବ୍ଯଦୃଶ୍ଯନ୍ତ ବିସର୍ପନ୍ତୋ ମହାଶରାଃ।
ଗଭସ୍ତଯ ଇବାର୍କସ୍ଯ ପ୍ରତପନ୍ତଃ ସମନ୍ତତଃ॥ 7-110-28 (49150)
ତସ୍ମିନ୍ଦ୍ରୋଣେନ ନିହତାଃ ପାଞ୍ଚାଲାଃ ପଞ୍ଚବିଂଶତିଃ।
ମହାରଥାଃ ସମାଖ୍ଯାତା ଧୃଷ୍ଟଦ୍ଯୁମ୍ନସ୍ଯ ସମ୍ମତାଃ॥ 7-110-29 (49151)
ପାଣ୍ଡୂନାଂ ସର୍ବସୈନ୍ଯେଷୁ ପାଞ୍ଚାଲାନାଂ ତଥୈବ ଚ।
ଦ୍ରୋଣଂ ସ୍ମ ଦଦୃଶୁଃ ଶୂରଂ ବିନିଘ୍ନନ୍ତଂ ବରାନ୍ବରାନ୍॥ 7-110-30 (49152)
କେକଯାନାଂ ଶତଂ ହତ୍ବା ବିଦ୍ରାବ୍ଯ ଚ ସମନ୍ତତଃ।
ଦ୍ରୋଣସ୍ତସ୍ଥୌ ମହାରାଜ ବ୍ଯାଦିତାସ୍ଯ ଇବାନ୍ତକଃ॥ 7-110-31 (49153)
ପାଞ୍ଚାଲାନ୍ସୃଞ୍ଜଯାନ୍ମତ୍ସ୍ଯାନ୍କେକଯାଂଶ୍ଚ ନରାଧିପ।
ଦ୍ରୋଣୋଽଜଯନ୍ମହାବାହୁଃ ଶତଶୋଽଥ ସହସ୍ରଶଃ॥ 7-110-32 (49154)
ତେଷାଂ ସମଭବଚ୍ଛବ୍ଦୋ ବିଦ୍ଧାନାଂ ଦ୍ରୋଣସାଯକୈଃ।
ବନୌକସାମିବାରଣ୍ଯେ ବ୍ଯାପ୍ତାନାଂ ଧୃମକେତୁନା॥ 7-110-33 (49155)
ତତ୍ର ଦେବାଃ ସଗନ୍ଧର୍ବାଃ ପିତରଶ୍ଚାବ୍ରୁବନ୍ନୃପ।
ଏତେ ଦ୍ରବନ୍ତି ପାଞ୍ଚାଲାଃ ପାଣ୍ଡବାଶ୍ଚ ସସୈନିକାଃ॥ 7-110-34 (49156)
ତଂ ତଥା ସମରେ ଦ୍ରୋଣଂ ନିଘ୍ନନ୍ତଂ ସୌମକାନ୍ରଣେ।
ନ ଚାପ୍ଯଭିଯଯୁଃ କେଚିଦପରେ ନୈବ ବିବ୍ଯଧୁଃ॥ 7-110-35 (49157)
ବର୍ତମାନେ ତଥା ରୌଦ୍ରେ ତସ୍ମିନ୍ବୀରବରକ୍ଷଯେ।
ଅଶୃଣୋତ୍ସହସା ପାର୍ଥଃ ପାଞ୍ଚଜନ୍ଯସ୍ଯ ନିଃସ୍ବନମ୍॥ 7-110-36 (49158)
ପୂରିତେ ବାସୁଦେବେନ ଶଙ୍ଖରାଜେ ମହାତ୍ମନା।
ଯୁଧ୍ଯମାନେଷୁ ବୀରେଷୁ ସୈନ୍ଧବସ୍ଯାଭିରକ୍ଷିଷୁ॥ 7-110-37 (49159)
ନଦତ୍ସୁ ଧାର୍ତରାଷ୍ଟ୍ରେଷୁ ବିଜଯସ୍ଯ ରଥଂ ପ୍ରତି।
ଗାଣ୍ଡୀବସ୍ଯ ଚ ନିର୍ଘୋଷେ ବିପ୍ରନଷ୍ଟେ ସମନ୍ତତଃ॥ 7-110-38 (49160)
କଶ୍ମଲାଭିହତୋ ରାଜା ଚିନ୍ତଯାମାସ ପାଣ୍ଡବଃ।
ନ ନୂନଂ ସ୍ବସ୍ତି ପାର୍ଥାଯ ଯଥା ନଦତି ଶଙ୍ଖରାଟ୍॥ 7-110-39 (49161)
କୌରବାଶ୍ଚ ଯଥା ହୃଷ୍ଟା ବିନଦନ୍ତି ମୁହୁର୍ମୁହୁଃ।
`ବ୍ଯକ୍ତମଦ୍ଯ ବିନଶ୍ଯନ୍ତି ସର୍ବଲୋକମହାରଥାଃ'॥ 7-110-40 (49162)
ଏବଂ ସଞ୍ଚିନ୍ତଯିତ୍ବା ତୁ ବ୍ଯାକୁଲେନାନ୍ତରାତ୍ମନା।
ଅଜତାଶତ୍ରୁଃ କୌନ୍ତେଯଃ ସାତ୍ବତଂ ପ୍ରତ୍ଯଭାଷତ॥ 7-110-41 (49163)
ବାଷ୍ପଗଦ୍ଗଦଯା ବାଚା ମୁହ୍ଯମାନୋ ମୁହୁର୍ମୁହୁଃ।
କୃତ୍ଯସ୍ଯାନନ୍ତରାପେକ୍ଷୀ ଶୈନେଯଂ ଶିନିପୁଙ୍ଗବମ୍॥ 7-110-42 (49164)
ଯୁଧିଷ୍ଠିର ଉବାଚ। 7-110-43x (4542)
ଯଃ ସ ଧର୍ମଃ ପୁରା ଦୃଷ୍ଟଃ ସଦ୍ଭିଃ ଶୈନେଯ ଶାଶ୍ବତଃ।
ସାମ୍ପରାଯେ ସୁହୃତ୍କୃତ୍ଯେ ତସ୍ଯ କାଲୋଽଯମାଗତଃ॥ 7-110-43 (49165)
ସର୍ବେଷ୍ବପି ଚ ଯୋଧେଷୁ ଚିନ୍ତଯଞ୍ଶିନିପୁଙ୍ଗବ।
ତ୍ବତ୍ତଃ ସୁହୃତ୍ତମଂ କଞ୍ଚିନ୍ନାଭିଜାନାମି ସାତ୍ଯକେ॥ 7-110-44 (49166)
ଯୋ ହି ପ୍ରୀତମନା ନିତ୍ଯଂ ଯଶ୍ଚ ନିତ୍ଯମନୁବ୍ରତଃ।
ସ କାର୍ଯେ ସାମ୍ପରାଯେ ତୁ ନିଯୋଜ୍ଯ ଇତି ମେ ମତିଃ॥ 7-110-45 (49167)
ଯଥା ଚ କେଶବୋ ନିତ୍ଯଂ ପାଣ୍ଡବାନାନଂ ପରାଯଣମ୍।
ତଥା ତ୍ବମପି ବାର୍ଷ୍ଣେଯ କୃଷ୍ଣତୁଲ୍ଯପରାକ୍ରମଃ॥ 7-110-46 (49168)
ସୋଽହଂ ଭାରଂ ସମାଧାସ୍ଯେ ତ୍ବଯି ତଂ ବୋଢୁମର୍ହସି।
ଅଭିପ୍ରାଯଂ ଚ ମେ ନିତ୍ଯଂ ନ ବୃଥା କର୍ତୁମର୍ହସି॥ 7-110-47 (49169)
ସ ତ୍ବଂ ଭ୍ରାତୁର୍ବଯସ୍ଯସ୍ଯ ଗୁରୋରପି ଚ ସଂଯୁଗେ।
କୁରୁ କୃଚ୍ଛ୍ରେ ସହାଯାର୍ଥମର୍ଜୁନସ୍ଯ ନରର୍ଷଭ॥ 7-110-48 (49170)
ତ୍ବଂ ହି ସତ୍ଯବ୍ରତଃ ଶୂରୋ ମିତ୍ରାଣାମଭଯଙ୍କରଃ।
ଲୋକେ ବିଖ୍ଯାଯସେ ବୀର କର୍ମଭିଃ ସତ୍ଯବାଗିତି॥ 7-110-49 (49171)
ଯୋ ହି ଶୈନେଯ ମିତ୍ରାର୍ଥେ ଯୁଧ୍ଯମାନସ୍ତ୍ଯଜେତ୍ତନୁମ୍।
ପୃଥିବୀଂ ଚ ଦ୍ବିଜାତିଭ୍ଯୋ ଯୋ ଦଦ୍ଯାତ୍ସ ସମୋ ଭବେତ୍॥ 7-110-50 (49172)
ଶ୍ରୁତାଶ୍ଚ ବହବୋଽସ୍ମାଭୀ ରାଜାନୋ ଯେ ଦିବଂ ଗତାଃ।
ଦତ୍ତ୍ବେମାଂ ପୃଥିବୀଂ କୃତ୍ସ୍ନାଂ ବ୍ରାହ୍ମଣେଭ୍ଯୋ ଯଥାବିଧି॥ 7-110-51 (49173)
`ଦୀଯମାନା ଚ ବହୁଭିର୍ଦାସ୍ଯତେ ଚ ମୁହୁର୍ମହୀ।
ନ ହି କଶ୍ଚିଦ୍ରଣେ ପ୍ରାଣାନ୍ମିତ୍ରାର୍ଥେ ତ୍ଯକ୍ତବାନିହ'॥ 7-110-52 (49174)
ଏବଂ ତ୍ବାମପି ଧର୍ମାତ୍ମନ୍ପ୍ରଯାଚେଽହଂ କୃତାଞ୍ଜଲିଃ।
ପୃଥିବୀଦାନତୁଲ୍ଯଂ ସ୍ଯାଦଧିକଂ ବା ଫଲଂ ବିଭୋ॥ 7-110-53 (49175)
ଏକ ଏବ ସଦା କୃଷ୍ଣୋ ମିତ୍ରାଣାମଭଯଙ୍କରଃ।
ରଣେ ସନ୍ତଜତି ପ୍ରାଣାନ୍ଦ୍ବିତୀଯସ୍ତ୍ବଂ ଚ ସାତ୍ଯକେ॥ 7-110-54 (49176)
ବିକ୍ରାନ୍ତସ୍ଯ ଚ ବୀରସ୍ଯ ଯୁଦ୍ଧେ ପ୍ରାର୍ଥଯତୋ ଯଶଃ।
ଶୂର ଏବ ସହାଯଃ ସ୍ଯାନ୍ନେତରଃ ପ୍ରାକୃତୋ ଜନଃ॥ 7-110-55 (49177)
ଈଦୃଶେ ତୁ ପରାମର୍ଦେ ବର୍ତମାନସ୍ଯ ମାଧବ।
ତ୍ବଦନ୍ଯୋ ହି ରଣେ ଗୋପ୍ତା ବିଜଯସ୍ଯ ନ ବିଦ୍ଯତେ॥ 7-110-56 (49178)
ଶ୍ଲାଘନ୍ନେବ ହି କର୍ମାଣି ଶତଶସ୍ତବ ପାଣ୍ଡବଃ।
ମମ ସଞ୍ଚନଯନ୍ହର୍ଷଂ ପୁନଃ ପୁନରକୀର୍ତଯତ୍॥ 7-110-57 (49179)
ଲଘୁହସ୍ତଶ୍ଚିତ୍ରଯୋଧୀ ତଥା ଲଘୁପରାକ୍ରମଃ।
ପ୍ରାଜ୍ଞଃ ସର୍ବାସ୍ତ୍ରବିଚ୍ଛୂରୋ ମୁହ୍ଯତେ ନ ଚ ସଂଯୁଗେ॥ 7-110-58 (49180)
ମହାସ୍କନ୍ଧୋ ମହୋରସ୍କୋ ମହାବାହୁର୍ମହାହନୁଃ।
ମହାବଲୋ ମହାବୀର୍ଯଃ ସ ମହାତ୍ମା ମହାରଥଃ॥ 7-110-59 (49181)
ଶିଷ୍ଯୋ ମମ ସଖା ଚୈବ ପ୍ରିଯୋଽସ୍ଯାହଂ ପ୍ରିଯଶ୍ଚ ମେ।
ଯୁଯୁଧାନଃ ସହାଯୋ ମେ ପ୍ରମଥିଷ୍ଯତି କୌରବାନ୍॥ 7-110-60 (49182)
ଅସ୍ମଦର୍ଥଂ ଚ ରାଜେନ୍ଦ୍ର ସନ୍ନହ୍ଯେଦ୍ଯଦି କେଶବଃ।
ରାମୋ ବାପ୍ଯନିରୁଦ୍ଧୋ ବା ପ୍ରଦ୍ଯୁମ୍ନୋ ବା ମହାରଥଃ॥ 7-110-61 (49183)
ଗଦୋ ବା ମାରଣୋ ବାପି ସାମ୍ବୋ ବା ସହ ବୃଷ୍ଣିଭିଃ।
ସହାଯାର୍ଥଂ ମହାରାଜ ସଙ୍ଗ୍ରାମୋତ୍ତମମୂର୍ଧନି॥ 7-110-62 (49184)
ତଥାପ୍ଯହଂ ନରବ୍ଯାଘ୍ରଂ ଶୈନେଯଂ ସତ୍ଯବିକ୍ରମମ୍।
ସାହାଯ୍ଯେ ବିନିଯୋକ୍ଷ୍ଯାମି ନାସ୍ତି ମେଽନ୍ଯୋହି ତତ୍ସମଃ॥ 7-110-63 (49185)
ଇତି ଦ୍ବୈତବନେ ତାତ ମାମୁବାଚ ଧନଞ୍ଜଯଃ।
ପରୋକ୍ଷେ ତ୍ବଦ୍ଗୁଣାଂସ୍ତଥ୍ଯାନ୍କଥଯନ୍ନାର୍ଯସଂସଦି॥ 7-110-64 (49186)
ତସ୍ଯ ତ୍ବମେବଂ ସଙ୍କଲ୍ପଂ ନ ବୃଥା କର୍ତୁମର୍ହସି।
ଧନଞ୍ଜଯସ୍ଯ ବାର୍ଷ୍ଣେଯ ମମ ଭୀମସ୍ଯ ଚୋଭଯୋଃ॥ 7-110-65 (49187)
ଯଚ୍ଚାପି ତୀର୍ଥାନି ଚରନ୍ନଗଚ୍ଛଂ ଦ୍ବାରକାଂ ପ୍ରତି।
ତତ୍ରାହମପି ତେ ଭକ୍ତିମର୍ଜୁନଂ ପ୍ରତି ଦୃଷ୍ଟବାନ୍॥ 7-110-66 (49188)
ନ ତନ୍ସୌହୃଦନନ୍ଯେପୁ ମଯା ଶୈନେଯ ଲକ୍ଷିତମ୍।
ଯଥା ତ୍ବମସ୍ମାନ୍ଭଜସେ ବର୍ତମାନାନୁପପ୍ଲବେ॥ 7-110-67 (49189)
ସୋଽଭିଜାତ୍ଯା ଚ ଭକ୍ତ୍ଯା ଚ ସଖ୍ଯସ୍ଯାଚାର୍ଯକସ୍ଯ ଚ।
ସୌହୃଦସ୍ଯ ଚ ବୀର୍ଯସ୍ଯ କୁଲୀନତ୍ବସ୍ଯ ମାଧବ॥ 7-110-68 (49190)
ସତ୍ଯସ୍ଯ ଚ ମହାବାହୋ ଅନୁକମ୍ପାର୍ଥମେବ ଚ।
ଅନୁରୂପଂ ମହେପ୍ବାସ କର୍ମ ତ୍ବଂ କର୍ତୁମର୍ହସି॥ 7-110-69 (49191)
ସୁଯୋଧନୋ ହି ସହସା ଗତୋ ଦ୍ରୋଣେନ ଦଂଶିତଃ।
ପୂର୍ବମେବାନୁଯାତାସ୍ତେ କୌରବାଣାଂ ମହାରଥାଃ॥ 7-110-70 (49192)
ସୁମହାନ୍ନିନଦଶ୍ଚୈବ ଶ୍ରୂଯତେ ବିଜଯଂ ପ୍ରତି।
ସ ଶୈନେଯ ଜବେନାଶୁ ଗନ୍ତୁମର୍ହସି ମାନଦ॥ 7-110-71 (49193)
ଭୀମସେନୋ ବଯଂ ଚୈବ ସଂଯତ୍ତାଃ ସହସୈନିକାଃ।
ଦ୍ରୋଣମାବାରଯିଷ୍ଯାମୋ ଯଦି ତ୍ବାଂ ପ୍ରତିଯୋତ୍ସ୍ଯତେ॥ 7-110-72 (49194)
ପଶ୍ଯ ଶୈନେଯ ସୈନ୍ଯାନି ଦ୍ରବମାଣାନି ସଂଯୁଗେ।
ମହାନ୍ତଂ ଚରଣେ ଶବ୍ଦଂ ଦୀର୍ଯମାଣାଂ ଚ ଭାରତୀମ୍॥ 7-110-73 (49195)
ମହାମାରୁତବେଗେନ ସମୁଦ୍ରମିବ ପର୍ବସୁ।
ଧାର୍ତରାଷ୍ଟବଲଂ ତାତ ବିକ୍ଷିପ୍ତଂ ସବ୍ଯସାଚିନା॥ 7-110-74 (49196)
ରଥୈର୍ବିପରିଧାବଦ୍ଭିର୍ମନୁଷ୍ଯୈଶ୍ଚ ହଯୈଶ୍ଚ ହ।
ସୈନ୍ଯଂ ରଜଃସମୁଦ୍ଭୂତମେତତ୍ସମ୍ପରିବର୍ତତେ॥ 7-110-75 (49197)
ସଂବୃତଃ ସିନ୍ଧୁସୌବୀରୈର୍ନଖରପ୍ରାସଯୋଧିଭିଃ।
ଅତ୍ଯନ୍ତୋପଚିତୈଃ ଶୂରୈଃ ଫଲ୍ଗୁନଃ ପରବୀରହା॥ 7-110-76 (49198)
ନୈତଦ୍ବଲମସଂବାର୍ଯଂ ଶକ୍ଯୋ ଜେତୁଂ ଜଯଦ୍ରଥଃ।
ଏତେ ହି ସୈନ୍ଧବସ୍ଯାର୍ଥେ ସର୍ବେ ସନ୍ତ୍ଯକ୍ତଜୀବିତାଃ॥ 7-110-77 (49199)
ଶରଶକ୍ତିଧ୍ବଜବରଂ ହଯନାଗସମାକୁଲମ୍।
ପଶ୍ଯୈତଦ୍ଧାର୍ତରାଷ୍ଟ୍ରାଣାମନୀକଂ ସୁଦୁରାସଦମ୍॥ 7-110-78 (49200)
ଶୃଣୁ ଦୁନ୍ଦୁଭିନିର୍ଘୋଷଂ ଶଙ୍ଖଶବ୍ଦାଂଶ୍ଚ ପୁଷ୍କଲାନ୍।
ସିଂହନାଦରବାଂଶ୍ଚୈବ ରଥନେମିସ୍ବନାଂସ୍ତଥା॥ 7-110-79 (49201)
ନାଗାନାଂ ଶୃଣୁ ଶବ୍ଦଂ ଚ ପତ୍ତୀନାଂ ଚ ସହସ୍ରଶଃ।
ସାଦିନାଂ ଦ୍ରବତାଂ ଚୈବ ଶୃଣୁ କମ୍ପଯତାଂ ମହୀମ୍॥ 7-110-80 (49202)
ପୁରସ୍ତାତ୍ସୈନ୍ଧବାନୀକଂ ଦ୍ରୋଣାନୀକଂ ଚ ପୃଷ୍ଠତଃ।
ବହୁତ୍ବାଦ୍ଧି ନରବ୍ଯାଘ୍ର ଦେବେନ୍ଦ୍ରମପି ପୀଡଯେତ୍॥ 7-110-81 (49203)
ଅପର୍ଯନ୍ତେ ବଲେ ମଗ୍ନୋ ଜହ୍ଯାଦପି ଚ ଜୀବିତମ୍।
ତସ୍ମିଂଶ୍ଚ ନିହତେ ଯୁଦ୍ଧେ କଥଂ ଜୀବେତ ମାଦୃଶଃ॥ 7-110-82 (49204)
ସର୍ବଥା ସମନୁପ୍ରାପ୍ତଃ ସୁକୃଚ୍ଛ୍ରଂ ତ୍ବଯି ଜୀବତି।
ଶ୍ଯାମୋ ଯୁବା ଗୁଡାକେଶୋ ଦର୍ଶନୀଯଶ୍ଚ ପାଣ୍ଡବଃ॥ 7-110-83 (49205)
ଲଘ୍ବସ୍ତ୍ରଶ୍ଚିତ୍ରଯୋଧୀ ଚ ପ୍ରବିଷ୍ଟସ୍ଯାତ ଭାରତୀମ୍।
ସୂର୍ଯୋଦଯେ ମହାବାହୁର୍ଦିବସଶ୍ଚାତିବର୍ତତେ॥ 7-110-84 (49206)
ତନ୍ନ ଜାନାମି ବାର୍ଷ୍ଣେଯ ଯଦି ଜୀବତି ବା ନ ବା।
କୁରୂଣାଂ ଚାପି ତତ୍ସୈନ୍ଯଂ ସାଗରପ୍ରତିମଂ ମହତ୍॥ 7-110-85 (49207)
ଏକ ଏବ ଚ ବୀଭତ୍ସୁଃ ପ୍ରବିଷ୍ଟସ୍ତାତ ଭାରତୀମ୍।
ଅବିପହ୍ଯାଂ ମହାବାହୁଃ ସୁରୈରପି ମହାହବେ॥ 7-110-86 (49208)
ନ ହି ମେ ବର୍ତତେ ବୁଦ୍ଧିରଦ୍ଯ ଯୁଦ୍ଧେ କଥଞ୍ଚନ।
ଦ୍ରୋଣୋଽପି ରଭସୋ ଯୁଦ୍ଧେ ମମ ପୀଡଯତେ ବଲମ୍॥ 7-110-87 (49209)
ପ୍ରତ୍ଯକ୍ଷଂ ତେ ମହାବାହୋ ଯଥାଽସୌ ଚରତି ଦ୍ବିଜଃ।
ଯୁଗପଚ୍ଚ ସମେତାନାଂ କାର୍ଯାଣାଂ ତ୍ବଂ ବିଚକ୍ଷଣଃ।
ମହାର୍ଥଂ ଲଘୁସଂଯୁକ୍ତଂ କର୍ତୁମର୍ହସି ମାନଦ॥ 7-110-88 (49210)
ତସ୍ଯ ମେ ସର୍ବକାର୍ଯେଷୁ କାର୍ଯମେତନ୍ମତଂ ମହତ୍।
ଅର୍ଜୁନସ୍ଯ ପରିତ୍ରାଣାଂ କର୍ତବ୍ଯମିତି ସଂଯୁଗେ॥ 7-110-89 (49211)
ନାହଂ ଶୋଚାମି ଦାଶାର୍ହଂ ଗୋପ୍ତାରଂ ଜଗତଃ ପତିମ୍।
ସ ହି ଶକ୍ତୋ ରଣେ ତାତ ତ୍ରୀଁଲ୍ଲୋକାନପି ସଙ୍ଗତାନ୍॥ 7-110-90 (49212)
ବିଜେତୁଂ ପୁରୁଷବ୍ଯାଘ୍ରଃ ସତ୍ଯମେତଦ୍ବ୍ରବୀମି ତେ।
କିମ୍ପୁନର୍ଧାର୍ତରାଷ୍ଟ୍ରସ୍ଯ ବଲମେତତ୍ସୁଦୁର୍ବଲମ୍॥ 7-110-91 (49213)
ଅର୍ଜୁନସ୍ତ୍ବେଷ ବାର୍ଷ୍ଣେଯ ପୀଡିତୋ ବହୁଭିର୍ଯୁଧି।
ପ୍ରଜହ୍ଯାତ୍ସମରେ ପ୍ରାଣାଂସ୍ତସ୍ମାଦ୍ବିନ୍ଦାମି କଶ୍ମଲମ୍॥ 7-110-92 (49214)
ତସ୍ଯ ତ୍ବଂ ପଦବୀଂ ଗଚ୍ଛ ଗଚ୍ଛେଯୁସ୍ତ୍ବାଦୃଶା ଯଥା।
ତାଦୃଶସ୍ଯେଦୃଶେ କାଲେ ମାଦୃଶେନାଭିନୋଦିତଃ॥ 7-110-93 (49215)
ରଣେ ବୃଷ୍ଣିପ୍ରବୀରାଣାଂ ଦ୍ବାବେବାତିରଥୌ ସ୍ମୃତୌ।
ପ୍ରଦ୍ଯୁମ୍ନଶ୍ଚ ମହାବାହୁସ୍ତ୍ବଂ ଚ ସାତ୍ବତ ବିଶ୍ରୁତଃ॥ 7-110-94 (49216)
ଅସ୍ତ୍ରେ ନାରାଯଣସମଃ ସଙ୍କର୍ଷଣସମୋ ବଲେ।
ବୀରତାଯାଂ ନରବ୍ଯାଘ୍ର ଧନଞ୍ଜଯସମୋ ହ୍ଯସି॥ 7-110-95 (49217)
ଭୀଷ୍ମଦ୍ରୋଣାବତିକ୍ରମ୍ଯ ସର୍ବଯୁଦ୍ଧବିଶାରଦମ୍।
ତ୍ବାମେବ ପୁରୁଷବ୍ଯାଘ୍ରଂ ଲୋକେ ସନ୍ତଃ ପ୍ରଚକ୍ଷତେ॥ 7-110-96 (49218)
`ସଦେବାସୁରଗନ୍ଧର୍ବାନ୍ସକିନ୍ନରମହୋରଗାନ୍।
ଯୋଧଯେଚ୍ଚ ଜଗତ୍ସର୍ବଂ ବିଜଯେତ ରିପୂନ୍ବହୂନ୍॥ 7-110-97 (49219)
ଇତି ବ୍ରୁବନ୍ତି ଲୋକେଷୁ ଜନାସ୍ତବ ଗୁଣାଂସ୍ତଥା।
ସମାଗମେଷୁ ସର୍ବେଷୁ ପୃଥଗେବ ଚ ସର୍ବଦା'।
ନାଶକ୍ଯଂ ବିଦ୍ଯତେ ଲୋକେ ସାତ୍ଯକେରିତି ମାଧବ॥ 7-110-98 (49220)
ତତ୍ତ୍ବାଂ ଯଦଭିବକ୍ଷ୍ଯାମି ତତ୍କୁରୁଷ୍ବ ମହାବଲ॥ 7-110-99 (49221)
ସମ୍ଭାବନା ହି ଲୋକସ୍ଯ ମମ ପାର୍ଥସ୍ଯ ଚୋଭଯୋଃ।
ନାନ୍ଯଥା ତାଂ ମହାବାହୋ ସମ୍ପ୍ରକର୍ତୁମିହାର୍ହସି॥ 7-110-100 (49222)
ପରିତ୍ଯଜ୍ଯ ପ୍ରିଯାନ୍ପ୍ରାଣାନ୍ରଣେ ଚର ବିଭୀତବତ୍।
ନ ହି ଶୈନେଯ ଦାଶାର୍ହା ରଣେ ରକ୍ଷନ୍ତି ଜୀବିତମ୍॥ 7-110-101 (49223)
ଅଯୁଦ୍ଧମନବସ୍ଥାନଂ ସଙ୍ଗ୍ରାମେ ଚ ପଲାଯନମ୍।
ଭୀରୂଣାମସତାଂ ମାର୍ଗେ ନୈଷ ଦାଶାର୍ହସେବିତଃ॥ 7-110-102 (49224)
ତବାର୍ଜୁନୋ ଗୁରୁସ୍ତାତ ଧର୍ମାତ୍ମା ଶିନିପୁଙ୍ଗଚ।
ବାସୁଦେବୋ ଗୁରୁଶ୍ଚାପି ତବ ପାର୍ଥସ୍ଯ ଧୀମତଃ॥ 7-110-103 (49225)
କାରଣଦ୍ବଯମେତଦ୍ଧି ଜାନଂସ୍ତ୍ବାମହମବ୍ରୁବମ୍।
ମାବମଂସ୍ଥା ବଚୋ ମହ୍ଯଂ ଗୁରୁସ୍ତବ ଗୁରୋର୍ହ୍ଯହମ୍॥ 7-110-104 (49226)
ବାସୁଦେବମତଂ ଚୈବ ମମ ଚୈବାର୍ଜୁନସ୍ଯ ଚ।
ସତ୍ଯମେତନ୍ମଯୋକ୍ତଂ ତେ ଯାହି ଯତ୍ର ଧନଞ୍ଜଯଃ॥ 7-110-105 (49227)
ଏତଦ୍ବଚନମାଜ୍ଞାଯ ମମ ସତ୍ଯପରାକ୍ରମ।
ପ୍ରବିଶୈତଦ୍ବଲଂ ତାତ ଧାର୍ତରାଷ୍ଟ୍ରସ୍ଯ ଦୁର୍ମତେଃ॥ 7-110-106 (49228)
ପ୍ରବିଶ୍ଯ ଚ ଯଥାନ୍ଯାଯଂ ସଙ୍ଗମ୍ଯ ଚ ମହାରଥୈଃ।
ଯଥାର୍ହମାତ୍ମନଃ କର୍ମ ରଣେ ସାତ୍ବତ ଦର୍ଶଯ॥ ॥ 7-110-107 (49229)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଦଶାଧିକଶତତମୋଽଧ୍ଯାଯଃ॥ 110 ॥
Mahabharata - Drona Parva - Chapter Footnotes
5-110-29 ତସ୍ମିନ୍ନବସରେ॥ 5-110-42 କୃତ୍ଯସ୍ଯ ଜଯଦ୍ରଥବଧସ୍ଯାନନ୍ତରାପେକ୍ଷୀ ଅବିଘ୍ନାକାଙ୍କ୍ଷୀ॥ 5-110-43 ଯଃ ସ ଧର୍ମୋ ମୈତ୍ରୀଲକ୍ଷଣଃ। ସାମ୍ପରାଯେ ଆପତ୍କାଲେ॥ 5-110-47 ବଯସ୍ଯସ୍ଯ ସ୍ରିଗ୍ଧସ୍ଯ। ସହାଯାର୍ଥଂ ସହାଯରୂପପ୍ରଯୋଜନମ୍॥ 5-110-67 ଉପପ୍ଲୁବେ ବିମର୍ଦେ॥ 5-110-68 ସଖ୍ଯାଦେରନୁରୂପମିତ୍ଯନେନାନ୍ବଯଃ॥ 5-110-69 ସତ୍ଯସ୍ଯାଙ୍ଗୀକାରସ୍ଯ। ଅନୁକମ୍ପାର୍ଥମର୍ଜୁନାନୁପାଲନନିମିତ୍ତମ୍॥ 5-110-79 ଶ୍ରୂଯତେ ହି ରଣଂ ପ୍ରତି ଇତି କ.ପାଠଃ॥ 5-110-88 ମହାର୍ଥଂ ମହାନ୍ତମର୍ଥମ୍। ଲଘୁସଂଯୁକ୍ତମବିଲମ୍ବସମ୍ପନ୍ନମ୍॥ 5-110-101 ବିଭୀତବଦଭୀତଃ॥ 5-110-102 ଅନବସ୍ଥାନମସ୍ଥୈର୍ଯମ୍॥ 5-110-110 ଦଶାଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 111
॥ ଶ୍ରୀଃ ॥
7.111. ଅଧ୍ଯାଯଃ 111
Mahabharata - Drona Parva - Chapter Topics
ଅର୍ଜୁନମ୍ପ୍ରତି ଗଚ୍ଛେତି ଯୁଧିଷ୍ଠିରଚୋଦିତେନ ସାତ୍ଯକିନା ତମ୍ପ୍ରତି ସ୍ବସ୍ଯାର୍ଜୁନେନ ତଦ୍ରକ୍ଷଣାଯ ନିଯୋଗାଭିଧାନପୂର୍ବକଂ ସ୍ବେନ ତସ୍ଯାପରିତ୍ଯାଜ୍ଯତ୍ବକଥନମ୍॥ 1 ॥ ଯୁଧିଷ୍ଠିରେଣ ଭୀମାଦିଭିଃ ସ୍ବସ୍ଯ ରକ୍ଷଣକଥନପୂର୍ବକଂ ପୁନଃ ସାତ୍ଯକେରର୍ଜୁନମ୍ପ୍ରତି ଗମନେ ନିଯୋଜନମ୍॥ 2 ॥Mahabharata - Drona Parva - Chapter Text
7-111-0 (49230)
ସଞ୍ଜଯ ଉବାଚ। 7-111-0x (4543)
ପ୍ରୀତିଯୁକ୍ତଂ ଚ ହୃଦ୍ଯଂ ଚ ମାନନୀଯଂ ଚ ସର୍ବଶଃ।
କାଲଯୁକ୍ତଂ ଚ ଚିତ୍ରଂ ଚ ସ୍ବଧିଯା ଚାଭିଭାଷିତମ୍॥ 7-111-1 (49231)
ଧର୍ମରାଜସ୍ଯ ତଦ୍ବାକ୍ଯଂ ନିଶ୍ଯମ୍ଯ ଶିନିପୁଙ୍ଗବଃ।
ସାତ୍ଯକିର୍ଭରତଶ୍ରେଷ୍ଠ ପ୍ରତ୍ଯୁବାଚ ଯୁଧିଷ୍ଠିରମ୍॥ 7-111-2 (49232)
ଶ୍ରୁତଂ ତେ ଗଦତୋ ବାକ୍ଯଂ ସର୍ବମେତନ୍ମଯାଽଚ୍ଯୁତ।
ନ୍ଯାଯଯୁକ୍ତଂ ଚ ସତ୍ଯଂ ଚ ଫଲ୍ଗୁନାର୍ଥେ ଯଶସ୍କରମ୍॥ 7-111-3 (49233)
ଏବଂବିଧେ ତଥା କାଲେ ମାଦୃଶଂ ପ୍ରେକ୍ଷ୍ଯ ସତ୍ତମ।
ବକ୍ତୁମର୍ହସି ରାଜେନ୍ଦ୍ର ଯଥା ପାର୍ଥଂ ତଥୈବ ମାମ୍॥ 7-111-4 (49234)
ନ ମେ ଧନଞ୍ଜଯସ୍ଯାର୍ଥେ ପ୍ରାଣା ରକ୍ଷ୍ଯାଃ କଥଞ୍ଚନ।
ତ୍ବତ୍ପ୍ରଯୁକ୍ତଃ ପୁନରହଂ କିଂ ନକୁର୍ଯାଂ ମହାହବେ॥ 7-111-5 (49235)
ଲୋକତ୍ରଯଂ ଯୋଧଯେଯଂ ସଦେବାସୁରମାନୁଷମ୍।
ତ୍ବତ୍ପ୍ରଯୁକ୍ତୋ ନରେନ୍ଦ୍ରେନ୍ଦ୍ର କିମ୍ପୁନସ୍ତାନ୍ସୁଦୁର୍ବଲାନ୍॥ 7-111-6 (49236)
ସୁଯୋଧନବଲଂ ତ୍ବଦ୍ଯ ଯୋଧଯିଷ୍ଯେ ସମନ୍ତତଃ।
ବିଜେଷ୍ଯେ ଚ ରଣେ ରାଜନ୍ସତ୍ଯମେତଦ୍ବ୍ରବୀମି ତେ॥ 7-111-7 (49237)
କୁଶଲ୍ଯହଂ କୁଂଶଲିନଂ ସମାସାଦ୍ଯ ଧନଞ୍ଜଯମ୍।
ହତେ ଜଯଦ୍ରଥେ ରାଜନ୍ପୁନରେଷ୍ଯାମି ତେଽନ୍ତିକମ୍॥ 7-111-8 (49238)
ଅବଶ୍ଯଂ ତୁ ମଯା ସର୍ବଂ ବିଜ୍ଞାପ୍ଯସ୍ତ୍ବଂ ନରାଧିପ।
ବାସୁଦେବସ୍ଯ ଯଦ୍ବାକ୍ଯଂ ଫଲ୍ଗୁନସ୍ଯ ଚ ଧୀମତଃ॥ 7-111-9 (49239)
ଦୃଢଂ ତ୍ବଭିହିତଶ୍ଚାହମର୍ଜୁନେନ ପୁନଃପୁନଃ।
ମଧ୍ଯେ ସର୍ବସ୍ଯ ସୈନ୍ଯସ୍ଯ ବାସୁଦେବସ୍ଯ ଶୃଣ୍ବତଃ॥ 7-111-10 (49240)
ଅଦ୍ଯ ମାଧବ ରାଜାନମପ୍ରମତ୍ତୋଽନୁପାଲଯ।
ଆର୍ଯାଂ ଯୁଦ୍ଧେ ମତିଂ କୃତ୍ବା ଯାବଦ୍ଧନ୍ମି ଜଯଦ୍ରଥମ୍॥ 7-111-11 (49241)
ତ୍ବଯି ଚାହଂ ମହାବାହୋ ପ୍ରଦ୍ଯୁମ୍ନେ ବା ମହାରଥେ।
ନୃପଂ ନିକ୍ଷିପ୍ଯ ଗଚ୍ଛେଯଂ ନିରପେକ୍ଷୋ ଜଯଦ୍ରଥମ୍॥ 7-111-12 (49242)
ଜାନୀଷେ ହି ରଣେ ଦ୍ରୋଣଂ କୁରୁଷୁ ଶ୍ରେଷ୍ଠସମ୍ମତମ୍।
ପ୍ରତିଜ୍ଞା ଚାପି ତେ ନିତ୍ଯଂ ଶ୍ରୁତା ଦ୍ରୋଣସ୍ଯ ମାଧବ॥ 7-111-13 (49243)
ଗ୍ରହମେ ଧର୍ମରାଜସ୍ଯ ଭାରଦ୍ବାଜୋଽପି ଗୃଧ୍ଯତି।
ଶକ୍ତଶ୍ଚାପି ରଣେ ଦ୍ରୋଣୋ ନିଗ୍ରହୀତୁଂ ଯୁଧିଷ୍ଠିରମ୍॥ 7-111-14 (49244)
ଏବଂ ତ୍ବଯି ସମାଘାଯ ଧର୍ମରାଜଂ ନରୋତ୍ତମମ୍।
ଅହମଦ୍ଯ ଗମିଷ୍ଯାମି ସୈନ୍ଧବସ୍ଯ ବଧାଯ ହି॥ 7-111-15 (49245)
`ସ ତ୍ବମଦ୍ଯ ରଣେ ଯତ୍ତୋ ରକ୍ଷ ମାଧବ ପାଣ୍ଡବମ୍।
ରକ୍ଷେଣେ ଧର୍ମରାଜସ୍ଯ ଧ୍ରୁବୋ ହି ବିଜଯୋ ମମ'॥ 7-111-16 (49246)
ଜଯଦ୍ରଥଂ ଚ ହତ୍ବାଽହଂ ଦ୍ରୁତମେଷ୍ଯାମି ମାଧବ।
ଧର୍ମରାଜଂ ନ ଚେଦ୍ଦ୍ରୋଣୋ ନିଗୃହ୍ଣୀଯାଦ୍ରଣେ ବଲାତ୍॥ 7-111-17 (49247)
ନିଗୃହୀତେ ନରଶ୍ରେଷ୍ଠେ ଭାରଦ୍ବାଜେନ ମାଧବ।
ସୈନ୍ଧବସ୍ଯ ବଧୋ ନ ସ୍ଯାନ୍ମମାପ୍ରୀତିସ୍ତଥା ଭବେତ୍॥ 7-111-18 (49248)
ଏବଙ୍ଗତେ ନରଶ୍ରେଷ୍ଠେ ପାଣ୍ଡବେ ସତ୍ଯବାଦିତି।
ଅସ୍ମାକଂ ଗମନଂ ବ୍ଯକ୍ତଂ ବନଂ ପ୍ରତି ଭବେତ୍ପୁନଃ॥ 7-111-19 (49249)
ସୋଽଯଂ ମମ ଜଯୋ ବ୍ଯକ୍ତଂ ବ୍ଯର୍ଥ ଏବ ଭବିଷ୍ଯତି।
ଯଦି ଦ୍ରୋଣୋ ରଣେ କ୍ରୁଦ୍ଧୋ ନିଗୃହ୍ଣୀଯାଦ୍ଯୁଧିଷ୍ଠିରମ୍॥ 7-111-20 (49250)
ସ ତ୍ବମଦ୍ଯ ମହାବାହୋ ପ୍ରିଯାର୍ଥଂ ମମ ମାଧବ।
ଜଯାର୍ଥଂ ଚ ଯଶୋର୍ଥଂ ଚ ରକ୍ଷ ରାଜାନମାହବେ॥ 7-111-21 (49251)
ସ ଭବାନ୍ମଯି ନିକ୍ଷେପୋ ନିକ୍ଷିପ୍ତଃ ସବ୍ଯସାଚିନା।
ଭାରଦ୍ବାଜାଦ୍ଭଯଂ ନିତ୍ଯଂ ମନ୍ଯମାନେନ ବୈ ପ୍ରଭୋ॥ 7-111-22 (49252)
ତସ୍ଯାପି ଚ ମହାବାହୋ ନିତ୍ଯଂ ପଶ୍ଯାମି ସଂଯୁଗେ।
ନାନ୍ଯଂ ହି ପ୍ରତିଯୋଦ୍ଧାରଂ ରୌକ୍ମିଣେଯାଦୃତେ ପ୍ରଭୋ॥ 7-111-23 (49253)
ମାଂ ଚାପି ମନ୍ଯତେ ଯୁଦ୍ଧେ ଭାରଦ୍ବାଜସ୍ଯ ଧୀମତଃ।
ସୋଽହଂ ସଂଭାବନାନଂ ଚୈତାମାଚାର୍ଯବଚନଂ ଚ ତତ୍।
ପୃଷ୍ଠତୋ ନୋତ୍ସହେ କର୍ତୁଂ ତ୍ବାଂ ବା ତ୍ଯକ୍ତୁଂ ମହୀପତେ॥ 7-111-24 (49254)
ଆଚାର୍ଯୋ ଲଘୁହସ୍ତତ୍ବାଦଭେଦ୍ଯକବଚାବୃତଃ।
ଉପଲଭ୍ଯ ରଣେ କ୍ରୀଡେଦ୍ଯଥା ଶକୁନିନା ଶିଶୁଃ॥ 7-111-25 (49255)
ଯଦି କାର୍ଷ୍ଣିର୍ଧନୁଷ୍ପାଣିରିହ ସ୍ଯାନ୍ମକରଧ୍ବଜଃ।
ତସ୍ମୈ ତ୍ବାଂ ବିସୃଜେଯଂ ବୈ ସ ତ୍ବାଂ ରକ୍ଷେଦ୍ଯଥାଽର୍ଜୁନଃ॥ 7-111-26 (49256)
କୁରୁ ତ୍ବମାତ୍ମନୋ ଗୁପ୍ତିଂ କସ୍ତେ ଗୋପ୍ତା ଗତେ ମଯି।
ଯଃ ପ୍ରତୀଯାଦ୍ରମେ ଦ୍ରୋଣଂ ଯାବଦ୍ଗଚ୍ଛାମି ପାଣ୍ଡବମ୍॥ 7-111-27 (49257)
ମା ଚ ତେ ଭଯମଦ୍ଯାସ୍ତୁ ରାଜନ୍ନର୍ଜୁନସମ୍ଭବମ୍।
ନ ସ ଜାତୁ ମହାବାହୁର୍ଭାରମୁଦ୍ଯମ୍ଯ ସୀଦତି॥ 7-111-28 (49258)
ଯେ ଚ ସୌବୀରକା ଯୋଧାସ୍ତଥା ସୈନ୍ଧବପୌରବାଃ।
ଉଦୀଚ୍ଯା ଦାକ୍ଷିଣାତ୍ଯାଶ୍ଚ ଯେ ଚାନ୍ଯେଽପି ମହାରଥାଃ॥ 7-111-29 (49259)
ଯେ ଚ କର୍ଣମୁଖା ରାଜନ୍ରଥୋଦାରାଃ ପ୍ରକୀର୍ତିତଃ।
ଏତେଽର୍ଜୁନସ୍ଯ କ୍ରୁଦ୍ଧସ୍ଯ କଲାଂ ନାର୍ହନ୍ତି ଷୋଡଶୀମ୍॥ 7-111-30 (49260)
ଉଦ୍ଯୁକ୍ତାଃ ପୃଥିବୀପାଲ ସସୁରାସୁରମାନୁଷାଃ।
ସରାକ୍ଷସଗଣା ରାଜନ୍ସକିନ୍ନରମହୋରଗାଃ॥ 7-111-31 (49261)
ଜଙ୍ଗମସ୍ଥାବରୈଃ ସାର୍ଧଂ ନାଲଂ ପାର୍ଥସ୍ଯ ସଂଯୁଗେ।
ଏବଂ ଜ୍ଞାତ୍ବା ମହାରାଜ ବ୍ଯେତୁ ତେ ଭୀର୍ଧନଞ୍ଜଯେ॥ 7-111-32 (49262)
ଏବଂ ବୀରୌ ମହେଷ୍ବାସୌ କୃଷ୍ଣୌ ସତ୍ଯପରାକ୍ରମୌ।
ନ ତତ୍ର କର୍ମଣୋ ବ୍ଯାପତ୍କଥଂଚିଦପି ବିଦ୍ଯତେ। 7-111-33 (49263)
ଦୈବଂ କୃତାସ୍ତ୍ରତାଂ ଯୋଗମମର୍ଷଂ ଶୌର୍ଯମାହବେ।
କୃତଜ୍ଞତାଂ ଦଯାଂ ଚୈବ ଭ୍ରାତୁସ୍ତ୍ବମନୁଚିନ୍ତଯ॥ 7-111-34 (49264)
ମଯି ଚାପି ସହାଯେ ତେ ଗଚ୍ଛମାନେଽର୍ଜୁନଂ ପ୍ରତି।
ଦ୍ରୋଣେ ଚିତ୍ରାସ୍ତ୍ରତାଂ ସହ୍ଖ୍ଯେ ରାଜଂସ୍ତ୍ବମନୁଚିନ୍ତଯ॥ 7-111-35 (49265)
ଆଚାର୍ଯୋ ହି ଭୃଶଂ ରାଜନ୍ନିଗ୍ରହେ ତବ ଗୃଧ୍ଯତି।
ପ୍ରତିଜ୍ଞାମାତ୍ମନୋ ରକ୍ଷନ୍ସତ୍ଯାଂ କର୍ତୁଂ ଚ ଭାରତ॥ 7-111-36 (49266)
କୁରୁଷ୍ବାଦ୍ଯାତ୍ମନୋ ଗୁପ୍ତିଂ କସ୍ତେ ଗୋପ୍ତା ଗତେ ମଯି।
ଯସ୍ଯାହଂ ପ୍ରତ୍ଯଯାତ୍ପାର୍ଥଂ ଗଚ୍ଛେଯଂ ଫଲ୍ଗୁନଂ ପ୍ରତି॥ 7-111-37 (49267)
ନ ହ୍ଯହଂ ତ୍ବାଂ ମହାରାଜ ଅନିକ୍ଷିପ୍ଯ ମହାହବେ।
କ୍ବଚିଦ୍ଯାସ୍ଯାମି କୌରବ୍ଯ ସତ୍ଯମେତଦ୍ବ୍ରବୀମି ତେ॥ 7-111-38 (49268)
`ନ ପଶ୍ଯାମି ରଥଂ କଞ୍ଚିଦ୍ଯସ୍ତେ ଗୋପ୍ତା ଭବେଦିହ।
ଶକ୍ତଂ ଯଂ ମନ୍ଯସେ ରାଜନ୍ଗୋପ୍ତାରଂ ପ୍ରତି ପାଣ୍ଡବ'॥ 7-111-39 (49269)
ଏତଦ୍ବିଚାର୍ଯ ବହୁଶୋ ବୁଦ୍ଧ୍ଯା ବୁଦ୍ଧିମତାଂ ବର।
ଦୃଷ୍ଟ୍ବା ଶ୍ରେଯଃ ପରଂ ବୁଦ୍ଧ୍ଯା ତତୋ ରାଜନ୍ପ୍ରଶାଧି ମାମ୍॥ 7-111-40 (49270)
ଯୁଧିଷ୍ଠିର ଉବାଚ। 7-111-41x (4544)
ଏବମେତନ୍ମହାବାହୋ ଯଥା ବଦସି ମାଧବ।
ନ ତୁ ମେ ଶୁଦ୍ଧ୍ଯତେ ଭାବଃ ଶ୍ବେତାଶ୍ବଂ ପ୍ରତି ମାରିଷ॥ 7-111-41 (49271)
କରିଷ୍ଯେ ପରମଂ ଯତ୍ନମାତ୍ମନୋ ରକ୍ଷଣେ ହ୍ଯହମ୍।
ଗଚ୍ଛ ତ୍ବଂ ସମନୁଜ୍ଞାତୋ ଯତ୍ର ଯାତୋ ଧନଞ୍ଜଯଃ॥ 7-111-42 (49272)
ଆତ୍ମସଂରକ୍ଷଣଂ ସଙ୍ଖ୍ଯେ ଗମନଂ ଚାର୍ଜୁନଂ ପ୍ରତି।
ବିଚାର୍ଯୈତତ୍ସ୍ବଯଂ ବୁଦ୍ଧ୍ଯା ଗମନଂ ତତ୍ର ରୋଚଯେ॥ 7-111-43 (49273)
ସ ତ୍ବମାତିଷ୍ଠ ଯାନାଯ ଯତ୍ର ଯାତୋ ଧନଞ୍ଜଯଃ।
ମମାପି ରକ୍ଷଣଂ ଭୀମଃ କରିଷ୍ଯତି ମହାବଲଃ॥ 7-111-44 (49274)
ପାର୍ଷତଶ୍ଚ ସସୋଦର୍ଯଃ ପାର୍ଥିବାଶ୍ଚ ମବାହଲାଃ।
ଦ୍ରୌପଦେଯାଶ୍ଚ ମାଂ ତାତ ରକ୍ଷିଷ୍ଯନ୍ତି ନ ସଂଶଯଃ॥ 7-111-45 (49275)
କେକଯା ଭ୍ରାତରଃ ପଞ୍ଚ ରାକ୍ଷସଶ୍ଚ ଘଟୋତ୍କଚଃ।
ବିରାଟୋ ଦ୍ରୁପଦଶ୍ଚୈବ ଶିଖଣ୍ଡୀ ଚ ମହାରଥଃ॥ 7-111-46 (49276)
ଧୃଷ୍ଟକେତୁଶ୍ଚ ବଲବାନ୍କୁନ୍ତିଭୋଜଶ୍ଚ ମାତୁଲଃ।
ନକୁଲଃ ସହଦେବଶ୍ଚ ପାଞ୍ଚାଲାଃ ସୃଞ୍ଜଯାସ୍ତଥା।
ଏତେ ସମାହିତାସ୍ତାତ ରକ୍ଷିଷ୍ଯନ୍ତି ନ ସଂଶଯଃ॥ 7-111-47 (49277)
ନ ଦ୍ରୋଣଃ ସହ ସୈନ୍ଯେନ କୃତବର୍ମା ଚ ସଂଯୁଗେ।
ସମାସାଦଯିତୁଂ ଶକ୍ତୋ ନ ଚ ମାଂ ଧର୍ଷଯିଷ୍ଯତି॥ 7-111-48 (49278)
ଧୃଷ୍ଟଦ୍ଯୁମ୍ନଶ୍ଚ ସମରେ ଦ୍ରୋଣଂ କ୍ରୁଦ୍ଧଂ ପରନ୍ତପଃ।
ବାରଯିଷ୍ଯତି ବିକ୍ରମ୍ଯ ବେଲେବ ମକରାଲଯମ୍॥ 7-111-49 (49279)
ଯତ୍ର ସ୍ଥାସ୍ଯତି ସଙ୍ଗ୍ରାମେ ପାର୍ଷତଃ ପରବୀରହା।
ନ ଦ୍ରୋଣସ୍ଯ ବଲଂ ତାତ କ୍ରମେତ୍ତତ୍ର କଥଞ୍ଚନ॥ 7-111-50 (49280)
ଏଷ ଦ୍ରୋଣବିନାଶାଯ ସମୁତ୍ପନ୍ନୋ ହୁତାଶନାତ୍।
କବଚୀ ସ ଶରୀ ଖଙ୍ଗୀ ଧନ୍ବୀ ଚ ବରଭୂଷଣଃ॥ 7-111-51 (49281)
`ଏଷ ଦ୍ରୋଣଂ ରଣେ କ୍ରୁଦ୍ଧଂ ବାରଯେତ ସ ବୈ ପ୍ରଭୋ।
ପାଞ୍ଚାଲଃ ସହିତୈଃ ସର୍ବୈଃ ପାଣ୍ଡବାନାଂ ଚ ଧନ୍ବିଭିଃ'॥ 7-111-52 (49282)
ବିକ୍ରୁଧଂ ଗଚ୍ଛ ଶୈନେଯ ମା କାର୍ଷୀର୍ମଯି ସମ୍ଭ୍ରମମ୍।
ଧୃଷ୍ଟଦ୍ଯୁମ୍ନୋ ରଣେ କ୍ରୁଦ୍ଧଂ ଦ୍ରୋଣମାବାରଯିଷ୍ଯତି॥ ॥ 7-111-53 (49283)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଏକାଦଶାଧିକଶତତମୋଽଧ୍ଯାଯଃ॥ 111 ॥
Mahabharata - Drona Parva - Chapter Footnotes
5-111-15 ଏବମୀଦୃଶ୍ଯାମପି କାର୍ଯଗତୌ। ସମାଧାଯ ନିକ୍ଷିପ୍ଯ॥ 5-111-19 ଏବଙ୍ଗତେ ଗ୍ରହଣଂ ପ୍ରାପ୍ତେ। ଅସ୍ମାକଂ ଚିନ୍ତିତଂ ବ୍ଯକ୍ତଂ ବ୍ଯର୍ଥମେବ ଭବେଦ୍ଯୁଧି ଇତି. କ.ଖ.ଙ.ପାଠଃ॥ 5-111-27 ଯାବଦ୍ରଚ୍ଛାମି ଗମିଷ୍ଯାମି॥ 5-111-28 ଅର୍ଜୁନସମ୍ଭବମର୍ଜୁନବିଷଯମ୍॥ 5-111-34 ଦୈବମମାନୁଷତାମ୍। ଯୋଗମଭିଜ୍ଞାନମ୍॥ 5-111-38 କ୍ବଚିତ୍କସ୍ମିଂଶ୍ଚିତ୍ ଅନିକ୍ଷିପ୍ଯେତ୍ଯନ୍ବଯଃ॥ 5-111-40 ଦୃଷ୍ଟ୍ବା ନିଶ୍ଚିତ୍ଯ॥ 5-111-44 ଆତିଷ୍ଠ ପ୍ରକ୍ରମସ୍ବ॥ 5-111-47 ମାତୁଲଃ ପୁରୁଜିତ୍॥ 5-111-53 ମଯି ମାମଧିକୃତ୍ଯ। ସମ୍ଭ୍ରମମୁଦ୍ବେଗମ୍॥ 5-111-111 ଏକାଦଶାଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 112
॥ ଶ୍ରୀଃ ॥
7.112. ଅଧ୍ଯାଯଃ 112
Mahabharata - Drona Parva - Chapter Topics
ସାତ୍ଯକେଃ ଯୁଧିଷ୍ଠିରରକ୍ଷଣେ ଭୀମଂ ନିଯୋଜ୍ଯାର୍ଜୁନଦର୍ଶନାଯ ପ୍ରସ୍ଥାନମ୍॥ 1 ॥Mahabharata - Drona Parva - Chapter Text
7-112-0 (49284)
ସଞ୍ଜଯ ଉବାଚ। 7-112-0x (4545)
ଧର୍ମରାଜସ୍ଯ ତଦ୍ବାକ୍ଯଂ ନିଶମ୍ଯ ଶିନିପୁଙ୍ଗବଃ।
ସ ପାର୍ଥାଦ୍ଭଯମାଶଂସନ୍ପରିତ୍ଯାଗାନ୍ମହୀପତେଃ॥ 7-112-1 (49285)
ଅପବାଦଂ ହ୍ଯାତ୍ମନଶ୍ଚ ଲୋକାଦ୍ରକ୍ଷନ୍ବିଶେଷତଃ।
ନ ମାଂ ଭୀତମିତି ବ୍ରୂଯାତ୍ପ୍ରଯାନ୍ତଂ ଫଲ୍ଗୁନଂ ପ୍ରତି॥ 7-112-2 (49286)
ନିଶ୍ଚିତ୍ଯ ବହୁଧୈବଂ ସ ସାତ୍ଯକିର୍ଯୁଦ୍ଧଦୁର୍ମଦଃ।
ନାତିବ୍ଯକ୍ତମିବାଭାଷ୍ଯ ଧର୍ମରାଜଂ ମହାଯଶାଃ॥ 7-112-3 (49287)
ଶୋକଗଦ୍ଗଦଯା ବାଚା ଶୋକୋପହତଚେତନଃ।
ଯଥେଦାନୀମିତି ଧ୍ଯାତ୍ବା ଧର୍ମରାଜମଥାବ୍ରବୀତ୍॥ 7-112-4 (49288)
କୃତାଂ ଚେନ୍ମନ୍ଯସେ ରକ୍ଷାଂ ସ୍ବସ୍ତି ତେଽସ୍ତୁ ବିଶାମ୍ପତେ।
ଅନୁଯାସ୍ଯାମି ବୀଭତ୍ସୁଂ କରିଷ୍ଯେ ବଚନଂ ତବ॥ 7-112-5 (49289)
ନ ହି ମେ ପାଣ୍ଡବାତ୍କଶ୍ଚିତ୍ତ୍ରିଷୁ ଲୋକେଷୁ ବିଦ୍ଯତେ।
ଯୋ ମେ ପ୍ରିଯତରୋ ରାଜନ୍ସତ୍ଯମେତଦ୍ବ୍ରବୀମି ତେ॥ 7-112-6 (49290)
ତସ୍ଯାହଂ ପଦବୀଂ ଯାସ୍ଯେ ସନ୍ଦେଶାତ୍ତବ ମାନଦ।
ତ୍ବତ୍କୃତେ ନ ଚ ମେ କିଞ୍ଚିଦକର୍ତବ୍ଯଂ କଥଞ୍ଚନ॥ 7-112-7 (49291)
ଯଥା ହି ମେ ଗୁରୋର୍ବାକ୍ଯଂ ବିଶିଷ୍ଟଂ ଦ୍ବିପଦାଂ ବର।
ତଥା ତବାପି ବଚନଂ ବିଶିଷ୍ଟତରମେବ ମେ॥ 7-112-8 (49292)
ପ୍ରିଯେ ହି ତବ ବର୍ତେତେ ଭ୍ରାତରୌ କୃଷ୍ଣପାଣ୍ଡବୌ।
ତଯୋଃ ପ୍ରିଯେ ସ୍ଥିତଂ ଚୈବ ବିଦ୍ଧି ମାଂ ରାଜପୁଙ୍ଗବ॥ 7-112-9 (49293)
ତବାଜ୍ଞାଂ ଶିରସା ଗୃହ୍ଯ ପାଣ୍ଡବାର୍ଥମହଂ ପ୍ରଭୋ।
ଭିତ୍ତ୍ବେଦଂ ଦୁର୍ଭିଦଂ ସୈନ୍ଯଂ ପ୍ରଯାସ୍ଯେ ନରପୁଙ୍ଗବ॥ 7-112-10 (49294)
ଦ୍ରଣାନୀକଂ ବିଶାମ୍ଯେଷ କ୍ରୁଦ୍ଧୋ ଝଷ ଇବାର୍ଣବମ୍।
ତତ୍ର ଯାସ୍ଯାମି ଯତ୍ରାସୌ ରାଜନ୍ରାଜା ଜଯଦ୍ରଥଃ॥ 7-112-11 (49295)
ଯତ୍ର ସେନାନ୍ତମାଶ୍ରିତ୍ଯ ଭୀତସ୍ତିଷ୍ଠତି ପାଣ୍ଡବାତ୍।
ଗୁପ୍ତୋ ରଥବରଶ୍ରେଷ୍ଠୈର୍ଦ୍ରୌଣିକର୍ଣକୃପାଦିଭିଃ॥ 7-112-12 (49296)
ଇତିସ୍ତ୍ରିଯୋଜନଂ ମନ୍ଯେ ତମଧ୍ବାନଂ ବିଶାମ୍ପତେ।
ଯତ୍ର ତିଷ୍ଠତି ପାର୍ଥୋଽସୌ ଜଯଦ୍ରଥବଧୋଦ୍ଯତଃ॥ 7-112-13 (49297)
ତ୍ରିଯୋଜନଗତସ୍ଯାପି ତସ୍ଯ ଯାସ୍ଯାଭ୍ଯହଂ ପଦମ୍।
ଆସୈନ୍ଧବବଧାଦ୍ରାଜନ୍ସୁଦୃଢେନାନ୍ତରାତ୍ମନା॥ 7-112-14 (49298)
ଅନାଦିଷ୍ଟସ୍ତୁ ଗୁରୁଣା କୋ ନୁ ଯୁଧ୍ଯେତ ମାନବଃ।
ଆଦିଷ୍ଟସ୍ତୁ ଯଥା ରାଜନ୍କୋ ନ ଯୁଧ୍ଯେତ ମାଦୃଶଃ॥ 7-112-15 (49299)
ଅଭିଜାନାମି ତଂ ଦେଶମିତଃ ପୂର୍ଣଂ ତ୍ରିଯୋଜନମ୍।
ଯତ୍ର ତିଷ୍ଠତି ରାଜାଽସୌ ସୈନ୍ଧବୋ ବାଲଘାତକଃ॥ 7-112-16 (49300)
ସାଗରପ୍ରତିମଂ ସୈନ୍ଯଂ ଗର୍ଜନ୍ତମିବ ସାଗରମ୍।
ହଲଶକ୍ତିଗଦାପ୍ରାସଚର୍ମଖଙ୍ଗର୍ଷ୍ଟିତୋମରମ୍।
ଇଷ୍ବସ୍ତ୍ରବରସମ୍ବାଧଂ କ୍ଷୋଭଯିତ୍ବା ବ୍ରଜାମ୍ଯହମ୍॥ 7-112-17 (49301)
ଯଦେତତ୍କୁଞ୍ଜରାନୀକଂ ସହସ୍ରମନୁପଶ୍ଯସି।
କୁଲମାଞ୍ଜନକଂ ନାମ ଯତ୍ରୈତେ ବୀର୍ଯଶାଲିନଃ॥ 7-112-18 (49302)
ଆସ୍ଥିତା ବହୁଭିର୍ମ୍ଲେଚ୍ଛୈର୍ଯୁଦ୍ଧଶୌଣ୍ଡୈଃ ପ୍ରହାରିଭିଃ।
ନାଗା ନଗନିଭା ରାଜନ୍କ୍ଷରନ୍ତ ଇବ ତୋଯଦାଃ॥ 7-112-19 (49303)
ନୈତେ ଜାତୁ ନିବର୍ତେରନ୍ପ୍ରେଷିତା ହସ୍ତିସାଦିଭିଃ।
ଅନ୍ଯତ୍ର ହି ବଧାଦେଷାଂ ନାସ୍ତି ରାଜନ୍ପରାଜଯଃ॥ 7-112-20 (49304)
ଅଥ ଯାନ୍ରଥିନୋ ରାଜନ୍ସହସ୍ରମନୁପଶ୍ଯସି।
ଏତେ ରୁକ୍ମରଥା ନାମ ରାଜପୁତ୍ରା ମହାରଥାଃ॥ 7-112-21 (49305)
ରଥେଷ୍ବସ୍ତ୍ରେଷୁ ନିପୁଣା ନାଗେଷୁ ଚ ବିଶାମ୍ପତେ।
ଧନୁର୍ବେଦେ ଗତାଃ ପାରଂ ମୁଷ୍ଟିଯୁଦ୍ଧେ ଚ କୋବିଦାଃ॥ 7-112-22 (49306)
ଗଦାଯୁଦ୍ଧବିଶେଷଜ୍ଞା ନିଯୁଦ୍ଧକୁଶଲାସ୍ତଥା।
ଖଙ୍ଗପ୍ରହରଣେ ଯୁକ୍ତାଃ ସମ୍ପାତେ ଚାସିଚର୍ମଣୋଃ॥ 7-112-23 (49307)
ଶୂରାଶ୍ଚ କୃତବିଦ୍ଯାଶ୍ଚ ସ୍ପର୍ଧନ୍ତେ ଚ ପରସ୍ପରମ୍।
ନିତ୍ଯଂ ହି ସମରେ ରାଜନ୍ବିଜିଗୀଷନ୍ତି ମାନବାନ୍॥ 7-112-24 (49308)
କର୍ଣେନ ବିହିତା ରାଜନ୍ଦୁଃଶାସନମନୁବ୍ରତାଃ।
ଏତାଂସ୍ତୁ ବାସୁଦେବୋଽପି ରଥୋଦାରାନ୍ପ୍ରଶଂସତି॥ 7-112-25 (49309)
ସତତଂ ପ୍ରିଯକାମାଶ୍ଚ କର୍ଣସ୍ଯୈତେ ବଶେ ସ୍ଥିତାଃ।
ତସ୍ଯୈବ ବଚନାଦ୍ରାଜନ୍ନିବୃତ୍ତାଃ ଶ୍ବେତବାହନାତ୍॥ 7-112-26 (49310)
ତେ ନ କ୍ଲାନ୍ତା ନ ଚ ଶ୍ରାନ୍ତା ଦୃଢାବରଣକାର୍ମୁକାଃ।
ମଦର୍ଥେଽଧିଷ୍ଠିତା ନୂନଂ ଧାର୍ତରାଷ୍ଟ୍ରସ୍ଯ ଶାସନାତ୍॥ 7-112-27 (49311)
ଏତାନ୍ପ୍ରମଥ୍ଯ ସଙ୍ଗ୍ରାମେ ପ୍ରିଯାର୍ଥଂ ତବ କୌରବ।
ପ୍ରଯାସ୍ଯାମି ତତଃ ପଶ୍ଚାତ୍ପଦବୀଂ ସବ୍ଯସାଚିନଃ॥ 7-112-28 (49312)
ଯାଂସ୍ତ୍ବେତାନପରାନ୍ରାଜନ୍ନାଗାନ୍ସପ୍ତଶତାନିମାନ୍।
ପ୍ରେକ୍ଷସେ ବର୍ମସଞ୍ଛନ୍ନାନ୍କିରାତୈଃ ସମଧିଷ୍ଠିତାନ୍॥ 7-112-29 (49313)
କିରାତରାଜୋ ଯାନ୍ପ୍ରାଦାଦ୍ଗୃହୀତଃ ସବ୍ଯସାଚିନା।
ସ୍ବଲଙ୍କୃତାଂସ୍ତଦା ପ୍ରେଷ୍ଯାନିଚ୍ଛଞ୍ଜୀବିତମାତ୍ମନଃ॥ 7-112-30 (49314)
ଆସନ୍ନେତେ ପୁରା ରାଜଂସ୍ତବ କର୍ମକରା ଦୃଢମ୍।
ତ୍ବାମେବାଦ୍ଯ ଯୁଯୁତ୍ସନ୍ତେ ପଶ୍ଯ କାଲସ୍ଯ ପର୍ଯଯମ୍॥ 7-112-31 (49315)
ଏଷାମେତେ ମହାମାତ୍ରାଃ କିରାତା ଯୁଦ୍ଧଦୁର୍ମଦାଃ।
ହସ୍ତିଶିକ୍ଷାବିଦଶ୍ଚୈବ ସର୍ବେ ଚୈବାଗ୍ନିଯୋନଯଃ॥ 7-112-32 (49316)
ଏତେ ବିନିର୍ଜିତାଃ ସଙ୍ଖ୍ଯେ ସଙ୍ଗ୍ରାମେ ସବ୍ଯସାଚିନା।
ମଦର୍ଥମଦ୍ଯ ସଂଯତ୍ତା ଦୁର୍ଯୋଧନବଶାନୁଗାଃ॥ 7-112-33 (49317)
ଏତାନ୍ହତ୍ବା ଶରୈ ରାଜନ୍କିରାତାନ୍ଯୁଦ୍ଧଦୁର୍ମଦାନ୍।
ସୈନ୍ଧବସ୍ଯ ବଧେ ଯତ୍ତମନୁଯାସ୍ଯାମି ପାଣ୍ଡବମ୍॥ 7-112-34 (49318)
ଯେ ତ୍ବେତେ ସୁମହାନାଗ ଅଞ୍ଜନସ୍ଯ କୁଲୋଦ୍ଭବାଃ।
କର୍କଶାଶ୍ଚ ବିନୀତାଶ୍ଚ ପ୍ରଭିନ୍ନକରଟାମୁଖାଃ॥ 7-112-35 (49319)
ଜାମ୍ବୂନଦମଯୈଃ ସର୍ବୈର୍ବର୍ମଭିଃ ସୁବିଭୂଷିତାଃ।
ଲବ୍ଧଲକ୍ଷା ରଣେ ରାଜନ୍ନୈରାବଣସମା ଯୁଧି॥ 7-112-36 (49320)
ଆସ୍ଥିତା ଦସ୍ଯୁଭିସ୍ତୀକ୍ଷ୍ଣୈଃ ଶୂରୈରୁତ୍ତମପାର୍ବତୈଃ।
କର୍କଶୈଃ ପ୍ରବରୈର୍ଯୋଧୈଃ କାଷ୍ଣାର୍ଯସତନୁଚ୍ଛଦୈଃ॥ 7-112-37 (49321)
ସନ୍ତି ଗୋଯୋନଯଶ୍ଚାତ୍ର ସନ୍ତି ବାନରଯୋନଯଃ।
ଅନେକଯୋନଯଶ୍ଚାନ୍ଯେ ତଥା ମାନୁଷଯୋନଯଃ॥ 7-112-38 (49322)
ଅନୀକମସତାମେତଦ୍ଭୂମ୍ରବର୍ଣମୁଦୀର୍ଯତେ।
ମ୍ଲେଚ୍ଛାନାଂ ପାପକର୍ତୄଣାଂ ହିମଦୁର୍ଗନିବାସିନାମ୍॥ 7-112-39 (49323)
ଏତଦ୍ଦୁର୍ଯୋଧନୋ ଲବ୍ଧ୍ବା ସମଗ୍ରଂ ରାଜମଣ୍ଡଲମ୍।
କୃପଂ ଚ ସୌମଦତ୍ତିଂ ଚ ଦ୍ରୋଣଂ ଚ ରଥିନାଂ ବରମ୍॥ 7-112-40 (49324)
ସିନ୍ଧୁରାଜଂ ତଥା କର୍ଣମବମନ୍ଯତ ପାଣ୍ଡବାନ୍।
କୃତାର୍ଥମଥ ଚାତ୍ମାନଂ ମନ୍ଯତେ କାଲଚୋଦିତଃ॥ 7-112-41 (49325)
ତେ ତୁ ସର୍ବେଽଦ୍ଯ ସମ୍ପ୍ରାପ୍ତା ମମ ନାରାଚଗୋଚରମ୍।
ନଭବିଷ୍ଯନ୍ତି କୌନ୍ତେଯ ଯଦ୍ଯପି ସ୍ଯୁର୍ମନୋଜବାଃ॥ 7-112-42 (49326)
ତେନ ସଂଭାବିତା ନିତ୍ଯଂ ପରବୀର୍ଯୋପଜୀବିନା।
ବିନାଶମୁପଯାସ୍ଯନ୍ତି ମଚ୍ଛରୌଘନିପୀଡିତାଃ॥ 7-112-43 (49327)
ଯେ ତ୍ବେତେ ରଥିନୋ ରାଜନ୍ଦୃଶ୍ଯନ୍ତେ କାଞ୍ଚନଧ୍ବଜାଃ।
ଏତେ ଦୁର୍ବାରଣା ନାମ କାମ୍ଭୋଜା ଯଦି ତେ ଶ୍ରୁତାଃ॥ 7-112-44 (49328)
ଶୂରାଶ୍ଚ କୃତବିଦ୍ଯାଶ୍ଚ ଧନୁର୍ବେଦେ ଚ ନିଷ୍ଠିତାଃ।
ସଂହତାଶ୍ଚ ଭୃଶଂ ହ୍ଯେତେ ଅନ୍ଯୋନ୍ଯସ୍ଯ ହିତୈଷିଣଃ॥ 7-112-45 (49329)
ଅକ୍ଷୌହିଣ୍ଯଶ୍ଚ ସଂରବ୍ଧା ଧାର୍ତରାଷ୍ଟ୍ରସ୍ଯ ଭାରତ।
ଯତ୍ତା ମଦର୍ଥେ ତିଷ୍ଠନ୍ତି କୁରୁବୀରାଭିରକ୍ଷିତାଃ॥ 7-112-46 (49330)
ଅପ୍ରମତ୍ତା ମହାରାଜ ମାମେବ ପ୍ରତ୍ଯୁପସ୍ଥିତାଃ।
ତାନହଂ ପ୍ରମଥିଷ୍ଯାମି ତୃଣାନୀବ ହୁତାଶନଃ॥ 7-112-47 (49331)
ତସ୍ମାତ୍ସର୍ବାନୁପାସଙ୍ଗାନ୍ସର୍ବୋପକରଣାନି ଚ।
ରଥେ କୁର୍ବନ୍ତୁ ମେ ରାଜନ୍ଯଥାବଦ୍ରଥକଲ୍ପକାଃ॥ 7-112-48 (49332)
ଅସ୍ମିଂସ୍ତୁ କିଲ ସମ୍ମର୍ଦେ ଗ୍ରାହ୍ଯଂ ବିବିଧମାଯୁଧମ୍।
ଯଥୋପଦିଷ୍ଟମାଚାର୍ଯୈଃ କାର୍ଯଃ ପଞ୍ଚଗୁଣୋ ରଥଃ॥ 7-112-49 (49333)
କାମ୍ଭୋଜୈର୍ହି ସମେଷ୍ଯାମି ତୀକ୍ଷ୍ଣୈରାଶୀବିଷୋପମୈଃ।
ନାନାଶସ୍ତ୍ରସମାବାଯୈର୍ବିବିଧାଯୁଧଯୋଧିଭିଃ॥ 7-112-50 (49334)
କିରାତୈଶ୍ଚ ସମେଷ୍ଯାମି ବିଷକଲ୍ପୈଃ ପ୍ରହାରିଭିଃ।
ଲାଲିତୈଃ ସତତଂ ରାଜ୍ଞା ଦୁର୍ଯୋଧନହିତୈଷିଭିଃ॥ 7-112-51 (49335)
ଶକୈଶ୍ଚାପି ସମେଷ୍ଯାମି ଶକ୍ରତୁଲ୍ଯପରାକ୍ରମୈଃ।
ଅଗ୍ନିକଲ୍ପୈର୍ଯୁରାଧର୍ଷୈଃ ପ୍ରଦୀପ୍ତୈରିବ ପାବକୈଃ॥ 7-112-52 (49336)
ତଥାଽନ୍ଯୈର୍ବିବିଧୈର୍ଯୋଧୈଃ କାଲକଲ୍ପୈର୍ଦୁରାସଦୈଃ।
ସମେଷ୍ଯାମି ରଣେ ରାଜନ୍ବହୁଭିର୍ଯୁଦ୍ଧଦୁର୍ମଦୈଃ॥ 7-112-53 (49337)
`ତ୍ରିଯୋଜନଗତସ୍ଯାପି ପଦବୀଂ ସବ୍ଯସାଚିନଃ।
ଯାସ୍ଯାମି ରଥିନାଂ ଶ୍ରେଷ୍ଠଂ ପ୍ରବରଂ ଚ ଧନୁଷ୍ମତାମ୍॥ 7-112-54 (49338)
ସୂର୍ଯୋଦଯଗତସ୍ଯାହଂ ପାଣ୍ଡବସ୍ଯ ଗତିଂ ଚରନ୍।
ଅପରାହ୍ଣଗତେ ସୂର୍ଯେ ଗମିଷ୍ଯାମି ନ ସଂଶଯଃ'॥ 7-112-55 (49339)
ତସ୍ମାଦ୍ବୈ ବାଜିନୋ ମୁଖ୍ଯାନ୍ବିଶ୍ରୁତାଞ୍ଶୁଭଲକ୍ଷଣୈଃ।
ଉପାବୃତ୍ତାଂଶ୍ଚ ପୀତାଂଶ୍ଚ ପୁନର୍ଯୁଞ୍ଜନ୍ତୁ ମେ ରଥେ॥ 7-112-56 (49340)
ସଞ୍ଜଯ ଉବାଚ। 7-112-57x (4546)
ତସ୍ଯ ସର୍ବାନୁପାସଙ୍ଗାନ୍ସର୍ବୋପକରଣାନି ଚ।
ରଥେ ଚାସ୍ଥାପଯଦ୍ରାଜା ଶସ୍ତ୍ରାଣି ବିବିଧାନି ଚ॥ 7-112-57 (49341)
ତତସ୍ତାନ୍ସର୍ବତୋମୁକ୍ତାନ୍ସଦଶ୍ବାଂଶ୍ଚତୁରୋ ଜନାଃ।
ରସବତ୍ପାଯଯାମାସୁଃ ପାନଂ ମଦସମୀରଣମ୍॥ 7-112-58 (49342)
ପୀତୋପବୃତ୍ତାନ୍ସ୍ନାତାଂଶ୍ଚ ଜଗ୍ଧାନ୍ନାନ୍ସମଲଙ୍କୃତାନ୍।
ବିନୀତଶଲ୍ଯାଂସ୍ତୁରଗାଂଶ୍ଚତୁରୋ ହେମମାଲିନଃ॥ 7-112-59 (49343)
ତାନ୍ଯୁକ୍ତାନ୍ରୁକ୍ମବର୍ଣାଭାନ୍ବିନୀତାଞ୍ଶୀଘ୍ରଗାମିନଃ।
ସଂହୃଷ୍ଟମନସୋ ବ୍ଯଗ୍ରାନ୍ବିଧିବତ୍କଲ୍ପିତାନ୍ରଥେ॥ 7-112-60 (49344)
ମହାଧ୍ବଜେନ ସିଂହେନ ହେମକେସରମାଲିନା।
ସଂବୃତେ କେତକୈର୍ହୈର୍ମୈର୍ମଣିବିଦ୍ରୁମଚିତ୍ରିତୈଃ॥ 7-112-61 (49345)
ପାଣ୍ଡୁରାଭ୍ରପ୍ରକାଶାଭିଃ ପତାକାଭିରଲଙ୍କୃତେ।
ହେମଦଣ୍ଡୋଚ୍ଛ୍ରିତଚ୍ଛତ୍ରେ ବହୁଶସ୍ତ୍ରପରିଚ୍ଛଦେ।
ଯୋଜଯାମାସ ବିଧିବଦ୍ଧେମଭାଣ୍ଡବିଭୂଷିତାନ୍॥ 7-112-62 (49346)
ଦାରୁକସ୍ଯାନୁଜୋ ଭ୍ରାତା ସୂତସ୍ତସ୍ଯ ପ୍ରିଯଃ ସଖା।
ନ୍ଯବେଦଯଦ୍ରଥଂ ଯୁକ୍ତଂ ବାସବସ୍ଯେବ ମାତଲିଃ॥ 7-112-63 (49347)
ତତଃ ସ୍ନାତଃ ଶୁଚିର୍ଭୂତ୍ବା କୃତକୌତୁକମଙ୍ଗଲଃ।
ସ୍ନାତକାନାଂ ସହସ୍ରସ୍ଯ ସ୍ବର୍ଣନିଷ୍କାନଥୋ ଦଦୌ॥ 7-112-64 (49348)
ଆଶୀର୍ବାଦୈଃ ପରିଷ୍ବକ୍ତଃ ସାତ୍ଯକିଃ ଶ୍ରୀମତାଂ ବରଃ।
ତତଃ ସମଧୁପର୍କାମ୍ଭଃ ପୀତ୍ବା କୈରାତକଂ ମଧୁ॥ 7-112-65 (49349)
ଲୋହିତାକ୍ଷୋ ବଭୌ ତତ୍ର ମଦବିହ୍ବଲଲୋଚନଃ।
ଆଲଭ୍ଯ ବୀରକାଂସ୍ଯଂ ଚ ହର୍ଷେଣ ମହତାଽନ୍ବିତଃ॥ 7-112-66 (49350)
ଦ୍ବିଗୁଣୀକୃତତେଜୋଭିଃ ପ୍ରଜ୍ବଲନ୍ନିବ ପାବକଃ।
ଉତ୍ସଙ୍ଗେ ଧନୁରାଦାଯ ସଶରଂ ରଥିନାଂ ବରଃ॥ 7-112-67 (49351)
`ଆଶୀର୍ବାଦୈଃ ପରିଷ୍ବକ୍ତଃ ସାତ୍ଯକିଃ ଶ୍ରୀମତାଂ ବରଃ'।
କୃତସ୍ବସ୍ତ୍ଯଯନୋ ବିପ୍ରୈଃ କବଚୀ ସମଲଙ୍କୃତଃ॥ 7-112-68 (49352)
ଲାଜୈର୍ଗନ୍ଧୈସ୍ତଥା ମାଲ୍ଯୈଃ କନ୍ଯାଭିଶ୍ଚାଭିନନ୍ଦିତଃ।
ଯୁଧିଷ୍ଠିରସ୍ଯ ଚରଣାବଭିବାଦ୍ଯ କୃତାଞ୍ଜଲିଃ॥ 7-112-69 (49353)
ତେନ ମୂର୍ଧନ୍ଯୁପାଘ୍ରାତଃ କୃତସ୍ବସ୍ଯଯନୋଽପି ଚ।
ଆଶିଷୋ ବିବିଧାଃ ଶ୍ରୁତ୍ବା ଧର୍ମରାଜମୁଖେରିତାଃ।
ହର୍ଷେଣ ମହତା ଯୁକ୍ତ ଆରୁରୋହ ମହାରଥମ୍॥ 7-112-70 (49354)
ତତସ୍ତେ ବାଜିନୋ ହୃଷ୍ଟାଃ ସୁପୁଷ୍ଟା ବାତରଂହସଃ।
ଅଜଯ୍ଯା ଜୈତ୍ରମୂହୁସ୍ତଂ ବିକୁର୍ବାଣାଃ ସ୍ମ ସୈନ୍ଧବାଃ।
ଯଥା ଶକ୍ରରଥଂ ରାଜନ୍ନୂହୁସ୍ତେ ହରଯଃ ପୁରା॥ 7-112-71 (49355)
ତଥୈବ ଭୀମସେନୋଽପି ଧର୍ମରାଜେନ ପୂଜିତଃ।
ପ୍ରାଯାତ୍ସାତ୍ଯକିନା ସାର୍ଧମଭିବାଦ୍ଯ ଯୁଧିଷ୍ଠିରମ୍॥ 7-112-72 (49356)
ତୌ ଦୃଷ୍ଟ୍ବା ପ୍ରବିବିକ୍ଷନ୍ତୌ ତବ ସେନାମରିଂଦମୌ।
ସଂଯତ୍ତାସ୍ତାବକାଃ ସର୍ବେ ତସ୍ଥୁର୍ଦ୍ରୋଣପୁରୋଗମାଃ॥ 7-112-73 (49357)
ସନ୍ନଦ୍ଧମନୁଗଚ୍ଛନ୍ତଂ ଦୃଷ୍ଟ୍ବା ଭୀମଂ ସ ସାତ୍ଯକିଃ।
ଅଭିନନ୍ଦ୍ଯାବ୍ରବୀଦ୍ବୀରସ୍ତଦା ହର୍ଷକରଂ ବଚଃ॥ 7-112-74 (49358)
ତ୍ବଂ ଭୀମ ରକ୍ଷ ରାଜାନମେତତ୍କାର୍ଯତମଂ ହି ତେ।
ଅହଂ ଭିତ୍ତ୍ବା ପ୍ରବେକ୍ଷ୍ଯାମି କାଲପକ୍ବମିଦଂ ବଲମ୍॥ 7-112-75 (49359)
ଆଯତ୍ଯାଂ ଚ ତଦାତ୍ବେ ଚ ଶ୍ରେଯୋ ରାଜ୍ଞୋଽଭିରକ୍ଷଣମ୍।
ଜାନୀଷେ ମମ ବୀର୍ଯଂ ତ୍ବଂ ତବ ଚାହମରିନ୍ଦମ।
ତସ୍ମାଦ୍ଭୀମ ନିବର୍ତସ୍ବ ମମ ଚେଦିଚ୍ଛସି ପ୍ରିଯମ୍॥ 7-112-76 (49360)
ସଞ୍ଜଯ ଉବାଚ। 7-112-77x (4547)
ତଥୋକ୍ତଃ ସାତ୍ଯକିଂ ପ୍ରାହ ବ୍ରଜ ତ୍ବଂ କାର୍ଯସିଦ୍ଧଯେ।
ଅହଂ ରାଜ୍ଞଃ କରିଷ୍ଯାମି ରକ୍ଷାଂ ପୁରୁଷସତ୍ତମ॥ 7-112-77 (49361)
ଏବମୁକ୍ତଃ ପ୍ରତ୍ଯୁବାଚ ଭୀମସେନଂ ସ ମାଧବଃ।
ଗଚ୍ଛ ଗଚ୍ଛ ଧ୍ରୁବଂ ପାର୍ଥ ଧ୍ରୁବୋ ହି ବିଜଯୋ ମମ॥ 7-112-78 (49362)
ଯନ୍ମେ ସ୍ନିଗ୍ଧୋଽନୁରକ୍ତଶ୍ଚ ତ୍ବମଦ୍ଯ ବଶମାସ୍ଥିତଃ।
ନିମିତ୍ତାନି ଚ ଧନ୍ଯାନି ଯଥା ଭୀମ ବଦନ୍ତି ମାଂ॥ 7-112-79 (49363)
ନିହତେ ସୈନ୍ଧବେ ପାପେ ପାଣ୍ଡବେନ ମହାତ୍ମନା।
ପରିଷ୍ବଜିଷ୍ଯେ ରାଜାନଂ ଧର୍ମାତ୍ମାନଂ ଯୁଧିଷ୍ଠିରମ୍।
`ଅପ୍ରମାଦଶ୍ଚ ତେ କାର୍ଯୋ ଦ୍ରୋଣଂ ପ୍ରତି ମହାରଥମ୍'॥ 7-112-80 (49364)
ସଞ୍ଚଯ ଉବାଚ। 7-112-81x (4548)
ଏତାବଦୁକ୍ତ୍ବା ଭୀମଂ ତୁ ବିସୃଜ୍ଯ ଚ ମହାଯଶାଃ।
ସମ୍ପ୍ରୈକ୍ଷତ୍ତାବକଂ ସୈନ୍ଯଂ ବ୍ଯାଘ୍ରୋ ମୃଗଗଣାନିବ॥ 7-112-81 (49365)
ତଂ ଦୃଷ୍ଟ୍ବା ପ୍ରବିବିକ୍ଷନ୍ତଂ ସୈନ୍ଯଂ ତବ ଜନାଧିପ।
ଭୂଯ ଏବାଭବନ୍ମୂଢଂ ସୁଭୃଶଂ ଚାପ୍ଯକମ୍ପତ॥ 7-112-82 (49366)
ତତଃ ପ୍ରଯାତଃ ସହସା ତବ ସୈନ୍ଯଂ ସ ସାତ୍ଯକିଃ।
ଦିଦୃକ୍ଷୁରର୍ଜୁନଂ ରାଜନ୍ଧର୍ମରାଜସ୍ଯ ଶାସନାତ୍ ॥ ॥ 7-112-83 (49367)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଦ୍ବାଦଶାଧିକଶତତମୋଽଧ୍ଯାଯଃ॥ 112 ॥
Mahabharata - Drona Parva - Chapter Footnotes
5-112-2 ତେ ମାଂ ଭୀତମିତି ବ୍ରୂଯୁରଯାନ୍ତଂ ଇତି ଝ. ପାଠଃ॥ 5-112-14 ଆସୈନ୍ଧବବଧାତ୍ ସୈନ୍ଧବବଧାତ୍ପ୍ରାଗେବ॥ 5-112-17 ହଲାଦିତୋମରାନ୍ତମାର୍ଶ ଆଦ୍ଯଜନ୍ତମ୍॥ 5-112-23 ସମ୍ପାତେ ବିହରଣେ॥ 5-112-30 ତଦା ଦିଗ୍ବିଜଯେ॥ 5-112-35 ଅଞ୍ଜନସ୍ଯ ବରୁଣୋପବାହ୍ଯସ୍ଯ॥ 5-112-35 ତେନ ଦୁର୍ଯୋଧନେନ। 5-112-43 ସମ୍ଭାବିତଃ ସମ୍ବର୍ଧିତାଃ॥ 5-112-49 ପଞ୍ଚଗୁଣଃ ପଞ୍ଚଗୁଣସ୍ନମଗ୍ରୀକଃ॥ 5-112-50 ନାନାଶସ୍ତ୍ରାଣାଂ ସମାବାଯଃ ସମୂହୋ ଯେଷୁ॥ 5-112-56 ପୀତାଃ ପାଯିତପେଯାଃ॥ 5-112-61 କେତକୈଃ କୁନ୍ଦଘଟିତଶଲାକାଭିଃ॥ 5-112-64 ସ୍ବର୍ଣନିଷ୍କାନ୍ ଦୀନାରାନ୍॥ 5-112-65 ତତଃ ସମଧୁପର୍କାର୍ହଃ ପୀତ୍ବା କୈଲାତକଂ ମଧୁ ଇତି ଝ.ଞ.ପାଠଃ। କୈଲାବତଂ ମଧୁ ଇତି ଙ.ପାଠଃ॥ 5-112-76 ଆଯତ୍ଯାମୁତ୍ତରକାଲେ। ତଦାତ୍ବେ ତତ୍କ୍ଷଣେ॥ 5-112-112 ଦ୍ବାଦଶାଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 113
॥ ଶ୍ରୀଃ ॥
7.113. ଅଧ୍ଯାଯଃ 113
Mahabharata - Drona Parva - Chapter Topics
ଅର୍ଜୁନଂ ଗଚ୍ଛତଃ ସାତ୍ଯକେଃ କୃତବର୍ମଣାସହ ଯୁଦ୍ଧମ୍॥ 1 ॥Mahabharata - Drona Parva - Chapter Text
7-113-0 (49368)
ସଞ୍ଜଯ ଉବାଚ। 7-113-0x (4549)
ପ୍ରଯାତେ ତବ ସୈନ୍ଯଂ ତୁ ଯୁଯୁଧାନେ ଯୁଯୁତ୍ସଯା।
ଧର୍ମରାଜୋ ମହାରାଜ ସ୍ବେନାନୀକେନ ସଂବୃତଃ।
ପ୍ରାଯାଦ୍ଦ୍ରୋଣରଥଂ ପ୍ରେପ୍ସୁର୍ଯୁଯୁଧାନସ୍ଯ ପୃଷ୍ଠତଃ॥ 7-113-1 (49369)
ତତଃ ପାଞ୍ଚାଲରାଜସ୍ଯ ପୁତ୍ରଃ ସମରଦୁର୍ମଦଃ।
`ପ୍ରଯାତେ ମାଧବେ ରାଜନ୍ନିଦଂ ବଚନମବ୍ରବୀତ୍'॥ 7-113-2 (49370)
ପ୍ରାକ୍ରୋଶତ୍ପାଣ୍ଡବାନୀକେ ବସୁଦାନଶ୍ଚ ପାର୍ଥିବଃ।
ଆଗଚ୍ଛତ ପ୍ରହରତ ଦ୍ରୁତଂ ବିପରିଧାବତ॥ 7-113-3 (49371)
ଯଥା ସୁଖେନ ଗଚ୍ଛେତ ସାତ୍ଯକିର୍ଯୁଦ୍ଧଦୁର୍ମଦଃ।
ମହାରଥା ହି ବହବୋ ଯତିଷ୍ଯନ୍ତେଽସ୍ଯ ନିର୍ଜଯେ॥ 7-113-4 (49372)
ସଞ୍ଜଯ ଉବାଚ। 7-113-5x (4550)
`ସେନାପତିବଚଃ ଶ୍ରୁତ୍ବା ପାଣ୍ଡବେଯାଃ ସମନ୍ତତଃ।
ଅଭ୍ଯୁଦ୍ଯଯୁର୍ମହାରାଜ ତବ ସୈନ୍ଯଂ ସମନ୍ତତଃ॥ 7-113-5 (49373)
ଜହି ପ୍ରହର ଗୃହ୍ଣୀହି ବିଧ୍ଯ ବିଦ୍ରବ ଚାଦ୍ରବ'।
ଇତି ବ୍ରୁବନ୍ତୌ ବେଗେନ ନିପେତୁସ୍ତେ ମହାରଥାଃ॥ 7-113-6 (49374)
ବଯଂ ପ୍ରତିଜିଗୀଷନ୍ତସ୍ତତ୍ର ତାନ୍ସମଭିଦ୍ରୁତାଃ।
`ବାଣଶଙ୍ଖରବାନ୍କୃତ୍ବା ବିମିଶ୍ରାନ୍ବାଦ୍ଯନିସ୍ବନୈଃ॥ 7-113-7 (49375)
ଯୁଯୁଧାନରଥଂ ଦୃଷ୍ଟ୍ବା ତାବକା ଅଭିଦୁଦ୍ରୁବୁଃ'।
ତତଃ ଶବ୍ଦୋ ମହାନାସୀଦ୍ଯୁଯୁଧାନରଥଂ ପ୍ରତି॥ 7-113-8 (49376)
ଆକୀର୍ଯମାଣା ଧାବନ୍ତୀ ତବ ପୁତ୍ରସ୍ଯ ବାହିନୀ।
ସାତ୍ବତେନ ମହାରାଜ ଶତଧାଽଭିବ୍ଯଶୀର୍ଯତ॥ 7-113-9 (49377)
ତସ୍ଯାଂ ବିଦୀର୍ଯମାଣାଯାଂ ଶିନେଃ ପୁତ୍ରୋ ମହାରଥଃ।
ସପ୍ତବୀରାନ୍ମହେଷ୍ବାସାନଗ୍ରାନୀକେଷ୍ବପୋଥଯତ୍॥ 7-113-10 (49378)
ଅଥାନ୍ଯାନପି ରାଜେନ୍ଦ୍ର ନାନାଜନପଦେଶ୍ବରାନ୍।
ଶରୈରନଲସଙ୍କାଶୈର୍ନିନ୍ଯେ ବୀରାନ୍ଯମକ୍ଷଯମ୍॥ 7-113-11 (49379)
ଶତମେକେନ ବିବ୍ଯାଧ ଶତେନୈକଂ ଚ ପତ୍ରିଣାମ୍।
ଦ୍ବିପାରୋହାନ୍ଦ୍ବିପାଂଶ୍ଚୈବ ହଯାରୋହାନ୍ହଯାଂସ୍ତଥା।
ରଥିନଃ ସାଶ୍ବସୂତାଂଶ୍ଚ ଜଘାନେଶଃ ପଶୂନିବ॥ 7-113-12 (49380)
ତଂ ତଥାଽଦ୍ଭୁତକର୍ମାଣଂ ଶରସମ୍ପାତବର୍ଷିଣମ୍।
ନ କେଚନାଭ୍ଯଧାବନ୍ବୈ ସାତ୍ଯକିଂ ତବ ସୈନିକାଃ॥ 7-113-13 (49381)
ତେ ଭୀତା ମୃଦ୍ଯମାନାଶ୍ଚ ପ୍ରମୃଷ୍ଟା ଦୀର୍ଘବାହୁନା।
ଆଯୋଧନଂ ଜହୁର୍ବୀରା ଦୃଷ୍ଟା ତମତିମାନିନମ୍॥ 7-113-14 (49382)
ତମେକଂ ବହୁଧା ପଶ୍ଯନ୍ମୋହିତାସ୍ତସ୍ଯ ତେଜସା॥ 7-113-15 (49383)
ରଥୈର୍ବିମଥିତୈଶ୍ଚୈବ ଭଗ୍ନନୀଡୈଶ୍ଚ ମାରିଷ।
ଚକ୍ରୈର୍ବିମଥିତୈଶ୍ଛତ୍ରୈର୍ଧ୍ବଜୈଶ୍ଚ ବିନିପାତିତୈଃ॥ 7-113-16 (49384)
ଅନୁକର୍ଷୈଃ ପତାକାଭିଃ ଶିରସ୍ତ୍ରାଣୈଃ ସକାଞ୍ଚନୈଃ।
ବାହୁଭିଶ୍ଚନ୍ଦନାଦିଗ୍ଧୈଃ ସାଙ୍ଗଦୈଶ୍ଚ ବିଶାମ୍ପତେ॥ 7-113-17 (49385)
ହସ୍ତିହସ୍ତୋପମୈଶ୍ଚାପି ଭୁଜଙ୍ଗାଭୋଗସନ୍ନିଭୈଃ।
ଊରୁଭିଃ ପୃଥିବୀ ଚ୍ଛନ୍ନା ମନୁଜାନାଂ ନରାଧିପ॥ 7-113-18 (49386)
ଶଶାଙ୍କୁସନ୍ନିଭୈଶ୍ଚୈବ ବଦନୈଶ୍ଚାରୁକୁଣ୍ଡଲୈଃ।
ପତିତୈର୍ଋଷଭାକ୍ଷାଣାଂ ବଭୌ ଭାରତ ମେଦିନୀ॥ 7-113-19 (49387)
ଗଜୈଶ୍ଚ ବହୁଧା ଛିନ୍ନୈଃ ଶଯାନୈଃ ପର୍ବତୋପମୈଃ।
ରରାଜାତିଭୃଶଂ ଭୂମିର୍ବିକୀର୍ଣୈରିବ ପର୍ବତୈଃ॥ 7-113-20 (49388)
ତପନୀଯମଯୈର୍ଯୋକ୍ତ୍ରୈର୍ମୁକ୍ତାଜାଲବିଭୂଷିତୈଃ।
ଉରଶ୍ଛଦୈର୍ବିଚିତ୍ରୈଶ୍ଚ ବ୍ଯଶୋଭନ୍ତ ତୁରଙ୍ଗମାଃ।
ଗତସତ୍ବା ମହୀଂ ପ୍ରାପ୍ଯ ପ୍ରମୃଷ୍ଟା ଦୀର୍ଘବାହୁନା॥ 7-113-21 (49389)
ନାନାବିଧାନି ସୈନ୍ଯାନି ତବ ହତ୍ବା ତୁ ସାତ୍ବତଃ।
ପ୍ରବିଷ୍ଟସ୍ତାବକଂ ସୈନ୍ଯଂ ଦ୍ରାବଯିତ୍ବା ଚମୂଂ ଭୃଶମ୍॥ 7-113-22 (49390)
ତତସ୍ତେନୈବ ମାର୍ଗେଣ ଯେନ ଯାତୋ ଧନଞ୍ଜଯଃ।
ଇଯେଷ ସାତ୍ଯକିର୍ଗନ୍ତୁଂ ତତୋ ଦ୍ରୋଣେନ ବାରିତଃ॥ 7-113-23 (49391)
ଭାରଦ୍ବାଜଂ ସମାସାଦ୍ଯ ଯୁଯୁଧାନଶ୍ଚ ସାତ୍ଯକିଃ।
ନ ନ୍ଯବର୍ତତ ସଙ୍କ୍ରୁଦ୍ଧୋ ବେଲାମିବ ଜଲାଶଯଃ॥ 7-113-24 (49392)
ନିବାର୍ଯ ତୁ ରଣେ ଦ୍ରୋଣୋ ଯୁଯୁଧାନଂ ମହାରଥମ୍।
ବିବ୍ଯାଧ ନିଶିତୈର୍ବାଣୈଃ ପଞ୍ଚଭିର୍ମର୍ମଭେଦିଭିଃ॥ 7-113-25 (49393)
ସାତ୍ଯକିସ୍ତୁ ରଣେ ଦ୍ରୋଣଂ ରାଜନ୍ବିବ୍ଯାଧ ସପ୍ତଭିଃ।
ହେମପୁଙ୍ଘୈଃ ଶିଲାଧୌତୈଃ କଙ୍କବର୍ହିଣବାଜିତୈଃ॥ 7-113-26 (49394)
ଷଂ ଷଡ୍ଭିଃ ସାଯକୈର୍ଦ୍ରୋଣଃ ସାଶ୍ବଯନ୍ତାରମାର୍ଦଯତ୍।
ସ ତଂ ନ ମମୃଷେ ଦ୍ରୋଣଂ ଯୁଯୁଧାନୋ ମହାରଥଃ॥ 7-113-27 (49395)
ସିଂହନାଦଂ ତତଃ କୃତ୍ବା ଦ୍ରୋଣଂ ବିବ୍ଯାଧ ସାତ୍ଯକିଃ।
ଦଶଭିଃ ସାଯକୈଶ୍ଚାନ୍ଯୈଃ ଷଡ୍ଭିରଷ୍ଟାଭିରେବ ଚ॥ 7-113-28 (49396)
ଯୁଯୁଧାନଃ ପୁନର୍ଦ୍ରୋଣଂ ବିବ୍ଯାଧ ଦଶଭିଃ ଶରୈଃ।
ଏକେନ ସାରଥିଂ ଚାସ୍ଯ ଚତୁର୍ଭିଶ୍ଚତୁରୋ ହଯାନ୍।
ଧ୍ବଜମେକେନ ବାଣେନ ବିବ୍ଯାଧ ଯୁଧି ମାରିଷ॥ 7-113-29 (49397)
ତଂ ଦ୍ରୋଣଃ ସାଶ୍ବଯନ୍ତାରଂ ସରଥଧ୍ବଜମାଶୁଗୈଃ।
ତ୍ବରନ୍ପ୍ରାଚ୍ଛାଦଯଦ୍ବାଣୈଃ ଶଲଭାନାମିବ ବ୍ରଜୈଃ॥ 7-113-30 (49398)
ତଥୈବ ଯୁଯୁଧାନୋଽପି ଦ୍ରୋଣଂ ବହୁଭିରାଶୁଗୈଃ।
`ପ୍ରାଚ୍ଛାଦଯଦସମ୍ଭ୍ରାନ୍ତସ୍ତ୍ବରମାଣୋ ମହାରଥଃ॥ 7-113-31 (49399)
ଦ୍ରୋଣସ୍ତୁ ପରମକ୍ରୁଦ୍ଧଃ ସାତ୍ଯକିଂ ପରବୀରହା।
ଅବାକ୍ରିଚ୍ଛିତୈର୍ବାଣୈର୍ବାସୁଦେବପରାକ୍ରମମ୍॥ 7-113-32 (49400)
ତଂ ତଥା ଶରଜାଲେନ ପ୍ରଚ୍ଛାଦ୍ଯ ମହତା ପୁନଃ।
ଦ୍ରୋଣଃ ପ୍ରହସ୍ଯ ଶୈନେଯମିଦଂ ବଚନମବ୍ରବୀତ୍'॥ 7-113-33 (49401)
ତବାଚାର୍ଯୋ ରଣଂ ହିତ୍ବା ଗତଃ କାପୁରୁଷୋ ଯଥା।
ଯୁଧ୍ଯମାନଂ ଚ ମାଂ ହିତ୍ବା ପ୍ରଦକ୍ଷିଣମବର୍ତତ॥ 7-113-34 (49402)
ତ୍ବଂ ହି ମେ ଯୁଧ୍ଯତୋ ନାଦ୍ଯ ଜୀବନ୍ଯାସ୍ଯସି ମାଧବ।
ଯଦି ମାଂ ତ୍ବଂ ରଣେ ହିତ୍ବା ନ ଯାସ୍ଯାଚାର୍ଯବଦ୍ଦ୍ରୁତମ୍॥ 7-113-35 (49403)
ସାତ୍ଯକିରୁବାଚ। 7-113-36x (4551)
ଧନଞ୍ଜଯସ୍ଯ ପଦବୀଂ ଧର୍ମରାଜସ୍ଯ ଶାସନାତ୍।
ଗଚ୍ଛାମି ସ୍ବସ୍ତି ତେ ବ୍ରହ୍ମନ୍ନ ମେ କାଲାତ୍ଯଯୋ ଭବେତ୍॥ 7-113-36 (49404)
ଆଚାର୍ଯାନୁଗତୋ ମାର୍ଗଃ ଶିଷ୍ଯୈରନ୍ବାସ୍ଯତେ ସଦା।
ତସ୍ମାଦେବ ବ୍ରଜାମ୍ଯାଶୁ ଯଥା ମେ ସ ଗୁରୁର୍ଗତଃ॥ 7-113-37 (49405)
ସଞ୍ଜଯ ଉବାଚ। 7-113-38x (4552)
ଏତାବଦୁକ୍ତ୍ବା ଶୈନେଯ ଆଚାର୍ଯଂ ପରିବର୍ଜଯନ୍।
ପ୍ରଯାତଃ ସହସା ରାଜନ୍ସାରଥିଂ ଚେଦମବ୍ରବୀତ୍॥ 7-113-38 (49406)
ଦ୍ରୋଣଃ କରିଷ୍ଯତେ ଯତ୍ନଂ ସର୍ବଥା ମମ ବାରଣେ।
ଯତ୍ତୋ ଯାହି ରଣେ ସୂତ ଶୃଣୁ ଚେଦଂ ବଚଃ ପରମ୍॥ 7-113-39 (49407)
ଏତଦାଲୋକ୍ଯତେ ସୈନ୍ଯମାବନ୍ତ୍ଯାନାଂ ମହାପ୍ରଭମ୍।
ଅସ୍ଯାନନ୍ତରତସ୍ତ୍ବେତଦ୍ଦାକ୍ଷିଣାତ୍ଯଂ ମହଦ୍ବଲମ୍॥ 7-113-40 (49408)
ତଦନନ୍ତରମେତଚ୍ଚ ବାହ୍ଲିକାନାଂ ମହଦ୍ବଲମ୍।
ବାହ୍ଲିକାଭ୍ଯାଶତୋ ଯୁକ୍ତଂ କର୍ଣସ୍ଯ ଚ ମହଦ୍ବଲମ୍॥ 7-113-41 (49409)
ଅନ୍ଯୋନ୍ଯେନ ହି ସୈନ୍ଯାନି ଭିନ୍ନାନ୍ଯେତାନି ସାରଥେ।
ଅନ୍ଯୋନ୍ଯଂ ସମୁପାଶ୍ରିତ୍ଯ ନ ତ୍ଯକ୍ଷ୍ଯନ୍ତି ରଣାଜିରମ୍॥ 7-113-42 (49410)
ଏତଦନ୍ତରମାସାଦ୍ଯ ଚୋଦଯାଶ୍ବାନ୍ପ୍ରହୃଷ୍ଟବତ୍।
ମଧ୍ଯମଂ ଜବମାସ୍ଥାଯ ବହ ମାମତ୍ର ସାରଥେ॥ 7-113-43 (49411)
ବାହ୍ଲିକା ଯତ୍ର ଦୃଶ୍ଯନ୍ତେ ନାନାପ୍ରହରଣୋଦ୍ଯତାଃ।
ଦାକ୍ଷିଣାତ୍ଯାଶ୍ଚ ବହବଃ ସୂତପୁତ୍ରପୁରୋଗମାଃ॥ 7-113-44 (49412)
ହସ୍ତ୍ଯଶ୍ବରଥସମ୍ବାଧଂ ଯଚ୍ଚାନୀକଂ ବିଲୋକ୍ଯତେ।
ନାନାଦେଶସମୁତ୍ଥୈଶ୍ଚ ପଦାତିଭିରଧିଷ୍ଠିତମ୍॥ 7-113-45 (49413)
`*ତତଃ ଶକ୍ଯୋ ମହାବ୍ଯୂହୋ ଭେତ୍ତୁଂ ସ ସହସା ରଣେ।
ତଂ ଦେଶଂ ତ୍ବରିତା ଯାମୋ ମୃଦ୍ଗ୍ରନ୍ତୋ ଯୁଧି ଶାତ୍ରବାନ୍॥ 7-113-46 (49414)
ତତ୍ରୈତେ ସମ୍ପ୍ରହୃଷ୍ଟତ୍ବାନ୍ନାସ୍ମାନ୍ପ୍ରତି ଯୁଯୁତ୍ସବଃ॥ 7-113-47 (49415)
ଅଯୁଧ୍ଯମାନୋ ବହୁଭିରେକଂ ପ୍ରାପ୍ଯ ସୁଦୁର୍ବଲମ୍।
ବଲଂ ପ୍ରମଥ୍ଯ ଗଚ୍ଛାମି ମିଷତାଂ ସର୍ବଧନ୍ବିନାମ୍॥ 7-113-48 (49416)
ମଧ୍ଯତୋ ଯାହି ଯତ୍ରୋଗ୍ରଂ କର୍ଣସ୍ଯ ସୁମହଦ୍ବଲମ୍।
ଯତ୍ରୈତେ ପରମକ୍ରୁଦ୍ଧା ଦାକ୍ଷିଣାତ୍ଯା ମହାରଥାଃ।
ଏତାନ୍ବିଜିତ୍ଯ ସଙ୍ଗ୍ରାମେ ତତୋ ଯାମୋ ଧନଞ୍ଜଯମ୍॥ 7-113-49 (49417)
ସଞ୍ଜଯ ଉବାଚ। 7-113-50x (4553)
ଯୁଯୁଧାନବଚଃ ଶ୍ରୁତ୍ବା ଯୁଯୁଧାନସ୍ଯ ସାରଥିଃ।
ଯଥୋକ୍ତମଗମଦ୍ରାଜନ୍ବର୍ଜଯନ୍ଦ୍ରୋଣମାହବେ'॥ 7-113-50 (49418)
ତଂ ଦ୍ରୋଣୋଽନୁଯଯୌ କ୍ରୁଦ୍ଧୋ ବିକିରନ୍ବିଶିଖାନ୍ବହୂନ୍।
ଯୁଯୁଧାନଂ ମହାଭାଗଂ ଗଚ୍ଛନ୍ତମନିବର୍ତିନମ୍॥ 7-113-51 (49419)
ସ ଚ ସୈନ୍ଯଂ ମହଦ୍ଭିତ୍ତ୍ବା ଦାକ୍ଷିଣାତ୍ଯବଲଂ ଚ ତତ୍।
କର୍ଣସ୍ଯ ସୈନ୍ଯଂ ସୁମହଦଭିହତ୍ଯ ଶିତୈଃ ଶରୈଃ॥ 7-113-52 (49420)
ପ୍ରାବିଶଦ୍ଭାରତୀଂ ସେନାମପର୍ଯନ୍ତାଂ ସ ସାତ୍ଯକିଃ।
ସାତ୍ଯକୋ ହି ତତଃ ସୈନ୍ଯଂ ଦ୍ରାବଯନ୍ସ ସମନ୍ତତଃ॥ 7-113-53 (49421)
ପ୍ରବିଷ୍ଟେ ଯୁଯୁଧାନେ ତୁ ସୈନିକେଷୁ ଦ୍ରୁତେଷୁ ଚ।
ଅମର୍ଷୀ କୃତବର୍ମା ତୁ ସାତ୍ଯକିଂ ପର୍ଯବାରଯତ୍॥ 7-113-54 (49422)
ତମାପତନ୍ତଂ ବିଶିଖୈଃ ଷଡ୍ଭିରାହତ୍ଯ ସାତ୍ଯକିଃ।
ଚତୁର୍ଭିଶ୍ଚତୁରୋଽସ୍ଯାଶ୍ବାନାଜଘାନାଶୁ ବୀର୍ଯବାନ୍॥ 7-113-55 (49423)
ତତଃ ପୁନଃ ଷୋଡଶଭିର୍ନତପର୍ବଭିରାଶୁଗୈଃ।
ସାତ୍ଯକିଃ କୃତବର୍ମାଣଂ ପ୍ରତ୍ଯବିଧ୍ଯତ୍ସ୍ତନାନ୍ତରେ॥ 7-113-56 (49424)
ସ ତାଡ୍ଯମାନୋ ବିଶିଖୈର୍ବହୁଭିସ୍ତିଗ୍ମତେଜନୈଃ।
ସାତ୍ବତେନ ମହାରାଜ କୃତବର୍ମା ନ ଚକ୍ଷମେ॥ 7-113-57 (49425)
ସ ବତ୍ସନ୍ଦତଂ ସନ୍ଧାଯ ତିଗ୍ମାଂଶ୍ବନଲସପ୍ରଭମ୍।
ଆକୃଷ୍ଯ ରାଜନ୍ନାକର୍ଣାଦ୍ବିବ୍ଯାଧୋରସି ସାତ୍ଯକିମ୍॥ 7-113-58 (49426)
ସ ତସ୍ଯ ଦେହାବରଣଂ ଭିତ୍ତ୍ବା ଦେହଂ ଚ ସାଯକଃ।
ସପୁଙ୍ଖପତ୍ରଃ ପୃଥିବୀଂ ବିବେଶ ରୁଧିରୋକ୍ଷିତଃ॥ 7-113-59 (49427)
ଅଥାସ୍ଯ ବହୁଭିର୍ବାଣୈରଚ୍ଛିନତ୍ପରମାସ୍ତ୍ରବିତ୍।
ସ ମାର୍ଗଣଗଣଂ ରାଜନ୍କୃତବର୍ମା ଶରାସନମ୍॥ 7-113-60 (49428)
ବିବ୍ଯାଧ ଚ ରଣେ ରାଜନ୍ସାତ୍ଯକିଂ ସତ୍ଯବିକ୍ରମମ୍।
ଦଶଭିର୍ବିଶିଖୈସ୍ତୀକ୍ଷ୍ଣୈରଭିକ୍ରୁଦ୍ଧଃ ସ୍ତନାନ୍ତରେ॥ 7-113-61 (49429)
ତତଃ ପ୍ରଶୀର୍ଣେ ଧନୁଷି ଶକ୍ତ୍ଯା ଶକ୍ତିମତାଂ ବରଃ।
ଜଘାନ ଦକ୍ଷିଣଂ ବହୁଂ ସାତ୍ଯକିଃ କୃତବର୍ମଣଃ॥ 7-113-62 (49430)
ତତୋଽନ୍ଯତ୍ସୁଦୃଢଂ ଚାପଂ ପୂର୍ଣମାଯମ୍ଯ ସାତ୍ଯକିଃ।
ବ୍ଯସୃଜଦ୍ବିଶିଖାଂସ୍ତୂର୍ଣଂ ଶତଶୋଽଥ ସହସ୍ରଶଃ॥ 7-113-63 (49431)
ସରଥଂ କୃତବର୍ମାଣଂ ସମନ୍ତାତ୍ପର୍ଯବାରଯତ୍।
ଛାଦଯିତ୍ବା ରଣେ ରାଜନ୍ହାର୍ଦିକ୍ଯଂ ସ ତୁ ସାତ୍ଯକିଃ।
ଅଥାସ୍ଯ ଭଲ୍ଲେନ ଶିରଃ ସାରଥେଃ ସମକୃନ୍ତତ॥ 7-113-64 (49432)
ସ ପପାତ ହତଃ ସୂତୋ ହାର୍ଦିକ୍ଯସ୍ଯ ମହାରଥାତ୍।
ତତସ୍ତେ ଯନ୍ତୃରହିତାଃ ପ୍ରାଦ୍ରବଂସ୍ତୁରଗା ଭୃଶମ୍॥ 7-113-65 (49433)
ଅଥ ଭୋଜସ୍ତୁ ସମ୍ଭ୍ରାନ୍ତୋ ନିଗୃହ୍ଯ ତୁରଗାମନ୍ସ୍ବଯମ୍।
ତସ୍ଥୌ ବୀରୋ ଧନୁଷ୍ପାଣିସ୍ତତ୍ସୈନ୍ଯାନ୍ଯଭ୍ଯପୂଜଯନ୍॥ 7-113-66 (49434)
ସ ମୁହୂର୍ତମିବାଶ୍ବାସ୍ଯ ସଦଶ୍ବାନ୍ସମନୋଦଯତ୍।
ବ୍ଯପେତ ଭୀରମିତ୍ରାଣାମାବହତ୍ସୁମହଦ୍ଭଯମ୍॥ 7-113-67 (49435)
ସାତ୍ଯକିଶ୍ଚାତ୍ଯଗାତ୍ତସ୍ମାତ୍ସ ତୁ ଭୀମମୁପାଦ୍ରବତ୍॥ 7-113-68 (49436)
ଯୁଯୁଧାନୋଽପି ରାଜେନ୍ଦ୍ର ଭୋଜାନୀକାଦ୍ବିନିଃସୃତଃ।
ପ୍ରଯଯୌ ତ୍ବରିତସ୍ତୂର୍ଣଂ କାମ୍ଭୋଜାନାଂ ମହାଚମୂମ୍॥ 7-113-69 (49437)
ସ ତତ୍ର ବହୁଭିଃ ଶୂରୈଃ ସନ୍ନିରୁଦ୍ଧୋ ମହାରଥୈଃ।
ନ ଚଚାଲ ତଦା ରାଜନ୍ସାତ୍ଯକିଃ ସତ୍ଯବିକ୍ରମଃ॥ 7-113-70 (49438)
ସନ୍ଧାଯ ଚ ଚମୂଂ ଦ୍ରୋଣୋ ଭୋଜେ ଭାରଂ ନିବେଶ୍ଯ ଚ।
ଅଭ୍ଯଧାବଦ୍ରଣେ ଯତ୍ତୋ ଯୁଯୁଧାନଂ ଯୁଯୁତ୍ସଯା॥ 7-113-71 (49439)
ତଥା ତମନୁଧାବନ୍ତଂ ଯୁଯୁଧାନସ୍ଯ ପୃଷ୍ଠତଃ।
ନ୍ଯବାରଯନ୍ତ ସଂହୃଷ୍ଟାଃ ପାଣ୍ଡୁସୈନ୍ଯେ ବ୍ରୃହତ୍ତମାଃ।
ସମାସାଦ୍ଯ ତୁ ହାର୍ଦିକ୍ଯଂ ରଥାନାଂ ପ୍ରବରଂ ରଥମ୍॥ 7-113-72 (49440)
ପାଞ୍ଚାଲା ବିଗତୋତ୍ସାହା ଭୀମସେନପୁରୋଗମାଃ।
ବିକ୍ରମ୍ଯ ବାରିତା ରାଜନ୍ବୀରେଣ କୃତବର୍ମଣା॥ 7-113-73 (49441)
ଯତମାନାଂଶ୍ଚ ତାନ୍ସର୍ବାନୀଷଦ୍ବିଗତଚେତସଃ।
ଅଭିତସ୍ତାଞ୍ଶରୌଘେଣ କ୍ଲାନ୍ତବାହାନକାରଯତ୍॥ 7-113-74 (49442)
ନିଗୃହୀତାସ୍ତୁ ଭୋଜେନ ଭୋଜାନୀକେପ୍ସବୋ ରଣେ।
ଅତିଷ୍ଠନ୍ନାର୍ଯବଦ୍ବୀରାଃ ପ୍ରାର୍ଥଯନ୍ତୋ ମହଦ୍ଯଶଃ।
`ହାର୍ଦିକ୍ଯଂ ସମରେ ଯତ୍ତା ନ ଶେକୁଃ ପ୍ରତିବୀକ୍ଷିତୁମ୍'॥ ॥ 7-113-75 (49443)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ତ୍ରଯୋଧଶାଧିକଶତତମୋଽଧ୍ଯାଯଃ॥ 2 ॥
Mahabharata - Drona Parva - Chapter Footnotes
5-113-12 ଈଶୋ ରୁଦ୍ରଃ॥ 5-113-19 ଋଷୋଭସ୍ଯେବାକ୍ଷୀଣି ଯେଷାମ୍॥ 5-113-35 ତ୍ବଂହି ତ୍ବମପି॥ 5-113-42 ଭିନ୍ନାନି ପୃଥଗ୍ଭୂତାନି॥ 5-113-* ଏତଦାଦି ପଞ୍ଚଶ୍ଲୋକାନାଂ ସ୍ଥାନେ ଅଧୋ ଲିଖିତ ଏକଏବ ଶ୍ଲୋକଃ ଝ. ପୁସ୍ତକେଽସ୍ତି। ଏତାବଦୁକ୍ତ୍ବା ଯନ୍ତାରଂ ବ୍ରାହ୍ମଣଂ ପରିବର୍ଜଯନ୍। ମଧ୍ଯତୋ ଯାହି ଯଚ୍ଚୋଗ୍ରଂ କର୍ଣସ୍ଯ ଚ ମହଦ୍ବଲମ୍॥ 5-113-58 ଜିହ୍ମାଗାନିଲସନ୍ନିଭମ୍ ଇତି। ଝ. ପାଠଃ॥ 5-113-71 ସନ୍ଧାଯ ଯଥାସ୍ଥାନମାନୀଯ॥ 5-113-75 ଆର୍ଯବତ୍କୁଲୀନବତ୍। କୁଲୀନତ୍ବାଦିତିଯାବତ୍॥ 5-113-113 ତ୍ରଯୋଦଶାଧିକରଶଥତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 114
॥ ଶ୍ରୀଃ ॥
7.114. ଅଧ୍ଯାଯଃ 114
Mahabharata - Drona Parva - Chapter Topics
ଧୃତରାଷ୍ଟ୍ରସ୍ଯ ସ୍ବସୈନ୍ଯପରାଜଯଶ୍ରବଣେନ ଶୋଚନମ୍॥ 1 ॥ ସଞ୍ଜଯେନ ତଦୁପାଲମ୍ଭପୂର୍ବକଂ କୃତବର୍ମପରାକ୍ରମକଥନମ୍॥ 2 ॥Mahabharata - Drona Parva - Chapter Text
7-114-0 (49444)
ଧୃତରାଷ୍ଟ୍ର ଉବାଚ। 7-114-0x (4554)
ଏବଂ ବହୁଗୁଣଂ ସୈନ୍ଯମେବଂ ପ୍ରବିଚିତଂ ବଲମ୍।
ବ୍ଯୂଢମେବଂ ଯଥାନ୍ଯାଯମେବଂ ବହୁ ଚ ସଞ୍ଜଯ॥ 7-114-1 (49445)
ନିତ୍ଯଂ ପୂଜିତମସ୍ମାଭିରଭିକାମଂ ଚ ନଃ ସଦା।
ପ୍ରୌଢମତ୍ଯଦ୍ଭୁତାକାରଂ ପୁରସ୍ତାଦ୍ଦୃଷ୍ଟବିକ୍ରମମ୍॥ 7-114-2 (49446)
ନାତିବୃଦ୍ବମବାଲଂ ଚ ନାକୃଶଂ ନାତିପୀବରମ୍।
ଲଘୁବୃତ୍ତାଯତପ୍ରାଯଂ ସାରଗାତ୍ରମନାମଯମ୍॥ 7-114-3 (49447)
ଆତ୍ତସନ୍ନାହସଞ୍ଛନ୍ନଂ ବହୁଶସ୍ତ୍ରପରିଚ୍ଛଦମ୍।
ଶସ୍ତ୍ରଗ୍ରହଣବିଦ୍ଯାସୁ ବହ୍ବୀଷୁ ପରିନିଷ୍ଠିତମ୍॥ 7-114-4 (49448)
ଆରୋହେ ପର୍ଯବସ୍କନ୍ଦେ ସରଣେ ସାନ୍ତରପ୍ଲୁତେ।
ସମ୍ଯକ୍ପ୍ରହରଣେ ଯାନେ ବ୍ଯପଯାନେ ଚ କୋବିଦମ୍॥ 7-114-5 (49449)
ନାଗେଷ୍ବଶ୍ବେଷୁ ବହୁଶୋ ରଥେଷୁ ଚ ପରୀକ୍ଷିତମ୍।
`ଚର୍ମନିସ୍ତ୍ରିଂଶଯୁଦ୍ଧେ ଚ ନିଯୁଦ୍ଧେ ଚ ବିଶାରଦମ୍'।
ପରୀକ୍ଷ୍ଯ ଚ ଯଥାନ୍ଯାଯଂ ବେତନେନୋପପାଦିତମ୍॥ 7-114-6 (49450)
ନ ଗୋଷ୍ଠ୍ଯା ନୋପକାରେଣ ନ ସମ୍ବନ୍ଧନିମିତ୍ତତଃ।
ନାନାହୂତଂ ନାପ୍ଯଭୃତଂ ମମ ସୈନ୍ଯଂ ବଭୂବ ହ॥ 7-114-7 (49451)
କୁଲୀନାର୍ଯଜନୋପେତଂ ତୁଷ୍ଟପୁଷ୍ଟମନୁଦ୍ଧତମ୍।
କୃତମାନୋପଚାରଂ ଚ ଯଶସ୍ବି ଚ ମନସ୍ବି ଚ॥ 7-114-8 (49452)
ସଚିବୈଶ୍ଚାପରୈର୍ମୁଖ୍ଯୈର୍ବହୁଭିଃ ପୁଣ୍ଯକର୍ମଭିଃ।
ଲୋକପାଲୋପମୈସ୍ତାତ ପାଲିତଂ ନରସତ୍ତମୈଃ॥ 7-114-9 (49453)
ବହୁଭିଃ ପାର୍ଥିବୈର୍ଗୁପ୍ତମସ୍ମତ୍ପ୍ରିଯଚିକୀର୍ଷୁଭିଃ।
ଅସ୍ମାନଭିସୃତୈଃ କାମାତ୍ସବଲୈଃ ସପଦାନୁଗୈଃ॥ 7-114-10 (49454)
ମହୋଦଧିମିବାପୂର୍ଣମାପଗାଭିଃ ସମନ୍ତତଃ।
ଅପକ୍ଷୈଃ ପକ୍ଷିସଙ୍କାଶୈ ରଥୈରଶ୍ବୈଶ୍ଚ ସଂବୃତମ୍॥ 7-114-11 (49455)
ପ୍ରଭିନ୍ନକରଟୈଶ୍ଚୈବ ଦ୍ବିରଦୈରାବୃତଂ ମହତ୍।
ଯଦହନ୍ଯତ ମେ ସୈନ୍ଯଂ କିମନ୍ଯଦ୍ଭାଗଧେଯତଃ॥ 7-114-12 (49456)
ଯୋଧାକ୍ଷଯ୍ଯଜଲଂ ଭୀମଂ ବାହନୋର୍ମିତରଙ୍ଗିଣମ୍।
କ୍ଷେପଣ୍ଯସିଗଦାଶକ୍ତିଶରପ୍ରାସଝଷାକୁଲମ୍॥ 7-114-13 (49457)
ଧ୍ବଜଭୂଷଣସମ୍ବାଧରତ୍ନୋପଲସୁସଞ୍ଚିତମ୍।
ବାହନୈରଭିଧାବଦ୍ଭିର୍ବାଯୁବେଗବିକମ୍ପିତମ୍॥ 7-114-14 (49458)
ଦ୍ରୋଣଗମ୍ଭୀରପାତାଲଂ କୃତବର୍ମମହାହଦମ୍।
ଜଲସନ୍ଧମହାଗ୍ରାହଂ କର୍ମଚନ୍ଦ୍ରୋଦଯୋଦ୍ଧତମ୍॥ 7-114-15 (49459)
ଗତେ ସୈନ୍ଯାର୍ଣବଂ ଭିତ୍ତ୍ବା ତରସା ପାଣ୍ଡବର୍ଷଭେ।
ସଞ୍ଜଯୈକରଥେନୈବ ଯୁଯୁଧାନେ ଚ ମାମକମ୍॥ 7-114-16 (49460)
ତତ୍ର ଶେଷଂ ନ ପଶ୍ଯାମି ପ୍ରବିଷ୍ଟେ ସବ୍ଯସାଚିନି।
ସାତ୍ବତେ ଚ ରଥୋଦାରେ ମମ ସୈନ୍ଯସ୍ଯ ସଞ୍ଜଯ॥ 7-114-17 (49461)
ତୌ ତତ୍ର ସମତିକ୍ରାନ୍ତୌ ଦୃଷ୍ଟ୍ବାଽତୀବ ତରସ୍ବିନୌ।
ସିନ୍ଧୁରାଜଂ ତୁ ସମ୍ପ୍ରେକ୍ଷ୍ଯ ଗାଣ୍ଡୀବସ୍ଯ ଚ ଗୋଚରମ୍॥ 7-114-18 (49462)
କିଂ ନୁ ବା କୁରବଃ କୃତ୍ଯଂ ବିଦଧୁଃ କାଲଚୋଦିତାଃ।
ଦାରୁଣୈକାଯନେଽକାଲେ କଥଂ ବା ପ୍ରତିପେଦିରେ॥ 7-114-19 (49463)
ଗ୍ରସ୍ତାନ୍ହି କୌରବାନ୍ମନ୍ଯେ ମୃତ୍ଯୁନା ତାତ ସଙ୍ଗତାନ୍।
ବିକ୍ରମୋଽପି ରଣେ ତେଷାଂ ନ ତଥା ଦୃଶ୍ଯତେ ହି ବୈ॥ 7-114-20 (49464)
ଅକ୍ଷତୌ ସଂଯୁଗେ ତତ୍ର ପ୍ରବିଷ୍ଟୌ କୃଷ୍ଣପାଣ୍ଡବୌ।
ନ ଚ ବାରଯିତା କଶ୍ଚିତ୍ତଯୋରସ୍ତୀହ ସଞ୍ଜଯ॥ 7-114-21 (49465)
ଭୃତାଶ୍ଚ ବହବୋ ଯୋଧାଃ ପରୀକ୍ଷ୍ଯୈବ ମହାରଥାଃ।
ବେତନେନ ଯଥାଯୋଗଂ ପ୍ରିଯବାଦେନ ଚାପରେ॥ 7-114-22 (49466)
ଅସତ୍କାରଭୃତସ୍ତାତ ମମ ସୈନ୍ଯେ ନ ବିଦ୍ଯତେ।
କର୍ମଣା ହ୍ଯନୁରୂପେଣ ଲଭ୍ଯତେ ଭକ୍ତବେତନମ୍॥ 7-114-23 (49467)
ନ ଚ ଯୋଧୋଽଭବତ୍କଶ୍ଚିନ୍ମମ ସୈନ୍ଯେ ତୁ ସଞ୍ଜଯ।
ଅଲ୍ପଦାନଭୃତସ୍ତାତ ତଥା ଚାଭୃତକୋ ନରଃ॥ 7-114-24 (49468)
ପୂଜିତୋ ହି ଯଥାଶକ୍ତ୍ଯା ଦାନମାନାସନୈର୍ମଯା।
ତଥା ପୁତ୍ରୈଶ୍ଚ ମେ ତାତ ଜ୍ଞାତିଭିଶ୍ଚ ସବାନ୍ଧବୈଃ॥ 7-114-25 (49469)
ତେ ଚ ପ୍ରାପ୍ଯୈବ ସଙ୍ଗ୍ରାମେ ନିର୍ଜିତାଃ ସବ୍ଯସାଚିନା।
ଶୈନେଯେନ ପରାମୃଷ୍ଟାଃ କିମନ୍ଯଦ୍ଭାଗଧେଯତଃ॥ 7-114-26 (49470)
ରକ୍ଷ୍ଯତେ ଯଶ୍ଚ ସଙ୍ଗ୍ରାମେ ଯେ ଚ ସଞ୍ଜଯ ରକ୍ଷିଣଃ।
ଏକଃ ସାଧାରଣଃ ପନ୍ଥାର ରକ୍ଷ୍ଯସ୍ଯ ସହ ରକ୍ଷିଭିଃ॥ 7-114-27 (49471)
ଅର୍ଜୁନଂ ସମରେ ଦୃଷ୍ଟ୍ବା ସୈନ୍ଧବସ୍ଯାଗ୍ରତଃ ସ୍ଥିତମ୍।
ପୁତ୍ରୋ ମମ ଭୃଶଂ ମୂଢଃ କିଂ କାର୍ଯଂ ପ୍ରତ୍ଯପଦ୍ଯତ॥ 7-114-28 (49472)
ସାତ୍ଯକିଂ ଚ ରଣେ ଦୃଷ୍ଟ୍ବା ପ୍ରବିଶନ୍ତମଭୀତବତ୍।
କିଂ ନୁ ଦୁର୍ଯୋଧନଃ କୃତ୍ଯଂ ପ୍ରାପ୍ତକାଲମମନ୍ଯତ॥ 7-114-29 (49473)
ସର୍ବଶସ୍ତ୍ରାତିଗୌ ସେନାଂ ପ୍ରବିଷ୍ଟୌ ରଥିସତ୍ତମୌ।
ଦୃଷ୍ଟ୍ବା କାଂ ବୈ ଧୃତିଂ ଯୁଦ୍ଧେ ପ୍ରତ୍ଯପଦ୍ଯନ୍ତ ମାମକାଃ॥ 7-114-30 (49474)
ଦୃଷ୍ଟ୍ବା କୃଷ୍ଣଂ ତୁ ଦାଶାର୍ହମର୍ଜୁନାର୍ଥେ ବ୍ଯବସ୍ଥିତମ୍।
ଶିନୀନାମୃଷଭଂ ଚୈବ ମନ୍ଯେ ଶୋଚନ୍ତି ପୁତ୍ରକାଃ॥ 7-114-31 (49475)
ଦୃଷ୍ଟା ସେନାଂ ବ୍ଯତିକ୍ରାନ୍ତାଂ ସାତ୍ବତେନାର୍ଜୁନେନ ଚ।
ପଲାଯମାନାଂଶ୍ଚ କୁରୂନ୍ମନ୍ଯେ ଶୋଚନ୍ତି ପୁତ୍ରକାଃ॥ 7-114-32 (49476)
ବିଦ୍ରୁତାନ୍ରଥିନୋ ଦୃଷ୍ଟ୍ବା ନିରୁତ୍ସାହାନ୍ଦ୍ବିଷଜ୍ଜଯେ।
ପଲାଯନକୃତୋତ୍ସାହାନ୍ମନ୍ଯେ ଶୋଚନ୍ତି ପୁତ୍ରକାଃ॥ 7-114-33 (49477)
ଶୂନ୍ଯାନ୍କୃତାନ୍ରଥୋପସ୍ଥାନ୍ସାତ୍ବତେନାର୍ଜୁନେନ ଚ।
ହତାଂଶ୍ଚ ଯୋଧାନ୍ସଂଦୃଶ୍ଯ ମନ୍ଯେ ଶୋଚନ୍ତି ପୁତ୍ରକାଃ॥ 7-114-34 (49478)
ବ୍ଯଶ୍ବନାଗରଥାନ୍ଦୃଷ୍ଟ୍ବା ତତ୍ର ବୀରାନ୍ସହୃସ୍ରଶଃ।
ଧାବମାନାନ୍ରଣେ ବ୍ଯଗ୍ରାମନ୍ଯନ୍ଯେ ଶୋଚନ୍ତି ପୁତ୍ରକାଃ॥ 7-114-35 (49479)
ମହାନାଗାନ୍ବିଦ୍ରବତୋ ଦୃଷ୍ଟ୍ବାଽର୍ଜୁନଶରାହତାନ୍।
ପତିତାନ୍ପତତଶ୍ଚାନ୍ଯାନ୍ମନ୍ଯେ ଶୋଚନ୍ତି ପୁତ୍ରକାଃ॥ 7-114-36 (49480)
ବିହୀନାଂଶ୍ଚ କୃତାନଶ୍ବାନ୍ବିରଥାଂଶ୍ଚ କୃତାନ୍ନରାନ୍।
ତତ୍ର ସାତ୍ଯକିପାର୍ଥାଭ୍ଯାଂ ମନ୍ଯେ ଶୋଚନ୍ତି ପୁତ୍ରକାଃ॥ 7-114-37 (49481)
ହଯୌଘାନ୍ନିହତାନ୍ଦୃଷ୍ଟ୍ବା ଦ୍ରବମାଣାଂସ୍ତତସ୍ତତଃ।
ରଣେ ମାଧବପାର୍ଥାଭ୍ଯାଂ ମନ୍ଯେ ଶୋଚନ୍ତି ପୁତ୍ରକାଃ॥ 7-114-38 (49482)
ପତ୍ତିସଙ୍ଘାନ୍ରଣେ ଦୃଷ୍ଟ୍ବା ଧାବମାନାଂଶ୍ଚ ସର୍ବଶଃ।
ନିରାଶା ବିଜଯେ ସର୍ବେ ମନ୍ଯେ ଶୋଚନ୍ତି ପୁତ୍ରକାଃ॥ 7-114-39 (49483)
ଦ୍ରୋଣସ୍ଯ ସମତିକ୍ରାନ୍ତାବନୀକମପରାଜିତୌ।
କ୍ଷଣେନ ଦୃଷ୍ଟ୍ବା ତୌ ବୀରୌ ମନ୍ଯେ ଶୋଚନ୍ତି ପୁତ୍ରକାଃ॥ 7-114-40 (49484)
ସମ୍ମୂଢୋଽସ୍ମି ଭୃଶଂ ତାତ ଶ୍ରୁତ୍ବା କୃଷ୍ଣଧନଞ୍ଜଯୌ।
ପ୍ରବିଷ୍ଟୌ ମାମକଂ ସୈନ୍ଯଂ ସାତ୍ବତେନ ସହାଚ୍ଯୁତୌ॥ 7-114-41 (49485)
ତସ୍ମିନ୍ପ୍ରବିଷ୍ଟେ ପୃତନାଂ ଶିନୀନାଂ ପ୍ରବରେ ରଥେ।
ଭୋଜାନୀକଂ ବ୍ଯତିକ୍ରାନ୍ତେ କିମକୁର୍ବତ କୌରବାଃ॥ 7-114-42 (49486)
ତଥା ଦ୍ରୋଣେନ ସମରେ ନିଗୃହୀତେଷୁ ପାଣ୍ଡୁଷୁ।
କଥଂ ଯୁଦ୍ଧମଭୂତ୍ତତ୍ର ତନ୍ମମାଚକ୍ଷ୍ବ ସଞ୍ଜଯ॥ 7-114-43 (49487)
ଦ୍ରୋଣୋ ହି ବଲବାନ୍ଶ୍ରେଷ୍ଠଃ କୃତାସ୍ତ୍ରୋ ଯୁଦ୍ଧଦୁର୍ମଦଃ।
ପାଞ୍ଚାଲାସ୍ତଂ ମହେଷ୍ବାସଂ ପ୍ରତ୍ଯଯୁଧ୍ଯନ୍କଥଂ ରଣେ॥ 7-114-44 (49488)
ବଦ୍ଧବୈରାସ୍ତତୋ ଦ୍ରୋଣେ ଧନଞ୍ଜଯଜଯୈଷିଣଃ।
ଭାରଦ୍ବାଜସୁତସ୍ତେଷୁ ଦୃଢବୈରୋ ମହାରଥଃ॥ 7-114-45 (49489)
ଅର୍ଜୁନଶ୍ଚାପି ଯଚ୍ଚକ୍ରେ ସିନ୍ଧୁରାଜବଧଂ ପ୍ରତି।
ତନ୍ମେ ସର୍ବଂ ସମାଚକ୍ଷ୍ବ କୁଶଲୋ ହ୍ଯସି ସଞ୍ଜଯ॥ 7-114-46 (49490)
ସଞ୍ଜଯ ଉବାଚ। 7-114-47x (4555)
ଆତ୍ମାପରାଧାତ୍ସମ୍ଭୂତଂ ବ୍ଯସନଂ ଭରତର୍ଷଭ।
ପ୍ରାପ୍ଯ ପ୍ରାକୃତବଦ୍ବୀର ନ ତ୍ବଂ ଶୋଚିତୁମର୍ହସି॥ 7-114-47 (49491)
ପୁରା ଯଦୁଚ୍ଯସେ ପ୍ରାଜ୍ଞୈଃ ସୁହୃଦ୍ଭିର୍ବିଦୁରାଦିଭିଃ।
ମା ହାର୍ଷୀଃ ପାଣ୍ଡବାନ୍ରାଜନ୍ନିତି ତନ୍ନ ତ୍ବଯା ଶ୍ରୁତମ୍॥ 7-114-48 (49492)
ସୁହୃଦାଂ ହିତକାମାନାଂ ବାକ୍ଯଂ ଯୋ ନ ଶୃଣୋତି ହ।
ସ ମହଦ୍ବ୍ଯସନଂ ପ୍ରାପ୍ଯ ଶୋଚତେ ବୈ ଯଥା ଭବାନ୍॥ 7-114-49 (49493)
ଯାଚିତୋଽସି ପୁରା ରାଜନ୍ଦାଶାର୍ହେଣ ଶମଂ ପ୍ରତି।
ନ ଚ ତଂ ଲବ୍ଧବାନ୍କାମଂ ତ୍ବତ୍ତଃ କୃଷ୍ଣୋ ମହାଯଶାଃ॥ 7-114-50 (49494)
ତବ ନିର୍ଗୁଣତାଂ ଜ୍ଞାତ୍ବା ପକ୍ଷପାତଂ ସୁତେଷୁ ଚ।
ଦ୍ବୈଧୀଭାବଂ ତଥା ଧର୍ମେ ପାଣ୍ଡବେଷୁ ଚ ମତ୍ସରମ୍॥ 5-114-52 ତବ ଜିହ୍ମମଭିପ୍ରାଯଂ ବିଦିତ୍ବା ପାଣ୍ଡବାନ୍ପ୍ରତି।
ଆର୍ତପ୍ରଲାପାଂଶ୍ଚ ବହୂନ୍ମନୁଜାଧିପ ସତ୍ତମ॥ 7-114-51 (49495)
ସର୍ବଲୋକସ୍ଯ ତତ୍ତ୍ବଜ୍ଞଃ ସର୍ବଲୋକେଶ୍ବରଃ ପ୍ରଭୁଃ।
ବାସୁଦେବସ୍ତତୋ ଯୁଦ୍ଧଂ କୁରୂଣାମକରୋନ୍ମହତ୍॥ 7-114-53 (49496)
ଆତ୍ମାପରାଧାତ୍ସୁମହାନ୍ପ୍ରାପ୍ତସ୍ତେ ବିପୁଲଃ କ୍ଷଯଃ।
ନୈନଂ ଦୁର୍ଯୋଧନେ ଦୋଷଂ କର୍ତୁମର୍ହସି ମାନଦ॥ 7-114-54 (49497)
ନ ହି ତୈ ସୁକୃତଂ କିଞ୍ଚିଦାଦୌ ମଧ୍ଯେ ଚ ଭାରତ।
ଦୃଶ୍ଯତେ ପୃଷ୍ଠତଶ୍ଚୈବ ତ୍ବନ୍ମୂଲୋ ହି ପରାଜଯଃ॥ 7-114-55 (49498)
ତସ୍ମାଦଦ୍ଯ ସ୍ଥିରୋ ଭୂତ୍ବା ଜ୍ଞାତ୍ବା ଲୋକସ୍ଯ ନିର୍ଣଯମ୍।
ଶୃଣୁ ଯୁଦ୍ଧଂ ଯଥାବୃତ୍ତଂ ଘୋରଂ ଦେବାସୁରୋପମମ୍॥ 7-114-56 (49499)
ପ୍ରବିଷ୍ଟେ ତବ ସୈନ୍ଯଂ ତୁ ଶୈନେଯେ ସତ୍ଯବିକ୍ରମେ।
ଭୀମସେନମୁଖାଃ ପାର୍ଥାଃ ପ୍ରତୀଯୁର୍ବାହିନୀଂ ତବ॥ 7-114-57 (49500)
ଆଗଚ୍ଛତସ୍ତାନ୍ସହସା କ୍ରୁଦ୍ଧରୂପାନ୍ସହାନୁଗାନ୍।
ଦଧାରୈକୋ ରଣେ ପାଣ୍ଡୂନ୍କୃତବର୍ମା ମହାରଥଃ॥ 7-114-58 (49501)
ଯଥୋଦ୍ବୃତ୍ତଂ ବାରଯତେ ବେଲା ବୈ ସଲିଲାର୍ଣବମ୍।
ପାଣ୍ଡୁସୈନ୍ଯଂ ତଥା ସଙ୍ଖ୍ଯେ ହାର୍ଦିକ୍ଯଃ ସମବାରଯତ୍॥ 7-114-59 (49502)
ତତ୍ରାଦ୍ଭୁତମପଶ୍ଯାମ ହାର୍ଦିକ୍ଯସ୍ଯ ପରାକ୍ରମମ୍।
ଯଦେନଂ ସହିତାଃ ପାର୍ଥା ନାତିଚକ୍ରମୁରାହବେ॥ 7-114-60 (49503)
ତତୋ ଭୀମସ୍ତ୍ରିଭିର୍ବିଦ୍ଧ୍ବା କୃତବର୍ମାଣମାଶୁଗୈଃ।
ଶଙ୍ଖଂ ଦଧ୍ମୌ ମହାବାହୁର୍ହର୍ଷୁଯନ୍ସର୍ବପାଣ୍ଡବାନ୍॥ 7-114-61 (49504)
ସହଦେବସ୍ତୁ ବିଂଶତ୍ଯା ଧର୍ମରାଜଶ୍ଚ ପଞ୍ଚଭିଃ।
ଶତେନ ନକୁଲଶ୍ଚାପି ହାର୍ଦିକ୍ଯଂ ସମବିଧ୍ଯତ॥ 7-114-62 (49505)
ଦ୍ରୌପଦେଯାସ୍ତ୍ରିସପ୍ତତ୍ଯା ସପ୍ତଭିଶ୍ଚ ଘଟୋତ୍କଚଃ।
ଧୃଷ୍ଟଦ୍ଯୁମ୍ନସ୍ତ୍ରିଭିଶ୍ଚାପି କୃତବର୍ମାଣମାର୍ଦଯତ୍॥ 7-114-63 (49506)
ବିରାଟୋ ଦ୍ରୁପଦଶ୍ଚୈବ ଯାଜ୍ଞସେନିଶ୍ଚ ପଞ୍ଚଭିଃ।
ଶିଖଣ୍ଡୀ ଚୈବ ହାର୍ଦିକ୍ଯଂ ବିଦ୍ଧ୍ବା ପଞ୍ଚଭିରାଶୁଗୈଃ॥ 7-114-64 (49507)
ପୁନର୍ବିବ୍ଯାଧ ବିଂଶତ୍ଯା ସାଯକାନାଂ ହସନ୍ନିବ।
କୃତବର୍ମା ତତୋ ରାଜନ୍ସର୍ବତସ୍ତାନ୍ମହାରଥାନ୍॥ 7-114-65 (49508)
ଏକୈକଂ ପଞ୍ଚଭିର୍ବିଦ୍ଧ୍ବା ଭୀମଂ ବିବ୍ଯାଧ ସପ୍ତଭିଃ।
ଧନୁର୍ଧ୍ବଜଂ ଚାସ୍ଯ ତଦା ରଥାଦ୍ଭୂମାବପାତଯତ୍॥ 7-114-66 (49509)
ଅଥୈନଂ ଛିନ୍ନଧନ୍ବାନଂ ତ୍ବରମାଣୋ ମହାରଥଃ।
ଆଜଘାନୋରସି କ୍ରୁଦ୍ଧଃ ସପ୍ତତ୍ଯା ନିଶିତୈଃ ଶରୈଃ॥ 7-114-67 (49510)
ସ ଗାଢବିଦ୍ଧୋ ବଲବାନ୍ହାର୍ଦିକ୍ଯସ୍ଯ ଶରୋତ୍ତମୈଃ।
ଚଚାଲ ରଥମଧ୍ଯସ୍ଥଃ କ୍ଷିତିକମ୍ପେ ଯଥାଽଚଲଃ॥ 7-114-68 (49511)
ଭୀମସେନଂ ତଥା ଦୃଷ୍ଟ୍ବା ଧର୍ମରାଜପୁରୋଗମାଃ।
ବିସୃଜନ୍ତଃ ଶରାନ୍ରାଜନ୍କୃତବର୍ମାଣମାର୍ଦଯନ୍॥ 7-114-69 (49512)
ତଂ ତଥା କୋଷ୍ଠକୀକୃତ୍ଯ ରଥବଂଶେନ ମାରିଷ।
ବିବ୍ଯଧୁଃ ସାଯକୈର୍ହୃଷ୍ଟା ରକ୍ଷାର୍ଥଂ ମାରୁତେର୍ମୃଧେ॥ 7-114-70 (49513)
ପ୍ରତିଲଭ୍ଯ ତତଃ ସଂଜ୍ଞାଂ ଭୀମସେନୋ ମହାବଲଃ।
ଶକ୍ତିଂ ଜଗ୍ରାହ ସମରେ ହେମଦଣ୍ଡାମଯସ୍ମାଯୀମ୍॥ 7-114-71 (49514)
ଚିକ୍ଷେପ ଚ ରଥାତ୍ତୂର୍ଣଂ କୃତବର୍ମରଥଂ ପ୍ରତି।
ସା ଭୀମଭୁଜନିର୍ମୁକ୍ତା ନିର୍ମୁକ୍ତୋରଗସନ୍ନିଭା॥ 7-114-72 (49515)
କୃତବର୍ମାଣମଭିତଃ ପ୍ରଜଜ୍ବାଲ ସୁଦାରୁଣା।
ତାମାପତନ୍ତୀଂ ସହସା ଯୁଗାନ୍ତାଗ୍ନିସମପ୍ରଭାମ୍॥ 7-114-73 (49516)
ଦ୍ବାଭ୍ଯାଂ ଶରାଭ୍ଯାଂ ହାର୍ଦିକ୍ଯୋ ନିଜଘାନ ଦ୍ବିଧା ତଦା।
ସା ଛିନ୍ନା ପତିତା ଭୂମୌ ଶକ୍ତିଃ କନକଭୂଷଣା॥ 7-114-74 (49517)
ଦ୍ଯୋତଯନ୍ତୀ ଦିଶୋ ରାଜନ୍ମହୋଲ୍କେବ ନଭଶ୍ଚ୍ଯୁତା।
ଶକ୍ତିଂ ବିନିହତାଂ ଦୃଷ୍ଟ୍ବା ଭୀମଶ୍ଚୁକ୍ରୋଧ ବୈ ଭୃଶମ୍॥ 7-114-75 (49518)
ତତୋଽନ୍ଯଦ୍ଧନୁରାଦାଯ ବେଗବତ୍ସୁମହାସ୍ବନମ୍।
ଭୀମସେନୋ ରଣେ କ୍ରୁଦ୍ଧୋ ହାର୍ଦିକ୍ଯଂ ସମବାରଯତ୍॥ 7-114-76 (49519)
ଅଥୈନଂ ପଞ୍ଚଭିର୍ବାଣୈରାଜଘାନ ସ୍ତନାନ୍ତରେ।
ଭୀମୋ ଭୀମବଲୋ ରାଜଂସ୍ତବ ଦୁର୍ମନ୍ତ୍ରିତେନ ଚ॥ 7-114-77 (49520)
ଭୋଜସ୍ତୁ କ୍ଷତସର୍ବାଙ୍ଗୋ ଭୀମସେନେନ ମାରିଷ।
ରକ୍ତାଶୋକ ଇବୋତ୍ଫୁଲ୍ଲୋ ବ୍ଯଭ୍ରାଜତ ରଣାଜିରେ॥ 7-114-78 (49521)
ତତଃ କ୍ରୁଦ୍ଧସ୍ତ୍ରିଭିର୍ବାଣୈର୍ଭୀମସେନଂ ହସନ୍ନିବ।
ଅଭିହତ୍ଯ ଦୃଢଂ ଯୁଦ୍ଧେ ତାନ୍ସର୍ବାନ୍ପ୍ରତ୍ଯବିଧ୍ଯତ॥ 7-114-79 (49522)
ତ୍ରିଭିସ୍ତ୍ରିଭିର୍ମହେଷ୍ବାସୋ ଯତମାନାନ୍ମହାରଥାନ୍।
ତେଽପି ତଂ ପ୍ରତ୍ଯବିଧ୍ଯନ୍ତ ସପ୍ତଭିଃ ସପ୍ତଭିଃ ଶରୈଃ॥ 7-114-80 (49523)
ଶିଖଣ୍ଡିନସ୍ତତଃ କ୍ରୁଦ୍ଧଃ କ୍ଷୁରପ୍ରେଣ ମହାରଥଃ।
ଧନୁଶ୍ଚିଚ୍ଛେଦ ସାମରେ ପ୍ରହସନ୍ନିବ ସାତ୍ବତଃ॥ 7-114-81 (49524)
ଶିଖଣ୍ଡୀ ତୁ ତତଃ କ୍ରୁଦ୍ଧଶ୍ଛିନ୍ନେ ଧନୁଷି ସତ୍ବରଃ।
ଅସିଂ ଜଗ୍ରାହ ସମରେ ଶତଚନ୍ଦ୍ରଂ ଚ ଭାସ୍ବରମ୍॥ 7-114-82 (49525)
ଭ୍ରାମଯିତ୍ବା ମହଚ୍ଚର୍ମ ଚାମୀକରବିଭୂଷିତମ୍।
ତମସିଂ ପ୍ରେଷଯାମାତ କୃତବର୍ମରଥଂ ପ୍ରତି॥ 7-114-83 (49526)
ସ ତସ୍ଯ ସଶରଂ ଚାପଂ ଛିତ୍ତ୍ବା ରାଜନ୍ମହାନସିଃ।
ଅଭ୍ଯଗାଦ୍ଧରଣୀଂ ରାଜଂଶ୍ଚ୍ଯୁତଂ ଜ୍ଯୋତିରିବାମ୍ବରାତ୍॥ 7-114-84 (49527)
ଏତସ୍ମିନ୍ନେବ କାଲେ ତୁ ତ୍ବରମାଣଂ ମହାରଥାଃ।
ବିବ୍ଯଧୁଃ ସାଯକୈର୍ଗାଢଂ କୃତବର୍ମାଣମାହବେ॥ 7-114-85 (49528)
ଅଥାନ୍ଯଦ୍ଧନୁରାଦାଯ ତ୍ଯକ୍ତ୍ବା ତଚ୍ଚ ମହଦ୍ଧନୁଃ।
ବିଶୀର୍ଣଂ ଭରତଶ୍ରେଷ୍ଠ ହାର୍ଦିକ୍ଯଃ ପରବୀରହା॥ 7-114-86 (49529)
ବିବ୍ଯାଧ ପାଣ୍ଡବାନ୍ଯୁଦ୍ଧେ ତ୍ରିଭିସ୍ତ୍ରିଭିରଜିହ୍ମଗୈଃ।
ଶିଖଣ୍ଡିନଂ ଚ ବିବ୍ଯାଧ ତ୍ରିଭିଃ ପଞ୍ଚଭିରେବ ଚ॥ 7-114-87 (49530)
ଧନୁରନ୍ଯତ୍ସମାଦାଯ ଶିଖଣ୍ଡୀ ତୁ ମହାଯଶାଃ।
ଅବାରଯତ୍କୂର୍ମନଖୈରାଶୁଗୈର୍ହୃଦିକାତ୍ମଜମ୍॥ 7-114-88 (49531)
ତତଃ କ୍ରୁଦ୍ଧୋ ରଣେ ରାଜନ୍ହୃଦିକସ୍ଯାତ୍ମସମ୍ଭବଃ।
ଅଭିଦୁଦ୍ରାବ ବେଗେନ ଯାଜ୍ଞସେନିଂ ମହାରଥମ୍॥ 7-114-89 (49532)
ଭୀଷ୍ମସ୍ଯ ସମରେ ରାଜନ୍ମୃତ୍ଯୋର୍ହେତୁଂ ମହାତ୍ମନଃ।
ବିଦର୍ଶଯନ୍ବଲଂ ଶୂରଃ ଶାର୍ଦୂଲ ଇବ କୁଞ୍ଜରମ୍॥ 7-114-90 (49533)
ତୌ ଦିଶାଗଜସଙ୍କାଶୌ ଜ୍ବଲିତାବିବ ପାବକୌ।
ସମାପେତତୁରନ୍ଯୋନ୍ଯଂ ଶରସଙ୍ଘୈରରିନ୍ଦମୌ॥ 7-114-91 (49534)
ବିଧୁନ୍ବାନୌ ଧନୁଃଶ୍ରେଷ୍ଠେ ସନ୍ଦଧାନୌ ଚ ସାଯକାନ୍।
ବିସୃଜନ୍ତୌ ଚ ଶତଶୋ ଗଭସ୍ତୀନିବ ଭାସ୍କରୌ॥ 7-114-92 (49535)
ତାପଯନ୍ତୌ ଶରୈସ୍ତୀକ୍ଷ୍ଣୈରନ୍ଯୋନ୍ଯଂ ତୌ ମହାରଥୌ।
ଯୁଗାନ୍ତପ୍ରତିମୌ ବୀରୌ ରେଜତୁର୍ଭାସ୍କରାବିବ॥ 7-114-93 (49536)
କୃତବର୍ମା ଚ ସମରେ ଯାଜ୍ଞସେନିଂ ମହାରଥମ୍।
ବିଦ୍ଧ୍ବେଷୁଭିସ୍ତ୍ରିସପ୍ତତ୍ଯା ପୁନର୍ବିବ୍ଯାଧ ସପ୍ତଭିଃ॥ 7-114-94 (49537)
ସ ଗାଢବିଦ୍ଧୋ ବ୍ଯଥିତୋ ରଥୋପସ୍ଥ ଉପାବିଶତ୍।
ବିସୃଜ୍ଯ ସଶରଂ ଚାପଂ ମୂର୍ଚ୍ଛଯାଽଭିପରିପ୍ଲୁତଃ॥ 7-114-95 (49538)
ତଂ ବିଷଣ୍ଣଂ ରଣେ ଦୃଷ୍ଟ୍ବା ତାବକାଃ ପୁରୁଷର୍ଷଭ।
ହାର୍ଦିକ୍ଯଂ ପୂଜଯାମାସୁର୍ବାସାଂସ୍ଯାଦୁଧୁବୁଶ୍ଚ ହ॥ 7-114-96 (49539)
ଶିଖଣ୍ଡିନଂ ତଥା ଜ୍ଞାତ୍ବା ହାର୍ଦିକ୍ଯଶରପୀଡିତମ୍।
ଅପୋବାହ ରଣାଦ୍ଯନ୍ତା ତ୍ବରମାଣୋ ମହାରଥମ୍॥ 7-114-97 (49540)
ସାଦିତଂ ତୁ ରଥୋପସ୍ଥେ ଦୃଷ୍ଟ୍ବା ପାର୍ଥାଃ ଶିଖଣ୍ଡିନମ୍।
ପରିବବ୍ରୂ ରଥୈସ୍ତୂର୍ଣଂ କୃତବର୍ମାଣମାହବେ॥ 7-114-98 (49541)
ତତ୍ରାଦ୍ଭୁତଂ ପରଂ ଚକ୍ରେ କୃତବର୍ମା ମହାରଥଃ।
ଯଦେକଃ ସମରେ ପାର୍ଥାନ୍ବାରଯାମାସ ସାନୁଗାନ୍॥ 7-114-99 (49542)
ପାର୍ଥାଞ୍ଜିତ୍ବାଽଜଯଚ୍ଚେଦୀନ୍ପାଞ୍ଚାଲାନ୍ସୃଞ୍ଜଯାନପି।
କେକଯାଂଶ୍ଚ ମହାବୀର୍ଯାନ୍କୃତବର୍ମା ମହାରଥଃ॥ 7-114-100 (49543)
ତେ ବଧ୍ଯମାନାଃ ସମରେ ହାର୍ଦିକ୍ଯେନ ସ୍ମ ପାଣ୍ଡବାଃ।
ଇତଶ୍ଚେତଶ୍ଚ ଧାବନ୍ତୋ ନୈବ ଚକ୍ରୁର୍ଧୃତିଂ ରଣେ॥ 7-114-101 (49544)
ଜିତ୍ବା ପାଣ୍ଡୁସୁତାନ୍ଯୁଦ୍ଧେ ଭୀମସେନପୁରୋଗମାନ୍।
ହାର୍ଦିକ୍ଯଃ ସମରେଽତିଷ୍ଠଦ୍ବିଧୂମ ଇବ ପାବକଃ॥ 7-114-102 (49545)
ତେ ଦ୍ରାବ୍ଯମାଣାଃ ସମରେ ହାର୍ଦିକ୍ଯେନ ମହାରଥାଃ।
ବିମୁଖାଃ ସମପଦ୍ଯନ୍ତ ଶରବୃଷ୍ଟିଭିରାର୍ଦିତାଃ॥ ॥ 7-114-103 (49546)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଚତୁର୍ଦଶାଧିକଶତତମୋଽଧ୍ଯାଯଃ॥ 114 ॥
Mahabharata - Drona Parva - Chapter Footnotes
5-114-1 ବହୁଗୁଣଂ ବହବୋ ଗୁଣାଃ ଶୌର୍ଯାଦଯଃ ସଂଧ୍ଯାଦଯୋ ବା ଯସ୍ମିନ୍। ବଲଂ ପ୍ରବଲମ୍॥ 5-114-2 ନଃ ଅଭିକାମମନୁରକ୍ତମ୍॥ 5-114-3 ଲଘୁନୋ ମନୋଜ୍ଞସ୍ଯ ବୃତ୍ତସ୍ଯାଯତନମାଯାସଃ ପ୍ରାଯଃ ପ୍ରଚୁରଂ ଯତ୍ର। ସାରଗାତ୍ରଂ ନିବିଡାବଯବମ୍॥ 5-114-5 ପର୍ଯବସ୍କନ୍ଦେ ଅବରୋହଣେ। ସରଣେ ପ୍ରସରଣେ। ସାନ୍ତରପ୍ଲୁତେ ପ୍ଲୁବନାନ୍ତରୀତାଯାଂ ଗତୌ। ବ୍ଯପଯାନେଽପସରଣେ॥ 5-114-6 ବେତନେନ ଦିନମାସବର୍ଷଦେଯେନ ଧନେନ॥ 5-114-7 ଗୋଷ୍ଠ୍ଯା ସଂଲାପମାତ୍ରେଣ॥ 5-114-13 ବାହନାନ୍ଯେବୋର୍ମିତରଙ୍ଗପରମ୍ପରା ବିଦ୍ଯତେ ଯତ୍ର। କ୍ଷେପଣ୍ଯୋ ଯନ୍ତ୍ରାଣି॥ 5-114-14 ରତ୍ନୈରୁପଲୈଶ୍ଚ ସୁସଞ୍ଚିତଂ ସୁଷ୍ଠୁସଞ୍ଛାଦିତମ୍। ବାହନାଭିଧାବନାନ୍ଯେବ ବାଯୁବେଗତଯା ରୂପିତାନି॥ 5-114-17 ମମ ସୈନ୍ଯସ୍ଯ ସେଷମିତ୍ଯନ୍ବଯଃ॥ 5-114-19 ଦାରୁଣୈକାଯନେ ଅତିଭୀଷଣେଽନନ୍ଯଗତିକେ। ଅକାଲେ ଅତୀତେ ସମଯେ॥ 5-114-23 ଲଭ୍ଯତେ ସୈନ୍ଯେନାର୍ଥାତ୍॥ 5-114-30 ଧୃତିଂ ଧାରଣାମ୍॥ 5-114-35 ବ୍ଯଗ୍ରାନନେକାଗ୍ରାନ୍। ଅବ୍ଯଗ୍ରାନ୍ ପଲାଯନୈକମନସ ଇତି ବା॥ 5-114-51 ନିର୍ଗୁଣତାଂ ଗୁଣବୈଷମ୍ଯମ୍। ଦ୍ବୈଧୀଭାବମନିଶ୍ଚଯମ୍॥ 5-114-54 ସୁମହାନ୍ ବିପୁଲ ଇତି ପର୍ଯାଯାଭ୍ଯାଂ ମହତ୍ତ୍ବୋଦ୍ରେକଃ॥ 5-114-56 ନିର୍ଣଯଂ ନିଯତସ୍ବଭାବମ୍॥ 5-114-65 ସର୍ବତଃ ସର୍ବାନ୍॥ 5-114-74 ଦ୍ବିଧା ସ୍ଥାନଦ୍ବଯେ॥ 5-114-88 କୂର୍ମନଖୈଃ କୂର୍ମନଖାକୃତିଫଲକୈଃ॥ 5-114-114 ଚତୁର୍ଦଶାଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 115
॥ ଶ୍ରୀଃ ॥
7.115. ଅଧ୍ଯାଯଃ 115
Mahabharata - Drona Parva - Chapter Topics
ସାତ୍ଯକିନା ଜଲସନ୍ଧସ୍ଯ ବଧଃ॥ 1 ॥Mahabharata - Drona Parva - Chapter Text
7-115-0 (49547)
ସଞ୍ଜଯ ଉବାଚ। 7-115-0x (4556)
ଶୃଣୁଷ୍ବୈକମନା ରାଜନ୍ଯନ୍ମାଂ ତ୍ବଂ ପରିପୃଚ୍ଛସି।
ଦ୍ରାବ୍ଯମାଣେ ବଲେ ତସ୍ମିନ୍ହାର୍ଦିକ୍ଯେନ ମହାତ୍ମନା॥ 7-115-1 (49548)
ଲଜ୍ଜଯାବନତେ ଚାପି ପରିହୃଷ୍ଟେ ଚ ତାବକେ।
ଦ୍ବୀପୋ ଯ ଆସୀତ୍ପାଣ୍ଡୂନାମଗାଧେ ଗାଧମିଚ୍ଛତାମ୍॥ 7-115-2 (49549)
ଶ୍ରୁତ୍ବା ସ ନିନଦଂ ଭୀମଂ ତାବକାନାଂ ମହାହବେ।
ଶୈନେଯସ୍ତ୍ବରିତୋ ରାଜନ୍କୃତବର୍ମାଣମଭ୍ଯଯାତ୍॥ 7-115-3 (49550)
ଉବାଚ ସାରଥିଂ ତତ୍ର କ୍ରୋଧାମର୍ଷସମନ୍ବିତଃ।
ହାର୍ଦିକ୍ଯାଭିମୁଖଂ ସୂତ କୁରୁ ମେ ରଥମୁତ୍ତମମ୍॥ 7-115-4 (49551)
କୁରୁତେ କଦନଂ ପଶ୍ଯ ପାଣ୍ଡୁସୈନ୍ଯେ ହ୍ଯମର୍ଷିତଃ।
ଏନଂ ଜିତ୍ବା ପୁନଃ ସୂତ ଯାସ୍ଯାମି ବିଜଯଂ ପ୍ରତି॥ 7-115-5 (49552)
ଏବମୁକ୍ତେ ତୁ ବଚନେ ସୂତସ୍ତସ୍ଯ ମହାମତେ।
ନିମେଷାନ୍ତରମାତ୍ରେଣ କୃତବର୍ମାଣମଭ୍ଯଯାତ୍॥ 7-115-6 (49553)
କୃତବର୍ମା ତୁ ହାର୍ଦିକ୍ଯଃ ଶୈନେଯଂ ନିଶିତୈଃ ଶରୈଃ।
ଅବାକିରତ୍ସୁସଂକ୍ରୁଦ୍ଧସ୍ତତୋଽକ୍ରୁଦ୍ଧ୍ଯତ୍ସ ସାତ୍ଯକିଃ॥ 7-115-7 (49554)
ଅଥାଶୁ ନିଶିତଂ ଭଲ୍ଲୁଂ ଶୈନେଯଃ କୃତବର୍ମଣଃ।
ପ୍ରେଷଯାମାସ ସମରେ ଶରାଂଶ୍ଚ ଚତୁରୋଽପରାନ୍॥ 7-115-8 (49555)
ତେ ତସ୍ଯ ଜଘ୍ନିରେ ବାହାନ୍ଭଲ୍ଲେନାସ୍ଯାଚ୍ଛିନଦ୍ଧନୁଃ।
ପୃଷ୍ଠରକ୍ଷଂ ତଥା ସୂତମବିଧ୍ଯନ୍ନିଶିତୈଃ ଶରୈଃ॥ 7-115-9 (49556)
ତତସ୍ତଂ ବିରଥଂ କୃତ୍ବା ସାତ୍ଯକିଃ ସତ୍ଯବିକ୍ରମଃ।
ସେନାମସ୍ଯାର୍ଦଯାମାସ ଶରୈଃ ସନ୍ନତପର୍ବଭିଃ॥ 7-115-10 (49557)
ଅଭଜ୍ଯତାଥ ପୃତନା ଶୈନେଯଶରପୀଡିତା।
`ପଲାଯନକୃତୋତ୍ସାହା ଭ୍ରମନ୍ତୀ ତତ୍ରତତ୍ର ହ'।
ତତଃ ପ୍ରାଯାତ୍ସ ତ୍ବରିତଃ ସାତ୍ଯକିଃ ସତ୍ଯବିକ୍ରମଃ॥ 7-115-11 (49558)
ଶୃଣୁ ରାଜନ୍ଯଦକରୋତ୍ତବ ସୈନ୍ଯେଷୁ ବୀର୍ଯବାନ୍।
ଅତୀତ୍ଯ ସ ମହାରାଜ ଦ୍ରୋଣାନୀକମହାର୍ଣବମ୍॥ 7-115-12 (49559)
ପରାଜିତ୍ଯ ତୁ ସଂହୃଷ୍ଟଃ କୃତବର୍ମାଣମାହବେ।
ଯନ୍ତାରମବ୍ରବୀଚ୍ଛୂରଃ ଶନୈର୍ଯାହୀତ୍ଯସମ୍ଭ୍ରମମ୍॥ 7-115-13 (49560)
ଦୃଷ୍ଟ୍ବା ତୁ ତବ ତତ୍ସୈନ୍ଯଂ ରଥାଶ୍ବଦ୍ବି ପସଙ୍କୁଲମ୍।
ପଦାତିଜନସମ୍ପୂର୍ଣମବ୍ରବୀତ୍ସାରଥିଂ ପୁନଃ॥ 7-115-14 (49561)
ଯଦେତନ୍ମେଘସଙ୍କାଶଂ ଦ୍ରୋଣାନୀକସ୍ଯ ସବ୍ଯତଃ।
ସୁମହତ୍କୁଞ୍ଜରାନୀକଂ ଯସ୍ଯ ରୁକ୍ମରଥୋ ମୁଖମ୍॥ 7-115-15 (49562)
ଏତେ ହି ବହବଃ ସୂତ ଦୁର୍ନିବାର୍ଯାଶ୍ଚ ସଂଯୁଗେ।
ଦୁର୍ଯୋଧନସମାଦିଷ୍ଟା ମଦର୍ଥେ ତ୍ଯକ୍ତଜୀବିତାଃ॥ 7-115-16 (49563)
ରାଜପୁତ୍ରା ମହେଷ୍ବାସାଃ ସର୍ବେ ବିକ୍ରାନ୍ତଯୋଧିନଃ।
`ନ ଚାଜିତ୍ବା ରଣେ ହ୍ଯେତାଞ୍ଶକ୍ଯଃ ପ୍ରାପ୍ତୁଂ ଜଯଦ୍ରଥଃ॥ 7-115-17 (49564)
ନାପି ସୂତ ମଯା ପାର୍ଥଃ ଶକ୍ଯଃ ପ୍ରାପ୍ତୁଂ କଥଞ୍ଚନ।
ଏତେ ତିଷ୍ଠନ୍ତି ସହିତାଃ ସର୍ବବିଦ୍ଯାସୁ ନିଷ୍ଠିତାଃ'॥ 7-115-18 (49565)
ତ୍ରିଗର୍ତାନାଂ ରଥୋଦାରାଃ ସୁବର୍ଣବିକୃତଧ୍ବଜାଃ।
ମାମେବାଭିମୁଖା ବୀରା ଯୋତ୍ସ୍ଯମାନା ବ୍ଯବସ୍ଥିତାଃ॥ 7-115-19 (49566)
ଅତ୍ର ମାଂ ପ୍ରାପଯ କ୍ଷିପ୍ରମଶ୍ବାଂଶ୍ଚୋଦଯ ସାରଥେ।
ତ୍ରିଗର୍ତୈଃ ସହ ଯୋତ୍ସ୍ଯାମି ଭାରଦ୍ବାଜସ୍ଯ ପଶ୍ଯତଃ॥ 7-115-20 (49567)
ସଞ୍ଜଯ ଉବାଚ। 7-115-21x (4557)
ତତଃ ପ୍ରାଯାଚ୍ଛନୈଃ ସୂତଃ ସାତ୍ବତସ୍ଯ ମତେ ସ୍ଥିତଃ।
ରଥେନାଦିତ୍ଯବର୍ଣେନ ଭାସ୍ବରେଣ ପତାକିନା॥ 7-115-21 (49568)
ତମୂହୁଃ ସାରଥେର୍ବଶ୍ଯା ବଲ୍ଗମାନା ହଯୋତ୍ତମାଃ।
ବାଯୁବେଗସମାଃ ସଙ୍ଖ୍ଯେ କୁନ୍ଦେନ୍ଦୁରଜତପ୍ରଭାଃ॥ 7-115-22 (49569)
ଆପତନ୍ତଂ ରଣେ ତଂ ତୁ ଶଙ୍ଖବର୍ଣୈର୍ହଯୋତ୍ତମୈଃ।
ପରିବବୁସ୍ତତଃ ଶୂରା ଗଜାନୀକେନ ସର୍ବତଃ।
କିରନ୍ତୋ ବିବିଧାଂସ୍ତୀକ୍ଷ୍ଣାନ୍ସାଯକାଁଲ୍ଲଘୁବେଧିନଃ॥ 7-115-23 (49570)
ସାତ୍ବତୋଽପି ଶିତୈର୍ବାଣୈର୍ଗଜାନୀକମଯୋଧଯତ୍।
ପର୍ବତାନିବ ବର୍ଷେଣ ତପାନ୍ତେ ଜଲଦୋ ମହାନ୍॥ 7-115-24 (49571)
ବଜ୍ରାଶନିସମସ୍ପର୍ଶୈର୍ବଧ୍ଯମାନାଃ ଶରୈର୍ଗଜାଃ।
ପ୍ରାଦ୍ରବନ୍ରଣମୁତ୍ସୃଜ୍ଯ ଶିନିବୀରସମୀରିତୈଃ॥ 7-115-25 (49572)
ଶୀର୍ଣଦନ୍ତା ବିରୁଧିରା ଭିନ୍ନମସ୍ତକପିଣ୍ଡିକାଃ।
ବିଶୀର୍ଣକର୍ଣାସ୍ଯକରା ବିନିଯନ୍ତୃପତାକିନଃ॥ 7-115-26 (49573)
ସମ୍ଭିନ୍ନବର୍ମଘଣ୍ଟାଶ୍ଚ ବିନିକୃତ୍ତମହାଧ୍ବଜାଃ।
ହତାରୋହା ଦିଶୋ ରାଜନ୍ଭେଜିରେ ଭ୍ରଷ୍ଟକମ୍ବଲାଃ॥ 7-115-27 (49574)
ରୁବନ୍ତୋ ବିବିଧାନ୍ନାଦାଞ୍ଜଲଦୋପମନିଃସ୍ବନାଃ।
ନାରଚୈର୍ବତ୍ସଦନ୍ତୈଶ୍ଚ ଭଲ୍ଲୈରଞ୍ଜଲିକୈସ୍ତଥା॥ 7-115-28 (49575)
କ୍ଷୁରପ୍ରୈରର୍ଧଚନ୍ଦ୍ରୈଶ୍ଚ ସାତ୍ବତେନ ବିଦାରିତାଃ।
କ୍ଷରନ୍ତୋଽସୃକ୍ତଥା ମୂତ୍ରଂ ପୁରୀଷଂ ଚ ପ୍ରଦୁଦ୍ରୁବୁଃ।
ବଭ୍ରୁମୁଶ୍ଚସ୍ଖଲୁଶ୍ଚାନ୍ଯେ ପେତୁର୍ମମ୍ଲୁସ୍ତଥାଽପରେ॥ 7-115-29 (49576)
ଏବଂ ତତ୍କୁଞ୍ଜରାନୀକଂ ଯୁଯୁଧାନେନ ପୀଡିତମ୍।
ଶରୈରଗ୍ନ୍ଯର୍କସଙ୍କାଶୈଃ ପ୍ରଦୁଦ୍ରାବ ସମନ୍ତତଃ॥ 7-115-30 (49577)
ତସ୍ମିନ୍ହତେ ଗଜାନୀକେ ଜଲସନ୍ଧୋ ମହାବଲଃ।
ଯତ୍ତଃ ସମ୍ପ୍ରାପଯନ୍ନାଗଂ ରଜତାଶ୍ବରଥଂ ପ୍ରତି॥ 7-115-31 (49578)
ରୁକ୍ମବର୍ମଧରଃ ଶୂରସ୍ତପନୀଯାଙ୍ଗଦଃ ଶୁଚିଃ।
କୁଣ୍ଡଲୀ ମକୁଟୀ ଖଙ୍ଗୀ ରକ୍ତଚନ୍ଦନରୂଷିତଃ॥ 7-115-32 (49579)
ଶିରସା ଧାରଯନ୍ଦୀପ୍ତାଂ ତପନୀଯମଯୀଂ ସ୍ରଜମ୍।
ଉରସା ଧାରଯନ୍ନିଷ୍କଂ କଣ୍ଠସୂତ୍ରଂ ଚ ଭାସ୍ବରମ୍॥ 7-115-33 (49580)
ଚାପଂ ଚ ରୁକ୍ମବିକୃତଂ ବିଧୁନ୍ବନ୍ଗଜମୂର୍ଧନି।
ଅଶୋଭତ ମହାରାଜ ସବିଦ୍ଯୁଦିବ ତୋଯଦଃ॥ 7-115-34 (49581)
ତମାପତନ୍ତଂ ସହସା ମାଗଧସ୍ଯ ଗଜୋତ୍ତମମ୍।
ସାତ୍ଯକିର୍ବାରଯାମାସ ବେଲେବ ମକରାଲଯମ୍॥ 7-115-35 (49582)
ନାଗଂ ନିବାରିତଂ ଦୃଷ୍ଟ୍ବା ଶୈନେଯସ୍ଯ ଶରୋତ୍ତମୈଃ।
ଅକ୍ରୁଧ୍ଯତ ରଣେ ରାଜଞ୍ଜଲସନ୍ଧୋ ମହାବଲଃ॥ 7-115-36 (49583)
ତତଃ କ୍ରୁଦ୍ଧୋ ମହାରାଜ ମାର୍ଗଣୈର୍ଭାରସାଧନୈଃ।
ଅବିଧ୍ଯତ ଶିନେଃ ପୌତ୍ରଂ ଜଲସନ୍ଧୋ ମହୋରସି॥ 7-115-37 (49584)
ତତୋଽପରେଣ ଭଲ୍ଲେନ ପୀତେନ ନିଶିତେନ ଚ।
ଅସ୍ଯତୋ ବୃଷ୍ଣିବୀରସ୍ଯ ନିଚକର୍ତ ଶରାସନମ୍॥ 7-115-38 (49585)
ସାତ୍ଯକିଂ ଛିନ୍ନଧନ୍ବାନାଂ ପ୍ରହସନ୍ନିବ ଭାରତ।
ଅବିଧ୍ଯନ୍ମାଗଧୋ ବୀରଃ ପଞ୍ଚଭିର୍ନିଶିତୈଃ ଶରୈଃ॥ 7-115-39 (49586)
ସ ବିଦ୍ଧୋ ବହୁଭିର୍ବାଣୈର୍ଜଲସନ୍ଧେନ ବୀର୍ଯବାନ୍।
ନାକମ୍ପତ ମହାବାହୁସ୍ତଦଦ୍ଭୁତମିବାଭବତ୍॥ 7-115-40 (49587)
ଅଚିନ୍ତଯନ୍ବୈ ସ ଶରାନ୍ନାତ୍ଯର୍ଥଂ ସମ୍ଭ୍ରମାଦ୍ବଲୀ।
ଧନୁରନ୍ଯତ୍ସମାଦାଯ ତିଷ୍ଠତିଷ୍ଠେତ୍ଯୁବାଚ ହ॥ 7-115-41 (49588)
ଏତାବଦୁକ୍ତ୍ବା ଶୈନେଯୋ ଜଲସନ୍ଧଂ ମହୋରସି।
ବିବ୍ଯାଧ ଷଷ୍ଟ୍ଯା ସୁଭୃଶଂ ଶରାଣାଂ ପ୍ରହସନ୍ନିବ॥ 7-115-42 (49589)
କ୍ଷୁରପ୍ରେଣ ସୁତୀକ୍ଷ୍ଣେନ ମୁଷ୍ଟିଦେଶେ ମହଦ୍ଧନୁଃ।
ଜଲସନ୍ଧସ୍ଯ ଚିଚ୍ଛେଦ ବିବ୍ଯାଧ ଚ ତ୍ରିଭିଃ ଶରୈଃ॥ 7-115-43 (49590)
ଜଲସନ୍ଧସ୍ତୁ ତତ୍ତ୍ଯକ୍ତ୍ବା ସଶରଂ ବୈ ଶରାସନମ୍।
ତୋମରଂ ବ୍ଯସୃଜତ୍ତୂର୍ଣଂ ସାତ୍ଯକିଂ ପ୍ରତି ମାରିଷ॥ 7-115-44 (49591)
ସ ନିର୍ଭିଦ୍ଯ ଭୁଜଂ ସବ୍ଯଂ ମାଧବସ୍ଯ ମହାରଣେ।
ଅଭ୍ଯଗାଦ୍ଧରଣୀଂ ଘୋରଃ ଶ୍ବସନ୍ନିବ ମହୋରଗଃ॥ 7-115-45 (49592)
ନିର୍ଭିନ୍ନେ ତୁ ଭୁଜେ ସବ୍ଯେ ସାତ୍ଯକିଃ ସତ୍ଯବିକ୍ରମଃ।
ତ୍ରିଂଶଦ୍ଭିର୍ବିଶିଖୈସ୍ତୀକ୍ଷ୍ଣୈର୍ଜଲସନ୍ଧମତାଡଯତ୍॥ 7-115-46 (49593)
ପ୍ରଗୃହ୍ଯ ତୁ ତତଃ ଖଙ୍ଗଂ ଜଲସନ୍ଧୋ ମହାବଲଃ।
ଆର୍ଷଭଂ ଚର୍ମ ଚ ମହଚ୍ଛତଚନ୍ଦ୍ରକସଙ୍କୁଲମ୍।
ଆବିଧ୍ଯ ଚ ତତଃ ଖଙ୍ଗଂ ସାତ୍ବତାଯୋତ୍ସସର୍ଜ ହ॥ 7-115-47 (49594)
ଶୈନେଯସ୍ଯ ଧନୁଶ୍ଛିତ୍ତ୍ବା ସ ଖଙ୍ଗୋ ନ୍ଯପତନ୍ମହୀମ୍।
ଅଲାତଚକ୍ରବଚ୍ଚୈବ ବ୍ଯରୋଚତ ମହୀଂ ଗତଃ॥ 7-115-48 (49595)
ଅଥାନ୍ଯଦ୍ଧନୁରାଦାଯ ସର୍ବକାଯାବଦାରଣମ୍।
`ଜଲସନ୍ଧମଭିପ୍ରେକ୍ଷ୍ଯ ଉତ୍ସ୍ମଯିତ୍ବା ଚ ମାଧବଃ'॥ 7-115-49 (49596)
ଶାଲସ୍କନ୍ଧପ୍ରତୀକାଶମିନ୍ଦ୍ରାଶନିସମସ୍ବନମ୍।
ବିଷ୍ଫାର୍ଯ ବିବ୍ଯଧେ କ୍ରୁଦ୍ଧୋ ଜଲସନ୍ଧଂ ଶରେଣ ହ॥ 7-115-50 (49597)
ତତଃ ସାଭରଣୌ ବାହୂ କ୍ଷୁରାଭ୍ଯାଂ ମାଧବୋତ୍ତମଃ।
ସାଙ୍ଗଦୌ ଜଲସନ୍ଧସ୍ଯ ଚିଚ୍ଛେଦ ପ୍ରହସନ୍ନିବ॥ 7-115-51 (49598)
ତୌ ବାହୂ ପରିଘପ୍ରଖ୍ଯୌ ପେତତୁର୍ଗଜସତ୍ତମାତ୍।
ବସୁନ୍ଧରାଧରାଦ୍ଧଷ୍ଟୌ ପଞ୍ଚଶୀର୍ଷାବିବୋରଗୌ॥ 7-115-52 (49599)
ତତଃ ସୁଦଂଷ୍ଟ୍ରଂ ସୁହନୁ ଚାରୁକୁଣ୍ଡଲମଣ୍ଡିତମ୍।
କ୍ଷୁରେଣାସ୍ଯ ତୃତୀଯେନ ଶିରଶ୍ଚିଚ୍ଛେଦ ସାତ୍ଯକିଃ॥ 7-115-53 (49600)
ତତ୍ପାତିତଶିରୋବାହୁକବନ୍ଧଂ ଭୀମଦର୍ଶନମ୍।
ଦ୍ବିରଦଂ ଜଲସନ୍ଧସ୍ଯ ରୁଧିରେଣାଭ୍ଯଷିଞ୍ଚତ॥ 7-115-54 (49601)
ଜଲସନ୍ଧଂ ନିହତ୍ଯାଜୌ ତ୍ବରମାଣସ୍ତୁ ସାତ୍ବତଃ।
ବିମାନଂ ପାତଯାମାସ ଗଜସ୍କନ୍ଧାଦ୍ବିଶାଂପତେ॥ 7-115-55 (49602)
ରୁଧିରେଣାବସିକ୍ତାଙ୍ଗୌ ଜଲସନ୍ଧସ୍ଯ କୁଞ୍ଜରଃ।
ବିଲମ୍ବମାନମବହତ୍ସଂଶ୍ଲିଷ୍ଟଂ ପରମାସନମ୍॥ 7-115-56 (49603)
ଶରାର୍ଦିତଃ ସାତ୍ବତେନ ମର୍ଦମାନଃ ସ୍ବବାହିନୀମ୍।
ଘୋରମାର୍ତସ୍ବରଂ କୃତ୍ବା ବିଦୁଦ୍ରାବ ମହାଗଜଃ॥ 7-115-57 (49604)
ହାହାକାରୋ ମହାନାସୀତ୍ତବ ସୈନ୍ଯସ୍ଯ ମାରିଷ।
ଜଲସନ୍ଧଂ ହତଂ ଦୃଷ୍ଟ୍ବା ବୃଷ୍ଣୀନାମୃପଭେଣ ତୁ॥ 7-115-58 (49605)
ବିମୁଖାଶ୍ଚାଭ୍ଯଧାବନ୍ତ ତବ ଯୋଧାଃ ସମନ୍ତତଃ।
ପଲାଯନକୃତୋତ୍ସାହା ନିରୁତ୍ସାହା ଦ୍ବିଷଞ୍ଜଯେ॥ 7-115-59 (49606)
ଏତସ୍ମିନ୍ନନ୍ତରେ ରାଜନ୍ଦ୍ରୋଣଃ ଶସ୍ତ୍ରଭୃତାଂ ବରଃ।
`ସନ୍ନ୍ଯସ୍ଯ ଭାରଂ ସୁମହତ୍କୃତବର୍ମଣି ଭାରତ॥ 7-115-60 (49607)
ଅଭ୍ଯଯାଜ୍ଜବନୈରଶ୍ବୈର୍ଯୁଯୁଧାନଂ ମହାରଥମ୍।
ସ ହି ପାର୍ଥାନ୍ରଣେ ଯତ୍ତାନ୍ଦଧାରୈକୋ ମହାବଲଃ'॥ 7-115-61 (49608)
ତମୁଦୀର୍ଣଂ ତଥା ଦୃଷ୍ଟ୍ବା ଶୈନେଯଂ କୁରୁପୁଙ୍ଗବାଃ।
ଦ୍ରୋଣେନୈବ ସହ କ୍ରୁଦ୍ଧା ସାତ୍ଯକିଂ ସମୁପାଦ୍ରବନ୍॥ 7-115-62 (49609)
ତତଃ ପ୍ରବବୃତେ ଯୁଦ୍ଧଂ କୁରୂଣାଂ ସାତ୍ବତସ୍ଯ ଚ।
ଦ୍ରୋଣସ୍ଯ ଚ ରଣେ ରାଜନ୍ଘୋରଂ ଦେବାସୁରୋପମମ୍॥ ॥ 7-115-63 (49610)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ପଞ୍ଚଦଶାଧିକଶତତମୋଽଧ୍ଯାଯଃ॥ 115 ॥
Mahabharata - Drona Parva - Chapter Footnotes
5-115-23 ଦ୍ରୋଣo 5-115-26 ପିଣ୍ଡିକ୍ରା ଗଣ୍ଡଃ॥ 5-115-33 କଣ୍ଠସୂତ୍ରଂ ହାରମ୍॥ 5-115-47 ତତୋ ଗ୍ରହଣାନନ୍ତରମ୍। ଆବିଧ୍ଯ ଭ୍ରାମଯିତ୍ବା॥ 5-115-52 ବସୁନ୍ଧରାଧରାତ୍ ପର୍ବତାମ୍॥ 5-115-115 ପଞ୍ଚଦଶାଧିକଶତତମୋଽଧ୍ଯାଯ॥ଦ୍ରୋଣପର୍ବ - ଅଧ୍ଯାଯ 116
॥ ଶ୍ରୀଃ ॥
7.116. ଅଧ୍ଯାଯଃ 116
Mahabharata - Drona Parva - Chapter Topics
ସାତ୍ଯକିନା ଦୁର୍ଯୋଧନକୃତବର୍ମଣୋଃ ପରାଜଯଃ॥ 1 ॥Mahabharata - Drona Parva - Chapter Text
7-116-0 (49611)
ସଞ୍ଜଯ ଉବାଚ। 7-116-0x (4558)
`ସାତ୍ବତସ୍ଯ ରଣେ କର୍ମ ଦୃଷ୍ଟ୍ବା ଯୋଦ୍ଧୁଂ ମହାରଥାଃ।
ଅମୃଷ୍ଯମାଣାଃ ସଂଯତ୍ତାଃ ଶୈନେଯଂ ସମୁପାଦ୍ରବନ୍'॥ 7-116-1 (49612)
ତେ କିରନ୍ତଃ ଶରବ୍ରାତାନ୍ସର୍ବେ ଯତ୍ତାଃ ପ୍ରହାରିଣଃ।
ତ୍ବରମାଣା ମହାରାଜ ଯୁଯୁଧାନମଯୋଧଯନ୍॥ 7-116-2 (49613)
ତଂ ଦ୍ରୋଣଃ ସପ୍ତସପ୍ତ୍ଯା ଜଘାନ ନିଶିତୈଃ ଶରୈଃ।
ଦୁର୍ମର୍ଷଣୋ ଦ୍ବାଦଶଭିର୍ଦୁଃସହୋ ଦଶଭିଃ ଶରୈଃ॥ 7-116-3 (49614)
ବିକର୍ଣଶ୍ଚାପି ନିଶିତୈସ୍ତ୍ରିଂଶଦ୍ଭିଃ କଙ୍କପତ୍ରିଭିଃ।
ବିବ୍ଯାଧ ମାର୍ଗଣୈସ୍ତୂର୍ଣଂ ବାମପାର୍ଶ୍ବେ ସ୍ତନାନ୍ତରେ॥ 7-116-4 (49615)
ଦୁର୍ମୁଖୋ ଦଶଭିର୍ବାଣୈସ୍ତଥା ଦୁଃଶାସନୋଽଷ୍ଟଭିଃ।
ଚିତ୍ରସେନଶ୍ଚ ଶୈନେଯଂ ଦ୍ବାଭ୍ଯାଂ ବିବ୍ଯାଧ ମାରିଷ॥ 7-116-5 (49616)
ଦୁର୍ଯୋଧନଶ୍ଚ ମହତା ଶରବର୍ଷେଣ ମାଧବମ୍।
ଅପୀଡଯଦ୍ରମେ ରାଜଞ୍ଶୂରାଶ୍ଚାନ୍ଯେ ମହାରଥାଃ॥ 7-116-6 (49617)
ସର୍ବତଃ ପ୍ରତିବିଦ୍ଧସ୍ତୁ ତବ ପୁତ୍ରୈର୍ମହାରଥୈଃ।
`ସ ତୁଦ୍ଯମାନଶ୍ଚ ତଦା ସର୍ବତଃ କୁରୁପୁଙ୍ଗବୈଃ'॥ 7-116-7 (49618)
ତାନ୍ପ୍ରତ୍ଯବିଧ୍ଯଦ୍ବାର୍ଷ୍ଣେଯଃ ପୃଥକ୍ପୃଥଗଜିହ୍ମଗୈଃ।
`ସାତ୍ଯକିଃ ପୁଣ୍ଡରୀକାକ୍ଷୋ ହ୍ଯସ୍ତ୍ରେଷୁ ପରିନିଷ୍ଠିତଃ'॥ 7-116-8 (49619)
ଭାରଦ୍ବାଜଂ ତ୍ରିଭିର୍ବାଣୈର୍ଦୁଃସହଂ ନବଭିଃ ଶରୈଃ।
ବିକର୍ଣଂ ପଞ୍ଚବିଂଶତ୍ଯା ଚିତ୍ରସେନଂ ଚ ସପ୍ତଭିଃ॥ 7-116-9 (49620)
ଦୁର୍ମର୍ଷଣଂ ଦ୍ବାଦଶଭିରଷ୍ଟାଭିଶ୍ଚ ବିବିଂଶତିମ୍।
ସତ୍ଯବ୍ରତଂ ଚ ନବଭିର୍ବିଜଯଂ ଦଶଭିଃ ଶରୈଃ॥ 7-116-10 (49621)
`ଦୁର୍ଯୋଧନଂ ତ୍ରିଭିର୍ବିଦ୍ଧ୍ବା ସୁପୁଙ୍ଖୈସ୍ତିଗ୍ମତେଜନୈଃ'।
ତତୋ ରୁକ୍ମାଙ୍ଗଦଂ ଚାପଂ ବିଧୁନ୍ବାନୋ ମହାରଥଃ।
ଅଭ୍ଯଯାତ୍ସାତ୍ଯକିସ୍ତୂର୍ଣଂ ପୁତ୍ରଂ ତବ ମହାରଥମ୍॥ 7-116-11 (49622)
ରାଜାନଂ ସର୍ବଲୋକସ୍ଯ ସର୍ବଲୋକମହାରଥମ୍।
ଶରୈରଭ୍ଯହନଦ୍ଗାଢଂ ତତୋ ଯୁଦ୍ଧମଭୂତ୍ତଯୋଃ॥ 7-116-12 (49623)
ବିମୁଞ୍ଚତୌ ଶରାଂସ୍ତୀକ୍ଷ୍ଣାନ୍ସନ୍ଦଧାନୌ ଚ ସାଯକାନ୍।
ଅଦୃଶ୍ଯଂ ସମରେଽନ୍ଯୋନ୍ଯଂ ଚକ୍ରତୁସ୍ତୌ ମହାରଥୌ॥ 7-116-13 (49624)
ସାତ୍ଯକିଃ କୁରୁରାଜେନ ନିର୍ବିଦ୍ଧୋ ବହ୍ବଶୋଭତ।
ଅସ୍ରବଦ୍ରୁଧିରଂ ଭୂରି ସ୍ବରସଂ ଚନ୍ଦନୋ ଯଥା॥ 7-116-14 (49625)
ସାତ୍ବତେନ ଚ ବାଣୌଧୈର୍ନିର୍ବିଦ୍ଧସ୍ତନଯସ୍ତବ।
ଶାତକୁମ୍ଭମଯାପୀଡୋ ବଭୌ ଯୂପ ଇବୋଚ୍ଛ୍ରିତଃ॥ 7-116-15 (49626)
ମାଧବସ୍ତୁ ରମେ ରାଜନ୍କୁରୁରାଜସ୍ଯ ଧନ୍ବିନଃ।
ଧନୁଶ୍ଚିଚ୍ଛେଦ ସମରେ କ୍ଷୁରପ୍ରେଣ ହସନ୍ନିବ॥ 7-116-16 (49627)
ଅଥୈନଂ ଛିନ୍ନଧନ୍ବାନଂ ଶରୈର୍ବହୁଭିରାଚିନୋତ୍।
ନିର୍ଭିନ୍ନଶ୍ଚ ଶରୈସ୍ତେନ ଦ୍ବିଷତା କ୍ଷିପ୍ରକାରିଣା।
ନାମୃଷ୍ଯତ ରଣେ ରାଜା ଶତ୍ରୋର୍ବିଜଯଲକ୍ଷଣମ୍॥ 7-116-17 (49628)
ଅଥାନ୍ଯଦ୍ଧନୁରାଦାଯ ହେମପୃଷ୍ଠଂ ଦୁରାସଦମ୍।
ବିବ୍ଯାଧ ସାତ୍ଯକିଂ ତୂର୍ଣଂ ସାଯକାନାଂ ଶତେନ ହ॥ 7-116-18 (49629)
ସୋଽତିବିଦ୍ଧୋ ବଲବତା ତବ ପୁତ୍ରେଣ ଧନ୍ବିନା।
ଅମର୍ଷବଶମାପନ୍ନସ୍ତବ ପୁତ୍ରମପୀଡଯତ୍॥ 7-116-19 (49630)
ପୀଡିତଂ ନୃପତିଂ ଦୃଷ୍ଟ୍ବା ତବ ପୁତ୍ରଂ ମହାରଥାଃ।
ସାତ୍ଯକିଂ ଶରବର୍ଷେଣ ଛାଦଯାମାସୁରୋଜସା॥ 7-116-20 (49631)
ସ ଚ୍ଛାଦ୍ଯମାନୋ ବହୁଭିସ୍ତବ ପୁତ୍ରୈର୍ମହାରଥୈଃ।
ଏକୈକଂ ପଞ୍ଚଭିର୍ବିଦ୍ଧ୍ବା ପୁନର୍ବିବ୍ଯାଧ ସପ୍ତଭିଃ।
ଦୁର୍ଯୋଧନଂ ବ ତ୍ବରିତୋ ବିବ୍ଯାଧାଷ୍ଟଭିରାଶୁଗୈଃ॥ 7-116-21 (49632)
ପ୍ରହସଂଶ୍ଚାସ୍ଯ ଚିଚ୍ଛେଦ କାର୍ମୁକଂ ରିପୁଭୀଷଣମ୍।
ନାଗଂ ମଣିମଯଂ ଚୈବ ଶରୈର୍ଧ୍ବଜମପାତଯତ୍॥ 7-116-22 (49633)
ହତ୍ବା ତୁ ଚତୁରୋ ବାହାଂଶ୍ଚତୁର୍ଭିର୍ନିଶିତୈଃ ଶରୈଃ।
ସାରଥିଂ ପାତଯାମାସ କ୍ଷୁରପ୍ରେଣ ମହାଯଶାଃ॥ 7-116-23 (49634)
ଏତସ୍ମିନ୍ନନ୍ତରେ ଚୈବ କୁରୁରାଜଂ ମହାରଥମ୍।
ଅବାରିକଚ୍ଛରୈର୍ହୃଷ୍ଟୋ ବହୁଭିର୍ମର୍ମଭେଦିଭିଃ॥ 7-116-24 (49635)
ସ ବିଧ୍ଯମାନଃ ସମରେ ଶୈନେଯସ୍ଯ ଶରୋତ୍ତମୈଃ।
ପ୍ରାଦ୍ରବତ୍ସହସା ରାଜନ୍ପୁତ୍ରୋ ଦୁର୍ଯୋଧନସ୍ତବ।
ଆପ୍ଲୁତଶ୍ଚ ତତୋ ଯାନଂ ଚିତ୍ରସେନସ୍ଯ ଧନ୍ବିନଃ॥ 7-116-25 (49636)
ହାହାଭୂତଂ ଜଗଚ୍ଚାସୀଦ୍ଦୃଷ୍ଟ୍ବା ରାଜାନମାହବେ।
ଗ୍ରସ୍ଯମାନଂ ସାତ୍ଯକିନା ଖେ ମୋମମିବ ରାହୁଣା॥ 7-116-26 (49637)
ତଂ ତୁ ଶବ୍ଦମଥ ଶ୍ରୁତ୍ବା କୃତବାର୍ମା ମହାରଥଃ।
ଅଭ୍ଯଯାତ୍ସହସା ତତ୍ର ଯତ୍ରାସ୍ତେ ମାଧବଃ ପ୍ରଭୁଃ॥ 7-116-27 (49638)
ବିଧୁନ୍ବାନୋ ଧନୁଃ ଶ୍ରେଷ୍ଠଂ ଚୋଦଯଂଶ୍ଚୈବ ବାଜିନଃ।
ଭର୍ତ୍ସଯନ୍ସାରଥିଂ ଚାଗ୍ରେ ଯାହିଯାହୀତି ସତ୍ବରମ୍॥ 7-116-28 (49639)
ତମାପତନ୍ତଂ ସମ୍ପ୍ରେକ୍ଷ୍ଯ ବ୍ଯାଦିତାସ୍ଯମିବାନ୍ତକମ୍।
ଯୁଯୁଧାନୋ ମହାରାଜ ଯନ୍ତାରମିଦମବ୍ରବୀତ୍॥ 7-116-29 (49640)
କୃତବର୍ମା ରଥେନୈଷ ଦ୍ରୁତମାପତତେ ଶରୀ।
ପ୍ରତ୍ଯୁଦ୍ଯାହି ରଥେନୈନଂ ପ୍ରବରଂ ସର୍ବଧନ୍ବିନାମ୍॥ 7-116-30 (49641)
`ପ୍ରଯାହି ସତ୍ବରଂ ସୂତ ରଥେନ ରଥସତ୍ତମମ୍।
ନିହନିଷ୍ଯାମି ତଂ ସଙ୍ଖ୍ଯେ ବୃଷ୍ଣିବୀରମରିନ୍ଦମମ୍'॥ 7-116-31 (49642)
ତତଃ ପ୍ରଜବିତାଶ୍ବେନ ରଥେନ ରଥିନାଂବରଃ।
ଆସସାଦ ରଣେ ଭୋଜଂ ପ୍ରତିମାନଂ ଧନୁଷ୍ମତାମ୍॥ 7-116-32 (49643)
ତତୋ ଗଭସ୍ତିମତ୍ପ୍ରଖ୍ଯୌ ଜ୍ବଲିତାବିବ ପାବକୌ।
ସମେଯାତାଂ ନରବ୍ଯାଘ୍ରୌ ବ୍ଯାଘ୍ରାବିବ ତରସ୍ବିନୌ॥ 7-116-33 (49644)
କୃତବର୍ମା ତୁ ଶୈନେଯଂ ଷଡ୍ବିଂଶତ୍ଯା ସମାର୍ପଯତ୍।
ନିଶିତୈଃ ସାଯକୈସ୍ତୀକ୍ଷ୍ଣୈର୍ଯନ୍ତାରଂ ଚାସ୍ଯ ପଞ୍ଚଭିଃ॥ 7-116-34 (49645)
ଚତୁରଶ୍ଚତୁରୋ ବାହାଂଶ୍ଚତୁର୍ଭିଃ ପରମେଷୁଭିଃ।
ଅବିଧ୍ଯତ୍ସାଧୁଦାନ୍ତାନ୍ବୈ ସୈନ୍ଧବାନ୍ସାତ୍ବତସ୍ଯ ହି॥ 7-116-35 (49646)
ରୁକ୍ମଧ୍ବଜୋ ରୁକ୍ମପୃଷ୍ଠଂ ମହଦ୍ବିଷ୍ଫାର୍ଯ କାର୍ମୁକମ୍।
ରୁକ୍ମାଙ୍ଗଦୀ ରୁକ୍ମବର୍ମା ରୁକ୍ମପୁଙ୍ଖୈରବାରଯତ୍॥ 7-116-36 (49647)
ତତୋଽଶୀତିଂ ଶିନେଃ ପୌତ୍ରଃ ସାଯକାନ୍କୃତବର୍ମଣେ।
ପ୍ରାହିଣୋତ୍ତ୍ବରଯା ଯୁକ୍ତୋ ଦ୍ରଷ୍ଟୁକାମୋ ଧନଞ୍ଜଯମ୍॥ 7-116-37 (49648)
ସୋଽତିବିଦ୍ଧୋ ବଲବତା ଶତ୍ରୁଣା ଶତ୍ରୁତାପନଃ।
ସମକମ୍ପତଃ ଦୁର୍ଧର୍ଷଃ କ୍ଷିତିକମ୍ପେ ଯଥାଽଚଲଃ॥ 7-116-38 (49649)
ତ୍ରିଷଷ୍ଟ୍ଯା ଚତୁରୋଽସ୍ଯାଶ୍ବାନ୍ସପ୍ତଭିଃ ସାରଥିଂ ତଥା।
ବିବ୍ଯାଧ ନିଶିତୈସ୍ତୂର୍ଣଂ ସାତ୍ଯକିଃ ସତ୍ଯବିକ୍ରମଃ॥ 7-116-39 (49650)
`ହତାଶ୍ବସୂତେ ତୁ ରଥେ ସ୍ଥିତାଯ ଶିନିପୁଙ୍ଗବଃ'।
ସୁବର୍ଣପୁଙ୍ଖଂ ବିଶିଖଂ ସମାଦାଯ ଚ ସାତ୍ଯକିଃ।
ବ୍ଯସୃଜତ୍ତଂ ମହାଜ୍ବାଲଂ ସଙ୍କ୍ରୁଦ୍ଧମିବ ପନ୍ନଗମ୍॥ 7-116-40 (49651)
ସୋଽବିଧ୍ଯତ୍କୃତବର୍ମାଣଂ ଯମଦଣ୍ଡୋପମଃ ଶରଃ।
ଜାମ୍ବୂନଦବିଚିତ୍ରଂ ଚ ବର୍ମ ନିର୍ଭିଦ୍ଯ ଭାନୁମତ୍।
ଅଭ୍ଯଗାଦ୍ଧରଣୀମୁଗ୍ରୋ ରୁଧିରେଣ ସମୁକ୍ଷିତଃ॥ 7-116-41 (49652)
ସଞ୍ଜାତରୁଧିରଶ୍ଚାଜୌ ସାତ୍ବତେଷୁଭିରର୍ଦିତଃ।
ସଶରଂ ଧନୁରୁତ୍ସୃଜ୍ଯ ନ୍ଯପତତ୍ସ୍ଯନ୍ଦନୋତ୍ତମାତ୍॥ 7-116-42 (49653)
ସ ସିଂହଦଂଷ୍ଟ୍ରୋ ଜାନୁଭ୍ଯାଂ ପତିତୋଽମିତବିକ୍ରମଃ।
ଶରାର୍ଦିତଃ ସାତ୍ଯକିନା ରଥୋପସ୍ଥେ ନରର୍ଷଭଃ॥ 7-116-43 (49654)
ସହସ୍ରବାହୁସଦୃଶମକ୍ଷୋଭ୍ଯମିବ ସାଗରମ୍।
ନିବାର୍ଯ କୃତବର୍ମାଣଂ ସାତ୍ଯକିଃ ପ୍ରଯଯୌ ତତଃ॥ 7-116-44 (49655)
`ନ ହି ତସ୍ଯ ଶରୋଽପାର୍ଥଃ କଥଞ୍ଚିଦପି ପାର୍ଥିବ।
ଦିଦୃକ୍ଷୁଃ ସ ହି ବେଗେନ ପ୍ରାଯାଦ୍ଯତ୍ର ଧନଞ୍ଜଯଃ॥ 7-116-45 (49656)
ସ ଶକ୍ତ୍ଯା କ୍ଷତ୍ରିଯୈସ୍ତତ୍ର ନିରୁଦ୍ଧୋ ବଲବତ୍ତରଃ।
ଯୁଯୁଧେ ସାତ୍ବତୋ ରାଜନ୍ଦିଦୃକ୍ଷୁଃ ପାଣ୍ଡୁନନ୍ଦନମ୍'॥ 7-116-46 (49657)
ଖଙ୍ଗଶକ୍ତିଧନୁଃକୀର୍ଣାଂ ଗଜାଶ୍ବରଥସଙ୍କୁଲାମ୍।
ପ୍ରବର୍ତିତୋଗ୍ରରୁଧିରାଂ ଶତଶଃ କ୍ଷତ୍ରିଯର୍ଷଭୈଃ॥ 7-116-47 (49658)
ପ୍ରେକ୍ଷତାଂ ସର୍ବସୈନ୍ଯାନାଂ ମଧ୍ଯେନ ଶିନିପୁଙ୍ଗବଃ।
ଅଭ୍ଯଗାଦ୍ବାହିନୀଂ ହିତ୍ବା ବୃତ୍ରହେବାସୁରୀଂ ଚମୂମ୍॥ 7-116-48 (49659)
ସମାଶ୍ବସ୍ଯ ଚ ହାର୍ଦିକ୍ଯୋ ଗୃହ୍ଯ ଚାନ୍ଯନ୍ମହଦ୍ଧନୁଃ।
ତସ୍ଥୌ ସ ତତ୍ର ବଲବାନ୍ବାରଯନ୍ଯୁଧି ପାଣ୍ଡବାନ୍॥ ॥ 7-116-49 (49660)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ପୋଡଶାଧିକଶତତମୋଽଧ୍ଯାଯଃ॥ 116 ॥
Mahabharata - Drona Parva - Chapter Footnotes
5-116-11 ରୁକ୍ମାଙ୍ଗଦଂ ଚାପି ଇତି ଙ.ପାଠଃ॥ 5-116-14 ଚନ୍ଦନୋ ରକ୍ତଚନ୍ଦନଃ॥ 5-116-43 ଦଂଷ୍ଟ୍ରାଶ୍ଚତସ୍ରୋ ଯସ୍ଯ ସ୍ଯୁର୍ଦଶନେଭ୍ଯଃ ସମୁଚ୍ଛ୍ରିତାଃ। ସିଂହଦଂଷ୍ଟ୍ରଃ ସ ଗଦିତଶ୍ଚତୁର୍ଦଂଷ୍ଟ୍ରଶ୍ଚ ସୂରିଭିଃ॥ 5-116-116 ଷୋଡଶାଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 117
॥ ଶ୍ରୀଃ ॥
7.117. ଅଧ୍ଯାଯଃ 117
Mahabharata - Drona Parva - Chapter Topics
ସାତ୍ଯକିପରାକ୍ରମବର୍ଣନମ୍॥ 1 ॥Mahabharata - Drona Parva - Chapter Text
7-117-0 (49661)
ସଞ୍ଜଯ ଉବାଚ। 7-117-0x (4559)
କାଲ୍ଯମାନେଷୁ ସୈନ୍ଯେଷୁ ଶୈନେଯେନ ତତସ୍ତତଃ।
ଭାରଦ୍ବାଜଃ ଶରବ୍ରାତୈର୍ମର୍ମଭିଦ୍ଭିରବାକିରତ୍॥ 7-117-1 (49662)
ସ ସମ୍ପ୍ରହାରସ୍ତୁମୁଲୋ ଦ୍ରୋଣସାତ୍ବତଯୋରଭୂତ୍।
ପଶ୍ଯତାଂ ସର୍ବସୈନ୍ଯାନାଂ ବଲିବାସବଯୋରିବ॥ 7-117-2 (49663)
ତତୋ ଦ୍ରୋଣଃ ଶିନେଃ ପୌତ୍ରଂ ଚିତ୍ରୈଃ ସର୍ବାଯସୈଃ ଶରୈଃ।
ତ୍ରିଭିରାଶୀବିପାକାରୈର୍ଲଲାଟେ ସମବିଧ୍ଯତ॥ 7-117-3 (49664)
ତୈର୍ଲଲାଟାର୍ପିତୈର୍ବାଣୈର୍ଯୁଯୁଧାନସ୍ତ୍ବଜିହ୍ମଗୈଃ।
ବ୍ଯରୋଚତ ମହାରାଜ ତ୍ରିଶୃଙ୍ଗ ଇବ ପର୍ବତଃ॥ 7-117-4 (49665)
ତତୋଽସ୍ଯ ବାଣାନପରାନିନ୍ଦ୍ରାଶନିସମସ୍ବନାନ୍।
ଭାରଦ୍ବାଜୋଽନ୍ତରପ୍ରେକ୍ଷୀ ପ୍ରେଷଯାମାସ ସଂଯୁଗେ॥ 7-117-5 (49666)
ତାନ୍ଦ୍ରୋଣଚାପନିର୍ମୁକ୍ତାନ୍ଦାଶାର୍ହଃ ପତତଃ ଶରାନ୍।
ଦ୍ବାଭ୍ଯାଂଦ୍ବାଭ୍ଯାଂ ସୁପୁଙ୍ଖାଭ୍ଯାଂ ଚିଚ୍ଛେଦ ପରମାସ୍ତ୍ରବିତ୍॥ 7-117-6 (49667)
ତାମସ୍ଯ ଲଘୁତାଂ ଦ୍ରୋଣଃ ସମବେକ୍ଷ୍ଯ ବିଶାମ୍ପତେ।
ପ୍ରହସ୍ଯ ସହସାଽବିଧ୍ଯତ୍ତ୍ରିଂଶତାଂ ଶିନିପୁଙ୍ଗବମ୍॥ 7-117-7 (49668)
ପୁନଃ ପଞ୍ଚଶତେଷୂଣାଂ ଶିତେନ ଚ ସମାର୍ପଯତ୍।
ଲଘୁତାଂ ଯୁଯୁଧାନସ୍ଯ ଲାଘବେନ ବିଶେଷଯନ୍॥ 7-117-8 (49669)
ସମୁତ୍ପତନ୍ତି ବଲ୍ମୀକାଦ୍ଯଥା କ୍ରୁଦ୍ଧା ମହୋରଗାଃ।
ତଥା ଦ୍ରୋଣରଥାଦ୍ରାଜନ୍ନାପତନ୍ତି ତନୁଚ୍ଛିଦଃ॥ 7-117-9 (49670)
ତଥୈବ ଯୁଯୁଧାନେନ ସୃଷ୍ଟାଃ ସତସହସ୍ରଶଃ।
ଅବାକିରନ୍ଦ୍ରୋଣରଥଂ ଶରା ରୁଧିରଭୋଜନାଃ॥ 7-117-10 (49671)
ଲାଘବାଦ୍ଦିଜମୁଖ୍ଯସ୍ଯ ସାତ୍ବତସ୍ଯ ଚ ମାରିଷ।
ବିଶେଷଂ ନାଧ୍ଯଗଚ୍ଛାମ ସମାବାସ୍ତାଂ ନରର୍ଷଭୌ॥ 7-117-11 (49672)
ସାତ୍ଯକିସ୍ତୁ ତତୋ ଦ୍ରୋଣଂ ନବଭିର୍ନତପର୍ବଭିଃ।
ଆଜଘାନ ଭୃଶଂ କ୍ରୁଦ୍ଧୋ ଧ୍ବଜଂ ଚ ନିଶିତୈଃ ଶରୈଃ॥ 7-117-12 (49673)
ସାରଥିଂ ଚ ଶତେନୈବ ଭାରଦ୍ବାଜସ୍ଯ ପଶ୍ଯତଃ।
ଲାଘବଂ ଯୁଯୁଧାନସ୍ଯ ଦୃଷ୍ଟ୍ବା ଦ୍ରୋଣୋ ମହାରଥଃ॥ 7-117-13 (49674)
ସପ୍ତତ୍ଯା ସାରଥିଂ ବିଦ୍ବ୍ବା ତୁରଙ୍ଗାଂଶ୍ଚ ତ୍ରିଭିସ୍ତ୍ରିଭିଃ।
ଧ୍ବଜମେକେନ ଚିଚ୍ଛେଦ ମାଧବସ୍ଯ ରଥେ ସ୍ଥିତମ୍॥ 7-117-14 (49675)
ଅଥାପରେଣ ଭଲ୍ଲେନ ହେମପୁଙ୍ଖେନ ପତ୍ରିଣା।
ଧନୁଶ୍ଚିଚ୍ଛେଦ ସମରେ ମାଧବସ୍ଯ ମହାତ୍ମନଃ॥ 7-117-15 (49676)
ସାତ୍ଯକିସ୍ତୁ ତତଃ କ୍ରୁଦ୍ଧୋ ଧନୁସ୍ତ୍ଯକ୍ତ୍ବା ମହାରଥଃ।
ଗଦାଂ ଜଗ୍ରାହ ମହତୀଂ ଭାରଦ୍ବାଜାଯ ଚାକ୍ଷିପତ୍॥ 7-117-16 (49677)
ତାମାପତନ୍ତୀଂ ସହସା ପଟ୍ଟବଦ୍ଧାମଯସ୍ମଯୀମ୍।
ନ୍ଯବାରଯଚ୍ଛରୈର୍ଦ୍ରୋଣୋ ବହୁଭିର୍ବହୁରୂପିଭିଃ॥ 7-117-17 (49678)
ଅଥାନ୍ଯଦ୍ଧନୁରାଦାଯ ସାତ୍ଯକିଃ ସତ୍ଯବିକ୍ରମଃ।
ବିବ୍ଯାଧ ବହୁଭିର୍ବୀରଂ ଭାରଦ୍ବାଜଂ ଶିଲାଶିତୈଃ॥ 7-117-18 (49679)
ସ ବିଦ୍ବା ସମରେ ଦ୍ରୋଣଂ ସିଂହନାଦମମୁଞ୍ଚତ।
ତଂ ବୈ ନ ମୃମଷେ ଦ୍ରୋଣଃ ସିଂହନାଦଂ ମହାତ୍ମନଃ॥ 7-117-19 (49680)
ତତଃ ଶକ୍ତିଂ ରଣେ ଦ୍ରୋଣୋ ରୁକ୍ମଦଣ୍ଡାମଯସ୍ମଯୀମ୍।
ତରସା ପ୍ରେଷଯାମାସ ମାଧବସ୍ଯ ରଥଂ ପ୍ରତି॥ 7-117-20 (49681)
ଅନାସାଦ୍ଯ ତୁ ଶୈନେଯଂ ସା ଶକ୍ତିଃ କାଲସନ୍ନିଭା।
ଭିତ୍ତ୍ବା ରଥଂ ଜଗାମୋଗ୍ନା ଧରଣୀଂ ଦାରୁଣସ୍ବନା॥ 7-117-21 (49682)
ତତୋ ଦ୍ରୋଣଂ ଶିନେଃ ପୌତ୍ରୋ ରାଜନ୍ବିବ୍ଯାଧ ପତ୍ରିଣା।
ଦକ୍ଷିଣଂ ଭୁଜମାସାଦ୍ଯ ପୀଡଯନ୍ଭରତର୍ଷଭ॥ 7-117-22 (49683)
ଦ୍ରୋଣୋଽପି ସମରେ ରାଜନ୍ମାଧବସ୍ଯ ମହଦ୍ଧନୁଃ।
ଅର୍ଧଚନ୍ଦ୍ରେଣ ଚିଚ୍ଛେଦ ରଥଶକ୍ତ୍ଯା ଚ ସାରଥିମ୍॥ 7-117-23 (49684)
ମୁମୋହ ସାରଥିସ୍ତସ୍ଯ ରଥଶକ୍ତ୍ଯା ସମାହତଃ।
ସ ରଥୋପସ୍ଥମାସାଦ୍ଯ ମୁହୂର୍ତଂ ସନ୍ନ୍ଯଷୀଦତ॥ 7-117-24 (49685)
ଚକାର ସାତ୍ଯକୀ ରାଜଂସ୍ତତ୍ର କର୍ମାତିମାନୁଷମ୍।
ଅଯୋଧଯଚ୍ଚ ଯଦ୍ଦ୍ରୋଣଂ ରଶ୍ମୀଞ୍ଜଗ୍ରାହ ଚ ସ୍ବଯମ୍॥ 7-117-25 (49686)
ତତଃ ଶରଶତେନୈବ ଯୁଯୁଧାନୋ ମହାରଥଃ।
ଅବିଧ୍ଯଦ୍ବ୍ରାହ୍ମଣଂ ସଙ୍ଖ୍ଯେ ହୃଷ୍ଟରୂପୋ ବିଶାମ୍ପତେ॥ 7-117-26 (49687)
ତସ୍ଯ ଦ୍ରୋଣଃ ଶରାନ୍ପଞ୍ଚ ପ୍ରେଷଯାମାସ ଭାରତ।
ତେ ଘୋରାଃ କବଚଂ ଭିତ୍ତ୍ବା ପପୁଃ ଶୋଣିତମାହବେ॥ 7-117-27 (49688)
ନିର୍ବିଦ୍ଧସ୍ତୁ ଶରୈର୍ଘୋରୈରକ୍ରୁଦ୍ଧ୍ଯତ୍ସାତ୍ଯକିର୍ଭୃଶମ୍।
ସାଯକାନ୍ବ୍ଯସୃଜଚ୍ଚାପି ବୀରୋ ରୁକ୍ମରଥଂ ପ୍ରତି॥ 7-117-28 (49689)
ତତୋ ଦ୍ରୋଣସ୍ଯ ଯନ୍ତାରଂ ନିପାତ୍ଯୈକେଷୁଣା ଭୁବି।
ଅଶ୍ବାନ୍ବ୍ଯଦ୍ରାବଯଦ୍ବାଣୈର୍ହତସୂତାଂସ୍ତତସ୍ତତଃ॥ 7-117-29 (49690)
ସ ରଥଃ ପ୍ରଦ୍ରୁତଃ ସଙ୍ଖ୍ଯେ ମଣ୍ଡଲାନି ସହସ୍ରଶଃ।
ଚକାର ରାଜତୋ ରାଜନ୍ଭ୍ରାଜମାନ ଇବାଂଶୁମାନ୍॥ 7-117-30 (49691)
ଅଭିଦ୍ରବତ ଗୃହ୍ଣୀତ ହଯାନ୍ଦ୍ରୋଣସ୍ଯ ଧାବତ।
ଇତି ସ୍ମ ଚୁକ୍ରୁଶୁଃ ସର୍ବେ ରାଜପୁତ୍ରାଃ ସରାଜକାଃ॥ 7-117-31 (49692)
ତେ ସାତ୍ଯକିମପାସ୍ଯାଶୁ ରାଜନ୍ଯୁଧି ମହାରଥାଃ।
ଯତୋ ଦ୍ରୋଣସ୍ତତଃ ସର୍ବେ ସହସା ସମୁପାଦ୍ରବନ୍॥ 7-117-32 (49693)
ତାନ୍ଦୃଷ୍ଟ୍ବା ପ୍ରଦ୍ରୁତାନ୍ସଙ୍ଖ୍ଯେ ସାତ୍ବତେନ ଶରାର୍ଦିତାନ୍।
ପ୍ରଭଗ୍ନଂ ପୁନରେବାସୀତ୍ତବ ସୈନ୍ଯଂ ସମାକୁଲମ୍॥ 7-117-33 (49694)
ବ୍ଯୂହସ୍ଯୈବ ପୁନର୍ଦ୍ବାରଂ ଗତ୍ବା ଦ୍ରୋଣୋ ବ୍ଯବସ୍ଥିତଃ।
ବାତାଯମାନୈସ୍ତୈରଶ୍ବୈର୍ନୀତୋ ବୃଷ୍ଣିଶରାର୍ଦିତୈଃ॥ 7-117-34 (49695)
ପାଣ୍ଡୁପାଞ୍ଚାଲସମ୍ଭିନ୍ନଂ ବ୍ଯୂହମାଲୋକ୍ଯ ବୀର୍ଯବାନ୍।
ଶୈନେଯେ ନାକରୋଦ୍ଯତ୍ନଂ ବ୍ଯୂହମେବାଭ୍ଯରକ୍ଷତ॥ 7-117-35 (49696)
ନିବାର୍ଯ ପାଣ଼୍ଡୁପାଞ୍ଚାଲାନ୍ଦ୍ରୋଣାଗ୍ନିଃ ପ୍ରଦହନ୍ନିବ।
ତସ୍ଥୌ କ୍ରୋଧେଧ୍ମସନ୍ଦୀପ୍ତଃ କାଲସୂର୍ଯ ଇବୋଦ୍ଯତଃ॥ ॥ 7-117-36 (49697)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ସପ୍ତଦଶାଧିକଶତତମୋଽଧ୍ଯାଯଃ॥ 117 ॥
Mahabharata - Drona Parva - Chapter Footnotes
5-117-23 ରଥଶକ୍ତ୍ଯା କେତକପତ୍ରାକାରମୁଖଯା ଶକ୍ତ୍ଯା॥ 5-117-117 ସପ୍ତଦଶାଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 118
॥ ଶ୍ରୀଃ ॥
7.118. ଅଧ୍ଯାଯଃ 118
Mahabharata - Drona Parva - Chapter Topics
ସାତ୍ଯକିନା ସୁଦର୍ଶନନାମ୍ନୋ ରାଜ୍ଞୋ ବଧଃ॥ 1 ॥Mahabharata - Drona Parva - Chapter Text
7-118-0 (49698)
ସଞ୍ଜଯ ଉବାଚ। 7-118-0x (4560)
ଦ୍ରୋଣଂ ସ ଜିତ୍ବା ପୁରୁଷପ୍ରବୀର--
ସ୍ତଥୈବ ହାର୍ଦିକ୍ଯମୁଖାଂସ୍ତ୍ବଦୀଯାନ୍।
ପ୍ରହସ୍ଯ ସୂତଂ ବଚନଂ ବଭାଷେ
ଶିନିପ୍ରବୀରଃ କୁରୁପୁଙ୍ଗବାଗ୍ର୍ଯ॥ 7-118-1 (49699)
ନିମିତ୍ତମାତ୍ରଂ ବଯମଦ୍ଯ ସୂତ
ଦଗ୍ଧା ରଥାଃ କେଶବଫଲ୍ଗୁନାଭ୍ଯାମ୍।
ହତାନ୍ନିହନ୍ମେହ ନରର୍ଷଭେଣ
ବଯଂ ସୁରେଶାତ୍ମସମୁଦ୍ଭବେତ॥ 7-118-2 (49700)
ସଞ୍ଜଯ ଉବାଚ। 7-118-3x (4561)
ତମେବମୁକ୍ତ୍ବା ଶିନିପୁଙ୍ଗବସ୍ତଦା
ମହାମୃଧେ ସୋଽଗ୍ର୍ଯଧନୁର୍ଧରୋଽରିହା।
କିରନ୍ସମନ୍ତାତ୍ସହସା ଶରାନ୍ବଲୀ
ସମାପତଚ୍ଛଯେନ ଇବାମିଷାଶଯା॥ 7-118-3 (49701)
ତଂ ଯାନ୍ତମଶ୍ବୈଃ ଶଶିଶଙ୍ଖବର୍ଣୈ--
ର୍ବିଗାହ୍ଯ ସୈନ୍ଯଂ ପୁରୁଷପ୍ରବୀରମ୍।
ନାଶକ୍ନୁବନ୍ବାରଯିତୁଂ ସମନ୍ତା--
ଦାଦିତ୍ଯରଶ୍ମିପ୍ରତିମଂ ରଥାଗ୍ର୍ଯମ୍॥ 7-118-4 (49702)
ଅସହ୍ଯବିକ୍ରାନ୍ତମଦୀନସତ୍ବଂ
ସର୍ବେ ଗଣା ଭାରତ ଯେ ତ୍ବଦୀଯାଃ।
ସହସ୍ରନେତ୍ରପ୍ରତିମପ୍ରଭାବଂ
ଦିବୀବ ସୂର୍ଯଂ ଜଲଦବ୍ଯପାଯେ॥ 7-118-5 (49703)
ଅମର୍ଷପୂର୍ଣସ୍ତ୍ବତିଚିତ୍ରଯୋଧୀ
ଶରାସନୀ କାଞ୍ଚନବର୍ମଧାରୀ।
ସୁଦର୍ଶନଃ ସାତ୍ଯକିମାପତନ୍ତଂ
ନ୍ଯବାରଯଦ୍ରାଜବରଃ ପ୍ରସହ୍ଯ॥ 7-118-6 (49704)
ତଯୋରଭୂଦ୍ଭାରତସମ୍ପ୍ରହାରଃ
ସୁଦାରୁଣସ୍ତଂ ସମତିପ୍ରଶଂସନ୍।
ଯୋଧାସ୍ତ୍ବଦୀଯାଶ୍ଚ ହି ସୋମକାଶ୍ଚ
ବୃତ୍ରେନ୍ଦ୍ରଯୋର୍ଯୁଦ୍ଧମିବାମରୌଘାଃ॥ 7-118-7 (49705)
ଶରୈଃ ସୁତୀକ୍ଷ୍ଣୈଃ ଶତଶୋଽଭ୍ଯବିଧ୍ଯ--
ତ୍ସୁଦର୍ଶନଃ ସାତ୍ବତମୁଖ୍ଯମାଜୌ।
ଅନାଗତାନେବ ତୁ ତାନ୍ପୃଷତ୍କାଂ--
ଶ୍ଚିଚ୍ଛେଦ ରାଜଞ୍ଶିନିପୁଙ୍ଗବୋଽପି॥ 7-118-8 (49706)
ତଥୈବ ଶକ୍ରପ୍ରତିମୋଽପି ସାତ୍ଯକିଃ
ସୁଦର୍ଶନେ ଯାନ୍କ୍ଷିପତି ସ୍ମ ସାଯକାନ୍।
ଦ୍ବିଧା ତ୍ରିଧା ତାନକରୋତ୍ସୁଦର୍ଶନଃ
ଶରୋତ୍ତମୈଃ ସ୍ଯନ୍ଦନବର୍ଯମାସ୍ଥିତଃ॥ 7-118-9 (49707)
ତାନ୍ବୀକ୍ଷ୍ଯ ବାଣାନ୍ନିହତାଂସ୍ତଦାନୀଂ
ସୁଦର୍ଶନଃ ସାତ୍ଯକିବାଣବେଗୈଃ।
କ୍ରୋଧାଦ୍ଦିଧକ୍ଷନ୍ନିବ ତିଗ୍ମତେଜାଃ
ଶରାନମୁଞ୍ଚତ୍ତପନୀଯଚିତ୍ରାନ୍॥ 7-118-10 (49708)
ପୁନଃ ସ ବାଣୈସ୍ତ୍ରିଭିରଗ୍ନିକଲ୍ପୈ--
ରାକର୍ଣପୂର୍ଣୈର୍ନିଶିତୈଃ ସୁପୁଙ୍ଖୈଃ।
ବିବ୍ଯାଧ ଦେହାବରଣଂ ବିଭିଦ୍ଯ
ତେ ସାତ୍ଯକେରାବିବିଶୁଃ ଶରୀରମ୍॥ 7-118-11 (49709)
ତଥୈବ ତସ୍ଯାବନିପାଲପୁତ୍ରଃ
ସନ୍ଧାଯ ବାଣୈରପରୈର୍ଜ୍ବଲଦ୍ଭିଃ।
ଆଜଘ୍ନିବାଂସ୍ତାନ୍ରଜତପ୍ରକାଶାଂ--
ଶ୍ଚତୁର୍ଭିରଶ୍ବାଂଶ୍ଚତୁରଃ ପ୍ରସହ୍ଯ॥ 7-118-12 (49710)
ତଥା ତୁ ତେମାଭିହତସ୍ତରସ୍ବୀ
ନପ୍ତା ଶିନେରିନ୍ଦ୍ରସମାନବୀର୍ଯଃ।
ସୁଦର୍ଶନସ୍ଯେଷୁଗଣୈଃ ସୁତୀକ୍ଷ୍ଣୈ--
ର୍ହଯାନ୍ନିହତ୍ଯାଶୁ ନନାଦ ନାଦମ୍॥ 7-118-13 (49711)
ଅଥାସ୍ଯ ସୂତସ୍ଯ ଶିରୋ ନିକୃତ୍ଯ
ଭଲ୍ଲେନ ଶକ୍ରାଶନିସନ୍ନିଭେନ।
ସୁଦର୍ଶନସ୍ଯାପି ଶିନିପ୍ରବୀରଃ
କ୍ଷୁରେଣ କାଲାନଲସନ୍ନିଭେନ॥ 7-118-14 (49712)
ସକୁଣ୍ଡଲଂ ପୂର୍ଣଶଶିପ୍ରକାଶଂ
ଭ୍ରାଜିଷ୍ଣୁ ବକ୍ତ୍ରଂ ବିଚକର୍ତ ଦେହାତ୍।
ଯଥା ପୁରା ବଜ୍ରଧରଃ ପ୍ରସହ୍ଯ
ବଲସ୍ଯ ସଙ୍ଖ୍ଯେଽତିବଲସ୍ଯ ରାଜନ୍॥ 7-118-15 (49713)
ନିହତ୍ଯ ତଂ ପାର୍ଥିବପୁତ୍ରପୌତ୍ରଂ
ରଣେ ଯଦୂନାମୃଷଭସ୍ତରସ୍ବୀ।
ମୁଦା ସମେତଃ ପରଯା ମହାତ୍ମା
ରରାଜ ରାଜନ୍ସୁରରାଜକଲ୍ପଃ॥ 7-118-16 (49714)
ତତୋ ଯଯାବର୍ଜୁନମେବ ବୀରୋ
ନିବାର୍ଯ ସୈନ୍ଯଂ ତବ ମାର୍ଗଣୌଘୈଃ।
ସଦଶ୍ବଯୁକ୍ତେନ ରଥେନ ରାଜଁ--
ଲ୍ଲୋକଂ ବିସିସ୍ମାପଯିଷୁର୍ନୃବୀରଃ॥ 7-118-17 (49715)
ତତ୍ତସ୍ଯ ବିସ୍ମାପଯନୀଯମଗ୍ର୍ଯ--
ମପୂଜଯନ୍ଯୋଧବରାଃ ସମେତାଃ।
ପ୍ରବର୍ତମାନାନିଷୁଗୋଚରେଽରୀ--
ନ୍ଦଦାହ ବାଣୈର୍ହୁତଭୁଗ୍ଯଥୈବ॥ ॥ 7-118-18 (49716)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଅଷ୍ଟାଦଶାଧିକଶତତମୋଽଧ୍ଯାଯଃ॥ 118 ॥
ଦ୍ରୋଣପର୍ବ - ଅଧ୍ଯାଯ 119
॥ ଶ୍ରୀଃ ॥
7.119. ଅଧ୍ଯାଯଃ 119
Mahabharata - Drona Parva - Chapter Topics
ସାତ୍ଯକିପରାକ୍ରମବର୍ଣନମ୍॥ 1 ॥Mahabharata - Drona Parva - Chapter Text
7-119-0 (49717)
`ସଞ୍ଜଯ ଉବାଚ। 7-119-0x (4562)
ନିର୍ଜିତ୍ଯ କୃତବର୍ମାଣଂ ଭାରଦ୍ବାଜଂ ଚ ସଂଯୁଗେ।
ସ ସାତ୍ଯକିଃ ସତ୍ଯଧୃତିର୍ମହାତ୍ମା ଶିନିପୁଙ୍ଗବଃ॥ 7-119-1 (49718)
*ଦୁର୍ଯୋଧନଂ ଚ ନିର୍ଜିତ୍ଯ ଶୂରଂ ଚୈବ ସୁଯୋଧନମ୍।
ଜଲସନ୍ଧଂ ନିହତ୍ଯାଜୌ ଶୂରସେନଂ ଚ ପାର୍ଥିବମ୍॥ 7-119-2 (49719)
ମ୍ଲେଚ୍ଛାଂଶ୍ଚ ବହୁଧା ରାଜନ୍କାଶ୍ଯପୁତ୍ରଂ ଚ ସଂଯୁଗେ।
ନିଷାଦାଂସ୍ତଙ୍କଣାଂଶ୍ଚୈବ କଲିଙ୍ଗାନ୍ମଗଧାନପି॥ 7-119-3 (49720)
କେକଯାଞ୍ଛୂରସେନାଂଶ୍ଚ ତଥା ପର୍ବତବାସିନଃ।
କାମ୍ଭୋଜାନ୍ଯବନାଂଶ୍ଚୈବ ବସାତୀଂଶ୍ଚ ଶିବୀନପି॥ 7-119-4 (49721)
କୋସଲାନ୍ମଗଧାଂଶ୍ଚୈବ ଯାତୁଧାନାନ୍ସତିତ୍ତିରାନ୍।
ଏତାଂଶ୍ଚାନ୍ଯାନ୍ରଣେ ହତ୍ବାଽଗଚ୍ଛଦ୍ଯୁଦ୍ଧେ ସ ସାତ୍ଯକିଃ॥ 7-119-5 (49722)
ରୁଧିରୌଘନଦୀଂ ଘୋରାଂ କେଶଶୈବାଲଶାଦ୍ବଲାମ୍।
ଶକ୍ତିଗ୍ରାହସମାକୀର୍ଣାଂ ଛତ୍ରହଂସୋପଶୋଭିତାମ୍॥ 7-119-6 (49723)
ଦୁସ୍ତରାଂ ଭୀରୁଭିର୍ନିତ୍ଯଂ ଶୂରଲୋକପ୍ରବାହିନୀମ୍।
ପ୍ରବର୍ତ୍ଯ ହୃଷିତୋ ରାଜନ୍ପୁନର୍ଯନ୍ତାରମବ୍ରବୀତ୍॥ 7-119-7 (49724)
ଧ୍ବଜନାଗାଶ୍ବକଲିଲଂ ଶରଶକ୍ତ୍ଯୂର୍ମିମାଲିନମ୍'।
ଖଙ୍କମତ୍ସ୍ଯଂ ଗଦାଗ୍ରାହଂ ଶୂରାଯୁଧମହାସ୍ବନମ୍॥ 7-119-8 (49725)
ପ୍ରାଣାପହାରିଣଂ ରୌଦ୍ରଂ ବାଦିତ୍ରୋଦ୍ଧୁଷ୍ଟନାଦିତମ୍।
ଶୂରାଣାଂ ସୁଖସଂସ୍ପର୍ଶମସ୍ପୃଶ୍ଯମଥ ଭୀରୁଣାମ୍।
ତୀର୍ଣାଃ ସ୍ମ ଦୁସ୍ତରଂ ତାତ ଦ୍ରୋଣାନୀକମହାର୍ଣବମ୍॥ 7-119-9 (49726)
ଜଲସନ୍ଧବଲେନାଜୌ ପୁରୁଷାଦୈରିବାବୃତମ୍।
ଅତୋଽନ୍ଯତ୍ପୃତନାଶେଷଂ ମନ୍ଯେ କୁନଦିକାମିବ॥ 7-119-10 (49727)
ତର୍ତବ୍ଯାମଲ୍ପସଲିଲାଂ ଚୋଦଯାଶ୍ବାନସମ୍ଭ୍ରମମ୍।
ହସ୍ତପ୍ରାପ୍ତମହଂ ମନ୍ଯେ ସାମ୍ପ୍ରତଂ ସବ୍ଯସାଚିନମ୍॥ 7-119-11 (49728)
ନିର୍ଜିତ୍ଯ ଦୁର୍ଧରଂ ଦ୍ରୋଣଂ ସପଦାନୁଗମାହବେ।
ହାର୍ଦିକ୍ଯଂ ଯୋଧବର୍ଯଂ ଚ ମନ୍ଯେ ପ୍ରାପ୍ତଂ ଧନଞ୍ଜଯମ୍॥ 7-119-12 (49729)
ନ ହି ମେ ଜାଯତେ ତ୍ରାସୋ ଦୃଷ୍ଟ୍ବା ସୈନ୍ଯାନ୍ଯନେକଶଃ।
ବହ୍ନେରିବ ପ୍ରଦୀପ୍ତସ୍ଯ ବନେ ଶୁଷ୍କତୃଣାଲଯମ୍॥ 7-119-13 (49730)
ପଶ୍ଯ ପାଣ୍ଡବମୁଖ୍ଯେନ ଯାତାଂ ଭୂମିଂ କିରୀଟିନା।
ପତ୍ତ୍ଯଶ୍ବରଥନାଗୌଘୈଃ ପତିତୈର୍ବିଷମୀକୃତାମ୍॥ 7-119-14 (49731)
ଦ୍ରବତେ ତଦ୍ଯଥା ସୈନ୍ଯଂ ତେନ ଭଗ୍ନଂ ମହାତ୍ମନା।
ରଥୈର୍ବିପରିଧାବଦ୍ଭିର୍ଗଜୈରଶ୍ବୈଶ୍ଚ ସାରଥେ।
କୌଶେଯାରୁଣସଂକାଶମେତଦୁଦ୍ବୂଯତେ ରଜଃ॥ 7-119-15 (49732)
ଅଭ୍ଯାଶସ୍ଥମହଂ ମନ୍ଯେ ଶ୍ବେତାଶ୍ବଂ କୃଷ୍ଣସାରଥିମ୍॥ 7-119-16 (49733)
ଶ୍ରୂଯତେ ହ୍ଯେଷ ନିର୍ଘୋଷୋ ଜଲଦସ୍ଯେବ ଗର୍ଜତଃ।
ବିଷ୍ଫାର୍ଯମାଣସ୍ଯ ରଣେ ଗାଣ୍ଡୀବସ୍ଯାମିତୌଜସଃ॥ 7-119-17 (49734)
ଅଭ୍ଯାଶସ୍ଥମହଂ ମନ୍ଯେ ସୈନ୍ଧବସ୍ଯ କିରୀଟିନମ୍।
ତାଦୃଶଃ ଶ୍ରୂଯତେ ଶବ୍ଦଃ ସୈନ୍ଯାନାଂ ସାଗରୋପମଃ॥ 7-119-18 (49735)
ଯାଦୃଶାନି ନିମିତ୍ତାନି ମମ ପ୍ରାଦୁର୍ଭବନ୍ତି ବୈ।
ଅନସ୍ତଂଗତ ଆଦିତ୍ଯେ ହନ୍ତା ସୈନ୍ଧବମର୍ଜୁନଃ॥ 7-119-19 (49736)
ଶନୈର୍ବିସ୍ରମ୍ଭଯନ୍ନଶ୍ବାନ୍ଯାହି ଯତ୍ରାରିବାହିନୀ॥ 7-119-20 (49737)
ଯତ୍ରୈତେ ସତଲତ୍ରାମାଃ ସୁଯୋଧନପୁରୋଗମାଃ।
ଦଂଶିତାଃ କ୍ରୂରକର୍ମାଣଃ କାମ୍ଭୋଜା ଯୁଦ୍ଧଦୁର୍ମଦାଃ॥ 7-119-21 (49738)
ଶରବାଣାସନଧରା ଯବନାଶ୍ଚ ପ୍ରହାରିଣଃ।
ଶକାଃ କିରାତା ଦରଦା ବର୍ବରାସ୍ତାମ୍ରଲିପ୍ତକାଃ॥ 7-119-22 (49739)
ଅନ୍ଯେ ଚ ବହବୋ ମ୍ଲେଚ୍ଛା ବିବିଧାଯୁଧପାଣଯଃ।
ମାମେବାଭିମୁଖାଃ ସର୍ବେ ତିଷ୍ଠନ୍ତି ସମରାର୍ଥିନଃ॥ 7-119-23 (49740)
ଏତାନ୍ସରଥନାଗାଶ୍ବାନ୍ନିହତ୍ଯାଜୌ ସପତ୍ତିନଃ।
ଇଦଂ ଦୁର୍ଗଂ ମହାଘୋରଂ ତୀର୍ଣମେବୋପଧାରଯ॥ 7-119-24 (49741)
ସୂତ ଉବାଚ। 7-119-25x (4563)
ନ ସମ୍ଭ୍ରମୋ ମେ ବାର୍ଷ୍ଣେଯ ବିଦ୍ଯତେ ସତ୍ଯବିକ୍ରମ।
ଯଦ୍ଯପି ସ୍ଯାତ୍ତବ କ୍ରୁଦ୍ଧୋ ଜାମଦଗ୍ନ୍ଯୋଽଗ୍ରତଃ ସ୍ଥିତଃ॥ 7-119-25 (49742)
ଦ୍ରୋଣୋ ବା ରଥିନାଂ ଶ୍ରେଷ୍ଠଃ କୃପୋ ମଦ୍ରେଶ୍ବରୋଽପି ବା।
ତଥାପି ସମ୍ଭ୍ରାମୋ ନ ସ୍ଯାତ୍ତ୍ବାମାଶ୍ରିତ୍ଯ ମହାଭୁଜ॥ 7-119-26 (49743)
ତ୍ବଯା ସୁବହବୋ ଯୁଦ୍ଧେ ନିର୍ଜିତାଃ ଶତ୍ରୁସୂଦନ।
ଦଂଶିତାଃକ୍ରୂରକର୍ମାଣଃ କାମ୍ଭୋଜା ଯୁଦ୍ଧଦୁର୍ମଦାଃ॥ 7-119-27 (49744)
ଶରବାଣାସନଧରା ଯବନାଶ୍ଚ ପ୍ରହାରିଣଃ।
ଶକାଃ କିରାତା ଦରଦା ବର୍ବରାସ୍ତାମ୍ରଲିପ୍ତକାଃ।
ଅନ୍ଯେ ଚ ବହବୋ ମ୍ଲେଚ୍ଛା ବିବିଧାଯୁଧପାଣଯଃ॥ 7-119-28 (49745)
ନ ଚ ମେ ସମ୍ଭ୍ରମଃ କଶ୍ଚିଦ୍ଭୂତପୂର୍ବଃ କଥଞ୍ଚନ।
କିମୁତୈତତ୍ସମାସାଦ୍ଯ ଧୀରଂ ସଂଯୁଗଗୋଷ୍ପଦମ୍॥ 7-119-29 (49746)
ଆଯୁଷ୍ମନ୍କତରେଣ ତ୍ବାଂ ପ୍ରାପଯାମି ଧନଞ୍ଜଯମ୍।
କେଭ୍ଯଃ କ୍ରୁଦ୍ଧୋଽସି ବାର୍ଷ୍ଣେଯ କାନ୍ସ୍ବିନ୍ମୃତ୍ଯୁରୁପସ୍ଥିତଃ॥ 7-119-30 (49747)
କେଷାଂ ସଙ୍ଘମନୀକସ୍ଯ ହନ୍ତୁମୁତ୍ସହତେ ମନଃ।
କେତ୍ବାଂ ଯୁଧି ପରାକ୍ରାନ୍ତଂ କାଲାନ୍ତକଯମୋପମମ୍॥ 7-119-31 (49748)
ଦୃଷ୍ଟ୍ବା ବିକ୍ରମସମ୍ପନ୍ନଂ ବିଦ୍ରବିଷ୍ଯନ୍ତି ସଂଯୁଗେ।
କେଷାଂ ବୈବସ୍ବତୋ ରାଜା ସ୍ମରତେଽଦ୍ଯ ମହାଭୁଜ॥ 7-119-32 (49749)
ସାତ୍ଯକିରୁବାଚ। 7-119-33x (4564)
ମୁଣ୍ଡାନେତାନ୍ହନିଷ୍ଯାମି ଦାନବାନିବ ବାସବଃ।
ପ୍ରତିଜ୍ଞାଂ ପାରଯିଷ୍ଯାମି କାମ୍ଭୋଜାନେବ ମାଂ ବହ॥ 7-119-33 (49750)
xxxxxକଦନଂ କୃତ୍ବା କ୍ଷିପ୍ରଂ ଯାସ୍ଯାମି ପାଣ୍ଡବମ୍॥ 7-119-34 (49751)
xxxxxଯନ୍ତି ମେ ବୀର୍ଯଂ କୌରବାଃ ସସୁଯୋଧନାଃ।
xxxxxxନାକେ ହତେ ସୂତ ସର୍ବସୈନ୍ଯେଷୁ ଚାସକୃତ୍॥ 7-119-35 (49752)
ଅଦ୍ଯ କୌରବସୈନ୍ଯସ୍ଯ ଦୀର୍ଘମାଣସ୍ଯ ସଂଯୁଗେ।
ଶ୍ରୁତ୍ବା ବିରାବଂ ବହୁଧା ସନ୍ତପ୍ସ୍ଯତି ସୁଯୋଧନଃ॥ 7-119-36 (49753)
ଅଦ୍ଯ ପାଣ୍ଡବମୁଖ୍ଯସ୍ଯ ଶ୍ବେତାଶ୍ବସ୍ଯ ମହାତ୍ମନଃ।
ଆଚାର୍ଯକକୃତଂ ମାର୍ଗଂ ଦର୍ଶଯିଷ୍ଯାମି ସଂଯୁଗେ॥ 7-119-37 (49754)
ଅଦ୍ଯ ମଦ୍ବାଣନିହତାନ୍ଯୋଧମୁଖ୍ଯାନ୍ସହସ୍ରଶଃ।
ଦୃଷ୍ଟ୍ବା ଦୁର୍ଯୋଧନୋ ରାଜା ପଶ୍ଚାତ୍ତାପଂ ଗମିଷ୍ଯତି॥ 7-119-38 (49755)
ଅଦ୍ଯ ମେ କ୍ଷିପ୍ରହସ୍ତସ୍ଯ କ୍ଷିପତଃ ସାଯକୋତ୍ତମାନ୍।
ଅଲାତଚକ୍ରପ୍ରତିମଂ ଧନୁର୍ଦ୍ରକ୍ଷ୍ଯନ୍ତି କୌରବାଃ॥ 7-119-39 (49756)
ମତ୍ସାଯକଚିତାଙ୍ଗାନାଂ ରୁଧିରଂ ସ୍ରବତାଂ ମୁହୁଃ।
ସୈନିକାନାଂ ବଧଂ ଦୃଷ୍ଟ୍ବା ସନ୍ତପ୍ସ୍ଯତି ସୁଯୋଧନଃ॥ 7-119-40 (49757)
ଅଦ୍ଯ ମେ କ୍ରୁଦ୍ଧରୂପସ୍ଯ ନିଘ୍ନତଶ୍ଚ ବରାନ୍ବରାନ୍।
ଦ୍ବିଫଲ୍ଗୁନାମିମଂ ଲୋକଂ ମଂସ୍ଯତେଽଦ୍ଯ ସୁଯୋଧନଃ॥ 7-119-41 (49758)
ଅଦ୍ଯ ରାଜସହସ୍ରାଣି ନିହତାନି ମଯା ରଣେ।
ଦୃଷ୍ଟ୍ବା ଦୁର୍ଯୋଧନୋ ରାଜା ସନ୍ତପ୍ସ୍ଯତି ମହାମୃଧେ॥ 7-119-42 (49759)
ଅଦ୍ଯ ସ୍ନେହଂ ଚ ଭକ୍ତିଂ ଚ ପାଣ୍ଡବେଷୁ ମହାତ୍ମସୁ।
ହତ୍ବା ରାଜସହସ୍ରାଣି ଦର୍ଶଯିଷ୍ଯାମି ରାଜସୁ॥ 7-119-43 (49760)
ବଲଂ ବୀର୍ଯଂ କୃତଜ୍ଞତ୍ବଂ ମମ ଜ୍ଞାସ୍ଯନ୍ତି କୌରବାଃ॥ 7-119-44 (49761)
ସଞ୍ଜଯ ଉବାଚ। 7-119-45x (4565)
ଏବମୁକ୍ତସ୍ତଦା ସୂତଃ ଶିକ୍ଷିତାନ୍ସାଧୁବାହିନଃ।
ଶଶାଙ୍କସନ୍ନିକାଶାନ୍ବୈ ବାଜିନୋ ବ୍ଯନୁଦଦ୍ଭୃଶମ୍॥ 7-119-45 (49762)
ତେ ପିବନ୍ତ ଇବାକାଶଂ ଯୁଯୁଧାନଂ ହଯୋତ୍ତମାଃ।
ପ୍ରାପଯନ୍ଯବନାଞ୍ଶନୀଘ୍ରଂ ମନଃ ପବନରଂହସଃ॥ 7-119-46 (49763)
ସାତ୍ଯକିଂ ତେ ସମାସାଦ୍ଯ ପୃତନାସ୍ବନିବର୍ତିନମ୍।
ବହବୋ ଲଘୁହସ୍ତାଶ୍ଚ ଶରବର୍ଷୈରବାକିରନ୍॥ 7-119-47 (49764)
ତେଷାମିଷୂନଥାସ୍ତ୍ରାଣି ବେଗବାନ୍ନତପର୍ବଭିଃ।
ଅଚ୍ଛିନତ୍ସାତ୍ଯକୀ ରାଜନ୍ନୈନଂ ତେ ପ୍ରାପ୍ନୁବଞ୍ଶରାଃ॥ 7-119-48 (49765)
ରୁକ୍ମପୁଙ୍ଖୈଃ ସୁନିଶିତୈର୍ଗାର୍ଧ୍ରପତ୍ରୈରଜିହ୍ମଗୈଃ।
ଉଚ୍ଚକର୍ତ ଶିରାଂସ୍ଯୁଗ୍ରୋ ଯବନାନାଂ ଭୁଜାନପି॥ 7-119-49 (49766)
ଶୈକ୍ଯାଯସାନି ବର୍ମାଣି କାଂସ୍ଯାନି ଚ ସମନ୍ତତଃ।
ଭିତ୍ତ୍ବା ଦେହାଂସ୍ତଥା ତେଷାଂ ଶରା ଜଗ୍ମୁର୍ମହୀତଲମ୍॥ 7-119-50 (49767)
ତେ ହନ୍ଯମାନା ବୀରେଣ ମ୍ଲେଚ୍ଛାଃ ସାତ୍ଯକିନା ରଣେ।
ଶତଶୋଽଭ୍ଯପତଂସ୍ତତ୍ର ବ୍ଯସବୋ ବସୁଧାତଲେ॥ 7-119-51 (49768)
ସୁପୂର୍ଣାଯତମୁକ୍ତୈସ୍ତାନବ୍ଯବଚ୍ଛିନ୍ନପିଣ୍ଡିତୈଃ।
ପଞ୍ଚ ଷଟ୍ ସପ୍ତ ଚାଷ୍ଟୌ ଚ ଭିଭେଦ ଯବନାଞ୍ଶରୈଃ॥ 7-119-52 (49769)
କାମ୍ଭୋଜାନାଂ ସହସ୍ରୈଶ୍ଚ ଶକାନାଂ ଚ ବିଶାମ୍ପତେ।
ଶବରାଣାଂ କିରାତାନାଂ ବର୍ବରାଣାଂ ତଥୈବ ଚ॥ 7-119-53 (49770)
ଅଗମ୍ଯରୂପାଂ ପୃଥିବୀଂ ମାଂସଶୋଣିତକର୍ଦମାମ୍।
କୃତବାଂସ୍ତତ୍ର ଶୈନେଯଃ କ୍ଷପଯଂସ୍ତାବକଂ ବଲମ୍॥ 7-119-54 (49771)
ଦସ୍ଯୂନାଂ ସଶିରସ୍ତ୍ରାଣୈଃ ଶିରୋଭିର୍ଲୂନମୂର୍ଧଦୌଃ।
ଦୀର୍ଘକୂର୍ଚୈର୍ମହୀ କୀର୍ଣା ବିବର୍ହୈରଣ୍ଡଜୈରିବ॥ 7-119-55 (49772)
ରୁଧିରୋକ୍ଷିତସର୍ବାଙ୍ଗୈସ୍ତୈସ୍ତଦାଯୋଧନଂ ବଭୌ।
କବନ୍ଧୈଃ ସଂବୃତଂ ସର୍ବଂ ତାମ୍ରାଭ୍ରୈଃ ଖମିବାବୃତମ୍॥ 7-119-56 (49773)
ବଜ୍ରାଶନିସମସ୍ପର୍ଶୈଃ ସୁପର୍ବଭିରଜିହ୍ମଗୈଃ।
ତେ ସାତ୍ବତେନ ନିହତାଃ ସମାବବ୍ରୁର୍ବସୁନ୍ଧରାମ୍॥ 7-119-57 (49774)
`ତେଷାମସ୍ତ୍ରାଣି ବାଣାଂଶ୍ଚ ଶୈନେଯୋ ନତପର୍ବଭିଃ।
ନିଚକର୍ତ ମହାରାଜ ଯବନାନାଂ ଶିରୋଧରାଃ॥ 7-119-58 (49775)
ତେ ଶରା ନତପର୍ବାଣୋ ଯୁଯୁଧାନପ୍ରଚୋଦିତାଃ।
ହିତ୍ବା ଦେହାଂସ୍ତଥା ତେଷାଂ ପତନ୍ତି ସ୍ମ ମହୀତଲେ॥ 7-119-59 (49776)
ତେ ହନ୍ଯମାନା ବୀରାସ୍ତୁ ବୃଷ୍ଣିବୀରେଣ ସଂଯୁଗେ।
ଶସ୍ତ୍ରାହତାଃ ପତନ୍ତ୍ଯୁର୍ବ୍ଯାଂ କାମ୍ଭୋଜାଃ ସପଦାନୁଗାଃ॥ 7-119-60 (49777)
କାମ୍ଭୋଜାନାଂ ଭୁଜୈଶ୍ଛିନ୍ନୈର୍ଯବନାନାଂ ଚ ଭାରତ।
ତତ୍ରତତ୍ର ମହୀ ଭାତି ପଞ୍ଚାସ୍ଯୈରିବ ପନ୍ନଗୈଃ'॥ 7-119-61 (49778)
ଅଲ୍ପାବଶିଷ୍ଟାଃ ସମ୍ଭଗ୍ନାଃ କୃଚ୍ଛ୍ରପ୍ରାଣା ବିଚେତସଃ।
ଜିତାଃ ସଙ୍ଖ୍ଯେ ମହାରାଜ ଯୁଯୁଧାନେନ ଦଂଶିତାଃ॥ 7-119-62 (49779)
ପାର୍ଷ୍ଣିଭିଶ୍ଚ କଶାଭିଶ୍ଚ ତାଡଯନ୍ତସ୍ତୁରଙ୍ଗମାନ୍।
ଜବମୁତ୍ତମମାସ୍ଥାଯ ସର୍ବତଃ ପ୍ରାଦ୍ରବନ୍ଭଯାତ୍॥ 7-119-63 (49780)
କାମ୍ଭୋଜସୈନ୍ଯଂ ବିଦ୍ରାବ୍ଯ ଦୁର୍ଜଯଂ ଯୁଧି ଭାରତ।
ଯବନାନାଂ ଚ ତତ୍ସୈନ୍ଯଂ ଶକାନାଂ ଚ ମହଦ୍ବଲମ୍॥ 7-119-64 (49781)
ତତଃ ସ ପୁରୁଷବ୍ଯାଘ୍ରଃ ସାତ୍ଯକିଃ ସତ୍ଯବିକ୍ରମଃ।
ପ୍ରହୃଷ୍ଟସ୍ତାବକାଞ୍ଜିତ୍ବା ସୂତଂ ଯାହୀତ୍ଯଚୋଦଯତ୍॥ 7-119-65 (49782)
ତତ୍ତସ୍ଯ ସମରେ କର୍ମ ଦୃଷ୍ଟ୍ବାଽନ୍ଯୈରକୃତଂ ପୁରା।
ଚାରଣାଃ ସହଗନ୍ଧର୍ବାଃ ପୂଜଯାଞ୍ଚକ୍ରିରେ ଭୃଶମ୍॥ 7-119-66 (49783)
ତଂ ଯାନ୍ତଂ ପୃଷ୍ଠଗୋପ୍ତାରମର୍ଜୁନସ୍ଯ ବିଶାମ୍ପତେ।
ଚାରଣାଃ ପ୍ରେକ୍ଷ୍ଯ ସଂହୃଷ୍ଟାସ୍ତ୍ବଦୀଯାଶ୍ଚାଭ୍ଯପୂଜଯନ୍॥ ॥ 7-119-67 (49784)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଏକୋନବିଂଶତ୍ଯଧିକଶତତମୋଽଧ୍ଯାଯଃ॥ 119 ॥
Mahabharata - Drona Parva - Chapter Footnotes
5-119-* ଏତଦାଦିସାର୍ଧସପ୍ତଶ୍ଲୋକସ୍ଥାନେ ବକ୍ଷ୍ଯମାଣଃ ସାର୍ଧଏବ ଶ୍ଲୋକଃ ଝ.ପୁସ୍ତକେଽସ୍ତି। ସଞ୍ଜଯ ଉବାଚ। ତତଃ ସ ସାତ୍ଯକିର୍ଧାମୀନ୍ମହାତ୍ମା ବୃଷ୍ଣିପୁଙ୍ଗବଃ। ସୁଦର୍ଶନଂ ନିହତ୍ଯାଜୌ ଯନ୍ତାରଂ ପୁନରବ୍ରବୀତ୍॥ ରଥାଶ୍ବନାଗକଲିଲଂ ଶରଶତ୍ତଯୂର୍ମିମାଲିନମ୍। 5-119-20 ବିସ୍ରମ୍ଭଯନ୍ ଆଶ୍ବାସଯନ୍॥ 5-119-33 ପାରଯିଷ୍ଯାମି ସମାପଯିଷ୍ଯାମି॥ 5-119-50 ବୈକ୍ଯାଯସାନି ଶୋଣିତାଯୋମଯାନି॥ 5-119-52 ସୁପୂର୍ଣଯତମୁକ୍ତୈରାକର୍ଣଜ୍ଯୋତ୍ସୃଷ୍ଟୈଃ। ଅବ୍ଯବଚ୍ଛିନ୍ନପିଣ୍ଡିତୈରନବଚ୍ଛିନ୍ନସଂହତୈଃ॥ 5-119-119 ଏକୋନବିଂଶତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 120
॥ ଶ୍ରୀଃ ॥
7.120. ଅଧ୍ଯାଯଃ 120
Mahabharata - Drona Parva - Chapter Topics
ସାତ୍ଯକିଯୁଦ୍ଧବର୍ଣନମ୍॥Mahabharata - Drona Parva - Chapter Text
7-120-0 (49785)
ସଞ୍ଜଯ ଉବାଚ। 7-120-0x (4566)
ଜିତ୍ବା ଯବନକାମ୍ଭୋଜାନ୍ଯୁଯୁଧାନସ୍ତତୋଽର୍ଜୁନମ୍।
ଜଗାମ ତବ ସୈନ୍ଯସ୍ଯ ମଧ୍ଯେନ ରଥିନାଂ ବରଃ॥ 7-120-1 (49786)
ଶରଦଂଷ୍ଟ୍ରୋ ନରବ୍ଯାଘ୍ରୋ ବିଚିତ୍ରକବଚଚ୍ଛବିଃ।
ମୃଗଂ ବ୍ଯାଘ୍ର ଇବାଜିଘ୍ରଂସ୍ତବ ସୈନ୍ଯମଭୀଷଯତ୍॥ 7-120-2 (49787)
ସ ରଥେନ ଚରନ୍ମାର୍ଗାନ୍ଧନୁରୁଦ୍ଧାମଯଦ୍ଭୃଶମ୍।
ରୁକ୍ମପୃଷ୍ଠଂ ମହାବେଗଂ ରୁକ୍ମଚନ୍ଦ୍ରକସଙ୍କୁଲମ୍॥ 7-120-3 (49788)
ରୁକ୍ମାଙ୍ଗଦଶିରସ୍ତ୍ରାଣୋ ରୁକ୍ମବର୍ମସମାବୃତଃ।
ରୁକ୍ମଧ୍ବଜଧନୁଃ ଶୂରୋ ମେରୁଶୃଙ୍ଗମିବାବଭୌ॥ 7-120-4 (49789)
ସଧନୁର୍ମଣ୍ଡଲଃ ସଙ୍ଖ୍ଯେ ତେଜୋଭାସୁରରଶ୍ମିବାନ୍।
ଶରଦୀବୋଦିତଃ ସୂର୍ଯୋ ନୃସୂର୍ଯୋ ବିରରାଜ ହ॥ 7-120-5 (49790)
ବୃଷଭସ୍କନ୍ଧବିକ୍ରାନ୍ତୋ ବୃଷଭାକ୍ଷୋ ନରର୍ଷଭଃ।
ତାବକାନାଂ ବଭୌ ମଧ୍ଯେ ଗବାଂ ମଧ୍ଯେ ଯଥା ବୃଷଃ॥ 7-120-6 (49791)
ମତ୍ତଦ୍ବିରଦସଙ୍କାଶଂ ମତ୍ତଦ୍ବିରଦଗାମିନମ୍।
ପ୍ରଭିନ୍ନମିବ ମାତଙ୍ଗଂ ଯୂଥମଧ୍ଯେ ବ୍ଯବସ୍ଥିତମ୍॥ 7-120-7 (49792)
ବ୍ଯାଧା ଇବ ଜିଘାଂସନ୍ତସ୍ତ୍ବଦୀଯାଃ ସମୁପାଦ୍ରବନ୍।
`ସାତ୍ଯକିଂ ସମରେ ରାଜନ୍ପରିବବ୍ରୁସ୍ତବାତ୍ମଜାଃ'॥ 7-120-8 (49793)
ଦ୍ରୋଣାନୀକମତିକ୍ରାନ୍ତଂ ଭୋଜାନୀକଂ ଚ ଦୁସ୍ତରମ୍।
ଜଲସନ୍ଧାର୍ଣବଂ ତୀର୍ତ୍ବା କାମ୍ଭୋଜାନାଂ ଚ ବାହିନୀମ୍॥ 7-120-9 (49794)
ହାର୍ଦିକ୍ଯମକରାନ୍ମୁକ୍ତଂ ତୀର୍ଣଂ ବୈ ସୈନ୍ଯସାଗରମ୍।
ପରିବବ୍ରୁଃ ସୁସଙ୍କ୍ରୁଦ୍ବାସ୍ତ୍ବଦୀଯାଃ ସାତ୍ଯକିଂ ରଥାଃ॥ 7-120-10 (49795)
ଦୁର୍ଯୋଧନଶ୍ଚିତ୍ରସେନୋ ଦୁଃଶାସନବିବିଂଶତୀ।
ଶକୁନିର୍ଦୁଃସହଶ୍ଚୈବ ଯୁବା ଦୁର୍ଧର୍ଷଣଃ କ୍ରଥଃ॥ 7-120-11 (49796)
ଅନ୍ଯେ ଚ ବହବଃ ଶୂରାଃ ଶସ୍ତ୍ରବନ୍ତୋ ଦୁରାସଦାଃ।
ପୃଷ୍ଠତଃ ସାତ୍ଯକିଂ ଯାନ୍ତମନ୍ବଧାବନ୍ନମର୍ଷିଣଃ॥ 7-120-12 (49797)
ଅଥ ଶବ୍ଦୋ ମହାନାସୀତ୍ତବ ସୈନ୍ଯସ୍ଯ ମାରିଷ।
ମାରୁତୋଦ୍ଧୂତବେଗସ୍ଯ ସାଗରସ୍ଯେବ ପର୍ବଣି॥ 7-120-13 (49798)
ତାନଭିଦ୍ରବତଃ ସର୍ବାନ୍ସମୀକ୍ଷ୍ଯ ଶିନିପୁଙ୍ଗବଃ।
ଶନୈର୍ଯାହୀତି ଯନ୍ତାରମବ୍ରବୀତ୍ପ୍ରହସନ୍ନିବ॥ 7-120-14 (49799)
ଇଦମେତି ସମୁଦ୍ଧୂତଂ ଧାର୍ତରାଷ୍ଟ୍ରବଲଂ ମହତ୍।
ମାମେବାଭିମୁଖଂ ତୂର୍ଣଂ ଗଜାଶ୍ବରଥପତ୍ତିମତ୍।
ନାଦଯଦ୍ବୈ ଦିଶଃ ସର୍ବା ରଥଘୋଷେଣ ସାରଥେ॥ 7-120-15 (49800)
ପୃଥିବୀଂ ଚାନ୍ତରିକ୍ଷଂ ଚ କମ୍ପଯନ୍ସାଗରାନପି।
ଏତଦ୍ବଲାର୍ଣବଂ ସୂତ ବାରଯିଷ୍ଯେ ମହାରଣେ।
ପୌର୍ଣମାସ୍ଯାମିବୋଦ୍ଧୂତଂ ବେଲେବ ମକରାଲଯମ୍॥ 7-120-16 (49801)
ପଶ୍ଯ ମେ ସୂତ ବିକ୍ରାନ୍ତମିନ୍ଦ୍ରସ୍ଯେବ ମହାମୃଧେ।
ଏଷ ସୈନ୍ଯାନି ଶତ୍ରୂଣାଂ ବିଧମାମି ଶିତୈଃ ଶରୈଃ॥ 7-120-17 (49802)
ନିହତାନାହବେ ପଶ୍ଯ ପଦାତ୍ଯଶ୍ବରଥଦ୍ବିପାନ୍।
ମଚ୍ଛରୈରଗ୍ନିସଙ୍କାଶୈର୍ବିଦ୍ଧଦେହାନ୍ସହସ୍ରଶଃ॥ 7-120-18 (49803)
ଇତ୍ଯେବଂ ବ୍ରୁବତସ୍ତସ୍ଯ ସାତ୍ଯକେରମିତୌଜସଃ।
ସମୀପେ ସୈନିକାସ୍ତେ ତୁ ଶୀଘ୍ରମୀଯୁର୍ଯୁଯୁତ୍ସବଃ।
ଜହ୍ଯାଦ୍ରବସ୍ବ ତିଷ୍ଠେତି ପଶ୍ଯପଶ୍ଯେତି ବାଦିନଃ॥ 7-120-19 (49804)
ତାନେବଂ ବ୍ରୁବତୋ ବୀରାନ୍ସାତ୍ଯକିର୍ନିଶିତୈଃ ଶରୈଃ।
ଜଘାନଂ ତ୍ରିଶତାନଶ୍ବାନ୍କୁଞ୍ଜରାଂଶ୍ଚ ଚତୁଃଶତାନ୍।
`ଲଧ୍ବସ୍ତ୍ରଶ୍ଚିତ୍ରଯୋଧୀ ଚ ପ୍ରହରଞ୍ଶିନିପୁଙ୍ଗବଃ'॥ 7-120-20 (49805)
ସ ସମ୍ପ୍ରହାରସ୍ତୁମୁଲସ୍ତସ୍ଯ ତେଷାଂ ଚ ଧନ୍ବିନାମ୍।
ଦେବାସୁରରଣପ୍ରଖ୍ଯଃ ପ୍ରାବର୍ତତ ଜନକ୍ଷଯଃ॥ 7-120-21 (49806)
ମେଘଜାଲନିଭଂ ସୈନ୍ଯଂ ତବ ପୁତ୍ରସ୍ଯ ମାରିଷ।
ପ୍ରତ୍ଯଗୃହ୍ଣାଚ୍ଛିନେଃ ପୌତ୍ରଃ ଶରୈରାଶୀବିଷୋପମୈଃ॥ 7-120-22 (49807)
ପ୍ରଚ୍ଛାଦ୍ଯମାନଃ ସମରେ ଶରଜାଲୈଃ ସ ବୀର୍ଯବାନ୍।
ଅସମ୍ଭ୍ରମନ୍ମହାରାଜ ତାବକାନବଧୀଦ୍ବହୂନ୍॥ 7-120-23 (49808)
ଆଶ୍ଚର୍ଯଂ ତତ୍ର ରାଜେନ୍ଦ୍ର ସୁମହଦ୍ଦୃଷ୍ଟବାନହମ୍।
ନ ମୋଘଃ ସାଯକଃ କଶ୍ଚିତ୍ସାତ୍ଯକେରଭବତ୍ପ୍ରଭୋ॥ 7-120-24 (49809)
ରଥନାଗାଶ୍ବକଲିଲଃ ପଦାତ୍ଯୂର୍ମିସମାକୁଲଃ।
ଶୈନେଯବେଲାମାସାଦ୍ଯ ସ୍ଥିତଃ ସୈନ୍ଯମହାର୍ଣବଃ॥ 7-120-25 (49810)
ସମ୍ଭ୍ରାନ୍ତନରନାଗାଶ୍ବମାବର୍ତତ ମୁହୁର୍ମୁହୁଃ।
ତତ୍ସୈନ୍ଯମିଷୁଭିସ୍ତେନ ବଧ୍ଯମାନଂ ସମନ୍ତତଃ।
ବଭ୍ରାମ ତତ୍ରତତ୍ରୈବ ଗାବଃ ଶୀତାର୍ଦିତା ଇବ॥ 7-120-26 (49811)
ପଦାତିନଂ ରଥଂ ନାଗଂ ସାଦିନଂ ତୁରଗଂ ତଥା।
ଅବିଦ୍ବଂ ତତ୍ର ନାଦ୍ରାକ୍ଷଂ ଯୁଯୁଧାନସ୍ଯ ସାଯକୈଃ॥ 7-120-27 (49812)
ନ ତାଦୃକ୍କଦନଂ ରାଜନ୍କୃତବାଂସ୍ତତ୍ର ଫଲ୍ଗୁନଃ।
ଯାଦୃକ୍କ୍ଷଯମନୀକାନାମକରୋତ୍ସାତ୍ଯକିର୍ନୃପ॥ 7-120-28 (49813)
ଅତ୍ଯର୍ଜୁନଂ ଶିନେଃ ପୌତ୍ରୋ ଯୁଧ୍ଯତେ ପୁରୁଷର୍ଷଭଃ।
ବୀତଭୀର୍ଲାଘବୋପେତଃ କୃତିତ୍ବଂ ସମ୍ପ୍ରଦର୍ଶଯନ୍॥ 7-120-29 (49814)
ତତୋ ଦୁର୍ଯୋଧନୋ ରାଜା ସାତ୍ବତସ୍ଯ ତ୍ରିଭିଃ ଶରୈଃ।
ବିବ୍ଯାଧ ସୂତଂ ନିଶିତୈଶ୍ଚତୁର୍ଭିଶ୍ଚତୁରୋ ହଯାନ୍॥ 7-120-30 (49815)
ସାତ୍ଯକିଂ ଚ ତ୍ରିଭିର୍ବିଦ୍ବ୍ବା ପୁନରଷ୍ଟାଭିରେବ ଚ।
ଦୁଃଶାସନଃ ଷୋଡଶଭିର୍ବିବ୍ଯାଧ ଶିନିପୁଙ୍ଗବମ୍॥ 7-120-31 (49816)
ଶକୁନିଃ ପଞ୍ଚବିଂଶତ୍ଯା ଚିତ୍ରସେନଶ୍ଚ ପଞ୍ଚଭିଃ।
ଦୁଃସହଃ ପଞ୍ଚଦଶଭିର୍ବିବ୍ଯାଧୋରସି ସାତ୍ଯକିମ୍॥ 7-120-32 (49817)
ଉତ୍ସ୍ମଯନ୍ବୃଷ୍ଣିଶାର୍ଦୂଲସ୍ତଥା ବାଣୈଃ ସମାହତଃ।
ତାନବିଧ୍ଯନ୍ମହାରାଜ ସର୍ବାନେବ ତ୍ରିଭିସ୍ତ୍ରିଭିଃ॥ 7-120-33 (49818)
ଗାଢବିଦ୍ଧାନରୀନ୍କୃତ୍ବା ମାର୍ଗଣୈଃ ସୋଽତିତେଜନୈଃ।
ଶୈନେଯଃ ଶ୍ଯେନବତ୍ସଙ୍ଖ୍ଯେ ବ୍ଯଚରଲ୍ଲଘୁବିକ୍ରମଃ॥ 7-120-34 (49819)
ସୌବଲସ୍ଯ ଧନୁଶ୍ଛିତ୍ତ୍ବା ହସ୍ତାବାପଂ ନିକୃତ୍ଯ ଚ।
ଦୁର୍ଯୋଧନଂ ତ୍ରିଭିର୍ବାଣୈରଭ୍ଯବିଧ୍ଯତ୍ସ୍ତନାନ୍ତରେ॥ 7-120-35 (49820)
ଚିତ୍ରସେନଂ ଶତେନୈବ ଦଶଭିର୍ଦୁଃସହଂ ତଥା।
ଦୁଃଶାସନଂ ତୁ ବିଂଶତ୍ଯା ବିବ୍ଯାଧ ଶିନିପୁଙ୍ଗବଃ॥ 7-120-36 (49821)
ଅଥାନ୍ଯଦ୍ଧନୁରାଦାଯ ଶ୍ଯାଲସ୍ତବ ବିଶାମ୍ପତେ।
ଅଷ୍ଟାଭିଃ ସାତ୍ଯକିଂ ବିଦ୍ବ୍ବା ପୁନର୍ବିବ୍ଯାଧ ପଞ୍ଚଭିଃ॥ 7-120-37 (49822)
ଦୁଃଶାସନଶ୍ଚ ଦଶଭିର୍ଦୁଃସହଶ୍ଚ ତ୍ରିଭିଃ ଶରୈଃ।
ଦୁର୍ମୁଖଶ୍ଚ ଦ୍ବାଦଶଭୀ ରାଜନ୍ବିବ୍ଯାଧ ସାତ୍ଯକିମ୍॥ 7-120-38 (49823)
ଦୁର୍ଯୋଧନସ୍ତ୍ରିସପ୍ତତ୍ଯା କିଦ୍ବ୍ବା ଭାରତ ମାଧବମ୍।
ତତୋସ୍ଯ ନିଶିତୈର୍ବାଣୈସ୍ତ୍ରିଭିର୍ବିବ୍ଯାଧ ସାରଥିମ୍॥ 7-120-39 (49824)
ତାନ୍ସର୍ବାନ୍ସହିତାଞ୍ଶୂରାନ୍ଯତମାନାନ୍ମହାରଥାନ୍।
ପଞ୍ଚଭିଃ ପଞ୍ଚଭିର୍ବାଣୈଃ ପୁନର୍ବିବ୍ଯାଧ ସାତ୍ଯକିଃ॥ 7-120-40 (49825)
ତତଃ ସ ରଥିନାଂ ଶ୍ରେଷ୍ଠସ୍ତବ ପୁତ୍ରସ୍ଯ ସାରଥିମ୍।
ଆଜଘାନାଶୁ ଭଲ୍ଲେନ ସ ହତୋ ନ୍ଯପତଦ୍ଭୁବି॥ 7-120-41 (49826)
ପତିତେ ସାରଥୌ ତସ୍ମିଂସ୍ତବ ପୁତ୍ରରଥଃ ପ୍ରଭୋ।
ବାତାଯମାନୈସ୍ତୈରଶ୍ବୈରପାନୀଯତ ସଙ୍ଗରାତ୍॥ 7-120-42 (49827)
ତତସ୍ତବ ସୁତୋ ରାଜନ୍ସୈନିକାଶ୍ଚ ବିଶାମ୍ପତେ।
ରାଜ୍ଞୋ ରଥମଭିପ୍ରେକ୍ଷ୍ଯ ବିଦ୍ରୁତାଃ ଶତଶୋଽଭବନ୍॥ 7-120-43 (49828)
ବିଦ୍ରୁତଂ ତତ୍ର ତତ୍ସୈନ୍ଯଂ ଦୃଷ୍ଟ୍ବା ଭାରତ ସାତ୍ଯକିଃ।
ଅବାକିରଚ୍ଛରୈସ୍ତୀକ୍ଷ୍ଣୈ ରୁକ୍ମପୁଙ୍ଖୈଃ ଶିଲାଶିତୈଃ॥ 7-120-44 (49829)
ବିଦ୍ରାବ୍ଯ ସର୍ବସୈନ୍ଯାନି ତାବକାନି ସହସ୍ରଶଃ।
ପ୍ରଯଯୌ ସାତ୍ଯକୀ ରାଜଞ୍ଶ୍ବେତାଶ୍ବସ୍ଯ ରଥଂ ପ୍ରତି॥ 7-120-45 (49830)
`ତଂ ପ୍ରଯାନ୍ତଂ ମହାବାହୁଂ ତାବକାଃ ପ୍ରେକ୍ଷ୍ଯ ମାରିଷ।
ଦୃଷ୍ଟଂ ଚାଦୃଷ୍ଟବତ୍କୃତ୍ବା କ୍ରିଯାମନ୍ଯାମଯୋଜଯନ୍'॥ 7-120-46 (49831)
ତଂ ଶରାନାଦଦାନଂ ଚ ରକ୍ଷମାଣଂ ଚ ସାରଥିମ୍।
ଆତ୍ମାନଂ ପାଲଯାନଂ ଚ ତାବକାଃ ସମପୂଜଯନ୍॥ ॥ 7-120-47 (49832)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ବିଂଶତ୍ଯଧିକଶତତମୋଽଧ୍ଯାଯଃ॥ 120 ॥
ଦ୍ରୋଣପର୍ବ - ଅଧ୍ଯାଯ 121
॥ ଶ୍ରୀଃ ॥
7.121. ଅଧ୍ଯାଯଃ 121
Mahabharata - Drona Parva - Chapter Topics
ସାତ୍ଯକିଯୁଦ୍ଧବର୍ଣନମ୍॥ 1 ॥Mahabharata - Drona Parva - Chapter Text
7-121-0 (49833)
ଧୃତରାଷ୍ଟ୍ର ଉବାଚ। 7-121-0x (4567)
ସମ୍ପ୍ରଦ୍ଯ ମହତ୍ସୈନ୍ଯଂ ଯାନ୍ତଂ ଶୈନେଯମର୍ଜୁନମ୍।
ନିର୍ହୀକା ମମ ତେ ପୁତ୍ରାଃ କିମକୁର୍ବତ ସଞ୍ଜଯ॥ 7-121-1 (49834)
କଥଂ ବୈଷାଂ ତଦା ଯୁଦ୍ଧେ ଧୃତିରାସୀନ୍ମୁମୂର୍ଷତାମ୍।
ଶୈନେଯଚରିତଂ ଦୃଷ୍ଟ୍ବା ଯାଦୃଶଂ ସବ୍ଯସାଚିନଃ॥ 7-121-2 (49835)
କିଂ ନୁ ବକ୍ଷ୍ଯନ୍ତି ତେ କ୍ଷାତ୍ରଂ ସୈନ୍ଯମଧ୍ଯେ ପରାଜିତାଃ।
କଥଂ ନୁ ସାତ୍ଯକିର୍ଯୁଦ୍ଧେ ବ୍ଯତିକ୍ରାନ୍ତୋ ମହାଯଶାଃ॥ 7-121-3 (49836)
କଥଂ ଚ ମମ ପୁତ୍ରାଣାଂ ଜୀବତାଂ ତତ୍ର ସଞ୍ଜଯ।
ଶୈନେଯୋଽଭିଯଯୌ ଯୁଦ୍ଧେ ତନ୍ମମାଚକ୍ଷ୍ବ ସଞ୍ଜଯ॥ 7-121-4 (49837)
ଅତ୍ଯଦ୍ଭୁତମିଦଂ ତାତ ତ୍ବତ୍ସକାଶାଚ୍ଛୃଣୋମ୍ଯହମ୍।
ଏକସ୍ଯ ବହୁଭିଃ ସାର୍ଧଂ ଶତ୍ରୁଭିସ୍ତୈର୍ମହାରଥୈଃ॥ 7-121-5 (49838)
ବିପରୀତମହଂ ମନ୍ଯେ ମନ୍ଦଭାଗ୍ଯଂ ସୁତଂ ପ୍ରତି।
ଯତ୍ରାବଧ୍ଯନ୍ତ ସମରେ ସାତ୍ବତେନ ମହାରଥାଃ॥ 7-121-6 (49839)
ଏକସ୍ଯ ହି ନ ପର୍ଯାପ୍ତଂ ଯତ୍ସୈନ୍ଯଂ ତସ୍ଯ ସଞ୍ଜଯ।
କ୍ରୁଦ୍ଧସ୍ଯ ଯୁଯୁଧାନସ୍ଯ ସର୍ବେ ତିଷ୍ଠନ୍ତୁ ପାଣ଼୍ଡବାଃ॥ 7-121-7 (49840)
ନିର୍ଜିତ୍ଯ ସମରେ ଦ୍ରୋଣଂ କୃତିନଂ ଚିତ୍ରଯୋଧିନମ୍।
ଯଥା ପଶୁଗଣାନ୍ସିଂହସ୍ତଦ୍ବଦ୍ଧନ୍ତା ସୁତାନ୍ମମ॥ 7-121-8 (49841)
କୃତବର୍ମାଦିଭିଃ ଶୂରୈର୍ଯତ୍ତୈର୍ବହୁଭିରାହବେ।
ଯୁଯୁଧାନୋ ନ ଶକିତୋ ହନ୍ତୁଂ ଯତ୍ପୁରୁଷର୍ଷଭଃ॥ 7-121-9 (49842)
ନୈତଦୀଦୃଶକଂ ଯୁଦ୍ଧଂ କୃତବାଂସ୍ତତ୍ର ଫଲ୍ଗୁନଃ।
ଯାଦୃଶଂ କୃତବାନ୍ଯୁଦ୍ଧଂ ଶିନେର୍ନପ୍ତା ମହାଯଶାଃ॥ 7-121-10 (49843)
ସ଼ଞ୍ଜଯ ଉବାଚ। 7-121-11x (4568)
ତବ ଦୁର୍ମନ୍ତ୍ରିତେ ରାଜନ୍ଦୁର୍ଯୋଧନକୃତେନ ଚ।
ଶୃଣୁଷ୍ବାବହିତୋ ଭୂତ୍ବା ଯତ୍ତେ ବକ୍ଷ୍ଯାମି ଭାରତ॥ 7-121-11 (49844)
ତେ ପୁନଃ ସନ୍ନ୍ଯବର୍ତନ୍ତ କୃତ୍ବା ସଂଶପଥାନ୍ମିଥଃ।
ପରାଂ ଯୁଦ୍ଧେ ମତିଂ କ୍ରୂରାଂ ତବ ପୁତ୍ରସ୍ଯ ଶାସନାତ୍॥ 7-121-12 (49845)
ତ୍ରୀଣି ସାଦିସହସ୍ରାଣି ଦୁର୍ଯୋଧନପୁରୋଗମାଃ।
ଶକକାମ୍ଭୋଜବାଲହ୍ଲୀକା ଯବନାଃ ପାରଦାସ୍ତଥା॥ 7-121-13 (49846)
କୁଲିନ୍ଦାସ୍ତଙ୍କଣାମ୍ବଷ୍ଠାଃ ପୈଶାଚାଶ୍ଚ ସବର୍ବରାଃ।
ପାର୍ବତୀଯାଶ୍ଚ ରାଜେନ୍ଦ୍ର କ୍ରୁଦ୍ଧାଃ ପାଷାଣପାଣଯଃ।
ଅଭ୍ଯଦ୍ରବନ୍ତ ଶୈନେଯଂ ଶଲଭାଃ ପାବକଂ ଯଥା॥ 7-121-14 (49847)
ଯୁକ୍ତାଶ୍ଚ ପାର୍ବତୀଯାନାଂ ରଥାଃ ପାଷାଣଯୋଧିନାମ୍।
ଶୂରାଃ ପଞ୍ଚଶତଂ ରାଜଞ୍ଶୈନେଯଂ ସମୁପାଦ୍ରବନ୍॥ 7-121-15 (49848)
ତତୋ ରଥସହସ୍ରେଣ ମହାରଥଶତେନ ଚ।
ଦ୍ବିରଦାନାଂ ସହସ୍ରେଣ ଦ୍ବିସାହସ୍ରୈଶ୍ଚ ବାଜିଭିଃ॥ 7-121-16 (49849)
ଶରବର୍ଷାଣି ମୁଞ୍ଚନ୍ତୋ ବିବିଧାନି ମହାରଥାଃ।
ଅଭ୍ଯଦ୍ରବନ୍ତ ଶୈନେଯମସଙ୍ଖ୍ଯେଯାଶ୍ଚ ପତ୍ତଯଃ॥ 7-121-17 (49850)
ତାଂଶ୍ଚ ସଞ୍ଚୋଦଯନ୍ସର୍ବାନ୍ଘ୍ନତୈନମିତି ଭାରତ।
ଦୁଃଶାସନୋ ମହାରାଜ ସାତ୍ଯକିଂ ପର୍ଯବାରଯତ୍॥ 7-121-18 (49851)
ତତ୍ରାଦ୍ଭୁତମପଶ୍ଯାମ ଶୈନେଯଚରିତଂ ମହତ୍।
ଯଦେକୋ ବହୁଭିଃ ସାର୍ଧମସମ୍ଭ୍ରାନ୍ତମଯୁଧ୍ଯତ॥ 7-121-19 (49852)
ଅବଧୀଚ୍ଚ ରଥାନୀକଂ ଦ୍ବିରଦାନାଂ ଚ ତଦ୍ବଲମ୍।
ସାଦିନଶ୍ଚୈବ ତାନ୍ସର୍ବାନ୍ଦସ୍ଯୂନପି ଚ ସର୍ବଶଃ॥ 7-121-20 (49853)
ତତ୍ର ଚକ୍ରୈର୍ବିମଥିତୈର୍ଭଗ୍ନୈଶ୍ଚ ପରମାଯୁଧୈଃ।
ଅକ୍ଷୈଶ୍ଚ ବହୁଧା ଭଗ୍ନୈରୀଷାଦଣ୍ଡକବନ୍ଧୁରୈଃ॥ 7-121-21 (49854)
କୁଞ୍ଜରୈର୍ମଥିତୈଶ୍ଚାପି ଧ୍ବଜୈଶ୍ଚ ବିନିପାତିତୈଃ।
ବର୍ମଭିଶ୍ଚ ତଥାଽନୀକୈର୍ବ୍ଯବକୀର୍ଣା ବସୁନ୍ଧରା॥ 7-121-22 (49855)
ସ୍ରଗ୍ଭିରାଭରଣୈର୍ବସ୍ତ୍ରୈରନୁକର୍ଷୈଶ୍ଚ ମାରିଷ।
ସଞ୍ଛନ୍ନା ବସୁଧା ତତ୍ର ଦ୍ଯୌର୍ଗ୍ରହୈରିବ ଭାରତ॥ 7-121-23 (49856)
ଗିରିରୂପଧରୈଶ୍ଚାପି ପତିତୈଶ୍ଚ ମହାଗଜୈଃ।
`ମ୍ଲେଚ୍ଛସ୍ଥିତୈର୍ମହାରାଜ ଭିନ୍ନାଞ୍ଜନଚଯୋପମୈଃ॥ 7-121-24 (49857)
ମୃଗୈର୍ମନ୍ଦ୍ରୈଶ୍ଚ ଭଦ୍ରୈଶ୍ଚ ମୃଗମନ୍ଦ୍ରୈସ୍ତଥାଽପରୈଃ।
ଭଦ୍ରୈର୍ମନ୍ଦ୍ରମୃଗୈଶ୍ଚୈବ ମୃଗଭଦ୍ରୈସ୍ତଥୈବ ଚ॥ 7-121-25 (49858)
ଭଦ୍ରମନ୍ଦ୍ରୈଶ୍ଚୈବ ତଥା ତଥା ଭଦ୍ରମୃଗୈରପି।
ତତ୍ରତତ୍ର ଧରା କୀର୍ଣା ଶଯାନୈଃ ପର୍ବତୋପମୈଃ'॥ 7-121-26 (49859)
ଅଞ୍ଜନସ୍ଯ କୁଲେ ଜାତା ବାମନସ୍ଯ ଚ ଭାରତ।
ସୁପ୍ରତୀକକୁଲେ ଜାତା ମହାପଦ୍ମକୁଲେ ତଥା॥ 7-121-27 (49860)
ଐରାବତକୁଲେ ଚୈବ ତଥାଽନ୍ଯେଷୁ କୁଲେଷୁ ଚ।
ଜାତା ଦନ୍ତିବରା ରାଜଞ୍ଶେରତେ ବହବୋ ହତାଃ॥ 7-121-28 (49861)
ବନାଯୁଜାନ୍ପାର୍ବତୀଯାନ୍କାମ୍ଭୋଜାନ୍ବାହ୍ଲିକାନପି।
ତଥା ହଯବରାନ୍ରାଜନ୍ନିଜଘ୍ନେ ତତ୍ର ସାତ୍ଯକିଃ॥ 7-121-29 (49862)
ନାନାଦେଶସମୁତ୍ଥାଂଶ୍ଚ ନାନାଜାତୀଂଶ୍ଚ ଦନ୍ତିନଃ।
ନିଜଘ୍ନେ ତତ୍ର ଶୈନେଯଃ ଶତଶୋଽଥ ସହସ୍ରଶଃ॥ 7-121-30 (49863)
ତେଷୁ ପ୍ରକାଲ୍ଯମାନେଷୁ ଦସ୍ଯୂନ୍ଦୁଃଶାସନୋଽବ୍ରବୀତ୍।
ନିବର୍ତଧ୍ବମଧର୍ମଜ୍ଞା ଯୁଧ୍ଯଧ୍ବଂ କିଂ ସୃତେନ ବଃ॥ 7-121-31 (49864)
ତାଂଶ୍ଚାତିଭଗ୍ନାସନ୍ସମ୍ପ୍ରେକ୍ଷ୍ଯ ପୁତ୍ରୋ ଦୁଃଶାସନସ୍ତବ।
ପାଷାଣଯୋଧିନଃ ଶୂରାନ୍ପାର୍ବତୀଯାନଚୋଦଯତ୍॥ 7-121-32 (49865)
ଅଶ୍ମଯୁଦ୍ଧେଷୁ କୁଶଲା ନୈତଞ୍ଜାନାପି ସାତ୍ଯକିଃ।
ଅଶ୍ମଯୁଦ୍ଧମଜାନନ୍ତଂ ହତୈନଂ ଯୁଦ୍ଧକାମୁକମ୍॥ 7-121-33 (49866)
ତଥୈବ କୁରବଃ ସର୍ବେ ନାଶ୍ମଯୁଦ୍ଧବିଶାରଦାଃ।
ଅଭିଦ୍ରବତ ମାଭୈଷ୍ଟ ନ ବଃ ପ୍ରାପ୍ସ୍ଯତି ସାତ୍ଯକିଃ॥ 7-121-34 (49867)
ତେ ପାର୍ବତୀଯା ରାଜାନଃ ସର୍ବେ ପାଷାଣଯୋଧିନଃ।
ଅଭ୍ଯଦ୍ରବନ୍ତ ଶୈନେଯଂ ରାଜାନମିବ ମନ୍ତ୍ରିଣଃ॥ 7-121-35 (49868)
ତତୋ ଗଜଶିରଃପ୍ରଖ୍ଯୈରୁପଲୈଃ ଶୈଲବାସିନଃ।
ଉଦ୍ଯତୈର୍ଯୁଯୁଧାନସ୍ଯ ପୁରତସ୍ତସ୍ଥୁରାହବେ॥ 7-121-36 (49869)
କ୍ଷେରଣୀଯୈସ୍ତଥାପ୍ଯନ୍ଯେ ସାତ୍ବତସ୍ଯ ବଧୈଷିଣଃ।
ଚୋଦିତାସ୍ତବ ପୁତ୍ରେଣ ସର୍ବତୋ ରୁରୁଧୁର୍ଦିଶଃ॥ 7-121-37 (49870)
ତେଷାମାପତତାମେବ ଶିଲାଯୁଦ୍ଧଂ ଚିକୀର୍ଷତାମ୍।
ସାତ୍ଯକିଃ ପ୍ରତିସନ୍ଧାଯ ନିଶିତାନ୍ପ୍ରାହିଣୋଚ୍ଛରାନ୍॥ 7-121-38 (49871)
ତାମଶ୍ମବୃଷ୍ଟିଂ ତୁମୁଲାଂ ପାର୍ବତୀଯୈଃ ସମୀରିତାମ୍।
ଚିଚ୍ଛେଦୋରଗସଂକାଶୈର୍ନାରାଚୈଃ ଶିନିପୁଙ୍ଗବଃ॥ 7-121-39 (49872)
ତୈରଶ୍ମଚୂର୍ଣୈର୍ଦୀପ୍ଯଦ୍ଭିଃ ଖଦ୍ଯୋତାନାମିବ ବ୍ରଜୈଃ।
ପ୍ରାଯଃ ସୈନ୍ଯାନ୍ଯହନ୍ଯନ୍ତ ହାହାଭୂତାନି ମାରିଷ॥ 7-121-40 (49873)
ତତଃ ପଞ୍ଚଶତଂ ଶୂରାଃ ସମୁଦ୍ଯତମହାଶିଲାଃ।
ନିକୃତ୍ତବାହବୋ ରାଜନ୍ନିପେତୁର୍ଧରଣୀତଲେ॥ 7-121-41 (49874)
ସାତ୍ବତସ୍ଯ ଚ ଭଲ୍ଲେନ ନିଷ୍ପିଷ୍ଟୈସ୍ତୈସ୍ତଥାଽଦ୍ରିଭିଃ।
ନ୍ଯପତନ୍ନିହତା ମ୍ଲେଚ୍ଛାସ୍ତତ୍ରତତ୍ର ଗତାସବଃ॥ 7-121-42 (49875)
ତେ ହନ୍ଯମାନାଃ ସମରେ ସାତ୍ବତେନ ମହାତ୍ମନା।
ଅଶ୍ମବୃଷ୍ଟିଂ ମହାଘୋରାଂ ପାତଯନ୍ତି ସ୍ମ ସାତ୍ବତେ॥ 7-121-43 (49876)
ପାଷାଣଯୋଧିନଃ ଶୂରାନ୍ଯତମାନାନବସ୍ଥିତାନ୍।
ନ୍ଯବଧୀଦ୍ବହୁସାହସ୍ରାଂସ୍ତଦଦ୍ଭୁତମିବାଭବତ୍॥ 7-121-44 (49877)
ତତଃ ପୁନର୍ବସ୍ତମୁଖୈରଶ୍ମବୃଷ୍ଟୀଃ ସମନ୍ତତଃ।
ଅଧୋବସ୍ତୈଃ ସ୍ଥୂଲବସ୍ତୈର୍ଦରଦୈଃ ଖସତଙ୍କଣୈଃ॥ 7-121-45 (49878)
ଲମ୍ବକୈଶ୍ଚ କୁଣିନ୍ଦୈଶ୍ଚ କ୍ଷିପ୍ତାଃ କ୍ଷିପ୍ତାଶ୍ଚ ସାତ୍ଯକିଃ।
ନାରାଚୈଃ ପ୍ରତିଚିଚ୍ଛେଦ ପ୍ରତିପତ୍ତିବିଶାରଦଃ॥ 7-121-46 (49879)
ଅଦ୍ରୀଣାଂ ଭିଦ୍ଯମାନାନାମନ୍ତରିକ୍ଷେ ଶିତୈଃ ଶରୈଃ।
ଶବ୍ଦେନ ପ୍ରାଦ୍ରବନ୍ସଙ୍ଖ୍ଯେ ରଥାଶ୍ବଗଜପତ୍ତଯଃ॥ 7-121-47 (49880)
ଅଶ୍ମଚୂର୍ଣୈରବାକୀର୍ଣା ମନୁଷ୍ଯଗଜବାଜିନଃ।
ନାଶକ୍ନୁବନ୍ନବସ୍ଥାତୁଂ ଭ୍ରମରୈରିବ ଦଂଶିତାଃ॥ 7-121-48 (49881)
ହତଶିଷ୍ଟାଃ ସରୁଧିରା ଭିନ୍ନମସ୍ତକପିଣ଼୍ଡିକାଃ।
`ବିଭିନ୍ନଶିରସୋ ରାଜନ୍ଦନ୍ତୈଶ୍ଛିନ୍ନୈଶ୍ଚ ଦନ୍ତିନଃ।
ନିର୍ଧୂତୈଶ୍ଚ କରୈର୍ନାଗା ବ୍ଯଙ୍ଗାଶ୍ଚ ଶତଶଃ କୃତାଃ॥ 7-121-49 (49882)
ହତ୍ବା ପଞ୍ଚଶତଂ ଯୋଧାଂସ୍ତତ୍କ୍ଷଣେନୈବ ମାରିଷ।
ବ୍ଯଚରତ୍ପୃତନାମଧ୍ଯେ ଶୈନେଯଃ କୃତହସ୍ତବତ୍॥ 7-121-50 (49883)
କୁଞ୍ଜରାଃ ସନ୍ନ୍ଯବର୍ତନ୍ତ ଯୁଯୁଧାନେନ ମୋହିତାଃ॥ 7-121-51 (49884)
ଅଶ୍ମନାଂ ଭିଦ୍ଯମାନାନାଂ ସାଯକୈଃ ଶ୍ରୂଯତେ ଧ୍ବନିଃ।
ପଦ୍ମପତ୍ରେଷୁଧାରାଣାଂ ପତନ୍ତୀନାମିବ ଧ୍ବନିଃ'॥ 7-121-52 (49885)
ତତଃ ଶବ୍ଦଃ ସମଭବତ୍ତବ ସୈନ୍ଯସ୍ଯ ମାରିଷ।
ମାଧବେନାର୍ଦ୍ଯମାନସ୍ଯ ସାଗରସ୍ଯେବ ପର୍ବଣି॥ 7-121-53 (49886)
ତଂ ଶବ୍ଦଂ ତୁମୁଲଂ ଶ୍ରୁତ୍ବା ଦ୍ରୋଣୋ ଯନ୍ତାରମବ୍ରବୀତ୍।
ଏଷ ସୂତ ରଣେ କ୍ରୁଦ୍ଧଃ ସାତ୍ବତାନାଂ ମହାରଥଃ॥ 7-121-54 (49887)
ଦାରଯନ୍ବହୁଧା ସୈନ୍ଯଂ ରଣେ ଚରତି କାଲବତ୍।
ଯତ୍ରୈଷ ଶବ୍ଦସ୍ତୁମୁଲସ୍ତତ୍ର ସୂତ ରଥଂ ନଯ॥ 7-121-55 (49888)
ପାଷାଣଯୋଧିଭିର୍ନୂନଂ ଯୁଯୁଧାନଃ ସମାଗତଃ।
ତଥାହି ରଥିନଃ ସର୍ବେ ହିଯନ୍ତେ ବିଦ୍ରୁତୈର୍ହଯୈଃ॥ 7-121-56 (49889)
ବିଶସ୍ତ୍ରକବଚା ରୁଗ୍ଣାସ୍ତତ୍ରତତ୍ର ପତନ୍ତି ଚ।
ନ ଶକ୍ନୁବନ୍ତି ଯନ୍ତାରଃ ସଂଯନ୍ତୁଂ ତୁମୁଲେ ହଯାନ୍॥ 7-121-57 (49890)
ସଞ୍ଜଯ ଉବାଚ। 7-121-58x (4569)
ଇତ୍ଯେତଦ୍ବଚନଂ ଶ୍ରୁତ୍ବା ଭାରଦ୍ବାଜସ୍ଯ ସାରଥିଃ।
ପ୍ରତ୍ଯୁବାଚ ତତୋ ଦ୍ରୋଣଂ ସର୍ବଶସ୍ତ୍ରଭୃତାଂ ବରମ୍॥ 7-121-58 (49891)
ସୈନ୍ଯଂ ଦ୍ରବତି ଚାଯୁଷ୍ମନ୍କୌରବେଯଂ ସମନ୍ତତଃ।
ପଶ୍ଯ ଯୋଧାନ୍ରଣେ ଭଗ୍ନାନ୍ଧାବତୋ ବୈ ତତସ୍ତତଃ॥ 7-121-59 (49892)
ଇମେ ଚ ସଂହତାଃ ଶୂରାଃ ପାଞ୍ଚାଲାଃ ପାଣ୍ଡବୈଃ ସହ।
ତ୍ବାମେବ ହି ଜିଘାଂସନ୍ତ ଆଦ୍ରବନ୍ତି ସମନ୍ତତଃ॥ 7-121-60 (49893)
ଅତ୍ର କାର୍ଯଂ ସମାଧତ୍ସ୍ବ ପ୍ରାପ୍ତକାଲମରିନ୍ଦମ।
ସ୍ବାନେ ବା ଗମନେ ବାପି ଦୂରଂ ଯାତଶ୍ଚ ସାତ୍ଯକିଃ॥ 7-121-61 (49894)
ସଞ୍ଚଯ ଉବାଚ। 7-121-62x (4570)
ତଥୈବଂ ବଦତସ୍ତସ୍ଯ ଭାରଦ୍ବାଜସ୍ଯ ସାରଥେଃ।
ପ୍ରତ୍ଯଦୃଶ୍ଯତ ଶୈନେଯୋ ନିଘ୍ନନ୍ବହୁବିଧାନ୍ରଥାନ୍॥ 7-121-62 (49895)
ତେ ବଧ୍ଯମାନାଃ ସମରେ ଯୁଯୁଧାନେନ ତାବକାଃ।
ଯୁଯୁଧାନରଥଂ ତ୍ଯକ୍ତ୍ବା ଦ୍ରୋଣାନୀକାଯ ଦୁଦ୍ରୁବୁଃ॥ 7-121-63 (49896)
ଯୈସ୍ତୁ ଦୁଃଶାସନଃ ସାର୍ଧଂ ରଥୈଃ ପୂର୍ବଂ ନ୍ଯବର୍ତତ।
ତେ ଭୀତାସ୍ତ୍ବଭ୍ଯଧାବନ୍ତ ସର୍ବେ ଦ୍ରୋଣରଥଂ ପ୍ରତି॥ ॥ 7-121-64 (49897)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଏକବିଂଶତ୍ଯଧିକଶତତମୋଽଧ୍ଯାଯଃ॥ 121 ॥
Mahabharata - Drona Parva - Chapter Footnotes
5-121-11 ଦୁର୍ଯୋଧନସ୍ଯ କୃତେନ କର୍ମଣା॥ 5-121-12 ମତିଂ କୃତ୍ବେତ୍ଯନ୍ବଯଃ॥ 5-121-25 ମୃଗମନ୍ଦ୍ରାଦଯୋ ଗଜବିଶେଷାଃ॥ 5-121-27 ବାମନସ୍ଯ ଯମୋପବାହ୍ଯସ୍ଯ। ସୁପ୍ରତୀକସ୍ଯ ଈଶୋପବାହ୍ଯସ୍ଯ। ମହାପଦ୍ମସ୍ଯ କୁମୁଦସ୍ଯ କୁଲେ॥ 5-121-28 ଅନ୍ଯେଷୁ କୁଲେଷୁ ପୁଣ୍ଡରୀକପୁଷ୍ପଦନ୍ତସାର୍ବଭୌମୀଯେଷୁ॥ 5-121-37 କ୍ଷେପଣୀଯୈଃ ଶସ୍ତ୍ରୈଃ॥ 5-121-45 ତତଃ ପୁନର୍ବ୍ଯାତ୍ତମୁଖାସ୍ତେଽଶ୍ମବୃଷ୍ଟୀଃ ସମନ୍ତତଃ। ଅଯୋହସ୍ତାଃ ଶୂଲହସ୍ତା ଦରଦାସ୍ତଙ୍କଣାଃ ଖସାଃ। ଲମ୍ପକାଶ୍ଚ କୁଲିନ୍ଦାଶ୍ଚ ଚିକ୍ଷିପୁସ୍ତାଂଶ୍ଚ ସାତ୍ଯକିଃ। ଇତି ଝ.ଞ.ଘ.ପାଠଃ॥ 5-121-47 ଅଦ୍ରୀଣାଂ ପ୍ରସ୍ତରାଣାମ୍॥ 5-121-121 ଏକବିଂଶତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 122
॥ ଶ୍ରୀଃ ॥
7.122. ଅଧ୍ଯାଯଃ 122
Mahabharata - Drona Parva - Chapter Topics
ସାତ୍ଯକିଭଯାତ୍ପଲାଯମାନସ୍ଯ ଦୁଶ୍ଶାସନସ୍ଯ ଦ୍ରୋଣେନୋପାଲମ୍ଭଃ॥ 1 ॥ ଦ୍ରୋଣଧୃଷ୍ଟଦ୍ଯୁମ୍ନଯୋର୍ଯୁଦ୍ଧମ୍॥ 2 ॥Mahabharata - Drona Parva - Chapter Text
7-122-0 (49898)
ସଞ୍ଜଯ ଉବାଚ। 7-122-0x (4571)
ଦୁଃଶାସନରଥଂ ଦୃଷ୍ଟ୍ବା ସମୀପେ ପର୍ଯବସ୍ଥିତମ୍।
ଭାରଦ୍ବାଜସ୍ତତୋ ବାକ୍ଯଂ ଦୁଃଶାସନମଥାବ୍ରବୀତ୍॥ 7-122-1 (49899)
ଦୁଃଶାସନ ରଥାଃ ସର୍ବେ କସ୍ମାଚ୍ଚୈତେ ପ୍ରବିଦ୍ରୁତାଃ।
କଚ୍ଚିତ୍କ୍ଷେମଂ ତୁ ନୃପତେଃ କଚ୍ଚିଜ୍ଜୀବତି ସୈନ୍ଧବଃ॥ 7-122-2 (49900)
ରାଜପୁତ୍ରୋ ଭବାନତ୍ର ରାଜଭ୍ରାତା ମହାରଥଃ।
କିମର୍ଥଂ ଦ୍ରବତେ ଯୁଦ୍ଧେ ଯୌବରାଜ୍ଯମବାପ୍ଯ ଚ॥ 7-122-3 (49901)
ଦାସୀ ଜିତାଽସି ଦ୍ଯୂତେ ତ୍ବଂ ଯଥା କାମଚରୀ ଭବ।
ବାସସାଂ ବାହିକା ରାଜ୍ଞୋ ଭ୍ରାତୁର୍ଜ୍ଯେଷ୍ଠସ୍ଯ ମେ ଭବ॥ 7-122-4 (49902)
ନ ସନ୍ତି ପତଯଃ ସର୍ବେ ତେଽଦ୍ଯ ଷଣ୍ଢତିଲୈଃ ସମାଃ।
ଦୁଃଶାସନୈବଂ କସ୍ମାତ୍ତ୍ବଂ ପୂର୍ବମୁକ୍ତ୍ବା ପଲାଯସେ॥ 7-122-5 (49903)
ସ୍ବଯଂ ବୈରଂ ମହତ୍କୃତ୍ବା ପାଞ୍ଚାଲୈଃ ପାଣ୍ଡବୈଃ ସହ।
ଏକଂ ସାତ୍ଯକିମାସାଦ୍ଯ କଥଂ ଭୀତୋଽସି ସଂଯୁଗେ॥ 7-122-6 (49904)
ନ ଜାନୀଷେ ପୁରା ତ୍ବଂ ତୁ ଗୃହ୍ଣନ୍ନକ୍ଷାନ୍ଦୁରୋଦରେ।
ଶରା ହ୍ଯେତେ ଭବିଷ୍ଯନ୍ତି ଦାରୁଣାଶୀବିଷୋପମାଃ॥ 7-122-7 (49905)
ଅପ୍ରିଯାଣାଂ ହି ବଚନଂ ପାଣ୍ଡବସ୍ଯ ବିଶେଷତଃ।
ଦ୍ରୌପଦ୍ଯାଶ୍ଚ ପରିକ୍ଲେଶସ୍ତ୍ବନ୍ମୂଲୋ ହ୍ଯଭବତ୍ପୁରା॥ 7-122-8 (49906)
କ୍ବ ତେ ମାନଶ୍ଚ ଦର୍ପଶ୍ଚ କ୍ବ ତେ ବୀର୍ଯଂ କ୍ବ ଗର୍ଜିତମ୍।
ଆଶୀବିଷସମାନ୍ପାର୍ଥାନ୍କୋପଯିତ୍ବା କ୍ବ ଯାସ୍ଯସି॥ 7-122-9 (49907)
ଶୋଚ୍ଯେଯଂ ଭାରତୀ ସେନା ରାଜ୍ଯଂ ଚୈବ ସୁଯୋଧନଃ।
ଯସ୍ଯ ତ୍ବଂ କର୍କଶୋ ଭ୍ରାତା ପଲାଯନପରାଯଣଃ॥ 7-122-10 (49908)
ନନୁ ନାମ ତ୍ବଯା ବୀର ଦାର୍ଯମାଣା ଭଯାର୍ଦିତା।
ସ୍ବବାହୁବଲମାସ୍ଥାଯ ରକ୍ଷିତବ୍ଯା ହ୍ଯନୀକିନୀ॥ 7-122-11 (49909)
ସ ତ୍ବମଦ୍ଯ ରଣଂ ହିତ୍ବା ଭୀତୋ ହର୍ଷଯସେ ପରାନ୍।
ବିଦ୍ରୁତେ ତ୍ବଯି ସୈନ୍ଯସ୍ଯ ନାଯକେ ଶତ୍ରୁମୂଦନ।
କୋଽନ୍ଯଃ ସ୍ଥାସ୍ଯତି ସଙ୍ଗ୍ରାମେ ଭୀତୋ ଭୀତେ ବ୍ଯପାଶ୍ରଯେ॥ 7-122-12 (49910)
ଏକେନ ସାତ୍ବତେନାଦ୍ଯ ଯୁଧ୍ଯମାନସ୍ଯ ତେନ ବୈ।
ପଲାଯନେ ତବ ମତିଃ ସଙ୍ଗ୍ରାମାଦ୍ଧି ପ୍ରବର୍ତତେ॥ 7-122-13 (49911)
ଯଦା ଗାଣ୍ଡୀବଧନ୍ବାନଂ ଭୀମସେନଂ ଚ କୌରବ।
ଯମୌ ଚ ଦ୍ରକ୍ଷ୍ଯସି ରଣେ ତଦା ବୈ କିଂ କରିଷ୍ଯସି॥ 7-122-14 (49912)
ଯୁଧି ଫଲ୍ଗୁନବାଣାନାଂ ମୂର୍ଯାଗ୍ନିସମବର୍ଚସାମ୍।
ନ ତୁଲ୍ଯାଃ ସାତ୍ଯକିଶରା ଯେଭ୍ଯୋ ଭୀତଃ ପଲାଯସେ॥ 7-122-15 (49913)
ତ୍ବରିତୋ ବୀର ଗଚ୍ଛ ତ୍ବଂ ଗାନ୍ଧାର୍ଯୁଦରମାବିଶ।
ପୃଥିବ୍ଯାଂ ଧାବମାନସ୍ଯ ନାନ୍ଯତ୍ପଶ୍ଯାମି ଜୀବନମ୍॥ 7-122-16 (49914)
ଯଦି ତାବତ୍କୃତା ବୁଦ୍ଧିଃ ପଲାଯନପରାଯଣା।
ପୃଥିବୀ ଧର୍ମରାଜାଯ ଶମେନୈବ ପ୍ରଦୀଯତାମ୍॥ 7-122-17 (49915)
ଯାବତ୍ଫଲ୍ଗୁନନାରାଚା ନିର୍ମୁକ୍ତୋରଗସନ୍ନିଭାଃ।
ନାବିଶନ୍ତି ଶରୀରଂ ତେ ତାବତ୍ସଂଶାମ୍ଯ ପାଣ୍ଡବୈଃ॥ 7-122-18 (49916)
ଯାବତ୍ତେ ପୃଥିବୀଂ ପାର୍ଥା ହତ୍ବା ଭ୍ରାତୃଶତଂ ରଣେ।
ନାକ୍ଷିପନ୍ତି ମହାତ୍ମାନସ୍ତାବତ୍ସଂଶାମ୍ଯ ପାଣ୍ଡବୈଃ॥ 7-122-19 (49917)
ଯାବନ୍ନ କ୍ରୁଧ୍ଯତେ ରାଜା ଧର୍ମପୁତ୍ରୋ ଯୁଧିଷ୍ଠିରଃ।
କୃଷ୍ଣଶ୍ଚ ସମରଶ୍ଲାଘୀ ତାବତ୍ସଂଶାମ୍ଯ ପାଣ୍ଡବୈଃ॥ 7-122-20 (49918)
ଯାବଦ୍ଭୀମୋ ମହାବାହୁର୍ବିଗାହ୍ଯ ମହତୀଂ ଚମୂମ୍।
ସୋଦରାଂସ୍ତେ ନ ମୃଦ୍ରାତି ତାବତ୍ସଂଶାମ୍ଯ ପାଣ୍ଡବୈଃ॥ 7-122-21 (49919)
ପୂର୍ବମୁକ୍ତଶ୍ଚ ତେ ଭ୍ରାତା ଭୀଷ୍ମେଣାସୌ ସୁଯୋଧନଃ।
ଅଜେଯାଃ ପାଣ୍ଡବାଃ ସଙ୍ଖ୍ଯେ ସୌମ୍ଯ ସଂଶାମ୍ଯ ତୈଃ ସହ॥ 7-122-22 (49920)
`ମଯା ଶମବତା ଚୋକ୍ତୋ ରକ୍ଷ ଶେଷଂ ସୁଯୋଧନ।
ସଂଶାମ୍ଯ ପାର୍ଥୈସ୍ତ୍ବଂ ରକ୍ଷ ବୀର ସର୍ବାନ୍ମହୀକ୍ଷିତଃ'॥ 7-122-23 (49921)
ନ ଚ ତତ୍କୃତବାନ୍ମନ୍ଦସ୍ତବ ଭ୍ରାତାଂ ସୁଯୋଧନଃ।
ସ ଯୁଦ୍ଧେ ଧୃତିମାସ୍ଥାଯ ଯତ୍ତୋ ଯୁଧ୍ଯସ୍ବ ପାଣ୍ଡବୈଃ॥ 7-122-24 (49922)
ତବାପି ଶୋଣିତଂ ଭୀମଃ ପାସ୍ଯତୀତି ମଯା ଶ୍ରୁତମ୍।
ତଚ୍ଚାପ୍ଯବିତଥଂ ତସ୍ଯ ତତ୍ତଥୈବ ଭବିଷ୍ଯତି॥ 7-122-25 (49923)
କିଂ ଭୀମସ୍ଯ ନ ଜାନାସି ବିକ୍ରମଂ ତ୍ବଂ ସୁବାଲିଶ।
ଯତ୍ତ୍ବଯା ବୈରମାରବ୍ଧଂ ସଂଯୁଗେ ପ୍ରପଲାଯିନା॥ 7-122-26 (49924)
ଗଚ୍ଛ ତୂର୍ଣଂ ରଥେନୈବ ଯତ୍ର ତିଷ୍ଠତି ସାତ୍ଯକିଃ।
ତ୍ବଯା ହୀନଂ ବଲଂ ହ୍ଯେତଦ୍ବିଦ୍ରବିଷ୍ଯତି ଭାରତ॥
ଆତ୍ମାର୍ଥଂ ଯୋଧଯ ରଣେ ସାତ୍ଯକିଂ ସତ୍ଯବିକ୍ରମମ୍॥ 7-122-27 (49925)
ସଞ୍ଜଯ ଉବାଚ। 7-122-28x (4572)
ଏବମୁକ୍ତସ୍ତବ ସୁତୋ ନାବ୍ରବୀତ୍କିଞ୍ଚିଦପ୍ଯସୌ।
ଶ୍ରୁତଂ ଚାଶ୍ରୁତବତ୍କୃତ୍ବା ପ୍ରାଯାଦ୍ଯେନ ସ ସାତ୍ଯକିଃ॥ 7-122-28 (49926)
ସୈନ୍ଯେନ ମହତା ଯୁକ୍ତୋ ମ୍ଲେଚ୍ଛାନାମନିବର୍ତିନାମ୍।
ଆସାଦ୍ଯ ଚ ରଣେ ଯତ୍ତୋ ଯୁଯୁଧାନମଯୋଧଯତ୍॥ 7-122-29 (49927)
ଦ୍ରୋଣୋଽପି ରଥିନାଂ ଶ୍ରେଷ୍ଠଃ ପାଞ୍ଚାଲାନ୍ପାଣ୍ଡବାଂସ୍ତଥା।
ଅଭ୍ଯଦ୍ରବତ ସଙ୍କ୍ରୁଦ୍ଧୌ ଜବମାସ୍ଥାଯ ମଧ୍ଯମମ୍॥ 7-122-30 (49928)
ପ୍ରବିଶ୍ଯ ଚ ରଣେ ଦ୍ରୋଣଃ ପାଣ୍ଡବାନାଂ ବରୂଥିନୀମ୍।
ଦ୍ରାବଯାମାସ ଯୋଧାନ୍ବୈ ଶତଶୋଽଥ ସହସ୍ରଶଃ॥ 7-122-31 (49929)
ତତୋ ଦ୍ରୋଣୋ ମହାରାଜ ନାମ ବିଶ୍ରାବ୍ଯ ସଂଯୁଗେ।
ପାଣ୍ଡୁପାଞ୍ଚାଲମତ୍ସ୍ଯାନାଂ ପ୍ରଚକ୍ରେ କଦନଂ ମହତ୍॥ 7-122-32 (49930)
ତଂ ଜଯନ୍ତମନୀକାନି ଭାରଦ୍ବାଜଂ ତତସ୍ତତଃ।
ପାଞ୍ଚାଲପୁତ୍ରୋ ଦ୍ଯୁତିମାନ୍ବୀରକେତୁଃ ସମଭ୍ଯଯାତ୍॥ 7-122-33 (49931)
ସ ଦ୍ରୋଣଂ ପଞ୍ଚଭିର୍ବିଦ୍ବ୍ବା ଶରୈଃ ସନ୍ନତପର୍ବଭିଃ।
ଧ୍ବଜମେକେନ ବିବ୍ଯାଧ ସାରଥିଂ ଚାସ୍ଯ ସପ୍ତଭିଃ॥ 7-122-34 (49932)
ତତ୍ରାଦ୍ଭୁତଂ ମହାରାଜ ଦୃଷ୍ଟ୍ବାନସ୍ମି ସଂଯୁଗେ।
ଯଦ୍ଦ୍ରୋଣୋ ରଭସଂ ଯୁଦ୍ଧେ ପାଞ୍ଚାଲ୍ଯଂ ନାତ୍ଯବର୍ତତ॥ 7-122-35 (49933)
ସନ୍ନିରୁଦ୍ଧଂ ରମେ ଦ୍ରୋଣଂ ପାଞ୍ଚଲା ବୀକ୍ଷ୍ଯ ମାରିଷ।
ଆବବ୍ରୁଃ ସର୍ବତୋ ରାଜନ୍ଧର୍ମପୁତ୍ରଜଯୈଷିଣଃ॥ 7-122-36 (49934)
ତେ ଶରୈରଗ୍ନିସଂକାଶୈସ୍ତୋମରୈଶ୍ଚ ମହାଧନୈଃ।
ଶସ୍ତ୍ରୈଶ୍ଚ ବିବିଧୈ ରାଜନ୍ଦ୍ରୋଣମେକମବାକିରନ୍॥ 7-122-37 (49935)
ନିବାର୍ଯ ତାନ୍ବାଣଗଣାନ୍ଦ୍ରୋଣୋ ରାଜନ୍ସମନ୍ତତଃ।
ମହାଜଲଧରାନ୍ବ୍ଯୋମ୍ନି ମାତରିଶ୍ବେବ ଚାବଭୌ॥ 7-122-38 (49936)
ତତଃ ଶରଂ ମହାଘୋରଂ ମୂର୍ଯପାବକସନ୍ନିଭମ୍।
ସନ୍ଦଧେ ପରବୀରଘ୍ନୋ ବୀରକେତୋ ରଥଂ ପ୍ରତି॥ 7-122-39 (49937)
ସ ଭିତ୍ତ୍ବା ତୁ ଶରୋ ରାଜନ୍ପାଞ୍ଚାଲକୁଲନନ୍ଦନମ୍।
ଅଭ୍ଯଗାଦ୍ଧରଣୀଂ ତୂର୍ଣଂ ଲୋହିତାର୍ଦ୍ରୋ ଜ୍ବଲନ୍ନିବ॥ 7-122-40 (49938)
ତତୋଽପତଦ୍ରଥାତ୍ତୂର୍ଣଂ ପାଞ୍ଚାଲକୁଲନନ୍ଦନଃ।
ପର୍ବତାଗ୍ରାଦିବ ମହାଂଶ୍ଚମ୍ପକୋ ବାଯୁପୀଡିତଃ॥ 7-122-41 (49939)
ତସ୍ମିନ୍ହତେ ମହେଷ୍ବାସେ ରାଜପୁତ୍ରେ ମହାବଲେ।
ପାଞ୍ଚାଲାସ୍ତ୍ବରିତା ଦ୍ରୋଣଂ ସମନ୍ତାତ୍ପର୍ଯବାରଯନ୍॥ 7-122-42 (49940)
ଚିତ୍ରକେତୁଃ ସୁଧନ୍ବା ଚ ଚିତ୍ରବର୍ମା ଚ ଭାରତ।
ତଥା ଚିତ୍ରରଥଶ୍ଚୈବ ଭ୍ରାତୃବ୍ଯସନକର୍ଶିତାଃ॥ 7-122-43 (49941)
ଅଭ୍ଯଦ୍ରବନ୍ତ ସହିତା ଭାରଦ୍ବାଜଂ ଯୁଯୁତ୍ସବଃ।
ମୁଞ୍ଚନ୍ତଃ ଶରବର୍ଷାଣି ତପାନ୍ତେ ଜଲଦା ଇବ॥
`ଅଦୃଶ୍ଯଂ ସମରେ ଚକ୍ରୁର୍ଭାରଦ୍ବାଜଂ ସୁଧନ୍ବିନଃ'॥ 7-122-44 (49942)
ସ ବଧ୍ଯମାନୋ ବହୁଧା ରାଜପୁତ୍ରୈର୍ମହାରଥୈଃ।
କ୍ରୋଧମାହାରଯତ୍ତେଷାମଭାବାଯ ଦ୍ବିଜର୍ଷଭଃ॥ 7-122-45 (49943)
ତତଃ ଶରମଯଂ ଜାଲଂ ଦ୍ରୋଣସ୍ତେଷାମବାସୃଜତ୍।
ତେ ହନ୍ଯମାନା ଦ୍ରୋଣସ୍ଯ ଶରୈରାକର୍ଣଚୋଦିତୈଃ।
କର୍ତବ୍ଯଂ ନାଭ୍ଯଜାନନ୍ବୈ କୁମାରା ରାଜସତ୍ତମ॥ 7-122-46 (49944)
ତାନ୍ବିମୂଢାନ୍ରଣେ ଦ୍ରୋଣଃ ପ୍ରହସନ୍ନିବ ଭାରତ।
ବ୍ଯଶ୍ବସୂତରଥାଂଶ୍ଚକ୍ରେ କୁମାରାନ୍କୁପିତୋ ରଣେ॥ 7-122-47 (49945)
ଅଥାପରୈଃ ସୁନିଶିତୈର୍ଭଲ୍ଲୈସ୍ତେଷାଂ ମହାଯଶାଃ।
ପୁଷ୍ପାଣୀବ ବିବାନ୍ବାଯୁଃ ସୋତ୍ତମାଙ୍ଗାନ୍ଯପାତଯତ୍॥ 7-122-48 (49946)
ତେ ରଥେଭ୍ଯୋ ହତାଃ ପେତୁଃ କ୍ଷିତୌ ରାଜନ୍ସୁବର୍ଚସଃ।
ଦେବାସୁରେ ପୁରା ଯୁଦ୍ଧେ ଯଥା ଦୈତେଯଦାନବାଃ॥ 7-122-49 (49947)
ତାନ୍ନିହତ୍ଯ ରଣେ ରାଜନ୍ଭାରଦ୍ବାଜଃ ପ୍ରତାପବାନ୍।
କାର୍ମୁକଂ ଭ୍ରାମଯାମାସ ହେମପୃଷ୍ଠଂ ଦୁରାସଦମ୍॥ 7-122-50 (49948)
`ତଦସ୍ଯ ଭ୍ରାଜତେ ରାଜନ୍ମେଘମଧ୍ଯେ ତଡିଦ୍ଯଥା'॥ 7-122-51 (49949)
ପାଞ୍ଚାଲାନ୍ନିହତାନ୍ଦୃଷ୍ଟ୍ବା ଦେବକଲ୍ପାନ୍ମହାରଥାନ୍।
ଧୃଷ୍ଟଦ୍ଯୁମ୍ନୋ ଭୃଶୋଦ୍ବିଗ୍ନୋ ନେତ୍ରାଭ୍ଯାଂ ପାତଯଞ୍ଜଲମ୍।
ଅଭ୍ଯବର୍ତତ ସଙ୍ଗାରମେ କ୍ରୁଦ୍ଧୋ ଦ୍ରୋଣରଥଂ ପ୍ରତି॥ 7-122-52 (49950)
ତତୋ ହାହେତି ସହସା ନାଦଃ ସମଭବନ୍ନୃପ।
ପାଞ୍ଚାଲ୍ଯେନ ରଣେ ଦୃଷ୍ଟ୍ବା ଦ୍ରୋଣମାବାରିତଂ ଶରୈଃ॥ 7-122-53 (49951)
ସେ ଚ୍ଛାଦ୍ଯମାନୋ ବହୁଧା ପାର୍ଷତେନ ମହାତ୍ମନା।
ନ ବିବ୍ଯଥେ ତତୋ ଦ୍ରୋଣଃ ସ୍ମଯନ୍ନେବାନ୍ବଯୁଧ୍ଯତ॥ 7-122-54 (49952)
ତତୋ ଦ୍ରୋଣଂ ମହାରାଜ ପାଞ୍ଚାଲ୍ଯଃ କ୍ରୋଧମୂର୍ଚ୍ଛିତଃ।
ଆଜଘାନୋରସି କ୍ରୁଦ୍ଧୋ ନବତ୍ଯା ନତପର୍ବଣାମ୍॥ 7-122-55 (49953)
ସ ଗାଢବିଦ୍ଧୋ ବଲିନା ଭାରଦ୍ବାଜୋ ମହାଯଶାଃ।
ନିଷସାଦ ରଥୋପସ୍ଥେ କଶ୍ମଲଂ ଚ ଜଗାମ ହ॥ 7-122-56 (49954)
ତଂ ବୈ ତଥାଗତଂ ଦୃଷ୍ଟ୍ବା ଧୃଷ୍ଟଦ୍ଯୁମ୍ନଃ ପରାକ୍ରମୀ।
ଚାପମୁତ୍ସୃଜ୍ଯ ଶୀଘ୍ରଂ ତୁ ଅସିଂ ଜଗ୍ରାହ ବୀର୍ଯବାନ୍॥ 7-122-57 (49955)
ଅବପ୍ଲୁତ୍ଯ ରଥାଚ୍ଚାପି ତ୍ବରିତଃ ସ ମହାରଥଃ।
ଆରୁରୋହ ରଥଂ ତୂର୍ଣଂ ଭାରଦ୍ବାଜସ୍ଯ ମାରିଷ।
ହର୍ତୁମିଚ୍ଛଞ୍ଶିରଃ କାଯାତ୍କ୍ରୋଧସଂରକ୍ରଲୋଚନଃ॥ 7-122-58 (49956)
ପ୍ରତ୍ଯାଶ୍ବସ୍ତସ୍ତତୋ ଦ୍ରୋଣୋ ଧନୁର୍ଗୃହ୍ଯ ମହାରବମ୍।
ଆସନ୍ନମାଗତଂ ଦୃଷ୍ଟ୍ବା ଧୃଷ୍ଟଦ୍ଯୁମ୍ନଂ ଜିଘାଂସଯା॥ 7-122-59 (49957)
ଶରୈର୍ବୈତସ୍ତିକୈ ରାଜନ୍ବିବ୍ଯାଧାସନ୍ନବେଧିଭିଃ।
ଯୋଧଯାମାସ ସମରେ ଧୃଷ୍ଟଦ୍ଯୁମ୍ନଂ ମହାରଥମ୍॥ 7-122-60 (49958)
ତେ ହି ବୈତସ୍ତିକା ନାମ ଶରା ଆମନ୍ନଯୋଧିନଃ।
ଦ୍ରୋଣସ୍ଯ ବିହିତା ରାଜନ୍ଯୈର୍ଧୃଷ୍ଟଦ୍ଯୁମ୍ନମାକ୍ଷିଣୋତ୍॥ 7-122-61 (49959)
ସ ବଧ୍ଯମାନୋ ବହୁଭିଃ ସାଯକୈସ୍ତୈର୍ମହାବଲଃ।
ଅବପ୍ଲୁତ୍ଯ ରଥାତ୍ତୂର୍ଣଂ ଭଗ୍ନବେଗଃ ପରାକ୍ରମୀ॥ 7-122-62 (49960)
ଆରୁହ୍ଯ ସ୍ବରଥଂ ବୀରଃ ପ୍ରଗୃହ୍ଯ ଚ ମହଦ୍ଧନୁଃ।
ବିବ୍ଯାଧ ସମରେ ଦ୍ରୋଣଂ ଧୃଷ୍ଟଦ୍ଯୁମ୍ନୋ ମହାରଥଃ॥ 7-122-63 (49961)
ଦ୍ରୋଣଶ୍ଚାପି ମହାରାଜ ଶରୈର୍ବିବ୍ଯାଧ ପାର୍ଷତମ୍॥ 7-122-64 (49962)
ତଦଦ୍ଭୁତମଭୂଦ୍ଯୁଦ୍ଧଂ ଦ୍ରୋଣପାଞ୍ଚାଲଯୋସ୍ତଦା।
ତ୍ରୈଲୋକ୍ଯକାଙ୍କ୍ଷିଣୋରାସୀଚ୍ଛକ୍ରପ୍ରହ୍ଲାଦଯୋରିବ॥ 7-122-65 (49963)
ମଣ୍ଡଲାନି ବିଚିତ୍ରାଣି ଯମକାନୀତରାଣି ଚ।
ଚରନ୍ତୌ ଯୁଦ୍ଧମାର୍ଗଜ୍ଞୌ ତତକ୍ଷତୁରଥେଷୁଭିଃ॥ 7-122-66 (49964)
ମୋହଯନ୍ତୌ ମନାଂସ୍ଯାଜୌ ଯୋଧାନାଂ ଦ୍ରୋଣପାର୍ଷତୌ।
ସୃଜନ୍ତୌ ଶରବର୍ଷାଣି ବର୍ଷାସ୍ବିବ ବଲାହକୌ।
ଛାଦଯନ୍ତୌ ମହାତ୍ମାନୌ ଶରୈର୍ବ୍ଯୋମ ଦିଶୋ ମହୀମ୍॥ 7-122-67 (49965)
ତଦଦ୍ଭୁତଂ ତଯୋର୍ଯୁଦ୍ଧଂ ଭୂତସଙ୍ଘା ହ୍ଯପୂଜଯନ୍।
କ୍ଷତ୍ରିଯାଶ୍ଚ ମହାରାଜ ଯେ ଚାନ୍ଯେ ତବ ସୈନିକାଃ॥ 7-122-68 (49966)
ଅବଶ୍ଯଂ ସମରେ ଦ୍ରୋଣୋ ଦୃଷ୍ଟଦ୍ଯୁମ୍ନେନ ସଙ୍ଗତଃ।
ବଶମେଷ୍ଯତି ନୋ ରାଜନ୍ପାଞ୍ଚାଲା ଇତି ଚୁକ୍ରୁଶୁଃ॥ 7-122-69 (49967)
ଦ୍ରୋଣସ୍ତୁ ତ୍ବରିତୋ ଯୁଦ୍ଧେ ଧୃଷ୍ଟଦ୍ଯୁମ୍ନସ୍ଯ ସାରଥେଃ।
ଶିରଃ ପ୍ରଚ୍ଯାବଯାମାସ ଫଲଂ ପକ୍ବଂ ତରୋରିବ॥ 7-122-70 (49968)
ତତସ୍ତୁ ପ୍ରଦ୍ରୁତା ବାହା ରାଜଂସ୍ତସ୍ଯ ମହାତ୍ମନଃ॥ 7-122-71 (49969)
ତେଷୁ ପ୍ରଦ୍ରବମାଣେଷୁ ପାଞ୍ଚାଲାନ୍ସୃଞ୍ଜଯାଂସ୍ତଥା।
ଅଯୋଧଯଦ୍ରଣେ ଦ୍ରୋଣସ୍ତତ୍ରତତ୍ର ପରାକ୍ରମୀ॥ 7-122-72 (49970)
ବିଜିତ୍ଯ ପାଣ୍ଡୁପାଞ୍ଚାଲାନ୍ଭାରଦ୍ବାଜଃ ପ୍ରତାପବାନ୍।
ସ୍ବଂ ବ୍ଯୂହଂ ପୁନରାସ୍ଥାଯ ସ୍ଥିତୋଽଭବଦରିନ୍ଦମଃ।
ନ ଚୈନଂ ପାଣ଼୍ଡବା ଯୁଦ୍ଧେ ଜେତୁମୁତ୍ସେହିରେ ପ୍ରଭୋ॥ ॥ 7-122-73 (49971)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଦ୍ବାବିଂଶତ୍ଯଧିକଶତତମୋଽଧ୍ଯାଯଃ॥ 122 ॥
Mahabharata - Drona Parva - Chapter Footnotes
5-122-48 ବିଶେଷେଣ ବାତୀତି ବିବାନ୍। ପୁଷ୍ପାଣୀବ ବନାଦ୍ବାଯୁଃ ଇତି ଟ.ପାଠଃ। ପୁଷ୍ପାଣୀବ ବିଚନ୍ବନ୍ହି ଇତି ଝ.ଞ. ପାଠଃ॥ 5-122-61 ଦ୍ରୋଣସ୍ଯ ବିବିଧା ରାଜନ୍ ଇତି ଟ. ପାଠଃ। ଦ୍ରୋଣସ୍ଯ ବିଦିତା ଇତି କ. ପାଠଃ॥ 5-122-122 ଦ୍ବାବିଂଶତ୍ଯଧିକଶତତମୋଽଧ୍ଯାଯଃ॥ 122 ॥ଦ୍ରୋଣପର୍ବ - ଅଧ୍ଯାଯ 123
॥ ଶ୍ରୀଃ ॥
7.123. ଅଧ୍ଯାଯଃ 123
Mahabharata - Drona Parva - Chapter Topics
ସାତ୍ଯକିନା ଦୁଃଶାସନପରାଜଯଃ॥ 1 ॥Mahabharata - Drona Parva - Chapter Text
7-123-0 (49972)
ସଞ୍ଜଯ ଉବାଚ। 7-123-0x (4573)
ତତୋ ଦୁଃଶାସନୋ ରାଜଞ୍ଶୈନେଯଂ ସମୁପାଦ୍ରବତ୍।
କିରଞ୍ଶରସହସ୍ରାଣି ପର୍ଜନ୍ଯ ଇବ ବୃଷ୍ଟିମାନ୍॥ 7-123-1 (49973)
ସ ବିଦ୍ବ୍ବା ସାତ୍ଯକିଂ ଷଷ୍ଟ୍ଯା ତଥା ଷୋଡଶଭିଃ ଶରୈଃ।
ନାକମ୍ପଯତ୍ସ୍ଥିତଂ ଯୁଦ୍ଧେ ମୈନାକମିବ ପର୍ବତମ୍॥ 7-123-2 (49974)
ତଂ ତୁ ଦୁଃଶାସନଃ ଶୂରଃ ସାଯକୈରାବୃଣୋଦ୍ଭୃଶମ୍।
ରଥବ୍ରାତେନ ମହତା ନାନାଦେଶୋଦ୍ଭବେନ ଚ॥ 7-123-3 (49975)
ସର୍ବତୋ ଭରତଶ୍ରେଷ୍ଠ ବିସୃଜନ୍ସାଯକାନ୍ବହୂନ୍।
ପର୍ଜନ୍ଯ ଇବ ଘୋଷେଣ ନାଦଯନ୍ବୈ ଦିଶୋ ଦଶ॥ 7-123-4 (49976)
ତମାପତନ୍ତମାଲୋକ୍ଯ ସାତ୍ଯକିଃ କୌରବଂ ରଣେ।
ଅଭିଦ୍ରୁତ୍ଯ ମହାବାହୁଶ୍ଛାଦଯାମାସ ସାଯକୈଃ॥ 7-123-5 (49977)
ତେ ଛାଦ୍ଯମାନା ବାଣୌଘୈର୍ଦୁଃଶାସନପୁରୋଗମାଃ।
ପ୍ରାଦ୍ରବନ୍ସମରେ ଭୀତାସ୍ତବ ସୈନ୍ଯସ୍ଯ ପଶ୍ଯତଃ॥ 7-123-6 (49978)
ତେଷୁ ଦ୍ରବତ୍ସୁ ରାଜେନ୍ଦ୍ର ପୁତ୍ରୋ ଦୁଃଶାନସ୍ତବ।
ତସ୍ଥୌ ବ୍ଯପେତଭୀ ରାଜନ୍ସାତ୍ଯକିଂ ଚାର୍ଦଯଚ୍ଛରୈଃ॥ 7-123-7 (49979)
ଚତୁର୍ଭିର୍ବାଜିନସ୍ତସ୍ଯ ସାରଥିଂ ଚ ତ୍ରିଭିଃ ଶରୈଃ।
ସାତ୍ଯକିଂ ଚ ଶତେନାଜୌ ବିଦ୍ଧ୍ବା ନାଦଂ ମୁମୋଚ ସଃ॥ 7-123-8 (49980)
ତତଃ କ୍ରୁଦ୍ଧୋ ମହାରାଜ ମାଧବସ୍ତସ୍ଯ ସଂଯୁଗେ।
ରଥଂ ସୂତଂ ଧ୍ବଜଂ ତଂ ଚ ଚକ୍ରେଽଦୃଶ୍ଯମଜିହ୍ମଗୈଃ॥ 7-123-9 (49981)
ସ ତୁ ଦୁଃଶାସନଂ ଶୂରଂ ସାଯକୈରାବୃଣୋଦ୍ଭୃଶମ୍।
ମଶକଂ ସମନୁପ୍ରାପ୍ତମୂର୍ଣନାଭିରିବୋର୍ଣଯା॥ 7-123-10 (49982)
ତ୍ବରନ୍ସମାବୃଣୋଦ୍ବାଣୈର୍ଦୁଃଶାସନମମିତ୍ରଜିତ୍॥
ଦୃଷ୍ଟ୍ବା ଦୁଃଶାସନଂ ରାଜା ତଥା ଶରଶତାଚିତମ୍। 7-123-11 (49983)
ତ୍ରିଗର୍ତାଂଶ୍ଚୋଦଯାମାସ ଯୁଯୁଧାନରଥଂ ପ୍ରତି॥ 7-123-12 (49984)
ତେଽଗଚ୍ଛନ୍ଯୁଯୁଧାନସ୍ଯ ସମୀପଂ କ୍ରୁରକର୍ମଣଃ।
ତ୍ରିଗର୍ତାନାଂ ତ୍ରିସାହସ୍ରା ରଥା ଯୁଦ୍ଧବିଶାରଦାଃ॥ 7-123-13 (49985)
ତେ ତୁ ତଂ ରଥବଂଶେନ ମହତା ପର୍ଯବାରଯନ୍।
ସ୍ଥିରାଂ କୃତ୍ବା ମତିଂ ଯୁଦ୍ଧେ ଭୂତ୍ବା ସଂଶପ୍ତକା ମିଥଃ॥ 7-123-14 (49986)
ତେଷାଂ ପ୍ରଯତମାନାନାଂ ଶରବର୍ଷାଣି ମୁଞ୍ଚତାମ୍।
ଯୋଧାନ୍ପଞ୍ଚଶତାନ୍ମୁଖ୍ଯାନଗ୍ର୍ଯାନୀକେ ବ୍ଯପୋଥଯତ୍॥ 7-123-15 (49987)
ତେଽପତନ୍ନିହତାସ୍ତୂର୍ଣଂ ଶିନିପ୍ରବରସାଯକୈଃ।
ମହାମାରୁତବେଗେନ ଭଗ୍ନା ଇବ ନଗାଦ୍ଦ୍ରୁମାଃ॥ 7-123-16 (49988)
ନାଗୈଶ୍ଚ ବହୁଧା ଚ୍ଛିନ୍ନୈର୍ଧ୍ବଜୈଶ୍ଚୈବ ବିଶାମ୍ପତେ।
ହଯୈଶ୍ଚ କନକାପୀଡୈଃ ପତିତୈସ୍ତତ୍ର ମେଦିନୀ॥ 7-123-17 (49989)
ଶୈନେଯଶରସଙ୍କୃତ୍ତୈଃ ଶୋଣିତୌଘପରିପ୍ଲୁତୈଃ।
ଅଶୋଭତ ମହାରାଜ କିଂଶୁକୈରିବ ପୁଷ୍ପିତୈଃ॥ 7-123-18 (49990)
ତେ ବଧ୍ଯମାନାଃ ସମରେ ଯୁଯୁଧାନେନ ତାବକାଃ।
ତ୍ରାତାରଂ ନାଧ୍ଯଗଚ୍ଛନ୍ତ ପଙ୍କମଗ୍ନା ଇବ ଦ୍ବିପାଃ॥ 7-123-19 (49991)
ତତସ୍ତେ ପର୍ଯବର୍ତନ୍ତ ସର୍ବେ ଦ୍ରୋଣରଥଂ ପ୍ରତି।
ଭଯାତ୍ପତଗରାଜସ୍ଯ ଗର୍ତାନୀବ ମହୋରଗାଃ॥ 7-123-20 (49992)
ହତ୍ବା ପଞ୍ଚଶତାନ୍ଯୋଧାଞ୍ଛରୈରାଶୀବିଷୋପମୈଃ।
ପ୍ରାଯାତ୍ସ ଶନକୈର୍ବୀରୋ ଧନଞ୍ଜଯରଥଂ ପ୍ରତି॥ 7-123-21 (49993)
ତଂ ପ୍ରଯାନ୍ତଂ ନରଶ୍ରେଷ୍ଠଂ ପୁତ୍ରୋ ଦୁଃଶାସନସ୍ତବ।
ବିବ୍ଯାଧ ନବଭିସ୍ତୂର୍ଣଂ ଶରୈଃ ସନ୍ନତପର୍ବଭିଃ॥ 7-123-22 (49994)
ସ ତୁ ତଂ ପ୍ରତିବିବ୍ଯାଧ ପଞ୍ଚଭିର୍ନିଶିତୈଃ ଶରୈଃ।
ରୁକ୍ମପୁଙ୍ଖୈର୍ମହେଷ୍ବାସୋ ଗାର୍ଧ୍ରପତ୍ରୈରଜିହ୍ମଗୈଃ॥ 7-123-23 (49995)
ସାତ୍ଯକିଂ ତୁ ମହାରାଜ ପ୍ରହସନ୍ନିବ ଭାରତ।
ଦୁଃଶାସନସ୍ତ୍ରିଭିର୍ବିଦ୍ଧ୍ବା ପୁନର୍ବିବ୍ଯାଧ ପଞ୍ଚଭିଃ॥ 7-123-24 (49996)
ଶୈନେଯସ୍ତବ ପୁତ୍ରଂ ତୁ ହତ୍ବା ପଞ୍ଚଭିରାଶୁଗୈଃ।
ଧନୁଶ୍ଚାସ୍ଯ ରଣେ ଛିତ୍ତ୍ବା ବିସ୍ମଯନ୍ନର୍ଜୁନଂ ଯଯୌ॥ 7-123-25 (49997)
ତତୋ ଦୁଃଶାସନଃ କ୍ରୁଦ୍ଧୋ ବୃଷ୍ଣିବୀରାଯ ଗଚ୍ଛତେ।
ସର୍ବପାରଶବୀଂ ଶକ୍ତିଂ ବିସସର୍ଜ ଜିଘାଂସଯା॥ 7-123-26 (49998)
ତାଂ ତୁ ଶକ୍ତିଂ ତଦା ଘୋରାଂ ତବ ପୁତ୍ରସ୍ଯ ସାତ୍ଯକିଃ।
ଚିଚ୍ଛେଦ ଶତଧା ରାଜନ୍ନିଶିତୈଃ କଙ୍କପତ୍ରିଭିଃ॥ 7-123-27 (49999)
ଅଥାନ୍ଯଦ୍ଧନୁରାଦାଯ ପୁତ୍ରସ୍ତବ ଜନେଶ୍ବର।
ସାତ୍ଯକିଂ ଚ ଶରୈର୍ବିଦ୍ଧ୍ବା ସିଂହନାଦଂ ନନାଦ ଚ॥ 7-123-28 (50000)
ସାତ୍ଯକିସ୍ତୁ ରଣେ କ୍ରୁଦ୍ଧୋ ମୋହଯିତ୍ବା ସୁତଂ ତବ।
ଶରୈରଗ୍ନିଶିଖାକାରୈରାଜଘାନ ସ୍ତନାନ୍ତରେ॥ 7-123-29 (50001)
ତ୍ରିଭିରେବ ମହାଭାଗଃ ଶରୈଃ ସନ୍ନତପର୍ବଭିଃ।
ସର୍ବାଯସୈସ୍ତୀକ୍ଷ୍ଣବକ୍ତ୍ରୈଃ ପୁନର୍ବିବ୍ଯାଧ ଚାଷ୍ଟଭିଃ॥ 7-123-30 (50002)
ଦୁଃଶାସନସ୍ତୁ ବିଂଶତ୍ଯା ସାତ୍ଯକିଂ ପ୍ରତ୍ଯବିଧ୍ଯତ।
ସାତ୍ବତୋଽପି ମହାରାଜ ତଂ ବିବ୍ଯାଧ ସ୍ତନାନ୍ତରେ॥ 7-123-31 (50003)
ତ୍ରିଭିରେବ ମହାଭାଗଃ ଶରୈଃ ସନ୍ନତପର୍ବଭିଃ।
ତତୋଽସ୍ଯ ବାହାନ୍ନିଶିତୈଃ ଶରୈର୍ଜଘ୍ନେ ମହାରଥଃ॥ 7-123-32 (50004)
ସାରଥିଂ ଚ ସୁରାଙ୍କ୍ରୁଦ୍ଧଃ ଶରୈଃ ସନ୍ନତପର୍ବଭିଃ।
ଧନୁରେକେନ ଭଲ୍ଲେନ ହସ୍ତାବାପଂ ଚ ପଞ୍ଚଭିଃ॥ 7-123-33 (50005)
ଧ୍ବଜଂ ଚ ରଥଶକ୍ତିଂ ଚ ଭଲ୍ଲାଭ୍ଯାଂ ପରମସ୍ତ୍ରିବିତ୍।
ଚିଚ୍ଛେଦ ବିଶିଖୈସ୍ତୀକ୍ଷ୍ଣୈସ୍ତଥୋଭୌ ପାର୍ଷ୍ଣିସାରଥୀ॥ 7-123-34 (50006)
ସ ଚ୍ଛିନ୍ନଧନ୍ବା ବିରଥୋ ହତାଶ୍ବୋ ହତସାରଥିଃ।
ତ୍ରିଗର୍ତସେନାପତିନା ସ୍ବରଥେନାପବାହିତଃ॥ 7-123-35 (50007)
ତମଭିଦ୍ରୁତ୍ଯ ଶୈନେଯୋ ମୁହୂର୍ତମିବ ଭାରତ।
ନ ଜଘାନ ମହାବାହୁର୍ଭୀମସେନବଚଃ ସ୍ମରନ୍॥ 7-123-36 (50008)
ଭୀମସେନେନ ତୁ ବଧଃ ସୁତାନାଂ ତବ ଭାରତ।
ପ୍ରତିଜ୍ଞାତଃ ସଭାମଧ୍ଯେ ସର୍ବେଷାମେବ ସଂଯୁଗେ॥ 7-123-37 (50009)
ତତୋ ଦୁଃଶାସନଂ ଜିତ୍ବା ସାତ୍ଯକିଃ ସଂଯୁଗେ ପ୍ରଭୋ।
ଜଗାମ ତ୍ବରିତୋ ରାଜନ୍ଯେନ ଯାତୋ ଧନଞ୍ଜଯଃ॥ ॥ 7-123-38 (50010)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ତ୍ରଯୋବିଂଶତ୍ଯଧିକଶତତମୋଽଧ୍ଯାଯଃ॥ 123 ॥
ଦ୍ରୋଣପର୍ବ - ଅଧ୍ଯାଯ 124
॥ ଶ୍ରୀଃ ॥
7.124. ଅଧ୍ଯାଯଃ 124
Mahabharata - Drona Parva - Chapter Topics
ସଙ୍କୁଲଯୁଦ୍ଧବର୍ଣନମ୍॥ 1 ॥Mahabharata - Drona Parva - Chapter Text
7-124-0 (50011)
ଧୃତରାଷ୍ଟ୍ର ଉବାଚ। 7-124-0x (4574)
କିଂ ତସ୍ଯାଂ ମମ ସେନାଯାଂ ନାସନ୍କେଚିନ୍ମହାରଥାଃ।
ଯେ ତଥା ସାତ୍ଯକିଂ ଯାନ୍ତଂ ନୈବାଘ୍ନନ୍ନାପ୍ଯବାରଯନ୍॥ 7-124-1 (50012)
ଏକୋ ହି ସମରେ କର୍ମ କୃତବାନ୍ସତ୍ଯବିକ୍ରମଃ।
ଶକ୍ରତୁଲ୍ଯବଲୋ ଯୁଦ୍ଧେ ମହେନ୍ଦ୍ରୋ ଦାନବେଷ୍ବିବ॥ 7-124-2 (50013)
ଅଥବା ଶୂନ୍ଯମାସୀତ୍ତଦ୍ଯେନ ଯାତଃ ସ ସାତ୍ଯକିଃ।
ହତଭୂଯିଷ୍ଠମଥବା ଯେନ ଯାତଃ ସ ସାତ୍ଯକିଃ॥ 7-124-3 (50014)
ଯତ୍କୃତଂ ବୃଷ୍ଣିବୀରେଣ କର୍ମ ଶଂସସି ମେ ରଣେ।
ନୈତଦୁତ୍ସହତେ କର୍ତୁଂ କର୍ମ ଶକ୍ରୋଽପି ସଞ୍ଜଯ॥ 7-124-4 (50015)
ଅଶ୍ରଦ୍ଧେଯମଚିନ୍ତ୍ଯଂ ଚ କର୍ମ ତସ୍ଯ ମହାତ୍ମନଃ।
ବୃଷ୍ଣ୍ଯନ୍ଧକପ୍ରବୀରସ୍ଯ ଶ୍ରୁତ୍ବା ମେ ବ୍ଯଥିତଂ ମନଃ॥ 7-124-5 (50016)
ନ ସନ୍ତି ତସ୍ମାତ୍ପୁତ୍ରା ମେ ଯଥା ସଞ୍ଜଯ ଭାଷସେ।
ଏକୋ ବୈ ବହୁଲାଃ ସେନାଃ ପ୍ରାମୃଦ୍ଗାତ୍ସତ୍ଯବିକ୍ରମଃ॥ 7-124-6 (50017)
କଥଂ ଚ ଯୁଧ୍ଯମାନାନାମପକ୍ରାନ୍ତୀ ମହାତ୍ମନାମ୍।
ଏକୋ ବହୂନାଂ ଶୈନେଯସ୍ତନ୍ମମାଚକ୍ଷ୍ବ ସଞ୍ଜଯ॥ 7-124-7 (50018)
ସଞ୍ଜଯ ଉବାଚ। 7-124-8x (4575)
ରାଜନ୍ସେନାସମୁଦ୍ଯୋଗୋ ରଥନାଗାଶ୍ବପତ୍ତିମାନ୍।
ଅତୁଲ୍ଯସ୍ତବ ସେନାଯାଂ ଯୁଗାନ୍ତସଦୃଶୋଽଭବତ୍॥ 7-124-8 (50019)
ଆହୂତେଷୁ ସମୂହେଷୁ ତବ ସୈନ୍ଯସ୍ଯ ମାନଦ।
ନାସ୍ତି ଲୋକେ ସମଃ କଶ୍ଚିତ୍ସମୂହ ଇତି ମେ ମତିଃ॥ 7-124-9 (50020)
ତତ୍ରବ ଦେବାସ୍ତ୍ବଭାଷନ୍ତ ଚାରଣାଶ୍ଚ ସମାଗତାଃ।
ଏତଦନ୍ତାଃ ସମୂହା ବୈ ଭବିଷ୍ଯନ୍ତି ମହୀତଲେ॥ 7-124-10 (50021)
ନ ଚ ବୈ ତାଦୃଶୋ ବ୍ଯୂହ ଆସୀତ୍କଶ୍ଚିଦ୍ବିଶାମ୍ପତେ।
ଯାଦୃଗ୍ଜଯଦ୍ରଥବଧେ ଦ୍ରୋଣେନ ବିହିତୋଽଭବତ୍॥ 7-124-11 (50022)
`ଉଦ୍ଧୃତା ପୃଥିବୀ ନୂନଂ ଯୁଦ୍ଧହେତୋଃ ସମାଗତୈଃ।
ଇତି ତତ୍ର ଜନାଶ୍ଚାହୁର୍ଦୃଷ୍ଟା ତାଂ ଜନସଂସଦମ୍'॥ 7-124-12 (50023)
ଚଣ୍ଡବାତବିଭିନ୍ନାନାଂ ସମୁଦ୍ରାଣାମିବ ସ୍ବନଃ।
ରଣେଽଭବଦ୍ବଲୌଘାନାମନ୍ଯୋନ୍ଯମଭିଧାବତାମ୍॥ 7-124-13 (50024)
ପାର୍ଥିବାନାଂ ସମେତାନାଂ ବହୂନ୍ଯାସନ୍ନରୋତ୍ତମ।
ତ୍ବଦ୍ବଲେ ପ୍ରାଣ୍ଡବାନାଂ ଚ ସହସ୍ରାଣି ଶତାନି ଚ॥ 7-124-14 (50025)
ସଂରବ୍ଧାନାଂ ପ୍ରବୀରାଣାଂ ସମରେ ଦୃଢକର୍ମଣାମ୍।
ତତ୍ରାସୀତ୍ସୁମହାଶବ୍ଦସ୍ତୁମୁଲୋ ରୋମହର୍ଷଣଃ॥ 7-124-15 (50026)
`ପାଣ଼୍ଡବାନାଂ କୁରୂଣାଂ ଚ ଗର୍ଜତାମିତରେତରମ୍।
କ୍ଷ୍ବେଲାଃ କିଲକିଲାଶବ୍ଦାସ୍ତତ୍ରାସନ୍ବୈ ସହସ୍ରଶଃ॥ 7-124-16 (50027)
ଭେରୀଶବ୍ଦାଶ୍ଚ ତୁମୁଲା ବାଣଶବ୍ଦାଶ୍ଚ ଭାରତ।
ଅନ୍ଯୋନ୍ଯଂ ନିଘ୍ନତାଂ ଚୈବ ନରାଣାଂ ଶୁଶ୍ରୁବେ ସ୍ବନଃ'॥ 7-124-17 (50028)
ଅଥାକ୍ରନ୍ଦନ୍ଭୀସମେନୋ ଧୃଷ୍ଟଦ୍ଯୁମ୍ନଶ୍ଚ ମାରିଷ।
ନକୁଲଃ ସହଦେବଶ୍ଚ ଧର୍ମରାଜଶ୍ଚ ପାଣ୍ଡବଃ॥ 7-124-18 (50029)
ଆଗଚ୍ଛତ ପ୍ରହରତ ଦ୍ରୁତଂ ବିପରିଧାବତ।
ପ୍ରବିଷ୍ଟାବରିସେନାଂ ହି ବୀରୌ ମାଧବପାଣ୍ଡବୌ॥ 7-124-19 (50030)
ଯଥା ସୁଖେନ ଗଚ୍ଛେତାଂ ଜଯଦ୍ରଥବଧଂ ପ୍ରତି।
ତଥା ପ୍ରକୁରୁତ କ୍ଷିପ୍ରମିତି ସୈନ୍ଯାନ୍ଯଚୋଦଯନ୍॥ 7-124-20 (50031)
ତଯୋରଭାବେ କୁରବଃ କୃତାର୍ଥାଃ ସ୍ଯୁର୍ବଯଂ ଜିତାଃ॥ 7-124-21 (50032)
`ଯତ୍ର ଯାତୌ ମହାତ୍ମାନୌ ତୂର୍ଣଂ ପରପୁରଞ୍ଜଯୌ'।
ତେ ଯୂଯଂ ସହିତା ଭୂତ୍ବା ତୂର୍ଣମେବ ବଲାର୍ଣବମ୍।
କ୍ଷୋଭଯଧ୍ବଂ ମହାବେଗାଃ ପବନଃ ସାଗରଂ ଯଥା॥ 7-124-22 (50033)
ଭୀମସେନେନ ତେ ରାଜନ୍ପାଞ୍ଚାଲ୍ଯେନ ଚ ନୋଦିତାଃ।
ଆଜଘ୍ନୁଃ କୌରବାନ୍ସଙ୍ଖ୍ଯେ ତ୍ଯକ୍ତ୍ବାଽସୂନାତ୍ମନଃ ପ୍ରିଯାନ୍॥ 7-124-23 (50034)
ଇଚ୍ଛନ୍ତୋ ନିଧନଂ ଯୁଦ୍ଧେ ଶସ୍ତ୍ରୈରୁତ୍ତମତେଜସଃ।
ସ୍ବର୍ଗେପ୍ସବୋ ମିତ୍ରକାର୍ଯେ ନାଭ୍ଯନନ୍ଦନ୍ତ ଜୀବିତମ୍॥ 7-124-24 (50035)
ତଥୈବ ତାବକା ରାଜନ୍ପ୍ରାର୍ଥଯନ୍ତୋ ମହଦ୍ଯଶଃ।
ଆର୍ଯାଂ ଯୁଦ୍ଧେ ମତିଂ କୃତ୍ବା ଯୁଦ୍ଧାଯୈବାବତସ୍ଥିରେ॥ 7-124-25 (50036)
ତସ୍ମିନ୍ସୁତୁମୁଲେ ଯୁଦ୍ଧେ ବର୍ତମାନେ ଭଯାବହେ।
ଜିତ୍ବା ସର୍ବାଣି ସୈନ୍ଯାନି ପ୍ରାଯାତ୍ସାତ୍ଯକିରର୍ଜୁନଂ ॥ 7-124-26 (50037)
କବଚାନାଂ ପ୍ରଭାସ୍ତତ୍ର ସୂର୍ଯରଶ୍ମିବିରାଜିତାଃ।
ଦୃଷ୍ଟୀଃ ସଙ୍ଖ୍ଯେ ସୈନିକାନାଂ ପ୍ରତିଜଘ୍ନୁଃ ସମନ୍ତତଃ।
`ଧ୍ବଜଶସ୍ତ୍ରପ୍ରତିହତା ଲୋକାନ୍ସମବଦୀପଯନ୍॥ 7-124-27 (50038)
ଚଣ୍ଡବାତୋଦ୍ଧତାନ୍ମେଘାନ୍ବିକିରନ୍ରଶ୍ମିମାନିବ।
ତଥା ତବ ମହତ୍ସୈନ୍ଯଂ ତଦ୍ବ୍ଯରୋଚତ ତାପଯନ୍॥ 7-124-28 (50039)
ସମ୍ପ୍ରହୃଷ୍ଟଃ ସ ସହସା ତବ ସୈନ୍ଯାର୍ଣବଂ ପ୍ରତି।
ଲୋଲଯନ୍ସର୍ବତୋ ଗତ୍ବା ସମୁଦ୍ରଂ ମକରୋ ଯଥା॥ 7-124-29 (50040)
ତତ୍ର ରାଜନ୍ମହାନାସୀତ୍ସଙ୍ଗ୍ରାମୋ ଭୀତିବର୍ଧନଃ।
ପାଣ୍ଡବସ୍ଯ ମହାବାହୋ ତାବକାନାଂ ଚ ଦାରୁଣଃ॥ 7-124-30 (50041)
ରୁଦ୍ରସ୍ଯାକ୍ରୀଡସଙ୍କାଶଃ ସଂହାରଃ ସର୍ବଦେହିନାମ୍।
ତତଃ ଶବ୍ଦୋ ମହାନାସୀତ୍ପ୍ରାଯାଦ୍ଯତ୍ର ଧନଞ୍ଚଯଃ॥ 7-124-31 (50042)
ତତ୍ର ସ୍ମ କଦନଂ ଘୋରଂ ବର୍ତତେ ପାଣ୍ଡୁପୂର୍ବଜ।
ଅର୍ଜୁନସ୍ଯ ମହାବାହୋସ୍ତାବକାନାଂ ଚ ଧନ୍ବିନାମ୍॥ 7-124-32 (50043)
ମଧ୍ଯେ ଭାରତସୈନ୍ଯସ୍ଯ ମାଧବସ୍ଯ ମହାରଣେ।
ଦ୍ରୋଣସ୍ଯାପି ପରୈଃ ସାର୍ଧଂ ବ୍ଯୂହଦ୍ବାରେ ସୁଦାରୁଣମ୍॥ 7-124-33 (50044)
ଏବମେଷ କ୍ଷଯୋ ବୃତ୍ତଃ ପୃଥିବ୍ଯାଂ ପୃଥିବୀପତେ।
କ୍ରୁଦ୍ଧେଽର୍ଜୁନେ ତଥା ଦ୍ରୋଣେ ସାତ୍ବତେ ଚ ମହାରଥେ'॥ 7-124-34 (50045)
ତଥା ପ୍ରଯତମାନାନାଂ ପାଣ୍ଡବାନାଂ ମହାତ୍ମନାମ୍।
ଦୁର୍ଯୋଧନୋ ମହାରାଜନ୍ବ୍ଯଗାହତ ମହଦ୍ବଲମ୍॥ 7-124-35 (50046)
ସ ସନ୍ନିପାତସ୍ତୁମୁଲସ୍ତେଷାଂ ତସ୍ଯ ଚ ଭାରତ।
ଅଭବତ୍ସର୍ବଭୂତାନାମଭାବକରଣୋ ମହାନ୍॥ 7-124-36 (50047)
ଧୃତରାଷ୍ଟ୍ର ଉବାଚ। 7-124-37x (4576)
ତଥା ଯାତେଷୁ ସୈନ୍ଯେଷୁ ତଥା କୃଚ୍ଛ୍ରଗତଃ ସ୍ବଯମ୍।
କଚ୍ଚିଦ୍ଦୁର୍ଯୋଧନଃ ସୂତ ନାକାର୍ଷୀତ୍ପୃଷ୍ଠତୋ ରଣମ୍॥ 7-124-37 (50048)
ଏକସ୍ଯ ଚ ବହୂନାଂ ଚ ସନ୍ନିପାତୋ ମହାହବେ।
ବିଶେଷତୋ ନରପତେର୍ବିଷମଃ ପ୍ରତିଭାତି ମେ॥ 7-124-38 (50049)
ସୋଽତ୍ଯନ୍ତସୁଖସଂବୃଦ୍ଧୋ ଲକ୍ଷ୍ମ୍ଯା ଲୋକସ୍ଯ ଚେଶ୍ବରଃ।
ଏକୋ ବହୂନ୍ସମାସାଦ୍ଯ କଚ୍ଚିନ୍ନାସୀତ୍ପରାଙ୍ମୁଖଃ॥ 7-124-39 (50050)
ସଞ୍ଜଯ ଉବାଚ। 7-124-40x (4577)
ରାଜନ୍ସଙ୍ଗ୍ରାମମାଶ୍ଚର୍ଯଂ ତବ ପୁତ୍ରସ୍ଯ ଭାରତ।
ଏକସ୍ଯ ବହୁଭିଃ ସାର୍ଧଂ ଶୃଣୁଷ୍ବ ଗଦତୋ ମମ॥ 7-124-40 (50051)
ଦୁର୍ଯୋଧନେନ ସମରେ ପୃତନା ପାଣ୍ଡବୀ ରଣେ।
ନଲିନୀ ଦ୍ବରିଦେନେବ ସମନ୍ତାତ୍ପ୍ରତିଲୋଡିତା॥ 7-124-41 (50052)
ତତସ୍ତାଂ ପ୍ରହତାଂ ସେନାଂ ଦୃଷ୍ଟ୍ବା ପୁତ୍ରେଣ ତେ ନୃପ।
ଭୀମସେନପୁରୋଗାସ୍ତଂ ପାଞ୍ଚାଲାଃ ସମୁପାଦ୍ରୁବନ୍॥ 7-124-42 (50053)
ସ ଭୀମସେନଂ ଦଶଭିଃ ଶରୈର୍ବିବ୍ଯାଧ ପାଣ୍ଡବମ୍।
ତ୍ରିଭିସ୍ତ୍ରିଭିର୍ଯମୌ ବୀରୌ ଧର୍ମରାଜଂ ଚ ସପ୍ତଭିଃ॥ 7-124-43 (50054)
ବିରାଟଦ୍ରୁପଦୌ ଷଦ୍ଭିଃ ଶତେନ ଚ ଶିଖଣ୍ଡିନମ୍।
ଧୃଷ୍ଟଦ୍ଯୁମ୍ନଂ ଚ ବିଂଶତ୍ଯା ଦ୍ରୌପଦେଯାଂସ୍ତ୍ରିଭିସ୍ତ୍ରିଭିଃ॥ 7-124-44 (50055)
ଶତଶଶ୍ଚାପରାନ୍ଯୋଧାନ୍ସଦ୍ବିପାଂଶ୍ଚ ରଥାନ୍ରଣେ।
ଶରୈରବଚକର୍ତୋଗ୍ରୈଃ କ୍ରୁଦ୍ଧୋଽନ୍ତକ ଇବ ପ୍ରଜାଃ॥ 7-124-45 (50056)
ନ ସନ୍ଦଧଦ୍ବିମୁଞ୍ଚନ୍ବା ମଣ୍ଡଲୀକୃତକାର୍ମୁକଃ।
ଅଦୃଶ୍ଯତ ରିପୂନ୍ନିଘ୍ନଞ୍ଛିକ୍ଷଯାଽସ୍ତବଲେନ ଚ॥ 7-124-46 (50057)
ତସ୍ଯ ତାନ୍ନିଘ୍ନତଃ ଶତ୍ରୂନ୍ହେମପୃଷ୍ଠଂ ମହଦ୍ଧନୁଃ।
ଅଜସ୍ରଂ ମଣ୍ଡଲୀଭୂତଂ ଦଦୃଶୁଃ ସମରେ ଜନାଃ॥ 7-124-47 (50058)
ତତୋ ଯୁଧିଷ୍ଠିରୋ ରାଜା ଭଲ୍ଲାଭ୍ଯାମଚ୍ଛିନଦ୍ଧନୁଃ।
ତବ ପୁତ୍ରସ୍ଯ କୌରବ୍ଯ ଯତମାନସ୍ଯ ସଂଯୁଗେ॥ 7-124-48 (50059)
ବିବ୍ଯାଧ ଚୈନଂ ଦଶଭିଃ ସମ୍ଯଗସ୍ତୈଃ ଶରୋତ୍ତମୈଃ।
ବର୍ମ ଚାଶୁ ସମାସାଦ୍ଯ ତେ ଭିତ୍ତ୍ବା କ୍ଷିତିମାବିଶନ୍॥ 7-124-49 (50060)
ତତଃ ପ୍ରମୁଦିତାଃ ପାର୍ଥାଃ ପରିବବ୍ରୁର୍ଯୁଧିଷ୍ଠିରମ୍।
ଯଥା ବୃତ୍ରବଧେ ଦେବାଃ ପୁରା ଶକ୍ରଂ ମହର୍ଷଯଃ॥ 7-124-50 (50061)
ତତୋଽନ୍ଯଦ୍ଧନୁରାଦାଯ ତବ ପୁତ୍ରଃ ପ୍ରତାପବାନ୍।
ତିଷ୍ଠେତିଷ୍ଠେତି ରାଜାନଂ ବ୍ରୁବନ୍ପାଣ୍ଡବମଭ୍ଯଯାତ୍॥ 7-124-51 (50062)
ତମାଯାନ୍ତମଭିପ୍ରେକ୍ଷ୍ଯ ତବ ପୁତ୍ରଂ ମହାମୃଧେ।
ପ୍ରତ୍ଯୁଦ୍ଯଯୁଃ ସମୁଦିତାଃ ପାଞ୍ଚାଲା ଜଯଗୃଦ୍ଧିନଃ॥ 7-124-52 (50063)
ତାନ୍ଦ୍ରୋଣଃ ପ୍ରତିଜଗ୍ରାହ ପରୀପ୍ସନ୍ଯୁଧି ପାଣ୍ଡବମ୍।
ଚଣ୍ଡବାତୋଦ୍ଧୁତାନ୍ମେଘାନ୍ଗିରିରମ୍ବୁମୁଚୋ ଯଥା॥ 7-124-53 (50064)
ତତ୍ର ରାଜନ୍ମହାନାସୀତ୍ସଙ୍ଗ୍ରାମୋ ରୋମହର୍ଷଣଃ।
ପାଣ୍ଡବାନାଂ ମହାବାହୋ ତାବକାନାଂ ଚ ସଂଯୁଗେ॥ 7-124-54 (50065)
ରୁଦ୍ରସ୍ଯାକ୍ରୀଡସଦୃଶଃ ସଂହାରଃ ସର୍ବଦେହିନାମ୍॥ 7-124-55 (50066)
ତତଃ ଶବ୍ଦୋ ମହାନାସୀଦ୍ଯାତୋ ଯେନ ଧନଞ୍ଜଯଃ।
ଅତୀବ ସର୍ବଶବ୍ଦେଭ୍ଯୋ ରୋମହର୍ଷକରଃ ପ୍ରଭୋ॥ 7-124-56 (50067)
ଅର୍ଜୁନସ୍ଯ ମହାବାହୋ ତାବକାନାଂ ଚ ଧନ୍ବିନାମ୍।
ମଧ୍ଯେ ଭାରତସୈନ୍ଯସ୍ଯ ମାଧବସ୍ଯ ମହାରଣେ।
ଦ୍ରୋଣସ୍ଯାପି ପରୈଃ ସାର୍ଧଂ ବ୍ଯୂହଦ୍ବାରେ ମହାରଣେ॥ 7-124-57 (50068)
ଏବମେଷ କ୍ଷଯୋ ବୃତ୍ତଃ ପୃଥିବ୍ଯାଂ ପୃଥିବୀପତେ।
କ୍ରୁଦ୍ଧେଽର୍ଜୁନେ ତଥା ଦ୍ରୋଣେ ସାତ୍ବତେ ଚ ମହାରଥେ॥ ॥ 7-124-58 (50069)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଚତୁର୍ବିଂଶତ୍ଯଧିକଶତତମୋଽଧ୍ଯାଯଃ॥ 124 ॥
Mahabharata - Drona Parva - Chapter Footnotes
5-124-9 ଅନୀକେଷୁ ସମୂହେଷୁ ଇତି କ.ଖ.ପାଠଃ॥ 5-124-39 ଲକ୍ଷ୍ମ୍ଯେତି ବିଶେଷଣେ ତୃତୀଯା॥ 5-124-125 ଚତୁର୍ବିଂଶତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 125
॥ ଶ୍ରୀଃ ॥
7.125. ଅଧ୍ଯାଯଃ 125
Mahabharata - Drona Parva - Chapter Topics
ଦ୍ରୋଣପରାକ୍ରମବର୍ଣନମ୍॥ 1 ॥Mahabharata - Drona Parva - Chapter Text
7-125-0 (50070)
ସଞ୍ଜଯ ଉବାଚ। 7-125-0x (4578)
ଅପରାହ୍ଣେ ମହାରାଜ ସଙ୍ଗ୍ରାମଃ ସୁମହାନଭୂତ୍।
ପର୍ଜନ୍ଯସମନିର୍ଘୋଷଃ ପୁନର୍ଦ୍ରୋଣସ୍ଯ ସୋମକୈଃ॥ 7-125-1 (50071)
ଶୋଣାଶ୍ବଂ ରଥମାସ୍ଥାଯ ନରବୀରଃ ସମାହିତଃ।
ସମରେଽଭ୍ଯଦ୍ରବତ୍ପାଣ୍ଡୂଞ୍ଜବମାସ୍ଥାଯ ମଧ୍ଯମମ୍॥ 7-125-2 (50072)
ତବ ପ୍ରିଯହିତେ ଯୁକ୍ତୋ ମହେଷ୍ବାସୋ ମହାବଲଃ।
ଚିତ୍ରପୁଙ୍ଖୈଃ ଶିତୈର୍ବାଣୈଃ କଲଶୋତ୍ତମସମ୍ଭବଃ।
`ଜଘାନ ସୋମକାନ୍ରାଜନ୍ସୃଞ୍ଜଯାନ୍କେକଯାନପି'॥ 7-125-3 (50073)
ବରାନ୍ବରାନ୍ହି ଯୋଧାନାଂ ବିଚିନ୍ବନ୍ନିବ ଭାରତ।
ଆକ୍ରୀଡତ ରମେ ରାଜନ୍ଭାରଦ୍ବାଜଃ ପ୍ରତାପବାନ୍॥ 7-125-4 (50074)
ତମଭ୍ଯଯାଦ୍ବୃହତ୍କ୍ଷତ୍ରଃ କେକଯାନାଂ ମହାରଥଃ।
ଭାତୄଣାଂ ନୃପ ପଞ୍ଚାନାଂ ଶ୍ରେଷ୍ଠଃ ସମରକର୍କଶଃ॥ 7-125-5 (50075)
ବିମୁଞ୍ଚନ୍ବିଶିଖାଂସ୍ତୀକ୍ଷ୍ଣାନାଚାର୍ଯଂ ଭୃଶମାର୍ଦଯତ୍।
ମହାମେଘୋ ଯଥା ବର୍ଷଂ ବିମୁଞ୍ଚନ୍ଗନ୍ଧମାଦନେ॥ 7-125-6 (50076)
ତସ୍ଯ ଦ୍ରୋଣୋ ମହାରାଜ ସ୍ବର୍ଣପୁଙ୍ଖାଞ୍ଶିଲାଶିତାନ୍।
ପ୍ରେଷଯାମାସ ସଙ୍କ୍ରୁଦ୍ଧ- ସାଯକାନ୍ଦଶ ପଞ୍ଚ ଚ॥ 7-125-7 (50077)
ତାଂସ୍ତୁ ଦ୍ରୋଣବିନିର୍ମୁକ୍ତାନ୍କ୍ରୁଂଦ୍ଧାଶୀବିଷସନ୍ନିଭାନ୍।
ଏକୈକଂ ପଞ୍ଚଭିର୍ବାଣୈର୍ଯୁଧି ଚିଚ୍ଛେଦ ହୃଷ୍ଟବତ୍॥ 7-125-8 (50078)
ତଦସ୍ଯ ଲାଘବଂ ଦୃଷ୍ଟ୍ବା ପ୍ରହସ୍ଯ ଦ୍ବିଜପୁଙ୍ଗବଃ।
ପ୍ରେଷଯାମାସ ବିଶିଖାନଷ୍ଟୌ ସନ୍ନତପର୍ବଣଃ॥ 7-125-9 (50079)
ତାନ୍ଦୃଷ୍ଟ୍ବା ପତତସ୍ତୂର୍ଣଂ ଦ୍ରୋଣଚାପଚ୍ଯୁତାଞ୍ଶରାନ୍।
ଅବାରଯଚ୍ଛରୈରେବ ତାବଦ୍ଭିର୍ନିଶିତୈର୍ମୃଧେ॥ 7-125-10 (50080)
ତତୋଽଭବନ୍ମହାରାଜ ତବ ସୈନ୍ଯସ୍ଯ ବିସ୍ମଯଃ।
ବୃହତ୍କ୍ଷତ୍ରେଣ ତତ୍କର୍ମ କୃତଂ ଦୃଷ୍ଟ୍ବା ସୁଦୁଷ୍କରମ୍॥ 7-125-11 (50081)
ତତୋ ଦ୍ରୋଣୋ ମହାରାଜ ବୃହତ୍କ୍ଷତ୍ରଂ ବିଶେଷଯନ୍।
ପ୍ରାଦୁଶ୍ଚକ୍ରେ ରଣେ ଦିବ୍ଯଂ ବ୍ରାହ୍ମମସ୍ତ୍ରଂ ସୁଦୁର୍ଜଯମ୍॥ 7-125-12 (50082)
କୈକେଯୋଽସ୍ତ୍ରଂ ସମାଲୋକ୍ଯ ମୁକ୍ତଂ ଦ୍ରୋଣେନ ସଂଯୁଗେ।
ବ୍ରହ୍ମାସ୍ତ୍ରେଣୈବ ରାଜେନ୍ଦ୍ର ବ୍ରାହ୍ମମସ୍ତ୍ରମଶାତଯତ୍॥ 7-125-13 (50083)
ତତୋଽସ୍ତ୍ରେ ନିହତେ ବ୍ରାହ୍ମେ ବୃହତ୍କ୍ଷତ୍ରସ୍ତୁ ଭାରତ।
ବିବ୍ଯାଧ ବ୍ରାହ୍ମଣଂ ଷଷ୍ଟ୍ଯା ସ୍ବର୍ଣପୁଙ୍ଖୈଃ ଶିଲାଶିତୈଃ॥ 7-125-14 (50084)
ତଂ ଦ୍ରୋଣୋ ଦ୍ବିପଦାଂ ଶ୍ରେଷ୍ଠୋ ନାରାଚେନ ସମାର୍ପଯତ୍।
ସ ତସ୍ଯ କବଚଂ ଭିତ୍ତ୍ବା ପ୍ରାବିଶଦ୍ଧରଣୀତଲମ୍॥ 7-125-15 (50085)
କୃଷ୍ଣସର୍ପୋ ଯଥା ମୁକ୍ତୋ ବଲ୍ମୀକଂ ନୃପସତ୍ତମ।
ତଥାଽତ୍ଯଗାନ୍ମହୀଂ ବାଣୋ ଭିତ୍ତ୍ବା କୈକେଯମାହବେ॥ 7-125-16 (50086)
ସୋଽତିବିଦ୍ଧୋ ମହାରାଜ କୈକେଯୋ ଦ୍ରୋଣସାଯକୈଃ।
କ୍ରୋଧେନ ମହତାଽଽବିଷ୍ଟୋ ବ୍ଯାବୃତ୍ଯ ନଯନେ ଶୁଭେ॥ 7-125-17 (50087)
ଦ୍ରୋଣଂ ବିବ୍ଯାଧ ସପ୍ତତ୍ଯା ସ୍ବର୍ଣପୁଙ୍ଖୈଃ ଶିଲାଶିତୈଃ।
ସାରଥିଂ ଚାସ୍ଯ ବାଣେନ ଭୃଶଂ ମର୍ମସ୍ବତାଡଯତ୍॥ 7-125-18 (50088)
ଦ୍ରୋଣସ୍ତୁ ବହୁଭିର୍ବିଦ୍ଧୋ ବୃହତ୍କ୍ଷତ୍ରେଣ ମାରିଷ।
ଅସୃଜଦ୍ବିଶିଖାଂସ୍ତୀକ୍ଷ୍ଣାନ୍କୈକେଯସ୍ଯ ରଥଂ ପ୍ରତି॥ 7-125-19 (50089)
ବ୍ଯାକୁଲୀକୃତ୍ଯ ତଂ ଦ୍ରୋଣୋ ବୃହତ୍କ୍ଷତ୍ରଂ ମହାରଥମ୍।
ଅଶ୍ବାଂଶ୍ଚତୁର୍ଭିରନ୍ଯବଧୀଚ୍ଚତୁରୋଽସ୍ଯ ପତତ୍ତ୍ରିଭିଃ॥ 7-125-20 (50090)
ସୂତଂ ଚୈକେନ ବାଣେନ ରଥନୀଡାଦପାତଯତ୍।
ଦ୍ବାଭ୍ଯାଂ ଧ୍ବଜଂ ଚ ଚ୍ଛତ୍ରଂ ଚ ଚ୍ଛିତ୍ତ୍ବା ଭୂମାବପାତଯତ୍॥ 7-125-21 (50091)
ତତଃ ସାଧୁବିସୃଷ୍ଟେନ ନାରାଚେନ ଦ୍ବିଜର୍ଷଭଃ।
ହୃଦ୍ଯବିଧ୍ଯଦ୍ବୃହତ୍କ୍ଷତ୍ରଂ ସ ଚ୍ଛିନ୍ନହୃଦଯୋଽପତତ୍॥ 7-125-22 (50092)
ବୃହତ୍କ୍ଷତ୍ରେ ହତେ ରାଜନ୍କେକଯାନାଂ ମହାରଥେ।
ଶୈଶୁପାଲିରଭିକ୍ରୁଦ୍ଧୋ ଯନ୍ତାରମିଦମବ୍ରବୀତ୍॥ 7-125-23 (50093)
ସାରଥେ ଯାହି ଯତ୍ରୈଷ ଦ୍ରୋଣସ୍ତିଷ୍ଠତି ଦଂଶିତଃ।
ବିନିଘ୍ନନ୍କେକଯାନ୍ସର୍ବାନ୍ପାଞ୍ଚାଲାନାଂ ଚ ବାହିନୀଂ॥ 7-125-24 (50094)
ତସ୍ଯ ତଦ୍ବଚନଂ ଶ୍ରୁତ୍ବା ସାରଥୀ ରଥିନାଂ ବରମ୍।
ଦ୍ରୋଣାଯ ପ୍ରାପଯାମାସ କାମ୍ଭୋଜୈର୍ଜବନୈର୍ହଯୈଃ॥ 7-125-25 (50095)
ଧୃଷ୍ଟକେତୁଶ୍ଚ ଚେଦୀନାମୃଷଭୋଽତିବଲୋଦିତଃ।
ବଧାଯାଭ୍ଯଦ୍ରବଦ୍ଦ୍ରୋଣଂ ପତଙ୍ଗ ଇବ ପାବକମ୍॥ 7-125-26 (50096)
ସୋଽବିଧ୍ଯତ ତଦା ଦ୍ରୋଣଂ ଷଷ୍ଟ୍ଯା ସାଶ୍ବରଥଧ୍ବଜମ୍।
ପୁନଶ୍ଚାନ୍ଯୈଃ ସର଼ୈସ୍ତୀକ୍ଷ୍ଣୈଃ ସୁପ୍ତଂ ବ୍ଯାଘ୍ରଂ ତୁଦନ୍ନିବ॥ 7-125-27 (50097)
ତସ୍ଯ ଦ୍ରୋଣୋ ଧନୁର୍ମଧ୍ଯେ କ୍ଷୁରପ୍ରେଣ ଶିତେନ ଚ॥
ଚକର୍ତ ଗାର୍ଧ୍ରପତ୍ରେଣ ଯତମାନସ୍ଯ ଶୁଷ୍ମିଣଃ॥ 7-125-28 (50098)
ଅଥାନ୍ଯଦ୍ଧନୁରାଦାଯ ଶୈଶୁପାଲିର୍ମହାରଥଃ।
ବିବ୍ଯାଧ ସାଯକୈର୍ଦ୍ରୋଣଂ କଙ୍କବର୍ହିଣବାଜିତୈଃ॥ 7-125-29 (50099)
ତସ୍ଯ ଦ୍ରୋଣୋ ହଯାନ୍ହତ୍ବା ଚତୁର୍ଭିଶ୍ଚତୁରଃ ଶରୈଃ।
ସାରଥେଶ୍ଚ ଶିରଃ କାଯାଚ୍ଚକର୍ତ ପ୍ରହସନ୍ନିବ॥ 7-125-30 (50100)
ଅଥୈନଂ ପଞ୍ଚବିଂଶତ୍ଯା ସାଯକାନାଂ ସମାର୍ପଯତ୍॥ 7-125-31 (50101)
ଅବପ୍ଲୁତ୍ଯ ରଥାଚ୍ଚୈଦ୍ଯୋ ଗଦାମାଦାଯ ସତ୍ବରଃ।
ଭାରଦ୍ବାଜାଯ ଚିକ୍ଷେପ ରୁପିତାମିବ ପନ୍ନଗୀମ୍॥ 7-125-32 (50102)
ତାମାପତନ୍ତୀମାଲୋକ୍ଯ କାଲରାତ୍ରିମିବୋଦ୍ଯତାମ୍।
ଅଶ୍ମସାରମଯୀଂ ଗୁର୍ବୀଂ ତପନୀଯବିଭୂଷିତାମ୍।
ଶରୈରନେକସାହସ୍ରୈର୍ଭାଦ୍ବାଜୋଽଚ୍ଛିନଚ୍ଛିତୈଃ॥ 7-125-33 (50103)
ସା ଛିନ୍ନା ବହୁଭିର୍ବାଣୈଭାରଦ୍ବାଜେନ ମାରିଷ।
ଗଦା ପପାତ କୌରବ୍ଯ ନାଦଯନ୍ତୀ ଧରାତଲମ୍॥ 7-125-34 (50104)
ଗଦାଂ ବିନିହତାଂ ଦୃଷ୍ଟ୍ବା ଧୃଷ୍ଟକେତୁରମର୍ଷଣଃ।
ତୋମରଂ ବ୍ଯସୃଜଦ୍ବୀରଃ ଶକ୍ତିଂ ଚ କନ କୋଜ୍ଜ୍ବଲାମ୍॥ 7-125-35 (50105)
ତୋମରଂ ପଞ୍ଚଭିର୍ଭିତ୍ତ୍ବା ଶକ୍ତିଂ ଚିଚ୍ଛେଦ ପଞ୍ଚଭିଃ।
ତୌ ଜଗ୍ମତୁର୍ମହୀଂ ଛିନ୍ନୌ ସର୍ପାବିବ ଗରୁତ୍ମତା॥ 7-125-36 (50106)
ତତୋଽସ୍ଯ ବିଶିଖଂ ତୀକ୍ଷ୍ଣଂ ବଧାଯ ବଧକାଙ୍କ୍ଷିଣଃ।
ପ୍ରେଷଯାମାସ ସମରେ ଭାରଦ୍ବାଜଃ ପ୍ରତାପବାନ୍॥ 7-125-37 (50107)
ସ ତସ୍ଯ କବଚଂ ଭିତ୍ତ୍ବା ହୃଦଯଂ ଚାମିତୌଜସଃ।
ଅଭ୍ଯଗାଦ୍ଧରଣୀଂ ବାଣୋ ହଂସଃ ପଦ୍ମବନଂ ଯଥା॥ 7-125-38 (50108)
ପତଙ୍ଗଂ ହି ଗ୍ରସେଚ୍ଚାଷୋ ଯଥା କ୍ଷୁଦ୍ରଂ ବୁଭୁକ୍ଷିତଃ।
ତଥା ଦ୍ରୋଣୋଽଗ୍ରସଚ୍ଛୂରୋ ଧୃଷ୍ଟକେତୁଂ ମହାହବେ॥ 7-125-39 (50109)
ନିହତେ ଚେଦିରାଜେ ତୁ ତତ୍ଖଣ୍ଡଂ ପିତ୍ର୍ଯମାବିଶତ୍।
ଅମର୍ଷବଶମାପନ୍ନଃ ପୁତ୍ରୋଽସ୍ଯ ପରମାସ୍ତ୍ରବିତ୍॥ 7-125-40 (50110)
ତମପି ପ୍ରହସନ୍ଦ୍ରୋଣଃ ଶରୈର୍ନିତ୍ଯେ ଯମକ୍ଷଯମ୍।
ମହାବ୍ଯାଘ୍ରୋ ମହାରଣ୍ଯେ ମୃଗଶାବଂ ଯଥା ବଲୀ॥ 7-125-41 (50111)
ତେଷୁ ପ୍ରକ୍ଷୀଯମାଣେଷୁ ପାଣ୍ଡବେଯେଷୁ ଭାରତ।
ଜରାସନ୍ଧସୁତୋ ବୀରଃ ସ୍ବଯଂ ଦ୍ରୋଣମୁପାଦ୍ରବତ୍॥ 7-125-42 (50112)
ସ ତୁ ଦ୍ରୋଣଂ ମହାବାହୁଃ ଶରଧାରାଭିରାହବେ।
ଅଦୃଶ୍ଯମକରୋତ୍ତୂର୍ଣଂ ଜଲଦୋ ଭାସ୍କରଂ ଯଥା॥ 7-125-43 (50113)
ତସ୍ଯ ତଲ୍ଲାଘବଂ ଦୃଷ୍ଟ୍ବା ଦ୍ରୋଣଃ କ୍ଷତ୍ରିଯମର୍ଦନଃ।
ବ୍ଯସୃଜତ୍ସାଯକାଂସ୍ତୂର୍ଣଂ ଶତଶୋଽଥ ସହସ୍ରଶଃ॥ 7-125-44 (50114)
ଛାଦଯିତ୍ବା ରମେ ଦ୍ରୋଣଂ ରଥସ୍ଥଂ ରଥିନାଂ ବରମ୍।
ଜାରାସନ୍ଧିଂ ଜଘାନାଶୁ ମିଷତାଂ ସର୍ବଧନ୍ବିନାମ୍॥ 7-125-45 (50115)
ଯୋଯୋ ବିଧୀଯତେ ଖଣ୍ଡସ୍ତଂତଂ ଦ୍ରୋଣୋଽନ୍ତକୋପମଃ।
ଆଦତ୍ତ ସର୍ବଭୂତାନି ପ୍ରାପ୍ତେ କାଲେ ଯଥାନ୍ତକଃ॥ 7-125-46 (50116)
ତତୋ ଦ୍ରୋଣୋ ମହାରାଜ ନାମ ବିଶ୍ରାବ୍ଯ ସଂଯୁଗେ।
ଶରୈରନେକସାହସ୍ରୈଃ ପାଣ୍ଡବେଯାନ୍ସମାବୃଣୋତ୍॥ 7-125-47 (50117)
ତେ ତୁ ନାମାଙ୍କିତା ବାଣା ଦ୍ରୋଣେନାସ୍ତାଃ ଶିଲାଶିତାଃ।
ନରାନ୍ନାଗାନ୍ହଯାଂଶ୍ଚୈବ ନିଜଘ୍ନୁଃ ଶତଶୋ ମୃଧେ॥ 7-125-48 (50118)
ତେ ବଧ୍ଯମାନା ଦ୍ରୋଣେନ ଶକ୍ରେଣେବ ମହାସୁରାଃ।
ସମକମ୍ପନ୍ତ ପାଞ୍ଚାଲା ଗାବଃ ଶୀତାର୍ଦିତା ଇବ॥ 7-125-49 (50119)
ତତୋ ନିଷ୍ଟାନକୋ ଘୋରଃ ପାଣ୍ଡବାନାମଜାଯତ।
ଦ୍ରୋଣେନ ବଧ୍ଯମାନେଷୁ ସୈନ୍ଯେଷୁ ଭରତର୍ଷଭ॥ 7-125-50 (50120)
ପ୍ରତାପ୍ଯମାନାଃ ସୂର୍ଯେଣ ହନ୍ଯମାନାଶ୍ଚ ସାଯକୈଃ।
ଅନ୍ବପଦ୍ଯନ୍ତ ପାଞ୍ଚାଲାସ୍ତଦା ସନ୍ତ୍ରସ୍ତଚେତସଃ॥ 7-125-51 (50121)
ମୋହିତା ବାଣଜାଲେନ ଭାରଦ୍ବାଜେନ ସଂଯୁଗେ।
ଊରୁଗ୍ରାହଗୃହୀତାନାଂ ପାଞ୍ଚାଲାନାଂ ମହାରଥାଃ॥ 7-125-52 (50122)
ଚେଦଯଶ୍ଚ ମହାରାଜ ସୃଞ୍ଜଯାଃ କାଶିକୋସଲାଃ।
ଅଭ୍ଯଦ୍ରବନ୍ତ ସଂହୃଷ୍ଟା ଭାରଦ୍ବାଜଂ ଯୁଯୁତ୍ସଯା॥ 7-125-53 (50123)
ବ୍ରୁବନ୍ତଶ୍ଚ ରଣେଽନ୍ଯୋନ୍ଯଂ ଚେଦିପାଞ୍ଚାଲସୃଞ୍ଜଯାଃ।
ହତ ଦ୍ରୋଣଂ ହତ ଦ୍ରୋଣମିତି ତେ ଦ୍ରୋଣମଭ୍ଯଯୁଃ॥ 7-125-54 (50124)
ଯତନ୍ତଃ ପୁରୁପବ୍ଯାଘ୍ରାଃ ସର୍ବଶକ୍ତ୍ଯା ମହାଦ୍ଯୁତିମ୍।
ନିନୀପବୋ ରଣେ ଦ୍ରୋଣଂ ଯମସ୍ଯ ସଦନଂ ପ୍ରତି॥ 7-125-55 (50125)
ଯତମାନାଂସ୍ତୁ ତାନ୍ବୀରାନ୍ଭାରଦ୍ବାଜଃ ଶିଲୀମୁଖୈଃ।
ଯମାଯ ପ୍ରେପଯାମାସ ଚେଦିମୁଖ୍ଯାନ୍ବିଶେପତଃ॥ 7-125-56 (50126)
ତେଷୁ ପ୍ରକ୍ଷୀଯମାଣେଷୁ ଚେଦିମୁଖ୍ଯେଷୁ ସର୍ବଶଃ।
ପାଞ୍ଚଲାଃ ସମକମ୍ପନ୍ତ ଦ୍ରୋଣସାଯକପୀଡିତାଃ॥ 7-125-57 (50127)
ପ୍ରାକ୍ରୋଶନ୍ଭୀମସେନଂ ତେ ଧୃଷ୍ଟଦ୍ଯୁମ୍ନଂ ଚ ଭାରତ।
ଦୃଷ୍ଟ୍ବା ଦ୍ରୋଣସ୍ଯ କର୍ମାଣି ତଥାରୂପାଣି ମାରିଷ॥ 7-125-58 (50128)
ଭୀମ ଉବାଚ। 7-125-59x (4579)
ବ୍ରାହ୍ମଣେନ ତପୋ ନୂନଂ ଚରିତଂ ଦୁଶ୍ଚରଂ ମହତ୍।
ତଥା ହି ଯୁଧି ସଙ୍କ୍ରୁଦ୍ଧୋ ଦହତି କ୍ଷତ୍ରିଯର୍ପଭାନ୍॥ 7-125-59 (50129)
ଧର୍ମୋ ଯୁଦ୍ଧଂ କ୍ଷତ୍ରିଯସ୍ଯ ବ୍ରାହ୍ମଣସ୍ଯ ପରଂ ତପଃ।
ତପସ୍ବୀ କୃତବିଦ୍ଯଶ୍ଚ ପ୍ରେକ୍ଷିତେନାପି ନିର୍ଦହେତ୍॥ 7-125-60 (50130)
ଦ୍ରୋଣାଗ୍ନିମସ୍ତ୍ରସଂସ୍ପର୍ଶଂ ପ୍ରବିଷ୍ଟାଃ କ୍ଷତ୍ରିଯର୍ପଭାଃ।
ବହବୋ ଦୁସ୍ତରଂ ଘୋରଂ ଯତ୍ରାଦହ୍ଯନ୍ତ ଭାରତ॥ 7-125-61 (50131)
ଯଥାବଲଂ ଯଥୋତ୍ସାହଂ ଯଥାସତ୍ବଂ ମହାଦ୍ଯୁତିଃ।
ମୋହଯନ୍ସର୍ବଭୂତାନି ଦ୍ରୋଣୋ ହନ୍ତି ବଲାନି ନଃ॥ 7-125-62 (50132)
ସଞ୍ଜଯ ଉବାଚ। 7-125-63x (4580)
ତସ୍ଯ ତଦ୍ବଚନଂ ଶ୍ରୁତ୍ବା କ୍ଷତ୍ରଧର୍ମା ବ୍ଯବସ୍ଥିତଃ।
ଅର୍ଧଚନ୍ଦ୍ରେଣ ଚିଚ୍ଛେଦ ଦ୍ରୋଣସ୍ଯ ସଶରଂ ଧନୁଃ॥ 7-125-63 (50133)
ସ ସଂରବ୍ଧତରୋ ଭୂତ୍ବା ଦ୍ରୋଣଃ କ୍ଷତ୍ରିଯମର୍ଦନଃ॥ 7-125-64 (50134)
ଅନ୍ଯତ୍କାର୍ମୁକମାଦାଯ ଭାସ୍ବରଂ ବେଗବତ୍ତରମ୍।
ତତ୍ରାଧାଯ ଶରଂ ତୀକ୍ଷ୍ଣଂ ପରାନୀକବିଶାତନମ୍॥ 7-125-65 (50135)
ଆକର୍ଣପୂର୍ଣମାଚାର୍ଯୋ ବଲବାନଭ୍ଯବାସୃଜତ୍।
ସ ହତ୍ବା କ୍ଷତ୍ରଧର୍ମାଣଂ ଜଗାମ ଧରଣୀତଲମ୍॥ 7-125-66 (50136)
ସ ଭିନ୍ନହୃଦଯୋ ବାହାନ୍ନ୍ଯପତନ୍ମେଦିନୀତଲେ।
ତତଃ ସୈନ୍ଯାନ୍ଯକମ୍ପନ୍ତ ଧୃଷ୍ଟଦ୍ଯୁମ୍ନସୁତେ ହତେ॥ 7-125-67 (50137)
ଅଥ ଦ୍ରୋଣଂ ସମାରୋହଚ୍ଚେକିତାନୋ ମହାବଲଃ।
ସ ଦ୍ରୋଣଂ ଦଶଭିର୍ବିଦ୍ଧ୍ବା ପ୍ରତ୍ଯବିଦ୍ଧ୍ଯତ୍ସ୍ତନାନ୍ତରେ॥ 7-125-68 (50138)
ଚତୁର୍ଭିଃ ସାରଥିଂ ଚାସ୍ଯ ଚତୁର୍ଭିଶ୍ଚତୁରୋ ହଯାନ୍।
ତମାଚାର୍ଯସ୍ତ୍ରିଭିର୍ବାଣୈର୍ବାହ୍ବୋରୁରସି ଚାର୍ଦଯତ୍॥ 7-125-69 (50139)
ଧ୍ବଜଂ ସପ୍ତଭିରୁନ୍ମଥ୍ଯ ଯନ୍ତାରମବଧୀତ୍ତ୍ରିଭିଃ।
ତସ୍ଯ ସୂତେ ହତେ ତେଽଶ୍ବା ରଥମାଦାଯ ବିଦ୍ରୁତାଃ॥ 7-125-70 (50140)
ସମରେ ଶରସଂବୀତା ଭାରଦ୍ବାଜେନ ମାରିଷ।
ଚେକିତାନରଥଂ ଦୃଷ୍ଟ୍ବା ହତାଶ୍ବଂ ହତସାରଥିମ୍॥ 7-125-71 (50141)
ତାନ୍ସମେତାନ୍ରଣେ ଶୂରାଂଶ୍ଚେଦିପାଞ୍ଚାଲସୃଞ୍ଜଯାନ୍।
ସମନ୍ତାଦ୍ଦ୍ରାବଯନ୍ଦ୍ରୋଣୋ ବହ୍ବଶୋଭତ ମାରିଷ॥ 7-125-72 (50142)
ଆକର୍ଣପଲିତଃ ଶ୍ଯାମୋ ବଯସାଽଶୀତିପଞ୍ଚକଃ।
ରଣେ ପର୍ଯଚରଦ୍ଦ୍ରୋଣୋ ବୃଦ୍ଧଃ ଷୋଡଶବର୍ଷବତ୍॥ 7-125-73 (50143)
ଅଥ ଦ୍ରୋଣଂ ମହାରାଜ ବିଚରନ୍ତମଭୀତବତ୍।
ବଜ୍ରହସ୍ତମମନ୍ଯନ୍ତ ଶତ୍ରବଃ ଶତ୍ରୁସୂଦନମ୍॥ 7-125-74 (50144)
ତତୋଽବ୍ରବୀନ୍ମହାବାହୁର୍ଦ୍ରୁପଦୋ ବୁଦ୍ଧିମାନ୍ନୃପ।
ଲୁବ୍ଧୋଽଯଂ କ୍ଷତ୍ରିଯାନ୍ହନ୍ତି ବ୍ଯାଘ୍ରଃ କ୍ଷୁଦ୍ରମୃଗାନିବ॥ 7-125-75 (50145)
କୃଚ୍ଛ୍ରାନ୍ଦୁର୍ଯୋଧନୋ ଲୋକାନ୍ପାପଃ ପ୍ରାପ୍ସ୍ଯତି ଦୁର୍ମତିଃ।
ଯସ୍ଯ ଲୋଭାଦ୍ବିନିହତାଃ ସମରେ କ୍ଷତ୍ରିଯର୍ଷଭାଃ॥ 7-125-76 (50146)
ଶତଶଃ ଶେରତେ ଭୂମୌ ନିକୃତ୍ତା ଗୋବୃଷା ଇବ।
ରୁଧିରେଣ ପରୀତାଙ୍ଗାଃ ଶ୍ବଶୃଗାଲାଦନୀକୃତାଃ॥ 7-125-77 (50147)
ସଞ୍ଜଯ ଉବାଚ। 7-125-78x (4581)
ଏବମୁକ୍ତ୍ବା ମହାରାଜ ଦ୍ରୁପଦୋଽକ୍ଷୌହିଣୀପତିଃ।
ପୁରସ୍କୃତ୍ଯ ରଣେ ପାର୍ଥାନ୍ଦ୍ରୋଣମଭ୍ଯଦ୍ରବଦ୍ଦ୍ରୁତମ୍॥ ॥ 7-125-78 (50148)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବମି ଚତୁର୍ଦଶଦିବସଯୁଦ୍ଧେ ପଞ୍ଚବିଂଶତ୍ଯଧିକଶତତମୋଽଧ୍ଯାଯଃ॥ 125 ॥
Mahabharata - Drona Parva - Chapter Footnotes
5-125-50 ନିଷ୍ଟାନକଃ କଷ୍ଟସ୍ବନଃ॥ 5-125-52 ଊରୁଗ୍ରାହଃ ଊରୁସ୍ତମ୍ଭଃ॥ 5-125-73 ଆକର୍ଣମୁପାଗତଂ ପଲିତଂ କେଶାଦେଃ ଶୌକ୍ଲ୍ଯଂ ଯସ୍ଯ। ବଯସା କାଲପିଣ୍ଡସଂଯୋଗେନ। ଅଶୀତିପଞ୍ଚକଃ ଚତୁଃଶତାବ୍ଦଃ॥ 5-125-125 ପଞ୍ଚବିଂଶତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 126
॥ ଶ୍ରୀଃ ॥
7.126. ଅଧ୍ଯାଯଃ 126
Mahabharata - Drona Parva - Chapter Topics
ଅର୍ଜୁନବୃତ୍ତାନ୍ତପରିଜ୍ଞାନାଯ ସାତ୍ଯକିଂ ପ୍ରେଷିତବତା ଯୁଧିଷ୍ଠିରେଣ ପୁନସ୍ତଯୋର୍ବୃତ୍ତାନ୍ତପରିଜ୍ଞାନାଯ ଭୀମସେନସ୍ଯ ତତ୍ର ଗମନଚୋଦନା॥ 1 ॥Mahabharata - Drona Parva - Chapter Text
7-126-0 (50149)
ସଞ୍ଜଯ ଉବାଚ। 7-126-0x (4582)
ବ୍ଯୂହେଷ୍ବାଲୋଡ୍ଯମାନେଷୁ ପାଣ୍ଡବାନାଂ ତତସ୍ତତଃ।
ସୁଦୂରମନ୍ବଯୁଃ ପାର୍ଥାଃ ପାଞ୍ଚାଲାଃ ସହ ସୋମକୈଃ॥ 7-126-1 (50150)
ବର୍ତମାନେ ତଥା ରୌଦ୍ରେ ସଙ୍ଗ୍ରାମେ ରୋମହର୍ଷଣେ।
ସଙ୍କ୍ଷଯେ ଜଗତସ୍ତୀବ୍ରେ ଯୁଗାନ୍ତ ଇବ ଭାରତ॥ 7-126-2 (50151)
ଦ୍ରୋଣେ ଯୁଧି ପରାକ୍ରାନ୍ତେ ନର୍ଦମାନେ ମୁହୁର୍ମୁହୁଃ।
ପାଞ୍ଚାଲେଷୁ ଚ କ୍ଷୀଣେଷୁ ବଧ୍ଯମାନେଷୁ ପାଣ୍ଡୁଷୁ॥ 7-126-3 (50152)
ନାପଶ୍ଯଚ୍ଛରଣଂ କଞ୍ଚିଦ୍ବର୍ମରାଜୋ ଯୁଧିଷ୍ଠିରଃ।
ଚିନ୍ତଯାମାସ ରାଜେନ୍ଦ୍ର କଥମେତଦ୍ଭବିଷ୍ଯତି॥ 7-126-4 (50153)
ତତୋ ବିକ୍ଷ୍ଯ ଦିଶଃ ସର୍ବାଃ ସବ୍ଯସାଚିଦିଦୃକ୍ଷଯା।
ଯୁଧିଷ୍ଠିରୋ ଦଦର୍ଶାଥ ନୈବ ପାର୍ଥଂ ନ ମାଧବମ୍॥ 7-126-5 (50154)
ସୋଽପଶ୍ଯନ୍ନରଶାର୍ଦୂଲଂ ବାନରର୍ଷଭଲକ୍ଷଣମ୍।
ଗାଣ଼୍ଡୀବସ୍ଯ ଚ ନିର୍ଘୋଷମଶୃଣ୍ବନ୍ବ୍ଯଥିତେନ୍ଦ୍ରିଯଃ॥ 7-126-6 (50155)
ଅପଶ୍ଯନ୍ସାତ୍ଯକିଂ ଚାପି ବୃଷ୍ଣୀନାଂ ପ୍ରବରଂ ରଥମ୍।
ଚିନ୍ତଯାଭିପରୀତାଙ୍ଗୋ ଧର୍ମରାଜୋ ଯୁଧିଷ୍ଠିରଃ।
ନାଧ୍ଯଗଚ୍ଛତ୍ତଦା ଶାନ୍ତି ତାବପଶ୍ଯନ୍ନରୋତ୍ତମୌ॥ 7-126-7 (50156)
ଲୋକୋପକ୍ରୋଶଭୀରୁତ୍ବାଦ୍ବର୍ମରାଜୋ ମହାମନାଃ।
ଅଚିନ୍ତଯନ୍ମହାବାହୁଃ ଶୈନେଯସ୍ଯ ରଥଂ ପ୍ରତି॥ 7-126-8 (50157)
ପଦବୀଂ ପ୍ରେଷିତଶ୍ଚୈବ ଫଲ୍ଗୁନସ୍ଯ ମଯା ରଣେ।
ଶୈନେଯଃ ସାତ୍ଯକିଃ ସତ୍ଯୋ ମିତ୍ରାଣାମଭଯଙ୍କରଃ॥ 7-126-9 (50158)
ତଦିଦଂ ହ୍ଯେକମେବାସୀଦ୍ଦ୍ଦ୍ବିଧା ଜାତଂ ମମାଽଦ୍ଯ ବୈ।
ସାତ୍ଯକିଶ୍ଚ ହି ବିଜ୍ଞେଯଃ ପାଣ୍ଡବଶ୍ଚ ଧନଞ୍ଜଯଃ॥ 7-126-10 (50159)
ସାତ୍ଯକିଂ ପ୍ରେଷଯିତ୍ବା ତୁ ପାଣ୍ଡବସ୍ଯ ପଦାନୁଗମ୍।
ସାତ୍ବତସ୍ଯାପି କଂ ଯୁଦ୍ଧେ ପ୍ରେଷଯିଷ୍ଯେ ପଦାନୁଗମ୍॥ 7-126-11 (50160)
ପରିଷ୍ଯାମି ପ୍ରଯତ୍ନେନ ଭ୍ରାତୁରନ୍ବେଷଣଂ ଯଦି।
ଯୁଯୁଧାନମନନ୍ବିଷ୍ଯ ଲୋକୋ ମାଂ ଗର୍ହଯିଷ୍ଯତି॥ 7-126-12 (50161)
ଭ୍ରାତୁରନ୍ବେଷଣଂ କୃତ୍ବା ଧର୍ମପୁତ୍ରୋ ଯୁଧିଷ୍ଠିରଃ।
ପରିତ୍ଯଜତି ବାର୍ଷ୍ଣେଯଂ ସାତ୍ଯକିଂ ସତ୍ଯବିକ୍ରମମ୍॥ 7-126-13 (50162)
ଲୋକାପବାଦଭୀରୁତ୍ବାତ୍ସୋଽହଂ ପାର୍ଥଂ ବୃକୋଦରମ୍।
ପଦବୀଂ ପ୍ରେଷଯିଷ୍ଯାମି ମାଧବସ୍ଯ ମହାତ୍ମନଃ॥ 7-126-14 (50163)
ଯଥୈବ ଚ ମମ ପ୍ରୀତିରର୍ଜୁନେ ଶତ୍ରୁମୂଦନେ।
ତଥୈବ ବୃଷ୍ଣିବୀରେଽପି ସାତ୍ବତେ ଯୁଦ୍ଧଦୁର୍ମଦେ॥ 7-126-15 (50164)
ଅତିଭାରେ ନିଯୁକ୍ତଶ୍ଚ ମଯା ଶୈନେଯନନ୍ଦନଃ।
ସ ତୁ ମିତ୍ରୋପରୋଧେନ ଗୌରବାତ୍ତୁ ମହାବଲଃ।
ପ୍ରବିଷ୍ଟୋ ଭାରତୀଂ ସେନାଂ ମକରଃ ସାଗରଂ ଯଥା॥ 7-126-16 (50165)
ଅସୌ ହି ଶ୍ରୂଯତେ ଶବ୍ଦଃ ଶୂରାଣାମନିବର୍ତିନାମ୍।
ମିଥଃ ସଂଯୁଧ୍ଯମାନାନଂ ବୃଷ୍ଣିବୀରେଣ ଧୀମତା॥ 7-126-17 (50166)
ପ୍ରାପ୍ତକାଲଂ ସୁବଲବନ୍ନିଶ୍ଚିତଂ ବହୁଧା ହି ମେ।
ତତ୍ରୈବ ପାଣ୍ଡବେଯସ୍ଯ ଭୀମସେନସ୍ଯ ଧନ୍ବିନଃ।
ଗମନଂ ରୋଚତେ ମହ୍ଯଂ ଯତ୍ର ଯାତୌ ମହାରଥୌ॥ 7-126-18 (50167)
ନ ଚାପ୍ଯସହ୍ଯଂ ଭୀମସ୍ଯ ବିଦ୍ଯତେ ଭୁବି କିଞ୍ଚିନ॥ 7-126-19 (50168)
ଶକ୍ତୋ ହ୍ଯେଷ ରଣେ ଯତ୍ତଃ ପୃଥିବ୍ଯାଂ ସର୍ବଧନ୍ବିନାମ୍।
ସ୍ବବାହୁବଲମାସ୍ଥାଯ ପ୍ରତିବ୍ଯୂହିତୁମଞ୍ଜସା॥ 7-126-20 (50169)
ଯସ୍ଯ ବାହୁବଲଂ ସର୍ବେ ସମାଶ୍ରିତ୍ଯ ମହାତ୍ମନଃ।
ବନବାସାନ୍ନିବୃତ୍ତାଃ ସ୍ମ ନ ଚ ଯୁଦ୍ଧେଷୁ ନିର୍ଜିତାଃ॥ 7-126-21 (50170)
ଇତୋ ଗତେ ଭୀମସେନେ ସାତ୍ବତଂ ପ୍ରତି ପାଣ଼୍ଡବେ।
ସନାଥୌ ଭବିତାରୌ ହି ଯୁଧି ସାତ୍ବତଫଲ୍ଗୁନୌ॥ 7-126-22 (50171)
କାମଂ ତ୍ବଶୋଚନୀଯୌ ତୌ ରଣେ ସାତ୍ବତଫଲ୍ଗୁନୌ।
ରକ୍ଷିତୌ ବାସୁଦେବେନ ସ୍ବଯଂ ଶସ୍ତ୍ରବିଶାରଦୌ॥ 7-126-23 (50172)
ଅବଶ୍ଯଂ ତୁ ମଯା କାର୍ଯମାତ୍ମନଃ ଶୋକନାଶନମ୍।
ତସ୍ମାଦ୍ଭୀମଂ ନିଯୋକ୍ଷ୍ଯାମି ସାତ୍ବତସ୍ଯ ପଦାନୁଗମ୍॥ 7-126-24 (50173)
ତତଃ ପ୍ରତିକୃତଂ ମନ୍ଯେ ବିଧାନଂ ସାତ୍ଯକିଂ ପ୍ରତି॥
ଏବଂ ନିଶ୍ଚିତ୍ଯ ମନସା ଧର୍ମପୁତ୍ରୋ ଯୁଧିଷ୍ଠିରଃ। 7-126-25 (50174)
ଯନ୍ତାରମବ୍ରବୀଦ୍ରାଜା ଭୀମଂ ପ୍ରତି ନଯସ୍ବ ମାମ୍॥ 7-126-26 (50175)
ଧର୍ମରାଜବଚଃ ଶ୍ରୁତ୍ବା ସାରଥିର୍ହଯକୋବିଦଃ।
ରଥଂ ହେମପରିଷ୍କାରଂ ଭୀମାନ୍ତିକମୁପାନଯତ୍॥ 7-126-27 (50176)
ଭୀମସେନମନୁଜ୍ଞାପ୍ଯ ପ୍ରାପ୍ତକାଲମଚିନ୍ତଯତ୍।
କଶ୍ମଲଂ ପ୍ରାବିଶଦ୍ରାଜା ବହୁ ତତ୍ର ସମାଦିଶତ୍॥ 7-126-28 (50177)
ସ କଶ୍ମଲସମାବିଷ୍ଟୋ ଭୀମମାହୂଯ ପାର୍ଥିବଃ।
ଅବ୍ରବୀଦ୍ବଚନଂ ରାଜନ୍କୁନ୍ତୀପୁତ୍ରୋ ଯୁଧିଷ୍ଠିରଃ। 7-126-29 (50178)
ଅବ୍ରବୀଦ୍ବଚନଂ ରାଜନ୍କୁନ୍ତୀପୁତ୍ରୋ ଯୁଧିଷ୍ଠିରଃ॥
ଯଃ ସଦେବାନ୍ସଗନ୍ଧର୍ବାନ୍ଦୈତ୍ଯାଂଶ୍ଚୈକରଥୋଽଜଯତ୍। 7-126-30 (50179)
ତସ୍ଯ ଲକ୍ଷ୍ମ ନ ପଶ୍ଯାମି ଭୀମସେନାନୁଜସ୍ଯ ତେ॥ 7-126-31 (50180)
ସଞ୍ଜଯ ଉବାଚ।
ତତୋଽବ୍ରବୀଦ୍ଧର୍ମରାଜଂ ଭୀମସେନସ୍ତଥାଗତମ୍।
ନୈବାଦ୍ରାକ୍ଷଂ ନଚାଶ୍ରୌଷଂ ତବ କଶ୍ମଲମୀଦୃଶମ୍॥ 7-126-31x (4583)
ପୁରାତିଦୁଃଖଦୀର୍ଣାନାଂ ଭବାନ୍ଗତିରଭୂଦ୍ଧି ନଃ।
ଉତ୍ତିଷ୍ଠୋତ୍ତିଷ୍ଠ ରାଜେନ୍ଦ୍ର ଶାଧି କିଂ କରବାଣି ତେ॥ 7-126-32 (50181)
ନ ହ୍ଯସାଧ୍ଯମକାର୍ଯଂ ବା ବିଦ୍ଯତେ ମମ ମାନଦ।
ଆଜ୍ଞାପଯ କୁରୁଶ୍ରେଷ୍ଠ ମା ଚ ଶୋକେ ମନଃ କୃଥାଃ॥ 7-126-33 (50182)
ସଞ୍ଜଯ ଉବାଚ। 7-126-34x (4584)
ତମବ୍ରବୀଦଶ୍ରୁପୂର୍ଣଃ କୃଷ୍ଣସର୍ପ ଇବ ଶ୍ବସନ୍।
ଭୀମସେନମିଦଂ ବାକ୍ଯଂ ପ୍ରମ୍ଲାନବଦନୋ ନୃପଃ॥ 7-126-34 (50183)
ଶ୍ରୂଯତେ ପାଞ୍ଚଜନ୍ଯସ୍ଯ ଯଥା ଶଙ୍ଖସ୍ଯ ନିସ୍ବନଃ।
ପୂରିତୋ ବାସୁଦେବେନ ସଂରବ୍ଧେନ ଯଶସ୍ବିନା॥ 7-126-35 (50184)
ନୂନମଦ୍ଯ ହତଃ ଶେତେ ତବ ଭ୍ରାତା ଧନଞ୍ଜଯଃ।
ତସ୍ମିନ୍ବିନିହତେ ନୂନଂ ଯୁଧ୍ଯତେଽସୌ ଜନାର୍ଦନଃ॥ 7-126-36 (50185)
ଯସ୍ଯ ସତ୍ବବତୋ ବୀର୍ଯଂ ହ୍ଯୁପଜୀବନ୍ତି ପାଣ୍ଡବାଃ।
ଯଂ ଭଯେଷ୍ବଭିଗଚ୍ଛନ୍ତି ସହସ୍ରାକ୍ଷମିବାମରାଃ॥ 7-126-37 (50186)
ସ ଶୂରଃ ସୈନ୍ଧବପ୍ରେପ୍ସୁରନ୍ବଯାଦ୍ଭାରତୀଂ ଚମୂମ୍।
ତସ୍ଯ ବୈ ଗମନଂ ବିଦ୍ମୋ ଭୀମ ନାବର୍ତନଂ ପୁନଃ॥ 7-126-38 (50187)
ଶ୍ଯାମୋ ଯୁବା ଗୁଡାକେଶୋ ଦର୍ଶନୀଯୋ ମହାରଥଃ।
ବ୍ଯୂଢୋରସ୍କୋ ମହାବାହୁର୍ମତ୍ତଦ୍ବିରଦବିକ୍ରମଃ॥ 7-126-39 (50188)
ଚକୋରନେତ୍ରସ୍ତାମ୍ରାସ୍ଯୋ ଦ୍ବିଷତାଂ ଭଯବର୍ଧନଃ।
`ମମ ପ୍ରିଯହିତାର୍ଥଂ ଚ ଶକ୍ରଲୋକାଦିହାଗତଃ॥ 7-126-40 (50189)
ବୃଦ୍ଧୋପସେବୀ ଧୃତିମାନ୍କୃତଜ୍ଞଃ ସତ୍ଯସଙ୍ଗରଃ।
ପ୍ରବିଷ୍ଟୋ ମହତୀଂ ସେନାମପର୍ଯନ୍ତାଂ ଧନଞ୍ଜଯଃ॥ 7-126-41 (50190)
ପ୍ରବିଷ୍ଟେ ଚ ଚମୂଂ ଘୋରାମର୍ଜୁନେ ଶତ୍ରୁନାଶନେ।
ପ୍ରେଷିତଃ ସାତ୍ବତୋ ବୀରଃ ଫଲ୍ଗୁନସ୍ଯ ପଦାନୁଗଃ॥ 7-126-42 (50191)
ତସ୍ଯାଭିଗମନଂ ଜାନେ ଭୀମ ନାବର୍ତନଂ ପୁନଃ'।
ତଦିଦଂ ମମ ଭଦ୍ରଂ ତେ ଶୋକସ୍ଥାନମରିନ୍ଦମ॥ 7-126-43 (50192)
ଅର୍ଜୁନାର୍ଥେ ମହାବାହୋ ସାତ୍ବତସ୍ଯ ଚ କାରଣାତ୍।
ବର୍ଧତେ ହବିଷେବାଗ୍ନିରିଧ୍ଯମାନଃ ପୁନଃ ପୁନଃ॥ 7-126-44 (50193)
ତସ୍ଯ ଲକ୍ଷ୍ମ ନ ପଶ୍ଯାମି ତେନ ବିନ୍ଦାମି କଶ୍ମଲମ୍।
ତଂ ବିଦ୍ଧି ପୁରୁଷବ୍ଯାଘ୍ରଂ ସାତ୍ବତଂ ଚ ମହାରଥମ୍॥ 7-126-45 (50194)
ସ ତଂ ମହାରଥଂ ପଶ୍ଚାଦନୁଯାତସ୍ତବାନୁଜମ୍।
ତମପଶ୍ଯନ୍ମହାବାହୁମଦଂ ବିନ୍ଦାମି କଶ୍ମଲମ୍॥ 7-126-46 (50195)
`ଅଥୈନଂ ପୁନରାଚକ୍ଷ୍ବ ଲୋହିତାକ୍ଷଂ ସକେଶବମ୍।
ଦୃଷ୍ଟ୍ବା କୁଶଲିନଂ ପାର୍ଥଂ ସୈନ୍ଧବାନ୍ତେ ସସାତ୍ଯକିମ୍॥ 7-126-47 (50196)
ସଂବିଦଂ ମମ କୁର୍ଯାସ୍ତ୍ବଂ ସିଂହନାଦେନ ପାଣ୍ଡବ॥ 7-126-48 (50197)
ନୂନଂ ବିନିହତଃ ଶୂରଃ ସବ୍ଯାସାଚୀ ପରନ୍ତପ'।
ପାର୍ଥେ ତସ୍ମିନ୍ହତେ ଚୈବ ଯୁଧ୍ଯତେ ଗରୁଡଧ୍ବଜଃ॥ 7-126-49 (50198)
ସହଯୋ ନାସ୍ଯ ବୈ କଶ୍ଚିତ୍ତେନ ବିନ୍ଦାମି କଶ୍ମଲମ୍।
ତସ୍ମାତ୍କୃଷ୍ଣୋ ରଣେ ନୂନଂ ଯୁଧ୍ଯତେ ଯୁଦ୍ଧକୋବିଦଃ॥ 7-126-50 (50199)
ନ ହି ମେ ଶୁଧ୍ଯତେ ଭାବସ୍ତଯୋରେବ ପରନ୍ତପ।
ସ ତତ୍ର ଗଚ୍ଛ କୌନ୍ତେଯ ଯତ୍ର ଯାତୋ ଧନଞ୍ଜଯଃ॥ 7-126-51 (50200)
ସାତ୍ଯକିଶ୍ଚ ମହାବୀର୍ଯଃ କର୍ତବ୍ଯଂ ଯଦି ମନ୍ଯସେ।
ବଚନଂ ମମ ଧର୍ମଜ୍ଞ ଭ୍ରାତା ଜ୍ଯେଷ୍ଠୋ ଭବାମି ତେ॥ 7-126-52 (50201)
ନ ମେଽର୍ଜୁନସ୍ତଥା ଜ୍ଞେଯୋ ଜ୍ଞାତବ୍ଯଃ ସାତ୍ଯକିର୍ଯଥା॥ 7-126-53 (50202)
ଚିକୀର୍ଷୁର୍ମତ୍ପ୍ରିଯଂ ପାର୍ଥ ସ ଯାତଃ ସବ୍ଯସାଚିନଃ।
ପଦବୀଂ ଦୁର୍ଗମାଂ ଘୋରାମଗମ୍ଯାମକୃତାତ୍ମଭିଃ॥ 7-126-54 (50203)
ଦୃଷ୍ଟ୍ବା କୁଶଲିନୌ କୃଷ୍ଣୌ ସାତ୍ବତଂ ଚୈବ ସାତ୍ଯକିମ୍।
ସଂବିଦଂ ଚୈବ କୁର୍ଯାସ୍ତ୍ବଂ ସିଂହନାଦେନ ପାଣ଼୍ଡବ॥ ॥ 7-126-55 (50204)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଷଡ୍ବିଂଶତ୍ଯଧିକଶତତମୋଽଧ୍ଯାଯଃ॥ 126 ॥
Mahabharata - Drona Parva - Chapter Footnotes
5-126-6 ବାନରର୍ଷଭଲକ୍ଷଣଂ ବାନରପ୍ରଧାନଧ୍ବଜମ୍। ବରବାନରକେତନମିତି ପାଠୋ ବା॥ 5-126-9 ସତ୍ଯୋ ଦୃଢପ୍ରତିଜ୍ଞଃ॥ 5-126-25 ସାତ୍ଯକିମ୍ପ୍ରତି ପ୍ରତିବିଧାନଂ କୃତମିତ୍ଯନ୍ବଯଃ॥ 5-126-40 ଚକୋରନେତ୍ରୋ ରକ୍ତାନ୍ତାଯତନଯନଃ। ତାମ୍ରାସ୍ଯୋ ରକ୍ତଗୌରମୁଖଃ॥ 5-126-126 ଷଡ୍ବିଂଶତ୍ଯଧିକଶତତମୋଽଧ୍ଯାଯଃ॥ 126 ॥ଦ୍ରୋଣପର୍ବ - ଅଧ୍ଯାଯ 127
॥ ଶ୍ରୀଃ ॥
7.127. ଅଧ୍ଯାଯଃ 127
Mahabharata - Drona Parva - Chapter Topics
କତିଚନ ଧାର୍ତରାଷ୍ଟ୍ରାନ୍ନିହତ୍ଯ ନିର୍ଗଚ୍ଛତା ଭୀମେନ ସ୍ବପଥଂ ନିରୁନ୍ଧାନସ୍ଯ ଦ୍ରୋଣସ୍ଯ ରଥଭଞ୍ଜନମ୍॥ 1 ॥Mahabharata - Drona Parva - Chapter Text
7-127-0 (50205)
ଭୀମସେନ ଉବାଚ। 7-127-0x (4585)
ବ୍ରହ୍ମେଶାନେନ୍ଦ୍ରବରୁଣାନବହଦ୍ଯଃ ପୁରା ରଥଃ।
ତମାସ୍ଥାଯ ଗତୌ କୃଷ୍ଣୌ ନ ତଯୋର୍ବିଦ୍ଯତେ ଭଯମ୍॥ 7-127-1 (50206)
ତବାଜ୍ଞାଂ ଶିରସା ବିଭ୍ରଦେଷ ଗଚ୍ଛାମି ମା ଶୁଚଃ।
ସମେତ୍ଯ ତାନ୍ନରବ୍ଯାଘ୍ରାସ୍ତବ ଦାସ୍ଯାମି ସଂବିଦମ୍॥ 7-127-2 (50207)
ସଞ୍ଜଯ ଉବାଚ। 7-127-3x (4586)
ଏତାବଦୁକ୍ତ୍ବା ପ୍ରଯଯୌ ପରିଦାଯ ଯୁଧିଷ୍ଠିରମ୍।
ଧୃଷ୍ଟଦ୍ଯୁମ୍ନାଯ ବଲବାନ୍ସୁହୃଦ୍ଭ୍ଯଶ୍ଚ ପୁନଃପୁନଃ।
ଧୃଷ୍ଟଦ୍ଯୁମ୍ନଂ ଚେଦମାହ ଭୀମସେନୋ ମହାବଲଃ॥ 7-127-3 (50208)
ବିଦିତଂ ତେ ମହାବାହୋ ଯଥା ଦ୍ରୋଣୋ ମହାରଥଃ।
ଗ୍ରହଣେ ଧର୍ମରାଜସ୍ଯ ସର୍ବୋପାଯେନ ବର୍ତତେ॥ 7-127-4 (50209)
ନ ଚ ମେ ଗମନେ କୃତ୍ଯଂ ତାଦୃକ୍ପାର୍ଷତ ବିଦ୍ଯତେ।
ଯାଦୃଶଂ ରକ୍ଷଣେ ରାଜ୍ଞଃ କାର୍ଯମାତ୍ଯଯିକଂ ହି ନଃ॥ 7-127-5 (50210)
ଏବମୁକ୍ତୋଽସ୍ମି ପାର୍ଥେନ ପ୍ରତିବକ୍ତୁଂ ନ ଚୋତ୍ସହେ।
ପ୍ରଯାସ୍ଯେ ତତ୍ର ଯତ୍ରାସୌ ମୁମୂର୍ଷୁଃ ସୈନ୍ଧବଃ ସ୍ଥିତଃ॥ 7-127-6 (50211)
ଧର୍ମରାଜସ୍ଯ ବଚନେ ସ୍ଥାତବ୍ଯମବିଶଙ୍କଯା।
ଯାସ୍ଯାମି ପଦବୀଂ ଭ୍ରାତୁଃ ସାତ୍ବତସ୍ଯ ଚ ଧୀମତଃ॥ 7-127-7 (50212)
ସୋଽଦ୍ଯ ଯତ୍ତୋ ରଣେ ରାର୍ଥଂ ପରିରକ୍ଷ ଯୁଧିଷ୍ଠିରମ୍।
ଏତଦ୍ଧି ସର୍ବକାର୍ଯାଣାଂ ପରମଂ କୃତ୍ସମାହବେ॥ 7-127-8 (50213)
ତମବ୍ରବୀନ୍ମହାରାଜ ଧୃଷ୍ଟଦ୍ଯୁମ୍ନୋ ବୃକୋଦରମ୍।
ଈପ୍ସିତଂ ତେ କରିଷ୍ଯାମି ଗଚ୍ଛ ପାର୍ଥାବିଚାରଯନ୍॥ 7-127-9 (50214)
ନାହତ୍ବା ସମରେ ଦ୍ରୋଣୋ ଧୃଷ୍ଟଦ୍ଯୁମ୍ନଂ କଥଞ୍ଚନ।
ନିଗ୍ରହଂ ଧର୍ମରାଜସ୍ଯ ପ୍ରକରିଷ୍ଯତି ସଂଯୁଗେ॥ 7-127-10 (50215)
ସଞ୍ଜଯ ଉବାଚ। 7-127-11x (4587)
ତତୋ ନିକ୍ଷିପ୍ଯ ରାଜାନଂ ଧୃଷ୍ଟଦ୍ଯୁମ୍ନେ ଚ ପାଣ୍ଡବମ୍।
ଅଭିବାଦ୍ଯ ଗୁରୁଂ ଜ୍ଯେଷ୍ଠଂ ପ୍ରଯଯୌ ଯେନ ଫଲ୍ଗୁନଃ॥ 7-127-11 (50216)
ପରିଷ୍ବକ୍ତଶ୍ଚ କୌନ୍ତେଯୋ ଧର୍ମରାଜେନ ମାରୁତିଃ।
ଆଘ୍ରାତଶ୍ଚ ତଥା ମୂର୍ଧ୍ନି ଶ୍ରାବିତଶ୍ଚାଶିଷଃ ଶୁଭାଃ॥ 7-127-12 (50217)
[କୃତ୍ବା ପ୍ରଦକ୍ଷିଣାନ୍ବିପ୍ରାନର୍ଚିତାଂସ୍ତୁଷ୍ଟମାନସାନ୍।
ଆଲଭ୍ଯ ମଙ୍ଗଲାନ୍ଯଷ୍ଟୌ ପୀତ୍ବା କୈରାତକଂ ମଧୁ॥ 7-127-13 (50218)
ଦ୍ବିଗୁଣଦ୍ରବିଣୋ ବୀରୋ ମଦରକ୍ତାନ୍ତଲୋଚନଃ।
ବିପ୍ରୈଃ କୃତସ୍ବସ୍ତ୍ଯଯନୋ ବିଜଯୋତ୍ପାଦସୂଚିତଃ॥ 7-127-14 (50219)
ପଶ୍ଯନ୍ନେବାତ୍ମନୋ ବୁଦ୍ଧିଂ ବିଜଯାନନ୍ଦକାରିଣୀମ୍।
ଅନୁଲୋମାନିଲୈଶ୍ଚାଶୁ ପ୍ରଦର୍ଶିତଜଯୋଦଯଃ॥ 7-127-15 (50220)
ଭୀମସେନୋ ମହାବାହୁଃ କବଚୀ ଶୁଭକୁଣ୍ଡଲୀ।
ସଗଦଃ ସତଲତ୍ରାଣଃ ସଶରୀ ରଥିନାଂ ବରଃ।
ରଥମାରୁହ୍ଯ ନିର୍ଯୁକ୍ତଂ ସର୍ବୋପକରଣାନ୍ବିତମ୍'॥ 7-127-16 (50221)
ତସ୍ଯ କାର୍ଷ୍ଣାଯସଂ ବର୍ମ ହେମଚିତ୍ରଂ ମହର୍ଦ୍ଧିମତ୍।
ବିବଭୌ ସର୍ବତଃ ଶ୍ଲିଷ୍ଟଂ ସବିଦ୍ଯୁଦିବ ତୋଯଦଃ॥ 7-127-17 (50222)
ପୀତରକ୍ତାସିତସିତୈର୍ବାସୌଭିଶ୍ଚ ସୁବେଷ୍ଟିତଃ।
କଣ୍ଠସୂତ୍ରେଣ ବିବଭୌ ସେନ୍ଦ୍ରାଯୁଧ ଇବାମ୍ବୁଦଃ॥ 7-127-18 (50223)
ପ୍ରଯାତେ ଭୀମସେନେ ତୁ ତବ ସୈନ୍ଯଂ ଯୁଯୁତ୍ସଯା।
ପାଞ୍ଚଜନ୍ଯରବୋ ଘୋରଃ ପୁନରାସୀଦ୍ବିଶାମ୍ପତେ॥ 7-127-19 (50224)
ତଂ ଶ୍ରୁତ୍ବା ନିନଦଂ ଘୋରଂ ତ୍ରୈଲୋକ୍ଯତ୍ରାସନଂ ମହତ୍।
ପୁନର୍ଭୀମଂ ମହାବାହୁଂ ଧର୍ମପୁତ୍ରୋଽଭ୍ଯଭାଷତ॥ 7-127-20 (50225)
ଏଷ ବୃଷ୍ଣିପ୍ରବୀରେଣ ଧ୍ମାତଃ ସଲିଲଜୋ ଭୃଶମ୍।
ପୃଥିବୀଂ ଚାନ୍ତରିକ୍ଷଂ ଚ ବିନାଦଯତି ଶଙ୍ଖରାଟ୍॥ 7-127-21 (50226)
ନୂନଂ ବ୍ଯସନମାପନ୍ନେ ସୁମହତ୍ସବ୍ଯସାଚିନି।
କୁରୁଭିର୍ଯୁଧ୍ଯତେ ସାର୍ଧଂ ସର୍ବୈଶ୍ଚକ୍ରଗଦାଧରଃ॥ 7-127-22 (50227)
ନୂନମାର୍ଯା ମହତ୍କୁନ୍ତୀ ପାପଂ ବ୍ଯସନମୀଦୃଶମ୍।
ଦ୍ରୌପଦୀ ଚ ସୁଭଦ୍ରା ଚ ପଶ୍ଯନ୍ତି ସହ ବନ୍ଧୁଭିଃ।
ତଦ୍ଭୀମ ତ୍ବରଯା ଯୁକ୍ତୋ ଯାହି ଯତ୍ର ଧନଞ୍ଜଯଃ॥ 7-127-23 (50228)
ମୁହ୍ଯତୀବ ହି ମେ ଚିତ୍ତଂ ଧନଞ୍ଜଯଦିଦୃକ୍ଷଯା।
ଦିଶଶ୍ଚ ପ୍ରଦିଶଃ ପାର୍ଥ ସାତ୍ବତସ୍ଯ ଚ କାରଣାତ୍॥ 7-127-24 (50229)
ଗଚ୍ଛଗଚ୍ଛେତି ଗୁରୁଣା ସୋଽନୁଜ୍ଞାତୋ ବୃକୋଦରଃ।
ତତଃ ପାଣ୍ଡୁସୁତୋ ରାଜନ୍ଭୀମସେନଃ ପ୍ରତାପବାନ୍॥ 7-127-25 (50230)
ବଦ୍ଧଗୋଧାଙ୍ଗୁଲିତ୍ରାଣଃ ପ୍ରଗୃହୀତଶରାସନଃ।
ଜ୍ଯେଷ୍ଠେନ ପ୍ରହିତୋ ଭ୍ରାତ୍ରା ଭ୍ରାତା ଭ୍ରାତୁଃ ପ୍ରିଯଙ୍କରଃ॥ 7-127-26 (50231)
ଆହତ୍ଯ ଦୁନ୍ଦୁଭିଂ ଭୀମଃ ଶଙ୍ଖଂ ପ୍ରଧ୍ମାପ୍ଯ ଚାସକୃତ୍।
ବିନଦ୍ଯ ସିଂହନାଦେନ ଜ୍ଯାଂ ବିକର୍ଷନ୍ପୁନଃପୁନଃ॥ 7-127-27 (50232)
ତେନ ଶବ୍ଦେନ ବୀରାଣାଂ ପାତଯିତ୍ବା ମନାଂସ୍ଯୁତ।
ଦର୍ଶଯନ୍ଘୋରମାତ୍ମାନମମିତ୍ରାନ୍ସହସାଽଭ୍ଯଯାତ୍॥ 7-127-28 (50233)
ତମୂହୁର୍ଜବନା ଦାନ୍ତା ବିରୁବନ୍ତୋ ହଯୋତ୍ତମାଃ।
ବିଶୋକେନ ସୁସଂଯତ୍ତା ମନୋମାରୁତରଂହସଃ॥ 7-127-29 (50234)
ଆରୁଜନ୍ବିରୁଜନ୍ପାର୍ଥୋ ଜ୍ଯାଂ ବିକର୍ଷଂଶ୍ଚ ପାଣିନା।
ସମ୍ପ୍ରକର୍ଷନ୍ବିକର୍ଷଂଶ୍ଚ ସେନାଗ୍ରଂ ସମଲୋଡଯତ୍॥ 7-127-30 (50235)
ତଂ ପ୍ରଯାନ୍ତଂ ମହାବାହୁଂ ପାଞ୍ଚାଲାଃ ସହସୋମକାଃ।
ପୃଷ୍ଠତୋଽନୁଯଯୁଃ ଶୂରା ମଘବନ୍ତମିବାମରାଃ॥ 7-127-31 (50236)
ତଂ ସମେତ୍ଯ ମହାରାଜ ତାବକାଃ ପର୍ଯବାରଯନ୍।
ଦୁଃଶାସନଶ୍ଚିତ୍ରସେନଃ କୁଣ୍ଡଭେଦୀ ବିବିଂଶତିଃ॥ 7-127-32 (50237)
ଦୁର୍ମୁଖୋ ଦୁଃସହଶ୍ଚୈବ ବିକର୍ଣଶ୍ଚ ଶଲସ୍ତଥା।
ବିନ୍ଦାନୁବିନ୍ଦୌ ସୁମୁଖୋ ଦୀର୍ଘବାହୁଃ ସୁଦର୍ଶନଃ॥ 7-127-33 (50238)
ବୃନ୍ଦାରକଃ ସୁହସ୍ତଶ୍ଚ ସୁଷେଣୋ ଦୀର୍ଘଲୋଚନଃ।
ଅଭଯୋ ରୌଦ୍ରକର୍ଣା ଚ ସୁବର୍ମା ଦୁର୍ବିମୋଚନଃ॥ 7-127-34 (50239)
ଶୋଭନ୍ତୋ ରଥିନାଂ ଶ୍ରେଷ୍ଠାଃ ସହସୈନ୍ଯପଦାନୁଗାଃ।
ସଂଯତ୍ତାଃ ସମରେ ବୀରା ଭୀମସେନମୁପାଦ୍ରବନ୍॥ 7-127-35 (50240)
ତୈଃ ସମନ୍ତାଦ୍ବୃତଃ ଶୂରୈଃ ସମରେଷୁ ମହାରଥଃ।
ତାନ୍ସମୀକ୍ଷ୍ଯ ତୁ କୌନ୍ତେଯୋ ଭୀମସେନଃ ପରାକ୍ରମୀ।
ଅଭ୍ଯବର୍ତତ ବେଗେନ ସିଂହଃ କ୍ଷୁଦ୍ରମୃଗାନିବ॥ 7-127-36 (50241)
ତେ ମହାସ୍ତ୍ରାଣି ଦିବ୍ଯାନି ତତ୍ର ବୀରା ଅଦର୍ଶଯନ୍।
ଛାଦଯନ୍ତଃ ଶରୈର୍ଭୀମଂ ମେଘାଃ ସୂର୍ଯମିବୋଦିତମ୍॥ 7-127-37 (50242)
ତତଃ କ୍ରୁଦ୍ଧୋ ମହାରାଜ ଭୀମସେନଃ ପରାକ୍ରମୀ।
ଅଗ୍ରତଃ ସ୍ଯନ୍ଦନାନୀକଂ ଶରବର୍ଷୈରବାକିରତ୍॥ 7-127-38 (50243)
ତେ ବଧ୍ଯମାନାଃ ସମରେ ତବ ପୁତ୍ରା ମହାରଥାଃ।
ଭୀମଂ ଭୀମବଲା ଯୁଦ୍ଧେ ଯୋଧଯନ୍ତି ଜଯୈଷିଣଃ॥ 7-127-39 (50244)
ତତୋ ଦୁଃଶାସନଃ କ୍ରୁଦ୍ଧୋ ରଥଶକ୍ତିଂ ସମାକ୍ଷିପତ୍।
ସର୍ବପାରସବୀଂ ତୀକ୍ଷ୍ଣାଂ ଜିଘାଂସୁଃ ପାଣ୍ଡୁନନ୍ଦନମ୍॥ 7-127-40 (50245)
ଆପତନ୍ତୀଂ ମହାଶକ୍ତିଂ ତବ ପୁତ୍ରପ୍ରଣୋଦିତାମ୍।
ଦ୍ବିଧା ଚିଚ୍ଛେଦ ତାଂ ଭୀମସ୍ତଦଦ୍ଭୁତମିବାଭବତ୍॥ 7-127-41 (50246)
ଅଥାନ୍ଯୈର୍ବିଶିଖୈସ୍ତୀକ୍ଷ୍ଣୈଃ ସଙ୍କ୍ରୁଦ୍ଧଃ କୁଣ୍ଡଭେଦିନମ୍।
ସୁଷେଣଂ ଦୀର୍ଘନେତ୍ରଂ ଚ ତ୍ରିଭିସ୍ତ୍ରୀନବଧୀଦ୍ବଲୀ॥ 7-127-42 (50247)
ତତୋ ବୃନ୍ଦାରକଂ ବୀରଂ କୁରୂଣାଂ କୀର୍ତିବର୍ଧନମ୍।
ପୁତ୍ରାଣାଂ ତବ ବୀରାଣାଂ ଯୁଧ୍ଯତାମବଧୀତ୍ପୁନଃ॥ 7-127-43 (50248)
ଅଭଯଂ ରୌଦ୍ରକର୍ମାଣଂ ଦୁର୍ବିମୋଚନମେବ ଚ।
ତ୍ରିଭିସ୍ତ୍ରୀନବଧୀଦ୍ଭୀମଃ ପୁନରେବ ସୁତାଂସ୍ତବ॥ 7-127-44 (50249)
ବଧ୍ଯମାନା ମହାରାଜ ପୁତ୍ରାସ୍ତବ ବଲୀଯସା।
ଭୀମଂ ପ୍ରହରତାଂ ଶ୍ରେଷ୍ଠଂ ସମନ୍ତାତ୍ପର୍ଯବାରଯନ୍॥ 7-127-45 (50250)
ତେ ଶରୈର୍ଭୀମକର୍ମାଣଂ ବବର୍ଷୁଃ ପାଣ୍ଡବଂ ଯୁଧି।
ମେଘା ଇବାତପାପାଯେ ଧାରାଭିର୍ଧରଣୀଧରମ୍॥ 7-127-46 (50251)
ସ ତଦ୍ବାଣମଯଂ ବର୍ଷମଶ୍ମବର୍ଷମିବାଚଲଃ।
ପ୍ରତୀଚ୍ଛନ୍ପାଣ୍ଡୁଦାଯାଦୋ ନ ପ୍ରାବ୍ଯଥତ ଶତ୍ରୁହା॥ 7-127-47 (50252)
ବିନ୍ଦାନୁବିନ୍ଦୌ ସହିତୌ ସୁବର୍ମାଣଂ ଚ ତେ ସୁତମ୍।
ପ୍ରହସନ୍ନେବ କୌନ୍ତେଯଃ ଶରୈର୍ନିନ୍ଯଂ ଯମକ୍ଷଯମ୍॥ 7-127-48 (50253)
ତତଃ ସୁଦର୍ଶନଂ ବୀରଂ ପୁତ୍ରଂ ତେ ଭରତର୍ଷଭ।
ବିବ୍ଯାଧ ସମରେ ତୂର୍ଣଂ ସ ପପାତ ମମାର ଚ॥ 7-127-49 (50254)
ସୋଽଚିରେଣୈବ କାଲେନ ତଦ୍ରଥାନୀକମାଶୁଗୈଃ।
ଦିଶଃ ସର୍ବାଃ ସମାଲୋକ୍ଯ ବ୍ଯଧମତ୍ପାଣ୍ଡୁନନ୍ଦନଃ॥ 7-127-50 (50255)
ତତୋ ବୈ ରଥଘୋଷେଣ ଗର୍ଜିତେନ ମୃଗା ଇବ।
ଭଜ୍ଯମାନାଶ୍ଚ ସମରେ ତବ ପୁତ୍ରା ବିଶାମ୍ପତେ।
ପ୍ରାଦ୍ରବନ୍ସହସା ସର୍ବେ ଭୀମସେନଭଯର୍ଦିତାଃ॥ 7-127-51 (50256)
ଅନୁଯାଯାଚ୍ଚ କୌନ୍ତେଯଃ ପୁତ୍ରାଣାଂ ତେ ମହଦ୍ବଲମ୍।
ବିବ୍ଯାଧ ସମରେ ରାଜନ୍କୌରବେଯାନ୍ସମନ୍ତତଃ॥ 7-127-52 (50257)
ବଧ୍ଯମାନା ମହାରାଜ ଭୀମସେନେନ ତାବକାଃ।
ତ୍ଯକ୍ତ୍ବା ଭୀମଂ ରଣାଜ୍ଜଗ୍ମୁଶ୍ଚୋଦଯନ୍ତୋ ହଯୋତ୍ତମାନ୍। 7-127-53 (50258)
ତାଂସ୍ତୁ ନିର୍ଜିତ୍ଯ ସମରେ ଭୀମସେନୋ ମହାବଲଃ।
ସିଂହନାଦରବଂ ଚକ୍ରେ ବାହୁଶବ୍ଦଂ ଚ ପାଣ୍ଡବଃ॥ 7-127-54 (50259)
*ମହାନ୍ତଂ ତଲଶବ୍ଦଂ ଚ କୃତ୍ବା ଦ୍ରୋଣାନ୍ତିକଂ ଯଯୌ।
ତମାବାରଯଦାଚାର୍ଯୋ ବେଲେବୋଦ୍ବୃତ୍ତମର୍ଣବମ୍॥ 7-127-55 (50260)
ତସ୍ଯ ଦ୍ରୋଣୋ ରଥଂ ରାଜଞ୍ଛାଦଯାମାସ ସଂଯୁଗେ।
ସାଶ୍ବସୂତଧ୍ବଜଂ ତୂର୍ଣଂ ତଦଦ୍ଭୁତମିବାଭବତ୍॥ 7-127-56 (50261)
ଲଲାଟେଽତାଡଯଚ୍ଚୈନଂ ନାରାଚେନ ସ୍ମଯନ୍ନିବ।
ଊର୍ଧ୍ବରଶ୍ମିରିବାଦିତ୍ଯୋ ବିବଭୌ ତତ୍ର ପାଣ୍ଡବଃ॥ 7-127-57 (50262)
ସ ମନ୍ଯମାନସ୍ତ୍ବାଚାର୍ଯୋ ମମାଯଂ ଫଲ୍ଗୁନୋ ଯଥା।
ଭୀମଃ କରିଷ୍ଯତେ ପୂଜାମିତ୍ଯୁବାଚ ବୃକୋଦରମ୍॥ 7-127-58 (50263)
ଭୀମସେନ ନ ତେ ଶକ୍ଯଂ ପ୍ରବେଷ୍ଟୁମରିବାହିନୀମ୍।
ମାମନିର୍ଜିତ୍ଯ ସମରେ ଶତ୍ରୁମଦ୍ଯ ମହାବଲ॥ 7-127-59 (50264)
ଯଦି ତେ ସାନୁଜଃ କୃଷ୍ଣଃ ପ୍ରବିଷ୍ଟୋଽନୁମତେ ମମ।
ଅନୀକଂ ନ ତୁ ଶକ୍ଯଂ ମେ ପ୍ରବେଷ୍ଟୁମିହ ବୈ ତ୍ବଯା॥ 7-127-60 (50265)
ସଞ୍ଜଯ ଉବାଚ। 7-127-61x (4588)
ଅଥ ଭୀମସ୍ତୁ ତଚ୍ଛ୍ରୁତ୍ବା ଗୁରୋର୍ବାକ୍ଯମଶେଷତଃ।
କ୍ରୁଦ୍ଧଃ ପ୍ରୋବାଚ ବୈ ଦ୍ରୋଣଂ ରକ୍ତତାମ୍ରେକ୍ଷଣଃ ଶ୍ବସନ୍॥ 7-127-61 (50266)
ତବାର୍ଜୁନୋ ନାନୁମତେ ବ୍ରହ୍ବନ୍ଧୋ ରମାଜିରମ୍।
ପ୍ରବିଷ୍ଟଃ ସ ହି ଦୁର୍ଧର୍ଷଃ ଶକ୍ରସ୍ଯାପି ବିଶେଦ୍ବଲମ୍॥ 7-127-62 (50267)
ଯେନ ତ୍ବଂ ପରମାଂ ପୂଜାଂ କୁର୍ବତା ମାନିତୋ ହ୍ଯସି।
ନାର୍ଜୁନୋଽହଂ ଘୃଣୀ ବିପ୍ର ଭୀମସେନୋଽସ୍ମି ତେ ରିପୁଃ॥ 7-127-63 (50268)
ପିତା ନସ୍ତ୍ବଂ ଗୁରୁର୍ବନ୍ଧୁସ୍ତଦା ପୁତ୍ରା ହି ର୍ତେ ବଯମ୍।
ଇତି ମନ୍ଯାମହେ ସର୍ବେ ଭବନ୍ତଂ ପ୍ରଣତାଃ ସ୍ଥିତାଃ॥ 7-127-64 (50269)
ତଦଦ୍ଯ ବିପରୀତଂ ତେ ବଦତୋଽସ୍ମାସୁ ଦୃଶ୍ଯତେ।
ଯଦି ଶତ୍ରୁଂ ତ୍ବମାତ୍ମାନଂ ମନ୍ଯସେ ତତ୍ତଥାଽସ୍ତ୍ବିହ।
ଏଷ ତେ ସଦୃଶଂ କର୍ମ ଶତ୍ରୋର୍ଭୀମଃ କରିଷ୍ଯତି॥ 7-127-65 (50270)
ସଞ୍ଜଯ ଉବାଚ। 7-127-66x (4589)
ଅଥୋଦ୍ଧାମ୍ଯ ଗଦାଂ ବୀରଃ କାଲଦଣ୍ଡମିବାନ୍ତକଃ।
ଦ୍ରୋଣାଯାବାସୃଜଦ୍ରାଜନ୍ସ ରଥାଦବପୁପ୍ଲୁବେ॥ 7-127-66 (50271)
ସାଶ୍ବସୂତଧ୍ବଜଂ ଯାନଂ ଦ୍ରୋଣସ୍ଯାପୋଥଯତ୍ତଦା।
ତଦଦ୍ଭୁତମପଶ୍ଯାମ ପାଣ୍ଡବେଯସ୍ଯ ବିକ୍ରମମ୍॥ 7-127-67 (50272)
ଦ୍ରୋଣଂ ତୁ ବିରଥଂ କୃତ୍ବା ଭୀମସେନୋ ମହାବଲଃ।
ଅଭ୍ଯବର୍ତତ ସୈନ୍ଯାନି ତାବକାନି ସମନ୍ତତଃ॥ 7-127-68 (50273)
ସ ମୃଦ୍ରଂସ୍ତରସା ଯୋଧାନ୍ବାଯୁର୍ବୃକ୍ଷାନିବୌଜସା।
ବିଚଚାର ରଣେ ରାଜନ୍ବାଯୁତୁଲ୍ଯପରାକ୍ରମଃ॥ 7-127-69 (50274)
ନିର୍ଜିତସ୍ତୁ ତଦା ତେନ ପାଣ୍ଡବେନ ମହାତ୍ମନା।
ଅନ୍ଯଂ ତୁ ରଥମାତିଷ୍ଠଦ୍ଦ୍ରୋଣଃ ପ୍ରହରତାଂ ବରଃ॥ ॥ 7-127-70 (50275)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ସପ୍ତବିଂଶତ୍ଯଧିକଶତତମୋଽଧ୍ଯାଯଃ॥ 127 ॥
Mahabharata - Drona Parva - Chapter Footnotes
5-127-1 ସଂବିଦଂ ଜ୍ଞାପନମ୍॥ 5-127- ଆତ୍ଯଯିକଂ ଅତିଶଯିତମ୍॥ 5-127- ଇଦଂ ଶ୍ଲୋକତ୍ରଯଂ ଝ. ପୁସ୍ତକ ଏବ ବର୍ତତେ। ଅନଲୋ ଗୋହିରଣ୍ଯଂ ଚ ଦୂର୍ବାଗୋରୋଚନାମୃତମ୍। ଅକ୍ଷତଂ ଦଧି ଚେତ୍ଯଷ୍ଟୌ ମଙ୍ଗଲାନି ପ୍ରଚକ୍ଷତେ॥ 5-127- ବିଜଯୋତ୍ପାଦସୂଚିତଃ ସୂଚିତବିଜଯୋତ୍ପାଦଃ॥ 5-127- ରଥମାରୁହ୍ଯ ପ୍ରଯଯାବିତି ପୂର୍ବେଣାନ୍ବଯଃ॥ 5-127- ଆହ କୁନ୍ତୀ ନୂନମାର୍ଯା ପାପମଦ୍ଯ ନିଦର୍ଶନମ୍। ଦ୍ରୋପଦ୍ରୀ ଚ ସୁଭଦ୍ରା ଚ ପଶ୍ଯନ୍ତ୍ଯୌ ସହ ବନ୍ଧୁଭିଃ। ଇତି ଝ. ପାଠଃ॥ 5-127- ଆରୁଜନ୍ କୃନ୍ତନ୍। ବିରୁଜନ୍ବିଷ୍ଯନ୍। ବିକର୍ଷନ୍ ଅତ୍ଯର୍ଥଂ କର୍ଷନ୍। ସମ୍ପ୍ରକର୍ଷନ୍ ସମ୍ଯକ୍ପ୍ରକର୍ଷେଣ ବିଲିଖନ୍। ବିକର୍ଷନ୍ ବିକ୍ଷିପନ୍॥ 5-127-* ଇଯଂ କଥା ଝ. ପାଠେ ପୂର୍ବାଧ୍ଯାଯେ 37 ତମଶ୍ଲୋକାଦନନ୍ତରଂ କଥିତାସ୍ତି।ଦ୍ରୋଣପର୍ବ - ଅଧ୍ଯାଯ 128
॥ ଶ୍ରୀଃ ॥
7.128. ଅଧ୍ଯାଯଃ 128
Mahabharata - Drona Parva - Chapter Topics
ପୁନର୍ଦ୍ରୋଣରଥାନ୍ଭଙ୍କ୍ତ୍ବା ଗଚ୍ଛତୋ ଭୀମସ୍ଯାର୍ଜୁନଦର୍ଶନେନ ସିଂହନାଦଃ॥ 1 ॥ ତଚ୍ଛ୍ରବଣେନ ଯୁଧିଷ୍ଠିରସ୍ଯ ହର୍ଷୋଦଯଃ॥ 2 ॥Mahabharata - Drona Parva - Chapter Text
7-128-0 (50276)
ସଞ୍ଜଯ ଉବାଚ। 7-128-0x (4590)
ସମୁତ୍ତୀର୍ଣଂ ରଥାନୀକଂ ପାଣ୍ଡବଂ ବିହସନ୍ରଣେ।
ବିବାରଯିଷୁରାଚାର୍ଯଃ ଶରବର୍ଷୈରବାକିରତ୍॥ 7-128-1 (50277)
ପିବନ୍ନିବ ଶରୌଘାଂସ୍ତାନ୍ଦ୍ରୋଣଚାପପରିଚ୍ଯୁତାନ୍।
ସୋଽଭ୍ଯଦ୍ରବତ ସୋଦର୍ଯାନ୍ମୋହଯନ୍ବଲମାଯଯା॥ 7-128-2 (50278)
ତଂ ମୃଧେ ବେଗମାସ୍ଥାଯ ପରଂ ପରମଧନ୍ବିନଃ।
ଚୋଦିତାସ୍ତବ ପୁତ୍ରୈଶ୍ଚ ସର୍ବତଃ ପର୍ଯବାରଯନ୍॥ 7-128-3 (50279)
ସ ତୈସ୍ତୁ ସଂବୃତୋ ଭୀମଃ କ୍ରୋଧେନ ପ୍ରଦହନ୍ନିବ।
ଉଦ୍ଯଚ୍ଛନ୍ସ ଗଦାଂ ତେଭ୍ଯଃ ସୁଘୋରାଂ ସିଂହବନ୍ନଦନ୍।
ଅବାସୃଜଚ୍ଚ ବେଗେନ ଶତ୍ରୁପକ୍ଷବିନାଶିନୀମ୍॥ 7-128-4 (50280)
ଇନ୍ଦ୍ରାଶନିରିବେନ୍ଦ୍ରେଣ ପ୍ରବିଦ୍ଧା ସଂହତାତ୍ମନା।
ପ୍ରାମଥ୍ନାତ୍ସା ମହାରାଜ ସୈନିକାଂସ୍ତବ ସଂଯୁଗେ॥ 7-128-5 (50281)
ଘୋଷେଣ ମହତା ରାଜନ୍ପୂରଯନ୍ତୀବ ମେଦିନୀମ୍।
ଜ୍ବଲନ୍ତୀ ତେଜସା ଭୀମା ତ୍ରାସଯାମାସ ତେ ସୁତାନ୍॥ 7-128-6 (50282)
ତାଂ ପତନ୍ତୀଂ ମହାବେଗାଂ ଦୃଷ୍ଟ୍ବା ତେଜୋଭିସଂବୃତାମ୍।
ପ୍ରାଦ୍ରବଂସ୍ତାବକାଃ ସର୍ବେ ନଦନ୍ତୋ ବୈରବାନ୍ରବାନ୍॥ 7-128-7 (50283)
ସିଂହନାଦମସହ୍ଯଂ ହି ଶ୍ରୁତ୍ବା ଭୀମସ୍ଯ ସଂଯୁଗେ।
ପ୍ରାପତନ୍ମୁନୁଜାସ୍ତ୍ରସ୍ତା ରଥେଭ୍ଯୋ ରଥିନସ୍ତଦା॥ 7-128-8 (50284)
ତେ ହନ୍ଯମାନା ଭୀମେନ ଗଦାହସ୍ତେନ ତାବକାଃ।
ପ୍ରାଦ୍ରବନ୍ତ ରଣେ ଭୀତା ବ୍ଯାଘ୍ରଘ୍ରାତା ମୃଗା ଇବ॥ 7-128-9 (50285)
ସ ତାନ୍ବିଦ୍ରାବ୍ଯ କୌନ୍ତେଯଃ ସଙ୍ଖ୍ଯେଽମିତ୍ରାନ୍ଦୁରାସଦାନ୍।
ସୁପର୍ଣ ଇବ ବେଗେନ ପକ୍ଷିରାଡତ୍ଯଗାଚ୍ଚମୂମ୍॥ 7-128-10 (50286)
ତଥା ତୁ ବିପ୍ରକୁର୍ବାଣଂ ରଥଯୂଥପଯୂଥପମ୍।
ଭାରଦ୍ବାଜୋ ମହାରାଜ ଭୀମସେନଂ ସମଭ୍ଯଯାତ୍॥ 7-128-11 (50287)
ଭୀମଂ ତୁ ସମରେ ଦ୍ରୋଣୋ ବାରଯିତ୍ବା ଶରୋର୍ମିଭିଃ।
ଅକରୋତ୍ସହସା ନାଦଂ ଷାଣ୍ଡୂନାଂ ଭଯମାଦଧତ୍॥ 7-128-12 (50288)
ତଦ୍ଯୁଦ୍ଧମାସୀତ୍ସୁମହଦ୍ଧୋରଂ ଦେବାସୁରୋପମମ୍।
ଦ୍ରୋଣସ୍ଯ ଚ ମହାରାଜ ଭୀମସ୍ଯ ଚ ମହାତ୍ମନଃ॥ 7-128-13 (50289)
ଯଦା ତୁ ବିଶିଖୈସ୍ତୀକ୍ଷ୍ଣୈର୍ଦ୍ରୋଣଚାପବିନିଃସୃତୈଃ।
ବଧ୍ଯନ୍ତେ ସମରେ ବୀରାଃ ଶତଶୋଽଥ ସହସ୍ରଶଃ॥ 7-128-14 (50290)
ତତୋ ରଥାଦବପ୍ଲୁତ୍ଯ ବେଗମାସ୍ଥାଯ ପାଣ୍ଡବଃ।
ନିମୀଲ୍ଯ ନଯନେ ରାଜନ୍ପଦାତିର୍ଦ୍ରୋଣମଭ୍ଯଯାତ୍॥ 7-128-15 (50291)
ଅଂସେ ଶିରୋ ଭୀମସେନଃ କରୌ କୃତ୍ବୋରସି ସ୍ଥିରୌ।
ବେଗମାସ୍ଥାଯ ବଲବାନ୍ମନୋନିଲଗରୁତ୍ମତାମ୍॥ 7-128-16 (50292)
ଯଥା ହି ଗୋବୃଷୋ ବର୍ଷଂ ପ୍ରତିଗୃହ୍ଣାତି ଲୀଲଯା।
ତଥା ଭୀମୋ ନରବ୍ଯାଘ୍ରଃ ଶରବର୍ଷଂ ସମଗ୍ରହୀତ୍॥ 7-128-17 (50293)
ସ ବଧ୍ଯମାନଃ ସମରେ ରଥଂ ଦ୍ରୋଣସ୍ଯ ମାରିଷ।
ଈଷାଯାଂ ପାଣିନା ଗୃହ୍ଯ ପ୍ରଚିକ୍ଷେପ ମହାବଲଃ॥ 7-128-18 (50294)
ଦ୍ରୋଣସ୍ତୁ ସତ୍ବରୋ ରାଜନ୍କ୍ଷିପ୍ତୋ ଭୀମେନ ସଂଯୁଗେ।
`ଦଦୃଶେ ତାବକୈର୍ଯୋଧୈର୍ବିସ୍ମଯୋତ୍ଫୁଲ୍ଲଲୋଚନୈଃ।
ପରିହୃତ୍ଯ ରଥଂ ଦ୍ରୋଣଶ୍ଚୂର୍ଣିତଂ ତଂ ମହୀତଲେ'॥ 7-128-19 (50295)
ରଥମନ୍ଯଂ ସମାରୁହ୍ଯ ବ୍ଯୂହଦ୍ବାରଂ ଯଯୌ ପୁନଃ।
ତମାଯାନ୍ତଂ ତଥା ଦୃଷ୍ଟ୍ବା ଭଗ୍ନୋତ୍ସାହଂ ଗୁରୁଂ ତଦା॥ 7-128-20 (50296)
ଗତ୍ବା ବେଗାତ୍ପୁନର୍ଭୀମୋ ଧୁରଂ ଗୃହ୍ଯ ରଥସ୍ଯ ତୁ।
ତମପ୍ଯତିରଥଂ ଭୀମଶ୍ଚିକ୍ଷେପ ଭୃଶରୋଷିତଃ॥ 7-128-21 (50297)
ଏବମଷ୍ଟୌ ରଥାଃ କ୍ଷିପ୍ତା ଭୀମସେନେନ ଲୀଲଯା॥ 7-128-22 (50298)
ବ୍ଯଦୃଶ୍ଯତ ନିମେଷେଣ ପୁନଃ ସ୍ବରଥମାସ୍ଥିତଃ।
ଦୃଶ୍ଯତେ ତାବକୈର୍ଯୋଧୈର୍ବିସ୍ମଯୋତ୍ଫୁଲ୍ଲଲୋଚନୈଃ॥ 7-128-23 (50299)
ତସ୍ମିନ୍କ୍ଷଣେ ତସ୍ଯ ଯନ୍ତା ତୂର୍ଣମଶ୍ବାନଚୋଦଯତ୍।
ଭୀମସେନସ୍ଯ କୌରବ୍ଯ ତଦଦ୍ଭୁତମିବାଭବତ୍॥ 7-128-24 (50300)
ତତଃ ସ୍ବରଥମାସ୍ଥାଯ ଭୀମସେନୋ ମହାବଲଃ।
ଅଭ୍ଯଦ୍ରବତ ବେଗେନ ତବ ପୁତ୍ରସ୍ଯ ବାହିନୀମ୍॥ 7-128-25 (50301)
ସ ମୃଦ୍ଗନ୍କ୍ଷତ୍ରିଯାନାଜୌ ବାତୋ ବୃକ୍ଷାନିବୋଦ୍ଧତଃ।
ଅଗଚ୍ଛଦ୍ଦାରଯନ୍ସେନାଂ ସିନ୍ଧୁବେଗୋ ନଗାନିବ॥ 7-128-26 (50302)
ଭୋଜାନୀକଂ ସମାସାଦ୍ଯ ହାର୍ଦିକ୍ଯେନାଭିରକ୍ଷିତମ୍।
ପ୍ରମଥ୍ଯ ତରସା ବୀରସ୍ତଦପ୍ଯତିବଲୋଽଭ୍ଯଯାତ୍॥ 7-128-27 (50303)
ସନ୍ତ୍ରାସଯନ୍ନନୀକାନି ତଲଶବ୍ଦେନ ପାଣ୍ଡବଃ।
ଅଜଯତ୍ସର୍ବସୈନ୍ଯାନି ଶାର୍ଦୂଲ ଇବ ଗୋବୃଷାନ୍॥ 7-128-28 (50304)
ଭୋଜାନୀକମତିକ୍ରମ୍ଯ ଦରଦାନାଂ ଚ ବାହିନୀମ୍।
ତଥା ମ୍ଲେଚ୍ଛଗଣାନନ୍ଯାନ୍ବହୂନ୍ଯୁଦ୍ଧବିଶାରଦାନ୍॥ 7-128-29 (50305)
ସାତ୍ଯକିଂ ଚୈବ ସମ୍ପ୍ରେକ୍ଷ୍ଯ ଯୁଧ୍ଯମାନଂ ମହାରଥମ୍।
ରଥେନ ଯତ୍ତଃ କୌନ୍ତେଯୋ ବେଗେନ ପ୍ରଯଯୌ ତଦା॥ 7-128-30 (50306)
ଭୀମସେନୋ ମହାରାଜ ଦ୍ରଷ୍ଟୁକାମୋ ଧନଞ୍ଜଯମ୍।
ଅତୀତ୍ଯ ସମରେ ଯୋଧାଂସ୍ତାବକାନ୍ପାଣ୍ଡୁନନ୍ଦନଃ॥ 7-128-31 (50307)
ସୋଽପଶ୍ଯଦର୍ଜୁନଂ ତତ୍ର ଯୁଧ୍ଯମାନଂ ମହାରଥମ୍।
ସୈନ୍ଧବସ୍ଯ ବଧାର୍ଥଂ ହି ପରାକ୍ରାନ୍ତଂ ପରାକ୍ରମୀ॥ 7-128-32 (50308)
ତଂ ଦୃଷ୍ଟ୍ବା ପୁରୁଷବ୍ଯାଘ୍ରଶ୍ଚୁକ୍ରୋଶ ମହତୋ ରବାନ୍।
ପ୍ରାବୃଟ୍କାଲେ ମହାରାଜ ନର୍ଦନ୍ନିବ ବଲାହକଃ॥ 7-128-33 (50309)
ତଂ ତସ୍ଯ ନିନଦଂ ଘୋରଂ ପାର୍ଥଃ ଶୁଶ୍ରାବ ନର୍ଦତଃ।
ବାସୁଦେବଶ୍ଚ କୌରବ୍ଯ ଭୀମସେନସ୍ଯ ସଂଯୁଗେ॥ 7-128-34 (50310)
ତୌ ଶ୍ରୁତ୍ବା ଯୁଗପଦ୍ବୀରୌ ନିନଦଂ ତସ୍ଯ ଶୁଷ୍ମିଣଃ।
ପୁନଃ ପୁନଃ ପ୍ରାଣଦତାଂ ଦିଦୃକ୍ଷନ୍ତୌ ବୃକୋଦରମ୍॥ 7-128-35 (50311)
ତତଃ ପାର୍ଥୋ ମହାନାଦଂ ମୁଞ୍ଚନ୍ବୈ ମାଧବଶ୍ଚ ହ।
ଅଭ୍ଯଯାତାଂ ମହାରାଜ ନର୍ଦନ୍ତୌ ଗୋବୃଷାବିବ॥ 7-128-36 (50312)
ଭୀମସେନରବଂ ଶ୍ରୁତ୍ବା ଫଲ୍ଗୁନସ୍ଯ ଚ ଧନ୍ବିନଃ।
ଅପ୍ରୀଯତ ମହାରାଜ ଧର୍ମପୁତ୍ରୋ ଯୁଧିଷ୍ଠିରଃ॥ 7-128-37 (50313)
ବିଶୋକଶ୍ଚାଭବଦ୍ରାଜା ଶ୍ରୁତ୍ବା ତଂ ନିନଦଂ ତଯୋଃ।
ଧନଞ୍ଜଯସ୍ଯ ସମରେ ଜଯମାଶାସ୍ତବାନ୍ବିଭିଃ॥ 7-128-38 (50314)
ତଥା ତୁ ନର୍ଦମାନେ ବୈ ଭୀମସେନେ ମଦୋତ୍କଟେ।
ସ୍ମିତଂ କୃତ୍ବା ମହାବାହୁର୍ଧର୍ମପୁତ୍ରୋ ଯୁଧିଷ୍ଠିରଃ॥ 7-128-39 (50315)
ହୃଦ୍ଗତଂ ମନସା ପ୍ରାହ ଧ୍ଯାତ୍ବା ଧର୍ମଭୃତାଂ ବରଃ।
ଦତ୍ତା ଭୀମ ତ୍ବଯା ସଂବିତ୍କୃତଂ ଗୁରୁବଚସ୍ତଥା॥ 7-128-40 (50316)
ନ ହି ତେଷାଂ ଜଯୋ ଯୁଦ୍ଧେ ଯେଷାଂ ଦ୍ବେଷ୍ଟାଽସି ପାଣ୍ଡବ।
ଦିଷ୍ଟ୍ଯା ଜୀବତି ସଙ୍ଗ୍ରମେ ସବ୍ଯସାଚୀ ଧନଞ୍ଜଯଃ॥ 7-128-41 (50317)
ଦିଷ୍ଟ୍ଯା ଚ କୁଶଲୀ ବୀରଃ ସାତ୍ଯକିଃ ସତ୍ଯବିକ୍ରମଃ।
ଦିଷ୍ଟ୍ଯା ଶୃଣୋମି ଗର୍ଜନ୍ତୌ ବାସୁଦେବଧନଞ୍ଜଯୌ॥ 7-128-42 (50318)
ଯେନ ଶକ୍ରଂ ରଣେ ଜିତ୍ବା ତର୍ପିତୋ ହବ୍ଯବାହନଃ।
ସ ହନ୍ତା ଦ୍ବିଷତାଂ ସଙ୍ଖ୍ଯେ ଦିଷ୍ଟ୍ଯା ଜୀବତି ଫଲ୍ଗୁନଃ॥ 7-128-43 (50319)
ଯସ୍ଯ ବାହୁବଲଂ ସର୍ବେ ବଯମାଶ୍ରିତ୍ଯ ଜୀବିତାଃ।
ସ ହନ୍ତା ରି ପୁସୈନ୍ଯାନାଂ ଦିଷ୍ଟ୍ଯା ଜୀବତି ଫଲ୍ଗୁନଃ॥ 7-128-44 (50320)
ନିବାତକବଚା ଯେନ ଦେବୈରପି ସୁଦୁର୍ଜଯାଃ।
ନିର୍ଜିତା ଧନୁଷୈକେନ ଦିଷ୍ଟ୍ଯା ପାର୍ଥଃ ସ ଜୀବତି॥ 7-128-45 (50321)
କୌରବାନ୍ସହିତାନ୍ସର୍ବାନ୍ଗୋଗ୍ରହାର୍ଥେ ସମାଗତାନ୍।
ଯୋଽଜଯନ୍ମତ୍ସ୍ଯନଗରେ ଦିଷ୍ଟ୍ଯା ପାର୍ଥଃ ସ ଜୀବତି॥ 7-128-46 (50322)
କାଲକେଯସହସ୍ରାଣି ଚତୁର୍ଦଶ ମହାରଣେ।
ଯୋଽବଧୀଦ୍ଭୁଜବୀର୍ଯେଣ ଦିଷ୍ଟ୍ଯା ପାର୍ଥଃ ସ ଜୀବତି॥ 7-128-47 (50323)
ଗନ୍ଧର୍ବରାଜଂ ବଲିନଂ ଦୁର୍ଯୋଧନକୃତେ ଚ ବୈ।
ଜିତବାନ୍ଯୋଽସ୍ତ୍ରବୀର୍ଯେଣ ଦିଷ୍ଟ୍ଯା ପାର୍ଥଃ ସ ଜୀବତି॥ 7-128-48 (50324)
କିରୀଟମାଲୀ ବଲବାଞ୍ଛେତାଶ୍ବଃ କୃଷ୍ଣସାରଥିଃ।
ମମ ପ୍ରିଯଶ୍ଚ ସତତଂ ଦିଷ୍ଟ୍ଯା ପାର୍ଥଃ ସ ଜୀବତି॥ 7-128-49 (50325)
ପୁତ୍ରଶୋକାଭିସନ୍ତପ୍ତଶ୍ଚିକୀର୍ଷନ୍କର୍ମ ଦୁଷ୍କରମ୍।
ଜଯଦ୍ରଥବଧାନ୍ବେଷୀ ପ୍ରତିଜ୍ଞାଂ କୃତବାନ୍ହି ଯଃ।
କଚ୍ଚିତ୍ସ ସୈନ୍ଧବଂ ସଙ୍ଖ୍ଯେ ହନିଷ୍ଯତି ଧନଞ୍ଜଯଃ॥ 7-128-50 (50326)
କଚ୍ଚିତ୍ତୀର୍ଣପ୍ରତିଜ୍ଞଂ ହି ବାସୁଦେବେନ ରକ୍ଷିତମ୍।
ଅନସ୍ତମିତ ଆଦିତ୍ଯେ ସମେଷ୍ଯାମ୍ଯହମର୍ଜୁନମ୍॥ 7-128-51 (50327)
କଚ୍ଚିତ୍ସୈନ୍ଧବକୋ ରାଜା ଦୁର୍ଯୋଧନହିତେ ରତଃ।
ନନ୍ଦଯିଷ୍ଯତ୍ଯମିତ୍ରାନ୍ହି ଫଲ୍ଗୁନେନ ନିପାତିତଃ॥ 7-128-52 (50328)
କଚ୍ଚିଦ୍ଦୁର୍ଯୋଧନୋ ରାଜା ଫଲ୍ଗୁନେନ ନିପାତିତମ୍।
ଦୃଷ୍ଟ୍ବା ସୈନ୍ଧବକଂ ସଙ୍ଖ୍ଯେ ଶମମସ୍ମାସୁ ଧାସ୍ଯତି॥ 7-128-53 (50329)
ଦୃଷ୍ଟ୍ବା ବିନିହତାନ୍ଭ୍ରାତୄନ୍ଭୀମସେନେନ ସଂଯୁଗେ।
କଚ୍ଚିଦ୍ଦୁର୍ଯୋଧନୋ ମନ୍ଦଃ ଶମମସ୍ମାସୁ ଯାସ୍ଯତି॥ 7-128-54 (50330)
ଦୃଷ୍ଟ୍ବା ଚାନ୍ଯାନ୍ମହାଯୋଧାନ୍ପାତିତାନ୍ଧରଣୀତଲେ।
କଚ୍ଚିଦ୍ଦୁର୍ଯୋଧନୋ ମନ୍ଦଃ ପଶ୍ଚାତ୍ତାପଂ ଗମିଷ୍ଯତି॥ 7-128-55 (50331)
ଶେଷସ୍ଯ ରକ୍ଷଣାର୍ଥଂ ଚ ସନ୍ଧାସ୍ଯତି ସୁଯୋଧନଃ॥
ଏବଂ ବହୁବିଧଂ ତସ୍ଯ ରାଜ୍ଞଶ୍ଚିନ୍ତଯତସ୍ତଦା। 7-128-56 (50332)
କୃପଯାଽଭିପରୀତସ୍ଯ ଘୋରଂ ଯୁଦ୍ଧମବର୍ତତ॥ ॥ 7-128-57 (50333)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଅଷ୍ଟାବିଂଶତ୍ଯଧିକଶତତମୋଽଧ୍ଯାଯଃ॥ 128 ॥
Mahabharata - Drona Parva - Chapter Footnotes
5-128-24 ଭୀମସେନସ୍ଯ କମେନ୍ତି ଶେଷଃ॥ 5-128-128 ଅଷ୍ଟାବିଂଶତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 129
॥ ଶ୍ରୀଃ ॥
7.129. ଅଧ୍ଯାଯଃ 129
Mahabharata - Drona Parva - Chapter Topics
ଭୀମେନ କର୍ଣପରାଜଯୋ ଦୁଃଶଲବଧଶ୍ଚ॥ 1 ॥Mahabharata - Drona Parva - Chapter Text
7-129-0 (50334)
ଧୃତରାଷ୍ଟ୍ର ଉବାଚ। 7-129-0x (4591)
ନିନଦନ୍ତଂ ତଥା ତଂ ତୁ ଭୀମସେନଂ ମହାବଲମ୍।
ମେଘସ୍ତନିତନିର୍ଘୋଷଂ କେ ବୀରାଃ ପର୍ଯବାରଯନ୍॥ 7-129-1 (50335)
ନ ହି ପଶ୍ଯାମ୍ଯହଂ ତଂ ବୈ ତ୍ରିଷୁ ଲୋକେଷୁ କଞ୍ଚନ।
କ୍ରୁଦ୍ଧସ୍ଯ ଭୀମସେନସ୍ଯ ଯସ୍ତିଷ୍ଠେଦଗ୍ରତୋ ରଣେ॥ 7-129-2 (50336)
ଗଦାଂ ଯୁଯୁତ୍ସମାନସ୍ଯ କାଲସ୍ଯେବେହ ସଞ୍ଚଯ।
ନ ହି ପଶ୍ଯାମ୍ଯହଂ ଯୁଦ୍ଧେ ଯସ୍ତିଷ୍ଠେଦଗ୍ରତଃ ପୁମାନ୍॥ 7-129-3 (50337)
ରଥଂ ରଥେନ ଯୋ ହନ୍ଯାତ୍କୁଞ୍ଜରଂ କୁଞ୍ଚରେଣ ଚ।
କସ୍ତସ୍ଯ ସମରେ ସ୍ଥାତା ସାକ୍ଷାଦପି ପୁରନ୍ଦରଃ॥ 7-129-4 (50338)
କ୍ରୁଦ୍ଧସ୍ଯ ଭୀମସେନସ୍ଯ ମମ ପୁତ୍ରାଞ୍ଜିଘାଂସତଃ।
ଦୁର୍ଯୋଧନହିତେ ଯୁକ୍ତାଃ ସମତିଷ୍ଠନ୍ତ କେଽଗ୍ରତଃ॥ 7-129-5 (50339)
ଭୀମସେନଦବାଗ୍ନେସ୍ତୁ ମମ ପୁତ୍ରାଂସ୍ତୃଣୋଲପମ୍।
ପ୍ରଧକ୍ଷ୍ଯତୋ ରଣମୁଖେ କେଽତିଷ୍ଠନ୍ନଗ୍ରତୋ ନରାଃ॥ 7-129-6 (50340)
କାଲ୍ଯମାନାଂସ୍ତୁ ପୁତ୍ରାନ୍ମେ ଦୃଷ୍ଟ୍ବା ଭୀମସ୍ଯ ସଂଯୁଗେ।
କାଲେନେବ ପ୍ରଜାଃ ସର୍ବାଃ କେ ଭୀମଂ ପର୍ଯବାରଯନ୍॥ 7-129-7 (50341)
ନ ମେଽର୍ଜୁନାଦ୍ଭଯଂ ତାଦୃକ୍କୃଷ୍ଣାନ୍ନାପି ଚ ସାତ୍ବତାତ୍।
ହୁତଭୁଗ୍ଜନ୍ମନୋ ନୈବ ଯାଦୃଗ୍ଭୀମାଦ୍ଭଯଂ ମମ॥ 7-129-8 (50342)
ଭୀମବହ୍ନେଃ ପ୍ରଦୀପ୍ତସ୍ଯ ମମ ପୁତ୍ରାନ୍ଦିଧକ୍ଷତଃ।
କେ ଶୂରାଃ ପର୍ଯବର୍ତନ୍ତ ତନ୍ମମାଚକ୍ଷ୍ବ ସଞ୍ଜଯ॥ 7-129-9 (50343)
ସଞ୍ଚଯ ଉବାଚ। 7-129-10x (4592)
ତଥା ତୁ ନର୍ଦମାନଂ ତଂ ଭୀମସେନଂ ମହାବଲମ୍।
ତୁମୁଲେନୈବ ଶବ୍ଦେନ କର୍ଣୋଽପ୍ଯଭ୍ଯଦ୍ରବଦ୍ବଲୀ॥ 7-129-10 (50344)
ବ୍ଯାକ୍ଷିପନ୍ସୁମହଚ୍ଚାପମତିମାତ୍ରମମର୍ଷଣଃ।
କର୍ଣଃ ସୁଯୁଦ୍ଧମାକାଙ୍କ୍ଷନ୍ଦର୍ଶଯିଷ୍ଯନ୍ବଲଂ ମୃଧେ॥ 7-129-11 (50345)
ରୁରୋଧ ମାର୍ଗଂ ଭୀମସ୍ଯ ବାତସ୍ଯେବ ମହୀରୁହଃ।
ଭୀମୋଽପି ଦୃଷ୍ଟ୍ବା ସାବେଗଂ ପୁରୋ ବୈକର୍ତନଂ ସ୍ଥିତମ୍॥ 7-129-12 (50346)
ଚୁକୋପ ବଲବଦ୍ବୀରଶ୍ଚିକ୍ଷେପାସ୍ଯ ଶିଲାଶିତାନ୍।
ତାନ୍ପ୍ରତ୍ଯଗୃହ୍ଣାତ୍କର୍ଣୋଽପି ପ୍ରତୀପଂ ପ୍ରାପଯଚ୍ଛରାନ୍॥ 7-129-13 (50347)
ତତସ୍ତୁ ସର୍ବଯୋଧାନାଂ ଯତନାଂ ପ୍ରେକ୍ଷତାଂ ତଦା।
ପ୍ରାବେପନ୍ନିବ ଗାତ୍ରାଣି କର୍ଣଭୀମସମାଗମେ॥ 7-129-14 (50348)
ରଥିନାଂ ସାଦିନାଂ ଚୈବ ତଯୋଃ ଶ୍ରୁତ୍ବା ତଲସ୍ବନମ୍।
ଭୀମସେନସ୍ଯ ନିନଦଂ ଶ୍ରୁତ୍ବା ଘୋରଂ ରଣାଜିରେ॥ 7-129-15 (50349)
ଖଂ ଚ ଭୂମିଂ ଚ ସଂରୁଦ୍ଧାଂ ମେନିରେ କ୍ଷତ୍ରିଯର୍ଷଭାଃ।
ପୁନର୍ଘୋରେଣ ନାଦେନ ପାଣ୍ଡବସ୍ଯ ମହାତ୍ମନଃ॥ 7-129-16 (50350)
ସମରେ ସର୍ବଯୋଧାନାଂ ଧନୂଂଷ୍ଯଭ୍ଯପତନ୍କ୍ଷିତୌ।
ଶସ୍ତ୍ରାଣି ନ୍ଯପତନ୍ଦୋର୍ଭ୍ଯଃ କେଷାଞ୍ଚିଚ୍ଚାସବୋଽଦ୍ରବନ୍॥ 7-129-17 (50351)
ବିତ୍ରସ୍ତାନି ଚ ସର୍ବାଣି ଶକୃନ୍ମୂତ୍ରଂ ପ୍ରସୁସ୍ରୁବୁଃ।
ବାହନାନି ଚ ସର୍ବାଣି ବଭୂବୁର୍ବିମନାଂସି ଚ॥ 7-129-18 (50352)
ପ୍ରାଦୁରାସନ୍ନିମିତ୍ତାନି ଘୋରାଣି ସୁବହୂନ୍ଯୁତ।
ଗୃଧ୍ରକଙ୍କବଲୈଶ୍ଚାସୀଦନ୍ତରିକ୍ଷଂ ସମାବୃତମ୍॥ 7-129-19 (50353)
ତସ୍ମିନ୍ସୁତୁମୁଲେ ରାଜନ୍କର୍ଣଭୀମସମାଗମେ।
ତତଃ କର୍ଣସ୍ତୁ ବିଂଶତ୍ଯା ଶରାଣାଂ ଭୀମମାର୍ଦଯତ୍॥ 7-129-20 (50354)
ବିବ୍ଯାଧ ଚାସ୍ଯ ତ୍ବରିତଃ ସୂତଂ ପଞ୍ଚଭିରାଶୁଗୈଃ।
ପ୍ରହସ୍ଯ ଭୀମସେନୋଽପି କର୍ଣଂ ପ୍ରତ୍ଯାଦ୍ରବଦ୍ରଣେ॥ 7-129-21 (50355)
ସାଯକାନାଂ ଚତୁଃ ଷଷ୍ଟ୍ଯା କ୍ଷିପ୍ରକାରୀ ମହାଯଶାଃ।
ତସ୍ଯ କର୍ଣୋ ମହେଷ୍ବାସଃ ସାଯକାଂଶ୍ଚତୁରୋଽକ୍ଷିପତ୍॥ 7-129-22 (50356)
ଅସମ୍ପ୍ରାପ୍ତାଂଶ୍ଚ ତାନ୍ଭୀମଃ ସାଯକୈର୍ନତପର୍ବଭିଃ।
ଚିଚ୍ଛେଦ ବହୁଧା ରାଜନ୍ଦର୍ଶଯନ୍ପାଣିଲାଘବମ୍॥ 7-129-23 (50357)
ତଂ କର୍ଣଶ୍ଚାଦଯାମାସ ଶରବ୍ରାତୈରନେକଶଃ।
ସଞ୍ଛାଦ୍ଯମାନଃ କର୍ଣେନ ବହୁଧା ପାଣ଼୍ଡୁନନ୍ଦନଃ॥ 7-129-24 (50358)
ଚିଚ୍ଛେଦ ଚାପଂ କର୍ଣସ୍ଯ ମୁଷ୍ଟିଦେଶେ ମହାରଥଃ।
ବିବ୍ଯାଧ ଚୈନଂ ବହୁଭିଃ ସାଯକୈର୍ନତପର୍ବଭିଃ॥ 7-129-25 (50359)
ଅଥାନ୍ଯଦ୍ଧନୁରାଦାଯ ସଞ୍ଯଂ କୃତ୍ବା ଚ ସୂତଜଃ।
ବିବ୍ଯାଧ ସମରେ ଭୀମଂ ଭୀମକର୍ମା ମହାରଥଃ॥ 7-129-26 (50360)
ତସ୍ଯ ବୀମୋ ଭୃଶଂ କ୍ରୁଦ୍ଧସ୍ତ୍ରୀଞ୍ଶରାନ୍ନତପର୍ବଣଃ।
ନିଚଖାନୋରସି କ୍ରୁଦ୍ଧଃ ସୂତପୁତ୍ରସ୍ଯ ବେଗତଃ॥ 7-129-27 (50361)
ତୈଃ କର୍ଣୋଽରାଜତ ଶରୈରୁରୋମଧ୍ଯଗତୈଃ ସଦା।
ମହୀଧର ଇବୋଦଗ୍ରସ୍ତ୍ରିଶୃଙ୍ଗୋ ଭରତର୍ଷଭ॥ 7-129-28 (50362)
ସୁସ୍ରାବ ଚାସ୍ଯ ରୁଧିରଂ ବିଦ୍ଧସ୍ଯ ପରମେଷୁଭିଃ।
ଧାତୁପ୍ରସ୍ଯନ୍ଦିନଃ ଶୈଲାଦ୍ଯଥା ଗୈରିକଧାତବଃ॥ 7-129-29 (50363)
କିଞ୍ଚିଦ୍ବିଚଲିତଃ କର୍ଣଃ ସୁପ୍ରହାରାଭିପୀଡିତଃ।
ଆକର୍ଣପୂର୍ଣମାକୃଷ୍ଯ ଭୀମଂ ବିବ୍ଯାଧ ସାଯକୈଃ॥ 7-129-30 (50364)
ଚିକ୍ଷେପ ଚ ପୁନର୍ବାଣାଞ୍ଶତଶୋଽଥ ସହସ୍ରଶଃ।
ସ ଶରୈରର୍ଦିତସ୍ତେନ କର୍ଣେନ ଦୃଢଧନ୍ବିନା।
ଧନୁର୍ଜ୍ଯାମଚ୍ଛିନତ୍ତୂର୍ଣଂ ଭୀମସ୍ତସ୍ଯ କ୍ଷୁରେଣ ହ॥ 7-129-31 (50365)
ସାରଥିଂ ଚାସ୍ଯ ଭଲ୍ଲେନ ରଥନୀଡାଦପାତଯତ୍।
ବାହାଂଶ୍ଚ ଚତୁରସ୍ତସ୍ଯ ବ୍ଯସୂଂଶ୍ଚକ୍ରେ ମହାରଥଃ॥ 7-129-32 (50366)
ହତାଶ୍ବାତ୍ତୁ ରଥାତ୍କର୍ଣଃ ସମାପ୍ଲୁତ୍ଯ ବିଶାମ୍ପତେ।
ସ୍ଯନ୍ଦନଂ ବୃଷସେନସ୍ଯ ତୂର୍ଣମାପୁପ୍ଲୁବେ ଭଯାତ୍॥ 7-129-33 (50367)
ନିର୍ଜିତ୍ଯ ତୁ ରଣେ କର୍ଣଂ ଭୀମସେନଃ ପ୍ରତାପବାନ୍।
ନନାଦ ବଲବାନ୍ନାଦଂ ପର୍ଜନ୍ଯନିନଦୋପମମ୍॥ 7-129-34 (50368)
ତସ୍ଯ ତଂ ନିନଦଂ ଶ୍ରୁତ୍ବା ପ୍ରହୃଷ୍ଟୋଽଭୂଦ୍ଯୁଧିଷ୍ଠିରଃ।
କର୍ଣଂ ପରାଜିତଂ ମତ୍ବା ଭୀମସେନେନ ସଂଯୁଗେ॥ 7-129-35 (50369)
ସମନ୍ତାଚ୍ଛଙ୍ଖନିନଦଂ ପାଣ୍ଡୁସେନାଽକରୋତ୍ତଦା।
ଶତ୍ରୁସେନାଧ୍ବନିଂ ଶ୍ରୁତ୍ବା ତାବକା ହ୍ଯନଦନ୍ଭୃଶମ୍॥ 7-129-36 (50370)
ସ ଶଙ୍ଖବାଣନିନଦୈର୍ହର୍ଷାଦ୍ରାଜା ସ୍ବବାହିନୀମ୍।
ଚକ୍ରେ ଯୁଧିଷ୍ଠିରଃ ସଙ୍ଖ୍ଯେ ହର୍ଷନାଦୈଶ୍ଚ ସଙ୍କୁଲାମ୍॥
ଗାଣ୍ଡୀବଂ ବ୍ଯାକ୍ଷିପତ୍ପାର୍ଥଃ କୃଷ୍ଣୋଽପ୍ଯବ୍ଜମବାଦଯତ୍ 7-129-37 (50371)
ତମନ୍ତର୍ଧାଯ ନିନଦଂ ଭୀମସ୍ଯ ନଦତୋ ଧ୍ବନିଃ।
ଅଶ୍ରୂଯତ ତଦା ରାଜନ୍ସର୍ବସୈନ୍ଯେଷୁ ଦାରୁଣଃ॥ 7-129-38 (50372)
ତତୋ ବ୍ଯାଯଚ୍ଛତାମସ୍ତ୍ରୈଃ ପୃଥକ୍ପୃଥଗଜିହ୍ମଗୈଃ।
ମୃଦୁପୂର୍ବଂ ତୁ ରାଧେଯୋ ଦୃଢପୂର୍ବଂ ତୁ ପାଣ୍ଡବଃ॥ 7-129-39 (50373)
`ଭୀମୋଽପି ଚ ମହାରାଜ ବୈକର୍ତନମୁପାଦ୍ରବତ୍।
ଆସୁରେ ତୁ ମହାସୈନ୍ଯେ ତାରକଂ ପାବକିର୍ଯଥା॥ 7-129-40 (50374)
ତଯୋରେବଂ ମହଦ୍ଯୁଦ୍ଧମଭବଦ୍ଭୀମକର୍ଣଯୋଃ।
ତଂ ଭୀମସେନୋ ମହତା ଶରବର୍ଷେଣ ବାରଯନ୍॥ 7-129-41 (50375)
ବିବ୍ଯାଧ ସାରଥିଂ ଚାସ୍ଯ ହଯାଂଶ୍ଚ ଚତୁରଃ ଶରୈଃ।
ଧ୍ବଜଂ ଚାସ୍ଯ ପତାକାଂ ଚ ଭଲ୍ଲୈଃ ସନ୍ନତପର୍ବଭିଃ।
ରଥଂ ଚ ଚକ୍ରରକ୍ଷୌ ଚ ଭୀମଶ୍ଚିଚ୍ଛେଦ ମାରିଷ॥ 7-129-42 (50376)
କର୍ଣୋଽପି ରଥିନାଂ ଶ୍ରେଷ୍ଠୋ ଭୀମସେନେନ କମ୍ପିତଃ।
ଖଙ୍ଗଚର୍ମଧରୋ ରାଜନ୍ଭୀମମଭ୍ଯଦ୍ରବଦ୍ବଲୀ॥ 7-129-43 (50377)
ଭୀମଶ୍ଚିଚ୍ଛେଦ ଖଙ୍ଗଂ ଚ ଚର୍ମଣା ସହ ମାରିଷ॥ 7-129-44 (50378)
ଦୃଷ୍ଟ୍ବା କର୍ଣଂ ଚ ପାର୍ଥେନ ବାଧିତଂ ବହୁଭିଃ ଶରୈଃ।
ଦୁର୍ଯୋଧନୋ ମହାରାଜ ଦୁଶ୍ଶଲଂ ପ୍ରତ୍ଯଭାଷତ।
କର୍ଣଂ କୃଚ୍ଛ୍ରଗତଂ ପଶ୍ଯ ଶୀଘ୍ରଂ ଯାନଂ ପ୍ରଯଚ୍ଛହ॥ 7-129-45 (50379)
ସଞ୍ଜଯ ଉବାଚ। 7-129-46x (4593)
ଏବମୁକ୍ତସ୍ତତୋ ରାଜ୍ଞା ଦୁଶ୍ଶଲଃ ସମୁପାଦ୍ରବତ୍।
ଦୁଶ୍ଶଲସ୍ଯ ରଥଂ କର୍ଣଶ୍ଚାରୁରୋହ ମହାରଥଃ॥ 7-129-46 (50380)
ତୌ ପାର୍ଥଃ ସହସା ଗତ୍ବା ବିବ୍ଯାଧ ଦଶଭିଃ ଶରୈଃ।
ପୁନଶ୍ଚ କର୍ଣଂ ବିଦ୍ଧ୍ବାଽପି ଦୁଶ୍ଶଲସ୍ଯ ଶିରୋଽହରତ୍॥ 7-129-47 (50381)
ଦୁଶ୍ଶଲଂ ନିହତଂ ଦୃଷ୍ଟ୍ବା ଭୀମସେନେନ ମାରିଷ।
ତସ୍ଯୈବ ଧନୁରାଦାଯ କର୍ଣୋ ବିବ୍ଯାଧ ପାଣ୍ଡବମ୍॥ 7-129-48 (50382)
ଅନ୍ଯୋନ୍ଯଂ ସମରେ ବୀରୌ ଯୁଯୁଧାତେ ମହାବଲୌ।
ଶତ୍ରୁଘ୍ନୌ ଶତ୍ରୁମଧ୍ଯେ ତୁ ବଲବଜ୍ରଭୃତାବିବ॥ 7-129-49 (50383)
ଭୀମୋ ବିଦ୍ଧା ହଯାଂଶ୍ଚୈବ ସାରଥିଂ ଚ ପୁନଃ ପୁନଃ।
କର୍ଣମଭ୍ଯଦ୍ରବତ୍ପାର୍ଥଃ ପ୍ରହସଂଶ୍ଚ ମହାବଲଃ॥ 7-129-50 (50384)
ତତୋ ବ୍ଯାଯଚ୍ଛମାନସ୍ଯ ଭୀମସେନସ୍ଯ ସଂଯୁଗେ।
ତତ୍ସୈନ୍ଯଂ କଲିଲୀଭୂତଂ ନ ପ୍ରାଜ୍ଞାଯତ କିଞ୍ଚନ॥ ॥ 7-129-51 (50385)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଏକୋନତ୍ରିଂଶଦଧିକଶତତମୋଽଧ୍ଯାଯଃ॥ 129 ॥
Mahabharata - Drona Parva - Chapter Footnotes
5-129-1 ଯୁଯୁତ୍ସମାନସ୍ଯ ବ୍ଯାପାରଯତଃ॥ 5-129- ସାବେଗଂ ସତ୍ବରମ୍॥ 5-129- ସଂରୁଦ୍ଧାମେକତାମାପନ୍ନାମ୍॥ 5-129- ବ୍ଯାଯଚ୍ଛତାଂ ପ୍ରହରତାମ୍॥ 5-129- ଏକୋନତ୍ରିଂଶଦଧିକଶତତମୋଽଧ୍ଯାଯଃ॥ 129 ॥ଦ୍ରୋଣପର୍ବ - ଅଧ୍ଯାଯ 130
॥ ଶ୍ରୀଃ ॥
7.130. ଅଧ୍ଯାଯଃ 130
Mahabharata - Drona Parva - Chapter Topics
ଦ୍ରୋଣଦୁର୍ଯୋଧନସଂବାଦୋ ଦୁର୍ଯୋଧନଯୁଦ୍ଧଂ ଚ॥ 1 ॥Mahabharata - Drona Parva - Chapter Text
7-130-0 (50386)
ସଞ୍ଜଯ ଉବାଚ। 7-130-0x (4594)
ତସ୍ମିନ୍ବିଲୁଲିତେ ସୈନ୍ଯେ ସୈନ୍ଧବାଯାର୍ଜୁନେ ଗତେ।
ସାତ୍ବତେ ଭୀମସେନେ ଚ ପୁତ୍ରସ୍ତେ ଦ୍ରୋଣମଭ୍ଯଯାତ୍।
ତ୍ବରନ୍ନେକରଥେନୈବ ବହୁ କୃତ୍ଯଂ ବିଚିନ୍ତଯନ୍॥ 7-130-1 (50387)
ସ ରଥସ୍ତବ ପୁତ୍ରସ୍ଯ ତ୍ବରଯା ପରଯା ଯୁତଃ।
ତୂର୍ଣମଭ୍ଯଦ୍ରବଦ୍ଦ୍ରୋଣଂ ମନୋମାରୁତବେଗବାନ୍॥ 7-130-2 (50388)
`ଇହ ଦୃଷ୍ଟ ଇତୋ ନଷ୍ଟଃ ସରଥଃ ପ୍ରାଦ୍ରବନ୍ନୃପଃ।
ମୁହୂର୍ତାଦିବ ପୁତ୍ରସ୍ତେ ଦ୍ରୋଣମାସାଦ୍ଯ ମାରିଷ'।
ସସମ୍ଭ୍ରମାମିଦଂ ବାକ୍ଯମବ୍ରବୀତ୍କୁରନନ୍ଦନଃ॥ 7-130-3 (50389)
ଅର୍ଜୁନୋ ଭୀମସେନଶ୍ଚ ସାତ୍ଯକିଶ୍ଚାପରାଜିତଃ।
ବିଜିତ୍ଯ ସର୍ବସୈନ୍ଯାନି ସୁମହାନ୍ତି ମହାରଥାଃ॥ 7-130-4 (50390)
ସମ୍ପ୍ରାପ୍ତାଃ ସିନ୍ଧୁରାଜସ୍ଯ ସମୀପମନିବାରିତାଃ।
ବ୍ଯାଯଚ୍ଛନ୍ତି ଚ ତତ୍ରାପି ସର୍ବ ଏବାପରାଜିତାଃ॥ 7-130-5 (50391)
ଯଦି ତାବଦ୍ରଣେ ପାର୍ଥୋ ବ୍ଯତିକ୍ରାନ୍ତୋ ମହାରଥଃ।
କଥଂ ସାତ୍ଯକିଭୀମାଭ୍ଯାଂ ବ୍ଯତିକ୍ରାନ୍ତୋଽସି ମାନଦ॥ 7-130-6 (50392)
ଆଶ୍ଚର୍ଯଭୂତୋ ଲୋକେଽସ୍ମିନ୍ସମୁଦ୍ରସ୍ଯେବ ଶୋଷଣମ୍।
ନିର୍ଜଯସ୍ତବ ବିପ୍ରାଗ୍ର୍ଯ ସାତ୍ବତେନାର୍ଜୁନେନ ଚ।
ତଥୈବ ଭୀମସେନେନ ଲୋକଃ ସଂବଦତେ ଭୃଶମ୍॥ 7-130-7 (50393)
କଥଂ ଦ୍ରୋଣୋ ଜିତଃ ସଙ୍ଖ୍ଯେ ଧନୁର୍ବେଦସ୍ଯ ପାରଗଃ।
ଇତ୍ଯେବଂ ବ୍ରୁବତେ ଯୋଧା ଅଶ୍ରଦ୍ଧେଯମିଦଂ ତବ॥ 7-130-8 (50394)
ନାଶ ଏବ ତୁ ମେ ନୂନଂ ମନ୍ଦଭାଗ୍ଯସ୍ଯ ସଂଯୁଗେ।
ଯତ୍ର ତ୍ବାଂ ପୁରୁଷବ୍ଯାଘ୍ରଂ ବ୍ଯତିକ୍ରାନ୍ତାସ୍ତ୍ରଯୋ ରଥାଃ॥ 7-130-9 (50395)
ଦ୍ରୋଣ ଉବାଚ। 7-130-10x (4595)
ଏବଂ ଗତେ ତୁ କୃତ୍ଯେଽସ୍ମିନ୍ବ୍ରୂହି ଯତ୍ତେ ବିବକ୍ଷିତମ୍।
ଯଦ୍ଗତଂ ଗତମେବେଦଂ ଶେଷଂ ଚିନ୍ତଯ ମାନଦ॥ 7-130-10 (50396)
ଦୁର୍ଯୋଧନ ଉବାଚ। 7-130-11x (4596)
ଯତ୍କୃତ୍ଯଂ ସିନ୍ଧୁରାଜସ୍ଯ ପ୍ରାପ୍ତକାଲମନନ୍ତରମ୍।
ତତ୍ସଂବିଧୀଯତାଂ କ୍ଷିପ୍ରଂ ସାଧୁ ସଞ୍ଚିନ୍ତ୍ଯ ନୋ ଦ୍ବିଜ॥ 7-130-11 (50397)
ଦ୍ରୋଣ ଉବାଚ। 7-130-12x (4597)
ଚିନ୍ତ୍ଯଂ ବହୁବିଧଂ ତାତ ଯତ୍କୃତ୍ଯଂ ତଚ୍ଛୃଣୁଷ୍ବ ମେ।
ତ୍ରଯୋ ହି ସମତିକ୍ରାନ୍ତାଃ ପାଣ୍ଡବାନାଂ ମହାରଥାଃ॥ 7-130-12 (50398)
ଯାବତ୍ତେଷାଂ ଭଯଂ ପଶ୍ଚାତ୍ତାବଦେଷାଂ ପୁରଃସରମ୍।
ତଦ୍ଗରୀଯସ୍ତରଂ ମନ୍ଯେ ଯତ୍ର କୃଷ୍ଣଧନଞ୍ଜଯୌ॥ 7-130-13 (50399)
ସା ପୁରସ୍ତାଚ୍ଚ ପଶ୍ଚାଚ୍ଚ ଗୃହୀତା ଭାରତୀ ଚମୂଃ।
ତତ୍ର କୃତ୍ଯମହଂ ମନ୍ଯେ ସୈନ୍ଧବସ୍ଯାଭିରକ୍ଷଣମ୍॥ 7-130-14 (50400)
ସ ନୋ ରକ୍ଷ୍ଯତମସ୍ତାତ କ୍ରୁଦ୍ଧାଦ୍ଭୀତୋ ଧନଞ୍ଜଯାତ୍।
ଗତୌ ଚ ସୈନ୍ଧବଂ ଭୀମୌ ଯୁଯୁଧାନବୃକୋଦରୌ॥ 7-130-15 (50401)
ସମ୍ପ୍ରାପ୍ତଂ ତଦିଦଂ ଦ୍ଯୂତଂ ଯତ୍ତଚ୍ଛକୁନିବୁଦ୍ଧିଜମ୍।
ନ ସଭାଯାଂ ଜଯୋ ବୃତ୍ତୋ ନାପି ତତ୍ର ପରାଜଯଃ।
ଇହ ନୋ ଗ୍ଲହମାନାନାମଦ୍ଯ ତାବଜ୍ଜଯାଜଯୌ॥ 7-130-16 (50402)
ଯାନ୍ସ୍ମ ତାନ୍ଗ୍ଲହତେ ଘୋରାଞ୍ଛକୁନିଃ କୁରୁସଂସଦି।
ଅକ୍ଷାନ୍ସ ମନ୍ଯମାନଃ ପ୍ରାକ୍ଶରାସ୍ତେ ହି ଦୁରାସଦାଃ॥ 7-130-17 (50403)
ଯତ୍ର ତେ ବହବସ୍ତାତ କୌରବେଯା ବ୍ଯବସ୍ଥିତାଃ।
ସେନ୍ନାଂ ଦୁରୋଦରଂ ବିଦ୍ଧି ଶରାନକ୍ଷାନ୍ବିଶାମ୍ପତେ।
ଗ୍ଲହଂ ଚ ସୈନ୍ଧବଂ ରାଜଂସ୍ତତ୍ର ଦ୍ଯୂତସ୍ଯ ନିଶ୍ଚଯଃ॥ 7-130-18 (50404)
ସୈନ୍ଧବେ ତୁ ମହଦ୍ଦ୍ଯୂଂତ ସମାସକ୍ତଂ ପରୈଃ ସହ।
ଅତ୍ର ତେ ଧ୍ରୁବମାଯତ୍ତୋ ଜଯୋ ବାଽଜଯ ଏବ ବା॥ 7-130-19 (50405)
ଅତ୍ର ସର୍ବେ ମହାରାଜ ତ୍ଯକ୍ତ୍ବା ଜୀବିତମାତ୍ମନଃ।
ସୈନ୍ଧବସ୍ଯ ରଣେ ରକ୍ଷାଂ ବିଧିବତ୍କର୍ତୁମର୍ହଥ।
ତତ୍ର ନୋ ଗ୍ଲହମାନାନାଂ ଧ୍ରୁବୌ ଜଯପରାଜଯୌ॥ 7-130-20 (50406)
ଯତ୍ର ତେ ପରମେଷ୍ବାସା ଯତ୍ତା ରକ୍ଷନ୍ତି ସୈନ୍ଧବମ୍।
ତତ୍ର ଗଚ୍ଛ ସ୍ବଯଂ ଶୀଘ୍ରଂ ତାଂଶ୍ଚ ରକ୍ଷସ୍ବ ରକ୍ଷିଣଃ॥ 7-130-21 (50407)
ଇହୈବ ତ୍ବହମାସିଷ୍ଯେ ପ୍ରେଷଯିଷ୍ଯାମି ଚାପରାନ୍।
ନିରୋତ୍ସ୍ଯାମି ଚ ପାଞ୍ଚାଲାନ୍ସହିତାନ୍ପାଣ୍ଡୁସୃଞ୍ଜଯୈଃ॥ 7-130-22 (50408)
ସଞ୍ଜଯ ଉବାଚ। 7-130-23x (4598)
ତତୋ ଦୁର୍ଯୋଧନୋଽଗଚ୍ଛତ୍ତୂର୍ଣମାଚାର୍ଯଶାସନାତ୍।
ଉଦ୍ଯମ୍ଯାତ୍ମାନମୁଗ୍ରାଯ କର୍ମଣେ ସ ପଦାନୁଗଃ॥ 7-130-23 (50409)
ଚକ୍ରରକ୍ଷୌ ତୁ ପାଞ୍ଚାଲ୍ଯୌ ଯୁଧାମନ୍ଯୂତ୍ତମୌଜସୌ।
ବାହ୍ଯେନ ସେନାମଭ୍ଯେତ୍ଯ ଜଗ୍ମତୁଃ ସବ୍ଯସାଚିନମ୍॥ 7-130-24 (50410)
ଯୌ ତୁ ପୂର୍ବଂ ମହାରାଜ ବାରିତୌ କୃତବର୍ମଣା।
ପ୍ରବିଷ୍ଟେ ତ୍ବର୍ଜୁନେ ରାଜଂସ୍ତବ ସୈନ୍ଯଂ ଯୁଯୁତ୍ସଯା॥ 7-130-25 (50411)
ପାର୍ଶ୍ବେ ଭିତ୍ତ୍ବା ଚମୂଂ ବୀରୌ ପ୍ରବିଷ୍ଟୌ ତବ ବାହିନୀମ୍।
ପାର୍ଶ୍ବେନ ସୈନ୍ଯମାଯାନ୍ତୌ କୁରୁରାଜୋ ଦଦର୍ଶ ହ॥ 7-130-26 (50412)
ତାଭ୍ଯାଂ ଦୁର୍ଯୋଧନଃ ସାର୍ଧମକରୋତ୍ସଙ୍ଖ୍ଯମୁତ୍ତମମ୍।
ତ୍ବରିତସ୍ତ୍ବରମାଣାଭ୍ଯାଂ ଭ୍ରାତୃଭ୍ଯାଂ ଭାରତୋ ବଲୀ॥ 7-130-27 (50413)
ତାବେନମଭ୍ଯଦ୍ରବତାମୁଭାବୁଦ୍ଯତକାର୍ମୁକୌ।
ମହାରଥସମାଖ୍ଯାତୌ କ୍ଷତ୍ରିଯପ୍ରବରୌ ଯୁଧି॥ 7-130-28 (50414)
ତମବିଧ୍ଯଦ୍ଯୁଧାମନ୍ଯୁସ୍ତ୍ରିଂଶତା କଙ୍କପତ୍ରିଭିଃ।
ବିଂଶତ୍ଯା ସାରଥିଂ ଚାସ୍ଯ ଚତୁର୍ଭିଶ୍ଚତୁରୋ ହଯାନ୍॥ 7-130-29 (50415)
ଦୁର୍ଯୋଧନୋ ଯୁଧାମନ୍ଯୋର୍ଧ୍ବଜମେକେଷୁଣାଽଚ୍ଛିନତ୍।
ଏକେନ କାର୍ମୁକଂ ଚାସ୍ଯ ଚକର୍ତ ତନଯସ୍ତବ॥ 7-130-30 (50416)
ସାରଥିଂ ଚାସ୍ଯ ଭଲ୍ଲେନ ରଥନୀଡାଦପାହରତ୍।
ତତୋଽବିଧ୍ଯଚ୍ଛରୈସ୍ତୀକ୍ଷ୍ଣୈଶ୍ଚତୁର୍ଭିଶ୍ଚତୁରୋ ହଯାନ୍॥ 7-130-31 (50417)
ଯୁଧାମନ୍ଯୁଶ୍ଚ ସଙ୍କ୍ରୁଦ୍ଧଃ ସରାଂସ୍ତ୍ରିଂଶତମାହବେ।
ବ୍ଯସୃଜତ୍ତବ ପୁତ୍ରସ୍ଯ ତ୍ବରମାଣଃ ସ୍ତନାନ୍ତରେ॥ 7-130-32 (50418)
ତଥୋତ୍ତମୌଜାଃ ସଙ୍କ୍ରୁଦ୍ଧଃ ଶରୈର୍ହେମବିଭୂଷିତୈଃ।
ଅବିଧ୍ଯତ୍ସାରଥିଂ ଚାସ୍ଯ ପ୍ରାହିଣୋଦ୍ଯମସାଦନମ୍॥ 7-130-33 (50419)
ଦୁର୍ଯୋଧନୋଽପି ରାଜେନ୍ଦ୍ର ପାଞ୍ଚାଲ୍ଯସ୍ଯୌତ୍ତମୌଜସଃ।
ଜଘାନ ଚତୁରୋଽସ୍ଯାଶ୍ଚାନୁଭୌ ତୌ ପାର୍ଷ୍ଣିସାରଥୀ॥ 7-130-34 (50420)
ଉତ୍ତମୌଜା ହତାଶ୍ବସ୍ତୁ ହତସୂତଶ୍ଚ ସଂଯୁଗେ।
ଆରୁରୋହ ରଥଂ ଭ୍ରାତୁର୍ଯୁଧାମନ୍ଯୋରଭିତ୍ବରନ୍॥ 7-130-35 (50421)
ସ ରଥଂ ପ୍ରାପ୍ଯ ତଂ ଭ୍ରାତୁର୍ଦୁର୍ଯୋଧନହଯାଞ୍ଶରୈଃ।
ବହୁଭିସ୍ତାଡଯାମାସ ତେ ହତାଃ ପ୍ରାପତନ୍ଭୁବି॥ 7-130-36 (50422)
ହଯେଷୁ ପତିତେଷ୍ବସ୍ଯ ଚିଚ୍ଛେଦ ପରମେଷୁଣା।
ଯୁଧାମନ୍ଯୁର୍ଧନୁଃ ଶୀଘ୍ରଂ ଶରାବାପଂ ଚ ସଂଯୁଗେ।
`ଅବିଧ୍ଯତ୍ସାରଥିଂ ଚାସ୍ଯ ପ୍ରାହିଣୋଦ୍ଯମସାଦନମ୍'॥ 7-130-37 (50423)
ହତାଶ୍ବସୂତାତ୍ସରଥାଦବତୀର୍ଯ ନରାଧିପଃ।
ଗଦାମାଦାଯ ତେ ପୁତ୍ରଃ ପାଞ୍ଚଲ୍ଯାବଭ୍ଯଧାବତ॥ 7-130-38 (50424)
ତମାପତନ୍ତଂ ସମ୍ପ୍ରେକ୍ଷ୍ଯ କ୍ରୁଦ୍ଧଂ କୁରୁପତିଂ ତଦା।
ଅବପ୍ଲୁତୌ ରଥୋପସ୍ଥାଦ୍ଯୁଧାମନ୍ଯୂତ୍ତମୌଜସୌ॥ 7-130-39 (50425)
ତତଃ ସ ହେମଚିତ୍ରଂ ତଂ ଗଦଯା ସ୍ଯନ୍ଦନଂ ଗତୀ।
ସଙ୍କ୍ରୁଦ୍ଧଃ ପୋଥଯାମାସ ସାଶ୍ବସୂତଧ୍ବଜଂ ନୃପ॥ 7-130-40 (50426)
`ଏତଦୀଦୃଶକଂ ପୁତ୍ରସ୍ତବାକାର୍ଷୀଜ୍ଜନାଧିପ।
ଗଦଯା ଗଦିନାଂ ଶ୍ରେଷ୍ଠଃ ସର୍ବଲୋକମହାରଥଃ'॥ 7-130-41 (50427)
ଭଙ୍କ୍ତ୍ବା ରଥଂ ସ ପୁତ୍ରସ୍ତେ ହତାଶ୍ବୋ ହତସାରଥିଃ।
ମଦ୍ରରାଜରଥଂ ତୂର୍ଣମାରୁରୋହ ପରନ୍ତପଃ॥ 7-130-42 (50428)
ପାଞ୍ଚାଲାନାଂ ତତୋ ମୁଖ୍ଯୌ ରାଜପୁତ୍ରୌ ମହାରଥୌ।
ରଥାବନ୍ଯୌ ସମାରୁହ୍ଯ ବୀଭତ୍ସୁମଭିଜଗ୍ମୁତଃ॥ ॥ 7-130-43 (50429)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ତ୍ରିଂଶଦଧିକଶତତମୋଽଧ୍ଯାଯଃ॥ 130 ॥
Mahabharata - Drona Parva - Chapter Footnotes
5-130-17 ତାନ୍ପ୍ରସିଦ୍ଧାନ୍ ଯାନକ୍ଷାନ୍। ଅକ୍ଷାନ୍ ମନ୍ଯମାନଃ ପ୍ରାଗ୍ ଗ୍ଲହତେସ୍ମ ଇତ୍ଯନ୍ବଯଃ॥ 5-130-18 ଯତ୍ର ସଭାଯାମ। ଦୂରୋଦରଂ ଦ୍ଯୂତକାରିଣମ୍॥ 5-130-20 ଜଯପରାଜଯୌ ଜଯଃ ପରାଜଯୋ ବେତ୍ଯର୍ଥଃ॥ 5-130-130 ତ୍ରିଂଶଦଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 131
॥ ଶ୍ରୀଃ ॥
7.131. ଅଧ୍ଯାଯଃ 131
Mahabharata - Drona Parva - Chapter Topics
ଭୀମେନ କର୍ଣସ୍ଯ ପରାଜଯଃ॥ 1 ॥Mahabharata - Drona Parva - Chapter Text
7-131-0 (50430)
ସଞ୍ଜଯ ଉବାଚ। 7-131-0x (4599)
ବର୍ତମାନେ ମହାରାଜ ସଙ୍ଗ୍ରାମେ ରୋମହର୍ଷଣେ।
ବ୍ଯାକୁଲେଷୁ ଚ ସର୍ବେଷୁ ପୀଡ୍ଯମାନେଷୁ ସର୍ବଶଃ॥ 7-131-1 (50431)
ରାଧେଯୋ ଭୀମମାନର୍ଚ୍ଛ ଯୁଦ୍ଧାଯ ଭରତର୍ଷଭ।
ଯଥା ନାଗୋ ବନେ ନାଗଂ ମତ୍ତୋ ମତ୍ତମଭିଦ୍ରବେତ୍॥ 7-131-2 (50432)
`ତତୋ ବ୍ଯାଯଚ୍ଛତାମସ୍ତ୍ରୈଃ ପୃଥକ୍ପୃଥଗରିନ୍ଦମୌ।
ମୃଦୁପୂର୍ବଂ ଚ ରାଧେଯୋ ଦୃଢପୂର୍ବଂ ଚ ପାଣ୍ଡବଃ'॥ 7-131-3 (50433)
ଧୃତରାଷ୍ଟ୍ର ଉବାଚ। 7-131-4x (4600)
ଯୌ ତୌ କର୍ଣଶ୍ଚ ଭୀମଶ୍ଚ ସମ୍ପ୍ରଯୁଦ୍ଧୌ ମହାବଲୌ।
ଅର୍ଜୁନସ୍ଯ ରଥୋପାନ୍ତେ କୀଦୃଶଃ ସୋଽଭବଦ୍ରଣଃ॥ 7-131-4 (50434)
ପୂର୍ବଂ ହି ନିର୍ଜିତଃ କର୍ଣୋ ଭୀମସେନେନ ସଂଯୁଗେ।
କଥଂ ଭୂଯଃ ସ ରାଧେଯୋ ଭୀମମାଗାନ୍ମହାରଥଃ॥ 7-131-5 (50435)
ଭୀମୋ ବା ସୂତତନଯଂ ପ୍ରତ୍ଯୁଦ୍ଯାତଃ କଥଂ ରଣେ।
ମହାରଥସମାଖ୍ଯାତଂ ପୃଥିବ୍ଯାଂ ପ୍ରବରଂ ରଥମ୍॥ 7-131-6 (50436)
ଭୀଷ୍ମଦ୍ରୋଣାବତିକ୍ରମ୍ଯ ଧର୍ମରାଜୋ ଯୁଧିଷ୍ଠିରଃ।
ନାନ୍ଯତୋ ଭଯମାଦତ୍ତ ବିନା କର୍ଣାନ୍ମହାରଥାତ୍॥ 7-131-7 (50437)
ଭଯାଦ୍ଯସ୍ଯ ମହାବାହୋ ନ ଶେତେ ବହୁଲାଃ ସମାଃ।
ଚିନ୍ତଯନ୍ନିତ୍ଯଶୋ ବୀର୍ଯଂ ରାଧେଯସ୍ଯ ମହାତ୍ମନଃ।
ତଂ କଥଂ ସୂତପୁତ୍ରଂ ତୁ ଭୀମୋଽଯୋଧଯତାହବେ॥ 7-131-8 (50438)
ବ୍ରହ୍ମଣ୍ଯଂ ବୀର୍ଯସମ୍ପନ୍ନଂ ସମରେଷ୍ବନିବର୍ତିନମ୍।
କଥଂ କର୍ଣଂ ଯୁଧାଂ ଶ୍ରେଷ୍ଠଂ ଯୋଧଯାମାସ ପାଣ୍ଡବଃ॥ 7-131-9 (50439)
ଯୌ ତୌ ସମୀଯତୁର୍ବୀରୌ ବୈକର୍ତନବୃକୋଦରୌ।
କଥଂ ତାବତ୍ର ଯୁଧ୍ଯେତାଂ ମହାବଲପରାକ୍ରମୌ॥ 7-131-10 (50440)
ଭ୍ରାତୃତ୍ବଂ ଦର୍ଶିତଂ ପୂର୍ବଂ ଘୃଣୀ ଚାପି ସ ସୂତଜଃ।
କଥଂ ଭୀମେନ ଯୁଯୁଧେ କୁନ୍ତ୍ଯା ବାକ୍ଯମନୁସ୍ମରନ୍॥ 7-131-11 (50441)
ଭୀମୋ ବା ସୂତପୁତ୍ରେଣ ସ୍ମରନ୍ବୈରଂ ପୁରା କୃତମ୍।
ଅଯୁଧ୍ଯତ କଥଂ ଶୂରଃ କର୍ଣେନ ସହ ସଂଯୁଗେ॥ 7-131-12 (50442)
ଆଶାସ୍ତେ ଚ ସଦା ସୂତପୁତ୍ରେ ଦୁର୍ଯୋଧନୋ ମମ।
କର୍ଣୋ ଜେଷ୍ଯତି ସଙ୍ଗ୍ରାମେ ସମସ୍ତାନ୍ପାଣ୍ଡବାନିତି॥ 7-131-13 (50443)
ଜଯାଶା ଯତ୍ର ପୁତ୍ରସ୍ଯ ମମ ମନ୍ଦସ୍ଯ ସଂଯୁଗେ।
ସ କଥଂ ଭୀମକର୍ମାଣଂ ଭୀମସେନମଯୋଧଯତ୍॥ 7-131-14 (50444)
ଯଂ ସମାସାଦ୍ଯ ପୁତ୍ରୈର୍ମେ କୃତଂ ବୈରଂ ମହାରଥୈଃ।
ତଂ ସୂତତନଯଂ ତାତ କଥଂ ଭୀମୋ ହ୍ଯଯୋଧଯତ୍॥ 7-131-15 (50445)
ଅନେକାନ୍ବିପ୍ରକାରାଂଶ୍ଚ ସୂତପୁତ୍ରସମୁଦ୍ଭବାନ୍।
ସ୍ମରମାଣଃ କଥଂ ଭୀମୋ ଯୁଯୁଧେ ସୂତସୂନୁନା॥ 7-131-16 (50446)
ଯୋଽଜଯତ୍ପୃଥିବୀଂ ସର୍ବାଂ ରଥେନୈକେନ ବୀର୍ଯବାନ୍।
ତଂ ସୂତତନଯଂ ଯୁଦ୍ଧେ କଥଂ ଭୀମୋ ହ୍ଯଯୋଧଯତ୍॥ 7-131-17 (50447)
ଯୋ ଜାତଃ କୁଣ୍ଡଲାଭ୍ଯାଂ ଚ କବଚେନ ସହୈବ ଚ।
ତଂ ସୂତପୁତ୍ରଂ ସମରେ ଭୀମଃ କଥମଯୋଧଯତ୍॥ 7-131-18 (50448)
`ଅସ୍ତ୍ରହେତୋଃ ପୁରା ତାତ ଭାର୍ଗବଂ ସମପୂଜଯତ୍।
ତସ୍ଯ ପ୍ରସାଦାଦ୍ବ୍ରହ୍ମାସ୍ତ୍ରଂ ଲବ୍ଧବାଂଶ୍ଚ ଭୃଗୂତ୍ତମାତ୍'॥ 7-131-19 (50449)
ଯଥା ତଯୋର୍ଯୁଦ୍ଧମଭୂଦ୍ଯଶ୍ଚାସୀଦ୍ବିଜଯୀ ତଯୋଃ।
ତନ୍ମମାଚକ୍ଷ୍ବ ତତ୍ତ୍ବେନ କୁଶଲୋ ହ୍ଯସି ସଞ୍ଜଯ॥ 7-131-20 (50450)
ସଞ୍ଚଯ ଉବାଚ। 7-131-21x (4601)
ଭୀମସେନସ୍ତୁ ରାଧେଯମୁତ୍ସୃଜ୍ଯ ରଥିନାଂ ବରମ୍।
ଇଯେଷ ଗନ୍ତୁଂ ଯତ୍ରାସ୍ତାଂ ବୀରୌ କୃଷ୍ଣଧନଞ୍ଚଯୌ॥ 7-131-21 (50451)
ତଂ ପ୍ରଯାନ୍ତମଭିଦ୍ରୁତ୍ଯ ରାଧେଯଃ କଙ୍କପତ୍ରିଭିଃ।
ଅଭ୍ଯବର୍ଷନ୍ମହାରାଜ ମେଘୋ ବୃଷ୍ଟ୍ଯେବ ପର୍ବତମ୍॥ 7-131-22 (50452)
ଫୁଲ୍ଲତା ପଙ୍କଜେନେବ ବକ୍ତ୍ରେଣ ବିହସନ୍ବଲୀ।
ଆଜୁହାବ ରଣେ ଯାନ୍ତଂ ଭୀମମାଧିରଥିସ୍ତଦା॥ 7-131-23 (50453)
କର୍ଣ ଉବାଚ।
ଭୀମାହିତୈସ୍ତବ ରଣଃ ସ୍ବପ୍ନେଽପି ନ ବିଭାବିତଃ। 7-131-24 (50454)
ତଦ୍ଦର୍ଶଯସି କସ୍ମାନ୍ମେ ପୃଷ୍ଠଂ ପାର୍ଥଦିଦୃକ୍ଷଯା॥
କୁନ୍ତ୍ଯାଃ ପୁତ୍ରସ୍ଯ ସଦୃଶଂ ନେଦଂ ପାଣ୍ଡବନନ୍ଦନ। 7-131-25 (50455)
ତେନ ମାମଭିତଃ ସ୍ଥିତ୍ବା ଶରବର୍ଷୈରବାକିର॥ 7-131-26 (50456)
ସଞ୍ଜଯ ଉବାଚ।
ଭୀମସେନସ୍ତଦାହ୍ବାନଂ କର୍ଣାନ୍ନାମର୍ଷଯଦ୍ଯୁଧି।
ଅର୍ଧମଣ୍ଡଲମାବୃତ୍ଯ ସୂତପୁତ୍ରମଯୋଧଯତ୍॥ 7-131-26x (4602)
ଅବକ୍ରଗାମିଭିର୍ବାଣୈରଭ୍ଯବର୍ଷନ୍ମହାଯଶାଃ।
ଦଂଶିତଂ ଦ୍ବୈରଥେ ଯତ୍ତଂ ସର୍ବଶସ୍ତ୍ରବିଶାରଦମ୍॥ 7-131-27 (50457)
ବିଧିତ୍ସୁଃ କଲହସ୍ଯାନ୍ତଂ ଜିଘାଂସୁଃ କର୍ଣମକ୍ଷିଣୋତ୍॥ 7-131-28 (50458)
ହତ୍ବା ତସ୍ଯାନୁଗାଂସ୍ତଂ ଚ ହନ୍ତୁକାମୋ ମହାବଲଃ।
ତସ୍ମୈ ବ୍ଯସୃଜଦୁଗ୍ରାଣି ବିବିଧାନି ପରନ୍ତପଃ।
ଅମର୍ଷାତ୍ପାଣ୍ଡବଃ କ୍ରୁଦ୍ଧଃ ଶରବର୍ଷାଣି ମାରିଷ॥ 7-131-29 (50459)
ତସ୍ଯ ତାନୀଷୁବର୍ଷାଣି ମତ୍ତଦ୍ବିରଦଗାମିନଃ।
ସୂତପୁତ୍ରୋଽସ୍ତ୍ରମାଯାଭିରଗ୍ରସତ୍ପରମାସ୍ତ୍ରବିତ୍॥ 7-131-30 (50460)
ସ ଯଥାବନ୍ମହାବାହୁର୍ବିଦ୍ଯଯା ବୈ ସୁପୂଜିତଃ।
ଆଚାର୍ଯବନ୍ମହେଷ୍ବାସଃ କର୍ଣଃ ପର୍ଯଚରଦ୍ବଲୀ॥ 7-131-31 (50461)
ଯୁଧ୍ଯମାନଂ ତୁ ସଂରମ୍ଭାଦ୍ଭୀମସେନଂ ହସନ୍ନିବ।
ଅଭ୍ଯପଦ୍ଯତ କୌନ୍ତେଯଂ କର୍ଣୋ ରାଜନ୍ବୃକୋଦରମ୍॥ 7-131-32 (50462)
ତନ୍ନାମୃଷ୍ଯତ କୌନ୍ତେଯଃ କର୍ଣସ୍ଯ ସ୍ମିତମାହବେ।
ଯୁଧ୍ଯମାନେଷୁ ବୀରେଷୁ ପଶ୍ଯତ୍ସୁ ଚ ସମନ୍ତତଃ॥ 7-131-33 (50463)
ତଂ ଭୀମସେନଃ ସଙ୍ଗ୍ରାପ୍ତଂ ବତ୍ସଦନ୍ତୈଃ ସ୍ତନାନ୍ତରେ।
ବିବ୍ଯାଧ ବଲବାନ୍କ୍ରୁଦ୍ଧସ୍ତୋତ୍ରୈରିବ ମହାଦ୍ବିପମ୍॥ 7-131-34 (50464)
ପୁନଶ୍ଚ ସୂତପୁତ୍ରଂ ତୁ ସ୍ବର୍ଣପୁଙ୍ଖୈଃ ଶିଲାଶିତୈଃ।
ସୁମୁକ୍ତୈଶ୍ଚିତ୍ରବର୍ମାଣଂ ନିର୍ବିଭେଦ ତ୍ରିସପ୍ତଭିଃ॥ 7-131-35 (50465)
କର୍ଣୋ ଜାମ୍ବୂନଦୈର୍ଜାଲୈଃ ସଞ୍ଛନ୍ନାନ୍ବାତରଂହସଃ।
ହଯାନ୍ବିବ୍ଯାଧ ଭୀମସ୍ଯ ପଞ୍ଚଭିଃ ପଞ୍ଚଭିଃ ଶରୈଃ॥ 7-131-36 (50466)
ତତୋ ବାଣମଯଂ ଜଲଂ ଭୀମସେନରଥଂ ପ୍ରତି।
କର୍ଣେନ ବିହିତଂ ରାଜନ୍ନିମେଷାର୍ଧାଦଦୃଶ୍ଯତ॥ 7-131-37 (50467)
ସରଥଃ ସଧ୍ବଜସ୍ତତ୍ର ସସୂତଃ ପାଣ୍ଡବସ୍ତଦା।
ପ୍ରାଚ୍ଛାଦ୍ଯତ ମହାରାଜ କର୍ଣଚାପଚ୍ଯୁତୈଃ ଶରୈଃ॥ 7-131-38 (50468)
ତସ୍ଯ କର୍ଣଶ୍ଚତୁଃଷଷ୍ଟ୍ଯା ବ୍ଯଧମତ୍କବଚଂ ଦୃଢମ୍।
କ୍ରୁଦ୍ଧଶ୍ଚାପ୍ଯହନତ୍ପାର୍ଥଂ ନାରାଚୈର୍ମର୍ମଭେଦିଭିଃ॥ 7-131-39 (50469)
ତତୋଽଚିନ୍ତ୍ଯ ମହାବାହୁଃ କର୍ଣକାର୍ମୁକନିଃସୃତାନ୍।
ସମାଶ୍ଲିଷ୍ଯଦସମ୍ଭ୍ରାନ୍ତଃ ସୂତପୁତ୍ରଂ ବୃକୋଦରଃ॥ 7-131-40 (50470)
ସ କର୍ଣଚାପପ୍ରଭବାନିଷୂନାଶୀବିଷୋପମାନ୍।
ବିଭ୍ରଦ୍ଭୀମୋ ମହାରାଜ ନ ଜଗାମ ବ୍ଯଥାଂ ରଣେ॥ 7-131-41 (50471)
ତତୋ ଦ୍ବାତ୍ରିଂଶତା ଭଲ୍ଲୈର୍ନିଶିତୈସ୍ତିଗ୍ମତେଜନୈଃ।
ବିବ୍ଯାଧ ସମରେ କର୍ଣଂ ଭୀମସେନଃ ପ୍ରତାପବାନ୍॥ 7-131-42 (50472)
ଅଯତ୍ନେନୈବ ତଂ କର୍ଣଃ ଶରୈର୍ଭୃଶମବାକିରତ୍।
ଭୀମସେନଂ ମହାବାହୁଂ ସୈନ୍ଧବସ୍ଯ ବଧୈଷିଣମ୍॥ 7-131-43 (50473)
ମୃଦୁପୂର୍ବଂ ତୁ ରାଧେଯୋ ଭୀମମାଜାବଯୋଧଯତ୍।
କ୍ରୋଧପୂର୍ବଂ ତଥା ଭୀମଃ ପୂର୍ବବୈରମନୁସ୍ମରନ୍॥ 7-131-44 (50474)
ତଂ ଭୀମସେନୋ ନାମୃଷ୍ଯଦବମାନମମର୍ଷଣଃ।
ସ ତସ୍ମୈ ବ୍ଯସୃଜତ୍ତୂର୍ଣଂ ଶରବର୍ଷମମିତ୍ରହା॥ 7-131-45 (50475)
ତେ ଶରାଃ ପ୍ରେଷିତାସ୍ତେନ ଭୀମସେନେନ ସଂଯୁଗେ।
ନିପେତୁଃ ସର୍ବତୋ ବୀରେ କୂଜନ୍ତ ଇବ ପକ୍ଷିଣଃ॥ 7-131-46 (50476)
ହେମପୁଙ୍ଖା ମହାବେଗା ଭୀମସେନଧନୁଶ୍ଚ୍ଯୁତାଃ।
ପ୍ରାଚ୍ଛାଦଯଂସ୍ତେ ରାଧେଯଂ ଶଲଭା ଇବ ପାବକମ୍॥ 7-131-47 (50477)
କର୍ଣସ୍ତୁ ରଥିନାଂ ଶ୍ରେଷ୍ଠଶ୍ଛାଦ୍ଯମାନଃ ସମନ୍ତତଃ।
ରାଜନ୍ବ୍ଯସୃଜଦୁଗ୍ରାଣି ଶରବର୍ଷାଣି ଭାରତ॥ 7-131-48 (50478)
ତସ୍ଯ ତାନଶନିପ୍ରଖ୍ଯାନିଷୂନ୍ସମରଶୋଭିନଃ।
ଚିଚ୍ଛେଦ ବହୁଭିର୍ଭଲ୍ଲୈରସମ୍ପ୍ରାପ୍ତାନ୍ବୃକୋଦରଃ॥ 7-131-49 (50479)
ପୁନଶ୍ଚ ଶରବର୍ଷେଣ ଚ୍ଛାଦଯାମାସ ଭାରତ।
କର୍ଣୋ ବୈକର୍ତନୋ ଯୁଦ୍ଧେ ଭୀମସେନମରିନ୍ଦମଃ॥ 7-131-50 (50480)
ତତ୍ର ଭାରତ ଭୀମଂ ତୁ ଦୃଷ୍ଟବନ୍ତଃ ସ୍ମ ସାଯକୈଃ।
ସମାଚିତତନୁଂ ସଙ୍ଖ୍ଯେ ଶ୍ବାବିଧଂ ଶଲଲୈରିବ॥ 7-131-51 (50481)
ହେମପୁଙ୍ଖାଞ୍ଛିଲାଧୌତାନ୍କର୍ଣଚାପଚ୍ଯୁତାଞ୍ଛରାନ୍।
ଦଧାର ସମରେ ବୀରଃ ସ୍ବରଶ୍ମୀନିବ ରଶ୍ମିମାନ୍'॥ 7-131-52 (50482)
ରୁଧିରୋକ୍ଷିତସର୍ବାଙ୍ଗୋ ଭୀମସେନୋ ବ୍ଯରାଜତ।
ସମୃଦ୍ଧକୁସୁମାପୀଡୋ ବସନ୍ତେଽଶୋକବୃକ୍ଷବତ୍॥ 7-131-53 (50483)
ତତ୍ତୁ ଭୀମୋ ମହାବାହୋଃ କର୍ଣସ୍ଯ ଚରିତଂ ରଣେ।
ନାମୃଷ୍ଯତ ମହାବାହୁଃ କ୍ରୋଧାଦୁଦ୍ବୃତ୍ତଲୋଚନଃ॥ 7-131-54 (50484)
ସ କର୍ଣଂ ପଞ୍ଚବିଂଶତ୍ଯା ନାରାଚାନାଂ ସମାର୍ପଯତ୍।
ମହୀଧରମିବ ଶ୍ବେତଂ ଗୂଢପାଦୈର୍ବିଷୋଲ୍ବଣୈଃ॥ 7-131-55 (50485)
ପୁନରେବ ଚ ବିବ୍ଯାଧ ଷଙ୍ଭିରଷ୍ଟାଭିରେବ ଚ।
ମର୍ମସ୍ବମରବିକ୍ରାନ୍ତଃ ସୂତପୁତ୍ରଂ ତନୁତ୍ଯଜମ୍॥ 7-131-56 (50486)
ପୁନରନ୍ଯେନ ବାଣେନ ଭୀମସେନଃ ପ୍ରତାପବାନ୍।
ଚିଚ୍ଛେଦ କାର୍ମୁକଂ ତୂର୍ଣଂ କର୍ଣସ୍ଯ ପ୍ରହସନ୍ନିବ॥ 7-131-57 (50487)
ଜଘାନ ଚତୁରଶ୍ଚାଶ୍ବାନ୍ସୂତଂ ଚ ତ୍ବରିତଃ ଶରୈଃ।
ନାରାଚୈରର୍କରଶ୍ମ୍ଯାଭୈଃ କର୍ଣଂ ବିବ୍ଯାଧ ଚୋରସି॥ 7-131-58 (50488)
ତେ ଜଗ୍ମୁର୍ଧରଣୀମାଶୁ କର୍ଣଂ ନିର୍ଭିଦ୍ଯ ପତ୍ରିଣଃ।
ଯଥା ଜଲଧରଂ ଭିତ୍ତ୍ବା ଦିବାକରମରୀଚଯଃ॥ 7-131-59 (50489)
ସ ବୈକ୍ଲବ୍ଯଂ ମହତ୍ପ୍ରାପ୍ଯ ଚ୍ଛିନ୍ନଧନ୍ବା ଶରାହତଃ।
ତଥା ପୁରୁଷମାନୀ ସ ଲଜ୍ଜାମୁତ୍ସୃଜ୍ଯ ଭାରତ।
ଭୀମସେନଭଯାତ୍କର୍ଣଃ ପ୍ରତ୍ଯପାଯାଦ୍ରଥାନ୍ତରମ୍॥ ॥ 7-131-60 (50490)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଏକତ୍ରିଂଶଦଧିକଶତତମୋଽଧ୍ଯାଯଃ॥ 131 ॥
Mahabharata - Drona Parva - Chapter Footnotes
5-131-11 ପୂର୍ବମୁଦ୍ଯୋଗେ ଦର୍ଶିତମୁଦ୍ଭାବିବଂ ଭ୍ରାତୂତ୍ବଂ କୁନ୍ତ୍ଯା ବାକ୍ଯଂ ଚ ଚତୁର୍ଣମବଧ୍ଯତ୍ବଲକ୍ଷଣଂ ଚାନୁସ୍ମରନ୍ନିତ୍ଯନ୍ବଯଃ॥ 5-131-25 ଅଭିତଃ ସମ୍ମୁଖେ॥ 5-131-131 ଏକତ୍ରିଂଶଦଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 132
॥ ଶ୍ରୀଃ ॥
7.132. ଅଧ୍ଯାଯଃ 132
Mahabharata - Drona Parva - Chapter Topics
ଭୀମକର୍ଣଯୋର୍ଯୁଦ୍ଧମ୍॥ 1 ॥Mahabharata - Drona Parva - Chapter Text
7-132-0 (50491)
ଧୃତରାଷ୍ଟ୍ର ଉବାଚ। 7-132-0x (4603)
[ସ୍ବଯଂ ଶିଷ୍ଯୋ ମହେଶସ୍ଯ ଭୃଗୂତ୍ତମଧନୁର୍ଧରଃ।
ଶିଷ୍ଯତ୍ବଂ ପ୍ରାପ୍ତବାନ୍କର୍ଣସ୍ତସ୍ଯ ତୁଲ୍ଯୋଽସ୍ତ୍ରବିଦ୍ଯଯା॥ 7-132-1 (50492)
ତଦ୍ବିଶିଷ୍ଟୋଽପି ବା କର୍ଣଃ ଶିଷ୍ଯଃ ଶିଷ୍ଯଗୁଣୈର୍ଯୁତଃ।
କୁନ୍ତୀପୁତ୍ରେଣ ଭୀମେନ ନିର୍ଜିତଃ ସ ତୁ ଲୀଲଯା॥] 7-132-2 (50493)
ଯସ୍ମିଞ୍ଜଯାଶା ମହତୀ ପୁତ୍ରାଣାଂ ମମ ସଞ୍ଜଯ।
ତଂ ଭୀମାଦ୍ବିମୁଖଂ ଦୃଷ୍ଟ୍ବା କିନ୍ନୁ ଦୁର୍ଯୋଧନୋଽବ୍ରବୀତ୍॥ 7-132-3 (50494)
କଥଂ ଚ ଯୁଯୁଧେ ଭୀମୋ ବୀର୍ଯଶ୍ଲାଘୀ ମହାବଲଃ॥ 7-132-4 (50495)
କର୍ଣୋ ବା ସମରେ ତାତ କିମକାର୍ଷୀଦତଃ ପରମ୍।
ଭୀମସେନଂ ରଣେ ଦୃଷ୍ଟ୍ବା ଜ୍ବଲନ୍ତମିବ ପାବକମ୍॥ 7-132-5 (50496)
ସଞ୍ଜଯ ଉବାଚ। 7-132-6x (4604)
ରଥମନ୍ଯଂ ସମାସ୍ଥାଯ ବିଧିବତ୍କଲ୍ପିତଂ ପୁନଃ।
ଅଭ୍ଯଯାତ୍ପାଣ୍ଡବଂ କର୍ଣୋ ବାତୋଦ୍ଧୂତ ଇବାର୍ଣବଃ॥ 7-132-6 (50497)
କ୍ରୁଦ୍ଧମାଧିରଥିଂ ଦୃଷ୍ଟ୍ବା ପୁତ୍ରାସ୍ତବ ବିଶାମ୍ପତେ।
ଭୀମସେନମମନ୍ଯନ୍ତ ବୈଶ୍ବାନରମୁଖେ ହୁତମ୍॥ 7-132-7 (50498)
ଚାପଶବ୍ଦଂ ତତଃ କୃତ୍ବା ତଲଶବ୍ଦଂ ଚ ଭୈରବମ୍।
ଅଭ୍ଯଦ୍ରବତ ରାଧେଯୋ ଭୀମସେନରଥଂ ପ୍ରତି॥ 7-132-8 (50499)
ପୁନରେବ ତଯୋ ରାଜନ୍ଘୋର ଆସୀତ୍ସମାଗମଃ।
ବୈକର୍ତନସ୍ଯ ଶୂରସ୍ଯ ଭୀମସ୍ଯ ଚ ମହାତ୍ମନଃ॥ 7-132-9 (50500)
ସଂରବ୍ଧୌ ହି ମହାବାହୂ ପରସ୍ପରବଧୈଷିଣୌ।
ଅନ୍ଯୋନ୍ଯଭୀକ୍ଷାଞ୍ଚକ୍ରାତେ ଦହନ୍ତାବିବ ଲୋଚନୈଃ॥ 7-132-10 (50501)
କ୍ରୋଧରକ୍ରେକ୍ଷଣୌ ତୀବ୍ରୌ ନିଃଶ୍ବସନ୍ତାବିବୋରଗୌ।
ଶୂରାବନ୍ଯୋନ୍ଯମାସାଦ୍ଯ ତତକ୍ଷତୁରରିନ୍ଦମୌ॥ 7-132-11 (50502)
ବ୍ଯାଘ୍ରାବିବ ସୁସଂରବ୍ଧୌ ଶ୍ଯେନାବିବ ଚ ଶୀଘ୍ରଗୌ।
ଶରଭାବିବ ସଙ୍କ୍ରୁଦ୍ଧୌ ଯୁଯୁଧାତେ ପରସ୍ପରମ୍॥ 7-132-12 (50503)
ତତୋ ଭୀମଃ ସ୍ମରନ୍କ୍ଲେଶାନକ୍ଷଦ୍ଯୂତେ ବନେଽପି ଚ।
ବିରାଟନଗରେ ଚୈବ ଦୁଃଖଂ ପ୍ରାପ୍ତମରିନ୍ଦମଃ॥ 7-132-13 (50504)
ରାଷ୍ଟ୍ରାଣାଂ ସ୍ଫୀତରତ୍ନାନାଂ ହରଣଂ ଚ ତବାତ୍ମଜୈଃ।
ସତତଂ ଚ ପରିକ୍ଲେଶାନ୍ସପୁତ୍ରେଣ ତ୍ବଯା କୃତାନ୍॥ 7-132-14 (50505)
ଦଗ୍ଧୁମୈଚ୍ଛଶ୍ଚ ଯଃ କୁନ୍ତୀଂ ସପୁତ୍ରାଂ ତ୍ବମନାଗସମ୍।
କୃଷ୍ଣାଯାଶ୍ଚ ପରିକ୍ଲେଶଂ ସଭାମଧ୍ଯେ ଦୁରାତ୍ମଭିଃ॥ 7-132-15 (50506)
କେଶପକ୍ଷଗ୍ରହଂ ଚୈବ ଦୁଃଶାସନକୃତଂ ତଥା।
ପରୁଷାଣି ଚ ବାକ୍ଯାନି କର୍ଣୋନୋକ୍ତାନି ଭାରତ॥ 7-132-16 (50507)
ପତିମନ୍ଯଂ ପରୀପ୍ସସ୍ବ ନ ସନ୍ତି ପତଯସ୍ତବ।
ପତିତା ନରକେ ପାର୍ଥାଃ ସର୍ବେ ଷଣ୍ଡତିଲୋପମାଃ॥ 7-132-17 (50508)
ସମକ୍ଷଂ ତବ କୌରବ୍ଯ ଯଦୂଚୁଃ କୌରବାସ୍ତଦା।
ଦାସୀଭାବେନ କୃଷ୍ଣାଂ ଚ ଭୋକ୍ତୁକାମାଃ ସୁତାସ୍ତବ॥ 7-132-18 (50509)
ଯଚ୍ଚାପି ତାନ୍ପ୍ରବ୍ରଜତଃ କୃଷ୍ଣାଜିନନିବାସିନଃ।
ପରୁଷାଣ୍ଯୁକ୍ତବାନ୍କର୍ଣଃ ସଭାଯାଂ ସନ୍ନିଧୌ ତବ॥ 7-132-19 (50510)
ତୃଣୀକୃତ୍ଯ ଚ ଯତ୍ପାର୍ଥାଂସ୍ତବ ପୁତ୍ରୋ ବବଲ୍ଗ ହ।
ବିଷମସ୍ଥାନ୍ସମସ୍ଥୋ ହି ସଂରବ୍ଧୋ ଗତଚେତନଃ॥ 7-132-20 (50511)
ବାଲ୍ଯାତ୍ପ୍ରଭୃତି ଚାରିଘ୍ନଃ ସ୍ବାନି ଦୁଃଖାନି ଚିନ୍ତଯନ୍।
ନିରବିଦ୍ଯତ ଧର୍ମାତ୍ମା ଜୀବିତେନ ବୃକୋଦରଃ॥ 7-132-21 (50512)
ତତୋ ବିଷ୍ଫାର୍ଯ ସୁମହଦ୍ଧେମପୃଷ୍ଠଂ ଦୁରାସଦମ୍।
ଚାପଂ ଭରତଶାର୍ଦୂଲସ୍ତ୍ଯକ୍ତାତ୍ମା କର୍ଣମଭ୍ଯଯାତ୍॥ 7-132-22 (50513)
ସ ସାଯକଯୈର୍ଜାଲୈର୍ଭୀମଃ କର୍ଣରଥଂ ପ୍ରତି।
ଭାନୁମଦ୍ଭିଃ ଶିଲାଧୌତୈର୍ଭାନୋଃ ପ୍ରାଚ୍ଛାଦଯତ୍ପ୍ରଭାଂ 7-132-23 (50514)
ତତଃ ପ୍ରହସ୍ଯାଧିରଥିସ୍ତୂର୍ଣମସ୍ଯଞ୍ଶିତାଞ୍ଶରାନ୍।
ବ୍ଯଧମଦ୍ଭୀମସେନସ୍ଯ ଶରଜାଲାନି ପତ୍ରିଭିଃ॥ 7-132-24 (50515)
ମହାରଥୋ ମହାବାହୁର୍ମହାବାଣୈର୍ମହାବଲଃ।
ବିବ୍ଯାଧାଧିରଥିର୍ଭୀମଂ ନବଭିର୍ନିଶିତୈସ୍ତଦା॥ 7-132-25 (50516)
ସ ତୋତ୍ରୈରିବ ମାତଙ୍ଗୋ ବାର୍ଯମାଣଃ ପତତ୍ତ୍ରିଭଃ।
ଅଭ୍ଯଧାବଦସମ୍ଭ୍ରାନ୍ତଃ ସୂତପୁତ୍ରଂ ବୃକୋଦରଃ॥ 7-132-26 (50517)
ତମାପତନ୍ତଂ ବେଗେନ ରଭସଂ ପାଣ୍ଡବର୍ଷଭମ୍।
କର୍ଣଃ ପ୍ରତ୍ଯୁଦ୍ଯଯୌ ଯୁଦ୍ଧେ ମତ୍ତୋ ମତ୍ତମିବ ଦ୍ବିପମ୍॥ 7-132-27 (50518)
ତତଃ ପ୍ରଧ୍ଯାପ୍ଯ ଜଲଜଂ ଭେରୀଶତସମସ୍ବନମ୍।
ଅକ୍ଷୁଭ୍ଯତ ବଲଂ ହର୍ଷାଦୁଦ୍ଧୂତ ଇବ ସାଗରଃ॥ 7-132-28 (50519)
ତଦୁଦ୍ଧୂତଂ ବଲଂ ଦୃଷ୍ଟ୍ବା ନାଗାଶ୍ବରଥପତ୍ତିମତ୍।
ଭୀମଃ କର୍ଣଂ ସମାସାଦ୍ଯ ଚ୍ଛାଦଯାମାସ ସାଯକୈଃ॥ 7-132-29 (50520)
ଅଶ୍ବାନୃକ୍ଷସବର୍ଣାଂଶ୍ଚ ହଂସବର୍ଣୈର୍ହଯୋତ୍ତମୈଃ।
ବ୍ଯାମିଶ୍ରଯଦ୍ରଣେ କର୍ଣଃ ପାଣ୍ଡବଂ ଛାଦଯଞ୍ଛରୈଃ॥ 7-132-30 (50521)
ଋକ୍ଷବର୍ଣାନ୍ହଯାନ୍କର୍କୈର୍ମିଶ୍ରାନ୍ମାରୁତରଂହସଃ।
ନିରୀକ୍ଷ୍ଯ ତବ ପୁତ୍ରାଣାଂ ହାହାକୃତମଭୂଦ୍ବଲମ୍॥ 7-132-31 (50522)
ତେ ହଯା ବହ୍ବଶୋଭନ୍ତ ମିଶ୍ରିତା ବାତରଂହସଃ।
ସିତାସିତା ମହାରାଜ ଯଥା ବ୍ଯୋମ୍ନି ବଲାହକାଃ॥ 7-132-32 (50523)
ସଂରବ୍ଧୌ କ୍ରୋଧତାମ୍ରାକ୍ଷୌ ପ୍ରେକ୍ଷ୍ଯ କର୍ଣବୃକୋଦରୌ।
ସନ୍ତ୍ରସ୍ତାଃ ସମକମ୍ପନ୍ତ ତ୍ବଦୀଯାନାଂ ମହାରଥାଃ॥ 7-132-33 (50524)
ଯମରାଷ୍ଟ୍ରୋପମଂ ଘୋରମାସୀଦାଯୋଧନଂ ତଯୋଃ।
ଦୁର୍ଦର୍ଶଂ ଭରତଶ୍ରେଷ୍ଠ ପ୍ରେତରାଜପୁତ୍ରଂ ଯଥା॥ 7-132-34 (50525)
ସମାଜମିବ ତଚ୍ଚିତ୍ରଂ ପ୍ରେକ୍ଷମାଣା ମହାରଥାଃ।
ନାଲକ୍ଷଯଞ୍ଜଯଂ ବ୍ଯକ୍ତମେକସ୍ଯୈବ ମହାରଣେ॥ 7-132-35 (50526)
ତଯୋଃ ପ୍ରୈକ୍ଷନ୍ତ ସମ୍ମର୍ଦଂ ସନ୍ନିକୃଷ୍ଟଂ ମହାସ୍ତ୍ରଯୋଃ।
ତବ ଦୁର୍ମନ୍ତ୍ରିତେ ରାଜନ୍ସପୁତ୍ରସ୍ଯ ବିଶାମ୍ପତେ॥ 7-132-36 (50527)
ଛାଦଯନ୍ତୌ ହି ଶତ୍ରୁଘ୍ନାବନ୍ଯୋନ୍ଯଂ ସାଯକୈଃ ଶିତୈଃ।
ଶରଜାଲାବୃତଂ ବ୍ଯୋମ ଚକ୍ରାତେଽଦ୍ଭୁତବିକ୍ରମୌ॥ 7-132-37 (50528)
ତାବନ୍ଯୋନ୍ଯଂ ଜିଘାଂସନ୍ତୌ ଶରୈସ୍ତୀକ୍ଷ୍ଣୈର୍ମହାରଥୌ।
ପ୍ରେକ୍ଷଣୀଯତରାବାସ୍ତାଂ ବୃଷ୍ଟିମନ୍ତାବିବାମ୍ବୁଦୌ॥ 7-132-38 (50529)
ସୁବର୍ଣବିକୃତାନ୍ବାଣାନ୍ବିମୁଞ୍ଚନ୍ତାବରିନ୍ଦମୌ।
ଭାସ୍ବରଂ ବ୍ଯୋମ ଚକ୍ରାତେ ମହୋଲ୍କାଭିରିବ ପ୍ରଭୋ॥ 7-132-39 (50530)
ତାଭ୍ଯାଂ ମୁକ୍ତାଃ ଶରା ରାଜନ୍ଗାର୍ଧ୍ରପତ୍ରାଶ୍ଚକାଶିରେ।
ଶ୍ରେଣ୍ଯଃ ଶରଦି ମତ୍ତାନାଂ ସାରସନାମିବାମ୍ବରେ॥ 7-132-40 (50531)
ସଂସକ୍ତଂ ସୂତପୁତ୍ରେଣ ଦୃଷ୍ଟ୍ବା ଭୀମମରିନ୍ଦମମ୍।
ଅତିଭାରମମନ୍ଯେତାଂ ଭୀମେ କୃଷ୍ଣଧନଞ୍ଜଯୌ॥ 7-132-41 (50532)
ତତ୍ରାଧିରଥିଭୀମାଭ୍ଯାଂ ଶରୈର୍ମୁକ୍ତୈର୍ଦୃଢଂ ହତାଃ।
ଇଷୁପାତମତିକ୍ରମ୍ଯ ପେତୁରଶ୍ବନରଦ୍ବିପାଃ॥ 7-132-42 (50533)
ପତଦ୍ଭିଃ ପତିତୈଶ୍ଚାନ୍ଯୈର୍ଗତାସୁଭିରନେକଶଃ।
କୃତୋ ରାଜନ୍ମହାରାଜ ପୁତ୍ରାଣାଂ ତେ ଜନକ୍ଷଯଃ॥ 7-132-43 (50534)
ମନୁପ୍ଯାଶ୍ବଗଜାନାଂ ଚ ଶରୀରୈର୍ଗତଜୀବିତୈଃ।
କ୍ଷଣେନ ଭୂମିଃ ସଞ୍ଜଜ୍ଞେ ସଂବୃତା ଭରତର୍ଷଭ॥ ॥ 7-132-44 (50535)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଦ୍ବାତ୍ରିଂଶଦଧିକରଶତତମୋଽଧ୍ଯାଯଃ॥ 132 ॥
Mahabharata - Drona Parva - Chapter Footnotes
5-132-1 କୁଣ୍ଡଲିତୌ ଦ୍ବୌ ଶ୍ଲୋକୌ ଝ. ପୁସ୍ତକେ ଏବ ବର୍ତେତେ। ଭୃଗୂତ୍ତମଧନୁର୍ଧରୋ ରାମଃ॥ 5-132-31 କର୍କୈଃ ଶ୍ବେତୈରଶ୍ବୈଃ॥ 5-132-35 ସମାଜଂ ରଙ୍ଗଂ। ଏକସ୍ଯୈବ କସ୍ଯଚିତ୍ ନାନ୍ଯସ୍ଯ॥ 5-132-132 ଦ୍ବାତ୍ରିଂଶଦଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 133
॥ ଶ୍ରୀଃ ॥
7.133. ଅଧ୍ଯାଯଃ 133
Mahabharata - Drona Parva - Chapter Topics
ଭୀମେନ କର୍ଣସହକାରିଣୋ ଦୁର୍ଜଯସ୍ଯ ବଧଃ॥ 1 ॥Mahabharata - Drona Parva - Chapter Text
7-133-0 (50536)
ଧୃତରାଷ୍ଟ୍ର ଉବାଚ। 7-133-0x (4605)
ଅତ୍ଯଦ୍ଭୁତମହଂ ମନ୍ଯେ ଭୀମସେନସ୍ଯ ବିକ୍ରମମ୍।
ଯତ୍କର୍ଣଂ ଯୋଧଯାମାସ ସମରେ ଲଘୁବିକ୍ରମଃ॥ 7-133-1 (50537)
ତ୍ରିଦଶାନପି ବା ଯୁକ୍ତାନ୍ସର୍ବଶସ୍ତ୍ରଧରାନ୍ଯୁଧି।
ବାରଯେଦ୍ଯୋ ରଣେ କର୍ଣଃ ସଯକ୍ଷାସୁରମାନୁଷାନ୍॥ 7-133-2 (50538)
ସ କଥଂ ପାଣ୍ଡବଂ ଯୁଦ୍ଧେ ଭ୍ରାଜମାନମିବ ଶ୍ରିଯା।
ନାତରତ୍ସଂଯୁଗେ ତାତ ତନ୍ମମାଚକ୍ଷ୍ବ ସଞ୍ଜଯ॥ 7-133-3 (50539)
କଥଂ ଚ ଯୁଦ୍ଧଂ ସମ୍ଭୂତଂ ତଯୋଃ ପ୍ରାଣଦୁରୋଦରେ।
ଅତ୍ର ମନ୍ଯେ ସମାଯତ୍ତୋ ଜଯୋ ବାଽଜଯ ଏବ ଚ॥ 7-133-4 (50540)
କର୍ଣଂ ପ୍ରାପ୍ଯ ରଣେ ସୂତ ମମ ପୁତ୍ରଃ ସୁଯୋଧନଃ।
ଜେତୁମୁତ୍ସହତେ ପାର୍ଥାନ୍ସଗୋବିନ୍ଦାନ୍ସସାତ୍ବତାନ୍॥ 7-133-5 (50541)
ଶ୍ରୁତ୍ବା ତୁ ନିର୍ଜିତଂ କର୍ଣମସକୃଦ୍ଭୀମକର୍ମଣା।
ଭୀମସେନେନ ସମରେ ମୋହ ଆବିଶତୀବ ମାମ୍॥ 7-133-6 (50542)
ବିନଷ୍ଟାନ୍କୌରବାନ୍ମନ୍ଯେ ମମ ପୁତ୍ରସ୍ଯ ଦୁର୍ନଯୈଃ।
ନହି କର୍ଣୋ ମହେଷ୍ବାସାନ୍ପାର୍ଥାଞ୍ଜେଷ୍ଯତି ସଞ୍ଜଯ॥ 7-133-7 (50543)
କୃତବାନ୍ଯାନି ଯୁଦ୍ଧାନି କର୍ଣଃ ପାଣ୍ଡୁସୁତୈଃ ସହ।
ସର୍ବତ୍ର ପାଣ୍ଡବାଃ କର୍ଣମଜଯଂସ୍ତେ ରଣାଜିରେ॥ 7-133-8 (50544)
ଅଜେଯାଃ ପାଣ୍ଡବାସ୍ତାତ ଦେବୈରପି ସବାସବୈଃ।
ନ ଚ ତଦ୍ବୁଧ୍ଯତେ ମନ୍ଦଃ ପୁତ୍ରୋ ଦୁର୍ଯୋଧନୋ ମମ॥ 7-133-9 (50545)
ଧନଂ ଧନେଶ୍ବରସ୍ଯେବ ହୃତ୍ବା ପାର୍ଥସ୍ଯ ମେ ସୁତଃ।
ମଧୁପ୍ରେପ୍ସୁରିବାବୁଦ୍ଧିଃ ପ୍ରପାତଂ ନାବବୁଧ୍ଯତେ॥ 7-133-10 (50546)
ନିକୃତ୍ଯା ନିକୃତିପ୍ରଜ୍ଞୋ ରାଜ୍ଯଂ ହୃତ୍ବା ମହାତ୍ମନାମ୍।
ଜିତମିତ୍ଯେବ ମନ୍ବାନଃ ପାଣ୍ଡବାନବମନ୍ଯତେ॥ 7-133-11 (50547)
ପୁତ୍ରସ୍ନେହାଭିଭୂତେନ ମଯା ଚାପ୍ଯକୃତାତ୍ମନା।
ଧର୍ମେ ସ୍ଥିତା ମହାତ୍ମାନୋ ନିକୃତାଃ ପାଣ୍ଡୁନନ୍ଦନାଃ॥ 7-133-12 (50548)
ଶମକାମଃ ସସୋଦର୍ଯୋ ଦୀର୍ଘପ୍ରେକ୍ଷୀ ଯୁଧିଷ୍ଠିରଃ।
ଅଶକ୍ତ ଇତି ମତ୍ବା ତୁ ମମ ପୁତ୍ରୈର୍ନିରାକୃତଃ॥ 7-133-13 (50549)
ତାନି ଦୁଃଖାନ୍ଯନେକାନି ବିପ୍ରକାରାଂଶ୍ଚ ସର୍ବଶଃ।
ହୃଦି କୃତ୍ବା ମହାବାହୁର୍ଭୀମୋଽଯୁଧ୍ଯତ ସୂତଜମ୍॥ 7-133-14 (50550)
ତସ୍ମାନ୍ମେ ସଞ୍ଜଯ ବ୍ରୂହି କର୍ଣଭୀମୌ ଯଥା ରଣେ।
ଅଯୁଧ୍ଯେତାଂ ଯୁଧାଂଶ୍ରେଷ୍ଠୌ ପରସ୍ପରବଧୈଷିଣୌ॥ 7-133-15 (50551)
ସଞ୍ଜଯ ଉବାଚ। 7-133-16x (4606)
ଶୃଣୁ ରାଜନ୍ଯଥାବୃତ୍ତଂ ସଙ୍ଗ୍ରାମଂ କର୍ଣଭୀମଯୋଃ।
ପରସ୍ପରବଧପ୍ରେପ୍ସ୍ବୋର୍ବନକୁଞ୍ଜରଯୋରିବ॥ 7-133-16 (50552)
ରାଜନ୍ବୈକର୍ତନୋ ଭୀମଂ କ୍ରୁଦ୍ଧଃ କ୍ରୁଦ୍ଧମରିନ୍ଦମମ୍।
ପରାକ୍ରାନ୍ତଂ ପରାକ୍ରମ୍ଯ ବିବ୍ଯାଧ ତ୍ରିଂଶତା ଶରୈଃ॥ 7-133-17 (50553)
ମହାବେଗୈଃ ପ୍ରସନ୍ନାଗ୍ରୈଃ ଶାତକୁମ୍ଭପରିଷ୍କୃତୈଃ।
ନାତରଦ୍ଭରତଶ୍ରେଷ୍ଠ ଭୀମଂ ବୈକର୍ତନଃ ଶରୈଃ॥ 7-133-18 (50554)
ତସ୍ଯାସ୍ଯତୋ ଧନୁର୍ଭୀମଶ୍ଚକର୍ତ ବିଶିଖୈସ୍ତ୍ରିଭିଃ।
ରଥନୀଡାଚ୍ଚ ଯନ୍ତାରଂ ଭଲ୍ଲେନାପାତଯତ୍କ୍ଷିତୌ॥ 7-133-19 (50555)
ସ କାଙ୍କ୍ଷନ୍ଭୀମସେନସ୍ଯ ବଧଂ ବୈକର୍ତନୋ ଭୃଶମ୍।
ଶକ୍ତିଂ କନକବୈଦୂର୍ଯଚିତ୍ରଦଣ୍ଡାଂ ପରାମୃଶତ୍॥ 7-133-20 (50556)
ପ୍ରଗୃହ୍ଯ ଚ ମହାଶକ୍ତିଂ କାଲରାତ୍ରିମିବାପରାମ୍।
ସମୁତ୍କ୍ଷିପ୍ଯ ଚ ରାଧେଯଃ ସନ୍ଧାଯ ଚ ମହାବଲଃ।
ଚିକ୍ଷେପ ଭୀମସେନାଯ ଜୀବିତାନ୍ତକରୀମିବ॥ 7-133-21 (50557)
ଶକ୍ତିଂ ବିସୃଜ୍ଯ ରାଧେଯଃ ପୁରନ୍ଦର ଇବାଶନିମ୍।
ନନାଦ ସୁମହାନାଦଂ ବଲବାନ୍ସୂତନନ୍ଦନଃ॥ 7-133-22 (50558)
ତଂ ଚ ନାଦଂ ତତଃ ଶ୍ରୁତ୍ବା ପୁତ୍ରାସ୍ତେ ହର୍ଷିତାଽଭବନ୍॥ 7-133-23 (50559)
ଶକ୍ତିଂ ବିଯତି ଚିଚ୍ଛେଦ ଭୀମଃ ସପ୍ତଭିରାଶୁଗୈଃ॥ 7-133-24 (50560)
ଛିତ୍ତ୍ବା ଶକ୍ତିଂ ତତୋ ଭୀମୋ ନିର୍ମୁକ୍ତୋରଗସନ୍ନିଭାମ୍।
ମାର୍ଗମାଣାମିବ ପ୍ରାଣାନ୍ସୂତପୁତ୍ରସ୍ଯ ମାରିଷ॥ 7-133-25 (50561)
ପ୍ରାହିଣୋତ୍କୃତସଂରମ୍ଭଃ ଶରାନ୍ବର୍ହିଣବାସସଃ।
ସ୍ବର୍ଣପୁଙ୍ଖାଞ୍ଶିଲାଧୌତାନ୍ଯମଦଣ୍ଡୋପମାନ୍ମୃଧେ॥ 7-133-26 (50562)
କର୍ଣୋଽପ୍ଯନ୍ଯଦ୍ଧନୁର୍ଗୃହ୍ଯ ହେମପୃଷ୍ଠଂ ଦୁରାସଦମ୍।
ବିକୃଷ୍ଯ ତନ୍ମହଚ୍ଚାପଂ ବ୍ଯସୃଜତ୍ସାଯକାଂସ୍ତଦା॥ 7-133-27 (50563)
ତାନ୍ପାଣ୍ଡୁପୁତ୍ରଶ୍ଚିଚ୍ଛେଦ ନବଭିର୍ନତପର୍ବଭିଃ।
ବସୁଷେଣେନ ନିର୍ମୁକ୍ତାନ୍ନବ ରାଜନ୍ମହାଶରାନ୍।
ଛିତ୍ତ୍ବା ଭୀମୋ ମହାରାଜ ନାଦଂ ସିଂହ ଇବାନଦତ୍॥ 7-133-28 (50564)
ତୌ ବୃଷାବିବ ନର୍ଦନ୍ତୌ ବଲିନୌ ବାସିତାନ୍ତରେ।
ଶାର୍ଦୂଲାବିବ ଚାନ୍ଯୋନ୍ଯମାମିଷାର୍ଥେଽଭ୍ଯଗର୍ଜତାମ୍॥ 7-133-29 (50565)
ଅନ୍ଯୋନ୍ଯଂ ପ୍ରଜିହୀର୍ଷନ୍ତାବନ୍ଯୋନ୍ଯସ୍ଯାନ୍ତରୈଷିଣୌ।
ଅନ୍ଯୋନ୍ଯମଭିବୀକ୍ଷନ୍ତୌ ଗୋଷ୍ଠେଷ୍ବିବ ମହର୍ଷଭୌ॥ 7-133-30 (50566)
ମହାଗଜାବିବସାଦ୍ଯ ବିଷାଣାଗ୍ରୈଃ ପରସ୍ପରମ୍।
ଶରୈଃ ପୂର୍ଣାଯତୋତ୍ସୃଷ୍ଟୈରନ୍ଯୋନ୍ଯମଭିଜଘ୍ନତୁଃ॥ 7-133-31 (50567)
ନିର୍ଦହନ୍ତୌ ମହାରାଜ ଶସ୍ତ୍ରବୃଷ୍ଟ୍ଯା ପରସ୍ପରମ୍।
ଅନ୍ଯୋନ୍ଯମଭିବୀକ୍ଷନ୍ତୌ କୋପାଦ୍ବିବୃତଲୋଚନୌ॥ 7-133-32 (50568)
ପ୍ରହସନ୍ତୌ ତଥାଽନ୍ଯୋନ୍ଯଂ ଭର୍ତ୍ସଯନ୍ତୌ ମୁହୁର୍ମୁହୁଃ।
ଶଙ୍ଖଶବ୍ଦଂ ଚ କୁର୍ବାଣୌ ଯୁଯୁଧାତେ ପରସ୍ପରମ୍॥ 7-133-33 (50569)
ତସ୍ଯ ଭୀମଃ ପୁନଶ୍ଚାପଂ ମୁଷ୍ଟୌ ଚିଚ୍ଛେଦ ମାରିଷ।
ଶଙ୍ଖବର୍ଣାଂଶ୍ଚ ତାନଶ୍ବାନ୍ବାଣୈର୍ନିନ୍ଯେ ଯମକ୍ଷଯମ୍।
ସାରଥିଂ ଚ ତଥାପ୍ଯସ୍ଯ ରଥନୀଡାଦପାତଯତ୍॥ 7-133-34 (50570)
ତତୋ ବୈକର୍ତନଃ କର୍ଣଶ୍ଚିନ୍ତାଂ ପ୍ରାପ ଦୁରତ୍ଯଯାମ୍।
ସ ଚ୍ଛାଦ୍ଯମାନଃ ସମରେ ହତାଶ୍ବୋ ହତସାରଥିଃ।
ମୋହିତଃ ଶରଜାଲେନ କର୍ତବ୍ଯଂ ନାଭ୍ଯପଦ୍ଯତ॥ 7-133-35 (50571)
ତଥା କୃଚ୍ଛ୍ରଗତଂ ଦୃଷ୍ଟ୍ବା କର୍ଣଂ ଦୁର୍ଯୋଧନୋ ନୃପଃ।
ବେପମାନ ଇବ କ୍ରୋଧାଦ୍ବ୍ଯାଦିଦେଶାଥ ଦୁର୍ଜଯମ୍॥ 7-133-36 (50572)
ଗଚ୍ଛ ଦୁର୍ଜଯ ରାଧେଯଂ ପୁରା ଗ୍ରସତି ପାଣ୍ଡବଃ।
ଜହି ତୂବରକଂ କ୍ଷିପ୍ରଂ କର୍ଣସ୍ଯ ବଲମାଦଧତ୍॥ 7-133-37 (50573)
ଏବମୁକ୍ତସ୍ତଥେତ୍ଯୁକ୍ତ୍ବା ତବ ପୁତ୍ରଂ ତବାତ୍ମଜଃ।
ଅଭ୍ଯଦ୍ରବଦ୍ଭୀମସେନଂ ବ୍ଯାସକ୍ତଂ ବିକିରଞ୍ଛରୈଃ॥ 7-133-38 (50574)
ସ ଭୀମଂ ନବଭିର୍ବାଣୈରଶ୍ବାନଷ୍ଟଭିରାର୍ଦଯତ୍।
ଷଙ୍ଭିଃ ସୂତଂ ତ୍ରିଭିଃ କେତଂ ପୁନସ୍ତଂ ଚାପି ସପ୍ତଭିଃ॥ 7-133-39 (50575)
ଭୀମସେନୋଽପି ସଙ୍କ୍ରୁଦ୍ଧଃ ସାଶ୍ବଯନ୍ତାରମାଶୁଗୈଃ।
ଦୁର୍ଜଯଂ ଭିନ୍ନମର୍ମାଣମନଯଦ୍ଯମସାଦନମ୍॥ 7-133-40 (50576)
ବାଢଂ ହତଂ କ୍ଷିତୌ କ୍ଷୁଣ୍ଣଂ ବେଷ୍ଟମାନଂ ଯଥୋରଗମ୍।
ରୁଦନ୍ନାର୍ତସ୍ତବ ସୁତଂ କର୍ଣଶ୍ଚକ୍ରେ ପ୍ରଦକ୍ଷିଣମ୍॥ 7-133-41 (50577)
ସ ତୁ ତଂ ବିରଥଂ କୃତ୍ବା ସ୍ମଯନ୍ନତ୍ଯନ୍ତବୈରିଣମ୍।
ସମାଚିନୋଦ୍ବାଣଗଣୈଃ ଶତଘ୍ନୀଭିଶ୍ଚ ଶଙ୍କୁଭିଃ॥ 7-133-42 (50578)
ତଥାପ୍ଯତିରଥଃ କର୍ଣୋ ଭିଦ୍ଯମାନୋଽସ୍ଯ ସାଯକୈଃ।
ନ ଜହୌ ସମରେ ଭୀମଂ କ୍ରୁଦ୍ଧରୂପଂ ପରନ୍ତପଃ॥ ॥ 7-133-43 (50579)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ତ୍ରଯସ୍ତ୍ରିଂଶଦଧିକଶତତମୋଽଧ୍ଯାଯଃ॥ 133 ॥
Mahabharata - Drona Parva - Chapter Footnotes
5-133-4 ପ୍ରାଣଦୁରୋଦରେ ପ୍ରାଣଦ୍ଯୁତେ॥ 5-133-133 ତ୍ରଯସ୍ତ୍ରିଂଶଦଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 134
॥ ଶ୍ରୀଃ ॥
7.134. ଅଧ୍ଯାଯଃ 134
Mahabharata - Drona Parva - Chapter Topics
ଭୀମେନ ପରାଜିତସ୍ଯ କର୍ଣସ୍ଯ ପଲାଯନମ୍॥ 1 ॥Mahabharata - Drona Parva - Chapter Text
7-134-0 (50580)
ସଞ୍ଜଯ ଉବାଚ। 7-134-0x (4607)
ସର୍ବଥା ବିରଥଃ କର୍ଣଃ ପୁନର୍ଭୀମେନ ନିର୍ଜିତଃ।
ରଥମନ୍ଯଂ ସମାସ୍ଥାଯ ପୁନର୍ବିବ୍ଯାଧ ପାଣ୍ଡବମ୍॥ 7-134-1 (50581)
ମହାଗଜାବିବାସାଦ୍ଯ ବିଷାଣାଗ୍ରୈଃ ପରସ୍ପରମ୍।
ଶରୈଃ ପୂର୍ଣାଯତୋତ୍ସୃଷ୍ଟୈରନ୍ଯୋନ୍ଯମଭିଜଘ୍ନତୁଃ॥ 7-134-2 (50582)
ଅଥ କର୍ଣଃ ଶରବ୍ରାତୈର୍ଭୀମସେନଂ ସମାର୍ପଯତ୍।
ନନାଦ ଚ ମହାନାଦଂ ପୁନର୍ବିବ୍ଯାଧ ଚୋରସି॥ 7-134-3 (50583)
ତଂ ଭୀମୋ ଦଶଭିର୍ବାଣୈଃ ପ୍ରତ୍ଯବିଧ୍ଯଦଜିହ୍ମଗୈଃ।
ପୁନର୍ବିବ୍ଯାଧ ସପ୍ତତ୍ଯା ଶରାଣାଂ ନତପର୍ବଣାମ୍॥ 7-134-4 (50584)
କର୍ଣସ୍ତୁ ନବଭିର୍ଭୀମଂ ଭିତ୍ତ୍ବା ରାଜଂସ୍ତନାନ୍ତରେ।
ଧ୍ବଜମେକେନ ବିବ୍ଯାଧ ବିଶୋକଂ ଚ ତ୍ରିଭିଃ ଶରୈଃ॥ 7-134-5 (50585)
ସାଯକାନାଂ ତତଃ ପାର୍ଥସ୍ତ୍ରିଷଷ୍ଟ୍ଯା ପ୍ରତ୍ଯବିଧ୍ଯତ।
ତୋତ୍ରୈରିବ ମହାନାଗଂ କଶାଭିରିବ ବାଜିନମ୍॥ 7-134-6 (50586)
ସୋଽତିବିଦ୍ଧୋ ମହାରାଜ ପାଣ୍ଡବେନ ଯଶସ୍ବିନା।
ସୃକ୍ବିଣୀ ଲେଲିହନ୍ବୀରଃ କ୍ରୋଧରକ୍ତାନ୍ତଲୋଚନଃ॥ 7-134-7 (50587)
ତତଃ ଶରଂ ମହାରାଜ ସର୍ବକାଯାବଦାରଣମ୍।
ପ୍ରାହିଣୋଦ୍ଭୀମସେନାଯ ବଲାଯେନ୍ଦ୍ର ଇବାଶନିମ୍॥ 7-134-8 (50588)
ସ ନିର୍ଭିଦ୍ଯ ରଣେ ପାର୍ଥଂ ସୂତପୁତ୍ରଧନୁଶ୍ଚ୍ଯୁତଃ।
ଅଗଚ୍ଛଦ୍ଦାରଯନ୍ଭୂମିଂ ଚିତ୍ରପୁଙ୍ଖଃ ଶିଲୀମୁଖଃ॥ 7-134-9 (50589)
ତତୋ ଭୀମୋ ମହାବାହୁଃ କ୍ରୋଧସଂରକ୍ତଲୋଚନଃ।
ବଜ୍ରକଲ୍ପାଂ ଚତୁଷ୍କିଷ୍କୁଂ ଗୁର୍ବୀ ରୁକ୍ମାଙ୍ଗଦାଂ ଗଦାମ୍।
ପ୍ରାହିଣୋତ୍ମୂତପୁତ୍ରାଯ ଷଡସ୍ରାମବିଚାରଯନ୍॥ 7-134-10 (50590)
ତଯା ଜଘାନାଧିରଥେଃ ସଦଶ୍ବାନ୍ସାଧୁବାହିନଃ।
ଗଦଯା ଭାରତଃ କ୍ରୁଦ୍ଧୋ ବଜ୍ରେଣେନ୍ଦ୍ର ଇବାସୁରାନ୍॥ 7-134-11 (50591)
ତତୋ ଭୀମୋ ମହାବାହୁଃ କ୍ଷୁରାଭ୍ଯାଂ ଭରତର୍ଷଭ।
ଧ୍ବଜମାଘିରଥେଶ୍ଛିତ୍ତ୍ବା ସୂତମଭ୍ଯହନଚ୍ଛରୈଃ॥ 7-134-12 (50592)
ହତାଶ୍ବସୂତମୁତ୍ସୃଜ୍ଯ ସ ରଥଂ ପତିତଧ୍ବଜମ୍।
ବିଷ୍ଫାରଯନ୍ଧନୁଃ କର୍ଣସ୍ତସ୍ଥୌ ଭାରତ ଦୁର୍ମନାଃ॥ 7-134-13 (50593)
ତତ୍ରାଦ୍ଭୁତମପଶ୍ଯାମ ରାଧେଯସ୍ଯ ପରାକ୍ରମମ୍।
ବିରଥୋ ରଥିନାଂ ଶ୍ରେଷ୍ଠୋ ବାରଯାମାସ ଯଦ୍ରିପୁମ୍॥ 7-134-14 (50594)
ବିରଥଂ ତଂ ନରଶ୍ରେଷ୍ଠଂ ଦୃଷ୍ଟ୍ବାଽଽଧିରଥିମାହବେ।
ଦୁର୍ଯୋଧନସ୍ତତୋ ରାଜନ୍ନଭ୍ଯଭାଷତ ଦୁର୍ମୁଖମ୍॥ 7-134-15 (50595)
ଏଷ ଦୁର୍ମୁଖ ରାଧେଯୋ ଭୀମେନ ବିରଥୀକୃତଃ।
ତଂ ରଥେନ ନରଶ୍ରେଷ୍ଠ ସମ୍ପାଦଯ ମହାରଥମ୍॥ 7-134-16 (50596)
ତତୋ ଦୁର୍ଯୋଧନବଚଃ ଶ୍ରୁତ୍ବା ଭାରତ ଦୁର୍ମୁଖଃ।
ତ୍ବରମାଣୋଽଭ୍ଯଯାତ୍କର୍ଣଂ ଭୀମଂ ଚାବାରଯଚ୍ଛରୈଃ॥ 7-134-17 (50597)
ଦୁର୍ମୁଖଂ ପ୍ରେକ୍ଷ୍ଯ ସଙ୍ଗ୍ରାମେ ସୂତପୁତ୍ରପଦାନୁଗମ୍।
ବାଯୁପୁତ୍ରଃ ପ୍ରହୃଷ୍ଟୋଽଭୂତ୍ସୃକ୍ବିଣୀ ପରିସଂଲିହନ୍॥ 7-134-18 (50598)
ତତଃ କର୍ଣଂ ମହାରାଜ ବାରଯିତ୍ବା ଶିଲୀମୁଖୈଃ।
ଦୁର୍ମୁଖାଯ ରଥଂ ତୂର୍ଣଂ ପ୍ରେଷଯାମାସ ପାଣ୍ଡବଃ॥ 7-134-19 (50599)
ତସ୍ମିନ୍କ୍ଷଣେ ମହାରାଜ ନବଭିର୍ନତପର୍ବଭିଃ।
ସୁମୁଖୈର୍ଦୁର୍ମୁଖଂ ଭୀମଃ ଶରୈର୍ନିନ୍ଯେ ଯମକ୍ଷଯମ୍॥ 7-134-20 (50600)
ତତସ୍ତମେବାଧିରଥିଃ ସ୍ଯନ୍ଦନଂ ଦୁର୍ମୁଖେ ହତେ।
ଆସ୍ଥିତଃ ପ୍ରବଭୌ ରାଜନ୍ଦୀପ୍ଯମାନ ଇବାଂଶୁମାନ୍॥ 7-134-21 (50601)
ଶଯାନଂ ଭିନ୍ନମର୍ମାଣଂ ଦୁର୍ମୁଖଂ ଶୋଣିତୋକ୍ଷିତମ୍।
ଦୃଷ୍ଟ୍ବା କର୍ଣୋଽଶ୍ରୁପୂର୍ଣାକ୍ଷୋ ମୁହୂର୍ତଂ ନାଭ୍ଯବର୍ତତ॥ 7-134-22 (50602)
ତଂ ଗତାସୁମତିକ୍ରମ୍ଯ କୃତ୍ବା କର୍ଣଃ ପ୍ରଦକ୍ଷିଣମ୍।
ଦୀର୍ଘମୁଷ୍ଣଂ ଶ୍ବସନ୍ବୀରୋ ନ କିଞ୍ଚିତ୍ପ୍ରତ୍ଯପଦ୍ଯତ॥ 7-134-23 (50603)
ତସ୍ମିଂସ୍ତୁ ବିବରେ ରାଜନ୍ନାରାଚାନ୍ଗାର୍ଧବାସସଃ।
ପ୍ରାହିଣୋତ୍ସୂତପୁତ୍ରାଯ ଭୀମସେନଶ୍ଚତୁର୍ଦଶ॥ 7-134-24 (50604)
ତେ ତସ୍ଯ କବଚଂ ଭିତ୍ତ୍ବା ସ୍ବର୍ଣଚିତ୍ରଂ ମହୋଜସଃ।
ହେମପୁଙ୍ଖା ମହାରାଜ ବ୍ଯଶୋଭନ୍ତ ଦିଶୋ ଦଶ॥ 7-134-25 (50605)
ଅପିବନ୍ସୂତ ପୁତ୍ରସ୍ଯ ଶୋଣିତଂ ରକ୍ତଭୋଜନାଃ।
କ୍ରୁଦ୍ଧା ଇବ ମନୁଷ୍ଯେନ୍ଦ୍ର ଭୁଜଙ୍ଗାଃ କାଲଚୋଦିତାଃ॥ 7-134-26 (50606)
ପ୍ରସର୍ପମାଣା ମେଦିନ୍ଯାଂ ତେ ବ୍ଯରୋଚନ୍ତ ମାର୍ଗଣାଃ।
ଅର୍ଧପ୍ରବିଷ୍ଟାଃ ସଂରବ୍ଧା ବିଲାନୀବ ମହୋରଗାଃ॥ 7-134-27 (50607)
ତଂ ପ୍ରତ୍ଯବିଧ୍ଯଦ୍ରାଧେଯୋ ଜାମ୍ବୂନଦବିଭୂଷିତୈଃ।
ଚତୁର୍ଦଶଭିରତ୍ଯୁଗ୍ରୈର୍ନାରାଚୈରବିଚାରଯନ୍॥ 7-134-28 (50608)
ତେ ଭୀମସେନସ୍ଯ ଭୁଜଂ ସବ୍ଯଂ ନିର୍ଭିଦ୍ଯ ପତ୍ରିଣଃ।
ପ୍ରାବିଶନ୍ମେଦିନୀଂ ଭୀମାଃ କ୍ରୌଞ୍ଚଂ ପତ୍ରରଥା ଇବ॥ 7-134-29 (50609)
ତେ ବ୍ଯରୋଚନ୍ତ ନାରାଚାଃ ପ୍ରବିଶନ୍ତୋ ବସୁନ୍ଧରାମ୍।
ଗଚ୍ଛତ୍ଯସ୍ତଂ ଦିନକରେ ଦୀପ୍ଯମାନା ଇବାଂଶବଃ॥ 7-134-30 (50610)
ସ ନିର୍ଭିନ୍ନୋ ରଣେ ଭୀମୋ ନାରାଚୈର୍ମର୍ମଭେଦିଭିଃ।
ସୁସ୍ରାବ ରୁଧିରଂ ଭୂରି ପର୍ବତଃ ସଲିଲଂ ଯଥା॥ 7-134-31 (50611)
ସ ଭୀମସ୍ତ୍ରିଭିରାଯସ୍ତଃ ସୂତପୁତ୍ରଂ ପତତ୍ରିଭିଃ।
ସୁପର୍ଣବେଗୈର୍ବିବ୍ଯାଧ ସାରଥିଂ ଚାସ୍ଯ ସପ୍ତଭିଃ॥ 7-134-32 (50612)
ସ ବିହ୍ବଲୋ ମହାରାଜ କର୍ଣୋ ଭୀମଶରାହତଃ।
ପ୍ରାଦ୍ରବଜ୍ଜବନୈରଶ୍ବୈ ରଣଂ ହିତ୍ବା ମହାଭଯାତ୍॥ 7-134-33 (50613)
ଭୀମସେନସ୍ତୁ ବିଷ୍ଫାର୍ଯ ଚାପଂ ହେମପରିଷ୍କୃତମ୍।
ଆହବେଽତିରଥୋଽତିଷ୍ଠଜ୍ଜ୍ବଲନ୍ନିବ ହୁତାଶନଃ॥ ॥ 7-134-34 (50614)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଚତୁସ୍ତ୍ରିଂଶଦଧିକଶତତମୋଽଧ୍ଯାଯଃ॥ 134 ॥
Mahabharata - Drona Parva - Chapter Footnotes
5-134-10 ତତଃ ଶୈକ୍ଯାଂ ଚତୁଷ୍କିଷ୍କୁଂ ଇତି କ.ଖ.ଙ.ପାଠଃ॥ 5-134-32 ସୁଷ୍ଠୁ ପର୍ଣାନାଂ ପତ୍ରାଣାଂ ବେଗୋ ଯେଷାମ୍॥ 32 ॥ 5-134-134 ଚତୁସ୍ତ୍ରିଂଶଦଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 135
॥ ଶ୍ରୀଃ ॥
7.135. ଅଧ୍ଯାଯଃ 135
Mahabharata - Drona Parva - Chapter Topics
ଭୀମେନ ଦୁର୍ମର୍ଷଣାଦିଦୁର୍ଯୋଧନାନୁଜାନାଂ ପଞ୍ଚାନାଂ ହନନମ୍॥ 1 ॥Mahabharata - Drona Parva - Chapter Text
7-135-0 (50615)
ଧୃତରାଷ୍ଟ୍ର ଉବାଚ। 7-135-0x (4608)
ଦୈବମେବ ପରଂ ମନ୍ଯେ ଧିକ୍ପୌରୁଷମନର୍ଥକମ୍।
ଯତ୍ରାଧିରଥିରାଯତ୍ତୌ ନାତରତ୍ପାଣ୍ଡବଂ ରଣେ॥ 7-135-1 (50616)
କର୍ଣଃ ପାର୍ଥାନ୍ସଗୋବିନ୍ଦାଞ୍ଜେତୁମୁତ୍ସହତେ ରଣେ।
ନ ଚ କର୍ଣସମଂ ଲୋକେ ପଶ୍ଯାମି କଞ୍ଚନ।
ଇତି ଦୁର୍ଯୋଧନସ୍ଯାହମଶ୍ରୌଷଂ ଜଲ୍ପତୋ ମୁହୁଃ॥ 7-135-2 (50617)
କର୍ଣୋ ହି ବଲବାଞ୍ଛୂରୋ ଦୃଢଧନ୍ବା ଜିତକ୍ଲମଃ।
ଇତି ମାମବ୍ରବୀତ୍ସୂତ ମନ୍ଦୋ ଦୁର୍ଯୋଧନଃ ପୁରା॥ 7-135-3 (50618)
ବସୁଷେଣସହାଯଂ ମାଂ ନାଲଂ ଦେବାଽପି ସଂଯୁଗେ।
କିଂ ନୁ ପାଣ୍ଡୁସୁତା ରାଜନ୍ଗତସତ୍ବା ବିଚେତସଃ॥ 7-135-4 (50619)
ତତ୍ର ତଂ ନିର୍ଜିତଂ ଦୃଷ୍ଟ୍ବା ଭୁଜଙ୍ଗମିବ ନିର୍ବିଷମ୍।
ଯୁଦ୍ଧାତ୍କର୍ଣମପକ୍ରାନ୍ତଂ କିଂସ୍ବିଦ୍ଦୁର୍ଯୋଧନୋଽବ୍ରବୀତ୍॥ 7-135-5 (50620)
ଅହୋ ଦୁର୍ମୁଖମେବୈକଂ ଯୁଦ୍ଧାନାମବିଶାରଦମ୍।
ପ୍ରାବେଶଯଦ୍ଧୁତବହଂ ପତଙ୍ଗମିବ ମୋହିତଃ॥ 7-135-6 (50621)
ଅଶ୍ବତ୍ଥାମା ମଦ୍ରରାଜଃ କୃପଃ କର୍ଣଶ୍ଚ ସଙ୍ଗତାଃ।
ନ ଶକ୍ତ୍ଯାଃ ପ୍ରମୁଖେ ସ୍ଥାତୁଂ ନୂନଂ ଭୀମସ୍ଯ ସଞ୍ଜଯ॥ 7-135-7 (50622)
ତେଽପି ଚାସ୍ଯ ମହାଘୋରଂ ବଲଂ ନାଗାଯୁତୋପମମ୍।
ଜାନନ୍ତୋ ବ୍ଯବସାଯଂ ଚ କ୍ରୂରଂ ମାରୁତତେଜସଃ॥ 7-135-8 (50623)
କିମର୍ଥଂ କ୍ରୂରକର୍ମାଣଂ ଯମକାଲାନ୍ତକୋପମମ୍।
ବଲସଂରମ୍ଭବୀର୍ଯଜ୍ଞାଃ କୋପଯିଷ୍ଯନ୍ତି ସଂଯୁଗେ॥ 7-135-9 (50624)
କର୍ଣସ୍ତ୍ବେକୋ ମହାବାହୁଃ ସ୍ବବାହୁବଲଦର୍ପିତମ୍।
ଭୀମସେନମନାଦୃତ୍ଯ ରଣେଽଯୁଧ୍ଯତ ସୂତଜଃ॥ 7-135-10 (50625)
ଯୋଽଜଯତ୍ସମରେ କର୍ଣଂ ପୁରନ୍ଦର ଇବାସୁରମ୍।
ନ ସ ପାଣ୍ଡୁସୁତୋ ଜେତୁଂ ଶକ୍ଯଃ କେନଚିଦାହବେ॥ 7-135-11 (50626)
ଦ୍ରୋଣଂ ଯଃ ସମ୍ପ୍ରମଥ୍ଯୈକଃ ପ୍ରବିଷ୍ଟୋ ମମ ବାହିନୀମ୍।
ଭୀମୋ ଧନଞ୍ଜଯାନ୍ବେଷୀ କସ୍ତମାର୍ଚ୍ଛେଜ୍ଜିଜୀବିଷୁ॥ 7-135-12 (50627)
କୋ ହି ସଞ୍ଜଯ ଭୀମସ୍ଯ ସ୍ଥାତୁମୁତ୍ସହତେଽଗ୍ରତଃ।
ଉଦ୍ଯତାଶନିହସ୍ତସ୍ଯ ମହେନ୍ଦ୍ରସ୍ଯେବ ଦାନବଃ॥ 7-135-13 (50628)
ପ୍ରେତରାଜପୁରଂ ପ୍ରାପ୍ଯ ନିବର୍ତେତାପି ମାନବଃ।
ନ ଭୀମସେନଂ ସମ୍ପ୍ରାପ୍ଯ ନିବର୍ତେତ କଦାଚନ॥ 7-135-14 (50629)
ପତଙ୍ଗା ଇବ ବହ୍ନିଂ ତେ ପ୍ରାବିଶନ୍ନଲ୍ପଚେତସଃ।
ଯେ ଭୀମସେନଂ ସଙ୍କ୍ରୁଦ୍ଧମନ୍ବଧାବନ୍ବିମୋହିତାଃ॥ 7-135-15 (50630)
ଯତ୍ତତ୍ସଭାଯାଂ ଭୀମେନ ମମ ପୁତ୍ରବଧାଶ୍ରଯମ୍।
ଉକ୍ତଂ ସଂରମ୍ଭିଣୋଗ୍ରେଣ କୁରୂଣାଂ ଶୃଣ୍ବତାଂ ତଦା॥ 7-135-16 (50631)
ତନ୍ନୂନମଭିସଞ୍ଚିନ୍ତ୍ଯ ଦୃଷ୍ଟ୍ବା କର୍ଣଂ ଚ ନିର୍ଜିତମ୍।
ଦୁଃଶାସନଃ ସହ ଭ୍ରାତ୍ରା ଭଯାଦ୍ଭୀମାଦୁପାରମତ୍॥ 7-135-17 (50632)
ଯଶ୍ଚ ସଞ୍ଜଯ ଦୁର୍ବୁଦ୍ଧିରବ୍ରବୀତ୍ସମିତୌ ମୁହୁଃ।
କର୍ଣୋ ଦୁଃଶାସନୋଽହଂ ଚ ଜେଷ୍ଯାମୋ ଯୁଧି ପାଣ୍ଡବାନ୍॥ 7-135-18 (50633)
ସ ନୂନଂ ବିରଥଂ ଦୃଷ୍ଟ୍ବା କର୍ଣଂ ଭୀମେନ ନିର୍ଜିତମ୍।
ପ୍ରତ୍ଯାଖ୍ଯାନାଚ୍ଚ କୃଷ୍ଣସ୍ଯ ଭୃଶଂ ତପ୍ଯତି ପୁତ୍ରକଃ॥ 7-135-19 (50634)
ଦୃଷ୍ଟ୍ବା ଭ୍ରାତୄନ୍ହତାନ୍ସଙ୍ଖ୍ଯେ ଭୀମସେନେନ ଦଂଶିତାନ୍।
ଆତ୍ମାପରାଧାତ୍ସମ୍ମୂଢୋ ନୂନଂ ତପ୍ଯତି ପୁତ୍ରକଃ॥ 7-135-20 (50635)
କୋ ହି ଜୀବିତମନ୍ବିଚ୍ଛନ୍ପ୍ରତୀପଂ ପାଣ୍ଡବଂ ବ୍ରଜେତ୍।
ଭୀମଂ ଭୀମାଯୁଧଂ କ୍ରୁଦ୍ଧଂ ସାକ୍ଷାତ୍କାଲମିବ ସ୍ଥିତମ୍॥ 7-135-21 (50636)
ବଡବାମୁଖମଧ୍ଯସ୍ଥୋ ମୁଚ୍ଯେତାପି ହି ମାନବଃ।
ନ ଭୀମମୁଖସମ୍ପ୍ରାପ୍ତୋ ମୁଚ୍ଯେଦିତି ମତିର୍ମମ॥ 7-135-22 (50637)
ନ ପାର୍ଥା ନ ଚ ପଞ୍ଚାଲା ନ ଚ କେଶବସାତ୍ଯକୀ।
ଜାନତେ ଯୁଧି ସଂରବ୍ଧା ଜୀବିତଂ ପରିରକ୍ଷିତୁମ୍॥ 7-135-23 (50638)
ଅହୋ ମମ ସୁତାନାଂ ହି ବିପନ୍ନଂ ସୂତ ଜୀବିତମ୍॥ 7-135-24 (50639)
ସଞ୍ଜଯ ଉବାଚ। 7-135-25x (4609)
ଯସ୍ତ୍ବଂ ଶୋଚସି କୌରବ୍ଯ ବର୍ତମାନେ ମହାଭଯେ।
ତ୍ବମସ୍ଯ ଜଗତୋ ମୂଲଂ ବିନାଶସ୍ଯ ନ ସଂଶଯଃ॥ 7-135-25 (50640)
ସ୍ବଯଂ ବୈରଂ ମହତ୍କୃତ୍ବା ପୁତ୍ରାଣାଂ ବଚନେ ସ୍ଥିତଃ।
ଉଚ୍ଯମାନୋ ନ ଗୃହ୍ଣୀଷେ ମର୍ତ୍ଯଃ ପଥ୍ଯମିବୌଷଧମ୍॥ 7-135-26 (50641)
ସ୍ବଯଂ ପୀତ୍ବା ମହାରାଜ କାଲକୂଟଂ ସୁଦୁର୍ଜରମ୍।
ତସ୍ଯେଦାନୀଂ ଫଲଂ କୃତ୍ସ୍ନମବାପ୍ନୁହି ନରୋତ୍ତମ॥ 7-135-27 (50642)
ଯତ୍ତୁ କୁତ୍ସଯସେ ଯୋଧାନ୍ଯୁଧ୍ଯମାନାନ୍ମହାବଲାନ୍।
ତତ୍ର ତେ ବର୍ତଯିଷ୍ଯାମି ଯଥା ଯୁଦ୍ଧମବର୍ତତ॥ 7-135-28 (50643)
ଦୃଷ୍ଟ୍ବା କର୍ଣଂ ତୁ ପୁତ୍ରାସ୍ତେ ଭୀମସେନପରାଜିତମ୍।
ନାମୃଷ୍ଯନ୍ତ ମହେଷ୍ବାସାଃ ସୋଦର୍ଯାଃ ପଞ୍ଚ ଭାରତ॥ 7-135-29 (50644)
ଦୁର୍ମର୍ଷଣୋ ଦୁଃସହଶ୍ଚ ଦୁର୍ମଦୋ ଦୁର୍ଧରୋ ଜଯଃ।
ପାଣ୍ଡବଂ ଚିତ୍ରସନ୍ନାହାସ୍ତଂ ପ୍ରତୀପମୁପାଦ୍ରବନ୍॥ 7-135-30 (50645)
ତେ ସମନ୍ତାନ୍ମହାବାହୁଂ ପରିବାର୍ଯ ବୃକୋଦରମ୍।
ଦିଶଃ ଶରୈଃ ସମାବୃଣ୍ବଞ୍ଶଲଭାନାମିବ ବ୍ରଜୈଃ॥ 7-135-31 (50646)
ଆଗଚ୍ଛତସ୍ତାନ୍ସହସା କୁମାରାନ୍ଦେବରୂପିଣଃ।
ପ୍ରତିଜଗ୍ରାହ ସମରେ ଭୀମସେନୋ ହସନ୍ନିବ॥ 7-135-32 (50647)
ତବ ଦୃଷ୍ଟ୍ବା ତୁ ତନଯାନ୍ଦୁର୍ମର୍ଷଣପୁରୋଗମାନ୍।
ଅଭ୍ଯବର୍ତତ ରାଧେଯୋ ଭୀମସେନଂ ମହାବଲମ୍॥ 7-135-33 (50648)
ବିସୃଜନ୍ବିଶିଖାଂସ୍ତୀକ୍ଷ୍ଣାନ୍ସ୍ବର୍ଣପୁଙ୍ଖାଂଞ୍ଛିଲାଶିତାନ୍।
ତଂ ତୁ ଭୀମୋଽଭ୍ଯଯାତ୍ତୂର୍ଣଂ ବାର୍ଯମାଣଃ ସୁତୈସ୍ତବ॥ 7-135-34 (50649)
କୁରବସ୍ତୁ ତତଃ କର୍ଣଂ ପରିବାର୍ଯ ସମନ୍ତତଃ।
ଅବାକିରନ୍ଭୀମସେନଂ ଶରୈଃ ସନ୍ନତପର୍ବଭିଃ॥ 7-135-35 (50650)
ତାନ୍ବାଣୈଃ ପଞ୍ଚବିଂଶତ୍ଯା ସାଶ୍ବାନ୍ରାଜନ୍ନରର୍ଷଭାନ୍।
ସସୂତାନ୍ଭୀମଧନୁଷୋ ଭୀମୋ ନିନ୍ଯେ ଯମକ୍ଷଯମ୍॥ 7-135-36 (50651)
ପ୍ରାପତନ୍ସ୍ଯନ୍ଦନେଭ୍ଯସ୍ତେ ସାର୍ଧଂ ସୂତୈର୍ଗତାସବଃ।
ଚିତ୍ରପୁଷ୍ପଧରା ଭଗ୍ନା ବାତେନେବ ମହାଦ୍ରୁମାଃ॥ 7-135-37 (50652)
ତତ୍ରାଦ୍ଭୁତମପଶ୍ଯାମ ଭୀମସେନସ୍ଯ ବିକ୍ରମମ୍।
ସଂବାର୍ଯାଧିରଥିଂ ବାଣୈର୍ଯଜ୍ଜଘାନ ତବାତ୍ମଜାନ୍॥ 7-135-38 (50653)
ସ ବାର୍ଯମାଣୋ ଭୀମେନ ଶିତୈର୍ବାଣୈଃ ସମନ୍ତତଃ।
ସୂତପୁତ୍ରୋ ମହାରାଜ ଭୀମସେନମବୈକ୍ଷତ॥ 7-135-39 (50654)
ତଂ ଭୀସସେନଃ ସଂରମ୍ଭାତ୍କ୍ରୋଧସଂରକ୍ତଲୋଚନଃ।
ବିଷ୍ଫାର୍ଯ ସୁମହଚ୍ଚାପଂ ମୁହୁଃ କର୍ଣମବୈକ୍ଷତ॥ ॥ 7-135-40 (50655)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ପଞ୍ଚତ୍ରିଂଶଦଧିକଶତତମୋଽଧ୍ଯାଯଃ॥ 135 ॥
Mahabharata - Drona Parva - Chapter Footnotes
5-135-9 ଯମଃ ସଂଯମନବ୍ଯାପାରଃ କାଲଃ କଲନବ୍ଯାପରଃ ଅନ୍ତକୋ ମାରଣବ୍ଯାପାରଃ ତଦୁପମମ୍॥ 5-135-135 ପଞ୍ଚତ୍ରିଂଶଦଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 136
॥ ଶ୍ରୀଃ ॥
7.136. ଅଧ୍ଯାଯଃ 136
Mahabharata - Drona Parva - Chapter Topics
ଭୀମେନ ଚିତ୍ରୋପଚିତ୍ରାଦିଦୁର୍ଯୋଧନାନୁଜବଧଃ॥ 1 ॥Mahabharata - Drona Parva - Chapter Text
7-136-0 (50656)
ସଞ୍ଜଯ ଉବାଚ। 7-136-0x (4610)
ତବାତ୍ମଜାଂସ୍ତୁ ପତିତାନ୍ଦୃଷ୍ଟ୍ବା କର୍ଣଃ ପ୍ରତାପବାନ୍।
କ୍ରୋଧେନ ମହତାଽଽବିଷ୍ଟୋ ନିର୍ବିଣ୍ଣୋଽଭୂତ୍ସ ଜୀବିତୋ॥ 7-136-1 (50657)
ଆଗସ୍କୃତମିବାତ୍ମାନଂ ମେନେ ଚାଧିରଥିସ୍ତଦା।
ଯତ୍ପ୍ରତ୍ଯକ୍ଷଂ ତବ ସୁତା ଭୀମେନ ନିହତା ରଣେ॥ 7-136-2 (50658)
ଭୀମସେନସ୍ତତଃ କ୍ରୁଦ୍ଧଃ କର୍ଣସ୍ଯ ନିଶିତାଞ୍ଶରାନ୍।
ନିଚଖାନ୍ ସ ସମ୍ଭ୍ରାନ୍ତଃ ପୂର୍ବବୈରମନୁସ୍ମରନ୍॥ 7-136-3 (50659)
ସ ଭୀମଂ ପଞ୍ଚଭିର୍ବିଦ୍ଧ୍ବା ରାଧେଯଃ ପ୍ରହସନ୍ନିବ।
ପୁନର୍ବିବ୍ଯାଧ ସପ୍ତତ୍ଯା ସ୍ବର୍ଣପୁଙ୍ଖୈଃ ଶିଲାଶିତୈଃ॥ 7-136-4 (50660)
ଅବିଚିନ୍ତ୍ଯାଥ ତାନ୍ବାଣାନ୍କର୍ଣେନାସ୍ତାନ୍ବୃକୋଦରଃ।
ରଣେ ବିବ୍ଯାଧ ରାଧେଯଂ ଶରେଣାନତପର୍ବଣା॥ 7-136-5 (50661)
ପୁନଶ୍ଚ ବିଶିଖୈସ୍ତୀକ୍ଷ୍ଣୈର୍ବିଦ୍ଧ୍ବା ମର୍ମସୁ ପଞ୍ଚଭିଃ।
ଧନୁଶ୍ଚିଚ୍ଛେଦ ଭଲ୍ଲେନ ସୂତ ପୁତ୍ରସ୍ଯ ମାରିଷ॥ 7-136-6 (50662)
ଅଥାନ୍ଯଦ୍ଧନୁରାଦାଯ କର୍ଣୋ ଭାରତ ଦୁର୍ମନାଃ।
ଇଷୁଭିଶ୍ଛାଦଯାମାସ ମୀମସେନଂ ପରନ୍ତପଃ॥ 7-136-7 (50663)
ତସ୍ଯ ଭୀମୋ ହଯାନ୍ହତ୍ବା ବିନିହତ୍ଯ ଚ ସାରଥିମ୍।
ପ୍ରଜହାସ ମହାହାସଂ କୃତପ୍ରତିକୃତଂ ମହତ୍॥ 7-136-8 (50664)
ଇଷୁଭିଃ କାର୍ମୁକଂ ଚାସ୍ଯ ଚକର୍ତ ପୁରୁଷର୍ଷଭଃ।
ତତ୍ପପାତ ମହାରାଜ ସ୍ବର୍ଣପୃଷ୍ଠଂ ମହାସ୍ବନମ୍॥ 7-136-9 (50665)
ଅବାରୋହଦ୍ରଥାତ୍ତସ୍ମାଦଥ କର୍ଣୋ ମହାରଥଃ।
ଗଦାଂ ଗୃହୀତ୍ବା ସମରେ ଭୀମାଯ ପ୍ରାହିଣୋଦ୍ରୁଷା॥ 7-136-10 (50666)
ତାମାପତନ୍ତୀମାଲକ୍ଷ୍ଯ ଭୀମସେନୋ ମହାଗଦାମ୍।
ଶରୈରବାରଯଦ୍ରାଜନ୍ସର୍ବସୈନ୍ଯସ୍ଯ ପଶ୍ଯତଃ॥ 7-136-11 (50667)
ତତୋ ବାଣସହସ୍ରାଣି ପ୍ରେଷଯାମାସ ପାଣ୍ଡବଃ।
ସୂତପୁତ୍ରବଧାକାଙ୍କ୍ଷୀ ତ୍ବରମାଣଃ ପରାକ୍ରମୀ॥ 7-136-12 (50668)
ତାନିଷୂନିଷୁଭିଃ କର୍ଣୋ ବାରଯିତ୍ବା ମହାମୃଧେ।
କବଚଂ ଭୀମସେନସ୍ଯ ପାଟଯାମାସ ସାଯକୈଃ॥ 7-136-13 (50669)
ଅଥୈନଂ ପଞ୍ଚବିଂଶତ୍ଯା ନାରାଚାନାଂ ସମାର୍ପଯତ୍।
ପଶ୍ଯତାଂ ସର୍ବସୈନ୍ଯାନାଂ ତଦଦ୍ଭୁତମିବାଭବତ୍॥ 7-136-14 (50670)
ତତୋ ଭୀମୋ ମହାବାହୁର୍ନବଭିର୍ନତପର୍ବଭିଃ।
ପ୍ରେଷଯାମାସ ସଙ୍କ୍ରୁଦ୍ଧଃ ସୂତପୁତ୍ରସ୍ଯ ମାରିଷ॥ 7-136-15 (50671)
ତେ ତସ୍ଯ କବଚଂ ଭିତ୍ତ୍ବା ତଥା ବାହୁଂ ଚ ଦକ୍ଷିଣମ୍।
ଅଭ୍ଯଯୁର୍ଧରଣୀଂ ତୀକ୍ଷ୍ଣା ବଲ୍ମୀକମିବ ପନ୍ନଗାଃ॥ 7-136-16 (50672)
ସ ଚ୍ଛାଦ୍ଯମାନୋ ବାଣୌଧୈର୍ଭୀମସେନଧନୁଶ୍ଚ୍ଯୁତୈଃ।
ପୁନରେବାଭବତ୍କର୍ଣୋ ଭୀମସେନାତ୍ପରାଙ୍ମୁଖଃ॥ 7-136-17 (50673)
ତଂ ପରାଙ୍ମୁଖମାଲୋକ୍ଯ ପଦାତିଂ ସୂତନନ୍ଦନମ୍।
କୌନ୍ତେଯଶରସଞ୍ଛନ୍ନଂ ରାଜା ଦୁର୍ଯୋଧନୋଽବ୍ରବୀତ୍॥ 7-136-18 (50674)
ତ୍ବରଧ୍ବଂ ସର୍ବତୋ ଯତ୍ତା ରାଧେଯସ୍ଯ ରଥଂ ପ୍ରତି।
ତତସ୍ତବ ସୁତା ରାଜଞ୍ଶ୍ରୁତ୍ବା ଭ୍ରାତୁର୍ବଚୋ ଦ୍ରୁତମ୍॥ 7-136-19 (50675)
ଅଭ୍ଯଯୁଃ ପାଣ୍ଡବଂ ଯୁଦ୍ଧେ ବିସୃଜନ୍ତଃ ଶିଲୀମୁଖାନ୍।
ଚିତ୍ରୋପଚିତ୍ରଶ୍ଚିତ୍ରାକ୍ଷଶ୍ଚାରୁଚିତ୍ରଃ ଶରାସନଃ॥ 7-136-20 (50676)
ଚିତ୍ରାଯୁଧଶ୍ଚିତ୍ରବର୍ମା ସମରେ ଚିତ୍ରଯୋଧିନଃ।
ତାନାପତତ ଏବାଶୁ ଭୀମସେନୋ ମହାରଥଃ॥ 7-136-21 (50677)
ଏକୈକେନ ଶରେଣାଜୌ ପାତଯାମାସ ତେ ସୁତାନ୍।
ତେ ହତା ନ୍ଯପତନ୍ଭୂମୌ ବାତରୂଗ୍ଣା ଇବ ଦ୍ରୁମାଃ॥ 7-136-22 (50678)
ଦୃଷ୍ଟ୍ବା ବିନିହତାନ୍ପୁତ୍ରାଂସ୍ତବ ରାଜନ୍ମହାରଥାନ୍।
ଅଶ୍ରୁପୂର୍ଣମୁଖଃ କର୍ଣଃ କ୍ଷତ୍ତୁଃ ସସ୍ମାର ତଦ୍ବଚଃ॥ 7-136-23 (50679)
ରଥଂ ଚାନ୍ଯଂ ସମାସ୍ଥାଯ ବିଧିବତ୍କଲ୍ପିତଂ ପୁନଃ।
ଅଭ୍ଯଯାତ୍ପାଣ୍ଡବଂ ଯୁଦ୍ଧେ ତ୍ବରମାଣଃ ପରାକ୍ରମୀ॥ 7-136-24 (50680)
ତାବନ୍ଯୋନ୍ଯଂ ଶରୈର୍ଭିତ୍ତ୍ବା ସ୍ବର୍ଣପୁଙ୍ଖୈଃ ଶିଲାଶିତୈଃ।
ବ୍ଯଭ୍ରାଜେତାଂ ଯଥା ମେଘୌ ସଂସ୍ଯୂତୌ ସୂର୍ଯରଶ୍ମିଭିଃ॥ 7-136-25 (50681)
ଷଟ୍ତ୍ରିଂଶଦ୍ଭିସ୍ତତୋ ଭଲ୍ଲୈର୍ନିଶିତୈସ୍ତିଗ୍ମତେଜନୈଃ।
ବ୍ଯଧମତ୍କବନଂ କ୍ରୁଦ୍ଧଃ ସୂତପୁତ୍ରସ୍ଯ ପାଣ୍ଡବଃ॥ 7-136-26 (50682)
ସୂତପୁତ୍ରୋଽପି କୌନ୍ତେଯଂ ଶରୈଃ ସନ୍ନତପର୍ବଭିଃ।
ପଞ୍ଚାଶତା ମହାବାହୁର୍ବିବ୍ଯାଧ ଭରତର୍ଷଭ॥ 7-136-27 (50683)
ରକ୍ତଚନ୍ଦନଦିଗ୍ଧାଙ୍ଗୌ ଶରୈଃ କୃତମହାବ୍ରଣୌ।
ଶୋଣିତାକ୍ତୌ ବ୍ଯରାଜେତାଂ କାଲସୂର୍ଯାବିବୋଦିତୌ॥ 7-136-28 (50684)
ତୌ ଶୋଣିତୋକ୍ଷିତୈର୍ଗାତ୍ରୈଃ ଶରୈଶ୍ଛିନ୍ନତନୁଚ୍ଛଦୌ।
ବିବୃତାଙ୍ଗୌ ବ୍ଯରାଜେତାଂ ନିର୍ମୁକ୍ତାବିବ ପନ୍ନଗୌ॥ 7-136-29 (50685)
`କ୍ରୋଧାଗ୍ନିତେଜସା ଦିପ୍ତୌ ସଂରମ୍ଭାଦ୍ରକ୍ତଲୋଚନୌ।
ବ୍ଯଭ୍ରାଜେତାଂ ମହାରାଜ ବିଧୂମାବିବ ପାବକୌ'॥ 7-136-30 (50686)
ବ୍ଯାଘ୍ରାବିବ ନରବ୍ଯାଘ୍ରୌ ଦଂଷ୍ଟ୍ରାଭିରିତରେତରମ୍।
ଶରଧାରାସୃଜୌ ବୀରୌ ମେଘାବିବ ବବର୍ଷତୁଃ॥ 7-136-31 (50687)
ବାରଣାବିବ ଚାନ୍ଯୋନ୍ଯଂ ବିଷାଣାଭ୍ଯାମରିନ୍ଦମୌ।
ନିର୍ଭିନ୍ଦନ୍ତୌ ସ୍ବଗାତ୍ରାଣି ସାଯକୈଶ୍ଚାରୁ ରେଜତୁଃ॥ 7-136-32 (50688)
ନାଦଯନ୍ତୌ ପ୍ରହର୍ଷନ୍ତୌ ବିକ୍ରୀଡନ୍ତୌ ପରସ୍ପରମ୍।
ମଣ୍ଡଲାନି ବିକୁର୍ବାଣୌ ରଥାଭ୍ଯାଂ ରଥିଷୂତ୍ତମୌ॥ 7-136-33 (50689)
ବୃଷାବିବାଥ ନର୍ଦନ୍ତୌ ବଲିନୌ ବାସିତାନ୍ତରେ।
ସିଂହାବିବ ପରାକ୍ରାନ୍ତୌ ନରସିଂହୌ ମହାବଲୌ॥ 7-136-34 (50690)
ପରସ୍ପରଂ ବୀକ୍ଷମାଣୌ କ୍ରୋଧସଂରକ୍ତଲୋଚନୌ।
ଯୁଯୁଧାତେ ମହାବୀର୍ଯୌ ଶକ୍ରବୈରୋଚନୀ ଯଥା॥ 7-136-35 (50691)
ତତୋ ଭୀମୋ ମହାବାହୁର୍ବାହୁଭ୍ଯାଂ ବିକ୍ଷିପନ୍ଧନୁଃ।
ବ୍ଯରାଜତ ରଣେ ରାଜନ୍ସବିଦ୍ଯୁଦିବ ତୋଯଦଃ॥ 7-136-36 (50692)
ସନେମିଘୋଷସ୍ତନିତଶ୍ଚାପବିଦ୍ଯୁଚ୍ଛରାମ୍ବୁଭିଃ।
ଭୀମସେନମହାମେଘଃ କର୍ଣପର୍ବତମାବୃଣୋତ୍॥ 7-136-37 (50693)
ତତଃ ଶରସହସ୍ରେଣ ସମ୍ଯଗସ୍ତେନ ଭାରତ।
ପାଣ୍ଡବୋ ବ୍ଯକିରତ୍କର୍ଣଂ ଭୀମୋ ଭୀମପରାକ୍ରମଃ॥ 7-136-38 (50694)
ତତ୍ରାପଶ୍ଯଂସ୍ତବ ସୁତା ଭୀମସେନସ୍ଯ ବିକ୍ରମମ୍।
ସୁପୁଙ୍ଖୈଃ କଙ୍କବାସୋଭିର୍ଯତ୍କର୍ଣଂ ଛାଦଯଞ୍ଶରୈଃ॥ 7-136-39 (50695)
ସ ନନ୍ଦଯନ୍ରଣେ ପାର୍ଥଂ କେଶବଂ ଚ ଯଶସ୍ବିନମ୍।
ସାତ୍ଯକିଂ ଚକ୍ରରକ୍ଷୌ ଚ ଭୀମଃ କର୍ଣମଯୋଧଯତ୍॥ 7-136-40 (50696)
ବିକ୍ରମଂ ଭୁଜଯୋର୍ବୀର୍ଯଂ ଧୈର୍ଯଂ ଚ ବିଦିତାତ୍ମନଃ।
ପୁତ୍ରାସ୍ତବ ମହାରାଜ ଦୃଷ୍ଟ୍ବା ବିମନସୋଽଭବନ୍॥ ॥ 7-136-41 (50697)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଷଟ୍ତ୍ରିଂଶଦଧିକଶତତମୋଽଧ୍ଯାଯଃ॥ 136 ॥
Mahabharata - Drona Parva - Chapter Footnotes
5-136-10 ଅବାରୋହଦବାତରତ୍॥ 5-136-20 ଚିତ୍ରୋପଚିତ୍ରଃ ଚିତ୍ରଶ୍ଚାସାବୁପଚିତ୍ରଶ୍ଚେତି ଚିତ୍ରୋପଚିତ୍ରଃ॥ 5-136-136 ଷଟ୍ତ୍ରିଂଶଦଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 137
॥ ଶ୍ରୀଃ ॥
7.137. ଅଧ୍ଯାଯଃ 137
Mahabharata - Drona Parva - Chapter Topics
Mahabharata - Drona Parva - Chapter Text
7-137-0 (50698)
॥ 7-137-53 (50751)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣାଭିଷେକପର୍ବଣି
Mahabharata - Drona Parva - Chapter Footnotes
5-137-1 5-137- 5-137- 5-137- 5-137- 5-137- 5-137- 5-137- 5-137- 5-137- 5-137- 5-137-ଦ୍ରୋଣପର୍ବ - ଅଧ୍ଯାଯ 138
॥ ଶ୍ରୀଃ ॥
7.138. ଅଧ୍ଯାଯଃ 138
Mahabharata - Drona Parva - Chapter Topics
Mahabharata - Drona Parva - Chapter Text
7-16-0 (50752)
॥ 7-16-29 (50781)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣାଭିଷେକପର୍ବଣି
Mahabharata - Drona Parva - Chapter Footnotes
5-16-1 5-16- 5-16- 5-16- 5-16- 5-16- 5-16- 5-16- 5-16- 5-16- 5-16- 5-16-ଦ୍ରୋଣପର୍ବ - ଅଧ୍ଯାଯ 139
॥ ଶ୍ରୀଃ ॥
7.139. ଅଧ୍ଯାଯଃ 139
Mahabharata - Drona Parva - Chapter Topics
ଭୀମକର୍ଣଯୁଦ୍ଧବର୍ଣନମ୍॥ 1 ॥Mahabharata - Drona Parva - Chapter Text
7-139-0 (50782)
ସଞ୍ଜଯ ଉବାଚ। 7-139-0x (4613)
ତତଃ କର୍ଣୋ ମହାରାଜ ଭୀମଂ ବିଦ୍ଧା ତ୍ରିଭିଃ ଶୂରୈଃ।
`ପୁନଶ୍ଚ ଷଡ୍ଭିସ୍ତୀକ୍ଷ୍ଣାଗ୍ରୈରବିଧ୍ଯତ୍କଙ୍କପତ୍ରିଭିଃ'।
ମୁମୋଚ ଶରବର୍ଷାଣି ବିଚିତ୍ରାଣି ବହୂନି ଚ॥ 7-139-1 (50783)
ବଧ୍ଯମାନୋ ମହାବାହୁଃ ସୂତପୁତ୍ରେଣ ପାଣ୍ଡବଃ।
ନ ବିବ୍ଯଥେ ଭୀମସେନୋ ଭିଦ୍ଯମାନ ଇବାଚଲଃ॥ 7-139-2 (50784)
ସ କର୍ଣଂ କର୍ଣିନା କର୍ଣେ ପୀତେନ ନିଶିତେନ ଚ।
ବିବ୍ଯାଧ ସୁଭୃଶଂ ସଙ୍ଖ୍ଯେ ତୈଲଧୌତେନ ମାରିଷ॥ 7-139-3 (50785)
ସ କୁଣ୍ଡଲଂ ମହଚ୍ଚାରୁ କର୍ଣସ୍ଯାପାତଯଦ୍ଭୁବି।
ତପନୀଯଂ ମହାରାଜ ଦୀପ୍ତଂ ଜ୍ଯୋତିରିବାମ୍ବରାତ୍॥ 7-139-4 (50786)
ଅଥାପରେଣ ଭଲ୍ଲେନ ସୂତପୁତ୍ରଂ ସ୍ତନାନ୍ତରେ।
ଆଜଘାନ ଭୃଶଂ କ୍ରୁଦ୍ଧୋ ହସନ୍ନିବ ବୃକୋଦରଃ॥ 7-139-5 (50787)
ପୁନରସ୍ଯ ତ୍ବରନ୍ଭୀପୋ ନାରାଚାନ୍ଦଶ ଭାରତ।
ରଣେ ପ୍ରୈଷୀନ୍ମହାବାହୁର୍ନିର୍ମୁକ୍ତାଶୀବିଷୋପମାନ୍॥ 7-139-6 (50788)
ତେ ଲଲାଟଂ ବିନିର୍ଭିଦ୍ଯ ସୂତପୁତ୍ରସ୍ଯ ଭାରତ।
ବିବିଶୁଶ୍ଚୋଦିତାସ୍ତେନ ବଲ୍ମୀକମିବ ପନ୍ନଗାଃ॥ 7-139-7 (50789)
ଲଲାଟସ୍ଥୈସ୍ତତୋ ବାଣୈଃ ସୂତପୁତ୍ରୋ ବ୍ଯରୋଚତ।
ନୀଲୋତ୍ପଲମଯୀଂ ମାଲାଂ ଧାରଯନ୍ବୈ ଯଥା ପୁରା॥ 7-139-8 (50790)
ସୋଽତିବିଦ୍ଧୋ ଭୃଶଂ କର୍ଣଃ ପାଣ୍ଡବେନ ତରସ୍ବିନା।
ରଥକୂବରମାଲମ୍ବ୍ଯ ନ୍ଯମୀଲଯତ ଲୋଚନେ॥ 7-139-9 (50791)
ସ ମୁହୂର୍ତାତ୍ପୁନଃ ସଂଜ୍ଞାଂ ଲେଭେ କର୍ଣଃ ପରନ୍ତପଃ।
ରୁଧିରୋକ୍ଷିତସର୍ବାଙ୍ଗଃ କ୍ରୋଧମାହାରଯତ୍ପରମ୍॥ 7-139-10 (50792)
ତତଃ କ୍ରୁଦ୍ଧୋ ରଣେ କର୍ଣଃ ପୀଡିତୋ ଦୃଢଧନ୍ବନା।
ବେଗଂ ଚକ୍ରେ ମହାବେଗୋ ଭୀମସେନରଥଂ ପ୍ରତି॥ 7-139-11 (50793)
ତସ୍ମୈ କର୍ଣଃ ଶତଂ ରାଜନ୍ନିଷୂଣାଂ ଗାର୍ଧ୍ରବାସସାମ୍।
ଅମର୍ଷୀ ବଲବାନ୍କ୍ରୁଦ୍ଧଃ ପ୍ରେଷଯାମାସ ଭାରତ॥ 7-139-12 (50794)
ତତଃ ପ୍ରାସୃଜଦୁଗ୍ରାଣି ଶରବର୍ଷାଣି ପାଣ୍ଡବଃ।
ସମରେ ତମନାଦୃତ୍ଯ ତସ୍ଯ ବୀର୍ଯମଚିନ୍ତଯନ୍॥ 7-139-13 (50795)
କର୍ଣସ୍ତତୋ ମହାରାଜ ପାଣ୍ଡବଂ ନବଭିଃ ଶରୈଃ।
ଆଜଘାନୋଽସି କ୍ରୁଦ୍ଧଃ କ୍ରୁଦ୍ଧରୂପଂ ପରନ୍ତପ॥ 7-139-14 (50796)
ତାବୁଭୌ ନରଶାର୍ଦୂଲୌ ଶାର୍ଦୂଲାବିବ ଦଂଷ୍ଟ୍ରିଣୌ।
`ଶରଦଂଷ୍ଟ୍ରୌ ସମାସାଦ୍ଯ ତତକ୍ଷତୁରରିନ୍ଦମୌ'।
ଜିମୂତାବିବ ଚାନ୍ଯୋନ୍ଯଂ ପ୍ରବବର୍ଷତୁରାହବେ॥ 7-139-15 (50797)
ତଲଶବ୍ଦରବୈଶ୍ଚୈବ ତ୍ରାସଯେତାଂ ପରସ୍ପରମ୍।
ଶରଜାଲୈଶ୍ଚ ବିବିଧୈସ୍ତ୍ରାସଯାମାସତୁର୍ମୃଧେ॥ 7-139-16 (50798)
ଅନ୍ଯୋନ୍ଯଂ ସମରେ କ୍ରୁଦ୍ଧୌ କୃତପ୍ରତିକୃତୈଷିଣୌ।
ତତୋ ଭୀମୋ ମହାବାହୁଃ ସୂତପୁତ୍ରସ୍ଯ ଭାରତ॥ 7-139-17 (50799)
କ୍ଷୁରପ୍ରେଣ ଧନୁଶ୍ଛିତ୍ତ୍ବା ନନାଦ ପରବୀରହା।
ତଦପାସ୍ଯ ଧନୁଶ୍ଛିନ୍ନଂ ସୂତପୁତ୍ରୋ ମହାରଥଃ॥ 7-139-18 (50800)
ଅନ୍ଯତ୍କାର୍ମୁକମାଦତ୍ତ ଭାରଘ୍ନଂ ବେଗବତ୍ତରମ୍।
ତଦପ୍ଯଥ ନିମେଷାର୍ଧାଚ୍ଚିଚ୍ଛେଦାସ୍ଯ ବୃକୋଦରଃ॥ 7-139-19 (50801)
ତୃତୀଯଂ ଚ ଚତୁର୍ଥଂ ଚ ପଞ୍ଚମଂ ଷଷ୍ଠମେବ ହି।
ସପ୍ତମଂ ଚାଷ୍ଟମଂ ଚୈବ ନବମଂ ଦଶମଂ ତଥା॥ 7-139-20 (50802)
ଏକାଦଶଂ ଦ୍ବାଦଶଂ ଚ ତ୍ରଯୋଧଶମଥାପି ଚ।
ଚତୁର୍ଦଶଂ ପଞ୍ଚଦଶଂ ଷୋଡଶଂ ଚ ବୃକୋଦରଃ॥ 7-139-21 (50803)
ତଥା ସପ୍ତଦଶଂ ବେଗାଦଷ୍ଟାଦଶମଥାପି ବା।
ବହୂନି ଭୀମଶ୍ଚିଚ୍ଛେଦ କର୍ଣସ୍ଯୈବଂ ଧନୂଂଷି ହି।
ନିମେଷାର୍ଧାତ୍ତତଃ କର୍ଣୋ ଧନୁର୍ହସ୍ତୋ ବ୍ଯତିଷ୍ଠତ॥ 7-139-22 (50804)
ଦୃଷ୍ଟ୍ବା ସ କୁରୁସୌବୀରସିନ୍ଧୁବୀରବଲକ୍ଷଯମ୍।
ସ ବର୍ମଧ୍ବଜଶସ୍ତ୍ରୈଶ୍ଚ ପତିତୈଃ ସଂବୃତାଂ ମହୀମ୍॥ 7-139-23 (50805)
`ରଥୈର୍ବିମଥିତୈର୍ଭଲ୍ଲୈରଶ୍ବୈଶ୍ଚାନ୍ଯୈଃ ପ୍ରବଲ୍ଗିତୈଃ।
ଭ୍ରଷ୍ଟଶ୍ରୀକୈର୍ନରବରୈଃ ପାଂସୁକୁଣ୍ଠିତମୂର୍ଧଜୈଃ'॥ 7-139-24 (50806)
ହସ୍ତ୍ଯଶ୍ବରଥଦେହାଂଶ୍ଚ ଗତାସୂନ୍ପ୍ରେକ୍ଷ୍ଯ ସର୍ବଶଃ।
ସୂତପୁତ୍ରସ୍ଯ ସଂରମ୍ଭାଦ୍ଦୀପ୍ତଂ ବପୁରଜାଯତ॥ 7-139-25 (50807)
ସ ବିଷ୍ଫାର୍ଯ ମହଚ୍ଚାପଂ କାର୍ତସ୍ବରବିଭୂଷିତମ୍।
ଭୀମଂ ପ୍ରୈକ୍ଷତ ରାଧେଯୋ ଘୋରଂ ଘୋରେଣ ଚକ୍ଷୁଷା॥ 7-139-26 (50808)
ତତଃ କ୍ରୁଦ୍ଧଃ ଶରାନସ୍ଯନ୍ସୂତପୁତ୍ରୋ ବ୍ଯରୋ ଚତ।
ମଧ୍ଯନ୍ଦିନଗତୋଽର୍ଚିଷ୍ମାଞ୍ଶରଦୀବ ଦିବାକରଃ॥ 7-139-27 (50809)
ମରୀଚିବିକଚସ୍ଯେବ ରାଜନ୍ଭାନୁମତୋ ବପୁଃ।
ଆସୀଦାଧିରଥେର୍ଘୋରଂ ବପୁଃ ଶରଶତାଚିତମ୍॥ 7-139-28 (50810)
କରାଭ୍ଯାମାଦଦାନସ୍ଯ ସନ୍ଦଧାନସ୍ଯ ଚାଶୁଗାନ୍।
କର୍ଷତୋ ମୁଞ୍ଚତୋ ବାଣାନ୍ନାନ୍ତରଂ ଦଦୃଶେ ରଣେ॥ 7-139-29 (50811)
ଅଗ୍ନିଚକ୍ରୋପମଂ ଘୋରଂ ମଣ୍ଡଲୀକୃତମାଯୁଧମ୍।
କର୍ଣସ୍ଯାସୀନ୍ମହୀପାଲ ସବ୍ଯଂ ଦକ୍ଷିଣମସ୍ଯତଃ॥ 7-139-30 (50812)
ସ୍ବର୍ଣପୁଙ୍ଖାଃ ସୁନିଶିତାଃ କର୍ମଚାପଚ୍ଯୁତାଃ ଶରାଃ।
ପ୍ରାଚ୍ଛାଦଯନ୍ମହାରାଜ ଦିଶଃ ସୂର୍ଯ ଇବାଂଶୁଭିଃ॥ 7-139-31 (50813)
ତତଃ କନକପୁଙ୍ଖାନାଂ ଶରାଣାଂ ନତପର୍ବଣାମ୍।
ଧନୁଶ୍ଚ୍ଯୁତାନାଂ ବିଯତି ଦଦୃଶେ ବହୁଧା ବ୍ରଜଃ॥ 7-139-32 (50814)
ବାଣାସନାଦାଧିରଥେଃ ପ୍ରଭବନ୍ତି ସ୍ମ ସାଯକାଃ।
ଶ୍ରେଣୀକୃତା ବ୍ଯରୋଚନ୍ତ ରାଜନ୍କ୍ରୌଞ୍ଚା ଇବାମ୍ବରେ॥ 7-139-33 (50815)
ଗାର୍ଧ୍ରପତ୍ରାଞ୍ଶିଲାଧୌତାନ୍କାର୍ତସ୍ବରବିଭୂଷିତାନ୍।
ମହାବେଗାନ୍ପ୍ରଦୀପ୍ତାଗ୍ରାନ୍ମୁମୋଚାଧିରଥିଃ ଶରାନ୍॥ 7-139-34 (50816)
ତେ ତୁ ଚାପବଲୋଦ୍ଧୂତାଃ ଶାତକୁମ୍ଭବିଭୂଷିତାଃ।
ଅଜସ୍ରମପତନ୍ବାଣା ଭୀମସେନରଥଂ ପ୍ରତି॥ 7-139-35 (50817)
ତେ ବ୍ଯୋମ୍ନି ରୁକ୍ମବିକୃତା ବ୍ଯକାଶନ୍ତ ସହସ୍ରଶଃ।
ଶଲଭାନାମିବ ବ୍ରାତାଃ ଶରାଃ କର୍ଣସମୀରିତାଃ॥ 7-139-36 (50818)
ଚାପାଦାଧିରଥେର୍ମୁକ୍ତାଃ ପ୍ରପତନ୍ତଶ୍ଚକାଶିରେ।
ଏକୋ ଦୀର୍ଘ ଇବାତ୍ଯର୍ଥମାକାଶେ ସଂସ୍ଥିତଃ ଶରଃ॥ 7-139-37 (50819)
ପର୍ବତଂ ବାରିଧାରାଭିଚ୍ଛାଦଯନ୍ନିବ ତୋଯଦଃ।
କର୍ଣଃ ପ୍ରାଚ୍ଛାଦଯତ୍କ୍ରୁଦ୍ଧୋ ଭୀମଂ ସାଯକବୃଷ୍ଟିଭିଃ॥ 7-139-38 (50820)
ତତ୍ର ଭାରତ ଭୀମସ୍ଯ ବଲଂ ବୀର୍ଯଂ ପରାକ୍ରମମ୍।
ବ୍ଯବସାଯଂ ଚ ପୁତ୍ରାସ୍ତେ ଦଦୃଶୁଃ ସହସୈନିକାଃ॥ 7-139-39 (50821)
ତାଂ ସମୁଦ୍ରମିବୋଦ୍ଭୂତାଂ ଶରବୃଷ୍ଟିଂ ସମୁତ୍ଥିତାମ୍।
ଅଚିନ୍ତଯିତ୍ବା ଭୀମସ୍ତୁ କ୍ରୁଦ୍ଧଃ କର୍ଣମୁପାଦ୍ରବତ୍॥ 7-139-40 (50822)
ରୁକ୍ମପୃଷ୍ଠଂ ମହଚ୍ଚାପଂ ଭୀମସ୍ଯାସୀଦ୍ବିଶାମ୍ପତେ।
ଆକର୍ଷାନ୍ମଣ୍ଡଲୀଭୂତଂ ଶକ୍ରଚାପମିବାପରମ୍।
ତସ୍ମାଚ୍ଛରାଃ ପ୍ରାଦୁରାସନ୍ପୂରଯନ୍ତ ଇବାମ୍ବରମ୍॥ 7-139-41 (50823)
ସୁବର୍ଣପୁଙ୍ଖୈର୍ଭୀମେନ ସାଯକୈର୍ନତପର୍ବଭିଃ।
ଗଗନେ ରଚିତା ମାଲା କାଞ୍ଚନୀବ ବ୍ଯରୋଚତଂ॥ 7-139-42 (50824)
ତତୋ ବ୍ଯୋମ୍ନି ବିଷକ୍ତାନି ଶରଜାଲାନି ଭାଗଶଃ।
ଆହତାନି ବ୍ଯଶୀର୍ଯନ୍ତ ଭୀମସେନସ୍ଯ ପତ୍ରିଭିଃ॥ 7-139-43 (50825)
କର୍ଣସ୍ଯ ଶରଜାଲୌଘୈର୍ଭୀମସେନସ୍ଯ ଚୋଭଯୋଃ।
ଅଗ୍ନିସ୍ଫୁଲିଙ୍ଗସଂସ୍ପର୍ଶୈରଞ୍ଜୋଗତିଭିରାହବେ।
ତୈସ୍ତୈଃ କନକପୁଙ୍ଖାନାଂ ଦ୍ଯୌରାସୀତ୍ସଂବୃତା ବ୍ରଜୈଃ॥ 7-139-44 (50826)
ନ ସ୍ମ ସୂର୍ଯସ୍ତଦା ଭାତି ନ ସ୍ମ ବାତି ସମୀରଣଃ।
ଶରଜାଲାବୃତେ ବ୍ଯୋମ୍ନି ନ ପ୍ରାଜ୍ଞାଯତ କିଞ୍ଚନ॥ 7-139-45 (50827)
ସ ଭିମଂ ଛାଦଯନ୍ବାଣୈଃ ସୂତପୁତ୍ରଃ ପୃଥଗ୍ବିଧୈଃ।
ଉପାରୋହଦନାଦୃତ୍ଯ ତସ୍ଯ ବୀର୍ଯଂ ମହାତ୍ମନଃ॥ 7-139-46 (50828)
ତଯୋର୍ବିସୃଜତୋସ୍ତତ୍ର ଶରଜାଲାନି ମାରିଷ।
ବାଯୁଭୂତାନ୍ଯଦୃଶ୍ଯନ୍ତ ସଂସକ୍ତାନୀତରେତରମ୍॥ 7-139-47 (50829)
ଅନ୍ଯୋନ୍ଯଶରସଂସମ୍ପର୍ଶାତ୍ତଯୋର୍ମନୁଜସିଂହଯୋଃ।
ଆକାଶେ ଭରତଶ୍ରେଷ୍ଠ ପାବକଃ ସମଜାଯତ॥ 7-139-48 (50830)
ତଥା କର୍ଣଃ ଶିତାନ୍ବାଣାନ୍କର୍ମାରପରିମାର୍ଜିତାନ୍।
ସୁବର୍ଣବିକୃତାନ୍କ୍ରୁଦ୍ଧଃ ପ୍ରାହିଣୋଦ୍ବଧକାଙ୍କ୍ଷଯା॥ 7-139-49 (50831)
ତାନନ୍ତରିକ୍ଷେ ବିଶିଖୈସ୍ତ୍ରିଧୈକୈକମଶାତଯତ୍।
ବିଶେଷଯନ୍ସୂତପୁତ୍ରଂ ଭୀମସ୍ତିଷ୍ଠେତି ଚାବ୍ରବୀତ୍॥ 7-139-50 (50832)
ପୁନଶ୍ଚାସୃଜଦୁଗ୍ରାଣି ଶରବର୍ଷାଣି ପାଣ୍ଡବଃ।
ଅମର୍ଷୀ ବଲବାନ୍କ୍ରୁଦ୍ଧୌ ଦିଧକ୍ଷନ୍ନିବ ପାବକଃ॥ 7-139-51 (50833)
ତତଶ୍ଚଟଚଟାଶବ୍ଦୋ ଗୋଧାଘାତାଦଭୂତ୍ତଯୋଃ॥ 7-139-52 (50834)
ତଲଶବ୍ଦଶ୍ଚ ସୁଭହାନ୍ସିଂହନାଦଶ୍ଚ ଭୈରବଃ।
ରଥନେମିନିନାଦଶ୍ଚ ଜ୍ଯାଶବ୍ଦଶ୍ଚୈବ ଦାରୁଣଃ॥ 7-139-53 (50835)
ଯୋଧା ବ୍ଯୁପାରମନ୍ଯୁଦ୍ଧାଦ୍ଦିଦୃକ୍ଷନ୍ତଃ ପରାକ୍ରମମ୍।
କର୍ଣପାଣ୍ଡବଯୋ ରାଜନ୍ପରସ୍ପରବଧୈଷିଣୋଃ॥ 7-139-54 (50836)
ଦେବର୍ଷିସିଦ୍ଧଗନ୍ଧର୍ବାଃ ସାଧୁସାଧ୍ବିତ୍ଯପୂଜଯନ୍।
ମୁମୁଚୁଃ ପୁଷ୍ପବର୍ଷଂ ଚ ବିଦ୍ଯାଧରଗଣାସ୍ତଥା॥ 7-139-55 (50837)
ତତୋ ଭୀମୋ ମହାବାହୁଃ ସଂରମ୍ଭୀ ଦୃଢବିକ୍ରମଃ।
ଅସ୍ତ୍ରୈରସ୍ତ୍ରାଣି ସଂବାର୍ଯ ଶରୈର୍ବିବ୍ଯାଧ ସୂତଜମ୍॥ 7-139-56 (50838)
କର୍ଣୋଽପି ଭୀମସେନସ୍ଯ ନିବାର୍ଯେଷୂନ୍ମହାବଲଃ।
ପ୍ରାହିଣୋନ୍ନବ ନାରାଚାନାଶୀବିଷସମାନ୍ରଣେ॥ 7-139-57 (50839)
ତାବଦ୍ଭିରଥ ତାନ୍ଭୀମୋ ବ୍ଯୋମ୍ନି ଚିଚ୍ଛେଦ ପତ୍ରିଭିଃ।
ନାରାଚାନ୍ସୂତ ପୁତ୍ରସ୍ଯ ତିଷ୍ଠତିଷ୍ଠେତି ଚାବ୍ରବୀତ୍॥ 7-139-58 (50840)
ତତୋ ଭୀମୋ ମହାବାହୁଃ ଶରଂ କ୍ରୁଦ୍ଧାନ୍ତକୋପମମ୍।
ମୁମୋଚାଧିରଥେର୍ବୀରୋ ଯମଦଣ୍ଡମିବାପରମ୍॥ 7-139-59 (50841)
ତମାପତନ୍ତଂ ଚିଚ୍ଛେଦ ରାଧେଯଃ ପ୍ରହସନ୍ନିବ।
ତ୍ରିଭିଃ ଶରୈଃ ଶରଂ ରାଜନ୍ପାଣ୍ଡବସ୍ଯ ପ୍ରତାପବାନ୍॥ 7-139-60 (50842)
ପୁନଶ୍ଚାସୃଜଦୁଗ୍ରାଣି ଶରବର୍ଷାଣି ପାଣ୍ଡବଃ।
ତସ୍ଯ ତାନ୍ଯାଦଦେ କର୍ଣଃ ସର୍ବାଣ୍ଯସ୍ତ୍ରାଣ୍ଯଭୀତବତ୍।
ଯୁଧ୍ଯମାନସ୍ଯ ଭୀମସ୍ଯ ସୂତପୁତ୍ରୋଽସ୍ତ୍ରମାଯଯା॥ 7-139-61 (50843)
ତସ୍ଯେଷୁଧୀ ଧନୁର୍ଜ୍ଯାଂ ଚ ବାଣୈଃ ସନ୍ନତପର୍ବଭିଃ।
ରଶ୍ମୀନ୍ଯୋକ୍ତ୍ରାଣି ଚାଶ୍ବାନାଂ କ୍ରୁଦ୍ଧଃ କର୍ଣୋଽଚ୍ଛିନନ୍ମୃଧେ। 7-139-62 (50844)
ତସ୍ଯାଶ୍ବାଂଶ୍ଚ ପୁନର୍ହତ୍ବା ସୂତଂ ବିବ୍ଯାଧ ପଞ୍ଚଭିଃ।
ସୋପସୃତ୍ଯ ଦ୍ରୁତଂ ସୂତୋ ଯୁଧାମନ୍ଯୋ ରଥଂ ଯଯୌ॥ 7-139-63 (50845)
ବିହସନ୍ନିବ ଭୀମସ୍ଯ କ୍ରୁଦ୍ଧଃ କାଲାନଲଦ୍ଯୁତିଃ।
ଧ୍ବଜଂ ଚିଚ୍ଛେଦ ରାଧେଯଃ ପତାକାଂ ଚ ବ୍ଯପାତଯତ୍॥ 7-139-64 (50846)
ସ ବିଧନ୍ବା ମହାବାହୁରଥ ଶକ୍ତିଂ ପରାମୃଶତ୍।
ତାଂ ବ୍ଯବାସୃଜଦାବିଧ୍ଯ କ୍ରୁଦ୍ଧଃ କର୍ଣରଥଂ ପ୍ରତି॥ 7-139-65 (50847)
ତାମାଧିରଥିରାଯସ୍ତଃ ଶକ୍ତିଂ କାଞ୍ଚନଭୂଷଣାମ୍।
ଆପତନ୍ତୀଂ ମହୋଲ୍କାଭାଂ ଚିଚ୍ଛେଦ ଦଶଭିଃ ଶରୈଃ॥ 7-139-66 (50848)
ସାଽପତଦ୍ଦୃଶଧା ଛିନ୍ନା କର୍ଣସ୍ଯ ନିଶିତୈଃ ଶରୈଃ।
ଅସ୍ଯତଃ ସୂତପୁତ୍ରସ୍ଯ ମିତ୍ରାର୍ଥେ ଚିତ୍ରଯୋଧିନଃ॥ 7-139-67 (50849)
ସ ଚର୍ମାଦତ୍ତ କୌନ୍ତେଯୋ ଜାତରୂପପରିଷ୍କୃତମ୍।
ଖଙ୍ଗଂ ଚାନ୍ଯତରପ୍ରେପ୍ସୁର୍ଜଯଂ ମରଣମେବ ବା॥ 7-139-68 (50850)
ତଦସ୍ଯ ତରସା କ୍ରୁଦ୍ଧୋ ବ୍ଯଧମଚ୍ଚର୍ମ ସୁପ୍ରଭମ୍।
ଶରୈର୍ବହୁଭିରତ୍ଯୁଗ୍ରୈଃ ପ୍ରହସନ୍ନିବ ଭାରତ॥ 7-139-69 (50851)
ସ ବିଚର୍ମା ମହାରାଜ ବିରଥଃ କ୍ରୋଧମୂର୍ଚ୍ଛିତଃ।
ଅସିଂ ପ୍ରାସୃଜଦାବିଧ୍ଯ ତ୍ବରନ୍କର୍ଣରଥଂ ପ୍ରତି॥ 7-139-70 (50852)
ସ ଧନୁଃ ସୂତପୁତ୍ରସ୍ଯ ସଜ୍ଯଂ ଛିତ୍ତ୍ବା ମହାନସିଃ।
ପପାତ ଭୁବି ରାଜେନ୍ଦ୍ର କ୍ରୁଦ୍ଧଃ ସର୍ପ ଇବାମ୍ବରାତ୍॥ 7-139-71 (50853)
ତତଃ ପ୍ରହସ୍ଯାଧିରଥିରନ୍ଯଦାଦାଯ କାର୍ମୁକମ୍।
ଶତ୍ରୁଘ୍ନଂ ସମରେ କ୍ରୁଦ୍ଧୋ ଦୃଢଜ୍ଯଂ ବେଗବତ୍ତରମ୍॥ 7-139-72 (50854)
ବ୍ଯାଯଚ୍ଛତ୍ସ ଶରାନ୍କର୍ଣଃ କୁନ୍ତୀପୁତ୍ରଜିଘାଂସଯା।
ସହସ୍ରଶୋ ମହାରାଜ ରୁକ୍ମପୁଙ୍ଖାନ୍ସୁତେଜନାନ୍॥ 7-139-73 (50855)
ସ ବଧ୍ଯମାନୋ ବଲବାନ୍କର୍ଣଚାପଚ୍ଯୁତୈଃ ଶରୈଃ।
ବୈହାଯସଂ ପ୍ରାକ୍ରମଦ୍ଧୈ କର୍ଣସ୍ଯ ରଥମାବିଶତ୍॥ 7-139-74 (50856)
ସ ତସ୍ଯ ଚରିତଂ ଦୃଷ୍ଟ୍ବା ସଙ୍ଗ୍ରାମେ ବିଜଯୈଷିଣଃ।
ଧ୍ବଜାଲଯସ୍ଥୋ ରାଧେଯୋ ଭୀମସେନମବଞ୍ଚଯତ୍॥ 7-139-75 (50857)
ତମଦୃଷ୍ଟ୍ବା ରଥୋପସ୍ଥେ ନିଲୀନଂ ବ୍ଯଥିତେନ୍ଦ୍ରିଯମ୍।
ଧ୍ବଜମସ୍ଯ ସମାରୁହ୍ଯ ତସ୍ମୈ ଭୀମୋ ମହୀତଲେ॥ 7-139-76 (50858)
ତଦସ୍ଯ କୁରବଃ ସର୍ବେ ଚାଣାଶ୍ଚାଭ୍ଯପୂଜଯନ୍।
ଯଦିଯେଷ ରଥାତ୍କର୍ଣଂ ହର୍ତୁଂ ତାର୍କ୍ଷ୍ଯ ଇବୋରଗମ୍॥ 7-139-77 (50859)
ସ ଚ୍ଛିନ୍ନଧନ୍ବା ବିରଥଃ ସ୍ବଧର୍ମମନୁପାଲଯନ୍।
ସ୍ବରଥଂ ପୃଷ୍ଠତଃ କୃତ୍ବା ଯୁଦ୍ଧାଯୈବ ବ୍ଯବସ୍ଥିତଃ॥ 7-139-78 (50860)
ତଦ୍ବିଚିନ୍ତ୍ଯ ସ ରାଧେଯସ୍ତତ ଏନଂ ସମଭ୍ଯଯାତ୍।
ସଂରମ୍ଭାତ୍ପାଣ୍ଡବଂ ସଙ୍ଖ୍ଯେ ଯୁଦ୍ଧାଯ ସମୁପସ୍ଥିତମ୍॥ 7-139-79 (50861)
ତୌ ସମେତୌ ମହାରାଜ ସ୍ପର୍ଧମାନୌ ମହାବଲୌ।
ଜୀମୂତାବିବ ଘର୍ମାନ୍ତେ ଗର୍ଜମାନୌ ନରର୍ଷଭୌ॥ 7-139-80 (50862)
ତଯୋରାସୀତ୍ସଂପ୍ରହାରଃ କ୍ରୁଦ୍ଧଯୋର୍ନରସିଂହଯୋଃ।
ଅମୃଷ୍ଯମାଣଯୋଃ ସଙ୍ଖ୍ଯେ ଦେବଦାନବଯୋରିବ॥ 7-139-81 (50863)
କ୍ଷୀଣଶସ୍ତ୍ରସ୍ତୁ କୌନ୍ତେଯଃ କର୍ଣେନ ସମଭିଦ୍ରୁତଃ।
ଦୃଷ୍ଟ୍ବାଽର୍ଜୁନହତାନ୍ନାଗାନ୍ପତିତାନ୍ପର୍ବତୋପମାନ୍।
ରଥମାର୍ଗବିଘାତାର୍ଥଂ ବ୍ଯାଯୁଧଃ ପ୍ରବିବେଶ ହ॥ 7-139-82 (50864)
ହସ୍ତିନାଂ ବ୍ରଜମାସାଦ୍ଯ ରଥଦୁର୍ଗଂ ପ୍ରବିଶ୍ଯ ଚ।
ପାଣ୍ଡବୋ ଜୀବିତାକାଙ୍କ୍ଷୀ ରାଧେଯଂ ନାଭ୍ଯବର୍ତତ॥ 7-139-83 (50865)
ବ୍ଯବସ୍ଥାନମଥାକାଙ୍କ୍ଷନ୍ଧନଞ୍ଜଯଶରୈର୍ହତମ୍।
ଉଦ୍ଯମ୍ଯ କୁଞ୍ଜରଂ ପାର୍ଥସ୍ତସ୍ଥୌ ପରପୁରଞ୍ଜଯଃ॥ 7-139-84 (50866)
ମହୌଷଧିସମାଯୁକ୍ତଂ ହନୂମାନିବ ପର୍ବତମ୍।
ତମସ୍ଯ ବିଶିଖୈଃ କର୍ଣୋ ବ୍ଯଧମତ୍କୁଞ୍ଜରଂ ପୁନଃ॥ 7-139-85 (50867)
ହସ୍ତ୍ଯଙ୍ଗାନ୍ଯଥ କର୍ଣାଯ ପ୍ରାହିଣୋତ୍ପାଣ୍ଡୁନନ୍ଦନଃ।
ଚକ୍ରାଣ୍ଯଶ୍ଚାଂସ୍ତଥା ଚାନ୍ଯଦ୍ଯଦ୍ଯତ୍ପଶ୍ଯତି ଭୂତଲେ॥ 7-139-86 (50868)
ତତ୍ତଦାଦାଯ ଚିକ୍ଷେପ କ୍ରୁଦ୍ଧଃ କର୍ଣାଯ ପାଣ୍ଡବଃ।
ତଦସ୍ଯ ସର୍ବଂ ଚିଚ୍ଛେଦ କ୍ଷିପ୍ତଂକ୍ଷିପ୍ତଂ ଶିତୈଃ ଶରୈଃ॥ 7-139-87 (50869)
ଭୀମୋଽପି ମୁଷ୍ଟିମୁଦ୍ଯମ୍ଯ ବଜ୍ରଗର୍ଭଂ ସୁଦାରୁଣମ୍।
ହନ୍ତୁମୈଚ୍ଛତ୍ସୂତପୁତ୍ରଂ ସଂସ୍ପରନ୍ନର୍ଜୁନଂ କ୍ଷଣାତ୍॥ 7-139-88 (50870)
ଶକ୍ତୋଽପି ନାବଧୀତ୍କର୍ଣଂ ସମର୍ଥଃ ପାଣ୍ଡୁନନ୍ଦନଃ।
ରକ୍ଷମାଣଃ ପ୍ରତିଜ୍ଞାଂ ତାଂ ଯା କୃତା ସବ୍ଯସାଚିନା॥ 7-139-89 (50871)
ତମେବଂ ବ୍ଯାକୁଲଂ ଭୀମଂ ଭୂଯୋଭୂଯଃ ଶିତୈଃ ଶରୈଃ।
ମୂର୍ଚ୍ଛଯାଭିପରୀତାଙ୍ଗମକରୋତ୍ସୂତନନ୍ଦନଃ॥ 7-139-90 (50872)
ବ୍ଯାଯୁଧଂ ନାବଧୀଚ୍ଚୈନଂ କର୍ଣଃ କୁନ୍ତ୍ଯା ବଚଃ ସ୍ମରନ୍।
ଧନୁଷୋଗ୍ରେଣ ତଂ କର୍ଣଃ ସୋଽଭିଦ୍ରୁତ୍ଯ ପରାମୃଶତ୍॥ 7-139-91 (50873)
ଧନୁଷା ସ୍ପୃଷ୍ଟମାତ୍ରେଣ କ୍ରୁଦ୍ଧଃ ସର୍ପ ଇବ ଶ୍ବସନ୍।
ଆଚ୍ଛିଦ୍ଯ ସ ଧନୁସ୍ତସ୍ଯ କର୍ଣଂ ମୂର୍ଧନ୍ଯତାଡଯତ୍॥ 7-139-92 (50874)
ତାଡିତୋ ଭୀମସେନେନ କ୍ରୋଧାଦାରକ୍ତଲୋଚନଃ।
ବିହସନ୍ନିବ ରାଧେଯୋ ବାକ୍ଯମେତଦୁବାଚ ହ॥ 7-139-93 (50875)
ପୁନଃ ପୁନସ୍ତୂବରକ ମୂଢ ଔଦରିକେତି ଚ।
ଅକୃତାସ୍ତ୍ରକ ମା ଯୋତ୍ସୀର୍ବାଲ ସଙ୍ଗ୍ରାମକାତର॥ 7-139-94 (50876)
ଯତ୍ର ଭୋଜ୍ଯଂ ବହୁବିଧଂ ଭକ୍ଷ୍ଯଂ ପେଯଂ ଚ ପାଣ୍ଡବ।
ତତ୍ର ତ୍ବଂ ଦୁର୍ମତେ ଯୋଗ୍ଯୋ ନ ଯୁଦ୍ଧେଷୁ କଦାଚନ॥ 7-139-95 (50877)
ମୂଲପୁଷ୍ପଫଲାହାରୋ ବ୍ରତେଷୁ ନିଯମେଷୁ ଚ।
ଉଚିତସ୍ତ୍ବଂ ବନେ ଭୀମ ନ ତ୍ବଂ ଯୁଦ୍ଧବିଶାରଦଃ॥ 7-139-96 (50878)
କ୍ବ ଯୁଦ୍ବଂ କ୍ବ ମୁନିତ୍ବଂ ଚ ବନଂ ଗଚ୍ଛ ବୃକୋଦର।
ନ ତ୍ବଂ ଯୁଦ୍ଧୋଚିତସ୍ତାତ ବନବାସରତିର୍ଭବାନ୍॥ 7-139-97 (50879)
ସୂଦାନ୍ଭୃତ୍ଯଜନାନ୍ଦାସାଂସ୍ତ୍ବଂ ଗୃହେ ତ୍ବରଯନ୍ଭୃଶମ୍।
ଯୋଗ୍ଯସ୍ତାଡଯିତୁଂ କ୍ରୋଧାଦ୍ଭୋଜନାର୍ଥଂ ବୃକୋଦର॥ 7-139-98 (50880)
ମୁନିର୍ଭୂତ୍ବାଽଥବା ଭୀମ ଫଲାନ୍ଯାଦତ୍ସ୍ବ ଦୁର୍ମତେ।
ବନାଯ ବ୍ରଜ କୌନ୍ତେଯ ନ ତ୍ବଂ ଯୁଦ୍ଧବିଶାରଦଃ॥ 7-139-99 (50881)
ଫଲମୂଲାଶନେ ଶକ୍ତସ୍ତ୍ବଂ ତଥାଽତିଥିପୂଜନେ।
ନ ତ୍ବାଂ ଶସ୍ତ୍ରସମୁଦ୍ଯୋଗେ ଯୋଗ୍ଯଂ ମନ୍ଯେ ବୃକୋଦର॥ 7-139-100 (50882)
`ସଞ୍ଜଯ ଉବାଚ। 7-139-101x (4614)
ଏବଂ ତଂ ବିରଥଂ ଦୃଷ୍ଟ୍ବା ସ୍ମୃତ୍ବା କର୍ଣୋଽବ୍ରବୀଦ୍ବଚଃ'॥ 7-139-101 (50883)
କୌମାରେ ଯାନି ବୃତ୍ତାନି ବିପ୍ରିଯାଣି ବିଶାମ୍ପତେ।
ତାନି ସର୍ବାଣି ଚାପ୍ଯେବ ରୂକ୍ଷାଣ୍ଯଶ୍ରାବଯଦ୍ଭୃଶମ୍॥ 7-139-102 (50884)
ଅଥୈନଂ ତତ୍ର ସଂଲୀନମସ୍ପୃଶଦ୍ଧନୁଷା ପୁନଃ।
ପ୍ରହସଂଶ୍ଚ ପୁନର୍ବାକ୍ଯଂ ଭୀମମାହ ବୃଷସ୍ତଦା॥ 7-139-103 (50885)
ଯୋଦ୍ଧବ୍ଯଂ ମାରିଷାନ୍ଯତ୍ର ନ ଯୋଦ୍ଧବ୍ଯଂ ଚ ମାଦୃଶୈଃ।
ମାଦୃଶୈର୍ଯୁଧ୍ଯମାନାନାମେତଚ୍ଚାନ୍ଯଚ୍ଚ ବିଦ୍ଯତେ॥ 7-139-104 (50886)
ଗଚ୍ଛ ବା ଯତ୍ର ତୌ କୃଷ୍ଣୌ ତୌ ତ୍ବାଂ ରକ୍ଷିଷ୍ଯତୋ ରଣେ।
ଗୃହଂ ବା ଗଚ୍ଛ କୌନ୍ତେଯ କିଂ ତେ ଯୁଦ୍ଧେନ ବାଲକ॥ 7-139-105 (50887)
ସଞ୍ଜଯ ଉବାଚ। 7-139-106x (4615)
କର୍ଣସ୍ଯ ବଚନଂ ଶ୍ରୁତ୍ବା ଭୀମସେନୋଽତିଦାରୁଣମ୍।
ଉବାଚ କର୍ଣଂ ପ୍ରହସନ୍ସର୍ବେଷାଂ ଶୃଣ୍ବତାଂ ବଚଃ॥ 7-139-106 (50888)
ଜିତସ୍ତ୍ବମସକୃଦ୍ଦୁଷ୍ଟ କତ୍ଥସେ କିଂ ବୃଥାତ୍ମନା।
ଜଯାଜଯୌ ମହେନ୍ଦ୍ରସ୍ଯ ଲୋକେ ଦୃଷ୍ଟୌ ପୁରାତନୈଃ॥ 7-139-107 (50889)
ମଲ୍ଲଯୁଦ୍ଧଂ ମଯା ସାର୍ଧଂ କୁରୁ ଦୁଷ୍କୁଲସମ୍ଭବ।
ମହାବଲୋ ମହାଭୋଗୀ କୀଚକୋ ନିହତୋ ଯଥା।
ତଥା ତ୍ବାଂ ଘାତଯିଷ୍ଯାମି ପଶ୍ଯତ୍ସୁ ସର୍ବରାଜସୁ॥ 7-139-108 (50890)
ଭୀମସ୍ଯ ମତମାଜ୍ଞାଯ କର୍ଣୋ ବୁଦ୍ଧିମତାଂ ବରଃ।
ବିରରାମ ରଣାତ୍ତସ୍ମାତ୍ପଶ୍ଯତାଂ ସର୍ବଧନ୍ବିନାମ୍॥ 7-139-109 (50891)
ଏବଂ ତଂ ବିରଥଂ କୃତ୍ବା କର୍ଣୋ ରାଜନ୍ବ୍ଯକତ୍ଥଯତ୍।
ପ୍ରସୁଖେ ବୃଷ୍ଣିସିଂହସ୍ଯ ପାର୍ଥସ୍ଯ ଚ ମହାତ୍ମନଃ॥ 7-139-110 (50892)
ତଂ ବ୍ରୁବାଣଂ ତୁ ଭୀମଃ ସ କାଙ୍କ୍ଷନ୍ଭୀମପରାକ୍ରମଃ।
ନ ଚାକାର୍ଷୀନ୍ମୃତଂ ସ୍ମୃତ୍ବା ହ୍ଯର୍ଜୁନସ୍ଯ ମହାବଲମ୍॥ 7-139-111 (50893)
ତସ୍ଯ କାର୍ମୁକମାରୁଜ୍ଯ ବଭଞ୍ଜାଶୁପରାକ୍ରମୀ॥ 7-139-112 (50894)
ତତୋ ଦୃଷ୍ଟ୍ବା ମହାରାଜ ବାସୁଦେବୋ ମହାଦ୍ଯୁତିଃ।
ଅର୍ଜୁନାର୍ଜୁନ ପଶ୍ଯେମଂ ଭୀମଂ କର୍ଣେନ ବାଧିତମ୍॥ 7-139-113 (50895)
ସଞ୍ଜଯ ଉବାଚ। 7-139-114x (4616)
ଏବମୁକ୍ତସ୍ତଦା ପାର୍ଥଃ କେଶବେନ ମହାତ୍ମନା।
ଭୀମସେନଂ ତଥାଭୂତଂ କ୍ରୋଧସଂରକ୍ତଲୋଚନଃ।
ଅମର୍ଷବଶମାପନ୍ନୋ ନିର୍ଦହନ୍ନିବ ଚକ୍ଷୁଷା'॥ 7-139-114 (50896)
ତତୋ ରାଜଞ୍ଶିଲାଧୌତାଞ୍ଶରାଞ୍ଶାଖାମୃଗଧ୍ବଜଃ।
ପ୍ରାହିଣୋତ୍ସୂତପୁତ୍ରାଯ କେଶବେନ ପ୍ରଚୋଦିତଃ॥ 7-139-115 (50897)
ତତଃ ପାର୍ଥଭୁଜୋତ୍ସୃଷ୍ଟାଃ ଶରାଃ କନକଭୂଷଣାଃ।
ଗାଣ୍ଡୀବପ୍ରଭବାଃ କର୍ଣଂ ହଂସାଃ କ୍ରୌଞ୍ଚମିବାବିଶନ୍॥ 7-139-116 (50898)
ସ ଭୁଜଙ୍ଗୈରିବାବିଷ୍ଟୈର୍ଗାଣ୍ଡୀବପ୍ରେଷିତୈଃ ଶରୈଃ।
ଭୀମସେନାଦପାସେଧତ୍ସୂତପୁତ୍ରଂ ଧନଞ୍ଜଯଃ॥ 7-139-117 (50899)
ସ ଚ୍ଛିନ୍ନଧନ୍ବା ଭୀମେନ ଧନଞ୍ଜଯଶରାହତଃ।
କର୍ଣୋ ଭୀମାଦପାଯାସୀଦ୍ରଥେନ ମହତା ଦ୍ରୁତମ୍॥ 7-139-118 (50900)
ଭୀମୋଽପି ସାତ୍ଯକେର୍ବାହଂ ସମାରୁହ୍ଯ ନରର୍ଷଭଃ।
ଅନ୍ବଯାଦ୍ଧାତରଂ ସଙ୍ଖ୍ଯେ ପାଣ୍ଡବଂ ସବ୍ଯସାଚିନମ୍॥ 7-139-119 (50901)
ତତଃ କର୍ଣଂ ସମୁଦ୍ଦିଶ୍ଯ ତ୍ବରମାଣୋ ଧନଞ୍ଚଯଃ।
ନାରାଚଂ କ୍ରୋଧତାମ୍ରାକ୍ଷଃ ପ୍ରୈଷୀନ୍ମୃତ୍ଯୁମିବାନ୍ତକଃ॥ 7-139-120 (50902)
ସ ଗରୁତ୍ମାନିବାକଶେ ପ୍ରାର୍ଥଯନ୍ଭୁଜଗୋତ୍ତମମ୍।
ନାରାଚୋଽଭ୍ଯପତତ୍କର୍ଣଂ ତୂର୍ଣଂ ଗାଣ୍ଡୀବଚୋଦିତଃ॥ 7-139-121 (50903)
ତମନ୍ତରିକ୍ଷେ ନାରାଚଂ ଦ୍ରୌଣିଶ୍ଚିଚ୍ଛେଦ ପତ୍ରିଣା।
ଧନଞ୍ଜଯଭଯାତ୍କର୍ଣମୁଜ୍ଜିହୀର୍ଷନ୍ମହାରଥଃ॥ 7-139-122 (50904)
ତତୋ ଦ୍ରୌଣିଂ ଚତୁଃଷଷ୍ଟ୍ଯା ବିବ୍ଯାଧ କୁପିତୋଽର୍ଜୁନଃ।
ଶିଲୀମୁଖୈର୍ମହାରାଜ ମାଗାସ୍ତିଷ୍ଠେତି ଚାବ୍ରବୀତ୍॥ 7-139-123 (50905)
ସ ତୁ ମତ୍ତଗଜାକୀର୍ଣମନୀକଂ ରଥସଙ୍କୁଲମ୍।
ତୂର୍ଣମଭ୍ଯାବିଶଦ୍ଦ୍ରୌଣିର୍ଧନଞ୍ଜଯଶରାର୍ଦିତଃ॥ 7-139-124 (50906)
ତତଃ ସୁବର୍ଣପୃଷ୍ଠାନାଂ ଚାପାନାଂ କୂଜତାଂ ରଣେ।
ଶବ୍ଦଂ ଗାଣ୍ଡୀବଘୋଷେଣ କୌନ୍ତେଯୋଽଭ୍ଯଭବଦ୍ବଲୀ॥ 7-139-125 (50907)
ଧନଞ୍ଜଯସ୍ତଥାଽଽଯାନ୍ତଂ ପୃଷ୍ଠତୋ ଦ୍ରୌଣିମଭ୍ଯଗାତ୍।
ନାତିଦୀର୍ଘମିବାଧ୍ବାନଂ ଶରୈଃ ସନ୍ତ୍ରାସଯନ୍ବଲମ୍॥ 7-139-126 (50908)
ବିଦାର୍ଯ ଦେହାନ୍ନାରାଚୈର୍ନରବାରଣବାଜିନାମ୍।
କଙ୍କବର୍ହିଣବାସୋଭିର୍ବଲଂ ବ୍ଯଧମଦର୍ଜୁନଃ॥ 7-139-127 (50909)
ତଦ୍ବଲଂ ଭରତଶ୍ରେଷ୍ଠ ସବାଜିଦ୍ବିପମାନବମ୍।
ପାକଶାସନିରାଯତ୍ତଃ ପାର୍ଥଃ ସ ନିଜଘାନ ହ॥ ॥ 7-139-128 (50910)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଏକୋନଚତ୍ବାରିଂଶଦଧିକଶତତମୋଽଧ୍ଯାଯଃ॥ 139 ॥
Mahabharata - Drona Parva - Chapter Footnotes
5-139-46 ଉପାରୋହତ୍ସନ୍ନିକର୍ଷମଗାତ୍॥ 5-139-47 ବାଯୁଭୂତାନି ବାତୋଦ୍ଭୂତାନ୍ଯତିବେଗବନ୍ତି ବା॥ 5-139-74 ବୈହାଯସମାକାଶମ୍॥ 5-139-75 ଲଯମଙ୍ଗସଙ୍କୋଚମ୍॥ 5-139-87 ତଦ୍ରଥାଦିସାଧନମ୍॥ 5-139-88 ବଜ୍ରଗର୍ଭମନ୍ତର୍ବିହିତାଙ୍ଗୁଷ୍ଠମ୍॥ 5-139-89 ସମର୍ଥଃ ସମୀଚୀନାର୍ଥୋ ଧର୍ମାପେକ୍ଷୀତି ଯାବତ୍॥ 5-139-94 ତୂବରକଃ ପୁଂଶ୍ଚିହ୍ନରହିତଃ ଷଣ୍ଡ ଇତିଯାବତ୍। ତୂବରୋଽଶ୍ମଶ୍ରୁପୁରୁଷେ ଇତ୍ଯୁପକ୍ରମ୍ଯ ପୁରୁଷବ୍ଯଞ୍ଜନତ୍ଯକ୍ତୋ ଇତି ମେଦିନୀ। ଔଦରିକୋ ବହ୍ବାଶୀ॥ 5-139-96 ବ୍ରତେଷୁ ନିଯମେଷୁ ଆଗନ୍ତୁକେଷୁ॥ 5-139-103 ସଂଲୀନଂ ସଙ୍କୁଚିତାଙ୍ଗମ୍॥ 5-139-110 ବ୍ଯକତ୍ଥଯତ୍ ଭର୍ତ୍ସିତବାନ୍॥ 5-139-139 ଏକୋନଚତ୍ବାରିଂଶଦଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 140
॥ ଶ୍ରୀଃ ॥
7.140. ଅଧ୍ଯାଯଃ 140
Mahabharata - Drona Parva - Chapter Topics
ସାତ୍ଯକିନା ଅଲମ୍ବୁସଦଧଃ॥ 1 ॥Mahabharata - Drona Parva - Chapter Text
7-140-0 (50911)
ଧୃତରାଷ୍ଟ୍ର ଉବାଚ। 7-140-0x (4617)
`ଦାତବ୍ଯମଦ୍ଯ ମନ୍ଯେଽହଂ ପାଣ୍ଡବାନାଂ ସ୍ବକଂ ପୁନଃ।
ନ ବିଗ୍ରହୋ ହି ବଲିନା ଶ୍ରେଯସେ ସ୍ଯାଦ୍ଯଥାତଥା॥ 7-140-1 (50912)
ପାଦଯୋଃ ପ୍ରଣତେନାପି ଭୁକ୍ତ୍ବାଽପ୍ଯୁଚ୍ଛିଷ୍ଟମପ୍ଯରେଃ।
ଅତୋଽନ୍ଯଦ୍ବାପି କୃତ୍ବୈବ ଜୀବ୍ଯଂ ଲୋକେ ନରେଣ ବୈ॥ 7-140-2 (50913)
ଜୀବତୈବ ପରୋ ଲୋକଃ ସାଧ୍ଯତେ ଚୈବ ସର୍ବଥା।
ଅଜୀବତସ୍ତଥୈବାସୀନ୍ନ ସୁଖଂ ନ ପରା ଗତିଃ॥ 7-140-3 (50914)
ବିନାଶେ ସର୍ବଥୋତ୍ପନ୍ନେ ନ ବାଲୋ ବୁଧ୍ଯତେ କ୍ରିଯାମ୍।
ମିଥ୍ଯାଭିମାନଦଗ୍ଧୋ ହି ନ ବୁଦ୍ଧ୍ଯେତ କୃତାକୃତେ'॥ 7-140-4 (50915)
ଅହନ୍ଯହନି ମେ ଦୀପ୍ତଂ ଯଶଃ ପତତି ସଞ୍ଜଯ।
ହତା ମେ ବହବୋ ଯୋଧା ମନ୍ଯେ କାଲସ୍ଯ ପର୍ଯଯମ୍॥ 7-140-5 (50916)
ଧନଞ୍ଜଯଃ ସୁସଙ୍କ୍ରଦ୍ଧଃ ପ୍ରବିଷ୍ଟୋ ମାମକଂ ବଲମ୍।
ରକ୍ଷିତଂ ଦ୍ରୌଣିକର୍ଣାଭ୍ଯାମପ୍ରବେଶ୍ଯଂ ସୁରୈରପି॥ 7-140-6 (50917)
ତାଭ୍ଯାମୂର୍ଜିତବୀର୍ଯାଭ୍ଯାମାପ୍ଯାଯିତପରାକ୍ରମଃ।
ସହିତଃ କୃଷ୍ଣଭୀମାଭ୍ଯାଂ ଶିନୀନାମୃଷଭେଣ ଚ॥ 7-140-7 (50918)
ତଦାପ୍ରଭୃତି ମାଂ ଶୋକୋ ଦହତ୍ଯଗ୍ନିରିବାଶଯମ୍।
ଗ୍ରସ୍ତାନିବ ପ୍ରପଶ୍ଯାମି ଭୂମିପାଲାନ୍ସସୈନ୍ଧବାନ୍॥ 7-140-8 (50919)
ଅପ୍ରିଯଂ ସୁମହତ୍କୃତ୍ବା ସିନ୍ଧୁରାଜଃ କିରୀଟିନଃ।
`କ୍ରୁଦ୍ଧସ୍ଯ ଦେବରାଜସ୍ଯ ଶକ୍ରସ୍ଯେବ ମହାଦ୍ଯୁତେଃ'।
ଚକ୍ଷୁର୍ବିଷଯମାପନ୍ନଃ କଥଂ ଜୀବିତମାପ୍ନୁଯାତ୍॥ 7-140-9 (50920)
ଅନୁମାନାଚ୍ଚ ପଶ୍ଯାମି ନାସ୍ତି ସଞ୍ଜଯ ସୈନ୍ଧବଃ।
ଯୁଦ୍ଧଂ ତୁ ତଦ୍ଯଥାବୃତ୍ତଂ ତନ୍ମମାଚକ୍ଷ୍ବ ତତ୍ତ୍ବତଃ॥ 7-140-10 (50921)
ଯଚ୍ଚ ବିକ୍ଷୋଭ୍ଯ ମହତୀଂ ସେନାମାଲୋଡ୍ଯ ଚାସକୃତ୍।
ଏକଃ ପ୍ରବିଷ୍ଟଃ ସଙ୍କ୍ରୁଦ୍ଧୋ ନଲିନୀମିବ କୁଞ୍ଜରଃ॥ 7-140-11 (50922)
ତସ୍ଯ ମେ ବୃଷ୍ଣିବୀରସ୍ଯ ବ୍ରୂହି ଯୁଦ୍ଧଂ ଯଥାତଥମ୍।
ଧନଞ୍ଜଯାର୍ଥେ ଯତ୍ତସ୍ଯ କୁଶଲୋ ହ୍ଯସି ସଞ୍ଜଯ ॥ 7-140-12 (50923)
ସଞ୍ଜଯ ଉବାଚ। 7-140-13x (4618)
ତଥା ତୁ ବୈକର୍ତ ନପୀଡିତଂ ତଂ
ଭୀମଂ ପ୍ରଯାନ୍ତଂ ପୁରୁଷପ୍ରବୀରମ୍।
ସମୀକ୍ଷ୍ଯ ରାଜନ୍ନରବୀରମଧ୍ଯେ
ଶିନିପ୍ରବୀରୋଽନୁଯଯୌ ରଥେନ॥ 7-140-13 (50924)
ନଦନ୍ଯଥା ବଜ୍ରଧରସ୍ତପାନ୍ତେ
ଜ୍ବଲନ୍ଯଥା ଜଲଦାନ୍ତେ ଚ ସୂର୍ଯଃ।
ନିଘ୍ନନ୍ନମିତ୍ରାନ୍ଧନୁଷା ଦୃଢେନ
ସ କମ୍ପଯଂସ୍ତବ ପୁତ୍ରସ୍ଯ ସେନାମ୍॥ 7-140-14 (50925)
ତଂ ଯାନ୍ତମଶ୍ବୈ ରଜତପ୍ରକାଶୈ--
ରାଯୋଧନେ ବୀରତରଂ ନଦନ୍ତମ୍।
ନାଶକ୍ନୁବନ୍ବାରଯିତୁଂ ତ୍ବଦୀଯାଃ
ସର୍ବେ ରଥା ଭାରତ ମାଧବାଗ୍ର୍ଯମ୍॥ 7-140-15 (50926)
ଅମର୍ଷପୂର୍ଣସ୍ତ୍ବନିବୃତ୍ତଯୋଧୀ
ଶରାସନୀ କାଞ୍ଚନବର୍ମଧାରୀ।
ଅଲମ୍ବୁସଃ ସାତ୍ଯକିଂ ମାଧବାଗ୍ର୍ଯ--
ମବାରଯଦ୍ରାଜବରୋଽଭିପତ୍ଯ॥ 7-140-16 (50927)
ତଯୋରଭୂଦ୍ଭାରତ ସମ୍ପ୍ରହାରୋ
ଯଥାବିଧୋ ନୈବ ବଭୂବ କଶ୍ଚିତ୍।
ପ୍ରେକ୍ଷନ୍ତ ଏବାହବଶୋଭିନୌ ତୌ
ଯୋଧାସ୍ତ୍ବଦୀଯାଶ୍ଚ ପରେ ଚ ସର୍ବେ॥ 7-140-17 (50928)
ଆବିଧ୍ଯଦେନଂ ଦଶଭିଃ ପୃଷତ୍କୈ--
ରଲମ୍ବୁସୋ ରାଜବରଃ ପ୍ରସହ୍ଯ।
ଅନାଗତାନେବ ତୁ ତାନ୍ପୃଷତ୍କାଂ--
ଶ୍ଚିଚ୍ଛେଦ ବାଣୈଃ ଶିନିପୁଙ୍ଗବୋଽପି॥ 7-140-18 (50929)
ପୁନଃ ସ ବାଣୈସ୍ତ୍ରିଭିରଗ୍ନିକଲ୍ପୈ--
ରାକର୍ଣପୂର୍ଣୈର୍ନିଶିତୈଃ ସପୁଙ୍ଖୈଃ।
ବିବ୍ଯାଧ ଦେହାବରଣଂ ବିଦାର୍ଯ
ତେ ସାତ୍ଯକେରାବିବିଶୁଃ ଶରୀରମ୍॥ 7-140-19 (50930)
ତୈଃ କାଯମସ୍ଯାଗ୍ନ୍ଯନିଲପ୍ରଭାବୈ--
ର୍ବିଦାର୍ଯ ବାଣୈର୍ନିଶିତୈର୍ଜ୍ବଲଦ୍ଭିଃ।
ଆଜଘ୍ନିବାଂସ୍ତାନ୍ରଜତପ୍ରକାଶା--
ନଶ୍ବାଂଶ୍ଚତୁର୍ଭିଶ୍ଚତୁରଃ ପ୍ରସହ୍ଯ॥ 7-140-20 (50931)
ତଥା ତୁ ତେନାଭିହତସ୍ତରସ୍ବୀ
ନପ୍ତା ଶିନେଶ୍ଚକ୍ରଧରପ୍ରଭାବଃ।
ଅଲମ୍ବୁସସ୍ଯୋତ୍ତମବେଗବଦ୍ଭି--
ରଶ୍ବାଂଶଅଚତୁର୍ଭିର୍ନିଜଘାନ ବାଣୈଃ॥ 7-140-21 (50932)
ଅଥାସ୍ଯ ସୂତସ୍ଯ ଶିରୋ ନିକୃତ୍ଯ
ଭଲ୍ଲେନ କାଲାନଲସନ୍ନିଭେନ।
ସକୁଣ୍ଡଲଂ ପୂର୍ମଶଶିପ୍ରକାଶଂ
ଭ୍ରାଜିଷ୍ଣୁ ବକ୍ତ୍ରଂ ନିଚକର୍ତ ଦେହାତ୍॥ 7-140-22 (50933)
ନିହତ୍ଯ ତଂ ପାର୍ଥିବପୁତ୍ରପୌତ୍ରଂ
ସଙ୍ଖ୍ଯେ ଯଦୂନାମୃଷଭଃ ପ୍ରମାଥୀ।
ତତୋଽନ୍ବଯାଦର୍ଜୁନମେବ ବୀରଃ
ସୈନ୍ଯାନି ରାଜଂସ୍ତବ ସନ୍ନିବାର୍ଯ॥ 7-140-23 (50934)
ଅନ୍ବାଗତଂ ବୃଷ୍ଣିବୀରଂ ସମୀକ୍ଷ୍ଯ
ତଥାରିମଧ୍ଯେ ପରିବର୍ତମାନମ୍।
ଘ୍ନନ୍ତଂ କୁରୂଣାମିଷୁଭିର୍ବଲାନି
ପୁନଃପୁନର୍ବାଯୁମିବାଭ୍ରପୂଗାନ୍॥ 7-140-24 (50935)
ତତୋଽବହନ୍ସୈନ୍ଧବାଃ ସାଧୁଦାନ୍ତା
ଗୋକ୍ଷୀରକୁନ୍ଦେନ୍ଦୁହିମପ୍ରକାଶାଃ।
ସୁବର୍ଣଜାଲାବତତାଃ ସଦଶ୍ବା
ଯତୋଯତଃ କାମଯତେ ନୃସିଂହଃ॥ 7-140-25 (50936)
ଅଥାତ୍ମଜାସ୍ତେ ସହିତାଽଭିପେତୁ--
ରନ୍ଯେ ଚ ଯୋଧାସ୍ତ୍ବରିତାସ୍ତ୍ବଦୀଯାଃ।
କୃତ୍ବା ମୁଖଂ ଭାରତଯୋଧମୁଖ୍ଯଂ
ଦୁଃଶାସନଂ ତ୍ବତ୍ସୁତମାଜମୀଢ॥ 7-140-26 (50937)
ତେ ସର୍ବତଃ ସମ୍ପରିବାର୍ଯ ସଙ୍ଖ୍ଯେ
ଶୈନେଯମାଜଘ୍ନୁରନୀକସାହାଃ।
ସ ଚାପି ତାନ୍ପ୍ରବରଃ ସାତ୍ବତାନାଂ
ନ୍ଯବାରଯଦ୍ବାଣଜାଲେନ ବୀରଃ॥ 7-140-27 (50938)
ନିବାର୍ଯ ତାଂସ୍ତୂର୍ଣମମିତ୍ରଘାତୀ
ନପ୍ତା ଶିନେଃ ପତ୍ରିଭିରଗ୍ନିକଲ୍ପୈଃ।
ଦୁଃଶାସନସ୍ଯାଭିଜଘାନ ବାହା--
ଞ୍ଜବୀଯସସ୍ତନ୍ମନସୋଽପି ବାଣୈଃ॥ 7-140-28 (50939)
ତତୋଽର୍ଜୁନୋ ହର୍ଷମବାପ ସଙ୍ଖ୍ଯେ
କୃଷ୍ଣଶ୍ଚ ଦୃଷ୍ଟ୍ବା ପୁରୁଷପ୍ରବୀରମ୍॥ ॥ 7-140-29 (50940)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଚତ୍ବାରିଂଶଦଧିକଶତତମୋଽଧ୍ଯାଯଃ॥ 140 ॥
Mahabharata - Drona Parva - Chapter Footnotes
5-140-17 ପ୍ରେକ୍ଷନ୍ତଃ ପ୍ରେକ୍ଷକାଃ। ବଭୂବେତ୍ଯେତତ୍ ବହୁବଚନତଯା ପରିଣତମନୁଷଜ୍ଯତେ॥ 5-140-18 ପ୍ରସହ୍ଯ ଅନାଦୃତ୍ଯ॥ 5-140-140 ଚତ୍ବାରିଂଶଦଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 141
॥ ଶ୍ରୀଃ ॥
7.141. ଅଧ୍ଯାଯଃ 141
Mahabharata - Drona Parva - Chapter Topics
ସାତ୍ଯକେରର୍ଜୁନଦର୍ଶନଂ ଭୂରିଶ୍ରବସା ସମାଗମଶ୍ଚ॥ 1 ॥Mahabharata - Drona Parva - Chapter Text
7-141-0 (50941)
ସଞ୍ଜଯ ଉବାଚ। 7-141-0x (4619)
ତମୁଦ୍ଯତଂ ମହାବାହୁଂ ଦୁଃଶାସନରଥଂ ପ୍ରତି।
ତ୍ବରିତଂ ତ୍ବରଣୀଯେଷୁ ଧନଞ୍ଜଯଜଯୈଷିଣମ୍॥ 7-141-1 (50942)
ତ୍ରିଗର୍ତାନାଂ ମହେଷ୍ବାସାଃ ସୁବର୍ଣବିକୃତଧ୍ବଜାଃ।
ସେନାସମୁଦ୍ରମାବିଷ୍ଟମନନ୍ତଂ ପର୍ଯବାରଯନ୍॥ 7-141-2 (50943)
ଅଥୈନଂ ରଥବଂଶେନ ସର୍ବତଃ ସନ୍ନିବାର୍ଯ ତେ।
ଅବାକିରଞ୍ଛରବ୍ରାତୈଃ କ୍ରୁଦ୍ଧାଃ ପରମଧନ୍ବିନଃ॥ 7-141-3 (50944)
ଅଜଯଦ୍ରାଜପୁତ୍ରାଂସ୍ତାନ୍ଭ୍ରାଜମାନାନ୍ମହାରଣେ।
ଏକଃ ପଞ୍ଚାଶତଂ ଶତ୍ରୂନ୍ସାତ୍ଯକିଃ ସତ୍ଯବିକ୍ରମଃ॥ 7-141-4 (50945)
ସମ୍ପ୍ରାପ୍ଯ ଭାରତୀମଧ୍ଯଂ ତଲଘୋଷସମାକୁଲମ୍।
ଅସିଶକ୍ତିଗଦାପୂର୍ଣମପ୍ଲୁବଂ ସାଗରଂ ଯଥା॥ 7-141-5 (50946)
`ଅଥୈନମନୁବୃତ୍ତାସ୍ତୁ ତ୍ରିଗର୍ତାଃ ସହିତାଃ ପୁନଃ।
ତୀବ୍ରେଣ ରଥବଂଶେନ ମହତା ପର୍ଯବାରଯନ୍।
ବିକର୍ଷନ୍ତୋଽତିମାତ୍ରାଣି ଚାପାନି ଭରତର୍ଷଭ'॥ 7-141-6 (50947)
ତତ୍ରାଦ୍ଭୁତମପଶ୍ଯାମ ଶୈନେଯଚରିତଂ ରଣେ।
ପ୍ରତୀଚ୍ଯାଂ ଦିଶି ତଂ ଦୃଷ୍ଟ୍ବା ପ୍ରାଚ୍ଯାଂ ପଶ୍ଯାମି ଲାଘବାତ୍॥ 7-141-7 (50948)
ଉଦୀଚୀଂ ଦକ୍ଷିଣାଂ ପ୍ରାଚୀଂ ପ୍ରତୀଚୀଂ ବିଦିଶସ୍ତଥା।
ପୁନର୍ମଧ୍ଯଗତୋ ବୀର ଆହବେ ଯୁଦ୍ଧଦୁର୍ମଦଃ॥ 7-141-8 (50949)
ଏକଃ ପର୍ଯଚରନ୍ରଙ୍ଗେ ବହୁଧା ସ ମହାବଲଃ।
ନୃତ୍ଯନ୍ନିବାଚରଚ୍ଛୂରୋ ଯଥା ରଥଶତଂ ତଥା॥ 7-141-9 (50950)
ତଦ୍ଦୃଷ୍ଟ୍ବା ଚରିତଂ ତସ୍ଯ ସିଂହବିକ୍ରାନ୍ତଗାମିନଃ।
ତ୍ରିଗର୍ତାଃ ସନ୍ନ୍ଯବର୍ତନ୍ତ ସନ୍ତପ୍ତାଃ ସ୍ବଜନଂ ପ୍ରତି॥ 7-141-10 (50951)
ତମନ୍ଯେ ଶୂରସେନାନାଂ ଶୂରାଃ ସଙ୍ଖ୍ଯେ ନ୍ଯବାରଯନ୍।
ନିଯଚ୍ଛନ୍ତଃ ଶରବ୍ରାତୈର୍ମତ୍ତଂ ଦ୍ବିପମିବାଙ୍କୁଶୈଃ॥ 7-141-11 (50952)
ତୈର୍ବ୍ଯବାହରଦାର୍ଯାତ୍ମା ମୁହୂର୍ତାଦେବ ସାତ୍ଯକିଃ।
ତତଃ କଲିଙ୍ଗୈର୍ଯୁଯୁଧେ ସୋଽଚିନ୍ତ୍ଯବଲବିକ୍ରମଃ॥ 7-141-12 (50953)
ତାଂ ଚ ସେନାମତିକ୍ରମ୍ଯ କଲିଙ୍ଗାନାଂ ଦୁରତ୍ଯଯାମ୍।
ଅଥ ପାର୍ଥଂ ମହାବାହୁର୍ଧନଞ୍ଜଯମୁପାସଦତ୍॥ 7-141-13 (50954)
ତରନ୍ନିବ ଜଲେ ଶ୍ରାନ୍ତୋ ଯଥା ସ୍ଥଲମୁପେଯିବାନ୍।
ତଂ ଦୃଷ୍ଟ୍ବା ପୁରୁଷବ୍ଯାଘ୍ରଂ ଯୁଯୁଧାନଃ ସମାଶ୍ବସତ୍॥ 7-141-14 (50955)
ତମାଯାନ୍ତମଭିପ୍ରେକ୍ଷ୍ଯ କେଶବଃ ପାର୍ଥମବ୍ରବୀତ୍।
ଅସାବାଯାତି ଶୈନେଯସ୍ତବ ପାର୍ଥ ପଦାନୁଗଃ॥ 7-141-15 (50956)
ଏଷ ଶିଷ୍ଯଃ ସଖା ଚୈବ ତବ ସତ୍ଯପରାକ୍ରମଃ।
ସର୍ବାନ୍ଯୋଧାଂସ୍ତୃଣୀକୃତ୍ଯ ବିଜିଗ୍ଯେ ପୁରୁଷର୍ଷଭଃ॥ 7-141-16 (50957)
ଏଷ କୌରବଯୋଧାନାଂ କୃତ୍ବା ଘୋରମୁପଦ୍ରବମ୍।
ତବ ପ୍ରାଣୈଃ ପ୍ରିଯତମଃ କିରୀଟିନ୍ନେତି ସାତ୍ଯକିଃ॥ 7-141-17 (50958)
ଏଷ ଦ୍ରୋଣଂ ତଥା ଭୋଜଂ କୃତବର୍ମାଣମେବ ଚ।
କଦର୍ଥୀକୃତ୍ଯ ବିଶିଖୈଃ ଫଲ୍ଗୁନାଭ୍ଯେତି ସାତ୍ଯକିଃ॥ 7-141-18 (50959)
ଧର୍ମରାଜପ୍ରିଯାନ୍ବେଷୀ ହତ୍ବା ଯୋଧାନ୍ବରାନ୍ବରାନ୍।
ଶୂରଶ୍ଚୈବ କୃତାସ୍ତ୍ରଶ୍ଚ ଫଲ୍ଗୁନାଭ୍ଯେତି ସାତ୍ଯକିଃ॥ 7-141-19 (50960)
କୃତ୍ବା ସୁଦୁଷ୍କରଂ କର୍ମ ସୈନ୍ଯମଧ୍ଯେ ମହାବଲଃ।
ତବ ଦର୍ଶନମନ୍ବିଚ୍ଛନ୍ପାଣ୍ଡବାଭ୍ଯେତି ସାତ୍ଯକିଃ॥ 7-141-20 (50961)
ବହୂନେକରଥେନାଜୌ ଯୋଧଯିତ୍ବା ମହାରଥାନ୍।
ଆଚାର୍ଯପ୍ରମୁଖାନ୍ପାର୍ଥ ପ୍ରଯାତ୍ଯେଷ ସ ସାତ୍ଯକିଃ॥ 7-141-21 (50962)
ସ୍ବବାହୁବଲମାଶ୍ରିତ୍ଯ ବିଦାର୍ଯ ଚ ବରୂଥିନୀମ୍।
ପ୍ରେଷିତୋ ଧର୍ମରାଜେନ ପାର୍ଥୈଷୋଽଭ୍ଯେତି ସାତ୍ଯକିଃ॥ 7-141-22 (50963)
ପ୍ରିଯଃ ଶିଷ୍ଯଶ୍ଚ ତେ ପାର୍ଥ ତ୍ବଯା ତୁଲ୍ଯପରାକ୍ରମଃ।
ବିଦ୍ରାବ୍ଯଂ ମହତୀଂ ସେନାମେଷ ହ୍ଯାଯାତି ସାତ୍ଯକିଃ॥ 7-141-23 (50964)
ଯସ୍ଯ ନାସ୍ତି ସମୋ ଯୋଧଃ କୌରବେଷୁ କଥଞ୍ଚନ।
ସୋଽଯମାଯାତି କୌନ୍ତେଯ ସାତ୍ଯକିର୍ଯୁଦ୍ଧଦୁର୍ମଦଃ॥ 7-141-24 (50965)
କୁରୁସୈନ୍ଯାଦ୍ବିମୁକ୍ତୋ ବୈ ସିଂହୋ ମଧ୍ଯାଦ୍ଗବାମିବ।
ନିହତ୍ଯ ବହୁଲାଃ ସେନାଃ ପାର୍ଥୈଷୋଽବ୍ଯେତି ସାତ୍ଯକିଃ॥ 7-141-25 (50966)
ଏଷ ରାଜସହସ୍ରାଣାଂ ବକ୍ତ୍ରୈଃ ପଙ୍କଜସନ୍ନିଭୈଃ।
ଆସ୍ତୀର୍ଯ ବସୁଧାଂ ପାର୍ଥ କ୍ଷିପ୍ରମାଯାତି ସାତ୍ଯକିଃ॥ 7-141-26 (50967)
ଏଷ ଦୁର୍ଯୋଧନଂ ଜିତ୍ବା ଭ୍ରାତୃଭିଃ ସହିତଂ ରଣେ।
ନିହତ୍ଯ ଜଲସନ୍ଧଂ ଚ କ୍ଷିପ୍ରମାଯାତି ସାତ୍ଯକିଃ॥ 7-141-27 (50968)
ରୁଧିରୌଘବତୀଂ କୃତ୍ବା ନଦୀଂ ଶୋଣିତକର୍ଦମାମ୍।
ତୃଣବଦ୍ବ୍ଯସ୍ଯ କୌରବ୍ଯାନେଷ ହ୍ଯାଯାତି ସାତ୍ଯକିଃ॥ 7-141-28 (50969)
ସଞ୍ଜଯ ଉବାଚ। 7-141-29x (4620)
ତତଃ ପ୍ରହୃଷ୍ଟଃ କୌନ୍ତେଯଃ କେଶବଂ ବାକ୍ଯମବ୍ରବୀତ୍।
ନ ମେ ପ୍ରିଯଂ ମହାବାହୋ ଯନ୍ମାମଭ୍ଯେତି ସାତ୍ଯକିଃ॥ 7-141-29 (50970)
ନ ହି ଜାନାମି ବୃତ୍ତାନ୍ତଂ ଧର୍ମରାଜସ୍ଯ କେଶବ।
ସାତ୍ବତେନ ବିହୀନଃ ସ ଯଦି ଜୀବତି ବା ନ ବା॥ 7-141-30 (50971)
ଏତେନ ହି ମହାବାହୋ ରକ୍ଷିତବ୍ଯଃ ସ ପାର୍ଥିବଃ।
ତମେଷ କଥମୁତ୍ସୃଜ୍ଯ ମମ କୃଷ୍ଣ ପଦାନୁଗଃ॥ 7-141-31 (50972)
ରାଜା ଦ୍ରୋଣାଯ ଚୋତ୍ସୃଷ୍ଟଃ ସୈନ୍ଧବଶ୍ଚାନିପାତିତଃ।
ପ୍ରତ୍ଯୁଦ୍ଯାତି ଚ ଶୈନେଯମେଷ ଭୂରିଶ୍ରବା ରଣେ॥ 7-141-32 (50973)
ସୋଽଯଂ ଗୁରୁତରୋ ଭାରଃ ସୈନ୍ଧବାର୍ଥେ ସମାହିତଃ।
ଜ୍ଞାତବ୍ଯଶ୍ଚ ହି ମେ ରାଜା ରକ୍ଷିତବ୍ଯଶ୍ଚ ସାତ୍ଯକିଃ॥ 7-141-33 (50974)
ଜଯଦ୍ରଥଶ୍ଚ ହନ୍ତବ୍ଯୋ ଲମ୍ବତେ ଚ ଦିବାକରଃ।
ଶ୍ରାନ୍ତଶ୍ଚୈଷ ମହାବାହୁରଲ୍ପପ୍ରାଣଶ୍ଚ ସାମ୍ପ୍ରତମ୍॥ 7-141-34 (50975)
ପରିଶ୍ରାନ୍ତା ହଯାଶ୍ଚାସ୍ଯ ହଯଯନ୍ତା ଚ ମାଧବ।
ନ ଚ ଭୂରିଶ୍ରବାଃ ଶ୍ରାନ୍ତଃ ସସହାଯଶ୍ଚ କେଶବ॥ 7-141-35 (50976)
ଅପୀଦାନୀଂ ଭବେଦସ୍ଯ କ୍ଷେମମସ୍ମିନ୍ସମାଗମେ।
କଚ୍ଚିନ୍ନ ସାଗରଂ ତୀର୍ତ୍ବା ସାତ୍ଯକିଃ ସତ୍ଯବିକ୍ରମଃ।
ଗୋଷ୍ପଦଂ ପ୍ରାପ୍ଯ ସୀଦେତ ମହୌଜାଃ ଶିନିପୁଙ୍ଗବଃ॥ 7-141-36 (50977)
ଅପି କୌରବମୁଖ୍ଯେନ କୃତାସ୍ତ୍ରେଣ ମହାତ୍ମନା।
ସମେତ୍ଯ ଭୂରିଶ୍ରବସା ସ୍ବସ୍ତିମାନ୍ସାତ୍ଯକିର୍ଭବେତ୍॥ 7-141-37 (50978)
ବ୍ଯତିକ୍ରମମିମଂ ମନ୍ଯେ ଧର୍ମରାଜସ୍ଯ କେଶବ।
ଆଚାର୍ଯାଦ୍ଭଯମୁତ୍ସୃଜ୍ଯ ଯଃ ପ୍ରୈଷଯତ ସାତ୍ଯକିମ୍॥ 7-141-38 (50979)
ଗ୍ରହଣଂ ଧର୍ମରାଜସ୍ଯ ଖଗଃ ଶ୍ଯେନ ଇବାମିଷମ୍।
ନିତ୍ଯମାଶଂସତେ ଦ୍ରୋଣଃ କଚ୍ଚିତ୍ସ୍ଯାତ୍କୁଶଲୀ ନୃପଃ॥ ॥ 7-141-39 (50980)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଏକଚତ୍ବାରିଂଶଦଧିକଶତତମୋଽଧ୍ଯାଯଃ॥ 141 ॥
Mahabharata - Drona Parva - Chapter Footnotes
5-141-1 ତୁରଣୀଯେଷୁ କୃତ୍ଯେଷୁ॥ 5-141-141 ଏକଚତ୍ବାରିଂଶଦଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 142
॥ ଶ୍ରୀଃ ॥
7.142. ଅଧ୍ଯାଯଃ 142
Mahabharata - Drona Parva - Chapter Topics
ସାତ୍ଯକିଭୂରିଶ୍ରବସୋର୍ଯୁଦ୍ଧମ୍॥ 1 ॥ ସାତ୍ଯକିଶିରଚ୍ଛେଦାଯୋନ୍ନମିତସ୍ଯ ସ୍ବଙ୍ଗଭୃତୋ ଭୂରିଶ୍ରବୋଭୁଜସ୍ଯାର୍ଜୁନେନ ସଞ୍ଛେଦଃ॥ 2 ॥Mahabharata - Drona Parva - Chapter Text
7-142-0 (50981)
ସଞ୍ଜଯ ଉବାଚ। 7-142-0x (4621)
ତମାପତନ୍ତଂ ସମ୍ପ୍ରେକ୍ଷ୍ଯ ସାତ୍ବତଂ ଯୁଦ୍ଧଦୁର୍ମଦମ୍।
କ୍ରୋଧାଦ୍ଭୂରିଶ୍ରବା ରାଜନ୍ସହସା ସମୁପାଦ୍ରବତ୍॥ 7-142-1 (50982)
ତମବ୍ରବୀନ୍ମହାରାଜ କୌରବ୍ଯଃ ଶିନିପୁଙ୍ଗବମ୍।
ଅଦ୍ଯ ପ୍ରାପ୍ତୋଽପି ଦିଷ୍ଟ୍ଯା ମେ ଚକ୍ଷୁର୍ବିଷଯମିତ୍ଯୁତ॥ 7-142-2 (50983)
ଚିରାଭିଲଷିତଂ କାମମହଂ ପ୍ରାପ୍ସ୍ଯାମି ସଂଯୁଗେ।
ନ ହି ମେ ମୋକ୍ଷ୍ଯସେ ଜୀବନ୍ଯଦି ନୋତ୍ସୃଜସେ ରଣମ୍॥ 7-142-3 (50984)
ଅଦ୍ଯ ତ୍ବାଂ ସମରେ ହତ୍ବା ନିତ୍ଯଂ ଶୂରାଭିମାନିନମ୍।
ନନ୍ଦଯିଷ୍ଯାମି ଦାଶାର୍ହ କୁରୁରାଜଂ ସୁଯୋଧନମ୍॥ 7-142-4 (50985)
ଅଦ୍ଯ ମଦ୍ବାଣନିର୍ଦଗ୍ଧଂ ପତିତଂ ଧରଣୀତଲେ।
ଦ୍ରକ୍ଷ୍ଯତସ୍ତ୍ବାଂ ରଣେ ବୀରୌ ସହିତୌ କେଶବାର୍ଜୁନୌ॥ 7-142-5 (50986)
ଅଦ୍ଯ ଧର୍ମସୁତୋ ରାଜା ଶ୍ରୁତ୍ବା ତ୍ବାଂ ନିହତଂ ମଯା।
ସବ୍ରୀଡୋ ଭବିତା ସଦ୍ଯୋ ଯେନାସୀହ ପ୍ରବେଶିତଃ॥ 7-142-6 (50987)
ଅଦ୍ଯ ମେ ବିକ୍ରମଂ ପାର୍ଥୋ ବିଜ୍ଞାସ୍ଯତି ଧନଞ୍ଜଯଃ।
ତ୍ବଯି ଭୂମୌ ବିନିହତେ ଶଯାନେ ରୁଧିରୋକ୍ଷିତେ॥ 7-142-7 (50988)
ଚିରାଭିଲଷିତୋ ହ୍ଯେଷ ତ୍ବଯା ସହ ସମାଗମଃ।
ପୁରା ଦେବାସୁରେ ଯୁଦ୍ଧେ ଶକ୍ରସ୍ଯ ବଲିନା ଯଥା॥ 7-142-8 (50989)
ଅଦ୍ଯ ଯୁଦ୍ଧଂ ମହାଘୋରଂ ତବ ଦାସ୍ଯାମି ସାତ୍ବତ।
ତତୋ ଜ୍ଞାସ୍ଯସି ତତ୍ତ୍ବେନ ମଦ୍ବୀର୍ଯବଲପୌରୁଷମ୍॥ 7-142-9 (50990)
ଅଦ୍ଯ ସଂଯମନୀଂ ଯାତା ମଯା ତ୍ବଂ ନିହତୋ ରଣେ।
ଯଥା ରାମାନୁଜେନାଜୌ ରାବଣିର୍ଲକ୍ଷ୍ମଣେନ ହ॥ 7-142-10 (50991)
ଅଦ୍ଯ କୃଷ୍ଣଶ୍ଚ ପାର୍ଥଶ୍ଚ ଧର୍ମରାଜଶ୍ଚ ମାଧବ।
ହତେ ତ୍ବଯି ନିରୁତ୍ସାହାରଣଂ ତ୍ଯକ୍ଷ୍ଯନ୍ତ୍ଯସଂଶଯମ୍॥ 7-142-11 (50992)
ଅଦ୍ଯ ତେଽପଚିତିଂ କୃତ୍ବା ଶିତୈର୍ମାଧବ ସାଯକୈଃ।
ତତ୍ସ୍ତ୍ରିଯୋ ନନ୍ଦଯିଷ୍ଯାମି ଯେ ତ୍ବଯା ନିହତା ରଣେ॥ 7-142-12 (50993)
ମଚ୍ଚକ୍ଷୁର୍ବିଷଯେ ପ୍ରାପ୍ତୋ ନ ତ୍ବଂ ମାଧବ ମୋକ୍ଷ୍ଯସେ।
ସିଂହସ୍ଯ ବିଷଯଂ ପ୍ରାପ୍ତୋ ଯଥା କ୍ଷୁଦ୍ରମୃଗସ୍ତଥା॥ 7-142-13 (50994)
ସଞ୍ଜଯ ଉବାଚ। 7-142-14x (4622)
ଯୁଯୁଧାନସ୍ତୁ ତଂ ରାଜନ୍ପ୍ରତ୍ଯୁବାଚ ହସନ୍ନିବ।
କୌରବେଯ ନ ସନ୍ତ୍ରାସୋ ବିଦ୍ଯତେ ମମ ସଂଯୁଗେ॥ 7-142-14 (50995)
ନାହଂ ଭୀଷଯିତୁଂ ଶକ୍ଯୋ ବାଙ୍ମାତ୍ରେଣ ତୁ କେବଲମ୍।
ସ ମାଂ ନିହନ୍ଯାତ୍ସଙ୍ଗ୍ରାମେ ଯୋ ମାଂ କୁର୍ଯାନ୍ନିରାଯୁଧମ୍॥ 7-142-15 (50996)
ସମାସ୍ତୁ ଶାଶ୍ବତୀର୍ହନ୍ଯାଦ୍ଯୋ ମାଂ ହନ୍ଯାଦ୍ଧି ସଂଯୁଗେ।
କିଂ ବୃଥୋକ୍ତେନ ବହୁନା କର୍ମଣା ତତ୍ସମାଚର॥ 7-142-16 (50997)
ଶାରଦସ୍ଯେବ ମେଘସ୍ଯ ଗର୍ଜିତଂ ନିଷ୍ଫଲଂ ହିତେ।
ଶ୍ରୁତ୍ବା ତ୍ବଦ୍ଗର୍ଜିତଂ ବୀର ହାସ୍ଯଂ ହି ମମ ଜାଯତେ॥ 7-142-17 (50998)
ଚିରକାଲେପ୍ସିତଂ ଲୋକେ ଯୁଦ୍ଧମଦ୍ଯାସ୍ତୁ କୌରବ।
ତ୍ବରତେ ମେ ମତିସ୍ତାତ ତବ ଯୁଦ୍ଧାଭିକାଙ୍କ୍ଷିଣୀ।
ନାହତ୍ବାଽହଂ ନିବର୍ତିଷ୍ଯେ ତ୍ବାମଦ୍ଯ ପୁରୁଷାଧମ॥ 7-142-18 (50999)
ସଞ୍ଜଯ ଉବାଚ। 7-142-19x (4623)
ଅନ୍ଯୋନ୍ଯଂ ତୌ ତଥା ବାଗ୍ଭିସ୍ତକ୍ଷନ୍ତୌ ନରପୁଙ୍ଗବୌ।
ଜିଘାଂସୂ ପରମକ୍ରୁଦ୍ଧଭିଜଘ୍ନତୁରାହବେ॥ 7-142-19 (51000)
ସମେତୌ ତୌ ମହେଷ୍ବାସୌ ଶୁଷ୍ମିଣୌ ସ୍ପର୍ଧିନୌ ରଣେ।
ଦ୍ବିରଦାବିବ ସଙ୍କ୍ରୁଦ୍ଧୌ ବାସିତାର୍ଥେ ମଦୋତ୍କଟୌ॥ 7-142-20 (51001)
ଭୂରିଶ୍ରବାଃ ସାତ୍ଯକିଶ୍ଚ ବବର୍ଷତୁରରିନ୍ଦମୌ।
ଶରବର୍ଷାଣି ଘୋରାଣି ମେଘାବିବ ପରସ୍ପରମ୍॥ 7-142-21 (51002)
ସୌମଦତ୍ତିସ୍ତୁ ଶୈନେଯଂ ପ୍ରଚ୍ଛାଦ୍ଯେଷୁଭିରାଶୁଗୈଃ।
ଜିଘାଂସୁର୍ଭରତଶ୍ରେଷ୍ଠ ବିବ୍ଯାଧ ନିଶିତୈଃ ଶରୈଃ॥ 7-142-22 (51003)
ଦଶଭିଃ ସାତ୍ଯକିଂ ବିଦ୍ଧ୍ବା ସୌମଦତ୍ତିରଥାପରାନ୍।
ମୁମୋଚ ନିଶିତାନ୍ବାଣାଞ୍ଜିଘାଂସୁଃ ଶିନିପୁଙ୍ଗବଂ॥ 7-142-23 (51004)
ତାନସ୍ଯ ବିଶିଖାଂସ୍ତୀକ୍ଷ୍ଣାନନ୍ତରିକ୍ଷେ ବିଶାମ୍ପତେ।
ଅପ୍ରାପ୍ତାନସ୍ତ୍ରମାଯାଭିରଗ୍ରସତ୍ସାତ୍ଯକିଃ ପ୍ରଭୋ॥ 7-142-24 (51005)
ତୌ ପୃଥକ୍ଶସ୍ତ୍ରବର୍ଷାଭ୍ଯାମବର୍ଷେତାଂ ପରସ୍ପରମ୍।
ଉତ୍ତମାଭିଜନୌ ବୀରୌ କୁରୁବୃଷ୍ମିଯଶସ୍କରୌ॥ 7-142-25 (51006)
ତୌ ନଖୈରିବ ଶାର୍ଦୂଲୌ ଦନ୍ତୈରିବ ମହାଦ୍ବିପୌ।
ରଥଶକ୍ତିଭିରନ୍ଯୋନ୍ଯଂ ବିଶିଖୈଶ୍ଚାପ୍ଯକୃନ୍ତତାମ୍॥ 7-142-26 (51007)
ନିର୍ଭିଦନ୍ତୌ ହି ଗାତ୍ରାଣି ବିକ୍ଷରନ୍ତୌ ଚ ଶୋଣିତମ୍।
ବ୍ଯଷ୍ଟମ୍ଭଯେତାମନ୍ଯୋନ୍ଯଂ ପ୍ରାଣଦ୍ଯୂତାଭିଦେବିନୌ॥ 7-142-27 (51008)
ଏବମୁତ୍ତମକର୍ମାଣୌ କୁରୁବୃଷ୍ଣିଯଶସ୍କରୌ।
ପରସ୍ପରମଯୁଧ୍ଯେତାଂ ବାରଣାବିବ ଯୂଥପୌ॥ 7-142-28 (51009)
ତାବଦୀର୍ଘେଣ କାଲେନ ବ୍ରହ୍ମଲୋକପୁରସ୍କୃତୌ।
ଯିଯାସନ୍ତୌ ପରଂ ସ୍ଥାନମନ୍ଯୋନ୍ଯଂ ସଞ୍ଜଗର୍ଜତୁଃ॥ 7-142-29 (51010)
ସାତ୍ଯକିଃ ସୌମଦତ୍ତିଶ୍ଚ ଶରବୃଷ୍ଟ୍ଯା ପରସ୍ପରମ୍।
ହୃଷ୍ଟବଦ୍ଧାର୍ତରାଷ୍ଟ୍ରାଣାଂ ପଶ୍ଯତାମଭ୍ଯବର୍ଷତାମ୍॥ 7-142-30 (51011)
ସମ୍ପ୍ରୈକ୍ଷନ୍ତ ଜନାସ୍ତୌ ତୁ ଯୁଧ୍ଯମାନୌ ଯୁଧାମ୍ପତୀ।
ଯୂଥପୌ ବାସିତାହେତୋଃ ପ୍ରଯୁଦ୍ଧାବିବ କୁଞ୍ଜରୌ॥ 7-142-31 (51012)
`ଭୂଯୋଭୂଯଃ ଶରୈ ରାଜଂସ୍ତକ୍ଷନ୍ତୌ କ୍ରୋଧମୂର୍ଚ୍ଛିତୌ।
ଅଯୁଧ୍ଯେତାଂ ମହାରଙ୍ଗେ ବନେ କେସରିଣାବିବ॥ 7-142-32 (51013)
ମର୍ମଜ୍ଞାବିବ ସଙ୍କ୍ରୁଦ୍ଧୌ ଜିଘାଂସନ୍ତୌ ଜଗର୍ଜତୁଃ।
ବିମର୍ଦନ୍ତାବଥାନ୍ଯୋନ୍ଯଂ ବଲବଜ୍ରଧରାବିବ॥ 7-142-33 (51014)
ଅଥାନ୍ଯୋନ୍ଯଂ ପତାକାଶ୍ଚ ରଥୋପକରଣାନି ଚ।
ସଞ୍ଚିଚ୍ଛିଦତୁରାଯାନ୍ତୌ ବାଣୈଃ ସନ୍ନତପର୍ବଭିଃ॥ 7-142-34 (51015)
ପୁନଶ୍ଚ ଶରବର୍ଷାଭ୍ଯାମନ୍ଯୋନ୍ଯମଭିବର୍ଷତାମ୍।
ଉଭୌ ତୁ ଜଘ୍ନତୁସ୍ତୂର୍ଣମିତରେତରସାରଥୀ'॥ 7-142-35 (51016)
ଅନ୍ଯୋନ୍ଯସ୍ଯ ହଯାନ୍ହତ୍ବା ଧନୁଷୀ ବିନିକୃତ୍ଯ ଚ।
ବିରଥାବସିଯୁଦ୍ଧାଯ ସମେଯାତାଂ ମହାରଣେ॥ 7-142-36 (51017)
ଆର୍ଷଭେ ଚର୍ମଣୀ ଚିତ୍ରେ ପ୍ରଗୃହ୍ଯ ବିପୁଲେ ଶୁଭେ।
ବିକୋଶୌ ଚାପ୍ଯସୀ କୃତ୍ବା ସମରେ ତୌ ବିଚେରତୁଃ॥ 7-142-37 (51018)
ଚରନ୍ତୌ ବିବିଧାନ୍ମାର୍ଗାନ୍ମଣ୍ଡଲାନି ଚ ଭାଗଶଃ।
ମୁହୁରାଜଘ୍ନତୁଃ କ୍ରୁଦ୍ଧାବନ୍ଯୋନ୍ଯମରିମର୍ଦନୌ।
ସଖଙ୍ଗୌ ଚିତ୍ରବର୍ମାଣୌ ସନିଷ୍କାଙ୍ଗଦଭୂଷଣୌ॥ 7-142-38 (51019)
ଭ୍ରାନ୍ତମୁଦ୍ଧାନ୍ତମାବିଦ୍ଧମାପ୍ଲୁତଂ ବିପ୍ଲୁତଂ ସୃତମ୍।
ସମ୍ପାତଂ ସମୁଦୀର୍ଣଂ ଚ ଦର୍ଶଯନ୍ତୌ ଯଶସ୍ବିନୌ॥ 7-142-39 (51020)
ଅସିଭ୍ଯାଂ ସମ୍ପ୍ରଜହାତେ ପରସ୍ପରମରିନ୍ଦମୌ।
ଉଭୌ ଛିଦ୍ରୈଷିଣୌ ବୀରାବୁଭୌ ଚିତ୍ରଂ ବବଲ୍ଗତୁଃ॥ 7-142-40 (51021)
ଦର୍ଶଯନ୍ତାବୁଭୌ ଶିକ୍ଷାଂ ଲାଘବଂ ସୌଷ୍ଠବଂ ତଥା।
ରଣେ ରଣକୃତାଂ ଶ୍ରେଷ୍ଠାବନ୍ଯୋନ୍ଯଂ ପର୍ଯକର୍ଷତାମ୍॥ 7-142-41 (51022)
ମୁହୂର୍ତମିବ ରାଜେନ୍ଦ୍ର ସମାହତ୍ଯ ପରସ୍ପରମ୍।
ପଶ୍ଯତାଂ ସର୍ବସୈନ୍ଯାନାଂ ବୀରାବାଶ୍ବସତାଂ ପୁନଃ॥ 7-142-42 (51023)
ଅସିଭ୍ଯାଂ ଚର୍ମଣୀ ଚିତ୍ରେ ଶତଚନ୍ଦ୍ରେ ନରାଧିପ।
ନିକୃତ୍ଯ ପୁରୁଷବ୍ଯାଘ୍ରୌ ବାହୁଯୁଦ୍ଧଂ ପ୍ରଚକ୍ରତୁଃ॥ 7-142-43 (51024)
ବ୍ଯୂଢୋରସ୍କୌ ଦୀର୍ଘଭୁଜୌ ନିଯୁଦ୍ଧକୁଶଲାବୁଭୌ।
ବାହୁଭିଃ ସମସଜ୍ଜେତାମାଯସୈଃ ପରିଧୈରିବ॥ 7-142-44 (51025)
ତଯୋ ରାଜନ୍ଭୁଜାଘାତନିଗ୍ରହପ୍ରଗ୍ରହାସ୍ତଥା।
ଶିକ୍ଷାବଲସମୁଦ୍ଭୂତାଃ ସର୍ବଯୋଧପ୍ରହର୍ଷଣାଃ॥ 7-142-45 (51026)
ତଯୋର୍ନୃବରଯୋ ରାଜନ୍ସମରେ ଯୁଧ୍ଯମାନଯୋଃ।
ଭୀମୋଽଭବନ୍ମହାଶବ୍ଦୋ ବଜ୍ରପର୍ବତଯୋରିବ॥ 7-142-46 (51027)
ଦ୍ବିପାବିବ ବିଷାଣାଗ୍ରୈଃ ଶୃଙ୍ଗୈରିବ ମହର୍ଷଭୌ।
ଭୁଜଯୋକ୍ରାବବନ୍ଧୈଶ୍ଚ ଶିରୋଭ୍ଯାଂ ଚାବଘାତନୈଃ॥ 7-142-47 (51028)
ପାଦାବକର୍ଷସନ୍ଧାନୈସ୍ତୋମରାଙ୍କଶଲାସନୈଃ।
ପାଦୋଦରବିବନ୍ଧୈଶ୍ଚ ଭୂମାବୁଦ୍ଧମଣୈସ୍ତଥା॥ 7-142-48 (51029)
ଗତପ୍ରତ୍ଯାଗତାକ୍ଷେପୈଃ ପାତନୋତ୍ଥାନସମ୍ପୁତୈଃ।
ଯୁଯୁଧାତେ ମହାତ୍ମାନୌ କୁରୁସାତ୍ବତପୁଙ୍ଗବୌ॥ 7-142-49 (51030)
ଦ୍ବାତ୍ରିଂଶତ୍କାରଣାନି ସ୍ଯୁର୍ଯାନି ଯୁଦ୍ଧାନି ଭାରତ।
ତାନ୍ଯଦର୍ଶଯତାଂ ତତ୍ର ଯୁଧ୍ଯମାନୌ ମହାବଲୌ॥ 7-142-50 (51031)
କ୍ଷୀଣାଯୁଧେ ସାତ୍ବତେ ଯୁଧ୍ଯମାନେ
ତତୋଽବ୍ରବୀଦର୍ଜୁନଂ ବାସୁଦେବଃ।
ପଶ୍ଯସ୍ବୈନଂ ବିରଥଂ ଯୁଧ୍ଯମାନଂ
ରଣେ ବରଂ ସର୍ବଧନୁର୍ଧରାଣାମ୍॥ 7-142-51 (51032)
`ସିନ୍ଧୁରାଜବଧେ ସକ୍ତଂ ପାର୍ଥଂ କୃଷ୍ଣୋଽବ୍ରବୀତ୍ପୁନଃ।
ସୀଦନ୍ତଂ ସାତ୍ଯକିଂ ପଶ୍ଯ ପାର୍ଥୈନଂ ପରିରକ୍ଷ ଚ'॥ 7-142-52 (51033)
ପ୍ରବିଷ୍ଟୋ ଭାରତୀଂ ଭିତ୍ତ୍ବା ତବ ପାଣ୍ଡବ ପୃଷ୍ଠତଃ।
ଯୋଧିତଶ୍ଚ ମହାବୀର୍ଯୈଃ ସର୍ବୈର୍ଭାରତ ଭାରତୈଃ॥ 7-142-53 (51034)
ଧାର୍ତରାଷ୍ଟ୍ରାଶ୍ଚ ଯେ ମୁଖ୍ଯା ଯେ ଚ ମୁଖ୍ଯା ମହାରଥାଃ।
ନିହତା ବୃଷ୍ଣିବୀରେଣ ଶତଶୋଽଥ ସହସ୍ରଶଃ॥ 7-142-54 (51035)
ପରିଶ୍ରାନ୍ତଂ ଯୁଧାଂ ଶ୍ରେଷ୍ଠଂ ସମ୍ପ୍ରାପ୍ତୋ ଭୂରିଦକ୍ଷିଣଃ।
ଯୁଦ୍ଧାକାଙ୍କ୍ଷୀ ସମାଯାନ୍ତଂ ନୈତତ୍ସମମିବାର୍ଜୁନ॥ 7-142-55 (51036)
ତତୋ ଭୂରିଶ୍ରବାଃ କ୍ରୁଦ୍ଧଃ ସାତ୍ଯକିଂ ଯୁଦ୍ଧଦୁର୍ମଦଃ।
ଉଦ୍ଯମ୍ଯାଭ୍ଯାହନଦ୍ରାଜନ୍ମତ୍ତୋ ମତ୍ତମିବ ଦ୍ବିପମ୍॥ 7-142-56 (51037)
ତତୋ ଜଲଦନିର୍ଘୋଷଃ ସମୀପେ ନୃପସତ୍ତମ।
ହାହାକାରୋ ମହାନାସୀତ୍ସୈନ୍ଯାନାଂ ଭରତର୍ଷଭ।
ଯଦୁଦ୍ଯମ୍ଯ ମହାବାହୁଃ ସାତ୍ଯକିଂ ନ୍ଯହନଦ୍ଭୁବି॥ 7-142-57 (51038)
ରଥସ୍ଥଯୋର୍ଦ୍ବଯୋର୍ଯୁଦ୍ଧେ କ୍ରୁଦ୍ଧଯୋର୍ଯୋଧମୁଖ୍ଯଯୋଃ।
କେଶବାର୍ଯୁନଯୋ ରାଜନ୍ସମରେ ପ୍ରେକ୍ଷମାଣଯୋଃ॥ 7-142-58 (51039)
ଅଥ କୃଷ୍ଣୋ ମହାବାହୁରର୍ଜୁନଂ ପ୍ରତ୍ଯଭାଷତ।
ପଶ୍ଯ ବୃଷ୍ଣ୍ଯନ୍ଧକବ୍ଯାଘ୍ରଂ ସୌମଦତ୍ତିବଶଂ ଗତମ୍॥ 7-142-59 (51040)
ପରିଶ୍ରାନ୍ତଂ ଗତଂ ଭୂମୌ କୃତ୍ବା କର୍ମ ସୁଦୁଷ୍କରମ୍।
ତବାନ୍ତେବାସିନଂ ବୀରଂ ପାଲଯାର୍ଜୁନ ସାତ୍ଯକିମ୍॥ 7-142-60 (51041)
ନ ବଶଂ ଯଜ୍ଞଶୀଲସ୍ଯ ଗଚ୍ଛେଦେଷ ବରୋଽର୍ଜୁନ।
ତ୍ବତ୍କୃତେ ପୁରୁଷବ୍ଯାଘ୍ର ତଦାଽଽଶୁ କ୍ରିଯତାଂ ବିଭୋ॥ 7-142-61 (51042)
ସଞ୍ଜଯ ଉବାଚ। 7-142-62x (4624)
ସ ସିଂହ ଇବ ମାତଙ୍ଗଂ ବିକର୍ଷନ୍ଭୂରିଦକ୍ଷିଣଃ।
ବ୍ଯରୋଚତ କୁରୁଶ୍ରେଷ୍ଠଃ ସାତ୍ବତପ୍ରବରଂ ଯୁଧି॥ 7-142-62 (51043)
ଅଥାବ୍ରବୀଦ୍ଧୃଷ୍ଟମନା ବାସୁଦେବଂ ଧନଞ୍ଜଯଃ।
ପଶ୍ଯ ବୃଷ୍ଣିପ୍ରବୀରେଣ କ୍ରୀଡନ୍ତଂ କୁରୁପୁଙ୍ଗବମ୍।
ମହାଦ୍ବିପେନେବ ବନେ ମତ୍ତେନ ହରିଯୂଥପମ୍॥ 7-142-63 (51044)
`ମାମେବ ଚ ମହାବାହୋ ପରିଯାନ୍ତି ମହାରଥାଃ।
ଯଥାଶକ୍ତି ଯତନ୍ତୋ ମାଂ ଯୋଧଯନ୍ତୋ ଜନାର୍ଦନ॥ 7-142-64 (51045)
ଧ୍ରୁବଂ ଚ ଯୋଧଯାମ୍ଯେତାଞ୍ଛିଦ୍ରାନ୍ବେଷଣତତ୍ପରାନ୍।
ରକ୍ଷାମି ସାତ୍ଯକିଂ ଚୈବ ସୌମଦତ୍ତିବଶଂ ଗତମ୍॥ 7-142-65 (51046)
ଅପ୍ରାପ୍ତୋଽଯଂ ମଯା କୃଷ୍ମ ହନ୍ତୁଂ ଭୂରିଶ୍ରବା ରଣେ।
ଅନ୍ଯେନ ତୁ ସମାସକ୍ତଂ ମମ ନୋତ୍ସହତେ ମନଃ॥ 7-142-66 (51047)
ଅବଶ୍ଯଂ ଚ ମଯା କୃଷ୍ଣ ବୃଷ୍ଣିବୀରସ୍ଯ ରକ୍ଷଣମ୍।
ମଦର୍ଥଂ ଯୁଧ୍ଯମାନସ୍ଯ କାର୍ଯଂ ପ୍ରାଣୈରପି ପ୍ରଭୋ॥ 7-142-67 (51048)
ଅଧର୍ମୋ ବାଽସ୍ତୁ ଧର୍ମୋ ବା ମମ ମାଧବ ମାଧବଃ।
ପରେଣ ନିହତୋ ମା ସ୍ମ ପ୍ରାଣାନ୍ହାସୀନ୍ମହାରଥଃ॥ 7-142-68 (51049)
ସଞ୍ଜଯ ଉବାଚ। 7-142-69x (4625)
ଏବମୁକ୍ତ୍ବାଽର୍ଜୁନଃ କୃଷ୍ଣଂ ପରାନାଶୁ ଶିତୈଃ ଶରୈଃ।
ଛାଦଯାମାସ ସଙ୍କ୍ରୁଦ୍ଧଃ ପରେ ଚାପି ଧନଞ୍ଜଯମ୍॥ 7-142-69 (51050)
ଏବଂ ସ୍ମ ଯୁଧ୍ଯତେ ବୀରଃ ସାତ୍ଯକିଂ ଚ ମୁହୁର୍ମୁହୁଃ।
ପ୍ରେକ୍ଷତେ ସ୍ମ ନରବ୍ଯାଘ୍ରୋ ଭୂରିଶ୍ରବସମେବ ଚ'॥ 7-142-70 (51051)
ତଥା ତୁ କୃଷ୍ଯମାଣଂ ତଂ ଦୃଷ୍ଟ୍ବା ସାତ୍ଯକିମାହବେ।
ବାସୁଦେବସ୍ତଦା ବାକ୍ଯଂ ଭୂଯୋଽପ୍ଯର୍ଜୁନମବ୍ରବୀତ୍॥ 7-142-71 (51052)
ପଶ୍ଯ ବୃଷ୍ଣ୍ଯନ୍ଧକବ୍ଯାଘ୍ରଂ ସୌମଦତ୍ତିବଂଶଂ ଗତମ୍।
ତବ ଶିଷ୍ଯଂ ମହାବାହୋ ଧନୁଷ୍ଯନବମଂ ତ୍ବଯା॥ 7-142-72 (51053)
ଅନିତ୍ଯୋ ବିକ୍ରମଃ ପାର୍ଥ ଯତ୍ର ଭୂରିଶ୍ରବା ରଣେ।
ବିଶେଷଯତି ବାର୍ଷ୍ଣେଯଂ ସାତ୍ଯକିଂ ସତ୍ଯବିକ୍ରମମ୍॥ 7-142-73 (51054)
`ବହୁଭିର୍ମହାରଥୈରେଷ ପରାକ୍ରାନ୍ତୈର୍ଯୁଯୁତ୍ସୁଭିଃ।
ଯୁଦ୍ଧ୍ବା ଭୃଶଂ ପରିଶ୍ରାନ୍ତଃ କ୍ଷୀଣାଯୁଧରପରିଚ୍ଛଦଃ'॥ 7-142-74 (51055)
ସଞ୍ଜଯ ଉବାଚ। 7-142-75x (4626)
ଏବମୁକ୍ତୋ ମହାରାଜ ବାସୁଦେବେନ ପାଣ୍ଡବଃ।
ମନସା ପୂଜଯାମାସ ଭୂରିଶ୍ରବସମାହବେ॥ 7-142-75 (51056)
ବିକର୍ଷନ୍ସାତ୍ବତାଂ ଶ୍ରେଷ୍ଠଂ କ୍ରୀଡମାନ ଇବାହବେ।
ସ ହର୍ଷଯତି ମାଂ ଭୂଯଃ କୁରୂଣାଂ ନନ୍ଦିବର୍ଧନଃ॥ 7-142-76 (51057)
ପ୍ରବରଂ ବୃଷ୍ଣିବୀରାଣାଂ ଯନ୍ନିହନ୍ତ୍ଯେଷ ସାତ୍ଯକିମ୍।
ମହାଦ୍ବିପମିବାରଣ୍ଯେ କର୍ଷନ୍ନିବ ହରିର୍ଭୃଶମ୍॥ 7-142-77 (51058)
ଏବଂ ତୁ ମନସା ରାଜନ୍ପାର୍ଥଃ ସମ୍ପୂଜ୍ଯ କୌରବମ୍।
`ଅଯୁଧ୍ଯତାରିଭିର୍ବୀରସ୍ତଂ ଚ ସମ୍ପ୍ରେକ୍ଷତେ ମୁହୁଃ'॥ 7-142-78 (51059)
ଅଥ କୋଶାଦ୍ବିନିଷ୍କୃଷ୍ଯ ଖଙ୍ଗଂ ଭୂରିଶ୍ରବାଃ ଶିତମ୍।
ମୂର୍ଧଜେଷୁ ଚ ଜଗ୍ରାହ ପଦା ଚୋରସ୍ଯାତାଡଯତ୍।
`ଆକ୍ରମ୍ଯ ଚାପ୍ଯଥୋଦ୍ଯମ୍ଯ ସହାସିଂ ସୁଭୁଜୋ ଭୁଜମ୍॥ 7-142-79 (51060)
ଶୁଶୁଭେ ସ ଭୁଜସ୍ତସ୍ଯ ତପନୀଯବିଭୂଷଣଃ।
ମଧ୍ଯେ ରଥସମୂହସ୍ଯ ଇନ୍ଦ୍ରଧ୍ବଜ ଇବୋଚ୍ଛ୍ରିତଃ॥ 7-142-80 (51061)
ହାହାକୃତମଭୂତ୍ସର୍ବଂ ପାଣ୍ଡବାନାଂ ମହଦ୍ବଲମ୍।
ତାବକାଶ୍ଚ ମୁଦା ଯୁକ୍ତାଃ ସିଂହନାଦଂ ବିଚୁକ୍ରୁଶୁଃ॥ 7-142-81 (51062)
ନିମୀଲିତାକ୍ଷାସ୍ତ୍ବଭବଞ୍ଜନାଃ ସଙ୍ଗ୍ରାମଭୀରବଃ।
ତଥା ଭୂରିଶ୍ରବୋଗ୍ରସ୍ତେ ସାତ୍ବତେ ନଷ୍ଟବିକ୍ରମେ॥ 7-142-82 (51063)
ବାସୁଦେବଂ ମହାବାହୁରର୍ଜୁନଃ ପ୍ରତ୍ଯଭାଷତ।
ସୈନ୍ଧବେ ସକ୍ତଦୃଷ୍ଟିତ୍ବାନ୍ନ ତଂ ପଶ୍ଯାମି ମାଧବମ୍॥ 7-142-83 (51064)
ଏଷ ତ୍ବସୁକରଂ କର୍ମ ଯାଦବାର୍ଥେ କରୋମ୍ଯହମ୍।
ମମ ଶିଷ୍ଯୋ ମମାର୍ଥାଯ ଯୁଧ୍ଯତେ ମମ ଶତ୍ରୁଭିଃ।
ତଂ କୃଷ୍ଣ ମୋକ୍ଷଯିଷ୍ଯାମି ଦାବାତ୍ସିଂହଶିଶୁଂ ଯଥା'॥ 7-142-84 (51065)
ସଞ୍ଜଯ ଉବାଚ। 7-142-85x (4627)
ଇତ୍ଯୁକ୍ତ୍ବା ବଚନଂ କୁର୍ବନ୍ବାସୁଦେବସ୍ଯ ପାଣ୍ଡବଃ।
ତତଃ କ୍ଷୁରପ୍ରଂ ନିଶିତଂ ଗାଣ୍ଡୀବେ ସମଯୋଜଯତ୍॥ 7-142-85 (51066)
ପାର୍ଥବାହୁବିସୃଷ୍ଟଃ ସ ମହୋଲ୍କେବ ନଭଶ୍ଚ୍ଯୁତା।
ସଖଙ୍ଗଂ ଯଜ୍ଞଶୀଲସ୍ଯ ବାହୁଂ ଦକ୍ଷିଣମଚ୍ଛିନତ୍॥ ॥ 7-142-86 (51067)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଦ୍ବିଚତ୍ବାରିଂଶଦଧିକଶତତମୋଽଧ୍ଯାଯଃ॥ 142 ॥
Mahabharata - Drona Parva - Chapter Footnotes
5-142-2 ଉତାତ୍ଯର୍ଥମ୍॥ 5-142-16 ଶାଶ୍ବତୀଃ ସମାଃ ସର୍ବକାଲମ୍। ତୁରବଧାରଣେ। ନିତ୍ଯମେବ ଅସୌ ହନ୍ଯାତ୍। ଜଯ ଏବ ତସ୍ଯେତ୍ଯର୍ଥଃ॥ 5-142-29 ବ୍ରହ୍ମଲୋକପୁରସ୍କୃତୌ ବ୍ରାହ୍ମଣସମୂହ ସତ୍କୃତୌ॥ 5-142-45 ଭୁଜାଘାତୋ ଭୁଜସ୍ଫୋଟଃ। ନିଗ୍ରହୋ ହସ୍ତଧାରଣମ୍। ପ୍ରଗ୍ରହୋ ଗଲହସ୍ତକଃ॥ 5-142-47 ଭୁଜଯୋକ୍ତ୍ରାବବନ୍ଧୈର୍ବାହୁପାଶବେଷ୍ଟନୈଃ। ଅବଘାତନୈସ୍ତାଡନୈଃ॥ 5-142-48 ପାଦଶବ୍ଦଃ ପ୍ରତ୍ଯେକଂ ସମ୍ବଧ୍ଯତେ। ପାଦାବକର୍ଷୈଶ୍ଚରଣାବକର୍ଷଣୈଃ। ପାଦସନ୍ଧାନୈଶ୍ଚରଣଚ୍ଛନ୍ଦିତକୈଃ। ତୋମରୈରତିସ୍ଫୋଟନୈଃ। ଅଙ୍କୁଶୈରବଲୁଞ୍ଚନୈଃ। ପାଦୋଦରବିବନ୍ଧୈଃ ପାଦାଭ୍ଯାମୁଦରକ୍ରୋଡୀକରଣୈଃ। ଉଦ୍ଭ୍ରମଣୈଃ ପରିବର୍ତନୈଃ॥ 5-142-49 ଗତୈର୍ଗମନୈଃ ପ୍ରତ୍ଯାଗତୈରାବର୍ତନୈଃ। ଆକ୍ଷେପୈରାସ୍ଫାଲନୈଃ। ପାତନୈର୍ଭୂମିପ୍ରାପଣୈଃ ଉତ୍ଥାନୈଃ ଉତ୍ପତନୈଃ। ସମ୍ପ୍ଲୁତୈଃ ବିଷ୍ଫାରାନୁବନ୍ଧୈଃ॥ 5-142-55 ସମର ନୁରୂପମ୍॥ 5-142-56 ଅଭ୍ଯାହନଦାସ୍ଫାଲିତବାନ୍॥ 5-142-142 ଦ୍ବିଚତ୍ବାରିଶଦଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 143
॥ ଶ୍ରୀଃ ॥
7.143. ଅଧ୍ଯାଯଃ 143
Mahabharata - Drona Parva - Chapter Topics
ଅର୍ଜୁନଚ୍ଛିନ୍ନଭୁଜସ୍ଯ ଭୂରିଶ୍ରବସଃ ତଦୁପାଲମ୍ଭପୂର୍ବକଂ ପ୍ରାଯୋପବେଶଃ॥ 1 ॥ ସାତ୍ଯକିନା ଭୂରିଶ୍ରବଶ୍ଶିରଶ୍ଛେଦଃ॥ 2 ॥Mahabharata - Drona Parva - Chapter Text
7-143-0 (51068)
ସଞ୍ଜଯ ଉବାଚ। 7-143-0x (4628)
ସ ବାହୁର୍ନ୍ଯପତଦ୍ଭୂମୌ ସଖଙ୍ଗଃ ସଶୁଭାଙ୍ଗଦଃ।
ଆଦଧଜ୍ଜୀବଲୋକସ୍ଯ ଦୁଃଖମଦ୍ଭୁତମୁତ୍ତମଃ।
`ଯନ୍ତ୍ରମୁକ୍ତୋ ମହେନ୍ଦ୍ରସ୍ଯ ଧ୍ବଜୋ ବୃତ୍ତୋତ୍ସବୋ ଯଥା'॥ 7-143-1 (51069)
ପ୍ରହରିଷ୍ଯନ୍ହୃତୋ ବାହୁରଦୃଶ୍ଯତେ କିରୀଟିନା।
ବେଗେନ ନ୍ଯପତଦ୍ଭୂମୌ ପଞ୍ଚାସ୍ଯ ଇବ ପନ୍ନଗଃ॥ 7-143-2 (51070)
ସ ମୋଘଂ କୃତମାତ୍ମାନଂ ଦୃଷ୍ଟ୍ବା ପାର୍ଥେନ କୌରବଃ।
ଉତ୍ସୃଜ୍ଯ ସାତ୍ଯକିଂ କ୍ରୋଧାଦ୍ଗ୍ରର୍ହଯାମାସ ପାଣ୍ଡବମ୍॥ 7-143-3 (51071)
`ସ ବିବାହୁର୍ମହାରାଜ ଏକପକ୍ଷ ଇବାଣ୍ଡଜଃ।
ଏକଚକ୍ରୋ ରଥୋ ଯଦ୍ବଦ୍ଧରଣୀମାସ୍ଥିତୋ ନୃପଃ।
ଉବାଚ ପାଣ୍ଡବଂ ଚୈବ ସର୍ବକ୍ଷତ୍ରସ୍ଯ ପଶ୍ଯତଃ॥ 7-143-4 (51072)
ଭୂରିଶ୍ରବା ଉବାଚ। 7-143-5x (4629)
ନୃଶଂସଂ ବତ କୌନ୍ତେଯ କର୍ମେଦଂ କୃତବାନସି।
ଅପଶ୍ଯତୋ ବିଷକ୍ତସ୍ଯ ଯନ୍ମେ ତ୍ବଂ ବାହୁମଚ୍ଛିନଃ॥ 7-143-5 (51073)
ଯେଷୁ ଯେଷୁ ନରଃ ପାର୍ଥ ବର୍ତତେ ସୁସମାହିତଃ।
ଆଶୁ ତଚ୍ଛୀଲତାମେତି ତଦିଦଂ ଦୃଶ୍ଯତେ ତ୍ବଯି॥ 7-143-6 (51074)
କିଂ ନୁ ବକ୍ଷ୍ଯସି ରାଜାନଂ ଧର୍ମପୁତ୍ରଂ ଯୁଧିଷ୍ଠିରମ୍
କିଂ କୁର୍ବାଣୋ ମଯା ସଙ୍ଖ୍ଯେ ହତୋ ଭୂରିଶ୍ରବା ଇତି॥ 7-143-7 (51075)
ଇଦମିନ୍ଦ୍ରେଣ ତେ ସାକ୍ଷାଦୁପଦିଷ୍ଟଂ ମହାତ୍ମନା।
ଅସ୍ତ୍ରଂ ରୁଦ୍ରେଣ ବା ପାର୍ଥ ଦ୍ରୋଣେନାଥ କୃପେଣ ବା॥ 7-143-8 (51076)
ନନୁ ନାମାସ୍ତ୍ରଧର୍ମଜ୍ଞସ୍ତ୍ବଂ ଲୋକେଽଭ୍ଯଧିକଃ ପରୈଃ।
ସୋଽଯୁଧ୍ଯମାନସ୍ଯ କଥଂ ରଣେ ପ୍ରହୃତବାନସି॥ 7-143-9 (51077)
ନ ପ୍ରମତ୍ତାଯ ଭୀତାଯ ବିରଥାଯ ପ୍ରଯାଚତେ।
ବ୍ଯସନେ ବର୍ତମାନାଯ ପ୍ରହରନ୍ତି ମନୀଷିଣଃ॥ 7-143-10 (51078)
ଇଦଂ ତୁ ନୀଚାଚରିତମସତ୍ପୁରୁଷସେବିତମ୍।
କଥମାଚରିତଂ ପାର୍ଥ ପାପକର୍ମ ସୁଦୁଷ୍କରମ୍॥ 7-143-11 (51079)
ଆର୍ଯେଣ ସୁକରଂ ତ୍ବାହୁରାର୍ଯକର୍ମ ଧନଞ୍ଜଯ।
ଅନାର୍ଯକର୍ମ ତ୍ବାର୍ଯେଣ ସୁଦୁଷ୍କରତମଂ ଭୁବି॥ 7-143-12 (51080)
କଥଂ ହି ରାଜବଂଶ୍ଯସ୍ତ୍ବଂ କୌରବେଯୋ ବିଶେଷତଃ।
କ୍ଷତ୍ରଧର୍ମାଦପକ୍ରାନ୍ତଃ ସୁବୃତ୍ତଶ୍ଚାରିତବ୍ରତଃ॥ 7-143-13 (51081)
`ଅଲ୍ପସ୍ତବାପରାଧୋଽତ୍ର ନ ତ୍ବାଂ ତାତ ବିଗର୍ହଯେ।
ବାର୍ଷ୍ଣେଯାପଶଦଂ ପ୍ରାପ୍ଯ କ୍ଷୁଦ୍ରଂ କୃତମିଦଂ ତ୍ବଯା'॥ 7-143-14 (51082)
ଇଦଂ ତୁ ଯଦତିକ୍ଷୁଦ୍ରଂ ବାର୍ଷ୍ଣେଯାର୍ଥେ କୃତଂ ତ୍ବଯା।
ବାସୁଦେବମତଂ ନୂନଂ ନୈତତ୍ତ୍ବଯ୍ଯୁପପଦ୍ଯତେ॥ 7-143-15 (51083)
କୋ ହି ନାମ ପ୍ରମତ୍ତାଯ ପରେଣ ସହ ଯୁଧ୍ଯତେ।
ଈଦୃଶଂ ବ୍ଯସନଂ ଦଦ୍ଯାଦ୍ଯୋ ନ କୃଷ୍ଣସଖୋ ଭବେତ୍॥ 7-143-16 (51084)
ବ୍ରାତ୍ଯାଃ ସଙ୍କ୍ଲିଷ୍ଟକର୍ମାଣଃ ପ୍ରକୃତ୍ଯୈବ ଚ ଗର୍ହିତାଃ।
ବୃଷ୍ଣ୍ଯନ୍ଧକାଃ କଥଂ ପାର୍ଥ ପ୍ରମାଣଂ ଭବତା କୃତାଃ॥ 7-143-17 (51085)
ସଞ୍ଜଯ ଉବାଚ। 7-143-18x (4630)
ଏବମୁକ୍ତୋ ରଣେ ପାର୍ଥୋ ଭୂରିଶ୍ରବସମବ୍ରବୀତ୍।
ବ୍ଯକ୍ତଂ ହି ଜୀର୍ଯମାଣୋଽପି ବୁଦ୍ଧିଂ ଜରଯତେ ନରଃ।
ଅନର୍ଥକମିଦଂ ସର୍ବଂ ଯତ୍ତ୍ବଯା ବ୍ଯାହୃତଂ ପ୍ରଭୋ॥ 7-143-18 (51086)
ଜାନନ୍ନେବ ହୃଷୀକେଶଂ ଗର୍ହସେ ମାଂ ଚ ପାଣ୍ଡବମ୍।
ସଙ୍ଗାମାଣାଂ ହି ଧର୍ମଜ୍ଞଃ ସର୍ବଶାସ୍ତ୍ରାର୍ଥପାରଗଃ॥ 7-143-19 (51087)
ନ ଚାଧର୍ମମହଂ କୁର୍ଯାଂ ଜାନଂଶ୍ଚୈବ ହି ମୁହ୍ଯସେ॥ 7-143-20 (51088)
ଯୁଧ୍ଯନ୍ତେ କ୍ଷତ୍ରିଯାଃ ଶତ୍ରୂନ୍ସ୍ବୈଃସ୍ବୈଃ ପରିବୃତା ନରାଃ।
ଭ୍ରାତୃଭିଃ ପିତୃଭିଃ ପୁତ୍ରୈସ୍ତଥା ସମ୍ବନ୍ଧିବାନ୍ଧବୈଃ।
ବଯସ୍ଯୈରଥ ମିତ୍ରୈଶ୍ଚ ସ୍ବବାହୁବଲମାଶ୍ରିତାଃ॥ 7-143-21 (51089)
ସ କଥଂ ସାତ୍ଯକିଂ ଶିଷ୍ଯଂ ସୁଖସମ୍ବନ୍ଧିମେବ ଚ।
ଅସ୍ମଦର୍ଥେ ଚ ଯୁଧ୍ଯନ୍ତଂ ତ୍ଯକ୍ତ୍ବା ପ୍ରାଣାନ୍ସୁଦୁସ୍ତ୍ଯଜାନ୍॥ 7-143-22 (51090)
ମମ ବାହୁଂ ରଣେ ରାଜନ୍ଦକ୍ଷିଣଂ ଯୁଦ୍ଧଦୁର୍ମଦମ୍।
*ତ୍ବଯା ନିକୃଷ୍ଯମାଣଂ ଚ ଦୃଷ୍ଟବାନସ୍ମି ନିଷ୍କ୍ରିଯମ୍॥ 7-143-23 (51091)
ନ ଚ ତ୍ବଂ ରକ୍ଷିତବ୍ଯୋ ହି ଏକୋ ରଣଗତେନ ହି।
ଯୋ ଯସ୍ଯ ଯୁଧ୍ଯତେଽର୍ଥାଯ ସଂରକ୍ଷ୍ଯୋ ନରାଧିପ।
ତୈ ରକ୍ଷ୍ଯମାଣୈଃ ସ ନୃପୋ ରକ୍ଷିତବ୍ଯୋ ମହାମୃଧେ॥ 7-143-24 (51092)
ଯଦ୍ଯହଂ ସାତ୍ଯକିଂ ଦୃଷ୍ଟ୍ବା ତୂଷ୍ଣୀମାସିଷ୍ଯ ଆହବେ।
ତତସ୍ତେନ ବିଯୋଗଶ୍ଚ ପ୍ରାପ୍ଯଂ ନରକମେବ ଚ॥ 7-143-25 (51093)
ରକ୍ଷିତବ୍ଯୋ ମଯା ଯସ୍ମାତ୍ତସ୍ମାଲ୍ଲବ୍ଧୋ ମଯା ସ ଚ।
ଯଶଶ୍ଚୈବ ସ୍ବପକ୍ଷେଭ୍ଯଃ ଫଲଂ ମିତ୍ରସ୍ଯ ରକ୍ଷଣାତ୍॥ 7-143-26 (51094)
ଯଚ୍ଚ ମାଂ ଗର୍ହସେ ରାଜନ୍କୃଷ୍ଣେନ ସହ ସଙ୍ଗତମ୍।
କସ୍ତେନ ସଙ୍ଗମଂ ନେଚ୍ଛେତ୍ତତ୍ର ତେ ବୁଦ୍ଧିବିଭ୍ରମଃ॥ 7-143-27 (51095)
ଆବଦ୍ଧକବଚସ୍ଯେହ ରଥମାରୁହ୍ଯ ତିଷ୍ଠତଃ।
ସର୍ବାଯୁଧୈରୁପେତସ୍ଯ ପ୍ରତିଯୋଦ୍ଧୃପ୍ରତୀକ୍ଷିଣଃ॥ 7-143-28 (51096)
ଅସ୍ମିନ୍ରଥଗଜାନୀକେ ହଯପତ୍ତିସମାକୁଲେ।
ସିଂହନାଦୋଦ୍ଧତରବେ ଗମ୍ଭୀରେ ସୈନ୍ଯସାଗରେ॥ 7-143-29 (51097)
ସ୍ବୈଶ୍ଚାପି ସମୁପେତସ୍ଯ ବିକ୍ରାନ୍ତସ୍ଯ ତଥା ରଣେ।
ସାତ୍ଯକେନ କଥଂ ଯୋଗ୍ଯଃ ସଙ୍ଗ୍ରାମସ୍ତେ ଭବିଷ୍ଯତି॥ 7-143-30 (51098)
ବହୁଭିଃ ସହ ସଙ୍ଗମ୍ଯ ନିର୍ଜିତ୍ଯ ଚ ମହାରଥାନ୍।
ଶ୍ରାନ୍ତଶ୍ଚ ଶ୍ରାନ୍ତବାହଶ୍ଚ କ୍ଷୀଣସର୍ବାଯୁଧସ୍ତ୍ବଯା।
ସମେତଃ ସାତ୍ଯକିଃ ସଙ୍ଖ୍ଯେ ନିର୍ଜିତଶ୍ଚ ମହାରଥଃ॥ 7-143-31 (51099)
ଈଦୃଶଂ ସାତ୍ଯକିଂ ସଙ୍ଖ୍ଯେ ନିର୍ଜିତ୍ଯ ଚ ମହାରଥମ୍।
ଅଧିକତ୍ବଂ ବିଜାନୀପେ ସ୍ବବୀର୍ଯବଶମାଗତମ୍॥ 7-143-32 (51100)
ଇଚ୍ଛସି ତ୍ବଂ ଶିରସ୍ତସ୍ଯ ଅସିନା ହର୍ତୁମାହବେ।
ତଥା କୃଚ୍ଛ୍ରଗତଂ ଦୃଷ୍ଟ୍ବା ସାତ୍ଯକିଂ କଃ କ୍ଷମିଷ୍ଯତି।
ଏକସ୍ଯୈକେନ ହି କଥଂ ସଙ୍ଗ୍ରାମଃ ସମ୍ଭବିଷ୍ଯତି॥ 7-143-33 (51101)
ତ୍ବଂ ତୁ ଗର୍ହଯ ଚାତ୍ମାନଂ ସ୍ବଧର୍ମଂ ଯୋ ନ ରକ୍ଷସି।
କଥଂ ରକ୍ଷିଷ୍ଯସେ ବୀର ଯେ ବୈ ତ୍ବାଂ ସଂଶ୍ରିତା ଜନାଃ॥ 7-143-34 (51102)
ଆତ୍ତଶସ୍ତ୍ରସ୍ଯ ହି ରଣେ ବୃଷ୍ଣିପୁତ୍ରଂ ଜିଘାଂସତଃ।
ଛିନ୍ନବାନ୍ଯଦହଂ ବାହୁଂ ନୈତଲ୍ଲୋକବିଗର୍ହିତମ୍॥ 7-143-35 (51103)
ନ୍ଯସ୍ତଶସ୍ତ୍ରସ୍ଯ ହି ପୁନର୍ବିକଲସ୍ଯ ବିବର୍ମଣଃ।
ଅଭିମନ୍ଯୋର୍ବଧଂ ତାତ ଧାର୍ମିକଃ କୋ ନୁ ପୂଜଯେତ୍॥ 7-143-36 (51104)
ସଞ୍ଜଯ ଉବାଚ। 7-143-37x (4631)
ଏବମୁକ୍ତୋ ମହାର୍ବାହୁର୍ଯୂପକେତୁର୍ମହାଯଶାଃ।
ଯୁଯୁଧାନଂ ସମୁତ୍ସୃଜ୍ଯ ରଣେ ପ୍ରାଯମୁପାବିଶତ୍॥ 7-143-37 (51105)
ଶରାନାସ୍ତୀର୍ଯ ସବ୍ଯେନ ପାଣିନା ପୁଣ୍ଯଲକ୍ଷଣଃ।
ଯିଯାସୁର୍ବ୍ରହ୍ମଲୋକାଯ ପ୍ରାଣାନ୍ପ୍ରାଣେଷ୍ବଥାଜୁହୋତ୍॥ 7-143-38 (51106)
ସୂର୍ଯେ ଚକ୍ଷୁଃ ସମାଧାଯ ପ୍ରସନ୍ନଂ ସଲିଲେ ମନଃ।
ଧ୍ଯାଯନ୍ମହୋପନିଷଦଂ ଯୋଗଯୁକ୍ତୋଽଭବନ୍ମୁନିଃ॥ 7-143-39 (51107)
ତତସ୍ତେ ସର୍ବସେନାସୁ ଜନାଃ କୃଷ୍ଣଧନଞ୍ଜଯୌ।
ଗର୍ହଯାମାସୁରପ୍ଯେତୌ ଶଶଂସୁର୍ଭୂରିଦକ୍ଷିଣମ୍॥ 7-143-40 (51108)
ନିନ୍ଦ୍ଯମାନୌ ତଥା କୃଷ୍ଣୌ ନୋଚତୁଃ କିଞ୍ଚିଦପ୍ରିଯମ୍।
ତତଃ ପ୍ରଶସ୍ଯମାନଶ୍ଚ ନାହୃଷ୍ଯଦ୍ଯୂପକେତନଃ॥ 7-143-41 (51109)
ତାଂସ୍ତଥାବାଦିନୋ ରାଜନ୍ପୁତ୍ରାଂସ୍ତବ ଧନଞ୍ଜଯଃ।
ଅମୂଷ୍ଯମାଣୋ ମନସା ତେଷାଂ ତସ୍ଯ ଚ ଭାଷିତମ୍॥ 7-143-42 (51110)
ଅସଙ୍କ୍ରୁଦ୍ଧମନା ବାଚଃ ସ୍ମାରଯନ୍ନିବ ଭାରତ।
ଉବାଚ ପାଣ୍ଡୁତନଯଃ ସାକ୍ଷେପମିବ ଫଲ୍ଗୁନଃ॥ 7-143-43 (51111)
ମମ ସର୍ବେଽପି ରାଜାନୋ ଜାନନ୍ତ୍ଯେତନ୍ମହାବ୍ରତମ୍।
ନ ଶକ୍ଯୋ ମାମକୋ ହନ୍ତୁଂ ଯୋ ମେ ସ୍ଯାଦ୍ବାଣଗୋଚରେ॥ 7-143-44 (51112)
ଯୂପକେତୁଂ ସମୀକ୍ଷ୍ଯୈତନ୍ନ ମାଂ ଗର୍ହିତୁମର୍ହଥ।
ନ ହି ଧର୍ମମବିଜ୍ଞାଯ ଯୁକ୍ତଂ ଗର୍ହଯିତୁଂ ପରମ୍॥ 7-143-45 (51113)
ନ୍ଯସ୍ତଶସ୍ତ୍ରସ୍ଯ ବାଲସ୍ଯ ବିରଥସ୍ଯ ବିବର୍ମଣଃ।
`ନାଭିମନ୍ଯୋର୍ବଧଂ ଯୂଯଂ ଗର୍ହଯଧ୍ବଂ କୁତସ୍ତଦା॥ 7-143-46 (51114)
ଦୁର୍ଯୋଧନସ୍ଯ କ୍ଷୁଦ୍ରସ୍ଯ ଅପ୍ରମାଣେ ଚ ତିଷ୍ଠତଃ।
ସୌମଦତ୍ତେରଥଂ ସାଧୁଃ ସର୍ବସାହାଯ୍ଯକାରିଣଃ॥ 7-143-47 (51115)
ଅସ୍ମଦୀଯା ମଯା ରକ୍ଷ୍ଯାଃ ପ୍ରାଣବାଧ ଉପସ୍ଥିତେ।
ଯେ ମେ ପ୍ରତ୍ଯକ୍ଷତୋ ବୀରା ହନ୍ଯେରନ୍ନିତି ମେ ମତିଃ॥ 7-143-48 (51116)
ସାତ୍ଯକଶ୍ଚ ବଶଂ ନୀତଃ କୌରବେଣ ମହାତ୍ମନା।
ତତୋ ମଯୈତଚ୍ଚରିତଂ ପ୍ରତିଜ୍ଞାରକ୍ଷଣଂ ପ୍ରତି॥ 7-143-49 (51117)
ସଞ୍ଜଯ ଉବାଚ। 7-143-50x (4632)
ପୁନଶ୍ଚ କୃପଯାଽଽବିଷ୍ଟୋ ବହୁ ତତ୍ତଦ୍ବିଚିନ୍ତଯନ୍।
ଉବାଚ ଚୈନଂ କୌରବ୍ଯମର୍ଜୁନଃ ଶୋକପୀଡିତଃ॥ 7-143-50 (51118)
ଧିଗସ୍ତୁ କ୍ଷତ୍ରଧର୍ମଂ ତୁ ଯତ୍ର ତ୍ବଂ ପୁରୁଷେଶ୍ବରଃ।
ଅବସ୍ଥାମୀଦୃଶୀଂ ପ୍ରାପ୍ତଃ ଶରଣ୍ଯଃ ଶରଣପ୍ରଦଃ॥ 7-143-51 (51119)
ନାତିଭାରଃ କୃତାନ୍ତସ୍ଯ ବିଦ୍ଯତେ କୁରୁନନ୍ଦନ।
ଯତ୍ର ତ୍ବଂ ପୁରୁଷବ୍ଯାଘ୍ରଃ ପ୍ରାପ୍ତଃ ପାପାମିମାଂ ଦଶାମ୍॥ 7-143-52 (51120)
ନାତ୍ମନଃ ସୁକୃତସ୍ଯାସ୍ଯ ଫଲଂ ବୈ ନୃପସତ୍ତମ।
ଯତ୍ର ତ୍ବଂ କୁରୁଶାର୍ଦୂଲ ପ୍ରାପ୍ତଃ ପାପାମିମାଂ ଦଶାମ୍॥ 7-143-53 (51121)
ରୌରବଂ ନରକଂ ଭୀମଂ ଗମିଷ୍ଯତି ସୁଯୋଧନଃ।
ଯତ୍କୃତେ ନରଶାର୍ଦୂଲଃ ପ୍ରାପ୍ତଃ ପାପାମିମାଂ ଦଶାମ୍॥ 7-143-54 (51122)
କୋ ହି ନାମ ପୁମାଁଲ୍ଲୋକେ ମାଦୃଶଃ ପୁରୁଷୋତ୍ତମ।
ପ୍ରହରେତ୍ତ୍ବଦ୍ବିଧେ ତ୍ବଦ୍ଯ ପ୍ରତିଜ୍ଞା ଯଦି ନୋ ଭବେତ୍'॥ 7-143-55 (51123)
ଏବମୁକ୍ତଃ ସ ପାର୍ଥେନ ଶିରସା ଭୂମିମସ୍ପୃଶତ୍।
ପାଣିନା ଚୈବ ସବ୍ଯେନ ପ୍ରାହିଣୋଦସ୍ଯ ଦକ୍ଷିଣମ୍॥ 7-143-56 (51124)
ଏତତ୍ପାର୍ଥସ୍ଯ ତୁ ବଚସ୍ତତଃ ଶ୍ରୁତ୍ବା ମହାଦ୍ଯୁତିଃ।
ଯୁପକେତୁର୍ମହାରାଜ ତୂଷ୍ଣୀମାସୀଦବାଙ୍ମୁଖଃ॥ 7-143-57 (51125)
ଅର୍ଜୁନ ଉବାଚ। 7-143-58x (4633)
ଯା ପ୍ରୀତିର୍ଧର୍ମରାଜେ ମେ ଭୀମେ ଚ ବଲିନାଂ ବରେ।
ନକୁଲେ ସହଦେବେ ଚ ସା ମେ ତ୍ବଯି ଶଲାଗ୍ରଜ॥ 7-143-58 (51126)
ମଯା ତ୍ବଂ ସମନୁଜ୍ଞାତଃ କୃଷ୍ଣେନ ଚ ମହାତ୍ମନା।
ଗଚ୍ଛ ପୁଣ୍ଯକୃତାଂ ଲୋକାଞ୍ଛିବିରୌଶୀନରୋ ଯଥା॥ 7-143-59 (51127)
ବାସୁଦେବ ଉବାଚ। 7-143-60x (4634)
ଯେ ଲୋକା ମମ ବିମଲାଃ ସକୃଦ୍ବିଭାତା
ବ୍ରହ୍ମାଦ୍ଯୈଃ ସୁରବୃଷଭୈରପୀଷ୍ଯମାଣାଃ।
ତାନ୍କ୍ଷିପ୍ରଂ ବ୍ରଜ ସତତାଗ୍ନିହୋତ୍ରଯାଜି--
ନ୍ମତ୍ତୁଲ୍ଯୋ ଭବ ଗରୁଡୋତ୍ତମାଙ୍ଗଯାନଃ॥ 7-143-60 (51128)
ସଞ୍ଜଯ ଉବାଚ। 7-143-61x (4635)
`ଧନଞ୍ଜଯେ ବ୍ରୁବତ୍ଯେବଂ ଘୃଣଯା ଚ ପରିପ୍ଲୁତେ।
ଅବାଙ୍ମୁଖା ବଭୂବୁଶ୍ଚ ସୈନିକାଃ ସର୍ବ ଏବ ତେ॥ 7-143-61 (51129)
ମୁହୂର୍ତାଦିବ ବିଶ୍ରମ୍ଯ ସାତ୍ଯକିଃ କ୍ରୋଧମୂର୍ଚ୍ଛିତଃ।
ଅମର୍ଷବଶମାପନ୍ନଃ ସୌମଦତ୍ତିନିରାକୃତଃ'॥ 7-143-62 (51130)
ଉତ୍ଥିତଃ ସ ତୁ ଶୈନେଯୋ ବିମୁକ୍ତଃ ସୌମଦତ୍ତିନା।
ସଙ୍ଗମାଦାଯ ଚିଚ୍ଛିତ୍ସୁଃ ଶିରସ୍ତସ୍ଯ ମହାତ୍ମନଃ॥ 7-143-63 (51131)
ନିହତଂ ପାଣ୍ଡୁପୁତ୍ରେଣ ପ୍ରସକ୍ତଂ ଭୂରିଦକ୍ଷିଣମ୍।
ଇଯେଷ ସାତ୍ଯକିର୍ହନ୍ତୁଂ ଶଲାଗ୍ରଜମକଲ୍ମଷମ୍॥ 7-143-64 (51132)
ନିକୃତ୍ତଭୁଜମାସୀନଂ ଛିନ୍ନହସ୍ତମିବ ଦ୍ବିପମ୍।
କ୍ରୋଶତାଂ ସର୍ବସୈନ୍ଯାନାଂ ନିନ୍ଦ୍ଯମାନଃ ସୁଦୁର୍ମନାଃ॥ 7-143-65 (51133)
ବାର୍ଯମାଣଃ ସ କୃଷ୍ଣେନ ପାର୍ଥେନ ଚ ମହାତ୍ମନା।
ଭୀମେନ ଚକ୍ରକ୍ଷାଭ୍ଯାମଶ୍ବତ୍ଥାମ୍ନା କୃପେଣ ଚ॥ 7-143-66 (51134)
କର୍ଣେନ ବୃଷସେନେନ ସୈନ୍ଧବେନ ତଥୈବ ଚ।
ବିକ୍ରୋଶତାଂ ଚ ସୈନ୍ଯାନାମବଧୀତ୍ତଂ ଧୃତବ୍ରତମ୍॥ 7-143-67 (51135)
ପ୍ରାଯୋପବିଷ୍ଟସ୍ଯ ରଣେ ପାର୍ଥେନ ଚ୍ଛିନ୍ନବାହୁନଃ।
ସାତ୍ଯକିଃ କୌରବେଯସ୍ଯ ଖଙ୍ଗେନାପାହରଚ୍ଛିରଃ॥ 7-143-68 (51136)
ନାଭ୍ଯନନ୍ଦନ୍ତ ତଂ ସୈନ୍ଯାଃ ସାତ୍ଯକିଂ ତେନ କର୍ମଣା।
ଅର୍ଜୁନେନ ହତଂ ପୂର୍ବଂ ଯଜ୍ଜଘାନ କୁରୂଦ୍ବହମ୍॥ 7-143-69 (51137)
ସହସ୍ରାକ୍ଷସମଂ ଚୈବ ସିଦ୍ଧଚାରଣମାନବାଃ।
ଭୂରିଶ୍ରବସମାଲୋକ୍ଯ ଯୁଦ୍ଧେ ପ୍ରାଯଗତଂ ହତମ୍॥ 7-143-70 (51138)
ଅପୂଜଯନ୍ତ ତଂ ଦେବା ବିସ୍ମିତାସ୍ତେଽସ୍ଯ କର୍ମଭିଃ।
ପକ୍ଷବାଦାଂଶ୍ଚ ସୁବହୂନ୍ପ୍ରାବଦଂସ୍ତବ ସୈନିକାଃ॥ 7-143-71 (51139)
ନ ବାର୍ଷ୍ଣେଯସ୍ଯାପରାଧୋ ଭବିତବ୍ଯଂ ହି ତତ୍ତଥା।
ତସ୍ମାନ୍ମନ୍ଯୁର୍ନ ବଃ କାର୍ଯଃ କ୍ରୋଧୋ ଦୁଃଖତରୋ ନୃଣାମ୍॥ 7-143-72 (51140)
ହନ୍ତବ୍ଯଶ୍ଚୈଷ ବୀରେଣ ନାତ୍ର କାର୍ଯା ବିଚାରଣା।
ବିହିତୋ ହ୍ଯସ୍ଯ ଧାତ୍ରୈବ ମୃତ୍ଯୁଃ ସାତ୍ଯକିରାହବେ॥ 7-143-73 (51141)
`ମର୍ତବ୍ଯମେବ ସର୍ବେଣ ଚରମଂ ପୂର୍ବମେବ ବା।
ମନ୍ଯଧ୍ବଂ ମୃତ ଇତ୍ଯେଷ ମାଭୂଦ୍ବୋ ବୁଦ୍ଧିଲାଘବମ୍॥ 7-143-74 (51142)
ତସ୍ମିନ୍ହତେ ମହାବାହୌ ଯୂପକେତୌ ମହାତ୍ମନି।
ଧିଗେନମିତି ଚାକ୍ରନ୍ଦନ୍କ୍ଷତ୍ରିଯାଃ କ୍ରୋଧମୂର୍ଚ୍ଛିତାଃ॥ 7-143-75 (51143)
ଅନ୍ଯେ ନ ଯୁକ୍ତମିତ୍ଯେବ ଭବିତବ୍ଯଂ ତଥେତି ଚ।
କେଚିଦାସନ୍ବିମନସଃ କେଚିଦ୍ଦୁଃଖସମନ୍ବିତାଃ'॥ 7-143-76 (51144)
ସାତ୍ଯକିରୁବାଚ। 7-143-77x (4636)
ନ ହନ୍ତବ୍ଯୋ ନ ହନ୍ତବ୍ଯ ଇତି ମନ୍ଦାଃ ପ୍ରଭାଷତ।
ଧର୍ମବାଦୈରଧର୍ମିଷ୍ଠା ଧର୍ମକଞ୍ଚୁକମାସ୍ଥିତାଃ॥ 7-143-77 (51145)
ଯଦା ବାଲଃ ସୁଭଦ୍ରାଯାଃ ସୁତଃ ଶସ୍ତ୍ରନିନାକୃତଃ।
ଯୁଷ୍ମାଭିର୍ନିହତୋ ଯୁଦ୍ଧେ ତଦା ଧର୍ମଃ କ୍ବ ବୋ ଗତଃ॥ 7-143-78 (51146)
ମଯା ତ୍ବେତତ୍ପ୍ରତିଜ୍ଞାତଂ କ୍ଷେପେ କସ୍ମିଂଶ୍ଚିଦେବ ହି।
`ଶ୍ରୁତ୍ବା ତତ୍ସର୍ବଭାବେନ ଗର୍ହଯଧ୍ବଂ ନ ଚାର୍ଜୁନମ୍।
ଶୃଣୁଧ୍ବଂ ସର୍ବମେବେହ ଶ୍ରୁତ୍ବା ଗର୍ହଥ ମାନବାଃ'॥ 7-143-79 (51147)
ଯୋ ମାଂ ନିଷ୍ପିଷ୍ଯ ସଙ୍ଗ୍ରମେ ଜୀବନ୍ହନ୍ଯାତ୍ପଦା ରୁଷା।
ସ ମେ ବଧ୍ଯୋ ଭବେଚ୍ଛତ୍ରୁର୍ଯଦ୍ଯପି ସ୍ଯାନ୍ମୁନିବ୍ରତଃ॥ 7-143-80 (51148)
ଚେଷ୍ଟମାନଂ ପ୍ରତୀଘାତେ ସଭୁଜଂ ମାଂ ସଚକ୍ଷୁଷଃ।
ମନ୍ଯଧ୍ବଂ ମୃତ ଇତ୍ଯେବମେତଦ୍ବୋ ବୁଦ୍ଧିଲାଘବମ୍॥ 7-143-81 (51149)
ଯୁକ୍ତୋ ହ୍ଯସ୍ଯ ପ୍ରତୀଘାତଃ କୃତୋ ମେ କୁରୁପୁଙ୍ଗବାଃ॥ 7-143-82 (51150)
ଯତ୍ତୁ ପାର୍ଥେନ ମାଂ ଦୃଷ୍ଟ୍ବା ପ୍ରତିଜ୍ଞାମଭିରକ୍ଷତା।
ସଖଙ୍ଗୋଽସ୍ଯ ହୃତୋ ବାହୁରେତେନୈବାସ୍ମି ବଞ୍ଚିତଃ॥ 7-143-83 (51151)
ଭବିତବ୍ଯଂ ହି ଯଦ୍ଭାବି ଦୈବଂ ଚେଷ୍ଟଯତେ ହି ତତ୍।
ସୋଯଂ ହତୋ ବିମର୍ଦେଽସ୍ମିନ୍କିମତ୍ରାଧର୍ମଚେଷ୍ଟିତମ୍॥ 7-143-84 (51152)
ଅପି ଚାପଂ ପୁରା ଗୀତଃ ଶ୍ଲୋକୋ ବାଲ୍ମୀକିନା ଭୁବି।
ନ ହନ୍ତବ୍ଯାଃ ସ୍ତ୍ରିଯ ଇତି ଯଦ୍ବ୍ରବୀଷି ପ୍ଲବଙ୍ଗମ॥ 7-143-85 (51153)
ସର୍ବକାଲଂ ମନୁଷ୍ଯେଣ ବ୍ଯବସାଯବତା ସଦା।
ପୀଡାକରମମିତ୍ରାଣାଂ ଯତ୍ସ୍ଯାତ୍କର୍ତବ୍ଯମେବ ତତ୍।
ଅନୁଷ୍ଠିତଂ ମଯା ତଚ୍ଚ କସ୍ମାଦ୍ଗର୍ହଥ ମୂଢବତ୍॥ 7-143-86 (51154)
ସଞ୍ଚଯ ଉବାଚ। 7-143-87x (4637)
ଏବମୁକ୍ତେ ମହାରାଜ ସର୍ବେ କୌରବପୁଙ୍ଗବାଃ।
ନ ସ୍ମ କିଂଚିଦଭାଷନ୍ତ ମନସା ସମପୂଜଯନ୍॥ 7-143-87 (51155)
ମନ୍ତ୍ରଭିପୂତସ୍ଯ ମହାଧ୍ବରେଷୁ
ଯଶସ୍ବିନୋ ଭୂରିସହସ୍ରଦସ୍ଯ।
ମୁନେରିବାରଣ୍ଯଗତସ୍ଯ ତସ୍ଯ
ନ ତତ୍ର କଶ୍ଚିଦ୍ବଧମଭ୍ଯନନ୍ଦତ୍॥ 7-143-88 (51156)
ସୁନୀଲକେଶଂ ବରଦସ୍ଯ ତସ୍ଯ
ସୂରସ୍ଯ ପାରାବତଲୋହିତାକ୍ଷମ୍।
ଅଶ୍ବସ୍ଯ ମେଧ୍ଯସ୍ଯ ଶିରୋ ନିକୃତ୍ତଂ
ନ୍ଯସ୍ତଂ ହବିର୍ଧାନମିବାନ୍ତରେଣ॥ 7-143-89 (51157)
ସ ତେଜସା ଶସ୍ତ୍ରକୃତେନ ପୂତୋ
ମହାହବେ ଦେହବରଂ ବିସୃଜ୍ଯ।
ଆକ୍ରାମଦୂର୍ଧ୍ବଂ ବରଦୋ ବରାର୍ହୋ
ବ୍ଯାବୃତ୍ତ୍ଯ ଧର୍ମେଣ ପରେମ ରୋଦସୀ॥ ॥ 7-143-90 (51158)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ତ୍ରିଚତ୍ବାରିଂଶଦଧିକଶତତମୋଽଧ୍ଯାଯଃ॥ 143 ॥
Mahabharata - Drona Parva - Chapter Footnotes
5-143-5 ବିଷକ୍ତସ୍ଯାନ୍ଯାସକ୍ତସ୍ଯ॥ 5-143-6 ଯେଷୁଯେଷୁ ସତ୍ସ୍ବସତ୍ସୁ ବା॥ 5-143-* ଏତଦାଦି 35 ତ୍ତମଶ୍ଲୋକପର୍ଯନ୍ତଂ ବିଦ୍ଯମାନାନାଂ ଶ୍ଲୋକାନାଂ ସ୍ଥାନେ ଅଧୋଲିଖିତାଃ ଶ୍ଲୋକାଃ ଝ. ପୁସ୍ତକେ ସନ୍ତି। ନଚାତ୍ମା ରକ୍ଷିତବ୍ଯୋ ବୈ ରାଜନ୍ରଣଗତେନ ହି। ଯୋ ଯସ୍ଯ ଯୁଜ୍ଯତେଽର୍ଥେଷୁ ସ ବୈ ରକ୍ଷ୍ଯୋ ନରାଧିପ॥ 1 ॥ ତୈ ରକ୍ଷ୍ଯମାଣୈଃ ସ ନୃପୋ ରକ୍ଷିତବ୍ଯୋ ମହାମୃଧେ। ଯଦ୍ଯହଂ ସାତ୍ଯକିଂ ପଶ୍ଯେ ବଧ୍ଯମାନଂ ମହାରଣେ॥ 2 ॥ ତତସ୍ତସ୍ଯ ବିଯୋଗେନ ପାପଂ ମେଽନର୍ଥତୋ ଭବେତ୍। ରକ୍ଷିତଶ୍ଚ ମଯା ଯସ୍ମାତ୍ତସ୍ମାତ୍କ୍ରୁଧ୍ଯସି କିଂ ମଯି॥ 3 ॥ ଯଚ୍ଚ ମେ ଗର୍ହସେ ରାଜନ୍ନନ୍ଯେନ ସହ ସଙ୍ଗତମ୍। ଅହଂ ତ୍ବଯା ବିନିକୃତସ୍ତତ୍ର ମେ ବୁଦ୍ଧିବିଭ୍ରମଃ॥ 4 ॥ କବଚଂ ଧୁନ୍ବତସ୍ତୁଭ୍ଯଂ ରଥଂ ଚାରୋହତଃ ସ୍ବଯମ୍। ଧନୁର୍ଜ୍ଯାଂ କର୍ଷତଶ୍ଚୈବ ଯୁଧ୍ଯତଃ ସହ ଶତ୍ରୁଭିଃ॥ 5 ॥ ଏବଂ ରଥଗଜାକୀର୍ଣେ ହଯପତ୍ତିସମାକୁଲେ। ସିଂହନାଦୋଦ୍ଭତରବେ ଗମ୍ଭୀରେ ସୈନ୍ଯସାଗରେ॥ 6 ॥ ସ୍ବୈଃ ପରୈଶ୍ଚ ସମେତେଭ୍ଯଃ ସାତ୍ବତେନ ଚ ସଙ୍ଗମେ। ଏକସ୍ଯୈକେନ ହି କଥଂ ସଙ୍ଗ୍ରମଃ ସମ୍ଭବିଷ୍ଯତି॥ 7 ॥ ବହୁଭିଃ ସହ ସଙ୍ଗମ୍ଯ ନିର୍ଜିତ୍ଯ ଚ ମହାରଥାନ୍। ଶ୍ରାନ୍ତଶ୍ଚ ଶ୍ରାନ୍ତବାହଶ୍ଚ ବିମନାଃ ଶସ୍ତ୍ରପୀଡିତଃ॥ 8 ॥ ଈଦୃଶଂ ସାତ୍ଯକିଂ ସଂଖ୍ଯେ ନିର୍ଜିତ୍ଯ ଚ ମହାରଥମ୍। ଅଧିକତ୍ବଂ ବିଜାନୀଷେ ସ୍ବବୀର୍ଯବଶମାଗତମ୍॥ 9 ॥ ଯଦିଚ୍ଛସି ଶିରଶ୍ଚାସ୍ଯ ଅସିନା ହନ୍ତୁମାହବେ। ତଥା କୃଚ୍ଛ୍ରଗତଂ ଚୈବ ସାତ୍ଯକିଂ କଃ କ୍ଷମିଷ୍ଯତି॥ 10 ॥ ତ୍ବଂ ବୈ ବିଗର୍ହଯାତ୍ମାନମାତ୍ମାନଂ ଯୋ ନ ରକ୍ଷସି। କଥଂ କରିଷ୍ଯସେ ବୀର ଯୋ ବା ତ୍ବାଂ ସଂଶ୍ରଯେଜ୍ଜନଃ॥ 11 ॥ 5-143-23 ଦକ୍ଷିଣଂ ବାହୁଂ ତତ୍ସ୍ଥନୀଯମ୍॥ 5-143-37 ପ୍ରାଯଂ ଆମରଣାନଶନଂ ପ୍ରାରବ୍ଧବାନ୍॥ 5-143-38 ପ୍ରାଣାନସୂନ୍ ପ୍ରାଣେଷୁବାଯୁଷୁ ଅଜୁହୋଦାହିତବାନ୍॥ 5-143-39 ପ୍ରସନ୍ନମକଲ୍ପମଷମ୍॥ 5-143-49 ସ କଥଂ ଚ ବଧଂ ନୀତଃ ଇତି ଙ. ପାଠଃ। ସଃ ସାତ୍ଯକିଃ ବଧସୁଦ୍ଦିସ୍ଯେତି ଶେଷଃ॥ 5-143-52 ନାତିହାରଃ କୃତାନ୍ତସ୍ଯେତି ଠ.ପାଠଃ। ଅତିହାରଃ ପରିହାରଃ॥ 5-143-56 ଦକ୍ଷିଣଂ କୃତ୍ତମାତ୍ମନଃ ପାଣିଂ ଅସ୍ଯାର୍ଜୁନସ୍ଯ ସମୀପେ ପ୍ରାହିଣୋତ୍ ପ୍ରହିତବାନ୍॥ 5-143-60 ଯେ ଲୋକା ଇତି ଶ୍ଲୋକଃ ଝ.ଘ.ଞ. ପୁସ୍ତକେଷ୍ବେବାସ୍ତି। ସକୃଦ୍ବିଭାତାଃ ସହପ୍ରକାଶାଃ। ଗରୁଡସ୍ଯୋତ୍ତମାଙ୍ଗେନ ପୃଷ୍ଠେନ ଯାନଂ ଯସ୍ଯ॥ 5-143-64 ପ୍ରସକ୍ତମନ୍ଯାସକ୍ତମ୍॥ 5-143-79 କ୍ଷେପେ ନିନ୍ଦାମାମ୍। ଜୀବନ୍ନିତି ଦ୍ବିତୀଯାର୍ଥେ ପ୍ରଥମା॥ 5-143-85 ନ ହନ୍ତବ୍ଯା ଇତ୍ଯର୍ଥଂ ଘ.ଙ.ଝ.ଞ. ପାଠେଷ୍ବେବାସ୍ତି॥ 5-143-89 ବରଦସ୍ଯାର୍ଥିତାର୍ଥପ୍ରଦାତୁଃ। ହବିର୍ଧାନମନ୍ତରେଣ ହବିର୍ଗୃହସ୍ଯ ମଧ୍ଯେ॥ 5-143-143 ତ୍ରିଚତ୍ବାରିଂଶଦଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 144
॥ ଶ୍ରୀଃ ॥
7.144. ଅଧ୍ଯାଯଃ 144
Mahabharata - Drona Parva - Chapter Topics
ସଞ୍ଜଯେନ ଧୃତରାଷ୍ଟ୍ରମ୍ପ୍ରତି ସାତ୍ଯକେଃ ଭୂରିଶ୍ରବସା ପରାଭବକାରଣକଥନମ୍॥ 1 ॥ ତଥା ଯାଦବାନାଂ ପ୍ରଶଂସନମ୍॥ 2 ॥Mahabharata - Drona Parva - Chapter Text
7-144-0 (51159)
ଧୃତରାଷ୍ଟ୍ର ଉବାଚ। 7-144-0x (4638)
ଅଜିତୋ ଦ୍ରୋଣରାଧେଯବିକର୍ଣକୃତବର୍ମଭିଃ।
`ଯଶ୍ଚୈବୋତ୍ସହତେ ବେତୁଂ ସମସ୍ତଂ ମାମକଂ ବଲମ'।
ତୀର୍ଣଃ ସୈନ୍ଯାର୍ଣବଂ ବୀରଃ ପ୍ରତିଶ୍ରୁତ୍ଯ ଯୁଧିଷ୍ଠିରେ॥ 7-144-1 (51160)
ସ କଥଂ କୌରବେଯେଣ ସମରେଷ୍ବନିବାରିତଃ।
ନିଗୃହ୍ଯ ଭୂରିଶ୍ରବସା ବଲାଦ୍ଭୁବି ନିପାତିତଃ॥ 7-144-2 (51161)
ସଞ୍ଜଯ ଉବାଚ। 7-144-3x (4639)
ଶୃଣୁ ରାଜନ୍ନିହୋତ୍ପତ୍ତିଂ ଶୈନେଯସ୍ଯ ଯଥା ପୁରା।
ଯଥା ଚ ଭୂରିଶ୍ରବସୋ ଯତ୍ର ତେ ସଂଶଯୋ ନୃପ॥ 7-144-3 (51162)
`ବ୍ରହ୍ମଣସ୍ତ୍ବଭବତ୍ପୁତ୍ରୋ ମାନସୋଽତ୍ରିର୍ମହାତପାଃ'।
ଅତ୍ରେଃ ପୁତ୍ରୋଽଭବତ୍ସୋମଃ ସୋମସ୍ଯ ତୁ ବୁଧଃ ସ୍ମୃତଃ॥ 7-144-4 (51163)
ବୁଧସ୍ଯୈଲୋ ମହାବାହୁଃ ପୁତ୍ର ଆସୀତ୍ପୁରୂରବାଃ।
ପୁରୂରବସ ଆଯୁସ୍ତୁ ଆଯୁଷୋ ନହୁଷଃ ସୁତଃ॥ 7-144-5 (51164)
ନହୁଷସ୍ଯ ଯଯାତିସ୍ତୁ ରାଜା ଦେବର୍ଷିସମ୍ମତଃ।
ଯଯାତେର୍ଦେବଯାନ୍ଯାଂ ତୁ ଯଦୁର୍ଜ୍ଯେଷ୍ଠୋଽଭବତ୍ସୁତଃ॥ 7-144-6 (51165)
ଯଦୋରଭୂଦନ୍ବବାଯେ ଆଜମୀଢ ଇତି ସ୍ମୃତଃ।
ଯାଦବସ୍ତସ୍ଯ ତୁ ସୁତଃ ଶୂରସ୍ତ୍ରୈଲୋକ୍ଯସମ୍ମତଃ॥ 7-144-7 (51166)
ଶୂରସ୍ଯ ଶୌରିର୍ନୃବରୋ ବସୁଦେବୋ ମହାଯଶାଃ।
ଧନୁଷ୍ଯନବରଃ ଶୂରଃ କାର୍ତବୀର୍ଯସମୋ ଯୁଧି।
ଧନୁଷ୍ଯନବରଃ ଶୂରଃ କାର୍ତବୀର୍ଯସମୋ ଯୁଧି।
ତଦ୍ବାର୍ଯଶ୍ଚାପି ତତ୍ରୈବ କୁଲେ ଶିନିରଭୂନ୍ନୃପ॥ 7-144-8 (51167)
ଏତସ୍ମିନ୍ନେବ କାଲେ ତୁ ଦେବକସ୍ଯ ମହାତ୍ମନଃ।
ଦୁହିତଃ ସ୍ବଯଂବରେ ରାଜନ୍ସର୍ବକ୍ଷତ୍ରସମାଗମେ॥ 7-144-9 (51168)
ତତ୍ର ବୈ ଦେବକୀଂ ଦେବୀଂ ବସୁଦେବାର୍ଥମାଶୁ ବୈ।
ନିର୍ଜିତ୍ବ ପାର୍ଥିବାନ୍ସର୍ବାନ୍ରଥମାରୋପଯଚ୍ଛିନିଃ॥ 7-144-10 (51169)
ତାଂ ଦୃଷ୍ଟ୍ବା ଦେବକୀଂ ଶୂରୋ ରଥସ୍ଥାଂ ପୁରୁଷର୍ଷଭଃ।
ନାମୃଷ୍ଯତ ମହାତେଜାଃ ସୋମଦତ୍ତଃ ଶିନେର୍ନୃପ॥ 7-144-11 (51170)
ତଯୋର୍ଯୁଦ୍ଧମଭୂଦ୍ରାଜନ୍ଦିନାର୍ଧଂ ଚିତ୍ରମୁଦ୍ଭତମ୍।
ବାହୁଯୁଦ୍ଧଂ ସୁବଲିନୋଃ ପ୍ରସକ୍ତଂ ପୁରୁଷର୍ଷଭଃ॥ 7-144-12 (51171)
ଶିନିନା ସୋମଦତ୍ତସ୍ତୁ ପ୍ରସହ୍ଯ ଭୁବି ପାତିତଃ।
ଅସିମୁଦ୍ଯମ୍ଯ କେଶେଷୁ ପ୍ରଗୃହ୍ଯ ଚ ପଦା ହତଃ॥ 7-144-13 (51172)
ମଧ୍ଯେ ରାଜସହସ୍ରାଣାଂ ପ୍ରେକ୍ଷକାଣାଂ ସମନ୍ତତଃ।
କୃପଯା ଚ ପୁନସ୍ତେନ ସ ଜୀବେତି ବିସର୍ଜିତଃ॥ 7-144-14 (51173)
ତଦବସ୍ଥଃ କୃତସ୍ତେନ ସୋମଦତ୍ତୋଽଥ ମାରିଷ।
ପ୍ରାସାଦଯନ୍ମହାଦେବମମର୍ଷବଶମାସ୍ଥିତଃ॥ 7-144-15 (51174)
ତସ୍ଯ ତୁଷ୍ଟୋ ମହାଦେବୋ ବରାଣାଂ ବରଦଃ ପ୍ରଭୁଃ।
ବରେଣ ଚ୍ଛନ୍ଦଯାମାସ ସ ତୁ ବବ୍ରେ ବରଂ ନୃପଃ॥ 7-144-16 (51175)
ପୁତ୍ରମିଚ୍ଛାମି ଭଗବନ୍ଯୋ ନିପାତ୍ଯ ଶିନେଃ ସୁତମ୍।
ମଧ୍ଯେ ରାଜସହସ୍ରାଣାଂ ପଦା ହନ୍ଯାଚ୍ଚ ସଂଯୁଗେ॥ 7-144-17 (51176)
ତସ୍ଯ ତଦ୍ବଚନଂ ଶ୍ରୁତ୍ବା ସୋମଦତ୍ତସ୍ଯ ପାର୍ଥିବ।
ଏବମସ୍ତ୍ବିତି ତତ୍ରୋକ୍ତ୍ବା ସ ଦେବୋଽନ୍ତରଧୀଯତ।
ସ ତେନ ବରଦାନେନ ଲବ୍ଧବାନ୍ଭୂରିଦକ୍ଷିଣମ୍॥ 7-144-18 (51177)
ଅପାତଯଚ୍ଚ ସମରେ ସୌମଦତ୍ତିଃ ଶିନେଃ ସୁତମ୍।
ପଶ୍ଯତାଂ ସର୍ବସୈନ୍ଯାନାଂ ପଦା ଚୈନମତାଡଯତ୍॥ 7-144-19 (51178)
ଏତତ୍ତେ କଥିତଂ ରାଜନ୍ଯନ୍ମାଂ ତ୍ବଂ ପରିପୃଚ୍ଛସି।
ନ ହି ଶକ୍ଯୋ ରଣେ ଜେତୁଂ ସାତ୍ବତୋ ମନୁଜର୍ଷଭୈଃ॥ 7-144-20 (51179)
ଲବ୍ଧଲକ୍ଷ୍ଯାଶ୍ଚ ସଙ୍ଗ୍ରାମେ ବହୁଶଶ୍ଚିତ୍ରଯୋଧିନଃ।
ଦେବଦାନବଗନ୍ଧର୍ବାନ୍ବିଜେତାରୋ ହ୍ଯବିସ୍ମିତାଃ।
ସ୍ବବୀର୍ଯବିଜଯେ ଯୁକ୍ତା ନୈତେ ପରପରିଗ୍ରହାଃ॥ 7-144-21 (51180)
ନ ତୁଲ୍ଯଂ ବୃଷ୍ଣିଭିରିହ ଦୃଶ୍ଯତେ କିଞ୍ଚନ ପ୍ରଭୋ।
ଭୂତଂ ଭବ୍ଯଂ ଭବିଷ୍ଯଚ୍ଚ ବଲେନ ଭରତର୍ଷଭ॥ 7-144-22 (51181)
ନ ଜ୍ଞାତିମବମନ୍ଯନ୍ତେ ବୃଦ୍ଧାନାଂ ଶାସନେ ରତାଃ॥ 7-144-23 (51182)
ନ ଦେବାସୁରଗନ୍ଧର୍ବା ନ ଯକ୍ଷୋରଗରାକ୍ଷସାଃ।
ଜେତାରୋ ବୃଷ୍ଣିବୀରାଣାଂ କିଂ ପୁନର୍ମାନବା ରଣେ॥ 7-144-24 (51183)
ବ୍ରହ୍ମଦ୍ରବ୍ଯେ ଗୁରୁଦ୍ରବ୍ଯେ ଜ୍ଞାତିସ୍ବେ ଚାପ୍ଯହିଂସକାଃ।
ଏତେଷାଂ ରକ୍ଷିତାରଶ୍ଚ ଯେ ସ୍ଯୁଃ କସ୍ଯାଞ୍ଚିଦାପଦି॥ 7-144-25 (51184)
ଅର୍ଥବନ୍ତୋ ନ ଚୋତ୍ସିକ୍ତା ବ୍ରହ୍ମଣ୍ଯାଃ ସତ୍ଯବାଦିନଃ।
ସମର୍ଥାନ୍ନାବମନ୍ଯନ୍ତେ ଦୀନାନଭ୍ଯୁଦ୍ବରନ୍ତି ଚ॥ 7-144-26 (51185)
ନିତ୍ଯଂ ଦେବପରା ଦାନ୍ତାସ୍ତ୍ରାତାରଶ୍ଚାବିକତ୍ଥନାଃ।
ତେନ ବୃଷ୍ଣିପ୍ରବୀରାଣାଂ ଚକ୍ରଂ ନ ପ୍ରତିହନ୍ଯତେ॥ 7-144-27 (51186)
ଅପି ମେରୁଂ ବହେତ୍କଶ୍ଚିତ୍ତରେଦ୍ବା ମକରାଲଯମ୍।
ନ ତୁ ବୃଷ୍ଣିପ୍ରବୀରାଣାଂ ସମେତ୍ଯାନ୍ତଂ ବ୍ରଜେନ୍ନୃପ॥ 7-144-28 (51187)
ଏତତ୍ତେ ସର୍ବମାଖ୍ଯାତଂ ଯତ୍ର ତେ ସଂଶଯଃ ପ୍ରଭୋ।
କୁରୁରାଜ ନରଶ୍ରେଷ୍ଠ ତବ ବ୍ଯପନଯୋ ମହାନ୍॥ ॥ 7-144-29 (51188)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଚତୁଶ୍ଚତ୍ବାରିଂଶଦଧିକଶତତମୋଽଧ୍ଯାଯଃ॥ 144 ॥
Mahabharata - Drona Parva - Chapter Footnotes
5-144-21 ପରପଗ୍ରହାଃ ରିପରାଧୀନାଃ॥ 21 ॥ 5-144-27 ଚକ୍ରଂ ପ୍ରତାପଃ॥ 5-144-144 ଚତୁଶ୍ଚତ୍ବାରିଂଶଦଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 145
॥ ଶ୍ରୀଃ ॥
7.145. ଅଧ୍ଯାଯଃ 145
Mahabharata - Drona Parva - Chapter Topics
କୃଷ୍ଣାର୍ଜୁନଯୋଃ ସଂବାଦଃ କର୍ଣସାତ୍ଯକ୍ଯୋର୍ଯୁଦ୍ଧଂ ଚ॥ 1 ॥Mahabharata - Drona Parva - Chapter Text
7-145-0 (51189)
ଧୃତରାଷ୍ଟ୍ର ଉବାଚ। 7-145-0x (4640)
ତଦବସ୍ଥେ ହେ ତସ୍ମିନ୍ଭୂରିଶ୍ରବସି କୌରବେ।
ଯଥା ଭୂଯୋଽଭବଦ୍ଯୁଦ୍ଧଂ ତନ୍ମମାଚକ୍ଷ୍ବ ସଞ୍ଜଯ॥ 7-145-1 (51190)
ସଞ୍ଜଯ ଉବାଚ। 7-145-2x (4641)
ଭୂରିଶ୍ରବସି ସଙ୍କ୍ରାନ୍ତେ ପରଲୋକାଯ ଭାରତ।
ବାସୁଦେବଂ ମହାବାହୁରର୍ଜୁନଃ ସମଚୂଚୁଦତ୍॥ 7-145-2 (51191)
ଅର୍ଜୁନ ଉବାଚ। 7-145-3x (4642)
ଚୋଦଯାଶ୍ବାନ୍ଭୃଶଂ କୃଷ୍ଣ ଯତୋ ରାଜା ଜଯଦ୍ରଥଃ।
[ଶ୍ରୂଯତେ ପୁଣ୍ଡରୀକାକ୍ଷ ତ୍ରିଷୁ ଧର୍ମେଷୁ ବର୍ତତେ।]
ପ୍ରତିଜ୍ଞାଂ ସଫଲାଂ ଚାପି କର୍ତୁମର୍ହସି ମେଽନଘ॥ 7-145-3 (51192)
ଅସ୍ତମେତି ମହାବାହୋ ତ୍ବରମାଣୋ ଦିବାକରଃ॥ 7-145-4 (51193)
ଏତଦ୍ଧି ପୁରୁଷବ୍ଯାଘ୍ର ମହଦବ୍ଯୁଦ୍ଯତଂ ମଯା।
କାର୍ଯଂ ସଂରକ୍ଷ୍ଯତେ ଚୈଷ କୁରୁସେନାମହାରଥୈଃ॥ 7-145-5 (51194)
ଯଥା ନାଭ୍ଯେତି ସୂର୍ଯୋଽସ୍ତଂ ଯଥା ସତ୍ଯଂ ଭବେଦ୍ବଚଃ।
ଚୋଦଯାଶ୍ବାଂସ୍ତଥା କୃଷ୍ଣ ଯଥା ହନ୍ଯାଂ ଜଯଦ୍ରଥମ୍॥ 7-145-6 (51195)
`ତତଃ କୃଷ୍ଣୋ ମହାବାହୁରଶ୍ବାନ୍ରଜତସନ୍ନିଭାନ୍।
ହଯଜ୍ଞଶ୍ଚୋଦଯାମାସ ଜଯଦ୍ରଥବଧଂ ପ୍ରତି॥ 7-145-7 (51196)
ତଂ ପ୍ରଯାନ୍ତମମୋଘେଷୁମୁତ୍ପତଦ୍ଭିରିବାଶୁଗୈଃ।
ତ୍ବରମାଣା ମହାରାଜ ସେନାମୁଖ୍ଯାଃ ସମାଦ୍ରବନ୍॥ 7-145-8 (51197)
ଦୁର୍ଯୋଧନଶ୍ଚ କର୍ଣଶ୍ଚ ବୃଷସେନୋଽଥ ମଦ୍ରରାଟ୍।
ଅଶ୍ବତ୍ଥାମା କୃପଶ୍ଚୈବ ସ୍ବଯମେବ ଚ ସୈନ୍ଧବଃ॥ 7-145-9 (51198)
ସମାସାଦ୍ଯ ଚ ବୀଭତ୍ସୁଃ ସୈନ୍ଧବଂ ସମୁପସ୍ଥିତମ୍।
ନେତ୍ରାଭ୍ଯାଂ କ୍ରୋଧଦୀପ୍ତାଭ୍ଯାଂ ସମ୍ପ୍ରୈକ୍ଷନ୍ନିର୍ଦହନ୍ନିବ'॥ 7-145-10 (51199)
ଯଥାଗ୍ନିରିନ୍ଧନେଦ୍ଧୌ ବୈ କ୍ରୋଧେନ୍ଧନସମୀରିତଃ।
ସୈନ୍ଧବସ୍ଯ ମୁଖଂ ତ୍ଯକ୍ତ୍ବା କର୍ଣଃ ସାତ୍ବତମଭ୍ଯଯାତ୍॥ 7-145-11 (51200)
ଉପାଯାନ୍ତଂ* ତୁ ରାଧେଯଂ ଦୃଷ୍ଟ୍ବା ପାର୍ଥୋ ମହାରଥଃ।
ପ୍ରହସନ୍ଦେବକୀପୁତ୍ରମିଦଂ ବଚନମବ୍ରବୀତ୍॥ 7-145-12 (51201)
ଏଷ ପ୍ରଯାତ୍ଯାଧିରଥିଃ ସାତ୍ଯକେଃ ସ୍ଯନ୍ଦନଂ ପ୍ରତି।
ନ ମୃଷ୍ଯତି ହତଂ ନୂନଂ ଭୂରିଶ୍ରବସମାହବେ॥ 7-145-13 (51202)
ଯତ୍ର ଯାତ୍ଯେଷ ତତ୍ର ତ୍ବଂ ଚୋଦଯାଶ୍ବାଞ୍ଜନାର୍ଦନ।
ନ ସୌମଦତ୍ତିପଦବୀଂ ଗମଯେତ୍ସାତ୍ଯକିଂ ବୃଷଃ॥ 7-145-14 (51203)
ସଞ୍ଜଯ ଉବାଚ। 7-145-15x (4643)
ଏବମୁକ୍ତୋ ମହାବାହୁଃ କେଶବଃ ସବ୍ଯସାଚିନା।
ପ୍ରତ୍ଯୁବାଚ ମହାତେଜାଃ କାଲଯୁକ୍ତମିଦଂ ବଚଃ॥ 7-145-15 (51204)
ଅଲମେଷ ମହାବାହୁଃ କର୍ଣାଯୈକୋଽପି ପାଣ୍ଡବ।
କିଂ ପୁନର୍ଦ୍ରୌପଦେଯାଭ୍ଯାଂ ସହିତଃ ସାତ୍ବତର୍ଷଭଃ॥ 7-145-16 (51205)
ନ ଚ ତାବତ୍କ୍ଷମଃ ପାର୍ଥ ତବ କର୍ଣେନ ସଙ୍ଗରଃ।
ପ୍ରଜ୍ବଲନ୍ତୀ ମହୋଲ୍କେବ ତିଷ୍ଠତ୍ଯସ୍ମିନ୍ହି ବାସବୀ।
ତ୍ବଦର୍ଥଂ ପୂଜ୍ଯମାନୈଷା ରକ୍ଷ୍ଯତେ ପରବୀରହନ୍॥ 7-145-17 (51206)
`ନ କର୍ଣଂ ପ୍ରାକୃତଂ ମନ୍ଯେ ତେନ ଯୋଦ୍ଧୁଂ ନ ସାମ୍ପ୍ରତମ୍।
ଯଃ କର୍ଣୋ ବଲବାନେଷ ଶକ୍ତୋଽସ୍ମାଞ୍ଜେତୁମୋଜସା॥ 7-145-18 (51207)
କର୍ଣସ୍ଯୈଷ ମହାନ୍ଦୋଷୋ ଯଦ୍ଦୂଯେନ ପଦେପଦେ।
ପ୍ରମାଦାଚ୍ଚ ଘୃଣିତ୍ବାଚ୍ଚ ତେନ ଶୋଚିତି ମେ ମନଃ'॥ 7-145-19 (51208)
ଅତଃ କର୍ଣଃ ପ୍ରଯାତ୍ବତ୍ର ସାତ୍ବତସ୍ଯ ଯଥା ତଥା।
ଅହଂ ଜ୍ଞାସ୍ଯାମି କୌନ୍ତେଯ କାଲମସ୍ଯ ଦୁରାତ୍ମନଃ॥ 7-145-20 (51209)
ଯତ୍ରୈନଂ ବିଶିଖୈସ୍ତୀକ୍ଷ୍ଣୈଃ ପାତଯିଷ୍ଯସି ଭୂତଲେ।
ତଦା ଗନ୍ତାସି ପାର୍ଥ ତ୍ବଂ ତେନ ଯୋଦ୍ଧୁଂ ଦୁରାତ୍ମନା॥ 7-145-21 (51210)
ଧୃତରାଷ୍ଟ୍ର ଉବାଚ। 7-145-22x (4644)
ଯୋଽସୌ କର୍ଣେନ ବୀରସ୍ଯ ବାର୍ଷ୍ଣେଯସ୍ଯ ସମାଗମଃ।
ହତେ ତୁ ଭୂରିଶ୍ରବସି ତଦ୍ଯୁଦ୍ଧମଭବତ୍କଥମ୍॥ 7-145-22 (51211)
ସାତ୍ଯକିଶ୍ଚାପି ବିରଥଃ କଂ ସମାରୂଢବାନ୍ରଥମ୍।
ଚକ୍ରରକ୍ଷୌ ଚ ପାଞ୍ଚାଲ୍ଯୌ ତନ୍ମମାଚକ୍ଷ୍ବ ସଞ୍ଜଯ॥ 7-145-23 (51212)
ସଞ୍ଜଯ ଉବାଚ। 7-145-24x (4645)
ହନ୍ତ ତେ କଥଯିଷ୍ଯାମି ଯଥାବୃତ୍ତଂ ମହାରଣେ।
ପଶ୍ଯତାଂ ସର୍ବସୈନ୍ଯାନାଂ କେଶବାର୍ଯୁନଯୋରପି।
ଶୁଶ୍ରୂଷସ୍ବ ସ୍ଥିରୋ ଭୂତ୍ବା ଦୁରାଚରିତମାତ୍ମନଃ॥ 7-145-24 (51213)
xxମେବ ହି କୃଷ୍ଣସ୍ଯ ମନୋଗତମିଦଂ ପ୍ରଭୋ।
ବିଜେତବ୍ଯୋ ଯଥା ବୀରଃ ସାତ୍ଯକିଃ ସୌମଦତ୍ତିନା॥ 7-145-25 (51214)
ଅତୀତାନାଗତେ ରାଜନ୍ସ ହି ବେତ୍ତି ଜନାର୍ଦନଃ।
ତତଃ ସୂତଂ ସମାହୂଯ ଦାରୁକଂ ସଂଦିଦେଶ ହ। 7-145-26 (51215)
ରଥୋ ମେ ଯୁଜ୍ଯତାଂ କଲ୍ଯମିତି ରାଜନ୍ମହାବାଲଃ॥
ନ ହି ଦେବା ନ ଗନ୍ଧର୍ବା ନ ଯକ୍ଷୋରଗରାକ୍ଷସାଃ।
ମାନବା ବାଽପି ଜେତାରଃ କୃଷ୍ଣଯୋଃ ସନ୍ତି କେଚନ। 7-145-27 (51216)
ପିତାମହପୁରୋଗାଶ୍ଚ ଦେବାଃ ସିଦ୍ଧାଶ୍ଚ ତଂ ବିଦୁଃ।
ତଯୋଃ ପ୍ରଭାବମତୁଲଂ ଶୃଣୁ ଯୁଦ୍ଧଂ ତୁ ତତ୍ତଥା॥ 7-145-28 (51217)
ସାତ୍ଯକିଂ ବିରଥଂ ଦୃଷ୍ଟ୍ବା କର୍ଣଂ ଚାଭ୍ଯୁଦ୍ଯତଂ ରଣେ।
ଦଧ୍ମୌ ଶଙ୍ଖଂ ମହାନାଦମାର୍ଷଭେଣାଥ ମାଧବଃ॥ 7-145-29 (51218)
ଦାରୁକୋଽବେତ୍ଯ ସନ୍ଦେଶଂ ଶ୍ରୁତ୍ବା ଶଙ୍ଖସ୍ଯ ଚ ସ୍ବନମ୍।
ରଥମନ୍ବାନଯତ୍ତସ୍ମୈ ସୁପର୍ଣୋଚ୍ଛ୍ରିତକେତନମ୍॥ 7-145-30 (51219)
ସ କେଶବସ୍ଯାନୁମତେ ରଥଂ ଦାରୁକସଂଯୁତମ୍।
ଆରୁରୋହ ଶିନେଃ ପୌତ୍ରୋ ଜ୍ବଲନାଦିତ୍ଯସନ୍ନିଭମ୍॥ 7-145-31 (51220)
କାମଗୈଃ ଶୈବ୍ଯସୁଗ୍ରୀବମେଘପୁଷ୍ପବଲାହକୈଃ।
ହଯୋଦଗ୍ରୈର୍ମହାବେଗୈର୍ହେମଭାଣ୍ଡବିଭୂଷିତୈଃ॥ 7-145-32 (51221)
ଯୁକ୍ତଂ ସମାରୁହ୍ଯ ଚ ତଂ ବିମାନପ୍ରତିମଂ ରଥମ୍।
ଅଭ୍ଯଦ୍ରବତ ରାଧେଯଂ ପ୍ରବପନ୍ସାଯକାନ୍ବହୂନ୍॥ 7-145-33 (51222)
ଚକ୍ରରକ୍ଷାବପି ତଦା ଯୁଧାମନ୍ଯୂତ୍ତମୌଜସୌ।
ଧନଞ୍ଜଯରଥଂ ହିତ୍ବା ରାଧେଯଂ ପ୍ରତ୍ଯୁଦୀଯତୁଃ॥ 7-145-34 (51223)
ରାଧେଯୋଽପି ମହାରାଜ ଶରବର୍ଷଂ ସମୁତ୍ସୃଜନ୍।
ଅଭ୍ଯଦ୍ରବତ୍ସୁସଙ୍କ୍ରୁଦ୍ଧୋ ରଣେ ଶୈନେଯମଚ୍ଯୁତମ୍॥ 7-145-35 (51224)
ନୈବ ଦୈବଂ ନ ଗାନ୍ଧର୍ବଂ ନାସୁରଂ ନ ଚ ରାକ୍ଷସମ୍।
ତାଦୃଶଂ ଭୁବି ନୋ ଯୁଦ୍ଧଂ ଦିବି ବା ଶ୍ରୁତମିତ୍ଯୁତ।
ଉପାରସତ ତତ୍ସୈନ୍ଯଂ ସରଥାଶ୍ବନରଦ୍ବିପମ୍॥ 7-145-36 (51225)
ତଯୋର୍ଦୃଷ୍ଟ୍ବା ମହାରାଜ କର୍ମ ସମ୍ମୂଢଚେତସଃ।
ସର୍ବେ ଚ ସମପଶ୍ଯନ୍ତ ତଦ୍ଯୁଦ୍ଧମତିମାନୁଷମ୍॥ 7-145-37 (51226)
ତଯୋର୍ନୃବରଯୋ ରାଜନ୍ସାରଥ୍ଯଂ ଦାରୁକସ୍ଯ ଚ॥ 7-145-38 (51227)
ଗତପ୍ରତ୍ଯାଗତାବୃତ୍ତୈର୍ମଣ୍ଡଲୈଃ ସନ୍ନିବର୍ତନୈଃ।
ସାରଥେସ୍ତୁ ରଥସ୍ଥସ୍ଯ କାଶ୍ଯପେଯସ୍ଯ ବିସ୍ମିତାଃ॥ 7-145-39 (51228)
ନଭସ୍ତଲଗତାଶ୍ଚୈବ ଦେବଗାନ୍ଧର୍ବଦାନବାଃ।
ଅତୀବାବହିତା ଦ୍ରଷ୍ଟୁଂ କର୍ଣଶୈନେଯଯୋ ରଣମ୍॥ 7-145-40 (51229)
ମିତ୍ରାର୍ଥେ ତୌ ପରାକ୍ରାନ୍ତୌ ଶୁଷ୍ମିଣୌ ସ୍ପର୍ଧିନୌ ରମେ॥ 7-145-41 (51230)
କର୍ଣଶ୍ଚାମରସଙ୍କାଶୋ ଯୁଯୁଧାନଶ୍ଚ ସାତ୍ଯକିଃ।
ଅନ୍ଯୋନ୍ଯଂ ତୌ ମହାରାଜ ଶରବର୍ଷୈରବର୍ଷତାମ୍॥ 7-145-42 (51231)
ପ୍ରମମାଥ ଶିନେଃ ପୌତ୍ରଂ କର୍ଣଃ ସାଯକବୃଷ୍ଟିଭିଃ।
ଅମୃଷ୍ଯମାଣୋ ନିଧନଂ କୌରବ୍ଯଜଲସନ୍ଧଯୋଃ॥ 7-145-43 (51232)
କର୍ଣଃ ଶୋକସମାବିଷ୍ଟୋ ମହୋରଗ ଇବ ଶ୍ବସନ୍।
ସ ଶୈନେଯଂ ରଣେ କ୍ରୁଦ୍ଧଃ ପ୍ରଦହନ୍ନିବ ଚକ୍ଷୁଷା।
ଅଭ୍ଯଧାବତ ବେଗେନ ପୁନଃପୁନରରିନ୍ଦମ॥ 7-145-44 (51233)
ତଂ ତୁ ସକ୍ରୋଧମାଲୋକ୍ଯ ସାତ୍ଯକିଃ ପ୍ରତ୍ଯଯୁଧ୍ଯତ।
ମହତା ଶରବର୍ଷେଣ ଗଜଂ ପ୍ରତିଗଜୋ ଯଥା॥ 7-145-45 (51234)
ତୌ ସମେତୌ ନରବ୍ଯାଘ୍ରୌ ବ୍ଯାଘ୍ରାବିବ ତରସ୍ବିନୌ।
ଅନ୍ଯୋନ୍ଯଂ ସନ୍ତତକ୍ଷାତେ ରଣେଽନୁପମବିକ୍ରମୌ॥ 7-145-46 (51235)
ତତଃ କର୍ଣଂ ଶିନେଃ ପୌତ୍ରଃ ସର୍ବପାରସବୈଃ ଶରୈଃ।
ବିଭେଦ ସର୍ବଗାତ୍ରେଷୁ ପୁନଃପୁନରରିନ୍ଦମ॥ 7-145-47 (51236)
ସାରଥିଂ ଚାସ୍ଯ ଭଲ୍ଲେନ ରଥନୀଡାଦପାତଯତ୍।
ଅଶ୍ବାଂଶ୍ଚ ଚତୁରଃ ଶ୍ବେତାନ୍ନିଜଘାନ ଶିତୈଃ ଶରୈଃ॥ 7-145-48 (51237)
ଛିତ୍ତ୍ବା ଧ୍ବଜଂ ରଥଂ ଚୈବ ଶତଧା ପୁନର୍ଷର୍ଷଭ।
ଚକାର ବିରଥଂ କର୍ଣଂ ତବ ପୁତ୍ରସ୍ଯ ପଶ୍ଯତଃ॥ 7-145-49 (51238)
ତତୋ ବିମନସୋ ରାଜଂସ୍ତାବକାସ୍ତେ ମହାରଥାଃ।
ବୃଷସେନଃ କର୍ଣସୁତଃ ଶଲ୍ଯୋ ମଦ୍ରାଧିପସ୍ତଥା। 7-145-50 (51239)
ଦ୍ରୋଣପୁତ୍ରଶ୍ଚ ଶୈନେଯଂ ସର୍ବତଃ ପର୍ଯବାରଯନ୍॥
ତତଃ ପର୍ଯାକୁଲଂ ସର୍ବଂ ନ ପ୍ରାଜ୍ଞାଯତ କିଂଚନ॥ 7-145-51 (51240)
ତଥା ସାତ୍ଯକିନା ବୀରେ ବିରଥେ ସୂତଜେ କୃତେ।
ହାହାକାରସ୍ତତୋ ରାଜନ୍ସର୍ବସୈନ୍ଯେଷ୍ବଭୂନ୍ମହାନ୍॥ 7-145-52 (51241)
କର୍ଣୋଽପି ବିରଥୋ ରାଜନ୍ସାତ୍ବତେନ କୃତଃ ଶରୈଃ।
ଦୁର୍ଯୋଧନରଥଂ ତୂର୍ଣମାରୁରୋହ ବିନିଃଶ୍ବସନ୍॥ 7-145-53 (51242)
ମାନଯଂସ୍ତବ ପୁତ୍ରସ୍ଯ ବାଲ୍ଯାତ୍ପ୍ରଭୃତି ସୌହୃଦମ୍।
କୃତାଂ ରାଜ୍ଯପ୍ରଦାନେନ ପ୍ରତିଜ୍ଞାଂ ପରିପାଲଯନ୍॥ 7-145-54 (51243)
ତଥା ତୁ ବିରଥଂ କର୍ଣଂ ପୁତ୍ରାଂଶ୍ଚ ପରିପାଲଯନ୍॥
ଦୁଃଶାସନମୁଖାନ୍ବୀରାନ୍ନାବଧୀତ୍ସାତ୍ଯକିର୍ବଶୀ॥ 7-145-55 (51244)
ରକ୍ଷନ୍ପ୍ରତିଜ୍ଞାଂ ଭୀମେନ ପାର୍ଥେନ ଚ ପୁରାକୃତାମ୍।
ବିରଥାନ୍ବିହ୍ବଲାଂଶ୍ଚକ୍ରେ ନ ତୁ ପ୍ରାଣୈର୍ବ୍ଯଯୋଜଯତ୍॥ 7-145-56 (51245)
ଭୀମସେନେନ ତୁ ବଦଃ ପୁତ୍ରାଣାଂ ତେ ପ୍ରତିଶ୍ରୁତଃ।
ଅନୁଦ୍ଯୂତେ ଚ ପାର୍ଥେନ ବଧଃ କର୍ଣସ୍ଯ ସଂଶ୍ରୁତଃ॥ 7-145-57 (51246)
ବଧେ ତ୍ବକୁର୍ବନ୍ଯତ୍ନଂ ତେ ତସ୍ଯ କର୍ଣମୁଖାସ୍ତଦା।
ନାଶକ୍ନୁବଂସ୍ତତୋ ହନ୍ତୁଂ ସାତ୍ଯକିଂ ପ୍ରବରା ରଥାଃ॥ 7-145-58 (51247)
ଦ୍ରୌଣିଶ୍ଚ କୃତବର୍ମା ଚ ତଥୈବାନ୍ଯେ ମହାରଥାଃ।
ନିର୍ଜିତା ଧନୁଷୈକେନ ଶତଶଃ କ୍ଷତ୍ରିଯର୍ଷଭାଃ।
କାଙ୍କ୍ଷତା ପରଲୋକଂ ଚ ଧର୍ମରାଜସ୍ଯ ଚ ପ୍ରିଯମ୍॥ 7-145-59 (51248)
କୃଷ୍ଣଯୋଃ ସଦୃଶୋ ବୀର୍ଯେ ସାତ୍ଯକିଃ ଶତ୍ରୁତାପନଃ।
ଜିତବାନ୍ସର୍ବସୈନ୍ଯାନି ତାବକାନି ହସନ୍ନିବ॥ 7-145-60 (51249)
କୃଷ୍ଣୋ ବାଽପି ଭବେଲ୍ଲୋକେ ପାର୍ଥୋ ବାଽପି ଧନୁର୍ଧରଃ।
ଶୈନେଯୋ ବା ନରବ୍ଯାଘ୍ର ଚତୁର୍ଥସ୍ତୁ ନ ବିଦ୍ଯତେ॥ 7-145-61 (51250)
ଧୃତରାଷ୍ଟ୍ର ଉବାଚ। 7-145-62x (4646)
ଅଜଯ୍ଯଂ ବାସୁଦେବସ୍ଯ ରଥମାସ୍ଥାଯ ସାତ୍ଯକିଃ।
ବିରଥଂ କୃତବାନ୍କର୍ଣଂ ବାସୁଦେବସମୋ ଯୁଧି।
ଦାରୁକେଣ ସମାଯୁକ୍ତଃ ସ୍ବବାହୁବଲଦର୍ପିତଃ॥ 7-145-62 (51251)
କଚ୍ଚିଦନ୍ଯଂ ସମାରୂଢଃ ସାତ୍ଯକିଃ ଶତ୍ରୁତାପନଃ।
ଏତଦିଚ୍ଛାମ୍ଯହଂ ଶ୍ରୋତୁଂ କୁଶଲୋ ହ୍ଯସି ଭାଷିତୁମ୍।
ଅସହ୍ଯଂ ତମହଂ ମନ୍ଯେ ତନ୍ମମାଚକ୍ଷ୍ବ ସଞ୍ଜଯ॥ 7-145-63 (51252)
ସଞ୍ଜଯ ଉବାଚ। 7-145-64x (4647)
ଶୃଣୁ ରାଜନ୍ଯଥାବୃତ୍ତଂ ରଥମନ୍ଯଂ ମହାମତିଃ।
ଦାରୁକସ୍ଯାନୁଜସ୍ତୂର୍ଣଂ କଲ୍ପନାବିଦିକଲ୍ପିତମ୍॥ 7-145-64 (51253)
ଆଯସୈଃ କାଞ୍ଚନୈଶ୍ଚାପି ପଟ୍ଟୈଃ ସନ୍ନଦ୍ଧକୂବରମ୍।
ତାରାସହସ୍ରଖଚିତଂ ସିଂହଧ୍ବଜପତାକିନମ୍॥ 7-145-65 (51254)
ଅଶ୍ବୈର୍ବାତଜବୈର୍ଯୁକ୍ତଂ ହେମଭାଣ୍ଡପରିଚ୍ଛଦୈଃ।
ସୈନ୍ଧବୈରିନ୍ଦୁସଙ୍କାଶୈଃ ସର୍ବଶବ୍ଦାତିଗୈର୍ଦୃଢୈଃ॥ 7-145-66 (51255)
ଚିତ୍ରକାଞ୍ଚନସନ୍ନାହୈର୍ବାଜିମୁଖ୍ଯୈର୍ବିଶାମ୍ପତେ।
ଘଣ୍ଟାଜାଲାକୁଲରବଂ ଶକ୍ତିତୋମରବିଦ୍ଯୁତମ୍॥ 7-145-67 (51256)
ଯୁକ୍ତଂ ସାଙ୍ଗ୍ରାମିକୈର୍ଦ୍ରବ୍ଯୈର୍ବହୁଶସ୍ତ୍ରପରିଚ୍ଛଦୈଃ।
ରଥଂ ସମ୍ପାଦଯାମାସ ମେଘଗମ୍ଭୀରନିଃସ୍ବନମ୍॥ 7-145-68 (51257)
ତଂ ସମାରୁହ୍ଯ ଶୈନେଯସ୍ତବ ସୈନ୍ଯମୁପାଦ୍ରବତ୍।
ଦାରୁକୋଽପି ଯଥାକାମଂ ପ୍ରଯଯୌ କେଶବାନ୍ତିକମ୍॥ 7-145-69 (51258)
କର୍ଣସ୍ଯାପି ରଥଂ ରାଜଞ୍ଶଙ୍ଖଗୋକ୍ଷୀରପାଣ୍ଡୁରୈଃ।
ଚିତ୍ରକାଞ୍ଚନସନ୍ନାହୈଃ ସଦଶ୍ବୈର୍ବେଗବତ୍ତରୈଃ॥ 7-145-70 (51259)
ହେମକକ୍ଷ୍ଯାଧ୍ବଜୋପେତଂ କ୍ଲୃପ୍ତଯନ୍ତ୍ରପତାକିନମ୍।
ଅଗ୍ର୍ଯଂ ରଥଂ ସୁଯନ୍ତାରଂ ବହୁଶସ୍ତ୍ରପରିଚ୍ଛଦମ୍।
ଉପାଜହ୍ରୁସ୍ତମାସ୍ଥାଯ କର୍ଣୋଽପ୍ଯଭ୍ଯଦ୍ରବଦ୍ରିପୂନ୍॥ 7-145-71 (51260)
ଏତତ୍ତେ ସର୍ବମାଖ୍ଯାତଂ ଯନ୍ମାଂ ତ୍ବଂ ପରିପୃଚ୍ଛସି।
ଭୂଯଶ୍ଚାପି ନିବୋଧେମଂ ତବାପନ୍ନଯଜଂ କ୍ଷଯମ୍॥ 7-145-72 (51261)
ଏକତ୍ରିଂଶତ୍ତବ ସୁତା ଭୀମସେନେନ ପାତିତାଃ।
ଦୁର୍ମୁଖଂ ପ୍ରମୁଖେ କୃତ୍ବା ସତତଂ ଚିତ୍ରଯୋଧିନମ୍॥ 7-145-73 (51262)
ଶତଶୋ ନିହତାଃ ଶୂରାଃ ସାତ୍ବତେନାର୍ଜୁନେନ ଚ।
ଭୀଷ୍ମଂ ପ୍ରମୁଖତଃ କୃତ୍ବା ଭଗଦତ୍ତଂ ଚ ଭାରତ।
ଏବମେଷ କ୍ଷଯୋ ବୃତ୍ତୋ ରାଜନ୍ଦୁର୍ମନ୍ତ୍ରିତେ ତବ॥ ॥ 7-145-74 (51263)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ପଞ୍ଚତ୍ବାରିଂଶଦଧିକଶତତମୋଽଧ୍ଯାଯଃ॥ 145 ॥
Mahabharata - Drona Parva - Chapter Footnotes
5-145-3 ହେପୁଣ୍ଡରୀକାକ୍ଷ ସ ଜଯଦ୍ରଥସ୍ତ୍ରିଷୁ ଧର୍ମେଷୁ ବର୍ତତେ ଇତି ଶ୍ରୂଯତେ କେ ପୁନସ୍ତେ ତ୍ରଯୋ ଧର୍ମାଃ। ଅତ୍ରୋଚ୍ଯତେ। ଯଦି ଯୁଧ୍ଯମାନୋ ହନ୍ଯତେ ତଦା ତୂର୍ଣଂ ସ୍ବର୍ଗପ୍ରାପ୍ତିରେବ ତସ୍ଯ ଧର୍ମଃ। ଅଥ ପଲାଯମାନୋ ହନ୍ଯତେ ତଦା ନରକପ୍ରାପ୍ତିରେବ ତସ୍ଯ ଧର୍ମଃ। ଅଥ ମଦ୍ଭଯାତ୍ସ୍ବଦେଶଂ ଗଚ୍ଛତି ତଦା ଯଶଃଶରୀରନାଶ ଏବ ତସ୍ଯ ଧର୍ମଃ। ଯାବଦସୌ ଯୁଦ୍ଧାଭିମୁଖଃ ପ୍ରଥମଧର୍ମେ ତିଷ୍ଠତି ତାବଦେବ ହନ୍ତୁମୁଚିତଃ ଅତଃ ଶୀଘ୍ରମଶ୍ବାଂଶ୍ଚୋଦଯେତି। କୁଣ୍ଡଲିତୋଽଯଂ ଶ୍ଲୋକାର୍ଧଃ ଝ.ପୁସ୍ତକ ଏବ ଦୃଶ୍ଯତେ॥ 5-145-7 ହଯଜ୍ଞଃ ହଯହୃଦଯଜ୍ଞଃ॥ 5-145-8 ଆଶୁଗୈଃ ମାରୁତୈଃ॥ 5-145-14 ବୃଷଃ କର୍ଣଃ॥ 5-145-* ଇତ ଆରଭ୍ଯ ଉତ୍ତରାଧ୍ଯାଯସ୍ଥ--ମନ୍ଦରଶ୍ମିଃ ସହସ୍ରାଂଶୁରସ୍ତଙ୍ଗିରିମୁପାଦ୍ରବତ୍ ଇତି 25 ତମଶ୍ଲୋକପର୍ଯନ୍ତଂ ବିଦ୍ଯମାନାଃ ଶ୍ଲୋକଃ ଝ. ପୁସ୍ତକେ ଜଯଦ୍ରଥବଧାଦନନ୍ତରଂ ବର୍ତନ୍ତେ। 5-145-17 ବାସବୀ ଶକ୍ତିରିତି ଶେଷଃ॥ 5-145-20 ଯଥା ପ୍ରଯାତି ତଥା ପ୍ରଯାତ୍ବିତି ଯୋଜ୍ଯମ୍। ଜ୍ଞାସ୍ଯମି ଜ୍ଞାପଯିଷ୍ଯାମି॥ 5-145-21 ଯତ୍ର କାଲେ॥ 5-145-25 ପୂର୍ବଂ ପୂର୍ବେଦ୍ଯୁଃ॥ 5-145-26 କଲ୍ଯଂ ପ୍ରାତଃ॥ 5-145-29 ଆର୍ଷଭେଣ ସ୍ବାର୍ଥେ ତଦ୍ବିତଃ। ଋଷଭସ୍ବରେଣ॥ 5-145-39 କାଶ୍ଯପେଯସ୍ଯ ଦାରୁକସ୍ଯ॥ 5-145-57 ଅନୁଦ୍ଯୂତେ ପୁନର୍ଦ୍ଯୂତେ॥ 5-145-145 ପଞ୍ଚଚତ୍ବାରିଂଶଦଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 146
॥ ଶ୍ରୀଃ ॥
7.146. ଅଧ୍ଯାଯଃ 146
Mahabharata - Drona Parva - Chapter Topics
ଅର୍ଜୁନେନ କର୍ଣେଂପ୍ରତି ତତ୍କୁତଭୀମଗର୍ହଣାତିତିକ୍ଷଯା ତଦ୍ଗର୍ହଣପୂର୍ବକଂ ତତ୍ସୁତବଧପ୍ରତିଜ୍ଞା॥ 1 ॥ କର୍ଣଦୁର୍ଯୋଧନସଂବାଦଃ ସଙ୍କୁଲଯୁଦ୍ଧଂ ଚ॥ 2 ॥Mahabharata - Drona Parva - Chapter Text
7-146-0 (51264)
ଧୃତରାଷ୍ଟ୍ର ଉବାଚ। 7-146-0x (4648)
ତଥା ଗତେଷୁ ଶୂରେଷୁ ତେଷାଂ ମମ ଚ ସଞ୍ଜଯ।
କିଂସ୍ବିଦ୍ଭୀମାର୍ଜୁନୌ ଚୈବ ସାତ୍ଯକିଶ୍ଚାକରୋତ୍ତଦା॥ 7-146-1 (51265)
ସଞ୍ଜଯ ଉବାଚ। 7-146-2x (4649)
ବିରଥୋ ଭୀମସେନୋ ବୈ କର୍ଣବାକ୍ଶଲ୍ଯପୀଡିତଃ।
ଅମର୍ଷବଶମାପନ୍ନଃ ଫଲ୍ଗୁନଂ ବାକ୍ଯମବ୍ରବୀତ୍॥ 7-146-2 (51266)
ପୁନଃପୁନସ୍ତୂବରକ ମୂଢ ଔଦରିକେତି ଚ।
ଅକୃତାସ୍ତ୍ରକ ମା ଯୋତ୍ସୀର୍ବାଲ ସଙ୍ଗ୍ରାମକାତର॥ 7-146-3 (51267)
ଇତି ମାମବ୍ରବୀତ୍କର୍ଣଃ ପଶ୍ଯତସ୍ତେ ଧନଞ୍ଜଯ।
ଏବଂ ବକ୍ତା ଚ ମେ ବଧ୍ଯସ୍ତେନ ଚୋକ୍ତସ୍ତଥା ହ୍ଯହମ୍॥ 7-146-4 (51268)
ଏତଦ୍ବ୍ରତଂ ମହାବାହୋ ତ୍ବଯା ସହ କୃତଂ ମଯା।
ତଥୈତନ୍ମମ କୌନ୍ତେଯ ଯଥା ତବ ନ ସଂଶଯଃ॥ 7-146-5 (51269)
ତଦ୍ବଧାଯ ନରଶ୍ରେଷ୍ଠ ସ୍ମରୈତଦ୍ବଚନଂ ମମ।
ଯଥା ଭବତି ତତ୍ସତ୍ଯଂ ତଥା କୁରୁ ଧନଞ୍ଜଯ॥ 7-146-6 (51270)
ତଚ୍ଛ୍ରୁତ୍ବା ବଚନଂ ତସ୍ଯ ଭୀମସ୍ଯାମିତବିକ୍ରମଃ।
ତତୋଽର୍ଜୁନୋଽବ୍ରବୀତ୍କର୍ଣଂ କିଞ୍ଚିଦଭ୍ଯେତ୍ଯ ସଂଯୁଗେ॥ 7-146-7 (51271)
କର୍ଣକର୍ଣ ବୃଥାଦୃଷ୍ଟେ ସୂତପୁତ୍ରାତ୍ମସଂସ୍ତୁତ।
ଅଧର୍ମବୁଦ୍ଧେ ଶୃଣୁ ମେ ଯତ୍ତ୍ବାଂ ବକ୍ଷ୍ଯାମି ସାମ୍ପ୍ରତମ୍॥ 7-146-8 (51272)
ଦ୍ବାବେବଂ କର୍ଣ ଶୂରାଣାଂ ରଣେ ଦୃଷ୍ଟୌ ଜଯାଜଯୌ।
ତୌ ଚାପ୍ଯନିତ୍ଯୌ ରାଧେଯ ବାସବସ୍ଯାପି ଯୁଧ୍ଯତଃ॥ 7-146-9 (51273)
`ରଣମୁତ୍ସୃଜ୍ଯ ନିର୍ଲଜ୍ଜ ଗଚ୍ଛସେ ଚ ପୁନଃ ପୁନଃ।
ମାହାତ୍ମ୍ଯଂ ପଶ୍ଯ ଭୀମସ୍ଯ କର୍ମ ଜନ୍ମ କୁଲେ ତଥା।
ନୋକ୍ତବାନ୍ପରୁଷଂ ଯତ୍ତ୍ବାଂ ପଲାଯନପରାଯଣମ୍॥ 7-146-10 (51274)
ଭୂଯସ୍ତ୍ବମପି ସଙ୍ଗମ୍ଯଂ ସକୃଦେବ ଯଦୃଚ୍ଛଯା।
ବିରଥଂ କୃତବାନ୍ବୀରଂ ପାଣ୍ଡବଂ ସୂତଦାଯଦ॥ 7-146-11 (51275)
କୁଲସ୍ଯ ସଦୃଶଂ ଚାପି ରାଧେଯ କୃତବାନସି।
ନୈକାନ୍ତସିଦ୍ଧିଃ ସଙ୍ଗ୍ରାମେ ବାସବସ୍ଯାପି ବିଦ୍ଯତେ'॥ 7-146-12 (51276)
ମୁମୂର୍ଷୁର୍ଯୁଯୁଧାନେନ ବିରଥୋ ବିକଲେନ୍ଦ୍ରିଯଃ।
ମଦ୍ବଧ୍ଯସ୍ତ୍ବମିତି ଜ୍ଞାତ୍ବା ଜିତ୍ବା ଜୀବନ୍ବିସର୍ଜିତଃ॥ 7-146-13 (51277)
ଯଦୃଚ୍ଛଯା ରଣେ ଭୀମଂ ଯୁଧ୍ଯମାନଂ ମହାବଲମ୍।
କଥଞ୍ଚିଦ୍ବିରଥଂ କୃତ୍ବା ଯତ୍ତ୍ବଂ ରୂକ୍ଷମଭାଷଥାଃ।
ଅଧର୍ମସ୍ତ୍ବେଷ ସୁମହାନନାର୍ଯଚରିତଂ ଚ ତତ୍॥ 7-146-14 (51278)
ନାରିଂ ଜିତ୍ବାଽତିକତ୍ଥନ୍ତେ ନ ଚ ଜଲ୍ପନ୍ତି ଦୁର୍ବଚଃ।
ନ ଚ କଞ୍ଚନ ନିନ୍ଦନ୍ତି ସନ୍ତଃ ଶୂରା ନରର୍ଷଭାଃ॥ 7-146-15 (51279)
ତ୍ବଂ ତୁ ପ୍ରାକୃତବିଜ୍ଞାନସ୍ତତ୍ତଦ୍ବଦସି ସୂତଜ।
ବହ୍ବବଦ୍ଧମକର୍ଣ୍ଯଂ ଚ ଚାପଲାଦପରୀକ୍ଷିତମ୍॥ 7-146-16 (51280)
ଯୁଧ୍ଯମାନଂ ପରାକ୍ରାନ୍ତଂ ଶୂରମାର୍ଯବ୍ରତେ ରତମ୍।
ଯଦବୋଚୋଽପ୍ରିଯଂ ଭୀମଂ ନୈତତ୍ସତ୍ଯଂ ବଚସ୍ତବ।
ପଶ୍ଯତାଂ ସର୍ବସୈନ୍ଯାନାଂ କେଶବସ୍ଯ ମମୈବ ଚ॥ 7-146-17 (51281)
ବିରଥୋ ଭୀମସେନେନ କୃତୋଽସି ବହୁଶୋ ରଣେ।
ନ ଚ ତ୍ବାଂ ପରୁଷଂ କିଞ୍ଚିଦୁକ୍ତବାନ୍ପାଣ୍ଡୁନନ୍ଦନଃ॥ 7-146-18 (51282)
ଯସ୍ମାତ୍ତୁ ବହୁ ରୂକ୍ଷଂ ଚ ଶ୍ରାବିତସ୍ତେ ବୃକୋଦରଃ।
ପରୋକ୍ଷଂ ଯଚ୍ଚ ସୌଭଦ୍ରୋ ଯୁଷ୍ମାଭିର୍ବହୁଭିର୍ହତଃ।
ତସ୍ମାଦସ୍ଯାବଲେପସ୍ଯ ସଦ୍ଯଃ ଫଲମବାପ୍ନୁହି॥ 7-146-19 (51283)
ତ୍ବଯା ତସ୍ଯ ଧନୁଶ୍ଛିନ୍ନମାତ୍ମନାଶାଯ ଦୁର୍ମତେ।
ତସ୍ମାଦ୍ବଧ୍ଯୋଽସି ମେ ମୂଢ ସଭୃତ୍ଯସୁତବାନ୍ଧବଃ॥ 7-146-20 (51284)
କୁରୁ ତ୍ବଂ ସର୍ବକୃତ୍ଯାନି ମହତ୍ତେ ଭଯମାଗତମ୍।
ହନ୍ତାଽସ୍ମି ବୃଷସେନଂ ତେ ପ୍ରେକ୍ଷମାଣସ୍ଯ ସଂଯୁଗେ॥ 7-146-21 (51285)
ଯେ ଚାନ୍ଯେଽପ୍ଯୁପଯାସ୍ଯନ୍ତି ବୁଦ୍ଧିମୋହେନ ମାଂ ନୃପାଃ।
ତାଂଶ୍ଚ ସର୍ବାନ୍ହନିଷ୍ଯାମି ସତ୍ଯେନାଯୁଧମାଲଭେ॥ 7-146-22 (51286)
ତ୍ବାଂ ଚ ମୂଢାକୃତପ୍ରଜ୍ଞମତିମାନିନମାହବେ।
ଦୃଷ୍ଟ୍ବା ଦୁର୍ଯୋଧନୋ ମନ୍ଦୋ ଭୃଶଂ ତପ୍ସ୍ଯତି ପାତିତମ୍॥ 7-146-23 (51287)
ସଞ୍ଜଯ ଉବାଚ। 7-146-24x (4650)
ଅର୍ଜୁନେନ ପ୍ରତିଜ୍ଞାତେ ବଧେ କର୍ଣସୁତସ୍ଯ ତୁ।
ମହାନ୍ସୁତୁମୁଲଃ ଶବ୍ଦୋ ବଭୂବ ରଥିନାଂ ତଦା॥ 7-146-24 (51288)
ତସ୍ମିନ୍ନାକୁଲସଙ୍ଗ୍ରାମେ ବର୍ତମାନେ ମହାଭଯେ।
ମନ୍ଦରଶ୍ମିଃ ସହସ୍ରାଂଶୁରସ୍ତଙ୍ଗିରିମୁପାଦ୍ରବତ୍॥ 7-146-25 (51289)
ତତୋ ଦୁର୍ଯୋଧନୋ ରାଜା ରାଧେଯଂ ତ୍ବରିତୋଽବ୍ରବୀତ୍।
ଅର୍ଜୁନଂ ପ୍ରେକ୍ଷ୍ଯ ସଂଯାତଂ ଜଯଦ୍ରଥବଧଂ ପ୍ରତି॥ 7-146-26 (51290)
`ଅମାନୁଷାଣି କର୍ମାଣି କୁର୍ବନ୍ତୌ ଭରତର୍ଷଭ।
ସାତ୍ଯକିଂ ଭୀମସେନଂ ଚ ଯତ୍ତୌ ତୌ ଦର୍ଶଯନ୍ନିବ॥ 7-146-27 (51291)
ଅଯଂ ସ ବୈକର୍ତନ ଯୁଦ୍ଧକାଲୋ
ବିଦର୍ଶଯସ୍ବାତ୍ମବଲଂ ମହାତ୍ମନ୍।
ଯଥା ନ ବଧ୍ଯେତ ରଣେଽର୍ଜୁନେନ
ଜଯଦ୍ରଥଃ କର୍ଣ ତଥା କୁରୁଷ୍ବ॥ 7-146-28 (51292)
ଅଲ୍ପାବଶେଷୋ ଦିବସୋ ହି ସାମ୍ପ୍ରତଂ
ନିବାରଯେହାଦ୍ଯ ରିପୁଂ ଶରୌଘୈଃ।
ଦିନକ୍ଷଯଂ ପ୍ରାପ୍ଯ ନରପ୍ରବୀର
ଧ୍ରୁବୋ ହି ନଃ କର୍ଣ ଜଯୋ ଭବିଷ୍ଯତି॥ 7-146-29 (51293)
ସୈନ୍ଧବେ ରକ୍ଷ୍ଯମାଣେ ତୁ ସୂର୍ଯସ୍ଯାସ୍ତମନଂ ପ୍ରତି।
ମିଥ୍ଯାପ୍ରତିଜ୍ଞଃ କୌନ୍ତେଯଃ ପ୍ରବେକ୍ଷ୍ଯତି ହୁତାଶନମ୍॥ 7-146-30 (51294)
ଅନର୍ଜୁନାଯାଂ ଚ ଭୁବି ମୁହୂର୍ତମପି ମାନଦ।
ଜୀବିତୁଂ ନୋତ୍ସହେରନ୍ବୈ ଭ୍ରାତରୋଽସ୍ଯ ସହାନୁଗାଃ॥ 7-146-31 (51295)
ପାଣ୍ଡବେଷୁ ବିନଷ୍ଟେଷୁ ସଶୈଲବନକାନନାମ୍।
ବସୁନ୍ଧରାମିମାଂ କର୍ଣ ଭୋକ୍ଷ୍ଯାମୋ ମହତକଣ୍ଟକାମ୍॥ 7-146-32 (51296)
ଦୈବେନୋପହତଃ ପାର୍ଥୋ ବିପରୀତଶ୍ଚ ମାନଦ।
କାର୍ଯାକାର୍ଯମଜାନାନଃ ପ୍ରତିଜ୍ଞାଂ କୃତବାନ୍ରଣେ॥ 7-146-33 (51297)
ନୂନମାତ୍ମବିନାଶାଯ ପାଣ୍ଡବେନ କିରୀଟିନା।
ମିଥ୍ଯାପ୍ରତିଜ୍ଞୈବ କୃତା ଜଯଦ୍ରଥବଧଂ ପ୍ରତି॥ 7-146-34 (51298)
କଥଂ ଜୀବତି ଦୁର୍ଧର୍ଷେ ତ୍ବପି ରାଧେଯ ଫଲ୍ଗୁନଃ।
ଅନସ୍ତଙ୍ଗତ ଆଦିତ୍ଯେ ହନ୍ଯାତ୍ସୈନ୍ଧବକଂ ନୃପମ୍॥ 7-146-35 (51299)
ରକ୍ଷିତଂ ମଦ୍ରରାଜେନ କୃପେଣ ଚ ମହାତ୍ମନା।
ଜଯଦ୍ରଥଂ ରଣମୁଖେ କଥଂ ହନ୍ଯାଦ୍ଧନଞ୍ଜଯଃ॥ 7-146-36 (51300)
ଦ୍ରୌଣିନା ରକ୍ଷ୍ଯମାଣଂ ଚ ମଯା ଦୁଃଶାସନେନ ଚ।
କଥଂ ପ୍ରାପ୍ସ୍ଯତି ବୀଭତ୍ସୁଃ ସୈନ୍ଧବଂ କାଲଚୋଦିତଃ॥ 7-146-37 (51301)
ଯୁଧ୍ଯନ୍ତେ ବହବଃ ଶୂରା ଲମ୍ବତେ ଚ ଦିବାକରଃ।
ଶଙ୍କେ ଜଯଦ୍ରଥଂ ପାର୍ଥୋ ନୈବ ପ୍ରାପ୍ସ୍ଯତି ମାନଦ॥ 7-146-38 (51302)
ସ ତ୍ବଂ କର୍ଣ ମଯା ସାର୍ଧଂ ଶୂରୈଶ୍ଚାନ୍ଯୈର୍ମହାରଥୈଃ।
ଦ୍ରୌଣିନା ତ୍ବଂ ହି ସହିତୋ ମଦ୍ରେଶେନ କୃପେଣ ଚ।
ଯୁଧ୍ଯସ୍ବ ଯତ୍ନମାସ୍ଥାଯ ପରଂ ପାର୍ଥେନ ସଂଯୁଗେ॥ 7-146-39 (51303)
ଏବମୁକ୍ତସ୍ତୁ ରାଧେଯସ୍ତବ ପୁତ୍ରେଣ ମାରିଷ।
ଦୁର୍ଯୋଧନମିଦଂ ବାକ୍ଯଂ ପ୍ରତ୍ଯୁବାଚ କୁରୂତ୍ତମମ୍॥ 7-146-40 (51304)
ଦୃଢଲକ୍ଷ୍ଯେଣ ବୀରେଣ ଭୀମସେନେନ ଧନ୍ବିନା।
ଭୃଶଂ ଭିନ୍ନତନୁଃ ସଙ୍ଖ୍ଯେ ଶରଜାଲୈରନେକଶଃ॥ 7-146-41 (51305)
ସ୍ଥାତବ୍ଯମିତି ତିଷ୍ଠାମି ରଣେ ସମ୍ପ୍ରତି ମାନଦ।
ନାଙ୍ଗମିଙ୍ଗତି କିଞ୍ଚିନ୍ମେ ସନ୍ତପ୍ତସ୍ଯ ମହେଷୁଭିଃ।
ଯୋତ୍ସ୍ଯାମି ତୁ ଯଥାଶକ୍ତ୍ଯା ତ୍ବଦର୍ଥଂ ଜୀବିତଂ ମମ॥ 7-146-42 (51306)
`ତତ୍ତଥା ପ୍ରଯତିଷ୍ଯେଽହଂ ପରଂ ଶକ୍ତ୍ଯାxxxxସୁଯୋଧନ'।
ଯଥା ପାଣ୍ଡବମୁଖ୍ଯୋଽସୌ ନ ହନିଷ୍ଯାତି ସୈନ୍ଧବମ୍॥ 7-146-43 (51307)
ନ ହି ମେ ଯୁଧ୍ଯମାନସ୍ଯ ସାଯକାନସ୍ଯତଃ ଶିତାନ୍।
ସୈନ୍ଧବଂ ପ୍ରାପ୍ସ୍ଯତେ ବୀରଃ ସବ୍ଯସାଚୀ ଧନଞ୍ଜଯଃ॥ 7-146-44 (51308)
ଯତ୍ତୁ ଭକ୍ତିମତା କାର୍ଯଂ ସତତଂ ହିତକାଙ୍କ୍ଷିଣା।
ତତ୍କରିଷ୍ଯାମି କୌରବ୍ଯ ଜଯୋ ଦୈବେ ପ୍ରତିଷ୍ଠିତଃ॥ 7-146-45 (51309)
ସୈନ୍ଧବାର୍ଥେ ପରଂ ଯତ୍ନଂ କରିଷ୍ଯାମ୍ଯଦ୍ଯ ସଂଯୁଗେ।
ତ୍ବତ୍ପ୍ରିଯାର୍ଥଂ ମହାରାଜ ଜଯୋ ଦୈବେ ପ୍ରତିଷ୍ଠିତଃ॥ 7-146-46 (51310)
ଅଦ୍ଯ ଯୋତ୍ସ୍ଯେଽର୍ଜୁମହଂ ପୌରୁଷଂ ସ୍ବଂ ବ୍ଯପାଶ୍ରିତଃ।
ତ୍ବଦର୍ଥେ ପୁରୁଷବ୍ଯାଘ୍ର ଜଯୋ ଦୈବେ ପ୍ରତିଷ୍ଠିତଃ॥ 7-146-47 (51311)
ଅଦ୍ଯ ଯୁଦ୍ଧଂ କୁରୁଶ୍ରେଷ୍ଠ ମମ ପାର୍ଥସ୍ଯ ଚୋଭଯୋଃ।
ପଶ୍ଯନ୍ତୁ ସର୍ବସୈନ୍ଯାନି ଦାରୁଣଂ ରୋମହର୍ଷଣମ୍॥ 7-146-48 (51312)
ସଞ୍ଜଯ ଉବାଚ। 7-146-49x (4651)
କର୍ଣକୌରବଯୋରେବଂ ରଣେ ସଂଭାଷମାଣଯୋଃ।
ଅର୍ଜୁନୋ ନିଶିତୈର୍ବାଣୈର୍ଜଘାନ ତବ ବାହିନୀମ୍॥ 7-146-49 (51313)
ଚିଚ୍ଛେଦ ନିଶିତୈର୍ବାଣୈଃ ଶୂରାଣାମନିବର୍ତିନାମ୍॥ 7-146-50 (51314)
ଭୁଜାନ୍ପରିଘସଙ୍କାଶାନ୍ହସ୍ତିହସ୍ତୋପମାନ୍ରଣେ।
ଶିରାଂସି ଚ ମହାବାହୁଶ୍ଚିଚ୍ଛେଦ ନିଶିତୈଃ ଶରୈଃ॥ 7-146-51 (51315)
ହସ୍ତିହସ୍ତାନ୍ଦ୍ବିପସ୍କନ୍ଧାନ୍ରଥାକ୍ଷାଂଶ୍ଚ ସମନ୍ତତଃ।
ଶୋଣିତାକ୍ତାନ୍ହଯାରୋହାନ୍ଗୃହୀତପ୍ରାସତୋମରାନ୍॥ 7-146-52 (51316)
କ୍ଷୁରୈଶ୍ଚିଚ୍ଛେଦ ବୀଭତ୍ସୁର୍ଦ୍ବିଧୈକୈକଂ ତ୍ରିଧୈବ ଚ।
ହଯାନ୍ବାରଣମୁଖ୍ଯାଂଶ୍ଚ ପଦାତୀଂଶ୍ଚ ସମନ୍ତତଃ।
ଧ୍ବଜାଂଶ୍ଛତ୍ରାଣି ଚାପାନି ଚାମରାଣି ଶିରାଂସି ଚ॥ 7-146-53 (51317)
କକ୍ଷମଗ୍ନିରିବୋଦ୍ଧୂତଃ ପ୍ରାଦହତ୍ତବ ବାହିନୀମ୍।
ଅଚିରେଣ ମହୀଂ ପାର୍ଥଶ୍ଚକାର ରୁଧିରୋତ୍ତରାମ୍॥ 7-146-54 (51318)
ହତଭୂଯିଷ୍ଠଯୋଧଂ ତତ୍କୃତ୍ବା ତବ ବଲଂ ବଲୀ।
ଆସସାଦ ଦୁରାଧର୍ଷଃ ସୈନ୍ଧବଂ ସତ୍ଯବିକ୍ରମଃ॥ 7-146-55 (51319)
ବୀଭତ୍ସୁର୍ଭୀମସେନେନ ସାତ୍ବତେନ ଚ ରକ୍ଷିତଃ।
ପ୍ରବଭୌ ଭରତଶ୍ରେଷ୍ଠ ଜ୍ବଲନ୍ନିବ ହୁତାଶନଃ॥ 7-146-56 (51320)
ତଂ ତଥାଽବସ୍ଥିତଂ ଦୃଷ୍ଟ୍ବା ତ୍ବଦୀଯା ବୀରସଂମତାଃ।
ନାମୃଷ୍ଯନ୍ତ ମହେଷ୍ବାସାଃ ପାଣ୍ଡବଂ ପୁରୁଷର୍ଷଭାଃ॥ 7-146-57 (51321)
ଦୁର୍ଯୋଧନଶ୍ଚ କର୍ଣଶ୍ଚ ବୃଷସେନୋଽଥ ମଦ୍ରରାଟ୍।
ଅଶ୍ବତ୍ଥାମା କୃପଶ୍ଚୈବ ସ୍ବଯମେବ ଚ ସୈନ୍ଧବଃ॥ 7-146-58 (51322)
ସନ୍ନଦ୍ଧାଃ ସୈନ୍ଧବସ୍ଯାର୍ଥେ ସମାବୃଣ୍ବନ୍କିରୀଟିନମ୍।
ନୃତ୍ଯନ୍ତଂ ରଥମାର୍ଗେଷୁ ଧନୁର୍ଜ୍ଯାତଲନିଃସ୍ବନୈଃ॥ 7-146-59 (51323)
ସଙ୍ଗ୍ରାମକୋବିଦଂ ପାର୍ଥଂ ସର୍ବେ ଯୁଦ୍ଧବିଶାରଦାଃ।
ଅଭୀତାଃ ପର୍ଯବର୍ତନ୍ତ ବ୍ଯାଦିତାସ୍ଯମିବାନ୍ତକମ୍॥ 7-146-60 (51324)
ସୈନ୍ଧବଂ ପୃଷ୍ଠତଃ କୃତ୍ବା ଜିଘାଂସନ୍ତୋଽଚ୍ଯୁତାର୍ଜୁନୌ।
ସୂର୍ଯାସ୍ତମନମିଚ୍ଛନ୍ତୋ ଲୋହିତାଯତି ଭାସ୍କରେ॥ 7-146-61 (51325)
ତେ ଭୁଜୈର୍ଭୋଗିଭୋଗାଭୈର୍ଧନୂଂଷ୍ଯାନମ୍ଯ ସାଯକାନ୍।
ମୁମୁଚୁଃସୂର୍ଯରଶ୍ମ୍ଯାଭାଞ୍ଛତଶଃ ଫଲ୍ଗୁନଂ ପ୍ରତି॥ 7-146-62 (51326)
ତତସ୍ତାନସ୍ଯମାନାଂଶ୍ଚ କିରୀଟୀ ଯୁଦ୍ଧଦୁର୍ମଦଃ।
ଦ୍ବିଧା ତ୍ରିଧାଽଷ୍ଟଧୈକୈକଂ ଛିତ୍ତ୍ବା ବିବ୍ଯାଧ ତାନ୍ରଥାନ୍॥ 7-146-63 (51327)
ସିଂହଲାଙ୍ଗୂଲକେତୁସ୍ତୁ ଦର୍ଶଯନ୍ବୀର୍ଯମାତ୍ମନଃ।
ଶାରଦ୍ବତୀସୁତୋ ରାଜନ୍ନର୍ଜୁନଂ ପ୍ରତ୍ଯବାରଯନ୍॥ 7-146-64 (51328)
ସ ବିଦ୍ବା ଦଶଭିଃ ପାର୍ଥଂ ବାସୁଦେବଂ ଚ ସପ୍ତଭିଃ।
ଅତିଷ୍ଠଦ୍ରଥମାର୍ଗେଷୁ ସୈନ୍ଧବଂ ପ୍ରତିପାଲଯନ୍॥ 7-146-65 (51329)
ଅଥୈନଂ କୌରବଶ୍ରେଷ୍ଠାଃ ସର୍ବ ଏବ ମହାରଥାଃ।
ମହତା ରଥବଂଶେନ ସର୍ବତଃ ପ୍ରତ୍ଯବାରଯନ୍॥ 7-146-66 (51330)
ବିଷ୍ଫାରଯନ୍ତଶ୍ଚାପାନି ବିସୃଜନ୍ତଶ୍ଚ ସାଯକାନ୍।
ସୈନ୍ଧବଂ ପର୍ଯରକ୍ଷନ୍ତ ଶାସନାତ୍ତନଯସ୍ଯ ତେ॥ 7-146-67 (51331)
ତତଃ ପାର୍ଥସ୍ଯ ଶୂରସ୍ଯ ବାହ୍ବୋର୍ବଲମଦୃଶ୍ଯତ।
ଇଷୂଣାମକ୍ଷଯତ୍ବଂ ଚ ଧନୁଷୋ ଗାଣ୍ଡିବସ୍ଯ ଚ॥ 7-146-68 (51332)
ଅସ୍ତ୍ରୈରସ୍ତ୍ରାଣି ସଂବାର୍ଯ ଦ୍ରୌଣେଃ ଶାରଦ୍ବତସ୍ଯ ଚ।
ଏକୈକଂ ଦଶଭିର୍ବାଣୈଃ ସର୍ବାନେବ ସମାର୍ପଯତ୍॥ 7-146-69 (51333)
ତଂ ଦ୍ରୌଣିଃ ପଞ୍ଚବିଂଶତ୍ଯା ବୃଷସେନଶ୍ଚ ସପ୍ତଭିଃ।
ଦୁର୍ଯୋଧନଶ୍ଚ ବିଂଶତ୍ଯା କର୍ଣଶଲ୍ଯୌ ତ୍ରିଭିସ୍ତ୍ରିଭିଃ॥ 7-146-70 (51334)
ତ ଏନମଭିଗର୍ଜନ୍ତୋ ବିଧ୍ଯନ୍ତଶ୍ଚ ପୁନଃପୁନଃ।
ବିଧୁନ୍ବନ୍ତଶ୍ଚ ଚାପାନି ସର୍ବତଃ ପ୍ରତ୍ଯବାରଯନ୍॥ 7-146-71 (51335)
ଶ୍ଲିଷ୍ଟଂ ଚ ସର୍ବତଶ୍ଚକ୍ରୂ ରଥମଣ୍ଡଲମାଶୁ ତେ।
ସୂର୍ଯାସ୍ତମନମିଚ୍ଛନ୍ତସ୍ତ୍ବରମାଣା ମହାରଥାଃ॥ 7-146-72 (51336)
ତ ଏନମଭିନର୍ଦନ୍ତୌ ବିଧୁନ୍ବାନା ଧନୂଂଷି ଚ।
ସିଷିଚୁର୍ମାର୍ଗଣୈସ୍ତୀକ୍ଷ୍ଣୈର୍ଗିରିଂ ମେଘା ଇବାମ୍ବୁଭିଃ॥ 7-146-73 (51337)
ତେ ମହାସ୍ତ୍ରାଣି ଦିବ୍ଯାନି ତତ୍ର ରାଜନ୍ବ୍ଯଦର୍ଶଯନ୍।
ଧନଞ୍ଜଯସ୍ଯ ଗାତ୍ରେ ତୁ ଶୂରାଃ ପରିଘବାହବଃ॥ 7-146-74 (51338)
`ନିବାର୍ଯ ତାଞ୍ଶରବ୍ରାତୈର୍ଦିବ୍ଯାନ୍ଯସ୍ତ୍ରାଣି ଦର୍ଶଯନ୍'।
ହତଭୂଯିଷ୍ଠଯୋଧଂ ତତ୍କୃତ୍ବା ତବ ବଲଂ ବଲୀ।
ଆସସାଦ ଦୁରାଧର୍ଷଃ ସୈନ୍ଧବଂ ସତ୍ଯବିକ୍ରମଃ॥ 7-146-75 (51339)
ତଂ କର୍ଣଃ ସଂଯୁଗେ ରାଜନ୍ପ୍ରତ୍ଯବାରଯଦାଶୁଗୈଃ।
ମିଷତୋ ଭୀମସେନସ୍ଯ ସାତ୍ବତସ୍ଯ ଚ ଭାରତ॥ 7-146-76 (51340)
ତଂ ପାର୍ଥୋ ଦଶଭିର୍ବାଣୈଃ ପ୍ରତ୍ଯବିଧ୍ଯଦ୍ରାଣାଜିରେ।
ସୂତପୂତ୍ରଂ ମହାବାହୁଃ ସର୍ବସୈନ୍ଯସ୍ଯ ପଶ୍ଯତଃ॥ 7-146-77 (51341)
ସାତ୍ବତଶ୍ଚ ତ୍ରିଭିର୍ବାଣୈଃ କର୍ଣଂ ବିବ୍ଯାଧ ମାରିଷ।
ଭୀମସେନସ୍ତ୍ରିଭିଶ୍ଚୈବ ପୁନଃ ପାର୍ଥଶ୍ଚ ସପ୍ତଭିଃ॥ 7-146-78 (51342)
ତାନ୍କର୍ଣଃ ପ୍ରତିବିବ୍ଯାଧ ଷଷ୍ଟ୍ଯାଷଷ୍ଟ୍ଯା ମହାରଥଃ।
ତଦ୍ଯୁଦ୍ଧମଭବଦ୍ରାଜନ୍କର୍ଣସ୍ଯ ବହୁଭିଃ ସହ॥ 7-146-79 (51343)
ତତ୍ରାଦ୍ଭୂତମପଶ୍ଯାମ ସୂତପୁତ୍ରସ୍ଯ ମାରିଷ।
ଯଦେକଃ ସମରେ କ୍ରୁଦ୍ଧସ୍ତ୍ରୀନ୍ରଥାନ୍ପର୍ଥବାରଯତ୍॥ 7-146-80 (51344)
ଫଲ୍ଗୁନସ୍ତୁ ମହାବାହୁଃ କର୍ଣଂ ବୈକର୍ତନଂ ରଣେ।
ସାଯକାନାଂ ଶତେନୈବ ସର୍ବମର୍ମସ୍ବତାଡଯତ୍॥ 7-146-81 (51345)
ରୁଧିରୋକ୍ଷିତସର୍ବାଙ୍ଗଃ ସୂତପୁତ୍ରଃ ପ୍ରତାପବାନ୍।
ଶରୈଃ ପଞ୍ଚାଶତା ବୀରଃ ଫଲ୍ଗୁନଂ ପ୍ରତ୍ଯବିଧ୍ଯତ॥ 7-146-82 (51346)
ତସ୍ଯ ତଲ୍ଲାଘବଂ ଦୃଷ୍ଟ୍ବା ନାମୃଷ୍ଯତ ରଣେଽର୍ଜୁନଃ।
ତସ୍ଯ ପାର୍ଥୋ ଧନୁଶ୍ଛିତ୍ତ୍ବା ବିବ୍ଯାଧୈନଂ ସ୍ତନାନ୍ତରେ।
ସାଯକୈର୍ନବଭିର୍ବୀରସ୍ତ୍ବରମାଣୋ ଧନଞ୍ଜଯଃ॥ 7-146-83 (51347)
ଅଥାନ୍ଯଦ୍ଧନୁରାଦାଯ ସୂତପୁତ୍ରଃ ପ୍ରତାପବାନ୍।
ସାଯକୈରଷ୍ଟସାହସ୍ରୈଶ୍ଛାଦଯାମାସ ପାଣ୍ଡବମ୍॥ 7-146-84 (51348)
ତାଂ ବାଣବୃଷ୍ଟିମତୁଲାଂ କର୍ଣଚାପସମୁତ୍ଥିତାମ୍।
ବ୍ଯଧମତ୍ସାଯକୈଃ ପାର୍ଥଃ ଶଲଭାନିବ ମାରୁତଃ॥ 7-146-85 (51349)
ଛାଦଯାମାସ ଚ ତଦା ସାଯକୈରର୍ଜୁନୋ ରଣେ।
ପଶ୍ଯତାଂ ସର୍ପଯୋଧାନାଂ ଦର୍ଶଯନ୍ପାଣିଲାଘବମ୍॥ 7-146-86 (51350)
ବଧାର୍ଥଂ ଚାସ୍ଯ ସମରେ ସାଯକଂ ସୂର୍ଯବର୍ଚସମ୍।
ଚିକ୍ଷେପ ତ୍ବରଯା ଯୁକ୍ତସ୍ତ୍ବରାକାଲେ ଧନଞ୍ଜଯଃ॥ 7-146-87 (51351)
ତମାପତନ୍ତଂ ବେଗେନ ଦ୍ରୌଣିଶ୍ଚିଚ୍ଛେଦ ସାଯକମ୍।
ଅର୍ଧଚନ୍ଦ୍ରେଣ ତୀକ୍ଷ୍ଣେନ ସ ଚ୍ଛିନ୍ନଃ ପ୍ରାପତଦ୍ଭୂବି॥ 7-146-88 (51352)
କର୍ଣୋଽପି ଦ୍ବିଷତାଂ ହନ୍ତା ଛାଦଯାମାସ ଫଲ୍ଗୁନମ୍।
ସାଯକୈର୍ବହୁସାହସ୍ରୈଃ କୃତପ୍ରତିକୃତେପ୍ସଯା॥ 7-146-89 (51353)
ତୌ ବୃଷାବିବ ନର୍ଦନ୍ତୌ ନରସିଂହୌ ମହାରଥୌ।
ସାଯକୈସ୍ତୁ ପ୍ରତିଚ୍ଛନ୍ନଂ ଚକ୍ରତୁଃ ଖମଜିହ୍ମଗୈଃ॥ 7-146-90 (51354)
ଅଦୃଶ୍ଯୌ ଚ ଶରୌଥୈସ୍ତୌ ନିଘ୍ନ୍ତାବିତରେତରମ୍।
କର୍ଣ ପାର୍ଥୋଽସ୍ତି ତିଷ୍ଠତ୍ବଂ କର୍ଣୋଽହଂ ତିଷ୍ଠ ଫଲ୍ଗୁନ୍ନ॥ 7-146-91 (51355)
ଇତ୍ଯେବଂ ତର୍ଜଯନ୍ତୌ ତୌ ବାକ୍ଶଲ୍ଯୈସ୍ତୁ ପରସ୍ପରମ୍।
ବିଧ୍ଯେତାଂ ସମରେ ବୀରୌ ଚିତ୍ରଂ ଲଘୁ ଚ ସୁଷ୍ଠୁ ଚ॥ 7-146-92 (51356)
ପ୍ରେକ୍ଷଣୀଯୌ ଚାଭବତାଂ ସର୍ବଯୋଧସମାଗମେ।
ପ୍ରଶସ୍ଯାମାନୌ ସମରେ ସିଦ୍ଧଚାରଣପନ୍ନଗୈଃ॥ 7-146-93 (51357)
ଅଯୁଧ୍ଯେତାଂ ମହାରାଜ ପରସ୍ପରବଧୈଷିଣୌ।
ତତୋ ଦୁର୍ଯୋଧନୋ ରାଜଂସ୍ତାବକାନଭ୍ଯଭାଷତ॥ 7-146-94 (51358)
ଯତ୍ନାଦ୍ରକ୍ଷତ ରାଧେଯଂ ନାହତ୍ବା ସମରେଽର୍ଜୁନମ୍।
ନିବର୍ତିଷ୍ଯତି ରାଧେଯୋ ନ ବାଽଜିତ୍ବାଽଦ୍ଯ ଫଲ୍ଗୁନଂ॥ 7-146-95 (51359)
ଏତସ୍ମିନ୍ନ୍ତରେ ରାଜନ୍ଦୃଷ୍ଟ୍ବା କର୍ଣସ୍ଯ ବିକ୍ରମମ୍।
ଆକର୍ଣମୁକ୍ତୈରିଷୁଭିଃ କର୍ଣସ୍ଯ ଚତୁରୋ ହଯାନ୍।
ଅନଯତ୍ପ୍ରେତଲୋକାଯ ଚତୁର୍ଭିଃ ଶ୍ବେତବାହନଃ॥ 7-146-96 (51360)
ସାରଥିଂ ଚାସ୍ଯ ଭଲ୍ଲେନ ରଥନୀଡାଦପାତଯତ୍।
ଛାଦଯାମାସ ସ ଶରୈସ୍ତବ ପୁତ୍ରସ୍ଯ ପଶ୍ଯତଃ॥ 7-146-97 (51361)
ସଞ୍ଛାଦ୍ଯମାନଃ ସମରେ ହତାଶ୍ବୋ ହତସାରଥିଃ।
ମୋହିତଃ ଶରଜାଲେନ କର୍ତବ୍ଯଂ ନାଭ୍ଯପଦ୍ଯତ॥ 7-146-98 (51362)
ତଂ ତଥା ବିରଥଂ ଦୃଷ୍ଟ୍ବା ରଥମାରୋପ୍ଯ ତଂ ତଦା।
ଅଶ୍ବତ୍ଥାମା ମହାରାଜ ଭୂଯୋଽର୍ଜୁନମଯୋଧଯତ୍॥ 7-146-99 (51363)
ମଦ୍ରରାଜଶ୍ଚ କୌନ୍ତେଯମବିଧ୍ଯତ୍ତ୍ରିଂଶତା ଶରୈଃ।
`ଆବବ୍ରେଽର୍ଜୁନମାର୍ଗଂ ଚ ଶରଜାଲେନ ଭାରତ'॥ 7-146-100 (51364)
ଶାରଦ୍ବତସ୍ତୁ ବିଂଶତ୍ଯଂ ବାସୁଦେବଂ ସମାର୍ପଯତ୍।
ଧନଞ୍ଜଯଂ ଦ୍ବାଦଶଭିରାଜଘାନ ଶିଲୀମୁଖୈଃ॥
ଚତୁର୍ଭିଃ ସିନ୍ଧୁରାଜଶ୍ଚ ବୃଷସେନଶ୍ଚ ସପ୍ତଭିଃ।
ପୃଥକ୍ପୃଥଙ୍ମହାରାଜ ବିବ୍ଯଧୁଃ କୃଷ୍ଣପାଣ୍ଡବୌ॥ 7-146-101 (51365)
ତଥୈବ ତାନ୍ପ୍ରତ୍ଯବିଧ୍ଯତ୍କୁନ୍ତୀପୁତ୍ରୋ ଧନଞ୍ଜଯଃ।
ଦ୍ରୋଣପୁତ୍ରଂ ଚତୁଃଷଷ୍ଟ୍ଯା ମଦ୍ରରାଜଂ ଶତେନ ଚ॥
ସୈନ୍ଧବଂ ଦଶଭିର୍ବାଣୈର୍ବୃଷସେନଂ ତ୍ରିଭିଃ ଶରୈଃ।
ଶାରଦ୍ବତଂ ଚ ବିଂଶତ୍ଯା ବିଦ୍ବ୍ବା ପାର୍ଥୋ ନନାଦ ହ॥ 7-146-102 (51366)
ତେ ପ୍ରତିଜ୍ଞାପ୍ରତୀଘାତମିଚ୍ଛନ୍ତଃ ସବ୍ଯସାଚିନଃ।
ସହିତାସ୍ତାବକାସ୍ତୂର୍ଣମଭିପେତୁର୍ଧନଞ୍ଜଯମ୍॥ 7-146-103 (51367)
ଅଥାର୍ଜୁନଃ ସର୍ବତୋ ବାରୁଣାସ୍ତ୍ରଂ
ପ୍ରାଦୁଶ୍ଚକ୍ରେ ତ୍ରାସଯନ୍ଧାର୍ତରାଷ୍ଟ୍ରାନ୍।
ତଂ ପ୍ରତ୍ଯୁଦୀଯଃ କୁରୁବଃ ପାଣ୍ଡୁପୁତ୍ରଂ
ରଥୈର୍ମହାର୍ହୈଃ ଶରବର୍ଷଂ ସୃଜନ୍ତଃ॥ 7-146-104 (51368)
ତତସ୍ତୁ ତସ୍ମିଂସ୍ତୁମଲେ ସମୁତ୍ଥିତେ
ସୁଦାରୁଣେ ଭାରତମୋହନୀଯେ।
ନୋ ମୁହ୍ଯତ ପ୍ରାପ୍ଯ ସ ରାଜପୁତ୍ରଃ
କିରୀଟମାଲୀ ବ୍ଯସୃଜଚ୍ଛରୌଘାନ୍॥ 7-146-105 (51369)
ବଧପ୍ରେପ୍ସୁଃ ସବ୍ଯସାଚୀ କୁରୂଣାଂ
ସ୍ମରନ୍କ୍ଲେଶାନ୍ଦ୍ବାଦଶବର୍ଷବୃତ୍ତାନ୍।
ଗାଣ୍ଡୀବମୁକ୍ତୈରିଷୁଭିର୍ମହାତ୍ମା
ସର୍ବା ଦିଶୋ ବ୍ଯାବୃଣୋଦପ୍ରମେଯଃ॥ 7-146-106 (51370)
ପ୍ରଦୀପ୍ତୋଲ୍କମଭବଚ୍ଚାନ୍ତରିକ୍ଷଂ
ମୃତେଷୁ ଦେହେଷ୍ବପତନ୍ବଯାଂସି।
ଯତ୍ପିଙ୍ଗଲଜ୍ଯେନ କିରୀଟମାଲୀ
କ୍ରୁଦ୍ଧୋ ରିପୂନାଜଗବେନ ହନ୍ତି॥ 7-146-107 (51371)
ତତଃ କିରୀଟି ମହତା ମହାଯଶାଃ
ଶରାସନେନାସ୍ଯ ଶରାନନୀକଜିତ୍।
ହଯପ୍ରବେକୋତ୍ତମନାଗଘୂର୍ଣିତା--
ନ୍କୁରୁପ୍ରବୀରାନିଷୁଭିର୍ବ୍ଯାପାତଯତ୍॥ 7-146-108 (51372)
ଗଦାଶ୍ଚ ଗୁର୍ବୀଃ ପରିଘାନଯସ୍ମଯା--
ନସୀଂଶ୍ଚ ଶକ୍ତୀଶ୍ଚ ରଣେ ନରାଧିପାଃ।
ମହାନ୍ତି ଶସ୍ତ୍ରାଣି ଚ ଭୀମଦର୍ଶନାଃ
ପ୍ରଗୃହ୍ଯ ପାର୍ଥଂ ସହସାଽଭିଦୁଦ୍ରୁବୁଃ॥ 7-146-111 (51373)
ତତୋ ଯୁଗାନ୍ତାଭ୍ରସମସ୍ବନଂ ମହ--
ନ୍ମହେନ୍ଦ୍ରଚାପପ୍ରତିମଂ ଚ ଗାଣ୍ଡିବମ୍।
ଚକର୍ଷ ଦୋର୍ଭ୍ଯୋଂ ବିହସନ୍ଭୃଶଂ ଯଯୌ
ଦହଂସ୍ତ୍ବହୀଯାନ୍ଯମରାଷ୍ଟ୍ରବର୍ଧନଃ॥ 7-146-112 (51374)
ସ ତାନୁଦୀର୍ଣାନ୍ସରଥାନ୍ସବାରଣା--
ନ୍ପଦାତିସଙ୍ଘାଂଶ୍ଚ ମହାଧନୁର୍ଧରଃ।
ବିପନ୍ନସର୍ବାଯୁଧଜୀବିତାନ୍ରଣେ
ଚକାର ବୀରୋ ଯମରାଷ୍ଟ୍ରବର୍ଧନାନ୍॥ ॥ 7-146-113 (51375)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଷଟ୍ଚତ୍ବାରିଂଶଦଧିକଶତତମୋଽଧ୍ଯାଯଃ॥ 146 ॥
Mahabharata - Drona Parva - Chapter Footnotes
5-146-33 ଉପହତୋ ମୋହିତଃ। ବିପରୀତୋଽନ୍ଯଥାଭୂତପ୍ରକୃତିଃ॥ 5-146-41 ଦୃଢଲକ୍ଷ୍ଯେଣ ଦୃଢପ୍ରହାରେଣ॥ 5-146-45 ପ୍ରତିଷ୍ଠିତଃ ଅଧୀନଃ॥ 5-146-106 ସର୍ବର୍ତୋଦାରମସ୍ତ୍ରଂ ଇତି। କ.ଖ.ଟ.ପାଠଃ। ସର୍ବତଃ ସାରମସ୍ତ୍ରଂ ଇତି ଙ. ପାଠଃ॥ 5-146-107 ପ୍ରାପ୍ଯ ଯୁଦ୍ଧମିତି ଶେଷଃ॥ 5-146-110 ଆସ୍ଯ ସମନ୍ତତଃ କ୍ଷିପ୍ତ୍ବା॥ 5-146-146 ଷଟ୍ଚତ୍ବାରିଂଶଦଧିକଚତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 147
॥ ଶ୍ରୀଃ ॥
7.147. ଅଧ୍ଯାଯଃ 147
Mahabharata - Drona Parva - Chapter Topics
ଅଲ୍ପଶେଷେ ଦିବସେ ତିରୋହିତେ ଚ ଜଯଦ୍ରଥେ କୃଷ୍ଣେନାନ୍ଧକାରସର୍ଜନେନ ସୂର୍ଯବିମ୍ବପିଧାନମ୍॥ 1 ॥ ଅଦୃଶ୍ଯମାନେ ଭାନୌ ଜଯଦ୍ରଥେ ଚ ନିଃଶଙ୍କମାତ୍ମାନମାବିଷ୍କୁର୍ବତି ଅର୍ଜୁନେନ କୃଷ୍ଣଚୋଦନଯା ତଚ୍ଛିରଶ୍ଛେଦଃ॥ 2 ॥ କୃଷ୍ଣେନାର୍ଜୁନମ୍ପ୍ରତି ଜଯଦ୍ରଥଶିରଃ ବୂତଲେ ନ ନିପାତନୀଯମିତ୍ଯୁକ୍ତେ ତେନ ତମ୍ପ୍ରତି ତତ୍କାରଣକଥନପ୍ରାର୍ଥନା॥ 3 ॥Mahabharata - Drona Parva - Chapter Text
7-147-0 (51376)
ସଞ୍ଜଯ ଉବାଚ। 7-147-0x (4652)
ଶ୍ରୁତ୍ବା ନିନାଦଂ ଧନୁଷଶ୍ଚ ତସ୍ଯ
ବିସ୍ପଷୃମୁତ୍କଷ୍ଟମିବାନ୍ତକସ୍ଯ।
ଶକ୍ରାଶନିସ୍ଫୋଟସମଂ ସୁଘୋରଂ
ବିକୃଷ୍ଯମାଣସ୍ଯ ଧନଞ୍ଜଯେନ॥ 7-147-1 (51377)
ତ୍ରାସୋଦ୍ବିଗ୍ନଂ ତଥୋଦ୍ଧାନ୍ତଂ ତ୍ବଦୀଯଂ ତଦ୍ବଲଂ ନୃପ।
ଯୁଗାନ୍ତବାତସଙ୍କ୍ଷୁବ୍ଧଂ ଚଲଦ୍ବୀଚିତରଙ୍ଗିତମ୍।
ପ୍ରଲୀନମୀନମକରଂ ସାଗରାମ୍ଭ ଇବାଭବତ୍॥ 7-147-2 (51378)
`ମଧ୍ଯନ୍ଦିନଗତଂ ସୂର୍ଯମାପତନ୍ତମିବାମ୍ବରେ।
ନ ଶେକୁଃ ସର୍ବଭୂତାନି ପାଣ୍ଡବଂ ପ୍ରତିବୀକ୍ଷିତୁମ୍'॥ 7-147-3 (51379)
ସ ରଣେ ବ୍ଯଚରତ୍ପାର୍ଥଃ ପ୍ରେକ୍ଷ୍ଯମାଣୋ ଧନଞ୍ଜଯଃ।
ଯୁଗପଦ୍ଦିକ୍ଷୁ ସର୍ବାସୁ ସର୍ବାଣ୍ଯସ୍ତ୍ରାଣି ଦର୍ଶଯନ୍॥ 7-147-4 (51380)
ଆଦଦାନଂ ମହାରାଜ ସନ୍ଦଧାନଂ ଚ ପାଣ୍ଡବମ୍।
ଉତ୍କର୍ଷନ୍ତଂ ସୃଜନ୍ତଂ ଚ ନ ସ୍ମ ପଶ୍ଯାମ ଲାଘବାତ୍॥ 7-147-5 (51381)
[ତତଃ କ୍ରୁଦ୍ଧୋ ମହାବାହୁରୈନ୍ଦ୍ରମସ୍ତ୍ରଂ ଦୁରାସଦମ୍।
ପ୍ରାଦୁଶ୍ଚକ୍ରେ ମହାରାଜ ତ୍ରାସଯନ୍ସର୍ବଭାରତାନ୍॥ 7-147-6 (51382)
ତତଃ ଶରାଃ ପ୍ରାଦୁରାସନ୍ଦିବ୍ଯାସ୍ତ୍ରପ୍ରତିମନ୍ତ୍ରିତାଃ।
ପ୍ରଦୀପାଶ୍ଚ ଶିଖିମୁଖାଃ ଶତଶୋଽଥ ସହସ୍ରଶଃ॥ 7-147-7 (51383)
ଆକର୍ଣପୂର୍ଣନିର୍ମୁକ୍ତୈରଗ୍ନ୍ଯର୍କାଂଶୁନିଭୈଃ ଶରୈଃ।
ନଭୋଽଭବତ୍ତଦ୍ଦୁଷ୍ପ୍ରେକ୍ଷ୍ଯମୁଲ୍କାଭିରିବ ସଂବୃତମ୍॥ 7-147-8 (51384)
ତତଃ ଶସ୍ତ୍ରାନ୍ଧକାରଂ ତତ୍କୌରବୈଃ ସମୁଦୀରିତମ୍।
ଅଶକ୍ଯଂ ମନସାଽପ୍ଯନ୍ଯୈଃ ପାଣ୍ଡବଃ ସମ୍ଭ୍ରମନ୍ନିବ॥ 7-147-9 (51385)
ନାଶଯାମାସ ବିକ୍ରମ୍ଯ ଶରୈର୍ଦିବ୍ଯାସ୍ତ୍ରମନ୍ତ୍ରିତୈଃ।
ନୈଶଂ ତମୋଂଶୁଭିଃ କ୍ଷିପ୍ରଂ ଦିନାଦାବିବ ଭାସ୍କରଃ॥ 7-147-10 (51386)
ତତସ୍ତୁ ତାବକଂ ସୈନ୍ଯଂ ଦୀପ୍ତୈଃ ଶରଗଭସ୍ତିଭିଃ।
ଆକ୍ଷିପତ୍ପଲ୍ବଲାମ୍ବୂନି ନିଦାଘାର୍କ ଇବ ପ୍ରଭୁଃ॥ 7-147-11 (51387)
ତତୋ ଦିବ୍ଯାସ୍ତ୍ରବିଦୁଷା ପ୍ରହିତାଃ ସାଯକାଂଶବଃ।
ସମାପ୍ଲବନ୍ଦ୍ବିଷତ୍ସୈନ୍ଯଂ ଲୋକଂ ଭାଗୋରିବାଂଶବଃ॥ 7-147-12 (51388)
ଅଥାପରେ ସମୁତ୍ସୃଷ୍ଟା ବିଶିଖାସ୍ତିଗ୍ମତେଜସଃ।
ହୃଦଯାନ୍ଯାଶୁ ବୀରାଣାଂ ବିବିଶୁଃ ପ୍ରିଯବନ୍ଧୁବତ୍॥ 7-147-13 (51389)
ଯ ଏନମୀଯୁଃ ସମରେ ତ୍ବଦ୍ଯୋଧାଃ ଶୂରମାନିନଃ।
ଶଲଭା ଇବ ତେ ଦୀପ୍ତମଗ୍ନିଂ ପ୍ରାପ୍ଯ ଯଯୁଃ କ୍ଷଯମ୍॥ 7-147-14 (51390)
ଏବଂ ସ ମୃଦ୍ରଞ୍ଶତ୍ରୂଣାଂ ଜୀବିତାନି ଯଶାଂସି ଚ।
ପାର୍ଥଶ୍ଚଚାର ସଙ୍ଗ୍ରାମେ ମୃତ୍ଯୁର୍ବିଗ୍ରହବାନିବ॥ 7-147-15 (51391)
ସ କିରୀଟାନି ବସ୍ତ୍ରାଣି ସାଙ୍ଗଦାନ୍ବିପୁଲାନ୍ଭୁଜାନ୍।
ସକୁଣ୍ଡଲଯୁଗାନ୍କର୍ଣାନ୍କେଷାଞ୍ଚିଦହରଚ୍ଛରୈଃ॥ 7-147-16 (51392)
ସତୋମରାନ୍ଗଜସ୍ଥାନାଂ ସପ୍ରାସାନ୍ହଯସାଦିନାମ୍।
ସଚର୍ମଣଃ ପଦାତୀନାଂ ରଥିନାଂ ଚ ସଧନ୍ବନଃ।
ସପ୍ରତୋଦାନ୍ନିଯନ୍ତୄଣାଂ ବାହୂଂଶ୍ଚିଚ୍ଛେଦ ପାଣ୍ଡବଃ॥ 7-147-17 (51393)
ପ୍ରଦୀପ୍ତୋଗ୍ରଶରାର୍ଜିଷ୍ମାନ୍ବଭୌ ତତ୍ର ଧନଞ୍ଜଯଃ।
ସବିସ୍ଫୁଲିଙ୍ଗାଗ୍ରଶିଖୋ ଜ୍ବଲନ୍ନିବ ହୁତାଶନଃ॥ 7-147-18 (51394)
ତଂ ଦେବରାଜପ୍ରତିମଂ ସର୍ବଶସ୍ତ୍ରଭୃତାଂ ବରମ୍।
ଯୁଗପଦ୍ଦିକ୍ଷୁ ସର୍ବାସୁ ରଥସ୍ଥଂ ପୁରୁଷର୍ଷଭମ୍॥ 7-147-19 (51395)
ନିକ୍ଷିପନ୍ତଂ ମହାସ୍ତ୍ରାଣି ପ୍ରେକ୍ଷଣୀଯଂ ଧନଞ୍ଜଯମ୍।
ନୃତ୍ଯନ୍ତଂ ରଥମାର୍ଗେଷୁ ଧନୁର୍ଜ୍ଯାତଲନାଦିନମ୍॥ 7-147-20 (51396)
ନିରୀକ୍ଷିତୁଂ ନ ଶେକୁସ୍ତେ ଯତ୍ନବନ୍ତୋଽପି ପାର୍ଥିବାଃ।
ମଧ୍ଯନ୍ଦିନଗତଂ ସୂର୍ଯଂ ପ୍ରତପନ୍ତମିବାମ୍ବରେ॥ 7-147-21 (51397)
ଦୀପ୍ତୋଗ୍ରସମ୍ଭୃତଶରଃ କିରୀଟୀ ବିରରାଜ ହ।
ବର୍ଷାସ୍ବିବୋଦୀର୍ଣଜଲଃ ସେନ୍ଦ୍ରଧନ୍ବାମ୍ବୁଦୋ ମହାନ୍॥ 7-147-22 (51398)
ମହାସ୍ତ୍ରସଂପ୍ଲୁବେ ତସ୍ମିଞ୍ଜିଷ୍ଣୁନା ସମ୍ପ୍ରବର୍ତିତେ।
ସୁଦୁସ୍ତରେ ମହାଘୋରେ ମମଜ୍ଜୁର୍ଯୋଧପୁଙ୍ଗବାଃ॥ 7-147-23 (51399)
ଉତ୍କୃତ୍ତବଦନୈର୍ଦେହୈଃ ଶରୀରୈଃ କୃତ୍ତବାହୁଭିଃ।
ଭୁଜୈଶ୍ଚ ପାଣିନିର୍ମୁକ୍ତୈଃ ପାଣିଭିର୍ବ୍ଯଙ୍ଗୁଲୀକୃତୈଃ॥ 7-147-24 (51400)
କୃତ୍ତାଗ୍ରହସ୍ତୈଃ କରିଭିଃ କୃତ୍ତଦନ୍ତୈର୍ମଦୋତ୍କଟୈଃ।
ହଯୈଶ୍ଚ ବିଧୁରଗ୍ରୀବୈ ରଥୈଶ୍ଚ ଶକଲୀକୃତୈଃ॥ 7-147-25 (51401)
ନିକୃତ୍ତାନ୍ତ୍ରୈଃ କୃତ୍ତପାଦୈସ୍ତଥାଽନ୍ଯୈଃ କୃତ୍ତସନ୍ଧିଭିଃ।
ନିଶ୍ଚେଷ୍ଟୈର୍ବିସ୍ଫୁରଦ୍ଭିଶ୍ଚ ଶତଶୋଽଥ ସହସ୍ରଶଃ॥ 7-147-26 (51402)
ମୃତ୍ଯୋରାଘାତଲଲିତଂ ତତ୍ପାର୍ଥାଯୋଧନଂ ମହତ୍।
ଅପଶ୍ଯାମ ମହୀପାଲ ଭୀରୂଣାଂ ଭଯବର୍ଧନମ୍॥ 7-147-27 (51403)
ଆକ୍ରୀଡମିବ ରୁଦ୍ରସ୍ଯ ପୁରାଭ୍ଯର୍ଦଯତଃ ପଶୂନ୍।
ଗଜାନାଂ କ୍ଷୁରନିର୍ମୁକ୍ତୈଃ କରୈଃ ସଭୁଜଗେବ ଭୂଃ॥ 7-147-28 (51404)
କ୍ବଜିଦ୍ବଭୌ ସ୍ରଗ୍ବିଣୀବ ବକ୍ତ୍ରପଦ୍ମୈଃ ସମାଚିତା।
ବିଚିତ୍ରୋଷ୍ଣୀଷମୁକୁଟୈଃ କେଯୂରାଙ୍ଗଦକୁଣ୍ଡଲୈଃ॥ 7-147-29 (51405)
ସ୍ବର୍ଣଚିତ୍ରତନୁତ୍ରୈଶ୍ଚ ଭାଣ୍ଡୈଶ୍ଚ ଗଜବାଜିନାମ୍।
କିରୀଟଶତସଙ୍ଗୀର୍ଣା ତତ୍ର ତତ୍ର ସମାଚିତା।
ବିରାଜ ଭୃଶଂ ଚିତ୍ରା ମହୀ ନବବଧୂରିବ॥ 7-147-30 (51406)
ମଜ୍ଜାମେଦଃକର୍ଦମିନୀଂ ଶୋଣିତୌଘତରଙ୍ଗିଣୀମ୍।
ମର୍ମାସ୍ଥିଭିରଗାଧାଂ ଚ କେଶଶୈବଲଶାଦ୍ବଲାମ୍॥ 7-147-31 (51407)
ଶିରୋବାହୂପଲତଟାଂ ରୁଗ୍ଣକ୍ରୋଡାସ୍ଥିସଙ୍କଟାମ୍।
ଚିତ୍ରଧ୍ବଜପତାକାଢ୍ଯାଂ ଛତ୍ରାଚାପୋର୍ମିମାଲିନୀମ୍॥ 7-147-32 (51408)
ବିଗତାସୁମହାକାଯାଂ ଗଜଦେହାଭିସଙ୍କୁଲାମ୍।
ରଥୋଡୁପଶତାକୀର୍ଣାଂ ହଯସଙ୍ଘାତରୋଧସମ୍॥ 7-147-33 (51409)
ରଥଚକ୍ରଯୁଗେଷାକ୍ଷକୂବରୈରତିଦୁର୍ଗମାମ୍।
ପ୍ରାସାସିଶକ୍ତିପରଶୁବିଶିଖାହିଦୁରାସଦାମ୍॥ 7-147-34 (51410)
ବଲକଙ୍କୁମହାନକ୍ରାଂ ଗୋମାଯୁମକରୋତ୍କଟାମ୍।
ଗୃଘ୍ରୋଦଗ୍ରମହାଗ୍ରାହାଂ ଶିବାବିରୁତଭୈରବାମ୍॥ 7-147-35 (51411)
ନୃତ୍ଯତ୍ପ୍ରେତପିଶାଚାଦ୍ଯୈର୍ଭୂତାକୀର୍ଣାଂ ସହସ୍ରଶଃ।
ଗତାସୁଯୋଧନିଶ୍ଚେଷ୍ଟଶରୀରଶତବାହିନୀମ୍॥ 7-147-36 (51412)
ମହାପ୍ରତିଭଯାଂ ରୌଦ୍ରାଂ ଘୋରାଂ ବୈତରଣୀମିବ।
ନଦୀଂ ପ୍ରବର୍ତଯାମାସ ଭୀରୂଣାଂ ଭଯବର୍ଧିନୀମ୍॥ 7-147-37 (51413)
ତଂ ଦୃଷ୍ଟ୍ବା ତସ୍ଯ ବିକ୍ରାନ୍ତମନ୍ତକସ୍ଯେବ ରୂପିଣଃ।
ଅଭୂତପୂର୍ବଂ କୁରୁଷୁ ଭଯମାଗାଦ୍ରଣାଜିରେ॥ 7-147-38 (51414)
ତତ ଆଦାଯ ବୀରାଣାମସ୍ତ୍ରୈରସ୍ତ୍ରାଣି ପାଣ୍ଡବଃ।
ଆତ୍ମାନଂ ରୌଦ୍ରମାଚଷ୍ଟ ରୌଦ୍ରକର୍ମଣ୍ଯଧିଷ୍ଠିତଃ॥ 7-147-39 (51415)
ତତୋ ରଥବରାନ୍ରାଜନ୍ନତ୍ଯତିକ୍ରାମଦର୍ଜୁନଃ॥] 7-147-40 (51416)
ମଧ୍ଯନ୍ଦିନଗତଂ ସୂର୍ଯଂ ପ୍ରତପନ୍ତମିବାମ୍ବରେ।
ନ ଶେକୁଃ ସର୍ବଭୂତାନି ପାଣ୍ଡବଂ ପ୍ରତିବୀକ୍ଷିତୁମ୍॥ 7-147-41 (51417)
ପ୍ରସୃତାଂସ୍ତସ୍ଯ ଗାଣ୍ଡୀବାଚ୍ଛରବ୍ରାତାନ୍ମହାତ୍ମନଃ।
ସଙ୍ଗ୍ରାମେ ସମ୍ପ୍ରପଶ୍ଯାମୋ ହଂସପଙ୍କ୍ତିରିବାମ୍ବରେ॥ 7-147-42 (51418)
ବିନିବାର୍ଯ ସ ବୀରାଣାମସ୍ତ୍ରୈରସ୍ତ୍ରାଣି ସର୍ବତଃ।
ଦର୍ଶଯନ୍ରୌଦ୍ରମାତ୍ମାନମୁଗ୍ରେ କର୍ମଣି ଧିଷ୍ଠିତଃ॥ 7-147-43 (51419)
ସ ତାନ୍ରଥବରାନ୍ରାଜନ୍ନତ୍ଯାକ୍ରାମତ୍ତଦାଽର୍ଜୁନଃ।
ମୋହଯନ୍ନିବ ନାରାଚୈର୍ଜଯଦ୍ରଥବଧେପ୍ସଯା॥ 7-147-44 (51420)
ବିସୃଜନ୍ଦିକ୍ଷୁ ସର୍ବାସୁ ଶରାନଚ୍ଯୁତସାରଥିଃ।
ସରଥୋ ବ୍ଯଚରତ୍ତୂର୍ଣଂ ପ୍ରେକ୍ଷଣୀଯୋ ଧନଞ୍ଜଯଃ॥ 7-147-45 (51421)
ଭ୍ରମନ୍ତ ଇବ ଶୂରସ୍ଯ ଶରବ୍ରାତାଃ ମହାତ୍ମନଃ।
ଅଦୃଶ୍ଯନ୍ତାନ୍ତରିକ୍ଷସ୍ଥାଃ ଶତଶୋଽଥ ସହସ୍ରଶଃ॥ 7-147-46 (51422)
ଆଦଦାନଂ ମହେଷ୍ବାସଂ ସନ୍ଦଧାନଂ ଚ ସାଯକମ୍।
ବିସୃଜନ୍ତଂ ଚ କୌନ୍ତେଯଂ ନାନୁପଶ୍ଯାମ ବୈ ତଦା॥ 7-147-47 (51423)
ତଥା ସର୍ବା ଦିଶୋ ରାଜନ୍ସର୍ବାଂଶ୍ଚ ରଥିନୋ ରଣେ।
ଆକୁଲୀକୃତ୍ଯ କୌନ୍ତେଯୋ ଜଯଦ୍ରଥମୁପାଦ୍ରବତ୍।
ବିବ୍ଯାଧ ଚ ଚତୁଃଷଷ୍ଟ୍ଯା ଶରାଣାଂ ନତପର୍ବଣାମ୍॥ 7-147-48 (51424)
[ସୈନ୍ଧବାଭିମୁଖଂ ଯାନ୍ତଂ ଯୋଧାଃ ସମ୍ପ୍ରେକ୍ଷ୍ଯ ପାଣ୍ଡବମ୍।
ନ୍ଯବର୍ତନ୍ତ ରଣାଦ୍ବୀରା ନିରାଶାସ୍ତସ୍ଯ ଜୀବିତେ॥ 7-147-49 (51425)
ଯୋ ଯୋଽଭ୍ଯଧାବଦାକ୍ରନ୍ଦେ ତାବକଃ ପାଣ୍ଡବଂ ରଣେ।
ତସ୍ଯତସ୍ଯାନ୍ତଗା ବାଣାଃ ଶରୀରେ ନ୍ଯପତନ୍ପ୍ରଭୋ॥ 7-147-50 (51426)
କବନ୍ଧସଙ୍କୁଲଂ ଚକ୍ରେ ତବ ସୈନ୍ଯଂ ମହାରଥଃ।
ଅର୍ଜୁନୋ ଜଯତାଂ ଶ୍ରେଷ୍ଠଃ ଶରୈରଗ୍ନ୍ଯଂଶୁସନ୍ନିଭୈଃ॥ 7-147-51 (51427)
ଏବଂ ତତ୍ତବ ରାଜେନ୍ଦ୍ର ଚତୁରଙ୍ଗବଲଂ ତଦା।
ବ୍ଯାକୁଲୀକୃତ୍ଯ କୌନ୍ତେଯୋ ଜଯଦ୍ରଥମୁପାଦ୍ରବତ୍॥ 7-147-52 (51428)
ଦ୍ରୌଣିଂ ପଞ୍ଚାଶତାଽବିଧ୍ଯଦ୍ବୃଷସେନଂ ତ୍ରିଭିଃ ଶରୈଃ।
କୃପାଯମାଣଃ କୌନ୍ତେଯଃ କୃପଂ ନବଭିରାର୍ଦଯତ୍॥ 7-147-53 (51429)
ଶଲ୍ଯଂ ଷୋଡଶଭିର୍ବାଣୈଃ କର୍ଣଂ ଦ୍ବାତ୍ରିଂଶତା ଶରୈଃ।
ସୈନ୍ଧବଂ ତୁ ଚତୁଃଷଷ୍ଟ୍ଯା ବିଦ୍ବ୍ବା ସିଂହ ଇବାନଦତ୍॥] 7-147-54 (51430)
ସୈନ୍ଧବସ୍ତୁ ତଥା ବିଦ୍ଧଃ ଶରୈର୍ଗାଣ୍ଡୀବଧନ୍ବନା।
ନ ଚକ୍ଷମେ ସୁସଙ୍କ୍ରୁଦ୍ଧସ୍ତୋତ୍ରାର୍ଦିତ ଇବ ଦ୍ବିପଃ॥ 7-147-55 (51431)
ସ ବରାହଧ୍ବଜସ୍ତୂର୍ଣଂ ଗାର୍ଧ୍ରପତ୍ରାନଜିହ୍ମଗାନ୍।
କ୍ରୁଦ୍ଧାଶୀବିଷସଙ୍କାଶାନ୍କର୍ମାରପରିମାର୍ଜିତାନ୍॥ 7-147-56 (51432)
ଆକର୍ଣପୂର୍ଣାଂଶ୍ଚିକ୍ଷେପ ଫଲ୍ଗୁନସ୍ଯ ରଥଂ ପ୍ରତି।
ତ୍ରିଭିସ୍ତୁ ବିଦ୍ବା ଗୋବିନ୍ଦଂ ନାରାଚୈଃ ଷଡ୍ଭିରର୍ଜୁନମ୍॥ 7-147-57 (51433)
ଅଷ୍ଟଭିର୍ବାଜିନୋଽବିଧ୍ଯଦ୍ଧ୍ବଜଂ ଚୈକେନ ପତ୍ରିଣା।
`ଭୂଯଶ୍ଚୈବାର୍ଜୁନଂ ସଙ୍ଖ୍ଯେ ଶରବର୍ଷୈରବାକିରତ୍'॥ 7-147-58 (51434)
ସ ବିକ୍ଷିପ୍ଯାର୍ଜୁନସ୍ତୂର୍ଣଂ ସୈନ୍ଧବପ୍ରହିତାଞ୍ଶରାନ୍।
ଯୁଗପତ୍ତସ୍ଯ ଚିଚ୍ଛେଦ ଶରାଭ୍ଯାଂ ସୈନ୍ଧବସ୍ଯ ହ।
ସାରଥେଶ୍ଚ ଶିରଃ କାଯାଦ୍ବ୍ବଜଂ ଚ ସମଲଙ୍କୃତମ୍॥ 7-147-59 (51435)
ସ ଚ୍ଛିନ୍ନଯଷ୍ଟିଃ ସୁମହାନ୍ଧନଞ୍ଜଯଶରାହତଃ।
ବରାହଃ ସିନ୍ଧୁରାଜସ୍ଯ ପପାତେନ୍ଦୁସମପ୍ରଭଃ॥ 7-147-60 (51436)
ଆଦିତ୍ଯଂ ପ୍ରେକ୍ଷମାଣସ୍ତୁ ବୀଭତ୍ସୁଃ ସୃକ୍ବିଣୀ ଲିହନ୍।
ଅପଶ୍ଯନ୍ନାନ୍ତରଂ ତସ୍ଯ ରକ୍ଷିଭିଃ ସଂବୃତସ୍ଯ ବୈ॥ 7-147-61 (51437)
ଅଭବକ୍ତ୍ରୋଧରକ୍ତାକ୍ଷୋ ବ୍ଯାତ୍ତାନନ ଇବାନ୍ତକଃ।
ଅଥାବ୍ରବୀଦ୍ବାସୁଦେବଃ କୁନ୍ତୀପୁତ୍ରଂ ଧନଞ୍ଜଯମ୍॥ 7-147-62 (51438)
ନୈବ ଶକ୍ଯସ୍ତ୍ବଯା ହନ୍ତୁଂ ନିର୍ବ୍ଯାଜଂ ଭରତର୍ଷଭ।
ସ୍ରକ୍ଷ୍ଯାମ୍ଯହମୁପାଯଂ ତମାଦିତ୍ଯସ୍ଯାପବାରଣେ।
ତତୋଽସ୍ତଂ ଗତମାଦିତ୍ଯଂ ମଂସ୍ଯତେ ସିନ୍ଧୁରାଡିହ॥ 7-147-63 (51439)
ତତୋଽସ୍ଯ ବିସ୍ମଯଃ ପାର୍ଥ ହର୍ଷଶ୍ଚୈବ ଭବିଷ୍ଯତି।
ଆତ୍ମଜୀବିତଲାଭାଚ୍ଚ ପ୍ରତିଜ୍ଞାଯାଶ୍ଚ ନାଶନାତ୍॥ 7-147-64 (51440)
ଅସ୍ତଙ୍ଗତମିବାଦିତ୍ଯଂ ଦୃଷ୍ଟ୍ବା ମୋହେନ ବାଲିଶଃ।
ନ ହି ଶକ୍ଷ୍ଯତ୍ଯଥାଽଽତ୍ମାନଂ ରକ୍ଷିତୁଂ ହର୍ଷସମ୍ଭବାତ୍॥ 7-147-65 (51441)
ଏତସ୍ମିନ୍ନେବ କାଲେ ତୁ ପ୍ରହର୍ତବ୍ଯଂ ଧନଞ୍ଜଯ।
ଜଯଦ୍ରଥସ୍ଯ କ୍ଷୁଦ୍ରସ୍ଯ ସବିଦୁର୍ଦର୍ଶନାର୍ଥିନଃ॥ 7-147-66 (51442)
ସଞ୍ଜଯ ଉବାଚ। 7-147-67x (4653)
ଏବମୁକ୍ତ୍ବା ତତଃ ପାର୍ଥଂ କ୍ଷିପ୍ରମେବାହରତ୍ପ୍ରଭାମ୍।
ଜନାର୍ଦନେନ ସୃଷ୍ଟଂ ବୈ ତମ ଆଦିତ୍ଯନାଶନମ୍॥ 7-147-67 (51443)
ପାର୍ଥସ୍ଯ ବଲମଜ୍ଞାନାତ୍ତମୋ ଦୃଷ୍ଟ୍ବା ସୁଦୁଃଖିତମ୍।
ଅଭବଂସ୍ତାବକା ଯୋଧା ହର୍ଷସଙ୍କୁଲଚେତସଃ॥ 7-147-68 (51444)
ତେ ପ୍ରହୃଷ୍ଟା ରଣେ ରାଜନ୍ନପଶ୍ଯନ୍ସୈନିକା ରବିମ୍।
ଉନ୍ନାମ୍ଯ ବକ୍ତ୍ରାଣି ତଦା ସ ଚ ରାଜା ଜଯଦ୍ରଥଃ॥ 7-147-69 (51445)
ବୀକ୍ଷମାଣେ ତତସ୍ତସ୍ମିନ୍ସିନ୍ଧୁରାଜେ ଦିବାକରମ୍।
ଉନ୍ନମଯ୍ଯ ଶିରୋଗ୍ରୀବାଂ ବୀକ୍ଷତେ ସୂର୍ଯମଣ୍ଡଲମ୍।
ତସ୍ଯ ଶୀଘ୍ରଂ ପୃଷତ୍କେନ କାଯାଚ୍ଛୀର୍ଷମପାହର॥ 7-147-70 (51446)
କେଶବେନୈବମୁକ୍ତଃ ସନ୍ନମର୍ଷାଦ୍ରକ୍ତଲୋଚନଃ।
ଉଦ୍ବବର୍ହ ଶରଂ ତୀକ୍ଷ୍ଣମମରୈରପି ଦୁଃସହମ୍॥ 7-147-71 (51447)
ଏବଂ ତୂଣୀଶଯଂ ଘୋରମିନ୍ଦ୍ରାଶନିସମପ୍ରଭମ୍।
ବର୍ମଭେଦିନମତ୍ଯର୍ଥଂ ଗନ୍ଧମାଲ୍ଯାର୍ଚିତଂ ସଦା।
ବିସସର୍ଜ ତତସ୍ତୂର୍ଣଂ ସୈନ୍ଧବସ୍ଯ ରଥଂ ପ୍ରତି॥ 7-147-72 (51448)
ସ ତୁ ଗାଣ୍ଡୀବନିର୍ମୁକ୍ତଃ ଶରଃ ଶ୍ଯେନ ଇବାଶୁନଃ।
ଶକୁନ୍ତମିବ ବୃକ୍ଷାଗ୍ରାତ୍ସୈନ୍ଧବସ୍ଯାହରଚ୍ଛିରଃ॥ 7-147-73 (51449)
ପ୍ରପତିଷ୍ଯତି ଶୀର୍ଷେ ତୁ କୃଷ୍ଣୋଽର୍ଜୁନମଥାବ୍ରବୀତ୍।
ପାର୍ଥ ପାର୍ଥ ଶିରୋ ହ୍ଯେତଦ୍ଯଥା ନେଯାନ୍ମହୀତଲମ୍।
ତଥା କୁରୁ କୁରୁଶ୍ରେଷ୍ଠ ବକ୍ଷ୍ଯେ ତସ୍ଯାପି କାରଣମ୍॥ 7-147-74 (51450)
ଶ୍ରୁତ୍ବା ତୁ ବଚନଂ ତସ୍ଯ ତ୍ବରମାଣୋଽସ୍ତ୍ରମାଯଯା।
ତଥାଽହରଚ୍ଛିରସ୍ତସ୍ଯ ଶରୈରୂର୍ଧ୍ବଂ ଧନଞ୍ଜଯଃ।
ଦୁର୍ହୃଦାମପହର୍ଷାଯ ସୁହୃଦାଂ ହର୍ଷଣାଯ ଚ॥ 7-147-75 (51451)
ତିର୍ଯଗୂର୍ଧ୍ବମଧଶ୍ଚୈବ ପୁନରୂର୍ଧ୍ବମଥାପି ଚ।
ଦୀର୍ଘକାଲମବାକ୍ବୈବ ସମ୍ପ୍ରକ୍ରୀଡନ୍ନିବାର୍ଜୁନଃ॥ 7-147-76 (51452)
ତତ୍ସୈନ୍ଯଂ ସର୍ବତୋପଶ୍ଯନ୍ମହଦାଶ୍ଚର୍ଯମଦ୍ଭୁତମ୍।
ପ୍ରାପଯତ୍ସ ଶିରୋ ଯସ୍ମାଦ୍ଯୋଧଯନ୍ନେବ ପାର୍ଥିବାନ୍॥ 7-147-77 (51453)
ଶରୈଃ କନ୍ଦୁକବତ୍କୃତ୍ବା ତସ୍ଯାଲୋକାଯ ପାଣ୍ଡବଃ।
ସ୍ଯମନ୍ତପଞ୍ଚକାଦ୍ବାହ୍ଯେ ଶିରସ୍ତଦହରଚ୍ଛରୈଃ॥ 7-147-78 (51454)
ଜଯଦ୍ରଥସ୍ଯାର୍ଜୁନବାଣନାଲଂ
ମୁଖାରବିନ୍ଦଂ ରୁଧିରାମ୍ବୁସିକ୍ତମ୍।
ଦୃଷ୍ଟଂ ନରୈଶ୍ଚୋପରିବର୍ତମାନଂ
ବିଦ୍ଯାଧରୋତ୍ସୃଷ୍ଟମିବୈକପଦ୍ମମ୍॥ 7-147-79 (51455)
ସ ଦେବଶତ୍ରୂନିବ ଦେବରାଜଃ
କିରୀଟମାଲୀ ବ୍ଯଧମତ୍ସପତ୍ନାନ୍।
ଯଥା ତମାଂସ୍ଯଭ୍ଯୁଦିତସ୍ତମୋଘ୍ନଃ
ପୂର୍ଣାଂ ପ୍ରତିଜ୍ଞାଂ ସ ସମାପ୍ଯ ବୀରଃ॥ 7-147-80 (51456)
ଅଥାବ୍ରବୀତ୍କେଶବଂ ପାଣ୍ଡବେଯଃ
କିଯନ୍ତମଧ୍ଯବାନମିଦଂ ହରାମି।
କିମର୍ଥମେତନ୍ନ ନିପାତ୍ଯମୁର୍ବ୍ଯାଂ
କ୍ବ ଚ ପ୍ରଯାତବ୍ଯମିଦଂ ଚ ଶଂସ।
ଶକ୍ନୋମ୍ଯହଂ ଯତ୍ର ଭବାନ୍ବ୍ରବୀତି 7-147-81 (51457)
7-147-81f"
ତଂ ଭୂମିଦେଶଂ ଚ ଶିରୋ ବିନେତୁମ୍॥ ॥
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ସପ୍ତଚତ୍ବାରିଂଶଦଧିକଶତତମୋଽଧ୍ଯାଯଃ॥ 147 ॥
Mahabharata - Drona Parva - Chapter Footnotes
5-147-6 କୁଣ଼୍ଡଲିତଃ ପାଠୋ ଝ. ପୁସ୍ତକ ଏବାସ୍ତି॥ 5-147-49 କୁଣ୍ଡଲିତଃ ପାଠଃ ଝ.ପୁସ୍ତକ ଏବ ବିଦ୍ଯତେ॥ 5-147-67 ଉକ୍ତା ସୃଷ୍ଟଂ ତମଃ କର୍ତୃ ପ୍ରଭାମହରଦିତ୍ଯନ୍ବଯଃ॥ 5-147-68 ବଲଂ ସୈନ୍ଯଂ କର୍ତୃ॥ 5-147-147 ସପ୍ତଚତ୍ବାରିଂଶଦଧିକଶତତମୋଽଧ୍ଯାଯଃ॥ 5-147-* ଅଥାବ୍ରବୀଦିତ୍ଯାଦୀନାଂ ବୀକ୍ଷତେ ସୂର୍ଯମଣ୍ଡଲଂ ଇତ୍ଯନ୍ତାନାଂ ଶ୍ଲୋକାନାଂ ସ୍ଥାନେ ଅଧୋଲିଖିତାଃ ଶ୍ଲୋକାଃ ଙ.ପୁସ୍ତକେ ବର୍ତନ୍ତେ। ଅନସ୍ତମିତ ଆଦିତ୍ଯେ ଅତାନ୍ନିର୍ଜିତ୍ଯ ସୈନ୍ଧବଃ। ନ ଶକ୍ଯୋହନ୍ତୁମିତ୍ଯେବଂ ମନ୍ଯମାନୋ ଜନାର୍ଦନଃ॥ 1 ॥ ସସ୍ମାର ଚକ୍ରଂ ଦୈତ୍ଯାରିର୍ହରିଶ୍ଚକ୍ରଂ ସୁଦର୍ଶନମ୍। ତଦାଦିଦେଶ ଭଗବାନ୍ସ୍ମୃତମାତ୍ରମୁପସ୍ଥିତମ୍॥ 2 ॥ ଅସ୍ତଂ ଗତମିବାଦିତ୍ଯଂ ତମସା ଚ୍ଛାଦଯେତି ଚ। ତତ୍ତଥୋକ୍ତଂ ଭଗବତା ତମୋ ଭୂତ୍ବା ବିଶାମ୍ପତେ॥ 3 ॥ ଅନ୍ଧଂ ତମ ଇବାଜ୍ଞାନାମାଦିତ୍ଯସ୍ଯାହରତ୍ପ୍ରଭାମ୍। ଉନ୍ନମଯ୍ଯ ଶିରୋଗ୍ରୀବାମପଶ୍ଯତ୍ସୈନ୍ଧବୋ ରବିମ୍॥ 4 ॥ ଅଥାର୍ଜୁନଂ ହୃଷୀକେଶଃ ଶୋକପୂର୍ଣମଥାଧ୍ରବୀତ୍। ପଶ୍ଯ କୌନ୍ତେଯ ସିନ୍ଧୂନାମଧିପଂ ପାପକାରିଣମ୍॥ 5 ॥ ଏଷ ତିଷ୍ଠତି ମଧ୍ଯେ ବୈ ସ୍ଯନ୍ଦନସ୍ଯ ଧନଞ୍ଜଯ।ଦ୍ରୋଣପର୍ବ - ଅଧ୍ଯାଯ 148
॥ ଶ୍ରୀଃ ॥
7.148. ଅଧ୍ଯାଯଃ 148
Mahabharata - Drona Parva - Chapter Topics
କୃଷ୍ଣେନାର୍ଜୁନଂ ପ୍ରତି ସୈନ୍ଧବମୂର୍ଧ୍ନୋ ଧରଣ୍ଯାମନିପାତନୀଯତ୍ବେ କାରଣାଭିଧାନମ୍॥ 1 ॥ କୃଷ୍ଣାଜ୍ଞଯାଽର୍ଜୁନେନ ସ୍ଯମନ୍ତପଞ୍ଚକେ ସନ୍ଧ୍ଯ ମୁପାସମାନସ୍ଯ ବୃଦ୍ଧକ୍ଷତ୍ରସ୍ଯୋତ୍ସଙ୍ଗେ ଜଯଦ୍ରଥଶିରସୋ ନିପାତନମ୍॥ 2 ॥ ଉତ୍ତିଷ୍ଠମାନସ୍ଯ ତସ୍ଯୋତ୍ସଙ୍ଗାଚ୍ଛିରସି ଧରଣୌ ପତିତେ ବୃଦ୍ଧ କ୍ଷତ୍ରମୂର୍ଧ୍ନୋ ବିଦାରଣମ୍॥ 3 ॥Mahabharata - Drona Parva - Chapter Text
7-148-0 (51458)
ସଞ୍ଜଯ ଉବାଚ। 7-148-0x (4654)
ଏବସ୍ମିନ୍ନେବ କାଲେ ତୁ ତ୍ବରମାଣେ ଦିବାକରେ।
ଅବ୍ରବୀତ୍ପାଣ୍ଡବଂ ତତ୍ର ତ୍ବରମାଣୋ ଜନାର୍ଦନଃ॥ 7-148-1 (51459)
ପାର୍ଥ ପାର୍ଥ ଶିରୋ ହ୍ଯେନଦ୍ଯତ୍କୃତେ ନ ପତେଦ୍ଭୁବି।
ଶ୍ରୂଯତାଂ ତଦ୍ଯଥାବୃତ୍ତଂ କାରଣଂ ସୈନ୍ଧବଂ *ପ୍ରତି॥ 7-148-2 (51460)
ବୃଦ୍ଧକ୍ଷତ୍ରଃ ସୈନ୍ଧବସ୍ଯ ପିତା ଜଗତି ବିଶ୍ରୁତଃ।
ସ ଚ ଘୋରେଣ ତପସା ଦୈନ୍ଧବଂ ପ୍ରାପ୍ତବାନ୍ସୁତମ୍॥ 7-148-3 (51461)
ଜଯଦ୍ରଥମମିତ୍ରଘ୍ନଂ ବାଗୁବାଚାଶରୀରିଣୀ।
ନୃପମନ୍ତର୍ହିତା ବାଣୀ ମେଘଦୁନ୍ଦୁଭିନିଃସ୍ବନା॥ 7-148-4 (51462)
ତବାତ୍ମଜୋ ମନୁଷ୍ଯେନ୍ଦ୍ର କୁଲଶୀଲଦମାଦିଭିଃ।
ଗୁଣୈର୍ଭବିଷ୍ଯତି ବିଭୋ ସଦୃଶୋ ବଂଶଯୋର୍ଦ୍ବଯୋଃ।
କ୍ଷତ୍ରିଯପ୍ରବରୋ ଲୋକେ ନିତ୍ଯଂ ଶୂରାଭିସତ୍କୃତଃ॥ 7-148-5 (51463)
ଶିରଶ୍ଛେତ୍ସ୍ଯତି ସଙ୍କ୍ରୁଦ୍ଧଃ ଶତ୍ରୁଶ୍ଚାଲକ୍ଷିତୋ ଭୁବି॥ 7-148-6 (51464)
ଏତଚ୍ଛ୍ରୁତ୍ବା ସିନ୍ଧୁରାଜୋ ଧ୍ଯାତ୍ବା ଚିରମରିନ୍ଦମଃ।
ଜ୍ଞାତୀନ୍ସର୍ବାନୁବାଚେଦଂ ପୁତ୍ରସ୍ନେହାଭିଚୋଦିତଃ॥ 7-148-7 (51465)
ସଙ୍ଗ୍ରାମେ ଯୁଧ୍ଯମାନସ୍ଯ ବହତୋ ମହତୀଂ ଧୁରମ୍।
ଧରଣ୍ଯାଂ ମମ ପୁତ୍ରସ୍ଯ ପାତଯିଷ୍ଯତି ଯଃ ଶିରଃ॥ 7-148-8 (51466)
ତସ୍ଯାପି ଶତଧା ମୂର୍ଧା ଫଲିଷ୍ଯତି ନ ସଂଶଯଃ।
`ଯଦି ଚେଦସ୍ତି ମେ ଲାଭସ୍ତପସୋ ବା ଦମସ୍ଯ ବା'॥ 7-148-9 (51467)
ଏବମୁକ୍ତ୍ବା ତତୋ ରାଜ୍ଯେ ସ୍ଥାପଯିତ୍ବା ଜଯଦ୍ରଥମ୍।
ବୃଦ୍ଧକ୍ଷତ୍ରୋ ବନଂ ଯାତସ୍ତପଶ୍ଚୋଗ୍ରଂ ସମାସ୍ଥିତଃ॥ 7-148-10 (51468)
ସୋଽଯଂ ତପ୍ଯତି ତେଜସ୍ବୀ ତପୋ ଘୋରଂ ଦୁରାସଦମ୍।
ସ୍ଯମନ୍ତପଞ୍ଚକାଦସ୍ମାଦ୍ବହିର୍ବାନରକେତନ॥ 7-148-11 (51469)
ତସ୍ମାଜ୍ଜଯଦ୍ରଥସ୍ଯ ତ୍ବଂ ଶିରଶ୍ଛିତ୍ତ୍ବା ମହାମୃଧେ।
ଦିବ୍ଯେନାସ୍ତ୍ରେଣ ରିପୁହନ୍ଘୋରେଣାଦ୍ଭୁତକର୍ମଣା॥ 7-148-12 (51470)
ସକୁଣ୍ଡଲଂ ସିନ୍ଧୁପତେଃ ପ୍ରଭଞ୍ଜନସୁତାନୁଜ।
ଉତ୍ସଙ୍ଗେ ପାତଯସ୍ବାସ୍ଯ ବୃଦ୍ଧକ୍ଷତ୍ରସ୍ଯ ଭାରତ॥ 7-148-13 (51471)
ଅଥ ତ୍ବମସ୍ଯ ମୂର୍ଧାନଂ ପାତଯିଷ୍ଯସି ଭୂତଲେ।
ତବାପି ଶତଧା ମୂର୍ଧା ଫଲିଷ୍ଯତି ନ ସଂଶଯଃ॥ 7-148-14 (51472)
ଯଥା ଚେଦଂ ନ ଜାନୀଯାତ୍ସ ରାଜା ତପସି ସ୍ଥିତଃ।
ତଥା କୁରୁ କୁରୁଶ୍ରେଷ୍ଠ ଦିବ୍ଯମସ୍ତ୍ରମୁପାଶ୍ରିତଃ॥ 7-148-15 (51473)
ନ ହ୍ଯସାଧ୍ଯମକାର୍ଯଂ ବା ବିଦ୍ଯତେ ତବ କିଞ୍ଚନ।
ସମସ୍ତେଷ୍ବପି ଲୋକେଷୁ ତ୍ରିଷୁ ବାସବନନ୍ଦନ॥ 7-148-16 (51474)
`ଯଥୈତତ୍ସୈନ୍ଧବଶିରଃ ଶରୈରେବ ଧନଞ୍ଜଯ।
ବୃଦ୍ଧକ୍ଷତ୍ରେ ପତତ୍ଯେବ ତଥା ନୀତିର୍ବିଧୀଯତାମ୍'॥ 7-148-17 (51475)
ସଞ୍ଜଯ ଉବାଚ। 7-148-18x (4655)
ତତଃ ସୁମହଦାଶ୍ଚର୍ଯଂ ତତ୍ରାପଶ୍ଯାମ ଭାରତ।
ସ୍ଯମନ୍ତପଞ୍ଚକାଦ୍ବାହ୍ଯଂ ଶିରୋ ଯଦ୍ବ୍ଯହରତ୍ତତଃ॥ 7-148-18 (51476)
ଏତସ୍ମିନ୍ନେବ କାଲେ ତୁ ବୃଦ୍ଧକ୍ଷତ୍ରୋ ମହୀପତିଃ।
ସନ୍ଧ୍ଯାମୁପାସ୍ତେ ତେଜସ୍ବୀ ସମ୍ବନ୍ଧୀ ତବ ମାରିଷ॥ 7-148-19 (51477)
ଉପାସୀନସ୍ଯ ତସ୍ଯାଥ କୃଷ୍ଣକେଶଂ ସକୁଣ୍ଡଲମ୍।
ସିନ୍ଧୁରାଜସ୍ଯ ମୂର୍ଧାନମୁତ୍ସଙ୍ଗେ ସମପାତଯତ୍॥ 7-148-20 (51478)
ତସ୍ଯୋତ୍ସଙ୍ଗେ ନିପତିତଂ ଶିରସ୍ତଚ୍ଚାରୁକୁଣ୍ଡଲମ୍।
ବୃଦ୍ଧକ୍ଷତ୍ରସ୍ଯ ନୃପତେରଲକ୍ଷିତମରିନ୍ଦମ॥ 7-148-21 (51479)
କୃତଜପ୍ଯସ୍ଯ ତସ୍ଯାଥ ବୃଦ୍ଧକ୍ଷତ୍ରସ୍ଯ ଭାରତ।
ପ୍ରୋତ୍ତିଷ୍ଠତସ୍ତତ୍ସହସା ଶିରୋଽଗଚ୍ଛଦ୍ବରାତଲମ୍॥ 7-148-22 (51480)
ତତସ୍ତସ୍ଯ ନରେନ୍ଦ୍ରସ୍ଯ ପୁତ୍ରମୂର୍ଧନି ଭୂତଲେ।
ଗତେ ତସ୍ଯାପି ଶତଧା ମୂର୍ଧାଽଗଚ୍ଛଦରିନ୍ଦମ॥ 7-148-23 (51481)
ତତଃ ସର୍ବାଣି ସୈନ୍ଯାନି ବିସ୍ମଯଂ ଜଗ୍ମୁରୁତ୍ତମମ୍।
ବାସୁଦେବଶ୍ଚ ବୀଭତ୍ସୁଂ ପ୍ରଶଶଂସ ମହାରଥମ୍॥ 7-148-24 (51482)
`ତତୋ ଦୃଷ୍ଟ୍ବା ବିନିହତଂ ସିନ୍ଧୁରାଜଂ ଜଯଦ୍ରଥମ୍।
କର୍ମଣା ତେନ ପାର୍ଥସ୍ଯ ବିସ୍ମିତାଃ ସର୍ବଦେବତାଃ॥ 7-148-25 (51483)
ସର୍ବଦା ସମରେ ଯସ୍ଯ ଗୋପ୍ତା ନିତ୍ଯଂ ଜନାର୍ଦନଃ।
କଥଂ ତସ୍ଯ ଜଯୋ ନ ସ୍ଯାଦିତି ଭୂତାନି ମେନିରେ॥ 7-148-26 (51484)
ଏତଦର୍ଥଂ ଶିରସ୍ତସ୍ଯ ବ୍ଯାପଯାମାସ ପାଣ୍ଡବଃ।
ସ୍ଯମନ୍ତପଞ୍ଚକାଦ୍ବାହ୍ଯଂ ଶରୈରେବ ଯଥାକ୍ରମମ୍॥ 7-148-27 (51485)
କୃତ୍ବା ତଚ୍ଚ ମହତ୍କର୍ମ ନିହତ୍ଯ ଚ ଜଯଦ୍ରଥମ୍।
ଅସ୍ତ୍ରଂ ପାଶୁପତଂ ପାର୍ଥଃ ସଂହର୍ତୁମୁପଚକ୍ରମେ॥ 7-148-28 (51486)
ସଂହରତ୍ଯପି କୌନ୍ତେଯେ ତଦସ୍ତ୍ରଂ ତତ୍ର ଭାରତ।
ବବୌ ଶୀତଃ ସୁଗନ୍ଧଶ୍ଚ ପବନୋ ହ୍ଲାଦଯନ୍ନିବ॥ 7-148-29 (51487)
ସଂହାରଂ ଚ ପ୍ରମୋକ୍ଷଂ ଚ ଦୃଷ୍ଟ୍ବା ତତ୍ର ଦିବୌକସଃ।
ବିସ୍ମଯଂ ପରମଂ ଜଗ୍ମୁଃ ପ୍ରଶଶଂସୁଶ୍ଚ ପାଣ୍ଡବମ୍॥ 7-148-30 (51488)
ଏବମସ୍ତ୍ରେଣ ତାନ୍ବୀରୋ ଯୋଧଯିତ୍ବା ଧନଞ୍ଜଯଃ।
ଜଯଦ୍ରଥଶିରଃ ପଶ୍ଚାଦ୍ବ୍ଯାପଯାମାସ ପାଣ୍ଡବଃ॥ 7-148-31 (51489)
ତଚ୍ଛିରଶ୍ଚ୍ଯାବମାନଂ ତୁ ଦଦୃଶୁସ୍ତାବକା ଯୁଧି।
ଶଲ୍ଯକର୍ଣକୃପା ରାଜନ୍ମୋହିତାଃ ସବ୍ଯସାଚିନା॥ 7-148-32 (51490)
ଶିରସି ଚ୍ଯାବିତେ ତସ୍ଯ ଶରୈରାଶୀବିଷୋପମୈଃ।
ପଶ୍ଚାତ୍କାଯୋଽପତଦ୍ଭୂମିଂ ଶୋଚଯନ୍ସର୍ବପାର୍ଥିବାନ୍॥ 7-148-33 (51491)
ଦୃଷ୍ଟ୍ବା ତୁ ନିହତଂ ସଙ୍ଖ୍ଯେ ସିନ୍ଧୁରାଜଂ ମହାରଥମ୍।
ପୁତ୍ରାଣାଂ ତବ ନେତ୍ରେଭ୍ଯୋ ଦୁଃଖାଦାସ୍ରଂ ପ୍ରବର୍ତତ'॥ 7-148-34 (51492)
ତତୋ ବିନିହତେ ରାଜନ୍ସିନ୍ଧୁରାଜେ କିରୀଟିନା।
ତମସ୍ତଦ୍ବାସୁଦେବେନ ସଂହୃତଂ ଭରତର୍ଷଭ॥ 7-148-35 (51493)
ପଶ୍ଚାଜ୍ଜ୍ଞାତଂ ମହୀପାଲ ତବ ପୁତ୍ରୈଃ ସହାନୁଗୈଃ।
ବାସୁଦେବପ୍ରଯୁକ୍ତେଯଂ ମାଯେତି ନୃପସତ୍ତମ॥ 7-148-36 (51494)
ଏବଂ ସ ନିହତୋ ରାଜନ୍ପାର୍ଥେନାମିତତେଜସା।
ଅକ୍ଷୌହିଣୀରଷ୍ଟ ହତ୍ବା ଜାମାତା ତବ ସୈନ୍ଧବଃ॥ 7-148-37 (51495)
ହତଂ ଜଯଦ୍ରଥଂ ଦୃଷ୍ଟ୍ବା ତବ ପୁତ୍ରା ନରାଧିପ।
ଦୁଃଖାଦଶ୍ରୂଣି ମୁମୁଚୁର୍ନିରାଶାଶ୍ଚାଭବଞ୍ଜଯେ॥ 7-148-38 (51496)
ତତୋ ଜଯଦ୍ରଥେ ରାଜନ୍ହତେ ପାର୍ଥେନ କେଶବଃ।
ଦଧ୍ମୌ ଶଙ୍ଖଂ ମହାବାହୁରର୍ଜୁନଶ୍ଚ ପରନ୍ତପଃ॥ 7-148-39 (51497)
ଭୀମଶ୍ଚ ବୃଷ୍ଣିସିଂହଶ୍ଚ ଯୁଧାମନ୍ଯୁଶ୍ଚ ଭାରତ।
ଉତ୍ତମୌଜାଶ୍ଚ ବିକ୍ରାନ୍ତଃ ଶଙ୍ଖାନ୍ଦଧ୍ମୁଃ ପୃଥକ୍ପୃଥକ୍॥ 7-148-40 (51498)
ଶ୍ରୁତ୍ବା ମହାନ୍ତଂ ତଂ ଶବ୍ଦଂ ଧର୍ମରାଜୋ ଯୁଧିଷ୍ଠିରଃ।
ସୈନ୍ଧନଂ ନିହତଂ ମେନେ ଫଲ୍ଗୁନେନ ମହାତ୍ମନା॥ 7-148-41 (51499)
ତତୋ ବାଦିତ୍ରଘୋଷେଣ ସ୍ବାନ୍ଯୋଧାନ୍ପର୍ଯହର୍ଷଯତ୍।
ଅଭ୍ଯବର୍ତତ ସଙ୍ଗ୍ରାମେ ଭାରଦ୍ବାଜଂ ଯୁଯୁତ୍ସଯା॥ 7-148-42 (51500)
ତତଃ ପ୍ରବବୃତେ ରାଜନ୍ନସ୍ତଂ ଗଚ୍ଛତି ଭାସ୍କରେ।
ଦ୍ରୋଣସ୍ଯ ସୋମକୈଃ ସାର୍ଧଂ ସଙ୍ଗ୍ରାମୋ ରୋମହର୍ଷଣଃ॥ 7-148-43 (51501)
ତେ ତୁ ସର୍ବେ ପ୍ରଯତ୍ନେନ ଭାରଦ୍ବାଜଂ ଜିଘାଂସବଃ।
ସୈନ୍ଧବେ ନିହତେ ରାଜନ୍ନଯୁଧ୍ଯନ୍ତ ମହାରଥାଃ॥ 7-148-44 (51502)
ପାଣ୍ଡବାସ୍ତୁ ଜଯଂ ଲବ୍ଧ୍ବା ସୈନ୍ଧବଂ ବିନିହତ୍ଯ ଚ।
ଅଯୋଧଯଂସ୍ତୁ ତେ ଦ୍ରୋଣଂ ଜଯୋଽନ୍ମତ୍ତାସ୍ତତସ୍ତତଃ॥ 7-148-45 (51503)
ଅର୍ଜୁନୋଽପି ତତୋ ଯୋଧାଂସ୍ତାବକାନ୍ରଥସତ୍ତମାନ୍।
ଅଯୋଧଯନ୍ମହାବାହୁର୍ହତ୍ବା ସୈନ୍ଧବକଂ ନୃପମ୍॥ ॥ 7-148-46 (51504)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିସଯୁଦ୍ଧେ ଅଷ୍ଟଚତ୍ବାରିଂଶଦଧିକଶତତମୋଽଧ୍ଯାଯଃ॥ 148 ॥
Mahabharata - Drona Parva - Chapter Footnotes
5-148-* 147 ତମାଧ୍ଯାଯେ ଆଦିତ୍ଯଂ ପ୍ରେକ୍ଷମାଣସ୍ତୁ ଇତ୍ଯାଦି 61 ତମଶ୍ଲୋକମାରଭ୍ଯ 148 ତମାଧ୍ଯାଯେ ଶ୍ରୂଯତାଂ ତଦ୍ଯଥାବୃତ୍ତଂ କାରଣଂ ସୈନ୍ଧବଂ ପ୍ରତୀତି 2 ତୀଯଶ୍ଲୋକପର୍ଯନ୍ତଂ ବିଦ୍ଯମାନାନାଂ 23 ବିଂଶତିଶ୍ଲୋକାନାଂ ସ୍ଥାନେ ଗ.ଘ.ଙ.ଝ.ପୁସ୍ତକେଷୁ ଅଧୋଲିଖିତାଃ 45 ଶ୍ଲୋକା ଦୃଶ୍ଯନ୍ତେ। ଏତସ୍ମିନ୍ନେବ କାଲେ ତୁ ଦ୍ରୁତଂ ଗଚ୍ଛତି ଭାସ୍କରେ। ଅବ୍ରବୀତ୍ପାଣ୍ଡବଂ ରାଜଂସ୍ତ୍ବରମାଣୋ ଜନାର୍ଦନଃ॥ 1 ॥ ଏଷ ମଧ୍ଯେ କୃତଃ ଷଡ୍ଭିଃ ପାର୍ଥ ବୀରୈର୍ମହାରଥୈଃ। ଜୀବିତେପ୍ସୁର୍ମହାବାହୋ ଭୀତସ୍ତିଷ୍ଠତି ସୈନ୍ଧବଃ॥ 2 ॥ ଏତାନନିର୍ଜିତ୍ଯ ରଣେ ଷଡ୍ରଥାନ୍ପୁରୁଷର୍ଷଭ। ନ ଶକ୍ଯଃ ଶୈନ୍ଧବୋ ହନ୍ତୁଂ ଯତୋ ନିର୍ବ୍ଯାଜମର୍ଜୁନ॥ 3 ॥ ଯୋଗମତ୍ର ବିଧାସ୍ଯାମି ସୂର୍ଯସ୍ଯାବରଣଂ ପ୍ରତି। ଅସ୍ତଂ ଗତ ଇତି ବ୍ଯକ୍ତଂ ଦ୍ରକ୍ଷ୍ଯତ୍ଯେକଃ ସ ସିନ୍ଧୁରାଟ୍॥ 4 ॥ ହର୍ଷେଣ ଜୀବିତାକାଙ୍କ୍ଷୀ ବିନାଶାର୍ଥଂ ତବ ପ୍ରଭୋ। ନ ଗୋପ୍ସ୍ଯତି ଦୁରାଚାରଃ ସ ଆତ୍ମାନଂ କଥଞ୍ଚନ॥ 5 ॥ ତତ୍ର ଚ୍ଛିଦ୍ରେ ପ୍ରହର୍ତବ୍ଯଂ ତ୍ବଯାସ୍ତ କୁରୁସତ୍ତମ। ବ୍ଯପେକ୍ଷା ନୈବ କର୍ତବ୍ଯା ଗତୋଽସ୍ତମିତି ଭାସ୍କରଃ॥ 6 ॥ ଏବମସ୍ତ୍ବିତି ବୀଭତ୍ସୁଃ କେଶବଂ ପ୍ରତ୍ଯଭାଷତ। ତତୋଽସୃଜତ୍ତମଃ କୃଷ୍ଣଃ ସୂର୍ଯସ୍ଯାବରଣଂ ପ୍ରତି॥ 7 ॥ ଯୋଗୀ ଯୋଗେନ ସଂଯୁକ୍ତୋ ଯୋଗିନାମୀଶ୍ବରୋ ହରିଃ॥ 8 ॥ ସୃଷ୍ଟେ ତମସି କୃଷ୍ଣେନ ଗତୋଽସ୍ତମିତି ଭାସ୍କରଃ। ତ୍ବଦୀଯା ଜହୃଷୁର୍ଯୋଧାଃ ପାର୍ଥନାଶାନ୍ନରାଧିପ॥ 9 ॥ ତେ ପ୍ରହୃଷ୍ଟା ରଣେ ରାଜନ୍ନାପଶ୍ଯନ୍ସୈନିକା ରବିମ୍। ଉନ୍ନାମ୍ଯ ବକ୍ତ୍ରାଣି ତଦା ସ ଚ ରାଜା ଜଯଦ୍ରଥଃ॥ 10 ॥ ବୀକ୍ଷମାଣେ ତତସ୍ତସ୍ମିନ୍ସିନ୍ଧୁରାଜେ ଦିବାକରମ୍। ପୁନରେବାବ୍ରବୀତ୍କୃଷ୍ଣୋ ଧନଞ୍ଜଯମିଦଂ ବଚଃ॥ 11 ॥ ପଶ୍ଯ ସିନ୍ଧୁପତିଂ ବୀରଂ ପ୍ରେକ୍ଷମାଣଂ ଦିବାକରମ୍। ଭଯଂ ହି ବିପ୍ରମୁଚ୍ଯୈତତ୍ତ୍ବତ୍ତୋ ଭରତସତ୍ତମ॥ 12 ॥ ଅଯଂ କାଲୋ ମହାବାହୋ ବଧାଯାସ୍ଯ ଦୁରାତ୍ମନଃ। ଛିନ୍ଧି ମୂର୍ଧାନମସ୍ଯାଶୁ କୁରୁ ସାଫଲ୍ଯମାତ୍ମନଃ॥ 13 ॥ ଇତ୍ଯେବଂ କେଶବୋନୋକ୍ତଃ ପାଣ୍ଡୁପୁତ୍ରଃ ପ୍ରତାପବାନ୍। ନ୍ଯବଧୀତ୍ତାବକଂ ସୈନ୍ଯଂ ଶରୈରର୍କାଗ୍ନିସନ୍ନିଭୈଃ॥ 14 ॥ କୃପଂ ବିବ୍ଯାଧ ବିଂଶତ୍ଯା କର୍ଣଂ ପଞ୍ଚାଶତା ଶରୈଃ। ଶଲ୍ଯଂ ଦୁର୍ଯୋଧନଂ ଚୈବ ଷଡ୍ଭିଃ ଷଡ୍ଭିରତାଡଯତ୍॥ 15 ॥ ବୃଷସେନଂ ତଥାଷ୍ଟାଭିଃ ଷଷ୍ଟ୍ଯା ସୈନ୍ଧବମେବ ଚ। ତଥୈବ ସ ମହାବାହୁସ୍ତ୍ବଦୀଯାନ୍ପାଣ୍ଡୁନନ୍ଦନଃ। ଗାଢଂ ବିଦ୍ଧ୍ବା ଶରୈ ରାଜଞ୍ଜଯଦ୍ରଥମୁପାଦ୍ରବତ୍॥ 16 ॥ ତଂ ସମୀପସ୍ଥିତଂ ଦୃଷ୍ଟ୍ବା ଲେଲିହାନମିବାନଲମ୍। ଜଯଦ୍ରଥସ୍ଯ ଗୋପ୍ତାରଃ ସଂଶଯଂ ପରମଂ ଗତାଃ॥ 17 ତତଃ ସର୍ବେ ମହାରାଜ ତବ ଯୋଧା ଜଯୈଷିଣଃ। ସିଷିଚୁଃ ଶରଧାରାଭିଃ ପାକଶାସନିମାହବେ॥ 18 ସଞ୍ଛାଦ୍ଯମାନଃ କୌନ୍ତେଯଃ ଶରଜାଲୈରନେକଶଃ। ଅକ୍ରୁଧ୍ଯତ୍ସ ମହାବାହୁରଜିତଃ କୁରୁନନ୍ଦନଃ॥ 19 ॥ ତତଃ ଶରମଯଂ ଜାଲଂ ତୁମୁଲଂ ପାକଶାସନିଃ। ବ୍ଯସୃଜତ୍ପୁରୁଷବ୍ଯାଘ୍ରସ୍ତବ ସୈନ୍ଯଜିଘାଂସଯା॥ 20 ॥ ତେ ହନ୍ଯମାନା ବୀରଣେ ଯୋଧା ରାଜନ୍ରଣେ ତବ। ପ୍ରଜହୁଃ ସୈନ୍ଧବଂ ଭୀତା ଦ୍ବୌ ସମଂ ନାପ୍ଯଧାବତାମ୍॥ 21 ॥ ତତ୍ରାଦ୍ଭୁତମପଶ୍ଯାମ କୁନ୍ତୀପୁତ୍ରସ୍ଯ ବିକ୍ରମମ୍। ତାଦୃଙ୍ଗ ଭାବୀ ଭୂତୋ ବା ଯଚ୍ଚକାର ମହାଯଶାଃ॥ 22 ॥ ଦ୍ବିପାନ୍ଦ୍ବିପଗତାଂଶ୍ଚୈବ ହଯାନ୍ହଯଗତାନପି। ତଥା ସ ରଥିନଶ୍ଚୈବ ନ୍ଯହନ୍ରୁଦ୍ରଃ ପଶୂନିବ॥ 23 ॥ ନ ତତ୍ର ସମରେ କଶ୍ଚିନ୍ମଯା ଦୃଷ୍ଟୋ ନରାଧିପ। ଗଜୋ ବାଜୀ ନରୋ ବାପି ଯୋ ନ ପାର୍ଥଶରାହତଃ॥ 24 ॥ ରଜସା ତମସା ଚୈବ ଯୋଧାଃ ସଞ୍ଛନ୍ନଚକ୍ଷୁଷଃ। କଶ୍ମଲଂ ପ୍ରାବିଶନ୍ଘୋରଂ ନାନ୍ବଜାନନ୍ପରସ୍ପରମ୍॥ 25 ॥ ତେ ଶରୈର୍ଭିନ୍ନମର୍ମାଣଃ ସୈନିକାଃ ପାର୍ଥଚୋଦିତୈଃ। ବଭ୍ରମୁଶ୍ଚସ୍ଖଲୁଃ ପେତୁଃ ସେଦୁର୍ମମ୍ଲୁଶ୍ଚ ଭାରତ॥ 26 ॥ ତସ୍ମିଂନ୍ମହାଭୀଷଣକେ ପ୍ରଜାନାମିବ ସଙ୍କ୍ଷଯେ। ରଣେ ମହତି ଦୁଷ୍ପାରେ ବର୍ତମାନେ ସୁଦାରୁଣେ॥ 27 ॥ ଶୋଣିତସ୍ଯ ପ୍ରସେକେନ ଶୀଘ୍ରତ୍ବାଦନିଲସ୍ଯ ଚ। ଅଶାମ୍ଯତ୍ତଦ୍ରଜୋ ଭୌମମସୃକ୍ସିକ୍ତେ ଧରାତଲେ॥ 28 ॥ ଆନାଭି ନିରମଜ୍ଜଂଶ୍ଚ ରଥଚକ୍ରାଣି ଶୋଣିତେ। ମତ୍ତା ବେଗବତା ରାଜଂସ୍ତାବକାନାଂ ରଣାଙ୍ଗଣେ॥ 29 ॥ ହସ୍ତିନଶ୍ଚ ହତାରୋହା ଦାରିତାଙ୍ଗାଃ ସହସ୍ରଶଃ। ସ୍ବାନ୍ଯନୀକାନି ମୃଦ୍ଗନ୍ତ ଆର୍ତନାଦାଃ ପ୍ରଦୁଦ୍ରୁବୁଃ॥ 30 ॥ ହଯାଶ୍ଚ ପତିତାରୋହାଃ ପତ୍ତଯଶ୍ଚ ନରାଧିପ। ପ୍ରଦୁଦ୍ରୁବୁର୍ଭଯାଦ୍ରାଜନ୍ଧନଞ୍ଜଯଶରାହତାଃ॥ 31 ॥ ମୁକ୍ତକେଶା ବିକବଚାଃ କ୍ଷରନ୍ତଃ କ୍ଷତଜଂ କ୍ଷତୈଃ। ପ୍ରାପଲାଯନ୍ତ ସନ୍ତ୍ରସ୍ତାସ୍ତ୍ଯକ୍ତ୍ବା ରଣଶିରୋ ଜନାଃ॥ 32 ॥ ଊରୁଗ୍ରାହଗୃହୀତାଶ୍ଚ କେଚିତ୍ତତ୍ରାଭବନ୍ଭୂବି। ହତାନାଂ ଚାପରେ ମଧ୍ଯେ ଦ୍ବିରଦାନାଂ ନିଲିଲ୍ଯିରେ॥ 33 ॥ ଏବଂ ତବ ବଲଂ ରାଜନ୍ଦ୍ରାବଯିତ୍ବା ଧନଞ୍ଜଯଃ। ନ୍ଯବଧୀତ୍ସାଯକୈର୍ଘୋରୈଃ ସିନ୍ଧୁରାଜସ୍ଯ ରକ୍ଷିଣଃ॥ 34 ॥ ଦ୍ରୌଣିଂ କୃପଂ କର୍ଣଶଲ୍ଯୌ ବୃଷସେନଂ ସୁଯୋଧନମ୍। ଛାଦଯାମାସ ତୀବ୍ରେଣ ଶରଜାଲେନ ପାଣ୍ଡବଃ॥ 35 ॥ ନ ଗୃହ୍ଣନ୍ନକ୍ଷିପରନ୍ରାଜନ୍ମୁଞ୍ଚନ୍ନାପି ଚ ସନ୍ଦଧତ୍। ଅଦୃଶ୍ଯତାର୍ଜୁନଃ ସଙ୍ଖ୍ଯେ ଶୀଘ୍ରାସ୍ତ୍ରତ୍ବାତ୍କଥଞ୍ଚନ॥ 36 ॥ ଧନୁର୍ମଣ୍ଡଲମେବାସ୍ଯ ଦୃଶ୍ଯତେ ସ୍ମାସ୍ଯତଃ ସଦା। ସାଯକାଶ୍ଚ ବ୍ଯଦୃଶ୍ଯନ୍ତ ନିଶ୍ଚରନ୍ତଃ ସମନ୍ତତଃ॥ 37 ॥ କର୍ଣସ୍ଯ ତୁ ଧନୁଶ୍ଛିତ୍ତ୍ବା ବୃଷସେନସ୍ଯ ଚୈବ ହ। ଶଲ୍ଯସ୍ଯ ସୂତଂ ଭଲ୍ଲେନ ରଥନୀଡାଦପାତଯତ୍॥ 38 ॥ ଗାଢବିଦ୍ଧାବୁଭୌ କୃତ୍ବା ଶରୈଃ ସ୍ବସ୍ରୀଯମାତୁଲୌ। ଅର୍ଜୁନୋ ଜଯତାଂ ଶ୍ରେଷ୍ଠୋ ଦ୍ରୌଣିଶାରଦ୍ବତୌ ରଣେ॥ 39 ॥ ଏବଂ ତାନ୍ବ୍ଯାକୁଲୀକୃତ୍ଯ ତ୍ବଦୀଯାନାଂ ମହାରଥାନ୍। ଉଜ୍ଜହାର ଶରଂ ଘୋରଂ ପାଣ୍ଡବୋଽନଲସନ୍ନିଭମ୍॥ 40 ॥ ଇନ୍ଦ୍ରାଶନିସମପ୍ରଖ୍ଯଂ ଦିବ୍ଯମସ୍ତ୍ରାଭିମନ୍ତ୍ରିତମ୍। ସର୍ବଭାରସହଂ ଶଶ୍ବଦ୍ଗ୍ରନ୍ଧମାଲ୍ଯାର୍ଚିତଂ ମହତ୍॥ 41 ॥ ବଜ୍ରେଣାସ୍ତ୍ରେଣ ସଂଯୋଜ୍ଯ ବିଧିବତ୍କୁରୁନନ୍ଦନଃ। ସମାଦଧନ୍ମହାବାହୁର୍ଗାଣ୍ଡୀବେ କ୍ଷିପ୍ରମର୍ଜୁନଃ॥ 42 ॥ ତସ୍ମିନ୍ସନ୍ଧୀଯମାନେ ତୁ ଶରେ ଜ୍ବଲନତେଜସି। ଅନ୍ତରିକ୍ଷେ ମହାନାଦୋ ଭୂତାନାମଭବନ୍ନୃପ॥ 43 ॥ ଅବ୍ରବୀଚ୍ଚ ପୁନସ୍ତତ୍ର ତ୍ବରମାଣୋ ଜନାର୍ଦନଃ। ଧନଞ୍ଜଯ ଶିରଶ୍ଛିନ୍ଧି ସୈନ୍ଧବସ୍ଯ ଦୁରାତ୍ମନଃ॥ 44 ॥ ଅସ୍ତଂ ମହୀଧରଶ୍ରେଷ୍ଠଂ ଯିଯାସତି ଦିବାକରଃ। ଶୃଣୁଷ୍ବୈତଚ୍ଚ ବାକ୍ଯଂ ମେ ଜଯଦ୍ରଥବଧଂ ପର୍ତି॥ 45 ॥ଦ୍ରୋଣପର୍ବ - ଅଧ୍ଯାଯ 149
॥ ଶ୍ରୀଃ ॥
7.149. ଅଧ୍ଯାଯଃ 149
Mahabharata - Drona Parva - Chapter Topics
ଅର୍ଜୁନେନ ନିଜଶରାହତିମୋହିତଂ କୃପମ୍ପ୍ରତି ଶୋଚନମ୍॥ 1 ॥ ସାର୍ଜୁନେନ କୃଷ୍ଣେନ ଯୁଧିଷ୍ଠିରମେତ୍ଯ ଜଯଦ୍ରଥବଧକଥନମ୍॥ 2 ॥ ଭୀମାଦୀନାଂ ଯୁଧିଷ୍ଠିରସମୀପସମାଗମନମ୍॥ 3 ॥Mahabharata - Drona Parva - Chapter Text
7-149-0 (51505)
ଧୃତରାଷ୍ଟ୍ର ଉବାଚ। 7-149-0x (4656)
ତସ୍ମିନ୍ବିନିହତେ ବୀରେ ସୈନ୍ଧବେ ସବ୍ଯସାଚିନା।
ମାମକା ଯଦକୁର୍ବନ୍ତ ତନ୍ମମାଚକ୍ଷ୍ବ ସଞ୍ଜଯ॥ 7-149-1 (51506)
`ପଶ୍ଯତାଂ ସର୍ବସୈନ୍ଯାନାଂ ମାମକାନାଂ ମହାରଣେ।
ଅହନ୍ଯତ କଥଂ ଯୁଦ୍ଧେ ସୈନ୍ଧବଃ ସବ୍ଯସାଚିନା॥ 7-149-2 (51507)
କଥଂ ଦ୍ରୌଣିକୃପୈର୍ଗୁପ୍ତଃ କର୍ଣେନ ଚ ମହାରଣେ।
ଫଲ୍ଗୁନାଗ୍ନିମୁଖଂ ଘୋରଂ ପ୍ରବିଷ୍ଟଃ ସାଧୁ ସୈନ୍ଧବଃ॥ 7-149-3 (51508)
ତସ୍ମିନ୍ହତେ ମହେଷ୍ବାସେ ମନ୍ଦାତ୍ମା ସ ସୁଯୋଧନଃ।
ଭ୍ରାତୃବିଃ ସହିତଃ ସୂତ କିମକାର୍ଷୀଦନନ୍ତରମ୍'॥ 7-149-4 (51509)
ସଞ୍ଜଯ ଉବାଚ। 7-149-5x (4657)
ସୈନ୍ଧବଂ ନିହତଂ ଦୃଷ୍ଟ୍ବା ରଣେ ପାର୍ଥେନ ଭାରତ।
ଅମର୍ଷବଶମାପନ୍ନଃ କୃପଃ ଶାରଦ୍ବତସ୍ତତଃ॥ 7-149-5 (51510)
ମହତା ଶରବର୍ଷେଣ ପାଣ୍ଡବଂ ସମବାକିରତ୍।
ଦ୍ରୌଣିଶ୍ଚାଭ୍ଯଦ୍ରବଦ୍ରାଜନ୍ରଥମାସ୍ଥାଯ ଫଲ୍ଗୁନମ୍॥ 7-149-6 (51511)
ତାବେତୌ ରଥିନାଂ ଶ୍ରେଷ୍ଠୌ ରଥାଭ୍ଯାଂ ରଥସତ୍ତମୌ।
ଉଭାବୁଭଯତସ୍ତୀକ୍ଷ୍ଣୈର୍ବିଶିଖୈରଭ୍ଯବର୍ଷତାମ୍॥ 7-149-7 (51512)
ସ ତଥା ଶରବର୍ଷାଭ୍ଯାଂ ସୁମହଦ୍ଧ୍ଯାଂ ମହାଭୁଜଃ।
ପୀଡ୍ଯମାନଃ ପରାମାର୍ତିମଗମଦ୍ରଥିନାଂ ବରଃ॥ 7-149-8 (51513)
ସୋଽଜିଘାଂସୁର୍ଗୁରୁଂ ସଙ୍ଖ୍ଯେ ଗୁରୋସ୍ତନଯମେବ ଚ।
ଚକାରାଚାର୍ଯକଂ ତତ୍ର କୁନ୍ତୀପୁତ୍ରୋ ଧନଞ୍ଜଯଃ॥ 7-149-9 (51514)
ଅସ୍ତ୍ରୈରସ୍ତ୍ରାଣି ସଂବାର୍ଯ ଦ୍ରୌଣେଃ ଶାରଦ୍ବତସ୍ଯ ଚ।
ମନ୍ଦବେଗାନିଷୂଂସ୍ତାଭ୍ଯାମଜିଘାଂସୁରବାସୃଜତ୍॥ 7-149-10 (51515)
ତେନ ନାତିଭୃଶଂ ତ୍ରସ୍ତୌ ବିଶିଖୈର୍ଭୃଶପୀଡିତୌ।
ବହୁତ୍ବାତ୍ତୁ ପରାମାର୍ତିଂ ଶରାଣାଂ ତାବଗଚ୍ଛତାମ୍॥ 7-149-11 (51516)
ଅଥ ଶାରଦ୍ବତୋ ରାଜନ୍କୌନ୍ତେଯଶରପୀଡିତଃ।
ଅବାସୀଦଦ୍ରଥୋପସ୍ଥେ ମୂର୍ଚ୍ଛାମଭିଜଗାମ ହ॥ 7-149-12 (51517)
ବିହ୍ବଲଂ ତମଭିଜ୍ଞାଯ ଭର୍ତାରଂ ଶରପୀଡିତମ୍।
ହତୋଽଯମିତି ଚ ଜ୍ଞାତ୍ବା ସାରଥିସ୍ତମପାବହତ୍॥ 7-149-13 (51518)
ତସ୍ମିନ୍ଭଗ୍ନେ ମହାରାଜ କୃପେ ଶାରଦ୍ବତେ ଯୁଧି।
ଅଶ୍ବତ୍ଥାମାପ୍ଯପାଯାସୀତ୍ପାଣ୍ଡବେଯାଦ୍ରଥାନ୍ତରମ୍॥ 7-149-14 (51519)
ଦୃଷ୍ଟ୍ବା ଶାରଦ୍ବତଂ ପାର୍ଥୋ ମୂର୍ଚ୍ଛିତଂ ଶରପୀଡିତମ୍।
ଧିଗ୍ଧିଙ୍ମାମିତି ଚୈବୋକ୍ତ୍ବା କୃପଣଂ ପର୍ଯଦେବଯତ୍।
ଅଶ୍ରୁପୂର୍ଣମୁଖୋ ଦୀନୋ ବଚନଂ ଚେଦମବ୍ରବୀତ୍॥ 7-149-15 (51520)
ପଶ୍ଯନ୍ନିଦଂ ମହାପ୍ରାଜ୍ଞଃ କ୍ଷତ୍ତା ରାଜାନମୁକ୍ତବାନ୍।
କୁଲାନ୍ତକରଣେ ପାପେ ଜାତମାତ୍ରେ ସୁଯୋଧନେ॥ 7-149-16 (51521)
ନୀଯତାଂ ପରଲୋକାଯ ସାଧ୍ବଯଂ କୁଲପାଂସନଃ।
ଅସ୍ମାଦ୍ଧି କୁରୁମୁଖ୍ଯାନାଂ ମହଦୁତ୍ପତ୍ସ୍ଯତେ ଭଯମ୍॥ 7-149-17 (51522)
ତଦିଦଂ ସମନୁପ୍ରାପ୍ତଂ ବଚନଂ ସତ୍ଯବାଦିନଃ।
ତତ୍କୃତେ ହ୍ଯଦ୍ଯ ପଶ୍ଯାମି ଶରତଲ୍ପଗତଂ ଗୁରୁମ୍॥ 7-149-18 (51523)
ଧିଗସ୍ତୁ କ୍ଷାତ୍ରମାଚାରଂ ଧିଗସ୍ତୁ ବଲପୌରୁଷମ୍।
କୋ ହି ବ୍ରାହ୍ମଣମାଚାର୍ଯମଭିଦ୍ରୁହ୍ଯେତ ମାଦୃଶଃ॥ 7-149-19 (51524)
ଋଷିପୁତ୍ରୋ ମମାଚାର୍ଯୋ ଦ୍ରୋଣସ୍ଯ ପରମଃ ସଖା।
ଏଷ ଶେତେ ରଥୋପସ୍ଥେ କୃପୋ ମଦ୍ବାଣପୀଡିତଃ॥ 7-149-20 (51525)
ଅକାମଯାନେନ ମଯା ବିଶିଖୈରର୍ଦିତୋ ଭୃଶମ୍।
ଅବସୀଦନ୍ରଥୋପସ୍ଥେ ପ୍ରାଣାନ୍ପୀଡଯତୀବ ମେ॥ 7-149-21 (51526)
ପୁତ୍ରଶୋକାଭିତପ୍ତେନ ଶରୈରଭ୍ଯର୍ଦିତେନ ଚ।
ଅଭ୍ଯସ୍ତୋ ବହୁଭିର୍ବାଣୈର୍ଦଶଧର୍ମଗତେନ ବୈ॥ 7-149-22 (51527)
`ଶରାର୍ଦିତଃ ସ ହି ମଯା ପ୍ରେକ୍ଷମାଣୋ ମହାଦ୍ଯୁତିଃ'।
ଶୋଚଯତ୍ଯେଷ ନିଯତଂ ଭୂଯଃ ପୁତ୍ରବଧାଦ୍ଧି ମାମ୍।
କୃପଣଂ ସ୍ବରଥେ ସନ୍ନଂ ପଶ୍ଯ କୃଷ୍ଣ ଯଥାଗତମ୍॥ 7-149-23 (51528)
ଉପାକୃତ୍ଯ ତୁ ବୈ ବିଦ୍ଯାମାଚାର୍ଯେଭ୍ଯୋ ନରର୍ଷଭାଃ।
ପ୍ରଯଚ୍ଛନ୍ତୀହ ଯେ କାମାନ୍ଦେବତ୍ବମୁପଯାନ୍ତି ତେ॥ 7-149-24 (51529)
ଯେ ଚ ବିଦ୍ଯାମୁପାଦାଯ ଗୁରୁଭ୍ଯଃ ପୁରୁଷାଧମାଃ। 7-149-25 (51530)
ଘ୍ନନ୍ତି ତାନେବ ଦୁର୍ବୃତ୍ତାସ୍ତେ ବୈ ନିରଯଗାମିନଃ॥ 7-149-25 (51531)
ତଦିଦଂ ନରକାଯାଦ୍ଯ କୃତଂ କର୍ମ ମଯା ଧ୍ରୁବମ୍।
ଆଚାର୍ଯଂ ଶରବର୍ଷେଣ ରଥେ ସାଦଯତା କୃପମ୍॥ 7-149-26 (51532)
ଯତ୍ତତ୍ପୂର୍ବମୁପାକୁର୍ବନ୍ନସ୍ତ୍ରଂ ମାମବ୍ରବୀତ୍କୃପଃ।
ନ କଥଞ୍ଚନ କୌରବ୍ଯ ପ୍ରହର୍ତବ୍ଯଂ ଗୁରାବିତି॥ 7-149-27 (51533)
ତଦିଦଂ ବଚନଂ ସାଧୋରାଚାର୍ଯସ୍ଯ ମହାତ୍ମନଃ।
ନାନୁଷ୍ଠିତଂ ତମେବାଜୌ ବିଶିଖୈରଭିବର୍ଷତା॥ 7-149-28 (51534)
ନମସ୍ତସ୍ମୈ ସୁପୂଜ୍ଯାଯ ଗୌତମାଯାପଲାଯିନେ।
ଧିଗସ୍ତୁ ମମ ବାର୍ଷ୍ଣେଯ ଯଦସ୍ମୈ ପ୍ରହରାମ୍ଯହମ୍॥ 7-149-29 (51535)
ସଞ୍ଜଯ ଉବାଚ। 7-149-30x (4658)
ତଥା ବିଲପମାନେ ତୁ ସବ୍ଯସାଚିନି ତଂ ପ୍ରତି।
*ତତୋ ରାଜନ୍ହୃଷ୍ଟୀକେଶଃ ସଂଙ୍ଗାମଶିରସି ସ୍ଥିତମ୍।
ତୀର୍ଣପ୍ରତିଜ୍ଞଂ ବୀଭତ୍ସୁଂ ପରିଷ୍ବଜ୍ଯୈନମବ୍ରବୀତ୍॥ 7-149-30 (51536)
ଦିଷ୍ଠ୍ଯା ସମ୍ପାଦିତା ଜିଷ୍ଣୋ ପ୍ରତିଜ୍ଞା ମହତୀ ତ୍ବଯା।
ଦିଷ୍ଟ୍ଯା ବିନିହତଃ ପାପୋ ବୃଦ୍ଧକ୍ଷତ୍ରଃ ସହାତ୍ମଜଃ॥ 7-149-31 (51537)
ଧାର୍ତରାଷ୍ଟ୍ରବଲଂ ପ୍ରାପ୍ଯ ଦେବସେନାପି ଭାରତ।
ସୀଦେତ ସମରେ ଜିଷ୍ଣୋ ନାତ୍ର କାର୍ଯା ବିଚାରଣା॥ 7-149-32 (51538)
ନ ତଂ ପଶ୍ଯାମି ଲୋକେଷୁ ଚିନ୍ତଯନ୍ପୁରୁଷଂ କ୍ବଚିତ୍।
ତ୍ବଦୃତେ ପୁରୁଷବ୍ଯାଘ୍ର ଯ ଏତଦ୍ଯୋଧଯେଦ୍ବଲମ୍॥ 7-149-33 (51539)
ମହାପ୍ରଭାବା ବହବସ୍ତ୍ବଯା ତୁଲ୍ଯାଧିକାପି ବା।
ସମେତାଃ ପୃଥିବୀପାଲା ଧାର୍ତରାଷ୍ଟ୍ରସ୍ଯ କାରଣାତ୍॥ 7-149-34 (51540)
ତେ ତ୍ବାଂ ପ୍ରାପ୍ଯ ରଣେ କ୍ରୁଦ୍ଧା ନାଭ୍ଯବର୍ତନ୍ତ ଦଂଶିତାଃ।
ତବ ବୀର୍ଯଂ ବଲଂ ଚୈବ ରୁଦ୍ରଶକ୍ରାନ୍ତକୋପମମ୍॥ 7-149-35 (51541)
ନେଦୃଶଂ ଶକ୍ନୁଯାତ୍କଶ୍ଚିଦ୍ରମେ କର୍ତୁଂ ପରାକ୍ରମମ୍।
ଯାଦୃଶଂ କୃତବାନଦ୍ଯ ତ୍ବମେକଃ ଶତ୍ରୁତାପନଃ॥ 7-149-36 (51542)
ଏବମେବ ହତେ କର୍ଣେ ସାନୁବନ୍ଧେ ଦୁରାତ୍ମନି।
ବର୍ଧଯିଷ୍ଯାମି ଭୂଯସ୍ତ୍ବାଂ ବିଜିତାରିଂ ହତଦ୍ବିଷମ୍॥ 7-149-37 (51543)
ତମର୍ଜୁନଃ ପ୍ରତ୍ଯୁବାଚ ପ୍ରସାଦାତ୍ତବ ମାଧବ।
ପ୍ରତିଜ୍ଞେଯଂ ମଯା ତୀର୍ଣା ବିବୁଧୈରପି ଦୁସ୍ତରା॥ 7-149-38 (51544)
ଅନାଶ୍ଚାର୍ଯୋ ଜଯସ୍ତେଷାଂ ଯେଷାଂ ନାଥୋଽସି କେଶବ।
ତ୍ବତ୍ପ୍ରସାଦାନ୍ମହୀଂ କୃତ୍ସ୍ନାଂ ସଂପ୍ରାପ୍ସ୍ଯତି ଯୁଧିଷ୍ଠିରଃ॥ 7-149-39 (51545)
ତବୈଷ ଭାରୋ ଧାର୍ଷ୍ଣେଯ ତବୈବ ବିଜଯଃ ପ୍ରଭୋ।
ବର୍ଧନୀଯାସ୍ତବ ବଯଂ ପ୍ରେଷ୍ଯାଶ୍ଚ ମଧୁସୂଦନ॥ 7-149-40 (51546)
ଏବମୁକ୍ତସ୍ତତଃ କୃଷ୍ଣଃ ଶନକୈର୍ବାହଯନ୍ହଯାନ୍।
ଦର୍ଶଯାମାସ ପାର୍ଥାଯ କ୍ରୂରମାଯୋଧନଂ ମହତ୍॥ 7-149-41 (51547)
ଶ୍ରୀକୃଷ୍ଣ ଉବାଚ। 7-149-42x (4659)
ପ୍ରାର୍ଥଯନ୍ତୋ ଜଯେ ଯୁଦ୍ଧେ ପ୍ରଥିତଂ ଚ ମହଦ୍ଯଶଃ।
ପୃଥିବ୍ଯାଂ ଶେରତେ ଶୂରାଃ ପାର୍ଥିବାସ୍ତ୍ବଚ୍ଛରୈର୍ହତାଃ॥ 7-149-42 (51548)
ବିକୀର୍ଣଶସ୍ତ୍ରାଭରଣା ବିପନ୍ନାଶ୍ବରଥଦ୍ବିପାଃ।
ସଞ୍ଛିନ୍ନଭିନ୍ନମର୍ମାଣୋ ବୈକ୍ଲବ୍ଯଂ ପରମଂ ଗତାଃ॥ 7-149-43 (51549)
ସସତ୍ବା ଗତସତ୍ବାଶ୍ଚ ପ୍ରଭଯା ପରଯା ଯୁତାଃ।
ସଜୀବା ଇବ ଲକ୍ଷ୍ଯନ୍ତେ ଗତସତ୍ବା ନରାଧିପାଃ॥ 7-149-44 (51550)
ତେଷାଂ ଶରୈଃ ସ୍ବର୍ଣପୁଙ୍ଖୈଃ ଶସ୍ତ୍ରୈଶ୍ଚ ବିବିଧୈଃ ଶିତୈଃ।
ବାହନୈରାଯୁଧୈଶ୍ଚୈବ ସମ୍ପୂର୍ଣାଂ ପଶ୍ଯ ମେଦିନୀମ୍॥ 7-149-45 (51551)
ବର୍ମଭିଶ୍ଚର୍ମଭିର୍ହାରୈଃ ଶିରୋଭିଶ୍ଚ ସକୁଣ୍ଡଲୈଃ।
ଉଷ୍ଣୀଷୈର୍ମକୁଟୈଃ ସ୍ରଗ୍ଭିଶ୍ଚୂଡାମଣିଭିରମ୍ବରୈଃ॥ 7-149-46 (51552)
କଣ୍ଠସୂତ୍ରୈରଙ୍ଗଦୈଶ୍ଚ ନିଷ୍କୈରପି ଚ ସପ୍ରଭୈଃ।
ଅନ୍ଯୈଶ୍ଚାଭରଣୈଶ୍ଚିତ୍ରୈର୍ଭାତି ଭାରତ ମେଦିନୀ॥ 7-149-47 (51553)
[ଅନୁକର୍ଷୈରୁପାସଙ୍ଗୈଃ ପତାକାଭିର୍ଧ୍ବଜୈସ୍ତଥା।
ଉପସ୍କରୈରଧିଷ୍ଠାନୈରୀଷାଦଣ୍ଡକବନ୍ଧୁରୈଃ॥ 7-149-48 (51554)
ଚକ୍ରୈଃ ପ୍ରମଥିତୈଶ୍ଚିତ୍ରୈରକ୍ଷୈଶ୍ଚ ବହୁଧା ରଣେ।
ଯୁଗୈର୍ଯୋକ୍ତ୍ରୈଃ କଲାପୈଶ୍ଚ ଧନୁର୍ଭିଃ ସାଯକୈସ୍ତଥା॥ 7-149-49 (51555)
ପରିସ୍ତୋମୈଃ କୁଥାଭିଶ୍ଚ ପରିଘୈରଙ୍କୁଶୈସ୍ତଥା।
ଶକ୍ତିଭିର୍ଭିଣ୍ଡିପାଲୈଶ୍ଚ ତୂଣୈଃ ଶୂଲୈଃ ପରଶ୍ବଥୈଃ॥ 7-149-50 (51556)
ପ୍ରାସୈଶ୍ଚ ତୋମରୈଶ୍ଚୈବ କୁନ୍ତୈର୍ଯଷ୍ଟିଭିରେବ ଚ।
ଶତଘ୍ନୀଭିର୍ଭୁଶୁଣ୍ଡୀଭିଃ ଖଙ୍ଗୈଃ ପରଶୁଭିସ୍ତଥା॥ 7-149-51 (51557)
ମୁସଲୈର୍ମୁଦ୍ଗରୈଶ୍ଚୈବ ଗଦାଭିଃ କୁଣପୈସ୍ତଥା।
ସୁବର୍ଣବିକୃତାଭିଶ୍ଚ କଶାଭିର୍ଭରତର୍ଷଭ॥ 7-149-52 (51558)
ଘଣ୍ଟାଭିଶ୍ଚ ଗଜେନ୍ଦ୍ରାଣାଂ ଭାଣ୍ଡୈଶ୍ଚ ବିବିଧୈରପି।
ସ୍ରଗ୍ଭିଶ୍ଚ ନାନାଭରଣୈର୍ବସ୍ତ୍ରୈଶ୍ଚୈବ ମହାଧନୈଃ।
ଅପବିଦ୍ଧୈର୍ବଭୌ ଭୂମିର୍ଗ୍ରହୈର୍ଦ୍ଯୌରିବ ଶାରଦୀ॥ 7-149-53 (51559)
ପୃଥିବ୍ଯାଂ ପୃଥିବୀହେତୋଃ ପୃଥିବୀପତଯୋ ହତାଃ।
ପୃଥିବୀମୁପଗୁହ୍ଯାଙ୍ଗୈଃ ସୁପ୍ତାଃ କାନ୍ତାମିବ ପ୍ରିଯାମ୍॥ 7-149-54 (51560)
ଇମାଂଶ୍ଚ ଗିରିକୂଟାଭାନ୍ନାଗାନୈରାବତୋପମାନ୍।
କ୍ଷରତଃ ଶୋଣିତଂ ଭୂରି ଶସ୍ତ୍ରଚ୍ଛେଦଦରୀମୁଖୈଃ।
ଦରୀମୁଖୈରିବ ଗିରୀନ୍ଗୈରିକାମ୍ବୁପରିସ୍ରବାନ୍॥ 7-149-55 (51561)
ତାଂଶ୍ଚ ବାଣହତାନ୍ବୀର ପଶ୍ଯ ନିଷ୍ଟନତଃ କ୍ଷିତୌ।
ହଯାଂଶ୍ଚ ପତିତାନ୍ପଶ୍ଯ ସ୍ବର୍ଣଭାଣ୍ଡବିଭୂଷିତାନ୍॥ 7-149-56 (51562)
ଗନ୍ଧର୍ବନଗରାକାରାନ୍ରଥାଂଶ୍ଚ ନିହତେଶ୍ବରାନ୍।
ଛିନ୍ନଧ୍ବଜପତାକାକ୍ଷାନ୍ବିଚକ୍ରାନ୍ହତସାରଥୀନ୍॥ 7-149-57 (51563)
ନିକୃତ୍ତକୂବରଯୁଗାନ୍ଭଗ୍ନେଷାନ୍ବନ୍ଧୁରାନ୍ପ୍ରଭୋ।
ପଶ୍ଯ ପାର୍ଥ ହଯାନ୍ଭୂମୌ ବିମାନୋପମଦର୍ଶନାନ୍॥ 7-149-58 (51564)
ପତ୍ତୀଂଶ୍ଚ ନିହତାନ୍ବୀର ଶତଶୋଽଥ ସହସ୍ରଶଃ।
ଧନୁର୍ଭୃତଶ୍ଚର୍ମଭୃତଃ ଶଯାନାନ୍ରୁଧିରୋକ୍ଷିତାନ୍॥ 7-149-59 (51565)
ମହୀମାଲିଙ୍ଗ୍ଯ ସର୍ବାଙ୍ଗୈଃ ପାଂସୁଧ୍ବସ୍ତଶିରୋରୁହାନ୍।
ପଶ୍ଯ ଯୋଧାନ୍ମହାବାହୋ ତ୍ବଚ୍ଛରୈର୍ଭିନ୍ନବିଗ୍ରହାନ୍॥ 7-149-60 (51566)
ନିପାତିତଦ୍ବିପରଥାଜିସଙ୍କୁଲ--
ମସୃଗ୍ବସାପିଶିତସମୃଦ୍ଧକର୍ଦମମ୍।
ନିଶାଚରଶ୍ବବୃକପିଶାଚମୋଦନଂ
ମହୀତଲଂ ନରବର ପଶ୍ଯ ଦୁର୍ଦୃଶମ୍॥ 7-149-61 (51567)
ଇଦଂମହତ୍ତ୍ବଯ୍ଯୁପପଦ୍ଯତେ ପ୍ରଭୋ
ରଣାଜିରେ କର୍ମ ଯଶୋଽଭିବର୍ଧନମ୍।
ଶତକ୍ରତୌ ଚାପି ଚ ଦେବସତ୍ତମେ
ମହାହବେ ଜଘ୍ନୁଷି ଦୈତ୍ଯଦାନବାନ୍॥] 7-149-62 (51568)
ସଞ୍ଜଯ ଉବାଚ। 7-149-63x (4660)
ଏବଂ ସନ୍ଦର୍ଶଯନ୍କୃଷ୍ଣୋ ରଣଭୂମିଂ କିରୀଟିନେ।
ସ୍ବୈଃ ସମେତଃ ସମୁଦିତୈଃ ପାଞ୍ଚଜନ୍ଯଂ ବ୍ଯନାଦଯତ୍॥ 7-149-63 (51569)
`ସାତ୍ଯକିଃ ପାର୍ଥମଭ୍ଯାଯାଦ୍ଭୀମସେନଶ୍ଚ ପାଣ୍ଡବଃ।
ଯୁଧାମନ୍ଯୂତ୍ତମୌଜୌ ଚ ପାଞ୍ଚାଲସ୍ଯାତ୍ମଜାବୁଭୌ॥ 7-149-64 (51570)
ତେ ନିବାର୍ଯ ଶରୈର୍ଦ୍ରୌଣିଂ କର୍ଣଂ ଚ ସହ ଭୂମିପୈଃ।
ଆଗଚ୍ଛନ୍ରଥିନଶ୍ଚୈବ ଯତ୍ର ରାଜା ଯୁଧିଷ୍ଠିରଃ'॥ 7-149-65 (51571)
ସ ଦର୍ଶଯନ୍ନେବ କିରୀଟିନେଽରିହା
ଜନାର୍ଦନସ୍ତାମରିଭୂମିମଞ୍ଜସା।
ଅଜାତଶତ୍ରୁଂ ସମୁପେତ୍ଯ ପାଣ୍ଡବଂ
ନିବେଦଯାମାସ ହତଂ ଜଯଦ୍ରଥମ୍॥ ॥ 7-149-66 (51572)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଏକୋନପଞ୍ଚାଶଦଧିକଶତତମୋଽଧ୍ଯାଯଃ॥ 149 ॥
Mahabharata - Drona Parva - Chapter Footnotes
5-149-9 ଅଜିଘାଂସୁର୍ହନ୍ତମନିଚ୍ଛନ୍। ଆଚାର୍ଯକଂ ଗୁରୋଃ ସମ୍ମାନମ୍॥ 5-149-12 ଅବାସୀଦଦବସନ୍ନଃ॥ 5-149-16 ଇଦଂ କୁଲକ୍ଷଯଗୁରୁଦ୍ରୋହାଦିକମ୍॥ 5-149-18 ଶରତଲ୍ପଗତଂ ଶରପଞ୍ଜରଗତମ୍॥ 5-149-22 ଅଭ୍ଯସ୍ତୋଽସକୃନ୍ନିହତଃ। ଦଶଧର୍ମଗତେନ ଦୁରବସ୍ଥାଗତେନ॥ 5-149-23 ଶୋଚଯତି ଶୋକଂ କାରଯତି। ଏଷ ଦ୍ରୋଣଃ। ଭୂଯୋଽଧିକଂ ପୁତ୍ରବଧାତ୍॥ 5-149-24 ଉପାକୃତ୍ଯ ଅଧୀତ୍ଯ॥ 5-149-27 ଉପାକୁର୍ବନ୍ ଆଧ୍ଯାପଯନ୍॥ 5-149-* ତତୋ ରାଜନ୍ହୃଷୀକେଶ ଇତ୍ଯାଦି ମହାପ୍ରଭାବା ବହବସ୍ତ୍ବଯା ତୁଲ୍ଯାଧିକାପି ବା ଇତ୍ଯନ୍ତାଃ ସାର୍ଧଚତ୍ବାରଃ ଶ୍ଲୋକାଃ ଝ. ପୁସ୍ତକେ 146 ତମାଧ୍ଯାଯସ୍ଯ 25 ତମଶ୍ଲୋକାଦୁପରି ବିଦ୍ଯନ୍ତେ। 5-149-48 କୁଣ୍ଡଲିତାଃ ଶ୍ଲୋକାଃ ଝ.ପୁସ୍ତକ ଏବ ଦୃଶ୍ଯନ୍ତେ॥ 5-149-149 ଏକୋନପଞ୍ଚାଶଦଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 150
॥ ଶ୍ରୀଃ ॥
7.150. ଅଧ୍ଯାଯଃ 150
Mahabharata - Drona Parva - Chapter Topics
ଯୁଧିଷ୍ଠିରେଣ ସ୍ବାଭିବାଦକାନାଂ କୃଷ୍ଣଭୀମାର୍ଜୁନସାତ୍ଯକୀନାମାଲିଙ୍ଗନାଦିନା ସତ୍କାରଃ॥ 1 ॥ କୃଷ୍ଣଯୁଧିଷ୍ଠିରଯୋଃ ସଂଲାପଃ॥ 2 ॥Mahabharata - Drona Parva - Chapter Text
7-150-0 (51573)
ସଞ୍ଜଯ ଉବାଚ। 7-150-0x (4661)
ତତୋ ରାଜାନମଭ୍ଯେତ୍ଯ ଧର୍ମପୁତ୍ରଂ ଯୁଧିଷ୍ଠିରମ୍।
ବବନ୍ଦେ ସମ୍ପ୍ରହୃଷ୍ଟାତ୍ମା ହତେ ପାର୍ଥେନ ସୈନ୍ଧବେ॥ 7-150-1 (51574)
ଦିଷ୍ଟ୍ଯା ବର୍ଧସି ରାଜେନ୍ଦ୍ର ହତଶତ୍ରୁର୍ନରୋତ୍ତମ।
ଦିଷ୍ଟ୍ଯା ନିସ୍ତୀର୍ଣବାଂଶୈବ ପ୍ରତିଜ୍ଞାମନୁଜସ୍ତବ॥ 7-150-2 (51575)
ସ ତ୍ବେବମୁକ୍ତଃ କୃଷ୍ଣେନ ହୃଷ୍ଟଃ ପରପୁରଞ୍ଜଯଃ।
ତତୋ ଯୁଧିଷ୍ଠିରୋ ରାଜା ରଥାଦାପ୍ଲୁତ୍ଯ ଭାରତ।
ପର୍ଯଷ୍ବଜତ୍ତଦା କୃଷ୍ଣାବାନନ୍ଦାଶ୍ରୁପରିପ୍ଲୁତଃ॥ 7-150-3 (51576)
ପ୍ରମୃଜ୍ଯ ବଦନଂ ଶୁଭ୍ରଂ ପୁଣ୍ଡରୀକସମପ୍ରଭମ୍।
ଅବ୍ରବୀଦ୍ବାସୁଦେବଂ ଚ ପାଣ୍ଡବଂ ଚ ଧନଞ୍ଜଯମ୍॥ 7-150-4 (51577)
ପ୍ରିଯମେତଦୁପଶ୍ରୁତ୍ଯ ତ୍ବତ୍ତଃ ପୁଷ୍କରଲୋଚନ।
ନାନ୍ତଂ ଗଚ୍ଛାମି ହର୍ଷସ୍ଯ ତିତୀର୍ଷୁରୁଦଧେରିବ॥ 7-150-5 (51578)
ଅତ୍ଯଦ୍ଭୁତମିଦଂ କୃଷ୍ଣ କୃତଂ ପାର୍ଥେନ ଧୀମତା।
ଦିଷ୍ଟ୍ଯା ପଶ୍ଯାମି ସଙ୍ଗ୍ରାମେ ତୀର୍ଣଭାରୌ ମହାରଥୌ॥ 7-150-6 (51579)
ଦିଷ୍ଟ୍ଯା ଚ ନିହତଃ ପାପଃ ସୈନ୍ଧବଃ ପୁରୁଷାଧମଃ।
`ଦିଷ୍ଟ୍ଯା ଶତ୍ରୁଗଣାଶ୍ଚୈବ ନିମଗ୍ନାଃ ଶୋକସାଗରେ'॥ 7-150-7 (51580)
କୃଷ୍ଣ ଦିଷ୍ଟ୍ଯା ମମ ପ୍ରୀତିର୍ମହତୀ ପ୍ରତିପାଦିତା।
ତ୍ବଯା ଗୁପ୍ତେନ ଗୋବିନ୍ଦ ଘ୍ନତା ପାପଂ ଜଯଦ୍ରଥମ୍॥ 7-150-8 (51581)
କିନ୍ତୁ ନାତ୍ଯଦ୍ଭୁତଂ ତେଷାଂ ଯେଷାଂ ନସ୍ତ୍ବଂ ସମାଶ୍ରଯଃ।
ନ ତେଷାଂ ଦୁଷ୍କୃତଂ କିଞ୍ଚିତ୍ତ୍ରିଷୁ ଲୋକେଷୁ ବିଦ୍ଯତେ।
ସର୍ବଲୋକଗୁରୁର୍ଯେଷାଂ ତ୍ବଂ ନାଥୋ ମଧୁସୂଦନ॥ 7-150-9 (51582)
ତ୍ବତ୍ପ୍ରସାଦାଦ୍ଧି ଗୋବିନ୍ଦ ବଯଂ ଜେଷ୍ଯାମହେ ରିପୂନ୍।
`ଯଥା ପୁରା ପ୍ରସାଦାତ୍ତେ ଦାନବାନ୍ପାକଶାସନଃ॥ 7-150-10 (51583)
ପୃଥିବ୍ଯା ବିଜଯୋ ବାପି ତ୍ରୈଲୋକ୍ଯବିଜଯୋଽପି ବା।
ଧ୍ରୁବୋ ହି ତେଷାଂ ବାର୍ଷ୍ଣେଯ ଯେଷାଂ ତୁଷ୍ଟୋଽସି ମାନଦ॥ 7-150-11 (51584)
ନ ତେଷାଂ ବିଦ୍ଯତେ ପାପଂ ସଙ୍ଗ୍ରାମେ ବା ପରାଜଯଃ।
ତ୍ରିଦଶେଶ୍ବର ନାଥସ୍ତ୍ବଂ ଯେଷାଂ ତୁଷ୍ଟୋଽସି ମାଧବ॥ 7-150-12 (51585)
ତ୍ବତ୍ପ୍ରସାଦାଦ୍ଧୃଷୀକେଶ ଶକ୍ରଃ ସୁରଗଣେଶ୍ବରଃ।
ତ୍ରୈଲୋକ୍ଯବିଜଯଂ ଶ୍ରୀମାନ୍ପ୍ରାପ୍ତବାନ୍ରଣମୂର୍ଧନି॥ 7-150-13 (51586)
ତବ ଚୈବ ପ୍ରସାଦେନ ତ୍ରିଦଶାସ୍ତ୍ରିଦଶେଶ୍ବରାଃ।
ଅମରତ୍ବଂ ଗତାଃ କୃଷ୍ଣ ଲୋକାଂଶ୍ଚାଶ୍ନୁବତେଽକ୍ଷଯାନ୍'॥ 7-150-14 (51587)
ସ୍ଥିତଃ ସର୍ବାତ୍ମନା ନିତ୍ଯଂ ପ୍ରିଯେଷୁ ଚ ହିତେଷୁ ଚ।
ତ୍ବାଂ ଚୈବାସ୍ମାଭିରାଶ୍ରିତ୍ଯ କୃତଃ ଶସ୍ତ୍ରସମୁଦ୍ଯମଃ।
ସୁରୈରିବାସୁରବଧେ ଶକ୍ରଂ ଶକ୍ରାନୁଜାହବେ॥ 7-150-15 (51588)
ଅସଂଭାବ୍ଯମିଦଂ କର୍ମ ଦେବୈରପି ଜନାର୍ଦନ।
ତ୍ବଦ୍ବୁଦ୍ଧିବଲବୀର୍ଯେଣ କୃତବାନେଷ ଫଲ୍ଗୁନଃ॥ 7-150-16 (51589)
ବାଲ୍ଯାତ୍ପ୍ରଭୃତି ତେ କୃଷ୍ଣ କର୍ମାଣି ଶ୍ରୁତବାନହମ୍।
ଅମାନୁଷାଣି ଦିବ୍ଯାନି ମହାନ୍ତି ଚ ବହୂନି ଚ।
ତଦୈବାଜ୍ଞାସିଷଂ ଶତ୍ରୂନ୍ହତାନ୍ପ୍ରାପ୍ତାଂ ଚ ମେଦିନୀମ୍॥ 7-150-17 (51590)
ତ୍ବତ୍ପ୍ରସାଦସମୁତ୍ଥେନ ବିକ୍ରମେଣାରିସୂଦନ।
ସୁରେଶତ୍ବଂ ଗତଃ ଶକ୍ରୋ ହତ୍ବା ଦୈତ୍ଯାନ୍ସହସ୍ରଶଃ॥ 7-150-18 (51591)
ତ୍ବତ୍ପ୍ରସାଦାଦ୍ବୃଷୀକେଶ ଜଗତ୍ସ୍ଥାବରଜଙ୍ଗମମ୍।
ସ୍ବବର୍ତ୍ମନି ସ୍ଥିତଂ ବୀର ଜପରହୋମେଷୁ ବର୍ତତେ॥ 7-150-19 (51592)
ଏକାର୍ଣବମିଦଂ ପୂର୍ବଂ ସର୍ବମାସୀତ୍ତମୋମଯମ୍।
ତ୍ବତ୍ପ୍ରସାଦାନ୍ମାହାବାହୋ ଜଗତ୍ପ୍ରାପ୍ତଂ ନରୋତ୍ତମ॥ 7-150-20 (51593)
ସ୍ରଷ୍ଟାରଂ ସର୍ବଲୋକାନାଂ ପରମାତ୍ମାନମବ୍ଯଯମ୍।
ଯେ ପଶ୍ଯନ୍ତି ହୃଷୀକେଶ ନ ତେ ମୁହ୍ଯନ୍ତି କର୍ହିଚିତ୍॥ 7-150-21 (51594)
ପୁରାଣଂ ପରମଂ ଦେବଂ ଦେବଦେବଂ ସନାତନମ୍।
ଯେ ପ୍ରପନ୍ନାଃ ସୁରଗୁରୁଂ ନ ତେ ମୁହ୍ଯନ୍ତି କର୍ହିଚିତ୍॥ 7-150-22 (51595)
ଅନାଦିନିଧନଂ ଦେବଂ ଲୋକକର୍ତାରମବ୍ଯଯମ୍।
ଯେ ଭକ୍ତାସ୍ତ୍ବାଂ ହୃଷୀକେଶ ଦୁର୍ଗାଣ୍ଯତିତରନ୍ତି ତେ॥ 7-150-23 (51596)
ପରଂ ପୁରାଣଂ ପୁରୁଷଂ ପରାଣାଂ ପରମଂ ଚ ଯତ୍।
ପ୍ରପଦ୍ଯତସ୍ତତ୍ପରମଂ ପରା ଭୂତିର୍ବିଧୀଯତେ॥ 7-150-24 (51597)
ଗାଯନ୍ତି ଚତୁରୋ ବେଦା ଯଶ୍ଚ ଦେବେଷୁ ଗୀଯତେ।
ତଂ ପ୍ରପଦ୍ଯ ମହାତ୍ମାନଂ ଭୂତିମଶ୍ନାମ୍ଯନୁତ୍ତମାମ୍॥ 7-150-25 (51598)
ପରମେଶ ପରେଶେଶ ତିର୍ଯଗୀଶ ନରେଶ୍ବର।
ସର୍ବେଶ୍ବରେଶ୍ବରେଶେନ ନମସ୍ତେ ପୁରୁଷୋତ୍ତମ॥ 7-150-26 (51599)
ତ୍ବମୀଶେଶେଶ୍ବରେଶାନ ପ୍ରଭୋ ବର୍ଧସ୍ବ ମାଧବ।
ପ୍ରଭବାପ୍ଯଯ ସର୍ବସ୍ଯ ସର୍ବାତ୍ମନ୍ପୃଥୁଲୋଚନ॥ 7-150-27 (51600)
ଧନଞ୍ଜଯସଖା ଯଶ୍ଚ ଧନଞ୍ଜଯହିତଶ୍ଚ ଯଃ।
ଧନଞ୍ଜଯସ୍ଯ ଗୋପ୍ତା ତଂ ପ୍ରପଦ୍ଯ ସୁଖମେଧତେ॥ 7-150-28 (51601)
[ମାର୍କଣ୍ଡେଯଃ ପୁରାଣର୍ଷିଶ୍ଚରିତଜ୍ଞସ୍ତବାନଘ।
ମାହାତ୍ମ୍ଯମନୁଭାବଂ ପୁରା ଫୀର୍ତିତବାନ୍ମୁନିଃ॥ 7-150-29 (51602)
ଅସିତୋ ଦେବଲଶ୍ଚୈବ ନାରଦଶ୍ଚ ମହାତପାଃ।
ପିତାମହଶ୍ଚ ମେ ବ୍ଯାସସ୍ତ୍ବାମାହୁର୍ବିଧିମୁତ୍ତମମ୍॥ 7-150-30 (51603)
ତ୍ବଂ ତେଜସ୍ତ୍ବଂ ପରଂ ବ୍ରହ୍ମ ତ୍ବଂ ସତ୍ଯଂ ତ୍ବଂ ମହତ୍ତପଃ।
ତ୍ବଂ ଶ୍ରେଯସ୍ତ୍ବଂ ଯଶଶ୍ଚାଗ୍ର୍ଯଂ କାରଣଂ ଜଗତସ୍ତଥା॥ 7-150-31 (51604)
ତ୍ବଯା ସୃଷ୍ଟମିଦଂ ସର୍ବଂ ଜଗତ୍ସ୍ଥାବରଜଙ୍ଗମମ୍।
ପ୍ରଲଯେ ସମନୁପ୍ରାପ୍ତେ ତ୍ବାଂ ବୈ ନିବିଶତେ ପୁନଃ॥ 7-150-32 (51605)
ଅନାଦିନିଧନଂ ଦେବଂ ବିଶ୍ବସ୍ଯେଶଂ ଜଗତ୍ପତେ।
ଧାତାରମଜମବ୍ଯକ୍ତମାହୁର୍ବେଦବିଦୋ ଜନାଃ॥ 7-150-33 (51606)
ଭୂତାତ୍ମାନଂ ମହାତ୍ମାନମନନ୍ତଂ ବିଶ୍ବତୋମୁଖମ୍।
ଅପି ଦେବା ନ ଜାନନ୍ତି ଗୁହ୍ଯମାଦ୍ଯଂ ଜଗତ୍ପତିମ୍।
ନାରାଯଣଂ ପରଂ ଦେବଂ ପରମାତ୍ମାନମୀଶ୍ବରମ୍॥ 7-150-34 (51607)
ଜ୍ଞାନଯୋନିଂ ହରିଂ ବିଷ୍ଣୁଂ ମୁମୁକ୍ଷୂଣାଂ ପରାଯଣମ୍।
ପରଂ ପୁରାଣଂ ପୁରୁଷଂ ପୁରାଣାନାଂ ପରଂ ଚ ଯତ୍॥ 7-150-35 (51608)
ଏବମାଦିଗୁଣାନାଂ ତେ କର୍ମଣାଂ ଦିବି ଚେହ ଚ।
ଅତୀତଭୂତଭବ୍ଯାନାଂ ସଙ୍ଖ୍ଯାତାଽତ୍ର ନ ବିଦ୍ଯତେ॥ 7-150-36 (51609)
ସର୍ବତୋ ରକ୍ଷଣୀଯାଃ ସ୍ମ ଶକ୍ରେଣେବ ଦିବୌକସଃ।
ଯୈସ୍ତ୍ବଂ ସର୍ବଗୁଣୋପେତଃ ସୁହୃନ୍ନ ଉପପାଦିତଃ॥ 7-150-37 (51610)
ଇତ୍ଯେବଂ ଧର୍ମରାଜେନ ହରିରୁକ୍ତୋ ମହାଯଶାଃ।
ଅନୁରୂପମିଦଂ ବାକ୍ଯଂ ପ୍ରତ୍ଯୁବାଚ ଜନାର୍ଦନଃ॥ 7-150-38 (51611)
ଭବତା ତପସୋଗ୍ରେଣ ଧର୍ମେଣ ପରମେଣ ଚ।
ସାଧୁତ୍ବାଦାର୍ଜବାଚ୍ଚୈବ ହତଃ ପାପୋ ଜଯଦ୍ରଥଃ॥ 7-150-39 (51612)
ଅଯଂ ଚ ପୁରୁଷବ୍ଯାଘ୍ର ତ୍ବଦନୁଧ୍ଯାନସଂବୃତଃ।
ହତ୍ବା ଯୋଧସହସ୍ରାଣି ନ୍ଯହଞ୍ଜିଷ୍ଣୁର୍ଜଯଦ୍ରଥମ୍॥ 7-150-40 (51613)
କୃତିତ୍ବେ ବାହୁବୀର୍ଯେ ଚ ତଥୈବାସମ୍ଭ୍ରମେଽପି ଚ।
ଶୀଘ୍ରତାମୋଧବୁଦ୍ଧିତ୍ବେ ନାସ୍ତି ପାର୍ଥସମଃ କ୍ବଚିତ୍॥ 7-150-41 (51614)
ତଦଯଂ ଭରତଶ୍ରେଷ୍ଠ ଭ୍ରାତା ତେଽଦ୍ଯ ଯଦର୍ଜୁନଃ।
ସୈନ୍ଯକ୍ଷଯଂ ରଣେ କୃତ୍ବା ସିନ୍ଧୁରାଜଶିରୋଽହରତ୍॥ 7-150-42 (51615)
ତତୋ ଧର୍ମସୁତୋ ଜିଷ୍ଣୁଂ ପରିଷ୍ବଜ୍ଯ ବିଶାମ୍ପତେ।
ପ୍ରମୃଜ୍ଯ ବଦନଂ ତସ୍ଯ ପର୍ଯାଶ୍ବାସଯତ ପ୍ରଭୁଃ॥ 7-150-43 (51616)
ଅତୀବ ସୁମହତ୍କର୍ମ କୃତବାନସି ଫଲ୍ଗୁନ।
ଅସହ୍ଯଂ ଚାବିଷହ୍ଯଂ ଚ ଦେବୈରପି ସବାସବୈଃ॥ 7-150-44 (51617)
ଦିଷ୍ଟା ନିସ୍ତୀର୍ଣଭାରୋଽସି ହତାରିଶ୍ଚାସି ଶତ୍ରୁହନ୍।
ଦିଷ୍ଟ୍ଯା ସତ୍ଯା ପ୍ରତିଜ୍ଞେଯଂ କୃତା ହତ୍ବା ଜଯଦ୍ରଥମ୍॥ 7-150-45 (51618)
ଏବମୁକ୍ତ୍ବା ଗୁଡାକେଶଂ ଧର୍ମରାଜୋ ମହାଯଶାଃ।
ପସ୍ପର୍ଶ ପୁଣ୍ଯଗନ୍ଧେନ ପୃଷ୍ଠେ ହସ୍ତେନ ପାର୍ଥିବାଃ॥] 7-150-46 (51619)
ସଞ୍ଜଯ ଉବାଚ। 7-150-47x (4662)
ଏବମୁକ୍ତୌ ମହାତ୍ମାନାବୁଭୌ କେଶବପାଣ୍ଡବୌ।
ତାବବ୍ରୂତାଂ ତଦା କୃଷ୍ଣୌ ରାଜାନଂ ପୃଥିବୀପତିମ୍॥ 7-150-47 (51620)
ତବ କୋପାଗ୍ନିନା ଦଗ୍ଧଃ ପାପୋ ରାଜଞ୍ଜଯଦ୍ରଥଃ।
ଉତ୍ତୀର୍ଣଂ ଚାପି ସୁମହଦ୍ଧାର୍ତରାଷ୍ଟ୍ରବଲଂ ରଣେ॥ 7-150-48 (51621)
ଯୁଧିଷ୍ଠିର ଉବାଚ। 7-150-49x (4663)
ହନ୍ଯନ୍ତେ ନିହତାଶ୍ଚୈବ ବିନଙ୍କ୍ଷ୍ଯନ୍ତି ଚ କେଶବ।
ତବ କ୍ରୋଧହତା ହ୍ଯେତେ କୌରବାଃ ଶତ୍ରୁସୂଦନ॥ 7-150-49 (51622)
ତ୍ବାଂ ହି ଚକ୍ଷୁର୍ହଣଂ ବୀର କୋପଯିତ୍ବା ସୁଯୋଧନଃ।
ସମିତ୍ରବନ୍ଧୁଃ ସମରେ ପ୍ରାଣାଂସ୍ତ୍ଯକ୍ଷ୍ଯତି ଦୁର୍ମତିଃ॥ 7-150-50 (51623)
ତବ କ୍ରୋଧହତଃ ପୂର୍ବଂ ଦେବୈରପି ସୁଦୁର୍ଜଯଃ।
ଶରତଲ୍ପଗତଃ ଶେତେ ଭୀଷ୍ମଃ କୁରୁପିତାମହଃ॥ 7-150-51 (51624)
ଦୁର୍ଲଭୋ ବିଜଯସ୍ତେଷାଂ ସମ୍ପ୍ରାମେ ରିପୁଘାତିନାମ୍।
ଯାତା ମୃତ୍ଯୁବଶଂ ତେ ବୈ ଯେଷାଂ କ୍ରୁଦ୍ଧୋଽପି ମାଧବ॥ 7-150-52 (51625)
ରାଜ୍ଯଂ ପ୍ରାଣାଃ ଶ୍ରିଯଃ ପୁତ୍ରାଃ ସୌଖ୍ଯାନି ବିବିଧାନି ଚ।
ଅଚିରାତ୍ତସ୍ଯ ନଶ୍ଯନ୍ତି ଯେଷାଂ କ୍ରୁଦ୍ଧୋଽସି ମାନଦ॥ 7-150-53 (51626)
ଭଗବାନୁବାଚ। 7-150-54x (4664)
ବିନଷ୍ଟାନ୍କୌରବାନ୍ମନ୍ଯେ ସପୁତ୍ରପଶୁବାନ୍ଧବାନ୍।
ରାଜଧର୍ମପରେ ନିତ୍ଯଂ ତ୍ବଯି କ୍ରୁଦ୍ଧେ ପରନ୍ତପ॥ 7-150-54 (51627)
ସଞ୍ଜଯ ଉବାଚ। 7-150-55x (4665)
ତତୋ ଭୀମୋ ମହାବାହୁଃ ସାତ୍ଯକିଶ୍ଚ ମହାରଥଃ।
ଅଭିବାଦ୍ଯ ଗୁରୁଂ ଜ୍ଯେଷ୍ଠଂ ମାର୍ଗଣୈଃ କ୍ଷତବିକ୍ଷତୌ।
କ୍ଷିତାବାସ୍ତାଂ ମହେଷ୍ବାସୌ ପାଞ୍ଚାଲ୍ଯପରିବାରିତୌ॥ 7-150-55 (51628)
ତୌ ଦୃଷ୍ଟ୍ବା ମୁଦିତୋ ବୀରୌ ପ୍ରାଞ୍ଜଲୀ ଚାଗ୍ରତଃ ସ୍ଥିତୌ।
ଅଭ୍ଯନନ୍ଦତ କୌନ୍ତେଯସ୍ତାବୁଭୌ ଭୀମସାତ୍ଯକୀ॥ 7-150-56 (51629)
ଦିଷ୍ଟ୍ଯା ପଶ୍ଯାମି ବା ଶୂରୌ ବିମୁକ୍ତୌ ସୈନ୍ଯସାଗରାତ୍।
ଦ୍ରୋଣଗ୍ରାହଦୁରାଧର୍ଷାଦ୍ଧାର୍ଦିକ୍ଯମକରାଲଯାତ୍॥ 7-150-57 (51630)
ଦିଷ୍ଟ୍ଯା ବିନିର୍ଜିତାଃ ସଙ୍ଖ୍ଯେ ପୃଥିବ୍ଯାଂ ସର୍ବପାର୍ଥିବାଃ।
ଯୁବାଂ ବିଜଯିନୌ ଚାପି ଦିଷ୍ଟ୍ଯା ପଶ୍ଯାମି ସଂଯୁଗେ॥ 7-150-58 (51631)
ଦିଷ୍ଟ୍ଯା ଦ୍ରୋଣୋ ଜିତଃ ସଙ୍ଖ୍ଯେ ହାର୍ଦିକ୍ଯଶ୍ଚ ମହାବଲଃ।
ଦିଷ୍ଟ୍ଯା ବିକର୍ଣିଭିଃ କର୍ଣୋରଣେ ନୀତଃ ପରାଭବମ୍॥ 7-150-59 (51632)
ବିମୁଖଶ୍ଚ କୃତଃ ଶଲ୍ଯୋ ଯୁବାଭ୍ଯାଂ ପୁରୁଷର୍ଷଭୌ।
ଦିଷ୍ଟ୍ଯା ଯୁବାଂ କୁଶଲିନୌ ସଙ୍ଗ୍ରାମାତ୍ପୁନରାଗତୌ।
ପଶ୍ଯାମି ରଥିନାଂ ଶ୍ରେଷ୍ଠାବୁଭୌ ଯୁଦ୍ଧବିଶାରଦୌ॥ 7-150-60 (51633)
ମମ ବାକ୍ଯକରୌ ବୀରୌ ମମ ଗୌରବଯନ୍ତ୍ରିତୌ।
ସୈନ୍ଯାର୍ଣବଂ ସମୁତ୍ତୀର୍ଣୌ ଦିଷ୍ଟ୍ଯା ପଶ୍ଯାମି ବାମହମ୍॥ 7-150-61 (51634)
ସମରଶ୍ଲାଘିନୌ ବୀରୌ ସମରେଷ୍ବପରାଜିତୌ।
ମମ ବାକ୍ଯସମୌ ଚୈବ ଦିଷ୍ଟ୍ଯା ପଶ୍ଯାମି ବାମହମ୍॥ 7-150-62 (51635)
ଇତ୍ଯୁକ୍ତ୍ବା ପାଣ୍ଡବୋ ରାଜନ୍ଯୁଯୁଧାନବୃକୋଦରୌ।
ସସ୍ବଜେ ପୁରୁଷବ୍ଯାଘ୍ରୌ ହର୍ଷାଦ୍ବାଷ୍ପଂ ମୁପୋଚ ହ॥ 7-150-63 (51636)
ତତଃ ପ୍ରମୁଦିତଂ ସର୍ବଂ ବଲମାସୀଦ୍ବିଶାମ୍ପତେ।
ପାଣ୍ଡବାନାଂ ରଣେ ହୃଷ୍ଟଂ ଯୁଦ୍ଧାଯ ତୁ ମନୋ ଦଧେ॥ ॥ 7-150-64 (51637)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ପ଼ଞ୍ଚାଶଦଧିକଶତତମୋଽଧ୍ଯାଯଃ॥ 150 ॥
Mahabharata - Drona Parva - Chapter Footnotes
5-150-8 ଗୁପ୍ତେନ ଅର୍ଜୁନେନେତି ଶେଷଃ॥ 8 ॥ 5-150-15 ଶକ୍ରାନୁଜେତି କୃଷ୍ଣଂ ପ୍ରତି ସମ୍ବୋଧନମ୍॥ 5-150-25 ଚତୁରଶ୍ଚତ୍ବାରଃ॥ 5-150-27 ତ୍ବମିତି। ହେଈଶେଶ ରୁଦ୍ରାଦ୍ଯାରାଧ୍ଯ। ଈଶ୍ବରା ରାଜାନସ୍ତେଷାମପୀଶାନୋ ଧର୍ମଃ। ତଦେତତ୍କ୍ଷତ୍ରସ୍ଯ କ୍ଷତ୍ରଂ ଯଦ୍ଧର୍ମ ଇତି ଶ୍ରୁତେସ୍ତସ୍ଯାପି ପ୍ରଭୋ। ଧର୍ମସ୍ଯ ପ୍ରଭୁରଚ୍ଯୁତ ଇତି ସ୍ମୃତେଃ॥ 5-150-28 ସଖା ବଯସ୍ଯଃ। ହିତଃ ପ୍ରିଯକୃତ୍। ଗୋପ୍ତା ଦୁଃଖନିବାରକଃ॥ 5-150-29 କୁଣ୍ଡଲିତଃ ପାଠଃ ଝ. ପୁସ୍ତକ ଏବ ଦୃଶ୍ଯତେ॥ 5-150-48 ଉତ୍ତୀର୍ଣଂ ଲଙ୍ଘିତମ୍॥ 5-150-50 ଚକ୍ଷୁର୍ହଣଂ କ୍ରୋଧଦୃଷ୍ଟିମାତ୍ରେଣ ହନ୍ତାରମ୍॥ 5-150-150 ପଞ୍ଚାଶଦଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 151
॥ ଶ୍ରୀଃ ॥
7.151. ଅଧ୍ଯାଯଃ 151
Mahabharata - Drona Parva - Chapter Topics
ସୈନ୍ଧବବଧଦୁଃଖିତେନ ଦୁର୍ଯୋଧନେନ ଦ୍ରୋଣମେତ୍ଯ ଆତ୍ମୋପାଲମ୍ଭପୂର୍ବକଂ ପରିଶୋଚନମ୍॥ 1 ॥Mahabharata - Drona Parva - Chapter Text
7-151-0 (51638)
ସଞ୍ଜଯ ଉବାଚ। 7-151-0x (4666)
ସୈନ୍ଧବେ ନିହତେ ରାଜନ୍ପୁତ୍ରସ୍ତବ ସୁଯୋଧନଃ।
[ଅଶ୍ରୁପୂର୍ଣମୁଖୋ ଦୀନୋ ନିରୁତ୍ସାହୋ ଦ୍ବିଷଜ୍ଜଯେ॥ 7-151-1 (51639)
ଦୁର୍ମନା ନିଃଶ୍ବସନ୍ଦୁଷ୍ଟୋ ଭଗ୍ନଦଂଷ୍ଟ୍ର ଇବୋରଗଃ।
ଆଗସ୍କୃତ୍ସର୍ବଲୋକସ୍ଯ ପୁତ୍ରସ୍ତେଽର୍ତିଂ ପରାମଗାତ୍॥ 7-151-2 (51640)
ଦୃଷ୍ଟ୍ବା ତତ୍କଦନଂ ଘୋରଂ ସ୍ବବଲସ୍ଯ କୃତଂ ମହତ୍।
ଜିଷ୍ଣୁନା ଭୀମସେନେନ ସାତ୍ବତେନ ଚ ସଂଯୁଗେ॥ 7-151-3 (51641)
ସ ବିବର୍ଣଃ କୃଶୋ ଦୀନୋ ବାଷ୍ପବିପ୍ଲୁତଲୋଚନଃ।]
ଅମନ୍ଯତାର୍ଜୁନସମୋ ନ ଯୋଦ୍ଧା ଭୁବି ବିଦ୍ଯତେ॥ 7-151-4 (51642)
ନ ଦ୍ରୋଣୋ ନ ଚ ରାଧେଯୋ ନାଶ୍ବତ୍ଥାମା କୃପୋ ନ ଚ।
ପାର୍ଥସ୍ଯ ସମ୍ମଖେ ସ୍ଥାତୁଂ ପର୍ଯାପ୍ତା ଇତି ମାରିଷ॥ 7-151-5 (51643)
ନିର୍ଜିତ୍ଯ ହି ରଣେ ପାର୍ଥଃ ସର୍ବାନ୍ମମ ମହାରଥାନ୍।
ଅବଧୀତ୍ସୈନ୍ଧବଂ ସଙ୍ଖ୍ଯେ ନ ଚ କଶ୍ଚିଦବାରଯତ୍॥ 7-151-6 (51644)
ସର୍ବଥା ହତମେବେଦଂ କୌରବାଣାଂ ମହଦ୍ବଲମ୍।
ନ ହ୍ଯସ୍ଯ ବିଦ୍ଯତେ ତ୍ରାତା ସାକ୍ଷାଦପି ପୁରନ୍ଦରଃ॥ 7-151-7 (51645)
ଯମୁପାଶ୍ରିତ୍ଯ ସଙ୍ଗ୍ରାମେ କୃତଃ ଶସ୍ତ୍ରସମୁଦ୍ଯମଃ।
ସ କର୍ଣୋ ନିର୍ଜିତଃ ସଙ୍ଖ୍ଯେ ହତଶ୍ଚୈବ ଜଯଦ୍ରଥଃ॥ 7-151-8 (51646)
`ପରୁଷାଣି ସଭାମଧ୍ଯେ ପ୍ରୋକ୍ତବାନ୍ଯୋ ହି ପାଣ୍ଡବାନ୍।
ସ କର୍ଣୋ ନିର୍ଜିତଃ ସଙ୍ଖ୍ଯେ ସୈନ୍ଧବଶ୍ଚ ନିପାତିତଃ॥ 7-151-9 (51647)
ଯସ୍ଯ ବୀର୍ଯଂ ସମାଶ୍ରିତ୍ଯ ଶମଂ ଯାଚନ୍ତମଚ୍ଯୁତମ୍।
ତୃଣବତ୍ତମହଂ ମନ୍ଯେ ସ କର୍ଣୋ ନିର୍ଜିତୋ ଯୁଧି॥ 7-151-10 (51648)
ଏବଂ କ୍ଲାନ୍ତମନା ରାଜନ୍ନୁପାଯାଦ୍ରୋଣମୀକ୍ଷିତୁମ୍।
ଆଗସ୍କୃତ୍ସର୍ବଲୋକସ୍ଯ ପୁତ୍ରସ୍ତେ ଭରତର୍ଷଭ॥ 7-151-11 (51649)
ତତସ୍ତତ୍ସର୍ବମାଚଖ୍ଯୌ କୁରୂଣାଂ ବୈଶସଂ ମହତ୍।
ପରାନ୍ବିଜଯତଶ୍ଚାପି ଧାର୍ତରାଷ୍ଟ୍ରାନ୍ନିମଜ୍ଜତଃ॥ 7-151-12 (51650)
ଦୁର୍ଯୋଧନ ଉବାଚ। 7-151-13x (4667)
ପଶ୍ଯ ମୂର୍ଧାଭିଷିକ୍ତାନାମାଚାର୍ଯ କଦନଂ ମହତ୍।
କୃତ୍ବା ପ୍ରମୁଖତଃ ଶୂରଂ ଭୀଷ୍ମଂ ମମ ପିତାମହମ୍॥ 7-151-13 (51651)
ତଂ ନିହତ୍ଯ ପ୍ରଲୁବ୍ଧୋଽଯଂ ଶିଖଣ୍ଡୀ ପୂର୍ଣମାନସଃ।
ପାଞ୍ଚାଲ୍ଯୈଃ ସହିତଃ ସର୍ବୈଃ ସେନାଗ୍ରମଭିବର୍ତତେ॥ 7-151-14 (51652)
ଅପରଶ୍ଚାପି ଦୁର୍ଧର୍ଷଃ ଶିଷ୍ଯସ୍ତେ ସବ୍ଯସାଚିନା।
ଅକ୍ଷୌହିଣୀଃ ସପ୍ତ ହତ୍ବା ହତୋ ରାଜା ଜଯଦ୍ରଥଃ॥ 7-151-15 (51653)
ଅସ୍ମଦ୍ବିଜଯକାମାନାଂ ସୁହୃଦାମୁପକାରିଣାମ୍।
ଗନ୍ତାଽସ୍ମି କଥମାନୃଣ୍ଯଂ ଗତାନାଂ ଯମସାଦନମ୍॥ 7-151-16 (51654)
ଯେ ମଦର୍ଥଂ ପରୀପ୍ସନ୍ତେ ବସୁଧାଂ ବସୁଧାଧିପାଃ।
ତେ ହିତ୍ବା ବସୁଧୈଶ୍ବର୍ଯଂ ବସୁଧାମଧିଶେରତେ॥ 7-151-17 (51655)
ସୋଽହଂ କାପୁରୁଷଃ କ-ତ୍ବା ମିତ୍ରାଣାଂ କ୍ଷଯମୀଦୃଶମ୍।
ଅଶ୍ବମେଧସହସ୍ରେଣ ପାବିତୁଂ ନ ସମୁତ୍ସହେ॥ 7-151-18 (51656)
ମମ ଲୁବ୍ଧସ୍ଯ ପାପସ୍ଯ ତଥା ଧର୍ମାପଚାଯିନଃ।
ବ୍ଯାଯାମେନ ଜିଗୀଷନ୍ତଃ ପ୍ରାପ୍ତା ବୈବସ୍ବତକ୍ଷଯମ୍॥ 7-151-19 (51657)
କଥଂ ପତିତବୃତ୍ତସ୍ଯ ପୃଥିବୀ ସୁହୃଦାଂ ଦ୍ରୁହଃ।
ବିବରଂ ନାଶକଦ୍ଦାତୁଂ ମମ ପାର୍ଥିବସଂସଦି॥ 7-151-20 (51658)
ଯୋଽହଂ ରୁଧିରସିକ୍ତାଙ୍ଗଂ ରାଜ୍ଞାଂ ମଧ୍ଯେ ପିତାମହମ୍।
ଶଯାନଂ ନାଶକଂ ତ୍ରାତୁଂ ଭୀଷ୍ମମାଯୋଧନେ ହତମ୍॥ 7-151-21 (51659)
ତଂ ମାମନାର୍ଯପୁରୁଷଂ ମିତ୍ରଦ୍ରୁହମଧାର୍ମିକମ୍।
କିଂ ବକ୍ଷ୍ଯତି ହି ଦୁର୍ଧର୍ଷଃ ସମେତ୍ଯ ପରଲୋକଜିତ୍॥ 7-151-22 (51660)
ଜଲସନ୍ଧଂ ମହେଷ୍ବାସଂ ପଶ୍ଯ ସାତ୍ଯକିନା ହତମ୍।
ମଦର୍ଥମୁଦ୍ଯତଂ ଶୂରଂ ପ୍ରାଣାଂସ୍ତ୍ଯକ୍ତ୍ବା ମହାରଥମ୍॥ 7-151-23 (51661)
କାମ୍ଭୋଜଂ ନିହତଂ ଦୃଷ୍ଟ୍ବା ତଥାଲମ୍ବୁସମେବ ଚ।
ଅନ୍ଯାନ୍ବହୂଂଶ୍ଚ ସୁହୃଦୋ ଜୀବିତାର୍ଥୋଽଦ୍ଯ କୋ ମମ॥ 7-151-24 (51662)
ବ୍ଯାଯଚ୍ଛନ୍ତୋ ହତାଃ ଶୂରା ମଦର୍ଥେ ଯେ ପରାଙ୍ମୁଖାଃ।
ଯତମାନାଃ ପରଂ ଶକ୍ତ୍ଯା ବିଜେତୁମହିତାନ୍ମମ॥ 7-151-25 (51663)
ତେଷାଂ ଗତ୍ବାଽହମାନୃଣ୍ଯମଦ୍ଯ ଶକ୍ତ୍ଯା ପରନ୍ତପ।
ତର୍ପଯିଷ୍ଯାମି ତାନେବ ଜଲେନ ଯମୁନାମନୁ॥ 7-151-26 (51664)
ସତ୍ଯଂ ତେ ପ୍ରତିଜାନାମି ସର୍ବଶସ୍ତ୍ରଭୃତାଂ ବର।
ଇଷ୍ଟାପୂର୍ତେନ ଚ ଶପେ ବୀର୍ଯେଣ ଚ ସୁତୈରପି॥ 7-151-27 (51665)
ନିହତ୍ଯ ତାନ୍ରମେ ସର୍ବାନ୍ପାଞ୍ଚାଲାନ୍ପାଣ୍ଡବୈଃ ସହ।
ସାନ୍ତିଂ ଲବ୍ଧାଽସ୍ମି ତେଷାଂ ବା ରଣେ ଗନ୍ତା ସଲୋକତାମ୍ 7-151-28 (51666)
ସୋଽହଂ ତତ୍ର ଗମିଷ୍ଯାମି ଯତ୍ର ତେ ପୁରୁଷର୍ଷଭାଃ।
ହତା ମଦର୍ଥେ ସଙ୍ଗ୍ରାମେ ଯୁଧ୍ଯମାନାଃ କିରୀଟିନା॥ 5-151-30 ନ ହୀଦାନୀଂ ସହାଯା ମେ ପରୀପ୍ସନ୍ତ୍ଯନୁପସ୍କୃତାଃ।
ଶ୍ରେଯୋ ହି ପାଣ୍ଡୂନ୍ମନ୍ଯନ୍ତେ ନ ତଥାସ୍ମାନ୍ମହାଭୁଜ॥ 7-151-29 (51667)
ସ୍ବଯଂ ହି ମୃତ୍ଯୁର୍ବିହିତଃ ସତ୍ଯସନ୍ଧେନ ସଂଯୁଗେ।
ଭବାନୁପେକ୍ଷାଂ କୁରୁତେ ଶିଷ୍ଯତ୍ବାଦର୍ଜୁନସ୍ଯ ହି॥ 7-151-31 (51668)
ଅତୋ ବିନିହତାଃ ସର୍ବେ ଯେଽସ୍ମଜ୍ଜଯଚିକୀର୍ଷବଃ।
କର୍ଣମେବ ତୁ ପଶ୍ଯାମି ସମ୍ପ୍ରତ୍ଯସ୍ମଜ୍ଜଯୈଷିଣମ୍॥ 7-151-32 (51669)
ଯୋ ହି ମିତ୍ରମବିଜ୍ଞାଯ ଯାଥାତଥ୍ଯେନ ମନ୍ଦଧୀଃ।
ମିତ୍ରାର୍ଥେ ଯୋଜଯତ୍ଯେନଂ ତସ୍ଯ ସୋଽର୍ଥୋଽବସୀଦତି॥ 7-151-33 (51670)
ତାଦୃଗ୍ରୂପଂ କୃତମିଦଂ ମମ କାର୍ଯଂ ସୁହୃତ୍ତମୈଃ।
ମୋହାଲ୍ଲୁବ୍ଧସ୍ଯ ପାପସ୍ଯ ଜିହ୍ମସ୍ଯ ଧନମୀହତଃ॥ 7-151-34 (51671)
ଯୌ ମେ ଯୁଦ୍ଧସ୍ଯ କୃତ୍ଯସ୍ଯ ଜିହ୍ମାଚାରୈଃ ସମୀଯତୁଃ।
ହତୋ ଜଯଦ୍ରଥଶ୍ଚୈବ ସୌମଦତ୍ତିଶ୍ଚ ବିର୍ଯବାନ୍।
ଅଭୀଷାହାଃ ଶୂରସେନାଃ ଶିବଯୋଽଥ ବସାତଯଃ॥ 7-151-35 (51672)
ସୋଽହମଦ୍ଯ ଗମିଷ୍ଯାମି ଯତ୍ର ତେ ପୁରୁଷର୍ଷଭାଃ।
ହତା ମଦର୍ଥେ ସଙ୍ଗ୍ରାମେ ଯୁଧ୍ଯମାନାଃ କିରୀଟିନା॥ 7-151-36 (51673)
ନ ହି ମେ ଜୀବିତେନାର୍ଥସ୍ତାନୃତେ ପୁରୁଷର୍ଷଭାନ୍।
ଆଚାର୍ଯଃ ପାଣ୍ଡୁପୁତ୍ରାଣାମନୁଜାନାତୁ ନୋ ଭବାନ୍॥ ॥ 7-151-37 (51674)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଏକପଞ୍ଚାଶଦଧିକଶତତମୋଽଧ୍ଯାଯଃ॥ 151 ॥
Mahabharata - Drona Parva - Chapter Footnotes
5-151-1 ଆର୍ତିମିତି ଚ୍ଛେଦଃ॥ 5-151- ପ୍ରଲୁବ୍ଧଃ ପ୍ରକୃଷ୍ଟୋ ଲୁବ୍ଧକସ୍ତଦ୍ବଦ୍ବଞ୍ଚକତ୍ବାତ୍॥ 5-151- ଧର୍ମାପଚାଯିନଃ ଧର୍ମକ୍ଷେପକସ୍ଯ॥ 5-151- ଆଚାର୍ଯଃ ପାଣ୍ଡୁପୁତ୍ରାଣାମିତ୍ଯପାଲମ୍ଭଃ॥ 5-151- ଏକପଞ୍ଚାଶଦଧିକଶତତମୋଽଧ୍ଯାଯଃ॥ 151 ॥ଦ୍ରୋଣପର୍ବ - ଅଧ୍ଯାଯ 152
॥ ଶ୍ରୀଃ ॥
7.152. ଅଧ୍ଯାଯଃ 152
Mahabharata - Drona Parva - Chapter Topics
ଦ୍ରୋଣେନ ସୋପାଲମ୍ଭଂ ଦୁର୍ଯୋଧନାଶ୍ବାସନପୂର୍ବକଂ ରଣାଯ ନିର୍ଯାଣମ୍॥ 1 ॥Mahabharata - Drona Parva - Chapter Text
7-152-0 (51675)
ଧୃତରାଷ୍ଟ୍ର ଉବାଚ। 7-152-0x (4668)
ସିନ୍ଧୁରାଜେ ହତେ ତାତ ସମରେ ସବ୍ଯସାଚିନା।
ତଥୈବ ଭୂରିଶ୍ରବସି କିମାସୀଦ୍ବୋ ମନସ୍ତଦା॥ 7-152-1 (51676)
ଦୁର୍ଯୋଧନେନ ଚ ଦ୍ରୋଣସ୍ତଥୋକ୍ତଃ କୁରସଂସଦି।
କିମୁକ୍ତବାନ୍ପରଂ ତସ୍ମାତ୍ତନ୍ମମାଚକ୍ଷ୍ବ ସଞ୍ଜଯ॥ 7-152-2 (51677)
ସଞ୍ଜଯ ଉବାଚ। 7-152-3x (4669)
ନିଷ୍ଟାନକୋ ମହାନାସୀତ୍ସୈନ୍ଯାନାଂ ତବ ଭାରତ।
ସୈନ୍ଧବଂ ନିହତଂ ଦୃଷ୍ଟ୍ବା ଭୂରିଶ୍ରବସମେବ ଚ॥ 7-152-3 (51678)
ମନ୍ତ୍ରିତଂ ତବ ପୁତ୍ରସ୍ଯ ତେ ସର୍ବମବମେନିରେ।
ଯେନ ମନ୍ତ୍ରୈଣ ନିହତାଃ ଶତଶଃ କ୍ଷତ୍ରିଯର୍ଷଭାଃ॥ 7-152-4 (51679)
ଦ୍ରୋଣସ୍ତୁ ତଦ୍ବଚଃ ଶ୍ରୁତ୍ବା ପୁତ୍ରସ୍ଯ ତବ ଦୁର୍ମନାଃ।
ମୁହୂର୍ତମିବ ଚ ଧ୍ଯାତ୍ବା ଭୃଶମାର୍ତୋଽଭ୍ଯଭାଷତ॥ 7-152-5 (51680)
ଦ୍ରୋଣ ଉବାଚ। 7-152-6x (4670)
ଦୁର୍ଯୋଧନ କିମେବଂ ମାଂ ବାକ୍ଶରୈରୁପକୃନ୍ତସି।
ଅଜଯ୍ଯଂ ସତତଂ ସଙ୍ଖ୍ଯେ ବ୍ରୁବାଣଂ ସବ୍ଯସାଚିନମ୍॥ 7-152-6 (51681)
ଏତେନବାର୍ଜୁନଂ ଜ୍ଞାତୁମଲଂ କୌରବ ସଂଯୁଗେ।
ଯଚ୍ଛିଖଣ୍ଡ୍ଯବଧୀଦ୍ଭୀଷ୍ମଂ ପାଲ୍ଯମାନଃ କିରୀଟିନା॥ 7-152-7 (51682)
ଅବଧ୍ଯଂ ନିହତଂ ଦୃଷ୍ଟ୍ବା ସଂଯୁଗେ ଦେବଦାନବୈଃ।
ତଦୈବାଜ୍ଞାସିଷମହଂ ନେଯମସ୍ତୀତି ଭାରତୀ॥ 7-152-8 (51683)
ଯଂ ପୁଂସାଂ ତ୍ରିଷୁ ଲୋକେଷୁ ସର୍ବଶୂରମମଂସ୍ମ ହି।
ତସ୍ମିନ୍ନିପତିତେ ଭୀଷ୍ମେ କଂ ଶେଷଂ ପର୍ଯୁପାସ୍ମହେ॥ 7-152-9 (51684)
ଯାନ୍ସ୍ମ ତାନ୍ଗ୍ଲହତେ ତାତ ଶକୁନିଃ କୁରୁସଂସଦି।
ଅକ୍ଷାନ୍ନ ତେଽକ୍ଷା ନିଶିତା ବାଣାସ୍ତେ ଶତ୍ରୁତାପନାଃ। 7-152-10 (51685)
`ଅକ୍ଷାଂସ୍ତୁ ମନ୍ଯସେ ବାଣାଞ୍ଛୋଭମାନାଞ୍ଛିତାଞ୍ଶରାନ୍'
ତ ଏତେ ଘ୍ନନ୍ତି ନସ୍ତାତ ବିଶିଖାଃ ପାର୍ଥଚୋଦିତାଃ।
ତାଂସ୍ତଦାଽଽଖ୍ଯାଯମାନସ୍ତ୍ବଂ ବିଦୁରେଣ ନ ବୁଦ୍ଧବାନ୍॥ 7-152-11 (51686)
ଯାସ୍ତା ବିଲପତଶ୍ଚାପି ବିଦୁରସ୍ଯ ମହାତ୍ମନଃ।
ଧୀରସ୍ଯ ବାଚୋ ନାଶ୍ରୌଷୀଃ କ୍ଷେମାଯ ବଦତଃ ଶିବାଃ॥ 7-152-12 (51687)
ତଦିଦଂ ବର୍ତତେ ଘୋରମାଗତଂ ବୈଶସଂ ମହତ୍।
ତସ୍ଯାବମାନାଦ୍ବାକ୍ଯସ୍ଯ ଦୁଃଶାସନକୃତେନ ଚ॥ 7-152-13 (51688)
ଯୋଽବମନ୍ଯ ବଚଃ ପଥ୍ଯଂ ସୁହୃଦାମାପ୍ତକାରିଣାମ୍।
ସ୍ବମତଂ କୁରୁତେ ମୂଢଃ ସ ଶୋଚ୍ଯୋ ନଚିରାଦିବ॥ 7-152-14 (51689)
ଯଚ୍ଚ ନଃ ପ୍ରେକ୍ଷମାଣାନାଂ କୃଷ୍ଣାମାନାଯ୍ଯ ତତ୍ସଭାମ୍।
ଅନର୍ହନ୍ତୀଂ କୁଲେ ଜାତାଂ ସର୍ବଧର୍ମାନୁଚାରିଣୀମ୍॥ 7-152-15 (51690)
ତସ୍ଯାଧର୍ମସ୍ଯ ଗାନ୍ଧାରେ ଫଲଂ ପ୍ରାପ୍ତମିଦଂ ମହତ୍।
ନୋଚେତ୍ପାପଂ ପରେ ଲୋକେ ତ୍ବମୃଚ୍ଛେଥାସ୍ତତୋଽଧିକମ୍॥ 7-152-16 (51691)
ଯଚ୍ଚ ତାନ୍ପାଣ୍ଡବାନ୍ଦ୍ଯୂତେ ବିଷମେଣ ବିଜିତ୍ଯ ହ।
ପ୍ରାବ୍ରାଜଯସ୍ତଦାଽରଣ୍ଯେ ରୌରବାଜିନବାସସଃ॥ 7-152-17 (51692)
ପୁତ୍ରାଣାମିବ ଚୈତେଷାଂ ଧର୍ମମାଚରତାଂ ସଦା।
ଦ୍ରୁହ୍ଯେତ୍କୋ ନୁ ନରୋ ଲୋକେ ମଦନ୍ଯୋ ବ୍ରାହ୍ମଣବ୍ରୁବଃ॥ 7-152-18 (51693)
ପାଣ୍ଡବାନାମଯଂ କୋପସ୍ତ୍ବଯା ଶକୁନିନା ସହ।
ଆହୃତୋ ଧୃତରାଷ୍ଟ୍ରସ୍ଯ ସମ୍ମତେ କୁରୁ ସଂସଦି॥ 7-152-19 (51694)
ଦୁଃଶାସନେନ ସଂଯୁକ୍ତଃ କର୍ଣେନ ପରିବର୍ଧିତଃ।
କ୍ଷତ୍ତୁର୍ବାକ୍ଯମନାଦୃତ୍ଯ ତ୍ବଯାଽବ୍ଯସ୍ତଃ ପୁନଃ ପୁନଃ॥ 7-152-20 (51695)
`ସ ହି ନଃ କ୍ରୋଧବୃକ୍ଷଶ୍ଚ କୃତମୂଲୋ ମହାତ୍ମନାମ୍।
ତସ୍ଯ ପୁଷ୍ପଫଲେ ରାଜନ୍ନୁପଭୁଙ୍କ୍ଷ୍ବ ମହାବଲ'॥ 7-152-21 (51696)
ଯତ୍ତାଃ ସର୍ବେ ପରାଭୂତାଃ ପର୍ଯବାରଯତାର୍ଜୁନମ୍।
ସିନ୍ଧୁରାଜାନମାଶ୍ରିତ୍ଯ ସ ବୋ ମଧ୍ଯେ କଥଂ ହତଃ॥ 7-152-22 (51697)
କଥଂ ତ୍ବଯି ଚ କର୍ଣେ ଚ କୃପେ ଶଲ୍ଯେ ଚ ଜୀବତି।
ଅଶ୍ବତ୍ଥାମ୍ନି ଚ କୌରବ୍ଯ ନିଧନଂ ସୈନ୍ଧବୋଽଗମତ୍॥ 7-152-23 (51698)
ଯୁଧ୍ଯନ୍ତଃ ସର୍ବରାଜାନସ୍ତେଜସ୍ବିନ ଉପାସତେ।
ସିନ୍ଧୁରାଜଂ ପରିତ୍ରାତୁଂ ବୋ ମଧ୍ଯେ କଥଂ ହତଃ॥ 7-152-24 (51699)
ମଯ୍ଯେବ ହି ବିଶେଷେଣ ତଥା ଦୁର୍ଯୋଧନ ତ୍ବଯି।
ଆଶଂସତ ପରିତ୍ରାଣମର୍ଜୁନାତ୍ସ ମହୀପତିଃ॥ 7-152-25 (51700)
ତତସ୍ତସ୍ମିନ୍ପରିତ୍ରାଣମଲବ୍ଧବତି ଫଲ୍ଗୁନାତ୍।
ନ କିଞ୍ଚିଦନୁପଶ୍ଯାମି ଜୀବିତସ୍ଥାନମାତ୍ମନଃ॥ 7-152-26 (51701)
ମଜ୍ଜନ୍ତମିବ ଚାତ୍ମାନଂ ଧୃଷ୍ଟଦ୍ଯୁମ୍ନସ୍ଯ ସଂଯୁଗେ।
ପଶ୍ଯାମ୍ଯହତ୍ବା ପାଞ୍ଚାଲାନ୍ସହ ତେନ ଶିଖଣ୍ଡିନା॥ 7-152-27 (51702)
ତନ୍ମାଂ କିମଭିତପ୍ଯନ୍ତଂ ବାକ୍ଶରୈରେବ କୃନ୍ତସି।
ଅଶକ୍ତଃ ସିନ୍ଧୁରାଜସ୍ଯ ଭୂତ୍ବା ତ୍ରାଣାଯ ଭାରତ॥ 7-152-28 (51703)
ସୌବର୍ଣଂ ସତ୍ଯସନ୍ଧସ୍ଯ ଧ୍ବଜମକ୍ଲିଷ୍ଟକର୍ମଣଃ।
ଅପଶ୍ଯନ୍ଯୁଧି ଭୀଷ୍ମସ୍ଯ କଥମାଶଂସସେ ଜଯମ୍॥ 7-152-29 (51704)
ମଧ୍ଯେ ମହାରଥାନାଂ କିଂ ଶେଷଂ ତତ୍ର ମନ୍ଯସେ।
ହତୋ ଭୂରିଶ୍ରବାଶ୍ଚୈବ କିଂ ଶେଷଂ ତତ୍ର ମନ୍ଯସେ॥ 7-152-30 (51705)
କୃପ ଏବ ଚ ଦୁର୍ଧର୍ଷୋ ଯଦି ଜୀବତି ପାର୍ଥିବ।
ଯୋ ନାଗାତ୍ସିନ୍ଧୁରାଜସ୍ଯ ବର୍ତ୍ମ ତଂ ପୂଜଯାମ୍ଯହମ୍॥ 7-152-31 (51706)
ଯତ୍ରାପଶ୍ଯଂ ହତଂ ଭୀଷ୍ମଂ ପଶ୍ଯତସ୍ତେଽନୁଜସ୍ଯ ବୈ।
ଦୁଃଶାସନସ୍ଯ କୌରବ୍ଯ କୁର୍ବାଣଂ କର୍ମ ଦୁଷ୍କରମ୍॥ 7-152-32 (51707)
ଅବଧ୍ଯକଲ୍ପଂ ସଙ୍ଗ୍ରାମେ ଦେବୈରପି ସବାସବୈଃ।
ନ ତେ ବସୁନ୍ଧରାଽସ୍ତୀତି ତଦାହଂ ଚିନ୍ତଯେ ନୃପ॥ 7-152-33 (51708)
ଇମାନି ପାଣ୍ଡବାନାଂ ଚ ସୃଜ୍ଜଯାନାଂ ଚ ଭାରତ।
ଅନୀକାନ୍ଯାଦ୍ରବନ୍ତେ ମାଂ ସହିତାନ୍ଯଦ୍ଯ ଭାରତ॥ 7-152-34 (51709)
ନାହତ୍ବା ସର୍ବପାଞ୍ଚଲାନ୍କବଚସ୍ଯ ବିମୋକ୍ଷଣମ୍।
କର୍ତାଽସ୍ମି ସମରେ କର୍ମ ଧାର୍ତରାଷ୍ଟ୍ର ହିତଂ ତବ॥ 7-152-35 (51710)
ରାଜନ୍ବ୍ରୂଯାଃ ସୁତଂ ମେ ତ୍ବମଶ୍ବତ୍ଥାମାନମାହବେ।
ନ ସୋମକାଃ ପ୍ରମୋକ୍ତବ୍ଯା ଜୀବିତଂ ପରିରକ୍ଷତା॥ 7-152-36 (51711)
ଯଚ୍ଚ ପିତ୍ରାଽନୁଶିଷ୍ଟୋଽସି ତଦ୍ବଚଃ ପରିପାଲଯ।
ଆନୃଶଂସ୍ଯେ ଦମେ ସତ୍ଯେ ଚାର୍ଜବେ ଚ ସ୍ଥିରୋ ଭବ॥ 7-152-37 (51712)
ଧର୍ମାର୍ଥକାମକୁଶଲୋ ଧର୍ମାର୍ଥାବପ୍ଯପୀଡଯନ୍।
ଧର୍ମପ୍ରଧାନକାର୍ଯାଣି କୁର୍ଯାଶ୍ଚେତି ପୁନଃ ପୁନଃ॥ 7-152-38 (51713)
ଚକ୍ଷୁର୍ମନୋଭ୍ଯାଂ ସନ୍ତୋଷ୍ଯା ବିପ୍ରାଃ ପୂଜ୍ଯାଶ୍ଚ ଶକ୍ତିତଃ।
ନ ଚୈଷାଂ ବିପ୍ରିଯଂ କାର୍ଯଂ ତେ ହି ବହ୍ନିଶିଖୋପମାଃ॥ 7-152-39 (51714)
ଏଷ ତ୍ବହମନୀକାନି ପ୍ରବିଶାମ୍ଯରିସୂଦନ।
ରଣାଯ ମହତେ ରାଜଂସ୍ତ୍ବଯା ବାକ୍ଶରପୀଡିତଃ॥ 7-152-40 (51715)
ତ୍ବଂ ଚ ଦୁର୍ଯୋଧନ ବଲଂ ଯଦି ଶକ୍ତୋଽସି ପାଲଯ।
ରାତ୍ରାବପି ଚ ଯୋଦ୍ଧବ୍ଯାଃ ସଂରବ୍ଧାଃ କୁରୁସୃଞ୍ଜଯାଃ॥ 7-152-41 (51716)
ଏବମୁକ୍ତ୍ବା ତତଃ ପ୍ରାଯାଦ୍ଦ୍ରୋଣଃ ପାଣ୍ବସୃଞ୍ଜଯାନ୍।
ମୁଷ୍ଣନ୍କ୍ଷତ୍ରିଯତେଜାଂସି ନକ୍ଷତ୍ରାଣାମିବାଂଶୁମାନ୍॥ ॥ 7-152-42 (51717)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ଦ୍ବିପଞ୍ଚାଶଦଧିକଶତତମୋଽଧ୍ଯାଯଃ॥ 152 ॥
Mahabharata - Drona Parva - Chapter Footnotes
5-152-3 ନିଷ୍ଟାନକଃ ସବ୍ଯଥଃ ଶବ୍ଦଃ॥ 5-152-8 ଇଯଂ ସେନା ନାସ୍ତୀତ୍ଯସ୍ଯ ନଷ୍ଟେତ୍ଯର୍ଥଃ॥ 5-152-10 ଗ୍ଲହତେ ପାତଯତି॥ 5-152-16 ନୋଚେଦିତି। ପରେଲୋକେଽଧିକଃ ପାପିନାଂ କ୍ଲେଶ ଇହତ୍ବଲ୍ପେନୈବ ଭୋଗେନ ନିସ୍ତାର ଇତି ଭାବଃ॥ ନେହ ଚେତ୍ପରଲୋକେ ଯତ୍ପାପମିଚ୍ଛେତ୍ତତୋଽଧିକମ୍ ଇତି କ. ପାଠଃ। ନ ଭବେତ୍ପରଲୋକେ ଯତ୍ତପ୍ତମିଚ୍ଛେତ୍ତତୋଽଧିକମ୍। ଇତି ଖ. ପାଠଃ। ନୋଚେତ୍ପାପଂ ପରଂ ଲୋକେ ତ୍ବଂ ମନ୍ଯେଥାସ୍ତତୋଽଧିକମ୍ ଇତି ଙ.ପାଠଃ। ନେହ ବୈ ପରଲୋକାଯ ପାପମିଚ୍ଛେତ ପାର୍ଥିବଃ ଇତି ଟ.ଙ.ପାଠଃ॥ 5-152-20 ଅଭ୍ଯସ୍ତ ଆବର୍ତିତଃ॥ 5-152-22 ଯସ୍ତୁ ଶର୍ବାଦ୍ବରଂ ଲବ୍ଧ୍ବା ପର୍ଯବାରଯଦର୍ଜୁନମ୍। ସିନ୍ଧୁରାଜଃ ସମାଶ୍ରିତ୍ଯ ସ ବୋ ମଧ୍ଯେ କଥଂ ହତଃ ଇତି କ.ଖ.ପାଠଃ। ଯତ୍ତାଃ ସର୍ବେ ପୁରା ଭୂତ୍ବା ଅର୍ଜୁନଂ ପର୍ଯବାରଯନ୍। ସିନ୍ଧୁରାଜାଃ ସମାଶ୍ରିତ୍ଯ ସ ବୋ ମଧ୍ଯେ କଥଂ ହତଃ ଇତି ଟ.ପାଠଃ। ଯତ୍ତତ୍ସର୍ବେ ପରଂ ଭୂତ୍ବା ପର୍ଯବାରଯତାର୍ଜୁନମ୍। ସିନ୍ଧୁରାଜାନମାଶ୍ରିତ୍ଯ ସ ବୋ ମଧ୍ଯେ କଥଂ ହତଃ ଇତି ଙ. ପାଠଃ। ଯତ୍ତତ୍ସର୍ବେ ପରାଭୂଯ ପର୍ଯବାରଯତାର୍ଜୁନିମ୍। ସିନ୍ଧୁରାଜାନମାଶ୍ରିତ୍ଯ ସ ବୋ ମଧ୍ଯେ କଥଂ ହତଃ ଇତି ଙ. ପାଠଃ॥ 5-152-27 ପଶ୍ଯାମ୍ଯହଂ ବୈ ପାଞ୍ଚାଲାନ୍ସହ ତେନ ଶିଖଣ୍ଡିନା ଇତି କ.ଟ.ଙ.ପାଠଃ। ଧୃଷ୍ଟଦ୍ଯୁମ୍ନସ୍ଯ କିଲ୍ପିଷେ ଇତି ଝ.ପାଠଃ॥ 5-152-152 ଦ୍ବିପଞ୍ଚାଶଦଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 153
॥ ଶ୍ରୀଃ ॥
7.153. ଅଧ୍ଯାଯଃ 153
Mahabharata - Drona Parva - Chapter Topics
ଦୁର୍ଯୋଧନେନ କର୍ଣଂପ୍ରତି ଜଯଦ୍ରଥବଧେ ଦ୍ରୋଣସ୍ଯ ପାର୍ଥପକ୍ଷପାତାଦୌଦାସୀନ୍ଯସ୍ଯ ହେତୁତ୍ବେଽଭିହିତେ କର୍ଣେନ ତନ୍ନିରାକରଣପୂର୍ବକଂ ଦୈବସ୍ଯୈବ ତତ୍ର ହେତୁତ୍ବକଥନମ୍॥ 1 ॥ ରାତ୍ରିଯୁଦ୍ଧାରମ୍ଭଃ॥ 2 ॥Mahabharata - Drona Parva - Chapter Text
7-153-0 (51718)
ସଞ୍ଜଯ ଉବାଚ। 7-153-0x (4671)
ତତୋ ଦୁର୍ଯୋଧନୋ ରାଜା ଦ୍ରୋଣେନୈବଂ ପ୍ରଚୋଦିତଃ।
ଅମର୍ଷବଶମାପନ୍ନୋ ଯୁଦ୍ଧାଯୈବ ମନୋ ଦଧେ।
ଅବ୍ରବୀଚ୍ଚ ତଦା କର୍ଣଂ ପୁତ୍ରୋ ଦୁର୍ଯୋଧନସ୍ତବ॥ 7-153-1 (51719)
ପଶ୍ଯ କୃଷ୍ଣସହାଯେନ ପାଣ୍ଡବେନ କିରୀଟିନା।
ଆଚାର୍ଯବିହିତଂ ବ୍ଯୂହଂ ଭିତ୍ତ୍ବା ଦେବୈଃ ସୁଦୁର୍ଭିଦମ୍॥ 7-153-2 (51720)
ତବ ବ୍ଯାଯଚ୍ଛମାନସ୍ଯ ଦ୍ରୋଣସ୍ଯ ଚ ମହାତ୍ମନଃ।
ମିଷତାଂ ଯୋଧମୁଖ୍ଯାନାଂ ସୈନ୍ଧବୋ ବିନିପାତିତଃ॥ 7-153-3 (51721)
ପଶ୍ଯ ରାଧେଯ ପୃଥ୍ବୀଶାଃ ପୃଥିବ୍ଯାଂ ପ୍ରବରା ଯୁଧି।
ପାର୍ଥେନୈକେନ ନିହତାଃ ସିଂହେନେବେତରେ ମୃଗାଃ॥ 7-153-4 (51722)
ମମ ବ୍ଯାଯଚ୍ଛମାନସ୍ଯ ସମରେ ଶତ୍ରୁସୂଦନ।
ଅଲ୍ପାବଶେଷଂ ସୈନ୍ଯଂ ମେ କୃତଂ ଶକ୍ରାତ୍ମଜେନ ହ॥ 7-153-5 (51723)
କଥଂ ବୈ ଯୁଧ୍ଯମାନସ୍ଯ ଦ୍ରୋଣସ୍ଯ ଯୁଧି ଫଲ୍ଗୁନଃ।
ଭିନ୍ଦ୍ଯାତ୍ସୁଦୁର୍ଭିଦଂ ବ୍ଯୂହଂ ଯତମାନୋଽପି ସଂଯୁଗେ॥ 7-153-6 (51724)
ପ୍ରତିଜ୍ଞାଯା ଗତଃ ପାରଂ ହତ୍ବା ସୈନ୍ଧବମର୍ଜୁନଃ॥ 7-153-7 (51725)
ପଶ୍ଯ ରାଧେଯ ପୃଥ୍ବୀଶାନ୍ପୃଥିବ୍ଯାଂ ପାତିତାନ୍ବହୂନ୍।
ପାର୍ଥେନ ନିହତାନ୍ସଙ୍ଖ୍ଯେ ମହେନ୍ଦ୍ରୋପମବିକ୍ରମାନ୍॥ 7-153-8 (51726)
ଅନିଚ୍ଛତଃ କଥଂ ବୀର ଦ୍ରୋଣସ୍ଯ ଯୁଧି ପାଣ୍ଡବଃ।
ଭିନ୍ଦ୍ଯାତ୍ସୁଦୁର୍ଭିଦଂ ବ୍ଯୃହଂ ଯତମାନସ୍ଯ ଶୁପ୍ମିଣଃ॥ 7-153-9 (51727)
ଦଯିତଃ ଫଲ୍ଗୁନୋ ନିତ୍ଯମାଚାର୍ଯସ୍ଯ ମହାତ୍ମନଃ।
ତତୋଽସ୍ଯ ଦତ୍ତବାନ୍ଦ୍ବାରମଯୁଦ୍ଧେନୈବ ଶତ୍ରୁହନ୍॥ 7-153-10 (51728)
ଅଭଯଂ ସିନ୍ଧୁରାଜାଯ ଦତ୍ତ୍ବା ଦ୍ରୋଣଃ ପରନ୍ତପଃ।
ପ୍ରାଦାତ୍କିରୀଟିନେ ଦ୍ବାରଂ ପଶ୍ଯନ୍ନିର୍ଗୁଣତାଂ ମଯି॥ 7-153-11 (51729)
ଯଦ୍ଯଦାସ୍ଯଦନୁଜ୍ଞାଂ ବୈ ପୂର୍ବମେବ ଗୃହାନ୍ପ୍ରତି।
ପ୍ରମ୍ଥାତୁଂ ସିନ୍ଧୁରାଜସ୍ଯ ନ ଭବେଜ୍ଜୀବିତକ୍ଷଯଃ॥ 7-153-12 (51730)
ଜଯଦ୍ରଥୋ ଜୀବିତାର୍ଥୀ ଗଚ୍ଛମାନୋ ଗୃହାନ୍ପ୍ରତି।
ମଯାଽନାର୍ଯେଣ ସଂରୁଦ୍ଧୋ ଦ୍ରୋଣାତ୍ପ୍ରାପ୍ଯାଭଯଂ ରଣେ॥ 7-153-13 (51731)
`ରକ୍ଷାମି ସୈନ୍ଧବଂ ଯୁଦ୍ଧେ ନୈନଂ ପ୍ରାପ୍ସ୍ଯତି ଫଲ୍ଗୁନଃ।
ମମ ସୈନ୍ଯବିନାଶାଯ ରୁଦ୍ଧୋ ବିପ୍ରେଣ ସୈନ୍ଧବଃ॥ 7-153-14 (51732)
ତସ୍ଯ ମେ ମନ୍ଦଭାଗ୍ଯସ୍ଯ ଯତମାନସ୍ଯ ସଂଯୁଗେ।
ହତାନି ସର୍ବସୈନ୍ଯାନି ହତୋ ରାଜା ଜଯଦ୍ରଥଃ॥ 7-153-15 (51733)
ପଶ୍ଯ ଯୋଧବରାନ୍କର୍ଣ ଶତଶୋଽଥ ସହସ୍ରଶଃ।
ପାର୍ଥନାମାଙ୍କିତୈର୍ବାଣୈଃ ସର୍ବେ ନୀତା ଯମକ୍ଷଯମ୍॥ 7-153-16 (51734)
କଥମେକରଥେନାଜୌ ବହୂନାଂ ନଃ ପ୍ରପଶ୍ଯତାମ୍।
ବିପନ୍ନଃ ସୈନ୍ଧବୋ ରାଜା ଯୋଧାଶ୍ଚୈବ ସହସ୍ରଶଃ'॥ 7-153-17 (51735)
ଅଦ୍ଯ ମେ ଭ୍ରାତରଃ କ୍ଷୀଣାଶ୍ଚିତ୍ରସେନାଦଯୋ ରଣେ।
ଭାମସନଂ ସମାସାଦ୍ଯ ପଶ୍ଯତାଂ ନୋଦୁରାତ୍ମନାମ୍॥ 7-153-18 (51736)
କର୍ଣ ଉବାଚ। 7-153-19x (4672)
ଆଚାର୍ଯଂ ମା ବିଗର୍ହସ୍ବ ଶକ୍ତ୍ଯାଽସୌ ଯୁଧ୍ଯତେ ଦ୍ବିଜଃ।
ଯଥାବଲଂ ଯଥୋତ୍ସାହଂ ତ୍ଯକ୍ତ୍ବା ଜୀବିତମାତ୍ମନଃ॥ 7-153-19 (51737)
ଯଦ୍ଯେନଂ ସମତିକ୍ରମ୍ଯ ପ୍ରବିଷ୍ଟଃ ଶ୍ବେତବାହନଃ।
ନାତ୍ର ସୂକ୍ଷ୍ମୋଽପି ଦୋଷଃସ୍ଯାଦାଚାର୍ଯସ୍ଯ କଥଞ୍ଚନ॥ 7-153-20 (51738)
କୃତୀ ଦକ୍ଷୋ ଯୁବା ଶୂରଃ କୃତାସ୍ତ୍ରୋ ଲଘୁବିକ୍ରମଃ।
ଦିବ୍ଯାସ୍ତ୍ରଯୁକ୍ତମାସ୍ଥାଯ ରଥଂ ବାନରଲକ୍ଷଣମ୍॥ 7-153-21 (51739)
କୃଷ୍ଣେନ ଚ ଗୃହୀତାଶ୍ବମଭେଦ୍ଯକଚାବୃତଃ।
ଗାଣ୍ଡୀବମଜରଂ ଦିବ୍ଯଂ ଧନୁରାଦାଯ ବୀର୍ଯବାନ୍॥ 7-153-22 (51740)
ପ୍ରବର୍ଷନ୍ନିଶିତାନ୍ବାଣାନ୍ବାହୁଦ୍ରବିଣଦର୍ପିତଃ।
ଯଦର୍ଜୁନୋଽଭ୍ଯଯାଦ୍ଦ୍ରୋଣମୁପପନ୍ନଂ ହି ତସ୍ଯ ତତ୍॥ 7-153-23 (51741)
ଆଚାର୍ଯଃ ସ୍ଥବିରୋ ରାଜଞ୍ଶୀଘ୍ରଯାନେ ତଥାଽକ୍ଷମଃ।
ବାହୁବ୍ଯାଯାମଚେଷ୍ଟାଯାମଶକ୍ତସ୍ତୁ ନରାଧିପ॥ 7-153-24 (51742)
ତେନୈବମଭ୍ଯତିକ୍ରାନ୍ତଃ ଶ୍ବେତାଶ୍ବଃ କୃଷ୍ଣସାରଥିଃ।
ତସ୍ଯ ଦୋଷଂ ନ ପଶ୍ଯାମି ଦ୍ରୋଣସ୍ଯାନେନ ହେତୁନା॥ 7-153-25 (51743)
ଅଜଯ୍ଯାନ୍ପାଣ୍ଡବାନ୍ମନ୍ଯେ ଦ୍ରୋଣୋନାସ୍ତ୍ରବିଦା ମୃଧେ।
ତଥା ହ୍ଯେନମତିକ୍ରମ୍ଯ ପ୍ରବିଷ୍ଟଃ ଶ୍ବେତବାହନଃ॥ 7-153-26 (51744)
ସତତଂ ଚେଷ୍ଟମାନାନାଂ ନିକୃତ୍ଯା ବିକ୍ରମେଣ ଚ।
ଦୈବାଦିଷ୍ଟୋଽନ୍ଯଥାଭାବୋ ନ ମନ୍ଯେ ବିଦ୍ଯତେ କ୍ବଚିତ୍॥ 7-153-27 (51745)
ଯତୋ ନୋ ଯୁଧ୍ଯମାନାନାଂ ପରଂ ଶକ୍ତ୍ଯା ସୁଯୋଧନ।
ସୈନ୍ଧବୋ ନିହତୋ ଯୁଦ୍ଧେ ଦୈବମତ୍ର ପରଂ ସ୍ମୃତମ୍॥ 7-153-28 (51746)
ପରଂ ଯତ୍ନଂ କୁର୍ବତାଂ ଚ ତ୍ବଯା ସାର୍ଧଂ ରଣାଜିରେ।
ହତ୍ବାଽସ୍ମାକଂ ପୌରୁଷଂ ବୈ ଦୈବଂ ପଶ୍ଚାତ୍କରୋତି ନଃ॥ 7-153-29 (51747)
ଦୈବୋପସୃଷ୍ଟପୁରୁଷୋ ଯତ୍କର୍ମ କୁରୁତେ କ୍ବଚିତ୍।
କୃତଂ କୃତଂ ହି ତତ୍ତସ୍ଯଟ ଦୈବେନ ବିନିପାତ୍ଯତେ॥ 7-153-30 (51748)
ଯତ୍କର୍ତବ୍ଯଂ ମନୁଷ୍ଯେଣ ବ୍ଯବସାଯବତା ସଦା।
ତତ୍କାର୍ଯମବିଶଙ୍କେନ ସିଦ୍ଧିର୍ଦୈବେ ପ୍ରତିଷ୍ଠିତା॥ 7-153-31 (51749)
ନିକୃତ୍ଯା ବଞ୍ଚିତାଃ ପାର୍ଥା ବିଷଯୋଗୈଶ୍ଚ ଭାରତ।
ଦଗ୍ଧା ଜତୁଗୃହେ ଚାପି ଦ୍ଯୂତେନ ଚ ପରାଜିତାଃ॥ 7-153-32 (51750)
ରାଜନୀତିଂ ସମାଶ୍ରିତ୍ଯ ପ୍ରହିତାଶ୍ଚୈବ କାନନମ୍।
ଯତ୍ନେନ ଚ କୃତଂ ତତ୍ତଦ୍ଦୈବେନ ବିନିପାତିତମ୍॥ 7-153-33 (51751)
ଯୁଧ୍ଯସ୍ବ ଯତ୍ନମାସ୍ଥଯ ଦୈବଂ କୃତ୍ବା ନିରର୍ଥକମ୍।
ଯତତସ୍ତବ ତେଷାଂ ଚ ଦୈବଂ ମାର୍ଗେଣ ଯାସ୍ଯତି॥ 7-153-34 (51752)
ନ ତେଷାଂ ମତିପୂର୍ବଂ ହି ସୁକୃତଂ ଦୃଶ୍ଯତେ କ୍ବଚିତ୍।
ଦୁଷ୍କୃତଂ ତବ ବା ବୀର ବୁଦ୍ଧ୍ଯା ହୀନଂ କୁରୂଦ୍ବହ॥ 7-153-35 (51753)
ଦୈବଂ ପ୍ରମାଣଂ ସର୍ବସ୍ଯ ସୁକୃତସ୍ଯେତରସ୍ଯ ବା।
ଅନନ୍ଯକର୍ମ ଦୈବଂ ହି ଜାଗର୍ତି ସ୍ବପତାମପି।
`ତେନ ଯୁକ୍ତୋ ହି ପୁରୁଷଃ କାର୍ଯାକାର୍ଯେ ନିଯୁଜ୍ଯତେ'॥ 7-153-36 (51754)
ବହୂନି ତବ ସୈନ୍ଯାନି ଯୋଧାଶ୍ଚ ବହବସ୍ତବ।
ନ ତଥା ପାଣ୍ଡୁପୁତ୍ରାଣାମେବଂ ଯୁଦ୍ଧମବର୍ତତ॥ 7-153-37 (51755)
ତୈରଲ୍ପୈର୍ବହବୋ ଯୂଯଂ କ୍ଷଯଂ ନୀତାଃ ପ୍ରହାରିଣଃ।
ଶଙ୍କେ ଦୈବସ୍ଯ ତତ୍କର୍ମ ପୌରୁଷଂ ଯେନ ନାଶିତମ୍॥ 7-153-38 (51756)
ସଞ୍ଜଯ ଉବାଚ। 7-153-39x (4673)
ଏବଂ ସଂଭାଷମାଣାନାଂ ବହୁ ତତ୍ତଜ୍ଜନାଧିପ।
ପାଣ୍ଡବାନାମନୀକାନି ସମଦୃଶ୍ଯନ୍ତ ସଂଯୁଗେ॥ 7-153-39 (51757)
ତତଃ ପ୍ରବବୃତେ ଯୁଦ୍ଧଂ ବ୍ଯତିଷକ୍ତରଥଦ୍ବିପମ୍।
ତାବକାନାଂ ପରୈଃ ସାର୍ଧଂ ରାଜନ୍ଦୁର୍ମନ୍ତ୍ରିତେ ତବ॥ ॥ 7-153-40 (51758)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଜଯଦ୍ରଥବଧପର୍ବଣି ଚତୁର୍ଦଶଦିବସଯୁଦ୍ଧେ ତ୍ରିପଞ୍ଚାଶଦଧିକଶତତମୋଽଧ୍ଯାଯଃ॥ 153 ॥
Mahabharata - Drona Parva - Chapter Footnotes
5-153-12 ଯଦ୍ଯଦାସ୍ଯତ୍ ଦଦ୍ଯାଚ୍ଚେଦିତ୍ଯର୍ଥଃ। ସିନ୍ଧୁରାଜସ୍ଯ ନାଭବିଧ୍ଯଜ୍ଜନକ୍ଷଯ ଇତି ଝ. ପାଠଃ॥ 5-153-27 ଅନ୍ଯଥାଭାବଃ ପରାଜଯୋ ଦୈବାଦିଷ୍ଟଃ। ନତୁ ଦ୍ରୋଣାପରାଧଜ ଇତି ଭାବଃ॥ ଦୈବଦୃଷ୍ଟ୍ଯାଽନ୍ଯଥାଭାବୋ ନ ମନ୍ଯୁର୍ବିଦ୍ଯତେ କ୍ବଚିତ୍ ଇତି କ. ପାଠଃ। ଦୈବଦିଷ୍ଟାନ୍ଯଥାଭାବୋ ନ ମନ୍ଯୁର୍ବିଦ୍ଯତେ କ୍ବଚିତ୍ ଇତି ଖ.ପାଠଃ॥ 5-153-30 ଦୈବୋପସୃଷ୍ଟୋ ଦୁର୍ଦୈବପ୍ରସ୍ତଃ॥ 5-153-35 ତେଷାଂ ଜଯହେତୁଃ ସୁକୃତଂ ତବ ବା ପରାଜଯହେତୁଃ ଦୁଷ୍କୃତଂ ନାସ୍ତୀତ୍ଯାହ। ନ ତେଷାମିତି॥ 5-153-153 ତ୍ରିଷଞ୍ଚାଶଦଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 154
॥ ଶ୍ରୀଃ ॥
7.154. ଅଧ୍ଯାଯଃ 154
Mahabharata - Drona Parva - Chapter Topics
ଯୁଧିଷ୍ଠିରେଣ ଦୁର୍ଯୋଧନପରାଜଯଃ॥ 1 ॥Mahabharata - Drona Parva - Chapter Text
7-154-0 (51759)
ସଞ୍ଜଯ ଉବାଚ। 7-154-0x (4674)
ତଦୁଦୀର୍ଣଂ ରଥାଶ୍ବୌଘଂ ବଲଂ ତବ ଜନାଧିପ।
ପାଣ୍ଡୁସେନାମତିକ୍ରମ୍ଯ ଯୋଧଯାମାସ ସର୍ବତଃ॥ 7-154-1 (51760)
ପାଞ୍ଚାଲାଃ କୁରବଶ୍ଚୈବ ଯୋଧଯନ୍ତଃ ପରସ୍ପରମ୍।
ଯମରାଷ୍ଟ୍ରାଯ ମହତେ ପରଲୋକାଯ ଦୀକ୍ଷିତାଃ॥ 7-154-2 (51761)
ଶୂରାଃ ଶୂରୈଃ ସମାଗମ୍ଯ ଶରତୋମରଶକ୍ତିଭିଃ।
ବିବ୍ଯଧୁଃ ସମରେଽନ୍ଯୋନ୍ଯଂ ନିନ୍ଯୁଶ୍ଚୈବ ଯମକ୍ଷଯମ୍॥ 7-154-3 (51762)
ରଥିନାଂ ରଥିଭିଃ ସାର୍ଧଂ ରୁଧିରସ୍ରାବଦାରୁଣମ୍।
ପ୍ରାବର୍ତତ ମହଦ୍ଯୁଦ୍ଧଂ ନିଘ୍ନତାମିତରେତରମ୍॥ 7-154-4 (51763)
ବାରଣାଶ୍ଚ ମହାରାଜ ସମାସାଦ୍ଯ ପରସ୍ପରମ୍।
ବିଷାଣୈର୍ଦାରଯାମାସୁଃ ସୁସଙ୍କ୍ରୁଦ୍ଧା ମଦୋତ୍କଟାଃ॥ 7-154-5 (51764)
ହଯାରୋହାନ୍ହଯାରୋହାଃ ପ୍ରାସଶକ୍ତିପରଶ୍ବଥୈଃ।
ବିଭିଦୁସ୍ତୁମୁଲେ ଯୁଦ୍ଧେ ପ୍ରାର୍ଥଯନ୍ତୋ ମହଦ୍ଯଶଃ॥ 7-154-6 (51765)
ପତ୍ତଯଶ୍ଚ ମହାବାହୋ ଶତଶଃ ଶସ୍ତ୍ରପାଣଯଃ।
ଅନ୍ଯୋନ୍ଯମାର୍ଦଯନ୍ରାଜନ୍ନିତ୍ଯଂ ଯତ୍ତାଃ ପରାକ୍ରମେ॥ 7-154-7 (51766)
ଗୋତ୍ରାଣାଂ ନାମଧେଯାନାଂ କୁଲାନାଂ ଚୈବ ମାରିଷ।
ଶ୍ରବଣାଦ୍ଧି ବିଜାନୀମଃ ପାଞ୍ଚାଲାନ୍କୁରୁଭିଃ ସହ॥ 7-154-8 (51767)
ତେଽନ୍ଯୋନ୍ଯଂ ସମରେ ଯୋଧାଃ ଶରଶକ୍ତିପରଶ୍ବଥୈଃ।
ପ୍ରୈଷଯନ୍ପରଲୋକାଯ ବିଚରନ୍ତୋ ହ୍ଯଭୀତବତ୍॥ 7-154-9 (51768)
ଶରୈର୍ଦଶ ଦିଶୋ ରାଜଂସ୍ତେଷାଂ ମୁକ୍ତୈଃ ସହସ୍ରଶଃ।
ନ ଭ୍ରାଜନ୍ତେ ଯଥା ପୂର୍ବଂ ଭାସ୍କରସ୍ଯ ଚ ନାଶନାତ୍॥ 7-154-10 (51769)
ତଥା ପ୍ରଯୁଧ୍ଯମାନେଷୁ ପାଣ୍ଡବେଯେଷୁ ଭାରତ।
ଦୁର୍ଯୋଧନୋ ମହାରାଜ ବ୍ଯବାଗାହତ ତଦ୍ବଲମ୍॥ 7-154-11 (51770)
ସୈନ୍ଧବସ୍ଯ ବଧେନୈବ ଭୃଶଂ ଦୁଃଖସମନ୍ବିତଃ।
ମର୍ତବ୍ଯମିତି ସଂଚିନ୍ତ୍ଯ ପ୍ରାବିଶଚ୍ଚ ଦ୍ବିଷଦ୍ବଲମ୍॥ 7-154-12 (51771)
ନାଦଯନ୍ରଥଘୋଷେଣ କମ୍ପଯନ୍ନିବ ମେଦିନୀମ୍।
ଅଭ୍ଯବର୍ତତ ପୁତ୍ରସ୍ତେ ପାଣ୍ଡବାନାମନୀକିନୀମ୍॥ 7-154-13 (51772)
ସ ସନ୍ନିପାତସ୍ତୁମୁଲସ୍ତସ୍ଯ ତେଷାଂ ଚ ଭାରତ।
ଅଭବତ୍ସର୍ବସୈନ୍ଯାନାମଭାବକରମୋ ମହାନ୍॥ 7-154-14 (51773)
`ଧୃତରାଷ୍ଟ୍ର ଉବାଚ। 7-154-15x (4675)
ତଥା ହତେଷୁ ସୈନ୍ଯେଷୁ ତଥା କୃଚ୍ଛ୍ରଗତଃ ସ୍ବଯମ୍।
କଚ୍ଚିଦ୍ଦୁର୍ଯୋଧନଃ ସୂତ ନାକାର୍ଷୀତ୍ପୃଷ୍ଠତୋ ରଣମ୍॥ 7-154-15 (51774)
ଏକସ୍ଯ ଚ ବହୁନାଂ ଚ ସନ୍ନିପାତୋ ମହାନଭୂତ୍।
ବିଶେଷତୋ ହି ନୃପତେର୍ବିଷମଂ ପ୍ରତିଭାତି ମେ॥ 7-154-16 (51775)
ସୋଽତ୍ଯନ୍ତସୁଖସଂବୃଦ୍ଧୋ ରକ୍ଷ୍ଯୋ ଲୋକସ୍ଯ ଚେଶ୍ବରଃ।
ଏକୋ ବହୂନ୍ସମାସାଦ୍ଯ କଚ୍ଚିନ୍ନାସୀତ୍ପରାଙ୍ମୁଖଃ॥ 7-154-17 (51776)
ଦ୍ରୋଣଃ କର୍ଣଃ କୃପଶ୍ଚୈବ କୃତବର୍ମା ଚ ସାତ୍ବତଃ।
ନାବାରଯନ୍କଥଂ ଯୁଦ୍ଧେ ରାଜାନଂ ରାଜ୍ଯକାଙ୍କ୍ଷିଣଃ॥ 7-154-18 (51777)
ସର୍ବୋପାଯୈର୍ହି ଯୁଦ୍ଧେଷୁ ରକ୍ଷିତବ୍ଯୋ ମହୀପତିଃ।
ଏଷା ନୀତିଃ ପରା ଯୁଦ୍ଧେ ଦୃଷ୍ଟା ତତ୍ର ମନୀଷିଭିଃ॥ 7-154-19 (51778)
ପ୍ରବିଷ୍ଟେ ବୈ ମମ ସୁତେ ପରେଷାଂ ବୈ ମହଦ୍ବଲମ୍।
ମାମକା ରଥିନାଂ ଶ୍ରେଷ୍ଠାଃ କିମକୁର୍ବତ ସ଼ଞ୍ଜଯ॥ 7-154-20 (51779)
ସଞ୍ଜଯ ଉବାଚ। 7-154-21x (4676)
ରାଜନ୍ସଙ୍ଗ୍ରାମମାଶ୍ଚର୍ଯଂ ପୁତ୍ରସ୍ଯ ତବ ଭାରତ।
ଏକସ୍ଯ ଚ ବହୂନାଂ ଚ ଶୃଣୁ ମେ ବ୍ରୁବତୋ ଧ୍ରୁବମ୍॥ 7-154-21 (51780)
ଦ୍ରୋଣେନ ବାର୍ଯମାଣୋଽସୌ କର୍ଣେନ ଚ କୃପେଣ ଚ।
ପ୍ରାବିଶତ୍ପାଣ୍ଡବୀଂ ସେନାଂ ମକରଃ ସାଗରଂ ଯଥା॥ 7-154-22 (51781)
କିରନ୍ନିଷୁସହସ୍ରାଣି ତତ୍ରତତ୍ର ତଥାତଥା।
ପାଞ୍ଚାଲାନ୍ପାଣ୍ଡବାଂଶ୍ଚୈବ ବିବ୍ଯାଧ ନିଶିତୈଃ ଶରୈଃ॥ 7-154-23 (51782)
ଯଥୋଦଯଗତଃ ସୂର୍ଯୋ ରଶ୍ମିଭିର୍ନାଶଯେତ୍ତମଃ।
ତଥା ପୁତ୍ରସ୍ତବ ବଲଂ ନାଶଯତ୍ତନ୍ମହାବଲଃ'॥ 7-154-24 (51783)
ଯଥା ମଧ୍ଯନ୍ଦିନେ ସୂର୍ଯଂ ପ୍ରତପନ୍ତଂ ଗଭସ୍ତିଭିଃ।
ତଥା ତବ ସୁତଂ ମଧ୍ଯେ ପ୍ରତପନ୍ତଂ ଶରାର୍ଚିଭିଃ।
ନ ଶେକୁର୍ଭାରତଂ ଯୁଦ୍ଧେ ପାଣ୍ଡବାଃ ସମୁଦୀକ୍ଷିତୁମ୍॥ 7-154-25 (51784)
ପଲାଯନକୃତୋତ୍ସାହା ନିରୁତ୍ସାହା ଦ୍ବିଷଜ୍ଜଯେ।
ପର୍ଯଧାବନ୍ତ ପାଞ୍ଚାଲା ବଧ୍ଯମାନା ମହାତ୍ମନା॥ 7-154-26 (51785)
ରୁକ୍ମପୁଙ୍ଖୈଃ ପ୍ରସନ୍ନାଗ୍ରୈସ୍ତବ ପୁତ୍ରେଣ ଧନ୍ବିନା।
ଅର୍ଦ୍ଯମାନାଃ ଶରୈସ୍ତୂର୍ଣଂ ନ୍ଯପତନ୍ପାଣ୍ଡୁସୈନିକାଃ॥ 7-154-27 (51786)
`ବ୍ଯଦ୍ରବଂଶ୍ଚ ଭଯାଦ୍ଯୋଧା ଦୃଷ୍ଟ୍ବା ତଂ ପରମାହବେ।
ବ୍ଯାତ୍ତାନନମିବ ପ୍ରାପ୍ତମନ୍ତକଂ ପ୍ରାଣହାରିଣମ୍'॥ 7-154-28 (51787)
ନ ତାଦୃଶଂ ରମେ କର୍ମ କୃତବନ୍ତସ୍ତୁ ତାବକାଃ।
ଯାଦୃଶଂ କୃତବାନ୍ରାଜା ପୁତ୍ରସ୍ତବ ବିଶାମ୍ପତେ॥ 7-154-29 (51788)
ପୁତ୍ରେଣ ତବ ସା ସେନା ପାଣ୍ଡବୀ ମଥିତା ରଣେ।
ନଲିନୀ ଦ୍ବିରଦେନେବ ସମନ୍ତାତ୍ଫୁଲ୍ଲପଙ୍କଜା॥ 7-154-30 (51789)
କ୍ଷୀଣତୋଯାନିଲାର୍କାଭ୍ଯାଂ ହତତ୍ବିଡିବ ପଦ୍ମିନୀ।
ବଭୂବ ପାଣ୍ଡବୀ ସେନା ତବ ପୁତ୍ରସ୍ଯ ତେଜସା॥ 7-154-31 (51790)
ପାଣ୍ଡୁସେନାଂ ହତାଂ ଦୃଷ୍ଟ୍ବା ତବ ପୁତ୍ରେଣ ଭାରତ।
ଭୀମସେନପୁରୋଗାସ୍ତୁ ପାଞ୍ଚାଲାଃ ସମୁପାଦ୍ରବନ୍॥ 7-154-32 (51791)
ସ ଭୀମସେନଂ ଦଶଭିର୍ମାଦ୍ରୀପୁତ୍ରୌ ତ୍ରିଭିସ୍ତ୍ରିଭିଃ।
ବିରାଟଦ୍ରୁପଦୌ ଷଡ୍ଭିଃ ଶତେନ ଚ ଶିଖଣ୍ଡିନମ୍॥ 7-154-33 (51792)
ଧୃଷ୍ଟଦ୍ଯୁମ୍ନଂ ଚ ସପ୍ତତ୍ଯା ଧର୍ମପୁତ୍ରଂ ଚ ସପ୍ତଭିଃ।
କେକଯାଂଶ୍ଚୈବ ଚେଦୀଂଶ୍ଚ ବହୁଭିର୍ନିଶିତୈଃ ଶରୈଃ॥ 7-154-34 (51793)
ସାତ୍ବତଂ ପଞ୍ଚଭିର୍ବିଦ୍ଧା ଦ୍ରୌପଦେଯାଂସ୍ତ୍ରିଭିସ୍ତ୍ରିଭିଃ।
ଘଟୋତ୍କଚଂ ଚ ସମରେ ବିଦ୍ଧ୍ବା ସିଂହ ଇବାନଦତ୍॥ 7-154-35 (51794)
ଶତଶଶ୍ଚାପରାନ୍ଯୋଧାନ୍ସଦ୍ବିପାଂଶ୍ଚ ମହାରଣେ।
ଶରୈରବଚକର୍ତୋଗ୍ରୈଃ କ୍ରୁଦ୍ଧୋଽନ୍ତକ ଇବ ପ୍ରଜାଃ॥ 7-154-36 (51795)
ସା ତେନ ପାଣ୍ଡବୀ ସେନା ବଧ୍ଯମାନା ଶିଲୀମୁଖୈଃ।
ତବ ପୁତ୍ରେଣ ସଙ୍ଗ୍ରାମେ ବିଦୁଦ୍ରାବ ନରାଧିପ॥ 7-154-37 (51796)
ତଂ ତପନ୍ତମିବାଦିତ୍ଯଂ କୁରୁରାଜଂ ମହାହବେ।
ନାଶକନ୍ବୀକ୍ଷିତୁଂ ରାଜନ୍ପାଣ୍ଡୁପୁତ୍ରସ୍ଯ ସୈନିକାଃ॥ 7-154-38 (51797)
ତତୋ ଯୁଧିଷ୍ଠିରୋ ରାଜା କୁପିତୋ ରାଜସତ୍ତମ।
ଅଭ୍ଯଧାବତ୍କୁରୁପତିଂ ତବ ପୁତ୍ରଂ ଜିଘାଂସଯା॥ 7-154-39 (51798)
ତାବୁଭୌ ଯୁଧି କୌରବ୍ଯୌ ସମୀଯତୁରରିନ୍ଦମୌ।
ସ୍ବାର୍ଥହେତୋଃ ପରାକ୍ରାନ୍ତୌ ଦୁର୍ଯୋଧନଯୁଧିଷ୍ଠିରୌ॥ 7-154-40 (51799)
ତତୋ ଦୁର୍ଯୋଧନଃ କ୍ରୁଦ୍ଧଃ ଶରୈଃ ସନ୍ନତପର୍ବଭିଃ।
ବିବ୍ଯାଧ ଦଶଭିସ୍ତୂର୍ଣଂ ଧ୍ବଜଂ ଚିଚ୍ଛେଦ ଚେଷୁଣା॥ 7-154-41 (51800)
ଇନ୍ଦ୍ରସେନଂ ତ୍ରିଭିଶ୍ଚୈବ ଲଲାଟେ ଜଘ୍ନିବାନ୍ନୃପ।
ସାରଥିଂ ଦଯିତଂ ରାଜ୍ଞଃ ପାଣ୍ଡବସ୍ଯ ମହାତ୍ମନଃ॥ 7-154-42 (51801)
ଧନୁଶ୍ଚ ପୁନରନ୍ଯେନ ଚକର୍ତାସ୍ଯ ମହାରଥଃ।
ଚତୁର୍ଭିଶ୍ଚତୁରଶ୍ଚୈବ ବାଣୈର୍ବିବ୍ଯାଧ ବାଜିନାଃ॥ 7-154-43 (51802)
ତତୋ ଯୁଧିଷ୍ଠିରଃ କ୍ରୁଦ୍ଧୋ ନିମେଷାଦିବ କାର୍ମୁକମ୍।
ଅନ୍ଯଦାଦାଯ ବେଗେନ କୌରବଂ ପ୍ରତ୍ଯବାରଯତ୍॥ 7-154-44 (51803)
ତସ୍ଯ ତାନ୍ନିଘ୍ନତଃ ଶତ୍ରୂନ୍ରୁକ୍ମପୃଷ୍ଠଂ ମହଦ୍ଧନୁଃ।
ଭଲ୍ଲାଭ୍ଯାଂ ପଣ୍ଡବୋ ଜ୍ଯେଷ୍ଠସ୍ତ୍ରିଧା ଚିଚ୍ଛେଦ ମାରିଷ॥ 7-154-45 (51804)
ବିବ୍ଯାଧ ଚୈନଂ ଦଶଭିଃ ସମ୍ଯଗସ୍ତୈଃ ଶିତୈଃ ଶରୈଃ।
ମର୍ମ ଭିତ୍ତ୍ବା ତୁ ତେ ସର୍ବେ ସଂଲଗ୍ନାଃ କ୍ଷିତିମାବିଶନ୍॥ 7-154-46 (51805)
ତତଃ ପରିବୃତା ଯୋଧାଃ ପରିବବ୍ରୁର୍ଯୁଧିଷ୍ଠିରମ୍।
ବୃତ୍ରେଣ ସହ ଯୁଧ୍ଯନ୍ତଂ ଯଦ୍ବଦ୍ଦେବାଃ ଶତକ୍ରତୁମ୍॥ 7-154-47 (51806)
ତତୋ ଯୁଧିଷ୍ଠିରୋ ରାଜା ତବ ପୁତ୍ରସ୍ଯ ମାରିଷ।
ଶରଂ ଚ ସୂର୍ଯରଶ୍ମ୍ଯାଭମତ୍ଯୁଗ୍ରମନିବାରଣମ୍।
ହା ହତୋଽସୀତି ରାଜାନମୁକ୍ତ୍ବାଽମୁଞ୍ଚଦ୍ଯୁଧିଷ୍ଠିରଃ॥ 7-154-48 (51807)
ସ ତେନାକର୍ଣମୁକ୍ତେନ ବିଦ୍ଧୋ ବାଣେନ କୌରବଃ।
ନିଷସାଦ ରଥୋପସ୍ଥେ ଭୃଶଂ ସମ୍ମୂଢଚେତନଃ॥ 7-154-49 (51808)
ତତଃ ପାଞ୍ଚାଲ୍ଯସେନାନାଂ ଭୃଶମାସୀଦ୍ରବୋ ମହାନ୍।
ହତୋ ରାଜେତି ରାଜେନ୍ଦ୍ର ମୁଦିତାନାଂ ସମନ୍ତତଃ॥ 7-154-50 (51809)
ବାଣଶବ୍ଦରବଶ୍ଚୋଗ୍ରଃ ଶୁଶ୍ରୁବେ ତତ୍ର ମାରିଷ।
ଅଥ ଦ୍ରୋଣୋ ଦ୍ରୁତଂ ତତ୍ର ପ୍ରତ୍ଯଦୃଶ୍ଯତ ସଂଯୁଗେ॥ 7-154-51 (51810)
ହୃଷ୍ଟୋ ଦୁର୍ଯୋଧନଶ୍ଚାପି ଦୃଢମାଦାଯ କାର୍ମୁକମ୍।
ତିଷ୍ଠତିଷ୍ଠେତି ରାଜାନଂ ବ୍ରୁବନ୍ପାଣ୍ଡବମଭ୍ଯଯାତ୍॥ 7-154-52 (51811)
ପ୍ରତ୍ଯୁଦ୍ଯଯୁସ୍ତଂ ତ୍ବରିତାଃ ପାଞ୍ଚାଲା ଜଯଗୃଦ୍ଧିନଃ।
ତାନ୍ଦ୍ରୋଣଃ ପ୍ରତିଜଗ୍ରାହ ପରୀପ୍ସନ୍କୁରୁସତ୍ତମମ୍।
ଚଣ୍ଡବାତଃ ସମୁଦ୍ବୂତୋ ମେଘାନମ୍ବୁମୁଚୋ ଯଥା॥ 7-154-53 (51812)
ତତୋ ରାଜନ୍ମହାନାସୀତ୍ସଙ୍ଗ୍ରାମୋ ଭୂରିବର୍ଧନଃ।
ତାବକାନାଂ ପରେଷାଂ ଚ ସମେତାନାଂ ଯୁଯୁତ୍ସଯା॥ ॥ 7-154-54 (51813)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ଚତୁଃପଞ୍ଚାଶଦଧିକଶତତମୋଽଧ୍ଯାଯଃ॥ 154 ॥
Mahabharata - Drona Parva - Chapter Footnotes
5-154-8 ଗୋତ୍ରଂ ପିତ୍ରାଦି ନାମ ଶୈନେଯ ସାତ୍ଯକେ ଇତ୍ଯାଦି। କୁଲଂ ପାଣ୍ଡ୍ଯପାଞ୍ଚାଲ୍ଯେତ୍ଯାଦି॥ 5-154-46 ସମ୍ଯଗସ୍ତୈଃ ଦୃଢଂ ପ୍ରକ୍ଷିପ୍ତୈଃ॥ 5-154-51 ବାଣଶବ୍ଦରବୋ ବାଣଶବ୍ଦସହିତୋ ରବଃ ପ୍ରାଣିଶବ୍ଦଃ॥ 5-154-54 ଭୂରିବର୍ଧନୋ ବହୁଚ୍ଛେଦନଃ॥ 5-154-154 ଚତୁଃପଞ୍ଚାଶଦଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 155
॥ ଶ୍ରୀଃ ॥
7.155. ଅଧ୍ଯାଯଃ 155
Mahabharata - Drona Parva - Chapter Topics
ଦ୍ରୋଣଯୁଦ୍ଧବର୍ଣନମ୍॥ 1 ॥Mahabharata - Drona Parva - Chapter Text
7-155-0 (51814)
ଧୃତରାଷ୍ଟ୍ର ଉବାଚ। 7-155-0x (4677)
ଯତ୍ତଦା ପ୍ରାବିଶତ୍ପାଣ୍ଡୂନାଚାର୍ଯଃ କୁପିତୋ ବଲୀ।
ଉକ୍ତା ଦୁର୍ଯୋଧନଂ ମନ୍ଦଂ ମମ ଶାସ୍ତ୍ରାତିଗଂ ସୁତମ୍॥ 7-155-1 (51815)
ପ୍ରବିଶ୍ଯ ବିଚରନ୍ତଂ ଚ ରଥେ ଶୂରମବସ୍ଥିତମ୍।
କଥଂ ଦ୍ରୋଣଂ ମହେଷ୍ବାସଂ ପାଣ୍ଡବାଃ ପର୍ଯବାରଯନ୍॥ 7-155-2 (51816)
କେଽରକ୍ଷନ୍ଦକ୍ଷିଣଂ ଚକ୍ରମାଚାର୍ଯସ୍ଯ ମହାହବେ।
କେ ଚୋତ୍ତରମରକ୍ଷନ୍ତ ନିଘ୍ନତଃ ଶାସ୍ତ୍ରବାନ୍ବହୂନ୍॥ 7-155-3 (51817)
କେ ଚାସ୍ଯ ପୃଷ୍ଠତୋଽନ୍ବାସନ୍ବୀରା ବୀରସ୍ଯ ଯୋଧିନଃ।
କେ ପୁରସ୍ତାଦବର୍ତନ୍ତ ରଥିନସ୍ତସ୍ଯ ଶତ୍ରବଃ॥ 7-155-4 (51818)
ମନ୍ଯେ ତାନସ୍ପୃଶଚ୍ଛୀତମତିବେଲମନାର୍ତବମ୍।
ମନ୍ଯେ ତେ ସମବେପନ୍ତ ଗାବୋ ବୈ ଶିଶିରେ ଯଥା॥ 7-155-5 (51819)
ଯତ୍ପ୍ରାବିଶନ୍ମହେଷ୍ବାସଃ ପାଞ୍ଚାଲାନପରାଜିତଃ।
ନୃତ୍ଯନ୍ସ ରଥମାର୍ଗେଷୁ ସର୍ବଶସ୍ତ୍ରଭୃତାଂ ବରଃ॥ 7-155-6 (51820)
ନିର୍ଦହନ୍ସର୍ବସୈନ୍ଯାନି ପାଞ୍ଚାଲାନାଂ ରଥର୍ଷଭଃ।
ଧୂମକେତୁରିବ କ୍ରୁଦ୍ଧଃ କଥଂ ମୃତ୍ଯୁମୁପେଯିବାନ୍॥ 7-155-7 (51821)
ସଞ୍ଜଯ ଉବାଚ। 7-155-8x (4678)
ସାଯାହ୍ନେ ସୈନ୍ଧବଂ ହତ୍ବା ରାଜ୍ଞା ପାର୍ଥଃ ସମେତ୍ଯ ଚ।
ସାତ୍ଯକିଶ୍ଚ ମହେଷ୍ବାସୋ ଦ୍ରୋଣମେବାଭ୍ଯଧାବତାମ୍॥ 7-155-8 (51822)
ତଥା ଯୁଧିଷ୍ଠିରସ୍ତୂର୍ଣଂ ଭୀମସେନଶ୍ଚ ପାଣ୍ଡବଃ।
ପୃଥକ୍ଚମୂଭ୍ଯାଂ ସଂଯତ୍ତୌ ଦ୍ରୋଣମେବାଭ୍ଯଧାବତାମ୍॥ 7-155-9 (51823)
ତଥୈବ ନକୁଲୋ ଧୀମାନ୍ସହଦେବଶ୍ଚ ଦୁର୍ଜଯଃ।
ଧୃଷ୍ଟଦ୍ଯୁମ୍ନଃ ଶତାନୀକୋ ବିରାଟଶ୍ଚ ସକେକଯଃ।
ମାତ୍ସ୍ଯାଃ ସାଲ୍ବାଃ ସସେନାଶ୍ଚ ଦ୍ରୋଣମେବ ଯଯୁର୍ଯୁଧି॥ 7-155-10 (51824)
ଦ୍ରୁପଦଶ୍ଚ ତଥା ରାଜା ପାଞ୍ଚାଲୈରଭିରକ୍ଷିତଃ।
ଧୃଷ୍ଟଦ୍ଯୁମ୍ନପିତା ରାଜନ୍ଦ୍ରୋଣମେବାଭ୍ଯବର୍ତତ॥ 7-155-11 (51825)
ଦ୍ରୌପଦେଯା ମହେଷ୍ବାସା ରାକ୍ଷସଶ୍ଚ ଘଟୋତ୍କଚଃ।
ସସୈନ୍ଯାସ୍ତେ ନ୍ଯବର୍ତନ୍ତ ଦ୍ରୋଣମେବ ମହାଦ୍ଯୁତିମ୍॥ 7-155-12 (51826)
ପ୍ରଭଦ୍ରକାଶ୍ଚ ପାଞ୍ଚାଲାଃ ଷଟ୍ସହସ୍ରାଃ ପ୍ରହାରିଣଃ।
ଦ୍ରୋଣମେବାଭ୍ଯବର୍ତନ୍ତ ପୁରସ୍କୃତ୍ଯ ଶିଖଣ୍ଡିନମ୍॥ 7-155-13 (51827)
ତଥେତରେ ନରବ୍ଯାଘ୍ରାଃ ପାଣ୍ଡବାନାଂ ମହାରଥାଃ।
ସହିତାଃ ସନ୍ନ୍ଯବର୍ତନ୍ତ ଦ୍ରୋଣମେବ ଦ୍ବିଜର୍ଷଭମ୍॥ 7-155-14 (51828)
ତେଷୁ ଶୂରେଷୁ ଯୁଦ୍ଧାଯ ଗତେଷୁ ଭରତର୍ଷଭ।
ବଭୂବ ରଜନୀ ଘୋରା ଭୀରୂଣାଂ ଭଯବର୍ଧିନୀ॥ 7-155-15 (51829)
ଯୋଧାନାମଶିବା ରୌଦ୍ରା ରାଜନ୍ନନ୍ତକଗାମିନୀ।
କୁଞ୍ଜରାଶ୍ବମନୁଷ୍ଯାଣାଂ ପ୍ରାଣାନ୍ତକରଣୀ ତଦା॥ 7-155-16 (51830)
ତସ୍ଯାଂ ରଜନ୍ଯାଂ ଘୋରାଯାଂ ନଦନ୍ତ୍ଯଃ ସର୍ବତଃ ଶିବାଃ।
ନ୍ଯବେଦଯନ୍ଭଯଂ ଘୋରଂ ସଜ୍ବାଲକବଲୈର୍ମୁଖୈଃ॥ 7-155-17 (51831)
ଉଲୂକାଶ୍ଚାପ୍ଯଦୃଶ୍ଯନ୍ତ ଶଂସନ୍ତୋ ବିପୁଲଂ ଭଯମ୍।
ବିଶେଷତଃ କୌରବାଣାଂ ଧ୍ବଜିନ୍ଯାମତିଦାରୁଣାଃ॥ 7-155-18 (51832)
ତତଃ ସୈନ୍ଯେଷୁ ରାଜେନ୍ଦ୍ର ଶବ୍ଦଃ ସମଭବନ୍ମହାନ୍।
ଭେରୀଶବ୍ଦେନ ମହତା ମୃଦଙ୍ଗାନାଂ ସ୍ବନେନ ଚ॥ 7-155-19 (51833)
ଗଜାନାଂ ବୃଂହିତୈଶ୍ଚାପି ତୁରଙ୍ଗାଣାଂ ଚ ହେଷିତୈଃ।
ଖୁରଶବ୍ଦନିପାତୈଶ୍ଚ ତୁମୁଲଃ ସର୍ବତୋଽଭବତ୍॥ 7-155-20 (51834)
ତତଃ ସମଭବଦ୍ଯୁଦ୍ଧଂ ସନ୍ଧ୍ଯାଯାମତିଦାରୁଣମ୍।
ଦ୍ରୋଣସ୍ଯ ଚ ମହାରାଜ ସୃଞ୍ଜଯାନାଂ ଚ ସର୍ବଶଃ॥ 7-155-21 (51835)
ତମସା ଚାବୃତେ ଲୋକେ ନ ପ୍ରାଜ୍ଞାଯତ କିଞ୍ଚନ।
ସୈନ୍ଯେନ ରଜସା ଚୈବ ସମନ୍ତାଦୁତ୍ଥିତେନ ହ॥ 7-155-22 (51836)
ନରସ୍ଯାଶ୍ବସ୍ଯ ନାଗସ୍ଯ ସମସଜ୍ଜତ ଶୋଣିତମ୍।
ନାପଶ୍ଯାମ ରଜୋ ଭୌମଂ କଶ୍ମଲେନାଭିସଂବୃତାଃ॥ 7-155-23 (51837)
ରାତ୍ରୌ ବଂଶବନସ୍ଯେବ ଦହ୍ଯମାନସ୍ଯ ପର୍ବତେ।
ଘୋରଶ୍ଚଟଚଟାଶବ୍ଦଃ ଶସ୍ତ୍ରାଣାଂ ପତତାମଭୂତ୍॥ 7-155-24 (51838)
ମୃଦଙ୍ଗାନକନିର୍ହ୍ରାଦୈର୍ଝର୍ଝରୈଃ ପଟହୈସ୍ତଥା।
ଫେତ୍କାରୈର୍ହେଷିତୈଃ ଶବ୍ଦୈଃ ସର୍ବମୈବାକୁଲଂ ବଭୌ॥ 7-155-25 (51839)
ନୈବ ସ୍ବେ ନ ପରେ ରାଜନ୍ପ୍ରାଜ୍ଞାଯନ୍ତ ତମୋବୃତେ।
ଉନ୍ମତ୍ତମିବ ତତ୍ସର୍ବଂ ବଭୂବ ରଜନୀମୁଖେ॥ 7-155-26 (51840)
ଭୌମଂ ରଜୋଽଥ ରାଜେନ୍ଦ୍ର ଶୋଣିତେନ ପ୍ରଣାଶିତମ୍।
ଶାତକୌମ୍ଭୈଶ୍ଚ କବଚୈର୍ଭୂଷଣୈଶ୍ଚ ତମୋଽନଶତ୍॥ 7-155-27 (51841)
ତତଃ ସା ଭାରତୀ ସେନା ମଣିହେମବିଭୂଷିତା।
ଦ୍ଯୌରିବାସୀତ୍ସନକ୍ଷତ୍ରା ରଜନ୍ଯାଂ ଭରତର୍ଷଭ॥ 7-155-28 (51842)
ଗୋମାଯୁବଲସଙ୍ଘୁଷ୍ଟା ଶକ୍ତିଧ୍ବଜସମାକୁଲା।
ବାରଣାଭିରୁତା ଘୋରା କ୍ଷ୍ବେଡିତୋତ୍କ୍ରୁଷ୍ଟନାଦିତା॥ 7-155-29 (51843)
ତତ୍ରାଭବନ୍ମହାଶବ୍ଦସ୍ତୁମୁଲୋ ରୋମହର୍ଷଣଃ।
ସମାବୃଣ୍ବନ୍ଦିଶଃ ସର୍ବା ମହେନ୍ଦ୍ରାଶନିନିଃସ୍ବନଃ॥ 7-155-30 (51844)
ସା ନିଶୀଥେ ମହାରାଜ ସେନାଽଦୃଶ୍ଯତ ଭାରତୀ।
ଅଙ୍ଗଦୈଃ କୁଣ୍ଡଲୈର୍ନିଷ୍କୈଃ ଶସ୍ତ୍ରୈଶ୍ଚୈବାବଭାସିତା॥ 7-155-31 (51845)
ତତ୍ର ନାଗା ରଥାଶ୍ଚୈବ ଜାମ୍ବୂନଦବିଭୂଷିତାଃ।
ନିଶାଯାଂ ପ୍ରତ୍ଯଦୃଶ୍ଯନ୍ତ ମେଘା ଇବ ସବିଦ୍ଯୁତଃ॥ 7-155-32 (51846)
ଋଷ୍ଟିଶକ୍ତିଗଦାବାଣମୁସଲପ୍ରାସପଟ୍ଟସାଃ।
ସମ୍ପତନ୍ତୋ ବ୍ଯଦୃଶ୍ଯନ୍ତ ଭ୍ରାଜମାନା ଇବାଗ୍ନଯଃ॥ 7-155-33 (51847)
ଦୁର୍ଯୋଧନପୁରୋବାତାଂ ରଥନାଗବଲାହକାମ୍।
ବାଦିତ୍ରଘୋଷସ୍ତନିତାଂ ଚାପବିଦ୍ଯୁଦ୍ବ୍ବଜୈର୍ବୃତାମ୍॥ 7-155-34 (51848)
ଦ୍ରୋଣପାଣ୍ଡବପର୍ଜନ୍ଯାଂ ଖଙ୍ଗଶକ୍ତିଗଦାଶନିମ୍।
ଶରଧାରାସ୍ତ୍ରପବନାଂ ଶସ୍ତ୍ରପାତୋଷ୍ମସଙ୍କୁଲାମ୍॥ 7-155-35 (51849)
ଘୋରାଂ ବିସ୍ମାପନୀମୁଗ୍ରାଂ ଜୀବିତଚ୍ଛିଦମପ୍ଲୁବାମ୍।
ତାଂ ପ୍ରାବିଶନ୍ନତିଭଯାଂ ନଦୀଂ ଯୁଦ୍ଧଚିକୀର୍ଷବଃ॥ 7-155-36 (51850)
ତସ୍ମିନ୍ରାତ୍ରିମୁଖେ ଘୋରେ ମହାଶବ୍ଦନିନାଦିତେ।
ଭୀରୂଣାଂ ତ୍ରାସଜନନେ ଶୂରାଣାଂ ହର୍ଷବର୍ଧନେ॥ 7-155-37 (51851)
ରାତ୍ରିଯୁଦ୍ଧେ ମହାଘୋରେ ବର୍ତମାନେ ସୁଦାରୁଣେ।
ଦ୍ରୋଣମଭ୍ଯଦ୍ରୁବନ୍କ୍ରୁଦ୍ଧାଃ ସହିତାଃ ପାଣ୍ଡୁସୃଞ୍ଜଯାଃ॥ 7-155-38 (51852)
ଯେ ଯେ ପ୍ରମୁଖତୋ ରାଜନ୍ନାବର୍ତନ୍ତ ମହାରଥାଃ।
ତାନ୍ସର୍ବାନ୍ବିମୁଖାଂଶ୍ଚକ୍ରେ କାଂଶ୍ଚିନ୍ନିନ୍ଯେ ଯମକ୍ଷଯମ୍॥ 7-155-39 (51853)
ତାନି ନାଗସହସ୍ରାଣି ରଥାନାମଯୁତାନି ଚ।
ପଦାତିହଯସଙ୍ଘାନାଂ ପ୍ରଯୁତାନ୍ଯର୍ବୁଦାନି ଚ।
ଦ୍ରୋଣେନୈକେନ ନାରାଚୈର୍ନିର୍ଭିନ୍ନାନି ନିଶାମୁଖେ॥ ॥ 7-155-40 (51854)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ପଞ୍ଚପଞ୍ଚାଶଦଧିକଶତତମୋଽଧ୍ଯାଯଃ॥ 155 ॥
Mahabharata - Drona Parva - Chapter Footnotes
5-155-1 ଶାସ୍ତ୍ରାତିଗଂ ଶାସ୍ତ୍ରମାଜ୍ଞା॥ 5-155-7 ଧୂମକେତୁରଗ୍ନିଃ ॥ 5-155-14 ସନ୍ନ୍ଯବର୍ତନ୍ତ ସମ୍ମୁଖଂ ନିତରାମବର୍ତନ୍ତ॥ 5-155-155 ପଞ୍ଚପଞ୍ଚାଶଦଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 156
॥ ଶ୍ରୀଃ ॥
7.156. ଅଧ୍ଯାଯଃ 156
Mahabharata - Drona Parva - Chapter Topics
ଭୀମେନ ଦୁର୍ମଦଦୁଷ୍କର୍ଣାଦିବଧଃ॥ 1 ॥Mahabharata - Drona Parva - Chapter Text
7-156-0 (51855)
ଧୃତରାଷ୍ଟ୍ର ଉବାଚ। 7-156-0x (4679)
ତସ୍ମିନ୍ପ୍ରବିଷ୍ଟେ ଦୁର୍ଧର୍ଷେ ସୃଞ୍ଜଯାନମିତୌଜସି।
ଅମୃଷ୍ଯମାଣେ ସଂରବ୍ଧେ କା ବୋଽଭୂଦ୍ବୈ ମତିସ୍ତଦା॥ 7-156-1 (51856)
ଦୁର୍ଯୋଧନଂ ତଥା ପୁତ୍ରମୁକ୍ତ୍ବା ଶାସ୍ତ୍ରାତିଗଂ ମମ।
ଯତ୍ପ୍ରାବିଶଦମେଯାତ୍ମା କିଂ ପାର୍ଥଃ ପ୍ରତ୍ଯପଦ୍ଯତ॥ 7-156-2 (51857)
ନିହତେ ସୈନ୍ଧବେ ବୀରେ ଭୂରିଶ୍ରବସି ଚୈବ ହ।
ଯଦାଽଭ୍ଯଗାନ୍ମହାତେଜାଃ ପାଞ୍ଚାଲାନପରାଜିତଃ॥ 7-156-3 (51858)
କିମମନ୍ଯତ ଦୁର୍ଧର୍ଷେ ପ୍ରବିଷ୍ଟେ ଶତ୍ରୁତାପନେ।
ଦୁର୍ଯୋଧନସ୍ତୁ କିଂ କୃତ୍ଯଂ ପ୍ରାପ୍ତକାଲମମନ୍ଯତ॥ 7-156-4 (51859)
କେ ଚ ତଂ ବରଦଂ ବୀରମନ୍ବଯୁର୍ଦ୍ବିଜସତ୍ତମମ୍।
କେ ଚାସ୍ଯ ପୃଷ୍ଠତୋଽଗଚ୍ଛନ୍ବୀରାଃ ଶୂରସ୍ଯ ଯୁଧ୍ଯତଃ।
କେ ପୁରସ୍ତାଦବର୍ତନ୍ତ ନିଘ୍ନନ୍ତଃ ଶାସ୍ତ୍ରବାନ୍ରଣେ॥ 7-156-5 (51860)
ମନ୍ଯେଽହଂ ପାଣ୍ଡବାନ୍ସର୍ବାନ୍ଭାରଦ୍ବାଜଶରାର୍ଦିତାନ୍।
ଶିଶିରେ କମ୍ପମାନା ବୈ କୃଶା ଗାବ ଇବ ପ୍ରଭୋ॥ 7-156-6 (51861)
ପ୍ରବିଶ୍ଯ ସ ମହେଷ୍ବାସଃ ପାଞ୍ଚାଲାନରିମର୍ଦନଃ।
କଥଂ ନୁ ପୁରୁଷବ୍ଯାଘ୍ରଃ ପଞ୍ଚତ୍ବମୁପଜଗ୍ମିବାନ୍॥ 7-156-7 (51862)
ସର୍ବେଷୁ ଯୋଧେଷୁ ଚ ସଙ୍ଗତେଷୁ
ରାତ୍ରୌ ସମେତେଷୁ ମହାରଥେଷୁ।
ସଂଲୋଡ୍ଯମାନେଷୁ ପୃଥଗ୍ବଲେଷୁ
କେ ବସ୍ତଦାନୀଂ ମତିମନ୍ତ ଆସନ୍॥ 7-156-8 (51863)
ହତାଂଶ୍ଚୈବ ବିଷକ୍ତାଂଶ୍ଚ ପରାଭୂତାଂଶ୍ଚ ଶଂସସି।
ରଥିନୋ ବିରଥାଂଶ୍ଚୈବ କୃତାନ୍ଯୁଦ୍ଧେଷୁ ମାମକାନ୍॥ 5-156-10 ତେଷାଂ ସଂଲୋଡ୍ଯମାନାନାଂ ପାଣ୍ଡବୈର୍ହତଚେତସାମ୍।
ଅନ୍ଧେ ତମସି ମଗ୍ନାନାମଭବତ୍କା ମତିସ୍ତଦା॥ 7-156-9 (51864)
ପ୍ରହୃଷ୍ଟାଂଶ୍ଚାପ୍ଯୁଦଗ୍ରାଂଶ୍ଚ ସନ୍ତୁଷ୍ଟାଂଶ୍ଚୈବ ପାଣ୍ଡବାନ୍।
ଶଂସସୀହାପ୍ରହୃଷ୍ଟାଂଶ୍ଚ ବିଭ୍ରଷ୍ଟାଂଶ୍ଚୈବ ମାମକାନ୍॥ 7-156-11 (51865)
କଥମେଷାଂ ତଦା ତତ୍ର ପାର୍ଥାନାମପଲାଯିନାମ୍।
ପ୍ରକାଶମଭବଦ୍ରାତ୍ରୌ କଥଂ କୁରୁଷୁ ସଞ୍ଜଯ॥ 7-156-12 (51866)
ସଞ୍ଜଯ ଉବାଚ। 7-156-13x (4680)
ରାତ୍ରିଯୁଦ୍ଧେ ତଦା ରାଜନ୍ବର୍ତମାନେ ସୁଦାରୁଣେ।
ଦ୍ରୋଣମଭ୍ଯଦ୍ରବନ୍ସର୍ବେ ପାଣ୍ଡବାଃ ସହ ସୋମକୈଃ॥ 7-156-13 (51867)
ତତୋ ଦ୍ରୋଣଃ କେକଯାଂଶ୍ଚ ଧୃଷ୍ଟଦ୍ଯୁମ୍ନସ୍ଯ ଚାତ୍ମଜାନ୍।
ସମ୍ପ୍ରୈଷଯତ୍ପ୍ରେତଲୋକଂ ସର୍ବାନିଷୁଭିରାଶୁଗୈଃ॥ 7-156-14 (51868)
ତସ୍ଯ ପ୍ରମୁଖତୋ ରାଜନ୍ଯେଽବର୍ତନ୍ତ ମହାରଥାଃ।
ତାନ୍ସର୍ବାନ୍ପ୍ରେଷଯାମାସ ପିତୃଲୋକଂ ସ ଭାରତ॥ 7-156-15 (51869)
ପ୍ରମଥ୍ନନ୍ତଂ ତଦା ବୀରାନ୍ଭାରଦ୍ବାଜଂ ମହାରଥମ୍।
ଅଭ୍ଯବର୍ତତ ସଙ୍କ୍ରୁଦ୍ଧଃ ଶିବୀ ରାଜା ପ୍ରତାପବାନ୍॥ 7-156-16 (51870)
ତମାପତନ୍ତଂ ସମ୍ପ୍ରେକ୍ଷ୍ଯ ପାଣ୍ଡବାନାଂ ମହାରଥମ୍।
ବିବ୍ଯାଧ ଦଶଭିର୍ଦ୍ରୋଣଃ ସର୍ବପାରଶବୈଃ ଶିତୈଃ॥ 7-156-17 (51871)
ତଂ ଶିବିଃ ପ୍ରତିବିବ୍ଯାଧ ତ୍ରିଂଶତା ନିଶିତୈଃ ଶରୈଃ।
ସାରଥିଂ ଚାସ୍ଯ ଭୁଲ୍ଲେନ ସ୍ମଯମାନୋ ନ୍ଯପାତଯତ୍॥ 7-156-18 (51872)
ତସ୍ଯ ଦ୍ରୋଣୋ ହଯାନ୍ହତ୍ବା ସାରଥିଂ ଚ ମହାତ୍ମନଃ।
ଅଥାଽସ୍ଯ ସଶିରସ୍ତ୍ରାଣଂ ଶିରଃ କାଯାଦପାହରତ୍॥ 7-156-19 (51873)
ତତୋଽସ୍ଯ ସାରଥିଂ କ୍ଷିପ୍ରମନ୍ଯଂ ଦୁର୍ଯୋଧନୋଽଦିଶତ୍।
ସ ତେନ ସଙ୍ଗୃହୀତାଶ୍ବଃ ପୁନରଭ୍ଯଦ୍ରବଦ୍ରିପୂନ୍॥ 7-156-20 (51874)
କଲିଙ୍ଗାନାମନୀକେନ କାଲିଙ୍ଗସ୍ଯ ସୁତୋ ରଣେ।
ପୂର୍ବଂ ପିତୃବଧାତ୍କ୍ରୁଦ୍ଧୌ ଭୀମସେନମୁପାଦ୍ରବତ୍॥ 7-156-21 (51875)
ସ ଭୀମଂ ପଞ୍ଚଭିର୍ବିଦ୍ଧ୍ବା ପୁନର୍ବିବ୍ଯାଧ ସପ୍ତଭିଃ।
ବିଶୋକଂ ତ୍ରିଭିରାନର୍ଚ୍ଛଦ୍ବଜମେକେନ ପତ୍ରିଣା॥ 7-156-22 (51876)
କଲିଙ୍ଗାନାଂ ତୁ ତଂ ଶୂରଂ କ୍ରୁଦ୍ଧଂ କ୍ରୁଦ୍ଧୋ ବୃକୋଦରଃ।
ରଥାଦ୍ରଥମଭିଦ୍ରୁତ୍ଯ ମୁଷ୍ଟିନାଽଭିଜଘାନ ହ॥ 7-156-23 (51877)
ତସ୍ଯ ମୁଷ୍ଟିହତସ୍ଯାଜୌ ପାଣ୍ଡବେନ ବଲୀଯସା।
ସର୍ବାଣ୍ଯସ୍ଥୀନି ସହସା ପ୍ରାପତନ୍ବୈ ପୃଥକ୍ପୃଥକ୍॥ 7-156-24 (51878)
`ତସ୍ମିନ୍ହତେ ତଦା ତେନ ସିଂହନାଦୋ ମହାନଭୂତ୍।
ପାଞ୍ଚାଲାନାଂ ମହାରାଜ ସାଧୁସାଧ୍ବିତି ପାଣ୍ଡବମ୍'॥ 7-156-25 (51879)
ତଂ କର୍ଣୋ ଭ୍ରାତରଶ୍ଚାସ୍ଯ ନାମୃଷ୍ଯନ୍ତ ପରନ୍ତପ।
ତେ ଭୀମସେନଂ ନାରାଚୈର୍ଜଘ୍ନୁରାଶୀବିଷୋପମୈଃ॥ 7-156-26 (51880)
ତତଃ ଶତ୍ରୁରଥଂ ତ୍ଯକ୍ତ୍ବା ଭୀମୋ ଦ୍ରୁମରଥଂ ଗତଃ।
ଦ୍ରୁମଂ ଚାସ୍ଯନ୍ତମନିଶଂ ମୁଷ୍ଟିନା ସମପୋଥଯତ୍॥ 7-156-27 (51881)
`ଯଥା କାଚମଣିର୍ନ୍ଯସ୍ତୋ ମୁଷ୍ଟିନୈକେନ ଲୀଲଯା।
ସ ହତଃ ସର୍ବଥା ଚୂର୍ଣୋ ରକ୍ତମେବୋଦପଦ୍ଯତ॥ 7-156-28 (51882)
ତଥା ଚୂର୍ଣମଭୂତ୍ତତ୍ର କର୍ଣଭ୍ରାତା ଦ୍ରୁମସ୍ତଥା'।
ସ ତଦା ପାଣ଼୍ଡୁପୁତ୍ରେଣ ବଲିନାଽଭିହତୋଽପତତ୍॥ 7-156-29 (51883)
ତଂ ନିହତ୍ଯ ମହାରାଜ ଭୀମସେନୋ ମହାବଲଃ।
ଜଯରାତରଥଂ ପ୍ରାପ୍ଯ ମୁହୁଃ ସିଂହ ଇବାନଦତ୍॥ 7-156-30 (51884)
ଜଯରାତଂ ତୁ ଚରଣେ ଗୃହ୍ଯ ଭୀମୋ ମହାବଲଃ।
ସୂତଂ ଚାସ୍ଯ ମହାବାହୁର୍ଗୃହ୍ଯ ରାଜଂସ୍ତଥୈବ ଚ॥ 7-156-31 (51885)
ପାଦଯୋର୍ଗୃହ୍ଯ ତୌ ବୀରୌ ଭୀମଃ କର୍ଣସ୍ଯ ପଶ୍ଯତଃ।
ଭୂମାବାବିଦ୍ଧ୍ଯ ଜଘ୍ନେ ସ ତୌ ଚ ପ୍ରାଣୈର୍ବ୍ଯଯୁଜ୍ଯତାମ୍॥ 7-156-32 (51886)
କର୍ଣସ୍ତୁ ପାଣ୍ଡବେ ଶକ୍ତିଂ କାଞ୍ଚନୀଂ ସମବାସୃଜତ୍।
ତତସ୍ତାମେବ ଜଗ୍ରାହ ପ୍ରହସନ୍ପାଣ୍ଡୁନନ୍ଦନଃ॥ 7-156-33 (51887)
କର୍ଣାଯୈବ ଚ ଦୁର୍ଧର୍ଷଶ୍ଚିକ୍ଷେପାଜୌ ବୃକୋଦରଃ।
ତାମାପତନ୍ତୀଂ ଚିଚ୍ଛେଦ ଶକୁନିସ୍ତୈଲପାଯିନା॥ 7-156-34 (51888)
ଏତତ୍କୃତ୍ବା ମହତ୍କର୍ମ ରଣେଽଦ୍ଭୁତପରାକ୍ରମଃ।
ପୁନଃ ସ୍ବରଥମାସ୍ଥାଯ ଦୁଦ୍ରାବ ତବ ବାହିନୀମ୍॥ 7-156-35 (51889)
ତମାଯାନ୍ତଂ ଜିଘାଂସନ୍ତଂ ଭୀମଂ କ୍ରୁଦ୍ଧମିବାନ୍ତକମ୍।
ନ୍ଯବାରଯନ୍ମହାବାହୁଂ ତବ ପୁତ୍ରା ବିଶାମ୍ପତେ।
ମହତା ଶରବର୍ଷେଣ ଚ୍ଛାଦଯନ୍ତୋ ମହାରଥାଃ॥ 7-156-36 (51890)
ଦୁର୍ମଦସ୍ଯ ତତୋ ଭୀମଃ ପ୍ରହସନ୍ନିବ ସଂଯୁଗେ।
ସାରଥିଂ ଚ ହଯାଂଶ୍ଚୈବ ଶରୈର୍ନିନ୍ଯେ ଯମକ୍ଷଯମ୍॥ 7-156-37 (51891)
ଦୁର୍ମଦସ୍ତୁ ତତୋ ଯାନଂ ଦୁଷ୍କର୍ଣସ୍ଯାବଚକ୍ରମେ।
ତାବେକରଥମାରୂଢୌ ଭ୍ରାତରୌ ପରତାପନୌ। 7-156-38 (51892)
ସଙ୍ଗ୍ରାମଶିରସୋ ମଧ୍ଯେ ଭୀମଂ ଦ୍ବାବପ୍ଯଧାବତାମ୍।
ଯଥାମ୍ବୁପତିମିତ୍ରୌ ହି ତାରକଂ ଦୈତ୍ଯସତ୍ତମମ୍॥ 7-156-39 (51893)
ତତସ୍ତୁ ଦୁର୍ମଦଶ୍ଚୈବ ଦୁଷ୍କର୍ଣଶ୍ଚ ତବାତ୍ମଜୌ।
ରଥମେକଂ ସମାରୁହ୍ଯ ଭୀମଂ ବାଣୈରବିଧ୍ଯତାମ୍॥ 7-156-40 (51894)
ତତଃ କର୍ଣସ୍ଯ ମିଷତୋ ଦ୍ରୌଣେର୍ଦୁର୍ଯୋଧନସ୍ଯ ଚ।
କୃପସ୍ଯ ସୋମଦତ୍ତସ୍ଯ ବାହ୍ଲୀକସ୍ଯ ଚ ପାଣ୍ଡବଃ॥ 7-156-41 (51895)
ଦୁର୍ମଦସ୍ଯ ଚ ବୀରସ୍ଯ ଦୁଷ୍କର୍ଣସ୍ଯ ଚ ତଂ ରଥମ୍।
ପାଦପ୍ରହାରେଣ ଧରାଂ ପ୍ରାବେଶଯଦରିନ୍ଦମଃ॥ 7-156-42 (51896)
ତତଃ ସୁତୌ ତେ ବଲିନୌ ଶୂରୌ ଦୁଷ୍କର୍ଣଦୁର୍ମଦୌ।
ମୁଷ୍ଟିନାଽଽହତ୍ଯ ସଙ୍କ୍ରୁଦ୍ଧୌ ମମର୍ଦ ଚରଣେନ ହ॥ 7-156-43 (51897)
ତତୋ ହାହାକୃତେ ସୈନ୍ଯେ ଦୃଷ୍ଟ୍ବା ଭୀମଂ ନୃପାଽବ୍ରୁବନ୍।
ରୁଦ୍ରୋଽଯଂ ଭୀମରୂପେଣ ଧାର୍ତରାଷ୍ଟ୍ରେଷୁ ଯୁଧ୍ଯତି॥ 7-156-44 (51898)
ଏବମୁକ୍ତ୍ବା ପଲାଯନ୍ତେ ସର୍ବେ ଭାରତ ପାର୍ଥିବାଃ।
ବିସଂଜ୍ଞା ବାହଯନ୍ବାହାନ୍ନ ଚ ଦ୍ବୌ ସହ ଧାବତଃ॥ 7-156-45 (51899)
ତତୋ ବଲେ ଭୃଶଲୁଲିତେ ନିଶାମୁଖେ
ସୁପୂଜିତୋ ନୃପବୃଷଭୈର୍ବୃକୋଦରଃ।
ମହାବଲଃ କମଲବିବୁଦ୍ଧଲୋଚନୋ
ଯୁଧିଷ୍ଠିରଂ ନୃପତିମପୂଜଯଦ୍ବଲୀ॥ 7-156-46 (51900)
ତତୋ ଯମୌ ଦ୍ରୁପଦବିରାଟକେକଯା
ଯୁଧିଷ୍ଠିରଶ୍ଚାପି ପରାଂ ମୁଦଂ ଯଯୁଃ।
ବୃକୋଦରଂ ଭୃଶମନୁପୂଜଯଂଶ୍ଚ ତେ
ଯଥାନ୍ଧକେ ପ୍ରତିନିହତେ ହରଂ ସୁରାଃ॥ 7-156-47 (51901)
ତତଃ ସୁତାସ୍ତେ ବରୁଣାତ୍ମଜୋପମା
ରୁପାନ୍ବିତାଃ ସହ ଗୁରୁଣା ମହାତ୍ମନା।
ବୃକୋଦରଂ ସରଥପଦାତିକୁଞ୍ଜରା
ଯୁଯୁତ୍ସବୋ ଭୃଶମଭିପର୍ଯବାରଯନ୍॥ 7-156-48 (51902)
`ତତୋ ଯମୌ ଦ୍ରୁପଦସୁତାଃ ସସୈନିକା
ଯୁଧିଷ୍ଠିରଦ୍ରୁପଦବିରାଟସାତ୍ବତାଃ।
ଘଟୋତ୍କଚୋ ଜଯବିଜଯୌ ଦ୍ରୁମୋ ବୃକଃ
ସସୃଞ୍ଜଯାସ୍ତବ ତନଯାନବାରଯନ୍'॥ 7-156-49 (51903)
ତତୋଽଭବତ୍ତିମିରଘନୈରିବାବୃତେ
ମହାଭଯେ ଭଯଦମତୀବ ଦାରୁଣମ୍।
ନିଶାମୁଖେ ବୃକବଲଗୃଧ୍ରମୋଦନଂ
ମହାତ୍ମନା ନୃପବର ଯୁଦ୍ଧମଦ୍ଭୁତମ୍॥ ॥ 7-156-50 (51904)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ଷଟ୍ପଞ୍ଚାଶଦଧିକଶତତମୋଽଧ୍ଯାଯଃ॥ 156 ॥
Mahabharata - Drona Parva - Chapter Footnotes
5-156-1 ଗାବଃ ଗାଃ॥ 5-156- କମଲବିବୁଦ୍ଧଲୋଚନୋ ବିଲସତ୍ପଦ୍ମନେତ୍ରଃ॥ 5-156- ଗୁରୁଣା ଦ୍ରୋଣେନ॥ 5-156- ତିମିରାଣ୍ଯେବ ଘନାସ୍ତୈଃ॥ 5-156- ଷଟ୍ପଞ୍ଚାଶଦଧିକଶତତମୋଽଧ୍ଯାଯଃ॥ 156 ॥ଦ୍ରୋଣପର୍ବ - ଅଧ୍ଯାଯ 157
॥ ଶ୍ରୀଃ ॥
7.157. ଅଧ୍ଯାଯଃ 157
Mahabharata - Drona Parva - Chapter Topics
ସାତ୍ଯକିନା ସୋମଦତ୍ତପରାଜଯଃ॥ 1 ॥ ଅଶ୍ବତ୍ଥାମଘଟୋତ୍କଚଯୁଦ୍ଧମଶ୍ବତ୍ଥାମପରାକ୍ରମଶ୍ଚ॥ 2 ॥Mahabharata - Drona Parva - Chapter Text
7-157-0 (51905)
ସଞ୍ଜଯ ଉବାଚ। 7-157-0x (4681)
ପ୍ରାଯୋପବିଷ୍ଟେ ତୁ ହତେ ପୁତ୍ରେ ସାତ୍ଯକିନା ତଦା।
ସୋମଦତ୍ତୋ ଭୃଶଂ କ୍ରୁଦ୍ଧଃ ସାତ୍ଯକିଂ ବାକ୍ଯମବ୍ରବୀତ୍॥ 7-157-1 (51906)
କ୍ଷତ୍ରଧର୍ମଃ ପରୋ ଦୃଷ୍ଟୋ ଯସ୍ତୁ ଦେବୈର୍ମହାତ୍ମଭିଃ।
ତଂ ତ୍ବଂ ସାତ୍ବତ ସନ୍ତଜ୍ଯ ଦସ୍ଯୁଧର୍ମେ କଥଂ ରତଃ॥ 7-157-2 (51907)
ପରାଙ୍ମୁଖାଯ ଦୀନାଯ ନ୍ଯସ୍ତଶସ୍ତ୍ରାଯ ଯାଚତେ।
କ୍ଷତ୍ରଧର୍ମରତଃ ପ୍ରାଜ୍ଞଃ କଥଂ ନୁ ପ୍ରହରେଦ୍ରଣେ॥ 7-157-3 (51908)
ଦ୍ବାବେବ କିଲ ବୃଷ୍ଣୀନାଂ ତତ୍ର ଖ୍ଯାତୌ ମହାରଥୌ।
ପ୍ରଦ୍ଯୁମ୍ନଶ୍ଚ ମହାବାହୁସ୍ତ୍ବଂ ଚୈବ ଯୁଧି ସାତ୍ବତ॥ 7-157-4 (51909)
କଥଂ ପ୍ରାଯୋପବିଷ୍ଟାଯ ପାର୍ଥେନ ଚ୍ଛିନ୍ନବାହବେ।
ନୃଶଂସଂ ବତ ଦୀନଂ ଚ ତାଦୃଶଂ କୃତବାନସି॥ 7-157-5 (51910)
କର୍ମମସ୍ତସ୍ଯ ଦୁର୍ବୃତ୍ତ ଫଲଂ ପ୍ରାପ୍ନୁହି ସଂଯୁଗେ।
ଅଦ୍ଯ ଛେତ୍ସ୍ଯାମି ତେ ମୂଢ ଶିରୋ ବିକ୍ରମ୍ଯ ପତ୍ରିଣା॥ 7-157-6 (51911)
ଶପେ ସାତ୍ବତ ପୁତ୍ରାଭ୍ଯାମିଷ୍ଟେନ ସୁକୃତେନ ଚ।
ଅନତୀତାମିମାଂ ରାତ୍ରିଂ ଯଦି ତ୍ବାଂ ବୀରମାନିନମ୍॥ 7-157-7 (51912)
ଅରକ୍ଷ୍ଯମାଣଂ ପାର୍ଥେନ ଜିଷ୍ଣୁନା ସସୁତାନୁଜମ୍।
ନ ହନ୍ଯାଂ ନରକେ ଘୋରେ ପତେଯଂ ବୃଷ୍ଣିପାଂସନ॥ 7-157-8 (51913)
ଏବମୁକ୍ତ୍ବା ସୁସଙ୍କ୍ରୁଦ୍ଧଃ ସୋମଦତ୍ତୋ ମହାବଲଃ।
ଦଧ୍ମୌ ଶଙ୍ଖଂ ଚ ତାରେଣ ସିଂହନାଦଂ ନନାଦ ଚ॥ 7-157-9 (51914)
ତତଃ କମଲପତ୍ରାକ୍ଷଃ ସିଂହଦଂଷ୍ଟ୍ରୋ ଦୁରାସଦଃ।
ସାତ୍ଯକିର୍ଭୃଶସଙ୍କ୍ରୁଦ୍ଧଃ ସୋମଦତ୍ତମଥାବ୍ରବୀତ୍॥ 7-157-10 (51915)
କୌରବେଯ ନ ମେ ତ୍ରାସଃ କଥଞ୍ଚିଦପି ବିଦ୍ଯତେ।
ତ୍ବଯା ସାର୍ଧମଥାନ୍ଯୈଶ୍ଚ ଯୁଧ୍ଯତୋ ହୃଦି କଶ୍ଚନ॥ 7-157-11 (51916)
ଯଦି ସର୍ବେଣ ସୈନ୍ଯେନ ଗୁପ୍ତୋ ମାଂ ଯୋଧଯିଷ୍ଯସି।
ତଥାପି ନ ବ୍ଯଥା କାଚିତ୍ତ୍ବଯି ସ୍ଯାନ୍ମମ କୌରବ॥ 7-157-12 (51917)
ଯୁଦ୍ଧସାରେଣ ବାକ୍ଯେନ ଅସତାଂ ସମ୍ମତେନ ଚ।
ନାହଂ ଭୀଷଯିତୁଂ ଶକ୍ଯଃ କ୍ଷତ୍ରବୃତ୍ତେ ସ୍ଥିତସ୍ତ୍ବଯା॥ 7-157-13 (51918)
ଯଦି ତେଽସ୍ତି ଯୁଯୁତ୍ସାଽଦ୍ଯ ମଯା ସହ ନରାଧିପ।
ନିର୍ଦଯୋ ନିଶିତୈର୍ବାଣୈଃ ପ୍ରହର ପ୍ରହରାମି ତେ॥ 7-157-14 (51919)
ହତୋ ଭୂରିଶ୍ରବା ବୀରସ୍ତବ ପୁତ୍ରୋ ମହାରଥଃ।
ଶଲଶ୍ଚୈବ ମହାରାଜ ଭ୍ରାତୃବ୍ଯସନକର୍ଷିତଃ॥ 7-157-15 (51920)
ତ୍ବାଂ ଚାପ୍ଯଦ୍ଯ ବଧିଷ୍ଯାମି ସହପୁତ୍ରଂ ସବାନ୍ଧବମ୍।
ତିଷ୍ଠେଦାନୀଂ ରଣେ ଯତ୍ତଃ କୌରବୋଽସି ମହାରଥଃ॥ 7-157-16 (51921)
ଯସ୍ମିନ୍ଦାନଂ ଦମଃ ଶୌଚମହିଂସା ହୀର୍ଧୃତିଃ କ୍ଷମା।
ଅନପାଯାନି ସର୍ବାଣି ନିତ୍ଯଂ ରାଜ୍ଞି ଯୁଧିଷ୍ଠିରେ॥ 7-157-17 (51922)
ମୃଦଙ୍ଗକେତୋସ୍ତସ୍ଯ ତ୍ବଂ ତେଜସା ନିହତଃ ପୁରା।
ସକର୍ଣସୌବଲଃ ସଙ୍ଖ୍ଯେ ବିନାଶମୁପଯାସ୍ଯସି॥ 7-157-18 (51923)
ଶପେଽହଂ କୃଷ୍ଣଚରଣୈରିଷ୍ଟାପୂର୍ତେନ ଚୈବ ହ।
ଯଦି ତ୍ବାଂ ସସୁତଂ ପାପଂ ନ ହନ୍ଯାଂ ଯୁଧି ରୋଷିତଃ॥ 7-157-19 (51924)
ଅପଯାସ୍ଯସି ଚୋତ୍ତ୍ଯକ୍ତ୍ବା ରଣଂ ମୁକ୍ତୋ ଭବିଷ୍ଯସି॥ 7-157-20 (51925)
ଏବମାଭାଷ୍ଯ ଚାନ୍ଯୋନ୍ଯଂ କ୍ରୋଧସଂରକ୍ତଲୋଚନୌ।
ପ୍ରବୃତ୍ତୌ ଶରସମ୍ପାତଂ କର୍ତୁଂ ପୁରୁଷସତ୍ତମୌ॥ 7-157-21 (51926)
ତତୋ ରଥସହସ୍ରେଣ ନାଗାନାମଯୁତେନ ଚ।
ଦୁର୍ଯୋଧନଃ ସୋମଦତ୍ତଂ ପରିବାର୍ଯ ବ୍ଯବସ୍ଥିତଃ॥ 7-157-22 (51927)
ଶକୁନିଶ୍ଚ ସୁସଙ୍କ୍ରୁଦ୍ଧଃ ସର୍ବଶସ୍ତ୍ରଭୃତାଂ ବରଃ।
ପୁତ୍ରପୌତ୍ରୈଃ ପରିବୃତୋ ଭ୍ରାତୃଭିଶ୍ଚେନ୍ଦ୍ରବିକ୍ରମୈଃ।
ଶ୍ଯାଲସ୍ତବ ମହାବାହୁର୍ବଜ୍ରସଂହନନୋ ଯୁବା॥ 7-157-23 (51928)
ସାଗ୍ରଂ ଶତସହସ୍ରଂ ତୁ ହଯାନାଂ ତସ୍ଯ ଧୀମତଃ।
ସୋମଦତ୍ତଂ ମହେଷ୍ବାସଂ ସମନ୍ତାତ୍ପର୍ଯରକ୍ଷତ॥ 7-157-24 (51929)
ରକ୍ଷ୍ଯମାଣଶ୍ଚ ବଲିଭିଶ୍ଛାଦଯାମାସ ସାତ୍ଯକିମ୍।
ତଂ ଛାଦ୍ଯମାନଂ ବିଶିଖୈର୍ଦୃଷ୍ଟ୍ବା ସନ୍ନତପର୍ବଭିଃ॥ 7-157-25 (51930)
ଧୃଷ୍ଟଦ୍ଯୁମ୍ନୋଽଭ୍ଯଯାତ୍କ୍ରୁଦ୍ଧଃ ପ୍ରଗୃହ୍ଯ ମହତୀଂ ଚମୂମ୍।
`ଅଭ୍ଯରକ୍ଷନ୍ମହାବାହୁଃ ସାତ୍ବତଂ ସତ୍ଯବିକ୍ରମମ୍'॥ 7-157-26 (51931)
ଚଣ୍ଡବାତାଭିସୃଷ୍ଟାନାମୁଦଧୀନାମିବ ସ୍ବନଃ।
ଆସୀଦ୍ରାଜନ୍ବଲୌଘାନାମନ୍ଯୋନ୍ଯମଭିନିଘ୍ନତାମ୍॥ 7-157-27 (51932)
ବିବ୍ଯାଧ ସୋମଦତ୍ତସ୍ତୁ ସାତ୍ବତଂ ନବଭିଃ ଶରୈଃ।
ସାତ୍ଯକିର୍ନବଭିଶ୍ଚୈନମବଧୀତ୍କୁରୁପୁଙ୍ଗବମ୍॥ 7-157-28 (51933)
ସୋଽତିବିଦ୍ଧୋ ବଲବତା ସମରେ ଦୃଢଧନ୍ବିନା।
ରଥୋପସ୍ଥଂ ସମାସାଦ୍ଯ ମୁମୋହ ଗତଚେତନଃ॥ 7-157-29 (51934)
ତଂ ବିମୂଢଂ ସମାଲକ୍ଷ୍ଯ ସାରଥିସ୍ତ୍ବରଯାଽନ୍ବିତଃ।
ଅପୋବାହ ରଣାଦ୍ବୀରଂ ସୋମଦତ୍ତଂ ମହାରଥମ୍॥ 7-157-30 (51935)
ତଂ ବିସଂଜ୍ଞଂ ସମାଲକ୍ଷ୍ଯ ଯୁଯୁଧାନଶରାର୍ଦିତମ୍।
ଅଭ୍ଯଦ୍ରବତ୍ତତୋ ଦ୍ରୋଣୋ ଯଦୁବୀରଜିଘାଂସଯା॥ 7-157-31 (51936)
ତମାଯାନ୍ତମଭିପ୍ରେକ୍ଷ୍ଯ ଯୁଧିଷ୍ଠିରପୁରୋଗମାଃ।
ପରିବବ୍ରୁର୍ମହାତ୍ମାନଂ ପରୀପ୍ସନ୍ତୋ ଯଦୂତ୍ତମମ୍॥ 7-157-32 (51937)
ତତଃ ପ୍ରବବୃତେ ଯୁଦ୍ଧଂ ଦ୍ରୋଣସ୍ଯ ସହ ପାଣ୍ଡବୈଃ।
ବଲେରିବ ସୁରୈଃ ପୂର୍ବଂ ତ୍ରୈଲୋକ୍ଯଜଯକାଙ୍କ୍ଷଯା॥ 7-157-33 (51938)
ତତଃ ସାଯକଜାଲେନ ପାଣ୍ଡବାନୀକମାବୃଣୋତ୍।
ଭାରଦ୍ବାଜୋ ମହାତେଜା ବିବ୍ଯାଧ ଚ ଯୁଧିଷ୍ଠିରମ୍॥ 7-157-34 (51939)
ସାତ୍ଯକିଂ ଦଶଭିର୍ବାଣୈର୍ବିଂଶତ୍ଯା ପାର୍ଷତଂ ଶରୈଃ।
ଭୀମସେନଂ ଚ ନବଭିର୍ନକୁଲଂ ପଞ୍ଚଭିସ୍ତଥା॥ 7-157-35 (51940)
ସହଦେବଂ ତଥାଽଷ୍ଟାଭିଃ ଶତେନ ଚ ଶିଖଣ୍ଡିନମ୍।
ଦ୍ରୌପଦେଯାନ୍ମହାବାହୁଃ ପଞ୍ଚଭିଃ ପଞ୍ଜଭିଃ ଶରୈଃ॥ 7-157-36 (51941)
ବିରାଟଂ ମତ୍ସ୍ଯମଷ୍ଟାଭିର୍ଦ୍ରୁପଦଂ ଦଶଭିଃ ଶରୈଃ।
ଯୁଧାମନ୍ଯୁଂ ତ୍ରିଭିଃ ଷଡ୍ଭିରୁତ୍ତମୌଜସମାହବେ।
ଅନ୍ଯାଂଶ୍ଚ ସୈନିକାନ୍ବିଦ୍ବ୍ବା ଯୁଧିଷ୍ଠିରମୁପାଦ୍ରବତ୍॥ 7-157-37 (51942)
ତେ ବଧ୍ଯମାନା ଦ୍ରୋଣେନ ପାଣ୍ଡୁପୁତ୍ରସ୍ଯ ସୈନିକାଃ।
ପ୍ରାଦ୍ରବନ୍ବୈ ଭଯାଦ୍ରାଜନ୍ସାର୍ତନାଦା ଦିଶୋ ଦଶ॥ 7-157-38 (51943)
କାଲ୍ଯମାନଂ ତୁ ତତ୍ସୈନ୍ଯଂ ଦୃଷ୍ଟ୍ବା ଦ୍ରୋଣେନ ଫଲ୍ଗୁନଃ।
କିଞ୍ଚିଦାଗତସଂରମ୍ଭୋ ଗୁରୁଂ ପାର୍ଥୋଽଭ୍ଯଯାଦ୍ଦ୍ରୁତମ୍॥ 7-157-39 (51944)
ଦୃଷ୍ଟ୍ବା ଦ୍ରୋଣଂ ତୁ ବୀଭତ୍ସୁମଭିଧାବନ୍ତମାହବେ।
ସନ୍ନ୍ଯବର୍ତତ ତତ୍ସୈନ୍ଯଂ ପୁନର୍ଯୌଧିଷ୍ଠିରଂ ବଲମ୍॥ 7-157-40 (51945)
ତତୋ ଯୁଦ୍ଧମଭୂଦ୍ଭୂଯୋ ଭାରଦ୍ବାଜସ୍ଯ ପାଣ୍ଡବୈଃ॥ 7-157-41 (51946)
ଦ୍ରୋଣସ୍ତବ ସୁତୈ ରାଜନ୍ସର୍ବତଃ ପରିବାରିତଃ।
ବ୍ଯଧମତ୍ପାଣ୍ଡୁସୈନ୍ଯାନି ତୂଲରାଶିମିବାନଲଃ॥ 7-157-42 (51947)
ତଂ ଜ୍ବଲନ୍ତମିବାଦିତ୍ଯଂ ଦୀପ୍ତାନଲସମଦ୍ଯୁତିମ୍।
ରାଜନ୍ନନିଶମତ୍ଯନ୍ତଂ ଦୃଷ୍ଟ୍ବା ଦ୍ରୋଣଂ ଶରାର୍ଚିଷମ୍॥ 7-157-43 (51948)
ମଣ୍ଡଲୀକୃତଧନ୍ବାନଂ ତପନ୍ତମିବ ଭାସ୍କରମ୍।
ଦହନ୍ତମହିତାନ୍ସୈନ୍ଯେ ନୈନଂ କଶ୍ଚିଦବାରଯତ୍॥ 7-157-44 (51949)
ଯୋଯୋ ହି ପ୍ରମୁଖେ ତସ୍ଯ ତସ୍ଥୌ ଦ୍ରୋଣସ୍ଯ ପୁରୂଷଃ।
ତସ୍ଯତସ୍ଯ ଶିରଶ୍ଛିତ୍ତ୍ବା ଯଯୁର୍ଦ୍ରୋଣଶରାଃ କ୍ଷିତିମ୍॥ 7-157-45 (51950)
ଏବଂ ସା ପାଣ୍ଡବୀ ସେନା ବଧ୍ଯମାନା ମହାତ୍ମନା।
ପ୍ରଦୁଦ୍ରାବ ପୁନର୍ଭୀତା ପଶ୍ଯତଃ ସବ୍ଯସାଚିନଃ॥ 7-157-46 (51951)
ସମ୍ପ୍ରଭଗ୍ନଂ ବଲଂ ଦୃଷ୍ଟ୍ବା ଦ୍ରୋଣେନ ନିଶି ଭାରତ।
ଗୋବିନ୍ଦମବ୍ରବୀଜ୍ଜିଷ୍ଣୁର୍ଗଚ୍ଛ ଦ୍ରୋଣରଥଂ ପ୍ରତି॥ 7-157-47 (51952)
ତତୋ ରଜତଗୋକ୍ଷୀରକୁନ୍ଦେନ୍ଦୁସଦୃଶପ୍ରଭାନ୍।
ଚୋଦଯାମାସ ଦାଶାର୍ହୋ ହଯାନ୍ଦ୍ରୋଣରଥଂ ପ୍ରତି॥ 7-157-48 (51953)
ଭୀମସେନୋଽପି ତଂ ଦୃଷ୍ଟ୍ବା ଯାନ୍ତଂ ଦ୍ରୋଣାଯ ଫଲ୍ଗୁନମ୍।
ସ୍ବସାରଥିମୁବାଚେଦଂ ଦ୍ରୋଣାନୀକାଯ ମାଂ ବହ॥ 7-157-49 (51954)
ସୋଽପି ତସ୍ଯ ବଚଃ ଶ୍ରୁତ୍ବା ବିଶୋକୋଽବହଯଦ୍ବଯାନ୍।
ପୃଷ୍ଠତଃ ସତ୍ଯସନ୍ଧସ୍ଯ ଜିଷ୍ଣୋର୍ଭରତସତ୍ତମ॥ 7-157-50 (51955)
ତୌ ଦୃଷ୍ଟ୍ବା ଭ୍ରାତରୌ ଯତ୍ତୌ ଦ୍ରୋଣାନୀକମଭିଦ୍ରୁତୌ।
ପାଞ୍ଚାଲାଃ ସୃଞ୍ଜଯା ମାତ୍ସ୍ଯାଶ୍ଚେଦିକାରୂଶକୋସଲାଃ।
ଅନ୍ବଗଚ୍ଛନ୍ମହାରାଜ କେକଯାଶ୍ଚ ମହାରଥାଃ॥ 7-157-51 (51956)
ତତୋ ରାଜନ୍ନଭୂଦ୍ବୋରଃ ସଙ୍ଗ୍ରାମୋ ରୋମହର୍ଷଣଃ॥ 7-157-52 (51957)
ବୀଭତ୍ସୁର୍ଦକ୍ଷିଣଂ ପାର୍ଶ୍ବମୁତ୍ତରଂ ଚ ବୃକୋଦରଃ।
ମହଦ୍ଭ୍ଯାଂ ରଥବୃନ୍ଦାଭ୍ଯାଂ ବଲଂ ଜଗୃହତୁସ୍ତବ॥ 7-157-53 (51958)
ତୌ ଦୃଷ୍ଟ୍ବା ପୁରୁଷବ୍ଯାଘ୍ରୌ ଭୀମସେନଧନଞ୍ଜଯୌ।
ଧୃଷ୍ଟଦ୍ଯୁମ୍ନୋଽଭ୍ଯଯାଦ୍ରାଜନ୍ସାତ୍ଯକିଶ୍ଚ ମହାବଲଃ॥ 7-157-54 (51959)
ଚଣ୍ଡବାତାଭିପନ୍ନାନାମୁଦଧୀନାମିବ ସ୍ବନଃ।
ଆସୀଦ୍ରାଜନ୍ବଲୌଘାନାଂ ତଦାଽନ୍ଯୋନ୍ଯମଭିଘ୍ନତାଂ 7-157-55 (51960)
ସୌମଦତ୍ତିବଧାତ୍କ୍ରୁଦ୍ଧୋ ଦୃଷ୍ଟ୍ବା ସାତ୍ଯକିମାହବେ।
ଦ୍ରୌଣିରଭ୍ଯଦ୍ରବଦ୍ରାଜନ୍ବଧାଯ କୃତନିଶ୍ଚଯଃ॥ 7-157-56 (51961)
ତମାପତନ୍ତଂ ସମ୍ପ୍ରେକ୍ଷ୍ଯ ଶୈନେଯସ୍ଯ ରଥଂ ପ୍ରତି।
ଭୈମସେନିଃ ସୁସଙ୍କ୍ରୁଦ୍ଧଃ ପ୍ରତ୍ଯମିତ୍ରମବାରଯତ୍॥ 7-157-57 (51962)
କାର୍ଷ୍ଣାଯସଂ ମହାଘୋରମୃକ୍ଷଚର୍ମପରିଚ୍ଛଦମ୍।
ମହାନ୍ତଂ ରଥମାସ୍ଥାଯ ତ୍ରିଂଶନ୍ନଲ୍ବାନ୍ତରାନ୍ତରମ୍॥ 7-157-58 (51963)
ବିକ୍ଷିପ୍ତଯନ୍ତ୍ରସନ୍ନାହଂ ମହାମେଘୌଘନିଃସ୍ବନମ୍।
ଯୁକ୍ତଂ ଗଜନିଭୈର୍ବାହୈର୍ନ ହଯୈର୍ନାପି ବାରଣୈଃ॥ 7-157-59 (51964)
ବିକ୍ଷିପ୍ତପକ୍ଷଚରଣବିବୃତାକ୍ଷେଣ କୂଜତା।
ଧ୍ବଜେନୋଚ୍ଛ୍ରିତଦଣ୍ଡେନ ଗୃଧ୍ରରାଜେନ ରାଜିତମ୍॥ 7-157-60 (51965)
ଲୋହିତାର୍ଦ୍ରପତାକଂ ତୁ ଆନ୍ତ୍ରମାଲାବିଭୂଷିତମ୍।
ଅଷ୍ଟଚକ୍ରସମାଯୁକ୍ତମାସ୍ଥାଯ ବିପୁଲଂ ରଥମ୍॥ 7-157-61 (51966)
ଶୂଲମୁଦ୍ଗରଧାରିଣ୍ଯା ଶୈଲପାଦପହସ୍ତଯା।
ରକ୍ଷସାଂ ଘୋରରୂପାଣାମକ୍ଷୌହିଣ୍ଯା ସମାବୃତଃ॥ 7-157-62 (51967)
ତମୁଦ୍ଯତମହାଚାପଂ ନିଶାମ୍ଯ ବ୍ଯଥିତା ନୃପାଃ।
ଯୁଗାନ୍ତକାଲସମଯେ ଦଣ୍ଡହସ୍ତମିବାନ୍ତକମ୍॥ 7-157-63 (51968)
ତତସ୍ତଂ ଗିରିଶୃଙ୍ଗାଭଂ ଭୀମରୂପଂ ଭଯାବହମ୍।
ଦଂଷ୍ଟ୍ରାକରାଲୋଗ୍ରମୁଖଂ ଶଙ୍କୁକର୍ଣଂ ମହାହନୁମ୍॥ 7-157-64 (51969)
ଊର୍ଧ୍ବକେଶଂ ବିରୂପାକ୍ଷଂ ଦୀପ୍ତାସ୍ଯଂ ନିମ୍ନିତୋଦରମ୍।
ମହାଶ୍ବଭ୍ରଗଲଦ୍ବାରଂ କିରୀଟଚ୍ଛନ୍ନମୂର୍ଧଜମ୍॥ 7-157-65 (51970)
ତ୍ରାସନଂ ସର୍ବଭୂତାନାଂ ବ୍ଯାତ୍ତାନନଭିବାନ୍ତକମ୍।
ବୀକ୍ଷ୍ଯ ଦୀପ୍ତମିବାଯାନ୍ତଂ ରିପୁବିକ୍ଷୋଭକାରିଣମ୍॥ 7-157-66 (51971)
ତମୁଦ୍ଯତମହାଚାପଂ ରାକ୍ଷସେନ୍ଦ୍ରଂ ଘଟୋତ୍କଚମ୍।
ଭଯାର୍ଦିତା ପ୍ରଚୁକ୍ଷୋଭ ପୁତ୍ରସ୍ଯ ତବ ବାହିନୀ।
ବାଯୁନା କ୍ଷୋଭିତାବର୍ତା ଗଙ୍ଗେବୋର୍ଧ୍ବତରଙ୍ଗିଣୀ॥ 7-157-67 (51972)
ଘଟୋତ୍କଚପ୍ରଯୁକ୍ତେନ ସିଂହନାଦେନ ଭୀଷିତାଃ।
ପ୍ରସୁସ୍ରୁବୁର୍ଗଜା ମୂତ୍ରଂ ବିବ୍ଯଥୁଶ୍ଚ ନରା ଭୃଶମ୍॥ 7-157-68 (51973)
ତତୋଽଶ୍ମବୃଷ୍ଟିରତ୍ଯର୍ଥମାସୀତ୍ତତ୍ର ସମନ୍ତତଃ।
ସନ୍ଧ୍ଯାକାଲାଧିକବଲୈଃ ପ୍ରଯୁକ୍ତା ରାକ୍ଷସୈଃ କ୍ଷିତୌ॥ 7-157-69 (51974)
ଆଯସାନି ଚ ଚକ୍ରାଣି ଭୁଶୁଣ୍ଡ୍ଯଃ ପ୍ରାସତୋମରାଃ।
ପତନ୍ତ୍ଯବିରତାଃ ଶୂଲାଃ ଶତଘ୍ନ୍ଯଃ ପଟ୍ଟସାସ୍ତଥା॥ 7-157-70 (51975)
ତଦୁଗ୍ରମତିରୌଦ୍ରଂ ଚ ଦୃଷ୍ଟ୍ବା ଯୁଦ୍ଧଂ ନରାଧିପାଃ।
ତନଯାସ୍ତବ କର୍ଣଶ୍ଚ ବ୍ଯଥିତାଃ ପ୍ରାଦ୍ରବନ୍ଦିଶଃ॥ 7-157-71 (51976)
ତତ୍ରୈକୋଽସ୍ତ୍ରବଲଶ୍ଲାଘୀ ଦ୍ରୌଣିର୍ମାନୀ ନ ବିବ୍ଯଥେ।
ବ୍ଯଧମଚ୍ଚ ଶରୈର୍ମାଯାଂ ଘଟୋତ୍କଚବିନିର୍ଭିତାମ୍॥ 7-157-72 (51977)
ବିହତାଯାଂ ତୁ ମାଯାଯାମମର୍ଷୀ ସ ଘଟୋତ୍କଚଃ।
ବିସସର୍ଜ ଶରାନ୍ଘୋରାଂସ୍ତେଽଶ୍ବତ୍ଥାମାନମାବିଶନ୍।
ଭୁଜଙ୍ଗା ଇବ ବେଗେନ ବଲ୍ମୀକଂ କ୍ରୋଧମୂର୍ଚ୍ଛିତାଃ॥ 7-157-73 (51978)
ତେ ଶରା ରୁଧିରାକ୍ତାଙ୍ଗା ଭିତ୍ତ୍ବା ଶାରଦ୍ବତୀସୁତମ୍।
ବିବିଶୁର୍ଧରଣୀଂ ଶୀଘ୍ରା ରୁକ୍ମପୁଙ୍ଖାଃ ଶିଲାଶିତାଃ॥ 7-157-74 (51979)
ଅଶ୍ବତ୍ଥାମା ତୁ ସଙ୍କ୍ରୁଦ୍ଧୋ ଲଘୁହସ୍ତଃ ପ୍ରତାପବାନ୍।
ଘଟୋତ୍କଚମଭିକ୍ରୁଦ୍ଧଂ ବିଭେଦ ଦଶଭିଃ ଶରୈଃ॥ 7-157-75 (51980)
ଘଟୋତ୍କଚୋଽତିବିଦ୍ଧସ୍ତୁ ଦ୍ରୋଣପୁତ୍ରେଣ ମର୍ମସୁ।
ଚକ୍ରଂ ଶତସହସ୍ରାରମଗୃହ୍ଣାଦ୍ବ୍ଯଥିତୋ ଭୃଶମ୍॥ 7-157-76 (51981)
କ୍ଷୁରାନ୍ତଂ ବାଲସୂର୍ଯାଭଂ ମଣିବଜ୍ରବିଭୂଷିତମ୍।
ଅଶ୍ବତ୍ଥାମ୍ନି ସ ଚିକ୍ଷେପ ଭୈମସେନିର୍ଜିଘାଂସଯା॥ 7-157-77 (51982)
ବେଗେନ ମହତା ଗଚ୍ଛଦ୍ବିକ୍ଷିପ୍ତଂ ଦ୍ରୌଣିନା ଶରୈଃ।
ଅଭାଗ୍ଯସ୍ଯେବ ସଙ୍କଲ୍ପସ୍ତନ୍ମୋଘମପତଦ୍ଭୁବି॥ 7-157-78 (51983)
ଘଟୋତ୍କଚସ୍ତତସ୍ତୂର୍ଣଂ ଦୃଷ୍ଟ୍ବା ଚକ୍ରଂ ନିପାତିତମ୍।
ଦ୍ରୌଣିଂ ପ୍ରାଚ୍ଛାଦଯଦ୍ବାଣୈଃ ସ୍ବର୍ଭାନୁରିବ ଭାସ୍କରମ୍॥ 7-157-79 (51984)
ଘଟୋତ୍କଚସୁତଃ ଶ୍ରୀମାନ୍ଭିନ୍ନାଞ୍ଜନଚଯୋପମଃ।
ରୁରୋଧ ଦ୍ରୌଣିମାଯାନ୍ତଂ ପ୍ରଭଞ୍ଜନମିବାଦ୍ରିରାଟ୍॥ 7-157-80 (51985)
ପୌତ୍ରେଣ ଭୀମସେନସ୍ଯ ଶରୈରଞ୍ଜନପର୍ବଣା।
ବଭୌ ମେଘେନ ଧାରାଭିର୍ଗିରିର୍ମେରୁରିବାବୃତଃ॥ 7-157-81 (51986)
ଅଶ୍ବତ୍ଥାମା ତ୍ବସମ୍ଭ୍ରାନ୍ତୋ ରୁଦ୍ରୋପେନ୍ଦ୍ରେନ୍ଦ୍ରବିକ୍ରମଃ।
ଧ୍ବଜମେକେନ ବାଣେନ ଚିଚ୍ଛେଦାଞ୍ଜନପର୍ବଣଃ॥ 7-157-82 (51987)
ଦ୍ବାଭ୍ଯାଂ ତୁ ରଥଯନ୍ତାରୌ ତ୍ରିଭିଶ୍ଚାସ୍ଯ ତ୍ରିବେଣୁକମ୍।
ଧନୁରେକେନ ଚିଚ୍ଛେଦ ଚତୁର୍ଭିଶ୍ଚତୁରୋ ହଯାନ୍॥ 7-157-83 (51988)
ବିରଥସ୍ଯୋଦ୍ଯତଂ ହସ୍ତାଦ୍ଧେମବିନ୍ଦୁଭିରାଚିତମ୍।
ବିଶିଖେନ ସତୀକ୍ଷ୍ଣେନ ଖଙ୍ଗମସ୍ଯ ଦ୍ବିଧାଽକରୋତ୍॥ 7-157-84 (51989)
ଗଦା ହେମାଙ୍ଗଦା ରାଜଂସ୍ତୂର୍ଣଂ ହୈଡିମ୍ବିସୂନୁନା।
ଭ୍ରାମ୍ଯୋତ୍କ୍ଷିପ୍ତାଶରୈଃସାପି ଦ୍ରୌଣିନାଭ୍ଯାହତାଽପତତ୍॥ 7-157-85 (51990)
ତତୋଽନ୍ତରିକ୍ଷମୁତ୍ପ୍ଲୁତ୍ଯ କାଲମେଘ ଇବୋନ୍ନଦନ୍।
ବବର୍ଷାଞ୍ଜନପର୍ବା ସ ଦ୍ରୁମବର୍ଷଂ ନଭସ୍ତଲାତ୍॥ 7-157-86 (51991)
ତତୋ ମାଯାଧରଂ ଦ୍ରୌଣିର୍ଘଟୋତ୍କଚସୁତଂ ଦିବି।
ମାର୍ଗଣୈରଭିବିବ୍ଯାଧ ଧନଂ ସୂର୍ଯ ଇବାଂଶୁଭିଃ॥ 7-157-87 (51992)
ସୋଽବତୀର୍ଯ ପୁରସ୍ତସ୍ଥୌ ରଥେ ହେମବିଭୂଷିତେ।
ମହୀଗତ ଇବାତ୍ଯୁଗ୍ରଃ ଶ୍ରୀମାନଞ୍ଜନପର୍ବତଃ॥ 7-157-88 (51993)
ତମଯସ୍ମଯବର୍ମାଣଂ ଦ୍ରୌଣିର୍ଭୀମାତ୍ମଜାତ୍ମଜମ୍।
ଜଘାନାଞ୍ଜନପର୍ବାଣଂ ମହେଶ୍ବର ଇବାନ୍ଧକମ୍॥ 7-157-89 (51994)
ଅଥ ଦୃଷ୍ଟ୍ବା ହତଂ ପୁତ୍ରମଶ୍ବତ୍ଥାମ୍ନା ମହାବଲମ୍।
ଦ୍ରୌଣେଃ ସକାଶମଭ୍ଯେତ୍ଯ ରୋଷାତ୍ପ୍ରସ୍ଫୁରିତାଧରଃ॥ 7-157-90 (51995)
ପ୍ରାହ ବାକ୍ଯମସମ୍ଭ୍ରାନ୍ତୋ ବୀରଂ ଶାରଦ୍ବତୀସୁତମ୍।
ଦହନ୍ତଂ ପାଣ୍ଡବାନୀକଂ ବନମଗ୍ନିମିବୋଚ୍ଛ୍ରିତମ୍॥ 7-157-91 (51996)
ଘଟୋତ୍କଚ ଉବାଚ। 7-157-92x (4682)
ତିଷ୍ଠତିଷ୍ଠ ନ ମେ ଜୀବନ୍ଦ୍ରୋଣପୁତ୍ର ଗମିଷ୍ଯସି।
ତ୍ବାମଦ୍ଯ ନିହନିଷ୍ଯାମି କ୍ରୌଞ୍ଚମଗ୍ନିସୁତୋ ଯଥା॥ 7-157-92 (51997)
ଅଶ୍ବତ୍ଥାମୋବାଚ। 7-157-93x (4683)
ଗଚ୍ଛ ବତ୍ସ ସହାନ୍ଯୈସ୍ତ୍ବଂ ଯୁଧ୍ଯସ୍ବାମରବିକ୍ରମ।
ନ ହି ପୁତ୍ରେଣ ହୈଡିମ୍ବ ପିତା ନ୍ଯାଯ୍ଯଃ ପ୍ରବାଧିତୁମ୍॥ 7-157-93 (51998)
କାମଂ ଖଲୁ ନ ରୋଷୋ ମେ ହୈଡିମ୍ବେ ବିଦ୍ଯତେ ତ୍ବଯି।
କିଂ ତୁ ରୋଷାନ୍ବିତୋ ଜନ୍ତୁର୍ହନ୍ଯାଦାତ୍ମାନମପ୍ଯୁତ॥ 7-157-94 (51999)
ସଞ୍ଜଯ ଉବାଚ। 7-157-95x (4684)
ଶ୍ରୁତ୍ବୈତତ୍କ୍ରୋଧତାମ୍ରାକ୍ଷଃ ପୁତ୍ରଶୋକସମନ୍ବିତଃ।
ଅଶ୍ବତ୍ଥାମାନମାଯସ୍ତୋ ଭୈମସେନିରଭାଷତ॥ 7-157-95 (52000)
କିମହଂ କାତରୋ ଦ୍ରୌଣେ ପୃଥଗ୍ଜନ ଇବାହବେ॥
ଯନ୍ମାଂ ଭୀଷଯସେ ବାଗ୍ଭିରସଦେତଦ୍ବଚସ୍ତବ॥ 7-157-96 (52001)
ଭୀମାତ୍ଖଲୁ ସମୁତ୍ପନ୍ନଃ କୁରୂଣାଂ ବିପୁଲେ କୁଲେ।
ପାଣ୍ଡବାନାମହଂ ପୁତ୍ରଃ ସମରେଷ୍ବନିବର୍ତିନାମ୍॥ 7-157-97 (52002)
ରକ୍ଷସାମଧିରାଜୋଽହଂ ଦଶଗ୍ରୀବସମୋ ବଲେ।
ତିଷ୍ଠତିଷ୍ଠ ନ ମେ ଜୀବନ୍ଦ୍ରୋଣପୁତ୍ର ଗମିଷ୍ଯସି॥ 7-157-98 (52003)
ଯୁଦ୍ଧଶ୍ରଦ୍ଧାମହଂ ତେଽଦ୍ଯ ବିନେଷ୍ଯାମି ରଣାଜିରେ॥ 7-157-99 (52004)
ଇତ୍ଯୁକ୍ତ୍ବା କ୍ରୋଧତାମ୍ରାକ୍ଷୋ ରାକ୍ଷସଃ ସୁମହାବଲଃ।
ଦ୍ରୌଣିମଭ୍ଯଦ୍ରବତ୍କ୍ରୁଦ୍ଧୋ ଗଜେନ୍ଦ୍ରମିବ କେସରୀ॥ 7-157-100 (52005)
ରଥାକ୍ଷମାତ୍ରୈରିଷୁଭିରଭ୍ଯବର୍ଷଦ୍ଧଟୋତ୍କଚଃ।
ରଥିନାମୃଷଭଂ ଦ୍ରୌଣିଂ ଧାରାଭିରିବ ତୋଯଦଃ॥ 7-157-101 (52006)
ଶରବୃଷ୍ଟିଂ ଶରୈର୍ଦ୍ରୌଣିରପ୍ରାପ୍ତାଂ ତାଂ ବ୍ଯଶାତଯତ୍।
ତତୋନ୍ତରିକ୍ଷେ ବାଣାନାଂ ସଙ୍ଗ୍ରାମୋଽନ୍ଯ ଇବାଭବତ୍॥ 7-157-102 (52007)
ଅଥାସ୍ତ୍ରସମ୍ମର୍ଦକୃତୈର୍ବିସ୍ଫୁଲିଙ୍ଗୈସ୍ତଦା ବଭୌ।
ବିଭାବରୀମୁଖେ ବ୍ଯୋମ ଖଦ୍ଯୋତୈରିବ ଚିତ୍ରିତମ୍॥ 7-157-103 (52008)
ନିଶାମ୍ଯ ନିହତାଂ ମାଯାଂ ଦ୍ରୌଣିନା ରଣମାନିନା।
ଘଟୋତ୍କଚସ୍ତତୋ ମାଯାଂ ସସର୍ଜାନ୍ତର୍ହିତଃ ପୁନଃ॥ 7-157-104 (52009)
ସୋଽଭବଦ୍ଗିରିରତ୍ଯୁଚ୍ଚଃ ଶିଖରୈସ୍ତରୁସଙ୍କଟୈଃ।
ଶୂଲପ୍ରାସାସିମୁସଲଜଲପ୍ରସ୍ରବଣୋ ମହାନ୍॥ 7-157-105 (52010)
ତମଞ୍ଜନଗିରିପ୍ରଖ୍ଯଂ ଦ୍ରୌଣିର୍ଦୃଷ୍ଟ୍ବା ମହୀଧରମ୍।
ପ୍ରପତଦ୍ଭିଶ୍ଚ ବହୁଭିଃ ଶସ୍ତ୍ରସଙ୍ଘୈର୍ନ ବିବ୍ଯଥେ॥ 7-157-106 (52011)
ତତୋ ହସନ୍ନିବ ଦ୍ରୌଣିର୍ବଜ୍ରମସ୍ତ୍ରମୁଦୈରଯତ୍।
ସ ତେ ନାସ୍ତ୍ରୈଣ ଶୈଲେନ୍ଦ୍ରଃ କ୍ଷିପ୍ତଃ କ୍ଷିପ୍ରଂ ବ୍ଯନଶ୍ଯତ॥ 7-157-107 (52012)
ତତଃ ସ ତୋଯଦୋ ଭୂତ୍ବା ନୀଲଃ ସେନ୍ଦ୍ରାଯୁଧୋ ଦିବି।
ଅଶ୍ମବୃଷ୍ଟିଭିରତ୍ଯୁଗ୍ରୋ ଦ୍ରୌଣିମାଚ୍ଛାଦଯଦ୍ରଣେ॥ 7-157-108 (52013)
ଅଥ ସନ୍ଧାଯ ବାଯବ୍ଯମସ୍ତ୍ରମସ୍ତ୍ରବିଦାଂ ବରଃ।
ବ୍ଯଧମଦ୍ଦ୍ରୋଣତନଯୋ ନୀଲମେଘଂ ସମୁତ୍ଥିତମ୍॥ 7-157-109 (52014)
ସ ମାର୍ଗଣଗଣୈର୍ଦ୍ରୌଣିର୍ଦିଶଃ ପ୍ରଚ୍ଛାଦ୍ଯ ସର୍ବଶଃ।
ଶତଂ ରଥସହସ୍ରାଣାଂ ଜଘାନ ଦ୍ବିପଦାଂ ବରଃ॥ 7-157-110 (52015)
ସ ଦୃଷ୍ଟ୍ବା ପୁନରାଯାନ୍ତଂ ରଥେନାଯତକାର୍ମୁକମ୍।
ଘଟୋତ୍କଚମସମ୍ଭ୍ରାନ୍ତଂ ରାକ୍ଷସୈର୍ବହୁଭିର୍ବୃତମ୍॥ 7-157-111 (52016)
ସିଂହଶାର୍ଦୂଲସଦୃଶୈର୍ମତ୍ତଦ୍ବିରଦବିକ୍ରମୈଃ।
ଗଜସ୍ଥୈଶ୍ଚ ରଥସ୍ଥୈଶ୍ଚ ବାଜିପୃଷ୍ଠଗତୈରପି॥ 7-157-112 (52017)
ବିକୃତାସ୍ଯଶିରୋଗ୍ରୀବୈର୍ହିଡିମ୍ବାନୁଚରୈଃ ସହ।
ପୌଲସ୍ତ୍ଯୈର୍ଯାତୁଧାନୈଶ୍ଚ ତାମସୈଶ୍ଚେନ୍ଦ୍ରବିକ୍ରମୈଃ॥ 7-157-113 (52018)
ନାନାଶସ୍ତ୍ରଧରୈର୍ବୀରୈର୍ନାନାକବଚଭୂଷଣୈଃ।
ମହାବଲୈର୍ଭୀମରବୈଃ ସଂରମ୍ଭୋଦ୍ବୃତ୍ତଲୋଚନୈଃ॥ 7-157-114 (52019)
ଉପସ୍ଥିତୈସ୍ତତୋ ଯୁଦ୍ଧେ ରାକ୍ଷସୈର୍ଯୁଦ୍ଧଦୁର୍ମଦୈଃ।
ବିଷଣ୍ଣମଭିସମ୍ପ୍ରେକ୍ଷ୍ଯ ପୁତ୍ରଂ ତେ ଦ୍ରୌଣିରବ୍ରବୀତ୍॥ 7-157-115 (52020)
ତିଷ୍ଠ ଦୁର୍ଯୋଧନାଦ୍ଯ ତ୍ବଂ ନ କାର୍ଯଃ ସମ୍ଭ୍ରମସ୍ତ୍ବଯା।
ସହୈଭିର୍ଭ୍ରାତୃଭିର୍ବୀରୈଃ ପାର୍ଥିବୈଶ୍ଚେନ୍ଦ୍ରବିକ୍ରମୈଃ॥ 7-157-116 (52021)
ନିହନିଷ୍ଯାମ୍ଯମିତ୍ରାଂସ୍ତ ନ ତବାସ୍ତି ପରାଜଯଃ।
ସତ୍ଯଂ ତେ ପ୍ରତିଜାନାମି ପର୍ଯାଶ୍ବାସଯ ବାହିନୀମ୍॥ 7-157-117 (52022)
ଦୁର୍ଯୋଧନ ଉବାଚ 7-157-118x (4685)
ନ ତ୍ବେତଦଦ୍ଭୁତଂ ମନ୍ଯେ ଯତ୍ତେ ମହଦିଦଂ ମନଃ।
ଅସ୍ମାସୁ ଚ ପରା ଭକ୍ତିସ୍ତବ ଗୌତମିନନ୍ଦନ॥ 7-157-118 (52023)
ସଞ୍ଜଯ ଉବାଚ। 7-157-119x (4686)
ଅଶ୍ବତ୍ଥାମାନମୁକ୍ତ୍ବୈବଂ ତତଃ ସୌବଲମବ୍ରବୀତ୍।
ବୃତଂ ରଥସହସ୍ରେଣ ହଯାନାଂ ରଣଶୋଭିନାମ୍॥ 7-157-119 (52024)
ଷଷ୍ଟ୍ଯା ରଥସହସ୍ରୈଶ୍ଚ ପ୍ରଯାହି ତ୍ବଂ ଧନଞ୍ଜଯମ୍।
କର୍ଣଶ୍ଚ ବୃଷସେନଶ୍ଚ କୃପୋ ନୀଲସ୍ତଥୈବ ଚ॥ 7-157-120 (52025)
ଉଦୀଚ୍ଯାଃ କୃତବର୍ମା ଚ ପୁରୁମିତ୍ରଃ ସୁତାପନଃ।
ଦୁଃଶାସନୋ ନିକୁମ୍ଭଶ୍ଚ କୁଣ୍ଡଭେଦୀ ପରାକ୍ରମଃ॥ 7-157-121 (52026)
ପୂରଞ୍ଜଯୋ ଦୃଢରଥଃ ପତାକୀ ହେମକମ୍ପନଃ।
ଶଲ୍ଯାରୁଣୀନ୍ଦ୍ରସେନାଶ୍ଚ ସଞ୍ଜଯୋ ବିଜଯୋ ଜଯଃ॥ 7-157-122 (52027)
କମଲାକ୍ଷଃ ପରକ୍ରାଥୀ ଜଯବର୍ମା ସୁଦର୍ଶନଃ।
ଏତେ ତ୍ବାମନୁଯାସ୍ଯନ୍ତି ପତ୍ତୀନାମଯୁତାନି ଷଟ୍॥ 7-157-123 (52028)
ଜହି ଭୀମଂ ଯମୌ ଚୋଭୌ ଧର୍ମରାଜଂ ଚ ମାତୁଲ।
ଅସୁରାନିବ ଦେବେନ୍ଦ୍ରୋ ଜଯାଶା ମେ ତ୍ବଯି ସ୍ଥିତା॥ 7-157-124 (52029)
ଦାରିତାନ୍ଦ୍ରୌଣିନା ବାଣୈର୍ଭୃଶଂ ବିକ୍ଷତବିଗ୍ରହାନ୍।
ଜହି ମାତୁଲ କୌନ୍ତେଯାନସୁରାନିବ ପାବକିଃ॥ 7-157-125 (52030)
ସଞ୍ଜଯ ଉବାଚ। 7-157-126x (4687)
ଏବମୁକ୍ତୋ ଯଯୌ ଶୀଘ୍ରଂ ପୁତ୍ରେଣ ତବ ସୌବଲଃ।
ପିପ୍ରୀଷୁସ୍ତେ ସୁତାନ୍ରାଜନ୍ଦିଧକ୍ଷୁଶ୍ଚୈବ ପାଣ୍ଡବାନ୍॥ 7-157-126 (52031)
ଅଥ ପ୍ରବବୃତେ ଯୁଦ୍ଧଂ ଦ୍ରୌଣିରାକ୍ଷସଯୋର୍ମୃଧେ।
ବିଭାବର୍ଯାଂ ସୁତୁମୁଲଂ ଶକ୍ରପ୍ରହ୍ଲାଦଯୋରିବ॥ 7-157-127 (52032)
ତତୋ ଘଟୋତ୍କଚୋ ବାଣୈର୍ଦଶଭିର୍ଗୌତମୀସୁତମ୍।
ଜଘାନୋରସି ସଙ୍କ୍ରୁଦ୍ଧୌ ବିଷାଗ୍ନିପ୍ରତିମୈର୍ଦୃଢୈଃ॥ 7-157-128 (52033)
ସ ତୈରଭ୍ଯାହତୋ ଗାଢଂ ଶରୈର୍ଭୀମସୁତେରିତୈଃ।
ଚଚାଲ ରଥମଧ୍ଯସ୍ଥୋ ବାତୋଦ୍ଧୂତ ଇବ ଦ୍ରୁମଃ॥ 7-157-129 (52034)
ଭୂଯଶ୍ଚାଞ୍ଜଲିକେନାଥ ମାର୍ଗଣେନ ମହାପ୍ରଭମ୍।
ଦ୍ରୌଣିହସ୍ତସ୍ଥିତଂ ଚାପଂ ଚିଚ୍ଛେଦାଶୁ ଘଟୋତ୍କଚଃ॥ 7-157-130 (52035)
ତତୋଽନ୍ଯଦ୍ଦ୍ରୌଣିରାଦଯ ଧନୁର୍ଭାରସହଂ ମହତ୍।
ବବର୍ଷ ବିଶିଖାଂସ୍ତୀକ୍ଷ୍ଣାନ୍ବାରିଧାରା ଇବାମ୍ବୁଦଃ॥ 7-157-131 (52036)
ତତଃ ଶାରଦ୍ବତୀପୁତ୍ରଃ ପ୍ରେଷଯାମାସ ଭାରତ।
ସୁବର୍ଣପୁଙ୍ଖାଞ୍ଛତ୍ରୁଘ୍ନାନ୍ଖଚରାନ୍ଖଚରଂ ପ୍ରତି॥ 7-157-132 (52037)
ତଦ୍ବାଣୈରର୍ଦିତଂ ଯୂଥଂ ରକ୍ଷସାଂ ପୀନବକ୍ଷସାମ୍।
ସିଂହୈରିବ ବଭୌ ମତ୍ତଂ ଗଜାନାମାକୁଲଂ କୁଲମ୍॥ 7-157-133 (52038)
ବିଧମ୍ଯ ରାକ୍ଷସାନ୍ବାଣୈଃ ସାଶ୍ବସୂତରଥଦ୍ବିପାନ୍।
ଦଦାହ ଭଗବାନ୍ବହ୍ନିର୍ଭୂତାନୀବ ଯୁଗକ୍ଷଯେ॥ 7-157-134 (52039)
ସ ଦଗ୍ଧ୍ବାଽକ୍ଷୌହିଣୀଂ ବାମୈର୍ନୈର୍ଋତୀଂ ରୁରୁଚେ ନୃପ।
ପୁରେବ ତ୍ରିପୁରଂ ଦଗ୍ଧ୍ବା ଦିବି ଦେବୋ ମହେଶ୍ବରଃ॥ 7-157-135 (52040)
ଯୁଗାନ୍ତେ ସର୍ବଭୂତାନି ଦଗ୍ଧ୍ବେବ ବସୁରୁଲ୍ବଣଃ।
ରରାଜ ଜଯତାଂ ଶ୍ରେଷ୍ଠୋ ଦ୍ରୋଣପୁତ୍ରସ୍ତବାହିତାନ୍॥ 7-157-136 (52041)
ତତୋ ଘଟୋତ୍କଚଃ କ୍ରୁଦ୍ଧୋ ରକ୍ଷସାଂ ଭୀମକର୍ମଣାମ୍।
ଦ୍ରୌଣିଂ ହତେତି ମହତୀଂ ଚୋଦଯାମାସ ତାଂ ଚମୂମ୍॥ 7-157-137 (52042)
ଘଟୋତ୍କଚସ୍ଯ ତାମାଜ୍ଞାଂ ପ୍ରତିଗୃହ୍ଯାଥ ରାକ୍ଷସାଃ।
ଦଂଷ୍ଟ୍ରୋଜ୍ଜ୍ବଲା ମହାବକ୍ତ୍ରା ଘୋରରୂପା ଭଯାନକାଃ॥ 7-157-138 (52043)
ବ୍ଯାତ୍ତାନନା ଘୋରଜିହ୍ବାଃ କ୍ରୋଧତାମ୍ରେକ୍ଷଣା ଭୃଶମ୍।
ସିଂହନାଦେନ ମହତା ନାଦଯନ୍ତୋ ବସୁନ୍ଧରାମ୍॥ 7-157-139 (52044)
ହନ୍ତୁମଭ୍ଯଦ୍ରବନ୍ଦ୍ରୌଣିଂ ନାନାପ୍ରହରଣାଯୁଧାଃ।
ଶକ୍ତୀଃ ଶତଘ୍ନୀଃ ପରିଘାନଶନୀଃ ଶୂଲପଟ୍ଟଶାନ୍॥ 7-157-140 (52045)
ଖଙ୍ଗାନ୍ଗଦାଭିଣ୍ଡିପାଲାନ୍ମୁସଲାନି ପରଶ୍ବଥାନ୍।
ପ୍ରାସାନସୀଂସ୍ତୋମରାଂଶ୍ଚ କଣପାନ୍କମ୍ପନାଞ୍ଛିତାନ୍॥ 7-157-141 (52046)
ସ୍ଥୂଲାନ୍ଭୁଶୁଣ୍ଡ୍ଯଶ୍ମଗଦାସ୍ଥୂଣାନ୍କାର୍ଷ୍ଣ୍ଯାଯସାଂସ୍ତଥା।
ମୁଦ୍ଗରାଁଶ୍ଚ ମହାଘୋରାନ୍ସମରେ ଶତ୍ରୁଦାରଣାନ୍॥ 7-157-142 (52047)
ଦ୍ରୌଣିମୂର୍ଧନ୍ଯସନ୍ତ୍ରସ୍ତା ରାକ୍ଷସା ଭୀମବିକ୍ରମାଃ।
ଚିକ୍ଷିପୁଃ କ୍ରୋଧତାମ୍ରାକ୍ଷାଃ ଶତଶୋଽଥ ସହସ୍ରଶଃ॥ 7-157-143 (52048)
ତଚ୍ଛସ୍ତ୍ରବର୍ଷଂ ସୁମହଦ୍ଦ୍ରୋଣପୁତ୍ରସ୍ଯ ମୂର୍ଧନି।
ପତମାନଂ ସମୀକ୍ଷ୍ଯାଽଥ ଯୋଧାସ୍ତେ ବ୍ଯଥିତାଽଭବନ୍॥ 7-157-144 (52049)
ଦ୍ରୋଣପୁତ୍ରସ୍ତୁ ବିକ୍ରାନ୍ତସ୍ତଦ୍ବର୍ଷଂ ଘୋରମୁଚ୍ଛ୍ରିତମ୍।
ଶରୈର୍ବିଧ୍ବଂସଯାମାସ ବଜ୍ରକଲ୍ପୈଃ ଶିଲାଶିତୈଃ॥ 7-157-145 (52050)
ତତୋଽନ୍ଯୈର୍ବିଶିଖୈସ୍ତୂର୍ଣଂ ସ୍ବର୍ଣପୁଙ୍ଖୈର୍ମହାମନାଃ।
ନିଜଘ୍ନେ ରାକ୍ଷସାନ୍ଦ୍ରୌଣିର୍ଦିବ୍ଯାସ୍ତ୍ରପ୍ରତିମନ୍ତ୍ରିତୈଃ॥ 7-157-146 (52051)
ତଦ୍ବାଣୈରର୍ଦିତଂ ଯୂଥଂ ରକ୍ଷସାଂ ପୀନବକ୍ଷସାମ୍।
ସିଂହୈରିବ ବଭୌ ମତ୍ତଂ ଗଜାନାମାକୁଲଂ କୁଲମ୍॥ 7-157-147 (52052)
ତେ ରାକ୍ଷସାଃ ସୁସଙ୍କ୍ରୁଦ୍ଧା ଦ୍ରୋଣପୁତ୍ରେଣ ତାଡିତାଃ।
କ୍ରୁଦ୍ଧାଃ ସ୍ମ ପ୍ରାଦ୍ରବନ୍ଦ୍ରୌଣିଂ ଜିଘାଂସନ୍ତୋ ମହାବଲଃ॥ 7-157-148 (52053)
ତତ୍ରାଦ୍ଭୁତମିମଂ ଦ୍ରୌଣିର୍ଦର୍ଶଯାମାସ ବିକ୍ରମମ୍।
ଅଶକ୍ଯଂ କର୍ତୁମନ୍ଯେନ ସର୍ବଭୂତେଷୁ ଭାରତ॥ 7-157-149 (52054)
ଯଦେକୋ ରାକ୍ଷସୀଂ ସେନାଂ କ୍ଷଣାଦ୍ଦ୍ରୌଣିର୍ମହାସ୍ତ୍ରବିତ୍।
ଦଦାହ ଜ୍ବଲିତୈର୍ବାଣୈ ରାକ୍ଷସେନ୍ଦ୍ରସ୍ଯ ପଶ୍ଯତଃ॥ 7-157-150 (52055)
ସ ହତ୍ବା ରାକ୍ଷସାନୀକଂ ରରାଜ ଦ୍ରୌଣିରାହବେ।
ଯୁଗାନ୍ତେ ସର୍ବଭୂତାନି ସଂବର୍ତକ ଇବାନଲଃ॥ 7-157-151 (52056)
ତଂ ଦହନ୍ତମନୀକାନି ଶରୈରାଶୀବିଷୋପମୈଃ।
ତେଷୁ ରାଜସହସ୍ରେଷୁ ପାଣ୍ଡବେଯେଷୁ ଭାରତ॥ 7-157-152 (52057)
ନୈନଂ ନିରୀକ୍ଷିତୁଂ କଶ୍ଚିଦଶକ୍ନୋଦ୍ଦ୍ରୌଣିମାହବେ।
ଋତେ ଘଟୋତ୍କଚାଦ୍ବୀରାଦ୍ରାକ୍ଷସେନ୍ଦ୍ରାନ୍ମହାବଲାତ୍॥ 7-157-153 (52058)
ସ ପୁନର୍ଭରତଶ୍ରେଷ୍ଠ କ୍ରୋଧାଦୁଦ୍ଧାନ୍ତଲୋଚନଃ।
ତଲଂ ତଲେନ ସଂହତ୍ଯ ସନ୍ଦଶ୍ଯ ଦଶନଚ୍ଛଦମ୍॥ 7-157-154 (52059)
ସ୍ବ ସୂତମବ୍ରବୀତ୍କ୍ରୁଦ୍ଧୋ ଦ୍ରୋଣପୁତ୍ରାଯ ମାଂ ବହ।
ସ ଯଯୌ ଘୋରରୂପେଣ ସୁପତାକେନ ଭାସ୍ବତା॥ 7-157-155 (52060)
ଦ୍ବୈରଥଂ ଦ୍ରୋଣପୁତ୍ରେଣ ପୁନରପ୍ଯରିସୂଦନଃ।
ସ ବିନଦ୍ଯ ମହାନାଦଂ ସିଂହବଦ୍ଭୀମବିକ୍ରମଃ॥ 7-157-156 (52061)
ଚିକ୍ଷେପାବିଦ୍ଧ୍ଯ ସଙ୍ଗ୍ରାମେ ଦ୍ରୋଣପୁତ୍ରାଯ ରାକ୍ଷସଃ।
ଅଷ୍ଟଘଣ୍ଟାଂ ମହାଘୋରାମଶନିଂ ଦେବନିର୍ମିତାମ୍॥ 7-157-157 (52062)
ତାମବପ୍ଲୁତ୍ଯ ଜଗ୍ରାହ ଦ୍ରୌଣିର୍ନ୍ଯସ୍ଯ ରଥେ ଧନୁଃ।
ଚିକ୍ଷେପ ଚୈନାଂ ତସ୍ଯୈବ ସ୍ଯନ୍ଦନାତ୍ସୋଽବପ୍ଲୁପ୍ଲୁବେ॥ 7-157-158 (52063)
ସାଶ୍ବସୂତଧ୍ବଜଂ ଯାନଂ ଭସ୍ମ କୃତ୍ବା ମହାପ୍ରଭା।
ବିବେଶ ବସୁଧାଂ ଭିତ୍ତ୍ବା ସାଽଶନିର୍ଭୃଶଦାରୁଣା॥ 7-157-159 (52064)
ଦ୍ରୌଣେସ୍ତତ୍କର୍ମ ଦୃଷ୍ଟ୍ବା ତୁ ସର୍ବଭୂତାନ୍ଯପୂଜଯନ୍।
ଯଦପ୍ଲୁତ୍ଯ ଜଗ୍ରାହ ଘୋରାଂ ଶଙ୍କରନିର୍ମିତାମ୍॥ 7-157-160 (52065)
ଧୃଷ୍ଟଦ୍ଯୁମ୍ନରଥଂ ଗତ୍ବା ଭୈମସେନିସ୍ତତୋ ନୃପ।
ଧନୁର୍ଘୋରଂ ସମାଦାଯ ମହଦିନ୍ଦ୍ରାଯୁଧୋପମମ୍।
ମୁମୋଚ ନିଶିତାନ୍ବାଣାନ୍ପୁନର୍ଦ୍ରୌଣେର୍ମହୋରସି॥ 7-157-161 (52066)
ଧୃଷ୍ଟଦ୍ଯୁମ୍ନସ୍ତ୍ବସମ୍ଭ୍ରାନ୍ତୋ ମୁମୋଚାଶୀବିଷୋପମାନ୍।
ସୁବର୍ଣପୁଙ୍ଖାନ୍ବିଶିଖାନ୍ଦ୍ରୋଣପୁତ୍ରସ୍ଯ ବକ୍ଷସି॥ 7-157-162 (52067)
ତତୋ ମୁମୋଚ ନାରାଚାନ୍ଦ୍ରୌଣିସ୍ତାଂଶ୍ଚ ସହସ୍ରଶଃ।
ତାବପ୍ଯଗ୍ନିଶିଖପ୍ରଖ୍ଯୈର୍ଜୁଘ୍ନତୁସ୍ତସ୍ଯ ମାର୍ଗଣାନ୍॥ 7-157-163 (52068)
ଅତିତୀବ୍ରଂ ମହଦ୍ଯୁଦ୍ଧଂ ତଯୋଃ ପୁରୁଷସିଂହଯୋଃ।
ଯୋଧାନଂ ପ୍ରୀତିଜନନଂ ଦ୍ରୌଣେଶ୍ଚ ଭରତର୍ଷଭ॥ 7-157-164 (52069)
ତତୋ ରଥସହସ୍ରେଣ ଦ୍ବିରଦାନାଂ ଶତୈସ୍ତ୍ରିଭିଃ।
ଷଡ୍ଭିର୍ବାଜିସହସ୍ରୈଶ୍ଚ ଭୀମସ୍ତଂ ଦେଶମାଗମତ୍॥ 7-157-165 (52070)
ତତୋ ଭୀମାତ୍ମଜଂ ରକ୍ଷୋ ଧୃଷ୍ଟଦ୍ଯୁମ୍ନଂ ଚ ସାନୁଗମ୍।
ଅଯୋଧଯତ ଧର୍ମାତ୍ମା ଦ୍ରୌଣିରକ୍ଲିଷ୍ଟବିକ୍ରମଃ॥ 7-157-166 (52071)
ତତ୍ରାଦ୍ଭୁତତମଂ ଦ୍ରୌଣିର୍ଦର୍ଶଯାମାସ ବିକ୍ରମମ୍।
ଅଶକ୍ଯଂ କର୍ତୁମନ୍ଯେନ ସର୍ବଭୂତେଷୁ ଭାରତ॥ 7-157-167 (52072)
ନିମେଷାନ୍ତରମାତ୍ରେଣ ସାଶ୍ବସୂତରଥଦ୍ବିପାମ୍।
ଅକ୍ଷୌହିଣୀଂ ରାକ୍ଷସାନାଂ ଶିତୈର୍ବାଣୈରଶାତଯତ୍॥ 7-157-168 (52073)
ମିଷତୋ ଭୀମସେନସ୍ଯ ହୈଡିମ୍ବେଃ ପାର୍ଷତସ୍ଯ ଚ।
ଯମଯୋର୍ଧର୍ମପୁତ୍ରସ୍ଯ ବିଜଯସ୍ଯାଚ୍ଯୁତସ୍ଯ ଚ॥ 7-157-169 (52074)
ପ୍ରଗାଢମଞ୍ଜୋଗତିଭିର୍ନାରାଚୈରଭିତାଡିତାଃ।
ନିପେତୁର୍ଦ୍ବିରଦା ଭୂମୌ ସଶୃଙ୍ଗା ଇବ ପର୍ବତାଃ॥ 7-157-170 (52075)
ନିକୃତ୍ତୈର୍ହସ୍ତିହସ୍ତୈଶ୍ଚ ବିଚଲଦ୍ଭିରିତସ୍ତତଃ।
ରରାଜ ବସୁଧା କୀର୍ଣା ବିସର୍ପଦ୍ଭିରିବୋରଗୈଃ॥ 7-157-171 (52076)
କ୍ଷିପ୍ତୈଃ କାଞ୍ଚନଦଣ୍ଡୈଶ୍ଚ ନୃପଚ୍ଛତ୍ରୈଃ କ୍ଷିତିର୍ବଭୌ।
ଦ୍ଯୌରିବୋଦିତଚନ୍ଦ୍ରାର୍କା ଗ୍ରହାକୀର୍ଣା ଯୁଗକ୍ଷଯେ॥ 7-157-172 (52077)
ପ୍ରବୃଦ୍ଧଧ୍ବଜମଣ୍ଡୂକାଂ ଭେରୀବିସ୍ତୀର୍ଣକଚ୍ଛପାମ୍॥
ଛତ୍ରହଂସାବଲୀଜୁଷ୍ଟାଂ ଫେନଚାମରମାଲିନୀମ୍॥ 7-157-173 (52078)
କଙ୍କଗୃଘ୍ରମହାଗ୍ରାହାଂ ନୈକାଯୁଧଝଷାକୁଲାମ୍।
ବିସ୍ତୀର୍ଣଗଜପାଷାଣାଂ ହତାଶ୍ବମକରାକୁଲାମ୍॥ 7-157-174 (52079)
ରଥକ୍ଷିପ୍ତମହାବପ୍ରାଂ ପତାକାରୁଚିରଦ୍ରୁମାମ୍।
ଶରମୀନାଂ ମହାରୌଦ୍ରାଂ ପ୍ରାସଶକ୍ତ୍ଯୃଷ୍ଟିଡୁଣ୍ଡୁଭାମ୍॥ 7-157-175 (52080)
ମଜ୍ଜାମାଂସମହାପଙ୍କାଂ କବନ୍ଧାବର୍ଜିତୋଡୁପାମ୍।
କେଶଶୈବଲକଲ୍ମାଷାଂ ଭୀରୂଣାଂ କଶ୍ମଲାବହାମ୍॥ 7-157-176 (52081)
ନାଗେନ୍ଦ୍ରହଯଯୋଧାନାଂ ଶରୀରବ୍ଯଯସମ୍ଭବାମ୍।
ଶୋଣିତୌଘମହାଘୋରାଂ ଦ୍ରୌଣିଃ ପ୍ରାବର୍ତଯନ୍ନଦୀମ୍॥ 7-157-177 (52082)
ଯୋଧାର୍ତରବନିର୍ଘୋଷାଂ କ୍ଷତଜୋର୍ମିସମାକୁଲାମ୍।
ପ୍ରଯାନ୍ତୀଂ ସୁମହାଘୋରାଂ ଯମରାଷ୍ଟ୍ରମହୋଦଧିମ୍॥ 7-157-178 (52083)
ନିହତ୍ଯ ରାକ୍ଷସାନ୍ବାଣୈର୍ଦ୍ରୌଣିର୍ହୈଡିମ୍ବିମାର୍ଦଯତ୍।
ପୁନରପ୍ଯତିସଙ୍କ୍ରୁଦ୍ଧଃ ସବୃକୋଦରପାର୍ଷତାନ୍॥ 7-157-179 (52084)
ସ ନାରାଚଗଣୈଃ ପାର୍ଥାନ୍ଦ୍ରୌଣିର୍ବିଦ୍ଧା ମହାବଲଃ।
ଜଘାନ ସୁରଥଂ ନାମ ଦ୍ରୁପଦସ୍ଯ ସୁତଂ ବିଭୁଃ॥ 7-157-180 (52085)
ପୁନଃ ଶତ୍ରୁଞ୍ଜଯଂ ନାମ ଦ୍ରୁପଦସ୍ଯାତ୍ମଜଂ ରଣେ।
ବଲାନୀକଂ ଜଯାନୀକଂ ଜଯାଶ୍ବଂ ଚାଭିଜଘ୍ନିବାନ୍॥ 7-157-181 (52086)
ଶ୍ରୁତାହ୍ବଯଂ ଚ ରାଜାନଂ ଦ୍ରୌଣିର୍ନିନ୍ଯେ ଯମକ୍ଷଯମ୍।
ତ୍ରିଭିଶ୍ଚାନ୍ଯୈଃ ଶରୈସ୍ତୀକ୍ଷ୍ଣୈଃ ସୁପୁଙ୍ଖୈର୍ହେମମାଲିନମ୍॥ 7-157-182 (52087)
ଜଘାନ ସ ପୃଷଧ୍ରଂ ଚ ଚନ୍ଦ୍ରସେନଂ ଚ ମାରିଷ।
କୁନ୍ତିଭୋଜସୁତାଂଶ୍ଚାସୌ ଦଶଭିର୍ଦଶ ଜଘ୍ନିବାନ୍॥ 7-157-183 (52088)
ଅସ୍ବତ୍ଥାମା ସୁସଙ୍କ୍ରୁଦ୍ଧଃ ସନ୍ଧାଯୋଗ୍ରମଜିହ୍ମଗମ୍।
ମୁମୋଚାକର୍ଣପୂର୍ଣେନ ଧନୁଷା ଶରମୁତ୍ତମମ୍।
ଯମଦଣ୍ଡୋପମଂ ଘୋରମୁଦ୍ଦିଶ୍ଯାଶୁ ଘଟୋତ୍କଚମ୍॥ 7-157-184 (52089)
ସ ଭିତ୍ତ୍ବା ହୃଦଯଂ ତସ୍ଯ ରାକ୍ଷସସ୍ଯ ମହାଶରଃ।
ବିବେଶ ବସୁଧାଂ ଶୀଘ୍ରଂ ସପୁଙ୍ଖଃ ପୃଥିବୀପତେ॥ 7-157-185 (52090)
ତଂ ହତଂ ପତିତଂ ଜ୍ଞାତ୍ବା ଧୃଷ୍ଟଦ୍ଯୁମ୍ନୋ ମହାରଥଃ।
ଦ୍ରୌଣେଃ ସକାଶାଦ୍ରାଜେନ୍ଦ୍ର ବ୍ଯପନିନ୍ଯେ ରଥୋତ୍ତମମ୍॥ 7-157-186 (52091)
ତତଃ ପରାଙ୍ମୁଖନୃପଂ ସୈନ୍ଯଂ ଯୌଧିଷ୍ଠିରଂ ନୃପ।
ପରାଜିତ୍ଯ ରଣେ ବୀରୋ ଦ୍ରୋଣପୁତ୍ରୋ ନନାଦ ହ।
ପୂଜିତଃ ସର୍ବଭୂତେଷୁ ତବ ପୁତ୍ରୈଶ୍ଚ ଭାରତ॥ 7-157-187 (52092)
ଅଥ ଶରଶତଭିନ୍ନକୃତ୍ତଦେହୈ--
ର୍ହତପତିତୈଃ କ୍ଷଣଦାଚରୈଃ ସମନ୍ତାତ୍।
ନିଧନମୁପଗତୈର୍ମହୀ କୃତାଽଭୂ--
ଦ୍ଗିରିଶିଖରୈରିବ ଦୁର୍ଗମାଽତିରୌଦ୍ରା॥ 7-157-188 (52093)
ତଂ ସିଦ୍ଧଗନ୍ଧର୍ବପିଶାଚସଙ୍ଘା
ନାଗାଃ ସୁପର୍ଣାଃ ପିତରୋ ବଯାଂସି।
ରକ୍ଷୋଗଣା ଭୂତଗଣାଶ୍ଚ ଦ୍ରୌଣି--
ମପୂଜଯନ୍ନପ୍ସରସଃ ସୁରାଶ୍ଚ॥ ॥ 7-157-189 (52094)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ସପ୍ତପଞ୍ଚାଶଦଧିକଶତତମୋଽଧ୍ଯାଯଃ॥ 157 ॥
Mahabharata - Drona Parva - Chapter Footnotes
5-157-9 ତାରେଣୋଚ୍ଚସ୍ବରେଣ॥ 5-157-19 କୃଷ୍ଣଚରଣୈଃ କୃଷ୍ଣଯୋଶ୍ଚରଣୈଃ॥ 5-157-40 ଦ୍ରୋଣମଭିଧାବନ୍ତଂ ବୀଭତ୍ସୁଂ ଦୃଷ୍ଟ୍ବା ଯୌଧିଷ୍ଠିରଂ ବଲଂ ତତ୍ସୈନ୍ଯଂ ଦ୍ରୋଣସୈନ୍ଯମ୍ପ୍ରତି ପୁନଃ ସନ୍ନ୍ଯବର୍ତତେତି ସମ୍ବନ୍ଧଃ॥ 5-157-58 କାର୍ଷ୍ଣାଯସଂ ତୀକ୍ଷ୍ଣଲୋହମଯମ୍॥ 5-157-59 ନ ହଯୈର୍ନାପି ବାରଣୈର୍ଗଜୈଃ କିନ୍ତୁ ପିଶାଚୈଃ॥ 5-157-93 ଗଚ୍ଛ ବତ୍ସେତି ପୁତ୍ରେଣେତି ଚ ଭୀମସେନସମ୍ବନ୍ଧାତ୍। ପ୍ରବାଧିତୁଂ ମନଃ--ଖେଦମୁତ୍ପାଦଯିତୁମ୍॥ 5-157-94 ଆତ୍ମାନମପି ହନ୍ଯାତ୍କିମୁ ପୁତ୍ରମତୋ ଜୀବନାର୍ଥୀ ତ୍ବଂ ନିବର୍ତସ୍ବେତି ଭାବଃ॥ 5-157-95 ଆଯସ୍ତଃ କୋପିତଃ॥ 5-157-132 ଶାରଦ୍ବତୀ କୃପୀ। କଚରାନ୍ବାଣାନ୍। ଖଚରଂ ରାକ୍ଷସମ୍॥ 5-157-136 ବସୁରୁଲ୍ବଣଃ ଅଗ୍ନିଃ ପ୍ରଲଯକାଲିକଃ॥ 5-157-157 ସପ୍ତପଞ୍ଚାଶଦଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 158
॥ ଶ୍ରୀଃ ॥
7.158. ଅଧ୍ଯାଯଃ 158
Mahabharata - Drona Parva - Chapter Topics
ଭୀମେନଃ ବାହ୍ଲୀକବଧଃ॥ 1 ॥ ତଥା ଦୁର୍ଯୋଧନାନୁଜଦଶକସ୍ଯ ଶକୁନିଭ୍ରାତୃପଞ୍ଚକସ୍ଯ ଚ ବଧଃ॥ 2 ॥Mahabharata - Drona Parva - Chapter Text
7-158-0 (52095)
ସଞ୍ଜଯ ଉବାଚ। 7-158-0x (4688)
ଦ୍ରୁପଦସ୍ଯାତ୍ମଜାନ୍ଦୃଷ୍ଟ୍ବା କୁନ୍ତିଭୋଜସୁତାଂସ୍ତଥା।
ଦ୍ରୋଣପୁତ୍ରେଣ ନିହତାନ୍ରାକ୍ଷସାଂଶ୍ଚ ସହସ୍ରଶଃ॥ 7-158-1 (52096)
ଯୁଧିଷ୍ଠିରୋ ଭୀମସେନୋ ଧୃଷ୍ଟଦ୍ଯୁମ୍ନଶ୍ଚ ପାର୍ଷତଃ।
ଯୁଯୁଧାନଶ୍ଚ ସଂଯତ୍ତା ଯୁଦ୍ଧାଯୈବ ମନୋ ଦଧୁଃ॥ 7-158-2 (52097)
ସୋମଦତ୍ତଃ ପୁନଃ କ୍ରୁଦ୍ଧୋ ଦୃଷ୍ଟ୍ବା ସାତ୍ଯକିମାହବେ।
ମହତା ଶରବର୍ଷେଣ ଚ୍ଛାଦଯାମାସ ଭାରତ॥ 7-158-3 (52098)
ତତଃ ସମଭବଦ୍ଯୁଦ୍ଧମତୀବ ଭଯବର୍ଧନମ୍।
ତ୍ବଦୀଯାନାଂ ପରେଷାଂ ଚ ଘୋରଂ ବିଜଯକାଙ୍କ୍ଷିଣାମ୍॥ 7-158-4 (52099)
ତଂ ଦୃଷ୍ଟ୍ବା ସମୁପାଯାନ୍ତଂ ରୁକ୍ମପୁଙ୍ଖୈଃ ଶିଲାଶିତୈଃ।
ଦଶଭିଃ ସାତ୍ବତସ୍ଯାର୍ଥେ ଭୀମୋ ବିବ୍ଯାଧ ସାଯକୈଃ॥ 7-158-5 (52100)
ସୋମଦତ୍ତୋଽପି ତଂ ବୀରଂ ଶତେନ ପ୍ରତ୍ଯବିଧ୍ଯତ।
ସାତ୍ବତସ୍ତ୍ବଭିସଂକ୍ରୁଦ୍ଧଃ ପୁତ୍ରାଧିଭିରଭିପ୍ଲୁତମ୍॥ 7-158-6 (52101)
ବୃଦ୍ଧଂ ବୃଦ୍ଧଗୁଣୈର୍ଯୁକ୍ତଂ ଯଯାତିମିବ ନାହୁଷମ୍।
ବିବ୍ଯାଧ ଦଶଭିସ୍ତୀକ୍ଷ୍ଣୈଃ ଶରୈର୍ବଜ୍ରନିପାତନୈଃ।
ଶକ୍ତ୍ଯା ଚୈନଂ ବିନିର୍ଭିଦ୍ଯ ପୁନର୍ବିବ୍ଯାଧ ସପ୍ତଭିଃ॥ 7-158-7 (52102)
ତତସ୍ତୁ ସାତ୍ଯକେରର୍ଥେ ଭୀମସେନୋ ନବଂ ଦୃଢମ୍।
ମୁମୋଚ ପରିଘଂ ଘୋରଂ ସୋମଦତ୍ତସ୍ଯ ମୂର୍ଧନି॥ 7-158-8 (52103)
ସାତ୍ବତୋଽପ୍ଯଗ୍ନିସଙ୍କାଶଂ ମୁମୋଚ ଶରମୁତ୍ତମମ୍।
ସୋମଦତ୍ତୋରସି କ୍ରୁଦ୍ଧଃ ସୁପତ୍ରଂ ନିଶିତଂ ଯୁଧି॥ 7-158-9 (52104)
ଯୁଗପତ୍ପେତତୁର୍ବୀର ଘୋରୌ ପରିଘମାର୍ଗଣୌ।
ଶରୀରେ ସୋମଦତ୍ତସ୍ଯ ସ ପପାତ ମହାରଥଃ॥ 7-158-10 (52105)
ବ୍ଯାମୋହିତେ ତୁନଯେ ବାହ୍ଲୀକସ୍ତମୁପାଦ୍ରବତ୍।
ବିସୃଜଞ୍ଛରବର୍ଷାଣି କାଲବର୍ଷୀବ ତୋଯଦଃ॥ 7-158-11 (52106)
ଭୀମୋଽଥ ସାତ୍ବତସ୍ଯାର୍ଥେ ବାହ୍ଲୀକଂ ନବଭିଃ ଶରୈଃ।
ପ୍ରାତିପେଯଂ ମହାତ୍ମାନଂ ବିବ୍ଯାଧ ରଣମୂର୍ଧନି॥ 7-158-12 (52107)
ପ୍ରାତିପେଯସ୍ତୁ ସଙ୍କ୍ରୁଦ୍ଧଃ ଶକ୍ତିଂ ଭୀମସ୍ଯ ବକ୍ଷସି।
ନିଚଖାନ ମହାବାହୁଃ ପୁରନ୍ଦର ଇବାଶନିମ୍॥ 7-158-13 (52108)
ସ ତଥାଽଭିହତୋ ଭୀମଶ୍ଚକମ୍ପେ ଚ ମୁମୋହ ଚ।
ପ୍ରାପ୍ଯ ଚେତଶ୍ଚ ବଲବାନ୍ଗଦାମସ୍ମୈ ସସର୍ଜ ହ॥ 7-158-14 (52109)
ସା ପାଣ୍ଡବେନ ପ୍ରହିତା ବାହ୍ଲୀକସ୍ଯ ଶିରୋଽହରତ୍।
ସ ପପାତ ହତଃ ପୃଥ୍ବ୍ଯାଂ ବଜ୍ରାହତ ଇବାଦ୍ରିରାଟ୍॥ 7-158-15 (52110)
ତସ୍ମିନ୍ବିନିହତେ ବୀରେ ବାହ୍ଲୀକେ ପୁରୁଷର୍ଷଭ।
ପୁତ୍ରାସ୍ତେଽଭ୍ଯର୍ଦଯନ୍ଭୀମଂ ଦଶ ଦାଶରଥେଃ ସମାଃ॥ 7-158-16 (52111)
ନାଗଦତ୍ତୋ ଦୃଢରଥୋ ମହାବାହୁରଯୋଭୁଜଃ।
ଦୃଢଃ ସୁହସ୍ତୋ ବିରଜାଃ ପ୍ରମାଥ୍ଯୁଗ୍ରୋଽନୁଯାଯ୍ଯପି॥ 7-158-17 (52112)
ତାନ୍ଦୃଷ୍ଟ୍ବା ଚୁକ୍ରୁଧେ ଭୀମୋ ଜଗୃହେ ଭାରସାଧନାନ୍।
ଏକମେକଂ ସମୁଦ୍ଦିଶ୍ଯ ପାତଯାମାସ ମର୍ମସୁ॥ 7-158-18 (52113)
ତେ ବିଦ୍ଧା ବ୍ଯସବଃ ପେତୁଃ ସ୍ଯନ୍ଦନେଭ୍ଯୋ ହତୌଜସଃ।
ଚଣ୍ଡବାତପ୍ରଭଗ୍ନାସ୍ତୁ ପର୍ବତାଗ୍ରାନ୍ମହୀରୁହାଃ॥ 7-158-19 (52114)
ନାରାଚୈର୍ଦଶଭିର୍ଭୀମସ୍ତାନ୍ନିହତ୍ଯ ତବାତ୍ମଜାନ୍।
କର୍ଣସ୍ଯ ଦଯିତଂ ପୁତ୍ରଂ ବୃଷସେନମବାକିରତ୍॥ 7-158-20 (52115)
ତତୋ ବୃକରଥୋ ନାମ ଭ୍ରାତା କର୍ଣସ୍ଯ ବିଶ୍ରୁତଃ।
ଜଘାନ ଭୀମଂ ନାରାଚୈସ୍ତମପ୍ଯଭ୍ଯଦ୍ରବଦ୍ବଲୀ॥ 7-158-21 (52116)
ତତଃ ସପ୍ତରଥାନ୍ବୀରଃ ଶ୍ଯାଲାନାଂ ତବ ଭାରତ।
ନିହତ୍ଯ ଭୀମୋ ନାରାଚୈଃ ଶତଚନ୍ଦ୍ରମପୋଥଯତ୍॥ 7-158-22 (52117)
ଅମର୍ଷଯନ୍ତୋ ନିହତଂ ଶତଚନ୍ଦ୍ରଂ ମହାରଥମ୍।
ଶକୁନେର୍ଭ୍ରାତରୋ ବୀରା ଗବାକ୍ଷଃ ଶରଭୋ ବିଭୁଃ॥ 7-158-23 (52118)
ସୁଭଗୋ ଭାନୁଦତ୍ତଶ୍ଚ ଶୂରାଃ ପଞ୍ଚ ମହାରଥାଃ।
ଅଭିଦ୍ରୁତ୍ଯ ଶରୈସ୍ତୀକ୍ଷ୍ଣୈର୍ଭୀମସେନମତାଡଯନ୍॥ 7-158-24 (52119)
ସ ତାଡ୍ଯମାନୋ ନାରାଚୈର୍ବୃଷ୍ଟିବେଗୈରିବାଚଲଃ।
ଜଘାନ ପଞ୍ଚଭିର୍ବାଣୈଃ ପଞ୍ଚୈବାତିରଥାନ୍ବଲୀ॥ 7-158-25 (52120)
ତାନ୍ଦୃଷ୍ଟ୍ବା ନିହତାନ୍ବୀରାନ୍ବିଚେଲୁର୍ନୃପସତ୍ତମାଃ॥ 7-158-26 (52121)
ତତୋ ଯୁଧିଷ୍ଠିରଃ କ୍ରୁଦ୍ଧସ୍ତବାନୀକମଶାତଯତ୍॥
ମିଷତଃ କୁମ୍ଭଯୋନେସ୍ତୁ ପୁତ୍ରାଣାଂ ତବ ଚାନଘ॥ 7-158-27 (52122)
ଅମ୍ବଷ୍ଠାନ୍ମାଲବାଞ୍ଛୂରାଂସ୍ତ୍ରିଗର୍ତାନ୍ସଶିବୀନପି।
ପ୍ରାହିଣୋନ୍ମୃତ୍ଯୁଲୋକାଯ କ୍ରୁଦ୍ଧୋ ଯୁଦ୍ଧେ ଯୁଧିଷ୍ଠିରଃ॥ 7-158-28 (52123)
ଅଭୀଷାହାଞ୍ଛୂରସେନାନ୍ବାହ୍ଲୀକାନ୍ସବସାତିକାନ୍।
ନିହତ୍ଯ ପୃଥିବୀଂ ରାଜା ଚକ୍ରେ ଶୋଣିତକର୍ଦମାମ୍॥ 7-158-29 (52124)
ଯୌଧେଯାନ୍ମାଲବାନ୍ରାଜନ୍ମଦ୍ରକାଣାଂ ଗଣାନ୍ଯୁଧି।
ପ୍ରାହିଣୋନ୍ମୃତ୍ଯୁଲୋକାଯ ଶୂରାନ୍ବାଣୈର୍ଯୁଧିଷ୍ଠିରଃ॥ 7-158-30 (52125)
ହତାହରତ ଗୃହ୍ଣୀତ ବିଧ୍ଯତ ବ୍ଯବକୃନ୍ତତ।
ଇତ୍ଯାସୀତ୍ତୁମୁଲଃ ଶବ୍ଦୋ ଯୁଧିଷ୍ଠିରରଥଂ ପ୍ରତି॥ 7-158-31 (52126)
ସୈନ୍ଯାନି ଦ୍ରାବଯନ୍ତଂ ତଂ ଦ୍ରୋଣୋ ଦୃଷ୍ଟ୍ବା ଯୁଧିଷ୍ଠିରମ୍।
ଚୋଦିତସ୍ତବ ପୁତ୍ରେଣ ସାଯକୈରଭ୍ଯବାକିରତ୍॥ 7-158-32 (52127)
ଦ୍ରୋଣସ୍ତୁ ପରମକ୍ରୁଦ୍ଧୋ ବାଯବ୍ଯାସ୍ତ୍ରେଣ ପାର୍ଥିବମ୍।
ବିବ୍ଯାଧ ସୋଽପି ତଦ୍ଦିବ୍ଯମସ୍ତ୍ରମସ୍ତ୍ରେଣ ଜଘ୍ନିବାନ୍॥ 7-158-33 (52128)
ତସ୍ମିନ୍ବିନିହତେ ଚାସ୍ତ୍ରେ ଭାରଦ୍ବାଜୋ ଯୁଧିଷ୍ଠିରେ।
ବାରୁଣଂ ଯାମ୍ଯମାଗ୍ନେଯଂ ତ୍ବାଷ୍ଟ୍ରଂ ସାବିତ୍ରମେବ ଚ।
ଚିକ୍ଷେପ ପରମକ୍ରୁଦ୍ଧୋ ଜିଘାଂସୁଃ ପାଣ୍ଡୁନନ୍ଦନମ୍॥ 7-158-34 (52129)
କ୍ଷିପ୍ତାନି କ୍ଷିପ୍ଯମାଣାନି ତାନି ଚାସ୍ତ୍ରାଣି ଧର୍ମଜଃ।
ଜଘାନାସ୍ତ୍ରୈର୍ମହାବାହୁଃ କୁମ୍ଭଯୋନେରବିତ୍ରସନ୍॥ 7-158-35 (52130)
ସତ୍ଯାଂ ଚିକୀର୍ଷମାଣସ୍ତୁ ପ୍ରତିଜ୍ଞାଂ କୁମ୍ଭସମ୍ଭବଃ॥ 7-158-36 (52131)
ପ୍ରାଦୁଶ୍ଚକ୍ରେଽସ୍ତ୍ରମୈନ୍ଦ୍ରଂ ବୈ ପ୍ରାଜାପତ୍ଯଂ ଚ ଭାରତ।
ଜିଘାଂସୁର୍ଧର୍ମତନଯଂ ତବ ପୁତ୍ରହିତେ ରତଃ॥ 7-158-37 (52132)
ପତିଃ କୁରୂଣାଂ ଗଜସିଂହଗାମୀ
ବିଶାଲବକ୍ଷାଃ ପୃଥୁଲୋହିତାକ୍ଷଃ।
ପ୍ରାଦୁଶ୍ଚକାରାସ୍ତ୍ରମହୀନତେଜା
ମାହେନ୍ଦ୍ରମସ୍ତ୍ରଂ ସ ଜଘାନ ତେନ॥ 7-158-38 (52133)
ବିହନ୍ଯମାନେଷ୍ବସ୍ତ୍ରେଷୁ ଦ୍ରୋଣଃ କ୍ରୋଧସମନ୍ବିତଃ।
ଯୁଧିଷ୍ଠିରବଧଂ ପ୍ରେପ୍ସୁର୍ବ୍ରାହ୍ମମସ୍ତ୍ରମୁଦୈରଯତ୍॥ 7-158-39 (52134)
ତତୋ ନାଜ୍ଞାସିଷଂ କିଞ୍ଚିଦ୍ଧୋରେଣ ତମସାଽଽବୃତେ।
ସର୍ବଭୂତାନି ଚ ପରଂ ତ୍ରାସଂ ଜଗ୍ମୁର୍ମହୀପତେ॥ 7-158-40 (52135)
ବ୍ରହ୍ମାସ୍ତ୍ରମୁଦ୍ଯତଂ ଦୃଷ୍ଟ୍ବା କୁନ୍ତୀପୁତ୍ରୋ ଯୁଧିଷ୍ଠିରଃ।
ବ୍ରହ୍ମାସ୍ତ୍ରେଣୈବ ରାଜେନ୍ଦ୍ର ତଦସ୍ତ୍ରଂ ପ୍ରତ୍ଯବାରଯତ୍॥ 7-158-41 (52136)
ତତଃ ସୈନିକମୁଖ୍ଯାସ୍ତେ ପ୍ରଶଶଂସୁର୍ନରର୍ଷଭୌ।
ଦ୍ରୋଣପାର୍ଥୌ ମହେଷ୍ବାସୌ ସର୍ବଯୁଦ୍ଧବିଶାରଦୌ॥ 7-158-42 (52137)
ତତଃ ପ୍ରମୁଚ୍ଯ କୌନ୍ତେଯଂ ଦ୍ରୋଣୋ ଦ୍ରୁପଦବାହିନୀମ୍।
ବ୍ଯଧମତ୍କ୍ରୋଧତାମ୍ରାକ୍ଷୋ ବାଯବ୍ଯାସ୍ତ୍ରେଣ ଭାରତ॥ 7-158-43 (52138)
ତେ ହନ୍ଯମାନା ଦ୍ରୋଣେନ ପାଞ୍ଚାଲାଃ ପ୍ରାଦ୍ରବନ୍ଭଯାତ୍।
ପଶ୍ଯତୋ ଭୀମସେନସ୍ଯ ପାର୍ଥସ୍ଯ ଚ ମହାତ୍ମନଃ॥ 7-158-44 (52139)
ତତଃ କିରୀଟୀ ଭୀମଶ୍ଚ ସହସା ସନ୍ନ୍ଯବର୍ତତାମ୍।
ମହଦ୍ଧ୍ଯାଂ ରଥବଂଶାଭ୍ଯାଂ ପରିଗୃହ୍ଯ ବଲଂ ତଦା॥ 7-158-45 (52140)
ବୀଭତ୍ସୁର୍ଦକ୍ଷିଣଂ ପାର୍ଶ୍ବମୁତ୍ତରଂ ଚ ବୃକୋଦରଃ।
ଭାରଦ୍ବାଜଂ ଶରୌଘାଭ୍ଯାଂ ମହଦ୍ଭ୍ଯାମଭ୍ଯବର୍ଷତାମ୍॥ 7-158-46 (52141)
କେକଯାଃ ସୃଞ୍ଜଯାଶ୍ଚୈବ ପାଞ୍ଚାଲାଶ୍ଚ ମହୌଜସଃ।
ଅନ୍ବଗଚ୍ଛନ୍ମହାରାଜ ମାତ୍ସ୍ଯାଶ୍ଚ ସହ ସାତ୍ବତୈଃ॥ 7-158-47 (52142)
ତତଃ ସା ଭାରତୀ ସେନା ବଧ୍ଯମାନା କିରୀଟିନା।
ତମସା ନିଦ୍ରଯା ଚୈବ ପୁନରେବ ବ୍ଯଦୀର୍ଯତ॥ 7-158-48 (52143)
ଦ୍ରୋଣେନ ବାର୍ଯମାଣାସ୍ତେ ସ୍ବଯଂ ତବ ସୁତେନ ଚ।
ନାଶକ୍ଯନ୍ତ ମହାରାଜ ଯୋଧା ବାରଯିତୁଂ ତଦା॥ ॥ 7-158-49 (52144)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ଅଷ୍ଟପଞ୍ଚାଶଦଧିକଶତତମୋଽଧ୍ଯାଯଃ॥ 158 ॥
Mahabharata - Drona Parva - Chapter Footnotes
5-158-12 ପ୍ରାତିପେଯଂ ପ୍ରତୀପପୁତ୍ରମ୍॥ 5-158-38 ପତିଃ କୁରୂଣାଂ ଯୁଧିଷ୍ଠିରଃ। ମାହେନ୍ଦ୍ରମନ୍ଯତ୍ସ ଜଘାନେତି ଝ.ପାଠଃ॥ 5-158-158 ଅଷ୍ଟପଞ୍ଚାଶଦଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 159
॥ ଶ୍ରୀଃ ॥
7.159. ଅଧ୍ଯାଯଃ 159
Mahabharata - Drona Parva - Chapter Topics
କର୍ଣେନ ପାଣ୍ଡବହନନଂ ପ୍ରତିଜାନାନମାତ୍ମାନମଧିକ୍ଷିପତଃ କୃପସ୍ଯ ଜିହ୍ବାଚ୍ଛେଦପ୍ରତିଜ୍ଞାନମ୍॥ 1 ॥Mahabharata - Drona Parva - Chapter Text
7-159-0 (52145)
ସଞ୍ଜଯ ଉବାଚ। 7-159-0x (4689)
ଉଦୀର୍ଯମାଣଂ ତଦ୍ଦୃଷ୍ଟ୍ବା ପାଣ୍ଡବାନାଂ ମହଦ୍ବଲମ୍।
ଅବିଷହ୍ଯଂ ଚ ମନ୍ବାନଃ କର୍ଣଂ ଦୁର୍ଯୋଧନୋଽବ୍ରବୀତ୍॥ 7-159-1 (52146)
ଅଯଂ ସ କାଲଃ ସମ୍ପ୍ରାପ୍ତୋ ମିତ୍ରାଣାଂ ମିତ୍ରବତ୍ସଲ।
ତ୍ରାଯସ୍ବ ସମରେ କର୍ଣ ସର୍ବାନ୍ଯୋଧାନ୍ମହାରଥାନ୍॥ 7-159-2 (52147)
ପାଞ୍ଚାଲୈର୍ମତ୍ସ୍ଯକୈକେଯୈଃ ପାଣ୍ଡବୈଶ୍ଚ ମହାରଥୈଃ।
ବୃତାନ୍ସମନ୍ତାତ୍ସହ୍କ୍ରୁଦ୍ଧୈର୍ନିଃ ଶ୍ବସଦ୍ଭିରିବୋରଗୈଃ॥ 7-159-3 (52148)
ଏତେ ନଦନ୍ତି ସଂହୃଷ୍ଟାଃ ପାଣ୍ଡବା ଜିତକାଶିନଃ।
ଶକ୍ରୋପମାଶ୍ଚ ବହବଃ ପାଞ୍ଚାଲାନାଂ ରଥବ୍ରଜାଃ॥ 7-159-4 (52149)
କର୍ଣ ଉବାଚ। 7-159-5x (4690)
ପରିତ୍ରାତୁମିହ ପ୍ରାପ୍ତୋ ଯଦି ପାର୍ଥଂ ପୁରନ୍ଦରଃ।
ତମପ୍ଯାଶୁ ପରାଜିତ୍ଯ ତତୋ ହନ୍ତାଽସ୍ମି ପାଣ୍ଡବମ୍॥ 7-159-5 (52150)
ସତ୍ଯଂ ତେ ପ୍ରତିଜାନାମି ସମାଶ୍ବସିହି ଭାରତ।
ହନ୍ତାସ୍ମି ପାଣ୍ଡୁତନଯାନ୍ପାଞ୍ଚାଲାଂଶ୍ଚ ସମାଗତାନ୍॥ 7-159-6 (52151)
ଜଯଂ ତେ ପ୍ରତିଦାସ୍ଯାମି ବାସବସ୍ଯେବ ପାବକିଃ।
ପ୍ରିଯଂ ତବ ମଯା କାର୍ଯମିତି ଜୀବାମି ପାର୍ଥିବ॥ 7-159-7 (52152)
ସର୍ବେଷାମେବ ପାର୍ଥାନାଂ ଫଲ୍ଗୁନୋ ବଲବତ୍ତରଃ।
ତସ୍ଯାମୋଘାଂ ବିମୋକ୍ଷ୍ଯାମିଶକ୍ତିଂ ଶକ୍ରବିନିର୍ମିତାଂ॥ 7-159-8 (52153)
ତସ୍ମିନ୍ହତେ ମହେଷ୍ବାସେ ଭ୍ରାତରସ୍ତସ୍ଯ ମାନଦ।
ତବ ବଶ୍ଯା ଭବିଷ୍ଯନ୍ତି ବନଂ ଯାସ୍ଯନ୍ତି ବା ପୁନଃ॥ 7-159-9 (52154)
ମଯି ଜୀବତି କୌରବ୍ଯ ବିଷାଦଂ ମା କୃଥାଃ କ୍ବଚିତ୍।
ଅହଂ ଜେଷ୍ଯାମି ସମରେ ସହିତାନ୍ସର୍ବପାଣ୍ଡବାନ୍॥ 7-159-10 (52155)
ପାଞ୍ଚାଲାନ୍କେକଯାଂଶ୍ଚୈବ ବୃଷ୍ଣୀଂଶ୍ଚାପି ସମାଗତାନ୍।
ବାଣୌଘୈଃ ଶକଲୀକୃତ୍ଯ ତବ ଦାସ୍ଯାମି ମେଦିନୀମ୍॥ 7-159-11 (52156)
ସଞ୍ଜଯ ଉବାଚ। 7-159-12x (4691)
ଏବଂ ବ୍ରୁବାଣଂ କର୍ଣଂ ତୁ କୃପଃ ଶାରଦ୍ବତୋଽବ୍ରବୀତ୍।
ସ୍ମଯନ୍ନିବ ମହାବାହୁଃ ସୂତପୁତ୍ରମିଦଂ ବଚଃ॥ 7-159-12 (52157)
ଶୋଭନଂ ଶୋଭନଂ କର୍ଣ ସନାଥଃ କୁରୁପୁଙ୍ଗବଃ।
ତ୍ବଯା ନାଥେନ ରାଧେଯ ବଚସା ଯଦି ସିଧ୍ଯତି॥ 7-159-13 (52158)
ବହୁଶଃ କତ୍ଥସେ କର୍ଣ କୌରବସ୍ଯ ସମୀପତଃ।
ନ ତୁ ତେ ବିକ୍ରମଃ କଶ୍ଚିଦ୍ଦୃଶ୍ଯତେ ଫଲମେବ ବା॥ 7-159-14 (52159)
ସମାଗମଃ ପାଣ୍ଡୁସୁତୈର୍ଦୃଷ୍ଟସ୍ତେ ବହୁଶୋ ଯୁଧି।
ସର୍ବତ୍ର ନିର୍ଜିତଶ୍ଚାସି ପାଣ୍ଡବୈଃ ସୂତନନ୍ଦନ॥ 7-159-15 (52160)
ହିଯମାଣେ ତଦା କର୍ଣ ଗନ୍ଧର୍ବୈର୍ଧୃତରାଷ୍ଟ୍ରଜେ।
ତଦାଽଯୁଧ୍ଯନ୍ତ ସୈନ୍ଯାନି ତ୍ବମେକୋଽଗ୍ରେଽପଲାଯିଥାଃ॥ 7-159-16 (52161)
ବିରାଟନଗରେ ଚାପି ସମେତାଃ ସର୍ବକୌରବାଃ।
ପାର୍ଥେନ ନିର୍ଜିତା ଯୁଦ୍ଧେ ତ୍ବଂ ଚ କର୍ଣ ସହାନୁଜଃ॥ 7-159-17 (52162)
ଏକସ୍ଯାପ୍ଯସମର୍ଥସ୍ତ୍ବଂ ଫଲ୍ଗୁନସ୍ଯ ରଣାଜିରେ।
କଥମୁତ୍ସହସେ ଜେତୁଂ ସକୃଷ୍ଣାନ୍ସର୍ବପାଣ୍ଡବାନ୍॥ 7-159-18 (52163)
ଅବ୍ରୁବନ୍କର୍ଣ ଯୁଧ୍ଯସ୍ବ କତ୍ଥସେ ବହୁ ସୂତଜ।
ଅନୁକ୍ତ୍ବା ବିକ୍ରମେଦ୍ଯସ୍ତୁ ତଦ୍ବୈ ସତ୍ପୁରୁଷବ୍ରତମ୍॥ 7-159-19 (52164)
ଗର୍ଜିତ୍ବା ସୂତପୁତ୍ର ତ୍ବଂ ଶାରଦାଭ୍ର ଇବାଜଲଃ।
ନିଷ୍ଫଲୋ ଦୃଶ୍ଯସେ କର୍ଣ ତଚ୍ଚ ରାଜା ନ ବୁଧ୍ଯତେ॥ 7-159-20 (52165)
ତାବଦ୍ଗର୍ଜସ୍ବ ରାଧେଯ ଯାବତ୍ପାର୍ଥଂ ନ ପଶ୍ଯସି।
ଆରାତ୍ପାର୍ଥଂ ହି ତେ ଦୃଷ୍ଟ୍ବା ଦୁର୍ଲଭଂ ଗର୍ଜିତଂ ପୁନଃ॥ 7-159-21 (52166)
ତ୍ବମନାସାଦ୍ଯ ତାନ୍ବାଣାନ୍ଫଲ୍ଗୁନସ୍ଯ ବିଗର୍ଜସି।
ପାର୍ଥସାଯକବିଂଦ୍ଧସ୍ଯ ଦୁର୍ଲଭଂ ଗର୍ଜିତଂ ତବ॥ 7-159-22 (52167)
ବାହୁଭିଃ କ୍ଷତ୍ରିଯାଃ ଶୂରା ବାଗ୍ଭିଃ ଶୂରା ଦ୍ବିଜାତଯଃ।
ଧନୁଷା ଫଲ୍ଗୁନଃ ଶୂରଃ କର୍ଣଃ ଶୂରୋ ମନୋରଥୈଃ।
ତୋଷିତୋ ଯେନ ରୁଦ୍ରୋଽପି କଃ ପାର୍ଥଂ ପ୍ରତିଘାତଯେତ୍॥ 7-159-23 (52168)
ଏବଂ ସଂରୁଷିତସ୍ତେନ ତଦା ଶାରଦ୍ବତେନ ହ।
କର୍ଣଃ ପ୍ରହରତାଂ ଶ୍ରେଷ୍ଠଃ କୃପଂ ବାକ୍ଯମଥାବ୍ରବୀତ୍॥ 7-159-24 (52169)
ଶୂରା ଗର୍ଜନ୍ତି ସତତଂ ପ୍ରାବୃଷୀବ ବଲାହକାଃ।
ଫଲଂ ଚାଶୁ ପ୍ରଯଚ୍ଛନ୍ତି ବୀଜମୁପ୍ତମନୂଷରେ॥ 7-159-25 (52170)
ଦୋଷମତ୍ର ନ ପଶ୍ଯାମି ଶୂରାଣାଂ ରଣମୂର୍ଧନି।
ତତ୍ତଦ୍ବିକତ୍ଥମାନାନାଂ ଭାରଂ ଚୋଦ୍ବହତାଂ ମୃଧେ॥ 7-159-26 (52171)
ଯଂ ଭାରଂ ପୁରୁଷୋ ବୋଢୁଂ ମନସା ହି ବ୍ଯବସ୍ଯତି।
ଦୈବମସ୍ଯ ଧ୍ରୁବଂ ତତ୍ର ସାହାଯ୍ଯାଯୋପପଦ୍ଯତେ॥ 7-159-27 (52172)
ବ୍ଯବସାଯଦ୍ବିତୀଯୋଽହଂ ମନସା ଭାରମୁଦ୍ବହନ୍।
ହତ୍ବା ପାଣ୍ଡୁସୁତାନାଜୌ ସକୃଷ୍ଣାନ୍ସହସାତ୍ବତାନ୍।
ଗର୍ଜାମି ଯଦ୍ଯହଂ ବିପ୍ର ତବ କିଂ ତତ୍ର ନଶ୍ଯତି॥ 7-159-28 (52173)
ବୃଥା ଶୂରା ନ ଗର୍ଜନ୍ତି ସଜଲା ଇବ ତୋଯଦାଃ।
ସାମର୍ଥ୍ଯମାତ୍ମନୋ ଜ୍ଞାତ୍ବା ତତୋ ଗର୍ଜନ୍ତି ପଣ୍ଡିତାଃ॥ 7-159-29 (52174)
ସୋଽହମଦ୍ଯ ରଣେ ଯତ୍ତୌ ସହିତୌ କୃଷ୍ମପାଣ୍ଡବୌ।
ଉତ୍ସହାମି ରଣେ ଜେତୁଂ ତତୋ ଗର୍ଜାମି ଗୌତମ॥ 7-159-30 (52175)
ପଶ୍ଯ ତ୍ବଂ ଗର୍ଜିତସ୍ଯାସ୍ଯ ଫଲଂ ମେ ବିପ୍ର ସାନୁଗାନ୍।
ହତ୍ବା ପାଣ୍ଡୁସୁତାନାଜୌ ସହକୃଷ୍ଣାନ୍ସସାତ୍ବତାନ୍।
ଦୁର୍ଯୋଧନାଯ ଦାସ୍ଯାମି ପୃଥିବୀଂ ହତକଣ୍ଟକାମ୍॥ 7-159-31 (52176)
କୃପ ଉବାଚ। 7-159-32x (4692)
ମନୋରଥପ୍ରଲାପା ମେ ନ ଗ୍ରାହ୍ଯାସ୍ତବ ସୂତଜ॥ 7-159-32 (52177)
ସଦା କ୍ଷିପସି ବୈ କୃଷ୍ଣୌ ଧର୍ମରାଜଂ ଚ ପାଣ୍ଡବମ୍।
ଧ୍ରୁବସ୍ତତ୍ର ଜଯଃ କର୍ଣ ଯତ୍ର ଯୁଦ୍ଧବିଶାରଦୌ॥ 7-159-33 (52178)
ଦେବଗନ୍ଧର୍ବଯକ୍ଷାଣାଂ ମନୁଷ୍ଯୋରଗରକ୍ଷସାମ୍।
ଦଂଶିତାନାମପି ରଣେ ଅଜେଯୌ କୃଷ୍ଣପାଣ୍ଡବୌ॥ 7-159-34 (52179)
ବ୍ରହ୍ମଣ୍ଯଃ ସତ୍ଯବାଗ୍ଦାନ୍ତୋ ଗୁରୁଦୈବତପୂଜକଃ।
ନିତ୍ଯଂ ଧର୍ମରତଶ୍ଚୈବ କୃତାସ୍ତ୍ରଶ୍ଚ ବିଶେଷତଃ॥ 7-159-35 (52180)
ଧୃତିମାଂଶ୍ଚ କୃତଜ୍ଞଶ୍ଚ ଧର୍ମପୁତ୍ରୋ ଯୁଧିଷ୍ଠିରଃ।
ଭ୍ରାତରଶ୍ଚାସ୍ଯ ବଲିନଃ ସର୍ବାସ୍ତ୍ରେଷୁ କୃତଶ୍ରମାଃ॥ 7-159-36 (52181)
ଗୁରୁବୃତ୍ତିରତାଃ ପ୍ରାଜ୍ଞା ଧର୍ମନିତ୍ଯା ଯଶସ୍ବିନଃ।
ସମ୍ବନ୍ଧିନଶ୍ଚେନ୍ଦ୍ରବୀର୍ଯାଃ ସ୍ବନୁର୍ତାଃ ପ୍ରହାରିଣଃ॥ 7-159-37 (52182)
ଧୃଷ୍ଟଦ୍ଯୁମ୍ନଃ ଶିଖଣ୍ଡୀ ଚ ଦୌର୍ମୁଖିର୍ଜନମେଜଯଃ।
ଚନ୍ଦ୍ରସେନୋ ରୁଦ୍ରସେନଃ କୀର୍ତିଧର୍ମା ଧ୍ରୁବୋ ଧରଃ॥ 7-159-38 (52183)
ବସୁଚନ୍ଦ୍ରୋ ଦାମଚନ୍ଦ୍ରଃ ସିଂହଚନ୍ଦ୍ରଃ ସୁତେଜନଃ।
ଦ୍ରୁପଦସ୍ଯ ତଥା ପୁତ୍ରା ଦ୍ରୁପଦଶ୍ଚ ମହାସ୍ତ୍ରବିତ୍॥ 7-159-39 (52184)
ଯେଷାମର୍ଥାଯ ସଂଯତ୍ତୋ ମତ୍ସ୍ଯରାଜଃ ସହାନୁଜଃ।
ଶତାନୀକଃ ସୂର୍ଯଦତ୍ତଃ ଶ୍ରୁତାନୀକଃ ଶ୍ରୁତଧ୍ବଜଃ॥ 7-159-40 (52185)
ବଲାନୀକୋ ଜଯାନୀକୋ ଜଯାଶ୍ବୋ ରଥବାହନଃ।
ଚନ୍ଦ୍ରୋଦଯଃ ସମରଥୋ ବିରାଟଭ୍ରାତରଃ ଶୁଭାଃ॥ 7-159-41 (52186)
ଯମୌ ଚ ଦ୍ରୌପଦେଯାଶ୍ଚ ରାକ୍ଷସଶ୍ଚ ଘଟୋତ୍କଚଃ।
ଯେଷାମର୍ଥାଯ ଯୁଧ୍ଯନ୍ତେ ନ ତେଷାଂ ବିଦ୍ଯତେ କ୍ଷଯଃ॥ 7-159-42 (52187)
ଏତେ ଚାନ୍ଯେ ଚ ବହବୋ ଗଣାଃ ପାଣ୍ଡୁସୁତସ୍ଯ ବୈ॥ 7-159-43 (52188)
କାମଂ ଖଲୁ ଜଗତ୍ସର୍ବଂ ସଦେବାସୁରମାନୁଷମ୍।
ସଯକ୍ଷରାକ୍ଷସଗଣଂ ସଭୂତଭୁଜଗଦ୍ବିପମ୍।
ନିଃଶେଷମସ୍ତ୍ରବୀର୍ଯେଣ କୁର୍ବାତେ ଭୀମଫଲ୍ଗୁନୌ॥ 7-159-44 (52189)
ଯୁଧିଷ୍ଠିରଶ୍ଚ ପୃଥିବୀଂ ନିର୍ଦହେଦ୍ଧୋରଚକ୍ଷୁଷା॥ 7-159-45 (52190)
ଅପ୍ରମେଯବଲଃ ଶୌରିର୍ଯେଷାମର୍ଥେ ଚ ଦଂଶିତଃ।
କଥଂ ତାନ୍ସଂଯୁଗେ କର୍ଣ ଜେତୁମୁତ୍ସହସେ ପରାନ୍॥ 7-159-46 (52191)
ମହାନପନଯସ୍ତ୍ବେଷ ନିତ୍ଯଂ ହି ତବ ସୂତଜ।
ଯସ୍ତ୍ବମୁତ୍ସହସେ ଯୋଦ୍ଧୁଂ ସମରେ ଶୌରିଣା ସହ॥ 7-159-47 (52192)
ସଞ୍ଜଯ ଉବାଚ। 7-159-48x (4693)
ଏବମୁକ୍ତସ୍ତୁ ରାଧେଯଃ ପ୍ରହସନ୍ଭରତର୍ଷଭ।
ଅବ୍ରବୀଚ୍ଚ ତଦା କର୍ଣୋ ଗୁରଂ ଶାରଦ୍ବତଂ କୃପମ୍॥ 7-159-48 (52193)
ସତ୍ଯମୁକ୍ତଂ ତ୍ବଯା ବ୍ରହ୍ମନ୍ପାଣ୍ଡବାନ୍ପ୍ରତି ଯଦ୍ବଚଃ।
ଏତେ ଚାନ୍ଯେ ଚ ବହବୋ ଗୁଣାଃ ପାଣ୍ଡୁସୁତେଷୁ ବୈ॥ 7-159-49 (52194)
ଅଜଯ୍ଯାଶ୍ଚ ରଣେ ପାର୍ଥା ଦେବୈରପି ସବାସବୈଃ।
ସଦୈତ୍ଯଯକ୍ଷଗନ୍ଧର୍ବୈଃ ପିଶାଚୋରଗରାକ୍ଷସୈଃ॥ 7-159-50 (52195)
ତଥାପି ପାର୍ଥାଞ୍ଜେଷ୍ଯାମି ଶକ୍ତ୍ଯା ବାସବଦତ୍ତଯା।
ମମ ହ୍ଯମୋଘା ଦତ୍ତେଯଂ ଶକ୍ତିଃ ଶକ୍ରେଣ ବୈ ଦ୍ବିଜ।
ଏତଯା ନିହନିଷ୍ଯାମି ସବ୍ଯସାଚିନମାହବେ॥ 7-159-51 (52196)
ହତେ ତୁ ପାଣ୍ଡବେ କୃଷ୍ଣେ ଭ୍ରାତରଶ୍ଚାସ୍ଯ ସୋଦରାଃ।
ଅନର୍ଜୁନା ନ ଶକ୍ଷ୍ଯନ୍ତି ମହୀଂ ଭୋକ୍ତୁଂ କଥଞ୍ଚନ॥ 7-159-52 (52197)
ତେଷୁ ନଷ୍ଟେଷୁ ସର୍ବେଷୁ ପୃଥିବୀଯଂ ସସାଗରା।
ଅଯତ୍ନାତ୍କୌରବେନ୍ଦ୍ରସ୍ଯ ବଶେ ସ୍ଥାସ୍ଯତି ଗୌତମ୍॥ 7-159-53 (52198)
ସୁନୀତୈରିହ ସର୍ବାର୍ଥାଃ ସିଧ୍ଯନ୍ତେ ନାତ୍ର ସଂଶଯଃ।
ଏତମର୍ଥମହଂ ଜ୍ଞାତ୍ବା ତତୋ ଗର୍ଜାମି ଗୌତମ॥ 7-159-54 (52199)
ତ୍ବଂ ତୁ ବିପ୍ରଶ୍ଚ ବୃଦ୍ଧଶ୍ଚ ଅଶକ୍ତଶ୍ଚାପି ସଂଯୁଗେ।
କୃତସ୍ନେହଶ୍ଚ ପାର୍ଥେଷୁ ମୋହାନ୍ମାମବମନ୍ଯସେ॥ 7-159-55 (52200)
ଯଦ୍ଯେବଂ ବକ୍ଷ୍ଯସେ ଭୂଯୋ ମମାପ୍ରିଯମିହ ଦ୍ବିଜ।
ତତସ୍ତେ ଖଙ୍ଗମୁଦ୍ଯମ୍ଯ ଜିହ୍ବାଂ ଛେତ୍ସ୍ଯାମି ଦୁର୍ମତେ॥ 7-159-56 (52201)
ଯଚ୍ଚାପି ପାଣ୍ଡବାନ୍ବିପ୍ର ସ୍ତୋତୁମିଚ୍ଛସି ସଂଯୁଗେ।
ଭୀଷଯନ୍ସର୍ବସୈନ୍ଯାନି କୌରବେଯାଂଶ୍ଚ ଦୁର୍ମତେ॥ 7-159-57 (52202)
ଅତ୍ରାପି ଶୃଣୁ ମେ ବାକ୍ଯଂ ଯଥାବଦ୍ବ୍ରୁବତୋ ଦ୍ବିଜ।
ଦୁର୍ଯୋଧନଶ୍ଚ ଦ୍ରୋଣଶ୍ଚ ଶକୁନିର୍ଦୁର୍ମୁଖୋ ଜଯଃ॥ 7-159-58 (52203)
ଦୁଃଶାସନୋ ବୃଷସେନୋ ମଦ୍ରାଜସ୍ତ୍ବମେବ ଚ।
ସୋମଦତ୍ତଶ୍ଚ ଭୂରିଶ୍ଚ ତଥା ଦ୍ରୌଣିର୍ବିବିଂଶତିଃ॥ 7-159-59 (52204)
ତିଷ୍ଠେଯୁର୍ଦଂଶିତା ଯତ୍ରା ସର୍ବେ ଯୁଦ୍ଧବିଶାରଦାଃ।
ଜଯେଦେତାନ୍ନରଃ କୋ ନୁ ଶକ୍ରତୁଲ୍ଯବଲୋଽପ୍ଯରିଃ॥ 7-159-60 (52205)
ଶୂରାଶ୍ଚ ହି କୃତାସ୍ତ୍ରାଶ୍ଚ ବଲିନଃ ସ୍ବର୍ଗଲିପ୍ସବଃ।
ଧର୍ମଜ୍ଞା ଯୁଦ୍ଧକୁଶଲା ହନ୍ଯୁର୍ଯୁଦ୍ଧେ ସୁରାନପି॥ 7-159-61 (52206)
ଏତେ ସ୍ଥାସ୍ଯନ୍ତି ସଙ୍ଗ୍ରାମେ ପାଣ୍ଡବାନାଂ ବଧାର୍ଥିନଃ।
ଜଯମାକାଙ୍କ୍ଷମାଣା ହି କୌରବେଯସ୍ଯ ଦଂଶିତାଃ॥ 7-159-62 (52207)
ଦୈବାଯତ୍ତମହଂ ମନ୍ଯେ ଜଯଂ ସୁବଲିନାମପି।
ଯତ୍ର ଭୀଷ୍ମୋ ମହାବାହୁଃ ଶେତେ ଶରଶତାଚିତଃ॥ 7-159-63 (52208)
ବିକର୍ଣଶ୍ଚିତ୍ରସେନଶ୍ଚ ବାହ୍ଲୀକୋଽଥ ଜଯଦ୍ରଥଃ।
ଭୂରିଶ୍ରବା ଜଯଶ୍ଚୈବ ଜଲସନ୍ଧଃ ସୁଦକ୍ଷିଣଃ॥ 7-159-64 (52209)
ଶଲଶ୍ଚ ରଥିନାଂ ଶ୍ରେଷ୍ଠୋ ଭଗଦତ୍ତଶ୍ଚ ବୀର୍ଯବାନ୍।
ଏତେ ଚାନ୍ଯେ ଚ ରାଜାନୋ ଦେବୈରପି ସୁଦୁର୍ଜଯାଃ॥ 7-159-65 (52210)
ନିହତାଃ ସମରେ ଶୂରାଃ ପାଣ୍ଡବୈର୍ବଲବତ୍ତରାଃ।
କିମନ୍ଯଦ୍ଦୈବସଂଯୋଗାନ୍ମନ୍ଯସେ ପୁରୁଷାଧମ॥ 7-159-66 (52211)
ଯାଂଶ୍ଚ ତାଂସ୍ତୌଷି ସତତଂ ଦୁର୍ଯୋଧନରିପୂନ୍ଦ୍ବିଜ।
ତେଷାମପି ହତାଃ ଶୂରାଃ ଶତଶୋଽଥ ସହସ୍ରଶଃ॥ 7-159-67 (52212)
କ୍ଷୀଯନ୍ତେ ସର୍ବସୈନ୍ଯାନି କୁରୂଣାଂ ପାଣ୍ଡବୈଃ ସହ।
ପ୍ରଭାବଂ ନାତ୍ର ପାଶ୍ଯାମି ପାଣ୍ଡବାନାଂ କଥଞ୍ଚନ॥ 7-159-68 (52213)
ଯସ୍ତାନ୍ବଲବତୋ ନିତ୍ଯଂ ମନ୍ଯସେ ତ୍ବଂ ଦ୍ବିଜାଧମ।
ଯତିଷ୍ଯେଽହଂ ଯଥାଶକ୍ତି ଯୋଦ୍ଧୁଂ ତୈଃ ସହ ସଂଯୁଗେ।
ଦୁର୍ଯୋଧନହିତାର୍ଥାଯ ଜଯୋ ଦୈବେ ପ୍ରତିଷ୍ଠିତଃ॥ ॥ 7-159-69 (52214)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ଏକୋନଷଷ୍ଟ୍ଯଧିକଶତତମୋଽଧ୍ଯାଯଃ॥ 159 ॥
ଦ୍ରୋଣପର୍ବ - ଅଧ୍ଯାଯ 160
॥ ଶ୍ରୀଃ ॥
7.160. ଅଧ୍ଯାଯଃ 160
Mahabharata - Drona Parva - Chapter Topics
କୃପଗର୍ହଣାତିତିକ୍ଷଯା କର୍ଣବଧାଯାକ୍ଷ୍ଯୁତ୍ତିଷ୍ଠତୋଽଶ୍ବତ୍ଥାମ୍ନଃ କୃପଦୁର୍ଯୋଧନାକ୍ଷ୍ଯାଂ ନିବାରଣମ୍॥ 1 ॥ ଅର୍ଜୁନେନ କର୍ଣପରାଜଯୋ ଦୁର୍ଯୋଧନେନ ରଣାଯ ଦ୍ରୌଣିଚୋଦନା ଚ॥ 2 ॥Mahabharata - Drona Parva - Chapter Text
7-160-0 (52215)
ସଞ୍ଜଯ ଉବାଚ। 7-160-0x (4694)
ତଥା ପରୁଷିତଂ ଦୃଷ୍ଟ୍ବା ସୂତପୁତ୍ରେଣ ମାତୁଲମ୍।
ଖଙ୍ଗମୁଦ୍ଯମ୍ଯ ବେଗେନ ଦ୍ରୌଣିରଭ୍ଯପତଦ୍ଦ୍ରୁତମ୍॥ 7-160-1 (52216)
ତତଃ ପରମସଙ୍କ୍ରୁଦ୍ଧଃ ସିଂହୋ ମତ୍ତମିବ ଦ୍ବିପମ୍।
ପ୍ରେକ୍ଷତଃ କୁରୁରାଜସ୍ଯ ଦ୍ରୌଣିଃ କର୍ଣଂ ସମଭ୍ଯଯାତ୍॥ 7-160-2 (52217)
ଅଶ୍ବତ୍ଥାମୋବାଚ। 7-160-3x (4695)
ଯଦର୍ଯୁନଗୁଣାଂସ୍ତଥ୍ଯାନ୍କୀର୍ତଯାନଂ ନରାଧମ।
ଶୂରଂ ଦ୍ବେଷାତ୍ସୁଦୁର୍ବୁଦ୍ଧେ ତ୍ବଂ ଭର୍ତ୍ସଯସି ମାତୁଲମ୍॥ 7-160-3 (52218)
ବିକତ୍ଥମାନଃ ଶୌର୍ଯେଣ ସର୍ବଲୋକଧନୁର୍ଧରମ୍॥
ଦର୍ପୋତ୍ସେଧଗୃହୀତୋଽଦ୍ଯ ନ କଞ୍ଚିଦ୍ଗଣଯନ୍ମୃଧେ॥ 7-160-4 (52219)
କ୍ବ ତେ ବୀର୍ଯଂ କ୍ବ ଚାସ୍ତ୍ରାଣି ଯଂ ତ୍ବାଂ ନିର୍ଜିତ୍ଯ ସଂଯୁଗେ।
ଗାଣ୍ଡୀବଧନ୍ବା ହତବାନ୍ପ୍ରେକ୍ଷତସ୍ତେ ଜଯଦ୍ରଥମ୍॥ 7-160-5 (52220)
ଯେନ ସାକ୍ଷାନ୍ମହାଦେବୋ ଯୋଧିତଃ ସମରେ ପୁରା।
ତମିଚ୍ଛସି ବୃଥା ଜେତୁଂ ସୂତାଧମ ମନୋରଥୈଃ॥ 7-160-6 (52221)
ଯଂ ହି କୃଷ୍ଣେନ ସହିତଂ ସର୍ବଶସ୍ତ୍ରଭୃତାଂ ବରମ୍।
ଜେତୁଂ ନ ଶକ୍ତାଃ ସହିତାଃ ସେନ୍ଦ୍ରା ଅପି ସୁରାସୁରାଃ॥ 7-160-7 (52222)
ଲୋକୈକବୀରମଜିତମର୍ଜୁନଂ ସୂତ ସଂଯୁଗେ।
କିଂ ପୁନସ୍ତ୍ବଂ ସୁଦୁର୍ବୁଦ୍ଧେ ସହୈଭିର୍ବସୁଧାଧିପୈଃ॥ 7-160-8 (52223)
କର୍ଣ ପଶ୍ଯ ସୁଦୁର୍ବୁଦ୍ଧେ ତିଷ୍ଠେଦାନୀଂ ନରାଧମ।
ଏଷ ତେଽଦ୍ଯ ଶିରଃ କାଯାଦୁଦ୍ଧରାମି ସୁଦୁର୍ମତେ॥
ସଞ୍ଜଯ ଉବାଚ। 7-160-9 (52224)
ତମୁଦ୍ଯତଂ ତୁ ବେଗେନ ରାଜା ଦୁର୍ଯୋଧନଃ ସ୍ବଯମ୍।
ନ୍ଯବାରଯନ୍ମହାତେଜାଃ କୃପଶ୍ଚ ଦ୍ବିପଦାଂ ବରଃ॥ 7-160-10 (52225)
କର୍ଣ ଉବାଚ। 7-160-11x (4696)
ଶୂରୋଽଯଂ ସମରଶ୍ଲାଘୀ ଦୁର୍ମତିଶ୍ଚ ଦ୍ବିଜାଧମଃ।
ଆସାଦଯତୁ ମଦ୍ବୀର୍ଯଂ ମୁଞ୍ଚେମଂ କୁରୁସତ୍ତମ॥ 7-160-11 (52226)
ଅଶ୍ବତ୍ଥାମୋବାଚ। 7-160-12x (4697)
ତୈବତତ୍କ୍ଷମ୍ଯତେଽସ୍ମାଭିଃ ସୂତାତ୍ମଜ ସୁଦୁର୍ମତେ।
ଦର୍ପମୁତ୍ସିକ୍ତମେତତ୍ତେ ଫଲ୍ଗୁନୋ ନାଶଯିଷ୍ଯତି॥ 7-160-12 (52227)
ଦୁର୍ଯୋଧନ ଉବାଚ। 7-160-13x (4698)
ଅଶ୍ବତ୍ଥାମନ୍ପ୍ରସୀଦସ୍ବ କ୍ଷନ୍ତୁମର୍ହସି ମାନଦ।
କୋପଃ ଖଲୁ ନ କର୍ତବ୍ଯଃ ସୂତପୁତ୍ରଂ କଥଞ୍ଚନ॥ 7-160-13 (52228)
ତ୍ବଯି କର୍ଣେ କୃପେ ଦ୍ରୋଣେ ମଦ୍ରରାଜେଽଥ ସୌବଲେ।
ମହତ୍କାର୍ଯଂ ସମାସକ୍ତଂ ପ୍ରସୀଦ ଦ୍ବିଜସତ୍ତମ॥ 7-160-14 (52229)
ଏତେ ହ୍ଯଭିମୁଖାଃ ସର୍ବେ ରାଧେଯେନ ଯୁଯୁତ୍ସବଃ।
ଆଯାନ୍ତି ପାଣ୍ଡବା ବ୍ରହ୍ମନ୍ନାହ୍ବଯନ୍ତଃ ସମନ୍ତତଃ॥ 7-160-15 (52230)
ସଞ୍ଜଯ ଉବାଚ। 7-160-16x (4699)
ପ୍ରସାଦ୍ଯମାନସ୍ତୁ ତତୋ ରାଜ୍ଞା ଦ୍ରୌଣିର୍ମହାମନାଃ।
ପ୍ରସସାଦ ମହାରାଜ କ୍ରୋଧବେଗସମନ୍ବିତଃ॥ 7-160-16 (52231)
ତତଃ କୃପୋଽପ୍ଯୁବାଚେଦମାଚାର୍ଯଃ ସୁମହାମନାଃ।
ସୌମ୍ଯସ୍ବଭାବାଦ୍ରାଜନେନ୍ଦ୍ର କ୍ଷିପ୍ରମାଗତମାର୍ଦବଃ॥ 7-160-17 (52232)
କୃପ ଉବାଚ। 7-160-18x (4700)
ତବୈତତ୍କ୍ଷମ୍ଯତେଽସ୍ମାଭିଃ ସୂତାତ୍ମଜ ସୁଦୁର୍ମତେ।
ଦର୍ପମୁତ୍ସିକ୍ତମେତତ୍ତେ ଫଲ୍ଗୁନୋ ନାଶଯିଷ୍ଯତି॥ 7-160-18 (52233)
ସଞ୍ଜଯ ଉବାଚ। 7-160-19x (4701)
ତତସ୍ତେ ପାଣ୍ଡବା ରାଜନ୍ପାଞ୍ଚାଲାଶ୍ଚ ଯଶସ୍ବିନଃ।
ଆଜଗ୍ମୁଃ ସହିତାଃ କର୍ଣଂ ତର୍ଜଯନ୍ତଃ ସମନ୍ତତଃ॥ 7-160-19 (52234)
କର୍ଣୋଽପି ରଥିନାଂ ଶ୍ରେଷ୍ଠଶ୍ଚାପମୁଦ୍ଯମ୍ଯ ବୀର୍ଯବାନ୍।
କୌରବାଗ୍ର୍ଯୈଃ ପରିବୃତଃ ଶକ୍ରୋ ଦେବଗଣୈରିବ।
ପର୍ଯତିଷ୍ଠତ ତେଜସ୍ବୀ ସ୍ବବାହୁବଲମାଶ୍ରିତଃ॥ 7-160-20 (52235)
ତତଃ ପ୍ରବବୃତେ ଯୁଦ୍ଧଂ କର୍ଣସ୍ଯ ସହ ପାଣ୍ଡବୈଃ।
ଭୀଷଣଂ ସୁମହାରାଜ ସିଂହନାଦବିରାଜିତମ୍॥ 7-160-21 (52236)
ତତସ୍ତେ ପାଣ୍ଡବା ରାଜନ୍ପାଞ୍ଚାଲାଶ୍ଚ ଯଶସ୍ବିନଃ।
ଦୃଷ୍ଟ୍ବା କର୍ଣଂ ମହାବାହୁମୁଚ୍ଚୈଃ ଶବ୍ଦମଥାନଦନ୍॥ 7-160-22 (52237)
ଅଯଂ କର୍ଣଃ କୁତଃ କର୍ଣସ୍ତିଷ୍ଠ କର୍ଣ ମହାରଣେ।
ଯୁଧ୍ଯସ୍ବ ସହିତୋଽସ୍ମାଭିର୍ଦୁରାତ୍ମନ୍ପୁରୁଷାଧମ॥ 7-160-23 (52238)
ଅନ୍ଯେ ତୁ ଦୃଷ୍ଟ୍ବା ରାଧେଯଂ କ୍ରୋଧରକ୍ରେକ୍ଷଣାଽବ୍ରୁବନ୍।
ହନ୍ଯତାମଯମୁତ୍ସିକ୍ତଃ ସୂତପୁତ୍ରୋଽଲ୍ପଚେତନଃ।
ସର୍ବୈଃ ପାର୍ଥିବଶାର୍ଦୂଲୈର୍ନାନେନାର୍ଥୋଽସ୍ତି ଜୀବତା। 7-160-24 (52239)
ଅତ୍ଯନ୍ତବୈରୀ ପାର୍ଥାନାଂ ସତତଂ ପାପପୂରୁଷଃ।
ଏଷ ମୂଲମନର୍ଥାନାଂ ଦୁର୍ଯୋଧନମତେ ସ୍ଥିତଃ॥ 7-160-25 (52240)
ଘ୍ନତୈନମିତି ଜଲ୍ପନ୍ତଃ କ୍ଷତ୍ରିଯାଃ ସମୁପାଦ୍ରବନ୍।
ମହତା ଶରବର୍ଷେଣ ଚ୍ଛାଦଯନ୍ତୋ ମହାରଥାଃ।
ବଧାର୍ଥଂ ସୂତପୁତ୍ରସ୍ଯ ପାଣ୍ଡବେଯେନ ଚୋଦିତାଃ॥ 7-160-26 (52241)
ତାଂସ୍ତୁ ସର୍ବାଂସ୍ତଥା ଦୃଷ୍ଟ୍ବା ଧାବମାନାନ୍ମହାରଥାନ୍।
ନ ବିବ୍ଯଥେ ସୂତପୁତ୍ରୋ ନ ଚ ତ୍ରାସମଗଚ୍ଛତ॥ 7-160-27 (52242)
ଦୃଷ୍ଟ୍ବା ସାଗସ୍କଲ୍ପଂ ତମୁଦ୍ଧୂତଂ ସୈନ୍ଯସାଗରମ୍।
ପିପ୍ରୀଷୁସ୍ତବ ପୁତ୍ରାଣାଂ ସଙ୍ଗ୍ରାମେଷ୍ବପରାଜିତଃ॥ 7-160-28 (52243)
ସାଯକୌଧେନ ବଲବାନ୍କ୍ଷିପ୍ରକାରୀ ମହାବଲଃ।
ବାରଯାମାସ ତତ୍ସୈନ୍ଯଂ ସମନ୍ତାଦ୍ଭରତର୍ପଭ॥ 7-160-29 (52244)
ତତସ୍ତୁ ଶରବର୍ଷେଣ ପାର୍ଥିବାସ୍ତମବାରଯନ୍।
ଧନୁମ୍ପି ତେ ବିଧୁନ୍ବାନାଃ ଶତଶୋଽଥ ସହସ୍ରଶଃ।
ଅଯୋଧଯନ୍ତ ରାଧେଯଂ ଶକ୍ରଂ ଦୈତ୍ଯଗଣା ଇବ॥ 7-160-30 (52245)
ଶରବର୍ପଂ ତୁ ତତ୍କର୍ଣଃ ପାର୍ଥିବୈଃ ସମୁଦୀରିତମ୍।
ଶରବର୍ଷେଣ ମହତା ସମନ୍ତାଦ୍ବ୍ଯକିରତ୍ପ୍ରଭୋ॥ 7-160-31 (52246)
ତଦ୍ଯୁଦ୍ଧମଭବତ୍ତେଷାଂ କୃତପ୍ରତିକୃତୈଷିଣାମ୍।
ଯଥା ଦେବାସୁରେ ଯୁଦ୍ଧେ ଶକ୍ରସ୍ଯ ସହ ଦାନୈବଃ॥ 7-160-32 (52247)
ତତ୍ରାଦ୍ଭୁତମପଶ୍ଯାମ ସୂତପୁତ୍ରସ୍ଯ ଲାଘବମ୍।
ଯଦେନଂ ସର୍ବତୋ ଯତ୍ତା ନାପ୍ନୁବନ୍ତି ପରେ ଯୁଧି॥ 7-160-33 (52248)
ନିବାର୍ଯ ଚ ଶରୌଘାଂସ୍ତାନ୍ପାର୍ଥିବାନାଂ ମହାରଥଃ।
ଯୁଗେଷ୍ବୀଷାସୁ ଚ୍ଛତ୍ରେଷୁ ଧ୍ବଜେଷୁ ଚ ହଯେଷୁ ଚ।
ଆତ୍ମନାମାଙ୍କିତାନ୍ଘୋରାନ୍ରାଧେଯଃ ପ୍ରାହିଣୋଚ୍ଛରାନ୍॥ 7-160-34 (52249)
ତତସ୍ତେ ବ୍ଯାକୁଲୀଭୂତା ରାଜାନଃ କର୍ଣପୀଡିତାଃ।
ବଭ୍ରୁମୁସ୍ତତ୍ର ତତ୍ରୈବ ଗାବଃ ଶୀତାର୍ଦିତା ଇବ॥ 7-160-35 (52250)
ହଯାନାଂ ବଧ୍ଯମାନାନାଂ ଗଜାନାଂ ରଥିନାଂ ତଥା।
ତତ୍ରତତ୍ରାଭ୍ଯବେକ୍ଷାମ ସଙ୍ଘାନ୍କର୍ଣେନ ତାଡିତାନ୍॥ 7-160-36 (52251)
ଶିରୋଭିଃ ପତିତୈ ରାଜନ୍ବାହୁଭିଶ୍ଚ ସମନ୍ତତଃ।
ଆସ୍ତୀର୍ଣା ବସୁଧା ସର୍ବା ଶୂରାଣାମନିବର୍ତିନାମ୍॥ 7-160-37 (52252)
ହତୈଶ୍ଚ ହନ୍ଯମାନୈଶ୍ଚ ନିଷ୍ଟନଦ୍ଭିଶ୍ଚ ସର୍ବଶଃ।
ବଭୂବାଯୋଧନଂ ରୌଦ୍ରଂ ବୈବସ୍ବତପୁରୋପମମ୍॥ 7-160-38 (52253)
ତତୋ ଦୁର୍ଯୋଧନୋ ରାଜା ଦୃଷ୍ଟ୍ବା କର୍ଣସ୍ଯ ବିକ୍ରମମ୍।
ଅଶ୍ବତ୍ଥାମାନମାସାଦ୍ଯ ବାକ୍ଯମେତଦୁବାଚ ହ॥ 7-160-39 (52254)
ଯୁଧ୍ଯତେଽସୌ ରଣେ କର୍ଣୋ ଦଂଶିତଃ ସର୍ବପାର୍ଥିବୈଃ॥ 7-160-40 (52255)
ପଶ୍ଯୈତାଂ ଦ୍ରବତୀଂ ସେନାଂ କର୍ଣସାଯକପୀଡିତାମ୍।
କାର୍ତିକେଯେନ ବିଧ୍ବସ୍ତାମାସୁରୀଂ ପୃତନାମିବ॥ 7-160-41 (52256)
ଦୃଷ୍ଟ୍ବୈତାଂ ନିର୍ଜିତାଂ ସେନାଂ ରଣେ କର୍ଣେନ ଧୀମତା।
ଅଭିଯାତ୍ଯେଷ ବୀଭତ୍ସୁଃ ସୂତପୁତ୍ରଜିଘାଂସଯା॥ 7-160-42 (52257)
ତଦ୍ଯଥା ପ୍ରେକ୍ଷମାଣାନାଂ ସୂତପୁତ୍ରଂ ମହାରଥମ୍।
ନ ହନ୍ଯାତ୍ପାଣ୍ଡବଃ ସଙ୍ଖ୍ଯେ ତଥା ନୀତିର୍ବିଧୀଯତାଂ॥ 7-160-43 (52258)
ତତୋ ଦ୍ରୌଣିଃ କୃପଃ ଶଲ୍ଯୋ ହାର୍ଦିକ୍ଯଶ୍ଚ ମହାରଥଃ।
ପ୍ରତ୍ଯୁଦ୍ଯଯୁସ୍ତଦା ପାର୍ଥଂ ସୂତପୁତ୍ରପରୀପ୍ସଯା।
ଆଯାନ୍ତଂ ବୀକ୍ଷ୍ଯ କୌନ୍ତେଯଂ ଶକ୍ରଂ ଦୈତ୍ଯଚମୂମିବ॥ 7-160-44 (52259)
ବୀଭତ୍ସୁରପି ରାଜେନ୍ଦ୍ର ପାଞ୍ଚାଲୈରଭିସଂବୃତଃ।
ପ୍ରତ୍ଯୁଦ୍ଯଯୌ ତଦା କର୍ଣଂ ଯଥା ବୃତ୍ରଂ ଶତକ୍ରତୁଃ॥ 7-160-45 (52260)
ଧୃତରାଷ୍ଟ୍ର ଉବାଚ। 7-160-46x (4702)
ସଂରବ୍ଧଂ ଫଲ୍ଗୁନଂ ଦୃଷ୍ଟ୍ବା କାଲାନ୍ତକଯମୋପମମ୍।
କର୍ଣୋ ବୈକର୍ତନଃ ସୂତ ପ୍ରତ୍ଯପଦ୍ଯତ୍କିମୁତ୍ତରମ୍॥ 7-160-46 (52261)
ଯୋ ହ୍ଯସ୍ପର୍ଧତ ପାର୍ଥେନ ନିତ୍ଯମେବ ମହାରଥଃ।
ଆଶଂସତେ ଚ ବୀଭତ୍ସୁଂ ଯୁଦ୍ଧେ ଜେତୁଂ ସୁଦାରୁଣମ୍॥ 7-160-47 (52262)
ସ ତୁ ତଂ ସହସା ପ୍ରାପ୍ତଂ ନିତ୍ଯମତ୍ଯନ୍ତବୈରିଣମ୍।
କର୍ଣୋ ବୈକର୍ତନଃ ସୂତ କିମୁତ୍ତରମପଦ୍ଯତ॥ 7-160-48 (52263)
ସଞ୍ଜଯ ଉବାଚ। 7-160-49x (4703)
ଆଯାନ୍ତଂ ପାଣ୍ଡବ ଦୃଷ୍ଟ୍ବା ଗଜଂ ପ୍ରତିଗଜୋ ଯଥା।
ଅସମ୍ଭ୍ରାନ୍ତୋ ରଣେ କର୍ଣଃ ପ୍ରତ୍ଯୁଦୀଯାଦ୍ଧନଞ୍ଜଯମ୍॥ 7-160-49 (52264)
ତମାପତନ୍ତଂ ବେଗେନ ବୈକର୍ତନମଜିହ୍ମଗୈଃ।
ଛାଦଯାମାସ ପାର୍ଥୋଽଥ କର୍ଣସ୍ତୁ ବିଜଯଂ ଶରୈଃ॥ 7-160-50 (52265)
ସ କର୍ଣଂ ଶରଜାଲେନ ଚ୍ଛାଦଯାମାସ ପାଣ଼୍ଡବଃ।
ତତଃ କର୍ଣଃ ସୁସଂରବ୍ଧଃ ଶରୈସ୍ତ୍ରିଭିରବିଧ୍ଯତ॥ 7-160-51 (52266)
ତସ୍ଯ ତଲ୍ଲାଘବଂ ପାର୍ଥୋ ନାମୃଷ୍ଯତ ମହାବଲଃ॥ 7-160-52 (52267)
ତସ୍ମୈ ବାଣାଞ୍ଶିଲାଧୌତାନ୍ପ୍ରସନ୍ନାଗ୍ରାନଜିହ୍ମଗାନ୍।
ପ୍ରାହିଣୋତ୍ସୂତପୁତ୍ରାଯ ତ୍ରିଶତଂ ଶତ୍ରୁତାପନଃ॥ 7-160-53 (52268)
ବିବ୍ଯାଧ ଚୈନଂ ସଂରବ୍ଧୋ ବାଣେନୈକେନ ବୀର୍ଯବାନ୍।
ସବ୍ଯେ ଭୁଜାଗ୍ରେ ବଲବାନ୍ନାରାଚେନ ହସନ୍ନିବ॥ 7-160-54 (52269)
ତସ୍ଯ ବିଦ୍ଧସ୍ଯ ବାଣେନ କରାଚ୍ଚାପଂ ପପାତ ହ॥ 7-160-55 (52270)
ପୁନରାଦାଯ ତଚ୍ଚାପଂ ନିମେଷାର୍ଧାନ୍ମହାବଲଃ।
ଛାଦଯାମାସ ବାଣୌଘୈଃ ଫଲ୍ଗୁନଂ କୃତହସ୍ତବତ୍॥ 7-160-56 (52271)
ଶରବୃଷ୍ଟିଂ ତୁ ତାଂ ମୁକ୍ତାଂ ସୂତପୁତ୍ରେଣ ଭାରତ।
ବ୍ଯଧମଚ୍ଛରବର୍ଷେଣ ସ୍ମଯନ୍ନିବ ଧନଞ୍ଜଯଃ॥ 7-160-57 (52272)
ତୌ ପରସ୍ପରମାସାଦ୍ଯ ଶରବର୍ଷେଣ ପାର୍ଥିବ।
ଛାଦଯେତାଂ ମହେଷ୍ବାସୌ କୃତପ୍ରତିକୃତୈଷିଣୌ॥ 7-160-58 (52273)
ତଦଦ୍ଭୁତଂ ମହଦ୍ଯୁଦ୍ଧଂ କର୍ଣପାଣ୍ଡବଯୋର୍ମୃଧେ।
କ୍ରୁଦ୍ଧଯୋର୍ବାସିତାହେତୋର୍ବନ୍ଯଯୋର୍ଗଜଯୋରିବ॥ 7-160-59 (52274)
ତତଃ ପାର୍ଥୋ ମହେଷ୍ବାସୋ ଦୃଷ୍ଟ୍ବା କର୍ଣସ୍ଯ ବିକ୍ରମମ୍।
ମୁଷ୍ଟିଦେଶେ ଧନୁସ୍ତସ୍ଯ ଚିଚ୍ଛେଦ ତ୍ବରଯାଽନ୍ବିତଃ॥ 7-160-60 (52275)
ଅଶ୍ବାଂଶ୍ଚ ଚତୁରୋ ଭଲ୍ଲୈରନଯଦ୍ଯମସାଦନମ୍।
ସାରଥେଶ୍ଚ ଶିସଃ କାଯାଦହରଚ୍ଛତ୍ରୁତାପନଃ॥ 7-160-61 (52276)
ଅଥୈନଂ ଛିନ୍ନଧନ୍ବାନଂ ହତାଶ୍ବଂ ହତସାରଥିମ୍।
ବିବ୍ଯାଧ ସାଯକୈଃ ପାର୍ଥଶ୍ଚତୁର୍ଭିଃ ପାଣ୍ଡୁନନ୍ଦନଃ॥ 7-160-62 (52277)
ହତାଶ୍ବାତ୍ତୁ ରଥାତ୍ତୂର୍ଣମବପ୍ଲୁତ୍ଯ ନରର୍ଷଭଃ।
ଆରୁରୋହ ରଥଂ ତୂର୍ଣଂ କୃପସ୍ଯ ଶରପୀଡିତଃ॥ 7-160-63 (52278)
ସ ନୁନ୍ନୋଽର୍ଜୁନବାଣୌଘୈରାଚିତଃ ଶଲ୍ଯକୋ ଯଥା।
ଜୀବିତାର୍ଥମଭିପ୍ରେପ୍ସୁଃ କୃପସ୍ଯ ରଥମାରୁହତ୍॥ 7-160-64 (52279)
ରାଧେଯଂ ନିର୍ଜିତଂ ଦୃଷ୍ଟ୍ବା ତାବକା ଭରତର୍ଷଭ।
ଧନଞ୍ଜଯଶରୈର୍ନୁନ୍ନାଃ ପ୍ରାଦ୍ରବନ୍ତ ଦିଶୋ ଦଶ॥ 7-160-65 (52280)
ଦ୍ରବତସ୍ତାନ୍ସମାଲୋକ୍ଯ ରାଜା ଦୁର୍ଯୋଧନୋ ନୃପ।
ନିବର୍ତଯାମାସ ତଦା ବାକ୍ଯମେତଦୁବାଚ ହ॥ 7-160-66 (52281)
ଅଲଂ ଦ୍ରୁତେନ ବଃ ଶୂରାସ୍ତିଷ୍ଠଧ୍ବଂ କ୍ଷତ୍ରିଯର୍ଷଭାଃ।
ଏଷ ପାର୍ଥବଧାଯାହଂ ସ୍ବଯଂ ଗଚ୍ଛାମି ସଂଯୁଗେ।
ଅହଂ ପାର୍ଥାନ୍ହନିଷ୍ଯାମି ସପାଞ୍ଚାଲାନ୍ସସୋମକାନ୍॥ 7-160-67 (52282)
ଅଦ୍ଯ ମେ ଯୁଧ୍ଯମାନସ୍ଯ ସହ ଗାଣ୍ଡୀବଧନ୍ବନା।
ଦ୍ରକ୍ଷ୍ଯନ୍ତି ବିକ୍ରମଂ ପାର୍ଥାଃ କାଲସ୍ଯେବ ଯୁଗକ୍ଷଯେ॥ 7-160-68 (52283)
ଅଦ୍ଯ ମଦ୍ବାଣଜାଲାନି ବିମୁକ୍ତାନି ସହସ୍ରଶଃ।
ଦ୍ରକ୍ଷ୍ଯନ୍ତି ସମରେ ଯୋଧାଃ ଶଲଭାନାମିବାଯତୀଃ॥ 7-160-69 (52284)
ଅଦ୍ଯ ବାଣମଯଂ ବର୍ଷଂ ସୃଜତୋ ମମ ଧନ୍ବିନଃ।
ଜୀମୂତସ୍ଯେବ ଘର୍ମାନ୍ତେ ଦ୍ରକ୍ଷ୍ଯନ୍ତି ଯୁଧି ସୈନିକାଃ॥ 7-160-70 (52285)
ଜେଷ୍ଯାମ୍ଯଦ୍ଯ ରଣେ ପାର୍ଥଂ ସାଯକୈର୍ନତପର୍ବଭିଃ।
ତିଷ୍ଠଧ୍ବଂ ସମରେ ଶୂରା ଭଯଂ ତ୍ଯଜତ ଫଲ୍ଗୁନାତ୍॥ 7-160-71 (52286)
ନ ହି ମଦ୍ବୀର୍ଯମାସାଦ୍ଯ ଫଲ୍ଗୁନଃ ପ୍ରସହିଷ୍ଯତି।
ଯଥା ବେଲାଂ ସମାସାଦ୍ଯ ସାଗରୋ ମକରାଲଯଃ॥ 7-160-72 (52287)
ଇତ୍ଯୁକ୍ତ୍ବା ପ୍ରଯଯୌ ରାଜା ସୈନ୍ଯେନ ମହତା ବୃତଃ।
ଫଲ୍ଗୁନଂ ପ୍ରତିଦୁର୍ଧର୍ଷଃ କ୍ରୋଧାତ୍ସଂରକ୍ତଲୋଚନଃ॥ 7-160-73 (52288)
ତଂ ପ୍ରଯାନ୍ତଂ ମହାବାହୁଂ ଦୃଷ୍ଟ୍ବା ଶାରଦ୍ବତସ୍ତଦା।
ଅଶ୍ବତ୍ଥାମାନମାସାଦ୍ଯ ବାକ୍ଯମେତଦୁବାଚ ହ॥ 7-160-74 (52289)
ଏଷ ରାଜା ମହାବାହୁରମର୍ଷୀ କ୍ରୋଧମୂର୍ଚ୍ଛିତଃ।
ପତଙ୍ଗବୃତ୍ତିମାସ୍ଥାଯ ଫଲ୍ଗୁନଂ ଯୋଦ୍ଧୁମିଚ୍ଛତି॥ 7-160-75 (52290)
ଯାବନ୍ନଃ ପଶ୍ଯମାନାନାଂ ପ୍ରାଣାନ୍ପାର୍ଥେନ ସଂଗତଃ।
ନ ଜହ୍ଯାତ୍ପୁରୁଷବ୍ଯାଘ୍ରସ୍ତାବଦ୍ବାରଯ କୌରବମ୍॥ 7-160-76 (52291)
ଯାବତ୍ଫଲ୍ଗୁନବାଣାନାଂ ଗୋଚରଂ ନାଦ୍ଯ ଗଚ୍ଛତି।
କୌରବଃ ପାର୍ଥିବୋ ବୀରସ୍ତାବଦ୍ବାରଯ ସଂଯୁଗେ॥ 7-160-77 (52292)
ଯାବତ୍ପାର୍ଥଶରୈର୍ଘୋରୈର୍ନିର୍ମୁକ୍ତୋରଗସନ୍ନିଭୈଃ।
ନ ଭସ୍ମୀକ୍ରିଯତେ ରାଜା ତାବଦ୍ଯୁଦ୍ଧାନ୍ନିବାର୍ଯତାମ୍॥ 7-160-78 (52293)
ଅଯୁକ୍ତମିବ ପଶ୍ଯାମି ତିଷ୍ଠତ୍ସ୍ବସ୍ମାସୁ ମାନଦ।
ସ୍ବଯଂ ଯୁଦ୍ଧାଯ ଯଦ୍ରାଜା ପାର୍ଥଂ ଯାତ୍ଯସହାଯବାନ୍॥ 7-160-79 (52294)
ଦୁର୍ଲଭଂ ଜୀବିତଂ ମନ୍ଯେ କୌରବ୍ଯସ୍ଯ କିରୀଟିନା।
ଯୁଧ୍ଯମାନସ୍ଯ ପାର୍ଥେନ ଶାର୍ଦୂଲେନେବ ହସ୍ତିନଃ॥ 7-160-80 (52295)
ମାତୁଲେନୈବମୁକ୍ତସ୍ତୁ ଦ୍ରୌଣିଃ ଶସ୍ତ୍ରଭୃତାଂ ବରଃ।
ଦୁର୍ଯୋଧନମିଦଂ ବାକ୍ଯଂ ତ୍ବରିତଃ ସମଭାଷତ॥ 7-160-81 (52296)
ମଯି ଜୀବତି ଗାନ୍ଧାରେ ନ ଯୁଦ୍ଧଂ ଗନ୍ତୁମର୍ହସି।
ମାମନାଦୃତ୍ଯ କୌରବ୍ଯ ତବ ନିତ୍ଯଂ ହିତୈଷିଣମ୍॥ 7-160-82 (52297)
ନ ହି ସମ୍ଭ୍ରମଃ କାର୍ଯଃ ପାର୍ଥସ୍ଯ ବିଜଯଂ ପ୍ରତି।
ଅହମାବାରଯିଷ୍ଯାମି ପାର୍ଥଂ ତିଷ୍ଠ ସୁଯୋଧନ॥ 7-160-83 (52298)
ଦୁର୍ଯୋଧନ ଉବାଚ। 7-160-84x (4704)
ଆଚାର୍ଯଃ ପାଣ୍ଡୁପୁତ୍ରାନ୍ବୈ ପୁତ୍ରବତ୍ପରିରକ୍ଷତି।
ତ୍ବମପ୍ଯୁପେକ୍ଷାଂ କୁରୁଷେ ତେଷୁ ନିତ୍ଯଂ ଦ୍ବିଜୋତ୍ତମ୍॥ 7-160-84 (52299)
ମମ ବା ମନ୍ଦଭାଗ୍ଯତ୍ବାନ୍ମନ୍ଦସ୍ତେ ବିକ୍ରମୋ ଯୁଧି।
ଧର୍ମରାଜପ୍ନିଯାର୍ଥଂ ବା ଦ୍ରୌପଦ୍ଯା ବା ନ ବିଦ୍ମ ତତ୍॥ 7-160-85 (52300)
ଧିଗସ୍ତୁ ମମ ଲୁବ୍ଧସ୍ଯ ଯତ୍କୃତେ ସର୍ବବାନ୍ଧବାଃ।
ସୁଖାର୍ହାଃ ପରମଂ ଦୁଃଖଂ ପ୍ରାପ୍ନୁବନ୍ତ୍ଯପରାଜିତାଃ॥ 7-160-86 (52301)
କୋ ହି ଶସ୍ତ୍ରବିଦାଂ ମୁଖ୍ଯୋ ମହେଶ୍ବରସମୋ ଯୁଧି।
ଶତ୍ରୁଂ ନ କ୍ଷପଯେଚ୍ଛକ୍ତୋ ଯୋ ନ ସ୍ଯାଦ୍ଗୌତମୀସୁତଃ॥ 7-160-87 (52302)
ଅଶ୍ବତ୍ଥାମନ୍ପ୍ରସୀଦସ୍ବ ନାଶଯୈତାନ୍ମମାହିତାନ୍।
ତବାସ୍ତ୍ରଗୋଚରେ ଶକ୍ତାଃ ସ୍ଥାତୁଂ ଦେବା ନ ଦାନବାଃ॥ 7-160-88 (52303)
ପାଞ୍ଚାଲାନ୍ସୋମକାଂଶ୍ଚୈବ ଜହି ଦ୍ରୌଣେ ସହାନୁଗାନ୍।
ବଯଂ ଶେଷାନ୍ହନିଷ୍ଯାମସ୍ତ୍ବଯୈବ ପରିରକ୍ଷିତାଃ॥ 7-160-89 (52304)
ଏତେ ହି ସୋମକା ବିପ୍ର ପାଞ୍ଚାଲାଶ୍ଚ ଯଶସ୍ବିନଃ।
ମମ ସୈନ୍ଯେଷୁ ସଙ୍କ୍ରୁଦ୍ଧା ବିଚରନ୍ତି ଦବାଗ୍ନିବତ୍॥ 7-160-90 (52305)
ତାନ୍ବାରଯ ମହାବାହୋ କେକଯାଂଶ୍ଚ ନରୋତ୍ତମ।
ପୁରା କୁର୍ବନ୍ତି ନିଃଶେଷଂ ରକ୍ଷ୍ଯମାଣାଃ କିରୀଟିନା॥ 7-160-91 (52306)
ଅଶ୍ବତ୍ଥାମଂସ୍ତ୍ବରାଯୁକ୍ତୋ ଯାହି ଶୀଘ୍ରମରିନ୍ଦମ।
ଆଦୌ ବା ଯଦି ବା ପଶ୍ଚାତ୍ତବେଦଂ କର୍ମ ମାରିଷ॥ 7-160-92 (52307)
ତ୍ବମୁତ୍ପନ୍ନୋ ମହାବାହୋ ପାଞ୍ଚାଲାନାଂ ବଧଂ ପ୍ରତି।
କରିଷ୍ଯସି ଜଗତ୍ସର୍ବମପାଞ୍ଚାଲଂ କିଲୋଦ୍ଯତଃ॥ 7-160-93 (52308)
ଏବଂ ସିଦ୍ଧାଽବ୍ରୁବନ୍ବାଚୋ ଭବିଷ୍ଯତି ଚ ତତ୍ତଥା।
ତସ୍ମାତ୍ତ୍ବଂ ପୁରୁଷବ୍ଯାଘ୍ର ପାଞ୍ଚାଲାଞ୍ଜହି ସାନୁଗାନ୍॥ 7-160-94 (52309)
ନ ତେଽସ୍ତ୍ରଗୋଚରେ ଶକ୍ତାଃ ସ୍ଥାତୁଂ ଦେବାଃ ସବାସବାଃ।
କିମୁ ପାର୍ଥାଃ ସପାଞ୍ଚାଲାଃ ସତ୍ଯମେତଦ୍ବ୍ରବୀମି ତେ॥ 7-160-95 (52310)
ନ ତ୍ବାଂ ସମର୍ଥାଃ ସଙ୍ଗ୍ରାମେ ପାଣ୍ଡବାଃ ସହ ସୋମକୈଃ।
ବଲାଦ୍ଯୋଧଯିତୁଂ ବୀର ସତ୍ଯମେତଦ୍ବ୍ରବୀମି ତେ॥ 7-160-96 (52311)
ଗଚ୍ଛଗଚ୍ଛ ମହାବାହୋ ନ ନଃ କାଲାତ୍ଯଯୋ ଭବେତ୍।
ଇଯଂ ହି ଦ୍ରବତେ ସେନା ପାର୍ତସାଯକପୀଡିତା॥ 7-160-97 (52312)
ଶକ୍ତୋ ହ୍ଯସି ମହାବାହୋ ଦିବ୍ଯେନ ସ୍ବେନ ତେଜସା।
ନିଗ୍ରହେ ପାଣ୍ଡୁପୁତ୍ରାଣାଂ ପାଞ୍ଚାଲାନାଂ ଚ ମାନଦ॥ ॥ 7-160-98 (52313)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ଷଷ୍ଟ୍ଯଧିକଶତତମୋଽଧ୍ଯାଯଃ॥ 160 ॥
Mahabharata - Drona Parva - Chapter Footnotes
5-160-4 କଞ୍ଚିଦ୍ଧନୁର୍ଧରଂ ନଗଣଯନ୍ନିତ୍ଯନ୍ବଯଃ॥ଦ୍ରୋଣପର୍ବ - ଅଧ୍ଯାଯ 161
॥ ଶ୍ରୀଃ ॥
7.161. ଅଧ୍ଯାଯଃ 161
Mahabharata - Drona Parva - Chapter Topics
ଦ୍ରୌଣିଧୃଷ୍ଟଦ୍ଯୁମ୍ନଯୋର୍ଯୁଦ୍ଧମ୍। ଦ୍ରୌଣିପରାକ୍ରମଃ॥ 1 ॥Mahabharata - Drona Parva - Chapter Text
7-161-0 (52314)
ସଞ୍ଜଯ ଉବାଚ। 7-161-0x (4705)
ଦୁର୍ଯୋଧନେନୈବମୁକ୍ତୋ ଦ୍ରୌଣିରାହବଦୁର୍ମଦଃ।
ଚକାରାରିବଧେ ଯତ୍ନମିନ୍ଦ୍ରୋ ଦୈତ୍ଯବଧେ ଯଥା।
ପ୍ରତ୍ଯୁବାଚ ମହାବାହୁସ୍ତବ ପୁତ୍ରମିଦଂ ବଚଃ॥ 7-161-1 (52315)
ସତ୍ଯମେତନ୍ମହାବାହୋ ଯଥା ବଦସି କୌରବ।
ପ୍ରିଯା ହି ପାଣ୍ଡବା ନିତ୍ଯଂ ମମ ଚାପି ପିତୁଶ୍ଚ ମେ॥ 7-161-2 (52316)
ତଥୈବାବାଂ ପ୍ରିଯୌ ତେଷାଂ ନ ତୁ ଯୁଦ୍ଧେ କୁରୂଦ୍ବହ।
ଶକ୍ତିତସ୍ତାତ ଯୁଧ୍ଯାମସ୍ତ୍ଯକ୍ତ୍ବା ପ୍ରାଣାନଭୀତବତ୍॥ 7-161-3 (52317)
ଅହଂ କର୍ଣଶ୍ଚ ଶଲ୍ଯଶ୍ଚ କୃପୋ ହାର୍ଦିକ୍ଯ ଏବ ଚ।
ନିମେଷାତ୍ପାଣ୍ଡବୀଂ ସେନାଂ କ୍ଷପଯେମ ନୃପୋତ୍ତମ॥ 7-161-4 (52318)
ତେ ଚାପି କୌରବୀଂ ସେନାଂ ନିମେଷାର୍ଧାତ୍କୁରୂଦ୍ବହ।
କ୍ଷପଯେଯୁର୍ମହାବାହୋ ନ ସ୍ଯାମ ଯଦି ସଂଯୁଗେ॥ 7-161-5 (52319)
ଯୁଧ୍ଯାମ ପାଣ୍ଡବାଚ୍ଛକ୍ତ୍ଯା ତେ ଚାପ୍ଯସ୍ମାନ୍ଯଥାବଲମ୍।
ତେଜସ୍ତେଜଃ ସମାସାଦ୍ଯ ପ୍ରଶମଂ ଯାତୁ ଭାରତ॥ 7-161-6 (52320)
ଅଶକ୍ତ୍ଯା ତରସା ଜେତୁଂ ପାଣ୍ଡବାନାମନୀକିନୀ।
ଜୀବତ୍ସୁ ପାଣ୍ଡୁପୁତ୍ରେଷୁ ତଦ୍ଧି ସତ୍ଯଂ ବ୍ରବୀମି ତେ॥ 7-161-7 (52321)
ଆତ୍ମାର୍ଥଂ ଯୁଧ୍ଯମାନାସ୍ତେ ସମର୍ଥାଃ ପାଣ୍ଡୁନନ୍ଦନାଃ।
କିମର୍ଥଂ ତବ ସୈନ୍ଯାନି ନ ହନିଷ୍ଯନ୍ତି ଭାରତ॥ 7-161-8 (52322)
ତ୍ବଂ ତୁ ଲୁବ୍ଧତମୋ ରାଜନ୍ନିକୃତିଜ୍ଞଶ୍ଚ କୌରବ।
ସର୍ବାଭିଶଙ୍କୀ ମାନୀ ଚ ତତୋଽସ୍ମାନଭିଶଙ୍କସେ॥ 7-161-9 (52323)
ମନ୍ଯେ ତ୍ବଂ କୁତ୍ସିତୋ ରାଜନ୍ପାପାତ୍ମା ପାପପୂରୁଷଃ।
ଅନ୍ଯାନପି ସ ନଃ କ୍ଷୁଦ୍ର ଶଙ୍କସେ ପାପଭାବିତଃ॥ 7-161-10 (52324)
ଅହଂ ତୁ ଯତ୍ନମାସ୍ଥାଯ ତ୍ବଦର୍ଥେ ତ୍ଯକ୍ତଜୀବିତଃ।
ଏଷ ଗଚ୍ଛାମି ସଙ୍ଗ୍ରାମଂ ତ୍ବତ୍କୃତେ କୁରୁନନ୍ଦନ।
ଯୋତ୍ସ୍ଯେଽହଂ ଶତ୍ରୁଭିଃ ସାର୍ଧଂ ଜେଷ୍ଯାମି ଚ ବରାନ୍ବରାନ୍॥ 7-161-11 (52325)
ପାଞ୍ଚାଲୈଃ ସହ ଯୋତ୍ସ୍ଯାମି ସୋମକୈଃ କେକଯୈସ୍ତଥା।
ପାଣ୍ଡବେଯୈଶ୍ଚ ସଙ୍ଗ୍ରାମେ ତ୍ବତ୍ପ୍ରିଯାର୍ଥମରିନ୍ଦମ॥ 7-161-12 (52326)
ଅଦ୍ଯ ମଦ୍ବାଣନିର୍ଦଗ୍ଧାଃ ପାଞ୍ଚାଲାଃ ସୋମକାସ୍ତଥା।
ସିଂହେନେବାର୍ଦିତା ଗାବୋ ବିଦ୍ରବିଷ୍ଯନ୍ତି ସର୍ବଶଃ॥ 7-161-13 (52327)
ଅଦ୍ଯ ଧର୍ମସୁତୋ ରାଜା ଦୃଷ୍ଟ୍ବା ମମ ପରାକ୍ରମମ୍।
ଅଶ୍ବତ୍ଥାମମଯଂ ଲୋକଂ ମଂସ୍ଯତେ ସହ ସୋମକୈଃ॥ 7-161-14 (52328)
ଆଗମିଷ୍ଯତି ନିର୍ବେଦଂ ଧର୍ମପୁତ୍ରୋ ଯୁଧିଷ୍ଠିରଃ।
ଦୃଷ୍ଟ୍ବା ବିନିହତାନ୍ସଙ୍ଖ୍ଯେ ପାଞ୍ଚାଲାନ୍ସୋମକୈଃ ସହ॥ 7-161-15 (52329)
ଯେ ମାଂ ଯୁଦ୍ଧେଽଭିଯୋତ୍ସ୍ଯନ୍ତି ତାନ୍ହନିଷ୍ଯାମି ଭାରତ।
ନ ହି ତେ ବୀର ମୋକ୍ଷ୍ଯନ୍ତେ ମଦ୍ବାହ୍ବନ୍ତରମାଗତାଃ॥ 7-161-16 (52330)
ଏବମୁକ୍ତ୍ବା ମହାବାହୁଃ ପୁତ୍ରଂ ଦୁର୍ଯୋଧନଂ ତବ।
ଅଭ୍ଯବର୍ତତ ଯୁଦ୍ଧାଯ ତ୍ରାସଯନ୍ସର୍ବଧନ୍ବିନଃ।
ଚିକୀର୍ଷୁସ୍ତବ ପୁତ୍ରାଣାଂ ପ୍ରିଯଂ ପ୍ରାଣଭୃତାଂ ବରଃ॥ 7-161-17 (52331)
ତତୋଽବ୍ରବୀତ୍ସକୈକେଯାନ୍ପାଞ୍ଚାଲାନ୍ଗୌତମୀସୁତଃ॥ 7-161-18 (52332)
ପ୍ରହରଧ୍ବମିତଃ ସର୍ବେ ମମ ଗାତ୍ରେ ମହାରଥାଃ।
ସ୍ଥିରୀଭୂତାଶ୍ଚ ଯୁଧ୍ଯଧ୍ବଂ ଦର୍ଶଯନ୍ତୋଽସ୍ତ୍ରଲାଘବମ୍॥ 7-161-19 (52333)
ଏବମୁକ୍ତାସ୍ତୁ ତେ ସର୍ବେ ଶସ୍ତ୍ରବୃଷୀରପାତଯନ୍।
ଦ୍ରୌଣିଂ ପ୍ରତି ମହାରାଜ ଜଲଂ ଜଲଧରା ଇବ॥ 7-161-20 (52334)
ତାନ୍ନିହତ୍ଯ ଶରାନ୍ଦ୍ରୌଣିର୍ଦଶ ବୀରାନପୋଥଯତ୍।
ପ୍ରମୁଖେ ପାଣ୍ଡୁପୁତ୍ରାଣାଂ ଧୃଷ୍ଟଦ୍ଯୁମ୍ନସ୍ଯ ଚ ପ୍ରଭୋ॥ 7-161-21 (52335)
ତେ ହନ୍ଯମାନାଃ ସମରେ ପାଞ୍ଚାଲାଃ ସୋମକାସ୍ତଥା।
ପରିତ୍ଯଜ୍ଯ ରଣେ ଦ୍ରୌଣିଂ ବ୍ଯଦ୍ରବନ୍ତ ଦିଶୋ ଦଶ॥ 7-161-22 (52336)
ତାନ୍ଦୃଷ୍ଟ୍ବା ଦ୍ରବତଃ ଶୂରାନ୍ପାଞ୍ଚାଲାନ୍ସହସୋମକାନ୍।
ଧୃଷ୍ଟଦ୍ଯୁମ୍ନୋ ମହାରାଜ ଦ୍ରୌଣିମଭ୍ଯଦ୍ରବଦ୍ରଣେ॥ 7-161-23 (52337)
ତତଃ କାଞ୍ଚନଚିତ୍ରାଣାଂ ସଜଲାମ୍ବୁଦନାଦିନାମ୍।
ବୃତଃ ଶତେନ ଶୂରାଣାଂ ରଥାନାମନିବର୍ତିନାମ୍॥ 7-161-24 (52338)
ପୁତ୍ରଃ ପାଞ୍ଚାଲରାଜସ୍ଯ ଧୃଷ୍ଟଦ୍ଯୁମ୍ନୋ ମହାରଥଃ।
ଦ୍ରୌଣିମିତ୍ଯବ୍ରବୀଦ୍ବାକ୍ଯଂ ଦୃଷ୍ଟ୍ବା ଯୋଧାନ୍ନିପାତିତାନ୍॥ 7-161-25 (52339)
ଆଚାର୍ଯପୁତ୍ର ଭଦ୍ରଂ ତେ କିମନ୍ଯୈର୍ନିହତୈସ୍ତବ।
ସମାଗଚ୍ଛ ମଯା ସାର୍ଧଂ ଯଦି ଶୂରୋଽସି ସଂଯୁଗେ।
ଅହଂ ତ୍ବାଂ ନିହନିଷ୍ଯାମି ତିଷ୍ଠେଦାନୀଂ ମମାଗ୍ରତଃ॥ 7-161-26 (52340)
ତତସ୍ତମାଚାର୍ଯସୁତଂ ଧୃଷ୍ଟଦ୍ଯୁମ୍ନଃ ପ୍ରତାପବାନ୍।
ମର୍ମଭିଦ୍ଭିଃ ଶରୈସ୍ତୀକ୍ଷ୍ଣୈର୍ଜଘାନ ଭରତର୍ଷଭ॥ 7-161-27 (52341)
ତେ ତୁ ପଙ୍କ୍ତୀକୃତା ଦ୍ରୌଣିଂ ଶରା ବିବିଶୁରାଶୁଗାଃ।
ରୁକ୍ମପୁଙ୍ଖାଃ ପ୍ରସନ୍ନାଗ୍ରାଃ ସର୍ବକାଯାବଦାରଣାଃ।
ମଧ୍ବର୍ଥିନ ଇବୋଦ୍ଦାମା ଭ୍ରମରାଃ ପୁଷ୍ପିତଂ ଦ୍ରୁମମ୍॥ 7-161-28 (52342)
ସୋଽତିବିଦ୍ଧୋ ଭୃଶଂ କ୍ରୁଦ୍ଧଃ ପଦାକ୍ରାନ୍ତ ଇବୋରଗଃ।
ମାନୀ ଦ୍ରୌଣିରସମ୍ଭ୍ରାନ୍ତୋ ବାଣପାଣିରଭାଷତ॥ 7-161-29 (52343)
ଧୃଷ୍ଟଦ୍ଯୁମ୍ନ ସ୍ଥିରୋ ଭୂତ୍ବା ମୁହୂର୍ତଂ ପ୍ରତିପାଲଯ।
ଯାବତ୍ତ୍ବାଂ ନିଶିତୈର୍ବାଣୈଃ ପ୍ରେଷଯାମି ଯମକ୍ଷଯମ୍॥ 7-161-30 (52344)
ଦ୍ରୌଣିରେବମଥାଭାଷ୍ଯ ପାର୍ଷତଂ ପରବୀରହା।
ଛାଦଯାମାସ ବାଣୌଘୈଃ ସମନ୍ତାଲ୍ଲୁଘୁହସ୍ତବତ୍॥ 7-161-31 (52345)
ସ ବାଧ୍ଯମାନଃ ସମରେ ଦ୍ରୌଣିନା ଯୁଦ୍ଧଦୁର୍ମଦଃ।
ଦ୍ରୌଣିଂ ପାଞ୍ଚାଲତନଯୋ ବାଗ୍ଭିରାତର୍ଜଯତ୍ତଦା॥ 7-161-32 (52346)
ନ ଜାନୀଷେ ପ୍ରତିଜ୍ଞାଂ ମେ ବିପ୍ରୋତ୍ପତ୍ତିଂ ତଥୈବ ଚ।
ଦ୍ରୋଣଂ ହତ୍ବା କିଲ ମଯା ହନ୍ତବ୍ଯସ୍ତ୍ବଂ ସୁଦୁର୍ମତେ॥ 7-161-33 (52347)
ତତସ୍ତ୍ବାଽହଂ ନ ହନ୍ମ୍ଯଦ୍ଯ ଦ୍ରୋଣେ ଜୀବତି ସଂଯୁଗେ॥ 7-161-34 (52348)
ଇମାଂ ତୁ ରଜନୀଂ ପ୍ରାପ୍ତାମପ୍ରଭାତାଂ ସୁଦୁର୍ମତେ।
ନିହତ୍ଯ ପିତରଂ ତେଽଦ୍ଯ ତତସ୍ତ୍ବାମପି ସଂଯୁଗେ।
ନେଷ୍ଯାମି ପ୍ରେତଲୋକାଯ ହ୍ଯେତନ୍ମେ ମନସି ସ୍ଥିତମ୍॥ 7-161-35 (52349)
ଯସ୍ତେ ପାର୍ଥେଷୁ ବିଦ୍ବେଷୋ ଯା ଭକ୍ତିଃ କୌରବେଷୁ ଚ।
ତାଂ ଦର୍ଶଯ ସ୍ଥିରୋ ଭୂତ୍ବା ନ ମେ ଜୀବନ୍ବିମୋକ୍ଷ୍ଯସେ॥ 7-161-36 (52350)
ଯୋ ହି ବ୍ରାହ୍ମଣ୍ଯମୁତ୍ସୃଜ୍ଯ କ୍ଷତ୍ରଧର୍ମରତୋ ଦ୍ବିଜଃ।
ସ ବଧ୍ଯଃ ସର୍ବଲୋକସ୍ଯ ଯଥା ତ୍ବଂ ପୁରୁଷାଧମଃ॥ 7-161-37 (52351)
ଇତ୍ଯୁକ୍ତଃ ପରୁଷଂ ବାକ୍ଯଂ ପାର୍ଷତେନ ଦ୍ବିଜୋତ୍ତମଃ।
କ୍ରୋଧମାହାରଯତ୍ତୀବ୍ରଂ ତିଷ୍ଠତିଷ୍ଠେତି ଚାବ୍ରବୀତ୍॥ 7-161-38 (52352)
ନିର୍ଦହନ୍ନିବ ଚକ୍ଷୁର୍ଭ୍ଯାଂ ପାର୍ଷତଂ ସୋଽଭ୍ଯବୈକ୍ଷତ।
ଛାଦଯାମାସ ଚ ଶରୈର୍ନିଃଶ୍ବସନ୍ପନ୍ନଗୋ ଯଥା॥ 7-161-39 (52353)
ସ ଚ୍ଛାଦ୍ଯମାନଃ ସମରେ ଦ୍ରୌଣିନା ରାଜସତ୍ତମ।
ସର୍ବପାଞ୍ଚାଲସେନାଭିଃ ସଂବୃତୋ ରଥସତ୍ତମଃ॥ 7-161-40 (52354)
ନାକମ୍ପତ ମହାବାହୁଃ ସ୍ବବୀର୍ଯଂ ସମୁପାଶ୍ରିତଃ।
ସାଯକାଂଶ୍ଚୈବ ବିବିଧାନଶ୍ବତ୍ଥାମ୍ନି ମୁମୋଚ ହ॥ 7-161-41 (52355)
ତୌ ପୁନଃ ସନ୍ନ୍ଯବର୍ତେତାଂ ପ୍ରାଣଦ୍ଯୂତପଣେ ରଣେ।
ନିପୀଡଯନ୍ତୌ ବାଣୌଘୈଃ ପରସ୍ପରମମର୍ଷିଣୌ।
ଉତ୍ସୃଜନ୍ତୌ ମହେଷ୍ବାସୌ ଶରବୃଷ୍ଟୀଃ ସମନ୍ତତଃ॥ 7-161-42 (52356)
ଦ୍ରୌଣିପାର୍ଷତଯୋର୍ଯୁଦ୍ଧଂ ଘୋରରୂପଂ ଭଯାନକମ୍।
ଦୃଷ୍ଟ୍ବା ସମ୍ପୂଜଯାମାସୁଃ ସିଦ୍ଧଚାରଣବାଦିକାଃ॥ 7-161-43 (52357)
ଶରୌଘୈଃ ପୂରଯନ୍ତୌ ତାବାକାଶଂ ଚ ଦିଶସ୍ତଥା।
ଅଲକ୍ଷ୍ଯୌ ସମଯୁଧ୍ଯେତାଂ ମହତ୍କୃତ୍ବା ଶରୈସ୍ତମଃ॥ 7-161-44 (52358)
ନୃତ୍ଯମାନାବିବ ରଣେ ମଣ୍ଡଲୀକୃତକାର୍ମୁକୌ।
ପରସ୍ପରବଧେ ଯତ୍ତୌ ସର୍ବଭୂତଭଯଙ୍କରୌ॥ 7-161-45 (52359)
ଅଯୁଧ୍ଯେତାଂ ମହାବାହୂ ଚିତ୍ରଂ ଲଘୁ ଚ ସୁଷ୍ଠୁ ଚ।
ସମ୍ପୂଜ୍ଯମାନୌ ସମରେ ଯୋଧମୁଖ୍ଯୈଃ ସହସ୍ରଶଃ॥ 7-161-46 (52360)
ତୌ ପ୍ରବୁଦ୍ଧୌ ରଣେ ଦୃଷ୍ଟ୍ବା ବନେ ବନ୍ଯୌ ଗଜାବିବ।
ଉଭଯୋଃ ସେନଯୋର୍ହର୍ଷସ୍ତୁମୁଲଃ ସମପଦ୍ଯତ॥ 7-161-47 (52361)
ସିଂହନାଦରବାଶ୍ଚାସନ୍ଦଧ୍ମୁଃ ଶଙ୍ଖାଂଶ୍ଚ ସୈନିକାଃ।
ବାଦିତ୍ରାଣ୍ଯଭ୍ଯବାଦ୍ଯନ୍ତ ଶତଶୋଽଥ ସହସ୍ରଶଃ॥ 7-161-48 (52362)
ତସ୍ମିଂସ୍ତୁ ତୁମୁଲେ ଯୁଦ୍ଧେ ଭୀରୁଣାଂ ଭଯବର୍ଧନେ।
ମୁହୂର୍ତମପି ତଦ୍ଯୁଦ୍ଧଂ ସମରୂପଂ ତଦାଽଭବତ୍॥ 7-161-49 (52363)
ତତୋ ଦ୍ରୌଣିର୍ମହାରାଜ ପାର୍ଷତସ୍ଯ ମହାତ୍ମନଃ।
ଧ୍ବଜଂ ଧନୁସ୍ତଥା ଛତ୍ରମୁଭୌ ଚ ପାର୍ଷ୍ଣିସାରଥୀ।
ସୂତମଶ୍ବାଂଶ୍ଚ ଚତୁରୋ ନିହତ୍ଯାଭ୍ଯଦ୍ରବଦ୍ରଣେ॥ 7-161-50 (52364)
ପାଞ୍ଚାଲାଂଶ୍ଚୈବ ତାନ୍ସର୍ବାନ୍ବାଣୈଃ ସନ୍ନତପର୍ବଭିଃ।
ବ୍ଯଦ୍ରାବଯଦମେଯାତ୍ମା ଶତଶୋଽଥ ସହସ୍ରଶଃ॥ 7-161-51 (52365)
ତତସ୍ତୁ ବିବ୍ଯଥେ ସେନା ପାଣ୍ଡବୀ ଭରତର୍ଷଭ।
ଦୃଷ୍ଟ୍ବା ଦ୍ରୌଣେର୍ମହତ୍କର୍ମ ବାସବସ୍ଯେବ ସଂଯୁଗେ॥ 7-161-52 (52366)
ଶତେନ ଚ ଶତଂ ହତ୍ବା ପାଞ୍ଚାଲାନାଂ ମହାରଥଃ।
ତ୍ରିଭିଶ୍ଚ ନିଶିତୈର୍ବାଣୈର୍ହତ୍ବା ତ୍ରୀନ୍ବୈ ମହାରଥାନ୍॥ 7-161-53 (52367)
ଦ୍ରୌଣିର୍ଦ୍ରୁପଦପୁତ୍ରସ୍ଯ ଫଲ୍ଗୁନସ୍ଯ ଚ ପଶ୍ଯତଃ।
ନାଶଯାମାସ ପାଞ୍ଚାଲାନ୍ଭୂଯିଷ୍ଠଂ ଯେ ବ୍ଯବସ୍ଥିତାଃ॥ 7-161-54 (52368)
ତେ ବଧ୍ଯମାନାଃ ପାଞ୍ଚାଲାଃ ସମରେ ସହ ସୃଞ୍ଜଯୈଃ।
ଅଗଚ୍ଛନ୍ଦ୍ରୌଣିମୁତ୍ସୃଜ୍ଯ ବିପ୍ରକୀର୍ଣରଥଧ୍ବଜାଃ॥ 7-161-55 (52369)
ସ ଜିତ୍ବା ସମରେ ଶତ୍ରୂନ୍ଦ୍ରୋଣପୁତ୍ରୋ ମହାରଥଃ।
ନନାଦ ସୁମହାନାଦଂ ତପାନ୍ତେ ଜଲଦୋ ଯଥା॥ 7-161-56 (52370)
ସ ନିହତ୍ଯ ବହୂଞ୍ଛୂରାନଶ୍ବତ୍ଥାମା ବ୍ଯରୋଚତ।
ଯୁଗାନ୍ତେ ସର୍ବଭୂତାନି ଭସ୍ମ କୃତ୍ବେବ ପାବକଃ॥ 7-161-57 (52371)
ସମ୍ପୂଜ୍ଯମାନୋ ଯୁଧି କୌରବେଯୈ--
ର୍ନିର୍ଜିତ୍ଯ ସଙ୍ଖ୍ଯେଽରିଗଣାନ୍ସହସ୍ରଶଃ।
ବ୍ଯରୋଚତ ଦ୍ରୋଣସୁତଃ ପ୍ରତାପବା--
ନ୍ଯଥା ସୁରେନ୍ଦ୍ରୋଽରିଗଣାନ୍ନିହତ୍ଯ ବୈ॥ ॥ 7-161-58 (52372)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ଏକଷଷ୍ଟ୍ଯଧିକଶତତମୋଽଧ୍ଯାଯଃ॥ 161 ॥
Mahabharata - Drona Parva - Chapter Footnotes
5-161-9 ନିକୃତିର୍ବଞ୍ଚନମ୍॥ 5-161-43 ବାଦିକାଃ ବନ୍ଦିନଃ॥ 5-161-161 ଏକଷଷ୍ଟ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 162
॥ ଶ୍ରୀଃ ॥
7.162. ଅଧ୍ଯାଯଃ 162
Mahabharata - Drona Parva - Chapter Topics
ସଙ୍କୁଲଯୁଦ୍ଧବର୍ଣନମ୍॥ 1 ॥Mahabharata - Drona Parva - Chapter Text
7-162-0 (52373)
ସଞ୍ଜଯ ଉବାଚ। 7-162-0x (4706)
ତତୋ ଯୁଧିଷ୍ଠିରଶ୍ଚୈବ ଭୀମସେନଶ୍ଚ ପାଣ୍ଡବଃ।
ଦ୍ରୋଣପୁତ୍ରଂ ମହାରାଜ ସମନ୍ତାତ୍ପର୍ଯବାରଯନ୍॥ 7-162-1 (52374)
ତତୋ ଦୁର୍ଯୋଧନୋ ରାଜା ଭାରଦ୍ବାଜେନ ସଂବୃତଃ।
ଅଭ୍ଯଯାତ୍ପାଣ୍ଡବାନ୍ସଙ୍ଖ୍ଯେ ତତୋ ଯୁଦ୍ଧମବର୍ତତ।
ଘୋରରୂପଂ ମହାରାଜ ଭୀରୂଣାଂ ଭଯବର୍ଧନମ୍॥ 7-162-2 (52375)
ଅମ୍ବଷ୍ଠାନ୍ମାଲବାନ୍ବଙ୍ଗାଞ୍ଛିବୀଂସ୍ତ୍ରୈଗର୍ତକାନପି।
ପ୍ରାହିଣୋନ୍ମୃତ୍ଯୁଲୋକାଯ ଗଣାନ୍କ୍ରୁଦ୍ଧୋ ବୃକୋଦରଃ॥ 7-162-3 (52376)
ଅଭୀଷାହାଞ୍ଛୂରସେନାନ୍କ୍ଷତ୍ରିଯାନ୍ଯୁଦ୍ଧଦୁର୍ମଦାନ୍।
ନିକୃତ୍ତ୍ଯ ପୃଥିବୀଂ ଚକ୍ରେ ଭୀମଃ ଶୋଣିତକର୍ଦମାମ୍॥ 7-162-4 (52377)
ଯୌଧେଯାନଦ୍ରିଜାନ୍ରାଜନ୍ମଦ୍ରକାନ୍ମାଲବାନପି।
ପ୍ରାହିଣୋନ୍ମୃତ୍ଯୁଲୋକାଯ କିରୀଟୀ ନିଶିତୈଃ ଶରୈଃ॥ 7-162-5 (52378)
ପ୍ରଗାଢମଞ୍ଚୋଗତିଭିର୍ନାରାଚୈରଭିତାଡିତାଃ।
ନିପେତୁର୍ଦ୍ବିରଦା ଭୂମୌ ଦ୍ବିଶୃଙ୍ଗା ଇବ ପର୍ବତାଃ॥ 7-162-6 (52379)
ନିକୃତ୍ତୈର୍ହସ୍ତିହସ୍ତୈଶ୍ଚ ଚେଷ୍ଟମାନୈରିତସ୍ତତଃ।
ରରାଜ ବସୁଧାଽଽକୀର୍ଣା ବିସର୍ପଦ୍ଭିରିବୋରଗୈଃ॥ 7-162-7 (52380)
କ୍ଷିପ୍ତୈଃ କନକଚିତ୍ରୈଶ୍ଚ ନୃପଚ୍ଛତ୍ରୈଃ କ୍ଷିତିର୍ବଭୌ।
ଦ୍ଯୌରିବାଦିତ୍ଯଚନ୍ଦ୍ରାଦ୍ଯୈର୍ଗ୍ରହୈଃ କୀର୍ଣା ଯୁଗକ୍ଷଯେ॥ 7-162-8 (52381)
ହତ ପ୍ରହରତାଭୀତା ବିଧ୍ଯତ ବ୍ଯବକୃନ୍ତତ।
ଇତ୍ଯାସୀତ୍ତୁମୁଲଃ ଶବ୍ଦଃ ଶୋଣାଶ୍ବସ୍ଯ ରଥଂ ପ୍ରତି॥ 7-162-9 (52382)
ଦ୍ରୋଣସ୍ତୁ ପରମକ୍ରୁଦ୍ଧୋ ବାଯବ୍ଯାସ୍ତ୍ରେଣ ସଂଯୁଗେ।
ବ୍ଯଧମତ୍ତାନ୍ମହବାଯୁର୍ମେଘାନିବ ଦୁରତ୍ଯଯଃ॥ 7-162-10 (52383)
ତେ ହନ୍ଯମାନା ଦ୍ରୋଣେନ ପାଞ୍ଚାଲାଃ ପ୍ରାଦ୍ରବନ୍ଭଯାତ୍।
ପଶ୍ଯତୋ ଭୀମସେନସ୍ଯ ପାର୍ଥସ୍ଯ ଚ ମହାତ୍ମନଃ॥ 7-162-11 (52384)
ତତଃ କିରୀଟି ଭୀମଶ୍ଚ ସହସା ସନ୍ନ୍ଯବର୍ତତାମ୍।
ମହତା ରଥବଂଶେନ ପରିଗୃହ୍ଯ ବଲଂ ମହତ୍॥ 7-162-12 (52385)
ବୀଭତ୍ସୁର୍ଦକ୍ଷିଣଂ ବାର୍ଶ୍ବମୁତ୍ତରଂ ତୁ ବୃକୋଦରଃ।
ଭାରଦ୍ବାଜଂ ଶରୌଘାଭ୍ଯାଂ ମହଦ୍ଭାମଭ୍ଯବର୍ଷତାମ୍॥ 7-162-13 (52386)
ତୌ ତଥା ସୃଞ୍ଜଯାଶ୍ଚୈବ ପାଞ୍ଚାଲାଶ୍ଚ ମହୌଜସଃ।
ଅନ୍ବଗଚ୍ଛନ୍ମହାରାଜ ମାତ୍ସ୍ଯୈଶ୍ଚ ସହ ସୋମକୈଃ॥ 7-162-14 (52387)
ତଥୈବ ତବ ପୁତ୍ରସ୍ଯ ରଥୋଦାରାଃ ପ୍ରହାରିଣଃ।
ମହତ୍ଯା ସେନଯା ରାଜଞ୍ଜଗ୍ମୁର୍ଦ୍ରୋଣରଥଂ ପ୍ରତି॥ 7-162-15 (52388)
ତତଃ ସା ଭାରତୀ ସେନା ହନ୍ଯମାନା କିରୀଟିନା।
ତମସା ନିଦ୍ରଯା ଚୈବ ପୁନରେବ ବ୍ଯଦୀର୍ଯତ॥ 7-162-16 (52389)
ଦ୍ରୋଣେନ ବାର୍ଯମାଣାସ୍ତେ ସ୍ବଯଂ ତବ ସୁତେନ ଚ।
ନାଶକ୍ଯନ୍ତ ମହାରାଜ ଯୋଧା ବାରଯିତୁଂ ତଦା॥ 7-162-17 (52390)
ସା ପାଣ୍ଡୁପୁତ୍ରସ୍ଯ ଶରୈର୍ଦୀର୍ଯମାଣା ମହାଚମୂଃ।
ତମସା ସଂବୃତେ ଲୋକେ ବ୍ଯଦ୍ରବତ୍ସର୍ବତୋମୁଖୀ॥ 7-162-18 (52391)
ଉତ୍ସୃଜ୍ଯ ଶତଶୋ ବାହାଂସ୍ତତ୍ର କେଚିନ୍ନରାଧିପାଃ।
ପ୍ରାଦ୍ରବନ୍ତ ମହାରାଜ ଭଯାବିଷ୍ଟାଃ ସମନ୍ତତଃ॥ ॥ 7-162-19 (52392)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ଦ୍ବିଷଷ୍ଟ୍ଯଧିକଶତତମୋଽଧ୍ଯାଯଃ॥ 162 ॥
ଦ୍ରୋଣପର୍ବ - ଅଧ୍ଯାଯ 163
॥ ଶ୍ରୀଃ ॥
7.163. ଅଧ୍ଯାଯଃ 163
Mahabharata - Drona Parva - Chapter Topics
ସାତ୍ଯକିନା ସୋମଦତ୍ତବଧଃ॥ 1 ॥ ଦ୍ରୋଣଯୁଧିଷ୍ଠିରଯୁଦ୍ଧମ୍॥ 2 ॥Mahabharata - Drona Parva - Chapter Text
7-163-0 (52393)
ସଞ୍ଜଯ ଉବାଚ। 7-163-0x (4707)
ସୋମଦତ୍ତଂ ତୁ ସମ୍ପ୍ରେକ୍ଷ୍ଯ ବିଧୁନ୍ବାନଂ ମହଦ୍ଧନୁଃ।
ସାତ୍ଯକିଃ ପ୍ରାହ ଯନ୍ତାରଂ ସୋମଦତ୍ତାଯ ମାଂ ବହ॥ 7-163-1 (52394)
ନ ହ୍ଯହତ୍ବା ରଣେ ଶତ୍ରୁଂ ସୋମଦତ୍ତଂ ମହାବଲମ୍।
ନିବର୍ତିଷ୍ଯେ ରଣାତ୍ସୂତ ସତ୍ଯମେତଦ୍ବଚୋ ମମ॥ 7-163-2 (52395)
ତତଃ ସମ୍ପ୍ରୈଷଯଦ୍ଯନ୍ତା ସୈନ୍ଧବାଂସ୍ତାନ୍ମନୋଜବାନ୍।
ତୁରଙ୍ଗାମାଞ୍ଛଙ୍ଖବର୍ଣାନ୍ସର୍ବଶବ୍ଦାତିଗାନ୍ରଣେ॥ 7-163-3 (52396)
ତେଽବହନ୍ଯୁଯୁଧାନଂ ତୁ ମନୋମାରୁତରଂହସଃ।
ଯଥେନ୍ଦ୍ରଂ ହରଯୋ ରାଜନ୍ପୁରା ଦୈତ୍ଯବଧୋଦ୍ଯତମ୍॥ 7-163-4 (52397)
ତମାପତନ୍ତଂ ସମ୍ପ୍ରେକ୍ଷ୍ଯ ସାତ୍ବତଂ ରଭସଂ ରଣେ।
ସୋମଦତ୍ତୋ ମହାବାହୁରସମ୍ଭ୍ରାନ୍ତୋ ନ୍ଯବର୍ତତ॥ 7-163-5 (52398)
ବିମୁଞ୍ଚଞ୍ଛରବର୍ଷାଣି ପର୍ଜନ୍ଯ ଇବ ବୃଷ୍ଟିମାନ୍।
ଛାଦଯାମାସ ଶୈନେଯଂ ଜଲଦୋ ଭାସ୍କରଂ ଯଥା॥ 7-163-6 (52399)
ଅସମ୍ଭ୍ରାନ୍ତଶ୍ଚ ସମରେ ସାତ୍ଯକିଃ କୁରୁପୁଙ୍ଗବମ୍।
ଛାଦଯାମାସ ବାଣୌଘୈଃ ସମନ୍ତାଦ୍ଭରତର୍ଷଭ॥ 7-163-7 (52400)
ସୋମଦତ୍ତସ୍ତୁତଂ ଷଷ୍ଟ୍ଯା ବିବ୍ଯାଧୋରସି ମାଧବମ୍।
ସାତ୍ଯକିଶ୍ଚାପି ତଂ ରାଜନ୍ନବିଧ୍ଯତ୍ସାଯକୈଃ ଶିତୈଃ॥ 7-163-8 (52401)
ତାବନ୍ଯୋନ୍ଯଂ ଶରୈଃ କୃତ୍ତୌ ବ୍ଯରାଜେତାଂ ନରର୍ଷଭୌ।
ସୁପୁଷ୍ପୌ ପୁଷ୍ପସମଯେ ପୁଷ୍ପିତାବିବ କିଂଶକୌ॥ 7-163-9 (52402)
ରୁଧିରୋକ୍ଷିତସର୍ବାଙ୍ଗୌ କୁରୁବୃଷ୍ଣିଯଶସ୍କରୌ।
ପରସ୍ପରମବେକ୍ଷେତାଂ ଦହନ୍ତାବିବ ଲୋଚନୈଃ॥ 7-163-10 (52403)
ରଥମଣ୍ଡଲମାର୍ଗେଷୁ ଚରନ୍ତାବରିମର୍ଦନୌ।
ଘୋରରୂପୌ ହିତାବାସ୍ତାଂ ବୃଷ୍ଟିମନ୍ତାବିବାମ୍ବୁଦୌ॥ 7-163-11 (52404)
ଶରସମ୍ଭିନ୍ନଗାତ୍ରୌ ତୁ ସର୍ବତଃ ଶଖଲୀକୃତୌ।
ଶ୍ବାବିଧାବିବ ରାଜେନ୍ଦ୍ର ଦୃଶ୍ଯେତାଂ ଶରବିକ୍ଷତୌ॥ 7-163-12 (52405)
ସୁବର୍ଣପୁଙ୍ଖୈରିଷୁଭିରାଚିତୌ ତୌ ବ୍ଯରାଜତାମ୍।
ଖଦ୍ଯୋତୈରାବୃତୌ ରାଜନ୍ପ୍ରାବୃଷୀବ ବନସ୍ପତୀ॥ 7-163-13 (52406)
ସମ୍ପ୍ରଦୀପିତସର୍ବାଙ୍ଗୌ ସାଯକୈସ୍ତୈର୍ମହାରଥୌ।
ଅଦୃଶ୍ଯେତାଂ ରଣେ କ୍ରୁଦ୍ଧାବୁଲ୍କାଭିରିବ କୁଞ୍ଜରୌ॥ 7-163-14 (52407)
ତତୋ ଯୁଧି ମହାରଜ ସୋମଦତ୍ତୋ ମହାରଥଃ।
ଅର୍ଧଚନ୍ଦ୍ରେମ ଚିଚ୍ଛେଦ ମାଧବସ୍ଯ ମହଦ୍ଧନୁଃ॥ 7-163-15 (52408)
ଅଥୈନଂ ପଞ୍ଚବିଂଶତ୍ଯା ସାଯକାନାଂ ସମାର୍ପଯତ୍।
ତ୍ବରମାଣସ୍ତ୍ବରାକାଲେ ପୁନଶ୍ଚ ଦଶଭିଃ ଶରୈଃ॥ 7-163-16 (52409)
ଅଥାନ୍ଯଦ୍ଧନୁରାଦାଯ ସାତ୍ଯକିର୍ବେଗବତ୍ତରମ୍।
ପଞ୍ଚଭିଃ ସାଯକୈସ୍ତୂର୍ଣଂ ସୋମଦତ୍ତମବିଧ୍ଯତ॥ 7-163-17 (52410)
ତତୋଽପରେଣ ଭଲ୍ଲେନ ଧ୍ବଜଂ ଚିଚ୍ଛେଦ କାଞ୍ଚନମ୍।
ବାହ୍ଲୀକସ୍ଯ ରଣେ ରାଜନ୍ସାତ୍ଯକିଃ ପ୍ରହସନ୍ନିବ॥ 7-163-18 (52411)
ସୋମଦତ୍ତସ୍ତ୍ବସମ୍ଭ୍ରାନ୍ତୋ ଦୃଷ୍ଟ୍ବା କେତୁଂ ନିପାତିତମ୍।
ଶୈନେଯଂ ପଞ୍ଚବିଂଶତ୍ଯା ସାଯକାନାଂ ସମାଚିନୋତ୍॥ 7-163-19 (52412)
ସାତ୍ବତୋଽପି ରଣେ କ୍ରୁଦ୍ଧଃ ସୋମଦତ୍ତସ୍ଯ ଧନ୍ବିନଃ।
ଧନୁଶ୍ଛିଚ୍ଛେଦ ଭଲ୍ଲେନ କ୍ଷୁରପ୍ରେଣ ଶିତେନ ହ॥ 7-163-20 (52413)
ଅଥୈନଂ ରୁକ୍ମପୁଙ୍ଖାନାଂ ଶତେନ ନତପର୍ବଣାମ୍।
ଆଚିନୋଦ୍ବହୁଧା ରାଜନ୍ଭଗ୍ନଦଂଷ୍ଟ୍ରମିବ ଦ୍ବିପମ୍॥ 7-163-21 (52414)
ଅଥାନ୍ଯଦ୍ଧନୁରାଦାଯ ସୋମଦତ୍ତୋ ମହାରଥଃ।
ସାତ୍ଯକିଂ ଛାଦଯାମାସ ଶରବୃଷ୍ଟ୍ଯା ମହାବଲଃ॥ 7-163-22 (52415)
ସୋମଦତ୍ତଂ ତୁ ସଙ୍କ୍ରୁଦ୍ଧୋ ରଣେ ବିବ୍ଯାଧ ସାତ୍ଯକିଃ।
ସାତ୍ଯକିଂ ଶରଜାଲେନ ସୋମଦତ୍ତୋଽପ୍ଯପୀଡଯତ୍॥ 7-163-23 (52416)
ଦଶଭିଃ ସାତ୍ବତସ୍ଯାର୍ଥେ ଭୀମୋଽହନ୍ବାହ୍ଲିକାତ୍ମଜମ୍।
ସୋମଦତ୍ତୋପ୍ଯସମ୍ଭ୍ରାନ୍ତୋ ଭୀମମାର୍ଚ୍ଛଚ୍ଛିତୈଃ ଶରୈଃ॥ 7-163-24 (52417)
ତତସ୍ତୁ ସାତ୍ବତସ୍ଯାର୍ଥେ ଭୀମସେନୋ ନବଂ ଦୃଢମ୍।
ମୁମୋଚ ପରିଘଂ ଘୋରଂ ସୋମଦତ୍ତସ୍ଯ ବକ୍ଷସି॥ 7-163-25 (52418)
ତମାପତନ୍ତଂ ବେଗେନ ପରିଘଂ ଘୋରଦର୍ଶନମ୍।
ଦ୍ବିଧା ଚିଚ୍ଛେଦ ସମରେ ପ୍ରହସନ୍ନିବ କୌରବଃ॥ 7-163-26 (52419)
ସ ପପାତ ଦ୍ବିଧା ଚ୍ଛିନ୍ନ ଆଯସଃ ପରିଘୋ ମହାନ୍।
ମହୀଧରସ୍ଯେବ ମହଚ୍ଛିଖରଂ ବଜ୍ରଦାରିତମ୍॥ 7-163-27 (52420)
ତତସ୍ତୁ ସାତ୍ଯକୀ ରାଜନ୍ସୋମଦତ୍ତସ୍ଯ ସଂଯୁଗେ।
ଧନୁଶ୍ଚିଚ୍ଛେଦ ଭଲ୍ଲେନ ହସ୍ତାବାପଂ ଚ ପଞ୍ଚଭିଃ॥ 7-163-28 (52421)
ତତଶ୍ଚତୁର୍ଭିଶ୍ଚ ଶରୈସ୍ତୂର୍ଣଂ ତାଂସ୍ତୁରଗୋତ୍ତମାନ୍।
ସମୀପଂ ପ୍ରେଷଯାମାସ ପ୍ରେତରାଜସ୍ଯ ଭାରତ॥ 7-163-29 (52422)
ସାରଥେଶ୍ଚ ଶିରଃ କାଯାଦ୍ଭଲ୍ଲେନ ନତପର୍ବଣା।
ଜହାର ନରଶାର୍ଦୂଲଃ ପ୍ରହସଞ୍ଛିନିପୁଙ୍ଗବଃ॥ 7-163-30 (52423)
ତତଃ ଶରଂ ମହାଘୋରଂ ଜ୍ବଲନ୍ତମିବ ପାବକମ୍।
ମୁମୋଚ ସାତ୍ବତୋ ରାଜନ୍ସ୍ବର୍ଣପୁଙ୍ଗଂ ଶିଲାଶିତମ୍॥ 7-163-31 (52424)
ସ ବିମୁକ୍ତୋ ବଲବତା ଶୈନେଯେନ ଶରୋତ୍ତମଃ।
ଘୋରସ୍ତସ୍ଯୋରସି ବିଭୋ ନିପପାତାଶୁ ଭାରତ॥ 7-163-32 (52425)
ସୋଽତିବିଦ୍ଧୋ ମହାରାଜ ସାତ୍ବତେନ ମହାରଥଃ।
ସୋମଦତ୍ତୋ ମହାବାହୁର୍ନିପପାତ ମମାର ଚ॥ 7-163-33 (52426)
ତଂ ଦୃଷ୍ଟ୍ବା ନିହତଂ ତତ୍ର ସୋମଦତ୍ତଂ ମହାରଥାଃ।
ମହତା ଶରବର୍ଷେଣ ଯୁଯୁଧାନମୁପାଦ୍ରବନ୍॥ 7-163-34 (52427)
ଛାଦ୍ଯମାନଂ ଶରୈର୍ଦୃଷ୍ଟ୍ବା ଯୁଯୁଧାନଂ ଯୁଧିଷ୍ଠିରଃ।
ପାଣ୍ଡବାଶ୍ଚ ମହାରାଜ ସହ ସର୍ବୈଃ ପ୍ରଭଦ୍ରକୈଃ।
ମହତ୍ଯା ସେନଯା ସାର୍ଧଂ ଦ୍ରୋଣାନୀକମୁପାଦ୍ରବନ୍॥ 7-163-35 (52428)
ତତୋ ଯୁଧିଷ୍ଠିରଃ କ୍ରୁଦ୍ଧସ୍ତାବକାନାଂ ମହାବଲମ୍।
ଶରୈର୍ବିଦ୍ରାବଯାମାସ ଭାରଦ୍ବାଜସ୍ଯ ପଶ୍ଯତଃ॥ 7-163-36 (52429)
ସୈନ୍ଯାନି ଦ୍ରାବଯନ୍ତଂ ତୁ ଦ୍ରୋଣୋ ଦୃଷ୍ଟ୍ବା ଯୁଧିଷ୍ଠିରମ୍।
ଅଭିଦୁଦ୍ରାବ ବେଗେନ କ୍ରୋଧସଂରକ୍ତଲୋଚନଃ॥ 7-163-37 (52430)
ତତଃ ସୁନିଶିତୈର୍ବାଣୈଃ ପାର୍ଥଂ ବିବ୍ଯାଧ ସପ୍ତଭିଃ।
ଯୁଧିଷ୍ଠିରୋଽପି ସଙ୍କ୍ରୁଦ୍ଧଃ ପ୍ରତିବିବ୍ଯାଧ ପଞ୍ଚଭିଃ॥ 7-163-38 (52431)
ସୋଽତିବିଦ୍ଧୋ ମହାବାହୁଃ ସୃକ୍ବିଣୀ ପରିସଂଲିହନ୍।
ଯୁଧିଷ୍ଠିରସ୍ଯ ଚିଚ୍ଛେଦ ଧ୍ବଜଂ କାର୍ମୁକମେବ ଚ॥ 7-163-39 (52432)
ସ ଚ୍ଛିନ୍ନଧନ୍ବା ତ୍ବରିତସ୍ତ୍ବରାକାଲେ ନୃପୋତ୍ତମଃ।
ଅନ୍ଯଦାଦତ୍ତ ବେଗେନ କାର୍ମୁକଂ ସମରେ ଦୃଢମ୍॥ 7-163-40 (52433)
ତତଃ ଶରସହସ୍ରେଣ ଦ୍ରୋଣଂ ବିବ୍ଯାଧ ପାର୍ଥିବଃ।
ସାଶ୍ବସୂତଧ୍ବଜରଥଂ ତଦଦ୍ଭୁତମିବାଭବତ୍॥ 7-163-41 (52434)
ତତୋ ମୁହୂର୍ତଂ ବ୍ଯଥିତଃ ଶରପାତପ୍ରପୀଡିତଃ।
ନିଷସାଦ ରଥୋପସ୍ଥେ ଦ୍ରୋଣୋ ଭରତସତ୍ତମ॥ 7-163-42 (52435)
ପ୍ରତିଲଭ୍ଯ ତତଃ ସଂଜ୍ଞାଂ ମୁହୂର୍ତାଦ୍ଦ୍ବିଜସତ୍ତମଃ।
କ୍ରୋଧେନ ମହତାଽଽବିଷ୍ଟୋ ବାଯବ୍ଯାସ୍ତ୍ରମବାସୃଜତ୍॥ 7-163-43 (52436)
ଅସମ୍ଭ୍ରାନ୍ତସ୍ତତଃ ପାର୍ଥୋ ବାଯବ୍ଯେନୈବ ବୀର୍ଯବାନ୍।
ତଦସ୍ତ୍ରମସ୍ତ୍ରେଣ ରଣେ ସ୍ତମ୍ଭଯାମାସ ଭାରତ॥ 7-163-44 (52437)
ଚିଚ୍ଛେଦ ଚ ଧନୁର୍ଦୀର୍ଘଂ ବ୍ରାହ୍ମଣସ୍ଯ ଚ ପାଣ୍ଡବଃ।
ତତୋଽନ୍ଯଦ୍ଧନୁରାଦତ୍ତ ଦ୍ରୋଣଃ କ୍ଷତ୍ରିଯମର୍ଦନଃ।
ତଦପ୍ଯସ୍ଯ ଶିତୈର୍ଭଲ୍ଲୈଶ୍ଚିଚ୍ଛେଦ କୁରୁପୁଙ୍ଗବଃ॥ 7-163-45 (52438)
ତତୋଽବ୍ରବୀଦ୍ବାସୁଦେବଃ କୁନ୍ତୀପୁତ୍ରଂ ଯୁଧିଷ୍ଠିରମ୍॥ 7-163-46 (52439)
ଯୁଧିଷ୍ଠିର ମହାବାହୋ ଯତ୍ତ୍ବାଂ ବକ୍ଷ୍ଯାମି ତଚ୍ଛ୍ରଣୁ।
ଉପାରମସ୍ବ ଯୁଦ୍ଧେ ତ୍ବଂ ଦ୍ରୋଣାଦ୍ଭରତସତ୍ତମ॥ 7-163-47 (52440)
ଯତତେ ହି ସଦା ଦ୍ରୋଣୋ ଗ୍ରହଣେ ତବ ସଂଯୁଗେ।
ନାନୁରୂପମହଂ ମନ୍ଯେ ଯୁଦ୍ଧମସ୍ଯ ତ୍ବଯା ସହ॥ 7-163-48 (52441)
ଯୋଽସ୍ଯ ସୃଷ୍ଟୋ ବିନାଶାଯ ସ ଏବୈନଂ ହନିଷ୍ଯତି।
ପରିବର୍ଜ୍ଯ ଗୁରୁଂ ଯାହି ଯତ୍ର ରାଜା ସୁଯୋଧନଃ॥ 7-163-49 (52442)
ରାଜା ରାଜ୍ଞା ହି ଯୋଦ୍ଧବ୍ଯୋ ନାରାଜ୍ଞା ଯୁଦ୍ଧମିଷ୍ଯତେ।
ତତ୍ର ତ୍ବଂ ଗଚ୍ଛ କୌନ୍ତେଯ ହସ୍ତ୍ଯଶ୍ବରଥସଂବୃତଃ॥ 7-163-50 (52443)
ଯାବନ୍ମାତ୍ରେଣ ଚ ମଯା ସହାଯେନ ଧନଞ୍ଜଯଃ।
ଭୀମଶ୍ଚ ରଥଶାର୍ଦୂଲୋ ଯୁଧ୍ଯତେ କୌରବୈଃ ସହ॥ 7-163-51 (52444)
ବାସୁଦେବବଚଃ ଶ୍ରୁତ୍ବା ଧର୍ମରାଜୋ ଯୁଧିଷ୍ଠିରଃ।
ମୁହୂର୍ତଂ ଚିନ୍ତଯିତ୍ବା ତୁ ତତୋ ଦାରୁଣମାହବମ୍॥ 7-163-52 (52445)
ପ୍ରାଯାଦ୍ଦ୍ରୁତମମିତ୍ରଘ୍ନୋ ଯତ୍ର ଭୀମୋ ବ୍ଯବସ୍ଥିତଃ।
ବିନିଘ୍ନଂସ୍ତାବକାନ୍ଯୋଧାନ୍ବ୍ଯାଦିତାସ୍ଯ ଇବାନ୍ତକଃ॥ 7-163-53 (52446)
ରଥଘୋଷେଣ ମହତା ନାଦଯନ୍ବସୁଧାତଲମ୍।
ପର୍ଜନ୍ଯ ଇବ ଧର୍ମାନ୍ତେ ନାଦଯନ୍ବୈ ଦିଶୋ ଦଶ।
ଭୀମସ୍ଯ ନିଘ୍ନତଃ ଶତ୍ରୂନ୍ପାର୍ଷ୍ଣିଂ ଜାଗ୍ରହ ପାଣ୍ଡବଃ॥ 7-163-54 (52447)
ଦ୍ରୋଣୋଽପି ପାଣ୍ଡୁପାଞ୍ଚାଲାନ୍ବ୍ଯଧମଦ୍ରଜନୀମୁଖେ।
`ନାଦଯଂସ୍ତଲଘୋଷେଣ ତବ ସୈନ୍ଯାନି ମାରିଷ'॥ ॥ 7-163-55 (52448)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ତ୍ରିଷଷ୍ଟ୍ଯଧିକଶତତମୋଽଧ୍ଯାଯଃ॥ 163 ॥
Mahabharata - Drona Parva - Chapter Footnotes
5-163-18 ବାହ୍ଲୀକସ୍ଯ ସୋମଦତ୍ତସ୍ଯ॥ 5-163-163 ତ୍ରିଷଷ୍ଠ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 164
॥ ଶ୍ରୀଃ ॥
7.164. ଅଧ୍ଯାଯଃ 164
Mahabharata - Drona Parva - Chapter Topics
ସେନାଦ୍ବଯେ ଦୀପୋଦ୍ଯୋxxxନମ୍॥ 1 ॥Mahabharata - Drona Parva - Chapter Text
7-164-0 (52449)
ସଞ୍ଜଯ ଉବାଚ। 7-164-0x (4708)
ବର୍ତମାନେ ଯଥା ଯଦ୍ଧେ ଘୋରରୂପେ ଭଯାବହେ।
ତମସା ସଂବୃତେ ଲୋକେ ରଜସା ଚ ମହୀପତେ॥ 7-164-1 (52450)
ନାପଶ୍ଯନ୍ତ ରଣେ ଯୋଧାଃ ପରସ୍ପରମବସ୍ଥିତାଃ।
ଅନୁମାନେନ ସଂଜ୍ଞାଭିର୍ଯୁଦ୍ଧଂ ତଦ୍ବବୃଧେ ମହତ୍॥ 7-164-2 (52451)
ନରନାଗାଶ୍ବମଥନଂ ପରମଂ ରୋମହର୍ଷଣମ୍।
ଦ୍ରୋଣକର୍ଣକୃପା ବୀରା ଭୀମପାର୍ଷତସାତ୍ଯକାଃ।
ଅନ୍ଯୋନ୍ଯଂ କ୍ଷୋଭଯାମାସୁଃ ସୈନ୍ଯାନି ନୃପସତ୍ତମ॥ 7-164-3 (52452)
ବଧ୍ଯମାନାନି ସୈନ୍ଯାନି ସମନ୍ତାତ୍ତୈର୍ମହାରଥୈଃ।
ତମସା ସଂବୃତେ ଚୈବ ସମନ୍ତାଦ୍ବିପ୍ରଦୁଦ୍ରୁବୁଃ॥ 7-164-4 (52453)
ତେ ସର୍ବତୋ ବିଦ୍ରବନ୍ତୋ ଯୋଧା ବିଧ୍ବସ୍ତଚେତନାଃ।
ଅହନ୍ଯନ୍ତ ମହାରାଜ ଧାବମାନାଶ୍ଚ ସଂଯୁଗେ॥ 7-164-5 (52454)
ମହାରଥସହସ୍ରାଣି ଜଘ୍ନୁରନ୍ଯୋନ୍ଯମାହବେ।
ଅନ୍ଯେ ତମସି ମୂଢାନି ପୁତ୍ରସ୍ଯ ତବ ମନ୍ତ୍ରିତେ॥ 7-164-6 (52455)
ତତଃ ସର୍ବାଣି ସୈନ୍ଯାନି ସେନାଗୋପାଶ୍ଚ ଭାରତ।
ବ୍ଯମୁହ୍ଯନ୍ତ ରଣେ ତତ୍ର ତମସା ସଂବୃତେ ସତି॥ 7-164-7 (52456)
ଧୃତରାଷ୍ଟ୍ର ଉବାଚ। 7-164-8x (4709)
ତେଷାଂ ସଂଲୋଡ୍ଯମାନାନାଂ ପାଣ୍ଡବୈର୍ବିହତୌଜସାମ୍।
ଅନ୍ଧେ ତମସି ମଗ୍ନାନାମାସୀତ୍କିଂ ବୋ ମନସ୍ତଦା॥ 7-164-8 (52457)
କଥଂ ପ୍ରକାଶସ୍ତେଷାଂ ବା ମମ ସୈନ୍ଯସ୍ଯ ବା ପୁନଃ।
ବଭୂବ ଲୋକେ ତମସା ତଥା ସଞ୍ଜଯ ସଂବୃତେ॥ 7-164-9 (52458)
ସଞ୍ଜଯ ଉବାଚ। 7-164-10x (4710)
ତତଃ ସର୍ବାଣି ସୈନ୍ଯାନି ହତଶିଷ୍ଟାନି ଯାନି ବୈ।
ସେନାଗୋପ୍ତୄନଥାଦିଶ୍ଯ ପୁନର୍ବ୍ଯୂହମକଲ୍ପଯତ୍॥ 7-164-10 (52459)
ଦ୍ରୋଣଃ ପୁରସ୍ତାଜ୍ଜଘନେ ତୁ ଶଲ୍ଯ--
ସ୍ତଥା ଦ୍ରୌଣିଃ କୃତବର୍ମା ସୌବଲଶ୍ଚ।
ସ୍ବଯଂ ତୁ ସର୍ବାଣି ବଲାନି ରାଜ--
ନ୍ରାଜାଽଭ୍ଯଯାଦ୍ଗୋପଯନ୍ବୈ ନିଶାଯାମ୍॥ 7-164-11 (52460)
ଉବାଚ ସର୍ବାଂଶ୍ଚ ପଦାତିସଙ୍ଘା--
ନ୍ଦୁର୍ଯୋଧନଃ ପାର୍ଥିବସାନ୍ତ୍ବପୂର୍ବମ୍।
ଉତ୍ସୃଜ୍ଯ ସର୍ବେ ପରମାଯୁଧାନି
ଗୃହ୍ଣୀତ ହସ୍ତୈର୍ଜ୍ବଲିତାନ୍ପ୍ରଦୀପାନ୍॥ 7-164-12 (52461)
ତେ ଚୋଦିତାଃ ପାର୍ଥିବସତ୍ତମେନ
ତତଃ ପ୍ରହୃଷ୍ଟା ଜଗୃହୁଃ ପ୍ରଦୀପାନ୍॥ 7-164-13 (52462)
ଦେବର୍ଷିଗନ୍ଧର୍ବସୁରର୍ଷିସଙ୍ଘା
ବିଦ୍ଯାଧରାଶ୍ଚାପ୍ସରସାଂ ଗଣାଶ୍ଚ।
ନାଗାଃ ସଯକ୍ଷୋରଗକିନ୍ନରାଶ୍ଚ
ହୃଷ୍ଟା ଦିବିସ୍ଥା ଜଗୃହୁଃ ପ୍ରଦୀପାନ୍॥ 7-164-14 (52463)
ଦିଗ୍ଧୈର୍ବତେଭ୍ଯଶ୍ଚ ସମାପତନ୍ତୋ--
ଽଦୃଶ୍ଯନ୍ତ ଦୀପାଃ ସସୁଗନ୍ଧିତୈଲାଃ।
ବିଶେଷତୋ ନାରଦପର୍ବତାଭ୍ଯାଂ
ସମ୍ବୋଧ୍ଯମାନାଃ କୁରୁପାଣ୍ଡବାର୍ଥମ୍॥ 7-164-15 (52464)
ସା ଭୂଯ ଏବ ଧ୍ବଜିନୀ ବିଭକ୍ତା
ବ୍ଯରୋଚତାଗ୍ନିପ୍ରଭଯା ନିଶାଯାମ୍।
ମହାଧନୈରାଭରଣୈଶ୍ଚ ଦିବ୍ଯୈଃ
ଶସ୍ତ୍ରୈଶ୍ଚ ଦୀପ୍ତୈରପି ସମ୍ପତଦ୍ଭିଃ॥ 7-164-16 (52465)
ରଥେରଥେ ପଞ୍ଚ ବିଦୀପକାସ୍ତୁ
ପ୍ରଦୀପକାସ୍ତତ୍ର ଗଜେ ତ୍ରଯଶ୍ଚ।
ପ୍ରତ୍ଯଶ୍ବମେକଶ୍ଚ ମହାପ୍ରଦୀପଃ
କୃତାସ୍ତୁ ତୈଃ ପାଣ୍ଡବୈଃ କୌରବେଯୈଃ॥ 7-164-17 (52466)
କ୍ଷଣେନ ସର୍ବେ ବିହିତାଃ ପ୍ରଦୀପା
ବ୍ଯାଦୀପଯନ୍ତୋ ଧ୍ବଜିନୀଂ ତବାସୁ॥ 7-164-18 (52467)
ସର୍ବାସ୍ତୁ ସେନା ବ୍ଯତିସେବ୍ଯମାନାଃ
ପଦାତିଭିଃ ପାବକତୈଲହସ୍ତୈଃ।
ପ୍ରକାଶ୍ଯମାନା ଦଦୃଶୁର୍ନିଶାଯାଂ
ଯଥାନ୍ତରିକ୍ଷେ ଜଲଦାସ୍ତଡିଦ୍ଭିଃ॥ 7-164-19 (52468)
ପ୍ରକାଶିତାଯାଂ ତୁ ତତୋ ଧ୍ବଜିନ୍ଯାଂ
ଦ୍ରୋଣୋଽଗ୍ନିକଲ୍ପଃ ପ୍ରତପନ୍ସପତ୍ନାନ୍।
ରରାଜ ରାଜେନ୍ଦର ସୁବର୍ଣବର୍ମା
ମଧ୍ଯଂ ଗତଃ ସୂର୍ଯ ଇବାଂଶୁମାଲୀ॥ 7-164-20 (52469)
ଜାମ୍ବୂନଦେଷ୍ବାଭରଣେଷୁ ଚୈବ
ନିଷ୍କେଷୁ ଶୁଦ୍ଧେଷୁ ଶରାସନେଷୁ।
ପୀତେଷୁ ଶସ୍ତ୍ରେଷୁ ଚ ପାବକସ୍ଯ
ପ୍ରତିପ୍ରଭାସ୍ତତ୍ର ତଦା ବଭୂବୁଃ॥ 7-164-21 (52470)
ଗଦାଶ୍ଚ ଶୈକ୍ଯାଃ ପରିଘାଶ୍ଚ ଶୁଭ୍ରା
ରଥେଷୁ ଶକ୍ତ୍ଯଶ୍ଚ ବିବର୍ତମାନାଃ।
ପ୍ରତିପ୍ରଭାରଶ୍ମିଭିରାଜମୀଢ
ପୁନଃପୁନଃ ସଞ୍ଜନଯନ୍ତି ଦୀପାନ୍॥ 7-164-22 (52471)
ଛତ୍ରାଣି ବାଲବ୍ଯଜନାନି ଖଙ୍ଗା
ଦୀପ୍ତା ମହୋଲ୍କାଶ୍ଚ ତଥୈବ ରାଜନ୍।
ବ୍ଯାଘୂର୍ଣମାନାଶ୍ଚ ସୁବର୍ଣମାଲା
ବ୍ଯାଯଚ୍ଛତାଂ ତତ୍ର ତଦା ବିରେଜୁଃ॥ 7-164-23 (52472)
ଶସ୍ତ୍ରପ୍ରଭାଭିଶ୍ଚ ବିରାଜମାନଂ
ଦୀପପ୍ରଭାଭିଶ୍ଚ ତଦା ବଲଂ ତତ୍।
ପ୍ରକାଶିତଂ ଚାଭରଣପ୍ରଭାଭି--
ର୍ଭୃଶଂ ପ୍ରକାଶଂ ନୃପତେ ବଭୂବ॥ 7-164-24 (52473)
ପୀତାନି ଶସ୍ତ୍ରାଣ୍ଯସୃଗୁକ୍ଷିତାନି
ବୀରାବଧୂତାନି ତନୁଚ୍ଛଦାନି।
ଦୀପ୍ତାଂ ପ୍ରଭାଂ ପ୍ରାଜନଯନ୍ତ ତତ୍ର
ତପାତ୍ଯଯେ ବିଦ୍ଯୁଦିବାନ୍ତରିକ୍ଷେ॥ 7-164-25 (52474)
ପ୍ରକମ୍ପିତାନାମଭିଧାତବେଗୈ--
ରଭିଘ୍ନତାଂ ଚାପତତାଂ ଜବେନ।
ବକ୍ରାଣ୍ଯକାଶନ୍ତ ତଦା ନରାଣାଂ
ବାଯ୍ବୀରିତାନୀବ ମହାମ୍ବୁଜାନି॥ 7-164-26 (52475)
ମହାବନେ ଦାରୁମଯେ ପ୍ରଦୀପ୍ତେ
ଯଥା ପ୍ରଭା ଭାସ୍କରସ୍ଯାପି ନଶ୍ଯେତ୍।
ତଥା ତଦାଽଽସୀଦ୍ବଜିନୀ ପ୍ରଦୀପ୍ତା
ମହାଭଯା ଭାରତ ଭୀମରୂପା॥ 7-164-27 (52476)
ତତ୍ସଂପ୍ରଦୀପ୍ତାଂ ବଲମସ୍ମଦୀଯଂ
ନିଶାମ୍ଯ ପାର୍ଥାସ୍ତ୍ବରିତାସ୍ତଥୈବ।
ସର୍ବେଷୁ ସୈନ୍ଯେଷୁ ପଦାତିସଙ୍ଘା--
ନଚୋଦଯଂସ୍ତେଽପି ଚକ୍ରୁଃ ପ୍ରଦୀପାନ୍॥ 7-164-28 (52477)
ଗଜେଗଜେ ସପ୍ତ କୃପାଃ ପ୍ରଦୀପା
ରଥେରଥେ ଚୈବ ଦଶ ପ୍ରଦୀପାଃ।
ଦ୍ବାବଶ୍ବପୃଷ୍ଠେ ପରିପାର୍ଶ୍ବତୋଽନ୍ଯେ
ଧ୍ବଜେଷୁ ଚାନ୍ଯେ ଜଘନେଷୁ ଚାନ୍ଯେ॥ 7-164-29 (52478)
ସେନାସୁ ସର୍ବାସୁ ଚ ପାର୍ଶ୍ବତୋଽନ୍ଯେ
ପଶ୍ଚାତ୍ପୁରସ୍ତାଚ୍ଚ ସମନ୍ତତଶ୍ଚ।
ମଧ୍ଯେ ତଥାଽନ୍ଯେ ଜ୍ବଲିତାଗ୍ନିହସ୍ତା
ବ୍ଯଦୀପଯନ୍ପାଣ୍ଡୁସୁତସ୍ଯ ସେନାମ୍॥ 7-164-30 (52479)
ମଧ୍ଯେ ତଥାଽନ୍ଯେ ଜ୍ବଲିତାଗ୍ନିହସ୍ତାଃ
ସେନାଦ୍ବଯେଽପି ସ୍ମ ନରା ବିଚେରୁଃ॥ 7-164-31 (52480)
ସର୍ବେଷୁ ସୈନ୍ଯେଷୁ ପଦାତିସଙ୍ଘା
ବିମିଶ୍ରିତା ହସ୍ତିରଥାଶ୍ବବୃନ୍ଦୈଃ।
ବ୍ଯଦୀପଯଂସ୍ତେ ଧ୍ବଜିନୀଂ ପ୍ରଦୀପ୍ତା--
ସ୍ତଥା ବଲଂ ପାଣ୍ଡବେଯାଭିଗୁପ୍ତମ୍॥ 7-164-32 (52481)
ତେନ ପ୍ରଦୀପ୍ତେନ ତଥା ପ୍ରଦୀପ୍ତଂ--
ବଲଂ ତବାସୀଦ୍ବଲବଦ୍ବଲେନ।
ଭାଃ କୁର୍ବତା ଭାନୁମତା ଗ୍ରହେଣ
ଦିବାକରେଣାଗ୍ନିରିବାଭିଗୁପ୍ତଃ॥ 7-164-33 (52482)
ତଯୋଃ ପ୍ରଭାଃ ପୃଥିବୀମନ୍ତରିକ୍ଷଂ
ସର୍ବା ବ୍ଯତିକ୍ରମ୍ଯ ଦିଶଶ୍ଚ ବୃଦ୍ଧାଃ।
ତେନ ପ୍ରକାଶେନ ଭୃଶଂ ପ୍ରକାଶଂ
ବଭୂବ ତେଷାଂ ତବ ଚୈବ ସୈନ୍ଯମ୍॥ 7-164-34 (52483)
ତେନ ପ୍ରକାଶେନ ଦିବଂ ଗତେନ
ସମ୍ବୋଧିତା ଦେବଗଣାଶ୍ଚ ରାଜନ୍।
ଗନ୍ଧର୍ବଯକ୍ଷାସୁରସିଦ୍ଧସଙ୍ଘାଃ
ସମାଗମନ୍ନପ୍ସରସଶ୍ଚ ସର୍ବାଃ॥ 7-164-35 (52484)
ତଦ୍ଦେବଗନ୍ଧର୍ବସମାକୁଲଂ ଚ
ଯକ୍ଷାସୁରେନ୍ଦ୍ରାପ୍ସରସାଂ ଗଣୈଶ୍ଚ।
ହତୈଶ୍ଚ ଶୂରୈର୍ଦିବମାରୁହଦ୍ଭି--
ରାଯୋଧନଂ ଦିବ୍ଯକଲ୍ପଂ ବଭୂବ॥ 7-164-36 (52485)
ରଥାଶ୍ବନାଗାକୁଲଦୀପଦୀପ୍ତଂ
ସଂରବ୍ଧଯୋଧଂ ହତବିଦ୍ରୁତାଶ୍ବମ୍।
ମହଦ୍ବଲଂ ବ୍ଯୂଢରଥାଶ୍ବନାଗଂ
ସୁରାସୁରବ୍ଯୂହସମଂ ବଭୂବ॥ 7-164-37 (52486)
ତଚ୍ଛକ୍ତିସଙ୍ଘାକୁଲଚଣ଼୍ଡବାତଂ
ମହାରଥାଭ୍ରଂ ଗଜବାଜିଘୋଷମ୍।
ଶସ୍ତ୍ରୌଗବର୍ଷଂ ରୁଧିରାମ୍ବୁଧାରଂ
ନିଶି ପ୍ରବୃତ୍ତଂ ରଥଦୁର୍ଦିନଂ ତତ୍॥ 7-164-38 (52487)
ତସ୍ମିନ୍ମହାଗ୍ନିପ୍ରତିମୋ ମହାତ୍ମା
ସନ୍ତାପଂଯନ୍ପାଣ୍ଡବାନ୍ବିପ୍ରମୁଖ୍ଯଃ।
ଗଭସ୍ତିଭିର୍ମଧ୍ଯଗତୋ ଯଥାଽର୍କୋ
ବର୍ଷାତ୍ଯଯେ ତଦ୍ବଦଭୂନ୍ନରେନ୍ଦ୍ର॥ ॥ 7-164-39 (52488)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ଚତୁଃଷଷ୍ଠ୍ଯଧିକଶତତମୋଽଧ୍ଯାଯଃ॥ 164 ॥
Mahabharata - Drona Parva - Chapter Footnotes
5-164-6 ଅନ୍ଧେ ଆନ୍ଧ୍ଯହେତୌ॥ 5-164-8 ବୋ ଯୁଷ୍ମତ୍ସମ୍ବନ୍ଧିନାଂ ମନଃ କିଂ କିଂବିଧମ୍। କାତରଂ ଧୃଷ୍ଟଂ ବେତ୍ଯର୍ଥଃ॥ 5-164-10 ତତ ଇତି। ଦ୍ରୋଣ ଇତ୍ଯପକୃଯତେ। ତେଷାଂ ସୈନ୍ଯାନାଂ ବ୍ଯୂହମିଧ୍ଯାହୃତ୍ଯ ଯୋଜ୍ଯମ୍॥ 5-164-14 ଦେବର୍ଷୀତି। ଭୁବି ପଦାତିଭିର୍ଦୀପେଷୁ ଗୃହୀତେଷୁ ଦିବିସ୍ଥା ଦେବା ଅପି ଦୀପାନ୍ ଜଗୃହୁର୍ଯୁଦ୍ଧୋତ୍ସବପ୍ରେକ୍ଷକାଃ॥ 5-164-164 ଚତୁଃଷଷ୍ଠ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 165
॥ ଶ୍ରୀଃ ॥
7.165. ଅଧ୍ଯାଯଃ 165
Mahabharata - Drona Parva - Chapter Topics
ସଙ୍କୁଲଯୁଦ୍ଧମ୍॥ 3 ॥Mahabharata - Drona Parva - Chapter Text
7-165-0 (52489)
ସଞ୍ଜଯ ଉବାଚ। 7-165-0x (4711)
ପ୍ରକାଶିତେ ତଦା ଲୋକେ ରଜସା ତମସାବୃତେ।
ସମାଜଗ୍ମୁରଥୋ ବୀରାଃ ପରସ୍ପରବଧୈଷିଣଃ॥ 7-165-1 (52490)
ତେ ସମେତ୍ଯ ରଣେ ରାଜଞ୍ଶସ୍ତ୍ରପ୍ରାସାସିଧାରିଣଃ।
ପରସ୍ପରମୁଦୈକ୍ଷନ୍ତ ପରସ୍ପରକୃତାଗସଃ॥ 7-165-2 (52491)
ପ୍ରଦୀପାନାଂ ସହସ୍ରୈଶ୍ଚ ଦୀପ୍ଯମାନୈଃ ସମନ୍ତତଃ।
ରତ୍ନାଚିତୈଃ ସ୍ବର୍ଣଦଣ୍ଡୈର୍ଗନ୍ଧତୈଲାବସିଞ୍ଚିତୈଃ॥ 7-165-3 (52492)
ଦେବଗନ୍ଧର୍ବଦୀପାଦ୍ଯୈଃ ପ୍ରଭାଭିରଧିକୋଜ୍ଜ୍ବଲୈଃ।
ବିରରାଜ ତଦା ଭୂମିର୍ଗ୍ରହୈର୍ଦ୍ଯୌରିବ ଭାରତ॥ 7-165-4 (52493)
ଉଲ୍କାଶତୈଃ ପ୍ରଜ୍ବଲିତୈ ରଣଭୂମିର୍ବ୍ଯରାଜତ।
ଦହ୍ଯମାନେବ ଲୋକାନାମଭାବେ ଚ ବସୁନ୍ଧରା॥ 7-165-5 (52494)
ବ୍ଯଦୀପ୍ଯନ୍ତ ଦିଶଃ ସର୍ବାଃ ପ୍ରଦୀପୈସ୍ତୈଃ ସମନ୍ତତଃ।
ବର୍ଷାପ୍ରଦୋଷେ ଖଦ୍ଯୋତୈର୍ବୃତା ବୃକ୍ଷା ଇବାବଭୁଃ॥ 7-165-6 (52495)
ଅସଜ୍ଜନ୍ତ ତତୋ ବୀରା ବିରେଷ୍ବେବ ପୃଥକ୍ପୃଥକ୍।
ନାଗା ନାଗୈଃ ସମାଜଗ୍ମୁସ୍ତୁରଗା ହଯସାଦିଭିଃ।
ରଥା ରଥବରୈରେବ ସମଜଗ୍ମୁର୍ମୁଦା ଯୁତାଃ॥ 7-165-7 (52496)
ତସ୍ମିନ୍ରାତ୍ରିମୁଖେ ଘୋରେ ତବ ପୁତ୍ରସ୍ଯ ଶାସନାତ୍।
ଚତୁରଙ୍ଗସ୍ଯ ସୈନ୍ଯସ୍ଯ ସମ୍ପାତଶ୍ଚ ମହାରନଭୂତ୍॥ 7-165-8 (52497)
ତତୋଽର୍ଜୁନୋ ମହାରାଜ କୌରବାଣାମନୀକିନୀମ୍।
ବ୍ଯଧମତ୍ତ୍ବରଯା ଯୁକ୍ତଃ କ୍ଷପଯନ୍ସର୍ବପାର୍ଥିବାନ୍॥ 7-165-9 (52498)
ଧୃତରାଷ୍ଟ୍ର ଉବାଚ। 7-165-10x (4712)
ତସ୍ମିନ୍ପ୍ରବିଷ୍ଟେ ସଂରବ୍ଧେ ମମ ପୁତ୍ରସ୍ଯ ବାହିନୀମ୍।
ଅମୃଷ୍ଯମାଣେ ଦୁର୍ଧର୍ଷେ କଥମାସୀନ୍ମନୋ ହି ବଃ॥ 7-165-10 (52499)
କିମକୁର୍ବତ ସୈନ୍ଯାନି ପ୍ରବିଷ୍ଟେ ପରଷୀଡନେ।
ଦୁର୍ଯୋଧନଶ୍ଚ କିଂ କୃତ୍ଯଂ ପ୍ରାପ୍ତକାଲମମନ୍ଯତ॥ 7-165-11 (52500)
କେ ଚୈନଂ ସମରେ ବୀରଂ ପ୍ରତ୍ଯୁଦ୍ଯଯୁରରିନ୍ଦମାଃ।
ଦ୍ରୋଣଂ ଚ କେ ବ୍ଯରକ୍ଷନ୍ତ ପ୍ରବିଷ୍ଟେ ଶ୍ବେତବାହନେ॥ 7-165-12 (52501)
କେଽରକ୍ଷନ୍ଦକ୍ଷିଣଂ ଚକ୍ରଂ କେ ଚ ଦ୍ରୋଣସ୍ଯ ସବ୍ଯତଃ।
କେ ପୃଷ୍ଠତଶ୍ଚାପ୍ଯଭବନ୍ବୀରା ବୀରାନ୍ବିନିଘ୍ନତଃ।
କେ ପୁରସ୍ତାଦଗଚ୍ଛନ୍ତ ନିଘ୍ନନ୍ତଃ ଶାସ୍ତ୍ରବାନ୍ରଣେ॥ 7-165-13 (52502)
ଯତ୍ପ୍ରାବିଶନ୍ମହେଷ୍ବାସଃ ପାଞ୍ଚାଲନାପରାଜିତାଃ।
ନୃତ୍ଯନ୍ନିବ ନରବ୍ଯାଘ୍ରୋ ରଥମାର୍ଗେଷୁ ବୀର୍ଯବାନ୍॥ 7-165-14 (52503)
ଯୋ ଦଦାହ ଶରୈର୍ଦ୍ରୋଣଃ ପାଞ୍ଚାଲାନାଂ ରଥବ୍ରଜାନ୍।
ଧୂମକେତୁରିବ କ୍ରୁଦ୍ଧଃ କଥଂ ମୃତ୍ଯୁମୁପେଯିବାନ୍॥ 7-165-15 (52504)
ଅବ୍ଯଗ୍ରାନେବ ହି ପରାନ୍କଥଯସ୍ଯପରାଜିତାନ୍।
ହୃଷ୍ଟାନୁଦୀର୍ଣାନ୍ସଙ୍ଗ୍ରାମେ ନ ତଥା ସୂତ ମାମକାନ୍॥ 7-165-16 (52505)
ହତାଂଶ୍ଚୈବ ବିଦୀର୍ଣାଂଶ୍ଚ ବିପ୍ରକୀର୍ଣାଂଶ୍ଚ ଶଂସସି।
ରଥିନୋ ବିରଥାଂଶ୍ଚୈବ କୃତାନ୍ଯୁଦ୍ବେଷୁ ମାମକାନ୍॥ 7-165-17 (52506)
ସଞ୍ଜଯ ଉବାଚ। 7-165-18x (4713)
ଦ୍ରୋଣସ୍ଯ ମତମାଜ୍ଞାଯ ଯୋଦ୍ବୁକାମସ୍ଯ ତାଂ ନିଶାମ୍।
ଦୁର୍ଯୋଧନୋ ମହାରାଜ ବଶ୍ଯାନ୍ଭ୍ରାତୄନୁବାଚ ହ॥ 7-165-18 (52507)
କର୍ଣଂ ଚ ବୃଷସେନଂ ଚ ମଦ୍ରରାଜଂ ଚ କୌରବ।
ଦୁର୍ଧର୍ଷଂ ଦୀର୍ଘବାହୁଂ ଚ ଯେ ଚ ତେଷାଂ ପଦାନୁଗାଃ॥ 7-165-19 (52508)
ଦ୍ରୋଣଂ ଯତ୍ତାଃ ପରାକ୍ରାନ୍ତାଃ ସର୍ବେ ରକ୍ଷନ୍ତୁ ପୃଷ୍ଠତଃ।
ହାର୍ଦିକ୍ଯୋ ଦକ୍ଷିଣଂ ଚକ୍ରଂ ଶଲ୍ଯଶ୍ଚୈବୋତ୍ତରଂ ତଥା॥ 7-165-20 (52509)
ତ୍ରିଗର୍ତାନାଂ ଚ ଯେ ଶୂରା ହତଶିଷ୍ଟା ମହାରଥାଃ।
ତାଂଶ୍ଚୈବ ପୁରତଃ ସର୍ବାନ୍ପୁତ୍ରସ୍ତେ ସମଚୋଦଯତ୍॥ 7-165-21 (52510)
ଦୁର୍ଯୋଧନ ଉବାଚ। 7-165-22x (4714)
ଆଚାର୍ଯୋ ହି ସୁସଂଯତ୍ତୋ ଭୃଶଂ ଯତ୍ତାଶ୍ଚ ପାଣ୍ଡବାଃ।
ତଂ ରକ୍ଷତ ସୁସଂଯତ୍ତା ନିଘ୍ନନ୍ତଂ ଶାସ୍ତ୍ରବାନ୍ରଣେ॥ 7-165-22 (52511)
ଦ୍ରୋଣୋ ହି ବଲବାନ୍ଯୁଦ୍ଧେ କ୍ଷିପ୍ରହସ୍ତଃ ପ୍ରତାପବାନ୍।
ନିର୍ଜଯେତ୍ତ୍ରିଦଶାନ୍ଯୁଦ୍ଧେ କିମୁ ପାର୍ଥାନ୍ସସୋମକାନ୍॥ 7-165-23 (52512)
ତେ ଯୂଯଂ ସହିତାଃ ସର୍ବେ ଭୃଶଂ ଯତ୍ତା ମହାରଥାଃ।
ଦ୍ରୋଣଂ ରକ୍ଷତ ପାଞ୍ଚାଲାଦ୍ଧୃଷ୍ଟଦ୍ଯୁମ୍ନାନ୍ମହାରଥାତ୍॥ 7-165-24 (52513)
ପାଣ଼୍ଡବୀଯେଷୁ ସୈନ୍ଯେଷୁ ନ ତଂ ପଶ୍ଯାମ କଞ୍ଚନ।
ଯୋ ଯୋଧଯେଦ୍ରଣେ ଦ୍ରୋଣଂ ଧୃଷ୍ଟଦ୍ଯୁମ୍ନାଦୃତେ ପୁମାନ୍॥ 7-165-25 (52514)
ତସ୍ମାତ୍ସର୍ବାତ୍ମନା ମନ୍ଯେ ଭାରଦ୍ବାଜସ୍ଯ ରକ୍ଷଣମ୍।
ସୁଗୁପ୍ତଃ ପାଣ୍ଡବାନ୍ହନ୍ଯାତ୍ସୃଞ୍ଜଯାଂଶ୍ଚ ସସୋମକାନ୍॥ 7-165-26 (52515)
ସୃଞ୍ଜଯେଷ୍ବଥ ସର୍ବେଷୁ ନିହତେଷୁ ଚମୂମୁଖେ।
ଧୃଷ୍ଟଦ୍ଯୁମ୍ନଂ ରମେ ଦ୍ରୌଣିର୍ହନିଷ୍ଯତି ନ ସଂଶଯଃ॥ 7-165-27 (52516)
ତଥାଽର୍ଜୁନଂ ଚ ରାଧେଯୋ ହନିଷ୍ଯତି ମହାରଥଃ।
ଭୀମସେନମହଂ ଚାପି ଯୁଦ୍ଧେଜେଷ୍ଯାମି ଦୀକ୍ଷିତଃ।
ଶେଷାଂଶ୍ଚ ପାଣ୍ଡବାନ୍ଯୋଧାଃ ପ୍ରସଭଂ ହୀନତେଜସଃ॥ 7-165-28 (52517)
ସୋଯଂ ମମ ଜଯୋ ବ୍ଯକ୍ତୋ ଦୀର୍ଘକାଲଂ ଭବିଷ୍ଯତି।
ତସ୍ମାଦ୍ରକ୍ଷତ ସଙ୍ଗ୍ରାମେ ଦ୍ରୋଣମେବ ମହାରଥମ୍॥ 7-165-29 (52518)
ଇତ୍ଯୁକ୍ତ୍ବା ଭରତଶ୍ରେଷ୍ଠ ପୁତ୍ରୋ ଦୁର୍ଯାଧନସ୍ତବ।
ବ୍ଯାଦିଦେଶ ତଥା ସୈନ୍ଯଂ ତସ୍ମିଂସ୍ତମସି ଦାରୁଣେ॥ 7-165-30 (52519)
ତତଃ ପ୍ରବବୃତେ ଯୁଦ୍ଧଂ ରାତ୍ରୌ ଭରତସତ୍ତମ।
ଉଭଯୋଃ ସେନଯୋର୍ଘୋରଂ ପରସ୍ପରଜିଗୀଷଯା॥ 7-165-31 (52520)
ଅର୍ଜୁନଃ କୌରବଂ ସୈନ୍ଯମର୍ଜୁନଂ ଚାପି କୌରବାଃ।
ନାନାଶସ୍ତ୍ରସମାବାଯୈରନ୍ଯୋନ୍ଯଂ ସମପୀଡଯନ୍॥ 7-165-32 (52521)
ଦ୍ରୌଣିଃ ପାଞ୍ଚାଲରାଜଂ ଚ ଭାରଦ୍ବାଜଶ୍ଚ ସୃଞ୍ଜଯାନ୍।
ଛାଦଯାଂଚକ୍ରିରେ ସଙ୍ଖ୍ଯେ ଶରୈଃ ସନ୍ନତପର୍ବଭିଃ॥ 7-165-33 (52522)
ପାଣ୍ଡୁପାଞ୍ଚାଲସୈନ୍ଯାନାଂ କୌରବାଣାଂ ଚ ଭାରତ।
ଆସୀନ୍ନିଷ୍ଟାନକୋ ଘୋରୋ ନିଘ୍ନତାମିତରେତରମ୍॥ 7-165-34 (52523)
ନୈବାସ୍ମାଭିସ୍ତଥା ପୂର୍ବୈର୍ଦୃଷ୍ଟପୂର୍ବଂ ତଥାବିଧମ୍।
ଯୁଦ୍ଧଂ ଯାଦୃଶମେବାସୀତ୍ତାଂ ରାତ୍ରି ସୁଭଯାବହମ୍॥ ॥ 7-165-35 (52524)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ପଞ୍ଚଷଷ୍ଟ୍ଯଧିକଶତତମୋଽଧ୍ଯାଯଃ॥ 165 ॥
ଦ୍ରୋଣପର୍ବ - ଅଧ୍ଯାଯ 166
॥ ଶ୍ରୀଃ ॥
7.166. ଅଧ୍ଯାଯଃ 166
Mahabharata - Drona Parva - Chapter Topics
କୃତବର୍ମଣା ଯୁଧିଷ୍ଠିରପରାଜଯଃ॥ 1 ॥Mahabharata - Drona Parva - Chapter Text
7-166-0 (52525)
ସଞ୍ଜଯ ଉବାଚ। 7-166-0x (4715)
ବର୍ତମାନେ ତଦା ରୌଦ୍ରେ ରାତ୍ରିଯୁଦ୍ଧେ ବିଶାମ୍ପତେ।
ସର୍ବଭୂତକ୍ଷଯକରେ ଧର୍ମପୁତ୍ରୋ ଯୁଧିଷ୍ଠିରଃ॥ 7-166-1 (52526)
ଅବ୍ରବୀତ୍ପାଣ୍ଡବାଂଶ୍ଚୈବ ପାଞ୍ଚାଲାଂଶ୍ଚୈବ ସୋମକାନ୍।
ଅଭିଦ୍ରବତ ସଂଯାତ ଦ୍ରୋଣମେବ ଜିଘାଂସଯା॥ 7-166-2 (52527)
ରାଜ୍ଞସ୍ତେ ବଚନାଦ୍ରାଜନ୍ପାଞ୍ଚାଲାଃ ସୃଞ୍ଜଯାସ୍ତଥା।
ଦ୍ରୋଣମେବାଭ୍ଯବର୍ତନ୍ତ ନଦନ୍ତୋ ଭୈରବାନ୍ରବାନ୍॥ 7-166-3 (52528)
ତାନ୍ବଯଂ ପ୍ରତିଗର୍ଜନ୍ତଃ ପ୍ରତ୍ଯୁଦ୍ଯାତାଃ ସ୍ମ ହର୍ଷିତାଃ।
ଯଥାଶକ୍ତି ଯଥୋତ୍ସାହଂ ଯଥାସତ୍ବଂ ଚ ସଂଯୁଗେ॥ 7-166-4 (52529)
କୃତବର୍ମା ତୁ ହାର୍ଦିକ୍ଯୋ ଯୁଧିଷ୍ଠିରମୁପାଦ୍ରବତ୍।
ଦ୍ରୋଣଂ ପ୍ରତି ସମାଯାନ୍ତଂ ମତ୍ତୋ ମତ୍ତମିବ ଦ୍ବିପମ୍॥ 7-166-5 (52530)
ଶୈନେଯଂ ଶରବର୍ଷାଣି ବିକିରନ୍ତଂ ସମନ୍ତତଃ।
ଅଭ୍ଯଯାତ୍କୌରବୋ ରାଜନ୍ଭୂରିଃ ସଙ୍ଗ୍ରାମମୂର୍ଧନି॥ 7-166-6 (52531)
ସହଦେବମଥାଯାନ୍ତଂ ଦ୍ରୋଣପ୍ରେପ୍ସୁଂ ମହାରଥମ୍।
କର୍ଣୋ ବୈକର୍ତନୋ ରାଜନ୍ବାରଯାମାସ ପାଣ଼୍ଡବମ୍॥ 7-166-7 (52532)
ଭୀମସେନମଥାଯାନ୍ତଂ ବ୍ଯାଦିତାସ୍ଯାମିବାନ୍ତକମ୍।
ସ୍ବଯଂ ଦୁର୍ଯୋଧନୋ ରାଜା ପ୍ରତୀପଂ ମୃତ୍ଯୁମାବ୍ରଜତ୍॥ 7-166-8 (52533)
ନକୁଲଂ ଚ ଯୁଧାଂ ଶ୍ରେଷ୍ଠଂ ସର୍ବଯୁଦ୍ଧବିଶାରଦମ୍।
ଶକୁନିଃ ସୌବଲୋ ରାଜନ୍ବାରଯାମାସ ସତ୍ବରଃ॥ 7-166-9 (52534)
ଶିଖଣ୍ଡିନମଥାଯାନ୍ତଂ ରଥେନ ରଥିନାଂ ବରମ୍।
କୃପଃ ଶାରଦ୍ବତୋ ରାଜନ୍ବାରଯାମାସ ସଂଯୁଗେ॥ 7-166-10 (52535)
ପ୍ରତିବିନ୍ଧ୍ଯମଥାଯାନ୍ତଂ ମଯୂରସଦୃଶୈର୍ହଯୈଃ।
ଦୁଃଶାସନୋ ମହାରାଜ ଯତ୍ତୋ ଯତ୍ତମବାରଯତ୍॥ 7-166-11 (52536)
ଭୈମସେନିମଥାଯାନ୍ତଂ ମାଯାଶତବିଶାରଦମ୍।
ଅଶ୍ବତ୍ଥାମା ମହାରାଜ ରାକ୍ଷସଂ ପ୍ରତ୍ଯଷେଧଯତ୍॥ 7-166-12 (52537)
ଦ୍ରୁପଦଂ ବୃଷସେନସ୍ତୁ ସସୈନ୍ଯଂ ସପଦାନୁଗମ୍।
ବାରଯାମାସ ସମରେ ଦ୍ରୋଣପ୍ରେପ୍ସୁଂ ମହାରଥମ୍॥ 7-166-13 (52538)
ବିରାଟଂ ଦ୍ରୁତମାଯାନ୍ତଂ ଦ୍ରୋଣସ୍ଯ ନିଧନଂ ପ୍ରତି।
ମଦ୍ରରାଜଃ ସୁସଙ୍କ୍ରୁଦ୍ଧୋ ବାରଯାମାସ ଭାରତ॥ 7-166-14 (52539)
ଶତାନୀକମଥାଯାନ୍ତଂ ନାକୁଲିଂ ରଭସଂ ରଣେ।
ଚିତ୍ରସେନୋ ରୁରୋଧାଶୁ ଶରୈର୍ଦ୍ରୋଣପରୀପ୍ସଯା॥ 7-166-15 (52540)
ଅର୍ଜୁନଂ ଚ ଯୁଧାଂଶ୍ରେଷ୍ଠଂ ପ୍ରାଦ୍ରବନ୍ତଂ ମହାରଥମ୍।
ଅଲାଯୁଧୋ ମହାରାଜ ରାକ୍ଷସେନ୍ଦ୍ରୋ ନ୍ଯବାରଯତ୍॥ 7-166-16 (52541)
ତଥା ଦ୍ରୋଣଂ ମହେଷ୍ବାସଂ ନିଘ୍ନନ୍ତଂ ଶାତ୍ରବାନ୍ରଣେ।
ଧୃଷ୍ଟଦ୍ଯୁମ୍ନୋଽଥ ପାଞ୍ଚାଲ୍ଯୋ ହୃଷ୍ଟରୂପମବାରଯତ୍॥ 7-166-17 (52542)
ତଥାଽନ୍ଯାନ୍ପାଣ୍ଡୁପୁତ୍ରାଣାଂ ସମାଯାତାନ୍ମହାରଥାନ୍।
ତାବକା ରଥିନୋ ରାଜନ୍ବାରଯାମାସୁରୋଜସା॥ 7-166-18 (52543)
ଗଜାରୋହା ଗଜୈସ୍ତୂର୍ଣଂ ସନ୍ନିପତ୍ଯ ମହାମୃଧେ।
ଯୋଧଯନ୍ତଃ ସ୍ମ ଦୃଶ୍ଯନ୍ତେ ଶତଶୋଽଥ ସହସ୍ରଶଃ॥ 7-166-19 (52544)
ନିଶୀଥେ ତୁରଗା ରାଜନ୍ଦ୍ରାବଯନ୍ତଃ ପରସ୍ପରମ୍।
ସମଦୃଶ୍ଯନ୍ତ ବେଗେନ ପକ୍ଷବନ୍ତୋ ଯଥାଽଦ୍ରଯଃ॥ 7-166-20 (52545)
ସାଦିନଃ ସାଦିଭିଃ ସାର୍ଧଂ ପ୍ରାସଶକ୍ତ୍ଯୃଷ୍ଟିପାଣଯଃ।
ସମାଗଚ୍ଛନ୍ମହାରାଜ ବିନଦନ୍ତଃ ପୃଥକ୍ପୃଥକ୍॥ 7-166-21 (52546)
ନରାସ୍ତୁ ବହବସ୍ତତ୍ର ସମାଜଗ୍ମୁଃ ପରସ୍ପରମ୍।
ଗାଦାଭିର୍ମୁସଲୈଶ୍ଚୈବ ନାନାଶସ୍ତ୍ରୈଶ୍ଚ ସଂଯୁଗେ॥ 7-166-22 (52547)
କୃତବର୍ମା ତୁ ହାର୍ଦିକ୍ଯୋ ଧର୍ମପୁତ୍ରଂ ଯୁଧିଷ୍ଠିରମ୍।
ବାରଯାମାସ ସଙ୍କ୍ରୁଦ୍ଧୋ ବେଲେବୋଦ୍ବୃତ୍ତମର୍ଣବମ୍॥ 7-166-23 (52548)
ଯୁଧିଷ୍ଠିରସ୍ତୁ ହାର୍ଦିକ୍ଯଂ ବିଦ୍ବ୍ବା ପଞ୍ଚଭିରାଶୁଗୈଃ।
ପୁନର୍ବିବ୍ଯାଧ ବିଂଶତ୍ଯା ତିଷ୍ଠତିଷ୍ଠେତି ଚାବ୍ରବୀତ୍॥ 7-166-24 (52549)
କୃତବର୍ମା ତୁ ସଙ୍କ୍ରୁଦ୍ଧୋ ଧର୍ମପୁତ୍ରସ୍ଯ ମାରିଷ।
ଧନୁଶ୍ଚିଚ୍ଛେଦ ଭଲ୍ଲେନ ତଂ ଚ ବିବ୍ଯାଧ ସପ୍ତଭିଃ॥ 7-166-25 (52550)
ଅଥାନ୍ଯଦ୍ଧନୁରାଦାଯ ଧର୍ମପୁତ୍ରୋ ମହାରଥଃ।
ହାର୍ଦିକ୍ଯଂ ଦଶଭିର୍ବାଣୈର୍ବାହ୍ବୋରୁରସି ଚାର୍ପଯତ୍॥ 7-166-26 (52551)
ମାଧବସ୍ତୁ ରଣେ ବିଦ୍ଧୋ ଧର୍ମପୁତ୍ରେଣ ମାରିଷ।
ପ୍ରାକମ୍ପତ ଚ ରୋଷେଣ ସପ୍ତଭିଶ୍ଚାର୍ଦଯଚ୍ଛରୈଃ॥ 7-166-27 (52552)
ତସ୍ଯ ପାର୍ଥୋ ଧନୁଶ୍ଛିତ୍ତ୍ବା ହସ୍ତାବାପଂ ନିକୃତ୍ଯ ଚ।
ପ୍ରାହିଣୋନ୍ନିଶିତାନ୍ବାଣାନ୍ପଞ୍ଚ ରାଜଞ୍ଛିଲାଶିତାନ୍॥ 7-166-28 (52553)
ତେ ତସ୍ଯ କବଚଂ ଭିତ୍ତ୍ବା ହେମଚିତ୍ରଂ ମହାଧନମ୍।
ପ୍ରାବିଶନ୍ଧରଣୀଂ ଭିତ୍ତ୍ବା ବଲ୍ମୀକମିବ ପନ୍ନଗାଃ॥ 7-166-29 (52554)
ଅକ୍ଷ୍ଣୋର୍ନିମେଷମାତ୍ରେଣ ସୋଽନ୍ଯଦାଦାଯ କାର୍ମୁକମ୍।
ବିବ୍ଯାଧ ପାଣ୍ଡବଂ ଷଷ୍ଟ୍ଯା ସୂତଂ ଚ ନବଭିଃ ଶରୈଃ॥ 7-166-30 (52555)
ତସ୍ଯ ଶକ୍ତିମମେଯାତ୍ମା ପାଣ୍ଡବୋ ଭୁଜଗୋପମାମ୍।
ଚିକ୍ଷେପ ଭରଶ୍ରେଷ୍ଠ ରଥେ ନ୍ଯସ୍ଯ ମହଦ୍ଧନୁଃ॥ 7-166-31 (52556)
ସା ହେମଚିତ୍ରା ମହତୀ ପାଣ୍ଡବେଯେନ ପ୍ରେରିତା।
ନିର୍ଭିଦ୍ଯ ଦକ୍ଷିଣଂ ବାହୁଂ ପ୍ରାବିଶଦ୍ଧରଣୀତଲମ୍॥ 7-166-32 (52557)
ଏତସ୍ମିନ୍ନେବ କାଲେ ତୁ ଗୃହ୍ଯ ପାର୍ଥଃ ପୁନର୍ଧନୁଃ।
ହାର୍ଦିକ୍ଯଂ ଛାଦଯାମାସ ଶରୈଃ ସନ୍ନତପର୍ବଭିଃ॥ 7-166-33 (52558)
ତତସ୍ତୁ ସମରେ ଶୂରୋ ବୃଷ୍ଣୀନାଂ ପ୍ରବରୋ ରଥୀ।
ବ୍ଯଶ୍ଚସୂତରଥଂ ଚକ୍ରେ ନିମେଷାର୍ଧାଦ୍ଯୁଧିଷ୍ଠିରମ୍॥ 7-166-34 (52559)
ତତସ୍ତୁ ପାଣ୍ଡବୋ ଜ୍ଯେଷ୍ଠଃ ଖଙ୍ଗଂ ଚର୍ମ ସମାଦଦେ।
ତଦସ୍ଯ ନିଶିତୈର୍ବାଣୈର୍ବ୍ଯଧମନ୍ମାଧବୋ ରଣେ॥ 7-166-35 (52560)
ତୋମରଂ ତୁ ତତୋ ଗୃହ୍ଯ ସ୍ବର୍ଣଦଣ୍ଡଂ ଦୁରାସଦମ୍।
ପ୍ରୈଷଯତ୍ସମରେ ତୂର୍ଣଂ ହାର୍ଦିକ୍ଯସ୍ଯ ଯୁଧିଷ୍ଠିରଃ॥ 7-166-36 (52561)
ତମାପତନ୍ତଂ ସହସା ଧର୍ମରାଜଭୁଜଚ୍ଯୁତମ୍।
ଦ୍ବିଧା ଚିଚ୍ଛେଦ ହାର୍ଦିକ୍ଯଃ କୃତହସ୍ତଃ ସ୍ମଯନ୍ନିବ॥ 7-166-37 (52562)
ତତଃ ଶରଶତେନାଜୌ ଧର୍ମପୁତ୍ରମବାକିରତ୍।
କବଚଂ ଚାସ୍ଯ ସଙ୍କ୍ରୁଦ୍ଧଃ ଶରୈସ୍ତୀକ୍ଷ୍ଣୈରଦାରଯତ୍॥ 7-166-38 (52563)
ହାର୍ଦିକ୍ଯଶରସଞ୍ଛନ୍ନଂ କବଚଂ ତନ୍ମହାଧନମ୍।
ବ୍ଯଶୀର୍ଯତ ରଣେ ରାଜଂସ୍ତାରାଜାଲମିବାମ୍ବରାତ୍॥ 7-166-39 (52564)
ସ ଚ୍ଛିନ୍ନଧନ୍ବା ବିରଥଃ ଶୀର୍ଣବର୍ମା ଶରାର୍ଦିତଃ।
ଅପାଯାସୀଦ୍ରଣାତ୍ତୂର୍ଣଂ ଧର୍ମପୁତ୍ରୋ ଯୁଧିଷ୍ଠିରଃ॥ 7-166-40 (52565)
କୃତବର୍ମା ତୁ ନିର୍ଜିତ୍ଯ ଧର୍ମାତ୍ମାନଂ ଯୁଧିଷ୍ଠିରମ୍।
ପୁନର୍ଦ୍ରୋଣସ୍ଯ ଜୁଗୁପେ ଚକ୍ରମେବ ମହାତ୍ମନଃ॥ ॥ 7-166-41 (52566)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ଷଟ୍ଷଷ୍ଟ୍ଯଧିକଶତତମୋଽଧ୍ଯାଯଃ॥ 166 ॥
Mahabharata - Drona Parva - Chapter Footnotes
5-166-12 ଭୈମସେନିଂ ଘଟୋତ୍କଚମ୍॥ 5-166-27 ମାଧବଃ କୃତବର୍ମା॥ 5-166-166 ଷଟ୍ଷଷ୍ଠ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 167
॥ ଶ୍ରୀଃ ॥
7.167. ଅଧ୍ଯାଯଃ 167
Mahabharata - Drona Parva - Chapter Topics
ସାତ୍ଯକିନା ଭୂରିନାମ୍ନୋ ରାଜ୍ଞୋ ବଧଃ॥ 1 ॥ ଦ୍ରୌଣିନା ଘଟୋତ୍କଚପରାଜଯଃ॥ 2 ॥ ଭୀମେନ ଦୁର୍ଯୋଧନପରାଭବଃ॥ 3 ॥Mahabharata - Drona Parva - Chapter Text
7-167-0 (52567)
ସଞ୍ଜଯ ଉବାଚ। 7-167-0x (4716)
ଭୂରିସ୍ତୁ ସମରେ ରାଜଞ୍ଶୈନେଯଂ ରଥିନାଂ ବରମ୍।
ଆପତନ୍ତମପାସେଧତ୍ପ୍ରଯାଣାଦିବ କୁଞ୍ଜରମ୍॥ 7-167-1 (52568)
ଅଥୈନଂ ସାତ୍ଯକିଃ କ୍ରୁଦ୍ଧଃ ପଞ୍ଚଭିର୍ନିଶିତୈଃ ଶରୈଃ।
ବିବ୍ଯାଧ ହୃଦଯେ ତସ୍ଯ ପ୍ରାସ୍ରବତ୍ତସ୍ଯ ଶୋଣିତମ୍॥ 7-167-2 (52569)
ତଥୈବ କୌରବୋ ଯୁଦ୍ଧେ ଶୈନେଯଂ ଯୁଦ୍ଧଦୁର୍ମଦମ୍।
ଦଶିଭିର୍ନିଶିତୈସ୍ତୀକ୍ଷ୍ଣୈରବିଧ୍ଯତ ଭୁଜାନ୍ତରେ॥ 7-167-3 (52570)
ତାବନ୍ଯୋନ୍ଯଂ ମହାରାଜ ତତକ୍ଷାତେ ଶରୈର୍ଭୃଶମ୍।
କ୍ରୋଧସଂରକ୍ତନଯନୌ କ୍ରୋଧାଦ୍ବିଷ୍ଫାର୍ଯ କାର୍ମୁକେ॥ 7-167-4 (52571)
ତଯୋରାସୀନ୍ମହାରାଜ ଶସ୍ତ୍ରବୃଷ୍ଟିଃ ସୁଦାରୁଣା।
କ୍ରୁଦ୍ଧଯୋଃ ସାଯକମୁଚୋର୍ଯମାନ୍ତକନିକାଶଯୋଃ॥ 7-167-5 (52572)
ତାବନ୍ଯୋନ୍ଯଂ ଶରୈଃ ରାଜନ୍ସଞ୍ଛାଦ୍ଯ ସମବସ୍ଥିତୌ।
ମୁହୂର୍ତଂ ଚୈବ ତଦ୍ଯୁଦ୍ଧଂ ସମରୂପମିବାଭାବତ୍॥ 7-167-6 (52573)
ତତଃ କ୍ରୁଦ୍ଧୋ ମହାରାଜ ଶୈନେଯଃ ପ୍ରହସନ୍ନିବ।
ଧନୁଶ୍ଚିଚ୍ଛେଦ ସମରେ କୌରବ୍ଯସ୍ଯ ମହାତ୍ମନଃ॥ 7-167-7 (52574)
ଅଥୈନଂ ଛିନ୍ନଧନ୍ବାନଂ ନବଭିର୍ନିଶିତୈଃ ଶରୈଃ।
ବିବ୍ଯାଧ ହୃଦଯେ ତୂର୍ଣଂ ତିଷ୍ଠତିଷ୍ଠେତି ଚାବ୍ରବୀତ୍॥ 7-167-8 (52575)
ସୋଽତିବିଦ୍ଧୋ ବଲବତା ଶତ୍ରୁଣା ଶତ୍ରୁତାପନଃ।
ଧନୁରନ୍ଯତ୍ସମାଦାଯ ସାତ୍ବତଂ ପ୍ରତ୍ଯବିଧ୍ଯତ॥ 7-167-9 (52576)
ସ ବିଦ୍ଧ୍ବା ସାତ୍ବତଂ ବାଣୈସ୍ତ୍ରିଭିରେବ ବିଶାମ୍ପତେ।
ଧନୁଶ୍ଚିଚ୍ଛେଦ ଭଲ୍ଲେନ ସୁତୀକ୍ଷ୍ଣେନ ହସନ୍ନିବ॥ 7-167-10 (52577)
ଛିନ୍ନଧନ୍ବା ମହାରାଜ ସାତ୍ଯକିଃ କ୍ରୋଧମୂର୍ଚ୍ଛିତଃ।
ପ୍ରଜହାର ମହାବେଗାଂ ଶକ୍ତିଂ ତସ୍ଯ ମହୋରସି॥ 7-167-11 (52578)
ସ ତୁ ଶକ୍ତ୍ଯା ବିଭିନ୍ନାଙ୍ଗୋ ନିପପାତ ରଥୋତ୍ତମାତ୍।
ଲୋହିତାଙ୍ଗ ଇବାକାଶାଦ୍ଦୀପ୍ତରଶ୍ମିର୍ଯଦୃଚ୍ଛଯା॥ 7-167-12 (52579)
ତଂ ତୁ ଦୃଷ୍ଟ୍ବା ହତଂ ଶୂରମଶ୍ବତ୍ଥାମା ମହାରଥଃ।
ଅଭ୍ଯଧାବତ ବେଗେନ ଶୈନେଯଂ ପ୍ରତି ସଂଯୁଗେ॥ 7-167-13 (52580)
ତିଷ୍ଠତିଷ୍ଠେତି ଚାଭାଷ୍ଯ ଶୈନେଯଂ ସ ନରାଧିପ।
ଅଭ୍ଯବର୍ଷଚ୍ଛରୌଘେଣ ମେରୁଂ ବୃଷ୍ଟ୍ଯା ଯଥାମ୍ବୁଦଃ॥ 7-167-14 (52581)
ତମାପତନ୍ତଂ ସଂରବ୍ଧଂ ଶୈନେଯସ୍ଯ ରଥଂ ପ୍ରତି।
ଘଟୋତ୍କଚୋଽବ୍ରବୀଦ୍ରାଜନ୍ନାହଂ ମୁକ୍ତ୍ବା ମହାରଥଃ॥ 7-167-15 (52582)
ତିଷ୍ଠତିଷ୍ଠ ନ ମେ ଜୀବନ୍ଦ୍ରୋଣପୁତ୍ର ଗମିଷ୍ଯସି।
ଏଷ ତ୍ବାଂ ନିହନିଷ୍ଯାମି ମହିଷଂ ମୃଗରାଡିବ॥ 7-167-16 (52583)
ଯୁଦ୍ଧଶ୍ରଦ୍ଧାମହଂ ତେଽଦ୍ଯ ବିନେଷ୍ଯାମି ରଣାଜିରେ।
ଇତ୍ଯୁକ୍ତ୍ବା କ୍ରୋଧତାମ୍ରାକ୍ଷୋ ରାକ୍ଷସଃ ପରବୀରହା।
ଦ୍ରୋଣିମଭ୍ଯଦ୍ରବତ୍କ୍ରୁଦ୍ଧୋ ଗଜେନ୍ଦ୍ରମିବ କେସରୀ॥ 7-167-17 (52584)
ରଥାକ୍ଷମାତ୍ରୈରିଷୁଭିରଭ୍ଯବର୍ଷଦ୍ଧଟୋତ୍କଚଃ।
ରଥିନାମୃଷଭଂ ଦ୍ରୌଣିଂ ଧାରାଭିରିବ ତୋଯଦଃ॥ 7-167-18 (52585)
ଶରବୃଷ୍ଟିଂ ତୁ ତାଂ ପ୍ରାପ୍ତାଂ ଶରୈରାଶୀବିଷୋପମୈଃ।
ଶାତଯାମାସ ସମରେ ତରସା ଦ୍ରୌଣିରୁତ୍ସ୍ମଯନ୍॥ 7-167-19 (52586)
ତତଃ ଶରଶତୈସ୍ତୀକ୍ଷ୍ଣୈର୍ମର୍ମଭେଦିଭିରାଶୁଗୈଃ।
ସମାଚିନୋଦ୍ରାକ୍ଷସେନ୍ଦ୍ରଂ ଘଟୋତ୍କଚମରିନ୍ଦମମ୍॥ 7-167-20 (52587)
ସ ଶରୈରାଚିତସ୍ତେନ ରାକ୍ଷସୋ ରଣମୂର୍ଧନି।
ବ୍ଯକାଶତ ମହାରାଜ ଶ୍ବାବିଚ୍ଛଲଲତୋ ଯଥା॥ 7-167-21 (52588)
ତତଃ କ୍ରୋଧସମାବିଷ୍ଟୋ ଭୈମସେନିଃ ପ୍ରତାପବାନ୍।
ଶରୈରବଚକର୍ତୋଗ୍ରୈର୍ଦ୍ରୌଣିଂ ବଜ୍ରାଶନିପ୍ରଭୈଃ॥ 7-167-22 (52589)
କ୍ଷୁରପ୍ରୈରର୍ଧଚନ୍ଦ୍ରୈଶ୍ଚ ନାରାଚୈଃ ସଶିଲୀମୁଖୈଃ।
ବରାହକର୍ଣୈର୍ନାଲୀକୈର୍ବିକର୍ଣୈଶ୍ଚାଭ୍ଯବୀବୃଷତ୍॥ 7-167-23 (52590)
ତାଂ ଶସ୍ତ୍ରବୃଷ୍ଟିମତୁଲାଂ ବଜ୍ରାଶନିସମସ୍ବନାମ୍।
ପତନ୍ତୀମୁପରି କ୍ରୁଦ୍ଧୋ ଦ୍ରୌଣିରବ୍ଯଥିତେନ୍ଦ୍ରିଯଃ॥ 7-167-24 (52591)
ସୁଦୁଃସହାଂ ଶରୈର୍ଘୋରୈର୍ଦିବ୍ଯାସ୍ତ୍ରପ୍ରତିମନ୍ତ୍ରିତୈଃ।
ବ୍ଯଧମତ୍ସୁମହାତେଜା ମହାଭ୍ରାଣୀବ ମାରୁତଃ॥ 7-167-25 (52592)
ତତୋଽନ୍ତରିକ୍ଷେ ବାଣାନାଂ ସଙ୍ଗ୍ରାମୋଽନ୍ଯ ଇବାଭବତ୍।
ଘୋରରୂପୋ ମହାରାଜ ଯୋଧାନାଂ ହର୍ଷବର୍ଧନଃ॥ 7-167-26 (52593)
ତତୋଽସ୍ତ୍ରସନ୍ଧର୍ଷକୃତୈର୍ବିସ୍ଫୁଲିଙ୍ଗୈଃ ସମନ୍ତତଃ।
ବମୌ ନିଶାମୁଖେ ବ୍ଯୋମ ଖଦ୍ଯୋତୈରିବ ସଂବୃତମ୍॥ 7-167-27 (52594)
ସ ମାର୍ଗଣଗଣୈର୍ଦ୍ରୌଣିର୍ଦିଶଃ ପ୍ରଚ୍ଛାଦ୍ଯ ସର୍ବତଃ.
ପ୍ରିଯାର୍ଥଂ ତବ ପୁତ୍ରାଣାଂ ରାକ୍ଷସଂ ସମବାକିରତ୍॥ 7-167-28 (52595)
ତତଃ ପ୍ରବବୃତେ ଯୁଦ୍ଧଂ ଦ୍ରୌଣିରାକ୍ଷସଯୋର୍ମୃଧେ।
ବିଗାଢେ ରଜନୀମଧ୍ଯେ ଶକ୍ରପ୍ରହ୍ଲାଦଯୋରିବ॥ 7-167-29 (52596)
ତତୋ ଘଟୋତ୍କଚୋ ବାଣୈର୍ଦଶଭିର୍ଦ୍ରୌଣିମାହବେ।
ଜଘାନୋରସି ସଙ୍କ୍ରୁଦ୍ଧଃ କାଲଜ୍ବଲନସନ୍ନିଭୈଃ॥ 7-167-30 (52597)
ସ ତୈରଭ୍ଯାଯତୈର୍ବିଦ୍ଧୋ ରାକ୍ଷସେନ ମହାବଲଃ।
ଚଚାଲ ସମରେ ଦ୍ରୌଣିର୍ବାତନୁନ୍ନ ଇବ ଦ୍ରୁମଃ॥ 7-167-31 (52598)
ସ ମୋହଂ ସମରେ ପ୍ରାପ୍ତୋ ଧ୍ବଜଯଷ୍ଟିଂ ସମାଶ୍ରିତଃ॥ 7-167-32 (52599)
ତତୋ ହାହାକୃତଂ ସୈନ୍ଯଂ ତବ ସର୍ବଂ ଜନାଧିପ।
ହତଂ ସ୍ମ ମେନିରେ ସର୍ବେ ଦ୍ରୋଣସୂନୁଂ ଜନାଧିପାଃ॥ 7-167-33 (52600)
ତଂ ତୁ ଦୃଷ୍ଟ୍ବା ତଥାବସ୍ଥମଶ୍ବତ୍ଥାମାନମାହବେ।
ପାଞ୍ଚାଲାଃ ସୃଞ୍ଜଯାଶ୍ଚୈବ ସିଂହନାଦଂ ପ୍ରଚକ୍ରିରେ॥ 7-167-34 (52601)
ପ୍ରତିଲଭ୍ଯ ତତଃ ସଂଜ୍ଞାମଶ୍ବତ୍ଥାମା ମହାବଲଃ।
ଧନୁଃ ପ୍ରପୀଡ୍ଯ ବାମେନ କରେଣାମିତ୍ରକର୍ଶନଃ॥ 7-167-35 (52602)
ମୁମୋଚାକର୍ଣପୂର୍ଣେନ ଧନୁଷା ଶରମୁତ୍ତମମ୍।
ଯମଦଣ଼୍ଡୋପମଂ ଘୋରମୁଦ୍ଦିଶ୍ଯାଶୁ ଘଟୋତ୍କଚମ୍॥ 7-167-36 (52603)
ସ ଭିତ୍ତ୍ବା ହୃଦଯଂ ତସ୍ଯ ରାକ୍ଷସସ୍ଯ ଶରୋତ୍ତମଃ।
ବିବେଶ ବସୁଧାମୁଗ୍ରଃ ସପୁଙ୍ଖଃ ପୃଥିବୀପତେ॥ 7-167-37 (52604)
ସୋଽତିବିଦ୍ଧୋ ମହାରାଜ ରଥୋପସ୍ଥ ଉପାବିଶତ୍।
ରାକ୍ଷସେନ୍ଦ୍ରଃ ପୁବଲବାନ୍ଦ୍ରୌଣିନା ରଣଶାଲିନା॥ 7-167-38 (52605)
ଦୃଷ୍ଟ୍ବା ବିମୂଢଂ ହୈଡିମ୍ବଂ ସାରଥିସ୍ତୁ ରଣାଜିରାତ୍।
ଦ୍ରୌଣେଃ ସକାଶାତ୍ସମ୍ଭ୍ରାନ୍ତସ୍ତ୍ବପନିନ୍ଯେତ୍ବରାନ୍ବିତଃ॥ 7-167-39 (52606)
ତଥା ତୁ ସମରେ ବିଦ୍ଧ୍ବା ରାକ୍ଷସେନ୍ଦ୍ରଂ ଘଟୋତ୍କଚମ୍।
ନନାଦ ସୁମହାନାଦଂ ଦ୍ରୋଣପୁତ୍ରୋ ମହାରଥଃ॥ 7-167-40 (52607)
ପୂଜିତସ୍ତବ ପୁତ୍ରୈଶ୍ଚ ସର୍ବଯୋଧୈଶ୍ଚ ଭାରତ।
ବପୁଷାଽତିପ୍ରଜଜ୍ବାଲ ମଧ୍ଯାହ୍ନ ଇବ ଭାସ୍କରଃ॥ 7-167-41 (52608)
ଭୀମସେନଂ ତୁ ଯୁଧ୍ଯନ୍ତଂ ଭାରଦ୍ବାଜରଥଂ ପ୍ରତି।
ସ୍ବଯଂ ଦୁର୍ଯୋଧନୋ ରାଜା ପ୍ରତ୍ଯବିଧ୍ଯଚ୍ଛିତୈଃ ଶରୈଃ॥ 7-167-42 (52609)
ତଂ ଭୀମସେନୋ ଦଶଭିଃ ଶରୈର୍ବିବ୍ଯାଧ ମାରିଷ।
ଦୁର୍ଯୋଧନୋଽପି ବିଂଶତ୍ଯା ଶରାଣାଂ ପ୍ରତ୍ଯବିଧ୍ଯତ॥ 7-167-43 (52610)
ତୌ ସାଯକୈରବଚ୍ଛିନ୍ନାବଦୃଶ୍ଯେତାଂ ରଣାଜିରେ।
ମେଘଜାଲସମାଚ୍ଛନ୍ନୌ ନଭସୀବେନ୍ଦୁଭାସ୍କରୌ॥ 7-167-44 (52611)
ଅଥ ଦୁର୍ଯୋଧନୋ ରାଜା ଭୀମଂ ବିବ୍ଯାଧ ପତ୍ରିଭିଃ।
ପଞ୍ଚଭିର୍ଭରତଶ୍ରେଷ୍ଠ ତିଷ୍ଠତିଷ୍ଠେତି ଚାବ୍ରବୀତ୍॥ 7-167-45 (52612)
ତସ୍ଯ ଭୀମୋ ଧନୁଶ୍ଛିତ୍ତ୍ବା ଧ୍ବଜଂ ଚ ଦଶଭିଃ ଶରୈଃ।
ବିବ୍ଯାଧ କୌରବଶ୍ରେଷ୍ଠଂ ନବତ୍ଯା ନତପର୍ବଣାମ୍॥ 7-167-46 (52613)
ତତୋ ଦୁର୍ଯୋଧନଃ କ୍ରୁଦ୍ଧୋ ଭନୁରନ୍ଯନ୍ମହତ୍ତରମ୍।
ଗୃହୀତ୍ବା ଭରତଶ୍ରେଷ୍ଠୋ ଭୀମସେନଂ ଶିତୈଃ ଶରୈଃ।
ଅପୀଡଯଦ୍ରଣମୁଖେ ପଶ୍ଯତାଂ ସର୍ବଧନ୍ବିନାମ୍॥ 7-167-47 (52614)
ତାନ୍ନିହତ୍ଯ ଶରାନ୍ଭୀମୋ ଦୁର୍ଯୋଧନଧନୁଶ୍ଚ୍ଯୁତାନ୍।
କୌରବଂ ପଞ୍ଚବିଂଶତ୍ଯା କ୍ଷୁଦ୍ରକାଣାଂ ସମାର୍ପଯତ୍॥ 7-167-48 (52615)
ଦୁର୍ଯୋଧନସ୍ତୁ ସଙ୍କ୍ରୁଦ୍ଧୋ ଭୀମସେନସ୍ଯ ମାରିଷ।
କ୍ଷୁରପ୍ରେଣ ଧନୁଶ୍ଛିତ୍ତ୍ବା ଦଶଭିଃ ପ୍ରତ୍ଯବିଧ୍ଯତ॥ 7-167-49 (52616)
ଅଥାନ୍ଯଦ୍ଧନୁରାଦାଯ ଭୀମସେନୋ ମହାବଲଃ।
ବିବ୍ଯାଧ ନୃପତିଂ ତୂର୍ଣଂ ସପ୍ତଭିର୍ନିଶିତୈଃ ଶରୈଃ॥ 7-167-50 (52617)
ତଦପ୍ଯସ୍ଯ ଧନୁଃ କ୍ଷିପ୍ରଂ ଚିଚ୍ଛେଦ ଲଘୁହସ୍ତବତ୍।
ଦ୍ବିତୀଯଂ ଚ ତୃତୀଯଂ ଚ ଚତୁର୍ଥଂ ପଞ୍ଚମଂ ତଥା॥ 7-167-51 (52618)
ଆତ୍ତମାତ୍ତଂ ମହାରାଜ ଭୀମସ୍ଯ ଧନୁରାଚ୍ଛିନତ୍।
ତବ ପୁତ୍ରୋ ମହାରାଜ ଜିତକାଶୀ ମଦୋତ୍କଟଃ॥ 7-167-52 (52619)
ସ ତଥା ଭିଦ୍ଯମାନେଷୁ କାର୍ମୁକେଷୁ ପୁନଃ ପୁନଃ।
ଶକ୍ତିଂ ଚିକ୍ଷେପ ସମରେ ସର୍ବପାରଶବୀଂ ଶୁଭାମ୍॥ 7-167-53 (52620)
ମୃତ୍ଯୋରିବ ସ୍ବସାରଂ ହି ଦୀପ୍ତାଂ ବହ୍ନିଶିଖାମିବ।
ସୀମନ୍ତମିବ କୁର୍ବନ୍ତୀଂ ନଭସୋଽଗ୍ନିସମପ୍ରଭାମ୍॥ 7-167-54 (52621)
ଅପ୍ରାପ୍ତାମେବ ତାଂ ଶକ୍ତିଂ ତ୍ରିଧା ଚିଚ୍ଛେଦ କୌରବଃ।
ପଶ୍ଯତଃ ସର୍ବଲୋକସ୍ଯ ଭୀମସ୍ଯ ଚ ମହାତ୍ମନଃ॥ 7-167-55 (52622)
ତତୋ ଭୀମୋ ମହାରାଜ ଗଦାଂ ଗୁର୍ବୀଂ ମହାପ୍ରଭାମ୍।
ଚିକ୍ଷେପାବିଧ୍ଯ ବେଗେନ ଦୁର୍ଯୋଧନରଥଂ ପ୍ରତି॥ 7-167-56 (52623)
ତତଃ ସା ସହସା ବାହାଂସ୍ତବ ପୁତ୍ରସ୍ଯ ସଂଯୁଗେ।
ସାରଥିଂ ଚ ଗଦା ଗୁର୍ବୀ ମମର୍ଦାସ୍ଯ ରଥଂ ପୁନଃ॥ 7-167-57 (52624)
ପୁତ୍ରସ୍ତୁ ତବ ରାଜେନ୍ଦ୍ର ଭୀମାଦ୍ଭୀତଃ ପ୍ରଣଶ୍ଯ ଚ।
ଆରୁରୋହ ରଥଂ ଚାନ୍ଯଂ ନନ୍ଦକସ୍ଯ ମହାତ୍ମନଃ॥ 7-167-58 (52625)
ତତୋ ଭୀମୋ ହତଂ ମତ୍ବା ତବ ପୁତ୍ରଂ ମହାରଥମ୍।
ସିଂହନାଦଂ ମହଚ୍ଚକ୍ରେ ତର୍ଜଯନ୍ନିଶି କୌରବାନ୍॥ 7-167-59 (52626)
ତାବକାଃ ସୈନିକାଶ୍ଚାପି ମେନିରେ ନିହତଂ ନୃପମ୍।
ତତୋଽତିଚୁକ୍ରୁଶୁଃ ସର୍ବେ ତେ ହାହେତି ସମନ୍ତତଃ॥ 7-167-60 (52627)
ତେଷାଂ ତୁ ନିନଦଂ ଶ୍ରୁତ୍ବା ତ୍ରସ୍ତାନାଂ ସର୍ବଯୋଧିନାମ୍।
ଭୀମସେନସ୍ଯ ନାଦଂ ଚ ଶ୍ରୁତ୍ବା ରାଜନ୍ମହାତ୍ମନଃ॥ 7-167-61 (52628)
ତତୋ ଯୁଧିଷ୍ଠିରୋ ରାଜା ହତଂ ମତ୍ବା ସୁଯୋଧନମ୍।
ଅଭ୍ଯବର୍ତତ ବେଗେନ ଯତ୍ର ପାର୍ଥୋ ବୃକୋଦରଃ॥ 7-167-62 (52629)
ପାଞ୍ଚଲାଃ କେକଯା ମାତ୍ସ୍ଯାଃ ସୃଞ୍ଜଯାଶ୍ଚ ବିଶାମ୍ପତେ।
ସର୍ବୋଦ୍ଯୋଗେନାଭିଜଗ୍ମୁଦ୍ରୋଣମେବ ଯୁଯୁତ୍ସଯା॥ 7-167-63 (52630)
ତତ୍ରାସୀତ୍ସୁମହଦ୍ଯୁଦ୍ଧଂ ଦ୍ରୋଣସ୍ଯାଥ ପରୈଃ ସହ।
ଘୋରେ ତମସି ମଗ୍ନାନାଂ ନିଘ୍ନତାମିତରେତରମ୍॥ ॥ 7-167-64 (52631)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ସପ୍ତଷଷ୍ଟ୍ଯଧିକ ଶତତମୋଽଧ୍ଯାଯଃ॥ 167 ॥
Mahabharata - Drona Parva - Chapter Footnotes
5-167-1 ପ୍ରଯାଣାଦ୍ଯାନସ୍ଥାନାତ୍। ପ୍ରବଣାଦିତି ପାଠେ ପ୍ରବଣଂ ପ୍ରକୃଷ୍ଟଂ ବନଂ ଜଲମ୍॥ 5-167-2 ତସ୍ଯ ସାତ୍ଯକେଃ। ତସ୍ଯ ତସ୍ମାଦ୍ଧୃଦଯାତ୍॥ 5-167-12 ଲୋହିତାଙ୍ଗଃ କୁଜଃ। ଯଦୃଚ୍ଛଯା ଦୈବେନେତ୍ଯଭୂତୋପମା॥ 5-167-16 ମହିଷମସୁରମ୍। ମହିଷଂ ଷଣ୍ମୁଖୋ ଯଥା ଇତି ଘ.ଙ.ଝ.ପାଠଃ॥ 5-167-21 ଶ୍ବାବିଚ୍ଛଲ୍ଯକଃ। ଶଲଲତଃ ଶଲଲୀଭିଃ॥ 5-167-58 ପ୍ରଣଶ୍ଯ ନିଲୀନୋ ଭୂତ୍ବା॥ 5-167-167 ସପ୍ତଷଷ୍ଟ୍ଯଧିକଶତତମୋଽଧ୍ଯାଯଃ॥ 167 ॥ଦ୍ରୋଣପର୍ବ - ଅଧ୍ଯାଯ 168
॥ ଶ୍ରୀଃ ॥
7.168. ଅଧ୍ଯାଯଃ 168
Mahabharata - Drona Parva - Chapter Topics
କର୍ଣେନ ସହଦେବସ୍ଯ ପରାଜଯପୂର୍ବକମବହେଲନମ୍॥ 1 ॥ ଶଲ୍ଯେନ ବିରାଟପରାଜଯଃ॥ 2 ॥ ଅର୍ଜୁନେନାଲାଯୁଧପରାଜଯଃ॥ 3 ॥Mahabharata - Drona Parva - Chapter Text
7-168-0 (52632)
ସଞ୍ଜଯ ଉବାଚ। 7-168-0x (4717)
ସହଦେବମଥାଯାନ୍ତଂ ଦ୍ରୋଣପ୍ରେପ୍ତୁଂ ବିଶାମ୍ପତେ।
କର୍ଣୋ ବୈକର୍ତନୋ ଯୁଦ୍ଧେ ବାରଯାମାସ ଭାରତ॥ 7-168-1 (52633)
ସହଦେବସ୍ତୁ ରାଧେଯଂ ବିଦ୍ଧ୍ବା ନବଭିରାଶୁଗୈଃ।
ପୁନର୍ବିବ୍ଯାଧ ଦଶଭିର୍ବିଶିଖୈର୍ନତପର୍ବଭିଃ॥ 7-168-2 (52634)
ତଂ କର୍ଣଃ ପ୍ରତିବିବ୍ଯାଧ ଶତେନ ନତପର୍ବଣାମ୍।
ସଜ୍ଯଂ ଚାସ୍ଯ ଧନୁଃ ଶୀଘ୍ରଂ ଚିଚ୍ଛେଦ ଲଘୁହସ୍ତବତ୍॥ 7-168-3 (52635)
ତତୋଽନ୍ଯଦ୍ଧନୁରାଦାଯ ମାଦ୍ରୀପୁତ୍ରଃ ପ୍ରତାପବାନ।
କର୍ଣଂ ବିବ୍ଯାଧ ବିଂଶତ୍ଯା ତଦଦ୍ଭୁତମିବାଭବତ୍॥ 7-168-4 (52636)
ତସ୍ଯ କର୍ଣୋ ହଯାନ୍ହତ୍ବା ଶରୈଃ ସନ୍ନତପର୍ବଭିଃ।
ସାରଥିଂ ଚାସ୍ଯ ଭଲ୍ଲେନ ଦ୍ରୁତଂ ନିନ୍ଯେ ଯମକ୍ଷଯମ୍॥ 7-168-5 (52637)
ବିରଥଃ ସହଦେବସ୍ତୁ ଖଙ୍ଗଂ ଚର୍ମ ସମାଦଦେ।
ତଦପ୍ଯସ୍ଯ ଶରୈଃ କର୍ଣୋ ବ୍ଯଧମତ୍ପ୍ରହସନ୍ନିବ॥ 7-168-6 (52638)
ଅଥ ଗୁର୍ବୀଂ ମହାଘୋରାଂ ହେମଚିତ୍ରାଂ ମହାଗଦାମ୍।
ପ୍ରେଷଯାମାସ ସଙ୍କ୍ରୁଦ୍ଧୋ ବୈକର୍ତନରଥଂ ପ୍ରତି॥ 7-168-7 (52639)
ତାମାପତନ୍ତୀଂ ସହସା ସହଦେବପ୍ରଚୋଦିତାମ୍।
ବ୍ଯଷ୍ଟମ୍ଭଯଚ୍ଛରୈଃ କର୍ଣୋ ଭୂମୌ ଚୈନାମପାତଯତ୍॥ 7-168-8 (52640)
ଗଦାଂ ବିନିହତାଂ ଦୃଷ୍ଟ୍ବା ସହଦେବସ୍ତ୍ବରାନ୍ବିତଃ।
ଶକ୍ତିଂ ଚିକ୍ଷେପ କର୍ଣାଯ ତାମପ୍ଯସ୍ଯାଚ୍ଛିନଚ୍ଛରୈଃ॥ 7-168-9 (52641)
ସସମ୍ଭ୍ରମଂ ତତସ୍ତୂର୍ଣମବପ୍ଲୁତ୍ଯ ରଥୋତ୍ତମାତ୍।
ସହଦେବୋ ମହାରାଜ ଦୃଷ୍ଟ୍ବା କର୍ଣଂ ବ୍ଯବସ୍ଥିତମ୍॥ 7-168-10 (52642)
ରଥଚକ୍ରଂ ପ୍ରଗୃହ୍ଯାଜୌ ମୁମୋଚାଧିରଥଂ ପ୍ରତି।
ତଦାପତଦ୍ବୈ ସହସା କାଲଚକ୍ରମିବୋଦ୍ଯତମ୍।
ଶରୈରନେକସାହସ୍ରୈରାଚ୍ଛିନତ୍ସୂତନନ୍ଦନଃ॥ 7-168-11 (52643)
ତସ୍ମିଂସ୍ତୁ ନିହତେ ଚକ୍ରେ ସୂତଜେନ ମହାତ୍ମନା।
ଈଷାଦଣ୍ଡକଯୋକ୍ରାଂଶ୍ଚ ଯୁଗାନି ବିବିଧାନି ଚ॥ 7-168-12 (52644)
ହସ୍ତ୍ଯଙ୍ଗାନି ତଥାଶ୍ବାଂଶ୍ଚ ମୃତାଂଶ୍ଚ ପୁରୁଷାନ୍ବହୂନ୍।
ଚିକ୍ଷେପ କର୍ଣମୁଦ୍ଦିଶ୍ଯ କର୍ଣସ୍ତାନ୍ବ୍ଯଧମଚ୍ଛରୈଃ॥ 7-168-13 (52645)
ସ ନିରାଯୁଧମାତ୍ମାନଂ ଜ୍ଞାତ୍ବା ମାଦ୍ରବତୀସୁତଃ।
ବାର୍ଯମାଣସ୍ତୁ ବିଶିଖୈଃ ସହଦେବୋ ରଣଂ ଜହୌ॥ 7-168-14 (52646)
ତମଭିଦ୍ରୁତ୍ଯ ରାଧେଯୋ ମୁହୂର୍ତାଦ୍ଭରତର୍ଷଭ।
ଅବ୍ରବୀତ୍ପ୍ରହସନ୍ବାକ୍ଯଂ ସହଦେବଂ ବିଶାମ୍ପତେ॥ 7-168-15 (52647)
ମା ଯୁଧ୍ଯସ୍ବ ରଣେଽଧୀର ବିଶିଷ୍ଟୈ ରଥିଭିଃ ସହ। 7-168-16 (52648)
ସଦୃଶୈର୍ଯୁଧ୍ଯ ମାଦ୍ରେଯ ବଚୋ ମେ ମା ବିଶଙ୍କିଥାଃ॥
ଅଥୈନଂ ଧନୁଷୋଗ୍ରେଣ ତୁଦନ୍ଭୂଯୋଽବ୍ରବୀଦ୍ବଚଃ॥ 7-168-17 (52649)
ଏଷୋଽର୍ଜୁନୋ ରଣେ ତୂର୍ଣଂ ଯୁଧ୍ଯତେ କୁରୁଭିଃ ସହ।
ତତ୍ର ଗଚ୍ଛସ୍ବ ମାଦ୍ରେଯ ଗୃହଂ ବା ଯଦି ମନ୍ଯସେ॥ 7-168-18 (52650)
ଏବମୁକ୍ତ୍ବା ତୁ ତଂ କର୍ଣୋ ରଥେନ ରଥିନାଂ ବରଃ।
ପ୍ରାଯାତ୍ପାଞ୍ଚାଲପାଣ୍ଡୂନାଂ ସୈନ୍ଯାନି ପ୍ରଦହନ୍ନିବ॥ 7-168-19 (52651)
ବଧଂ ପ୍ରାପ୍ତଂ ତୁ ମାଦ୍ରେଯଂ ନାବଧୀତ୍ସମରେଽରିହା।
କୁନ୍ତ୍ଯାଃସ୍ମୃତ୍ବା ବଚୋ ରାଜନ୍ସତ୍ଯସନ୍ଧୋ ମହାଯଶାଃ॥ 7-168-20 (52652)
ସହଦେବସ୍ତତୋ ରାଜନ୍ବିମନାଃ ଶରପୀଡିତଃ।
କର୍ଣବାକ୍ଶରତପ୍ତଶ୍ଚ ଜୀବିତାନ୍ନିରବିଦ୍ଯତ॥ 7-168-21 (52653)
ଆରୁରୋହ ରଥଂ ଚାପି ପାଞ୍ଚାଲ୍ଯସ୍ଯ ମହାତ୍ମନଃ।
ଜନମେଜଯସ୍ଯ ସମରେ ତ୍ବରାଯୁକ୍ତୋ ମହାରଥଃ॥ 7-168-22 (52654)
ବିରାଟଂ ସହସେନଂ ତୁ ଦ୍ରୋଣାର୍ଥେ ଦ୍ରୁତମାଗତମ୍।
ମଦ୍ରରାଜଃ ଶରୌଘେଣ ଚ୍ଛାଦଯାମାସ ଧନ୍ବିନମ୍॥ 7-168-23 (52655)
ତଯୋଃ ସମଭବଦ୍ଯୁଦ୍ଧଂ ସମରେ ଦୃଢଧନ୍ବିନୋଃ।
ଯାଦୃଶଂ ହ୍ଯଭବଦ୍ରାଜଞ୍ଜମ୍ଭବାସବଯୋଃ ପୁରା॥ 7-168-24 (52656)
ମଦ୍ରରାଜୋ ମହାରାଜ ବିରାଟଂ ବାହିନୀପତିମ୍।
ଆଜଘ୍ନେ ତ୍ବରିତସ୍ତୂର୍ଣଂ ଶତେନ ନତପର୍ବଣାମ୍॥ 7-168-25 (52657)
ପ୍ରତିବିବ୍ଯାଧ ତଂ ରାଜନ୍ନବଭିର୍ନିଶିତୈ ଶରୈଃ।
ପୁନଶ୍ଚୈନଂ ତ୍ରିସପ୍ତତ୍ଯା ଭୂଯଶ୍ଚୈବ ଶତେନ ତୁ॥ 7-168-26 (52658)
ତସ୍ଯ ମଦ୍ରାଧିପୋ ହତ୍ବା ଚତୁରୋ ରଥବାଜିନଃ।
ସୂତଂ ଧ୍ବଜଂ ଚ ସମରେ ଶରାଭ୍ଯାଂ ସନ୍ନ୍ଯପାତଯତ୍॥ 7-168-27 (52659)
ହତାଶ୍ବାତ୍ତୁଂ ରଥାତ୍ତୂର୍ଣମବପ୍ଲୁତ୍ଯ ମହାରଥଃ।
ତସ୍ଥୌ ବିଷ୍ଫାରଯଂଶ୍ଚାପଂ ବିମୁଞ୍ଚଂଶ୍ଚ ଶିତାଞ୍ଛରାନ୍॥ 7-168-28 (52660)
ଶତାନୀକସ୍ତତୋ ଦୃଷ୍ଟ୍ବା ଭ୍ରାତରଂ ହତବାହନମ୍।
ରଥେନାଭ୍ଯପତତ୍ତୂର୍ଣଂ ସର୍ବଲୋକସ୍ଯ ପଶ୍ଯତଃ॥ 7-168-29 (52661)
ଶତାନୀକମଥାଯାନ୍ତଂ ମଦ୍ରାରାଜୋ ମହାମୃଧେ।
ବିଶିଖୈର୍ବହୁଭିର୍ବିଦ୍ଧ୍ବା ତତୋ ନିନ୍ଯେ ଯମକ୍ଷଯମ୍॥ 7-168-30 (52662)
ତସ୍ମିଂସ୍ତୁ ନିହତେ ବୀରେ ବିରାଟୋ ରଥସତ୍ତମଃ।
ଆରୁରୋହ ରଥଂ ତୂର୍ଣଂ ତମେବ ଧ୍ବଜମାଲିନମ୍॥ 7-168-31 (52663)
ତତୋ ବିଷ୍ଫାର୍ଯ ନଯନେ କ୍ରୋଧାଦ୍ଦ୍ବିଗୁଣବିକ୍ରମଃ।
ମଦ୍ରରାଜରଥଂ ତୂର୍ଣଂ ଛାଦଯାମାସ ପତ୍ରିଭିଃ॥ 7-168-32 (52664)
ତତୋ ମଦ୍ରାଧିପଃ କ୍ରୁଦ୍ଧଃ ଶରେଣାନତପର୍ବଣା।
ଆଜଘାନୋରସି ଦୃଢଂ ବିରାଟଂ ବାହିନୀପତିମ୍॥ 7-168-33 (52665)
ସୋଽତିବିଦ୍ଧୋ ମହାରାଜ ରଥୋପସ୍ଥ ଉପାବିଶତ୍।
କଶ୍ମଲଂ ଚାବିଶତ୍ତୀବ୍ରଂ ବିରାଟୋ ଭରତର୍ଷଭ।
ସାରଥିସ୍ତମପୋବାହ ସମରେ ଶରବିକ୍ଷତମ୍॥ 7-168-34 (52666)
ତତଃ ସା ମହତୀ ସେନା ପ୍ରାଦ୍ରବନ୍ନିଶି ଭାରତ।
ବଧ୍ଯମାନା ଶରଶତୈଃ ଶଲ୍ଯେନାହବଶୋଭିନା॥ 7-168-35 (52667)
ତାଂ ଦୃଷ୍ଟ୍ବା ବିଦ୍ରୁତାଂ ସେନାଂ ବାସୁଦେବଧନଞ୍ଜଯୌ।
ପ୍ରଯାତୌ ତତ୍ର ରାଜେନ୍ଦ୍ର ଯତ୍ର ଶଲ୍ଯୋ ବ୍ଯବସ୍ଥିତଃ॥ 7-168-36 (52668)
ତୌ ତୁ ପ୍ରତ୍ଯୁଦ୍ଯଯୌ ରାଜନ୍ରାକ୍ଷସେନ୍ଦ୍ରୋ ହ୍ଯଲାଯୁଧଃ।
ଅଷ୍ଟଚକ୍ରସମାଯୁକ୍ତମାସ୍ଥାଯ ପ୍ରବରଂ ରଥମ୍॥ 7-168-37 (52669)
ତୁରଙ୍ଗମମୁଖୈର୍ଯୁକ୍ତଂ ପିଶାଚୈର୍ଘୋରଦର୍ଶନୈଃ।
ଲୋହିତାର୍ଦ୍ରପତାକଂ ତଂ ରକ୍ତମାଲ୍ଯବିଭୂଷିତମ୍।
କାର୍ଷ୍ଣାଯସମଯଂ ଘୋରମୃକ୍ଷଚର୍ମସମାବୃତମ୍॥ 7-168-38 (52670)
ରୌଦ୍ରେଣ ଚିତ୍ରପକ୍ଷେଣ ବିବୃତାକ୍ଷେଣ କୂଜତା।
ଧ୍ବଜେନୋଚ୍ଛ୍ରିତଦଣ୍ଡେନ ଗୃଧ୍ରରାଜେନ ରାଜତା।
ସ ବଭୌ ରାକ୍ଷସୋ ରାଜନ୍ଭିନ୍ନାଞ୍ଜନଚଯୋପମଃ॥ 7-168-39 (52671)
ରୁରୋଧାର୍ଜୁନମାଯାନ୍ତଂ ପ୍ରଭଞ୍ଜନମିବାଦ୍ରିରାଟ୍।
କିରନ୍ବାଣଗଣାନ୍ରାଜଞ୍ଶତଶୋଽର୍ଜୁନମୂର୍ଧନି॥ 7-168-40 (52672)
ଅତିତୀବ୍ରଂ ମହାଦ୍ଯୁଦ୍ଧଂ ନରରାକ୍ଷସଯୋସ୍ତଦା।
ଦ୍ରଷ୍ଟୄଣାଂ ପ୍ରୀତିଜନନଂ ସର୍ବେଷାଂ ତତ୍ର ଭାରତ।
ଗୃଧ୍ରକାକବଲୋଲୂକକଙ୍କଗୋମାଯୁହର୍ଷଣମ୍॥ 7-168-41 (52673)
ତମର୍ଜୁନଃ ଶତେନୈବ ପତ୍ରିଣାଂ ସମତାଡଯତ୍।
ନବଭିଶ୍ଚ ଶିତୈର୍ବାଣୈର୍ଧ୍ବଜଂ ଚିଚ୍ଛେଦ ଭାରତ॥ 7-168-42 (52674)
ସାରଥିଂ ଚ ତ୍ରିଭିର୍ବାଣୈସ୍ତ୍ରିଭିରେବ ତ୍ରିବେଣୁକମ୍।
ଧନୁରେକେନ ଚିଚ୍ଛେଦ ଚତୁର୍ଭିଶ୍ଚତୁରୋ ହଯାନ୍॥ 7-168-43 (52675)
ପୁନଃ ସଜ୍ଯଂ କୃତଂ ଚାପଂ ତଦପ୍ଯସ୍ଯ ଦ୍ବିଧାଽଚ୍ଛିନତ୍।
ବିରଥସ୍ଯୋଦ୍ଯତଂ ଖଙ୍ଗଂ ଶରେଣାସ୍ଯ ଦ୍ବିଧାଽକରୋତ୍॥ 7-168-44 (52676)
ଅଥୈନଂ ନିଶିତୈର୍ବାଣୈଶ୍ଚତୁର୍ଭିର୍ଭରତର୍ଷଭ।
ପାର୍ଥୋଽବିଧ୍ଯଦ୍ରାକ୍ଷସେନ୍ଦ୍ରଂ ସ ବିଦ୍ବଃ ପ୍ରାଦ୍ରବଦ୍ଭଯାତ୍॥ 7-168-45 (52677)
ତଂ ବିଜିତ୍ଯାର୍ଜୁନସ୍ତୂର୍ଣଂ ଦ୍ରୋଣାନ୍ତିକମୁପାଯଯୌ।
କିର଼ଞ୍ଶରଗଣାନ୍ରାଜନ୍ନରବାରଣବାଜିଷୁ॥ 7-168-46 (52678)
ବଧ୍ଯମାନା ମହାରାଜ ପାଣ୍ଡବେନ ଯଶସ୍ବିନା।
ସୈନିକା ନ୍ଯପତନ୍ନୁର୍ବ୍ଯାଂ ବାତନୁନ୍ନା ଇବ ଦ୍ରୁମାଃ॥ 7-168-47 (52679)
ତେଷୁ ତୂତ୍ସାଦ୍ଯମାନେଷୁ ଫଲ୍ଗୁନେନ ମହାତ୍ମନା।
ସମ୍ପ୍ରାଦ୍ରବଦ୍ବଲଂ ସର୍ବଂ ପୁତ୍ରାଣାଂ ତେ ବିଶାମ୍ପତେ॥ ॥ 7-168-48 (52680)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ଅଷ୍ଟଷଷ୍ଟ୍ଯଧିକଶତତମୋଽଧ୍ଯାଯଃ॥ 168 ॥
ଦ୍ରୋଣପର୍ବ - ଅଧ୍ଯାଯ 169
॥ ଶ୍ରୀଃ ॥
7.169. ଅଧ୍ଯାଯଃ 169
Mahabharata - Drona Parva - Chapter Topics
ସଙ୍କୁଲଯୁଦ୍ଧମ୍॥ 1 ॥Mahabharata - Drona Parva - Chapter Text
7-169-0 (52681)
ସଞ୍ଜଯ ଉବାଚ। 7-169-0x (4718)
ଶତାନୀକଂ ଶରୈସ୍ତୂର୍ଣଂ ନିର୍ଦହନ୍ତଂ ଚମୂଂ ତବ।
ଚିତ୍ରସେନସ୍ତବ ସୁତୋ ବାରଯାମାସ ଭାରତ॥ 7-169-1 (52682)
ନାକୁଲିଶ୍ଚିତ୍ରସେନଂ ତୁ ବିଦ୍ଧ୍ବା ପଞ୍ଚଭିରାଶୁଗୈଃ।
ସ ତୁ ତଂ ପ୍ରତିବିବ୍ଯାଧ ଦଶଭିର୍ନିଶିତୈଃ ଶରୈଃ॥ 7-169-2 (52683)
ଚିତ୍ରସେନୋ ମହାରାଜ ଶତାନୀକଂ ପୁନର୍ଯୁଧି।
ନବଭିର୍ନିଶିତୈର୍ବାଣୈରାଜଘାନ ସ୍ତନାନ୍ତରେ॥ 7-169-3 (52684)
ନାକୁଲିସ୍ତସ୍ଯ ବିଶିଖୈର୍ବର୍ମ ସନ୍ନତପର୍ବଭିଃ।
ଗାତ୍ରାତ୍ସଞ୍ଚାବଯାମାସ ତଦଦ୍ଭୁତମିବାଭବତ୍॥ 7-169-4 (52685)
ସୋପେତବର୍ମା ପୁତ୍ରସ୍ତେ ବିରରାଜ ଭୃଶଂ ନୃପ।
ଉତ୍ସୃଜ୍ଯ କାଲେ ରାଜେନ୍ଦ୍ର ନିର୍ମୋକମିବ ପନ୍ନଗଃ॥ 7-169-5 (52686)
ତତୋଽସ୍ଯ ନିଶିତୈର୍ବାଣୈର୍ଧ୍ବଜଂ ଚିଚ୍ଛେଦ ନାକୁଲିଃ।
ଧନୁଶ୍ଚୈବ ମହାରାଜ ଯତମାନସ୍ଯ ସଂଯୁଗେ॥ 7-169-6 (52687)
ସ ଚ୍ଛିନ୍ନଧନ୍ବା ସମରେ ବିବର୍ମା ଚ ମହାରଥଃ।
ଧନୁରନ୍ଯନ୍ମହାରାଜ ଜଗ୍ରାହାରିବିଦାରଣମ୍॥ 7-169-7 (52688)
ତତସ୍ତୂର୍ଣଂ ଚିତ୍ରସେନୋ ନାକୁଲିଂ ନବଭିଃ ଶରୈଃ।
ବିବ୍ଯାଧ ସମରେ କ୍ରୁଦ୍ଧୋ ଭରତାନାଂ ମହାରଥଃ॥ 7-169-8 (52689)
ଶତାନୀକୋଽଥ ସଙ୍କ୍ରୁଦ୍ଧଶ୍ଚିତ୍ରସେନସ୍ଯ ମାରିଷ।
ଜଘାନ ଚତୁରୋ ବାହାନ୍ସାରଥିଂ ଚ ନରୋତ୍ତମଃ॥ 7-169-9 (52690)
ଅବପ୍ଲୁତ୍ଯ ରଥାତ୍ତସ୍ମାଚ୍ଚିତ୍ରସେନୋ ମହାରଥଃ।
ନାକୁଲିଂ ପଞ୍ଚବିଂଶତ୍ଯା ଶରାଣାମାର୍ଦଯଦ୍ବଲୀ॥ 7-169-10 (52691)
ତସ୍ଯ ତତ୍କୁର୍ବତଃ କର୍ମ ନକୁଲସ୍ଯ ସୁତୋ ରଣେ।
ଅର୍ଧଚନ୍ଦ୍ରେଣ ଚିଚ୍ଛେଦ ଚାପଂ ରତ୍ନବିଭୂଷିତମ୍॥ 7-169-11 (52692)
ସ ଚ୍ଛିନ୍ନଧନ୍ବା ବିରଥୋ ହତାଶ୍ବୋ ହତସାରଥିଃ।
ଆରୁରୋହ ରଥଂ ତୂର୍ଣଂ ହାର୍ଦିକ୍ଯସ୍ଯ ମହାତ୍ମନଃ॥ 7-169-12 (52693)
ଦ୍ରୁପଦଂ ତୁ ସହାନୀକଂ ଦ୍ରୋଣପ୍ରେପ୍ସୁଂ ମହାରଥମ୍।
ବୃଷସେନୋଽଭ୍ଯଯାତ୍ତୂର୍ଣଂ କିରଞ୍ଶରଶତୈସ୍ତଦା॥ 7-169-13 (52694)
ଯଜ୍ଞସେନସ୍ତୁ ସମରେ କର୍ଣପୁତ୍ରଂ ମହାରଥମ୍।
ଷଷ୍ଟ୍ଯା ଶରାଣାଂ ବିବ୍ଯାଧ ବାହ୍ବୋରୁରସି ଚାନଘ॥ 7-169-14 (52695)
ବୃଷସେନସ୍ତୁ ସଙ୍କ୍ରୁଦ୍ଧୋ ଯଜ୍ଞସେନଂ ରଥେ ସ୍ଥିତମ୍।
ବହୁଭିଃ ସାଯକୈସ୍ତୀକ୍ଷ୍ଣୈରାଜଘାନ ସ୍ତନାନ୍ତରେ॥ 7-169-15 (52696)
ତାବୁଭୌ ଶରନୁନ୍ନାଙ୍ଗୌ ଶରକଣ୍ଟକିତୌ ରଣେ।
ବ୍ଯଭ୍ରାଜେତାଂ ମହାରାଜ ଶ୍ବାବିଧୌ ଶଲଲୈରିବ॥ 7-169-16 (52697)
ରୁକ୍ମପୁଙ୍ଖୈଃ ପ୍ରସନ୍ନାଗ୍ରୈଃ ଶରୈଶ୍ଛିନ୍ନତନୁଚ୍ଛଦୌ।
ରୁଧିରୌଘପରିକ୍ଲିନ୍ନୌ ବ୍ଯଭ୍ରାଜେତାଂ ମହାମୃଧେ॥ 7-169-17 (52698)
ତପନୀଯନିଭୌ ଚିତ୍ରୌ କଲ୍ପବୃକ୍ଷାବିବାଦ୍ଭୁତୌ।
କିଂଶୁକାବିବ ଚୋତ୍ଫୁଲ୍ଲୌ ବ୍ଯକାଶେତାଂ ରଣାଜିରେ॥ 7-169-18 (52699)
ବୃଷସେନସ୍ତତୋ ରାଜନ୍ଦ୍ରୁପଦଂ ନବଭିଃ ଶରୈଃ।
ବିଦ୍ଧ୍ବା ବିବ୍ଯାଧ ସପ୍ତତ୍ଯା ପୁନରନ୍ଯୈସ୍ତ୍ରିଭିସ୍ତ୍ରିଭିଃ॥ 7-169-19 (52700)
ତତଃ ଶରସହସ୍ରାଣି ବିମୁଞ୍ଚନ୍ବିବଭୌ ତଦା।
କର୍ଣପୁତ୍ରୋ ମହାରାଜ ବର୍ଷମାଣ ଇବାମ୍ବୁଦଃ॥ 7-169-20 (52701)
[ଦ୍ରୁପଦସ୍ତୁ ତତଃ କ୍ରୁଦ୍ଧୋ ବୃଷସେନସ୍ଯ କାର୍ମୁକମ୍।
ଦ୍ବିଧା ଚିଚ୍ଛେଦ ଭଲ୍ଲେନ ପୀତେନ ନିଶିତେନ ଚ॥ 7-169-21 (52702)
ସୋଽନ୍ଯତ୍କାର୍ମୁକମାଦାଯ ରୁକ୍ମବଦ୍ଧଂ ନବଂ ଦୃଢମ୍।
ତୂଣାଦାକୃଷ୍ଯ ବିମଲଂ ଭଲ୍ଲଂ ପୀତଂ ଶିତଂ ଦୃଢମ୍॥ 7-169-22 (52703)
କାର୍ମୁକେ ଯୋଜଯିତ୍ବା ତଂ ଦ୍ରୁପଦଂ ସନ୍ନିରୀକ୍ଷ୍ଯ ଚ।
ଆକର୍ଣପୂର୍ଣଂ ମୁମୁଚେ ତ୍ରାସଯନ୍ସର୍ବସୋମକାନ୍॥ 7-169-23 (52704)
ହୃଦଯଂ ତସ୍ଯ ଭିତ୍ତ୍ବା ଚ ଜଗାମ ବସୁଧାତଲମ୍।
କଶ୍ମଲଂ ପ୍ରାବିଶଦ୍ରାଜା ବୃଷସେନଶରାହତଃ॥ 7-169-24 (52705)
ସାରଥିସ୍ତମପୋବାହ ସ୍ମରନ୍ସାରଥିଚେଷ୍ଟିତମ୍।
ତସ୍ମିନ୍ପ୍ରଭଗ୍ନେ ରାଜେନ୍ଦ୍ର ପାଞ୍ଚାଲାନାଂ ମହାରଥେ॥] 7-169-25 (52706)
ତତସ୍ତୁ ଦ୍ରୁପଦାନୀକଂ ଶରୈଶ୍ଛିନ୍ନତନୁଚ୍ଛଦମ୍।
ସମ୍ପ୍ରାଦ୍ରବଦ୍ରଣାଦ୍ରାଜନ୍ନିଶୀଥେ ଭୈରବେ ସତି॥ 7-169-26 (52707)
ପ୍ରଦୀପୈରପରିତ୍ଯକ୍ତୈର୍ଜ୍ବଲଦ୍ଭିସ୍ତୈଃ ସମନ୍ତତଃ।
ବ୍ଯରାଜଦ୍ବସୁଧା ତତ୍ର ବୀତାଭ୍ରା ଦ୍ଯୌରିବ ଗ୍ରହୈଃ॥ 7-169-27 (52708)
ତଥାଙ୍ଗଦୈର୍ନିପତିତୈର୍ବ୍ଯରାଜତ ବସୁନ୍ଧରା।
ପ୍ରାବୃଟ୍କାଲେ ମହାରାଜ ବିଦ୍ଯୁଦ୍ଭିରିବ ତୋଯଦଃ॥ 7-169-28 (52709)
ତତଃ କର୍ଣସୁତାତ୍ତ୍ରସ୍ତାଃ ସୋମକା ବିପ୍ରଦୁଦ୍ରୁବୁଃ।
ଯଥେନ୍ଦ୍ରଭଯବିତ୍ରସ୍ତା ଦାନବାସ୍ତାରକାମଯେ॥ 7-169-29 (52710)
ତେନାର୍ଦ୍ଯମାନାଃ ସମରେ ଦ୍ରବମାଣାଶ୍ଚ ସୋମକାଃ।
ବ୍ଯରାଜନ୍ତ ମହାରାଜ ପ୍ରଦୀପୈରବଭାସିତାଃ॥ 7-169-30 (52711)
ତାଂସ୍ତୁ ନିର୍ଜିତ୍ଯ ସମରେ କର୍ଣପୁତ୍ରୋ ବ୍ଯରୋଚତ।
ମଧ୍ଯନ୍ଦିନମନୁପ୍ରାପ୍ତୋ ଘର୍ମାଂଶୁରିବ ଭାରତ॥ 7-169-31 (52712)
ତେଷୁ ରାଜସହସ୍ରେଷୁ ତାବକେଷୁ ପରେଷୁ ଚ।
ଏକ ଏବ ଜ୍ବଲଂସ୍ତସ୍ଥୌ ବୃଷସେନଃ ପ୍ରତାପବାନ୍॥। 7-169-32 (52713)
ସ ବିଜିତ୍ଯ ରଣେ ଶୂରାନ୍ସୋମକାନାଂ ମହାରଥାନ୍।
ଜଗାମ ତ୍ବରିତସ୍ତତ୍ର ଯତ୍ର ରାଜା ଯୁଧିଷ୍ଠିରଃ॥ 7-169-33 (52714)
ପ୍ରତିବିନ୍ଧ୍ଯମଥ କ୍ରୁଦ୍ଧଂ ପ୍ରଦହନ୍ତଂ ରଣେ ରିପୂନ୍।
ଦୁଃଶାସନସ୍ତବ ସୁତଃ ପ୍ରତ୍ଯଗଚ୍ଛନ୍ମହାରଥଃ॥ 7-169-34 (52715)
ତଯୋଃ ସମାଗମୋ ରାଜଂଶ୍ଚିତ୍ରରୂପୋ ବଭୂବ ହ।
ବ୍ଯପେତଜଲଦେ ବ୍ଯୋମ୍ନି ବୁଧଭାସ୍କରଯୋରିବ॥ 7-169-35 (52716)
ପ୍ରତିବିନ୍ଧ୍ଯଂ ତୁ ସମରେ କୁର୍ବାଣାଂ କର୍ମ ଦୁଷ୍କରମ୍।
`ଅପୂଜଯନ୍ମହାରାଜ ତବ ସୈନ୍ଯେ ମହାରଥାଃ'।
ଦୁଃଶାସନସ୍ତ୍ରିଭିର୍ବାଣୈର୍ଲଲାଟେ ସମବିଧ୍ଯତ॥ 7-169-36 (52717)
ସୋଽତିବିଦ୍ଧୋ ବଲବତା ତବ ପୁତ୍ରେଣ ଧନ୍ବିନା।
ବିରରାଜ ମହାବାହୁଃ ସଶୃଙ୍ଗ ଇବ ପର୍ବତଃ॥ 7-169-37 (52718)
ଦୁଃଶାସନଂ ତୁ ସମରେ ପ୍ରତିବିନ୍ଧ୍ଯୋ ମହାରଥଃ।
ନବଭିଃ ସାଯକୈର୍ବିଦ୍ଧା ପୁନର୍ବିବ୍ଯାଧ ସପ୍ତଭିଃ॥ 7-169-38 (52719)
ତତ୍ର ଭାରତ ପୁତ୍ରସ୍ତେ କୃତବାନ୍କର୍ମ ଦୁଷ୍କରମ୍।
ପ୍ରତିବିନ୍ଧ୍ଯହଯାନୁଗ୍ରୈଃ ପାତଯାମାସ ସାଯକୈଃ॥ 7-169-39 (52720)
ସାରଥିଂ ଚାସ୍ଯ ଭଲ୍ଲେନ ଧ୍ବଜଂ ଚ ସମପାତଯତ୍।
ରଥଂ ଚ ତିଲଶୋ ରାଜନ୍ବ୍ଯଧମତ୍ତସ୍ଯ ଧନ୍ବିନଃ॥ 7-169-40 (52721)
ପତାକାଶ୍ଚ ସତୂଣୀରା ରଶ୍ମୀନ୍ଯୋକ୍ରାଣି ଚ ପ୍ରଭୋ।
ଚିଚ୍ଛେଦ ତିଲଶଃ କ୍ରୁଦ୍ଧଃଶରୈଃ ସନ୍ନତପର୍ବଭିଃ॥ 7-169-41 (52722)
ବିରଥଃ ସ ତୁ ଧର୍ମାତ୍ମା ଧନୁଷ୍ପାଣିରବସ୍ଥିତଃ।
ଅଯୋଧଯତ୍ତବ ସୁତଂ କିରଞ୍ଶରଶତାନ୍ବହୂନ୍॥ 7-169-42 (52723)
କ୍ଷୁରପ୍ରେଣ ଧନୁସ୍ତସ୍ଯ ଚିଚ୍ଛେଦ ତନଯସ୍ତବ।
ଅଥୈନଂ ଦଶଭିର୍ବାଣେଶ୍ଛିନ୍ନଧନ୍ବାନମାର୍ଦଯତ୍॥ 7-169-43 (52724)
ତଂ ଦୃଷ୍ଟ୍ବା ବିରଥଂ ତତ୍ର ଭ୍ରାତରୋଽସ୍ଯ ମହାରଥାଃ।
ଅନ୍ବବର୍ତନ୍ତ ସଙ୍ଗ୍ରାମେ ମହତ୍ଯା ସେନଯା ସହ॥ 7-169-44 (52725)
ଆପ୍ଲୁତଃ ସ ତତୋ ଯାନଂ ସୁତସୋମସ୍ଯ ଭାସ୍ବରମ୍।
ଧନୁର୍ଗୃହ୍ଯ ମହାରାଜ ବିବ୍ଯାଧ ତନଯଂ ତବ॥ 7-169-45 (52726)
ତତସ୍ତୁ ତାବକାଃ ସର୍ବେ ପରିବାର୍ଯ ସୁତଂ ତବ।
ଅଭ୍ଯବର୍ତନ୍ତ ବେଗେନ ମହତ୍ଯା ସେନଯା ବୃତାଃ॥ 7-169-46 (52727)
ତତଃ ପ୍ରବବୃତେ ଯୁଦ୍ଧଂ ତବ ତେଷାଂ ଚ ଭାରତ।
ନିଶୀଥେ ଦାରୁଣେ କାଲେ ଯମରାଷ୍ଟ୍ରବିବର୍ଧନମ୍॥ ॥ 7-169-47 (52728)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ଏକୋନସପ୍ତତ୍ଯଧିକଶତତମୋଽଧ୍ଯାଯଃ॥ 169 ॥
Mahabharata - Drona Parva - Chapter Footnotes
5-169-1 କୁଣ୍ଡଲିତାଃ ପଞ୍ଚ ଶ୍ଲୋକାଃ ଘ.ଙ.ଝ.ପୁସ୍ତକେଷ୍ବେବ ସନ୍ତି॥ଦ୍ରୋଣପର୍ବ - ଅଧ୍ଯାଯ 170
॥ ଶ୍ରୀଃ ॥
7.170. ଅଧ୍ଯାଯଃ 170
Mahabharata - Drona Parva - Chapter Topics
ନକୁଲକୃପାଭ୍ଯାଂ ଶକୁନିଶିଖଣ୍ଡିପରାଜଯଃ॥ 1 ॥Mahabharata - Drona Parva - Chapter Text
7-170-0 (52729)
ସଞ୍ଚଯ ଉବାଚ। 7-170-0x (4719)
ନକୁଲଂ ରଭସଂ ଯୁଦ୍ଧେ ନିଘ୍ନନ୍ତଂ ବାହିନୀଂ ତବ।
ଅଭ୍ଯଯାତ୍ସୌବଲଃ କ୍ରୁଦ୍ଧସ୍ତିଷ୍ଠତିଷ୍ଠେତି ଚାବ୍ରବୀତ୍॥ 7-170-1 (52730)
କୃତବୈରୌ ତୁ ତୌ ବୀରାବନ୍ଯୋନ୍ଯବଧକାଙ୍କ୍ଷିଣୌ।
ଶରୈଃ ପୂର୍ଣାଯତୋତ୍ସୃଷ୍ଟୈରନ୍ଯୋନ୍ଯମଭିଜଘ୍ନତୁଃ॥ 7-170-2 (52731)
ଯଥୈବ ନକୁଲୋ ରାଜଞ୍ଶରବର୍ଷାଣ୍ଯମୁଞ୍ଚତ।
ତଥୈବ ସୌବଲଶ୍ଚାପି ଶିକ୍ଷାଂ ସନ୍ଦର୍ଶଯନ୍ଯୁଧି॥ 7-170-3 (52732)
ତାବୁଭୌ ସମରେ ଶୂରୌ ଶରକଣ୍ଟକିନୌ ତଦା।
ବ୍ଯରାଜେତାଂ ମହାରାଜ ଶ୍ବାବିଧୌ ଶଲଲୈରିବ॥ 7-170-4 (52733)
ରୁକ୍ମପୁଙ୍ଖୈରଜିହ୍ମାଗ୍ରୈଃ ଶରୈଶ୍ଛିନ୍ନତନୁଚ୍ଛଦୌ।
ରୁଧିରୌଘପରିକ୍ଲିନ୍ନୌ ବ୍ଯଭ୍ରାଜେତାଂ ମହାମୃଧେ॥ 7-170-5 (52734)
ତପନୀଯନିଭୌ ଚିତ୍ରୋ କଲ୍ପବୃକ୍ଷାବିବ ଦ୍ରୁମୌ।
କିଂଶୁକାବିବ ଚୋତ୍ଫୁଲ୍ଲୌ ପ୍ରକାଶେତେ ରଣାଜିରେ॥ 7-170-6 (52735)
ତାବୁଭୌ ସମରେ ଶୂରୌ ଶରକଣ୍ଟକିନୌ ତଦା।
ବ୍ଯରାଜେତାଂ ମହାରାନ୍କଣ୍ଟକୈରିବ ଶାଲ୍ମଲୀ॥ 7-170-7 (52736)
ସୁଜିହ୍ମଂ ପ୍ରେକ୍ଷମାଣୌ ଚ ରାଜନ୍ବିବୃତଲୋଚନୌ।
କ୍ରୋଧସଂରକ୍ତନଯନୌ ନିର୍ଦହନ୍ତୌ ପରସ୍ପରମ୍॥ 7-170-8 (52737)
ଶ୍ଯାଲସ୍ତୁ ତବ ସଙ୍କ୍ରୁଦ୍ଧୋ ମାଦ୍ରୀପୁତ୍ରଂ ହସନ୍ନିବ।
କର୍ଣିନୈକେନ ବିବ୍ଯାଧ ହୃଦଯେ ନିଶିତେନ ହ॥ 7-170-9 (52738)
ନକୁଲସ୍ତୁ ଭୃଶଂ ବିଦ୍ବଃ ଶ୍ଯାଲେନ ତବ ଧନ୍ବିନା।
ନିଷସାଦ ରଥୋପସ୍ଥେ କଶ୍ମଲଂ ଚାବିଶନ୍ମହତ୍॥ 7-170-10 (52739)
ଅତ୍ଯନ୍ତବୈରିଣାଂ ଦୃପ୍ତଂ ଦୃଷ୍ଟ୍ବା ଶତ୍ରୁଂ ତଥାଽଽଗତମ୍।
ନନାଦ ଶକୁନୀ ରାଜଂସ୍ତପାନ୍ତେ ଜଲଦୋ ଯଥା॥ 7-170-11 (52740)
ପ୍ରତିଲଭ୍ଯ ତତଃ ସଂଜ୍ଞାଂ ନକୁଲଃ ପାଣ୍ଡୁନନ୍ଦନଃ।
ଅଭ୍ଯଯାତ୍ସୌବଲଂ ଭୂଯୋ ବ୍ଯାତ୍ତାନନ ଇବାନ୍ତକଃ॥ 7-170-12 (52741)
ସଙ୍କ୍ରୁଦ୍ଧଃ ଶକୁନିଂ ଷଷ୍ଟ୍ଯା ବିବ୍ଯାଧ ଭରତର୍ଷଭ।
ପୁନଶ୍ଚୈନଂ ଶତେନୈବ ନାରାଚାନାଂ ସ୍ତନାନ୍ତରେ॥ 7-170-13 (52742)
ଅଥାସ୍ଯ ସଶରଂ ଚାପଂ ମୃଷ୍ଟିଦେଶେଽଚ୍ଛିନତ୍ତଦା।
ଧ୍ବଜଂ ଚ ତ୍ବରିତଂ ଛିତ୍ତ୍ବା ରଥାଦ୍ଭୂମାବପାତଯତ୍॥ 7-170-14 (52743)
ବିଶିଖେନ ଚ ତୀକ୍ଷ୍ଣେନ ପୀତେନ ନିଶିତେନ ଚ।
ଊରୂ ନିର୍ଭିଦ୍ଯ ଚୈକେନ ନକୁଲଃ ପାଣ୍ଡୁନନ୍ଦନଃ।
ଶ୍ଯେନଂ ସପକ୍ଷଂ ବ୍ଯାଧେନ ପାତଯାମାସ ତଂ ତଦା॥ 7-170-15 (52744)
ସୋଽତିବିଦ୍ଧୋ ମହାରାଜ ରଥୋପସ୍ଥ ଉପାବିଶତ୍।
ଧ୍ବଜଯଷ୍ଟିଂ ପରିକ୍ଲିଶ୍ଯ କାମୁକଃ କାମିନୀଂ ଯଥା॥ 7-170-16 (52745)
ତଂ ବିସଂଜ୍ଞଂ ନିପତିତଂ ଦୃଷ୍ଟ୍ବା ଶ୍ଯାଲଂ ତବାନଘ।
ଅପୋବାହ ରଥେନାଶୁ ସାରଥିର୍ଧ୍ବଜିନୀମୁଖାତ୍॥ 7-170-17 (52746)
ତତଃ ସଞ୍ଚୁକ୍ରୁଶୁଃ ପାର୍ଥା ଯେ ଚ ତେଷାଂ ପଦାନୁଗାଃ॥ 7-170-18 (52747)
ନିର୍ଜିତ୍ଯ ଚ ରଣେ ଶତ୍ରୁଂ ନକୁଲଃ ଶତ୍ରୁତାପନଃ।
ଅବ୍ରବୀତ୍ସାରଥିଂ କ୍ରୁଦ୍ଧୋ ଦ୍ରୋଣାନୀକାଯଂ ମାଂ ବହ॥ 7-170-19 (52748)
ତସ୍ଯ ତଦ୍ବଚନଂ ଶ୍ରୁତ୍ବା ମାଦ୍ରୀପୁତ୍ରସ୍ଯ ସାରଥିଃ।
ପ୍ରାଯାତ୍ତେନ ତଦା ରାଜନ୍ଯତ୍ର ଦ୍ରୋଣୋ ବ୍ଯବସ୍ଥିତଃ॥ 7-170-20 (52749)
ଶିଖଣ୍ଡିନଂ ତୁ ସମରେ ଦ୍ରୋଣପ୍ରେପ୍ସୁଂ ବିଶାମ୍ପତେ।
କୃପଃ ଶାରଦ୍ବତୋ ଯତ୍ତଃ ପ୍ରତ୍ଯଗଚ୍ଛତ୍ସ ବେଗିତଃ॥ 7-170-21 (52750)
ଗୌତମଂ ଦ୍ରୁତମାଯାନ୍ତଂ ଦ୍ରୋଣାନୀକମରିନ୍ଦମମ୍।
ବିବ୍ଯାଧ ନବଭିର୍ଭଲ୍ଲୈଃ ଶିଖଣ୍ଡୀ ପ୍ରହସନ୍ନିବ॥ 7-170-22 (52751)
ତମାଚାର୍ଯୋ ମହାରାଜ ବିଦ୍ଧା ପଞ୍ଚଭିରାଶୁଗୈଃ॥
ପୁନର୍ବିବ୍ଯାଧ ବିଂଶତ୍ଯା ପୁତ୍ରାଣାଂ ପ୍ରିଯକୃତ୍ତବ॥ 7-170-23 (52752)
ମହଦ୍ଯୁଦ୍ଧଂ ତଯୋରାସୀଦ୍ଧୋରରୂପଂ ଭଯାନକମ୍॥
ଯଥା ଦେବାସୁରେ ଯୁଦ୍ଧେ ଶମ୍ବରାମରରାଜଯୋଃ॥ 7-170-24 (52753)
ଶରଜାଲାବୃତଂ ବ୍ଯୋମ ଚକ୍ରତୁସ୍ତୌ ମହାରଥୌ।
ମେଘାବିବ ତପାପାଯେ ବୀରୌ ସମରଦୁର୍ମଦୌ।
ପ୍ରକୃତ୍ଯା ଘୋରରୂପଂ ତଦାସୀଦ୍ଧୋରତରଂ ପୁନଃ॥ 7-170-25 (52754)
ରାତ୍ରିଶ୍ଚ ଭରତଶ୍ରେଷ୍ଠ ଯୋଧାନାଂ ଯୁଦ୍ଧଶାଲିନାମ୍।
କାଲରାତ୍ରିନିଭା ହ୍ଯାସୀଦ୍ଧୋରରୂପା ଭଯାନକା॥ 7-170-26 (52755)
ଶିଖଣ୍ଡୀ ତୁ ମହାରାଜ ଗୌତମସ୍ଯ ମହଦ୍ଧନୁଃ।
ଅର୍ଧଚନ୍ଦ୍ରେଣ ଚିଚ୍ଛେଦ ସଜ୍ଯଂ ସବିଶିଖଂ ତଦା॥ 7-170-27 (52756)
ତସ୍ଯ କ୍ରୁଦ୍ଧଃ କୃପୋ ରାଜଞ୍ଶକ୍ତିଂ ଚିକ୍ଷେପ ଦାରୁଣାମ୍।
ସ୍ବର୍ଣଦଣ୍ଡାମକୁଣ୍ଠାଗ୍ରାଂ କର୍ମାରପରିମାର୍ଜିତାମ୍॥ 7-170-28 (52757)
ତାମାପତନ୍ତୀଂ ଚିଚ୍ଛେଦ ଶିଖଣ୍ଡୀ ବହୁଭିଃ ଶରୈଃ।
ସାପତନ୍ମେଦିନୀଂ କୃତ୍ତା ଭାସଯନ୍ତୀ ମହାପ୍ରଭା॥ 7-170-29 (52758)
ଅଥାନ୍ଯଦ୍ଧନୁରାଦାଯ ଗୌତମୋ ରଥିନାଂ ବାରଃ।
ପ୍ରାଚ୍ଛାଦଯଚ୍ଛିତୈର୍ବାଣୈର୍ମହାରାଜ ଶିଖଣ୍ଡିନମ୍॥ 7-170-30 (52759)
ସ ଚ୍ଛାଦ୍ଯମାନଃ ସମରେ ଗୌତମେନ ଯଶସ୍ବିନା।
ନ୍ଯଷୀଦତ ରଥୋପସ୍ଥେ ଶିଖଣ୍ଡୀ ରଥିନାଂ ବରଃ॥ 7-170-31 (52760)
ସୀଦନ୍ତଂ ଚୈନମାଲୋକ୍ଯ କୃପଃ ଶାରଦ୍ବତୋ ଯୁଧି।
ଆଜଘ୍ନେ ବହୁଭିର୍ବାଣୈର୍ଜିଘାଂସନ୍ନିବ ଭାରତ॥ 7-170-32 (52761)
ବିମୁଖଂ ତୁ ରଣେ ଦୃଷ୍ଟ୍ବା ଯାଜ୍ଞସେନିଂ ମହାରଥମ୍।
ପାଞ୍ଚାଲାଃ ସୋମକାଶ୍ଚୈବ ପରିବବ୍ରୁଃ ସମନ୍ତତଃ॥ 7-170-33 (52762)
ତଥୈବ ତବ ପୁତ୍ରାଶ୍ଚ ପରିବବ୍ରୁର୍ଦ୍ବିଜୋତ୍ତମମ୍।
ମହତ୍ଯା ସେନଯା ସାର୍ଧଂ ତତୋ ଯୁଦ୍ଧମବର୍ତତ॥ 7-170-34 (52763)
ରଥାନାଂ ଚ ରଣେ ରାଜନ୍ନନ୍ଯୋନ୍ଯମଭିଧାବତାମ୍।
ବଭୂବ ତୁମୁଲଃ ଶବ୍ଦୋ ମେଘାନାଂ ଗର୍ଜତାମିବ॥ 7-170-35 (52764)
ଦ୍ରବତାଂ ସାଦିନାଂ ଚୈବ ଗଜାନାଂ ଚ ବିଶାମ୍ପତେ।
ଅନ୍ଯୋନ୍ଯମଭିତୋ ରାଜନ୍କ୍ରୂରମାଯୋଧନଂ ବଭୌ॥ 7-170-36 (52765)
ପତ୍ତୀନାଂ ଦ୍ରବତାଂ ଚୈବ ପାଦଶବ୍ଦେନ ମେଦିନୀ।
ଅକମ୍ପତ ମହାରାଜ ଭଯତ୍ରସ୍ତେବ ଚାଙ୍ଗନା॥ 7-170-37 (52766)
ରଥିନୋ ରଥମାରୁହ୍ଯ ପ୍ରଦ୍ରୁତା ବେଗବତ୍ତରମ୍।
ଅଗୃହ୍ଣନ୍ବହବୋ ରାଜଞ୍ଶଲଭାନ୍ବାଯସା ଇବ॥ 7-170-38 (52767)
ତଥା ଗଜାନ୍ପ୍ରଭିନ୍ନାଂଶ୍ଚ ସମ୍ପ୍ରଭିନ୍ନା ମହାଗଜାଃ।
ତସ୍ମିନ୍ନେବ ପଦେ ଯତ୍ତା ନିଗୃହ୍ଣନ୍ତି ସ୍ମ ଭାରତ॥ 7-170-39 (52768)
ସାଦୀ ସାଦିନମାସାଦ୍ଯ ପତ୍ତଯଶ୍ଚ ପଦାତିନମ୍।
ସମାସାଦ୍ଯ ରଣେଽନ୍ଯୋନ୍ଯଂ ସଂରବ୍ଧା ନାତିଚକ୍ରମୁଃ॥ 7-170-40 (52769)
ଧାବତାଂ ଦ୍ରବତାଂ ଚୈବ ପୁନରାବର୍ତତାମପି।
ବଭୂବ ତତ୍ର ସୈନ୍ଯାନାଂ ଶବ୍ଦଃ ସୁବିପୁଲୋ ନିଶି॥ 7-170-41 (52770)
ଦୀପ୍ଯମାନାଃ ପ୍ରଦୀପାଶ୍ଚ ରଥବାରଣବାଜିଷୁ।
ଅଦୃଶ୍ଯନ୍ତ ମହାରାଜ ମହୋଲ୍କା ଇବ ଖାଚ୍ଚ୍ଯୁତାଃ॥ 7-170-42 (52771)
ସା ନିଶା ଭରତଶ୍ରେଷ୍ଠ ପ୍ରଦୀପୈରବଭାସିତା।
ଦିବସପ୍ରତିମା ରାଜନ୍ବଭୂବ ରଣମୂର୍ଧନି॥ 7-170-43 (52772)
ଆଦିତ୍ଯେନ ଯଥା ବ୍ଯାପ୍ତଂ ତମୋ ଲୋକେ ପ୍ରଣଶ୍ଯତି।
ତଥା ନଷ୍ଟଂ ତମୋ ଘୋରଂ ଦୀପୈର୍ଦୀପ୍ତୈରିତସ୍ତତଃ॥ 7-170-44 (52773)
ଦିବଂ ଚ ପୃଥିବୀଂ ଚୈବ ଦିଶଶ୍ଚ ପ୍ରଦିଶସ୍ତଥା।
ରଜସା ତମସା ବ୍ଯାପ୍ତା ଦ୍ଯୋତିତାଃ ପ୍ରଭଯା ପୁନଃ॥ 7-170-45 (52774)
ଅସ୍ତ୍ରାଣାଂ କବଚନାନାଂ ଚ ମଣୀନାଂ ଚ ମହାତ୍ମନାମ୍।
ଅନ୍ତର୍ଦଧୁଃ ପ୍ରଭାଃ ସର୍ବା ଦୀପୈସ୍ତୈରବଭାସିତାଃ॥ 7-170-46 (52775)
ତସ୍ମିନ୍କୋଲାହଲେ ଯୁଦ୍ଧେ ବର୍ତମାନେ ନିଶାମୁଖେ।
ନ କିଞ୍ଚିଦ୍ବିଦୁରାତ୍ମାନମଯମସ୍ମୀତି ଭାରତ॥ 7-170-47 (52776)
ଅବଧୀତ୍ସମରେ ପୁତ୍ରଂ ପିତା ଭରତସତ୍ତମ।
ପୁତ୍ରଶ୍ଚ ପିତରଂ ମୋହାତ୍ସଖାଯଂ ଚ ସଖା ତଥା।
ସ୍ବସ୍ରୀଯଂ ମାତୁଲଶ୍ଚାପି ସ୍ବସ୍ରୀଯଶ୍ଚାପି ମାତୁଲମ୍॥ 7-170-48 (52777)
ସ୍ବେ ସ୍ବାନ୍ପରେ ପରାଂଶ୍ଚାପି ନିଜଘ୍ନୁରିତରେତରମ୍।
ନିର୍ମର୍ଯାଦମଭୂଦ୍ଯୁଦ୍ଧଂ ରାତ୍ରୌ ଭୀରୁଭଯାନକମ୍॥ ॥ 7-170-49 (52778)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ସପ୍ତତ୍ଯଧିକଶତତମୋଽଧ୍ଯାଯଃ॥ 170 ॥
Mahabharata - Drona Parva - Chapter Footnotes
5-169-15 ଊରୂ ଇତି। ମଣ୍ଡଲଂ ଚରତଃ ଶକୁନେର୍ଦ୍ବାବୂରୂ ଏକେନୈବ ବାଣେନ ବିଭେଦ ଯଥା ଖେ ଶ୍ଯେନାଂ ପକ୍ଷାଭ୍ଯାଂ ସହିତଂ ବାମଦକ୍ଷିଣଗାମିନଂ ପାତଯେଦେବମିତି ଲୁପ୍ତୋପମା। ବ୍ଯାଧେନ ବାଣେନ। ବିଧ୍ଯତ୍ଯନେନେତି ବ୍ଯାଧୋ ବାଣଃ॥ 5-170-16 ପରିକ୍ଲିଶ୍ଯ କ୍ଲେଶେନ ଧ୍ବଜଯଷ୍ଟିଂ ଶ୍ରିତ ଇତି ଶେଷଃ॥ 5-170-38 ପ୍ରଦୁତା ରଥିନୋ ବେଗବତ୍ତରଂ ରଥମାରୁହ୍ଯ ତତ୍ପତିମଗୃହ୍ଣନ୍॥ 5-170-170 ସପ୍ତତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 171
॥ ଶ୍ରୀଃ ॥
7.171. ଅଧ୍ଯାଯଃ 171
Mahabharata - Drona Parva - Chapter Topics
ଦ୍ରୋଣଧୃଷ୍ଟଦ୍ଯୁମ୍ନାଦୀନାଂ ସଙ୍କୁଲଯୁଦ୍ଧମ୍॥ 1 ॥Mahabharata - Drona Parva - Chapter Text
7-171-0 (52779)
ସଞ୍ଜଯ ଉବାଚ। 7-171-0x (4720)
ତସ୍ମିନ୍ସୁତୁମୁଲେ ଯୁଦ୍ଧେ ବର୍ତମାନେ ଭଯାବହେ।
ଧୃଷ୍ଟଦ୍ଯୁମ୍ନୋ ମହାରାଜ ଦ୍ରୋଣମେବାଭ୍ଯବର୍ତତ॥ 7-171-1 (52780)
ସନ୍ଦଧାନୋ ଧନୁଃଶ୍ରେଷ୍ଠଂ ଜ୍ଯାଂ ବିକୁର୍ଷନ୍ପୁନଃ ପୁନଃ।
ଅଭ୍ଯଦ୍ରବତ ଦ୍ରୋଣସ୍ଯ ରଥଂ ରୁକ୍ମବିଭୂଷିତମ୍॥ 7-171-2 (52781)
ଧୃଷ୍ଟଦ୍ଯୁମ୍ନମଥାଯାନ୍ତଂ ଦ୍ରୋଣସ୍ଯାନ୍ତଚିକୀର୍ଷଯା।
ପରିବବ୍ରୁର୍ମହାରାଜ ପାଞ୍ଚାଲାଃ ପାଣ୍ଡବୈଃ ସହ॥ 7-171-3 (52782)
ତଥା ପରିବୃତଂ ଦୃଷ୍ଟ୍ବା ଦ୍ରୋଣମାଚାର୍ଯସତ୍ତମମ୍।
ପୁତ୍ରାସ୍ତେ ସର୍ବତୋ ଯତ୍ତା ରରକ୍ଷୁର୍ଦ୍ରୋଣମାହବେ॥ 7-171-4 (52783)
ବଲାର୍ଣବୌ ତତସ୍ତୌ ତୁ ସମେଯାତାଂ ନିଶାମୁଖେ।
ଗାତୋଦ୍ଧୂତୌ କ୍ଷୁବ୍ଧସତ୍ବୌ ଭୈରବୌ ସାଗରାବିବ॥ 7-171-5 (52784)
ତତୋ ଦ୍ରୋଣଂ ମହାରାଜ ପାଞ୍ଚାଲ୍ଯଃ ପଞ୍ଚଭିଃ ଶରୈଃ।
ବିବ୍ଯାଧ ହୃଦଯେ ତୂର୍ଣଂ ସିଂହନାଦଂ ନନାଦ ଚ॥ 7-171-6 (52785)
ତଂ ଦ୍ରୋଣଃ ପଞ୍ଚବିଂଶତ୍ଯା ବିଦ୍ଧା ଭାରତ ସଂଯୁଗେ।
ଚିଚ୍ଛେଦାନ୍ଯେନ ଭଲ୍ଲେନ ଧନୁରସ୍ଯ ମହାସ୍ବନମ୍॥ 7-171-7 (52786)
ଧୃଷ୍ଟଦ୍ଯୁମ୍ନସ୍ତୁ ନିର୍ବିଦ୍ଧୋ ଦ୍ରୋଣେନ ଭରତର୍ଷଭ।
ଉତ୍ସସର୍ଜ ଧନୁସ୍ତୂର୍ଣଂ ସନ୍ଦଶ୍ଯ ଦଶନଚ୍ଛଦମ୍॥ 7-171-8 (52787)
ତତଃ କ୍ରୁଦ୍ଧୋ ମହାରାଜ ଧୃଷ୍ଟଦ୍ଯୁମ୍ନଃ ପ୍ରତାପବାନ୍।
ଆଦଦେଽନ୍ଯଦ୍ଧନୁଃଶ୍ରେଷ୍ଠଂ ଦ୍ରୋଣସ୍ଯାନ୍ତଚିକୀର୍ଷଯା॥ 7-171-9 (52788)
ବିକୃଷ୍ଯ ଚ ଧନୁଶ୍ଚିତ୍ରମାକର୍ଣାତ୍ପରବୀରହା।
ଦ୍ରୋଣସ୍ଯାନତ୍କରଂ ଘୋରଂ ବ୍ଯସୃଜତ୍ସାଯକଂ ତତଃ॥ 7-171-10 (52789)
ସ ବିସୃଷ୍ଟୋ ବଲବତା ଶରୋ ଘୋରୋ ମହାମୃଧେ।
ଭାସଯାମାସ ତତ୍ସୈନ୍ଯଂ ଦିବାକର ଇବୋଦିତଃ॥ 7-171-11 (52790)
ତଂ ତୁ ଦୃଷ୍ଟ୍ବା ଶରଂ ଘୋରଂ ଦେବଗନ୍ଧର୍ବମାନବାଃ।
ସ୍ବସ୍ତ୍ଯସ୍ତୁ ସମରେ ରାଜନ୍ଦ୍ରୋଣାଯେତ୍ଯବ୍ରୁବନ୍ବଚଃ॥ 7-171-12 (52791)
ତଂ ତୁ ସାଯକମାଯାନ୍ତମାଚାର୍ଯସ୍ଯ ରଥଂ ପ୍ରତି।
କର୍ଣୋ ଦ୍ବାଦଶଧଆ ରାଜଂଶ୍ଚିଚ୍ଛେଦ କୃତହସ୍ତବତ୍॥ 7-171-13 (52792)
ସ ଚ୍ଛିନ୍ନୋ ବହୁଧା ରାଜନ୍ସୂତପୁତ୍ରେଣ ଧନ୍ବିନା।
ନିପପାତ ଶରସ୍ତୂର୍ଣଂ ନିର୍ବିଷୋ ଭୁଜଗୋ ଯଥା॥ 7-171-14 (52793)
`ଛିତ୍ତ୍ବା ତୁ ସମରେ ବାଣଂ ଶରୈଃ ସନ୍ନତପର୍ବଭିଃ'।
ଧୃଷ୍ଟଦ୍ଯୁମ୍ନଂ ତତଃ କର୍ଣୋ ବିବ୍ଯାଧ ଦଶଭିଃ ଶରୈଃ॥ 7-171-15 (52794)
ପଞ୍ଚଭିର୍ଦ୍ରୋଣପୁତ୍ରସ୍ତୁ ସ୍ବଯଂ ଦ୍ରୋଣସ୍ତୁ ସପ୍ତଭିଃ।
ଶଲ୍ଯଶ୍ଚ ଦଶଭିର୍ବାଣୈସ୍ତ୍ରିଭିର୍ଦୁଃଶାସନସ୍ତଥା॥ 7-171-16 (52795)
ଦୁର୍ଯୋଧନସ୍ତୁ ବିଂଶତ୍ଯା ଶକୁନିଶ୍ଚାପି ପଞ୍ଚଭିଃ।
ପାଞ୍ଚାଲ୍ଯଂ ତ୍ବରଯାଽବିଧ୍ଯନ୍ସର୍ବ ଏବ ମହାରଥାଃ॥ 7-171-17 (52796)
ସ ବିଦ୍ଧଃ ସପ୍ତଭିର୍ଘୋରୈର୍ଦ୍ରୋଣସ୍ଯାର୍ଥେ ମହାହବେ।
ସର୍ବାନସମ୍ଭ୍ରମାଦ୍ରାଜ ପ୍ରତ୍ଯବିଦ୍ଧ୍ଯତ୍ତ୍ରିଭିସ୍ତ୍ରିଭିଃ।
ଦ୍ରୋଣଂ ଦ୍ରୌଣିଂ ଚ କର୍ଣଂ ଚ ବିବ୍ଯାଧ ଚ ତବାତ୍ମଜମ୍॥ 7-171-18 (52797)
ତେ ଭିନ୍ନା ଧନ୍ବିନା ତେନ ଧୃଷ୍ଟଦ୍ଯୁମ୍ନଂ ପୁନର୍ମୃଧେ।
ବିବ୍ଯଧୁଃ ପଞ୍ଚଭିସ୍ତୂର୍ଣମେକୈକୋ ରଥିନାଂ ବରଃ॥ 7-171-19 (52798)
ଦ୍ରୁମସେନସ୍ତୁ ସଙ୍କ୍ରୁଦ୍ଧୋ ରାଜନ୍ବିବ୍ଯାଧ ପତ୍ରିଣା।
ତ୍ରିଭିଶ୍ଚାନ୍ଯୈଃ ଶରୈସ୍ତୂର୍ଣଂ ତିଷ୍ଠ ତିଷ୍ଠେତି ଚାବ୍ରବୀତ୍॥ 7-171-20 (52799)
ସ ତୁ ତଂ ପ୍ରତିବିବ୍ଯାଧ ତ୍ରିଭିସ୍ତୀକ୍ଷ୍ଣୈରଜିହ୍ମଗୈଃ।
ସ୍ବର୍ଣପୁଙ୍ଖୈଃ ଶିଲାଧୌତୈଃ ପ୍ରାଣାନ୍ତକରମୈର୍ଯୁଧି॥ 7-171-21 (52800)
ଭଲ୍ଲେନାନ୍ଯେନ ତୁ ପୁନଃ ସୁବର୍ଣୋଜ୍ଜ୍ବଲକୁଣ୍ଡଲମ୍।
ନିଚକର୍ତ ଶିରଃ କାଯାଦ୍ଦ୍ରୁମସେନସ୍ଯ ବୀର୍ଯବାନ୍॥ 7-171-22 (52801)
ତଚ୍ଛିରୋ ନ୍ଯପତଦ୍ଭୂମୌ ସନ୍ଦଷ୍ଟୌଷ୍ଠପୁଟଂ ରଣେ।
ମହାବାତସମୁଦ୍ଧୂତଂ ପକ୍ବଂ ତାଲଫଲଂ ଯଥା॥ 7-171-23 (52802)
ତାନ୍ସ ବିଦ୍ଧା ପୁନର୍ଯୋଧାନ୍ବୀରଃ ସୁନିଶିତୈଃ ଶରୈଃ।
ରାଧେଯସ୍ଯାଚ୍ଛିନଦ୍ଭଲ୍ଲୈଃ କାର୍ମୁକଂ ଚିତ୍ରଯୋଧିନଃ॥ 7-171-24 (52803)
ନ ତୁ ତନ୍ମମୃଷେ କର୍ଣୋ ଧନୁଷଶ୍ଛେଦନଂ ତଥା।
ନିକର୍ତନମିବାତ୍ଯୁଗ୍ରଂ ଲାଙ୍ଗୂଲସ୍ଯ ମହାହରିଃ॥ 7-171-25 (52804)
ସୋଽନ୍ଯଦ୍ଧନୁଃ ସମାଦାଯ କ୍ରୋଧରକ୍ତେକ୍ଷଣଃ ଶ୍ବସନ୍।
ଅଭ୍ଯଦ୍ରବଚ୍ଛରୌଘୈସ୍ତଂ ଧୃଷ୍ଟଦ୍ଯୁମ୍ନଂ ମହାବଲମ୍॥ 7-171-26 (52805)
ଦୃଷ୍ଟ୍ବା କର୍ଣଂ ତୁ ସଂରବ୍ଧଂ ତେ ବୀରାଃ ଷଡ୍ରଥର୍ଷଭାଃ।
ପାଞ୍ଚାଲ୍ଯପୁତ୍ରଂ ତ୍ବରିତାଃ ପରିବବ୍ରୁର୍ଜିଘାଂସଯା॥ 7-171-27 (52806)
ଷଣ୍ଣାଂ ଯୋଧପ୍ରବୀରାଣାଂ ତାବକାନାଂ ପୁରସ୍କୃତମ୍।
ମୃତ୍ଯୋରାସ୍ଯମନୁପ୍ରାପ୍ତଂ ଧୃଷ୍ଟଦ୍ଯୁମ୍ନମମମଂସ୍ମହି॥ 7-171-28 (52807)
ପତସ୍ମିନ୍ନେବ କାଲେ ତୁ ଦାଶାର୍ହୋ ବିକିରଞ୍ଛରାନ୍।
ଧୃଷ୍ଟଦ୍ଯୁମ୍ନଂ ପରାକ୍ରାନ୍ତଂ ସାତ୍ଯକିଃ ପ୍ରତ୍ଯପଦ୍ଯତ॥ 7-171-29 (52808)
ତମାଯାନ୍ତଂ ମହେଷ୍ବାସଂ ସାତ୍ଯକିଂ ଯୁଦ୍ଧଦୁର୍ମଦମ୍।
ରାଧେଯୋ ଦଶଭିର୍ବାଣୈଃ ପ୍ରତ୍ଯବିଧ୍ଯଦଜିହ୍ମଗୈଃ॥ 7-171-30 (52809)
ତଂ ସାତ୍ଯକିର୍ମହାରାଜ ବିବ୍ଯାଧ ଦଶଭିଃ ଶରୈଃ।
ପଶ୍ଯତାଂ ସର୍ବବୀରାଣାଂ ମା ଗାସ୍ତିଷ୍ଠେତି ଚାବ୍ରବୀତ୍॥ 7-171-31 (52810)
ସ ସାତ୍ଯକେସ୍ତୁ ବଲିନଃ କର୍ଣସ୍ଯ ଚ ମହାତ୍ମନଃ।
ଆସୀତ୍ସମାଗମୋ ରାଜନ୍ବଲିବାସବଯୋରିବ॥ 7-171-32 (52811)
ତ୍ରାସଯନ୍ରଥଘୋଷେଣ କ୍ଷତ୍ରିଯାନ୍କ୍ଷତ୍ରିଯର୍ଷଭଃ।
ରାଜୀବଲୋଚନଂ କର୍ଣଂ ସାତ୍ଯକିଃ ପ୍ରତ୍ଯବିଧ୍ଯତ॥ 7-171-33 (52812)
କମ୍ପଯନ୍ନିବ ଘୋଷେଣ ଧନୁଷୋ ବସୁଧାଂ ବଲୀ।
ସୂତପୁତ୍ରୋ ମହାରାଜ ସାତ୍ଯକିଂ ପ୍ରତ୍ଯଯୋଧଯତ୍॥ 7-171-34 (52813)
ବିପାଠକର୍ଣିନାରାଚୈର୍ବତ୍ସଦନ୍ତୈଃ କ୍ଷୁରୈରପି।
କର୍ଣଃ ଶରଶତୈଶ୍ଚାପି ଶୈନେଯଂ ପ୍ରତ୍ଯନିଦ୍ବ୍ଯତ॥ 7-171-35 (52814)
ତଥୈବ ଯୁଧ୍ଯମାନୋଽପି ବୃଷ୍ଣୀନାଂ ପ୍ରବରୋ ଯୁଧି।
ଅଭ୍ଯବର୍ଷଚ୍ଛରୈଃ କର୍ଣଂ ତଦ୍ଯୁଦ୍ଧମଭବତ୍ସମମ୍॥ 7-171-36 (52815)
ତାବକାଶ୍ଚ ମହାରାଜ କର୍ଣପୁତ୍ରଶ୍ଚ ଦଂଶିତଃ।
ସାତ୍ଯକିଂ ବିବ୍ଯଧୁସ୍ତୂର୍ଣ ସମନ୍ତାନ୍ନିଶିତୈଃ ଶରୈଃ॥ 7-171-37 (52816)
ଅସ୍ତ୍ରୈରସ୍ତ୍ରାଣି ସଂବାର୍ଯ ତେଷାଂ କର୍ଣସ୍ଯ ବା ବିଭୋ।
ଅବିଦ୍ବ୍ଯତ୍ସାତ୍ଯକିଃ କ୍ରୁଦ୍ଧୋ ବୃଷସେନଂ ସ୍ତନାନ୍ତରେ॥ 7-171-38 (52817)
ତେନ ବାଣେନ ନିର୍ବିଦ୍ଧୋ ବୃଷସେନୋ ବିଶାମ୍ପତେ।
ନ୍ଯପତତ୍ସ ରଥେ ମୂଢୋ ଧନୁରୁତ୍ସୃଜ୍ଯ ବୀର୍ଯବାନ୍॥ 7-171-39 (52818)
ତତଃ କର୍ଣୋ ହତଂ ମତ୍ବା ବୃଷସେନଂ ମହାରଥମ୍।
ପୁତ୍ରଶୋକାଭିସନ୍ତପ୍ତଃ ସାତ୍ଯକିଂ ପ୍ରତ୍ଯପୀଡଯତ୍॥ 7-171-40 (52819)
ପୀଡ୍ଯମାନସ୍ତୁ କର୍ଣେନ ଯୁଯୁଧାନୋ ମହାରଥଃ।
ବିବ୍ଯାଧ ବହୁଭିଃ କର୍ଣଂ ତ୍ବରମାଣଃ ପୁନଃପୁନଃ॥ 7-171-41 (52820)
ସ କର୍ଣଂ ଦଶଭିର୍ବିଦ୍ଧ୍ବା ବୃଷସେନଂ ଚ ସପ୍ତଭିଃ।
ସ ହସ୍ତାବାପଧନୁଷୀ ତଯୋଶ୍ଚିଚ୍ଛେଦ ସାତ୍ବତଃ॥ 7-171-42 (52821)
ତାବନ୍ଯେ ଧନୁଷୀ ସଜ୍ଜେ କୃତ୍ବା ଶତ୍ରୁଭଯଙ୍କରେ॥
ଯୁଯୁଧାନମାବିଧ୍ଯେତାଂ ସମନ୍ତାନ୍ନିଶିତୈଃ ଶରୈଃ॥ 7-171-43 (52822)
ବର୍ତମାନେ ତୁ ସଙ୍ଗ୍ରମେ ତସ୍ମିନ୍ବୀରବରକ୍ଷଯେ।
ଅତୀବ ଶୁଶ୍ରୁବେ ରାଜନ୍ଗାଣ୍ଡୀବସ୍ଯ ମହାସ୍ବନଃ॥ 7-171-44 (52823)
ଶ୍ରୁତ୍ବା ତୁ ରଥନିର୍ଘୋଷଂ ଗାଣ୍ଡୀବସ୍ଯ ଚ ନିଃସ୍ବନମ୍।
ସୂତପୁତ୍ରୋଽବ୍ରବୀଦ୍ରାଜନ୍ଦୁର୍ଯୋଧନମିଦଂ ବଚଃ॥ 7-171-45 (52824)
ଏଷ ସର୍ବାଂ ଚମୂଂ ହତ୍ବା ମୁଖ୍ଯାଂଶ୍ଚୈବ ନରର୍ଷଭାନ୍।
ପୌରବାଂଶ୍ଚ ମହେଷ୍ବାସୋ ବିକ୍ଷିପନ୍ନୁତ୍ତମଂ ଧନୁଃ॥ 7-171-46 (52825)
ପାର୍ଥୋ ବିଜଯତେ ତତ୍ର ଗାଣ୍ଡୀବନିନଦୋ ମହାନ୍।
ଶ୍ରୂଯତେ ରଥଘୋଷଶ୍ଚ ବାସବସ୍ଯେବ ନର୍ଦତଃ॥ 7-171-47 (52826)
କରୋତି ପାଣ୍ଡବୋ ବ୍ଯକ୍ତଂ କର୍ମୌପଯିକମାତ୍ମନଃ।
ଏଷା ବିଦାର୍ଯତେ ରାଜନ୍ବହୁଧା ଭାରତୀ ଚମୂଃ॥ 7-171-48 (52827)
ବିପ୍ରକୀର୍ଣାନ୍ଯନୀକାନି ନ ହି ତିଷ୍ଠନ୍ତି କର୍ହିଚିତ୍।
ବାତେନେବ ସମୁଦ୍ଧୂତମଭ୍ରଜାଲଂ ବିଦୀର୍ଯତେ॥ 7-171-49 (52828)
ସବ୍ଯସାଚିନମାସାଦ୍ଯ ଭିନ୍ନା ନୌରିବ ସାଗରେ॥ 7-171-50 (52829)
ଦ୍ରବତାଂ ଯୋଧମୁଖ୍ଯାନାଂ ଗାଣ୍ଡୀବପ୍ରେଷିତୈଃ ଶରୈଃ।
ବିଦ୍ଧାନାଂ ଶତଶୋ ରାଜଞ୍ଶ୍ରୂଯତେ ନିଃସ୍ବନୋ ମହାନ୍॥ 7-171-51 (52830)
ଶୃଣୁ ଦୁନ୍ଦୁଭିନିର୍ଘୋଷମର୍ଜୁନସ୍ଯ ରଥଂ ପ୍ରତି।
ନିଶୀଥେ ରାଜଶାର୍ଦୂଲ ସ୍ତନଯିତ୍ନୋରିବାମ୍ବରେ॥ 7-171-52 (52831)
ହାହାକାରରବାଂଶ୍ଚୈବ ସିଂହନାଦାଂଶ୍ଚ ପୁଷ୍କଲାନ୍।
ଶୃଣୁ ଶବ୍ଦାନ୍ବହୁବିଧାନର୍ଜୁନସ୍ଯ ରଥଂ ପ୍ରତି॥ 7-171-53 (52832)
ଅଯଂ ମଧ୍ଯେ ସ୍ଥିତୋଽସ୍ମାକଂ ସାତ୍ଯକିଃ ସାତ୍ବତାଂ ବରଃ।
ଇହ ଚେଲ୍ଲଭ୍ଯତେ ଲକ୍ଷ୍ଯଂ କୃତ୍ସ୍ନାଞ୍ଜେଷ୍ଯାମହେ ପରାନ୍॥ 7-171-54 (52833)
ଏଷ ପାଞ୍ଚାଲରାଜସ୍ଯ ପୁତ୍ରୋ ଦ୍ରୋଣେନ ସଙ୍ଗତଃ।
ସର୍ବତଃ ସଂବୃତୋ ଯୋଧୈଃ ଶୂରୈଶ୍ଚ ରଥସତ୍ତମୈଃ॥ 7-171-55 (52834)
ସାତ୍ଯକିଂ ଯଦି ହନ୍ଯାମ ଧୃଷ୍ଟଦ୍ଯୁମ୍ନଂ ଚ ପାର୍ଷତମ୍।
ଅସଂଶଯଂ ମହାରାଜ ଧ୍ରୁବୋ ନୋ ବିଜଯୋ ଭବେତ୍॥ 7-171-56 (52835)
ସୌଭଦ୍ରବଦିମୌ ବୀରୌ ପରିବାର୍ଯ ମହାରଥୌ।
ପ୍ରଯତାଯୋ ମହାରାଜ ନିହନ୍ତୁଂ ବୃଷ୍ଣିପାର୍ଷତୌ॥ 7-171-57 (52836)
ସବ୍ଯସାଚୀ ପୁରୋଽଭ୍ଯେତି ଦ୍ରୋଣାନୀକାଯ ଭାରତ।
ସଂସକ୍ତଂ ସାତ୍ଯକିଂ ଜ୍ଞାତ୍ବା ବହୁଭିଃ କୁରୁପୁଙ୍ଗବୈଃ॥ 7-171-58 (52837)
ତତ୍ର ଗଚ୍ଛନ୍ତୁ ବହବଃ ପ୍ରବରା ରଥସତ୍ତମାଃ।
ଯାବତ୍ପାର୍ଥୋ ନ ଜାନାତି ସାତ୍ଯକିଂ ବହୁଭିର୍ବୃତମ୍॥ 7-171-59 (52838)
ତେ ତ୍ବରଧ୍ବଂ ତଥା ଶୂରାଃ ଶରାଣାଂ ମୋକ୍ଷଣେ ଭୃଶମ୍।
ଯଥା ତ୍ବିହ ବ୍ରଜତ୍ଯେଷ ପରଲୋକାଯ ମାଧବଃ।
ତଥା କୁରୁ ମହାରାଜ ସୁନୀତ୍ଯା ସୁପ୍ରଯୁକ୍ତଯା॥ 7-171-60 (52839)
କର୍ଣସ୍ଯ ମତମାସ୍ଥାଯ ପୁତ୍ରସ୍ତେ ପ୍ରାହ ସୌବଲମ୍।
ଯଥେନ୍ଦ୍ରଃ ସମରେ ରାଜନ୍ପ୍ରାହ ବିଷ୍ଣୁଂ ଯଶସ୍ବିନମ୍॥ 7-171-61 (52840)
ବୃତଃ ସହସ୍ରୈର୍ଦଶଭିର୍ଗଜାନାମନିବର୍ତିନାମ୍।
ରଥୈଶ୍ଚ ଦଶସାହସ୍ରୈସ୍ତୂର୍ଣଂ ଯାହି ଧନଞ୍ଜଯମ୍। 7-171-62 (52841)
ଦୁଃଶାସନୋ ଦୁର୍ବିଷହଃ ସୁବାହୁର୍ଦୁଃ ପ୍ରଧର୍ଷଣଃ।
ଏତେ ତ୍ବାମନୁଯାସ୍ଯନ୍ତି ପତ୍ତିଭିର୍ବହୁଭିର୍ବୃତାଃ॥ 7-171-63 (52842)
ଜହି କୃଷ୍ଣୌ ମହାବାହୋ ଧର୍ମରାଜଂ ଚ ମାତୁଲ।
ନକୁଲଂ ସହଦେବଂ ଚ ଭୀମସେନଂ ତଥୈବ ଚ॥ 7-171-64 (52843)
ଦେବାନାମିବ ଦେବେନ୍ଦ୍ରେ ଜଯାଶା ତ୍ବଯି ମେ ସ୍ଥିତା।
ଜହି ମାତୁଲ କୌନ୍ତେଯାନସୁରାନିବ ପାବକିଃ॥ 7-171-65 (52844)
ଏବମୁକ୍ତୋ ଯଯୌ ପାର୍ଥାନ୍ପୁତ୍ରେଣ ତବ ସୌବଲଃ।
ମହତ୍ଯା ସେନଯା ସାର୍ଧଂ ସହ ପୁତ୍ରୈଶ୍ଚ ତେ ବିଭୋ॥ 7-171-66 (52845)
ପ୍ରିଯାର୍ଥଂ ତବ ପୁତ୍ରାଣାଂ ଦିଧକ୍ଷୁଃ ପାଣ୍ଡୁନନ୍ଦନାନ୍।
ତତଃ ପ୍ରବବୃତେ ଯୁଦ୍ଧଂ ତାବକାନାଂ ପରୈଃ ସହ॥ 7-171-67 (52846)
ପ୍ରଯାତେ ସୌବଲେ ରାଜନ୍ପାଣ୍ଡବାନାମନୀକିନୀମ୍।
ବଲେନ ମହତା ଯୁକ୍ତାଃ ସୂତପୁତ୍ରସ୍ତୁ ସାତ୍ବତମ୍॥ 7-171-68 (52847)
ଅଭ୍ଯଯାତ୍ତ୍ବରିତୋ ଯୁଦ୍ଧେ କିରଞ୍ଶରଶତାନ୍ବହୂନ୍।
ତଥୈବ ପାର୍ଥିବାଃ ସର୍ବେ ସାତ୍ଯକିଂ ପର୍ଯବାରଯନ୍॥ 7-171-69 (52848)
ଭାରଦ୍ବାଜସ୍ତତୋ ଗତ୍ବା ଧୃଷ୍ଟଦ୍ଯୁମ୍ନରଥଂ ପ୍ରତି।
ମହଦ୍ଯୁଦ୍ଧଂ ତଦାସୀତ୍ତୁଂ ଦ୍ରୋଣସ୍ଯ ନିଶି ଭାରତ।
ଧୃଷ୍ଟଦ୍ଯୁମ୍ନେନ ବୀରେଣ ପାଞ୍ଚାଲୈଶ୍ଚ ସହାଦ୍ଭୁତମ୍॥ ॥ 7-171-70 (52849)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ଏକସପ୍ତତ୍ଯଧିକଶତତମୋଽଧ୍ଯାଯଃ॥ 171 ॥
Mahabharata - Drona Parva - Chapter Footnotes
5-171-20 ଦ୍ଯୁମତ୍ସେନ ଇତି ପାଠାନ୍ତରମ୍॥ 5-171-25 ହରିଃ ସିଂହଃ॥ 5-171-27 ଷଡ୍ରଥର୍ଷଭାଃ ଦୁର୍ଯୋଧନଦୁଃଶସାସନଦ୍ରୋଣକର୍ଣଶଲ୍ଯଶକୁନଯଃ॥ 5-171-48 ଔପଯିକଂ ଯୁକ୍ତମ୍॥ 5-171-54 ଇହ ସାତ୍ଯକିରୂପଂ ଲକ୍ଷ୍ଯଂ ଲଭ୍ଯତେଚେତ୍। ଅଯଂ ବଶୀକ୍ରିଯତେଚେଦିତ୍ଯର୍ଥଃ॥ 5-171-60 ମାଧବୋ ମଧୁବଂଶଜଃ ସାତ୍ଯକିଃ॥ 5-171-65 ପାବିକଃ ସ୍କନ୍ଦଃ॥ 5-171-171 ଏକସପ୍ତତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 172
॥ ଶ୍ରୀଃ ॥
7.172. ଅଧ୍ଯାଯଃ 172
Mahabharata - Drona Parva - Chapter Topics
ସଙ୍କୁଲଯୁଦ୍ଧମ୍॥ 1 ॥ ଧୃଷ୍ଟଦ୍ଯୁମ୍ନାଦୀନାଂ ହର୍ଷାତ୍ସିଂହନାଦଃ॥ 2 ॥Mahabharata - Drona Parva - Chapter Text
7-172-0 (52850)
ସଞ୍ଜଯ ଉବାଚ। 7-172-0x (4721)
ତତସ୍ତେ ପ୍ରାଦ୍ରବନ୍ସର୍ବେ ତ୍ବରିତା ଯୁଦ୍ଧଦୁର୍ମଦାଃ।
ଅମୃଷ୍ଯମାଣାଃ ସଂରବ୍ଧା ଯୁଯୁଧାନରଥଂ ପ୍ରତି॥ 7-172-1 (52851)
ତେ ରଥୈଃ କଲ୍ପିତୈ ରାଜନ୍ହେମରୂପ୍ଯବିଭୂଷିତୈଃ।
ସାଦିଭିଶ୍ଚ ଗଜୈଶ୍ଚୈବ ପରିବବ୍ରୁଃ ସମନ୍ତତଃ॥ 7-172-2 (52852)
ଅଥୈନଂ କୋଷ୍ଠକୀକୃତ୍ଯ ସର୍ବତସ୍ତେ ମହାରଥାଃ।
ସିଂହନାଦାଂସ୍ତତଶ୍ଚକ୍ରୁସ୍ତର୍ଜଯନ୍ତି ସ୍ମ ସାତ୍ଯକିମ୍॥ 7-172-3 (52853)
ତେଽଭ୍ଯବର୍ଷଞ୍ଛରୈସ୍ତୀକ୍ଷ୍ଣୈଃ ସାତ୍ଯକିଂ ସତ୍ଯବିକ୍ରମମ୍।
ତ୍ବରମାଣା ମହାବୀରା ମାଧବସ୍ଯ ବଧୈଷିଣଃ॥ 7-172-4 (52854)
ତାନ୍ଦୃଷ୍ଟ୍ବା ପତତସ୍ତୂର୍ଣଂ ଶୈନେଯଃ ପରବୀରହା।
ପ୍ରତ୍ଯଗୃହ୍ଣାନ୍ମହାବାହୁଃ ପ୍ରମୁଞ୍ଚନ୍ବିଶିଖାନ୍ବହୂନ୍॥ 7-172-5 (52855)
ତତ୍ର ବୀରୋ ମହେଷ୍ବାସଃ ସାତ୍ଯକିର୍ଯୁଦ୍ଧଦୁର୍ମଦଃ।
ନିଚକର୍ତ ଶିରାଂସ୍ଯୁଗ୍ରୈଃ ଶରୈଃ ସନ୍ନତପର୍ବଭିଃ॥ 7-172-6 (52856)
ହସ୍ତିହସ୍ତାନ୍ହଯଗ୍ରୀବା ବାହୂନପି ଚ ସାଯୁଧାନ୍।
କ୍ଷୁରପ୍ରୈଃ ଶାତଯାମାସ ତାବକାନାଂ ସ ମାଧବଃ॥ 7-172-7 (52857)
ପତିତୈଶ୍ଚାମରୈଶ୍ଚୈବ ଶ୍ବେତଚ୍ଛତ୍ରୈଶ୍ଚ ଭାରତ।
ବଭୂବ ଧରଣୀ ପୂର୍ଣା ନକ୍ଷତ୍ରୈର୍ଦ୍ଯୌରିବ ପ୍ରଭୋ॥ 7-172-8 (52858)
ଏତେଷାଂ ଯୁଯୁଧାନେନ ଯୁଧ୍ଯତାଂ ଯୁଧି ଭାରତ।
ବଭୂବ ତୁମୁଲଃ ଶବ୍ଦଃ ପ୍ରେତାନାଂ କ୍ରନ୍ଦତାମିବ॥ 7-172-9 (52859)
ତେନ ଶବ୍ଦେନ ମହତା ପୂରିତାଽଭୂଦ୍ବସୁନ୍ଧରା।
ରାତ୍ରିଃ ସମଭବଚ୍ଚୈବ ତୀବ୍ରରୂପା ଭଯାବହା॥ 7-172-10 (52860)
ଦୀର୍ଯମାଣଂ ବଲଂ ଦୃଷ୍ଟ୍ବା ଯୁଯୁଧାନଶରାହତମ୍।
ଶ୍ରୁତ୍ବା ଚ ବିପୁଲଂ ନାଦଂ ନିଶୀଥେ ରୋମହର୍ଷଣେ॥ 7-172-11 (52861)
ସୁତସ୍ତବାବ୍ରବୀଦ୍ରାଜନ୍ସାରଥିଂରଥିନାଂ ବରଃ।
ଯତ୍ରୈଷ ଶବ୍ଦସ୍ତତ୍ରାଶ୍ବାଂଶ୍ଚୋଦଯେତି ପୁନଃପୁନଃ॥ 7-172-12 (52862)
ତେନ ସଞ୍ଚୋଦ୍ଯମାନସ୍ତୁ ତତସ୍ତାଂସ୍ତୁରଗୋତ୍ତମାନ୍।
ସୂତଃ ସଞ୍ଚୋଦଯାମାସ ଯୁଯୁଧାନରଥଂ ପ୍ରତି॥ 7-172-13 (52863)
ତତୋ ଦୁର୍ଯୋଧନଃ କ୍ରୁଦ୍ଧୋ ଦୃଢଧନ୍ବା ଜିତକ୍ଲମଃ।
ଶୀଘ୍ରହସ୍ତଶ୍ଚିତ୍ରଯୋଧୀ ଯୁଯୁଧାନମୁପାଦ୍ରବତ୍॥ 7-172-14 (52864)
ତତଃ ପୂର୍ଣାଯତୋତ୍ସୃଷ୍ଟୈଃ ଶରୈଃ ଶୋଣିତଭୋଜନୈଃ।
ଦୁର୍ଯୋଧନଂ ଦ୍ବାଦଶଭିର୍ମାଧବଃ ପ୍ରତ୍ଯବିଧ୍ଯତ॥ 7-172-15 (52865)
ଦୁର୍ଯୋଧନସ୍ତେନ ତଥା ପୂର୍ବମେବାର୍ଦିତଃ ଶରୈଃ।
ଶୈନେଯଂ ଦଶଭିର୍ବାଣୈଃ ପ୍ରତ୍ଯବିଧ୍ଯଦମର୍ଷିତଃ॥ 7-172-16 (52866)
ତତଃ ସମଭବଦ୍ଯୁଦ୍ଧଂ ତୁମୁଲଂ ଭରତର୍ଷଭ।
ପାଞ୍ଚାଲାନାଂ ଚ ସର୍ବେଷାଂ ଭରତାନାଂ ଚ ଦାରୁଣମ୍॥ 7-172-17 (52867)
ଶୈନେଯସ୍ତୁ ରଣେ କ୍ରୁଦ୍ଧସ୍ତବ ପୁତ୍ରଂ ମହାରଥମ୍।
ସାଯକାନାମଶୀତ୍ଯା ତୁ ବିବ୍ଯାଧୋରସି ଭାରତ॥ 7-172-18 (52868)
ତତୋଽସ୍ଯ ବାହାନ୍ସମରେ ଶରୈର୍ନିନ୍ଯେ ଯମକ୍ଷଯମ୍।
ସାରଥିଂ ଚ ରଥାତ୍ତୂର୍ଣଂ ପାତଯାମାସ ପତ୍ରିଣା॥ 7-172-19 (52869)
ହତାଶ୍ବେ ତୁ ରଥେଽତିଷ୍ଠନ୍ପୁତ୍ରସ୍ତବ ବିଶାମ୍ପତେ।
ମୁମୋଚ ନିଶିତାନ୍ବାଣାଞ୍ଶୈନେଯସ୍ଯ ରଥଂ ପ୍ରତି॥ 7-172-20 (52870)
ଶରାନ୍ପଞ୍ଛସତାଂସ୍ତସ୍ମୈ ଶୈନେଯଃ କୃତହସ୍ତବତ୍।
ଚିଚ୍ଛେଦ ସମରେ ରାଜନ୍ପ୍ରେଷିତାଂସ୍ତନଯେନ ତେ॥ 7-172-21 (52871)
ଅଥାପରେଣ ଭଲ୍ଲେନ ମୁଷ୍ଟିଦେଶେ ମହଦ୍ଧନୁଃ।
ଚିଚ୍ଛେଦ ତରସା ଯୁଦ୍ଧେ ତବ ପୁତ୍ରସ୍ଯ ମାଧବ॥ 7-172-22 (52872)
ବିରଥୋ ବିଧନୁଷ୍କଶ୍ଚ ସର୍ବଲୋକେଶ୍ବରଃ ପ୍ରଭୁଃ।
ଆରୁରୋହ ରଥଂ ତୂର୍ଣଂ ଭାସ୍ବରଂ କୃତବର୍ମଣଃ॥ 7-172-23 (52873)
ଦୁର୍ଯୋଧନେ ପରାବୃତ୍ତେ ଶୈନେଯସ୍ତବ ବାହିନୀମ୍।
ଦ୍ରାବଯାମାସ ବିଶିଖୈର୍ନିଶାମଧ୍ଯେ ବିଶାମ୍ପତେ॥ 7-172-24 (52874)
ଶକୁନିଶ୍ଚାର୍ଜୁନଂ ରାଜନ୍ପରିବାର୍ଯ ସମନ୍ତତଃ।
ରଥୈରନେକସାହସ୍ରୈର୍ଗଜୈଶ୍ଚାପି ସହସ୍ରଶଃ।
ତଥା ହଯସହସ୍ରୈଶ୍ଚ ନାନାଶସ୍ତ୍ରୈରବାକିରତ୍॥ 7-172-25 (52875)
ତେ ମହାସ୍ତ୍ରାଣି ସର୍ବାଣି ବିକିରନ୍ତୋଽର୍ଜୁନଂ ପ୍ରତି।
ଅର୍ଜୁନଂ ଯୋଧଯନ୍ତି ସ୍ମ କ୍ଷତ୍ରିଯାଃ କାଲଚୋଦିତାଃ॥ 7-172-26 (52876)
ତାନ୍ଯର୍ଜୁନଃ ସହସ୍ରାଣି ରଥବାରଣବାଜିନାମ୍।
ପ୍ରତ୍ଯବାରଯଦାଯସ୍ତଃ ପ୍ରକୁର୍ବନ୍ବିପୁଲଂ କ୍ଷଯମ୍॥ 7-172-27 (52877)
ତତସ୍ତୁ ସମରେ ଶୂରଃ ଶକୁନିଃ ସୌବଲସ୍ତଦା।
ବିବ୍ଯାଧ ନିଶିତୈର୍ବାଣୈରର୍ଜୁନଂ ପ୍ରହସନ୍ନିବ॥ 7-172-28 (52878)
ପୁନଶ୍ଚୈବ ଶତେନାସ୍ଯ ସଂରୁରୋଧ ମହାରଥମ୍॥ 7-172-29 (52879)
ତମର୍ଜୁନସ୍ତୁ ବିଂଶତ୍ଯା ବିବ୍ଯାଧ ଯୁଧି ଭାରତ।
ଅଥେତରାନ୍ମହେଷ୍ବାସାଂସ୍ତ୍ରିଭିସ୍ତ୍ରିଭିରବିଧ୍ଯତ॥ 7-172-30 (52880)
ନିବାର୍ଯ ତାନ୍ବାଣଗଣୈର୍ଯୁଧି ରାଜନ୍ଧନଞ୍ଜଯଃ।
ଜଘାନ ତାବକାନ୍ଯୋଧାନ୍ବଜ୍ରପାଣିରିବାସୁରାନ୍॥ 7-172-31 (52881)
ଭୁଜୈଶ୍ଛିନ୍ନୈର୍ମହୀପାଲ ହସ୍ତିହସ୍ତୋପମୈର୍ମୃଧେ।
ସମାକୀର୍ଣା ମହୀ ଭାତି ପଞ୍ଚାସ୍ଯୈରିବ ପନ୍ନଗୈଃ॥ 7-172-32 (52882)
ଶିରୋଭିଃ ସକିରୀଟୈଶ୍ଚ ସୁନସୈଶ୍ଚାରୁକୁଣ୍ଡଲୈଃ।
ସନ୍ଦଷ୍ଟୌଷ୍ଠପୁଟୈଃ କ୍ରୁଦ୍ଧୈସ୍ତଥୈବୋଦ୍ବୃତ୍ତଲୋଚନୈଃ॥ 7-172-33 (52883)
ନିଷ୍କଚୂଡାମଣିଧରୈଃ କ୍ଷତ୍ରିଯାଣାଂ ପିଯଂବଦୈଃ।
ପଙ୍କଜୈରିବ ବିନ୍ଯସ୍ତୈଃ ପର୍ବତୈର୍ବିବଭୌ ମହୀ॥ 7-172-34 (52884)
କୃତ୍ବା ତତ୍କର୍ମ ବୀଭତ୍ସୁରୁଗ୍ରମୁଗ୍ରପରାକ୍ରମଃ।
ବିବ୍ଯାଧ ଶକୁନିଂ ଭୂଯଃ ପଞ୍ଚଭିର୍ନତପର୍ବଭିଃ॥ 7-172-35 (52885)
ଅତାଡଯଦୁଲୂକଂ ଚ ତ୍ରିଭିରେବ ତଥା ଶରୈଃ।
ଉଲୂକଂ ପୁନରାଜଘ୍ନେ ତ୍ରିଭିରେବ ମହାଯଶାଃ॥ 7-172-36 (52886)
ସ ତୁ ତେନ ସମାବିଦ୍ଧ କ୍ରୋଧାଦ୍ଦ୍ବିଗୁଣବିକ୍ରମଃ।
ଶରୈରନେକସାହସ୍ରୈଃ ସୋଽର୍ଜୁନଂ ପ୍ରତ୍ଯବିଧ୍ଯତ॥ 7-172-37 (52887)
ତମୁଲୂକସ୍ତଥା ବିଦ୍ଧା ବାସୁଦେବମତାଡଯତ୍।
ନନାଦ ଚ ମହାନାଦଂ ପୂରଯନ୍ନିବ ମେଦିନୀମ୍॥ 7-172-38 (52888)
ଅର୍ଜୁନଃ ଶକୁନେଶ୍ଚାପଂ ସାଯକୈରଚ୍ଛିନଦ୍ରଣେ।
ନିନ୍ଯେ ଚ ଚତୁରୋ ବାହାନ୍ଯମସ୍ଯ ସଦନଂ ପ୍ରତି॥ 7-172-39 (52889)
ତତୋ ରଥାଦବପ୍ଲୁତ୍ଯ ସୌବଲୋ ଭରତର୍ଷଭ।
ଉଲୂକସ୍ଯ ରଥଂ ତୂର୍ଣମାରୁରୋହ ବିଶାମ୍ପତେ॥ 7-172-40 (52890)
ତାବେକରଥମାରୂଢୌ ପିତାପୁତ୍ରୌ ମହାରଥୌ।
ପାର୍ଥଂ ସିଷିଚତୁର୍ବାଣୈର୍ଗିରିଂ ମେଘାବିବାମ୍ବୁଭିଃ॥ 7-172-41 (52891)
ତୌ ତୁ ବିଦ୍ଧା ମହାରାଜ ପାଣ୍ଡବୋ ନିଶିତୈଃ ଶରୈଃ।
ବିଦ୍ରାବଯଂସ୍ତବ ଚମୂଂ ଶତଶୋ ବ୍ଯଧମଚ୍ଛରୈଃ॥ 7-172-42 (52892)
ଅନିଲେନ ଯଥାଽଭ୍ରାଣି ବିଚ୍ଛିନ୍ନାନି ସମନ୍ତତଃ।
ବିଚ୍ଛିନ୍ନାନି ତଥା ରାଜନ୍ବଲାନ୍ଯାସନ୍ବିଶାମ୍ପତେ॥ 7-172-43 (52893)
ତଦ୍ବଲଂ ଭରତଶ୍ଚେଷ୍ଠ ବଧ୍ଯମାନଂ ତଦା ନିଶି।
ପ୍ରଦୁଦ୍ରାବ ଦିଶଃ ସର୍ବା ବୀକ୍ଷମାଣଂ ଭଯାର୍ଦିତମ୍॥ 7-172-44 (52894)
ଉତ୍ସୃଜ୍ଯ ବାହାନ୍ସମରେ ଚୋଦଯନ୍ତସ୍ତଥାଽପରେ।
ସମ୍ଭ୍ରାନ୍ତାଃ ପର୍ଯଧାବନ୍ତ ତସ୍ମିଂସ୍ତମସି ଦାରୁଣେ॥ 7-172-45 (52895)
ବିଜିତ୍ଯ ସମରେ ଯୋଧାଂସ୍ତାବକାନ୍ଭରତର୍ଷଭ।
ଦଧ୍ମତୁର୍ମୁଦିତୌ ଶଙ୍ଖୌ ବାସୁଦେବଧନଞ୍ଜଯୌ॥ 7-172-46 (52896)
ଧୃଷ୍ଟଦ୍ଯୁମ୍ନୋ ମହାରାଜ ଦ୍ରୋଣଂ ବିଦ୍ଧା ତ୍ରିଭିଃ ଶରୈଃ।
ଚିଚ୍ଛେଦ ଧନୁଷସ୍ତୂର୍ଣଂ ଜ୍ଯାଂ ଶରେଣ ଶିତେନ ହ॥ 7-172-47 (52897)
ତନ୍ନିଧାଯ ଧନୁର୍ଭୂମୌ ଦ୍ରୋଣଃ କ୍ଷତ୍ରିଯମର୍ଦନଃ।
ଆଦଦେଽନ୍ଯଦ୍ଧନୁଃ ଶୂରୋ ବେଗବତ୍ସାରବତ୍ତରମ୍॥ 7-172-48 (52898)
ଧୃଷ୍ଟଦ୍ଯୁମ୍ନଂ ତତୋ ଦ୍ରୋଣୋ ବିଦ୍ଧା ସପ୍ତଭିରାଶୁଗୈଃ।
ସାରଥିଂ ପଞ୍ଚଭିର୍ବାଣୈ ରାଜନ୍ବିବ୍ଯାଧ ସଂଯୁଗେ॥ 7-172-49 (52899)
ତଂ ନିବାର୍ଯ ଶରୈସ୍ତୂର୍ଣଂ ଧୃଷ୍ଟଦ୍ଯୁମ୍ନୋ ମହାରଥଃ।
ବ୍ଯଧମତ୍କୌରବୀଂ ସେନାମାସୁରୀଂ ମଘବାନିବ॥ 7-172-50 (52900)
ବଧ୍ଯମାନେ ବଲେ ତସ୍ମିଂସ୍ତବ ପୁତ୍ରସ୍ଯ ମାରିଷ।
ପ୍ରାବର୍ତତ ନଦୀ ଘୋରାଂ ଶୋଣିତୌଘତରଙ୍ଗିଣୀ॥ 7-172-51 (52901)
ଉଭଯୋଃ ସେନଯୋର୍ମଧ୍ଯେ ନରାଧଦ୍ବିପବାହିନୀ।
ତଥା ବୈତରଣୀ ରାଜନ୍ଯତରାଜୁପୁରଂ ପ୍ରତି॥ 7-172-52 (52902)
ଦ୍ରାବଯିତ୍ବା ତୁ ତତ୍ସୈନ୍ଯଂ ଧୃଷ୍ଟଦ୍ଯୁମ୍ନଃ ପ୍ରତାପବାନ୍।
ଅଭ୍ଯରାଜତ ତେଜସ୍ବୀ ଶକ୍ରୋ ଦେବଗଣେଷ୍ବିବ॥ 7-172-53 (52903)
ଅଥ ଦଧ୍ମୁର୍ମହାଶଙ୍ଖାନ୍ଧୃଷ୍ଟଦ୍ଯୁମ୍ନଶିଖଣ୍ଡିନୌ।
ଯମୌ ଚ ଯୁଯୁଧାନଶ୍ଚ ପାଣ୍ଡକ୍ଯ ବୃକୋଦରଃ॥ 7-172-54 (52904)
ଜିତ୍ବା ରଥସହସ୍ରାଣି ତାବକାନାଂ ମହାରଥାଃ।
ସିଂହନାଦରବାଂଶ୍ଚକ୍ରୁଃ ପାଣ଼୍ଡବା ଜିତକାଶିନଃ॥ 7-172-55 (52905)
ପଶ୍ଯତସ୍ତବ ପୁତ୍ରସ୍ଯ କର୍ଣସ୍ଯ ଚ ରଣୋତ୍କଟାଃ।
ତଥା ଦ୍ରୋଣସ୍ଯ ଶୂରସ୍ଯ ଦ୍ରୌଣେଶ୍ଚୈବ ବିଶାମ୍ପତେ॥ ॥ 7-172-56 (52906)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ଦ୍ବିସପ୍ତତ୍ଯଧିକଶତତମୋଽଧ୍ଯାଯଃ॥ 172 ॥
ଦ୍ରୋଣପର୍ବ - ଅଧ୍ଯାଯ 173
॥ ଶ୍ରୀଃ ॥
7.173. ଅଧ୍ଯାଯଃ 173
Mahabharata - Drona Parva - Chapter Topics
ଦ୍ରୋଣକର୍ଣଯୋଃ ସାତ୍ଯକିଧୃଷ୍ଟଦ୍ଯୁମ୍ନାକ୍ଷ୍ଯାଂ ଯୁଦ୍ଧମ୍॥ 1 ॥Mahabharata - Drona Parva - Chapter Text
7-173-0 (52907)
ସଞ୍ଜଯ ଉବାଚ। 7-173-0x (4722)
ବିଦ୍ରୁତଂ ସ୍ବବଲଂ ଦୃଷ୍ଟ୍ବା ବଧ୍ଯମାନଂ ମହାତ୍ମଭିଃ।
କ୍ରୋଧେନ ମହତାଽବିଷ୍ଟଃ ପୁତ୍ରସ୍ତବ ବିଶାମ୍ପତେ॥ 7-173-1 (52908)
ଅଭ୍ଯେତ୍ଯ ସହସା କର୍ଣଂ ଦ୍ରୋଣଂ ଚ ଜଯତାଂ ବରମ୍।
ଅମର୍ଷବଶମାପନ୍ନୋ ବାକ୍ଯଜ୍ଞୋ ବାକ୍ଯମବ୍ରବୀତ୍॥ 7-173-2 (52909)
ଭବଦ୍ଧ୍ଭାମିହ ସଙ୍ଗ୍ରାମଃ କ୍ରୁଦ୍ଧାଭ୍ଯାଂ ସମ୍ପ୍ରବର୍ତିତଃ।
ଆହବେ ନିହତଂ ଦୃଷ୍ଟ୍ବା ସୈନ୍ଧବଂ ସବ୍ଯସାଚିନା॥ 7-173-3 (52910)
ନିହନ୍ଯମାନାଂ ପାଣ଼୍ଡୂନାଂ ବଲେନ ମମ ବାହିନୀମ୍।
ଭୂତ୍ବା ତଦ୍ବିଜଯେ ଶକ୍ତାବଶକ୍ତାବିବ ପଶ୍ଯତଃ॥ 7-173-4 (52911)
ଯଦ୍ଯହଂ ଭବତୋସ୍ତ୍ଯାଜ୍ଯୋ ନ ବାଚ୍ଯୋଽସ୍ମି ତଦୈବ ହି।
ଆବାଂ ପାଣ୍ଡୁସୁତାନ୍ସଙ୍ଖ୍ଯେ ଜେଷ୍ଯାବ ଇତି ମାନଦୌ॥ 7-173-5 (52912)
ତଦୈବାହଂ ବଚଃ ଶ୍ରୁତ୍ବା ଭବଦ୍ଧ୍ଯାମନୁସମ୍ପତମ୍।
ନାକରିଷ୍ଯମିଦଂ ପାର୍ଥୈର୍ବୈରଂ ଯୋଧବିନାଶନମ୍॥ 7-173-6 (52913)
ଯଦି ନାହଂ ପରିତ୍ଯାଜ୍ଯୋ ଭବଦ୍ଭ୍ଯାଂ ପୁରୁଷର୍ଷଭୌ॥
ଯୁଧ୍ଯତାମନୁରୂପେଣ ବିକ୍ରମେଣ ସୁବିକ୍ରମୌ॥ 7-173-7 (52914)
ବାକ୍ପ୍ରତୋଦେନ ତୌ ବୀରୌ ପ୍ରଣୁନ୍ନୌ ତନଯେନ ତେ।
ପ୍ରାବର୍ତଯେତାଂ ସଙ୍ଗ୍ରାମଂ ଘଟ୍ଟିତାବିବ ପନ୍ନଗୌ॥ 7-173-8 (52915)
ତତସ୍ତୌ ରଥିନାଂ ଶ୍ରେଷ୍ଠୌ ସର୍ବଲୋକଧନୁର୍ଧରୌ।
ଶୈନେଯପ୍ରମୁଖାନ୍ପାର୍ଥାନଭିଦୁଦ୍ରୁବତ୍ ରଣେ॥ 7-173-9 (52916)
ତଥୈବ ସହିତାଃ ପାର୍ଥାଃ ସର୍ବସୈନ୍ଯେନ ସଂବୃତାଃ।
ଅଭ୍ଯବର୍ତନ୍ତ ତୌ ବୀରୌ ନର୍ଦମାନୌ ମୁହୁର୍ମୁହୁଃ॥ 7-173-10 (52917)
ଅଥ ଦ୍ରୋଣୋ ମହେଷ୍ବାସୋ ଦଶଭିଃ ଶିନିପୁଙ୍ଗବମ୍।
ଅବିଧ୍ଯତ୍ତ୍ବରିତଂ କ୍ରୁଦ୍ଧଃ ସର୍ବଶସ୍ତ୍ରଭୃତାଂ ବରଃ॥ 7-173-11 (52918)
କର୍ଣଶ୍ଚ ଦଶଭିର୍ବାଣୈଃ ପୁତ୍ରଶ୍ଚ ତବ ସପ୍ତଭିଃ।
ଦଶଭିର୍ବୃଷସେନଶ୍ଚ ସୌବଲଶ୍ଚାପି ସପ୍ତଭିଃ।
ଏତେ କୌରବ ସଙ୍କ୍ରନ୍ଦେ ଶୈନେଯଂ ପର୍ଯବାକିରନ୍॥ 7-173-12 (52919)
ଦୃଷ୍ଟ୍ବା ଚ ସମରେ ଦ୍ରୋଣଂ ନିଘ୍ନନ୍ତଂ ପାଣ୍ଡବୀଂ ଚମୂମ୍।
ବିବ୍ଯଧୁଃ ସୋମକାସ୍ତୂର୍ଣଂ ସମନ୍ତାଚ୍ଛରବୃଷ୍ଟିଭିଃ॥ 7-173-13 (52920)
ତତ୍ର ଦ୍ରୋଣୋଽହରତ୍ପ୍ରାଣାନ୍କ୍ଷତ୍ରିଯାଣାଂ ବିଶାମ୍ପତେ।
ରଶ୍ମିଭିର୍ଭାସ୍କରୋ ରାଜଂସ୍ତମାଂସୀବ ସମନ୍ତତଃ॥ 7-173-14 (52921)
ଦ୍ରୋଣେନ ବଧ୍ଯମାନାନାଂ ପାଞ୍ଚାଲାନାଂ ବିଶାମ୍ପତେ।
ଶୁଶ୍ରୁବେ ତୁମୁଲଃ ଶବ୍ଦଃ କ୍ରୋଶତାମିତରେତରମ୍॥ 7-173-15 (52922)
ପୁତ୍ରାନନ୍ଯେ ପିତୄନନ୍ଯେ ଭ୍ରାତୄନନ୍ଯେ ଚ ମାତୁଲାନ୍।
ଭାଗିନେଯାନ୍ବଯସ୍ଯାଂଶ୍ଚ ତଥା ସମ୍ବନ୍ଧିବାନ୍ଧବାନ୍।
ଉତ୍ସୃଜ୍ଯୋତ୍ସୃଜ୍ଯ ଗଚ୍ଛନ୍ତି ତ୍ବରିତା ଜୀବିତେପ୍ସବଃ॥ 7-173-16 (52923)
ଅପରେ ମୋହିତା ମୋହାତ୍ତମେବାଭିମୁଖା ଯଯୁଃ।
ପାଣ୍ଡବାନାଂ ରଣେ ଯୋଧାଃ ପରଲୋକଂ ଗତାଃ ପରେ॥ 7-173-17 (52924)
ସା ତଥା ପାଣ଼୍ବୀ ସେନା ପୀଡ୍ଯମାନା ମହାତ୍ମନା।
ନିଶି ସମ୍ପ୍ରାଦ୍ରବଦ୍ରାଜନ୍ନୁତ୍ସୃଜ୍ଯୋଲ୍କାଃ ସହସ୍ରଶଃ॥ 7-173-18 (52925)
ପଶ୍ଯତୋ ଭୀମସେନସ୍ଯ ବିଜଯସ୍ଯାଚ୍ଯୁତସ୍ଯ ଚ।
ଯଯମୋର୍ଧର୍ମପୁତ୍ରସ୍ଯ ପାର୍ଷତସ୍ଯ ଚ ପଶ୍ଯତଃ॥ 7-173-19 (52926)
ତମସା ସଂବୃତେ ଲୋକେ ନ ପ୍ରାଜ୍ଞାଯତ କିଞ୍ଚନ।
କୌରବାଣାଂ ପ୍ରକାଶେନ ଦୃଶ୍ଯନ୍ତେ ବିଦ୍ରୁତାଃ ପରେ॥ 7-173-20 (52927)
ଦ୍ରବମାଣଂ ତୁ ତତ୍ସୈନ୍ଯଂ ଦ୍ରୋଣକର୍ଣୌ ମହାରଥୌ।
ଜଘ୍ନତୁଃ ପୃଷ୍ଠତୋ ରାଜନ୍କିରନ୍ତୌ ସାଯକାନ୍ବହୂନ୍॥ 7-173-21 (52928)
ପାଞ୍ଚାଲେଷୁ ପ୍ରଭଗ୍ନେଷୁ କ୍ଷୀଯମାଣେଷୁ ସର୍ବତଃ।
ଜନାର୍ଦନୋ ଦୀନମାନାଃ ପ୍ରତ୍ଯଭାଷତ ଫଲ୍ଗୁନମ୍॥ 7-173-22 (52929)
ଦ୍ରୋଣକର୍ଣୌ ମହେଷ୍ବାସାବେତୌ ପାର୍ଷତସାତ୍ଯକୀ।
ପାଞ୍ଚାଲାଂଶ୍ଚୈବ ସହିତୌ ଜଘ୍ନତୁଃ ସାଯକୈର୍ଭୃଶମ୍॥ 7-173-23 (52930)
ଏତଯୋଃ ଶରବର୍ଷେଣ ପ୍ରଭଗ୍ନା ନୋ ମହାରଥାଃ।
ବାର୍ଯମାଣାପି କୌନ୍ତେଯ ପୃତନା ନାବତିଷ୍ଠତେ॥ 7-173-24 (52931)
ତାଂ ତୁ ବିଦ୍ରବତୀଂ ଦୃଷ୍ଟ୍ବା ଊଚତୁଃ କେଶବାର୍ଜୁନୌ।
ମା ବିଦ୍ରବତ ବିତ୍ରସ୍ତା ଭଯଂ ତ୍ଯଜତ ପାଣ୍ଡବାଃ॥ 7-173-25 (52932)
ତାବାବାଂ ସର୍ବସୈନ୍ଯୈଶ୍ଚ ବ୍ଯୂହୈଃ ସମ୍ଯଗୁଦାଯୁଧୈଃ।
ଦ୍ରୋଣଂ ଚ ସୂତପୁତ୍ରଂ ଚ ପ୍ରଯତାବଃ ପ୍ରବାଧିତୁମ୍॥ 7-173-26 (52933)
ଏତୌ ହି ବଲିନୌ ଶୂରୌ କୃତାସ୍ତ୍ରୌ ଜିତକାଶିନୌ।
ଉପେକ୍ଷିତୌ ବଲଂ ତୂର୍ଣଂ ନାଶଯେତାଂ ନିଶାମିମାମ୍॥ 7-173-27 (52934)
ସଞ୍ଜଯ ଉବାଚ।
ତଯୋଃ ସଂବଦତୋରେବଂ ଭୀମକର୍ମା ମହାବଲଃ। 7-173-28 (52935)
ଆଯାଦ୍ବୃକୋଦରଃ ଶୀଘ୍ରଂ ପୁନରାବର୍ତ୍ଯ ବାହିନୀମ୍॥
ବୃକୋଦରମଥାଯାନ୍ତଂ ଦୃଷ୍ଟ୍ବା ତତ୍ର ଜନାର୍ଦନଃ। 7-173-29 (52936)
ପୁନରେବାବ୍ରବୀଦ୍ରାଜନ୍ହର୍ଷଯନ୍ନିବ ପାଣ୍ଡବମ୍॥
ଏଷ ଭୀମୋ ରଣଶ୍ଲାଘୀ ବୃତଃ ସୋମକପାଣ୍ଡବୈଃ। 7-173-30 (52937)
ଅଭ୍ଯବର୍ତତ ବେଗେନ ଦ୍ରୋଣକର୍ଣୌ ମହାରଥୌ॥
ଏତେନ ସହିତୋ ଯୁଦ୍ଧ୍ଯ ପାଞ୍ଚାଲୈଶ୍ଚ ମହାରଥୈଃ। 7-173-31 (52938)
ଆଶ୍ବାସନାର୍ଥଂ ସୈନ୍ଯାନାଂ ସର୍ବେଷାଂ ପାଣ଼୍ଡୁନନ୍ଦନ॥
ତତସ୍ତୌ ପୁରୁଷବ୍ଯାଘ୍ରାବୁଭୌ ମାଧବପାଣ୍ଡବୌ। 7-173-32 (52939)
ଦ୍ରୋଣକର୍ଣୌ ସମାସାଦ୍ଯ ଧିଷ୍ଠିତୌ ରଣମୂର୍ଧନି॥ 7-173-33 (52940)
ସଞ୍ଜଯ ଉବାଚ।
ତତସ୍ତତ୍ପୁନରାବୃତ୍ତଂ ଯୁଧିଷ୍ଠିରବଲଂ ମହତ୍।
ତତୋ ଦ୍ରୋଣଶ୍ଚ କର୍ଣଶ୍ଚ ପରାନ୍ମମୃଦତୁର୍ଯୁଧି॥ 7-173-33x (4723)
ସ ସମ୍ପ୍ରହାରସ୍ତୁମୁଲୋ ନିଶି ପ୍ରତ୍ଯଭବନ୍ମହାନ୍।
ଯଥା ସାଗରଯୋ ରାଜଂଶ୍ଚନ୍ଦ୍ରୋଦଯବିରୁଦ୍ଧଯୋଃ॥ 7-173-34 (52941)
ତତ ଉତ୍ସୃଜ୍ଯ ପାଣିଭ୍ଯାଂ ପ୍ରଦୀପାଂସ୍ତବ ବାହିନୀ।
ଯୁଯୁଧେ ପାଣ୍ଡବୈଃ ସାର୍ଧମୁନ୍ମତ୍ତବଦସଙ୍କୁଲା॥ 7-173-35 (52942)
ରଜସା ତମସା ଚୈବ ସଂବୃତେ ଭୃଶଦାରୁଣେ।
କେବଲଂ ନାମଗୋତ୍ରେଣ ପ୍ରାଯୁଧ୍ଯନ୍ତ ଜଯୈଷିଣଃ॥ 7-173-36 (52943)
ଅଶ୍ରୂଯନ୍ତ ହି ନାମାନି ଶ୍ରାବ୍ଯମାଣାନି ପାର୍ଥିବୈଃ।
ପ୍ରହରଦ୍ଭିର୍ମହାରାଜ ସ୍ବଯଂବର ଇବାହବେ॥ 7-173-37 (52944)
ନିଃଶବ୍ଦମାସୀତ୍ସହସା ପୁନଃ ଶବ୍ଦୋ ମହାନଭୂତ୍।
କ୍ରୁଦ୍ଧାନାଂ ଯୁଧ୍ଯମାନାନାଂ ଜୀଯତାଂ ଜଯତାମପି॥ 7-173-38 (52945)
ଯତ୍ରଯତ୍ର ସ୍ମ ଦୃଶ୍ଯନ୍ତେ ପ୍ରଦୀପାଃ କୁରୁସତ୍ତମ।
ତତ୍ରତତ୍ର ସ୍ମ ଶୂରାସ୍ତେ ନିପତନ୍ତି ପତଙ୍ଗବତ୍॥ 7-173-39 (52946)
ତଥା ସଂଯୁଧ୍ଯମାନାନାଂ ବିଗାଢାଽଽସୀନ୍ମହାନିଶା।
ପାଣ୍ଡବାନାଂ ଚ ରାଜେନ୍ଦ୍ର କୌରବାଣାଂ ଚ ସର୍ବଶଃ॥ ॥ 7-173-40 (52947)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ତ୍ରିସପ୍ତତ୍ଯଧିକଶତତମୋଽଧ୍ଯାଯଃ॥ 173 ॥
Mahabharata - Drona Parva - Chapter Footnotes
5-173-8 ଘଟ୍ଟିତୌ ମର୍ଦିତୌ॥ 5-173-12 ସଙ୍କ୍ରନ୍ଦେ ଯୁଦ୍ଧେ॥ 5-173-23 ସାତ୍ଯକୀ ଇତି ଦ୍ବିତୀଯାନ୍ତମ୍॥ 5-173-173 ତ୍ରିସପ୍ତତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 174
॥ ଶ୍ରୀଃ ॥
7.174. ଅଧ୍ଯାଯଃ 174
Mahabharata - Drona Parva - Chapter Topics
କର୍ଣଂ ଯୁଯୁତ୍ସୋରର୍ଜୁନସ୍ଯ କୃଷ୍ଣେନ ସହେତୁକଥନଂ ତେନ ଯୁଦ୍ଧନିଷେଧଃ॥ 1 ॥ କୃଷ୍ଣାର୍ଜୁନଚୋଦନଯା ଘଟୋତ୍କଚସ୍ଯ କର୍ଣେନ ସହ ରଣାରମ୍ଭଃ॥ 2 ॥Mahabharata - Drona Parva - Chapter Text
7-174-0 (52948)
ସଞ୍ଜଯ ଉବାଚ। 7-174-0x (4724)
ତତଃ କର୍ଣୋ ରଣେ ଦୃଷ୍ଟ୍ବା ପାର୍ଷତଂ ପରବୀରହା।
ଆଜଘାନରୋସି ଶରୈର୍ଦଶଭିର୍ମର୍ମଭେଦିଭିଃ॥ 7-174-1 (52949)
ପ୍ରତିବିବ୍ଯାଧ ତଂ ତୂର୍ଣଂ ଧୃଷ୍ଟଦ୍ଯୁମ୍ନୋପି ମାରିଷ।
ଦଶଭିଃ ସାଯକୈର୍ହୃଷ୍ଟସ୍ତିଷ୍ଠତିଷ୍ଠେତି ଚାବ୍ରବୀତ୍॥ 7-174-2 (52950)
ତାବନ୍ଯୋନ୍ଯଂ ଶରୈଃ ସଙ୍ଖ୍ଯେ ସଞ୍ଛାଦ୍ଯ ସୁମହାରଥୈଃ।
ପୁନଃ ପୂର୍ଣାଯତୋତ୍ସୃଷ୍ଟୈର୍ବିବ୍ଯଧାତେ ପରସ୍ପରମ୍॥ 7-174-3 (52951)
ତତଃ ପାଞ୍ଚାଲମୁଖ୍ଯସ୍ଯ ଧୃଷ୍ଟଦ୍ଯୁମ୍ନସ୍ଯ ସଂଯୁଗେ।
ସାରଥିଂ ଚତୁରଶ୍ଚାଶ୍ବାନ୍କର୍ଣୋ ବିବ୍ଯାଧ ସାଯକୈଃ॥ 7-174-4 (52952)
କାର୍ମୁକପ୍ରବରଂ ଚାପି ପ୍ରଚିଚ୍ଛେଦ ଶିତୈଃ ଶରୈଃ।
ସାରଥିଂ ଚାସ୍ଯ ଭଲ୍ଲେନ ରଥନୀଡାଦପାତଯତ୍॥ 7-174-5 (52953)
ଧୃଷ୍ଟଦ୍ଯୁମ୍ନସ୍ତୁ ବିରଥୋ ହତାଶ୍ବୋ ହତସାରଥିଃ।
ଗୃହୀତ୍ବା ପରିଘଂ ଘୋରଂ କର୍ଣସ୍ଯାଶ୍ବାନପୀଡଯତ୍॥ 7-174-6 (52954)
ବିଦ୍ଧଶ୍ଚ ବହୁଭିସ୍ତେନ ଶରୈରାଶୀବିଷୋପମୈଃ।
ତତୋ ଯୁଧିଷ୍ଠିରାନୀକଂ ପଦ୍ଧ୍ଯାମେବାନ୍ବପଦ୍ଯତ॥ 7-174-7 (52955)
ଆରୁରୋହ ରଥଂ ଚାପି ସହଦେବସ୍ଯ ମାରିଷ।
ପ୍ରଯାତୁକାମଃ କର୍ଣାଯ ବାରିତୋ ଧର୍ମସୂନୁନା॥ 7-174-8 (52956)
କର୍ଣସ୍ତୁ ସୁମହାତେଜାଃ ସିଂହନାଦବିମିଶ୍ରିତମ୍।
ଧନୁଃଶବ୍ଦଂ ମହଚ୍ଚକ୍ରେ ଦଧ୍ମୌ ତାରେଣ ଚାମ୍ବୁଜମ୍॥ 7-174-9 (52957)
ଦୃଷ୍ଟ୍ବା ବିନିର୍ଜିତଂ ଯୁଦ୍ଧେ ପାର୍ଷତଂ ତେ ମହାରଥାଃ।
ଅମର୍ଷବଶମାପନ୍ନାଃ ପାଞ୍ଚାଲାଃ ସହସୋମକାଃ॥ 7-174-10 (52958)
ସୂତପୁତ୍ରବଧାର୍ଥାଯ ଶସ୍ତ୍ରାଣ୍ଯାଦାଯ ସର୍ବଶଃ।
ପ୍ରଯଯୁଃ କର୍ଣମୁଦ୍ଦିଶ୍ଯ ମୃତ୍ଯୁଂ କୃତ୍ବା ନିବର୍ତନମ୍॥ 7-174-11 (52959)
କର୍ଣସ୍ଯାପି ରଥେ ବାହାନନ୍ଯାନ୍ସୂତୋଽଭ୍ଯଯୋଜଯତ୍।
ଶଙ୍ଖବର୍ଣାନ୍ମହାବେଗାନ୍ସୈନ୍ଧବାନ୍ସାଧୁବାହିନଃ॥ 7-174-12 (52960)
ଲବ୍ଧଲକ୍ଷସ୍ତୁ ରାଧେଯଃ ପଞ୍ଚାଲାନାଂ ମହାରଥାନ୍।
ଅଭ୍ଯପୀଡଯଦାଯସ୍ତଃ ଶରୈର୍ମେଘ ଇବାଚଲମ୍॥ 7-174-13 (52961)
ସା ପୀଡ୍ଯମାନା କର୍ଣେନ ପାଞ୍ଚାଲାନାଂ ମହାଚମୂଃ।
ସମ୍ପ୍ରାଦ୍ରବତ୍ସୁସନ୍ତ୍ରସ୍ତା ସିଂହେନେବାର୍ଦିତା ମୃଗୀ॥ 7-174-14 (52962)
ପତିତାସ୍ତୁରଗେଭ୍ଯଶ୍ଚ ଗଜେଭ୍ଯଶ୍ଚ ମହୀତଲେ।
ରଥେଭ୍ଯଶ୍ଚ ନରାସ୍ତୂର୍ଣମଦୃଶ୍ଯନ୍ତ ତତସ୍ତତଃ॥ 7-174-15 (52963)
ଧାବମାନସ୍ଯ ଯୋଧସ୍ଯ କ୍ଷୁରପ୍ରୈଃ ସ ମହାମୃଧେ।
ବାହୂ ଚିଚ୍ଛେଦ ବୈ କର୍ଣଃ ଶିରଶ୍ଚୈବ ସକୁଣ୍ଡଲମ୍॥ 7-174-16 (52964)
ଊରୂ ଚିଚ୍ଛେଦ ଚାନ୍ଯସ୍ଯ ଗଜସ୍ଥସ୍ଯ ବିଶାମ୍ପତେ।
ବାଜିପୃଷ୍ଠଗତସ୍ଯାପି ଭୂମିଷ୍ଠସ୍ଯ ଚ ମାରିଷ॥ 7-174-17 (52965)
ନାଜ୍ଞାସିଷୁର୍ଧାବମାନା ବହବଶ୍ଚ ମହାରଥାଃ।
ସଞ୍ଛିନ୍ନାନ୍ଯାତ୍ମଗାତ୍ରାଣି ବାହନାନି ଚ ସଂଯୁଗେ॥ 7-174-18 (52966)
ତେ ବଧ୍ଯମାନାଃ ସମରେ ପାଞ୍ଚାଲାଃ ସୃଞ୍ଜଯୈଃ ସହ।
ତୃଣପ୍ରସ୍ପନ୍ଦନାଚ୍ଚାପି ସୂତପୁତ୍ରଂ ସ୍ମ ମେନିରେ॥ 7-174-19 (52967)
ଅପି ସ୍ବଂ ସମରେ ଯୋଧଂ ଧାବମାନଂ ବିଚେତସମ୍।
କର୍ଣମେବାଭ୍ଯମନ୍ଯନ୍ତ ତତୋ ଭୀତା ଦ୍ରବନ୍ତି ତେ॥ 7-174-20 (52968)
ତାନ୍ଯନୀକାନି ଭଗ୍ନାନି ଦ୍ରବମାଣାନି ଭାରତ।
ଅଭ୍ଯଦ୍ରବଦ୍ଦ୍ରୁତଂ କର୍ଣଃ ପୃଷ୍ଠତୋ ବିକିରଞ୍ଛରାନ୍॥ 7-174-21 (52969)
ଅବେକ୍ଷମାଣାସ୍ତ୍ବନ୍ଯୋନ୍ଯଂ ସୁସମ୍ମୂଢା ବିଚେତସଃ।
ନାଶକ୍ନୁବନ୍ନବସ୍ଥାତୁଂ କାଲ୍ଯମାନା ମହାତ୍ମନା॥ 7-174-22 (52970)
କର୍ଣେନାଭ୍ଯାହତା ରାଜନ୍ପାଞ୍ଚାଲାଃ ପରମେଷୁଭିଃ।
ଦ୍ରୋଣେନ ଚ ଦିଶଃ ସର୍ବା ବୀକ୍ଷମାଣାଃ ପ୍ରଦୁଦ୍ରୁବୁଃ॥ 7-174-23 (52971)
ତତୋ ଯୁଧିଷ୍ଠିରୋ ରାଜା ସ୍ବସୈନ୍ଯଂ ପ୍ରେକ୍ଷ୍ଯ ବିଦ୍ରୁତମ୍।
ଅପଯାନେ ମନଃ କୃତ୍ବା ଫଲ୍ଗୁନଂ ବାକ୍ଯମବ୍ରବୀତ୍॥ 7-174-24 (52972)
ପଶ୍ଯ କର୍ଣଂ ମହେଷ୍ବାସଂ ଧନୁଷ୍ପାଣିମବସ୍ଥିତମ୍।
ନିଶୀଥେ ଦାରୁଣେ କାଲେ ତପନ୍ତମିବ ଭାସ୍କରମ୍॥ 7-174-25 (52973)
କର୍ଣସାଯକନୁନ୍ନାନାଂ କ୍ରୋଶତାମେଷ ନିଃସ୍ବନଃ।
ଅନିଶଂ ଶ୍ରୂଯତେ ପାର୍ଥ ତ୍ବଦ୍ବନ୍ଧୂନାମନାଥବତ୍॥ 7-174-26 (52974)
ଯଥା ବିସୃଜତଶ୍ଚାସ୍ଯ ସନ୍ଦଧାନସ୍ଯ ଚାଶୁଗାନ୍।
ପଶ୍ଯାମି ନାନ୍ତରଂ ପାର୍ଥ କ୍ଷପଯିଷ୍ଯତି ନୋ ଧ୍ରୁବମ୍॥ 7-174-27 (52975)
ଯଦତ୍ରାନନ୍ତରଂ କାର୍ଯଂ ପ୍ରାପ୍ତକାଲ ଚ ପଶ୍ଯସି।
କର୍ଣସ୍ଯ ବଧସଂଯୁକ୍ତଂ ତତ୍କୁରୁଷ୍ବ ଧନଞ୍ଜଯ॥ 7-174-28 (52976)
ଏବମୁକ୍ତୋ ମହାରାଜ ପାର୍ଥଃ କୃଷ୍ଣମଥାବ୍ରବୀତ୍।
ଭୀତଃ କୁନ୍ତୀସୁତୋ ରାଜା ରାଧେଯସ୍ଯାଦ୍ଯ ବିକ୍ରମାତ୍॥ 7-174-29 (52977)
ଏବଂ ଗତେ ପ୍ରାପ୍ତକାଲଂ କର୍ଣାନୀକେ ପୁନଃ ପୁନଃ।
ଭବାନ୍ବ୍ଯବସ୍ଯତୁ କ୍ଷିପ୍ରଂ ଦ୍ରବତେ ହି ବରୂଥିନୀ॥ 7-174-30 (52978)
ଦ୍ରୋଣସାଯକନୁନ୍ନାନାଂ ଭଗ୍ନାନାଂ ମଧୁସୂଦନ।
କର୍ଣେନ ତ୍ରାସ୍ଯମାନାନାମବସ୍ଥାନଂ ନ ବିଦ୍ଯତେ॥ 7-174-31 (52979)
ପଶ୍ଯାମି ଚ ତଥା କର୍ଣଂ ବିଚରନ୍ତମଭୀତବତ୍।
ଦ୍ରବମାଣାନ୍ରଥୋଦାରାନ୍କିରନ୍ତଂ ନିଶିତୈଃ ଶରୈଃ॥ 7-174-32 (52980)
ନୈନଂ ଶକ୍ଷ୍ଯାମି ସଂସୋଢୁଂ ଚରନ୍ତଂ ରଣମୂର୍ଧନି।
ପ୍ରତ୍ଯକ୍ଷଂ ବୃଷ୍ଣିଶାର୍ଦୂଲ ପାଦସ୍ପର୍ଶମିବୋରଗଃ॥ 7-174-33 (52981)
ସ ସବାଂସ୍ତତ୍ର ଯାତ୍ବାଶୁ ଯତ୍ର କର୍ଣୋ ମହାରଥଃ।
ଅହମେନଂ ହନିଷ୍ଯାମି ମାଂ ବୈଷ ମଧୁସୂଦନ॥ 7-174-34 (52982)
ଶ୍ରୀବାସୁଦେବ ଉବାଚ। 7-174-35x (4725)
ପଶ୍ଯାମି କର୍ଣଂ କୌନ୍ତେଯ ଦେବରାଜମିବାହବେ।
ବିଚରନ୍ତଂ ନରବ୍ଯାଘ୍ରମତିମାନୁଷବିକ୍ରମମ୍॥ 7-174-35 (52983)
ନୈତସ୍ଯାନ୍ଯୋଽସ୍ତି ସଙ୍ଗ୍ରାମେ ପ୍ରତ୍ଯୁଦ୍ଯାତା ଧନଞ୍ଜଯ।
ଋତେ ତ୍ବାଂ ପୁରୁଷବ୍ଯାଘ୍ର ରାକ୍ଷସାଦ୍ବା ଘଟୋତ୍କଚାତ୍॥ 7-174-36 (52984)
ନ ତୁ ତାବଦହଂ ମନ୍ଯେ ପ୍ରାପ୍ତକାଲଂ ତବାନଘ।
ସମାଗମଂ ମହାବାହୋ ସୂତପୁତ୍ରେଣ ସଂଯୁଗେ॥ 7-174-37 (52985)
ଦୀପ୍ଯମାନା ମହୋଲ୍କେବ ତିଷ୍ଠତ୍ଯସ୍ଯ ହି ବାସବୀ।
ତ୍ବଦର୍ଥଂ ହି ମହାବାହୋ ସୂତପୁତ୍ରେଣ ସଂଯୁଗେ॥ 7-174-38 (52986)
ରକ୍ଷ୍ଯତେ ଶକ୍ତିରେଷା ହି ରୌଦ୍ରାଂ ରୂପଂ ବିଭର୍ତି ଚ।
ଘଟୋତ୍କଚସ୍ତୁ ରାଧେଯଂ ପ୍ରତ୍ଯୁଦ୍ଯାତୁ ମହାବଲଃ॥ 7-174-39 (52987)
ସ ହି ଭୀମେନ ବଲିନା ଜାତଃ ସୁରପରାକ୍ରମଃ।
ତସ୍ମିନ୍ନସ୍ତ୍ରାଣି ଦିବ୍ଯାନି ରାକ୍ଷସାନ୍ଯାସୁରାଣି ଚ॥ 7-174-40 (52988)
ସତତଂ ଚାନୁରକ୍ତୋ ବୋ ହିତୈଷୀ ଚ ଘଟୋତ୍କଚଃ।
ବିଜେଷ୍ଯତି ରଣେ କର୍ଣମିତି ମେ ନାତ୍ର ସଂଶଯଃ॥ 7-174-41 (52989)
ସଞ୍ଜଯ ଉବାଚ। 7-174-42x (4726)
ଏବମୁକ୍ତୋ ମହାବାହୁଃ ପାର୍ଥଃ ପୁଷ୍କରଲୋଚନଃ।
ଆଜୁହାବାଥ ତଦ୍ରକ୍ଷସ୍ତଚ୍ଚାସୀତ୍ପ୍ରାଦୁରପ୍ରତଃ॥ 7-174-42 (52990)
କବଚୀ ସଶରଃ ଖଙ୍ଗୀ ସଧନ୍ବା ଚ ବିଶାମ୍ପତେ।
ଅଭିବାଦ୍ଯ ତତଃ କୃଷ୍ଣଂ ପାଣ୍ଡବଂ ଚ ଧନଞ୍ଜଯମ୍।
ଅବ୍ରବୀଚ୍ଚ ତଦା କୃଷ୍ଣମଯମସ୍ମ୍ଯନୁଶାଧି ମାମ୍॥ 7-174-43 (52991)
ତତସ୍ତଂ ମେଘସଙ୍କାଶଂ ଦୀପ୍ତାସ୍ଯଂ ଦୀପ୍ତକୁଣ୍ଡଲମ୍।
ଅଭ୍ଯଭାଷତ ହୈଡିମ୍ବିଂ ଦାଶାର୍ହଃ ପ୍ରହସନ୍ନିବ॥ 7-174-44 (52992)
ବାସୁଦେବ ଉବାଚ। 7-174-45x (4727)
ଘଟୋତ୍କଚ ବିଜାନୀହି ଯତ୍ତ୍ବାଂ ବକ୍ଷ୍ଯାମି ପୁତ୍ରକ।
ପ୍ରାପ୍ତୋ ବିକ୍ରମକାଲୋଽଯଂ ତବ ନାନ୍ଯସ୍ଯ କସ୍ଯାଚିତ୍।
ସ ତ୍ବଂ ନିମଜ୍ଜତାଂ ଯୁଦ୍ଧେ ବନ୍ଧୂନାଂ ବାନ୍ଧବୋ ଭବ॥ 7-174-45 (52993)
ଯାବନ୍ତି ଚ ତବାସ୍ତ୍ରାଣି ସନ୍ତି ମାଯାଶ୍ଚ ରାକ୍ଷସୀଃ।
`ଅଦ୍ଯୈବ ସମଯସ୍ତେଷାଂ ମାଯାନାଂ ଚୈବ ରାକ୍ଷସ'॥ 7-174-46 (52994)
ପଶ୍ଯ କର୍ଣେନ ହୈଡିମ୍ବେ ପାଣ୍ଡବାନାମନୀକିନୀମ୍।
କାଲ୍ଯମାନାଂ ରଣେ ତାତ ସିଂହନେବେତରାନ୍ମୃଗାନ୍॥ 7-174-47 (52995)
ଏଷ କର୍ଣୋ ମହେଷ୍ବାସୋ ମତିମାନ୍ଦୃଢବିକ୍ରମଃ।
ପାଣ୍ବାନାମନୀକେଷୁ ନିହନ୍ତି କ୍ଷତ୍ରିଯର୍ଷଭାନ୍॥ 7-174-48 (52996)
କିରନ୍ତଃ ଶରବର୍ଷାଣି ମହାନ୍ତି ଦୃଢଧନ୍ବିନଃ।
ନ ଶକ୍ନୁବନ୍ତ୍ଯବସ୍ଥାତୁଂ ପୀଡ୍ଯମାନାଃ ଶରାର୍ଚିଷା॥ 7-174-49 (52997)
ନିଶୀଥେ ସୂତପୁତ୍ରେଣ ଶରବର୍ଷେଣ ପୀଡିତାଃ।
ଏତେ ଦ୍ରବନ୍ତି ପାଞ୍ଚାଲାଃ ସିଂହେନେବାର୍ଦିତା ମୃଶାଃ॥ 7-174-50 (52998)
ଏତସ୍ଯୈବଂ ପ୍ରବୃଦ୍ଧସ୍ଯ ସୂତପୁତ୍ରସ୍ଯ ସଂଯୁଗେ।
ନିଷେଦ୍ଧା ବିଦ୍ଯତେ ନାନ୍ଯସ୍ତ୍ବାମୃତେ ଭୀମବିକ୍ରମ॥ 7-174-51 (52999)
ସ ତ୍ବଂ କୁରୁ ମହାବାହୋ କର୍ମ ଯୁକ୍ତମିହାତ୍ମନଃ।
ମାତୁଲାନାଂ ପିତୄଣାଂ ଚ ତେସଜୋଽସ୍ତ୍ରବଲସ୍ଯ ଚ॥ 7-174-52 (53000)
ଏତଦର୍ଥେ ହି ହୈଡିମ୍ବେ ପୁତ୍ରାନିଚ୍ଛନ୍ତି ମାନବାଃ।
କଥଂ ନସ୍ତାରଯେଦ୍ଦୁଃଖାତ୍ସ ତ୍ବଂ ତାରଯ ବାନ୍ଧବାନ୍॥ 7-174-53 (53001)
ଇଚ୍ଛନ୍ତି ପିତରଃ ପୁତ୍ରାନ୍ସ୍ବାର୍ଥହେତୋର୍ଘଟୋତ୍କଚ।
ହହଲୋକାତ୍ପରେ ଲୋକେ ତାରଯିଷ୍ଯନ୍ତି ଯେ ହିତାଃ॥ 7-174-54 (53002)
ତବ ହ୍ଯତ୍ର ବଲଂ ଭୀମଂ ମାଯାଶ୍ଚ ତବ ଦୁସ୍ତରାଃ।
ସଙ୍କ୍ରାମେ ଯୁଧ୍ଯମାନସ୍ଯ ସତତଂ ଭୀମନନ୍ଦନ॥ 7-174-55 (53003)
ପାଣ୍ଡବାନାଂ ପ୍ରଭଗ୍ନାନାଂ କର୍ଣେନ ନିଶି ସାଯକୈଃ।
ମଜ୍ଜତାଂ ଧାର୍ତରାଷ୍ଟ୍ରେଷୁ ଭବ ପାରଂ ପରନ୍ତପ॥ 7-174-56 (53004)
ରାତ୍ରୌ ହି ରାକ୍ଷସା ଭୂଯୋ ଭବନ୍ତ୍ଯମିତବିକ୍ରମାଃ।
ବଲବନ୍ତଃ ସୁଦୁର୍ଧର୍ଷାଃ ଶୂରା ବିକ୍ରାନ୍ତଚାରିଣଃ॥ 7-174-57 (53005)
ଜହି କର୍ଣଂ ହମେଷ୍ବାସଂ ନିଶୀଥେ ମାଯଯା ରଣେ।
ପାର୍ଥା ଦ୍ରୋଣଂ ବଧିଷ୍ଯନ୍ତି ଧୃଷ୍ଟଦ୍ଯୁମ୍ନପୁରୋଗମାଃ॥ 7-174-58 (53006)
ସଞ୍ଜଯ ଉବାଚ। 7-174-59x (4728)
କେଶବସ୍ଯ ବଚଃ ଶ୍ରୁତ୍ବା ବୀଭତ୍ସୁରପି ରାକ୍ଷସମ୍।
ଅଭ୍ଯଭାଷତ କୌରବ୍ଯ ଘଟୋତ୍କଚମରିନ୍ଦମମ୍॥ 7-174-59 (53007)
ଘଟୋତ୍କଚ ଭବାଂଶ୍ଚୈବ ଦୀର୍ଘବାହୁଶ୍ଚ ସାତ୍ଯକିଃ।
ମତୌ ମେ ସର୍ବସୈନ୍ଯେଷୁ ଭୀମସେନଶ୍ଚ ପାଣ୍ଡବଃ॥ 7-174-60 (53008)
ତଦ୍ଭବାନ୍ଯାତୁ କର୍ଣେନ ଦ୍ବୈରଥଂ ଯୁଧ୍ଯତାଂ ନିଶି।
ସାତ୍ଯକିଃ ପୃଷ୍ଠଗୋପସ୍ତେ ଭବିଷ୍ଯତି ମହାରଥଃ॥ 7-174-61 (53009)
ଜହି କର୍ଣଂ ରଣେ ଶୂରଂ ସାତ୍ବତେନ ସହାଯବାନ୍।
ଯଥେନ୍ଦ୍ରସ୍ତାରକଂ ପୂର୍ବଂ ସ୍କନ୍ଦେନ ସହ ଜଘ୍ନିବାନ୍॥ 7-174-62 (53010)
ଘଟୋତ୍କଚ ଉବାଚ। 7-174-63x (4729)
`ଏବମେବ ମହାବାହୋ ଯଥା ବଦସି ମାଂ ପ୍ରଭୋ।
ତ୍ବଯା ନିଯୁକ୍ତୋ ଗଚ୍ଛାମି କର୍ଣସ୍ଯ ବଧକାଙ୍କ୍ଷଯା'॥ 7-174-63 (53011)
ଅଲମେବାସ୍ମି କର୍ଣାଯ ଦ୍ରୋଣାଯାଲଂ ଚ ଭାରତ।
ଅନ୍ଯେଷାଂ କ୍ଷତ୍ରିଯାଣାଂ ଚ କୃତାସ୍ତ୍ରାଣାଂ ମହାତ୍ମନାମ୍॥ 7-174-64 (53012)
ଅଦ୍ଯ ଦାସ୍ଯାମି ସଙ୍ଗ୍ରାମଂ ସୂତପୁତ୍ରାଯ ତଂ ନିଶି।
ଯଂ ଜନାଃ ସମ୍ପ୍ରବକ୍ଷ୍ଯନ୍ତି ଯାବଦ୍ଭୂମିର୍ଧରିଷ୍ଯତି॥ 7-174-65 (53013)
ନ ଚାତ୍ର ଶୂରାନ୍ମୋକ୍ଷ୍ଯାମି ନ ଭୀତାନ୍ନ କୃତାଞ୍ଜଲୀନ୍।
ସର୍ବାନେବ ବଧିଷ୍ଯାମି ରାକ୍ଷସଂ ଧର୍ମମାସ୍ଥିତଃ॥ 7-174-66 (53014)
ସଞ୍ଜଯ ଉବାଚ। 7-174-67x (4730)
ଏବମୁକ୍ତ୍ବା ମହାବାହୁର୍ହୈଡିମ୍ବିଃ ପରବୀରହା।
ଅଭ୍ଯଯାତ୍ତୁମୁଲେ କର୍ଣଂ ତବ ସୈନ୍ଯଂ ବିଭୀଷଯନ୍॥ 7-174-67 (53015)
ତମାପତନ୍ତଂ ସଙ୍କ୍ରୁଦ୍ଧଂ ଦୀପ୍ତାସ୍ଯଂ ଦୀପ୍ତମୂର୍ଧଜମ୍।
ପ୍ରହସନ୍ପୁରୁଷବ୍ଯାଘ୍ରଃ ପ୍ରତିଜଗ୍ରାହ ସୂତଜଃ॥ 7-174-68 (53016)
ତଯୋଃ ସମଭବଦ୍ଯୁଦ୍ଧଂ କର୍ଣରାକ୍ଷସଯୋର୍ନିଶି।
ଗର୍ଜତୋ ରାଜଶାର୍ଦୂଲ ଶକ୍ରପ୍ରହ୍ଲାଦଯୋରିବ॥ ॥ 7-174-69 (53017)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ଚତୁଃସପ୍ତତ୍ଯଧିକଶତତମୋଽଧ୍ଯାଯଃ॥ 174 ॥
Mahabharata - Drona Parva - Chapter Footnotes
5-174-13 ଆଯସ୍ତଃ ପ୍ରଯତ୍ନବାନ୍॥ 5-174-174 ଚତୁଃସପ୍ତତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 175
॥ ଶ୍ରୀଃ ॥
7.175. ଅଧ୍ଯାଯଃ 175
Mahabharata - Drona Parva - Chapter Topics
ଘଟୋତ୍କଚେନ ଜଟାସୁରସୁତବଧଃ॥ 1 ॥Mahabharata - Drona Parva - Chapter Text
7-175-0 (53018)
ସଞ୍ଜଯ ଉବାଚ। 7-175-0x (4731)
ଦୃଷ୍ଟ୍ବା ଘଟୋତ୍କଚଂ ରାଜନ୍ସୂତପୁତ୍ରରଥଂ ପ୍ରତି।
ଆଯାନ୍ତଂ ତୁ ତଥାଯୁକ୍ତଂ ଜିଘାଂସୁଂ କର୍ଣମାହବେ।
ଅବ୍ରବୀତ୍ତତ୍ର ପୁତ୍ରସ୍ତେ ଦୁଃଶାସନମିଦଂ ବଚଃ॥ 7-175-1 (53019)
ଏତଦ୍ରକ୍ଷୋ ରଣେ ତୂର୍ଣଂ ଦୃଷ୍ଟ୍ବା କର୍ଣସ୍ଯ ବିକ୍ରମମ୍।
ଅଭିଯାତି ଦ୍ରୁତଂ କର୍ଣଂ ତଦ୍ବାରଯ ମହାରଥମ୍॥ 7-175-2 (53020)
ବୃତଃ ସୈନ୍ଯେନ ମହତା ଯାହି ଯତ୍ର ମହାବଲଃ।
କର୍ଣୋ ବୈକର୍ତନୋ ଯୁଦ୍ଧେ ରାକ୍ଷସେନ ଯୁଯୁତ୍ସତି॥ 7-175-3 (53021)
ରକ୍ଷ କର୍ଣଂ ରଣେ ଯତ୍ତୋ ବୃତଃ ସୈନ୍ଯେନ ମାନଦ।
ମା କର୍ଣଂ ରାକ୍ଷସୋ ଘୋରଃ ପ୍ରମାଦାନ୍ନାଶଯିଷ୍ଯତି॥ 7-175-4 (53022)
ଏତସ୍ମିନ୍ନନ୍ତରେ ରାଜଞ୍ଜଟାସୁରସୁତୋ ବଲୀ।
ଦୁର୍ଯୋଧନମୁପାଗମ୍ଯ ପ୍ରାହ ପ୍ରହରତାଂ ବରଃ॥ 7-175-5 (53023)
ଦୁର୍ଯୋଧନ ତବାମିତ୍ରାନ୍ପ୍ରଖ୍ଯାତାନ୍ଯୁଦ୍ଧଦୁର୍ମଦାନ୍।
ପାଣ୍ଡବାନ୍ହନ୍ତୁମିଚ୍ଛାମି ତ୍ବଯାଽଽଜ୍ଞପ୍ତଃ ସହାନୁଗାନ୍॥ 7-175-6 (53024)
ଜଟାସୁରୋ ମମ ପିତା ରକ୍ଷସାଂ ଗ୍ରାମଣୀଃ ପୁରା।
ପ୍ରଯୁଜ୍ଯ କର୍ମ ରକ୍ଷୋଘ୍ନଂ କ୍ଷୁଦ୍ରୈଃ ପାର୍ଥୈର୍ନିପାତିତଃ॥ 7-175-7 (53025)
ତସ୍ଯାପଚିତିମିଚ୍ଛାମି ଶତ୍ରୁଶୋଣିତପୂଜଯା।
ଶତ୍ରୁମାଂସୈଶ୍ଚ ରାଜେନ୍ଦ୍ର ମାମନୁଜ୍ଞାତୁମର୍ହସି॥ 7-175-8 (53026)
ତମବ୍ରବୀତ୍ତତୋ ରାଜା ପ୍ରୀଯମାଣଃ ପୁନଃପୁନଃ।
ଦ୍ରୋଣକର୍ମାଦିଭିଃ ସାର୍ଧଂ ପର୍ଯାପ୍ତୋଽହଂ ଦ୍ବିଷଦ୍ବଧେ॥ 7-175-9 (53027)
ତ୍ବଂ ତୁ ଗଚ୍ଛ ମଯାଽଽଜ୍ଞପ୍ତୋ ଜହି ଯୁଦ୍ଧେ ଘଟୋତ୍କଚମ୍।
ରାକ୍ଷସଂ କ୍ରୂରକର୍ମାଣଂ ରକ୍ଷୋମାନୁଷସମ୍ଭବମ୍॥ 7-175-10 (53028)
ପାଣ୍ଡବାନାଂ ହିତଂ ନିତ୍ଯଂ ହସ୍ତ୍ଯଶ୍ବରଥଘାତିନମ୍।
ବୈହାଯସଗତଂ ଯୁଦ୍ଧେ ପ୍ରେଷଯେର୍ଯମସାଦନମ୍॥ 7-175-11 (53029)
ତଥେତ୍ଯୁକ୍ତ୍ବା ମହାକାଯଃ ସମାହୂଯ ଘଟୋତ୍କଚମ୍।
ଜାଟାସୁରିର୍ଭୈମସେନିଂ ନାନାଶସ୍ତ୍ରୈରବାକିରତ୍॥ 7-175-12 (53030)
ଅଲମ୍ବଲଂ ଚ କର୍ଣଂ ଚ କୁରୁସୈନ୍ଯଂ ଚ ଦୁସ୍ତରମ୍।
ହୈଡିମ୍ବିଃ ପ୍ରମମାଥୈକୋ ମହାବାତୋମ୍ବୁଦାନିବ॥ 7-175-13 (53031)
ତତୋ ମାଯାବଲଂ ଦୃଷ୍ଟ୍ବା ରକ୍ଷସ୍ତୂର୍ଣମଲମ୍ବଲଃ।
ଘଟୋତ୍କଚଂ ଶରବ୍ରାତୈର୍ନାନାଲିଙ୍ଗୈଃ ସମାର୍ପଯତ୍॥ 7-175-14 (53032)
ବିଦ୍ଧା ଚ ବହୁଭିର୍ବାଣୈର୍ଭୈମସେନିଂ ମହାବଲଃ।
ବ୍ଯଦ୍ରାବଯଚ୍ଛରବ୍ରାତୈଃ ପାଣ୍ଡବାନାମନୀକିନୀମ୍॥ 7-175-15 (53033)
ତେନ ବିଦ୍ରାବ୍ଯମାଣାନି ପାଣ୍ଡୁସୈନ୍ଯାନି ଭାରତ।
ନିଶୀଥେ ବିପ୍ରକୀର୍ଯନ୍ତେ ବାତନୁନ୍ନା ଘନା ଇବ॥ 7-175-16 (53034)
ଘଟୋତ୍କଚଶରୈର୍ନୁନ୍ନା ତଥୈବ ତବ ବାହିନୀ।
ନିଶୀଥେ ପ୍ରାଦ୍ରବଦ୍ରାଜନ୍ନୁତ୍ସୃଜ୍ଯୋଲ୍କାଃ ସହସ୍ରଶଃ॥ 7-175-17 (53035)
ଅଲମ୍ବଲସ୍ତତଃ କ୍ରୁଦ୍ଧୋ ଭୈମସେନିଂ ମହାମୃଧେ।
ଆଜଘ୍ନେ ଦଶଭିର୍ବାଣୈସ୍ତୋତ୍ରୈରିବ ମହାଦ୍ବିପମ୍॥ 7-175-18 (53036)
ତିxଶସ୍ତସ୍ଯ ସଂବାହଂ ସୂତଂ ସର୍ବାଯୁଧାନି ଚ।
ଘଟୋତ୍କଚଃ ପ୍ରଚିଚ୍ଛେଦ ପ୍ରଣଦଂଶ୍ଚାତିଦାରୁଣମ୍॥ 7-175-19 (53037)
ତତଃ କର୍ଣଂ ଶରବ୍ରାତୈଃ କୁରୂନନ୍ଯାନ୍ସହସ୍ରଶଃ।
ଅଲମ୍ବଲଂ ଚାଭ୍ଯବର୍ଷନ୍ମେଘୋ ମେରୁମିବାଚଲମ୍॥ 7-175-20 (53038)
ତତଃ ସଞ୍ଚୁକ୍ଷୁଭେ ସୈନ୍ଯଂ କୁରୂଣାଂ ରାକ୍ଷସାର୍ଦିତମ୍।
ଉପର୍ଯୁପରି ଚାନ୍ଯୋନ୍ଯଂ ଚତୁରଙ୍ଗଂ ମମର୍ଦ ହ॥ 7-175-21 (53039)
ଜାଟାସୁରିର୍ମହାରାଜ ବିରଥୋ ହତସାରଥିଃ।
ଘଟୋତ୍କଚଂ ରଣେ କ୍ରୁଦ୍ଧୋ ମୁଷ୍ଟିନାଽଭ୍ଯହନଦ୍ଦୃଢମ୍॥ 7-175-22 (53040)
ମୁଷ୍ଟିନାଽଭ୍ଯାହତସ୍ତେନ ପ୍ରଚଚାଲ ଘଟୋତ୍କଚଃ।
କ୍ଷିତିକମ୍ପେ ଯଥା ଶୈଲଃ ସବୃକ୍ଷସ୍ତୃଣଗୁଲ୍ମବାନ୍॥ 7-175-23 (53041)
ତତଃ ସ ପରିଘାଭେନ ଦ୍ବିଟ୍ସଙ୍ଘଘ୍ନେନ ବାହୁନା।
ଜାଟାସୁରିଂ ଭୈମସେନିରବଧୀନ୍ମୁଷ୍ଟିନା ଭୃଶମ୍॥ 7-175-24 (53042)
ତଂ ପ୍ରମଥ୍ଯ ତତଃ କ୍ରୁଦ୍ଧସ୍ତୂର୍ଣଂ ହୈଡିମ୍ବିରାକ୍ଷିପତ୍।
ଦୋର୍ଭ୍ଯାମିନ୍ଦ୍ରଧ୍ବଜାଭାଭ୍ଯାଂ ନିଷ୍ପିପେଷ ଚ ଭୂତଲେ॥ 7-175-25 (53043)
ଜାଟାସୁରିର୍ମୋକ୍ଷଯିତ୍ବା ଆତ୍ମାନଂ ଚ ଘଟୋତ୍କଚାତ୍।
ପୁନରୁତ୍ଥାଯ ବେଗେନ ଘଟୋତ୍କଚମୁପାଦ୍ରାବତ୍॥ 7-175-26 (53044)
ଅଲମ୍ବଲୋଽପି ବିକ୍ଷିପ୍ଯ ସମୁତ୍କ୍ଷିପ୍ଯ ଚ ରାକ୍ଷସମ୍।
ଘଟୋତ୍କଚଂ ରଣେ ରୋଷାନ୍ନିଷ୍ପିପେଷ ଚ ଭୂତଲେ॥ 7-175-27 (53045)
ତଯୋ ସମଭବଦ୍ଯୁଦ୍ଧଂ ଗର୍ଜତୋରତିକାଯଯୋଃ।
ଘଟୋତ୍କଚାଲମ୍ବଲଯୋସ୍ତୁମୁଲଂ ରୋମହର୍ଷଣମ୍॥ 7-175-28 (53046)
ବିଶେଷଯନ୍ତାବନ୍ଯୋନ୍ଯଂ ମାଯାଭିରତିମାଯିନୌ।
ଯୁଯୁଧାତେ ମହାବୀର୍ଯାବିନ୍ଦ୍ରବୈରୋଚନାବିବ॥ 7-175-29 (53047)
ପାବକାମ୍ବୁନିଧୀ ଭୂତ୍ବା ପୁନର୍ଗରୁଡତକ୍ଷକୌ।
ପୁନର୍ମେଘମହାବତ୍ତୌ ପୁନର୍ବଜ୍ରମହାଚଲୌ॥ 7-175-30 (53048)
ପୁନଃ କୁଞ୍ଜରଶାର୍ଦୂଲୌ ପୁନଃ ସ୍ବର୍ଭାନୁଭାସ୍କରୌ।
ଏବଂ ମାଯାଶତସୃଜାବନ୍ଯୋନ୍ଯବଧକାଙ୍କ୍ଷିଣୌ।
ଭୃଶଂ ଚିତ୍ରମଯୁଧ୍ଯେତାମଲମ୍ବଲଘଟୋତ୍କଚୌ॥ 7-175-31 (53049)
ପରିଘୈଶ୍ଚ ଗଦାଭିଶ୍ଚ ପ୍ରାସମୁଦ୍ରରପଟ୍ଟସୈଃ।
ମୁସଲୈଃ ପର୍ବତାଗ୍ରୈଶ୍ଚ ତାବନ୍ଯୋନ୍ଯଂ ବିଜଘ୍ନତୁଃ॥ 7-175-32 (53050)
ହଯାଭ୍ଯାଂ ଚ ଗଜାଭ୍ଯାଂ ଚ ରଥାଭ୍ଯାଂ ଚ ପଦାତିଭିଃ।
ଯୁଯୁଧାତେ ମହାମାଯୌ ରାକ୍ଷସପ୍ରବରୌ ଯୁଧି॥ 7-175-33 (53051)
ତତୋ ଘଟୋତ୍କଚୋ ରାଜନ୍ନଲମ୍ବଲବଧେପ୍ସଯା।
ଉତ୍ପତାତ ଭୃଶଂ କ୍ରୁଦ୍ଧଃ ଶ୍ଯେନବନ୍ନିପପାତ ଚ॥ 7-175-34 (53052)
ଗୃହୀତ୍ବା ଚ ମହାକାଯଂ ରାକ୍ଷସେନ୍ଦ୍ରମଲମ୍ବଲମ୍।
ଉଦ୍ଯମ୍ଯ ନ୍ଯବଧୀଦ୍ଭୂମୌ ମଯଂ ବିଷ୍ଣୁରିବାହବେ॥ 7-175-35 (53053)
ତତୋ ଘଟୋତ୍କଚଃ ଖଙ୍ଗମୁଦ୍ବୃତ୍ଯାଦ୍ଭୁତଦର୍ଶନମ୍।
ରୌଦ୍ରସ୍ଯ କାଯାଦ୍ବି ଶିରୋ ଭୀମଂ ବିକୃତଦର୍ଶନମ୍॥ 7-175-36 (53054)
ସ୍ଫୁରତସ୍ତସ୍ଯ ସମରେ ନଦତଶ୍ଚାତିଭୈରବମ୍।
ନିଚକର୍ତ ମହାରାଜ ଶତ୍ରୋମିତବିକ୍ରମଃ॥ 7-175-37 (53055)
ଶିରସ୍ତଚ୍ଚାପି ସଙ୍ଗୃହ୍ଯ କେଶେଷୁ ରୁଧିରୋକ୍ଷିତମ୍।
ଯଯୌ ଘଟୋତ୍କଚସ୍ତୂର୍ଣଂ ଦୁର୍ଯୋଧନରଥଂ ପ୍ରତି॥ 7-175-38 (53056)
`ଦ୍ରୋଣକର୍ଣକୃପାନ୍ଯୋଧାନତୀତ୍ଯ ସୁମହାବଲଃ'।
ଅଭ୍ଯେତ୍ଯ ଚ ମହାବାହୁଃ ସ୍ମଯମାନଃ ସ ରାକ୍ଷସଃ॥ 7-175-39 (53057)
ଶିରୋ ରଥେଽସ୍ଯ ନିକ୍ଷିପ୍ଯ ବିକୃତାନନମୂର୍ଧଜମ୍।
ପ୍ରାଣଦଦ୍ଭୈରବଂ ନାଦଂ ପ୍ରାବୃଷୀବ ବଲାହକଃ॥ 7-175-40 (53058)
ଅବ୍ରବୀଚ୍ଚ ତତୋ ରାଜନ୍ଦୁର୍ଯୋଧନମିଦଂ ବଚଃ॥ 7-175-41 (53059)
ଏଷ ତେ ନିହତୋ ବନ୍ଧୁସ୍ତ୍ବଯା ଦୃଷ୍ଟୋଽସ୍ଯ ବିକ୍ରମଃ।
ପୁନର୍ଦ୍ରଷ୍ଟାସି କର୍ଣସ୍ଯ ନିଷ୍ଠାମେତାଂ ତଥାଽଽତ୍ମନଃ॥ 7-175-42 (53060)
ସ୍ବଧର୍ମମର୍ଥଂ କାମଂ ଚ ତ୍ରିତଯଂ ଯୋଽଭିବାଞ୍ଛତି।
ରିକ୍ତପାଣିର୍ନ ପଶ୍ଯେତ ରାଜାନଂ ବ୍ରାହ୍ମଣଂ ସ୍ତ୍ରିଯମ୍।
ତିଷ୍ଠସ୍ବ ତାବତ୍ସୁପ୍ରୀତୋ ଯାବତ୍କର୍ଣଂ ବଧାମ୍ଯହମ୍॥ 7-175-43 (53061)
ସଞ୍ଜଯ ଉବାଚ। 7-175-44x (4732)
ଏବମୁକ୍ତ୍ବା ତତଃ ପ୍ରାଯାତ୍କର୍ଣଂ ପ୍ରତି ନରେଶ୍ବରଃ।
କିରଞ୍ଛରଗଣାଂସ୍ତୀକ୍ଷ୍ଣାନ୍ରୁଷିତୋ ରଣମୂର୍ଧନି॥ 7-175-44 (53062)
ତତଃ ସମଭବଦ୍ଯୁଦ୍ଧଂ ଘୋରରୂପଂ ଭଯାନକମ୍।
ବିସ୍ମାପନଂ ମହାରାଜ ନରରାକ୍ଷସଯୋର୍ମୃଧେ॥ ॥ 7-175-45 (53063)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ପଞ୍ଚସପ୍ତତ୍ଯଧିକଶତତମୋଽଧ୍ଯାଯଃ॥ 175 ॥
Mahabharata - Drona Parva - Chapter Footnotes
5-175-8 ଅପଚିନିଂ ନିଷ୍କୃତିମ୍॥ 5-175-42 ନିଷ୍ଠାଂ ନାଶମ୍॥ 5-175-175 ପଞ୍ଚସପ୍ତତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 176
॥ ଶ୍ରୀଃ ॥
7.176. ଅଧ୍ଯାଯଃ 176
Mahabharata - Drona Parva - Chapter Topics
କର୍ଣଘଟୋତ୍କଚଯୋର୍ଯୁଦ୍ଧମ୍॥ 1 ॥Mahabharata - Drona Parva - Chapter Text
7-176-0 (53064)
ଧୃତରାଷ୍ଟ୍ର ଉବାଚ। 7-176-0x (4733)
ଯତ୍ତଦ୍ବୈକର୍ତନଃ କର୍ଣୋ ରାକ୍ଷସଶ୍ଚ ଘଟୋତ୍କଚଃ।
ନିଶୀଥେ ସମସଜ୍ଜେତାଂ ତଦ୍ଯୁଦ୍ଧମଭବତ୍କଥମ୍॥ 7-176-1 (53065)
କୀଦୃଶଂ ଚାଭବଦ୍ରୂପଂ ତସ୍ଯ ଘୋରସ୍ଯ ରକ୍ଷସଃ।
ଯେନ ବୈକର୍ତନଃ କର୍ଣଃ ସଙ୍ଗ୍ରାମେ ତେନ ନିର୍ଜିତଃ॥ 7-176-2 (53066)
ରଥଶ୍ଚ କୀଦୃଶସ୍ତସ୍ଯ ମାଯାଃ ସର୍ବାଯୁଧାନି ଚ।
କିମ୍ପ୍ରମାଣା ହଯାସ୍ତସ୍ଯ ରଥକେତୁର୍ଧନୁସ୍ତଥା॥ 7-176-3 (53067)
କୀଦୃଶଂ ବର୍ମ ଚୈବାସ୍ଯ ଶିରସ୍ତ୍ରାଣଂ ଚ କୀଦୃଶମ୍।
ପୃଷ୍ଟସ୍ତ୍ବମେତଦାଚକ୍ଷ୍ବ କୁଶଲୋ ହ୍ଯସି ସଞ୍ଜଯ॥ 7-176-4 (53068)
ସଞ୍ଜଯ ଉବାଚ। 7-176-5x (4734)
ଲୋହିତୋକ୍ଷୋ ମହାକାଯସ୍ତାମ୍ରାସ୍ଯୋ ନିମ୍ନିତୋଦରଃ।
ଊର୍ଧ୍ବରୋମା ହରିଶ୍ମଶ୍ରୁଃ ଶଙ୍କୁକର୍ଣୋ ମହାହନୁଃ॥ 7-176-5 (53069)
ଆକର୍ଣଦାରିତାସ୍ଯଶ୍ଚ ତୀକ୍ଷ୍ଣଦଂଷ୍ଟ୍ରଃ କରାଲବାନ୍।
ସୁଦୀର୍ଘତାମ୍ରଜିହ୍ବୋଷ୍ଠୋ ଲମ୍ବଭ୍ରୂଃ ସ୍ଥୂଲନାସିକଃ॥ 7-176-6 (53070)
ନୀଲାଙ୍ଗୋ ଲୋହିତଗ୍ରୀବୋ ଗିରିବର୍ଷ୍ମା ଭଯଙ୍କରଃ।
ମହାକାଯୋ ମହାବାହୁର୍ମହାଶୀର୍ଷୋ ମହାବଲଃ॥ 7-176-7 (53071)
ବିକୃତଃ ପରୁଷସ୍ପର୍ଶୋ ବିକଚୋଦ୍ବୃଦ୍ଧପିଣ୍ଡକଃ।
ସ୍ଥୂଲସ୍ଫିଗ୍ଗୂଢନାଭିଶ୍ଚ ଶିଥିଲୋପଚଯୋ ମହାନ୍॥ 7-176-8 (53072)
ତଥୈବ ହସ୍ତାଭରଣୀ ମହାମାଯୋଽଙ୍ଗଦୀ ତଥା।
ଉରସାଽଧାରଯନ୍ନିଷ୍କମଗ୍ନିମାଲାଂ ଯଥାଽଚଲଃ॥ 7-176-9 (53073)
ତସ୍ଯ ହେମମଯଂ ଚିତ୍ରଂ ବହୁରୂପାଙ୍ଗଶଭିତମ୍।
ତୋରଣପ୍ରତିମଂ ଶୁଭ୍ରଂ କିରୀଟଂ ମୂର୍ଧ୍ନ୍ଯଶୋଭତ॥ 7-176-10 (53074)
କୁଣ୍ଡଲେ ବାଲସୂର୍ଯାଭେ ମାଲାଂ ହେମମଯୀଂ ଶୁଭାମ୍।
ଧାରଯନ୍ବିପୁଲଂ କାଂସ୍ଯଂ କବଚଂ ଚ ମହାପ୍ରଭମ୍।
ତାରାଜାଲନିଭଂ ରାଜନ୍ପୂର୍ଣଚନ୍ଦ୍ରସମପ୍ରଭମ୍॥ 7-176-11 (53075)
କଣ୍ଠସୂତ୍ରଂ ମହଚ୍ଚାପି ତପନୀଯମଧାରଯତ୍।
ସ ତେନ ବିଭ୍ରାଜତ ବୈ ସବିଦ୍ଯୁଦିବ ତୋଯଦଃ॥ 7-176-12 (53076)
କିଙ୍କିଣୀଶତନିର୍ଘୋପଂ ରକ୍ତଧ୍ବଜପତାକିନମ୍।
ଋକ୍ଷଚର୍ମାବନଦ୍ବାଙ୍ଗଂ ନଲ୍ବମାତ୍ରଂ ମହାରଥମ୍॥ 7-176-13 (53077)
ସର୍ବାଯୁଧବରୋପେତମାସ୍ଥିତଂ ଧ୍ବଜମାଲିନମ୍।
ଅଷ୍ଟଚକ୍ରସମାଯୁକ୍ତଂ ମେଘଗମ୍ଭୀରନିଃସ୍ବନମ୍॥ 7-176-14 (53078)
ମତ୍ତମାତଙ୍ଗସଙ୍କାଶା ଲୋହିତାକ୍ଷା ବିଭୀପଣାଃ।
କାଲବର୍ଣାସମାଯୁକ୍ତା ବଲବନ୍ତଃ ଶତଂ ହଯାଃ॥ 7-176-15 (53079)
ବହନ୍ତୋ ରାକ୍ଷସଂ ଘୋରଂ ବାଲବନ୍ତୋ ଜିତଶ୍ରମାଃ।
ବିପୁଲାଭିଃ ସଟାଭିସ୍ତେ ହେଷମାଣା ମୁହୁର୍ମୁହୁଃ॥ 7-176-16 (53080)
ମୁଖୈର୍ନାନାବିଧାକାରୈର୍ବଗବନ୍ତୋ ହଯୋତ୍ତମାଃ।
ରଥେଽସ୍ଯ ଯୁକ୍ତା ଗକର୍ଜନ୍ତୋଽବହଂସ୍ତେ ରାକ୍ଷସାଧିପମ୍॥ 7-176-17 (53081)
ରାକ୍ଷସୋଽସ୍ଯ ବିରୂପାକ୍ଷଃ ସୂତୋ ଦୀପ୍ତାସ୍ଯକୁଣ୍ଡଲଃ।
`ଘୋରରୂପୋ ମହାକାଯଃ କରାଲୋ ବିକୃତାନନଃ'।
ରଶ୍ମିଭିଃ ସୂର୍ଯରଶ୍ମ୍ଯାହ୍ବୈଃ ସଞ୍ଜଗ୍ରାହ ହଯାନ୍ରଣେ॥ 7-176-18 (53082)
ସ ତେନ ସହିତସ୍ତସ୍ଥାବରୁଣେନ ଯଥା ରବିଃ।
ସଂସକ୍ତ ଇବ ଚାଭ୍ରେଣ ଯଥାଽଦ୍ରିର୍ମହତା ମହାନ୍॥ 7-176-19 (53083)
ଦିବସ୍ପୃକ୍ସୁମହାନ୍କେତୁଃ ସ୍ଯନ୍ଦନେଽସ୍ଯ ସମୁଚ୍ଛ୍ରିତଃ।
ରକ୍ତୋତ୍ତମାଙ୍ଗଃ କ୍ରବ୍ଯାଦୋ ଗୃଧ୍ରଃ ପରମଭୀଷଣଃ॥ 7-176-20 (53084)
ବାସବାଶନିନିର୍ଘୋଷଂ ଦୃଢଜ୍ଯମତିବିକ୍ଷିପନ୍।
ବ୍ଯକ୍ତଂ କିଷ୍କୁପରୀଣାହଂ ଦ୍ବାଦଶାରତ୍ନି କାର୍ମୁକମ୍॥ 7-176-21 (53085)
ରଥାକ୍ଷମାତ୍ରୈରିପୁଭିଃ ସର୍ବାଃ ପ୍ରଚ୍ଛାଦଯନ୍ଦିଶଃ।
ତସ୍ଯାଂ ବୀରାପହାରିଣ୍ଯାଂ ନିଶାଯାଂ କର୍ଣମଭ୍ଯଯାତ୍॥ 7-176-22 (53086)
ତସ୍ଯ ବିକ୍ଷିପତଶ୍ଚାପଂ ରଥେ ବିଷ୍ଟଭ୍ଯ ତିଷ୍ଠତଃ।
ଅଶ୍ରୂଯତ ଧନୁର୍ଘୋଷୋ ବିସ୍ଫୂର୍ଜିତମିବାଶନେଃ॥ 7-176-23 (53087)
ତେନ ବିତ୍ରାସ୍ଯମାନାନି ତବ ସୈନ୍ଯାନି ଭାରତ।
ସମକମ୍ପନ୍ତ ସର୍ବାଣି ସିନ୍ଧୋରିବ ମହୋର୍ମଯଃ॥ 7-176-24 (53088)
ତମାପତନ୍ତଂ ସମ୍ପ୍ରେକ୍ଷ୍ଯ ବିରୂପାକ୍ଷଂ ବିଭୀଷଣମ୍।
ଉତ୍ସ୍ମଯନ୍ନିବ ରାଧେଯସ୍ତ୍ବରମାଣୋଽଭ୍ଯବାରଯତ୍॥ 7-176-25 (53089)
ତତଃ କର୍ଣୋଽଭ୍ଯଯାଦେନମସ୍ଯନ୍ନସ୍ଯନ୍ତମନ୍ତିକାତ୍।
ମାତଙ୍ଗ ଇବ ମାତଙ୍ଗଂ ଯୂଥର୍ଷଭମିବର୍ଷଭଃ॥ 7-176-26 (53090)
ସ ସନ୍ନିପାତସ୍ତୁମୁଲସ୍ତଯୋରାସୀଦ୍ବିଶାମ୍ପତେ।
କର୍ଣରାକ୍ଷସଯୋ ରାଜନ୍ନିନ୍ଦ୍ରଶମ୍ବରଯୋରିବ॥ 7-176-27 (53091)
ତୌ ପ୍ରଗୃହ୍ଯ ମହାବେଗେ ଧନୁଷୀ ଭୀମନିଃସ୍ବନେ।
ପ୍ରାଚ୍ଛାଦଯେତାମନ୍ଯୋନ୍ଯଂ ତକ୍ଷମାଣୌ ମହେଷୁଭିଃ॥ 7-176-28 (53092)
ତତଃ ପୂର୍ଣାଯତୋତ୍ସୃଷ୍ଟୈରିଷୁଭିର୍ନତପର୍ବଭିଃ।
ନ୍ଯବାରଯେତାମନ୍ଯୋନ୍ଯଂ କାଂସ୍ଯେ ନିର୍ଭିଦ୍ଯ ବର୍ମଣୀ॥ 7-176-29 (53093)
ତୌ ନଖୈରିବ ଶାର୍ଦୂଲୌ ଦନ୍ତୈରିବ ମହାଦ୍ବିପୌ।
ରଥଶକ୍ତିଭିରନ୍ଯୋନ୍ଯଂ ବିଶିଖୈଶ୍ଚ ତତକ୍ଷତୁଃ॥ 7-176-30 (53094)
ସଞ୍ଛିନ୍ଦନ୍ତୌ ଚ ଗାତ୍ରାଣି ସନ୍ଦଧାନୌ ଚ ସାଯକାନ୍।
ଦହନ୍ତୌ ଚ ଶରୋଲ୍କାଭିର୍ଦୁଷ୍ପ୍ରେକ୍ଷ୍ଯୌ ଚ ବଭୂବତୁଃ॥ 7-176-31 (53095)
ତୌ ତୁ ବିକ୍ଷତସର୍ବାଙ୍ଗୌ ରୁଧିରୌଘପରିପ୍ଲୁତୌ।
ବିଭ୍ରାଜେତାଂ ଯଥା ବାରି ସ୍ରବନ୍ତୌ ଗୈରିକାଚଲୌ॥ 7-176-32 (53096)
ତୌ ଶରାଗ୍ରବିନୁନ୍ନାଙ୍ଗୌ ନିର୍ଭିନ୍ଦନ୍ତୌ ପରସ୍ପରମ୍।
ନାକମ୍ପଯେତାମନ୍ଯୋନ୍ଯଂ ଯତମାନୌ ମହାଦ୍ଯୁତୀ॥ 7-176-33 (53097)
ତତ୍ପ୍ରବୃତ୍ତଂ ନିଶାଯୁଦ୍ଧଂ ଚିରଂ ସମମିବାଭବତ୍।
ପ୍ରାଣଯୋର୍ଦୀବ୍ଯତୋ ରାଜନ୍କର୍ଣରାକ୍ଷସଯୋର୍ମୃଧେ॥ 7-176-34 (53098)
ତସ୍ଯ ସନ୍ଦଧତସ୍ତୀକ୍ଷ୍ଣାଞ୍ଛରାଂଶ୍ଚାସକ୍ତମସ୍ଯତଃ।
ଧନୁର୍ଘୋଷେଣ ବିତ୍ରସ୍ତାଃ ସ୍ବେ ପରେ ଚ ତଦାଽଭବନ୍॥ 7-176-35 (53099)
ଘଟୋତ୍କଚଂ ଯଦା କର୍ଣୋ ବିଶେଷଯତି ନୋ ନୃପ।
ତତଃ ପ୍ରାଦୁଷ୍କରୋଦ୍ଦିବ୍ଯମସ୍ତ୍ରମସ୍ତ୍ରବିଦାଂ ବରଃ॥ 7-176-36 (53100)
କର୍ଣେନ ସନ୍ଧିତଂ ଦୃଷ୍ଟ୍ବା ଦିବ୍ଯମସ୍ତ୍ରଂ ଘଟୋତ୍କଚଃ।
ପ୍ରାଦୁଶ୍ଚକ୍ରେ ମହାମାଯାଂ ରାକ୍ଷସୀଂ ପାଣ୍ଡୁନନ୍ଦନଃ॥ 7-176-37 (53101)
ଶୂଲମୁଦ୍ଗରଧାରିଣ୍ଯା ଶୈଲପାଦପହସ୍ତଯା।
ରକ୍ଷସାଂ ଘୋରରୂପାଣାଂ ମହତ୍ଯା ସେନଯା ବୃତଃ॥ 7-176-38 (53102)
ତମୁଦ୍ଯତମହାଚାପଂ ଦୃଷ୍ଟ୍ବା ତେ ବ୍ଯଥିତା ନୃପାଃ।
ଭୂତାନ୍ତକମିବାଯାନ୍ତଂ କାଲଦଣ୍ଡୋଗ୍ରଧାରିଣମ୍॥ 7-176-39 (53103)
ଘଟୋତ୍କଚପ୍ରଯୁକ୍ତେନ ସିଂହନାଦେନ ଭୀଷିତାଃ।
ପ୍ରସୁସ୍ରୁବୁର୍ଗଜା ମୂତ୍ରଂ ବିବ୍ଯଧୁଶ୍ଚ ନରା ଭୃଶମ୍॥ 7-176-40 (53104)
ତତୋଽଶ୍ମବୃଷ୍ଟିରତ୍ଯୁଗ୍ରା ମହତ୍ଯାସୀତ୍ସମନ୍ତତଃ।
ଅର୍ଧରାତ୍ରେଽଧିକବଲୈର୍ବିମୁକ୍ତା ରକ୍ଷସାଂ ବଲୈଃ॥ 7-176-41 (53105)
ଆଯସାନି ଚ ଚକ୍ରାଣି ଭୁଶୁଣ଼୍ଡ୍ଯଃ ଶକ୍ତିତୋମରାଃ।
ପତନ୍ତ୍ଯବିରଲାଃ ଶୂଲାଃ ଶତଘ୍ନ୍ଯଃ ପଟ୍ଟସାସ୍ତଥା॥ 7-176-42 (53106)
ତଦୁଗ୍ରମତିରୌଦ୍ରଂ ଚ ଦୃଷ୍ଟ୍ବା ଯୁଦ୍ଧଂ ନରାଧିପ।
ପୁତ୍ରାଶ୍ଚ ତବ ଯୋଧାଶ୍ଚ ବ୍ଯଥିତା ବିପ୍ରଦୁଦ୍ରୁବୁଃ॥ 7-176-43 (53107)
ତତ୍ରୈକୋଽସ୍ତବଲଶ୍ଲାଘୀ କର୍ଣୋ ମାନୀ ନ ବିବ୍ଯଥେ।
ବ୍ଯଧମଚ୍ଚ ଶରୈର୍ମାଯାଂ ତାଂ ଘଟୋତ୍କଚନିର୍ମିତାମ୍॥ 7-176-44 (53108)
ମାଯାଯାଂ ତୁ ପ୍ରହୀଣାଯାମମର୍ଷାଚ୍ଚ ଘଟୋତ୍କଚଃ।
ବିସସର୍ଜ ଶରାନ୍ଧୋରାନ୍ସୂତ ପୁତ୍ରଂ ତ ଆବିଶନ୍॥ 7-176-45 (53109)
ତତସ୍ତେ ରୁଧିରାଭ୍ଯକ୍ତା ଭିତ୍ତ୍ବା କର୍ଣଂ ମହାହବେ।
ବିବିଶୁର୍ଧରଣୀଂ ବାଣାଃ ସଙ୍କ୍ରୁଦ୍ଧା ଇବ ପନ୍ନଗାଃ॥ 7-176-46 (53110)
ସୂତପୁତ୍ରସ୍ତୁ ସଙ୍କ୍ରଦ୍ଧୋ ଲଘୁହସ୍ତଃ ପ୍ରତାପବାନ୍।
ଘଟୋତ୍କଚମତିକ୍ରମ୍ଯ ବିଭେଦ ଦଶଭିଃ ଶରୈଃ॥ 7-176-47 (53111)
ଘଟୋତ୍କଚୋ ବିନିର୍ଭିନ୍ନଃ ସୂତପୁତ୍ରେଣ ମର୍ମସୁ।
ଚକ୍ରଂ ଦିବ୍ଯଂ ସହସ୍ରାରମଗୃହ୍ଣାଦ୍ବ୍ଯଥିତୋ ଭୃଶମ୍॥ 7-176-48 (53112)
କ୍ଷୁରାନ୍ତଂ ବାଲସୂର୍ଯାଭଂ ମଣିରତ୍ନବିଭୂଷିତମ୍।
ଚିକ୍ଷେପାଧିରଥେଃ କ୍ରୁଦ୍ଧୋ ଭୈମସେନିର୍ଜିଘାଂସଯା॥ 7-176-49 (53113)
ପ୍ରବିଦ୍ବମତିବେଗେନ ବିକ୍ଷିପ୍ତଂ କର୍ଣସାଯକୈଃ।
ଅଭାଗ୍ଯସ୍ଯେବ ସଙ୍କଲ୍ପସ୍ତନ୍ମୋଘମପତଦ୍ଭୁବି॥ 7-176-50 (53114)
ଘଟୋତ୍କଚସ୍ତୁ ସଙ୍କ୍ରୁଦ୍ଧୋ ଦୃଷ୍ଟ୍ବା ଚକ୍ରଂ ନିପାତିତମ୍।
କର୍ଣଂ ପ୍ରାଚ୍ଛାଦଯଦ୍ବାଣୈଃ ସ୍ବର୍ଭାନୁରିବ ଭାସ୍କରମ୍॥ 7-176-51 (53115)
ସୂତପୁତ୍ରସ୍ତ୍ବସମ୍ଭ୍ରାନ୍ତୋ ରୁଦ୍ରୋପେନ୍ଦ୍ରେନ୍ଦ୍ରବିକ୍ରମଃ।
ଘଟୋତ୍କଚରଥଂ ତୂର୍ଣଂ ଛାଦଯାମାସ ପତ୍ରିଭିଃ॥ 7-176-52 (53116)
ଘଟୋତ୍କଚେନ କ୍ରୁଦ୍ଧେନ ଗଦା ହେମାଙ୍ଗଦା ତଦା।
କ୍ଷିପ୍ତା ଭ୍ରାମ୍ଯ ଶରୈଃ ସାଽପି କର୍ଣେନାଭ୍ଯାହତାଽପତତ୍॥ 7-176-53 (53117)
ତତୋଽନ୍ତରିକ୍ଷମୁତ୍ପତ୍ଯ କାଲମେଘ ଇବୋନ୍ନଦନ୍।
ପ୍ରବବର୍ଷ ମହାକାଯୋ ଦ୍ରୁମବର୍ଷଂ ନଭସ୍ତଲାତ୍॥ 7-176-54 (53118)
ତତୋ ମାଯାବିନଂ କର୍ଣୋ ଭୀମସେନସୁତଂ ଦିବି।
ମାର୍ଗଣୈରଭିବିବ୍ଯାଧ ଘନଂ ସୂର୍ଯ ଇବାଂଶୁଭିଃ॥ 7-176-55 (53119)
ତସ୍ଯ ସର୍ବାନ୍ହଯାନ୍ହତ୍ବା ସଞ୍ଛିଦ୍ଯ ଶତଧା ରଥମ୍।
ଅଭ୍ଯବର୍ଷଚ୍ଛରୈଃ କର୍ଣଃ ପର୍ଜନ୍ଯ ଇବ ବୃଷ୍ଟିମାନ୍॥ 7-176-56 (53120)
ନ ଚାସ୍ଯାସୀଦନିର୍ଭିନ୍ନଂ ଗାତ୍ରେ ଦ୍ବ୍ଯଙ୍ଗୁଲମନ୍ତରମ୍।
ସୋଽଦୃଶ୍ଯତ ମୁହୂର୍ତେନ ଶ୍ବାବିଚ୍ଛଲଲିତୋ ଯଥା॥ 7-176-57 (53121)
ନ ହଯାନ୍ନ ରଥଂ ତସ୍ଯ ନ ଧ୍ବଜଂ ନ ଘଟୋତ୍କଚମ୍।
ଦୃଷ୍ଟବନ୍ତଃ ସ୍ମ ସମରେ ଶରୌଘୈରଭିସଂବୃତମ୍॥ 7-176-58 (53122)
ସ ତୁ କର୍ଣସ୍ଯ ତଦ୍ଦିବ୍ଯମସ୍ତ୍ରମସ୍ତ୍ରେଣ ଶାତଯନ୍।
ମାଯାଯୁଦ୍ଧେନ ମାଯାବୀ ସୂତପୁତ୍ରମଯୋଧଯତ୍॥ 7-176-59 (53123)
ସୋଽଯୋଧଯତ୍ତଦା କର୍ଣଂ ମାଯଯା ଲାଘବେନ ଚ।
ଅଲକ୍ଷ୍ଯମାଣାନି ଦିବି ଶରଜାଲାନି ଚାପତନ୍॥ 7-176-60 (53124)
ଭୈମସେନିର୍ମହାମାଯୋ ମାଯଯା କୁରୁସତ୍ତମ।
ବିଚଚାର ମହାକାଯୋ ମୋହଯନ୍ନିବ ଭାରତ॥ 7-176-61 (53125)
ସ ତୁ କୃତ୍ବା ବିରୂପାଣି ବଦନାନ୍ଯଶୁଭାନି ଚ।
ଅଗ୍ରସତ୍ସୂତପୁତ୍ରସ୍ଯ ଦିବ୍ଯାନ୍ଯସ୍ତ୍ରାଣି ମାଯଯା॥ 7-176-62 (53126)
ପୁନଶ୍ଚାପି ମହାକାଯଃ ସଞ୍ଛିନ୍ନଃ ଶତଧା ରଣେ।
ଗତସତ୍ବୋ ନିରୁତ୍ସାହଃ ପତିତଃ ଖାଦ୍ବ୍ଯଦୃଶ୍ଯତ॥ 7-176-63 (53127)
ତଂ ହତଂ ମନ୍ଯମାନାଃ ସ୍ମ ପ୍ରାଣଦନ୍କୁରୁପୁଙ୍ଗବାଃ।
ଅଥ ଦେହୈର୍ନବୈରନ୍ଯୈର୍ଦିକ୍ଷୁ ସର୍ବାସ୍ବଦୃଶ୍ଯତ॥ 7-176-64 (53128)
ପୁନଶ୍ଚାପି ମହାକାଯଃ ଶତଶୀର୍ଷଃ ଶତୋଦରଃ।
ବ୍ଯଦୃଶ୍ଯତ ମହାବାହୁର୍ମୈନାକ ଇବ ପର୍ବତଃ॥ 7-176-65 (53129)
ଅଙ୍ଗୁଷ୍ଠମାତ୍ରୋ ଭୂତ୍ବା ଚ ପୁନରେବ ସ ରାକ୍ଷସଃ।
ସାଗରୋର୍ମିରିବୋଦ୍ବୂତସ୍ତିର୍ଯଗୂର୍ଧ୍ବମବର୍ତତ॥ 7-176-66 (53130)
ବସୁଧାଂ ଦାରଯିତ୍ବା ଚ ପୁନରପ୍ଯୁ ନ୍ଯମଜ୍ଜତ।
ଅଦୃଶ୍ଯତ ତଦା ତତ୍ର ପୁନରୁନ୍ମଜ୍ଜିତୋଽନ୍ଯତଃ॥ 7-176-67 (53131)
ସୋଽବତୀର୍ଯ ପୁନସ୍ତସ୍ଥୌ ରଥେ ହେମପରିଷ୍କୃତେ।
କ୍ଷିତିଂ ଖଂ ଚ ଦିଶଶ୍ଚୈବ ମାଯଯାଽଭ୍ଯେତ୍ଯ ଦଂଶିତଃ॥ 7-176-68 (53132)
ଗତ୍ବା କର୍ଣରଥାଭ୍ଯାଶଂ ବ୍ଯଚରତ୍କୁଣ୍ଡଲାନନଃ।
ପ୍ରାହ ବାକ୍ଯମସମ୍ଭ୍ରାନ୍ତଃ ସୂତପୁତ୍ରଂ ବିଶାମ୍ପତେ॥ 7-176-69 (53133)
ତିଷ୍ଠେଦାନୀଂ କ୍ବ ମେ ଜୀବନ୍ସୂତପୁତ୍ର ଗମିଷ୍ଯସି।
ଯୁଦ୍ଧଶ୍ରଦ୍ଧାମହଂ ତେଽଦ୍ଯ ବିନେଷ୍ଯାମି ରମାଜିରେ॥ 7-176-70 (53134)
ଇତ୍ଯୁକ୍ତ୍ବା ରୋଷତାମ୍ରାକ୍ଷଂ ରକ୍ଷଃ କ୍ରୂରପରାକ୍ରମମ୍।
ଉତ୍ପପାତାନ୍ତରିକ୍ଷଂ ଚ ଜହାସ ଚ ସୁବିସ୍ତରମ୍।
କର୍ଣମଭ୍ଯହନଚ୍ଚୈବ ଗଜେନ୍ଦ୍ରମିବ କେସରୀ॥ 7-176-71 (53135)
ରଥାକ୍ଷମାତ୍ରେରିଷୁଭିରଭ୍ଯବର୍ଷଦ୍ଧଟୋତ୍କଚଃ। 7-176-72 (53136)
ଶରବୃଷ୍ଟିଂ ଚ ତାଂ କର୍ଣୋ ଦୂରାତ୍ପ୍ରାପ୍ତାମଶାତଯତ୍॥ 7-176-73 (53137)
ଦୃଷ୍ଟ୍ବା ଚ ବିହତାଂ ମାଯାଂ କର୍ଣେନ ଭରତର୍ଷଭ।
ଘଟୋତ୍କଚସ୍ତତୋ ମାଯାଂ ସସର୍ଜାନ୍ତର୍ହିତଃ ପୁନଃ॥ 7-176-74 (53138)
ସୋଽଭବଦ୍ଗିରିରତ୍ଯୁଚ୍ଚଃ ଶିଖରୈସ୍ତରୁସଙ୍କଟୈଃ।
ଶୂଲପ୍ରାସାସିମୁସଲଜଲପ୍ରସ୍ରବଣୋ ମହାନ୍॥ 7-176-75 (53139)
ତମଞ୍ଜନଚଯପ୍ରଖ୍ଯଂ କର୍ଣୋ ଦୃଷ୍ଟ୍ବା ମହୀଧରମ୍।
ପ୍ରପାତୈରାଯୁଧାନ୍ଯୁଗ୍ରାଣ୍ଯୁଦ୍ବହନ୍ତଂ ନ ଚୁକ୍ଷୁଭେ॥ 7-176-76 (53140)
ସ୍ମଯନ୍ନିବ ତତଃ କର୍ଣୋ ଦିବ୍ଯମସ୍ତ୍ରମୁଦୈରଯତ୍।
ତତଃ ସୋଽସ୍ରେଣ ଶୈଲେନ୍ଦ୍ରୋ ବିକ୍ଷିପ୍ତୋ ବୈ ବ୍ଯନଶ୍ଯତ॥ 7-176-77 (53141)
ତତଃ ସ ତୋଯଦୋ ଭୂତ୍ବା ନୀଲଃ ସେନ୍ଦ୍ରାଯୁଧୋ ଦିବି।
ଅଶ୍ମବୃଷ୍ଟିଭିରତ୍ଯୁଗ୍ରଃ ସୂତପୁତ୍ରମବାକିରତ୍॥ 7-176-78 (53142)
ଅଥ ସନ୍ଧାଯ ବାଯବ୍ଯମସ୍ତ୍ରମସ୍ତ୍ରବିଦାଂ ବରଃ।
ବ୍ଯଧମତ୍କାଲମେଘଂ ତଂ କର୍ଣୋ ବୈକର୍ତନୋ ବୃଷଃ॥ 7-176-79 (53143)
ସ ମାର୍ଗଣଗଣୈଃ କର୍ଣୋ ଦିଶଃ ପ୍ରଚ୍ଛାଦ୍ଯ ସର୍ବଶଃ।
ଜଘାନାସ୍ତ୍ରଂ ମହାରାଜ ଘଟୋତ୍କଚସମୀରିତମ୍॥ 7-176-80 (53144)
ତତଃ ପ୍ରହସ୍ଯ ସମରେ ଭୈମସେନିର୍ମହାବଲଃ।
ପ୍ରାଦୁଶ୍ଚକ୍ରେ ମହାମାଯାଂ କର୍ଣଂ ପ୍ରତି ମହାରଥମ୍॥ 7-176-81 (53145)
ସ ଦୃଷ୍ଟ୍ବା ପୁନରାଯାନ୍ତଂ ରଥେନ ରଥିନାଂ ବରମ୍।
ଘଟୋତ୍କଚମସମ୍ଭ୍ରାନ୍ତଂ ରାକ୍ଷସୈର୍ବହୁଭିର୍ବୃତମ୍॥ 7-176-82 (53146)
ସିଂହଶାର୍ଦୂଲସଦୃଶୈର୍ମତ୍ତମାତଙ୍ଗବିକ୍ରମୈଃ।
ଗଜସ୍ଥୈଶ୍ଚ ରଥସ୍ଥୈଶ୍ଚ ବାଜିପୃଷ୍ଠଗତୈସ୍ତଥା। 7-176-82 (53147)
ନାନାଶସ୍ତ୍ରଧରୈର୍ଘୋରୈର୍ନାନାକବଚଭୂଷଣୈଃ॥
ବୃତଂ ଘଟୋତ୍କଚଂ କ୍ରୂରୈର୍ମରୁଦ୍ଭିରିବ ବାସବମ୍। 7-176-83 (53148)
ଦୃଷ୍ଟ୍ବା କର୍ଣୋ ମହେଷ୍ବାସୋ ଯୋଧଯାମାସ ରାକ୍ଷସମ୍॥
ଘଟୋତ୍କଚସ୍ତତଃ କର୍ଣଂ ବିଦ୍ଧା ପଞ୍ଚଭିରାଶୁଗୈଃ। 7-176-84 (53149)
ନନାଦ ଭୈରବଂ ନାଦଂ ଭୀଷଯନ୍ସର୍ବପାର୍ଥିବାନ୍॥
ଭୂଯଶ୍ଚାଞ୍ଜଲିକେନାଥ ସ ମାର୍ଗଣଗଣଂ ମହତ୍। 7-176-85 (53150)
କର୍ଣହସ୍ତସ୍ଥିତଂ ଚାପଂ ଚିଚ୍ଛେଦାଶୁ ଘଟୋତ୍କଚଃ॥
ଅଥାନ୍ଯଦ୍ଧନୁରାଦାଯ ଦୃଢଂ ଭାରସହଂ ମହତ୍। 7-176-86 (53151)
ବିଚକର୍ଷ ବଲାତ୍କର୍ଣ ଇନ୍ଦ୍ରାଯୁଧମିବୋଚ୍ଛ୍ରିତମ୍॥
ତତଃ କର୍ଣୋ ମହାରାଜ ପ୍ରେଷଯାମାସ ସାଯକାନ୍। 7-176-87 (53152)
ସୁବର୍ଣପୁଙ୍ଖାଞ୍ଛତ୍ରୁଘ୍ନାନ୍ଖେଚରାନ୍ରାକ୍ଷସାନ୍ପ୍ରତି॥
ତଦ୍ବାଣୈରର୍ଦିତଂ ଯୂଥଂ ରକ୍ଷସାଂ ପୀନବକ୍ଷସାମ୍। 7-176-88 (53153)
ସିଂହେନେବାର୍ଦିତଂ ବନ୍ଯଂ ଗଜାନାମାକୁଲଂ କୁଲମ୍॥
ବିଧମ୍ଯ ରାକ୍ଷସାନ୍ବାଣୈଃ ସାଶ୍ବସୂତଗଜାନ୍ବିଭୁଃ। 7-176-89 (53154)
ଦଦାହ ଭଗବାନ୍ବହ୍ନିର୍ଭୂତାନୀବ ଯୁଗକ୍ଷଯେ॥
ସ ହତ୍ବା ରାକ୍ଷସୀଂ ସେନାଂ ଶୁଶୁଭେ ସୂତନନ୍ଦନଃ। 7-176-90 (53155)
ପୁରେବ ତ୍ରିପୁରଂ ଦଗ୍ଧ୍ବା ଦିବି ଦେବୋ ମହେଶ୍ବରଃ॥
ତେଷୁ ରାଜସହସ୍ରେଷୁ ପାଣ୍ଡବେଯେଷୁ ମାରିଷ। 7-176-91 (53156)
ନୈନଂ ନିରୀକ୍ଷିତୁମପି କଶ୍ଚିଚ୍ଛକ୍ନୋତି ପାର୍ଥିବ॥
ଋତେ ଘଟୋତ୍କଚାଦ୍ରାଜନ୍ରାକ୍ଷସେନ୍ଦ୍ରାନ୍ମହାବଲାତ୍। 7-176-92 (53157)
ଭୀମବୀର୍ଯବଲୋପେତାତ୍କ୍ରୁଦ୍ଧ୍ଦ୍ବୈବସ୍ବତାଦିବ॥
ତସ୍ଯ କ୍ରୁଦ୍ଧସ୍ଯ ନେତ୍ରାଭ୍ଯାଂ ପାବକଃ ସମଜାଯତ। 7-176-93 (53158)
ମହୋଲ୍କାଭ୍ଯାଂ ଯଥା ରାଜନ୍ସାର୍ଜିଷଃ ସ୍ନେହବିନ୍ଦବଃ॥
ତଲଂ ତଲେନ ସଂହତ୍ଯ ସନ୍ଦଶ୍ଯ ଦଶନଚ୍ଛଦମ୍। 7-176-94 (53159)
ରଥମାସ୍ଥାଯ ଚ ପୁନର୍ମାଯଯା ନିର୍ମିତଂ ତଦା॥
ଯୁକ୍ତଂ ଗଜନିଭୈର୍ବାହୈଃ ପିଶାଚବଦନୈଃ ଖରୈଃ। 7-176-95 (53160)
ସ ସୂତମବ୍ରବୀତ୍କ୍ରୁଦ୍ଧଃ ସୂତପୁତ୍ରାଯ ମାଂ ବହ॥ 7-176-96 (53161)
ସ ଯଯୌ ଘୋରରୂପେଣ ରଥେନ ରଥିନାଂ ବରଃ।
ଦ୍ବୈରଥଂ ସୂତପୁତ୍ରେଣ ପୁନରେବ ବିଶାମ୍ପତେ॥
ସ ଚିକ୍ଷେପ ପୁନଃ କ୍ରୁଦ୍ଧଃ ସୁତପୁତ୍ରାଯ ରାକ୍ଷସଃ। 7-176-97 (53162)
ଅଷ୍ଟଚକ୍ରାଂ ମହାଘୋରାମଶନିଂ ରୁଦ୍ରନିର୍ମିତାମ୍॥ 7-176-98 (53163)
ଦ୍ବିଯୋଜନସମୁତ୍ସେଧାଂ ଯୋଜନାଯାମବିସ୍ତରାମ୍।
ଆଯସୀଂ ନିଚିତାଂ ଶୂଲୈଃ କଦମ୍ବମିବ କେଶରୈଃ॥ 7-176-99 (53164)
ତାମବପ୍ଲୁତ୍ଯ ଜଗ୍ରାହ କର୍ଣୋ ନ୍ଯସ୍ଯ ମହଦ୍ଧନୁଃ।
ଚିକ୍ଷେପ ଚୈନାଂ ତସ୍ଯୈବ ସ୍ଯନ୍ଦନାତ୍ସୋଽବପୁପ୍ଲୁବେ॥ 7-176-100 (53165)
ସାଶ୍ବସୂତଧ୍ବଜଂ ଯାନଂ ଭସ୍ମ କୃତ୍ବା ମହାପ୍ରଭା।
ବିବେଶ ବସୁଧାଂ ଭିତ୍ତ୍ବା ସୁରାସ୍ତତ୍ର ବିସିସ୍ମିଯୁଃ॥ 7-176-101 (53166)
କର୍ଣଂ ତୁ ସର୍ବଭୂତାନି ପୂଜଯାମାସୁରଞ୍ଜସା।
ଯଦପ୍ଲୁତ୍ଯ ଜଗ୍ରାହ ଦେବସୃଷ୍ଟାଂ ମହାଶନିମ୍॥ 7-176-102 (53167)
ଏବଂ କୃତ୍ବା ରଣେ କର୍ଣ ଆରୁରୋହ ରଥଂ ପୁନଃ।
ତତୋ ମୁମୋଚ ନାରାଚାନ୍ସୂତପୁତ୍ରଃ ପରନ୍ତପଃ॥ 7-176-103 (53168)
ଅଶକ୍ଯଂ କର୍ତୁମନ୍ଯେନ ସର୍ବଭୂତେଷୁ ମାନଦ।
ଯଦକାର୍ଷୀତ୍ତଦା କର୍ଣଃ ସଙ୍ଗ୍ରାମେ ଭୀମଦର୍ଶନେ॥ 7-176-104 (53169)
ସ ହନ୍ଯମାନୋ ନାରାଚୈର୍ଧାରାଭିରିବ ପର୍ବତଃ।
ଗନ୍ଧର୍ବନଗରାକାରଃ ପୁନରନ୍ତରଧୀଯତ॥ 7-176-105 (53170)
ଏବଂ ସ ବୈ ମହାକାଯୋ ମାଯଯା ଲାଘବେନ ଚ।
ଅସ୍ତ୍ରାଣି ତାନି ଦିବ୍ଯାନି ଜଘାନ ରିପୁସୂଦନଃ॥ 7-176-106 (53171)
ନିହନ୍ଯମାନେଷ୍ବସ୍ତ୍ରେଷୁ ମାଯଯା ତେନ ରକ୍ଷସା।
ଅସମ୍ଭ୍ରାନ୍ତସ୍ତଦା କର୍ଣସ୍ତଦ୍ରକ୍ଷଃ ପ୍ରତ୍ଯଯୁଧ୍ଯତ॥ 7-176-107 (53172)
ତତଃ କ୍ରୁଦ୍ଧୋ ମହାରାଜ ଭୈମସେନିର୍ମହାବଲଃ।
ଚକାର ବହୁଧାଽଽତ୍ମାନଂ ଭୀଷଯାଣୋ ମହାରଥାନ୍॥ 7-176-108 (53173)
ତତୋ ଦିଗ୍ଭ୍ଯଃ ସମାପେତୁଃ ସିଂହବ୍ଯାଘ୍ରତରକ୍ଷବଃ।
ଅଗ୍ନିଜିହ୍ବାଶ୍ଚ ଭୁଜଗା ବିହଗାଶ୍ଚାପ୍ଯଯୋମୁଖାଃ॥ 7-176-109 (53174)
ସ କୀର୍ଯମାଣୋ ବିଶିଖୈଃ କର୍ଣଚାପଚ୍ଯୁତୈଃ ଶରୈଃ।
ନାଗରାଡିବ ଦୁଷ୍ପ୍ରେକ୍ଷ୍ଯସ୍ତତ୍ରୈବାନ୍ତରଧୀଯତ॥ 7-176-110 (53175)
ରାକ୍ଷସାଶ୍ଚ ପିଶାଚାଶ୍ଚ ଯାତୁଧାନାସ୍ତଥୈବ ଚ।
ଶାଲାବୃକାଶ୍ଚ ବହବୋ ବୃକାଶ୍ଚ ବିକୃତାନନାଃ॥ 7-176-111 (53176)
ତେ କର୍ଣଂ କ୍ଷପଯିଷ୍ଯନ୍ତଃ ସର୍ବତଃ ସମୁପାଦ୍ରବନ୍।
ଅଥୈନଂ ବାଗ୍ଭିରୁଗ୍ରାଭିସ୍ତ୍ରାସଯାଞ୍ଚିକ୍ରିରେ ତଦା॥ 7-176-112 (53177)
ଉଦ୍ଯତୈର୍ବହୁଭିର୍ଘୋରୈରାଯୁଧୈଃ ଶୋଣିତୋକ୍ଷିତୈଃ।
ତେଷାମନେକୈରେକୈକଂ କର୍ଣୋ ବିବ୍ଯାଧ ସାଯକୈଃ॥ 7-176-113 (53178)
ପ୍ରତିହତ୍ଯ ତୁ ତାଂ ମାଯାଂ ଦିବ୍ଯେନାସ୍ତ୍ରେଣ ରାକ୍ଷସୀମ୍।
ଆଜଘାନ ହଯାନସ୍ଯ ଶରୈଃ ସନ୍ନତପର୍ବଭିଃ॥ 7-176-114 (53179)
ତେ ଭଗ୍ନା ବିକ୍ଷତାଙ୍ଗାଶ୍ଚ ଭିନ୍ନପୃଷ୍ଠାଶ୍ଚ ସାଯକୈଃ।
ବସୁଧାମନ୍ବପଦ୍ଯନ୍ତ ପଶ୍ଯତସ୍ତସ୍ଯ ରକ୍ଷସଃ॥ 7-176-115 (53180)
ସ ଭଗ୍ନମାଯୋ ହୈଡିମ୍ବିଃ କର୍ଣଂ ବୈକର୍ତନଂ ତଦା।
ଏଷ ତେ ବିଦଧେ ମୃତ୍ଯୁମିତ୍ଯୁକ୍ତ୍ବାନ୍ତରଧୀଯତ॥ ॥ 7-176-116 (53181)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ଷଟ୍ସପ୍ତତ୍ଯଧିକଶତତମୋଽଧ୍ଯାଯଃ॥ 176 ॥
Mahabharata - Drona Parva - Chapter Footnotes
5-176-5 ନିମ୍ନିତୋଦରଃ ନିମ୍ନିତଂ ପୃଷ୍ଠବଂଶସଂଲଗ୍ନମଶନହୀନସ୍ଯେବୋଦରଂ ଯସ୍ଯେତ୍ଯର୍ଥଃ॥ 5-176-6 କରାଲବାନ୍ ଉନ୍ନତଦନ୍ତଚତୁଷ୍କଃ॥ 5-176-8 ବିକଚଶ୍ଚାସାବୁଦ୍ବୃପିଣ୍ଡୋ ଦୃଢାଙ୍ଗଃ କୋ ମୂର୍ଧା ଯସ୍ଯ ସ ବିକଚୋଦ୍ବୃଦ୍ଧପିଣ୍ଡକଃ। ଶିଥିଲୋପଚଯଃ ସ୍ଫିକ୍ପ୍ରଦେଶେ ଏବ ଶିଥିଲଃ ଶ୍ଲଥ ଉପଚଯୋ ବୃଦ୍ଧିର୍ଯସ୍ଯ॥ 5-176-13 ନଲ୍ବୋ ହସ୍ତଚତୁଃଶତମ୍॥ 5-176-29 ବିଷ୍କୁର୍ହସ୍ତସ୍ତନ୍ମିତଃ ପରୀଣାହୋ ବିସ୍ତାରୋ ଯସ୍ଯ। ଅରତ୍ନିର୍ନିରଷ୍ଟମାଂଶଃ କରଃ॥ 5-176-30 ରଥଃ ସ୍ଯନ୍ଦନଦେହଯୋରିତି କୋଶାଦ୍ଦେହାନୁକୂଲଶକ୍ତିମଦ୍ଭିରିତି ବା॥ 5-176-35 ତସ୍ଯ ଘଟୋତ୍କଚସ୍ଯା। ଆସକ୍ତମନ୍ଯୋନ୍ଯସଂସକ୍ତଂ ଯଥାସ୍ଯାତ୍ତଥାଶରାନସ୍ଯତଃ॥ 5-176-94 ଉଲ୍କାଭ୍ଯାଂ ସଜର୍ରସମିଶ୍ରୋଲ୍ମୁକାଭ୍ଯାମ୍। ତତୋ ହି ଦୀପ୍ତସ୍ଯ ସର୍ଜରସସ୍ଯ କଣାଃ ସସ୍ନେହତ୍ବାତ୍ସାର୍ଚିଷ ଏବ ପତନ୍ତୀତି ପ୍ରସିଦ୍ଧମ୍॥ 5-176-176 ଷଟ୍ସପ୍ତତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 177
॥ ଶ୍ରୀଃ ॥
7.177. ଅଧ୍ଯାଯଃ 177
Mahabharata - Drona Parva - Chapter Topics
ବକାଦିବନ୍ଧୁବଧାଦ୍ଭୀମେ ଚିରବୈରିଣା ଅଲାଯୁଧରାକ୍ଷସେନ ସୁଯୋଧନାଦାଯୋଧନାକ୍ଷ୍ଯନୁଜ୍ଞାମୁପଲକ୍ଷ୍ଯ ଘଟୋତ୍କଚଂ ପ୍ରତ୍ଯଭିଗମନମ୍॥ 1 ॥Mahabharata - Drona Parva - Chapter Text
7-177-0 (53182)
ସଞ୍ଜଯ ଉବାଚ। 7-177-0x (4735)
ତସ୍ମିଂସ୍ତଥା ବର୍ତମାନେ କର୍ଣରାକ୍ଷସଯୋର୍ମୃଧେ।
ଅଲାଯୁଧୋ ରାକ୍ଷସେନ୍ଦ୍ରୋ ବୀର୍ଯବାନଭ୍ଯବର୍ତତ॥ 7-177-1 (53183)
ମହତ୍ଯା ସେନଯା ଯୁକ୍ତୋ ଦୁର୍ଯୋଧନମୁପାଗମତ୍।
ରାକ୍ଷସାନାଂ ବିରୂପାଣାଂ ସହସ୍ରୈଃ ପରିବାରିତଃ।
ନାନାରୂପଧରୈର୍ବୀରୈଃ ପୂର୍ବବୈରମନୁସ୍ମରନ୍॥ 7-177-2 (53184)
ତସ୍ଯ ଜ୍ଞାତିର୍ହି ବିକ୍ରାନ୍ତୋ ବ୍ରାହ୍ମଣାଦୋ ବକୋ ହତଃ।
କିର୍ଣୀରଶ୍ଚ ମହାତେଜା ହିଡିମ୍ବଶ୍ଚ ସଖା ତଦା॥ 7-177-3 (53185)
ସ ଦୀର୍ଘକାଲାଧ୍ଯୁପିତଂ ପୂର୍ବବୈରମନୁସ୍ମରନ୍।
ବିଜ୍ଞାଯୈତନ୍ନିଶାଯୁଦ୍ଧଂ ଜିଘାଂସୁର୍ଭୀମମାହବେ॥ 7-177-4 (53186)
ସ ମତ୍ତ ଇବ ମାତଙ୍ଗଃ ସଙ୍କ୍ରୁଦ୍ବ ଇବ ଚୋରଗଃ।
ଦୁର୍ଯୋଧନମିଦଂ ବାକ୍ଯମବ୍ରବୀଦ୍ଯୁଦ୍ବଲାଲସଃ॥ 7-177-5 (53187)
ବିଦିତଂ ତେ ମହାରାଜ ଯଥା ଭୀମେନ ରାକ୍ଷସାଃ।
ହିଡିମ୍ବବକକିର୍ମୀରା ନିହତା ମମ ବାନ୍ଧବାଃ॥ 7-177-6 (53188)
ପରାମର୍ଶଶ୍ଚ କନ୍ଯାଯା ହିଡିମ୍ବାଯାଃ କୃତଃ ପୁରା।
କିମନ୍ଯଦ୍ରାକ୍ଷସାନନ୍ଯାନସ୍ମାଂଶ୍ଚ ପରିଭୂଯ ହ॥ 7-177-7 (53189)
ତମହଂ ସଗଣଂ ରାଜନ୍ସବାଜିରଥକୁଞ୍ଜରମ୍।
ହୈଡିମ୍ବିଂ ଚ ସହାମାତ୍ଯଂ ହନ୍ତୁମଭ୍ଯାଗତଃ ସ୍ବଯମ୍॥ 7-177-8 (53190)
ଅଦ୍ଯ କୁନ୍ତୀସୁତାନ୍ସର୍ବାନ୍ବାସୁଦେବପୁରୋଗମାନ୍।
ହତ୍ବା ସମ୍ଭକ୍ଷଯିଷ୍ଯାମି ସର୍ବୈରନୁଚରୈଃ ସହ॥ 7-177-9 (53191)
ନିବାରଯ ବଲଂ ସର୍ବଂ ବଯଂ ଯୋତ୍ସ୍ଯାମ ପାଣ୍ଡବାନ୍॥ 7-177-10 (53192)
ତସ୍ଯୈତଦ୍ବଚନଂ ଶ୍ରୁତ୍ବା ହୃଷ୍ଟୋ ଦୁର୍ଯୋଧନସ୍ତଦା।
ପ୍ରତିପୂଜ୍ଯାବ୍ରବୀଦ୍ବାକ୍ଯଂ ଭ୍ରାତୃଭିଃ ପରିବାରିତଃ॥ 7-177-11 (53193)
ତ୍ବାଂ ପୁରସ୍କୃତ୍ଯ ସଗଣଂ ବଯଂ ଯୋତ୍ସ୍ଯାମହେ ପରାନ୍।
ନ ହି ବୈରାନ୍ତମନସଃ ସ୍ଥାସ୍ଯନ୍ତି ମମ ସୈନିକାଃ॥ 7-177-12 (53194)
ଏବମସ୍ତ୍ବିତି ରାଜାନମୁକ୍ତ୍ବା ରାକ୍ଷସପୁଙ୍ଗବଃ।
ଅଭ୍ଯଯାତ୍ତ୍ବରିତୋ ଭୈମିଂ ସହିତଃ ପୁରୁଷାଦକୈଃ॥ 7-177-13 (53195)
ଦୀପ୍ଯମାନେନ ବପୁଷା ରଥେନାଦିତ୍ଯବର୍ଚସା।
ତାଦୃଶେନୈବ ରାଜେନ୍ଦ୍ର ଯାଦୃଶେନ ଘଟୋତ୍କଚଃ॥ 7-177-14 (53196)
ତସ୍ଯାପ୍ଯତୁଲନିର୍ଘୋପୋ ବହୁତୋରଣଚିତ୍ରିତଃ।
ଋକ୍ଷଚର୍ମାବନଦ୍ବାଙ୍ଗୋ ନଲ୍ବମାତ୍ରୋ ମହାରଥଃ॥ 7-177-15 (53197)
ତସ୍ଯାପି ତୁରଗାଃ ଶୀଘ୍ରା ହସ୍ତିକାଯାଃ ଖରସ୍ବନାଃ।
ଶତଂ ଯୁକ୍ତା ମହାକାଯା ମାଂସଶୋଣିତଭୋଜନାଃ॥ 7-177-16 (53198)
ତସ୍ଯାପି ରଥନିର୍ଘୋପୋ ମହାମେଘରବୋପମଃ।
ସ୍ଯାପି ସୁମହଚ୍ଚାପଂ ଦୃଢଜ୍ଯଂ କନକୋଜ୍ଜ୍ବଲମ୍॥
ତସ୍ଯାପ୍ଯକ୍ଷସମା ବାଣା ରୁକ୍ମ ପୁଙ୍ଖାଃ ଶିଲାଶିତାଃ।
ସୋଽପି ବୀରୋ ମହାବାହୁର୍ଯଥୈବ ସ ଘଟୋତ୍କଚଃ॥ 7-177-17 (53199)
ତସ୍ଯାପି ଗୋମାଯୁବଲାଭିଗୁପ୍ତୋ
ବଭୂବ କେତୁର୍ଜ୍ବଲନାର୍କତୁଲ୍ଯଃ।
ସ ଚାପି ରୂପେଣ ଘଟୋତ୍କଚସ୍ଯ
ଶ୍ରୀମତ୍ତମୋ ହ୍ଯନ୍ତକସନ୍ନିକାଶଃ॥ 7-177-19 (53200)
ଦୀପ୍ତାଙ୍ଗଦୋ ଦୀପ୍ତକିରୀଟମାଲୀ
ବଦ୍ଧସ୍ରଗୁଷ୍ଣୀଷନିବଦ୍ଧଖଙ୍ଗଃ।
ଗଦୀ ଭୁଶୁଣ୍ଡୀ ମୁସଲୀ ହଲୀ ଚ
ଶରାସନୀ ବାରଣତୁଲ୍ଯବର୍ଷ୍ମା॥ 7-177-20 (53201)
ରଥେନ ତେନାନଲବର୍ଚସା ତଦା
ବିଦ୍ରାବଯନ୍ପାଣ୍ଡବବାହିନୀଂ ତାମ୍।
ରରାଜ ସହ୍ଖ୍ଯେ ପରିବର୍ତମାନୋ
ବିଦ୍ଯୁନ୍ମାଲୀ ମେଘ ଇବାନ୍ତରିକ୍ଷେ॥ 7-177-21 (53202)
ତେ ଚାପି ସର୍ବପ୍ରବରା ନରେନ୍ଦ୍ରା
ମହାବଲା ବର୍ମିମଶ୍ଚର୍ମିଣଶ୍ଚ।
ହର୍ଷାନ୍ବିତା ଯୁଯୁଧୁସ୍ତସ୍ଯ ରାଜନ୍
ସମନ୍ତତଃ ପାଣ୍ଡବଯୋଧବୀରାଃ॥ ॥ 7-177-22 (53203)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ସପ୍ତସପ୍ତତ୍ଯଧିକଶତତମୋଽଧ୍ଯାଯଃ॥ 177 ॥
ଦ୍ରୋଣପର୍ବ - ଅଧ୍ଯାଯ 178
॥ ଶ୍ରୀଃ ॥
7.178. ଅଧ୍ଯାଯଃ 178
Mahabharata - Drona Parva - Chapter Topics
ଭୀମାଲାଯୁଧଯୋର୍ଯୁଦ୍ଧମ୍॥ 1 ॥Mahabharata - Drona Parva - Chapter Text
7-178-0 (53204)
ସଞ୍ଜଯ ଉବାଚ। 7-178-0x (4736)
ତମାଗତମଭିପ୍ରେକ୍ଷ୍ଯ ଭୀମକର୍ମାଣମାହବେ।
ହର୍ଷମାହାରଯାଞ୍ଚକ୍ରୁଃ କୁରବଃ ସର୍ବ ଏବ ତେ॥ 7-178-1 (53205)
ତଥୈବ ତବ ପୁତ୍ରାସ୍ତେ ଦୁର୍ଯୋଧନପୁରୋଗମାଃ।
ଅପ୍ଲୁବାଃ ପ୍ଲବମାସାଦ୍ଯ ତର୍ତୁକାମା ଇବାର୍ଣବମ୍॥ 7-178-2 (53206)
ପୁନର୍ଜାତମିବାତ୍ମାନଂ ମନ୍ବାନାଃ ପୁରୁଷର୍ଷଭାଃ।
ଅଲାଯୁଧଂ ରାକ୍ଷସେନ୍ଦ୍ରଂ ସ୍ବାଗତେନାଭ୍ଯପୂଜଯନ୍॥ 7-178-3 (53207)
ତସ୍ମିଂସ୍ତ୍ବମାନୁଷେ ଯୁଦ୍ଧେ ବର୍ତମାନେ ମହାଭଯେ।
କର୍ଣରାକ୍ଷସଯୋର୍ନକ୍ତଂ ଦାରୁଣପ୍ରତିଦର୍ଶନେ॥ 7-178-4 (53208)
`ନ ଦ୍ରୌଣିର୍ନ କୃପଦ୍ରୋଣୌ ନ ଶଲ୍ଯୋ ନ ଚ ମାଧବଃ।
ଏକ ଏବ ତୁ ତେନାସୀଦ୍ଯୋଦ୍ଧା କର୍ଣୋ ରଣେ ବୃଷା'॥ 7-178-5 (53209)
ଉପପ୍ରୈକ୍ଷନ୍ତ ପାଞ୍ଚାଲାଃ ସ୍ମଯମାନାଃ ସରାଜକାଃ।
ବ୍ଯଭ୍ରମଂସ୍ତାବକାଶ୍ଚାପି ଘୂର୍ଣମାନାସ୍ତତସ୍ତତଃ॥ 7-178-6 (53210)
ଚୁକ୍ରୁଶୁର୍ନେଦମସ୍ତୀତି ଦ୍ରୋଣଦ୍ରୌଣିକୃପାଦଯଃ।
ତତ୍କର୍ମ ଦୃଷ୍ଟ୍ବା ସମ୍ଭ୍ରାନ୍ତା ହୈଡିମ୍ବସ୍ଯ ରଣାଜିରେ॥ 7-178-7 (53211)
ସର୍ବମାବିଗ୍ନମଭବଦ୍ଧାହାଭୂତମଚେତନମ୍।
ତବ ସୈନ୍ଯଂ ମହାରାଜ ନିରାଶଂ କର୍ଣଜୀବିତେ॥ 7-178-8 (53212)
ଦୁର୍ଯୋଧନସ୍ତୁ ସମ୍ପ୍ରେକ୍ଷ୍ଯ କର୍ଣମାର୍ତିଂ ପରାଂ ଗତମ୍।
ଅଲାଯୁଧଂ ରାକ୍ଷସେନ୍ଦ୍ରଂ ସମାହୂଯେଦମବ୍ରବୀତ୍॥ 7-178-9 (53213)
ଏଷ ବୈକର୍ତନଃ କର୍ଣୋ ହୈଡିମ୍ବେନ ସମାଗତଃ।
କୁରୁତେ କର୍ମ ସୁମହଦ୍ଯଦସ୍ଯୋପଯିକଂ ମୃଧେ॥ 7-178-10 (53214)
ପଶ୍ଯୈତାନ୍ପାର୍ଥିବାଞ୍ଶୂରାନ୍ନିହତାନ୍ଭୈମସେନିନା।
ନାନାଶସ୍ତ୍ରୈରଭିହତାନ୍ପାଦପାନିବ ଦନ୍ତିନା॥ 7-178-11 (53215)
ତବୈଷ ଭାରଃ ସମରେ ଜ୍ଞାତିମଧ୍ଯେ ମଯା କୃତଃ।
ତବୈବାନୁମତେ ବୀର ତଂ ବିକ୍ରମ୍ଯ ନିବର୍ହଯ॥ 7-178-12 (53216)
ପୁରା ବୈକର୍ତନଂ କର୍ଣମେଷ ପାପୋ ଘଟୋତ୍କଚଃ।
ମାଯାବଲଂ ସମାଶ୍ରିତ୍ଯ କର୍ଷଯତ୍ଯରିକର୍ଶନ॥ 7-178-13 (53217)
ଏବମୁକ୍ତଃ ସ ରାଜ୍ଞା ତୁ ରାକ୍ଷସୋ ଭୀମବିକ୍ରମଃ।
ତଥେତ୍ଯୁକ୍ତ୍ବା ମହାବାହୁର୍ଘଟୋତ୍କଚମୁପାଦ୍ରବତ୍॥ 7-178-14 (53218)
ତତଃ କର୍ଣଂ ସମୁତ୍ସୃଜ୍ଯ ଭୈମସେନିରପି ପ୍ରଭୋ।
ପ୍ରତ୍ଯମିତ୍ରମୁପାଯାନ୍ତମର୍ଦଯାମାସ ମାର୍ଗଣୈଃ॥ 7-178-15 (53219)
ତଯୋଃ ସମଭବଦ୍ଯୁଦ୍ଧଂ କ୍ରୁଦ୍ଧଯୋ ରାକ୍ଷସେନ୍ଦ୍ରଯୋଃ।
ମତ୍ତଯୋର୍ବାସିତାହେତୋର୍ଦୀପଯୋରିବ କାନନେ॥ 7-178-16 (53220)
ରକ୍ଷସା ବିପ୍ରମୁକ୍ତସ୍ତୁ କର୍ଣୋଽପି ରଥିନାଂ ବରଃ।
ଅଭ୍ଯଦ୍ରବଦ୍ଭୀମସେନଂ ରଥେନାଦିତ୍ଯବର୍ଚସା॥ 7-178-17 (53221)
ତମାଯାନ୍ତମନାଦୃତ୍ଯ ଦୃଷ୍ଟ୍ବା ଗ୍ରସ୍ତଂ ଘଟୋତ୍କଚମ୍।
ଅଲାଯୁଧେନ ସମରେ ସିଂହେନେବ ଗବାଂ ପତିମ୍॥ 7-178-18 (53222)
ରଥେନାଦିତ୍ଯବପୁଷା ଭୀମଃ ପ୍ରହରତାଂ ବରଃ।
କିରଞ୍ଛରୌଘାନ୍ପ୍ରଯଯାବଲାଯୁଧରଥଂ ପ୍ରତି॥ 7-178-19 (53223)
ତମାଯାନ୍ତମଭିପ୍ରେକ୍ଷ୍ଯ ସ ତଦାଽଲାଯୁଧଃ ପ୍ରଭୋ।
ଘଟୋତ୍କଚଂ ସମୁତ୍ସୃଜ୍ଯ ଭୀମସେନଂ ସମାହ୍ବଯତ୍॥ 7-178-20 (53224)
ତଂ ଭୀମଃ ସହସାଽଭ୍ଯେତ୍ଯ ରାକ୍ଷସାନ୍ତକରଃ ପ୍ରଭୋ।
ସଗଣଂ ରାକ୍ଷସେନ୍ଦ୍ରଂ ତଂ ଶରବର୍ଷୈରବାକିରତ୍॥ 7-178-21 (53225)
ତଥୈବାଲାଯୁଧୋ ରାଜଞ୍ଶିଲାଧୌତୈରଜିହ୍ମଗୈଃ।
ଅଭ୍ଯବର୍ଷତ କୌନ୍ତେଯଂ ପୁନଃପୁନରରିନ୍ଦମ॥ 7-178-22 (53226)
ତଥା ତେ ରାକ୍ଷସାଃ ସର୍ବେ ଭୀମସେନମୁପାଦ୍ରବନ୍।
ନାନାପ୍ରହରଣା ଭୀମାସ୍ତ୍ବତ୍ସୁତାନାଂ ଜଯୈଷିଣଃ॥ 7-178-23 (53227)
ସ ତାଡ୍ଯମାନୋ ବହୁଭିର୍ଭୀମସେନୋ ମହାବଲଃ।
ପଞ୍ଚଭିଃ ପଞ୍ଚଭିଃ ସର୍ବାଂସ୍ତାନବିଧ୍ଯଚ୍ଛିତୈଃ ଶରୈଃ॥ 7-178-24 (53228)
ତେ ବଧ୍ଯମାନା ଭୀମେନ ରାକ୍ଷସାଃ କ୍ରୂରବୁଦ୍ଧଯଃ।
ବିନେଦୁସ୍ତୁମୁଲାନ୍ନାଦାନ୍ଦୁଦ୍ରୁବୁସ୍ତେ ଦିଶୋ ଦଶ॥ 7-178-25 (53229)
ତାଂସ୍ତ୍ରାସ୍ଯମାନାନ୍ଭୀମେନ ଦୃଷ୍ଟ୍ବା ରକ୍ଷୋ ମବହାଲମ୍।
ଅଭିଦୁଦ୍ରାବ ବେଗେନ ଶରୈଶ୍ଚୈନମବାକିରତ୍॥ 7-178-26 (53230)
ତଂ ଭୀମସେନଃ ସମରେ ତୀକ୍ଷ୍ଣାଗ୍ରୈରକ୍ଷିଣୋଚ୍ଛରୈଃ॥ 7-178-27 (53231)
ଅଲାଯୁଧସ୍ତୁ ତାନସ୍ତାନ୍ଭୀମେନ ବିଶିଖାନ୍ରଣେ।
ଚିଚ୍ଛେଦ କାଂଶ୍ଚିତ୍ସମରେ ତ୍ବରଯା କାଂଶ୍ଚିଦଗ୍ରହୀତ୍॥ 7-178-28 (53232)
ସ ତଂ ଦୃଷ୍ଟ୍ବା ରାକ୍ଷସେନ୍ଦ୍ରଂ ଭୀମୋ ଭୀମପରାକ୍ରମଃ।
ଗଦାଂ ଚିକ୍ଷେପ ବେଗେନ ବଜ୍ରପାତୋପମାଂ ତଦା॥ 7-178-29 (53233)
ତାମାପତନ୍ତୀଂ ବେଗେନ ଗଦାଂ ଜ୍ବାଲାକୁଲାଂ ତତଃ।
ଗଦଯା ତାଡଯାମାସ ସା ଗଦା ଭୀମମାବ୍ରଜତ୍॥ 7-178-30 (53234)
ସ ରାକ୍ଷସେନ୍ଦ୍ରଂ କୌନ୍ତେଯଃ ଶରବର୍ଷୈରବାକିରତ୍।
ତାନପ୍ଯସ୍ଯାକରୋନ୍ମୋଘାନ୍ରାକ୍ଷସୋ ନିଶିତୈଃ ଶରୈଃ॥ 7-178-31 (53235)
ତେ ଚାପି ରାକ୍ଷସାଃ ସର୍ବେ ରଜନ୍ଯାଂ ଭୀମରୂପିଣଃ।
ଶାସନାଦ୍ରାକ୍ଷସେନ୍ଦ୍ରସ୍ଯ ନିଜଘ୍ନୂ ରଥକୁଞ୍ଜରାନ୍॥ 7-178-32 (53236)
ପାଞ୍ଚାଲାଃ ସୃଞ୍ଜଯାଶ୍ଚୈବ ବାଜିନଃ ପରମଦ୍ବିପାଃ।
ନ ଶାନ୍ତିଂ ଲେଭିରେ ତତ୍ର ରାକ୍ଷସୈର୍ଭୃଶପୀଡିତାଃ॥ 7-178-33 (53237)
ତଂ ତୁ ଦୃଷ୍ଟ୍ବା ମହାଘୋରଂ ବର୍ତମାନଂ ମହାହବମ୍।
ଅବ୍ରବୀତ୍ପୁଣ୍ଡରୀକାକ୍ଷୋ ଧନଞ୍ଜଯମିଦଂ ବଚଃ॥ 7-178-34 (53238)
ପଶ୍ଯ ଭୀମଂ ମହାବାହୁଂ ରାକ୍ଷସେନ୍ଦ୍ରବଶଂ ଗତମ୍।
ପଦମସ୍ଯାନୁଗଚ୍ଛ ତ୍ବଂ ମା ବିଚାରଯ ପାଣ୍ଡବ॥ 7-178-35 (53239)
ଧୃଷ୍ଟଦ୍ଯୁମ୍ନଃ ଶିଖଣ୍ଡୀ ଚ ଯୁଧାମନ୍ଯୂତ୍ତମୌଜସୌ।
ସହିତୌ ଦ୍ରୌପଦେଯାଶ୍ଚ କର୍ଣଂ ଯାନ୍ତୁ ମହାରଥାଃ॥ 7-178-36 (53240)
ନକୁଲଃ ସହଦେବଶ୍ଚ ଯୁଯୁଧାନଶ୍ଚ ବୀର୍ଯବାନ୍।
ଇତରାନ୍ରାକ୍ଷସାନ୍ଘ୍ନନ୍ତୁ ଶାସନାତ୍ତବ ପାଣ୍ଡବ॥ 7-178-37 (53241)
ତ୍ବମପୀମାଂ ମହାବାହୋ ଚମୂଂ ଦ୍ରୋଣପୁରସ୍କୃତାମ୍।
ମାରଯସ୍ବ ନରବ୍ଯାଘ୍ର ମହଦ୍ଧି ଭଯମାଗତମ୍॥ 7-178-38 (53242)
ଏବମୁକ୍ତେ ତୁ କୃଷ୍ଣେନ ଯଥୋଦ୍ଦିଷ୍ଟା ମହାରଥାଃ।
ଜଗ୍ମୁର୍ବୈକର୍ତନଂ କର୍ଣଂ ରାକ୍ଷସାଂଶ୍ଚୈବ ତାନ୍ରଣେ॥ 7-178-39 (53243)
ଅଥ ପୂର୍ଣାଯତୋତ୍ସୃଷ୍ଟୈଃ ଶରୈରାଶୀବିଷୋପମୈଃ।
ଧନୁଶ୍ଚିଚ୍ଛେଦ ଭୀମସ୍ଯ ରାକ୍ଷସେନ୍ଦ୍ରଃ ପ୍ରତାପବାନ୍॥ 7-178-40 (53244)
ହଯାଂଶ୍ଚାସ୍ଯ ଶିତୈର୍ବାଣୈଃ ସାରଥିଂ ଚ ମହାବଲଃ।
ଜଘାନ ମିଷତଃ ସଙ୍ଖ୍ଯେ ଭୀମସେନସ୍ଯ ରାକ୍ଷସଃ॥ 7-178-41 (53245)
ସୋଽବତୀର୍ଯ ରଥୋପସ୍ଥାଦ୍ଧତାଶ୍ବୋ ହତସାରଥିଃ।
ତସ୍ମୈ ଗୁର୍ବୀଂ ଗଦାଂ ଘୋରାଂ ବିନଦନ୍ନୁତ୍ସସର୍ଜ ହ॥ 7-178-42 (53246)
ତତସ୍ତାଂ ଭୀମନିର୍ଘୋଷାମାପତନ୍ତୀଂ ମହାଗଦାମ୍।
ଗଦଯା ରାକ୍ଷସୋ ଘୋରୋ ନିଜଘାନ ନନାଦ ଚ॥ 7-178-43 (53247)
ତଦ୍ଦୃଷ୍ଟ୍ବା ରାକ୍ଷସେନ୍ଦ୍ରସ୍ଯ ଘୋରଂ କର୍ମ ଭଯାବହମ୍।
ଭୀମସେନଃ ପ୍ରହୃଷ୍ଟାତ୍ମା ଗଦାମାଶୁ ପରାମୃଶତ୍॥ 7-178-44 (53248)
ତଯୋଃ ସମଭବଦ୍ଯୁଦ୍ଧଂ ତୁମୁଲଂ ନରରକ୍ଷସୋଃ।
ଗଦାନିପାତସଂହାଦୈର୍ଭୁବଂ କମ୍ପଯତୋର୍ଭୃଶମ୍॥ 7-178-45 (53249)
ଗଦାବିମୁକ୍ତୌ ତୌ ଭୂଯଃ ସମାସାଦ୍ଯେତରେତରମ୍।
ମୁଷ୍ଟିଭିର୍ବଜ୍ରସଂହାଦୈରନ୍ଯୋନ୍ଯମଭିଜଘ୍ନତୁଃ॥ 7-178-46 (53250)
ରଥଚକ୍ରୈର୍ଯୁଗୈରକ୍ଷୈରଧିଷ୍ଠାନୈରୁପସ୍କରୈଃ।
ଯଥାସନ୍ନମୁପାଦାଯ ନିଜଘ୍ନତୁରମର୍ଷଣୌ॥ 7-178-47 (53251)
ତୌ ବିକ୍ଷରନ୍ତୌ ରୁଧିରଂ ସମାସାଦ୍ଯେତରେତରମ୍।
ମତ୍ତାବିବ ମହାନାଗୌ ଚକୃପାତେ ପୁନଃ ପୁନଃ॥ 7-178-48 (53252)
ତାବପଶ୍ଯଦ୍ବୃଷୀକେଶଃ ପାଣ୍ଡବାନାଂ ହିତେ ରତଃ।
ସ ଭୀମସେନରକ୍ଷାର୍ଥଂ ହୈଡିମ୍ବିଂ ପର୍ଯଚୋଦଯତ୍॥ ॥ 7-178-49 (53253)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ଅଷ୍ଟସପ୍ତତ୍ଯଧିକଶତତମୋଽଧ୍ଯାଯଃ॥ 178 ॥
Mahabharata - Drona Parva - Chapter Footnotes
5-178-5 ମାଧବଃ କୃତବର୍ମା॥ 5-178-7 ଇଦମସ୍ମତ୍ସୈନ୍ଯମ୍॥ 5-178-178 ଅଷ୍ଟସପ୍ତତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 179
॥ ଶ୍ରୀଃ ॥
7.179. ଅଧ୍ଯାଯଃ 179
Mahabharata - Drona Parva - Chapter Topics
ଘଟୋତ୍କଚେନାଽଲାଯୁଧବଧଃ॥ 1 ॥Mahabharata - Drona Parva - Chapter Text
7-179-0 (53254)
ସଞ୍ଜଯ ଉବାଚ। 7-179-0x (4737)
ସଂଦୃଶ୍ଯ ସମରେ ଭୀମଂ ରକ୍ଷସା ଗ୍ରସ୍ତମନ୍ତିକାତ୍।
ବାସୁଦେବୋଽବ୍ରବୀଦ୍ରାଜନ୍ଘଟୋତ୍କଚମିଦଂ ବଚଃ॥ 7-179-1 (53255)
ପଶ୍ଯ ଭୀମଂ ମହାବାହୋ ରକ୍ଷସା ଗ୍ରସ୍ତମାହବେ।
ପଶ୍ଯତାଂ ସର୍ବସୈନ୍ଯାନାଂ ତବ ଚୈବ ମହାଦ୍ଯୁତେ॥ 7-179-2 (53256)
ସ କର୍ଣଂ ତ୍ବଂ ସମୁତ୍ସୃଜ୍ଯ ରାକ୍ଷସେନ୍ଦ୍ରମଲାଯୁଧମ୍।
ଜହି କ୍ଷିପ୍ରଂ ମହାବାହୋ ପଶ୍ଚାତ୍କର୍ଣଂ ବଧିଷ୍ଯସି॥ 7-179-3 (53257)
ସ ବାର୍ଷ୍ଣେଯବଚଃ ଶ୍ରୁତ୍ବା କର୍ଣମୁତ୍ସୃଜ୍ଯ ବୀର୍ଯବାନ୍।
ଯୁଯୁଧେ ରାକ୍ଷସେନ୍ଦ୍ରେଣ ବକଭ୍ରାତ୍ରା ଘଟୋତ୍କଚଃ॥ 7-179-4 (53258)
ତଯୋଃ ସୁତୁମୁଲଂ ଯୁଦ୍ଧଂ ବଭୂବ ନିଶି ରକ୍ଷସୋଃ।
ଅଲାଯୁଧସ୍ଯ ଚୈବୋଗ୍ରଂ ହେଡିମ୍ବେଶ୍ଚାପି ଭାରତ॥ 7-179-5 (53259)
ଅଲାଯୁଧସ୍ଯ ଯୋଧାଂଶ୍ଚ ରାକ୍ଷସାନ୍ଭୀମଦର୍ଶନାନ୍।
ବେଗେନାପତତଃ ଶୂରାନ୍ପ୍ରଗୃହୀତଶରାସନାନ୍॥ 7-179-6 (53260)
ଆତ୍ତାଯୁଧଃ ସୁସଙ୍କ୍ରୁଦ୍ଧୋ ଯୁଯୁଧାନୋ ମହାରଥଃ।
ନକୁଲଃ ସହଦେବଶ୍ଚ ଚିଚ୍ଛିଦୁର୍ନିଶିତୈଃ ଶରୈଃ॥ 7-179-7 (53261)
ସର୍ବାଂଶ୍ଚ ସମରେ ରାଜନ୍କିରୀଟୀ କ୍ଷତ୍ରିଯର୍ଷଭାନ୍।
ପରିଚିକ୍ଷେପ ବୀଭତ୍ସୁଃ ସର୍ବତଃ ପ୍ରକିରଞ୍ଛରାନ୍॥ 7-179-8 (53262)
କର୍ଣଶ୍ଚ ସମରେ ରାଜନ୍ବ୍ଯଦ୍ରାବଯତ ପାର୍ଥିବାନ୍।
ଧୃଷ୍ଟଦ୍ଯୁମ୍ନଶିଖଣ୍ଡ୍ଯାଦୀନ୍ପାଞ୍ଚାଲାନାଂ ପହାରଥାନ୍॥ 7-179-9 (53263)
ତାନ୍ବଧ୍ଯମାନାନ୍ଦୃଷ୍ଟ୍ବାଽଥ ଭୀମୋ ଭୀମପରାକ୍ରମଃ।
ଅଭ୍ଯଯାତ୍ତ୍ବରିତଃ କର୍ଣଂ ବିଶିଖାନ୍ପ୍ରକିରନ୍ରଣେ॥ 7-179-10 (53264)
ତତସ୍ତେଽପ୍ଯାଯଯୁର୍ହତ୍ବା ରାକ୍ଷସାନ୍ଯତ୍ର ସୂତଜଃ।
ନକୁଲଃ ସହଦେବଶ୍ଚ ସାତ୍ଯକିଶ୍ଚ ମହାରଥଃ।
ତେ କର୍ଣେ ଯୋଧଯାମାସୁଃ ପାଞ୍ଚାଲା ଦ୍ରୋଣମେବ ତୁ॥ 7-179-11 (53265)
ଅଲାଯୁଧସ୍ତୁ ସଙ୍କ୍ରୁଦ୍ଧୋ ଘଟୋତ୍କଚମରିନ୍ଦମମ୍।
ପରିଘେଣାତିକାଯେନ ତାଡଯାମାସ ମୂର୍ଧନି॥ 7-179-12 (53266)
ସ ତୁ ତେନ ପ୍ରହାରେଣ ଭୈମସେନିର୍ମହାବଲଃ।
ଈଷନ୍ମୂର୍ଛିତମାତ୍ମାନମସ୍ତମ୍ଭଯତ ବୀର୍ଯବାନ୍॥ 7-179-13 (53267)
ତତୋ ଦୀପ୍ତାଗ୍ନିସଙ୍କାଶାଂ ଶତଘଣ୍ଟାମଲଙ୍କୃତାମ୍।
ଚିକ୍ଷେପ ତସ୍ମୈ ସମରେ ଗଦାଂ କାଞ୍ଚନଭୂଷିତାମ୍॥ 7-179-14 (53268)
ସା ହଯାଂଶ୍ଚ ରଥଂ ଚାସ୍ଯ ସାରଥିଂ ଚ ମହାସ୍ବନା।
ଚୂର୍ଣଯାମାସ ବେଗେନ ବିସୃଷ୍ଟା ଭୀମକର୍ମଣା॥ 7-179-15 (53269)
ସ ଭଗ୍ନହଯଚକ୍ରାକ୍ଷାଦ୍ବିଶୀର୍ଣଧ୍ବଜକୂବରାତ୍।
ଉତ୍ପପାତ ରଥାତ୍ତୂର୍ଣଂ ମାଯାମାସ୍ଥାଯ ରାକ୍ଷସୀମ୍॥ 7-179-16 (53270)
ସ ସମାସ୍ଥାଯ ମାଯାଂ ତୁ ବବର୍ଷ ରୁଧିରଂ ବହୁ।
ବିଦ୍ଯୁଦ୍ବିଭ୍ରାଜିତଂ ଚାସୀତ୍ତୁମୁଲାଭ୍ରାକୁଲଂ ନଭଃ॥ 7-179-17 (53271)
ତତୋ ବଜ୍ରନିପାତାଶ୍ଚ ସାଶନିସ୍ତନଯିତ୍ନବଃ।
ମହାଂଶ୍ଚଟଚଟାଶବ୍ଦସ୍ତତ୍ରାସୀଚ୍ଚ ମହାହବେ॥ 7-179-18 (53272)
ତାଂ ପ୍ରେକ୍ଷ୍ଯ ମହତୀଂ ମାଯାଂ ରାକ୍ଷସୋ ରାକ୍ଷସସ୍ଯ ଚ।
ଊର୍ଧ୍ବମୁତ୍ପତ୍ଯ ହୈଡିମ୍ବିସ୍ତାଂ ମାଯାଂ ମାଯଯାଽବଧୀତ୍॥ 7-179-19 (53273)
ସୋଽଭିବୀକ୍ଷ୍ଯ ହତାଂ ମାଯାଂ ମାଯାବୀ ମାଯଯୈବ ହି।
ଅଶ୍ମବର୍ଷଂ ସୁତୁମୁଲଂ ବିସସର୍ଜ ଘଟୋତ୍କଚେ॥ 7-179-20 (53274)
ଅଶ୍ମବର୍ଷଂ ସ ତଂ ଘୋରଂ ଶରବର୍ଷେଣ ବୀର୍ଯବାନ୍।
ଦିକ୍ଷୁ ବିଧ୍ବଂସଯାମାସ ତଦଦ୍ଭୁତମିବାଭବତ୍॥ 7-179-21 (53275)
ତତୋ ନାନାପ୍ରହରଣୈରନ୍ଯୋନ୍ଯମଭିବର୍ଷତାମ୍।
ଆଯସୈଃ ପରିଘୈଃ ଶୂଲୈର୍ଗଦାମୁସଲମୁଦ୍ଗରୈଃ॥ 7-179-22 (53276)
ପିନାକୈଃ କରବାଲୈଶ୍ଚ ତୋମରପ୍ରାସକମ୍ପନୈଃ।
ନାରାଚୈର୍ନିଶିତୈର୍ଭଲ୍ଲୈଃ ଶରୈଶ୍ଚକ୍ରୈଃ ପରଶ୍ବଥୈଃ॥ 7-179-23 (53277)
ଅଯୋଗୁଡୈର୍ଭିଣ୍ଡିପାଲୈର୍ଗୋଶୀର୍ଷୋଲୂଖଲୈରପି।
ଉତ୍ପାଟିତୈର୍ମହାଶାଖୈର୍ବିବିଧୈର୍ଜଗତୀରୁହୈଃ॥ 7-179-24 (53278)
ଶମୀପୀଲୂକଦମ୍ବୈଶ୍ଚ ଚମ୍ପକୈଶ୍ଚୈବ ଭାରତ।
ଇଙ୍ଗୁଦୈର୍ବଦରୀଭିଶ୍ଚ କୋବିଦାରୈଶ୍ଚ ପୁଷ୍ପିତୈଃ॥ 7-179-25 (53279)
ପଲାଶୈଶ୍ଚାରିମେଦୈଶ୍ଚ ପ୍ଲୁକ୍ଷନ୍ଯଗ୍ରୋଧପିପ୍ପଲୈଃ।
ମହଦ୍ଭିଃ ସମରେ ତସ୍ମିନ୍ନ୍ଯୋନ୍ଯମଭିଜଘ୍ନତୁଃ॥ 7-179-26 (53280)
ବିପୁଲୈଃ ପର୍ବତାଗ୍ରୈଶ୍ଚ ନାନାଧାତୁଭିରାଚିତୈଃ।
ତେଷାଂ ଶବ୍ଦୋ ମହାନାସୀଦ୍ବଜ୍ରାଣାଂ ଭିଦ୍ଯତାମିବ॥ 7-179-27 (53281)
ଯୁଦ୍ଧଂ ସମଭବଦ୍ଧୋରଂ ଭୈମ୍ଯଲାଯୁଧଯୋର୍ନୃପ।
ହରୀନ୍ଦ୍ରଯୋର୍ଯଥା ରାଜନ୍ବାଲିସୁଗ୍ରୀବଯୋଃ ପୁରା॥ 7-179-28 (53282)
ତୌ ଯୁଦ୍ଧ୍ବା ବିବିଧୈର୍ଘୋରୈରାଯୁଧୈର୍ବିଶିଖୈସ୍ତଥା।
ଉତ୍ସୃଜ୍ଯ ଚ ଶିତୌ ଖଙ୍ଖାଗବନ୍ଯୋମଭିପେତତୁଃ॥ 7-179-29 (53283)
ତାବନ୍ଯୋନ୍ଯମଭିଦ୍ରୁତ୍ଯ କେଶେଷୁ ସୁମହାବଲୌ।
ଭୁଜାଭ୍ଯାଂ ପର୍ଯଗୃହ୍ଣୀତାଂ ମହାକାଯୌ ମହାବଲୌ॥ 7-179-30 (53284)
ତୌ ସ୍ବିନ୍ନଗାତ୍ରୌ ପ୍ରସ୍ବେଦଂ ସୁସ୍ରୁବାତେ ଜନାଧିପ।
ରୁଧିରଂ ଚ ମହାକାଯାବତିବୃଷ୍ଟାବିବାମ୍ବୁଦୌ॥ 7-179-31 (53285)
ଅଥାଭିପତ୍ଯ ବେଗେନ ସମୁଦ୍ଧାମ୍ଯ ଚ ରାକ୍ଷସମ୍।
ବଲେନାକ୍ଷିପ୍ଯ ହୈଡିମ୍ବିଶ୍ଚକର୍ତାସ୍ଯ ଶିରୋ ମହତ୍॥ 7-179-32 (53286)
ସୋଽପହୃତ୍ଯ ଶିରସ୍ତସ୍ଯ କୁଣ୍ଡଲାଭ୍ଯାଂ ବିଭୂପିତମ୍।
ତଦା ସୁତୁମୁଲଂ ନାଦଂ ନନାଦ ସୁମହାବଲଃ॥ 7-179-33 (53287)
ହତଂ ଦୃଷ୍ଟ୍ବା ମହାକାଯଂ ବକଜ୍ଞାତିମରିନ୍ଦମମ୍।
ପାଞ୍ଚାଲାଃ ପାଣ୍ଡବାଶ୍ଚୈବ ସିଂହନାଦାନ୍ବିନେଦିରେ॥ 7-179-34 (53288)
ତତୋ ଭେରୀସହସ୍ରାଣି ଶଙ୍ଖାନାମଯୁତାନି ଚ।
ଅବାଦଯନ୍ପାଣ୍ଡବେଯା ରାକ୍ଷସେ ନିହତେ ଯୁଧି॥ 7-179-35 (53289)
ଅତୀବ ସା ନିଶା ତେଷାଂ ବଭୂବ ବିଜଯାବହା।
ବିଦ୍ଯୋତମାନା ବିବଭୌ ସମନ୍ତାଦ୍ଦୀପମାଲିନୀ॥ 7-179-36 (53290)
ଅଲାଯୁଧସ୍ଯ ତୁ ଶିରୋ ଭୈମସେନିର୍ମହାବଲଃ।
ଦୁର୍ଯୋଧନସ୍ଯ ପ୍ରମୁଖେ ଚିକ୍ଷେପ ଗତଚେତସଃ॥ 7-179-37 (53291)
ଅଥ ଦୁର୍ଯୋଧନୋ ରାଜା ଦୃଷ୍ଟ୍ବା ହତମଲାଯୁଧମ୍।
ବଭୂବ ପରମୋଦ୍ବିଗ୍ନଃ ସହ ସୈନ୍ଯେନ ଭାରତ॥ 7-179-38 (53292)
ତେନ ହ୍ଯସ୍ଯ ପ୍ରତିଜ୍ଞାତଂ ଭୀମସେନମହଂ ଯୁଧି।
ହନ୍ତେତି ସ୍ବଯମାଗମ୍ଯ ସ୍ମରତା ବୈରମୁତ୍ତମମ୍॥ 7-179-39 (53293)
ଧ୍ରୁବଂ ସ ତେନ ହନ୍ତବ୍ଯ ଇତ୍ଯମନ୍ଯତ ପାର୍ଥିବଃ।
ଜୀବିତଂ ଚିରକାଲଂ ଭ୍ରାତୄଣାଂ ଚାପ୍ଯମନ୍ଯତ॥ 7-179-40 (53294)
ସ ତଂ ଦୃଷ୍ଟ୍ବା ବିନିହତଂ ଭୀମସେନାତ୍ମଜେନ ବୈ।
ପ୍ରତିଜ୍ଞାଂ ଭୀମସେନସ୍ଯ ପୂର୍ଣାମେବାଭ୍ଯମନ୍ଯତ॥ ॥ 7-179-41 (53295)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ଏକୋନାଶୀତ୍ଯଧିକଶତତମୋଽଧ୍ଯାଯଃ॥ 179 ॥
Mahabharata - Drona Parva - Chapter Footnotes
5-179-28 ହରୀନ୍ଦ୍ରଯୋଃ ସିଂହମୁଖ୍ଯଯୋଃ॥ 5-179-179 ଏକୋନାଶୀତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 180
॥ ଶ୍ରୀଃ ॥
7.180. ଅଧ୍ଯାଯଃ 180
Mahabharata - Drona Parva - Chapter Topics
କର୍ଣେନ ଘଟୋତ୍କଚବଧଃ॥ 1 ॥Mahabharata - Drona Parva - Chapter Text
7-180-0 (53296)
ସଞ୍ଜଯ ଉବାଚ। 7-180-0x (4738)
ନିହତ୍ଯାଲାଯୁଧଂ ରକ୍ଷଃ ପ୍ରହୃଷ୍ଟାତ୍ମା ଘଟୋତ୍କଚଃ।
ନନାଦ ବିବିଧାନ୍ନାଦାନ୍ବାହିନ୍ଯା ପ୍ରମୁଖେ ତବ॥ 7-180-1 (53297)
ତସ୍ଯ ତଂ ତୁମୁଲଂ ଶବ୍ଦଂ ଶ୍ରୁତ୍ବା ହୃଦଯକମ୍ପନମ୍।
ତାବକାନାଂ ମହାରାଜ ଭଯମାସୀତ୍ସୁଦାରୁଣମ୍॥ 7-180-2 (53298)
ଅଲାଯୁଧବିଷକ୍ତଂ ତୁ ଭୈମସେନିଂ ମହାବଲମ୍।
ଦୃଷ୍ଟ୍ବା କର୍ଣୋ ମହାବାହୁଃ ପାଞ୍ଚାଲାନ୍ସମୁପାଦ୍ରବତ୍॥ 7-180-3 (53299)
ଦଶଭିର୍ଦଶଭିର୍ବାଣୈର୍ଧୃଷ୍ଟଦ୍ଯୁମ୍ନଶିଖଣ୍ଡିନୌ।
ଦୃଢୈଃ ପୂର୍ଣାଯତୋତ୍ସୃଷ୍ଟୈର୍ବିଭେଦ ନତପର୍ବଭିଃ॥ 7-180-4 (53300)
ତତଃ ପରମନାରାଚୈର୍ଯୁଧାମନ୍ଯୂତ୍ତମୌଜସୌ।
ସାତ୍ଯକିଂ ଚ ରଥୋଦାରଂ କମ୍ପଯମାସ ମାର୍ଗଣୈଃ॥ 7-180-5 (53301)
ତେଷାମପ୍ଯସ୍ଯତାଂ ସଙ୍ଖ୍ଯେ ସର୍ବେଷାଂ ସବ୍ଯଦକ୍ଷିଣମ୍।
ମଣ୍ଡଲାନ୍ଯେବ ଚାପାନି ବ୍ଯଦୃଶ୍ଯନ୍ତ ଜନାଧିପ॥ 7-180-6 (53302)
ତେଷାଂ ଜ୍ଯାତଲନିର୍ଘୋଷୋ ରଥନେମିସ୍ବନଶ୍ଚ ହ।
ମେଘାନାମିବ ଘର୍ମାନ୍ତେ ବଭୂବ ତୁମୁଲୋ ନିଶି॥ 7-180-7 (53303)
ଜ୍ଯାନେମିଘୋଷସ୍ତନଯିତ୍ନୁମାନ୍ବୈ
ଧନୁସ୍ତଟିନ୍ମଣ୍ଡଲକେତୁଶୃଙ୍ଗଃ।
ଶରୌଘବର୍ଷାକୁଲବୃଷ୍ଟିମାଂଶ୍ଚ
ସଙ୍କ୍ରାମମେଘଃ ସ ବଭୂବ ରାଜନ୍॥ 7-180-8 (53304)
ତଦଦ୍ଭୁତଂ ଶୈଲ ଇବାପ୍ରକମ୍ପୋ
ବର୍ଷଂ ମହାଶୈଲସମାନସାରଃ।
ବିଧ୍ବଂସଯାମାସ ରଣେ ନରେନଦ୍ର
ବୈକର୍ତନଃ ଶତ୍ରୁଗଣାବମର୍ଦୀ॥ 7-180-9 (53305)
ତତୋଽତୁଲୈର୍ବଜ୍ରନିପାତକଲ୍ପୈଃ
ଶିତୈଃ ଶରୈଃ କାଞ୍ଚନଚିତ୍ରପୁଙ୍ଖୈଃ।
ଶତ୍ରୂନ୍ବ୍ଯପୋହତ୍ସମରେ ମହାତ୍ମା
ବୈକର୍ତନଃ ପୁତ୍ରହିତେ ରତସ୍ତେ॥ 7-180-10 (53306)
ସଞ୍ଛିନ୍ନଭିନ୍ନଧ୍ବଜିନଶ୍ଚ କେଚି--
ତ୍କେଚିଚ୍ଛରୈରର୍ଦିତଭିନ୍ନଦେହାଃ।
କେଚିଦ୍ବିସୂତା ବିହଯାଶ୍ଚ କେଚି--
ଦ୍ବୈକର୍ତନେନାଶୁ କୃତା ବଭୂବୁଃ॥ 7-180-11 (53307)
ଅବିନ୍ଦମାନାସ୍ତ୍ବଥ ଶର୍ମ ସଙ୍ଖ୍ଯେ
ଯୌଧିଷ୍ଠିରଂ ତେ ବଲମଭ୍ଯପଦ୍ଯନ୍।
ତାନ୍ପ୍ରେକ୍ଷ୍ଯ ଭଗ୍ନାନ୍ବିମୁଖୀକୃତାଂଶ୍ଚ
ଘଟୋତ୍କଚୋ ରୋଷମତୀବ ଚକ୍ରେ॥ 7-180-12 (53308)
ଆସ୍ଥାଯ ତଂ କାଞ୍ଚନରତ୍ନଚିତ୍ରଂ
ରଥୋତ୍ତମଂ ସିଂହବତ୍ସନ୍ନନାଦ।
ବୈକର୍ତନଂ କର୍ଣମୁପେତ୍ଯ ଚାପି
ବିବ୍ଯାଧ ବଜ୍ରପ୍ରତିମୈଃ ପୃଷତ୍କୈଃ॥ 7-180-13 (53309)
ତୌ କର୍ଣିନାରାଚଶିଲୀମୁଖୈଶ୍ଚ
ନାଲୀକଦଣ୍ଡାସନବତ୍ସଦନ୍ତୈଃ।
ବରାହକର୍ଣୈଃ ସବିପାଠଶୃଙ୍ଗୈ-
କ୍ଷୁରପ୍ରବର୍ଷୈଶ୍ଚ ବିନେଦତୁଃ ଖମ୍॥ 7-180-14 (53310)
ତଦ୍ବାଣଧାରାବୃତମନ୍ତରିକ୍ଷଂ
ତିର୍ଯଗ୍ଗତାଭିଃ ସମରେ ରରାଜ।
ସୁବର୍ଣପୁଙ୍ଖଜ୍ବଲିତପ୍ରଭାଭି--
ର୍ବିଚିତ୍ରପୁଷ୍ପାଭିରିବ ପ୍ରଜାଭିଃ॥ 7-180-15 (53311)
ସମାହିତାବପ୍ରତିମପ୍ରଭାବା--
ବନ୍ଯୋନ୍ଯମାଜଘ୍ନତୁରୁତ୍ତମାସ୍ତ୍ରୈଃ।
ତଯୋର୍ହି ବୀରୋତ୍ତମଯୋର୍ନ କଶ୍ଚି--
ଦ୍ଦଦର୍ଶ ତସ୍ମିନ୍ସମରେ ବିଶେଷମ୍॥ 7-180-16 (53312)
ଅତୀବ ତଚ୍ଚିତ୍ରମତୁଲ୍ଯରୂପଂ
ବଭୂବ ଯୁଦ୍ଧଂ ରବିଭୀମସୂନ୍ବୋଃ।
ସମାକୁଲଂ ଶସ୍ତ୍ରନିପାତଘୋରଂ
ଦିବୀବ ରାହ୍ବଂଶୁମତୋଃ ପ୍ରମତ୍ତମ୍॥ 7-180-17 (53313)
ସଞ୍ଜଯ ଉବାଚ। 7-180-18x (4739)
ଘଟୋତ୍କଚଂ ଯଦା କର୍ଣୋ ନ ବିଶେଷଯତେ ନୃପ।
ତତଃ ପ୍ରାଦୁଶ୍ଚକାରୋଗ୍ରମତ୍ତ୍ରମସ୍ତ୍ରବିଦାଂ ବରଃ॥ 7-180-18 (53314)
ତେନାସ୍ତ୍ରେଣାବଧୀତ୍ତସ୍ଯ ରଥଂ ସହଯସାରଥିମ୍।
ବିରଥଶ୍ଚାପି ହୈଡିମ୍ବିଃ କ୍ଷିପ୍ରମନ୍ତରଧୀଯତ॥ 7-180-19 (53315)
ଧୃତରାଷ୍ଟ୍ର ଉବାଚ। 7-180-20x (4740)
ତସ୍ମିନ୍ନନ୍ତର୍ହିତେ ତୂର୍ଣଂ କୁଟଯୋଧିନି ରାକ୍ଷସେ।
ମାମକୈଃ ପ୍ରତିପନ୍ନଂ ଯତ୍ତନ୍ମମାଚକ୍ଷ୍ବ ସଞ୍ଜଯ॥ 7-180-20 (53316)
ସଞ୍ଜଯ ଉବାଚ। 7-180-21x (4741)
ଅନ୍ତର୍ହିତଂ ରାକ୍ଷସେନ୍ଦ୍ରଂ ବିଦିତ୍ବା
ସମ୍ପ୍ରାକ୍ରୋଶନ୍କୁରବଃ ସର୍ବ ଏବ।
କଥଂ ନାଯଂ ରାକ୍ଷସଃ କୂଟଯୋଧୀ
ହନ୍ଯାତ୍କର୍ଣଂ ସମରେଽଦୃଶ୍ଯମାନଃ॥ 7-180-21 (53317)
ତତଃ କର୍ଣୋ ଲଘୁଚିତ୍ରାସ୍ତ୍ରଯୋଧୀ
ସର୍ବା ଦିଶଃ ପ୍ରାବୃଣୋଦ୍ବାଣଜାଲୈଃ।
ନ ବୈ କିଞ୍ଚିତ୍ପ୍ରାପତତ୍ତତ୍ର ଭୂତଂ
ତମୋଭୂତେ ସାଯକୈରନ୍ତରିକ୍ଷେ॥ 7-180-22 (53318)
ନୈବାଦଦାନୋ ନ ଚ ସନ୍ଦଧାନୋ
ନ ଚେଷୁଧୀସ୍ପୃଶମାନଃ କାରଗ୍ରୈଃ।
ଅଦୃଶ୍ଯଦ୍ବୈ ଲାଘବାତ୍ସୂତପୁତ୍ରଃ
ସର୍ବଂ ବାଣୈଶ୍ଛାଦଯାନୋଽନ୍ତରିକ୍ଷମ୍॥ 7-180-23 (53319)
ତତୋ ମାଯାଂ ଦାରୁଣାମନ୍ତରିକ୍ଷେ
ଘୋରାଂ ଭୀମାଂ ବିହିତାଂ ରାକ୍ଷସେନ।
ଅପଶ୍ଯାମ ଲୋହିତାଭ୍ରପ୍ରକାଶାଂ
ଦେଦୀପ୍ଯନ୍ତୀମଗ୍ନିଶିଖାମିବୋଗ୍ରାମ୍॥ 7-180-24 (53320)
ତତସ୍ତସ୍ଯାଂ ବିଦ୍ଯୁତଃ ପ୍ରାଦୁରାସ--
ନ୍ନୁଲ୍କାଶ୍ଚାପି ଜ୍ବଲିତାଃ କୌରବେନ୍ଦ୍ର।
ଘୋପଶ୍ଚାସ୍ଯଃ ପ୍ରାଦୁରାସୀତ୍ସୁଘୋରଃ
ସହସ୍ରଶୋ ନଦତାଂ ଦୁନ୍ଦୁଭୀନାମ୍॥ 7-180-25 (53321)
ତତଃ ଶରାଃ ପ୍ରାପତନ୍ରୁକ୍ମପୁଙ୍ଖାଃ
ଶକ୍ତ୍ଯୃଷ୍ଟିପ୍ରାସମୁସଲାନ୍ଯାଯୁଧାନି।
ପରଶ୍ବଥାସ୍ତୈଲଧୌତାଶ୍ଚ ଖଙ୍ଗାଃ
ପ୍ରଦୀପ୍ତାଗ୍ରାସ୍ତୋମରାଃ ପଟ୍ଟସାଶ୍ଚ॥ 7-180-26 (53322)
ମଯୂଖିନଃ ପରିଘା ଲୋହବଦ୍ଧା
ଗଦାଶ୍ଚିତ୍ରାଃ ଶିତଧାରାଶ୍ଚ ଶୂଲାଃ।
ଗୁର୍ବ୍ଯୋ ଗଦା ହେମପଟ୍ଟାବନଦ୍ଧାଃ
ଶତଘ୍ନ୍ଯଶ୍ଚ ପ୍ରାଦୁରାସନ୍ସମନ୍ତାତ୍॥ 7-180-27 (53323)
ମହାଶିଲାଶ୍ଚାପତଂସ୍ତତ୍ରତତ୍ର
ସହସ୍ରଶଃ ସାଶନଯଶ୍ଚ ବଜ୍ରାଃ।
ଚକ୍ରାଣି ଚାନେକଶତକ୍ଷୁରାଣି
ପ୍ରାଦୁର୍ବଭୂବୁର୍ଜ୍ବଲନପ୍ରଭାଣି॥ 7-180-28 (53324)
ତାଂ ଶକ୍ତିପାଷାଣପରଶ୍ବଥାନାଂ
ପ୍ରାସାସିବଜ୍ରାଶନିମୁଦ୍ଗରାଣାମ୍।
ବୃଷ୍ଟିଂ ବିଶାଲାଂ ଜ୍ବଲିତାଂ ପତନ୍ତୀଂ
କର୍ଣଃ ଶରୌଘୈର୍ନ ଶଶାକ ହନ୍ତୁମ୍॥ 7-180-29 (53325)
ଶରାହତାନାଂ ପତତାଂ ହଯାନାଂ
ବଜ୍ରାହତାନାଂ ଚ ତଥା ଗଜାନାମ୍।
ଶିଲାହତାନାଂ ଚ ମହାରଥାନାଂ
ମହାନ୍ନିନାଦଃ ପତତାଂ ବଭୂବ॥ 7-180-30 (53326)
ସୁଭୀମନାନାବିଧଶସ୍ତ୍ରପାତୈ--
ର୍ଘଟୋତ୍କଚେନାଭିହତଂ ସମନ୍ତାତ୍।
ଦୌର୍ଯୋଧନଂ ବୈ ବଲମାର୍ତରୂପ--
ମାବର୍ତମାନଂ ଦଦୃଶେ ଭ୍ରମତ୍ତତ୍॥ 7-180-31 (53327)
ହାହାକୃତଂ ସମ୍ପରିବର୍ତମାନଂ
ସଂଲୀଯମାନଂ ଚ ବିଷଣ୍ଣରୂପମ୍।
ତେ ତ୍ବାର୍ଯଭାବାତ୍ପୁରୁଷପ୍ରବୀରାଃ
ପରାଙ୍ମୁଖା ନୋ ବଭୂବୁସ୍ତଦାନୀମ୍॥ 7-180-32 (53328)
ତାଂ ରାକ୍ଷସୀଂ ଭୀମରୂପାଂ ସୁଘୋରାଂ
ବୃଷ୍ଟିଂ ମହାଶସ୍ତ୍ରମଯୀଂ ପତନ୍ତୀମ୍।
ଦୃଷ୍ଟ୍ବା ବଲୌଘାଂଶ୍ଚ ନିପାତ୍ଯମାନା--
ନ୍ମହଦ୍ଭଯଂ ତବ ପୁତ୍ରାନ୍ବିବେଶ॥ 7-180-33 (53329)
ଶିବାଶ୍ଚ ବୈଶ୍ବାନରଦୀପ୍ତଜିହ୍ବାଃ
ସୁଭୀମନାଦାଃ ଶତଶୋ ନଦନ୍ତୀଃ।
ରକ୍ଷୋଗଣାନ୍ନର୍ଦତଶ୍ଚାପି ବୀକ୍ଷ୍ଯ
ନରେନ୍ଦ୍ର ଯୋଧା ବ୍ଯଥିତା ବଭୂବୁଃ॥ 7-180-34 (53330)
ତେ ଦୀପ୍ତଜିହ୍ବାନଲତୀକ୍ଷ୍ଣଦଂଷ୍ଟ୍ରା
ବିଭୀଷଣାଃ ଶୈଲନିକାଶକାଯାଃ।
ନଭୋଗତାଃ ଶକ୍ତିବିଷକ୍ତହସ୍ତା
ମେଘା ବ୍ଯମୁଞ୍ଚନ୍ନିବ ବୃଷ୍ଟିମୁଗ୍ରାମ୍॥ 7-180-35 (53331)
ତୈରାହତାସ୍ତେ ଶରଶକ୍ତିଶୂଲୈ--
ର୍ଗଦାଭିରୁଗ୍ରୈଃ ପରିଘୈଶ୍ଚ ଦୀପ୍ତୈଃ।
ବଜ୍ରୈଃ ପିନାକୈରଶନିପ୍ରହାରୈଃ
ଶତଘ୍ନିଚକ୍ରୈର୍ଭଥିତାଶ୍ଚ ପେତୁଃ॥ 7-180-36 (53332)
ଶୂଲା ଭୁଶୁଣ୍ଡ୍ଯୋଽଶ୍ମଗୁଡାଃ ଶତଘ୍ନ୍ଯଃ
ସ୍ଥୂଲାଶ୍ଚ କାର୍ଷ୍ଣାଯସପଟ୍ଟନଦ୍ବାଃ।
ତେଽବାକିରଂସ୍ତବ ପୁତ୍ରସ୍ଯ ସୈନ୍ଯଂ
ତତୋ ରୌଦ୍ରଂ କଶ୍ମଲଂ ପ୍ରାଦୁରାସୀତ୍॥ 7-180-37 (53333)
ବିକୀର୍ଣାନ୍ତ୍ରା ବିହତୈରୁତ୍ତମାଙ୍ଗୈଃ
ସମ୍ଭଗ୍ନାଙ୍ଗଃ ଶିଶ୍ଯିରେ ତତ୍ର ଶୂରାଃ।
ଛିନ୍ନା ହଯାଃ କୁଞ୍ଜରାଶ୍ଚାପି ଭଗ୍ନା
ନ ମୁଚ୍ଯନ୍ତେ ଯାଚମାନାଃ ସୁଭୀତାଃ॥ 7-180-38 (53334)
ଏବଂ ମହଚ୍ଛସ୍ତ୍ରବର୍ଷଂ ସୃଜନ୍ତ--
ସ୍ତେ ଯାତୁଧାନା ଭୁବି ଘୋରରୂପାଃ।
ମାଯାଃ ସୃଷ୍ଟାସ୍ତତ୍ର ଘଟୋତ୍କଚେନ
ନାମୁଞ୍ଚନ୍ବୈ ଯାଚମାନଂ ନ ଭୀତମ୍॥ 7-180-39 (53335)
ତସ୍ମିନ୍ଘୋରେ କୁରୁବୀରାବମର୍ଦେ
କାଲୋତ୍ସୃଷ୍ଟେ କ୍ଷତ୍ରିଯାଣାମଭାବେ।
ତେ ବୈ ଭଗ୍ନାଃ ସହସା ବ୍ଯଦ୍ରବନ୍ତ
ପ୍ରାକ୍ରୋଶନ୍ତଃ କୌରବାଃ ସର୍ବ ଏବ॥ 7-180-40 (53336)
ପଲାଯଧ୍ବଂ କୁରବୋ ନୈତଦସ୍ତି
ସେନ୍ଦ୍ରା ଦେବା ଘ୍ନନ୍ତି ନଃ ପାଣ୍ଡବାର୍ଥେ।
ତଥା ତେଷାଂ ମଜ୍ଜତାଂ ଭାରତାନାଂ
ତସ୍ମିନ୍ଦ୍ବୀପଃ ସୂତପୁତ୍ରୋ ବଭୂବ॥ 7-180-41 (53337)
ତସ୍ମିନ୍ସଙ୍କ୍ରନ୍ଦେ ତୁମୁଲେ ବର୍ତମାନେ
ସୈନ୍ଯେ ଭଗ୍ନେ ଲୀଯମାନେ କୁରୂଣାମ୍।
ଅନ୍ନୀକାନାଂ ପ୍ରବିଭାଗେ ପ୍ରକାଶେ
ନ ଜ୍ଞାଯନ୍ତେ କୁରବୋ ନେତରେ ଚ॥ 7-180-42 (53338)
ନିର୍ମର୍ଯାଦେ ବିଦ୍ରବେ ଘୋରରୂପେ
ସର୍ବା ଦିଶଃ ପ୍ରେକ୍ଷମାଣାଃ ସ୍ମ ଶୂନ୍ଯାଃ।
ତାଂ ଶସ୍ତ୍ରବୃଷ୍ଟିମୁରସା ଗାହମାନଂ
କର୍ଣଂ ସ୍ମୈକଂ ତତ୍ର ରାଜନ୍ନପଶ୍ଯନ୍॥ 7-180-43 (53339)
ତତୋ ବାଣୈରାବୃଣୋଦନ୍ତରିକ୍ଷଂ
ଦିବ୍ଯାଂ ମାଯାଂ ଯୋଧଯନ୍ରାକ୍ଷସସ୍ଯ।
ହୀମାନ୍କୁର୍ବନ୍ଦୁଷ୍କରଂ ଚାର୍ଯକର୍ମ
ନୈବାମୁହ୍ଯତ୍ସଂଯୁଗେ ସୂତପୁତ୍ରଃ॥ 7-180-44 (53340)
ତତୋ ଭୀତାଃ ସମୁଦୈକ୍ଷନ୍ତ କର୍ଣଂ
ରାଜନ୍ସର୍ବେ ସୈନ୍ଧବା ବାହ୍ଲିକାଶ୍ଚ।
ଅସମ୍ମୋହଂ ପୂଜଯନ୍ତୋଽସ୍ଯ ସଙ୍ଖ୍ଯେ
ସମ୍ପଶ୍ଯନ୍ତୋ ବିଜଯଂ ରାକ୍ଷସସ୍ଯ॥ 7-180-45 (53341)
ତେନୋତ୍ସୃଷ୍ଟା ଚକ୍ରଯୁକ୍ତା ଶତଘ୍ନୀ
ସମଂ ସର୍ବାଂଶ୍ଚତୁରୋଽଶ୍ବାଞ୍ଜଘାନ।
ତେ ଜାନୁଭିର୍ଜଗତୀମନ୍ବପଦ୍ଯ--
ନ୍ଗତାସବୋ ନିର୍ଦଶନାକ୍ଷିଜିହ୍ବାଃ॥ 7-180-46 (53342)
ତତୋ ହତାଶ୍ବାଦବରୁହ୍ଯ ଯାନା--
ଦନ୍ତର୍ମନାଃ କୁରୁଷୁ ପ୍ରାଦ୍ରୁବତ୍ସୁ।
ଦିବ୍ଯେ ଚାସ୍ତ୍ରେ ମାଯଯା ବଧ୍ଯମାନେ
ନୈବାମୁହ୍ଯଚ୍ଚିନ୍ତଯନ୍ତ୍ପ୍ରାପ୍ତକାଲମ୍॥ 7-180-47 (53343)
ତତୋଽବ୍ରୁବନ୍କୁରବଃ ସର୍ବ ଏବ
କର୍ଣଂ ଦୃଷ୍ଟ୍ବା ଘୋରରୂପାଂ ଚ ମାଯାମ୍।
ଶକ୍ତ୍ଯା ରକ୍ଷୋ ଜହି କର୍ଣାଦ୍ଯ ତୂର୍ଣଂ
ନଶ୍ଯନ୍ତ୍ଯେତେ କୁରବୋ ଧାର୍ତରାଷ୍ଟ୍ରାଃ॥ 7-180-48 (53344)
କରିଷ୍ଯତଃ କିଞ୍ଚ ନୋ ଭୀମପାର୍ଥୌ
ତପନ୍ତମେନଂ ଜହି ପାପଂ ନିଶୀଥେ।
ଯୋ ନଃ ସଙ୍ଗ୍ରାମାଦ୍ଧୋରରୂପାଦ୍ବିମୁଚ୍ଯେ--
ତ୍ସ ନଃ ପାର୍ଥାନ୍ସବାଲାନ୍ଯୋଧଯେତ॥ 7-180-49 (53345)
ତସ୍ମାଦେନଂ ରାକ୍ଷସଂ ଘୋରରୂପଂ
ଶକ୍ତ୍ଯା ଜହି ତ୍ବଂ ଦତ୍ତଯା ବାସବେନ।
ମା କୌରବାଃ ସର୍ବ ଏବେନ୍ଦ୍ରକଲ୍ପା
ରାତ୍ରିଯୁଦ୍ଧେ କର୍ଣ ନେଶୁଃ ସଯୋଧାଃ॥ 7-180-50 (53346)
ସ ବଧ୍ଯମାନୋ ରକ୍ଷସା ବୈ ନିଶୀଥେ
ଦୃଷ୍ଟ୍ବା ରାଜଂସ୍ତ୍ରାସ୍ଯମାନଂ ବଲଂ ଚ।
ମହଚ୍ଛ୍ରୁତ୍ବା ନିନଦଂ କୌରବାଣାଂ
ମତିଂ ଦଧ୍ରେ ଶକ୍ତିମୋକ୍ଷାଯ କର୍ଣଃ॥ 7-180-51 (53347)
ସ ବୈ କ୍ରୁଦ୍ଧଃ ସିଂହ ଇବାତ୍ଯମର୍ଷୀ
ନାମର୍ଷଯନ୍ପ୍ରତିଘାତଂ ରଣେଽସୌ।
ଶକ୍ତିଂ ଶ୍ରେଷ୍ଠାଂ ବୈଜଯନ୍ତୀମସହ୍ଯାଂ
ସମାଦଦେ ତସ୍ଯ ବଧଂ ଚିକୀର୍ଷନ୍॥ 7-180-52 (53348)
ଯାଽସୌ ରାଜନ୍ନିହିତା ବର୍ଷପୂଗା--
ନ୍ବଧାଯାଜୌ ସତ୍କୃତା ଫଲ୍ଗୁନସ୍ଯ।
ଯାଂ ବୈ ପ୍ରାଦାତ୍ସୂତ ପୁତ୍ରାଯ ଶକ୍ରଃ
ଶକ୍ତିଂ ଶ୍ରେଷ୍ଠାଂ କୁଣ୍ଡଲାଭ୍ଯାଂ ନିମାଯ॥ 7-180-53 (53349)
ତାଂ ବୈ ଶକ୍ତିଂ ଲେଲିହାନାଂ ପ୍ରଦୀପ୍ତାଂ
ପାଶୈର୍ଯୁକ୍ତାମନ୍ତକସ୍ଯେବ ଜିହ୍ବାମ୍।
ମୃତ୍ଯୋଃ ସ୍ବସାରଂ ଜ୍ବଲିତାମିବୋଲ୍କାଂ
ବୈକର୍ତନଃ ପ୍ରାହିଣୋଦ୍ରାକ୍ଷସାଯ॥ 7-180-54 (53350)
ତାମୁତ୍ତମାଂ ପରକାଯାବହନ୍ତ୍ରୀଂ
ଦୃଷ୍ଟ୍ବା ଶକ୍ତିଂ ବାହୁସଂସ୍ଥାଂ ଜ୍ବଲନ୍ତୀମ୍।
ଭୀତଂ ରକ୍ଷୋ ବିପ୍ରଦୁଦ୍ରାବ ରାଜନ୍
କୃତ୍ବାଽଽତ୍ମାନଂ ବିନ୍ଧ୍ଯତୁଲ୍ଯପ୍ରମାଣମ୍॥ 7-180-55 (53351)
ଦୃଷ୍ଟ୍ବା ଶକ୍ତିଂ କର୍ଣବାହ୍ବନ୍ତରସ୍ଥାଂ
ନେଦୁର୍ଭୂତାନ୍ଯନ୍ତରିକ୍ଷେ ନରେନ୍ଦ୍ର।
ବବୁର୍ବାତାସ୍ତୁମୁଲାଶ୍ଚାପି ରାଜ--
ନ୍ସନିର୍ଘାତା ଚାଶନିର୍ଗାଂ ଜଗାମ॥ 7-180-56 (53352)
ସା ତାଂ ମାଯାଂ ଭସ୍ମ କୃତ୍ବା ଜ୍ବଲନ୍ତୀ
ଭିତ୍ତ୍ବା ଗାଢଂ ହୃଦଯଂ ରାକ୍ଷସସ୍ଯ।
ଊର୍ଧ୍ବଂ ଯଯୌ ଦୀପ୍ଯମାନା ନିଶାଯାଂ
ନକ୍ଷତ୍ରାଣାମନ୍ତରାଣ୍ଯାବିବେଶ॥ 7-180-57 (53353)
ସ ନିର୍ଭିନ୍ନୋ ବିବିଧୈରସ୍ତ୍ରପୂଗୈ--
ର୍ଦିବ୍ଯୈର୍ନାଗୈର୍ମାନୁଷୈ ରାକ୍ଷସୈଶ୍ଚ।
ନଦନ୍ନାଦାନ୍ବିବିଧାନ୍ଭୈରବାଂଶ୍ଚ
ପ୍ରାଣାନିଷ୍ଟାଂସ୍ତ୍ଯାଜିତଃ ଶକ୍ରଶକ୍ତ୍ଯା॥ 7-180-58 (53354)
ଇଦଂ ଚାନ୍ଯଚ୍ଚିତ୍ରମାଶ୍ଚର୍ଯରୂପଂ
ଚକାରାସୌ କର୍ମ ଶତ୍ରୁକ୍ଷଯାଯ।
ତସ୍ମିନ୍କାଲେ ଶକ୍ତିନିର୍ଭିନ୍ନମର୍ମା
ବଭୌ ରାଜଞ୍ଶୈଲମେଘପ୍ରକାଶଃ॥ 7-180-59 (53355)
ତତୋଽନ୍ତରିକ୍ଷାଦପତଦ୍ଗତାସୁଃ
ସ ରାକ୍ଷସେନ୍ଦ୍ରୋ ଭୁବି ଭିନ୍ନଦେହଃ।
ଅବାକ୍ଶିରାଃ ସ୍ତବ୍ଧଗାତ୍ରୋ ବିଜିହ୍ବୋ
ଘଟୋତ୍କଚୋ ମହଦାସ୍ଥାଯ ରୂପମ୍॥ 7-180-60 (53356)
ସ ତଦ୍ରୂପଂ ଭୈରବଂ ଭୀମକର୍ମା
ଭୀମଂ କୃତ୍ବା ଭୈମସେନିଃ ପପାତ।
ହତୋଽପ୍ଯେବଂ ତବ ସୈନ୍ଯୈକଦେଶ--
ମପୋଥଯତ୍ସ୍ବେନ ଦେହେନ ରାଜନ୍॥ 7-180-61 (53357)
ପତଦ୍ରକ୍ଷଃ ସ୍ବେନ କାଯେନ ତୂର୍ଣ--
ମତିପ୍ରମାଣେନ ବିବର୍ଧତା ଚ।
ପ୍ରିଯଂ କୁର୍ବନ୍ପାଣ୍ଡବାନାଂ ଗତାସୁ--
ରକ୍ଷୌହିଣୀଂ ତବ ତୂର୍ଣଂ ଜଘାନ॥ 7-180-62 (53358)
ତତୋ ମିଶ୍ରାଃ ପ୍ରାଣଦନ୍ସିଂହନାଦୈ--
ର୍ଭେର୍ଯଃ ଶଙ୍ଖା ମୁରଜାଶ୍ଚାନକାଶ୍ଚ।
ଦଗ୍ଧାଂ ମାଯାଂ ନିହତଂ ରାକ୍ଷସଂ ଚ
ଦୃଷ୍ଟ୍ବା ହୃଷ୍ଟ୍ବାଃ ପ୍ରାଣଦନ୍କୌରବେଯାଃ॥ 7-180-63 (53359)
ତତଃ କର୍ଣଃ କୁରୁଭିଃ ପୂଜ୍ଯମାନୋ
ଯଥା ଶକ୍ରୋ ବୃତ୍ରବଧେ ମରୁଦ୍ଭିଃ।
ଅନ୍ବାରୂଢସ୍ତବ ପୁତ୍ରସ୍ଯ ଯାନଂ
ହୃଷ୍ଟଶ୍ଚାପି ପ୍ରାବିଶତ୍ତତ୍ସ୍ବସୈନ୍ଯମ୍॥ ॥ 7-180-64 (53360)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ଅଶୀତ୍ଯଧିକଶତତମୋଽଧ୍ଯାଯଃ॥ 180 ॥
Mahabharata - Drona Parva - Chapter Footnotes
5-180-8 କେତୁଶୃଙ୍ଗଃ ଧ୍ବଜଶିଖରଃ॥ 5-180-15 ତିର୍ଯଗ୍ଗତାଭିରିଷୁପଙ୍କ୍ତିଭିରିତି ଶେଷଃ॥ 5-180-20 ପ୍ରତିପନ୍ନଂ କର୍ତବ୍ଯତ୍ବେନ ଜ୍ଞାତମନୁଷ୍ଠିତଂ ଚ॥ 5-180-23 ଅଦୃଶ୍ଯାତ୍ ଅଦୃଶ୍ଯତ॥ 5-180-43 ଉରସା ହାର୍ଦବଲେନ॥ 5-180-180 ଅଶୀତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 181
॥ ଶ୍ରୀଃ ॥
7.181. ଅଧ୍ଯାଯଃ 181
Mahabharata - Drona Parva - Chapter Topics
ଘଟୋତ୍କଚନିଧନାତ୍ସର୍ବେଷୁ ଶୋଚତ୍ସୁ ହର୍ଷାଦାତ୍ମାନଂ ପରିଷ୍ବଜମାନଂ କୃଷ୍ଣଂ ପ୍ରତ୍ଯର୍ଜୁନେନ ହର୍ଷଙେତୁପ୍ରଶ୍ନଃ॥ 1 ॥ କୃଷ୍ଣେନ ତଦଭିଧାନପୂର୍ବକଂ କର୍ଣପ୍ରଭାବପ୍ରଶଂସନମ୍॥ 2 ॥Mahabharata - Drona Parva - Chapter Text
7-181-0 (53361)
`ଧୃତରାଷ୍ଟ୍ର ଉବାଚ। 7-181-0x (4742)
ତସ୍ମିନ୍ହତେ ମହାମାଯେ ମହାତେଜସି ରାକ୍ଷସେ।
ଅମର୍ଷିତାଃ ପାଣ୍ଡବେଯାଃ କିମକୁର୍ବନ୍ମହାରଣେ॥ 7-181-1 (53362)
ମର୍ଦିତାଶ୍ଚ ଭୃଶଂ ଯୁଦ୍ଧେ କିମକୁର୍ବନ୍ତ ସଞ୍ଜଯ॥ 7-181-2 (53363)
ଯେ ଚ ତେଽଭ୍ଯଦ୍ରବନ୍ଦ୍ରୋଣଂ ବ୍ଯୂଢାନୀକଂ ପ୍ରହାରିଣଃ।
ସୃଞ୍ଜଯାଃ ସହ ପାଞ୍ଚାଲୈସ୍ତେଽରୁର୍ବନ୍କିଂ ମହାରଣେ॥ 7-181-3 (53364)
ସୌମଦତ୍ତିବଧାଦ୍ଦ୍ରୋଣମାଯତ୍ତଂ ସୈନ୍ଧବସ୍ଯ ଚ।
ଅମର୍ଷାଜ୍ଜୀବିତଂ ତ୍ଯକ୍ତ୍ବା ଗାହମାନଂ ବରୂଥିନୀମ୍॥ 7-181-4 (53365)
ଜୃମ୍ଭମାଣମିବ ବ୍ଯାଘ୍ରଂ ବ୍ଯାତ୍ତାନନମିବାନ୍ତକମ୍।
କଥଂ ପ୍ରତ୍ଯୁଦ୍ଯଯୁର୍ଦ୍ରୋଣମଜଯ୍ଯଂ କୁରୁସୃଞ୍ଜଯାଃ॥ 7-181-5 (53366)
ଆଚାର୍ଯଂ ଯେ ଚ ରକ୍ଷନ୍ତି ଦୁର୍ଯୋଧନପୁରୋଗମାଃ।
ଦ୍ରୌଣିକର୍ଣକୃପାସ୍ତାତ ତେ ହ୍ଯକୁର୍ବନ୍କିମାହବେ॥ 7-181-6 (53367)
ଭାରଦ୍ବାଜଂ ଜିଘାଂସନ୍ତୌ ସବ୍ଯସାଚିବୃକୋଦରୌ।
ଆର୍ଚ୍ଛତାଂ ମାମକାନ୍ଯୁଦ୍ଧେ କଥଂ ସଞ୍ଜଯ ଶଂସ ମେ॥ 7-181-7 (53368)
ସିନ୍ଧୁରାଜବଧେନେମେ ଘଟୋତ୍କଚବଧେନ ତେ।
ଅମର୍ଷିତାଶ୍ଚ ସଙ୍କ୍ରୁଦ୍ଧା ରଣଂ ଚକ୍ରୁଃ କଥଂ ଯୁଧି'॥ 7-181-8 (53369)
ସଞ୍ଜଯ ଉବାଚ। 7-181-9x (4743)
ହୈଡିମ୍ବିଂ ନିହତଂ ଦୃଷ୍ଟ୍ବା ବିଶୀର୍ଣମିବ ପର୍ବତମ୍।
ବଭୂବୁଃ ପାଣ୍ଡବାଃ ସର୍ବେ ଶୋକବାଷ୍ପାକୁଲେକ୍ଷଣାଃ॥ 7-181-9 (53370)
ବାସୁଦେବସ୍ତୁ ହର୍ଷେଣ ମହତାଽଭିପରିପ୍ଲୁତଃ।
ନନାଦ ସିଂହବନ୍ନାଦଂ ବ୍ଯଥଯନ୍ନିବ ଭାରତ॥ 7-181-10 (53371)
ହତଂ ଘଟୋତ୍କଚଂ ଜ୍ଞାତ୍ବା ବାସୁଦେବଃ ପ୍ରତାପବାନ୍।
ବିନଦ୍ଯ ଚ ମହାନାଦଂ ପର୍ଯଷ୍ବଜତ ଫଲ୍ଗୁନମ୍॥ 7-181-11 (53372)
ସ ବିନଦ୍ଯ ମହାନାଦମଭୀଶୂନ୍ସନ୍ନିଯମ୍ଯ ଚ।
ନନର୍ତ ହର୍ଷସଂବୀତୋ ବାତୋଦ୍ଧୂତ ଇବ ଦ୍ରୁମଃ॥ 7-181-12 (53373)
ତତଃ ପରିଷ୍ବଜ୍ଯ ପୁନଃ ପାର୍ଥମାସ୍ଫୋଟ୍ଯ ଚାସକୃତ୍।
ରଥୋପସ୍ଥଗତୋ ଧୀମାନ୍ପ୍ରାଣଦତ୍ପୁନରଚ୍ଯୁତଃ॥ 7-181-13 (53374)
ପ୍ରହୃଷ୍ଟମନସଂ ଜ୍ଞାତ୍ବା ବାସୁଦେବଂ ମହାବଲଃ।
ଅର୍ଜୁନୋଽଥାବ୍ରବୀଦ୍ରାଜନ୍ନାତିହୃଷ୍ଟମନା ଇବ॥ 7-181-14 (53375)
ଅତିହର୍ଷୋଽଯମସ୍ଥାନେ ତବାଦ୍ଯ ମଧୁସୂଦନ।
ଶୋକସ୍ଥାନେ ତୁ ସମ୍ପ୍ରାପ୍ତେ ହୈଡିମ୍ବସ୍ଯ ବଧେନ ତୁ॥ 7-181-15 (53376)
ବିମୁଖାନୀହ ସୈନ୍ଯାନି ହତଂ ଦୃଷ୍ଟ୍ବା ଘଟୋତ୍କଚମ୍।
ବଯଂ ଚ ଭୃଶମୁଦ୍ବିଗ୍ନା ହେଡିମ୍ବେସ୍ତୁ ନିପାତନାତ୍॥ 7-181-16 (53377)
ନୈତତ୍କାରଣମଲ୍ପଂ ହି ଭବିଷ୍ଯତି ଜନାର୍ଦନ।
ତଦଦ୍ଯ ଶଂସ ମେ ପୃଷ୍ଟଃ ସତ୍ଯଂ ସତ୍ଯବତାଂ ବର॥ 7-181-17 (53378)
ଯଦ୍ଯେତନ୍ନ ରହସ୍ଯଂ ତେ ବକ୍ତୁମର୍ହସ୍ଯରିନ୍ଦମ।
ଧୈର୍ଯସ୍ଯ ବିକୃତିଂ ବ୍ରୂହି ତ୍ବମଦ୍ଯ ମଧୁସୂଦନ॥ 7-181-18 (53379)
ସମୁଦ୍ରସ୍ଯେବ ସଂଶୋଷଂ ମେରୋରିବ ବିସର୍ପଣମ୍।
ତଥୈତଦଦ୍ଯ ମନ୍ଯେଽହଂ ତବ କର୍ମ ଜନାର୍ଦନ॥ 7-181-19 (53380)
ବାସୁଦେବ ଉବାଚ। 7-181-20x (4744)
ଅତିହର୍ଷମିମଂ ପ୍ରାପ୍ତଂ ଶୃଣୁ ମେ ତ୍ବଂ ଧନଞ୍ଜଯ।
ଅତୀବ ମନସଃ ସଦ୍ଯଃ ପ୍ରସାଦକରମୁତ୍ତମମ୍॥ 7-181-20 (53381)
ଶକ୍ତିଂ ଘଟୋତ୍କଚେନେମାଂ ବ୍ଯଂସଯିତ୍ବା ମହାଦ୍ଯୁତେ।
କର୍ଣଂ ନିହତମେବାଜୌ ବିଦ୍ଧି ସଦ୍ଯୋ ଧନଞ୍ଜଯ॥ 7-181-21 (53382)
ଶକ୍ତିହସ୍ତଂ ପୁନଃ କର୍ଣଂ କୋ ଲୋକେଽସ୍ତି ପୁମାନିହ।
ଯ ଏନମଭିତସ୍ତିଷ୍ଠେତ୍କାର୍ତିକେଯମିବାହବେ॥ 7-181-22 (53383)
ଦିଷ୍ଟ୍ଯାଽପନୀତକବଚୋ ଦିଷ୍ଟ୍ଯାଽପହୃତକୁଣ୍ଡଲଃ।
ଦିଷ୍ଟ୍ଯା ସା ବ୍ଯଂସିତା ଶକ୍ତିରମୋଘାଽସ୍ଯ ଘଟୋତ୍କଚେ॥ 7-181-23 (53384)
ଯଦି ହି ସ୍ଯାତ୍ସକବଚସ୍ତଥୈବ ସ୍ଯାତ୍ସକୁଣ୍ଡଲଃ।
ସାମରାନପି ଲୋକାଂସ୍ତ୍ରୀନେକଃ କର୍ଣୋ ଜଯେଦ୍ରଣେ॥ 7-181-24 (53385)
ବାସବୋ ବା କୁବେରୋ ବା ବରୁଣୋ ବା ଜଲେଶ୍ବରଃ।
ଯମୋ ବା ନୋତ୍ସହେତ୍କର୍ଣଂ ରଣେ ପ୍ରତିସମାସିତୁମ୍॥ 7-181-25 (53386)
ଗାଣ୍ଡୀବମୁଦ୍ଯମ୍ଯ ଭବାଂଶ୍ଚକ୍ରଂ ଚାହଂ ସୁଦର୍ଶନମ୍।
ନ ଶକ୍ତୌ ସ୍ବୋ ରଣେ ଜେତୁଂ ତଥାଯୁକ୍ତଂ ନରର୍ଷଭମ୍॥ 7-181-26 (53387)
ତ୍ବଦ୍ଧିତାର୍ଥଂ ତୁ ଶକ୍ରେଣ ମାଯାପହୃତକୁଣ୍ଡଲଃ।
ବିହୀନକବଚଶ୍ଚାଯଂ କୃତଃ ପରପୁରଞ୍ଜଯଃ॥ 7-181-27 (53388)
ଉତ୍କୃତ୍ଯ କବଚଂ ଯସ୍ମାତ୍କୁଣ୍ଡଲେ ବିମଲେ ଚ ତେ।
ପ୍ରାଦାଚ୍ଛକ୍ରାଯ ବୈ କର୍ଣସ୍ତସ୍ମାଦ୍ବୈକର୍ତନଃ ସ୍ମୃତଃ॥ 7-181-28 (53389)
ଆଶିବିଷ ଇବ କ୍ରୁଦ୍ବଃ ସ୍ତମ୍ଭିତୋ ମନ୍ତ୍ରତେଜସା।
ତଥାଽଦ୍ଯ ଭାତି କର୍ଣୋ ମେ ଶାନ୍ତଜ୍ବାଲ ଇବାନଲଃ॥ 7-181-29 (53390)
ଯଦାପ୍ରଭୃତି କର୍ଣାଯ ଶକ୍ତିର୍ଦତ୍ତା ମହାତ୍ମନା।
ବାସବେନ ମହାବାହୋ କ୍ଷିପ୍ତା ଯାଽସୌ ଘଟତ୍କଚେ॥ 7-181-30 (53391)
କୁଣ୍ଡଲାଭ୍ଯାଂ ନିମାଯାଥ ଦିବ୍ଯେନ କବଚେନ ଚ।
ତାଂ ପ୍ରାପ୍ଯାମନ୍ଯତ ବୃଷା ସତତଂ ତ୍ବାଂ ହତଂ ରଣେ॥ 7-181-31 (53392)
ଏବଂ ଗତୋଽପି ଶକ୍ଯୋଽଯଂ ହତୁଂ ନାନ୍ଯେନ କେନଚିତ୍।
ଋତେ ତ୍ବାଂ ପୁରୁଷବ୍ଯାଘ୍ର ଶପେ ସତ୍ଯେନ ଚାନଘ॥ 7-181-32 (53393)
ବ୍ରହ୍ମଣ୍ଯଃ ସତ୍ଯବାଦୀ ଚ ସପସ୍ବୀ ନିଯତବ୍ରତଃ।
ରିପୁଷ୍ବପି ଦଯାବାଂଶ୍ଚ ତସ୍ମାତ୍କର୍ଣୋ ବୃଷା ସ୍ମୃତଃ॥ 7-181-33 (53394)
ଯୁଦ୍ଧଶୌଣ୍ଡୋ ମହାବାହୁର୍ନିତ୍ଯୋଦ୍ଯତଶରାସନଃ।
କେସରୀବ ବନେ ନର୍ଦନ୍ମତ୍ତମାତଙ୍ଗଯୂଥପାନ୍।
ବିମର୍ଦନ୍ରଥଶାର୍ଦୂଲାନ୍ରାଜତେ ରଣମୂର୍ଧନିxxx॥ 7-181-34 (53395)
ମଧ୍ଯଂଗତ ଇବାଦିତ୍ଯୋ ଯୋ ନ ଶକ୍ଯୋ ନିରୀକ୍ଷିତୁମ୍।
ତ୍ବଦୀଯୈଃ ପୁରୁଷବ୍ଯାଘ୍ର ଯୋଧମୁଖ୍ଯୈର୍ମହାତ୍ସଭିଃ॥ 7-181-35 (53396)
ଶରଜାଲସହସ୍ରାଂଶୁଃ ଶରଦୀବ ଦିxxxx॥ 7-181-36 (53397)
ତପାନ୍ତେ ଜଲଦୋ ଯଦ୍ବଚ୍ଛରଧାରାଃ କ୍ଷରନ୍ମୁହୁଃ।
ଦିବ୍ଯାସ୍ତ୍ରଜଲଦଃ କର୍ଣଃ ପର୍ଜନ୍ଯ ଇବ ବୃଷ୍ଟିମାନ୍॥ 7-181-37 (53398)
ତ୍ରିଦଶୈରପି ଚାସ୍ଯଦ୍ଭିଃ ଶରବର୍ଷଂ ସମନ୍ତତଃ।
ଅଶକ୍ଯସ୍ତଦଯଂ ଜେତୁଂ ସ୍ରବଦ୍ଭିର୍ମାଂସଶୋଣିତମ୍॥ 7-181-38 (53399)
କବଚେନ ବିହୀନଶ୍ଚ କୁଣ୍ଡଲାଭ୍ଯାଂ ଚ ପାଣ୍ଡବ।
ସୋଽଦ୍ଯ ମାନୁଷତାଂ ପ୍ରାପ୍ତୋ ବିମୁକ୍ତଃ ଶକ୍ରଦତ୍ତଯା॥ 7-181-39 (53400)
ଏକୋ ହି ଯୋଗୋଽସ୍ଯ ଭବେଦ୍ବଧାଯ
ଚ୍ଛିଦ୍ରେ ହ୍ଯେନଂ ସ୍ବପ୍ରମତ୍ତଃ ପ୍ରମତ୍ତମ୍।
କୃଚ୍ଛ୍ରଂ ପ୍ରାପ୍ତଂ ରଥଚକ୍ରେ ବିମଗ୍ନେ
ହନ୍ଯାଃ ପୂର୍ବଂ ତ୍ବଂ ତୁ ସଂଜ୍ଞାଂ ବିଚାର୍ଯ॥ 7-181-40 (53401)
ନ ହ୍ଯୁଦ୍ଯତାସ୍ତ୍ରଂ ଯୁଧି ହନ୍ଯାଦଜଯ୍ଯ--
ମପ୍ଯେକବୀରୋ ବଲଭିତ୍ସବଜ୍ରଃ॥ 7-181-41 (53402)
ଜରାସନ୍ଧଶ୍ଚେଦିରାଜୋ ମହାତ୍ମା
ମହାବାହୁଶ୍ଚୈକଲବ୍ଯୋ ନିଷାଦଃ।
ଏକୈକଶୋ ନିହତାଃ ସର୍ବ ଏତେ
ଯୋଗୈସ୍ତୈସ୍ତୈସ୍ତ୍ବଦ୍ଧିତାର୍ଥଂ ମଯୈବ॥ 7-181-42 (53403)
ଅଥାପରେ ନିହତା ରାକ୍ଷସେନ୍ଦ୍ରା
ହିଡିମ୍ବକିର୍ମୀରବକପ୍ରଧାନାଃ।
ଅଲାଯୁଧଃ ପରଚକ୍ରାବମର୍ଦୀ
ଘଟୋତ୍କଚଶ୍ଚୋଗ୍ରକର୍ମା ତରସ୍ବୀ॥ ॥ 7-181-43 (53404)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ଏକାଶୀତ୍ଯଧିକଶତତମୋଽଧ୍ଯାଯଃ॥ 181 ॥
Mahabharata - Drona Parva - Chapter Footnotes
5-181-18 ଧୈର୍ଯସ୍ଯ ବୈକୃତଂ ଇତି ଝ. ପାଠେ ଅସ୍ମତ୍ପକ୍ଷକ୍ଷଯେଣ ତବ ହର୍ଷୋଽସ୍ମଦ୍ଧୈର୍ଯବିନାଶକ ଇତ୍ଯର୍ଥଖଃ॥ 5-181-31 କୁଣ୍ଡଲାଭ୍ଯାଂ ନିମାଯ ବିନିମଯଂ କୃତ୍ବା॥ 5-181-33 ବୃଷା ଧର୍ମପ୍ରଧାନଃ॥ 5-181-37 ପର୍ଜନ୍ଯଇବ ବୃଷ୍ଟିମାନ୍। ନେତା ନେତୃଭିରସ୍ଯଦ୍ଭିଃ ଶରବର୍ଷାଣି ବର୍ଷତାମ୍। ସୋଽଦ୍ଯ ମାନୁଷତାମିତ୍ଯାଦି କ.ଟ.ଡ.ପାଠଃ॥ 5-181-181 ଏକାଶୀତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 182
॥ ଶ୍ରୀଃ ॥
7.182. ଅଧ୍ଯାଯଃ 182
Mahabharata - Drona Parva - Chapter Topics
ଶ୍ରୀକୃଷ୍ଣେନାର୍ଜୁନମ୍ପ୍ରତି ଜରାସନ୍ଧାଦିପରାକ୍ରମକଥନପୂର୍ବକଂ ତେଷାଂ ଦୁର୍ଜଯତଯା ପୂର୍ବମେବ ସ୍ବେନୋପାଯୈର୍ହନନକଥନମ୍॥ 1 ॥Mahabharata - Drona Parva - Chapter Text
7-182-0 (53405)
ଅର୍ଜୁନ ଉବାଚ। 7-182-0x (4745)
କଥମସ୍ମଦ୍ଧିତାର୍ଥଂ ତେ କୈଶ୍ଚ ଯୋଗୈର୍ଜନାର୍ଦନ।
ଜରାସନ୍ଧପ୍ରଭୃତଯୋ ଘାତିତାଃ ପୃଥିବୀଶ୍ବରାଃ॥ 7-182-1 (53406)
ବାସୁଦେବ ଉବାଚ। 7-182-2x (4746)
ଜରାସନ୍ଧଶ୍ଚେଦିରାଜୋ ନୈଷାଦିଶ୍ଚ ମହାବଲଃ।
ଯଦି ସ୍ଯୁର୍ନ ହତାଃ ପୂର୍ବମିଦାନୀଂ ସ୍ଯୁର୍ଭଯଙ୍କରାଃ॥ 7-182-2 (53407)
ଦୁର୍ଯୋଧନସ୍ତାନବଶ୍ଯଂ ବୃଣୁଯାଦ୍ରଥସତ୍ତମାନ୍।
ତେଽସ୍ମାସୁ ନିତ୍ଯବିଦ୍ବିଷ୍ଟାଃ ସଂଶ୍ରଯେଯୁଶ୍ଚ କୌରବାନ୍॥ 7-182-3 (53408)
ତେ ହି ବୀରା ମହେଷ୍ବାସାଃ କୃତାସ୍ତ୍ରା ଦୃଢଯୋଧିନଃ।
ଧାର୍ତରାଷ୍ଟ୍ରଚମୂଂ କୃତ୍ସ୍ନାଂ ରକ୍ଷେଯୁରମରା ଇବ॥ 7-182-4 (53409)
ସୂତପୁତ୍ରୋ ଜରାସନ୍ଧଶ୍ଚେଦିରାଜୋ ନିଷାଦଜଃ।
ସୁଯୋଧନଂ ସମାଶ୍ରିତ୍ଯ ତପେରନ୍ପୃଥିବୀମିମାମ୍॥ 7-182-5 (53410)
ଯୋଗୈରଭିହତା ଯୈସ୍ତେ ତନ୍ମେ ଶୃଣୁ ଧନଞ୍ଜଯ।
ଅଜଯ୍ଯା ହି ବିନା ଯୋଗୈର୍ମୃଧେ ତେ ଦୈବତୈରପି॥ 7-182-6 (53411)
ଏକୈକୋ ହି ପୃଥକ୍ ତେଷାଂ ସମସ୍ତାଂ ରିପୁବାହିନୀମ୍।
ଯୋଧଯେତ୍ସମରେ ପାର୍ଥ ଲୋକପାଲାଭିରକ୍ଷିତାମ୍॥ 7-182-7 (53412)
ଜରାସନ୍ଧୋ ହି ରୁଷିତୋ ରୌହିଣେଯପ୍ରଧର୍ଷିତଃ।
ଅସ୍ମଦ୍ବଧାର୍ଥଂ ଚିକ୍ଷେପ ଗଦାଂ ବୈ ସର୍ବଘାତିନୀମ୍॥ 7-182-8 (53413)
ସୀମନ୍ତମିବ କୁର୍ବାଣା ନଭସଃ ପାବକପ୍ରଭା।
ଅଦୃଶ୍ଯତାପତନ୍ତୀ ସା ଶକ୍ରୁମୁକ୍ତା ଯଥାଽଶନିଃ॥ 7-182-9 (53414)
ତାମାପତନ୍ତୀଂ ଦୃଷ୍ଟ୍ବୈବ ଗଦାଂ ରୋହିଣିନନ୍ଦନଃ।
ପ୍ରତିଘାତାର୍ଥମସ୍ତ୍ରଂ ବୈ ସ୍ଥୂଣାକର୍ଣମବାସୃଜତ୍॥ 7-182-10 (53415)
ଅସ୍ତ୍ରବେଗପ୍ରତିହତା ସା ଗଦା ପ୍ରାପତଦ୍ଭୁବି।
ଦାରଯନ୍ତୀ ଧରାଂ ଦେବୀଂ କମ୍ପଯନ୍ତୀବ ପର୍ବତାନ୍॥ 7-182-11 (53416)
ତତ୍ର ସା ରାକ୍ଷସୀ ଘୋରା ଜରାନାମ୍ନୀ ସୁବିକ୍ରମା।
ସନ୍ଦଧେ ସା ହି ସଞ୍ଜାତଂ ଜରାସନ୍ଧମରିନ୍ଦମମ୍॥ 7-182-12 (53417)
ଦ୍ବାଭ୍ଯାଂ ଜାତୋ ହି ମାତୃଭ୍ଯାମର୍ଧଦେହଃ ପୃଥକ୍ପୃଥକ୍।
ଜରଯା ସନ୍ଧିତୋ ଯସ୍ମାଜ୍ଜରାସନ୍ଧସ୍ତତୋଽଭବତ୍॥ 7-182-13 (53418)
ସା ତୁ ଭୂମିଂ ଗତା ପାର୍ଥ ହତା ସସୁତବାନ୍ଦବା।
ଗଦଯା ତେନ ଚାସ୍ତ୍ରେଣ ସ୍ଥୂଣାକର୍ଣେନ ରାକ୍ଷସୀ॥ 7-182-14 (53419)
ବିନାଭୂତଃ ସ ଗଦଯା ଜରାସନ୍ଧୋ ମହାମୃଧେ।
ନିହତୋ ଭୀମସେନେନ ପଶ୍ଯତସ୍ତେ ଧନଞ୍ଜଯ॥ 7-182-15 (53420)
ଯଦି ହି ସ୍ଯାଦ୍ଗଦାପାଣିର୍ଜରାସନ୍ଧଃ ପ୍ରତାପବାନ୍।
ସେନ୍ଦ୍ରା ଦେବା ନ ତଂ ହନ୍ତୁଂ ରଣେ ଶକ୍ତା ନରୋତ୍ତମ॥ 7-182-16 (53421)
ତ୍ବଦ୍ଧିତାର୍ଥଂ ଚ ନୈଷାଦିରଙ୍ଗୁଷ୍ଠେନ ବିଯୋଜିତଃ।
ଦ୍ରୋଣେନାଚାର୍ଯକଂ କୃତ୍ବା ଛଦ୍ମନା ସତ୍ଯବିକ୍ରମଃ॥ 7-182-17 (53422)
ସ ତୁ ବଦ୍ଧାଙ୍ଗୁଲିତ୍ରାଣୋ ନୈଷାଦିର୍ଦୃଢବିକ୍ରମଃ।
ଅତିମାନୀ ବଚନରୋ ବଭୌ ରାମ ଇବାପରଃ॥ 7-182-18 (53423)
ଏକଲବ୍ଯଂ ହି ସାଙ୍ଗୁଷ୍ଠମଶକ୍ତା ଦେବଦାନବାଃ।
ସରାକ୍ଷସୋରଗାଃ ପାର୍ଥ ବିଜେତୁଂ ଯୁଧି କର୍ହିଚିତ୍॥ 7-182-19 (53424)
କିମୁ ମାନୁଷମାତ୍ରେଣ ଶକ୍ଯଃ ସ୍ଯାତ୍ପ୍ରତିବୀକ୍ଷିତୁମ୍।
ଦୃଢମୁଷ୍ଟିଃ କୃତୀ ନିତ୍ଯମସ୍ଯମାନୋ ଦିବାନିଶମ୍॥ 7-182-20 (53425)
ତ୍ବଦ୍ଧିତାର୍ଥଂ ତୁ ସ ମଯା ହତଃ ସଙ୍ଗ୍ରାମମୂର୍ଧନି॥ 7-182-21 (53426)
ଚେଦିରାଜଶ୍ଚ ବିକ୍ରାନ୍ତଃ ପ୍ରତ୍ଯକ୍ଷଂ ନିହତସ୍ତବ।
ସ ଚାପ୍ଯଶକ୍ଯଃ ସଙ୍ଗ୍ରାମେ ଜେତୁଂ ସର୍ବସୁରାସୁରୈଃ॥ 7-182-22 (53427)
ବଧାର୍ଥଂ ତସ୍ଯ ଜାତୋଽହମନ୍ଯେଷାଂ ଚ ସୁରଦ୍ବିଷାମ୍।
ତ୍ବତ୍ସହାଯୋ ନରବ୍ଯାଘ୍ର ଲୋକାନାଂ ହିତକାମ୍ଯଯା॥ 7-182-23 (53428)
ହିଡିମ୍ବବକକିର୍ମୀରା ଭୀମସେନେନ ପାତିତାଃ।
ରାବଣେନ ସମପ୍ରାଣା ବ୍ରହ୍ମଯଜ୍ଞବିନାଶନାଃ॥ 7-182-24 (53429)
ହତସ୍ତଥୈବ ମାଯାବୀ ହୈଡିମ୍ବେନାପ୍ଯଲାଯୁଧଃ।
ହୈଡିମ୍ବଶ୍ଚାପ୍ଯୁପାଯେନ ଶକ୍ତ୍ଯା କର୍ଣେନ ଘାତିତଃ॥ 7-182-25 (53430)
ଯଦି ହ୍ଯେନଂ ନାହନିଷ୍ଯତ୍କର୍ଣଃ ଶକ୍ତ୍ଯା ମହାମୃଧେ।
ମଯାଂ ବଧ୍ଯୋଽଭବିଷ୍ଯତ୍ସ ଭୈମସେନିର୍ଘଟୋତ୍କଚଃ।
ମଯା ନ ନିହତଃ ପୂର୍ବମେଷ ଯୁଷ୍ମତ୍ପ୍ରିଯେପ୍ସଯା॥ 7-182-26 (53431)
ଏଷ ହି ବ୍ରାହ୍ମଣଦ୍ବେଷୀ ଯଜ୍ଞଦ୍ବେଷୀ ଚ ରାକ୍ଷସଃ।
ଧର୍ମସ୍ଯ ଲୋପ୍ତା ପାପାତ୍ମା ତସ୍ମାଦେବ ନିପାତିତଃ।
ବ୍ଯଂସିତା ଚାପ୍ଯୂପାଯେନ ଶକ୍ରଦତ୍ତା ମଯାଽନଘ॥ 7-182-27 (53432)
ଯେହି ଧର୍ମସ୍ଯ ଲୋପ୍ତାରୋ ବଧ୍ଯାସ୍ତେ ମମ ପାଣ୍ଡବ।
ଧର୍ମସଂସ୍ଥାପନାର୍ଥଂ ହି ପ୍ରତିଜ୍ଞୈଷା ମମାବ୍ଯଯା॥ 7-182-28 (53433)
ବ୍ରହ୍ମ ସତ୍ଯଂ ଦମଃ ଶୌଚଂ ଧର୍ମୋ ହୀଃ ଶ୍ରୀର୍ଧୃତିଃ କ୍ଷମା।
ଯତ୍ର ତତ୍ର ରମେ ନିତ୍ଯମହଂ ସତ୍ଯେନ ତେ ଶପେ॥ 7-182-29 (53434)
ନ ବିଷାଦସ୍ତ୍ବଯା କାର୍ଯଃ କର୍ଣଂ ବୈକର୍ତନଂ ପ୍ରତି।
ଉପଦେକ୍ଷ୍ଯାମ୍ଯୁପାଯଂ ତେ ଯେନ ତଂ ପ୍ରସହିଷ୍ଯସି॥ 7-182-30 (53435)
ସୁଯୋଧନଂ ଚାପି ରଣେ ହନିଷ୍ଯତି ବୃକୋଦରଃ।
ତସ୍ଯାପି ଚ ବଧୋପାଯଂ ବକ୍ଷ୍ଯାମି ତବ ପାଣ୍ଡବ॥ 7-182-31 (53436)
ବର୍ଧତେ ତୁମୁଲସ୍ତ୍ବେଷ ଶବ୍ଦଃ ପଚରମୂଂ ପ୍ରତି।
ବିଦ୍ରବନ୍ତି ଚ ସୈନ୍ଯାନି ତ୍ବଦୀଯାନି ଦିଶୋ ଦଶ॥ 7-182-32 (53437)
ଲବ୍ଧଲକ୍ଷ୍ଯା ହି କୌରବ୍ଯା ବିଧମନ୍ତି ଚମୂଂ ତବ।
ଦହତ୍ଯେଷ ଚ ବଃ ସୈନ୍ଯଂ ଦ୍ରୋଣଃ ପ୍ରହରତାଂ ବରଃ॥ ॥ 7-182-33 (53438)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ଦ୍ବ୍ଯଶୀତ୍ଯଧିକଥତତମୋଽଧ୍ଯାଯଃ॥ 182 ॥
Mahabharata - Drona Parva - Chapter Footnotes
5-182-1 ଯୋଗୈରୁପାଯୈଃ॥ 5-182- ରୌକ୍ମିଣେଯପ୍ରଧର୍ଷିତଃ ଇତି କ.ଙ.ପାଠଃ॥ 5-182- ବ୍ଯଂସିତା ବ୍ଯର୍ଥୀକୃତା ଶକ୍ତିରିତି ଶେଷଃ॥ 5-182-ଦ୍ବ୍ଯଶୀତ୍ଯଧିକଶତତମୋଽଧ୍ଯାଯଃ॥ 182 ॥ଦ୍ରୋଣପର୍ବ - ଅଧ୍ଯାଯ 183
॥ ଶ୍ରୀଃ ॥
7.183. ଅଧ୍ଯାଯଃ 183
Mahabharata - Drona Parva - Chapter Topics
ଧୃତରାଷ୍ଟ୍ରେଣ ସଞ୍ଜଯମ୍ପ୍ରତି କର୍ଣେନ ଅର୍ଜୁନେ ଶକ୍ତେରମୋକ୍ଷଣକାରଣପ୍ରଶ୍ନେ ସଞ୍ଜଯେନ ସାତ୍ଯକିମ୍ପ୍ରତି କୃଷ୍ଣୋକ୍ତତଦୁତ୍ତରକଥନମ୍॥ 1 ॥Mahabharata - Drona Parva - Chapter Text
7-183-0 (53439)
ଧୃତରାଷ୍ଟ୍ର ଉବାଚ। 7-183-0x (4747)
ଏକବୀରବଧେ ମୋଘା ଶକ୍ତିଃ ସୂତାତ୍ମଜେ ଯଦା।
କସ୍ମାତ୍ସର୍ବାନ୍ସମୁତ୍ସୃଜ୍ଯ ସ ତାଂ ପାର୍ଥେ ନ ମୁକ୍ତବାନ୍॥ 7-183-1 (53440)
ତସ୍ମିନ୍ହତେ ହତା ହି ସ୍ଯୁଃ ସର୍ବେ ପାଣ୍ଡବସୃଞ୍ଜଯାଃ।
ଏକବୀରବଧେ କସ୍ମାଦ୍ଯୁଦ୍ଧେ ନ ଜଯମାଦଧେ॥ 7-183-2 (53441)
ଆହୂତୋ ନ ନିବର୍ତେଯମିତି ତସ୍ଯ ମହାବ୍ରତମ୍।
ସ୍ବଯଂ ମାର୍ଗଯିତବ୍ଯଃ ସ ସୂତପୁତ୍ରେଣ ଫଲ୍ଗୁନଃ॥ 7-183-3 (53442)
ତତୋ ଦ୍ବୈରଥମାନୀଯ ଫଲ୍ଗୁନଂ ଶକ୍ତଦତ୍ତଯା।
ଜଘାନ ନ ବୃଷା କସ୍ମାତ୍ତନ୍ମମାଚକ୍ଷ୍ବ ସଞ୍ଜଯ॥ 7-183-4 (53443)
ନୂନଂ ବୁଦ୍ଧିବିହୀନଶ୍ଚାପ୍ଯସହାଯଶ୍ଚ ମେ ସୁତଃ।
ଶତ୍ରୁଭିର୍ବ୍ଯଂସିତଃ ପାପଃ କଥଂ ନୁ ସ ଜଯେଦରୀନ୍॥ 7-183-5 (53444)
ଯା ହ୍ଯସ୍ଯ ପରମା ଶକ୍ତିର୍ଜଯସ୍ଯ ଚ ପରାଯଣମ୍।
ସା ଶଖ୍ତିର୍ବାସୁଦେବେନ ବ୍ଯଂସିତା ଚ ଘଟୋତ୍କଚେ॥ 7-183-6 (53445)
କୁଣେର୍ଯଥା ହସ୍ତଗତଂ ହିଯେଦ୍ବିଲ୍ବଂ ବଲୀଯସା।
ତଥା ଶକ୍ତିରମୋଘା ସା ମୋଘୀଭୂତା ଘଟୋତ୍କଚେ॥ 7-183-7 (53446)
ଯଥା ବରାହସ୍ଯ ଶୁନଶ୍ଚ ଯୁଧ୍ଯତୋ--
ସ୍ତଯୋରଭାବେ ଶ୍ବପଚସ୍ଯ ଲାଭଃ।
ମନ୍ଯେ ବିଦ୍ବନ୍ବାସୁଦେବସ୍ଯ ତଦ୍ବ--
ଦ୍ଯୁଦ୍ଧେ ଲାଭଃ କର୍ଣହୈଡିମ୍ବଯୋର୍ବୈ॥ 7-183-8 (53447)
ଘଟୋତ୍କଚୋ ଯଦି ହନ୍ଯାଦ୍ବି କର୍ଣଂ
ପରୋ ଲାଭଃ ସ ଭବେତ୍ପାଣ୍ଡବାନାମ୍।
ବୈକର୍ତନୋ ବା ଯଦି ତଂ ନିହନ୍ଯା--
ତ୍ତଥାପି କୃତ୍ଯଂ ଶକ୍ତିନାଶାତ୍କୃତଂ ସ୍ଯାତ୍॥ 7-183-9 (53448)
ଇତି ପ୍ରାଜ୍ଞଃ ପ୍ରଜ୍ଞଯୈତଦ୍ବିଚିନ୍ତ୍ଯ
ଘଟୋତ୍କଚଂ ସୂତପୁତ୍ରେଣ ଯୁଦ୍ଧେ।
ଅଘାତଯଦ୍ବାସୁଦେବୋ ନୃସିଂହଃ
ପ୍ରିଯଂ କୁର୍ବନ୍ପାଣ୍ଡବାନାଂ ହିତଂ ଚ॥ 7-183-10 (53449)
ସଞ୍ଜଯ ଉବାଚ। 7-183-11x (4748)
ଏତଚ୍ଚିକୀର୍ଷିତଂ ଜ୍ଞାତ୍ବା କର୍ଣେ ମଧୁନିହା ନୃପ।
ନିଯୋଜଯାମାସ ତଦା ଦ୍ବୈରଥେ ରାକ୍ଷସେଶ୍ବରମ୍॥ 7-183-11 (53450)
ଘଟୋତ୍କଚଂ ମହାବୀର୍ଯଂ ମହାବୁଦ୍ଧିର୍ଜନାର୍ଦନଃ।
ଅମୋଘାଯା ବିଘାତାର୍ଥଂ ରାଜନ୍ଦୁର୍ମନ୍ତ୍ରିତେ ତବ॥ 7-183-12 (53451)
ତଦୈବ କୃତକାର୍ଯା ହି ବଯଂ ସ୍ଯାମ କୁରୂଦ୍ବହ।
ନ ରକ୍ଷେଦ୍ଯଦି କୃଷ୍ଣସ୍ତଂ ପାର୍ଥଂ କର୍ଣାନ୍ମହାରଥାତ୍॥ 7-183-13 (53452)
ସାଶ୍ବଧ୍ବଜରଥଃ ସଙ୍କ୍ଯେ ଧୃତରାଷ୍ଟ୍ର ପତେଦ୍ଭୁବି।
ବିନା ଜନାର୍ଦନଂ ପାର୍ଥୋ ଯୋଗାନାମୀଶ୍ବରଂ ପ୍ରଭୁମ୍॥ 7-183-14 (53453)
ତୈସ୍ତୈରୁପାଯୈର୍ବହୁଭୀ ରକ୍ଷ୍ଯମାଣଃ ସ ପାର୍ଥିବ।
ଜଯତ୍ଯଭିମୁଖଃ ଶତ୍ରୂନ୍ପାର୍ଥଃ କୃଷ୍ଣେନ ପାଲିତଃ॥ 7-183-15 (53454)
ସବିଶେଷଂ ତ୍ବମେଯାତ୍ମା କୃଷ୍ଣୋ ରକ୍ଷେନ୍ନ ଫଲ୍ଗୁନମ୍।
ହନ୍ଯାତ୍କ୍ଷିପ୍ରଂ ହି କୌନ୍ତେଯଂ ଶକ୍ତିର୍ବୃକ୍ଷମିବାଶନିଃ॥ 7-183-16 (53455)
ଧୃତରାଷ୍ଟ୍ର ଉବାଚ। 7-183-17x (4749)
ବିରୋଧୀ ଚ କୁମନ୍ତ୍ରୀ ଚ ପ୍ରାଜ୍ଞମାନୀ ମମାତ୍ମଜଃ।
ଯସ୍ଯୈଷ ସମତିକ୍ରାନ୍ତୋ ବଧୋପାଯୋ ଜଯଂ ପ୍ରତି॥ 7-183-17 (53456)
ସ ବା କର୍ଣୋ ମହାବୁଦ୍ଧିଃ ସର୍ବଶସ୍ତ୍ରଭୃତାଂ ବରଃ।
ନ ମୁକ୍ତବାନ୍କଥଂ ସୂତ ତାମମୋଘାଂ ଧନଞ୍ଜଯେ॥ 7-183-18 (53457)
ତବାପି ସମତିକ୍ରାନ୍ତମେତଦ୍ଗାବଲ୍ଗଣେ କଥମ୍।
ଏତମର୍ଥଂ ମହାବୁଦ୍ଧେ ଯତ୍ତ୍ବଯା ନାବବୋଧିତଃ॥ 7-183-19 (53458)
ସଞ୍ଜଯ ଉବାଚ। 7-183-20x (4750)
ଦୁର୍ଯୋଧନସ୍ଯ ଶକୁନେର୍ମମ ଦୁଃଶାସନସ୍ଯ ଚ।
ରାତ୍ରୌ ରାତ୍ରୌ ଭବତ୍ଯେଷା ନିତ୍ଯମେବ ବିକତ୍ଥନା॥ 7-183-20 (53459)
ଶ୍ବଃ ସର୍ବସୈନ୍ଯାନୁତ୍ସୃଜ୍ଯ ଜହି କର୍ଣ ଧନଞ୍ଜଯମ୍।
ପ୍ରେଷ୍ଯବତ୍ପାଣ୍ଡୁପାଞ୍ଚାଲାନୁପଭୋକ୍ଷ୍ଯାମହେ ତତଃ॥ 7-183-21 (53460)
ଅଥବା ନିହତେ ପାର୍ଥଂ ପାଣ୍ଡବାନ୍ଯତମଂ ତତଃ।
ସ୍ଥାପଯେଦ୍ଯଦି ବାର୍ଷ୍ଣେଯସ୍ତସ୍ମାତ୍କୃଷ୍ଣୋ ହି ହନ୍ଯତାମ୍॥ 7-183-22 (53461)
କୃଷ୍ଣୋ ହି ମୂଲଂ ପାଣ୍ଡୂନାଂ ପାର୍ଥଃ ସ୍କନ୍ଧ ଇବୋଦ୍ଗତଃ।
ଶାଖା ଇବେତରେ ପାର୍ଥାଃ ପାଞ୍ଚାଲାଃ ପତ୍ରସଂଜ୍ଞିତାଃ॥ 7-183-23 (53462)
କୃଷ୍ଣାଶ୍ରଯାଃ କୃଷ୍ଣବଲାଃ କୃଷ୍ଣନାଥାଶ୍ଚ ପାଣ୍ଡବାଃ।
କୃଷ୍ଣଃ ପରାଯଣଂ ଚୈଷାଂ ଜ୍ଯୋତିଷାମିବ ଚନ୍ଦ୍ରମାଃ॥ 7-183-24 (53463)
ତସ୍ମାତ୍ପର୍ଣାନି ଶାଖାଶ୍ଚ ସ୍କନ୍ଧଂ ଚୋତ୍ସୃଜ୍ଯ ସୂତଜ।
କୃଷ୍ଣଂ ହି ବିଦ୍ବି ପାଣ୍ଡୂନାଂ ମୂଲଂ ସର୍ବତ୍ର ସର୍ବଦା॥ 7-183-25 (53464)
ହନ୍ଯାଦ୍ଯଦି ହି ଦାଶାର୍ହଂ କର୍ଣୋ ଯାଦବନନ୍ଦନମ୍।
କୃତ୍ସ୍ନା ବସୁମତୀ ରାଜନ୍ବଶେ ତସ୍ଯ ନ ସଂଶଯଃ॥ 7-183-26 (53465)
ଯଦି ହି ସ ନିହତଃ ଶଯୀତ ଭୂମୌ
ଯଦୁକୁଲପାଣ୍ଡବନନ୍ଦନୋ ମହାତ୍ମା।
ନନୁ ତବ ବସୁଧା ନରେନ୍ଦ୍ର ସର୍ବା
ସଗିରିସମୁଦ୍ରବନା ବଶଂ ବ୍ରଜେତ॥ 7-183-27 (53466)
ସା ତୁ ବୁଦ୍ଧିଃ କୃତାଽପ୍ଯେବଂ ଜାଗ୍ରତି ତ୍ରିଦଶେଶ୍ବରେ।
ଅପ୍ରମେଯେ ହୃଷୀକେଶେ ଯୁଦ୍ଧକାଲେ ତ୍ବମୁହ୍ଯତ॥ 7-183-28 (53467)
ଅର୍ଜୁନଂ ଚାପି ରାଧେଯାତ୍ସଦା ରକ୍ଷତି କେଶବଃ।
ନ ହ୍ଯେନମୈଚ୍ଛତ୍ପ୍ରମୁଖେ ସୌତେଃ ସ୍ଥାପଯିତୁଂ ରଣେ॥ 7-183-29 (53468)
ଅନ୍ଯାଂଶ୍ଚାସ୍ମୈ ରଥୋଦାରାନୁପାସ୍ଥାପଯଦଚ୍ଯୁତଃ।
ଅମୋଘାଂ ତାଂ କଥଂ ଶକ୍ତିଂ ମୋଘାଂ କୁର୍ଯାମିତି ପ୍ରଭୋ॥ 7-183-30 (53469)
ଯଶ୍ଚୈବଂ ରକ୍ଷତେ ପାର୍ଥଂ କର୍ଣାତ୍କୃଷ୍ଣୋ ମହାମନାଃ।
ଆତ୍ମାନଂ ସ କଥଂ ରାଜନ୍ନ ରକ୍ଷେତ୍ପୁରୁପୋତ୍ତମଃ॥ 7-183-31 (53470)
ପରିଚିନ୍ତ୍ଯ ତୁ ପଶ୍ଯାମି ଚକ୍ରାଯୁଧମରିନ୍ଦମମ୍।
ନ ସୋଽସ୍ତି ତ୍ରିଷୁ ଲୋକେଷୁ ଯୋ ଜଯେତ ଜନାର୍ଦନମ୍॥ 7-183-32 (53471)
ସଞ୍ଜଯ ଉବାଚ। 7-183-33x (4751)
ତତଃ କୃଷ୍ଣଂ ମହାବାହୁଂ ସାତ୍ଯକିଃ ସତ୍ଯବିକ୍ରମଃ।
ପପ୍ରଚ୍ଛ ରଥଶାର୍ଦୂଲଃ କର୍ଣଂ ପ୍ରତି ମହାରଥଃ॥ 7-183-33 (53472)
ଅଯଂ ଚ ପ୍ରତ୍ଯଯଃ କର୍ଣେ ଶକ୍ତିଶ୍ଚାମିତବିକ୍ରମା।
କିମର୍ଥଂ ସୂତପୁତ୍ରେଣ ନ ମୁକ୍ତା ଫଲ୍ଗୁନେ ତୁ ସା॥ 7-183-34 (53473)
ବାସୁଦେବ ଉବାଚ। 7-183-35x (4752)
ଦୁଃଶାସନଶ୍ଚ କର୍ଣଶ୍ଚ ଶକୁନିଶ୍ଚ ମସୈନ୍ଧବଃ।
ସତତଂ ମନ୍ତ୍ରଯନ୍ତି ସ୍ମ ଦୁର୍ଯୋଧନପୁରୋଗମାଃ। 7-183-35 (53474)
କର୍ଣକର୍ଣ ମହେଷ୍ବାସ ରଣେଽମିତପରାକ୍ରମ।
ନାନ୍ଯସ୍ଯ ଶକ୍ତିରେଷା ତେ ମୋକ୍ତବ୍ଯା ଜଯତାଂ ବର॥ 7-183-36 (53475)
ଋତେ ମହାରଥାତ୍କର୍ଣ କୁନ୍ତୀପୁତ୍ରାଦ୍ବନଞ୍ଜଯାତ୍।
ସ ହି ତେଷାମତିଯଶା ଦେବାନାମିବ ବାସବଃ॥ 7-183-37 (53476)
ତସ୍ମିନ୍ବିନିହତେ ପାର୍ଥେ ପାଣ୍ଡବାଃ ସୃଞ୍ଜଯୈଃ ସହ।
ଭବିଷ୍ଯନ୍ତି ଗତାତ୍ମାନଃ ସୁରା ଇବ ନିରଗ୍ନଯଃ॥ 7-183-38 (53477)
ତଥେତି ଚ ପ୍ରତିଜ୍ଞାତଂ କର୍ଣେନ ଶିନିପୁଙ୍ଗବ।
ହୃଦି ନିତ୍ଯଂ ଚ କର୍ଣସ୍ଯ ବଧୋ ଗାଣ୍ଡୀବଧନ୍ବନଃ॥ 7-183-39 (53478)
ଅହମେବ ତୁ ରାଧେଯଂ ମୋହଯାମି ଯୁଧାଂବର।
ତତୋ ନାବାସୃଜଚ୍ଛକ୍ତିଂ ପାଣ୍ଡବେ ଶ୍ବେତବାହନେ॥ 7-183-40 (53479)
ଫଲ୍ଗୁନସ୍ଯ ହି ସା ମୃତ୍ଯୁରିତି ଚିନ୍ତଯତୋଽନିଶମ୍।
ନ ନିଦ୍ରା ନ ଚ ମେ ହାର୍ଷୋ ମନସୋଽସ୍ତି ଯୁଧାଂବର॥ 7-183-41 (53480)
ଘଟୋତ୍କଚେ ବ୍ଯଂସିତାଂ ତୁ ଦୃଷ୍ଟ୍ବା ତାଂ ଶିନିପୁଙ୍ଗବ।
ମୃତ୍ଯୋରାସ୍ଯାନ୍ତରାନ୍ମୁକ୍ତଂ ପସ୍ଯାମ୍ଯଦ୍ଯ ଧନଞ୍ଜଯମ୍॥ 7-183-42 (53481)
ନ ପିତା ନ ଚ ମେ ମାତା ନ ଯୂଯଂ ଭ୍ରାତରସ୍ତଥା।
ନ ଚ ପ୍ରାଣାସ୍ତଥା ରକ୍ଷ୍ଯା ଯଥା ବୀଭତ୍ସୁରାହବେ॥ 7-183-43 (53482)
ତ୍ରୈଲୋକ୍ଯରାଜ୍ଯାଦ୍ଯତ୍କିଞ୍ଚିଦ୍ଭବେଦନ୍ଯତ୍ସୁଦୁର୍ଲଭମ୍।
ନେଚ୍ଛେଯଂ ସାତ୍ବତାହଂ ତଦ୍ବିନା ପାର୍ଥଂ ଧନଞ୍ଜଯମ୍॥ 7-183-44 (53483)
ଅତଃ ପ୍ରହର୍ଷଃ ସୁମହାନ୍ଯୁଯୁଧାନାଦ୍ଯ ମେଽଭବତ୍।
ମୃତଂ ପ୍ରତ୍ଯାଗତମିବ ଦୃଷ୍ଟ୍ବା ପାର୍ଥଂ ଧନଞ୍ଜଯମ୍॥ 7-183-45 (53484)
ଅତଶ୍ଚ ପ୍ରହିତୋ ଯୁଦ୍ଧେ ମଯା କର୍ଣାଯ ରାକ୍ଷସଃ।
ନ ହ୍ଯନ୍ଯଃ ସମରେ ରାତ୍ରୌ ଶକ୍ତଃ କର୍ଣଂ ପ୍ରବାଧିତୁମ୍॥ 7-183-46 (53485)
ସଞ୍ଜଯ ଉବାଚ। 7-183-47x (4753)
ଇତି ସାତ୍ଯକଯେ ପ୍ରାହ ତଦା ଦେବକିନନ୍ଦନଃ।
ଧନଞ୍ଜଯହିତେ ଯୁକ୍ତସ୍ତତ୍ପ୍ରିଯେ ସତତଂ ରତଃ॥ ॥ 7-183-47 (53486)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ତ୍ର୍ଯଶୀତ୍ଯଧିକଶତତମୋଽଧ୍ଯାଯଃ॥ 183 ॥
Mahabharata - Drona Parva - Chapter Footnotes
5-183-7 ହିଯେତ୍ ହିଯେତ॥ 5-183-11 ଏତତ୍ପ୍ରକୃତଶକ୍ତ୍ଯାର୍ଜୁନହନନମ୍॥ 5-183-17 ସବିଶେଷାତ୍ତ୍ବମୋଘାଯାଃ କୃଷ୍ଣୋଽରକ୍ଷତ ପାଣ୍ଡବମ ଇତି ଝ. ପାଠଃ। ଏଷ କୃତ୍ସ୍ନଃ ଜଯମ୍ପ୍ରତି ଅର୍ଜୁନସ୍ଯେତ୍ଯର୍ଥଃ॥ 5-183-38 ନିରଗ୍ନଯୋଽଗ୍ନିଂବିନା ମୁଖହୀନା ଇବେତ୍ଯର୍ଥଃ॥ 5-183-47 ହିତେ ଆମୁଷ୍ମିକେ ଶ୍ରେଯସି। ପ୍ରିଯେ ଐହିକେ କଲ୍ଯାଣେ॥ 5-183-183 ବ୍ଯଶୀତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 184
॥ ଶ୍ରୀଃ ॥
7.184. ଅଧ୍ଯାଯଃ 184
Mahabharata - Drona Parva - Chapter Topics
କର୍ଣଶକ୍ତେର୍ଘଟୋତ୍କଚବଧେନ ବୈଫଲ୍ଯାଦ୍ଧୃତରାଷ୍ଟ୍ରେଣ ଶୋଚନମ୍॥ 1 ॥ ଯୁଧିଷ୍ଠିରେଣ କୃଷ୍ଣେ ଘଟୋତ୍କଚକୃତୋପକାରନିବେଦନପୂର୍ବକଂ ଶୋଚନ॥ 2 ॥ ବ୍ଯାସେନ କ୍ରୋଧାତ୍କର୍ଣଜିଘାଂସଯା ଗଚ୍ଛନ୍ତଂ ଯୁଧିଷ୍ଠିରମେତ୍ଯ ସମାଶ୍ବାସନେନ ତଂ ନିବର୍ତ୍ଯ ପୁନରନ୍ତର୍ଧାନମ୍॥ 3 ॥Mahabharata - Drona Parva - Chapter Text
7-184-0 (53487)
ଧୃତରାଷ୍ଟ୍ର ଉବାଚ। 7-184-0x (4754)
କର୍ଣଦୁର୍ଯୋଧନାଦୀନାଂ ଶକୁନେଃ ସୌବଲସ୍ଯ ଚ।
ଅପନୀତଂ ମହତ୍ତାତ ତବ ଚୈବ ବିଶେଷତଃ॥ 7-184-1 (53488)
ଯଦି ଜାନୀଥ ତାଂ ଶକ୍ତିମେକଘ୍ନୀଂ ସତତଂ ରଣେ।
ଅନିବାର୍ଯାମସହ୍ଯାଂ ଚ ଦେବୈରପି ସବାସବୈଃ॥ 7-184-2 (53489)
ସା କିମର୍ଥଂ ତୁ କର୍ଣେନ ପ୍ରବୃତ୍ତେ ସମରେ ପୁରା।
ନ ଦେବକୀସୁତେ ମୁକ୍ତା ଫଲ୍ଗୁନେ ବାଽପି ସଞ୍ଜଯ॥ 7-184-3 (53490)
ସଞ୍ଜଯ ଉବାଚ। 7-184-4x (4755)
ସଙ୍ଗ୍ରାମାଦ୍ବିନିବୃତ୍ତାନାଂ ସର୍ବେଷାଂ ନୋ ବିଶାମ୍ପତେ।
ରାତ୍ରୌ କୁରୁକୁଲଶ୍ରେଷ୍ଠ ମନ୍ତ୍ରୋଽଯଂ ସମଜାଯତ॥ 7-184-4 (53491)
ପ୍ରଭାତମାତ୍ରେ ଶ୍ବୋଭୂତେ କେଶବାଯାର୍ଜୁନାଯ ବା।
ଶକ୍ତିରେଷା ହି ମୋକ୍ତବ୍ଯା କର୍ଣକର୍ଣେନି ନିତ୍ଯଶଃ॥ 7-184-5 (53492)
ତତଃ ପ୍ରଭାତସମଯେ ରାଜନ୍କର୍ଣସ୍ଯ ଦୈବତୈଃ।
ଅନ୍ଯେଷାଂ ଚୈବ ଯୋଧାନାଂ ସା ବୁଦ୍ଧିର୍ନାଶ୍ଯତେ ପୁନଃ॥ 7-184-6 (53493)
ଦୈବମେବ ପରଂ ମନ୍ଯେ ଯତ୍କର୍ଣୋ ହସ୍ତସଂସ୍ଥଯା।
ନ ଜଘାନ ରଣେ ପାର୍ଥଂ କୃଷ୍ଣଂ ବା ଦେବକୀସୁତମ୍॥ 7-184-7 (53494)
ତସ୍ଯ ହସ୍ତସ୍ଥିତା ଶକ୍ତିଃ କାଲରାତ୍ରିରିବୋଦ୍ଯତା।
ଦୈବୋପହତବୁଦ୍ଧିତ୍ବାନ୍ନ ତାଂ କର୍ଣୋ ବିମୁକ୍ତବାନ୍॥ 7-184-8 (53495)
କୃଷ୍ଣେ ବା ଦେବକୀପୁତ୍ରେ ମୋହିତୋ ଦେବମାଯଯା।
ପାର୍ଥେ ବା ଶକ୍ରକଲ୍ପେ ବୈ ବଧାର୍ଥଂ ବାସବୀଂ ପ୍ରଭୋ॥ 7-184-9 (53496)
ଧୃତରାଷ୍ଟ୍ର ଉବାଚ। 7-184-10x (4756)
ଦୈବେନୋପହତା ଯୂଯଂ ସ୍ବବୁଦ୍ଧ୍ଯା କେଶବସ୍ଯ ଚ।
ଗତା ହି ବାସବୀ ହତ୍ବା ତୃଣଭୂତଂ ଘଟୋତ୍କଚମ୍॥ 7-184-10 (53497)
କର୍ଣଶ୍ଚ ମମ ପୁତ୍ରାଶ୍ଚ ସର୍ବେ ଚାନ୍ଯେ ଚ ପାର୍ଥିବାଃ।
ତେନ ବୈ ଦୁଷ୍ପ୍ରଣୀତେନ ଗତା ବୈବସ୍ବତକ୍ଷଯମ୍॥ 7-184-11 (53498)
ଭୂଯ ଏବ ତୁ ମେ ଶଂସ ଯଥା ଯୁଦ୍ଧମବର୍ତତ।
କୃରୂଣାଂ ପାଣ୍ଡବାନାଂ ଚ ହୈଡିମ୍ବୌ ନିହତେ ତଦା॥ 7-184-12 (53499)
ଯେ ଚ ତେଽଭ୍ଯଦ୍ରବନ୍ଦ୍ରୋଣଂ ବ୍ଯୂଢାନୀକାଃ ପ୍ରହାରିଣଃ।
ସୃଞ୍ଜଯାଃ ସହ ପାଞ୍ଚାଲୈସ୍ତେଽପ୍ଯକୁର୍ବନ୍କଥଂ ରଣମ୍॥ 7-184-13 (53500)
ସୌମଦତ୍ତେର୍ବଧାଦ୍ଦ୍ରୋଣମାଯାନ୍ତଂ ସୈନ୍ଧବସ୍ଯ ଚ।
ଅମର୍ଷାଜ୍ଜୀବିତଂ ତ୍ଯକ୍ତ୍ବା ଗାହମାନଂ ବରୂଥିନୀମ୍॥ 7-184-14 (53501)
ଜୃମ୍ଭମାଣମିବ ବ୍ଯାଘ୍ରଂ ବ୍ଯାତ୍ତାନନମିବାନ୍ତକମ୍।
କଥଂ ପ୍ରତ୍ଯୁଦ୍ଯଯୁର୍ଦ୍ରୋଣମସ୍ଯନ୍ତଂ ପାଣ୍ଡୁସୃଞ୍ଜଯାଃ॥ 7-184-15 (53502)
ଆଚାର୍ଯଂ ଯେ ଚ ତେଽରକ୍ଷନ୍ଦୁର୍ଯୋଧନପୁରୋଗମାଃ।
ଦ୍ରୌଣିକର୍ଣକୃପାସ୍ତାତ ତେ ବାଽକୁର୍ବନ୍କିମାହବେ॥ 7-184-16 (53503)
ଭାରଦ୍ବାଜଂ ଜିଘାଂସନ୍ତୌ ସବ୍ଯସାଚିବୃକୀଦରୌ।
ସମାର୍ଚ୍ଛନ୍ମାମକା ଯୁଦ୍ଧେ କଥଂ ସଞ୍ଜଯ ଶଂସ ମେ॥ 7-184-17 (53504)
ସିନ୍ଧୁରାଜବଧେନେମେ ଘଟୋତ୍କଚବଧେନ ତେ।
ଅମର୍ପିତାଃ ସୁସଙ୍କ୍ରୁଦ୍ଧା ରଣଂ ଚକ୍ରୁଃ କଥଂ ନିଶି॥ 7-184-18 (53505)
ସଞ୍ଜଯ ଉବାଚ। 7-184-19x (4757)
ହତେ ଘଟୋତ୍କଚେ ରାଜନ୍କର୍ଣେନ ନିଶି ରାକ୍ଷସେ।
ପ୍ରଣଦତ୍ସୁ ଚ ହୃଷ୍ଟେଷୁ ତାବକେଷୁ ଯୁଯୁତ୍ସୁଷୁ॥ 7-184-19 (53506)
ଆପତତ୍ସୁ ଚ ବେଗେନ ବଧ୍ଯମାନେ ବଲେଽପି ଚ।
ବିଗାଢାଯାଂ ରଜନ୍ଯାଂ ଚ ରାଜା ଦୈନ୍ଯଂ ପରଂ ଗତଃ॥ 7-184-20 (53507)
ଅବ୍ରବୀଚ୍ଚ ମହାବାହୁର୍ଭୀମସେନମିଦଂ ବଚଃ।
ଆବାରଯ ମହାବାହୋ ଧାର୍ତରାଷ୍ଟ୍ରସ୍ଯ ବାହିନୀମ୍॥ 7-184-21 (53508)
ହୈଡିମ୍ବେଶ୍ଚୈବ ଘାତେନ ମୋହୋ ମାମାବିଶନ୍ମହାନ୍।
ଏବଂ ଭୀମଂ ସମାଦିଶ୍ଯ ସ୍ବରଥେ ସମୁପାବିଶତ୍॥ 7-184-22 (53509)
ଅଶ୍ରୁପୂର୍ଣମୁଖୋ ରାଜା ନିଃଶ୍ବସଂଶ୍ଚ ପୁନଃପୁନଃ।
କଶ୍ମଲଂ ପ୍ରାବିଶଦ୍ଧୋରଂ ଦୃଷ୍ଟ୍ବା କର୍ଣସ୍ଯ ବିକ୍ରମମ୍॥ 7-184-23 (53510)
ତଂ ତଥା ବ୍ଯଥିତଂ ଦୃଷ୍ଟ୍ବା କୃଷ୍ଣୋ ବଚନମବ୍ରବୀତ୍॥ 7-184-24 (53511)
ମା ବ୍ଯଥାଂ କୁରୁ କୌନ୍ତେଯ ନୈତତ୍ତ୍ବଯ୍ଯୁପପଦ୍ଯତେ।
ବୈକ୍ଲବ୍ଯଂ ଭରତଶ୍ରେଷ୍ଠ ଯଥା ପ୍ରାକୃତପୂରୁଷେ॥ 7-184-25 (53512)
ଉତ୍ତିଷ୍ଠ ରାଜନ୍ଯୁଧ୍ବସ୍ବ ବହ ଗୁର୍ବୀଂ ଧୁରଂ ବିଭୋ।
ତ୍ବଯି ବୈକ୍ଲବ୍ଯମାପନ୍ନେ ସଂଶଯୋ ବିଜଯେ ଭବେତ୍॥ 7-184-26 (53513)
ଶ୍ରୁତ୍ବା କୃଷ୍ଣସ୍ଯ ବଚନଂ ଧର୍ମରାଜୋ ଯୁଧିଷ୍ଠିରଃ।
ବିମୃଜ୍ଯ ନେତ୍ରେ ପାଣିଭ୍ଯାଂ କୃଷ୍ଣଂ ବଚନମବ୍ରବୀତ୍॥ 7-184-27 (53514)
ବିଦିତା ମେ ମହାବାହୋ ଧର୍ମାଣାଂ ପରମା ଗତିଃ।
ବ୍ରହ୍ମହତ୍ଯାଫଲଂ ତସ୍ଯ ଯଃ କୃତଂ ନାବବୁଧ୍ଯତେ॥ 7-184-28 (53515)
ଅସ୍ମାକଂ ହି ବନସ୍ଥାନାଂ ହୈଡିମ୍ବେନ ମହାତ୍ସନା।
ବାଲେନାପି ସତା ତେନ କୃତଂ ସାହ୍ଯଂ ଜନାର୍ଦନ॥ 7-184-29 (53516)
ଅସ୍ତ୍ରହେତୋର୍ଗତଂ ଜ୍ଞାତ୍ବା ପାଣ୍ଡବଂ ସ୍ବେତବାହନମ୍।
ଅସୌ କୃଷ୍ଣ ମହେଷ୍ବାସଃ କାମ୍ଯକେ ମାମୁପସ୍ଥିତଃ॥ 7-184-30 (53517)
ଉଷିତଶ୍ଚ ସହାସ୍ମାଭିର୍ଯାବନ୍ନାସୀଦ୍ଧନଞ୍ଜଯଃ।
ଗନ୍ଧମାଦନଯାତ୍ରାଯାଂ ଦୁର୍ଗେଭ୍ଯଶ୍ଚ ସ୍ମ ତାରିତାଃ।
ପାଞ୍ଚାଲୀ ଚ ପରିଶ୍ରାନ୍ତା ପୃଷ୍ଠେନୋଢା ମହାତ୍ମନା॥ 7-184-31 (53518)
ଆରମ୍ଭାଂଶ୍ଚୈବ ଯୁଦ୍ଧାନାଂ ଯଦେଷ କୃତବାନ୍ପ୍ରଭୋ।
ମଦର୍ଥେ ଦୁଷ୍କରଂ କର୍ମ କୃତଂ ତେନ ମହାହବେ॥ 7-184-32 (53519)
ସ୍ବଭାବାଦ୍ଯା ଚ ମେ ପ୍ରୀତିଃ ସହଦେବେ ଜନାର୍ଦନ।
ସୈବ ମେ ଦ୍ବିଗୁଣା ପ୍ରୀତୀ ରାକ୍ଷସେନ୍ଦ୍ରେ ଘଟୋତ୍କଚେ॥ 7-184-33 (53520)
ଭକ୍ତଶ୍ଚ ମେହାବାହୁଃ ପ୍ରିଯୋଽସ୍ଯାହଂ ପ୍ରିଯଶ୍ଚ ମେ।
ତେନ ବିନ୍ଦାମି ବାର୍ଷ୍ଣେଯ କଶ୍ମଲଂ ଶୋକତାପିତାଃ॥ 7-184-34 (53521)
ପଶ୍ଯ ସୈନ୍ଯାନି ବାର୍ଷ୍ଣେଯ ଦ୍ରାବ୍ଯମାଣାନି କୌରବୈଃ।
ଦ୍ରୋଣକର୍ଣୌ ତୁ ସଂଯତ୍ତୌ ପଶ୍ଯ ଯୁଦ୍ଧେ ମହାରଥୌ॥ 7-184-35 (53522)
ନିଶୀଥେ ପାଣ୍ଡବଂ ସୈନ୍ଯମାଭ୍ଯାଂ ମାଧବ ମର୍ଦିତମ୍।
ଗଜାଭ୍ଯାମିବ ମତ୍ତାଭ୍ଯାଂ ଯଥା ନଲବନଂ ମହତ୍॥ 7-184-36 (53523)
ଅନାଦୃତ୍ଯ ବଲଂ ବାହ୍ବୋର୍ଭୀମସେନସ୍ଯ ମାଧବ।
ଚିତ୍ରାସ୍ତ୍ରତାଂ ଚ ପାର୍ଥସ୍ଯ ବିକ୍ରମନ୍ତେ ଚ କୌରବାଃ॥ 7-184-37 (53524)
ଏଷ ଦ୍ରୋଣଶ୍ଚ କର୍ଣଶ୍ଚ ରାଜା ଚୈବ ସୁଯୋଧନଃ।
ନିହତ୍ଯ ରାକ୍ଷସଂ ଯୁଦ୍ଧେ ହୃଷ୍ଟା ନର୍ଦନ୍ତି ସଂଯୁଗେ॥ 7-184-38 (53525)
କଥଂ ବାଽସମାସୁ ଜୀବତ୍ସୁ ତ୍ବଯି ଚୈବ ଜନାର୍ଦନ।
ହୈଡିମ୍ବିଃ ପ୍ରାପ୍ତବାନ୍ମୃତ୍ଯଂ ସୂତପୁତ୍ରେଣ ସଙ୍ଗତଃ॥ 7-184-39 (53526)
କଦର୍ଥୀକୃତ୍ଯ ନଃ ସର୍ବାନ୍ପଶ୍ଯତଃ ସବ୍ଯସାଚିନଃ।
ନିହତୋ ରାକ୍ଷସଃ କୃଷ୍ଣ ଭୈମସେନିର୍ମହାବଲଃ॥ 7-184-40 (53527)
ଯଦାଽଭିମନ୍ଯୁର୍ନିହତୋ ଧାର୍ତରାଷ୍ଟ୍ରୈର୍ଦୁରାତ୍ମଭିଃ।
ନାସୀତ୍ତତ୍ର ରଣେ କୃଷ୍ଣ ସବ୍ଯସାଚୀ ମହାରଥଃ॥ 7-184-41 (53528)
ନିରୁଦ୍ବାଶ୍ଚ ବଯଂ ସର୍ବେ ସୈନ୍ଧବେନ ଦୁରାତ୍ମନା।
ନିମିତ୍ତମଭବଦ୍ଦ୍ରୋଣଃ ସପୁତ୍ରସ୍ତତ୍ର କର୍ମଣି॥ 7-184-42 (53529)
ଉପଦିଷ୍ଟୋ ବଧୋପାଯଃ କର୍ଣସ୍ଯ ଗୁରୁଣା ସ୍ବଯମ୍।
ବ୍ଯାଯଚ୍ଛତଶ୍ଚ ଖଙ୍ଗେନ ଦ୍ବିଧା ଖଙ୍ଗଂ ଚକାର ହ॥ 7-184-43 (53530)
ବ୍ଯସନେ ବର୍ତମାନସ୍ଯ କୃତବର୍ମା ନୃଶଂସବତ୍।
ଅଶ୍ବାଞ୍ଜଘାନ ସହସା ତଥୋଭୌ ପାର୍ଷ୍ଣିସାରଥୀ।
ତଥେତରେ ମହେଷ୍ବାସାଃ ସୌଭଦ୍ରଂ ଯୁଧ୍ଯପାତଯନ୍॥ 7-184-44 (53531)
ଅଲ୍ପେ ଚ କାରଣେ କୃଷ୍ଣ ହତୋ ଗାଣ୍ଡୀବଧନ୍ବନା।
ସୈନ୍ଧବୋ ଯାଦବଶ୍ରେଷ୍ଠ ତଚ୍ଚ ନାତିପ୍ରିଯଂ ମମ॥ 7-184-45 (53532)
ଯଦି ଶତ୍ରୁବଧୋ ନ୍ଯାଯ୍ଯୋ ଭବେତ୍କର୍ତୁଂ ହି ପାଣ୍ଡବୈଃ।
କର୍ଣଦ୍ରୋଣୌ ରଣେ ପୂର୍ବଂ ହନ୍ତବ୍ଯାବିତି ମେ ମତିଃ॥ 7-184-46 (53533)
ଏତୌ ହି ମୂଲଂ ଦୁଃଖାନାମସ୍ମାକଂ ପୁରୁଷର୍ଷଭ।
ଏତୌ ରଣେ ସମାସାଦ୍ଯ ସମାଶ୍ବସ୍ତଃ ସୁଯୋଧନଃ॥ 7-184-47 (53534)
ଯତ୍ର ବଧ୍ଯୋ ଭବେଦ୍ଦ୍ରୋଣଃ ସୂତପୁତ୍ରଶ୍ଚ ସାନୁଗଃ।
ତତ୍ରାବଧୀନ୍ମହାବାହୁଃ ସୈନ୍ଧବଂ ଦୂରବାସିନମ୍॥ 7-184-48 (53535)
ଅବଶ୍ଯଂ ତୁ ମଯା କାର୍ଯଃ ସୂତପୁତ୍ରସ୍ଯ ନିଗ୍ରହଃ।
ତତୋ ଯାସ୍ଯାମ୍ଯହଂ ବୀର ସ୍ବଯଂ କର୍ଣଜିଘାଂସଯା॥ 7-184-49 (53536)
ଭୀମସେନୋ ମହାବାହୁର୍ଦ୍ରୋଣାନୀକେନ ସଙ୍ଗତଃ॥ 7-184-50 (53537)
ଏବମୁକ୍ତ୍ବା ଯଯୌ ତୂର୍ଣଂ ତ୍ବରମାଣୋ ଯୁଧିଷ୍ଠିରଃ।
ସ ବିଷ୍ଫାର୍ଯ ମହଚ୍ଚାପଂ ଶଙ୍ଖଂ ପ୍ରଧ୍ମାପ୍ଯ ଭୈରବମ୍॥ 7-184-51 (53538)
ତତୋ ରଥସହସ୍ରେଣ ଗଜାନାଂ ଚ ଶତୈସ୍ତ୍ରିଭିଃ।
ବାଜିଭିଃ ପଞ୍ଚସାହସ୍ରୈଃ ପାଞ୍ଚାଲୈଃ ସପ୍ରଭଦ୍ରକୈଃ।
ବୃତଃ ଶିଖଣ୍ଡୀ ତବରିତୋ ରାଜାନଂ ପୃଷ୍ଠତୋଽନ୍ବଯାତ୍॥ 7-184-52 (53539)
ତତୋ ଭେରୀଃ ସମାଜଘ୍ନୁଃ ପଣବାନକଗୋମୁଖାନ୍।
ଶହ୍ଖଶବ୍ଦରବାଂଶ୍ଚୈବ ପାଣିଶବ୍ଦାଂଶ୍ଚ ଦଂଶିତାଃ।
ପାଞ୍ଚାଲାଃ ପାଣ୍ଡବାଶ୍ଚୈବ ଯୁଧିଷ୍ଠିରପୁରୋଗମାଃ॥ 7-184-53 (53540)
ତତୋଽବ୍ରବୀନ୍ମହାବାହୁର୍ବାସୁଦେବୋ ଧନଞ୍ଜଯମ୍॥ 7-184-54 (53541)
ଏଷ ପ୍ରଯାତି ତ୍ବରିତଃ କ୍ରୋଧାବିଷ୍ଟୋ ଯୁଧିଷ୍ଠିରଃ।
ଜିଘାଂସୁଃ ସୂତପୁତ୍ରସ୍ଯ ତସ୍ଯୋପେକ୍ଷା ନ ଯୁଜ୍ଯତେ॥ 7-184-55 (53542)
ଏବମୁକ୍ତ୍ବା ହୃଷୀକେଶଃ ଶୀଘ୍ରମଶ୍ବାନଚୋଦଯତ୍।
ଦୂରଂ ପ୍ରଯାନ୍ତଂ ରାଜାନମନ୍ବଗଚ୍ଛଜ୍ଜନାର୍ଦନଃ॥ 7-184-56 (53543)
ତଂ ଦୃଷ୍ଟ୍ବା ସହସା ଯାନ୍ତଂ ଭୂତପୁତ୍ରଜିଘାଂସଯା।
ଶୋକୋପହତସଙ୍କଲ୍ପଂ ଦହ୍ଯମାନମିବାଗ୍ନିନା।
ଅଭିଗମ୍ଯାବ୍ରବୀଦ୍ବ୍ଯାସୋ ଧର୍ମପୁତ୍ରଂ ଯୁଧିଷ୍ଠିରମ୍॥ 7-184-57 (53544)
ବ୍ଯାସ ଉବାଚ। 7-184-58x (4758)
କର୍ଣମାସାଦ୍ଯ ସଙ୍ଗ୍ରାମେ ଦିଷ୍ଟ୍ଯା ଜୀବତି ଫଲ୍ଗୁନଃ॥ 7-184-58 (53545)
ସବ୍ଯସାଚିବଧାକାଙ୍କ୍ଷୀ ଶକ୍ତିଂ ରକ୍ଷିତବାନ୍ହି ସଃ।
ନ ଚାଗାଦ୍ଦ୍ବୈରଥଂ ଜିଷ୍ଣୁର୍ଦିଷ୍ଟ୍ଯା ତେନ ମହାରଣେ॥ 7-184-59 (53546)
ସୃଜେତାଂ ସ୍ପର୍ଧିନାବେତୌ ଦିବ୍ଯାନ୍ଯସ୍ତ୍ରାଣି ସର୍ବଶଃ।
ବଧ୍ମାନେଷୁ ଚାସ୍ତ୍ରେଷୁ ପୀଡିତଃ ସୂତନନ୍ଦନଃ॥ 7-184-60 (53547)
ବାସବୀଂ ସମରେ ଶକ୍ତିଂ ଧ୍ରୁବଂ ମୁଞ୍ଚେଦ୍ଯୁଧିଷ୍ଠିର।
ତତୋ ଭବେତ୍ତେ ବ୍ଯସନଂ ଘୋରଂ ଭରତସତ୍ତମ॥ 7-184-61 (53548)
ଦିଷ୍ଟ୍ଯା ରକ୍ଷୋ ହତଂ ଯୁଦ୍ଧେ ସୂତପୁତ୍ରେଣ ମାନଦ।
ବାସବୀଂ କାରଣଂ କୃତ୍ବା କାଲେନୋପହତୋ ହ୍ଯସୌ॥ 7-184-62 (53549)
ତବୈବ କାରଣାଦ୍ରକ୍ଷୋ ନିହତଂ ତାତ ସଂଯୁଗେ।
ମା କ୍ରୁଧୋ ଭରତଶ୍ରେଷ୍ଠ ମା ଚ ଶୋକେ ମନଃ କୃଥାଃ॥ 7-184-63 (53550)
ପ୍ରାଣିନାମିହ ସର୍ବେଷାମେଷା ନିଷ୍ଠା ଯୁଧିଷ୍ଠିର।
ଭ୍ରାତୃଭିଃ ସହିତଃ ସର୍ବୈଃ ପାର୍ଥିବୈଶ୍ଚ ମହାତ୍ମଭିଃ॥ 7-184-64 (53551)
କୌରବାନ୍ସମରେ ରାଜନ୍ପ୍ରତିଯୁଧ୍ଯସ୍ବ ଭାରତ।
ପଞ୍ଚମେ ଦିବସେ ତାତ ପୃଥିବୀ ତେ ଭବିଷ୍ଯତି॥ 7-184-65 (53552)
ନିତ୍ଯଂ ଚ ପୁରୁଷବ୍ଯାଘ୍ର ଧର୍ମମେବାନୁଚିନ୍ତଯ।
ଆନୃଶଂସ୍ଯଂ ତପୋ ଦାନଂ କ୍ଷମାଂ ସତ୍ଯଂ ଚ ପାଣ୍ଡବ॥ 7-184-66 (53553)
ସେବେଥାଃ ପରମପ୍ରୀତୋ ଯତୋ ଧର୍ମସ୍ତତୋ ଜଯଃ।
ଇତ୍ଯୁକ୍ତ୍ବା ପାଣ୍ଡବଂ ବ୍ଯାସସ୍ତତ୍ରୈବାନ୍ତରଧୀଯତ॥ ॥ 7-184-67 (53554)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଘଟୋତ୍କଚବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ଚତୁରଶୀତ୍ଯଧିକଶତତମୋଽଧ୍ଯାଯଃ॥ 184 ॥
Mahabharata - Drona Parva - Chapter Footnotes
5-184-1 ମହତ୍ ଜଯାଲମ୍ବନମମୋଘଶକ୍ତିରୂପମିତି ଶେଷଃ। ଅପନୀତଂ ନା ଶିତମ୍। ମହଦପନୀତଂ ଅନ୍ଯାଯ ଇତି ବା॥ 5-184-11 ଦୁଷ୍ପ୍ରଣୀତେନ ଦୁର୍ନ ଯେନ॥ 5-184-32 ଅଭିଜ୍ଞଶ୍ଚୈବେତି ଝ. ପାଠଃ॥ 5-184-184 ଚତୁରଶୀତ୍ଯଧିକଶତତମୋଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 185
॥ ଶ୍ରୀଃ ॥
7.185. ଅଧ୍ଯାଯଃ 185
Mahabharata - Drona Parva - Chapter Topics
ନିଦ୍ରୋପଦ୍ରୁତାନାଂ ସୈନ୍ଯାନାମର୍ଜୁନାଜ୍ଞଯା ସ୍ବାପେନ ଶ୍ରାନ୍ତିମପନୀଯ ଚନ୍ଦ୍ରୋଦଯାନନ୍ତରଂ ଯୁଦ୍ଧାରମ୍ଭଃ॥ 1 ॥Mahabharata - Drona Parva - Chapter Text
7-185-0 (53555)
ସଞ୍ଜଯ ଉବାଚ। 7-185-0x (4759)
ବ୍ଯାସେନୈବମଥୋକ୍ତସ୍ତୁ ଧର୍ମରାଜୋ ଯୁଧିଷ୍ଠିରଃ।
ସ୍ବଯଂ କର୍ଣବଧାଦ୍ବୀରୋ ନିବୃତ୍ତୋ ଭରତର୍ଷଭ॥ 7-185-1 (53556)
ଘଟୋତ୍କଚେ ତୁ ନିହତେ ସୂତପୁତ୍ରେଣ ତା ନିଶାମ୍।
ଦୁଃଖାମର୍ଷବଶଂ ପ୍ରାପ୍ତୋ ଧର୍ମରାଜୋ ଯୁଧିଷ୍ଠିରଃ॥ 7-185-2 (53557)
ଦୃଷ୍ଟ୍ବା ଭୀମେନ ମହତୀଂ ବାର୍ଯମାଣାଂ ଚମୂଂ ତବ।
ଧୃଷ୍ଟଦ୍ଯୁମ୍ନମୁବାଚେଦଂ କୁମ୍ଭଯୋନିଂ ନିବାରଯ॥ 7-185-3 (53558)
ତ୍ବଂ ହି ଦ୍ରୋଣବିନାଶାଯ ସମୁତ୍ପନ୍ନୋ ହୁତାଶନାତ୍।
ସଶରଃ କବଚୀ ଖଙ୍ଗୀ ଧନ୍ବୀ ଚ ପରତାପନଃ।
ଅଭିଦ୍ରବ ରଣେ ହୃଷ୍ଟୋ ମା ଚ ତେ ଭୀଃ କଥଞ୍ଚନ॥ 7-185-4 (53559)
ଜନମେଜଯଃ ଶିଖଣ୍ଡୀ ଚ ଦୌର୍ମୁଖିଶ୍ଚ ଯଶୋଧରଃ।
ଅଭିଦ୍ରବନ୍ତୁ ସଂହୃଷ୍ଟାଃ କୁମ୍ଭଯୋନିଂ ସମନ୍ତତଃ॥ 7-185-5 (53560)
ନକୁଲଃ ସହଦେବଶ୍ଚ ଦ୍ରୌପଦେଯାଃ ପ୍ରଭଦ୍ରକାଃ।
ଦ୍ରୁପଦଶ୍ଚ ବିରାଟଶ୍ଚ ପୁତ୍ରଭାତୃସମନ୍ବିତୌ॥ 7-185-6 (53561)
ସାତ୍ଯକିଃ କେକଯାଶ୍ଚୈବ ପାଣ୍ଡବଶ୍ଚ ଧନଞ୍ଜଯଃ।
ଅଭିଦ୍ରବନ୍ତୁ ବେଗେନ କୁମ୍ଭଯୋନିବଧେପ୍ସଯା॥ 7-185-7 (53562)
ତଥୈବ ରଥିନଃ ସର୍ବେ ହସ୍ତ୍ଯଶ୍ବଂ ଯଚ୍ଚ କିଞ୍ଚନ।
ପଦାତାଶ୍ଚ ରଣେ ଦ୍ରୋଣଂ ପାତଯନ୍ତୁ ମହାରଥମ୍॥ 7-185-8 (53563)
ତଥାଽଽଜ୍ଞପ୍ତାସ୍ତୁ ତେ ସର୍ବେ ପାଣ୍ଡବେନ ମହାତ୍ମନା।
ଅଭ୍ଯଦ୍ରବନ୍ତ ବେଗେନ କୁମ୍ଭଯୋନିବଧେପ୍ସଯା॥ 7-185-9 (53564)
ଆଗଚ୍ଛତସ୍ତାନ୍ସହସା ସର୍ବୋଦ୍ଯୋଗେନ ପାଣ୍ଡବାନ୍।
ପ୍ରତିଜଗ୍ରାହ ସମରେ ଦ୍ରୋଣଃ ଶସ୍ତ୍ରଭୃତାଂ ବରଃ॥ 7-185-10 (53565)
ତତୋ ଦୁର୍ଯୋଧନୋ ରାଜା ସର୍ବୋଦ୍ଯୋଗେନ ପାଣ୍ଡବାନ୍।
ଅଭ୍ଯଦ୍ରବତ୍ସୁସଙ୍କ୍ରୁଦ୍ଧ ଇଚ୍ଛନ୍ଦ୍ରୋଣସ୍ଯ ଜୀବିତମ୍॥ 7-185-11 (53566)
ତତଃ ପ୍ରବବୃତେ ଯୁଦ୍ଧଂ ଶ୍ରାନ୍ତବାହନସୈନିକମ୍।
ପାଣ୍ଡବାନାଂ କୁରୂଣାଂ ଚ ଗର୍ଜତାମିତରେତରମ୍॥ 7-185-12 (53567)
ନିଦ୍ରାନ୍ଧାସ୍ତେ ମହାରାଜ ପରିଶ୍ରାନ୍ତାଶ୍ଚ ସଂଯୁଗେ।
ନାଭ୍ଯପଦ୍ଯନ୍ତ ସମରେ କାଞ୍ଚିଚ୍ଚେଷ୍ଟାଂ ମହାରଥାଃ॥ 7-185-13 (53568)
ତ୍ରିଯାମା ରଜନୀ ଚୈଷା ଘୋରରୂପା ଭଯାନକା।
ସହସ୍ରଯାମପ୍ରତିମା ବଭୂବ ପ୍ରାଣହାରିଣୀ॥ 7-185-14 (53569)
ବଧ୍ଯତାଂ ଚ ତଥା ତେଷାଂ କ୍ଷତାନାଂ ଚ ବିଶେଷତଃ।
ଘୋରା ରାତ୍ରିଃ ସମାଜଜ୍ଞେ ନିଦ୍ରାନ୍ଧାନାଂ ବିଶେଷତଃ॥ 7-185-15 (53570)
ସର୍ବେ ହ୍ଯାସନ୍ନିରୁତ୍ସାହାଃ କ୍ଷତ୍ରିଯା ଦୀନଚେତସଃ।
ତବ ଚୈବ ପରେଷାଂ ଚ ଗତାସ୍ତ୍ରା ବିଗତେଷବଃ॥ 7-185-16 (53571)
ତେ ତଦା ପାରଯନ୍ତଶ୍ଚ ଭ୍ରମନ୍ତଶ୍ଚ ବିଶେଷତଃ।
ସ୍ବଧର୍ମମନୁପଶ୍ଯନ୍ତୋ ନ ଜହୁଃ ସ୍ବାମନୀକିନୀମ୍॥ 7-185-17 (53572)
ଅସ୍ତ୍ରାଣ୍ଯନ୍ଯେ ସମୁତ୍ସୃଜ୍ଯ ନିଦ୍ରାନ୍ଧାଃ ଶେରତେ ଜନାଃ।
ରଥେଷ୍ବନ୍ଯେ ଗଜେଷ୍ବନ୍ଯେ ହଯେଷ୍ବନ୍ଯେ ଚ ଭାରତ॥ 7-185-18 (53573)
ନିଦ୍ରାନ୍ଧା ନୋ ବୁବୁଧିରେ କାଞ୍ଚିଚ୍ଚେଷ୍ଟାଂ ନରାଧିପ।
ତାନନ୍ଯେ ସମରେ ଯୋଧାଃ ପ୍ରେଷଯନ୍ତି ଯମକ୍ଷଯମ୍॥ 7-185-19 (53574)
ସ୍ବପ୍ନାଯମାନାଂସ୍ତ୍ବପରେ ପରାନତିବିଚେତସଃ।
ଆତ୍ମାନଂ ସମରେ ଜଘ୍ନୁଃ ସ୍ବାନେବ ଚ ପରାନପି॥ 7-185-20 (53575)
ନାନାବାଚୋ ବିମୁଞ୍ଚନ୍ତୋ ନିଦ୍ରାନ୍ଧାସ୍ତେ ମହାରଣେ॥ 7-185-21 (53576)
ଅସ୍ମାକଂ ଚ ମହାରାଜ ପରେଭ୍ଯୋ ବହବୋ ଜନାଃ।
ଯୋଦ୍ଧବ୍ଯମିତି ତିଷ୍ଠନ୍ତୋ ନିଦାସଂରକ୍ତଲୋଚନାଃ॥ 7-185-22 (53577)
ସଂସର୍ପନ୍ତୋ ରଣେ କେଚିନ୍ନିଦ୍ରାନ୍ଧାସ୍ତେ ତଥାପରାନ୍।
ଜଘ୍ରୁଃ ଶୂରା ରଣେ ଶୂରାଂସ୍ତସ୍ମିଂସ୍ତମସି ଦାରୁଣେ॥ 7-185-23 (53578)
ହନ୍ଯମାନମଥାତ୍ମାବନଂ ପରୈଶ୍ଚ ବହବୋ ଜନାଃ।
ନାଭ୍ଯଜାନନ୍ତ ସମରେ ନିଦ୍ରଯା ମୋହିତା ଭୃଶମ୍॥ 7-185-24 (53579)
ତେଷାମେତାଦୃଶୀଂ ଚେଷ୍ଟାଂ ବିଜ୍ଞାଯ ପୁରୁଷର୍ଷଭଃ।
ଉବାଚ ବାକ୍ଯଂ ବୀଭତ୍ସୁରୁଚ୍ଚୈଃ ସନ୍ନାଦଯନ୍ଦିଶଃ॥ 7-185-25 (53580)
ଶ୍ରାନ୍ତା ଭବନ୍ତୋ ନିଦ୍ରାନ୍ଧାଃ ସର୍ବ ଏବ ସବାହନାଃ।
ତମସା ଚ ବୃତେ ସୈନ୍ଯେ ରଜସା ବହୁଲେନ ଚ॥ 7-185-26 (53581)
ତେ ଯୂଯଂ ଯଦି ମନ୍ଯଧ୍ବମୁପାରମତ ସୈନିକାଃ।
ନିମୀଲଯତ ଚାତ୍ରୈବ ରଣଭୂମୌ ମୁହୂର୍ତକମ୍॥ 7-185-27 (53582)
ତତୋ ବିନିଦ୍ରା ବିଶ୍ରାନ୍ତାଶ୍ଚନ୍ଦ୍ରମସ୍ଯୁଦିତେ ପୁନଃ।
ସଂସାଧଯିଷ୍ଯଥାନ୍ଯୋନ୍ଯଂ ସ୍ବର୍ଗାଯ କୁରୁପାଣ୍ଡବାଃ॥ 7-185-28 (53583)
ତଦ୍ବଚଃ ସର୍ବଧର୍ମଜ୍ଞା ଧାର୍ମିକସ୍ଯ ବିଶାମ୍ପତେ।
ଅରୋଚଯନ୍ତ ସୈନ୍ଯାନି ତଥା ଚାନ୍ଯୋନ୍ଯମବ୍ରୁବନ୍॥ 7-185-29 (53584)
ଚୁକ୍ରୁଶୁଃ କର୍ଣକର୍ଣେନି ତଥା ଦୁର୍ଯୋଧନେତି ଚ।
ଉପାରମତ ପାଣ୍ଡୂନାଂ ବିରତା ହି ବରୂଥିନୀ॥ 7-185-30 (53585)
ତଥା ବିକ୍ରୋଶମାନସ୍ଯ ଫଲ୍ଗୁନସ୍ଯ ତତସ୍ତତଃ।
ଉପାରମତ ପାଣ୍ଡୂନାଂ ସେନା ତବ ଚ ଭାରତ॥ 7-185-31 (53586)
ତାମସ୍ଯ ବାଚଂ ଦେବାଶ୍ଚ ଋଷଯଶ୍ଚ ମହାତ୍ମନଃ।
ସର୍ବସୈନ୍ଯାନି ଚାକ୍ଷୁଦ୍ରାଂ ପ୍ରହୃଷ୍ଟାଃ ପ୍ରତ୍ଯପୂଜଯନ୍॥ 7-185-32 (53587)
ତତ୍ସମ୍ପୂଜ୍ଯ ବଚୋଽକ୍ରୂରଂ ସର୍ବସୈନ୍ଯାନି ଭାରତ।
ମୁହୂର୍ତମସ୍ବପନ୍ରାଜଞ୍ଶ୍ରାନ୍ତାନି ଭରତର୍ଷଭ॥ 7-185-33 (53588)
ସା ତୁ ସମ୍ପ୍ରାପ୍ଯ ବିଶ୍ରାମଂ ଧ୍ବଜିନୀ ତବ ଭାରତ।
ସୁଖମାପ୍ତବତୀ ବୀରମର୍ଜୁନଂ ପ୍ରତ୍ଯପୂଜଯତ୍॥ 7-185-34 (53589)
ତ୍ବଯି ବେଦାସ୍ତଥାସ୍ତ୍ରାଣି ତ୍ବଯି ବୁଦ୍ଧିପରାକ୍ରମୌ।
ଧର୍ମସ୍ତ୍ବଯି ମହାବାହୋ ଦଯା ଭୂତେଷୁ ଚାନଘ॥ 7-185-35 (53590)
ଯଚ୍ଚାଶ୍ବସ୍ତାସ୍ତବେଚ୍ଛାମଃ ଶର୍ମ ପାର୍ଥ ତଦସ୍ତୁ ତେ।
ମନସଶ୍ଚ ପ୍ରିଯାନର୍ଥାନ୍ବୀର କ୍ଷିପ୍ରମବାପ୍ନୁହି॥ 7-185-36 (53591)
ଇତି ତେ ତଂ ନରବ୍ଯାଘ୍ରଂ ପ୍ରଶଂସନ୍ତୋ ମହାରଥାଃ।
ନିଦ୍ରଯା ସମବାକ୍ଷିପ୍ତାସ୍ତୂଷ୍ଣୀମାସନ୍ବିଶାମ୍ପତେ॥ 7-185-37 (53592)
`ବୀରା ବାରଣକୁମ୍ଭେଷୁ ସୁଷୁପୁର୍ଯୁଦ୍ଧକର୍ଶିତାଃ।
ରାତ୍ରୌ ରତିପରିଶ୍ରାନ୍ତାଃ କାମିନୀନାଂ କୁଚେଷ୍ବିବ'॥ 7-185-38 (53593)
ଅଶ୍ବପୃଷ୍ଠେଷୁ ଚାପ୍ଯନ୍ଯେ ରଥନୀଡେଷୁ ଚାପରେ।
ଗଜସ୍କନ୍ଧଗତାଶ୍ଚାନ୍ଯେ ଶେରତେ ଚାପରେ କ୍ଷିତୌ॥ 7-185-39 (53594)
ସାଯୁଧାଃ ସଗଦାଶ୍ଚୈବ ସଖଙ୍ଗାଃ ସପରଶ୍ବଥାଃ।
ସପ୍ରାସକବଚାଶ୍ଚାନ୍ଯେ ନରାଃ ସୁପ୍ତାଃ ପୃଥକ୍ପୃଥକ୍॥ 7-185-40 (53595)
ଗଜାସ୍ତେ ପନ୍ନଗାଭୋଗୈର୍ହସ୍ତୈର୍ଭୂରେଣୁଗୁଣ୍ଠିତୈଃ।
ନିଦ୍ରାନ୍ଧା ବସୁଧାଂ ଚକ୍ରୁର୍ଘ୍ରାଣନିଃ ଶ୍ବାସଶୀତଲାମ୍॥ 7-185-41 (53596)
ସୁପ୍ତାଃ ଶୁଶୁଭିରେ ତତ୍ର ନିଃଶ୍ବସନ୍ତୋ ମହୀତଲେ।
ବିକୀର୍ଣା ଗିରଯୋ ଯଦ୍ବନ୍ନିଃଶ୍ବସଦ୍ଭିର୍ମହୋରଗୈଃ॥ 7-185-42 (53597)
ସମାଂ ଚ ବିଷମାଂ ଚକ୍ରୁଃ ଖୁରାଗ୍ରୈର୍ବିକୃତାଂ ମହୀମ୍।
ହଯାଃ କାଞ୍ଚନଯୋକ୍ତ୍ରାସ୍ତେ କେସରାଲମ୍ବିଭିର୍ଯୁଗୈଃ।
ସୁଷୁପୁସ୍ତତ୍ର ରାଜେନ୍ଦ୍ର ଯୁକ୍ତା ବାହେଷୁ ସର୍ବଶଃ॥ 7-185-43 (53598)
ଏବଂ ହଯାଶ୍ଚ ନାଗାଶ୍ଚ ଯୋଧାଶ୍ଚ ଭରତର୍ପଭ।
ଯୁଦ୍ଧାଦ୍ବିରମ୍ଯ ସୁଷୁପୁଃ ଶ୍ରମେଣ ମହତାଽନ୍ବିତାଃ॥ 7-185-44 (53599)
ତତ୍ତଥା ନିଦ୍ରଯା ଭଗ୍ନଂ ତଦ୍ବଭୌ ନିଃସ୍ବନଂ ବଲମ୍।
କୁଶଲୈଃ ଶିଲ୍ପିଭିର୍ନ୍ଯସ୍ତଂ ପଟେ ଚିତ୍ରମିବାଦ୍ଭୁତମ୍॥ 7-185-45 (53600)
ତେ କ୍ଷତ୍ରିଯାଃ କୁଣ୍ଡଲିନୋ ଯୁବାନଃ
ପରସ୍ପରଂ ସାଯକବିକ୍ଷତାଙ୍ଗାଃ।
କୁମ୍ଭେଷୁ ଲୀନାଃ ସୁଷୁପୁର୍ଗଜାନାଂ
କୁଚେଷୁ ଲଗ୍ନା ଇବ କାମିନୀନାମ୍॥ 7-185-46 (53601)
ତତଃ କୁମୁଦନାଥେନ କାମିନୀଗଣ୍ଡପାଣ୍ଡୁନା।
ନେତ୍ରାନନ୍ଦେନ ଚନ୍ଦ୍ରେଣ ମାହେନ୍ଦ୍ରୀ ଦିଗଲଙ୍କୃତା॥ 7-185-47 (53602)
ଦଶଶତାକ୍ଷକକୁବ୍ଦରିନିଃସୃତଃ
କିରଣକେସରଭାସୁରପିଞ୍ଜରଃ।
ତିମିରବାରଣବୃଥବିଦାରଣଃ
ସମୁଦିଯାଦୁଦଯାଚଲକେସରୀ॥ 7-185-48 (53603)
ହରବୃଷୋତ୍ତମଗାତ୍ରସମଦ୍ଯୁତିଃ
ସ୍ମରଶରାସନପୂର୍ଣସମପ୍ରଭଃ।
ନବବଧୃସ୍ମିତଚାରୁମନୋହରଃ
ପ୍ରବିସୃତଃ କୁମୁଦାକରବାନ୍ଧବଃ॥ 7-185-49 (53604)
ତତୋ ମୁହୂର୍ତାଦ୍ଭଗବାନ୍ପୁରସ୍ତାଚ୍ଛଶଲକ୍ଷଣଃ।
ଅରୁଣଂ ଦର୍ଶଯାମାସ ଗ୍ରସଞ୍ଜ୍ଯୋତିଃ ପ୍ରଭାଂ ପ୍ରଭୁଃ॥ 7-185-50 (53605)
ଅରୁଣସ୍ଯ ତୁ ତସ୍ଯାନୁ ଜାତରୂପସମପ୍ରଭମ୍।
ରଶ୍ମିଜାଲଂ ମହଚ୍ଚନ୍ଦ୍ରୋ ମନ୍ଦଂ ମନ୍ଦମବାସୃଜତ୍॥ 7-185-51 (53606)
ଉତ୍ସାରଯନ୍ତଃ ପ୍ରଭଯା ତମସ୍ତେ ଚନ୍ଦ୍ରରଶ୍ମଯଃ।
ପର୍ଯଗଚ୍ଛଞ୍ଛନୈଃ ସର୍ବା ଦିଶଃ ଖଂ ଚ କ୍ଷିତିଂ ତଥା॥ 7-185-52 (53607)
ତତୋ ମୁହୂର୍ତାଦ୍ଭୁବନଂ ଜ୍ଯୋତିର୍ଭୂତମିବାଭବତ୍।
ଅପ୍ରଖ୍ଯମପ୍ରକାଶଂ ଚ ଜଗାମାଶୁ ତମସ୍ତଥା॥ 7-185-53 (53608)
ପ୍ରତିପ୍ରକାଶିତେ ଲୋକେ ଦିବାଭୂତେ ନିଶାକରେ।
ବିଚେରୁର୍ନ ବିଚେରୁଶ୍ଚ ରାଜନ୍ନକ୍ତଞ୍ଚରାସ୍ତତଃ॥ 7-185-54 (53609)
ବୋଧ୍ଯମାନଂ ତୁ ତତ୍ସୈନ୍ଯଂ ରାଜଂଶ୍ଚନ୍ଦ୍ରସ୍ଯ ରଶ୍ମିଭିଃ।
ବୁବୁଧେ ଶତପତ୍ରାଣାଂ ବନଂ ସୂର୍ଯାଂଶୁଭିର୍ଯଥା॥ 7-185-55 (53610)
ଯଥା ଚନ୍ଦ୍ରୋଦଯୋଦ୍ଧୂତଃ କ୍ଷୁଭିତଃ ସାଗରୋଽଭବତ୍।
ତଥା ଚନ୍ଦ୍ରୋଦଯୋଦ୍ଧୂତଃ କ୍ଷୁଭିତଶ୍ଚ ବଲାର୍ଣବଃ॥ 7-185-56 (53611)
ତତଃ ପ୍ରବବୃତେ ଯୁଦ୍ଧଂ ପୁନରେବ ବିଶାମ୍ପତେ।
ଲୋକେ ଲୋକବିନାଶାଯ ପରଂ ଲୋକମଭୀପ୍ସତାମ୍॥ ॥ 7-185-57 (53612)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ପଞ୍ଚାଶୀତ୍ଯଧିକଶତତମୋଽଧ୍ଯାଯଃ॥ 185 ॥
Mahabharata - Drona Parva - Chapter Footnotes
5-185-28 ସଙ୍ଗ୍ରାମମିତି ଝ.ପାଠଃ॥ 5-185-185 ପଞ୍ଚାଶୀତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 186
॥ ଶ୍ରୀଃ ॥
7.186. ଅଧ୍ଯାଯଃ 186
Mahabharata - Drona Parva - Chapter Topics
ଦୁର୍ଯୋଧନୋପାଲମ୍ଭକୋପିତେନ ଦ୍ରୋଣେନ ପାର୍ଥଦୁର୍ଯୋଧନପ୍ରଶଂସାଧିକ୍ଷେପପୂର୍ବକଂ ରଣାଯ ନିଃସରଣମ୍॥ 1 ॥Mahabharata - Drona Parva - Chapter Text
7-186-0 (53613)
ସଞ୍ଜଯ ଉବାଚ। 7-186-0x (4760)
ତତୋ ଦୁର୍ଯୋଧନୋ ଦ୍ରୋମମଭିଗମ୍ଯାବ୍ରବୀଦିଦମ୍।
ଅମର୍ଷବଶମାପନ୍ନୋ ଜନଯନ୍ହର୍ଷତେଜସୀ॥ 7-186-1 (53614)
ଦୁର୍ଯୋଧନ ଉବାଚ। 7-186-2x (4761)
ନ ମର୍ଷଣୀଯାଃ ସଙ୍ଗ୍ରାମେ ବିଶ୍ରମନ୍ତଃ ଶ୍ରମାନ୍ବିତାଃ।
ସପତ୍ନା ଗ୍ଲାନମନସୋ ଲବ୍ଧଲକ୍ଷା ବିଶେଷତଃ॥ 7-186-2 (53615)
ଯତ୍ତୁ ମର୍ଷିତମସ୍ମାଭିର୍ଭବତଃ ପ୍ରିଯକାମ୍ଯଯା।
ତ ଏତେ ପରିବିଶ୍ରାନ୍ତାଃ ପାଣ୍ଡବା ବଲବତ୍ତରାଃ॥ 7-186-3 (53616)
ସର୍ବଥା ପରିହୀନାଃ ସ୍ମ ତେଜସା ଚ ବଲେନ ଚ।
ଭବତା ପାଲ୍ଯମାନାସ୍ତେ ବିବର୍ଧନ୍ତେ ପୁନଃପୁନଃ॥ 7-186-4 (53617)
ଦିବ୍ଯାନ୍ଯସ୍ତ୍ରାଣି ସର୍ବାଣି ବ୍ରାହ୍ମାଦୀନି ଚ ଯାନି ହ।
ତାନି ସର୍ବାମି ତିଷ୍ଠନ୍ତି ଭବତ୍ଯେବ ବିଶେଷତଃ॥ 7-186-5 (53618)
ନ ପାଣ୍ଡବେଯା ନ ବଯଂ ନାନ୍ଯେ ଲୋକେ ଧନୁର୍ଧରାଃ।
ଯୁଧ୍ଯମାନସ୍ଯ ତେ ତୁଲ୍ଯାଃ ସତ୍ଯମେତଦ୍ବ୍ରବୀମି ତେ॥ 7-186-6 (53619)
ସସୁରାସୁରଗନ୍ଧର୍ବାନିମାଁଲୋକାନ୍ଦ୍ବିଜୋତ୍ତମ।
ସର୍ବାସ୍ତ୍ରବିଦ୍ଭବାନ୍ହନ୍ଯାଦ୍ଦିବ୍ଯୈରସ୍ତ୍ରୈର୍ନ ସଂଶଯଃ॥ 7-186-7 (53620)
ସ ଭବାନ୍ମର୍ଷଯତ୍ଯେନାଂସ୍ତବ ତୁଲ୍ଯାନବେତ୍ଯ ଚ।
ଶିଷ୍ଯତ୍ବଂ ବା ପୁରସ୍କୃତ୍ଯ ମମ ବା ମନ୍ଦଭାଗ୍ଯତାମ୍॥ 7-186-8 (53621)
ସଞ୍ଜଯ ଉବାଚ। 7-186-9x (4762)
ଏବମୁଦ୍ଧର୍ଷିତୋ ଦ୍ରୋଣଃ କୋପିତଶ୍ଚ ସୁତେନ ତେ।
ସମନ୍ଯୁରବ୍ରବୀଦ୍ରାଜନ୍ଦୁର୍ଯୋଧନମିଦଂ ବଚଃ॥ 7-186-9 (53622)
ସ୍ଥବିରଃ ସନ୍ପରଂ ଶକ୍ତ୍ଯା ଘଟେ ଦୁର୍ଯୋଧନାହବେ।
ଅତଃ ପରଂ ମଯା କାର୍ଯଂ କ୍ଷୁଦ୍ରଂ ବିଜଯଗୃଦ୍ଧିନା।
ଅନସ୍ତ୍ରବିଦଯଂ ସର୍ବୋ ହନ୍ତବ୍ଯୋଽସ୍ତ୍ରବିଦା ଜନଃ॥ 7-186-10 (53623)
ଯଦ୍ଭବାନ୍ମନ୍ଯତେ ଚାପି ଶୁଭଂ ବା ଯଦି ବାଽଶୁଭମ୍।
ତଦ୍ବୈ କର୍ତାଽସ୍ମି କୌରବ୍ଯ ବଚନାତ୍ତବ ନାନ୍ଯଥା॥ 7-186-11 (53625)
ନିହତ୍ଯ ସର୍ବପାଞ୍ଚାଲାନ୍ଯୁଦ୍ଧେ କୃତ୍ବା ପରାକ୍ରମମ୍।
ବିମୋକ୍ଷ୍ଯେ କବଚଂ ରାଜନ୍ସତ୍ଯେନାଯୁଧମାଲଭେ॥ 7-186-12 (53626)
ମନ୍ଯସେ ଯଚ୍ଚ କୌନ୍ତେଯମର୍ଜୁନଂ ଶ୍ରାନ୍ତମାହବେ।
ତସ୍ଯ ବୀର୍ଯଂ ମହାବାହୋ ଶୃଣୁ ସତ୍ଯେନ କୌରବ॥ 7-186-13 (53627)
ତଂ ନ ଦେବା ନ ଗନ୍ଧର୍ବା ନ ଯକ୍ଷା ନ ଚ ରାକ୍ଷସାଃ।
ଉତ୍ସହନ୍ତେ ରଣେ ଜେତୁଂ କୁପିତଂ ସବ୍ଯସାଚିନମ୍॥ 7-186-14 (53628)
ଖାଣ୍ଡବେ ଯେନ ଭଗବାନ୍ପ୍ରତ୍ଯୁଦ୍ଯାତଃ ସୁରେଶ୍ବରଃ।
ସାଯକୈର୍ବାରିତଶ୍ଚାପି ବର୍ଷମାଣୋ ମହାତ୍ମନା॥ 7-186-15 (53629)
ଯକ୍ଷା ନାଗାସ୍ତଥା ଦୈତ୍ଯା ଯେ ଚାନ୍ଯେ ବଲଗର୍ବିତାଃ।
ନିହତାଃ ପୁରୁଷେନ୍ଦ୍ରେଣ ତଚ୍ଚାପି ବିଦିତଂ ତବ॥ 7-186-16 (53630)
ଗନ୍ଧର୍ବା ଘୋଷଯାତ୍ରାଯାଂ ଚିତ୍ରସେନାଦଯୋ ଜିତାଃ।
ଯୂଯଂ ତୈର୍ହ୍ରିଯମାଣାଶ୍ଚ ମୋକ୍ଷିତା ଦୃଢଧନ୍ବନା॥ 7-186-17 (53631)
ନିବାତକବଚାଶ୍ଚାପି ଦେବାନାଂ ଶତ୍ରବସ୍ତଥା।
ସୁରୈରବଧ୍ଯାଃ ସଙ୍ଗ୍ରାମେ ତେନ ବୀରେଣ ନିର୍ଜିତାଃ॥ 7-186-18 (53632)
ଦାନବାନାଂ ସହସ୍ରାଣି ହିରଣ୍ଯପୁରବାସିନାମ୍।
ବିଜିଗ୍ଯେ ପୁରୁଷବ୍ଯାଘ୍ରଃ ସ ଶକ୍ଯୋ ମାନୁଷୈଃ କଥମ୍॥ 7-186-19 (53633)
ପ୍ରତ୍ଯକ୍ଷଂ ଚୈବ ତେ ସର୍ବଂ ଯଥା ବଲମିଦଂ ତବ।
କ୍ଷପିତଂ ପାଣ୍ଡୁପୁତ୍ରେଣ ଚେଷ୍ଟତାଂ ନୋ ବିଶାମ୍ପତେ॥ 7-186-20 (53634)
ସଞ୍ଜଯ ଉବାଚ। 7-186-21x (4763)
ତଂ ତଦାଽଭିପ୍ରଶଂସନ୍ତମର୍ଜୁନଂ କୁପିତସ୍ତଦା।
ଦ୍ରୋଣଂ ତବ ସୁତୋ ରାଜନ୍ପୁନରେବେଦମବ୍ରବୀତ୍॥ 7-186-21 (53635)
ଅହଂ ଦୁଃଶାସନଃ କର୍ଣଃ ଶକୁନିର୍ମାତୁଲଶ୍ଚ ମେ।
ହନିଷ୍ଯାମୋଽର୍ଜୁନଂ ସଙ୍ଖ୍ଯେ ଦ୍ବିଧା କୃତ୍ବାଽଦ୍ଯ ଭାରତୀମ୍।
`ତିଷ୍ଠ ସ ତ୍ବଂ ମହାବାହୋ ନିତ୍ଯଂ ଶିଷ୍ଯଃ ପ୍ରିଯସ୍ତବ'॥ 7-186-22 (53636)
ତସ୍ଯ ତଦ୍ବଚନଂ ଶ୍ରୁତ୍ବା ଭାରଦ୍ବାଜୋ ହସନ୍ନିବ।
ଅନ୍ବବର୍ତତ ରାଜାନଂ ସ୍ବସ୍ତି ତେଽସ୍ତ୍ବିତି ଚାବ୍ରବୀତ୍॥ 7-186-23 (53637)
କୋ ହି ଗାଣ୍ଡୀବଧନ୍ବାନଂ ଜ୍ବଲନ୍ତମିବ ତେଜସା।
ଅକ୍ଷଯଂ କ୍ଷପଯେତ୍କଶ୍ଚିତ୍କ୍ଷତ୍ରିଯଃ କ୍ଷତ୍ରିଯର୍ଷଭମ୍॥ 7-186-24 (53638)
ତଂ ନ ବିତ୍ତପତିର୍ନେନ୍ଦ୍ରୋ ନ ଯମୋ ନ ଜଲେଶ୍ବରଃ।
ନାସୁରୋରଗରକ୍ଷାଂସି କ୍ଷପଯେଯୁଃ ସହାଯୁଧମ୍॥ 7-186-25 (53639)
ମୂଢାସ୍ତ୍ବେତାନି ଭାଷନ୍ତେ ଯାନୀମାନ୍ଯାତ୍ଥ ଭାରତ।
ଯୁଦ୍ଧେ ହ୍ଯର୍ଜୁନମାସାଦ୍ଯ ସ୍ବସ୍ତିମାନ୍କୋ ବ୍ରଜେଦ୍ଗୃହାନ୍॥ 7-186-26 (53640)
ତ୍ବଂ ତୁ ସର୍ବାଭିଶଙ୍କିତ୍ବାନ୍ନିଷ୍ଠୁରଃ ପାପନିଶ୍ଚଯଃ।
ଶ୍ରେଯସସ୍ତ୍ବଦ୍ଧିତେ ଯୁକ୍ତାଂସ୍ତତ୍ତଦ୍ବକ୍ତୁମିହେଚ୍ଛସି॥ 7-186-27 (53641)
ଗଚ୍ଛ ତ୍ବମପି କୌନ୍ତେଯମାତ୍ମାର୍ଥେ ଜହି ମାଚିରମ୍।
ତ୍ବମପ୍ଯାଶଂସସେ ଯୋଦ୍ଧୁଂ କୁଲଜଃ କ୍ଷତ୍ରିଯୋ ହ୍ଯସି॥ 7-186-28 (53642)
ଇମାନ୍କିଂ କ୍ଷତ୍ରିଯାନ୍ସର୍ବାନ୍ଘାତଯିଷ୍ଯସ୍ଯନାଗସଃ।
ତ୍ବସ୍ଯ ମୂଲଂ ବୈରସ୍ଯ ତସ୍ମାଦାସାଦଯାର୍ଜୁନମ୍॥ 7-186-29 (53643)
ଏଷ ତେ ମାତୁଲଃ ପ୍ରାଜ୍ଞଃ କ୍ଷତ୍ରଧର୍ମମନୁବ୍ରତଃ।
ଦୁର୍ଦ୍ଯୁତଦେବୀ ଗାନ୍ଧାରେ ପ୍ରଯାତ୍ବର୍ଜୁନମାହବେ॥ 7-186-30 (53644)
ଏଷୋଽକ୍ଷକୁଶଲୋ ଜିହ୍ମୋ ଦ୍ଯୂତକୃତ୍କିତବଃ ଶଠଃ।
ଦେବିତା ନିକୃତିପ୍ରଜ୍ଞୋ ଯୁଧି ଜେଷ୍ଯତି ପାଣ୍ଡବାନ୍॥ 7-186-31 (53645)
ତ୍ବଯା କଥିତମତ୍ଯର୍ଥଂ କର୍ଣେନ ସହ ହୃଷ୍ଟବତ୍।
ଅସକୃଚ୍ଛୂନ୍ଯବନ୍ମୋହାଦ୍ବୃତରାଷ୍ଟ୍ରସ୍ଯ ଶୃଣ୍ବତଃ॥ 7-186-32 (53646)
ଅହଂ ଚ ତାତ କର୍ଣଶ୍ଚ ଭ୍ରାତା ଦୁଃଶାନଶ୍ଚ ମେ।
ପାଣ୍ଡୁପୁତ୍ରାନ୍ହନିଷ୍ଯାମଃ ସହିତାଃ ସମରେ ତ୍ରଯଃ॥ 7-186-33 (53647)
ଇତି ତେ କତ୍ଥମାନସ୍ଯ ଶ୍ରୁତଂ ସଂସଦିସଂସଦି।
ଅନୁତିଷ୍ଠ ପ୍ରତିଜ୍ଞାଂ ତାଂ ସତ୍ଯବାଗ୍ଭବ ତୈଃ ସହ॥ 7-186-34 (53648)
ଏଷ ତେ ପାଣ୍ଡବଃ ଶତ୍ରୁରବିଶଙ୍କୋଽଗ୍ରତଃ ସ୍ଥିତଃ।
କ୍ଷତ୍ରଧର୍ମମବେକ୍ଷସ୍ବ ଶ୍ଲାଘ୍ଯସ୍ତବ ବଧୋ ଜଯାତ୍॥ 7-186-35 (53649)
ଦତ୍ତଂ ଭୁକ୍ତମଧୀତଂ ଚ ପ୍ରାପ୍ତମୈଶ୍ବର୍ଯମୀପ୍ସିତମ୍।
କୃତକୃତ୍ଯୋଽନୃଣଶ୍ଚାସି ମା ଭୈର୍ଯୁଧ୍ଯସ୍ବ ପାଣ୍ଡବମ୍॥ 7-186-36 (53650)
ଇତ୍ଯୁକ୍ତ୍ବା ସମରେ ଦ୍ରୋଣୋ ନ୍ଯବର୍ତତ ଯତଃ ପରେ।
ଦ୍ବୈଧୀକୃତ୍ଯ ତତଃ ସେନାଂ ଯୁଦ୍ଧଂ ସମଭବତ୍ତଦା॥ ॥ 7-186-37 (53651)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ଷଡଶୀତ୍ଯଧିକଶତତମୋଽଧ୍ଯାଯଃ॥ 186 ॥
ଦ୍ରୋଣପର୍ବ - ଅଧ୍ଯାଯ 187
॥ ଶ୍ରୀଃ ॥
7.187. ଅଧ୍ଯାଯଃ 187
Mahabharata - Drona Parva - Chapter Topics
ଦ୍ରୋଣେନ ଦ୍ରୁପଦବିରାଟାଦୀନାଂ ବଧଃ॥ 1 ॥ ଭୀମେନ ନିଷ୍ଠୁରଭାଷଣେନ ଧୃଷ୍ଟଦ୍ଯୁମ୍ନମୁଦ୍ଯୋଜ୍ଯ ଦ୍ରୋଣାନୀକାଭିଗମନମ୍॥ 2 ॥ ଚତୁର୍ଦଶରାତ୍ରିଯୁଦ୍ଧସମାପ୍ତିଃ॥ 3 ॥Mahabharata - Drona Parva - Chapter Text
7-187-0 (53652)
ସଞ୍ଜଯ ଉବାଚ। 7-187-0x (4764)
ତ୍ରିଭାଗମାତ୍ରେଷାଯାଂ ରାତ୍ର୍ଯାଂ ଯୁଦ୍ଧମବର୍ତତ।
କୁରୂଣାଂ ପାଣ୍ଡବାନାଂ ଚ ସଂହୃଷ୍ଟାନାଂ ବିଶାମ୍ପତେ॥ 7-187-1 (53653)
ଅଥ ଚନ୍ଦ୍ରପ୍ରଭାଂ ମୁଷ୍ଣନ୍ନାଦିତ୍ଯସ୍ଯ ପୁରଃସରଃ।
ଅରୁଣୋଽଭ୍ଯୁଦଯାଞ୍ଚକ୍ରେ ତାମ୍ରୀକୃର୍ବନ୍ନିବାମ୍ବରମ୍॥ 7-187-2 (53654)
`ପ୍ରକାଶମକରୋଦ୍ବ୍ଯୋମ ଜଗତ୍ସଂରଞ୍ଜଯନ୍ନିବ'।
ପ୍ରାଚ୍ଯାଂ ଦିଶି ସହସ୍ରାଂଶୋରରୁଣେନାରୁଣୀକୃତମ୍।
ତାପନୀଯଂ ଯଥା ଚକ୍ରଂ ଭ୍ରାଜତେ ରବିମଣ୍ଡଲମ୍॥ 7-187-3 (53655)
ତତୋ ରଥାଶ୍ବାଂଶ୍ଚ ମନୁଷ୍ଯଯାନା--
ନ୍ଯୁତ୍ସୃଜ୍ଯ ସର୍ବେ କୁରୁପାଣ୍ଡୁଯୋଧାଃ।
ଦିବାକରସ୍ଯାଭିମୁଖଂ ଜପନ୍ତଃ
ସନ୍ଧ୍ଯାଗତାଃ ପ୍ରାଞ୍ଜଲଯୋ ବଭୂବୁଃ॥ 7-187-4 (53656)
ତତୋ ଦ୍ବୈଧୀକୃତେ ସୈନ୍ଯେ ଦ୍ରୋଣଃ ସୋମକପାଣ୍ଡବାନ୍।
ଅଭ୍ଯଦ୍ରବତ୍ସପାଞ୍ଚାଲାନ୍ଦୁର୍ଯୋଧନପୁରୋଗମଃ॥ 7-187-5 (53657)
ଦ୍ବୈଧୀକୃତାନ୍କୁରୂନ୍ଦୃଷ୍ଟ୍ବା ମାଧବୋଽର୍ଜୁନମବ୍ରବୀତ୍।
ସପତ୍ନାନ୍ସବ୍ଯତଃ କୁର୍ଯାଃ ସବ୍ଯସାଚିନ୍ନିମାନ୍କୁରୂନ୍॥ 7-187-6 (53658)
ସ ମାଧବମନୁଜ୍ଞାଯ କୁରୁଷ୍ବେତି ଧନଞ୍ଜଯଃ।
ଦ୍ରୋଣକର୍ଣୌ ମହେଷ୍ବାସୌ ସବ୍ଯତଃ ପର୍ଯବର୍ତତ॥ 7-187-7 (53659)
ଅଭିପ୍ରାଯଂ ତୁ କୃଷ୍ଣସ୍ଯ ଜ୍ଞାତ୍ବା ପରପୁରଞ୍ଜଯଃ।
ଆଜିଶୀର୍ଷଗତଂ ପାର୍ଥଂ ଭୀମସେନୋଽଭ୍ଯୁବାଚ ହ॥ 7-187-8 (53660)
ଭୀମସେନ ଉବାଚ। 7-187-9x (4765)
ଅର୍ଜୁନାର୍ଜୁନ ବୀଭତ୍ସୋ ଶୃଣୁଷ୍ବୈତଦ୍ବଚୋ ମମ।
ଯଦର୍ଥଂ କ୍ଷତ୍ରିଯା ସୂତେ ତସ୍ଯ କାଲୋଽଯମାଗତଃ॥ 7-187-9 (53661)
ଅସ୍ମିଂଶ୍ଚେଦାଗତେ କାଲେ ଶ୍ରେଯୋ ନ ପ୍ରତିପତ୍ସ୍ଯସେ।
ଅସମ୍ଭାବିତରୂପସ୍ତ୍ବଂ ସୁନୃଶଂସଂ କରିଷ୍ଯସି॥ 7-187-10 (53662)
ସତ୍ଯଶ୍ରୀଧର୍ମଯଶସାଂ ବୀର୍ଯେଣାନୃଣ୍ଯମାପ୍ନୁହି।
ଭିନ୍ଧ୍ଯନୀକଂ ଯୁଧାଂଶ୍ରେଷ୍ଠ ପ୍ରତିଜ୍ଞାଂ ସଫଲାଂ କୁରୁ॥ 7-187-11 (53663)
ସଞ୍ଜଯ ଉବାଚ। 7-187-12x (4766)
ସ ସବ୍ଯସାଚୀ ଭୀମେନ ଚୋଦିତଃ କେଶବେନ ଚ।
କର୍ଣଦ୍ରୋଣାବତିକ୍ରମ୍ଯ ସମନ୍ତାତ୍ପର୍ଯବାରଯତ୍॥ 7-187-12 (53664)
ତମାଜିଶୀର୍ଷମାଯାନ୍ତଂ ଦହନ୍ତଂ କ୍ଷତ୍ରିଯର୍ଷଭାନ୍।
ପରାକ୍ରାନ୍ତଂ ପରାକ୍ରମ୍ଯ ତତଃ କ୍ଷତ୍ରିଯପୁଙ୍ଗବାଃ।
ନାଶକ୍ନୁବନ୍ବାରଯିତୁଂ ବର୍ଧମାନମିବାନଲମ୍॥ 7-187-13 (53665)
ଅଥ ଦୁର୍ଯୋଧନଃ କର୍ଣଃ ଶକୁନିଶ୍ଚାପି ସୌବଲଃ।
ଅଭ୍ଯବର୍ଷଞ୍ଛରବ୍ରାତୈଃ କୁନ୍ତୀପୁତ୍ରଂ ଧନଞ୍ଜଯମ୍॥ 7-187-14 (53666)
ତେଷାମସ୍ତ୍ରାଣି ସର୍ବେଷାମୁତ୍ତମାସ୍ତ୍ରବିଦାଂ ବରଃ।
କଦର୍ଥୀକୃତ୍ଯ ରାଜେନ୍ଦ୍ର ଶରବର୍ଷୈରବାକିରତ୍॥ 7-187-15 (53667)
ଅସ୍ତ୍ରୈରସ୍ତ୍ରାଣି ସଂବାର୍ଯ ଲଘୁହସ୍ତୋ ଧନଞ୍ଜଯଃ।
ସର୍ବାନବିଧ୍ଯନ୍ନିଶିତୈର୍ଦଶଭିର୍ଦଶଭିଃ ଶରୈଃ॥ 7-187-16 (53668)
ଉଦ୍ଧୂତା ରଜସୋ ବୃଷ୍ଟିଃ ଶରବୃଷ୍ଟିସ୍ତଥୈବ ଚ।
ତମଶ୍ଚ ଘୋରଂ ଶବ୍ଦଶ୍ଚ ତଦା ସମଭବନ୍ମହାନ୍॥ 7-187-17 (53669)
ନ ଦ୍ଯୌର୍ନ ଭୂମିର୍ନ ଦିଶଃ ପ୍ରାଜ୍ଞାଯନ୍ତ ତଥାଗତେ।
ସୈନ୍ଯେନ ରଜସା ମୂଢଂ ସର୍ବମନ୍ଘମିବାଭବତ୍॥ 7-187-18 (53670)
ନୈବ ତେ ନ ବଯଂ ରାଜନ୍ପ୍ରାଜ୍ଞାସିଷ୍ମ ପରସ୍ପରମ୍।
`ଶବ୍ଦମାତ୍ରେଣ ଜାନୀମୋ ବଯଂ ତେ ଚ ପରସ୍ପରମ୍'।
ଉଦ୍ଦେଶେନ ହି ତେନ ସ୍ମ ସମଯୁଧ୍ଯନ୍ତ ପାର୍ଥିବାଃ॥ 7-187-19 (53671)
ବିରଥା ରଥିନୋ ରାଜନ୍ସମାସାଦ୍ଯ ପରସ୍ପରମ୍।
କେଶେଷୁ ସମସଜ୍ଜନ୍ତ କବଚେଷୁ ଭୁଜେଷୁ ଚ॥ 7-187-20 (53672)
ହତାଶ୍ବା ହତସୂତାଶ୍ଚ ନିଶ୍ଚେଷ୍ଟା ରଥିନୋ ହତାଃ।
ଜୀବନ୍ତ ଇବ ତତ୍ର ସ୍ମ ବ୍ଯଦୃଶ୍ଯନ୍ତ ଭଯାର୍ଦିତାଃ॥ 7-187-21 (53673)
ହତାନ୍ଗଜାନ୍ସମାଶ୍ଲିଷ୍ଯ ପର୍ବତାନିବ ବାଜିନଃ।
ଗତସତ୍ବା ବ୍ଯଦୃଶ୍ଯନ୍ତ ତଥୈବ ସହ ସାଦିଭିଃ॥ 7-187-22 (53674)
ତତସ୍ତ୍ବଭ୍ଯବସୃତ୍ଯୈବ ସଙ୍ଗ୍ରାମାଦୁତ୍ତରାଂ ଦିଶମ୍।
ଆତିଷ୍ଠଦାହବେ ଦ୍ରୋଣୋ ବିଧୂମୋଽଗ୍ନିରିବ ଜ୍ବଲନ୍॥ 7-187-23 (53675)
ତମାଜିଶୀର୍ଷାଦେକାନ୍ତମପକ୍ରାନ୍ତଂ ନିଶମ୍ଯ ତୁ।
ସମକମ୍ପନ୍ତ ସୈନ୍ଯାନି ପାଣ୍ଡବାନାଂ ବିଶାମ୍ପତେ॥ 7-187-24 (53676)
ଭ୍ରାଜମାନଂ ଶ୍ରିଯା ଯୁକ୍ତଂ ଜ୍ବଲନ୍ତମିବ ତେଜସା।
ଦ୍ରୋଣଂ ଦୃଷ୍ଟ୍ବା ପରେ ତ୍ରେସୁଶ୍ଚେରୁର୍ମମ୍ଲୁଶ୍ଚ ଭାରତ॥ 7-187-25 (53677)
ଆହ୍ବଯନ୍ତଂ ପରାନୀକଂ ପ୍ରଭିନ୍ନମିବ ବାରଣମ୍।
ନୈନମାଶଂସିରେ ଜେତୁଂ ଦାନବା ବାସବଂ ଯଥା॥ 7-187-26 (53678)
କେଚିଦାସନ୍ନିରୁତ୍ସାହାଃ କେଚିତ୍କ୍ରୁଦ୍ଧା ମନସ୍ବିନଃ।
ବିସ୍ମିତାଶ୍ଚାଭବନ୍କେଚିତ୍କେଚିଦ୍ବୃଷ୍ଟାଽଭବନ୍ଯୁଧି॥ 7-187-27 (53679)
ହସ୍ତୈର୍ହସ୍ତାଗ୍ରମପରେ ପ୍ରତ୍ଯପିମ୍ପନ୍ନରାଧିପାଃ।
ଅପରେ ଦଶନୈରୋଷ୍ଠାନଦଶନ୍କ୍ରୋଧମୂର୍ଚ୍ଛିତାଃ॥ 7-187-28 (53680)
ବ୍ଯାକ୍ଷିପନ୍ନାଯୁଧାନ୍ଯନ୍ଯେ ମମୃଦୁଶ୍ଚାପରେ ଭୁଜାନ୍।
ଅନ୍ଯେ ଚାନ୍ବପତନ୍ଦ୍ରୋଣଂ ତ୍ଯକ୍ତାତ୍ମାନୋ ମହୌଜସଃ॥ 7-187-29 (53681)
ପାଞ୍ଚାଲାସ୍ତୁ ବିଶେଷେଣ ଦ୍ରୋଣସାଯକପୀଡିତାଃ।
ସମସଜ୍ଜନ୍ତ ରାଜେନ୍ଦ୍ର ସମରେ ଭୃଶବେଦନାଃ॥ 7-187-30 (53682)
ତତୋ ବିରାଟଦ୍ରୁପଦୌ ଦ୍ରୋଣଂ ପ୍ରତି ଯଯୂ ରଣେ।
ତଥା ଚରନ୍ତଂ ସଙ୍ଗ୍ରାମେ ଭୃଶଂ ସମରଦୁର୍ଜଯମ୍॥ 7-187-31 (53683)
ଦ୍ରୁପଦସ୍ଯ ତତଃ ପୌତ୍ରାସ୍ତ୍ରଯ ଏବ ବିଶାମ୍ପତେ।
ଚେଦଯଶ୍ଚ ମହେଷ୍ବାସା ଦ୍ରୋଣମେବାଭ୍ଯଯୁର୍ଯୁଧି॥ 7-187-32 (53684)
ତେଷାଂ ଦ୍ରୁପଦପୌତ୍ରାଣାଂ ତ୍ରଯାଣାଂ ନିଶିତୈଃ ଶରୈଃ।
ତ୍ରିଭିର୍ଦ୍ରୋଣୋଽହରତ୍ପ୍ରାଣାଂସ୍ତେ ହତା ନ୍ଯପତନ୍ଭୁବି॥ 7-187-33 (53685)
ତତୋ ଦ୍ରୋଣୋଽଜଯଦ୍ଯୁଦ୍ଧେ ଚେଦିକୈକେଯସୃଞ୍ଜଯାନ୍।
ମାତ୍ସ୍ଯାଂଶ୍ଚୈବାଜଯତ୍କୃତ୍ସ୍ନାନ୍ଭାରଦ୍ବାଜୋ ମହାରଥାନ୍॥ 7-187-34 (53686)
ତତସ୍ତୁ ଦ୍ରୁପଦଃ କ୍ରୋଧାଚ୍ଛରବର୍ଷମବାସୃଜତ୍।
ଦ୍ରୋଣଂ ପ୍ରତି ମହାରାଜ ବିରାଟଶ୍ଚୈବ ସଂଯୁଗେ॥ 7-187-35 (53687)
ତଂ ନିହତ୍ଯେଷୁବର୍ଷଂ ତୁ ଦ୍ରୋଣଃ କ୍ଷତ୍ରିଯମର୍ଦନଃ।
ତୌ ଶରୈଶ୍ଛାଦଯାମାସ ବିରାଟଦ୍ରୁପଦାବୁଭୌ॥ 7-187-36 (53688)
ଦ୍ରୋଣେନ ଚ୍ଛାଦ୍ଯମାନୌ ତୁ କ୍ରୁଦ୍ଧୌ ସଙ୍ଗ୍ରାମମୂର୍ଧନି।
ଦ୍ରୋଣଂ ଶରୈର୍ବିବ୍ଯଧତୁଃ ପରମଂ କ୍ରୋଧମାସ୍ଥିତୌ॥ 7-187-37 (53689)
ତତ ଦ୍ରୋଣୋ ମହାରାଜ କ୍ରୋଧାମର୍ଷସମନ୍ବିତଃ।
ଭଲ୍ଲାଭ୍ଯାଂ ଭୃଶତୀକ୍ଷ୍ଣାଭ୍ଯାଂ ଚିଚ୍ଛେଦ ଧନୁଷୀ ତଯୋଃ॥ 7-187-38 (53690)
ତତୋ ବିରାଟଃ କୁପିତଃ ସମରେ ତୋମରାନ୍ଦଶ।
ଦଶ ଚିକ୍ଷେପ ଚ ଶରାନ୍ଦ୍ରୋଣସ୍ଯ ବଧକାଙ୍କ୍ଷଯା॥ 7-187-39 (53691)
ଶକ୍ତିଂ ଚ ଦ୍ରୁପଦୋ ଘୋରାମାଯସୀଂ ସ୍ବର୍ଣଭୂଷିତାମ୍।
ଚିକ୍ଷେପ ଭୁଜଗେନ୍ଦ୍ରାଭାଂ କ୍ରୁଦ୍ଧୋ ଦ୍ରୋଣରଥଂ ପ୍ରତି॥ 7-187-40 (53692)
ତତୋ ଭଲ୍ଲୈଃ ସୁନିଶିତୈଶ୍ଛିତ୍ତ୍ବା ତାଂସ୍ତୋମାରାନ୍ଦଶ।
ଶକ୍ତିଂ କନକବୈଦୂର୍ଯାଂ ଦ୍ରୋଣଶ୍ଚିଚ୍ଛେଦ ସାଯକୈଃ॥ 7-187-41 (53693)
ତତୋ ଦ୍ରୋଣଃ ସୁପୀତାଭ୍ଯାଂ ଭଲ୍ଲାଭ୍ଯାମରିମର୍ଦନଃ।
ଦ୍ରୁପଦଂ ଚ ବିରାଟଂ ଚ ପ୍ରେଷଯାମାସ ମୃତ୍ଯବେ॥ 7-187-42 (53694)
ହତେ ବିରାଟେ ଦ୍ରୁପଦେ କେକଯେଷୁ ତଥୈବ ଚ।
ତଥୈବ ଚେଦିମାତ୍ସ୍ଯେଷୁ ପାଞ୍ଚାଲେଷୁ ତଥୈବ ଚ॥ 7-187-43 (53695)
ହତେଷୁ ତ୍ରିଷୁ ବୀରେଷୁ ଦ୍ରୁପଦସ୍ଯ ଚ ନପ୍ତୃଷୁ।
ଦ୍ରୋଣସ୍ଯ କର୍ମ ତଦ୍ଦୃଷ୍ଟ୍ବା କୋପଦୁଃଖସମନ୍ବିତଃ।
ଶଶାପ ରଥିନାଂ ମଧ୍ଯେ ଧୃଷ୍ଟଦ୍ଯୁମ୍ନୋ ମହାମନାଃ॥ 7-187-44 (53696)
ଇଷ୍ଟାପୂର୍ତାତ୍ତଥା କ୍ଷାତ୍ରାଦ୍ବ୍ରାହ୍ମଣ୍ଯାଚ୍ଚ ସ ନଶ୍ଯତୁ।
ଦ୍ରୋଣୋ ଯସ୍ଯାଦ୍ଯ ମୁଚ୍ଯେତ ଯଂ ବା ଦ୍ରୋଣଃ ପରାଭବେତ୍॥ 7-187-45 (53697)
ଇତି ତେଷାଂ ପ୍ରତିଶ୍ରୁତ୍ଯ ମଧ୍ଯେ ସର୍ବଧନୁଷ୍ମତାମ୍।
ଆଯାଦ୍ଦ୍ରୋଣଂ ସହାନୀକାଃ ପାଞ୍ଚାଲ୍ଯଋ ପରବୀରହା॥ 7-187-46 (53698)
ପାଞ୍ଚାଲାସ୍ତ୍ବେକତୋ ଦ୍ରୋଣଭ୍ଯଘ୍ନନ୍ପାଣ୍ଡବୈଃ ସହ।
ଦୁର୍ଯୋଧନଶ୍ଚ କର୍ଣଶ୍ଚ ଶକୁନିଶ୍ଚାପି ସୌବଲଃ।
ସୋଦର୍ଯାଶ୍ଚ ଯଥା ମୁଖ୍ଯାସ୍ତେଽରକ୍ଷନ୍ଦ୍ରୋଣମାହବେ॥ 7-187-47 (53699)
ରକ୍ଷ୍ଯମାଣଂ ତଥା ଦ୍ରୋଣଂ ସର୍ବୈସ୍ତୈସ୍ତୁ ମହାରଥୈଃ।
ଯତମାନାସ୍ତୁ ପାଞ୍ଚାଲା ନ ଶେକୁଃ ପ୍ରତିବୀକ୍ଷିତୁମ୍॥ 7-187-48 (53700)
ତତ୍ରାକ୍ରୁଧ୍ଯଦ୍ଭୀମସେନୋ ଧୃଷ୍ଟଦ୍ଯୁମ୍ନସ୍ଯ ମାରିଷ।
ସ ଏନଂ ବାଗ୍ଭିରୁଗ୍ରାଭିସ୍ତତକ୍ଷ ପୁରୁଷର୍ଷଭଃ॥ 7-187-49 (53701)
ଭୀମସେନ ଉବାଚ। 7-187-50x (4767)
ଦ୍ରୁପଦସ୍ଯ କୁଲେ ଜାତଃ ସର୍ବାସ୍ତ୍ରେଷ୍ବସ୍ତ୍ରବିତ୍ତମଃ।
କଃ କ୍ଷତ୍ରିଯୋ ମନ୍ଯମାନଃ ପ୍ରେକ୍ଷେତାରିମବସ୍ଥିତମ୍॥ 7-187-50 (53702)
ପିତୃପୁତ୍ରବଧଂ ପ୍ରାପ୍ଯ ପୁଂସ୍ତ୍ବଂ କୋ ବା ପ୍ରହର୍ଷଯେତ୍।
ବିଶେଷତସ୍ତୁ ଶପଥଂ ଶପିତ୍ବା ରାଜସଂସଦି॥ 7-187-51 (53703)
ଏଷ ବୈଶ୍ବାନର ଇବ ସମିଦ୍ଧଃ ସ୍ବେନ ତେଜସା।
ଶରଚାପେନ୍ଧନୋ ଦ୍ରୋଣଃ କ୍ଷତ୍ରଂ ଦହତି ତେଜସା॥ 7-187-52 (53704)
ପୁରା କରୋତି ନିଃଶେଷାଂ ପାଣ୍ଡବାନାମନୀକିନୀମ୍।
ସ୍ଥିତାଃ ପଶ୍ଯତ ମେ କର୍ମ ଦ୍ରୋଣମେବ ବ୍ରଜାମ୍ଯହମ୍॥ 7-187-53 (53705)
ଇତ୍ଯୁକ୍ତ୍ବା ପ୍ରାବିଶତ୍କ୍ରୁଦ୍ଧୋ ଦ୍ରୋଣାନୀକଂ ବୃକୋଦରଃ।
ଶରୈଃ ପୂର୍ଣାଯତୋତ୍ସୃଷ୍ଟୌର୍ଦ୍ରାବଯଂସ୍ତବ ବାହିନୀମ୍॥ 7-187-54 (53706)
ଧୃଷ୍ଟଦ୍ଯୁମ୍ନୋଽପି ପାଞ୍ଚାଲ୍ଯଃ ପ୍ରବିଶ୍ଯ ମହତୀଂ ଚମୂମ୍।
ଆସସାଦ ରଣେ ଦ୍ରୋଣଂ ତଦାସୀତ୍ତୁମୁଲଂ ମହତ୍॥ 7-187-55 (53707)
ନୈବ ନସ୍ତାଦୃଶଂ ଯୁଦ୍ଧଂ ଦୃଷ୍ଟପୂର୍ବଂ ନ ଚ ଶ୍ରୁତମ୍।
ଯଥା ସୂର୍ଯୋଦଯେ ରାଜନ୍ସମୁତ୍ପିଞ୍ଜୋଽଭବନ୍ମହାନ୍॥ 7-187-56 (53708)
ସଂସକ୍ତାନ୍ଯେବ ଚାଦୃଶ୍ଯନ୍ରଥବୃନ୍ଦାନି ମାରିଷ।
ହତାନି ଚ ବିକୀର୍ଣାନି ସରୀରାଣି ଶରୀରିଣାମ୍॥ 7-187-57 (53709)
କେଚିଦନ୍ଯତ୍ର ଗଚ୍ଛନ୍ତଃ ପଥି ଚାନ୍ଯୈରୁପଦ୍ରୁତାଃ।
ବିମୁଖାଃ ପୃଷ୍ଠତଶ୍ଚାନ୍ଯେ ତାଡ୍ଯନ୍ତେ ପାର୍ଶ୍ବତଃ ପରେ॥ 7-187-58 (53710)
ତଥା ସଂସକ୍ତଯୁଦ୍ଧଂ ତଦଭବଦ୍ଭୃଶଦାରୁଣମ୍।
ଅଥ ସନ୍ଧ୍ଯାଗତଃ ସୂର୍ଯଃ କ୍ଷଣେନ ସମପଦ୍ଯତ॥ ॥ 7-187-59 (53711)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ସପ୍ତାଶୀତ୍ଯଧିକଶତତମୋଽଧ୍ଯାଯଃ॥ 187 ॥
Mahabharata - Drona Parva - Chapter Footnotes
5-187-1 ତ୍ରିଭାଗମାତ୍ରଶେଷାଯାଂ ମୁହୂର୍ତତ୍ରଯାବଶିଷ୍ଟାଯାମ୍। ତତ୍ର ସୂର୍ଯୋଦଯୋତ୍ତରଂ ତ୍ରଯୋଦଶ୍ଯାଂ ଦ୍ରୋଣସ୍ଯ ନାଶଃ। ତ୍ରଯୋଦଶ୍ଯାଂ ଶୁକ୍ଲଯି ଯୁଦ୍ଧାରମ୍ଭସ୍ଯ--ହେମନ୍ତେ ପ୍ରଥମେମାସେ ଶୁକ୍ଲପକ୍ଷେ ତ୍ରଯୋଦଶୀମ୍। ପ୍ରବୃତ୍ତଂ ଭାରତଂ ଯୁଦ୍ଧମିତି ଭାରତସାବିତ୍ର୍ଯାମୁକ୍ତସ୍ଯ ଚୋପପତ୍ତିଃ ସିଧ୍ଯତି॥ 5-187-44 ଶଶାପ ଶପଥଂ କୃତବାନ୍॥ 5-187-45 ଇଷ୍ଟଂ ଯାଗହୋମାଦି। ଆପୂର୍ତଂ କ୍ଷେତ୍ରାରାମାଦି। କ୍ଷାତ୍ରଂ ଦ୍ରୁପଦକୁଲୋତ୍ପନ୍ନତ୍ବାତ୍। ବ୍ରାହ୍ମଣ୍ଯଂ ଯାଜୋପଯାଜଯୋର୍ବ୍ରାହ୍ମଣଯେସ୍ତପସା ବ୍ରାହ୍ମଣରୂପାଦଗ୍ନେଶ୍ଚ ଜାତତ୍ବାତ୍। ଏତତ୍ସର୍ବଂ ତସ୍ଯ ନଶ୍ଯତୁ। ଯସ୍ଯ ଶତ୍ରୁର୍ଦ୍ରୋଣୋ ମୁଚ୍ଯେତ ମରଣଂ ନ ପ୍ରାପ୍ନୁଯାତ୍। ଯଂ ବା ମାଂ ବା. ଦ୍ରୋଣୋ ଯଦି ପରାଭବେଦିତି॥ 5-187-187 ସପ୍ତାଶୀତ୍ଯାଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 188
॥ ଶ୍ରୀଃ ॥
7.188. ଅଧ୍ଯାଯଃ 188
Mahabharata - Drona Parva - Chapter Topics
ପଞ୍ଚଦଶଦିବସଯୁଦ୍ଧାରମ୍ଭଃ॥ 1 ॥ ସଙ୍କୁଲଯୁଦ୍ଧମ୍। ନକୁଲେନ ଦୁର୍ଯୋଧନପରାଜଯଃ॥ 2 ॥Mahabharata - Drona Parva - Chapter Text
7-188-0 (53712)
ସଞ୍ଜଯ ଉବାଚ। 7-188-0x (4768)
ତେ ତଥୈବ ମହାରାଜ ଦଂଶିତା ରଣମୂର୍ଧନି।
ସନ୍ଧ୍ଯାଗତଂ ସହସ୍ରାଂଶୁମାଦିତ୍ଯମୁପତସ୍ଥିରେ॥ 7-188-1 (53713)
ଉଦିତେ ତୁ ସହସ୍ରାଂଶୌ ତପ୍ତକାଞ୍ଚନସପ୍ରଭେ।
ପ୍ରକାଶିତେଷୁ ଲୋକେଷୁ ପୁନର୍ଯୁଦ୍ଧମବର୍ତତ॥ 7-188-2 (53714)
ଦ୍ବନ୍ଦ୍ବାନି ତତ୍ର ଯାନ୍ଯାସନ୍ସଂସକ୍ତାନି ପୁରୋଦଯାତ୍।
ତାନ୍ଯେବାଭ୍ଯୁଦିତେ ସୂର୍ଯେ ସମସଜ୍ଜନ୍ତ ଭାରତ॥ 7-188-3 (53715)
ରଥୈର୍ହଯା ହଯୈର୍ନାଗାଃ ପାଦାତୈଶ୍ଚାପି କୁଞ୍ଜରାଃ।
ହଯୈର୍ହଯାଃ ସମାଜଗ୍ମୁଃ ପାଦାତାଶ୍ଚ ପଦାତିଭିଃ॥ 7-188-4 (53716)
ରଥା ରଥୈରିଭୈର୍ନାଗାସ୍ତଥୈବ ଭରତର୍ଷଭ।
ସଂସକ୍ତାଶ୍ଚ ବିଯୁକ୍ତାଶ୍ଚ ଯୋଧାଃ ସନ୍ନ୍ଯପତନ୍ରଣେ॥ 7-188-5 (53717)
ତେ ରାତ୍ରୌ କୃତକର୍ମାଣଃ ଶ୍ରାନ୍ତାଃ ସୂର୍ଯସ୍ଯ ତେଜସା।
କ୍ଷୁତ୍ପିପାସାପରୀତାଙ୍ଗା ବିସଂଜ୍ଞା ବହବୋଽଭବନ୍॥ 7-188-6 (53718)
ଶଙ୍ଖବେରୀମୃଦଙ୍ଗାନାଂ କୁଞ୍ଜରାଣାଂ ଚ ଗର୍ଜତାମ୍।
ବିଷ୍ଫାରିତବିକୃଷ୍ଟାନାଂ କାର୍ମୁକାଣାଂ ଚ କୂଜତାମ୍॥ 7-188-7 (53719)
ଶବ୍ଦଃ ସମଭବଦ୍ରାଜନ୍ଦିବିସ୍ପୃଗ୍ଭରତର୍ଷଭ।
ଦ୍ରବତାଂ ଚ ପଦାତୀନାଂ ଶସ୍ତ୍ରାଣାଂ ପତତାମପି॥ 7-188-8 (53720)
ହଯାନାଂ ହେଷତାଂ ଚାପି ରଥାନାଂ ଚ ନିବର୍ତତାମ୍।
କ୍ରୋଶତାଂ ଗର୍ଜତାଂ ଚୈବ ତଦାସୀତ୍ତୁମୁଲଂ ମହତ୍॥ 7-188-9 (53721)
ବିବୃଦ୍ଧସ୍ତୁମୁଲଃ ଶବ୍ଦୋ ଦ୍ଯାମଗଚ୍ଛନ୍ମହାଂସ୍ତଦା।
ନାନାଯୁଧନିକୃତ୍ତାନାଂ ଚେଷ୍ଟତାମାତୁରଃ ସ୍ବନଃ॥ 7-188-10 (53722)
ଭୂମାବଶ୍ରୂଯତ ମହାଂସ୍ତଦାଽଽସୀତ୍କୃପଣଂ ମହତ୍।
ପତତାଂ ପାତ୍ଯମାନାନାଂ ପତ୍ତ୍ଯଶ୍ବରଥଦନ୍ତିନାମ୍॥ 7-188-11 (53723)
ତେଷୁ ସର୍ବେଷ୍ବନୀକେଷୁ ବ୍ଯତିଷକ୍ତେଷ୍ବନେକଶଃ।
ସ୍ବେ ସ୍ବାଞ୍ଜଘ୍ନୁଃ ପରେ ସ୍ବାଂଶ୍ଚ ସ୍ବାନ୍ପରେଷାଂ ପରେ ପରାନ୍। 7-188-12 (53724)
ବୀରବାହୁବିସୃଷ୍ଟାଶ୍ଚ ଯୋଧେଷୁ ଚ ଗଜେଷୁ ଚ।
ରାଶଯଃ ପ୍ରତ୍ଯଦୃଶ୍ଯନ୍ତ ବାସସାଂ ନେଜନେଷ୍ବିବ॥ 7-188-13 (53725)
ଉଦ୍ଯତପ୍ରତିପିଷ୍ଟାନାଂ ଖଙ୍ଗାନାଂ ବୀରବାହୁଭିଃ।
ସ ଏବ ଶବ୍ଦସ୍ତଦ୍ରୂପୋ ବାସସାଂ ନିଜ୍ଯତାମିବ॥ 7-188-14 (53726)
ଅର୍ଧାସିଭିସ୍ତଥା ଖଙ୍ଗୈସ୍ତୋମରୈଃ ସପରଶ୍ବଥୈଃ।
ନିକୃଷ୍ଟଯୁଦ୍ଧଂ ସଂସକ୍ତଂ ମହଦାସୀତ୍ସୁଦାରୁଣମ୍॥ 7-188-15 (53727)
ଗଜାଶ୍ବକାଯପ୍ରଭବାଂ ନରଦେହପ୍ରବାହିନୀମ୍।
ଶସ୍ତ୍ରମତ୍ସ୍ଯସୁସମ୍ପୂର୍ଣାଂ ମାଂସଶୋଣିତକର୍ଦମାମ୍॥ 7-188-16 (53728)
ଆର୍ତନାଦସ୍ବନବତୀଂ ପତାକାଶସ୍ତ୍ରଫେନିଲାମ୍।
ନଦୀଂ ପ୍ରାବର୍ତଯନ୍ବୀରାଃ ପରଲୋକୌଘଗାମିନୀମ୍॥ 7-188-17 (53729)
ଶରଶକ୍ତ୍ଯର୍ଦିତା କ୍ଲାନ୍ତା ରାତ୍ରିମୂଢାତ୍ପଚେତସଃ।
ବିଷ୍ଟଭ୍ଯ ସର୍ବଗାତ୍ରାଣି ବ୍ଯତିଷ୍ଠନ୍ଗଜବାଜିନଃ॥ 7-188-18 (53730)
ସଂଶୁଷ୍କବଦନା ବୀରାଃ ଶିରୋଭିଶ୍ଚାରୁକୁଣ୍ଡଲୈଃ।
ଯୁଦ୍ଧୋପକରଣୈଶ୍ଚାନ୍ଯୈସ୍ତତ୍ରତତ୍ର ଚକାଶିରେ॥ 7-188-19 (53731)
କ୍ରବ୍ଯାଦସଙ୍ଘୈରାକୀର୍ଣଂ ମୃତୈରର୍ଧମୃତୈରପି।
ନାସୀଦ୍ରଥପଥସ୍ତତ୍ର ସର୍ବମାଯୋଧନଂ ପ୍ରତି॥ 7-188-20 (53732)
ମଞ୍ଜତ୍ସୁ ଚକ୍ରେଷୁ ରଥାନ୍ସତ୍ବମାସ୍ଥାଯ ବାଜିନଃ।
କଥଞ୍ଚିଦବହନ୍ଶ୍ରାନ୍ତା ବେପମାନାଃ ଶରାର୍ଦିତାଃ।
କୁଲସତ୍ବବଲୋପେତା ବାଜିନୋ ବାରଣୋପମାଃ॥ 7-188-21 (53733)
ବିହ୍ବଲଂ ତୂର୍ଣମୁଦ୍ଧାନ୍ତଂ ସଭଯଂ ଭାରତାତୁରମ୍।
ବଲମାସୀତ୍ତଦା ସର୍ବମୃତେ ଦ୍ରୋଣାର୍ଜୁନାବୁଭୌ॥ 7-188-22 (53734)
ତାବେବାସ୍ତାଂ ନିଲଯନଂ ତାବାର୍ତାଯନମେବ ଚ।
ତାବେବାନ୍ଯେ ସମାସାଦ୍ଯ ଜଗ୍ମୁର୍ବୈବସ୍ବତକ୍ଷଯମ୍॥ 7-188-23 (53735)
ଆବିଗ୍ନମଭବତ୍ସର୍ବଂ କୌରବାଣାଂ ମହଦ୍ବଲମ୍।
ପାଞ୍ଚାଲାନାଂ ଚ ସଂସକ୍ତଂ ନ ପ୍ରାଜ୍ଞାଯତ କିଞ୍ଚନ॥ 7-188-24 (53736)
ଅନ୍ତକାକ୍ରୀଡସଦୃଶଂ ଭୀରୂଣାଂ ଭଯବର୍ଧନମ୍।
ପୃଥିବ୍ଯାଂ ରାଜବଂଶ୍ଯାନାମୁତ୍ଥିତେ ମହତି କ୍ଷଯେ॥ 7-188-25 (53737)
ନ ତତ୍ର କର୍ଣଂ ଦ୍ରୋଣଂ ବା ନାର୍ଜୁନଂ ନ ଯୁଧିଷ୍ଠିରମ୍।
ନ ଭୀମସେନଂ ନ ଯମୌ ନ ପାଞ୍ଚାଲ୍ଯଂ ନ ସାତ୍ଯକିମ୍॥ 7-188-26 (53738)
ନ ଚ ଦୁଃଶାସନଂ ଦ୍ରୌଣିଂ ନ ଦୁର୍ଯୋଧନସୌବଲୌ।
ନ କୃପଂ ମଦ୍ରରାଜଂ ଚ କୃତବର୍ମାଣମେବ ଚ॥ 7-188-27 (53739)
ନ ଚାନ୍ଯାନ୍ନୈବ ଚାତ୍ମାନଂ ନ କ୍ଷିତିଂ ନ ଦିଶସ୍ତଥା।
ପଶ୍ଯାମ ରାଜନ୍ସଂସକ୍ତାନ୍ସୈନ୍ଯେନ ରଜସା ଧୃତାନ୍॥ 7-188-28 (53740)
ସମ୍ଭ୍ରାନ୍ତେ ତୁମୁଲେ ଘୋରେ ରଜୋମେଘେ ସମୁତ୍ଥିତେ।
ତ୍ରିଯାମାମିବ ସଂପ୍ରାପ୍ତାମମନ୍ଯନ୍ତ ନିଶାଚରାଃ॥ 7-188-29 (53741)
ନ ଜ୍ଞାଯନ୍ତେ କୌରବେଯା ନ ପାଞ୍ଚାଲା ନ ପାଣ୍ଡବାଃ।
ନ ଦିଶୋ ଦ୍ଯୌର୍ନ ଚୋର୍ବୀ ଚ ନ ସମଂ ବିଷମଂ ତଥା॥ 7-188-30 (53742)
ହସ୍ତସଂସ୍ପର୍ଶମାପନ୍ନାନ୍ପରାନପ୍ଯଥବା ସ୍ବକାନ୍।
ନ୍ଯପାତଯଂସ୍ତଦା ଯୁଦ୍ଧେ ନରାଃ ସ୍ମ ବିଜଯୈଷିଣଃ॥ 7-188-31 (53743)
ଉଦ୍ଧୂତତ୍ବାତ୍ତୁ ରଜସଃ ପ୍ରସେକାଚ୍ଛୋଣିତସ୍ଯ ଚ।
ପ୍ରାଶାମ୍ଯତ ରଜୋ ଭୌମଂ ଶୀଘ୍ରତ୍ବାଦନିଲସ୍ଯ ଚ॥ 7-188-32 (53744)
ତତ୍ର ନାଗା ହଯା ଯୋଧା ରଥିନୋଽଥ ପଦାତଯଃ।
ପାରିଜାତବନାନୀବ ବ୍ଯରୋଚନ୍ରୁଧିରୋକ୍ଷିତାଃ॥ 7-188-33 (53745)
ତତୋ ଦୁର୍ଯୋଧନଃ କର୍ଣୋ ଦ୍ରୋଣୋ ଦୁଃଶାସନସ୍ତଥା।
ପାଣ୍ଡବୈଃ ସମସଜ୍ଜନ୍ତ ଚତୁର୍ଭିଶ୍ଚତୁରୋ ରଥାଃ॥ 7-188-34 (53746)
ଦୁର୍ଯୋଧନଃ ସହ ଭ୍ରାତ୍ରା ଯମାଭ୍ଯାଂ ସମସଜ୍ଜତ।
ବୃକୋଦରେଣ ରାଧେଯୋ ଭାରଦ୍ବାଜେନ ଚାର୍ଜୁନଃ॥ 7-188-35 (53747)
ତଦ୍ଧୋରଂ ମହଦାଶ୍ଚର୍ଯଂ ଯୁଦ୍ଧଂ ଦୈବାସୁରୋପମମ୍।
ରଥର୍ଷଭାଣାମୁଗ୍ରାଣାଂ ସନ୍ନିପାତମମାନୁଷମ୍॥ 7-188-36 (53748)
ରଥମାର୍ଗୈର୍ବିଚିତ୍ରୈସ୍ତୈର୍ବିଚିତ୍ରରଥସଙ୍କୁଲମ୍।
ଅପଶ୍ଯନ୍ରଥିନୋ ଯୁଦ୍ଧଂ ବିଚିତ୍ରଂ ଚିତ୍ରଯୋଧିନାମ୍॥ 7-188-37 (53749)
ଯତମାନାଃ ପରାକ୍ରାନ୍ତାଃ ପରସ୍ପରଜିଗୀଷବଃ।
ଜୀମୂତା ଇବ ଘର୍ମାନ୍ତେ ଶରବର୍ଷୈରବାକିରନ୍॥ 7-188-38 (53750)
ତେ ରଥାନ୍ସୂର୍ଯସଙ୍କାଶାନାସ୍ଥିତାଃ ପୁରୁଷର୍ଷଭାଃ।
ଅଶୋଭନ୍ତ ଯଥା ମେଘାଃ ଶାରଦାଶ୍ଚଲବିଦ୍ଯୁତଃ॥ 7-188-39 (53751)
ଯୋଧାସ୍ତେ ତୁ ମହାରାଜ କ୍ରୋଧାମର୍ଷସମନ୍ବିତାଃ।
ସ୍ପର୍ଧିନଶ୍ଚ ମହେଷ୍ବାସାଃ କୃତଯତ୍ନା ଧନୁର୍ଧରାଃ।
ଅଭ୍ଯଗଚ୍ଛଂସ୍ତଥାଽନ୍ଯୋନ୍ଯଂ ମତ୍ତା ଗଜବୃଷା ଇବ॥ 7-188-40 (53752)
ନ ନୂନଂ ଦେହଭେଦୋଽସ୍ତି କାଲେ ରାଜନ୍ନନାଗତେ।
ଯତ୍ର ସର୍ବେ ନ ଯୁଗପଦ୍ବ୍ଯଶୀର୍ଯନ୍ତ ମହାରଥାଃ॥ 7-188-41 (53753)
ବାହୁଭିଶ୍ଚପରଣୈଶ୍ଚିନ୍ନୈଃ ଶିରୋଭିଶ୍ଚ ସକୁଣ୍ଡଲୈଃ।
କାର୍ମୁକୈର୍ବିଶିଖୈଃ ପ୍ରାସୈଃ ଖଙ୍ଗୈଃ ପରଶୁପଟ୍ଟସୈଃ॥ 7-188-42 (53754)
ନାଲୀକୈଃ କ୍ଷୁଦ୍ରନାରାଚୈର୍ନଖରୈଃ ଶକ୍ତିତୋମରୈଃ।
ଅନ୍ଯୈଶ୍ଚ ବିବିଧାକାରୈର୍ଧୌତୈଃ ପ୍ରହରଣୋତ୍ତମୈଃ॥ 7-188-43 (53755)
ବିଚିତ୍ରୈର୍ବିବିଧାକାରୈଃ ଶରୀରାବରଣୈରପି।
ବିଚିତ୍ରୈଶ୍ଚ ରଥୈର୍ଭଗ୍ନୈର୍ହତୈଶ୍ଚ ଗଜବାଜିଭିଃ॥ 7-188-44 (53756)
ଶୂନ୍ଯୈଶ୍ଚୈବ ନଗାକାରୈର୍ହତଯୋଧଧ୍ବଜୈ ରଥୈଃ।
ଅମନୁଷ୍ଯୈର୍ହଯୈସ୍ତ୍ରସ୍ତୈଃ କୃଷ୍ଯମାଣୈସ୍ତତସ୍ତତଃ॥ 7-188-45 (53757)
ବାତାଯମାନୈରସକୃଦ୍ଧତବୀରୈରଲଂକୃତୈଃ।
ବ୍ଯଜନୈଃ କଙ୍କଟୈଶ୍ଚୈବ ଧ୍ବଜୈଶ୍ଚ ବିନିପାତିତୈଃ॥ 7-188-46 (53758)
ଛତ୍ରୈରାଭରଣୈର୍ବସ୍ତ୍ରୈର୍ମାଲ୍ଯୈଶ୍ଚ ସସୁଗନ୍ଧିଭିଃ।
ହାରୈଃ କିରୀଟୈର୍ମୁକୁଟୈରୁଷ୍ଣୀଷୈଃ କିଙ୍କିଣୀଗଣୈଃ॥ 7-188-47 (53759)
ଉରସ୍ଥୈର୍ମଣିଭିର୍ନିଷ୍କୈଶ୍ଚୂଡାମଣିଭିରେବ ଚ।
ଆସୀଦାଯୋଧନଂ ତତ୍ର ନଭସ୍ତାରାଗଣୈରିବ॥ 7-188-48 (53760)
ତତୋ ଦୁର୍ଯୋଧନସ୍ଯାସୀନ୍ନକୁଲେନ ସମାଗମଃ।
ଅମର୍ଷିତେନ କ୍ରୁଦ୍ଧସ୍ଯ କ୍ରୁଦ୍ଧେନାମର୍ଷିତସ୍ଯ ଚ॥ 7-188-49 (53761)
ଅପସବ୍ଯଂ ଚକାରାଥ ମାଦ୍ରୀପୁତ୍ରସ୍ତବାତ୍ମଜମ୍।
କିରଞ୍ଛରଶତୈର୍ହୃଷ୍ଟସ୍ତତ୍ର ନାଦୋ ମହାନଭୂତ୍॥ 7-188-50 (53762)
ଅପସବ୍ଯଂ କୃତଂ ସଙ୍ଖ୍ଯେ ଭ୍ରାତୃବ୍ଯେନାତ୍ଯମର୍ଷିଣା।
ନାମୃଷ୍ଯତ ତମପ୍ଯାଜୌ ପ୍ରତିଚକ୍ରେ ପରନ୍ତପଃ।
ପୁତ୍ରସ୍ତବ ମହାରାଜ ରାଜା ଦୁର୍ଯୋଧନୋ ଦ୍ରୁତମ୍॥ 7-188-51 (53763)
ତତଃ ପ୍ରତିଚିକୀର୍ଷନ୍ତମପସବ୍ଯଂ ତୁ ତେ ସୁତମ୍।
ନ୍ଯବାରଯତ ତେଜସ୍ବୀ ନକୁଲଶ୍ଚିତ୍ରମାର୍ଗବିତ୍॥ 7-188-52 (53764)
ସ ସର୍ବତୋ ନିବାର୍ଯୈନଂ ଶରଜାଲେନ ପୀଡଯନ୍।
ବିମୁଖଂ ନକୁଲଶ୍ଚକ୍ରେ ତତ୍ସୈନ୍ଯାଃ ସମପୂଜଯନ୍॥ 7-188-53 (53765)
ତିଷ୍ଠତିଷ୍ଠେତି ନକୁଲୋ ବଭାଷେ ତନଯଂ ତବ।
ସଂସ୍ମୃତ୍ଯ ସର୍ବଦୁଃଖାନି ତବ ଦୁର୍ମନ୍ତ୍ରିତଂ ଚ ତତ୍॥ ॥ 7-188-54 (53766)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣବଧପର୍ବଣି ଚତୁର୍ଦଶରାତ୍ରିଯୁଦ୍ଧେ ଅଷ୍ଟାଶୀତ୍ଯଧିକଶତତମୋଽଧ୍ଯାଯଃ॥ 188 ॥
Mahabharata - Drona Parva - Chapter Footnotes
5-188-12 ସ୍ବେ କୌରବାଃ ସ୍ବାନ୍ ସ୍ବଭୃତ୍ଯାନ୍ପରେ ପାଣ୍ଡବାଃ ସ୍ବାନ୍ ସ୍ବଭୃତ୍ଯାନ୍। ସ୍ବେ ଇତ୍ଯନୁବର୍ତତେ। ପରେଷାଂ ପାଣ୍ଡବାନାଂ ସ୍ବାନ୍ ସ୍ବେ କୌରବାଃ ପରେଷାଂ ପାଣ୍ଡବାନାଂ ପରାନ୍ କୌରବାନ୍ ପରେ ପାଣ୍ଡବା ଜଘ୍ନୁରିତ୍ଯନ୍ବଯଃ। ପରେଷାମିତ୍ଯୁଭଯତ୍ର ସମ୍ବଧ୍ଯତେ। ସ୍ବପରବିଭାଗୋ ବକ୍ତୁଃ ସଞ୍ଜଯସ୍ଯାନୁରୋଧାତ୍॥ 5-188-13 ନିଜ୍ଯନ୍ତେ ପ୍ରକ୍ଷାଲ୍ଯନ୍ତେ ବାସାଂସି ଯେଷୁ ତେ ପ୍ରଦେଶା ନେଜନାନି ତେଷୁ ଯଥା ବାସସାଂ ରାଶଯୋ ଭବନ୍ତ୍ଯେବମୁଦ୍ଯତାନାଂ ପ୍ରତିକୂଲଂ ପିଷ୍ଟାନାଂ ଚ ଖଙ୍ଗାନାଂ ରାଶଯଃ ପ୍ରତ୍ଯଦୃଶ୍ଯନ୍ତ। ନିଜ୍ଯତାଂ କ୍ଷାଲନୈଃ ଉଦ୍ଯମ୍ଯୋଦ୍ଯମ୍ଯ ଶିଲାଯାଂ ସ୍ଫାଲ୍ଯମାନାନାମ୍। ସ୍ଲୋକଦ୍ବଯମ୍॥ 5-188-14 ନିଜ୍ଯନ୍ତେ ପ୍ରକ୍ଷାଲ୍ଯନ୍ତେ ବାସାଂସି ଯେଷୁ ତେ ପ୍ରଦେଶା ନେଜନାନି ତେଷୁ ଯଥା ବାସସାଂ ରାଶଯୋ ଭବନ୍ତ୍ଯେବମୁଦ୍ଯତାନାଂ ପ୍ରତିକୂଲଂ ପିଷ୍ଟାନାଂ ଚ ଖଙ୍ଗାନାଂ ରାଶଯଃ ପ୍ରତ୍ଯଦୃଶ୍ଯନ୍ତ। ନିଜ୍ଯତାଂ କ୍ଷାଲନୈଃ ଉଦ୍ଯମ୍ଯୋଦ୍ଯମ୍ଯ ଶିଲାଯାଂ ସ୍ଫାଲ୍ଯମାନାନାମ୍। ସ୍ଲୋକଦ୍ବଯମ୍॥ 5-188-15 ଅର୍ଧାସିଭିରେକଧାରୈଃ॥ 5-188-23 ନିଲଯନମାଶ୍ରଯଃ। ଆର୍ତାଯନଂ ଆର୍ତାନାଂ ଭଯବାରଣଂ ସ୍ବୀଯାନାମ୍। ଶତ୍ରୂଣାଂ ତୁ ତାବେବ ମୃତ୍ଯୁକରାବିତ୍ଯର୍ଥଃ॥ 5-188-34 ଚତୁରଶ୍ଚତ୍ବାରଃ॥ 5-188-35 ଭ୍ରାତ୍ରା ଦୁଃଶାସନେନ॥ 5-188-188 ଅଷ୍ଟାଶୀତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 189
॥ ଶ୍ରୀଃ ॥
7.189. ଅଧ୍ଯାଯଃ 189
Mahabharata - Drona Parva - Chapter Topics
ଦ୍ରୋଣାର୍ଜୁନାଦୀନାଂ ସଙ୍କୁଲଯୁଦ୍ଧମ୍॥ 1 ॥Mahabharata - Drona Parva - Chapter Text
7-189-0 (53767)
ସଞ୍ଜଯ ଉବାଚ। 7-189-0x (4769)
ତତୋ ଦୁଃଶାସନଃ କ୍ରୁଦ୍ଧଃ ସହଦେବମୁପାଦ୍ରବତ୍।
ରଥବେଗେନ ତୀବ୍ରେଣ କମ୍ପଯନ୍ନିବ ମେଦିନୀମ୍॥ 7-189-1 (53768)
ତସ୍ଯାପତତ ଏବାଶୁ ଭଲ୍ଲେନାମିତ୍ରକର୍ଶନଃ।
ମାଦ୍ରୀପୁତ୍ରଃ ଶିରୋ ଯନ୍ତୁଃ ସଶିରସ୍ତ୍ରାଣମଚ୍ଛିନତ୍॥ 7-189-2 (53769)
ନୈନଂ ଦୁଃଶାସନଃ ସୂତଂ ନାପି କଶ୍ଚନ ସୈନିକଃ।
କୃତ୍ତୋତ୍ତମାଙ୍ଗମାଶୁତ୍ବାତ୍ସହଦେବେନ ବୁଦ୍ଧବାନ୍॥ 7-189-3 (53770)
ଯଦା ତ୍ବସଙ୍ଗୃହୀତତ୍ବାତ୍ପ୍ରଯାନ୍ତ୍ଯଶ୍ବା ଯଥାସୁଖମ୍।
ତତୋ ଦୁଃଶାସନଃ ସୂତଂ ବୁବୁଧେ ଗତଚେତସମ୍॥ 7-189-4 (53771)
ସ ହଯାନ୍ସନ୍ନିଗୃହ୍ଯାଜୌ ସ୍ବଯଂ ହଯବିଶାରଦଃ।
ଯୁଯୁଧେ ରଥିନାଂ ଶ୍ରେଷ୍ଠୋ ଲଘୁ ଚିତ୍ରଂ ଚ ସୁଷ୍ଠୁ ଚ॥ 7-189-5 (53772)
ତଦସ୍ଯାପୂଜଯନ୍କର୍ମ ସ୍ବେ ପରେ ଚାପି ସଂଯୁଗେ।
ହତସୂତରଥେନାଜୌ ବ୍ଯଚରଦ୍ଯଦଭୀତବତ୍॥ 7-189-6 (53773)
ସହଦେବସ୍ତୁ ତାନଶ୍ବାଂସ୍ତୀକ୍ଷ୍ଣୈର୍ବାଣୈରବାକିରତ୍।
ପୀଡ୍ଯମାନାଃ ଶରୈଶ୍ଚାଶୁ ପ୍ରାଦ୍ରବଂସ୍ତେ ତତସ୍ତତଃ॥ 7-189-7 (53774)
ସ ରଶ୍ମିଷୁ ବିଷକ୍ତତ୍ବାଦୁତ୍ସର୍ଜ ଶରାସନମ୍।
ଧନୁଷା କର୍ମ କୁର୍ବଂସ୍ତୁ ରଶ୍ମୀଂଶ୍ଚ ପୁନରୁତ୍ସୃଜତ୍॥ 7-189-8 (53775)
ଛିଦ୍ରେଷ୍ବେତେଷୁ ତଂ ବାଣୈର୍ମାଦ୍ରୀପୁତ୍ରୋଽଭ୍ଯବାକିରତ୍।
ପରୀପ୍ସଂସ୍ତ୍ବତ୍ସୁତଂ କର୍ଣସ୍ତଦନ୍ତରମବାପତତ୍॥ 7-189-9 (53776)
ବୃକୋଦରସ୍ତତଃ କର୍ଣଂ ତ୍ରିଭିର୍ଭଲ୍ଲୈଃ ସମାହିତଃ।
ଆକର୍ଣପୂର୍ଣୈରଭ୍ଯଘ୍ନଦ୍ବାହ୍ବୋରୁରସି ଚାନଦତ୍॥ 7-189-10 (53777)
ସ ନିବୃତ୍ତସ୍ତତଃ କର୍ଣଃ ସଙ୍ଘଟ୍ଟିତ ଇବୋରଗଃ।
ଭୀମମାବାରଯାମାସ ବିକିରନ୍ନିଶିତାଞ୍ଛରାନ୍।
ତତୋଽଭୂତ୍ତୁମୁଲଂ ଯୁଦ୍ଧଂ ଭୀମରାଧେଯଯୋସ୍ତଦା॥ 7-189-11 (53778)
ତୌ ବୃଷାବିବ ନର୍ଦନ୍ତୌ ବିବୃତ୍ତନଯନାବୁଭୌ।
ବେଗେନ ମହତାଽନ୍ଯୋନ୍ଯଂ ସଂରବ୍ଧାବଭିପେତତୁଃ॥ 7-189-12 (53779)
ଅଭିସଂଶ୍ଲିଷ୍ଟଯୋସ୍ତତ୍ର ତଯୋରାହବଶୌଣ୍ଡଯୋଃ।
ବିଚ୍ଛିନ୍ନଶରପାତତ୍ବାଦ୍ଗଦାଯୁଦ୍ଧମବର୍ତତ॥ 7-189-13 (53780)
ଗଦଯା ଭୀମସେନସ୍ତୁ କର୍ଣସ୍ଯ ରଥକୂବରମ୍।
ବିଭେଦ ଶତଧା ରାଜଂସ୍ତଦଦ୍ଭୁତମିବାଭବତ୍॥ 7-189-14 (53781)
ତତୋ ଭୀମସ୍ଯ ରାଧେଯୋ ଗଦାମାବିଧ୍ଯ ବୀର୍ଯବାନ୍।
ଅବାସୃଜଦ୍ରଥେ ତାଂ ତୁ ବିଭେଦ ଗଦଯା ଗଦାମ୍॥ 7-189-15 (53782)
ତତୋ ଭୀମଃ ପୁନର୍ଗୁର୍ବୀଂ ଚିକ୍ଷେପାଧିରଥେର୍ଗଦାମ୍।
ତାଂ ଗଦାଂ ବହୁଭିଃ କର୍ଣଃ ସୁପୁଙ୍ଖୈଃ ସୁପ୍ରବେଜିତୈଃ॥ 7-189-16 (53783)
ପ୍ରତ୍ଯବିଧ୍ଯତ୍ପୁନଶ୍ଚାନ୍ଯୈଃ ସା ଭୀମଂ ପୁନରାବ୍ରଜତ୍।
ବ୍ଯାଲୀବ ମନ୍ତ୍ରାଭିହତା କର୍ଣବାଣୈରଭିଦ୍ରୁତା॥ 7-189-17 (53784)
ତସ୍ଯାଃ ପ୍ରତିନିପାତେନ ଭୀମସ୍ଯ ବିପୁଲୋ ଧ୍ବଜଃ।
ପପାତ ସାରଥିଶ୍ଚାସ୍ଯ ମୁମୋହ ଚ ଗଦାହତଃ॥ 7-189-18 (53785)
ସ କର୍ଣଂ ସାଯକାନଷ୍ଟୌ ବ୍ଯସୃଜତ୍କ୍ରୋଧମୂର୍ଚ୍ଛିତଃ।
ତୈସ୍ତସ୍ଯ ନିଶିତୈସ୍ତୀକ୍ଷ୍ଣୈର୍ଭୀମସେନୋ ମହାବଲଃ॥ 7-189-19 (53786)
ଚିଚ୍ଛେଦ ପରବୀରଘ୍ନଃ ପ୍ରହସନ୍ନିବ ଭାରତ।
ଧ୍ବଜଂ ଶରାସନଂ ଚୈବ ଶରାବାପଂ ଚ ଭାରତ॥ 7-189-20 (53787)
କର୍ଣୋଽପ୍ଯନ୍ଯଦ୍ଧନୁର୍ଗୃହ୍ଯ ହେମପୃଷ୍ଠଂ ଦୁରାସଦମ୍।
ତତଃ ପୁନସ୍ତୁ ରାଧେଯୋ ହଯାନସ୍ଯ ରଥେଷୁଭିଃ।
ଋକ୍ଷବର୍ଣାଞ୍ଜଘାନାଶୁ ତଥୋଭୌ ପାର୍ଷ୍ଣିସାରଥୀ॥ 7-189-21 (53788)
ସ ବିପନ୍ନରଥୋ ଭୀମୋ ନକୁଲସ୍ଯାପ୍ଲୁତୋ ରଥମ୍।
ହରିର୍ଯଥା ଗିରେଃ ଶୃଙ୍ଗଂ ସମାକ୍ରମଦରିନ୍ଦମଃ॥ 7-189-22 (53789)
ତଥା ଦ୍ରୋଣାର୍ଜୁନୌ ଚିତ୍ରମଯୁଧ୍ଯେତାଂ ମହାରଥୌ।
ଆଚାର୍ଯଶିଷ୍ଯୌ ରାଜେନ୍ଦ୍ର କୃତପ୍ରତିକୃତୌ ଯୁଧି॥ 7-189-23 (53790)
ଲଘୁସନ୍ଧାନଯୋଗାଭ୍ଯାଂ ରଥଯୋଶ୍ଚ ରଣେନ ଚ।
ମୋହଯନ୍ତୌ ମନୁଷ୍ଯାଣାଂ ଚକ୍ଷୂଂଷି ଚ ମନାଂସି ଚ॥ 7-189-24 (53791)
ଉପାରମନ୍ତ ତେ ସର୍ବେ ଯୋଧାଽସ୍ମାକଂ ପରେ ତଥା।
ବିଚିତ୍ରାନ୍ପୃତନାମଧ୍ଯେ ରଥମାର୍ଗାନୁଦୀର୍ଯ ତୌ। 7-189-25 (53792)
ଅନ୍ଯୋନ୍ଯମପସବ୍ଯଂ ଚ କର୍ତୁଂ ବୀରୌ ତଦେଷତୁଃ॥ 7-189-26 (53793)
ପରାକ୍ରମଂ ତଯୋର୍ଯୋଧା ଦଦୃଶୁସ୍ତେ ସୁବିସ୍ମିତାଃ॥ 7-189-27 (53794)
ତଯୋଃ ସମଭବଦ୍ଯୁଦ୍ଧଂ ଦ୍ରୋଣପାଣ୍ଡବଯୋର୍ମହତ୍।
ଆମିଷାର୍ଥେ ମହାରାଜ ଗଗନେ ଶ୍ଯେନଯୋରିବ॥ 7-189-28 (53795)
ଯଦ୍ଯଚ୍ଚକାର ଦ୍ରୋଣସ୍ତୁ କୁନ୍ତୀପୁତ୍ରଜିଗୀଷଯା।
ତତ୍ତତ୍ପ୍ରତିଜଘାନାଶୁ ପ୍ରହସଂସ୍ତସ୍ଯ ପାଣ୍ଡବଃ॥ 7-189-29 (53796)
ଯଦା ଦ୍ରୋଣୋ ନ ଶକ୍ନୋତି ପାଣ୍ଡବଂ ସ୍ମ ବିଶେଷିତୁମ୍।
ତତଃ ପ୍ରାଦୁଶ୍ଚକାରାସ୍ତ୍ରମସ୍ତ୍ରମାର୍ଗବିଶାରଦଃ॥ 7-189-30 (53797)
ଐନ୍ଦ୍ରଂ ପାଶୁପତଂ ତ୍ବାଷ୍ଟ୍ରଂ ବାଯବ୍ଯମଥ ବାରୁଣମ୍।
ମୁକ୍ତଂମୁକ୍ତଂ ଦ୍ରୋଣଚାପାତ୍ତଜ୍ଜଘାନ ଧନଞ୍ଜଯଃ॥ 7-189-31 (53798)
ଅସ୍ତ୍ରାଣ୍ଯସ୍ତ୍ରୈର୍ଯଦା ତସ୍ଯ ବିଧିବଦ୍ଧନ୍ତି ପାଣ୍ଡବଃ।
ତତୋଽସ୍ତ୍ରୈଃ ପରମୈର୍ଦିବ୍ଯୈର୍ଦ୍ରୋଣଃ ପାର୍ଥମବାକିରତ୍॥ 7-189-32 (53799)
ଯଦ୍ଯଦସ୍ତ୍ରଂ ସ ପାର୍ଥାଯ ପ୍ରଯୁଙ୍କ୍ତେ ବିଜିଗୀଷଯା।
ତସ୍ଯତସ୍ଯ ବିଘାତାଯ ତତ୍ତଦ୍ଧି କୁରୁତେଽର୍ଜୁନଃ॥ 7-189-33 (53800)
ସ ବଧ୍ଯମାନେଷ୍ବସ୍ତ୍ରେଷୁ ଦିବ୍ଯେଷ୍ବପି ଯଥାବିଧି।
ଅର୍ଜୁନେନାର୍ଜୁନଂ ଦ୍ରୋଣୋ ମନସୈବାଭ୍ଯପୂଜଯତ୍॥ 7-189-34 (53801)
ମେନେ ଚାତ୍ମାନମଧିକଂ ପୃଥିବ୍ଯାମଧି ଭାରତ।
ତେନ ଶିଷ୍ଯେଣ ସର୍ବେଭ୍ଯଃ ଶସ୍ତ୍ରବିଦ୍ଭ୍ଯ ପରନ୍ତପଃ॥ 7-189-35 (53802)
ବାର୍ଯମାଣସ୍ତୁ ପାର୍ଥେନ ତଥା ମଧ୍ଯେ ମହାତ୍ମନାମ୍।
ଯତମାନୋଽର୍ଜୁନଂ ପ୍ରୀତ୍ଯା ପ୍ରୀଯତେ ସ୍ମାର୍ଜୁନେନ ସଃ॥ 7-189-36 (53803)
ତତୋଽନ୍ତରିକ୍ଷେ ଦେବାଶ୍ଚ ଗନ୍ଧର୍ବାଶ୍ଚ ସହସ୍ରଶଃ।
ଋଷଯଃ ସିଦ୍ଧସଙ୍ଘାଶ୍ଚ ବ୍ଯତିଷ୍ଠନ୍ତ ଦିଦୃକ୍ଷଯା॥ 7-189-37 (53804)
ତଦପ୍ସରୋଭିରାକୀର୍ଣଂ ଯକ୍ଷଗନ୍ଧର୍ବସଙ୍କୁଲମ୍।
ଶ୍ରୀମଦାକାଶମଭବଦ୍ଭୂଯୋ ମେଘାକୁଲଂ ଯଥା॥ 7-189-38 (53805)
ତତ୍ରାସ୍ମାନ୍ତର୍ହିତା ବାଚୋ ବ୍ଯଚରନ୍ତ ପୁନଃ ପୁନଃ।
ଦ୍ରୋଣପାର୍ଥସ୍ତବୋପେତା ବ୍ଯଶ୍ରୂଯନ୍ତ ନରାଧିପ॥ 7-189-39 (53806)
ବିସୃଜ୍ଯମାନେଷ୍ବସ୍ତ୍ରେଷୁ ଜ୍ବାଲଯସ୍ତୁ ଦିଶୋ ଦଶ।
ଅବ୍ରୁବଂସ୍ତତ୍ର ସିଦ୍ଧାଶ୍ଚ ଋଷଯଶ୍ଚ ସମାଗତାଃ॥ 7-189-40 (53807)
ନୈବେଦଂ ମାନୁଷଂ ଯୁଦ୍ଧଂ ନାସୁରଂ ନ ଚ ରାକ୍ଷସମ୍।
ନ ଦୈବଂ ନ ଚ ଗାନ୍ଧର୍ବଂ ବ୍ରାହ୍ମଣଂ ଧ୍ରୁବମିଦଂ ପରମ୍॥ 7-189-41 (53808)
ବିଚିତ୍ରମିଦମାଶ୍ଚର୍ଯଂ ନ ନୋ ଦୃଷ୍ଟଂ ନ ଚ ଶ୍ରୁତମ୍।
ଅତି ପାଣ୍ଡବମାଚାର୍ଯୋ ଦ୍ରୋଣଂ ଚାପ୍ଯତି ପାଣ୍ଡବଃ॥ 7-189-42 (53809)
ନାନଯୋରନ୍ତରଂ ଶକ୍ଯଂ ଦ୍ରଷ୍ଟୁମନ୍ଯେନ କେନଚିତ୍॥ 7-189-43 (53810)
ଯଦି ରୁଦ୍ରୋ ଦ୍ବିଧାକୃତ୍ଯ ଯୁଧ୍ଯେତାତ୍ମାନମାତ୍ମନା।
ତତ୍ର ଶକ୍ଯୋପମା କର୍ତୁମନ୍ଯତ୍ର ତୁ ନ ବିଦ୍ଯତେ॥ 7-189-44 (53811)
ଜ୍ଞାନମେକସ୍ଥମାଚାର୍ଯେ ଜ୍ଞାନଂ ଯୋଗଶ୍ଚ ପାଣ୍ଡବେ।
ଶୌର୍ଯମେକସ୍ଥମାଚାର୍ଯେ ବଲଂ ଶୌର୍ଯଂ ଚ ପାଣ୍ଡବେ। 7-189-45 (53812)
ନେମୌ ଶକ୍ଯୌ ମହେଷ୍ବାସୌ ଯୁଦ୍ଧେ କ୍ଷପଯିତୁଂ ପରୈଃ।
ଇଚ୍ଛମାନୌ ପୁନରିମୌ ହନ୍ଯେତାଂ ସାମରଂ ଜଗତ୍॥ 7-189-46 (53813)
ଇତ୍ଯବ୍ରୁବନ୍ମହାରାଜ ଦୃଷ୍ଟ୍ବା ତୌ ପୁରୁଷର୍ଷଭୌ।
ଅନ୍ତର୍ହିତାନି ଭୂତାନି ପ୍ରକାଶାନି ଚ ସର୍ବଶଃ॥ 7-189-47 (53814)
`ଯଦା ଦ୍ରୋଣଂ ମହାରାଜ ବିଶେଷଯତି ପାଣ୍ଡବଃ'।
ତତୋ ଦ୍ରୋଣୋ ବ୍ରାହ୍ମମସ୍ତ୍ରଂ ପ୍ରାଦୁଶ୍ଚକ୍ରେ ମହାମତିଃ॥ 7-189-48 (53815)
`ତଦସ୍ତ୍ରଂ ସଂହିତଂ ରାଜନ୍ଧୋରରୂପଂ ମହାହବେ'।
ସନ୍ତାପଯଦ୍ରଣେ ପାର୍ଥଂ ଭୂତାନ୍ଯନ୍ତର୍ହିତାନି ଚ॥ 7-189-49 (53816)
ତତଶ୍ଚଚାଲ ପୃଥିବୀ ସପର୍ବତବନଦ୍ରୁମା।
`ସରିତଶ୍ଚ ପ୍ରତିସ୍ରୋତଃ ପ୍ରବହୁର୍ବୈ କ୍ଷଣାନ୍ତରମ୍'।
ବବୌ ଚ ବିଷମୋ ବାଯୁଃ ସାଗରାଶ୍ଚାପି ଚୁକ୍ଷୁଭୁଃ॥ 7-189-50 (53817)
ତତସ୍ତ୍ରାସୋ ମହାନାସୀତ୍କୁରୁପାଣ୍ଡବସେନଯୋଃ।
ସର୍ବେଷାଂ ଚୈବ ଭୂତାନାମୁଦ୍ଯତେଽସ୍ତ୍ରେ ମହାତ୍ମନା॥ 7-189-51 (53818)
ତତଃ ପାର୍ଥୋଽପ୍ଯସମ୍ଭ୍ରାନ୍ତସ୍ତଦସ୍ତ୍ରଂ ପ୍ରତିଜଘ୍ନିବାନ୍।
ବ୍ରହ୍ମାସ୍ତ୍ରେଣୈବ ରାଜେନ୍ଦ୍ର ତତଃ ସର୍ବମଶୀଶମତ୍॥ 7-189-52 (53819)
ଯଦା ନ ଗମ୍ଯତେ ପାରଂ ତଯୋରନ୍ଯତରସ୍ଯ ବା।
ତତଃ ସଙ୍କୁଲଯୁଦ୍ଧେନ ତଦ୍ଯୁଦ୍ଧଂ ବ୍ଯାକୁଲୀକୃତମ୍॥ 7-189-53 (53820)
ନାଜ୍ଞାଯତ ତତଃ କିଞ୍ଚିତ୍ପୁନରେବ ବିଶାମ୍ପତେ।
ପ୍ରବୃତ୍ତେ ତୁମୁଲେ ଯୁଦ୍ଧେ ଦ୍ରୋଣପାଣ୍ଡବଯୋର୍ନୃପ॥ 7-189-54 (53821)
`ଦ୍ରୋଣୋ ମୁକ୍ତ୍ବା ରଣେ ପାର୍ଥଂ ପାଞ୍ଚାଲାନନ୍ବଧାବତ।
ଅର୍ଜୁନୋପି ରଣେ ଦ୍ରୋଣଂ ତ୍ଯକ୍ତ୍ବା ପ୍ରାଦ୍ରବଯତ୍କୁରୂନ୍॥ 7-189-55 (53822)
ଶରୌଘୈରଥ ତାଭ୍ଯାଂ ତୁ ଛାଯାଭୂତଂ ମହାମୃଧେ।
ତୁମଲଂ ପ୍ରବଭୌ ରାଜନ୍ସର୍ବସ୍ଯ ଜଗତୋ ଭଯମ୍'॥ 7-189-56 (53823)
ଶରଜାଲୈଃ ସମାକୀର୍ଣେ ମେଘଜାଲୈରିବାମ୍ବରେ।
ନାପତଚ୍ଚ ତତଃ କଶ୍ଚିଦନ୍ତରିକ୍ଷଚରସ୍ତଦା॥ ॥ 7-189-57 (53824)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣବଧପର୍ବଣି ପଞ୍ଚଦଶଦିସଯୁଦ୍ଧେ ଏକୋନନବତ୍ଯଧିକଶତତମୋଽଧ୍ଯାଯଃ॥ 189 ॥
Mahabharata - Drona Parva - Chapter Footnotes
5-189-45 ଜ୍ଞାନମେକସ୍ଥମିତି ଆଚାର୍ଯୋ ଜ୍ଞାନସ୍ଯ ଶୌର୍ଯସ୍ଯ ଚାବଧିରିତ୍ଯର୍ଥଃ। ଅର୍ଜୁନସ୍ତୁ ଯୋଗେନ ବଲେନ ଚାଧିକଃ। କୃଷ୍ଣସାରଥିଗାଣ୍ଡୀବଦିବ୍ଯରଥଧ୍ବଜବୁଦ୍ଭ୍ଯାଦିଭିର୍ଯୌବନେନ ଚ ଯୁକ୍ତତ୍ବାତ୍। ତଥାଚ ଯୋଗବଲାଭ୍ଯାଂ ମାର୍ଚାର୍ଯସାମ୍ଯଂ ପ୍ରାପ୍ତ ଇତ୍ଯର୍ଥଃ॥ 5-189-57 ନାପତତ୍ ବାଣୈରନ୍ତରିକ୍ଷସ୍ଯ ପୂରିତତ୍ବାଦିତି ଭାବଃ॥ 5-189-189 ଏକୋନନବତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 190
॥ ଶ୍ରୀଃ ॥
7.190. ଅଧ୍ଯାଯଃ 190
Mahabharata - Drona Parva - Chapter Topics
ସାତ୍ଯକିଦୁର୍ଯୋଧନାଦୀନାଂ ସଙ୍କୁଲଯୁଦ୍ଧବର୍ଣନମ୍॥ 1 ॥Mahabharata - Drona Parva - Chapter Text
7-190-0 (53825)
ସଞ୍ଜଯ ଉବାଚ। 7-190-0x (4770)
ତସ୍ମିଂସ୍ତଥା ବର୍ତମାନେ ଗଜାଶ୍ବନରସଂକ୍ଷଯେ।
ଦୁଃଶାସନୋ ମହାରାଜ ଧୃଷ୍ଟଦ୍ଯୁମ୍ନମଯୋଧଯତ୍॥ 7-190-1 (53826)
ସ ତୁ ରୁକ୍ମରଥାସକ୍ତୋ ଦୁଃଶାସନଶରାର୍ଦିତଃ।
ଅମର୍ଷାତ୍ତବ ପୁତ୍ରସ୍ଯ ଶରୈର୍ବାହାନବାକିରତ୍॥ 7-190-2 (53827)
କ୍ଷଣେନ ସ ରଥସ୍ତସ୍ଯ ସଧ୍ବଜଃ ସହସାରଥିଃ।
ନାଦୃଶ୍ଯତ ମହାରାଜ ପାର୍ଷତସ୍ଯ ଶରୈଶ୍ଚିତଃ॥ 7-190-3 (53828)
ଦୁଃଶାସନସ୍ତୁ ରାଜେନ୍ଦ୍ର ପାଞ୍ଚାଲ୍ଯସ୍ଯ ମହାତ୍ମନଃ।
ନାଶକତ୍ପ୍ରମୁଖେ ସ୍ଥାତୁଂ ଶରଜାଲପ୍ରପୀଡିତଃ॥ 7-190-4 (53829)
ସ ତୁ ଦୁଃଶାସନଂ ବାଣୈର୍ବିମୁଖୀକୃତ୍ଯ ପାର୍ଷତଃ।
କିର଼ଞ୍ଛରସହସ୍ରାଣି ଦ୍ରୋଣମେବାଭ୍ଯଯାଦ୍ରଣେ॥ 7-190-5 (53830)
ଅଭ୍ଯପଦ୍ଯତ ହାର୍ଦିକ୍ଯଃ କୃତବର୍ମା ତ୍ବନନ୍ତରମ୍।
ସୋଦର୍ଯାଣାଂ ତ୍ରଯଶ୍ଚୈବ ତ ଏନଂ ପର୍ଯବାରଯନ୍॥ 7-190-6 (53831)
ତଂ ଯମୌ ପୃଷ୍ଠତୋଽନ୍ବୈତାଂ ରକ୍ଷନ୍ତୌ ପୁରୁଷର୍ଷଭୌ।
ଦ୍ରୋଣାଯାଭିମୁଖଂ ଯାନ୍ତଂ ଦୀପ୍ଯମାନମିବାନଲମ୍॥ 7-190-7 (53832)
ସମ୍ପ୍ରହାରମକୁର୍ବଂସ୍ତେ ସର୍ବେ ଚ ସୁମହାରଥାଃ।
ଅମର୍ଷିତାଃ ସତ୍ତ୍ବବନ୍ତଃ କୃତ୍ବା ମରଣମଗ୍ରତଃ॥ 7-190-8 (53833)
ଶୁଦ୍ଧାତ୍ମାନଃ ଶୁଦ୍ଧବୃତ୍ତା ରାଜନ୍ସ୍ବର୍ଗପୁରସ୍କୃତାଃ।
ଆର୍ଯଂ ଯୁଦ୍ଧମକୁର୍ବନ୍ତ ପରସ୍ପରଜିଗୀଷବଃ॥ 7-190-9 (53834)
ଶୁକ୍ଲାଭିଜନକର୍ମାଣୋ ମତିମନ୍ତୋ ଜନାଧିପ।
ଧର୍ମଯୁଦ୍ଧମଯୁଧ୍ଯନ୍ତ ପ୍ରେପ୍ସନ୍ତୋ ଗତିମୁତ୍ତମାମ୍॥ 7-190-10 (53835)
ନ ତତ୍ରାସୀଦଧର୍ମିଷ୍ଠମଶସ୍ତଂ ଯୁଦ୍ଧମେବ ଚ।
ନାତ୍ର କର୍ଣୀ ନ ନାଲୀକୋ ନ ଲିପ୍ତୋ ନ ଚ ବସ୍ତିକଃ॥ 7-190-11 (53836)
ନ ସୂଚୀ କପିଶୋ ନୈବ ନ ଗବାସ୍ଥିର୍ଗଜାସ୍ଥିଜଃ।
ନ ଚୂଲୀ ବଲିଶସ୍ତତ୍ର ନ ଯମୀ ନାପି ପାଚକଃ।
ଇଷୁରାସୀନ୍ନ ସଂଶ୍ଲିଷ୍ଟୋ ନ ପୂତିର୍ନ ଚ ଜିହ୍ମଗଃ॥ 7-190-12 (53837)
ଋଜୂନ୍ଯେବ ବିଶୁଦ୍ଧାନି ସର୍ବେ ଶସ୍ତ୍ରାଣ୍ଯଧାରଯନ୍।
ସୁଯୁଦ୍ଧେନ ପରାଁଲ୍ଲୋକାନୀପ୍ସନ୍ତଃ କୀର୍ତିମେବ ଚ॥ 7-190-13 (53838)
ତଦାସୀତ୍ତୁମୁଲଂ ଯୁଦ୍ଧଂ ସର୍ବଦୋଷବିବର୍ଜିତମ୍।
ଚତୁର୍ଣାଂ ତବ ଯୋଧାନାଂ ତୈସ୍ତ୍ରିଭିଃ ପାଣ୍ଡବୈଃ ସହ॥ 7-190-14 (53839)
ଧୃଷ୍ଟଦ୍ଯୁମ୍ନସ୍ତୁ ତାନ୍ଦୃଷ୍ଟ୍ବା ତବ ରାଜନ୍ରଥର୍ଷଭାନ୍।
ଯମାଭ୍ଯାଂ ବାରିତାନ୍ବୀରାଞ୍ଛୀଘ୍ରାସ୍ତ୍ରୋ ଦ୍ରୋଣମଭ୍ଯଯାତ୍॥ 7-190-15 (53840)
ନିବାରିତାସ୍ତୁ ତେ ବୀରାସ୍ତଯୋଃ ପୁରୁଷସିଂହଯୋଃ।
ସମସଜ୍ଜନ୍ତ ଚତ୍ବାରୋ ବାତାଃ ପର୍ବତଯୋରିବ॥ 7-190-16 (53841)
ଦ୍ବାଭ୍ଯାଂ ଦ୍ବାଭ୍ଯାଂ ଯମୌ ସାର୍ଧଂ ରଥାଭ୍ଯାଂ ରଥପୁଙ୍ଗବୌ।
ସମାସକ୍ତୌ ତତୋ ଦ୍ରୋଣଂ ଧୃଷ୍ଟଦ୍ଯୁମ୍ନୋଽଭ୍ଯବର୍ତତ॥ 7-190-17 (53842)
ଦୃଷ୍ଟ୍ବା ଦ୍ରୋଣାଯ ପାଞ୍ଚାଲ୍ଯଂ ବ୍ରଜନ୍ତଂ ଯୁଦ୍ଧଦୁର୍ମଦମ୍।
ଯମାଭ୍ଯାଂ ତାଂଶ୍ଚ ସଂସକ୍ତାଂସ୍ତଦନ୍ତରମୁପାଦ୍ରବତ୍॥ 7-190-18 (53843)
ଦୁର୍ଯୋଧନୋ ମହାରାଜ କିରଞ୍ଛୋଣିତଭୋଜନାନ୍।
ତଂ ସାତ୍ଯକିଃ ଶୀଘ୍ରତରଂ ପୁନରେବାଭ୍ଯବର୍ତତ॥ 7-190-19 (53844)
ତୌ ପରସ୍ପରମାସାଦ୍ଯ ସମୀପେ କୁରୁମାଧବୌ।
ହସମାନୌ ନୃଶାର୍ଦୂଲାବଭୀତୌ ସମସଜ୍ଜତାମ୍॥ 7-190-20 (53845)
ବାଲ୍ଯବୃତ୍ତାନି ସର୍ବାଣି ପ୍ରୀଯମାଣୌ ବିଚିନ୍ତ୍ଯ ତୌ।
ଅନ୍ଯୋନ୍ଯଂ ପ୍ରେକ୍ଷମାଣୌ ଚ ସ୍ମଯମାନୌ ପୁନଃପୁନଃ॥ 7-190-21 (53846)
ଅଥ ଦୁର୍ଯୋଧନୋ ରାଜା ସାତ୍ଯକିଂ ସମଭାଷତ।
ପ୍ରିଯଂ ସଖାଯଂ ସତତଂ ଗର୍ହଯନ୍ବୃତ୍ତମାତ୍ମନଃ॥ 7-190-22 (53847)
ଧିକ୍ କ୍ରୋଧଂ ଧିକ୍ସଖେ ଲୋଭଂ ଧିଙ୍ମୋହଂ ଧିଗମର୍ଷିତମ୍।
ଧିଗସ୍ତୁ କ୍ଷାତ୍ରମାଚାରଂ ଧିଗସ୍ତୁ ବଲମୌରସମ୍॥ 7-190-23 (53848)
ଯତ୍ର ମାମଭିସନ୍ଧତ୍ସେ ତ୍ବାଂ ଚାହଂ ଶିନିପୁଙ୍ଗବ।
ତ୍ବଂ ହି ପ୍ରାଣୈଃ ପ୍ରିଯତରୋ ମମାହଂ ଚ ସଦା ତବ॥ 7-190-24 (53849)
ସ୍ମରାମି ତାନି ସର୍ବାଣି ବାଲ୍ଯବୃତ୍ତାନି ଯାନି ନୌ।
ତାନି ସର୍ବାଣି ଜୀର୍ଣାନି ସାମ୍ପ୍ରତଂ ନୋ ରଣାଜିରେ।
କିମନ୍ଯତ୍କ୍ରୋଧଲୋଭାଭ୍ଯାଂ ଯୁଦ୍ଧମେବାଦ୍ଯ ସାତ୍ବତ॥ 7-190-25 (53850)
ତଂ ତଥାବାଦିନଂ ତତ୍ର ସାତ୍ଯକିଃ ପ୍ରତ୍ଯଭାଷତ।
ପ୍ରହସନ୍ବିଶିଖାଂସ୍ତୀକ୍ଷ୍ଣାନୁଦ୍ଯମ୍ଯ ପରମାସ୍ତ୍ରବିତ୍॥ 7-190-26 (53851)
ନେଯଂ ସଭା ରାଜପୁତ୍ର ନାଚାର୍ଯସ୍ଯ ନିବେଶନମ୍।
ଯତ୍ର କ୍ରୀଡିତମସ୍ମାଭିସ୍ତଦା ରାଜନ୍ସମାଗତୈଃ॥ 7-190-27 (53852)
ଦୁର୍ଯୋଧନ ଉବାଚ। 7-190-28x (4771)
କ୍ବ ସା କ୍ରୀଡା ଗତାଽସ୍ମାକଂ ବାଲ୍ଯେ ବୈ ଶିନିପୁଙ୍ଗବ।
କ୍ବ ଚ ଯୁଦ୍ଧମିଦଂ ଭୂଯଃ କାଲୋ ହି ଦୁରତିକ୍ରମଃ॥ 7-190-28 (53853)
କିନ୍ତୁ ନୋ ବିଦ୍ଯତେ କୃତ୍ଯଂ ଧନେନ ଧନଲିପ୍ସଯା।
ଯତ୍ର ଯୁଧ୍ଯାମହେ ସର୍ବେ ଧନଲୋଭାତ୍ସମାଗତାଃ॥ 7-190-29 (53854)
ସଞ୍ଜଯ ଉବାଯ। 7-190-30x (4772)
ତଂ ତଥାବାଦିନଂ ତତ୍ର ରାଜାନଂ ମାଧବୋଽବ୍ରବୀତ୍।
ଏବଂ ବୃତ୍ତଂ ସଦା କ୍ଷାତ୍ରଂ ଯୁଧ୍ଯନ୍ତୀହ ଗୁରୂନପି॥ 7-190-30 (53855)
ଯଦି ତେଽହଂ ପ୍ରିଯୋ ରାଜଞ୍ଜହି ମାଂ ମା ଚିରଂ କୃଥାଃ।
ତ୍ବତ୍କୃତେ ସୁକୃତାଂଲ୍ଲୋକାନ୍ଗଚ୍ଛେଯଂ ଭରତର୍ଷଭ॥ 7-190-31 (53856)
ଯା ତେ ଶକ୍ତିର୍ବଲଂ ଯଚ୍ଚ ତତ୍କ୍ଷିପ୍ରଂ ମଯି ଦର୍ଶଯ।
ନେଚ୍ଛାମି ତଦହଂ ଦ୍ରଷ୍ଟୁଂ ମିତ୍ରାଣାଂ ବ୍ଯସନଂ ମହତ୍॥ 7-190-32 (53857)
ଇତ୍ଯେବଂ ବ୍ଯକ୍ତମାଭାଷ୍ଯ ପ୍ରତିଭାଷ୍ଯ ଚ ସାତ୍ଯକିଃ।
ଅଭ୍ଯଯାତ୍ତୂର୍ଣମବ୍ଯଗ୍ରୋ ଦଯାଂ ନାକୁରୁତାତ୍ମନି॥ 7-190-33 (53858)
ତମାଯାନ୍ତଂ ମହାବାହୁଂ ପ୍ରତ୍ଯଗୃହ୍ଣାତ୍ତବାତ୍ମଜଃ।
ଶରୈଶ୍ଚାବାକିରଦ୍ରାଜଞ୍ଶୈନେଯଂ ତନଯସ୍ତବ॥ 7-190-34 (53859)
ତତଃ ପ୍ରବବୃତେ ଯୁଦ୍ଧଂ କୁରୁମାଧବସିଂହଯୋଃ।
ଅନ୍ଯୋନ୍ଯଂ କ୍ରୁଦ୍ଧଯୋର୍ଘୋରଂ ଯଥା ଦ୍ବିରଦସିଂହଯୋଃ॥ 7-190-35 (53860)
ତତଃ ପୂର୍ଣାଯତୋତ୍ସୃଷ୍ଟୈଃ ସାତ୍ବତଂ ଯୁଦ୍ଧଦୁର୍ମଦମ୍।
ଦୁର୍ଯୋଧନଃ ପ୍ରତ୍ଯବିଧ୍ଯତ୍କୁପିତୋ ଦଶଭିଃ ଶରୈଃ॥ 7-190-36 (53861)
ତଂ ସାତ୍ଯକିଃ ପ୍ରତ୍ଯବିଧ୍ଯତ୍ତଥୈବାବାକିରଚ୍ଛରୈଃ।
ପଞ୍ଚାଶତା ପୁନଶ୍ଚାଜୌ ତ୍ରିଂଶତା ଦଶଭିଶ୍ଚ ହ॥ 7-190-37 (53862)
ସାତ୍ଯକିଂ ତୁ ରଣେ ରାଜନ୍ପ୍ରହସଂସ୍ତନଯସ୍ତବ।
ଆକର୍ଣପୂର୍ଣୈର୍ନିଶିତୈର୍ବିବ୍ଯାଧ ତ୍ରିଂଶତା ଶରୈଃ॥ 7-190-38 (53863)
ତତୋଽସ୍ଯ ସଶରଂ ଚାପଂ କ୍ଷୁରପ୍ରେଣ ଦ୍ବିଧାଽଚ୍ଛିନତ୍॥ 7-190-39 (53864)
ସୋଽନ୍ଯତ୍କାର୍ମୁକମାଦାଯ ଲଘୁହସ୍ତସ୍ତତୋ ଦୃଢମ୍।
ସାତ୍ଯକିର୍ବ୍ଯସୃଜଚ୍ଚାପି ଶରଶ୍ରେଣୀଂ ସୁତସ୍ଯ ତେ॥ 7-190-40 (53865)
ତାମାପତନ୍ତୀଂ ସହସା ଶରଶ୍ରେଣୀଂ ଜିଘାଂସଯା।
ଚିଚ୍ଛେଦ ବହୁଧା ରାଜା ତତ ଉଚ୍ଚୁକ୍ରୁଶୁର୍ଜନାଃ॥ 7-190-41 (53866)
ସାତ୍ଯକିଂ ଚ ତ୍ରିସପ୍ତତ୍ଯା ପୀଡଯାମାସ ବେଗିତଃ।
ସ୍ବର୍ଣପୁଙ୍ଖୈଃ ଶିଲାଧୌତୈରାକର୍ଣାପୂର୍ଣନିଃସୃତୈଃ॥ 7-190-42 (53867)
ତସ୍ଯ ସନ୍ଦଧତଶ୍ଚେଷୁ ସଂହିତେଷୁ ଚ କାର୍ମୁକମ୍।
ଆଚ୍ଛିନତ୍ସାତ୍ଯକିସ୍ତୂର୍ଣଂ ଶରୈଶ୍ଚୈବାପ୍ଯବୀବିଧତ୍॥ 7-190-43 (53868)
ସ ଗାଢବିଦ୍ଧୋ ବ୍ଯଥିତଃ ପ୍ରତ୍ଯପାଯାଦ୍ରଥାନ୍ତରେ।
ଦୁର୍ଯୋଧନୋ ମହାରାଜ ଦାଶାର୍ହଶରପୀଡିତଃ॥ 7-190-44 (53869)
ସମାଶ୍ବସ୍ଯ ତୁ ପୁତ୍ରସ୍ତେ ସାତ୍ଯକିଂ ପୁନରଭ୍ଯଯାତ୍।
ବିସୃଜନ୍ନିଷୁଜାଲାନି ଯୁଯୁଧାନରଥଂ ପ୍ରତି॥ 7-190-45 (53870)
ତଥୈବ ସାତ୍ଯକିର୍ବାଣାନ୍ଦୁର୍ଯୋଧନରଥଂ ପ୍ରତି।
ସତତଂ ବିସୃଜନ୍ରାଜଂସ୍ତତ୍ସଙ୍କୁଲମବର୍ତତ॥ 7-190-46 (53871)
ତତ୍ରେଷୁଭିଃ କ୍ଷିପ୍ଯମାଣୈଃ ପତଦ୍ଭିଶ୍ଚ ଶରୀରିଷୁ।
ଅଗ୍ନେରିବ ମହାକକ୍ଷୈଃ ଶବ୍ଦଃ ସମଭବନ୍ମହାନ୍॥ 7-190-47 (53872)
ତଯୋଃ ଶରସହସ୍ରୈଶ୍ଚ ସଞ୍ଛନ୍ନଂ ବସୁଧାତଲମ୍।
ଅଗମ୍ଯରୂପଂ ଚ ଶରୈରାକାଶଂ ସମପଦ୍ଯତ॥ 7-190-48 (53873)
ତତ୍ରାପ୍ଯଧିକମାଲକ୍ଷ୍ଯ ମାଧବଂ ରଥସତ୍ତମମ୍।
କ୍ଷିପ୍ରମଭ୍ଯପତତ୍କର୍ଣଃ ପରୀପ୍ସଂସ୍ତନଯଂ ତବ॥ 7-190-49 (53874)
ନ ତୁ ତଂ ମର୍ଷଯାମାସ ଭୀମସେନୋ ମହାବଲଃ।
ସୋଽଭ୍ଯଯାତ୍ତ୍ବରିତଃ କର୍ଣଂ ବିସୃଜନ୍ସାଯକାନ୍ବହୂନ୍॥ 7-190-50 (53875)
ତସ୍ଯ କର୍ଣଃ ଶିତାନ୍ବାଣାନ୍ପ୍ରତିହନ୍ଯ ହସନ୍ନିବ।
ଧନୁଃ ଶରାଂଶ୍ଚ ଚିଚ୍ଛେଦ ସୂତଂ ଚାଭ୍ଯହନଚ୍ଛରୈଃ॥ 7-190-51 (53876)
ଭୀମସେନସ୍ତୁ ସଙ୍କ୍ରୁଦ୍ଧୋ ଗଦାମାଦାଯ ପାଣ୍ଡବଃ।
ଧ୍ବଜଂ ଧନୁଶ୍ଚ ସୂତଂ ଚ ସମ୍ମମର୍ଦାହବେ ରିପୋଃ॥ 7-190-52 (53877)
ରଥଚକ୍ରଂ ଚ କର୍ଣସ୍ଯ ବଭଞ୍ଜ ସ ମହାବଲଃ।
ଭଗ୍ନଯକ୍ରେ ରଥେଽତିଷ୍ଠଦକମ୍ପଃ ଶୈଲରାଡିବ॥ 7-190-53 (53878)
ଏକଚକ୍ରଂ ରଥଂ ତସ୍ଯ ତମୂହୁଃ ସୁଚିରଂ ହଯାଃ।
ଏକଚକ୍ରମିବାର୍କସ୍ଯ ରଥଂ ସପ୍ତ ହଯା ଯଥା॥ 7-190-54 (53879)
ଅମୃଷ୍ଯମାଣଃ କର୍ଣସ୍ତୁ ଭୀମସେନମଯୁଧ୍ଯତ।
ବିବିଧୈରିଷୁଜାଲୈଶ୍ଚ ନାନାଶସ୍ତ୍ରୈଶ୍ଚ ସଂଯୁଗେ॥ 7-190-55 (53880)
ଭୀମସେନସ୍ତୁ ସଙ୍କ୍ରୁଦ୍ଧଃ ସୂତପୁତ୍ରମଯୋଧଯତ୍।
ତସ୍ମିଂସ୍ତଥା ବର୍ତମାନେ କ୍ରୁଦ୍ଧୋ ଧର୍ମସୁତୋଽବ୍ରବୀତ୍।
ପାଞ୍ଚାଲାନାଂ ନରବ୍ଯାଘ୍ରାନ୍ମାତ୍ସ୍ଯାଂଶ୍ଚ ପୁରୁଷର୍ଷଭାନ୍॥ 7-190-56 (53881)
ଯେ ନଃ ପ୍ରାଣାଃ ଶିରୋ ଯେ ଚ ଯେ ନୋ ଯୋଧା ମହାରଥାଃ।
ତ ଏତେ ଧାର୍ତରାଷ୍ଟ୍ରେଷୁ ବିଷକ୍ତାଃ ପୁରୁଷର୍ଷଭାନ୍॥ 7-190-57 (53882)
ଯେ ନଃ ପ୍ରାଣାଃ ଶିରୋ ଯେ ଚ ଯେ ନୋ ଯୋଧା ମହାରଥାଃ।
ତ ଏତେ ଧାର୍ତରାଷ୍ଟ୍ରେଷୁ ବିଷକ୍ତାଃ ପୁରୁଷର୍ଷଭାଃ॥ 7-190-58 (53883)
କିଂ ତିଷ୍ଠତ ଯଥା ମୂଢାଃ ସର୍ବେ ବିଗତଚେତସଃ।
ତତ୍ର ଗଚ୍ଛତ ଯତ୍ରୈତେ ଯୁଧ୍ଯନ୍ତେ ମାମକା ରଥାଃ॥ 7-190-59 (53884)
କ୍ଷତ୍ରଧର୍ମଂ ପୁରସ୍କୃତ୍ଯ ସର୍ବ ଏବ ଗତଜ୍ବରାଃ।
ଜଯନ୍ତୋ ବଧ୍ଯମାନାଶ୍ଚ ଗତିମିଷ୍ଟାଂ ଗମିଷ୍ଯଥ॥ 7-190-60 (53885)
ତେ ରାଜ୍ଞା ଚୋଦିତା ବୀରା ଯୋତ୍ସ୍ଯମାନା ମହାରଥାଃ।
ଚତୁର୍ଧା ବାହିନୀଂ କୃତ୍ବା ତ୍ବରିତା ଦ୍ରୋଣମଭ୍ଯଯୁଃ॥ 7-190-61 (53886)
ପାଞ୍ଚାଲାସ୍ତ୍ବେକତୋ ଦ୍ରୋଣମଭ୍ଯଘ୍ନନ୍ନିଶିତୈଃ ଶରୈଃ।
ଭୀମସେନପୁରୋଗାଶ୍ଚାପ୍ଯେକତଃ ପର୍ଯବାରଯନ୍॥ 7-190-62 (53887)
ଆସଂସ୍ତୁ ପାଣ୍ଡୁପୁତ୍ରାଣାଂ ତ୍ରଯୋ ଜିହ୍ମା ମହାରଥାଃ।
ଯମୌ ଚ ଭୀମସେନଶ୍ଚ ପ୍ରାକ୍ରୋଶଂସ୍ତେ ଧନଞ୍ଜଯମ୍॥ 7-190-63 (53888)
ଅଭିଦ୍ରବାର୍ଜୁନ କ୍ଷିପ୍ରଂ କୁରୂନ୍ଦ୍ରୋଣାଦପାନୁଦ।
ତତ ଏନଂ ହନିଷ୍ଯନ୍ତି ପାଞ୍ଚାଲା ହତରକ୍ଷିଣମ୍॥ 7-190-64 (53889)
କୌରବେଯାଂସ୍ତତଃ ପାର୍ଥଃ ସସା ସମୁପାଦ୍ରବତ୍।
ପାଞ୍ଚାଲାନେବ ତୁ ଦ୍ରୋଣୋ ଧୃଷ୍ଟଦ୍ଯୁମ୍ନପୁରୋଗମାନ୍।
ମମର୍ଦୁସ୍ତରସା ବୀରାଃ ପଞ୍ଚମେଽହନି ଭାରତ॥ ॥ 7-190-65 (53890)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ପଞ୍ଚଦଶଦିବସଯୁଦ୍ଧେ ନବତ୍ଯଧିକଶତତମୋଽଧ୍ଯାଯଃ॥ 190 ॥
Mahabharata - Drona Parva - Chapter Footnotes
5-190-6 ତ୍ରଯୋ ଧୃଷ୍ଟଦ୍ଯୁମ୍ନୋଽନ୍ଯୌ ଦ୍ବୌ ଚ॥ 5-190-10 ଶୁକ୍ଲଃ ଶୁଦ୍ଧୋଽଭିଜନୋ ବଂଶୋ ଯେଷାଂ ତେ ସ୍ବଯଂ ଶୋଧିତକର୍ମାଣଶ୍ଚ॥ 5-190-11 ଅଶସ୍ତମପ୍ରଶସ୍ଯମ୍। ପ୍ରଶସ୍ଯତ୍ବମାହ ନାତ୍ରେତି। କର୍ଣୀ ବିଲୋମକଣ୍ଟକଦ୍ବଯଯୁକ୍ତଃ। ସହି ଉଦ୍ଦ୍ରିଯମାଣୋଽନ୍ତ୍ରାଣ୍ଯୁଦ୍ଧରତି। ନାଲୀକଃ ଅଲ୍ପତ୍ବାଦ୍ଦେହମଗ୍ରଃ ସନ୍ ଦୁରୁଦ୍ଧରଃ। ନ ଲିପ୍ତୋ ବିଷେଣେତି ଶେଷଃ। ବସ୍ତିକଃ ଶଲ୍ଯଦଣ୍ଡସନ୍ଧୌ ଶିଥିଲସ୍ତସ୍ଯୋଦ୍ଧରଣେ ଶଲ୍ଯଂ ବସ୍ତିମଧ୍ଯେ ମଜ୍ଜତି ଦଣ୍ଡମାତ୍ରଂ ନିଃ--ସରତି। (ଅନ୍ଯେ ବସ୍ତକ ଇତି ପଠିତ୍ବା ଶୃଙ୍ଗଘଟିତ ଇତି ବ୍ଯାଚଖ୍ଯୁଃ)॥ 5-190-20 ହିଂସମାନାବିତି କ.ଖ.ପାଠଃ॥ 5-190-33 ଅଭ୍ଯଯାତ୍ତୂର୍ଣମବ୍ଯଗ୍ରୋ ନିରପେକ୍ଷୋ ବିଶାମ୍ପତେ କ.ଖ.ପାଠଃ॥ 5-190-190 ନବତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 191
॥ ଶ୍ରୀଃ ॥
7.191. ଅଧ୍ଯାଯଃ 191
Mahabharata - Drona Parva - Chapter Topics
କୃଷ୍ଣେନ ଯୁଧିଷ୍ଠିରମ୍ପ୍ରତି ଦ୍ରୋଣଜଯେ ତସ୍ଯ ଶସ୍ତ୍ରନ୍ଯାସସ୍ଯ ତତ୍ରଚାଶ୍ବତ୍ଥାମବଧଶ୍ରବଣସ୍ଯ ହେତୁତ୍ବକଥନମ୍॥ 1 ॥ ଭୀମେନାଶ୍ବତ୍ଥାମନାମ୍ନି ଗଜେ ନିହତେ ଯୁଧିଷ୍ଠିରେଣ କୃଷ୍ଣଚୋଦନଯା ଦ୍ରୋଣମ୍ପ୍ରତି ତଦ୍ବିବକ୍ଷଯା ଅଶ୍ବତ୍ଥାମା ହତ ଇତି କଥନମ୍॥ 2 ॥Mahabharata - Drona Parva - Chapter Text
7-191-0 (53891)
ସଞ୍ଜଯ ଉବାଚ। 7-191-0x (4773)
ପାଞ୍ଚାଲାନାଂ ତତୋ ଦ୍ରୋଣୋଽପ୍ଯକରୋତ୍କଦନଂ ମହତ୍।
ଯଥା କ୍ରୁଦ୍ଧୋ ରଣେ ଶକ୍ରୋ ଦାନବାନାଂ କ୍ଷଯଂ ପୁରା॥ 7-191-1 (53892)
ଦ୍ରୋଣାସ୍ତ୍ରେଣ ମହାରାଜ ବଧ୍ଯମାନାଃ ପରେ ଯୁଧି।
ନାତ୍ରସନ୍ତ ରଣେ ଦ୍ରୋଣତ୍ସତ୍ବବନ୍ତୋ ମହାରଥାଃ॥ 7-191-2 (53893)
ଯୁଧ୍ଯମାନା ମହାରାଜ ପାଞ୍ଚାଲାଃ ସୃଞ୍ଜଯାସ୍ତଥା।
ଦ୍ରୋଣମେବାଭ୍ଯଯୁର୍ଯୁଦ୍ଧେ ଯୋଧଯନ୍ତୋ ମହାରଥାଃ॥ 7-191-3 (53894)
ତେଷାଂ ତୁ ଚ୍ଛାଦ୍ଯମାନାନାଂ ପାଞ୍ଚାଲାନାଂ ସମନ୍ତତଃ।
ଅଭବଦ୍ଭୈରବୋ ନାଦୋ ବଧ୍ଯତାଂ ଶରବୃଷ୍ଟିଭିଃ॥ 7-191-4 (53895)
ବଧ୍ଯମାନେଷୁ ସଙ୍ଗ୍ରାମେ ପାଞ୍ଚାଲେଷୁ ମହାତ୍ମନା।
ଉଦୀର୍ଯମାଣେ ଦ୍ରୋଣାସ୍ତ୍ରେ ପାଣ଼୍ଡବାନ୍ଭଯମାବିଶତ୍॥ 7-191-5 (53896)
ଦୃଷ୍ଟ୍ବାଽଶ୍ବନରଯୋଧାନାଂ ବିପୁଲଂ ଚ କ୍ଷଯଂ ଯୁଧି।
ପାଣ଼୍ଡବେଯା ମହାରାଜ ନାଶଶଂସୁର୍ଜଯଂ ତଦା॥ 7-191-6 (53897)
କଚ୍ଚିଦ୍ଦ୍ରୋଣୋ ନ ନଃ ସର୍ବାନ୍କ୍ଷପଯେତ୍ପରମାସ୍ତ୍ରବିତ୍।
ସମିଦ୍ଧଃ ଶିଶିରାପାଯେ ଦହନ୍କକ୍ଷମିବାନଲଃ॥ 7-191-7 (53898)
ନ ଚୈନଂ ସଂଯୁଗେ କଶ୍ଚିତ୍ସମର୍ଥଃ ପ୍ରତିବୀକ୍ଷିତୁମ୍।
ନ ଚୈନମର୍ଜୁନୋ ଜାତୁ ପ୍ରତିଯୁଧ୍ଯେତ ଧର୍ମବିତ୍॥ 7-191-8 (53899)
ତ୍ରସ୍ତାନ୍କୁନ୍ତୀସୁତାନ୍ଦୃଷ୍ଟ୍ବା ଦ୍ରୋଣସାଯକପୀଡିତାନ୍।
ମତିମାଞ୍ଶ୍ରେଯସେ ଯୁକ୍ତଃ କେଶବୋଽର୍ଜୁନମବ୍ରବୀତ୍॥ 7-191-9 (53900)
ନୈଷ ଯୁଦ୍ଧେନ ସଙ୍ଗ୍ରାମେ ଜେତୁଂ ଶକ୍ଯଃ କଥଞ୍ଚନ।
ସଧନୁର୍ଧନ୍ବିନାଂ ଶ୍ରେଷ୍ଠୋ ଦେବୈରପି ସବାସବୈଃ॥ 7-191-10 (53901)
ନ୍ଯସ୍ତଶସ୍ତ୍ରସ୍ତୁ ସଙ୍ଗାରମେ ଶକ୍ଯୋ ହନ୍ତୁଂ ଭବେନ୍ନୃଭିଃ।
ଆସ୍ଥୀଯତାଂ ଜଯେ ଯୋଗୋ ଧର୍ମମୁତ୍ସୃଜ୍ଯ ପାଣ୍ଡବାଃ।
ଯଥା ନ ସଂଯୁଗେ ସର୍ବାନ୍ନିହନ୍ଯାଦ୍ରୁକ୍ମବାହନଃ॥ 7-191-11 (53902)
ଅଶ୍ବତ୍ଥାମ୍ନି ହତେ ନୈଷ ଯୁଧ୍ଯେଦିତି ମତିର୍ମମ।
ତଂ ହତଂ ସଂଯୁଗେ କଶ୍ଚିଦସ୍ମୈ ଶଂସତୁ ମାନବଃ॥ 7-191-12 (53903)
ଏତନ୍ନାରୋଚଯଦ୍ରାଜନ୍କୁନ୍ତୀପୁତ୍ରୋ ଧନଞ୍ଜଯଃ।
ଅନ୍ଯେ ତ୍ବରୋଚଯନ୍ସର୍ବେ କୃଚ୍ଛ୍ରେଣ ତୁ ଯୁଧିଷ୍ଠିରଃ॥ 7-191-13 (53904)
ତତୋ ଭୀମୋ ମହାବାହୁରନୀକେଷୁ ମହାଗଜମ୍।
ଜଘାନ ଗଦଯା ରାଜନ୍ନଶ୍ବତ୍ଥାମାନମିତ୍ଯୁତ।
ପରପ୍ରମଥନଂ ଘୋରଂ ମାଲବସ୍ଯେନ୍ଦ୍ରବର୍ମଣଃ॥ 7-191-14 (53905)
ଭୀମସେନସ୍ତୁ ସବ୍ରୀଡମୁପେତ୍ଯ ଦ୍ରୋଣମାହବେ।
ଅଶ୍ବତ୍ଥାମା ହତ ଇତି ଶବ୍ଦମୁଚ୍ଚୈଶ୍ଚକାର ହ॥ 7-191-15 (53906)
ଅଶ୍ବତ୍ଥାମେତି ହି ଗଜଃ ଖ୍ଯାତୋ ନାମ୍ନା ହତୋଽଭବତ୍।
କୃତ୍ବା ମନସି ତଂ ଭୀମୋ ମିଥ୍ଯା ବ୍ଯାହୃତବାଂସ୍ତଦା॥ 7-191-16 (53907)
ଭୀମସେନବଚଃ ଶ୍ରୁତ୍ବା ଦ୍ରୋଣସ୍ତତ୍ପରମାପ୍ରିଯମ୍।
ମନସା ସନ୍ନାଗାତ୍ରୋଽଭୂଦ୍ଯଥା ସୈକତମମ୍ଭସି॥ 7-191-17 (53908)
ଶଙ୍କମାନଃ ସ ତନ୍ମିଥ୍ଯା ବୀର୍ଯଜ୍ଞଃ ସ୍ବସୁତସ୍ଯ ବୈ।
ହତଃ ସ ଇତି ଚ ଶ୍ରୁତ୍ବା ନୈବ ଧୈର୍ଯାଦକମ୍ପତ॥ 7-191-18 (53909)
ସ ଲବ୍ଧ୍ବା ଚେତନାଂ ଦ୍ରୋଣଃ କ୍ଷଣେନୈବ ସମାଶ୍ବସତ୍।
ଅନୁଚିନ୍ତ୍ଯାତ୍ମନଃ ପୁତ୍ରମବିଷହ୍ଯମରାତିଭିଃ॥ 7-191-19 (53910)
ସ ପାର୍ଷତମଭିଦ୍ରୁତ୍ଯ ଜିଘାଂସୁର୍ମୃତ୍ଯୁମାତ୍ମନଃ।
ଅବାକିରତ୍ସହସ୍ରେଣ ତୀକ୍ଷ୍ଣାନାଂ କଙ୍କପତ୍ରିଣାମ୍॥ 7-191-20 (53911)
ତଂ ବିଂଶତିସହସ୍ରାଣି ପାଞ୍ଚାଲାନାଂ ନରର୍ଷଭାଃ।
ଯଥା ଚରନ୍ତଂ ସଙ୍ଗ୍ରାମେ ସର୍ବତୋଽବାକିରଞ୍ଛରୈଃ॥ 7-191-21 (53912)
ଶରୈସ୍ତୈରାଚିତଂ ଦ୍ରୋଣଂ ନାପଶ୍ଯାମ ମହାରଥମ୍।
ଭାସ୍କରଂ ଜଲଦୈ ରୁଦ୍ଧଂ ବର୍ଷାସ୍ବିବ ବିଶାମ୍ପତେ॥ 7-191-22 (53913)
ବିଧୂଯ ତାନ୍ବାଣଗଣାନ୍ପାଞ୍ଚାଲାନାଂ ମହାରଥଃ।
ପ୍ରାଦୁଶ୍ଚକ୍ରେ ତତୋ ଦ୍ରୋଣୋ ବ୍ରାହ୍ମମସ୍ତ୍ରଂ ପରନ୍ତପଃ॥ 7-191-23 (53914)
ବଧାଯ ତେଷାଂ ଶୂରାଣାଂ ପାଞ୍ଚାଲାନାମମର୍ଷିତଃ।
ତତୋ ବ୍ଯରୋଚତ ଦ୍ରୋଣୋ ବିନିଘ୍ନନ୍ସର୍ବସୈନିକାନ୍॥ 7-191-24 (53915)
ଶିରାଂସ୍ଯାପାତଯଚ୍ଚାପି ପାଞ୍ଚାଲାନାଂ ମହାମୃଧେ।
ତଥୈବ ପରିଘାକାରାନ୍ବାହୂନ୍କନକଭୂଷଣାନ୍॥ 7-191-25 (53916)
ତେ ବଧ୍ଯମାନାଃ ସମରେ ଭାରଦ୍ବାଜେନ ପାର୍ଥିବାଃ।
ମେଦିନ୍ଯାମନ୍ବକୀର୍ଯନ୍ତ ବାତନୁନ୍ନା ଇବ ଦ୍ରୁମାଃ॥ 7-191-26 (53917)
କୁଞ୍ଜରାଣାଂ ଚ ପତତାଂ ହଯୌଘାନାଂ ଚ ଭାରତ।
ଅଗମ୍ଯରୂପା ପୃଥିବୀ ମାଂସଶୋଣିତକର୍ଦମା॥ 7-191-27 (53918)
ହତ୍ବା ବିଂଶତିସାହସ୍ରାନ୍ପାଞ୍ଚାଲାନାଂ ରଥବ୍ରଜାନ୍।
ଅତିଷ୍ଠଦାହବେ ଦ୍ରୋଣୋ ବିଧୂମୋଽଗ୍ନିରିବ ଜ୍ବଲନ୍॥ 7-191-28 (53919)
ତଥୈବ ଚ ପୁନଃ କ୍ରୁଦ୍ଧୋ ଭାରଦ୍ବାଜଃ ପ୍ରତାପବାନ୍।
ବସୁଦାନସ୍ଯ ଭଲ୍ଲେନ ଶିରଃ କାଯାଦପାହରତ୍॥ 7-191-29 (53920)
ପୁନଃ ପଞ୍ଚଶତାନ୍ମାତ୍ସ୍ଯାନ୍ଷଟ୍ସହସ୍ରାଂଶ୍ଚ ସୃଞ୍ଜଯାନ୍।
ହସ୍ତିନାମଯୁତଂ ହତ୍ବା ଜଘାନାଶ୍ବାଯୁତଂ ପୁନଃ॥ 7-191-30 (53921)
କ୍ଷତ୍ରିଯାଣାମଭାବାଯ ଦୃଷ୍ଟ୍ବା ଦ୍ରୋଣମବସ୍ଥିତମ୍।
ଋଷଯୋଽଭ୍ଯାଗତାସ୍ତୂର୍ଣଂ ହବ୍ଯବାହପୁରୋଗମାଃ॥ 7-191-31 (53922)
ବିଶ୍ବାମିତ୍ରୋ ଜମଦଗ୍ନିର୍ଭରଦ୍ବାଜୋଽଥ ଗୌତମଃ।
ବସିଷ୍ଠଃ କଶ୍ଯପୋଽତ୍ରିଶ୍ଚ ବ୍ରହ୍ମଲୋକଂ ନିନୀଷବଃ॥ 7-191-32 (53923)
ସିକତାଃ ପୃଶ୍ନଯୋ ଗର୍ଗା ବାଲଖିଲ୍ଯା ମରୀଚିପାଃ।
ଭୃଗବୋଽଙ୍ଗିରସଶ୍ଚୈବ ସୂକ୍ଷ୍ମାଶ୍ଚାନ୍ଯେ ମହର୍ଷଯଃ॥ 7-191-33 (53924)
ତ ଏନମବ୍ରୁବନ୍ସର୍ବେ ଦ୍ରୋଣମାହରବଶୋଭିନମ୍।
ଅଧର୍ମତଃ କୃତଂ ଯୁଦ୍ଧଂ ସମଯୋ ନିଧନସ୍ଯ ତେ॥ 7-191-34 (53925)
ନ୍ଯସ୍ଯାଯୁଧଂ ରଣେ ଦ୍ରୋଣ ସମୀକ୍ଷାସ୍ମାନବସ୍ଥିତାନ୍।
ନାତଃ କ୍ରୂରତରଂ କର୍ମ ପୁନଃ କର୍ତୁମିହାର୍ହସି॥ 7-191-35 (53926)
ବେଦବେଦାଙ୍ଗବିଦୁଷଃ ସତ୍ଯଧର୍ମରତସ୍ଯ ତେ।
ବ୍ରାହ୍ମଣସ୍ଯ ବିଶେଷେଣ ତବୈତନ୍ନୋପପଦ୍ଯତେ॥ 7-191-36 (53927)
ତ୍ଯଜାଯୁଧମମୋଧେଷୋ ତିଷ୍ଠ ବର୍ତ୍ମନି ଶାଶ୍ବତେ।
ପରିପୂର୍ଣଶ୍ଚ କାଲସ୍ତେ ବସ୍ତୁଂ ଲୋକେଽଦ୍ଯ ମାନୁଷେ॥ 7-191-37 (53928)
ବ୍ରହ୍ମାସ୍ତ୍ରେଣ ତ୍ବଯା ଦଗ୍ଧା ଅନସ୍ତ୍ରଜ୍ଞା ନରା ଭୁବି।
ଯଦେତଦୀଦୃଶଂ ବିପ୍ର କୃତଂ କର୍ମ ନ ସାଧୁ ତତ୍॥ 7-191-38 (53929)
ନ୍ଯସ୍ଯାଯୁଧଂ ରଣେ ବିପ୍ର ଦ୍ରୋଣ ମା ତ୍ବଂ ଚିରଂ କୃଥାଃ।
ମା ପାପିଷ୍ଠତରଂ କର୍ମ କରିଷ୍ଯସି ପୁନର୍ଦ୍ବିଜ॥ 7-191-39 (53930)
ଇତି ତେଷାଂ ବଚଃ ଶ୍ରୁତ୍ବା ଭୀମସେନବଚଃ ସ୍ମରନ୍।
ଧୃଷ୍ଟଦ୍ଯୁମ୍ନଂ ଚ ସମ୍ପ୍ରେକ୍ଷ୍ଯ ରଣେ ସ ବିମନାଽଭବତ୍॥ 7-191-40 (53931)
ସନ୍ଦିହ୍ଯମାନୋ ବ୍ଯଥିତଃ କୁନ୍ତୀପୁତ୍ରଂ ଯୁଧିଷ୍ଠିରମ୍।
ଅହତଂ ବା ହତଂ ବେତି ପପ୍ରଚ୍ଛ ସୁତମାତ୍ମନଃ॥ 7-191-41 (53932)
ସ୍ଥିରା ବୁଦ୍ଧିର୍ହି ଦ୍ରୋଣସ୍ଯ ନ ପାର୍ଥୋ ବକ୍ଷ୍ଯତେଽନୃତମ୍।
ତ୍ରଯାଣାମପି ଲୋକାନାମୈଶ୍ବର୍ଯାର୍ଥେ କଥଞ୍ଚନ॥ 7-191-42 (53933)
ତସ୍ମାତ୍ତଂ ପରିପପ୍ରଚ୍ଛ ନାନ୍ଯଂ କଞ୍ଛିଦ୍ଦ୍ବିଜର୍ଷଭଃ।
ତସ୍ମିଂସ୍ତସ୍ଯ ହି ସତ୍ଯାଶା ବାଲ୍ଯାତ୍ପ୍ରଭୃତି ପାଣ୍ଡବେ॥ 7-191-43 (53934)
ତତୋ ନିଷ୍ପାଣ୍ଡବାମୁର୍ବୀଂ କରିଷ୍ଯନ୍ତଂ ଯୁଧାମ୍ପତିମ୍।
ଦ୍ରୋଣଂ ଜ୍ଞାତ୍ବା ଧର୍ମରାଜଂ ଗୋବିନ୍ଦୋ ବ୍ଯଥିତୋଽବ୍ରବୀତ୍॥ 7-191-44 (53935)
ଯଦ୍ଯର୍ଧଦିବସଂ ଦ୍ରୋଣୋ ଯୁଧ୍ଯତେ ମନ୍ଯୁମାସ୍ଥିତଃ।
ସତ୍ଯଂ ବ୍ରବୀମି ତେ ସେନା ବିନାଶଂ ସମୁପୈଷ୍ଯତି॥ 7-191-45 (53936)
ସ ଭବାଂସ୍ତ୍ରାତୁ ନୋ ଦ୍ରୋଣାତ୍ସତ୍ଯାଜ୍ଜ୍ଯାଯୋଽନୃତଂ ବଚଃ।
ଅନୃତଂ ଜୀବିତସ୍ଯାର୍ଥେ ବଦନ୍ନ ସ୍ପୃଶ୍ଯତେଽନୃତୈଃ॥ 7-191-46 (53937)
ତଯୋଃ ସଂବଦତୋରେବଂ ଭୀମସେନୋଽବ୍ରବୀଦିଦମ୍॥ 7-191-47 (53938)
ଶ୍ରୁତ୍ବୈବଂ ତୁ ମହାରାଜ ବଧୋପାଯଂ ମହାତ୍ମନଃ।
ଗାହମାନସ୍ଯ ତେ ସେନାଂ ମାଲବସ୍ଯେନ୍ଦ୍ରବର୍ମଣଃ॥ 7-191-48 (53939)
ଅଶ୍ବତ୍ଥାମେତି ବିଖ୍ଯାତୋ ଗଜଃ ଶକ୍ରଗଜୋପମଃ।
ନିହତୋ ଯୁଧି ବିକ୍ରମ୍ଯ ତତୋଽହଂ ଦ୍ରୋଣମବ୍ରୁବମ୍॥ 7-191-49 (53940)
ଅଶ୍ବତ୍ଥାମା ହତୋ ବ୍ରହ୍ମନ୍ନିବର୍ତସ୍ବାହବାଦିତି।
ନୂନଂ ନାଶ୍ରଦ୍ଦଧଦ୍ବାକ୍ଯମେଷ ମେ ପୁରୁଷର୍ଷଭଃ॥ 7-191-50 (53941)
ସ ତ୍ବଂ ଗୋବିନ୍ଦବାକ୍ଯାନି ମାନଯସ୍ବ ଜଯୈଷିଣଃ।
ଦ୍ରୋଣାଯ ନିହତଂ ଶଂସ ରାଜଞ୍ଶାରଦ୍ବତୀସୁତମ୍॥ 7-191-51 (53942)
ତ୍ବଯୋକ୍ତେ ନୈବ ଯୁଧ୍ଯେତ ଜାତୁ ରାଜନ୍ଦ୍ବିଜର୍ଷଭଃ।
ସତ୍ଯବାଗିତି ଲୋକେଽସ୍ମିନ୍ଭବାନ୍ଖ୍ଯାତୋ ଜନାଧିପ॥ 7-191-52 (53943)
ତସ୍ଯ ତଦ୍ବଚନଂ ଶ୍ରୁତ୍ବା କୃଷ୍ଣବାକ୍ଯପ୍ରଚୋଦିତଃ।
ଭାବିତ୍ବାଚ୍ଚ ମହାରାଜ ବକ୍ତୁଂ ସମୁପଚକ୍ରମେ॥ 7-191-53 (53944)
ତମତଥ୍ଯଭଯେ ମଗ୍ନୋ ଜଯେ ସକ୍ତୋ ଯୁଧିଷ୍ଠିରଃ।
`ଅଶ୍ବତ୍ଥାମା ହତି ଶବ୍ଦମୁଚ୍ଚୈଶ୍ଚକାର ହ'।
ଅବ୍ଯକ୍ତମବ୍ରବୀଦ୍ରାଜନ୍ହତଃ କୁଞ୍ଜର ଇତ୍ଯୁତ॥ 7-191-54 (53945)
ତସ୍ଯ ପୂର୍ବଂ ରଥଃ ପୃଥ୍ବ୍ଯାଶ୍ଚତୁରଙ୍ଗୁଲମୁଚ୍ଛ୍ରିତଃ।
ବଭୂବୈବଂ ଚ ତେନୋକ୍ତେ ତସ୍ଯ ବାହାଃ ସ୍ପୃଶନ୍ମହୀମ୍॥ 7-191-55 (53946)
ଯୁଧିଷ୍ଠିରାତ୍ତୁ ତଦ୍ବାକ୍ଯଂ ଶ୍ରୁତ୍ବା ଦ୍ରୋଣୋ ମହାରଥଃ।
ପୁତ୍ରବ୍ଯସନସନ୍ତପ୍ତୋ ନିରାଶୋ ଜୀବିତେଽଭବତ୍॥ 7-191-56 (53947)
ଆଗସ୍କୃତମିବାତ୍ମାନଂ ପାଣ୍ଡବାନାଂ ମହାତ୍ମନାମ୍।
ଋଷିବାକ୍ଯେନ ମନ୍ବାନଃ ଶ୍ରୁତ୍ବା ଚ ନିହତଂ ସୁତମ୍॥ 7-191-57 (53948)
ବିଚେତାଃ ପରମୋଦ୍ବିଗ୍ନୋ ଧୃଷ୍ଟଦ୍ଯୁମ୍ନମବେକ୍ଷ୍ଯ ଚ।
ଯୋଦ୍ଧୁଂ ନାଶକ୍ନୁବଦ୍ରାଜନ୍ଯଥାପୂର୍ବମରିନ୍ଦମଃ॥ ॥ 7-191-58 (53949)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣବଧପର୍ବଣି ପଞ୍ଚଦଶଦିବସଯୁଦ୍ଧେ ଏକନବତ୍ଯଧିକଶତତମୋଽଧ୍ଯାଯଃ॥ 191 ॥
Mahabharata - Drona Parva - Chapter Footnotes
5-191-51 ଜଯୈଷିଣ ଇତ୍ଯସ୍ଯ ଗୋବିନ୍ଦବାକ୍ଯାନୀତ୍ଯତ୍ରୈକଦେଶେ ଗୋବିନ୍ଦେଽନ୍ବଯଃ॥ 5-191-191 ଏକନବତ୍ଯଧିକଶତତମୋଽଧ୍ଯାଯଃ॥ 191 ॥ଦ୍ରୋଣପର୍ବ - ଅଧ୍ଯାଯ 192
॥ ଶ୍ରୀଃ ॥
7.192. ଅଧ୍ଯାଯଃ 192
Mahabharata - Drona Parva - Chapter Topics
ଅଶ୍ବତ୍ଥାମବଧଶ୍ରବଣନିର୍ବିଣ୍ଣଦ୍ରୋଣମାରଣାଯ ଧୃଷ୍ଟଦ୍ଯୁମ୍ନସମୁଦ୍ଯମଃ॥ 1 ॥ ଦ୍ରୋଣଗ୍ରସ୍ତସ୍ଯ ଧୃଷ୍ଟଦ୍ଯୁମ୍ନସ୍ଯ ସାତ୍ଯକିନା ବିମୋଚନମ୍॥ 2 ॥Mahabharata - Drona Parva - Chapter Text
7-192-0 (53950)
ସଞ୍ଜଯ ଉବାଚ। 7-192-0x (4774)
ତଂ ଦୃଷ୍ଟ୍ବା ପରମୋଦ୍ବିଗ୍ନଂ ଶୋକୋପହତଚେତସମ୍।
ପାଞ୍ଚାଲରାଜସ୍ଯ ସୁତୋ ଧୃଷ୍ଟଦ୍ଯୁମ୍ନଃ ସମାଦ୍ରବତ୍॥ 7-192-1 (53951)
ଯ ଇଷ୍ଟ୍ବା ମନୁଜେନ୍ଦ୍ରେଣ ଦ୍ରୁପଦେନ ମହାମଖେ।
ଲବ୍ଧୋ ଦ୍ରୋଣବିନାଶାଯ ସମିଦ୍ଧାଦ୍ଧବ୍ଯବାହନାତ୍॥ 7-192-2 (53952)
ସ ଧନୁର୍ଜୈତ୍ରମାଦାଯ ଘୋରଂ ଜଲଦନିଃସ୍ବନମ୍।
ଦୃଢଜ୍ଯମଜରଂ ଦିବ୍ଯଂ ଶରଂ ଚାଶୀବିଷୋପମମ୍॥ 7-192-3 (53953)
ସନ୍ଦଧେ କାର୍ମୁକେ ତସ୍ମିଂସ୍ତତସ୍ତମନଲୋପମମ୍।
ଦ୍ରୋଣଂ ଜିଘାଂସ୍ତୁଃ ପାଞ୍ଚାଲ୍ଯୋ ମହାଜ୍ବାଲମିବାନଲମ୍॥ 7-192-4 (53954)
ତସ୍ଯ ରୂପଂ ଶରସ୍ଯାସୀଦ୍ଧନୁର୍ଜ୍ଯାମଣ୍ଡଲାନ୍ତରେ।
ଦ୍ଯୋତତୋ ଭାସ୍କରସ୍ଯେବ ଘନାନ୍ତେ ପରିବେଷିଣଃ॥ 7-192-5 (53955)
ପାର୍ଷତେନ ପରାମୃଷ୍ଟଂ ଜ୍ବଲନ୍ତମିବ ତଦ୍ଧନୁଃ।
ଅନ୍ତକାଲମନୁପ୍ରାପ୍ତଂ ମେନିରେ ବୀକ୍ଷ୍ଯ ସୈନିକାଃ॥ 7-192-6 (53956)
ତମିଷୁଂ ସଂହତଂ ତେନ ଭାରଦ୍ବାଜଃ ପ୍ରତାପବାନ୍।
ଦୃଷ୍ଟ୍ବାଽମନ୍ଯତ ଦେହସ୍ଯ କାଲପର୍ଯାଯମାଗତମ୍॥ 7-192-7 (53957)
ତତଃ ପ୍ରଯତ୍ନମାତିଷ୍ଠଦାଚାର୍ଯସ୍ତସ୍ଯ ବାରମେ।
ନ ଚାସ୍ଯାସ୍ତ୍ରାଣି ରାଜେନ୍ଦ୍ର ପାଦୁରାସନ୍ମହାତ୍ମନଃ॥ 7-192-8 (53958)
ତସ୍ଯ ତ୍ବହାନି ଚତ୍ବାରି କ୍ଷପା ଚୈକାଽସ୍ଯତୋ ଗତା।
ତସ୍ଯ ଚାହ୍ନସ୍ତ୍ରିଭାଗେନ କ୍ଷଯଂ ଜଗ୍ମୁଃ ପତତ୍ରିଣଃ॥ 7-192-9 (53959)
ସ ଶରକ୍ଷଯମାସାଦ୍ଯ ପୁତ୍ରଶୋକେନ ଚାର୍ଦିତଃ।
ବିବିଧାନାଂ ଚ ଦିବ୍ଯାମାନମସ୍ତ୍ରାଣାମପ୍ରସାଦତଃ॥ 7-192-10 (53960)
ଉତ୍ସ୍ରଷ୍ଟୁକାମଃ ଶସ୍ତ୍ରାଣି ଋଷିବାକ୍ଯପ୍ରଚୋଦିତଃ।
ତେଜସା ପୂର୍ଯମାଣଶ୍ଚ ଯୁଯୁଧେ ନ ଯଥା ପୁରା॥ 7-192-11 (53961)
ଭୂଯଶ୍ଚାନ୍ଯତ୍ସମାଦାଯ ଦିବ୍ଯମାଙ୍ଗିରସଂ ଧନୁଃ।
ଶରାଂଶ୍ଚ ବ୍ରହ୍ମଦଣ୍ଡାଭାନ୍ଧୃଷ୍ଟଦ୍ଯୁମ୍ନମଯୋଧଯତ୍॥ 7-192-12 (53962)
ତତସ୍ତଂ ଶରବର୍ଷେଣ ମହତା ସମବାକିରତ୍।
ବ୍ଯଶାତଯଚ୍ଚ ସଙ୍କ୍ରୁଦ୍ଧୋ ଧୃଷ୍ଟଦ୍ଯୁମ୍ନମମର୍ଷଣମ୍॥ 7-192-13 (53963)
ଶରାଂଶ୍ଚ ଶତଧା ତସ୍ଯ ଦ୍ରୋଣଶ୍ଚିଚ୍ଛେଦ ସାଯକୈଃ।
ଧ୍ବଜଂ ଧନୁଶ୍ଚ ନିଶିତୈଃ ସାରଥିଂ ଚାପ୍ଯପାତଯତ୍॥ 7-192-14 (53964)
ଧୃଷ୍ଟଦ୍ଯୁମ୍ନଃ ପ୍ରହସ୍ଯାନ୍ଯତ୍ପୁନରାଦାଯ କାର୍ମୁକମ୍।
ଶିତେନ ଚୈନଂ ବାଣେନ ପ୍ରତ୍ଯବିଧ୍ଯତ୍ସ୍ତନାନ୍ତରେ॥ 7-192-15 (53965)
ସୋଽତିବିଦ୍ଧୋ ମହେଷ୍ବାସୋଽସମ୍ଭ୍ରାନ୍ତ ଇବ ସଂଯୁଗେ।
ଭଲ୍ଲେନ ଶିତଧାରେଣ ଚିଚ୍ଛେଦାସ୍ଯ ପୁନର୍ଧନୁଃ॥ 7-192-16 (53966)
ଯଚ୍ଚାସ୍ଯ ବାଣବିକୃତଂ ଧନୂଂଷି ଚ ବିଶାମ୍ପତେ।
ସର୍ବଂ ଚିଚ୍ଛେଦ ଦୁର୍ଧର୍ଷୋ ଗଦାଂ ଖଙ୍ଗଂ ଚ ବର୍ଜଯନ୍॥ 7-192-17 (53967)
ଧୃଷ୍ଟଦ୍ଯୁମ୍ନଂ ଚ ବିବ୍ଯାଧ ନବଭିର୍ନିଶିତୈଃ ଶରୈଃ।
ଜୀବିତାନ୍ତକରୈଃ କ୍ରୁଦ୍ଧଃ ଶିଲାଧୌତୈଃ ପରନ୍ତପଃ॥ 7-192-18 (53968)
ଧୃଷ୍ଟଦ୍ଯୁମ୍ନୋଽଥ ତସ୍ଯାଶ୍ବାନ୍ଖରଥାଶ୍ବୈର୍ମହାରଥଃ।
ବ୍ଯାମିଶ୍ରଯଦମେଯାତ୍ମା ବ୍ରାହ୍ମମସ୍ତ୍ରମୁଦୀରଯନ୍॥ 7-192-19 (53969)
ତେ ମିଶ୍ରା ବହ୍ବଶୋଭନ୍ତ ଜବନା ବାତରଂହସଃ।
ପାରାବତସବର୍ଣାଶ୍ଚ ଶୋଣାଶ୍ଚ ଭରତର୍ଷଭ॥ 7-192-20 (53970)
ଯଥା ସବିଦ୍ଯୁତୋ ମେଘା ନଦନ୍ତୋ ଜଲଦାଗମେ।
ତଥା ରେଜୁର୍ମହାରାଜ ମିଶ୍ରିତା ରଣମୂର୍ଧନି॥ 7-192-21 (53971)
ଈଷାବନ୍ଧଂ ଚକ୍ରବନ୍ଧଂ ରଥବନ୍ଧଂ ତଥୈବ ଚ।
ପ୍ରାଣାଶଯଦମେଯାତ୍ମା ଧୃଷ୍ଟଦ୍ଯୁମ୍ନସ୍ଯ ସ ଦ୍ବିଜଃ॥ 7-192-22 (53972)
ସ ଚ୍ଛିନ୍ନଧନ୍ବା ପାଞ୍ଚାଲ୍ଯୋ ନିକୃତ୍ତଧ୍ବଜସାରଥିଃ।
ଉତ୍ତମାମାପଦଂ ପ୍ରାପ୍ଯ ଗଦାଂ ବୀରଃ ପରାମୃଶତ୍॥ 7-192-23 (53973)
ତାମସ୍ଯ ବିଶିଖୈସ୍ତୀକ୍ଷ୍ଣୈଃ କ୍ଷିପ୍ଯମାଣାଂ ମହାରଥଃ।
ନିଜଘାନଃ ଶରୈର୍ଦ୍ରୋଣଃ କ୍ରୁଦ୍ଧଃ ସତ୍ଯପରାକ୍ରମଃ॥ 7-192-24 (53974)
ତାଂ ତୁ ଦୃଷ୍ଟ୍ବା ନରବ୍ଯାଘ୍ରୋ ଦ୍ରୋଣେନ ନିହତାଂ ଶରୈଃ।
ବିମଲଂ ଖଙ୍ଗମାଦତ୍ତ ଶତଚନ୍ଦ୍ରଂ ଚ ଭାନୁମତ୍॥ 7-192-25 (53975)
ଅସଂଶଯଂ ତଥାଭୂତଃ ପାଞ୍ଚାଲ୍ଯଃ ସାଧ୍ବମନ୍ଯତ।
ବଧମାଚାର୍ଯମୁଖ୍ଯସ୍ଯ ପ୍ରାପ୍ତକାଲଂ ମହାତ୍ମନଃ॥ 7-192-26 (53976)
ତତଃ ସ ରଥନୀଡସ୍ଥଂ ସ୍ବରଥସ୍ଯ ରଥେପଯା।
ଅଗଚ୍ଛଦସିମୁଦ୍ଯମ୍ଯ ଶତଚନ୍ଦ୍ରଂ ଚ ଭାନୁମତ୍॥ 7-192-27 (53977)
ଚିକୀର୍ଷୁର୍ଦୁଷ୍କରଂ କର୍ମ ଧୃଷ୍ଟଦ୍ଯୁମ୍ନୋ ମହାରଥଃ।
ଇଯେଷ ବକ୍ଷୋ ଭେତ୍ତୁଂ ସ ଭାରଦ୍ବାଜସ୍ଯ ସଂଯୁଗେ॥ 7-192-28 (53978)
ସୋଽତିଷ୍ଠଦ୍ଯୁଗମଧ୍ଯେ ବୈ ଯୁଗସନ୍ନହନେଷୁ ଚ।
ଜଘନାର୍ଧେଷୁ ଚାଶ୍ବାନାଂ ତତ୍ସୈନ୍ଯାଃ ସମପୂଜଯନ୍॥ 7-192-29 (53979)
ତିଷ୍ଠତୋ ଯୁଗପାଲୀପୁ ଶୋଣାନପ୍ଯଧିତିଷ୍ଠତଃ।
ନାପଶ୍ଯଦନ୍ତରଂ ଦ୍ରୋଣସ୍ତଦଦ୍ଭୁତମିବାଭବତ୍॥ 7-192-30 (53980)
କ୍ଷିପ୍ରଂ ଶ୍ଯେନସ୍ଯ ଚରତୋ ଯଥୈବାମିଷଗୃଦ୍ଧିନଃ।
ତଦ୍ବଦାସୀଦଭୀସାରୋ ଦ୍ରୋମପାର୍ଷତଯୋ ରଣେ॥ 7-192-31 (53981)
ତସ୍ଯ ପାରାବତାନଶ୍ବାନ୍ରଥଶକ୍ତ୍ଯା ପରାଭିନତ୍।
ସର୍ବାନେକୈକଶୋ ଦ୍ରୋଣୋ ରକ୍ତାନଶ୍ବାନ୍ବିବର୍ଜଯନ୍॥ 7-192-32 (53982)
ତେ ହତା ନ୍ଯପତନ୍ଭୂମୌ ଧୃଷ୍ଟଦ୍ଯୁମ୍ନସ୍ଯ ବାଜିନଃ।
ଶୋଣାସ୍ତୁ ପର୍ଯମୁଚ୍ଯନ୍ତ ରଥବନ୍ଧାଦ୍ବିଶାମ୍ପତେ॥ 7-192-33 (53983)
ତାନ୍ହଯାନ୍ନିହତାନ୍ଦୃଷ୍ଟ୍ବା ଦ୍ବିଜାଗ୍ର୍ଯେଣ ସ ପାର୍ଷତଃ।
ନାମୃଷ୍ଯତ ଯୁଧାଂ ଶ୍ରେଷ୍ଠୋ ଯାଜ୍ଞସେନିର୍ମହାରଥଃ॥ 7-192-34 (53984)
ବିରଥଃ ସ ଗୃହୀତ୍ବା ତୁ ଖଙ୍ଗଂ ଖଙ୍ଗଭୃତାଂ ବରଃ।
ଦ୍ରୋଣମଭ୍ଯପତଦ୍ରାଜନ୍ବୈନତେଯ ଇବୋରଗମ୍॥ 7-192-35 (53985)
ତସ୍ଯ ରୂପଂ ବଭୌ ରାଜନ୍ଭାରଦ୍ବାଜଂ ଜିଘାଂସତଃ।
ଯଥା ରୂପଂ ପୁରା ବିଷ୍ଣୋର୍ହିରଣ୍ଯକଶିପୋର୍ବଧେ॥ 7-192-36 (53986)
ସ ତଦା ବିବିଧାନ୍ମର୍ଗାନ୍ପ୍ରବରାଂଶ୍ଚୈକବିଂଶତିମ୍।
ଦର୍ଶଯାମାସ କୌରବ୍ଯ ପାର୍ଷତୋ ବିଚରନ୍ରଣେ॥ 7-192-37 (53987)
ଭ୍ରାନ୍ତୁମୁଦ୍ଧାନ୍ତମାବିଦ୍ଧମାପ୍ଲୁତଂ ପ୍ରସୃତଂ ସୃତମ୍।
ପରିବୃତ୍ତଂ ନିବୃତ୍ତଂ ଚ ଖଙ୍ଗଂ ଚର୍ମ ଚ ଧାରଯନ୍॥ 7-192-38 (53988)
ସମ୍ପାତଂ ସମୁଦୀର୍ଣଂ ଚ ଦର୍ଶଯାମାସ ପାର୍ଷତଃ।
ଭାରତଂ କୌଶିକଂ ଚୈବ ସାତ୍ବତଂ ଚୈବ ଶିକ୍ଷଯା। 7-192-39 (53989)
ଦର୍ଶଯନ୍ବ୍ଯଚରଦ୍ଯୁଦ୍ଧେ ଦ୍ରୋଣସ୍ଯାନ୍ତଚିକୀର୍ଷଯା॥
ଚରତସ୍ତସ୍ଯ ତାନ୍ମର୍ଗାନ୍ବିଚିତ୍ରାନ୍ଖଙ୍ଗଚର୍ମିଣଃ।
ବ୍ଯସ୍ମଯନ୍ତ ରଣେ ଯୋଧା ଦେବତାଶ୍ଚ ସମାଗତାଃ॥ 7-192-40 (53990)
ତତଃ ଶରସହସ୍ରେଣ ଶତଚନ୍ଦ୍ରମପାତଯତ୍।
ଚର୍ମ ଖଙ୍ଗଂ ଚ ସମ୍ବାଧେ ଧୃଷ୍ଟଦ୍ଯୁମ୍ନସ୍ଯ ସ ଦ୍ବିଜଃ॥ 7-192-41 (53991)
ଯେ ତୁ ବୈତସ୍ତିକା ନାମ ଶରା ଆସନ୍ନଯୋଧିନଃ।
ନିକୃଷ୍ଟଯୁଦ୍ଧେ ଦ୍ରୋଣସ୍ଯ ନାନ୍ଯେଷାଂ ସନ୍ତି ତେ ଶରାଃ॥ 7-192-42 (53992)
ଋତେ ଶାରଦ୍ବତାତ୍ପର୍ଥାଦ୍ଦ୍ରୌଣେର୍ବୈକର୍ତନାତ୍ତଥା।
ପ୍ରଦ୍ଯୁମ୍ନଯୁଯୁଧାନାଭ୍ଯାମଭିମନ୍ଯୋଶ୍ଚ ଭାରତ॥ 7-192-43 (53993)
ଅଥାସ୍ଯେଷୁ ସମାଧତ୍ତ ଦୃଢଂ ପରମସମ୍ମତମ୍।
ଅନ୍ତେବାସିନମାଚାର୍ଯୋ ଜିଘାଂସୁଃ ପୁତ୍ରସମ୍ମିତମ୍॥ 7-192-44 (53994)
ତଂ ଶରୈର୍ଦଶଭିସ୍ତୀକ୍ଷ୍ଣୈଶ୍ଚିଚ୍ଛେଦ ଶିନିପୁଙ୍ଗବଃ।
ପଶ୍ଯତସ୍ତବ ପୁତ୍ରସ୍ଯ କର୍ଣସ୍ଯ ଚ ମହାତ୍ମନଃ।
ଗ୍ରସ୍ତମାଚାର୍ଯମୁଖ୍ଯେନ ଧୃଷ୍ଟଦ୍ଯୁମ୍ନମମୋଚଯତ୍॥ 7-192-45 (53995)
ଚରନ୍ତଂ ରଥମାର୍ଗେଷୁ ସାତ୍ଯକିଂ ସତ୍ଯବିକ୍ରମମ୍।
ଦ୍ରୋଣକର୍ମାନ୍ତରଗତଂ କୃପସ୍ଯାପି ଚ ଭାରତ।
ଅପଶ୍ଯେତାଂ ମହାତ୍ମାନୌ ବିଷ୍ବକ୍ସେନଧନଞ୍ଜଯୌ॥ 7-192-46 (53996)
ଅପୂଜଯେତାଂ ବାର୍ଷ୍ଣେଯଂ ବ୍ରୁବାଣୌ ସାଧୁସାଧ୍ବିତି।
ଦିବ୍ଯାନ୍ଯସ୍ତ୍ରାଣି ସର୍ବେଷାଂ ଯୁଧି ନିଘ୍ନ୍ତମଚ୍ଯୁତମ୍॥ 7-192-47 (53997)
ଧନଞ୍ଜଯସ୍ତତଃ କୃଷ୍ଣମବ୍ରବୀତ୍ପଶ୍ଯ କେଶବ।
ଆଚାର୍ଯରଥମୁଖ୍ଯାନାଂ ମଧ୍ଯେ କ୍ରୀଡନ୍ମଧୂଦ୍ବହଃ॥ 7-192-48 (53998)
ଆନନ୍ଦଯତି ମାଂ ଭୂଯଃ ସାତ୍ଯକିଃ ପରବୀରହା।
ମାଦ୍ରୀପୁତ୍ରୌ ଚ ଭୀମଂ ଚ ରାଜାନଂ ଚ ଯୁଧିଷ୍ଠିରମ୍॥ 7-192-49 (53999)
ଯଚ୍ଛିକ୍ଷଯାଽନୁଦ୍ଧତଃ ସନ୍ରଣେ ଚରତି ସାତ୍ଯକିଃ।
ମହାରଥାନୁପକ୍ରୀଡନ୍ବୃଷ୍ଣୀନାଂ କୀର୍ତିବର୍ଧନଃ॥ 7-192-50 (54000)
ତମେତେ ପ୍ରତିନନ୍ଦନ୍ତି ସିଦ୍ଧାଃ ସୈନ୍ଯାଶ୍ଚ ବିସ୍ମିତାଃ।
ଅଜଯ୍ଯଂ ସମରେ ଦୃଷ୍ଟ୍ବା ସାଧୁସାଧ୍ବିତି ସାତ୍ଯକିମ୍।
ଯୋଧାଶ୍ଚୋଭଯତଃ ସର୍ବେ କର୍ମଭିଃ ସମପୂଜଯନ୍॥ ॥ 7-192-51 (54001)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣବଧପର୍ବଣି ପଞ୍ଚଦଶଦିବସଯୁଦ୍ଧେ ଦ୍ବିନବତ୍ଯଧିକଶତତମୋଽଧ୍ଯାଯଃ॥ 192 ॥
Mahabharata - Drona Parva - Chapter Footnotes
5-192-38 ଖଙ୍ଘଂ ଚର୍ମ ଚ ଧାରଯନ୍ଭ୍ରାନ୍ତାଦିତ୍ରଯୋଦଶବିଧଂ ସଞ୍ଚରଣଂ ଦର୍ଶଯାମାସେତି ସମ୍ବନ୍ଧଃ॥ 5-192-41 ସମ୍ବାଧେ ରଣସଙ୍କଟେ॥ 5-192-42 ବୈତସ୍ତିକାଃ ବିତସ୍ତିପ୍ରମାଣାଃ॥ 5-192-192 ଦ୍ବିନବତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 193
॥ ଶ୍ରୀଃ ॥
7.193. ଅଧ୍ଯାଯଃ 193
Mahabharata - Drona Parva - Chapter Topics
ଦ୍ରୋଣଧୃଷ୍ଟଦ୍ଯୁମ୍ନଯୋର୍ଯୁଦ୍ଧମ୍॥ 1 ॥ ଦ୍ରୋଣେନ ସୋପାଲମ୍ଭଭୀମବଚଃ ଶ୍ରବଣେନ ଶସ୍ତ୍ରନ୍ଯାସପୂର୍ବକଂ ଯୋଗେନ ଶୀରତ୍ଯାଗଃ॥ 2 ॥ ଶରୀରାର୍ନ୍ନିର୍ଗଚ୍ଛତସ୍ତେଜୋରୂପସ୍ଯ ଦ୍ରୋଣସ୍ଯ ସଞ୍ଜଯାଦିଭିଃ ପଞ୍ଚଭିରେବାବଲୋକନମ୍॥ 3 ॥ ଧୃଷ୍ଟଦ୍ଯୁମ୍ନେନ ଦ୍ରୋଣଶିରଶ୍ଛେଦଃ॥ 4 ॥Mahabharata - Drona Parva - Chapter Text
7-193-0 (54002)
ସଞ୍ଚଯ ଉବାଚ। 7-193-0x (4775)
[ସାତ୍ବତସ୍ଯ* ତୁ ତତ୍କର୍ମ ଦୃଷ୍ଟ୍ବା ଦୁର୍ଯୋଧନାଦଯଃ।
ଶୈନେଯଂ ସର୍ବତଃ କ୍ରୁଦ୍ଧା ବାରଯାମାସୁରଞ୍ଜସା॥ 7-193-1 (54003)
କୃପକର୍ଣୌ ଚ ସମରେ ପୁତ୍ରାଶ୍ଚ ତବ ମାରିଷ॥
ଶୈନେଯଂ ତ୍ବରଯାଽଭ୍ଯେତ୍ଯ ବିନିଘ୍ନନ୍ନିଶିତୈଃ ଶରୈଃ॥ 7-193-2 (54004)
ଯୁଧିଷ୍ଠିରସ୍ତତୋ ରାଜା ମାଦ୍ରୀପୁତ୍ରୌ ଚ ପାଣ୍ଡବୌ।
ଭୀମସେନଶ୍ଚ ବଲବାନ୍ସାତ୍ଯକିଂ ପର୍ଯବାରଯନ୍॥ 7-193-3 (54005)
କର୍ଣଶ୍ଚ ଶରବର୍ଷେଣ ଗୌତମଶ୍ଚ ମହାରଥଃ।
ଦୁର୍ଯୋଧନାଦଯସ୍ତେ ଚ ଶୈନେଯଂ ପର୍ଯବାରଯନ୍॥ 7-193-4 (54006)
ତାଂ ବୃଷ୍ଟିଂ ସହସା ରାଜନ୍ନୁତ୍ଥିତାଂ ଘୋରରୂପିଣୀମ୍।
ବାରଯାମାସ ଶୈନେଯୋ ଯୋଧଯଂସ୍ତାନ୍ମହାରଥାନ୍॥ 7-193-5 (54007)
ତେଷାମସ୍ତ୍ରାଣି ଦିବ୍ଯାନି ସଂହିତାନି ମହାତ୍ମନାମ୍।
ବାରଯାମାସ ବିଧିବଦ୍ଦିବ୍ଯୈରସ୍ତ୍ରୈର୍ମହାମୃଧେ॥ 7-193-6 (54008)
କ୍ରୂରମାଯୋଧନଂ ଜଜ୍ଞେ ତସ୍ମିନ୍ରାଜସମାଗମେ।
ରୁଦ୍ରସ୍ଯେବ ହି କ୍ରୁଦ୍ଧସ୍ଯ ନିଘ୍ନତସ୍ତାନ୍ପଶୂନ୍ପୁରା॥ 7-193-7 (54009)
ହସ୍ତାନାମୁତ୍ତମାଙ୍ଗାନାଂ କାର୍ମୁକାଣାଂ ଚ ଭାରତ।
ଛତ୍ରାଣାଂ ଚାପବିଦ୍ଧାନାଂ ଚାମରାଣାଂ ଚ ସଞ୍ଚଯୈଃ।
ରାଶଯଃ ସ୍ମ ବ୍ଯଦୃଶ୍ଯନ୍ତ ତତ୍ରତତ୍ର ରଣାଜିରେ॥ 7-193-8 (54010)
ଭଗ୍ନଚକ୍ରୈ ରଥୈଶ୍ଚାପି ପାତିତୈଶ୍ଚ ମହାଧ୍ବଜୈଃ।
ସାଦିଭିଶ୍ଚ ହତୈଃ ଶୂରୈଃ ସଙ୍କୀର୍ଣା ବସୁଧାଽଭବତ୍॥ 7-193-9 (54011)
ବାଣପାତନିକୃତ୍ତାସ୍ତୁ ଯୋଧାସ୍ତେ କୁରୁସତ୍ତମ।
ଚେଷ୍ଟନ୍ତୋ ବିବିଧାଶ୍ଚେଷ୍ଟା ବ୍ଯଦୃଶ୍ଯନ୍ତ ମହାହବେ॥ 7-193-10 (54012)
ବର୍ତମାନେ ତଥା ଯୁଦ୍ଧେ ଘୋରେ ଦେବାସୁରୋପମେ।
ଅବ୍ରବୀତ୍କ୍ଷତ୍ରିଯାଂସ୍ତତ୍ର ଧର୍ମରାଜୋ ଯୁଧିଷ୍ଠିରଃ॥ 7-193-11 (54013)
ଅଭିଦ୍ରବତ ସଂଯତ୍ତାଃ କୁମ୍ଭଯୋନିଂ ମହାରଥାଃ।
ଏଷୋ ହି ପାର୍ପତୋ ବୀରୋ ଭାରଦ୍ବାଜେନ ସଙ୍ଗତଃ॥ 7-193-12 (54014)
ଘଟତେ ଚ ଯଥାଶକ୍ତି ଭାରଦ୍ବାଜସ୍ଯ ନାଶନେ।
ଯାଦୃଶାନି ହି ରୂପାଣି ଦୃଶ୍ଯନ୍ତେଽସ୍ଯ ମହାରଣେ॥ 7-193-13 (54015)
ଅଦ୍ଯ ଦ୍ରୋଣଂ ରଣେ କ୍ରୁଦ୍ଧୋ ଘାତଯିଷ୍ଯତି ପାର୍ପତଃ।
ତେ ଯୂଯଂ ସହିତା ଭୂତ୍ବା ଯୁଧ୍ଯଧ୍ବଂ କୁମ୍ଭସମ୍ଭବମ୍। 7-193-14 (54016)
ଯୁଧିଷ୍ଠିରସମାଜ୍ଞପ୍ତାଃ ସୃଞ୍ଜଯାନାଂ ମହାରଥାଃ।
ଅଭ୍ଯଦ୍ରବନ୍ତ ସଂଯତ୍ତା ଭାରଦ୍ବାଜଜିଘାଂସବଃ॥ 7-193-15 (54017)
ତାନ୍ସମାପତତଃ ସର୍ବାନ୍ଭାରଦ୍ବାଜୋ ମହାରଥଃ।
ଅଭ୍ଯବର୍ତତ ବେଗେନ ମର୍ତବ୍ଯମିତି ନିଶ୍ଚିତଃ॥ 7-193-16 (54018)
ପ୍ରଯାତେ ସତ୍ଯସନ୍ଧେ ତୁ ସମକମ୍ପତ ମେଦିନୀ।
ବବୁର୍ବାତାଃ ସନିର୍ଘାତାସ୍ତ୍ରାସଯାନା ବରୂଥିନୀମ୍॥ 7-193-17 (54019)
ପପାତ ମହତୀ ଚୋଲ୍କା ଆଦିତ୍ଯାନ୍ନିଶ୍ଚରନ୍ତ୍ଯୁତ।
ଦୀପଯନ୍ତୀ ଉଭେ ସେନେ ଶଂସନ୍ତୀବ ମହଦ୍ଭଯମ୍॥ 7-193-18 (54020)
ଜଜ୍ବଲୁଶ୍ଚୈବ ଶସ୍ତ୍ରାଣି ଭାରଦ୍ବାଜସ୍ଯ ମାରିଷ।
ରଥାଃ ସ୍ବନନ୍ତି ଚାତ୍ଯର୍ଥଂ ହଯାଶ୍ଚାଶ୍ରୂଣ୍ଯବାସୃଜନ୍॥ 7-193-19 (54021)
ହତୌଜା ଇବ ଚାପ୍ଯାସୀଦ୍ଭାରଦ୍ବାଜୋ ମହାରଥଃ।
ପ୍ରାସ୍ଫୁରନ୍ନଯନଂ ଚାସ୍ଯ ବାମବାହୁସ୍ତଥୈବ ଚ॥ 7-193-20 (54022)
ବିମନାଶ୍ଚାଭବଦ୍ଯୁଦ୍ଧେ ଦୃଷ୍ଟ୍ବା ପାର୍ଷତମଗ୍ରତଃ॥ 7-193-21 (54023)
ଋଷୀଣାଂ ବ୍ରହ୍ମବାଦାନାଂ ସ୍ବର୍ଗସ୍ଯ ଗମନଂ ପ୍ରତି।
ସୁଯୁଦ୍ଧେନ ତତଃ ପ୍ରାଣାନୁତ୍ସ୍ରଷ୍ଟୁମୁପଚକ୍ରମେ॥] 7-193-22 (54024)
ତତଶ୍ଚତୁର୍ଦିଶଂ ସୈନ୍ଯୈର୍ଦ୍ରୁପଦସ୍ଯାଭିସଂବୃତଃ।
ନିର୍ଦହନ୍କ୍ଷତ୍ରିଯବ୍ରାତାନ୍ଦ୍ରୋଣଃ ପର୍ଯଚରଦ୍ରଣେ॥ 7-193-23 (54025)
ହତ୍ବା ବିଂଶତିସାହସ୍ରାନ୍କ୍ଷତ୍ରିଯାନରିମର୍ଦନଃ।
ଦଶାଯୁତାନି କରିଣାମବଧୀଦ୍ବିଶିଖୈଃ ଶିତୈଃ॥ 7-193-24 (54026)
ସୋଽତିଷ୍ଠଦାହବେ ଯତ୍ତୋ ବିଧୂମୋଽଗ୍ନିରିବ ଜ୍ବଲନ୍।
କ୍ଷତ୍ରିଯାଣାମଭାବାଯ ବ୍ରାହ୍ମମସ୍ତ୍ରଂ ସମାସ୍ଥିତଃ॥ 7-193-25 (54027)
ପାଞ୍ଚାଲ୍ଯଂ ବିରଥଂ ଭୀମୋ ହତସର୍ବାଯୁଧଂ ବଲୀ।
ସୁବିପଣ୍ଣଂ ମହାତ୍ମାନଂ ତ୍ବରମାଣଃ ସମଭ୍ଯଯାତ୍॥ 7-193-26 (54028)
ତତଃ ସ୍ବରଥମାରୋପ୍ଯ ପାଞ୍ଚାଲ୍ଯମରିମର୍ଦନଃ।
ଅବ୍ରବୀଦଭିସମ୍ପ୍ରେକ୍ଷ୍ଯ ଦ୍ରୋଣମସ୍ଯନ୍ତମନ୍ତିକାତ୍॥ 7-193-27 (54029)
ନ ତ୍ବଦନ୍ଯ ଇହାଚାର୍ଯଂ ଯୋଦ୍ଧୁମୁତ୍ସହତେ ପୁମାନ୍।
ତ୍ବରସ୍ବ ପ୍ରାଗ୍ବଧାଯୈବ ତ୍ବଯି ଭାରଃ ସମାହିତଃ॥ 7-193-28 (54030)
ସ ତଥୋକ୍ତୋ ମହାବାହୁଃ ସର୍ବଭାରସହଂ ଧନୁଃ।
ଅଭିପତ୍ଯାଦଦେ କ୍ଷିପ୍ରମାଯୁଧପ୍ରବରଂ ଦୃଢମ୍॥ 7-193-29 (54031)
ସଂରବ୍ଧଶ୍ଚ ଶରାନସ୍ଯନ୍ଦ୍ରୋଣଂ ଦୁର୍ବାରଣଂ ରଣେ।
ବିବାରଯିପୁରାଚାର୍ଯଂ ଶରବର୍ଷୈରବାକିରତ୍॥ 7-193-30 (54032)
ତୌ ନ୍ଯବାରଯତାଂ ଶ୍ରେଷ୍ଠୌ ସଂରବ୍ଧୌ ରଣଶୋଭିନୌ।
ଉଦୀରଯେତାଂ ବ୍ରାହ୍ମାଣି ଦିବ୍ଯାନ୍ଯସ୍ତ୍ରାଣ୍ଯନେକଶଃ॥ 7-193-31 (54033)
ସ ମହାସ୍ତ୍ରୈର୍ମହାରାଜ ଦ୍ରୋଣମାଚ୍ଛାଦଯଦ୍ରଣେ।
ନିହତ୍ଯ ସର୍ବାଣ୍ଯସ୍ତ୍ରାଣି ଭାରଦ୍ବାଜସ୍ଯ ପାର୍ଷତଃ॥ 7-193-32 (54034)
ସ ବସାତୀଞ୍ଶିବୀଂସ୍ଚୈବ ବାହ୍ଲୀକାନ୍କୌରବାନପି।
ରକ୍ଷିଷ୍ଯମାଣାନ୍ସଙ୍ଗ୍ରାମେ ଦ୍ରୋଣଂ ବ୍ଯଧମଦଚ୍ଯୁତଃ॥ 7-193-33 (54035)
ଧୃଷ୍ଟଦ୍ଯୁମ୍ନସ୍ତଥା ରାଜନ୍ଗଭସ୍ତିଭିରିବାଂଶୁମାନ୍।
ବଭୌ ପ୍ରଚ୍ଛାଦଯନ୍ନାଶାଃ ଶରଜାଲୈଃ ସମନ୍ତତଃ॥ 7-193-34 (54036)
ତସ୍ଯ ଦ୍ରୋଣୋ ଧନୁଶ୍ଛିତ୍ତ୍ବା ବିଦ୍ଧ୍ବା ଚୈନଂ ଶିଲୀମୁଖୈଃ।
ମର୍ମାଣ୍ଯଭ୍ଯହନଦ୍ଭୂଯଃ ସ ବ୍ଯଥାଂ ପରମାମଗାତ୍॥ 7-193-35 (54037)
ତତୋ ଭୀମୋ ଦୃଢକ୍ରୋଧୋ ଦ୍ରୋଣସ୍ଯାଶ୍ଲିଷ୍ଯ ତଂ ରଥମ୍।
ଶନକୈରିବ ରାଜେନ୍ଦ୍ର ଦ୍ରୋଣଂ ବଚନମବ୍ରବୀତ୍॥ 7-193-36 (54038)
ଯଦି ନାମ ନ ଯୁଧ୍ଯେରଞ୍ଶିକ୍ଷିତା ବ୍ରହ୍ମବନ୍ଧବଃ।
ସ୍ବକର୍ମଭିରସନ୍ତୁଷ୍ଟା ନ ସ୍ମ କ୍ଷତ୍ରଂ କ୍ଷଯଂ ବ୍ରଜେତ୍॥ 7-193-37 (54039)
ଅହିଂସାଂ ସର୍ବଭୂତେଷୁ ଧର୍ମଂ ଜ୍ଯାଯସ୍ତରଂ ବିଦୁଃ।
ତସ୍ଯ ଚ ବ୍ରାହ୍ମଣୋ ମୂଲଂ ଭବାଂଶ୍ଚ ବ୍ରହ୍ମବିତ୍ତମଃ॥ 7-193-38 (54040)
ଶ୍ବପାକବନ୍ମ୍ଲେଚ୍ଛଗଣାନ୍ହତ୍ବା ଚାନ୍ଯାନ୍ପୃଥଗ୍ବିଧାନ୍।
`ଭରନ୍ତି ହି ସୁତାନ୍ଦାରାଂସ୍ତଦ୍ବଦଜ୍ଞାନମୋହିତାଃ'॥ 7-193-39 (54041)
ଅଜ୍ଞାନାନ୍ମୂଢବଦ୍ବ୍ରହ୍ମନ୍ପୁତ୍ରଦାରଧନେପ୍ସଯା।
ଏକସ୍ଯାର୍ଥେ ବହୂନ୍ହତ୍ବା ପୁତ୍ରସ୍ଯାଧର୍ମବିଦ୍ଯଯା।
ସ୍ବକର୍ମସ୍ଥାନ୍ବିକର୍ମସ୍ଥୋ ନ ବ୍ଯପତ୍ରପସେ କଥମ୍॥ 7-193-40 (54042)
`ଆଚାରହୀନ ନିର୍ଲଜ୍ଜ ବ୍ରହ୍ମବନ୍ଧୋ ବରାଯୁଧ।
ଇଦାନୀଂ ତିଷ୍ଠ ଦୁର୍ବୁଦ୍ଧେ ନ ମେ ଜୀବନ୍ବିମୋକ୍ଷ୍ଯସେ॥ 7-193-41 (54043)
ଯସ୍ଯାର୍ଥେ ଶସ୍ତ୍ରମାଦାଯ ଯମପେକ୍ଷ୍ଯ ଚ ଜୀବସି।
ସ ଚାଦ୍ଯ ପତିତଃ ଶେତେ ପୃଷ୍ଟେନାବେଦିତସ୍ତବଃ॥ 7-193-42 (54044)
`ସ ବୈ ଚ ନିହତଃ ଶେତେ ତବ ପୁତ୍ରଃ ସୁମନ୍ଦଧୀଃ'।
ଧର୍ମରାଜସ୍ଯ ତଦ୍ବାକ୍ଯଂ ନାଭିଶଙ୍କିତୁମର୍ହସି॥ 7-193-43 (54045)
ଏବମୁକ୍ତସ୍ତତୋ ଦ୍ରୋଣୋ ଭୀମେନୋତ୍ସୃଜ୍ଯ ତଦ୍ବନୁଃ।
`ସନ୍ନ୍ଯାସାଯ ଶରୀରସ୍ଯ ଯୋକ୍ଷ୍ଯମାଣଃ ସ ବୈ ଦ୍ବିଜଃ'।
ସର୍ବାଣ୍ଯସ୍ତ୍ରାଣି ଧର୍ମାତ୍ମା ହାତୁକାମୋଽଭ୍ଯଭାପତ॥ 7-193-44 (54046)
`କର୍ଣଂ ଦୁର୍ଯୋଧନଂ ରାଜଂସ୍ତ୍ବରମାଣଃ ପରାକ୍ରମମ୍'।
କର୍ଣକର୍ଣ ମହେଷ୍ବାସ କୃପ ଦୁର୍ଯୋଧନେତି ଚ॥ 7-193-45 (54047)
ସଙ୍ଗ୍ରାମେ କ୍ରିଯତାଂ ଯତ୍ନୋ ବ୍ରବୀମ୍ଯେଷ ପୁନଃପୁନଃ।
ପାଣ୍ଡବେଭ୍ଯଃ ଶିବଂ ବୋସ୍ତୁ ଶସ୍ତ୍ରମଭ୍ଯୁତ୍ସୃଜାମ୍ଯହମ୍।
ଇତି ତତ୍ର ମହାରାଜ ପ୍ରାକ୍ରୋଶଦ୍ଦ୍ରୌଣିମେବ ଚ॥ 7-193-46 (54048)
ଉତ୍ସୃଜ୍ଯ ଚ ରଣେ ଶସ୍ତ୍ରଂ ରଥୋପସ୍ଥେ ନିବିଶ୍ଯ ଚ।
ଅଭଯଂ ସର୍ବଭୂତାନାଂ ପ୍ରଦଦୌ ଯୋଗମୀଯିବାନ୍॥ 7-193-47 (54049)
ତସ୍ଯ ତଚ୍ଛିଦ୍ରନାଜ୍ଞାଯ ଧୃଷ୍ଟଦ୍ଯୁମ୍ନଃ ପ୍ରତାପବାନ୍।
ସଶରଂ ତଦ୍ବନୁର୍ଘୋରଂ ସନ୍ନ୍ଯସ୍ଯାଥ ରଥେ ତତଃ।
ଖଙ୍ଗୀ ରଥାଦବପ୍ଲୁତ୍ଯ ସହସା ଦ୍ରୋଣମଭ୍ଯଯାତ୍॥ 7-193-48 (54050)
`ପ୍ରଦ୍ରୁତେ ତ୍ବଥ ଦ୍ରୋଣାଯ ଧୃଷ୍ଟଦ୍ଯୁମ୍ନେ ମହାରଥେ'।
ହାହାକୃତାନି ଭୂତାନି ମାନୁଷାଣୀତରାଣି ଚ॥ 7-193-49 (54051)
ଦ୍ରୋଣଂ ତଥାଗତଂ ଦୃଷ୍ଟ୍ବା ଧୃଷ୍ଟଦ୍ଯୁମ୍ନବଶଂ ଗତମ୍।
ହାହାକାରଂ ଭୃଶଂ ଚକ୍ରୁରହୋ ଧିଗିତି ଚାବୁବନ୍॥ 7-193-50 (54052)
ଦ୍ରୋଣୋଽପି ଶସ୍ତ୍ରାଣ୍ଯୁତ୍ସୃଜ୍ଯ ପରମଂ ସାଙ୍ଖ୍ଯମାସ୍ଥିତଃ।
ତଥୋକ୍ତ୍ବା ଯୋଗମାସ୍ଥାଯ ଜ୍ଯୋତିର୍ଭୂତୋ ମହାତପାଃ॥ 7-193-51 (54053)
ପୁରାଣଂ ପୁରୁଷଂ ବିଷ୍ଣୁଂ ଜଗାମ ମନସା ପରମ୍।
ମୁଖଂ କିଞ୍ଚିତ୍ସମୁନ୍ନାମ୍ଯ ବିଷ୍ଟବ୍ଯୋରସ୍ତଥାଗ୍ରତଃ॥ 7-193-52 (54054)
ନିମୀଲିତାକ୍ଷଃ ସତ୍ବସ୍ଥୋ ନିକ୍ଷିପ୍ଯ ହୃଦି ଧାରଣାମ୍।
ଓମିତ୍ଯେକାକ୍ଷରଂ ବ୍ରହ୍ମ ଜ୍ଯୋତିର୍ଭୂତୋ ମହାତପାଃ॥ 7-193-53 (54055)
ସ୍ମରିତ୍ବା ଦେବଦେବେଶମକ୍ଷରଂ ପରମଂ ପ୍ରଭୁମ୍।
ଦିବମାକ୍ରାମଦାଚାର୍ଯଃ ସାକ୍ଷାତ୍ସଦ୍ଭିର୍ଦୁରାକ୍ରମାମ୍॥ 7-193-54 (54056)
`ମୂର୍ଧାନଂ ତସ୍ଯ ନିର୍ଭିଦ୍ଯ ଜ୍ଯୋତୀ ରାଜନ୍ମହାତ୍ମନଃ।
ଜଗାମ ପରମଂ ସ୍ଥାନଂ ଦେହଂ ନ୍ଯସ୍ଯ ରଥୋତ୍ତମେ'॥ 7-193-55 (54057)
ଦ୍ବୌ ସୂର୍ଯାବିତି ନୋ ବୁଦ୍ଧିରାସୀତ୍ତସ୍ମିଂସ୍ତଥାଗତେ।
ଏକରୂପମିବାଭାସୀଜ୍ଯୋତିର୍ଭିଃ ପୂରିତଂ ନଭଃ॥ 7-193-56 (54058)
ସମପଦ୍ଯତ ଚୋଲ୍କାଭଂ ଦ୍ରୋଣସ୍ଯ ନିଧନେ ତଦା।
ନିମେଷମାତ୍ରେଣ ଚ ତଜ୍ଜ୍ଯୋତିରନ୍ତରଧୀଯତ॥ 7-193-57 (54059)
ଆସୀତ୍କିଲକିଲାଶବ୍ଦଃ ପ୍ରହୃଷ୍ଟାନାଂ ଦିବୌକସାମ୍।
ବ୍ରହ୍ମଲୋକଗତେ ଦ୍ରୋଣେ ଧୃଷ୍ଟଦ୍ଯୁମ୍ନେ ଚ ମୋହିତେ॥ 7-193-58 (54060)
ବଯମେବ ତଦାଽଦ୍ରାକ୍ଷ୍ମ ପଞ୍ଚ ମାନୁଷଯୋନଯଃ।
ଯୋଗଯୁକ୍ତଂ ମହାତ୍ମାନଂ ଗଚ୍ଛନ୍ତଂ ପରମାଂ ଗତିମ୍॥ 7-193-59 (54061)
ଅହଂ ଧନଞ୍ଜଯଃ ପାର୍ଥଃ କୃପଃ ଶାରଦ୍ବତୋ ଦ୍ବିଜଃ।
ବାସୁଦେବଶ୍ଚ ବାର୍ଷ୍ଣେଯୋ ଧର୍ମପୁତ୍ରଶ୍ଚ ପାଣ୍ଡବଃ॥ 7-193-60 (54062)
ଅନ୍ଯେ ତୁ ସର୍ବେ ନାପଶ୍ଯନ୍ଭାରଦ୍ବାଜସ୍ଯ ଧୀମତଃ।
ମହିମାନଂ ମହାରାଜ ଯୋଗଯୁକ୍ତସ୍ଯ ଗଚ୍ଛତଃ।
ବ୍ରହ୍ମଲୋକଂ ମହଦ୍ଦିବ୍ଯଂ ଦେବଗୁହ୍ଯଂ ହି ତତ୍ପରମ୍॥ 7-193-61 (54063)
ଗତିଂ ପରମିକାଂ ପ୍ରାପ୍ତମଜାନନ୍ତୋ ନୃଯୋନଯଃ।
ନାପଶ୍ଯନ୍ଗଚ୍ଛମାନଂ ହି ତଂ ସାର୍ଧମୃଷିପୁଙ୍ଗବୈଃ।
ଆଚାର୍ଯଂ ଯୋଗମାସ୍ଥାଯ ବ୍ରହ୍ମଲୋକମରିନ୍ଦମମ୍॥ 7-193-62 (54064)
ବିତୁନ୍ନାଙ୍ଗଂ ଶରବ୍ରାତୈରନ୍ଯସ୍ତାଯୁଧମସୃକ୍କ୍ଷରମ୍।
ବିକୃଷ୍ଯ ପାର୍ଷତଃ ଖଙ୍ଗଂ କ୍ରୋଧାମର୍ଷବଶଂ ଗତଃ।
ଦୃଶ୍ଯମାନଃ ସର୍ବଭୂତୈଃ କେଶପକ୍ଷେ ପରାମୃଶତ୍॥ 7-193-63 (54065)
ତସ୍ଯ ମୂର୍ଧାନମାଲମ୍ବ୍ଯ ଗତସତ୍ବସ୍ଯ ଦେହିନଃ।
କିଞ୍ଚିଦବ୍ରୁବତଃ କାଯାଦ୍ବିଚକର୍ତାସିନା ଶିରଃ॥ 7-193-64 (54066)
ହର୍ଷେଣ ମହତା ମହତା ଯୁକ୍ତୋ ଭାରଦ୍ବାଜେ ନିପାତିତେ।
ସିଂହନାଦରବଂ ଚକ୍ରେ ଭ୍ରାମଯନ୍ଖଙ୍ଗମାହବେ॥ 7-193-65 (54067)
ଆକର୍ଣପଲିତଃ ଶ୍ଯାମୋ ବଯସାଽଶୀତିପଞ୍ଚକଃ।
ତ୍ବତ୍କୃତେ ବ୍ଯଚରତ୍ସଙ୍ଖ୍ଯେ ସ ତୁ ଷୋଡଶବର୍ଷବତ୍॥ 7-193-66 (54068)
ଉକ୍ତବାଶ୍ଚ ମହାବାହୁଃ କୁନ୍ତୀପୁତ୍ରୋ ଧନଞ୍ଜଯଃ।
ଜୀବନ୍ତମାନଯାଚାର୍ଯଂ ମା ବଧୀର୍ଦ୍ରୁପଦାତ୍ମଜ॥ 7-193-67 (54069)
ନ ହନ୍ତବ୍ଯୋ ନ ହନ୍ତବ୍ଯ ଇତି ତେ ସୈନିକାଶ୍ଚ ହ।
ଉତ୍କ୍ରୋଶନ୍ନର୍ଜୁନଶ୍ଚୈବ ସାନୁକ୍ରୋଶସ୍ତମାବ୍ରଜତ୍॥ 7-193-68 (54070)
କ୍ରୋଶମାନେଽର୍ଜୁନେ ଚୈବ ପାର୍ଥିବେଷୁ ଚ ସର୍ବଶଃ।
ଧୃଷ୍ଟଦ୍ଯୁମ୍ନୋଽବଧୀଦ୍ଦ୍ରୋଣଂ ରଥତଲ୍ପେ ନରର୍ଷଭମ୍॥ 7-193-69 (54071)
ଶୋଣିତେନ ପରିକ୍ଲିନ୍ନୋ ରଥାଦ୍ଭୂମିମଥାପତତ୍।
ଲୋହିତାଙ୍ଗ ଇବାଦିତ୍ଯୋ ଦୁର୍ଧର୍ଷଃ ସମପଦ୍ଯତ॥ 7-193-70 (54072)
ଏବଂ ତଂ ନିହତଂ ସଙ୍ଖ୍ଯେ ଦଦୃଶେ ସୈନିକୋ ଜନଃ।
ଧୃଷ୍ଟଦ୍ଯୁମ୍ନସ୍ତୁ ତଦ୍ରାଜନ୍ଭାରଦ୍ବାଜଶିରୋଽହରତ୍॥ 7-193-71 (54073)
ତାବକାନାଂ ମହେଷ୍ବାସଃ ପ୍ରମୁଖେ ତତ୍ସମାକ୍ଷିପତ୍।
ତେ ତୁ ଦୃଷ୍ଟ୍ବା ଶିରୋ ରାଜନ୍ଭାରଦ୍ବାଜସ୍ଯ ତାବକାଃ॥ 7-193-72 (54074)
ପଲାଯନକୃତୋତ୍ସାହା ଦୁଦ୍ରୁବଃ ସର୍ବତୋଦିଶମ୍।
ଦ୍ରୋଣସ୍ତୁ ଦିବମାସ୍ଥାଯ ନକ୍ଷତ୍ରପଥମାବିଶତ୍॥ 7-193-73 (54075)
ଅହମେବ ତଦାଽଦ୍ରାକ୍ଷଂ ଦ୍ରୋଣସ୍ଯ ନିଧନଂ ନୃପ।
ଋଷେଃ ପ୍ରସାଦାତ୍କୃଷ୍ମସ୍ଯ ସତ୍ଯବତ୍ଯାଃ ସୁତସ୍ଯ ଚ॥ 7-193-74 (54076)
ବିଧୂମାମିହ ସଂଯାନ୍ତୀମୁଲ୍କାଂ ପ୍ରଜ୍ବଲିତାମିବ।
ଅପଶ୍ଯାମ ଦିବଂ ସ୍ତବ୍ଧ୍ବା ଗଚ୍ଛନ୍ତଂ ତଂ ମହାଦ୍ଯୁତିମ୍॥ 7-193-75 (54077)
ହତେ ଦ୍ରୋଣେ ନିରୁତ୍ସାହାଃ କୁରୁପାଣ୍ଡବସୃଞ୍ଜଯାଃ।
ଅଭ୍ଯଦ୍ରବନ୍ମହାବେଗାସ୍ତତଃ ସୈନ୍ଯଂ ବ୍ଯଦୀର୍ଯତ॥ 7-193-76 (54078)
ନିହତା ହତଭୂଯିଷ୍ଠାଃ ସଙ୍ଗ୍ରାମେ ନିଶିତୈଃ ଶରୈଃ।
ତାବକା ନିହତେ ଦ୍ରୋଣେ ଗତାସବ ଇବାଭବନ୍॥ 7-193-77 (54079)
ପରାଜଯମଥାବାପ୍ଯ ପରତ୍ର ଚ ମହଦ୍ଭଯମ୍।
ଉଭଯେନୈବ ତେ ହୀନା ବ୍ଯନିନ୍ଦନ୍ମତିମାତ୍ମନଃ॥ 7-193-78 (54080)
ଅନ୍ବିଚ୍ଛନ୍ତଃ ଶରୀରଂ ତୁ ଭାରଦ୍ବାଜସ୍ଯ ପାର୍ଥିବାଃ।
ନାନ୍ବଗଚ୍ଛନ୍ମହାରାଜ କବନ୍ଧାଯୁତସଙ୍କୁଲେ॥ 7-193-79 (54081)
`ପତିତେ ତ୍ବଥ ସଂରବ୍ଧେ ସେନାଯାଂ ତତ୍ର ଭାରତ।
ଉଦିଷ୍ଠନ୍କବନ୍ଧାନାଂ ସହସ୍ରାଣ୍ଯେକବିଂଶତିଃ॥ 7-193-80 (54082)
ଶୋଣିତେନ ପରିକ୍ଲିନ୍ନା ରଣଭୂମିଶ୍ଚ ଭାରତ।
ଲୋହିତାର୍ଦ୍ର ଇବାଦିତ୍ଯୋ ଦୁର୍ଦର୍ଶଶ୍ଚାଭବତ୍ତଦା'॥ 7-193-81 (54083)
ପାଣ୍ଡବାସ୍ତୁ ଜଯଂ ଲବ୍ଧ୍ବା ପରତ୍ର ଚ ମହଦ୍ଯଶଃ।
ବାଣଶଙ୍ଖରବାଂଶ୍ଚକ୍ରୁଃ ସିଂହନାଦାଂଶ୍ଚ ପୁଷ୍କଲାନ୍॥ 7-193-82 (54084)
ଭୀମସେନସ୍ତତୋ ରାଜନ୍ଧୃଷ୍ଟଦ୍ଯୁମ୍ନଶ୍ଚ ପାର୍ଷତଃ।
ବରୂଥିନ୍ଯାମନୃତ୍ଯେତାଂ ପରିଷ୍ବଜ୍ଯ ପରସ୍ପରମ୍॥ 7-193-83 (54085)
ଅବ୍ରବୀଚ୍ଚ ତଦା ଭୀମଃ ପାର୍ଷତଂ ଶତ୍ରୁତାପନମ୍।
ଭୂଯୋଽହଂ ତ୍ବାଂ ପରିଷ୍ବଜ୍ଯ ପରିବକ୍ଷ୍ଯାମି ପାର୍ଷତ।
ସୂତପୁତ୍ରେ ହତେ ପାପେ ଧାର୍ତରାଷ୍ଟ୍ରେ ଚ ସଂଯୁଗେ॥ 7-193-84 (54086)
ଏତାବଦୁକ୍ତ୍ବା ଭୀମସ୍ତୁ ହର୍ଷେଣ ମହତା ଯୁତଃ।
ବାହୁଶବ୍ଦେନ ପୃଥିବୀଂ କମ୍ପଯାମାସ ପାଣ୍ଡବଃ॥ 7-193-85 (54087)
ତସ୍ଯ ଶବ୍ଦେନ ବିତ୍ରସ୍ତାଃ ପ୍ରାଦ୍ରବଂସ୍ତାବକା ଯୁଧି।
କ୍ଷତ୍ରଧର୍ମଂ ସମୁତ୍ସୃଜ୍ଯ ପଲାଯନପରାଯଣାଃ॥ 7-193-86 (54088)
ପାଣ୍ଡବାସ୍ତୁ ଜଯଂ ଲବ୍ଧା ହୃଷ୍ଟା ହ୍ଯାସନ୍ବିଶାମ୍ପତେ।
ଅରିକ୍ଷଯଂ ଚ ସଙ୍ଗ୍ରାମେ ତେନ ତେ ସୁଖମାପ୍ନୁବନ୍॥ ॥ 7-193-87 (54089)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ଦ୍ରୋଣବଧପର୍ବଣି ପଞ୍ଚଦଶଦିବସଯୁଦ୍ଧେ ତ୍ରିନବତ୍ଯଧିକଶତତମୋଽଧ୍ଯାଯଃ॥ 193 ॥
Mahabharata - Drona Parva - Chapter Footnotes
5-193-12 ଏଷୋ ହୀତି ସନ୍ଧିରାର୍ଷଃ॥ 5-193-22 ବ୍ରହ୍ମବାଦାନାଂ ବେଦତୁଲ୍ଯାନାଂ ବଚନାନାମ୍। ଦ୍ବିତୀଯାର୍ଥେ ଷଷ୍ଠୀ। ଶ୍ରୁତ୍ଯେତି ଶେଷଃ॥ 5-193-* କୁଣ୍ଡଲିତାଃ 22 ଶ୍ଲୋକାଃ ଝପୁସ୍ତକଏବ ଦୃଶ୍ଯନ୍ତେ। 5-193-42 ପୃଷ୍ଠେନ ତ୍ବଯା ପୃଷ୍ଠେନ ଯୁଧିଷ୍ଠିରେଣ ଆବେଦିତଃ ହତ ଇତି ନିବେଦିତଃ॥ 5-193-78 ପରତ୍ର ଚ ମହଦ୍ଭଯମିତି ପଲାଯନସ୍ଯ ପରଲୋକବିରୁଦ୍ଧତ୍ବାତ୍। ଉଭଯେନ ଲୋକଦ୍ବଯେନ ହୀନା ରହିତାଃ॥ 5-193-193 ତ୍ରିନବତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 194
॥ ଶ୍ରୀଃ ॥
7.194. ଅଧ୍ଯାଯଃ 194
Mahabharata - Drona Parva - Chapter Topics
ଦୃର୍ଯୋଧନଚୋଦନଯା କୃପେଣ ଦ୍ରୋଣବଧଂ ଶ୍ରାବିତସ୍ଯାଶ୍ବତ୍ଥାମ୍ନଃ କୋପୋଦଯଃ॥ 1 ॥Mahabharata - Drona Parva - Chapter Text
7-194-0 (54090)
ସଞ୍ଜଯ ଉବାଚ। 7-194-0x (4776)
ତତୋ ଦ୍ରୋଣେ ହତେ ରାଜନ୍କୁରବଃ ଶସ୍ତ୍ରପୀଡିତାଃ।
ହତପ୍ରବୀରା ବିଧ୍ବସ୍ତା ଭୃଶଂ ଶୋକପରାଯଣାଃ॥ 7-194-1 (54091)
ଉଦୀର୍ଣାଂଶ୍ଚ ପରାନ୍ଦୃଷ୍ଟ୍ବା ହର୍ଷମାଣାନ୍ପୁନଃ ପୁନଃ।
ଅଶ୍ରୁପୂର୍ଣେକ୍ଷଣାସ୍ତ୍ରସ୍ତା ଦୀନାସ୍ତ୍ବାସନ୍ବିଶାମ୍ପତେ॥ 7-194-2 (54092)
ବିଚେତସୋ ହତୋତ୍ସାହାଃ କଶ୍ମଲାଭିହତୌଜସଃ।
ଆର୍ତସ୍ବରେଣ ମହତା ପୁତ୍ରଂ ତେ ପର୍ଯବାରଯନ୍॥ 7-194-3 (54093)
ବେଷଣ୍ଣବଦନା ଦୀନା ବୀକ୍ଷମାଣା ଦିଶୋ ଦଶ।
ଅଶ୍ରୁକଣ୍ଠା ଯଥା ଦୈତ୍ଯା ହିରଣ୍ଯାକ୍ଷେ ପୁରା ହତେ॥ 7-194-4 (54094)
ସ ତୈଃ ପରିବୃତୋ ରାଜା ତ୍ରସ୍ତୈଃ କ୍ଷୁଦ୍ରମୃଗୈରିବ।
ଅଶକ୍ନୁବନ୍ନବସ୍ଥାତୁମପାଯାତ୍ତନଯସ୍ତବ॥ 7-194-5 (54095)
କ୍ଷୁତ୍ପିପାସାପରିମ୍ଲାନାସ୍ତେ ଯୋଧାସ୍ତବ ଭାରତ।
ଆଦିତ୍ଯେନେବ ସନ୍ତପ୍ତା ଭୃଶଂ ବିମନସୋଽଭବନ୍॥ 7-194-6 (54096)
ଭାସ୍କରସ୍ଯେବ ପତନଂ ସମୁଦ୍ରସ୍ଯେବ ଶୋଷଣମ୍।
ବିପର୍ଯାସଂ ଯଥା ମେରୋର୍ବାସବସ୍ଯେବ ନିର୍ଜଯମ୍॥ 7-194-7 (54097)
ଅପ୍ରେକ୍ଷଣୀଯଂ ତଦ୍ଦୃଷ୍ଟ୍ବା ଭାରଦ୍ବାଜସ୍ଯ ପାତନମ୍।
ତ୍ରସ୍ତରୂପତରା ରାଜନ୍କୌରବାଃ ପ୍ରାଦ୍ରବନ୍ଭଯାତ୍॥ 7-194-8 (54098)
ଗାନ୍ଧାରରାଜଃ ଶକୁନିସ୍ତ୍ରସ୍ତସ୍ତ୍ରସ୍ତତରୈଃ ସହ।
ହତଂ ରୁକ୍ମରଥଂ ଶ୍ରୁତ୍ବା ପ୍ରାଦ୍ରବତ୍ସହିତୋ ରଥୈଃ॥ 7-194-9 (54099)
ବରୂଥିନୀଂ ବେଗବତୀଂ ବିଦ୍ରୁତାଂ ସପତାକିନୀମ୍।
ପରିଗୃହ୍ଯ ମହାସେନାଂ ସୂତପୁତ୍ରୋଽପଯାଦ୍ଭଯାତ୍॥ 7-194-10 (54100)
ରଥନାଗାଶ୍ବକଲିଲାଂ ପୁରସ୍କୃତ୍ଯ ତୁ ବାହିନୀମ୍।
ମଦ୍ରାଣାମୀଶ୍ବରଃ ଶଲ୍ଯୋ ବୀକ୍ଷମାଣୋଽପଯାଦ୍ଭଯାତ୍॥ 7-194-11 (54101)
ହତପ୍ରବୀରୈର୍ଭୂଯିଷ୍ଠୈର୍ଧ୍ବଜୈର୍ବହୁପତାକିଭିଃ।
ବୃତଃ ଶାରଦ୍ବତୋଽଗଚ୍ଛତ୍କଷ୍ଟଙ୍କଷ୍ଟମିତି ବ୍ରୁବନ୍॥ 7-194-12 (54102)
ଭୋଜନୀକେନ ଶିଷ୍ଟେନ କଲିଙ୍ଗାରଟ୍ଟବାହ୍ଲିକୈଃ।
କୃତବର୍ମା ବୃତୋ ରାଜନ୍ପ୍ରାଯାତ୍ସୁଜବନୈର୍ହଯୈଃ॥ 7-194-13 (54103)
ପଦାତିଗଣସଂଯୁକ୍ତସ୍ତ୍ରସ୍ତୋ ରାଜନ୍ଭଯାର୍ଦିତଃ।
ଉଲୂକଃ ପ୍ରାଦ୍ରବତ୍ତତ୍ର ଦୃଷ୍ଟ୍ବା ଦ୍ରୋଣଂ ନିପାତିତମ୍॥ 7-194-14 (54104)
ଦର୍ଶନୀଯୋ ଯୁବା ଚୈବ ଶୌର୍ଯେଣ କୃତଲକ୍ଷଣଃ।
ଦୁଃଶାସନୋ ଭୃଶୋଦ୍ବିଗ୍ନଃ ପ୍ରାଦ୍ରବଦ୍ଗଜସଂବୃତଃ॥ 7-194-15 (54105)
ରଥାନାମଯୁତଂ ଗୃହ୍ଯ ତ୍ରିସାହସ୍ରଂ ଚ ଦନ୍ତିନାମ୍।
ବୃଷସେନୋ ଯଯୌ ତୂର୍ଣଂ ଦୃଷ୍ଟ୍ବା ଦ୍ରୋଣଂ ନିପାତିତମ୍॥ 7-194-16 (54106)
ଗଜାଶ୍ବରଥସଂଯୁକ୍ତୋ ବୃତଶ୍ଚୈବ ପଦାତିଭିଃ।
ଦୁର୍ଯୋଧନୋ ମହାରାଜ ପ୍ରାଯାତ୍ତତ୍ର ମହାରଥଃ॥ 7-194-17 (54107)
ସଂଶପ୍ତକଗଣାଦ୍ଗୃହ୍ଯ ହତଶେଷାନ୍କିରୀଟିନା।
ସୁଶର୍ମା ପ୍ରାଦ୍ରାବଦ୍ରାଜନ୍ଦୃଷ୍ଟ୍ବା ଦ୍ରୋଣଂ ନିପାତିତମ୍॥ 7-194-18 (54108)
ଗଜାନ୍ରଥାନ୍ସମାରୁହ୍ଯ ବ୍ଯୁଦସ୍ଯ ଚ ହଯାଞ୍ଜନାଃ।
ପ୍ରାଦ୍ରବନ୍ସର୍ବତଃ ସଙ୍ଖ୍ଯେ ଦୃଷ୍ଟ୍ବା ରୁକ୍ମରଥଂ ହତମ୍॥ 7-194-19 (54109)
ତ୍ବରଯନ୍ତଃ ପିତୄନନ୍ଯେ ଭ୍ରାତୄନନ୍ଯେଽଥ ମାତୁଲାନ୍।
ପୁତ୍ରାନନ୍ଯେ ବଯସ୍ଯାଂଶ୍ଚ ପ୍ରାଦ୍ରବନ୍କୁରବସ୍ତଦା॥ 7-194-20 (54110)
ଚୋଦଯନ୍ତଶ୍ଚ ସୈନ୍ଯାନି ସ୍ବସ୍ତ୍ରୀଯାଂଶ୍ଚ ତଥାଽପରେ।
ସମ୍ବନ୍ଧିନସ୍ତଥାଽନ୍ଯେ ଚ ପ୍ରାଦ୍ରବନ୍ତ ଦିଶୋ ଦଶ॥ 7-194-21 (54111)
ପ୍ରକୀର୍ଣକେଶା ବିଧ୍ବସ୍ତା ନ ଦ୍ବାବେକତ୍ର ଧାବତଃ।
ନେଦମସ୍ତୀତି ମନ୍ବାନା ହତୋତ୍ସାହା ହତୌଜସଃ॥ 7-194-22 (54112)
ଉତ୍ସୃଜ୍ଯ କବଚାନନ୍ଯେ ପ୍ରାଦ୍ରବଂସ୍ତାବକା ବିଭୋ।
ଅନ୍ଯୋନ୍ଯଂ ତେ ସମାକ୍ରୋଶନ୍ଯୈନିକା ଭରତର୍ଷଭ॥ 7-194-23 (54113)
ତିଷ୍ଠତିଷ୍ଠେତି ନ ଚ ତେ ସ୍ବଯଂ ତତ୍ରାବତସ୍ଥିରେ।
ଧୁର୍ଯାନୁନ୍ମୁଚ୍ଯ ଚ ରଥାଦ୍ଧତସୂତାତ୍ସ୍ବଲଙ୍କୃତାନ୍।
ଅଧିରୁହ୍ଯ ହଯାନ୍ଯୋଧାଃ କ୍ଷିପ୍ରଂ ପଦ୍ଭିରଚୋଦଯନ୍॥ 7-194-24 (54114)
ଦ୍ରମାଣେ ତଥା ସୈନ୍ଯେ ତ୍ରସ୍ତରୂପେ ହତୌଜସି।
ପ୍ରତିସ୍ରୋତ ଇବ ଗ୍ରାହୋ ଦ୍ରୋଣପୁତ୍ରଃ ପରାନିଯାତ୍॥ 7-194-25 (54115)
ତସ୍ଯାସୀତ୍ସୁମହଦ୍ଯୁଦ୍ଧଂ ଶିଖଣ୍ଡିପ୍ରମୁଖୈର୍ଗଣୈଃ।
ପ୍ରଭଦ୍ରକୈଶ୍ଚ ପାଞ୍ଚାଲୈଶ୍ଚେଦିଭିଶ୍ଚ ସକେକଯୈଃ॥ 7-194-26 (54116)
ହତ୍ବା ବହୁବିଧାଃ ସେନାଃ ପାଣ୍ଡୂନାଂ ଯୁଦ୍ଧଦୁର୍ମଦଃ।
କଥଞ୍ଚିତ୍ସଙ୍କଟାନ୍ମୁକ୍ତୋ ମତ୍ତଦ୍ବିରଦବିକ୍ରମଃ॥ 7-194-27 (54117)
ଦ୍ରବମାଣଂ ବଲଂ ଦୃଷ୍ଟ୍ବା ପଲାଯନକୃତକ୍ଷଣମ୍।
ଦୁର୍ଯୋଧନଂ ସମାସାଦ୍ଯ ଦ୍ରୋଣପୁତ୍ରୋଽବ୍ରବୀଦିଦମ୍॥ 7-194-28 (54118)
କିମିଯଂ ଦ୍ରବତେ ସେନା ତ୍ରସ୍ତରୂପେବ ଭାରତ।
ଦ୍ରବମାଣାଂ ଚ ରାଜେନ୍ଦ୍ର ନାବସ୍ଥାପଯସେ ରଣେ॥ 7-194-29 (54119)
ତ୍ବଂ ଚାପି ନ ଯଥା ପୂର୍ବଂ ପ୍ରକୃତିସ୍ଥୋ ନରାଧିପ।
କର୍ଣପ୍ରଭୃତଯଶ୍ଚେମେ ନାବତିଷ୍ଠନ୍ତି ପାର୍ଥିବ॥ 7-194-30 (54120)
ଅନ୍ଯେଷ୍ବପି ଚ ଯୁଦ୍ଧେଷୁ ନୈବ ସେନାଽଦ୍ରବତ୍ତଦା।
କଚ୍ଚିତ୍କ୍ଷେମଂ ମହାବାହୋ ତବ ସୈନ୍ଯସ୍ଯ ଭାରତ॥ 7-194-31 (54121)
କସ୍ପିନ୍ନିଦଂ ହତେ ରାଜନ୍ରଥସିଂହେ ବଲଂ ତବ।
ଏତାମବସ୍ଥାଂ ସଂପ୍ରାପ୍ତଂ ତନ୍ମମାଚକ୍ଷ୍ବ କୌରବ॥ 7-194-32 (54122)
ତତ୍ତୁ ଦୁର୍ଯୋଧନଃ ଶ୍ରୁତ୍ବା ଦ୍ରୋଣପୁତ୍ରସ୍ଯ ଭାଷିତମ୍।
ଘୋରମପ୍ରିଯମାଖ୍ଯାତୁଂ ନାଶକ୍ନୋତ୍ପାର୍ଥିବର୍ଷଭଃ॥ 7-194-33 (54123)
ଭିନ୍ନା ନୌରିବ ତେ ପୁତ୍ରୋ ମଗ୍ନଃ ଶୋକମହାର୍ଣବେ।
ବାଷ୍ପେଣାପିହିତୋ ଦୃଷ୍ଟ୍ବା ଦ୍ରୋଣପୁତ୍ରଂ ରଥେ ସ୍ଥିତମ୍॥ 7-194-34 (54124)
ତତଃ ଶାରଦ୍ବତଂ ରାଜା ସବ୍ରୀଡମିଦମବ୍ରବୀତ୍।
ଶଂସାତ୍ର ଭଦ୍ରଂ ତେ ସର୍ବଂ ଯଥା ସୈନ୍ଯମିଦଂ ଦ୍ରୁତମ୍॥ 7-194-35 (54125)
ଅଥ ଶାରଦ୍ବତୋ ରାଜନ୍ନାର୍ତିମାର୍ଚ୍ଛନ୍ପୁନଃପୁନଃ।
ଶଶଂସ ଦ୍ରୋଣପୁତ୍ରାଯ ଯଥା ଦ୍ରୋଣୋ ନିପାତିତଃ॥ 7-194-36 (54126)
କୃପ ଉବାଚ। 7-194-37x (4777)
ବଯଂ ଦ୍ରୋଣଂ ପୁରସ୍କୃତ୍ଯ ପୃଥିବ୍ଯାଂ ପ୍ରବରଂ ରଥମ୍।
ପ୍ରାବର୍ତଯାମ ସଙ୍ଗ୍ରାମଂ ପାଞ୍ଚାଲୈରେବ କେବଲମ୍॥ 7-194-37 (54127)
ତତଃ ପ୍ରବୃତ୍ତେ ସଙ୍ଗ୍ରମେ ବିମିଶ୍ରାଃ କୁରୁସୋମକାଃ।
ଅନ୍ଯୋନ୍ଯମଭିଗର୍ଜନ୍ତଃ ଶସ୍ତ୍ରୈର୍ଦେହାନପାତଯନ୍॥ 7-194-38 (54128)
ବର୍ତମାନେ ତଥା ଯୁଦ୍ଧେ କ୍ଷୀଯମାଣେଷୁ ସଂଯୁଗେ।
ଧାର୍ତରାଷ୍ଟ୍ରେଷୁ ସଙ୍କ୍ରୁଦ୍ଧଃ ପିତା ତେଽସ୍ତ୍ରମୁଦୈରଯତ୍॥ 7-194-39 (54129)
ତତୋ ଦ୍ରୋଣୋ ବ୍ରାହ୍ମମସ୍ତ୍ରଂ ବିକୁର୍ବାଣୋ ନରର୍ଷଭଃ।
ବ୍ଯହନଚ୍ଛାତ୍ରବାନ୍ଭଲ୍ଲୈଃ ଶତଶୋଽଥ ସହସ୍ରଶଃ॥ 7-194-40 (54130)
ପାଣ୍ଡବାଃ କେକଯା ମାତ୍ସ୍ଯାଃ ପାଞ୍ଚାଲାଶ୍ଚ ବିଶେଷତଃ।
ସଙ୍ଖ୍ଯେ ଦ୍ରୋଣରଥଂ ପ୍ରାପ୍ଯ ବ୍ଯନଶନ୍କାଲଚୋଦିତାଃ॥ 7-194-41 (54131)
ସହସ୍ରଂ ନରସିଂହାନାଂ ଦ୍ବିସାହସ୍ରଂ ଚ ଦନ୍ତିନାମ୍।
ଦ୍ରୋଣୋ ବ୍ରହ୍ମାସ୍ତ୍ରଯୋଗେନ ପ୍ରେଷଯାମାସ ମୃତ୍ଯବେ॥ 7-194-42 (54132)
ଆକର୍ଣପଲିତଶ୍ଯାମୋ ବଯସାଽଶୀତିପଞ୍ଚକଃ।
ରଣେ ପର୍ଯଚରଦ୍ଦ୍ରୋଣୋ ବୃଦ୍ଧଃ ଷୋଡଶବର୍ଷବତ୍॥ 7-194-43 (54133)
କ୍ଲିଶ୍ଯମାନେଷୁ ସୈନ୍ଯେଷୁ ବଧ୍ଯମାନେଷୁ ରାଜସୁ।
ଅମର୍ଷବଶମାପନ୍ନାଃ ପାଞ୍ଚାଲା ବିମୁଖାଽଭବନ୍॥ 7-194-44 (54134)
ତେଷୁ କିଞ୍ଚିତ୍ପ୍ରଭଗ୍ନେଷୁ ବିମୁଖେଷୁ ସପତ୍ନଜିତ୍।
ଦିବ୍ଯମସ୍ତ୍ରଂ ବିକୁର୍ବାଣୋ ବଭୂବାର୍କ ଇବୋଦିତଃ॥ 7-194-45 (54135)
ସ ମଧ୍ଯଂ ପ୍ରାପ୍ଯ ପାଣ୍ଡୂନାଂ ଶରରଶ୍ମିଃ ପ୍ରତାପବାନ୍।
ମଧ୍ଯଂ ଗତ ଇବାଦିତ୍ଯୋ ଦୁଷ୍ପ୍ରେକ୍ଷ୍ଯସ୍ତେ ପିତାଽଭବତ୍॥ 7-194-46 (54136)
ତେ ଦହ୍ଯମାନା ଦ୍ରୋଣେନ ସୂର୍ଯେଣେବ ବିରାଜତା।
ଦଗ୍ଧବୀର୍ଯା ନିରୁତ୍ସାହା ବଭୂବୁର୍ଗତଚେତସାଃ॥ 7-194-47 (54137)
ତାନ୍ଦୃଷ୍ଟ୍ବା ପୀଡିତାନ୍ବାଣୈର୍ଦ୍ରୋଣେନ ମଧୁସୂଦନଃ।
ଜଯୈଷୀ ପାଣ୍ଡୁପୁତ୍ରାଣାମିଦଂ ବଚନମବ୍ରବୀତ୍॥ 7-194-48 (54138)
ନୈଷ ଜାତୁ ନରୈଃ ଶକ୍ଯୋ ଜେତୁଂ ଶସ୍ତ୍ରଭୃତାଂ ବରଃ।
ଅପି ବୃତ୍ରହଣା ସଙ୍ଖ୍ଯେ ରଥଯୂଥପଯୂଥପଃ॥ 7-194-49 (54139)
ତେ ଯୂଯଂ ଧର୍ମମୁତ୍ସୃଜ୍ଯ ଜଯଂ ରକ୍ଷତ ପାଣ୍ଡବାଃ।
ଯଥା ବଃ ସଂଯୁଗେ ସର୍ବାନ୍ନ ହନ୍ଯାଦ୍ରୁକ୍ମବାହନଃ॥ 7-194-50 (54140)
ଅଶ୍ବତ୍ଥାମ୍ନି ହତେ ନୈଷ ଯୁଧ୍ଯେଦିତି ମତିର୍ମମ।
ହତଂ ତଂ ସଂଯୁଗେ କଶ୍ଚିଦାଖ୍ଯାତ୍ବସ୍ମୈ ମୃଷା ନରଃ॥ 7-194-51 (54141)
ଏତନ୍ନାରୋଚଯଦ୍ବାକ୍ଯଂ କୁନ୍ତୀପୁତ୍ରୋ ଧନଞ୍ଜଯଃ।
ଅରୋଚଯଂସ୍ତୁ ସର୍ବେଽନ୍ଯେ କୃଚ୍ଛ୍ରେଣ ତୁ ଯୁଧିଷ୍ଠିରଃ॥ 7-194-52 (54142)
ଭୀମସେନସ୍ତୁ ସବ୍ରୀଡମବ୍ରବୀତ୍ପିତରଂ ତବ।
ଅଶ୍ବତ୍ଥାମା ହତ ଇତି ତଂ ନାବୁଧ୍ଯତ ତେ ପିତା॥ 7-194-53 (54143)
ସ ଶଙ୍କମାନସ୍ତନ୍ମିଥ୍ଯା ଧର୍ମରାଜମପୃଚ୍ଛତ।
ହତଂ ବାଽପ୍ଯହତଂ ବାଽଽଜୌ ତ୍ବାଂ ପିତା ପୁତ୍ରବତ୍ସଲଃ॥ 7-194-54 (54144)
ତମତଥ୍ଯଭଯେ ମଗ୍ନୋ ଜଯେ ସକ୍ତୋ ଯୁଧିଷ୍ଠିରଃ।
ଅଶ୍ବତ୍ଥାମାନମାଯୋଧେ ହତଂ ଦୃଷ୍ଟ୍ବା ମହାଗଜମ୍॥ 7-194-55 (54145)
ଭୀମେନ ଗିରିବର୍ଷ୍ମାଣଂ ମାଲବସ୍ଯେନ୍ଦ୍ରବର୍ମଣଃ।
ଉପସୃତ୍ଯ ତଦା ଦ୍ରୋଣମୁଚ୍ଚୈରିଦମୁବାଚ ହ॥ 7-194-56 (54146)
ଯସ୍ଯାର୍ଥେ ଶସ୍ତ୍ରମାଦତ୍ସେ ଯମବେକ୍ଷ୍ଯ ଚ ଜୀବସି।
ପୁତ୍ରସ୍ତେ ଦଯିତୋ ନିତ୍ଯଂ ସୋଶ୍ବତ୍ଥାମା ନିପାତିତଃ॥ 7-194-57 (54147)
ଶେତେ ବିନିହତୋ ଭୂମୌ ବନେ ସିଂହଶିଶୁର୍ଯଥା॥ 7-194-58 (54148)
ଜାନନ୍ନପ୍ଯନୃତସ୍ଯାଥ ଦୋଷାନ୍ସ ଦ୍ବିଜସତ୍ତମମ୍।
ଅବ୍ଯକ୍ତମବ୍ରବୀଦ୍ରାଜା ହତଃ କୁଞ୍ଜର ଇତ୍ଯୁତ॥ 7-194-59 (54149)
ସ ତ୍ବାଂ ନିହତମାକ୍ରନ୍ଦେ ଶ୍ରୁତ୍ବା ସନ୍ତାପତାପିତଃ।
ନିଯମ୍ଯ ଦିବ୍ଯାନ୍ଯସ୍ତ୍ରାଣି ନାଯୁଧ୍ଯତ ଯଥା ପୁରା॥ 7-194-60 (54150)
ତଂ ଦୃଷ୍ଟ୍ବା ପରମୋଦ୍ବିଗ୍ନଂ ଶୋକାତୁରମଚେତସମ୍।
ପାଞ୍ଚାଲରାଜସ୍ଯ ସୁତଃ କ୍ରୁରକର୍ମା ସମାଦ୍ରବତ୍॥ 7-194-61 (54151)
ତଂ ଦୃଷ୍ଟ୍ବା ପରମୋଦ୍ବିଗ୍ନଂ ଶୋକାତୁରମଚେତସମ୍।
ଦିବ୍ଯାନ୍ଯସ୍ତ୍ରାଣ୍ଯଥୋତ୍ସୃଜ୍ଯ ରଣେ ପ୍ରାଯମୁପାବିଶତ୍॥ 7-194-62 (54152)
ତତୋଽସ୍ଯ କେଶାନ୍ସବ୍ଯେନ ଗୃହୀତ୍ବା ପାଣିନା ତଦା।
ପାର୍ଷତଃ କ୍ରୋଶମାନାନାଂ ବୀରାଣାମଚ୍ଛିନଚ୍ଛିରଃ॥ 7-194-63 (54153)
ନ ହନ୍ତବ୍ଯୋ ନ ହନ୍ତବ୍ଯ ଇତି ତେ ସର୍ବତୋଽବ୍ରୁବନ୍।
ତଥୈବ ଚାର୍ଜୁନୋ ବାହାଦବରୁହ୍ଯୈନମାଦ୍ରବତ୍॥ 7-194-64 (54154)
ଉଦ୍ଯମ୍ଯ ତ୍ବରିତୋ ବାହୁଂ ବ୍ରୁବାଣଶ୍ଚ ପୁନଃପୁନଃ।
ଜୀବନ୍ତମାନଯାଚାର୍ଯଂ ମାବଧୀରିତି ଧର୍ମବିତ୍॥ 7-194-65 (54155)
ତଥା ନିବାର୍ଯମାଣେନ କୌରବୈରର୍ଜୁନେନ ଚ।
ହତ ଏବ ନୃଶଂସେନ ପିତା ତବ ନରର୍ଷଭ॥ 7-194-66 (54156)
ସୈନିକାଶ୍ଚ ତତଃ ସର୍ବେ ପ୍ରାଦ୍ରବନ୍ତ ଭଯାର୍ଦିତାଃ।
ବଯଂ ଚାପି ନିରୁତ୍ସାହା ହତେ ପିତରି ତେଽନଘ॥ 7-194-67 (54157)
ସଞ୍ଜଯ ଉବାଚ। 7-194-68x (4778)
ତଚ୍ଛ୍ରୁତ୍ବା ଦ୍ରୋଣପୁତ୍ରସ୍ତୁ ନିଧନଂ ପିତୁରାହବେ।
କ୍ରୋଧମାହାରଯତ୍ତୀବ୍ରଂ ଦଣ୍ଡାହତ ଇବୋରଗଃ॥ 7-194-68 (54158)
ତତଃ କ୍ରୁଦ୍ଧୋ ରଣେ ଦ୍ରୌଣିର୍ଭୃଶଂ ଜଜ୍ବାଲ ମାରିଷ।
ଯଥେନ୍ଧନଂ ମହତ୍ପ୍ରାପ୍ଯ ପ୍ରାଜ୍ବଲଦ୍ଧବ୍ଯବାହନଃ॥ 7-194-69 (54159)
ତଲଂ ତଲେନ ନିଷ୍ପିଷ୍ଯ ଦନ୍ତୈର୍ଦନ୍ତାନୁପାସ୍ପୃଶତ୍।
ନିଃଶ୍ବସନ୍ନୁରଗୋ ଯଦ୍ବଲ୍ଲୋହିତାକ୍ଷୋଽଭବତ୍ତଦା॥ ॥ 7-194-70 (54160)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ନାରାଯଣାସ୍ତ୍ରମୋକ୍ଷପର୍ବଣି ପଞ୍ଚଦଶଦିବସଯୁଦ୍ଧେ ଚତୁର୍ନବତ୍ଯଧିକଶତତମୋଽଧ୍ଯାଯଃ॥ 194 ॥
ଦ୍ରୋଣପର୍ବ - ଅଧ୍ଯାଯ 195
॥ ଶ୍ରୀଃ ॥
7.195. ଅଧ୍ଯାଯଃ 195
Mahabharata - Drona Parva - Chapter Topics
ଧୃତରାଷ୍ଟ୍ରେଣ ସଞ୍ଜଯମ୍ପ୍ରତି ଦ୍ରୋଣବଧଶ୍ରାବିଣାଶ୍ବତ୍ଥାମ୍ନା କିମୁକ୍ତମିତି ପ୍ରଶ୍ନଃ॥ 1 ॥Mahabharata - Drona Parva - Chapter Text
7-195-0 (54161)
ଧୃତରାଷ୍ଟ୍ର ଉବାଚ। 7-195-0x (4779)
ଅଧର୍ମେଣ ହତଂ ଶ୍ରୁତ୍ବା ଧୃଷ୍ଟଦ୍ଯୁମ୍ନେନ ସଞ୍ଜଯ।
ବ୍ରାହ୍ମଣଂ ପିତରଂ ବୃଦ୍ଧମଶ୍ବତ୍ଥାମା କିମବ୍ରବୀତ୍॥ 7-195-1 (54162)
ମାନବଂ ବାରୁଣାଗ୍ନେଯଂ ବ୍ରାହ୍ମମସ୍ତ୍ରଂ ଚ ବୀର୍ଯବାନ୍।
ଐନ୍ଦ୍ରଂ ନାରାଯଣଂ ଚୈବ ଯସ୍ମିନ୍ନିତ୍ଯଂ ପ୍ରତିଷ୍ଠିତମ୍॥ 7-195-2 (54163)
ତମଧର୍ମେଣ ଧର୍ମିଷ୍ଠଂ ଧୃଷ୍ଟଦ୍ଯୁମ୍ନେନ ସଂଯୁଗେ।
ଶ୍ରୁତ୍ବା ନିହତମାଚାର୍ଯଂ ସୋଽଶ୍ବତ୍ଥାମା କିମବ୍ରବୀତ୍॥ 7-195-3 (54164)
ଯେନ ରାମାଦବାପ୍ଯେହ ଧନୁର୍ବେଦଂ ମହାତ୍ମନା।
ପ୍ରୋକ୍ତାନ୍ଯସ୍ତ୍ରାଣି ଦିବ୍ଯାନି ପୁତ୍ରାଯ ଗୁଣକାଙ୍କ୍ଷିଣା॥ 7-195-4 (54165)
ଏକମେବ ହି ଲୋକେଽସ୍ମିନ୍ନାତ୍ମତୋ ଗୁଣବତ୍ତରମ୍।
ଇଚ୍ଛନ୍ତି ପୁରୁଷାଃ ପୁତ୍ରଂ ଲୋକେ ନାନ୍ଯଂ କଥଞ୍ଚନ॥ 7-195-5 (54166)
ଆଚାର୍ଯାଣାଂ ଭବନ୍ତ୍ଯେବ ରହସ୍ଯାନି ମହାତ୍ମନାମ୍।
ତାନି ପୁତ୍ରାଯ ବା ଦଦ୍ଯୁଃ ଶିଷ୍ଯାଯାନୁଗତାଯ ବା॥ 7-195-6 (54167)
ସ ଶିଷ୍ଯଃ ପ୍ରାପ୍ଯ ତତ୍ସର୍ବଂ ସବିଶେଷଂ ଚ ସଞ୍ଜଯ।
ଶୂରଃ ଶାରଦ୍ବତୀପୁତ୍ରଃ ସଙ୍ଖ୍ଯେ ଦ୍ରୋଣାଦନନ୍ତରଃ॥ 7-195-7 (54168)
ରାମସ୍ଯ ତୁ ସମଃ ଶସ୍ତ୍ରେ ପୁରନ୍ଦରସମୋ ଯୁଧି।
କାର୍ତବୀର୍ଯସମୋ ବୀର୍ଯେ ବୃହସ୍ପତିସମୋ ମତୌ ॥ 7-195-8 (54169)
ମହୀଧରସମଃ ସ୍ଥୈର୍ଯେ ତେଜସାଽଗ୍ନିସମୋ ଯୁବା।
ସମୁଦ୍ର ଇବ ଗାମ୍ଭୀର୍ଯେ କ୍ରୋଧେ ଚାଶୀବିଷୋପମଃ॥ 7-195-9 (54170)
ସ ରଥୀ ପ୍ରଥମୋ ଲୋକେ ଦୃଢଧନ୍ବା ଜିତକ୍ଲମଃ।
ଶୀଘ୍ରୋଽନିଲ ଇବାକ୍ରନ୍ଦେ ଚରନ୍କ୍ରୁଦ୍ଧ ଇବାନ୍ତକଃ॥ 7-195-10 (54171)
ଅସ୍ଯତା ଯେନ ସଙ୍ଗ୍ରାମେ ଧରଣ୍ଯଭିନିପୀଡିତା।
`ମେଘସ୍ତନିତନିର୍ଘୋଷଂ କମ୍ପତେ ଭଯବିହ୍ବଲାଃ'।
ଯୋ ନ ବ୍ଯଥତି ସଙ୍ଗ୍ରମେ ବୀରଃ ସତ୍ଯପରାକ୍ରମଃ॥ 7-195-11 (54172)
ବେଦସ୍ନାତୋ ବ୍ରତସ୍ନାତୋ ଧନୁର୍ବେଦେ ଚ ପାରଗଃ।
ମହୋଦଧିରିବାକ୍ଷୋଭ୍ଯୋ ରାମୋ ଦାଶରଥିର୍ଯଥା॥ 7-195-12 (54173)
ତମଧର୍ମେଣ ଧର୍ମିଷ୍ଠଂ ଧୃଷ୍ଟଦ୍ଯୁମ୍ନେନ ସଂଯୁଗେ।
ଶ୍ରୁତ୍ବା ନିହତମାଚାର୍ଯମଶ୍ବତ୍ଥାମା କିମବ୍ରବୀତ୍॥ 7-195-13 (54174)
ଧୃଷ୍ଟଦ୍ଯୁମ୍ନସ୍ଯ ଯୋ ମୃତ୍ଯୁଃ ସୃଷ୍ଟସ୍ତେନ ମହାତ୍ମନା।
ଯଥା ଦ୍ରୋଣସ୍ଯ ପାଞ୍ଚାଲ୍ଯୋ ଯଜ୍ଞସେନସୁତୋଽଭବତ୍॥ 7-195-14 (54175)
ତଂ ନୃଶଂସେନ ପାପେନ କ୍ରୂରେଣାଦୀର୍ଘଦର୍ଶିନା।
ଶ୍ରୁତ୍ବା ନିହତମାଚାର୍ଯମଶ୍ବତ୍ଥାମା କିମବ୍ରବୀତ୍॥ ॥ 7-195-15 (54176)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ନାରାଯଣାସ୍ତ୍ରମୋକ୍ଷପର୍ବଣି ପଞ୍ଚଦଶଦିବସଯୁଦ୍ଧେ ପଞ୍ଚନବତ୍ଯଧିକଶତତମୋଽଧ୍ଯାଯଃ॥ 195 ॥
Mahabharata - Drona Parva - Chapter Footnotes
5-195-4 ପୁତ୍ରାଯ ଗୁରୁକାଙ୍କ୍ଷିଣେ ଇତି .କ.ଝ.ପାଠଃ॥ 5-195-195 ପଞ୍ଚନବତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 196
॥ ଶ୍ରୀଃ ॥
7.196. ଅଧ୍ଯାଯଃ 196
Mahabharata - Drona Parva - Chapter Topics
ଅଶ୍ବତ୍ଥାମ୍ନା ସକ୍ରୋଧଂ ଯୁଧିଷ୍ଠିରାଦ୍ଯୁପାଲଭ୍ଯଃ॥ 1 ॥ ତଥା ଦ୍ରୋଣସ୍ଯ ନାରାଯଣାସ୍ତ୍ରଲାଭପ୍ରକାରାଦିକଥନପୂର୍ବକଂ ତେନ ପାଣ୍ଡବାଦିବଧ ପ୍ରତିଜ୍ଞାନମ୍॥ 2 ॥Mahabharata - Drona Parva - Chapter Text
7-196-0 (54177)
ସଞ୍ଜଯ ଉବାଚ। 7-196-0x (4780)
ଛଦ୍ମନା ନିହତଂ ଶ୍ରୁତ୍ବା ପିତରଂ ପାପକର୍ମଣା।
ବାଷ୍ପେଣାପୂର୍ଯତ ଦ୍ରୌଣୀ ରୋଷେଣ ଚ ନରର୍ଷଭ॥ 7-196-1 (54178)
ତସ୍ଯ କ୍ରୁଦ୍ଧସ୍ଯ ରାଜେନ୍ଦ୍ର ବପୁର୍ଦୀପ୍ତମଦୃଶ୍ଯତ।
ଅନ୍ତକସ୍ଯେବ ଭୂତାନି ଜିହୀର୍ଷୋଃ କାଲପର୍ଯଯେ॥ 7-196-2 (54179)
ଅଶ୍ରୂପୁର୍ଣେ ତତୋ ନେତ୍ରେ ବ୍ଯପମୃଜ୍ଯ ପୁନଃ ପୁନଃ।
ଉବାଚ କୋପାନ୍ନିଃଶ୍ବସ୍ଯ ଦୁର୍ଯୋଧନମିଦଂ ବଚଃ॥ 7-196-3 (54180)
ପିତା ମମ ଯଥା କ୍ଷୁଦ୍ରୈର୍ନ୍ଯସ୍ତଶସ୍ତ୍ରୋ ନିପାତିତଃ।
ଧର୍ମଧ୍ବଜବତା ପାପଂ କୃତଂ ତଦ୍ବିଦିତଂ ମମ।
ଅନାର୍ଯଂ ସୁନୃଶଂସଂ ଚ ଧର୍ମପୁତ୍ରସ୍ଯ ମେ ଶ୍ରୁତମ୍॥ 7-196-4 (54181)
ଯୁଦ୍ଧେଷ୍ବପି ପ୍ରବୃତ୍ତାନାଂ ଧ୍ରୁବଂ ଜଯପରାଜଯୌ।
ଦ୍ବଯମେତଦ୍ଭବେଦ୍ରାଜନ୍ବଧସ୍ତତ୍ର ପ୍ରଶସ୍ଯତେ॥ 7-196-5 (54182)
ନ୍ଯାଯବୃତ୍ତୋ ବଧୋ ଯସ୍ତୁ ସଂଙ୍ଗ୍ରାମେ ଯୁଧ୍ଯତୋ ଭବେତ୍।
ନ ସ ଦୁଃଖାଯ ଭବତି ତଥା ଦୃଷ୍ଟୋ ହି ସ ଦ୍ବିଜୈଃ॥ 7-196-6 (54183)
ଗତଃ ସ ବୀରଲୋକାଯ ପିତା ମମ ନ ସଂଶଯଃ।
ନ ଶୋଚ୍ଯଃ ପୁରୁଷବ୍ଯାଘ୍ର ଯସ୍ତଦା ନିଧନଂ ଗତଃ॥ 7-196-7 (54184)
ଯତ୍ତୁ ଧର୍ମପ୍ରବୃତଃ ସନ୍କେଶଗ୍ରହଣମାପ୍ତବାନ୍।
ପଶ୍ଯତାଂ ସର୍ବସୈନ୍ଯାନାଂ ତନ୍ମେ ମର୍ମାଣି କୃନ୍ତତି॥ 7-196-8 (54185)
ମଯି ଜୀବତି ଯତ୍ତାତଃ କେଶଗ୍ରହମବାପ୍ତବାନ୍।
କଥମନ୍ଯେ କରିଷ୍ଯନ୍ତି ପୁତ୍ରେଭ୍ଯଃ ପୁତ୍ରିଣଃ ସ୍ପୃହାମ୍॥ 7-196-9 (54186)
କାମାତ୍କ୍ରୋଧାଦବିଜ୍ଞାନାଦ୍ବର୍ଷାଦ୍ବାଲ୍ଯେନ ବା ପୁନଃ।
ବିଧର୍ମକାଣି କୁର୍ବନ୍ତି ତଥା ପରିଭବନ୍ତି ଚ॥ 7-196-10 (54187)
ତଦିଦଂ ପାର୍ଷତେନେହ ମହଦାଧର୍ମିକଂ କୃତମ୍।
ଅବଜ୍ଞାଯ ଚ ମାଂ ନୂନଂ ନୃଶଂସେନ ଦୁରାତ୍ମନା॥ 7-196-11 (54188)
ତସ୍ଯାନୁବନ୍ଧଂ ଦ୍ରଷ୍ଟାଽସୌ ଧୃଷ୍ଟଦ୍ଯୁମ୍ନଃ ସୁଦାରୁଣମ୍।
ଅକାର୍ଯଂ ପରମଂ କୃତ୍ବା ମିଥ୍ଯାବାଦୀ ଚ ପାଣ୍ଡବଃ॥ 7-196-12 (54189)
ଯୋ ହ୍ଯସୌ ଛଦ୍ମନାଽଽଚାର୍ଯଂ ଶସ୍ତ୍ରଂ ସନ୍ନ୍ଯାସଯତ୍ତଦା।
ତସ୍ଯାଦ୍ଯ ଧର୍ମରାଜସ୍ଯ ଭୂମିଃ ପାସ୍ଯତି ଶୋଣିତମ୍॥ 7-196-13 (54190)
ଶପେ ସତ୍ଯେନ କୌରବ୍ଯ ଇଷ୍ଟାପୂର୍ତେନ ଚୈବ ହ।
ଅହତ୍ବା ସର୍ବପାଞ୍ଚାଲାଞ୍ଜୀବେଯଂ ନ କଥଞ୍ଚନ॥ 7-196-14 (54191)
ସର୍ବୋପାଯୈର୍ଯତିଷ୍ଯାମି ପାଞ୍ଚାଲାନାମହଂ ବଧେ।
ଧୃଷ୍ଟଦ୍ଯୁମ୍ନଂ ଚ ସମରେ ହନ୍ତାଽହଂ ପାପକାରିଣମ୍॥ 7-196-15 (54192)
କର୍ମଣା ଯେନ ତେନେହ ମୃଦୁନା ଦାରୁଣେନ ଚ।
ପାଞ୍ଚାଲାନାଂ ବଧଂ କୃତ୍ବା ଶାନ୍ତିଂ ଲବ୍ଧାସ୍ମି କୌରବ॥ 7-196-16 (54193)
ଯଦର୍ଥଂ ପୁରୁଷବ୍ଯାଘ୍ର ପୁତ୍ରାନିଚ୍ଛନ୍ତି ମାନବାଃ।
ପ୍ରେତ୍ଯ ଚେହ ଚ ସମ୍ପ୍ରାପ୍ତାତ୍ତ୍ରାଯନ୍ତେ ମହତୋ ଭଯାତ୍॥ 7-196-17 (54194)
ପିତ୍ରା ତୁ ମମ ସାଽବସ୍ଥା ପ୍ରାପ୍ତା ନିର୍ବନ୍ଧୁନା ଯଥା।
ମଯି ଶୈଲପ୍ରତୀକାଶେ ପୁତ୍ରେ ଶିଷ୍ଯେ ଚ ଜୀବତି॥ 7-196-18 (54195)
ଧିଙ୍ମମାସ୍ତ୍ରାଣି ଦିବ୍ଯାନି ଧିଗ୍ବାହୂ ଧିକ୍ପରାକ୍ରମମ୍।
ଯଂ ସ୍ମ ଦ୍ରୋଣଃ ସୁତଂ ପ୍ରାପ୍ଯ କେଶଗ୍ରହମବାପ୍ତବାନ୍॥ 7-196-19 (54196)
ସ ତଥାହଂ କରିଷ୍ଯାସି ଯଥା ଭରତସତ୍ତମ।
ପରଲୋକଗତସ୍ଯାପି ଭବିଷ୍ଯାମ୍ଯନୃଣଃ ପିତୁଃ॥ 7-196-20 (54197)
ଆର୍ଯେଣ ହି ନ ବକ୍ତବ୍ଯା କଦାଚିତ୍ସ୍ତୁତିରାତ୍ମନଃ।
ପିତୁର୍ବଧମମୃଷ୍ଯଂସ୍ତୁ ବକ୍ଷ୍ଯାମ୍ଯଦ୍ଯେହ ପୌରୁଷମ୍॥ 7-196-21 (54198)
ଅଦ୍ଯ ପଶ୍ଯନ୍ତୁ ମେ ବୀର୍ଯଂ ପାଣ୍ଡବାଃ ସଜନାର୍ଦନାଃ।
ମୃଦ୍ଗତଃ ସର୍ବସୈନ୍ଯାନି ଯୁଗାନ୍ତମିବ କୁର୍ବତଃ॥ 7-196-22 (54199)
ନ ହି ଦେବା ନ ଗନ୍ଧର୍ବା ନାସୁରା ନ ଚ ରାକ୍ଷସାଃ।
ଅଦ୍ଯ ଶକ୍ତା ରଣେ ଜେତୁଂ ରଥସ୍ଥଂ ମାଂ ନରର୍ଷଭାଃ॥ 7-196-23 (54200)
ମଦନ୍ଯୋ ନାସ୍ତି ଲୋକେଽସ୍ମିନ୍ନର୍ଜୁନାଦ୍ବାଽସ୍ତ୍ରବିତ୍କ୍ବଚିତ୍।
ଅହଂ ହି ଜ୍ବଲତାଂ ମଧ୍ଯେ ମଯୂଖାନାମିବାଂଶୁମାନ୍।
ପ୍ରଯୋକ୍ତା ଦେବସୃଷ୍ଟାନାମସ୍ତ୍ରାଣାଂ ପୃତନାଗତଃ॥ 7-196-24 (54201)
ଭୃଶମିଷ୍ବସନାଦଦ୍ଯ ମତ୍ପ୍ରଯୁକ୍ତା ମହାହବେ।
ଦର୍ଶଯନ୍ତଃ ଶରା ବୀର୍ଯଂ ପ୍ରମଥିଷ୍ଯନ୍ତି ପାଣ୍ଡବାନ୍॥ 7-196-25 (54202)
ଅଦ୍ଯ ସର୍ବା ଦିଶୋ ରାଜନ୍ଧାରାଭିରିବ ସଙ୍କୁଲାଃ।
ଆବୃତାଃ ପତ୍ରିଭିସ୍ତୀକ୍ଷ୍ଣୈର୍ଦ୍ରଷ୍ଟାରୋ ମାମକୈରିହ॥ 7-196-26 (54203)
ବିକିରଞ୍ଛରଜାଲାନି ସର୍ବତୋ ଭୈରବସ୍ବନାନ୍।
ଶତ୍ରୂନ୍ନିପାତଯିଷ୍ଯାମି ମହାବାତ ଇବ ଦ୍ରୁମାନ୍॥ 7-196-27 (54204)
ନ ହି ଜାନାତି ବୀଭତ୍ସୁସ୍ତଦସ୍ତ୍ରଂ ନ ଜନାର୍ଦନଃ।
ନ ଭୀମସେନୋ ନ ଯମୌ ନ ଚ ରାଜା ଯୁଧିଷ୍ଠିରଃ॥ 7-196-28 (54205)
ନ ପାର୍ଷତୋ ଦୁରାତ୍ମାଽସୌ ନ ଶିଖଣ୍ଡୀ ନ ସାତ୍ଯକିଃ।
ଯଦିଦଂ ମଯି କୌରବ୍ଯ ସକଲ୍ଯଂ ସନିବର୍ତନମ୍॥ 7-196-29 (54206)
ନାରାଯଣାଯ ମେ ପିତ୍ରା ପ୍ରଣମ୍ଯ ବିଧିପୂର୍ବକମ୍।
ଉପହାରଃ ପୁରା ଦତ୍ତୋ ବ୍ରହ୍ମରୂପ ଉପସ୍ଥିତଃ॥ 7-196-30 (54207)
ତଂ ସ୍ବଯଂ ପ୍ରତିଗୃହ୍ଯାଥ ଭଗବାନ୍ସ ବରଂ ଦଦୌ।
ବବ୍ରେ ପିତା ମେ ପରମମସ୍ତ୍ରଂ ନାରାଯଣଂ ତତଃ॥ 7-196-31 (54208)
ଅଥୈନମବ୍ରବୀଦ୍ରାଜନ୍ଭାଗବାନ୍ଦେବସତ୍ତମଃ।
ଭବିତା ତ୍ବତ୍ସମୋ ନାନ୍ଯଃ କଶ୍ଚିଦ୍ଯୁଧି ନରଃ କ୍ବଚିତ୍॥ 7-196-32 (54209)
ନ ତ୍ବିଦଂ ସହସା ବ୍ରହ୍ମନ୍ପ୍ରଯୋକ୍ତବ୍ଯଂ କଥଞ୍ଚନ।
ନ ହ୍ଯେତଦସ୍ତ୍ରମନ୍ଯତ୍ର ବଧାଚ୍ଛତ୍ରୋର୍ନିବର୍ତତେ॥ 7-196-33 (54210)
ନ ଚୈତଚ୍ଛକ୍ଯତେ ଜେତୁଂ କୋ ନ ବଧ୍ଯେତ ବୈ ପ୍ରଭୋ।
ଅବଧ୍ଯମପି ହନ୍ଯାଦ୍ବି ତସ୍ମାନ୍ନୈତତ୍ପ୍ରଯୋଜଯେତ୍॥ 7-196-34 (54211)
ଅଥ ସଙ୍ଖ୍ଯେ ରଥସ୍ଯୈବ ଶସ୍ତ୍ରାଣାଂ ଚ ବିସର୍ଜନମ୍।
ପ୍ରଯାଚନଂ ଚ ଶତ୍ରୂଣାଂ ଗମନଂ ଶରଣସ୍ଯ ଚ॥ 7-196-35 (54212)
ଏତେ ପ୍ରଶମନେ ଯୋଗା ମହାସ୍ତ୍ରସ୍ଯ ପରନ୍ତପ।
ସର୍ବଥା ପୀଡିତୋ ହିଂସ୍ଯାଦବଧ୍ଯାନ୍ପୀଡଯନ୍ରଣେ॥ 7-196-36 (54213)
ତଜ୍ଜଗ୍ରାହ ପିତା ମହ୍ଯମବ୍ରବୀଚ୍ଚୈବ ସ ପ୍ରଭୁଃ।
ତ୍ବଂ ବଧିଷ୍ଯସି ସର୍ବାଣି ଶସ୍ତ୍ରବର୍ଷାଣ୍ଯନେକଶଃ।
ଅନେନାସ୍ତ୍ରେଣ ସଙ୍ଗ୍ରାମେ ତେଜସା ଚ ଜ୍ବଲିଷ୍ଯସି॥ 7-196-37 (54214)
ଏବମୁକ୍ତ୍ବା ସ ଭଗବାନ୍ଦିବମାଚକ୍ରମେ ପ୍ରଭୁଃ।
ଏତନ୍ନାରାଯଣାଦସ୍ତ୍ରଂ ତତ୍ପ୍ରାପ୍ତଂ ପିତୃବନ୍ଧୁନା॥ 7-196-38 (54215)
ତେନାହଂ ପାଣ୍ଡବାଂଶ୍ଚୈବ ପାଞ୍ଚାଲାନ୍ମାତ୍ସ୍ଯକେକଯାନ୍।
ବିଦ୍ରାବଯିଷ୍ଯାମି ରଣେ ଶଚୀପତିରିବାସୁରାନ୍॥ 7-196-39 (54216)
ଯଥାଯଥାଽହମିଚ୍ଛେଯଂ ତଥା ଭୂତ୍ବା ଶରା ମମ।
ନିପତେଯୁଃ ସପତ୍ନେଷୁ ବିକ୍ରମତ୍ସ୍ବପି ଭାରତ॥ 7-196-40 (54217)
ଯଥେଷ୍ଟମଶ୍ମବର୍ଷେଣ ପ୍ରବର୍ଷିଷ୍ଯେ ରଣେ ସ୍ଥିତଃ।
ଅଯୋମୁଖୈଶ୍ଚ ବିହଗୈର୍ଦ୍ରାବଯିଷ୍ଯେ ମହାରଥାନ୍॥ 7-196-41 (54218)
ପରଶ୍ବଥାଂଶ୍ଚ ନିଶିତାନୁତ୍ସ୍ରକ୍ଷ୍ଯେଽହମସଂଶଯମ୍॥ 7-196-42 (54219)
ସୋଽହଂ ନାରାଯଣାସ୍ତ୍ରେଣ ମହତା ଶତ୍ରୁତାପନଃ।
ଶତ୍ରୂନ୍ବିଧ୍ବଂସଯିଷ୍ଯାମି କଦର୍ଥୀକୃତ୍ଯ ପାଣ୍ଡବାନ୍॥ 7-196-43 (54220)
ମିତ୍ରବ୍ରହ୍ମଗୁରୁଦ୍ରୋହୀ ଜାଲ୍ମକଃ ସୁବିଗର୍ହିତଃ।
ପାଞ୍ଚାଲାପଶଦଶ୍ଚାଦ୍ଯ ନ ମେ ଜୀବନ୍ବିମୋକ୍ଷ୍ଯତେ॥ 7-196-44 (54221)
ତଚ୍ଛ୍ରୁତ୍ବା ଦ୍ରୋଣପୁତ୍ରସ୍ଯ ପର୍ଯବର୍ତତ ବାହିନୀ।
ତତଃ ସର୍ବେ ମହାଶଙ୍ଖାନ୍ଦଧ୍ମୁଃ ପୁରୁଷସତ୍ତମାଃ।
ଭେରୀଶ୍ଚାଭ୍ଯହନନ୍ହୃଷ୍ଟା ଡିଣ୍ଡିଭାଂଶ୍ଚ ସହସ୍ରଶଃ॥ 7-196-45 (54222)
ତଥା ନନାଦ ବସୁଧା ଖୁରନେମିପ୍ରପୀଡିତା।
ସ ଶବ୍ଦସ୍ତୁମୁଲଃ ଖଂ ଦ୍ଯାଂ ପୃଥିବୀଂ ଚ ବ୍ଯନାଦଯତ୍॥ 7-196-46 (54223)
ତଂ ଶବ୍ଦଂ ପାଣ୍ଡବାଃ ଶ୍ରୁତ୍ବା ପର୍ଜନ୍ଯନିନଦୋପମମ୍।
ସମେତ୍ଯ ରଥିନାଂ ଶ୍ରେଷ୍ଠାଃ ସହିତାଶ୍ଚାପ୍ଯମନ୍ତ୍ରଯନ୍॥ 7-196-47 (54224)
ତଥୋକ୍ତ୍ବା ଦ୍ରୋଣପୁତ୍ରସ୍ତୁ ବାର୍ଯୁପସ୍ପୃଶ୍ଯ ଭାରତ।
ପ୍ରାଦୁଶ୍ଚକାର ତଦ୍ଦିବ୍ଯମସ୍ତ୍ରଂ ନାରାଯଣଂ ତଦା॥ ॥ 7-196-48 (54225)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ନାରାଯଣାସ୍ତ୍ରମୋକ୍ଷପର୍ବଣି ପଞ୍ଚଦଶଦିବସଯୁଦ୍ଧେ ଷଣ୍ଣବତ୍ଯଧିକଶତତମୋଽଧ୍ଯାଯଃ॥ 196 ॥
Mahabharata - Drona Parva - Chapter Footnotes
5-196-4 ଧର୍ମଧ୍ବଜବତା ଦାମ୍ଭିକେନ। ତତ୍ ଅନୃତବଚନରୂପଂ ପାପମ୍। ଅନାର୍ଯଂ ନୀଚଯୋଗ୍ଯଂ କର୍ମ॥ 5-196-10 ବାଲ୍ଯେନ ଚାପକେନ। ବିଧର୍ମକାଣି ଧର୍ମବିରୁଦ୍ଧାନି॥ 5-196-12 ଅନୁବନ୍ଧଂ ଫଲମ୍। ପାଣ୍ଡବଶ୍ଚ ଅନୁବନ୍ଧଂ ଦ୍ରଷ୍ଟେତ୍ଯନୁଷଜ୍ଯତେ॥ 5-196-24 ମଯୂଖାନାଂ ମଯୂଖବତାମ୍॥ 5-196-29 କଲ୍ଯଃ ପ୍ରଯୋଗଃ। ନିବର୍ତନମୁପସଂହାରଃ॥ 5-196-30 ବ୍ରହ୍ମରୂପୋ ବେଦରୂପଃ। ବୈଦିକୈର୍ମନ୍ତ୍ରୈଃ ସ୍ତୁତବାନିତ୍ଯର୍ଥଃ॥ 5-196-34 ଶକ୍ଯତେ ଜ୍ଞାତୁଂ କେନ ବଧ୍ଯେଦିତି ପ୍ରଭୋ ଇତି ଝ. ପାଠଃ। ତତ୍ର କେନ ପ୍ରତ୍ଯସ୍ତ୍ରେଣ ବଧ୍ଯେତ୍ ବଧ୍ଯେତ ଇତି ଜ୍ଞାତୁମିତ୍ଯର୍ଥଃ॥ 5-196-35 ରଥସ୍ଯୈବ ବିସର୍ଜନମ୍। ଶସ୍ତ୍ରାଣାମପି ବିସର୍ଜନଂ ଚ। ପ୍ରଯାଚନଂ ମାବଧୀରିତି ଯାଚନଂ। ଶରଣସ୍ଯ ଗମନଂ ତ୍ବମେବ ଶରଣଂ ନ ଇତି କୀର୍ତନଂ ଚ॥ 5-196-36 ପୀଡିତଃ ପୀଡିତଂ ଶସ୍ତ୍ରାନ୍ତରେଣ ବାଧିତମ୍। ପୁଂସ୍ତ୍ବମାର୍ଷମ୍॥ 5-196-38 ପିତୃବନ୍ଧୁନା ମଯା॥ 5-196-44 ଜାଲ୍ମକୋ ମୂର୍ଖ॥ 5-196-196 ଷଣ୍ଣବତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 197
॥ ଶ୍ରୀଃ ॥
7.197. ଅଧ୍ଯାଯଃ 197
Mahabharata - Drona Parva - Chapter Topics
କୁରୁସେନାହରବଶ୍ରବଣଭୀତେନ ଯୁଧିଷ୍ଠିରେଣ ପଲାଯିତସେନାପ୍ରତିନିବର୍ତକପ୍ରଶ୍ନେ ଅର୍ଜୁନେନ ତତ୍କଥନପୂର୍ବକଂ ଦ୍ରୋଣବଧୋପେକ୍ଷଣାଦାତ୍ମୋପାଲମ୍ଭଃ॥ 1 ॥Mahabharata - Drona Parva - Chapter Text
7-197-0 (54226)
ସଞ୍ଜଯ ଉବାଚ। 7-197-0x (4781)
ପ୍ରାଦୁର୍ଭୂତେ ତତସ୍ତସ୍ମିନ୍ନସ୍ତ୍ରେ ନାରାଯଣେ ପ୍ରଭୋ।
ପ୍ରାବାତ୍ସପୃଷତୋ ବାଯୁରନଭ୍ରେ ସ୍ତନଯିତ୍ନୁମାନ୍॥ 7-197-1 (54227)
ଚଚାଲ ପୃଥିବୀ ଚାପି ଚୁକ୍ଷୁଭେ ଚ ମହୋଦଧିଃ।
ପ୍ରତିସ୍ରୋତଃ ପ୍ରବୃତ୍ତାଶ୍ଚ ଗନ୍ତୁଂ ତତ୍ର ସମୁଦ୍ରଗାଃ॥ 7-197-2 (54228)
ଶିଖରାଣି ବ୍ଯଶୀର୍ଯନ୍ତ ଗିରୀଣାଂ ତତ୍ର ଭାରତ।
ଅପସବ୍ଯଂ ମୃଗାଶ୍ଚୈବ ପାଣ୍ଡୁସେନାଂ ପ୍ରଚକ୍ରିରେ॥ 7-197-3 (54229)
ତମସା ତାବକୀର୍ଯନ୍ତ ସୂର୍ଯଶ୍ଚ କଲୁଷୋଽଭବତ୍।
ସମ୍ପତନ୍ତି ଚ ଭୂତାନି କ୍ରବ୍ଯାଦାନି ପ୍ରହୃଷ୍ଟବତ୍॥ 7-197-4 (54230)
ଦେବଦାନବଗନ୍ଧର୍ବାସ୍ତ୍ରସ୍ତାସ୍ତ୍ବାସନ୍ବିଶାମ୍ପତେ।
କଥଙ୍ଖଥାଽଭବତ୍ତୀବ୍ରା ଦୃଷ୍ଟ୍ବା ତଦ୍ବ୍ଯାକୁଲଂ ମହତ୍॥ 7-197-5 (54231)
ବ୍ଯଥିତାଃ ସର୍ବରାଜାନସ୍ତ୍ରସ୍ତାଶ୍ଚାସନ୍ବିଶାମ୍ପତେ।
ତଦ୍ଦୃଷ୍ଟ୍ବା ଘୋରରୂପଂ ବୈ ଦ୍ରୌଣେରସ୍ତ୍ରଂ ଭଯାବହମ୍॥ 7-197-6 (54232)
ଧୃତରାଷ୍ଟ୍ର ଉବାଚ। 7-197-7x (4782)
ନିବର୍ତିତେଷୁ ସୈନ୍ଯେଷୁ ଦ୍ରୋଣପୁତ୍ରେଣ ସଂଯୁଗେ।
ଭୃଶଂ ଶୋକାଭିତପ୍ତେନ ପିତୁର୍ବଧମମୃଷ୍ଯତା॥ 7-197-7 (54233)
କୁରୂନାପତତୋ ଦୃଷ୍ଟ୍ବା ଧୃଷ୍ଟଦ୍ମୁମ୍ନସ୍ଯ ରକ୍ଷଣେ।
କୋ ମନ୍ତ୍ରଃ ପାଣ୍ଡବେଷ୍ବାସୀତ୍ତନ୍ମମାଚକ୍ଷ୍ବ ସଞ୍ଜଯ॥ 7-197-8 (54234)
ସଞ୍ଜଯ ଉବାଚ। 7-197-9x (4783)
ପ୍ରାଗେବ ବିଦ୍ରୁତାନ୍ଦୃଷ୍ଟ୍ବା ଧାର୍ତରାଷ୍ଟ୍ରାନ୍ଯୁଧିଷ୍ଠିରଃ।
ପୁନଶ୍ଚ ତୁମୁଲଂ ଶବ୍ଦଂ ଶ୍ରୁତ୍ବାଽର୍ଜୁନମଥାବ୍ରବୀତ୍॥ 7-197-9 (54235)
ଯୁଧିଷ୍ଠିର ଉବାଚ। 7-197-10x (4784)
ଆଚାର୍ଯେ ନିହତେ ଦ୍ରୋଣେ ଧୃଷ୍ଟଦ୍ଯୁମ୍ନେନ ସଂଯୁଗେ।
ନିହତେ ବଜ୍ରହସ୍ତେନ ଯଥା ବୃତ୍ରେ ମହାସୁରେ॥ 7-197-10 (54236)
ନାଶଂସନ୍ତୋ ଜଯଂ ଯୁଦ୍ଧେ ଦୀନାତ୍ମାନୋ ଧନଞ୍ଜଯ।
ଆତ୍ମତ୍ରାଣେ ମତିଂ କୃତ୍ବା ପ୍ରାଦ୍ରବନ୍କୁରବୋ ରଣାତ୍॥ 7-197-11 (54237)
କେଚିଦ୍ବାନ୍ତୈ ରଥୈସ୍ତୂର୍ଣଂ ନିହତୈଃ ପାଷ୍ଣିଯନ୍ତୃଭିଃ।
ବିପତାକଧ୍ବଜଚ୍ଛତ୍ରୈଃ ପାର୍ଥିବାଃ ଶୀର୍ଣକୂବରୈଃ॥ 7-197-12 (54238)
ଭଗ୍ନନୀଡୈରାକୁଲାଶ୍ବୈଃ ପ୍ରାରୁହ୍ଯାନ୍ଯାନ୍ବିଚେତସଃ।
ଭୀତାଃ ପାଦୈର୍ହଯାନ୍କେଚିତ୍ତ୍ବରଯନ୍ତଃ ସ୍ବଯଂ ରଥାନ୍॥ 7-197-13 (54239)
ଭଗ୍ନାକ୍ଷଯୁଗଚକ୍ରୈଶ୍ଚ ବ୍ଯାକୃଷ୍ଯନ୍ତ ସମନ୍ତତଃ।
ରଥାନ୍ବିଶୀର୍ଣାନୁତ୍ସୃଜ୍ଯ ପଦ୍ଭିଃ କେଚିଚ୍ଚ ବିଦ୍ରୁତାଃ॥ 7-197-14 (54240)
ହଯପୃଷ୍ଠଗତାଶ୍ଚାନ୍ଯେ କୃଷ୍ଯନ୍ତେଽର୍ଧଚ୍ଯୁତାସନାଃ।
ଗଜସ୍କନ୍ଧେଷୁ ସଂସ୍ଯୂତା ନାରାଚୈଶ୍ଚଲିତାସନାଃ॥ 7-197-15 (54241)
ଶରାର୍ତୈର୍ବିଦ୍ରୁତୈର୍ନାଗୈର୍ହୃତାଃ କେଚିଦ୍ଦିଶୋ ଦଶ।
ବିଶସ୍ତ୍ରକବଚନାଶ୍ଚାନ୍ଯେ ବାହନେଭ୍ଯଃ କ୍ଷିତିଂ ଗତାଃ॥ 7-197-16 (54242)
ସଞ୍ଛିନ୍ନା ନେମିଭିଶ୍ଚୈବ ମୃଦିତାଶ୍ଚ ହଯଦ୍ବିପୈଃ।
କ୍ରୋଶନ୍ତସ୍ତାତ ପୁତ୍ରେତି ପଲାଯନ୍ତେ ପରେ ଭଯାତ୍॥ 7-197-17 (54243)
ନାଭିଜାନନ୍ତି ଚାନ୍ଯୋନ୍ଯଂ କଶ୍ମଲାଭିହତୌଜସଃ।
ପୁତ୍ରାନ୍ପିତୄନ୍ସଖୀନ୍ଭ୍ରାତୄନ୍ସମାରୋପ୍ଯ ଦୃଢକ୍ଷତାନ୍॥ 7-197-18 (54244)
ଜଲେନ କ୍ଲେଦଯନ୍ତ୍ଯନ୍ଯେ ବିମୁଚ୍ଯ କବଚନାନ୍ଯପି।
`ପଲାଯନପରାଶ୍ଚାନ୍ଯେ ଯୋଧାଃ ଶତସହସ୍ରଶଃ'॥ 7-197-19 (54245)
ଅବସ୍ଥାଂ ତାଦୃଶୀଂ ପ୍ରାପ୍ଯ ହତେ ଦ୍ରୋଣେ ଦ୍ରୁତଂ ବଲମ୍।
ପୁନରାବର୍ତିତଂ କେନ ଯଦି ଜାନାସି ଶଂସ ମେ॥ 7-197-20 (54246)
ହଯାନାଂ ହେଷତାଂ ଶବ୍ଦଃ କୁଞ୍ଜରାଣାଂ ଚ ବୃଂହତାମ୍।
ରଥନେମିସ୍ବନୈଶ୍ଚାତ୍ର ବିମିଶ୍ରଃ ଶ୍ରୂଯତେ ମହାନ୍॥ 7-197-21 (54247)
ଏତେ ଶବ୍ଦା ଭୃଶଂ ତୀବ୍ରାଃ ପ୍ରବୃତ୍ତାଃ କୁରୁସାଗରେ।
ମୁମୁର୍ମୁହୁରୁଦୀର୍ଯନ୍ତେ କମ୍ପଯନ୍ତ୍ଯପି ମାମକାନ୍॥ 7-197-22 (54248)
ଯ ଏଷ ତୁମୁଲଃ ଶବ୍ଦଃ ଶ୍ରୂଯତେ ରୋମହର୍ଷଣଃ।
ସେନ୍ଦ୍ରାନପ୍ଯେଷ ଲୋକାଂସ୍ତ୍ରୀନ୍ଗ୍ରସେଦିତି ମତିର୍ମମ॥ 7-197-23 (54249)
ମନ୍ଯେ ବଜ୍ରଧରସ୍ଯୈଷ ନିନାଦୋ ଭୈରବସ୍ବନଃ।
ଦ୍ରୋଣେ ହତେ କୌରବାର୍ଯଂ ବ୍ଯକ୍ତମଭ୍ଯେତି ବାସବଃ॥ 7-197-24 (54250)
ପ୍ରହୃଷ୍ଟରୋମକୂପାଃ ସ୍ମଃ ସଂବିଗ୍ନରଥକୁଞ୍ଜରାଃ।
ଧନଞ୍ଜଯ ଗୁରୁଂ ଶ୍ରୁତ୍ବା ତତ୍ର ନାଦଂ ସୁଭୀଷଣମ୍॥ 7-197-25 (54251)
କ ଏଷ କୌରବାନ୍ଦୀର୍ଣାନବସ୍ଥାପ୍ଯ ମହାରଥଃ।
ନିବର୍ତଯତି ଯୁଦ୍ଧାର୍ଥଂ ମୃଧେ ଦେବେଶ୍ବରୋ ଯଥା॥ 7-197-26 (54252)
ଅର୍ଜୁନ ଉବାଚ। 7-197-27x (4785)
ଉଦ୍ଯମ୍ଯାତ୍ମାନମୁଗ୍ରାଯ କର୍ମଣେ ବୀର୍ଯମାସ୍ଥିତାଃ।
ଧମନ୍ତି କୌରବାଃ ଶଙ୍ଖାନ୍ଯସ୍ଯ ବୀର୍ଯଂ ସମାଶ୍ରିତାଃ॥ 7-197-27 (54253)
ଯତ୍ର ତେ ସଂଶଯୋ ରାଜନ୍ନ୍ଯସ୍ତଶସ୍ତ୍ରେ ଗୁରୌ ହତେ।
ଧାର୍ତରାଷ୍ଟ୍ରାନବସ୍ଥାପ୍ଯ କ ଏଷ ନଦତୀତି ହି॥ 7-197-28 (54254)
ହୀମନ୍ତଂ ତଂ ମହାବାହୁଂ ମତ୍ତଦ୍ବିରଦଗାମିନମ୍।
`ଇନ୍ଦ୍ରବିଷ୍ମୁସମଂ ବୀର୍ଯେ କୋପେଽନ୍ତକମିବ ସ୍ଥିତମ୍॥ 7-197-29 (54255)
ବୃହସ୍ପତିସମଂ ବୁଦ୍ଧ୍ଯା ନୀତିମନ୍ତଂ ମହାରଥମ୍'।
ଆଖ୍ଯାସ୍ଯାମ୍ଯୁଗ୍ରକର୍ମାଣଂ କୁରୂଣାମଭଯଙ୍କରମ୍॥ 7-197-30 (54256)
ଯସ୍ମିଞ୍ଜାତେ ଦଦୌ ଦ୍ରୋଣୋ ଗବାଂ ଦଶଶତଂ ଧନମ୍।
ବ୍ରାହ୍ମଣେଭ୍ଯୋ ମହାର୍ହେଭ୍ଯଃ ସୋଽଶ୍ବତ୍ଥାମୈଷ ଗର୍ଜତି॥ 7-197-31 (54257)
ଜାତମାତ୍ରେଣ ବୀରେଣ ଯେନୋଚ୍ଚୈଃ ଶ୍ରବସା ଯଥା।
ହେଷତା କମ୍ପିତା ଭୂମିର୍ଲୋକାଶ୍ଚ ସକଲାସ୍ତ୍ରଯଃ॥ 7-197-32 (54258)
ତଚ୍ଛ୍ରୁତ୍ବାନ୍ତର୍ହିତଂ ଭୂତଂ ନାମ ତସ୍ଯାକରୋତ୍ତଦା।
ଅଶ୍ବତ୍ଥାମେତି ସୋଽଦ୍ଯୈଷ ଶୂରୋ ନଦତି ପାଣ୍ଡବ॥ 7-197-33 (54259)
ଯୋ ହ୍ଯନାଥ ଇବାକ୍ରମ୍ଯ ପାର୍ଷତେନ ହତସ୍ତଥା।
କର୍ମଣା ସୁନୃଶଂସେନ ତସ୍ଯ ନାଥୋ ବ୍ଯବସ୍ଥିତଃ॥ 7-197-34 (54260)
ଗୁରୁଂ ମେ ଯତ୍ର ପାଞ୍ଚାଲ୍ଯଃ କେଶପକ୍ଷେ ପରାମୃଶତ୍।
ତନ୍ନ ଜାତୁଂ କ୍ଷମେଦ୍ଦ୍ରୌଣିର୍ଜାନନ୍ପୌରୁଷମାତ୍ମନଃ॥
`ସ ହି ତେନୈବ ନଃ ସର୍ବାନ୍କ୍ଷପଯେଦିତି ମେ ମତିଃ'॥ 7-197-35 (54261)
ଉପଚୀର୍ଣୋ ଗୁରୁର୍ମିଥ୍ଯା ଭବତା ରାଜ୍ଯକାରଣାତ୍।
ଧର୍ମଜ୍ଞେନ ସତା ନାମ ସୋଽଧର୍ମଃ ସୁମହାନ୍କୃତଃ॥ 7-197-36 (54262)
ଚିରଂ ସ୍ଥାସ୍ଯତି ଚାକୀର୍ତିସ୍ତ୍ରୈଲୋକ୍ଯେ ସଚରାଚରେ।
ରାମେ ବାଲିବଧାଦ୍ଯଦ୍ବଦେବଂ ଦ୍ରୋଣେ ନିପାତିତେ॥ 7-197-37 (54263)
ସର୍ବଧର୍ମୋପପନ୍ନୋଽଯଂ ସ ମେ ଶିଷ୍ଯଶ୍ଚ ପାଣ୍ଡବଃ।
ନାଯଂ ବକ୍ଷ୍ଯତି ମିଥ୍ଯେତି ପ୍ରତ୍ଯଯଂ କୃତବାଂସ୍ତ୍ବଯି॥ 7-197-38 (54264)
ସ ସତ୍ଯକଞ୍ଚୁକଂ ନାମ ପ୍ରବିଷ୍ଟେନ ତତୋଽନୃତମ୍।
ଆଚାର୍ଯ ଉକ୍ତୋ ଭବତା ହତଃ କୁଞ୍ଜର ଇତ୍ଯୁତ॥ 7-197-39 (54265)
ତତଃ ଶସ୍ତ୍ରଂ ସମୁତ୍ସୃଜ୍ଯ ନିର୍ମମୋ ଗତଚେତନଃ।
ଆସୀତ୍ସୁବିହ୍ବଲୋ ରାଜନ୍ଯଥା ଦୃଷ୍ଟସ୍ତ୍ବଯା ବିଭୁଃ॥ 7-197-40 (54266)
ସ ତୁ ଶୋକସମାବିଷ୍ଟୋ ବିମୁଖଃ ପୁତ୍ରବତ୍ସଲଃ।
ଶାଶ୍ବତଂ ଧର୍ମମୁତ୍ସୃଜ୍ଯ ଗୁରୁଃ ଶିଷ୍ଯେଣ ଘାତିତଃ॥ 7-197-41 (54267)
ନ୍ଯସ୍ତଶସ୍ତ୍ରମଧର୍ମେଣ ଘାତଯିତ୍ବା ଗୁରୁଂ ଭବାନ୍।
ରକ୍ଷତ୍ବିଦାନୀଂ ସାମାତ୍ଯୋ ଯଦି ଶକ୍ତୋସି ପାର୍ଷତମ୍॥ 7-197-42 (54268)
ଗ୍ରସ୍ତମାଚାର୍ଯ ପୁତ୍ରେଣ କ୍ରୁଦ୍ଧେନ ହତବନ୍ଧୁନା।
ସର୍ବେ ବଯଂ ପରିତ୍ରାତୁଂ ନ ଶକ୍ଷ୍ଯାମୋଽଦ୍ଯ ପାର୍ଷତମ୍॥ 7-197-43 (54269)
ସୌହାର୍ଦଂ ସର୍ବଭୂତେଷୁ ଯଃ କରୋତ୍ଯତିମାନୁଷଃ।
ସୋଽଦ୍ଯ କେଶଗ୍ରହଂ ଶ୍ରୁତ୍ବା ପିତୁର୍ଧକ୍ଷ୍ଯତି ନୋ ରଣେ॥ 7-197-44 (54270)
ବିକ୍ରୋଶମାନେ ହି ମଯି ଭୃଶମାଚାର୍ଯଗୃଦ୍ବିନି।
ଅପାକୀର୍ଯ ସ୍ବଯଂ ଧର୍ମଂ ଶିପ୍ଯେଣ ନିହତୋ ଗୁରୁଃ॥ 7-197-45 (54271)
ଯଦା ଗତଂ ବଯୋ ଭୂଯଃ ଶିଷ୍ଟମଲ୍ପତରଂ ଚ ନଃ।
ତସ୍ଯେଦାନୀଂ ବିରୋଧୋଽଯମଧର୍ମୋଽଯଂ କୃତୋ ମହାନ୍॥ 7-197-46 (54272)
ପିତେବ ନିତ୍ଯଂ ସୌହାର୍ଦାତ୍ପିତେବ ହି ଚ ଧର୍ମତଃ।
ସୋଽଲ୍ପକାଲସ୍ଯ ରାଜ୍ଯସ୍ଯ କାରମାଦ୍ବାତିତୋ ଗୁରୁଃ॥ 7-197-47 (54273)
ଧୃତରାଷ୍ଟ୍ରେଣ ଭୀଷ୍ମାଯ ଦ୍ରୋଣାଯ ଚ ବିଶାମ୍ପତେ।
ବିସୃଷ୍ଟା ପୃଥିବୀ ସର୍ବା ସହ ପୁତ୍ରୈଶ୍ଚ ତତ୍ପରୈଃ॥ 7-197-48 (54274)
ସମ୍ପ୍ରାପ୍ଯ ତାଦୃଶୀଂ ବୃତ୍ତିଂ ସତ୍କୃତଃ ସତତଂ ପରୈଃ।
ଅବ୍ରବୀତ୍ସତତଂ ପୁତ୍ରାନ୍ମାମେବାଭ୍ଯଧିକଂ ଗୁରୁଃ॥ 7-197-49 (54275)
ଅବେକ୍ଷମାଣସ୍ତ୍ବାଂ ମାଂ ଚ ନ୍ଯସ୍ତାସ୍ତ୍ରଶ୍ଚାହବେ ହତଃ।
ନ ତ୍ବେନଂ ଯୁଧ୍ଯମାନଂ ବୈ ହନ୍ଯାଦପି ଶତକ୍ରତୁଃ॥ 7-197-50 (54276)
ତସ୍ଯାଚାର୍ଯସ୍ଯ ବୃଦ୍ଧସ୍ଯ ଦ୍ରୋହୋ ନିତ୍ଯୋପକାରିଣଃ।
କୃତୋ ହ୍ଯନାର୍ଯୈରସ୍ମାଭୀର ରାଜ୍ଯାର୍ଥେ ଲୁବ୍ଧବୁଦ୍ଧିଭିଃ॥ 7-197-51 (54277)
ଅହୋ ବତ ମହତ୍ପାପଂ କୃତଂ କର୍ମ ସୁଦାରୁଣମ୍।
ଯଦ୍ରାଜ୍ଯସୁଖଲୋଭେନ ଦ୍ରୋଣୋଽଯଂ ସାଧୁଘାତିତଃ॥ 7-197-52 (54278)
ପୁତ୍ରାନ୍ଭ୍ରାତୄନ୍ପିତୄନ୍ଦାରାଞ୍ଜୀବିତଂ ଚୈବ ବାସବିଃ।
ତ୍ଯଜେତ୍ସର୍ବଂ ମମ ପ୍ରେମ୍ଣା ଜାନାତ୍ଯେବଂ ହି ମେ ଗୁରୁଃ॥ 7-197-53 (54279)
ସ ମଯା ରାଜ୍ଯକାମେନ ହନ୍ଯମାନୋ ହ୍ଯୁପେକ୍ଷିତଃ।
ତସ୍ମାଦର୍ବାକ୍ଶିରା ରାଜନ୍ପ୍ରାପ୍ତୋଽସ୍ମି ନରକଂ ପ୍ରଭୋ॥ 7-197-54 (54280)
ବ୍ରାହ୍ମଣଂ ବୃଦ୍ଧମାଚାର୍ଯଂ ନ୍ଯସ୍ତଶସ୍ତ୍ରଂ ମହାମୁନିମ୍।
ଘାତଯିତ୍ବାଽଦ୍ଯ ରାଜ୍ଯାର୍ଥେ ମୃତଂ ଶ୍ରେଯୋ ନ ଜୀବିତମ୍॥ ॥ 7-197-55 (54281)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ନାରାଯଣାସ୍ତ୍ରମୋକ୍ଷପର୍ବଣି ପଞ୍ଚଦଶଦିବସଯୁଦ୍ଧେ ସପ୍ତନବତ୍ଯଧିକଶତତମୋଽଧ୍ଯାଯଃ॥ 197 ॥
Mahabharata - Drona Parva - Chapter Footnotes
5-197-1 ସପୃଷତଃ ସଜଲବିନ୍ଦୁଃ। ଅନଭ୍ରେ ଅପ୍ରାବୃଷିକାଲେ॥ 5-197-5 କଥଙ୍କଥା କଥଂ କର୍ତବ୍ଯଂ କଥଂ କର୍ତବ୍ଯମିତ୍ଯେବଂଶବ୍ଦଃ॥ 5-197-8 ରକ୍ଷଣେ ମନ୍ତ୍ରଃ କ ଆସୀଦିତି ସମ୍ବନ୍ଧଃ॥ 5-197-30 ବ୍ଯାଘ୍ରାସ୍ଯମୁଗ୍ରକର୍ମାଣମିତି ଝ.ପାଠଃ॥ 5-197-31 ଯସ୍ମିନ୍ନିତି ଦଶଶତାମେତ୍ଯନେନ ସର୍ବଗୋଧନଂ ଦଦାବିତି ଜ୍ଞେଯମ୍। ଅନ୍ଯଥା ଏକଧେନ୍ବର୍ଥଂ ଦ୍ରୁପଦଂ ପ୍ରତି ଦ୍ରୋଣଗମନସ୍ଯାସମ୍ଭବଃ। ଯଦ୍ବା ଭାବିନୀଂ ସମ୍ପଦମଭିଲକ୍ଷ୍ଯୈତଦ୍ଦାନଂ ଦ୍ରଷ୍ଟବ୍ଯମ୍। ପୁତ୍ରୋତ୍ପତ୍ତିକାଲେ ତସ୍ଯ ନିର୍ଧନତ୍ବୋକ୍ତେଃ॥ 5-197-39 ସତ୍ଯକଞ୍ଜୁକଂ ସତ୍ଯାଭାସମନୃତମ୍॥ 5-197-53 ବାସବିରର୍ଜୁନଃ॥ 5-197-197 ସପ୍ତନବତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 198
॥ ଶ୍ରୀଃ ॥
7.198. ଅଧ୍ଯାଯଃ 198
Mahabharata - Drona Parva - Chapter Topics
ସାଧିକ୍ଷେପମଶ୍ବତ୍ଥାମତୋ ଯୁଧିଷ୍ଠିରଂ ଭୀଷଯନ୍ତଂ ପାର୍ଥଂପ୍ରତି ଭୀମେନ ସାମର୍ଷମାତ୍ମବଲବର୍ଣନାଦିପୂର୍ବକଂ ସ୍ବେନାଶ୍ବତ୍ଥାମାଦିବିଜଯପ୍ରତିଜ୍ଞାନମ୍॥ 1 ॥ ଧୃଷ୍ଟଦ୍ଯୁମ୍ନେନାପ୍ଯର୍ଜୁନଂ ପ୍ରତି ସକ୍ରୋଧଂ କ୍ଷାତ୍ରଧର୍ମାଦିକଥନପୂର୍ବକଂ ସ୍ବକୃତଦ୍ଗ୍ରୋଣବଧସ୍ଯ ଧାର୍ମିକତ୍ବକଥନମ୍॥ 2 ॥Mahabharata - Drona Parva - Chapter Text
7-198-0 (54282)
ସଞ୍ଜଯ ଉବାଚ। 7-198-0x (4786)
ଅର୍ଜୁନସ୍ଯ ବଚଃ ଶ୍ରୁତ୍ବା ନୋଚୁସ୍ତତ୍ର ମହାରଥାଃ।
ଅପ୍ରିଯଂ ବା ପ୍ରିଯଂ ବାଽପି ମହାରାଜ ଧନଞ୍ଜଯମ୍॥ 7-198-1 (54283)
ତତଃ କ୍ରୁଦ୍ଧୋ ମହାବାହୁର୍ଭୀମସେନୋଽଭ୍ଯଭାଷତ।
କୁତ୍ସଯନ୍ନିବ କୌନ୍ତେଯମର୍ଜୁନଂ ଭରତର୍ଷଭ॥ 7-198-2 (54284)
ମୁନିର୍ଯଥାଽରଣ୍ଯଗତୋ ଭାଷତେ ଧର୍ମସଂହିତମ୍।
ନ୍ଯସ୍ତଦଣ୍ଡୋ ଯଥା ପାର୍ଥଂ ବ୍ରାହ୍ମଣଃ ସଂଶିତବ୍ରତଃ॥ 7-198-3 (54285)
କ୍ଷତତ୍ରାତା କ୍ଷତାଜ୍ଜୀବନ୍କ୍ଷନ୍ତା ସ୍ତ୍ରୀଷ୍ବପି ସାଧୁଷୁ।
କ୍ଷତ୍ରିଯଃ କ୍ଷିତିମାପ୍ନୋତି କ୍ଷିପ୍ରଂ ଧର୍ମଂ ଯଶଃ ଶ୍ରିଯଃ॥ 7-198-4 (54286)
ସ ଭବାନ୍କ୍ଷତ୍ରିଯଗୁଣୈର୍ଯୁକ୍ତଃ ସର୍ବୈଃ କୁଲୋଦ୍ବହଃ।
ଅବିପଶ୍ଚିଦ୍ଯଥା ବାଚଂ ବ୍ଯାହରନ୍ନାଦ୍ଯ ଶୋଭସେ॥ 7-198-5 (54287)
ପରାକ୍ରମସ୍ତେ କୌନ୍ତେଯ ଶକ୍ରସ୍ଯେବ ଶଚୀପତେଃ।
ନ ଚାତିବର୍ତସେ ଧର୍ମଂ ବେଲାମିବ ମହୋଦଧିଃ॥ 7-198-6 (54288)
ନ ପୂଜଯେତ୍ତ୍ବାଂ କୋନ୍ବଦ୍ଯ ଯତ୍ତ୍ରଯୋଦଶବାର୍ଷିକମ୍।
ଅମର୍ଷଂ ପୃଷ୍ଠତଃ କୃତ୍ବା ଧର୍ମମେବାଭିକାଙ୍କ୍ଷସେ॥ 7-198-7 (54289)
ଦିଷ୍ଟ୍ଯା ତାତ ମନସ୍ତେଽଦ୍ଯ ସ୍ବଧର୍ମମନୁବର୍ତତେ।
ଆନୃଶଂସ୍ଯେ ଚ ତେ ଦିଷ୍ଟ୍ଯା ବୁଦ୍ଧିଃ ସତତମଚ୍ଯୁତ॥ 7-198-8 (54290)
ଯତ୍ତୁ ଧର୍ମପ୍ରବୃତ୍ତସ୍ଯ ହୃତଂ ରାଜ୍ଯମଧର୍ମତଃ।
ଦ୍ରୌପଦୀ ଚ ପରାମୃଷ୍ଟା ସଭାମାନୀଯ ଶତ୍ରୁଭିଃ॥ 7-198-9 (54291)
ବନଂ ପ୍ରବ୍ରାଜିତାଶ୍ଚାସ୍ମ ବଲ୍କଲାଜିନବାସସଃ।
ଅନର୍ହମାଣାସ୍ତଂ ଭାବଂ ତ୍ରଯୋଦଶ ସମାଃ ପରୈଃ॥ 7-198-10 (54292)
`ବହୂନି କ୍ଷାମ୍ଯ ଶତ୍ରୂଣାଂ ସତ୍ଯଧର୍ମରତା ବଯମ୍।
ତଥା ତନ୍ମର୍ଷଯିତ୍ବା ତୁ ଯଥା ତେ ଉତ୍ପଥେ ସ୍ଥିତାଃ'॥ 7-198-11 (54293)
ଏତାନ୍ଯମର୍ଷସ୍ଥାନାନି ମର୍ଷିତାନି ତ୍ବଯାଽଘନ।
କ୍ଷତ୍ରଧର୍ମପ୍ରସକ୍ତେନ ସର୍ବମେତଦନୁଷ୍ଠିତମ୍॥ 7-198-12 (54294)
ତମଧର୍ମମପାକୃଷ୍ଟଂ ସ୍ମୃତ୍ବାଽଦ୍ଯ ସହିତସ୍ତ୍ବଯା।
ସାନୁବନ୍ଧାନ୍ହନିଷ୍ଯାମି କ୍ଷୁଦ୍ରାନ୍ରାଜ୍ଯହରାନହମ୍॥ 7-198-13 (54295)
ତ୍ବଯା ହି କଥିତଂ ପୂର୍ବଂ ଯୁଦ୍ଧାଯାଭ୍ଯାଗତା ବଯମ୍।
ଘଟାମହେ ଯଥାଶକ୍ତି ତ୍ବଂ ତୁ ନୋଽଦ୍ଯ ଜୁଗୁପ୍ସସେ॥ 7-198-14 (54296)
ସ୍ବଧର୍ମଂ ନେଚ୍ଛସେ ଜ୍ଞାତୁଂ ବୃଥା ବଚନମେବ ତେ।
ଭଯାର୍ଦିତାନାମସ୍ମାକଂ ବାଚା ମର୍ମାଣି କୃନ୍ତସି॥ 7-198-15 (54297)
ବପନ୍ବ୍ରଣେ କ୍ଷାରମିବ କ୍ଷତାନାଂ ଶତ୍ରୁକର୍ଶନ।
ବିଦୀର୍ଯତେ ମେ ହୃଦଯଂ ତ୍ବଯା ବାକ୍ଶଲ୍ଯପୀଡିତମ୍॥ 7-198-16 (54298)
ଅଧର୍ମମେନ ବିପୁଲଂ ଧାର୍ମିକଃ ସନ୍ନ ବୁଧ୍ଯସେ।
ଯତ୍ତ୍ବମାତ୍ମାନମସ୍ମାଂଶ୍ଚ ପ୍ରଶଂସ୍ଯାନ୍ନ ପ୍ରଶଂସସି॥ 7-198-17 (54299)
ବାସୁଦେବେ ସ୍ଥିତେ ଚାପି ଦ୍ରୋଣପୁତ୍ରଂ ପ୍ରଶଂସସି।
ଯଃ କଲାଂ ଷୋଡଶୀଂ ପୂର୍ଣାଂ ଧନଞ୍ଜଯ ନ ତେଽର୍ହତି॥ 7-198-18 (54300)
ସ୍ବଯମେବାତ୍ମନୋ ଦୋଷାନ୍ବ୍ରୁବାଣଃ କିଂ ନ ଲଜ୍ଜସେ॥ 7-198-19 (54301)
`ମମ ନାଗାଯୁତଂ ପାର୍ଥ ବଲଂ ବାହ୍ବୋର୍ବିଧୀଯତେ'।
ଦାରଯେଯଂ ମହୀଂ କ୍ରୋଧାଦ୍ବିକିରେଯଂ ଚ ପର୍ବତାନ୍॥ 7-198-20 (54302)
ଆବିଧ୍ଯୈତାଂ ଗଦାଂ ଗୁର୍ବୀ ଭୀମାଂ କାଞ୍ଚନମାଲିନୀମ୍।
ଗିରିପ୍ରକାଶାନ୍କ୍ଷିତିଜାନ୍ଭଞ୍ଜେଯମନିଲୋ ଯଥା॥ 7-198-21 (54303)
ଦ୍ରାବଯେଯଂ ଶରୈଶ୍ଚାପି ସେନ୍ଦ୍ରାନ୍ଦେବାନ୍ସମାଗତାନ୍।
ସରାକ୍ଷସଗଣାନ୍ପାର୍ଥ ସାସୁରୋରଗମାନବାନ୍॥ 7-198-22 (54304)
ସ ତ୍ବମେବଂବିଧଂ ଜାନନ୍ଭ୍ରାତରଂ ମାଂ ନରର୍ଷଭ।
ଦ୍ରୋଣପୁତ୍ରାଦ୍ଭଯଂ କର୍ତୁଂ ନାର୍ହସ୍ଯମିତବିକ୍ରମ॥ 7-198-23 (54305)
ଅଥବା ତିଷ୍ଠ ବୀଭତ୍ସୋ ସହ ସର୍ବୈଃ ସହୋଦରୈଃ।
ଅହମେନଂ ଗଦାପାଣିର୍ଜେଷ୍ଯାମ୍ଯେକୋ ମହାହବେ॥ 7-198-24 (54306)
ତତଃ ପାଞ୍ଚାଲରାଜସ୍ଯ ପୁତ୍ରଃ ପାର୍ଥମଥାବ୍ରବୀତ୍।
ସଙ୍କ୍ରୁଦ୍ଧମିବ ନର୍ଦନ୍ତଂ ହିରଣ୍ଯକଶିପୁର୍ହରିମ୍॥ 7-198-25 (54307)
ଧୃଷ୍ଟଦ୍ଯୁମ୍ନ ଉବାଚ। 7-198-26x (4787)
ବୀଭତ୍ସୋ ବିପ୍ରକର୍ମାଣି ବିହିତାନି ମନୀଷିଭିଃ।
ଯାଜନାଧ୍ଯାପନେ ଦାନଂ ଯଥା ଯଜ୍ଞପ୍ରତିଗ୍ରହୌ॥ 7-198-26 (54308)
ଷଷ୍ଠମଧ୍ଯଯନଂ ନାମ ତେଷାଂ କସ୍ମିନ୍ପ୍ରତିଷ୍ଠିତଃ।
ହତୋ ଦ୍ରୋଣୋ ମଯା ହ୍ଯେବଂ କିଂ ମାଂ ପାର୍ଥ ବିଗର୍ହସେ॥ 7-198-27 (54309)
ଅପକ୍ରାନ୍ତଃ ସ୍ବଧର୍ମାଚ୍ଚ କ୍ଷାତ୍ରଧର୍ମଂ ବ୍ଯପାଶ୍ରିତଃ।
ଅଧର୍ମେଣ ହତସ୍ତସ୍ମାଦସ୍ତ୍ରେଣ କ୍ଷୁଦ୍ରକର୍ମକୃତ୍॥ 7-198-28 (54310)
ତଥା ମାଯାଂ ପ୍ରଯୁଞ୍ଜାନମସହ୍ଯଂ ବ୍ରାହ୍ମଣବ୍ରୁବମ୍।
ପ୍ରତିମାଯୀ ନିହନ୍ଯାଦ୍ଯୋ ନ ଯୁକ୍ତଂ ପାର୍ଥ ତତ୍ର କିମ୍॥ 7-198-29 (54311)
ତସ୍ମିଂସ୍ତଥା ମଯା ଶସ୍ତେ ଯଦି ଦ୍ରୌଣାଯନୀ ରୁଷା।
କୁରୁତେ ଭୈରବଂ ନାଦଂ ତତ୍ର କିଂ ମମ ହୀଯତେ॥ 7-198-30 (54312)
ନ ଚାଦ୍ଭୁତମିଦଂ ମନ୍ଯେ ଯଦ୍ଦ୍ରୌଣିଶ୍ଚାତ୍ର ଗର୍ଜତି।
ଘାତଯିଷ୍ଯତି କୌରବ୍ଯାନ୍ପରିତ୍ରାତୁମଶକ୍ନୁବନ୍॥ 7-198-31 (54313)
ଯଚ୍ଚ ମାଂ ଧାର୍ମିକୋ ଭୂତ୍ବା ବ୍ରବୀଷି ଗୁରୁଘାତିନମ୍।
ତଦର୍ଥମହମୁତ୍ପନ୍ନଃ ପାଞ୍ଚାଲ୍ଯସ୍ଯ ସୁତୋଽନଲାତ୍॥ 7-198-32 (54314)
ଯସ୍ଯ କାର୍ଯମକାର୍ଯଂ ବା ଯୁଧ୍ଯତଃ ସ୍ଯାତ୍ସମଂ ରଣେ।
ତଂ କଥଂ ବ୍ରାହ୍ମଣଂ ବ୍ରୂଯାଃ କ୍ଷତ୍ରିଯଂ ବା ଧନଞ୍ଜଯ॥ 7-198-33 (54315)
ଯୋ ହ୍ଯନସ୍ତ୍ରବିଦୋ ହନ୍ଯାଦ୍ବ୍ରହ୍ମାସ୍ତ୍ରୈଃ କ୍ରୋଧମୂର୍ଚ୍ଛିତଃ।
ସର୍ବୋପାଯୈର୍ନ ସ କଥଂ ବଧ୍ଯଃ ପୁରୁଷସତ୍ତମ॥ 7-198-34 (54316)
ବିଶେଷାତ୍ପିତୃହନ୍ତା ମେ ନ ସ ବଧ୍ଯଃ କଥଂ ମଯା।
ଯୋଽଯଂ ପାପଃ ସୁଦୁର୍ମେଧା ବାନ୍ଧବାନ୍ଯୁଧି ଜଘ୍ନିବାନ୍।
ତସ୍ଯ ବିପ୍ରବ୍ରୁବବଧେ କଥଂ ପାପଂ ଭବେନ୍ମମ'॥ 7-198-35 (54317)
ବିଧର୍ମିଣଂ ଧର୍ମବିଦ୍ଭିଃ ପ୍ରୋକ୍ତଂ ତେଷାଂ ବିଷୋପମମ୍।
ଜାନନ୍ଧର୍ମାର୍ଥତତ୍ତ୍ବଜ୍ଞ କିଂ ମାମର୍ଜୁନ ଗର୍ହସେ॥ 7-198-36 (54318)
ନୃଶଂସଃ ସ ମଯାଽଽକ୍ରମ୍ଯ ରଥ ଏବ ନିପାତିତଃ।
ତନ୍ମାମନିନ୍ଦ୍ଯଂ ବୀଭତ୍ସୋ କିମର୍ଥଂ ନାଭିନନ୍ଦସେ॥ 7-198-37 (54319)
କାଲାନଲସମଂ ପାର୍ଥ ଜ୍ବଲାର୍କବିଷୋପମମ୍।
ଭୀମଂ ଦ୍ରୋଣଶିରଶ୍ଛିନ୍ନଂ ନ ପ୍ରଶଂସସି ମେ କଥମ୍॥ 7-198-38 (54320)
ଯୋଽସୌ ମମୈବ ନାନ୍ଯସ୍ଯ ବାନ୍ଧବାନ୍ଯୁଧି ଜଘ୍ନିବାନ୍।
ଛିତ୍ତ୍ବାଽପି ତସ୍ଯ ମୂର୍ଧାନଂ ନୈବାସ୍ମି ବିଗତଜ୍ବରେଃ॥ 7-198-39 (54321)
ତଚ୍ଚ ମେ କୃନ୍ତତେ ମର୍ମ ଯନ୍ନ ତସ୍ଯ ଶିରୋ ମଯା।
ନିଷାଦବିଷଯେ କ୍ଷିପ୍ତଂ ଜଯଦ୍ରଥଶିରୋ ଯଥା॥ 7-198-40 (54322)
ଅଥାବଧଶ୍ଚ ଶତ୍ରୂଣାମଧର୍ମଃ ଶ୍ରୂଯତେଽର୍ଜୁନ।
କ୍ଷତ୍ରିଯସ୍ଯ ହି ଧର୍ମୋଽଯଂ ହନ୍ଯାଦ୍ଧନ୍ଯେତ ବା ପୁନଃ॥ 7-198-41 (54323)
ସ ଶତ୍ରୁର୍ନିହତଃ ସଙ୍ଖ୍ଯେ ମଯା ଧର୍ମେଣ ପାଣ୍ଡବ।
ଯଥା ତ୍ବଯା ହତଃ ଶୂରୋ ଭଗଦତ୍ତଃ ପିତୁଃ ସଖା॥ 7-198-42 (54324)
ପିତାମହଂ ରଣେ ହତ୍ବା ମନ୍ଯସେ ଧର୍ମମାତ୍ମନଃ।
ମଯା ଶତ୍ରୌ ହତେ କସ୍ମାତ୍ପାପେ ଧର୍ମଂ ନ ମନ୍ଯସେ॥ 7-198-43 (54325)
ସମ୍ବନ୍ଧାବନତଂ ପାର୍ଥ ନ ମାଂ ତ୍ବଂ ବକ୍ତୁମର୍ହସି।
ସ୍ବଗାତ୍ରକୃତସୋପାନଂ ନିଷଣ୍ଣମିବ ଦନ୍ତିନମ୍॥ 7-198-44 (54326)
କ୍ଷମାମି ତେ ସର୍ବମେବ ବାଗ୍ବ୍ଯତିକ୍ରମମର୍ଜୁନ।
ଦ୍ରୌପଦ୍ଯା ଦ୍ରୌପଦେଯାନାଂ କୃତେ ନାନ୍ଯେନ ହେତୁନା॥ 7-198-45 (54327)
କୁଲକ୍ରମାଗତଂ ବୈରଂ ମମାଚାର୍ଯେଣ ବିଶ୍ରୁତମ୍।
ତଥା ଜାନାତ୍ଯଯଂ ଲୋକୋ ନ ଯୂଯଂ ପାଣ୍ଡୁନନ୍ଦନାଃ॥ 7-198-46 (54328)
ନାନୃତୀ ପାଣ୍ଡବୋ ଜ୍ଯେଷ୍ଠୋ ନାହଂ ବାଽଧାର୍ମିକୋଽର୍ଜୁନ।
`ନ କ୍ଷତ୍ରିଯ ଇତି ପ୍ରାହୁର୍ଯୋ ନ ହନ୍ତି ରଣାଜିରେ॥ 7-198-47 (54329)
ପିତରଂ ବା ଗୁରୁଂ ବାଽପି ଜିଘାଂସୁ ପୁତ୍ରଶିଷ୍ଯଯୋଃ।
ଜିହ୍ମେନ ବାଽପ୍ଯଜିହ୍ମେନ ହନ୍ଯାଦେବାବିଚାରଯନ୍॥ 7-198-48 (54330)
ଇତ୍ଯୁକ୍ତଂ ବ୍ରହ୍ମଣା ପୂର୍ବଂ କ୍ଷତ୍ରିଯାଣାଂ ଦ୍ବିଷଦ୍ବଧେ।
ତସ୍ମାଚ୍ଛିଷ୍ଯେଣ ନିହତଃ ଶତ୍ରୁର୍ମେ ବ୍ରାହ୍ମଣବ୍ରୁବଃ॥ 7-198-49 (54331)
ଯଃ କ୍ଷତ୍ରିଯସୁତୋ ହନ୍ଯାତ୍ପିତରଂ ବା ଗୁରୁଂ ଚ ବା।
ଅନିଷ୍ଟଂ କ୍ଷତ୍ରିଯୋ ହନ୍ଯାତ୍ସ ବୈ କ୍ଷତ୍ରିଯ ଉଚ୍ଯତେ'।
ଶିଷ୍ଯଦ୍ରୋହୀ ହତଃ ପାପୋ ଯୁଧ୍ଯସ୍ବ ବିଜଯସ୍ତବ॥ ॥ 7-198-50 (54332)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ନାରାଯଣାସ୍ତ୍ରମୋକ୍ଷପର୍ବଣି ଅଷ୍ଟନବତ୍ଯଧିକଶତତମୋଽଧ୍ଯାଯଃ॥ 198 ॥
Mahabharata - Drona Parva - Chapter Footnotes
5-198-25 ହିରଣ୍ଯକଶିପୁଂ ହରିରିତି କ.ଖ.ପାଠଃ॥ 5-198-198 ଅଷ୍ଟନବତ୍ଯଧିକଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 199
॥ ଶ୍ରୀଃ ॥
7.199. ଅଧ୍ଯାଯଃ 199
Mahabharata - Drona Parva - Chapter Topics
ସାତ୍ଯକିନିଷ୍ଠୁରଭାଷଣରୁଷ୍ଟେନ ଧୃଷ୍ଟଦ୍ଯୁମ୍ନେନ ସମର୍ମୋଦ୍ଧାଟନଂ ତଦ୍ଗର୍ହଣମ୍॥ 1 ॥ ଧୃଷ୍ଟଦ୍ଯୁମ୍ନଜିଘାଂସଯା ଗଦାମୁଦ୍ଯମ୍ଯାପତତଃ ସାତ୍ଯକେଃ କୃଷ୍ଣଚୋଦିତେନ ଭୀମେନ ନିବାରଣମ୍॥ 2 ॥ ସର୍ବେଷାଂ ପୁନର୍ଯୁଦ୍ଧୋଦ୍ଯମଃ॥ 3 ॥Mahabharata - Drona Parva - Chapter Text
7-199-0 (54333)
ଧୃତରାଷ୍ଟ୍ର ଉବାଚ। 7-199-0x (4788)
ସାଙ୍ଗା ବେଦା ଯଥାନ୍ଯାଯଂ ଯେନାଧୀତା ମହାତ୍ମନା।
ଯସ୍ମିନ୍ସାକ୍ଷାଦ୍ଧନୁର୍ବେଦୋ ହୀନିଷେବେ ପ୍ରତିଷ୍ଠିତଃ॥ 7-199-1 (54334)
ଯସ୍ଯ ପ୍ରସାଦାତ୍କୁର୍ବନ୍ତି କର୍ମାଣି ପୁରୁଷର୍ଷଭାଃ।
ଅମାନୁଷାଣି ସଙ୍ଗ୍ରାମେ ଦେବୈରସୁକରାଣି ଚ॥ 7-199-2 (54335)
ତସ୍ମିନ୍ନାକ୍ରୁଶ୍ଯତି ଦ୍ରୋଣେ ସମକ୍ଷଂ ପାପକର୍ମଣା।
ନୀଚଂ କର୍ମ କୃତଂ ତେନ କ୍ଷୁଦ୍ରେଣ ଗୁରୁଘାତିନା॥ 7-199-3 (54336)
ନାମର୍ଷଂ ତତ୍ର କୁର୍ବନ୍ତି ଧିକ୍କ୍ଷାତ୍ରଂ ଧିଗମର୍ଷିତାମ୍॥ 7-199-4 (54337)
ପାର୍ଥାଃ ସର୍ବେ ଚ ରାଜାନଃ ପୃଥିବ୍ଯାଂ ଯେ ଧନୁର୍ଧରାଃ।
ଶ୍ରୁତ୍ବା କିମାହୁଃ ପାଞ୍ଚାଲ୍ଯଂ ତନ୍ମମାଚକ୍ଷ୍ବ ସଞ୍ଜଯ॥ 7-199-5 (54338)
ସଞ୍ଜଯ ଉବାଚ। 7-199-6x (4789)
ଶ୍ରୁତ୍ବା ଦ୍ରୁପଦପୁତ୍ରସ୍ଯ ତା ବାଚଃ କ୍ରୂରକର୍ମଣଃ।
ତୂଷ୍ଣୀଂ ବଭୂବୂ ରାଜାନଃ ସର୍ବ ଏବ ବିଶାମ୍ପତେ॥ 7-199-6 (54339)
ଅର୍ଜୁନସ୍ତୁ କଟାକ୍ଷେଣ ଜିହ୍ମଂ ବିପ୍ରେକ୍ଷ୍ଯ ପାର୍ଷତମ୍।
ସବାଷ୍ପମତିନିଃଶ୍ବସ୍ଯ ଧିଗ୍ଧିଗିତ୍ଯେବ ଚାବ୍ରବୀତ୍॥ 7-199-7 (54340)
ଯୁଧିଷ୍ଠିରଶ୍ଚ ଭୀମଶ୍ଚ ଯମୌ କୃଷ୍ଣସ୍ତଥାଽପରେ।
ଆସନ୍ସୁବ୍ରୀଡିତା ରାଜନ୍ସାତ୍ଯକିସ୍ତ୍ବବ୍ରବୀଦିଦମ୍॥ 7-199-8 (54341)
ନେହାସ୍ତି ପୁରୁଷଃ କଶ୍ଚିଦ୍ଯ ଇମଂ ପାପପୂରୁଷମ୍।
ଭାଷମାଣମକଲ୍ଯାଣଂ ଶୀଘ୍ରଂ ହନ୍ଯାନ୍ନରାଧମମ୍॥ 7-199-9 (54342)
ଏତେ ତ୍ବାଂ ପାଣ୍ଡବାଃ ସର୍ବେ କୁତ୍ସଯନ୍ତି ବିବିତ୍ସଯା।
କର୍ମଣା ତେନ ପାପେନ ଶ୍ବପାକଂ ବ୍ରାହ୍ମଣା ଇବ॥ 7-199-10 (54343)
ଏତତ୍କୃତ୍ବା ମହତ୍ପାପଂ ନିନ୍ଦିତଃ ସର୍ବସାଧୁଭିଃ।
ନ ଲଜ୍ଜସେ କଥଂ ବକ୍ତୁଂ ସମିତିଂ ପ୍ରାପ୍ଯ ଶୋଭନାମ୍॥ 7-199-11 (54344)
କଥଂ ଚ ଶତଧା ଜିହ୍ବା ନ ତେ ମୂର୍ଧା ଚ ଦୀର୍ଯତେ।
ଗୁରୁମାକ୍ରୋଶତଃ କ୍ଷୁଦ୍ର ନ ଚାଧର୍ମେଣ ପାତ୍ଯସେ॥ 7-199-12 (54345)
ବାଚ୍ଯସ୍ତ୍ବମସି ପାର୍ଥୈଶ୍ଚ ସର୍ବୈଶ୍ଚାନ୍ଧକବୃଷ୍ଣିଭିଃ।
ଯତ୍କର୍ମ କଲୁଷଂ କୃତ୍ବା ଶ୍ଲାଘସେ ଜନସଂସଦି॥ 7-199-13 (54346)
ଅକାର୍ଯଂ ତାଦୃଶଂ କୃତ୍ବା ପୁନରେବ ଗୁରୁଂ କ୍ଷିପନ୍।
ବଧ୍ଯସ୍ତ୍ବଂ ନ ତ୍ବଯାର୍ଥୋଽସ୍ତି ମୁହୂର୍ତମପି ଜୀବତା॥ 7-199-14 (54347)
କସ୍ତ୍ବେତଦ୍ବ୍ଯବସେତ୍ପାଯଂ ତ୍ବଦନ୍ଯଃ ପୁରୁଷାଧମ।
ନିଗୃହ୍ଯ କେଶେଷୁ ବଧଂ ଗୁରୋର୍ଧର୍ମାତ୍ମନଃ ସତଃ॥ 7-199-15 (54348)
ସପ୍ତାବରେ ତଥା ପୂର୍ବେ ବାନ୍ଧବାସ୍ତେ ନିମଞ୍ଜିତାଃ।
ଯଶସା ଚ ପରିତ୍ଯକ୍ତାସ୍ତ୍ବାଂ ପ୍ରାପ୍ଯ କୁଲପାଂସନମ୍॥ 7-199-16 (54349)
ଉକ୍ତବାଂଶ୍ଚାପି ଯତ୍ପାର୍ଥେ ଭୀଷ୍ମଂ ପ୍ରତି ନରର୍ଷଭ।
ତଥାନ୍ତୋ ବିହିତସ୍ତେନ ସ୍ବଯମେବ ମହାତ୍ମନା॥ 7-199-17 (54350)
ତସ୍ଯାପି ତବ ସୋଦର୍ଯୋ ନିହନ୍ତା ପାପକୃତ୍ତମଃ।
ନାନ୍ଯଃ ପାଞ୍ଚାଲପୁତ୍ରେଭ୍ଯୋ ବିଦ୍ଯତେ ଭୁବି ପାପକୃତ୍॥ 7-199-18 (54351)
ସ ଚାପି ସୃଷ୍ଟଃ ପିତ୍ରା ତେ ଭୀଷ୍ମସ୍ଯାନ୍ତକରଃ କିଲ।
ଶିଖଣ୍ଡୀ ରକ୍ଷିତସ୍ତେନ ସ ଚ ମୃତ୍ଯୁର୍ମହାତ୍ମନଃ॥ 7-199-19 (54352)
ପାଞ୍ଚାଲାଶ୍ଚଲିତା ଧର୍ମାତ୍କ୍ଷୁଦ୍ରା ମିତ୍ରଗୁରୁଦ୍ରୁହଃ।
ତ୍ବାଂ ପ୍ରାପ୍ଯ ସହସୋଦର୍ଯଂ ଧିକ୍କୃତଂ ସର୍ବସାଧୁଭିଃ॥ 7-199-20 (54353)
ପୁନଶ୍ଚେଦୀଦୃଶୀଂ ବାଚଂ ମତ୍ସମୀପେ ବଦିଷ୍ଯସି।
ଶିରସ୍ତେ ପୋଥଯିଷ୍ଯାମି ଗଦଯା ବଜ୍ରକଲ୍ପଯା॥ 7-199-21 (54354)
ତ୍ବାଂ ଚ ବ୍ରହ୍ମହଣଂ ଦୃଷ୍ଟ୍ବା ଜନଃ ସୂର୍ଯମବେକ୍ଷତେ।
ବ୍ରହ୍ମହତ୍ଯା ହି ତେ ପାପଂ ପ୍ରାଯଶ୍ଚିତ୍ତାର୍ଥମାତ୍ମନଃ॥ 7-199-22 (54355)
ପାଞ୍ଚାଲକ ସୁଦୁର୍ବୃତ୍ତ ମମୈବ ଗୁରୁମଗ୍ରତଃ।
ଗୁରୋର୍ଗୁରୁଂ ଚ ଭୂଯୋଽପି କ୍ଷିପନ୍ନୈବ ହି ଲଜ୍ଜସେ॥ 7-199-23 (54356)
ତିଷ୍ଠତିଷ୍ଠ ସହସ୍ବୈକଂ ଗଦାପାତମିମଂ ମମ।
ତବ ଚାପି ସହିଷ୍ଯେଽହଂ ଗଦାପାତାନନେକଶଃ॥ 7-199-24 (54357)
ସାତ୍ବତେନୈବମାକ୍ଷିପ୍ତଃ ପାର୍ଷତଃ ପରୁଷାକ୍ଷରମ୍।
ସଂରବ୍ଧଂ ସାତ୍ଯକିଂ ପ୍ରାହ ସଙ୍କ୍ରୁଦ୍ଧଃ ପ୍ରହସନ୍ନିବ॥ 7-199-25 (54358)
ଧୃଷ୍ଟଦ୍ଯୁମ୍ନ ଉବାଚ। 7-199-26x (4790)
ଶ୍ରୂଯତେଶ୍ରୂଯତେ ଚେତି କ୍ଷମ୍ଯତେ ଚେତି ମାଧବ।
ସଦାଽନାର୍ଯୋଽଶୁଭଃ ସାଧୁଂ ପୁରୁଷଂ କ୍ଷେପ୍ତୁମିଚ୍ଛତି॥ 7-199-26 (54359)
କ୍ଷମା ପ୍ରଶସ୍ଯତେ ଲୋକେ ନ ତୁ ପାପୋଽର୍ହତି କ୍ଷମାମ୍।
କ୍ଷମାବନ୍ତଂ ହି ପାପାତ୍ମା ଜିତୋଽଯମିତି ମନ୍ଯତେ॥ 7-199-27 (54360)
ସ ତ୍ବଂ କ୍ଷୁଦ୍ରସମାଚାରୋ ନୀଚାତ୍ମା ପାପନିଶ୍ଚଯଃ।
ଆକେଶାଗ୍ରାନ୍ନଖାଗ୍ରାଚ୍ଚ ବକ୍ତବ୍ଯୋ ବକ୍ତୁମିଚ୍ଛସି॥ 7-199-28 (54361)
`ବରଂ ହି ତେ ମୃତିଃ ପାପ ନ ଚ ତେ ଚିତ୍ତମୀଦୃଶମ୍।
ଶ୍ରୋତୁଂ ବକ୍ତବ୍ଯତାମୂଲଂ ନୀଚାଚାରାଶ୍ଚ ମାନବାଃ।
ପରାନ୍କ୍ଷିପନ୍ତି ଦୋଷେଣ ସ୍ବେଷୁ ଦୋଷେଷ୍ବଦୃଷ୍ଟଯଃ'॥ 7-199-29 (54362)
ଯଃ ସ ଭୂରିଶ୍ରବାଶ୍ଛିନ୍ନଭୁଜଃ ପ୍ରାଯଗତସ୍ତ୍ବଯା।
ବାର୍ଯମାଣେନ ହି ହତସ୍ତତଃ ପାପତରଂ ନୁ କିମ୍॥ 7-199-30 (54363)
ପ୍ରେଷମାଣୋ ମଯା ଦ୍ରୋଣୋ ଦିବ୍ଯେନାସ୍ତ୍ରେଣ ସଂଯୁଗେ।
ବିସୃଷ୍ଟଶସ୍ତ୍ରୋ ନିହତଃ କିଂ ତତ୍ର କୁର ଦୁଷ୍କୃତମ୍॥ 7-199-31 (54364)
ଅଯୁଧ୍ଯମାନଂ ଯସ୍ତ୍ବାଜୌ ତଥା ପ୍ରାଯଗତଂ ମୁନିମ୍।
ଛିନ୍ନବାହୁଂ ପରୈର୍ହନ୍ଯାତ୍ସାତ୍ଯକେ ସ କଥଂ ବଦେତ୍॥ 7-199-32 (54365)
ନିହତ୍ଯ ତ୍ବାଂ ପଦା ଭୂମୌ ସ ବିକର୍ଷତି ବୀର୍ଯବାନ୍।
କିଂ ତଦା ନ ନିହଂସ୍ଯେନଂ ଭୂତ୍ବା ପୁରୁଷସତ୍ତମଃ॥ 7-199-33 (54366)
ତ୍ବଯା ପୁନରନାର୍ଯେଣ ପୂର୍ବଂ ପାର୍ଥେନ ନିର୍ଜିତଃ।
ଯଦା ତଦା ହତଃ ଶୂରଃ ସୌମଦତ୍ତିଃ ପ୍ରତାପବାନ୍॥ 7-199-34 (54367)
ଯତ୍ରଯତ୍ର ତୁ ପାଣ୍ଡୂନାଂ ଦ୍ରୋଣୋ ଦ୍ରାବଯତେ ଚମୂମ୍।
କିରଞ୍ଛରସହସ୍ରାଣି ତତ୍ରତତ୍ର ପ୍ରଯାମ୍ଯହମ୍॥ 7-199-35 (54368)
ସ ତ୍ବମେବଂବିଧଂ କୃତ୍ବା କର୍ମ ଚଣ୍ଡାଲବତ୍ସ୍ବଯମ୍।
ବକ୍ତୁମର୍ହସି ବକ୍ତବ୍ଯଃ କସ୍ମାତ୍ତ୍ବଂ ପରୁଷାଣ୍ଯଥ॥ 7-199-36 (54369)
କର୍ତା ତ୍ବଂ କର୍ମଣୋ ହ୍ଯସ୍ଯ ନାହଂ ବୃଷ୍ଣିକୁଲାଧମ।
ପାପାନାଂ ଚ ତ୍ବମାବାସଃ କର୍ମଣାଂ ମା ପୁନର୍ବଦ॥ 7-199-37 (54370)
ଜୋଷମାସ୍ବ ନ ମାଂ ଭୂଯୋ ବକ୍ତୁମର୍ହସ୍ଯତଃ ପରମ୍।
ଅଧରୋତ୍ତରମେତଦ୍ବି ଯନ୍ମାଂ ତ୍ବଂ ବକ୍ତୁମର୍ହସି॥ 7-199-38 (54371)
ଅଥ ବକ୍ଷ୍ଯସି ମାଂ ମୌର୍ଖ୍ଯାଦ୍ଭୂଯଃ ପରୁଷମୀଦୃଶମ୍।
ଗମଯିଷ୍ଯାମି ବାଣୈସ୍ତ୍ବାଂ ଯୁଧି ବୈବସ୍ବତକ୍ଷଯମ୍॥ 7-199-39 (54372)
ନ ଚୈବ ମୂର୍ଖ ଧର୍ମେଣ କେବଲେନୈବ ଶକ୍ଯତେ।
ତେଷାମପି ହ୍ଯଧର୍ମେଣ ଚେଷ୍ଟିତଂ ଶୃଣୁ ଯାଦୃଶମ୍॥ 7-199-40 (54373)
ବଞ୍ଚିତଃ ପାଣ୍ଡବଃ ପୂର୍ବମଧର୍ମେଣ ଯୁଧିଷ୍ଠିରଃ।
ଦ୍ରୌପଦୀ ଚ ପରିକ୍ଲିଷ୍ଟା ତଥାଽଧର୍ମେଣ ସାତ୍ଯକେ॥ 7-199-41 (54374)
ପ୍ରବ୍ରାଜିତା ବନଂ ସର୍ବେ ପାଣ୍ଡବାଃ ସହ କୃଷ୍ଣଯା।
ସର୍ବସ୍ବମପକୃଷ୍ଟଂ ଚ ତଥାଽଧର୍ମେଣ ବାଲିଶ॥ 7-199-42 (54375)
ଅଧର୍ମେଣାପକୃଷ୍ଟଶ୍ଚ ମଦ୍ରରାଜଃ ପରୈରିତଃ।
ଅଧର୍ମେଣ ତଥା ବାଲଃ ସୌଭଦ୍ରୋ ବିନିପାତିତଃ॥ 7-199-43 (54376)
ଇତୋଽପ୍ଯଧର୍ମେଣ ହତୋ ଭୀଷ୍ମଃ ପରପୁରଞ୍ଜଯଃ।
ଭୂରିଶ୍ରବା ହ୍ଯଧର୍ମେଣ ତ୍ବଯା ଧର୍ମବିଦା ହତଃ॥ 7-199-44 (54377)
ଏବଂ ପରୈରାଚରିତଂ ପାଣ୍ଡବେଯୈଶ୍ଚ ସଂଯୁଗେ।
ରକ୍ଷମାଣୈର୍ଜଯଂ ବୀରୈର୍ଧର୍ମଜ୍ଞୈରପି ସାତ୍ବତ॥ 7-199-45 (54378)
ଦୁର୍ଜ୍ଞେଯଃ ସ ପରୋ ଧର୍ମସ୍ତଥାଽଧର୍ମଶ୍ଚ ଦୁର୍ବିଦଃ।
ଯୁଧ୍ଯସ୍ବ କୌରବୈଃ ସାର୍ଧଂ ମା ଗାଃ ପିତୃନିବେଶନମ୍॥ 7-199-46 (54379)
ସଞ୍ଜଯ ଉବାଚ। 7-199-47x (4791)
ଏବମାଦୀନି ବାକ୍ଯାନି କ୍ରୂରାଣି ପରୁଷାଣି ଚ।
ଶ୍ରାବିତଃ ସାତ୍ଯକିଃ ଶ୍ରୀମାନାକମ୍ପିତ ଇବାଭବତ୍॥ 7-199-47 (54380)
ତଚ୍ଛ୍ରୁତ୍ବା କ୍ରୋଧତାମ୍ରାକ୍ଷଃ ସାତ୍ଯକିସ୍ତ୍ବାଦଦେ ଗଦାମ୍।
ବିନିଃ ଶ୍ବସ୍ଯ ଯଥା ସର୍ପଃ ପ୍ରଣିଧାଯ ରଥେ ଧନୁଃ॥ 7-199-48 (54381)
ତତୋଽଭିପତ୍ଯ ପାଞ୍ଚାଲ୍ଯଂ ସଂରମ୍ଭେଣେଦମବ୍ରବୀତ୍।
ନ ତ୍ବାଂ ବକ୍ଷ୍ଯାମି ପରୁଷଂ ହନିଷ୍ଯେ ତ୍ବାଂ ବଧକ୍ଷମମ୍॥ 7-199-49 (54382)
ତମାପତନ୍ତଂ ସହସା ମହାବଲମମର୍ଷଣମ୍।
ପାଞ୍ଚାଲ୍ଯାଯାଭିସଙ୍କ୍ରୁଦ୍ଧମନ୍ତକାଯାନ୍ତକୋପମମ୍॥ 7-199-50 (54383)
ଚୋଦିତୋ ବାସୁଦେବେନ ଭୀମସେନୋ ମହାବଲଃ।
ଅବପ୍ଲୁତ୍ଯ ରଥାତ୍ତୂର୍ଣଂ ବାହୁଭ୍ଯାଂ ସମବାରଯତ୍॥ 7-199-51 (54384)
ଦ୍ରବମାଣଂ ତଥା କ୍ରୁଦ୍ଧଂ ସାତ୍ଯକିଂ ପାଣ୍ଡବୋ ବଲୀ।
ପ୍ରସ୍ପନ୍ଦମାନମାଦାଯ ଜଗାମ ବଲିନଂ ବଲାତ୍॥ 7-199-52 (54385)
ସ୍ଥିତ୍ବା ବିଷ୍ଟଭ୍ଯ ଚରଣୌ ଭୀମେନ ଶିନିପୁଙ୍ଗବଃ।
ନିଗୃହୀତଃ ପଦେ ଷଷ୍ଠେ ବଲେନ ବଲିନାଂ ବରଃ॥ 7-199-53 (54386)
ଅବରୁହ୍ଯ ରଥାତ୍ତୂର୍ଣଂ ଧ୍ରିଯମାଣଂ ବଲୀଯସା।
ଉବାଚ ଶ୍ଲକ୍ଷ୍ଣଯା ବାଚା ସହଦେବୋ ବିଶାମ୍ପତେ॥ 7-199-54 (54387)
ଅସ୍ମାକଂ ପୁରୁଷବ୍ଯାଘ୍ର ମିତ୍ରମନ୍ଯନ୍ନ ବିଦ୍ଯତେ।
ପରମନ୍ଧକବୃଷ୍ଣିଭ୍ଯଃ ପାଞ୍ଚଲେଭ୍ଯଶ୍ଚ ମାରିଷ॥ 7-199-55 (54388)
ତଥୈବାନ୍ଧକବୃଷ୍ଣୀନାଂ ତଥୈବ ଚ ବିଶେଷତଃ।
କୃଷ୍ଣସ୍ଯ ଚ ତଥାଽସ୍ମତ୍ତୋ ମିତ୍ରମନ୍ଯନ୍ନ ବିଦ୍ଯତେ॥ 7-199-56 (54389)
ପାଞ୍ଚାଲାନାଂ ଚ ବାର୍ଷ୍ଣେଯ ସମୁଦ୍ରାନ୍ତାଂ ବିଚିନ୍ବତାମ୍।
ନାନ୍ଯଦସ୍ତି ପରଂ ମିତ୍ରଂ ଯଥା ପାଣ୍ଡବବୃଷ୍ଣଯଃ॥ 7-199-57 (54390)
ସ ଭବାନୀଦୃଶଂ ମିତ୍ରଂ ମନ୍ଯତେ ଚ ଯଥା ଭବାନ୍।
ଭବନ୍ତଶ୍ଚ ଯଥାଽସ୍ମାକଂ ଭବତାଂ ଚ ତଥା ବଯମ୍॥ 7-199-58 (54391)
ସ ଏବଂ ସର୍ବଧର୍ମଜ୍ଞ ମିତ୍ରଧର୍ମମନୁସ୍ମରନ୍।
ନିଯଚ୍ଛ ମନ୍ଯୁଂ ପାଞ୍ଚାଲ୍ଯାତ୍ପ୍ରଶାମ୍ଯ ଶିନିପୁଙ୍ଗବା॥ 7-199-59 (54392)
ପାର୍ଷତସ୍ଯ କ୍ଷମ ତ୍ବଂ ବୈ କ୍ଷମତାଂ ପାର୍ଷତଶ୍ଚ ତେ।
ବଯଂ କ୍ଷମଯିତାରଶ୍ଚ କିମନ୍ଯତ୍ର ଶମାଦ୍ଭବେତ୍॥ 7-199-60 (54393)
ପ୍ରଶାମ୍ଯମାନେ ଶୈନେଯେ ସହଦେବେନ ମାରିଷ।
ପାଞ୍ଚାଲରାଜସ୍ଯ ସୁତଃ ପ୍ରହସନ୍ନିଦମବ୍ରବୀତ୍॥ 7-199-61 (54394)
ମୁଞ୍ଚମୁଞ୍ଚ ଶିନେଃ ପୌତ୍ରଂ ଭୀମ ଯୁଦ୍ଧମଦାନ୍ବିତମ୍।
ଆସାଦଯତୁ ମାମେଷ ଧରାଧରମିବାନିଲଃ॥ 7-199-62 (54395)
ଯାବଦସ୍ଯ ଶିତୈର୍ବାଣୈଃ ସଂରମ୍ଭଂ ବିନଯାମ୍ଯହମ୍।
ଯୁଦ୍ଧଶ୍ରୁଦ୍ଧାଂ ଚ କୌନ୍ତେଯ ଜୀବିତଂ ଚାସ୍ଯ ସଂଯୁଗେ॥ 7-199-63 (54396)
କିଂ ନୁ ଶକ୍ଯଂ ମଯା କର୍ତୁଂ ଯତ୍କାର୍ଯମିଦମୁଚ୍ଯତାମ୍।
ସୁମହତ୍ପାଣ୍ଡୁପୁତ୍ରାଣାମାଯାନ୍ତ୍ଯେତେ ହି କୌରବାଃ॥ 7-199-64 (54397)
ଅଥବା ଫଲ୍ଗୁନଃ ସର୍ବାନ୍ବାରଯିଷ୍ଯତି ସଂଯୁଗେ।
ଅହମପ୍ଯସ୍ଯ ମୂର୍ଧାନଂ ପାତଯିଷ୍ଯାମି ସାଯକୈଃ॥ 7-199-65 (54398)
ମନ୍ଯତେ ଚ୍ଛିନ୍ନବାହୁଂ ମାଂ ଭୂରିଶ୍ରବସମାହବେ।
ଉତ୍ସୃଜୈନମହଂ ଚୈନମେଷ ବା ମାଂ ହନିଷ୍ଯତି॥ 7-199-66 (54399)
ଶୃଣ୍ବନ୍ପାଞ୍ଚାଲବାକ୍ଯାନି ସାତ୍ଯକିଃ ସର୍ପବଚ୍ଛ୍ବସନ୍।
ଭୀମବାହ୍ବନ୍ତରେ ସକ୍ତୋ ବିସ୍ଫୁରତ୍ଯନିଶଂ ବଲୀ॥ 7-199-67 (54400)
ତୌ ବୃଷାବିବ ନର୍ଦନ୍ତୌ ବଲିନୌ ବାହୁଶାଲିନୌ।
ତ୍ବରଯା ବାସୁଦେବଶ୍ଚ ଧର୍ମରାଜଶ୍ଚ ମାରିଷ।
ଯତ୍ନେନ ମହତା ବୀରୌ ବାରଯାମାସତୁସ୍ତତଃ॥ 7-199-68 (54401)
ନିବାର୍ଯ ପରମେଷ୍ବାସୌ କୋପସଂରକ୍ତଲୋଚନୌ।
ଯୁଯୁତ୍ସୂନପରାନ୍ସଙ୍ଖ୍ଯେ ପ୍ରତୀଯୁଃ କ୍ଷତ୍ରିଯର୍ଷଭାଃ॥ ॥ 7-199-69 (54402)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ନାରାଯଣାସ୍ତ୍ରମୋକ୍ଷପର୍ବଣି ପଞ୍ଚଦଶଦିବସଯୁଦ୍ଧେ ଏକୋନଦ୍ବିଶତତମୋଽଧ୍ଯାଯଃ॥ 199 ॥
ଦ୍ରୋଣପର୍ବ - ଅଧ୍ଯାଯ 200
॥ ଶ୍ରୀଃ ॥
7.200. ଅଧ୍ଯାଯଃ 200
Mahabharata - Drona Parva - Chapter Topics
ଦ୍ରୋଣମାରଣରୁଷ୍ଟେନାଶ୍ବତ୍ଥାମ୍ନା ବୈରିସେନାଯାଂ ନାରାଯଣାସ୍ତ୍ରପ୍ରଯୋଗଃ॥ 1 ॥ ଅସ୍ତ୍ରତେଜସା ପୀଡ୍ଯମାନାନାଂ କୃଷ୍ଣବଚନାତ୍ ଯାନାବରୋହଣଶସ୍ତ୍ରନ୍ଯାସାଦିନା ଆତ୍ମରକ୍ଷଣମ୍॥ 2 ॥ ଭୀମେ ଏକସ୍ମିନ୍ନେବ ଶସ୍ତ୍ରଧାରଣେନ ପ୍ରତିଯୁଧ୍ଯମାନେ ସତି ତନ୍ମସ୍ତକେଽସ୍ତ୍ରସ୍ଯ ପ୍ରଜ୍ବଲନମ୍॥ 3 ॥Mahabharata - Drona Parva - Chapter Text
7-200-0 (54403)
ସଞ୍ଜଯ ଉବଚ। 7-200-0x (4792)
ତତଃ ସ କଦନଂ ଚକ୍ରେ ରିପୂଣାଂ ଦ୍ରୋଣନନ୍ଦନଃ।
ଯୁଗାନ୍ତେ ସର୍ବଭୂତାନାଂ କାଲସୃଷ୍ଟ ଇବାନ୍ତକଃ॥ 7-200-1 (54404)
ଧ୍ବଜଦ୍ରୁମଂ ଶସ୍ତ୍ରଶୃଙ୍ଗଂ ହତନାଗମହାଶିଲମ୍।
ଅଶ୍ବକିମ୍ପୁରୁଷାକୀର୍ଣଂ ଶରାସନଲତାବୃତମ୍॥ 7-200-2 (54405)
କ୍ରବ୍ଯାଦପକ୍ଷିସଙ୍ଘୁଷ୍ଟଂ ଭୂତଯକ୍ଷଣାକୁଲମ୍।
ନିହତ୍ଯ ଶାତ୍ରବାନ୍ଭଲ୍ଲୈଃ ସୋଽଚିନୋଦ୍ଦେହପର୍ବତମ୍॥ 7-200-3 (54406)
ତତୋ ବେଗେନ ମହତା ବିନଦ୍ଯ ସ ନରର୍ଷଭଃ।
ପ୍ରତିଜ୍ଞାଂ ଶ୍ରାବଯାମାସ ପୁନରେବ ତବାତ୍ମଜମ୍॥ 7-200-4 (54407)
ଯଦତ୍ର ଚ୍ଛଦ୍ମନାଽଽଚାର୍ଯଂ ଧର୍ମକଞ୍ଚୁକମାସ୍ଥିତଃ।
ମୁଞ୍ଚ ଶସ୍ତ୍ରମିତି ପ୍ରାହ କୁନ୍ତୀପୁତ୍ରୋ ଯୁଧିଷ୍ଠିରଃ॥ 7-200-5 (54408)
ତସ୍ମାତ୍ସମ୍ପଶ୍ଯତସ୍ତସ୍ଯ ଦ୍ରାବଯିଷ୍ଯାନି ବାହିନୀମ୍।
ବିଦ୍ରାବ୍ଯସର୍ବାନ୍ହନ୍ତାଽସ୍ମି ଜାଲ୍ମଂ ପାଞ୍ଚାଲ୍ଯମେବ ତୁ॥ 7-200-6 (54409)
ସର୍ବାନେତାନ୍ହନିଷ୍ଯାମି ଯଦି ଯୋତ୍ସ୍ଯନ୍ତି ମାଂ ରଣେ।
ସତ୍ଯଂ ତେ ପ୍ରତିଜାନାମି ପରିବର୍ତଯ ବାହିନୀମ୍॥ 7-200-7 (54410)
ତଚ୍ଛ୍ରୁତ୍ବା ତବ ପୁତ୍ରସ୍ତୁ ବାହିନୀଂ ପର୍ଯବର୍ତଯତ୍।
ସିଂହନାଦେନ ମହତା ବ୍ଯପୋହ୍ଯ ସୁମହଦ୍ଭଯମ୍॥ 7-200-8 (54411)
ତତଃ ସମାଗମୋ ରାଜନ୍କୁରୁପାଣ୍ଡବସେନଯୋଃ।
ପୁନରେବାଭବତ୍ତୀବ୍ରଃ ପୂର୍ଣସାଗରଯୋରିବ॥ 7-200-9 (54412)
ସଂରବ୍ଧା ହି ସ୍ଥିରୀଭୂତା ଦ୍ରୋଣ ପୁତ୍ରେଣ କୌରବାଃ।
ଉଦଗ୍ରାଃ ପାଣ୍ଡୁପାଞ୍ଚାଲା ଦ୍ରୋଣସ୍ଯ ନିଧନେନ ଚ॥ 7-200-10 (54413)
ତେଷାଂ ପରମହୃଷ୍ଟାନାଂ ଜଯମାତ୍ମନି ପଶ୍ଯତାମ୍।
ସଂରବ୍ଧାନାଂ ମହାବେଗଃ ପ୍ରାଦୁରାସୀଦ୍ବିଶାମ୍ପତେ॥ 7-200-11 (54414)
ଯଥା ଶିଲୋଚ୍ଚଯେ ଶୈଲଃ ସାଗରୈଃ ସାଗରୋ ଯଥା।
ପ୍ରତିହନ୍ଯେତ ରାଜେନ୍ଦ୍ର ତଥାଽସନ୍କୁରୁପାଣ୍ଡବାଃ॥ 7-200-12 (54415)
`ଚୁକ୍ଷୁଭେ ପୃଥିବୀ ସର୍ବା ଦିଶଶ୍ଚ ପ୍ରତିସସ୍ବନୁଃ।
ସମ୍ଭ୍ରାନ୍ତାନ୍ଯପି ଭୂତାନି ଜଲଜାନ୍ଯପି ମାରିଷ।
ତେ ଚ ସର୍ବେ ତଦା ଯୋଧାଃ ସମ୍ପ୍ରହୃଷ୍ଟା ଯୁଯୁତ୍ସବଃ'॥ 7-200-13 (54416)
ତତଃ ଶଙ୍ଖସହସ୍ରାଣି ଭେରୀଣାମଯୁତାନି ଚ।
ଅବାଦଯନ୍ତ ସଂହୃଷ୍ଟାଃ କୁରୁପାଣ୍ଡବସୈନିକାଃ॥ 7-200-14 (54417)
ଯଥା ନିର୍ମଥ୍ଯମାନସ୍ଯ ସାଗରସ୍ଯ ତୁ ନିଃସ୍ବନଃ।
ଅଭବତ୍ତବ ସୈନ୍ଯସ୍ଯ ସୁମହାନଦ୍ଭୁତୋପମଃ॥ 7-200-15 (54418)
`ବର୍ତମାନେ ତଥା ଶବ୍ଦେ ରୌଦ୍ରେ ତସ୍ମିନ୍ଭଯାନକେ।
ସମ୍ପତତ୍ସୁ ରଥୌଘେଷୁ ତବ ତେଷାଂ ଚ ଭାରତ'॥ 7-200-16 (54419)
ପ୍ରାଦୁଶ୍ଚକ୍ରେ ତତୋ ଦ୍ରୌଣିରସ୍ତ୍ରଂ ନାରାଯଣଂ ତଦା।
ଅଭିସନ୍ଧାଯ ପାଣ୍ଡୂନାଂ ପାଞ୍ଚାଲାନାଂ ଚ ବାହିନୀଂ॥ 7-200-17 (54420)
ପ୍ରାଦୁରାସଂସ୍ତତୋ ବାଣା ଦୀପ୍ତାଗ୍ରାଃ ଖେ ସହସ୍ରଶଃ।
ପାଣ୍ଡବାନ୍କ୍ଷପଯିଷ୍ଯନ୍ତୋ ଦୀପ୍ତାସ୍ଯଃ ପନ୍ନଗା ଇବ॥ 7-200-18 (54421)
ତେ ଦିଶଃ ଖଂ ଚ ସୈନ୍ଯଂ ଚ ସମାବୃଣ୍ବନ୍ମହାହବେ।
ମୁହୂର୍ତାଦ୍ଭାସ୍କରସ୍ଯେବ ଲୋକେ ରାଜନ୍ଗଭସ୍ତଯଃ॥ 7-200-19 (54422)
ତଥାଽପରେ ଦ୍ଯୋତମାନା ଜ୍ଯୋତୀଂଷୀବାମଲାମ୍ବରେ।
ପ୍ରାଦୁରାସନ୍ମହାରାଜ କାର୍ଷ୍ଣାଯସମଯା ଗୁଡାଃ॥ 7-200-20 (54423)
ଚତୁଶ୍ଚକ୍ରା ଦ୍ବିଚକ୍ରାଶ୍ଚ ଶତଘ୍ନୋ ବହୁଲା ଗଦାଃ।
ଚକ୍ରାଣି ଚ କ୍ଷୁରାନ୍ତାନି ମଣ୍ଡଲାନୀବ ଭାସ୍ବତଃ॥ 7-200-21 (54424)
ଶସ୍ତ୍ରାକୃତିଭିରାକୀର୍ଣମତୀବ ପୁରୁଷର୍ଷଭ।
ଦୃଷ୍ଟ୍ବାନ୍ତରିକ୍ଷମାବିଗ୍ନାଃ ପାଣ୍ଡୁପାଞ୍ଚାଲସୃଞ୍ଜଯାଃ॥ 7-200-22 (54425)
ଯଥାଯଥା ହ୍ଯଯୁଧ୍ଯନ୍ତ ପାଣ୍ଡବାନାଂ ମହାରଥାଃ।
ତଥାତଥା ତଦସ୍ତ୍ରଂ ବୈ ବ୍ଯବର୍ଧତ ଜନାଧିପ॥ 7-200-23 (54426)
ବଧ୍ଯମାନାସ୍ତଦାଽସ୍ତ୍ରେଣ ତେନ ନାରାଯଣେନ ବୈ।
ଦହ୍ଯମାନାଽନଲେନେବ ସର୍ବତୋଽଭ୍ଯର୍ଦିତା ରଣେ॥ 7-200-24 (54427)
ଯଥା ହି ଶିଶିରାପାଯେ ଦହେତ୍କକ୍ଷଂ ହୁତାଶନଃ।
ତଥା ତଦସ୍ତ୍ରଂ ପାଣ୍ଡୂନାଂ ଦଦାହ ଧ୍ବଜିନୀଂ ପ୍ରଭୋ॥ 7-200-25 (54428)
ଆପୂର୍ଯମାଣେନାସ୍ତ୍ରେଣ ସୈନ୍ଯେ କ୍ଷୀଯତି ଚ ପ୍ରଭୋ।
ଜଗାମ ପରମଂ ତ୍ରାସଂ ଧର୍ମପୁତ୍ରୋ ଯୁଧିଷ୍ଠିରଃ॥ 7-200-26 (54429)
ଦ୍ରବମାଣଂ ତୁ ତତ୍ସୈନ୍ଯଂ ଦୃଷ୍ଟ୍ବା ବିଗତଚେତନମ୍।
ମଧ୍ଯସ୍ଥତାଂ ଚ ପାର୍ଥସ୍ଯ ଧର୍ମପୁତ୍ରୋଽବ୍ରବୀଦିଦମ୍॥ 7-200-27 (54430)
ଧୃଷ୍ଟଦ୍ଯୁମ୍ନ ପଲାଯସ୍ବ ସହ ପାଞ୍ଚାଲସେନଯା।
ସାତ୍ଯକେ ତ୍ବଂ ଚ ଗଚ୍ଛସ୍ବ ବୃଷ୍ଣ୍ଯନ୍ଧକବୃତୋ ମହାନ୍॥ 7-200-28 (54431)
ବାସୁଦେବୋଽପି ଧର୍ମାତ୍ମା କରିଷ୍ଯତ୍ଯାତ୍ମନଃ କ୍ଷମମ୍।
ଶ୍ରେଯୋ ହ୍ଯୁପଦିଶତ୍ଯେଷ ଲୋକସ୍ଯ କିମୁତାତ୍ମନଃ॥ 7-200-29 (54432)
ସଙ୍ଗ୍ରାମସ୍ତୁ ନ କର୍ତବ୍ଯଃ ସର୍ବସୈନ୍ଯାନ୍ବ୍ରବୀମି ବଃ।
ଅହଂ ହି ସହ ସୋଦର୍ଯୈଃ ପ୍ରବେକ୍ଷ୍ଯେ ହବ୍ଯବାହନମ୍॥ 7-200-30 (54433)
ଭୀଷ୍ମଦ୍ରୋଣାର୍ଣବଂ ତୀର୍ତ୍ବା ସଙ୍ଗ୍ରାମେ ଭୀରୁଦୁସ୍ତରେ।
ବିମଜ୍ଜିଷ୍ଯାମି ସଲିଲେ ସଗଣୋ ଦ୍ରୌଣିଗୋଷ୍ପଦେ॥ 7-200-31 (54434)
କାମଃ ସମ୍ପଦ୍ଯତାମସ୍ଯ ବୀଭତ୍ସୋରାଶୁ ମାଂ ପ୍ରତି।
କଲ୍ଯାଣବୃତ୍ତିରାଚାର୍ଯୋ ମଯା ଯୁଧି ନିପାତିତଃ॥ 7-200-32 (54435)
ଯେନ ବାଲଃ ସ ସୌଭଦ୍ରୋ ଯୁଦ୍ଧାନାମବିଶାରଦଃ।
ସମର୍ଥୈର୍ବହୁଭିଃ କ୍ରୂରୈର୍ଘାତିତୋ ନାଭିପାଲିତଃ॥ 7-200-33 (54436)
ଯେନ ବିବ୍ରୁବତୀ ପ୍ରଶ୍ନଂ ତଥା କୃଷ୍ଣା ସଭାଂ ଗତା।
ଉପେକ୍ଷିତା ସପୁତ୍ରେଣ ଦାସୀଭାବଂ ନିଯଚ୍ଛତୀ॥ 7-200-34 (54437)
`ରକ୍ଷଣେ ଚ ମହାନ୍ଯତ୍ନଃ ସୈନ୍ଧବସ୍ଯ କୃତୋ ଯୁଧି।
ଅର୍ଜୁନସ୍ଯ ବିଘାତାର୍ଥଂ ପ୍ରତିଜ୍ଞା ଯେନ ରକ୍ଷିତା॥ 7-200-35 (54438)
ବ୍ଯୂହଦ୍ବାରି ବଯଂ ଚୈବ ଧୃତା ଯେନ ଜିଗୀଷବଃ।
ବାରିତଂ ଚ ମହତ୍ସୈନ୍ଯଂ ପ୍ରବିଶତ୍ତଦ୍ଯଥାବଲମ୍'॥ 7-200-36 (54439)
ଜିଘାଂସୁର୍ଧାର୍ତରାଷ୍ଟ୍ରଶ୍ଚ ଶ୍ରାନ୍ତେଷ୍ବନ୍ଯେଷୁ ଫଲ୍ଗୁନମ୍।
କବଚେନ ତଥା ଗୁପ୍ତୋ ରକ୍ଷାର୍ଥଂ ସୈନ୍ଧବସ୍ଯ ଚ॥ 7-200-37 (54440)
ଯେନ ବ୍ରହ୍ମାସ୍ତ୍ରବିଦୁଷା ପାଞ୍ଚାଲାଃ ସତ୍ଯଜିନ୍ମୁଖାଃ।
କୁର୍ବାଣା ମଜ୍ଜଯେ ଯତ୍ନଂ ସମୂଲା ବିନିପାତିତାଃ॥ 7-200-38 (54441)
`ଗ୍ରହଣେ ଚ ପରୋ ଯତ୍ନଃ କୃତସ୍ତେନ ଯଥା ମମ।
ବିଦିତଂ ସର୍ବମେବୈତଦ୍ଭବତାଂ ସର୍ବଯୋଧିନାମ୍'॥ 7-200-39 (54442)
ଯେନ ପ୍ରବ୍ରାଜ୍ଯମାନାଶ୍ଚ ରାଜ୍ଯାଦ୍ବଯମଧର୍ମତଃ।
ନିବାର୍ଯମାଣେନାସ୍ମାଭିରନୁଗନ୍ତୁଂ ତଦେଷିତାଃ॥ 7-200-40 (54443)
`ବନବାସାନ୍ନିବୃତ୍ତାନାଂ ସମଯେ ଚ ତଥା କୃତେ।
ସ୍ନେହଶ୍ଚ ଦର୍ଶିତୋ ନିତ୍ଯଂ ପ୍ରତ୍ଯକ୍ଷଂ ବୋ ମହାରଥାଃ'॥ 7-200-41 (54444)
ଯୋଽସାବତ୍ଯନ୍ତମସ୍ମାସୁ କୁର୍ବାଣଃ ସୌହୃଦଂ ପରମ୍।
ହତସ୍ତଦର୍ଥେ ମରଣଂ ଗମିଷ୍ଯାମି ସବାନ୍ଧବଃ॥ 7-200-42 (54445)
ସଞ୍ଜଯ ଉବାଚ। 7-200-43x (4793)
ଏବଂ ବ୍ରୁବତି କୌନ୍ତେଯେ ଦାଶାର୍ହସ୍ତ୍ବରିତସ୍ତତଃ।
ନିବାର୍ଯ ସୈନ୍ଯଂ ବାହୁଭ୍ଯାମିଦଂ ବଚନମବ୍ରବୀତ୍॥ 7-200-43 (54446)
ଶୀଘ୍ରଂ ନ୍ଯସ୍ଯତ ଶସ୍ତ୍ରାଣି ବାହେଭ୍ଯଶ୍ଚାବରୋହତ।
ଏଷ ଯୋଗୋଽତ୍ର ବିହିତଃ ପ୍ରତିଘାତେ ମହାତ୍ମନଃ॥ 7-200-44 (54447)
ଦ୍ବିପାଶ୍ବସ୍ଯନ୍ଦନେଭ୍ଯଶ୍ଚ କ୍ଷିତିଂ ସର୍ବେଽବରୋହତ।
ଏବମେତନ୍ନ ବୋ ହନ୍ଯାଦସ୍ତ୍ରଂ ଭୂମୌ ନିରାଯୁଧାନ୍॥ 7-200-45 (54448)
ଯଥାଯଥା ହି ଯୁଧ୍ଯନ୍ତେ ଯୋଧା ହ୍ଯସ୍ତ୍ରମିଦଂ ପ୍ରତି।
ତଥାତଥା ଭବନ୍ତ୍ଯେତେ କୌରବା ବଲବତ୍ତରାଃ॥ 7-200-46 (54449)
ନିକ୍ଷେପ୍ସ୍ଯନ୍ତି ଚ ଶସ୍ତ୍ରାଣି ବାହନେଭ୍ଯୋଽବରୁହ୍ଯ ଯେ।
ଯେଽଞ୍ଜଲିଂ କୁର୍ବତେ ବୀର ନମସ୍ତି ଚ ବିବାହନାଃ।
ତାନ୍ନୈତଦସ୍ତ୍ରଂ ସଙ୍ଗ୍ରାମେ ନିହନିଷ୍ଯତି ମାନବାନ୍॥ 7-200-47 (54450)
ଯେ ତ୍ବେତତ୍ପ୍ରତିଯୋତ୍ସ୍ଯନ୍ତି ମନସାଽପୀହ କେଚନ।
ନିହନିଷ୍ଯତି ତାନ୍ସର୍ବାନ୍ରସାତଲଗତାନପି॥ 7-200-48 (54451)
ତେ ବଚସ୍ତସ୍ଯ ତଚ୍ଛ୍ରୁତ୍ବା ବାସୁଦେବସ୍ଯ ଭାରତ।
ଈଷୁଃ ସର୍ବେ ସମୁତ୍ସ୍ରଷ୍ଟୁଂ ମନୋଭିଃ କରଣେନ ଚ॥ 7-200-49 (54452)
ତତ ଉତ୍ସ୍ରଷ୍ଟୁକାମାଂସ୍ତାନସ୍ତ୍ରାଣ୍ଯାଲକ୍ଷ୍ଯ ପାଣ୍ଡବଃ।
ଭୀମସେନୋଽବ୍ରବୀଦ୍ରାଜନ୍ନିଦଂ ସଂହର୍ଷଯନ୍ବଚଃ॥ 7-200-50 (54453)
ନ କଥଞ୍ଚନ ଶସ୍ତ୍ରାଣି ମୋକ୍ତବ୍ଯାନୀହ କେନଚିତ୍।
ଅହମାବାରଯିଷ୍ଯାମି ଦ୍ରୋଣପୁତ୍ରାସ୍ତ୍ରମାଶୁଗୈଃ॥ 7-200-51 (54454)
ଗଦଯାଽପ୍ଯନଯା ଗୁର୍ବ୍ଯା ହେମବିଗ୍ରହଯା ରଣେ।
କାଲବତ୍ପ୍ରହରିଷ୍ଯାମି ଦ୍ରୌଣେରସ୍ତ୍ରଂ ବିଶାତଯନ୍॥ 7-200-52 (54455)
ନ ହି ମେ ବିକ୍ରମେ ତୁଲ୍ଯଃ କଶ୍ଚିଦସ୍ତି ପୁମାନିହ।
ଯଥୈବ ସବିତୁସ୍ତୁଲ୍ଯଂ ଜ୍ଯୋତିରନ୍ଯନ୍ନ ବିଦ୍ଯତେ॥ 7-200-53 (54456)
ପଶ୍ଯତେମୌ ହି ମେ ବାହୂ ନାଗରାଜକରୋପମୌ।
ସମର୍ଥୌ ପର୍ବତସ୍ଯାପି ଶୈଶିରସ୍ଯ ନିପାତନେ॥ 7-200-54 (54457)
ନାଗାଯୁତସମପ୍ରାଣୋ ହ୍ଯହମେକୋ ନରେଷ୍ବିହ।
ଶକ୍ରୋ ଯଥାଽପ୍ରତିଦ୍ବନ୍ଦ୍ବୋ ଦିବି ଦେବେଷୁ ବିଶ୍ରୁତଃ॥ 7-200-55 (54458)
ଅଦ୍ଯ ପଶ୍ଯତ ମେ ବୀର୍ଯଂ ବାହ୍ବୋଃ ପୀନାଂସଯୋର୍ଯୁଧି।
ଜ୍ବଲମାନସ୍ଯ ଦୀପ୍ତସ୍ଯ ଦ୍ରୌଣେରସ୍ତ୍ରସ୍ଯ ବାରଣେ॥ 7-200-56 (54459)
ଯଦି ନାରାଯଣାସ୍ତ୍ରସ୍ଯ ପ୍ରତିଯୋଦ୍ବା ନ ବିଦ୍ଯତେ।
ଅଦ୍ଯୈତତ୍ପ୍ରତିଯୋତ୍ସ୍ଯାମି ପଶ୍ଯତ୍ସୁ କୁରୁପାଣ୍ଡୁପୁ॥ 7-200-57 (54460)
ଅର୍ଜୁନାର୍ଜୁନ ବୀଭତ୍ସୋ ନ ନ୍ଯସ୍ଯଂ ଗାଣ୍ଡିବଂ ତ୍ବଯା।
ଶଶାଙ୍କସ୍ଯେବ ତେ ପଙ୍କୋ ନୈର୍ମଲ୍ଯଂ ପାତଯିଷ୍ଯତି॥ 7-200-58 (54461)
ଅର୍ଜୁନ ଉବାଚ। 7-200-59x (4794)
ଭୀମ ନାରାଯଣାସ୍ତ୍ରେ ମେ ଗୋଷୁ ଚ ବ୍ରାହ୍ମଣେଷୁ ଚ।
ଏତେଷୁ ଗାଣ୍ଡିବଂ ନ୍ଯସ୍ଯମେତଦ୍ଧି ବ୍ରତମୁତ୍ତମମ୍॥ 7-200-59 (54462)
ଏବମୁକ୍ତସ୍ତତୋ ଭୀମୋ ଦ୍ରୋଣପୁତ୍ରମରିନ୍ଦମମ୍।
ଅଭ୍ଯଯାନ୍ମେଘଘୋଷେଣ ରଥେନାଦିତ୍ଯବର୍ଚସା॥ 7-200-60 (54463)
`କମ୍ପଯନ୍ମେଦିନୀଂ ସର୍ବାଂ ତ୍ରାସଯଂଶ୍ଚ ଚମୂଂ ତବ।
ଶଙ୍ଖଶବ୍ଦଂ ମହତ୍କୃତ୍ବା ଭୁଜଶବ୍ଦଂ ଚ ପାଣ୍ଡବଃ॥ 7-200-61 (54464)
ତସ୍ଯ ଶଙ୍ଖସ୍ବନଂ ଶ୍ରୁତ୍ବା ବାହୁଶବ୍ଦଂ ଚ ତାବକାଃ।
ସମନ୍ତାତ୍କୋଷ୍ଠକୀକୃତ୍ଯ ଶରବ୍ରାତୈରବାକିରନ୍'॥ 7-200-62 (54465)
ସ ଏନମିଷୁଜାଲେନ ଲଘୁତ୍ବାଚ୍ଛୀଘ୍ରବିକ୍ରମଃ।
ନିମେଷମାତ୍ରେଣାସାଦ୍ଯ କୁନ୍ତୀପୁତ୍ରୋଽଭ୍ଯବାକିରତ୍॥ 7-200-63 (54466)
ତତୋ ଦ୍ରୌଣିଃ ପ୍ରହସ୍ଯୈନଂ ଦ୍ରବନ୍ତମଭିଭାଷ୍ଯ ଚ।
ଅବାକିରତ୍ପ୍ରଦୀପ୍ତାଗ୍ରୈଃ ଶରୈସ୍ତୈରଭିମନ୍ତ୍ରିତୈଃ॥ 7-200-64 (54467)
ପନ୍ନଗୈରିବ ଦୀପ୍ତାସ୍ଯୈର୍ବମଦ୍ଭିର୍ଜ୍ବଲନଂ ରଣେ।
ଅବକୀର୍ଣୋଽଭବତ୍ପାର୍ଥଃ ସ୍ଫୁଲିଙ୍ଗୈରିବ କାଞ୍ଚନୈଃ॥ 7-200-65 (54468)
ତସ୍ଯ ରୂପମଭୂଦ୍ରାଜନ୍ଭୀମସେନସ୍ଯ ସଂଯୁଗେ।
ଖଦ୍ଯୋତୈରାବୃତସ୍ଯେବ ପର୍ବତସ୍ଯ ଦିନକ୍ଷଯେ॥ 7-200-66 (54469)
ତଦସ୍ତ୍ରଂ ଦ୍ରୋଣପୁତ୍ରସ୍ଯ ତସ୍ମିନ୍ପ୍ରତିସମସ୍ଯତି।
ଅବର୍ଧତ ମହାରାଜ ଯଥାଽଗ୍ନିରନିଲୋଦ୍ଧତଃ॥ 7-200-67 (54470)
ବିବର୍ଧମାନମାଲକ୍ଷ୍ଯ ତଦସ୍ତ୍ରଂ ଭୀମବିକ୍ରମମ୍।
ପାଣ୍ଡୁସୈନ୍ଯମୃତେ ଭୀମଂ ସୁମହଦ୍ଭଯମାବିଶତ୍॥ 7-200-68 (54471)
ତତଃ ଶସ୍ତ୍ରାଣି ତେ ସର୍ବେ ସମୁତ୍ସୃଜ୍ଯ ମହୀତଲେ।
ଅବାରୋହନ୍ରଥେଭ୍ଯଶ୍ଚ ହସ୍ତ୍ଯଶ୍ବେଭ୍ଯଶ୍ଚ ସର୍ବଶଃ॥ 7-200-69 (54472)
ତେଷୁ ନିକ୍ଷିପ୍ତଶସ୍ତ୍ରେଷୁ ବାହନେଭ୍ଯଶ୍ଚ୍ଯୁତେଷୁ ଚ।
ତଦସ୍ତ୍ରବୀର୍ଯଂ ବିପୁଲଂ ଭୀମମୂର୍ଧନ୍ଯଥାପତତ୍॥ 7-200-70 (54473)
ହାହାକୃତାନି ଭୂତାନି ପାଣ୍ଡବାଶ୍ଚ ବିଶେଷତଃ।
ଭୀମସେନମପଶ୍ଯନ୍ତ ତେଜସା ସଂବୃତଂ ତଥା॥ ॥ 7-200-71 (54474)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ନାରାଯଣାସ୍ତ୍ରମୋକ୍ଷପର୍ବଣି ପଞ୍ଚଦଶଦିବସଯୁଦ୍ଧେ ଦ୍ବିଶତତମୋଽଧ୍ଯାଯଃ॥ 200 ॥
Mahabharata - Drona Parva - Chapter Footnotes
5-200-20 ଗୁଡାଃ ଗୋଲାଃ ହଲା ଇତି କ. କ. ପାଠଃ॥ 5-200-40 ଅସ୍ମାଭିରସ୍ମଦୀଯୈର୍ବିଦୁରାଦିଭିର୍ନିବାର୍ଯମାଣେନ ନିଷିଧ୍ଯମାନେନାପି ତଦ୍ବନମନୁଗନ୍ତୁଂ ପ୍ରବେଷ୍ଟୁମେଷିତା ଅନୁମତା ନତୁ ପ୍ରତିଷିଦ୍ଧା ଇତ୍ଯର୍ଥଃ॥ 5-200-200 ଦ୍ବିଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 201
॥ ଶ୍ରୀଃ ॥
7.201. ଅଧ୍ଯାଯଃ 201
Mahabharata - Drona Parva - Chapter Topics
ନାରଯଣାସ୍ତ୍ରେଣାବେଷ୍ଟିତେ ଭୀମେ କୃଷ୍ଣାର୍ଜୁନାଶ୍ଯାଂ ହସ୍ତତଃ ଶସ୍ତ୍ରାପକର୍ଷଣପୂର୍ବକଂ ରଥାଦବରୋପିତେ ସତ୍ଯସ୍ତ୍ରସ୍ଯ ପ୍ରଶମନମ୍॥ 1 ॥ ତତଃ ସଙ୍କୁଲଯୁଦ୍ଧମ୍॥ 2 ॥Mahabharata - Drona Parva - Chapter Text
7-201-0 (54475)
ସଞ୍ଜଯ ଉବାଯ। 7-201-0x (4795)
ଭୀମସେନଂ ସମାକୀର୍ଣଂ ଦୃଷ୍ଟ୍ବାଽସ୍ତ୍ରେଣ ଧନଞ୍ଜଯଃ।
ତେଜସଃ ପ୍ରତିଘାତାର୍ଥଂ ବାରୁଣେନ ସମାବୃଣୋତ୍॥ 7-201-1 (54476)
ନାଲକ୍ଷଯତ ତତ୍କଶ୍ଚିଦ୍ବାରୁଣାସ୍ତ୍ରେଣ ସଂବୃତମ୍।
ଅର୍ଜୁନସ୍ଯ ଲଘୁତ୍ବାଚ୍ଚ ସଂବୃତତ୍ବାଚ୍ଚ ତେଜସଃ॥ 7-201-2 (54477)
ସାଶ୍ବସୂତରଥୋ ଭୀମୋ ଦ୍ରୋଣପୁତ୍ରାସ୍ତ୍ରସଂବୃତଃ।
ଅଗ୍ନାବଗ୍ନିରିବ ନ୍ଯସ୍ତୋ ଜ୍ବାଲାମାଲୀ ସୁଦୁର୍ଦୃଶଃ॥ 7-201-3 (54478)
ଯଥା ରାତ୍ରିକ୍ଷଯେ ରାଜଞ୍ଜ୍ଯୋତୀଷ୍ଯସ୍ତଗିରିଂ ପ୍ରତି।
ସମାପେତୁସ୍ତଥା ବାଣା ଭୀମସେନରଥଂ ପ୍ରତି॥ 7-201-4 (54479)
ସ ହି ଭୀମୋ ରଥଶ୍ଚାସ୍ଯ ହଯାଃ ସୂତଶ୍ଚ ମାରିଷ।
ସଂବୃତା ଦ୍ରୋଣପୁତ୍ରେଣ ପାବକାନ୍ତର୍ଗତାଽଭବନ୍॥ 7-201-5 (54480)
ଯଥା ଜଗ୍ଧ୍ବା ଜଗତ୍କୃତ୍ସ୍ନଂ ସମଯେ ସଚରାଚରମ୍।
ଗଚ୍ଛେଦ୍ବହ୍ନିର୍ବିଭୋରାସ୍ଯଂ ତଥାଽସ୍ତ୍ରଂ ଭୀମମାବୃଣୋତ୍॥ 7-201-6 (54481)
ସୂର୍ଯମଗ୍ନିଃ ପ୍ରବିଷ୍ଟଃ ସ୍ଯାଦ୍ଯଥା ଚାଗ୍ନିଂ ଦିବାକରଃ।
ତଥା ପ୍ରବିଷ୍ଟଂ ତତ୍ତେଜୋ ନ ଆଜ୍ଞାଯତ ପାଣ୍ଡବଃ॥ 7-201-7 (54482)
`ତଦସ୍ତ୍ରଂ ଭୀମହୁଙ୍କାରାଦପଯାତି ପୁନଃପୁନଃ।
ପୁନଃ ପୁନସ୍ତମାଯାତି ହୁଂକାରାତ୍ତଂ ବିମୁଞ୍ଚତି।
ତତୋ ଦେବାଃ ସଗନ୍ଧର୍ବା ଭୀମଂ ଦୃଷ୍ଟ୍ବା ସୁବିସ୍ମିତାଃ'॥ 7-201-8 (54483)
ବିକୀର୍ଣମସ୍ତ୍ରଂ ତଦ୍ଦୃଷ୍ଟ୍ବା ତଥା ଭୀମରଥଂ ପ୍ରତି।
ଉଦୀର୍ଯମାଣଂ ଦ୍ରୌଣିଂ ଚ ନିଷ୍ପ୍ରତିଦ୍ବନ୍ଦ୍ବମାହବେ॥ 7-201-9 (54484)
ସର୍ବସୈନ୍ଯଂ ଚ ପାଣ୍ଡୂନାଂ ନ୍ଯସ୍ତଶସ୍ତ୍ରମଚେତନମ୍।
ଯୁଧିଷ୍ଠିରପୁରୋଗାଂଶ୍ଚ ବିମୁଖାଂସ୍ତାନ୍ମହାରଥନାନ୍॥ 7-201-10 (54485)
ଅର୍ଜୁନୋ ବାସୁଦେବଶ୍ଚ ତ୍ବରମାଣୌ ମହାଦ୍ଯୁତୀ।
ଅବପ୍ଲୁତ୍ଯ ରଥାଦ୍ବୀରୌ ଭୀମମାଦ୍ରବତାଂ ତତଃ॥ 7-201-11 (54486)
ତତସ୍ତଦ୍ଦ୍ରୋଣପୁତ୍ରସ୍ଯ ତେଜୋଽସ୍ତ୍ରବଲସମ୍ଭବମ୍।
ବିଗାହ୍ଯ ତୌ ସୁବଲିନୌ ମାଯଯାଽବିଶତାଂ ତଥା॥ 7-201-12 (54487)
ନ୍ଯସ୍ତଶସ୍ତ୍ରୌ ତତସ୍ତୌ ତୁ ନାଦହତ୍ସୋଽସ୍ତ୍ରଜୋଽନଲଃ।
ବାରୁଣାସ୍ତ୍ରପ୍ରଯୋଗାଚ୍ଚ ବୀର୍ଯବତ୍ତ୍ବାଚ୍ଚ କୃଷ୍ଣଯୋଃ॥ 7-201-13 (54488)
ତତଶ୍ଚକୃଷତୁର୍ଭୀମଂ ସର୍ବଶସ୍ତ୍ରାଯୁଧାନି ଚ।
ନାରାଯଣାସ୍ତ୍ରଶାନ୍ତ୍ଯର୍ଥଂ ନରନାରାଯଣୌ ବଲାତ୍॥ 7-201-14 (54489)
ଆକୃଷ୍ଯମାଣଃ କୌନ୍ତେଯୋ ନଦତ୍ଯେବ ମହାରବମ୍।
ବର୍ଧତେ ଚୈବ ତଦ୍ବୋରଂ ଦ୍ରୌଣେରସ୍ତ୍ରଂ ସୁଦୁର୍ଜଯମ୍॥ 7-201-15 (54490)
ତମବ୍ରବୀଦ୍ବାସୁଦେବଃ କିମିଦଂ ପାଣ୍ଡୁନନ୍ଦନ।
ବାର୍ଯମାଣୋଽପି କୌନ୍ତେଯ ଯଦ୍ଯୁଦ୍ବାନ୍ନ ନିବର୍ତସେ॥ 7-201-16 (54491)
ଯଦି ଯୁଦ୍ବେନ ଜେଯାଃ ସ୍ଯୁରିମେ କୌରବନନ୍ଦନାଃ।
ବଯମପ୍ଯତ୍ର ଯୁଧ୍ଯେମ ତଥା ଚେମେ ନରର୍ଷଭାଃ॥ 7-201-17 (54492)
ରଥେଭ୍ଯସ୍ତ୍ବବତୀର୍ଣାଃ ସ୍ମ ସର୍ବ ଏବ ହି ତାବକାଃ।
ତସ୍ମାତ୍ତ୍ବମପି କୌନ୍ତେଯ ରଥାତ୍ତୂର୍ଣମପାକ୍ରମ॥ 7-201-18 (54493)
ଏବମୁକ୍ତ୍ବା ତୁ ତଂ କୃଷ୍ଣୋ ରଥାଦ୍ଭୂମିମବର୍ତଯତ୍।
ନିଃଶ୍ବସନ୍ତଂ ଯଥା ନାଗଂ କ୍ରୋଧସଂରକ୍ତଲୋଚନମ୍॥ 7-201-19 (54494)
ଯଦାଽପକୃଷ୍ଟଃ ସ ରଥାନ୍ନ୍ଯାସିତଶ୍ଚାଯୁଧଂ ଭୁବି।
ତତୋ ନାରାଯଣାସ୍ତ୍ରଂ ତତ୍ପ୍ରଶାନ୍ତଂ ଶତ୍ରୁତାପନମ୍॥ 7-201-20 (54495)
ସଞ୍ଜଯ ଉବାଚ। 7-201-21x (4796)
ତସ୍ମିନ୍ପ୍ରଶାନ୍ତେ ବିଧିନା ତେନ ତେଜସି ଦୁଃସହେ।
ବଭୂବୁର୍ବିମଲାଃ ସର୍ବା ଦିଶଃ ପ୍ରଦିଶ ଏବ ଚ॥ 7-201-21 (54496)
ପ୍ରବବୁଶ୍ଚ ଶିବା ବାତାଃ ପ୍ରଶାନ୍ତା ମୃଗପକ୍ଷିଣଃ।
ବାହନାନି ଚ ହୃଷ୍ଟାନି ପ୍ରଶାନ୍ତେଽସ୍ତ୍ରେ ସୁଦୁର୍ଜଯେ॥ 7-201-22 (54497)
ବ୍ଯପୋଢେ ଚ ତତୋ ଘୋରେ ତସ୍ମିଂସ୍ତେଜସି ଭାରତ।
ବଭୌ ଭୀମୋ ନିଶାପାଯେ ଧୀମାନ୍ସୂର୍ଯ ଇବୋଦିତଃ॥ 7-201-23 (54498)
ହତଶେଷଂ ବଲଂ ତତ୍ତୁ ପାଣ୍ଡବାନାମତିଷ୍ଠତ।
ଅସ୍ତ୍ରବ୍ଯୁପରମାଦ୍ବୃଷ୍ଟଂ ତବ ପୁତ୍ରଜିଘାଂସଯା॥ 7-201-24 (54499)
ବ୍ଯବସ୍ଥିତେ ବଲେ ତସ୍ମିନ୍ନେସ୍ତ୍ରେ ପ୍ରତିହତେ ତଥା।
ଦୁର୍ଯୋଧନୋ ମହାରାଜ ଦ୍ରୋଣପୁତ୍ରମଥାବ୍ରବୀତ୍॥ 7-201-25 (54500)
ଅଶ୍ବତ୍ଥାମନ୍ପୁନଃ ଶୀଘ୍ରମସ୍ତ୍ରମେତତ୍ପ୍ରଯୋଜଯ।
ଅବସ୍ଥିତା ହି ପାଞ୍ଚାଲାଃ ପୁନରେତେ ଜଯୈଷିଣଃ॥ 7-201-26 (54501)
ଅଶ୍ବତ୍ଥାମା ତଥୋକ୍ତସ୍ତୁ ତବ ପୁତ୍ରେଣ ମାରିଷ।
ସୁଦୀନମଭିନିଃ ଶ୍ବସ୍ଯ ରାଜାନମିଦମବ୍ରବୀତ୍॥ 7-201-27 (54502)
ନୈତଦାବର୍ତତେ ରାଜନ୍ନସ୍ତ୍ରଂ ଦ୍ବିର୍ନୋପପଦ୍ଯତେ।
ଆବୃତଂ ହି ନିବର୍ତେତ ପ୍ରଯୋକ୍ତାରଂ ନ ସଂଶଯଃ॥ 7-201-28 (54503)
ଏଷ ଚାସ୍ତ୍ରପ୍ରତୀଘାତଂ ବାସୁଦେବଃ ପ୍ରଯୁକ୍ତବାନ୍।
`ଅସ୍ଯ ତୁ ହ୍ଯେଷ ବୈ ଦାତା ମାନୁଷେଷୁ ନ ବିଦ୍ଯତେ॥ 7-201-29 (54504)
ପରାବରଜ୍ଞୋ ଲୋକାନାଂ ନ ତଦସ୍ତି ନ ବେତ୍ତି ଯତ୍।
ତଦେତଦସ୍ତ୍ରଂ ପ୍ରଶମଂ ଯାତଂ କୃଷ୍ଣସ୍ଯ ମନ୍ତ୍ରିତୈଃ'॥ 7-201-30 (54505)
ଦ୍ବିବିଧୋ ବିହିତଃ ସଙ୍ଖ୍ଯେ ବଧଃ ଶସ୍ତ୍ରୋର୍ଜନାଧିପ।
ପରାଜଯୋ ବା ମୃତ୍ଯୁର୍ବା ଶ୍ରେଯାନ୍ମୃତ୍ଯୁର୍ନ ନିର୍ଜଯଃ॥ 7-201-31 (54506)
ବିଜିତାଶ୍ଚାରଯୋ ହ୍ଯୋତେ ଶସ୍ତ୍ରୋତ୍ସର୍ଗାନ୍ମୃତୋପମାଃ॥ 7-201-32 (54507)
ଦୁର୍ଯୋଧନ ଉବାଚ। 7-201-33x (4797)
ଆଚାର୍ଯପୁତ୍ର ଯଦ୍ଯେତଦ୍ଦ୍ବିରସ୍ତ୍ରଂ ନ ପ୍ରଯୁଜ୍ଯତେ।
ଅନ୍ଯୈର୍ଗୁରୁଘ୍ନା ବଧ୍ଯନ୍ତାମସ୍ତ୍ରୈରସ୍ତ୍ରବିଦାଂ ବର॥ 7-201-33 (54508)
ତ୍ବଯି ଶସ୍ତ୍ରାଣି ଦିବ୍ଯାନି ତ୍ର୍ଯମ୍ବକେ ଚାମିତୌଜସି।
`ଘ୍ନତୈତାନ୍ସୁମହାବୀର୍ଯ ଶାତ୍ରବାନ୍ଯୁଦ୍ବକୋବିଦଃ'।
ଇଚ୍ଛତୋ ନ ହି ତେ ମୁଚ୍ଯେତ୍ସଙ୍କ୍ରୁଦ୍ଧୋ ହି ପୁରନ୍ଦରଃ॥ 7-201-34 (54509)
ଧୃତରାଷ୍ଟ୍ର ଉବାଚ। 7-201-35x (4798)
ତସ୍ମିନ୍ନସ୍ତ୍ରେ ପ୍ରତିହତେ ଦ୍ରୋଣେ ଚୋପଧିନା ହତେ।
ତଥା ଦୁର୍ଯୋଧନେନୋକ୍ତୋ ଦ୍ରୌଣିଃ କିମକରୋତ୍ପୁନଃ॥ 7-201-35 (54510)
ଦୃଷ୍ଟ୍ବା ପାର୍ଥାଂଶ୍ଚ ସଙ୍ଗ୍ରାମେ ଯୁଦ୍ଧାଯ ସମୁପସ୍ଥିତାନ୍।
ନାରାଯଣାସ୍ତ୍ରନିର୍ମୁକ୍ତାଂଶ୍ଚରତଃ ପୃତନାମୁଖେ॥ 7-201-36 (54511)
ସଞ୍ଜଯ ଉବାଚ। 7-201-37x (4799)
ଜାନନ୍ପିତୁଃ ସ ନିଧନଂ ସିଂହଲାଙ୍ଗୂଲକେତନଃ।
ସକ୍ରୋଧୋ ଭଯମୁତ୍ସୃଜ୍ଯ ସୋଽଭିଦୁଦ୍ରାବ ପାର୍ଷତମ୍॥ 7-201-37 (54512)
ଅଭିଦ୍ରୁତ୍ଯ ଚ ବିଂଶତ୍ଯା କ୍ଷୁଦ୍ରକାଣାଂ ନରର୍ଷଭ।
ପଞ୍ଚଭିଶ୍ଚାତିବେଗେନ ବିବ୍ଯାଧ ପୁରୁଷର୍ଷଭଃ॥ 7-201-38 (54513)
ଧୃଷ୍ଟଦ୍ଯୁମ୍ନସ୍ତତୋ ରାଜଞ୍ଜ୍ବଲନ୍ତମିବ ପାବକମ୍।
ଦ୍ରୋଣପୁତ୍ରଂ ତ୍ରିଷଷ୍ଟ୍ଯା ତୁ ରାଜନ୍ବିବ୍ଯାଧ ପତ୍ରିଣାମ୍॥ 7-201-39 (54514)
ସାରଥିଂ ଚାସ୍ଯ ବିଂଶତ୍ଯା ସ୍ବର୍ଣପୁଙ୍ଖୈଃ ଶିଲାଶିତୈଃ।
ହଯାଂଶ୍ଚ ଚତୁରୋଽବିଧ୍ଯଚ୍ଚତୁର୍ଭିର୍ନିଶିତୈଃ ଶରୈଃ॥ 7-201-40 (54515)
ବିଦ୍ବ୍ବା ବିଦ୍ବାଽନଦଦ୍ଦ୍ରୌଣିଂ କମ୍ପଯନ୍ନିବ ମେଦିନୀମ୍।
ଆଦଦେ ସର୍ବଲୋକସ୍ଯ ପ୍ରାଣାନିବ ମହାରଣେ॥ 7-201-41 (54516)
ପାର୍ଷତସ୍ତୁ ବଲୀ ରାଜନ୍କୃତାସ୍ତ୍ରଃ କୃତନିଶ୍ଚଯଃ।
ଦ୍ରୌଣିମେବାଭିଦୁଦ୍ରାବ ମୃତ୍ଯୁଂ କୃତ୍ବା ନିବର୍ତନମ୍॥ 7-201-42 (54517)
ତତୋ ବାଣମଯଂ ବର୍ଷଂ ଦ୍ରୋଣପୁତ୍ରସ୍ଯ ମୂର୍ଧନି।
ଅବାସୃଜଦମେଯାତ୍ମା ପାଞ୍ଚାଲ୍ଯୋ ରଥିନାଂବରଃ॥ 7-201-43 (54518)
ତଂ ଦ୍ରୌଣିଃ ସମରେ କ୍ରୁଦ୍ଧଂ ଛାଦଯାମାସ ପତ୍ରିଭିଃ।
ବିବ୍ଯାଧ ଚୈନଂ ଦଶଭିଃ ପିତୁର୍ବଧମନୁସ୍ମରନ୍॥ 7-201-44 (54519)
ଦ୍ବାଭ୍ଯାଂ ଚ ସୁବିସୃଷ୍ଟାଭ୍ଯାଂ କ୍ଷୁରାଭ୍ଯାଂ ଧ୍ବଜକାର୍ମୁକେ।
ଛିତ୍ତ୍ବା ପାଞ୍ଚାଲରାଜସ୍ଯ ଦ୍ରୌଣିରନ୍ଯୈଃ ସମାର୍ଦଯତ୍॥ 7-201-45 (54520)
ବ୍ଯଶ୍ବସୂତରଥଂ ଚୈନଂ ଦ୍ରୌଣିଶ୍ଚକ୍ରେ ମହାହାବେ।
ତସ୍ଯ ଚାନୁଚରାନ୍ସର୍ବାନ୍କ୍ରୁଦ୍ଧଃ ପ୍ରାଦ୍ରାବଯଚ୍ଛରୈଃ॥ 7-201-46 (54521)
ତତଃ ପ୍ରଦୁଦ୍ରୁବେ ସୈନ୍ଯଂ ପାଞ୍ଚାଲାନାଂ ବିଶାମ୍ପତେ।
ସମ୍ଭ୍ରାନ୍ତରୂପମାର୍ତଂ ଚ ନ ପରସ୍ପରମୈକ୍ଷତ॥ 7-201-47 (54522)
ଦୃଷ୍ଟ୍ବା ତୁ ବିମୁଖାନ୍ଯୋଧାନ୍ଧୃଷ୍ଟଦ୍ଯୁମ୍ନଂ ଚ ପୀଡିତମ୍।
ଶୈନେଯୋଽଚୋଦଯତ୍ତୂର୍ଣଂ ରଥଂ ଦ୍ରୌଣିରଥଂ ପ୍ରତି॥ 7-201-48 (54523)
ଅଷ୍ଟଭିର୍ନିଶିତୈର୍ବାଣୈରଶ୍ବତ୍ଥାମାନମାର୍ଦଯତ୍।
ବିଂଶତ୍ଯା ପୁନରାହତ୍ଯ ନାନାରୂପୈରମର୍ଷଣଃ।
ବିବ୍ଯାଧ ଚ ତଥା ସୂତଂ ଚତୁର୍ଭିଶ୍ଚତୁରୋ ହଯାନ୍॥ 7-201-49 (54524)
[ଧନୁର୍ଧ୍ବଜଂ* ; ସଂଯତ୍ତଶ୍ଚିଚ୍ଛେଦ କୃତହସ୍ତବତ୍।
ସ ସାଶ୍ବଂ ବ୍ଯଧମଚ୍ଚାପି ରଥଂ ହେମପରିଷ୍କୃତମ୍।
ହୃଦି ବିବ୍ଯାଧ ସମରେ ତ୍ରିଂଶତା ସାଯକୈର୍ଭୃଶମ୍॥ 7-201-50 (54525)
ଏବଂ ସ ପୀଡିତୋ ରାଜନ୍ନଶ୍ବତ୍ଥାମା ମହାବାଲଃ।
ଶରଜାଲୈଃ ପରିବୃତଃ କର୍ତବ୍ଯଂ ନାନ୍ବପଦ୍ଯତ॥ 7-201-51 (54526)
ଏବଂ ଗତେ ଗୁରୋଃ ପୁତ୍ରେ ତବ ପୁତ୍ରୋ ମହାରଥଃ।
କୃପକର୍ଣାଦିଭିଃ ସାର୍ଧଂ ଶରୈଃ ସାତ୍ବତମାବୃଣୋତ୍॥ 7-201-52 (54527)
ଦୁର୍ଯୋଧନସ୍ତୁ ବିଂଶତ୍ଯା କୃପଃ ଶାରଦ୍ବତସ୍ତ୍ରିଭିଃ।
କୃତବର୍ମାଽଥ ଦଶଭିଃ କର୍ଣଃ ପଞ୍ଚାଶତା ଶରୈଃ॥ 7-201-53 (54528)
ଦୁଃଶାସନଃ ଶତେନୈବ ବୃଷସେନଶ୍ଚ ସପ୍ତଭିଃ।
ସାତ୍ଯକିଂ ବିବ୍ଯଧୁସ୍ତୂର୍ଣଂ ସମନ୍ତାନ୍ନିଶିତୈଃ ଶରୈଃ॥ 7-201-54 (54529)
ତତଃ ସ ସାତ୍ଯକୀ ରାଜନ୍ସର୍ବାନେବ ମହାରଥାନ୍।
ବିରଥାନ୍ବିମୁଖାଂଶ୍ଚୈବ କ୍ଷଣେନୈବାକରୋନ୍ନୃପ॥ 7-201-55 (54530)
ଅଶ୍ବତ୍ଥାମା ତୁ ସମ୍ପ୍ରାପ୍ଯ ଚେତନାଂ ଭରତର୍ଷଭ।
ଚିନ୍ତଯାମାସ ଦୁଃଖାର୍ତୋ ନିଃଶ୍ବସଂଶ୍ଚ ପୁନଃପୁନଃ॥ 7-201-56 (54531)
ଅଥୋ ରଥାନ୍ତରଂ ଦ୍ରୌଣିଃ ସମାରୁହ୍ଯ ପରନ୍ତପଃ।
ସାତ୍ଯକିଂ ବାରଯାମାସ କିରଞ୍ଶରଶତାନ୍ବହୂନ୍॥ 7-201-57 (54532)
ତମାପତନ୍ତଂ ସମ୍ପ୍ରେକ୍ଷ୍ଯ ଭାରଦ୍ବାଜସୁତଂ ରଣେ।
ବିରଥଂ ବିମୁଖଂ ଚୈବ ପୁନଶ୍ଚକ୍ରେ ମହାରଥଃ॥ 7-201-58 (54533)
ତତସ୍ତେ ପାଣ୍ଡବା ରାଜନ୍ଦୃଷ୍ଟ୍ବା ସାତ୍ଯକିବିକ୍ରମମ୍।
ଶଙ୍ଖଶବ୍ଦାନ୍ଭୃଶଂ ଚକ୍ରୁଃ ସିଂହନାଦାଂଶ୍ଚ ନେଦିରେ॥ 7-201-59 (54534)
ଏବଂ ତଂ ବିରଥଂ କୃତ୍ବା ସାତ୍ଯକିଃ ସତ୍ଯବିକ୍ରମଃ।
ଜଘାନ ବୃଷସେନସ୍ଯ ତ୍ରିସାହସ୍ରାନ୍ମହାରଥାନ୍॥ 7-201-60 (54535)
ଅଯୁତଂ ଦନ୍ତିନାଂ ସାର୍ଧଂ କୃପସ୍ଯ ନିଜଘାନ ସଃ।
ପଞ୍ଚାଯୁତାନି ଚାଶ୍ବାନାଂ ଶକୁନେର୍ନିଜଘାନ ହ॥ 7-201-61 (54536)
ତତୋ ଦ୍ରୌଣିର୍ମହାରାଜ ରଥମାରୁହ୍ଯ ବୀର୍ଯବାନ୍।
ସାତ୍ଯକିଂ ପ୍ରତି ସଙ୍କ୍ରୁଦ୍ଧଃ ପ୍ରଯଯୌ ତଦ୍ବଧେପ୍ସଯା। 7-201-62 (54537)
ପୁନସ୍ତମାଗତଂ ଦୃଷ୍ଟ୍ବା ଶନେଯୋ ନିଶିତୈଃ ଶରୈଃ।
ଅଦାରଯତ୍କ୍ରୁରତରୈଃ ପୁନଃପୁନରରିନ୍ଦମ॥] 7-201-63 (54538)
ସୋଽତିବିଦ୍ଧୋ ମହେଷ୍ବାସୋ ନାନାଲିଙ୍ଗୈରମର୍ଷଣଃ।
ଯୁଯୁଧାନେନ ବୈ ଦ୍ରୌଣିଃ ପ୍ରହସନ୍ବାକ୍ଯମବ୍ରବୀତ୍॥ 7-201-64 (54539)
ଶୈନେଯାବ୍ଯୁପପତ୍ତିଂ ତେ ଜାନାମ୍ଯାଚାର୍ଯଘାତିନି।
ନ ଚୈନଂ ତ୍ରାସ୍ଯସି ମଯା ଗ୍ରସ୍ତମାତ୍ମାନମେବ ଚ॥ 7-201-65 (54540)
ଶପେତ୍ମନାଽହଂ ଶୈନେଯ ସତ୍ଯେନ ତପସା ତଥା।
ଅହତ୍ବା ସର୍ବପାଞ୍ଚାଲାନ୍ଯଦି ଶାନ୍ତିମହଂ ଲଭେ॥ 7-201-66 (54541)
ଯଦ୍ବଲଂ ପାଣ୍ଡବେଯାନାଂ ବୃଷ୍ଣୀନାମପି ଯଦ୍ବଲମ୍।
କ୍ରିଯତାଂ ସର୍ବମେବେହ ନିହନିଷ୍ଯାମି ସୋମକାନ୍॥ 7-201-67 (54542)
ଏବମୁକ୍ତ୍ବାଽର୍କରମ୍ଯାଭଂ ସୁତୀକ୍ଷ୍ଣଂ ତଂ ଶରୋତ୍ତମମ୍।
ବ୍ଯସୃଜତ୍ସାତ୍ବତେ ଦ୍ରୌଣିର୍ବଜ୍ରଂ ବୃତ୍ରେ ଯଥା ହରିଃ॥ 7-201-68 (54543)
ସ ତଂ ନିର୍ଭିଦ୍ଯ ତେନାସ୍ତଃ ସାଯକଃ ଶରାବରମ୍।
ବିବେଶ ବସୁଧାଂ ଭିତ୍ତ୍ବା ଶ୍ବସନ୍ବିଲମିବୋରଗଃ॥ 7-201-69 (54544)
ସ ଭିନ୍ନକବଚଃ ଶୂରସ୍ତୋତ୍ରାର୍ଦିତ ଇବ ଦ୍ବିପଃ।
ବିମୁଚ୍ଯ ସଶରଂ ଚାପଂ ଭୂରିବ୍ରଣପରିସ୍ରବଃ॥ 7-201-70 (54545)
ସୀଦନ୍ରୁଧିରସିକ୍ତଶ୍ଚ ରଥୋପସ୍ଥ ଉପାବିଶତ୍।
ସୂତେନାପହୃତସ୍ତୂର୍ଣଂ ଦ୍ରୋଣପୁତ୍ରାଦ୍ରଥାନ୍ତରମ୍॥ 7-201-71 (54546)
ଅଥାନ୍ଯେନ ସୁପୁଙ୍ଖେନ ଶରେଣାନତପର୍ବଣା।
ଆଜଘାନ ଭ୍ରବୋର୍ମଧ୍ଯେ ଧୃଷ୍ଟଦ୍ଯୁମ୍ନଂ ପରନ୍ତପଃ॥ 7-201-72 (54547)
ସ ପୂର୍ବମତିବିଦ୍ଧଶ୍ଚ ଭୃଶଂ ପସ୍ଚାଚ୍ଚ ପୀଡିତଃ।
ସସଦାଥ ଚ ପାଞ୍ଚାଲ୍ଯୋ ବ୍ଯପାଶ୍ରଯତ ଚ ଧ୍ବଜମ୍॥ 7-201-73 (54548)
ତଂ ନାଗମିବ ସିଂହେନ ଦୃଷ୍ଟ୍ବା ରାଜଞ୍ଶରାର୍ଦିତମ୍।
ଜବେନାଭ୍ଯଦ୍ରବଞ୍ଛୂରାଃ ପଞ୍ଚ ପାଣ଼୍ଡବତୋ ରଥାଃ॥ 7-201-74 (54549)
କିରୀଟୀ ଭୀମସେନଶ୍ଚ ବୃଦ୍ବକ୍ଷତ୍ରଶ୍ଚ ପୌରବଃ।
ଯୁବରାଜଶ୍ଚ ଚେଦୀନାଂ ମାଲବଶ୍ଚ ସୁଦର୍ଶନଃ॥ 7-201-75 (54550)
ଏତେ ହାହାକୃତାଃ ସର୍ବେ ପ୍ରଗୃହୀତଶରାସନାଃ।
ବୀରଂ ଦ୍ରୌଣାଯନିଂ ବୀରାଃ ସର୍ବତଃ ପର୍ଯବାରଯନ୍॥ 7-201-76 (54551)
ତେ ବିଂଶତିପଦେ ଯତ୍ତା ଗୁରୁପୁତ୍ରମମର୍ଷଣମ୍।
ପଞ୍ଚଭିଃ ପଞ୍ଚଭିର୍ବାଣୈରଭ୍ଯଘ୍ନନ୍ସର୍ବତଃ ସମମ୍॥ 7-201-77 (54552)
ଆଶୀବିଷାଭୈର୍ବିଂଶତ୍ଯା ପଞ୍ଚଭିସ୍ତୁ ଶିତୈଃ ଶରୈଃ।
ଚିଚ୍ଛେଦ ଯୁଗପଦ୍ଦ୍ରୌଣିଃ ପଞ୍ଚବିଂଶତିସାଯକାନ୍॥ 7-201-78 (54553)
ସପ୍ତଭିସ୍ତୁ ଶିତୈର୍ବାଣୈଃ ପୌରବଂ ଦ୍ରୌଣିରାର୍ଦଯତ୍।
ମାଲବଂ ତ୍ରିଭିରେକେନ ପାର୍ଥଂ ଷ଼ଡ୍ଭିର୍ବୃକୋଦରମ୍। 7-201-79 (54554)
ତତସ୍ତେ ବିବ୍ଯଧୁଃ ସର୍ବେ ଦ୍ରୌଣିଂ ରାଜନ୍ମହାରଥାଃ।
ଯୁଗପଚ୍ଚ ପୃଥକ୍ଚୈବ ରୁକ୍ମପୁଙ୍ଖୈଃ ଶିଲାଶିତୈଃ॥ 7-201-80 (54555)
ଯୁବରାଜଶ୍ଚ ବିଂଶତ୍ଯା ଦ୍ରୌଣିଂ ବିବ୍ଯାଧ ପତ୍ରିଭିଃ।
ପାର୍ଥଶ୍ଚ ପୁନରଷ୍ଟାଭିସ୍ତଥା ସର୍ବେ ତ୍ରିଭିସ୍ତ୍ରିଭିଃ॥ 7-201-81 (54556)
ତତୋଽର୍ଜୁନଂ ଷଡ୍ଭିରଥାଜଘାନ
ଦ୍ରୌଣାଯନିର୍ଦଶଭିର୍ବାସୁଦେବମ୍।
ଭୀମଂ ଦଶାର୍ଧୈର୍ଯୁବାରଜଂ ଚତୁର୍ଭି-
ର୍ଦ୍ବାଭ୍ଯାଂ ଦ୍ବାଭ୍ଯାଂ ମାଲବଂ ପୌରବଂ ଚ॥ 7-201-82 (54557)
ସୂତଂ ବିଦ୍ବ୍ବାଃ ଭୀମସେନସ୍ଯ ଷଡ୍ଭି--
ର୍ଦ୍ବାଭ୍ଯାଂ ବିଦ୍ବ୍ବା କାର୍ମୁକଂ ଚ ଧ୍ବଜଂ ଚ।
ପୁନଃ ପାର୍ଥଂ ଶରବର୍ଷେଣ ବିଦ୍ବ୍ବା
ଦ୍ରୌଣିର୍ଘୋରଂ ସିଂହନାଦଂ ନନାଦ॥ 7-201-83 (54558)
ତସ୍ଯାସ୍ଯତସ୍ତାନ୍ନିଶିତାନ୍ପୀତଧାରା--
ନ୍ଦ୍ରୌଣେଃ ଶରାନ୍ପୃଷ୍ଠତଶ୍ଚାଗ୍ରତଶ୍ଚ।
ଧରା ବିଯଦ୍ଦ୍ଯୌଃ ପ୍ରଦିଶୋ ଦିଶଶ୍ଚ
ଚ୍ଛନ୍ନା ବାଣୈରଭବନ୍ଧୋରରୂପୈଃ॥ 7-201-84 (54559)
ଆସନ୍ନସ୍ଯ ସ୍ବରଥଂ ତୀବ୍ରତେଜାଃ
ସୁଦର୍ଶନସ୍ଯେନ୍ଦ୍ରକେତୁପ୍ରକାଶୌ।
ଭୁଜୌ ଶିରଶ୍ଚେନ୍ଦ୍ରସମାନବୀର୍ଯ--
ସ୍ତ୍ରିଭିଃ ଶରୈର୍ଯୁଗପତ୍ସଞ୍ଚକର୍ତ॥ 7-201-85 (54560)
ସ ପୌରବଂ ରଥଶକ୍ତ୍ଯା ନିହତ୍ଯ
ଚ୍ଛିତ୍ତ୍ବା ରଥଂ ତିଲଶଶ୍ଚାସ୍ଯ ବାଣୈଃ।
ଛିତ୍ତ୍ବା ଚ ବାହୂ ବରଚନ୍ଦନାକ୍ତୌ
ଭଲ୍ଲେନ କାଯାଚ୍ଛିର ଉଚ୍ଚକର୍ତ॥ 7-201-86 (54561)
ଯୁବାନମିନ୍ଦୀବରଦାମବର୍ଣଂ
ଚେଦିପ୍ରଭୁଂ ଯୁବରାଜଂ ପ୍ରସହ୍ଯ।
ବାଣୈସ୍ତ୍ବରାବାଞ୍ଜ୍ବଲିତାଗ୍ନିକଲ୍ପୈ--
ର୍ବିଦ୍ବ୍ବା ପ୍ରାଦାନ୍ମୃତ୍ଯେବ ସାଶ୍ବସୂତମ୍॥ 7-201-87 (54562)
[*ମାଲବଂ ପୌରବଂ ଚୈବ ଯୁବରାଜଂ ଚ ଚେଦିପମ୍।
ଦୃଷ୍ଟ୍ବା ସମକ୍ଷଂ ନିହତଂ ଦ୍ରୋଣପୁତ୍ରୋଣ ପାଣ୍ଡବଃ।
ଭୀମସେନୋ ମହାବାହୁଃ କ୍ରୋଧମାହାରଯତ୍ପରମ୍॥ 7-201-88 (54563)
ତତଃ ଶରଶତୈସ୍ତୀକ୍ଷ୍ଣୈଃ ସଙ୍କ୍ରୁଦ୍ଧାଶୀବିଷୋପମୈଃ।
ଛାଦଯାମାସ ସମରେ ଦ୍ରୋଣପୁତ୍ରଂ ପରନ୍ତପଃ॥ 7-201-89 (54564)
ତତୋ ଦ୍ରୌଣିର୍ମହାତେଜାଃ ଶରବର୍ଷଂ ନିହତ୍ଯ ତମ୍।
ବିବ୍ଯାଧ ନିଶିତୈର୍ବାଣୈର୍ଭୀମସେନମମର୍ଷଣଃ॥ 7-201-90 (54565)
ତତୋ ଭୀମୋ ମହାବାହୁଦ୍ରୌଣେର୍ଯୁଧି ମହାବଲଃ।
କ୍ଷୁରପ୍ରେଣ ଧନୁଶ୍ଛିତ୍ତ୍ବା ଦ୍ରୌଣିଂ ବିବ୍ଯାଧ ପତ୍ରିଣା॥ 7-201-91 (54566)
ତଦପାସ୍ଯ ଧନୁଶ୍ଛିନ୍ନଂ ଦ୍ରୋଣପୁତ୍ରୋ ମହାମନାଃ।
ଅନ୍ଯତ୍କାର୍ମୁକମାଦାଯ ଭୀମଂ ବିବ୍ଯାଧ ପତ୍ରିଭିଃ॥ 7-201-92 (54567)
ତୌ ଦ୍ରୌଣିଭୀମୌ ସମରେ ପରାକ୍ରାନ୍ତୌ ମହାବଲୌ।
ଅବର୍ଷତାଂ ଶରବର୍ଷଂ ବୃଷ୍ଟିମନ୍ତାବିବାମ୍ବୁଦୌ॥ 7-201-93 (54568)
ଭୀମନାମାଙ୍କିତା ବାଣାଃ ସ୍ବର୍ଣପୁଙ୍ଖାଃ ଶିଲାଶିତାଃ।
ଦ୍ରୌଣିଂ ସଞ୍ଛାଦଯାମାସୁର୍ଘନୌଘା ଇବ ଭାସ୍କରମ୍॥ 7-201-94 (54569)
ତଥୈବ ଦ୍ରୌଣିନିର୍ମୁକ୍ତୈର୍ଭୀମଃ ସନ୍ନତପର୍ବଭିଃ।
ଅବାକୀର୍ଯତ ସ କ୍ଷିପ୍ରଂ ଶରୈଃ ଶତସହସ୍ରଶଃ॥ 7-201-95 (54570)
ସ ଚ୍ଛାଦ୍ଯମାନଃ ସମରେ ଦ୍ରୌଣିନା ରଣଶାଲିନା।
ନ ବିବ୍ଯଥେ ମହାରାଜ ତଦଦ୍ଭୁତମିବାଭବତ୍॥ 7-201-96 (54571)
ତତୋ ଭୀମୋ ମହାବାହୁଃ କାର୍ତସ୍ବରବିଭୂଷିତାନ୍।
ନାରାଚାନ୍ଦଶ ସମ୍ପ୍ରୈଷୀଦ୍ଯମଦଣ୍ଡନିଭାଞ୍ଛିତାନ୍॥ 7-201-97 (54572)
ତେ ଜତ୍ରୁଦେଶମାସାଦ୍ଯ ଦ୍ରୋଣପୁତ୍ରସ୍ଯ ମାରିଷ।
ନିର୍ଭିଦ୍ଯ ବିବିଶୁସ୍ତୂର୍ଣଂ ବଲ୍ମୀକମିବ ପନ୍ନଗାଃ॥ 7-201-98 (54573)
ସୋଽତିବିଦ୍ଧୋ ଭୃଶଂ ଦ୍ରୌଣିଃ ପାଣ୍ଡବେନ ମହାତ୍ମନା।
ଧ୍ବଜଯଷ୍ଟିଂ ସମାସାଦ୍ଯ ନ୍ଯମୀଲଯତ ଲୋଚନେ॥ 7-201-99 (54574)
ସ ମୁହୂର୍ତାତ୍ପୁନଃ ସଂଜ୍ଞାଂ ଲବ୍ଧ୍ବା ଦ୍ରୌଣିର୍ନରାଧିପ।
କ୍ରୋଧଂ ପରମମାତସ୍ଥୌ ସମରେ ରୁଧିରୋକ୍ଷିତଃ॥ 7-201-100 (54575)
ଦୃଢଂ ସୋଽଭିହତସ୍ତେନ ପାଣ୍ଡବେନ ମହାତ୍ମନା।
ବେଗଂ ଚକ୍ରେ ମହାବାହୁର୍ଭୀମସେନରଥଂ ପ୍ରତି॥ 7-201-101 (54576)
ତତ ଆକର୍ଣପୂର୍ଣାନାଂ ଶରାଣାଂ ତିଗ୍ମତେଜସାମ୍।
ଶତମାଶୀବିଷାଭାନାଂ ପ୍ରେଷଯାମାସ ଭାରତ॥ 7-201-102 (54577)
ଭୀମୋଽପି ସମରଶ୍ଲାଘୀ ତସ୍ଯ ବୀର୍ଯମଚିନ୍ତଯତ୍।
ତୂର୍ଣଂ ପ୍ରାସୃଜଦୁଗ୍ରାଣି ଶରବର୍ଷାଣି ପାଣ୍ଡବଃ॥ 7-201-103 (54578)
ତତୋ ଦ୍ରୌଣିର୍ମହାରାଜ ଚ୍ଛିତ୍ତ୍ବାଽସ୍ଯ ବିଶିଖୈର୍ଧନୁଃ।
ଆଜଘାନୋରସି କ୍ରୁଦ୍ଧଃ ପାଣ୍ଡବଂ ନିଶିତୈଃ ଶରୈଃ॥ 7-201-104 (54579)
ତତୋଽନ୍ଯଦ୍ଧନୁରାଦାଯ ଭୀମସେନୋ ହ୍ଯମର୍ଷଣଃ।
ବିବ୍ଯାଧ ନିଶିତୈର୍ବାଣୈର୍ଦ୍ରୌଣିଂ ପଞ୍ଚଭିରାହବେ॥ 7-201-105 (54580)
ଜୀମୂତାବିବ ଘର୍ମାନ୍ତେ ତୌ ଶରୌଘପ୍ରବର୍ଷିଣୌ।
ଅନ୍ଯୋନ୍ଯକ୍ରୋଧତାମ୍ରାକ୍ଷୌ ଛାଦଯାମାସତୁର୍ଯୁଧି॥ 7-201-106 (54581)
ତଲଶବ୍ଦୈସ୍ତତୋ ଘୋରୈସ୍ତ୍ରାସଯନ୍ତୌ ପରସ୍ପରମ୍।
ଅଯୁଧ୍ଯେତାଂ ସୁସଂରବ୍ଧୌ କୃତପ୍ରତିକୃତୈଷିଣୌ॥ 7-201-107 (54582)
ତତୋ ବିଷ୍ଫାର୍ଯ ସୁମହଚ୍ଚାପଂ ରୁକ୍ମବିଭୂଷିତମ୍।
ଭୀମଂ ପ୍ରୈକ୍ଷତ ସ ଦ୍ରୌଣିଃ ଶରାନସ୍ଯନ୍ତମନ୍ତିକାତ୍।
ଶରଦ୍ଯହର୍ମଧ୍ଯଗତୋ ଦ୍ରୀପ୍ତାର୍ଚିରିବ ଭାସ୍କରଃ॥ 7-201-108 (54583)
ଆଦଦନାସ୍ଯ ବିଶିଖାନ୍ସନ୍ଦଧାନସ୍ଯ ଚାଶୁଗାନ୍।
ବିକର୍ଷତୋ ମୁଞ୍ଚତଶ୍ଚ ନାନ୍ତରଂ ଦଦୃଶୁର୍ଜନାଃ॥ 7-201-109 (54584)
ଅଲାତଚକ୍ରପ୍ରତିମଂ ତସ୍ଯ ମଣ୍ଡଲମାଯୁଧମ୍।
ଦ୍ରୌଣେରାସୀନ୍ମହାରାଜ ବାଣାନ୍ବିସୃଜତସ୍ତଦା॥ 7-201-110 (54585)
ଧନୁଶ୍ଚ୍ଯୁତାଃ ଶରାସ୍ତସ୍ଯ ଶତଶୋଽଥ ସହସ୍ରଶଃ।
ଆକାଶେ ପ୍ରତ୍ଯଦୃଶ୍ଯନ୍ତ ଶଲଭାନାମିବାଯତୀଃ॥ 7-201-111 (54586)
ତେ ତୁ ଦ୍ରୌଣିବିନିର୍ମୁକ୍ତାଃ ଶରା ହେମବିଭୂଷିତାଃ।
ଅଜସ୍ରମନ୍ବକୀର୍ଯନ୍ତ ଘୋରା ଭୀମରଥଂ ପ୍ରତି॥ 7-201-112 (54587)
ତତ୍ରାଦ୍ଭୁତକମପଶ୍ଯାମ ଭୀମସେନସ୍ଯ ବିକ୍ରମମ୍।
ବଲଂ ବୀର୍ଯଂ ପ୍ରଭାବଂ ଚ ବ୍ଯବସାଯଂ ଚ ଭାରତ॥ 7-201-113 (54588)
ତାଂ ସ ମେଘାଦିବୋଦ୍ଭୂତାଂ ବାଣବୃଷ୍ଟିଂ ସମନ୍ତତଃ।
ଜଲବୃଷ୍ଟିଂ ମହାଘୋରାଂ ତପାନ୍ତ ଇବ ଚିନ୍ତଯନ୍॥ 7-201-114 (54589)
ଦ୍ରୋଣପୁତ୍ରବଧପ୍ରେପ୍ସୁର୍ଭୀମୋ ଭୀମପରାକ୍ରମଃ।
ଅମୁଞ୍ଚଚ୍ଛରବର୍ଷାଣି ପ୍ରାବୃଷୀବ ବଲାହକଃ॥ 7-201-115 (54590)
ତଦ୍ରୁକ୍ମପୃଷ୍ଟଂ ଭୀମସ୍ଯ ଧନୁର୍ଘାରଂ ମହାରଣେ।
ବିକୃଷ୍ଯମାଣଂ ବିବଭୌ ଶକ୍ରଚାପମିବାପରମ୍॥ 7-201-116 (54591)
ତସ୍ମାଚ୍ଛରାଃ ପ୍ରାଦୁରାସଞ୍ଛତଶୋଽଥ ସହସ୍ରଶଃ।
ସଞ୍ଛାଦଯନ୍ତଃ ସମରେ ଦ୍ରୌଣିମାହବଶୋଭିନମ୍॥ 7-201-117 (54592)
ତଯୋର୍ବିସୃଜତୋରେବଂ ଶରଜାଲାନି ମାରିଷ।
ବାଯୁରପ୍ଯନ୍ତରା ରାଜନ୍ନାଶକ୍ନୋତ୍ପ୍ରତିସର୍ପିତୁମ୍॥ 7-201-118 (54593)
ତଥା ଦ୍ରୌଣିର୍ମହାରାଜ ଶରାନ୍ହେମବିଭୂଷିତାନ୍।
ତୈଲଧୌତାନ୍ପ୍ରସନ୍ନାଗ୍ରାନ୍ପ୍ରାହିଣୋଦ୍ବଧକାଙ୍କ୍ଷଯା॥ 7-201-119 (54594)
ତାନନ୍ତରିକ୍ଷେ ବିଶିଖୈସ୍ତ୍ରିଧୈକୈକମଶାତଯତ୍
ବିଶେଷଯନ୍ଦ୍ରୋଣସୁତଂ ତିଷ୍ଠତିଷ୍ଠେତି ଚାବ୍ରବୀତ୍॥ 7-201-120 (54595)
ପୁନଶ୍ଚ ଶରବର୍ଷାଣି ଘୋରାଣ୍ଯୁଗ୍ରାଣି ପାଣ୍ଡବଃ।
ବ୍ଯସୃଜଦ୍ବଲବାନକ୍ରୁଦ୍ଧୋ ଦ୍ରୋଣପୁତ୍ରବଧେପ୍ସଯା॥ 7-201-121 (54596)
ତତୋଽସ୍ତ୍ରମାଯଯା ତୂର୍ଣଂ ଶରବୃଷ୍ଟିଂ ନିବାର୍ଯ ତାମ୍।
ଧନୁଶ୍ଚିଚ୍ଛେଦ ଭୀମସ୍ଯ ଦ୍ରୋଣପୁତ୍ରୋ ମହାସ୍ତ୍ରବିତ୍।
ଶରୈଶ୍ଚୈନଂ ସୁବହୁଭିଃ କ୍ରୁଦ୍ଧଃ ସଙ୍ଖ୍ଯେ ପରାଭିନତ୍॥ 7-201-122 (54597)
ସ ଛିନ୍ନଧନ୍ବା ବଲବାନ୍ରଥଶକ୍ତିଂ ସୁଦାରୁଣାମ୍॥
ବେଗେନାବିଧ୍ଯ ଚିକ୍ଷେପ ଦ୍ରୋଣପୁତ୍ରରଥଂ ପ୍ରତି॥ 7-201-123 (54598)
ତାମାପତନ୍ତୀଂ ସହସା ମହୋଲ୍କାଭାଂ ଶିତୈଃ ଶରୈଃ।
ଚିଚ୍ଛେଦ ସମରେ ଦ୍ରୌଣିର୍ଦର୍ଶଯନ୍ପାଣିଲାଘବମ୍॥ 7-201-124 (54599)
ଏତସ୍ମିନ୍ନନ୍ତରେ ଭୀମୋ ଦୃଢମାଦାଯ କାର୍ମୁକମ୍।
ଦ୍ରୌଣିଂ ବିବ୍ଯାଧ ବିଶିଖୈଃ ସ୍ମଯମାନୋ ବୃକୋଦରଃ॥ 7-201-125 (54600)
ତତୋ ଦ୍ରୌଣିର୍ମହାରାଜ ଭୀମସେନସ୍ଯ ସାରଥିମ୍।
ଲଲାଟେ ଦାରଯାମାସ ଶରେଣାନତପର୍ବଣା॥ 7-201-126 (54601)
ସୋଽତିବିଦ୍ଧୋ ବଲବତା ଦ୍ରୋଣପୁତ୍ରେଣ ସାରଥିଃ।
ବ୍ଯାମୋହମଗମଦ୍ରାଜନ୍ରଶ୍ମୀନୁତ୍ସୃଜ୍ଯ ବାଜିନାଂ॥ 7-201-127 (54602)
ତତୋଽଶ୍ବାଃ ପ୍ରାଦ୍ରବଂସ୍ତୂର୍ଣଂ ମୋହିତେ ରଥସାରଥୌ।
ଭୀମସେନସ୍ଯ ରାଜେନଦ୍ର୍ ପଶ୍ଯତାଂ ସର୍ବଧନ୍ବିନାମ୍॥ 7-201-128 (54603)
ତଂ ଦୃଷ୍ଟ୍ବା ପ୍ରଦ୍ରୁତୈରଶ୍ବୈରପକୃଷ୍ଟଂ ରଣାଜିରାତ୍।
ଦଧ୍ମୌ ପ୍ରମୁଦିତଃ ଶଙ୍ଖଂ ବୃହନ୍ତମପରାଜିତଃ॥ 7-201-129 (54604)
ତତଃ ସର୍ବେ ଚ ପାଞ୍ଚାଲା ଭୀମସେନଶ୍ଚ ପାଣ଼୍ଡବଃ।
ଧୃଷ୍ଟଦ୍ଯୁମ୍ନରଥଂ ତ୍ଯକ୍ତ୍ବା ଭୀତାଃ ସମ୍ପ୍ରାଦ୍ରବନ୍ଦିଶଃ॥ 7-201-130 (54605)
ତାନ୍ପ୍ରଭଗ୍ନାଂସ୍ତତୋ ଦ୍ରୌଣିଃ ପୃଷ୍ଠତୋ ବିକିରଞ୍ଶରାନ୍।
ଅଭ୍ଯବର୍ତତ ବେଗେନ କାଲଯନ୍ପାଣ୍ଡୁବାହିନୀମ୍॥ 7-201-131 (54606)
ତେ ବଧ୍ଯମାନାଃ ସମରେ ଦ୍ରୋଣପୁତ୍ରେଣ ପାର୍ଥିବାଃ।
ଦ୍ରୋଣପୁତ୍ରଭଯାଦ୍ରାଜନ୍ଦିଶଃ ସର୍ବାଶ୍ଚ ଭେଜିରେ॥ ॥ 7-201-132 (54607)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣ ନାରାଯଣାସ୍ତ୍ରମୋକ୍ଷପର୍ବଣି ପଞ୍ଚଦଶଦିବସଯୁଦ୍ଧେ ଏକାଧିକଦ୍ବିଶତତମୋଽଧ୍ଯାଯଃ॥ 201 ॥
Mahabharata - Drona Parva - Chapter Footnotes
5-201-* ଏତଦାଦି 14 ଶ୍ଲୋକାଃ ଝ. ପୁସ୍ତ ଏବ ଦୃଶ୍ଯନ୍ତେ। 5-201-* ଏତଦାଦି 42 ଶ୍ଲୋକାଃ ଝ. ପାଠ ଏବ ସନ୍ତି।ଦ୍ରୋଣପର୍ବ - ଅଧ୍ଯାଯ 202
॥ ଶ୍ରୀଃ ॥
7.202. ଅଧ୍ଯାଯଃ 202
Mahabharata - Drona Parva - Chapter Topics
ନାରାଯଣାସ୍ତ୍ରେ ବିଫଲୀକୃତେ ପୁନରଶ୍ବତ୍ଥାମ୍ନାଽଽଗ୍ନେଯାସ୍ତ୍ରପ୍ରଯୋଗଃ॥ 1 ॥ ତସ୍ଯାପି ପାର୍ଥେନ ବ୍ଯର୍ଥୀକରଣେ ଦୂଯମାନେନ ଦ୍ରୌଣିନା ଶସ୍ତ୍ରନ୍ଯାସପୂର୍ବକଂ ରଣାଙ୍କଣାନ୍ନିର୍ଗମନମ୍॥ 2 ॥ ନିର୍ଗଚ୍ଛତା ଚ ତେନ ଯଦୃଚ୍ଛାସମାଗତଂ ବ୍ଯାସଂ ପ୍ରତି ନିଜାସ୍ତ୍ରବୈଫଲ୍ଯକାରଣପ୍ରଶ୍ନଃ॥ 3 ॥ ବ୍ଯାସେନ କୃଷ୍ଣାର୍ଜୁନଯୋର୍ନରନାରାଯଣାତ୍ମକତ୍ବେ କଥିତେ ପ୍ରତିନିବୃତ୍ତେନ ଦ୍ରୌଣିନା ସେନାବହାରଃ॥ 4 ॥Mahabharata - Drona Parva - Chapter Text
7-202-0 (54608)
ସଞ୍ଜଯ ଉବାଚ। 7-202-0x (4800)
ତତ୍ପ୍ରଭଗ୍ନଂ ବଲଂ ଦୃଷ୍ଟ୍ବା କୁନ୍ତୀପୁତ୍ରୋ ଧନଞ୍ଜଯଃ।
ନ୍ଯବାରଯଦମେଯାତ୍ମା ଦ୍ରୋଣପୁତ୍ରଜଯେପ୍ସଯା॥ 7-202-1 (54609)
ତତସ୍ତେ ସୈନିକା ରାଜନ୍ସର୍ବେ ତତ୍ରାବତସ୍ଥିରେ।
ସଂସ୍ଥାପ୍ଯମାନା ଯତ୍ନେନ ଗୋବିନ୍ଦେନାର୍ଜୁନେନ ଚ॥ 7-202-2 (54610)
ଏକ ଏବ ଚ ବୀଭତ୍ସୁଃ ସୋମକାବଯବୈଃ ସହ।
ମାତ୍ସ୍ଯୈରନ୍ଯୈଶ୍ଚ ସଂଧାଯ କୌରବାନ୍ସନ୍ନ୍ଯବର୍ତତ॥ 7-202-3 (54611)
ତତୋ ଦ୍ରୁତମତିକ୍ରମ୍ଯ ସିଂହଲାଙ୍ଗୂଲକେତନମ୍।
ସବ୍ଯସାଚୀ ମହେଷ୍ବାସମଶ୍ବତ୍ଥାମାନମବ୍ରବୀତ୍॥ 7-202-4 (54612)
ଯ ଶକ୍ତିର୍ଯଚ୍ଚ ବିଜ୍ଞାନଂ ଯଦ୍ବୀର୍ଯଂ ଯଚ୍ଚ ପୌରୁଷମ୍।
ଧାର୍ତରାଷ୍ଟ୍ରେଷୁ ଯା ପ୍ରୀତିର୍ଦେଷୋଽସ୍ମାସୁ ଚ ଯଚ୍ଚ ତେ॥ 7-202-5 (54613)
ଯଚ୍ଚ ଭୂଯୋଽସ୍ତି ତେଜସ୍ତେ ତତ୍ସର୍ବଂ ମଯି ଦର୍ଶଯ।
ସ ଏବ ଦ୍ରୋଣହନ୍ତା ତେ ଦର୍ପଂ ଛେତ୍ସ୍ଯତି ପାର୍ଷତଃ॥ 7-202-6 (54614)
କାଲାନଲସମପ୍ରଖ୍ଯଂ ଦ୍ବିଷାମନ୍ତକୋପମମ୍।
ସମାସାଦଯ ପାଞ୍ଚାଲ୍ଯଂ ମାଂ ଚାପି ସହକେଶବମ୍।
ଦର୍ପଂ ନାଶଯିତାସ୍ମ୍ଯଦ୍ଯ ତବୋଦ୍ବୃତ୍ତସ୍ଯ ସଂଯୁଗେ॥ 7-202-7 (54615)
ଧୃତରାଷ୍ଟ୍ର ଉବାଚ। 7-202-8x (4801)
ଆଚାର୍ଯପୁତ୍ରୋ ମାନାର୍ହୋ ବଲବାଂଶ୍ଚାପି ସଞ୍ଜଯ।
ପ୍ରୀତିର୍ଧନଞ୍ଜଯେ ଚାସ୍ଯ ପ୍ରିଯଶ୍ଚାପି ମହାତ୍ମନଃ॥ 7-202-8 (54616)
ନ ଭୂତପୂର୍ବଂ ବୀଭତ୍ସୋର୍ବାକ୍ଯଂ ପରୁଷମୀଦୃଶମ୍॥
ଅଥ କସ୍ମାତ୍ସ କୌନ୍ତେଯଃ ସଖାଯଂ ରୂକ୍ଷମୁକ୍ତବାନ୍॥ 7-202-9 (54617)
ସଞ୍ଜଯ ଉବାଚ। 7-202-10x (4802)
ଯୁବରାଜେ ହତେ ଚୈବ ବୃଦ୍ବକ୍ଷତ୍ରେ ଚ ପୌରବେ।
ଇଷ୍ବସ୍ତ୍ରବିଧିସମ୍ପନ୍ନେ ମାଲବେ ଚ ସୁଦର୍ଶନେ॥ 7-202-10 (54618)
ଧୃଷ୍ଟଦ୍ଯୁମ୍ନେ ସାତ୍ଯକୌ ଚ ଭୀମେ ଚାପି ପାରଜିତେ।
ଯୁଧିଷ୍ଠିରସ୍ଯ ତୈର୍ବାକ୍ଯୈର୍ମର୍ମଣ୍ଯପି ଚ ଘଟ୍ଟିତେ। 7-202-11 (54619)
ଅନ୍ତର୍ଭେଦେ ଚ ସଞ୍ଜାତେ ଦୁଃଖଂ ସଂସ୍ମୃତ୍ଯ ଚ ପ୍ରଭୋ।
ଅଭୂତପୂର୍ବୋ ବୀଭତ୍ସୋର୍ଦୁଃଖାନ୍ମନ୍ଯୁରଜାଯତ॥ 7-202-12 (54620)
ତସ୍ମାଦନର୍ହମଶ୍ଲୀଲମପ୍ରିଯଂ ଦ୍ରୋଣିମୁକ୍ତବାନ୍।
ମାନ୍ଯମାଚାର୍ଯତନଯଂ ରୂକ୍ଷଂ କାପୁରୁଷଂ ଯଥା॥ 7-202-13 (54621)
ଏବମୁକ୍ତଃ ଶ୍ବସନ୍କ୍ରୋଧାନ୍ମହେଷ୍ବାସତମୋ ନୃପ।
ପାର୍ଥେନ ପରୁଷଂ ବାକ୍ଯଂ ସର୍ବମର୍ମଭିଦା ଗିରା॥ 7-202-14 (54622)
ଦ୍ରୌଣିଶ୍ଚୁକୋପ ପାର୍ଥାଯ କୃଷ୍ଣାଯ ଚ ବିଶେଷତଃ।
ସ ତୁ ଯତ୍ତୋ ରଥେ ସ୍ଥିତ୍ବା ବାର୍ଯୁପସ୍ପୃଶ୍ଯ ବୀର୍ଯବାନ୍॥ 7-202-15 (54623)
ଦେବୈରପି ସୁଦୁର୍ଧର୍ଷମସ୍ତ୍ରମାଗ୍ନେଯମାଦଦେ।
ଦୃଶ୍ଯାଦୃଶ୍ଯାନରିଗଣାନୁଦ୍ଦିଶ୍ଯାଚାର୍ଯନନ୍ଦନଃ॥ 7-202-16 (54624)
ସୋଽଭିମନ୍ତ୍ର୍ଯ ଶରଂ ଦୀପ୍ତଂ ବିଧୂମମିବ ପାବକମ୍।
ସର୍ବତଃ କ୍ରୋଧମାବିଶ୍ଯ ଚିକ୍ଷେପ ପରବୀରହା॥ 7-202-17 (54625)
ତତସ୍ତୁମୁଲମାକାଶେ ଶରବର୍ଷମଜାଯତ।
ପାବକାର୍ଚିପରୀତଂ ତତ୍ପାର୍ଥମେବାଭିପୁପ୍ଲୁବେ॥ 7-202-18 (54626)
ଉଲ୍କାଶ୍ଚ ଗଗନାତ୍ପେତୁର୍ଦିଶଶ୍ଚ ନ ଚକାଶିରେ।
ତମଶ୍ଚ ସହସା ରୌଦ୍ରଂ ଚମୂମବତତାର ତାମ୍॥ 7-202-19 (54627)
ରକ୍ଷାଂସି ଚ ପିଶାଚାଶ୍ଚ ବିନେଦୁରତିସଙ୍ଗତାଃ।
ବବୁଶ୍ଚାଶିଶିରା ବାତାଃ ସୂର୍ଯୋ ନୈବ ତତାପ ଚ॥ 7-202-20 (54628)
ବାଯସାଶ୍ଚାପି ଚାକ୍ରନ୍ଦନ୍ଦିକ୍ଷୁ ସର୍ବାସୁ ଭୈରବମ୍।
ରୁଧିରଂ ଚାପି ବର୍ଷନ୍ତୋ ନିନେଦୁସ୍ତୋଯଦା ଦିବି॥ 7-202-21 (54629)
ପକ୍ଷିଣଃ ପଶବୋ ଗାବୋ ବିନେଦୁଶ୍ଚାପି ସୁବ୍ରତାଃ।
ପରମଂ ପ୍ରଯତାତ୍ମାନୋ ନ ଶାନ୍ତିମୁପଲେଭିରେ॥ 7-202-22 (54630)
ଭ୍ରାନ୍ତସର୍ବମହାଭୂତମାବର୍ତିତଦିବାକରମ୍।
ତ୍ରୈଲୋକ୍ଯମଭିସନ୍ତପ୍ତଂ ଜ୍ବରାବିଷ୍ଟମିବାଭବତ୍॥ 7-202-23 (54631)
ଅସ୍ତ୍ରତେଜୋଭିସନ୍ତପ୍ତା ନାଗା ଭୂମିଶଯାସ୍ତଥା।
ନିଃଶ୍ବସନ୍ତଃ ସମୁତ୍ପେତୁସ୍ତେଜୋ ଘୋରଂ ମୁମୁକ୍ଷବଃ॥ 7-202-24 (54632)
ଜଲଜାନି ଚ ସତ୍ବାନି ଦହ୍ଯମାନାନି ଭାରତ।
ନ ଶାନ୍ତିମୁପଜଗ୍ମୁର୍ହି ତପ୍ଯମାନୈର୍ଜଲାଶଯୈଃ॥ 7-202-25 (54633)
ଦିଗ୍ଭ୍ଯଃ ପ୍ରଦିଗ୍ଭ୍ଯଃ ଖାଦ୍ଭୂମେଃ ସର୍ବତଃ ଶରବୃଷ୍ଟଯଃ।
ଉଚ୍ଚାବଚା ନିପେତୁର୍ବୈ ଗରୁଡାନିଲରଂହସଃ॥ 7-202-26 (54634)
ତୈଃ ଶରୈର୍ଦ୍ରୋଣପୁତ୍ରସ୍ଯ ବଜ୍ରବେଗୈଃ ସମାହତାଃ।
ପ୍ରଦଗ୍ଧା ରିପବଃ ପେତୁରଗ୍ନିଦଗ୍ଧା ଇବ ଦ୍ରୁମାଃ॥ 7-202-27 (54635)
ଦହ୍ଯମାନା ମହାନାଗାଃ ପେତୁରୁର୍ବ୍ଯାଂ ସମନ୍ତତଃ।
ନଦନ୍ତୋ ଭୈରବାନ୍ନାଦାଞ୍ଚଲଦୋପମନିସ୍ବନାନ୍॥ 7-202-28 (54636)
ଅପରେ ପ୍ରଦ୍ରୁତା ନାଗା ଭଯତ୍ରସ୍ତା ବିଶାମ୍ପତେ।
ତ୍ରେସୁର୍ଦିଶୋ ଯଥା ପୂର୍ବଂ ବନେ ଦାବାଗ୍ନିସଂବୃତାଃ॥ 7-202-29 (54637)
ଦ୍ରୁମାଣାଂ ଶିଖରାଣୀବ ଦାବଦଗ୍ଧାନି ମାରିଷ।
ଅଶ୍ବବୃନ୍ଦାନ୍ଯଦୃଶ୍ଯନ୍ତ ରଥବୃନ୍ଦାନି ଭାରତ।
ଅପତନ୍ତ ରଥୌଘାଶ୍ଚ ତତ୍ରତତ୍ର ସହସ୍ରଶଃ॥ 7-202-30 (54638)
ତତ୍ସୈନ୍ଯଂ ଭଯସଂବିଗ୍ନଂ ଦଦାହ ଯୁଧି ଭାରତ।
ଯୁଗାନ୍ତେ ସର୍ବଭୂତାନି ସଂବର୍ତକ ଇବାନଲଃ॥ 7-202-31 (54639)
ଦୃଷ୍ଟ୍ବା ତୁ ପାଣ୍ଡବୀଂ ସେନାଂ ଦହ୍ଯମାନାଂ ମହାହବେ।
ପ୍ରହୃଷ୍ଟାସ୍ତାବକା ରାଜନ୍ସିଂହନାଦାନ୍ବିନେଦିରେ॥ 7-202-32 (54640)
ତତସ୍ତୂର୍ଯସହସ୍ରାଣି ନାନାଲିଙ୍ଗାନି ଭାରତ।
ତୂର୍ଣମାଜଘ୍ନିରେ ହୃଷ୍ଟାସ୍ତାବକା ଜିତକାଶିନଃ॥ 7-202-33 (54641)
କୃତ୍ସ୍ନା ହ୍ଯକ୍ଷୌହିଣୀ ରାଜନ୍ସବ୍ଯସାଚୀ ଚ ପାଣ୍ଡବଃ।
ତମସା ସଂବୃତେ ଲୋକେ ନାଦୃଶ୍ଯନ୍ତ ମହାହବେ॥ 7-202-34 (54642)
ନୈବ ନସ୍ତାଦୃଶଂ ରାଜନ୍ଦୃଷ୍ଟପୂର୍ବଂ ନ ଚ ଶ୍ରୁତମ୍।
ଯାଦୃଶଂ ଦ୍ରୋଣପୁତ୍ରେଣ ସୃଷ୍ଟମସ୍ତ୍ରମମର୍ଷିଣା॥ 7-202-35 (54643)
ଅର୍ଜୁନସ୍ତୁ ମହାରାଜ ବ୍ରାହ୍ମମସ୍ତ୍ରମୁଦୈରଯତ୍।
ସର୍ବାସ୍ତ୍ରପ୍ରତିଘାତାର୍ଥଂ ବିହିତଂ ପଦ୍ମଯୋନିନା॥ 7-202-36 (54644)
ତତୋ ମୁହୂର୍ତାଦିବ ତତ୍ତମୋ ବ୍ଯୁପଶଶାମ ହ।
ପ୍ରବବୌ ଚାନିଲଃ ଶୀତୋ ଦିଶଶ୍ଚ ବିମଲା ବଭୁଃ॥ 7-202-37 (54645)
ତତ୍ରାଦ୍ଭୁତମପଶ୍ଯାମ କୃତ୍ସ୍ନାମକ୍ଷୌହିଣୀଂ ହତାମ୍।
ଅନଭିଜ୍ଞେଯରୂପାଂ ଚ ପ୍ରଦଗ୍ଧାମସ୍ତ୍ରତେଜସା॥ 7-202-38 (54646)
ତତୋ ବୀରୌ ମହେଷ୍ବାସୌ ବିମୁକ୍ତୌ କେଶବାର୍ଜୁନୌ।
ସହିତୌ ପ୍ରତ୍ଯଦୃଶ୍ଯେତାଂ ନଭସୀବ ତମୋନୁଦୌ।
ତତୋ ଗଣ୍ଡୀବଧନନ୍ବା ଚ କେଶବଶ୍ଚାକ୍ଷତାବୁଭୌ॥ 7-202-39 (54647)
ସପତାକଧ୍ବଜହଯଃ ସାନୁକର୍ଷବରାଯୁଧଃ।
ପ୍ରବଭୌ ସରଥୋ ଯୁକ୍ତସ୍ତାବକାନାଂ ଭଯଙ୍କରଃ॥ 7-202-40 (54648)
ତତଃ କିଲକିଲାଶବ୍ଦଃ ଶଙ୍ଖଭେରୀସ୍ବନୈଃ ସହ।
ପାଣ୍ଡବାନାଂ ପ୍ରହୃଷ୍ଟାନାଂ କ୍ଷଣେନ ସମଜାଯତ॥ 7-202-41 (54649)
ହତାବିତି ତଯୋରାସୀତ୍ସେନଯୋରୁଭଯୋର୍ମତିଃ।
ତରସାଽଭ୍ଯାଗତୌ ଦୃଷ୍ଟ୍ବା ସହିତୌ କୈଶବାର୍ଜୁନୌ॥ 7-202-42 (54650)
ତାବକ୍ଷତୌ ପ୍ରମୁଦିତୌ ଦଧ୍ମତୁର୍ବାରିଜୋତ୍ତମୌ।
ଦୃଷ୍ଟ୍ବା ପ୍ରମୁଦିତାନ୍ପାର୍ଥାଂସ୍ତ୍ବଦୀଯା ବ୍ଯଥିତାଽଭବନ୍॥ 7-202-43 (54651)
ବିମୁକ୍ତୌ ଚ ମହାତ୍ମାନୌ ଦୃଷ୍ଟ୍ବା ଦ୍ରୌଣିଃ ସୁଦୁଃଖିତଃ।
ମୁହୂର୍ତଂ ଚିନ୍ତଯାମାସ କିନ୍ତ୍ବେତଦିତି ମାରିଷ॥ 7-202-44 (54652)
ଚିନ୍ତଯିତ୍ବା ତୁ ରାଜେନ୍ଦ୍ର ଧ୍ଯାନଶୋକପରାଯଣଃ।
ନିଃଶ୍ବସନ୍ଦୀର୍ଘମୁଷ୍ଣଂ ଚ ବିମନାଶ୍ଚାଭବତ୍ତତଃ॥ 7-202-45 (54653)
ସଞ୍ଜଯ ଉବାଚ। 7-202-46x (4803)
ତତୋ ଦ୍ରୌଣିର୍ଧନୁସ୍ତ୍ଯକ୍ତ୍ବା ରଥାତ୍ପ୍ରସ୍କନ୍ଦ୍ଯ ବେଗିତଃ।
ଧିଗ୍ଧିକ୍ସର୍ବମିଦଂ ମିଥ୍ଯେତ୍ଯୁକ୍ତ୍ବା ସମ୍ପ୍ରାଦ୍ରବଦ୍ରଣାତ୍॥ 7-202-46 (54654)
ତତଃ ସ୍ନିଗ୍ଧାମ୍ବୁଦାଭାସଂ ବେଦାବାସମକଲ୍ମଷମ୍।
ବେଦବ୍ଯାସଂ ସରସ୍ବତ୍ଯାବାସଂ ବ୍ଯାସଂ ଦଦର୍ଶ ହ॥ 7-202-47 (54655)
ତଂ ଦ୍ରୌଣିରଗ୍ରତୋ ଦୃଷ୍ଟ୍ବା ସ୍ଥିତଂ କୁରୁକୁଲୋଦ୍ବହମ୍।
ସନ୍ନକଣ୍ଠୋଽବ୍ରବୀଦ୍ବାକ୍ଯମଭିବାଦ୍ଯ ସୁଦୀନବତ୍॥ 7-202-48 (54656)
ଭୋଭୋ ମାଯା ଯଦୃଚ୍ଛା ବା ଦୈବଂ ବା କିମିଦଂ ଭବେତ୍।
ଅସ୍ତ୍ରଂ ତ୍ବିଦଂ କଥଂ ମିଥ୍ଯା ମମ କଶ୍ଚ ବ୍ଯତିକ୍ରମଃ॥ 7-202-49 (54657)
ଅଧରୋତ୍ତରମେତଦ୍ବା ଲୋକାନାଂ ବା ପରାଭବଃ।
ଯଦିମୌ ଜୀବତଃ କୃଷ୍ଣୌ କାଲୋ ହି ଦୁରତିକ୍ରମଃ॥ 7-202-50 (54658)
ନାସୁରା ନ ଚ ଗନ୍ଧର୍ବା ନ ପିଶାଚା ନ ରାକ୍ଷସାଃ।
ନ ସର୍ପା ଯକ୍ଷପତଗା ନ ମନୁଷ୍ଯାଃ କଥଞ୍ଚନ॥ 7-202-51 (54659)
ଉତ୍ସହନ୍ତେଽନ୍ଯଥା କର୍ତୁମେତଦସ୍ତ୍ରଂ ମଯେରିତମ୍।
ତଦିଦଂ କେବଲଂ ହତ୍ବା ଶାନ୍ତମକ୍ଷୌହିଣୀଂ ଜ୍ବଲତ୍॥ 7-202-52 (54660)
ସର୍ବଘାନି ମଯା ମୁକ୍ତମସ୍ତ୍ରଂ ପରମଦାରୁଣମ୍।
କେନେମୌ ମର୍ତ୍ଯଧର୍ମାଣୌ ନାଧାକ୍ଷୀତ୍କେଶବାର୍ଜୁନୌ॥ 7-202-53 (54661)
ଏତତ୍ପ୍ରବ୍ରୂହି ଭଗବନ୍ମଯା ପୃଷ୍ଟୋ ଯଥାତଥମ୍।
ଶ୍ରୋତୁମିଚ୍ଛାମି ତତ୍ତ୍ବେନ ସର୍ବମେତନ୍ମହାମୁନେ॥ 7-202-54 (54662)
ବ୍ଯାସ ଉବାଚ। 7-202-55x (4804)
ମହାନ୍ତମେବମର୍ଥଂ ମାଂ ଯଂ ତ୍ବଂ ପୃଚ୍ଛସି ବିସ୍ମଯାତ୍।
ତଂ ପ୍ରବକ୍ଷ୍ଯାମି ତେ ସର୍ବଂ ସମାଧାଯ ମନଃ ଶୃଣୁ॥ 7-202-55 (54663)
ଯୋଽସୌ ନାରାଯଣୋ ନାମ ପୂର୍ବେଷାମପି ପୂର୍ବଜଃ।
`ଆଦିଦେବୋ ଜଗନ୍ନାଥୋ ଲୋକକର୍ତା ସ୍ବଯଂ ପ୍ରଭୁଃ॥ 7-202-56 (54664)
ଆଦ୍ଯଃ ସର୍ବସ୍ଯ ଲୋକସ୍ଯ ଅନାଦିନିଧନୋଽଚ୍ଯୁତଃ।
ବ୍ଯାକୁର୍ବତେ ଯସ୍ଯ ତତ୍ତ୍ବଂ ଶ୍ରୁତଯୋ ମୁନଯଶ୍ଚ ହ॥ 7-202-57 (54665)
ଅତୋଽଜଯ୍ଯଃ ସର୍ବଭୂତୈର୍ମନସାଽପି ଜଗତ୍ପତିଃ।
ତସ୍ମାଦିମଂ ଜେତୁକାମ ଅଜ୍ଞାନତମସା ବୃତଃ॥ 7-202-58 (54666)
ମା ଶୁଚଃ ପୁରୁଷବ୍ଯାଘ୍ର ବିଦ୍ବି ତଦ୍ବଦିହାର୍ଜୁନମ୍।
ତସ୍ଯ ଶକ୍ତିରସୌ ପାର୍ଥାସ୍ତସ୍ମାଚ୍ଛୋକମିମଂ ତ୍ଯଜ॥ 7-202-59 (54667)
ବିଶ୍ବେଶ୍ବରୋଽଯଂ ଲୋକାଦିଃ ପରମାତ୍ମା ହ୍ଯଧୋକ୍ଷଜଃ।
ସହସ୍ରସଂହିତାଦଂଶାଦେକାଂଶୋଽଯମଜାଯତ॥ 7-202-60 (54668)
ଦେବାନାଂ ହିତକାମାର୍ଥଂ ଲୋକାନାଂ ଚୈବ ସତ୍ତମଃ'।
ଅଜାଯତ ଚ କାର୍ଯାର୍ଥଂ ପୁତ୍ରୋ ଧର୍ମସ୍ଯ ବିଶ୍ବକୃତ୍॥ 7-202-61 (54669)
ସ ତପସ୍ତୀବ୍ରମାତସ୍ଥେ ଶିଶିରଂ ଗିରିମାସ୍ଥିତଃ।
ଊର୍ଧ୍ବବାହୁର୍ମହାତେଜା ଜ୍ବଲନାଦିତ୍ଯସନ୍ନିଭଃ॥ 7-202-62 (54670)
ଷଷ୍ଟିଂ ବର୍ଷସହସ୍ରାଣି ତାବନ୍ତ୍ଯେବ ଶତାନି ଚ।
ଅଶୋଷଯତ୍ତଦାଽଽତ୍ମାନଂ ବାଯୁଭକ୍ଷୋଽମ୍ବୁଜେକ୍ଷଣଃ॥ 7-202-63 (54671)
ଅଥାପରଂ ତପସ୍ତପ୍ତ୍ବା ଦ୍ବିସ୍ତତୋଽନ୍ଯତ୍ପୁନର୍ମହତ୍।
ଦ୍ଯାବାପୃଥିବ୍ଯୋର୍ବିବରଂ ତେଜସା ସମପୂରଯତ୍॥ 7-202-64 (54672)
ସ ତେନ ତପସା ତାତ ବ୍ରହ୍ମଭୂତୋ ଯଦାଽଭବତ୍।
ତତୋ ବିଶ୍ବେଶ୍ବରଂ ଯୋନିଂ ବିଶ୍ବସ୍ଯ ଜଗତଃ ପତିମ୍।
ଦଦର୍ଶ ଭୃଶଦୁର୍ଧର୍ଷଂ ସର୍ବଦେବୈରଭିଷ୍ଟୁତମ୍॥ 7-202-65 (54673)
ଅଣୀଯାଂସମଣୁଭ୍ଯଶ୍ଚ ବୃହଦ୍ଭ୍ଯଶ୍ଚ ବୃହତ୍ତମମ୍।
ରୁଦ୍ରମୀଶାନବୃଷଭଂ ହରଂ ଶଂଭୁଂ କପର୍ଦିନମ୍॥ 7-202-66 (54674)
ଚେକିତାନଂ ପରାଂ ଯୋନିଂ ତିଷ୍ଠତୋ ଗଚ୍ଛତଶ୍ଚ ହ।
ଦୁର୍ବାରଣଂ ସୁଦୁର୍ଧର୍ଷଂ ଦୁର୍ନିରୀକ୍ଷ୍ଯଂ ଦୁରାସଦମ୍।
ଅତିମନ୍ଯୁଂ ମହାତ୍ମାନଂ ସର୍ବଭୂତପ୍ରଚେତସମ୍॥ 7-202-67 (54675)
ଦିବ୍ଯଂ ଚାପମିଷୁଧୀ ଚାଦଦାନଂ
ହିରଣ୍ଯବର୍ମାଣମନନ୍ତବୀର୍ଯମ୍।
ପିନାକିନଂ ବଜ୍ରିଣଂ ଦୀପ୍ତଶୂଲଂ
ପରଶ୍ବଥିଂ ଗଦିନଂ ଚାଯତାସିମ୍॥ 7-202-68 (54676)
ବଭ୍ରୂଜଟାମଣ୍ଡଲଚନ୍ଦ୍ରମୌଲିଂ
ବ୍ଯାଘ୍ରାଜିନଂ ପରିଘିଣଂ ଦଣ୍ଡପାଣିମ୍।
ଶୁଭାଙ୍ଗଦଂ ନାଗଯଜ୍ଞୋପବୀତଂ
ବିଶ୍ବୈର୍ଗଣୈଃ ଶୋଭିତଂ ଭୂତସଙ୍ଘୈଃ।
ଏକୀଭୂତଂ ତପସାଂ ସନ୍ନିଧାନଂ
ବଚୋଧିକୈଃ ସୁଷ୍ଟୁତମିଷ୍ଟବାଗ୍ଭିଃ॥ 7-202-69 (54677)
ଜଲଂ ଦିଶଂ ଖଂ କ୍ଷିତିଂ ଚନ୍ଦ୍ରସୂର୍ଯୌ
ହୁତାଶବାଯୁପ୍ରତିମଂ ସୁରେଶମ୍।
ନାଲଂ ଦ୍ରଷ୍ଟୁଂ ଯଂ ଜନା ଭିନ୍ନବୃତ୍ତା
ବ୍ରହ୍ମଦ୍ବିଷଘ୍ନମମୃତସ୍ଯ ଯୋନିମ୍॥ 7-202-70 (54678)
ଯଂ ପଶ୍ଯନ୍ତି ବ୍ରାହ୍ମଣାଃ ସାଧୁବୃତ୍ତାଃ
କ୍ଷୀଣେ ପାପେ ମନସା ବୀତଶୋକାଃ।
ତନ୍ନିଷ୍ଠାତ୍ମା ତପସା ଧର୍ମମୀଡ୍ଯଂ
ତଦ୍ଭକ୍ତ୍ଯା ବୈ ବିଶ୍ବରୂପଂ ଦଦର୍ଶ॥ 7-202-71 (54679)
ଦୃଷ୍ଟ୍ବା ଚୈନଂ ବାଡ୍ମନୋବୁଦ୍ଧିଦେହୈଃ
ସଂହୃଷ୍ଟାତ୍ମା ମୁମୁଦେ ବାସୁଦେବଃ॥ 7-202-72 (54680)
ଅକ୍ଷମାଲାପରିକ୍ଷିପ୍ତଂ ଜ୍ଯୋତିଷାଂ ପରମଂ ନିଧିମ୍।
ରୁଦ୍ରଂ ନାରାଯଣୋ ଦୃଷ୍ଟ୍ବା ବବନ୍ଦେ ବିଶ୍ବସମ୍ଭବମ୍॥ 7-202-73 (54681)
ବରଦଂ ପୃଥୁଚାର୍ବଙ୍ଗ୍ଯା ପାର୍ବତ୍ଯା ସହିତଂ ପ୍ରଭୁମ୍।
କ୍ରୀଡମାନଂ ମହାତ୍ମାନଂ ଭୂତସଙ୍ଘଗଣୈର୍ବୃତମ୍॥ 7-202-74 (54682)
ଅଜମୀଶାନମବ୍ଯକ୍ତଂ କାରଣାତ୍ମାନମଚ୍ଯୁତମ୍।
ଅଭିବାଦ୍ଯାଥ ରୁଦ୍ରାଯ ସଦ୍ଯୋଽନ୍ଧକନିପାତିନେ।
ପଦ୍ମାକ୍ଷସ୍ତଂ ବିରୁପାକ୍ଷମଭିତୁଷ୍ଟାବ ଭକ୍ତିମାନ୍॥ 7-202-75 (54683)
ଶ୍ରୀନାରାଯଣ ଉବାଚ। 7-202-76x (4805)
ତ୍ବତ୍ସମ୍ଭୂତା ଭୂତକୃତୋ ବରେଣ୍ଯ
ଗୋସାରୋଽସ୍ଯ ଭୁବନସ୍ଯାଦିଦେବ।
ଆବିଶ୍ଯେମାଂ ଧରଣୀଂ ଯେଽଭ୍ଯରକ୍ଷନ୍
ପୁରା ପୁରାଣୀଂ ତବ ଦେବ ସୃଷ୍ଟିମ୍॥
ସୁରାସୁରାନ୍ନାଗରକ୍ଷଃପିଶାଚା--
ନ୍ନରାନ୍ସୁପର୍ଣାନଥ ଗନ୍ଧର୍ବଯକ୍ଷାନ୍। 7-202-76 (54684)
ପୃଥଗ୍ବିଧାନ୍ଭୂତସଙ୍ଘାଂଶ୍ଚ ବିଶ୍ବାଂ--
ସ୍ତ୍ବତ୍ସମ୍ଭୂତାନ୍ବିଦ୍ମ ସର୍ବାଂସ୍ତଥୈବ॥ 7-202-77 (54685)
ଐନ୍ଦ୍ରଂ ଯାମ୍ଯଂ ବାରୁଣଂ ବୈତ୍ତପାଲ୍ଯଂ
ପୈତ୍ରଂ ତ୍ବାଷ୍ଟ୍ରଂ କର୍ମ ସୌମ୍ଯଂ ଚ ତୁଭ୍ଯମ୍॥ 7-202-78 (54686)
ରୂପଂ ଜ୍ଯୋତିଃ ଶବ୍ଦ ଆକାଶବାଯୁଃ
ସ୍ପର୍ଶଃ ସ୍ବାଦ୍ଯଂ ସଲିଲଂ ଗନ୍ଧ ଉର୍ବୀ।
କାଲୋ ବ୍ରହ୍ମା ବ୍ରହ୍ମ ଚ ବ୍ରାହ୍ମଣାଶ୍ଚ
ତ୍ବତ୍ସମ୍ଭୂତାଃ ସ୍ଥାସ୍ନୁ ଚରିଷ୍ଣୁ ଚେଦମ୍॥ 7-202-79 (54687)
ଅଦ୍ଭ୍ଯଃ ସ୍ତୋକା ଯାନ୍ତି ଯଥା ପୃଥକ୍ତ୍ବଂ
ତାଥିଶ୍ଚୈକ୍ଯଂ ସଂକ୍ଷଯେ ଯାନ୍ତି ଭୂଯଃ।
ଏବଂ ବିଦ୍ବାନ୍ପ୍ରଭବଂ ଚାପ୍ଯଯଂ ଚ
ତ୍ବସମ୍ଭୂତଂ ତବ ସାଯୁଜ୍ଯମେତି॥ 7-202-80 (54688)
ଦିବ୍ଯାମୃତୌ ମାନସୌ ଦ୍ବୌ ସୁପର୍ଣା--
ବବାକ୍ଶାଖଃ ପିପ୍ପଲଃ ସପ୍ତଗୋପ୍ତଃ।
ବାଚଶ୍ଚାର୍ଥା ଦେବତାଃ ଲୋକପାଲା
ଲୋକାନନ୍ଯେ ଯେ ପୁରା ଧାରଯିତ୍ବା।
ଗତା ହି ତେଭ୍ଯଃ ପରମଂ ତତ୍ପରଂ ଚ
ତ୍ବତ୍ସମ୍ଭୂତାସ୍ତେ ଚ ତେଭ୍ଯଃ ପରସ୍ତ୍ବମ୍॥ 7-202-81 (54689)
ଭୂତଂ ଭବ୍ଯଂ ଭବିତା ଚାପ୍ରଧୃଷ୍ଯଂ
ତ୍ବତ୍ସମ୍ଭୂତା ଭୁବନାନୀହ ବିଶ୍ବା।
ଭକ୍ତଂ ଚ ମାଂ ଭଜମାନଂ ଭଜସ୍ବ
ପ୍ରୀତ୍ଯା ମାଂ ବୈ ଲୋକପିତାମହେଶ॥ 7-202-82 (54690)
ଆତ୍ମାନଂ ତ୍ବମାତ୍ମନୋ ନ ବ୍ଯବୋଧଂ
ବିଦ୍ବାନେବଂ ଗଚ୍ଛି ବ୍ରହ୍ମ ଶୁକ୍ରମ୍।
ଅସ୍ତୌଷଂ ତ୍ବାଂ ତବ ସଂମାନମିଚ୍ଛ--
ନିଚିନ୍ବନ୍ବୈ ସଦୃଶଂ ଦେବବର୍ଯ।
ସୁଦୁର୍ଲଭାନ୍ଦେହି ପରାନ୍ମମେଷ୍ଟା--
ନଭିଷ୍ଟୁତଃ ପ୍ରବିକାର୍ଷୀଶ୍ଚ ମାଯାମ୍॥ 7-202-83 (54691)
ବ୍ଯାସ ଉବାଚ। 7-202-84x (4806)
ତସ୍ମୈ ବରାନଚିନ୍ତ୍ଯାତ୍ମା ଦେବଦେବଃ ପିନାକଧୃତ୍।
ବିଷ୍ଣବେ ଦେବମୁଖ୍ଯାଯ ପ୍ରାଯଚ୍ଛଦୃଷିସଂସ୍ତୁତଃ॥ 7-202-84 (54692)
ଶ୍ରୀଭଗବାନୁବାଚ। 7-202-85x (4807)
ମତ୍ପ୍ରସାଦାନ୍ମନୁଷ୍ଯେଷୁ ଦେବଗନ୍ଧର୍ବଯୋନିଷୁ।
ଅପ୍ରମେଯବଲାତ୍ମା ତ୍ବଂ ନାରାଯଣ ଭବିଷ୍ଯସି॥ 7-202-85 (54693)
ନ ଚ ତ୍ବାଂ ପ୍ରସହିଷ୍ଯନ୍ତି ଦେବାସୁରମହୋରଗାଃ।
ନ ପିଶାଚା ନ ଗନ୍ଧର୍ବା ନ ଯକ୍ଷା ନ ଚ ରାକ୍ଷସାଃ॥ 7-202-86 (54694)
ନ ସୁପର୍ଣାସ୍ତଥା ନାଗା ନ ଚ ବିଶ୍ବେ ବିଯୋନିଜାଃ।
ନ କଶ୍ଚିତ୍ତ୍ବାଂ ଚ ଦେବୋଽପି ସମରେଷୁ ବିଜେଷ୍ଯତି॥ 7-202-87 (54695)
ନ ଶସ୍ତ୍ରେଣ ନ ବଜ୍ରେଣ ନାଗ୍ନିନା ନ ଚ ବାରିଣା।
ନ ଚାର୍ଦ୍ରେଣ ନ ଶୁଷ୍କେଣ ତ୍ରସେନ ସ୍ଥାବରେଣ ଚ॥ 7-202-88 (54696)
ନ ହସ୍ତେନ ନ ପାଦେନ ନ କାଷ୍ଠେନ ନ ଲୋଷ୍ଟୁନା।
କଶ୍ଚିତ୍ତବ ରୁଜାଂ କର୍ତା ମତ୍ପ୍ରସାଦାତ୍କଥଞ୍ଚନ।
ଅପି ବୈ ସମରଂ ଗତ୍ବା ଭବିଷ୍ଯସି ମମାଧିକଃ॥ 7-202-89 (54697)
ଏବମାଦୀନ୍ବରାଁଲ୍ଲବ୍ଧ୍ବା ପ୍ରସାଦାଦଥ ଶୂଲିନଃ।
ସ ଏଷ ଦେବଶ୍ଚରତି ମାଯଯା ମୋହଯଞ୍ଜଗତ୍॥ 7-202-90 (54698)
ତସ୍ଯୈବ ତପସା ଜାତୋ ନରୋ ନାମ ମହାମୁନିଃ।
ତୁଲ୍ଯମେତେନ ଦେବେନ ତଂ ଜାନୀହ୍ଯର୍ଜୁନଂ ସଦା॥ 7-202-91 (54699)
ତାବେତୌ ପୂର୍ବଦେବାନାଂ ପରମୋପଚିତାଦୃଷୀ।
ଲୋକଯାତ୍ରାବିଧାନାର୍ଥଂ ଦାନବାନାଂ ବଧାଯ ଚ।
ଧର୍ମସଂସ୍ଥାପନାର୍ଥାଯ ସଞ୍ଜାଯେତେ ଯୁଗେଯୁଗେ॥ 7-202-92 (54700)
ତଥୈବ କର୍ମଣା କୃତ୍ସ୍ନଂ ମହତସ୍ତପରସୋଽପି ଚ।
ତେଜୋ ବାଗ୍ଭିଶ୍ଚ ବିଦ୍ବଂସ୍ତ୍ବଂ ଜାତୋ ରୁଦ୍ରାନ୍ମହାମତେ॥ 7-202-93 (54701)
ସ ଭବାନ୍ଦେବବତ୍ପ୍ରାଜ୍ଞୋ ଜ୍ଞାତ୍ବା ଭବମଯଂ ଜଗତ୍।
ଅବାକର୍ଷସ୍ତ୍ବମାତ୍ମାନଂ ନିଯମୈସ୍ତତ୍ପ୍ରିଯେପ୍ସଯା॥ 7-202-94 (54702)
ଶୁଭ୍ରମତ୍ର ହବିଃ କୃତ୍ବା ମହାପୁରୁଷବିଗ୍ରହମ୍।
ଈଜିବାଂସ୍ତ୍ବଂ ଜପୈର୍ହୋମୈରୁପହାରୈଶ୍ଚ ମାନଦ॥ 7-202-95 (54703)
ସ ତଥା ପୂଜ୍ଯମାନସ୍ତେ ପୂର୍ବଦେବୋଽପ୍ଯତୂତୁଷତ୍।
ପୁଷ୍କଲାଂଶ୍ଚ ବରାନ୍ପ୍ରାଦାତ୍ତବ ବିଦ୍ବନ୍ହୃଦି ସ୍ଥିତାନ୍॥ 7-202-96 (54704)
ଜନ୍ମକର୍ମତପୋଯୋଗାସ୍ତଯୋସ୍ତବ ଚ ପୁଷ୍କଲାଃ।
ତାଭ୍ଯାଂ ଲିଙ୍ଗେଽର୍ଚିତୋ ଦେବସ୍ତ୍ବଯାଽର୍ଚାଯାଂ ଯୁଗେଯୁଗେ।
ଦେବଦେବସ୍ତ୍ବଚିନ୍ତ୍ଯାତ୍ମା ଅଜେଯୋ ବିଷ୍ଣୁସମ୍ଭବଃ॥ 7-202-97 (54705)
ସର୍ବରୂପଂ ଭବଂ ଜ୍ଞାତ୍ବା ଲିଙ୍ଗେ ଯୋଽର୍ଚଯତି ପ୍ରଭୁମ୍।
ଆତ୍ମଯୋଗାଶ୍ଚ ତସ୍ମିନ୍ବୈ ଶାସ୍ତ୍ରଯୋଗାଶ୍ଚ ଶାଶ୍ବତାଃ॥ 7-202-98 (54706)
ଏବଂ ଦେବା ଯଜନ୍ତୋ ହି ସିଦ୍ଧାଶ୍ଚ ପରମର୍ଷଯଃ।
ପ୍ରାର୍ଥଯନ୍ତେ ପରଂ ଲୋକେ ସ୍ଥାଣୁମେବ ଚ ଶାଶ୍ବତମ୍॥ 7-202-99 (54707)
[ସ ଏଷ* ରୁଦ୍ରଭକ୍ତଶ୍ଚ କେଶବୋ ରୁଦ୍ରସମ୍ଭବଃ।]
କୃଷ୍ଣ ଏବ ହି ଯଷ୍ଟବ୍ଯୋ ଯଜ୍ଞୈଶ୍ଚୈବ ସନାତନଃ॥ 7-202-100 (54708)
ସର୍ବଭୂତଭବଂ ଜ୍ଞାତ୍ବା ଲିଙ୍ଗମର୍ଚତି ଯଃ ପ୍ରଭୋଃ।
ତସ୍ମିନ୍ନଭ୍ଯଧିକାଂ ପ୍ରୀତିଂ କରୋତି ବୃଷଭଧ୍ବଜଃ॥ 7-202-101 (54709)
ସଞ୍ଜଯ ଉବାଚ। 7-202-102x (4808)
ତସ୍ଯ ତଦ୍ବଚନଂ ଶ୍ରୁତ୍ବା ଦ୍ରୋଣପୁତ୍ରୋ ମହାରଥଃ।
ନମଶ୍ଚକାର ରୁଦ୍ରାଯ ବହୁମେନେ ଚ କେଶବମ୍॥ 7-202-102 (54710)
ହଷ୍ଟରୋମା ଚ ବଶ୍ଯାତ୍ମା ସୋଽଭିବାଦ୍ଯ ମହର୍ଷଯେ।
ବରୂଥିନୀମଭିପ୍ରେକ୍ଷ୍ଯ ହ୍ଯବହାରମକାରଯତ୍॥ 7-202-103 (54711)
ତତଃ ପ୍ରତ୍ଯବହାରୋଽଭୂତ୍ପାଣ୍ଡବାନାଂ ବିଶାମ୍ପତେ।
କୌରବାଣାଂ ଚ ଦୀନାନାଂ ଦ୍ରୋଣେ ଯୁଧି ନିପାତିତେ॥ 7-202-104 (54712)
ଯୁଦ୍ଧଂ କୃତ୍ବା ଦିନାନ୍ପଞ୍ଚ ଦ୍ରୋଣୋ ହତ୍ବା ବରୂଥିନୀମ୍।
ବ୍ରହ୍ମଲୋକଂ ଗତୋ ରାଜନ୍ବ୍ରାହ୍ମଣୋ ବେଦପାରଗଃ॥ ॥ 7-202-105 (54713)
ଇତି ଶ୍ରୀମନ୍ମହାଭାରତେ ଦ୍ରୋଣପର୍ବଣି ନାରାଯଣାସ୍ତ୍ରମୋକ୍ଷପର୍ବଣି ପଞ୍ଚଦଶଦିବସଯୁଦ୍ଧେ ଦ୍ବ୍ଯଧିକଦ୍ବିଶତତମୋଽଧ୍ଯାଯଃ॥ 202 ॥
Mahabharata - Drona Parva - Chapter Footnotes
5-202-2 ରାଜନ୍ନୈବ ତତ୍ରାବତସ୍ଥିରେ ଇତି ଟ. ପାଠଃ॥ 5-202-3 ସୋମକାବଯବୈଃ ସୋମକାନାମବଯବରୂପୈର୍ମାଣ୍ଡଲିକୈଃ॥ 5-202-7 ଉଦ୍ବୃତ୍ତସ୍ଯ ଉଚ୍ଛାସ୍ତ୍ରବର୍ତିନଃ॥ 5-202-10 ଯୁବରାଜେ ଚେଦିପତୌ॥ 5-202-12 ଅନ୍ତର୍ଭେଦେ ହୃଦଯବୈକ୍ଲବ୍ଯେ। ଦୁଃଖଂ ପୁତ୍ରବଧାଦିଜମ୍॥ 5-202-13 ଅଶ୍ଲୀଲଂ ଜୁଗୁପ୍ସିତମ୍। ଅପ୍ରିଯଂ ପରୁଷମ୍॥ 5-202-21 କ୍ରବ୍ଯାଦାଶ୍ଚାପି ଚାକ୍ରନ୍ଦନ୍ ଇତି ଟ.ପାଠଃ॥ 5-202-22 ପ୍ରଯତାତ୍ମାନୋ ଯୋଗିନୋଽପି ସମାଧିଚ୍ଯୁତା ବଭୂବୁରିତ୍ଯର୍ଥଃ॥ 5-202-23 ଆବର୍ତିତଦିବାକରଂ ବିଶ୍ବଂ ସର୍ବଂ ଭ୍ରମତୀବେତ୍ଯମନ୍ଯତେତ୍ଯର୍ଥଃ॥ 5-202-24 ତ୍ରେସୁଃ ଶବ୍ଦଂ ଚକ୍ରୁଃ। ଯଥା ବନେ ଇତି ସମ୍ବନ୍ଧଃ॥ 5-202-29 ଯୁଗାନ୍ତେ ପ୍ରଲଯେ। ସଂବର୍ତକଃ ସଂହାରକଃ॥ 5-202-31 ତମୋନୁଦୌ ଚନ୍ଦ୍ରସୂର୍ଯୌ॥ 5-202-39 ତଯୋର୍ବିଷଯେ॥ 5-202-42 ବେଦାନାଂ ବ୍ଯାସଂ ଶାଖାପ୍ରଶାଖାଭେଦେନ ବିଭାଜକମ୍। ସରସ୍ବତ୍ଯା ଅଗ୍ନୋପବେଦସ୍ମୃତ୍ଯାଦିରୂପାଯାଂ ଆବାସମ୍। ବ୍ଯାସମିତି ପାଠେ ବିସ୍ତାରମ୍। ଆବାସଂ ଚ ସରସ୍ବତ୍ଯାଃ ସ ବୈ ବ୍ଯାସ ଦଦର୍ଶହ ଇତି କ.ଗ.ଟ.ପାଠଃ॥ 5-202-47 କୁରବୋ ଧୃତରାଷ୍ଟ୍ରାଦ୍ଯାସ୍ତେଷାଂ କୁଲୋଦ୍ବହମ୍॥ 5-202-48 ମାଯା ନଷ୍ଟଯୋରପ୍ଯନଷ୍ଟତ୍ବେନ ଦର୍ଶନମ୍। ଯଦୃଚ୍ଛା ଅସ୍ତ୍ରଶକ୍ତୋରନିଯମଃ॥ 5-202-49 ଅଧରୋତ୍ତରଂ ବିପରୀତମ୍॥ 5-202-50 ଶିଶିରଂ ଗିରିଂ ହିମାଚଲମ୍॥ 5-202-62 ଯୋଗୀ ବିଶ୍ବସ୍ଯେତି କ.ଖ.ଗ.ପାଠଃ। ପତିଂ ପାଲଯିତାରମ୍॥ 5-202-65 ଈଶାନାନାଂ ବ୍ରହ୍ମାଦୀନାମପି ବୃଷଭଂ ଶ୍ରେଷ୍ଠମ୍। କପର୍ଦିନଂ ଜଟାଜୂଟବନ୍ତମ୍॥ 5-202-66 ଚେକିତାନଂ ଚେତଯତମ୍। ତିଷ୍ଠତଃ 5-202-67 ସ୍ଥାବରସ୍ଯା। ଗଚ୍ଛତୋ ଜଙ୍ଗମସ୍ଯ। ଦୁର୍ବାରଣଂ ଦୁର୍ନିଷେଧମ୍। ଅତିମନ୍ଯୁଂ ତୀବ୍ରକୋପଂ ଦୁଷ୍ଟେଷୁ॥ 5-202-68 ପରଶ୍ବଥିଂ ପରଶ୍ବଥବନ୍ତମ୍॥ 5-202-76 ଭୂତକୃତଃ ପ୍ରଜାପତଯଃ॥ 5-202-78 ଏନ୍ଦ୍ରଂ ଇନ୍ଦ୍ରଦୈବତ୍ଯଂ କର୍ମ ତୁଭ୍ଯଂ ତ୍ବଦର୍ଥମେବ। ସର୍ବେଷାଂ ଦେବାନାଂ ନାମ୍ନା ତ୍ବମେବ ତର୍ପଣୀଯ ଇତ୍ଯର୍ଥଃ॥ 5-202-79 ଆକାଶ ଇତି ଲୁପ୍ତବିଭକ୍ତିକମ୍। ସ୍ବାଦ୍ଯଂ ରସଃ। ବ୍ରହ୍ମ ବେଦାଃ ଯଜ୍ଞାଶ୍ଚ। ସ୍ଥାସ୍ନୁ ସ୍ଥାବରମ୍। ଚରିଷ୍ଣୁ ଜଙ୍ଗମମ୍॥ 5-202-80 ଅଦ୍ଭ୍ଯାଃ ସମୁଦ୍ରେଭ୍ଯଃ ସ୍ତୋକାଃ ବର୍ଷବିନ୍ଦବଃ। ସଂକ୍ଷଯେ ପ୍ଲଯେ ଏକାର୍ଣବେ॥ 5-202-83 ଅଭିଷ୍ଟୁତୋ ଯାନକାର୍ଷୀରିହ ତ୍ବମ୍ ଇତି କ.ଖ.ପାଠଃ॥ 5-202-84 ଋଷିଣା ନାରାଯଣେନ ସଂସ୍ତୁତଃ॥ 5-202-87 ବିଯୋନିଜାଃ ସିଂହବ୍ଯାଘ୍ରାଦଯଃ। ନାଗାନ ବିଶ୍ବେ ବିଶ୍ବଯୋନଯଃ ଇତି କ.ଖ.ପାଠଃ॥ 5-202-88 ତ୍ରସେନ ଜଙ୍ଗମେନ॥ 5-202-89 ଗତ୍ବା ପ୍ରାପ୍ଯ॥ 5-202-92 ପୂର୍ବଦେବାନାଂ ବ୍ରହ୍ମବିଷ୍ଣୁରୁଦ୍ରାଣାଂ ମଧ୍ଯେ ଏତୌ ବିଷ୍ଣୁରୂପିଣାବୃଷୀ ନରନାରାଯଣୌ ପରମୋପଚିତାବତ୍ଯନ୍ତତପଃ ସମ୍ପନ୍ନୌ॥ 5-202-94 ଦେବବତ୍ ନାରାଯଣବତ୍। ଅବାକର୍ଷଃ ଅବମତଂ କୃଶଂ କୃତବାନସ୍ଯାତ୍ମାନଂ ଶୀରମ୍॥ 5-202-95 ଶୁଭ୍ରଂ ଦୀପ୍ତିତମ୍। ଶୁଭଭୌର୍ବଂ ନବଂ କୃତ୍ବେତି କ.ଖ.ଗ.ପାଠଃ॥ 5-202-98 ଆତ୍ମଯୋଗାତ୍ତମୀଶାନଂ ଶାସ୍ତ୍ରଯୋଗାଚ୍ଚ ଶାଶ୍ବତମିତି କ.ଖ.ଗ.ପାଠଃ॥ 5-202-103 ମହର୍ଷଯେ ବ୍ଯାସାଯ॥ 5-202-202 ଦ୍ବ୍ଯଧିକଦ୍ବିଶତତମୋଽଧ୍ଯାଯଃ॥ଦ୍ରୋଣପର୍ବ - ଅଧ୍ଯାଯ 203
॥ ଶ୍ରୀଃ ॥
7.203. ଅଧ୍ଯାଯଃ 203
Mahabharata - Drona Parva - Chapter Topics
ଇତରାଲକ୍ଷିତଂ ପୁରତଃ ସ୍ବାନୁକୂଲଂ ଯୁଧ୍ଯମାନଂ ଶୂଲପାଣିଂ କଞ୍ଚନ ପୁରୁଷପ୍ରବରମବଲୋକଯତା ପାର୍ଥେନ ସ କ ଇତି ଯଦୃଚ୍ଛାସମାଗତଂ ବ୍ଯାସଂ ପ୍ରତି ପ୍ରଶ୍ନଃ॥ 1 ॥ ତେନ ତମ୍ପ୍ରତି ତସ୍ଯ ତସ୍ଯ ପଶୁପତିତ୍ବୋକ୍ତ୍ଯା ଶତରୁଦ୍ରୀଯପଠନେନ ସବିସ୍ତରଂ ତଦ୍ଗୁଣଗଣବର୍ଣନମ୍॥ 2 ॥Mahabharata - Drona Parva - Chapter Text
7-203-0 (54714)
ଧୃତରାଷ୍ଟ୍ର ଉବାଚ। 7-203-0x (4809)
ତସ୍ମିନ୍ନତିରଥେ ଦ୍ରୋଣେ ନିହତେ ତତ୍ର ସଞ୍ଜଯ।
ମାମକାଃ ପାଣ୍ଡବାଶ୍ଚୈବ କିମକୁର୍ବନ୍ନତଃ ପରମ୍॥ 7-203-1 (54715)
ସଞ୍ଜଯ ଉବାଚ। 7-203-2x (4810)
ତସ୍ମିନ୍ନତିରଥେ ଦ୍ରୋଣେ ନିହତେ ପାର୍ଷତେନ ବୈ।
କୌରବେଷୁ ଚ ଭଗ୍ନେଷୁ କୁନ୍ତୀପୁତ୍ରୋ ଧନଞ୍ଜଯଃ॥ 7-203-2 (54716)
ଦୃଷ୍ଟ୍ବା ସୁମହଦାଶ୍ଚର୍ଯମାତ୍ମନୋ ବିଜଯାବହମ୍।
ମୁନିଂ ସ୍ନିଗ୍ଧାମ୍ବୁଦାଭାସଂ ବେଦବ୍ଯାସମକଲ୍ମଷମ୍।
ଯଦୃଚ୍ଛଯାଽଽଗତଂ ବ୍ଯାସଂ ପପ୍ରଚ୍ଛ ଭରତର୍ଷଭ॥ 7-203-3 (54717)
ଅର୍ଜୁନ ଉବାଚ। 7-203-4x (4811)
ସଙ୍ଗ୍ରାମେ ନ୍ଯହନଂ ଶତ୍ରୂଞ୍ଶରୌଘୈର୍ବିମଲୈରହମ୍।
ଅଗ୍ରତୋ ଲକ୍ଷଯେ ଯାନ୍ତଂ ପୁରୁଷଂ ପାବକପ୍ରଭମ୍॥ 7-203-4 (54718)
ଜ୍ବଲନ୍ତଂ ଶୂଲମୁଦ୍ଯମ୍ଯ ଯାଂ ଦିଶଂ ପ୍ରତିପଦ୍ଯତେ।
ତସ୍ଯାଂ ଦିଶି ବିଦୀର୍ଯନ୍ତେ ଶତ୍ରବୋ ମେ ମହାମୁନେ॥ 7-203-5 (54719)
ତେନ ଭଗ୍ନାନରୀନ୍ସର୍ବାନ୍ମଦ୍ଭଗ୍ନାନ୍ମନ୍ଯତେ ଜନଃ।
ତେନ ଭଗ୍ନାନି ସୈନ୍ଯାନି ପୃଷ୍ଠତୋଽନୁବ୍ରଜାମ୍ଯହମ୍॥ 7-203-6 (54720)
ଭଗବଂସ୍ତନ୍ମମାଚକ୍ଷ୍ବ କୋ ବୈ ସ ପୁରୁଷୋତ୍ତମଃ।
ଶୂଲପାଣିର୍ମଯା ଦୃଷ୍ଟସ୍ତେଜସା ସୂର୍ଯସନ୍ନିଭଃ॥ 7-203-7 (54721)
ନ ପଦ୍ଭ୍ଯାଂ ସ୍ପୃଶତେ ଭୂମିଂ ନ ଚ ଶୂଲଂ ବିମୁଞ୍ଚତି।
ଶୂଲାଚ୍ଛୂଲସହସ୍ରାଣି ନିଷ୍ପେତୁସ୍ତସ୍ଯ ତେଜସା॥ 7-203-8 (54722)
ବ୍ଯାସ ଉବାଚ। 7-203-9x (4812)
ପ୍ରଜାପତୀନାଂ ପ୍ରଥମଂ ତୈଜସଂ ପୁରୁଷଂ ପ୍ରଭୁମ୍।
ଭୁବନଂ ଭୂର୍ଭୁବଂ ଦେବଂ ତେଜସାଂ ପ୍ରବରଂ ପ୍ରଭୁମ୍॥ 7-203-9 (54723)
ଈଶାନଂ ବରଦଂ ପାର୍ଥ ଦୃଷ୍ଟବାନସି ଶଙ୍କରମ୍।
ତଂ ଗଚ୍ଛ ଶରଣଂ ଦେବଂ ବରଦଂ ଭୁବନେଶ୍ବରମ୍॥ 7-203-10 (54724)
ମହାଦେବଂ ମହାତ୍ମାନମୀଶାନଂ ଜଟିଲଂ ବିଭୁମ୍।
ତ୍ର୍ଯକ୍ଷଂ ମହାଭୁଜଂ ରୁଦ୍ରଂ ଶିଖିନଂ ଚୀବରାସସମ୍॥ 7-203-11 (54725)
ମହାଦେବଂ ହରଂ ସ୍ଥାଣୁଂ ବରଦଂ ଭୁବନେଶ୍ବରମ୍।
ଜଗତ୍ପ୍ରଧାନମଜିତଂ ଜଗତ୍ପ୍ରୀତିମଧୀଶ୍ବରମ୍॥ 7-203-12 (54726)
ଜଗଦ୍ଯୋନିଂ ଜଗଦ୍ବୀଜଂ ଜଯିନଂ ଜଗତୋ ଗତିମ୍।
ବିଶ୍ବାତ୍ମାନଂ ବିଶ୍ବସୃଜଂ ବିଶ୍ବମୂର୍ତିଂ ଯଶସ୍ବିନମ୍॥ 7-203-13 (54727)
ବିଶ୍ବେଶ୍ବରଂ ବିଶ୍ବନରଂ କର୍ମଣାମୀଶ୍ବରଂ ପ୍ରଭୁମ୍।
ଶଂଭୁଂ ସ୍ବଯଂଭୁଂ ଭୂତେଶଂ ଭୂତଭବ୍ଯଭବୋଦ୍ଭବମ୍॥ 7-203-14 (54728)
ଯୋଗଂ ଯୋଗେଶ୍ବରଂ ସର୍ବଂ ସର୍ବଲୋକେଶ୍ବରେଶ୍ବରମ୍।
ସର୍ବଶ୍ରେଷ୍ଠଂ ଜଗଚ୍ଛ୍ରେଷ୍ଠଂ ବରିଷ୍ଠଂ ପରମେଷ୍ଠିନମ୍॥ 7-203-15 (54729)
ଲୋକତ୍ରଯବିଧାତାରମେକଂ ଲୋକତ୍ରଯାଶ୍ରଯମ୍।
ଶୁଦ୍ଧାତ୍ମାନଂ ଭବଂ ଭୀମଂ ଶଶାଙ୍କକୃତଶେଖରମ୍॥ 7-203-16 (54730)
ଶାଶ୍ବତଂ ଭୂଧରଂ ଦେବଂ ସର୍ବବାଗୀଶ୍ବରେଶ୍ବରମ୍।
ସୁଦୁର୍ଜଯଂ ଜଗନ୍ନାଥଂ ଜନ୍ମମୃତ୍ଯୁଜରାତିଗମ୍॥ 7-203-17 (54731)
ଜ୍ଞାନାତ୍ମାନଂ ଜ୍ଞାନଗମ୍ଯଂ ଜ୍ଞାନଶ୍ରେଷ୍ଠଂ ସୁଦୁର୍ବିଦମ୍।
ଦାତାରଂ ଚୈବ ଭକ୍ତାନାଂ ପ୍ରସାଦବିହିତାନ୍ବରାନ୍॥ 7-203-18 (54732)
ତସ୍ଯ ପାରିଷଦା ଦିବ୍ଯା ରୂପୈର୍ନାନାବିଧୈର୍ବିଭୋଃ।
ବାମନା ଜଟିଲା ମୁଣ୍ଡା ହସ୍ବଗ୍ରୀବା ମହୋଦରାଃ॥ 7-203-19 (54733)
ମହାକାଯା ମହୋତ୍ସାହା ମହାକର୍ଣାସ୍ତଥାଽପରେ।
ଆନନୈର୍ବିକୃତୈଃ ପାଦୈଃ ପାର୍ଥ ବେଷୈଶ୍ଚ ବୈକୃତୈଃ॥ 7-203-20 (54734)
ଈଦୃଶୈଃ ସ ମହାଦେବଃ ପୂଜ୍ଯମାନୋ ମହେଶ୍ବରଃ।
ସ ଶିବସ୍ତାତ ତେଜସ୍ବୀ ପ୍ରସାଦାଦ୍ଯାତି ତେଽଗ୍ରତଃ॥ 7-203-21 (54735)
ତସ୍ମିନ୍ଘୋରେ ସଦା ପାର୍ଥ ସଙ୍ଗ୍ରାମେ ରୋମହର୍ଷଣେ।
ଦ୍ରୌଣିକର୍ଣକୃପୈର୍ଗୁପ୍ତାଂ ମହେଷ୍ବାସୈଃ ପ୍ରହାରିଭିଃ॥ 7-203-22 (54736)
କସ୍ତାଂ ସେନାଂ ତଦା ପାର୍ଥ ମନସାଽପି ପ୍ରଧର୍ଷଯେତ୍।
ଋତେ ଦେବାନ୍ମହେଷ୍ବାସାଦ୍ବହୁରୂପାନ୍ମହେଶ୍ବରାତ୍॥ 7-203-23 (54737)
ସ୍ଥାତୁମୁତ୍ସହତେ କଶ୍ଚିନ୍ନ ତସ୍ମିନ୍ନଗ୍ରତଃ ସ୍ଥିତେ।
ନ ହି ଭୂତଂ ସମଂ ତେନ ତ୍ରିଷୁ ଲୋକେଷୁ ବିଦ୍ଯତେ॥ 7-203-24 (54738)
ଗନ୍ଧେନାପି ହି ସଙ୍ଗ୍ରାମେ ତସ୍ଯ କ୍ରୁଦ୍ଧସ୍ଯ ଶତ୍ରବଃ।
ବିସଂଜ୍ଞା ହତଭୂଯିଷ୍ଠା ବେପନ୍ତି ଚ ପତନ୍ତି ଚ॥ 7-203-25 (54739)
ତସ୍ମୈ ନମସ୍ତୁ କୁର୍ବନ୍ତୋ ଦେବାସ୍ତିଷ୍ଠନ୍ତି ବୈ ଦିବି।
ଯେ ଚାନ୍ଯେ ମାନବା ଲୋକେ ଯେ ଚ ସ୍ବର୍ଗଜିତୋ ନରାଃ॥ 7-203-26 (54740)
ଯେ ଭକ୍ତା ବରଦଂ ଦେବ ଶିବଂ ରୁଦ୍ରମୁମାପତିମ୍।
ଅନନ୍ଯଭାବେନ ସଦା ସର୍ବେଶଂ ସମୁପାସତେ॥ 7-203-27 (54741)
`ସଙ୍ଗ୍ରାମେଷୁ ଜଯଂ ପ୍ରାପ୍ଯ ପାଲଯନ୍ତି ମହୀମିମାମ୍'।
ଇହ ଲୋକେ ସୁଖଂ ପ୍ରାପ୍ଯ ତେ ଯାନ୍ତି ପରମାଂ ଗତିମ୍॥ 7-203-28 (54742)
ନମସ୍କୁରୁଷ୍ବ କୌନ୍ତେଯ ତସ୍ମୈ ଶାନ୍ତାଯ ବୈ ସଦା।
ରୁଦ୍ରାଯ ଶିତିକଣ୍ଠାଯ କନିଷ୍ଠାଯ ସୁବର୍ଚସେ॥ 7-203-29 (54743)
କପର୍ଦିନେ କରାଲାଯ ହର୍ଯକ୍ଷବରଦାଯ ଚ।
ଯାମ୍ଯାଯାବ୍ଯକ୍ତକେଶାଯ ସଦ୍ବୃତ୍ତେ ଶଙ୍କରାଯ ଚ॥ 7-203-30 (54744)
କାମ୍ଯାଯ ହରିନେତ୍ରାଯ ସ୍ଥାଣବେ ପୁରୁଷାଯ ଚ॥ 7-203-31 (54745)
`ନମୋ ବୃକ୍ଷାଯ ସେନାନ୍ଯେ ମଧ୍ଯମାଯ ନମୋନମଃ'।
ହରିକେଶାଯ ମୁଣ୍ଡାଯ କୃଶାଯୋତ୍ତାରଣାଯ ଚ।
ଭାସ୍କାରଯ ସୁତୀର୍ଥାଯ ଦେବଦେବାଯ ରଂହସେ॥ 7-203-32 (54746)
ବହୁରୂପାଯ ସର୍ବାଯ ପ୍ରିଯାଯ ପ୍ରିଯବାସସେ।
ଉଷ୍ଣୀଷିଣେ ସୁବକ୍ତ୍ରାଯ ସହସ୍ରାକ୍ଷାଯ ମୀଢୁଷେ॥ 7-203-33 (54747)
ଗିରିଶାଯ ପ୍ରଶାନ୍ତାଯ ପତଯେ ଚୀରବାସସେ।
ହିରଣ୍ଯବାହବେ ରାଜନ୍ନୁଗ୍ରାଯ ପତଯେ ଦିଶାମ୍॥ 7-203-34 (54748)
ପର୍ଜନ୍ଯପତଯେ ଚୈବ ଭୂତାନାଂ ପତଯେ ନମଃ।
ବୃକ୍ଷାଣାଂ ପତଯେ ଚୈବ ଗବାଂ ଚ ପତଯେ ନମଃ॥ 7-203-35 (54749)
ବୃକ୍ଷୈରାବୃତକାଯାଯ ସେନାନ୍ଯେ ମଧ୍ଯମାଯ ଚ।
ସ୍ରୁବହସ୍ତାଯ ଦେବାଯ ଧନ୍ବିନେ ଭାର୍ଗବାଯ ଚ॥ 7-203-36 (54750)
ବହୁରୂପାଯ ବିଶ୍ବସ୍ଯ ପତଯେ ମୁଞ୍ଚବାସସେ।
ସହସ୍ରଶିରସେ ଚୈବ ସହସ୍ରଚରଣାଯ ଚ।
ସହସ୍ରବାହବେ ଚୈବ ସହସ୍ରବଦନାଯ ଚ॥ 7-203-37 (54751)
ଶରଣଂ ଗଚ୍ଛ କୌନ୍ତେଯ ବରଦଂ ଭୁବନେଶ୍ବରମ୍।
ଉମାପତିଂ ବିରୂପାକ୍ଷଂ ଦକ୍ଷଯଜ୍ଞନିବର୍ହଣମ୍॥ 7-203-38 (54752)
ପ୍ରଜାନାଂ ପତିମବ୍ଯଗ୍ରଂ ଭୂତାନାଂ ପତିମବ୍ଯଯମ୍।
କପର୍ଦିନଂ ବୃଷାବର୍ତଂ ବୃଷନାଭଂ ବୃଷଧ୍ବଜମ୍॥ 7-203-39 (54753)
ବୃଷଦର୍ପଂ ବୃଷପତିଂ ବୃଷଶୃଙ୍ଗଂ ବୃଷର୍ଷଭମ୍।
ବୃଷାଙ୍ଗଂ ବୃଷଭୋଦାରଂ ବୃଷଭଂ ବୃଷଭେକ୍ଷଣମ୍॥ 7-203-40 (54754)
ବୃଷାଯୁଧଂ ବୃଷଶରଂ ବୃଷଭୂତଂ ବୃଷେଶ୍ବରମ୍।
ମହୋଦରଂ ମହାକାଯଂ ଦ୍ବୀପିଚର୍ମନିବାସିନମ୍॥ 7-203-41 (54755)
ଲୋକେଶଂ ବରଦଂ ପୁଣ୍ଯଂ ବ୍ରହ୍ମଣ୍ଯଂ ବ୍ରାହ୍ମଣପ୍ରିଯମ୍।
ତ୍ରିଶୂଲପାଣିଂ ବରଦଂ ଖଙ୍ଗଚର୍ମଧରଂ ପ୍ରଭୁମ୍॥ 7-203-42 (54756)
ପିନାକିନଂ ଖଙ୍ଘଧରଂ ଲୋକାନାଂ ପତିମୀଶ୍ବରମ୍।
ପ୍ରପଦ୍ଯେ ଶରଣଂ ଦେବଂ ଶରଣ୍ଯଂ ଚୀରବାସସମ୍॥ 7-203-43 (54757)
ନମସ୍ତସ୍ମୈ ସୁରେଶାଯ ଗଣାନାଂ ପତଯେ ନମଃ।
ସୁବାସସେ ନମସ୍ତୁଭ୍ଯଂ ସୁବ୍ରତାଯ ସୁଧନ୍ବିନେ॥ 7-203-44 (54758)
ଧନୁର୍ଧରାଯ ଦେବାଯ ପ୍ରିଯଧନ୍ବାଯ ଧନ୍ବିନେ।
ଧନ୍ବନ୍ତରାଯ ଧନୁଷେ ଧନ୍ବାଚାର୍ଯାଯ ତେ ନମଃ॥ 7-203-45 (54759)
ଉଗ୍ରାଯୁଧାଯ ଦେବାଯ ନମଃ ସୁରବରାଯ ଚ।
ନମୋସ୍ତୁ ବହୁରୂପାଯ ନମୋସ୍ତୁ ବହୁଧନ୍ବିନେ॥ 7-203-46 (54760)
ନମୋସ୍ତୁ ସ୍ଥାଣବେ ନିତ୍ଯଂ ନମସ୍ତସ୍ମୈ ତପସ୍ବିନେ।
ନମୋସ୍ତୁ ତ୍ରିପୁରଘ୍ନାଯ ଭଗଘ୍ନାଯ ଚ ବୈ ନମଃ। 7-203-47 (54761)
ବନସ୍ପତୀନାଂ ପତଯେ ନରାଣାଂ ପତଯେ ନମଃ।
ମାତୄଣାଂ ପତଯେ ଚୈବ ଗଣାନାଂ ପତଯେ ନମଃ॥ 7-203-48 (54762)
ଗବାଂ ଚ ପତଯେ ନିତ୍ଯଂ ଯଜ୍ଞାନାଂ ପତଯେ ନମଃ।
ଅପାଂ ଚ ପତଯେ ନିତ୍ଯଂ ଦେବାନାଂ ପତଯେ ନମଃ॥ 7-203-49 (54763)
ପୂଷ୍ଣୋ ଦନ୍ତବିନାଶାଯ ତ୍ର୍ଯକ୍ଷାଯ ବରଦାଯ ଚ।
ନୀଲକଣ୍ଠାଯ ପିଙ୍ଗାଯ ସ୍ବର୍ଣକେଶାଯ ବୈ ନମଃ॥ 7-203-50 (54764)
କର୍ମାଣି ଯାନି ଦିବ୍ଯାନି ମହାଦେବସ୍ଯ ଧୀମତଃ।
ତାନି ତେ କୀର୍ତଯିଷ୍ଯାମି ତଥାପ୍ରଜ୍ଞଂ ଯଥାଶ୍ରୁତମ୍॥ 7-203-51 (54765)
ନ ସୁରା ନାସୁରା ଲୋକେ ନ ଗନ୍ଧର୍ବା ନ ରାକ୍ଷସାଃ।
ସୁଖମେଧନ୍ତି କୁପିତେ ତସ୍ମିନ୍ନପି ଗୁରାଗତାଃ॥ 7-203-52 (54766)
ଦକ୍ଷସ୍ଯ ଯଜମାନସ୍ଯ ବିଧିବତ୍ସଂଭୃତଂ ପୁରା।
ବିବ୍ଯାଧ କୁପିତୋ ଯଜ୍ଞଂ ନିର୍ଦଯସ୍ତ୍ବଭବତ୍ତଦା।
ଧନୁଷା ବାଣମୁତ୍ସୃଜ୍ଯ ସଘୋଷଂ ବିନନାଦ ଚ॥ 7-203-53 (54767)
ତେନ ଶର୍ମ କୁତଃ ଶାନ୍ତିଂ ଲେଭିରେ ସ୍ମ ସୁରାସ୍ତଦା।
ବିଦ୍ରୁତେ ସହସା ଯଜ୍ଞେ କୁପିତେ ଚ ମହେଶ୍ବରେ॥ 7-203-54 (54768)
ତେନ ଜ୍ଯାତଲଘୋଷେଣ ସର୍ବେ ଲୋକାଃ ସମାକୁଲାଃ।
ବଭୂବୁର୍ବଶଗାଃ ପାର୍ଥ ନିପେତୁଶ୍ଚ ସୁରାସୁରାଃ॥ 7-203-55 (54769)
ଆପଶ୍ଚୁକ୍ଷୁଭିରେ ସର୍ବାଶ୍ଚକମ୍ପେ ଚ ବସୁନ୍ଧରା।
ପର୍ବତାଶ୍ଚ ବ୍ଯଶୀର୍ଯନ୍ତ ଦିଶୋ ନାଗାଶ୍ଚ ମୋହିତାଃ॥ 7-203-56 (54770)
ଅନ୍ଧେନ ତମସା ଲୋକା ନ ପ୍ରାକାଶନ୍ତ ସଂବୃତାଃ।
ଜଘ୍ନିବାନ୍ସହ ସୂର୍ଯେଣ ସର୍ବେଷାଂ ଜ୍ଯୋତିଷାଂ ପ୍ରଭାଃ॥ 7-203-57 (54771)
ଚୁକ୍ଷୁଭୁର୍ଭଯଭୀତାଶ୍ଚ ଶାନ୍ତିଂ ଚକ୍ରୁସ୍ତଥୈବ ଚ।
ଋଷଯଃ ସର୍ବଭୂତାନାମାତ୍ମନଶ୍ଚ ସୁଖୈଷିଣଃ॥ 7-203-58 (54772)
ପୂଷାଣମଭ୍ଯଦ୍ରବତ ଶଙ୍କରଃ ପ୍ରହସନ୍ନିବ।
ପୁରୋଡାଶଂ ଭକ୍ଷଯତୋ ଦଶନାନ୍ବୈ ବ୍ଯଶାତଯତ୍॥ 7-203-59 (54773)
ତତୋ ନିଶ୍ଚକ୍ରମୁର୍ଦେବା ବେପମାନା ଭଯାର୍ଦିତାଃ॥ 7-203-60 (54774)
ପୁନଶ୍ଚ ସନ୍ଦଧେ ଦୀପ୍ତାନ୍ଦେବାନାଂ ନିଶିତାଞ୍ଶରାନ୍।
ସଧୂମାନ୍ସସ୍ଫୁଲିଙ୍ଗାଂଶ୍ଚ ବିଦ୍ଯୁତ୍ତୋଯଦସନ୍ନିଭାନ୍॥ 7-203-61 (54775)
ତଂ ଦୃଷ୍ଟ୍ବା ତୁ ସୁରାଃ ସର୍ବେ ପ୍ରଣିପତ୍ଯ ମହେଶ୍ବରମ୍।
ରୁଦ୍ରସ୍ଯ ଯଜ୍ଞଭାଗଂ ଚ ବିଶିଷ୍ଟଂ ତେ ତ୍ବକଲ୍ପଯନ୍॥ 7-203-62 (54776)
ଭଯେନ ତ୍ରିଦଶା ରାଜଞ୍ଛରଣଂ ଚ ପ୍ରପେଦିରେ।
ତେନ ଚୈବାତିକୋପେନ ସ ଯଜ୍ଞଃ ସନ୍ଧିତସ୍ତଦା।
ଭଗ୍ନାଶ୍ଚାପି ସୁରା ଆସନ୍ଭୀତାଶ୍ଚାଦ୍ଯାପି ତଂ ପ୍ରତି॥ 7-203-63 (54777)
ଅସୁରାଣାଂ ପୁରାଣ୍ଯାସଂସ୍ତ୍ରୀଣି ବୀର୍ଯବତାଂ ଦିବି।
ଆଯସଂ ରାଜତଂ ଚୈବ ସୌବର୍ଣଂ ପରମଂ ମହତ୍॥ 7-203-64 (54778)
ସୌବର୍ଣଂ କମଲାକ୍ଷସ୍ଯ ତାରକାକ୍ଷସ୍ଯ ରାଜତମ୍।
ତୃତୀଯଂ ତୁ ପୁରଂ ତେଷାଂ ବିଦ୍ଯୁନ୍ମାଲିନ ଆଯସମ୍।
ନ ଶକ୍ତସ୍ତାନି ମଘବାନ୍ଭେତ୍ତୁଂ ସର୍ବାଯୁଧୈରପି॥ 7-203-65 (54779)
ଅଥ ସର୍ବେ ସୁରା ରୁଦ୍ରଂ ଜଗ୍ମୁଃ ଶରଣମର୍ଦିତାଃ।
ତେ ତମୂଚୁର୍ମହାତ୍ମାନଂ ସର୍ବେ ଦେବାଃ ସବାସବାଃ॥ 7-203-66 (54780)
ବ୍ରହ୍ମଦତ୍ତବରା ହ୍ଯେତେ ଘୋରାସ୍ତ୍ରିପୁରବାସିନଃ।
ପୀଡଯନ୍ତ୍ଯଧିକଂ ଲୋକଂ ଯସ୍ମାତ୍ତେ ବରଦର୍ପିତାଃ॥ 7-203-67 (54781)
ତ୍ବଦୃତେ ଦେବଦେବେଶ ନାନ୍ଯଃ ଶକ୍ତଃ କଥଞ୍ଚନ।
ହନ୍ତୁଂ ଦୈତ୍ଯାନ୍ମହାଦେବ ଜହି ତାଂସ୍ତ୍ବଂ ସୁରଦ୍ବିପଃ॥ 7-203-68 (54782)
ରୁଦ୍ର ରୌଦ୍ରା ଭବିଷ୍ଯନ୍ତି ପଶବଃ ସର୍ବକର୍ମସୁ।
ନିପାତଯିଷ୍ଯସେ ଚୈତାନସୁରାନ୍ଭୁବନେଶ୍ବର॥ 7-203-69 (54783)
ସ ତଥୋକ୍ତସ୍ତଥେତ୍ଯୁକ୍ତ୍ବା ଦେବାନାଂ ହିତକାମ୍ଯଯା।
ଗନ୍ଧମାଦନବିନ୍ଧ୍ଯୌ ଚ କୃତ୍ବା ବଂଶଧ୍ବଜୌ ହରଃ॥ 7-203-70 (54784)
ପୃଥ୍ବୀଂ ସସାଗରବନାଂ ରଥଂ କୃତ୍ବା ତୁ ଶଙ୍କରଃ।
ଅକ୍ଷଂ କୃତ୍ବା ତୁ ନାଗେନ୍ଦ୍ରଂ ଶେଷଂ ନାମ ତ୍ରିଲୋଚନଃ॥ 7-203-71 (54785)
ଚକ୍ରେ କୃତ୍ବା ତୁ ଚନ୍ଦ୍ରାର୍କୌ ଦେବଦେବଃ ପିନାକଧୃତ୍।
ଅଣୀ କୃତ୍ବୈଲପତ୍ରଂ ଚ ପୁଷ୍ପଦନ୍ତଂ ଚ ତ୍ର୍ଯମ୍ବକଃ॥ 7-203-72 (54786)
ଯୂପଂ କୃତ୍ବା ତୁ ମଲଯମବନାହଂ ଚ ତକ୍ଷକମ୍॥ 7-203-73 (54787)
ଯୋକ୍ତ୍ରାଙ୍ଗାନି ଚ ସତ୍ବାନି କୃତ୍ବା ଶର୍ବଃ ପ୍ରତାପବାନ୍।
ବେଦାନ୍କୃତ୍ବାଽଥ ଚତୁରଶ୍ଚତୁରଶ୍ବାନ୍ମହେଶ୍ବରଃ॥ 7-203-74 (54788)
ଉପଦେବାନ୍ଖଲୀନାଂଶ୍ଚ କୃତ୍ବା ଲୋକତ୍ରଯେଶ୍ବରଃ।
ଗାଯତ୍ରୀଂ ପ୍ରଗ୍ରହଂ କୃତ୍ବା ସାବିତ୍ରୀଂ ଚ ମହେଶ୍ବରଃ॥ 7-203-75 (54789)
କୃତ୍ବୋଂକାରଂ ପ୍ରତୋଦଂ ଚ ବ୍ରହ୍ମାଣଂ ଚୈବ ସାରଥିମ୍।
ଗାଣ୍ଡୀବଂ ମନ୍ଦରଂ କୃତ୍ବା ଗୁଣଂ କୃତ୍ବା ତୁ ବାସୁକିମ୍॥ 7-203-76 (54790)
ବିଷ୍ଣୁଂ ଶରୋତ୍ତମଂ କୃତ୍ବା ଶଲ୍ଯମଗ୍ନିଂ ତଥୈବ ଚ।
ବାଯୁଂ କୃତ୍ବାଽଥ ବାଜାଭ୍ଯାଂ ପୁଙ୍ଖେ ବୈବସ୍ବତଂ ଯମମ୍॥ 7-203-77 (54791)
ବିଦ୍ଯୁତ୍କୃତ୍ବାଽଥ ନିଶ୍ରାଣଂ ମେରୁଂ କୃତ୍ବାଽଥ ବୈ ଧ୍ବଜମ୍।
ଆରୁହ୍ଯ ସ ରଥଂ ଦିବ୍ଯଂ ସର୍ବଦେବମଯଂ ଶିବଃ॥ 7-203-78 (54792)
ତ୍ରିପୁରସ୍ଯ ବଧାର୍ଥାଯ ସ୍ଥାଣୁଃ ପ୍ରହରତାଂ ବରଃ।
ଅସୁରାଣାମନ୍ତକରଃ ଶ୍ରୀମାନତୁଲବିକ୍ରମଃ॥ 7-203-79 (54793)
ସ୍ତୂଯମାନଃ ସୁରୈଃ ପାର୍ଥ ଋଷିଭିଶ୍ଚ ତପୋଧନୈଃ।
ସ୍ଥାନଂ ମାହେଶ୍ବରଂ କୃତ୍ବା ଦିବ୍ଯମପ୍ରତିମଂ ପ୍ରଭୁଃ।
ଅତିଷ୍ଠତ୍ସ୍ଥାଣୁଭୂତଃ ସ ସହସ୍ରଂ ପରିବତ୍ସରାନ୍॥ 7-203-80 (54794)
ଯଦା ତ୍ରୀଣି ସମେତାନି ଅନ୍ତରିକ୍ଷେ ପୁରାଣି ଚ।
ତ୍ରିପର୍ବଣା ତ୍ରିଶଲ୍ଯେନ ତଦା ତାନି ବିଭେଦ ସଃ॥ 7-203-81 (54795)
ପୁରାଣି ନ ଚ ତଂ ଶେକୁର୍ଦାନବାଃ ପ୍ରତିବୀକ୍ଷିତୁମ୍।
ଶରଂ କାଲାଗ୍ନିସଂଯୁକ୍ତଂ ବିଷ୍ଣୁସୋମସମାଯୁତମ୍॥ 7-203-82 (54796)
ପୁରାଣି ଦଗ୍ଧବନ୍ତଂ ତଂ ଦେବୀ ଯାତା ପ୍ରବୀକ୍ଷିତୁମ୍।
`ଦେବ୍ଯାଃ ସ୍ବଯଂବରେ ବୃତ୍ତଂ ଶୃଣୁଷ୍ବାନ୍ଯଦ୍ଧନଞ୍ଜଯ'॥ 7-203-83 (54797)
ବାଲମଙ୍କଗତଂ କୃତ୍ବା ସ୍ବଯଂ ପଞ୍ଚଶିଖଂ ପୁନଃ।
ଉମା ଜିଜ୍ଞାସମାନା ବୈ କୋଯମିତ୍ଯବ୍ରବୀତ୍ସୁରାନ୍॥ 7-203-84 (54798)
ଅସୂଯତଶ୍ଚ ଶକ୍ରସ୍ଯ ବଜ୍ରେଣ ପ୍ରହରିଷ୍ଯତଃ।
ବାହୁଂ ସବଜ୍ରଂ ତଂ ତସ୍ଯ କ୍ରୁଦ୍ଧସ୍ଯାସ୍ତମ୍ଭଯତ୍ପ୍ରଭୁଃ।
[ପ୍ରହସ୍ଯ* ଭଗବାଂସ୍ତୂର୍ଣଂ ସର୍ବଲୋକେଶ୍ବରୋ ବିଭୁଃ॥ 7-203-85 (54799)
ତତଃ ସ ସ୍ତମ୍ଭିତଭୁଜଃ ଶକ୍ରୋ ଦେବଗଣୈର୍ବୃତଃ।
ଜଗାମ ସସୁରସ୍ତୂର୍ଣଂ ବ୍ରହ୍ମାଣଂ ପ୍ରଭୁମବ୍ଯଯମ୍॥ 7-203-86 (54800)
ତେ ତଂ ପ୍ରଣମ୍ଯ ଶିରସା ପ୍ରୋଚୁଃ ପ୍ରାଞ୍ଜଲଯସ୍ତଦା॥ 7-203-87 (54801)
କିମପ୍ଯଙ୍କଗତଂ ବ୍ରହ୍ମନ୍ପାର୍ବତ୍ଯା ଭୂତମଦ୍ଭୁତମ୍।
ବାଲରୂପଧରଂ ଦୃଷ୍ଟ୍ବା ନାସ୍ମାଭିରଭିଲକ୍ଷିତଃ॥ 7-203-88 (54802)
ତସ୍ମାତ୍ତ୍ବାଂ ପ୍ରଷ୍ଟୁମିଚ୍ଛାମୋ ନିର୍ଜିତା ଯେନ ବୈ ବଯମ୍।
ଅଯୁଧ୍ଯତା ହି ବାଲେନ ଲୀଲଯା ସପୁରଂଦରାଃ॥ 7-203-89 (54803)
ତେଷାଂ ତଦ୍ବଚନଂ ଶ୍ରୁତ୍ବା ବ୍ରହ୍ମା ବ୍ରହ୍ମବିଦାଂ ବରଃ।
ଧ୍ଯାତ୍ବା ସ ଶଂଭୁଂ ଭଗବାନ୍ବାଲଂ ଚାମିତତେଜସମ୍।
ଉବାଚ ଭଗବାନ୍ବ୍ରହ୍ମା ଶକ୍ରାଦୀଂଶ୍ଚ ସୁରୋତ୍ତମାନ୍॥ 7-203-90 (54804)
ଚରାଚରସ୍ଯ ଜଗତଃ ପ୍ରଭୁଃ ସ ଭଗବାନ୍ହରଃ।
ତସ୍ମାତ୍ପରତରଂ ନାନ୍ଯତ୍କିଞ୍ଚିଦସ୍ତି ମହେଶ୍ବରାତ୍॥ 7-203-91 (54805)
ଯୋ ଦୃଷ୍ଟୋ ହ୍ଯୁମଯା ସାର୍ଧଂ ଯୁଷ୍ମାଭିରମିତଦ୍ଯୁତିଃ।
ସ ପାର୍ବତ୍ଯାଃ କୃତେ ଶର୍ବଃ କୃତବାନ୍ବାଲରୂପତାମ୍॥ 7-203-92 (54806)
ତେ ମଯା ସହିତା ଯୂଯଂ ପ୍ରାପଦ୍ଯଧ୍ବଂ ତମେବ ହି]।
ସ ଏଷ ଭଗବାନ୍ଦେବଃ ସର୍ବଲୋକେଶ୍ବରଃ ପ୍ରଭୁଃ॥ 7-203-93 (54807)
ନ ସମ୍ବବୁଧିରେ ଚୈନଂ ଦେବାସ୍ତଂ ଭୁବନେଶ୍ବରମ୍।
ସପ୍ରଜାପତଯଃ ସର୍ବେ ବାଲାର୍କସଦୃଶପ୍ରଭମ୍॥ 7-203-94 (54808)
ଅଥାଭ୍ଯେତ୍ଯ ତତୋ ବ୍ରହ୍ମା ଦୃଷ୍ଟ୍ବା ସ ଚ ମହେଶ୍ବରମ୍।
ଅଯଂ ଶ୍ରେଷ୍ଠ ଇତି ଜ୍ଞାତ୍ବା ବବନ୍ଦେ ତଂ ପିତାମହଃ॥ 7-203-95 (54809)
[ବ୍ରହ୍ମୋବାଚ। 7-203-96x (4813)
ତ୍ବଂ ଯଜ୍ଞୋ ଭୁନସ୍ଯାସ୍ଯ ତ୍ବଂ ଗତିସ୍ତ୍ବଂ ପରାଯଣମ୍।
ତ୍ବଂ ଭବସ୍ତ୍ବଂ ମହାଦେବସ୍ତ୍ବଂ ଧାମ ପରମଂ ପଦମ୍॥ 7-203-96 (54810)
ତ୍ବଯା ସର୍ବମିଦଂ ବ୍ଯାପ୍ତଂ ଜଗତ୍ସ୍ଥାବରଜଙ୍ଗମମ୍॥ 7-203-97 (54811)
ଭଗବନ୍ଭୂତଭବ୍ଯେଶ ଲୋକନାଥ ଜଗତ୍ପତେ।
ପ୍ରସାଦଂ କୁରୁ ଶକ୍ରସ୍ଯ ତ୍ବଯା କ୍ରୋଧାର୍ଦିତସ୍ଯ ବୈ॥ 7-203-98 (54812)
ବ୍ଯାସ ଉବାଚ। 7-203-99x (4814)
ପଦ୍ମଯୋନିବଚଃ ଶ୍ରୁତ୍ବା ତତଃ ପ୍ରୀତୋ ମହେଶ୍ବରଃ
ପ୍ରସାଦାଭିମୁଖୋ ଭୂତ୍ବା ଅଟ୍ଟହାସମଥାକରୋତ୍॥] 7-203-99 (54813)
ତତଃ ପ୍ରସାଦଯାମାସୁରୁମାଂ ରୁଦ୍ରଂ ଚ ତେ ସୁରାଃ।
ଅଭବଚ୍ଚ ପୁନର୍ବାହୁର୍ଯଥାପ୍ରକୃତି ବଜ୍ରିଣଃ॥ 7-203-100 (54814)
ତେଷାଂ ପ୍ରସନ୍ନୋ ଭଗବାନ୍ସପତ୍ନୀକୋ ବୃଷଧ୍ବଜଃ।
ଦେବାନାଂ ତ୍ରିଦଶଶ୍ରେଷ୍ଠୋ ଦକ୍ଷଯଜ୍ଞବିନାଶନଃ॥ 7-203-101 (54815)
ସ ବୈ ରୁଦ୍ରଃ ସ ଚ ଶିବଃ ସୋଽଗ୍ନିଃ ସର୍ବଶ୍ଚ ସର୍ବବିତ୍।
ସ ଚେନ୍ଦ୍ରଶ୍ଚୈବ ବାଯୁଶ୍ଚ ସୋଽଶ୍ବିନୌ ଚ ସ ବିଦ୍ଯୁତଃ॥ 7-203-10 (54816)
ସ ଭବଃ ସ ଚ ପର୍ଜନ୍ଯୋ ମହାଦେବଃ ସନାତନଃ।
ସ ଚନ୍ଦ୍ରମାଃ ସ ଚେଶାନଃ ସ ସୂର୍ଯୋ ବରୁଣଶ୍ଚ ସଃ॥ 7-203-10 (54817)
ସ କାଲଃ ସୋଽନ୍ତକୋ ମୃତ୍ଯୁଃ ସ ଯମୋ ରାତ୍ର୍ଯହାନି ତୁ।
ମାସାର୍ଧମାସା ଋତବଃ ସନ୍ଧ୍ଯେ ସଂବତ୍ସରଶ୍ଚ ସଃ॥ 7-203-10 (54818)
ଧାତା ଚ ସ ବିଧାତା ଚ ବିଶ୍ବାତ୍ମା ବିଶ୍ବକର୍ମକୃତ୍।
ସର୍ବାମାଂ ଦେବତାନାଂ ଚ ଧାରଯତ୍ଯବପୁର୍ବପୁଃ॥ 7-203-10 (54819)
ସର୍ବଦେବୈଃ ସ୍ତୁତୋ ଦେବଃ ସୈକଧା ବହୁଧା ଚ ସଃ।
ଶତଧା ସହସ୍ରଧା ଚୈବ ଭୂଯଃ ଶତସହସ୍ରଧାଃ॥ 7-203-10 (54820)
ଦ୍ବେ ତନୂ ତସ୍ଯ ଦେବସ୍ଯ ବେଦଜ୍ଞା ବ୍ରାହ୍ମଣା ବିଦୁଃ।
ଘୋରା ଚାନ୍ଯା ଶିବା ଚାନ୍ଯା ତେ ତନୂ ବହୁଧା ପୁନଃ॥ 7-203-10 (54821)
ଘୋରା ତୁ ଯାତୁଧାନସ୍ଯ ସୋଽଗ୍ନିର୍ବିଷ୍ଣୁଃ ସ ଭାସ୍କରଃ।
ସୌମ୍ଯାତୁ ପୁନରେବାସ୍ଯ ଆପୋ ଜ୍ଯୋତୀଂଷି ଚନ୍ଦ୍ରମାଃ॥ 7-203-10 (54822)
ବେଦାଃ ସାଙ୍ଗୋପନିଷଦଃ ପୁରାଣାଧ୍ଯାତ୍ମନିଶ୍ଚଯାଃ।
ଯଦତ୍ର ପରମଂ ଗୁହ୍ଯଂ ସ ବୈ ଦେବୋ ମହେଶ୍ବରଃ॥
ଈଦୃଶଶ୍ଚ ମହାଦେବୋ ଭୂଯାଂଶ୍ଚ ଭଗବାନଜଃ। 7-203-10 (54823)
ନ ହି ସର୍ବେ ମଯା ଶକ୍ଯା ବକ୍ତୁଂ ଭଗବତୋ ଗୁଣାଃ॥
ଅପି ବର୍ଷସହସ୍ରେଣ ସତତଂ ପାଣ଼୍ଡୁନନ୍ଦନ।
ସର୍ବୈର୍ଗ୍ରହୈର୍ଗୃହୀତାନ୍ବୈ ସର୍ବପାପସମନ୍ବିତାନ୍॥ 7-203-10 (54824)
ସ ମୋଚଯତି ସୁପ୍ରୀତଃ ଶରଣ୍ଯଃ ଶରଣାଗତାନ୍।
ଆଯୁରାରୋଗ୍ଯମୈଶ୍ବର୍ଯଂ ବିତ୍ତଂ କାମାଂଶ୍ଚ ପୁଷ୍କଲାନ୍॥ 7-203-112 (54825)
ସ ଦଦାତି ମନୁଷ୍ଯେଭ୍ଯଃ ସ ଚୈବାକ୍ଷିପତେ ପୁନଃ।
ସେନ୍ଦ୍ରାଦିଷୁ ଚ ଦେବେଷୁ ତସ୍ଯ ଚୈଶ୍ବର୍ଯମୁଚ୍ଯତେ॥ 7-203-113 (54826)
ସ ଚୈବ ବେତ୍ତି ଲୋକେଷୁ ମନୁଷ୍ଯାଣାଂ ଶୁଭାଶୁଭେ।
ଐଶ୍ବର୍ଯାଚ୍ଚୈବ କାମାନାମୀଶ୍ବରଶ୍ଚ ସ ଉଚ୍ଯତେ॥ 7-203-114 (54827)
ମହେଶ୍ବରଶ୍ଚ ମହତାଂ ଭୂତାନାମୀଶ୍ବରଶ୍ଚ ସଃ।
ବହୁଭିର୍ବହୁଧା ରୂପୈର୍ବିଶ୍ବଂ ବ୍ଯାପ୍ନୋତି ବୈ ଜଗତ୍॥ 7-203-115 (54828)
ତସ୍ଯ ଦେବସ୍ଯ ଯଦ୍ବକ୍ତ୍ରଂ ସମୁଦ୍ରେ ତଦଧିଷ୍ଠିତମ୍।
ବ଼ଡବାମୁଖେତି ବିଖ୍ଯାତଂ ପିବତ୍ତୋଯମଯଂ ହବିଃ॥ 7-203-116 (54829)
ଏଷ ଚୈବ ଶ୍ମଶାନେଷୁ ଦେବୋ ବସତି ନିତ୍ଯଶଃ।
ଯଜନ୍ତ୍ଯେନଂ ଜନାସ୍ତତ୍ର ବୀରସ୍ଥାନ ଇତୀଶ୍ବରମ୍॥ 7-203-117 (54830)
ଅସ୍ଯ ଦୀପ୍ତାନି ରୂପାଣି ଘୋରାଣି ଚ ବହୂନି ଚ।
ଲୋକେ ଯାନ୍ଯସ୍ଯ ପୂଜ୍ଯନ୍ତେ ମନୁଷ୍ଯାଃ ପ୍ରବଦନ୍ତି ଚ॥ 7-203-118 (54831)
ନାମଧେଯାନି ଲୋକେଷୁ ବହୂନ୍ଯସ୍ଯ ଯଥାର୍ଥବତ୍।
ନିରୁଚ୍ଯନ୍ତେ ମହତ୍ତ୍ବାଚ୍ଚ ବିଭୁତ୍ବାତ୍କର୍ମଣସ୍ତଥା॥ 7-203-119 (54832)
ବେଦେ ଚାସ୍ଯ ସମାମ୍ନାତଂ ଶତରୁଦ୍ରିଯମୁତ୍ତମମ୍।
ନାମ୍ନା ଚାନନ୍ତରୁଦ୍ରେତି ହ୍ଯୁପସ୍ଥାନଂ ମହାତ୍ମନଃ॥ 7-203-120 (54833)
ସ କାମାନାଂ ପ୍ରଭୁର୍ଦେବୋ ଯେ ଦିବ୍ଯା ଯେ ଚ ମାନୁଷାଃ।
ସ ବିଭୁଃ ସ ପ୍ରଭୁର୍ଦେବୋବିଶ୍ବଂ ବ୍ଯାପ୍ନୋତି ବୈ ମହତ୍॥ 7-203-121 (54834)
ଜ୍ଯେଷ୍ଠଂ ଭୂତଂ ବଦନ୍ତ୍ଯେନଂ ବ୍ରାହ୍ମଣା ମନୁଯସ୍ତଥା।
ପ୍ରଥମୋ ହ୍ଯେଷ ଦେବାନାଂ ମୁଖାଦସ୍ଯାନଲୋଽଭବତ୍॥ 7-203-122 (54835)
ସର୍ବଥା ଯତ୍ପଶୂନ୍ପାତି ତୈଶ୍ଚ ଯଦ୍ରମତେ ପୁନଃ।
ତେଷାମଧିପତିର୍ଯଚ୍ଚ ତସ୍ମାତ୍ପଶୁପତିଃ ସ୍ମୃତଃ॥ 7-203-123 (54836)
ଦିବ୍ଯଂ ଚ ବ୍ରହ୍ମଚର୍ଯେଣ ଲିଙ୍ଗମସ୍ଯ ଯଥାସ୍ଥିତମ୍।
ମହଯତ୍ଯେଷ ଲୋକାଂଶ୍ଚ ମହେଶ୍ବର ଇତି ସ୍ମୃତଃ॥ 7-203-124 (54837)
ଋଷଯଶ୍ଚୈବ ଦେବାଶ୍ଚ ଗନ୍ଧର୍ବାପ୍ଯରସସ୍ତଥା।
ଲିଙ୍ଗମସ୍ଯାର୍ଚଯନ୍ତି ସ୍ମ ତଚ୍ଚାପ୍ଯୂର୍ଧ୍ବଂ ସମାସ୍ଥିତମ୍॥ 7-203-125 (54838)
ପୂଜ୍ଯମାନେ ତତସ୍ତସ୍ମିନ୍ମୋଦତେ ସ ମହେଶ୍ବରଃ।
ସୁଖୀ ପ୍ରୀତଶ୍ଚ ଭବତି ପ୍ରହୃଷ୍ଟଶ୍ଚୈବ ଶଙ୍କରଃ॥ 7-203-126 (54839)
ଯଦସ୍ଯ ବହୁଧା ରୂପଂ ଭୂତଭବ୍ଯଭବସ୍ଥିତମ୍।
ସ୍ଥାବରଂ ଜଙ୍ଗମଂ ଚୈବ ବହୁରୂପସ୍ତତଃ ସ୍ମୃତଃ॥ 7-203-127 (54840)
ଏକାକ୍ଷୋ ଜାଜ୍ବଲନ୍ନାସ୍ତେ ସର୍ବତୋକ୍ଷିମଯୋଽପି ବା।
କ୍ରୋଧାଦ୍ଯଶ୍ଚାବିଶଲ୍ଲୋକାଂସ୍ତସ୍ମାତ୍ସର୍ବ ଇତି ସ୍ମୃତଃ॥ 7-203-128 (54841)
ଧୂମ୍ରରୂପଂ ଚ ଯତ୍ତସ୍ଯ ଧୂର୍ଜଟିସ୍ତେନ ଚୋଚ୍ଯତେ।
ବିଶ୍ବେ ଦେବାଶ୍ଚ ଯତ୍ତସ୍ମିନ୍ବିଶ୍ବରୂପସ୍ତତଃ ସ୍ମୃତଃ॥ 7-203-129 (54842)
ତିସ୍ରୋ ଦେବୀର୍ଯଦା ଚୈବ ଭଜତେ ଭୁବନେଶ୍ବରଃ।
ଦ୍ଯାମପଃ ପୃଥିବୀଂ ଚୈବ ତ୍ର୍ଯମ୍ବକଶ୍ଚ ତତଃ ସ୍ମୃତଃ॥ 7-203-130 (54843)
ସମେଧଯତି ଯନ୍ନିତ୍ଯଂ ସର୍ବାର୍ଥାନ୍ସର୍ବକର୍ମସୁ।
ଶିବମିଚ୍ଛନ୍ମନୁଷ୍ଯାଣାଂ ତସ୍ମାଦେଷ ଶିବଃ ସ୍ମୃତଃ॥ 7-203-131 (54844)
ସହସ୍ରାକ୍ଷୋଽଯୁତାକ୍ଷୋ ବା ସର୍ବତୋକ୍ଷିମଯୋଽପି ବା।
ଯଚ୍ଚ ବିଶ୍ବଂ ମହତ୍ପାତି ମହାଦେବସ୍ତତଃ ସ୍ମୃତଃ॥ 7-203-132 (54845)
ମହତ୍ପୂର୍ବଂ ସ୍ଥିତୋ ଯଚ୍ଚ ପ୍ରାଣୋତ୍ପତ୍ତିସ୍ଥିତଶ୍ଚ ଯତ୍।
ସ୍ଥିତଲିଙ୍ଗଶ୍ଚ ଯନ୍ନିତ୍ଯଂ ତସ୍ମାତ୍ସ୍ଥାଣୁରିତି ସ୍ମୃତଃ॥ 7-203-133 (54846)
[ସୂର୍ଯାଚନ୍ଦ୍ରମସୋର୍ଲୋକେ ପ୍ରକାଶନ୍ତେ ରୁଚଶ୍ଚ ଯାଃ।
ତାଃ କେଶସଂଜ୍ଞିତାସ୍ତ୍ର୍ଯକ୍ଷେ ବ୍ଯୋମକେଶସ୍ତତଃ ସ୍ମୃତଃ॥ 7-203-134 (54847)
ଭୂତଂ ଭବ୍ଯଂ ଭବିଷ୍ଯଂ ଚ ସର୍ବଂ ଜଗଦଶେଷତଃ।
ଭବ ଏବ ତତୋ ଯସ୍ମାଦ୍ଭୂତଭବ୍ଯଭବୋଦ୍ଭବଃ॥ 7-203-135 (54848)
କପିଃ ଶ୍ରେଷ୍ଠ ଇତି ପ୍ରୋକ୍ତୋ ଧର୍ମଶ୍ଚ ବୃଷ ଉଚ୍ଯତେ।
ସ ଦେବଦେବୋ ଭଗବାନ୍କୀର୍ତ୍ଯତେଽତୋ ବୃଷାକପିଃ॥ 7-203-136 (54849)
ବ୍ରହ୍ମାଣମିନ୍ଦ୍ରଂ ବରୁଣଂ ଯମଂ ଧନଦମେବ ଚ।
ନିଗୃହ୍ଯ ହରତେ ଯସ୍ମାତ୍ତସ୍ମାଦ୍ବର ଇତି ସ୍ମୃତଃ॥ 7-203-137 (54850)
ନିମୀଲିତାଭ୍ଯାଂ ନେତ୍ରାଭ୍ଯାଂ ବଲାଦ୍ଦେବୋ ମହେଶ୍ବରଃ।
ଲଲାଟେ ନେତ୍ରମସୃଜତ୍ତେନ ତ୍ର୍ଯକ୍ଷଃ ସ ଉଚ୍ଯତେ॥] 7-203-138 (54851)
ବିଷମସ୍ଥଃ ଶରୀରେଷୁ ସମଶ୍ଚ ପ୍ରାଣିନାମିହ।
ସ ବାଯୁର୍ବିଷମସ୍ଥେଷୁ ପ୍ରାଣୋଽପାନଃ ଶରୀରିଷୁ॥ 7-203-139 (54852)
ପୂଜଯେଦ୍ବିଗ୍ରହଂ ଯସ୍ତୁ ଲିଙ୍ଗଂ ଚାପି ମହାତ୍ମନଃ।
ଲିଙ୍ଗଂ ପୂଜଯିତା ନିତ୍ଯଂ ମହତୀଂ ଶ୍ରିଯମଶ୍ନୁତେ॥ 7-203-140 (54853)
ଊରୁଭ୍ଯାମର୍ଧମାଗ୍ନେଯଂ ସୋମୋଽର୍ଧଂ ଚ ଶିବା ତନୁଃ।
ଆତ୍ମନୋଽର୍ଧଂ ତଥା ଚାଗ୍ନିଃ ସୋମୋର୍ଧଂ ପୁନରୁଚ୍ଯତେ॥ 7-203-141 (54854)
ତୈଜସୀ ମହତୀ ଦୀପ୍ତା ଦେବେଭ୍ଯୋଽସ୍ଯ ଶିବା ତନୁଃ।
ଭାସ୍ବତୀ ମାନୁଷେଷ୍ବସ୍ଯ ତନୁର୍ଘୋରାଽଗ୍ନିରୁଚ୍ଯତେ॥ 7-203-142 (54855)
ବ୍ରହ୍ମଚର୍ଯଂ ଚରତ୍ଯେଷ ଶିବା ଯାଽସ୍ଯ ତନୁସ୍ତଯା।
ଯାଽସ୍ଯ ଘୋରତରା ମୂର୍ତିଃ ସର୍ବାନତ୍ତି ତଯେଶ୍ବରଃ॥ 7-203-143 (54856)
ଯନ୍ନିର୍ଦହତି ଯତ୍ତୀକ୍ଷ୍ଣୋ ଯଦୁଗ୍ରୋ ଯତ୍ପ୍ରତାପବାନ୍।
ମାଂସଶୋଣିତମଜ୍ଜାଦୋ ଯତ୍ତତୋ ରୁଦ୍ର ଉଚ୍ଯତେ॥ 7-203-144 (54857)
ଏଷ ଦେବୋ ମହାଦେବୋ ଯୋଽସୌ ପାର୍ଥ ତବାଗ୍ରତଃ।
ସଙ୍ଗ୍ରାମେ ଶାସ୍ତ୍ରବାନ୍ନିଘ୍ନଂସ୍ତ୍ବଯା ଦୃଷ୍ଟଃ ପିନାକଧୃତ॥ 7-203-145 (54858)
ସିନ୍ଧୁରାଜବଧାର୍ଥାଯ ପ୍ରତିଜ୍ଞାତେ ତ୍ବଯାଽନଘ।
କୃଷ୍ଣେନ ଦର୍ଶିତଃ ସ୍ବପ୍ନେ ଯସ୍ତୁ ଶୈଲେନ୍ଦ୍ରମୂର୍ଧନି॥ 7-203-146 (54859)
ଏଷ ବୈ ଭଗବାନ୍ଦେବଃ ସଙ୍ଗ୍ରାମେ ଯାତି ତେଽଗ୍ରତଃ।
ଯେନ ଦତ୍ତାନି ତେଽସ୍ତ୍ରାଣି ଯୈସ୍ତ୍ବଯା ଦାନବା ହତାଃ॥ 7-203-147 (54860)
ଧନ୍ଯଂ ଯଶସ୍ଯମାଯୁଷ୍ଯଂ ପୁଣ୍ଯଂ ବେଦୈଶ୍ଚ ସମ୍ମିତମ୍।
ଦେବଦେବସ୍ଯ ତେ ପାର୍ଥ ବ୍ଯାଖ୍ଯାତଂ ଶତରୁଦ୍ରିଯମ୍। 7-203-148 (54861)
ସର୍ବାର୍ଥସାଧନଂ ପୁଣ୍ଯଂ ସର୍ବକିଲ୍ବିଷନାଶନମ୍।
ସର୍ବପାପପ୍ରଶମନଂ ସର୍ବଦୁଃଖଭଯାପହମ୍॥ 7-203-149 (54862)
ଚତୁର୍ବିଧମିଦଂ ସ୍ତୋତ୍ରଂ ଯଃ ଶୃଣୋତି ନରଃ ସଦା।
ବିଜିତ୍ଯ ଶତ୍ରୂନ୍ସର୍ବାନ୍ସ ରୁଦ୍ରଲୋକେ ମହୀଯତେ॥ 7-203-150 (54863)
ଚରିତଂ ମହାତ୍ମନୋ ନିତ୍ଯଂ ସାଙ୍ଗ୍ରାମିକମିଦଂ ସ୍ମୃତମ୍।
ପଠନ୍ବୈ ଶତରୁଦ୍ରୀଯଂ ଶୃଣ୍ବଂଶ୍ଚ ସତତୋତ୍ଥିତଃ॥ 7-203-151 (54864)
ଭକ୍ତୋ ବିଶ୍ବେଶ୍ବରଂ ଦେବଂ ମାନୁଷେଷୁ ଚ ଯଃ ସଦା।
ବରାନ୍କାମାନ୍ସ ଲଭତେ ପ୍ରସନ୍ନେ ତ୍ର୍ଯମ୍ବକେ ନରଃ॥ 7-203-152 (54865)
ଗଚ୍ଛ ଯୁଧ୍ଯସ୍ବ କୌନ୍ତେଯ ନ ତବାସ୍ତି ପରାଜଯଃ।
ଗସ୍ଯ ମନ୍ତ୍ରୀ ଚ ଗୋପ୍ତା ଚ ପାର୍ଶ୍ବସ୍ଥୋ ହି ଜନାର୍ଦନଃ॥ 7-203-153 (54866)
ସଞ୍ଜଯ ଉବାଚ। 7-203-154x (4815)
ଏବମୁକ୍ତ୍ବାଽର୍ଜୁନଂ ସଙ୍ଖ୍ଯେ ପରାଶରସୁତସ୍ତଦା।
ଜଗାମ ଭରତଶ୍ରେଷ୍ଠ ଯଥାଗତମରିନ୍ଦମ॥ 7-203-154 (54867)
`ବେଶଂପାଯନ ଉବାଚ। 7-203-155x (4816)
ଏତଦାଖ୍ଯାଯ ବୈ ସୂତୋ ରାଜ୍ଞଃ ସର୍ବଂ ତୁ ସଞ୍ଜଯଃ।
ପ୍ରଯାତଃ ଶିବିରାଯୈବ ଦ୍ରଷ୍ଟୁଂ କର୍ଣସ୍ଯ ବୈଶସମ୍॥ 7-203-155 (54868)
ଯୁଦ୍ଧଂ କୃତ୍ବା ମହଦ୍ଧୋରଂ ପଞ୍ଚାହାନି ମହାବଲଃ।
ବ୍ରାହ୍ମଣୋ ନିହତୋ ରାଜନ୍ବ୍ରହ୍ମଲୋକମବାପ୍ତବାନ୍॥ 7-203-156 (54869)
ସ୍ବଧୀତେ ଯତ୍ଫଲଂ ବେଦେ ତଦସ୍ମିନ୍ନପି ପର୍ବଣି।
କ୍ଷତ୍ରିଯାଣାମଭୀରୂଣାଂ ଯୁକ୍ତମତ୍ର ମହଦ୍ଯଶଃ॥ 7-203-157 (54870)
ଯ ଇଦଂ ପଠତେ ପର୍ବ ଶୃଣୁଯାଦ୍ବାଽପି ନିତ୍ଯଶଃ।
ସ ମୁଚ୍ଯତେ ମହାପାପୈଃ କୃତୈର୍ଘୋରୈଶ୍ଚ କର୍ମଭିଃ॥ 7-203-158 (54871)
ଯଜ୍ଞାବାପ୍ତିର୍ବ୍ରାହ୍ମଣସ୍ଯେହ ନିତ୍ଯଂ
ଘୋରେ ଯୁଦ୍ଧେ କ୍ଷତ୍ରିଯାଣାଂ ଯଶଶ୍ଚ।
ଶେଷୌ ବର୍ଣୌ କାମମିଷ୍ଟଂ ଲଭେତେ
ପୁତ୍ରାନ୍ପୌତ୍ରାନ୍ନିତ୍ଯମିଷ୍ଟାଂସ୍ତଥୈବ॥ ॥ 7-203-159 (54872)