8. କର୍ଣପର୍ବ
॥ ଶ୍ରୀଃ ॥
8.1. ଅଧ୍ଯାଯଃ 001
Mahabharata - Karna Parva - Chapter Topics
ଶିବିରାଦ୍ଧାସ୍ତିନପୁରମୁପଗତବତା ସଞ୍ଜଯେନ ଧୃତରାଷ୍ଟ୍ରଂପ୍ରତି କର୍ଣାଦିନିଧନକଥନମ୍॥ 1 ॥ ତଚ୍ଛ୍ରବଣେନ ମୂର୍ଚ୍ଛାମୁପଗତବତୋ ଧୃତରାଷ୍ଟ୍ରସ୍ଯ ସଞ୍ଜଯାଦିଭିରାଶ୍ବାସନମ୍॥ 2 ॥
Mahabharata - Karna Parva - Chapter Text
8-1-0
(54873)
ଶ୍ରୀବେଦବ୍ଯାସାଯ ନମଃ। 8-1-0x
(4817)
ନାରାଯଣଂ ନମସ୍କୃତ୍ଯ ନରଂ ଚୈବ ନରୋତ୍ତମମ୍।
ଦେବୀଂ ସରସ୍ବତୀଂ ବ୍ଯାସଂ ତତୋ ଜଯମୁଦୀରଯେତ୍॥ 8-1-1
(54874)
`ବୈଶମ୍ପାଯନ ଉବାଚ।
ଶିବିରାଦ୍ଧାସ୍ତିନପୁରଂ ପ୍ରାପ୍ଯ ଭାରତ ସଞ୍ଜଯଃ।
ପ୍ରବିବେଶ ମହାବାହୁର୍ଧୃତରାଷ୍ଟ୍ରନିବେଶନମ୍॥ 8-1-1x
(4818)
ଶୋକେନାପହତଃ ସୂତୋ ବିଲପନ୍ଭୃଶଦୁଃଖିତଃ।
ଚିନ୍ତଯନ୍ନିଧନଂ ଘୋରଂ ସୂତପୁତ୍ରସ୍ଯ ପାଣ୍ଡବୈଃ॥ 8-1-2
(54875)
ଅନ୍ତଃପୁରଂ ପ୍ରବିଶ୍ଯୈବ ସଞ୍ଜଯୋ ରାଜସତ୍ତମମ୍।
ଅଶ୍ରୁପୂର୍ଣୋ ଭୃଶଂ ତ୍ରସ୍ତୋ ରାଜାନମୁପଜଗ୍ମିବାନ୍॥ 8-1-3
(54876)
ଉପସ୍ଥାଯ ଚ ରାଜାନଂ ବିନିଶ୍ବସ୍ଯ ଚ ସୂତଜଃ।
ନାତିହୃଷ୍ଟମନା ରାଜନ୍ନିଦଂ ବଚନମବ୍ରବୀତ୍॥ 8-1-4
(54877)
ସଞ୍ଜଯ ଉବାଚ। 8-1-5x (4819)
ସଞ୍ଚଯୋଽହଂ ମହାରାଜ ନମସ୍ତେ ଭରତର୍ଷଭ।
ହତୋ ବୈକର୍ତନଃ କର୍ଣଃ କୃତ୍ବା କର୍ମ ସୁଦୁଷ୍କରମ୍॥ 8-1-5
(54878)
ଚେଦିକାଶିକରୂଶାନାଂ ମତ୍ସ୍ଯାନାଂ ସୋମକୈଃ ସହ।
କୃତ୍ବାଽସୌ କଦନଂ ଶେତେ ବାତନୁନ୍ନ ଇବ ଦ୍ରୁମଃ॥ 8-1-6
(54879)
ଗୋଷ୍ଠମଧ୍ଯେବ ଋଷଭୋ ଗୋବ୍ରଜୈଃ ପରିବାରିତଃ।
ବ୍ଯାଲେନ ନିହତୋ ଯଦ୍ବତ୍ତଥାଽସୌ ନିହତଃ ପରୈଃ॥ 8-1-7
(54880)
ନିରାଶାନ୍ପାଣ୍ଡବାନ୍କୃତ୍ବା ଦୃଢଂ ରାଜନ୍ସସାତ୍ଯକାନ୍।
ପାଞ୍ଚାଲାନାଂ ରଥାଂଶ୍ଚୈବ ବିନିହତ୍ଯ ସହସ୍ରଶଃ॥ 8-1-8
(54881)
ଜିତ୍ବା ଶୂରାନ୍ମହେଷ୍ବାସାନ୍ବିଦ୍ରାବ୍ଯ ଚ ଦିଶୋଦଶ।
ହତୋ ବୈକର୍ତନଃ କର୍ଣଃ ପାଣ୍ଡବେନ କିରୀଟିନା॥ 8-1-9
(54882)
ବୈରସ୍ଯ ଗତ ଆନୃଣ୍ଯଂ ଦୁର୍ଗମସ୍ଯ ଦୁରାତ୍ମଭିଃ।
ହତ୍ବା କର୍ଣଂ ମହାରାଜ ବିଶଲ୍ଯଃ ପାଣ୍ଡବୋଽଭବତ୍॥ 8-1-10
(54883)
ଶୋଷଣଂ ସାଗରାଣାଂ ବା ପତନଂ ବା ବିବସ୍ବତଃ।
ବିଶୀର୍ଣତ୍ବଂ ଯଥା ମେରୋସ୍ତଥା କର୍ଣସ୍ଯ ପାତନମ୍॥ 8-1-11
(54884)
ଯୋଧାଶ୍ଚ ବହବୋ ରାଜନ୍ହତାସ୍ତତ୍ର ଜଯୈଷିଣଃ।
ରାଜାନୋ ରାଜପୁତ୍ରାଶ୍ଚ ଶୂରାଃ ପରିଘବାହବଃ॥ 8-1-12
(54885)
ରଥୌଘାଶ୍ଚ ନରୌଘାଶ୍ଚ ହତା ରାଜନ୍ସହସ୍ରଶଃ।
ବାରଣା ନିହତାସ୍ତତ୍ର ବାଜିନଶ୍ଚ ମହାହବେ॥ 8-1-13
(54886)
କ୍ଷତ୍ରିଯାଶ୍ଚ ମହାରାଜ ସେନଯୋରୁଭଯୋର୍ହତାଃ।
ପରସ୍ପରଂ ବୈ ବୀକ୍ଷ୍ଯାତ୍ର ପରସ୍ପରକୃତାଗସଃ॥ 8-1-14
(54887)
କିଞ୍ଚିଚ୍ଛେଷାନ୍ପରାନ୍କୃତ୍ବା ତୀର୍ତ୍ବା ପାଣ୍ଡବବାହିନୀମ୍।
ପାର୍ଥବେଲାଂ ସମାସାଦ୍ଯ ହତୋ ବୈକର୍ତନୋ ବୃଷା॥ 8-1-15
(54888)
ଜଯାଶା ଧାର୍ତରାଷ୍ଟ୍ରାଣାଂ ବୈରସ୍ଯ ଚ ମୁଖଂ ନୃପ।
ତୀର୍ଣଂ ତତ୍ପାଣ୍ଡବୈ ରାଜନ୍ଯତ୍ପୁରା ନାବବୁଧ୍ଯସେ॥ 8-1-16
(54889)
ପ୍ରୋଚ୍ଯମାନଂ ମହାରାଜ ବନ୍ଧୁଭିର୍ହିତବୁଦ୍ଧିଭିଃ।
ତଦିଦଂ ସମନୁପ୍ରାପ୍ତଂ ବ୍ଯସନଂ ତ୍ବାଂ ମହାଭଯମ୍॥ 8-1-17
(54890)
ପୁତ୍ରାଣାଂ ରାଜ୍ଯକାମେନ ତ୍ବଯା ରାଜନ୍ହିତୈଷିଣା।
ଚରିତାନ୍ଯହିତାନ୍ଯେବ ତେଷାଂ ତେ ଫଲମାଗତମ୍॥ 8-1-18
(54891)
ହତୋ ଦୁଃଶାସନୋ ରାଜନ୍ଯଥୋକ୍ତଂ ପାଣ୍ଡବେନ ତୁ।
ପ୍ରତିଜ୍ଞା ଭୀମସେନେନ ନିସ୍ତୀର୍ଣା ସା ଚମୂମୁଖେ॥ 8-1-19
(54892)
ପୀତଂ ଚ କ୍ଷତଜଂ ତସ୍ଯ ଧାର୍ତରାଷ୍ଟ୍ରସ୍ଯ ସଂଯୁଗେ।
ପାଣ୍ଡବେନ ମହାରାଜ କର୍ମ କୃତ୍ବା ସୁଦୁଷ୍କରମ୍*'॥ 8-1-20
(54893)
ବୈଶମ୍ପାଯନ ଉବାଚ। 8-1-21x (4820)
ଏତଚ୍ଛ୍ରୁତ୍ବା ମହାରାଜ ଧୃତରାଷ୍ଟ୍ରୋଽମ୍ବିକାସୁତଃ।
ଶୋକସ୍ଯାନ୍ତମପଶ୍ଯନ୍ବୈ ହତଂ ମତ୍ବା ସୁଯୋଧନମ୍।
ବିହ୍ବଲଃ ପତିତୋ ଭୂମୌ ନଷ୍ଟଚେତା ଇବ ଦ୍ବିପଃ॥ 8-1-21
(54894)
ତସ୍ମିନ୍ନିପତିତେ ଭୂମୌ ବିହ୍ବଲେ ରାଜସତ୍ତମେ।
ଆର୍ତନାଦୋ ମହାନାସୀତ୍ସ୍ତ୍ରୀଣାଂ ଭରତସତ୍ତମ॥ 8-1-22
(54895)
ଶ ଶବ୍ଦଃ ପୃଥିବୀଂ କୃତ୍ସ୍ନାଂ ପୂରଯାମାସ ସର୍ବଶଃ॥ 8-1-23
(54896)
ଶୋକାର୍ଣବେ ମହାଘୋରେ ନିମଗ୍ନା ଭରତସ୍ତ୍ରିଯଃ।
ରୁରୁଦୁର୍ଦୁଃଖଶୋକାର୍ତା ଭୃଶମୁଦ୍ବିଗ୍ନଚେତସଃ॥ 8-1-24
(54897)
ରାଜାନଂ ଚ ସମାସାଦ୍ଯ ଗାନ୍ଧାରୀ ଭରତର୍ଷଭ।
ନିଃସଂଜ୍ଞା ପତିତା ଭୂମୌ ସର୍ବାଣ୍ଯନ୍ତଃ ପୁରାଣି ଚ॥ 8-1-25
(54898)
ତତସ୍ତାଃ ସ଼ଞ୍ଜଯୋ ରାଜନ୍ସମାଶ୍ବାସଯଦାତୁରାଃ।
ମୁହ୍ଯାମାନାଃ ସୁବହୁଶୋ ମୁଞ୍ଚନ୍ତୀର୍ବାରି ନେତ୍ରଜମ୍॥ 8-1-26
(54899)
ସମାଶ୍ବସ୍ତାଃ ସ୍ତ୍ରିଯସ୍ତାସ୍ତୁ ବେପମାନା ମୁହୁର୍ମୁହୁଃ।
କଦଲ୍ଯ ଇବ ବାତେନ ଧୂଯମାନାଃ ସମନ୍ତତଃ॥ 8-1-27
(54900)
ରାଜାନଂ ବିଦୁରଶ୍ଚାପି ପ୍ରଜ୍ଞାଚକ୍ଷୁଷମୀଶ୍ବରମ୍।
ଆଶ୍ବାସଯାମାସ ତଦା ସିଞ୍ଚଂସ୍ତୋଯେନ କୌରବମ୍॥ 8-1-28
(54901)
ସ ଲବ୍ଧ୍ବା ସନକୈଃ ସଂଜ୍ଞାଂ ତାଶ୍ଚ ଦୃଷ୍ଟ୍ବା ସ୍ତ୍ରିଯୋ ନୃପଃ।
ଉନ୍ମତ୍ତ ଇବ ରାଜେନ୍ଦ୍ର ସ୍ଥିତସ୍ତୂଷ୍ଣୀଂ ବିଶାମ୍ପତେ॥ 8-1-29
(54902)
ତତୋ ଧ୍ଯାତ୍ବା ଚିରଂ କାଲଂ ନିଃଶ୍ବସ୍ଯ ଚ ପୁନଃପୁନଃ।
ସ୍ବାନ୍ପୁତ୍ରାନ୍ଗର୍ହଯାମାସ ବହୁମେନେ ଚ ପାଣ୍ଡବାନ୍॥ 8-1-30
(54903)
ଗର୍ହଯଂଶ୍ଚାତ୍ମନୋ ବୁଦ୍ଧିଂ ଶକୁନେଃ ସୌବଲସ୍ଯ ଚ।
ଧ୍ଯାତ୍ବା ତୁ ସୁଚିରଂ କାଲଂ ବେପମାନୋ ମୁହୁର୍ମୁହୁଃ॥ 8-1-31
(54904)
ସଂସ୍ତଭ୍ଯ ଚ ମନୋ ଭୂଯୋ ରାଜା ଧୈର୍ଯସମନ୍ବିତଃ।
ପୁନର୍ଗାବଲ୍ଗଣିଂ ସୂତଂ ପର୍ଯପୃଚ୍ଛତ ସଞ୍ଜଯମ୍॥ 8-1-32
(54905)
ନ ତ୍ବଯା କଥିତଂ ବାକ୍ଯଂ ଶ୍ରୁତଂ ସଞ୍ଜଯ ତନ୍ମଯା॥ 8-1-33
(54906)
କଚ୍ଚିଦ୍ଦୁର୍ଯୋଧନଃ ସୂତ ନ ଗତୋ ବୈ ଯମକ୍ଷଯମ୍।
ଜଯେ ନିରାଶଃ ପୁତ୍ରୋ ମେ ସତତଂ ଜଯକାମୁକଃ।
ବ୍ରୂହି ସଞ୍ଜଯ ତତ୍ତ୍ବେନ ପୁନରୁକ୍ତାଂ କଥାମିମାମ୍॥ 8-1-34
(54907)
ବୈଶମ୍ପାଯନ ଉବାଚ। 8-1-35x (4821)
ଏବମୁକ୍ତୋଽବ୍ରବୀତ୍ସୂତୋ ରାଜାନଂ ଜନମେଜଯ।
ହତୋ ବୈକର୍ତନୋ ରାଜନ୍ସହପୁତ୍ରୈର୍ମହାରଥଃ।
ଭ୍ରାତୃଭିଶ୍ଚ ମହେଷ୍ବାସୈଃ ସୂତପୁତ୍ରୈସ୍ତନୁତ୍ଯଜୈଃ॥ 8-1-35
(54908)
ଦୁଃଶାସନଶ୍ଚ ନିହତଃ ପାଣ୍ଡବେନ ଯଶସ୍ବିନା।
ପୀତଂ ଚ ରୁଧିରଂ କୋପାଦ୍ଭୀମସେନେନ ସଂଯୁଗେ॥ 8-1-36
(54909)
`ବୈଶମ୍ପାଯନ ଉବାଚ। 8-1-37x (4822)
ଏତଚ୍ଛ୍ରୁତ୍ବା ମହାରାଜ ଧୃତରାଷ୍ଟ୍ରୋଽମ୍ବିକାସୁତଃ।
ଦହ୍ଯମାନୋଽବ୍ରବୀତ୍ସୂତଂ ମୁହୂର୍ତଂ ତିଷ୍ଠ ସଞ୍ଜଯ।
ବ୍ଯାକୁଲଂ ମେ ମନସ୍ତାତ ମା ତାବତ୍କିଂଚିଦୁଚ୍ଯତାମ୍॥ 8-1-37
(54910)
ରାଜାପି ନାବ୍ରବୀତ୍କିଞ୍ଚିତ୍ସଞ୍ଜଯୋ ବିଦୁରସ୍ତଥା।
ତୂଷ୍ଣୀମ୍ଭୂତସ୍ତଦା ସୋଽଥ ବଭୂବ ଜଗତୀପତିଃ'॥ ॥ 8-1-38
(54911)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ପ୍ରଥମୋଽଧ୍ଯାଯଃ॥ 1 ॥
Mahabharata - Karna Parva - Chapter Topics
ଦୁର୍ଯୋଧନାଦିଭିଃ କର୍ଣସ୍ଯ ସୈନାପତ୍ଯେଽଭିଷେଚନପୂର୍ବକଂ ଯୁଦ୍ଧାଯ ନିର୍ଯାଣମ୍॥ 1 ॥ ଜନମେଜଯେନ ବୈଶମ୍ପାଯନମ୍ପ୍ରତି କର୍ଣମରଣଶ୍ରାବିଣୋ ଧୃତରାଷ୍ଟ୍ରସ୍ଯ ପ୍ରବୃତ୍ତିପ୍ରଶ୍ନଃ॥ 2 ॥
Mahabharata - Karna Parva - Chapter Text
8-1-0 (54912)
ଶ୍ରୀକୃଷ୍ଣାଯ ନମଃ॥ 8-1-0x (4823)
[ନାରାଯଣଂ ନମସ୍କୃତ୍ଯ ନରଂ ଚୈବ ନରୋତ୍ତମମ୍।
ଦେବୀଂ ସରସ୍ବତୀଂ ଚୈବ ତତୋ ଜଯମୁଦୀରଯେତ୍॥ 8-1-1 (54913)
ବୈଶମ୍ପାଯନ ଉବାଚ। 8-1-2x (4824)
ତତୋ ଦ୍ରୋଣେ ହତେ ରାଜନ୍ଦୁର୍ଯୋଧନମୁଖା ନୃପାଃ।
ଭୃଶମୁଦ୍ବିଗ୍ନମନସୋ ଦ୍ରୋଣପୁତ୍ରମୁପାଗମନ୍॥ 8-1-2 (54914)
ତେ ଦ୍ରୋଣମନୁଶୋଚନ୍ତଃ କଶ୍ମଲାଭିହତୌଜସଃ।
ପର୍ଯୁପାସନ୍ତ ଶୋକାର୍ତାସ୍ତତଃ ଶାରଦ୍ବତୀସୁତମ୍॥ 8-1-3 (54915)
ତେ ମୁହୂର୍ତଂ ସମାଶ୍ବସ୍ଯ ହେତୁଭିଃ ଶାସ୍ତ୍ରସମ୍ମିତୈଃ।
ରାତ୍ର୍ଯାଗମେ ମହୀପାଲାଃ ସ୍ବାନି ବେଶ୍ମାନି ଭେଜିରେ॥ 8-1-4 (54916)
ତେ ବେଶ୍ମସ୍ବପି କୌରବ୍ଯ ପୃଥ୍ବୀଶା ନାପ୍ନୁବନ୍ସୁଖମ୍।
ଚିନ୍ତଯନ୍ତଃ କ୍ଷଯଂ ତୀବ୍ରଂ ଦୁଃଖଶୋକସମନ୍ବିତାଃ॥ 8-1-5 (54917)
ବିଶେଷତଃ ସୂତପୁତ୍ରୋ ରାଜା ଚୈବ ସୁଯୋଧନଃ।
ଦୁଃଶାସନଶ୍ଚ ଶକୁନିଃ ସୌବଲଶ୍ଚ ମହାବଲଃ॥ 8-1-6 (54918)
ଉଷିତାସ୍ତେ ନିଶାଂ ତାଂ ତୁ ଦୁର୍ଯୋଧନନିବେଶନେ।
ଚିନ୍ତଯନ୍ତଃ ପରିକ୍ଲେଶାନ୍ପାଣ୍ଡବାନାଂ ମହାତ୍ମନାମ୍॥ 8-1-7 (54919)
ଯତ୍ତଦ୍ଦ୍ଯୂତେ ପରିକ୍ଲିଷ୍ଟା କୃଷ୍ଣା ଚାନାଯିତା ସଭାମ୍।
ତତ୍ସ୍ମରନ୍ତୋଽନୁଶୋଚନ୍ତୋ ଭୃଶମୁଦ୍ବିଗ୍ନଚତେତସଃ॥ 8-1-8 (54920)
ତଥା ତୁ ସଞ୍ଚିନ୍ତଯତାଂ ତାନ୍କ୍ଲେଶାନ୍ଦ୍ଯୂତକାରିତାନ୍।
ଦୁଃଖେନ କ୍ଷଣଦା ରାଜଞ୍ଜଗାମାବ୍ଦଶତୋପମା॥ 8-1-9 (54921)
ତତଃ ପ୍ରଭାତେ ବିମଲେ ସ୍ଥିତା ଦିଷ୍ଟସ୍ଯ ଶାସନେ।
ଚକ୍ରୁରାବଶ୍ଯକଂ ସର୍ବେ ବିଧିଦୃଷ୍ଟେନ କର୍ମଣା॥ 8-1-10 (54922)
ତେ କୃତ୍ବାଽବଶ୍ଯକାର୍ଯାଣି ସମାଶ୍ବସ୍ଯ ଚ ଭାରତ।
ଯୋଗମାଜ୍ଞାପଯାମାସୁର୍ଯୁଦ୍ବାଯ ଚ ବିନିର୍ଯଯୁଃ॥ 8-1-11 (54923)
କର୍ଣଂ ସେନାପତିଂ କୃତ୍ବା କୃତକୌତୁକମଙ୍ଗଲାଃ।
ପୂଜଯିତ୍ବା ଦ୍ବିଜଶ୍ରେଷ୍ଠାନ୍ଦଧିପାତ୍ରଘୃତାକ୍ଷତୈଃ॥ 8-1-12 (54924)
ଗୋଭିରଶ୍ବୈଶ୍ଚ ନିଷ୍କୈଶ୍ଚ ବାସୋଭିଶ୍ଚ ମହାଧନୈଃ।
ବନ୍ଦ୍ଯମାନା ଜଯାଶୀର୍ଭିଃ ସୂତମାଗଧବନ୍ଦିଭିଃ॥ 8-1-13 (54925)
ତଥୈବ ପାଣ୍ଡବା ରାଜନ୍କୃତପୂର୍ବାହ୍ଣିକକ୍ରିଯାଃ।
ଶିବିରାନ୍ନିର୍ଯଯୁସ୍ତୂର୍ଣଂ ଯୁଦ୍ବାଯ କୃତନିଶ୍ଚଯାଃ॥ 8-1-14 (54926)
ତତଃ ପ୍ରବବୃତେ ଯୁଦ୍ବଂ ତୁମୁଲଂ ରୋମହର୍ଷଣମ୍।
କୁରୂଣାଂ ପାଣ୍ଡବାନାଂ ଚ ପରସ୍ପରଜଯୈଷିଣାମ୍॥ 8-1-15 (54927)
ତଯୋର୍ଦ୍ବୌ ଦିବସୌ ଯୁଦ୍ବଂ କୁରୁପାଣ୍ଡବସେନଯୋଃ।
କର୍ଣେ ସେନାପତୌ ରାଜନ୍ବଭୂବାଦ୍ଭୁତଦର୍ଶନମ୍॥ 8-1-16 (54928)
ତତଃ ଶତ୍ରୁକ୍ଷଯଂ କୃତ୍ବା ସୁମହାନ୍ତଂ ରଣେ ବୃଷଃ।
ପଶ୍ଯତାଂ ଧାର୍ତରାଷ୍ଟ୍ରାଣାଂ ଫଲ୍ଗୁନେନ ନିପାତିତଃ॥ 8-1-17 (54929)
ତତସ୍ତୁ ସଞ୍ଜଯଃ ସର୍ବଂ ଗତ୍ବା ନାଗପୁରଂ ଦ୍ରୁତମ୍।
ଆଚଷ୍ଟ ଧୃତରାଷ୍ଟ୍ରାଯ ଯଦ୍ବୃତ୍ତଂ କୁରୁଜାଙ୍ଗଲେ॥ 8-1-18 (54930)
ଜନମଯେଜଯ ଉବାଚ। 8-1-19x (4825)
ଆପଗେଯଂ ହତଂ ଶ୍ରୁତ୍ବା ଦ୍ରୋଣଂ ଚାପି ମହାରଥମ୍।
ଆଜଗାମ ପରାମାର୍ତିଂ ବୃଦ୍ବୋ ରାଜାଽମ୍ବିକାସୁତଃ॥ 8-1-19 (54931)
ସ ଶ୍ରୁତ୍ବା ନିହତଂ କର୍ଣଂ ଦୁର୍ଯୋଧନହିତୈଷିଣମ୍।
କଥଂ ଦ୍ବିଜବର ପ୍ରାଣାନଧାରଯତ ଦୁଃଖିତଃ॥ 8-1-20 (54932)
ଯସ୍ମିଞ୍ଜଯାଶାଂ ପୁତ୍ରାଣାଂ ସମମନ୍ଯତ ପାର୍ଥିବଃ।
ତସ୍ମିନ୍ହତେ ସ କୌରବ୍ଯଃ କଥଂ ପ୍ରାଣାନଧାରଯତ୍॥ 8-1-21 (54933)
ଦୁର୍ମରଂ ତଦହଂ ମନ୍ଯେ ନୃଣାଂ କୃଚ୍ଛ୍ରେଽପି ବର୍ତତାମ୍।
ଯତ୍ର କର୍ଣଂ ହତଂ ଶ୍ରୁତ୍ବା ନାତ୍ଯଜଜ୍ଜୀବିତଂ ନୃପଃ॥ 8-1-22 (54934)
ତଥା ଶାନ୍ତନବଂ ବୃଦ୍ବଂ ବ୍ରହ୍ମନ୍ବାହ୍ଲୀକମେବ ଚ।
ଦ୍ରୋଣଂ ଚ ସୋମଦତ୍ତଂ ଚ ଭୂରିଶ୍ରବସମେବ ଚ॥ 8-1-23 (54935)
ତଥୈବ ଚାନ୍ଯାନ୍ସୁହୃଦଃ ପୁତ୍ରାନ୍ପୌତ୍ରାଂଶ୍ଚ ପାତିତାନ୍।
ଶ୍ରୁତ୍ବା ଯନ୍ନାଜହାତ୍ପ୍ରାଣାଂସ୍ତନ୍ମନ୍ଯେ ଦୁଷ୍କରଂ ଦ୍ବିଜ॥ 8-1-24 (54936)
ଏତନ୍ମେ ସର୍ବମାଚକ୍ଷ୍ବ ବିସ୍ତରେଣ ମହାମୁନେ।
ନ ହି ତୃପ୍ଯାମି ପୂର୍ବେଷାଂ ଶୃଣ୍ବାନଶ୍ଚରିତଂ ମହତ୍॥ ॥ 8-1-25 (54937)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଷୋଡଶଦିବସଯୁଦ୍ଧାରମ୍ଭେ ପ୍ରଥମୋଽଧ୍ଯାଯଃ॥ 1 ॥
Mahabharata - Karna Parva - Chapter Topics
ଧୃତରାଷ୍ଟ୍ରେଣ ଭୀଷ୍ମଦ୍ରୋଣୌ ପ୍ରତ୍ଯନୁଶୋଚନପୂର୍ବକଂ ସଞ୍ଜଯମ୍ପ୍ରତି ଦୁର୍ଯୋଧନାଦିପ୍ରବୃତ୍ତିପ୍ରଶ୍ନଃ॥ 1 ॥
Mahabharata - Karna Parva - Chapter Text
8-1-0 (54938)
ବୈଶମ୍ପାଯନ ଉବାଚ। 8-1-0x (4826)
ହତେ କର୍ଣେ ମହାରାଜ ନିଶି ଗାବଲ୍ଗଣିସ୍ତଦା।
ଦୀନୋ ଯଯୌ ନାଗପୁରମଶ୍ବୈର୍ବାତସମୈର୍ଜବେ॥ 8-1-1 (54939)
ସ ହାସ୍ତିନପୁରଂ ଗତ୍ବା ଭୃଶମୁଦ୍ବିଗ୍ନଚେତନଃ।
ଜଗାମ ଧୃତରାଷ୍ଟ୍ରସ୍ଯ କ୍ଷଯଂ ପ୍ରକ୍ଷୀଣବାନ୍ଧବମ୍॥ 8-1-2 (54940)
ସ ତମୁଦ୍ବୀକ୍ଷ୍ଯ ରାଜାନଂ କଶ୍ମଲାଭିହତୌଜସମ୍।
ବବନ୍ଦେ ପ୍ରାଞ୍ଜଲିର୍ଭୂତ୍ବା ମୂର୍ଧ୍ନା ପାଦୌ ନୃପସ୍ଯ ହ॥ 8-1-3 (54941)
ସମ୍ପୂଜ୍ଯ ଚ ଯଥାନ୍ଯାଯଂ ଧୃତରାଷ୍ଟ୍ରଂ ମହୀପତିମ୍।
ହା କଷ୍ଟମିତି ଚୋକ୍ତ୍ବା ସ ତତୋ ବଚନମାଦଦେ॥ 8-1-4 (54942)
ସଞ୍ଜଯୋଽହଂ କ୍ଷିତିପତେ କଚ୍ଚିଦାସ୍ତେ ସୁଖଂ ଭବାନ୍।
ସ୍ବଦୋଷୈରାପଦଂ ପ୍ରାପ୍ଯ କଚ୍ଚିନ୍ନାଦ୍ଯ ବିମୁହ୍ଯତି॥ 8-1-5 (54943)
ହିତାନ୍ଯୁକ୍ତାନି ବିଦୁରଦ୍ରୋଣଗାଙ୍ଗେଯକେଶବୈଃ।
ଅଗୃହୀତାନ୍ଯନୁସ୍ମୃତ୍ଯ କଚ୍ଚିନ୍ନ କୁରୁଷେ ବ୍ଯଥାମ୍॥ 8-1-6 (54944)
ରାମନାରଦକଣ୍ବାଦ୍ଯୈର୍ହିତମୁକ୍ତଂ ସଭାତଲେ।
ନ ଗୃହୀତମନୁସ୍ମୃତ୍ଯ କଚ୍ଚିନ୍ନ କୁରୁଷେ ବ୍ଯଥାମ୍॥ 8-1-7 (54945)
ସୁହୃଦସ୍ତ୍ବଦ୍ବିତେ ଯୁକ୍ତାନ୍ଭୀଷ୍ମଦ୍ରୋଣମୁଖାନ୍ପରୈଃ।
ନିହତାନ୍ଯୁଧି ସଂସ୍ମୃତ୍ଯ କଚ୍ଚିନ୍ନ କୁରୁଷେ ବ୍ଯଥାମ୍॥ 8-1-8 (54946)
ତମେବଂବାଦିନଂ ରାଜା ସୂତପୁତ୍ରଂ କୃତାଜଲିମ୍।
ସୁଦୀର୍ଘମଥ ନିଃଶ୍ବସ୍ଯ ଦୁଃଖାର୍ତ ଇଦମବ୍ରବୀତ୍॥ 8-1-9 (54947)
ଧୃତରାଷ୍ଟ୍ର ଉବାଚ। 8-1-10x (4827)
ଆପଗେଯେ ହତେ ଶୂରେ ଦିବ୍ଯାସ୍ତ୍ରବତି ସଞ୍ଜଯ।
ଦ୍ରୋଣେ ଚ ପରମେଷ୍ବାସେ ଭୃଶଂ ମେ ବ୍ଯଥିତଂ ମନଃ॥ 8-1-10 (54948)
ଯୋ ରଥାନାଂ ସହସ୍ରାଣି ଦଂଶିତାନାଂ ଦଶୈବ ତୁ।
ଅହନ୍ଯହନି ତେଜସ୍ବୀ ନିଜଘ୍ନେ ବସୁସମ୍ଭବଃ॥ 8-1-11 (54949)
ତଂ ହତଂ ଯଜ୍ଞସେନସ୍ଯ ପୁତ୍ରେଣେହ ଶିଖଣ୍ଡିନା।
ପାଣ୍ଡବେଯାଭିଗୁପ୍ତେନ ଶ୍ରୁତ୍ବା ମେ ବ୍ଯଥିତଂ ମନଃ॥ 8-1-12 (54950)
ଭାର୍ଗବଃ ପ୍ରଦଦୌ ଯସ୍ମୈ ପରମାସ୍ତ୍ରଂ ମହାହବେ।
ସାକ୍ଷାଦ୍ରାମଣେ ଯୋ ବାଲ୍ଯେ ଧନୁର୍ବେଦ ଉପାକୃତଃ॥ 8-1-13 (54951)
ଯସ୍ଯ ପ୍ରସାଦାତ୍କୌନ୍ତେଯା ରାଜପୁତ୍ରା ମହାରଥାଃ।
ମହାରଥତ୍ବଂ ସମ୍ପ୍ରାପ୍ତାସ୍ତଥାଽନ୍ଯେ ବସୁଧାଧିପାଃ॥ 8-1-14 (54952)
ତଂ ଦ୍ରୋଣଂ ନିହତଂ ଶ୍ରୁତ୍ବା ଧୃଷ୍ଟଦ୍ଯୁମ୍ନେନ ସଂଯୁଗେ।
ସତ୍ଯସନ୍ଧଂ ମହେଷ୍ବାସଂ ଭୃଶଂ ମେ ବ୍ଯଥିତଂ ମନଃ॥ 8-1-15 (54953)
ଯଯୋର୍ଲୋକେ ପୁମାନସ୍ତ୍ରେ ନ ସମୋଽସ୍ତି ଚତୁର୍ବିଧେ।
ତୌ ଦ୍ରୋଣଭୀଷ୍ମୌ ଶ୍ରୁତ୍ବା ତୁ ହତୌ ମେ ବ୍ଯଥିତଂ ମନଃ॥ 8-1-16 (54954)
ତ୍ରୈଲୋକ୍ଯେ ଯସ୍ଯ ଚାସ୍ତ୍ରେଷୁ ନ ପୁମାନ୍ବିଦ୍ଯତେ ସମଃ।
ତଂ ଦ୍ରୋଣଂ ନିହତଂ ଶ୍ରୁତ୍ବା କିମକୁର୍ବତ ମାମକାଃ॥ 8-1-17 (54955)
ସଂଶପ୍ତକାନାଂ ଚ ବଲେ ପାଣ୍ଡବେନ ମହାତ୍ମନା।
ଧନଞ୍ଜଯେନ ବିକ୍ରମ୍ଯ ଗମିତେ ଯମସାଦନମ୍॥ 8-1-18 (54956)
ନାରାଯଣାସ୍ତ୍ରେ ଚ ହତେ ଦ୍ରୋଣପୁତ୍ରସ୍ଯ ଧୀମତଃ।
ବିପ୍ରଦ୍ରୁତାନହଂ ମନ୍ଯେନିମଗ୍ନାଞ୍ଶୋକସାଗରେ। 8-1-19 (54957)
ପ୍ଲବମାନାନ୍ହତେ ଦ୍ରୋଣେ ସନ୍ନନୌକାନିବାର୍ଣବେ॥
ଦୁର୍ଯୋଧନସ୍ଯ କର୍ଣସ୍ଯ ଭୋଜସ୍ଯ କୃତବର୍ମଣଃ। 8-1-20 (54958)
ମଦ୍ରରାଜସ୍ଯ ଶଲ୍ଯସ୍ଯ ଦ୍ରୌଣେଶ୍ଚୈବ କୃପସ୍ଯ ଚ॥
ମତ୍ପୁତ୍ରସ୍ଯ ଚ ଶେଷସ୍ଯ ତଥାଽନ୍ଯେଷାଂ ଚ ସଞ୍ଜଯ। 8-1-21 (54959)
ବିପ୍ରଦ୍ରୁତେଷ୍ବନୀକେଷୁ ମୁଖବର୍ଣୋଽଭବତ୍କଥମ୍॥
ଏତତ୍ସର୍ବଂ ଯଥାବୃତ୍ତଂ ତଥା ଗାବଲ୍ଗଣେ ମମ। 8-1-22 (54960)
ଆଚକ୍ଷ୍ବ ପାଣ୍ଡବେଯାନାଂ ମାମକାନାଂ ଚ ବିକ୍ରମମ୍॥ 8-1-23 (54961)
ସଞ୍ଜଯ ଉବାଚ। 8-1-23x (4828)
ତବାପରାଧାଦ୍ଯଦ୍ବୃତ୍ତଂ କୌରବେଯେଷୁ ମାରିଷ।
ତଚ୍ଛ୍ରୁତ୍ବା ମା ବ୍ଯଥାଂ କାର୍ଷୀର୍ଦିଷ୍ଟେ ନ ବ୍ଯଥତେ ବୁଧଃ॥ 8-1-24 (54962)
ଯସ୍ମାଦଭାବୀ ଭାବୀ ବା ଭବେଦର୍ଥୋ ନରଂ ପ୍ରତି।
ଅପ୍ରାପ୍ତୌ ତସ୍ଯ ବା ପ୍ରାପ୍ତୌ ନ କଶ୍ଚିଦ୍ଯଥତେ ବୁଧଃ॥ 8-1-25 (54963)
ଧୃତରାଷ୍ଟ୍ର ଉବାଚ। 8-1-26x (4829)
ନ ବ୍ଯଥାଽଭ୍ଯଧିକା କାଚିଦ୍ବିଦ୍ଯତେ ମମ ସଞ୍ଜଯ।
ଦିଷ୍ଟମେତତ୍ପୁରା ମନ୍ଯେ କଥଯସ୍ଯ ଯଥେଚ୍ଛକମ୍॥ ॥ 8-1-26 (54964)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଦ୍ବିତୀଯୋଽଧ୍ଯାଯଃ॥ 2 ॥
Mahabharata - Karna Parva - Chapter Topics
ଦୁର୍ଯୋଧନେନ ଦ୍ରୋଣମରଣନିର୍ବିଣ୍ଣାନାଂ ସୈନିକାନାଂ କର୍ଣଗୁଣାନୁବର୍ଣନେନ ପ୍ରୋତ୍ସାହନମ୍॥ 1 ॥ ସଞ୍ଜଯେନ ଧୃତରାଷ୍ଟ୍ରମ୍ପ୍ରତି କର୍ଣପରାକ ମପ୍ରଶଂସନପୂର୍ବକଂ ତନ୍ନିଧନକଥନମ୍॥ 2 ॥
Mahabharata - Karna Parva - Chapter Text
8-1-0 (54965)
ସଞ୍ଜଯ ଉବାଚ। 8-1-0x (4830)
ହତେ ଦ୍ରୋଣେ ମହେଷ୍ବାସେ ତବ ପୁତ୍ରା ମହାରଥାଃ।
ବଭୂବୁରସ୍ବସ୍ଥମୁଖା ବିଷଣ୍ଣା ଗତଚେତସଃ॥ 8-1-1 (54966)
ଅବାଙ୍ମୁଖାଃ ଶସ୍ତ୍ରଭୃତଃ ସର୍ବ ଏବ ବିଶାମ୍ପତେ।
ଅବେକ୍ଷମାଣାଃ ଶୋକାର୍ତା ନାଭ୍ଯଭାଷନ୍ପରସ୍ପରମ୍॥ 8-1-2 (54967)
ତାନ୍ଦୃଷ୍ଟ୍ବା ବ୍ଯଥିତାକାରାନ୍ସୈନ୍ଯାନି ତବ ଭାରତ।
ଊର୍ଧ୍ବମେବ ନିରୈକ୍ଷନ୍ତ ଦୁଃଖତ୍ରସ୍ତାନ୍ଯନେକଶଃ॥ 8-1-3 (54968)
ଶସ୍ତ୍ରାଣ୍ଯେଷାଂ ତୁ ରାଜେନ୍ଦ୍ର ଶୋଣିତାକ୍ତାନି ସର୍ବଶଃ।
ପ୍ରାଭ୍ରଶ୍ଯନ୍ତ କରାଗ୍ରେଭ୍ଯୋ ଦୃଷ୍ଟ୍ବା ଦ୍ରୋଣଂ ହତଂ ଯୁଧି॥ 8-1-4 (54969)
ତାନି ବଦ୍ବାନ୍ଯରିଷ୍ଟାନି ଲମ୍ବମାନାନି ଭାରତ।
ଅଦୃଶ୍ଯନ୍ତ ମହାରାଜ ନକ୍ଷତ୍ରାଣି ଯଥା ଦିବି॥ 8-1-5 (54970)
ତଥା ତୁ ସ୍ତିମିତଂ ଦୃଷ୍ଟ୍ବା ଗତସତ୍ବମବସ୍ଥିତମ୍।
ବଲଂ ତବ ମହାରାଜ ରାଜା ଦୁର୍ଯୋଧନୋଽବ୍ରବୀତ୍॥ 8-1-6 (54971)
ଭବତାଂ ବାହୁବୀର୍ଯଂ ହି ସମାଶ୍ରିତ୍ଯ ମଯା ଯୁଧି।
ପାଣ୍ଡବେଯାଃ ସମାହୂତା ଯୁଦ୍ବଂ ଚେଦଂ ପ୍ରବର୍ତିତମ୍॥ 8-1-7 (54972)
ତଦିଦଂ ନିହତେ ଦ୍ରୋଣେ ବିଷଣ୍ଣମିବ ଲକ୍ଷ୍ଯତେ।
ଯୁଧ୍ଯମାନାଶ୍ଚ ସମରେ ଯୋଧା ବଧ୍ଯନ୍ତି ସର୍ବଶଃ॥ 8-1-8 (54973)
ଜଯୋ ବାଽପି ବଧୋ ବାଽପି ଯୁଧ୍ଯମାନସ୍ଯ ସଂଯୁଗେ।
ଭବେତ୍କିମତ୍ର ଚିତ୍ରଂ ବୈ ଯୁଧ୍ଯଧ୍ବଂ ସର୍ବତୋମୁଖାଃ॥ 8-1-9 (54974)
ପଶ୍ଯଧ୍ବଂ ଚ ମହାତ୍ମାନଂ କର୍ଣଂ ବୈକର୍ତନଂ ଯୁଧି।
ପ୍ରଚରନ୍ତଂ ମହେଷ୍ବାସଂ ଦିବ୍ଯୈରସ୍ତ୍ରୈର୍ମହାବଲମ୍॥ 8-1-10 (54975)
ଯସ୍ଯ ବୈ ଯୁଧି ସନ୍ତ୍ରାସାତ୍କୁନ୍ତୀପୁତ୍ରୋ ଧନଞ୍ଜଯଃ।
ନିବର୍ତତେ ସଦା ମନ୍ଦଃ ସିଂହାତ୍କ୍ଷୁଦ୍ରମୃଗୋ ଯଥା॥ 8-1-11 (54976)
ଯେନ ନାଗାଯୁତପ୍ରାଣୋ ଭୀମସେନୋ ମହାବଲଃ।
ମାନୁଷେଣୈବ ଯୁଦ୍ଧେନ ତାମବସ୍ଥାଂ ପ୍ରବେଶିତଃ॥ 8-1-12 (54977)
ଯେନ ଦିବ୍ଯାସ୍ତ୍ରବିଚ୍ଛୂରୋ ମାଯାବୀ ସ ଘଟୋତ୍କଚଃ।
ଅମୋଘଯା ରଣେ ଶକ୍ତ୍ଯା ନିହତୋ ଭୈରବଂ ନଦନ୍॥ 8-1-13 (54978)
ତସ୍ଯ ଦୁର୍ବାରବୀର୍ଯସ୍ଯ ସତ୍ଯସନ୍ଧସ୍ଯ ଧୀମତଃ।
ବାହ୍ବୋର୍ଦ୍ରବିଣମକ୍ଷଯ୍ଯମଦ୍ଯ ଦ୍ରକ୍ଷ୍ଯଥ ସଂଯୁଗେ॥ 8-1-14 (54979)
ଦ୍ରୋଣପୁତ୍ରସ୍ଯ ବିକ୍ରାନ୍ତଂ ରାଧେଯସ୍ଯୈବ ଚୋଭଯୋଃ।
ପଶ୍ଯନ୍ତୁ ପାଣ୍ଡୁପୁତ୍ରାସ୍ତେ ବିଷ୍ଣୁବାସବଯୋରିବ॥ 8-1-15 (54980)
ସର୍ବ ଏବ ଭବନ୍ତଶ୍ଚ ଶକ୍ତାଃ ପ୍ରତ୍ଯେକଶୋଽପି ବା।
ପାଣ୍ଡୁପୁତ୍ରାନ୍ରଣେ ହନ୍ତୁଂ ସସୈନ୍ଯାନ୍କିସୁ ସଂହତାଃ।
ବୀର୍ଯବନ୍ତଃ କୃତାସ୍ତ୍ରାଶ୍ଚ ଦ୍ରକ୍ଷ୍ଯଥାଦ୍ଯ ପରସ୍ପରମ୍॥ 8-1-16 (54981)
ସଞ୍ଜଯ ଉବାଚ। 8-1-17x (4831)
ଏବମୁକ୍ତ୍ବା ତତଃ କର୍ଣଂ ଚକ୍ରେ ସେନାପତିଂ ତଦା।
ତବ ପୁତ୍ରୋ ମହାବୀର୍ଯୋ ଭ୍ରାତୃଭିଃ ସହିତୋଽନଘ॥ 8-1-17 (54982)
ସୈନାପତ୍ଯମଥାବାପ୍ଯ କର୍ଣୋ ରାଜନ୍ମହାରଥଃ।
ସିଂହନାଦଂ ବିନଦ୍ଯୋଚ୍ଚୈଃ ପ୍ରାଯୁଧ୍ଯତ ରଣୋତ୍କଟଃ॥ 8-1-18 (54983)
ସସୃଞ୍ଜଯାନାଂ ସର୍ବେଷାଂ ପାଞ୍ଚାଲାନାଂ ଚ ମାରିଷ।
କେକଯାନାଂ ବିଦେହାନାଂ ଚକାର କଦନଂ ମହତ୍॥ 8-1-19 (54984)
ତସ୍ଯେଷୁଧାରାଃ ଶତଶଃ ପ୍ରାଦୁରାସଞ୍ଛରାସନାତ୍।
ଅଗ୍ରେ ପୁଙ୍ଖେଷୁ ସଂସକ୍ତା ଯଥା ଭ୍ରମରପଙ୍କ୍ତଯଃ॥ 8-1-20 (54985)
ସ ପୀଡଯିତ୍ବା ପାଞ୍ଚାଲାନ୍ପାଣ୍ଡବାଂଶ୍ଚ ତରସ୍ବିନଃ।
ହତ୍ବା ସହସ୍ରଶୋ ଯୋଧାନର୍ଜୁନେନ ନିପାତିତଃ॥ ॥ 8-1-21 (54986)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ତୃତୀଯୋଽଧ୍ଯାଯଃ॥ 3 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.2. ଅଧ୍ଯାଯଃ 002
Mahabharata - Karna Parva - Chapter Topics
ଧୃତରାଷ୍ଟ୍ରେଣ ନିଜସେନାଯାଂ ନିହତାନାଂ ନାମନିବେଦନଂ ଚୋଦିତେନ ସଞ୍ଜଯେନ ତତ୍କଥନମ୍॥ 1 ॥
Mahabharata - Karna Parva - Chapter Text
8-2-0 (54987)
`ଜନମେଜଯ ଉବାଚ। 8-2-0x (4832)
ତଚ୍ଛ୍ରୁତ୍ବା କର୍ଣହନନଂ ପୁତ୍ରାଂଶ୍ଚୈବ ପଲାଯିତାନ୍।
ଧୃତରାଷ୍ଟ୍ରୋ ନୃପଶ୍ଚୈବ ଦ୍ବିଜଶ୍ରେଷ୍ଠ କିମବ୍ରବୀତ୍॥ 8-2-1 (54988)
ପ୍ରାପ୍ତବାନ୍ବ୍ଯସନଂ ଘୋରଂ ପୁତ୍ରବ୍ଯସନଜଂ ମହତ୍।
କାଲେ ଯଦୁକ୍ତବାଂସ୍ତସ୍ମିଂସ୍ତନ୍ମମାଚକ୍ଷ୍ବ ତତ୍ତ୍ବତଃ'॥ 8-2-2 (54989)
ବୈଶମ୍ପାଯନ ଉବାଚ। 8-2-3x (4833)
ଏତଚ୍ଛ୍ରୁତ୍ବା ମହାରାଜ ଧୃତରାଷ୍ଟ୍ରୋଽମ୍ବିକାସୁତଃ।
ଅବ୍ରବୀତ୍ସଞ୍ଜଯଂ ସୂତଂ ଶୋକସଂବିଗ୍ନମାନସଃ॥ 8-2-3 (54990)
ଦୁଷ୍ପ୍ରଣୀତେନ ମେ ତାତ ପୁତ୍ରସ୍ଯାଦୀର୍ଘଜୀବିନଃ।
ହତଂ ବୈକର୍ତନଂ ଶ୍ରୁତ୍ବା ଶୋକୋ ମର୍ମାଣି କୃନ୍ତତି॥ 8-2-4 (54991)
ତସ୍ଯ ମେ ସଂଶଯଂ ଛିନ୍ଧି ଦୁଃଖପାରଂ ତିତୀର୍ଷତଃ।
କୁରୂଣାଂ ସୃଞ୍ଜଯାନାଂ ଚ କେ ଜୀବନ୍ତି କେ ମୃତାଃ॥ 8-2-5 (54992)
ସଞ୍ଜଯ ଉବାଚ। 8-2-6x (4834)
ହତଃ ଶାନ୍ତନବୋ ରାଜନ୍ଦୁରାଧର୍ଷଃ ପ୍ରତାପବାନ୍।
ହତ୍ବା ପାଣ୍ଡବଯୋଧାନାମର୍ବୁଦଂ ଦଶଭିର୍ଦିନୈଃ॥ 8-2-6 (54993)
ତଥା ଦ୍ରୋଣୋ ମହେଷ୍ବାସଃ ପାଞ୍ଚାଲାନାଂ ରଥବ୍ରଜାନ୍।
ନିହତ୍ଯ ଯୁଧି ଦୁର୍ଧର୍ଷଃ ପଞ୍ଚାଦ୍ରୁକ୍ମରଥୋ ହତଃ॥ 8-2-7 (54994)
ହତଶେଷସ୍ଯ ଭୀଷ୍ମେଣ ଦ୍ରୋଣେନ ଚ ମହାତ୍ମନା।
ଅର୍ଧଂ ନିହତ୍ଯ ସୈନ୍ଯସ୍ଯ କର୍ଣୋ ବୈକର୍ତନୋ ହତଃ॥ 8-2-8 (54995)
ବିବିଂଶତିର୍ମହାରାଜ ରାଜପୁତ୍ରୋ ମହାବଲଃ।
ଆନର୍ତଯୋଧାଞ୍ଶତଶୋ ନିହତ୍ଯ ନିହତୋ ରଣେ॥ 8-2-9 (54996)
ତଥା ପୁତ୍ରୋ ବିକର୍ଣସ୍ତେ କ୍ଷତ୍ରବ୍ରତମନୁସ୍ମରନ୍।
କ୍ଷୀଣବାଣୋ ହତଃ ଶୂରଃ ସ୍ଥିତୋ ହ୍ଯଭିମୁଖଃ ପରୈଃ॥ 8-2-10 (54997)
ଧୋରରୂପାନ୍ପରିକ୍ଲେଶାନ୍ଦୁର୍ଯୋଧନକୃତାନ୍ବହୂନ୍।
ପ୍ରତିଜ୍ଞାଂ ସ୍ମରତା ତେନ ଭୀମସେନେନ ପାତିତଃ॥ 8-2-11 (54998)
ବିନ୍ଦାନୁବିନ୍ଦାବାବନ୍ତ୍ଯୌ ରାଜପୁତ୍ରୌ ମହାରଥୌ।
କୃତ୍ବା ସ୍ବସୁକରଂ କର୍ମ ଗତୌ ବୈବସ୍ବତକ୍ଷଯମ୍॥ 8-2-12 (54999)
ସିନ୍ଧୁରାଷ୍ଟ୍ରମୁଖାନୀହ ଦଶ ରାଷ୍ଟ୍ରାଣି ଯାନିହ।
ଯସ୍ଯ ତିଷ୍ଠନ୍ତି ବଚନେ ଯଃ ସ୍ଥିତସ୍ତବ ଶାସନେ॥ 8-2-13 (55000)
ଅକ୍ଷୌହିଣୀର୍ଦଶୈକାଂ ଚ ବିନିର୍ଜିତ୍ଯ ଶିତୈଃ ଶରୈଃ।
ସୋଽର୍ଜୁନେନ ହତୋ ରାଜନ୍ମହାବୀର୍ଯୋ ଜଯଦ୍ରଥଃ॥ 8-2-14 (55001)
ତଥା ଦୁର୍ଯୋଧନସୁତସ୍ତରସ୍ବୀ ଯୁଦ୍ଧଦୁର୍ମଦଃ।
ବର୍ତମାନଃ ପିତୁଃ ଶାସ୍ତ୍ରେ ସୌଭଦ୍ରେଣ ନିପାତିତଃ॥ 8-2-15 (55002)
ତଥା ଦୌଃଶାସନିଃ ସୂରୋ ବାହୁଶାଲୀ ରଣୋତ୍କଟଃ।
ଦ୍ରୌପଦେଯେନ ସଙ୍ଗମ୍ଯ ଗମିତୋ ଯମସାଦନମ୍॥ 8-2-16 (55003)
କିରାତାନାମଧିପତିଃ ସାଗରାନୂପବାସିନାମ୍।
ଦେବରାଜସ୍ଯ ଧର୍ମାତ୍ମା ପ୍ରିଯୋ ବହୁମତଃ ସଖା॥ 8-2-17 (55004)
ଭଗଦତ୍ତୋ ମହୀପାଲଃ କ୍ଷତ୍ରଧର୍ମରତଃ ସଦା।
ଧନଞ୍ଜଯେନ ବିକ୍ରମ୍ଯ ଗମିତୋ ଯମସାଦନମ୍॥ 8-2-18 (55005)
ତଥା କୌରବଦାଯାଦୋ ନ୍ଯସ୍ତଶସ୍ତ୍ରୋ ମହାଯଶାଃ।
ହତୋ ଭୂରିଶ୍ରବା ରାଜଞ୍ଶୂରଃ ସାତ୍ଯକିନା ଯୁଧି॥ 8-2-19 (55006)
ଶ୍ରୁତାଯୁରପି ଚାମ୍ବଷ୍ଠଃ କ୍ଷତ୍ରିଯାଣାଂ ଧୁରନ୍ଧରଃ।
ଚରନ୍ନଭୀତବତ୍ସଙ୍ଖ୍ଯେ ନିହତଃ ସବ୍ଯସାଚିନା॥ 8-2-20 (55007)
ତବ ପୁତ୍ରଃ ସଦାମର୍ଷୀ କୃତାସ୍ତ୍ରୋ ଯୁଦ୍ଧଦୁର୍ମଦଃ।
ଦୁଃଶାସନୋ ମହାରାଜ ଭୀମସେନେନ ପାତିତଃ॥ 8-2-21 (55008)
ଯସ୍ଯ ରାଜନ୍ଗଜାନୀକଂ ବହୁସାହସ୍ରମଦ୍ଭୁତମ୍।
ସୁଦକ୍ଷିଣଃ ସ ସଙ୍ଗ୍ରାମେ ନିହତଃ ସବ୍ଯସାଚିନା॥ 8-2-22 (55009)
କୋସଲାନାମଧିପତିର୍ହତ୍ବା ବହୁମତାନ୍ପରାନ୍।
ସୌଭଦ୍ରେଣେହ ବିକ୍ରମ୍ଯ ଗମିତୋ ଯମସାଦନମ୍॥ 8-2-23 (55010)
ବହୁଶୋ ଯୋଧଯିତ୍ବା ତୁ ଭୀମସେନଂ ମହାରଥମ୍।
ଚିତ୍ରସେନସ୍ତବ ସୁତୋ ଭୀମସେନେନ ପାତିତଃ॥ 8-2-24 (55011)
ମଦ୍ରରାଜାତ୍ମଜଃ ଶୂରଃ ପରେଷାଂ ଭଯବର୍ଧନଃ।
ଅସିଚର୍ମଧରଃ ଶ୍ରୀମାନ୍ସୌଭଦ୍ରେଣ ନିପାତିତଃ॥ 8-2-25 (55012)
ସମଃ କର୍ଣସ୍ଯ ସମରେ ଯଃ ସ କର୍ଣସ୍ଯ ପଶ୍ଯତଃ।
ବୃଷସେନୋ ମହାତେଜାଃ ଶୀଘ୍ରାସ୍ତ୍ରୋ ଦୃଢବିକ୍ରମଃ॥ 8-2-26 (55013)
ଅଭିମନ୍ଯୋର୍ବଧଂ ସ୍ମୃତ୍ବା ପ୍ରତିଜ୍ଞାମପି ଚାତ୍ମନଃ।
ଧନଞ୍ଜଯେନ ବିକ୍ରମ୍ଯ ଗମିତୋ ଯମସାଦନମ୍॥ 8-2-27 (55014)
ନିତ୍ଯଂ ପ୍ରସକ୍ତବୈରୋ ଯଃ ପାଣ୍ଡବୈଃ ପୃଥିବୀପତିଃ।
ବିଶ୍ରାବ୍ଯ ବୈରଂ ପାର୍ଥେନ ଶ୍ରୁତାଯୁଃ ସ ନିପାତିତଃ॥ 8-2-28 (55015)
ଶଲ୍ଯପୁତ୍ରସ୍ତୁ ବିକ୍ରାନ୍ତଃ ସହଦେବେନ ମାରିଷ।
ହତୋ ରୁକ୍ମରଥୋ ରାଜଞ୍ଶ୍ଯାଲୋ ମାତୁଲଜୋ ଯୁଧି॥ 8-2-29 (55016)
ରାଜା ଭାଗୀରଥୋ ବୃଦ୍ଧୋ ବୃହତ୍କ୍ଷତ୍ରଶ୍ଚ କେକଯଃ।
ପରାକ୍ରମନ୍ତୌ ବିକ୍ରାନ୍ତୌ ନିହତୌ ବୀର୍ଯବତ୍ତରୌ॥ 8-2-30 (55017)
ଭଗଦତ୍ତସୁତୋ ରାଜନ୍କୃତପ୍ରଜ୍ଞୋ ମଂହାବଲଃ।
ଶ୍ଯେନବଚ୍ଚରତା ସଙ୍ଖ୍ଯେ ନକୁଲେନ ନିପାତିତଃ॥ 8-2-31 (55018)
ପିତାମହସ୍ତବ ତଥା ବାହ୍ଲୀକଃ ସହ ବାହ୍ଲିକୈଃ।
ନିହତୋ ଭୀମସେନେନ ମହାବାଲପରାକ୍ରମଃ॥ 8-2-32 (55019)
ଜଯତ୍ସେନସ୍ତଥା ରାଜଞ୍ଜାରାସନ୍ଧିର୍ମହାବଲଃ।
ମାଗଧୋ ନିହତଃ ସଙ୍ଖ୍ଯେ ସୌଭଦ୍ରେଣ ମହାତ୍ମନା॥ 8-2-33 (55020)
ପୁତ୍ରସ୍ତେ ଦୁର୍ମୁଖୋ ରାଜନ୍ଦୁଃସହଶ୍ଚ ମହାରଥଃ।
ଗଦଯା ଭୀମସେନେନ ନିହତୌ ଶୂରମାନିନୌ॥ 8-2-34 (55021)
ଦୁର୍ମର୍ଷଣୋ ଦୁର୍ବିଷହୋ ଦୁର୍ଜଯଶ୍ଚ ମହାରଥଃ।
କୃତ୍ବା ତ୍ବସୁକରଂ କର୍ମ ଗତା ବୈବସ୍ବତକ୍ଷଯମ୍॥ 8-2-35 (55022)
ଉଭୌ କଲିଙ୍ଗବୃଷକୌ ଭ୍ରାତରୌ ଯୁଦ୍ଧଦୁର୍ମଦୌ।
କୃତ୍ବା ଚାସୁକରଂ କର୍ମ ଗତୌ ବୈବସ୍ବତକ୍ଷଯମ୍॥ 8-2-36 (55023)
ସଚିବୋ ବୃଷପର୍ବା ତେ ଶୂରଃ ପରମବୀର୍ଯବାନ୍।
ଭୀମସେନେନ ବିକ୍ରମ୍ଯ ଗମିତୋ ଯମସାଦନମ୍॥ 8-2-37 (55024)
ତଥୈବ ପୌରବୋ ରାଜା ନାଗାଯୁତବଲୋ ମହାନ୍।
ସମରେ ପାଣ୍ଡୁପୁତ୍ରେଣ ନିହତଃ ସବ୍ଯସାଚିନା॥ 8-2-38 (55025)
ବସାତଯୋ ମହାରାଜ ଦ୍ବିସାହସ୍ରାଃ ପ୍ରହାରିଣଃ।
ଶୂରସେନାଶ୍ଚ ବିକ୍ରାନ୍ତାଃ ସର୍ବେ ଯୁଧି ନିପାତିତାଃ॥ 8-2-39 (55026)
ଅଭୀଷାହାଃ କବଚିନଃ ପ୍ରହରନ୍ତୋ ରଣୋତ୍କଟାଃ।
ଶିବଯଶ୍ଚ ରଥୋଦାରାଃ କାଲିଙ୍ଗସହିତା ହତାଃ॥ 8-2-40 (55027)
ଗୋକୁଲେ ନିତ୍ଯସଂବୃଦ୍ଧା ଯୁଦ୍ଧେ ପରମକୋପନାଃ।
ଗୋପାଲାଃ କୃତବୀରାସ୍ତେ ନିହତାଃ ସବ୍ଯସାଚିନା॥ 8-2-41 (55028)
ଶ୍ରେଣଯୋ ବହୁସାହସ୍ରାଃ ସଂଶପ୍ତକଗଣାଶ୍ଚ ଯେ।
ତେ ସର୍ବେ ପାର୍ଥମାସାଦ୍ଯ ଗଦା ବୈବସ୍ବତକ୍ଷଯମ୍॥ 8-2-42 (55029)
ଶ୍ଯାଲୌ ତବ ମହାରାଜ ରାଜାନୌ ବୃଷକାଚଲୌ।
ତ୍ବଦର୍ଥମତିବିକ୍ରାନ୍ତୌ ନିହତୌ ସବ୍ଯସାଚିନା॥ 8-2-43 (55030)
ଉଗ୍ରକର୍ମା ମହେଷ୍ବାସୋ ନାମତଃ କର୍ମତସ୍ତଥା।
ସାଲ୍ବରାଜୋ ମହାବାହୁର୍ଭୀମସେନେନ ପାତିତଃ॥ 8-2-44 (55031)
ଓଘବାଂଶ୍ଚ ମହାରାଜ ବୃହନ୍ତଃ ସହିତୌ ରଣେ।
ପରାକ୍ରମନ୍ତୌ ମିତ୍ରାର୍ଥେ ଗତୌ ବୈବସ୍ବତକ୍ଷଯମ୍॥ 8-2-45 (55032)
ତଥୈବ ରଥିନାଂ ଶ୍ରେଷ୍ଠଃ କ୍ଷେମଧୂର୍ତିର୍ବିଶାମ୍ପତେ।
ନିହତୋ ଗଦଯା ରାଜନ୍ଭୀମସେନେନ ସଂଯୁଗେ॥ 8-2-46 (55033)
ତଥା ରାଜନ୍ମହେଷ୍ବାସୋ ଜଲସନ୍ଧୌ ମହାବଲଃ।
ସୁମହତ୍କଦନଂ କୃତ୍ବା ହତଃ ସାତ୍ଯକିନା ରଣେ॥ 8-2-47 (55034)
ଅଲମ୍ବୁସୋ ରାକ୍ଷସେନ୍ଦ୍ରଃ ଖରବନ୍ଧୁରଯାନବାନ୍।
ଘଟୋତ୍କଚେନ ବିକ୍ରମ୍ଯ ଗମିତୋ ଯମସାଦନମ୍॥ 8-2-48 (55035)
ରାଧେଯଃ ସୂତପୁତ୍ରଶ୍ଚ ଭ୍ରାତରଶ୍ଚ ମହାରଥାଃ।
କେକଯାଃ ସର୍ବଶଶ୍ଚାପି ନିହତାଃ ସ୍ବ୍ଯସାଚିନା॥ 8-2-49 (55036)
ମାଲବା ମଦ୍ରକାଶ୍ଚୈବ ଦ୍ରାବିଡାଶ୍ଚୋଗ୍ରକର୍ମିଣଃ।
ଯୌଧେଯାଶ୍ଚ ଲଲିତ୍ଥାଶ୍ଚ କ୍ଷୁଦ୍ରକାଶ୍ଚାପ୍ଯୁଶୀନରାଃ॥ 8-2-50 (55037)
ମାବେଲ୍ଲକାସ୍ତୁଣ୍ଡିକେରାଃ ସାବିତ୍ରୀପୁତ୍ରକାଶ୍ଚ ଯେ।
ପ୍ରାଚ୍ଯୋଦୀଚ୍ଯାଃ ପ୍ରତୀଚ୍ଯାଶ୍ଚ ଦାକ୍ଷିଣାତ୍ଯାଶ୍ଚ ମାରିଷ॥ 8-2-51 (55038)
ପତ୍ତୀନାଂ ନିହତାଃ ସଙ୍ଘା ହଯାନାଂ ପ୍ରଯୁତାନି ଚ।
ରଥବ୍ରଜାଶ୍ଚ ନିହତା ହତାଶ୍ଚ ବରବାରଣାଃ॥ 8-2-52 (55039)
ସଧ୍ବଜାଃ ସାଯୁଧାଃ ଶୂରାଃ ସବର୍ମାମ୍ବରଭୂଷଣାଃ।
କାଲେନ ମହତାଽଽଯସ୍ତାଃ କୁଶଲୈର୍ଯେ ଚ ବର୍ଧିତାଃ॥ 8-2-53 (55040)
ତେ ହତାଃ ସମରେ ରାଜନ୍ପାର୍ଥେନାକ୍ଲିଷ୍ଟକର୍ମଣା।
ଅନ୍ଯେ ତଥାଽମିତବଲାଃ ପରସ୍ପରବଧୈଷିଣଃ॥ 8-2-54 (55041)
ଏତେ ଚାନ୍ଯେ ଚ ବହବୋ ରାଜାନଃ ସଗଣା ରଣେ।
ହତାଃ ସହସ୍ରଶୋ ରାଜନ୍ଯନ୍ମାଂ ତ୍ବଂ ପରିପୃଚ୍ଛସି॥ 8-2-55 (55042)
ଏବମେଷ କ୍ଷଯୋ ବୃତ୍ତଃ କର୍ଣାର୍ଜୁନସମାଗମେ।
ମହେନ୍ଦ୍ରେଣ ଯଥା ବୃତ୍ରୋ ଯଥା ରାମେଣ ରାବଣଃ॥ 8-2-56 (55043)
ଯଥା କୃଷ୍ଣେନ ନରକୋ ମୁରୁଶ୍ଚ ନିହତୋ ରଣେ।
କାର୍ତବୀର୍ଯଶ୍ଚ ରାମେଣ ଭାର୍ଗବେଣ ଯଥା ହତଃ॥ 8-2-57 (55044)
ସଜ୍ଞାତିବାନ୍ଧବଃ ଶୂରଃ ସମରେ ଯୁଦ୍ଧଦୁର୍ମଦଃ।
ରଣେ କୃତ୍ବା ମହଦ୍ଯୁଦ୍ଧଂ ଘୋରଂ ତ୍ରୈଲୋକ୍ଯମୋହନମ୍॥ 8-2-58 (55045)
ଯଥା ସ୍କନ୍ଦେନ ମହିଷୋ ଯଥା ରୁଦ୍ରେଣ ଚାନ୍ଧକଃ।
ତଥାଽର୍ଜୁନେନ ସ ହତୋ ଦ୍ବୈରଥେ ଯୁଦ୍ଧଦୁର୍ମଦଃ॥ 8-2-59 (55046)
ସାମାତ୍ଯବାନ୍ଧବୋ ରାଜନ୍କର୍ଣଃ ପ୍ରହରତାଂ ବରଃ।
ଜଯାଶା ଧାର୍ତରାଷ୍ଟ୍ରାଣାଂ ବୈରସ୍ଯ ଚ ମୁଖଂ ନୃପଃ॥ 8-2-60 (55047)
ତୀର୍ଣଂ ତତ୍ପାଣ୍ଡବୈ ରାଜନ୍ଯତ୍ପୁରା ନାବବୁଧ୍ଯସେ।
ଉଚ୍ଯମାନୋ ମହାରାଜ ବନ୍ଧୁଭିର୍ହିତକାଙ୍କ୍ଷିଭିଃ॥ 8-2-61 (55048)
`ନ କୃତଂ ଚ ତ୍ବଯା ପୂର୍ବଂ ଦୈବେନ ବିଧିନା ବଲାତ୍'।
ତଦିଦଂ ସମନୁପ୍ରାପ୍ତଂ ବ୍ଯସନଂ ସୁମହାତ୍ଯଯମ୍॥ 8-2-62 (55049)
ଗାଣାଂ ରାଜ୍ଯକାମାନାଂ ତ୍ବଯା ରାଜନ୍ହିତୈଷିଣା।
ଅହିତାନ୍ଯେବ ଚୀର୍ଣାନି ତେଷାଂ ତେ ଫଲମାଗତମ୍॥ ॥ 8-2-63 (55050)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଦ୍ବିତୀଯୋଽଧ୍ଯାଯଃ॥ 2 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.3. ଅଧ୍ଯାଯଃ 003
Mahabharata - Karna Parva - Chapter Topics
ସଞ୍ଜଯେନ ଧୃତରାଷ୍ଟ୍ରମ୍ପତି ଯୁଦ୍ଧେ ନିହତାନାଂ ପରେଷାଂ ନାମକଥନମ୍॥ 1 ॥
Mahabharata - Karna Parva - Chapter Text
8-3-0 (55051)
ଧୃତରାଷ୍ଟ୍ର ଉବାଚ। 8-3-0x (4835)
ଆଖ୍ଯାତା ମାମକାସ୍ତାତ ନିହତା ଯୁଧି ପାଣ୍ଡବୈଃ।
ହତାଂଶ୍ଚ ପାଣ୍ଡବେଯାନାଂ ମାମକୈର୍ବ୍ରୂହି ସଞ୍ଜଯ॥ 8-3-1 (55052)
ସଞ୍ଜଯ ଉବାଚ। 8-3-2x (4836)
କୃତିନୋ ଯୁଧି ବିକ୍ରାନ୍ତା ମହାସତ୍ବା ମହାବଲାଃ।
ସାନୁବନ୍ଧାଃ ସହାମାତ୍ଯା ଗାଙ୍ଗେଯେନ ନିପାତିତାଃ॥ 8-3-2 (55053)
ନାରାଯଣା ବଲ୍ଲବାଶ୍ଚ ରାମାଶ୍ଚ ଶତଶୋ ପରେ।
ଅନୁରକ୍ତାଶ୍ଚ ବୀରେଣ ଭୀଷ୍ମେଣ ଯୁଧି ପାତିତାଃ॥ 8-3-3 (55054)
ସମଃ କିରୀଟିନା ସଙ୍ଖ୍ଯେ ବୀର୍ଯେଣ ଚ ବଲେନ ଚ।
ସତ୍ଯଜିତ୍ସତ୍ଯସନ୍ଧେନ ଦ୍ରୋଣେନ ନିହତୋ ଯୁଧି॥ 8-3-4 (55055)
ପାଞ୍ଚାଲାନାଂ ମହେଷ୍ବାସାଃ ସର୍ବେ ଯୁଦ୍ବବିଶାରଦାଃ।
ଦ୍ରୋଣେନ ସହ ସଙ୍ଗମ୍ଯ ଗତା ବୈବସ୍ବତକ୍ଷଯମ୍॥ 8-3-5 (55056)
ତଥା ବିରାଟଦ୍ରୁପଦୌ ବୃଦ୍ବୌ ସହସୁତୌ ନୃପୌ।
ପରାକ୍ରମନ୍ତୌ ମିତ୍ରାର୍ଥେ ଦ୍ରୋଣେନ ନିହତୌ ରଣେ॥ 8-3-6 (55057)
ଯୋ ବାଲ ଏବ ସମରେ ସମ୍ମିତଃ ସବ୍ଯସାଚିନା।
କେଶବେନ ଚ ଦୁର୍ଧର୍ଷୋ ବଲଦେବେନ ଚାଭିଭୂଃ॥ 8-3-7 (55058)
ପରେଷାଂ କଦନଂ କୃତ୍ବା ମହଦ୍ରଣବିଶାରଦଃ।
ପରିବାର୍ଯ ମଦାମାତ୍ରୈଃ ଷଡ୍ଭିଃ ପରମକୈ ରଥୈଃ।
ଅଶକ୍ନୁବଦ୍ଭିର୍ବୀଭତ୍ସୁମଭିମନ୍ଯୁର୍ନିପାତିତଃ॥ 8-3-8 (55059)
କୃତଂ ତଂ ବିରଥଂ ବୀରଂ କ୍ଷତ୍ରଧର୍ମେ ବ୍ଯବସ୍ଥିତମ୍।
ଦୌଃଶାସନିର୍ମହାରାଜ ସୌଭଦ୍ରଂ ହତବାନ୍ରଣେ॥ 8-3-9 (55060)
ପଟଚ୍ଚରନିହନ୍ତା ଚ ମହତ୍ଯା ସେନଯା ବୃତଃ।
ଅମ୍ବଷ୍ଠସ୍ଯ ସୁତଃ ଶ୍ରୀମାନ୍ମିତ୍ରହେତୋଃ ପରାକ୍ରମନ୍॥ 8-3-10 (55061)
ଆସାଦ୍ଯ ଲକ୍ଷ୍ମଣଂ ବୀରଂ ଦୁର୍ଯୋଧନସୁତଂ ରଣେ।
ସୁମହତ୍କଦନଂ କୃତ୍ବା ଗତୋ ବୈବସ୍ବତକ୍ଷଯମ୍॥ 8-3-11 (55062)
ବୃହନ୍ତଃ ସୁମହେଷ୍ବାସଃ କୃତାସ୍ତ୍ରୋ ଯୁଦ୍ବଦୁର୍ମଦଃ।
ଦୁଃଶାସନେନ ବିକ୍ରମ୍ଯ ଗମିତୋ ଯମସାଦନମ୍॥ 8-3-12 (55063)
ମଣିମାନ୍ଦଣ୍ଡଧାରଶ୍ଚ ରାଜାନୌ ଯୁଦ୍ଧଦୁର୍ମଦୌ।
ପରାକ୍ରମନ୍ତୌ ମିତ୍ରାର୍ଥେ ଦ୍ରୋଣେନ ଯୁଧି ପାତିତୌ॥ 8-3-13 (55064)
ଅଂଶୁମାନ୍ଭୋଜରାଜସ୍ତୁ ସହସୈନ୍ଯୋ ମହାରଥଃ।
ଭାରଦ୍ବାଜେନ ବିକ୍ରମ୍ଯ ଗମିତୋ ଯମସାଦନମ୍॥ 8-3-14 (55065)
ସାମୁଦ୍ରଶ୍ଚିତ୍ରସେନଶ୍ଚ ସହ ପୁତ୍ରେଣ ଭାରତ।
ସମୁଦ୍ରସେନେନ ବଲାଦ୍ଗମିତୋ ଯମସାଦନମ୍॥ 8-3-15 (55066)
ଅନୂପବାସୀ ନୀଲଶ୍ଚ ବ୍ଯାଧ୍ରଦତ୍ତଶ୍ଚ ବୀର୍ଯବାନ୍।
ଅଶ୍ବତ୍ଥାମ୍ନା ବିକର୍ଣେନ ଗମିତୌ ଯମସାଦନମ୍॥ 8-3-16 (55067)
ଚିତ୍ରାଯୁଧଶ୍ଚିତ୍ରଯୋଧୀ କୃତ୍ବା ଚ କଦନଂ ମହତ୍।
ଚିତ୍ରମାର୍ଗେଣ ବିକ୍ରମ୍ଯ ବିକର୍ଣେନ ହତୋ ମୃଧେ। 8-3-17 (55068)
ବୃକୋଦରସମୋ ଯୁଦ୍ଧେ ବୃତଃ କେକଯଜୋ ଯୁଧି।
କେକଯେନ ଚ ବିକ୍ରମ୍ଯ ଭ୍ରାତା ଭ୍ରାତ୍ରା ନିପାତିତଃ॥ 8-3-18 (55069)
ଜନମେଜଯୋ ଗଦାଯୋଧୀ ପାର୍ବତୀଯଃ ପ୍ରତାପବାନ୍।
ଦୁର୍ମୁଖେନ ମହାରାଜ ତବ ପୁତ୍ରେଣ ପାତିତଃ॥ 8-3-19 (55070)
ରୋଚମାନୌ ନରବ୍ଯାଘ୍ରୌ ରୋଚମାନୌ ଗ୍ରହାବିବ।
ଦ୍ରୌଣେନ ଯୁଗପଦ୍ରାଜନ୍ଦିବଂ ସମ୍ପ୍ରାତିତୌ ଶରୈଃ॥ 8-3-20 (55071)
ନୃପାଶ୍ଚ ପ୍ରତିଯୁଧ୍ଯନ୍ତଃ ପରାକ୍ରାନ୍ତା ବିଶାମ୍ପତେ।
କୃତ୍ବା ନସୁକରଂ କର୍ମ ଗତା ବୈବସ୍ବତକ୍ଷଯମ୍॥ 8-3-21 (55072)
ପୁରୁଜିତ୍କୃନ୍ତିଭୋଜଶ୍ଚ ମାତୁଲୌ ସବ୍ଯସାଚିନଃ।
ସଂଗ୍ରାମନିର୍ଜିତାଁଲ୍ଲୋକାନ୍ଗମିତୌ ଦ୍ରୋଣସାଯକୈଃ॥ 8-3-22 (55073)
ଅଭିଭୂଃ କାଶିରାଜଶ୍ଚ କାଶିକୈର୍ବହୁଭିର୍ବୃତଃ।
ବସୁଦାନସ୍ଯ ପୁତ୍ରେଣ ତ୍ଯାଜିତୋ ଦେହମାହବେ॥ 8-3-23 (55074)
ଅମିତୌଜା ଯୁଧାମନ୍ଯୁରୁତ୍ତମୌଜାଶ୍ଚ ବୀର୍ଯବାନ୍।
ନିହତ୍ଯ ଶତଶଃ ସୂରାନସ୍ମଦୀଯୈର୍ନିପାତିତାଃ॥ 8-3-24 (55075)
ମିତ୍ରବର୍ମା ଚ ପାଞ୍ଚାଲ୍ଯଃ କ୍ଷତ୍ରଧର୍ମା ଚ ଭାରତ।
ଦ୍ରୋଣେନ ପରମେଷ୍ବାସୌ ଗମିତୌ ଯମସାଦନମ୍॥ 8-3-25 (55076)
ଶିଖଣ୍ଡିତନଯୋ ଯୁଦ୍ଧେ କ୍ଷତ୍ରଦେବୋ ଯୁଧାମ୍ପତିଃ।
ଲକ୍ଷ୍ମଣେନ ହତୋ ରାଜଂସ୍ତବ ପୌତ୍ରେଣ ଭାରତ॥ 8-3-26 (55077)
ସୁଚିତ୍ରଶ୍ଚିତ୍ରବର୍ମା ଚ ପିତାପୁତ୍ରୌ ମହାରଥୌ।
ପ୍ରଚରନ୍ତୌ ମହାବୀରୌ ଦ୍ରୋଣେନ ନିହତୌ ରଣେ॥ 8-3-27 (55078)
ବାର୍ଧକ୍ଷେମିର୍ମହାରାଜ ସମୁଦ୍ର ଇବ ପର୍ବଣି।
ଆଯୁଧକ୍ଷଯମାସାଦ୍ଯ ପ୍ରଶାନ୍ତିଂ ପରମାଂ ଗତଃ॥ 8-3-28 (55079)
ସେନାବିନ୍ଦୁସୁତଃ ଶ୍ରେଷ୍ଠଃ ଶାସ୍ତ୍ରବାନ୍ପ୍ରହରନ୍ଯୁଧି।
ବାହ୍ଲିକେନ ମହାରାଜ କୌରବେନ୍ଦ୍ରେଣ ପାତିତଃ॥ 8-3-29 (55080)
ଧୃଷ୍ଟକେତୁର୍ମହାରାଜ ଚେଦୀନାଂ ପ୍ରବରୋ ରଥଃ।
କୃତ୍ବା ନସୁକରଂ କର୍ମ ଗତୋ ବୈବସ୍ବତକ୍ଷଯମ୍॥ 8-3-30 (55081)
ତଥା ସତ୍ଯଧୃତିର୍ବୀରଃ କୃତ୍ବା କଦନମାହବେ।
ପାଣ୍ଡବାର୍ଥେ ପରାକ୍ରାନ୍ତୋ ଗମିତୋ ଯମସାଦନମ୍॥ 8-3-31 (55082)
ପୁତ୍ରସ୍ତୁ ଶିଶୁପାଲସ୍ଯ ସୁକେତୁଃ ପୃଥିବୀପତିଃ।
ନିହତ୍ଯ ଶାତ୍ରବାନ୍ସଙ୍ଖ୍ଯେ ଦ୍ରୋଣେନ ନିହତୋ ଯୁଧି॥ 8-3-32 (55083)
ତଥା ସତ୍ଯଧୃତିର୍ବୀରୋ ମଦିରାଶ୍ବଶ୍ଚ ବୀର୍ଯବାନ୍।
ସୂର୍ଯଦତ୍ତଶ୍ଚ ବିକ୍ରାନ୍ତୋ ନିହତୋ ଦ୍ରୋଣସାଯକୈଃ॥ 8-3-33 (55084)
`ମାତ୍ସ୍ଯାଦବରଜଃ ଶ୍ରୀମାଞ୍ଶତାନୀକୋ ନିପାତିତଃ।
ଶ୍ରେଣିମାଂଶ୍ଚ ମହାରାଜ ଯୁଧ୍ଯମାନଃ ପରାକ୍ରମୀ।
କୃତ୍ବା ନସୁକରଂ କର୍ମ ଗତୋ ବୈବସ୍ବତକ୍ଷଯମ୍॥ 8-3-34 (55085)
ତଥୈବ ଯୁଧି ବିକ୍ରାନ୍ତୋ ମାଗଧଃ ପରମାସ୍ତ୍ରବିତ୍।
ଭୀଷ୍ମେଣ ନିହତୋ ରାଜଞ୍ଶେତେଽଦ୍ଯ ପରବୀରହା॥ 8-3-35 (55086)
ବିରାଟପୁତ୍ରଃ ଶଙ୍ଖସ୍ତୁ ଉତ୍ତରଶ୍ଚ ମହାରଥଃ।
କୁର୍ବନ୍ତୌ ସୁମହତ୍କର୍ମ ଗତୌ ବୈବସ୍ବତକ୍ଷଯମ୍॥ 8-3-36 (55087)
ବସୁଦାନଶ୍ଚ କଦନଂ କୁର୍ବାଣୋଽତୀବ ସଂଯୁଗେ।
ଭାରଦ୍ବାଜେନ ବିକ୍ରମ୍ଯ ଗମିତୋ ଯମସାଦନମ୍॥ 8-3-37 (55088)
ଏତେ ଚାନ୍ଯେ ଚ ବହବଃ ପାଣ୍ଡବାନାଂ ମହାରଥାଃ।
ହତା ଦ୍ରୋଣେନ ବିକ୍ରମ୍ଯ ଯନ୍ମାଂ ତ୍ବଂ ପରିପୃଚ୍ଛସି॥ ॥ 8-3-38 (55089)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ତୃତୀଯୋଽଧ୍ଯାଯଃ॥ 3 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.4. ଅଧ୍ଯାଯଃ 004
Mahabharata - Karna Parva - Chapter Topics
ସଞ୍ଜଯେନ ଧୃତରାଷ୍ଟ୍ରମ୍ପ୍ରତି ହତାବଶିଷ୍ଟାନାଂ ନାମକଥନମ୍॥ 1 ॥
Mahabharata - Karna Parva - Chapter Text
8-4-0 (55090)
ଧୃତରାଷ୍ଟ୍ର ଉବାଚ। 8-4-0x (4837)
ମାମକସ୍ଯାସ୍ଯ ସୈନ୍ଯସ୍ଯ ହୃତୋତ୍ସେକସ୍ଯ ସ଼ଞ୍ଜଯ।
ଅବଶେଷଂ ନ ପଶ୍ଯାମି କକୁଦେ ମୃଦିତେ ସତି॥ 8-4-1 (55091)
ତୌ ହି ବୀରୌ ମହେଷ୍ବାସୌ ମଦର୍ଥେ କୁରୁସତ୍ତମୌ।
ଭୀଷ୍ମଦ୍ରୋଣୌ ହତୌ ଶ୍ରୁତ୍ବା କୋନ୍ବର୍ଥୋ ଜୀବିତେନ ମେ॥ 8-4-2 (55092)
ନ ଚ ମୃଷ୍ଯାମି ରାଧେଯଂ ହତମାହବଶୋଭିନମ୍।
ଯସ୍ଯ ବାହ୍ବୋର୍ବଲଂ ତୁଲ୍ଯଂ କୁଞ୍ଜରାଣାଂ ଶତଂ ଶତମ୍॥ 8-4-3 (55093)
ହତପ୍ରବରସୈନ୍ଯଂ ମେ ଯଥା ଶଂସସି ସଞ୍ଜଯ।
ଅହତାନପି ମେ ଶଂସ ଯେଽତ୍ର ଜୀବନ୍ତି କେଚନ॥ 8-4-4 (55094)
ଏତେଷୁ ହି ମୃତେଷ୍ବଦ୍ଯ ଯେ ତ୍ବଯା ପରିକୀର୍ତିତାଃ।
ଯେଽପି ଜୀବନ୍ତି ତେ ସର୍ବେ ମୃତା ଇତି ମତିର୍ମମ॥ 8-4-5 (55095)
ସଞ୍ଜଯ ଉବାଚ। 8-4-6x (4838)
ଯସ୍ମିନ୍ମହାସ୍ତ୍ରାଣି ସମର୍ପିତାନି
ଚିତ୍ରାଣି ଶୁଭ୍ରାଣି ଚତୁର୍ବିଧାନି।
ଦିବ୍ଯାନି ରାଜନ୍ବିହିତାନି ଚୈବ
ଦ୍ରୋଣେନ ବୀରେ ଦ୍ବିଜସତ୍ତମେନ॥ 8-4-6 (55096)
ମହାରଥଃ କୃତିମାନ୍କ୍ଷିପ୍ରହସ୍ତୋ
ଦୃଢାଯୁଧୋ ଦୃଢମୁଷ୍ଟିର୍ଦୃଢେଷୁଃ।
ସ ବୀର୍ଯବାନ୍ଦ୍ରୋଣପୁତ୍ରସ୍ତରସ୍ବୀ
ବ୍ଯବସ୍ଥିତୋ ଯୋଦ୍ବୁକାମସ୍ତ୍ବଦର୍ଥେ॥ 8-4-7 (55097)
ଆନର୍ତବାସୀ ହୃଦିକାତ୍ମଜୋଽସୌ
ମହାରଥଃ ସାତ୍ବତାନାଂ ବରିଷ୍ଠଃ।
ସ୍ବଯଂ ଭୋଜଃ କୃତବର୍ମା କୃତାସ୍ତ୍ରୋ
ବ୍ଯବସ୍ଥିତୋ ଯୋଦ୍ବୁକାମସ୍ତ୍ବଦର୍ଥେ॥ 8-4-8 (55098)
ଆର୍ତାଯନିଃ ସମରେ ଦୁଷ୍ପ୍ରକମ୍ପ୍ଯଃ
ସେନାଗ୍ରଣୀଃ ପ୍ରଥମସ୍ତାବକାନାମ୍।
ଯଃ ସ୍ବସ୍ରୀଯାନ୍ପାଣ୍ଡବେଯାନ୍ବିସୃଜ୍ଯ
ସତ୍ଯାଂ ବାଚଂ ସ୍ବାଂ ଚିକୀର୍ଷୁସ୍ତରସ୍ବୀ॥ 8-4-9 (55099)
ତଜୋବଧଂ ସୂତପୁତ୍ରସ୍ଯ ସଙ୍ଖ୍ଯେ
ପ୍ରତିଶ୍ରୁତ୍ଯାଜାତଶତ୍ରୋଃ ପୁରସ୍ତାତ୍।
ଦୁରାଧର୍ଷଃ ଶକ୍ରସମାନବୀର୍ଯଃ
ଶଲ୍ଯଃ ସ୍ଥିତୋ ଯୋଦ୍ବୁକାମସ୍ତ୍ବଦର୍ଥେ॥ 8-4-10 (55100)
ଶାରଦ୍ବତୋ ଗୌତମଶ୍ଚାପି ରାଜ--
ନ୍ମହାବାହୁଚିତ୍ରାସ୍ତ୍ରଯୋଧୀ।
ଧନୁଶ୍ଚିତ୍ରଂ ସୁମହଦ୍ଭାବରସାହଂ
ବ୍ଯବସ୍ଥିତୋ ଯୋଦ୍ବୁକାମଃ ପ୍ରଗୃହ୍ଯ॥ 8-4-11 (55101)
ଗାନ୍ଧାରରାଜଃ ସସୁତଶ୍ଚ ରାଜ--
ନ୍ଦୁର୍ଦ୍ଯୂତଦେବୀ କଲହପ୍ରିଯଶ୍ଚ।
ଗାନ୍ଧାରମୁଖ୍ଯୈର୍ଯବନୈଶ୍ଚ ରାଜ--
ନ୍ବ୍ଯବସ୍ଥିତୋ ଯୋଦ୍ବୁକାମସ୍ତ୍ବଦର୍ଥେ॥ 8-4-12 (55102)
ମହାରଥଃ କେକଯରାଜପୁତ୍ରଃ
ସଦଶ୍ବଯୁକ୍ତଂ ଚ ପତାକିନଂ ଚ।
ରଥଂ ସମାରୁହ୍ଯ କୁରୁପ୍ରବୀର
ବ୍ଯବସ୍ଥିତୋ ଯୋଦ୍ବୁକାମସ୍ତ୍ବଦର୍ଥେ॥ 8-4-13 (55103)
ତଥା ସୁତସ୍ତେ ଜ୍ବଲନାର୍କବର୍ଣଂ
ରଥଂ ସମାସ୍ଥାଯ କୁରୁପ୍ରବୀରଃ।
ବ୍ଯବସ୍ଥିତଃ ପୁରୁମିତ୍ରୋ ନରେନ୍ଦ୍ର
ବ୍ଯଭ୍ରେ ସୂର୍ଯୋ ଭ୍ରାଜମାନୋ ଯଥା ଖେ॥ 8-4-14 (55104)
ଦୁର୍ଯୋଧନୋ ନାଗକୁଲସ୍ଯ ମଧ୍ଯେ
ବ୍ଯବସ୍ଥିତଃ ସିଂହ ଇବାବଭାସେ।
ରଥେନ ଜାମ୍ବୂନଦଭୂଷଣେନ
ବ୍ଯବସ୍ଥିତଃ ସମରେ ଯୋତ୍ସ୍ଯମାନଃ॥ 8-4-15 (55105)
ସ ରାଜମଧ୍ଯେ ପୁରୁଷପ୍ରବୀରୋ
ରରାଜ ଜାମ୍ବୂନଦଚିତ୍ରବର୍ମା।
ପଦ୍ମପ୍ରଭୋ ବହ୍ନିରିବାଲ୍ପଧୂମୋ
ମେଘାନ୍ତରେ ସୂର୍ଯ ଇବ ପ୍ରକାଶଃ॥ 8-4-16 (55106)
ତଥା ସୁଷେଣୋଽପ୍ଯସିଚର୍ମପାଣି--
ସ୍ତବାତ୍ମଜଃ ସତ୍ଯସେନଶ୍ଚ ବୀରଃ।
ବ୍ଯବସ୍ଥିତୌ ଚିତ୍ରସେନେନ ସାର୍ଧଂ
ହୃଷ୍ଟାତ୍ମାନୌ ସମରେ ଯୋଦ୍ଧକାମୌ॥ 8-4-17 (55107)
ହୀନିଷେବୋ ଭାରତରାଜପୁତ୍ର
ଉଗ୍ରାଯୁଧଃ ଶ୍ରୁତବର୍ମା ଜଯଶ୍ଚ।
ଶଲଶ୍ଚ ସତ୍ଯବ୍ରତଦୁଃଶଲୌ ଚ
ବ୍ଯବସ୍ଥିତାଃ ସହସୈନ୍ଯା ନରାଗ୍ର୍ଯାଃ॥ 8-4-18 (55108)
କୈତବ୍ଯାନାମଧିପଃ ଶୂରମାନୀ
ରଣେରଣେ ଶତ୍ରୁହା ରାଜପୁତ୍ରଃ।
ରଥୀ ହଯୀ ନାଗପତ୍ତିପ୍ରଯାଯୀ
ବ୍ଯବସ୍ଥିତୋ ଯୋଦ୍ବୁକାମସ୍ତ୍ବଦର୍ଥେ॥ 8-4-19 (55109)
ବୀରଃ ଶ୍ରୁତାଯୁଶ୍ଚ ଧୃତାଯୁଧଶ୍ଚ
ଚିତ୍ରାଙ୍ଗଦଶ୍ଚିତ୍ରସେନଶ୍ଚ ବୀରଃ।
ବ୍ଯବସ୍ଥିତା ଯୋଦ୍ବୁକାମା ନରାଗ୍ର୍ଯାଃ
ପ୍ରହାରିଣୋ ମାନିନଃ ସତ୍ଯସନ୍ଧାଃ॥ 8-4-20 (55110)
କର୍ଣାତ୍ମଜଃ ସତ୍ଯସନ୍ଧୋ ମହାତ୍ମା
ବ୍ଯବସ୍ଥିତଃ ସମରେ ଯୋଦ୍ବୁକାମଃ॥ 8-4-21 (55111)
ଅଥାପରୌ କର୍ଣସୁତୌ ବରାସ୍ତ୍ରୌ
ବ୍ଯବସ୍ଥିତୌ ଲଘୁହସ୍ତୌ ନରେନ୍ଦ୍ର।
ବଲେ ମହତ୍ଯୁଲ୍ବଣସତ୍ବବୀର୍ଯୌ
ସମାସ୍ଥିତୌ ଯୋଦ୍ବୁକାମୌ ତ୍ବଦର୍ଥେ॥ 8-4-22 (55112)
ଏତୈଶ୍ଚ ମୁଖ୍ଯୈରପରୈଶ୍ଚ ରାଜ--
ନ୍ଯୋଧପ୍ରବୀରୈରମିତପ୍ରଭାବୈଃ।
ବ୍ଯବସ୍ଥିତୋ ନାଗକୁଲସ୍ଯ ମଧ୍ଯେ
ଯଥା ମହେନ୍ଦ୍ରଃ କୁରୁରାଜୋ ଜଯାଯ॥ 8-4-23 (55113)
ଧୃତରାଷ୍ଟ୍ର ଉବାଚ। 8-4-24x (4839)
ଆଖ୍ଯାତା ଜୀବମାନା ଯେ ପରେ ସୈନ୍ଯା ଯଥାଯଥମ୍।
ଇତୀଦମବଗଚ୍ଛାମି ବ୍ଯକ୍ତମର୍ଥାଭିପତ୍ତିତଃ॥ 8-4-24 (55114)
ବୈଶମ୍ପାଯନ ଉବାଚ। 8-4-25x (4840)
ଏବଂ ବ୍ରୁବନ୍ନେବ ତଦା ଧୃତରାଷ୍ଟ୍ରୋଽମ୍ବିକାସୁତଃ।
ହତପ୍ରବୀରଂ ଭୂଯିଷ୍ଠଂ କିଞ୍ଚିଚ୍ଛେଷଂ ସ୍ବକଂ ବଲମ୍।
ଶ୍ରୁତ୍ବା ବ୍ଯାମୋହମାଗଚ୍ଛଚ୍ଛୋକବ୍ଯାକୁଲିତେନ୍ଦ୍ରିଯଃ॥ 8-4-25 (55115)
ବ୍ଯାକୁଲଂ ମେ ମନସ୍ତାତ ଶ୍ରୁତ୍ବା ସୁମହଦପ୍ରିଯମ୍॥
ମନୋ ମୁହ୍ଯତି ଚାଙ୍ଗାନି ନ ଚ ଶକ୍ନୋମି ଧାବିତୁମ୍।
ଇତ୍ଯେବମୁକ୍ତ୍ବା ବଚନଂ ଧୃତରାଷ୍ଟ୍ରୋଽମ୍ବିକାସୁତଃ।
ଭ୍ରାନ୍ତଚିତ୍ତସ୍ତତଃ ସୋଽଥ ବଭୂବ ଜଗତୀପତିଃ॥ ॥ 8-4-26 (55116)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଚତୁର୍ଥୋଽଧ୍ଯାଯଃ॥ 4 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.5. ଅଧ୍ଯାଯଃ 005
Mahabharata - Karna Parva - Chapter Topics
ଧୃତରାଷ୍ଟ୍ରେଣ କର୍ଣଗୁଣାନୁବର୍ଣନପୂର୍ବକଂ ଶୋଚନମ୍॥ 1 ॥
Mahabharata - Karna Parva - Chapter Text
8-5-0 (55117)
ଜନମେଜଯ ଉବାଚ। 8-5-0x (4841)
ଶ୍ରୁତ୍ବା କର୍ଣଂ ହତଂ ଯୁଦ୍ବେ ପୁତ୍ରାଂଶ୍ଚୈବ ପଲାଯିନଃ।
ନରେନ୍ଦ୍ରଃ କିଞ୍ଚିଦାଶ୍ବସ୍ତୋ ଦ୍ବିଜଶ୍ରେଷ୍ଠ କିମବ୍ରବୀତ୍॥ 8-5-1 (55118)
ପ୍ରାପ୍ତବାନ୍ପରମଂ ଦୁଃଖଂ ପୁତ୍ରବ୍ଯସନଜଂ ମହତ୍।
ତସ୍ମିନ୍ଯଦୁକ୍ତବାନ୍କାଲେ ତନ୍ମମାଚକ୍ଷ୍ବ ପୃଚ୍ଛତଃ॥ 8-5-2 (55119)
ବୈଶମ୍ପାଯନ ଉବାଚ। 8-5-3x (4842)
ଶ୍ରୁତ୍ବା କର୍ଣସ୍ଯ ନିଧନମଶ୍ରଦ୍ବେଯମିବାଦ୍ଭୁତମ୍।
ଭୂତସମ୍ମୋହନଂ ଭୀମଂ ମେରୋଃ ସଂସର୍ପଣଂ ଯଥା॥ 8-5-3 (55120)
ଚିତ୍ତମୋହମିବାଯୁକ୍ତଂ ଭାର୍ଗବସ୍ଯ ମହାମତେଃ।
ପରାଜଯମିବେନ୍ଦ୍ରସ୍ଯ ଦ୍ବିଷଦ୍ଧ୍ଯୋ ଭୀମକର୍ମଣଃ॥ 8-5-4 (55121)
ଦିବଃ ପ୍ରପତନଂ ଭାନୋରୁରବ୍ଯାମିବ ମହାଦ୍ଯୁତେଃ।
ସଂଶୋଷଣମିବାଚିନ୍ତ୍ଯଂ ସମୁଦ୍ରସ୍ଯାକ୍ଷଯାମ୍ଭସଃ॥ 8-5-5 (55122)
ମହୀବିଯଦ୍ଦିଗମ୍ବୂନାଂ ସର୍ବନାଶମିବାଦ୍ଭୁତମ୍।
କର୍ମଣୋରିବ ବୈଫଲ୍ଯମୁଭଯୋଃ ପୁଣ୍ଯପାପଯୋଃ॥ 8-5-6 (55123)
ସଞ୍ଚିନ୍ତ୍ଯ ନିପୁଣଂ ବୁଦ୍ଧ୍ଯା ଧୃତରାଷ୍ଟ୍ରୋ ଜନେଶ୍ବରଃ।
ନେଦମସ୍ତୀତି ସଞ୍ଚିନ୍ତ୍ଯ କର୍ଣସ୍ଯ ସମରେ ବଧମ୍॥ 8-5-7 (55124)
ପ୍ରାଣିନାମେବମାତ୍ମତ୍ବାତ୍ସ୍ଯାଦପୀତି ବିଚାର୍ଯ ଚ।
ଶୋକାଗ୍ନିନା ଦହ୍ଯମାନୋ ଧମ୍ଯମାନ ଇବାଶଯେ॥ 8-5-8 (55125)
ବିସ୍ରସ୍ତାଙ୍ଗଃ ଶ୍ବସନ୍ଦୀନୋ ହାହେତ୍ଯୁକ୍ତ୍ବା ସୁଦୁଃଖିତଃ।
ବିଲଲାପ ମହାରାଜ ଧୃତରାଷ୍ଟ୍ରୋଽମ୍ବିକାସୁତଃ॥ 8-5-9 (55126)
ଧୃତରାଷ୍ଟ୍ର ଉବାଚ। 8-5-10x (4843)
ସଞ୍ଜଯାଧିରଥିର୍ବୀରଃ ସିଂହଦ୍ବିରଦବିକ୍ରମଃ।
ବୃଷଭପ୍ରତିମସ୍କନ୍ଧୋ ବୃଷଭାକ୍ଷଗତିସ୍ବରଃ॥ 8-5-10 (55127)
ବୃଷଭୋ ବୃଷଭସ୍ଯେବ ଯୋ ଯୁଦ୍ଧେ ନ ନିବର୍ତତେ।
ଶତ୍ରୋରପି ମହେନ୍ଦ୍ରସ୍ଯ ବଜ୍ରସଂହନନୋ ଯୁବା॥ 8-5-11 (55128)
ଯସ୍ଯ ଜ୍ଯାତଲଶବ୍ଦେନ ଶରବୃଷ୍ଟିରବେଣ ଚ।
ରଥାଶ୍ବନରମାତଙ୍ଗା ନାବତିଷ୍ଠନ୍ତି ସଂଯୁଗେ॥ 8-5-12 (55129)
ଯମାଶ୍ରିତ୍ଯ ମହାବାହୁଂ ଦ୍ବିଷତ୍ସଙ୍ଘଘ୍ନମଚ୍ଯୁତମ୍।
ଦୁର୍ଯୋଧନୋଽକରୋଦ୍ବୈରଂ ପାଣ୍ଡୁପୁତ୍ରୈର୍ମହାରଥୈଃ॥ 8-5-13 (55130)
ସ କଥଂ ରଥିନାଂ ଶ୍ରେଷ୍ଠଃ କର୍ଣଃ ପାର୍ଥେନ ସଂଯୁଗେ।
ନିହତଃ ପୁରୁଷବ୍ଯାଘ୍ରଃ ପ୍ରସହ୍ଯାସହ୍ଯବିକ୍ରମଃ॥ 8-5-14 (55131)
ଯୋ ନାମନ୍ଯତ ବୈ ନିତ୍ଯମଚ୍ଯୁତଂ ଚ ଧନଞ୍ଜଯମ୍।
ନ ବୃଷ୍ମୀନ୍ସହିତାନନ୍ଯାନ୍ସ୍ବବାହୁବଲଦର୍ପିତଃ॥ 8-5-15 (55132)
ଶାର୍ଙ୍ଗଗାଣ୍ଡୀବଧନ୍ବାନୌ ସହିତାବପରାଜିତୌ।
ଅହଂ ଦିବ୍ଯାଦ୍ରଥାଦେକଃ ପାତଯିଷ୍ଯାମି ସଂଯୁଗେ॥ 8-5-16 (55133)
ଇତି ଯଃ ସତତଂ ମନ୍ଦମବୋଚଲ୍ଲୋଭମୋହିତମ୍।
ଦୁର୍ଯୋଧନମବାଚୀନଂ ରାଜ୍ଯକାମୁକମାତୁରମ୍॥ 8-5-17 (55134)
ଯୋଽଜଯତ୍ସର୍ବକାମ୍ଭୋଜାନାବନ୍ତ୍ଯାନ୍କେକଯୈଃ ସହ।
ଗାନ୍ଧାରାନ୍ମଦ୍ରକାନ୍ମାତ୍ସ୍ଯାଂସ୍ତ୍ରିଗର୍ତାଂସ୍ତଙ୍କଣାଞ୍ଶକାନ୍। 8-5-18 (55135)
ପାଞ୍ଚାଲାଂଶ୍ଚ ବିଦେହାଂଶ୍ଚ କୁଲିନ୍ଦାନ୍କାଶିକୋସଲାନ୍
ସୂହ୍ମାନଙ୍ଗାଂଶ୍ଚ ବଙ୍ଗାଂଶ୍ଚ ନିଷାଦାନ୍ପୁଣ୍ଡ୍ରକୀକଟାନ୍॥ 8-5-19 (55136)
ବତ୍ସାନ୍କଲିଙ୍ଗାନ୍ଦରଦାନଶ୍ମକାନୃଷିକାନପି।
`ଶବରାନ୍ହାରହୂଣାଂଶ୍ଚ ପ୍ରଘୂଣାନ୍ସରଲାନପି॥ 8-5-20 (55137)
ମ୍ଲେଚ୍ଛରାଷ୍ଟ୍ରାଧିପାଂଶ୍ଚୈବ ଦୁର୍ଗାନାଟବିକାଂସ୍ତଥା'।
ଜିତ୍ବୈତାନ୍ସମରେ ବୀରଃ ପ୍ରଦୀପ୍ତୈଃ କଙ୍କପତ୍ରିଭିଃ॥ 8-5-21 (55138)
କରମାହାରଯାମାସ ଜିତ୍ବା ସର୍ବାନରୀଂସ୍ତଥା।
ଦୁର୍ଯୋଧନସ୍ଯ ବୃଦ୍ଧ୍ଯର୍ଥଂ ରାଧେଯୋ ରଥିନାଂ ବରଃ।
ଦିବ୍ଯାସ୍ତ୍ରବିମନ୍ହାତେଜାଃ କର୍ଣୋ ବୈକର୍ତନୋ ବୃଷଃ॥ 8-5-22 (55139)
ସେନାଗୋପଶ୍ଚ ସ କଥଂ ଶତ୍ରୁଭିଃ ପରମାସ୍ତ୍ରବିତ୍।
ଘାତିତଃ ପାଣ୍ଡବୈଃ ଶୂରୈଃ ସମରେ ବୀର୍ଯଶାଲିଭିଃ॥ 8-5-23 (55140)
ବୃଷୋ ମହେନ୍ଦ୍ରୋ ଦେବେଷୁ ବୃଷଃ କର୍ଣୋ ନରେଷ୍ବପି।
ତୃତୀଯମନ୍ଯଂ ଲୋକେଷୁ ବୃଷଂ ନୈବାନୁଶୁଶ୍ରୁମ॥ 8-5-24 (55141)
ଉଚ୍ଚୈଃ ଶ୍ରବା ବରୋଽଶ୍ବାନାଂ ରାଜ୍ଞାଂ ବୈଶ୍ରବଣୋ ବରଃ।
ବରୋ ମହେନ୍ଦ୍ରୋ ଦେବାନାଂ କର୍ଣଃ ପ୍ରହରତାଂ ବରଃ॥ 8-5-25 (55142)
ଯୋଽଜିତଃ ପାର୍ଥିବୈଃ ଶୂରୈଃ ସମର୍ଥୈର୍ବୀର୍ଯଶାଲିଭିଃ।
ଦୁର୍ଯୋଧନସ୍ଯ ବୃଦ୍ଧ୍ଯର୍ଥଂ କୃତ୍ସ୍ନାମୁର୍ବୀମଥାଜଯତ୍॥ 8-5-26 (55143)
ଯଂ ଲବ୍ଧ୍ବା ମାଗଧୋ ରାଜା ସାଂତ୍ବମାନୋଽଥ ସୌହୃଦୈଃ।
ଅରୌତ୍ସୀତ୍ପାର୍ଥିବଂ କ୍ଷତ୍ରମୃତେ ଯାଦବକୌରବାନ୍॥ 8-5-27 (55144)
ତଂ ଶ୍ରୁତ୍ବା ନିହତଂ କର୍ଣଂ ଦ୍ବୈରଥେ ସବ୍ଯସାଚିନା।
ଶୋକାର୍ଣବେ ନିମଗ୍ନୋଽହଂ ଭିନ୍ନା ନୌରିବ ସାଗରେ॥ 8-5-28 (55145)
ତଂ ବୃଷଂ ନିହତଂ ଶ୍ରୁତ୍ବା ଦ୍ବୈରଥେ ରଥିନାଂ ବରମ୍।
ଶୋକାର୍ଣବେ ନିମଗ୍ନୋଽହମପ୍ଲୁବଃ ସାଗରେ ଯଥା॥ 8-5-29 (55146)
ଈଦୃଶୈର୍ଯଦ୍ଯହଂ ଦୁଃଖୈର୍ନ ବିନଶ୍ଯାମି ସଞ୍ଜଯ।
ବଜ୍ରାଦ୍ଦୃଢତରଂ ମନ୍ଯେ ହୃଦଯଂ ମମ ଦୁର୍ଭିଦମ୍॥ 8-5-30 (55147)
ଜ୍ଞାତିସଂବନ୍ଧିମିତ୍ରାଣାମିମଂ ଶ୍ରୁତ୍ବା ପରାଭବମ୍।
କୋ ମଦନ୍ଯଃ ପୁମାଁଲ୍ଲୋକେ ନ ଜହ୍ଯାତ୍ସୂତ ଜୀବିତମ୍॥ 8-5-31 (55148)
ବିଷମଗ୍ନିଂ ପ୍ରପାତଂ ଚ ପର୍ବତାଗ୍ରାଦହଂ ବୃଣେ।
`ମହାପ୍ରସ୍ଥାନଗମନଂ ଜଲଂ ପ୍ରାଯୋପବେଶନମ୍'।
ନ ହି ଶକ୍ଷ୍ଯାମି ଦୁଃଖାନି ସୋଢୁଂ କଷ୍ଟାନି ସଞ୍ଜଯ॥ ॥ 8-5-32 (55149)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ପଞ୍ଚମୋଽଧ୍ଯାଯଃ॥ 5 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.6. ଅଧ୍ଯାଯଃ 006
Mahabharata - Karna Parva - Chapter Topics
କର୍ଣବଧଶ୍ରବଣାନନ୍ତରୀଯକଧୃତରାଷ୍ଟ୍ରପ୍ରବୃତ୍ତିଂ ପୃଷ୍ଟେନ ବୈଶମ୍ପାଯନେନ କର୍ଣଦୁର୍ଯୋଧନସ୍ତୁତିନିନ୍ଦାପୂର୍ବକଂ ସଞ୍ଜଯମ୍ପ୍ରତି କର୍ଣାର୍ଜୁନଯୁଦ୍ଧକଥନଚୋଦନାରୂପଧୃତରାଷ୍ଟ୍ରପ୍ରବୃତ୍ତିକଥନମ୍॥ 1 ॥
Mahabharata - Karna Parva - Chapter Text
8-6-0 (55150)
ସଞ୍ଜଯ ଉବାଚ। 8-6-0x (4844)
ଶ୍ରିଯା କୁଲେନ ଯଶସା ତପସା ଚ ଶ୍ରୁତେନ ଚ।
ତ୍ବାମଦ୍ଯ ସନ୍ତୋ ମନ୍ଯନ୍ତେ ଯଯାତିମିବ ନାହୁଷମ୍॥ 8-6-1 (55151)
ଶ୍ରୁତେ ମହର୍ଷିପ୍ରତିମଃ କୃତକୃତ୍ଯୋଽସି ପାର୍ଥିବ।
ପର୍ଯବସ୍ଥାପଯାତ୍ମାନଂ ମା ବିଷାଦେ ମନଃ କୃଥାଃ॥ 8-6-2 (55152)
ଧୃତରାଷ୍ଟ୍ର ଉବାଚ। 8-6-3x (4845)
ଦୈବମେବ ପରଂ ମନ୍ଯେ ଧିକ୍ପୌରୁଷମନର୍ଥକମ୍।
ଯତ୍ର ସାଲପ୍ରତୀକାଶଃ କର୍ଣୋଽହନ୍ଯତ ସଂଯୁଗେ॥ 8-6-3 (55153)
ହତ୍ବା ଯୁଧିଷ୍ଠିରାନୀକଂ ପାଞ୍ଚାଲାନାଂ ରଥବ୍ରଜାନ୍।
ପ୍ରତାପ୍ଯ ଶରବର୍ଷେଣ ଦିଶଃ ସର୍ବା ମହାରଥଃ॥ 8-6-4 (55154)
ମୋହିଯିତ୍ବା ରଣେ ପାର୍ଥାନ୍ବଜ୍ନହସ୍ତ ଇବାସୁରାନ୍।
ସ କଥଂ ନିହତଃ ଶେତେ ବାଯୁରୁଗ୍ଣ ଇବ ଦ୍ରୁମଃ॥ 8-6-5 (55155)
ଶୋକସ୍ଯାନ୍ତଂ ନ ପଶ୍ଯାମି ପାରଂ ଜଲନିଧେରିବ।
ଚିନ୍ତା ମେ ବର୍ଧତେଽତୀବ ମୁମୂର୍ଷା ଚାପି ଜାଯତେ॥ 8-6-6 (55156)
କର୍ଣସ୍ଯ ନିଧନଂ ଶ୍ରୁତ୍ବା ବିଜଯଂ ଫଲ୍ଗୁନସ୍ଯ ଚ।
ଅଶ୍ରଦ୍ଧେଯମହଂ ମନ୍ଯେ ବଧଂ କର୍ଣସ୍ଯ ସଞ୍ଜଯ॥ 8-6-7 (55157)
ବଜ୍ରସାରମିଦଂ ନୂନଂ ହୃଦଯଂ ଦୁର୍ଭିଦଂ ମମ।
ଯଚ୍ଛ୍ରୁତ୍ବା ପୁରୁଷବ୍ଯାଘ୍ରଂ ହତଂ କର୍ଣଂ ନ ଦୀର୍ଯତେ॥ 8-6-8 (55158)
ଆର୍ଯୁର୍ନୂନଂ ସୁଦୀର୍ଘଂ ମେ ବିହିତଂ ଦୈବତୈଃ ପୁରା।
ଯତ୍ର କର୍ଣଂ ହତଂ ଶ୍ରୁତ୍ବା ଜୀବାମୀହ ସୁଦୁଃଖିତଃ॥ 8-6-9 (55159)
ଧିଗ୍ଜୀବିତମିଦଂ ଚୈବ ସୁହୃଦ୍ବୀନସ୍ଯ ସଞ୍ଜଯ।
ଅଦ୍ଯ ଚାହଂ ଦଶାମେତାଂ ଗତଃ ସଞ୍ଜଯ ଗର୍ହିତାମ୍।
କୃପଣଂ ବର୍ତଯିଷ୍ଯାମି ଶୋଚ୍ଯଃ ସର୍ବସ୍ଯ ମନ୍ଦଧୀଃ॥ 8-6-10 (55160)
ଅହମେବ ପୁରା ଭୂତ୍ବା ସର୍ବଲୋକସ୍ଯ ସତ୍କୃତଃ।
ପରିଭୂତଃ କଥଂ ସୂତ ପରୈଃ ଶକ୍ଷ୍ଯାମି ଜୀବିତୁମ୍॥ 8-6-11 (55161)
ଦୁଃଖାଦ୍ଦୁଃଖତରଂ ଭନ୍ଯେ ପ୍ରାପ୍ତବାନସ୍ମି ସଞ୍ଜଯ।
ଭୀଷ୍ମଦ୍ରୋଣବଧେନୈବ କର୍ଣସ୍ଯ ଚ ମହାତ୍ମନଃ॥ 8-6-12 (55162)
ନାବଶେଷଂ ପ୍ରପଶ୍ଯାମି ସୂତପୁତ୍ରେ ହତେ ଯୁଧି।
ସହି ପାରଂ ମହାନାସୀତ୍ପୁତ୍ରାଣାଂ ମମ ସଞ୍ଜଯ॥ 8-6-13 (55163)
ଯୁଦ୍ଧେ ହି ନିହତଃ ଶୂରୋ ବିସୃଜନ୍ସାଯକାନ୍ବହୂନ୍।
କୋ ହି ମେ ଜୀବିତେନାର୍ଥସ୍ତମୃତେ ପୁରୁଷର୍ଷଭମ୍॥ 8-6-14 (55164)
ରଥାଦାଧିରଥିର୍ନୂନଂ ନ୍ଯପତତ୍ସାଯକାର୍ଦିତଃ।
ପର୍ବତସ୍ଯେବ ଶିଖରଂ ବ ଜ୍ରପାତାଦ୍ବିଦାରିତମ୍॥ 8-6-15 (55165)
ସ ଶେତେ ପୃଥିବୀଂ ନୂନଂ ଶୋଭଯନ୍ରୁଧିରୋକ୍ଷିତଃ।
ମାତଙ୍ଗ ଇବ ମତ୍ତେନ ମତାଙ୍ଗେନ ନିପାତିତଃ॥ 8-6-16 (55166)
ଯୋ ବଲଂ ଧାର୍ତରାଷ୍ଟ୍ରାଣାଂ ପାଣ୍ଡବାନାଂ ଯତୋ ଭଯମ୍।
ସୋଽର୍ଜୁନେନ ହତଃ କର୍ଣଃ ପ୍ରତିମାନଂ ଧନୁଷ୍ମତାମ୍॥ 8-6-17 (55167)
ସ ହି ବୀରୋ ମହେଷ୍ବାସୋ ମିତ୍ରାଣାମଭଯଙ୍କରଃ।
ଶେତେ ବିନିହତୋ ବୀରଃ ଶକ୍ରେଣେବ ପୁରା ବଲଃ॥ 8-6-18 (55168)
ପଙ୍ଗୋରିବାଧ୍ବଗମନଂ ଦରିଦ୍ରସ୍ଯେବ କାମିତମ୍।
ଦୁର୍ଯୋଧନସ୍ଯ ଲୋଭଶ୍ଚ ସମାନ୍ଯେତାନି ସଞ୍ଜଯ॥ 8-6-19 (55169)
ଅନ୍ଯଥା ଚିନ୍ତିତଂ କାର୍ଯମନ୍ଯଥା ତତ୍ତୁ ଜାଯତେ।
ଅହୋ ନୁ ବଲବଦ୍ଦୈବଂ କାଲଶ୍ଚ ଦୁରତିକ୍ରମଃ॥ 8-6-20 (55170)
ପଲାଯମାନଃ କୃପଣୋ ଦୀନାତ୍ମା ଦୀନପୌରୁଷଃ।
କଚ୍ଚିଦ୍ବିନିହତଃ ସୂତ ପୁତ୍ରୋ ଦୁଃଶାସନୋ ମମ॥ 8-6-21 (55171)
କଚ୍ଚିନ୍ନ ଦୀନାଚରିତଂ କୃତବାଂସ୍ତାତ ସଂଯୁଗେ।
କଚ୍ଚିନ୍ନ ନିହତଃ ଶୂରା ଯଥାଽନ୍ଯେ କ୍ଷତ୍ରିଯର୍ଷଭାଃ॥ 8-6-22 (55172)
ଯୁଧିଷ୍ଠିରସ୍ଯ ବଚନଂ ମା ଯୁଦ୍ଧମିତି ସର୍ବଦା।
ଦୁର୍ଯୋଧନୋ ନାଭ୍ଯଗୃହ୍ଣାନ୍ମୂଢଃ ପଥ୍ଯମିବୌଷଧମ୍॥ 8-6-23 (55173)
ଶତଲ୍ପେ ଶଯାନେନ ଭୀଷ୍ମେଣ ସୁମହାତ୍ମନା।
ପାନୀଯଂ ଯାଚିତଃ ପାର୍ଥଃ ସୋବିଧ୍ଯନ୍ମେଦିନୀତଲମ୍॥ 8-6-24 (55174)
ଜଲସ୍ଯ ଧାରାଂ ଜନିତାଂ ଦୃଷ୍ଟ୍ବା ପାଣ୍ଡୁସୁତେନ ଚ।
ଅବ୍ରବୀତ୍ସ ମହାବାହୁସ୍ତାତ ସଂଶାମ୍ଯ ପାଣ୍ଡବୈଃ॥ 8-6-25 (55175)
ପ୍ରଶମାଦ୍ବି ଭବେଚ୍ଛାନ୍ତିର୍ମଦନ୍ତଂ ଯୁଦ୍ଧମସ୍ତୁ ବଃ।
ଭ୍ରାତୃଭାବେନ ପୃଥିବୀଂ ଭୁଙ୍କ୍ଷ୍ବ ପାଣ୍ଡୁସୁତୈଃ ସହ॥ 8-6-26 (55176)
ଅକୁର୍ବନ୍ବଚନଂ ତସ୍ଯ ନୂନଂ ଶୋଚତି ପୁତ୍ରକଃ।
ତଦିଦଂ ସମନୁପ୍ରାପ୍ତ ବଚନଂ ଦୀର୍ଘଦର୍ଶିନଃ॥ 8-6-27 (55177)
ଅହଂ ତୁ ନିହତାମାତ୍ଯୋ ହତପୁତ୍ରଶ୍ଚ ସଞ୍ଜଯ।
ଦ୍ଯୂତତଃ କୃଚ୍ଛ୍ରମାପନ୍ନୋ ଲୂନପକ୍ଷ ଇବ ଦ୍ବିଜଃ॥ 8-6-28 (55178)
ଯଥା ହି ଶକୁନିଂ ଗୃହ୍ଯ ଛିତ୍ତ୍ବା ପକ୍ଷୌ ଚ ସଞ୍ଜଯ।
ବିସର୍ଜଯନ୍ତି ସଂହୃଷ୍ଟାଃ କ୍ରୀଡମାନାଃ କୁମାରକାଃ॥ 8-6-29 (55179)
ଲୂନପକ୍ଷତଯା ତସ୍ଯ ଗମନଂ ନୋପପଦ୍ଯତେ।
ତଥାହମପି ସମ୍ପ୍ରାପ୍ତୋ ଲୂନପକ୍ଷ ଇବ ଦ୍ବିଜଃ॥ 8-6-30 (55180)
କ୍ଷୀଣଃ ସର୍ବାର୍ଥହୀନଶ୍ଚ ନିର୍ଜ୍ଞାତିର୍ବନ୍ଧୁବର୍ଜିତଃ।
କାଂ ଦିଶଂ ପ୍ରତିପତ୍ସ୍ଯାମି ଦୀନଃ ଶତ୍ରୁବଶଂ ଗତଃ॥ 8-6-31 (55181)
ବୈଶମ୍ପାଯନ ଉବାଚ। 8-6-32x (4846)
ଇତ୍ଯେବଂ ଧୃତରାଷ୍ଟ୍ରୋଽଥ ବିଲପ୍ଯ ବହୁଦୁଃଖିତଃ।
ପ୍ରୋବାଚ ସଞ୍ଜଯଂ ଭୂଯଃ ସୋକବ୍ଯାକୁଲମାନସଃ॥ 8-6-32 (55182)
ଧୃତରାଷ୍ଟ୍ର ଉବାଚ। 8-6-33x (4847)
ଯୋଽଜଯତ୍ସର୍ବକାମ୍ଭୋଜାନମ୍ବଷ୍ଠାନ୍କୈକଯୈଃ ସହ।
ଗାନ୍ଧାରାଂଶ୍ଚ ବିଦେହାଂଶ୍ଚ ଜିତ୍ବା କାର୍ଯାର୍ଥମାହବେ॥ 8-6-33 (55183)
ଦୁର୍ଯୋଧନସ୍ଯ ବୃଦ୍ଧ୍ଯର୍ଥଂ ଯୋଽଜଯତ୍ପୃଥିବୀଂ ପ୍ରଭୁଃ।
ସ ଜିତଃ ପାଣ୍ଡବୈଃ ଶୂରୈଃ ସମରେ ବାହୁଶାଲିଭିଃ॥ 8-6-34 (55184)
ତସ୍ମିନ୍ହତେ ମହେଷ୍ବାସେ କର୍ଣେ ଯୁଧି କିରୀଟିନା।
କେ ବୀରାଃ ପର୍ଯତିଷ୍ଠନ୍ତ ତନ୍ମମାଚକ୍ଷ୍ବ ସଞ୍ଜଯ॥ 8-6-35 (55185)
କଚ୍ଚିନ୍ନୈକଃ ପରିତ୍ଯକ୍ତଃ ପାଣ୍ଡବୈର୍ନିହତୋ ରଣେ।
ଉକ୍ତଂ ତ୍ବଯା ପୁରା ତାତ ଯଥା ବୀରୋ ନିପାତିତଃ॥ 8-6-36 (55186)
ଭୀଷ୍ମମପ୍ରତିଯୁଧ୍ଯନ୍ତଂ ଶିଖମ୍ଡୀ ସାଯକୋତ୍ତମୈଃ।
ପାତଯାମାସ ସମରେ ସର୍ବଶସ୍ତ୍ରଭୃତାଂ ବରମ୍॥ 8-6-37 (55187)
ତଥା ଦ୍ରୌପଦିନା ଦ୍ରୋଣୋ ନ୍ଯସ୍ତସର୍ବାଯୁଧୋ ଯୁଧି।
`ଧର୍ମରାଜବଚଃ ଶ୍ରୁତ୍ବା ଅଶ୍ବତ୍ଥାମା ହତସ୍ତ୍ବିତି'॥ 8-6-38 (55188)
ଯୁକ୍ତଯୋଗୋ ମହେଷ୍ବାସଃ ଶରୈର୍ବହୁଭିରାଚିତଃ।
ନିହତଃ ଖଙ୍ଗମୁଦ୍ଯମ୍ଯ ଧୃଷ୍ଟଦ୍ଯୁମ୍ନେନ ସଞ୍ଜଯ॥ 8-6-39 (55189)
ଅନ୍ତରେଣ ହତାବେତୌ ଛଲେନ ଚ ବିଶେଷତଃ।
ଅଶ୍ରୌଷମହମେତଦ୍ବୈ ଭୀଷ୍ମଦ୍ରୋଣୌ ନିପାତିତୌ॥ 8-6-40 (55190)
ଭୀଷ୍ମଦ୍ରୋଣୌ ହି ସମରେ ନ ହନ୍ଯାଦ୍ବଜ୍ରଭୃତ୍ସ୍ବଯମ୍।
ନ୍ଯାଯେନ ଯୁଧ୍ଯନ୍ସମରେ ତଦ୍ବୈ ସତ୍ଯଂ ବ୍ରବୀମି ତେ॥ 8-6-41 (55191)
କର୍ଣଂ ତ୍ବସ୍ଯନ୍ତମସ୍ତ୍ରାଣି ଦିବ୍ଯାନି ଚ ବହୂନି ଚ।
କଥମିନ୍ଦ୍ରୋପମଂ ବୀରଂ ମୃତ୍ଯୁର୍ଯୁଦ୍ବେ ସମସ୍ପୃଶତ୍॥ 8-6-42 (55192)
ଯସ୍ଯ ବିଦ୍ଯୁତ୍ପ୍ରଭାଂ ଶକ୍ତିଂ ଦିବ୍ଯାଂ କନକଭୂଷଣାମ୍।
ପ୍ରାଯଚ୍ଛଦ୍ଦ୍ବିଷତାଂ ହନ୍ତ୍ରୀଂ କୁଣ୍ଡଲାଭ୍ଯାଂ ପୁରନ୍ଦରଃ॥ 8-6-43 (55193)
ଯସ୍ଯ ସର୍ପମୁଖୋ ଦିବ୍ଯଃ ଶରଃ କାଞ୍ଚନଭୂଷଣଃ।
ଅଶେତ ନିଶିତଃ ପତ୍ରୀ ସମରେଷ୍ବରିସୂଦନଃ॥ 8-6-44 (55194)
ଭୀଷ୍ମଦ୍ରୋଣମୁଖାନ୍ବୀରାନ୍ଯୋଽବମତ୍ଯ ମହାରଥାନ୍।
ଜାମଦଗ୍ନ୍ଯାନ୍ମହାଘୋରଂ ବ୍ରାହ୍ମମସ୍ତ୍ରମଶିକ୍ଷତ॥ 8-6-45 (55195)
ଯଶ୍ଚ ଦ୍ରୋଣମୁଖାନ୍ଦୃଷ୍ଟ୍ବା ବିମୁଖାନର୍ଦିତାଞ୍ଶରୈଃ।
ସୌଭଦ୍ରସ୍ଯ ମହାବାହୁର୍ବ୍ଯଧମତ୍କାର୍ମୁକଂ ଶିତୈଃ॥ 8-6-46 (55196)
ଯଶ୍ଚ ନାଗାଯୁତପ୍ରାଣାଂ ବଜ୍ରରଂହସମଚ୍ଯୁତମ୍।
ବିରଥଂ ସହସା କୃତ୍ବା ଭୀମସେନମପାହସତ୍॥ 8-6-47 (55197)
ସହଦେବଂ ଚ ନିର୍ଜିତ୍ଯ ଶରୈଃ ସନ୍ନତପର୍ବଭିଃ।
କୃପଯା ବିରଥଂ କୃତ୍ବା ନାହନଦ୍ଧର୍ମଚିନ୍ତଯା॥ 8-6-48 (55198)
ଯଶ୍ଚ ମାଯାସହସ୍ରାଣି ବିକୁର୍ବାଣଂ ଜଯୈଷିଣମ୍।
ଘଟୋତ୍କଚଂ ରାକ୍ଷସେନ୍ଦ୍ରଂ ଶକ୍ରଶକ୍ତ୍ଯା ନିଜଘ୍ନିବାନ୍॥ 8-6-49 (55199)
ଏବାଂଶ୍ଚ ଦିବସାନ୍ଯସ୍ଯ ଯୁଦ୍ଧେ ଭୀତୋ ଧନଞ୍ଜଯଃ।
ନାଗମଦ୍ଦ୍ବୈରଥଂ ବୀରଃ ସ କଥଂ ନିହତୋ ରଣେ॥ 8-6-50 (55200)
[ସଂଶପ୍ତକାନାଂ ଯୋଧା ଯେ ଆହ୍ବଯନ୍ତ ସଦାଽନ୍ଯତଃ।
ଏତାନ୍ହତ୍ବା ହନିଷ୍ଯାମି ପଶ୍ଚାଦ୍ବୈକର୍ତନଂ ରଣେ॥ 8-6-51 (55201)
ଇତି ବ୍ଯପଦିଶନ୍ପାର୍ଥୋ ବର୍ଜଯନ୍ସୂତଜଂ ରଣେ।
ସ କଥଂ ନିହତୋ ବୀରଃ ପାର୍ଥେନ ପରବୀରହା॥] 8-6-52 (55202)
ରଥଭହ୍ଗୋ ନ ଚେତ୍ତସ୍ଯ ଧନୁର୍ବା ନ ବ୍ଯଶୀର୍ଯତ।
ନ ଚେଦସ୍ତ୍ରାଣି ନଷ୍ଟାନି ସ କଥଂ ନିହତଃ ପରୈଃ॥ 8-6-53 (55203)
କୋ ହି ଶକ୍ତୋ ରଣେ କର୍ଣଂ ବିଧୁନ୍ବାନଂ ମହଦ୍ଧନୁଃ।
ବିମୁଞ୍ଚନ୍ତଂ ଶରାନ୍ଘୋରାନ୍ଦିବ୍ଯାନ୍ଯସ୍ତ୍ରାଣି ଚାହବେ।
ଜେତୁଂ ପୁରୁଷଶାର୍ଦୂଲଂ ଶାର୍ଦୂଲମିବ ବେଗିନମ୍॥ 8-6-54 (55204)
ଧ୍ରବଂ ତସ୍ଯ ଧନୁଶ୍ଛିନ୍ନଂ ରଥୋ ବାଽପି ମହୀଂ ଗତଃ।
ଅସ୍ତ୍ରାଣି ବା ପ୍ରନଷ୍ଟାନି ଯଥା ଶଂସସି ମେ ହତମ୍।
ନ ହ୍ଯନ୍ଯଦପି ପଶ୍ଯାମି କାରଣଂ ତସ୍ଯ ନାଶନେ॥ 8-6-55 (55205)
ନ ହିନ୍ମି ଫଲ୍ଗୁନଂ ଯାବତ୍ତାବତ୍ପାଦୌ ନ ଧାବଯେ।
ଇତି ଯସ୍ଯ ମହାଘୋରଂ ବ୍ରତମାସୀନ୍ମହାତ୍ମନଃ॥ 8-6-56 (55206)
ଯସ୍ଯ ଭୀତୋ ରମେ ନିଦ୍ରାଂ ଧର୍ମରାଜୋ ଯୁଧିଷ୍ଠିରଃ।
ତ୍ରଯୋଦଶସମା ନିତ୍ଯଂ ନାଭଜତ୍ପୁରୁଷର୍ଷଭଃ॥ 8-6-57 (55207)
ଯସ୍ଯ ବୀର୍ଯବତୋ ବୀର୍ଯମୁପାଶ୍ରିତ୍ଯ ମହାତ୍ମନଃ।
ମମ ପୁତ୍ରଃ ସଭାଂ ଭାର୍ଯାଂ ପାଣ୍ଡୂନାଂ ନୀତବାନ୍ବଲାତ୍॥ 8-6-58 (55208)
ତତ୍ରାପି ଚ ସଭାମଧ୍ଯେ ପାଣ୍ଡବାନାଂ ଚ ପଶ୍ଯତାମ୍।
ଦାସଭାର୍ଯେତି ପାଞ୍ଚାଲୀମବ୍ରବୀତ୍କୁରୁସନ୍ନିଧୌ॥ 8-6-59 (55209)
[ନ ସନ୍ତି ତପଯଃ କୃଷ୍ଣେ ସର୍ବେ ଷଣ୍ଡତିଲୈଃ ସମାଃ।
ଉପତିଷ୍ଠସ୍ବ ଭର୍ତାରମନ୍ଯଂ ବା ବରବର୍ଣିନି॥ 8-6-60 (55210)
ଇତ୍ଯେବଂ ଯଃ ପୁରା ବାଚୋ ରୂକ୍ଷାଃ ସଂଶ୍ରାବଯନ୍ରୁଷା।
ସଭାଯାଂ ସୂତଜଃ କୃଷ୍ଣାଂ ସ କଥଂ ନିହତଃ ପରୈଃ॥ 8-6-61 (55211)
ଯଦି ଭୀଷ୍ମୋ ରଣଶ୍ଲାଘୀ ଦ୍ରୋଣୋ ବା ଯୁଧି ଦୁର୍ମଦଃ।
ନ ହନିଷ୍ଯତି କୌନ୍ତେଯାନ୍ପକ୍ଷପାତାତ୍ସୁଯୋଧନ।
ସର୍ବାନେବ ହନିଷ୍ଯାମି ବ୍ଯେତୁ ତେ ମାନସୋ ଜ୍ବରଃ॥ 8-6-62 (55212)
କିଂ କରିଷ୍ଯତି ଗାଣ୍ଡୀବମକ୍ଷଯ୍ଯୌ ଚ ମହେଷୁଧୀ।
ସ୍ନିଗ୍ଧଚନ୍ଦନଦିଗ୍ଧସ୍ଯ ମଚ୍ଛରସ୍ଯାଭିଧାବତଃ।
ସ ନୂନମୃଷଭସ୍କନ୍ଧୋ ହ୍ଯର୍ଜୁନେନ କଥଂ ହତଃ॥] 8-6-63 (55213)
ଯଶ୍ଚ ଗାଣ୍ଡୀବମୁକ୍ତାନାଂ ସ୍ପର୍ଶମୁଗ୍ରମଚିନ୍ତଯନ୍।
ଅପତିର୍ହ୍ଯସି କୃଷ୍ଣେତି ବ୍ରୁବନ୍ପାର୍ଥାନବୈକ୍ଷତ॥ 8-6-64 (55214)
ଯସ୍ଯ ନାସୀଦ୍ଭଯଂ ପାର୍ଥାତ୍ସପୁତ୍ରାତ୍ସଜନାର୍ଦନାତ୍।
ସ୍ବବାହୁବଲମାଶ୍ରିତ୍ଯ ମୁହୂର୍ତମପି ସଞ୍ଜଯ॥ 8-6-65 (55215)
ତସ୍ଯ ନାଽହଂ ବଧଂ ମନ୍ଯେ ଦେବୈରପି ସବାସବୈଃ।
ପ୍ରତୀପମଭିଘାବଦ୍ଭିଃ କିଂ ପୁନସ୍ତାତ ପାଣ୍ଡବୈଃ॥ 8-6-66 (55216)
ନ ହି ଜ୍ଯାଂ ସଂସମ୍ପୃଶାନସ୍ଯ ତଲତ୍ରେ ବାଽପି ଗୃହ୍ଣତଃ।
ପୁମାନାଧିରଥେଃ ସ୍ଥାତୁଂ କଶ୍ଚିତ୍ପ୍ରମୁଖତୋଽର୍ହତି॥ 8-6-67 (55217)
ଅପି ସ୍ଯାନ୍ମେଦିନୀ ହୀନା ସୋମସୂର୍ଯପ୍ରଭାଂଶୁଭିଃ।
ନ ବଧ- ପୁରୁଷେନ୍ଦ୍ରସ୍ଯ ସଂଯୁଗେଷ୍ବପଲାଯିନଃ॥ 8-6-68 (55218)
ଯେନ ମନ୍ଦଃ ସହାଯେନ ଭ୍ରାତ୍ରା ଦୁଃଶାସନେନ ଚ।
ବାସୁଦେବସ୍ଯ ଦୁର୍ବୁଦ୍ଧିଃ ପ୍ରତ୍ଯାଖ୍ଯାନମରୋଚତ॥ 8-6-69 (55219)
ସ ନୂନଂ ବୃଷଭସ୍କନ୍ଧଂ କର୍ଣଂ ଦୃଷ୍ଟ୍ବା ନିପାତିତମ୍।
ଦୁଃଶାସନଂ ଚ ନିହତଂ ମନ୍ଯେ ଶୋଚତି ପୁତ୍ରକଃ॥ 8-6-70 (55220)
ହତଂ ବୈକର୍ତନଂ ଦୃଷ୍ଟ୍ବା ଦ୍ବୈରଥେ ସବ୍ଯସାଚିନା।
ଜଯତଃ ପାଣ୍ଡବାନ୍ଦୃଷ୍ଟ୍ବା କିଂସ୍ବିଦ୍ଦୁର୍ଯୋଧନୋଽବ୍ରବୀତ୍॥ 8-6-71 (55221)
[ଦୁର୍ମର୍ଷଣଂ ହତଂ ଦୃଷ୍ଟ୍ବା ବୃଷସେନଂ ଚ ସଂଯୁଗେ।
ପ୍ରଭଗ୍ରଂ ଚ ବଲଂ ଦୃଷ୍ଟ୍ବା ବଧ୍ଯମାନଂ ମହାରଥୈଃ॥ 8-6-72 (55222)
ପରାଙ୍ମୁଖାଂଶ୍ଚ ରାଜ୍ଞସ୍ତୁ ପଲାଯନପରାଯଣାନ୍।
ବିଦ୍ରୁତାନ୍ରଥିନୋ ଦୃଷ୍ଟ୍ବା ମନ୍ଯେ ଶୋଚତି ପୁତ୍ରକଃ॥ 8-6-73 (55223)
ଅନେଯଶ୍ଚାଭିମାନୀ ଚ ଦୁର୍ବୁଦ୍ଧିରଜିତେନ୍ଦ୍ରିଯଃ।
ହତୋତ୍ସାହଂ ବଲଂ ଦୃଷ୍ଟ୍ବା କିଂସ୍ବିଦୁର୍ଯୋଧନୋଽବ୍ରବୀତ୍॥ 8-6-74 (55224)
ସ୍ବଯଂ ବୈରଂ ମହତ୍କୃତ୍ବା ବାର୍ଯମାଣଃ ସୁହୃଦ୍ଗଣୈଃ।
ପ୍ରଧନେ ହତଭୂଯିଷ୍ଠୈଃ କିଂସ୍ବିଦ୍ଦୁର୍ଯୋଧନୋଽବ୍ରବୀତ୍॥ 8-6-75 (55225)
ଭ୍ରାତରଂ ନିହତଂ ଦୃଷ୍ଟ୍ବା ଭୀମସେନେନ ସଂଯୁଗେ।
ରୁଧିରେ ପୀଯମାନେ ଚ କିଂସ୍ବିଦ୍ଦ୍ରୁର୍ଯୋଧନୋଽବ୍ରବୀତ୍॥] 8-6-76 (55226)
ସହ ଗାନ୍ଧାରରାଜେନ ସଭାଯାଂ ଯଦଭାଷତ।
କର୍ଣୋଽର୍ଜୁନଂ ରଣେ ହନ୍ତା ହତେ ତସ୍ମିନ୍କିମବ୍ରବୀତ୍॥ 8-6-77 (55227)
ଦ୍ଯୂତଂ କୃତ୍ବା ପୁରା ହୃଷ୍ଠୋ ବଞ୍ଚଯିତ୍ବା ଚ ପାଣ଼୍ଡବାନ୍।
ଶକୁନିଃ ସୌବଲସ୍ତାତ ହତେ କର୍ଣେ କିମବ୍ରବୀତ୍॥ 8-6-78 (55228)
କୃତବର୍ମା ମହେଷ୍ବାସଃ ସାତ୍ବତାନାଂ ମହାରଥଃ।
ହତଂ ବୈକର୍ତନଂ ଦୃଷ୍ଟ୍ବା ହାର୍ଦିକ୍ଯଃ କିମଭାଷତ॥ 8-6-79 (55229)
ବ୍ରାହ୍ମଣାଃ କ୍ଷତ୍ରିଯା ବୈଶ୍ଯା ଯସ୍ଯ ଶିକ୍ଷାମୁପାସତେ।
ଧନୁର୍ବେଦଂ ଚିକୀର୍ଷନ୍ତୋ ଦ୍ରୋଣପୁତ୍ରସ୍ଯ ଧୀମତଃ॥ 8-6-80 (55230)
ଯୁବା ରୂପେଣ ସମ୍ପନ୍ନୋ ଦର୍ଶନୀଯୋ ମହାଯଶାଃ।
ଅଶ୍ବତ୍ଥାମା ହତେ କର୍ଣେ କିମଭାଷତ ସଞ୍ଜଯ॥ 8-6-81 (55231)
ଆଚାର୍ଯୋ ଯୋ ଧନୁର୍ବେଦେ ଗୌତମୋ ରଥସତ୍ତମଃ।
କୃପଃ ଶାରଦ୍ବତସ୍ତାତ ହତେ କର୍ଣେ କିମବ୍ରବୀତ୍॥ 8-6-82 (55232)
ମଦ୍ରରାଜୋ ମହେଷ୍ବାସଃ ଶଲ୍ଯଃ ସମିତିଶୋଭନଃ।
ଦୃଷ୍ଟ୍ବା ବିନିହତଂ କର୍ଣଂ ସାରଥ୍ଯେ ରଥିନାଂ ବରଃ।
କିମଭାଷତ ସୌବୀରୋ ମଦ୍ରାଣାମଧିପୋ ବଲୀ॥ 8-6-83 (55233)
ଦୃଷ୍ଟ୍ବା ବିନିହତଂ ସର୍ବେ ଯୋଧା ବାରଣଦୁର୍ଜଯାଃ।
ଯେ ଚ କେନ ରାଜାନଃ ପୃଥିବ୍ଯାଂ ଯୋଦ୍ବୁମାଗତାଃ।
ବୈକର୍ତନଂ ହତଂ ଦୃଷ୍ଟବା କାନ୍ଯଭାଷନ୍ତ ସଞ୍ଜଯ॥ 8-6-84 (55234)
ଦ୍ରୋଣେ ତୁ ନିହତେ ବୀରେ ରଥବ୍ଯାଘ୍ରେ ନରର୍ଷଭେ।
କେ ବା ମୁଖମନୀକାନାମାସନ୍ସଞ୍ଜଯ ଭାଗଶଃ॥ 8-6-85 (55235)
ମଦ୍ରରାଜଃ କଥଂ ଶଲ୍ଯୋ ନିଯୁକ୍ତୋ ରଥିନାଂ ବରଃ।
ବୈକର୍ତନସ୍ଯ ସାରଥ୍ଯେ ତନ୍ମମାଚକ୍ଷ୍ବ ସଞ୍ଜଯ॥ 8-6-86 (55236)
କେଽରକ୍ଷନ୍ଦକ୍ଷିଣଂ ଚକ୍ରଂ ସୂତପୁତ୍ରସ୍ଯ ଯୁଧ୍ଯତଃ।
ବାମଂ ଚକ୍ରଂ ରରକ୍ଷୁର୍ବା କେ ବା ବୀରସ୍ଯ ପୃଷ୍ଠତଃ॥ 8-6-87 (55237)
କେ କର୍ଣଂ ନ ଜହୁଃ ଶୂରାଃ କେ କ୍ଷୁଦ୍ରାଃ ପ୍ରାଦ୍ରବଂସ୍ତତଃ।
କଥଂ ଚ ବଃ ସମେତାନାଂ ହତଃ କର୍ଣୋ ମହାରଥଃ॥ 8-6-88 (55238)
ପାଣ୍ଡବାଶ୍ଚ ସ୍ବଯଂ ଶୂରାଃ ପ୍ରତ୍ଯୁଦୀଯୁର୍ମହାରଥାଃ।
ସୃଜନ୍ତଃ ଶରବର୍ଷାଣି ବାରିଧାରା ଇବାମ୍ବୁଦାଃ॥ 8-6-89 (55239)
ସ ଚ ସର୍ପମୁଖୋ ଦିବ୍ଯୋ ମହେଷୁପ୍ରବରସ୍ତଦା।
ବ୍ଯର୍ଥଃ କଥଂ ସମଭବତ୍ତନ୍ମମାଚକ୍ଷ୍ବ ସ଼ଞ୍ଜଯ॥ 8-6-90 (55240)
ମାମକସ୍ଯାସ୍ଯ ସୈନ୍ଯସ୍ଯ ହତୋତ୍ସେଧସ୍ଯ ସଞ୍ଜଯ।
ଅବଶେଷଂ ନ ପଶ୍ଯାମି କକୁଦେ ମୃଦିତେ ସତି॥ 8-6-91 (55241)
ତୌ ହି ବୀରୌ ମହେଷ୍ବାସୌ ମଦର୍ଥେ ତ୍ଯକ୍ତଜୀବୀତୌ।
ଭୀଷ୍ମଦ୍ରୋଣୌ ହତୌ ଶ୍ରୁତ୍ବା କୋ ନ୍ବର୍ଥୋ ଜୀବିତେନ ମେ॥ 8-6-92 (55242)
ପୁନଃ ପୁନର୍ନ ମୃଷ୍ଯାମି ବଧଂ କର୍ଣସ୍ଯ ପାଣ୍ଡବୈଃ।
ଯସ୍ଯ ବାହ୍ବୋର୍ବଲଂ ତୁଲ୍ଯଂ କୁଞ୍ଜରାଣାଂ ଶତଂ ଶତମ୍॥ 8-6-93 (55243)
ଦ୍ରୋଣେ ହତେ ଚ ଯଦ୍ବୃତ୍ତଂ କୌରବାଣାଂ ପରୈଃ ସହ।
ସଙ୍ଘାମେ ନରବୀରାଣାଂ ତନ୍ମମାଚକ୍ଷ୍ବ ସଞ୍ଜଯ॥ 8-6-94 (55244)
ଯଥା କର୍ଣଶ୍ଚ କୌନ୍ତେଯୈଃ ସହ ଯୁଦ୍ଧମଯୋଜଯତ୍।
ତଥା ଚ ଦ୍ବିଷତାଂ ହନ୍ତା ରଣେ ଶାନ୍ତସ୍ତଦୁଚ୍ଯତାମ୍॥ ॥ 8-6-95 (55245)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଷଷ୍ଠୋଽଧ୍ଯାଯଃ॥ 6 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.7. ଅଧ୍ଯାଯଃ 007
Mahabharata - Karna Parva - Chapter Topics
ଅଶ୍ବତ୍ଥାମବଚନାଦ୍ଦୁର୍ଯୋଧନେନ ସୈନାପତ୍ଯେଽଭିଷିକ୍ତେନ କର୍ଣେନ ରଣାଯ ସେନାନିଯୋଜନମ୍॥ 1 ॥
Mahabharata - Karna Parva - Chapter Text
8-7-0 (55246)
ସଞ୍ଜଯ ଉବାଚ। 8-7-0x (4848)
ହତେ ଦ୍ରୋଣେ ମହେଷ୍ବାସେ ତସ୍ମିନ୍ନହନି ଭାରତ।
କୃତେ ଚ ମୋଘସଂକଲ୍ପେ ଦ୍ରୋଣପୁତ୍ରେ ମହାରଥେ॥ 8-7-1 (55247)
ଦ୍ରବମାଣେ ମହାରାଜ କୌରବାଣାଂ ବଲାର୍ଣବେ।
ବ୍ଯୂହ୍ଯ ପାର୍ଥଃ ସ୍ବକଂ ସୈନ୍ଯମତିଷ୍ଠଦ୍ବାତୃଭିର୍ବୃତଃ॥ 8-7-2 (55248)
ତମବସ୍ଥିତମାଜ୍ଞାଯ ପୁତ୍ରସ୍ତେ ଭରତର୍ଷଭ।
ବିଦ୍ରୁତଂ ସ୍ବବଲଂ ଦୃଷ୍ଟ୍ବା ପୌରୁଷେଣ ନ୍ଯବାରଯତ୍॥ 8-7-3 (55249)
ସ୍ବମନୀକମବସ୍ଥାପ୍ଯ ବାହୁବୀର୍ଯମୁପାଶ୍ରିତଃ।
ଯୁଦ୍ଧା ଚ ସୁଚିରଂ କାଲଂ ପାଣ୍ଡବୈଃ ସହ ଭାରତ॥ 8-7-4 (55250)
ଲବ୍ଧଲକ୍ଷୈଃ ପରୈର୍ହଷ୍ଟୈର୍ବ୍ଯାଯଚ୍ଛଦ୍ଭିଶ୍ଚିରଂ ତଦା।
ସନ୍ଧ୍ଯାକାଲଂ ସମାସାଦ୍ଯ ପ୍ରତ୍ଯାହାରମକାରଯତ୍॥ 8-7-5 (55251)
`ନିବେଶ୍ଯ ବଲବଦ୍ବୋରଂ କ୍ଷୁତ୍ପିପାସାବଲୈର୍ଯୁତମ୍।
ଶ୍ରମେଣ ମହତା ଯୁକ୍ତଂ ତଥା ଦ୍ରୋଣବଧେନ ଚ॥ 8-7-6 (55252)
ଦୀନରୂପା ରଣେ କର୍ମ କୃତ୍ବା ଘୋରଂ ଚ ଶର୍ବରୀମ୍।
ବିଶଂ ପ୍ରାପ୍ଯ ସା ସେନା ବିଶ୍ରମ୍ଯ ମୁଦିତାଽଭବତ୍'॥ 8-7-7 (55253)
କୃତ୍ବାଽବହାରଂ ସୈନ୍ଯାନାଂ ପ୍ରବିଶ୍ଯ ଶିବିରଂ ସ୍ବକମ୍।
କୁରବଃ ସହିତା ମନ୍ତ୍ରଂ ମନ୍ତ୍ରଯାଞ୍ଚକ୍ରିରେ ମିଥଃ॥ 8-7-8 (55254)
ପର୍ଯଙ୍କେଷୁ ପରାର୍ଧ୍ଯେଷୁ ସ୍ପର୍ଧ୍ଯାସ୍ତରଣବତ୍ସୁ ଚ।
ବରାସନେଷୂପବିଷ୍ଟାଃ ସୁଖଶଯ୍ଯାସ୍ବିବାମରାଃ॥ 8-7-9 (55255)
ତତୋ ଦୁର୍ଯୋଧନୋ ରାଜା ସାମ୍ନା ପରମବଲ୍ଗୁନା।
ତାନାଭାଷ୍ଯ ମହେଷ୍ବାସାନ୍ପ୍ରାପ୍ତକାଲମଭାଷତ॥ 8-7-10 (55256)
ମତଂ ମତିମତାଂ ଶ୍ରେଷ୍ଠାଃ ସର୍ବେ ପ୍ରବ୍ରୂତ ମା ଚିରମ୍।
ଏବଙ୍ଗତେନ ଯତ୍କାର୍ଯଂ ଭବେତ୍କାର୍ଯତରଂ ନୃପାଃ॥ 8-7-11 (55257)
ସଞ୍ଜଯ ଉବାଚ। 8-7-12x (4849)
ଏବମୁକ୍ତେ ନରେନ୍ଦ୍ରେଣ ନରସିଂହା ଯୁଯୁତ୍ସବଃ।
ଚକ୍ରୁର୍ନାନାବିଧାଶ୍ଚେଷ୍ଟାଃ ସିଂହାସନଗତାସ୍ତଦା॥ 8-7-12 (55258)
ତେଷାଂ ନିଶାମ୍ଯେଙ୍ଗିତାନି ଯୁଦ୍ଧେ ପ୍ରାଣାଞ୍ଜୁହୂଷତାମ୍।
ସମୁଦ୍ବୀକ୍ଷ୍ଯ ମୁଖଂ ରାଜ୍ଞୋ ବାଲାର୍କସମବର୍ଚସମ୍।
ଆଚାର୍ଯପୁତ୍ରୋ ମେଧାବୀ ବାକ୍ଯଜ୍ଞୋ ବାକ୍ଯମାଦଦେ॥ 8-7-13 (55259)
ରାଗୋ ଯୋଗସ୍ତଥା ଦାକ୍ଷ୍ଯାଂ ନଯଶ୍ଚେତ୍ଯର୍ଥସାଧକାଃ।
ଉପାଯାଃ ପଣ୍ଡିତୈଃ ପ୍ରୋକ୍ତାସ୍ତେ ତୁ ଦୈବମୁପାଶ୍ରିତାଃ॥ 8-7-14 (55260)
ଲୋକପ୍ରବୀରା ଯେଽସ୍ମାକଂ ଦେବକଲ୍ପା ମହାରଥାଃ।
ନୀତିମନ୍ତସ୍ତଥା ଯୁକ୍ତା ଦକ୍ଷା ରକ୍ତାଶ୍ଚ ତେ ହତାଃ॥ 8-7-15 (55261)
ନ ତ୍ବେବ କାର୍ଯଂ ନୈରାଶ୍ଯମସ୍ମାଭିର୍ବିଜଯଂ ପ୍ରତି।
ସୁନୀତୈରିହ ସର୍ବାର୍ଥୈର୍ଦୈବମପ୍ଯନୁଲୋମ୍ଯତେ॥ 8-7-16 (55262)
ତେ ବଯଂ ପ୍ରବରଂ ନୄଣାଂ ସର୍ବୈର୍ଯୋଧଗୁଣୈର୍ଯୁତମ୍।
କର୍ଣମେବାଭିଷେଭ୍ଯାମଃ ସୈନାପତ୍ଯେନ ଭାରତ॥ 8-7-17 (55263)
କର୍ଣଂ ସେନାପତିଂ କୃତ୍ବା ପ୍ରମଥିଷ୍ଯାମହେ ରିପୂନ୍॥ 8-7-18 (55264)
ଏଷ ହ୍ଯତିବଲଃ ଶୂରଃ କୃତାସ୍ତ୍ରୋ ଯୁଦ୍ଧଦୁର୍ମଦଃ।
ବୈବସ୍ବତ ଇବାସହ୍ଯଃ ଶକ୍ତୋ ଜେତୁଂ ରଣେ ନିପୂନ୍॥ 8-7-19 (55265)
ଏତଦାଚାର୍ଯତନଯାଚ୍ଛ୍ରୁତ୍ବା ରାଜଂସ୍ତବାତ୍ମଜଃ।
`ଦୁର୍ଯୋଧନୋ ମହାରାଜ ଭୃଶଂ ପ୍ରୀତମନାସ୍ତଦା'॥ 8-7-20 (55266)
ଆଶାଂ ବହୁମତୀଂ ଚକ୍ରେ ବର୍ଣଂ ପ୍ରତି ସ ବୈ ତଦା।
ହତେ ଭୀଷ୍ମେ ଚ ଦ୍ରୋଣେ ଚ କର୍ଣୋ ଜେଷ୍ଯତି ପାଣ୍ଡବାନ୍॥ 8-7-21 (55267)
ତାମାଶାଂ ହୃଦଯେ କୃତ୍ବା ସମାଶ୍ବସ୍ଯ ଚ ଭାରତ।
[ତତୋ ଦୁର୍ଯୋଧନଃ ପ୍ରୀତଃ ପ୍ରିଯଂ ଶ୍ରୁତ୍ବାଽସ୍ଯ ତଦ୍ବଚଃ।
ପ୍ରୀତିସତ୍କାରସଂଯୁକ୍ତଂ ତଥ୍ଯମାତ୍ମହିତଂ ଶୂଭମ୍॥] 8-7-22 (55268)
ସ୍ବଂ ମନଃ ସମବସ୍ଥାପ୍ଯ ବାହୁବୀର୍ଯମୁପାଶ୍ରିତଃ॥ 8-7-23 (55269)
`ପ୍ରିଯସତ୍କାରସଂଯୁକ୍ତଂ ତଥ୍ଯମାତ୍ମହିତେ ରତମ୍'।
ଦୁର୍ଯୋଧନୋ ମହାରାଜ ରାଧେଯମିଦମବ୍ରବୀତ୍॥ 8-7-24 (55270)
କର୍ଣ ଜାନାମି ତେ ବୀର୍ଯଂ ସୌହୃଦଂ ପରମଂ ମଯି।
ତଥାଽପି ତ୍ବାଂ ମହାବାହୋ ପ୍ରବକ୍ଷ୍ଯାମି ହିତଂ ବଚଃ॥ 8-7-25 (55271)
ଶ୍ରୁତ୍ବା ଯଥେଷ୍ଟଂ ଚ କୁରୁ ବୀର ଯତ୍ତବ ରୋଚତେ।
ଭବାନ୍ପ୍ରାଜ୍ଞତମୋ ନିତ୍ଯଂ ମମ ଚୈବ ପରା ଗତିଃ॥ 8-7-26 (55272)
ଭୀଷ୍ମଦ୍ରୋଣାବତିରଥୌ ହତୌ ସେନାପତୀ ମମ।
ସେନାପତିର୍ଭବାନସ୍ତୁ ତାଭ୍ଯାଂ ଦ୍ରବିଣବତ୍ତରଃ॥ 8-7-27 (55273)
ବୃଦ୍ଧୋ ଚ ତୌ ମହେଷ୍ବାସୌ ସାପେକ୍ଷୋ ଚ ଧନଞ୍ଜଯେ।
ମାନିତୌ ଚ ମଯା ବୀରୌ ରାଧେଯ ବଚନାତ୍ତବ॥ 8-7-28 (55274)
ପିତାମହତ୍ବଂ ସମ୍ପ୍ରେକ୍ଷ୍ଯ ପାଣ୍ଡୁପୁତ୍ରା ମହାରଣେ।
ରକ୍ଷିତାସ୍ତାତ ଭୀଷ୍ମେଣ ଦିବସାନି ଦଶୈବ ତୁ॥ 8-7-29 (55275)
ନ୍ଯସ୍ତଶସ୍ତ୍ରେ ତୁ ଭବତି ହତୋ ଭୀଷ୍ମଃ ପିତାମହଃ।
ଶିଖଣ୍ଡିନଂ ପୁରୁସ୍କୃତ୍ଯ ଫଲ୍ଗୁନେନ ମହାହବେ॥ 8-7-30 (55276)
ହତେ ତସ୍ମିନ୍ମହେଷ୍ବାସେ ଶରତଲ୍ପଗତେ ତଥା।
ତ୍ବଯୋକ୍ତେ ପୁରୁଷବ୍ଯାଘ୍ର ଦ୍ରୋଣୋ ହ୍ଯାସୀତ୍ପୁରଃସରଃ॥ 8-7-31 (55277)
ତେନାପି ରକ୍ଷିତାଃ ପାର୍ଥାଃ ଶିଷ୍ଯତ୍ବାଦିତି ମେ ମତିଃ।
ସ ଚାପି ନିହତୋ ବୃଦ୍ଧୋ ଧୃଷ୍ଟଦ୍ଯୁମ୍ନେନ ସତ୍ବରମ୍॥ 8-7-32 (55278)
ନିହତାଭ୍ଯାଂ ପ୍ରଧାନାଭ୍ଯାଂ ତାଭ୍ଯାମତୁଲବିକ୍ରମ।
ତ୍ବତ୍ସମଂ ସମରେ ଯୋଧଂ ନାନ୍ଯଂ ପଶ୍ଯାମି ଚିନ୍ତଯନ୍॥ 8-7-33 (55279)
ଭବାନେବ ତୁ ନଃ ଶକ୍ତୋ ବିଜଯାଯ ନ ସଂଶଯଃ।
ପୂର୍ବଂ ମଧ୍ଯେ ଚ ପଶ୍ଚାଶ୍ଚ ତଥୈବ ବିହିତଂ ହିତମ୍॥ 8-7-34 (55280)
ସ ଭବାନ୍ଧୁର୍ଯବତ୍ସଙ୍ଖ୍ଯେ ଧୁରମୁଦ୍ବୋଽଢୁମର୍ହତି।
ଅଭିଷେଚଯ ସୈନାନ୍ଯେ ସ୍ବଯମାତ୍ମାନମାତ୍ମନା॥ 8-7-35 (55281)
ଦେବତାନାଂ ଯଥା ସ୍କନ୍ଦଃ ସେନାନୀଃ ପ୍ରଭୁରବ୍ଯଯଃ।
ତଥା ଭବାନିମାଂ ସେନାଂ ଧାର୍ତରାଷ୍ଟ୍ରୀଂ ବିଭର୍ତୁ ବୈ॥ 8-7-36 (55282)
ଜହି ଶତ୍ରୁଗଣାନ୍ସର୍ବାନ୍ମହେନ୍ଦ୍ରୋ ଦାନବାନିବ।
ଅବସ୍ଥିତଂ ରମେ ଦୃଷ୍ଟ୍ବା ପାଣ୍ଡବାସ୍ତ୍ବାଂ ମହାରଥାଃ।
ଦ୍ରବିଷ୍ଯନ୍ତି ଚ ପାଞ୍ଚାଲା ବିଷ୍ଣୁଂ ଦୃଷ୍ଟ୍ବେବ ଦାନବାଃ॥ 8-7-37 (55283)
ତସ୍ମାତ୍ତ୍ବଂ ପୁରୁଷବ୍ଯାଘ୍ର ପ୍ରକର୍ଷୈତାଂ ମହାଚମୂମ୍॥ 8-7-38 (55284)
ଭବତ୍ଯବସ୍ଥିତେ ଯତ୍ତେ ପାଣ୍ଡବା ମନ୍ଦଚେତସଃ।
ଦ୍ରବିଷ୍ଯନ୍ତି ସହାମାତ୍ଯାଃ ପାଞ୍ଚାଲାଃ ସୃଞ୍ଜଯାଶ୍ଚ ହ। 8-7-39 (55285)
ଯଥା ହ୍ଯଭ୍ଯୁଦିତଃ ସୂର୍ଯଃ ପ୍ରତପନ୍ସ୍ବେନ ତେଜସା।
ବ୍ଯପୋହତି ତମସ୍ତୀବ୍ରଂ ତଥା ଶତ୍ରୂନ୍ପ୍ରତାପଯ॥ 8-7-40 (55286)
ସଞ୍ଜଯ ଉବାଚ। 8-7-41x (4850)
ଏବମୁକ୍ତସ୍ତୁ ରାଧେଯୋ ରାଜ୍ଞା ଦୁର୍ଯୋଧନେନ ହ।
ରାଜ୍ଞାଂ ମଧ୍ଯେ ମହାବାହୁଃ ପ୍ରୀତାତ୍ମା ସ ମହାବଲଃ।
ହର୍ଷଯନ୍ନବ୍ରବୀତ୍କର୍ଣୋ ଦୁର୍ଯୋଧନମିଦଂ ବଚଃ॥ 8-7-41 (55287)
କର୍ଣ ଉବାଚ। 8-7-42x (4851)
ଉକ୍ତମେତନ୍ମଯା ପୂର୍ବଂ ଗାନ୍ଧାରେ ତବ ସନ୍ନିଧୌ।
ଜେଷ୍ଯାମି ପାଣ୍ଡବାନ୍ସର୍ବାନ୍ସପୁତ୍ରାନ୍ସଜନାର୍ଦନାନ୍॥ 8-7-42 (55288)
ସେନାପତିର୍ଭବିଷ୍ଯାମି ତବାହଂ ନାତ୍ର ସଂଶଯଃ।
ସ୍ଥିରୋ ଭବ ମହାରାଜ ଜିତାନ୍ବିଦ୍ବି ଚ ପାଣ୍ଡବାନ୍॥ 8-7-43 (55289)
ସଞ୍ଜଯ ଉବାଚ। 8-7-44x (4852)
ଏବମୁକ୍ତୋ ମହାରାଜ ତତୋ ଦୁର୍ଯାଧନୋ ନୃପଃ।
ଉତ୍ତସ୍ଥୌ ରାଜଭିଃ ସାର୍ଧଂ ଦେବୈରିବ ଶତକ୍ରତୁଃ॥ 8-7-44 (55290)
ସୈନାପତ୍ଯେନ ସତ୍କର୍ତୁଂ କର୍ଣଂ ସ୍କନ୍ଦମିବାମରାଃ।
ତତୋଽଭିଷିଷିଚୁଃ କର୍ଣଂ ବିଧିଦୃଷ୍ଟେନ କର୍ମଣା॥ 8-7-45 (55291)
ଦୁର୍ଯୋଧନମୁକ୍ତା ରାଜନ୍ରାଜାନୋ ବିଜଯୈଷିଣଃ।
ଶାତକୁମ୍ଭମଯୈଃ କୁମ୍ଭେର୍ମାହେଯୈଶ୍ଚାଭିମନ୍ତ୍ରିତୈଃ॥ 8-7-46 (55292)
ତୋଯପୂର୍ଣୈର୍ବିଷାଣୈଶ୍ଚ ଦ୍ବିପଖଙ୍ଗମହର୍ଷଭୈଃ।
ମଣିମୁକ୍ତାଯୁତୈଶ୍ଚାନ୍ଯୈଃ ପୁଣ୍ଯଗନ୍ଧୈସ୍ତଥୌଷଧୈଃ॥ 8-7-47 (55293)
ଔଦୁମ୍ବରେ ସୁଖାସୀନମାସନେ କ୍ଷୌମସଂବୃତେ।
ଶାସ୍ତ୍ରଦୃଷ୍ଟେନ ବିଧିନା ସମ୍ଭାରୈଶ୍ଚ ସୁସମ୍ଭୃତୈଃ॥ 8-7-48 (55294)
ବ୍ରାହ୍ମଣଃ କ୍ଷତ୍ରିଯା ବୈଶ୍ଯାସ୍ତଥା ଶୂଦ୍ରାଶ୍ଚ ସମ୍ମତାଃ।
ତୁଷ୍ଟୁବୁସ୍ତଂ ମହାତ୍ମାନମଭିଷିକ୍ତଂ ବରାସନେ॥ 8-7-49 (55295)
ତତୋଽଭିଷିକ୍ତେ ରାଜେନ୍ଦ୍ର ନିଷ୍କୈର୍ଗୋଭିର୍ଧନେନ ଚ।
ବାଚଯାମାସ ବିପ୍ରାଗ୍ର୍ଯାନ୍ରାଧେଯଃ ପରବୀରହା॥ 8-7-50 (55296)
`ସ ବ୍ଯରୋଚତ ରାଧେଯଃ ସୂତମାଗଧବନ୍ଦିଭିଃ।
ସ୍ତୂଯମାନୋ ଯଥା ଭାନୁରୁଦଯେ ବ୍ରହ୍ମବାଦିଭିଃ॥ 8-7-51 (55297)
ତତଃ ପୁଣ୍ଯାହଘୋଷେଣ ବାଦିତ୍ରନିନଦେନ ଚ।
ଜଯଶବ୍ଦେନ ଶୂରାଣାଂ ତୁମୁଲଃ ସର୍ବତୋଽଭବତ୍॥ 8-7-52 (55298)
ଜଯେତ୍ଯୂଚୁର୍ନୃପାଃ ସର୍ବେ ରାଧେଯଂ ତତ୍ର ସଙ୍ଗତାଃ'॥ 8-7-53 (55299)
ଜଯ ପାର୍ଥାନ୍ସଗୋବିନ୍ଦାନ୍ସାନୁଗାଂସ୍ତାନ୍ମହାମୃଧେ।
ଇତି ତଂ ବନ୍ଦିନଃ ପ୍ରାହୁର୍ଦ୍ବିଜାଶ୍ଚ ପୁରୁଷର୍ଷଭମ୍॥ 8-7-54 (55300)
ଜହି ପାର୍ଥାନ୍ସପାଞ୍ଚାଲାନ୍ରାଧେଯ ବିଜଯାଯ ନଃ।
ଉଦ୍ଯନ୍ନିବ ସଦା ଭାନୁସ୍ତମାଂସ୍ଯୁଗ୍ରୈର୍ଗଭସ୍ତିଭିଃ॥ 8-7-55 (55301)
ନ ହ୍ଯଲଂ ତ୍ବଦ୍ବିସୃଷ୍ଟାନାଂ ଶରାଣାଂ ବୈ ସକେଶବାଃ।
ଉଲୂକାଃ ସୂର୍ଯରଶ୍ମୀନାଂ ଜ୍ବଲତାମିବ ଦର୍ଶନେ॥ 8-7-56 (55302)
ନ ହି ପାର୍ଥାଃ ସପାଞ୍ଚାଲାଃ ସ୍ଥାତୁଂ ଶକ୍ତାସ୍ତବାଗ୍ରତଃ।
ଆତ୍ତବଜ୍ରସ୍ଯ ସମରେ ମହେନ୍ଦ୍ରସ୍ଯେବ ଦାନବାଃ॥ 8-7-57 (55303)
`ସଞ୍ଜଯ ଉବାଚ। 8-7-58x (4853)
ସ ସତ୍କୃତଃ ସ୍ତୂଯମାନଃ ସୁହୃଦ୍ଗଣବୃତୋ ରୁଷା।
କର୍ଣୋ ଦୁର୍ଯୋଧନଂ ବାକ୍ଯମବ୍ରବୀତ୍ପ୍ରହସନ୍ପ୍ରିଯମ୍॥ 8-7-58 (55304)
ଦୁର୍ଯୋଧନାଦ୍ଯ ସଗଣଂ ପାଣ୍ଡୂନାଂ ପ୍ରବରୈଃ ସହ।
ଫଲ୍ଗୁନଂ ସୂଦଯିଷ୍ଯାମି ତ୍ବତ୍ପ୍ରିଯାର୍ଥଂ ସବାନ୍ଧବମ୍॥ 8-7-59 (55305)
ସପର୍ବତାର୍ଣବଦ୍ବୀପାଂ ଶାଧି ଗାଂ ଗତପାଣ୍ଡବାମ୍।
ପୁତ୍ରପୌତ୍ରପ୍ରପୌତ୍ରେଷୁ ପ୍ରତିଷ୍ଠାଂ ଗମଯିଷ୍ଯମି॥ 8-7-60 (55306)
ନାସହ୍ଯଂ ବିଦ୍ଯତେ ମହ୍ଯଂ ତ୍ବତ୍ପ୍ରିଯାର୍ଥମରିନ୍ଦମ।
ସତ୍ଯଧର୍ମାନୁରକ୍ତସ୍ଯ ସିଦ୍ଧିରାତ୍ମବତୋ ଯଥା॥ 8-7-61 (55307)
ଅଭିଷିକ୍ତସ୍ତୁ ରାଘେଯଃ ପ୍ରଭଯା ସୋଽମିତପ୍ରଭଃ।
ଅତ୍ଯରିଚ୍ଯତ ରୂପେଣ ଦିବାକର ଇବାପରଃ॥ 8-7-62 (55308)
ସୈନାପତ୍ଯେ ତୁ ରାଧେଯମଭିଷିଚ୍ଯ ସୁତସ୍ତବ।
ଅମନ୍ଯତ ତଦାତ୍ମାନଂ କୃତାର୍ଥଂ କାଲଚୋଦିତଃ॥ 8-7-63 (55309)
କର୍ଣୋଽପି ରାଜ୍ଞଃ ସଂପ୍ରାପ୍ଯ ସୈନାପତ୍ଯମରିନ୍ଦମଃ।
ଯୋଗମାଜ୍ଞାପଯାମାସ ସୂର୍ଯସ୍ଯୋଦଯନଂ ପ୍ରତି॥ 8-7-64 (55310)
ତବ ପୁତ୍ରୈର୍ବୃତଃ କର୍ଣଃ ଶୁଶୁଭେ ତତ୍ର ଭାରତ।
ଦେବୈରିବ ଯଥା ସ୍କନ୍ଦଃ ସଙ୍ଗ୍ରାମେ ତାରକାମଯେ॥ ॥ 8-7-65 (55311)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତମୋଽଧ୍ଯାଯଃ॥ 7 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.8. ଅଧ୍ଯାଯଃ 008
Mahabharata - Karna Parva - Chapter Topics
କର୍ଣାର୍ଜୁନାକ୍ଷ୍ଯାଂ ବ୍ଯୂହରଚନାପୂର୍ବକଂ ରଣାଯ ନିର୍ଯାଣମ୍॥ 1 ॥
Mahabharata - Karna Parva - Chapter Text
8-8-0 (55312)
ଧୃତରାଷ୍ଟ୍ର ଉବାଚ। 8-8-0x (4854)
ସୈନାପତ୍ଯଂ ତୁ ସମ୍ପ୍ରାପ୍ଯ କର୍ଣୋ ବୈକର୍ତନସ୍ତଦା।
ତଥୋକ୍ତଶ୍ଚ ସ୍ବଯଂ ରାଜ୍ଞା ସ୍ନିଗ୍ଧଂ ଭ୍ରାତୃସମଂ ବଚଃ॥ 8-8-1 (55313)
ହିତଶ୍ଚ ପ୍ରିଯକାମଶ୍ଚ ମମ ପୁତ୍ରସ୍ଯ ନିତ୍ଯଶଃ।
ଅକରୋତ୍କିଂ ମହାପ୍ରାଜ୍ଞସ୍ତନ୍ମମାଚକ୍ଷ୍ବ ସ଼ଞ୍ଜଯ॥ 8-8-2 (55314)
ସଞ୍ଜଯ ଉବାଚ। 8-8-3x (4855)
କର୍ଣସ୍ଯ ମତମାଜ୍ଞାଯ ପୁତ୍ରାସ୍ତେ ଭରତର୍ଷଭ।
ଯୋଗମାଜ୍ଞାପଯାମାସୁର୍ନନ୍ଦିତୂର୍ଯପୁରଃସରମ୍॥ 8-8-3 (55315)
ମହତ୍ଯପରରାତ୍ରେ ଚ ତବ ସୈନ୍ଯସ୍ଯ ମାରିଷ।
ଯୋଗୋ ଯୋଗ ଇତି ହ୍ଯାଶୁ ପ୍ରାଦୁରାସୀନ୍ମହାସ୍ବନଃ॥ 8-8-4 (55316)
କଲ୍ପତାଂ ନାଗମୁଖ୍ଯାନାଂ ରଥାନାଂ ଚ ବରୁଥିନାମ୍।
ସନ୍ନହ୍ଯତାଂ ନରାଣାଂ ଚ ବାଜିନାଂ ଚ ବିଶାମ୍ପତେ॥ 8-8-5 (55317)
କ୍ରୋଶତାଂ ଚୈବ ଯୋଧାନାଂ ତ୍ବରିତାନାଂ ପରସ୍ପରମ୍।
ବଭୂବ ତୁମୁଲଃ ଶବ୍ଦୋ ଦିବସ୍ପୃକ୍ସୁମହାଂସ୍ତତଃ॥ 8-8-6 (55318)
ତତଃ ଶ୍ବେତପତାକେନ ବଲାକାବର୍ଣବାଜିନା।
ହେମପୃଷ୍ଠେନ ଧନୁଷା ନାଗକକ୍ଷେଣ କେତୁନା॥ 8-8-7 (55319)
ତୂଣୀରଶତପୂର୍ଣେନ ସଗଦେନ ବରୂଥିନା।
ଶତଘ୍ନୀକିଙ୍କିଣୀଶକ୍ତିଶୂଲତୋମରଧାରିଣା॥ 8-8-8 (55320)
କାର୍ମୁକୈରୁପପନ୍ନେନ ବିମଲାଦିତ୍ଯବର୍ଚସା।
ରଥେନାଭିପତାକେନ ସୁତପୁତ୍ରୋ ହ୍ଯଦୃଶ୍ଯତ॥ 8-8-9 (55321)
ଧ୍ମାପଯନ୍ବାରିଜଂ ରାଜନ୍ହେମଜାଲବିଭୂଷିନ୍ତମ୍।
ବିଧ୍ରୁନ୍ବାନୋ ମହଚ୍ଚାପଂ କାର୍ତସ୍ବରବିଭୂଷିତମ୍॥ 8-8-10 (55322)
ଦୃଷ୍ଟ୍ବା କର୍ଣଂ ମହେଷ୍ବାସଂ ରଥସ୍ଥଂ ରଥିନାଂ ବରମ୍।
ଭାନୁମନ୍ତମିବୋଦ୍ଯନ୍ତଂ ତମୋ ଘ୍ନନ୍ତଂ ଦୁରାସଦମ୍॥ 8-8-11 (55323)
ନ ଭୀଷ୍ମବ୍ଯସନଂ କେଚିନ୍ନାପି ଦ୍ରୋଣସ୍ଯ ମାରିଷ।
ନାନ୍ଯେଷାଂ ପୁରୁଷବ୍ଯାଘ୍ର ମେନିରେ ତତ୍ର କୌରବାଃ॥ 8-8-12 (55324)
ତତସ୍ତୁ ତ୍ବରଯନ୍ଯୋଧାଞ୍ଶଙ୍ଖଶବ୍ଦେନ ମାରିଷ।
କର୍ଣୋ ନିଷ୍କର୍ଷଯାମାସ କୌରବାଣାଂ ମହଦ୍ବଲମ୍॥ 8-8-13 (55325)
ବ୍ଯୂହଂ ବ୍ଯୂହ୍ଯ ମହେଷ୍ବାସୋ ମକରଂ ଶତ୍ରୁତାପନଃ।
ପ୍ରତ୍ଯୁଦ୍ଯଯୌ ତଥା କର୍ଣଃ ପାଣ୍ଡବାନ୍ବିଜିଗୀଷଯା॥ 8-8-14 (55326)
ମକରସ୍ଯ ତୁ ତୁଣ୍ଡେ ବୈ କର୍ଣୋ ରାଜନ୍ବ୍ଯବସ୍ଥିତଃ।
ନେତ୍ରାଭ୍ଯାଂ ଶକୁନିଃ ଶୂର ଉଲୂକଶ୍ଚ ମହାରଥଃ॥ 8-8-15 (55327)
ଦ୍ରୋଣପୁତ୍ରସ୍ତୁ ଶିରସି ଗ୍ରୀବାଯାଂ ସର୍ବସୋଦରାଃ।
ମଧ୍ଯେଦୁର୍ଯୋଧନୋ ରାଜା ବଲେନ ମହତା ବୃତଃ॥ 8-8-16 (55328)
ବାମପାଦେ ତୁ ରାଜେନ୍ଦ୍ର କୃତବର୍ମା ବ୍ଯବସ୍ଥିତଃ।
ନାରାଯଣବଲୈର୍ଯୁକ୍ତୋ ଗୋପାଲୈର୍ଯୁଦ୍ଧଦୁର୍ମଦୈଃ॥ 8-8-17 (55329)
ପାଦେ ତୁ ଦକ୍ଷିଣେ ରାଜନ୍ଗୌତମଃ ସତ୍ଯବିକ୍ରମଃ।
ତ୍ରିଗର୍ତୈଃ ସୁମହେଷ୍ବାସୈର୍ଦାକ୍ଷିଣାତ୍ଯୈଶ୍ଚ ସଂବୃତଃ॥ 8-8-18 (55330)
ଅନୁପାଦେ ତୁ ଯୋ ବାମସ୍ତତ୍ର ଶଲ୍ଯୋ ବ୍ଯବସ୍ଥିତଃ।
ମହତ୍ଯା ସେନଯା ସାର୍ଧଂ ମଦ୍ରଦେଶସମୁତ୍ଥଯା॥ 8-8-19 (55331)
ଦକ୍ଷିଣେ ତୁ ମହାରାଜ ସୁଷେଣଃ ସତ୍ଯସଙ୍ଗରଃ।
ବୃତୋ ରଥମହସ୍ରେଣ ଦନ୍ତିନାଂ ଚ ତ୍ରିଭିଃ ଶତୈଃ॥ 8-8-20 (55332)
ପୁଚ୍ଛେ ହ୍ଯାସ୍ତାଂ ମହାବୀର୍ଯୌ ଭ୍ରାତରୌ ପାର୍ଥିବୌ ତଦା।
ଚିତ୍ରଶ୍ଚ ଚିତ୍ରସେନଶ୍ଚ ମହତ୍ଯା ସେନଯା ବୃତୌ॥ 8-8-21 (55333)
ତଥା ପ୍ରଯାତେ ରାଜେନ୍ଦ୍ର କର୍ଣେ ନରବରୋତ୍ତମେ।
ଧନଞ୍ଜଯମଭିପେକ୍ଷ୍ଯ ଧର୍ମରାଜୋଽବ୍ରବୀଦିଦମ୍॥ 8-8-22 (55334)
ପଶ୍ଯ ପାର୍ଥ ଯଥା ସେନା ଧାର୍ତରାଷ୍ଟ୍ରୀହ ସଂଯୁଗେ।
କର୍ଣେନ ବିହିତା ବୀର ଗୁପ୍ତା ବୀରୈର୍ମହାରଥୈଃ॥ 8-8-23 (55335)
ହତବୀରତମା ହ୍ଯେଷା ଧାର୍ତରାଷ୍ଟ୍ରୀ ମହାଚମୂଃ।
ଫଲ୍ଗୁଶେଷା ମହାବାହୋ ତୃଣୈସ୍ତୁଲ୍ଯା ମତା ମମ॥ 8-8-24 (55336)
ଏକୋ ହ୍ଯତ୍ର ମହେଷ୍ବାସଃ ସୂତପୁତ୍ରୋ ବିରାଜତେ।
ସଦେବାସୁରଗନ୍ଧର୍ବୈଃ ସକିନ୍ନରମହୋରଗୈଃ।
ଚରାଚରୈସ୍ତ୍ରିଭିର୍ଲୋକୈରଜେଯୋ ଯୋ ମହାରଥଃ॥ 8-8-25 (55337)
ତଂ ହତ୍ବାଽଦ୍ଯ ମହାବାହୋ ବିଜଯସ୍ତବ ଫଲ୍ଗୁନ।
ଉଦ୍ଧୃତଶ୍ଚ ଭବେଚ୍ଛଲ୍ଯୋ ମମ ଦ୍ବାଦଶବାର୍ଷିକଃ॥ 8-8-26 (55338)
ଏବଂ ଜ୍ଞାତ୍ବା ମହାବାହୋ ବ୍ଯୂହଂ ବ୍ଯୂହ ଯଥେଚ୍ଛସି॥ 8-8-27 (55339)
ସଞ୍ଜଯ ଉବାଚ। 8-8-28x (4856)
ଭ୍ରାତୁରେତଦ୍ବଚଃ ଶ୍ରୁତ୍ବା ପାଣ୍ଡବଃ ଶ୍ବେତବାହନଃ।
ଅର୍ଧଚନ୍ଦ୍ରେଣ ବ୍ଯୂହେନ ପ୍ରତ୍ଯବ୍ଯୂହତ ତାଂ ଚମୂମ୍॥ 8-8-28 (55340)
ବାମପାର୍ଶ୍ବେ ତୁ ତସ୍ଯାଥ ଭୀମସେନୋ ବ୍ଯବସ୍ଥିତଃ।
ଦକ୍ଷିଣେ ଚ ମହେଷ୍ବାସୋ ଧୃଷ୍ଟଦ୍ଯୁମ୍ନୋ ବ୍ଯବସ୍ଥିତଃ॥ 8-1-29 (55341)
ମଧ୍ଯେ ବ୍ଯୂହସ୍ଯ ରାଜା ତୁ ପାଣ୍ଡବଶ୍ଚ ଧନଞ୍ଜଯଃ।
ନକୁଲଃ ସହଦେବଶ୍ଚ ଧର୍ମରାଜସ୍ଯ ପୃଷ୍ଠତଃ॥ 8-8-30 (55342)
ଚକ୍ରରକ୍ଷୌ ତୁ ପାଞ୍ଚାଲ୍ଯୌ ଯୁଧାମନ୍ଯୂତ୍ତମୌଜସୌ।
ପାର୍ଥଂ ନ ଜହତୁର୍ଯୁଦ୍ବେ ପାଲ୍ଯମାନୌ କିରୀଟିନା॥ 8-8-31 (55343)
ଶେଷାଂ ନୃପତଯୋ ବୀରାଃ ସ୍ଥିତା ବ୍ଯୂହସ୍ଯ ଦଂଶିତାଃ।
ଯଥାଭାଗଂ ଯଥୋତ୍ସାହଂ ଯଥାଯତ୍ନଂ ଚ ଭାରତ॥ 8-8-32 (55344)
ଏବମେତନ୍ମହାବ୍ଯୂହଂ ବ୍ଯୂହ୍ଯ ଭାରତ ପାଣ୍ଡବାଃ।
ତାବକାଶ୍ଚ ମହେଷ୍ବାସା ଯୁଦ୍ଧାଯୈବ ମନୋ ଦଧୁଃ॥ 8-8-33 (55345)
ଦୃଷ୍ଟ୍ବା ବ୍ଯୂଢାଂ ତବ ଚମୂଂ ସୂତପୁତ୍ରେଣ ସଂଯୁଗେ।
ନିହତାନ୍ପାଣ୍ଡବାନ୍ମେନେ ଧାର୍ତରାଷ୍ଟ୍ରଃ ସବାନ୍ଧବଃ॥ 8-8-34 (55346)
ତଥୈବ ପାଣ୍ଡବୀଂ ସେନାଂ ବ୍ଯୂଢାଂ ଦୃଷ୍ଟ୍ବା ଯୁଧିଷ୍ଠିରଃ।
ଧାର୍ତରାଷ୍ଟ୍ରାନ୍ହତାନ୍ମେନେ ସକର୍ଣାନ୍ବୈ ଜନାଧିପଃ॥ 8-8-35 (55347)
ତତଃ ଶଙ୍ଖାଶ୍ଚ ଭେର୍ଯଶ୍ଚ ପଣବାନକଗୋମୁଖାଃ।
ଡିଣ୍ଡିମାଶ୍ଚାପ୍ଯହନ୍ଯନ୍ତ ଝର୍ଝରାଶ୍ଚ ସମନ୍ତତଃ॥ 8-8-36 (55348)
ସେନଯୋରୁଭଯୋ ରାଜନ୍ପ୍ରାବାଦ୍ଯନ୍ତ ମହାସ୍ବନାଃ।
ସିଂହନାଦଶ୍ଚ ସଞ୍ଜଜ୍ଞେ ଶୂରାଣାଂ ଜଯଗୃଦ୍ଧିନାମ୍॥ 8-8-37 (55349)
ହଯହେଷିତଶବ୍ଦାଶ୍ଚ ବାରଣାନାଂ ଚ ବୃଂହିତାଃ।
ରଥନେମିସ୍ବନାଶ୍ଚୋଗ୍ରାଃ ସମ୍ବଭୂବୁର୍ଜନାଧିପ॥ 8-8-38 (55350)
ନ ଦ୍ରୋଣବ୍ଯସନଂ କଶ୍ଚିଜ୍ଜାନୀତେ ତତ୍ର ଭାରତ।
ଦୃଷ୍ଟ୍ବା କର୍ଣଂ ମହେଷ୍ବାସଂ ମୁଖେ ବ୍ଯୂହସ୍ଯ ଦଂଶିତମ୍॥ 8-8-39 (55351)
ଉଭେ ସୈନ୍ଯେ ମହାରାଜ ପ୍ରହୃଷ୍ଟନରସଙ୍କୁଲେ।
ଯୋଦ୍ବୁକାମେ ସ୍ଥିତେ ରାଜନ୍ହନ୍ତୁମନ୍ଯୋନ୍ଯମୋଜସା॥ 8-8-40 (55352)
ବିଜଯେ ଜାତସଂରମ୍ଭେ ଦୃଷ୍ଟ୍ବାଽନ୍ଯୋନ୍ଯଂ ବ୍ଯବସ୍ଥିତେ।
ଅନୀକମଧ୍ଯେ ରାଜେନ୍ଦ୍ର ଚେରତୁଃ କର୍ଣପାଣ୍ଡବୌ॥ 8-8-41 (55353)
ନୃତ୍ଯନ୍ତ୍ଯାବିବ ତେ ସେନେ ସମେଯାତାଂ ପରସ୍ପରମ୍।
ତଯୋଃ ପକ୍ଷପ୍ରପକ୍ଷେଭ୍ଯୋ ନିର୍ଯଯୁର୍ଯୁଦ୍ବଲିପ୍ସବଃ॥ 8-8-42 (55354)
ତତଃ ପ୍ରବବୃତେ ଯୁଦ୍ଧଂ ନରବାରଣବାଜିନାମ୍।
ରଥାନାଂ ଚ ମହାରାଜ ଅନ୍ଯୋନ୍ଯମଭିନିଘ୍ନତାମ୍॥ ॥ 8-8-43 (55355)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଷୋଡଶଦିବସଯୁଦ୍ଧାରମ୍ଭେ ଅଷ୍ଟମୋଽଧ୍ଯାଯଃ॥ 8 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.9. ଅଧ୍ଯାଯଃ 009
Mahabharata - Karna Parva - Chapter Topics
ସଙ୍କୁଲଯୁଦ୍ଧମ୍॥ 1 ॥ ଭୀମେନ କ୍ଷେମଧୂର୍ତିବଧଃ॥ 2 ॥
Mahabharata - Karna Parva - Chapter Text
8-9-0 (55356)
ସଞ୍ଜଯ ଉବାଚ। 8-9-0x (4857)
ତେ ସେନେଽନ୍ଯୋନ୍ଯମାସାଦ୍ଯ ପ୍ରହୃଷ୍ଟାଶ୍ବନରଦ୍ବିପେ।
ବୃହତ୍ଯୌ ସମ୍ପ୍ରଜହାତେ ଦେବାସୁରଚମୂସମେ॥ 8-9-1 (55357)
ତତୋ ନାନାରଥାଶ୍ବେଭାଃ ପତ୍ତଯଶ୍ଚୋଗ୍ରବିକ୍ରମାଃ।
ସମ୍ପ୍ରହାରାନ୍ଭୃଶଂ ଚକ୍ରୁର୍ଦେହପାପ୍ମବିନାଶନାନ୍॥ 8-9-2 (55358)
ପୂର୍ଣଚନ୍ଦ୍ରାର୍କପଦ୍ମାନାଂ କାନ୍ତିତ୍ବିଙ୍ଗନ୍ଧତଃ ସମୈଃ।
ଉତ୍ତମାଙ୍ଗୈର୍ନୃସିଂହାନାଂ ନୃସିଂହାସ୍ତସ୍ତରୁର୍ମହୀମ୍॥ 8-9-3 (55359)
ଅର୍ଧଚନ୍ଦ୍ରୈସ୍ତଥା ଭଲ୍ଲୈଃ କ୍ଷୁରପ୍ରୈରସିପଟ୍ଟସୈଃ।
ପରଶ୍ବଥୈଶ୍ଚାପହୃତାନ୍ଯୁତ୍ତମାଙ୍ଗାନି ଯୁଧ୍ଯତାମ୍॥ 8-9-4 (55360)
ବ୍ଯାଯତାଯତବାହୂନାଂ ବ୍ଯାଯତାଯତବାହୁଭିଃ।
ବାହବଃ ପାତିତା ରେଜୁର୍ଧରଣ୍ଯାଂ ସାଯୁଧାଙ୍ଗଦୈଃ॥ 8-9-5 (55361)
ତୈଃ ସ୍ଫୁରଦ୍ଭିର୍ମହୀ ଭାତି ରକ୍ତାଙ୍ଗୁଲିତଲୈସ୍ତଥା।
ଗରୁଡପ୍ରହିତୈରୁଗ୍ରୈଃ ପଞ୍ଚାସ୍ଯୈରୁରଗୈରିବ॥ 8-9-6 (55362)
ଦ୍ବିରଦସ୍ଯନ୍ଦନାଶ୍ବେଭ୍ଯଃ ପେତୁର୍ବୀରା ଦ୍ବିଷଦ୍ଧତାଃ।
ବିମାନେଭ୍ଯୋ ଯଥା କ୍ଷୀଣେ ପୁଣ୍ଯେ ସ୍ବର୍ଗଦସ୍ତଥା॥ 8-9-7 (55363)
ଗଦାଭିରନ୍ଯେ ଗୁର୍ବୀଭିଃ ପରିଧୈର୍ମୁସଲୈରପି।
ପୋଥିତାଃ ଶତଶଃ ପେତୁର୍ବୀରା ବୀରତରୈ ରଣେ॥ 8-9-8 (55364)
ରଥା ରଥୈର୍ବିମଥିତା ମତ୍ତା ମତ୍ତୈର୍ଦ୍ବିପା ଦ୍ବିପୈଃ।
ସାଦିନଃ ସାଦିଭିଶ୍ଚୈବ ତସ୍ମିନ୍ପରମସଙ୍କୁଲେ॥ 8-9-9 (55365)
ରଥୈର୍ନରା ରଥା ନାଗୈରଶ୍ବାରୋହାଶ୍ଚ ପତ୍ତିଭିଃ।
ଅଶ୍ବାରୋହୈଃ ପଦାତାଶ୍ଚ ନିହତା ଯୁଧି ଶେରତେ॥ 8-9-10 (55366)
ରଥାଶ୍ବପତ୍ତଯୋ ନାଗୈ ରଥାଶ୍ବେଭାଶ୍ଚ ପତ୍ତିଭିଃ।
ରଥପତ୍ତିଦ୍ବିପାଶ୍ଚାଶ୍ଚୈ ରଥୈଶ୍ଚାପି ନରଦ୍ବିପାଃ॥ 8-9-11 (55367)
ରଥାଶ୍ବେଭନରାଣାଂ ତୁ ନରାଶ୍ବେଭରଥୈଃ କୃତମ୍।
ପାଣିପାଦୈଶ୍ଚ ଶସ୍ତ୍ରୈଶ୍ଚ ରଥୈଶ୍ଚ କଦନଂ ମହତ୍॥ 8-9-12 (55368)
ତଥା ତସ୍ମିନ୍ବଲେ ଶୂରୈର୍ବଧ୍ଯମାନେ ହତେଽପି ଚ।
ଅସ୍ମାନଭ୍ଯାଯଯୁଃ ପାର୍ଥା ବୃକୋଦରପୁରୋଗମାଃ॥ 8-9-13 (55369)
ବୃଷ୍ଟଦ୍ଯୁମ୍ନଃ ଶିଖଣ୍ଡୀ ଚ ଦ୍ରୌପଦେଯାଃ ପ୍ରଭଦ୍ରକାଃ।
ସାତ୍ଯକିଶ୍ଚେକିତାନଶ୍ଚ ଦ୍ରାବିଡୈଃ ସୈନିକୈଃ ସହ॥ 8-9-14 (55370)
ବୃତା ବ୍ଯୂହେନ ମହତା ପାଣ୍ଡ୍ଯାଶ୍ଚୋଲାଃ ସକେରଲାଃ।
ବ୍ଯୂଢୋରସ୍କା ଦୀର୍ଘଭୁଜାଃ ପ୍ରାଂଶବଃ ପୃଥୁଲୋଚନାଃ॥ 8-9-15 (55371)
ଆପୀଡିନୋ ରକ୍ତଦନ୍ତା ମତ୍ତମାତଙ୍ଗବିକ୍ରମାଃ।
ନାନାବିରାଗବସାନା ଗନ୍ଧଚୂର୍ଣାବଚୂର୍ଣିତାଃ॥ 8-9-16 (55372)
ବଦ୍ଧାସଯଃ ପାଶହସ୍ତା ବାରଣପ୍ରତିବାରଣାଃ।
ସମାନମୃତ୍ଯବୋ ରାଜନ୍ନାତ୍ଯଜନ୍ତ ପରସ୍ପରମ୍॥ 8-9-17 (55373)
କଲାପିନଶ୍ଚାପହସ୍ତା ଦୀର୍ଘକେଶାଃ ପ୍ରିଯଂବଦାଃ।
ପତ୍ତଯଃ ସାଯକୈର୍ବିଦ୍ଧା ଘୋରରୂପପରାକ୍ରମାଃ॥ 8-9-18 (55374)
ଅଥାପରେ ପୁନଃ ଶୂରାଶ୍ଚେଦିପାଞ୍ଚାଲକେକଯାଃ।
କାରୂଶାଃ କୋସଲାଃ କାଞ୍ଚ୍ଯା ମାଗଧାଶ୍ଚାପି ଦୁଦ୍ରୁବୁଃ॥ 8-9-19 (55375)
ତେଷାଂ ରଥାଶ୍ବନାଗାଶ୍ଚ ପ୍ରବରାଶ୍ଚୋଗ୍ରପତ୍ତଯଃ।
ନାନାବାଣରବୈର୍ହୃଷ୍ଟା ନୃତ୍ଯନ୍ତି ଚ ହସନ୍ତି ଚ॥ 8-9-20 (55376)
ତସ୍ଯ ସୈନ୍ଯସ୍ଯ ମହତୋ ମହାମାତ୍ରବରୈର୍ବୃତଃ।
ମଧ୍ଯେ ବୃକୋଦରୋଽଭ୍ଯାଯାତ୍ତ୍ବଦୀଯାନ୍ନାଗଧୂର୍ଗତଃ॥ 8-9-21 (55377)
ସ ନାଗପ୍ରବରୋଽତ୍ଯୁଗ୍ରୋ ବିଧିବତ୍କଲ୍ପିତୋ ବଭୌ।
ଉଦଯାଗ୍ରାଦ୍ରିଭବନଂ ଯଥାଽଭ୍ଯୁଦିତଭାସ୍କରମ୍॥ 8-9-22 (55378)
ତସ୍ଯାଯସଂ ବର୍ମବରଂ ବରରତ୍ନବିଭୂଷିତମ୍।
ତାରାବ୍ଯାପ୍ତସ୍ଯ ନଭସଃ ଶାରଦସ୍ଯ ସମଂ ତ୍ବିଷା॥ 8-9-23 (55379)
ସ ତୋମରବ୍ଯଗ୍ରକରଶ୍ଚାରୁମୌଲିଃ ସ୍ବଲଙ୍କୃତଃ।
ଶରନ୍ମଧ୍ଯନ୍ଦିନାର୍କାଭସ୍ତେଜଯା ପ୍ରଦାହଦ୍ରିପୂନ୍॥ 8-9-24 (55380)
ତଂ ଦୃଷ୍ଟ୍ବା ଦ୍ବିରଦଂ ଦୂରାତ୍କ୍ଷେମଧୂର୍ତିର୍ଦ୍ବିପସ୍ଥିତ।
ଆହ୍ବଯନ୍ନଭିଦୁଦ୍ରାବ ପ୍ରହସନ୍ପୃତନାମୁଖେ॥ 8-9-25 (55381)
ତଯୋଃ ସମଭବଦ୍ଯୁଦ୍ଧଂ ଦ୍ବିପଯୋରୁଗ୍ରରୂପଯୋଃ।
ଯଦୃଚ୍ଛଯା ଦ୍ରୁତବତୋର୍ମହାପର୍ବତଯୋରିବ॥ 8-9-26 (55382)
ସଂସକ୍ତନାଗୌ ତୌ ବୀରୌ ତୋମରୈରିତରେତରମ୍।
ବଲବତ୍ସୂର୍ଯରଶ୍ମ୍ଯାଭୈର୍ଭିତ୍ତ୍ବାଽନ୍ଯୋନ୍ଯଂ ବିନେଦତୁଃ॥ 8-9-27 (55383)
ବ୍ଯପସୃତ୍ଯ ତୁ ନାଗାଭ୍ଯାଂ ମଣ୍ଡଲାନି ବିଚେରତୁଃ।
ପ୍ରଗୃହ୍ଯ ଚୋଭୌ ଧନୁଷୀ ଜଘ୍ନତୁର୍ବୈ ପରସ୍ପରମ୍॥ 8-9-28 (55384)
କ୍ଷ୍ବେଡିତାସ୍ଫୋଟିତରବୈର୍ବାଣଶବ୍ଦୈସ୍ତୁ ସର୍ବତଃ।
ତୌ ଜନଂ ହର୍ଷଯନ୍ତୌ ଚ ସିଂହନାଦଂ ପ୍ରଚକ୍ରତୁଃ॥ 8-9-29 (55385)
ସମୁଦ୍ଯତକରାଭ୍ଯାଂ ତୌ ଦ୍ବିପାଭ୍ଯାଂ କୃତିନାବୁଭୌ।
ବାତୋଦ୍ବୂତପତାକାଭ୍ଯାଂ ଯୁଯୁଧାତେ ମହାବଲୌ॥ 8-9-30 (55386)
ତାବନ୍ଯୋନ୍ଯସ୍ଯ ଧନୁଷୀ ଛିତ୍ତ୍ବାଽନ୍ଯୋନ୍ଯଂ ବିନେଦତୁଃ।
ଶକ୍ତିତୋମରବର୍ଷେଣ ପ୍ରାବୃଣ୍ମେଘାବିବାମ୍ବୁଭିଃ॥ 8-9-31 (55387)
କ୍ଷେମଧୂର୍ତିସ୍ତଦା ଭୀମଂ ତୋମରେଣ ସ୍ତନାନ୍ତରେ।
ନିର୍ବିଭେଦାତିବେଗେନ ଷଡ୍ଭିଶ୍ଚାପ୍ଯପରୈର୍ନଦନ୍॥ 8-9-32 (55388)
ସ ଭୀମସେନଃ ଶୁଶୁଭେ ତୋମରୈରଙ୍ଗମାଶ୍ରିତୈଃ।
କ୍ରୋଧଦୀପ୍ତବପୁର୍ମେଧୈଃ ସପ୍ତସପ୍ତିରିବାଂଶମାନ୍॥ 8-9-33 (55389)
ତତୋ ଭାସ୍କରବର୍ଣାଭମଞ୍ଚୋଗତିମଯସ୍ମାଯମ୍।
ସସର୍ଜ ତୋମରଂ ଭୀମଃ ପ୍ରତ୍ଯମିତ୍ରାଯ ଯତ୍ନବାନ୍॥ 8-9-34 (55390)
ତତଃ କରୂଶାଧିପତିଶ୍ଚାପମାନମ୍ଯ ସାଯକୈଃ।
ଦଶଭିସ୍ତୋମରଂ ଭିତ୍ତ୍ବା ଷଷ୍ଟ୍ଯା ବିବ୍ଯାଧ ପାଣ୍ଡବମ୍॥ 8-9-35 (55391)
ଅଥ କାର୍ମୁକମାଦାଯ ଭୀମୋ ଜଲଦନିଃ ସ୍ବନମ୍।
ରିପୋରଭ୍ଯର୍ଦଯନ୍ନାଗମୁନ୍ନଦନ୍ପାଣ୍ଡବାଃ ଶରୈଃ॥ 8-9-36 (55392)
ସ ଶରୌଘାର୍ଦିତୋ ନାଗୋ ଭୀମସେନେନ ସଂଯୁଗେ।
ଗୃହ୍ଯମାଣୋଽପି ନାତିଷ୍ଠଦ୍ବାତୋଦ୍ଧୂତ ଇବାମ୍ବୁଦଃ॥ 8-9-37 (55393)
ତମଭ୍ଯଧାବଦ୍ଦ୍ବିରଦଂ ଭୀମୋ ଭୀମସ୍ଯ ନାଗରାଟ୍।
ମହାବାତେରିତଂ ମେଘଂ ବାତୋଦ୍ଧୂତ ଇବାମ୍ବୁଦଃ॥ 8-9-38 (55394)
ସନ୍ନିବାର୍ଯାତ୍ମନୋ ନାଗଂ କ୍ଷେମଧୂର୍ତିଃ ପ୍ରତାପବାନ୍।
ବିବ୍ଯାଧାଭିଦ୍ରୁତଂ ବାଣୈର୍ଭୀମସେନସ୍ଯ କୁଞ୍ଜରମ୍॥ 8-9-39 (55395)
ତତଃ ସାଧୁବିସୃଷ୍ଟେନ କ୍ଷୁରେଣାନତପର୍ବଣା।
ଛିତ୍ତ୍ବା ଶରାସନଂ ଶତ୍ରୋର୍ନାଗଂ ଚାପି ପ୍ରମାର୍ଦଯତ୍॥ 8-9-40 (55396)
ତତଃ କ୍ରୁଦ୍ଧୋ ରଣେ ଭୀମଂ କ୍ଷେମଧୂର୍ତିଃ ପରାଭିନତ୍।
ଜଘାନ ଚାସ୍ଯ ଦ୍ବିରଦଂ ନାରାଚୈଃ ସର୍ବମର୍ମସୁ॥ 8-9-41 (55397)
ସ ପପାତ ମହାନାଗୋ ଭୀମସେନସ୍ଯ ଭାରତ।
ପୁରା ନାଗସ୍ଯ ପତନାଦବପ୍ଲୁତ୍ଯ ସ୍ଥିତୋ ମହୀମ୍॥ 8-9-42 (55398)
ଭୀମସେନୋଽପି ତନ୍ନାଗଂ ଗଦଯା ସମପୋଥଯତ୍।
ତସ୍ମାତ୍ପ୍ରମଥିତାନ୍ନାଗାତ୍କ୍ଷେମଧୂର୍ତିରବପ୍ଲୁତଃ॥ 8-9-43 (55399)
`ଉଦ୍ଧୃତ୍ଯ ସ୍ବଙ୍ଗଂ ନିଶିତମଭ୍ଯଧାବତ୍ସ ପାଣ୍ଡବମ୍'।
ଉଦ୍ଯତାଯୁଧମାଯାନ୍ତଂ ସଦଯାଽହନ୍ବୃକୋଦରଃ॥ 8-9-44 (55400)
ସ ପପାତ ହତଃ ସାସିର୍ବ୍ଯସୁସ୍ତମଭିତୋ ଦ୍ବିପମ୍।
ବଜ୍ରପ୍ରଭଗ୍ନମଚଲଂ ସିଂହୋ ବଜ୍ରହତୋ ଯଥା॥ 8-9-45 (55401)
ତଂ ହତଂ ନୃପତିଂ ଦୃଷ୍ଟ୍ବା କରୂଶାନାଂ ଯଶସ୍କରମ୍।
ପ୍ରାଦ୍ରାବଦ୍ବ୍ଯଥିତା ସେନା ତ୍ବଦୀଯା ଭରତର୍ଷଭ॥ ॥ 8-9-46 (55402)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଷୋଡଶଦିବସଯୁଦ୍ଧେ ନବମୋଽଧ୍ଯାଯଃ॥ 9 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.10. ଅଧ୍ଯାଯଃ 010
Mahabharata - Karna Parva - Chapter Topics
ଦ୍ବନ୍ଦ୍ବଯୁଦ୍ଧମ୍॥ 1 ॥ ସାତ୍ଯକିନା ବିନ୍ଦାନୁବିନ୍ଦବଧଃ॥ 2 ॥
Mahabharata - Karna Parva - Chapter Text
8-10-0 (55403)
ସଞ୍ଚଯ ଉବାଚ। 8-10-0x (4858)
ତତଃ କର୍ଣୋ ମହେଷ୍ବାସଃ ପାଣ୍ଡବାନାମନୀକିନୀମ୍।
ଜଘାନ ସମରେ ଶୂରଃ ସନ୍ନତପର୍ବଭିଃ॥ 8-10-1 (55404)
ତଥୈବ ପାଣ୍ଡବା ରାଜଂସ୍ତବ ପୁତ୍ରସ୍ଯ ବାହିନୀମ୍।
କର୍ଣସ୍ଯ ପ୍ରମୁଖେ କ୍ରୁଦ୍ଧା ନିଜଘ୍ନୁସ୍ତେ ମହାରଥାଃ॥ 8-10-2 (55405)
କର୍ଣୋଽପି ରାଜନ୍ସମରେ ବ୍ଯହନତ୍ପାଣ୍ଡବୀଂ ଚମୂମ୍।
ନାରାଚୈରର୍କରଶ୍ମ୍ଯାଭୈଃ କର୍ମାରପରିମାର୍ଜିତୈଃ॥ 8-10-3 (55406)
ତତ୍ର ଭାରତ କର୍ଣେନ ନାରାଚୈସ୍ତାଡିତା ଗଜାଃ।
ନେଦୁଃ ସେଦୁଶ୍ଚ ମମ୍ଲୁଶ୍ଚ ବଭ୍ରୁମୁଶ୍ଚ ଦିଶୋ ଦଶ॥ 8-10-4 (55407)
ବଧ୍ଯମାନେ ବଲେ ତସ୍ମିନ୍ସୂତପୁତ୍ରେଣ ମାରିଷ।
ନକୁଲୋଽଭ୍ଯଦ୍ରବତ୍ତୂର୍ଣଂ ସୂତପୁତ୍ରଂ ମହାରଣେ॥ 8-10-5 (55408)
ଭୀମସେନସ୍ତଥା ଦ୍ରୌଣିଂ କୁର୍ବାଣଂ କର୍ମ ଦୁଷ୍କରମ୍।
ବିନ୍ଦାନୁବିନ୍ଦୌ କୈକେଯୌ ସାତ୍ଯକିଃ ସମବାରଯତ୍॥ 8-10-6 (55409)
ଶ୍ରୁତକର୍ମାଣମାଯାନ୍ତଂ ଚିତ୍ରସେନୋ ମହୀପତିଃ।
ପ୍ରତିବିନ୍ଧ୍ଯସ୍ତଥା ଚିତ୍ରଂ ଚିତ୍ରକେତନକାର୍ମୁକମ୍॥ 8-10-7 (55410)
ଦୁର୍ଯୋଧନସ୍ତୁ ରାଜାନଂ ଧର୍ମପୁତ୍ରଂ ଯୁଧିଷ୍ଠିରମ୍।
ସଂଶପ୍ତକଗଣା ହୃଷ୍ଟା ହ୍ଯଭ୍ଯଧାବନ୍ଧନଞ୍ଜଯମ୍॥ 8-10-8 (55411)
ଧୃଷ୍ଟଦ୍ଯୁମ୍ନଃ କୃପଂ ଚାପି ତସ୍ମିନ୍ବୀରବରକ୍ଷଯେ।
ଶିଖଣ୍ଡୀ କୃତବର୍ମାଣଂ ସମାସାଦଯଦଚ୍ଯୁତମ୍॥ 8-10-9 (55412)
ଶ୍ରୁତକୀର୍ତିସ୍ତଥା ଶଲ୍ଯଂ ମାଦ୍ରୀପୁତ୍ରଃ ସୁତଂ ତବ।
ଦୁଃଶାସନଂ ମହାରାଜ ସହଦେବଃ ପ୍ରତାପବାନ୍॥ 8-10-10 (55413)
କୈକେଯୌ ସାତ୍ଯକିଂ ଯୁଦ୍ଧେ ଶରବର୍ଷେଣ ଭାସ୍ବତା।
ସାତ୍ଯକିଃ କେକଯୌ ଚାପି ଚ୍ଛାଦଯାମାସ ଭାରତ॥ 8-10-11 (55414)
ତାବେନଂ ଭ୍ରାତରୌ ବୀରୌ ଜଘ୍ନତୁର୍ହୃଦଯେ ଭୃଶମ୍।
ବିଷାଣାଭ୍ଯାଂ ଯଥା ନାଗୌ ପ୍ରତିନାଗଂ ମହାବନେ॥ 8-10-12 (55415)
ଶରସମ୍ବିନ୍ନବର୍ମାଣୌ ତାବୁଭୌ ଭ୍ରାତରୌ ରଣେ।
ସାତ୍ଯକିଂ ସତ୍ଯକର୍ମାଣଂ ରାଜନ୍ବିବ୍ଯଧତୁଃ ଶରୈଃ॥ 8-10-13 (55416)
ତୌ ସାତ୍ଯକିର୍ମହାରାଜ ପ୍ରହସନ୍ସର୍ବତୋଦିଶଃ।
ଛାଦଯଞ୍ଛରବର୍ଷେଣ ବାରଯାମାସ ଭାରତ॥ 8-10-14 (55417)
ବାର୍ଯମାଣୌ ତତସ୍ତୌ ହି ଶୈନେଯଶରବୃଷ୍ଟିଭିଃ।
ଶୈନେଯସ୍ଯ ରଥଂ ତୂର୍ଣଂ ଛାଦଯାମାସତୁଃ ଶରୈଃ॥ 8-10-15 (55418)
ତଯୋସ୍ତୁ ଧନୁଷୀ ଚିତ୍ରେ ଛିତ୍ତ୍ବା ଶୌରିର୍ମହାଯଶାଃ।
ଅଥ ତୌ ସାଯକୈସ୍ତୀକ୍ଷ୍ଣୈର୍ବାରଯାମାସ ସାତ୍ଯକିଃ॥ 8-10-16 (55419)
ଅଥାନ୍ଯେ ଧନୁଷୀ ଚିତ୍ରେ ପ୍ରଗୃହ୍ଯ ଚ ମହାଶରାନ୍।
ସାତ୍ଯକିଂ ଛାଦଯନ୍ତୌ ତୌ ଚେରତୁର୍ଲଘୁ ସୁଷ୍ଠୁ ଚ॥ 8-10-17 (55420)
ତାଭ୍ଯାଂ ମୁକ୍ତା ମହାବାଣାଃ କଙ୍କବର୍ହିଣବାସସଃ।
ଦ୍ଯୋତଯନ୍ତୋ ଦିଶଃ ସର୍ବାଃ ସମ୍ପେତୁଃ ସ୍ବର୍ଣଭୂଷଣାଃ॥ 8-10-18 (55421)
ବାଣାନ୍ଧକାରମଭବତ୍ତଯୋ ରାଜନ୍ମହାମୃଧେ।
ଅନ୍ଯୋନ୍ଯସ୍ଯ ଧନୁଶ୍ଚୈବ ଚିଚ୍ଛିଦୁସ୍ତେ ମହାରଥାଃ॥ 8-10-19 (55422)
ତତଃ କ୍ରୁଦ୍ଧୋ ମହାରାଜ ସାତ୍ବତୋ ଯୁଦ୍ଧଦୁର୍ମଦଃ।
ଧନୁରନ୍ଯତ୍ସମାଦାଯ ସଜ୍ଯଂ କୃତ୍ବା ଚ ସଂଯୁଗେ॥ 8-10-20 (55423)
କ୍ଷୁରପ୍ରେଣ ସୁତୀକ୍ଷ୍ଣେନ ହ୍ଯନୁବିନ୍ଦଶିରୋଽହରତ୍।
ଅପତତ୍ତଚ୍ଛିରୋ ରାଜନ୍କୁଣ଼୍ଡଲୋପଚିତଂ ମହତ୍॥ 8-10-21 (55424)
ଶମ୍ବରସ୍ଯ ଶିରୋ ଯଦ୍ବନ୍ନିହତସ୍ଯ ମହାରଣେ।
ଶୋଚଯନ୍କେକଯାନ୍ସର୍ବାଞ୍ଜଗାମାଶୁ ବସୁନ୍ଧରାମ୍॥ 8-10-22 (55425)
ତଂ ଦୃଷ୍ଟ୍ବା ନିହତଂ ଶୂରଂ ଭ୍ରାତା ତସ୍ଯ ମହାରଥଃ।
ସଜ୍ଯମନ୍ଯଦ୍ଧନୁଃ କୃତ୍ବା ଶୈନେଯଂ ପର୍ଯବାରଯତ୍॥ 8-10-23 (55426)
ସ ଷଷ୍ଟ୍ଯା ସାତ୍ଯକିଂ ବିଦ୍ବ୍ବା ସ୍ବର୍ଣପୁଙ୍ଖୈଃ ଶିଲାଶିତୈଃ।
ନନାଦ ବଲବନ୍ନାଦଂ ତିଷ୍ଠତିଷ୍ଠେତି ଚାବ୍ରବୀତ୍॥ 8-10-24 (55427)
ସାତ୍ଯକିଂ ଚ ତତସ୍ତୂର୍ଣଂ କେକଯାନାଂ ମହାରଥଃ।
ଶରୈରନେକସାହସ୍ରୈର୍ବାହ୍ବୋରୁରସି ଚାର୍ପଯତ୍॥ 8-10-25 (55428)
ସ ଶରୈଃ କ୍ଷତସର୍ବାଙ୍ଗଃ ସାତ୍ଯକିଃ ସତ୍ଯବିକ୍ରମଃ।
ରରାଜ ସମରେ ରାଜନ୍ସପୁଷ୍ପ ଇବ କିଂଶୁକଃ॥ 8-10-26 (55429)
ସାତ୍ଯକିଃ ସମରେ ବିଦ୍ବଃ କୈକେଯେନ ମହାତ୍ମନା।
କୈକେଯଂ ପଞ୍ଚବିଂଶତ୍ଯା ବିବ୍ଯାଧ ପ୍ରହସନ୍ନିବ॥ 8-10-27 (55430)
ତାବନ୍ଯୋନ୍ଯସ୍ଯ ସମରେ ସଞ୍ଛିଦ୍ଯ ଧନୁଷୀ ଶୁଭେ।
ହତ୍ବା ଚ ସାରଥୀ ତୂର୍ଣଂ ହଯାଂଶ୍ଚ ରଥିନାଂ ବରୌ॥ 8-10-28 (55431)
ବିରଥାବସିଯୁଦ୍ଧାଯ ସମାଜଗ୍ମତୁରାହବେ।
ଶତଚନ୍ଦ୍ରଚିତେ ଗୃହ୍ଯ ଚର୍ମଣୀ ସୁଭୁଜୌ ତଥା॥ 8-10-29 (55432)
ବିରୋଚେତାଂ ମହାରଙ୍ଗେ ନିସ୍ତ୍ରିଂଶବରଧାରିଣୌ।
ଯଥା ଦେବାସୁରେ ଯୁଦ୍ଧେ ଜମ୍ଭଶକ୍ରୌ ମହାବଲୌ॥ 8-10-30 (55433)
ମଣ୍ଡଲାନି ତତସ୍ତୌ ତୁ ବିଚନ୍ତୌ ମହାରଣେ।
ଅନ୍ଯୋନ୍ଯମଭିତସ୍ତୂର୍ଣଂ ସମାଜଗ୍ମତୁରାହବେ॥ 8-10-31 (55434)
ଅନ୍ଯୋନ୍ଯସ୍ଯ ବଧେ ଚୈବ ଚକ୍ରତୁର୍ଯତ୍ନମୁତ୍ତମମ୍।
କୈକେଯସ୍ଯ ଦ୍ବିଧା ଚର୍ମ ତତଶ୍ଚିଚ୍ଛେଦ ସାତ୍ବତଃ॥ 8-10-32 (55435)
ସାତ୍ଯକେସ୍ତୁ ତଥୈବାସୌ ଚର୍ମ ଚିଚ୍ଛେଦ ପାର୍ଥିବଃ।
ଚର୍ମ ଚ୍ଛିତ୍ତ୍ବା ତୁ କୈକେଯସ୍ତାରାଗଣଶତୈର୍ବୃତମ୍।
ଚଚାର ମଣ୍ଡଲାନ୍ଯେବ ଗତପ୍ରତ୍ଯାଗତାନି ଚ॥ 8-10-33 (55436)
ତଂ ଚରନ୍ତଂ ମହାରଙ୍ଗେ ନିସ୍ତ୍ରିଂଶବରଧାରିଣମ୍।
ଅପହସ୍ତେନ ଚିଚ୍ଛେଦ ଶୈନେଯସ୍ତ୍ବରଯାଽନ୍ବିତଃ॥ 8-10-34 (55437)
ସବର୍ମା କେକଯୋ ରାଜନ୍ଦ୍ବିଧା ଚ୍ଛିନ୍ନୋ ମହାରଣେ।
ନିପପାତ ମହେଷ୍ବାସୋ ବଜ୍ରାହତ ଇବାତ୍ବଲଃ॥ 8-10-35 (55438)
ତଂ ନିହତ୍ଯ ରଣେ ଶୂରଃ ଶୈନେଯୋ ରଥସତ୍ତମଃ।
ଯୁଧାମନ୍ଯୁରଥଂ ତୂର୍ଣମାରୁରୋହ ପରନ୍ତପଃ॥ 8-10-36 (55439)
ତତୋଽନ୍ଯଂ ରଥମାସ୍ଥାଯ ବିଧିବତ୍କଲ୍ପିତଂ ପୁନଃ।
କେକଯାନାଂ ମହତ୍ସୈନ୍ଯଂ ବ୍ଯଧମତ୍ସାତ୍ଯକିଃ ଶରୈଃ॥ 8-10-37 (55440)
ସା ବଧ୍ଯମାନା ସମରେ କେକଯାନାଂ ମହାଚମୂଃ।
ତମୁତ୍ସୃଜ୍ଯ ରଣେ ଶତ୍ରୁଂ ପ୍ରଦୁଦ୍ରାବ ଦିଶୋ ଦଶ॥ ॥ 8-10-38 (55441)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଷୋଡଶଦିବସଯୁଦ୍ଧେ ଦଶମୋଽଧ୍ଯାଯଃ॥ 10 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.11. ଅଧ୍ଯାଯଃ 011
Mahabharata - Karna Parva - Chapter Topics
ପ୍ରତିବିନ୍ଧ୍ଯଶ୍ରୁତକର୍ମକ୍ଷ୍ଯାଂ ଚିତ୍ରଚିତ୍ରସେନଯୋଃ ସଂହାରଃ॥ 1 ॥
Mahabharata - Karna Parva - Chapter Text
8-11-0 (55442)
ସଞ୍ଜଯ ଉବାଚ। 8-11-0x (4859)
ଶ୍ରୁତକର୍ମା ତତୋ ରାଜଂଶ୍ଚିତ୍ରସେନଂ ମହୀପତିମ୍।
ଆଜଘ୍ନେ ସମରେ କ୍ରୁଦ୍ଧଃ ପଞ୍ଚାଶଦ୍ଭିଃ ଶିଲୀମୁଖୈଃ॥ 8-11-1 (55443)
ଚିତ୍ରସେନସ୍ତୁ ତଂ ରାଜନ୍ନବଭିର୍ନତପର୍ବଭିଃ।
ଶ୍ରୁତକର୍ମାଣମାହତ୍ଯ ସୂତଂ ବିବ୍ଯାଧ ପଞ୍ଚଭିଃ॥ 8-11-2 (55444)
ଶ୍ରୁତକର୍ମା ତତଃ କ୍ରୁଦ୍ଧଶ୍ଚିତ୍ରସେନଂ ଚମୂମୁଖେ।
ନାରାଚେନ ସୁତୀକ୍ଷ୍ଣେନ ମର୍ମଦେଶେ ସମାର୍ପଯତ୍॥ 8-11-3 (55445)
ସୋଽତିବିଦ୍ଧୋ ମହାରାଜ ନାରାଚେନ ମହାତ୍ମନା।
ମୂର୍ଚ୍ଛାମଭିଯଯୌ ବୀରଃ କଶ୍ମଲଂ ଚାବିବେଶ ହ॥ 8-11-4 (55446)
ଏତସ୍ମିନ୍ନନ୍ତରେ ଚୈନଂ ଶ୍ରୁତକୀର୍ତିର୍ମହାଯଶାଃ।
ନବତ୍ଯା ଜଗତୀପାଲଂ ଛାଦଯାମାସ ପତ୍ରିଭିଃ॥ 8-11-5 (55447)
ପ୍ରତିଲଭ୍ଯ ତତଃ ସଂଜ୍ଞାଂ ଚିତ୍ରସେନୋ ମହାରଥଃ।
ଧନୁଶ୍ଚିଚ୍ଛେଦ ଭଲ୍ଲେନ ତଂ ଚ ବିବ୍ଯାଧ ସପ୍ତଭିଃ॥ 8-11-6 (55448)
ସୋଽନ୍ଯତ୍କାର୍ମୁକମାଦାଯ ବେଗଘ୍ନଂ ରୁକ୍ମଭୂଷିତମ୍।
ଚିତ୍ରରୂପଧରଂ ଚକ୍ରେ ଚିତ୍ରସେନଂ ଶରୋର୍ମିଭିଃ॥ 8-11-7 (55449)
ସ ଶରୈଶ୍ଚିତ୍ରିତୋ ରାଜା ଚିତ୍ରମାଲ୍ଯଧରୋ ଯୁବା।
ଅଶୋଭତ ମହାରଙ୍ଗେ ଶ୍ବାବିଚ୍ଛଲଲୋ ଯଥା॥ 8-11-8 (55450)
ଶ୍ରୁତକର୍ମାଣମଥ ବୈ ନାରାଚେନ ସ୍ତନାନ୍ତରେ।
ବିଭେଦ ତରସା ଶୂରସ୍ତିଷ୍ଠତିଷ୍ଠେତି ଚାବ୍ରବୀତ୍॥ 8-11-9 (55451)
ଶ୍ରୁତକର୍ମାଣି ସମରେ ନାରାଚେନ ସମର୍ପିତଃ।
ସୁସ୍ରାବ ରୁଧିରଂ ତତ୍ର ଗୈରିକାମ୍ବୁ ଯଥାଽଚଲଃ॥ 8-11-10 (55452)
ତତଃ ସ ରୁଧିରାକ୍ତାଙ୍ଗୋ ରୁଧିରେଣ କୃତଚ୍ଛବିଃ।
ରରାଜ ସମରେ ବୀରଃ ସପୁଷ୍ପ ଇବ କିଂଶୁକଃ॥ 8-11-11 (55453)
ଶ୍ରୁତକର୍ମା ତତୋ ରାଜଞ୍ଶତ୍ରୁଣା ସମଭିଦ୍ରୁତଃ।
ଶତ୍ରୁସଂବାରଣଂ କ୍ରୁଦ୍ଧୋ ଦ୍ବିଧା ଚିଚ୍ଛେଦ କାର୍ମୁକମ୍॥ 8-11-12 (55454)
ଅଥୈନଂ ଛିନ୍ନଧନ୍ବାନଂ ନାରାଚାନାଂ ଶତୈସ୍ତ୍ରିଭିଃ।
ଛାଦଯନ୍ସମରେ ରାଜନ୍ବିବ୍ଯାଧ ଚ ସୁପତ୍ରିଭିଃ॥ 8-11-13 (55455)
ତତୋଽପରେଣ ଭଲ୍ଲେନ ତୀକ୍ଷ୍ଣେନ ନିଶିତେନ ଚ।
ଜହାର ସଶିରସ୍ତ୍ରାଣଂ ଶିରସ୍ତସ୍ଯ ମହାତ୍ମନଃ॥ 8-11-14 (55456)
ତଚ୍ଛିରୋ ନ୍ଯପତଦ୍ଭୂମୌ ଚିତ୍ରସେନସ୍ଯ ଦୀପ୍ତିମତ୍।
ଯଦୃଚ୍ଛଯା ଯଥା ଚନ୍ଦ୍ରଶ୍ଚ୍ଯୁତଃ ସ୍ବର୍ଗାନ୍ମହୀତଲମ୍॥ 8-11-15 (55457)
ରାଜାନଂ ନିହତଂ ଦୃଷ୍ଟ୍ବା ତେଽଭିସାରଂ ତୁ ମାରିଷ।
ଅଭ୍ଯଦ୍ରବନ୍ତ ବେଗେନ ଚିତ୍ରସେନସ୍ଯ ସୈନିକାଃ॥ 8-11-16 (55458)
ତତଃ କ୍ରୁଦ୍ଧୋ ମହେଷ୍ବାସସ୍ତତ୍ସୈନ୍ଯଂ ପ୍ରାଦ୍ରବଚ୍ଛରୈଃ।
ଅନ୍ତକାଲେ ଯଥା କ୍ରୁଦ୍ଧଃ ସର୍ବଭୂତାନି ପ୍ରେତରାଟ୍॥ 8-11-17 (55459)
ତେ ବଧ୍ଯମାନାଃ ସମରେ ତବ ପୌତ୍ରେଣ ଧନ୍ବିନା।
ବ୍ଯଦ୍ରବନ୍ତ ଦିଶସ୍ତୂର୍ଣଂ ଦାବଦଗ୍ଧା ଇବ ଦ୍ବିପାଃ॥ 8-11-18 (55460)
ତାଂସ୍ତୁ ବିଦ୍ରବତୋ ଦୃଷ୍ଟ୍ବା ନିରୁତ୍ସାହାନ୍ଦ୍ବିଷଜ୍ଜଯେ।
ଦ୍ରାବଯନ୍ନିଷୁଭିସ୍ତୀକ୍ଷ୍ଣୈଃ ଶ୍ରୁତକର୍ମା ବ୍ଯରୋଚତ॥ 8-11-19 (55461)
ପ୍ରତିବିନ୍ଧ୍ଯସ୍ତତଶ୍ଚିତ୍ରଂ ଭିତ୍ତ୍ବା ପଞ୍ଚଭିରାଶୁଗୈଃ।
ସାରଥିଂ ଚ ତ୍ରିଭିର୍ବିଦ୍ବ୍ବା ଧ୍ବଜମେକେଷୁଣାପି ଚ॥ 8-11-20 (55462)
ତଂ ଚିତ୍ରୋ ନବଭିର୍ଭଲ୍ଲୈର୍ବାହ୍ବୋରୁରସି ଚାର୍ପଯତ୍।
ସ୍ବର୍ଣପୁଙ୍ଖୈଃ ପ୍ରସନ୍ନାଗ୍ନୈଃ କଙ୍କବର୍ହିଣବାଜିତୈଃ॥ 8-11-21 (55463)
ପ୍ରତିବିନ୍ଧ୍ଯୋ ଧନୁଶ୍ଛିତ୍ତ୍ବା ତସ୍ଯ ବାରତ ସାଯକେଃ।
ପଞ୍ଚଭିର୍ନିଶିତୈର୍ବାଣୈରଥୈନଂ ସ ହି ଜଘ୍ନିବାନ୍॥ 8-11-22 (55464)
ତତଃ ଶକ୍ତିଂ ମହାରାଜ ସ୍ବର୍ଣଘଣ୍ଟାଂ ଦୁରାସଦାମ୍।
ପ୍ରାହିଣୋତ୍ପ୍ରତିବିନ୍ଧ୍ଯାଯ ବିଚିନ୍ବନ୍ତୀମସୂନିବ॥ 8-11-23 (55465)
ତାମାପତନ୍ତୀ ସହସା ଶକ୍ତିମୁଲ୍କାମିବାମ୍ବରେ।
ଦ୍ବିଧା ଚିଚ୍ଛେଦ ସମରେ ପ୍ରତିବିନ୍ଧ୍ଯୋ ହସନ୍ନିବ॥ 8-11-24 (55466)
ସା ପପାତ ଦ୍ବିଧା ଛିନ୍ନା ପ୍ରତିବିନ୍ଧ୍ଯଶରୈଃ ଶିତୈଃ।
ଯୁଗାନ୍ତେ ସର୍ବଭୂତାନି ତ୍ରାସଯନ୍ତୀ ଯଥାଽଶନିଃ॥ 8-11-25 (55467)
ଶକ୍ତିଂ ତାଂ ପ୍ରହତାଂ ଦୃଷ୍ଟ୍ବା ଚିତ୍ରୋ ଗୃହ୍ଯ ମହାଗଦାମ୍।
ପ୍ରତିବିନ୍ଧ୍ଯାଯ ଚିକ୍ଷେପ ରୁକ୍ମଜାଲବିଭୂଷିତାମ୍॥ 8-11-26 (55468)
ସା ଜଘାନ ହଯାଂସ୍ତସ୍ଯ ସାରଥିଂ ଚ ମହାରଣେ।
ରଥଂ ପ୍ରମୃଦ୍ଯ ବେଗେନ ଧରମୀମନ୍ବପଦ୍ଯତ॥ 8-11-27 (55469)
ଏତସ୍ମିନ୍ନେବ କାଲେ ତୁ ରଥାଦାପ୍ଲୁତ୍ଯ ଭାରତ।
ଶକ୍ତିଂ ଚିକ୍ଷେପ ଚିତ୍ରାଯ ସ୍ବର୍ଣଦଣ୍ଡାମଲଙ୍କୃତାମ୍॥ 8-11-28 (55470)
ତାମାପତନ୍ତୀଂ ଜଗ୍ରାହ ଚିତ୍ରୋ ରାଜନ୍ମହାମନାଃ।
ତତସ୍ତାମେବ ଚିକ୍ଷେପ ପ୍ରତିବିନ୍ଧ୍ଯାଯ ପାର୍ଥିବଃ॥ 8-11-29 (55471)
ସମାସାଦ୍ଯ ରଣେ ଶୂରଂ ପ୍ରତିବିନ୍ଧ୍ଯଂ ମହାପ୍ରଭା।
ନିର୍ଭିଦ୍ଯ ଦକ୍ଷିଣଂ ବାହୁଂ ନିପପାତ ମହୀତଲେ।
ପତିତାଽଭାସଯଶ୍ଚୈବ ତଂ ଦେଶମଶନିର୍ଯଥା॥ 8-11-30 (55472)
ପ୍ରତିବିନ୍ଧ୍ଯସ୍ତତୋ ରାଜଂସ୍ତୋମରଂ ହେମଭୂଷିତମ୍।
ପ୍ରେଷଯାମାସ ସଙ୍କ୍ରୁଦ୍ଧଶ୍ଚିତ୍ରସ୍ଯ ବଧକାଙ୍କ୍ଷଯା॥ 8-11-31 (55473)
ସ ତସ୍ଯ ଗାତ୍ରାବରଣଂ ଭିତ୍ତ୍ବା ହୃଦଯମେବ ଚ।
ଜଗାମ ଧରଣୀଂ ତୂର୍ଣଂ ମହୋରଗ ଇବାଶଯମ୍॥ 8-11-32 (55474)
ସ ପପାତ ତଦା ରାଜା ତୋମରେଣ ସମାହତଃ।
ପ୍ରସାର୍ଯ ବିପୁଲୌ ବାହୂ ପୀନୌ ପିଘସନ୍ନିଭୌ॥ 8-11-33 (55475)
ଚିତ୍ରଂ ସମ୍ପ୍ରେକ୍ଷ୍ଯ ନିହତଂ ତାବକା ରଣଶୋଭିନଃ।
ଅଭ୍ଯଦ୍ରବନ୍ତ ବେଗେନ ପ୍ରତିବିନ୍ଧ୍ଯଂ ସମନ୍ତତଃ॥ 8-11-34 (55476)
ସୃଜନ୍ତୋ ବିବିଧାନ୍ବାଣାଞ୍ଶତଘ୍ନୀଶ୍ଚ ସକିଙ୍କିଣୀଃ।
ତମବଚ୍ଛାଦଯାମାସୁଃ ସୂର୍ଯମଭ୍ରଗଣା ଇବ॥ 8-11-35 (55477)
ତାନ୍ବିଧମ୍ଯ ମହାବାହୁଃ ଶରଜାଲେନ ସଂଯୁଗେ।
ବ୍ଯଦ୍ରାବଯତ୍ତବ ଚମୂଂ ବଜ୍ରହସ୍ତ ଇବାସୁରୀମ୍॥ 8-11-36 (55478)
ତେ ବଧ୍ଯମାନାଃ ସମରେ ତାବକାଃ ପାଣ୍ଡବୈର୍ନୃପ।
ବିପ୍ରକୀର୍ଯନ୍ତ ସହସା ବାତନୁନ୍ନା ଘନା ଇବ॥ 8-11-37 (55479)
ବିପ୍ରଦ୍ରୁତେ ବଲେ ତସ୍ମିନ୍ବଧ୍ଯମାନେ ସମନ୍ତତଃ।
ଦ୍ରୌଣିରେକୋଽଭ୍ଯଯାତ୍ତୂର୍ଣଂ ଭୀମସେନଂ ମହାବଲମ୍॥ 8-11-38 (55480)
ତଃ ସମାଗମୋ ଘୋରୋ ବଭୂବ ସହସା ତଯୋଃ।
ଯଥା ଦୈବାସୁରେ ଯୁଦ୍ଧେ ବୃତ୍ରବାସବଯୋରିବ॥ ॥ 8-11-39 (55481)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଷୋଡଶଦିବସଯୁଦ୍ଧେ ଏକାଦଶୋଽଧ୍ଯାଯଃ॥ 11 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.12. ଅଧ୍ଯାଯଃ 012
Mahabharata - Karna Parva - Chapter Topics
ଭୀମାଶ୍ବତ୍ଥାମ୍ନୋର୍ଯୁଦ୍ଧମ୍॥ 1 ॥
Mahabharata - Karna Parva - Chapter Text
8-12-0 (55482)
ସଞ୍ଜଯ ଉବାଚ। 8-12-0x (4860)
ଭୀମସେନଂ ତତୋ ଦ୍ରୌଣୀ ରାଜନ୍ବିବ୍ଯାଧ ପତ୍ରିଣା।
ପରଯା ତ୍ବରଯା ଯୁକ୍ତୋ ଦର୍ଶଯନ୍ନସ୍ତ୍ରଲାଘବମ୍॥ 8-12-1 (55483)
ଅଥୈନଂ ପୁନରାଜଘ୍ନେ ନବତ୍ଯା ନିଶିତୈଃ ଶରୈଃ।
ସର୍ବମର୍ମାଣି ସମ୍ପ୍ରେକ୍ଷ୍ଯ ମର୍ମଜ୍ଞୋ ଲଘୁହସ୍ତବତ୍॥ 8-12-2 (55484)
ଭୀମସେନଃ ସମାକୀର୍ଣୋ ଦ୍ରୌଣିନା ନିଶିତୈଃ ଶରୈଃ।
ରରାଜ ସମରେ ରାଜନ୍ରଶ୍ମିବାନିବ ଭାସ୍କରଃ॥ 8-12-3 (55485)
ତତଃ ଶରସହସ୍ରେଣ ସୁପ୍ରଯୁକ୍ତେନ ପାଣ୍ଡବଃ।
ଦ୍ରୋଣପୁତ୍ରମବଚ୍ଛାଦ୍ଯ ସିଂହନାଦମମୁଞ୍ଚତ॥ 8-12-4 (55486)
ଶରୈଃ ସରାଂସ୍ତତୋ ଦ୍ରୌଣିଃ ସଂବାର୍ଯ ଯୁଧି ପାଣ୍ଡବମ୍।
ଲଲାଟେଽଭ୍ଯାହନଦ୍ରାଜନ୍ନାରାଚେନ ସ୍ମଯନ୍ନିବ॥ 8-12-5 (55487)
ଲଲାଟସ୍ଥଂ ତତୋ ବାଣଂ ଧାରଯାମାସ ପାଣ୍ଡବଃ।
ଯଥା ଶୃଙ୍ଗଂ ବନେ ଦୃପ୍ତଃ ଖଙ୍ଗୋ ଧାରଯତେ ନୃପ॥ 8-12-6 (55488)
ତତୋ ଦ୍ରୌଣିଂ ରଣେ ଭୀମୋ ଯତମାନଂ ପରାକ୍ରମୀ।
ତ୍ରିଭିର୍ବିବ୍ଯାଧ ନାରାଚୈର୍ଲଲାଟେ ବିସ୍ମଯନ୍ନିବ॥ 8-12-7 (55489)
ଲଲାଟସ୍ଥୈସ୍ତତୋ ବାଣୈର୍ବ୍ରାହ୍ମଣୋଽସୌ ବ୍ଯଶୋଭତ।
ପ୍ରାବୃଷୀବ ଯଥା ସିକ୍ତସ୍ତ୍ରିଶୃଙ୍ଗଃ ପର୍ବତୋତ୍ତମଃ॥ 8-12-8 (55490)
ତତଃ ଶରଶତୈର୍ଦ୍ରୌଣିରର୍ଦଯାମାସ ପାଣ୍ଡବମ୍।
ନ ଚୈନଂ କମ୍ପଯାମାସ ମାତରିଶ୍ବେବ ପର୍ବତମ୍॥ 8-12-9 (55491)
ତଥୈବ ପାଂଣ୍ଡବୋ ଯୁଦ୍ଧେ ଦ୍ରୌଣିଂ ଶରଶତୈଃ ଶିତୈଃ।
ନାକମ୍ପଯତ ସଂହୃଷ୍ଟୋ ବାର୍ଯୋଧ ଇବ ପର୍ବତମ୍॥ 8-12-10 (55492)
ତାବନ୍ଯୋନ୍ଯଂ ଶରୈର୍ଘୋରୈଶ୍ଛାଦଯାନୌ ମହାରଥୌ।
ରଥବର୍ଯଗତୌ ବୀରୌ ଶୁଶୁଭାତେ ବଲୋତ୍କଟୌ॥ 8-12-11 (55493)
ଆଦିତ୍ଯାବିବ ସନ୍ଦୀପ୍ତୌ ଲୋକକ୍ଷଯକରାବୁଭୌ।
ସ୍ବରଶ୍ମିଭିରିବାନ୍ଯୋନ୍ଯଂ ତାପଯନ୍ତୌ ଶରୋତ୍ତମୈଃ॥ 8-12-12 (55494)
ତତଃ ପ୍ରବିକୃତେ ଯତ୍ନଂ କୁର୍ବାଣୌ ତୌ ମହାରଣେ।
କୃତପ୍ରତିକୃତେ ଯତ୍ତୌ ଶରସଙ୍ଘୈରଭୀତବତ୍॥ 8-12-13 (55495)
ବ୍ଯାଘ୍ରାବିବ ଚ ସଙ୍ଗ୍ରାମେ ଚେରତୁସ୍ତୌ ନରୋତ୍ତମୌ।
ଶରଦଂଷ୍ଟ୍ରୌ ଦୁରାଧର୍ଷୌ ଚାପବକ୍ରୌ ଭଯଙ୍କରୌ॥ 8-12-14 (55496)
ଅଭୂତାଂ ତାବଦୃଶ୍ଯୌ ଚ ଶରଜାଲୈଃ ସମନ୍ତତଃ।
ମେଘଜାଲୈରିବ ଚ୍ଛନୌ ଗଗନେ ଚନ୍ଦ୍ରଭାସ୍କରୌ॥ 8-12-15 (55497)
ଚକାଶେତେ ମୁହୂର୍ତେନ ତତସ୍ତାବପ୍ଯରିନ୍ଦମୌ।
ବିମୁକ୍ତାବଭ୍ରଜାଲେନ ଅଙ୍ଗାରକବୁଧାବିବ॥ 8-12-16 (55498)
ଅଥ ତତ୍ରୈବ ସଙ୍ଗ୍ରମେ ବର୍ତମାନେ ସୁଦାରୁଣେ।
ଅପସବ୍ଯଂ ତତଶ୍ଚକ୍ରେ ଦ୍ରୌଣିସ୍ତତ୍ର ବୃକୋଦରମ୍॥ 8-12-17 (55499)
କିରଞ୍ଛରଶତୈରୁଗ୍ରୈର୍ଧାରାଭିରିବ ପର୍ବତମ୍।
ନ ତୁ ତନ୍ମମୃଷେ ଭୀମଃ ଶତ୍ରୋର୍ବିଜଲକ୍ଷଣମ୍॥ 8-12-18 (55500)
ପ୍ରତିଚକ୍ରେ ତତୋ ରାଜନ୍ପାଣ୍ଡବୋଽପ୍ଯପସବ୍ଯତଃ।
ମଣ୍ଡଲାନାଂ ବିଭାଗେନ ଗତପ୍ରତ୍ଯାଗତେନ ଚ॥ 8-12-19 (55501)
ବଭୂବ ତୁମୁଲଂ ଯୁଦ୍ଧଂ ତଯୋଃ ପୁରୁଷସିଂହଯୋଃ।
ଚରିତ୍ବା ବିବିଧାନ୍ମାର୍ଗାନ୍ମଣ୍ଡଲସ୍ଥାନମେବ ଚ॥ 8-12-20 (55502)
ଶରୈଃ ପୂର୍ଣାଯତୋତ୍ସୃଷ୍ଟୈରନ୍ଯୋନ୍ଯମଭିଜଘ୍ନତୁଃ।
ଅନ୍ଯୋନ୍ଯସ୍ଯ ବଧେ ଚୈବ ଚକ୍ରତୁର୍ଯତ୍ନମୁତ୍ତମମ୍॥ 8-12-21 (55503)
ଈଷତୁର୍ବିରଥଂ ଚୈବ କର୍ତୁମନ୍ଯୋନ୍ଯମାହବେ।
ତତୋ ଦ୍ରୌଣିର୍ମହାସ୍ତ୍ରାଣି ପ୍ରାଦୁଶ୍ଚକ୍ରେ ମହାରଥଃ॥ 8-12-22 (55504)
ତାନ୍ଯସ୍ତ୍ରୈରେବ ସମରେ ପ୍ରତିଜଘ୍ନେଽଥ ପାଣ୍ଡବଃ।
ତତୋ ଘୋରଂ ମହାରାଜ ଅସ୍ତ୍ରଯୁଦ୍ଧମବର୍ତତ॥ 8-12-23 (55505)
ଗ୍ରହଯୁଦ୍ବଂ ଯଥା ଘୋରଂ ପ୍ରଜାସଂହରଣେ ହ୍ଯଭୂତ୍।
ତେ ବାଣାଃ ସମସଜ୍ଜନ୍ତ ମୁକ୍ତାସ୍ତାଭ୍ଯାଂ ତୁ ଭାରତ॥ 8-12-24 (55506)
ଦ୍ଯୋତଗ୍ରନ୍ତୋ ଦିଶଃ ସର୍ବାସ୍ତବ ସୈନ୍ଯଂ ସମନ୍ତତଃ।
ବାଣସଙ୍ଘୈର୍ବୃତଂ ଘୋରମାକାଶଂ ସମପଦ୍ଯତ॥ 8-12-25 (55507)
ଉଲ୍କାପାତାବୃତଂ ଯୁଦ୍ଧଂ ପ୍ରଜାନାଂ ସଂକ୍ଷଯେ ନୃପ।
ବାଣାଭିଘାତାତ୍ସଞ୍ଜଜ୍ଞେ ତତ୍ର ଭାରତ ପାବକଃ॥ 8-12-26 (55508)
ସବିସ୍ଫୁଲିଙ୍ଗୋ ଦୀପ୍ତାର୍ଚିର୍ଯୋଽଦହଦ୍ବାହିନୀଦ୍ବଯମ୍।
ତତ୍ର ସିଦ୍ଧା ମହାରାଜ ସମ୍ପତନ୍ତୋଽବ୍ରୁବନ୍ବଚଃ॥ 8-12-27 (55509)
ଯୁଦ୍ଧାନାମତି ସର୍ବେଷାଂ ଯୁଦ୍ଧମେତଦିତି ପ୍ରଭୋ।
ସର୍ବଯୁଦ୍ଧାନି ଚୈତସ୍ଯ କଲାଂ ନାର୍ହନ୍ତି ଷୋଡଶୀମ୍॥ 8-12-28 (55510)
ନେଦୃଶଂ ଚ ପୁନର୍ଯୁଦ୍ଧଂ ଭବିଷ୍ଯତି କଦାଚନ।
ଅହୋ ଜ୍ଞାନେନ ସମ୍ପନ୍ନାବୁଭ ବ୍ରାହ୍ମଣକ୍ଷତ୍ରିଯୌ॥ 8-12-29 (55511)
ଅହୋ ଶୌର୍ଯେଣ ସମ୍ପନ୍ନାବୁଭୌ ଚୋଗ୍ରପରାକ୍ରମୌ।
ଅହୋ ଭୀମବଲୋ ଭୀମ ଏତସ୍ଯ ଚ କୃତାସ୍ତ୍ରତା॥ 8-12-30 (55512)
ଅହୋ ବୀର୍ଯସ୍ଯ ସାରତ୍ବମହୋ ସୌଷ୍ଠବମେତଯୋଃ।
ସ୍ଥିତାବେତୌ ହି ସମରେ କାଲାନ୍ତକଯମୋପମୌ॥ 8-12-31 (55513)
ରୁଦ୍ରୌ ଦ୍ବାବି ସମ୍ଭୂତୌ ଯଥା ଦ୍ବାବିବ ଭାସ୍କରୌ।
ଯମୌ ବା ପୁରୁଷବ୍ଯାଘ୍ରୌ ଘୋରରୂପାବୁଭୌ ରଣେ॥ 8-12-32 (55514)
ଇତି ବାଚଃ ସ୍ମ ଶ୍ରୂଯନ୍ତେ ସିଦ୍ଧାନାଂ ବୈ ମୁହୁର୍ମୁହୁଃ।
ସିଂହନାଦଶ୍ଚ ସଞ୍ଜଜ୍ଞେ ସମେତାନାଂ ଦିବୌକସାମ୍॥ 8-12-33 (55515)
ଅଦ୍ଭୁତଂ ଚାପ୍ଯଚିନ୍ତ୍ଯଂ ଚ ଦୃଷ୍ଟ୍ବା କର୍ମ ତଯୋ ରଣେ।
ସିଦ୍ବଚାରଣସଙ୍ଘାନାଂ ବିସ୍ମଯଃ ସମପଦ୍ଯତ॥ 8-12-34 (55516)
ପ୍ରଶଂସନ୍ତି ତଦା ଦେବାଃ ସିଦ୍ବାଶ୍ଚ ପରମର୍ଷଯଃ।
ସାଧୁ ଦ୍ରୌଣେ ମହାବାହୋ ସାଧୁ ଭୀମେତି ଚାବ୍ରୁବନ୍॥ 8-12-35 (55517)
ତୌ ଶୂରୌ ସମରେ ରାଜନ୍ପରସ୍ପରକୃତାଗସୌ।
ପରସ୍ପରମୁଦୀକ୍ଷେତାଂ କ୍ରୋଧାଦୁଦ୍ବୃତ୍ଯ ଚକ୍ଷୁଷୀ॥ 8-12-36 (55518)
କ୍ରୋଧରକ୍ତେକ୍ଷଣୌ ତୌ ତୁ କ୍ରୋଧାତ୍ପ୍ରସ୍ଫୁରିତାଧରୌ।
କ୍ରୋଧାତ୍ସଂଦଷ୍ଟଦଶନୌ ତଥୈବ ଦଶନଚ୍ଛଦୌ॥ 8-12-37 (55519)
ଅନ୍ଯୋନ୍ଯଂ ଛାଦଯନ୍ତୌ ସ୍ମ ଶରବୃଷ୍ଟ୍ଯା ମହାରଥୌ।
ଶରାମ୍ବୁଧାରୋ ସମରେ ଶସ୍ତ୍ରବିଦ୍ଯୁତ୍ପ୍ରକାଶିନୌ॥ 8-12-38 (55520)
ତାବନ୍ଯନ୍ଯଂ ଧ୍ବଜଂ ବିଦ୍ବ୍ବା ସାରଥିଂ ଚ ମହାରଣେ।
ଅନ୍ଯୋନ୍ଯସ୍ଯ ହଯାନ୍ବିଦ୍ବା ବିଭିଦାତେ ପରସ୍ପରମ୍॥ 8-12-39 (55521)
ତତଃ କ୍ରୁଦ୍ଧୌ ମହାରାଜ ବାଣୌ ଗୃହ୍ଯ ମହାହବେ।
ଉଭୌ ଚିକ୍ଷିପତୁସ୍ତୂର୍ମମନ୍ଯୋନ୍ଯସ୍ଯ ବଧୈଷିଣୌ॥ 8-12-40 (55522)
ତୌ ସାଯକୌ ମହାରାଜ ଦ୍ଯୋତମାନୌ ଚମୂମୁଖେ।
ଆଜଘ୍ନତୁଃ ସମାସାଦ୍ଯ ବଜ୍ରବେଗୌ ଦୁରାସଦୌ॥ 8-12-41 (55523)
ତୌ ପରସ୍ପରବେଗାଚ୍ଚ ଶରାଭ୍ଯାଂ ଚ ଭୃଶାହତୌ।
ନିପେତତୁର୍ମହାବୀର୍ଯୌ ରଥୋପସ୍ଥେ ତଯୋସ୍ତଦା॥ 8-12-42 (55524)
ତତସ୍ତୁ ସାରଥିର୍ଜ୍ଞାତ୍ବା ଦ୍ରୋଣପୁତ୍ରମଚେତନମ୍।
ଅପୋବାହ ରଣାଦ୍ରାଜନ୍ସର୍ବସୈନ୍ଯସ୍ଯ ପଶ୍ଯତଃ॥ 8-12-43 (55525)
8-12-44 (55526)
ତଥୈବ ପାଣ୍ଡବଂ ରାଜନ୍ବିହ୍ବଲନ୍ତଂ ମୁହୁର୍ମୁହୁଃ।
ଅପୋବାହ ରଥେନାଜୌ ବିଶୋକଃ ଶତ୍ରୁତାପନମ୍॥ ॥ *ଇତି ଶ୍ରୀମନ୍ମହାଭାରତେ କର୍ଣପର୍ବଣି ଷୋଡଶଦିବସଯୁଦ୍ଧେ ଦ୍ବାଦଶୋଽଧ୍ଯାଯଃ॥ 12 ॥ *.ଝ. ପନ୍ତକେ ଏତଦନନ୍ତରଂ ସ୍ଥିତାଃ ସପ୍ତାଧ୍ଯାଯା ଏତତ୍ପାଠେ କ୍ରମେଣ 52-53-54-55-56-59-60 ତମାଧ୍ଯାଯତଯା ବର୍ତନ୍ତେ।
Mahabharata - Karna Parva - Chapter Footnotes
॥ ଶ୍ରୀଃ ॥
8.13. ଅଧ୍ଯାଯଃ 013
Mahabharata - Karna Parva - Chapter Topics
ଶଲ୍ଯେନ ଶ୍ରୁତକୀର୍ତିପରାଜଯଃ॥
Mahabharata - Karna Parva - Chapter Text
8-13-0 (55527)
`ସଞ୍ଜଯ ଉବାଚ। 8-13-0x (4861)
ଶ୍ରୁତକୀର୍ତିମଥାଯାନ୍ତଂ କିରନ୍ତଂ ନିଶିତାଞ୍ଶରାନ୍।
ମଦ୍ରରାଜୋ ମହାରାଜ ବାରଯାମାସ ହୃଷ୍ଟବତ୍॥ 8-13-1 (55528)
ମଦ୍ରରାଜଂ ସମାସାଦ୍ଯ ଶ୍ରୁତକୀର୍ତିର୍ମହାରଥଃ।
ବିବ୍ଯାଧ ଭଲ୍ଲୈର୍ବିଶତ୍ଯା କାର୍ତସ୍ବରବିଭୂଷିତୈଃ॥ 8-13-2 (55529)
ପ୍ରତିବିବ୍ଯାଧ ତଂ ଶଲ୍ଯଂ ତ୍ରିଭିସ୍ତୂର୍ଣମଜିହ୍ମଗୈଃ।
ସାରଥିଂ ଚାସ୍ଯ ଭଲ୍ଲେନ ଭୃଶଂ ବିବ୍ଯାଧ ଭାରତ॥ 8-13-3 (55530)
ସ ଶଲ୍ଯଂ ଶରବର୍ଷେଣ ଚ୍ଛାଦଯାମାସ ସଂଯୁଗେ।
ମୁମୋଚ ନିଶିତାନ୍ବାଣାନ୍ମଦ୍ରରାଜରଥଂ ପ୍ରତି॥ 8-13-4 (55531)
ତତଃ ଶଲ୍ଯୋ ମହାରାଜ ଶ୍ରୁତକୀର୍ତିଭୁଜଚ୍ଯୁତାନ୍।
ଚିଚ୍ଛେଦ ସମରେ ବାଣାସନ୍ବଣୈଃ ସନ୍ନତପର୍ବଭିଃ॥ 8-13-5 (55532)
ଶ୍ରୁତକୀର୍ତିସ୍ତତଃ ଶ୍ଲ୍ଯଂ ଭିତ୍ତ୍ବା ନବଭିରାଯସୈଃ।
ସାରଥିଂ ତ୍ରିଭିରାନର୍ଚ୍ଛତ୍ପୁନଃ ଶଲ୍ଯଂ ଚ ପ଼ଞ୍ଚଭିଃ॥ 8-13-6 (55533)
ତସ୍ଯ ଶଲ୍ଯୋ ଧନୁଶ୍ଛିତ୍ତ୍ବା ହସ୍ତାବାପଂ ନିକୃତ୍ଯ ଚ।
ବିବ୍ଯାଧ ସମରେ ତୂର୍ଣଂ ସପ୍ତଭିସ୍ତଂ ଶରୋତ୍ତମୈଃ॥ 8-13-7 (55534)
ଅଥାନ୍ଯଦ୍ଧନୁରାଦାଯ ଶ୍ରୁତକୀର୍ତିର୍ମହାରଥଃ।
ଭଦ୍ରେଶ୍ବରଂ ଚତୁଃଷଷ୍ଟ୍ଯା ବାହ୍ବୋରୁରସି ଚାର୍ପଯତ୍॥ 8-13-8 (55535)
ତତସ୍ତୁ ସମରେ ରାଜଂସ୍ତେନ ବିଦ୍ବଃ ଶିଲୀମୁଖୈଃ।
xxବିବ୍ଯାଧ ତଂ ଚାପି ନବତ୍ଯା ନିଶିତୈଃ ଶରୈଃ॥ 8-13-9 (55536)
ତସ୍ଯ ମଦ୍ରେଶ୍ବରଶ୍ଚାପଂ ପୁନଶ୍ଚିଚ୍ଛେଦ ମାରିଷ।
ସ ଚ୍ଛିନ୍ନଧନ୍ବା ସମରେ ଗଦାଂ ଚିକ୍ଷେପ ସତ୍ବରଃ॥ 8-13-10 (55537)
ପଟ୍ଟୈର୍ଜାମ୍ବୂନଦୈର୍ବଦ୍ଧାଂ ରୁପ୍ଯପଟ୍ଟୈଶ୍ଚ ଭାରତ।
ଭ୍ରାଜମାନାଂ ଯଥା ନାରୀଂ ଦିବ୍ଯବସ୍ତ୍ରବିଭୂଷିତାମ୍॥ 8-13-11 (55538)
ତାମାପତନ୍ତୀଂ ସହସା ଦୀପ୍ଯମାନାଶନିପ୍ରଭାମ୍।
ଶରୈରନେକସାହସ୍ରୈର୍ବ୍ଯଷ୍ଟମ୍ଭଯତ ମଦ୍ରରାଟ୍॥ 8-13-12 (55539)
ବିଷ୍ଟଭ୍ଯ ଚ ଗଦାଂ ବୀରଃ ପାତଯିତ୍ବା ଚ ଭୂତଲେ।
ଶ୍ରୁକୀର୍ତିମଥାଯତ୍ତୋ ରାଜନ୍ବିବ୍ଯାଧ ପଞ୍ଚଭିଃ॥ 8-13-13 (55540)
ତସ୍ଯ ଶକ୍ତିଂ ରମେ ଭୂଯଶ୍ଚିକ୍ଷେପ ଭୁଜୋପମାମ୍।
ତାଂ ଦ୍ବିଧା ଚାଛିନଚ୍ଛଲ୍ଯୋ ମେଦିନ୍ଯାଂ ସା ତ୍ବଶୀର୍ଯତ॥ 8-13-14 (55541)
ତସ୍ଯ ଶଲ୍ଯଃ କ୍ଷୁରପ୍ରେଣ ଯନ୍ତୁଃ କାଯାଚ୍ଛିରୋଽହରତ୍।
ବାଲହସ୍ତାଦ୍ଯଥା ଶ୍ଯେନ ଆମିଷଂ ବୈ ନରୋତ୍ତମ॥ 8-13-15 (55542)
ସ ପପାତ ରଥୋପସ୍ଥାତ୍ସାରଥିସ୍ତସ୍ଯ ଭାରତ।
ତତସ୍ତେ ପ୍ରାଦ୍ରବନ୍ସଙ୍ଖ୍ଯେ ହଯ୍ନାସ୍ତସ୍ଯ ମହାତ୍ମନଃ॥ 8-13-16 (55543)
ପଲାଯମାନୈସ୍ତୈରଶ୍ବୈଃ ସୋପନୀତୋ ରମାଜିରାତ୍।
ଶ୍ରୁତକୀର୍ତିର୍ମହାରାଜ ପଶ୍ଯତାଂ ସର୍ବଯୋଧିନାମ୍॥ 8-13-17 (55544)
ତତୋ ମଦ୍ରେଶ୍ବରୋ ରାଜା ପାଣ୍ଡବାନାମନୀକିନୀମ୍।
ବ୍ଯଗାହତ ମୁଦା ଯୁକ୍ତୋ ନଲିନୀଂ ଦ୍ବିରଦୋ ଯଥା॥ 8-13-18 (55545)
ଲୋଲଯାମାସ ସ ବଲଂ ସିଂହଃ ପଶୁଗଣାନିବ।
ଶଲ୍ଯସ୍ତତ୍ର ମହାରଙ୍ଗେ ପାଣ୍ଡବାନାଂ ମହାତ୍ମନାମ୍॥ 8-13-19 (55546)
ନିପାତ୍ଯ ପାଣ୍ଡୁପାଞ୍ଚାଲାନ୍ପୃତନାସୁ ବ୍ଯବସ୍ଥିତଃ।
ଅଶୋଭତ ରଣେ ଶଲ୍ଯୋ ବିଧୂମୋଽଗ୍ନିରିବ ଜ୍ବଲନ୍॥ 8-13-20 (55547)
ସେନାକକ୍ଷଂ ମହଦ୍ଦଗ୍ଧ୍ବା କକ୍ଷମଗ୍ନିରିବୋତ୍ଥିତଃ।
ସ୍ଥିତୋ ରରାଜ ସମରେ ପୁରଂ ଦଗ୍ଧ୍ବେବ ଶଙ୍କରଃ॥ ॥ 8-13-21 (55548)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଷୋଡଶଦିବସଯୁଦ୍ଧେ ତ୍ରଯୋଦଶୋଽଧ୍ଯାଯଃ॥ 13 ॥
॥ ଶ୍ରୀଃ ॥
8.14. ଅଧ୍ଯାଯଃ 014
Mahabharata - Karna Parva - Chapter Topics
ସହଦେବେନ ଦୁଃଶାସନପରାଜଯଃ॥ 1 ॥
Mahabharata - Karna Parva - Chapter Text
8-14-0 (55549)
ସଞ୍ଜଯ ଉବାଚ। 8-14-0x (4862)
ସହଦେବଂ ତଥା କ୍ରୁଦ୍ଧଂ ନିଘ୍ନନ୍ତଂ ତବ ବାହିନୀମ୍।
ଦୁଃଶାସନୋ ମହାରାଜ ଭ୍ରାତା ଭ୍ରାତରମଭ୍ଯଯାତ୍॥ 8-14-1 (55550)
ତୌ ସମେତୌ ମହାରାଜ ଦୃଷ୍ଟ୍ବା ତତ୍ର ମହାରଥାଃ।
ସିଂହନାଦରବାଂଶ୍ଚକ୍ରୁର୍ବାସାଂସ୍ଯାଦୁଧୁବୁଶ୍ଚ ହ॥ 8-14-2 (55551)
ତତୋ ଭାରତ ରୁଷ୍ଟେନ ତବ ପୁତ୍ରେଣ ଧନ୍ବିନା।
ପାଣ୍ଡୁପୁତ୍ରସ୍ତ୍ରିଭିର୍ବାଣୈର୍ବକ୍ଷସ୍ଯଭିହତୋ ବଲୀ॥ 8-14-3 (55552)
ସହଦେବସ୍ତତୋ ରାଜନ୍ନାରାଚେନ ତବାତ୍ମଜମ୍।
ବିଦ୍ବ୍ବା ବିବ୍ଯାଧ ସପ୍ତତ୍ଯା ସାରଥିଂ ଚ ତ୍ରିଭିଃ ଶରୈଃ॥ 8-14-4 (55553)
ଦୁଃଶାସନସ୍ତତଶ୍ଚାପଂ ଛିତ୍ତ୍ବା ରାଜନ୍ମହାହବେ।
ସହଦେବଂ ତ୍ରିସପ୍ତତ୍ଯା ବାହୋରୁରସି ଚାର୍ପଯତ୍॥ 8-14-5 (55554)
ସହଦେବସ୍ତୁ ସଙ୍କ୍ରୁଦ୍ଧଃ ଖଙ୍ଗଂ ଗୃହ୍ଯ ମହାହବେ।
ଆବିଧ୍ଯ ପ୍ରାସୃଜତ୍ତୂର୍ଣଂ ତବ ପୁତ୍ରଥଂ ପ୍ରତି॥ 8-14-6 (55555)
ସମାର୍ଗଣଗୁଣଂ ଚାପଂ ଛିତ୍ତ୍ବା ତସ୍ଯ ମହାନସିଃ।
ନିପପାତ ତତୋ ଭୂମୌ ଚ୍ଯୁତଃ ସର୍ପ ଇବାମ୍ବରାତ୍॥ 8-14-7 (55556)
ଅଥାନ୍ଯଦ୍ଧନୁରାଦାଯ ସହଦେବଃ ପ୍ରତାପବାନ୍।
ଦୁଃଶାସନାଯ ଚିକ୍ଷେପ ବାଣମନ୍ତକରଂ ତତଃ॥ 8-14-8 (55557)
ତମାପତନ୍ତଂ ବିଶିଖଂ ଯମଦଣ୍ଡୋପମତ୍ବିଷମ୍।
ଖଙ୍ଗେନ ଶିତଧାରେଣ ଦ୍ବିଧା ଚିଚ୍ଛେଦ କୌରବଃ॥ 8-14-9 (55558)
ତତସ୍ତଂ ନିଶିତଂ ଖଙ୍ଗମାବିଧ୍ଯ ଯୁଧି ସତ୍ବରଃ।
ଧନୁଶ୍ଚାନ୍ଯତ୍ସମାଦାଯ ଶରଂ ଜଗ୍ରାହ ବୀର୍ଯବାନ୍॥ 8-14-10 (55559)
ତମାପତନ୍ତଂ ସହସା ନିସ୍ତ୍ରିଂଶଂ ନିଶିତୈଃ ଶରୈଃ।
ପାତଯାମାସ ସମରେ ସହଦେବୋ ହସନ୍ନିବ॥ 8-14-11 (55560)
ତତୋ ବାଣାଂଶ୍ଚତୁଃ ଷଷ୍ଟିଂ ତବ ପୁତ୍ରୋ ମହାରଣେ।
ସହଦେବରଥଂ ତୂର୍ଣଂ ପ୍ରେଷଯାମାସ ଭାରତ॥ 8-14-12 (55561)
ତାଚ୍ଛରାନ୍ସମରେ ରାଜନ୍ବେଗେନାପପତୋ ବହୂନ୍।
ଏକୈକଂ ପଞ୍ଚଭିର୍ବାଣୈଃ ସହଦେବୋ ନ୍ଯକୃତନ୍ତତ॥ 8-14-13 (55562)
ସନ୍ନିବାର୍ଯ ମହାବାଣାନ୍ସହଦେବଃ ପ୍ରତାପବାନ୍।
ଅଥାସ୍ମୈ ସୁବହୂନ୍ବାଣାନ୍ପ୍ରେଷଯାମାସ ସଂଯୁଗେ॥ 8-14-14 (55563)
ତାନ୍ବାଣାଂସ୍ତବ ପୁତ୍ରୋଽପି ଛିତ୍ତ୍ବୈକୈକଂ ତ୍ରିଭିଃ ଶରୈଃ।
ନନାଦ ସୁମହାନାଦଂ ନାଦଯାନୋ ବସୁଂଧରାମ୍॥ 8-14-15 (55564)
ତତୋ ଦୁଃଶାସନୋ ରାଜନ୍ଦ୍ବାଭ୍ଯାଂ ପାଣ୍ଡୁସୁତଂ ରଣେ।
ସାରଥିଂ ନବଭିର୍ବାଣୈର୍ମାଦ୍ରୋଯସ୍ଯ ସମାଚିନୋତ୍॥ 8-14-16 (55565)
ତତଃ କ୍ରୁଦ୍ଧୋ ମହାରାଜ ସଦହେବଃ ପ୍ରତାପବାନ୍।
ସମାଧତ୍ତ ଶରଂ ଘୋରଂ ମୃତ୍ଯୁକାଲାନ୍ତକୋପମମ୍॥ 8-14-17 (55566)
ବିକୃଷ୍ଯ ବଲବଚ୍ଚାପଂ ତବ ପୁତ୍ରାଯ ସୋଽସୃଜତ୍।
ସ ତଂ ନିର୍ଭିଦ୍ଯ ବେଗେନ ଭିତ୍ତ୍ବା ଚ କବଚଂ ମହତ୍॥ 8-14-18 (55567)
ପ୍ରାବିଶଦ୍ବରଣୀଂ ରାଜନ୍ବଲ୍ମୀକମିବ ପନ୍ନଗଃ।
ତତଃ ସମ୍ମୁମୁହେ ରାଜଂସ୍ତବ ପୁତ୍ରୋ ମହାରଥଃ॥ 8-14-19 (55568)
ମୂଢଂ ଚୈନଂ ସମାଲୋକ୍ଯ ସାରଥିସ୍ତ୍ବରିତୋ ରଥମ୍।
ଅପୋବାହ ଭୃଶଂ ତ୍ରସ୍ତୋ ବଧ୍ଯମାନଂ ଶିତୈଃ ଶରୈଃ॥ 8-14-20 (55569)
ପରାଜିତ୍ଯ ରଣେ ତଂ ତୁ କୌରବ୍ଯଂ ପାଣ୍ଡୁନନ୍ଦନଃ।
ଦୁର୍ଯୋଧନବଲଂ ଦୃଷ୍ଟ୍ବା ପ୍ରମମାଥ ସମନ୍ତତଃ॥ 8-14-21 (55570)
ପିପୀଲିକପୁଟଂ ରାଜନ୍ଯଥା ମୃଦ୍ଗନ୍ନରୋ ରୁଷା।
ତଥା ସା କୌରବୀ ସେନା ମୃଦିତା ତେନ ଭାରତ॥ ॥ 8-14-22 (55571)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଷୋଡଶଦିବସଯୁଦ୍ଧେ ଚତୁର୍ଦଶୋଽଧ୍ଯାଯଃ॥ 14 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.15. ଅଧ୍ଯାଯଃ 015
Mahabharata - Karna Parva - Chapter Topics
କର୍ଣନକୁଲଯୋର୍ଯୁଦ୍ଧମ୍॥ 1 ॥ କର୍ଣେନ ନକୁଲସ୍ଯ ପରାଭାବନପୂର୍ବକଂ ସୋପହାସମଧିକ୍ଷେପଃ॥ 2 ॥
Mahabharata - Karna Parva - Chapter Text
8-15-0 (55572)
ସଞ୍ଜଯ ଉବାଚ। 8-15-0x (4863)
ନକୁଲଂ ରଭସଂ ଯୁଦ୍ଧେ ଦ୍ରାବଯନ୍ତଂ ବରୂଥିନୀମ୍।
କର୍ଣୋ ବୈକର୍ତନୋ ରାଜନ୍ବାରଯାମାସ ବୈ ରୁଷା॥ 8-15-1 (55573)
ନକୁଲସ୍ତୁ ତତଃ କର୍ଣଂ ପ୍ରହସନ୍ନିଦମବ୍ରବୀତ୍॥
ଚିରସ୍ଯ ବତ ଦୃଷ୍ଟୋଽହଂ ଦୈବତୈଃ ସୌମ୍ଯଚକ୍ଷୁଷା। 8-15-2 (55574)
ଯସ୍ଯ ମେ ତ୍ବଂ ରଣେ ପାପ ଚକ୍ଷୁର୍ବିଷଯମାଗତଃ॥
ତ୍ବଂ ହି ମୂଲମନର୍ଥାନାଂ ବୈରସ୍ଯ କଲହସ୍ଯ ଚ। 8-15-3 (55575)
ତ୍ବଦ୍ଦୋଷାତ୍କୁରବଃ କ୍ଷୀଣାଃ ସମାସାଦ୍ଯ ପରସ୍ପରମ୍।
ତ୍ବାମଦ୍ଯ ସମରେ ହତ୍ବା କୃତକୃତ୍ଯୋଽସ୍ମି ବିଜ୍ବରଃ॥ 8-15-4 (55576)
ଏବମୁକ୍ତଃ ପ୍ରତ୍ଯୁବାଚ ନକୁଲଂ ସୂତନନ୍ଦନଃ।
ସଦୃଶଂ ରାଜପୁତ୍ରସ୍ଯ ଧନ୍ବିନଶ୍ଚ ବିଶେଷତଃ॥ 8-15-5 (55577)
ପ୍ରହରସ୍ବ ଚ ମେ ବୀର ପଶ୍ଯାମସ୍ତବ ପୌରୁଷମ୍।
କର୍ମ କୃତ୍ବା ରମେ ଶୂର ତତଃ କତ୍ଥିତୁମର୍ହସି॥ 8-15-6 (55578)
ଅନୁକ୍ତ୍ବା ସମରେ ତାତ ଶୂରା ଯୁଧ୍ଯନ୍ତି ଶକ୍ତିତଃ।
ପ୍ରଯୁଧ୍ଯସ୍ବ ମଯା ଶକ୍ତ୍ଯା ହନିଷ୍ଯେ ଦର୍ପମେବ ତେ॥ 8-15-7 (55579)
ଇତ୍ଯୁକ୍ତ୍ବା ପ୍ରାହରତ୍ତୂର୍ଣଂ ପାଣ୍ଡୁପୁତ୍ରାଯ ସୂତଜଃ।
ବିବ୍ଯାଧ ଚୈନଂ ସମରେ ତ୍ରିସପ୍ତତ୍ଯା ଶିଲୀମୁଖୈଃ॥ 8-15-8 (55580)
ନକୁଲସ୍ତୁ ତତୋ ବିଦ୍ବଃ ସୂତପୁତ୍ରେଣ ଭାରତ।
ଅଶୀତ୍ଯାଽଽଶୀବିଷପ୍ରଖ୍ଯୈଃ ସୂତପୁତ୍ରମବିଧ୍ଯତ॥ 8-15-9 (55581)
ତସ୍ଯ କର୍ଣୋ ଧନୁଶ୍ଛିତ୍ତ୍ବା ସ୍ବର୍ଣପୁଙ୍ଖୈଃ ଶିଲାଶିତୈଃ।
ତ୍ରିଂଶତା ପରମେଷ୍ବାସଃ ଶରୈଃ ପାଣ୍ଡବମର୍ଦଯତ୍॥ 8-15-10 (55582)
ତେ ତସ୍ଯ କବଚଂ ଭିତ୍ତ୍ବା ପପୁଃ ଶୋଣିତମାହବେ।
ଆଶୀବିଷା ଯଥା ନାଗା ଭିତ୍ତ୍ବା ଗାଂ ସଲିଲଂ ପପୁଃ॥ 8-15-11 (55583)
ଅଥାନ୍ଯଦ୍ବନୁରାଦାଯ ହେମପୃଷ୍ଠଂ ଦୁରାସଦମ୍।
କର୍ଣଂ ବିବ୍ଯାଧ ସପ୍ତତ୍ଯା ସାରଥିଞ୍ଚ ତ୍ରିଭିଃ ଶରୈଃ॥ 8-15-12 (55584)
ତତଃ କ୍ରୁଦ୍ଧୋ ମହାରାଜ ନକୁଲଃ ପରବୀହା।
କ୍ଷୁରପ୍ରେଣ ସୁତୀକ୍ଷ୍ଣେନ କର୍ଣସ୍ଯ ଧନୁରାଚ୍ଛିନତ୍॥ 8-15-13 (55585)
ଅଥୈନଂ ଛିନ୍ନଧନ୍ବାନଂ ସାଯକାନାଂ ଶତୈସ୍ତ୍ରିଭିଃ।
ଆଜଘ୍ନେ ପ୍ରହସନ୍ବୀରଃ ସର୍ବଲୋକମହାରଥମ୍॥ 8-15-14 (55586)
କର୍ଣମଭ୍ଯର୍ଦିତଂ ଦୃଷ୍ଟ୍ବା ପାଣ୍ଡୁପୁତ୍ରେଣ ମାରିଷ।
ବିସ୍ମଯଂ ପରମଂ ଜଗ୍ମୁର୍ଋଷଯଃ ସହ ଦୈବତୈଃ॥ 8-15-15 (55587)
ଅଥାନ୍ଯଦ୍ବନୁରାଦାଯ କର୍ଣୋ ବୈକର୍ତନସ୍ତଦା।
ନକୁଲଂ ପଞ୍ଛଭିର୍ବାଣୈର୍ଜତ୍ରୁଦେଶେ ସମାର୍ପଯତ୍॥ 8-15-16 (55588)
ଉରସ୍ଥୈରଥ ତୈର୍ବାଣୈର୍ମାଦ୍ରୀପୁତ୍ରୋ ବ୍ଯରୋଚତ।
ସ୍ବରଶ୍ମିଭିରିବାଦିତ୍ଯୋ ଭୁବନେ ବିସୃଜନ୍ପ୍ରଭାମ୍॥ 8-15-17 (55589)
ନକୁଲସ୍ତୁ ତତଃ କର୍ଣଂ ବିଦ୍ବ୍ବା ସପ୍ତଭିରାଶୁଗୈଃ।
ଅଥାସ୍ଯ ଧନୁଷଃ କୋଟିଂ ପୁନଶ୍ଚିଚ୍ଛେଦ ମାରିଷ॥ 8-15-18 (55590)
ସୋଽନ୍ଯତ୍କାର୍ମୁକମାଦାଯ ସମରେ ବେଗବତ୍ତରମ୍।
ନକୁଲସ୍ଯ ତତୋ ବୈଣୈଃ ସମନ୍ତାଚ୍ଛାଦଯଦ୍ଦିଶଃ॥ 8-15-19 (55591)
ସଞ୍ଛାଦ୍ଯମାନଃ ସହସା କର୍ଣଚାପ୍ଯୁତୈଃ ସରୈଃ।
ଚିଚ୍ଛେଦ ସ ଶରାଂସ୍ତୂର୍ଣଂ ଶରୈରେବ ମହାରଥଃ॥ 8-15-20 (55592)
ତତୋ ବାଣମଯଂ ଜାଲଂ ବିତତଂ ବ୍ଯୋମ୍ନ୍ଯଦୃଶ୍ଯତ।
ଖଦ୍ଯୋତାନାମିବ ବ୍ରାତୈଃ ସମ୍ପତଦ୍ଭିର୍ଯଥା ନଭଃ॥ 8-15-21 (55593)
ତୈର୍ବିମୁକ୍ତୈଃ ଶରଶତୈଶ୍ଛାଦିତଂ ଗଗନଂ ତଦା।
ଶଲଭାନାଂ ଯଥା ବ୍ରାତୈସ୍ତଦ୍ବଦାସୀଦ୍ବିଶାମ୍ପତେ॥ 8-15-22 (55594)
ତେ ଶରା ହେମବିକୃତାଃ ସମ୍ପନ୍ତୌ ମୁହୁର୍ମୁହୁଃ।
ଶ୍ରେଣୀକୃତା ବ୍ଯକାଶାନ୍ତ କ୍ରୌଞ୍ଚାଃ ଶ୍ରେଣୀକୃତା ଇବ॥ 8-15-23 (55595)
ବାଣଜାଲବୃତେ ବ୍ଯୋମ୍ନି ଚ୍ଛାଦିତେ ଚ ଦିବାକରେ।
ନ ସ୍ମ ସମ୍ପତତେ ଭୂତଂ କିଞ୍ଚିଦପ୍ଯନ୍ତରିକ୍ଷଗମ୍॥ 8-15-24 (55596)
ନିରୁଦ୍ବେ ତତ୍ର ମାର୍ଗେ ଚ ଶରସଙ୍ଘୈଃ ସମନ୍ତତଃ।
ବ୍ଯରୋଚେତାଂ ମହାତ୍ମାନୌ କାଲସୂର୍ଯାବିବୋଦିତୌ॥ 8-15-25 (55597)
କର୍ଣଚାପଚ୍ଯୁତୈର୍ବାଣୈର୍ବଧ୍ଯମାନାସ୍ତୁ ସୋମକାଃ।
ଅବାଲୀଯନ୍ତ ରାଜେନ୍ଦ୍ର ବେଦନାର୍ତା ଭୂଶାର୍ଦିତାଃ॥ 8-15-26 (55598)
ନକୁଲସ୍ଯ ତଥା ବାଣୈର୍ହନ୍ଯମାନା ଚମୂସ୍ତବ।
ବ୍ଯଶୀର୍ଯତ ଦିଶୋ ରାଜନ୍ବାତନୁନ୍ନା ଇବାମ୍ବୁଦାଃ॥ 8-15-27 (55599)
ତେ ସେନେ ହନ୍ଯମାନେ ତୁ ତାଭ୍ଯାଂ ଦିବ୍ଯୈର୍ମହାଶରୈଃ।
ଶରପାତମପାକ୍ରମ୍ଯ ତସ୍ଥତୁଃ ପ୍ରେକ୍ଷିକେ ତଦା॥ 8-15-28 (55600)
ପ୍ରୋତ୍ସାରିତଜନେ ତସ୍ମିନ୍କର୍ଣପାଣ୍ଡବଯୋଃ ଶରୈଃ।
ଅବିଧ୍ଯେତାଂ ମହାତ୍ମାନାବନ୍ଯୋନ୍ଯଂ ଶରବୃଷ୍ଟିଭିଃ॥ 8-15-29 (55601)
ବିଦର୍ଶଯନ୍ତୌ ଦିବ୍ଯାନି ଶସ୍ତ୍ରାଣି ରଣମୂର୍ଧନି।
ଛାଦଯନ୍ତୌ ଚ ସହସା ପରସ୍ପରବଧୈଷିଣୌ॥ 8-15-30 (55602)
ନକୁଲେନ ଶରା ମୁକ୍ତା କଙ୍କବର୍ହିଣବାସସଃ।
ସୂତପୁତ୍ରମବଚ୍ଛାଦ୍ଯ ବ୍ଯତିଷ୍ଠନ୍ତ ଯଥାଽମ୍ବରେ॥ 8-15-31 (55603)
ତଥୈବ ସୂତପୁତ୍ରେଣ ପ୍ରେଷିତାଃ ପରମାହବେ।
ପାଣ୍ଡୁପୁତ୍ରମବଚ୍ଛାଦ୍ଯ ବ୍ଯତିଷ୍ଠନ୍ତାମ୍ବରେ ଶରାଃ॥ 8-15-32 (55604)
ଶରବେଶ୍ମପ୍ରବିଷ୍ଟୌ ତୌ ଦଦୃଶାତେ ନ କୈଶ୍ଚନ।
ସୂର୍ଯାଚନ୍ଦ୍ରମସୌ ରାଜଞ୍ଛାଦ୍ଯମାନୌ ଘନୈରିବ॥ 8-15-33 (55605)
ତତଃ କ୍ରୁଦ୍ଧୋ ରଣେ କର୍ଣଃ କୃତ୍ବା ଘୋରତରଂ ବପୁଃ।
ପାଣ୍ଡବଂ ଛାଦଯାମାସ ସମନ୍ତାଚ୍ଛରବୃଷ୍ଟିଭିଃ॥ 8-15-34 (55606)
ସୋଽତିଚ୍ଛନ୍ନୋ ମହାରାଜ ସୂତପୁତ୍ରେଣ ପାଣ୍ଡବଃ।
ନ ଚକାର ବ୍ଯଥାଂ ରାଜନ୍ଭାସ୍କରୋ ଜଲଦୈର୍ଯଥା॥ 8-15-35 (55607)
ତତଃ ପ୍ରହସ୍ଯାଧିରଥିଃ ଶରଜାଲାନି ମାରିଷ।
ପ୍ରେଷଯାମାସ ସମରେ ଶତଶୋଽଥ ସହସ୍ରଶଃ॥ 8-15-36 (55608)
ଏକଚ୍ଛାଯମଭୂତ୍ସର୍ବଂ ତସ୍ଯ ବାଣୈର୍ମହାତ୍ମନଃ॥
ଅଭ୍ରଚ୍ଛାଯେବ ସଞ୍ଜଜ୍ଞେ ସମ୍ପତଦ୍ଭିଃ ଶରୋତ୍ତମୈଃ॥ 8-15-37 (55609)
ତତଃ କର୍ଣୋ ମହାରାଜ ଧନୁଶ୍ଛିତ୍ତ୍ବା ମହାତ୍ମନଃ।
ସାରଥିଂ ପାତଯାମାସ ରଥନୀଡାଦ୍ବସନ୍ନିବ॥ 8-15-38 (55610)
ତତୋଽଶ୍ବାଂଶ୍ଛତୁରଶ୍ଚାସ୍ଯ ଚତୁର୍ଭିର୍ନିଶିତୈଃ ଶରୈଃ।
ଯମସ୍ଯ ଭବନଂ ତୂର୍ଣଂ ପ୍ରେଷଯାମାସ ଭାରତ॥ 8-15-39 (55611)
ଅଥାସ୍ଯ ତଂ ରଥଂ ଦିବ୍ଯଂ ତିଲଶୋ ବ୍ଯଧମଚ୍ଛରୈଃ।
ପତାକାଂ ଚକ୍ରରକ୍ଷାଂଶ୍ଚ ଗଦାଂ ଖଙ୍ଗଂ ଚ ମାରିଷ॥ 8-15-40 (55612)
ଶତଚନ୍ଦ୍ରଂ ଚ ତଚ୍ଚର୍ମ ସର୍ବାପକରଣାନି ଚ।
`ସୁବର୍ଣବିକୃତଂ ତଚ୍ଚ ଧନୁଃ ଶରମାହବେ'॥ 8-15-41 (55613)
ହତାଶ୍ବୋ ବିରଥଶ୍ଚୈବ ବିବର୍ମା ଚ ବିଶାମ୍ପତେ।
ଅବତୀର୍ଯ ରଥାତ୍ତୂର୍ଣଂ ପରିଘଂ ଗୃହ୍ଯ ଧିଷ୍ଠିତଃ॥ 8-15-42 (55614)
ତମୁଦ୍ଯତଂ ମହାରଘୋରଂ ପରିଘଂ ତସ୍ଯ ସୂତଜଃ।
ବ୍ଯହନତ୍ସାଯକୈ ରାଜନ୍ସୁତୀକ୍ଷ୍ଣୈର୍ଭାରସାଧନୈଃ॥ 8-15-43 (55615)
ବ୍ଯାଯୁଧଂ ଚୈନମାଲକ୍ଷ୍ଯ ଶରୈଃ ସନ୍ନତପର୍ବଭିଃ।
ଆର୍ପଯଦ୍ବହୁଭିଃ କର୍ଣୋ ନ ଚୈନଂ ସମପୀଡଯତ୍॥ 8-15-44 (55616)
ସ ହନ୍ଯମାନଃ ସମରେ କୃତାସ୍ତ୍ରେଣ ବଲୀଯସା।
ପ୍ରାଦ୍ରବତ୍ସହସା ରାଜନ୍ନକୁଲୋ ବ୍ଯାକୁଲେନ୍ଦ୍ରିଯଃ॥ 8-15-45 (55617)
ତମଭିଦ୍ରୁତ୍ଯ ରାଧେଯଃ ପ୍ରହସନ୍ବୈ ପୁନଃପୁନଃ।
ସଜ୍ଯମସ୍ଯ ଧନୁଃ କଣ୍ଠେ ବ୍ଯବାସୃଜତ ଭାରତ॥ 8-15-46 (55618)
ତତଃ ସ ଶୁଶୁଭେ ରାଜନ୍କଣ୍ଠାସକ୍ତମହାଧନୁଃ।
ପରିବେଷମନୁପ୍ରାପ୍ତୋ ଯଥା ସ୍ଯାଦ୍ବ୍ଯୋମ୍ନି ଚନ୍ଦ୍ରମାଃ॥ 8-15-47 (55619)
ଯଥୈବ ଚାସିତୋ ମେଘଃ ଶକ୍ରଚାପେନ ଶୋଭିତଃ।
`ଅଶୋଭତ ମହାରାଜ ପାଣ୍ଡୁପୁତ୍ରସ୍ତଥା ରଣେ'॥ 8-15-48 (55620)
ତମବ୍ରବୀତ୍ତତଃ କର୍ଣୋ ବ୍ଯର୍ଥଂ ବ୍ଯାହୃତବାନସି।
ବଦେଦାନୀଂ ପୁନର୍ହୃଷ୍ଟୋ ବଧ୍ଯମାନଃ ପୁନଃପୁନଃ॥ 8-15-49 (55621)
ମା ଯୋତ୍ସୀଃ କୁରୁଭିଃ ସାର୍ଧଂ ବଲବଦ୍ଭିଶ୍ଚ ପାଣ୍ଡବ।
ସଦୃଶୈସ୍ତାତ ଯୁଧ୍ଯସ୍ବ ବ୍ରୀଡାଂ ମା କୁରୁ ପାଣ୍ଡବ॥ 8-15-50 (55622)
ଗୃହଂ ବା ଗଚ୍ଛ ମାଦ୍ରେଯ ଯତ୍ର ବା କୃଷ୍ଣଫଲ୍ଗୁନୌ।
ଏବମୁକ୍ତ୍ବା ମହାରାଜ ବିସସର୍ଜ ସ ତଂ ତଦା॥ 8-15-51 (55623)
ବଧପ୍ରାପ୍ତଂ ତୁ ତଂ ଶୂରୋ ନାହନଦ୍ବର୍ମବିତ୍ତଦା।
ସ୍ମୃତ୍ବା କୁନ୍ତ୍ଯା ବଚୋ ରାଜଂସ୍ତତ ଏନଂ ବ୍ଯସର୍ଜଯତ୍॥ 8-15-52 (55624)
ବିସୃଷ୍ଟଃ ପାଣ୍ଡବୋ ରାଜନ୍ସୂତପୁତ୍ରେଣ ଧନ୍ବିନା।
ବ୍ରୀଡନ୍ନିବ ଜଗାମାଥ ଯୁଧିଷ୍ଠିରରଥଂ ପ୍ରତି॥ 8-15-53 (55625)
ଆରୁରୋହ ରଥଂ ଚାପି ସୂତପୁତ୍ରପ୍ରତାପିତଃ।
ନିଃଶ୍ବସନ୍ଦୁଃଖସନ୍ତପ୍ତଃ କୁମ୍ଭକ୍ଷିପ୍ତ ଇବୋରଗଃ॥ 8-15-54 (55626)
ତଂ ବିଜିତ୍ଯାଥ କର୍ଣୋଽପି ପାଞ୍ଚାଲାଂସ୍ତ୍ବରିତୋ ଯଯୌ।
ରଥେନାତିପତାକେନ ଚନ୍ଦ୍ରବର୍ଣହଯେନ ଚ॥ 8-15-55 (55627)
ତତ୍ରାକ୍ରନ୍ଦୋ ମହାନାସୀତ୍ପାଣ୍ଡବାନାଂ ବିଶାମ୍ପତେ।
ଦୃଷ୍ଟ୍ବା ସେନାପତିଂ ଯାନ୍ତଂ ପାଞ୍ଚାଲାନାଂ ରଥବ୍ରଜାନ୍॥ 8-15-56 (55628)
ତତ୍ରାକରୋନ୍ମହାରାଜ କଦନଂ ସୂତନନ୍ଦନଃ।
ମଧ୍ଯଂ ପ୍ରାପ୍ତେ ଦିନକରେ ଚକ୍ରବଦ୍ବିଚରନ୍ପ୍ରଭୁଃ॥ 8-15-57 (55629)
ଭଗ୍ନଚକ୍ରୈ ରଥୈଃ କୈଶ୍ଚିଚ୍ଛିନ୍ନଧ୍ଯବଜପତାକିଭିଃ।
ହତାଶ୍ବୈର୍ହତସୂତୈଶ୍ଚ ଭଗ୍ନାକ୍ଷୈଶ୍ଚୈବ ମାରିଷ।
ହିଯମାଣାନପଶ୍ଯାମ ପାଞ୍ଚାଲାନାଂ ରଥବ୍ରଜାନ୍॥ 8-15-58 (55630)
ତତ୍ରତତ୍ର ଚ ସମ୍ଭ୍ରାନ୍ତା ବିଚେରୁରଥ କୁଞ୍ଜରାଃ।
ଦାବାଗ୍ନ୍ଯଭିପରୀତାଙ୍ଗା ଯଥୈବ ସ୍ଯୁର୍ମହାବନେ॥ 8-15-59 (55631)
ଭିନ୍ନକୁମ୍ଭାଃ ସରୁଧିରାଶ୍ଛିନ୍ନହସ୍ତାଶ୍ଚ ବାରଣାଃ।
ଛିନ୍ନଗାତ୍ରାବରାଶ୍ଚୈବ ଚ୍ଛିନ୍ନବାଲଧଯୋଽପରେ।
ଛିନ୍ନାଭ୍ରାଣୀବ ସମ୍ପେତୁର୍ହନ୍ଯମାନା ମହାତ୍ମନା॥ 8-15-60 (55632)
ଅପରେ ତ୍ରାସିତା ନାଗା ନାରାଚଶରତୋମରୈଃ।
ତମେବାଭିମୁଖଂ ଜଗ୍ମୁଃ ଶଲଭା ଇବ ପାବକମ୍॥ 8-15-61 (55633)
ଅପରେ ନିଷ୍ଟନନ୍ତଶ୍ଚ ବ୍ଯଦୃଶ୍ଯନ୍ତ ମହାଦ୍ବିପାଃ।
କ୍ଷରନ୍ତଃ ଶୋଣିତଂ ଗାତ୍ରୈର୍ନଗା ଇବ ଜଲସ୍ରବାଃ॥ 8-15-62 (55634)
ଉରଶ୍ଛଦୈର୍ବିଯୁକ୍ତାଂଶ୍ଚ ବାଲବନ୍ଧୈଶ୍ଚ ବାଜିନଃ।
ରାଜତୈଶ୍ଚ ତଥା କାଂସ୍ଯୈଃ ସୌବର୍ଣୈଶ୍ଚୈବ ଭୂଷଣୈଃ॥ 8-15-63 (55635)
ହୀନାଂଶ୍ଚାଭରଣୈଶ୍ଚୈବ ଖଲୀନୈଶ୍ଚ ବିବର୍ଜିତାନ୍।
ଚାମରୈଶ୍ଚ କୁଥାଭିଶ୍ଚ ତୂଣୀରୈଃ ପତିତୈରପି॥ 8-15-64 (55636)
ନିହତୈଃ ସାଦିଭିଶ୍ଚୈବ ଶୂରୈରାହବଶୋଭିତୈଃ।
ଅପଶ୍ଯାମ ରଣେ ତତ୍ର ଭ୍ରାମ୍ଯମାଣାନ୍ହଯୋତ୍ତମାନ୍॥ 8-15-65 (55637)
ପ୍ରାସୈଃ ଖଙ୍ଗୈଶ୍ଚ ରହିତାନୃଷ୍ଟିଭିଶ୍ଚାପି ଭାରତ।
ହଯସାଦୀନପଶ୍ଯାମ କଞ୍ଚୁକୋଷ୍ଣୀଷଧାରିଣଃ॥ 8-15-66 (55638)
ନିହତାନ୍ବଧ୍ଯମାନାଂଶ୍ଚ ବେପମାନାଂଶ୍ଚ ଭାରତ।
ନାଗାଙ୍ଗାବଯବୈର୍ହୀନାଂସ୍ତତ୍ରତତ୍ରୈବ ଭାରତ॥ 8-15-67 (55639)
ରଥାନ୍ହେମପରିଷ୍କାରାନ୍ସଂଯୁକ୍ତାଞ୍ଜବନୈର୍ହଯୈଃ।
ଭ୍ରାମ୍ଯମାଣାନପଶ୍ଯାମ ହତେଷୁ ରଥିଷୁ ଦ୍ରୁତମ୍॥ 8-15-68 (55640)
ଭଗ୍ନାକ୍ଷକୂବରାନ୍କାଂଶ୍ଚିଦ୍ଭଗ୍ନଚକ୍ରାଂଶ୍ଚ ଭାରତ।
ବିପତାକଧ୍ବଜାଂଶ୍ଚାନ୍ଯାଞ୍ଛିନ୍ନେଷାଦଣ୍ଡବନ୍ଧୁରାନ୍॥ 8-15-69 (55641)
ବିହୀନାନ୍ରଥିନସ୍ତତ୍ର ଧାବମାନାଂସ୍ତତସ୍ତତଃ।
ସୂତପୁତ୍ରଶରୈସ୍ତୀକ୍ଷ୍ଣୈର୍ହନ୍ଯମାନାନ୍ବିଶାମ୍ପତେ॥ 8-15-70 (55642)
ବିଶସ୍ତ୍ରାଂଶ୍ଚ ତଥୈବାନ୍ଯାନ୍ସଶସ୍ତ୍ରାଂଶ୍ଚ ହତାନ୍ବହୂନ୍।
ତାରକାଜାଲସଞ୍ଛନ୍ନାନ୍ବରଘଣ୍ଟାବିଶୋଭିତାନ୍॥ 8-15-71 (55643)
ନାନାବର୍ଣବିଚିତ୍ରାଭିଃ ପତାକାଭିରଲଙ୍କୃତାନ୍।
ବାରମଆନନୁପଶ୍ଯାମ ଧାବମାନାନ୍ସମନ୍ତତଃ॥ 8-15-72 (55644)
ଶିରାଂସି ବାହୂନୂରୂଂଶ୍ଚ ଚ୍ଛିନ୍ନାନନ୍ଯାଂସ୍ତଥୈବ ଚ।
କର୍ଣଚାପଚ୍ଯୁତୈର୍ବାଣୈରପଶ୍ଯାମ ସମନ୍ତତଃ॥ 8-15-73 (55645)
ମହାନ୍ବ୍ଯତିକରୋ ରୌଦ୍ରୋ ଯୋଧାନାମନ୍ବପଦ୍ଯତ।
କର୍ଣସାଯକନୁନ୍ନାନାଂ ଯୁଧ୍ଯତାଂ ଚ ଶିତୈଃ ଶରୈଃ॥ 8-15-74 (55646)
ତେ ବଧ୍ଯମାନାଃ ସମରେ ସୂତପୁତ୍ରେଣ ସୃଞ୍ଜଯାଃ।
ତମେବାଭିମୁଖଂ ଯାନ୍ତି ପତଙ୍ଗା ଇବ ପାବକମ୍॥ 8-15-75 (55647)
ତଂ ଦହନ୍ତମନୀକାନି ତତ୍ରତତ୍ର ମହାରଥମ୍।
କ୍ଷତ୍ରିଯା ବର୍ଜଯାମାସୁର୍ଯୁଗାନ୍ତାଗ୍ନିମିବୋଲ୍ବଣମ୍॥ 8-15-76 (55648)
ହତଶେଷାସ୍ତୁ ଯେ ବୀରାଃ ପାଞ୍ଚାଲାନାଂ ମହାରଥାଃ।
ତାନ୍ପ୍ରଭଗ୍ରାନ୍ଦୁତାନ୍ବୀରଃ ପୃଷ୍ଠୋ ବିକିର଼ଞ୍ଛରୈଃ।
ଅଭ୍ଯଧାବତ ତେଜସ୍ବୀ ବିଶୀର୍ଣବଚନଧ୍ବଜାନ୍॥ 8-15-77 (55649)
ତାପଯାମାସ ତାନ୍ବାଣୈଃ ସୂତପୁତ୍ରୋ ମହାବଲଃ।
ମଧ୍ଯନ୍ଦିନମନୁପ୍ରାପ୍ତୋ ଭୂତାନୀବ ତମୋନୁଦଃ॥ ॥ 8-15-78 (55650)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଷୋଡଶଦିବସଯୁଦ୍ଧେ ପଞ୍ଚଦଶୋଽଧ୍ଯାଯଃ॥ 15 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.16. ଅଧ୍ଯାଯଃ 016
Mahabharata - Karna Parva - Chapter Topics
ଯୁଯୁତ୍ସୂଲୂକଯୋର୍ଯୁଦ୍ଧମ୍॥ 1 ॥ ଶକୁନିସୁତସୋମଯୋର୍ଯୁଦ୍ଧମ୍॥ 2 ॥
Mahabharata - Karna Parva - Chapter Text
8-16-0 (55651)
ସଞ୍ଜଯ ଉବାଚ। 8-16-0x (4864)
ଯୁଯୁତ୍ସଂ ତବ ପୁତ୍ରସ୍ଯ ଦ୍ରାବଯନ୍ତଂ ବଲଂ ମହତ୍।
ଉଲୂକୋ ନ୍ଯପତତ୍ତୂର୍ଣଂ ତିଷ୍ଠତିଷ୍ଠେତି ଚାବ୍ରବୀତ୍॥ 8-16-1 (55652)
ଯୁଯୁତ୍ସୁଶ୍ଚ ତତୋ ରାଜଞ୍ଶିତଧାରେଣ ପତ୍ରିଣା।
ଉଲୂକଂ ତାଡଯାମାସ ବଜ୍ରେଣେବ ମହାବଲମ୍॥ 8-16-2 (55653)
ଉଲୂକସ୍ତୁ ତତଃ କ୍ରୁଦ୍ଧସ୍ତବ ପୁତ୍ରସ୍ଯ ସଂଯୁଗେ।
କ୍ଷୁରପ୍ରେଣ ଧନୁଶ୍ଛିତ୍ତ୍ବା ତାଡଯାମାସ କର୍ଣିନା॥ 8-16-3 (55654)
ତଦପାସ୍ଯ ଧନୁଶ୍ଛିନ୍ନଂ ଯୁଯୁତ୍ସର୍ବେଗବତ୍ତରମ୍।
ଅନ୍ଯଦାଦତ୍ତ ସୁମହଚ୍ଚାପଂ ସଂରକ୍ତଲୋଚନଃ॥ 8-16-4 (55655)
ଶାକୁନିଂ ତୁ ତତଃ ଷଷ୍ଟ୍ଯା ବିବ୍ଯାଧ ଭରତର୍ଷଭ।
ସାରଥିଂ ତ୍ରିଭିରାନର୍ଚ୍ଛତ୍ତଂ ଚ ଭୂଯୋ ବ୍ଯବିଧ୍ଯତ॥ 8-16-5 (55656)
ଉଲୂକସ୍ତଂ ତୁ ବିଂଶତ୍ଯା ବିଦ୍ବ୍ବା ସ୍ବର୍ଣବିଭୂଷିତୈଃ।
ଅଥାସ୍ଯ ସମରେ କ୍ରୁଦ୍ଧୋ ଧ୍ବଜଂ ଚିଚ୍ଛେଦ କାଞ୍ଚନମ୍॥ 8-16-6 (55657)
ସ ଚ୍ଛିନ୍ନଯଷ୍ଟିଃ ସୁମହାଞ୍ଶୀର୍ଯମାଣୋ ମହାଧ୍ବଜଃ।
ପପାତ ପ୍ରମୁଖେ ରାଜନ୍ଯୁଯୁତ୍ସୋଃ କାଞ୍ଚନଧ୍ବଜଃ॥ 8-16-7 (55658)
ଧ୍ବଜମୁନ୍ମଥିତଂ ଦୃଷ୍ଟ୍ବା ଯୁଯୁତ୍ସୁଃ କ୍ରୋଧମୂର୍ଚ୍ଛିତଃ।
ଉଲୂକଂ ପଞ୍ଚଭିର୍ବାଣୈରାଜଘାନ ସ୍ତନାନ୍ତରେ॥ 8-16-8 (55659)
ଉଲୂକସ୍ତସ୍ଯ ସମରେ ତୈଲଧୌତେନ ମାରିଷ।
ଶିରଶ୍ଚିଚ୍ଛେଦ ଭଲ୍ଲେନ ଯନ୍ତୁର୍ଭରତସତ୍ତମ॥ 8-16-9 (55660)
ତଚ୍ଛିନ୍ନମପତଦ୍ଭୂମୌ ଯୁଯୁତ୍ସୋଃ ସାରଥେସ୍ତଦା।
ତାରାରୂପଂ ଯଥା ଚିତ୍ରଂ ନିପପାତ ମହୀତଲେ॥ 8-16-10 (55661)
ଜଘାନ ଚତୁରୋଽଶ୍ବାଂଶ୍ଚ ତଂ ଚ ବିବ୍ଯାଧ ପଞ୍ଚଭିଃ।
ସୋଽତିବିଦ୍ବୋ ବଲବତା ପ୍ରତ୍ଯପାଯାଦ୍ରଥାନ୍ତରମ୍॥ 8-16-11 (55662)
ତଂ ନିର୍ଜିତ୍ଯ ରଣେ ରାଜନ୍ନୁଲୂକସ୍ତ୍ବରିତୋ ଯଯୌ।
ପାଞ୍ଚାଲାନ୍ସୃଞ୍ଜଯାଂଶ୍ଚୈବ ବିନିଘ୍ନନ୍ନିଶିତୈଃ ଶରୈଃ॥ 8-16-12 (55663)
ଶତାନୀକଂ ମହାରାଜ ଶ୍ରୁତକର୍ମା ସୁତସ୍ତବ।
ବ୍ଯଶ୍ବସୂତରଥଂ ଚକ୍ରେ ନିମେଷାର୍ଧାଦସମ୍ଭ୍ରମଃ॥ 8-16-13 (55664)
ହତାଶ୍ବେ ତୁ ରଥେ ତିଷ୍ଠଞ୍ଶତାନୀକୋ ମହାରଥଃ।
ଗଦାଂ ଚିକ୍ଷେପ ସଙ୍କ୍ରୁଦ୍ଧସ୍ତବ ପୁତ୍ରସ୍ଯ ମାରିଷ॥ 8-16-14 (55665)
ସା କୃତ୍ବା ସ୍ଯନ୍ଦନଂ ଭସ୍ମ ହଯାଂଶ୍ଚୈବ ସସାରଥୀନ୍।
ପପାତ ଧରଣୀଂ ତୂର୍ଣଂ ଦାରଯନ୍ତୀବ ଭାରତ॥ 8-16-15 (55666)
ତାବୁଭୌ ବିରଥୌ ବୀରୌ କୁରୂଣାଂ କୀର୍ତିବର୍ଧନୌ।
ବ୍ଯପାକ୍ରମେତାଂ ଯୁଦ୍ବାତ୍ତୁ ପ୍ରେକ୍ଷମାଣୌ ପରସ୍ପରମ୍॥ 8-16-16 (55667)
ପୁତ୍ରସ୍ତୁ ତବ ସମ୍ଭ୍ରାନ୍ତୋ ବିବିଂଶୋ ରଥମାରୁହତ୍।
ଶତାନୀକୋଽପି ତ୍ବରିତଃ ପ୍ରତିବିନ୍ଧ୍ଯରଥଂ ଗତଃ॥ 8-16-17 (55668)
ସୁତମୋମଂ ତୁ ଶକୁନିର୍ବିଦ୍ବ୍ବା ତୁ ନିଶିତୈଃ ଶରୈଃ।
ନାକମ୍ପଯତ ସଙ୍କ୍ରୁଦ୍ବୋ ବାର୍ଯୋଘ ଇବ ପର୍ବତମ୍॥ 8-16-18 (55669)
ସୁତସୋମସ୍ତୁ ତଂ ଦୃଷ୍ଟ୍ବା ପିତୁରତ୍ଯନ୍ତବୈରିଣମ୍।
ଶରୈରନେକସାହସ୍ରୈଶ୍ଛାଦଯାମାସ ଭାରତ॥ 8-16-19 (55670)
ତାଞ୍ଶରାଞ୍ଶକୁନିସ୍ତୂର୍ଣଂ ଚିଚ୍ଛେଦାନ୍ଯୈଃ ପତତ୍ରିଭିଃ।
ଲଘ୍ବସ୍ତ୍ରଶ୍ଚିତ୍ରଯୋଧୀ ଚ ଜିତକାଶୀ ଚ ସଂଯୁଗେ॥ 8-16-20 (55671)
ନିବାର୍ଯ ସମରେ ଚାପି ଶରାଂସ୍ତାନ୍ନିଶିତୈଃ ଶରୈଃ।
ଆଜଘାନ ସୁସଙ୍କ୍ରୁଦ୍ଧଃ ସୁତସୋମଂ ତ୍ରିଭିଃ ଶରୈଃ॥ 8-16-21 (55672)
`ନାକମ୍ପଯତ ସଙ୍କ୍ରୁଦ୍ଧୋ ବାର୍ଯୋଘ ଇବ ପର୍ବତମ୍'।
ତସ୍ଯାଶ୍ବାନ୍କେତନଂ ସୂତଂ ତିଲଶୋ ବ୍ଯଧମଚ୍ଛରୈଃ।
ଶ୍ଯାଲସ୍ତବ ମହାରାଜ ତତ ଉଚ୍ଚୁକ୍ରୁଶୁର୍ଜନାଃ॥ 8-16-22 (55673)
ହତାଶ୍ବୋ ବିରଥଶ୍ଚୈବ ଛିନ୍ନକେତୁଶ୍ଚ ମାରିଷ।
ଧନ୍ବୀ ଧନୁର୍ବରଂ ଗୃହ୍ଯ ରଥାଦ୍ଭୂମାବତିଷ୍ଠତ॥ 8-16-23 (55674)
ବ୍ଯସୃଜତ୍ସାଯକାଂଶ୍ଚୈବ ସ୍ବର୍ଣପୁଙ୍ଖାଞ୍ଶିଲାଶିତାନ୍।
ଛାଦଯାମାସୁରଥ ତେ ତବ ଶ୍ଯାଲସ୍ଯ ତଂ ରଥମ୍।
ଶଳଭାନାମିବ ବ୍ରାତାଃ ଶରବ୍ରାତା ମହାରଥମ୍॥ 8-16-24 (55675)
ସଞ୍ଛାଦ୍ଯମାନୋଽପି ଦୃଢଂ ବିବ୍ଯଥେ ନୈବ ସୌବଲଃ।
ପ୍ରମମାଥ ଶରାଂସ୍ତସ୍ଯ ଶରବ୍ରାତୈର୍ମହାଯଶାଃ॥ 8-16-25 (55676)
ତତ୍ରାତୁଷ୍ଯନ୍ତ ଯୋଧାଶ୍ଚ ସିଦ୍ବାଶ୍ଚାପି ଦିବି ସ୍ଥିତାଃ।
ସୁତସୋମସ୍ଯ ତତ୍କର୍ମ ଦୃଷ୍ଟ୍ବାଽଶ୍ରଦ୍ବେଯମଦ୍ଭୁତମ୍।
ରଥସ୍ଥଂ ଶକୁନିଂ ଯତ୍ତୁ ପଦାତିଃ ସମଯୋଧଯତ୍॥ 8-16-26 (55677)
ତସ୍ଯ ତୀକ୍ଷ୍ଣୈର୍ମହାବେଗୈର୍ଭଲ୍ଲୈଃ ସନ୍ନତପର୍ବଭିଃ।
ବ୍ଯହନତ୍କାରାମୁକଂ ରାଜଂସ୍ତୂଣୀରାଂଶ୍ଚୈବ ସର୍ବଶଃ॥ 8-16-27 (55678)
ସ ଚ୍ଛିନ୍ନଧନ୍ବା ବିରଥଃ ଖଙ୍ଗମୁଦ୍ଯମ୍ଯ ଚାନଦତ୍।
ବୈଦୂର୍ଯୋତ୍ପଲବର୍ଣାଭଂ ଦନ୍ତିଦନ୍ତମଯତ୍ସରୁମ୍॥ 8-16-28 (55679)
ଭ୍ରାମ୍ଯମାଣଂ ତତସ୍ତଂ ତୁ ବିମଲାମ୍ବରବର୍ଚସମ୍।
କାଲଦଣ୍ଡୋପମଂ ମେନେ ସୁତସୋମସ୍ଯ ଧୀମତଃ॥ 8-16-29 (55680)
ସୋଽଚରତ୍ସହସା ଖଙ୍ଗୀ ମଣ୍ଡଲାନି ସହସ୍ରଶଃ।
ଚତୁର୍ଦଶ ମହାରାଜ ଶିକ୍ଷାବଲସମନ୍ବିତଃ॥ 8-16-30 (55681)
ଭ୍ରାନ୍ତମୁଦ୍ଧାନ୍ତମାବିଦ୍ଧମାପ୍ଲୁତଂ ବିପ୍ଲୁତଂ ସୃତମ୍।
ସମ୍ପାତସମୁଦୀର୍ଣେ ଚ ଦର୍ଶଯାମାସ ସଂଯୁଗେ॥ 8-16-31 (55682)
ସୌବଲସ୍ତୁ ତତସ୍ତସ୍ଯ ଶରାଂଶ୍ଚିକ୍ଷେପ ବୀର୍ଯବାନ୍।
ତାନାପତତ ଏବାଶୁ ଚିଚ୍ଛେଦ ପରମାସିନା॥ 8-16-32 (55683)
ତତଃ କ୍ରୁଦ୍ଧୋ ମହାରାଜ ସୌବଲଃ ପରବୀରହା।
ପ୍ରାହିଣୋତ୍ସୁତସୋମାଯ ଶରାନାଶୀବିଷୋପମାନ୍॥ 8-16-33 (55684)
ଚିଚ୍ଛେଦ ତାଂସ୍ତୁ ଖଙ୍ଗେନ ଶିକ୍ଷଯା ଚ ବଲେନ ଚ।
ଦର୍ଶଯଁଲ୍ଲାଘବଂ ଯୁଦ୍ଧେ ତାର୍କ୍ଷ୍ଯତୁଲ୍ଯପରାକ୍ରମଃ॥ 8-16-34 (55685)
ତସ୍ଯ ସଞ୍ଚରତୋ ରାଜନ୍ମଣ୍ଡଲାବର୍ତନେ ତଦା।
କ୍ଷୁରପ୍ରେଣ ସୁତୀକ୍ଷ୍ଣେନ ଖଙ୍ଗଂ ଚିଚ୍ଛେଦ ସୁପ୍ରଭମ୍॥ 8-16-35 (55686)
ସ ଚ୍ଛିନ୍ନଃ ସହସା ଭୂମୌ ନିପପାତ ମହାନସିଃ।
ଅଧର୍ମସ୍ଯ ସ୍ଥିତଂ ହସ୍ତେ ସୁତ୍ସରୋସ୍ତତ୍ର ଭାରତ॥ 8-16-36 (55687)
ଛିନ୍ନମାଜ୍ଞାଯ ନିସ୍ତ୍ରିଂଶମବପ୍ଲୁତ୍ଯ ପଦାନି ଷଟ୍।
ପ୍ରାବିଧ୍ଯତ ତତଃ ଶେଷଂ ସୁତସୋମୋ ମହାରଥଃ॥ 8-16-37 (55688)
ତଚ୍ଛିତ୍ତ୍ବା ସଗୁଣଂ ଚାପଂ ରଣେ ତସ୍ଯ ମହାତ୍ମନଃ।
ପପାତ ଧରଣୀଂ ତୂର୍ଣଂ ସ୍ବର୍ଣବଜ୍ରବିଭୂଷିତମ୍॥ 8-16-38 (55689)
ସୁତସୋମସ୍ତତୋଽଗଚ୍ଛଚ୍ଛ୍ରୁତକୀର୍ତେର୍ମହାରଥମ୍।
ସୌବଲୋଽପି ଧନୁର୍ଗୃହ୍ଯ ଘୋରମନ୍ଯତ୍ସୁଦୁର୍ଜଯମ୍॥ 8-16-39 (55690)
ଅଭ୍ଯଯାତ୍ପାଣ୍ଡବାନୀକଂ ନିଘ୍ନଞ୍ଶତ୍ରୁଗଣାନ୍ବହୂନ୍।
ତତ୍ର ନାଦୋ ମହାନାସୀତ୍ପାଣ୍ଡବାନାଂ ବିଶାମ୍ପତେ॥ 8-16-40 (55691)
ସୌବଲଂ ସମରେ ଦୃଷ୍ଟ୍ବା ବିଚରନ୍ତମଭୀତବତ୍।
ତାନ୍ଯନୀକାନି ଦୃପ୍ତାନି ଶସ୍ତ୍ରବନ୍ତି ମହାନ୍ତି ଚ।
ଦ୍ରାବ୍ଯମାଣାନ୍ଯଦୃଶ୍ଯନ୍ତ ସୌବଲେନ ମହାତ୍ମନା॥ 8-16-41 (55692)
ଯଥା ଦୈତ୍ଯଚମୂଂ ରାଜନ୍ଦେବରାଜୋ ମମର୍ଦ ହ।
ତଥୈବ ପାଣ଼୍ବୀଂ ସେନାଂ ସୌବଲେଯୋ ବ୍ଯନାଶଯତ୍॥ ॥ 8-16-42 (55693)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଷୋଡଶଦିବସଯୁଦ୍ଧେ ଷୋଡଶୋଽଧ୍ଯାଯଃ॥ 16 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.17. ଅଧ୍ଯାଯଃ 017
Mahabharata - Karna Parva - Chapter Topics
କୃପକୃତବର୍ମକ୍ଷ୍ଯାଂ ଧୃଷ୍ଟଦ୍ଯୁମ୍ନଶିଖଣ୍ଡିନୋଃ ପରାଜଯଃ॥ 1 ॥
Mahabharata - Karna Parva - Chapter Text
8-17-0 (55694)
ସଞ୍ଜଯ ଉବାଚ। 8-17-0x (4865)
ଧୃଷ୍ଟଦ୍ଯୁମ୍ନଂ କୃପୋ ରାଜନ୍ବାରଯାମାସ ସଂଯୁଗେ।
ଯଥା ଦୃଷ୍ଟ୍ବା ବନେ ସିଂହଂ ଶରଭୋ ବାରଯେଦ୍ଯୁଧି॥ 8-17-1 (55695)
ନିରୁଦ୍ବଃ ପାର୍ଷତସ୍ତେନ ଗୌତମେନ ବଲୀଯସା।
ପଦାତ୍ପଦଂ ବିଚଲିତୁଂ ନାଶକତ୍ତତ୍ର ଭାରତ॥ 8-17-2 (55696)
ଗୌତମସ୍ଯ ରଥଂ ଦୃଷ୍ଟ୍ବା ଧୃଷ୍ଟଦ୍ଯୁମ୍ନରଥଂ ପ୍ରତି।
ବିତ୍ରେସୁଃ ସର୍ବଭୂତାନି କ୍ଷଯଂ ପ୍ରାପ୍ତଂ ଚ ମେନିରେ॥ 8-17-3 (55697)
ତଦା ଜଲ୍ପନ୍ତି ପାଣ୍ଡୂନାଂ ରଥିନଃ ସାଦିନସ୍ତଥା।
ଦ୍ରୋଣସ୍ଯ ନିଧନାନ୍ନୂନଂ ସଙ୍କ୍ରୁଦ୍ବୋ ଦ୍ବିପଦାଂ ବରଃ॥ 8-17-4 (55698)
ଶାରଦ୍ବତୋ ମହାତେଜା ଦିବ୍ଯାସ୍ତ୍ରବିଦୁଦାରଧୀଃ।
ଅପି ସ୍ବସ୍ତି ଭବେଦଦ୍ଯ ଧୃଷ୍ଟଦ୍ଯୁମ୍ନସ୍ଯ ଗୌତମାତ୍॥ 8-17-5 (55699)
ଅପୀଯଂ ବାହିନୀ କୃତ୍ସ୍ନା ମୁଚ୍ଯେତ ମହତୋ ଭଯାତ୍।
ଅପ୍ଯଯଂ ବ୍ରାହ୍ମଣଃ ସର୍ବାନ୍ନ ନୋ ହନ୍ଯାତ୍ସମାଗତାନ୍॥ 8-17-6 (55700)
ଯାଦୃଶଂ ଦୃଶ୍ଯତେ ରୂପମନ୍ତକପ୍ରତିମଂ ରଣେ।
ଗମିଷ୍ଯତ୍ଯଦ୍ଯ ପଦବୀଂ ଭାରଦ୍ବାଜସ୍ଯ ଗୌତମଃ॥ 8-17-7 (55701)
ଆଚାର୍ଯଃ କ୍ଷିପ୍ରହସ୍ତଶ୍ଚ ବିଜଯୀ ଚ ସଦା ଯୁଧି।
ଅସ୍ତ୍ରବାନ୍ବୀର୍ଯସମ୍ପନ୍ନଃ କ୍ରୋଧେନ ଚ ସମନ୍ବିତଃ॥ 8-17-8 (55702)
ପାର୍ଷତଶ୍ଚ ମହାଯୁଦ୍ବେ ବିମୁଖୋଽଦ୍ଯାଭିଲକ୍ଷ୍ଯତେ।
ଇତ୍ଯେବଂ ବିବିଧା ବାଚସ୍ତାବକାନାଂ ପରୈଃ ସହ।
ବ୍ଯଶ୍ରୂଯନ୍ତ ମହାରାଜ ତଯୋସ୍ତତ୍ର ସମାଗମେ॥ 8-17-9 (55703)
ବିନିଃଶ୍ବସ୍ଯ ତତଃ କ୍ରୋଧାତ୍କୃପଃ ଶାରଦ୍ବତୋ ନୃପ।
ପାର୍ଷତଂ ଚାର୍ଦଯାମାସ ନିଶ୍ଚେଷ୍ଟଂ ସର୍ବମର୍ମସୁ॥ 8-17-10 (55704)
ସ ହନ୍ଯମାନଃ ସମରେ ଗୌତମେନ ମହାତ୍ମନା।
କର୍ତବ୍ଯଂ ନ ସ୍ମ ଜାନାତି ମୋହେନ ମହତା ବୃତଃ॥ 8-17-11 (55705)
ତମବ୍ରବୀତ୍ତତୋ ଯନ୍ତା କଞ୍ଚିତ୍କ୍ଷେମଂ ତୁ ପାର୍ଷତ।
ଈଦୃଶଂ ବ୍ଯସନଂ ଯୁଦ୍ଧେ ନ ତେ ଦୃଷ୍ଟଂ ମଯା କ୍ବଚିତ୍॥ 8-17-12 (55706)
ଦୈବଯୋଗାତ୍ତୁ ତେ ବାଣା ନାପତନ୍ମର୍ମଭେଦିନଃ।
ପ୍ରେଷିତା ଦ୍ବିଜମୁଖ୍ଯେନ ମର୍ମାଣ୍ଯୁଦ୍ଦିଶ୍ଯ ସର୍ବତଃ॥ 8-17-13 (55707)
ବ୍ଯାବର୍ତଯେ ରଥଂ ତୂର୍ଣଂ ନଦୀବେଗମିବାର୍ଣବାତ୍।
ଅବଧ୍ଯଂ ବ୍ରାହ୍ମଣଂ ମନ୍ଯେ ଯେନ ତେ ବିକ୍ରମୋ ହତଃ॥ 8-17-14 (55708)
ଧୃଷ୍ଟଦ୍ଯୁମ୍ନସ୍ତତୋ ରାଜଞ୍ଶନକୈରବ୍ରବୀଦ୍ବଚଃ।
ମୁହ୍ଯତେ ମେ ମନସ୍ତାତ ଗାତ୍ରସ୍ବେଦଶ୍ଚ ଜାଯତେ॥ 8-17-15 (55709)
ବେପଥୁଶ୍ଚ ଶରୀରେ ମେ ରୋମହର୍ଷଶ୍ଚ ସାରଥେ।
ବର୍ଜଯନ୍ବ୍ରାହ୍ମଣଂ ଯୁଦ୍ଧେ ଶନୈର୍ଯାହି ଯତୋଽର୍ଜୁନଃ॥ 8-17-16 (55710)
ଅର୍ଜୁନଂ ଭୀମସେନଂ ବା ସମରେ ପ୍ରାପ୍ଯ ସାରଥେ।
କ୍ଷେମମଦ୍ଯ ଭବେନ୍ମହ୍ଯମିତି ମେ ନୈଷ୍ଠିକୀ ମତିଃ॥ 8-17-17 (55711)
ତତଃ ପ୍ରାଯାନ୍ମହାରାଜ ସାରଥିସ୍ତ୍ବରଯନ୍ହଯାନ୍।
ଯତୋ ଭୀମୋ ମହେଷ୍ବାସୋ ଯୁଯୁଧେ ତବ ସୈନିକୈଃ॥ 8-17-18 (55712)
ପ୍ରଦ୍ରୁତଂ ଚ ରଥଂ ଦୃଷ୍ଟ୍ବା ଧୃଷ୍ଟଦ୍ଯୁମ୍ନସ୍ଯ ମାରିଷ।
କିରଞ୍ଶରଶତାନ୍ଯେବ ଗୌତମୋଽନୁଯଯୌ ତଦା॥ 8-17-19 (55713)
ଶଙ୍ଖଂ ଚ ପୂରଯାମାସ ମୁହୁର୍ମୁହୁରରିନ୍ଦମଃ।
ପାର୍ଷତଂ ତ୍ରାସଯାମାସ ମହେନ୍ଦ୍ରୋ ନମୁଚିଂ ଯଥା॥ 8-17-20 (55714)
ଶିଖଣ୍ଡିନଂ ତୁ ସମରେ ଭୀଷ୍ମମୃତ୍ଯୁଂ ଦୁରାସଦମ୍।
ହାର୍ଦିକ୍ଯୋ ବାରଯାମାସ ସ୍ମଯନ୍ନିବ ମୁହୁର୍ମୁହୁଃ॥ 8-17-21 (55715)
ଶିଖଣ୍ଡୀ ତୁ ସମାସାଦ୍ଯ ହୃଦିକାନାଂ ମହାରଥମ୍।
ପଞ୍ଚଭିର୍ନିଶିତୈର୍ଭଲ୍ଲୈର୍ଜତ୍ରୁଦେଶେ ସମାହନତ୍॥ 8-17-22 (55716)
କୃତବର୍ମା ତୁ ସଙ୍କ୍ରଦ୍ଧୋ ଭିତ୍ତ୍ବା ଷଷ୍ଟ୍ଯା ପତତ୍ରିଭିଃ।
ଧନୁରେକେନ ଚିଚ୍ଛେଦ ହସନ୍ରାଜନ୍ମହାରଥଃ॥ 8-17-23 (55717)
ଅଥାନ୍ଯଦ୍ବନୁରାଦାଯ ଦ୍ରୁପଦସ୍ଯାତ୍ମଜୋ ବଲୀ।
ତିଷ୍ଠତିଷ୍ଠେତି ସଙ୍କ୍ରୁଦ୍ଧୋ ହାର୍ଦିକ୍ଯଂ ପ୍ରତ୍ଯଭାଷତ॥ 8-17-24 (55718)
ତତୋଽସ୍ଯ ନବତିଂ ବାଣାନ୍ରୁକ୍ମପୁଙ୍ଖାନ୍ସୁତେଜନାନ୍।
ପ୍ରେଷଯାମାସ ରାଜେନ୍ଦ୍ର ତେଽସ୍ଯାଭ୍ରଶ୍ଯନ୍ତ ବର୍ମଣଃ॥ 8-17-25 (55719)
ବିତଥାଂସ୍ତାନ୍ସମାଲକ୍ଷ୍ଯ ପତିତାଂଶ୍ଚ ମହୀତଲେ।
କ୍ଷୁରପ୍ରେଣ ସୁତୀକ୍ଷ୍ଣେନ କାର୍ମୁକଂ ଚିଚ୍ଛିଦେ ଭୃଶମ୍॥ 8-17-26 (55720)
ଅଥୈନଂ ଛିନ୍ନଧନ୍ବାନଂ ଭଗ୍ନଶୃଙ୍ଗମିବର୍ଷଭମ୍।
ଅଶୀତ୍ଯା ମାର୍ଗଣୈଃ କ୍ରୁଦ୍ଧୋ ବାହ୍ବୋରୁରସି ଚାର୍ପଯତ୍॥ 8-17-27 (55721)
କୃତବର୍ମା ତୁ ସଙ୍କ୍ରୁଦ୍ଧୋ ମାର୍ଗଣୈଃ କ୍ଷତବିକ୍ଷତଃ।
ବବାମ ରୁଧିରଂ ଗାତ୍ରୈଃ କୁମ୍ଭବକ୍ରାଦିବୋଦକମ୍॥ 8-17-28 (55722)
ରୁଧିରେଣ ପରିକ୍ଲିନ୍ନଃ କୃତବର୍ମା ତ୍ବରାଜତ।
ବର୍ଷେଣ କ୍ଲେଦିତୋ ରାଜନ୍ଯଥା ଗୈରିକପର୍ବତଃ॥ 8-17-29 (55723)
ଅଥାନ୍ଯଦ୍ବନୁରାଦାଯ ସମାର୍ଗଣଗୁଣଂ ପ୍ରଭୁଃ।
ଶିଖଣ୍ଡିନଂ ବାଣଗଣୈଃ ସ୍କନ୍ଧଦେଶେ ବ୍ଯତାଡଯତ୍॥ 8-17-30 (55724)
ସ୍କନ୍ଧଦେଶସ୍ଥିତୈର୍ବାଣୈଃ ଶିଖଣ୍ଡୀ ତୁ ବ୍ଯରାଜତ।
ଶାଖାପ୍ରଶାଖାବିପୁଲଃ ସୁମହାନ୍ପାଦପୋ ଯଥା॥ 8-17-31 (55725)
ତାବନ୍ଯୋନ୍ଯଂ ଭୃଶଂ ବିଦ୍ବ୍ବା ରୁଧିରେଣ ସମୁକ୍ଷିତୌ।
`ପୋପ୍ଲୁଯମାନୌ ହି ଯଥା ମହାନ୍ତୌ ଶୋଣିତହଦେ।
ତଦ୍ବଦ୍ବିରେଜତୁର୍ବୀରୌ ଶୋଣିତେନ ପରିପ୍ଲୁତୌ॥ 8-17-32 (55726)
ଯଥା ଚ କିଂଶୁକୌ ଫୁଲ୍ଲୌ ପୁଷ୍ପମାସେ ସମାଗତେ।
ରୁଧିରୋକ୍ଷିତସର୍ବାଙ୍ଗୌ ରକ୍ତଚନ୍ଦନରୂଷିତୌ।
ଭୁଜଗାବିବ ସଙ୍କ୍ରୁଦ୍ଧୌ ରେଜତୁସ୍ତୌ ନରୋତ୍ତମୌ॥ 8-17-33 (55727)
ତାବୁଭୌ ଶରବନୁନ୍ନାଙ୍ଗୌ ପରସ୍ପରଶରକ୍ଷତୌ'।
ଅନ୍ଯୋନ୍ଯଶୃଙ୍ଗାଭିହତୌ ରେଜତୁର୍ବୃଷଭାବିବ॥ 8-17-34 (55728)
ଅନ୍ଯୋନ୍ଯସ୍ଯ ବଧେ ଯତ୍ନଂ କୁର୍ବାଣୌ ତୌ ମହାରଥୌ।
ରଥାଭ୍ଯାଂ ଚେରତୁସ୍ତତ୍ର ମଣ୍ଡଲାନି ସହସ୍ରଶଃ॥ 8-17-35 (55729)
କୃତବର୍ମା ମହାରାଜ ପାର୍ଷତଂ ନିଶିତୈଃ ଶରୈଃ।
ରଣେ ବିବ୍ଯାଧ ସପ୍ତତ୍ଯା ସ୍ବର୍ଣପୁଙ୍ଗୈଃ ଶିଲାଶିତୈଃ॥ 8-17-36 (55730)
ତତୋଽସ୍ଯ ସମରେ ବାଣଂ ଭୋଜଃ ପ୍ରହରତାଂ ବରଃ।
ଜୀବିତାନ୍ତକରଂ ଘୋରଂ ବ୍ଯସୃଜତ୍ତ୍ବରଯାଽନ୍ବିତଃ॥ 8-17-37 (55731)
ସ ତେନାଭିହତୋ ରାଜନ୍ମୂର୍ଚ୍ଛାମାଶୁ ସମାବିଶତ୍।
ଧ୍ବଜଯଷ୍ଟିଂ ଚ ସହସା ଶିଶ୍ରିଯେ କଶ୍ମଲାବୃତଃ॥ 8-17-38 (55732)
ଅପୋବାହ ରଣାତ୍ତୂର୍ଣଂ ସାରଥୀ ରଥିନାଂ ବରମ୍।
ହାର୍ଦିକ୍ଯଶରସନ୍ତପ୍ତଂ ନିଃଶ୍ବସନ୍ତଂ ପୁନଃପୁନଃ॥ 8-17-39 (55733)
ପରାଜିତେ ତତଃ ଶୂରେ ଦ୍ରୁପଦସ୍ଯାତ୍ମଜେ ପ୍ରଭୋ।
ବ୍ଯଦ୍ରବତ୍ପାଣ୍ଡବୀ ସେନା ବ୍ଯଧମାନା ସମନ୍ତତଃ॥ ॥ 8-17-40 (55734)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଷୋଡଶଦିବସଯୁଦ୍ଧେ ସପ୍ତଦଶୋଽଧ୍ଯାଯଃ॥ 17 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.18. ଅଧ୍ଯାଯଃ 018
Mahabharata - Karna Parva - Chapter Topics
ଅର୍ଜୁନେନ ସଂଶପ୍ତକପରାଜଯଃ॥ 1 ॥
Mahabharata - Karna Parva - Chapter Text
8-18-0 (55735)
ସଞ୍ଜଯ ଉବାଚ। 8-18-0x (4866)
ଶ୍ବେତାଶ୍ବୋଽପି ମହାରାଜ ବ୍ଯଧମତ୍ତାବକଂ ବଲମ୍।
ଯଥା ବାଯୁଃ ସମାସାଦ୍ଯ ତୂଲରାଶିଂ ସମନ୍ତତଃ॥ 8-18-1 (55736)
ପ୍ରତ୍ଯୁଦ୍ଯଯୁସ୍ତ୍ରିଗର୍ତାସ୍ତଂ ଶିବଯଃ କୌରବୈଃ ସହ।
ବସାତଯୋଽଥ ସାଲ୍ବାଶ୍ଚ ଗୋପାଲାଶ୍ଚ ଯଶସ୍ବିନଃ॥ 8-18-2 (55737)
ସତ୍ଯଦେବଃ ସତ୍ଯକୀର୍ତିର୍ମିତ୍ରଦେବଃ ଶ୍ରୁତଞ୍ଜଯଃ।
ସୌଶ୍ରୁତିଶ୍ଚନ୍ଦ୍ରଦେବଶ୍ଚ ମିତ୍ରବର୍ମା ଚ ଭାରତ॥ 8-18-3 (55738)
ତ୍ରିଗର୍ତରାଜଃ ସମରେ ଭ୍ରାତୃଭିଃ ପରିବାରିତଃ।
ପୁତ୍ରୈଶ୍ଚୈବ ମହେଷ୍ବାସୈର୍ନାନାଶସ୍ତ୍ରବିଶାରଦୈଃ॥ 8-18-4 (55739)
ବ୍ଯସୃଜନ୍ତ ଶସ୍ତ୍ରାତାନ୍କିରନ୍ତୋଽର୍ଜୁନମାହବେ।
ଅଭ୍ଯବର୍ତନ୍ତ ସହସା ବାର୍ଯୋଘା ଇବ ସାଗରମ୍॥ 8-18-5 (55740)
ତେ ତ୍ବର୍ଜୁନଂ ସମାସାଦ୍ଯ ଯୋଧାଃ ଶତସହସ୍ରଶଃ।
ଅଗଚ୍ଛନ୍ବିଲଯଂ ସର୍ବେ ତାର୍କ୍ଷ୍ଯଂ ଦୃଷ୍ଟ୍ବେବ ପନ୍ନଗାଃ॥ 8-18-6 (55741)
ତେ ହନ୍ଯମାନାଃ ସମରେ ନ ଜହୁଃ ପାଣ୍ଡବଂ ରଣେ।
ହନ୍ଯମାନା ମହାରାଜ ଶଲଭା ଇବ ପାବକମ୍॥ 8-18-7 (55742)
ସତ୍ଯଦେବସ୍ତ୍ରିଭିର୍ବାଣୈର୍ବିବ୍ଯାଧ ଯୁଧି ପାଣ୍ଡବମ୍।
ମିତ୍ରଦେବସ୍ତ୍ରିଷଷ୍ଟ୍ଯା ତୁ ଚନ୍ଦ୍ରଦେବସ୍ତୁ ସପ୍ତଭିଃ॥ 8-18-8 (55743)
ମିତ୍ରବର୍ମା ତ୍ରିସପ୍ତତ୍ଯା ସୌଶ୍ରୁତିଶ୍ଚାପି ସପ୍ତଭିଃ।
ଶ୍ରୁତଂଜଯସ୍ତୁ ବିଂଶତ୍ଯା ସୁଶର୍ମା ନବଭିଃ ଶରୈଃ॥ 8-18-9 (55744)
ସ ବିଦ୍ବୋ ବହୁଭିଃ ସଙ୍ଖ୍ଯେ ପ୍ରତିବିବ୍ଯାଧ ତାନ୍ନୃପାନ୍।
ସୌଶ୍ରୁତିଂ ସପ୍ତଭିର୍ବିଦ୍ବ୍ବା ଚନ୍ଦ୍ରଦେବଂ ତ୍ରିଭିଃ ଶରୈଃ॥ 8-18-10 (55745)
ଶ୍ରୁତଂଜଯଂ ଚ ବିଂଶତ୍ଯା ଚନ୍ଦ୍ରଦେବଂ ତଥାଽଷ୍ଟଭିଃ।
ମିତ୍ରଦେବଂ ଶତେନୈବ ସତ୍ଯଦେବଂ ତ୍ରିଭିଃ ଶରୈଃ॥ 8-18-11 (55746)
ନବଭିର୍ମିତ୍ରବର୍ମାଣଂ ସୁଶର୍ମାଣଂ ତଥାଽଷ୍ଟଭିଃ।
ଶ୍ରୁତଞ୍ଜଯଂ ଚ ରାଜାନଂ ହତ୍ବା ତତ୍ର ଶିଲାଶିତୈଃ॥ 8-18-12 (55747)
ସୌଶ୍ରୁତେଃ ସଶିରସ୍ତ୍ରାଣଂ ଶିରଃ କାଯାଦପାହରତ୍।
ତ୍ବରିତଶ୍ଚନ୍ଦ୍ରଦେବଂ ଚ ଶରୈର୍ନିନ୍ଯେ ଯମକ୍ଷଯମ୍॥ 8-18-13 (55748)
ତଥେତରାନ୍ମହାରାଜ ଯତମାନାନ୍ମହାରଥାନ୍।
ପଞ୍ଚଭିଃ ପଞ୍ଚଭିର୍ବାଣୈରେକୈକଂ ପ୍ରତ୍ଯବାରଯତ୍॥ 8-18-14 (55749)
ସତ୍ଯଦେବସ୍ତୁ ସଙ୍କ୍ରୁଦ୍ବସ୍ତୋମରଂ ବ୍ଯସୃଜନ୍ମହତ୍।
ସମୁଦ୍ଦିଶ୍ଯ ରଣେ କୃଷ୍ଣଂ ସିଂହନାଦଂ ନନାଦ ଚ॥ 8-18-15 (55750)
ସ ନିର୍ଭିଦ୍ଯ ଭୁଜଂ ସବ୍ଯଂ ମାଧବସ୍ଯ ମହାତ୍ମନଃ।
ଅଯସ୍ମଯଃ ସ୍ବର୍ଣଦଣ୍ଡୋ ଜଗାମ ଧରଣୀଂ ତଦା॥ 8-18-16 (55751)
ମାଧବସ୍ଯ ତୁ ବିଦ୍ଧସ୍ଯ ତୋମରେଣ ମହାରଣେ।
ପ୍ରତୋଦଃ ପ୍ରାପତଦ୍ବସ୍ତାଦ୍ରଶ୍ମଯଶ୍ଚ ବିଶାମ୍ପତେ॥ 8-18-17 (55752)
ବାସୁଦେବଂ ବିଭିନ୍ନାଙ୍ଗଂ ଦୃଷ୍ଟ୍ବା ପାର୍ଥୋ ଧନଞ୍ଜଯଃ।
କ୍ରୋଧମାହାରଯତ୍ତୀବ୍ରଂ କୃଷ୍ଣଂ ଚେଦମୁବାଚ ହ॥ 8-18-18 (55753)
ପ୍ରାପଯାଶ୍ବାନ୍ମହାବାହୋ ସତ୍ଯଦେବଂ ପ୍ରତି ପ୍ରଭୋ।
ଯାବଦେନଂ ଶରୈସ୍ତୀକ୍ଷ୍ଣୈର୍ନଯାମି ଯମସାଦନମ୍॥ 8-18-19 (55754)
ପ୍ରତୋଦଂ ଗୃହ୍ଯ ସୋଽନ୍ଯତ୍ତୁ ରଶ୍ମୀନ୍ସଙ୍ଗୃହ୍ଯ ଚ ଦ୍ରୁତମ୍।
ବାହଯାମାସ ତାନଶ୍ବାନ୍ସତ୍ଯଦେବରଥଂ ପ୍ରତି॥ 8-18-20 (55755)
ବିଷ୍ବକ୍ସେନଂ ସୁନିର୍ବିଦ୍ବଂ ଦୃଷ୍ଟ୍ବା ପାର୍ଥୋ ଧନଞ୍ଜଯଃ।
ସତ୍ଯଦେବଂ ଶରୈସ୍ତୀକ୍ଷ୍ଣୈର୍ବାରଯିତ୍ବା ମହାରଥଃ॥ 8-18-21 (55756)
ତତଃ ସୁନିଶିତୈର୍ଭଲ୍ଲୈ ରାଜ୍ଞସ୍ତସ୍ଯ ମହଚ୍ଛିରଃ।
କୁମ୍ଡଲୋପଚିତଂ କାଯାଚ୍ଚକର୍ତ ପୃତନାନ୍ତରେ॥ 8-18-22 (55757)
ତନ୍ନିକୃତ୍ଯ ଶିତୈର୍ବାଣୈର୍ଭିତ୍ରବର୍ମାଣମାକ୍ଷିପତ୍।
ବତ୍ସଦନ୍ତେନ ତୀକ୍ଷ୍ଣେନ ସାରଥିଂ ଚାସ୍ଯ ମାରିଷ॥ 8-18-23 (55758)
ତତଃ ଶରଶତୈର୍ଭୂଯଃ ସଂଶପ୍ତକଗଣାନ୍ବଲୀ।
ପାତଯାମାସ ସଙ୍କ୍ରୁଦ୍ବଃ ଶତଶୋଽଥ ସହସ୍ରଶଃ॥ 8-18-24 (55759)
ତତୋ ରଜତପୁଙ୍ଖେନ ରାଜଞ୍ଶୀର୍ଷଂ ମହାତ୍ମନଃ।
ମିତ୍ରଦେବସ୍ଯ ଚିଚ୍ଛେଦ କ୍ଷୁରପ୍ରେଣ ମହାରଥଃ।
ସୁଶର୍ମାଣଂ ସୁସଙ୍କ୍ରୁଦ୍ଧୋ ଜତ୍ରୁଦେଶେ ସମାହନତ୍॥ 8-18-25 (55760)
ତତଃ ସଂଶପ୍ତକାଃ ସର୍ବେ ପରିବାର୍ଯ ଧନଞ୍ଜଯମ୍।
ଶସ୍ତ୍ରୌଘୈର୍ମମୃଦୁଃ କ୍ରୁଦ୍ବା ନାଦଯନ୍ତୋ ଦିଶୋ ଦଶ॥ 8-18-26 (55761)
ଅଭ୍ଯର୍ଦିତସ୍ତୁ ତଜ୍ଜିଷ୍ଣୁଃ ଶକ୍ରତୁଲ୍ଯପରାକ୍ରମଃ।
ଐନ୍ଦ୍ରମସ୍ତ୍ରମମେଯାତ୍ମା ପ୍ରାଦୁଶ୍ଚକ୍ରେ ମହାରଥଃ॥ 8-18-27 (55762)
ତତଃ ଶରସହସ୍ରାଣି ପ୍ରାଦୁରାସନ୍ବିଶାମ୍ପତେ।
`କାର୍ମୁକାତ୍ପାଣ୍ଡୁପୁତ୍ରସ୍ଯ ପାର୍ଥସ୍ଯାମିତତେଜସଃ'॥ 8-18-28 (55763)
ତତସ୍ତୁ ଚ୍ଛିଦ୍ଯମାନାନାଂ ଧ୍ବଜାନାଂ ଧନୁଷାଂ ତଥା।
ରଥାନାଂ ସପତାକାନାଂ ତୂଣୀରାଣାଂ ଯୁଗୈଃ ସହ॥ 8-18-29 (55764)
ଅକ୍ଷାଣାମଥ ଚକ୍ରାଣାଂ ଯୋକ୍ତ୍ରାଣାଂ ରଶ୍ମିଭିଃ ସହ।
କୂବରାଣାଂ ବରୂଥାନାଂ ପୃଷତ୍କାନାଂ ଚ ସଂଯୁଗେ॥ 8-18-30 (55765)
ଅଶ୍ବାନାଂ ପତତାଂ ଚାପି ପ୍ରାସାନାମୃଷ୍ଟିଭିଃ ସହ।
ଗଦାନାଂ ପରିଘାନାଂ ଚ ଶକ୍ତିତୋମରପଟ୍ଟସୈଃ॥ 8-18-31 (55766)
ଶତଘ୍ନୀନାଂ ସଚକ୍ରାଣାଂ ଭୁଜାନାଂ ଚୋରୁଭିଃ ସହ।
କଣ୍ଠସୂତ୍ରାଙ୍ଗଦାନାଂ ଚ କେଯୂରାଣାଂ ଚ ମାରିଷ॥ 8-18-32 (55767)
ହାରାଣାମଥ ନିଷ୍କାଣାଂ ତନୁତ୍ରାଣାଂ ଚ ଭାରତ।
ଛତ୍ରାଣାଂ ବ୍ଯଜନାନାଂ ଚ ଶିରସାଂ କୁମୁଟୈଃ ସହ।
ରାଶଯଶ୍ଚାତ୍ର ଦୃଶ୍ଯନ୍ତେ ପତିତାନାଂ ମହୀତଲେ॥ 8-18-33 (55768)
ସକୁଣ୍ଡଲାନି ସ୍ବକ୍ଷୀମି ପୂର୍ଣଚନ୍ଦ୍ରନିଭାନି ଚ।
ଶିରାଂସ୍ଯୁର୍ବ୍ଯାମଦୃଶ୍ଯନ୍ତ ତାରାଜାଲମିବାମ୍ବରେ॥ 8-18-34 (55769)
ସୁସ୍ରଗ୍ବୀଣି ସୁବାସାଂସି ଚନ୍ଦନେନୋକ୍ଷିତାନି ଚ।
ଶରୀରାଣି ବ୍ଯଦୃଶ୍ଯନ୍ତ ନିହତାନାଂ ମହୀତଲେ॥ 8-18-35 (55770)
ରୁଦ୍ରସ୍ଯାକ୍ରୀଡସଦୃଶଂ ଘୋରମାଯୋଧନଂ ତଦା॥ 8-18-36 (55771)
ନିହତୈ ରାଜପୁତ୍ରୈଶ୍ଚ କ୍ଷତ୍ରିଯୈଶ୍ଚ ମହାବଲୈଃ।
`ଅର୍ଜୁନେନ ମହାରାଜ ତତ୍ରତତ୍ର ମହାରଣେ'॥ 8-18-37 (55772)
ହସ୍ତିଭିଃ ପତିତୈଶ୍ଚୈବ ତୁରଙ୍ଗୈଶ୍ଚାଭବନ୍ମହୀ।
ଅଗମ୍ଯରୂପା ସମରେ ବିଶୀର୍ଣୈରିବ ପର୍ବତୈଃ॥ 8-18-38 (55773)
ନାସୀଦ୍ରଥପଥସ୍ତସ୍ଯ ପାଣ୍ଡବସ୍ଯ ମହାତ୍ମନଃ।
ନିଘ୍ନତଃ ଶାତ୍ରବାନ୍ଭଲ୍ଲୈର୍ହସ୍ତ୍ଯଶ୍ବଂ ଚାସ୍ଯତୋ ମହତ୍॥ 8-18-39 (55774)
ସ୍ବାନୁଗା ଇବ ସୀଦନ୍ତି ରଥଚକ୍ରାଣି ମାରିଷ।
ଚରତସ୍ତସ୍ଯ ସଙ୍ଗ୍ରାମେ ତସ୍ମିଂଲ୍ଲୋହିତକର୍ଦମେ॥ 8-18-40 (55775)
ସୀଦମାନାନି ଚକ୍ରାଣି ସମୁହୂସ୍ତୁରଗା ଭୃଶମ୍।
ଶ୍ରମେଣ ମହତା ଯୁକ୍ତା ମନୋମାରୁତରଂହସଃ॥ 8-18-41 (55776)
ବଧ୍ଯମାନଂ ତୁ ତତ୍ସୈନ୍ଯଂ ପାଣ୍ଡୁପୁତ୍ରେଣ ଧନ୍ବିନା।
ପ୍ରାଯଶୋ ବିମୁଖଂ ସର୍ବଂ ନାବତିଷ୍ଠତ ଭାରତ॥ 8-18-42 (55777)
ତାଞ୍ଜିତ୍ବା ସମରେ ଜିଷ୍ଣୁଃ ସଂଶପ୍ତକଗଣାନ୍ବହୂନ୍।
ବିରରାଜ ତଦା ପାର୍ଥୋ ବିଧୂମୋଽଗ୍ନିରିବ ଜ୍ବଲନ୍॥ ॥ 8-18-43 (55778)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଷୋଡଶଦିବସଯୁଦ୍ଧେ ଅଷ୍ଟାଦଶୋଽଧ୍ଯାଯଃ॥ 18 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.19. ଅଧ୍ଯାଯଃ 019
Mahabharata - Karna Parva - Chapter Topics
ସଙ୍କୁଲଯୁଦ୍ଧମ୍॥ 1 ॥
Mahabharata - Karna Parva - Chapter Text
8-19-0 (55779)
ସଞ୍ଜଯ ଉବାଚ। 8-19-0x (4867)
ଯୁଧିଷ୍ଠିରଂ ମହାରାଜ ବିସୃଜନ୍ତଂ ଶରାନ୍ବହୂନ୍।
ସ୍ବଯଂ ଦୁର୍ଯୋଧନୋ ରାଜା ପ୍ରତ୍ଯଗୃହ୍ଣାଦଭୀତବତ୍॥ 8-19-1 (55780)
ତମାପତନ୍ତଂ ସହସା ତବ ପୁତ୍ରଂ ମହାରଥମ୍।
ଧର୍ମରାଜୋ ଦ୍ରୁତଂ ବିଦ୍ଧ୍ବା ତିଷ୍ଠତିଷ୍ଠେତି ଚାବ୍ରବୀତ୍॥ 8-19-2 (55781)
ସ ତୁ ତଂ ପ୍ରତିବିବ୍ଯାଧ ନବଭିର୍ନିଶିତୈଃ ଶରୈଃ।
ସାରଥିଂ ଚାସ୍ଯ ଭଲ୍ଲେନ ଭୃଶଂ କ୍ରୁଦ୍ଧୋଽଭ୍ଯତାଡଯତ୍॥ 8-19-3 (55782)
ତତୋ ଯୁଧିଷ୍ଠିରୋ ରାଜନ୍ସ୍ବର୍ଣପୁଙ୍ଖାଞ୍ଶିଲୀମୁଖାନ୍।
ଦୁର୍ଯୋଧନାଯ ଚିକ୍ଷେପ ତ୍ରଯୋଦଶ ଶିଲାଶିତାନ୍॥ 8-19-4 (55783)
ଚତୁର୍ଭିଶ୍ଚତୁରୋ ବାହାଂସ୍ତସ୍ଯ ହତ୍ବା ମହାରଥଃ।
ପଞ୍ଚମେନ ଶିରଃ କାଯାତ୍ସାରଥେଶ୍ଚ ସମାକ୍ଷିପତ୍॥ 8-19-5 (55784)
ଷଷ୍ଠେନ ତୁ ଧ୍ବଜଂ ରାଜ୍ଞଃ ସପ୍ତମେନ ତୁ କାର୍ମୁକମ୍।
ଅଷ୍ଟମେନ ତଥା ଖଙ୍ଗଂ ପାତଯାମାସ ଭୂତଲେ।
ପଞ୍ଚଭିର୍ନୃପତିଂ ଚାପି ଧର୍ମରାଜୋଽର୍ଦଯଦ୍ଭୃଶମ୍॥ 8-19-6 (55785)
ହତାଶ୍ବାତ୍ତୁ ରଥାତ୍ତସ୍ମାଦବପ୍ଲୁତ୍ଯ ସୁତସ୍ତବ।
ଉତ୍ତମଂ ବ୍ଯସନଂ ପ୍ରାପ୍ତୋ ଭୂମାବେବାବତିଷ୍ଠତ॥ 8-19-7 (55786)
ତଂ ତୁ କୃଚ୍ଛ୍ରଗତଂ ଦୃଷ୍ଟ୍ବା କର୍ଣଦ୍ରୌଣିକୃପାଦଯଃ।
ଅଭ୍ଯବର୍ତନ୍ତ ସହସା ପରୀପ୍ସନ୍ତୋ ନରାଧିପମ୍॥ 8-19-8 (55787)
ଅଥ ପାଣ୍ଡୁସୁତାଃ ସର୍ବେ ପରିବାର୍ଯ ଯୁଧିଷ୍ଠିରମ୍।
ଅନ୍ବଯୁଃ ସମରେ ରାଜଂସ୍ତତୋ ଯୁଦ୍ଧମବର୍ତତ॥ 8-19-9 (55788)
ତତସ୍ତୂର୍ଯସହସ୍ରାଣି ପ୍ରାବାଦ୍ଯନ୍ତ ମହାମୃଧେ॥ 8-19-10 (55789)
କ୍ଷ୍ବେଲାଃ କିଲକିଲାଶବ୍ଦାଃ ପ୍ରାଦୁରାସନ୍ମହୀପତେ।
ଯତ୍ରାଭ୍ଯଗଚ୍ଛନ୍ସମରେ ପାଞ୍ଚାଲାଃ କୌରବୈଃ ସହ॥ 8-19-11 (55790)
ନରା ନରୈଃ ସମାଜଗ୍ମୁର୍ବାରଣା ବରବାରଣୈଃ।
ରଥାଶ୍ଚ ରଥିଭିଃ ସାର୍ଧଂ ହଯାଶ୍ଚ ହଯସାଦିଭିଃ॥ 8-19-12 (55791)
ଦ୍ବନ୍ଦ୍ବାନ୍ଯାସନ୍ମହାରାଜ ପ୍ରେକ୍ଷଣୀଯାନି ସଂଯୁଗେ।
ବିବିଧାନ୍ଯପ୍ଯଚିନ୍ତ୍ଯାନି ଶସ୍ତ୍ରବନ୍ତ୍ଯୁତ୍ତମାନି ଚ॥ 8-19-13 (55792)
ତେ ଶୂରାଃ ସମରେ ସର୍ବେ ଚିତ୍ରଂ ଲଘୁ ଚ ସୁଷ୍ଠୁ ଚ।
ଅଯୁଧ୍ଯନ୍ତ ମହାବେଗାଃ ପରସ୍ପରବଧୈଷିଣଃ॥ 8-19-14 (55793)
ଅନ୍ଯୋନ୍ଯଂ ସମରେ ଜଘ୍ନୁର୍ଯୋଧବ୍ରତମନୁଷ୍ଠିତାଃ।
ନ ହି ତେ ସମରଂ ଚକ୍ରୁଃ ପୃଷ୍ଠତୋ ବୈ କଥଞ୍ଚନ॥ 8-19-15 (55794)
ମୁହୂର୍ତମେବ ତଦ୍ଯୁଦ୍ବମାସୀନ୍ମଧୁରଦର୍ଶନମ୍।
ତତ ଉନ୍ମତ୍ତବଦ୍ରାଜନ୍ନିର୍ମର୍ଯାଦମବର୍ତତ॥ 8-19-16 (55795)
ରଥୀ ନାଗଂ ସମାସାଦ୍ଯ ଦାରଯନ୍ନିଶିତୈଃ ଶରୈଃ।
ପ୍ରେଷଯାମାସ କାଲାଯ ଶରୈଃ ସନ୍ନତପର୍ବଭିଃ॥ 8-19-17 (55796)
ନାଗା ହଯାନ୍ସମାସାଦ୍ଯ ବିକ୍ଷିପନ୍ତୋ ବହୂନ୍ରଣେ।
ଦାରଯାମାସୁରତ୍ଯୁଗ୍ରଂ ତତ୍ରତତ୍ର ତଦାତଦା॥ 8-19-18 (55797)
ହଯାରୋହାଶ୍ଚ ବହବଃ ପରିବାର୍ଯ ହଯୋତ୍ତମାନ୍।
ତଲଶବ୍ଦରବାଂଶ୍ଚକ୍ରୁଃ ସମ୍ପତନ୍ତସ୍ତତସ୍ତତଃ॥ 8-19-19 (55798)
ଧାବମାନାଂସ୍ତତସ୍ତାଂସ୍ତୁ ଦ୍ରବମାଣାନ୍ମହାଗଜାନ୍।
ପାର୍ଶ୍ବତଃ ପୃଷ୍ଠତଶ୍ଚୈବ ନିଜଘ୍ନୁର୍ହଯସାଦିନଃ॥ 8-19-20 (55799)
ବିଦ୍ରାବ୍ଯ ଚ ବହୂନଶ୍ବାନ୍ନାଗା ରାଜନ୍ମଦୋତ୍କଟାଃ।
ବିଷାଣୈଶ୍ଚାପରେ ଜଘ୍ନୁର୍ମମୃଦୁଶ୍ଚାପରେ ଭୃଶମ୍॥ 8-19-21 (55800)
ସାଶ୍ବାରୋହାଂଶ୍ଚ ତୁରଗାନ୍ବିଷାମୈର୍ବିବ୍ଯଧୂ ରୁଷା।
ଅପରେ ଚିକ୍ଷିପୁର୍ବେଗାତ୍ପ୍ରଗୃହ୍ଯାତିବଲାସ୍ତଦା॥ 8-19-22 (55801)
ପାଦାତୈରାହତା ନାଗା ବିବରେଷୁ ସମନ୍ତତଃ।
ଚକ୍ରୁରାର୍ତସ୍ବରଂ ଘୋରଂ ଦୁଦ୍ରୁବୁଶ୍ଚ ଦିଶୋ ଦଶ॥ 8-19-23 (55802)
ପଦାତୀନାଂ ତୁ ସହସା ପ୍ରଦ୍ରୁତାନାଂ ମହାହବେ।
ଉତ୍ସୃଜ୍ଯାଭରଣଂ ତୂର୍ଣମବବବ୍ରୂ ରଣାଜିରେ॥ 8-19-24 (55803)
ନିମିତ୍ତଂ ମନ୍ଯମାନାସ୍ତୁ ପରିଣାମ୍ଯ ମହାଗଜାଃ।
ଜଗୃହୁର୍ବିଭିଦୁଶ୍ଚୈବ ଚିତ୍ରାଣ୍ଯାଭରଣାନି ଚ॥ 8-19-25 (55804)
ତାଂସ୍ତୁ ତତ୍ର ପ୍ରସକ୍ତାନ୍ବୈ ପରିନ୍ବାର୍ଯ ପଦାତଯଃ।
ହସ୍ତ୍ଯାରୋହାନ୍ନିଜଘ୍ନୁସ୍ତେ ମହାବେଗା ବଲୋତ୍କଟାଃ॥ 8-19-26 (55805)
ଅପରେ ହସ୍ତିଭିର୍ହସ୍ତୈଃ ଖଂ ବିକ୍ଷିପ୍ତା ମହାହବେ।
ନିପତନ୍ତୋ ବିଷାଣାଗ୍ରୈର୍ଭୃଶଂ ବିଦ୍ବାଃ ସୁଶିକ୍ଷିତୈଃ॥ 8-19-27 (55806)
ଅପରେ ସହସା ଗୃହ୍ଯ ବିଷାଣୈରେବ ସୂଦିତାଃ।
ସେନାନ୍ତରଂ ସମାସାଦ୍ଯ କେଚିତ୍ତତ୍ର ମହାଗଜୈଃ॥ 8-19-28 (55807)
କ୍ଷୁଣ୍ଣଗାତ୍ରା ମହାରାଜ ବିକ୍ଷିପ୍ଯ ଚ ପୁନଃପୁନଃ।
ଅପରେ ବ୍ଯଜନାନୀବ ବିଭ୍ରାମ୍ଯ ନିହତା ମୃଧେ॥ 8-19-29 (55808)
ପୁରଃସରାଶ୍ଚ ନାଗାନାମପରେଷାଂ ବିଶାମ୍ପତେ।
ଶରୀରାଣ୍ଯତିବିଦ୍ବାନି ତତ୍ରତତ୍ର ରଣାଜିରେ॥ 8-19-30 (55809)
ପ୍ରତିମାନେଷୁ କୁମ୍ଭେଷୁ ଦନ୍ତବେଷ୍ଟେଷୁ ଚାପରେ।
ନିଗୃହୀତା ଭୃଶଂ ନାଗାଃ ପ୍ରାସତୋମରଶକ୍ତିଭିଃ॥ 8-19-31 (55810)
ନିଗୃହ୍ଯ ଚ ଗଜାଃ କେଚିତ୍ ପାର୍ଶ୍ବସ୍ଥୈର୍ଭୃଶଦାରୁଣୈଃ।
ରଥାଶ୍ବସାଦିଭିସ୍ତତ୍ର ସମ୍ଭିନ୍ନା ନ୍ଯପତନ୍ଭୁବି॥ 8-19-32 (55811)
ସହଯାଃ ସାଦିନସ୍ତତ୍ର ତୋମରେଣ ମହାମୃଧେ।
ଭୂମାବମୃଦ୍ରନ୍ବେଗେନ ସଚର୍ମାଣଂ ପଦାତିନମ୍॥ 8-19-33 (55812)
ଚଛା ସାବରଣାନ୍କାଂଶ୍ଚିତ୍ତତ୍ରତତ୍ର ବିଶାମ୍ପତେ।
ରଥାନ୍ନାଗାଃ ସମାସାଦ୍ଯ ପରିଗୃହ୍ଯ ଚ ମାରିଷ।
ବ୍ଯାକ୍ଷିପନ୍ସହସା ତତ୍ର ଘୋରରୂପେ ଭଯାନକେ॥ 8-19-34 (55813)
ନାରାଚୈର୍ନିହତାଶ୍ଚାପି ଗଜାଃ ପେତୁର୍ମହାବଲାଃ।
ପର୍ବତସ୍ଯେବ ଶିଖରଂ ବଜ୍ରରୁଗ୍ଣଂ ମହୀତଲେ॥ 8-19-35 (55814)
ଯୋଧା ଯୋଧାନ୍ସମାସାଦ୍ଯ ମୁଷ୍ଟିଭିର୍ବ୍ଯହନନ୍ଯୁଧି।
କେଶେଷ୍ବନ୍ଯୋନ୍ଯମାକ୍ଷିପ୍ଯ ଚିକ୍ଷିପୁର୍ବିଭିଦୁଶ୍ଚ ହ॥ 8-19-36 (55815)
ଉଦ୍ଯମ୍ଯ ଚ ଭୁଜାନନ୍ଯେ ନିକ୍ଷିପ୍ଯ ଚ ମହୀତଲେ।
ପଦା ଚୋରଃ ସମାକ୍ରମ୍ଯ ସ୍ଫୁରତୋଽପାହରଚ୍ଛିରଃ॥ 8-19-37 (55816)
ପତତଶ୍ଚାପରୋ ରାଜନ୍ବିଜହାରାସିନା ଶିରଃ।
`ମୃତମନ୍ଯୋ ମହାରାଜ ପଦା ତାଡିତବାଂସ୍ତଦା'॥ 8-19-38 (55817)
ଜୀବତଶ୍ଚ ତଥୈବାନ୍ଯଃ ଶସ୍ତ୍ରଂ କାଯେ ନ୍ଯମଜ୍ଜଯତ୍।
ମୁଷ୍ଟିଯୁଦ୍ଧଂ ମହଚ୍ଚାସୀଦ୍ଯୋଧାନାଂ ତତ୍ର ଭାରତ।
ତଥା କେଶଗ୍ରହଶ୍ଚୋଗ୍ରୋ ବାହୁଯୁଦ୍ଧଂ ଚ ଭୈରବମ୍॥ 8-19-39 (55818)
ସମାସକ୍ତସ୍ଯ ଚାନ୍ଯେନ ଅବିଜ୍ଞାତସ୍ତଥାଽପରଃ।
ଜହାର ସମରେ ପ୍ରାଣାନ୍ନାନାଶସ୍ତୈରନେକଧା॥ 8-19-40 (55819)
ସଂସକ୍ତେଷୁ ଚ ଯୋଧେଷୁ ବର୍ତମାନେ ଚ ସଙ୍କୁଲେ।
କବନ୍ଧାନ୍ଯୁତ୍ଥିତାନି ସ୍ଯୁଃ ଶତଶୋଽଥ ସହସ୍ରଶଃ॥ 8-19-41 (55820)
ଶୋଣିତୈଃ ସିଚ୍ଯମାନାନି ଶସ୍ତ୍ରାଣି କବଚାନି ଚ।
ମହାରାଗାନୁରକ୍ତାନି ବସ୍ତ୍ରାଣୀବ ଚକାଶିରେ॥ 8-19-42 (55821)
ଏବମେତନ୍ମହଦ୍ଯୁଦ୍ବଂ ଦାରୁଣଂ ଶସ୍ତ୍ରସଙ୍କୁଲମ୍।
ଉନ୍ମତ୍ତଗଙ୍ଗାପ୍ରତିମଂ ଶବ୍ଦେନାପୂରଯଜ୍ଜଗତ୍॥ 8-19-43 (55822)
ନୈବ ସ୍ବେ ନ ପରେ ରାଜନ୍ବିଜ୍ଞାଯନ୍ତେ ଶରାତୁରାଃ।
ଯୋଦ୍ବବ୍ଯମିତି ଯୁଧ୍ଯନ୍ତେ ରାଜାନୋ ଜଯଗୃଦ୍ବିନଃ॥ 8-19-44 (55823)
ସ୍ବାନ୍ସ୍ବେ ଜଘ୍ନୁର୍ମହରାଜ ପରାଂଶ୍ଚୈବ ସମାଗତାନ୍।
ଉଭଯୋଃ ସେନଯୋର୍ବୀରୈର୍ବ୍ଯାକୁଲଂ ସମପଦ୍ଯତ॥ 8-19-45 (55824)
ରଥୈର୍ଭଗ୍ନୈର୍ମହାରାଜ ବାରଣୈଶ୍ଚ ନିପାତିତୈଃ।
ହଯୈଶ୍ଚ ପତିତୈସ୍ତତ୍ର ନରୈଶ୍ଚ ବିନିପାତିତୈଃ॥ 8-19-46 (55825)
ଅଗମ୍ଯରୂପା ପୃଥିବୀ କ୍ଷଣେନ ସମପଦ୍ଯତ।
କ୍ଷଣେନାସୀନ୍ମହୀପାଲ କ୍ଷତଜୌଘପ୍ରବର୍ତିନୀ॥ 8-19-47 (55826)
ପାଞ୍ଚାଲାନହତତ୍କର୍ଣସ୍ତ୍ରିଗର୍ତାଂଶ୍ଚ ଧନଞ୍ଜଯଃ।
ଭୀମସେନଃ କୁରୂନ୍ରାଜନ୍ହସ୍ତ୍ଯନୀକଂ ଚ ସର୍ବଶଃ॥ 8-19-48 (55827)
ଏବମେଷ କ୍ଷଯୋ ବୃତ୍ତଃ କୁରୁପାଣ୍ଡବସେନଯୋଃ।
ଅପରାହ୍ଣେ ଗତେ ସୂର୍ଯେ କାଙ୍କ୍ଷତାଂ ବିପୁଲଂ ଯଶଃ॥ ॥ 8-19-49 (55828)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଷୋଡଶଦିବସଯୁଦ୍ଧେ ଏକୋନବିଂଶୋଽଧ୍ଯାଯଃ॥ 19 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.20. ଅଧ୍ଯାଯଃ 020
Mahabharata - Karna Parva - Chapter Topics
ଯୁଧିଷ୍ଠିରେଣ ଦୁର୍ଯୋଧନପରାଜଯଃ॥ 1 ॥
Mahabharata - Karna Parva - Chapter Text
8-20-0 (55829)
ଧୃତରାଷ୍ଟ୍ର ଉବାଚ। 8-20-0x (4868)
ଅତିତୀବ୍ରାଣି ଦୁଃଖାନି ଦୁଃସହାନି ବହୂନି ଚ।
ତ୍ବତ୍ତୋଽହଂ ସଞ୍ଜଯାଶ୍ରୌଷଂ ପୁତ୍ରାଣାଂ ଚୈବ ସଙ୍କ୍ଷଯମ୍॥ 8-20-1 (55830)
ଯଥା ତ୍ବଂ ମେ କଥଯସେ ଯଥା ଯୁଦ୍ବମବର୍ତତ।
ନ ସନ୍ତି ସୂତ କୌରବ୍ଯା ଇତି ମେ ନିଶ୍ଚିତା ମତିଃ॥ 8-20-2 (55831)
ଦୁର୍ଯୋଧନଶ୍ଚ ବିରଥଃ କୃତସ୍ତତ୍ର ମହାରଥଃ।
ଧର୍ମପୁତ୍ରଃ କଥଂ ଚକ୍ରେ ତସ୍ଯ ବା ନୃପତିଃ କଥମ୍॥ 8-20-3 (55832)
ଅପରାହ୍ଣେ କଥଂ ଯୁଦ୍ବମଭବଦ୍ରୋମହର୍ଷଣମ୍।
ତନ୍ମମାଚକ୍ଷ୍ବ ତତ୍ତ୍ବେନ କୁଶଲୋ ହ୍ଯସି ସଞ୍ଜଯ॥ 8-20-4 (55833)
ସଞ୍ଜଯ ଉବାଚ। 8-20-5x (4869)
ସଂସକ୍ତେଷୁ ତୁ ସୈନ୍ଯେଷୁ ବଧ୍ଯମାନେଷୁ ଭାଗଶଃ।
ରଥମନ୍ଯଂ ସମାସ୍ଥାଯ ପୁତ୍ରସ୍ତବ ବିଶାମ୍ପତେ॥ 8-20-5 (55834)
କ୍ରୋଧେନ ମହତା ଯୁକ୍ତଃ ସବିଷୋ ଭୁଜଗୋ ଯଥା।
ଦୁର୍ଯୋଧନଃ ସମାଲକ୍ଷ୍ଯ ଧର୍ମରାଜଂ ଯୁଧିଷ୍ଠିରମ୍।
ପ୍ରୋବାଚ ସୂତଂ ତ୍ବରିତୋ ଯାହିଯାହୀତି ଭାରତ॥ 8-20-6 (55835)
ତତ୍ର ମାଂ ପ୍ରାପଯ କ୍ଷିପ୍ରଂ ସାରଥେ ଯତ୍ର ପାଣ୍ଡବଃ।
ଧ୍ରିଯମାଣାତପ୍ରତେଣ ରାଜା ରାଜତି ଦଂଶିତଃ॥ 8-20-7 (55836)
ସ ସୂତଶ୍ଚୋଦିତୋ ରାଜ୍ଞା ରାଜ୍ଞଃ ସ୍ଯନ୍ଦନମୁତ୍ତମମ୍।
ଯୁଧିଷ୍ଠିରସ୍ଯାଭିମୁଖଂ ପ୍ରେଷଯାମାସ ସଂଯୁଗେ॥ 8-20-8 (55837)
ତତୋ ଯୁଧିଷ୍ଠିରଃ କ୍ରୁଦ୍ବଃ ପ୍ରଭିନ୍ନ ଇବ କୁଞ୍ଜରଃ।
ସାରଥିଂ ଚୋଦଯାମାସ ଯାହି ଯତ୍ର ସୁଯୋଧନଃ॥ 8-20-9 (55838)
ତୌ ସମାଜଗ୍ମତୁର୍ବୀରୌ ଭ୍ରାତରୌ ରଥସତ୍ତମୌ॥ 8-20-10 (55839)
ସମେତ୍ଯ ଚ ମହାବୀରୌ ସଂରବ୍ଧୌ ଯୁଦ୍ବଦୁର୍ମଦୌ।
ବବର୍ଷତୁର୍ମହେଷ୍ବାସୌ ଶରୈରନ୍ଯୋନ୍ଯମାହବେ॥ 8-20-11 (55840)
ତତୋ ଦୁର୍ଯୋଧନୋ ରାଜା ଧର୍ମଶୀଲସ୍ଯ ମାରିଷ।
ଶିଲାଶିତେନ ଭଲ୍ଲେନ ଧନୁଶ୍ଚିଚ୍ଛେଦ ସଂଯୁଗେ॥ 8-20-12 (55841)
ତଂ ନାମୃଷ୍ଯତ ସଙ୍କ୍ରୁଦ୍ଧୋ ହ୍ଯବମାନଂ ଯୁଧିଷ୍ଠିରଃ।
ଅପବିଧ୍ଯ ଧନୁଶ୍ଛିନ୍ନଂ କ୍ରୋଧସଂରକ୍ତଲୋଚନଃ॥ 8-20-13 (55842)
ଅନ୍ଯତ୍କାର୍ମୁକମାଦାଯ ଧର୍ମପୁତ୍ରଶ୍ଚମୂମୁଖେ।
ଦୁର୍ଯୋଧନସ୍ଯ ଚିଚ୍ଛେଦ ଧ୍ବଜଂ କାର୍ମୁକମେବ ଚ॥ 8-20-14 (55843)
ଅଥାନ୍ଯଦ୍ବନୁରାଦାଯ ପୁତ୍ରସ୍ତେ ଭରତର୍ଷଭ।
`ଯୁଧିଷ୍ଠିରସ୍ଯ ଚିକ୍ଷେପ ଶରାନ୍କନକଭୂଷଣାନ୍।
ରୁକ୍ମପୁଙ୍ଖାନ୍ପ୍ରସନ୍ନାଗ୍ରାନ୍ସବିଷାନିବ ପନ୍ନଗାନ୍'॥ 8-20-15 (55844)
ତାବନ୍ଯୋନ୍ଯଂ ସୁସଙ୍କ୍ରୁଦ୍ଧୌ ଶସ୍ତ୍ରବର୍ଷାଣ୍ଯମୁଞ୍ଚତାମ୍।
ସିଂହାବିବ ସୁସଂରବ୍ଧୌ ପରସ୍ପରଜିଗୀଷଯା॥ 8-20-16 (55845)
ଜଘ୍ନତୁସ୍ତୌ ରଣେଽନ୍ଯୋନ୍ଯଂ ନର୍ଦମାନୌ ବୃଷାବିବ।
ଅନ୍ତରଂ ମାର୍ଗମାଣୌ ଚ ଚେରତୁସ୍ତୌ ମହାରଥୌ॥ 8-20-17 (55846)
ତତଃ ପୂର୍ଣାଯତୋତ୍ସୃଷ୍ଟୈଃ ଶରୈସ୍ତୌ ତୁ କୃତବ୍ରଣୌ।
ବିରେଜତୁର୍ମହାରାଜ କିଂଶୁକାବିବ ପୁଷ୍ପିତୌ॥ 8-20-18 (55847)
ତତୋ ରାଜନ୍ବିମୁଞ୍ଚନ୍ତୌ ସିଂହନାଦାନ୍ମୁହୁର୍ମୁହୁଃ।
ତଲଯୋଶ୍ଚ ତଥା ଶବ୍ଦାନ୍ଧନୁଷଶ୍ଚ ମହାହବେ॥ 8-20-19 (55848)
ଶଙ୍ଖଶବ୍ଦବରାଂଶ୍ଚୈବ ଚକ୍ରତୁସ୍ତୌ ନରେଶ୍ବରୌ।
ଅନ୍ଯୋନ୍ଯଂ ତୌ ମହାରାଜ ପୀଡଯାଂଚକ୍ରତୁର୍ଭୃଶମ୍॥ 8-20-20 (55849)
ତତୋ ଯୁଧିଷ୍ଠିରୋ ରାଜା ପୁତ୍ରଂ ତବ ଶରୈସ୍ତ୍ରିଭିଃ।
ଆଜଘାନୋରସି କ୍ରୁଦ୍ଧୋ ବଜ୍ରବେଗୈର୍ଦୁରାସଦୈଃ॥ 8-20-21 (55850)
ପ୍ରତିବିବ୍ଯାଧ ତଂ ତୂର୍ଣଂ ତବ ପୁତ୍ରୋ ମହୀପତିଃ।
ପଞ୍ଚଭିର୍ନିଶିତୈର୍ବାଣୈଃ ସ୍ବର୍ଣପୁଙ୍ଖୈଃ ଶିଲାଶିତୈଃ॥ 8-20-22 (55851)
ତତୋ ଦୁର୍ଯୋଧନୋ ରାଜା ଶକ୍ତିଂ ଚିକ୍ଷେପ ଭାରତ।
ସର୍ବପାରଶବୀଂ ତୀକ୍ଷ୍ଣାଂ ମହୋଲ୍କାପ୍ରତିମାଂ ତଦା॥ 8-20-23 (55852)
ତାମାପତନ୍ତୀଂ ସହସା ଧର୍ମରାଜଃ ଶିତୈଃ ଶରୈଃ।
ତ୍ରିଭିଶ୍ଚିଚ୍ଛେଦ ସହସା ତଂ ଚ ବିବ୍ଯାଧ ପଞ୍ଚଭିଃ॥ 8-20-24 (55853)
ନିପପାତ ତତଃ ସାଽଥ ସ୍ବର୍ଣଦଣ୍ଡା ମହାସ୍ବନା।
ନିପତନ୍ତୀ ମହୋଲ୍କେବ ବ୍ଯରାଜଚ୍ଛିଖିସନ୍ନିଭା॥ 8-20-25 (55854)
ଶକ୍ତିଂ ବିନିହତାଂ ଦୃଷ୍ଟ୍ବା ପୁତ୍ରସ୍ତବ ବିଶାମ୍ପତେ।
ନବଭିର୍ନିଶିତୈର୍ଭଲ୍ଲୈର୍ନିଜଘାନ ଯୁଧିଷ୍ଠିରମ୍॥ 8-20-26 (55855)
ସୋଽତିବିଦ୍ବୋ ବଲବତା ଶତ୍ରୁଣଆ ଶତ୍ରୁତାପନଃ।
ଦୁର୍ଯୋଧନଂ ସମୁଦ୍ଦିଶ୍ଯ ବାଣଂ ଜଗ୍ରାହ ସତ୍ବରଃ॥ 8-20-27 (55856)
ସମାଧତ୍ତ ଚ ତଂ ବାଣଂ ଧନୁର୍ମଧ୍ଯେ ମହାବଲଃ।
ଚିକ୍ଷେପ ଚ ମହାରାଜ ତତଃ କ୍ରୁଦ୍ବଃ ପରାକ୍ରମୀ॥ 8-20-28 (55857)
ସ ତୁ ବାଣଃ ସମାସାଦ୍ଯ ତବ ପୁତ୍ରଂ ମହାରଥମ୍।
ବ୍ଯାମୋହଯତ ରାଜାନଂ ଧରଣୀଂ ଚ ଦଦାର ହ॥ 8-20-29 (55858)
ତତୋ ଦୁର୍ଯୋଧନଃ କ୍ରୁଦ୍ଧୋ ଗଦାମୁଦ୍ଯମ୍ଯ ବେଗିତଃ।
ବିଧିତ୍ସୁଃ କଲହସ୍ଯାନ୍ତଂ ଧର୍ମରାଜମୁପାଦ୍ରବତ୍॥ 8-20-30 (55859)
ତମୁଦ୍ଯତଗଦଂ ଦୃଷ୍ଟ୍ବା ଦଣ୍ଡହସ୍ତମିବାନ୍ତକମ୍।
ଧର୍ମରାଜୋ ମହାଶକ୍ତିଂ ପ୍ରାହିଣୋତ୍ତବ ସୂନବେ॥ 8-20-31 (55860)
ଦୀପ୍ଯମାନାଂ ମହାବେଗାଂ ମହୋଲ୍କାଂ ଜ୍ବଲିତାମିବ।
ଯମଦଣ୍ଡନିଭାଂ ଘୋରାଂ କାଲରାତ୍ରିମିବାପରାମ୍॥ 8-20-32 (55861)
ରଥସ୍ଥଃ ସ ତଯା ବିଦ୍ବୋ ବର୍ମ ଭିତ୍ତ୍ବା ସ୍ତନାନ୍ତରେ।
ଭୃଶଂ ସଂବିଗ୍ନହୃଦଯଃ ପପାତ ଚ ମୁମୋହ ଚ॥ 8-20-33 (55862)
ନଭସ୍ତମାହ ଚ ତତଃ ପ୍ରତିଜ୍ଞାମନୁପାଲଯ।
ନାଯଂ ବଧ୍ଯସ୍ତବ ନୃପ ଇତ୍ଯୁକ୍ତଃ ସ ନ୍ଯବର୍ତତ॥ 8-20-34 (55863)
ତତସ୍ତ୍ବରିତମାଗମ୍ଯ କୃତବର୍ମା ତବାତ୍ମଜମ୍।
ପ୍ରତ୍ଯପଦ୍ଯତ ରାଜାନଂ ନିମ୍ନଂ ବ୍ଯସନାର୍ଣବେ॥ 8-20-35 (55864)
ଗଦାମାଦାଯ ଭୀମୋଽପି ହେମପଟ୍ଟପରିଷ୍କୃତାମ୍।
ଅଭିଦୁଦ୍ରାବ ବେଗେନ କୃତବର୍ମାଣମାହବେ॥ 8-20-36 (55865)
ଏବଂ ତଦଭବଦ୍ଯୁଦ୍ଧଂ ତ୍ବଦୀଯାନାଂ ପରୈଃ ସହ।
ଅପରାହ୍ଣେ ମହାରାଜ କାଙ୍କ୍ଷତାଂ ବିଜଯଂ ଯୁଧି॥ ॥ 8-20-37 (55866)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଷୋଡଶଦିବସଯୁଦ୍ଧେ ବିଂଶୋଽଧ୍ଯାଯଃ॥ 20 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.21. ଅଧ୍ଯାଯଃ 021
Mahabharata - Karna Parva - Chapter Topics
ସଙ୍କୁଲଯୁଦ୍ଧମ୍॥ 1 ॥ ଷୋଡଶଦିବସଯୁଦ୍ଧୋପସଂହାରଃ॥ 2 ॥
Mahabharata - Karna Parva - Chapter Text
8-21-0 (55867)
ସଞ୍ଜଯ ଉବାଚ। 8-21-0x (4870)
ତତଃ କର୍ଣଂ ପୁରସ୍କୃତ୍ଯ ତ୍ବଦୀଯା ଯୁଦ୍ବଦୁର୍ମଦାଃ।
ପୁନରାବୃତ୍ଯ ସଙ୍ଗ୍ରାମଂ ଚକ୍ରୁର୍ଦେବାସୁରୋପମମ୍॥ 8-21-1 (55868)
ଦ୍ବିରଦନରରଥାଶ୍ବଶଙ୍ଖଶବ୍ଦୈଃ
ପରିହୃଷିତା ବିବିଧୈଶ୍ଚ ଶସ୍ତ୍ରପାତୈଃ।
ଦ୍ବିରଦରଥପଦାତିସାଦିସଙ୍ଘାଃ
ପରିକୁପିତାଭିମୁଖାଃ ପ୍ରଜଘ୍ନିରେ ତେ॥ 8-21-2 (55869)
ଶିତପରଶ୍ବଥସାସିପଟ୍ଟସୈ--
ରିଷୁଭିରନେକବିଧୈଶ୍ଚ ସୂଦିତାଃ।
ଦ୍ବିରଦରଥହଯା ମହାହବେ
ବରପୁରୁଷୈଃ ପୁରୁଷାଶ୍ଚ ବାହନୈଃ॥ 8-21-3 (55870)
କମଲଦିନକରେନ୍ଦୁସନ୍ନିଭୈଃ
ସିତଦଶନୈଃ ସୁମୁଖାକ୍ଷିନାସିକୈଃ।
ରୁଚିରମକୁଟକୁଣ୍ଡଲୈର୍ମହୀ
ପୁରୁଷଶିରୋଭିରୁପସ୍ତୃତା ବଭୌ॥ 8-21-4 (55871)
ପରିଘମୁସଲଶକ୍ତିତୌମରୈ--
ର୍ନଖରଭୁଶୁଣ୍ଡିଗଦାଶତୈର୍ହତାଃ।
ଦ୍ବିରଦନରହଯାଃ ସହସ୍ରଶୋ
ରୁଧିରନଦୀପ୍ରବହାସ୍ତଦାଽଭବନ୍॥ 8-21-5 (55872)
ପ୍ରହତରଥନରାଶ୍ବକୁଞ୍ଜରଂ
ପ୍ରତିଭଯଦର୍ଶନମୁଲ୍ବଣବ୍ରଣମ୍।
ତଦହିତହତମାବଭୌ ବଲଂ
ପିତୃପତିରାଷ୍ଟ୍ରମିବ ପ୍ରଜାକ୍ଷଯେ॥ 8-21-6 (55873)
ଅଥ ତବ ନରଦେବ ସୈନିକା--
ସ୍ତବ ଚ ସୁତାଃ ସୁରସୂନୁସନ୍ନିଭାଃ।
ଅମିତବଲପୁରଃ ସରା ରଣେ
କୁରୁବୃଷଭାଃ ଶିନିପୁତ୍ରମଭ୍ଯଯୁଃ॥ 8-21-7 (55874)
ତଦତିରୁଧିରଭୀମମାବଭୌ
ପୁରୁଷବରାଶ୍ବରଥଦ୍ବିପାକୁଲମ୍।
ଲବଣଜଲସମୁଦ୍ବତସ୍ବନଂ
ବଲମସୁରାମରସୈନ୍ଯସପ୍ରଭମ୍॥ 8-21-8 (55875)
ସୁରପତିସମବିକ୍ରମସ୍ତତ--
ସ୍ତ୍ରିଦଶବରାବରଜୋପମଂ ଯୁଧି।
ଦିନକରକିରଣପ୍ରଭୈଃ ପୃଷତ୍କୈ
ରବିତନଯୋଽଭ୍ଯହନଚ୍ଛିନିପ୍ରବୀରମ୍॥ 8-21-9 (55876)
ତମପି ସରଥବାଜିସାରଥିଂ
ଶିନିବୃଷଭୋ ବିବିଧୈଃ ଶରୈସ୍ତ୍ବରନ୍।
ଭୁଜଗବିଷସମପ୍ରଭୈ ରଣେ
ପୁରୁଷବରଂ ସମବାସ୍ତୃଣୋତ୍ତଦା॥ 8-21-10 (55877)
ଶିନିବୃଷଭଶରୈର୍ନିପୀଡିତଂ
ତବ ସୁହୃଦୋ ବସୁଷେଣମଭ୍ଯଯୁଃ।
ତ୍ବରିତମତିରଥା ରଥର୍ଷଭଂ
ଦ୍ବିରଦରଥାଶ୍ବପଦାତିଭିଃ ସହ॥ 8-21-11 (55878)
ତଦୁଦଧିନିଭମାଦ୍ରବଦ୍ବଲଂ
ତ୍ବରିତତରୈଃ ସମଭିଦ୍ରୁତଂ ପରୈଃ।
ଦ୍ରୁପଦସୁତମୁଖୈସ୍ତଦାଽଭବତ୍
ପୁରୁଷରଥାଶ୍ବଗଜକ୍ଷଯୋ ମହାନ୍॥ 8-21-12 (55879)
ଅଥ ପୁରୁଷବରୌ କୃତାହ୍ନିକୌ
ଭବମଭିପୂଜ୍ଯ ଯଥାବିଧି ପ୍ରଭୁମ୍।
ଅରିବଧକୃତନିଶ୍ଚଯୌ ଦ୍ରୁତଂ
ତବ ବଲମର୍ଜୁନକେଶବୌ ସୃତୌ॥ 8-21-13 (55880)
ଜଲଦନିନଦନିଃସ୍ବନଂ ରଥଂ
ପବନବିଧୂତପତାକକେତନମ୍।
ସିତହଯମୁପଯାନ୍ତମନ୍ତିକଂ
କୃତମନସୋ ଦଦୃଶୁସ୍ତଦାଽରଯଃ॥ 8-21-14 (55881)
ଅଥ ବିଷ୍ଫାର୍ଯ ଗାଣ୍ଡୀବଂ ରଥେ ନୃତ୍ଯନ୍ନିବାର୍ଜୁନଃ।
ଶରସମ୍ବାଧମକରୋତ୍ଖଂ ଦିଶଃ ପ୍ରଦିଶସ୍ତଥା॥ 8-21-15 (55882)
ରଥାନ୍ବିମାନପ୍ରତିମାନ୍ମଜ୍ଜଯନ୍ସାଯୁଧଧ୍ବଜାନ୍।
ସସାରଥୀଂସ୍ତଦା ବାଣୈରଭ୍ରାଣୀବାନିଲୋଽବଧୀତ୍॥ 8-21-16 (55883)
ଗଜାନ୍ଗଜପ୍ରଯନ୍ତୄଂଶ୍ଚ ବୈଜଯନ୍ତ୍ଯାଯୁଧଧ୍ବଜାନ୍।
ସାଦିନୋଽଶ୍ବାଂଶ୍ଚ ପତ୍ତୀଂଶ୍ଚ ଶରୈର୍ନିନ୍ଯେ ଯମକ୍ଷଯମ୍॥ 8-21-17 (55884)
ତମନ୍ତକମିବ କ୍ରୁଦ୍ଧମନିବାର୍ଯଂ ମହାରଥମ୍।
ଦୁର୍ଯୋଧନୋଽଭ୍ଯଯାଦେକୋ ନିଘ୍ନନ୍ବାଣୈରଜିହ୍ମଗୈଃ॥ 8-21-18 (55885)
ତସ୍ଯାର୍ଜୁନୋ ଧନୁଃ ସୂତମଶ୍ବାନ୍କେତୁଂ ଚ ସାଯକୈଃ।
ହତ୍ବା ସପ୍ତଭିରେକେନ ଚ୍ଛତ୍ରଂ ଚିଚ୍ଛେଦ ପତ୍ରିଣା॥ 8-21-19 (55886)
ନବମଂ ଚ ସମାଧାଯ ବ୍ଯସୃଜତ୍ପ୍ରାଣଘାତିନମ୍।
ଦୁର୍ଯୋଧନାଯେଷୁବରଂ ତଂ ଦ୍ରୌଣିଃ ସପ୍ତଧାଽଚ୍ଛିନତ୍॥ 8-21-20 (55887)
ତତୋ ଦ୍ରୌଣେର୍ଧନୁଶ୍ଛିତ୍ବା ହତ୍ବା ଚାଶ୍ବରଥାଞ୍ଶରୈଃ।
କୃପସ୍ଯାପି ତଦତ୍ଯୁଗ୍ରଂ ଧନୁଶ୍ଚିଚ୍ଛେଦ ପାଣ୍ଡବଃ॥ 8-21-21 (55888)
ହାର୍ଦିକ୍ଯସ୍ଯ ଧନୁଶ୍ଛିତ୍ତ୍ବା ଧ୍ବଜଂ ଚାଶ୍ବାଂସ୍ତଦାଽବଧୀତ୍।
ଦୁଃଶାସନସ୍ଯେଷ୍ବସନଂ ଛିତ୍ତ୍ବା ରାଧେଯମଭ୍ଯଯାତ୍॥ 8-21-22 (55889)
ଅଥ ସାତ୍ଯକିମୁତ୍ସୃଜ୍ଯ ତ୍ବରନ୍କର୍ଣୋଽର୍ଜୁନଂ ତ୍ରିଭିଃ।
ବିଦ୍ବ୍ବା ବିବ୍ଯାଧ ବିଂଶତ୍ଯା କୃଷ୍ଣଂ ପାର୍ଥଂ ପୁନଃପୁନଃ॥ 8-21-23 (55890)
ନ ଗ୍ଲାନିରାସୀତ୍କର୍ଣସ୍ଯ କ୍ଷିପତଃ ସାଯକାନ୍ବହୂନ୍।
ରଣେ ବିନିଘ୍ନତଃ ଶତ୍ରୂନ୍କ୍ରୁଦ୍ଧସ୍ଯେବ ଶତକ୍ରତୋଃ॥ 8-21-24 (55891)
ଅଥ ସାତ୍ଯକିରାଗତ୍ଯ କର୍ଣଂ ବିଦ୍ଦ୍ବା ଶିତୈଃ ଶରୈଃ।
ନବତ୍ଯା ନବଭିଶ୍ଚୋଗ୍ରୈଃ ଶତେନ ପୁନରାର୍ପଯତ୍॥ 8-21-25 (55892)
ତତଃ ପ୍ରବୀରାଃ ପାର୍ଥାନାଂ ସର୍ବେ କର୍ଣମପୀଡଯନ୍।
ଯୁଧାମନ୍ଯୁଃ ଶିଖଣ୍ଡୀ ଚ ଦ୍ରୌପଦେଯାଃ ପ୍ରଭଦ୍ରକାଃ॥ 8-21-26 (55893)
ଉତ୍ତମୌଜା ଯୁଯୁତ୍ସୁଶ୍ଚ ଯମୌ ପାର୍ଷତ ଏବ ଚ।
ଚେଦିକାରୂଶମାତ୍ସ୍ଯାନାଂ କେକଯାନାଂ ଚ ଯଦ୍ବଲଂ॥ 8-21-27 (55894)
ଚେକିତାନଶ୍ଚ ବଲବାନ୍ଧର୍ମରାଜଶ୍ଚ ସୁବ୍ରତଃ।
ଏତେ ରଥାଶ୍ବଦ୍ବିରଦୈଃ ପତ୍ତିଭିଶ୍ଚୋଗ୍ରବିକ୍ରମୈଃ॥ 8-21-28 (55895)
ପରିବାର୍ଯ ରଣେ କର୍ଣଂ ନାନାଶସ୍ତ୍ରୈରବାକିରନ୍।
ଭାଷନ୍ତୋ ବାଗ୍ଭିରୁଗ୍ରାଭିଃ ସର୍ବେ କର୍ଣବଧେ ଧୃତାଃ॥ 8-21-29 (55896)
ତାଂ ଶସ୍ତ୍ରବୃଷ୍ଟିଂ ବହୁଧା କର୍ଣଶ୍ଛିତ୍ତ୍ବା ଶିତୈଃ ଶରୈଃ।
ଅପୋବାହାସ୍ତ୍ରବୀର୍ଯେଣ ଦ୍ରୁମଂ ଭଙ୍କ୍ତ୍ବେବ ମାରୁତଃ॥ 8-21-30 (55897)
ରଥିନଃ ସମହାମାତ୍ରାନ୍ଗଜାନଶ୍ବାନ୍ସସାଦିନଃ।
ପତ୍ତିବ୍ରାତାଂଶ୍ଚ ସଙ୍କ୍ରୁଦ୍ବୋ ନିଘ୍ନନ୍କର୍ଣୋ ବ୍ଯଦୃଶ୍ଯତ॥ 8-21-31 (55898)
ତଦ୍ବଧ୍ଯମାନଂ ପାଣ୍ଡୂନାଂ ବଲଂ କର୍ଣାସ୍ତ୍ରତେଜସା।
ବିଶସ୍ତ୍ରପତ୍ରଦେହାସୁ ପ୍ରାଯ ଆସୀତ୍ପରାଙ୍ମୁଖମ୍॥ 8-21-32 (55899)
ଅଥ କର୍ଣାସ୍ତ୍ରମସ୍ତ୍ରେଣ ପ୍ରତିହତ୍ଯାର୍ଜୁନଃ ସ୍ମଯନ୍।
ଦିଶଂ ଖଂ ଚୈବ ଭୂମିଂ ଚ ପ୍ରାବୃଣୋଚ୍ଛରବୃଷ୍ଟିଭିଃ॥ 8-21-33 (55900)
ମୁସଲାନୀବ ସମ୍ପେତୁଃ ପରିଘା ଇବ ଚେଷବଃ।
ଶତଘ୍ନ୍ଯ ଇବ ଚାପ୍ଯନ୍ଯେ ବଜ୍ରାଣ୍ଯୁଗ୍ରାଣି ଚାପରେ॥ 8-21-34 (55901)
ତୈର୍ବଧ୍ଯମାନଂ ତତ୍ସୈନ୍ଯଂ ସପତ୍ତ୍ଯଶ୍ବରଥଦ୍ବିପମ୍।
ନିମୀଲିତାକ୍ଷମତ୍ଯର୍ଥଂ ବଭ୍ରାମ ଚ ନନାଦ ଚ॥ 8-21-35 (55902)
ନିଷ୍କୈବଲ୍ଯଂ ତଦା ଯୁଦ୍ବଂ ପ୍ରାପୁରଶ୍ବନରଦ୍ବିପାଃ।
ହନ୍ଯମାନାଃ ଶରୈରାର୍ତାସ୍ତଦା ଭୀତାଃ ପ୍ରଦୁଦ୍ରୁବୁଃ॥ 8-21-36 (55903)
ତ୍ବଦୀଯାନାଂ ତଦା ଯୁଦ୍ବେ ସଂସକ୍ତାନାଂ ଜଯୈଷିଣାମ୍।
ଗିରିମସ୍ତଂ ସମାସାଦ୍ଯ ପ୍ରତ୍ଯପଦ୍ଯତ ଭାନୁମାନ୍॥ 8-21-37 (55904)
ତମସା ଚ ମହାରାଜ ରଜସା ଚ ବିଶେଷତଃ।
ନ କିଞ୍ଚିତ୍ପ୍ରତ୍ଯପଶ୍ଯାମ ଶୁଭଂ ବା ଯଦି ବାଽଶୁଭମ୍॥ 8-21-38 (55905)
ତେ ତ୍ରସ୍ଯନ୍ତୋ ମହେଷ୍ବାସା ରାତ୍ରିଯୁଦ୍ବସ୍ଯ ଭାରତ।
ଅପଯାନଂ ତତଶ୍ଚକ୍ରୁଃ ସହିତାଃ ସର୍ବଯୋଧିଭିଃ॥ 8-21-39 (55906)
କୌରବେଷ୍ବପଯାତେଷୁ ତଦା ରାଜନ୍ଦିନକ୍ଷଯେ।
ଜଯଂ ସୁମନସଃ ପ୍ରାପ୍ଯ ପାର୍ଥାଃ ସ୍ବଶିବିରଂ ଯଯୁଃ॥ 8-21-40 (55907)
ବାଦିତ୍ରଶବ୍ଦୈର୍ବିବିଧୈଃ ସିଂହନାଦୈଃ ସଗର୍ଜିତୈଃ।
ପରାନୁବହନ୍ତଶ୍ଚ ସ୍ତୁବନ୍ତଶ୍ଚାଚ୍ଯୁତାର୍ଜୁନୌ॥ 8-21-41 (55908)
କୃତେଽବହାରେ ତୈର୍ବୀରୈଃ ସୈନିକାଃ ସର୍ବ ଏବ ତେ।
ଆଶୀର୍ବାଚଃ ପାଣ୍ଡବେଷୁ ପ୍ରାଯୁଞ୍ଜନ୍ତ ନରେଶ୍ବରାଃ॥ 8-21-42 (55909)
ତତଃ କୃତେଽବହାରେ ଚ ପ୍ରହୃଷ୍ଟାସ୍ତତ୍ର ପାଣ୍ଡବାଃ।
ନିଶାଯାଂ ଶିବିରଂ ଗତ୍ବା ନ୍ଯବସନ୍ତ ନରେଶ୍ବରାଃ॥ 8-21-43 (55910)
ତତୋ ରକ୍ଷଃ ପିଶାଚାଶ୍ଚ ଶ୍ବାପଦାଶ୍ଚୈବ ସଙ୍ଘଶଃ।
ଜଗ୍ମୁରାଯୋଧନଂ ଘୋରଂ ରୁଦ୍ରସ୍ଯାକ୍ରୀଡସନ୍ନିଭମ୍॥ ॥ 8-21-44 (55911)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଷୋଡଶଦିବସଯୁଦ୍ଧେ ଏକବିଂଶୋଽଧ୍ଯାଯଃ॥ 21 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.22. ଅଧ୍ଯାଯଃ 022
Mahabharata - Karna Parva - Chapter Topics
କୃଷ୍ଣତୁଲ୍ଯସାରଥେରଭାବାତ୍ସ୍ବସ୍ଯାର୍ଜୁନାନ୍ନ୍ଯୂନତାଂ ମନ୍ଯମାନେନ କର୍ଣେନ ଦୁର୍ଯୋଧନଂ ପ୍ରତି ଶଲ୍ଯସ୍ଯ ସାରଥ୍ଯେ ନିଯୋଜନଚୋଦନା॥ 1 ॥
Mahabharata - Karna Parva - Chapter Text
8-22-0 (55912)
ଧୃତରାଷ୍ଟ୍ର ଉବାଚ। 8-22-0x (4871)
ସ୍ବେନ ଚ୍ଛନ୍ଦେନ ନଃ ସର୍ବାନବଧୀଦ୍ବ୍ଯକ୍ତମର୍ଜୁନଃ।
ନ ହ୍ଯସ୍ଯ ସମରେ ମୁଚ୍ଯେଦନ୍ତକୋଽପ୍ଯାତତାଯିନଃ॥ 8-22-1 (55913)
ପାର୍ଥୋ ହ୍ଯେକୋଽହରଦ୍ଭଦ୍ରାମେକଶ୍ଚାଗ୍ନିମତର୍ପଯତ୍।
ଏକଶ୍ଚେମାଂ ମହୀଂ ଜିତ୍ବା ଚକ୍ରେ ବଲିଭୃତୋ ନୃପାନ୍॥ 8-22-2 (55914)
ଏକୋ ନିବାତକବଚନାନହନଦ୍ଦିବ୍ଯକାର୍ମୁକଃ।
ଏକଃ କିରାତରୂପେଣ ସ୍ଥିତଂ ଶର୍ବମଯୋଧଯତ୍॥ 8-22-3 (55915)
ଏକୋ ହ୍ଯରକ୍ଷଦ୍ଭରତାନେକୋ ଭବମତୋଷଯତ୍।
ତେନୈକେନ ଜିତାଃ ସର୍ବେ ମଦୀଯା ହ୍ଯୁଗ୍ରତେଜସଃ॥ 8-22-4 (55916)
ନ ତେ ନିନ୍ଦ୍ଯାଃ ପ୍ରଶସ୍ଯାସ୍ତେ ଯତ୍ତେ ଚକ୍ରୁର୍ବ୍ରବୀହି ତତ୍।
ତତୋ ଦୁର୍ଯୋଧନଃ ସୂତ ପଶ୍ଚାତ୍କିମକରୋତ୍ତଦା॥ 8-22-5 (55917)
ସଞ୍ଜଯ ଉବାଚ। 8-22-6x (4872)
ହତପ୍ରହତବିଧ୍ବସ୍ତା ବିବର୍ମାଯୁଧବାହନାଃ।
ଦୀନସ୍ବରା ଦୂଯମାନା ମାନିନଃ ଶତ୍ରୁନିର୍ଜିତାଃ॥ 8-22-6 (55918)
ଶିବିରସ୍ଥାଃ ପୁନର୍ମନ୍ତ୍ରଂ ମନ୍ତ୍ରଯନ୍ତି ସ୍ମ କୌରବାଃ।
ଭଗ୍ନଦଂଷ୍ଟ୍ରା ହତବିଷାଃ ପାଦାକ୍ରାନ୍ତା ଇବୋରଗାଃ॥ 8-22-7 (55919)
ତାନବ୍ରବୀତ୍ତତଃ କର୍ଣଃ କ୍ରୁଦ୍ବଃ ସର୍ପ ଇବ ଶ୍ବସନ୍।
କରଂ କରେଣ ନିଷ୍ପୀଡ୍ଯ ପ୍ରେକ୍ଷମାଣସ୍ତବାତ୍ମଜମ୍॥ 8-22-8 (55920)
ଯତ୍ତୋ ଦୃଢଶ୍ଚ ଦକ୍ଷଶ୍ଚ ଧୃତିମାନର୍ଜୁନଃ ସଦା।
ସମ୍ବୋଧଯତି ଚାପ୍ଯେନଂ ଯଥାକାଲମଧୋକ୍ଷଜଃ॥ 8-22-9 (55921)
ସହସାଽସ୍ତ୍ରବିସର୍ଗେଣ ବଯଂ ତେନାଦ୍ଯ ବଞ୍ଚିତାଃ।
ଶ୍ବସ୍ତ୍ବହଂ ତସ୍ଯ ସଙ୍କଲ୍ପଂ ସର୍ବଂ ହନ୍ତା ମହୀପତେ॥ 8-22-10 (55922)
ଏବମୁକ୍ତସ୍ତଥେତ୍ଯୁକ୍ତ୍ବା ସୋଽନୁଜଜ୍ଞେ ନୃପୋତ୍ତମାନ୍।
ତେଽନୁଜ୍ଞାତା ନୃପାଃ ସର୍ବେ ସ୍ବାନି ବେଶ୍ମାନି ଭେଜିରେ॥ 8-22-11 (55923)
ସୁଖୋଷିତାସ୍ତାଂ ରଜନୀଂ ହୃଷ୍ଟା ଯୁଦ୍ବାଯ ନିର୍ଯଯୁଃ।
ତେଽପଶ୍ଯନ୍ବିହିତଂ ବ୍ଯୂହଂ ଧର୍ମରାଜେନ ଦୁର୍ଜଯମ୍।
ପ୍ରଯତ୍ନାତ୍କୁରୁମୁଖ୍ଯେନ ବୃହସ୍ପତ୍ଯୁଶନୋମତାତ୍॥ 8-22-12 (55924)
ଅଥ ପ୍ରତୀପକର୍ତାରଂ ପ୍ରବୀରଂ ପରବୀରହା।
ସସ୍ମାର ବୃଷଭସ୍କନ୍ଧଂ କର୍ଣଂ ଦୁର୍ଯୋଧନସ୍ତଦା॥ 8-22-13 (55925)
ପୁରନ୍ଦରସମଂ ଯୁଦ୍ବେ ମରୁଦ୍ଗଣସମଂ ବଲେ।
କାର୍ତବୀର୍ଯସମଂ ବୀର୍ଯେ କର୍ଣଂ ରାଜ୍ଞୋଽଗମନ୍ମନଃ॥ 8-22-14 (55926)
ସର୍ବେଷାଂ ଚୈବ ସୈନ୍ଯାନାଂ କର୍ଣମେବାଗମନ୍ମନଃ।
ସୂତପୁତ୍ରଂ ମହେଷ୍ବାସଂ ବନ୍ଧୁମାତ୍ଯଯିକେଷ୍ବିବ॥ 8-22-15 (55927)
ଧୃତରାଷ୍ଟ୍ର ଉବାଚ। 8-22-16x (4873)
ତତୋ ଦୁର୍ଯୋଧନଃ ସୂତ ପଶ୍ଚାତ୍କିମକରୋତ୍ତଦା।
ଯଦ୍ବୋଽଗମନ୍ମନୋ ମନ୍ଦାଃ କର୍ଣଂ ବୈକର୍ତନଂ ପ୍ରତି॥ 8-22-16 (55928)
ଅପ୍ଯପଶ୍ଯତ ରାଧେଯଂ ଶୀତାର୍ତା ଇବ ଭାସ୍କରମ୍।
କୃତେଽବହାରେ ସୈନ୍ଯାନାଂ ପ୍ରବୃତ୍ତେ ଚ ରଣେ ପୁନଃ॥ 8-22-17 (55929)
`ଦୁର୍ଯୋଧନଂ ଚ ତତ୍ରାଜୌ ପାଣ୍ଡବେନ ଭୃଶାର୍ଦିତମ୍।
ପରାକ୍ରାନ୍ତାନ୍ପାଣ୍ଡୁସୁତାନ୍ଦୃଷ୍ଟ୍ବାଽପି ଭୃଶାର୍ଦିତମ୍'॥ 8-22-18 (55930)
କଥଂ ବୈକର୍ତନଃ କର୍ଣସ୍ତତ୍ରାଯୁଧ୍ଯତ ସଞ୍ଜଯ।
କଥଂ ଚ ପାଣ୍ଡବାଃ ସର୍ବେ ଯୁଯୁଧୁସ୍ତତ୍ର ସୂତଜମ୍॥ 8-22-19 (55931)
କର୍ଣୋ ହ୍ଯେକୋ ମହାବାହୁର୍ହନ୍ଯାତ୍ପାର୍ଥାନ୍ସସୃଞ୍ଜଯାନ୍।
କର୍ଣସ୍ଯ ଭୁଜଯୋର୍ବୀର୍ଯଂ ଶକ୍ରବିଷ୍ଣୁସମଂ ଯୁଧି॥ 8-22-20 (55932)
ତସ୍ଯ ଶସ୍ତ୍ରାଣି ଘୋରାଣି ବିକ୍ରମଶ୍ଚ ମହାତ୍ମନଃ।
କର୍ଣମାଶ୍ରିତ୍ଯ ସଙ୍ଗ୍ରାମେ ମତ୍ତୋ ଦୁର୍ଯୋଧନୋ ନୃପଃ॥ 8-22-21 (55933)
ଦୁର୍ଯୋଧନଂ ତତୋ ଦୃଷ୍ଟ୍ବା ପାଣ୍ଡବେନ ଭୃଶାର୍ଦିତମ୍।
ପରାକ୍ରାନ୍ତାନ୍ପାଣ୍ଡୁସୁତାନ୍ଦୃଷ୍ଟ୍ବା ଚାପି ମହାରଥଃ॥ 8-22-22 (55934)
କର୍ଣମାଶ୍ରିତ୍ଯ ସଙ୍ଗ୍ରାମେ ମନ୍ଦୋ ଦୁର୍ଯୋଧନଃ ପୁନଃ।
ଜେତୁମୁତ୍ସହତେ ପାର୍ଥାନ୍ସପୁତ୍ରାନ୍ସହକେଶବାନ୍॥ 8-22-23 (55935)
`ଯଃ ସୌବଲଂ ତଥା ତାତ ନୀତିମାନିତି ମନ୍ଯତେ।
କର୍ଣଂ ଚାଗ୍ରତିମଂ ଯୁଦ୍ବେ ଦେବୈରପି ଦୁରୁତ୍ସହମ୍॥ 8-22-24 (55936)
ମନ୍ଯତେଽଭ୍ଯଧିକଂ ପାର୍ଥାଦେବଂ ଚାସ୍ଯ ହୃଦି ସ୍ଥିତମ୍।
ବିଜେଷ୍ଯତି ରଣେ କର୍ଣ ଏକଃ ପର୍ଥାନ୍ସସୋମକାନ୍।
ମମ ଚୈବ ସଦା ମନ୍ଦଃ ଶଂସତେ ନିତ୍ଯମଗ୍ରତଃ'॥ 8-22-25 (55937)
ଅହୋ ବତ ମହଦ୍ଦୁଃଖଂ ଯତ୍ର ପାଣ୍ଡୁସୁତାନ୍ରଣେ।
ନାତରଦ୍ରଭସଃ କର୍ଣୋ ଦୈବଂ ନୂନଂ ପରାଯଣମ୍॥ 8-22-26 (55938)
ଅହୋ ଦ୍ଯୂତସ୍ଯ ନିଷ୍ଠେଯଂ ଘୋରା ସମ୍ପ୍ରତି ବର୍ତତେ॥ 8-22-27 (55939)
ଅହୋ ତୀବ୍ରାଣି ଦୁଃଖାନି ଦୁର୍ଯୋଧନକୃତାନ୍ଯହମ୍।
ସୋଢା ଘୋରାଣି ବହୁଶଃ ଶଲ୍ଯଭୂତାନି ସଞ୍ଜଯ॥ 8-22-28 (55940)
ସୌବଲଂ ଚ ତଦା ତାତ ନୀତିମାନିତି ମନ୍ଯତେ।
କର୍ଣଶ୍ଚ ରଭସୋ ନିତ୍ଯଂ ରାଜା ତ ଚାପ୍ଯନୁବ୍ରତଃ॥ 8-22-29 (55941)
ଯଦେବଂ ବର୍ତମାନେଷୁ ମହାଯୁଦ୍ବେଷୁ ସଞ୍ଜଯ।
ଅଶ୍ରୌଷଂ ନିହତାନ୍ପୁତ୍ରାନ୍ନିତ୍ଯମେବ ବିନିର୍ଜିତାନ୍॥ 8-22-30 (55942)
ନ ପାଣ୍ଡବାନାଂ ସମରେ କଶ୍ଚିଦସ୍ତି ହତଃ କିଲ।
ସ୍ତ୍ରୀମଧ୍ଯମିବ ଗାହନ୍ତେ ଦୈବଂ ତୁ ବଲବତ୍ତରମ୍॥ 8-22-31 (55943)
ସଞ୍ଜଯ ଉବାଚ। 8-22-32x (4874)
[ରାଜନ୍ପୂର୍ବନିମିତ୍ତାନି ଧର୍ମିଷ୍ଠାନି ବିଚିନ୍ତଯ]। 8-22-32 (55944)
ଅତିକ୍ରାନ୍ତଂ ହି ଯତ୍କାର୍ଯଂ ପଶ୍ଚାଚ୍ଚିନ୍ତଯତେ ନରଃ।
ତଚ୍ଚାସ୍ଯ ନ ଭବେତ୍କାର୍ଯଂ ଚିନ୍ତଯା ଚ ବିନଶ୍ଯତି॥ 8-22-33 (55945)
ତଦିଦଂ ତବ କାର୍ଯଂ ତୁ ଦୂରପ୍ରାପ୍ତଂ ବିଜାନତା।
ନ କୃତଂ ଯତ୍ତ୍ବଯା ପୂର୍ବଂ ପ୍ରାପ୍ତାପ୍ରାପ୍ତବିଚାରଣମ୍॥ 8-22-34 (55946)
ଉକ୍ତୋଽସି ବହୁଧା ରାଜ୍ଞନ୍ମା ଯୁଧ୍ଯସ୍ବେତି ପାଣ୍ଡବୈଃ।
ନ ଚ ତତ୍ତ୍ବଗ୍ରହୀର୍ଦ୍ବେଷାତ୍ପାଣ୍ଡବେଷୁ ବିଶାମ୍ପତେ॥ 8-22-35 (55947)
ତ୍ବଯା ପାପାନି ଘୋରାଣି ସମାଚୀର୍ଣାନି ପାଣ୍ଡୁଷୁ।
ତ୍ବତ୍କୃତେ ବର୍ତତେ ଘୋରଃ ପାର୍ଥିବାନାଂ ଜନକ୍ଷଯଃ॥ 8-22-36 (55948)
ତତ୍ତ୍ବିଦାନୀମତିକ୍ରାନ୍ତଂ ମା ଶୁଚୋ ଭରତର୍ଷଭ।
ଶୃଣୁ ସର୍ବଂ ଯଥାବୃତ୍ତଂ ଘୋରଂ ବୈଶସମୁଚ୍ଯତେ॥ 8-22-37 (55949)
ପ୍ରଭାତାଯାଂ ରଜନ୍ଯାଂ ତୁ କର୍ଣୋ ରାଜାନମଭ୍ଯଯାତ୍।
ସମେତ୍ଯ ଚ ମହାବାହୁର୍ଦୁର୍ଯୋଧନମଥାବ୍ରବୀତ୍॥ 8-22-38 (55950)
କର୍ଣ ଉବାଚ। 8-22-39x (4875)
ଅଦ୍ଯ ରାଜନ୍ସମେଷ୍ଯାମି ପାଣ୍ଡବେନ ଯଶସ୍ବିନା।
ନିହନିଷ୍ଯାମି ତଂ ବୀରଂ ସ ବା ମାଂ ନିହନିଷ୍ଯତି॥ 8-22-39 (55951)
ବହୁତ୍ବାନ୍ମମ କାର୍ଯାଣାଂ ତଥା ପାର୍ଥସ୍ଯ ଭାରତ।
ନାଭୂତ୍ସମାଗମୋ ରାଜନ୍ମମ ଚୈବାର୍ଜୁନସ୍ଯ ଚ॥ 8-22-40 (55952)
ଇଦଂ ତୁ ମେ ଯଥାପ୍ରଜ୍ଞଂ ଶୃଣୁ ବାକ୍ଯଂ ବିଶାମ୍ପତେ।
ଅନିହତ୍ଯ ରଣେ ପାର୍ଥଂ ନାହମେଷ୍ଯାମି ଭାରତ॥ 8-22-41 (55953)
ହତପ୍ରବୀରେ ସୈନ୍ଯେଽସ୍ମିନ୍ମଯି ଚାବସ୍ଥିତେ ଯୁଧି।
ଅଭିଯାସ୍ଯତି ମାଂ ପାର୍ଥଃ ଶକ୍ରଶକ୍ତିବିନାକୃତମ୍॥ 8-22-42 (55954)
ତତଃ ଶ୍ରେଯସ୍କରଂ ଯଚ୍ଚ ତନ୍ନିବୋଧ ଜନେଶ୍ବର।
ଆଯୁଧାନାଂ ଚ ମେ ବୀର୍ଯଂ ଦିବ୍ଯାନାମର୍ଜୁନସ୍ଯ ଚ॥ 8-22-43 (55955)
କାର୍ଯସ୍ଯ ମହତୋ ଭେଦେ ଲାଘବେ ଦୂରପାତନେ।
ସୌଷ୍ଠବେ ଚାସ୍ତ୍ରପାତେ ଚ ସବ୍ଯସାଚୀ ନ ମତ୍ସମଃ॥ 8-22-44 (55956)
ପ୍ରାଣେ ଶୌର୍ଯେଽଥ ବିଜ୍ଞାନେ ବିକ୍ରମେ ଚାପି ଭାରତ।
ନିମିତ୍ତଜ୍ଞାନଯୋଗେ ଚ ସବ୍ଯସାଚୀ ନ ମତ୍ସମଃ॥ 8-22-45 (55957)
ସର୍ବାଯୁଧମହାମାତ୍ରଂ ବିଜଯଂ ନାମ ତଦ୍ବନୁଃ।
ଇନ୍ଦ୍ରାର୍ଥଂ ପ୍ରିଯକାମେନ ନିର୍ମିତଂ ବିଶ୍ବକର୍ମଣା॥ 8-22-46 (55958)
ଯେନ ଦୈତ୍ଯଗଣାନ୍ରାଜଞ୍ଜିତବାନ୍ବୈ ଶତକ୍ରତୁଃ।
ଯସ୍ଯ ଘୋଷେଣ ଦୈତ୍ଯାନାଂ ବ୍ଯାମୁହ୍ଯନ୍ତ ଦିଶୋ ଦଶ॥ 8-22-47 (55959)
ତଦ୍ଭାର୍ଗବାଯ ପ୍ରାଯଚ୍ଛଚ୍ଛକ୍ରଃ ପରମସମ୍ମତମ୍।
ତଦ୍ଦିବ୍ଯଂ ଭାର୍ଗବୋ ମହ୍ଯମଦଦଦ୍ବନୁରତ୍ତମମ୍॥ 8-22-48 (55960)
ତେନ ଯୋତ୍ସ୍ଯେ ମହାବାହୁମର୍ଜୁନଂ ଜଯତାଂ ବରମ୍।
ଯଥେନ୍ଦ୍ରଃ ସମରେ ସର୍ବାନ୍ଦୈତେଯାନ୍ବୈ ସମାଗତାନ୍।
`ନିଜଘାନ ତଥା ସର୍ବାଞ୍ଜେଷ୍ଯାମି ଯୁଧି ପାଣ୍ଡବାନ୍'॥ 8-22-49 (55961)
ଧନୁର୍ଘୋରଂ ରାମଦତ୍ତଂ ଗାଣ୍ଡୀବାତ୍ତଦ୍ବିଶିଷ୍ଯତେ।
ତ୍ରିସ୍ସପ୍ତକୃତ୍ବଃ ପୃଥିବୀ ଧନୁଷା ଯେନ ନିର୍ଜିତା॥ 8-22-50 (55962)
ଧନୁଷୋ ହ୍ଯସ୍ଯ କର୍ମାଣି ଦିବ୍ଯାନି ପ୍ରାହ ଭାର୍ଗବଃ।
ତଦ୍ରାମୋ ହ୍ଯଦଦନ୍ମହ୍ଯଂ ତେନ ଯୋତ୍ସ୍ଯାମି ପାଣ୍ଡବମ୍॥ 8-22-51 (55963)
ଅଦ୍ଯ ଦୁର୍ଯୋଧନାହଂ ତ୍ବାଂ ନନ୍ଦଯିଷ୍ଯେ ସବାନ୍ଧବମ୍।
ନିହତ୍ଯ ସମରେ ବୀରମର୍ଜୁନଂ ଜଯତାଂ ବରମ୍॥ 8-22-52 (55964)
ସପର୍ବତବନଦ୍ବୀପା ହତବୀରା ସସାଗରା।
ପୁତ୍ରପୌତ୍ରପ୍ରତିଷ୍ଠା ତେ ଭବିଷ୍ଯତ୍ଯଦ୍ଯ ପାର୍ଥିବ॥ 8-22-53 (55965)
ନାଶକ୍ଯଂ ବିଦ୍ଯତେ ମେଽଦ୍ଯ ତ୍ବତ୍ପ୍ରିଯାର୍ଥଂ ବିଶେଷତଃ।
ସମ୍ଯଗ୍ଧର୍ମାନୁରକ୍ତସ୍ଯ ସିଦ୍ବିରାତ୍ମବତୋ ଯଥା॥ 8-22-54 (55966)
ନ ହି ମେ ବିକ୍ରମଂ ସୋଢୁଂ ସ ଶକ୍ତୋଽଗ୍ନିଂ ତରୁର୍ଯଥା।
ଅବଶ୍ଯଂ ତୁ ମଯା ବାଚ୍ଯଂ ଯେନ ହୀନୋଽସ୍ମି ଫଲ୍ଗୁନାତ୍॥ 8-22-55 (55967)
ଜ୍ଯା ତସ୍ଯ ଧନୁଷୋ ଦିବ୍ଯା ତଥାଽକ୍ଷଯ୍ଯେ ମହେଷୁଧୀ।
ସାରଥିସ୍ତସ୍ଯ ଗୋବିନ୍ଦୋ ମମ ତାଦୃଙ୍ଗ ବିଦ୍ଯତେ॥ 8-22-56 (55968)
ତସ୍ଯ ଦିବ୍ଯଂ ଧନୁଃ ଶ୍ରେଷ୍ଠଂ ଗାଣ୍ଡୀବମଜିତଂ ଯୁଧି।
ବିଜଯଂ ଚ ମହଦ୍ଦିବ୍ଯଂ ମମାପି ଧନୁରୁତ୍ତମମ୍॥ 8-22-57 (55969)
ତତ୍ରାହମଧିକଃ ପାର୍ଥାଦ୍ବନୁଷା ତେନ ପାର୍ଥିବ।
ଯେନ ଚାପ୍ଯଧିକୋ ବୀରଃ ପାଣ୍ଡବସ୍ତନ୍ନିବୋଧ ମେ॥ 8-22-58 (55970)
ରଶ୍ମିଗ୍ରାହଶ୍ଚ ଦାଶାର୍ହଃ ସର୍ବଲୋକନମସ୍କୃତଃ।
ଅଗ୍ନିଦତ୍ତଶ୍ଚ ବୈ ଦିବ୍ଯୋ ରଥଃ କାଞ୍ଚନଭୂଷଣଃ॥ 8-22-59 (55971)
ଅଚ୍ଛେଦ୍ଯାଃ ସର୍ବତୋ ବୀର ବାଜିନଶ୍ଚ ମନୋଜବାଃ।
ଧ୍ବଜଶ୍ଚ ଦିବ୍ଯୋ ଦ୍ଯୁତିମାନ୍ବାନରୋପି ଭଯଙ୍କରଃ॥ 8-22-60 (55972)
କୃଷ୍ଣଶ୍ଚ ଜଗତଃ ସ୍ରଷ୍ଟା ରଥଂ ତମଭିରକ୍ଷତି।
ଏଭିସ୍ତ୍ରିଭିରହଂ ହୀନୋ ଯୁଦ୍ବୁମିଚ୍ଛାମି ପାଣ୍ଡବମ୍॥ 8-22-61 (55973)
ଅଯଂ ତୁ ସଦୃଶଃ ଶୌରେଃ ଶଲ୍ଯଃ ସମିତିଶୋଭନଃ।
ସାରଥ୍ଯଂ ଯଦି ମେ କୁର୍ଯାଦ୍ଦ୍ରୁବସ୍ତେ ବିଜଯୋ ଭବେତ୍॥ 8-22-62 (55974)
ତସ୍ଯ ମେ ସାରଥିଃ ଶଲ୍ଯୋ ଭବତ୍ବସୁକରଃ ପରୈଃ।
ନାରାଚାନ୍ଗାର୍ଧ୍ରପତ୍ରାଂଶ୍ଚ ଶକଟାନି ବହନ୍ତୁ ମେ॥ 8-22-63 (55975)
ରଥାଶ୍ଚ ମୁଖ୍ଯା ରାଜେନ୍ଦ୍ର ଯୁକ୍ତା ବାଜିଭିରୁତ୍ତମୈଃ।
ଆଯାନ୍ତୁ ପଶ୍ଚାତ୍ସତତଂ ମାମେବ ଭରତର୍ଷଭ॥ 8-22-64 (55976)
ଏବମଭ୍ଯଧିକଃ ପାର୍ଥାଦ୍ଭବିଷ୍ଯାମି ଗୁଣୈରହମ୍।
ଶଲ୍ଯୋପ୍ଯଭ୍ଯଧିକଃ କୃଷ୍ଣାଦର୍ଜୁନାଦପିଚାପ୍ଯହମ୍॥ 8-22-65 (55977)
ଯଥାଽଶ୍ବହୃଦଯଂ ବେଦ ଦାଶାର୍ହଃ ପରବୀରହା।
ତଥା ଶଲ୍ଯୋ ବିଜାନୀତେ ହଯଜ୍ଞାନଂ ମହାରଥଃ॥ 8-22-66 (55978)
ବାହୁବୀର୍ଯେ ସମୋ ନାସ୍ତି ମଦ୍ରରାଜସ୍ଯ କଶ୍ଚନ।
ତଥାଽସ୍ତ୍ରେ ମତ୍ସମୋ ନାସ୍ତି କଶ୍ଚିଦେବ ଧନୁର୍ଧରଃ॥ 8-22-67 (55979)
ତଥା ଶଲ୍ଯସମୋ ନାସ୍ତି ହଯଜ୍ଞାନେ ହି କଶ୍ଚନ।
ସୋଽଯମଭ୍ଯଧିକଃ କୃଷ୍ଣାଦ୍ଭବିଷ୍ଯତି ରଥୋ ମମ॥ 8-22-68 (55980)
ଏବଂ କୃତେ ରଥସ୍ଥୋଽହଂ ଗୁଣୈରଭ୍ଯଧିକୋଽର୍ଜୁନାତ୍।
ବିଜଯେଯମହଂ ସଙ୍ଖ୍ଯେ ଫଲ୍ଗୁନଂ କୁରୁସତ୍ତମ॥ 8-22-69 (55981)
ସମୁଦ୍ଯାତୁଂ ନ ଶକ୍ଷ୍ଯନ୍ତି ଦେବା ଅପି ସବାସବାଃ।
ଏତତ୍କୃତଂ ମହାରାଜ ତ୍ବଯେଚ୍ଛାମି ପରନ୍ତପ॥ 8-22-70 (55982)
କ୍ରିଯତାମେଷ କାମୋ ମେ ମା ବଃ କାଲୋଽତ୍ଯଗାଦଯମ୍।
ଏବଂ କୃତେ କୃତଂ ମହ୍ଯଂ ତ୍ବଯା ସର୍ବଂ ଭବିଷ୍ଯତି॥ 8-22-71 (55983)
ତତୋ ଦ୍ରକ୍ଷ୍ଯସି ସଙ୍ଗ୍ରାମେ ଯତ୍କରିଷ୍ଯାମି ଭାରତ।
ସର୍ବଥା ପାଣ୍ଡବାନ୍ସଙ୍ଖ୍ଯେ ବିଜେଷ୍ଯେ ବୈ ସମାଗତାନ୍॥ 8-22-72 (55984)
ନ ହି ମେ ସମରେ ଶକ୍ତାଃ ସମୁଦ୍ଯାତୁଂ ସୁରାସୁରାଃ।
କିମୁ ପାଣ୍ଡୁସୁତା ରାଜନ୍ରଣେ ମାନୁଷଯୋନଯଃ॥ 8-22-73 (55985)
ସଞ୍ଜଯ ଉବାଚ। 8-22-74x (4876)
ଏବମୁକ୍ତସ୍ତବ ସୁତଃ କର୍ଣେନାହବଶୋଭିନା।
ସମ୍ପୂଜ୍ଯ ସମ୍ପ୍ରହୃଷ୍ଟାତ୍ମା ତତୋ ରାଧେଯମବ୍ରବୀତ୍॥ 8-22-74 (55986)
ଦୁର୍ଯୋଧନ ଉବାଚ। 8-22-75x (4877)
ଏବମେତତ୍କରିଷ୍ଯାମି ଯଥା ତ୍ବଂ କର୍ଣ ମନ୍ଯସେ।
ସୋପାସଙ୍ଗା ରଥାଃ ସାଶ୍ବାଃ ସ୍ବନୁଯାସ୍ଯନ୍ତି ସଂଯୁଗେ॥ 8-22-75 (55987)
ନାରାଚାନ୍ଗାର୍ଧ୍ରପତ୍ରାଂଶ୍ଚ ଶକଟାନି ବହନ୍ତୁ ତେ।
ଅନୁଯାସ୍ଯାମ କର୍ଣ ତ୍ବାଂ ବଯଂ ସର୍ବେ ଚ ପାର୍ଥିବାଃ॥ 8-22-76 (55988)
ସଞ୍ଜଯ ଉବାଚ। 8-22-77x (4878)
ଏବମୁକ୍ତ୍ବା ମହାରାଜ ତବ ପୁତ୍ରଃ ପ୍ରତାପବାନ୍।
ଅଭିଗମ୍ଯାବ୍ରବୀଦ୍ରାଜା ମଦ୍ରରାଜମିଦଂ ବଚଃ॥ ॥ 8-22-77 (55989)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଦ୍ବାବିଂଶୋଽଧ୍ଯାଯଃ॥ 22 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.23. ଅଧ୍ଯାଯଃ 023
Mahabharata - Karna Parva - Chapter Topics
ଦୁର୍ଯୋଧନପ୍ରାର୍ଥନଯା ଶଲ୍ଯେନ କୃଚ୍ଛ୍ରାତ୍କର୍ଣରଥସାରଥ୍ଯକରଣାକ୍ଷ୍ଯୁପଗମଃ॥ 1 ॥
Mahabharata - Karna Parva - Chapter Text
8-23-0 (55990)
ସଞ୍ଜଯ ଉବାଚ। 8-23-0x (4879)
ଏବମୁକ୍ତୋ ମହାରାଜ ତବ ପୁତ୍ରଃ ପ୍ରତାପବାନ୍।
ମଦ୍ରେଶ୍ବରଂ ପ୍ରତି ରଣେ ସୁରସୈନ୍ଯଭଯଙ୍କରମ୍।
ସର୍ବଂ ତଥାଽକରୋତ୍ତୂର୍ଣଂ ରାଧେଯସ୍ତଦ୍ଯଥାଽବ୍ରବୀତ୍॥ 8-23-1 (55991)
ମଦ୍ରାଜଂ ଚ ସମରେ ପ୍ରଣମ୍ଯ ଚ ମହାରଥମ୍।
ବିନଯେନୋପସଙ୍ଗମ୍ଯ ପ୍ରଣଯାଦ୍ବାକ୍ଯମବ୍ରବୀତ୍॥ 8-23-2 (55992)
ସତ୍ଯବ୍ରତ ମହାଭାଗ ଦ୍ବିଷତାଂ ତାପବର୍ଧନ।
ମଦ୍ରେଶ୍ବର ରଣେଶୂର ପରସୈନ୍ଯଭଯଙ୍କର॥ 8-23-3 (55993)
`ମତ୍ପ୍ରିଯାର୍ଥଂ ହିତାର୍ଥଂ ଚ ତଥା ପାର୍ଥବଧାଯ ଚ'।
ଶ୍ରୁତବାନସି କର୍ଣସ୍ଯ ବ୍ରୁବତୋ ବଦତାଂ ବର।
ଯଥା ନୃପତିସିଂହାନାଂ ମଧ୍ଯେ ତ୍ବାଂ ବରଯେ ସ୍ବଯମ୍॥ 8-23-4 (55994)
ତତ୍ତ୍ବାମପ୍ରତିବୀର୍ଯାଦ୍ଯ ଶତ୍ରୁପକ୍ଷକ୍ଷଯାବହ।
ମଦ୍ରେଶ୍ବର ପ୍ରଯାଚେଽହଂ ଶିରସା ବିନଯେନ ଚ॥ 8-23-5 (55995)
ତସ୍ମାତ୍ପାର୍ଥବିନାଶାର୍ଥଂ ହିତାର୍ଥଂ ମମ ଚୈବ ହି।
ତ୍ବଂ ପାହି ସର୍ବତଃ କର୍ଣଂ ଭବଂ ବ୍ରହ୍ମେବ ସୁବ୍ରତ॥ 8-23-6 (55996)
ସାରଥ୍ଯଂ ରଥିନାଂ ଶ୍ରେଷ୍ଠ ପ୍ରଣଯାତ୍କର୍ତୁମର୍ହସି।
ତ୍ବଯି ଯନ୍ତରି ରାଧେଯୋ ବିଦ୍ବିଷୋ ମେ ବିଜେଷ୍ଯତେ॥ 8-23-7 (55997)
ଅଭୀଷୂଣାଂ ହି କର୍ଣସ୍ଯ ଗ୍ରହୀତାନ୍ଯୋ ନ ବିଦ୍ଯତେ।
ଋତେ ହି ତ୍ବାଂ ମହାଭାଗ ବାସୁଦେବସମଂ ଯୁଧି॥ 8-23-8 (55998)
ସ ପାହି ସର୍ବଥା କର୍ଣଂ ଯଥା ବ୍ରହ୍ମା ମହେଶ୍ବରମ୍।
ଯଥା ଚ ସର୍ବଥାଽଽପତ୍ସୁ ବାର୍ଷ୍ଣେଯଃ ପାତି ପାଣ୍ଡବମ୍।
ତଥା ମଦ୍ରେଶ୍ବରାଦ୍ଯ ତ୍ବଂ ରାଧେଯଂ ପ୍ରତିପାଲଯ॥ 8-23-9 (55999)
ଭୀଷ୍ମୋ ଦ୍ରୋଣଃ କୃପଃ କର୍ଣୋ ଭବାନ୍ଭୋଜଶ୍ଚ ବୀର୍ଯବାନ୍।
ଶକୁନିଃ ସୌବଲୋ ଦ୍ରୌଣିରହମେବ ଚ ନୋ ବଲମ୍॥ 8-23-10 (56000)
ଏବମେଷ କୃତୋ ଭାଗୋ ନବଧା ପୃଥିବୀପତେ।
ନ ଚ ଭାଗୋଽତ୍ର ଭୀଷ୍ମସ୍ଯ ଦ୍ରୋଣସ୍ଯ ଚ ମହାତ୍ମନଃ॥ 8-23-11 (56001)
ତାଭ୍ଯାମତୀତ୍ଯ ତୌ ଭାଗୌ ନିହତା ମମ ଶତ୍ରବଃ।
ବୃଦ୍ବୌ ହି ତୌ ମହେଷ୍ବାସୌ ଛଲେନ ନିହତୌ ଯୁଧି॥ 8-23-12 (56002)
କୃତ୍ବା ଚାସୁକରଂ କର୍ମ ଗତୌ ସ୍ବର୍ଗମିତୋଽନଘ।
ତଥାନ୍ଯେ ପୁରୁଷବ୍ଯାଘ୍ରାଃ ପରୈର୍ବିନିହତା ଯୁଧି॥ 8-23-13 (56003)
ଅସ୍ମଦୀଯାଶ୍ଚ ବହବଃ ସ୍ବର୍ଗାଯ ଗମିତାଃ ପରୈଃ।
ତ୍ଯକ୍ତ୍ବା ପ୍ରାଣାନଯ୍ଥାଶକ୍ତି ଚେଷ୍ଟାଂ କୃତ୍ବା ଚ ପୁଷ୍କଲାମ୍। 8-23-14 (56004)
ତଦିଦଂ ହତଭୂଯିଷ୍ଠଂ ବଲଂ ମମ ନରାଧିପ।
ପୂର୍ବମପ୍ଯଲ୍ପକୈଃ ପାର୍ଥୈର୍ହତଂ କିମୁତ ସାମ୍ପ୍ରତମ୍॥ 8-23-15 (56005)
ବଲବନ୍ତୋ ମହାତ୍ମାନଃ କୌନ୍ତେଯାଃ ସତ୍ଯବିକ୍ରମାଃ।
ବଲଂ ଶେଷଂ ନ ହନ୍ଯୁର୍ମେ ଯଥା ତତ୍କୁରୁ ପାର୍ଥିବ॥ 8-23-16 (56006)
ହତବୀରମିଦଂ ସୈନ୍ଯଂ ପାଣ୍ଡବୈଃ ସମରେ ବିଭୋ।
କର୍ଣୋ ହ୍ଯେକୋ ମହାବାହୁରସ୍ମତ୍ପ୍ରିଯହିତେ ରତଃ॥ 8-23-17 (56007)
ଭବାଂଶ୍ଚ ପୁରୁଷବ୍ଯାଘ୍ର ସର୍ବଲୋକମହାରଥଃ।
ଶଲ୍ଯ କର୍ଣୋଽର୍ଜୁନେନାଦ୍ଯ ଯୋଦ୍ବୁମିଚ୍ଛତି ସଂଯୁଗେ॥ 8-23-18 (56008)
ତସ୍ମିଞ୍ଜଯାଶା ବିପୁଲା ମଦ୍ରରାଜ ନରାଧିପ।
ତସ୍ଯାଭୀଷୁଗ୍ରହବରୋ ନାନ୍ଯୋଽସ୍ତି ଭୁବି କଶ୍ଚନ॥ 8-23-19 (56009)
ପାର୍ଥସ୍ଯ ସମରେ କୃଷ୍ଣୋ ଯଥାଽଭୀଷୁଗ୍ରହୋ ବରଃ।
ତଥା ତ୍ବମପି କର୍ଣସ୍ଯ ରଥେଽଭୀଷୁଗ୍ରହୋ ଭବ॥ 8-23-20 (56010)
ତେନ ଯୁକ୍ତୋ ରଣେ ପାର୍ଥୋ ରକ୍ଷ୍ଯମାଣଶ୍ଚ ପାର୍ଥିବ।
ଯାନି କର୍ମାଣି କୁରୁତେ ପ୍ରତ୍ଯକ୍ଷାଣି ତଥୈବ ତତ୍॥ 8-23-21 (56011)
ପୂର୍ବଂ ନଃ ସମରେ ହ୍ଯେବମଧୀଦର୍ଜୁନୋ ରିପୂନ୍।
ଇଦାନୀଂ ବିକ୍ରମୋ ହ୍ଯସ୍ଯ କୃଷ୍ଣେନ ସହିତସ୍ଯ ଚ॥ 8-23-22 (56012)
କୃଷ୍ଣେନ ସହିତଃ ପାର୍ଥୋ ଧାର୍ତରାଷ୍ଟ୍ରୀଂ ମହାଚମୂମ୍।
ଅହନ୍ଯହନି ମଦ୍ରେଶ ଦ୍ରାବଯନ୍ଦୃଶ୍ଯତେ ଯୁଧି॥ 8-23-23 (56013)
ଭାଗୋଽବଶିଷ୍ଟଃ କର୍ଣସ୍ଯ ତବ ଚୈବ ମହାଦ୍ଯୁତେ।
ତଂ ଭାଗଂ ସହ କର୍ଣେନ ଯୁଗପନ୍ନାଶଯାଦ୍ଯ ହି॥ 8-23-24 (56014)
ଅରୁଣେନ ଯଥା ସାର୍ଧଂ ତମଃ ସୂର୍ଯୋ ବ୍ଯପୋହତି।
ତଥା କର୍ଣେନ ସହିତୋ ଜହି ପାର୍ଥଂ ମହାହବେ॥ 8-23-25 (56015)
ଉଦ୍ଯନ୍ତୌ ଚ ଯଥା ସୂର୍ଯୌ ବାଲସୂର୍ଯସମପ୍ରଭୌ।
କର୍ଣଶଲ୍ଯୌ ରଣେ ଦୃଷ୍ଟ୍ବା ବିଦ୍ରବନ୍ତୁ ମହାରଥାଃ॥ 8-23-26 (56016)
ସୂର୍ଯାରୁଷୌ ଯଥା ଦୃଷ୍ଟ୍ବା ତମୋ ନଶ୍ଯତି ମାରିଷ।
ତଥା ନଶ୍ଯନ୍ତୁ କୌନ୍ତେଯାଃ ସପାଞ୍ଚାଲାଃ ସସୃଞ୍ଜଯାଃ॥ 8-23-27 (56017)
ରଥିନାଂ ପ୍ରବରଃ କର୍ଣୋ ଯନ୍ତୄଣାଂ ପ୍ରବରୋ ଭବାନ୍।
ସଂଯୋଗୋ ଯୁବଯୋର୍ଲୋକେ ନାଭୂନ୍ନ ଚ ଭବିଷ୍ଯତି॥ 8-23-28 (56018)
ଯଥା ସର୍ବାସ୍ବବସ୍ଥାସୁ ବାର୍ଷ୍ମେଯଃ ପାତି ପାଣ୍ଡବମ୍।
ତଥା ଭବାନ୍ପରିତ୍ରାତୁ କର୍ଣଂ ବୈକର୍ତନଂ ରଣେ।
`ସାରଥ୍ଯଂ କ୍ରିଯତାଂ ତସ୍ଯ ଯୁଧ୍ଯମାନସ୍ଯ ସଂଯୁଗେ॥ 8-23-29 (56019)
ଯଥା ଚ ସମରେ କୃଷ୍ଣୋ ରକ୍ଷତେ ସର୍ବତୋଽର୍ଜୁନମ୍।
ତଥା ତ୍ବମପି ରାଧେଯଂ ରକ୍ଷସ୍ବ ଚ ମହାରଣେ'॥ 8-23-30 (56020)
ତ୍ବଯା ସାରଥିନା ହ୍ଯେଷ ଅପ୍ରଧୃଷ୍ଯୋ ଭବିଷ୍ଯତି।
ଦେବତାନାମପି ରଣେ ସଶକ୍ରାଣାଂ ମହୀପତେ।
କିଂ ପୁନଃ ପାଣ୍ଡବେଯାନାଂ ମା ବିଶଙ୍କୀର୍ବଚୋ ମମ॥ 8-23-31 (56021)
ସଞ୍ଜଯ ଉବାଚ। 8-23-32x (4880)
ଦୁର୍ଯୋଧନବଚଃ ଶ୍ରୁତ୍ବା ଶଲ୍ଯଃ କ୍ରୋଧସମନ୍ବିତଃ।
`ଧାର୍ତରାଷ୍ଟ୍ରମଥୋବାଚ ସୃକ୍ବିଣୀ ପରିଲେଲିହନ୍'॥ 8-23-32 (56022)
ତ୍ରିଶିଖାଂ ଭ୍ରୁକୁଟିଂ କୃତ୍ବା ଧୁନ୍ବନ୍ହସ୍ତୌ ପୁନଃପୁନଃ।
କ୍ରୋଧରକ୍ତେ ମହାନେତ୍ରେ ପରିବୃତ୍ଯ ମହାଭୁଜଃ।
କୁଲୈଶ୍ବର୍ଯଶ୍ରୁତବଲୈର୍ଦୃପ୍ତଃ ଶଲ୍ଯୋଽବ୍ରବୀଦିଦମ୍॥ 8-23-33 (56023)
ଶଲ୍ଯ ଉବାଚ। 8-23-34x (4881)
ନ ମାମର୍ହସି ରାଜେଦ୍ର ନିଯୋକ୍ତୁଂ କର୍ମଣୀଦୃଶେ।
ନ ହି ପାପୀଯସଃ ଶ୍ରେଯାନ୍ପ୍ରେଷ୍ଯତ୍ବଂ କର୍ତୁମର୍ହତି॥ 8-23-34 (56024)
ଯୋ ହ୍ଯଭ୍ଯୁପଗତଂ ମିତ୍ରଂ ଗରୀଯାଂସଂ ବିଶେଷତଃ।
ବଶେ ପାପୀଯସୋ ଧତ୍ତେ ତତ୍କାର୍ଯମଧରୋତ୍ତରମ୍॥ 8-23-35 (56025)
ବ୍ରହ୍ମଣା ବ୍ରାହ୍ମଣାଃ ସୃଷ୍ଟା ମୁଖାତ୍କ୍ଷତ୍ରଂ ଚ ବାହୁତଃ।
ଊରୁଭ୍ଯାମଥ ବୈଶ୍ଯା ବୈ ଶୂଦ୍ରାଃ ପଦ୍ଭ୍ଯାମିତି ଶ୍ରୁତିଃ॥ 8-23-36 (56026)
ତେଭ୍ଯୋ ବର୍ଣବିଶେଷାଶ୍ଚ ପ୍ରତିଲୋମାନୁଲୋମଜାଃ।
ଅଥାନ୍ଯୋନ୍ଯସ୍ଯ ସଂଯୋଗାଚ୍ଚାତୁର୍ବର୍ଣ୍ଯସ୍ଯ ଭାରତ॥ 8-23-37 (56027)
ଗୋପ୍ତାରଃ ସଙ୍ଗୃହୀତାରୋ ଦାତାରଃ କ୍ଷତ୍ରିଯାଃ ସ୍ମୃତାଃ॥ 8-23-38 (56028)
ଯାଜନାଧ୍ଯାପନୈର୍ବିପ୍ରା ବିଶୁଦ୍ବୈଶ୍ଚ ପ୍ରତିଗ୍ରହୈଃ।
ଲୋକସ୍ଯାନୁଗ୍ରହାର୍ଥାଯ ସ୍ଥାପିତା ବ୍ରାହ୍ମଣା ଭୁବି॥ 8-23-39 (56029)
କୃଷିଶ୍ଚ ପାଶୁପାଲ୍ଯଂ ଚ ବିଶାଂ ଦାନଂ ଚ ଧର୍ମତଃ।
ବ୍ରହ୍ମକ୍ଷତ୍ରବିଶାଂ ଶୂଦ୍ରା ବିହିତାଃ ପରିଚାରକାଃ॥ 8-23-40 (56030)
ବ୍ରହ୍ମକ୍ଷତ୍ରସ୍ଯ ବିହିତାଃ ସୂତା ବୈ ପରିଚାରକାଃ।
ନ କ୍ଷତ୍ରିଯୋ ବୈ ସୂତାନାଂ ଶୃଣୁଯାଚ୍ଚ କଥଞ୍ଚନ॥ 8-23-41 (56031)
ଅହଂ ମୂର୍ଧାଭିଷିକ୍ତୋ ହି ରାଜର୍ଷିକୁଲଜୋ ନୃପଃ।
ମହାରଥସମାଖ୍ଯାତଃ ସେବ୍ଯଃ ସ୍ତୁତ୍ଯଶ୍ଚ ବନ୍ଦିନାଂ॥ 8-23-42 (56032)
ସୋଽମହେତାଦୃଶୋ ଭୂତ୍ବା ନେହାରିବଲସୂଦନଃ।
ସୂତପୁତ୍ରସ୍ଯ ସଙ୍ଗ୍ରାମେ ସାରଥ୍ଯଂ କର୍ତୁମୁତ୍ସହେ॥ 8-23-43 (56033)
ଅବମନ୍ଯସେ ମାଂ ଗାନ୍ଧାରେ ଧ୍ରୁବଂ ଚାପ୍ଯତିଶଙ୍କସେ।
ଯସ୍ମାଦ୍ବ୍ରବୀଷି ବିସ୍ରବ୍ଧଃ ସାରଥ୍ଯଂ କ୍ରିଯତାମିତି॥ 8-23-44 (56034)
ଅସ୍ମତ୍ତୋଽଭ୍ଯଧିକଂ କର୍ଣଂ ମନ୍ବାନସ୍ତଂ ପ୍ରଶଂସସି।
ନ ଚାହଂ ଯୁଧି ରାଧେଯଂ ଗଣଯେ ତୁଲ୍ଯମାତ୍ମନଃ॥ 8-23-45 (56035)
ଆଦିଶ୍ଯତାମଭ୍ଯଧିକୋ ମମାଂଶଃ ପୃଥିବୀପତେ।
ତମହଂ ସମରେ ହତ୍ବା ଗମିଷ୍ଯାମି ଯଥାଗତମ୍॥ 8-23-46 (56036)
ଅଥବାପ୍ଯେକ ଏବାହଂ ଯୋତ୍ସ୍ଯାମି ତବ ଶତ୍ରୁଭିଃ।
ପଶ୍ଯ ବୀର୍ଯଂ ମମାଦ୍ଯ ତ୍ବଂ ସଙ୍ଗ୍ରାମେ ଦହତୋ ରିପୂନ୍॥ 8-23-47 (56037)
ନ ଚାପି କାମାନ୍କୌରବ୍ଯ ନିଧାଯ ହୃଦଯେ ପୁମାନ୍।
ଅସ୍ମଦ୍ବିଧଃ ପ୍ରବର୍ତେତ ମା ମା ତ୍ବମତିଶଙ୍କିଥାଃ॥ 8-23-48 (56038)
ଅପି ଚାପ୍ଯବମାନୋ ମେ ନ କର୍ତବ୍ଯଃ କଥଞ୍ଚନ।
ପଶ୍ଯ ଭୀମୌ ମମ ଭୁଜୌ ବଜ୍ରସଂହନନୌ ଦୃଢୌ॥ 8-23-49 (56039)
ଧନୁଃ ପଶ୍ଯ ଚ ମେ ଚିତ୍ରଂ ଶରାଂଶ୍ଚାଶୀବିଷପମାନ୍।
ରଥଂ ଚ ପଶ୍ଯ ମେ ଚିତ୍ରଂ ସଦଶ୍ବୈର୍ବାତବେଗିଭିଃ॥ 8-23-50 (56040)
ଗଦାଂ ଚ ପଶ୍ଯ ଗାନ୍ଧାରେ ହେମପଟ୍ଟବିଭୂଷିତାମ୍।
ଦାରଯେଯଂ ମହୀଂ କ୍ରୁଦ୍ଧୋ ବିକିରେଯଂ ଚ ପର୍ବତାନ୍।
ଶୋଷଯେଯଂ ସମୁଦ୍ରାଂଶ୍ଚ ପାତଯେଯଂ ଚ ଭାସ୍କରମ୍॥ 8-23-51 (56041)
ତଂ ମାମେବଂବିଧଂ ରାଜନ୍ସମର୍ଥମରିନିଗ୍ରହେ।
କସ୍ମାଦ୍ଯୁନଙ୍କ୍ଷି ସାରଥ୍ଯେ ସୂତସ୍ଯାଧିରଥେସ୍ତୁ ମାମ୍॥ 8-23-52 (56042)
ନ ଚାପି ମମ ରାଧେଯଃ କଲାମର୍ହତି ଷୋଡଶୀମ୍॥ 8-23-53 (56043)
ସକର୍ଣା ଯେ ତ୍ରଯୋ ଲୋକାଃ ସାର୍ଜୁନାଃ ସଜନାର୍ଦନାଃ।
ନିବଦ୍ବାଂସ୍ତନ୍ତ୍ରଣେ ରାଜନ୍ନ ଗଣେଯଂ କଥଞ୍ଚନ॥ 8-23-54 (56044)
ନ ଚାହଂ ପ୍ରାକୃତଃ କଶ୍ଚିନ୍ନ ଚାସ୍ମ୍ଯଧିଗତଃ ସ୍ବଯମ୍।
ଅଯଂ ଚାପ୍ଯବମାନୋ ମେ ନ କର୍ତବ୍ଯଃ କଥଞ୍ଚନ॥ 8-23-55 (56045)
ଆପୃଚ୍ଛେ ତ୍ବାଦ୍ଯ ଗାନ୍ଧାରେ ଯାସ୍ଯାମି ବିଷଯଂ ପ୍ରତି।
ନ ଚାହଂ ସୂତପୁତ୍ରସ୍ଯ ସାରଥ୍ଯମୁପଜଗ୍ମିବାନ୍॥ 8-23-56 (56046)
ଅବମାନମହଂ ପ୍ରାପ୍ଯ ନ ଯୋତ୍ସ୍ଯାମି କଥଞ୍ଚନ।
ଆପୃଚ୍ଛେ ତ୍ବାଽଦ୍ଯ ଗାନ୍ଧାରେ ଗମିଷ୍ଯାମି ଗୃହାଯ ବୈ॥ 8-23-57 (56047)
ସଞ୍ଜଯ ଉବାଚ। 8-23-58x (4882)
ଏବମୁକ୍ତ୍ବା ମହାରାଜ ଶଲ୍ଯଃ ସମିତିଶୋଭନଃ।
ଉତ୍ଥାଯ ପ୍ରଯଯୌ ତୂର୍ଣଂ ରାଜମଧ୍ଯାଦମର୍ଷିତଃ॥ 8-23-58 (56048)
ପ୍ରଣଯାଦ୍ବହୁମାନାଚ୍ଚ ତଂ ନିଗୃହ୍ଯ ସୁତସ୍ତବ।
ଅବ୍ରବୀନ୍ମଧୁରଂ ବାକ୍ଯଂ ସାମ୍ନା ସର୍ବାର୍ଥସାଧକମ୍॥ 8-23-59 (56049)
ଯଥା ଶଲ୍ଯ ତ୍ବମାତ୍ଥେଦମେବମେତଦସଂଶଯମ୍।
ଅଭିପ୍ରାଯସ୍ତୁ ମେ କଶ୍ଚିତ୍ତଂ ନିବୋଧ ଜନେଶ୍ବର॥ 8-23-60 (56050)
ନ କର୍ଣୋଽଭ୍ଯଧିକସ୍ତ୍ବତ୍ତୋ ନ ଚାନ୍ଯେ ଚୈବ ପାର୍ଥିବାଃ।
ନ ଚ ମଦ୍ରେଶ୍ବର ତ୍ବାଂ ବୈ କୃଷ୍ଣଃ ସୋଢୁଂ ଚ ଶକ୍ଷ୍ଯତି॥ 8-23-61 (56051)
ଋତମେବ ହି ପୂର୍ବାସ୍ତେ ବଦନ୍ତି ପୁରୁଷୋତ୍ତମାଃ।
ତସ୍ମାଦାର୍ତାଯନିଃ ପ୍ରୋକ୍ତୋ ଭବାନିତି ମତିର୍ମମ॥ 8-23-62 (56052)
ଶଲ୍ଯବୂତସ୍ତୁ ଶତ୍ରୂଣାଂ ଯସ୍ମାତ୍ତ୍ବଂ ଯୁଧି ମାନଦ।
ତସ୍ମାଚ୍ଛଲ୍ଯେତି ତେ ନାମ କଥ୍ଯତେ ପୃଥିବୀତଲେ॥ 8-23-63 (56053)
ଯଦେତଦ୍ବ୍ଯାହୃତଂ ପୂର୍ବଂ ଭବତା ଭୂରିଦକ୍ଷିଣ।
ତଦେବ କୁରୁ ଧର୍ମଜ୍ଞ ମଦର୍ଥଂ ଯଦ୍ଯଦୁଚ୍ଯତେ॥ 8-23-64 (56054)
ନ ଚ ତ୍ବତ୍ତୋ ହି ରାଧେଯୋ ନ ଚାହମପି ବୀର୍ଯବାନ୍।
ବୃଣେଽହଂ ତ୍ବାଂ ହଯାଗ୍ର୍ଯାଣାଂ ଯନ୍ତାରମିହ ସଂଯୁଗେ॥ 8-23-65 (56055)
ମନ୍ଯେ ଚାଭ୍ଯଧିକଂ ଶଲ୍ଯ ଗୁଣୈଃ କର୍ଣଂ ଧନଞ୍ଜଯାତ୍।
ଭବନ୍ତଂ ବାସୁଦେବାଚ୍ଚ ଲୋକୋଽଯମତିମନ୍ଯତେ॥ 8-23-66 (56056)
କର୍ଣୋ ହ୍ଯଭ୍ଯଧିକଃ ପାର୍ଥାଦସ୍ତ୍ରୈରେବ ନରର୍ଷଭ।
ଭବାନଭ୍ଯଧିକଃ କୃଷ୍ଣାଦଶ୍ବଜ୍ଞାନେ ବଲେ ତଥା॥ 8-23-67 (56057)
ଯଥାଽଶ୍ବହୃଦଯଂ ବେଦ ବାସୁଦେବୋ ମହାମନାଃ।
ଦ୍ବିଗୁଣଂ ତ୍ବଂ ତଥା ବେତ୍ସି ମଦ୍ରରାଜେଶ୍ବରାତ୍ମଜ॥ 8-23-68 (56058)
ଶଲ୍ଯ ଉବାଚ। 8-23-69x (4883)
ଯନ୍ମାଂ ବ୍ରବୀଷି ଗାନ୍ଧାରେ ମଧ୍ଯେ ସୈନ୍ଯସ୍ଯ କୌରବ।
ବିଶିଷ୍ଟଂ ଦେବକୀପୁତ୍ରାତ୍ପ୍ରୀତିମାନସ୍ମ୍ଯହଂ ତ୍ବଯି॥ 8-23-69 (56059)
ଏଷ ସାରଥ୍ଯମାତିଷ୍ଠେ ରାଧେଯସ୍ଯ ଯଶସ୍ବିନଃ।
ଯୁଧ୍ଯତଃ ପାଣ୍ଡବାଗ୍ର୍ଯେଣ ଯଥା ତ୍ବଂ ବୀର ମନ୍ଯସେ॥ 8-23-70 (56060)
ସମଯଶ୍ଚ ହି ମେ ବୀର କଶ୍ଚିଦ୍ବୈକର୍ତନଂ ପ୍ରତି।
ଉତ୍ସୃଜେଯଂ ଯଥାଶ୍ରଦ୍ବମହଂ ବାଚୋଽସ୍ଯ ସନ୍ନିଧୌ॥ 8-23-71 (56061)
ସଞ୍ଜଯ ଉବାଚ। 8-23-72x (4884)
ତଥେତି ରାଜନ୍ପୁତ୍ରସ୍ତେ ସହ କର୍ଣେନ ଭାରତ। 8-23-72 (56062)
ଅବ୍ରବୀନ୍ମଦ୍ରରାଜସ୍ଯ ମତଂ ଭରତସxxxx॥ ॥ 8-23-72 (56063)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ତ୍ରଯୋବିଂଶୋଽଧ୍ଯାଯଃ॥ 23 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.24. ଅଧ୍ଯାଯଃ 024
Mahabharata - Karna Parva - Chapter Topics
ଦୁର୍ଯୋଧନେନ ଶଲ୍ଯମ୍ପ୍ରତି ତ୍ରିପୁରାସୁରକଥାକଥନାରମ୍ଭଃ॥ 1 ॥ ତ୍ରିପୁରାସୁରୋପଦ୍ରୁତୈର୍ଦେବୈଃ ସ୍ତୁଲ୍ଯା ରୁଦ୍ରପ୍ରସାଦନମ୍॥ 2 ॥
Mahabharata - Karna Parva - Chapter Text
8-24-0 (56064)
ଦୁର୍ଯୋଧନ ଉବାଚ। 8-24-0x (4885)
ଭୂଯ ଏବ ତୁ ମଦ୍ରେଶ ଯତ୍ତ୍ବା ବକ୍ଷ୍ଯାମି ତଚ୍ଛୃଣୁ।
ଯଥା ପୁରାବୃତ୍ତମିଦଂ ଯୁଦ୍ଧେ ଦେବାସୁରେ ପ୍ରଭୋ॥ 8-24-1 (56065)
ଯଦୁକ୍ତବାନ୍ପିତୁର୍ମହ୍ଯଂ ମାର୍କଣ୍ଡେଯୋ ମହାତପାଃ।
ବ୍ରୁବତସ୍ତଦଶେଷେଣ ମମ ରାଜର୍ଷିସତ୍ତମ।
ନିବୋଧ ମନସା ଚାତ୍ର ନ ତେ କାର୍ଯା ବିଚାରଣା॥ 8-24-2 (56066)
`ସମୁତ୍ପନ୍ନୋ ହି ରାଜାନଃ ପ୍ରମୋହ ଇତି ନିଶ୍ଚଯମ୍।
କୃତ୍ବା ଚୈବ ବ୍ଯବସ୍ଯନ୍ତି ସର୍ବେ ଧର୍ମାର୍ଥନିଶ୍ଚଯାନ୍॥ 8-24-3 (56067)
ଦେବାନାମସୁରାଣାଂ ଚ ମହାନାସୀତ୍ସମୁଚ୍ଛ୍ରଯଃ।
ସୈଂହିକେଯାସ୍ତଦୋଦ୍ବୃତ୍ତା ବିବୁଧାନବସୂଦଯନ୍।
ତେ ନିରସ୍ତଃ କୃତା ଦେବୈର୍ଦାନବା ବଲଗର୍ବିତାଃ'॥ 8-24-4 (56068)
ତତ୍ରାସୀତ୍ପ୍ରଥମୋ ରାଜନ୍ସଙ୍ଗ୍ରାମସ୍ତାରକାମଯଃ।
ନିର୍ଜିତାଶ୍ଚ ତତୋ ଦୈତ୍ଯା ଦୈବତୈରିତି ନଃ ଶ୍ରୁତିଃ॥ 8-24-5 (56069)
ଭଗ୍ନଦର୍ପା ନିରୁତ୍ସାହାଃ ପାତାଲଂ ବିବିଶୁସ୍ତଦା॥ 8-24-6 (56070)
ନିର୍ଜିତେଷୁ ଚ ଦୈତ୍ଯେଷୁ ତାରକସ୍ଯ ସୁତାସ୍ତ୍ରଯଃ।
ତାରାକ୍ଷଃ କମଲାକ୍ଷଶ୍ଚ ବିଦ୍ଯୁନ୍ମାଲୀ ଚ ପାର୍ଥିବ॥ 8-24-7 (56071)
ତପ ଉଗ୍ରଂ ସମାସ୍ଥାଯ ନିଯମେ ପରମେ ସ୍ଥିତାଃ।
ତପସା କର୍ଣଯାମାସୁର୍ଦେହାଂସ୍ତାଞ୍ଶତ୍ରୁକର୍ଶନାଃ॥ 8-24-8 (56072)
ଦମେନ ତପସା ଚୈବ ନିଯମେନ ସମାଧିନା।
ତେଷାଂ ପିତାମହଃ ପ୍ରୀତୋ ବରଦଃ ପ୍ରଦଦୌ ବରମ୍॥ 8-24-9 (56073)
ଅବଧ୍ଯତ୍ବଂ ଚ ତେ ସର୍ବେ ସର୍ବଭୂତେଷୁ ସର୍ବଦା।
ସହିତା ବରଯାମାସଃ ସର୍ବଲୋକପିତାମହମ୍॥ 8-24-10 (56074)
ତାନବ୍ରବୀତ୍ତଦା ଦେବଃ ସର୍ବଲୋକଗୁରୁଃ ପ୍ରଭୁଃ।
ନାସ୍ତି ସର୍ବାମରତ୍ବଂ ବୈ ନିବର୍ତଧ୍ବମିତୋଽସୁରାଃ।
ଅନ୍ଯଂ ବରଂ ବୃଣୀଧ୍ବଂ ବୈ ରୋଚତେ ଯାଦୃଶୋ ହି ବଃ॥ 8-24-11 (56075)
ତତସ୍ତେ ସହିତା ରାଜନ୍ସମ୍ପ୍ରଧାର୍ଯାସକୃଦ୍ବହୁଃ।
ସର୍ବଲୋକେଶ୍ବରଂ ବାକ୍ଯଂ ପ୍ରଣମ୍ଯୈନମଥାଽବ୍ରୁବନ୍॥ 8-24-12 (56076)
ବସ୍ତୁମିଚ୍ଛାମ ନଗରଂ କର୍ତୁଂ କାମଗମଂ ଶୁଭମ୍।
ସର୍ବକାମସମୃଦ୍ବାର୍ଥମବଧ୍ଯଂ ଦେବଦାନବୈଃ॥ 8-24-13 (56077)
ଯକ୍ଷରକ୍ଷୋରଗଗଣୈର୍ନାନାଜାତିଭିରେବ ଚ।
ନ କୃତ୍ଯାଭିର୍ନ ଶସ୍ତ୍ରୈଶ୍ଚ ନ ଶାପୈର୍ବ୍ରହ୍ମବାଦିନାମ୍।
ବଧ୍ଯେତ ତ୍ରିପୁରଂ ଦେବ ପ୍ରଯଚ୍ଛେଃ ପ୍ରପିତାମହ॥ 8-24-14 (56078)
ବଯଂ ପୁରାଣି ତ୍ରୀଣ୍ଯେବ ସମାସ୍ଥାଯ ମହୀମିମାମ୍।
ବିଚରିଷ୍ଯାମ ଲୋକେଽସ୍ମିଂସ୍ତ୍ବତ୍ପ୍ରସାଦପୁରସ୍କୃତାଃ॥ 8-24-15 (56079)
ତତୋ ବର୍ଷସହସ୍ରେଷୁ ସମେଷ୍ଯାମଃ ପରସ୍ପରମ୍।
ଏକୀଭାବଂ ଗଭିଷ୍ଯନ୍ତି ପୁରାଣ୍ଯେତାନି ଚାନଘ॥ 8-24-16 (56080)
ସମାଗତାନି ଚୈତାନି ଯୋ ହନ୍ଯାଦ୍ଭଗବାଂସ୍ତଦା।
ଏକେଷୁଣା ଦେବବରଃ ସ ନୋ ମୃତ୍ଯୁର୍ଭବିଷ୍ଯତି॥ 8-24-17 (56081)
ଦୁର୍ଯୋଧନ ଉବାଚ। 8-24-18x (4886)
ତେଷାଂ ତଦ୍ବଚନଂ ଶ୍ରୁତ୍ବା ଦାନବାନାଂ ପିତାମହଃ।
ଏବମସ୍ତ୍ବିତି ତାନ୍ଦେବଃ ପ୍ରତ୍ଯୁକ୍ତ୍ବା ପ୍ରାବିଶଦ୍ଦିବମ୍॥ 8-24-18 (56082)
ତେ ତୁ ଲବ୍ଧବରାଃ ପ୍ରୀତାଃ ସମ୍ପ୍ରଧାର୍ଯ ପରସ୍ପରମ୍।
ପୁରତ୍ରଯବିସୃଷ୍ଟ୍ଯର୍ଥଂ ମଯଂ ବବ୍ରୁର୍ମହାରଥାଃ।
ବିଶ୍ବକାର୍ମାଣମଜରଂ ଦୈତ୍ଯଦାନବପୂଜିତମ୍॥ 8-24-19 (56083)
ତତୋ ମଯଃ ସ୍ବତପସା ଚକ୍ରେ ଧୀମାନ୍ପୁରାଣି ଚ।
ତ୍ରୀଣି କାଞ୍ଚନମେକଂ ବୈ ରୌପ୍ଯଂ କାର୍ଷ୍ଣାଯସଂ ତଥା॥ 8-24-20 (56084)
କାଞ୍ଚନଂ ଦିବି ତତ୍ରାସୀଦନ୍ତରିକ୍ଷେ ଚ ରାଜତମ୍।
ଆଯସଂ ଚାଭବଦ୍ଭୌମଂ ତଦା ତେଷାଂ ପରନ୍ତପ॥ 8-24-21 (56085)
ଏକୈକଂ ଯୋଜନଶତଂ ବିସ୍ତୃତଂ ତାବଦାଯତମ୍।
ଦୃଢଂ ଚାଟ୍ଟାଲକଯୁତଂ ବୃହତ୍ପ୍ରାକାରତୋରଣମ୍॥ 8-24-22 (56086)
ଗୃହପ୍ରବରସମ୍ବାଧମସମ୍ବାଧମହାପଥମ୍।
ପ୍ରାସାଦୈର୍ବିବିଧୈଶ୍ଚାପି ଦ୍ବାରୈଶ୍ଚୈବୋପଶୋଭିତମ୍॥ 8-24-23 (56087)
ତ୍ରିପୁରଂ ତେଷୁ ଚାପ୍ଯାସନ୍ରାଜାନୋ ବୈ ପୃଥକ୍ପୃଥକ୍।
ଦିବ୍ଯମାଲ୍ଯାମ୍ବରଧରା ଦୈତେଯା ରାଜସତ୍ତମ॥ 8-24-24 (56088)
କାଞ୍ଚନଂ ତାରକାକ୍ଷସ୍ଯ ଦିବ୍ଯମାସୀନ୍ମହାତ୍ମନଃ।
ରାଜତଂ କମଲାକ୍ଷସ୍ଯ ବିଦ୍ଯୁନ୍ମାଲିନ ଆଯସମ୍॥ 8-24-25 (56089)
ତ୍ରଯସ୍ତେ ଦୈତ୍ଯରାଜାନସ୍ତ୍ରୀଁଲ୍ଲୋକାନାଶୁ ତେଜସା।
ଆକ୍ରମ୍ଯ ତସ୍ଥୁରୂଚୁଶ୍ଚ କଶ୍ଚ ନାମ ପ୍ରଜାପତିଃ॥ 8-24-26 (56090)
ତେଷାଂ ଦାନବମୁଖ୍ଯାନାଂ ପ୍ରଯୁତାନ୍ଯର୍ବୁଦାନି ଚ।
କୋଟ୍ଯାଶ୍ଚାପ୍ରତିବୀରାଣାଂ ସମାଜଗ୍ମୁସ୍ତତସ୍ତତଃ॥ 8-24-27 (56091)
ମାଂସାଶିନଃ ସୁଦୃପ୍ତାଶ୍ଚ ସୁରୈର୍ବିନିକୃତାଃ ପୁରା।
ମହଦୈଶ୍ବର୍ଯମିଚ୍ଛନ୍ତସ୍ତ୍ରିପୁରଂ ଦୁର୍ଗମାଶ୍ରିତାଃ॥ 8-24-28 (56092)
ସର୍ବେଷାଂ ଚ ପୁନଶ୍ଚୈଷାଂ ସର୍ବଯୋଗବହୋ ମଯଃ।
ତମାଶ୍ରିତ୍ଯ ହି ତେ ସର୍ବେଽବର୍ତଯନ୍ନକୁତୋଭଯାଃ॥ 8-24-29 (56093)
ଯୋ ହି ଯଂ ମନସା କାମଂ ଦଧ୍ଯୌ ତ୍ରିପୁରସଂଶ୍ରଯଃ।
ତସ୍ମୈ ତସ୍ମୈ ମଯସ୍ତଂ ତଂ ବିଦଧେ ମାଯଯା ତଦା॥ 8-24-30 (56094)
ତାରକାକ୍ଷସୁତଶ୍ଚାସୀଦ୍ବରିର୍ନାମ ମହାବଲଃ।
ତପସ୍ତେପେ ପରମକଂ ଯେନାତୁଷ୍ଯତ୍ପିତାମହଃ॥ 8-24-31 (56095)
ସନ୍ତୁଷ୍ଟମବୃଣୋଦ୍ଦେବଂ ବାପୀ ଭବତୁଃ ନଃ ପୁରେ।
ଶସ୍ତ୍ରୈର୍ବିନିହତା ଯତ୍ର କ୍ଷିପ୍ତାଃ ସ୍ଯୁର୍ବଲବତ୍ତରାଃ॥ 8-24-32 (56096)
ସ ତୁ ଲବ୍ଧ୍ବା ବରଂ ବୀରସ୍ତାରକାକ୍ଷସୁତୋ ହରିଃ।
ସସୃଜେ ତତ୍ର ବାପୀଂ ତାଂ ମୃତସଞ୍ଜୀବିନୀଂ ପ୍ରଭୋ॥ 8-24-33 (56097)
ଯେନ ରୂପେଣ ଯୋ ଦୈତ୍ଯୋ ଯେନ ବେଷେଣ ଚାପ୍ଯଥ।
କ୍ଷିପ୍ଯତେ ନିହତୋ ବାପ୍ଯାଂ ତାଦୃଶେନୈବ ଜାଯତେ।
ସମ୍ପୂର୍ଣବଲବୀର୍ଯସ୍ତୁ ରାଜଞ୍ଛୌର୍ଯସମନ୍ବିତଃ॥ 8-24-34 (56098)
ଏବଂ ବୀର୍ଯେଣ ସଂଯୁକ୍ତାଂ କୃତାଂ ତେନ ମହାତ୍ମନା।
ତାଂ ପ୍ରାପ୍ଯ ତ୍ରୈପୁରା ବାପୀଂ ଲୋକାନ୍ସର୍ବାନ୍ବବାଧିରେ॥ 8-24-35 (56099)
ମହତା ତପସା ସିଦ୍ଧାଃ ସୁରାଣାଂ ଭଯବର୍ଧନାଃ।
ଏକସ୍ମିନ୍ନିହତେ ଦୈତ୍ଯେ ସୃଜନ୍ତି ସ୍ମ ଦଶାସୁରାନ୍।
ନ ତେଷାଂ ବିଦ୍ଯତେ ଯୁଦ୍ବେ କ୍ଷଯୋ ରାଜନ୍କଥଞ୍ଚନ॥ 8-24-36 (56100)
ତତସ୍ତେ ଲୋଭମୋହାଭ୍ଯାମଭିଭୂତା ବିଚେତସଃ।
ନିର୍ଭୀକାଃ ସହିତାଃ ସର୍ବେ ସ୍ଥାପିତାଃ ସମଲୋଲୁପାଃ॥ 8-24-37 (56101)
ବିଦ୍ରାବ୍ଯ ସଗଣାନ୍ଦେବାଂସ୍ତତ୍ରତତ୍ର ତଦାତଦା।
ବିଚେରୁଃ ସ୍ବେନ କାମେନ ବରଦାନେନ ଦର୍ପିତାଃ॥ 8-24-38 (56102)
ଦେବୋଦ୍ଯାନାନି ସର୍ବାଣି ସ୍ଥାନାନି ଚ ଦିବୌକସାମ୍।
ଋଷୀଣାମାଶ୍ରମାନ୍ପୁଣ୍ଯାନ୍ରମ୍ଯାଞ୍ଚନପଦାଂସ୍ତଥା।
ଉତ୍ସାଦଯନ୍ତ ମର୍ଯାଦାଂ ଦାନବା ଦୁଷ୍ଟଚାରିଣଃ॥ 8-24-39 (56103)
ନିଃସ୍ଥାନାଶ୍ଚ କୃତା ଦେବା ଋଷଯଃ ପିତୃଭିଃ ସହ।
ଦୈତ୍ଯୈସ୍ତ୍ରିଭିସ୍ତ୍ରଯୋ ଲୋକା ହ୍ଯାକ୍ରାନ୍ତାସ୍ତୈଃ ସୁରେତରୈଃ॥ 8-24-40 (56104)
ପୀଡ୍ଯମାନେଷୁ ଲୋକେଷୁ ତତଃ ଶକ୍ରୋ ମରୁଦ୍ବୃତଃ।
ପୁରାଣ୍ଯାଯୋଧଯାଞ୍ଚକ୍ରେ ବଜ୍ରହସ୍ତଃ ସମନ୍ତତଃ॥ 8-24-41 (56105)
ନାଶକତ୍ତାନ୍ଯଭେଦ୍ଯାନି ଯଦା ଭେତ୍ତୁଂ ପୁରନ୍ଦରଃ।
ପୁରାଣି ବରଦତ୍ତାନି ଧାତ୍ରା ତେନ ନରାଧିପ॥ 8-24-42 (56106)
ତଦା ଭୀତଃ ସୁରପତିର୍ମୁକ୍ତ୍ବା ତାନି ପୁରାଣ୍ଯଥ।
ତୈରେବ ବିବୁଧୈଃ ସାର୍ଧଂ ପିତାମହମରିନ୍ଦମ।
ଜଗାମାଥ ତଦାଖ୍ଯାତୁଂ ବିପ୍ରକାରଂ ସୁରେତରୈଃ॥ 8-24-43 (56107)
ତେ ତତ୍ତ୍ବଂ ସର୍ବମାଖ୍ଯାଯ ଶିରୋଭିଃ ସମ୍ପ୍ରଣମ୍ଯ ଚ।
ତଦ୍ବଧୋପାଯମାଚକ୍ଷ୍ବ ଭଗବନ୍ନିତି ଚାବ୍ରୁବନ୍॥ 8-24-44 (56108)
ଶ୍ରୁତ୍ବା ତଦ୍ଭଗବାନ୍ଦେବୋ ଦେବାନିଦମୁବାଚ ହ।
ଶ୍ରୂଯତାଂ ତ୍ରିଦଶାଃ ସର୍ବେ ଯଥେଦଂ ବାକ୍ଯଗୌରବମ୍॥ 8-24-45 (56109)
ଦୁରାତ୍ମାନୋଽସୁରା ନିତ୍ଯଂ ତେ ଚାପି ବିବୁଧା ମମ।
ନ ଶକ୍ନୁବନ୍ତି ତେ (ଯେ) ସର୍ବେ ଯୁଷ୍ମାନ୍ବୈ ପୀଡଯନ୍ତି ତେ॥ 8-24-46 (56110)
ଅହଂ ସମସ୍ତୁ ସର୍ବେଷାଂ ଭୂତାନାଂ ନାତ୍ର ସଂଶଯଃ।
ଅବିନୀତା ନିହନ୍ତବ୍ଯା ଇତ୍ଯେବଂ ପ୍ରବ୍ରବୀମି ବଃ॥ 8-24-47 (56111)
ଏକେଷୁଣା (ହି) ବିଭେଦ୍ଯାନି ତାନି ଦୁର୍ଗାଣି ନାନ୍ଯଥା।
ଶକ୍ତସ୍ତୁ ତାନି ବାଣେନ ଭେତ୍ତୁଂ କାମଂ ତ୍ରିଲୋଚନଃ॥ 8-24-48 (56112)
ତେ ଯୂଯଂ ସ୍ଥାଣୁମୀଶାନଂ ଜିଷ୍ମୁମକ୍ଲିଷ୍ଟକାରିଣମ୍।
ଯୋଦ୍ବାରଂ ବୃଣୁତ କ୍ଷିପ୍ରଂ ସ ତାନ୍ହନ୍ତା ସୁରେତରାନ୍॥ 8-24-49 (56113)
ତେ ଦେବାସ୍ତେନ ବାକ୍ଯେନ ଚୋଦିତାଃ ପ୍ରଣତାଃ ସ୍ଥିତାଃ।
ଦିବ୍ଯଂ ବର୍ଷସହସ୍ରଂ ବୈ ତପସ୍ତପ୍ତ୍ବା ସୁରର୍ଷଭାଃ।
ଶୁଭାତ୍ମାନୋ ମହାତ୍ମାନୋ ଜଗ୍ମୁର୍ବୈ ବୃଷଭଧ୍ବଜମ୍॥ 8-24-50 (56114)
ବ୍ରହ୍ମାଣମଗ୍ରତଃ କୃତ୍ବା ଶରଣ୍ଯଂ ଶରଣାଗତାଃ।
ତପଃ ପରମମାଜଗ୍ମୁର୍ଗୃଣନ୍ତୋ ବ୍ରହ୍ମ ଶାଶ୍ବତମ୍॥ 8-24-51 (56115)
ଅନଙ୍ଗମଥନଂ ସର୍ବେ ଭବଂ ସର୍ବାତ୍ମନା ଗତାଃ।
ଦେବଦେବଂ ପରଂ ସ୍ଥାଣୁଂ ବରଦଂ ତ୍ର୍ଯମ୍ବକଂ ଶିବମ୍॥ 8-24-52 (56116)
ଶର୍ବମୀଡ୍ଯମଜଂ ରୁଦ୍ରଂ ଶଶାଙ୍କାଙ୍କିତମୂର୍ଧଜମ୍।
ତୁଷ୍ଟୁବୁର୍ବାଗ୍ଭିରୁଗ୍ରାଭିର୍ଭଯେଷ୍ବଭଯମଚ୍ଯୁତମ୍।
ସର୍ବାତ୍ମାନଂ ମହାତ୍ମାନଂ ଯେନାପ୍ତଂ ବିଶ୍ବମାତ୍ମନା॥ 8-24-53 (56117)
ତପୋବିଶେଷୈର୍ବିବିଧୈର୍ଯୋଗଂ ଯୋ ବେଦ ଚାତ୍ମନଃ।
ଯଃ ସାଙ୍ଖ୍ଯମାତ୍ମନା ବେତ୍ତି ଯସ୍ଯ ଚାତ୍ମା ବେଶେ ସଦା॥ 8-24-54 (56118)
ତଂ ତେ ଦଦୃଶୁରୀଶାନଂ ତେଜୋରାଶିମୁମାପତିମ୍।
`ପରେଣ ଯତ୍ନେନ ଭବଂ ତ୍ରିଦଶାଃ ଶର୍ବମୀଶ୍ବରମ୍'।
ଅନନ୍ଯସଦୃଶଂ ଲୋକେ ପ୍ରତପନ୍ତମକଲ୍ମଷମ୍॥ 8-24-55 (56119)
ଏକଶ୍ଚ ଭଗବାଂସ୍ତତ୍ର ନାନାରୂପମକଲ୍ପଯତ୍।
ଆତ୍ମନଃ ପ୍ରତିରୂପାଣି ରୂପାଣ୍ଯଥ ମହାତ୍ମନି।
ପରସ୍ପରସ୍ଯ ଚାପଶ୍ଯନ୍ସର୍ବେ ପରମବିସ୍ମିତାଃ॥ 8-24-56 (56120)
ସର୍ବଭୂତମଯଂ ଦୃଷ୍ଟ୍ବା ତମଜଂ ଜଗତଃ ପରିମ୍।
ଦେବା ବ୍ରହ୍ମର୍ଷଯଶ୍ଚୈବ ଶିରୋଭିର୍ଧରଣୀଂ ଗତାଃ॥ 8-24-57 (56121)
ତାନ୍ସ୍ବସ୍ତିବାଚ୍ଯ ଚାଭ୍ଯର୍ଚ୍ଯ ସମୁତ୍ଥାପ୍ଯ ଚ ଶଙ୍କରଃ।
ବ୍ରୂତବ୍ରୂତେତି ଭଗବାନ୍ସ୍ମଯମାନୋଽଭ୍ଯଭାଷତ॥ 8-24-58 (56122)
ତ୍ର୍ଯମ୍ବକେଣାଭ୍ଯନୁଜ୍ଞାତାସ୍ତତସ୍ତେ ସ୍ବସ୍ଥଚେତସଃ।
ନମୋ ନମୋ ନମସ୍ତେଽସ୍ତୁ ପ୍ରଭୋ ଇତ୍ଯବ୍ରୁବନ୍ଭବମ୍॥ 8-24-59 (56123)
ନମୋ ଦେବାଧିଦେବାଯ ପ୍ରିଯାଧାଘ୍ନେଽତିମନ୍ଯବେ।
ପ୍ରଜାପତିମଖଘ୍ନାଯ ପ୍ରଜାପତିଭିରୀଡ୍ଯତେ॥ 8-24-60 (56124)
ନମଃ ସ୍ତୁତାଯ ସ୍ତୁତ୍ଯାଯ ସ୍ତୂଯମାନାଯ ଶମ୍ଭବେ।
ବିଲୋହିତାଯ ରୁଦ୍ରାଯ ନୀଲଗ୍ରୀବାଯ ଶୂଲିନେ॥ 8-24-61 (56125)
ଅମୋଘାଯ ମୃଗାକ୍ଷାଯ ପ୍ରବରାଯୁଧଯୋଧିନେ।
ଅର୍ହାଯ ଚୈବ ଶୁଦ୍ବାଯ କ୍ଷଯାଯ କ୍ରଥନାଯ ଚ॥ 8-24-62 (56126)
ଦୁର୍ବାରଣାଯ ଶୁକ୍ରାଯ ବ୍ରହ୍ମଣେ ବ୍ରହ୍ମଚାରିଣେ।
ଈଶାନାଯାପ୍ରମେଯାଯ ନିହନ୍ତ୍ରେ ଚର୍ମବାସସେ॥ 8-24-63 (56127)
ତପୋରତାଯ ପିଙ୍ଗାଯ ବ୍ରତିନେ କୃତ୍ତିବାସସେ।
କୁମାରପିତ୍ରେ ତ୍ର୍ଯକ୍ଷାଯ ପ୍ରବରାଯୁଧଧାରିଣେ॥ 8-24-64 (56128)
ପ୍ରପନ୍ନାର୍ତିବିନାଶାଯ ବ୍ରହ୍ମଦ୍ବିଟ୍ସଙ୍ଘଘାତିନେ।
ବନସ୍ପତୀନାଂ ପତଯେ ବନାନାଂ ପତଯେ ନମଃ॥ 8-24-65 (56129)
ଗବାଂ ଚ ପତଯେ ନିତ୍ଯଂ ଯଜ୍ଞାନାଂ ପତଯେ ନମଃ।
ନମୋସ୍ତୁ ତେ ସସୈନ୍ଯାଯ ତ୍ର୍ଯମ୍ବକାଯାମିତୌଜସେ।
ମନୋବାକ୍କର୍ମଭିର୍ଦେବ ତ୍ବାଂ ପ୍ରପନ୍ନାନ୍ଭଜସ୍ବ ନଃ॥ 8-24-66 (56130)
ତତଃ ପ୍ରସନ୍ନୋ ଭଗବାନ୍ସ୍ବାଗତେନାଭିନନ୍ଦ୍ଯ ଚ।
ପ୍ରୋବାଚ ବ୍ଯେତୁ ବସ୍ତ୍ରାସୋ ବ୍ରୂତ କିଂ କରବାଣି ବଃ॥ 8-24-67 (56131)
`ଦେବାଃ ଶର୍ବସ୍ଯ ବଚନଂ ଶ୍ରୁତ୍ବା ହର୍ଷମୁପାଗତାଃ'॥ ॥ 8-24-68 (56132)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଚତୁର୍ବିଂଶୋଽଧ୍ଯାଯଃ॥ 24 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.25. ଅଧ୍ଯାଯଃ 025
Mahabharata - Karna Parva - Chapter Topics
ଦେବୈ ରୁଦ୍ରବଚନାତ୍ତସ୍ଯ ସ୍ବସ୍ବାର୍ଧବଲଦାନପୂର୍ବକଂ ତ୍ରିପୁରସଂହାରାଯାଭିଷେଚନମ୍॥ 1 ॥
Mahabharata - Karna Parva - Chapter Text
8-25-0 (56133)
ଦୁର୍ଯୋଧନ ଉବାଚ। 8-25-0x (4887)
ପିତୃଦେବର୍ଷିସଙ୍ଘେଭ୍ଯୋଽଭଯେ ଦତ୍ତେ ମହାତ୍ମନା।
ସତ୍କୃତ୍ଯ ଶଂକରଂ ପ୍ରାହ ବ୍ରହ୍ମା ଲୋକପିତାମହଃ॥ 8-25-1 (56134)
ଇମାନ୍ଯସୁରଦୁର୍ଗାଣି ଲୋକାଂସ୍ତ୍ରୀନାକ୍ରମନ୍ତି ହି।
କଶ୍ଚ ପ୍ରଜାପତିର୍ଘୋରାଂସ୍ତାନ୍ସ୍ରର୍ବାଞ୍ଜହି ମା ଚିରମ୍॥ 8-25-2 (56135)
ବରାତିସର୍ଗାଦ୍ଦେବେଶ ପ୍ରାଜାପତ୍ଯମିଦଂ ପରମ୍।
ମଯାଽଧିତିଷ୍ଠତା ଦତ୍ତୋ ଦାନବେଭ୍ଯୋ ମହାନ୍ବରଃ॥ 8-25-3 (56136)
ନାସ୍ତ୍ଯନ୍ଯୋ ଯୁଧି ତେଷାଂ ବୈ ନିହନ୍ତା ଇତି ନଃ ଶ୍ରୁତମ୍।
ତାନତିକ୍ରାନ୍ତମର୍ଯାଦାନ୍ନାନ୍ଯଃ ସଂହର୍ତୁମର୍ହତି।
ତ୍ବାମୃତେ ସର୍ବଭୂତେଶ ତ୍ବଂ ହ୍ଯେଷାଂ ପ୍ରତ୍ଯରିର୍ବଧେ॥ 8-25-4 (56137)
ସ ତ୍ବଂ ଦେବ ପ୍ରପନ୍ନାନାଂ ଯାଚତାଂ ଚ ଦିବୋକସାମ୍।
କୁରୁ ପ୍ରସାଦଂ ବରଦ ଦାନବାଞ୍ଜହି ସଂଯୁଗେ॥ 8-25-5 (56138)
ତ୍ବତ୍ପ୍ରସାଦାଜ୍ଜଗତ୍ସର୍ବଂ ସୁଖମୈଧତ ମାନଦ।
ଶରଣ୍ଯସ୍ତ୍ବଂ ହି ଦେବାନାଂ ବଯଂ ତ୍ବାଂ ଶରଣଂ ଗତାଃ॥ 8-25-6 (56139)
ଈଶ୍ବର ଉବାଚ। 8-25-7x (4888)
ହନ୍ତବ୍ଯାଃ ଶତ୍ରବଃ ସର୍ବେ ଯୁଷ୍ମାକମିତି ମେ ମତିଃ।
ନ ତ୍ବେକଶ୍ଚୋତ୍ସହେ ହନ୍ତୁଂ ବଲିନଃ ସୁରବିଦ୍ବିଷଃ॥ 8-25-7 (56140)
ତେ ଯୂଯଂ ସହିତାଃ ସର୍ବେ ମଦୀଯେନାପି ତେଜସା।
ଜଯଧ୍ବଂ ଯୁଧି ତାନ୍ସର୍ବାନ୍ସଙ୍ଘାତେନ ମହାବଲାନ୍॥ 8-25-8 (56141)
ଦେବା ଊଚୁଃ। 8-25-9x (4889)
ଅସ୍ମତ୍ତେଜୋବଲଂ ଯାବତ୍ତାବଦ୍ଦ୍ବିଗୁଣମେବ ବା।
ତତ୍ତେଷାମିତି ମନ୍ଯାମୋ ଦୃଷ୍ଟତେଜୋବଲା ହି ତେ॥ 8-25-9 (56142)
ଈଶ୍ବର ଉବାଚ। 8-25-10x (4890)
ବଧ୍ଯାସ୍ତେ ସର୍ବଥା ପାପା ଯେ ଯୁଷ୍ମାସ୍ବପରାଧିନଃ।
ମମ ତେଜୋବଲାର୍ଧେନ ସର୍ବେ ମୃଦ୍ଗଥ ଶାତ୍ରବାନ୍॥ 8-25-10 (56143)
ଦେବା ଊଚୁଃ। 8-25-11x (4891)
ବିଭର୍ତୁଂ ତବ ତେଜୋର୍ଧଂ ନ ଶକ୍ଷ୍ଯାମ ସୁରେଶ୍ବର।
ସର୍ବେଷାଂ ନୋ ବଲାର୍ଧେନ ତ୍ବମେବ ଜହି ଶାତ୍ରବାନ୍॥ 8-25-11 (56144)
ବଯଂ ଚ ସର୍ବଥା ଦେବ ରକ୍ଷଣୀଯାସ୍ତଥୈବ ଚ।
ସ ନୋ ରକ୍ଷ ମହାଦେବ ତ୍ବମେବ ଜହି ଶାତ୍ରବାନ୍॥ 8-25-12 (56145)
ଈଶ୍ବର ଉବାଚ। 8-25-13x (4892)
ମମ ତେଜୋ ନ ଶକ୍ତା ହି ସର୍ବେ ଧାରଯିତୁଂ ଯଦି।
ଅହମେନାନ୍ବଧିଷ୍ଯାମି ଯୁଷ୍ମତ୍ତେଜୋର୍ଧସଂଯୁତଃ॥ 8-25-13 (56146)
ବଲାର୍ଧଂ ଯଦି ମେ ଦେବା ନ ଧାରଯିତୁମାହବେ।
ଶକ୍ତାଃ ସର୍ବେ ହି ସଙ୍ଗମ୍ଯ ଯୂଯଂ ତତ୍ପ୍ରବ୍ରବୀମି ବଃ॥ 8-25-14 (56147)
ସମା ଭବନ୍ତି ମେ ସର୍ବେ ଦାନବାଶ୍ଚାମରାଶ୍ଚ ଯେ।
ଶିବୋଽସ୍ମି ସର୍ବଭୂତାନାଂ ଶିବତ୍ବଂ ତେନ ମେ ସୁରାଃ॥ 8-25-15 (56148)
କିନ୍ତ୍ବଧର୍ମେଣ ବର୍ତନ୍ତେ ଯସ୍ମାତ୍ତେ ସୁରଶତ୍ରବଃ।
ତସ୍ମାଦ୍ବଧ୍ଯା ମଯାପ୍ଯେତେ ଯୁଷ୍ମାକଂ ଚ ହିତେପ୍ସଯା॥ 8-25-16 (56149)
ଶରଣଂ ବଃ ପ୍ରପନ୍ନାନାଂ ଧର୍ମେଣ ଚ ଜିଗୀଷତାମ୍।
ସାହାଯ୍ଯଂ ବଃ କରିଷ୍ଯାମି ନିହନିଷ୍ଯାମି ବୋ ରିପୂନ୍॥ 8-25-17 (56150)
ଦୀଯତାଂ ଚ ବଲାର୍ଧଂ ମେ ସର୍ବୈରପି ପୃଥକ୍ପୃଥକ୍।
ପଶୁତ୍ବଂ ଚୈବ ମେ ଲୋକାଃ ସର୍ବେ କଲ୍ପନ୍ତୁ ପୀଡିତାଃ॥ 8-25-18 (56151)
ପଶୂନାଂ ତୁ ପତିତ୍ବଂ ମେ ଭବତ୍ବଦ୍ଯ ଦିବୌକସଃ।
ଏବଂ ନ ପାପଂ ପ୍ରାପ୍ସ୍ଯାମି ପଶୂନ୍ହତ୍ବା ସୁରଦ୍ବିପଃ॥ 8-25-19 (56152)
କଲ୍ପଯଧ୍ବଂ ରଥଂ ଦିବ୍ଯଂ ରଥାଶ୍ବାଂଶ୍ଚୈବ ପାରଗାନ୍।
ଧନୁଃ ଶରଂ ସାରଥିଂ ଚ ତତୋ ଜେଷ୍ଯାମି ବୋ ରିପୂନ୍॥ 8-25-20 (56153)
ଇତି ଶ୍ରୁତ୍ବା ବଚୋ ଦେବା ଦେବଦେବସ୍ଯ ଭୂପତେଃ।
ବିଷାଦମଗମନ୍ସର୍ବେ ପଶୁତ୍ବଂ ପ୍ରତି ଶଙ୍କିତାଃ॥ 8-25-21 (56154)
ତେଷାଂ ଭାବଂ ଭବୋ ଜ୍ଞାତ୍ବା ଦେବସ୍ତାନବ୍ରବୀଦିଦମ୍।
ମା ବୋସ୍ତୁ ପଶୁଭାବେଽସ୍ମିନ୍ଭଯଂ ବିବୁଧସତ୍ତମାଃ॥ 8-25-22 (56155)
ଶ୍ରୂଯତାଂ ପଶୁଭାବସ୍ଯ ବିମୋକ୍ଷଃ କ୍ରିଯତାଂ ଚ ସଃ॥ 8-25-23 (56156)
ଯୋ ବଃ ପଶୁପତେଶ୍ଚର୍ଯାଂ ଚରିଷ୍ଯତି ସ ମୋକ୍ଷ୍ଯତେ।
ପଶୁତ୍ବାଦିତି ସତ୍ଯଂ ବଃ ପ୍ରତିଜାନେ ସମାଗମେ॥ 8-25-24 (56157)
ଯେ ଚାପ୍ଯନ୍ଯେ ଚରିଷ୍ଯନ୍ତି ବ୍ରତଂ ମୋକ୍ଷ୍ଯନ୍ତି ତେଽପି ଚ॥ 8-25-25 (56158)
ନୈ(ତ୍ଯ)ଷ୍ଠିକଂ ଦ୍ବାଦଶାବ୍ଦଂ ବା ଅର୍ଧମବ୍ଦମୃତୁତ୍ରଯମ୍।
ମାସଂ ଦ୍ବାଦଶରାତ୍ରଂ ଗୁହ୍ଯଂ ବ୍ରତଂ ଦିବ୍ଯଂ ଚରିଷ୍ଯଥ॥ 8-25-26 (56159)
ତଂ ତଥେତ୍ଯବ୍ରୁବନ୍ଦେବା ଦେବଦେବନମସ୍କୃତମ୍।
ଊଚୁଶ୍ଚେଦଂ ଗୃହାଣେଦଂ ତେଜସୋଽର୍ଧମିତି ପ୍ରଭୁମ୍॥ 8-25-27 (56160)
ପ୍ରତ୍ଯୁବାଚ ତଥେତ୍ଯେବ ଶୂଲଧୃଦ୍ରାଜସତ୍ତମ।
ତତସ୍ତେ ପ୍ରଦଦୁଃ ସର୍ବେ ତେଜସୋଽର୍ଧଂ ମହାତ୍ମନେ॥ 8-25-28 (56161)
ସର୍ବମାଦାଯ ସର୍ବେଷାଂ ତେଜସୋଽର୍ଧଂ ଦିବୌକସାମ୍।
ତେଜସାପ୍ଯଧିକୋ ଭୂତ୍ବା ଭୂଯୋଽପ୍ଯତିବଲୋଽଭବତ୍॥ 8-25-29 (56162)
ତତଃ ପ୍ରଭୃତି ଦେବାନାଂ ଦେବଦେବୋଽଭବଦ୍ଭବଃ।
ପତିଶ୍ଚ ସର୍ବଭୂତାନାଂ ପଶୂନାଂ ଚାଭବତ୍ତଦା॥ 8-25-30 (56163)
ତସ୍ମାତ୍ପଶୁପତିଶ୍ଚୋକ୍ତୋ ଭବତ୍ବାଚ୍ଚ ଭବେତି ବୈ॥
ଅର୍ଧମାଦାଯ ସର୍ବେଷାଂ ତେଜସା ପ୍ରଜ୍ବଲନ୍ନିବ। 8-25-31 (56164)
ଭାସଯାମାସ ତାନ୍ସର୍ବାନ୍ଦେବଦେବୋ ମହାଦ୍ଯୁତିଃ॥
ତତୋଽଭିଷିଷିଚ୍ଯୁଃ ସର୍ବେ ସୁରା ରୁଦ୍ରଂ ପୁରାରିଣମ୍। 8-25-32 (56165)
ମହାଦେବ ଇତି ହ୍ଯାସୀଦ୍ଦେବଦେବୋ ମହେଶ୍ବରଃ॥ ॥ 8-25-33 (56166)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ପଞ୍ଚବିଂଶୋଽଧ୍ଯାଯଃ॥ 25 ॥
॥ ଶ୍ରୀଃ ॥
8.26. ଅଧ୍ଯାଯଃ 026
Mahabharata - Karna Parva - Chapter Topics
ଦେବାନାମାଜ୍ଞଯା ବିଶ୍ବକର୍ମଣା ଭୂମ୍ଯାଦିସାଧନୈ ରୁଦ୍ରାଯ ରଥନିର୍ମାଣମ୍॥ 1 ॥
Mahabharata - Karna Parva - Chapter Text
8-26-0 (56167)
ଦୁର୍ଯୋଧନ ଉବାଚ। 8-26-0x (4893)
ତେଜସୋଽର୍ଧଂ ସୁରା ଦତ୍ତ୍ବା ଶଙ୍କରାଯ ମହାତ୍ମନେ।
ପଶୁତ୍ବମପି ଚୋପେତ୍ଯ ବିଶ୍ବକର୍ମାଣମବ୍ଯଯମ୍॥ 8-26-1 (56168)
ଊଚୁଃ ସର୍ବେ ସମାଭାଷ୍ଯ ରଥଃ ସଙ୍କଲ୍ପ୍ଯତାମିତି।
ବିଶ୍ବକର୍ମାଽପି ସଞ୍ଚିନ୍ତ୍ଯ ରଥଂ ଦିବ୍ଯମକଲ୍ପଯତ୍॥ 8-26-2 (56169)
ସମେତାଂ ପୃଥିବୀଂ ଦେବୀ ବିଶାଲାଂ ପୁରମାଲିନୀମ୍।
ସପର୍ବତବନଦ୍ବୀପାଂ ଚକ୍ରେ ଭୂତଧରାଂ ରଥମ୍॥ 8-26-3 (56170)
ଈଷାଂ ନକ୍ଷତ୍ରବଂଶଂ ଚ ଛତ୍ରଂ ମେରୁମହାଗିରିମ୍।
ଅନେକଦ୍ରୁସଞ୍ଛନ୍ନଂ ରତ୍ନାକରମନୁତ୍ତମମ୍॥ 8-26-4 (56171)
ହିମବନ୍ତଂ ଚ ବିନ୍ଧ୍ଯଂ ଚ ନାନାଦ୍ରୁମଲତାକୁଲମ୍।
ଅବସ୍କରଂ ପ୍ରତିଷ୍ଠାନଂ କଲ୍ପଯାମାସ ବୈ ତଦା॥ 8-26-5 (56172)
ଅସ୍ତଂଗିରିମଧିଷ୍ଠାନଂ ନାନାଦ୍ବିଜଗଣାଯୁତମ୍।
ଚକାର ଭଗବାଂସ୍ତ୍ବଷ୍ଟା ଉଦଯଂ ରଥକୂବରମ୍॥ 8-26-6 (56173)
ମୀନନକ୍ରଝଷାବାସଂ ଦାନବାଲଯମୁତ୍ତମମ୍।
ସମୁଦ୍ରମକ୍ଷଂ ବିଦଧେ ପତ୍ତନାକରଶୋଭିତମ୍॥ 8-26-7 (56174)
ଚକ୍ରଂ ଚକ୍ରେ ଚନ୍ଦ୍ରମସଂ ତାରକାଗଣମଣ୍ଡିତମ୍।
ଦିବାକରଂ ଚାପ୍ଯପରଂ ଚକ୍ରଂ ଚକ୍ରେଂଽଶୁମାଲିନମ୍॥ 8-26-8 (56175)
ଗଙ୍ଗାଂ ସରସ୍ବତୀଂ ତୂଣୀଂ ଚକ୍ରେ ବିଶ୍ବକୃଦବ୍ଯଯଃ।
ଅଲଙ୍କାରା ରଥସ୍ଯାସନ୍ନାପଗାଃ ସରିତସ୍ତଥା॥ 8-26-9 (56176)
ତ୍ରୀନଗ୍ନୀନ୍ମନ୍ତ୍ରବଚ୍ଚକ୍ରେ ରଥସ୍ଯାଥ ତ୍ରିବେଣୁକମ୍।
ଅନୁକର୍ଷାନ୍ରଥେ ଦୀପ୍ତାନ୍ବରୂଥାଂଶ୍ଚାପି ତାରକାଃ॥ 8-26-10 (56177)
ଓଷଧୀର୍ବୀରୁଧଶ୍ଚୈବ ଘଣ୍ଟାଜାଲଂ ଚ ଭାନୁମତ୍।
ଅଲଞ୍ଚକାର ଚ ରଥଂ ମାସପକ୍ଷର୍ତୁଭିର୍ବିଭୁଃ॥ 8-26-11 (56178)
ଅହୋରାତ୍ରୈଃ କଲାଭିଶ୍ଚ କାଷ୍ଠାଭିରଯନୈସ୍ତଥା।
ଦ୍ଯାଂ ଯୁଗଂ ଯୁଗପର୍ବାଣି ସଂବର୍ତକବଲାହରକାନ୍॥ 8-26-12 (56179)
ଶମ୍ଯାଂ ଧୃତିଂ ଚ ମେଧାଂ ଚ ସ୍ଥିତିଂ ସନ୍ନତିମେବ ଚ।
ଋଘ୍ବେଦଂ ସାମବେଦଂ ଚ ଧୁର୍ଯାବଶ୍ବାବକଲ୍ପଯତ୍॥ 8-26-13 (56180)
ପୃଷ୍ଠାଶ୍ବୌ ତୁ ଯଜୁର୍ବେଦଃ କଲ୍ପିତୋଽଥର୍ବଣସ୍ତଥା।
ଅଶ୍ବାନାଂ ଚାପ୍ଯଲଙ୍କାରଂ ବିଦଧେ ପଦସଞ୍ଚଯମ୍॥ 8-26-14 (56181)
ସିନୀବାଲୀମନୁମତିଂ କୁହୂଂ ରାକାଂ ଚ ସୁପ୍ରଭାମ୍।
ଯୋକ୍ତାଣି ଚକ୍ରେ ଚାଶ୍ବାନାଂ କୂଶ୍ମାଣ୍ଡାଂଶ୍ଚାପି ପନ୍ନଗାନ୍। 8-26-15 (56182)
ତାଲପୃଷ୍ଠୋଽଥ ନହୁଷଃ କାର୍କୋଟକଧନଞ୍ଜଯୌ।
ଇତରେ ଚାଭବନ୍ନାଗା ହଯାନାଂ ବାହବନ୍ଧନମ୍॥ 8-26-16 (56183)
ଅଭୀଶବଃ ଷଡଙ୍ଗାନି କଲ୍ପିତାନି ମହୀପତେ।
ଓଙ୍କାରଃ କଲ୍ପିତସ୍ତସ୍ଯ ପ୍ରତୋଦୋ ବିଶ୍ବକର୍ମଣା॥ 8-26-17 (56184)
ଯଜ୍ଞାଃ ସର୍ବେ ପୃଥକ୍ଲୃପ୍ତା ରଥାଙ୍ଗାନି ଚ ଭାଗଶଃ।
ଅଧିଷ୍ଠାନଂ ମନଶ୍ଚାସୀତ୍ପରିରଥ୍ଯା ସରସ୍ବତୀ॥ 8-26-18 (56185)
ନାନାବର୍ଣାନି ଶସ୍ତ୍ରାଣି ପତାକାଃ ପବନେରିତାଃ।
ବିଦ୍ଯୁଦିନ୍ଦ୍ରଧନୁର୍ଯୁକ୍ତଂ ରଥଂ ଦୀପ୍ତ୍ଯା ବ୍ଯଦୀପଯତ୍॥ 8-26-19 (56186)
ବର୍ମ ଯୋଦ୍ଧୁଂ ଚ ବିହିତଂ ନମୋ ଗ୍ରହଗଣାକୁଲମ୍।
ଅଭେଦ୍ଯଂ ଭାନୁମଚ୍ଚିତ୍ରଂ କାଲଚକ୍ରପରିକ୍ଷତମ୍॥ 8-26-20 (56187)
ଏବମସ୍ମିନ୍ମହାରାଜ କଲ୍ପିତେ ରଥସତ୍ତମେ।
ତ୍ବଷ୍ଟ୍ରା ମନୁଜଶାର୍ଦୂଲ ଦ୍ବିଷତାଂ ଭଯବର୍ଧନେ॥ 8-26-21 (56188)
ସ୍ବାନ୍ଯାଯୁଧାନି ଦିବ୍ଯାନି ନ୍ଯଦଧାଚ୍ଛଙ୍କରୋ ରଥେ।
ଧ୍ବଜଯଷ୍ଟିଂ ବିଯତ୍କୃତ୍ବା ସ୍ଥାପଯାମାସ ଗୋବୃଷମ୍॥ 8-26-22 (56189)
ବ୍ରହ୍ମଦଣ଼୍ଡଃ କାଲଦମ୍ଡୋ ରୁଦ୍ରଦଣ୍ଡଶ୍ଚ ତେ ଜ୍ବରାଃ।
ପରିଷ୍କାରା ର୍ଥସ୍ଯାସନ୍ସମନ୍ତାଦ୍ଦିଶମୁଦ୍ଧତାଃ॥ 8-26-23 (56190)
ବିଚିତ୍ରମୃତୁଭିଃ ଷଡ୍ଭିଃ କୃତ୍ବା ସଂବତ୍ସରଂ ଧନୁଃ।
ଛାଯାମେବାତ୍ମନଶ୍ଚକ୍ରେ ଧନୁର୍ଜ୍ଯାମକ୍ଷଯାଂ ଧ୍ରୁବାମ୍॥ 8-26-24 (56191)
କାଲୋ ହି ଭଗବାନ୍ରୁଦ୍ରସ୍ତଚ୍ଚ ସଂବତ୍ସରଂ ଧନୁଃ।
ତସ୍ମାଦ୍ରୌଦ୍ରୀ କାଲରାତ୍ରୀ ଜ୍ଯା କୃତା ଧନୁଷୋ ଜରା॥ 8-26-25 (56192)
ତତୋ ରଥେ ରଥାଶ୍ବାଂସ୍ତାନୃଷଯଃ ସମଯୋଜଯନ୍।
ଏକୈକଶଃ ସୁସଂହୃଷ୍ଟାନାଦାଯ ସୁଧୃତବ୍ରତାଃ॥ 8-26-26 (56193)
ଦକ୍ଷିଣସ୍ଯାଂ ଧୁରି କୃତ ଋଗ୍ବେଦୋ ମନ୍ତ୍ରପାରଗୈଃ।
ସବ୍ଯତଃ ସାମବେଦଶ୍ଚ ଯୁକ୍ତୋ ରାଜନ୍ମହର୍ଷିଭିଃ॥ 8-26-27 (56194)
ପାର୍ଷ୍ଠିଦକ୍ଷିଣତୋ ଯୁକ୍ତୋ ଯଜୁର୍ବେଦଃ ସୁରଦ୍ବିଜୈଃ।
ଇତରସ୍ଯାଂ ତଥା ପାର୍ଷ୍ଠ୍ଯାଂ ଯୁକ୍ତୋ ରାଜନ୍ନଥର୍ବଣଃ॥ 8-26-28 (56195)
ଏବଂ ତେ ବାଜିନୋ ଯୁକ୍ତା ଯଜ୍ଞବିଦ୍ଭିସ୍ତଥା ରଥେ।
ଅଶୋଭନ୍ତ ତଥା ଯୁକ୍ତା ଯଥୈବାଧ୍ବରମଧ୍ଯଗାଃ॥ 8-26-29 (56196)
କଲ୍ପଯିତ୍ବା ରଥଂ ଦିବ୍ଯଂ ତତୋ ବାଣମକଲ୍ପଯତ୍।
ଚିନ୍ତଯିତ୍ବା ହରିଂ ବିଷ୍ଣୁମବ୍ଯଯଂ ଯଜ୍ଞବାହନମ୍॥ 8-26-30 (56197)
ଶରଂ ସଙ୍କଲ୍ପଯାଞ୍ଚକ୍ରେ ବିଶ୍ବକର୍ମା ମହାମନାଃ।
ତସ୍ଯ ବାଜାଂଶ୍ଚ ପୁଙ୍ଖଂ ଚ କଲ୍ପଯାମାସ ବୈ ତଦା॥ 8-26-31 (56198)
ପୁଣ୍ଯଗନ୍ଧବହଂ ରାଜଞ୍ଶ୍ବସନଂ ରାଜସତ୍ତମ।
ଅଗ୍ନୀଷୋମୌ ଶରମୁଖେ କଲ୍ପଯାମାସ ବୈ ତଦା॥ 8-26-32 (56199)
ଅଗ୍ନୀଷୋମାତ୍ମକଂ କୃତ୍ସ୍ନମୁଚ୍ଯତେ ବୈଷ୍ଣବଂ ଜଗତ୍।
ବିଷ୍ଣୁରାତ୍ମା ଭଗବତୋ ଭବସ୍ଯାମିତତେଜସଃ॥ 8-26-33 (56200)
ତସ୍ମାଦ୍ଧନୁର୍ଜ୍ଯାସଂସ୍ପର୍ଶଂ ସ ବିଷେହେ ଶରସ୍ଯ ବୈ।
ତସ୍ମିଞ୍ଶରେ ତୀକ୍ଷ୍ଣମନ୍ଯୁମମୁଞ୍ଚଦ୍ଦୁଃସହଂ ପ୍ରଭୁଃ॥ 8-26-34 (56201)
ଭୃଗ୍ବଙ୍ଗିରୋମନ୍ଯୁଭବଃ କ୍ରୋଧାଗ୍ନିରତିଦୁଃସହଃ।
ସ ନୀଲଲୋହିତୋ ଧୂମ୍ରଃ କୃତ୍ତିବାସା ଭଯାନକଃ॥ 8-26-35 (56202)
ଆଦିତ୍ଯାଯୁତସଙ୍କାଶସ୍ତେଜୋଜ୍ବାଲାବୃତୋ ଭବଃ।
ଦୁଶ୍ଚର୍ଯଚ୍ଯାବକୋ ଜେତା ହନ୍ତା ବ୍ରହ୍ମଦ୍ବିଷାଂ ବରଃ॥ 8-26-36 (56203)
ତସ୍ଯାଙ୍ଗାନି ସମାଶ୍ରିତ୍ଯ ସ୍ଥିତଂ ବିଶ୍ବମିଦଂ ଜଗତ୍।
ଜଙ୍ଗମାଜଙ୍ଗମଂ ରାଜଞ୍ଛୁଶୁଭେଽଦ୍ଭୁତଦର୍ଶନମ୍॥ 8-26-37 (56204)
ଦୃଷ୍ଟା ତୁ ତଂ ରଥଂ ଦିବ୍ଯଂ କବଚୀ ସ ଶରାସନୀ।
ଆଦଦେ ସ ଶରଂ ଦିବ୍ଯଂ ସୋମବିଷ୍ଣ୍ବଗ୍ନିବାଯୁଜମ୍॥ 8-26-38 (56205)
ତମାଦାଯ ମହାଦେବସ୍ତ୍ରାସଯନ୍ଦୈତ୍ଯଦାନବାନ୍।
ଆରୁରୋହ ତଦା ଯତ୍ତଃ କମ୍ପଯନ୍ନିବ ରୋଦସୀ॥ 8-26-39 (56206)
ମହର୍ଷିଭିଃ ସ୍ତୂଯମାନୋ ବନ୍ଦ୍ଯମାନଶ୍ଚ ବନ୍ଦିଭିଃ।
ଉପନୃତ୍ତଶ୍ଚାପ୍ସରସାଂ ଗଣୈର୍ନୃତ୍ତବିଶାରଦୈଃ॥ 8-26-40 (56207)
ସ ଶୋଭମାନୋ ବରଦଃ ଖଙ୍ଗୀ ବାଣୀ ଶରାସନୀ।
ହସନ୍ନିବାବ୍ରବୀଦ୍ଦେବଃ ସାରଥିଃ କୋ ଭବେଦିତି॥ ॥ 8-26-41 (56208)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଷଡ୍ବିଂଶୋଽଧ୍ଯାଯଃ॥ 26 ॥
॥ ଶ୍ରୀଃ ॥
8.27. ଅଧ୍ଯାଯଃ 027
Mahabharata - Karna Parva - Chapter Topics
ଦେବାନାଂ ପ୍ରାର୍ଥନଯା ବ୍ରହ୍ମଣା ରୁଦ୍ରରଥସାରଥ୍ଯକରଣମ୍॥ 1 ॥ ରୁଦ୍ରେଣ ତ୍ରିପୁରଦହନମ୍॥ 2 ॥ ଦୁର୍ଯୋଧନେନ ଦୃଷ୍ଟାନ୍ତପ୍ରଦର୍ଶନପୂର୍ବକଂ ଶଲ୍ଯମ୍ପ୍ରତି କର୍ଣରଥସାରଥ୍ଯକରଣପ୍ରାର୍ଥନା॥ 3 ॥
Mahabharata - Karna Parva - Chapter Text
8-27-0 (56209)
ଦୁର୍ଯୋଧନ ଉବାଚ। 8-27-0x (4894)
ତମବ୍ରୁବନ୍ଦେବଗଣା ଯଂ ଭବାନ୍ସନ୍ନିଯୋକ୍ଷ୍ଯତେ।
ସ ଭବିଷ୍ଯତି ଦେବେଶ ସାରଥିସ୍ତେ ନ ସଂଶଯଃ॥ 8-27-1 (56210)
ତାନବ୍ରବୀନ୍ମହାଦେବୋ ମତ୍ତଃ ଶ୍ରେଷ୍ଠତରୋ ହି ଯଃ।
ତଂ ସାରଥିଂ କୁରୁଧ୍ବଂ ବୈ ସ୍ବଯଂ ସଞ୍ଚିନ୍ତ୍ଯ ମା ଚିରମ୍॥ 8-27-2 (56211)
ଏତଚ୍ଛ୍ରୁତ୍ବା ବଚୋ ଦେବାଃ ସର୍ବେ ଗତ୍ବା ପିତାମହମ୍।
ପ୍ରଣିପତ୍ଯୋଚୁରେକାଗ୍ରାଃ ପ୍ରସାଦ୍ଯୈନଂ ମହର୍ଷିଭିଃ॥ 8-27-3 (56212)
ତ୍ବଯା ଯତ୍କଥିତଂ ଦେବ ତ୍ରିଦଶାରିନିବର୍ହଣେ।
ତଥା ତତ୍କୃତମସ୍ମାଭିଃ ପ୍ରସନ୍ନଶ୍ଚ ବୃଷଧ୍ବଜଃ॥ 8-27-4 (56213)
ରଥଶ୍ଚ ବିହିତୋଽସ୍ମାଭିର୍ବିଚିତ୍ରାଯୁଧସଂବୃତଃ।
ସାରଥିଂ ଚ ନ ଜାନୀମଃ କଃ ସ୍ଯାତ୍ତସ୍ମିନ୍ରଥୋତ୍ତମେ॥ 8-27-5 (56214)
ତସ୍ମାଦ୍ବିଧୀଯତାଂ କଶ୍ଚିତ୍ସାରଥିର୍ଦେବସତ୍ତମ।
ସଫଲାଂ ତାଂ ଗିରଂ ଦେବ କର୍ତୁମର୍ହସି ନୋ ବିଭୋ।
ଏବମସ୍ମାସୁ ହି ପୁରା ଭଗବନ୍ନୁକ୍ତବାନସି॥ 8-27-6 (56215)
ସଦୈବ ଯୁକ୍ତୋ ରଥସତ୍ତମୋ ବୈ
ଦୁରାଧର୍ଷୋ ଦ୍ରାବଣଃ ଶାତ୍ରବାଣାମ୍।
ପିନାକଧନ୍ବା ବିହିତୋଽତ୍ର ଯୋଦ୍ଧା
ବିଭୀଷଯନ୍ଦାନବାନୁଦ୍ଯତୋଽସୌ॥ 8-27-7 (56216)
ତଥୈବ ବେଦାଶ୍ଚ ହଯା ରଥାଗ୍ର୍ଯ
ଧରା ସଶୈଲା ଚ ରଥୋ ମହାତ୍ମନଃ।
ନକ୍ଷତ୍ରବଂଶାନୁଗତୋ ବରୂଥୀ
ଯସ୍ମିନ୍ଯୋଦ୍ଧା ସାରଥିନାଽଭିରକ୍ଷ୍ଯଃ॥ 8-27-8 (56217)
ତତ୍ର ସାରଥିରେଷ୍ଟବ୍ଯଃ ସର୍ବୈରେତୈର୍ବିଶେଷବାନ୍॥ 8-27-9 (56218)
ତଂ ପ୍ରବିଷ୍ଟା ରଥଂ ଦେବା ରଥଯୋଦ୍ବାରମେବ ଚ।
କବଚାନି ଚ ଶସ୍ତ୍ରାଣି କାର୍ମୁକଂ ଚ ପିତାମହ॥ 8-27-10 (56219)
ତ୍ବାମୃତେ ସାରଥିଂ ତତ୍ର ନାନ୍ଯଂ ପଶ୍ଯାମହେ ବଯମ୍।
ତ୍ବଂ ହି ସର୍ବୈର୍ଗଣୈର୍ଯୁକ୍ତୋଦେବତାଭ୍ଯୋଽଧିକଃ ପ୍ରଭୋ॥ 8-27-11 (56220)
ତ୍ବଂ ଦେବ ଶକ୍ତୋ ଲୋକେଶ ନିଯନ୍ତୁଂ ପ୍ରଦ୍ରୁତାନିମାନ୍।
ବେଦାଂଶ୍ଚ ସୋପନିଷଦଃ ସାରଥିର୍ଭବ ନଃ ସ୍ବଯମ୍॥ 8-27-12 (56221)
ଯୋଦ୍ବୁଂ ବଲେନ ବୀର୍ଯେଣ ସତ୍ବେନ ବିନଯେନ ଚ।
ଅଧିକଃସାରଥିଃକାର୍ଯୋ ନାସ୍ତି ଚାନ୍ଯୋଽଧିକୋ ଭବାତ୍॥ 8-27-13 (56222)
ସ ଭବାଂସ୍ତାରଯତ୍ବସ୍ମାନ୍କୁରୁ ସାରଥ୍ଯମବ୍ଯଯ।
ଭବାନଭ୍ଯଧିକସ୍ତ୍ବତ୍ତୋ ନାନ୍ଯୋସ୍ତି ଭବିତା ତ୍ବିହ॥ 8-27-14 (56223)
ତ୍ବଂ ହି ଦେବେଶ ସର୍ବୈସ୍ତୁ ବିଶିଷ୍ଟୋ ବଦତାଂ ବର।
ତଂ ରଥଂ ତ୍ବଂ ସମାରୁହ୍ଯ ସଂଯଚ୍ଛ ପରମାନ୍ହଯାନ୍॥ 8-27-15 (56224)
ତବ ପ୍ରସାଦାଦ୍ବଧ୍ଯେଯୁର୍ଦେବ ଦୈବତକଣ୍ଟକାଃ।
ସ ନୋ ରକ୍ଷ ମହାବାହୋ ଦୈତ୍ଯେଭ୍ଯୋ ମହତୋ ଭଯାତ୍॥ 8-27-16 (56225)
ତ୍ବଂ ହି ନୋ ଗତିରବ୍ଯଗ୍ର ତବଂ ନ୍ତ୍ରେ ଗୋପ୍ତା ମହାବ୍ରତ।
ତ୍ବତ୍ପ୍ରସାଦାତ୍ସୁରାଃ ସର୍ବେ ପୂଜ୍ଯନ୍ତେ ତ୍ରିଦିବେ ପ୍ରଭୋ॥ 8-27-17 (56226)
ଇତି ତେ ଶିରସାଽଗଚ୍ଛଂସ୍ତ୍ରିଲୋକେଶଂ ପିତାମହମ୍।
ଦେବାଃ ପ୍ରସାଦଯାମାସୁଃ ସାରଥ୍ଯାଯେତି ନଃ ଶ୍ରୁତମ୍॥ 8-27-18 (56227)
ବ୍ରହ୍ମୋବାଚ। 8-27-19x (4895)
ଏବମେତତ୍ସୁରାସ୍ତଥ୍ଯଂ ନାନ୍ଯସ୍ତ୍ବଭ୍ଯଧିକୋ ଭବାତ୍।
ସାରଥିତ୍ବଂ କରିଷ୍ଯାମି ଶଙ୍କରସ୍ଯ ମହାତ୍ମନଃ॥ 8-27-19 (56228)
ସର୍ବଥା ରଥିନଃ ଶ୍ରେଯାନ୍କର୍ତବ୍ଯୋ ରଥସାରଥିଃ।
ତସ୍ମାଦେତଦ୍ଯଥାତତ୍ତ୍ବଂ ଜ୍ଞାତ୍ବା ଯୁଷ୍ମାଂଶ୍ଚ ସଙ୍ଗତାନ୍।
ସଂଯଚ୍ଛାମି ହଯାନେଷ ବିବୁଧାଯ କପର୍ଦିନେ॥ 8-27-20 (56229)
ଦୁର୍ଯୋଧନ ଉବାଚ। 8-27-21x (4896)
ଏବମୁକ୍ତ୍ବା ଜଟାଭାରଂ ସଂଯମ୍ଯ ପ୍ରପିତାମହଃ।
ପରିଧାଯାଜିନଂ ଗାଢଂ ସନ୍ନ୍ଯସ୍ଯ ଚ କମଣ୍ଡଲୁମ୍।
ପ୍ରତୋଦପାଣିର୍ଭଗବାନାରୁରୋହ ରଥଂ ତଦା॥ 8-27-21 (56230)
ସାରଥୌ କଲ୍ପିତେ ଦେବୈରୀଶାନସ୍ଯ ମହାତ୍ମନଃ।
ତସ୍ମିନ୍ନାରୋହତି ରଥଂ କଲ୍ପିତଂ ଲୋକସମ୍ଭୃତମ୍।
ଶିରୋଭିଃ ପତିତା ଭୂମୌ ତୁରଗା ବେଦସମ୍ଭୃତାଃ॥ 8-27-22 (56231)
ଉଭାଭ୍ଯାଂ ଲୋକନାଥାଭ୍ଯାମାସ୍ଥିତଂ ରଥସତ୍ତମମ୍।
ଓଢୁଂ ନ ଶକ୍ତା ବେଦାଶ୍ବା ଜାନୁଭ୍ଯାମପତନ୍ମହୀମ୍॥ 8-27-23 (56232)
ଅଭୀଶୁଭିସ୍ତୁ ଭଗବାନୁଦ୍ଯମ୍ଯ ଚ ହଯାନ୍ବିଭୁଃ।
ଅସ୍ତୁ ବୀର୍ଯଂ ଚ ଶୌର୍ଯଂ ଚ ବେଦାଶ୍ବାନାମିତି ପ୍ରଭୁଃ।
ରଥଂ ସଞ୍ଚୋଦଯାମାସ ଦେବାନାଂ ପ୍ରଭୁରବ୍ଯଯଃ॥ 8-27-24 (56233)
ତତୋଽଧିରୂଢେ ବରଦେ ରଥଂ ପଶୁପତିସ୍ତଦା।
ସାଧୁସାଧ୍ବିତି ଦେବେଶଂ ସ୍ମଯମାନୋଽଭ୍ଯଭାଷତ॥ 8-27-25 (56234)
ଯାହି ଦେବ ଯତୋ ଦୈତ୍ଯାଶ୍ଚୋଦଯାଶ୍ବାନରିନ୍ଦମ।
ପଶ୍ଯ ବାହ୍ବୋର୍ବଲଂ ମେଽଦ୍ଯ ନିଘ୍ନତଃ ଶାତ୍ରବାନ୍ରଣେ॥ 8-27-26 (56235)
ତତୋଽଶ୍ବାଂଶ୍ଚୋଦଯାମାସ ମନୋମାରୁତରଂହସଃ।
ପୁରାଣ୍ଯୁଦ୍ଦିଶ୍ଯ ଖସ୍ଥାନି ଦାନବାନାଂ ତରସ୍ବିନାମ୍॥ 8-27-27 (56236)
ତତସ୍ତେ ସହସୋତ୍ପତ୍ଯ ବେଦାଖ୍ଯା ରଥବାଜିନଃ।
କ୍ଷଣେନ ତେନ ଦୈତ୍ଯାନାଂ ପୁରାଣି ପ୍ରାପଯନ୍ହରମ୍॥ 8-27-28 (56237)
ଅଥର୍ବାଙ୍ଗିରସୌ ଚାସ୍ତାଂ ଚକ୍ରରକ୍ଷୌ ମହାତ୍ମନଃ।
ଅଥାଧିଜ୍ଯଂ ଧନୁଃ କୃତ୍ବା ଶର୍ବଃ ସନ୍ଧାଯ ତଂ ଶରମ୍।
ଯୁକ୍ତ୍ବା ପାଶୁପତାସ୍ତ୍ରେଣ ତ୍ରିପୁରଂ ସମଚିନ୍ତଯତ୍॥ 8-27-29 (56238)
ତସ୍ମିନ୍ସ୍ଥିତେ ତତୋ ରାଜନ୍ରୁଦ୍ରେ ସଜ୍ଜିତକାର୍ମୁକେ।
ପୁରାଣି ତେନ କାଲେନ ଜଗ୍ମୁରେକତ୍ବମାଶୁ ବୈ॥ 8-27-30 (56239)
ଏକୀଭାବଂ ଗତେ ଚୈବ ତ୍ରିପୁରତ୍ବମୁପାଗତେ।
ବଭୂବ ତୁମୁଲୋ ହର୍ଷୋ ଦେବତାନାଂ ମହାତ୍ମନାମ୍॥ 8-27-31 (56240)
ତତୋ ଦେବଗୁଣାଃ ସର୍ବେ ସିଦ୍ଧାଶ୍ଚ ପରମର୍ଷଯଃ।
ଜଯେତି ବାଚୋ ମୁମୁଚୁଃ ସଂସ୍ତୁବନ୍ତୋ ମହେଶ୍ବରମ୍॥ 8-27-32 (56241)
ତତୋଽଗ୍ରତଃ ପ୍ରାଦୁରଭୂତ୍ତ୍ରିପୁରଂ ଜଘ୍ନୁଷୋଽସୁରାନ୍।
ଅନିର୍ଦେଶ୍ଯାଗ୍ର୍ଯବପୁଷୋ ଦେବସ୍ଯାସହ୍ଯତେଜସଃ॥ 8-27-33 (56242)
ତ୍ରୀଣି ଦୃଷ୍ଟ୍ବୈବ ସଂସ୍ଥାନି ପୁରାଣ୍ଯଥ ପିନାକଧୃତ୍।
ସ ତଦ୍ବିକୃଷ୍ଯ ଭଗବାନ୍ଦିବ୍ଯଂ ଲୋକେଶ୍ବରୋ ଧନୁଃ।
ତ୍ରୈଲୋକ୍ଯସାରଂ ତମିଷୁଂ ମୁମୋଚ ତ୍ରିପୁରଂ ପ୍ରତି॥ 8-27-34 (56243)
ଏକବାଣେନ ତଂ ଦେବସ୍ତ୍ରିପୁରଂ ପରମେଶ୍ବରଃ।
ନିଜଘ୍ନେ ସାସୁରଗଣଂ ଦେବଦେବୋ ମହେଶ୍ବରଃ॥ 8-27-35 (56244)
ବାଣତେଜୋଗ୍ନିଦଗ୍ଧଂ ତଦ୍ବିପ୍ରକୀର୍ଣଂ ସହସ୍ରଧା।
ମହଦାର୍ତସ୍ବରଂ କୃତ୍ବା ନାବଶେଷମୁପାଗତମ୍।
ମଦ୍ରେଶ ସାସୁରଗଣଂ ପ୍ରାପତତ୍ପଶ୍ଚିମାର୍ଣବେ॥ 8-27-36 (56245)
ଏବଂ ହି ତ୍ରିପୁରଂ ଦଗ୍ଧଂ ଦାନବାଶ୍ଚାପ୍ଯଶେଷତଃ।
ମହେଶ୍ବରେଣ କ୍ରୁଦ୍ଧେନ ତ୍ରୈଲୋକ୍ଯସ୍ଯ ହିତୈଷିଣା॥ 8-27-37 (56246)
ସ ଚାତ୍ମକ୍ରୋଧଜୋ ବିହ୍ନିର୍ଦହେତ୍ଯୁକ୍ତୋ ନିବାରିତଃ।
ତ୍ରୈଲୋକ୍ଯମବିଶେଷେଣ ପୁନର୍ଦଗ୍ଧୁଂ ପ୍ରଚକ୍ରମେ॥ 8-27-38 (56247)
କାଲାଗ୍ନିମିବ ନିର୍ଦଗ୍ଧୁମୁତ୍ଥିତଂ ତଂ ପୁନଃ ପୁନଃ।
ମାକାର୍ଷୀର୍ଭସ୍ମାସାଲ୍ଲୋକାନିତି ତ୍ର୍ଯକ୍ଷୋଽବ୍ରବୀଦ୍ବଚଃ॥ 8-27-39 (56248)
ତତଃ ପ୍ରକୃତିମାପନ୍ନା ଦେଲୋକାସ୍ତଥର୍ଷଯଃ।
ତୁଷ୍ଟୁବୁର୍ବାଗ୍ଭିରଗ୍ର୍ଯାଭିଃ ସ୍ଥାଣୁଂ ତ୍ରିପୁରବୈରିଣମ୍॥ 8-27-40 (56249)
ତେଽନୁଜ୍ଞାତା ଭଗବତା ସର୍ବେ ଜଗ୍ମୁର୍ଯଥାଗତମ୍।
କୃତକାମାଃ ପ୍ରସନ୍ନେନ ପ୍ରଜାପତିମୁଖାଃ ସୁରାଃ॥ 8-27-41 (56250)
ଏବଂ ରୁଦ୍ରସ୍ଯ କୃତବାନ୍ସାରଥ୍ଯଂ ତୁ ପିତାମହଃ।
ସଂଯଚ୍ଛ ତୁରଗାନସ୍ଯ ରାଧେଯସ୍ଯ ମହାତ୍ମନଃ॥ 8-27-42 (56251)
ତ୍ବଂ ହି କୃଷ୍ଣାଚ୍ଚ କର୍ଣାଚ୍ଚ ଫଲ୍ଗୁନାଚ୍ଚ ଗୁଣାଧିକଃ।
ବଲତୋ ରୂପତୋ ଯୋଗାଦସ୍ତ୍ରସମ୍ପଦ ଏବ ଚ॥ 8-27-43 (56252)
ସମାସକ୍ତଂ ମହୀପାଲ କୁରୁ ମେ ହିତମୀପ୍ସିତମ୍।
ଯୁଦ୍ବେ ହ୍ଯଯଂ ରୁଦ୍ରକଲ୍ପସ୍ତ୍ବଂ ଚ ବ୍ରହ୍ମସମୋଽନଘ।
ତସ୍ମାଚ୍ଛକ୍ତୌ ଯୁବାଂ ଜେତୁଂ ମଚ୍ଛତ୍ରୂନ୍ଦିବି ବା ସୁରାନ୍॥ 8-27-44 (56253)
ସ ଯଥା ଶଲ୍ଯ କର୍ଣୋଽଯଂ ଶ୍ବଂତାଶ୍ବଂ କୃଷ୍ଣସାରଥିମ୍।
ପ୍ରମଥ୍ଯ ହନ୍ଯାତ୍କୌନ୍ତେଯଂ ତଥା ନୀତିର୍ବିଧୀଯତାମ୍॥ 8-27-45 (56254)
ତ୍ବଯି ରାଜ୍ଯଂ ସୁଖଂ ଚୈବ ଜୀବିତଂ ଜଯମେବ ଚ।
ସମାସକ୍ତଂ ମହୀପାଲ କୁରୁ ମେ ହିତମୀପ୍ସିତମ୍॥ 8-27-46 (56255)
ସଂଯଚ୍ଛାସ୍ଯ ହଯାନ୍ତ୍ରାଜନ୍ମତ୍ପ୍ରିଯାର୍ଥଂ ପରନ୍ତପ॥ ॥ 8-27-47 (56256)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତବିଂଶୋଽଧ୍ଯାଯଃ॥ 27 ॥
॥ ଶ୍ରୀଃ ॥
8.28. ଅଧ୍ଯାଯଃ 028
Mahabharata - Karna Parva - Chapter Topics
ଦୁର୍ଯୋଧନେନ କର୍ଣସାରଥ୍ଯେ ଶଙ୍କମାନଂ ଶଲ୍ଯମ୍ପ୍ରତି ପରଶୁରାମଚରିତ୍ରକୀର୍ତନପୂର୍ବକଂ କର୍ଣସ୍ଯ ତଦନ୍ତେବାସିତ୍ବାଦିଗୁଣବତ୍ତଯା ତତ୍ସାରଥ୍ଯ କରଣେ ଦୋଷାଭାବପ୍ରତିପାଦନମ୍॥ 1 ॥
Mahabharata - Karna Parva - Chapter Text
8-28-0 (56257)
ଦୁର୍ଯୋଧନ ଉବାଚ। 8-28-0x (4897)
ଇମଂ ଚାପ୍ଯପରଂ ଭୂଯ ଇତି ହାସଂ ନିବୋଧ ମେ।
ପିତୁର୍ମମ ସକାଶେ ବୈ ବ୍ରାହ୍ମଣଃ ପ୍ରାହ ଧର୍ମବିତ୍॥ 8-28-1 (56258)
ଶ୍ରୁତ୍ବା ଚୈତଦ୍ବଚଶ୍ଚିତ୍ରଂ ହେତୁକାର୍ଯାର୍ଥତତ୍ତ୍ବବିତ୍।
କୁରୁ ଶଲ୍ଯ ବିନିଶ୍ଚିତ୍ଯ ମା ଭୂଦତ୍ର ବିଚାରଣା॥ 8-28-2 (56259)
ଭାର୍ଗବାଣାଂ କୁଲେ ଜାତୋ ଜମଦଗ୍ନିର୍ମହାତପାଃ।
ତସ୍ଯ ରାମେତି ବିଖ୍ଯାତଃ ପୁତ୍ରସ୍ତେଜୋଗୁଣାନ୍ବିତଃ॥ 8-28-3 (56260)
ସ ତୀବ୍ରଂ ତପ ଆସ୍ଥାଯ ସମ୍ପ୍ରସାଦିତବାନ୍ଭବମ୍।
ଅସ୍ତ୍ରହେତୋଃ ପ୍ରସନ୍ନାତ୍ମା ନିଯତଃ ସଂଯତେନ୍ଦ୍ରିଯଃ॥ 8-28-4 (56261)
ତସ୍ମୈ ତୁଷ୍ଟୋ ମହାଦେବୋ ଭକ୍ତ୍ଯା ଚ ପ୍ରଶମେନ ଚ।
ହୃଦ୍ଗତଂ ଚାସ୍ଯ ବିଜ୍ଞାଯ ଦର୍ଶଯାମାସ ଶଙ୍କରଃ।
ପ୍ରତ୍ଯକ୍ଷେଣ ମହାଦେବଃ ସ୍ବାଂ ତନୁଂ ସର୍ବଶଙ୍କରଃ॥ 8-28-5 (56262)
ଶଙ୍କର ଉବାଚ। 8-28-6x (4898)
ରାମ ତୁଷ୍ଟୋଽସ୍ମି ଭଦ୍ରଂ ତେ ବିଦିତଂ ତବ ଚେପ୍ସିତମ୍।
କୁରୁଷ୍ବ ପୂତମାତ୍ମାନଂ ସର୍ବମେତଦବାପ୍ସ୍ଯସି॥ 8-28-6 (56263)
ଦାସ୍ଯାମି ତେ ତଦାଽସ୍ତ୍ରାଣି ଯଦା ପୂତୋ ଭବିଷ୍ଯସି।
ଅପାତ୍ରମସମର୍ଥଂ ଚ ଦହନ୍ତ୍ଯସ୍ତ୍ରାଣି ଭାର୍ଗବ॥ 8-28-7 (56264)
ଇତ୍ଯୁକ୍ତୋ ଜାମଦଗ୍ନ୍ଯସ୍ତୁ ଦେବଦେବେନ ଶୂଲିନା।
ପ୍ରତ୍ଯୁବାଚ ମହାତ୍ମାନଂ ଶିରସାଽବନତଃ ପ୍ରଭୁମ୍॥ 8-28-8 (56265)
ଯଦା ଜାନାସି ଦେବେଶ ପାତ୍ରଂ ମାମସ୍ତ୍ରଧାରଣେ।
ତଦା ଶୁଶ୍ରୂଷତେଽସ୍ତ୍ରାଣି ଭବାନ୍ମେ ଦାତୁମର୍ହତି॥ 8-28-9 (56266)
ତତଃ ସ ତପସା ଚୈବ ବ୍ରତେନ ନିଯମେନ ଚ।
ପୂଜୋପହାରବଲିଭିର୍ହୋମମନ୍ତ୍ରପୁରସ୍କୃତୈଃ॥ 8-28-10 (56267)
ସମାରାଧିତବାଞ୍ଶର୍ବଂ ବହୁବର୍ଷଗଣାଂସ୍ତଦା।
ପ୍ରସନ୍ନଶ୍ଚ ମହାଦେବୋ ଭାର୍ଗବସ୍ଯ ମହାତ୍ମନଃ॥ 8-28-11 (56268)
ଅସକୃଚ୍ଚାବ୍ରବୀତ୍ତସ୍ଯ ଗୁଣାନ୍ଦେବ୍ଯାଃ ସକାଶତଃ।
ଭକ୍ତିମାନେଷ ସତତଂ ମଯି ରାମୋ ଦୃଢବ୍ରତଃ॥ 8-28-12 (56269)
ଏବମସ୍ଯ ଗୁଣାନ୍ପ୍ରୀତୋ ବହୁଶୋ କଥଯଦ୍ବିଭୁଃ।
ଦେବତାନାଂ ପିତୄଣାଂ ଚ ସମକ୍ଷମରିସୂଦନ॥ 8-28-13 (56270)
ଏତସ୍ମିନ୍ନେବ କାଲେ ତୁ ଦୈତ୍ଯା ହ୍ଯାସନ୍ମହାବଲାଃ।
ତୈସ୍ତଦା ଦର୍ପମୋହାଦ୍ବୈ ଅବାଧ୍ଯନ୍ତ ଦିବୌକସଃ॥ 8-28-14 (56271)
ତତଃ ସମ୍ଭୂଯ ବିବୁଧାସ୍ତାନ୍ହନ୍ତୁଂ କୃତନିଶ୍ଚଯାଃ।
ଚକ୍ରୁଃ ଶତ୍ରୁବଧେ ଯତ୍ନଂ ଦୈତ୍ଯାଞ୍ଚେତୁମଶକ୍ନୁବନ୍॥ 8-28-15 (56272)
ଅଭିଗମ୍ଯ ତତୋ ଦେବା ମହେଶ୍ବରମୁମାପତିମ୍।
ପ୍ରାସାଦଯଂସ୍ତଦା ଭକ୍ତ୍ଯା ଜହି ଶତ୍ରୁଗଣାନିତି॥ 8-28-16 (56273)
ପ୍ରତିଜ୍ଞାଯ ତତୋ ଦେବୋ ଦେବତାନାଂ ରିପୁକ୍ଷଯମ୍।
ରାମଂ ଭାର୍ଗବମାହୂଯ ସୋଽଭ୍ଯଭାଷତ ଶଙ୍କରଃ॥ 8-28-17 (56274)
ରିପୂନ୍ଭାର୍ଗବ ଦେବାନାଂ ଜହି ସର୍ବାନ୍ସମାଗତାନ୍।
ଲୋକାନାଂ ହିତକାମାର୍ଥଂ ମତ୍ପ୍ରିଯାର୍ଥଂ ତଥୈବ ଚ॥ 8-28-18 (56275)
ପରଶୁରାମ ଉବାଚ। 8-28-19x (4899)
କା ଶକ୍ତିର୍ମମ ଦେବେଶ ଅକୃତାସ୍ତ୍ରସ୍ଯ ସଂଯୁଗେ।
ନିହନ୍ତୁଂ ଦାନବାନ୍ସର୍ବାନ୍କୃତାସ୍ତ୍ରାନ୍ଯୁଦ୍ଧଦୁର୍ମଦାନ୍॥ 8-28-19 (56276)
ଈଶ୍ବର ଉବାଚ। 8-28-20x (4900)
ଗଚ୍ଛ ତ୍ବଂ ମଦନୁଜ୍ଞାନାନ୍ନିହନିଷ୍ଯସି ଶାତ୍ରବାନ୍।
ବିଜିତ୍ଯ ଚ ରିପୂନ୍ସର୍ବାନ୍ଗୁଣାନ୍ପ୍ରାପ୍ସ୍ଯସି ପୁଷ୍କଲାନ୍॥ 8-28-20 (56277)
ଦୁର୍ଯୋଧନ ଉବାଚ। 8-28-21x (4901)
ଏତଚ୍ଛ୍ରୁତ୍ବା ତୁ ବଚନଂ ପ୍ରତିଗୃହ୍ଯ ଚ ସର୍ବଶଃ।
ରାମଃ କୃତସ୍ବସ୍ତ୍ଯଯନଃ ପ୍ରଯଯୌ ଦାନବାନ୍ପ୍ରତି॥ 8-28-21 (56278)
ତତୋଽଜଯଦ୍ଦେବଶତ୍ରୂନ୍ମହାଦର୍ପବଲାନ୍ବିତାନ୍।
ବଜ୍ରାଶନିସମସ୍ପର୍ଶୈଃ ପ୍ରହାରୈରେବ ଭାର୍ଗବଃ॥ 8-28-22 (56279)
ସ ଦାନବୈଃ କ୍ଷତତନୁର୍ଜାମଦଗ୍ନ୍ଯୋ ନୃପୋତ୍ତମ।
ସଂସ୍ପୃଷ୍ଟଃ ସ୍ଥାଣୁନା ସଦ୍ଯୋ ନିର୍ବ୍ରଣଃ ସମପଦ୍ଯତ॥ 8-28-23 (56280)
ପ୍ରୀତଶ୍ଚ ଭଗବାନ୍ଦେବଃ କର୍ମଣା ତେନ ତସ୍ଯ ବୈ।
ବରାନ୍ପ୍ରାଦାଦ୍ବହୁବିଧାନ୍ଭାର୍ଗବାଯ ମହାତ୍ମନେ॥ 8-28-24 (56281)
ଉକ୍ତଶ୍ଚ ପ୍ରୀତିଯୁକ୍ତେନ ଦେବଦେବେନ ଶୂଲିନା॥ 8-28-25 (56282)
ନିପାତାତ୍ତବ ଶସ୍ତ୍ରାଣାଂ ଶରୀରେ ଯାଽଭବଦ୍ରୁଜା।
ତଯା ତେ ମାନୁଷଂ କର୍ମ ବ୍ଯପୋହଂ ଭୃଗୁନନ୍ଦନ।
ଗୃହାଣାସ୍ତ୍ରାଣି ଦିବ୍ଯାନି ମତ୍ସକାଶାଦ୍ଯଥେପ୍ସିତଂ॥ 8-28-26 (56283)
ତତୋଽସ୍ତ୍ରାଣି ସମଗ୍ରାଣି ବରାଂଶ୍ଚ ମନସେପ୍ସିତାନ୍।
ଲବ୍ଧ୍ବା ବହୁବିଧାନ୍ରାମଃ ପ୍ରଣମ୍ଯଶିରସା ଶିବମ୍।
ଅନୁଜ୍ଞାଂ ପ୍ରାପ୍ଯ ଦେବେଶାଜ୍ଜଗାମ ସ ମହାତପାଃ॥ 8-28-27 (56284)
ଏବମେତତ୍ପୁରାବୃତ୍ତଂ ତଥା କଥିତବାନୃଷିଃ॥ 8-28-28 (56285)
ଭାର୍ଗବୋଽପି ଦଦୌ ସର୍ବଂ ଧନୁର୍ବେଦଂ ମହାତ୍ମନେ।
କର୍ଣାଯ ପୁରୁଷବ୍ଯାଘ୍ରଃ ସୁପ୍ରୀତେନାନ୍ତରାତ୍ମନା॥ 8-28-29 (56286)
ବୃଜିନଂ ନ ଭବେତ୍କିଞ୍ଚିଦସ୍ଯ କର୍ଣସ୍ଯ ପାର୍ଥିବ।
ସୂତେନ ବର୍ଧିତୋ ନିତ୍ଯଂ ନ ସୂତୋ ନୃପ ଏବ ସଃ॥ 8-28-30 (56287)
ବିଶୁଦ୍ଧଯୋନିଂ ବିଜ୍ଞାଯ ଦିବ୍ଯାନ୍ଯସ୍ତ୍ରାଣ୍ଯଦାଦ୍ଭୃଗୁଃ।
ନାପି ସୂତକୁଲେ ଜାତଂ ମନ୍ଯେ କର୍ଣଂ କଥଞ୍ଚନ।
ଦେବପୁତ୍ରମଦଂ ମନ୍ଯେ କ୍ଷତ୍ରିଯାଣାଂ କୁଲୋଦ୍ଭବମ୍॥ 8-28-31 (56288)
ବିସୃଷ୍ଟମବିବୋଧାର୍ଥଂ କୁଲସ୍ଯେଂତି ମତିର୍ମମ।
ସର୍ବଥା ନ ହ୍ଯସୋ ଶଲ୍ଯ କର୍ଣଃ ସୂତକୁଲୋଦ୍ଭବଃ॥ 8-28-32 (56289)
ସକୁଣ୍ଡଲଂ ସକବଚଂ ଦୀର୍ଘବାହୁମରିନ୍ଦମମ୍।
କଥମାଦିତ୍ଯସଙ୍କାଶଂ ମୃଗୀ ସିଂହଂ ପ୍ରସୂଯତେ॥ 8-28-33 (56290)
ପଶ୍ଯ ହ୍ଯସ୍ଯ ଭୁଜୌ ପୀନୌ ନାଗରାଜକରୋପମୌ।
ବକ୍ଷଃ ପଶ୍ଯ ବିଶାଲଂ ଚ ସର୍ବଶସ୍ତ୍ରସହଂ ରଣେ॥ 8-28-34 (56291)
ନ ତ୍ବେବ ପ୍ରାକୃତଃ କଶ୍ଚିତ୍କର୍ଣୋ ବୈକର୍ତନୋ ବୃଷା।
ମହାତ୍ମାହ୍ଯେଷ ରାଜେନ୍ଦ୍ର ରାମଶିଷ୍ଯଃ ପ୍ରତାପବାନ୍॥ ॥ 8-28-35 (56292)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଅଷ୍ଟବିଂଶୋଽଧ୍ଯାଯଃ॥ 28 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.29. ଅଧ୍ଯାଯଃ 029
Mahabharata - Karna Parva - Chapter Topics
ଦୁର୍ଯୋଧନପ୍ରାର୍ଥିତେନ ଶଲ୍ଯେନ ସମଯକରଣପୂର୍ବକଂ କର୍ଣରଥସାରଥ୍ଯସ୍ବୀକରଣମ୍॥ 1 ॥
Mahabharata - Karna Parva - Chapter Text
8-29-0 (56293)
ଦୁର୍ଯୋଧନ ଉବାଚ। 8-29-0x (4902)
ଏବଂ ସ ଭଗବାନ୍ଦେବଃ ସର୍ବଲୋକପିତାମହଃ।
ସାରଥ୍ଯମକରୋତ୍ତତ୍ର ବ୍ରହ୍ମା ରୁଦ୍ରୋଽଭବଦ୍ରଥୀ॥ 8-29-1 (56294)
ରଥିନୋଽଭ୍ଯଧିକୋ ବୀର କର୍ତବ୍ଯୋ ରଥସାରଥିଃ।
ତସ୍ମାତ୍ତ୍ବଂ ପୁରୁଷବ୍ଯାଘ୍ର ନିଯଚ୍ଛ ତୁରଗାନ୍ଯୁଧି॥ 8-29-2 (56295)
ଯଥା ଦେବଗଣୈସ୍ତତ୍ର ବୃତୋ ଯତ୍ନାତ୍ପିତାମହଃ।
ତଥାଽସ୍ମାଭିର୍ଭବାନ୍ଯତ୍ନାତ୍କର୍ଣାଦଭ୍ଯଧିକୋ ବୃତଃ॥ 8-29-3 (56296)
ଯଥା ଦେବୈର୍ମହାରାଜ ଈଶ୍ବରାଦଧିକୋ ବୃତଃ।
ତଥା ଦେବୈର୍ମହାରାଜ କ୍ଷିପ୍ରଂ ରୁଦ୍ରସ୍ଯବ ପିତାମହଃ।
ନିଯଚ୍ଛ ତୁରଗାନ୍ଯୁଦ୍ବେ ରାଧେଯସ୍ଯ ମହାଦ୍ଯୁତେ॥ 8-29-4 (56297)
ଶଲ୍ଯ ଉବାଚ। 8-29-5x (4903)
ମଯାପ୍ଯେତନ୍ନରଶ୍ରେଷ୍ଠ ବହୁଶୋ ନରସିଂହଯୋଃ।
କଥ୍ଯମାନଂ ଶ୍ରୁତଂ ଦିବ୍ଯମାଖ୍ଯାନମତିମାନୁଷମ୍॥ 8-29-5 (56298)
ଯଥା ଚ ଚକ୍ରେ ସାରଥ୍ଯଂ ଭବସ୍ଯ ପ୍ରପିତାମହଃ।
ଯଥାଽସୁରାଶ୍ଚ ନିହତା ଇଷୁଣୈକେନ ଭାରତ॥ 8-29-6 (56299)
କୃଷ୍ଣସ୍ଯ ଚାପି ବିଦିତଂ ସର୍ବମେତତ୍ପୁରା ହ୍ଯଭୂତ୍॥ 8-29-7 (56300)
ଯଥା ପିତାମହୋ ଜଜ୍ଞେ ଭଗବାନ୍ସାରଥିସ୍ତଦା।
ଅନାଗତମତିକ୍ରାନ୍ତଂ ବେଦ କୃଷ୍ଣୋଽପି ତତ୍ତ୍ବତଃ॥ 8-29-8 (56301)
ଏତଦର୍ଥଂ ବିଦିତ୍ବାଽପି ସାରଥ୍ଯମୁପଜଗ୍ମିବାନ୍।
ସ୍ବଯମ୍ଭୂରିବ ରୁଦ୍ରସ୍ଯ କୃଷ୍ଣଃ ପାର୍ଥସ୍ଯ ଭାରତ॥ 8-29-9 (56302)
ଯଦି ହନ୍ଯାଚ୍ଚ କୌନ୍ତେଯଂ ସୂତପୁତ୍ରଃ କଥଞ୍ଚନଃ।
ଦୃଷ୍ଟ୍ବା ପାର୍ଥଂ ହି ନିହତଂ ସ୍ବଯଂ ଯୋତ୍ସ୍ଯତି କେଶବଃ॥ 8-29-10 (56303)
ଶଙ୍ଖଚକ୍ରଗଦାପାଣିର୍ଧକ୍ଷ୍ଯତେ ତବ ବାହିନୀମ୍।
ନ ଚାପି ତସ୍ଯ କ୍ରୁଦ୍ଧସ୍ଯ ବାର୍ଷ୍ଣେଯସ୍ଯ ମହାତ୍ମନଃ।
ସ୍ଥାସ୍ଯତେ ପ୍ରତ୍ଯନୀକେଷୁ କଶ୍ଚିଦତ୍ର ନୃପସ୍ତବ॥ 8-29-11 (56304)
ସଞ୍ଜଯ ଉବାଚ। 8-29-12 (56305)
ତଂ ତଥା ଭାଷମାଣଂ ତୁ ମଦ୍ରରାଜମରିନ୍ଦମଃ।
ପ୍ରତ୍ଯୁବାଚ ମହାବାହୁରଦୀନାତ୍ମା ସୁତସ୍ତବ॥ 8-29-12 (56306)
ମାବମଂସ୍ଥା ମହାବାହୋ କର୍ଣଂ ବୈକର୍ତନଂ ରଣେ।
ସର୍ବଶସ୍ତ୍ରଭୃତାଂ ଶ୍ରେଷ୍ଠଂ ସର୍ବଶାସ୍ତ୍ରାର୍ଥପରାଗମ୍॥ 8-29-13 (56307)
ଯସ୍ଯ ଜ୍ଯାତଲନିର୍ଘୋଷଂ ଶ୍ରୁତ୍ବା ଭଯକରଂ ମହତ୍।
ପାଣ୍ଡବେଯାନି ସୈନ୍ଯାନି ବିଦ୍ରବନ୍ତି ଦିଶୋ ଦଶ॥ 8-29-14 (56308)
ପ୍ରତ୍ଯକ୍ଷ ତେ ମହାବାହୋ ଯଥା ରାତ୍ରୌ ଘଟୋତ୍କଚଃ।
ମାଯାଶତାନି କୁର୍ବାଣୋ ହତୋ ମାଯାପୁରସ୍କୃତଃ॥ 8-29-15 (56309)
ନ ଚାତିଷ୍ଠତ ବୀଭତ୍ସୁଃ ପ୍ରତ୍ଯନୀକେ କଥଞ୍ଚନ।
ଏତାଂଶ୍ଚ ଦିବସାନ୍ସର୍ବାନ୍ଭଯେନ ମହତା ବୃତଃ॥ 8-29-16 (56310)
ଭୀମସେନଶ୍ଚ ବଲବାନ୍ଧନୁଷ୍କୋଟ୍ଯାଭିଚୋଦିତଃ।
ଉକ୍ତଶ୍ଚ ସଂଜ୍ଞଯା ରାଜନ୍ମୂଢ ଔଦରିକୋ ଯଥା॥ 8-29-17 (56311)
ମାଦ୍ରୀପୁତ୍ରୌ ତଥା ଶୂରୌ ଯେନ ଜିତ୍ବା ମହାରଣେ।
କମପ୍ଯର୍ଥଂ ପୁରସ୍କୃତ୍ଯ ନ ହତୌ ଯୁଧି ମାରିଷ॥ 8-29-18 (56312)
ଯେନ ବୃଷ୍ଣିପ୍ରବୀରସ୍ତୁ ସାତ୍ଯକିଃ ସାତ୍ବତାଂ ବରଃ।
ନିର୍ଜିତ୍ଯ ସମରେ ଶୂରୋ ବିସ୍ଥଶ୍ଚ ବଲାତ୍କୃତଃ॥ 8-29-19 (56313)
ସୃଞ୍ଜଯାଶ୍ଚେତରେ ସର୍ବେ ଧୃଷ୍ଟଦ୍ଯୁମ୍ନପୁରୋଗମାଃ।
ଅସକୃନ୍ନିର୍ଜିତାଃ ସଙ୍ଖ୍ଯେ ସ୍ମଯମାନେନ ସଂଯୁଗେ॥ 8-29-20 (56314)
ତଂ କଥଂ ପାଣ୍ଡବା ଯୁଦ୍ବେ ବିଜେଷ୍ଯନ୍ତି ମହାରଥମ୍।
ଯୋ ହନ୍ଯାତ୍ସମରେ କ୍ରୁଦ୍ବୋ ବଜ୍ରହସ୍ତଂ ପୁରନ୍ଦରମ୍॥ 8-29-21 (56315)
ତ୍ବଂ ଚ ସର୍ବାସ୍ତ୍ରବିଦ୍ବୀରଃ ସର୍ବବିଦ୍ଯାସ୍ତ୍ରପାରଗଃ।
ବାହୁବୀର୍ଯେଣ ତେ ତୁଲ୍ଯଃ ପୃଥିବ୍ଯାଂ ନାସ୍ତି କଶ୍ଚନ॥ 8-29-22 (56316)
ତ୍ବଂ ଶଲ୍ଯଭୂତଃ ଶତ୍ରୂଣାମବିଷହ୍ଯଃ ପରାକ୍ରମେ।
ତତସ୍ତ୍ବମୁଚ୍ଯସେ ରାଜଞ୍ଶଲ୍ଯ ଇତ୍ଯରିସୂଦନ॥ 8-29-23 (56317)
ତବ ବାହୁବଲଂ ପ୍ରାପ୍ଯ ନ ଶେକୁଃ ସର୍ବସାତ୍ବତାଃ।
ତବ ବାହୁବଲାଦ୍ରାଜନ୍କିଂ ନୁ କୃଷ୍ଣୋ ବଲାଧିକଃ॥ 8-29-24 (56318)
ଯଥା ହି କୃଷ୍ଣେନ ବଲଂ ଧାର୍ଯଂ ବୈ ଫଲ୍ଗୁନେ ହତେ।
ତଥା କର୍ଣାତ୍ଯଯୀଭାବେ ତ୍ବଯା ଧାର୍ଯଂ ମହଦ୍ବଲମ୍॥ 8-29-25 (56319)
କିମର୍ଥଂ ସମରେ ସୈନ୍ଯଂ ବାସୁଦେବୋ ନ୍ଯବାରଯତ୍।
କିମର୍ଥଂ ଚ ଭବାନ୍ସୈନ୍ଯଂ ନ ହନିଷ୍ଯତି ମାରିଷ॥ 8-29-26 (56320)
ତ୍ବତ୍କୃତେ ପଦବୀଂ ଗନ୍ତୁମିଚ୍ଛେଯଂ ଯୁଧି ମାରିଷ।
ସୋଦରାଣାଂ ଚ ବୀରାଣାଂ ସର୍ବେଷାଂ ଚ ମହୀକ୍ଷିତାମ୍॥ 8-29-27 (56321)
ଶଲ୍ଯ ଉବାଚ। 8-29-28x (4904)
ଯନ୍ମାଂ ବ୍ରବୀଷି ଗାନ୍ଧାରେ ଅଗ୍ରେ ସୈନ୍ଯସ୍ଯ ମାନଦ।
ବିଶିଷ୍ଟଂ ଦେବକୀପୁତ୍ରାତ୍ପ୍ରୀତିମାନସ୍ମ୍ଯହଂ ତ୍ବଯି॥ 8-29-28 (56322)
ଏଷ ସାରଥ୍ଯମାତିଷ୍ଠେ ରାଧେଯସ୍ଯ ଯଶସ୍ବିନଃ।
ଯୁଧ୍ଯତଃ ପାଣ୍ଡବାଗ୍ର୍ଯେଣ ଯଥା ତ୍ବଂ ବୀର ମନ୍ଯସେ॥ 8-29-29 (56323)
ସମଯଶ୍ଚ ହି ମେ ବୀର କଶ୍ଚିଦ୍ବୈକର୍ତନଂ ପ୍ରତି।
ଉତ୍ସୃଜେଯଂ ଯଥାଶ୍ରଦ୍ବମହଂ ବାଚୋଽସ୍ଯ ସନ୍ନିଧୌ॥ 8-29-30 (56324)
ସଞ୍ଜଯ ଉବାଚ। 8-29-31x (4905)
ତଥେତି ରାଜନ୍ପୁତ୍ରସ୍ତେ ସହ କର୍ଣେନ ମାରିଷ।
ଅବ୍ରବୀତ୍ମଦ୍ରରାଜାନଂ ସର୍ବକ୍ଷତ୍ରସ୍ଯ ସନ୍ନିଧୌ॥ 8-29-31 (56325)
ସାରଥ୍ଯସ୍ଯାଭ୍ଯୁପଗମାଚ୍ଛଲ୍ଯେନାଶ୍ବାସିତସ୍ତଦା।
ଦୁର୍ଯୋଧନସ୍ତଦା ହୃଷ୍ଟଃ କର୍ଣଂ ତମଭିଷସ୍ବଜେ॥ 8-29-32 (56326)
ଅବ୍ରବୀଚ୍ଚ ପୁନଃ କର୍ଣଂ ସ୍ତୂଯମାନଃ ସୁତସ୍ତବ।
ଜହି ପାର୍ଥାନ୍ରଣେ ସର୍ବାନ୍ମହେନ୍ଦ୍ରୋ ଦାନବାନିବ॥ 8-29-33 (56327)
ସ ଶଲ୍ଯେନାଭ୍ଯୁପଗତେ ହଯାନାଂ ସନ୍ନିଯଚ୍ଛନେ।
କର୍ଣୋ ହୃଷ୍ଟମନା ଭୂଯୋ ଦୁର୍ଯୋଧନଭାଷତ॥ 8-29-34 (56328)
ନାତିହୃଷ୍ଟମନା ହ୍ଯେଷ ମଦ୍ରରାଜୋଽଭିଭାଷତେ।
ରାଜନ୍ମଧୁରଯା ବାଚା ପୁନରେନଂ ବ୍ରବୀହି ବୈ॥ 8-29-35 (56329)
ତତୋ ରାଜା ମହାପ୍ରାଜ୍ଞଃ ସର୍ବାସ୍ତ୍ରକୁଶଲୋ ବଲୀ।
ଦୁର୍ଯୋଧନୋଽବ୍ରବୀଚ୍ଛଲ୍ଯଂ ମଦ୍ରରାଜଂ ମହୀପତିମ୍॥ 8-29-36 (56330)
ପୂରଯନ୍ନିବ ଘୋଷେଣ ମେଘଗମ୍ଭୀରଯା ଗିରା।
ଶଲ୍ଯ କର୍ଣୋଽର୍ଜୁନେନାଦ୍ଯ ଯୋଦ୍ବବ୍ଯମିତି ମନ୍ଯତେ॥ 8-29-37 (56331)
ତସ୍ଯ ତ୍ବଂ ପୁରୁଷବ୍ଯାଘ୍ର ନିଯଚ୍ଛ ତୁରଗାନ୍ଯୁଧି।
କର୍ଣୋ ହତ୍ବେତରାନ୍ସର୍ବାନ୍ଫଲ୍ଗୁନଂ ହନ୍ତୁମିଚ୍ଛତି।
ତସ୍ଯାଭୀଷୁଗ୍ରହେ ରାଜନ୍ପ୍ରଯାଚେ ତ୍ବାଂ ପୁନଃ ପୁନଃ॥ 8-29-38 (56332)
ପାର୍ଥସ୍ଯ ସଚିବଃ କୃଷ୍ଣୋ ଯଥାଽଭୀଷୁଗ୍ରହୋ ବରଃ।
ତଥା ତ୍ବମପି ରାଧେଯଂ ସର୍ବତଃ ପରିପାଲଯ॥ 8-29-39 (56333)
ସଞ୍ଜଯ ଉବାଚ। 8-29-40x (4906)
ତତଃ ଶଲ୍ଯଃ ପରିଷ୍ବଜ୍ଯ ସୁତଂ ତେ ବାକ୍ଯମବ୍ରବୀତ୍।
ଦୁର୍ଯୋଧନମମିତ୍ରଘ୍ନଂ ପ୍ରୀତୋ ମଦ୍ରାଧିପସ୍ତଦା॥ 8-29-40 (56334)
ଶଲ୍ଯ ଉବାଚ। 8-29-41x (4907)
ଏବଂ ଚେନ୍ମନ୍ଯସେ ରାଜନ୍ଗାନ୍ଧାରେ ପ୍ରିଯଦର୍ଶନ।
ତସ୍ମାତ୍ତେ ଯତ୍ପ୍ରିଯଂ କିଞ୍ଚିତ୍ତତ୍ସର୍ବଂ କରବାଣ୍ଯହମ୍॥ 8-29-41 (56335)
ଯତ୍ରାସ୍ମି ଭରତଶ୍ରେଷ୍ଠ ଯୋଗ୍ଯଃ କର୍ମଣି କର୍ହିଚିତ୍।
ତତ୍ର ସର୍ବାତ୍ମନା ଯୁକ୍ତୋ ବକ୍ଷ୍ଯେ କାର୍ଯଂ ପରନ୍ତପ॥ 8-29-42 (56336)
ଯତ୍ତୁ କର୍ଣମହଂ ବ୍ରୂଯାଂ ହିତକାମଃ ପ୍ରିଯାପ୍ରିଯେ।
ମମ ତତ୍କ୍ଷମତାଂ ସର୍ବଂ ଭବାନ୍କର୍ଣଶ୍ଚ ସର୍ବଶଃ॥ 8-29-43 (56337)
କର୍ଣ ଉବାଚ। 8-29-44x (4908)
ଈଶାନସ୍ଯ ଯଥା ବ୍ରହ୍ମା ଯଥା ପାର୍ଥସ୍ଯ କେଶବଃ।
ତଥା ନିତ୍ଯଂ ହିତେ ଯୁକ୍ତୋ ମଦ୍ରରାଜ ଭବସ୍ବ ନଃ॥ 8-29-44 (56338)
ଶଲ୍ଯ ଉବାଚ। 8-29-45x (4909)
ଆତ୍ମନିନ୍ଦାତ୍ମପୂଜା ଚ ପରନିନ୍ଦା ପରସ୍ତବଃ।
ଅନାଚରିତମାର୍ଯାଣାଂ ବୃତ୍ତମେତଚ୍ଚତୁର୍ବିଧମ୍॥ 8-29-45 (56339)
ଯତ୍ତୁ ବିଦ୍ବନ୍ପ୍ରବକ୍ଷ୍ଯାମି ପ୍ରxxxxଯାର୍ଥମହଂ ତବ।
ଆତ୍ମନଃ ସ୍ତବସଂଯୁକ୍ତଂ ତନ୍ନିବୋଧ ଯଥାତଥମ୍॥ 8-29-46 (56340)
ଅହଂ ଶକ୍ରସ୍ଯ ସାରଥ୍ଯେ ଯୋଗ୍ଯୋ ମାତଲିବତ୍ପ୍ରଭୋ।
ଅପ୍ରମାଦାତ୍ପ୍ରଯୋଗାଚ୍ଚ ଜ୍ଞାନବିଦ୍ଯାଚିକିତ୍ସନୈଃ॥ 8-29-47 (56341)
ତତଃ ପାର୍ଥେନ ସଙ୍ଗ୍ରାମେ ଯୁଧ୍ଯମାନସ୍ଯ ତେଽନଘ।
ବାହଯିଷ୍ଯାମି ତୁରଗାନ୍ବିଜ୍ବରୋ ଭବ ସୂତଜ॥ ॥ 8-29-48 (56342)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଏକୋନତ୍ରିଂଶୋଽଧ୍ଯାଯଃ॥ 29 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.30. ଅଧ୍ଯାଯଃ 030
Mahabharata - Karna Parva - Chapter Topics
ଶଲ୍ଯେନ ସାରଥୀଭୂଯାଧିଷ୍ଠିତଂ ରଥମଧିଷ୍ଠାଯ କର୍ଣସ୍ଯ ରଣାଯ ନିର୍ଯାଣମ୍॥ 1 ॥
Mahabharata - Karna Parva - Chapter Text
8-30-0 (56343)
ଦୁର୍ଯୋଧନ ଉବାଚ। 8-30-0x (4910)
ଅଯଂ ତେ କର୍ଣ ସାରଥ୍ଯଂ ମଦ୍ରରାଜଃ କରିଷ୍ଯତି।
କୃଷ୍ଣାଦଭ୍ଯଧିକୋ ଯନ୍ତା ଦେବେଶସ୍ଯେବ ମାତଲିଃ॥ 8-30-1 (56344)
ଯଥା ହରିହଯୈର୍ଯୁକ୍ତଂ ସଙ୍ଗୃହ୍ଣାତି ସ ମାତଲିଃ।
ଶଲ୍ଯସ୍ତଥା ତବାଦ୍ଯାଯଂ ସଂଯନ୍ତା ରଥବାଜିନାମ୍॥ 8-30-2 (56345)
ଯୋଧେ ତ୍ବଯି ରଥସ୍ଥେ ଚ ମଦ୍ରରାଜେ ଚ ସାରଥୌ।
ରଥଶ୍ରେଷ୍ଠୋ ଧ୍ରୁବଂ ସଙ୍ଖ୍ଯେ ପାର୍ଥାନଭିଭବିଷ୍ଯତି॥ 8-30-3 (56346)
ସଞ୍ଜଯ ଉବାଚ। 8-30-4x (4911)
ତତୋ ଦୁର୍ଯୋଧନୋ ଭୂଯୋ ମଦ୍ରରାଜଂ ତରସ୍ବିନମ୍।
ଉବାଚ ରାଜନ୍ସଙ୍ଗ୍ରାମେଽଧ୍ଯୁଷିତେ ପର୍ଯୁପସ୍ଥିତେ॥ 8-30-4 (56347)
କର୍ଣସ୍ଯ ଯଚ୍ଛ ସଙ୍ଗ୍ରାମେ ମଦ୍ରରାଜ ହଯୋତ୍ତମାନ୍।
ତ୍ବଯାଽଭିଗୁପ୍ତୋ ରାଧେଯୋ ବିଜେଷ୍ଯତି ଧନଞ୍ଜଯମ୍॥ 8-30-5 (56348)
ଇତ୍ଯୁକ୍ତୋ ରଥମାସ୍ଥାଯ ତଥେତି ପ୍ରାହ ଭାରତ।
ଶଲ୍ଯେଽଭ୍ଯୁପଗତେ କର୍ଣଃ ସାରଥିଂ ସୁମନାଽବ୍ରବୀତ୍॥ 8-30-6 (56349)
ତ୍ବଂ ସୂତ ସ୍ଯନ୍ଦନଂ ମହ୍ଯଂ କଲ୍ପଯେତ୍ଯସକୃତ୍ତ୍ବରନ୍॥ 8-30-7 (56350)
ତତୋ ଜୈତ୍ରଂ ରଥବରଂ ଗନ୍ଧର୍ବନଗରୋପମମ୍।
ବିଧିବତ୍କଲ୍ପିତଂ ଭଦ୍ରଂ ଜଯେତ୍ଯୁକ୍ତ୍ବା ନ୍ଯବେଦଯତ୍॥ 8-30-8 (56351)
ତଂ ରଥଂ ରଥିନାଂ ଶ୍ରେଷ୍ଠଃ କର୍ଣୋଽଭ୍ଯର୍ଚ୍ଯ ଯଥାବିଧି।
ସମ୍ପାଦିତଂ ବ୍ରହ୍ମବିଦା ପୂର୍ବମେବ ପୁରୋଧସା॥ 8-30-9 (56352)
କୃତ୍ବା ପ୍ରଦକ୍ଷିଣଂ ଯତ୍ନାଦୁପସ୍ଥାଯ ଚ ଭାସ୍କରମ୍।
ସମୀପସ୍ଥଂ ମଦ୍ରରାଜମାରୋହ ତ୍ବମଥାବ୍ରବୀତ୍॥ 8-30-10 (56353)
ତତଃ କର୍ଣସ୍ଯ ଦୁର୍ଧର୍ଷଂ ସ୍ଯନ୍ଦନପ୍ରବରଂ ମହତ୍।
ଆରୁରୋହ ମହାତେଜାଃ ଶଲ୍ଯଃ ସିଂହ ଇବାଚଲମ୍॥ 8-30-11 (56354)
ତତଃ ଶଲ୍ଯାଶ୍ରିତଂ ଦୃଷ୍ଟ୍ବା କର୍ଣଃ ସ୍ବଂ ରଥମୁତ୍ତମମ୍।
ଅଧ୍ଯତିଷ୍ଠଦ୍ଯଥାଽମ୍ଭୋଦଂ ବିଦ୍ଯୁତ୍ବନ୍ତଂ ଦିବାକରଃ॥ 8-30-12 (56355)
ତାବେକରଥମାରୂଢାବାଦିତ୍ଯାଗ୍ନିସମତ୍ବିଷୌ।
ଅଭ୍ରାଜେତାଂ ଯଥା ମେଘଂ ସୂର୍ଯାଗ୍ନୀ ସହିତୌ ଦିବି॥ 8-30-13 (56356)
ସଂସ୍ତୂଯମାନୌ ତୌ ବୀରୌ ତଦାସ୍ତାଂ ଦ୍ଯୁତିମତ୍ତମୌ।
ଋତ୍ବିକ୍ସଦସ୍ଯୈରିନ୍ଦ୍ରାଗ୍ନୀ ସ୍ତୂଯମାନାବିବାଧ୍ଯରେ॥ 8-30-14 (56357)
ସ ଶଲ୍ଯସଙ୍ଗୃହୀତାଶ୍ବେ ରଥେ କର୍ଣଃ ସ୍ଥିତୋ ବଭୌ।
ଧନୁର୍ବିଷ୍ଫାରଯନ୍ଘୋରଂ ପରିବେଷୀବ ଭାସ୍କରଃ॥ 8-30-15 (56358)
ଆସ୍ଥିତଃ ସ ରଥଶ୍ରେଷ୍ଠଂ କର୍ଣଃ ଶରଗଭସ୍ତିମାନ୍।
ପ୍ରବଭୌ ପୁରୁଷବ୍ଯାଘ୍ରୋ ମନ୍ଦରସ୍ଥ ଇବାଂଶୁମାନ୍॥ 8-30-16 (56359)
ତଂ ରଥସ୍ଥଂ ମହାବାହୁଂ ଯୁଦ୍ବାଯାମିତତେଜସମ୍।
ଦୁର୍ଯୋଧନସ୍ତୁ ରାଧେଯମିଦଂ ବଚନମବ୍ରବୀତ୍॥ 8-30-17 (56360)
ଅକୃତଂ ଦ୍ରୋଣଭୀଷ୍ମାଭ୍ଯାଂ ଦୁଷ୍କରଂ କର୍ମ ସଂଯୁଗେ।
କୁରୁଷ୍ବାଧିରଥେ ବୀର ମିଷତାଂ ସର୍ବଧନ୍ବିନାମ୍॥ 8-30-18 (56361)
ମନୋଗତଂ ମମ ହ୍ଯାସୀଦ୍ଭୀଷ୍ମଦ୍ରୋଣୌ ମହାରଥୌ।
ଅର୍ଜୁନଂ ଭୀମସେନଂ ଚ ନିହନ୍ତାରାବିତି ଧ୍ରୁବମ୍॥ 8-30-19 (56362)
ତାଭ୍ଯାଂ ଯଦକୃତଂ ବୀର ବୀରକର୍ମ ମହାମୃଧେ।
ତତ୍କର୍ମ କୁରୁ ରାଧେଯ ବଜ୍ରପାଣିରିବାପରଃ॥ 8-30-20 (56363)
ଗୃହାଣ ଧର୍ମରାଜଂ ବା ଜହି ବା ତ୍ବଂ ଧନଞ୍ଜଯମ୍।
ଭୀମସେନଂ ଚ ରାଧେଯ ମାଦ୍ରୀପୁତ୍ରୌ ଯମାବପି॥ 8-30-21 (56364)
ଜଯଶ୍ଚ ତେଽସ୍ତୁ ଭଦ୍ରଂ ତେ ପ୍ରଯାହି ପୁରୁଷର୍ଷଭ।
ପାଣ୍ଡୁପୁତ୍ରସ୍ଯ ସୈନ୍ଯାନି କୁରୁ ସର୍ବାଣି ଭସ୍ମସାତ୍॥ 8-30-22 (56365)
ତତସ୍ତୂର୍ଯସହସ୍ରାଣି ଭେରୀଣାମଯୁତାନି ଚ।
ବାଦ୍ଯମାନାନ୍ଯରୋଚନ୍ତ ମେଘଶବ୍ଦୋ ଯଥା ଦିବି॥ 8-30-23 (56366)
ପ୍ରତିଗୃହ୍ଯ ତୁ ତଦ୍ବାକ୍ଯଂ ରଥସ୍ଥୋ ରଥରୁତ୍ତମଃ।
ଅଭ୍ଯଭାଷତ ରାଧେଯଃ ଶଲ୍ଯଂ ଯୁଦ୍ଧବିଶାରଦମ୍॥ 8-30-24 (56367)
ଚୋଦଯାଶ୍ବାନ୍ମହାବାହୋ ଯାବଦ୍ବନ୍ମି ଧନଞ୍ଜଯମ୍।
ଭୀମସେନଂ ଯମୌ ଚୋଭୌ ରାଜାନଂ ଚ ଯୁଧିଷ୍ଠିରମ୍॥ 8-30-25 (56368)
ଅଦ୍ଯ ପଶ୍ଯତୁ ମେ ଶଲ୍ଯ ବାହୁବୀର୍ଯଂ ଧନଞ୍ଜଯଃ।
ଅସ୍ଯତଃ କଙ୍କପତ୍ରାଣାଂ ସହସ୍ରାଣି ଶତାନି ଚ॥ 8-30-26 (56369)
ଅଦ୍ଯ କ୍ଷେପ୍ସ୍ଯାମ୍ଯହଂ ଶଲ୍ଯ ଶରାନ୍ପରମତେଜନାନ୍।
ପାଣ୍ଡବାନାଂ ବିନାଶାଯ ଦୁର୍ଯୋଧନଜଯାଯ ଚ॥ 8-30-27 (56370)
ସଞ୍ଜଯ ଉବାଚ। 8-30-28x (4912)
ଏତଚ୍ଛ୍ରୁତ୍ବା ବଚସ୍ତସ୍ଯ ଶଲ୍ଯଃ କର୍ଣଂ ବଚୋଽବ୍ରବୀତ୍।
କଥଂ ନୁ ତାନ୍ମହାବୀର୍ଯାନ୍ପାଣ୍ଡବାନବମନ୍ଯସେ॥ 8-30-28 (56371)
ସର୍ବାସ୍ତ୍ରଜ୍ଞାନ୍ମହେଷ୍ବାସାନ୍ସର୍ବାନେନ ମହାବଲାନ୍।
ଅନିବର୍ତିନୋ ମହାଭାଗାନଜଯ୍ଯାନ୍ସତ୍ଯବିକ୍ରମାନ୍।
ଅପି ସଞ୍ଜନଯେଯୁର୍ଯେ ଭଯଂ ସାକ୍ଷାଚ୍ଛତକ୍ରତୋଃ॥ 8-30-29 (56372)
ଯଦା ଶ୍ରୋଷ୍ଯସି ନିର୍ଘୋଷଂ ବିସ୍ଫୂର୍ଜିତମିବାଶନେଃ।
ରାଧେଯ ପାର୍ଥଧନୁଷସ୍ତଦା ନୈବଂ ବଦିଷ୍ଯସି॥ 8-30-30 (56373)
ଯଦା ଦ୍ରକ୍ଷ୍ଯସି ଭୀମେନ କୁଞ୍ଜରାନୀକମାହବେ।
ବିଶୀର୍ଣଦନ୍ତଂ ନିହତଂ ତଦା ନୈବଂ ବଦିଷ୍ଯସି॥ 8-30-31 (56374)
ଯଦା ଦ୍ରକ୍ଷ୍ଯସି ସଙ୍ଗ୍ରାମେ ଧର୍ମପୁତ୍ରଂ ଯମୌ ତଥା।
ଶିତୈଃ ପୃଷତ୍କୈଃ କୁର୍ବାଣାନଭ୍ରଚ୍ଛାଯାମିବାମ୍ବରେ॥ 8-30-32 (56375)
ଅସ୍ଯତଃ କ୍ଷିଣ୍ବତଶ୍ଚାରୀଁଲ୍ଲଘୁହସ୍ତାନ୍ଦୁରାସଦାନ୍।
ପାର୍ଥିବାଗପି ଚାନ୍ଯାଂସ୍ତ୍ବଂ ତଦା ନୈବଂ ବଦିଷ୍ଯସି॥ 8-30-33 (56376)
ସଞ୍ଜଯ ଉବାଚ। 8-30-34x (4913)
ଅନାଦୃତ୍ଯ ତୁ ତଦ୍ବାକ୍ଯଂ ମଦ୍ରରାଜେ ଭାଷିତମ୍।
ଦ୍ରକ୍ଷ୍ଯସ୍ଯଦ୍ଯେତ୍ଯବୋଚତ୍ତଂ ଶଲ୍ଯଂ କର୍ଣୋ ଜନେଶ୍ବର॥ ॥ 8-30-34 (56377)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ତ୍ରିଂଶୋଽଧ୍ଯାଯଃ॥ 30 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.31. ଅଧ୍ଯାଯଃ 031
Mahabharata - Karna Parva - Chapter Topics
କର୍ଣସ୍ଯ ରଣପ୍ରଯାଣକାଲେ ଦୁର୍ନିମିତ୍ତପ୍ରାଦୁର୍ଭାବଃ॥ 1 ॥ କର୍ଣେନାତ୍ମଶ୍ଲାଘନପୂର୍ବକଂ ପାର୍ଥବଧେ ପ୍ରତିଜ୍ଞାତେ ତଦସହମାନେନ ଶଲ୍ଯେନାର୍ଜୁନପ୍ରଶଂସନପୂର୍ବକଂ କର୍ଣୋପାଲମ୍ଭଃ॥ 2 ॥
Mahabharata - Karna Parva - Chapter Text
8-31-0 (56378)
ସଞ୍ଜଯ ଉବାଚ। 8-31-0x (4914)
ଦୃଷ୍ଟ୍ବା କର୍ଣଂ ମହାବୀର୍ଯଂ ଯୁଯୁତ୍ସଂ ସମବସ୍ଥିତମ୍।
ଚୁକ୍ରୁଶୁଃ କୁରବଃ ସର୍ବେ ହୃଷ୍ଟରୂପାଃ ସମନ୍ତତଃ॥ 8-31-1 (56379)
ତତୋ ଦୁନ୍ଦୁଭିନିର୍ଘୋଷୈର୍ଭେରୀଣାଂ ନିନଦେନ ଚ।
କୋଣଶବ୍ଦୈଶ୍ଚ ବିବିଧୈର୍ଗର୍ଜିତୈଶ୍ଚ ତରସ୍ବିନାମ୍।
ନିର୍ଯଯୁସ୍ତାବକାଃ ସର୍ବେ ମୃତ୍ଯୁଂ କୃତ୍ବା ନିବର୍ତନମ୍॥ 8-31-2 (56380)
ପ୍ରଯାତେ ତୁ ତତଃ କର୍ଣେ ରଥେଷୁ ମଦିତେଷୁ ଚ।
ଚଚାଲ ଚ ମହୀ ସର୍ବା ରରାସ ଚ ସୁବିସ୍ବରମ୍॥ 8-31-3 (56381)
ନିଃସରନ୍ତୋ ବ୍ଯଦୃଶ୍ଯନ୍ତ ସୂର୍ଯାତ୍ସପ୍ତ ମହାଗ୍ରହାଃ॥ 8-31-4 (56382)
ଉଲ୍କାପାତାଶ୍ଚ ସଞ୍ଜଜ୍ଞୁର୍ଦିଗ୍ଦାହାଶ୍ଚୈବ ଦାରୁଣାଃ।
ତଥାଽଶନ୍ଯଶ୍ଚ ସମ୍ପେତୁର୍ବବୁର୍ବାତାଶ୍ଚ ଭୈରବାଃ॥ 8-31-5 (56383)
ମୃଗପକ୍ଷିଗଣାଶ୍ଚୈବ ପୃତନାଂ ବହୁଶସ୍ତବ।
ଅପସବ୍ଯଂ ତଦା ଚକ୍ରୁର୍ବେଦଯନ୍ତୋ ମହାଭଯମ୍॥ 8-31-6 (56384)
ପ୍ରସ୍ଥିତସ୍ଯ ଚ କର୍ଣସ୍ଯ ନିପେତୁସ୍ତୁରଗା ଭୁବି।
ଅସ୍ଥିବର୍ଷଂ ଚ ପତିତମନ୍ତରିକ୍ଷାଦ୍ଭଯାନକମ୍॥ 8-31-7 (56385)
ଜଜ୍ବଲୁଶ୍ଚୈବ ଶସ୍ତ୍ରାଣି ଧ୍ବଜାଶ୍ଚୈବ ଚକମ୍ପିରେ।
ଅଶ୍ରୂଣି ଚ ବ୍ଯମୁଞ୍ଚନ୍ତ ବାହନାନି ବିଶାମ୍ପତେ॥ 8-31-8 (56386)
ଏତେ ଚାନ୍ଯେ ଚ ବହବ ଉତ୍ପାତାସ୍ତତ୍ର ମାରିଷ।
ସମୁତ୍ପେତୁର୍ବିନାଶାଯ କୌରବାଣାଂ ସୁଦାରୁଣାଃ॥ 8-31-9 (56387)
ନ ଚ ତାନ୍ଗଣଯାମାସୁଃ ସର୍ବେ ଦୈବେନ ମୋହିତାଃ।
ପ୍ରସ୍ଥିତଂ ସୂତପୁତ୍ରଂ ଚ ଜଯେତ୍ସୂଚୁର୍ନରାଧିପାଃ॥ 8-31-10 (56388)
`ଶଲ୍ଯେନ ସହିତଂ ଦୃଷ୍ଟ୍ବା କର୍ଣମାହବଶୋଭିନମ୍'।
ନିର୍ଜିତାନ୍ପାଣ୍ଡବାଂଶ୍ଚୈବ ମେନିରେ ତତ୍ର କୌରବାଃ॥ 8-31-11 (56389)
ତତୋ ରଥସ୍ଥଃ ପରବୀରହନ୍ତା
ଭୀଷ୍ମଦ୍ରୋଣବତିବୀର୍ଯୌ ସମୀକ୍ଷ୍ଯ।
ସମୁଜ୍ଜ୍ବଲନ୍ଭାସ୍କରପାବକାଭୋ
ବୈକର୍ତନୋଽସୌ ରଥକୁଞ୍ଜରୋ ବୃଷା॥ 8-31-12 (56390)
ଅଲଂ ମନୁଷ୍ଯସ୍ଯ ସୁଖାଯ ବର୍ତିତୁଂ
ତଥାହି ଯୁଦ୍ବେ ନିହତଃ ପରୈର୍ଗୁରୁଃ॥ 8-31-20 (56398)
ହୁତାଶନାଦିତ୍ଯସମାନତେଜସଂ
ପରାକ୍ରମେ ବିଷ୍ଣୁପୁରନ୍ଦରୋପମମ୍॥
ନଯେ ବ-ହସ୍ପତ୍ଯୁଶନଃସମଂ ସଦା
ନ ଚୈନମସ୍ତ୍ରଂ ତଦୁପାସ୍ତ ଦୁଃସହମ୍॥ 8-31-21 (56399)
ସମ୍ପ୍ରାକ୍ରୁଷ୍ଟେ ରୁଦିତସ୍ତ୍ରୀକୁମାରେ
ପରାଭୂତେ ପୌରୁଷେ ଧାର୍ତରାଷ୍ଟ୍ରେ।
କୃତ୍ଯଂ ମଯା ନାଦ୍ଯ ଜାନାମି ଶଲ୍ଯ
ପ୍ରଯାହି ତସ୍ମାଦ୍ଦ୍ବିଷତାମନୀକମ୍॥ 8-31-22 (56400)
ସ ଯତ୍ର ରାଜା ପାଣ୍ଡବଃ ସତ୍ଯସନ୍ଧୋ
ବ୍ଯବସ୍ଥିତୋ ଭୀମସେନାର୍ଜୁନୌ ଚ।
ସ ବାସୁଦେବଃ ସାତ୍ଯକିଃ ସୃଞ୍ଜଯାଶ୍ଚ
ଯମୌ ଚ କସ୍ତାନ୍ବିଷହେନ୍ମଦନ୍ଯଃ॥ 8-31-23 (56401)
ତସ୍ମାତ୍କ୍ଷିପ୍ରଂ ମଦ୍ରପତେ ପ୍ରଯାହି
ରଣେ ପାଞ୍ଚାଲାନ୍ପାଣ୍ଡବାନ୍ସୃଞ୍ଜଯାଂଶ୍ଚ।
ତାନ୍ବା ହନିଷ୍ଯାମି ସମେତ୍ଯ ସଙ୍ଖ୍ଯେ
ଯାସ୍ଯାମି ବା ଦ୍ରୋଣମୁଖୋ ଯମାଯ॥ 8-31-24 (56402)
ନ ତ୍ବେବାହଂ ନ ଗମିଷ୍ଯାମି ମଧ୍ଯେ
ତେଷାଂ ଶୂରାଣାମିତି ଶଲ୍ଯାଦ୍ଯ ବିଦ୍ବି।
ମିତ୍ରଦ୍ରୋହୋ ମର୍ଷଣୀଯୋ ନ ମେଽଯଂ
ତ୍ଯକ୍ତ୍ବା ପ୍ରାଣାନନୁଯାସ୍ଯାମି ଦ୍ରୋଣମ୍॥ 8-31-25 (56403)
ପ୍ରାଜ୍ଞସ୍ଯ ମୂଢସ୍ଯ ଚ ଜୀବିତାନ୍ତେ
ନାସ୍ତି ପ୍ରମୋକ୍ଷୋଽନ୍ତକସନ୍ନିଭସ୍ଯ।
ଅତୋ ବିଦ୍ବନ୍ନଭିଯୋତ୍ସ୍ଯାମି ପାର୍ଥଂ
ଦିଷ୍ଟଂ ନ ଶକ୍ଯଂ ବ୍ଯତିବର୍ତିତୁଂ ବୈ॥ 8-31-26 (56404)
କଲ୍ଯାଣବୃତ୍ତଃ ସତତଂ ହି ରାଜା
ବୈଚିତ୍ରବୀର୍ଯସ୍ଯ ସୁତୋ ମମାସୀତ୍।
ତସ୍ଯାର୍ଥସିଦ୍ବ୍ଯର୍ଥମହଂ ତ୍ଯଜାମି
ପ୍ରିଯାନ୍ଭୋଗାନ୍ଦୁସ୍ତ୍ଯଜଂ ଜୀବିତଂ ଚ॥ 8-31-27 (56405)
ବୈଯାଘ୍ରଚର୍ମାଣମକୂଜନାକ୍ଷଂ
ହୈମଂ ତ୍ରିକୋଶଂ ରଜତତ୍ରିବେଣୁମ୍।
ରଥପ୍ରବର୍ହଂ ତୁରଗପ୍ରବାର୍ହୈ--
ର୍ଯୁକ୍ତଂ ପ୍ରାଦାନ୍ମହ୍ଯମିମଂ ହି ରାମଃ॥ 8-31-28 (56406)
ଧନୂଂଷି ଚିତ୍ରାଣି ନିରୀକ୍ଷ୍ଯ ଶଲ୍ଯ
ଧ୍ବଜାନ୍ଗଦାଃ ସାଯକାଂଶ୍ଚୋଗ୍ରରୂପାନ୍।
ଅସିଂ ଚ ଦୀପ୍ତଂ ପରମାଯୁଧଂ ଚ
ଶଙ୍ଖଂ ଚ ଶୁଭ୍ରଂ ସ୍ବନବନ୍ତମୁଗ୍ରମ୍॥ 8-31-29 (56407)
ପତାକିନଂ ବଜ୍ରନିପାତନିଃ ସ୍ବନଂ
ସିତାଶ୍ବଯୁକ୍ତଂ ଶୁଭତୂଣଶୋଭିତମ୍।
ଇମଂ ସମାସ୍ଥାଯ ରଥର୍ଷଭଂ ରଣେ
ଦୃଢଂ ହନିଷ୍ଯାମ୍ଯହମର୍ଜୁନଂ ବଲାତ୍॥ 8-31-30 (56408)
ତଂ ଚେନ୍ମୃତ୍ଯୁଃ ସର୍ବହରୋଽଭିରକ୍ଷେ--
ତ୍ସଦାଽପ୍ରମତ୍ତଃ ସମରେ ପାଣ୍ଡୁପୁତ୍ରମ୍।
ତଂ ବା ହନିଷ୍ଯାମି ରଣେ ସମେତ୍ଯ
ଯାସ୍ଯାମି ବା ଦ୍ରୋଣମୁଖୋ ଯମାଯ॥ 8-31-31 (56409)
ଯମବରୁଣକୁବେରବାସବା ବା
ଯଦି ଯୁଗପତ୍ସଗଣା ମହାହବେ।
ଜୁଗୁପୁରିହ ସମେତ୍ଯ ଫଲ୍ଗୁନଂ
କିମୁ ବହୁନା ସହ ତୈର୍ଜଯାମି ତମ୍॥ 8-31-32 (56410)
ସଞ୍ଜଯ ଉବାଚ। 8-31-33x (4915)
ଇତି ରଣରଭସସ୍ଯ କତ୍ଥତ--
ସ୍ତଦୁପନିଶମ୍ଯ ବଚଃ ସ ମଦ୍ରରାଟ୍।
ଅବହସଦବମନ୍ଯ ବୀର୍ଯବାନ୍
ପ୍ରତିଷିଷିଧେ ଚ ଜଗାଦ ଚୋତ୍ତରମ୍॥ 8-31-33 (56411)
ଶଲ୍ଯ ଉବାଚ। 8-31-34x (4916)
ବିରମ ବିରମ କର୍ଣ କତ୍ଥନା--
ଦତିରଭସୋଽପ୍ଯତିବାଚମୁକ୍ତବାନ୍।
କ୍ବ ଚ ହି ନରବରୋ ଧନଞ୍ଜଯଃ
କ୍ବ ପୁନରିହ ତ୍ବମହୋ ନରାଧମଃ॥ 8-31-34 (56412)
ଯଦୁସଦନମୁପେନ୍ଦ୍ରପାଲିତଂ
ତ୍ରିଦିବମିବାମରରାଜରକ୍ଷିତମ୍।
ପ୍ରସଭମତିବିଲୋଡ୍ଯ କୋ ହରେ--
ତ୍ପୁରୁଷବରାବରଜାମୃତେଽର୍ଜୁନାତ୍॥ 8-31-35 (56413)
ତ୍ରିଭୁବନସୃଜମୀଶ୍ବରେଶ୍ବରଂ
କ ଇହ ପୁମାନ୍ଭବମାହ୍ବଯେଦ୍ଯୁଧି।
ମୃଗବଧକଲହେ ଋତେଽର୍ଜୁନାତ୍
ସୁରପତିବୀର୍ଯସମପ୍ରଭାବତଃ॥ 8-31-36 (56414)
ଅସୁରସୁରମହୋରଗାନ୍ନରାନ୍
ଗରୁଡପିଶାଚସଯକ୍ଷରାକ୍ଷସାନ୍।
ଇଷୁଭିରଜଯଦଗ୍ନିଗୌରବାତ୍
ସ୍ବଭିଲଷିତଂ ଚ ହବିର୍ଦଦୌ ଜଯଃ॥ 8-31-37 (56415)
ସ୍ମରସି ନନୁ ଯଦା ପରୈର୍ହୃତଃ
ସହଧୃତରାଷ୍ଟ୍ରସୁତୋ ବିମୋକ୍ଷିତଃ।
ଅଧିରଥଜ ନରୋତ୍ତମୈର୍ଯୁତାନ୍
କୁରୁଷୁ ବହୂନ୍ବିନିହତ୍ଯ ତାନରୀନ୍॥ 8-31-38 (56416)
ପ୍ରଥମମପି ପଲାଯିତେ ତ୍ବଯି
ପ୍ରିଯକଲହା ଧୃତରାଷ୍ଟ୍ରସୂନବଃ।
ସ୍ମରସି ନନୁ ଯଦା ପ୍ରମୋଚିତାଃ
ଖଚରଗଣାନବଜିତ୍ଯ ପାଣ୍ଡବୈଃ॥ 8-31-39 (56417)
ସମୁଦିତବଲବାହନାଃ ପୁନଃ
ପୁରୁଷବରେଣ ଜିତାଃ ସ୍ଥ ଗୋଗ୍ରହେ।
ସଗୁରୁଗୁରୁସୁତାଃ ସଭୀଷ୍ମକାଃ
କିମୁ ନ ଜିତଃ ସ ତଦା ତ୍ବଯାଽର୍ଜୁନଃ॥ 8-31-40 (56418)
ଇଦମପରମୁପସ୍ଥିତଂ ପୁନ--
ସ୍ତବ ନିଧନାଯ ସୁଯୁଦ୍ବମଦ୍ଯ ବୈ।
ଯଦି ନ ରିପୁଭଯାତ୍ପଲାଯସେ
ସମରଗତୋଽଦ୍ଯ ହତୋଽସି ସୂତଜ॥ 8-31-41 (56419)
ସଞ୍ଜଯ ଉବାଚ। 8-31-42x (4917)
ଇତି ବହୁପରୁଷଂ ପ୍ରଭାଷତି
ପ୍ରମନସି ମଦ୍ରପତୌ ରିପୁସ୍ତବମ୍।
ଭୃଶମଭିରୁଷିତଃ ସରନ୍ତପଃ
କୁରୁପୃତନାପତିରାହ ମଦ୍ରପମ୍॥ 8-31-42 (56420)
କର୍ଣ ଉବାଚ। 8-31-43x (4918)
ଭବତୁ ଭବତୁ କିଂ ବିକତ୍ଥସେ
ନନୁ ମର୍ମ ତସ୍ଯ ହି ଯୁଦ୍ଧମୁଦ୍ଯତମ୍।
ଯଦି ସ ଜଯତି ମାମିହାହବେ
ତତ ଇଦମସ୍ତୁ ସୁକତ୍ଥିତଂ ତବ॥ 8-31-43 (56421)
ସଞ୍ଜଯ ଉବାଚ। 8-31-44x (4919)
ଏବମସ୍ତ୍ବିତି ମଦ୍ରେଶ ଉକ୍ତ୍ବା ନୋତ୍ତରମୁକ୍ତବାନ୍।
ଯାହି ଶଲ୍ଯେତି ଚାପ୍ଯେନଂ କଂର୍ଣଃ ପ୍ରାହ ଯୁଯୁତ୍ସଯା॥ 8-31-44 (56422)
ସ ରଥଃ ପ୍ରଯଯୌ ଶତ୍ରୂନ୍ନିଘ୍ନତଃ ଶଲ୍ଯସାରଥିଃ।
ନିଘ୍ନନ୍ନମିତ୍ରାନ୍ସମରେ ତମୋଘ୍ନଃ ସବିତା ଯଥା॥ 8-31-45 (56423)
ତତଃ ପ୍ରାଯାତ୍ପ୍ରୀତିମାନ୍ବୈ ରଥେନ
ବୈଯାଘ୍ରେଣ ଶ୍ବେତଯୁଜାଽଥ କର୍ଣଃ।
ସ ଚାଲୋକ୍ଯ ଧ୍ବଜିନୀଂ ପାଣ୍ଡବାନାଂ
ଧନଞ୍ଜଯଂ ତ୍ବରଯା ପର୍ଯପୃଚ୍ଛତ୍॥ ॥ 8-31-46 (56424)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଏକତ୍ରିଂଶୋଽଧ୍ଯାଯଃ॥ 31 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.32. ଅଧ୍ଯାଯଃ 032
Mahabharata - Karna Parva - Chapter Topics
କର୍ଣେନ ସ୍ବସ୍ଯାର୍ଜୁନପ୍ରଦର୍ଶକାଯ ତଦଭିମତପାରିତୋଷିକପ୍ରଦାନପ୍ରତିଜ୍ଞାନମ୍॥ 1 ॥
Mahabharata - Karna Parva - Chapter Text
8-32-0 (56425)
ସଞ୍ଜଯ ଉବାଚ। 8-32-0x (4920)
ପ୍ରଯତ୍ନେନ ତଦା କର୍ଣୋ ହର୍ଷଯନ୍ବାହିନୀଂ ତବ।
ଏକୈକଂ ସମରେ ଦୃଷ୍ଟ୍ବା ପାଣ୍ଡବଂ ପର୍ଯପୃଚ୍ଛତ॥ 8-32-1 (56426)
ଯୋ ମମାଦ୍ଯ ମହାତ୍ମାନଂ ଦର୍ଶଯେଚ୍ଛ୍ବେତବାହନମ୍।
ତସ୍ମୈ ଦଦ୍ଯାମଭିପ୍ରେତଂ ଧନଂ ଯନ୍ମନସେଚ୍ଛତି॥ 8-32-2 (56427)
ନ ଚେତ୍ତଦଭିମନ୍ଯେତ ତସ୍ମୈ ଦଦ୍ଯାମହଂ ପୁନଃ।
ଶକଟଂ ରତ୍ନସମ୍ପୂର୍ଣଂ ଯୋ ମେ ବ୍ରୂଯାଦ୍ବନଞ୍ଜଯମ୍॥ 8-32-3 (56428)
ନ ଚେତ୍ତଦଭିମନ୍ଯେତ ପୁରୁଷୋଽର୍ଜୁନଦର୍ଶିବାନ୍।
ଶତଂ ଦଦ୍ଯାଂ ଗବାଂ ତସ୍ମୈ ନୈତ୍ଯକଂ କାଂସ୍ଯଦୋହନମ୍॥ 8-32-4 (56429)
ଶତଂ ଗ୍ରାମବରାଂଶ୍ଚୈବ ଦଦ୍ଯାମର୍ଜୁନଦର୍ଶିନେ।
ତଥା ତସ୍ମୈ ପୁନର୍ଦଦ୍ଯାଂ ଶ୍ବେତମଶ୍ବତରୀରଥମ୍।
ଯୁକ୍ତମଞ୍ଜନକେଶୀଭିର୍ଯୋ ମେ ବ୍ରୂଯାଦ୍ବନଞ୍ଜଯମ୍॥ 8-32-5 (56430)
ନ ଚେତ୍ତଦଭିମନ୍ଯେତ ପୁରୁଷୋଽର୍ଜୁନଦର୍ଶିବାନ୍।
ଅନ୍ଯଂ ବାଽସ୍ମୈ ପୁନର୍ଦଦ୍ଯାଂ ସୌବର୍ଣଂ ହସ୍ତିଷଙ୍ଗବମ୍॥ 8-32-6 (56431)
ତଥାପ୍ଯସ୍ମୈ ପୁନର୍ଦଦ୍ଯାଂ ସ୍ତ୍ରୀଣାଂ ଶତମଲଙ୍କୃତମ୍।
ଶ୍ଯାମାନାଂ ନିଷ୍କକଣ୍ଠୀନାଂ ଗୀତବାଦ୍ଯବିପଶ୍ଚିତାମ୍॥ 8-32-7 (56432)
ନ ଚେତ୍ତଦଭିମନ୍ଯେତ ପୁରୁଷୋଽର୍ଜୁନଦର୍ଶିବାନ୍।
ତସ୍ମୈ ଦଦ୍ଯାଂ ଶତଂ ନାଗାଞ୍ଶତଂ ଗ୍ରାମାଞ୍ଶତଂ ରଥାନ୍॥ 8-32-8 (56433)
ସୁବର୍ଣସ୍ଯ ଚ ମୁଖ୍ଯସ୍ଯ ହଯାଗ୍ର୍ଯାଣାଂ ଶତଂ ଶତାନ୍।
ଋଦ୍ବ୍ଯା ଗୁଣୈଃ ସୁଦାନ୍ତାଂଶ୍ଚ ଧୁର୍ଯବାହାନ୍ସୁଶିକ୍ଷିତାନ୍॥ 8-32-9 (56434)
ତଥା ସୁବର୍ଣଶୃଙ୍ଗୀଣାଂ ଗୋଧେନୂନାଂ ଚତୁଃଶତମ୍।
ଦଦ୍ଯାଂ ତସ୍ମୈ ସବତ୍ସାନାଂ ଯୋ ମେ ବ୍ରୂଯାଦ୍ବନଞ୍ଜଯମ୍॥ 8-32-10 (56435)
ନ ଚେତ୍ତଦଭିମନ୍ଯେତ ପୁରୁଷୋଽର୍ଜୁନଦର୍ଶିବାନ୍।
ଅନ୍ଯଦସ୍ମୈ ବରଂ ଦଦ୍ଯାଂ ଶ୍ବେତାନ୍ପଞ୍ଚଶତାନ୍ହଯାନ୍॥ 8-32-11 (56436)
ହେମଭାଣ୍ଡପରିଚ୍ଛନ୍ନାନ୍ସୁମୃଷ୍ଟମଣିଭୂଷଣାନ୍।
ସୁଦାନ୍ତାନପି ଚୈବାହଂ ଦଦ୍ଯାମଷ୍ଟାଦଶାପରାନ୍॥ 8-32-12 (56437)
ରଥଂ ଚ ଶୁଭ୍ରଂ ସୌବର୍ଣଂ ଦଦ୍ଯାଂ ତସ୍ମୈ ସ୍ବଲଙ୍କୃତମ୍।
ଯୁକ୍ତଂ ପରମକାମ୍ଭୋଜୈର୍ଯୋ ମେ ବ୍ରୂଯାଦ୍ବନଞ୍ଜଯମ୍॥ 8-32-13 (56438)
ନ ଚେତ୍ତଦଭିମନ୍ଯେତ ପୁରୁଷୋଽର୍ଜୁନଦର୍ଶିବାନ୍।
ଅନ୍ଯଦସ୍ମୈ ବରଂ ଦଦ୍ଯାଂ କୁଞ୍ଜରାଣାଂ ଶତାନି ଷଟ୍॥ 8-32-14 (56439)
କାଞ୍ଚନୈର୍ବିବିଧୈର୍ଭାଣ୍ଡୈରାଚ୍ଛନ୍ନାନ୍ହେମମାଲିନଃ।
ଉତ୍ପନ୍ନାନପରାନ୍ତେଷୁ ବିନୀତାନ୍ହସ୍ତିଶିକ୍ଷକୈଃ॥ 8-32-15 (56440)
ନ ଚେତ୍ତଦଭିମନ୍ଯେତ ପୁରୁଷୋଽର୍ଜୁନଦର୍ଶିବାନ୍।
ଅନ୍ଯଦସ୍ମୈ ବରଂ ଦଦ୍ଯାଂ ବୈଶ୍ଯଗ୍ରାମାଂଶ୍ଚତୁର୍ଦଶ॥ 8-32-16 (56441)
ସୁସ୍ଫୀତାନ୍ଧନସଂଯୁକ୍ତାନ୍ପ୍ରତ୍ଯାସନ୍ନବନୋଦକାନ୍।
ଅକୁତୋଭଯାନ୍ସୁସମ୍ପନ୍ନାନ୍ରାଜଭୋଜ୍ଯାଂଶ୍ଚତୁର୍ଦଶ॥ 8-32-17 (56442)
ଦାସୀନାଂ ନିଷ୍କକଣ୍ଠୀନାଂ ମାଗଧୀନାଂ ଶତଂ ତଥା।
ପ୍ରତ୍ଯଗ୍ରବଯସାଂ ଦଦ୍ଯାଂ ଯୋ ମେ ବ୍ରୂଯାଦ୍ଧନଞ୍ଜଯମ୍॥ 8-32-18 (56443)
ନ ଚେତ୍ତଦଭିମନ୍ଯେତ ପୁରୁଷୋଽର୍ଜୁନଦର୍ଶିବାନ୍।
ଅନ୍ଯଂ ତସ୍ମୈ ବରଂ ଦଦ୍ଯାଂ ଯମସୌ କାମଯେତ୍ସ୍ବଯମ୍॥ 8-32-19 (56444)
ପୁତ୍ରଦାରାନ୍ବିହାଯୈବ ଯଦନ୍ଯଦ୍ବିତ୍ତମସ୍ତି ମେ।
ତଚ୍ଚ ତସ୍ମୈ ପୁନର୍ଦଦ୍ଯାଂ ଯଦ୍ଯଚ୍ଚ ମନସେଚ୍ଛତି॥ 8-32-20 (56445)
ହତ୍ବା ଚ ସହିତୌ କୃଷ୍ଣୌ ତଯୋର୍ବିତ୍ତାନି ସର୍ବଶଃ।
ତସ୍ମୈ ଦଦ୍ଯାମହଂ ଯୋ ମେ ପ୍ରବ୍ରୂଯାତ୍କେଶବାର୍ଜୁନୌ॥ 8-32-21 (56446)
ସଞ୍ଜଯ ଉବାଚ। 8-32-22x (4921)
ଏତା ବାଚଃ ସୁବହୁଶଃ କର୍ଣ ଉଚ୍ଚାରଯନ୍ଯୁଧି।
ଦଧ୍ମୌ ସାଗରସମ୍ଭୂତଂ ସୁସ୍ବରଂ ଶଙ୍ଖମୁତ୍ତମମ୍॥ 8-32-22 (56447)
ତା ବାଚଃ ସୂତପୁତ୍ରସ୍ଯ ତଥା ଯୁକ୍ତା ନିଶମ୍ଯ ତୁ।
ଦୁର୍ଯୋଧନୋ ମହାରାଜ ସଂହୃଷ୍ଟଃ ସାନୁଜୋଽଭବତ୍॥ 8-32-23 (56448)
ତତୋ ଦୁନ୍ଦୁଭିନିର୍ଘୋଷୋ ମୃଦଙ୍ଗାନାଂ ଚ ସର୍ବଶା।
ସିଂହନାଦଃ ସବାଦିତ୍ରଃ କୁଞ୍ଚରାଣାଂ ଚ ନିଃସ୍ବନଃ॥ 8-32-24 (56449)
ପ୍ରାଦୁରାସୀତ୍ତଦା ରାଜଂସ୍ତ୍ବତ୍ସୈନ୍ଯେ ପୁରୁଷର୍ଷଭ।
ଯୋଧାନାଂ ସମ୍ପ୍ରହୃଷ୍ଟାନାଂ ତଥା ସମଭବତ୍ସ୍ବନଃ॥ 8-32-25 (56450)
ତଥା ପ୍ରହୃଷ୍ଟେ ସୈନ୍ଯେ ତଂ ପ୍ଲୁବମାନଂ ମହାରଥମ୍।
ବିକତ୍ଥମାନଂ ଚ ତଦା ରାଧେଯମରିକର୍ଶନମ୍।
ମଦ୍ରରାଜଃ ପ୍ରହସ୍ଯେଦଂ ବଚନଂ ପ୍ରତ୍ଯଭାଷତ॥ ॥ 8-32-26 (56451)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଦ୍ବାତ୍ରିଂଶୋଽଧ୍ଯାଯଃ॥ 32 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.33. ଅଧ୍ଯାଯଃ 033
Mahabharata - Karna Parva - Chapter Topics
କର୍ଣଗର୍ବୋକ୍ତିମସହମାନେନ ଶଲ୍ଯେନ ତଦ୍ଗ୍ରର୍ହଣମ୍॥ 1 ॥
Mahabharata - Karna Parva - Chapter Text
8-33-0 (56452)
ଶଲ୍ଯ ଉବାଚ। 8-33-0x (4922)
ମା ସୂତପୁତ୍ର ମନ୍ଯେତ(ଥାଃ) ସୌବର୍ଣଂ ହସ୍ତିଷଙ୍ଗବମ୍।
ପ୍ରଯଚ୍ଛସି ମୁଧୈବ ତ୍ବଂ ଦ୍ରକ୍ଷ୍ଯସ୍ଯଦ୍ଯ ଧନଞ୍ଜଯମ୍॥ 8-33-1 (56453)
ମା ସୂତପୁତ୍ର ଦାନେନ ସୌବର୍ଣଂ ହସ୍ତିଷଙ୍ଗବମ୍।
ପ୍ରଯଚ୍ଛ ପୁରୁଷାଯାଦ୍ଯ ଦ୍ରକ୍ଷ୍ଯସି ତ୍ବଂ ଧନଞ୍ଜଯମ୍॥ 8-33-2 (56454)
ବଲେନ ମତ୍ତସ୍ତ୍ଯଜସି ବସୁ ବୈଶ୍ରବଣୋ ଯଥା।
ଅଯତ୍ନେନୈବ ରାଧେଯ ଦ୍ରଷ୍ଟାସ୍ଯଦ୍ଯ ଧନଞ୍ଜଯମ୍॥ 8-33-3 (56455)
ପୁରା ସୃଜସି ଯଚ୍ଚାପି ବିତ୍ତଂ ବହୁ ଚ ମୂଢବତ୍।
ଅପାତ୍ରଦାନାଦ୍ଯେ ଦୋଷାସ୍ତାନ୍ମୋହାନ୍ନାବବୁଧ୍ଯସେ॥ 8-33-4 (56456)
ଯତ୍ପ୍ରବେଦଯସେ ବିତ୍ତଂ ବହୁ ତେନ ଖଲୁ ତ୍ବଯା।
ଶକ୍ଯଂ ବହୁବିଧୈର୍ଯଜ୍ଞୈର୍ଯଷ୍ଟୁଂ ସୂତ ଯଜସ୍ବ ତୈଃ॥ 8-33-5 (56457)
ଯଚ୍ଚ ପ୍ରାର୍ଥଯସେ ହନ୍ତୁଂ କୃଷ୍ଣୌ ମୋହାଦ୍ବୃଥୈବ ତତ୍।
ନ ହି ଶୁଶ୍ରୁମ ସମ୍ମର୍ଦେ କ୍ରୋଷ୍ଟ୍ରା ସିଂହୌ ନିପାତିତୌ॥ 8-33-6 (56458)
ଅପ୍ରାର୍ଥିତଂ ପ୍ରାର୍ଥଯସେ ସୁହୃଦୋ ନ ହି ସନ୍ତି ତେ।
ଯେ ତ୍ବାଂ ନିବାରଯନ୍ତ୍ଯାଶୁ ପ୍ରପତନ୍ତଂ ହୁତାଶନେ॥ 8-33-7 (56459)
କାର୍ଯାକାର୍ଯଂ ନ ଜାନୀଷେ କାଲପକ୍କୋଽସ୍ଯସଂଶଯମ୍।
ବହ୍ବବଦ୍ଧମକର୍ଣୀଯଂ କୋ ହି ବ୍ରୂଯାଜ୍ଜିଜୀବିଷୁଃ॥ 8-33-8 (56460)
ସମୁଦ୍ରତରଣଂ ଦୋର୍ଭ୍ଯାଂ କଣ୍ଠେ ବଦ୍ଧ୍ବା ଯଥା ଶିଲାମ୍।
ଗିର୍ଯଗ୍ରାଦ୍ବା ନିପତନଂ ତାଦୃକ୍ତ୍ବ ଚିକୀର୍ଷିତମ୍॥ 8-33-9 (56461)
ସହିତଃ ସର୍ବଯୋଧୈସ୍ତ୍ବଂ ବ୍ଯୂଢାନୀକୈଃ ସୁରକ୍ଷିତଃ।
ଧନଞ୍ଜଯେନ ଯୁଧ୍ଯସ୍ବ ଶ୍ରେଯଶ୍ଚେତ୍ପ୍ରାପ୍ତୁମିଚ୍ଛସି॥ 8-33-10 (56462)
ହିତାର୍ଥଂ ଧାର୍ତରାଷ୍ଟ୍ରସ୍ଯ ବ୍ରବୀମି ତ୍ବାଂ ନ ହିଂସଯା।
ଶ୍ରଦ୍ଧସ୍ବେଦଂ ମଯା ପ୍ରୋକ୍ତଂ ଯଦି ତେଽସ୍ତି ଜିଜୀବିଷା॥ 8-33-11 (56463)
କର୍ଣ ଉବାଚ। 8-33-12x (4923)
ସ୍ବବାହୁବୀର୍ଯମାଶ୍ରିତ୍ଯ ପ୍ରାର୍ଥଯାମ୍ଯର୍ଜୁନଂ ରଣେ।
ତ୍ବଂ ତୁ ମିତ୍ରମୁଖଃ ଶତ୍ରୁର୍ମାଂ ଭୀଷଯିତୁମିଚ୍ଛସି॥ 8-33-12 (56464)
ନ ମାମସ୍ମାଦଭିପ୍ରାଯାତ୍କଶ୍ଚିଦଦ୍ଯ ନିବର୍ତଯେତ୍।
ଅପୀନ୍ଦ୍ରୋ ବଜ୍ରମୁଦ୍ଯମ୍ଯ କିମୁ ମର୍ତ୍ଯଃ କଥଞ୍ଚନ॥ 8-33-13 (56465)
ସଞ୍ଜଯ ଉବାଚ। 8-33-14x (4924)
ଇତି କର୍ଣସ୍ଯ ବାକ୍ଯାନ୍ତେ ଶଲ୍ଯଃ ପ୍ରାହୋତ୍ତରଂ ବଚଃ।
ଚୁକୋପଯିଷୁରତ୍ଯର୍ଥଂ କର୍ଣଂ ମଦ୍ରେଶ୍ବରଃ ପୁନଃ॥ 8-33-14 (56466)
ଯଦା ବୈ ତ୍ବାଂ ଫଲ୍ଗୁନବାହୁବେଗା--
ଜ୍ଜ୍ଯାଚୋଦିତା ବେଗବନ୍ତୋଽଗ୍ନିକଲ୍ପାଃ।
ଅନ୍ବେତାରଃ କଙ୍କପତ୍ରାଃ ଶିତାଗ୍ରା--
ସ୍ତ୍ଯକ୍ଷ୍ଯତ୍ଯେଷା ସ୍ବାଂ ତଦା କର୍ଣ ବୁଦ୍ଧିଃ॥ 8-33-15 (56467)
ଯଦା ଦିର୍ବ୍ଯ ଧନୁରାଦାଯ ପାର୍ଥଃ
ପ୍ରତାପଯନ୍ପୃତନାଂ ସବ୍ଯସାଚୀ।
ତ୍ବାଂ ମର୍ଦଯିଷ୍ଯତ୍ଯସୁଖୈଃ ପୃଷତ୍କୈ--
ସ୍ତଦାପୃଚ୍ଛାଂ ତ୍ଯକ୍ଷ୍ଯସେ ପାଣ୍ଡବସ୍ଯ॥ 8-33-16 (56468)
ବାଲଶ୍ଚନ୍ଦ୍ରଂ ମାତୁରଙ୍କେ ଶଯାନୋ
ଯଥା କଶ୍ଚିତ୍ପ୍ରାର୍ଥଯତେଽପହର୍ତୁମ୍।
ତଦ୍ବନ୍ମୋହାଦ୍ଦଯୋତାମାନଂ ରଥସ୍ଥଂ
ଜେତୁଂ ପାର୍ଥଂ କାଙ୍କ୍ଷସେ ସୂତପୁତ୍ର॥ 8-33-17 (56469)
ହରାଦସ୍ତ୍ରଂ ତୀକ୍ଷ୍ଣଧାରଂ ଯଥାଽଦ୍ଯ
ସର୍ବାଣି ଗାତ୍ରାଣି ନିକର୍ଷସି ତ୍ବମ୍।
ସୁତୀକ୍ଷ୍ଣଶସ୍ତ୍ରୋପମକର୍ମଣେହ
ଯୁଯୁତ୍ସସେ ଫଲ୍ଗୁନେନାଦ୍ଯ କର୍ଣ॥ 8-33-18 (56470)
ହନ୍ଯାଦସିଂ ତୀକ୍ଷ୍ଣଧାରଂ ଯଥାଽତଃ
ସୁତେଜନଂ ନିହିତଂ ବୈ ପୃଥିବ୍ଯାମ୍।
ତଥା ଖନସ୍ଯଦ୍ଯ ଶିତାନ୍ପୃଷତ୍କା--
ନ୍ଯଥାର୍ଥଯସ୍ଯର୍ଜୁନେନେହ ଯୁଦ୍ଧମ୍॥ 8-33-19 (56471)
ତ୍ରିଶୂଲମାଶ୍ଲିଷ୍ଯ ସୁତୀକ୍ଷ୍ଣଧାରଂ
ସର୍ବାଣି ଗାତ୍ରାଣି ବିଘର୍ଷସି ତ୍ବମ୍।
ସୁତୀକ୍ଷ୍ଣଧାରୋପମକର୍ମଣା ତ୍ବଂ
ଯୁଯୁତ୍ସସେ ଯୋଽର୍ଜୁନେନାଦ୍ଯ କର୍ଣ॥ 8-33-20 (56472)
କ୍ରୁଦ୍ଧଂ ସିଂହଂ କେସରିଣଂ ବୃହନ୍ତଂ
ବାଲୋ ମୂଢଃ କ୍ଷୁଦ୍ରମୃଗସ୍ତରସ୍ବୀ।
ସମାହ୍ବଯେଦ୍ବୃଷ୍ଟମୁପେତ୍ଯ ଯୋଦ୍ଧୁଂ
ତଥା ତ୍ବମଦ୍ଯାହ୍ବଯସେ ହି ପାର୍ଥମ୍॥ 8-33-21 (56473)
ମା ସୂତପୁତ୍ରାହ୍ବଯ ରାଜପୁତ୍ରଂ
ମହାବୀର୍ଯଂ କେସରିଣଂ ଯଥୈବ।
ବନେ ଶୃଗାଲଃ ପିଶିତେନ ତୃପ୍ତଃ
ପାର୍ଥଂ ସମାସାଦ୍ଯ ବିନଙ୍କ୍ଷ୍ଯସି ତ୍ବମ୍॥ 8-33-22 (56474)
ଈଷାଦନ୍ତଂ ମହାନାଗଂ ପ୍ରଭିନ୍ନକରଟାମୁଖମ୍।
ଶଶକୋ ହଯସେ ଯୁଦ୍ବେ କର୍ଣ ପାର୍ଥଂ ଧନଞ୍ଜଯମ୍॥ 8-33-23 (56475)
ବିଲସ୍ଥଂ କୃଷ୍ଣସର୍ପଂ ତ୍ବଂ ଜାଲ୍ଯାତ୍କାଷ୍ଠେନ ବିଧ୍ଯସି।
ମହାବିଷଂ ପୂର୍ଣକୋପଂ ଯତ୍ପାର୍ଥଂ ଯୋଦ୍ବୁମିଚ୍ଛସି॥ 8-33-24 (56476)
ସିଂହଂ କେସରିଣଂ କ୍ରୁଦ୍ଧମଭିକ୍ରମ୍ଯାଭିନର୍ଦସେ।
ଶୃଗାଲ ଇବ ମୂଢସ୍ତ୍ବଂ ନୃସିଂହଂ କର୍ଣ ପାଣ୍ଡବମ୍॥ 8-33-25 (56477)
ସୁପର୍ଣଂ ପତଗଶ୍ରେଷ୍ଠଂ ବୈନତେଯଂ ତରସ୍ବିନମ୍।
ସ୍ବଗେବାହ୍ବଯସେ ପାର୍ଥଂ ତଥା କର୍ଣଂ ଧନଞ୍ଜଯମ୍॥ 8-33-26 (56478)
ସର୍ବାମ୍ଭସାଂ ନିଧିଂ ଭୀମଂ ମୂର୍ତିମନ୍ତଂ ଝଷାକୁଲମ୍।
ଚନ୍ଦ୍ରୋଦଯେ ବିବର୍ଧନ୍ତମପ୍ଲୁବସ୍ତ୍ବଂ ତିତୀର୍ଷସି॥ 8-33-27 (56479)
ଋଷଭଂ ଦୁନ୍ଦୁଭିଗ୍ରୀବଂ ତୀକ୍ଷ୍ଣଶୃଙ୍ଗଂ ପ୍ରହାରିଣମ୍।
ବତ୍ସ ଆହ୍ବଯସେ ଯୁଦ୍ବେ କର୍ଣ ପାର୍ଥଂ ଧନଞ୍ଜଯମ୍॥ 8-33-28 (56480)
ମହାମେଘଂ ମହାଘୋଷଂ ଦର୍ଦୁରଃ ପ୍ରତିନର୍ଦସି।
ବାଣତୋଯପ୍ରଦଂ କାଲେ ନରପର୍ଜନ୍ଯମର୍ଜୁନମ୍॥ 8-33-29 (56481)
ଯଥା ଚ ଶ୍ବା ଗୃହସ୍ଥସ୍ତୁ ବ୍ଯାଘ୍ରଂ ବନଗତଂ ଭଷେତ୍।
ତଥା ତ୍ବଂ ଭଷସେ କର୍ଣ ନରବ୍ଯାଘ୍ରଂ ଧନଞ୍ଜଯମ୍॥ 8-33-30 (56482)
ଶୃଗାଲୋ ହି ବନେ କର୍ଣ ଶଶୈଃ ପରିବୃତୋ ବସନ୍।
ମନ୍ଯତେ ସିଂହମାତ୍ମାନଂ ଯାବତ୍ସିଂହଂ ନ ପଶ୍ଯତି॥ 8-33-31 (56483)
ତଥା ତ୍ବମପି ରାଧେଯ ସିଂହମାତ୍ମାନମିଚ୍ଛସି।
ଅପଶ୍ଯଞ୍ଶତ୍ରୁଦମନଂ ନରସିଂହଂ ରଣେଽର୍ଜୁନମ୍॥ 8-33-32 (56484)
ବ୍ଯାଘ୍ରଂ ତ୍ବଂ ମନ୍ଯସେଽଽତ୍ମାନଂ ଯାବତ୍କୃଷ୍ଣୌ ନ ପଶ୍ଯସି।
ସମାସ୍ଥିତାବେକରଥେ ସୂର୍ଯାଚନ୍ଦ୍ରମସାବିବ॥ 8-33-33 (56485)
ଯାବଦ୍ଗ୍ରାଣ୍ଡୀବଘୋଷଂ ତ୍ବଂ ନ ଶୃଣୋଷି ମହାହବେ।
ତାବଦେବ ତ୍ବଯା କର୍ଣ ଶକ୍ଯଂ ବକ୍ତୁଂ ଯଥେଚ୍ଛସି॥ 8-33-34 (56486)
ରଥଶଙ୍ଖଧନୁଃଶବ୍ଦୈର୍ନାଦଯନ୍ତଂ ଦିଶୋ ଦଶ।
ନର୍ଦନ୍ତମିବ ଶାର୍ଦୂଲଂ ଦୃଷ୍ଟ୍ବା କ୍ରୋଷ୍ଟା ଭବିଷ୍ଯସି॥ 8-33-35 (56487)
ନିତ୍ଯମେବ ଶୃଗାଲସ୍ତ୍ବଂ ନିତ୍ଯଂ ସିଂହୋ ଧନଞ୍ଜଯଃ।
ବୀରପ୍ରଦ୍ବେଷଣାନ୍ମୂଢ ତସ୍ମାତ୍କ୍ରୋଷ୍ଟେବ ଲକ୍ଷ୍ଯସେ॥ 8-33-36 (56488)
ଯଥାଽଽଖୁଃ ସ୍ଯାଦ୍ବିଡାଲଶ୍ଚ ଶ୍ବା ବ୍ଯାଘ୍ରଶ୍ଚ ବଲାବଲେ।
ଯଥା ଶୃଗାଲଃ ସିଂହଶ୍ଚ ଯଥା ଚ ଶଶକୁଞ୍ଜରୌ॥ 8-33-37 (56489)
ଯଥାଽନୃତଂ ଚ ସତ୍ଯଂ ଚ ଯଥା ଚାପି ବିଷାମୃତେ।
ତଥା ତ୍ବମପି ପାର୍ଥଶ୍ଚ ପ୍ରଖ୍ଯାତାବାତ୍ମକର୍ମଭିଃ॥ ॥ 8-33-38 (56490)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ତ୍ରଯସ୍ତ୍ରିଂଶୋଽଧ୍ଯାଯଃ॥ 33 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.34. ଅଧ୍ଯାଯଃ 034
Mahabharata - Karna Parva - Chapter Topics
କର୍ଣେନ ମର୍ମୋଦ୍ଧାଟନପୂର୍ବକଂ ଶଲ୍ଯଗର୍ହଣମ୍॥ 1 ॥
Mahabharata - Karna Parva - Chapter Text
8-34-0 (56491)
ସଞ୍ଜଯ ଉବାଚ। 8-34-0x (4925)
ଅଧିକ୍ଷିପ୍ତସ୍ତୁ ରାଧେଯଃ ଶଲ୍ଯେନାମିତତେଜସା।
ଶଲ୍ଯମାହ ସୁସଙ୍କ୍ରୁଦ୍ଧୋ ବାକ୍ଶଲ୍ଯମବଧାରଯନ୍॥ 8-34-1 (56492)
କର୍ଣ ଉବାଚ। 8-34-2x (4926)
ଗୁଣାନ୍ଗୁଣବତାଂ ଶଲ୍ଯ ଗୁଣବାନ୍ବେତ୍ତି ନାଗୁଣଃ।
ତ୍ବଂ ତୁ ନିତ୍ଯଂ ଗୁଣୈର୍ହୀନଃ କିଂ ଜ୍ଞାସ୍ଯସି ଗୁଣାଗୁଣାନ୍॥ 8-34-2 (56493)
ଅର୍ଜୁନସ୍ଯ ମହାସ୍ତ୍ରାଣି କ୍ରୋଧଂ ବୀର୍ଯଂ ଧନୁଃ ଶରାନ୍।
ଅହଂ ଶଲ୍ଯାଭିଜାନାମି ନ ତ୍ବଂ ଜାନାସି ତତ୍ତଥା॥ 8-34-3 (56494)
ତଥା କୃଷ୍ଣସ୍ଯ ମାହାତ୍ମ୍ଯମୃଷଭସ୍ଯ ମହୀକ୍ଷିତାମ୍।
ଯଥାହଂ ଶଲ୍ଯ ଜାନାମି ନ ତ୍ବଂ ଜାନାସି ତତ୍ତଥା॥ 8-34-4 (56495)
ଏବମେବାତ୍ମନୋ ବୀର୍ଯମହଂ ବୀର୍ଯଂ ଚ ପାଣ୍ଡବେ।
ଜାନଂସ୍ତାବାହ୍ବଯେ ଯୁଦ୍ଧେ ଶଲ୍ଯ ନାଗ୍ନିଂ ପତଙ୍ଗବତ୍॥ 8-34-5 (56496)
ଅସ୍ତି ଚାଽଯମିଷୁଃ ଶଲ୍ଯ ସୁପୁଙ୍ଖୋ ରକ୍ତଭୋଜନଃ।
ଏକସ୍ତୂଣୀଶଯଃ ପତ୍ରୀ ସୁଧୌତଃ ସମଲଙ୍କୃତଃ॥ 8-34-6 (56497)
ଶେତେ ଚନ୍ଦନଚୂର୍ଣେନ ପୂଜିତୋ ବହୁଲାଃ ସମାଃ।
ଆହେଯୋ ବିଷବାନୁଗ୍ରୋ ନରାଶ୍ବଦ୍ବିପସଙ୍ଘହା॥ 8-34-7 (56498)
ଘୋରରୂପୋ ମହାରୌଦ୍ରସ୍ତନୁତ୍ରାସ୍ଥିବିଦାରଣଃ।
ନିର୍ଭିନ୍ଦ୍ଯାଂ ଯେନ ରୁଷ୍ଟୋଽହମପି ମେରୁଂ ମହାଗିରିମ୍॥ 8-34-8 (56499)
ତମହଂ ଜାତୁ ନାସ୍ଯେଯମନ୍ଯସ୍ମିନ୍ଫଲ୍ଗୁନାଦୃତେ।
କୃଷ୍ଣାଦ୍ବା ଦେବକୀପୁତ୍ରାତ୍ସତ୍ଯଂ ଚାପି ଶୃଣୁଷ୍ବ ମେ॥ 8-34-9 (56500)
ତେନାହମିଷୁଣା ଶଲ୍ଯ ବାସୁଦେବଧନଞ୍ଜଯୌ।
ଯୋତ୍ସ୍ଯେ ପରମସଂରବ୍ଧୌ ତତ୍କର୍ମ ସଦୃଶଂ ମମ॥ 8-34-10 (56501)
ସର୍ବେଷାଂ ବୃଷ୍ଣିବୀରାଣାଂ କୃଷ୍ଣେ ଲକ୍ଷ୍ମୀଃ ପ୍ରତିଷ୍ଠିତା।
ସର୍ବେଷାଂ ପାଣ୍ଡୁପୁତ୍ରାଣାଂ ଜଯଃ ପାର୍ଥେ ପ୍ରତିଷ୍ଠିତଃ।
ଉଭଯଂ ତୁ ସମାସାଦ୍ଯ କୋ ନିବର୍ତିତୁମର୍ହତି॥ 8-34-11 (56502)
ତାବେତୌ ପୁରୁଷବ୍ଯାଘ୍ରୌ ସମେତୌ ସ୍ଯନ୍ଦନେ ସ୍ଥିତୌ।
ମାମେକମଭିସଂଯୁଦ୍ଧୌ ସୁଜାତଂ ପଶ୍ଯ ଶଲ୍ଯ ମେ॥ 8-34-12 (56503)
ପିତୃଷ୍ବସାମାତୁଲଜୌ ଭ୍ରାତରାବପରାଜିତୌ।
ମଣୀ ସୂତ୍ର ଇବ ପ୍ରୋତୌ ଦ୍ରଷ୍ଟାସି ନିହତୌ ମଯା॥ 8-34-13 (56504)
ଅର୍ଜୁନେ ଗାଣ୍ଡିବଂ କୃଷ୍ଣେ ଚକ୍ରଂ ତାର୍କ୍ଷ୍ଯକପିଧ୍ବଜୌ।
ଭୀରୂଣାଂ ତ୍ରାସଜନନଂ ଶଲ୍ଯ ହର୍ଷକରଂ ମମ॥ 8-34-14 (56505)
ତ୍ବଂ ତୁ ଦୁଷ୍ପ୍ରକୃତିର୍ମୂଢୋ ମହାଯୁଦ୍ବେଷ୍ବକୋବିଦଃ।
ଭଯାବଦୀର୍ଣଃ ସନ୍ତ୍ରାସାଦବଦ୍ଧଂ ବହୁଃ ଭାଷସେ॥ 8-34-15 (56506)
ସଂସ୍ତୌଷି ତୌ ତୁ କେନାପି ହେତୁନା ତ୍ବଂ କୁଦେଶଜ।
ତୌ ହତ୍ବା ସମରେ ହନ୍ତା ତ୍ବାମଦ୍ଯ ସହ ବାନ୍ଧବମ୍॥ 8-34-16 (56507)
ପାପଦେଶଜ ଦୁର୍ବୁଦ୍ଧେ କ୍ଷୁଦ୍ର କ୍ଷତ୍ରିଯପାଂସନ।
ସୁହୃଦ୍ରୂପୋ ରିପୁଃ କିଂ ମାଂ କୃଷ୍ଣାଭ୍ଯାଂ ଭୀଷଯିଷ୍ଯସି॥ 8-34-17 (56508)
ତୌ ବା ମାମଦ୍ଯ ହନ୍ତାରୌ ହନିଷ୍ଯେ ବାଽପି ତାବହମ୍।
ନାହଂ ବିଭେମି କୃଷ୍ଣାଭ୍ଯାଂ ବିଜାନନ୍ନାତ୍ମନୋ ବଲମ୍॥ 8-34-18 (56509)
ବାସୁଦେବସହସ୍ରଂ ବା ଫଲ୍ଗୁନାନାଂ ଶତାନି ବା।
ଅହମେକୋ ହନିଷ୍ଯାମି ଜୋଷମାସ୍ସ୍ବ କୁଦେଶଜ॥ 8-34-19 (56510)
ସ୍ତ୍ରିଯୋ ବାଲାଶ୍ଚ ବୃଦ୍ବାଶ୍ଚ ପ୍ରାଯଃ କ୍ରୀଡାଗତା ଜନାଃ॥ 8-34-20 (56511)
ଯା ଗାଥାଃ ସମ୍ପ୍ରଗାଯନ୍ତି କୁର୍ବତୋଽଧ୍ଯଯନଂ ଯଥା।
ତା ଗାଥାଃ ଶୃଣୁ ମେ ଶଲ୍ଯ ମଦ୍ରକେଷୁ ଦୁରାତ୍ମସୁ॥ 8-34-21 (56512)
ବ୍ରାହ୍ମଣୈଃ କଥିତାଃ ପୂର୍ବଂ ଯଥାବଦ୍ରାଜସନ୍ନିଧୌ।
ଶ୍ରୁତ୍ବା ଚୈକମନା ମୂଢ ମମ ବା ବ୍ରୂହି ଚୋତ୍ତରମ୍॥ 8-34-22 (56513)
ମିତ୍ରଧ୍ରୁଙ୍ମଦ୍ରକୋ ନିତ୍ଯଂ ଯୋ ନୋ ଦ୍ବେଷ୍ଟି ସ ମଦ୍ରକଃ।
ମଦ୍ରକେ ସଙ୍ଗତଂ ନାସ୍ତି କ୍ଷୁଦ୍ରବାକ୍ଯେ ନରାଧମେ॥ 8-34-23 (56514)
ଦୁରାତ୍ମା ମଦ୍ରକୋ ନିତ୍ଯଂ ନିତ୍ଯମାନୃତିକୋଽନୃଜୁଃ।
ଯଚ୍ଚାନ୍ଯଦପି ଦୌରାତ୍ମ୍ଯଂ ମଦ୍ରକେଷ୍ବିତି ନଃ ଶ୍ରୁତମ୍॥ 8-34-24 (56515)
ପିତା ପୁତ୍ରଶ୍ଚ ମାତା ଚ ଶ୍ବଶ୍ରୂଶ୍ବଶୁରମାତୁଲାଃ।
ଭଗିନୀ ଦୁହିତା ଭ୍ରାତା ନପ୍ତାଽନ୍ଯେ ତେ ଚ ବାନ୍ଧବାଃ॥ 8-34-25 (56516)
ବଯସ୍ଯାଭ୍ଯାଗତାଶ୍ଚାନ୍ଯେ ଦାସୀଦାସାଶ୍ଚ ସଙ୍ଗତାଃ।
ପୁମ୍ଭିର୍ବିମିଶ୍ରା ନାର୍ଯଶ୍ଚ ଜ୍ଞାତାଜ୍ଞାତାଃ ସ୍ବଯେଚ୍ଛଯା॥ 8-34-26 (56517)
ଯେଷାଂ ଗୃହେଷ୍ବଶିଷ୍ଟାନାଂ ସକ୍ତୁମଦ୍ଯାଶିନାଂ ସଦା।
ପୀତ୍ବା ଶୀଧୁ ସଗୋମାଂସଂ କ୍ରନ୍ଦନ୍ତି ଚ ହସନ୍ତି ଚ॥ 8-34-27 (56518)
ଗାଯନ୍ତି ଚାପ୍ଯବଦ୍ଧାନି ପ୍ରବର୍ତନ୍ତେ ଚ କାମତଃ।
କାମପ୍ରଲାପିନୋଽନ୍ଯୋନ୍ଯଂ ତେଷୁ ଧର୍ମଃକଥଂ ଭବେତ୍॥ 8-34-28 (56519)
ମଦ୍ରକେଷ୍ବବଲିପ୍ତେଷୁ ପ୍ରଖ୍ଯାତାଶୁଭକର୍ମସୁ।
ନାପି ବୈରଂ ନ ସୌହାର୍ଦଂ ମଦ୍ରକେଣ ସମାଚରେତ୍॥ 8-34-29 (56520)
ମଦ୍ରକେ ସଙ୍ଗତଂ ନାସ୍ତି ମଦ୍ରକୋ ହି ସଦା ମଲଃ।
ମଦ୍ରକେଷୁ ଚ ସଂସୃଷ୍ଟଂ ଶୌଚଂ ଗାନ୍ଧାରକେଷୁ ଚ॥ 8-34-30 (56521)
ରାଜଯାଜକଯାଜ୍ଯେ ହି ଯଥା ଦତ୍ତଂ ହବିର୍ନଶେତ୍।
ଶୂଦ୍ରସଂସ୍କାରକୋ ବିପ୍ରୋ ଯଥା ଯାତି ପରାଭବମ୍॥ 8-34-31 (56522)
ଯଥା ବ୍ରହ୍ମଦ୍ବିଷୋ ନିତ୍ଯଂ ଗଚ୍ଛନ୍ତୀହ ପରାଭବମ୍।
ଯଥୈବ ସଂଗତଂ କୃତ୍ବା ନରଃ ପତତି ମଦ୍ରକୈଃ॥ 8-34-32 (56523)
ବାଲେଷ୍ବପି ସଦା ନ ସ୍ମ ଧନଂ ବୃଶ୍ଚିକ ତେ ବିଷମ୍।
ଆଥର୍ବଣେନ ମନ୍ତ୍ରେଣ ସର୍ବଶାନ୍ତିଃ କୃତା ମଯା॥ 8-34-33 (56524)
ଇତି ବୃଶ୍ଚିକଦଷ୍ଟସ୍ଯ ବିଷବେଗହତସ୍ଯ ଚ।
କୁର୍ବନ୍ତି ଭେଷଜଂ ପ୍ରାଜ୍ଞାଃ ସତ୍ଯଂ ତଚ୍ଚାପି ଦୃଶ୍ଯତେ॥ 8-34-34 (56525)
ଏବଂ ବିଦ୍ବଞ୍ଜୋଷମାସ୍ସ୍ବ ବ୍ରୂହି ଚାତ୍ରୋତ୍ତରଂ ବଚଃ।
ବାସାଂସ୍ଯୁତ୍ସୃଜ୍ଯ ନୃତ୍ଯନ୍ତି ସ୍ତ୍ରିଯୋ ମଦ୍ଯବିମୋହିତାଃ॥ 8-34-35 (56526)
ମୈଥୁନେଽସଙ୍ଗତାଶ୍ଚାପି ଯଥାକାମବରାଶ୍ଚ ତାଃ।
ତାସାଂ ପୁତ୍ର କଥଂ ଧର୍ମଂ ମଦ୍ରକୋ ବକ୍ତୁମର୍ହତି॥ 8-34-36 (56527)
ଯାସ୍ତିଷ୍ଠନ୍ତ୍ଯଃ ପ୍ରମେହନ୍ତି ଯଥୈବୋଷ୍ଟ୍ରଦଶେରକାଃ।
ତାସାଂ ବିଭ୍ରଷ୍ଟଧର୍ମାଣାଂ ନିର୍ଲଜ୍ଜାନାଂ ତତସ୍ତତଃ।
ତ୍ବଂ ପୁତ୍ରସ୍ତାଦୃଶୀନାଂ ହି ଧର୍ମଂ ବକ୍ତୁମିହେଚ୍ଛସି॥ 8-34-37 (56528)
ସୌବୀରକଂ ଯାଚ୍ଯମାନା ମଦ୍ରିକା କର୍ଷତି ସ୍ଫିଚୌ।
ଅଦାତୁକାମା ବଚନମିଦଂ ବଦତି ଦାରୁଣମ୍॥ 8-34-38 (56529)
ମା ମାଂ ସୌବୀରକଂ କଶ୍ଚିଦ୍ଯାଚତାଂ ଦଯିତଂ ମମ।
ପୁତ୍ରଂ ଦଦ୍ଯାଂ ପତିଂ ଦଦ୍ଯାଂ ନ ତୁ ଦଦ୍ଯାଂ ସୁବୀରକମ୍॥ 8-34-39 (56530)
ଗୌର୍ଯୋ ବୃହତ୍ଯୋ ନିର୍ହୀକା ମଦ୍ରିକାଃ କମ୍ପଲାବୃତାଃ।
ଘସ୍ମରା ନଷ୍ଟଶୌଚାଶ୍ଚ ପ୍ରାଯ ଇତ୍ଯନୁଶୁଶ୍ରୁମ॥ 8-34-40 (56531)
ପମେହିତ୍ବା ସ୍ଫିଚୌ ଭୂମୌ ଘର୍ଷନ୍ତ୍ଯୋ ହୀନଶୋଧନାଃ।
ଶୁଦ୍ଧା ନାଦ୍ଭିର୍ନ ମୃଦ୍ଭିଶ୍ଚ ନିତ୍ଯୋଚ୍ଛିଷ୍ଟା ଭବନ୍ତି ହି॥ 8-34-41 (56532)
ଏବମାଦି ମଯାଽନ୍ଯୈର୍ବା ଶକ୍ଯଂ ବକ୍ତୁଂ ଭବେଦ୍ବହୁ।
ଆକେଶାନ୍ତାନ୍ନଖାଗ୍ରାଚ୍ଚ ବକ୍ତବ୍ଯେଷୁ କୁକର୍ମସୁ॥ 8-34-42 (56533)
ମଦ୍ରକାଃ ସିନ୍ଧୁସୌବୀରା ଧର୍ମଂ ବିଦ୍ଯୁଃ କଥଂ ତ୍ବିହ।
ପାପଦେଶୋଦ୍ଭବା ମ୍ଲେଚ୍ଛା ଧର୍ମାଣାମବିଚକ୍ଷଣାଃ॥ 8-34-43 (56534)
ଏଷ ମୁଖ୍ଯତମୋ ଧର୍ମଃ କ୍ଷତ୍ରିଯସ୍ଯେତି ନଃ ଶ୍ରୁତମ୍।
ଯଦାଜୌ ନିହତଃ ଶେତେ ସଦ୍ଭିଃ ସମଭିପୂଜିତଃ॥ 8-34-44 (56535)
ଆଯୁଧାନାଂ ସାମ୍ପରାଯେ ଯନ୍ମୁଞ୍ଚେଯମହଂ ତତଃ।
ମମୈଷ ପ୍ରଥମଃ କଲ୍ପୋ ନିଧନେ ସ୍ବର୍ଗମିଚ୍ଛତଃ॥ 8-34-45 (56536)
ସୋଯଂ ପ୍ରିଯସଖା ଚାସ୍ମି ଧାର୍ତରାଷ୍ଟ୍ରସ୍ଯ ଧୀମତଃ।
ତଦର୍ଥେ ହି ମମ ପ୍ରାଣା ଯଚ୍ଚ ମେ ବିଦ୍ଯତେ ବସୁ॥ 8-34-46 (56537)
ବ୍ଯକ୍ତଂ ତ୍ବମପ୍ଯୁପହିତଃ ପାଣ୍ଡବୈଃ ପାପଦେଶଜ।
ଯଥା ଚାମିତ୍ରବତ୍ସର୍ବଂ ତ୍ବମସ୍ମାସୁ ପ୍ରବର୍ତସେ॥ 8-34-47 (56538)
କାମଂ ନ ଖଲୁ ଶକ୍ଯୋଽହଂ ତ୍ବଦ୍ବିଧାନାଂ ଶତୈରପି।
ସଙ୍ଗ୍ରାମାଦ୍ବିମୁଖଃ କର୍ତୁଂ ଧର୍ମଜ୍ଞ ଇବ ନାସ୍ତିକୈଃ॥ 8-34-48 (56539)
ସାରଙ୍ଗ ଇବ ଘର୍ମାର୍ତଃ କାମଂ ବିଲପ ଶୁଷ୍ଯ ଚ।
ନାହଂ ଭୀଷଯିତୁଂ ଶକ୍ଯଃ କ୍ଷତ୍ରଧର୍ମେ ବ୍ଯବସ୍ଥିତଃ॥ 8-34-49 (56540)
ତନୁତ୍ଯଜାଂ ନୃସିଂହାନାମାହବେଷ୍ବନିବର୍ତିନାମ୍।
ଯା ଗତିର୍ଗୁରୁଣା ପ୍ରୋକ୍ତା ପ୍ରେମ୍ଣା ରାମେଣ ତାଂ ସ୍ମରେ॥ 8-34-50 (56541)
ସ୍ବେଷାଂ ତ୍ରାଣାର୍ଥମୁଦ୍ଯନ୍ତଂ ବଧାର୍ଥଂ ଦ୍ବିଷତାମପି।
ବିଦ୍ଧି ମାମାସ୍ଥିତଂ ବୃତ୍ତଂ ପୌରୂରବସମୁତ୍ତମମ୍॥ 8-34-51 (56542)
ନ ତଦ୍ଭୂତଂ ପ୍ରପଶ୍ଯାମି ତ୍ରିଷୁ ଲୋକେଷୁ ମଦ୍ରପ।
ଯୋ ମାମସ୍ମାଦଭିପ୍ରାଯାଦ୍ବାରଯେଦିତି ମେ ମତିଃ॥ 8-34-52 (56543)
ଏବଂ ବିଦ୍ବଞ୍ଜୋଷମାସ୍ସ୍ବ ତ୍ରାସାତ୍କିଂ ବହୁ ଭାଷସେ।
ନ ତ୍ବାଂ ହତ୍ବା ପ୍ରଦାସ୍ଯାମି କ୍ରବ୍ଯାଦ୍ଭ୍ଯୋ ମଦ୍ରକାଧମ୍॥ 8-34-53 (56544)
ମିତ୍ରପ୍ରତୀକ୍ଷଯା ଶଲ୍ଯ ଧୃତରାଷ୍ଟ୍ରସ୍ଯ ଚୋଭଯୋଃ।
ଅପବାଦତିତିକ୍ଷାଭିସ୍ତ୍ରିଭିରେତୈର୍ହି ଜୀବସି॥ 8-34-54 (56545)
ପୁନଶ୍ଚେଦୀଦୃଶଂ ବାକ୍ଯଂ ମଦ୍ରରାଜ ବଦିଷ୍ଯସି।
ଶିରସ୍ତେ ପାତଯିଷ୍ଯାସି ଗଦଯା ବଜ୍ରକଲ୍ପଯା॥ 8-34-55 (56546)
ଶ୍ରୋତାରସ୍ତ୍ବିଦମଦ୍ଯେହ ଦ୍ରଷ୍ଟାରୋ ବ୍ରା କୁଦେଶଜ।
କର୍ଣଂ ବା ଜଘ୍ନତୁଃ କୃଷ୍ଣୌ କର୍ଣୋ ବା ନିଜଘାନ ତୌ॥ 8-34-56 (56547)
ଏବମୁକ୍ତ୍ବା ତୁ ରାଧେଯଃ ପୁନରେବ ବିଶାମ୍ପତେ।
ଅବ୍ରବୀନ୍ମଦ୍ରରାଜାନଂ ଯାହିଯାହୀତ୍ଯସମ୍ଭ୍ରମମ୍॥ ॥ 8-34-57 (56548)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଚତୁସ୍ତ୍ରିଂଶୋଽଧ୍ଯାଯଃ॥ 34 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.35. ଅଧ୍ଯାଯଃ 035
Mahabharata - Karna Parva - Chapter Topics
ଶଲ୍ଯେନ କର୍ଣଂପ୍ରତି ହଂସକାକୀଯାଖ୍ଯାନକଥନମ୍॥ 1 ॥
Mahabharata - Karna Parva - Chapter Text
8-35-0 (56549)
ସଞ୍ଜଯ ଉବାଚ। 8-35-0x (4927)
ମାରିଷାଧିରଥେଃ ଶ୍ରୁତ୍ବା ବାଚୋ ଯୁଦ୍ଧାଭିନନ୍ଦିନଃ।
ଶଲ୍ଯୋଽବ୍ରବୀତ୍ପୁନଃ କର୍ଣଂ ନିଦର୍ଶନମୁଦାହରନ୍॥ 8-35-1 (56550)
ଜାତୋଽହଂ ଯଜ୍ବନାଂ ବଂଶେ ସଙ୍ଗ୍ରାମେଷ୍ବନିବର୍ତିନାମ୍।
ରାଜ୍ଞାଂ ମୂର୍ଧାଭିଷିକ୍ତାନାଂ ସ୍ବଯଂ ଧର୍ମପରାଯଣଃ॥ 8-35-2 (56551)
ଯଥୈବ ମତ୍ତୋ ମଦ୍ଯେନ ତ୍ବଂ ତଥା ଲକ୍ଷ୍ଯସେ ବୃଷ।
ତଥାଽଦ୍ଯ ତ୍ବାଂ ପ୍ରମାଦ୍ଯନ୍ତଂ ଚିକିତ୍ସେଯଂ ସୁହୃତ୍ତଯା॥ 8-35-3 (56552)
ଇମାଂ କାକୋପମାଂ କର୍ଣ ପ୍ରୋଚ୍ଯମାନାଂ ନିବୋଧ ମେ।
ଶ୍ରୁତ୍ବା ଯଥେଷ୍ଟଂ କୁର୍ଯାସ୍ତ୍ବଂ ନିହୀନ କୁଲପାଂସନ॥ 8-35-4 (56553)
ନାହମାତ୍ମନି କିଞ୍ଚିଦ୍ବୈ କିଲ୍ବିଷଂ କର୍ଣ ସଂସ୍ମରେ।
ଯେନ ମାଂ ତ୍ବଂ ମହାବାହୋ ହନ୍ତୁମିଚ୍ଚସ୍ଯନାଗସମ୍॥ 8-35-5 (56554)
ଅବଶ୍ଯଂ ତୁ ମଯା ବାଚ୍ଯଂ ବୁଦ୍ଧ୍ବା ତବ ହିତାହିତମ୍।
ବିଶେଷତୋ ରଥସ୍ଥେନ ରାଜ୍ଞଶ୍ଚୈବ ହିତୈଷିଣା॥ 8-35-6 (56555)
ସମଂ ଚ ବିଷମଂ ଚୈବ ରଥିନଶ୍ଚ ବଲାବଲମ୍।
ଶ୍ରମଃ ଖେଦଶ୍ଚ ସତତଂ ହଯାନାଂ ରଥିନା ସହ॥ 8-35-7 (56556)
ଆଯୁଧସ୍ଯ ପରିଜ୍ଞାନଂ ରୁତଂ ଚ ମୃଗପକ୍ଷିଣାମ୍।
ସାରଂ ଚୈବାପ୍ଯାସରଂ ଚ ଶଲ୍ଯାନାଂ ଚ ପ୍ରତିକ୍ରିଯା॥ 8-35-8 (56557)
ଅସ୍ତ୍ରଯୋଗଂ ଚ ଯୁଦ୍ବଂ ଚ ନିମିତ୍ତାନି ତଥୈବ ଚ।
ସର୍ବମେତନ୍ମଯା ଜ୍ଞେଯଂ ରଥସ୍ଯାସ୍ଯ କୁଟୁମ୍ବିନା।
ଅତସ୍ତ୍ବାଂ କଥଯେ କର୍ଣ ନିଦର୍ଶନମିଦଂ ପୁନଃ॥ 8-35-9 (56558)
ବୈଶ୍ଯଃ କିଲ ସମୁଦ୍ରାନ୍ତେ ପ୍ରଭୂତଧନଧାନ୍ଯବାନ୍।
ଯଜ୍ବା ଦାନପତିଃ କ୍ଷାନ୍ତଃ ସ୍ବକର୍ମସ୍ଥୋଽଭବଚ୍ଛୁଚିଃ॥ 8-35-10 (56559)
ବହୁପୁତ୍ରଃ ପ୍ରିଯାପତ୍ଯଃ ସର୍ବଭୂତାନୁକମ୍ପକଃ।
ରାଜ୍ଞୋ ଧର୍ମପ୍ରଧାନସ୍ଯ ରାଷ୍ଟ୍ରେ ବସତି ନିର୍ଭଯଃ॥ 8-35-11 (56560)
ପୁତ୍ରାଣାଂ ତସ୍ଯ ବାଲାନାଂ କୁମାରାଣାଂ ଯଶସ୍ବିନାମ୍।
କାକୋ ବହୂନାମଭବଦୁଚ୍ଛିଷ୍ଟକୃତଭୋଜନଃ॥ 8-35-12 (56561)
ତସ୍ମୈସଦା ପ୍ରଯଚ୍ଛନ୍ତି ବୈଶ୍ଯପୁତ୍ରାଃ କୁମାରକାଃ।
ମାଂସୋଦନଂ ଦଧି କ୍ଷୀରଂ ପାଯସଂ ମଧୁସର୍ପିଷୀ॥ 8-35-13 (56562)
ସ ଚୋଚ୍ଛିଷ୍ଟଭୃତଃ କାକୋ ବୈଶ୍ଯପୁତ୍ରୈଃ କୁମାରକୈଃ।
ସଦୃଶାନ୍ପକ୍ଷିଣୋ ଦୃପ୍ତଃ ଶ୍ରେଯସସଶ୍ଚାବମନ୍ଯତେ॥ 8-35-14 (56563)
ଅଥ ହଂସାଃ ସମୁଦ୍ରାନ୍ତେ ପ୍ରଜଗ୍ମୁରତିପାତିନଃ।
ଗରୁଡସ୍ଯ ଗତୌ ତୁଲ୍ଯାଶ୍ଚକ୍ରାଙ୍ଗା ହୃଷ୍ଟଚେତସଃ॥ 8-35-15 (56564)
କୁମରାରକାସ୍ତଦା ହଂସାନ୍ଦୃଷ୍ଟ୍ବା କାକମଥାବ୍ରୁବନ୍।
ଭବାନେବ ବିଶିଷ୍ଟୋଽସି ପତତ୍ରିଭ୍ଯୋ ବିହଙ୍ଗମ॥ 8-35-16 (56565)
ଏତେଽତିପାତିନଃ ପଶ୍ଯ ବିହଙ୍ଗାନ୍ବିଯଦାଶ୍ରିତାନ୍।
ଏହି ତ୍ବମପି ଶକ୍ତୋ ହି କସ୍ମାନ୍ନ ପତିତଂ ତ୍ବଯା॥ 8-35-17 (56566)
ପ୍ରତାର୍ଯମାଣସ୍ତୈଃ ସର୍ବୈରଲ୍ପବୁଦ୍ଧିଭଇରଣ୍ଡଜଃ।
ତଦ୍ବଚଃ ସତ୍ଯମିତ୍ଯେବ ମୌର୍ଖ୍ଯାଦ୍ଦର୍ପାଚ୍ଚ ଜଜ୍ଞିବାନ୍॥ 8-35-18 (56567)
ତାନ୍ସୋନୁପତ୍ଯ ଜିଜ୍ଞାସୁଃ କ ଏଷାଂ ଶ୍ରେଷ୍ଠଭାଗିତି।
ଉଚ୍ଛିଷ୍ଟଦର୍ପିତଃ କାକୋ ବହୂନାମେକପାତିନାମ୍॥ 8-35-19 (56568)
ତେଷାଂ ଯଂ ପ୍ରବରଂ ମେନେ ହଂସାନାଂ ଦୂରପାତିନାମ୍।
ସ ତମାହ୍ବତ ଦୁର୍ବୁଦ୍ଧିଃ ପତାବ ଇତି ପକ୍ଷିଣମ୍।
ତଚ୍ଛ୍ରୁତ୍ବା ପ୍ରାହସନ୍ହଂସା ଯେ ତତ୍ରାସନ୍ସମାଗତାଃ॥ 8-35-20 (56569)
ଭାଷତୋ ବହୁ କାକସ୍ଯ ବାଲିଶ୍ଯାତ୍ପତତାଂ ବରାଃ।
ଇଦମୂଚୁଃ ସ୍ମ ଚକ୍ରାଙ୍ଗାବଚଃ କାକଂ ବିଙ୍ଗମାଃ॥ 8-35-21 (56570)
ହଂସା ଊଚୁଃ। 8-35-22x (4928)
ବଯଂ ହଂସାଶ୍ଚରାମେମାଂ ପୃଥିବୀଂ ମାନସୌକସଃ।
ପକ୍ଷିଣାଂ ଚ ବଯଂ ନିତ୍ଯଂ ଦୂରପାତେନ ପୂଜିତାଃ॥ 8-35-22 (56571)
କଥଂ ହଂସଂ ନୁ ବଲିନଂ ଚକ୍ରାଙ୍ଗଂ ଦୂରପାତିନମ୍।
କାକୋ ଭୂତ୍ବା ନିପତନେ ସମାହ୍ବଯସି ଦୁର୍ମତେ।
କଥଂ ତ୍ବଂ ପତିତା କାକ ସହାସ୍ମାଭିର୍ବ୍ରବୀହି ତତ୍॥ 8-35-23 (56572)
ଅଥ ହଂସବଚୋ ମୂଢଃ କୁତ୍ସଯିତ୍ବା ପୁନଃ ପୁନଃ।
ପ୍ରଜଗାଦୋତ୍ତରଂ କାକଃ କତ୍ଥନୋ ଜାତିଲାଘବାତ୍॥ 8-35-24 (56573)
କାକ ଉବାଚ। 8-35-25x (4929)
ଶତମେକଂ ଚ ପାତାନାଂ ପତିତାଽସ୍ମି ନ ସଂଶଯଃ।
ଶତଯୋଜନମେକୈକଂ ବିଚିତ୍ରଂ ବିବିଧଂ ତଥା॥ 8-35-25 (56574)
ଉଡ୍ଡୀନମବଡୀନଂ ଚ ପ୍ରଡୀନଂ ଡୀନମେବ ଚ।
ନିଡୀନମଥ ସଂଡୀନଂ ତିର୍ଯକ୍ଡୀନଗତାନି ଚ॥ 8-35-26 (56575)
ବିଡୀନଂ ପରିଡୀନଂ ଚ ପରାଡୀନଂ ସୁଡୀନକମ୍।
ଅଭିଡୀନଂ ମହାଡୀନଂ ନିର୍ଡୀନମତିଡୀନକମ୍॥ 8-35-27 (56576)
ଅବଡୀନଂ ପ୍ରଡୀନଂ ଚ ସଂଡୀନଂ ଡୀନଡୀନକମ୍।
ସଂଡୀନୋଡ୍ଡୀନଡୀନଂ ଚ ପୁନର୍ଡୀନବିଡୀନକମ୍॥ 8-35-28 (56577)
ସଂପାତଂ ସମୁଦୀଷଂ ଚ ତତୋଽନ୍ଯଦ୍ବ୍ଯତିରିକ୍ତକମ୍।
ଗତାଗତଂ ପ୍ରତିଗତଂ ବହ୍ବୀଶ୍ଚ ନିକୁଲୀନକାଃ।
କର୍ତାଽସ୍ମି ମିଷତାଂ ବୋଽଦ୍ଯ ତତୋ ଦ୍ରକ୍ଷଯଥ ମେ ବଲମ୍॥ 8-35-29 (56578)
ତେଷାମନ୍ଯତମେନାହଂ ପତିଷ୍ଯାମି ବିହାଯସମ୍।
ପ୍ରଦିଶଧ୍ବଂ ଯଥାନ୍ଯାଯଂ କେନ ହଂସାଃ ପତାମ୍ଯହମ୍॥ 8-35-30 (56579)
ତେ ବୈ ଧ୍ରୁବଂ ବିନିଶ୍ଚିତ୍ଯ ସମ୍ପତଧ୍ବଂ ମଯା ସହ।
ପାତୈରେଭିଃ ଖଲୁ ଖଗାଃ ପତିତୁଂ ଖେ ନିରାଶ୍ରଯେ॥ 8-35-31 (56580)
ଏବମୁକ୍ତେ ତୁ କାକେନ ପ୍ରହସ୍ଯୈକୋ ବିହଂଗମଃ।
ଉବାଚ କାକଂ ରାଧେଯ ବଚନଂ ତନ୍ନିବୋଧ ମେ॥ 8-35-32 (56581)
ହଂସ ଉବାଚ। 8-35-33x (4930)
ଶତମେକଂ ଚ ପାତାନାଂ ତ୍ବଂ କାକ ପତିତା ଧ୍ରୁବମ୍।
ଏକମେବ ତୁ ଯଂ ପାତଂ ବିଦୁଃ ସର୍ବେ ବିହଙ୍ଗମାଃ।
ତମହଂ ପତିତା କାକ ନାନ୍ଯଂ ଜାନାମି କଞ୍ଚନ॥ 8-35-33 (56582)
କାକ ଉବାଚ। 8-35-34x (4931)
ପତ ତ୍ବମପି ତତ୍ରାଶୁ ଯେନ ପାତେନ ମନ୍ଯସେ॥ 8-35-34 (56583)
ଅଥ କାକଂ ପ୍ରଜହସୁର୍ଯେ ତତ୍ରାସନ୍ସମାଗତାଃ।
କଥମେକେନ ପାତେନ ହଂସଃ ପାତଶତଂ ଜଯେତ୍।
ଏକେନ ବାଯସ ତ୍ବୈନଂ ପାତେନାଭିଭବିଷ୍ଯତି॥ 8-35-35 (56584)
ହଂସଶ୍ଚୋତ୍ପତିତଃ କାକୋ ବଲବାନାଶୁବିକ୍ରମଃ।
ପ୍ରପେତତୁଃ ସ୍ପର୍ଧଯା ଚ ତତସ୍ତୌ ହଂସବାଯସୌ।
ଉପର୍ଯୁପରି ବେଗେନ ସମୁଦ୍ରଂ ମକରାଲଯମ୍॥ 8-35-36 (56585)
ହଂସସ୍ତ୍ବେକେନ ପାତେନ କାକଃ ପାତଶତେନ ଚ।
ସ୍ପର୍ଧିନୌ ସହିତୌ ତୂର୍ଣଂ ଖମାସ୍ଥାଯ ତରସ୍ବିନୌ॥ 8-35-37 (56586)
ହଂସସ୍ତୁ ମୃଦୁନୈକେନ ବିକ୍ରାନ୍ତୁମୁପଚକ୍ରମେ।
ପୂର୍ବମେବ ତୁ ବୈ କାକଃ ସ ତଂ ତୂର୍ଣଂ ପ୍ରଚକ୍ରମେ॥ 8-35-38 (56587)
ନାତ୍ଯହୀଯତ କାକଶ୍ଚ ମୁହୂର୍ତମିବ ସୂତଜ॥ 8-35-39 (56588)
କାକୋପି ହଂସଂ ଚାପଲ୍ଯାଚ୍ଛୀଘ୍ରତାଂ ପ୍ରତିଦର୍ଶଯନ୍।
ବେଗେନାତୀତ୍ଯ ତରସା ପୁନରେତି ମୁହୁର୍ମୁହୁଃ॥ 8-35-40 (56589)
ତୁଣ୍ଡେନାଭ୍ଯହନଚ୍ଚୈନଂ କୁର୍ବନ୍ନାମାପସବ୍ଯତଃ।
ରୋରୂଯନ୍ନିବ ଚାପ୍ଯେନଂ ସମାହ୍ବଯତି ବୈ ମୁହୁଃ।
ବିସିସ୍ମାପଯିଷୁଃ ପାତୈର୍ଦର୍ଶଯନ୍ନାତ୍ମନଃ କ୍ରିଯାମ୍॥ 8-35-41 (56590)
ଅଥ ତାନି ବିଚିତ୍ରାଣି ପତିତାନୀତରାଣି ଚ।
ଦୃଷ୍ଟ୍ବା ପ୍ରମୁଦିତାଃ କାକା ବିନେଦୁରଧିକୈଃ ସ୍ବରୈଃ॥ 8-35-42 (56591)
ହଂସାଶ୍ଚାପହସନ୍ତି ସ୍ମ ପ୍ରବଦନ୍ତି ପ୍ରିଯାଣି ଚ।
କୁର୍ବାଣା ବିବିଧାନ୍ରାବାନିଚ୍ଛନ୍ତୋ ଜଯମାତ୍ମନଃ॥ 8-35-43 (56592)
ଉତ୍ପତ୍ଯୋତ୍ପତ୍ଯ ଚ ପ୍ରାହୁର୍ମୁହୂର୍ତମିତି ଚେତି ଚ।
ବୃକ୍ଷାଗ୍ରେଭ୍ଯଃ ସ୍ଥଲେଭ୍ଯଶ୍ଚ ନିପତନ୍ତ୍ଯୁତ୍ପତନ୍ତି ଚ॥ 8-35-44 (56593)
ଅବମତ୍ଯ ଚ ହଂସଂ ତମିଦଂ କାକୋଽବ୍ରବୀଦ୍ବଚଃ।
ଯୋଽସାବୁତ୍ପତିତୋ ହଂସଃ ସୋଽସାବେବ ପ୍ରହୀଯତେ॥ 8-35-45 (56594)
ଅଥ ହଂସସ୍ତୁ ତଚ୍ଛ୍ରୁତ୍ବା ଭାଷିତଂ ପତତାଂବରଃ।
ବିଗାହ୍ଯ ହଂସୋ ବିକ୍ଷୋଭ୍ଯ ପ୍ରାପତତ୍ପଶ୍ଚିମାଂ ଦିଶମ୍॥ 8-35-46 (56595)
ଉପର୍ଯୁପରି ବେଗେନ ସାଗରଂ ମକରାଲଯମ୍।
ବହୁସତ୍ବସମାକୀର୍ଣଂ ବୀଚୀଭିର୍ଭୀମଦର୍ଶନମ୍॥ 8-35-47 (56596)
ଅଥାଚିରେଣ ରାଧେଯ କାକୋ ବେଗାଦହୀଯତ।
ତତୋଽତୀବ ପରିଶ୍ରାନ୍ତଃ କଥଞ୍ଚିଦ୍ବଂସମନ୍ବଗାତ୍॥ 8-35-48 (56597)
ଭୀଶ୍ଚୈନମାବିଶତ୍ତୀବ୍ରଂ କାକଂ କର୍ଣ ବିଚେତସମ୍।
ଦ୍ବୀପାନ୍ଦ୍ରୁମାନ୍ବିତାନ୍ପଶ୍ଯନ୍ବିଶ୍ରମାର୍ଥଂ ଶ୍ରମାତୁରଃ।
ନିପତେଯଂ କ୍କନୁ ଶ୍ରାନ୍ତ ଇତି ତସ୍ମିଞ୍ଜଲାର୍ଣବେ॥ 8-35-49 (56598)
ଅବଗାହ୍ଯ ସମୁଦ୍ରୋଽପି ବହୁସତ୍ବଗଣାଲଯଃ।
ମହାନ୍ଭୂତଶତୋଦ୍ଭୂସୀ ନଭସସ୍ତୁ ବିଶିଷ୍ଯତେ॥ 8-35-50 (56599)
ଗାମ୍ଭୀର୍ଯାର୍ଦ୍ବି ସମୁଦ୍ରସ୍ଯ ନ ବିଶେଷଂ କୁଲାଧମ।
ଦିଶଶ୍ଚ ନାମ୍ଭସାଂ କର୍ଣ ସମୁଦ୍ରସ୍ଥା ବିଦୁର୍ଜନାଃ।
ବିପଶ୍ଚିତୋପ୍ଯପାରତ୍ବାତ୍କିଂ ପୁନଃ କର୍ଣ ବାଯସଃ॥ 8-35-51 (56600)
ଅଥ ହଂସୋପ୍ଯତିକ୍ରାମନ୍ମୁହୂର୍ତମିବ ଦୂରତଃ।
ଅତିକ୍ରମ୍ଯ ଚ ଚକ୍ରାଙ୍ଗଃ କାକଂ ତଂ ସମୁଦୈକ୍ଷତ॥ 8-35-52 (56601)
ଶନକୈଃ ପରିହୀନଂ ତଂ ପରିଶ୍ରାନ୍ତମଚେତସମ୍।
ଅବେକ୍ଷମାଣସ୍ତଂ କାକଂ ପ୍ରତ୍ଯାଗମ୍ଯ ହସନ୍ନିବ॥ 8-35-53 (56602)
ତଂ ପ୍ରହସ୍ଯ ଚ ଚକ୍ରାଙ୍ଗଃ କାକଂ ମନ୍ଦଗତିଂ ତଦା।
ହୀଯମାନମଥୋ ଦୃଷ୍ଟ୍ବା ହଂସଃ ପ୍ରାହ ଯଥାର୍ଥବତ୍।
ଉଜ୍ଜିହୀର୍ଷୁର୍ନିମଜ୍ଜନ୍ତଂ ସ୍ମରନ୍ସତ୍ପୁରୁଷବ୍ରତମ୍॥ 8-35-54 (56603)
ବହୂନି ପତିତାନି ତ୍ବମାଚକ୍ଷାଣୋ ମୁହୁର୍ମୁହୁଃ।
ପତସ୍ଯବ୍ଯାହରନ୍ଖେଦଂ ତତୋ ଗର୍ହ୍ଯଂ ପ୍ରଭାଷସେ॥ 8-35-55 (56604)
ଜଲଂ ନାମ ପତିତଂ କାକ ଯତ୍ତ୍ବଂ ପତସି ସାମ୍ପ୍ରତମ୍।
ଜଲଂ ସ୍ପୃଶସି ପକ୍ଷାଭ୍ଯାଂ ତୁଣ୍ଡେନ ଚ ପୁନଃ ପୁନଃ॥ 8-35-56 (56605)
ପ୍ରବ୍ରୂହି କତମୋଽଯଂ ତେ ପାତୋ ବର୍ତତି ବାଯସ।
ଏହ୍ଯେହି କାକ ଶୀଘ୍ରଂ ତ୍ବମେଷ ତ୍ବାଂ ପରିପାଲଯେ॥ 8-35-57 (56606)
ସ ପକ୍ଷାଭ୍ଯାଂ ସ୍ପୃଶନ୍ନାର୍ତସ୍ତୁଣ୍ଡେନ ଚ ଜଲଂ ତଦା।
କାକୋ ଦୃଢଂ ପରିଶ୍ରାନ୍ତଃ ସହସା ନିପପାତ ହ॥ 8-35-58 (56607)
ସାଗରାମ୍ଭସି ତଂ ଦୃଷ୍ଟ୍ବା ପତତନ୍ତଂ ଦୀନଚେତସମ୍।
ମ୍ରିଯମାଣମିଦଂ ବାକ୍ଯଂ ହଂସଃ କାକମୁବାଚ ହ॥ 8-35-59 (56608)
ଶତମେକଂ ଚ ପାତାନାଂ ପତାମ୍ଯହମିତି ସ୍ମ ହ।
ଶ୍ଲାଘନ୍ନାତ୍ମାନମଦ୍ଯ ତ୍ବଂ କାକ ଭାଷିତବାନସି॥ 8-35-60 (56609)
ସ ତ୍ବମେକଶତଂ ପାତଂ ପତନ୍ନଭ୍ଯଧିକୋ ମଯା।
କଥମେବଂ ପରିଶ୍ରାନ୍ତଃ ପତିତୋଽସି ମହାର୍ଣବେ॥ 8-35-61 (56610)
ପ୍ରତ୍ଯୁବାଚ ତତଃ କାକଃ ସୀଦମାନ ଇଦଂ ବଚଃ।
ଉପରୀତଂ ତଦା ହଂସଂ ପ୍ରସମୀକ୍ଷ୍ଯ ପ୍ରସାଦଯନ୍॥ 8-35-62 (56611)
ଉଚ୍ଛିଷ୍ଟାନ୍ନେନ ପୁଷ୍ଟୋଽହଂ ଦର୍ପୋତ୍ସିକ୍ତଃ କୁସତ୍ବତଃ।
ସୁପର୍ଣ ଇବ ଚାତ୍ମାନଂ ଜ୍ଞାତବାନ୍ପୁତ୍ରଲାଘବାତ୍॥ 8-35-63 (56612)
ଶରଣଂ ତ୍ବାଂ ପ୍ରପନ୍ନୋଽହମୁଦକାନ୍ତମବାପ୍ନୁଯାମ୍।
ହଂସେଦାନୀଂ ପରିଶ୍ରାନ୍ତମାପଦୋ ମାଂ ସମୁଦ୍ବର॥ 8-35-64 (56613)
ଯଦି ନାମ ପୁନର୍ଜୀବନ୍ଗଚ୍ଛେଯଂ ସ୍ବଂ ନିବେଶନମ୍।
ନୈନଂ ପୁନର୍ହୀନମପି କ୍ଷେପ୍ତାଽହଂ ଖେ ବିଚାରିଣମ୍॥ 8-35-65 (56614)
ତମେବଂ କରୁଣଂ ଦୀନଂ ବିଲପନ୍ତମଚେତସମ୍।
କାକକାକେତି ବାଶନ୍ତଂ ନିମଜ୍ଜନ୍ତଂ ମହାର୍ଣବେ।
କୃପଯାଽଭିପରୀତୋ ବୈ କୃପାଂ ଚକ୍ରେ ଦୁରାତ୍ମନି॥ 8-35-66 (56615)
ଅଥ ତଂ ପତତଂ ଦୀନଂ ଜଲକ୍ଲିନ୍ନମଚେତନମ୍।
ପଦ୍ଭ୍ଯାମୁତ୍କ୍ଷିପ୍ଯ ବେପନ୍ତଂ ପୃଷ୍ଠମାରୋ ପଯତ୍ତଦା॥ 8-35-67 (56616)
ସ ହଂସଃ ପୃଷ୍ଠମାରୋପ୍ଯ କାକଂ କର୍ଣ ବିଚେତସମ୍।
ଅବିସ୍ମଯଂସ୍ତଦା କର୍ଣ ପୁନରେବ ସମାନଯତ୍।
ତମେବ ଦେଶଂ ତରସା ସ୍ପର୍ଧଯା ପେତତୁର୍ଯତଃ॥ 8-35-68 (56617)
ଉତ୍ସୃଜ୍ଯ ତ୍ବବ୍ରବୀନ୍ମୈବଂ ପୁନଃ କାର୍ଯଂ ତ୍ବଯେତି ହ।
ସ୍ଥାପ୍ଯ ଚୈନଂ ପୁନର୍ଦ୍ବୀପେ ସମାଶ୍ବସ୍ଯ ଚ ବିକ୍ଲବମ୍।
ଗତୋ ଯଥେପ୍ସିତଂ ଦେଶଂ ହଂସୋ ମନ ଇବାଶୁଗଃ॥ 8-35-69 (56618)
ଏବମୁଚ୍ଛିଷ୍ଟପୁଷ୍ଟଃ ସ କାକୋଽହଂସପରାଜିତଃ।
ବଲଂ ବୀର୍ଯଂ ମହତ୍କର୍ଣ ତ୍ଯକ୍ତ୍ବା କ୍ଷାନ୍ତିମୁପାଗତଃ॥ 8-35-70 (56619)
ଉଚ୍ଛିଷ୍ଟଭୋଜନଃ କାକୋ ଯଥା ବୈଶ୍ଯକୁଲେ ପୁରା।
ଏବଂ ତ୍ବମୁଚ୍ଛିଷ୍ଟଭୃତୋ ଧାର୍ତରାଷ୍ଟ୍ରୈର୍ନ ସଂଶଯଃ॥ 8-35-71 (56620)
ସଦୃଶାଞ୍ଶ୍ରେଯସଶ୍ଚାପି ସର୍ବାନ୍କର୍ଣାବମନ୍ଯସେ।
ଦ୍ରୋଣଦ୍ରୌଣିକୃପୈର୍ଗୁପ୍ତୋ ଭୀଷ୍ମେଣାନ୍ଯୈଶ୍ଚ କୌରବୈଃ॥ 8-35-72 (56621)
ବିରାଟନଗରେ ପାର୍ଥମେକଂ କିଂ ନାବଧୀସ୍ତଦା।
ଯତ୍ର ବ୍ଯସ୍ତାଃ ସମସ୍ତାଶ୍ଚ ନିର୍ଜିତାଃ ସ୍ଥ କିରୀଟିନା
ସୃଗାଲା ଇବ ସିଂହେନ କ୍ବ ତେ ବୀର୍ଯଂ ତଦା ଗତମ୍॥ 8-35-73 (56622)
ଭ୍ରାତରଂ ନିହତଂ ଦୃଷ୍ଟ୍ବା ସମରେ ସବ୍ଯସାଚିନା।
ପଶ୍ଯତାଂ କୁରବୀରାଣାଂ ପ୍ରଥମଂ ତ୍ବଂ ପଲାଯିତଃ॥ 8-35-74 (56623)
ତଥା ଦ୍ବୈତବନେ କର୍ଣ ଗନ୍ଧର୍ବୈଃ ସମଭିଦ୍ରୁତାନ୍।
କୁରୂନ୍ସଦାରାନୁତ୍ସୃଜ୍ଯ ତ୍ବମେବାଗ୍ରେ ପଲାଯିତଃ॥ 8-35-75 (56624)
ହତ୍ବା ଜିତ୍ବା ଚ ଗନ୍ଧର୍ବାଂଶ୍ଚିତ୍ରସେନମୁଖାନ୍ରଣେ।
କର୍ଣ ଦୁର୍ଯୋଧନଂ ପାର୍ଥଃ ସଭ୍ରାତୃକମମୋକ୍ଷଯତ୍॥ 8-35-76 (56625)
ପୁନଃ ପ୍ରଭାବଃ ପାର୍ଥସ୍ଯ ପୁରାଣଃ କେଶବସ୍ଯ ଚ।
କଥିତଃ କର୍ଣ ରାମେଣ ସଭାଯାଂ କୁରୁସଂସଦି॥ 8-35-77 (56626)
ସତତଂ ଚ ତ୍ବମଶ୍ରୌଷୀର୍ବଚନଂ ଦ୍ରୋଣଭୀଷ୍ମଯୋଃ।
ଅବଧ୍ଯୌ ବଦତୋଃ କୃଷ୍ଣୌ ସନ୍ନିଧୌ ଚ ମହୀକ୍ଷିତାମ୍॥ 8-35-78 (56627)
କିଯନ୍ତଂ ତତ୍ର ବକ୍ଷ୍ଯାମି ଯେନଯେନ ଧନଞ୍ଜଯଃ।
ତ୍ବତ୍ତୋଽତିରିକ୍ତଃ ସର୍ବେଭ୍ଯୋ ଭୂତେଭ୍ଯୋ ବ୍ରାହ୍ମଣୋ ଯଥା॥ 8-35-79 (56628)
ଇଦାନୀମେବ ଦ୍ରଷ୍ଟାସି ପ୍ରଧାନେ ସ୍ଯନ୍ଦନେ ସ୍ଥିତୌ।
ପୁତ୍ରଂ ଚ ବସୁଦେବସ୍ଯ କୁନ୍ତୀପୁତ୍ରଂ ଚ ପାଣ୍ଡବମ୍॥ 8-35-80 (56629)
ଯଥାଽଶ୍ରଯତ ଚକ୍ରାଙ୍ଗଂ ବାଯସୋ ବୁଦ୍ଧିମାସ୍ଥିତଃ।
ତଥାଶ୍ରଯସ୍ବ ବାର୍ଷ୍ଣେଯଂ ପାଣ୍ଡବଂ ଚ ଧନଞ୍ଜଯମ୍॥ 8-35-81 (56630)
ଯଦା ତ୍ବଂ ଯୁଧି ବିକ୍ରାନ୍ତୌ ବାସୁଦେବଧନଞ୍ଜଯୌ।
ଦ୍ରଷ୍ଟାସ୍ଯେକରଥେ କର୍ଣ ତଦା ନୈବଂ ବଦିଷ୍ଯସି॥ 8-35-82 (56631)
ଯଦା ଶରଶତୈଃ ପାର୍ଥୋ ଦର୍ପଂ ତବ ବଧିଷ୍ଯତି।
ତଦା ତ୍ବମନ୍ତରଂ ଦ୍ରଷ୍ଟା ଆତ୍ମନଶ୍ଚାର୍ଜୁନସ୍ଯ ଚ॥ 8-35-83 (56632)
ଦେବାସୁରମନୁଷ୍ଯେଷୁ ପ୍ରଖ୍ଯାତୌ ଯୌ ନରୋତ୍ତମୌ।
ତୌ ମାବମଂସ୍ଥା ମୌର୍ଖ୍ଯାତ୍ତ୍ବଂ ସ୍ବଦ୍ଯୋତ ଇବ ରୋଚନୌ॥ 8-35-84 (56633)
ସୂର୍ଯାଚନ୍ଦ୍ରମସୌ ଯଦ୍ବତ୍ତଦ୍ବଦଜୁନକେଶବୌ।
ପ୍ରକାଶ୍ଯେନାଭିବିଖ୍ଯାତୌ ତ୍ବଂ ତୁ ଖଦ୍ଯୋତବନ୍ନୃଷୁ॥ 8-35-85 (56634)
ଏବଂ ବିଦ୍ବନ୍ମାବମଂସ୍ଥାଃ ସୂତପୁତ୍ରାଚ୍ଯୁତାର୍ଜୁନୌ।
ନରସିଂହୌ ନରଶ୍ବା ତ୍ବଂ ଜୋଷମାସ୍ସ୍ବ ବିକତ୍ଥସେ॥ ॥ 8-35-86 (56635)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ପଞ୍ଚତ୍ରିଂଶୋଽଧ୍ଯାଯଃ॥ 35 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.36. ଅଧ୍ଯାଯଃ 036
Mahabharata - Karna Parva - Chapter Topics
କର୍ଣେନ ଶଲ୍ଯମ୍ପ୍ରତି ସ୍ବସ୍ଯ ପରଶୁରାମାତ୍ ତଥା କୁତଶ୍ଚିଦ୍ବ୍ରାହ୍ମଣାଚ୍ଚ ଶାପପ୍ରାପ୍ତିକଥନମ୍॥ 1 ॥
Mahabharata - Karna Parva - Chapter Text
8-36-0 (56636)
ସଞ୍ଜଯ ଉବାଚ। 8-36-0x (4932)
ମଦ୍ରାଧିପସ୍ଯାଧିରଥିର୍ମହାତ୍ମା
ବଚୋ ନିଶମ୍ଯାପ୍ରିଯମପ୍ରତୀତଃ।
ଉବାଚ ଶଲ୍ଯଂ ବିଦିତଂ ମମୈତ--
ଦ୍ଯଥାବିଧାବର୍ଜୁନବାସୁଦେବୌ॥ 8-36-1 (56637)
ଶୌରେ ରଥଂ ବାହଯତୋଽର୍ଜୁନସ୍ଯ
ବଲଂ ମହାସ୍ତ୍ରାଣି ଚ ପାଣ୍ଡବସ୍ଯ।
ଅହଂ ବିଜାନାମି ଯଥାବଦଦ୍ଯ
ପରୋକ୍ଷଭୂତଂ ତବ ତତ୍ତୁ ଶଲ୍ଯ॥ 8-36-2 (56638)
ତୌ ଚାପ୍ଯହଂ ଶସ୍ତ୍ରଭୃତାଂ ବରିଷ୍ଠୌ
ବ୍ଯପେତଭୀର୍ଯୋଧଯିଷ୍ଯାମି କୃଷ୍ଣୌ।
ସନ୍ତାପଯତ୍ଯଭ୍ଯଧିକଂ ହି ରାମା--
ଚ୍ଛାପୋଽଦ୍ଯ ମାଂ ବ୍ରାହ୍ମଣସତ୍ତମାଚ୍ଚ॥ 8-36-3 (56639)
`ପୁରା ମହେନ୍ଦ୍ରାଦ୍ରିବରେ ସମୁଦ୍ରେ
ତପସ୍ବିନଂ ରାମମୁପେତ୍ଯ ଶଲ୍ଯ।
ଅସ୍ତ୍ରାର୍ଥିନଂ ମାଽଦ୍ଯ ଶିଷ୍ଯଂ ଗୃହାଣେ--
ତ୍ଯଥାଽବ୍ରୁବଂ ବ୍ରାହ୍ମଣଚ୍ଛଦ୍ମନା ଚ॥ 8-36-4 (56640)
ତତ୍ରାବସଂ ବ୍ରାହ୍ମଣ ଇତ୍ଯବିପ୍ରୋ
ବ୍ରହ୍ମାସ୍ତ୍ରଲୋଭାଦନୃତେନ ଚାହମ୍।
ତଜ୍ଜାମଦଗ୍ନ୍ଯେନ ପରଂ ମହାସ୍ତ୍ରଂ
ସମନ୍ତ୍ରଯୁକ୍ତଂ ବିହିତଂ ମମାସୀତ୍॥ 8-36-5 (56641)
ଅସ୍ତ୍ରଂ ଯଦା ତଦ୍ବିଦିତଂ ମମାସୀ--
ତ୍ତଦାଽବ୍ରବୀଦ୍ବ୍ରାହ୍ମଣୋ ମାଂ ମହର୍ଷିଃ।
ଆପଦ୍ଗତେନାସ୍ତ୍ରମିଦଂ ପ୍ରଯୋଜ୍ଯଂ
ତ୍ବଯା ରଣେ ଗଚ୍ଛତା ସାଧଯେତି'॥ 8-36-6 (56642)
ତତ୍ରାପି ମେ ଦେବରାଜେନ ବିଘ୍ନୋ
ହିତାର୍ଥିନା ଫଲ୍ଗୁନସ୍ଯୈବ ଶଲ୍ଯ।
କୃତୋ ବିଭେଦେନ ମମୋରୁମେତ୍ଯ
ପ୍ରବିଶ୍ଯ କୀଟସ୍ଯ ତନୁଂ ବିରୂପାମ୍॥ 8-36-7 (56643)
ମମୋରୁମେତ୍ଯ ପ୍ରବିଭେଦ କୀଟଃ
ସୁପ୍ତେ ଗୁରୌ ତତ୍ର ଶିରୋ ନିଧାଯ।
ଊରୁପ୍ରଭେଦାଚ୍ଚ ମହାନ୍ବଭୂବ
ଶରୀରତୋ ମେ ଘନଶୋଣିତୌଘଃ॥ 8-36-8 (56644)
ଗୁରୋର୍ଭଯାଚ୍ଚାପି ନ ଚେଲିବାନହଂ
ତତୋ ବିବୁଦ୍ଧୋ ଦଦୃଶେ ସ ବିପ୍ରଃ।
ସ ଧୈର୍ଯଯୁକ୍ତଂ ପ୍ରସମୀକ୍ଷ୍ଯ ମାଂ ବୈ
ନ ତ୍ବଂ ବିପ୍ରଃ କୋଽସି ସତ୍ଯଂ ବଦେତି॥ 8-36-9 (56645)
ତସ୍ମୈ ତଦାଽଽତ୍ମାନମହଂ ଯଥାବ--
ଦାଖ୍ଯାତବାନ୍ସୂତ ଇତ୍ଯେବ ଶଲ୍ଯ।
ସ ମାଂ ନିଶାମ୍ଯାଥ ମହାତପସ୍ବୀ
ସଂଶପ୍ତବାନ୍ରୋଷପରୀତଚେତାଃ॥ 8-36-10 (56646)
ସୂତ ତ୍ବଯା ହ୍ଯାପ୍ତମିଦଂ ତବାସ୍ତ୍ରଂ
ନ କର୍ମକାଲେ ପ୍ରତିଭାସ୍ଯତୀତି।
ଅନ୍ଯତ୍ର ତୁ ସ୍ଯାତ୍ତବ ମୃତ୍ଯୁକାଲା--
ଦବ୍ରାହ୍ମଣେ ବ୍ରହ୍ମ ନ ହି ଧ୍ରୁବଂ ସ୍ଯାତ୍॥ 8-36-11 (56647)
ତଦଦ୍ଯ ପର୍ଯାପ୍ତମତୀବ ମେଽସ୍ତ୍ର--
ମୁପସ୍ଥିତେଽସ୍ମିଂସ୍ତୁମୁଲେ ବିମର୍ଦେ॥ 8-36-12 (56648)
ଶଲ୍ଯୋଗ୍ରଧନ୍ବାନମହଂ ବରିଷ୍ଠଂ
ତରସ୍ବିନଂ ଭୀମମସହ୍ଯବୀର୍ଯମ୍।
ସତ୍ଯପ୍ରତିଜ୍ଞଂ ଯୁଧି ପାଣ୍ଡବେଯଂ
ଧନଞ୍ଜଯଂ ମୃତ୍ଯୁମୁଖଂ ନଯିଷ୍ଯେ॥ 8-36-13 (56649)
ଅସ୍ତ୍ରଂ ତତୋଽନ୍ଯତ୍ପ୍ରତିପନ୍ନମଦ୍ଯ
ଯେନ କ୍ଷେପ୍ସ୍ଯେ ସମରେ ଶତ୍ରୁପୂଗାନ୍।
ପ୍ରତାପିନଂ ବଲବନ୍ତଂ କୃତାସ୍ତ୍ରଂ
ତମୁଗ୍ରଧନ୍ବାନମମିତୌଜସଂ ଚ।
କ୍ରୂରଂ ଶୂରଂ ରୌଦ୍ରମମିତ୍ରସାହଂ
ଧନଞ୍ଜଯଂ ସଂଯୁଗେଽହଂ ହନିଷ୍ଯେ॥ 8-36-14 (56650)
ଅପାଂପତିର୍ବେଗବାନପ୍ରମେଯୋ
ନିମଜ୍ଜଯିଷ୍ଯନ୍ବହୁଲାଃ ପ୍ରଜା ଇବ।
ମହାରବଂ ଯଃ କୁରୁତେ ସମୁଦ୍ରୋ
ବେଲେବ ତଂ ବାରଯାମ୍ଯପ୍ରମେଯମ୍॥ 8-36-15 (56651)
ପ୍ରମୁଞ୍ଚନ୍ତଂ ବାଣସଙ୍ଘାନମେଯା--
ନ୍ମର୍ମଚ୍ଛିଦୋ ବୀରହଣଃ ସୁପତ୍ରାନ୍।
କୁନ୍ତୀପୁତ୍ରଂ ପ୍ରତିଯୋତ୍ସ୍ଯାମି ଯୁଦ୍ଧେ
ଜ୍ଯାଂ କର୍ଷତାମୁତ୍ତମଂ ମର୍ତ୍ଯଲୋକେ॥ 8-36-16 (56652)
ଏବଂ ବଲେନାତିବଲଂ ମହାସ୍ତ୍ରଂ
ସମୁଦ୍ରକଲ୍ପଂ ସୁଦୁରାପମୁଗ୍ରମ୍।
ଶରୌଘିଣଂ ପାର୍ଥିବାନ୍ମଜ୍ଜଯନ୍ତଂ
ବେଲେବ ପାର୍ଥମିଷୁଭିର୍ବାରଯିଷ୍ଯେ॥ 8-36-17 (56653)
କୃତୀ କୃତାସ୍ତ୍ରୋ ଦୃଢହସ୍ତଯୋଧୀ
ଦିବ୍ଯାସ୍ତ୍ରବିଚ୍ଛ୍ବେତହଯଃ ପ୍ରମାଥୀ।
ସୁରାସୁରାନ୍ଯୁଧି ବୈ ଯୋ ଜଯେତ
ତେନାଦ୍ଯ ମେ ପଶ୍ଯ ଯୁଦ୍ବଂ ସୁଘୋରମ୍॥ 8-36-18 (56654)
ଅଭୀର୍ମାନୀ ପାଣ୍ଡବୋ ଯୁଦ୍ବକାମୋ
ହ୍ଯମାନୁଷୈରସ୍ଯତି ମାଂ ମହାସ୍ତ୍ରୈଃ।
ତସ୍ଯାସ୍ତ୍ରମସ୍ତ୍ରୈରଭିଭୂଯ ସଙ୍ଖ୍ଯେ
ବାଣୋତ୍ତମୈଃ ପାତଯିଷ୍ଯାମି ପାର୍ଥମ୍॥ 8-36-19 (56655)
ସହସ୍ରରଶ୍ମିପ୍ରତିମଂ ଜ୍ବଲନ୍ତଂ
ଦିଶଶ୍ଚ ସର୍ବାଃ ପ୍ରତପନ୍ତମୁଗ୍ରମ୍।
ତମୋନୁଦଂ ମେଘ ଇବାତିମାତ୍ରଂ
ଧନଞ୍ଜଯଂ ଛାଦଯିଷ୍ଯାମି ବାଣୈଃ॥ 8-36-20 (56656)
ବୈଶ୍ବାନରଂ ଧୂମକେତୁଂ ଜ୍ବଲନ୍ତଂ
ତେଜସ୍ବିନଂ ନରବୀରାନ୍ଦହନ୍ତମ୍।
ପର୍ଜନ୍ଯଭୂତଃ ଶରବର୍ଷୈର୍ଯଥାଽଗ୍ନିଂ
ତଥା ପାର୍ଥଂ ଶମଯିଷ୍ଯାମି ଯୁଦ୍ଧେ॥ 8-36-21 (56657)
ଆଶୀବିଷଂ ଦୃଷ୍ଟିହଣଂ ସୁଘୋରଂ
ସୁତୀକ୍ଷ୍ଣଦଂଷ୍ଟ୍ରଂ ଜ୍ବଲନପ୍ରଭବାମ୍।
କ୍ରୋଧାତ୍ପ୍ରଦୀପ୍ତାନଲବଦ୍ଦହନ୍ତଂ
କୁନ୍ତୀପୁତ୍ରଂ ଶମଯିଷ୍ଯାମି ଭଲ୍ଲୈଃ॥ 8-36-22 (56658)
ପ୍ରବାହିଣଂ ବଲବନ୍ତଂ ମହୌଜସଂ
ପ୍ରଭଞ୍ଜନଂ ମାତରିଶ୍ବାନମୁଗ୍ରମ୍।
ଯୁଦ୍ଧେ ସହିଷ୍ଯେ ହିମବାନିବାଚଲୋ
ଧନଞ୍ଜଯଂ କ୍ରୁଦ୍ଧମମୃଷ୍ଯମାଣମ୍। 8-36-23 (56659)
ବିଶାରଦଂ ରଥମାର୍ଗେଷୁ ଶକ୍ତଂ
ଧୁର୍ଯଂ ନିତ୍ଯଂ ସମରେଷୁ ପ୍ରବୀରମ୍।
ଲୋକେ ବରଂ ସର୍ବଧନୁର୍ଧରାଣାଂ
ଧନଞ୍ଜଯଂ ସଂଯୁଗେଽହଂ ହନିଷ୍ଯେ॥ 8-36-24 (56660)
ଅଦ୍ଯାହବେ ଯସ୍ଯ ନ ତୁଲ୍ଯମନ୍ଯଂ
ମନ୍ଯେ ମନୁଷ୍ଯଂ ଧନୁରାଦଦାନମ୍।
ସର୍ବାମିମାଂ ଯଃ ପୃଥିବୀଂ ସହେତ
ତଥାପି ତେନାଦ୍ଯ ରଣେ ସମେଷ୍ଯେ॥ 8-36-25 (56661)
ଯଃ ସର୍ବଭୂତାନି ସଦୈବତାନି
ପ୍ରସ୍ଥେଽଜଯତ୍ଖାଣ୍ଡବେ ସବ୍ଯସାଚୀ
କୋ ଜୀବିତଂ ରକ୍ଷମାଣୋ ହି ତେନ
ଯୁଯୁତ୍ସତେଽସ୍ତ୍ରୈର୍ମାନୁଷୋ ମାମୃତେଽନ୍ଯଃ॥ 8-36-26 (56662)
ମାନୀ କୃତାସ୍ତ୍ରଃ କୃତହସ୍ତଯୋଧୀ
ଦିବ୍ଯାସ୍ତ୍ରବିଚ୍ଛ୍ବେତହଯଃ ପ୍ରମାଥୀ।
ତସ୍ଯାହମଦ୍ଯାତିରଥସ୍ଯ କାଯା--
ଚ୍ଛିରୋ ହରିଷ୍ଯାମି ଶିତୈଃ ପୃଷତ୍କୈଃ। 8-36-27 (56663)
ଯୋତ୍ସ୍ଯାମ୍ଯେନଂ ଶଲ୍ଯ ଧନଞ୍ଜଯଂ ବୈ
ମୃତ୍ଯୁଂ ପୁରସ୍କୃତ୍ଯ ରଣେ ଜଯଂ ବା।
ଅନ୍ଯୋ ହି ନ ହ୍ଯେକରଥେନ ମର୍ତ୍ଯୋ
ଯୁଧ୍ଯେତ ଯଃ ପାଣ୍ଡବମିନ୍ଦ୍ରକଲ୍ପମ୍ 8-36-28 (56664)
ତସ୍ଯାହବେ ପୌରୁଷଂ ପାଣ୍ଡବସ୍ଯ
ବ୍ରୂଯାଂ ପୃଷ୍ଟଃ ସମିତୌ କ୍ଷତ୍ରିଯାଣାମ୍
କିଂ ତ୍ବଂ ମୂର୍ଖଃ ପ୍ରହସନ୍ମୂଢଚେତା
ଆଖ୍ଯାସି ମେ ପୌରୁଷଂ ଫଲ୍ଗୁନସ୍ଯ॥ 8-36-29 (56665)
ଅତ୍ଯପ୍ରିଯୋ ଯଃ ପୁରୁଷୋ ନିଷ୍ଠୁରୋ ହି
କ୍ଷୁଦ୍ରଃ କ୍ଷେପ୍ତା କ୍ଷମିଣଶ୍ଚାକ୍ଷମାବାନ୍।
ହନ୍ଯାମହଂ ତ୍ବାଦୃଶାନାଂ ଶତାନି
କ୍ଷମାମ୍ଯହଂ କ୍ଷମିଣାଂ କାଲ ଏଷଃ॥ 8-36-30 (56666)
ଅବୋଚସ୍ତ୍ବଂ ପାଣ୍ଡବାର୍ଯେ ପ୍ରିଯାଣି
ପ୍ରଧର୍ଷଯନ୍ମାଂ ମୂଢବତ୍ପାପକର୍ମନ୍।
ମଯ୍ଯାର୍ଜବେ ଜିହ୍ମମତିର୍ଯତସ୍ତ୍ବଂ
ମିତ୍ରଦ୍ରୋହୀ ସାପ୍ତପଦଂ ହି ମିତ୍ରମ୍॥ 8-36-31 (56667)
କାଲସ୍ତ୍ବଯଂ ପ୍ରତ୍ଯୁପଯାତି ଦାରୁଣୋ
ଦୁର୍ଯୋଧନୋ ଯୁଦ୍ଧମୁପାଗମଦ୍ଯତ୍।
ତସ୍ଯାର୍ଥସିଦ୍ଧିଂ ତ୍ବଭିକାଙ୍କ୍ଷମାଣ--
ସ୍ତମନ୍ବେଷ୍ଯେ ଯତ୍ର ଚୈକାନ୍ତମସ୍ତି॥ 8-36-32 (56668)
`ତଥାପ୍ଯହଂ ପାଣ୍ଡବବାସୁଦେବୌ
ଯୋତ୍ସ୍ଯେ ରଣେ ମଦ୍ବିଧସ୍ଯୈବ କର୍ମ।
ନ ପ୍ରାକୃତଃ ସଜ୍ଜତେ ବୈ କଦାଚି--
ଦ୍ଯଃ ପ୍ରତ୍ଯୁଦୀଯାତ୍କୃଷ୍ଣଧନଞ୍ଜଯୌ ତୌ'॥ 8-36-33 (56669)
ମିତ୍ରଂ ମିନ୍ଦେର୍ନନ୍ଦତେଃ ପ୍ରୀଯତେର୍ବା
ସନ୍ତ୍ରାଯତେର୍ମିନୁତେର୍ମୋଦତେର୍ବା।
ଦୁର୍ଯୋଧନେ ସର୍ବମିଦଂ ମମାସ୍ତି
ତଚ୍ଚାପି ସର୍ବଂ ମମ ବେତ୍ତି ରାଜା॥ 8-36-34 (56670)
ଶତ୍ରୁଃ ଶଦେଃ ଶାସତେର୍ବା ଶ୍ଯତେର୍ବା
ଶୃଣାତେର୍ବା ଶ୍ବସତେଃ ସୀଦତେର୍ବା।
ଶ୍ରମେଃ ଶୁଚୋ ବହୁଶଃ ସୂଦତେଶ୍ଚ
ପ୍ରାଯେଣ ସର୍ବଂ ତ୍ବଯି ତଚ୍ଚ ମହ୍ଯମ୍॥ 8-36-35 (56671)
ଦୁର୍ଯୋଧନାର୍ଥଂ ତବ ଚ ପ୍ରିଯାର୍ଥଂ
ଯଶୋର୍ଥମାତ୍ମାର୍ଥମପୀଶ୍ବରାର୍ଥମ୍।
ତସ୍ମାଦହଂ ପାଣ୍ଡବବାସୁଦେବୌ
ଯୋତ୍ସ୍ଯେ ଯତ୍ନାତ୍କର୍ମ ଚ ପଶ୍ଯ ମେଽଦ୍ଯ॥ 8-36-36 (56672)
`ଶଲ୍ଯାଦ୍ଯାହଂ ସଙ୍ଗତଃ ପାଣ୍ଡବେନ
ମୁଚ୍ଯେଯଂ ଚେଜ୍ଜୀବମାନଃ କଥଞ୍ଚିତ୍।
ଶଶ୍ବନ୍ମୃତ୍ଯୋଃ ସ୍ଯାମନାଧୃଷ୍ଯରୂପୋ
ବ୍ଯକ୍ତଂ ତସ୍ମାତ୍ସଂଯୁଗାଦ୍ବିପ୍ରମୁକ୍ତାଃ'॥ 8-36-37 (56673)
ଅସ୍ତ୍ରଂ ବ୍ରାହ୍ମଂ ମନସା ସଞ୍ଜପନ୍ବୈ
ଯଦାଽସ୍ଯତେ କ୍ରୋଧିତଃ ସବ୍ଯସାଚୀ।
ତଦାପି ମେ ନୈବ ମୁଚ୍ଯେତ ପାର୍ଥୋ
ନ ଚେତ୍ପତେଦ୍ବିଷମେ ମେଽଦ୍ଯ ଚକ୍ରମ୍॥ 8-36-38 (56674)
ଅସ୍ତ୍ରାଣି ବିଦ୍ଧ୍ବା ସମରେ ଗତାନି
ବ୍ରାହ୍ମାଣି ଦିବ୍ଯାନ୍ଯଥ ମାନୁଷାଣି।
ଆସାଦଯିଷ୍ଯାମ୍ଯହମୁଗ୍ରବୀର୍ଯଂ
ନାଗୋତ୍ତମଂ ନାଗ ଇବ ପ୍ରଭିନ୍ନଃ॥ 8-36-39 (56675)
ବୈବସ୍ବତାଦ୍ଦଣ୍ଡହସ୍ତାଦ୍ବରୁଣାଦ୍ବାପି ପାଶିନଃ।
ସଗଦାଦ୍ବା ଧନପତେଃ ସବଜ୍ରାଦ୍ବା ସୁରାଧିପାତ୍॥ 8-36-40 (56676)
ଅଥାନ୍ଯସ୍ମାଦପି ସୁରାଦମିତ୍ରାଦାତତାଯିନଃ।
ଇତି ଶଲ୍ଯ ବିଜାନୀହି ଯଥା ନାହଂ ବିଭେମ୍ଯୁତ॥ 8-36-41 (56677)
ତସ୍ମାନ୍ନ ମେ ଭଯଂ ପାର୍ଥାନ୍ନାପି ଚୈବ ଜନାର୍ଦନାତ୍।
ସହ ଯୁଦ୍ଧଂ ହି ମେ ତାଭ୍ଯାଂ ସାମ୍ପରାଯେ ଭବିଷ୍ଯତି॥ 8-36-42 (56678)
ଶ୍ବଭ୍ରେ ତେ ପତତାଂ ଚକ୍ରମିତି ମାଂ ବ୍ରାହ୍ମଣୋଽବ୍ରବୀତ୍।
ଯୁଧ୍ଯମାନସ୍ଯ ସଙ୍ଗ୍ରାମେ ପ୍ରାପ୍ତସ୍ଯୈକାଯନଂ ଭଯମ୍॥ 8-36-43 (56679)
ତସ୍ମାଦ୍ବିଭେମି ବଲବଦ୍ବ୍ରାହ୍ମଣବ୍ଯାହୃତାଦହମ୍।
ଏତେ ହି ସୋମରାଜାନ ଈଶ୍ବରାଃ ସୁଖଦୁଃଖଯୋଃ॥ 8-36-44 (56680)
କଦାଚିବ୍ରାହ୍ମଣସ୍ଯାଥ ଯୋଗ୍ଯହେତେରହଂ ନୃପ।
ଅଜାନନ୍ନକ୍ଷିପଂ ବାଣଂ ଘୋରରୂପଂ ଭଯାବହମ୍॥ 8-36-45 (56681)
ହୋମଧେନ୍ବାସ୍ତତୋ ବତ୍ସଃ ପ୍ରମତ୍ତ ଇଷୁଣା ହତଃ।
ଚରନ୍ବୈ ବିଜନେ ଶଲ୍ଯ ତତୋଽନୁ ବ୍ଯାଜହାର ସଃ॥ 8-36-46 (56682)
ଯସ୍ମାଦ୍ବତ୍ସସ୍ତ୍ବଯା ଚାତ୍ର ହୋମଧେନ୍ବା ହତୋ ନୃପ।
ତସ୍ମାତ୍ତ୍ବମପି ରାଧେଯ ବାକ୍ଶଲ୍ଯଂ ମହଦାପ୍ନୁହି॥ 8-36-47 (56683)
ଶ୍ବଭ୍ରେ ତେ ପତିତା ଚକ୍ରଂ ଯୁଧ୍ଯମାନସ୍ଯ ଶତ୍ରୁଣା।
ପ୍ରାପ୍ତ ଏକାଯନେ କାଲେ ମୃତ୍ଯୁସାଧାରଣେ ତ୍ବଯି॥ 8-36-48 (56684)
ସ୍ପର୍ଧସେ ଯେନ ସଙ୍ଗ୍ରାମେ ଯଦର୍ଥଂ ଘଟସେଽନିଶମ୍।
ତତ ଏବ ଧ୍ରୁବଂ ମୃତ୍ଯୁଂ ସୂତ ପ୍ରାପ୍ସ୍ଯସି ସଂଯୁଗେ॥ 8-36-49 (56685)
ଅହଂ ପ୍ରସାଦଯାଞ୍ଚକ୍ରେ ବ୍ରାହ୍ମଣଂ ସଂଶିତବ୍ରତମ୍॥ 8-36-50 (56686)
ଗବାଂ ଦଶଶତଂ ବିତ୍ତଂ ବଲୀବର୍ଦାଂଶ୍ଚ ଷଟ୍ଶତମ୍।
ପ୍ରଚ୍ଛନ୍ନଂ କାଞ୍ଚନୈଃ କାମଂ ବ୍ରାହ୍ମଣାର୍ଥମହଂ ତଦା॥ 8-36-51 (56687)
ଦାସୀଶତଂ ନିଷ୍କକଣ୍ଠଂ ଶତମଶ୍ବତରୀରଥାନ୍।
କନ୍ଯାନାଂ ନିଷ୍କକଣ୍ଠୀନାଂ ସହସ୍ରଂ ସମଲଂକୃତମ୍॥ 8-36-52 (56688)
ଈଷାଦନ୍ତାନ୍ନାଗଶତାନ୍ଦାସୀଦାସଶତାନି ଚ।
ଦଦ୍ମି ତୈର୍ଦ୍ବିଜମୁଖ୍ଯୋ ମେ ପ୍ରସାଦଂ ନ ଚକାର ସଃ॥ 8-36-53 (56689)
କୃଷ୍ଣାନାଂ ଶ୍ବେତବତ୍ସାନାଂ ଗୋଶତାନି ଚତୁର୍ଦଶ।
ଦଦନ୍ହି ନ ଲଭେ ତସ୍ମାତ୍ପ୍ରସାଦଂ ଦ୍ବିଜସତ୍ତମାତ୍॥ 8-36-54 (56690)
ଯତ୍କିଞ୍ଚିନ୍ମାମକଂ ବିତ୍ତଂ ତ୍ବଦଧୀନଂ କରୋମି ତତ୍।
ଇତି ମାଂ ଯାଚମାନଂ ବୈ ବ୍ରାହ୍ମଣଃ ପ୍ରତ୍ଯବାରଯତ୍।
କ୍ରୋଧଦୀପ୍ତେକ୍ଷଣଃ ଶଳ୍ଯ ନିର୍ଦହନ୍ନିବ ଚକ୍ଷୁଷା॥ 8-36-55 (56691)
ବ୍ଯାହୃତଂ ଯନ୍ମଯା ସୂତ ତତ୍ତଥା ନ ତଦନ୍ଯଥା।
ଅନୃତୋକ୍ତଂ ପ୍ରଜାଂ ହନ୍ଯାତ୍ତତଃ ପାପମବାପ୍ନୁଯାମ୍॥ 8-36-56 (56692)
ତସ୍ମାଦ୍ଧର୍ମାଭିରକ୍ଷାର୍ଥଂ ନାନୃତଂ ବକ୍ତୁମୁତ୍ସହେ।
ମା ତ୍ବଂ ବ୍ରହ୍ମଗତିଂ ହିଂସ୍ଯାଃ ପ୍ରାଯଶ୍ଚିତ୍ତଂ କୃତଂ ତ୍ବଯା॥ 8-36-57 (56693)
ମଦ୍ବାକ୍ଯଂ ନାନୃତଂ ଲୋକେ କଶ୍ଚିତ୍କୁର୍ଯାତ୍ସମାପ୍ନୁହି।
`ଯନ୍ମଯୋକ୍ତଂ ସରୋଷେଣ ଗଚ୍ଛ ସୂତଜ ମାଚିରମ୍॥ 8-36-58 (56694)
ଇତି ମାମସକୃତ୍କ୍ରୁଦ୍ଧଃ ସ ଉବାଚ ଦ୍ବିଜୋତ୍ତମଃ।
ଏତେ ହି ସୋମରାଜାନ ଈଶ୍ବରାଃ ସୁଖଦୁଃଖଯୋଃ॥ 8-36-59 (56695)
ନାହଂ ବିଭେମି ବୀଭତ୍ସୋର୍ନ ଶଲ୍ଯ ମଧୁସୂଦନାମ୍।
ତସ୍ମାଦ୍ବିଭେମ୍ଯହଂ ଶାପାତ୍ତେନ ସତ୍ଯେନ ତେ ଶପେ॥ 8-36-60 (56696)
ସହ ଯୁଦ୍ଧଂ ସମେତାଭ୍ଯାମଦ୍ଯେଦଂ ସମୁପସ୍ଥିତମ୍।
ଯୁଦ୍ବେଽସ୍ମିଞ୍ଜୀବିତଂ ମେଽଦ୍ଯ ଶଲ୍ଯ ସଂଶଯମାଗତମ୍॥ 8-36-61 (56697)
ଶକ୍ରୋଽପ୍ଯମରରାଟ୍ ତାଭ୍ଯାମୁପଗମ୍ଯାହବଂ ସହ।
ସଂଶଯଂ ପରମଂ ଗଚ୍ଛେତ୍କଥଂ ବା ମନ୍ଯତେ ଭବାନ୍॥ 8-36-62 (56698)
ଇତ୍ଯେବଂ ତେ ମଯାଽଽଖ୍ଯାତଂ କ୍ଷିପ୍ତେନ ନ ସୁହୃତ୍ତଯା।
ଜାନାମି ତ୍ବାଽଧିକ୍ଷିପନ୍ତଂ ଦୋଷମାତ୍ମଗତଂ ଶୃଣୁ'॥ ॥ 8-36-63 (56699)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଷଟ୍ତତ୍ରିଂଶୋଽଧ୍ଯାଯଃ॥ 36 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.37. ଅଧ୍ଯାଯଃ 037
Mahabharata - Karna Parva - Chapter Topics
କର୍ଣେନ ସୋପହାସଂ ଶଲ୍ଯଗର୍ହଣମ୍॥ 1 ॥
Mahabharata - Karna Parva - Chapter Text
8-37-0 (56700)
ସଞ୍ଜଯ ଉବାଚ। 8-37-0x (4933)
ତତଃ ପୁନର୍ମହାରାଜ ମଦ୍ରରାଜମରିନ୍ଦମଃ।
ଅଭ୍ଯଭାଷତ ରାଧେଯଃ ସନ୍ନିବାର୍ଯୋତ୍ତରଂ ବଚଃ॥ 8-37-1 (56701)
ନିର୍ଭର୍ତ୍ସନାର୍ଥଂ ଶଲ୍ଯ ତ୍ବଂ ଯତ୍ତୁ ଜଲ୍ପିତବାନସି।
ନାହଂ ଶକ୍ଯସ୍ତ୍ବଯା ବାଚା ବିଭୀଷଯିତୁମାହବେ॥ 8-37-2 (56702)
ଯଦି ମାଂ ଦେବତାଃ ସର୍ବା ଯୋଧଯେଯୁଃ ସବାସବାଃ।
ତଥାପି ମେ ଭଯଂ ନ ସ୍ଯାତ୍କିମୁ ପାର୍ଥାତ୍ସକେଶବାତ୍॥ 8-37-3 (56703)
ନାହଂ ଭୀଷଯିତୁଂ ଶକ୍ଯଃ ଶୁଦ୍ଧକର୍ଣା ମହାହବେ।
ଅଭିଜାନୀହି ଶକ୍ତସ୍ତ୍ବମନ୍ଯଂ ଭୀଷଯିତୁଂ ରଣେ॥ 8-37-4 (56704)
ନୀଚସ୍ଯ ବଲମେତାବତ୍ପାରୁଷ୍ଯଂ ଯତତ୍ତ୍ବମାତ୍ଥ ମାମ୍।
ଅଶକ୍ତୋ ହି ଗୁଣାନ୍ବକ୍ତୁଂ ବଲ୍ଗସେ ବହୁ ଦୁର୍ମତେ॥ 8-37-5 (56705)
ନ ହି କର୍ଣଃ ସମୁଦ୍ଭୂତୋ ଭଯାର୍ଥମିହ ମଦ୍ରକ।
ବିକ୍ରମାର୍ଥମହଂ ଜାତୋ ଯଶୋର୍ଥଂ ଚ ତଥାଽଽତ୍ମନଃ॥ 8-37-6 (56706)
ସଖିଭାବେନ ସୌହାର୍ଦାନ୍ମିତତ୍ରଭାବେନ ଚୈବ ହି।
କାରଣୈସ୍ତ୍ରିଭିରେତୈସ୍ତ୍ବଂ ଶଲ୍ଯ ଜୀବସି ସାମ୍ପ୍ରତମ୍॥ 8-37-7 (56707)
ରାଜ୍ଞଶ୍ଚ ଧାର୍ତରାଷ୍ଟ୍ରସ୍ଯ କାର୍ଯଂ ସୁମହଦୁଦ୍ଯତମ୍।
ମଯି ତଚ୍ଚାହିତଂ ଶଲ୍ଯ ତେନ ଜୀବସି ମେ କ୍ଷଣମ୍॥ 8-37-8 (56708)
କୃତଶ୍ଚ ସମଯଃ ପୂର୍ବଂ କ୍ଷନ୍ତବ୍ଯଂ ବିପ୍ରିଯଂ ତବ।
`ସମଯଃ ପରିପାଲ୍ଯୋ ମେ ତେନ ଜୀବସି ସାମ୍ପ୍ରତମ୍'॥ 8-37-9 (56709)
ଋତେ ଶଲ୍ଯସହସ୍ରେଣ ବିଜଯେଯମହଂ ପରାନ୍।
ମିତ୍ରଦ୍ରୋହସ୍ତୁ ପାପୀଯାନିତି ଜୀବସି ସାମ୍ପ୍ରତମ୍॥ 8-37-10 (56710)
ଶଲ୍ଯ ଉବାଚ। 8-37-11x (4934)
ଆର୍ତପ୍ରଲାପାଂସ୍ତ୍ବଂ କର୍ଣ ଯାନ୍ବ୍ରବୀଷି ପରାନ୍ପ୍ରତି।
ନ ତେ କର୍ଣସହସ୍ରେଣ ଶକ୍ଯା ଜେତୁଂ ପରେ ଯୁଧି॥ 8-37-11 (56711)
ସଞ୍ଜଯ ଉବାଚ। 8-37-12x (4935)
ତଥା ବ୍ରୁବନ୍ତଂ ପରୁଷଂ କର୍ଣୋ ମଦ୍ରାଧିପଂ ତଦା।
ପରୁଷଂ ଦ୍ବିଗୁଣଂ ଭୂଯଃ ପ୍ରୋବାଚାପ୍ରିଯଦର୍ଶନମ୍॥ 8-37-12 (56712)
ଇଦଂ ତ୍ବମେକାଗ୍ରମନାଃ ଶୃଣୁ ମଦ୍ରଜନାଧିପ।
ସନ୍ନିଧୌ ଧୃତରାଷ୍ଟ୍ରସ୍ଯ ପ୍ରୋଚ୍ଯମାନଂ ମଯା ଶ୍ରୁତମ୍॥ 8-37-13 (56713)
ଦେଶାଂଶ୍ଚ ବିବିଧାଂଶ୍ଚିତ୍ରାନ୍ପୂର୍ବବୃତ୍ତାଂଶ୍ଚ ପାର୍ଥିବାନ୍।
ବ୍ରାହ୍ମଣାଃ କଥଯନ୍ତି ସ୍ମ ଧୃତରାଷ୍ଟ୍ରନିବେଶନେ॥ 8-37-14 (56714)
ତତ୍ର ବୃଦ୍ଧଃ ପୁରାବୃତ୍ତାଃ କଥାଃ କଶ୍ଚିଦ୍ଦ୍ବିଜୋତ୍ତମଃ।
ବାହ୍ଲୀକଦେଶଂ ମଦ୍ରାଂଶ୍ଚ କୁତ୍ସଯନ୍ବାକ୍ଯମବ୍ରବୀତ୍॥ 8-37-15 (56715)
ବହିଷ୍କୃତା ହିମବତତା ଗଙ୍ଗଯା ଚ ତିରସ୍କୃତାଃ।
ସରସ୍ବତ୍ଯା ଯମୁନଯା କୁରୁକ୍ଷେତ୍ରେଣ ଚାପି ଯେ॥ 8-37-16 (56716)
ପଞ୍ଚାନାଂ ସିନ୍ଧୁଷଷ୍ଠାନାଂ ନଦୀନାଂ ଯେଽନ୍ତରାଶ୍ରିତାଃ।
ତାନ୍ଧର୍ମବାହ୍ଯାନଶୁଚୀନ୍ବାହ୍ଲୀକାନପି ବର୍ଜଯେତ୍॥ 8-37-17 (56717)
ଗୋବର୍ଧନୋ ନାମ ବଟଃ ସୁଭାଣ୍ଡଂ ନାମ ପତ୍ତନମ୍।
ଏତଦ୍ରାଜନ୍କଲିଦ୍ବାରମାକୁମାରାତ୍ସ୍ମରାମ୍ଯହମ୍॥ 8-37-18 (56718)
କାର୍ଯେଣାତ୍ଯର୍ଥଗୂଢେନ ବାହ୍ଲୀକେଷୂଷିତଂ ମଯା।
ତତ ଏଷାଂ ସମାଚାରଃ ସଂବାସାଦ୍ବିଦିତୋ ମଯା॥ 8-37-19 (56719)
ଶାକଲଂ ନାମ ନଗରମାପଗାନାମନିମ୍ନଗା।
ଚଣ୍ଡାଲା ନାମ ବାହ୍ଲୀକାସ୍ତେଷାଂ ବୃତ୍ତଂ ସୁନିନ୍ଦିତମ୍॥ 8-37-20 (56720)
ପାନଂ ଗୁଡାସବଂ ପୀତ୍ବା ଗୋମାଂସଂ ଲଶୁନୈଃ ସହ।
ଅପୂପସକ୍ତୁମଦ୍ଯାନାମାଶିତାଃ ଶୀଲବର୍ଜିତାଃ॥ 8-37-21 (56721)
ଗାଯନ୍ତ୍ଯଥ ଚ ନୃତ୍ଯନ୍ତି ସ୍ତ୍ରିଯୋ ମତ୍ତା ବିବାସସଃ।
ନଗରାପଣବେଶେଷୁ ବହିର୍ମାଲ୍ଯାନୁଲେପନାଃ॥ 8-37-22 (56722)
ମତ୍ତାଃ ପ୍ରଗୀତବିରୁତୈଃ ଖରୋଷ୍ଟ୍ରନିନଦୋପମୈଃ।
ଅନାବୃତା ମୈଥୁନେ ତାଃ କାମଚାରାଶ୍ଚ ସର୍ବଶଃ॥ 8-37-23 (56723)
ଆହୁରନ୍ଯୋନ୍ଯସୂକ୍ତାନି ପ୍ରବ୍ରୁବାଣା ମଦୋତ୍କxxxଃ।
ହେହତେହେହତେତ୍ଯେବଂ ସ୍ବାମିଭର୍ତୃହତେତି ଚ॥ 8-37-24 (56724)
ଆକ୍ରୋଶନ୍ତ୍ଯଃ ପ୍ରନୃତ୍ଯନ୍ତି ବ୍ରାତ୍ଯାଃ ପର୍ବସ୍ବସଂଯତାଃ।
ତାସାଂ କିଲାବଲିପ୍ତାନାଂ ନିବସନ୍କୁରୁଜାଙ୍ଗଲେ॥ 8-37-25 (56725)
କଶ୍ଚିଦ୍ବାହ୍ଲୀକଦୁଷ୍ଟାନାଂ ନାତିହୃଷ୍ଟମନା ଜଗୌ।
ସା ନୂନଂ ବୃହତୀ ଗୌରୀ ସୂକ୍ଷ୍ମକମ୍ବଲବାସିନୀ॥ 8-37-26 (56726)
ମାମନୁସ୍ମରତୀ ଶେତେ ବାହ୍ଲୀକଂ କୁରୁବାସିନମ୍।
ଶତଦ୍ରୁଂ ନୁ କଦା ତୀର୍ତ୍ବା ତାଂ ଚ ରମ୍ଯାମିରାବତୀମ୍।
ଗତ୍ବା ସ୍ବଦେଶଂ ଦ୍ରକ୍ଷ୍ଯାମି ସ୍ଥୂଲଜଙ୍ଘାଃ ଶୁଭାଃ ସ୍ତ୍ରିଯଃ॥ 8-37-27 (56727)
ମନଃଶିଲୋଜ୍ଜ୍ବଲାପାଙ୍ଗ୍ଯୋ ଗୌର୍ଯସ୍ତାଃ କାକୁକୂଜିତାଃ।
କମ୍ବଲାଜିନସଂବୀତା ରୁଦନ୍ତ୍ଯଃ ପ୍ରିଯଦର୍ଶନାଃ॥ 8-37-28 (56728)
ମୃଦଙ୍ଗାନକଶଙ୍ଖାନାଂ ମର୍ଦଲାନାଂ ଚ ନିଃସ୍ବନୈଃ।
ଖରୋଷ୍ଟ୍ରାଶ୍ବତରୈଶ୍ଚୈବ ମତ୍ତା ଯାସ୍ଯାମହେ ସୁଖମ୍॥ 8-37-29 (56729)
ଶମୀପୀଲୁକରୀରାଣାଂ ବନେଷୁ ସୁଖବର୍ତ୍ମସୁ।
ଅପୂପାନ୍ସକ୍ତୁପିଣ୍ଡାଂଶ୍ଚ ପ୍ରାଶ୍ନନ୍ତୋ ମଥିତାନ୍ବିତାନ୍॥ 8-37-30 (56730)
ପଥିଷୁ ପ୍ରବଲୋ ଭୂତ୍ବା ତଥା ସମ୍ପତତୋଽଧ୍ବଗାନ୍।
ଚେଲାପହାରଂ କୁର୍ବାଣାସ୍ତାଡଯିଷ୍ଯାମ ଭୂଯସଃ॥ 8-37-31 (56731)
ଏବଂଶୀଲେଷୁ ବ୍ରାତ୍ଯେଷୁ ବାହ୍ଲୀକେଷୁ ଦୁରାତ୍ମସୁ।
କଶ୍ଚେତଯାନୋ ନିବସେନ୍ମୁହୂର୍ତମପି ମାନବଃ॥ 8-37-32 (56732)
କର୍ଣ ଉବାଚ। 8-37-33x (4936)
ଈଦୃଶା ବ୍ରାହ୍ମଣେନୋକ୍ତା ବାହ୍ଲୀକା ମୋଘଚାରିଣଃ।
ଯେଷାଂ ଷଡ୍ଭାଗହର୍ତା ତ୍ବମୁଭଯୋଃ ପୁଣ୍ଯପାପଯୋଃ॥ 8-37-33 (56733)
ଇତ୍ଯୁକ୍ତ୍ବା ବ୍ରାହ୍ମଣଃ ସାଧୁରୁତ୍ତରଂ ପୁନରୁକ୍ତବାନ୍।
ବାହ୍ଲୀକେଷ୍ବବିନୀତେଷୁ ପ୍ରୋଚ୍ଯମାନଂ ନିବୋଧ ତତ୍॥ 8-37-34 (56734)
ତତତ୍ର ସ୍ମ ରାକ୍ଷସୀ ଗାତି କୃଷ୍ଣଚତୁର୍ଦଶୀମ୍।
ନଗରେ ଶାକଲେ ସ୍ଫୀତେ ଆହତ୍ଯ ନିଶି ଦୁନ୍ଦୁଭିମ୍॥ 8-37-35 (56735)
କଥଂ ବସ୍ତାଦୃଶୋ ଗାଥାଃ ପୁନର୍ଗାସ୍ଯାମି ଶାକଲେ।
ଗବ୍ଯସ୍ଯ ତୃପ୍ତା ମାଂସସ୍ଯ ପୀତ୍ବା ଗୌଡଂ ସୁରାସବମ୍॥ 8-37-36 (56736)
ଗୌରୀଭିଃ ସହ ନାରୀଭିର୍ବୃହତୀଭିଃ ସ୍ବଲଙ୍କୃତା।
ପଲାଣ୍ଡୁଗଣ୍ଡୂଷଯୁତାଃ ଖାଦନ୍ତଶ୍ଚେଶିକାନ୍ବହୂନ୍॥ 8-37-37 (56737)
ବାରାହଂ କୌକ୍କୁଟଂ ମାଂସଂ ଗବ୍ଯଂ ଗାର୍ଦଭମୌଷ୍ଟ୍ରକମ୍।
ଧାନାଶ୍ଚ ଯେ ନ ଖାଦନ୍ତି ତେଷାଂ ଜନ୍ମ ନିରର୍ଥକମ୍॥ 8-37-38 (56738)
ଏବଂ ଗାଯନ୍ତି ଯେ ମତ୍ତାଃ ଶୀଧୁନା ପୀଲୁକାବନେ।
ସବାଲବୃଦ୍ଧାଃ କ୍ରନ୍ଦନ୍ତି ତେଷାଂ ଧର୍ମଃ କଥଂ ଭବେତ୍॥ 8-37-39 (56739)
ଯତ୍ର ଲୋକେଶ୍ବରଃ କୃଷ୍ଣୋ ଦେବଦେବୋ ଜନାର୍ଦନଃ।
ବିସ୍ମୃତଃ ପୁରୁଷୈରୁଗ୍ରୈସ୍ତେଷାଂ ଧର୍ମଃ କଥଂ ଭବେତ୍॥ 8-37-40 (56740)
ଇତି ଶଲ୍ଯ ବିଜାନୀହି ହନ୍ତ ଭୂଯୋ ବ୍ରବୀମି ତେ।
ଯଦନ୍ଯୋପ୍ଯୁକ୍ତବାନସ୍ମାନ୍ବ୍ରାହ୍ମଣଃ କୁରୁସଂସଦି॥ 8-37-41 (56741)
ପଞ୍ଚନଦ୍ଯୋ ବହନ୍ତ୍ଯେତା ଯତ୍ର ପୀଲୁବନାନ୍ଯୁତ।
ଶତଦ୍ରୁଶ୍ଚ ବିପାଶା ଚ ତୃତୀଯୈରାବତୀ ତଥା॥ 8-37-42 (56742)
ଚନ୍ଦ୍ରଭାଗା ବିତସ୍ତା ଚ ସିନ୍ଧୁଷଷ୍ଠା ମହାନଦୀ।
ଆରଟ୍ଟା ନାମ ବହ୍ଲୀକା ଏତେଷ୍ବାର୍ଯୋ ହି ନୋ ବସେତ୍॥ 8-37-43 (56743)
ବ୍ରାତ୍ଯାନାଂ ଦାସମୀଯାନାଂ ବିଦେହାନାମଯଜ୍ବନାମ୍।
ନ ଦେବାଃ ପ୍ରତିଗୃହ୍ଣନ୍ତି ପିତରୋ ବ୍ରାହ୍ମଣାସ୍ତଥା॥ 8-37-44 (56744)
ତେଷାଂ ପ୍ରନଷ୍ଟଧର୍ମାଣାଂ ବାହ୍ଲୀକାନାମିତି ଶ୍ରୁତିଃ।
ବ୍ରାହ୍ମଣେନ ଯଥା ପ୍ରୋକ୍ତଂ ବିଦୁଷା ସାଧୁସଂସଦି॥ 8-37-45 (56745)
କାଷ୍ଠକୁଣ୍ଡେଷୁ ବାହ୍ଲୀକା ମୃଣ୍ମଯେଷୁ ଚ ଭୁଞ୍ଜତେ।
ସକ୍ତୁମଦ୍ଯାବଲିପ୍ତେଷୁ ଶ୍ବାବଲୀଢେଷୁ ନିର୍ଘୃଣାଃ॥ 8-37-46 (56746)
ଆବିକଂ ଚୌଷ୍ଟ୍ରିକଂ ଚୈବ କ୍ଷୀରଂ ଗାର୍ଦଭମେବ ଚ।
ତଦ୍ବିକାରାଂଶ୍ଚ ବାହ୍ଲୀକାଃ ଖାଦନ୍ତି ଚ ପିବନ୍ତି ଚ॥ 8-37-47 (56747)
ପାତ୍ରସଙ୍କରିଣୋ ଜାଲ୍ମାଃ ସର୍ବାନ୍ନକ୍ଷୀରଭୋଜନାଃ।
ଆରଟ୍ଟା ନାମ ବାହ୍ଲୀକା ବର୍ଜନୀଯା ବିପଶ୍ଚିତା॥ 8-37-48 (56748)
ଇତି ଶଲ୍ଯ ବିଜାନୀହି ହନ୍ତ ଭୂଯୋ ବ୍ରବୀମି ତେ।
ଯଦନ୍ଯୋଽପ୍ଯୁକ୍ତବାନ୍ମହ୍ଯଂ ବ୍ରାହ୍ମଣଃ କୁରୁସଂସଦି॥ 8-37-49 (56749)
ଯୁଗନ୍ଧରେ ପଯଃ ପୀତ୍ବା ପ୍ରୋଷ୍ଯ ଚାପ୍ଯଚ୍ଯୁତସ୍ଥଲେ।
ତଦ୍ବଦ୍ଭୂତିଲଯେ ସ୍ନାତ୍ବା କଥଂ ସ୍ବର୍ଗଂ ଗମିଷ୍ଯତି॥ 8-37-50 (56750)
ପଞ୍ଚନଦ୍ଯୋ ବହନ୍ତ୍ଯେତା ଯତ୍ର ନିଃସୃତ୍ଯ ପର୍ବତାତ୍।
ଆରଟ୍ଟା ନାମ ବାହ୍ଲୀକା ନ ତେଷ୍ବାର୍ଯୋ ଦ୍ବ୍ଯହଂ ବସେତ୍॥ 8-37-51 (56751)
ବାହ୍ଲୀକା ନାମ ହୀକଶ୍ଚ ବିପାଶାଯାଂ ପିଶାଚକୌ।
ତଯୋରପତ୍ଯଂ ବାହ୍ଲୀକା ନୈଷା ସୃଷ୍ଟିଃ ପ୍ରଜାପତେଃ॥ 8-37-52 (56752)
ତେ କଥଂ ବିବିଧାନ୍ଧର୍ମାଞ୍ଜ୍ଞାସ୍ଯନ୍ତେ ହୀନଯୋନଯଃ॥ 8-37-53 (56753)
କାରସ୍କରାନ୍ମାହିଷକାନ୍କରମ୍ଭାନ୍କଟକାଲିକାନ୍।
କର୍କରାନ୍ବୀରକାନ୍ବୀରା ଉନ୍ମତ୍ତାଂଶ୍ଚ ବିବର୍ଜଯେତ୍॥ 8-37-54 (56754)
ଇତି ତୀର୍ଥାନୁସଞ୍ଚାରୀ ରାକ୍ଷସୀ କାଚିଦବ୍ରବୀତ୍।
ଏକରାତ୍ରମୁଷିତ୍ବେହ ମହୋଲୂଖଲମେଖଲା॥ 8-37-55 (56755)
ଆରଟ୍ଟା ନାମ ତେ ଦେଶା ବାହ୍ଲୀକଂ ନାମ ତଦ୍ବନମ୍।
ବସାତିସିନ୍ଧୁସୌବୀରା ଇତି ପ୍ରାଯୋଽତିକୁତ୍ସିତାଃ॥ ॥ 8-37-56 (56756)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତତ୍ରିଂଶୋଽଧ୍ଯାଯଃ॥ 37 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.38. ଅଧ୍ଯାଯଃ 038
Mahabharata - Karna Parva - Chapter Topics
ଶଲ୍ଯକର୍ଣଯୋର୍ବାକ୍କଲହଃ॥ 1 ॥ ଦୁର୍ଯୋଧନେନ ତଯୋଃ ସାନ୍ତ୍ବନମ୍॥ 2 ॥
Mahabharata - Karna Parva - Chapter Text
8-38-0 (56757)
କର୍ଣ ଉବାଚ। 8-38-0x (4937)
ଇତି ଶଲ୍ଯ ବିଜାନୀହି ହନ୍ତ ଭୂଯୋ ବ୍ରବୀମି ତେ।
ଉନ୍ଯମାନଂ ମଯା ସମ୍ଯକ୍ତ୍ବମେକାଗ୍ରମନାଃ ଶୃଣୁ॥ 8-38-1 (56758)
ବ୍ରାହ୍ମଣଃ କିଲ ନୋ ଗେହମଧ୍ଯଗଚ୍ଛତ୍ପୁରାଽତିଥିଃ।
ଆଚାରଂ ତତ୍ର ସମ୍ପ୍ରେକ୍ଷ୍ଯ ପ୍ରୀତୋ ବଚନମବ୍ରବୀତ୍॥ 8-38-2 (56759)
ମଯା ହିମବତଃ ଶୃଙ୍ଗମେକେନାଧ୍ଯୁଷିତଂ ଚିରମ୍।
ଦୃଷ୍ଟାଶ୍ଚ ବହବୋ ଦେଶା ନାନାଧର୍ମସମାବୃତାଃ॥ 8-38-3 (56760)
ନ ଚ କେନ ଚ ଧର୍ମେଣ ବିରୁଧ୍ଯନ୍ତେ ପ୍ରଜା ଇମାଃ।
ସର୍ବାଶ୍ଚାପ୍ଯାଚରନ୍ଧର୍ମଂ ଯଦୁକ୍ତଂ ବେଦପାରଗୈଃ॥ 8-38-4 (56761)
ଅଟତା ତୁ ମଯା ଦେଶାନ୍ନାନାଧର୍ମସମାକୁଲାନ୍।
ଆଗଚ୍ଛତା ମହାରାଜ ବାହ୍ଲୀକେଷୁ ନିଶାମିତମ୍॥ 8-38-5 (56762)
ତତ୍ର ବୈ ବ୍ରାହ୍ମଣୋ ଭୂତ୍ବା ପୁନର୍ଭବତି କ୍ଷତ୍ରିଯଃ।
ବୈଶ୍ଯଃ ଶୂଦ୍ରଶ୍ଚ ବାହ୍ଲୀକସ୍ତତୋ ଭବତି ନାପିତଃ॥ 8-38-6 (56763)
ନାପିତଶ୍ଚ ତତୋ ଭୂତ୍ବା ପୁନର୍ଭବତି ବ୍ରାହ୍ମଣଃ।
ଦ୍ବିଜୋ ଭୂତ୍ବା ଚ ତତ୍ରୈବ ପୁନର୍ଦାସୋଽଭିଜାଯତେ॥ 8-38-7 (56764)
ଭବନ୍ତ୍ଯେକକୁଲେ ବିପ୍ରାଃ ଶିଷ୍ଟା ଯେ କାମଚାରିଣଃ।
ଗାନ୍ଧାରା ମଦ୍ରକାଶ୍ଚୈବ ବାହ୍ଲୀକାଶ୍ଚାପ୍ଯତେଜସଃ॥ 8-38-8 (56765)
ଏତନ୍ମଯା ଶ୍ରୁତଂ ତତ୍ର ଧର୍ମସଙ୍କରକାରକମ୍।
କୃତ୍ସ୍ନାମଟିତ୍ବା ପୃଥିବୀଂ ବାହ୍ଲୀକେଷୁ ବିପର୍ଯଯଃ॥ 8-38-9 (56766)
ଇତି ଶଲ୍ଯ ବିଜାନୀହି ହନ୍ତ ଭୂଯୋ ବ୍ରବୀମି ତେ।
ଯଦପ୍ଯନ୍ଯୋଽବ୍ରବୀଦ୍ବାକ୍ଯଂ ବାହ୍ଲୀକାନାଂ ବିକୁତ୍ସିତଂ॥ 8-38-10 (56767)
ଆନୀଯେହାକ୍ଷତା କାଚିଦାରଟ୍ଟାତ୍କିଲ ଦସ୍ଯୁଭିଃ।
ଅଧର୍ମତଶ୍ଚୋପଯାତା ସା ତାନଭ୍ଯଶପତ୍ତତଃ॥ 8-38-11 (56768)
ବାଲାଂ ବନ୍ଧୁମତୀଂ ଯନ୍ମାମଧର୍ମେଣୋପଗଚ୍ଛଥ।
ତସ୍ମାତ୍କୁମାର୍ଯଃ ସ୍ବୈରିଣ୍ଯୋ ଭବିଷ୍ଯନ୍ତି କୁଲେଷୁ ବଃ॥ 8-38-12 (56769)
ନ ଚୈବାସ୍ମାତ୍ପ୍ରମୋକ୍ଷଧ୍ବଂ ଘୋରାଚ୍ଛାପାନ୍ନରାଧମାଃ।
ତସ୍ମାତ୍ତେଷାଂ ଭାଗହରଃ କଥଂ ଧର୍ମାନ୍ବଦିଷ୍ଯସି॥ 8-38-13 (56770)
କୁରବଃ ସହପାଞ୍ଚାଲାଃ ସାଲ୍ବା ମାତ୍ସ୍ଯାଃ ସନୈମିଶାଃ।
କୋସଲାଃ କାଶପୌଣ୍ଡ୍ରାଶ୍ଚ କାଲିଙ୍ଗା ମାଗଧାସ୍ତଥା॥ 8-38-14 (56771)
ଚେଦଯଶ୍ଚ ମହାଭାଗା ଧର୍ମଂ ଜାନନ୍ତି ଶାଶ୍ବତମ୍।
ନାନାଦେଶେଷ୍ବସନ୍ତଶ୍ଚ ପ୍ରାଯୋ ବାହ୍ଯାଲଯାନୃତେ॥ 8-38-15 (56772)
ଆମତ୍ସ୍ଯେଭ୍ଯଃ କୁରୁପାଞ୍ଚାଲସାଲ୍ବା
ଆନୈମିଶାଚ୍ଚେଦଯୋ ଯେ ବିଶିଷ୍ଟାଃ।
ଧର୍ମଂ ପୁରାଣମୁପଜୀବନ୍ତି ସନ୍ତୋ
ମଦ୍ରାନୃତେ ପାଞ୍ଚନଦାଂଶ୍ଚ ଜିହ୍ମାନ୍॥ 8-38-16 (56773)
ଏବଂ ବିଦ୍ବାନ୍ଧର୍ମକଥାସୁ ରାଜଂ--
ସ୍ତୂଷ୍ଣୀଂଭୂତଃ ଶଲ୍ଯ ଭବେଃ ସଦା ତ୍ବମ୍।
ତ୍ବଂ ତସ୍ଯ ଗୋପ୍ତା ଚ ଜନସ୍ଯ ରାଜା
ଷଡ୍ଭାଗହର୍ତା ଶୁଭଦୁଷ୍କୃତସ୍ଯ॥ 8-38-17 (56774)
ଅଥବା ଦୁଷ୍କୃତସ୍ଯ ତ୍ବଂ ହର୍ତା ତେଷାମରକ୍ଷିତା।
ରକ୍ଷିତା ପୁଣ୍ଯଭାଗ୍ରାଜା ପ୍ରଜାନାଂ ତ୍ବଂ ହ୍ଯପୁଣ୍ଯଭାକ୍॥ 8-38-18 (56775)
ପୂଜ୍ଯମାନେ ପୁରା ଧର୍ମେ ସର୍ବଦେଶେଷୁ ଶାଶ୍ବତେ।
ଧର୍ମଂ ପାଞ୍ଚନଦଂ ଦୃଷ୍ଟ୍ବା ଧିଗିତ୍ଯାହ ପିତାମହଃ॥ 8-38-19 (56776)
ବ୍ରାତ୍ଯାନାଂ ଦାଶକୀଯାନାଂ କୃତେଽପ୍ଯଶୁଭକର୍ମଣାମ୍।
ବ୍ରହ୍ମଣା ନିନ୍ଦିତାନ୍ଧର୍ମାନ୍କଶ୍ଚିତ୍ସିଦ୍ଧାତ୍ମକୋଽବ୍ରବୀତ୍॥ 8-38-20 (56777)
ଇତି ପାଞ୍ଚନଦଂ ଧର୍ମବମେନେ ପିତାମହଃ।
ସ୍ବଧର୍ମସ୍ଥେଷୁ ବର୍ଣେଷୁ ସୋଽପ୍ଯେତାନ୍ନାଭ୍ଯପୂଜଯତ୍॥ 8-38-21 (56778)
ଇତି ଶଲ୍ଯ ବିଜାନୀହି ହନ୍ତ ଭୂଯୋ ବ୍ରବୀମି ତେ।
କଲ୍ମାଷପାଦଃ ସରସି ନିମ଼ଜ୍ଜନ୍ରାକ୍ଷସୋଽବ୍ରବୀତ୍॥ 8-38-22 (56779)
କ୍ଷତ୍ରିଯସ୍ଯ ମଲଂ ଭୈକ୍ଷ୍ଯଂ ବ୍ରାହ୍ମଣସ୍ଯାଶ୍ରୁତଂ ମଲମ୍।
ମଲଂ ପୃଥିବ୍ଯା ବାହ୍ଲୀକାଃ ସ୍ତ୍ରୀଣାଂ କୌତୂହଲଂ ମଲମ୍॥ 8-38-23 (56780)
ନିମଜ୍ଜମାନମୁଦ୍ଧୃତ୍ଯ କଶ୍ଚିଦ୍ରାଜା ନିଶାଚରମ୍।
ଅପୃଚ୍ଛତ୍ତେନ ଚାଖ୍ଯାତଂ ତଚ୍ଛୃଣୁଷ୍ବ ନରାଧିପ॥ 8-38-24 (56781)
ମାନୁଷାଣାଂ ମଲଂ ମ୍ଲେଚ୍ଛା ମ୍ଲେଚ୍ଛାନାଂ ମୁଷ୍ଟିକା ମଲମ୍।
ମୁଷ୍ଟିକାନାଂ ମଲଂ ଷଣ୍ଢାଃ ଷଣ୍ଢାନାଂ ରାଜଯାଜକାଃ॥ 8-38-25 (56782)
ରାଜଯାଜକଯାଜ୍ଯାନାଂ ମଦ୍ରକାଣାଂ ଚ ଯନ୍ମଲମ୍।
ତଦ୍ଭବେଦ୍ବୈ ତବ ମଲଂ ଯଦ୍ଯସ୍ମାନ୍ନ ବିମୁଞ୍ଚସି॥ 8-38-26 (56783)
ଇତି ରକ୍ଷୋପସୃଷ୍ଟେଷୁ ବିଷବୀର୍ଯହତେଷୁ ଚ।
ବିଦ୍ବଦ୍ଭିର୍ଭେଷଜଂ ଦୃଷ୍ଟଂ ସଂସିଦ୍ଧବଚନୋତ୍ତରମ୍॥ 8-38-27 (56784)
ବ୍ରାହଯାଃ ପଞ୍ଚାଲାଃ କୌରବେଯାସ୍ତୁ ଧର୍ମ୍ଯାଃ
ସତ୍ଯା ମତ୍ସ୍ଯାଃ ଶୂରସେନାଶ୍ଚ ଯାଜ୍ଯାଃ।
ପ୍ରାଚ୍ଯା ଦାସା ବୃଷଲା ଦାକ୍ଷିଣାତ୍ଯାଃ
ସ୍ତେନା ବାହ୍ଲୀକାଃ ସଙ୍କାର ବୈ ସୁରାଷ୍ଟ୍ରାଃ॥ 8-38-28 (56785)
କୃତଘ୍ନତା ପରବିତ୍ତାପହାରୋ
ମଦ୍ଯପାନଂ ଗୁରୁଦାରାବମର୍ଦଃ।
ବାକ୍ପାରୁଷ୍ଯଂ ଗୋବଧୋ ରାତ୍ରିଚର୍ଯା
ବହିର୍ଗେହଂ ପରବସ୍ତ୍ରୋପଭୋଗଃ॥ 8-38-29 (56786)
ଯେଷାଂ ଧର୍ମସ୍ତାନ୍ପ୍ରତି ନାସ୍ତ୍ଯଧର୍ମୋ
ହ୍ଯାରଟ୍ଟଜାନ୍ପାଞ୍ଚନଦାନ୍ଧିଗସ୍ତୁ।
ଆପାଞ୍ଚାଲାଃ କୁରବୋ ନୈମିଶାଶ୍ଚ
ମତ୍ସ୍ଯାଶ୍ଚୈବାପ୍ଯନୁଜାନନ୍ତି ଧର୍ମମ୍।
ଅଥୋଦୀଚ୍ଯାଶ୍ଚୋଦଯୋ ଭାଗଧାଶ୍ଚ
ଶିଷ୍ଟାନ୍ଧର୍ମାନୁପଜୀବନ୍ତି ବୃଦ୍ଧାଃ॥ 8-38-30 (56787)
ପ୍ରାଚୀଂ ଦିଶଂ ଶ୍ରିତା ଦେବା ଜାତବେଦଃପୁରୋଗମାଃ।
ଦକ୍ଷିଣା ପିତୃଭିର୍ଗୁପ୍ତା ଯମେନ ଶୁଭକର୍ମଣା॥ 8-38-31 (56788)
ପ୍ରତୀଚୀଂ ବରୁଣଃ ପାତି ପାଲଯନ୍ନସୁରାନ୍ବହୂନ୍।
ଉଦୀଚୀଂ ଭଗବାନ୍ସୋମ ବ୍ରହ୍ମା ଚ ବ୍ରାହ୍ମଣୈଃ ସହ॥ 8-38-32 (56789)
ରକ୍ଷଃପିଶାଚାନ୍ହିମବାନ୍ଗୁହ୍ଯକାନ୍ଗନ୍ଧମାଦନଃ।
ଧ୍ରୁବଂ ସର୍ବାଣି ଭୂତାନି ବିଷ୍ଣୁଃ ପାତି ସୁରୋତ୍ତମଃ॥ 8-38-33 (56790)
ଇଙ୍ଗିତ5ଆଶ୍ଚ ମଗଧାଃ ପ୍ରେକ୍ଷିତଜ୍ଞାଶ୍ଚ କୋସଲାଃ।
ଅର୍ଧୋକ୍ତାଃ କୁରୁପାଞ୍ଚାଲାଃ ସର୍ବୋକ୍ତା ଦାକ୍ଷିଣାପଥାଃ॥ 8-38-34 (56791)
ପାର୍ବତୀଯାଶ୍ଚ ବିଷଯା ଯଥୈବ ଗିରଯସ୍ତଥା।
ସର୍ବଜ୍ଞା ଯବନା ରାଜଞ୍ଶୂରାଶ୍ଚୈବ ବିଶେଷତଃ।
ମ୍ଲେଚ୍ଛାଃ ସ୍ବସଂଜ୍ଞାନିଯତା ନାନୁକ୍ତମିତରେ ଜନାଃ॥ 8-38-35 (56792)
ପ୍ରତିରବ୍ଧାସ୍ତୁ ବାହ୍ଲୀକା ନ ଚ କେଚନ ମଦ୍ରକାଃ।
ସ ତ୍ବମେତାଦୃଶଃ ଶଲ୍ଯ ନୋତ୍ତରଂ ବକ୍ତୁମର୍ହସି॥ 8-38-36 (56793)
ଏବଂ ଜ୍ଞାତ୍ବା ଜୋଷମାସ୍ସ୍ବ ପ୍ରତୀପଂ
ମା ସ୍ମ କ୍ରୁଦ୍ଧଃ ପାପଭୃତାଂ ବରିଷ୍ଠ।
ପୂର୍ବଂ ହତ୍ବା ତ୍ବାଂ ସପୁତ୍ରଂ ବଲୈଶ୍ଚ
ପଶ୍ଚାଦ୍ଧଂସ୍ଯେ ବାସୁଦେବାର୍ଜୁନୌ ଚ॥ 8-38-37 (56794)
ଶଲ୍ଯ ଉବାଚ। 8-38-38x (4938)
ଆତୁରାଣାଂ ପରିତ୍ଯାଗଃ ସ୍ବଦାରସୁତବିକ୍ରଯଃ।
ଅଙ୍ଗେ ପ୍ରବର୍ତତେ କର୍ଣ ଯେଷାମଧିପତିର୍ଭବାନ୍॥ 8-38-38 (56795)
ରଥାତିରଥସଙ୍ଖ୍ଯାଯାଂ ଯତ୍ତ୍ବାଂ ଭୀଷ୍ମସ୍ତଦାବ୍ରବୀତ୍।
ତାନ୍ବିଦିତ୍ବାଽତ୍ମନୋ ଦୋଷାନ୍ନିର୍ମନ୍ଯୁର୍ଭବ ମା କ୍ରୁଧଃ॥ 8-38-39 (56796)
ସର୍ବତ୍ର ବ୍ରାହ୍ମଣାଃ ସନ୍ତି ସନ୍ତି ସର୍ବତ୍ର କ୍ଷତ୍ରିଯାଃ।
ବୈଶ୍ଯାଃ ଶୂଦ୍ରାସ୍ତଥା କର୍ଣ ସ୍ତ୍ରିଯଃ ସାଧ୍ବ୍ଯଶ୍ଚ ସୁବ୍ରତାଃ॥ 8-38-40 (56797)
ରମନ୍ତେ ଚୋପହାସେନ ପୁରୁଷାଃ ପୁରୁଷୈଃ ସହ।
ଅନ୍ଯୋନ୍ଯେନ ରତାଃ କ୍ଷୀବା ଦେଶେଦେଶେ ଚ ମୈଥୁନମ୍॥ 8-38-41 (56798)
ପରବାଚ୍ଯେଷୁ ନିପୁଣଃ ସର୍ବୋ ଭବତି ସର୍ବଦା।
ଆତ୍ମବାଚ୍ଯଂ ନ ଜାନୀତେ ଜାନନ୍ନପି ଚ ମୁହ୍ଯତି॥ 8-38-42 (56799)
ସର୍ବତ୍ର ସନ୍ତି ରାଜନଃ ସ୍ବଂସ୍ବଂ ଧର୍ମମନୁବ୍ରତାଃ।
ଦୁର୍ମନୁଷ୍ଯାନ୍ନିଗୃହ୍ଣନ୍ତି ସନ୍ତି ସର୍ବତ୍ର ଧାର୍ମିକାଃ॥ 8-38-43 (56800)
ନ କର୍ଣ ଦେଶସାମାନ୍ଯାତ୍ସର୍ବଃ ପାପଂ ନିଷେବତେ।
ଯାଦୃଶାଃ ସ୍ବସ୍ବଭାବେନ ଦେଶାଂସ୍ତାଂସ୍ତାଦୃଶାନ୍ବିଦୁଃ॥ 8-38-44 (56801)
ସଞ୍ଜଯ ଉବାଚ। 8-38-45x (4939)
ତତତୋ ଦୁର୍ଯୋଧନୋ ରାଜା କର୍ଣଶଲ୍ଯାବବାରଯତ୍।
ସଖିଭାବେନ ରାଧେଯଂ ଶଲ୍ଯଂ ସୌଜନ୍ଯକେନ ଚ॥ 8-38-45 (56802)
ତତୋ ନିବାରିତଃ କର୍ଣୋ ଧାର୍ତରାଷ୍ଟ୍ରେଣ ମାରିଷ।
ପ୍ହହସ୍ଯ ତତ୍ର ରାଜେନ୍ଦ୍ରଂ ଯାଦି ଶଲ୍ଯେତ୍ଯଚୋଦଯତ୍॥ ॥ 8-38-46 (56803)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଅଷ୍ଟତ୍ରିଂଶୋଽଧ୍ଯାଯଃ॥ 38 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.39. ଅଧ୍ଯାଯଃ 039
Mahabharata - Karna Parva - Chapter Topics
ଶଲ୍ଯକର୍ଣଯୋଃ ସଂବାଦଃ॥ 1 ॥ ସେନାଦ୍ବଯସ୍ଯ ପରସ୍ପରମେଲନମ୍॥ 2 ॥
Mahabharata - Karna Parva - Chapter Text
8-39-0 (56804)
ସଞ୍ଜଯ ଉବାଚ। 8-39-0x (4940)
ତତଃ ପରାନୀକଭିଦଂ ବ୍ଯୂହମପ୍ରତିମଂ କୃତମ୍।
ସମୀକ୍ଷ୍ଯ କର୍ଣଃ ପାର୍ଥାନାଂ ଧୃଷ୍ଟଧୁମ୍ନାଭିରକ୍ଷିତମ୍॥ 8-39-1 (56805)
ପ୍ରଯଯୌ ରଥଘୋଷେଣ ସିଂହନାଦରବେଣ ଚ।
ବାଦିତ୍ରାଣାଂ ଚ ନିନଦୈଃ କମ୍ପଯନ୍ନିବ ମେଦିନୀମ୍॥ 8-39-2 (56806)
ସଞ୍ଜଯ ଉବାଚ। 8-39-3x (4941)
ତତଃ ପ୍ରଯାନ୍ତଂ ରାଧେଯଂ ମଦ୍ରରାଜଃ ସ୍ମଯନ୍ନିବ।
ଅବଧୂଯ ଇଦଂ ବାକ୍ଯମବ୍ରବୀତ୍କୁରୁସନ୍ନିଧୌ॥ 8-39-3 (56807)
ଚମୂଂ ତବେମାଂ ବିପୁଲାଂ ସମୃଦ୍ବା--
ମସଙ୍ଖେଯାମଶ୍ବନରାକୁଲାଂ ଚ।
ତଥା ପ୍ରବେଷ୍ଟା ସମରେ ଧନଞ୍ଜଯଃ
କକ୍ଷଂ ଦହନ୍ଦୀପ୍ତ ଇବାଶ୍ରଯାଶୀ॥ 8-39-4 (56808)
ରଥେ ସ୍ତିତୌ ବୀରବରୌ ବରେଣ୍ଯୌ
ସିଂହସ୍କନ୍ଧୌ ଲୋହିତପଦ୍ମନେତ୍ରୌ।
ଦ୍ରଷ୍ଟା ଭବାନଦ୍ଯ ବିନା ପ୍ରଯତ୍ନା--
ତ୍ତଥାହି ମେ ଶକୁନା ବେଦଯନ୍ତି॥ 8-39-5 (56809)
ଅଦ୍ଯ ଦ୍ରଷ୍ଟାଽସି ତଂ ବୀରଂ ଶ୍ବେତାଶ୍ବଂ କୃଷ୍ଣସାରଥିମ୍।
ନିଘ୍ନନ୍ତଂ ଶାତ୍ରବାନ୍ସଙ୍ଖ୍ଯେ ଯଂ କର୍ଣ ପରିପୃଚ୍ଛସି॥ 8-39-6 (56810)
ଅଦ୍ଯ ତୌ ପୁରୁଷବ୍ଯାଘ୍ରୌ ଲୋହିତାକ୍ଷୌ ପରନ୍ତପୌ।
ବାସୁଦେବାର୍ଜୁନୌ କର୍ଣ ଦ୍ରଷ୍ଟାଽସ୍ଯମିତବିକ୍ରମୌ॥ 8-39-7 (56811)
ସାରଥିର୍ଯସ୍ଯ ଗୋବିନ୍ଦୋ ଗାଣ୍ଡୀବଂ ଯସ୍ଯ କାର୍ମୁକମ୍।
ତଂ ଚେଦ୍ବନ୍ତାଽସି ରାଧେଯ ତ୍ବଂ ନୋ ରାଜା ଭବିଷ୍ଯସି॥ 8-39-8 (56812)
ପ୍ରବାତ୍ଯେଷ ମହାବାଯୁରଭିତସ୍ତବ ବାହିନୀମ୍।
କ୍ରବ୍ଯାଦା ବ୍ଯାହରନ୍ତ୍ଯେତେ ମୃଗାଃ କୁର୍ବନ୍ତି ଭୈରବମ୍॥ 8-39-9 (56813)
ପଶ୍ଯ କର୍ଣ ମହାଘୋରଂ ଭଯଂ ବୈ ରୋମହର୍ଷଣମ୍।
ଅର୍କଂ ଜୀମୂତସଙ୍କାଶଃ କବନ୍ଧୋ ବାର୍ଯ ତିଷ୍ଠତି॥ 8-39-10 (56814)
ପଶ୍ଯ ଯୂଥଂ ମୃଗଶତଂ ମୃଗାଣାଂ ସର୍ବତୋଦିଶମ୍।
ରରାସ ଦୀପ୍ତଲାଙ୍ଗୂଲମାଦିତ୍ଯାମଭି ସଂସ୍ଥିତମ୍॥ 8-39-11 (56815)
ପଶ୍ଯ କାକାଂଶ୍ଚ ଗୃଧ୍ରାଂଶ୍ଚ ସମବେତାନ୍ସହସ୍ରଶଃ।
ଆଦିତ୍ଯମଭିବୀକ୍ଷନ୍ତେ ହ୍ଯଶିବାଃ କର୍ଣ ସସ୍ବରାଃ॥ 8-39-12 (56816)
ଶ୍ବେତବାଜିସମାଯୁକ୍ତେ ତବ କର୍ଣ ମହାରଥେ।
ପତାକାଃ ପ୍ରଜ୍ବଲନ୍ତ୍ଯେତା ଧ୍ବଜଶ୍ଚାତୀବ କମ୍ପତେ॥ 8-39-13 (56817)
ଉଦୀର୍ଯତୋ ହଯାନ୍ପଶ୍ଯ ମହାକାଯାନ୍ମହାଜବାନ୍।
ପ୍ଲବମାନାନ୍ମହାବୀର୍ଯାନାକାଶେ ଗରୁଡାନିବ॥ 8-39-14 (56818)
ଧ୍ରୁବମେଷୁ ନିମିତ୍ତେଷୁ ଭୂମିମାବୃତ୍ଯ ପାର୍ଥିବାଃ।
ସ୍ବପ୍ସ୍ଯନ୍ତି ନିହତାଃ କର୍ଣ ଶତଶୋଽଥ ସହସ୍ରଶଃ॥ 8-39-15 (56819)
ଶଙ୍ଖାନାଂ ତୁମୁଲଃ ଶବ୍ଦଃ ଶ୍ରୂଯତେ ରୋମହର୍ଷଣଃ।
ଆନକାନାଂ ଚ ରାଧେଯ ମୃଦଙ୍ଗାନାଂ ଚ ହନ୍ଯତାମ୍॥ 8-39-16 (56820)
ଶୃଣୁ ଶବ୍ଦାନ୍ବହୁବିଧାନ୍ନରାଶ୍ବରଥବାଜିନାମ୍।
ଜ୍ଯାତଲତ୍ରେଷୁଶବ୍ଦାଂଶ୍ଚ ଶୃଣୁ କର୍ଣ ମହାତ୍ମନାମ୍॥ 8-39-17 (56821)
ହେମରୂପ୍ଯପ୍ରମୃଷ୍ଟାନାଂ ବାସସାଂ ଶିଲ୍ପିନିର୍ମିତାଃ।
ସହେମଚନ୍ଦ୍ରତାରାଭାଃ ପତାକାଃ କିଙ୍ଗିଣୀଯୁତାଃ॥ 8-39-18 (56822)
ନାନାବର୍ଣା ରଣେ ଭାନ୍ତି ଶ୍ବସନେନ ପ୍ରକମ୍ପିତାଃ।
ପଶ୍ଯ କର୍ଣାର୍ଜୁନସ୍ଯୈତାଃ ସୌଦାମିନ୍ଯ ଇବାମ୍ବୁଦେ॥ 8-39-19 (56823)
ଧ୍ବଜାଃ କଣକଣାଯନ୍ତେ ବାତେନାତିସମୀରିତାଃ।
ସପତାକରଥାଶ୍ଚାପି ପାଞ୍ଚାଲାନାଂ ମହାତ୍ମନାମ୍॥ 8-39-20 (56824)
ଏଷ ରେଣୁଃ ସମୁଦ୍ଭୂତୋ ଦିବମାବୃତ୍ଯ ତିଷ୍ଠତି।
ଗଜବାଜିପ୍ରଣୁନ୍ନା ଚ କମ୍ପତେ କର୍ଣ ମେଦିନୀ॥ 8-39-21 (56825)
ଶ୍ରୂଯତେ ମେଘସଙ୍କାଶୋ ରଥନେମିସ୍ବନସ୍ତଥା।
ପଶ୍ଯ କୁନ୍ତୀସୁତଂ ବୀରଂ ବୀଭତ୍ସୁମପରାଜିତମ୍।
ପ୍ରହରିଷ୍ଯନ୍ତମାଯାନ୍ତଂ କପିପ୍ରବରକେତନମ୍॥ 8-39-22 (56826)
ଗଜାଶ୍ବରଥପତ୍ତ୍ଯୋଘାଂସ୍ତାବକାନ୍ଯୁଧି ନିଘ୍ନତଃ।
ଧ୍ବଜାଗ୍ରଂ ଦୃଶ୍ଯତେ ତସ୍ଯ ଜ୍ଯାଶବ୍ଦଶ୍ଚୈବ ଶ୍ରୂଯତେ॥ 8-39-23 (56827)
ଏଷ ସଂଶପ୍ତକାନ୍ଭୂଯସ୍ତାନେବାଭିମୁଖୋ ଗତଃ।
କରୋତି କଦନଂ ଚୈଷ ସଙ୍ଗାମେ ଦ୍ବିଷତାଂ ବଲୀ॥ 8-39-24 (56828)
ସଞ୍ଜଯ ଉବାଚ। 8-39-25x (4942)
ଇତି ବ୍ରୁବାଣଂ ମଦ୍ରେଶଂ କର୍ଣଃ ପ୍ରୋବାଚ ମନ୍ଯୁମାନ୍॥ 8-39-25 (56829)
ପଶ୍ଯ ସଂଶପ୍ତକୈଃ କ୍ରୁଦ୍ଧୈଃ ସମନ୍ତାତ୍ସମଭିଦ୍ରୁତଃ।
ଏଷ ସୂର୍ଯ ଇବାମ୍ଭୋଦୈଶ୍ଛନ୍ନଃ ପାର୍ଥୋ ନ ଦୃଶ୍ଯତେ।
ଏଷ ଦାନ୍ତୋଽର୍ଜୁନଃ ଶଲ୍ଯ ନିମଗ୍ନଃ ଶୋକସାଗରେ॥ 8-39-26 (56830)
ଶଲ୍ଯ ଉବାଚ। 8-39-27x (4943)
ବରୁଣଂ କୋଽମ୍ଭସା ହନ୍ଯାଦିନ୍ଧନେନ ଚ କୋଽନଲମ୍।
କୋବାଽନିଲଂ ନିଗୃହ୍ଣୀଯାତ୍ପିବେଦ୍ବା କୋ ମହାର୍ଣବମ୍॥ 8-39-27 (56831)
ଈଦୃଗ୍ରୂପମହଂ ମନ୍ଯେ ପାର୍ଥସ୍ଯ ଯୁଧି ନିର୍ଜଯମ୍।
ନ ହି ଶକ୍ଯୋଽର୍ଜୁନୋ ଜେତୁଂ ଯୁଧି ଦେବାସୁରୈରପି॥ 8-39-28 (56832)
ଅଥୈଘଂ ପରିତୋଷସ୍ତେ ବାଗ୍ଭିସ୍ତ୍ବଂ ସୁମାନା ଭବ।
ନ ହି ଶକ୍ଯୋ ଯୁଧା ଜେତୁମନ୍ଯଂ କୁରୁ ମନୋରଥମ୍॥ 8-39-29 (56833)
ବାହୁଭ୍ଯାମୁଦ୍ଧରେଦ୍ଭୂମିଂ ଦହେତ୍କ୍ରୁଦ୍ଧ ଇମାଃ ପ୍ରଜାଃ।
ପାତଯେତ୍ତ୍ରିଦିବାଦ୍ଦେବାନ୍ନାର୍ଜୁନଂ ସମରେ ଜଯେତ୍॥ 8-39-30 (56834)
ପଶ୍ଯ କୁନ୍ତୀସୁତଂ ଭୀମଂ ବୀରମକ୍ଲିଷ୍ଟକାରିଣମ୍।
ପ୍ରହରନ୍ତଂ ମହାବାହୁଂ ସ୍ଥିତଂ ମେରୁମିବାଚଲମ୍॥ 8-39-31 (56835)
ଅମର୍ଷୀ ପୁରୁଷବ୍ଯାଘ୍ରଃ ସଦା ବୈରମନୁସ୍ମରନ୍।
ଏଷ ଭୀମୋ ଜଯପ୍ରେପ୍ସୁର୍ଯୁଧି ତିଷ୍ଠତି ବୀର୍ଯବାନ୍॥ 8-39-32 (56836)
ଏଷ ଧର୍ମଭୃତାଂ ଶ୍ରେଷ୍ଠୋ ଧର୍ମରାଜୋ ଯୁଧିଷ୍ଠିରଃ।
ତିଷ୍ଠତ୍ଯସୁକରଃ ସଙ୍ଖ୍ଯେ ପରୈଃ ପରପୁରଞ୍ଜଯଃ॥ 8-39-33 (56837)
ଏତୌ ଚ ପୁରୁଷବ୍ଯାଘ୍ରାବାଶ୍ବିନେଯୌ ମହାରଥୌ।
ନକୁଲଃ ସହଦେବଶ୍ଚ ତିଷ୍ଠତୋ ଯୁଧି ଦୁର୍ଜଯୌ॥ 8-39-34 (56838)
ଏତେ ତିଷ୍ଠନ୍ତି କାର୍ଷ୍ଣେଯାଃ ପଞ୍ଚ ପଞ୍ଚାଚଲା ଇବ।
ଯୋତ୍ସ୍ଯମାନା ମହାବୀର୍ଯା ଭୀମାର୍ଜୁନସମା ଯୁଧି॥ 8-39-35 (56839)
ଏତେ ଦ୍ରୁପଦପୁତ୍ରାଶ୍ଚ ଧୃଷ୍ଟଦ୍ଯୁମ୍ନପୁରୋଗମାଃ।
ହୀନାଃ ସତ୍ଯଜିତା ବୀରାସ୍ତିଷ୍ଠନ୍ତି ପରମୌଜସଃ॥ 8-39-36 (56840)
ଯତ୍ର କୃଷ୍ଣାର୍ଜୁନୌ ବୀରୌ ଯତ୍ର ରାଜା ଯୁଧିଷ୍ଠିରଃ।
ତତ୍ର ଧର୍ମଶ୍ଚ ସତ୍ଯଂ ଚ ଯତୋ ଧର୍ମସ୍ତତୋ ଜଯଃ॥ 8-39-37 (56841)
ଇତି ସଂବଦତୋରେବ ତଯୋଃ ପୁରୁଷସିଂହଯୋଃ।
ତେ ସେନେ ସମସଜ୍ଜେତାଂ ଙ୍ଗାଯମୁନବଦ୍ଭୃଶମ୍॥ ॥ 8-39-38 (56842)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଏକୋନଚତ୍ବାରିଂଶୋଽଧ୍ଯାଯଃ॥ 39 ॥
॥ ଶ୍ରୀଃ ॥
8.40. ଅଧ୍ଯାଯଃ 040
Mahabharata - Karna Parva - Chapter Topics
ଦୁର୍ଯୋଧନେନ ସେନାପ୍ରୋତ୍ସାହନମ୍॥ 1 ॥ ଭୀମେନ ଦୁର୍ଯୋଧନପରାଜଯପୂର୍ବକଂ ଗଜାନୀକବଧଃ॥ 2 ॥
Mahabharata - Karna Parva - Chapter Text
8-40-0 (56843)
ସଞ୍ଜଯ ଉବାଚ। 8-40-0x (4944)
ଦୁର୍ଯୋଧନସ୍ତତଃ କର୍ଣମୁପେତ୍ଯ ଭରତର୍ଷଭ।
ଅବ୍ରବୀନ୍ମଦ୍ରରାଜଂ ଚ ତଥୈବାନ୍ଯାନ୍ମହାରଥାନ୍॥ 8-40-1 (56844)
ଯଦୃଚ୍ଛଯାଽଯମବ୍ଯଗ୍ରୋ ଧର୍ମଃ ପରମକଃ ସଖା।
ସୁଖିନଃ କ୍ଷତ୍ରିଯାଃ କର୍ଣ ଲଭନ୍ତେ ଯୁଦ୍ଧମୀଦୃଶମ୍॥ 8-40-2 (56845)
ଯାଦୃଶଂ କ୍ଷତ୍ରିଯୈଃ ଶୂରୈଃ ଶୂରାଣାଂ ଦୀବ୍ଯତାଂ ଯୁଧି।
ଇଷ୍ଟଂ ଭବତି ରାଧେଯ ତଦିଦଂ ସମୁପସ୍ଥିତମ୍॥ 8-40-3 (56846)
ହତ୍ବା ତୁ ପାଣ୍ଡବାନ୍ଯୁଦ୍ଧେ ସ୍ଥିରାମୁର୍ବୀଂ ପ୍ରଶାସଥ।
ନିହତା ବା ପରୈର୍ଯୁଦ୍ଧେ ବୀରଲୋକାନବାପ୍ସ୍ଯଥ॥ 8-40-4 (56847)
ଦୁର୍ଯୋଧନସ୍ଯ ବଚନଂ ଶ୍ରୁତ୍ବା ତତ୍କ୍ଷତ୍ରିଯର୍ଷଭାଃ।
ସିଂହନାଦାନୁଦକ୍ରୋଶନ୍ବାଦିତ୍ରାଣି ଚ ଜଘ୍ନିରେ॥ 8-40-5 (56848)
ତସ୍ମିନ୍ପ୍ରମୁଦିତେ ସୈନ୍ଯେ ତ୍ବଦୀଯେ ଭରତର୍ଷଭ।
ହର୍ଷଯଂସ୍ତାବକାନ୍ଯୋଧାନ୍ଦ୍ରୌଣିର୍ବିଚନମବ୍ରବୀତ୍॥ 8-40-6 (56849)
ପ୍ରତ୍ଯକ୍ଷଂ ସର୍ବସୈନ୍ଯାନାଂ ଭବତାଂ ଚାପି ପଶ୍ଯତାମ୍।
ନ୍ଯସ୍ତଶସ୍ତ୍ରୋ ମମ ପିତା ଧୃଷ୍ଟଦ୍ଯୁମ୍ନେନ ପାତିତଃ॥ 8-40-7 (56850)
ସ ତେନାହମମର୍ଷେଣ ପିତ୍ରର୍ଥେ ଚାପି ଭାରତ।
ଧୃଷ୍ଟଦ୍ଯୁମ୍ନମହତ୍ବାଽହଂ ନ ବିମୋକ୍ଷ୍ଯାମି ଦଂଶନମ୍॥ 8-40-8 (56851)
କୃତ୍ବାଽନୃତାଂ ପ୍ରତିଜ୍ଞାଂ ବୋ ନାସ୍ମି ପ୍ରାପ୍ତା ମହତ୍ଫଲମ୍।
ଅର୍ଜୁନଂ ଭୀମସେନଂ ଚ ଯଶ୍ଚ ମାଂ ପ୍ରତିଯୋତ୍ସ୍ଯତି।
ସର୍ବାଂସ୍ତାନ୍ପ୍ରମଥିଷ୍ଯାମି ଇତି ମେ ନିଶ୍ଚିତା ମତିଃ॥ 8-40-9 (56852)
ସଞ୍ଜଯ ଉବାଚ। 8-40-10x (4945)
ଏବମୁକ୍ତେ ତତଃ ସର୍ବା ହର୍ଷିତା ଭାରତୀ ଚମୂଃ।
ଅଭ୍ଯବର୍ତତ କୌନ୍ତେଯାଂସ୍ତଥା ତାଂ ଚାପି ପାଣ୍ଡବାଃ॥ 8-40-10 (56853)
ସ ସନ୍ନିପାତୋ ରଥଯୂଥପାନାଂ
ମହାହବେ ଭାରତ ଲୋଭନୀଯେ।
ଜନକ୍ଷଯଃ କାଲଯୁଗାନ୍ତକଲ୍ପଃ
ପ୍ରାବର୍ତତାଗ୍ରେ କୁରୁସୃଞ୍ଜଯାନାମ୍॥ 8-40-11 (56854)
ତତଃ ପ୍ରବୃତ୍ତେ ଯୁଧି ସମ୍ପ୍ରହାରେ
ଭୂତାନି ସର୍ବାଣି ସଦୈବତାନି।
ଆସନ୍ସମେତାନି ସହାପ୍ସରୋଭି--
ନିରୀକ୍ଷତୀଭିର୍ଯୁଧି ବୀରସଙ୍ଘାନ୍॥ 8-40-12 (56855)
ଦିବ୍ଯୈଶ୍ଚ ଗନ୍ଧୈଃ ପରମୈଶ୍ଚ ପୁଷ୍ପୈ--
ରନ୍ଯୈଶ୍ଚ ରତ୍ନୈର୍ବିବିଧୈର୍ନରାଗ୍ର୍ଯାଃ।
ରଣେଷୁ କର୍ମୋଦ୍ବହତାଃ ପ୍ରହୃଷ୍ଟା-
ନନନ୍ଦଯନ୍ନପ୍ସରସଃ ପ୍ରହୃଷ୍ଟାଃ॥ 8-40-13 (56856)
ସମୀରଣସ୍ତାଂସ୍ତୁ ନିଷେବ୍ଯ ଗନ୍ଧା--
ନ୍ନିଷେବତେ ତାନପି ଯୋଧମୁଖ୍ଯାନ୍।
ନିଷେବ୍ଯମାଣାସ୍ତ୍ବନିଲେନ ଯୋଧାଃ
ପରସ୍ପରଂ ଚୁକ୍ରୁଶୁରାଜିମଧ୍ଯେ॥ 8-40-14 (56857)
ତଥା ତୁ ତସ୍ମିଂସ୍ତୁମୁଲେ ପ୍ରବୃତ୍ତେ
ଦୁର୍ଯୋଧନଃ କ୍ରୋଧମମୃଷ୍ଯମାଣଃ।
`ଅବେଭ୍ଯ ଭୀମଂ ବଲମଧ୍ଯସଂସ୍ଥଃ
ସମାର୍ପଯତ୍କ୍ଷୁଦ୍ରକାଣାଂ ଶତେନ॥ 8-40-15 (56858)
ଦୁଃଶାସନଶ୍ଚିତ୍ରସେନଶ୍ଚ ବୀର--
ସ୍ତଥୋଲୂକଃ କିତବଃ ସୌବଲଶ୍ଚ।
ଗଜାନୀକୈଃ ସର୍ବତୋ ଭୀମସେନଂ
ତଥାବିଷକ୍ତଂ ସହସୈବାଭ୍ଯଗଚ୍ଛନ୍॥ 8-40-16 (56859)
ତମାପତନ୍ତଂ ସମ୍ପ୍ରେକ୍ଷ୍ଯ ଗଜାନୀକଂ ବୃକୋଦରଃ।
ଦୁର୍ଯୋଧନଂ ମହାବାହୁଃ ଶରବର୍ଷୈରବାକିରତ୍॥ 8-40-17 (56860)
ଦୁର୍ଯୋଧନଂ ତତୋ ଭୀମଃ ସାଯକୈର୍ବଜ୍ରସନ୍ନିଭୈଃ।
ପାଣ୍ଡବୋ ବିମୁଖୀକୃତ୍ଯ ଗଜାନଭ୍ଯଦ୍ରବଦ୍ବଲୀ॥ 8-40-18 (56861)
ତତଃ ପାବକସଙ୍କାଶୈର୍ଭୀମବାଣୈରବକ୍ରଗୈଃ।
ଶଲଭୈରିବ ନାଗାଂସ୍ତାନର୍ଦଯାମାସ ପାଣ୍ଡବଃ॥ 8-40-19 (56862)
ତତଃ କୁଞ୍ଜରଯୂଥାନି ଭୀମସେନୋ ମହାବଲଃ।
ବ୍ଯଧମନ୍ନିଶିତୈର୍ବାଣୈର୍ମହାବାତୋ ଘନାନିବ॥ 8-40-20 (56863)
ନିତ୍ଯମତ୍ତାଶ୍ଚ ମାତଙ୍ଗାଃ ଶୂରୈର୍ମତ୍ତୈରଧିଷ୍ଠିତାଃ।
ଆରୋହକୈର୍ମହାମାତ୍ରୈସ୍ତୋମରାଙ୍କୁରାପାଣିଭିଃ॥ 8-40-21 (56864)
ସୁବର୍ଣଜାଲୈଃ ପ୍ରଚ୍ଛନ୍ନା ମଣିଜାଲୈଶ୍ଚ କୁଞ୍ଜରାଃ।
ରୂପ୍ଯଜାମ୍ବୂନଦାଭାସଃ କ୍ଷୁରମାଲାଭ୍ଯଲଙ୍କୃତାଃ॥ 8-40-22 (56865)
ବଧ୍ଯମାନାଃ ଶରୈ ରାଜନ୍ଭୀମସେନେନ ତେ ଗଜାଃ।
ବିଭିନ୍ନହୃଦଯାଃ କେଚିତ୍ତତ୍ରୈବାଭ୍ଯପତନ୍ଭୁବି॥ 8-40-23 (56866)
ନିପତଦ୍ଭିର୍ମହାବେଗୈର୍ହେମଭାଣ୍ଡବିଭୂଷିତୈଃ।
ଅଶୋଭତ ମହାରାଜ ଧାତୁଚିତ୍ରୈରିବାଚଲୈଃ॥ 8-40-24 (56867)
ଦୀପ୍ତାଭରଣବଦ୍ଭିଶ୍ଚ ଗଜପୃଷ୍ଠନିପାତିତୈଃ।
ସଙ୍ଗରଃ ଶୁଶୁଭେ ରାଜନ୍କ୍ଷୀଣପୁଣ୍ଯୈରିବାମରୈଃ॥ 8-40-25 (56868)
ମହାପରିଘସଙ୍କାଶୌ ଚନ୍ଦନାଗରୁରୂଷିତୌ।
ଅପଶ୍ଯଂ ଭୀମସେନସ୍ଯ ଧନୁର୍ବିକ୍ଷିପତୋ ଭୁଜୌ॥ 8-40-26 (56869)
ତସ୍ଯ ଜ୍ଯାତଲନିର୍ଘୋଷମସ୍ଯତଃ ସବ୍ଯଦକ୍ଷିଣମ୍।
ତଂ ଶ୍ରୁତ୍ବାଽଭ୍ଯଦ୍ରବନ୍ନାଗା ଭୀମସେନଭଯାର୍ଦିତାଃ॥ 8-40-27 (56870)
ତସ୍ଯ ଭୀମସ୍ଯ ତତ୍କର୍ମ ରାଜନ୍ନେକସ୍ଯ ଧୀମତଃ।
ଅପଶ୍ଯାମ ମହାରାଜ ତଦ୍ଭୂତମିବାଭବତ୍'॥ ॥ 8-40-28 (56871)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଚତ୍ବାରିଂଶୋଽଧ୍ଯାଯଃ॥ 40 ॥
॥ ଶ୍ରୀଃ ॥
8.41. ଅଧ୍ଯାଯଃ 041
Mahabharata - Karna Parva - Chapter Topics
ସେନାଦ୍ବଯେ ବ୍ଯୂହରଚନାବର୍ଣନମ୍॥ 1 ॥
Mahabharata - Karna Parva - Chapter Text
8-41-0 (56872)
ସଞ୍ଜଯ ଉବାଚ। 8-41-0x (4946)
ତତଃ ପରାନୀକଭିଦଂ ବ୍ଯୂହମପ୍ରତିମଂ ମହତ୍।
ସମୀକ୍ଷ୍ଯ କର୍ଣଃ ପାର୍ଥାନାଂ ଧୃଷ୍ଟଦ୍ଯୁମ୍ନାଭିରକ୍ଷିତମ୍॥ 8-41-1 (56873)
ପ୍ରଯଯୌ ରଥଘୋଷେଣ ସିଂହନାଦରବେଣ ଚ।
ବାଦିତ୍ରାଣାଂ ଚ ନିନଦୈଃ କମ୍ପଯନ୍ନିବ ମେଦିନୀମ୍॥ 8-41-2 (56874)
ବେପମାନ ଇବ କ୍ରୋଧାଦ୍ଯୁଦ୍ବଶୌଣ୍ଡଃ ପରନ୍ତପଃ।
ପ୍ରତିବ୍ଯୂହ୍ଯ ମହାତେଜା ଯଥାବଦ୍ଭରତର୍ଷଭ॥ 8-41-3 (56875)
ବ୍ଯଧମତ୍ପାଣ୍ଡବୀଂ ସେନାମାସୁରୀଂ ମଘବାନିବ।
ଯୁଧିଷ୍ଠିରଂ ଚାଭ୍ଯହନଦପସବ୍ଯଂ ଚକାରହ॥ 8-41-4 (56876)
କର୍ଣସ୍ଯ ରଥଘୋଷେଣ ମୌର୍ବୀନିଷ୍ପେଷଣେନ ଚ।
ସୁସଙ୍ଗ୍ରାହେଣ ରଶ୍ମୀନାଂ ସମକମ୍ପନ୍ତ ସୃଞ୍ଜଯାଃ॥ 8-41-5 (56877)
ତାନି ସର୍ବାଣି ସୈନ୍ଯାନି କର୍ଣ ଦୃଷ୍ଟ୍ବା ବିଶାମ୍ପତେ।
ବଭୂବୁଃ ସମ୍ପ୍ରହୃଷ୍ଟାନି ତାବକାନି ଯୁଯୁତ୍ସଯା॥ 8-41-6 (56878)
ଅଶ୍ରୂଯନ୍ତ ତତୋ ବାଚସ୍ତାବକାନାଂ ବିଶାମ୍ପତେ।
କର୍ଣାର୍ଜୁନମହାଯୁଦ୍ଧମେତଦଦ୍ଯ ଭବିଷ୍ଯତି॥ 8-41-7 (56879)
ଅଦ୍ଯ ଦୁର୍ଯୋଧନୋ ରାଜା ହତାମିତ୍ରୋ ଭବିଷ୍ଯତି।
ଅଦ୍ଯ କର୍ଣଂ ରଣେ ଦୃଷ୍ଟ୍ବା ଫଲ୍ଗୁନୋ ବିଦ୍ରବିଷ୍ଯତି॥ 8-41-8 (56880)
ଅଦ୍ଯ ତାବଦ୍ବଯଂ ଯୁଦ୍ଧେ କର୍ଣସ୍ଯୈବାନୁଗାମିନଃ।
କର୍ଣବାଣମଯଂ ଭୀମଂ ଯୁଦ୍ଧଂ ଦ୍ରକ୍ଷ୍ଯାମ ସଂଯୁଗେ॥ 8-41-9 (56881)
ଚିରକାଲେପ୍ସିତମିଦମଦ୍ଯେଦାନୀଂ ଭବିଷ୍ଯତି।
ଅଦ୍ଯ ଦ୍ରକ୍ଷ୍ଯାମ ସଙ୍ଗ୍ରାମଂ ଘୋରଂ ଦେବାସୁରୋପମମ୍॥ 8-41-10 (56882)
ଅଦ୍ଯେଦାନୀଂ ମହଦ୍ଯୁଦ୍ଧଂ ଭବିଷ୍ଯତି ଭଯାନକମ୍।
ଅଦ୍ଯେଦାନୀଂ ଜଯୋ ନିତ୍ଯମେକସ୍ଯୈକସ୍ଯ ବା ରଣେ॥ 8-41-11 (56883)
ଅର୍ଜୁନଂ କିଲ ରାଧେଯୋ ବଧିଷ୍ଯତି ମହାରଣେ।
ଅଥବା କଂ ନରଂ ଲୋକେ ନ ସ୍ପୃଶନ୍ତି ମନୋରଥାଃ॥ 8-41-12 (56884)
ଇତ୍ଯୁକ୍ତ୍ବା ବିବିଧା ବାଚଃ କୁରବଃ କୁରୁନନ୍ଦନ।
ଆଜଘ୍ନୁଃ ପଟହାଂଶ୍ଚୈବ ତୂର୍ଯାଂଶ୍ଚୈବ ସହସ୍ରଶଃ॥ 8-41-13 (56885)
ଭେରୀନାଦାଂଶ୍ଚ ବିବିଧାନ୍ସିଂହନାଦାଂଶ୍ଚ ପୁଷ୍କଲାନ୍।
ମୁରଜାନାଂ ମହାଶବ୍ଦାନାନକାନାଂ ମହାରବାନ୍॥ 8-41-14 (56886)
ନୃତ୍ଯମାନାଶ୍ଚ ବହୁଶସ୍ତର୍ଜମାନାଶ୍ଚ ମାରିଷ।
ଅନ୍ଯୋନ୍ଯମଭ୍ଯଯୁର୍ଯୁଦ୍ଧେ ଯୁଦ୍ଧରଙ୍ଗଗତା ନରାଃ॥ 8-41-15 (56887)
ତେଷାଂ ପଦାତା ନାଗାନାଂ ପାଦରକ୍ଷାଃ ସମନ୍ତତଃ।
ପଟ୍ଟସାସିଧରାଃ ଶୂରାଶ୍ଚାପବାଣମୁସୁଣ୍ଠିନଃ॥ 8-41-16 (56888)
ଭିଣ୍ଡିପାଲଧରାଶ୍ଚୈବ ଶୂରଲହସ୍ତାଃ ସୁଚକ୍ରିଣଃ।
ତେଷାଂ ସମାଗମୋ ଘୋରୋ ଦେବାସୁରରଣୋପମଃ॥ 8-41-17 (56889)
ଧୃତରାଷ୍ଟ୍ରଂ ଉବାଚ। 8-41-18x (4947)
କଥଂ ସଞ୍ଜଯ ରାଧେଯଃ ପ୍ରତ୍ଯବ୍ଯୂହତ ପାଣ୍ଡବାନ୍।
ଧୃଷ୍ଟଦ୍ଯୁମ୍ନମୁଖାନ୍ସଙ୍ଖ୍ଯେ ଭୀମସେନାଭିରକ୍ଷିତାନ୍।
ସର୍ବାନେବ ମହେଷ୍ବାସାନଜଯ୍ଯାନମରୈରପି॥ 8-41-18 (56890)
କେ ଚ ପ୍ରପକ୍ଷୌ ପକ୍ଷୌ ବା ମମ ସୈନ୍ଯସ୍ଯ ସଞ୍ଜଯ।
ପ୍ରବିଭଜ୍ଯ ଯଥାନ୍ଯାଯମବତସ୍ଥୁଃ ସୁଦଂଶିତାଃ॥ 8-41-19 (56891)
କଥଂ ପାଣ୍ଡୁସୁତାଶ୍ଚାପି ପ୍ରତ୍ଯବ୍ଯୂହନ୍ତ ମାମକାନ୍।
କଥଂ ଚୈତନ୍ମହଦ୍ଯୁଦ୍ଧଂ ପ୍ରାବର୍ତତ ସୁଦାରୁଣମ୍॥ 8-41-20 (56892)
କ୍ବ ଚ ବୀଭତ୍ସୁରଭବଦ୍ଯତ୍କର୍ଣୋଽଯାଦ୍ଯୁଧିଷ୍ଠିରମ୍।
କୋ ହ୍ଯର୍ଜୁନସ୍ଯ ସାନ୍ନିଧ୍ଯେ ଶକ୍ତୋ ଜେତୁଂ ଯୁଧିଷ୍ଠିରମ୍॥ 8-41-21 (56893)
ସର୍ବଭୂତାନି ଯୋ ହ୍ଯେକଃ ଖାଣ୍ଡବେ ଜିତବାନ୍ପୁରା।
କସ୍ତମନ୍ଯସ୍ତୁ ରାଧେଯାତ୍ପ୍ରତିଯୁଧ୍ଯେଜ୍ଜିଜୀବିଷୁଃ॥ 8-41-22 (56894)
ସଞ୍ଜଯ ଉବାଚ। 8-41-23x (4948)
ଶୃଣୁ ବ୍ଯୂହସ୍ଯ ରଚନାମର୍ଜୁନଶ୍ଚ ଯଥା ଗତଃ।
ପରିବାର୍ଯ ନୃପାନ୍ସର୍ବାନ୍ସଙ୍ଗ୍ରାମଶ୍ଚାଭବଦ୍ଯଥା॥ 8-41-23 (56895)
କୃପଃ ଶାରଦ୍ବତୋ ରାଜନ୍ମାଗଧାଶ୍ଚ ତରସ୍ବିନଃ।
ସାତ୍ବତଃ କୃତବର୍ମା ଚ ଦକ୍ଷିଣଂ ପକ୍ଷମାଶ୍ରିତାଃ॥ 8-41-24 (56896)
ତେଷାଂ ପ୍ରପକ୍ଷେ ଶକୁନିରୁଲୂକଶ୍ଚ ମହାରଥଃ।
ସାଦିଭିର୍ବିମଲପ୍ରାସୈସ୍ତଦାନୀମଭ୍ଯରକ୍ଷତାମ୍॥ 8-41-25 (56897)
ଗାନ୍ଧାରୈଶ୍ଚାପ୍ଯସମ୍ଭ୍ରାନ୍ତୈଃ ପାର୍ବତୀଯୈଶ୍ଚ ଦୁର୍ଜଯୈଃ।
ଶଲଭାନାମିବ ବ୍ରାତୈଃ ପିଶାଚୈରିବ ଦୁର୍ଦୃଶୈଃ॥ 8-41-26 (56898)
ଚତୁର୍ବିଂଶତ୍ସହସ୍ରାଣି ରଥାନାମନିବର୍ତିନାମ୍।
ସଂଶପ୍ତକା ଯୁଦ୍ବଶୌଣ୍ଡା ବାମପାଶ୍ବମପାଲଯନ୍॥ 8-41-27 (56899)
ସମନ୍ବିତାସ୍ତବ ସୁତୈଃ କୃଷ୍ଣାର୍ଜୁନଜିଘାଂସବଃ।
ତେଷାଂ ପ୍ରପକ୍ଷାଃ କାମ୍ଭୋଜାଃ ଶକାଶ୍ଚ ଯବନୈଃ ସହ॥ 8-41-28 (56900)
ନିଦେଶାତ୍ସୂତପୁତ୍ରସ୍ଯ ସରଥାଶ୍ବେଭପତ୍ତଯଃ।
ଆହ୍ବଯନ୍ତୋଽର୍ଜୁନଂ ତସ୍ଥୁଃ କେଶବଂ ଚ ମହାବଲମ୍॥ 8-41-29 (56901)
ତତଃ ସେନାମୁଖେ କର୍ଣୋଽପ୍ଯବାତିଷ୍ଠତ ଦଂଶିତଃ।
ଚିତ୍ରବର୍ମାଙ୍ଗଦଃ ସ୍ରଗ୍ବୀ ପାଲଯନ୍ବାହିନୀମୁଖମ୍॥ 8-41-30 (56902)
ରକ୍ଷମାଣୈଃ ସୁସଂରବ୍ଧୈଃ ପୁତ୍ରୈଃ ଶସ୍ତ୍ରଭୃତାଂ ବରଃ।
ବାହିନୀଂ ପ୍ରମୁଖେ ବୀରଃ ସମ୍ପ୍ରକର୍ଷନ୍ନଶୋଭତ॥ 8-41-31 (56903)
ଅଶୋକସ୍ତୁ ମହାବାହୁଃ ସୂର୍ଯବୈଶ୍ବାନରପ୍ରଭଃ।
ମହାଦ୍ବିପସ୍କନ୍ଧଗତଃ ପିଙ୍ଗାକ୍ଷଃ ପ୍ରିଯଦର୍ଶନଃ।
ଦୁଃଶାସନୋ ବୃତଃ ସୈନ୍ଯୈଃ ସ୍ଥିତୋ ବ୍ଯୂହସ୍ଯ ପୃଷ୍ଠତଃ॥ 8-41-32 (56904)
ତନ୍ମଧ୍ଯେ ସ ମହାବାହୁଃ ସ୍ବଯଂ ଦୁର୍ଯୋଧନୋ ନୃପଃ।
ଚିତ୍ରାଶ୍ବୈଶ୍ଚିତ୍ରସନ୍ନାହୈଃ ସୋଦର୍ଯୈରଭିରକ୍ଷିତଃ॥ 8-41-33 (56905)
ରକ୍ଷ୍ଯମାଣୋ ମହାବୀର୍ଯୈଃ ସହିତୈର୍ମଦ୍ରକେକଯୈଃ।
ଅଶୋଭତ ମହାରାଜ ଦେବୈରିବ ଶତକ୍ରତୁଃ॥ 8-41-34 (56906)
ଅଶ୍ବତ୍ଥାମା କୁରୂଣାଂ ଚ ଯେ ପ୍ରବୀରା ମହାରଥାଃ।
ନିତ୍ଯମତ୍ତାଶ୍ଚ ମାତଙ୍ଗାଃ ଶୂରୈର୍ମ୍ଲେଚ୍ଛୈଃ ସମନ୍ବିତାଃ।
ଅନ୍ବଯୁସ୍ତଦ୍ରଥାନୀକଂ କ୍ଷରନ୍ତ ଇବ ତୋଯଦାଃ॥ 8-41-35 (56907)
ତେ ଧ୍ବଜୈର୍ବୈଜଯନ୍ତୀଭିର୍ଜ୍ବଲଦ୍ଭିଃ ପରମାଯୁଧୈଃ।
ସାଦିଭିଶ୍ଚାସ୍ଥିତା ରେଜୁର୍ଦ୍ରୁମବନ୍ତ ଇବାଚଲାଃ॥ 8-41-36 (56908)
ତେଷାଂ ପଦାତିନାଗାନାଂ ପାଦରକ୍ଷାଃ ସହସ୍ରଶଃ।
ପଟ୍ଟସାସିଧରାଃ ଶୂରା ବଭୂବୁରନିବର୍ତିନଃ॥ 8-41-37 (56909)
ସାଦିଭିଃ ସ୍ଯନ୍ଦନୈର୍ନାଗୈରଧିକଂ ସମଲଙ୍କୃତୈଃ।
ସ ବ୍ଯୂହରାଜୋ ବିବଭୌ ଦେବାସୁରଚମୂପମଃ॥ 8-41-38 (56910)
ବାର୍ହସ୍ପତ୍ଯଃ ସୁବିହିତୋ ନାଯକେନ ବିପଶ୍ଚିତା।
ନୃତ୍ଯତୀବ ମହାବ୍ଯୂହଃ ପରେଷାଂ ଭଯମାଦଧତ୍॥ 8-41-39 (56911)
ତସ୍ଯ ପକ୍ଷପ୍ରପକ୍ଷେଭ୍ଯୋ ନିଷ୍ପତନ୍ତି ଯୁଯୁତ୍ସବଃ।
ହସ୍ତ୍ଯଶ୍ବରଥମାତଙ୍ଗାଃ ପ୍ରାବୃଷୀବ ବଲାହକାଃ॥ 8-41-40 (56912)
ତତଃ ସେନାମୁଖେ କର୍ଣଂ ଦୃଷ୍ଟ୍ବା ରାଜା ଯୁଧିଷ୍ଠିରଃ।
ଧନଞ୍ଜଯମମିତ୍ରଘ୍ନମେକବୀରମୁବାଚ ହ॥ 8-41-41 (56913)
ପଶ୍ଯାର୍ଜୁନ ମହାବ୍ଯୂହଂ କର୍ଣେନ ବିହିତଂ ରଣେ।
ଯୁକ୍ତଂ ପକ୍ଷୈଃ ପ୍ରପକ୍ଷୈଶ୍ଚ ପରାନୀକଂ ପ୍ରକାଶତେ॥ 8-41-42 (56914)
ତତ୍ସମୀପଗତଂ ହ୍ଯେତତ୍ପ୍ରତ୍ଯମିତ୍ରଂ ମହଦ୍ବୂଲମ୍।
ଯଥା ନାଭିଭବତ୍ଯସ୍ମାଂସ୍ତଥା ନୀତିର୍ବିଧୀଯତାମ୍॥ 8-41-43 (56915)
ସଞ୍ଜଯ ଉବାଚ। 8-41-44x (4949)
ଏବମୁକ୍ତୋଽର୍ଜୁନୋ ରାଜ୍ଞା ପ୍ରାଞ୍ଜଲିର୍ନୃପମବ୍ରବୀତ୍॥ 8-41-44 (56916)
ଯଥା ଯଥା ଭବାନାହ ତତ୍ତଥା ନ ତଦନ୍ଯଥା।
ଯତ୍ତସ୍ଯ ବିହିତଂ କାର୍ଯଂ ତତ୍କରିଷ୍ଯାମି ସୁବ୍ରତ।
ପ୍ରଧାନମଥ ଚୈବାସ୍ଯ ବିନାଶଂ ଚ କରୋମ୍ଯହମ୍॥ 8-41-45 (56917)
ତସ୍ମାତ୍ତ୍ବଂ ଜହି ରାଧେଯଂ ଭୀମସେନଃ ସୁଯୋଧନମ୍।
ବୃଷସେନଂ ଚ ନକୁଲଃ ସହଦେବୋଽପି ସୌବଲମ୍॥ 8-41-46 (56918)
ଦୁଃଶାନଂ ଶତାନୀକୋ ହାର୍ଦିକ୍ଯଂ ଶିନିପୁଙ୍ଗବଃ।
ଧୃଷ୍ଟଦ୍ଯୁମ୍ନୋ ଦ୍ରୋଣସୁତଂ ସ୍ବଯଂ ଯୋତ୍ସ୍ଯାମ୍ଯହଂ କୃପମ୍॥ 8-41-47 (56919)
ଦ୍ରୌପଦେଯା ଧାର୍ତରାଷ୍ଟ୍ରାଞ୍ଶିଷ୍ଟାନ୍ସହ ଶିଖଣ୍ଡିନା।
ତେ ତେ ଚ ତାଂସ୍ତାନହିତାନସ୍ମାକଂ ଘ୍ନ୍ତୁ ମାମକାଃ॥ 8-41-48 (56920)
ସଞ୍ଜଯ ଉବାଚ। 8-41-49x (4950)
ଇତ୍ଯୁକ୍ତୋ ଧର୍ମରାଜେନ ତଥେତ୍ଯୁକ୍ତ୍ବା ଧନଞ୍ଜଯଃ।
ବ୍ଯାଦିଦେଶ ସ୍ବସୈନ୍ଯାନି ସ୍ବଯଂ ଚାଗାଚ୍ଚମୂମୁଖମ୍॥ 8-41-49 (56921)
ଧନଞ୍ଜଯୋ ମହାରାଜ ଦକ୍ଷିଣଂ ପକ୍ଷମାସ୍ଥିତଃ।
ଭୀମସେନୋ ମହାବାହୁର୍ବାମଂ ପକ୍ଷମୁପାଶ୍ରିତଃ॥ 8-41-50 (56922)
ସାତ୍ଯକିର୍ଦ୍ରୌପଦେଯାଶ୍ଚ ସ୍ବଯଂ ରାଜା ଚ ପାଣ୍ଡବଃ।
ବ୍ଯୂହସ୍ଯ ପ୍ରମୁଖେ ତସ୍ଥୁଃ ସ୍ବେନାନୀକେନ ସଂବୃତାଃ॥ 8-41-51 (56923)
ସ୍ବବଲେନାରିସୈନ୍ଯଂ ତତ୍ପ୍ରତ୍ଯବସ୍ଥାପ୍ଯ ପାଣ୍ଡବଃ।
ପ୍ରତ୍ଯବ୍ଯୂହତ୍ପୁରସ୍କୃତ୍ଯ ଧୃଷ୍ଟଦ୍ଯୁମ୍ନଶିଖଣ୍ଡିନୌ॥ 8-41-52 (56924)
ତତ୍ସାଦିନାଗକଲିଲଂ ପଦାତିରଥସଙ୍କୁଲମ୍।
ଧୃଷ୍ଟଦ୍ଯୁମ୍ନମୁଖଂ ଘୋରମଶୋଭତ ମହଦ୍ବଲମ୍॥ ॥ 8-41-53 (56925)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଏକଚତ୍ବାରିଂଶୋଽଧ୍ଯାଯଃ॥ 41 ॥
॥ ଶ୍ରୀଃ ॥
8.42. ଅଧ୍ଯାଯଃ 042
Mahabharata - Karna Parva - Chapter Topics
ସଙ୍କୁଲଯୁଦ୍ଧମ୍॥ 1 ॥
Mahabharata - Karna Parva - Chapter Text
8-42-0 (56926)
ଧୃତରାଷ୍ଟ୍ର ଉବାଚ। 8-42-0x (4951)
ତଥା ବ୍ଯୂଢେଷ୍ବନୀକେଷୁ ସଂସକ୍ତେଷୁ ଚ ସଞ୍ଜଯ।
ସଂଶପ୍ତକାଃ କଥଂ ପାର୍ଥଂ କଥଂ କର୍ଣଂ ଚ ପାଣ୍ଡବାଃ॥ 8-42-1 (56927)
ଏତଦ୍ବିସ୍ତରଶୋ ଯୁଦ୍ଧଂ ପ୍ରବ୍ରୂହି କୁଶଲୋ ହ୍ଯସି।
ନ ହି ତୃପ୍ଯାମି ବୀରାଣାଂ ଶୃଣ୍ବାନୋ ଯୁଧି ବିକ୍ରମମ୍॥ 8-42-2 (56928)
ସଞ୍ଜଯ ଉବାଚ। 8-42-3x (4952)
ତତ୍ସଂସ୍ଥିମଥୋ ଦୃଷ୍ଟ୍ବା ପ୍ରତ୍ଯମିତ୍ରଂ ମହଦ୍ବଲମ୍।
ପ୍ରତ୍ଯବ୍ଯୂହତ୍ତତଃ କର୍ଣୋ ହିତାର୍ଥଂ ତନଯସ୍ଯ ତେ॥ 8-42-3 (56929)
ତତ୍ସାଦିନାଗକଲିଲଂ ପଦାତିରଥସଙ୍କୁଲମ୍।
ଧୃଷ୍ଟଦ୍ଯୁମ୍ନମୁଖଂ ଘୋରମଶୋଭତ ମହଦ୍ବଲମ୍॥ 8-42-4 (56930)
ପାରାବତସବର୍ଣାଶ୍ବଶ୍ଚନ୍ଦ୍ରସୂର୍ଯସମଦ୍ଯୁତିଃ।
ସ ପାର୍ଷତୋ ବଭୌ ଧନ୍ବୀ କାଲୋ ବିଗ୍ରହବାନିବ॥ 8-42-5 (56931)
ପାର୍ଷତଂ ତ୍ବଭିତସ୍ତସ୍ଥୁର୍ଦ୍ରୌପଦେଯା ଯୁଯୁତ୍ସବଃ।
ସାନୁଗା ଦୀପ୍ତବପୁଷଶ୍ଚନ୍ଦ୍ରଂ ତାରାଗଣା ଇବ॥ 8-42-6 (56932)
ଅଥ ବ୍ଯୂଢେଷ୍ବନୀକେଷୁ ପ୍ରେକ୍ଷ୍ଯ ସଂଶପ୍ତକାନ୍ରଣେ।
କ୍ରୁଦ୍ଧୋଽର୍ଜୁନୋଽଭିଦୁଦ୍ରାବ ବ୍ଯାକ୍ଷିପନ୍ଗାଣ୍ଡିବଂ ଧନୁଃ॥ 8-42-7 (56933)
ଅଥ ସଂଶପ୍ତକାଃ ପାର୍ଥମଭ୍ଯଧାବନ୍ବଧୈଷିଣଃ।
ବିଜଯେ ଧୃତସଙ୍କଲ୍ପା ମୃତ୍ଯୁଂ କୃତ୍ବାନିବର୍ତନମ୍॥ 8-42-8 (56934)
ତଦଶ୍ବସଙ୍ଘବହୁଲଂ ପତ୍ତିନାଗରଥାକୁଲମ୍।
ଉଦୀର୍ଯମାଣଂ ସଂରବ୍ଧଂ ଧନଞ୍ଜଯମଭିଦ୍ରବତ୍॥ 8-42-9 (56935)
ତଦୁଦ୍ଯତଂ ମହତ୍ସୈନ୍ଯଂ ସାଗରୌଘସମଂ ଜବେ।
ପାର୍ଥବେଲାଂ ସମାସାଦ୍ଯ ବିଷ୍ଠିତଂ ସମଦୃଶ୍ଯତ॥ 8-42-10 (56936)
ମୃଦ୍ଗନ୍ତଂ ଶବର୍ଷୌଘୈର୍ଦ୍ରୁତମର୍ଜୁନମାର୍ଦଯତ୍॥ 8-42-11 (56937)
ସ ସମ୍ପ୍ରହାରସ୍ତୁମୁଲସ୍ତେଷାମାସୀତ୍କିରୀଟିନା।
ତସ୍ଯୈବ ତୁ ଯଥା ରାଜନ୍ନିବାତକବଚୈଃ ସହ॥ 8-42-12 (56938)
ରଥାନଶ୍ବାନ୍ଧ୍ବଜାନ୍ନାଗାନ୍ପତ୍ତୀନ୍ଗଜଗତାନପି।
ଇଷୂନ୍ଧନୂଂଷି ଖଙ୍ଗାଂଶ୍ଚ ଚକ୍ରାଣି ଚ ପରଶ୍ବଥାନ୍॥ 8-42-13 (56939)
ସାଯୁଧାନୁଦ୍ଯତାନ୍ବାହୂନ୍ବିବିଧାନ୍ଯାଯୁଧାନି ଚ।
ଚିଚ୍ଛେଦ ଦ୍ବିଷତାଂ ପାର୍ଥଃ ଶିରାଂସି ଚ ସହସ୍ରଶଃ॥ 8-42-14 (56940)
ତସ୍ମିନ୍ସୈନ୍ଯମହାବର୍ତେ ପାତାଲତଲସନ୍ନିଭେ।
ନିମଗ୍ନଂ ତଂ ରଥଂ ମତ୍ବା ନେଦୁଃ ସଂଶପ୍ତକା ମୁଦା॥ 8-42-15 (56941)
ସ ପୁରସ୍ତାଦରୀନ୍ହତ୍ବା ପୁନରୁତ୍ତରତୋଽବଧୀତ୍।
ଦକ୍ଷିଣେନ ଚ ପଶ୍ଚାଚ୍ଚ କ୍ରୁଦ୍ଧୋ ରୁଦ୍ରଃ ପଶୂନିବ॥ 8-42-16 (56942)
ଅଥ ପାଞ୍ଚାଲଚେଦୀନାଂ ସୃଢ୍ଜଯାନାଂ ଚ ମାରିଷ।
ତ୍ବଦୀଯୈଃ ସହ ସଙ୍ଗ୍ରାମ ଆସୀତ୍ପରମଦାରୁଣଃ॥ 8-42-17 (56943)
କୃପଶ୍ଚ କୃତବର୍ମା ଚ ଶକୁନିଶ୍ଚାପି ସୌବଲଃ।
ହୃଷ୍ଟସେନାଃ ସୁସଂରବ୍ଧା ରଥାନୀକପ୍ରହାରିଣଃ॥ 8-42-18 (56944)
କୋସଲୈଃ କାଶ୍ଯମତ୍ସ୍ଯୈଶ୍ଚ କାରୂଶୈଃ କେକଯୈରପି।
ଶୂରସେନୈଃ ଶୂରବରୈର୍ଯୁଯୁଧୁର୍ଯୁଦ୍ଧଦୁର୍ମଦାଃ॥ 8-42-19 (56945)
ତେଷାମନ୍ତକରଂ ଯୁଦ୍ଧଂ ଦେହପାପ୍ମବିନାଶନମ୍।
କ୍ଷତ୍ରବିଟ୍ଶୂଦ୍ରବୀରାଣାଂ ଧର୍ମ୍ଯଂ ସ୍ବର୍ଗ୍ଯଂ ଯଶସ୍କରମ୍॥ 8-42-20 (56946)
ଦୁର୍ଯୋଧନୋଽଥ ସହିତୋ ଭ୍ରାତୃଭିର୍ଭରତର୍ଷଭ।
ଗୁପ୍ତଃ କୁରୁପ୍ରବୀରୈଶ୍ଚ ମଦ୍ରାଣାଂ ଚ ମହାରଥୈଃ॥ 8-42-21 (56947)
ପାଣ୍ଡବୈଃ ସହ ପାଞ୍ଚାଲୈଶ୍ଚେଦିଭିଃ ସାତ୍ଯକେନ ଚ।
ଯୁଧ୍ଯମାନଂ ରଣେ କର୍ଣଂ କୁରୁବୀରୋଽଭ୍ଯପାଲଯତ୍॥ 8-42-22 (56948)
କର୍ଣୋଽପି ନିଶିତୈର୍ବାଣୈର୍ବିନିହତ୍ଯ ମହାଚମୂମ୍।
ପ୍ରମୃଦ୍ଯ ଚ ରଥଶ୍ରେଷ୍ଠାନ୍ଯୁଧିଷ୍ଠିରମପୀଡଯତ୍॥ 8-42-23 (56949)
ବିପତ୍ରାଯୁଧଦେହାସୂନ୍କୃତ୍ବା ଶତ୍ରୂନ୍ସହସ୍ରଶଃ।
ଯୁକ୍ତ୍ବା ସ୍ବର୍ଗଯଶୋଭ୍ଯାଂ ଚ ସ୍ବେଭ୍ଯୋ ମୁଦମୁଦାବହତ୍॥ 8-42-24 (56950)
ତଦ୍ବିଗାହ୍ଯ ମହାନୀକଂ ସୂତପୁତ୍ରୋ ମହାରଥଃ।
ନଦୀଂ ପ୍ରବର୍ତଯାମାସ ଶୋଣିତୌଘତରଙ୍ଗିଣୀମ୍॥ 8-42-25 (56951)
ଶୋଣିତୋଦାଂ କ୍ଷୁଣ୍ଣମତ୍ସ୍ଥାଂ ନାଗନକ୍ରଦୁରତ୍ଯଯାମ୍।
ମାଂଲମଜ୍ଜାକର୍ଦମିନୀଂ ଚକ୍ରକୂର୍ମମହୋଡୁପାମ୍॥ 8-42-26 (56952)
ପାତିତୈର୍ମେଘସଙ୍କାଶୈସ୍ତତ୍ରତତ୍ର ମହାଦ୍ବିପୈଃ।
ଅଶନୀଭିରିବ ଧ୍ବସ୍ତା ନଦୀ ରାଜନ୍ବିରାଜତେ॥ 8-42-27 (56953)
ତାଂ ଶରୋର୍ମିମହାବର୍ତାଂ ଛତ୍ରହଂସସମାକୁଲାମ୍।
ତନୁତ୍ରୋଷ୍ଣୀଷସଙ୍ଘାଟାମସ୍ଥିପାଷାଣସଙ୍କୁଲାମ୍॥ 8-42-28 (56954)
ଅପାରାମନପାରାଂ ଚ ଶଙ୍ଖଦୁନ୍ଦୁଭିଘୋଷିଣୀମ୍।
ରୌଦ୍ରାଂ ନଦୀଂ ମହାରାଜ ରଜସା ସର୍ବତୋବୃତାମ୍॥ 8-42-29 (56955)
ଅତିତୀକ୍ଷ୍ଣାଂ ନରାକୀର୍ଣାଂ ନଦୀମନ୍ତକଗାମିନୀମ୍।
ସମଂ ଚ ବିଷମଂ ଚୈବ ସମାଯାନ୍ତୀଂ ମହାଭଯାମ୍॥ 8-42-30 (56956)
ଆକୁଲାଶ୍ଚାତ୍ର ସୀଦନ୍ତି ନରାଃ ଶୋଣିତକର୍ଦମେ।
ନରୈରଭିପରିକ୍ଷିପ୍ତା ଯଥା ରାଜନ୍ମହାଦ୍ରୁମାଃ॥ 8-42-31 (56957)
ତତସ୍ତେ ତତ୍ରତତ୍ରୈବ ପ୍ରଚରନ୍ତୋ ମହାନଦୀମ୍।
ବିଚେରୁଃ ସର୍ବତୋ ଯୋଧା ନୌବାରଣମହାରଥୈଃ॥ 8-42-32 (56958)
ଶୋଣିତେନ ସମଂ ରାଜନ୍କୃତମାସୀତ୍ସମନ୍ତତଃ।
ନଦୀବେଗୈର୍ଯଥା ଭୂମିସ୍ତଦ୍ବଦାସୀଦ୍ବିଶାପତେ॥ 8-42-33 (56959)
ଏବଂ ଭାରତ ସଙ୍ଗ୍ରାମୋ ନରବାଜିଗଜକ୍ଷଯଃ।
କୁରୂଣାଂ ସୃଞ୍ଜଯାନାଂ ଚ ଦେବାସୁରସମୋଽଭବତ୍॥ ॥ 8-42-34 (56960)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଦ୍ବିଚତ୍ବାରିଂଶୋଽଧ୍ଯାଯଃ॥ 42 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.43. ଅଧ୍ଯାଯଃ 043
Mahabharata - Karna Parva - Chapter Topics
ସଙ୍କୁଲଯୁଦ୍ଧମ୍॥ 1 ॥
Mahabharata - Karna Parva - Chapter Text
8-43-0 (56961)
ଧୃତରାଷ୍ଟ୍ର ଉବାଚ। 8-43-0x (4953)
ଯୁକ୍ତଂ ପ୍ରବିଶ୍ଯ ପାର୍ଥାନାଂ ସୈନ୍ଯଂ କୁର୍ବଞ୍ଜନକ୍ଷଯମ୍।
କର୍ଣୋ ରାଜାନମଭ୍ଯେତ୍ଯ ତନ୍ମମାଚକ୍ଷ୍ବ ସ଼ଞ୍ଜଯ॥ 8-43-1 (56962)
କେ ଚ ପ୍ରବୀରାଃ ପାର୍ଥାନାଂ ଯୁଧି କର୍ଣମବାରଯନ୍।
କାଂଶ୍ଚ ପ୍ରମଥ୍ଯାଧିରଥିର୍ଯୁଧିଷ୍ଠିରମପୀଡଯତ୍॥ 8-43-2 (56963)
ସଞ୍ଜଯ ଉବାଚ। 8-43-3x (4954)
ଧୃଷ୍ଟଦ୍ଯୁମ୍ନମୁଖାନ୍ପାର୍ଥାନ୍ଦୃଷ୍ଟ୍ବା କର୍ଣୋ ବ୍ଯବସ୍ଥିତାନ୍।
ସମଭ୍ଯଧାବତ୍ତ୍ବରିତଃ ପାଞ୍ଚାଲାଞ୍ଛତ୍ରୁକର୍ଶନଃ॥ 8-43-3 (56964)
ତଂ ତୂର୍ଣମଭିଧାବନ୍ତଂ ପାଞ୍ଚାଲା ଜିତକାଶିନଃ।
ପ୍ରତ୍ଯୁଦ୍ଯଯୁର୍ମହାତ୍ମାନଂ ହଂସାଃ ସର ଇବୋଷ୍ଣଗେ॥ 8-43-4 (56965)
ତତଃ ଶଙ୍ଖସହସ୍ରାଣାଂ ନିଃସ୍ବନୋ ହୃଦଯଙ୍ଗମଃ।
ପ୍ରାଦୁରାସୀଦୁଭଯତୋ ଭେରୀଶବ୍ଦଶ୍ଚ ଦାରୁଣଃ॥ 8-43-5 (56966)
ନାନାବାଣନିନାଦଶ୍ଚ ଦ୍ବିପାଶ୍ବରଥନିଃସ୍ବନଃ।
ସିଂହନାଦଶ୍ଚ ବୀରାଣାମଭବଦ୍ଦାରୁଣସ୍ତଦା॥ 8-43-6 (56967)
ସାଦ୍ରିଦ୍ରୁମାର୍ଣବା ଭୂମିଃ ସବାତାମ୍ବୁଦମମ୍ବରମ୍।
ସାର୍କେନ୍ଦୁଗ୍ରହନକ୍ଷତ୍ରା ଦ୍ଯୌଶ୍ଚ ବ୍ଯକ୍ତଂ ବିଘୂର୍ଣିତା॥ 8-43-7 (56968)
ଇତି ଭୂତାନି ତଂ ଶବ୍ଦଂ ମେନିରେ ତେ ଚ ବିବ୍ଯଥୁଃ।
ଯାନି ଚାପ୍ଯଲ୍ପସତ୍ବାନି ପ୍ରାଯସ୍ତାନି ମୃତାନି ବୈ॥ 8-43-8 (56969)
ଅଥ କର୍ଣୋ ଭୃଶଂ କ୍ରୁଦ୍ଧଃ ଶୀଘ୍ରମସ୍ତ୍ରମୁଦୀରଯନ୍।
ଜଘାନ ପାଣ୍ଡବୀଂ ସେନାମାସୁରୀଂ ମଘବାନିବ॥ 8-43-9 (56970)
ସ ପାଣ୍ଡବବଲଂ କର୍ଣଃ ପ୍ରବିଶ୍ଯ ବିସୃଜଞ୍ଛରାନ୍।
ପ୍ରଭଦ୍ରକାଣାଂ ପ୍ରବରାନହନତ୍ସପ୍ତସପ୍ତତିମ୍॥ 8-43-10 (56971)
ତତଃ ସୁପୁଙ୍ଖୈର୍ନିଶିତୈରଥ ଶ୍ରଷ୍ଠୋ ରଥେଷୁଭିଃ।
ଅବଧୀତ୍ପଞ୍ଚବିଂଶତ୍ଯା ପାଞ୍ଚାଲାନ୍ପଞ୍ଚବିଂଶତିମ୍॥ 8-43-11 (56972)
ସୁବର୍ଣପୁଙ୍ଖୈର୍ନାରାଚୈଃ ପରକାଯବିଦାରଣୈଃ।
ଚେଦିକାନବଧୀଦ୍ବୀରଃ ଶତଶୋଽଥ ସହସ୍ରଶଃ॥ 8-43-12 (56973)
ତଂ ତଥା ସମରେ କର୍ମ କୁର୍ବାଣମତିମାନୁଷମ୍।
ପରିବବ୍ରୁର୍ମହାରାଜ ପାଞ୍ଚାଲାନାଂ ରଥବ୍ରଜାଃ॥ 8-43-13 (56974)
ତତଃ ସନ୍ଧାଯ ବିଶିଖାନ୍ପଞ୍ଚ ଭାରତ ଦୁଃସହାନ୍।
ପାଞ୍ଚାଲାନବଧୀତ୍ପଞ୍ଚ କର୍ଣୋ ବୈକର୍ତନୋ ବୃଷଃ॥ 8-43-14 (56975)
ଭାନୁଦେବଂ ଚିତ୍ରସେନଂ ସେନାବିନ୍ଦୁଂ ଚ ଭାରତ।
ତପନଂ ଶୂରସେନଂ ଚ ପାଞ୍ଚାଲାନହନଦ୍ରଣେ॥ 8-43-15 (56976)
ପାଞ୍ଚାଲେଷୁ ଚ ଶୂରେଷୁ ବଧ୍ଯମାନେଷୁ ସାଯକୈଃ।
ହାହାକାରୋ ମହାନାସୀତ୍ପାଞ୍ଚାଲାନାଂ ମହାହବେ॥ 8-43-16 (56977)
ତେଷାଂ ସହ୍କ୍ରୀଡମାନାନାଂ ହାହାକାରଂ ପ୍ରକୁର୍ବତାମ୍।
ପୁନରେବ ଚ ତାନ୍କର୍ଣୋ ଜଘାନାଶୁ ପତତ୍ତ୍ରିଭିଃ॥ 8-43-17 (56978)
ଚକ୍ରରକ୍ଷୌ ତୁ କର୍ଣସ୍ଯ ପୁତ୍ରୌ ମାରିଷ ଦୁର୍ଜଯୌ।
ସୁଷେଣଃ ସତ୍ଯସେନଶ୍ଚ ତ୍ଯକ୍ତ୍ବା ପ୍ରାଣାନଯୁଧ୍ଯତାମ୍॥ 8-43-18 (56979)
ପୃଷ୍ଠଗୋପ୍ତା ତୁ କର୍ଣସ୍ଯ ଜ୍ଯେଷ୍ଠଃ ପୁତ୍ରୋ ମହାରଥଃ।
ବୃଷସେନୋଽନ୍ବଯାତ୍କର୍ଣଂ ପୃଷ୍ଠତଃ ପରିପାଲଯନ୍॥ 8-43-19 (56980)
ଧୃଷ୍ଟଦ୍ଯୁମ୍ନଃ ସାତ୍ଯକିଶ୍ଚ ଦ୍ରୌପଦେଯା ବୃକୋଦରଃ।
ଜନମେଜଯଃ ଶିଖଣ୍ଡୀ ଚ ପ୍ରବୀରାଶ୍ଚ ପ୍ରଭଦ୍ରକାଃ॥ 8-43-20 (56981)
ଚେଦିକେକଯପାଞ୍ଚାଲା ଯମୌ ମାତ୍ସ୍ଯାଶ୍ଚ ଦଂଶିତାଃ।
ସମଭ୍ଯଧାବନ୍ରାଧେଯଂ ଜିଘାଂସନ୍ତଃ ପ୍ରହାରିଣମ୍॥ 8-43-21 (56982)
ତ ଏନଂ ବିବିଧୈଃ ଶସ୍ତ୍ରୈଃ ଶରଧାରାଭିରେବ ଚ।
ଅଭ୍ଯବର୍ଷନ୍ବିମର୍ଦନ୍ତଂ ପ୍ରାବୃଷୀବାମ୍ବୁଦା ଗିରିମ୍॥ 8-43-22 (56983)
ପିତରଂ ତୁ ପରୀପ୍ସନ୍ତଃ କର୍ଣପୁତ୍ରାଃ ପ୍ରହାରିଣଃ।
ତ୍ବଦୀଯାଶ୍ଚାପରେ ରାଜନ୍ବୀରା ବୀରାନବାରଯନ୍॥ 8-43-23 (56984)
ସୁଷେଣୋ ଭୀମସେନସ୍ଯ ଚ୍ଛିତ୍ତ୍ବା ଭଲ୍ଲେନ କାର୍ମୁକମ୍।
ନାରାଚୈଃ ସପ୍ତବିର୍ବିଦ୍ଧ୍ବା ହୃଦି ଭୀମଂ ନନାଦ ହ॥ 8-43-24 (56985)
ଅଥାନ୍ଯଦ୍ବନୁରାଦାଯ ସୁଦୃଢଂ ଭୀମବିକ୍ରମଃ।
ସଜ୍ଯଂ ବୃକୋଦରଃ କୃତ୍ବା ସୁଷେଣସ୍ଯାଚ୍ଛିନଦ୍ବନୁଃ॥ 8-43-25 (56986)
ବିବ୍ଯାଧ ଚୈନଂ ଦଶଭିଃ କ୍ରୁଦ୍ଧୋ ନୃତ୍ଯନ୍ନିବେଷୁଭିଃ।
କର୍ଣଂ ଚ ତୂର୍ଣଂ ବିବ୍ଯାଧ ତ୍ରିସପ୍ତତ୍ଯା ଶିତୈଃ ଶରୈଃ॥ 8-43-26 (56987)
ସତ୍ଯସେନଂ ଚ ଦଶଭିଃ ସାଶ୍ବସୂତାଯୁଧଧ୍ବଜମ୍।
ପଶ୍ଯତାଂ ସୁହୃଦାଂ ମଧ୍ଯେ କର୍ଣପୁତ୍ରମପାତଯତ୍॥ 8-43-27 (56988)
କ୍ଷୁରପ୍ରଣୁନ୍ନଂ ତତ୍ତସ୍ଯ ଶିରଶ୍ଚନ୍ଦ୍ରନିଭାନନମ୍।
ଶୁଭଦର୍ଶନମେବାସୀନ୍ନାଲଭ୍ରଷ୍ଟମିବାମ୍ବୁଜମ୍॥ 8-43-28 (56989)
ହତ୍ବା କର୍ଣସୁତଂ ଭୀମସ୍ତାବକାନ୍ପୁନରାର୍ଦଯତ୍।
କୃପହାର୍ଦିକ୍ଯଯୋଶ୍ଛିତ୍ତ୍ବା ଚାପୌ ତାବପ୍ଯଥାର୍ଦଯତ୍॥ 8-43-29 (56990)
ଦୁଃଶାସନଂ ତ୍ରିଭିର୍ବିଦ୍ଧ୍ବା ଶକୁନିଂ ଷଡ୍ଭିରାଯସୈଃ।
ଉଲୂକଂ ଚ ପତତ୍ରିଂ ଚ ଚକାର ବିରଥାବୁଭୌ॥ 8-43-30 (56991)
ହେ ସୁଷେଣ ହତୋଽସୀତି ବ୍ରୁବନ୍ନାଦତ୍ତ ସାଯକମ୍।
ତମସ୍ଯ କର୍ଣଶ୍ଚିଚ୍ଛେଦ ତ୍ରିଭିଶ୍ଚୈନମତାଡଯତ୍॥ 8-43-31 (56992)
ଅଥାନ୍ଯଂ ପରିଜଗ୍ରାହ ସୁପର୍ବାଣଂ ସୁତେଜନମ୍।
ସୁଷେଣାଯାସୃଜଦ୍ଭୀମସ୍ତମପ୍ଯସ୍ଯାଚ୍ଛିନଦ୍ବୃଷଃ॥ 8-43-32 (56993)
ପୁନଃ କର୍ଣସ୍ତ୍ରିସପ୍ତତ୍ଯା ଭୀମସେନମଥେଷୁଭିଃ।
ପୁତ୍ରଂ ପରୀପ୍ସନ୍ବିବ୍ଯାଧ କ୍ରୁଦ୍ଧଃ ଶତ୍ରୁଜିଘାଂସଯା॥ 8-43-33 (56994)
ସୁଷେଣସ୍ତୁ ଧନୁର୍ଗୃହ୍ଯ ଭାରସାଧନମୁତ୍ତମମ୍।
ନକୁଲଂପଞ୍ଚଭିର୍ବାଣୈର୍ବାହ୍ବୋରୁରସି ଚାର୍ପଯତ୍॥ 8-43-34 (56995)
ନକୁଲସ୍ତଂ ତୁ ବିଂଶତ୍ଯା ବିଦ୍ବ୍ବା ଭାରସହୈର୍ଦୃଢୈଃ।
ନନାଦ ବଲବନ୍ନାଦଂ କର୍ଣସ୍ଯ ଭଯମାଦଧତ୍॥ 8-43-35 (56996)
ତଂ ସୁଷେଣୋ ମହାରାଜ ବିଦ୍ଧ୍ବା ଦଶଭିରାଶୁଗୈଃ।
ଚିଚ୍ଛେଦ ଚ ଧନୁଃ ଶୀଘ୍ରଂ କ୍ଷୁରପ୍ରେଣ ମହାରଥଃ॥ 8-43-36 (56997)
ଅଥାନ୍ଯଦ୍ବନୁରାଦାଯ ନକୁଲଃ କ୍ରୋଧମୂର୍ଚ୍ଛିତଃ।
ସୁଷେଣଂ ନବଭିର୍ବାଣୈର୍ବାରଯାମାସ ସଂଯୁଗେ॥ 8-43-37 (56998)
ସ ତୁ ବାଣୈର୍ଦିଶୋ ରାଜନ୍ନାଚ୍ଛାଦ୍ଯ ପରବୀରହା॥
ଆଜଘ୍ନେ ସାରଥିଂ ଚାସ୍ଯ ସୁଷେଣଂ ଚ ତତସ୍ତ୍ରିଭିଃ।
ଚିଚ୍ଛେଦ ଚାସ୍ଯ ସୁଦୃଢଂ ଧନୁର୍ଭଲ୍ଲୈସ୍ତ୍ରିଭିସ୍ତ୍ରିଧା॥ 8-43-38 (56999)
ଅଥାନ୍ଯଦ୍ବନୁରାଦାଯ ସୁଷେଣଃ କ୍ରୋଧମୂର୍ଚ୍ଛିତଃ।
ଆବିଧ୍ଯନ୍ନକୁଲଂ ଷଷ୍ଟ୍ଯା ସହଦେବଂ ଚ ସପ୍ତଭିଃ॥ 8-43-39 (57000)
ତଦ୍ଯୁଦ୍ଧଂ ସୁମହଦ୍ଧୋରମାସୀଦ୍ଦେବାସୁରୋପମମ୍।
ନିଘ୍ନତାଂ ସାଯକୈସ୍ତୂର୍ଣମନ୍ଯୋନ୍ଯସ୍ଯ ବଧଂ ପ୍ରତି॥ 8-43-40 (57001)
ସାତ୍ଯକିର୍ବୃଷସେନଂ ତୁ ବିଦ୍ଧ୍ବା ସପ୍ତଭିରାଯସୈଃ।
`ପୁନର୍ବିବ୍ଯାଧ ସପ୍ତତ୍ଯା ସାରଥିଂ ଚ ତ୍ରିଭିଃ ଶିତୈଃ॥ 8-43-41 (57002)
ବୃଷସେନସ୍ତୁ ଶୈନେଯଂ ଶରେଣାନତପର୍ବଣା।
ଆଜଘାନ ମହାରାଜ ଶଙ୍ଖଦେଶେ ମହାରଥମ୍॥ 8-43-42 (57003)
ଶୈନେଯୋ ବୃଷସେନେନ ପତ୍ରିଣା ପରିପୀଡିତଃ।
କୋପଂ ଚକ୍ରେ ମହାରାଜ କ୍ରୁଦ୍ଧୋ ବେଗଂ ଚ ଦାରୁଣମ୍॥ 8-43-43 (57004)
ଜଗ୍ରାହେଷୁବରାନ୍ବୀରଃ ଶୀଘ୍ରଂ ବୈ ଦଶ ପଞ୍ଚ ଚ।
ସାତ୍ଯକିର୍ବୃଷସେନସ୍ଯ ସୂତଂ ହତ୍ବା ତ୍ରିଭିଃ ଶରୈଃ'॥ 8-43-44 (57005)
ଧନୁଶ୍ଚିଚ୍ଛେଦ ଭଲ୍ଲେନ ଜଘାନାଶ୍ବାଂଶ୍ଚ ସପ୍ତଭିଃ।
ଧ୍ବଜମେକେଷୁଣୋନ୍ମଥ୍ଯ ତ୍ରିଭିଶ୍ତଂ ହୃଦ୍ଯତାଡଯତ୍॥ 8-43-45 (57006)
ଅଥାବସନ୍ନଃ ସ୍ବରଥେ ମୁହୂର୍ତାତ୍ପୁନରୁତ୍ଥିତଃ।
ସ ରଣେ ଯୁଯୁଧାନେନ ବିସୂତାଶ୍ବରଥଧ୍ବଜଃ।
କୃତୋ ଜିଘାଂସୁଃ ଶୈନେଯଂ ଖଙ୍ଗଚର୍ମଧୃଗଭ୍ଯଯାତ୍॥ 8-43-46 (57007)
ତସ୍ଯ ଚାପତତଃ ଶୀଘ୍ରଂ ବୃଷସେନସ୍ଯ ସାତ୍ଯକିଃ।
ବାରାହକର୍ଣୈର୍ଦଶଭିରବିଧ୍ଯଦସିଚର୍ମଣୀ॥ 8-43-47 (57008)
ଦୁଃଶାସନସ୍ତୁ ତଂ ଦୃଷ୍ଟ୍ବା ବିରଥଂ ବ୍ଯାଯୁଧଂ କୃତମ୍।
ଆରୋପ୍ଯ ସ୍ବରଥଂ ତୂର୍ଣମପୋବାହ ରଥାନ୍ତରମ୍॥ 8-43-48 (57009)
ଅଥାନ୍ଯଂ ରଥମାସ୍ଥାଯ ବୃଷସେନୋ ମହାରଥଃ।
ଦ୍ରୌପଦେଯାଂସ୍ତ୍ରିସପ୍ତତ୍ଯା ଯୁଯୁଧାନଂ ଚ ପଞ୍ଚଭିଃ॥ 8-43-49 (57010)
ଭୀମସେନଂ ଚତୁଃଷଷ୍ଟ୍ଯା ସହଦେବଂ ଚ ପଞ୍ଚଭିଃ।
ନକୁଲଂ ତ୍ରିଂଶତା ବାଣୈଃ ଶତାନୀକଂ ଚ ସପ୍ତଭିଃ॥ 8-43-50 (57011)
ଶିଖଣ୍ଡିନଂ ଚ ଦଶଭିର୍ଧର୍ମରାଜଂ ଶତେନ ଚ।
ଏତାଂଶ୍ଚାନ୍ଯାଂଶ୍ଚ ରାଜେନ୍ଦ୍ର ପ୍ରବୀରାଞ୍ଚଯଗୃଦ୍ଧିନଃ॥ 8-43-51 (57012)
ଅଭ୍ଯର୍ଦଯନ୍ମହେଷ୍ବାସଃ କର୍ଣପୁତ୍ରୋ ବିଶାମ୍ପତେ।
କର୍ଣସ୍ଯ ଯୁଧି ଦୁର୍ଧର୍ଷସ୍ତତଃ ପୃଷ୍ଠମପାଲଯତ୍॥ 8-43-52 (57013)
ଯୁଯୁଧାନଂ ଚ ରାଧେଯୋ ନବୈର୍ନବଭିରାଯସୈଃ।
ବିସୂତାଶ୍ବରଥଂ କୃତ୍ବା ଲଲାଟେ ତ୍ରିଭିରାର୍ପଯତ୍॥ 8-43-53 (57014)
ସ ତ୍ବନ୍ଯଂ ରଥମାସ୍ଥାଯ ବିଧିବତ୍କଲ୍ପିତଂ ପୁନଃ।
ଯୁଯୁଧେ ପାଣ୍ଡୁଭିଃ ସାର୍ଧଂ କର୍ଣସ୍ଯ ବ୍ଯଧମଦ୍ବଲମ୍॥ 8-43-54 (57015)
ଧୃଷ୍ଟଦ୍ଯୁମ୍ନସ୍ତତଃ କର୍ଣମବିଧ୍ଯଦ୍ଦଶଭିଃ ଶରୈଃ।
ଦ୍ରୌପଦେଯାସ୍ତ୍ରିସପ୍ତତ୍ଯା ଯୁଯୁଧାନସ୍ତୁ ସପ୍ତଭିଃ॥ 8-43-55 (57016)
ଭୀମସେନଶ୍ଚତୁଃଷଷ୍ଟ୍ଯା ସହଦେବଶ୍ଚ ସପ୍ତିଭିଃ।
ନକୁଲସ୍ତ୍ରିଂଶତା ବାଣୈଃ ଶତାନୀକସ୍ତୁ ସପ୍ତଭିଃ॥ 8-43-56 (57017)
ଶିଖଣ୍ଡୀ ଦଶଭିର୍ବୀରୋ ଧର୍ମରାଜଃ ଶତେନ ତୁ।
ଏତେ ଚାନ୍ଯେ ଚ ରାଜେନ୍ଦ୍ର ପ୍ରବୀରା ଜଯଗୃଦ୍ବିନଃ।
ଅଭ୍ଯର୍ଦଯନ୍ମହେଷ୍ବାସଂ ସୂତପୁତ୍ରଂ ମହାମୃଧେ॥ 8-43-57 (57018)
ତାନ୍ସୂତପୁତ୍ରୋ ବିଶିଖୈର୍ଦଶଭିର୍ଦଶଭିଃ ଶରୈଃ।
ରଥେନାନୁଚରନ୍ବୀରଃ ପ୍ରତ୍ଯବିଧ୍ଯଦରିନ୍ଦମଃ। 8-43-58 (57019)
`ସାତ୍ଯକିଂ ଭୀମସେନଂ ଚ ଧୃଷ୍ଟଦ୍ଯୁମ୍ନଂ ଶିଖଣ୍ଡିନମ୍।
ଦ୍ରୌପଦେଯାଂଶ୍ଚ ସଂରବ୍ଧାନ୍ଯତମାନାନ୍ମହାରଥାନ୍॥ 8-43-59 (57020)
ପଶ୍ଯତାଂ ସର୍ବସୈନ୍ଯାନାମଥୈନାନ୍ସୂତନନ୍ଦନଃ।
ବିରଥାନ୍ରଥିନଃ ଶ୍ରେଷ୍ଠାନ୍ନିମେଷାର୍ଧାଚ୍ଚକାର ହ॥ 8-43-60 (57021)
ଅମୋଘତ୍ବାଚ୍ଚ ବାଣାନାଂ ଭୂତସଙ୍ଘା ବିସିପ୍ମଯୁଃ'॥ 8-43-61 (57022)
ତତ୍ରାସ୍ତ୍ରବୀର୍ଯଂ କର୍ଣସ୍ଯ ଲାଘବଂ ଚ ମହାତ୍ମନଃ।
ଅପଶ୍ଯାମ ମହାଭାଗ ତଦଦ୍ଭୁତମିବାଭବତ୍॥ 8-43-62 (57023)
ନ ହ୍ଯାଦଦାନଂ ଦଦୃଶୁଃ ସନ୍ଦଧାନଂ ଚ ସାଯକାନ୍।
ବିମୁଞ୍ଚନ୍ତଂ ଚ ସଂରମ୍ଭାଦ ପଶ୍ଯନ୍ନୈବ ତଂ ଜନାଃ॥ 8-43-63 (57024)
ପ୍ରତୀଚ୍ଯାଂ ଦିଶି ତଂ ଦୃଷ୍ଟ୍ବା ପ୍ରାଚ୍ଯାଂ ପଶ୍ଯାମ ଲାଘବାତ୍।
ନ ଚ ପଶ୍ଯାମ ରାଜେନ୍ଦ୍ର କ୍ବ ନୁ କର୍ଣୋ ବ୍ଯତିଷ୍ଠତ॥ 8-43-64 (57025)
ଇଷୂନେବାସ୍ଯ ପଶ୍ଯାମୋ ବିନିକୀର୍ଣାଽନ୍ସମନ୍ତତଃ।
ଛାଦଯାନାନ୍ଦିଶୋ ରାଜଞ୍ଶଲଭାନାମିବ ବ୍ରଜାନ୍॥ 8-43-65 (57026)
ତସ୍ଯ ତୈରିଷୁଭିସ୍ତ୍ରୀକ୍ଷ୍ଣୈଃ ସମ୍ପତଦ୍ଭିଃ ସହସ୍ରଶଃ।
ମରୀଚିଭିରିବୋଷ୍ଣାଂଶୋଃ ଶରୈଃ ସନ୍ନତପର୍ବଭିଃ॥ 8-43-66 (57027)
ବ୍ଯାପ୍ତାଃ ସର୍ବା ଦିଶୋ ରାଜନ୍ଯୋଧାଶ୍ଚ ଦଦୃଶୁସ୍ତଦା।
ଶରୈଃ ସଂବୃତମାକାଶଂ ତତ୍ରାଭ୍ରୈରିବ ଚାଭବତ୍॥ 8-43-67 (57028)
ଦ୍ଯୌର୍ବିଯଦ୍ଭୂର୍ଦିଶଶ୍ଚୈବ ପ୍ରଚ୍ଛନ୍ନା ନିଶିତୈଃ ଶରୈଃ।
ଅରୁଣାଭ୍ରାବୃତାକାରଂ ତସ୍ମିନ୍ଦେଶେ ବଭୌ ବିଯତ୍॥ 8-43-68 (57029)
ତତଃ ପୁନରମେଯାତ୍ମା କର୍ଣୋ ରାଜା ମହାରଥଃ।
ନ୍ଯହନତ୍ସମରେ ଯୋଧାନ୍ଯୋଧବୃତ୍ତମନୁଷ୍ଠିତଃ॥ 8-43-69 (57030)
ନୃତ୍ଯନ୍ନିବ ହି ରାଧେଯଶ୍ଚାପହସ୍ତୋ ରଣାଜିରେ।
ଯୈର୍ବିଦ୍ବଃ ପ୍ରତ୍ଯବିଦ୍ବ୍ଯତ୍ତାନେକୈକଂ ତ୍ରିଗୁଣୈଃ ଶରୈଃ॥ 8-43-70 (57031)
ଶତୈଶ୍ଚ ଦଶଭିଶ୍ଚୈତାନ୍ପୁନର୍ବିଦ୍ଧ୍ବା ନନାଦ ଚ।
ସାଶ୍ବସୂତଧ୍ବଜଚ୍ଛତ୍ରାସ୍ତତସ୍ତେ ବିବରଂ ଦଦୁଃ॥ 8-43-71 (57032)
`ତେ ହନ୍ଯମାନାଃ କର୍ଣେନ ପଲାଯନ୍ତ ଦିଶୋ ଦଶ।
ନାଦଯନ୍ତୋ ଦିଶଃ ସର୍ବାଃ କର୍ମତ୍ରସ୍ତା ବିଚେତସଃ'॥ 8-43-72 (57033)
ତାନ୍ପ୍ରମଥ୍ଯ ମହେଷ୍ବାସାନ୍ରାଧେଯଃ ଶରବୃଷ୍ଟିଭିଃ।
ରାଜାନୀକମସମ୍ବାଧଂ ପ୍ରାବିଶଚ୍ଛତ୍ରୁକର୍ଶନଃ॥ 8-43-73 (57034)
ସ ରଥାଂସ୍ତ୍ରିଶତଂ ହତ୍ବା ଚେଦୀନାମନିବର୍ତିନାମ୍।
ରାଧେଯୋ ନିଶିତୈର୍ବାଣୈସ୍ତତୋଽଭ୍ଯାଗାଦ୍ଯୁଧିଷ୍ଠିରମ୍॥ 8-43-74 (57035)
`ତତସ୍ତେ ବିରଥାଃ ଶୂରା ରଥାନନ୍ଯାନ୍ସମାସ୍ଥିତାଃ।
ପରିବବ୍ରୁର୍ମହାରାଜ ଧର୍ମପୁତ୍ରଂ ଯୁଧିଷ୍ଠିରମ୍'॥ 8-43-75 (57036)
ତତସ୍ତେ ତୁ ପରେ ରାଜଞ୍ଛିଖଣ୍ଡୀ ଚ ସସାତ୍ଯକିଃ।
ରାଧେଯାତ୍ପରିରକ୍ଷନ୍ତୋ ରାଜାନଂ ପର୍ଯବାରଯନ୍।
ମୁଞ୍ଚନ୍ତୋ ବିବିଧାନ୍ବାଣାନ୍ସ୍ବର୍ଣପୁଙ୍ଖାଞ୍ଶିଲାଶିତାନ୍॥ 8-43-76 (57037)
ତଥୈବ ତାବକାଃ ସର୍ବେ କର୍ଣଂ ଦୁର୍ବାରଣଂ ରଣେ।
ଯତ୍ତାଃ ଶୂରା ମହେଷ୍ବାସାଃ ପର୍ଯରକ୍ଷନ୍ତ ସର୍ବଶଃ॥ 8-43-77 (57038)
ନାନାବାଦିତ୍ରଘୋଷାଶ୍ଚ ପ୍ରାଦୁରାସନ୍ବିଶାମ୍ପତେ।
ସିଂହନାଦଶ୍ଚ ସଞ୍ଜଜ୍ଞେ ଶୂରାଣାମଭିଗର୍ଜତାମ୍॥ 8-43-78 (57039)
ତତଃ ପୁନଃ ସମାଜଗ୍ମୁରଭୀତାଃ କୁରୁପାଣ୍ଡବାଃ।
ଯୁଧିଷ୍ଠିରମୁଖାଃ ପାର୍ଥାଃ ସୂତପୁତ୍ରମୁଖା ବଯମ୍॥ ॥ 8-43-79 (57040)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ତ୍ରିଚତ୍ବାରିଂଶୋଽଧ୍ଯାଯଃ॥ 43 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.44. ଅଧ୍ଯାଯଃ 044
Mahabharata - Karna Parva - Chapter Topics
କର୍ଣେନ ଯୁଧିଷ୍ଠିରସ୍ଯ ପରାଜଯପୂର୍ବକମପହାସଃ॥ 1 ॥ ସଙ୍କୁଲଯୁଦ୍ଧମ୍॥ 2 ॥
Mahabharata - Karna Parva - Chapter Text
8-44-0 (57041)
ସଞ୍ଜଯ ଉବାଚ। 8-44-0x (4955)
ବିଦାର୍ଯ କର୍ଣସ୍ତାଂ ସେନାଂ ଯୁଧିଷ୍ଠିରମଥାଦ୍ରବତ୍।
ରଥହସ୍ତ୍ଯଶ୍ବପତ୍ତୀନାଂ ସହସ୍ରୈଃ ପରିବାରିତଃ॥ 8-44-1 (57042)
ନାନାଯୁଧସହସ୍ରାଣି ପ୍ରେରିତାନ୍ଯରିଭିର୍ବୃଷଃ।
ଛିତ୍ତ୍ବା ବାଣଶତୈରୁଗ୍ରୈସ୍ତାନବିଧ୍ଯଦସମ୍ଭ୍ରମାତ୍॥ 8-44-2 (57043)
ନିଚକର୍ତ ଶିରାଂସ୍ଯେଷାଂ ବାହୂନୂରୂଂଶ୍ଚ ସୂତଜଃ॥
ତେ ହତା ଭୂତଲେ ପେତୁର୍ଭଗ୍ନାଶ୍ଚାନ୍ଯେ ବିଦୁଦ୍ରୁବୁଃ॥ 8-44-3 (57044)
ଦ୍ରବିଡାନ୍ଧ୍ରନିଷାଦାସ୍ତୁ ପୁନଃ ସାତ୍ଯକିଚୋଦିତାଃ।
ପ୍ରଭ୍ଯଦ୍ରବଞ୍ଜିଘାଂସନ୍ତଃ ପତ୍ତଯଃ କର୍ଣମାହବେ॥ 8-44-4 (57045)
ତେ ବିବାହୁଶିରସ୍ତ୍ରାଣାଃ ପ୍ରହତାଃ କର୍ଣସାଯକୈଃ।
ପେତୁଃ ପୃଥିବ୍ଯାଂ ଯୁଗପଚ୍ଛିନ୍ନଂ ସାଲବନଂ ଯଥା॥ 8-44-5 (57046)
ଏବଂ ଯୋଧଶତାନ୍ଯାଜୌ ସହସ୍ରାଣ୍ଯଯୁତାନି ଚ।
ହତାନୀଯୁର୍ମହୀଂ ଦେହୈର୍ଯଶସାଽପୂରଯନ୍ଦିଶଃ॥ 8-44-6 (57047)
ଅଥ ବୈକର୍ତନଂ କର୍ଣଂ ରଣେ କ୍ରୁଦ୍ଧମିବାନ୍ତକମ୍।
ରୁରୁଧୁଃ ପାଣ୍ଡୁପାଞ୍ଚାଲା ବ୍ଯାଧିଂ ମନ୍ତ୍ରୌଷଧା ଇବ॥ 8-44-7 (57048)
ସ ତାନ୍ପ୍ରମୃଦ୍ଯାବ୍ଯପତତ୍ପୁନରେବ ଯୁଧିଷ୍ଠିରମ୍।
ମନ୍ତ୍ରୌଷଧିକ୍ରିଯାତୀତୋ ବ୍ଯାଧିରତ୍ଯୁଲ୍ବଣୋ ଯଥା॥ 8-44-8 (57049)
ସ ରାଜଗୃଦ୍ଧିଭୀ ରୁଦ୍ଧଃ ପାଣ୍ଡୁପାଞ୍ଚାଲକେକଯୈଃ।
ନାଶକତ୍ତାନତିକ୍ରାନ୍ତୁଂ ମୃତ୍ଯୁର୍ବ୍ରାହ୍ମବିଦୋ ଯଥା॥ 8-44-9 (57050)
ତତୋ ଯୁଧିଷ୍ଠିରଃ କର୍ଣମଦୂରସ୍ଥଂ ନିବାରିତମ୍।
`ତୈର୍ଯୋଧପ୍ରମୁଖୈର୍ବୀରଂ ଦୃଷ୍ଟ୍ବା ବିବ୍ଯାଧ ସାଯକୈଃ॥ 8-44-10 (57051)
କର୍ଣଃ ପାର୍ଥଶରାବିଦ୍ଧସ୍ତୋତ୍ରାର୍ଦିତ ଇବ ଦ୍ବିପଃ।
ପ୍ରମଥ୍ଯ ସହିତାନ୍ବୀରାନ୍ଯୁଧିଷ୍ଠିରମପୀଡଯତ୍॥ 8-44-11 (57052)
ତତୋ ଯୁଧିଷ୍ଠିରଃ କର୍ଣମାସାଦ୍ଯ ଜଯତାଂ ବରମ୍'।
ଅବ୍ରବୀତ୍ପରବୀରଘ୍ନଂ କ୍ରୋଧସଂରକ୍ତଲୋଚନଃ॥ 8-44-12 (57053)
କର୍ଣକର୍ଣ ବୃଥାଦୃଷ୍ଟେ ସୂତପୁତ୍ର ବଚଃ ଶୃଣୁ।
ସଦା ସ୍ପର୍ଧସି ସଙ୍ଗ୍ରାମେ ଫଲ୍ଗୁନେନ ତରସ୍ବିନା॥ 8-44-13 (57054)
ଯଥାଽସ୍ମାନ୍ବାଧସେ ନିତ୍ଯଂ ଧାର୍ତରାଷ୍ଟ୍ରମତେ ସ୍ଥିତଃ।
ଯଦ୍ବଲଂ ଯଚ୍ଚ ତେ ବୀର୍ଯଂ ପ୍ରଦ୍ବେଷୋ ଯସ୍ତୁ ପାଣ୍ଡୁଷୁ॥ 8-44-14 (57055)
ତତ୍ସର୍ବଂ ଦର୍ଶଯସ୍ବାଦ୍ଯ ପୌରୁଷଂ ମହଦାସ୍ଥିତଃ।
ଯୁଦ୍ଧଶ୍ରଦ୍ବାଂ ଚ ତେଽଦ୍ଯାହଂ ବିନେଷ୍ଯାମି ମହାହବେ॥ 8-44-15 (57056)
ଏବମୁକ୍ତ୍ବା ମହାରାଜ କର୍ଣଂ ପାଣ୍ଡୁସୁତସ୍ତଦା।
ସୁବର୍ଣପୁଙ୍ଖୈର୍ଦଶଭିର୍ବିବ୍ଯାଦାଯସ୍ମଯୈଃ ଶରୈଃ॥ 8-44-16 (57057)
ତଂ ସୂତପୁତ୍ରୋ ଦଶଭିଃ ପ୍ରତ୍ଯବିଦ୍ଧ୍ଯଦରିନ୍ଦମଃ।
ବତ୍ସଦନ୍ତୈର୍ମହେଷ୍ବାସଃ ପ୍ରହସନ୍ନିବ ଭାରତ॥ 8-44-17 (57058)
ସୋଽବଜ୍ଞାଯ ତୁ ନିର୍ବିଦ୍ଧଃ ସୂତପୁତ୍ରେଣ ପାଣ୍ଡବଃ।
ପ୍ରଜଜ୍ବାଲ ତତଃ କ୍ରୋଧାଦ୍ଧବିଷେବ ହୁତାଶନଃ॥ 8-44-18 (57059)
ଜ୍ବାଲାମାଲାପରିକ୍ଷିପ୍ତୋ ରାଜ୍ଞୋ ଦେହୋ ବ୍ଯଦୃଶ୍ଯତ।
ଯୁଗାନ୍ତେ ଦଗ୍ଧୁକାମସ୍ଯ ସଂବର୍ତାଗ୍ନେରିବାପରଃ॥ 8-44-19 (57060)
ତତୋ ବିସ୍ଫାର୍ଯ ସୁମହଚ୍ଚାପଂ ହେମପରିଷ୍କୃତମ୍।
ସମାଧତ୍ତ ଶିତଂ ବାଣଂ ଗିରୀଣାମପି ଦାରଣମ୍॥ 8-44-20 (57061)
ତତଃ ପୂର୍ଣାଯତୋତ୍କୃଷ୍ଟଂ ଯମଦଣ୍ଡନିଭଂ ଶରମ୍।
ମୁମୋଚ ତ୍ବରିତୋ ରାଜା ସୂତପୁତ୍ରଜିଘାଂସଯା॥ 8-44-21 (57062)
ସ ତୁ ବେଗବତା ମୁକ୍ତୋ ବାଣୋ ବଜ୍ରାଶନିସ୍ବନଃ।
ବିବେଶ ସହସା କର୍ଣଂ ସବ୍ଯେ ପାର୍ଶ୍ବେ ମହାରଥମ୍॥ 8-44-22 (57063)
ସ ତୁ ତେନ ପ୍ରହାରେଣ ପୀଡିତଃ ପ୍ରମୁମୋହ ବୈ।
ସ୍ରସ୍ତଗାତ୍ରୋ ମହାବାହୁର୍ଧନୁରୁତ୍ସୃଜ୍ଯ କମ୍ପିତଃ॥ 8-44-23 (57064)
ଗତାସୁରିବ ନିଶ୍ଚେତାଃ ଶଲ୍ଯସ୍ଯାଭିମୁଖୋଽପତତ୍।
ରାଜାଽପି ଭୂଯୋ ନାଜଘ୍ନେ କର୍ଣଂ ପାର୍ଥହିତେପ୍ସଯା॥ 8-44-24 (57065)
ତତୋ ହାହାକୃତଂ ସର୍ବଂ ଧାର୍ତରାଷ୍ଟ୍ରବଲଂ ମହତ୍।
ବିବର୍ଣମୁଖମାର୍ତଂ ଚ କର୍ଣଂ ଦୃଷ୍ଟ୍ବା ତଥାଗତମ୍॥ 8-44-25 (57066)
ସିଂହନାଦାଶ୍ଚ ସଞ୍ଜଜ୍ଞୁଃ କ୍ଷ୍ବେଲାଃ କିଲକିଲାସ୍ତଥା।
ପାଣ୍ଡବାନାଂ ମହାରାଜ ଦୃଷ୍ଟ୍ବା ରାଜ୍ଞଃ ପରାକ୍ରମମ୍॥ 8-44-26 (57067)
ପ୍ରତିଲଭ୍ଯ ତୁ ରାଧେଯଃ ସଂଜ୍ଞାଂ ନାତିଚିରାଦିବ।
ଦଧ୍ରେ ରାଜବିନାଶାଯ ମନଃ କ୍ରୂରପରାକ୍ରମଃ॥ 8-44-27 (57068)
ସ ହେମବିକୃତଂ ଚାପଂ ବିସ୍ଫାର୍ଯ ବିଜଯଂ ମହତ୍।
ଅବାକିରଦମେଯାତ୍ମା ପାଣ୍ଡବଂ ନିଶିତୈଃ ଶରୈଃ॥ 8-44-28 (57069)
ତତଃ କ୍ଷୁରାଭ୍ଯାଂ ପାଞ୍ଚାଲ୍ଯୌ ଚକ୍ରରକ୍ଷୌ ମହାତ୍ମନଃ।
ଜଘାନ ଚନ୍ଦ୍ରଦେବଂ ଚ ଦଣ୍ଡଧାରଂ ଚ ସଂଯୁଗେ॥ 8-44-29 (57070)
ତାବୁଭୌ ଧର୍ମରାଜସ୍ଯ ପ୍ରବୀରୌ ଯୁଧି ଭାରତ।
ରଥାଭ୍ଯାଶେ ଚକାଶେତେ ଚନ୍ଦ୍ରସ୍ଯେବ ପୁନର୍ବସୂ॥ 8-44-30 (57071)
ଯୁଧିଷ୍ଠିରଃ ପୁନଃ କର୍ଣମବିଦ୍ବ୍ଯତ୍ତ୍ରିଂଶତା ଶରୈଃ।
ସୁଷେଣଂ ସତ୍ଯସେନଂ ଚ ତ୍ରିଭିସ୍ତ୍ରିଭିରତାଡଯତ୍॥ 8-44-31 (57072)
ଶଲ୍ଯଂ ନବତ୍ଯା ବିବ୍ଯାଧ ତ୍ରିସପ୍ତତ୍ଯା ଚ ସୂତଜମ୍।
ତାଂସ୍ତସ୍ଯ ଗୋପ୍ତୄନ୍ବିବ୍ଯାଧ ତ୍ରିଭିସ୍ତ୍ରିଭିରଜିହ୍ମଗୈଃ॥ 8-44-32 (57073)
ତତଃ ପ୍ରହସ୍ଯାଧିରଥିଃ ଷଷ୍ଠ୍ଯା ରାଜଞ୍ଶିତୈଃ ଶରୈଃ।
ବିଦ୍ଧ୍ବା ଯୁଧିଷ୍ଠିରଂ ସଙ୍ଖ୍ଯେ ନନାଦାତିରଥସ୍ତଦା॥ 8-44-33 (57074)
ତତଃ ପ୍ରବୀରାଃ ପାଣ୍ଡୂନାମଭ୍ଯଧାବନ୍ନମର୍ଷିତାଃ।
ଯୁଧିଷ୍ଠିରଂ ପରୀପ୍ସନ୍ତଃ କର୍ଣମଭ୍ଯର୍ଦଯଞ୍ଛରୈଃ॥ 8-44-34 (57075)
ସାତ୍ଯକିଶ୍ଚେକିତାନଶ୍ଚ ଯୁଯୁତ୍ସୁଃ ପାଣ୍ଡ୍ଯ ଏବ ଚ।
ଧୃଷ୍ଟଦ୍ଯୁମ୍ନଃ ଶିଖଣ୍ଡୀ ଚ ଦ୍ରୌପଦେଯାଃ ପ୍ରଭଦ୍ରକାଃ॥ 8-44-35 (57076)
ଯମୌ ଚ ଭୀମସେନଶ୍ଚ ଶିଶୁପାଲସ୍ଯ ଚାତ୍ମଜଃ।
କାରୂଶା ମାତ୍ସ୍ଯଶେଷାଶ୍ଚ କେକଯାଃ କାଶିକୋସଲାଃ॥ 8-44-36 (57077)
ଏତେ ଚ ତ୍ବରିତା ବୀରା ବସୁଷେଣମତାଡଯନ୍।
ଜନମେଜଯଶ୍ଚ ପାଞ୍ଚାଲ୍ଯଃ କର୍ଣଂ ବିବ୍ଯାଧ ସାଯକୈଃ॥ 8-44-37 (57078)
ବାରାହକର୍ଣନାରାଚୈର୍ନାଲୀକୈର୍ନିଶିତୈଃ ଶରୈଃ।
ବତ୍ସଦନ୍ତୈର୍ବିପାଠୈଶ୍ଚ କ୍ଷୁରପ୍ରୈଶ୍ଚଟକାମୁଖୈଃ॥ 8-44-38 (57079)
ନାନାପ୍ରହରଣୈଶ୍ଚୋଗ୍ରୈ ରଥହସ୍ତ୍ଯଶ୍ବସାଦିଭିଃ।
ସର୍ବତୋଽଭ୍ଯଦ୍ରବତ୍କର୍ଣଂ ପରିବାର୍ଯ ଜିଘାଂସଯା॥ 8-44-39 (57080)
ସ ପାଣ୍ଡବାନାଂ ପ୍ରବରୈଃ ସର୍ବତଃ ସମଭିଦ୍ରୁତଃ।
ଛାଦ୍ଯମାନଃ ଶିତତୈର୍ଘୋରୈଃ ସ୍ବସ୍ବନାମାଙ୍କିତୈଃ ଶରୈଃ॥ 8-44-40 (57081)
ନ ଚଚାଲ ରଣେ କର୍ଣୋ ମହେନ୍ଦ୍ରୋ ଦାନବୈରିବ।
`ନିଜଘାନ ମହେଷ୍ବାସାନ୍ପାଞ୍ଚାଲାନେକବିଂଶତିମ୍॥ 8-44-41 (57082)
ତତଃ ପୁନରମେଯାତ୍ମା ଚେଦୀନାଂ ପ୍ରବରାନ୍ଦଶ।
ନ୍ଯହନଦ୍ଭରତଶ୍ରେଷ୍ଠ କର୍ଣୋ ବୈକର୍ତନସ୍ତଦା॥ 8-44-42 (57083)
ତସ୍ଯ ବାଣସହସ୍ରାଣି ସମ୍ପ୍ରପନ୍ନାନି ମାରିଷ।
ଦୃଶ୍ଯନ୍ତେ ଦିକ୍ଷୁ ସର୍ବାସୁ ଶଲଭାନାମିବ ବ୍ରଜାଃ॥ 8-44-43 (57084)
କର୍ଣନାମାଙ୍କିତା ବାଣାଃ ସ୍ବର୍ଣପୁଙ୍ଖାଃ ସୁତେଜନାଃ।
ନରାଶ୍ବକାଯାନ୍ନିର୍ଭିଦ୍ଯ ପେତୁରୁର୍ବ୍ଯାଂ ସମନ୍ତତଃ॥ 8-44-44 (57085)
କର୍ଣେନୈକେନ ସମରେ ଚେଦୀନାଂ ପ୍ରବରାସ୍ତଦା।
ସୃଜ୍ଜଯାନାଂ ଚ ସର୍ବେଷାଂ ଶତଶୋ ନିହତା ରଣେ॥ 8-44-45 (57086)
କର୍ଣସ୍ଯ ଶରସଞ୍ଛନ୍ନଂ ବଭୂବ ତୁମୁଲଂ ତମଃ।
ନାଜ୍ଞାଯତ ତତଃ କିଞ୍ଚିତ୍ପରେଷାମାତ୍ମନୋଽପି ବା॥ 8-44-46 (57087)
ତସ୍ମିଂସ୍ତମସି ଭୂତେ ଚ କ୍ଷତ୍ରିଯାଣାଂ ଭଯଙ୍କରେ।
ବିଚଚାର ମହବିହୁର୍ନିର୍ଦହନ୍କ୍ଷତ୍ରିଯାନ୍ବହୂନ୍'॥ 8-44-47 (57088)
ତତଃ ଶରମହାଜ୍ବାଲୋ ବୀର୍ଯୋଷ୍ମା କର୍ଣପାବକଃ।
ନିର୍ଦହନ୍ପାଣ୍ଡବବନଂ ଚାରୁ ପର୍ଯଚରଦ୍ରଣେ॥ 8-44-48 (57089)
`ତତସ୍ତେଷାଂ ମହାରାଜ ପାଣ୍ଡବାନାଂ ମହାରଥାଃ।
ସୃଞ୍ଜଯାନାଂ ଚ ସର୍ବେଷାଂ ଶତଶୋଽଥ ସହସ୍ରଶଃ।
ଅସ୍ତ୍ରୈଃ କର୍ଣଂ ମହେଷ୍ବାସଂ ସମନ୍ତାତ୍ପର୍ଯବାରଯନ୍॥ 8-44-49 (57090)
ସ ସଂବାର୍ଯ ମହାସ୍ତ୍ରାଣି ମହେଷ୍ବାସୋ ମହାତ୍ମନାମ୍।
ପ୍ରହସ୍ଯ ପୁରୁଷେନ୍ଦ୍ରସ୍ଯ କର୍ଣଶ୍ଚିଚ୍ଛେଦ କାର୍ମୁକମ୍'॥ 8-44-50 (57091)
ତତଃ ସନ୍ଧାଯ ନବତିଂ ନିମେଷାନ୍ନତପର୍ବଣାମ୍।
ବିଭେଦ କବଚଂ ରାଜ୍ଞୋ ରଣେ କର୍ଣଃ ଶିତୈଃ ଶରୈଃ॥ 8-44-51 (57092)
ତଦ୍ବର୍ମ ହେମବିକୃତଂ ରତ୍ନଚିତ୍ରଂ ବଭୌ ପତତ୍।
ସବିଦ୍ଯୁଦଭ୍ରଂ ସବିତୁଃ ଶ୍ଲିଷ୍ଟଂ ବାତହତଂ ଯଥା॥ 8-44-52 (57093)
ତଦଙ୍ଗାତ୍ପୁରୁଷେନ୍ଦ୍ରସ୍ଯ ଭ୍ରଷ୍ଟଂ ବର୍ମ ବ୍ଯରୋଚତ।
ରତ୍ନୈରଲଂବୃତଂ ଚିତ୍ରେର୍ବ୍ଯଭ୍ନଂ ନିଶି ଯଥା ନଭଃ॥ 8-44-53 (57094)
ଭିନ୍ନବର୍ମା ଶରୈଃ ପାର୍ଥୋ ରୁଧିରେଣ ସମୁକ୍ଷିତଃ।
ବଭାସେ ପୁରୁଷଶ୍ରେଷ୍ଠ ଉଦ୍ଯନ୍ନିବ ଦିବାକରଃ॥ 8-44-54 (57095)
ସ ଶରାଚିତସର୍ବାଙ୍ଗଶ୍ଛିନ୍ନବର୍ମାଽଥ ସଂଯୁଗେ।
କ୍ଷାତ୍ରଂ ଧର୍ମଂ ସମାସ୍ଥାଯ ସିଂହନାଦମକୁର୍ବତ॥ 8-44-55 (57096)
ନର୍ଦିତ୍ବା ଚ ଚିରଂ କାଲଂ ପାଣ୍ଡବୋ ରଭସୋ ରଣେ।
ଶକ୍ତିଂ ଚିକ୍ଷେପ ବେଗେନ ପ୍ରଦୀପ୍ତାମଶନୀମିବ॥ 8-44-56 (57097)
ତାଂ ଜ୍ବଲନ୍ତୀମିବାକାଶେ ଶକ୍ତିଂ ଶପ୍ତଭିରାଶୁଗୈଃ।
ଭଲ୍ଲୈଶ୍ଚିଚ୍ଛେଦ ରାଧେଯଃ ସା ତ୍ବଶୀର୍ଯତ ବୈ ରଣେ॥ 8-44-57 (57098)
ହୃଦି ବାହ୍ବୋର୍ଲଲାଟେ ଚ କ୍ଷିପ୍ରକାରୀ ଯୁଧିଷ୍ଠିରଃ।
ଚତୁର୍ଭିସ୍ତୋମରୈଃ କର୍ଣଂ ତାଡଯିତ୍ବାଽନଦନ୍ମୁଦା॥ 8-44-58 (57099)
ଉଦ୍ଭିନ୍ନରୁଧିରଃ କର୍ଣଃ କ୍ରୁଦ୍ବଃ ସର୍ପ ଇବ ଶ୍ବସନ୍।
ଜଘାନ ସୂତଂ ପାର୍ଥସ୍ଯ ପାର୍ଷ୍ଠିଂ ଚ ନବଭିଃ ଶରୈଃ॥ 8-44-59 (57100)
ଧ୍ବଜଂ ଚିଚ୍ଛେଦ ନୃପତେସ୍ତ୍ରିଭିର୍ବିବ୍ଯାଧ ଚୈବ ତମ୍।
ଇଷୁଧୀ ଚାସ୍ଯ ଚିଚ୍ଛେଦ ରଥଂ ଚ ତିଲଶୋଽଚ୍ଛିନତ୍॥ 8-44-60 (57101)
ଏତସ୍ମିନ୍ନନ୍ତରେ ଶୂରାଃ ପାଣ୍ଡବାନାଂ ମହାରଥାଃ।
ବବୃଷୁଃ ଶରବର୍ଷାଣି ରାଧେଯଂ ପ୍ରତି ଭାରତ॥ 8-44-61 (57102)
ସାତ୍ଯକିଃ ପଞ୍ଚବିଂଶତ୍ଯା ଶିଖଣ୍ଡୀ ନବଭିଃ ଶରୈଃ।
ଅବର୍ଷତାଂ ମହାରାଜ ରାଧେଯଂ ଶତ୍ରୁକର୍ଶନମ୍॥ 8-44-62 (57103)
ଶୈନେଯଂ ତୁ ତତୁଃ କ୍ରୁଦ୍ଧଃ କର୍ଣଃ ପଞ୍ଚଭିରାଯସୈଃ।
ବିବ୍ଯାଧ ସମରେ ରାଜଂସ୍ତ୍ରିଭିଶ୍ଚାନ୍ଯୈଃ ଶିଲୀମୁଖୈଃ॥ 8-44-63 (57104)
ଦକ୍ଷିଣଂ ତୁ ଭୁଜଂ ତସ୍ଯ ତ୍ରିଭିଃ କର୍ଣୋଽଭ୍ଯବିଧ୍ଯତ।
ସବ୍ଯଂ ଷୋଡଶଭିର୍ବାଣୈର୍ଯନ୍ତାରଂ ଚାସ୍ଯ ସପ୍ତଭିଃ॥ 8-44-64 (57105)
ଅଥାସ୍ଯ ଚତୁରୋ ବାହାଂଶ୍ଚତୁର୍ଭିର୍ନିଶିତୈଃ ଶରୈଃ।
ସୂତପୁତ୍ରୋଽନଯତ୍କ୍ଷିପ୍ରଂ ଯମସ୍ଯ ସଦନଂ ପ୍ରତି॥ 8-44-65 (57106)
ଅଥାପରେଣ ଭଲ୍ଲେନ ଧନୁଶ୍ଛିତ୍ତ୍ବା ମହାରଥଃ।
ସାରଥେଃ ସଶିରସ୍ତ୍ରାଣଂ ଶିରଃ କାଯାଦପାହରତ୍॥ 8-44-66 (57107)
ହତାଶ୍ବସୂତେ ତୁ ରଥେ ସ୍ଥିତଃ ସ ଶିନିପୁଙ୍ଗବଃ।
ଶକ୍ତିଂ ଚିକ୍ଷେପ କର୍ଣାଯ ବୈଦୂର୍ଯମଣିଭୂଷିତାମ୍॥ 8-44-67 (57108)
ତାମାପତନ୍ତୀଂ ସହସା ଦ୍ବିଧା ଚିଚ୍ଛେଦ ଭାରତ।
କର୍ଣୋ ବୈ ଧନ୍ବିନାଂ ଶ୍ରେଷ୍ଠସ୍ତାଂଶ୍ଚ ସର୍ବାନବାରଯତ୍॥ 8-44-68 (57109)
ତତସ୍ତାନ୍ନିଶିତୈର୍ବାଣୈଃ ପାଣ୍ଡବାନାଂ ମହାରଥାନ୍।
ନ୍ଯବାରଯଦମେଯାତ୍ମା ଶିକ୍ଷଯା ଚ ବଲେନ ଚ॥ 8-44-69 (57110)
ଅର୍ଦଯିତ୍ବା ଶରୈସ୍ତାଂସ୍ତୁ ସିଂହଃ କ୍ଷୁଦ୍ରମୃଗାନିବ।
ପୀଡଯନ୍ଧର୍ମରାଜାନଂ ଶରୈଃ ସନ୍ନତପର୍ବମିଃ।
ଅଭ୍ଯଦ୍ରବତ ରାଧେଯୋ ଧର୍ମପୁତ୍ରଂ ଶିତୈଃ ଶରୈଃ॥ 8-44-70 (57111)
ତତଃ ପାର୍ଷୋ ହ୍ଯପାସାସୀଦ୍ବତାଶ୍ବୋ ହତସାରଥିଃ।
ଅଶକ୍ନୁବନ୍ମୁଖେ ସ୍ଥାତୁଂ ତତଃ କର୍ଣସ୍ଯ ଦୁର୍ମନାଃ॥ 8-44-71 (57112)
ତମଭିଦ୍ରୁତ୍ଯ ରାଧେଯଃ ପାଣ୍ଡୁପୁତ୍ରଂ ଯୁଧିଷ୍ଠିରମ୍।
ଅବ୍ରବୀତ୍ପ୍ରହସନ୍ରାଜନ୍କୁତ୍ସଯନ୍ନିବ ପାଣ୍ଡବମ୍॥ 8-44-72 (57113)
କଥଂ ନାମ କୁଲେ ଜାତଃ କ୍ଷତ୍ରଧର୍ମେ ବ୍ଯବସ୍ଥିତଃ।
ପ୍ରଜହ୍ଯାତ୍ସମରେ ଶତ୍ରୂନ୍ପ୍ରାଣାନ୍ରକ୍ଷ ମହାହବେ॥ 8-44-73 (57114)
ନ ଭବାନ୍କ୍ଷତ୍ରଧର୍ମେଷୁ କୁଶଲୋଽସୀତି ମେ ମତିଃ।
ବ୍ରାହ୍ମେ ବଲେ ଭବାନ୍ଯୁକ୍ତଃ ସ୍ବାଧ୍ଯାଯେ ଯଜ୍ଞକର୍ମଣି॥ 8-44-74 (57115)
ମା ସ୍ମ ଯୁଧ୍ଯସ୍ବ କୌନ୍ତେଯ ମା ସ୍ମ ବୀରାନ୍ସମାସଦଃ।
ମା ଚୈବଂ ବିପ୍ରିଯଂ ବ୍ରୂହି ମା ଚ ତ୍ବଂ ଭଜ ସଂଯୁଗମ୍॥ 8-44-75 (57116)
ବକ୍ତବ୍ଯା ମାରିଷାଽନ୍ଯେ ତୁ ନ ବକ୍ତବ୍ଯାସ୍ତୁ ମାଦୃଶାଃ।
ମାଦୃଶାନ୍ହି ବ୍ରୁବନ୍ଯୁଦ୍ଧେ ଏତଦନ୍ଯଚ୍ଚ ଲପ୍ସ୍ଯସେ॥ 8-44-76 (57117)
ସ୍ବଗୃହଂ ଗଚ୍ଛ କୌନ୍ତେଯ ଯତ୍ର ବା କେଶବାର୍ଜୁନୌ।
ନ ହି ତ୍ବାଂ ସମରେ ରାଜନ୍ହନ୍ଯାତ୍କର୍ଣଃ କଥଞ୍ଚନ॥ 8-44-77 (57118)
ସଞ୍ଜଯ ଉବାଚ। 8-44-78x (4956)
ବରପ୍ରଦାନଂ କୁନ୍ତ୍ଯାସ୍ତୁ କର୍ଣଃ ସ୍ମୃତ୍ବା ମହାରଥଃ।
ବଧପ୍ରାପ୍ତଂ ତୁ କୌନ୍ତେଯଂ ନାବଧୀତ୍ପୁରୁଷୋତ୍ତମଃ॥ 8-44-78 (57119)
ଏବମୁକ୍ତ୍ବା ତତଃ ପାର୍ଥଂ ବିସୃଜ୍ଯ ଚ ମହାବଲଃ।
ନ୍ଯହନତ୍ପାଣ୍ଡବୀଂ ସେନାଂ ବଜ୍ରହସ୍ତ ଇବାସୁରୀମ୍॥ 8-44-79 (57120)
ତତୋଽପାଯାଦ୍ଦ୍ରୁତଂ ରାଜନ୍ବ୍ରୀଡନ୍ନିବ ନରେଶ୍ବରଃ॥ 8-44-80 (57121)
ଅଥାପଯାତଂ ରାଜାନଂ ମତ୍ବାଽନ୍ବୀଯୁସ୍ତମଚ୍ଯୁତମ୍।
ଚେଦିପାଣ୍ଡବପାଞ୍ଚାଲାଃ ସାତ୍ଯକିଶ୍ଚ ମହାରଥଃ।
ଦ୍ରୌପଦେଯାସ୍ତଥା ଶୂରା ମାଦ୍ରୀପୁତ୍ରୌ ଚ ପାଣ୍ଡବୌ॥ 8-44-81 (57122)
ତତୋ ଯୁଧିଷ୍ଠିରାନୀକଂ ଦୃଷ୍ଟ୍ବା କର୍ଣଃ ପରାଙ୍ମୁଖମ୍।
କୁରୁଭିଃ ସହିତୋ ବୀରଃ ପ୍ରହୃଷ୍ଟଃ ପୃଷ୍ଠତୋଽନ୍ବଗାତ୍॥ 8-44-82 (57123)
ଭେରୀଶଙ୍ଖମୃଦଙ୍ଗାନାଂ କାର୍ମୁକାଣାଂ ଚ ନିଃସ୍ବନଃ।
ବଭୂବ ଧାର୍ତରାଷ୍ଟ୍ରାଣାଂ ସିଂହନାଦରବସ୍ତଥା॥ 8-44-83 (57124)
ଯୁଧିଷ୍ଠିରସ୍ତୁ କୌରବ୍ଯ ରଥମାରୁହ୍ଯ ସତ୍ବରମ୍।
ଶ୍ରୁତକୀର୍ତେର୍ମହାରାଜ ଦୃଷ୍ଟ୍ବା ତତ୍କର୍ଣବିକ୍ରମମ୍॥ 8-44-84 (57125)
କାଲ୍ଯମାନଂ ବଲଂ ଦୃଷ୍ଟ୍ବା ସୂତପୁତ୍ରେଣ ମାରିଷ।
ସ୍ବାନ୍ଯୋଧାନବ୍ରବୀତ୍କ୍ରୁଦ୍ବୋ ନିଘ୍ନତୈତାନ୍କିମାସତ॥ 8-44-85 (57126)
ତତୋ ରାଜ୍ଞାଽଭ୍ଯନୁଜ୍ଞାତାଃ ପାଣ୍ଡବାନାଂ ମହାରଥାଃ।
ଭୀମସେନମୁଖାଃ ସର୍ବେ ପୁତ୍ରାଂସ୍ତେ ପ୍ରତ୍ଯୁପାଦ୍ରବନ୍॥ 8-44-86 (57127)
ଅଭବତ୍ତୁମୁଲଃ ଶବ୍ଦୋ ଯୋଧାନାଂ ତତ୍ର ଭାରତ।
ରଥହସ୍ତ୍ଯଶ୍ବପତ୍ତୀନାଂ ଦ୍ରବତାଂ ନିନଦୋ ମହାନ୍।
ଉଦ୍ଯତପ୍ରତିବିଷ୍ଟାନାଂ ଶସ୍ତ୍ରାଣାଂ ଚ ତତସ୍ତତଃ॥ 8-44-87 (57128)
ଆଗଚ୍ଛତ ପ୍ରହରତ କ୍ଷିପ୍ରଂ ବିପରିଧାବତ।
ଇତି ବ୍ରୁବାଣା ହ୍ଯନ୍ଯୋନ୍ଯଂ ଜଘ୍ନୁର୍ଯୋଧା ମହାରଣେ॥ 8-44-88 (57129)
ଅଭ୍ରଚ୍ଛାଯେବ ତତ୍ରାସୀଚ୍ଛରବୃଷ୍ଟିଭିରମ୍ବରେ।
ସମାବୃତୈର୍ନରବରୈର୍ନିଘ୍ନଦ୍ଭିରିତରେତରମ୍॥ 8-44-89 (57130)
ବିପତାକଧ୍ବଜଚ୍ଛତ୍ରା ବ୍ଯଶ୍ବସୂତରଥାଯୁଧାଃ।
ବ୍ଯଙ୍ଗାଙ୍ଗାବଯବାଃ ପେତୁଃ କ୍ଷିତୌ କ୍ଷୀଣାଃ କ୍ଷିତୀଶ୍ବରାଃ।
ଶିଖରାଣୀବ ଶେଲାନାଂ ବଜ୍ରଭିନ୍ନାନି ମାନିଷ॥ 8-44-90 (57131)
ସାରୋହା ନିହତାଃ ପେତୁର୍ଦ୍ବିପା ଭିନ୍ନା ମହୀତଲେ।
ଛିନ୍ନଭିନ୍ନବିପର୍ଯସ୍ତବର୍ମାଲଙ୍କାରବିଗ୍ରହାଃ॥ 8-44-91 (57132)
ସାରୋହାସ୍ତୁରଗାଃ ପେତୁର୍ହତବୀରାଃ ସହସ୍ରଶଃ।
ବିପ୍ରବିଦ୍ବାଯୁଧାଙ୍ଗାଶ୍ଚ ଦ୍ବିରଦା ରଥିଭିର୍ହତାଃ।
ପ୍ରତିବୀରୈଶ୍ଚ ସମ୍ମର୍ଦେ ପତ୍ତିସଙ୍ଘାଃ ସହସ୍ରଶଃ॥ 8-44-92 (57133)
ବିଶାଲାଯତତାମ୍ରାକ୍ଷୈଃ ପଦ୍ମେନ୍ଦୁସଦୃଶାନନୈଃ।
ଶିରୋଭିର୍ଯୁଦ୍ଧଶୌଣ୍ଡାନାଂ ସର୍ବତଃ ସଂବୃତା ମହୀ॥ 8-44-93 (57134)
ଯଥା ଭୁବି ତଥା ବ୍ଯୋମ୍ନି ନିଃସ୍ବନଂ ଶୁଶ୍ରୁବୁର୍ଜନାଃ।
ବିମାନେଽପ୍ସରସାଂ ସଙ୍ଘୈର୍ଗୀତବାଦିତ୍ରନିଃସ୍ବନୈଃ॥ 8-44-94 (57135)
ହତାନଭିମୁଖାନ୍ବୀରାନ୍ବୀରୈଃ ଶତସହସ୍ରଶଃ।
ଆରୋପ୍ଯାରୋପ୍ଯ ଗଚ୍ଛନ୍ତି ବିମାନେଷ୍ବପ୍ସରୋଗଣାଃ॥ 8-44-95 (57136)
ତଦ୍ଦୃଷ୍ଟ୍ବା ମହଦାଶ୍ଚର୍ଯଂ ପ୍ରତ୍ଯକ୍ଷଂ ସ୍ବର୍ଗଲିପ୍ସଯା।
ପ୍ରହୃଷ୍ଟମନସଃ ଶୂରାଃ କ୍ଷିପ୍ରଂ ଜଘ୍ନୁଃ ପରସ୍ପରମ୍॥ 8-44-96 (57137)
ରଥିନୋ ରଥିଭିଃ ସାର୍ଧଂ ଚିତ୍ରଂ ଯୁଯୁଧୁରାହବେ।
ପତ୍ତଯଃ ପତ୍ତିଭିର୍ନାଗାଃ ସହ ନାଗୈର୍ହଯୈର୍ହଯୋଃ॥ 8-44-97 (57138)
ଏବଂ ପ୍ରବୃତ୍ତେ ସଙ୍ଗ୍ରାମେ ଗଜବାଜିନରକ୍ଷଯେ।
ସୈନ୍ଯେନ ରଜସା ବୃତ୍ତତେ ସ୍ବେ ସ୍ବାଞ୍ଜଘ୍ନୁଃ ପରେ ପରାନ୍॥ 8-44-98 (57139)
କଚାକଚଂ ଯୁଦ୍ଧମାସୀଦ୍ଦନ୍ତାଦନ୍ତି ନଖାନଖି।
ମୁଷ୍ଟିଯୁଦ୍ଧଂ ନିଯୁଦ୍ଧଂ ଚ ଦେହପାପ୍ମବିନାଶନମ୍॥ 8-44-99 (57140)
ତଥା ବର୍ତତତି ସଙ୍ଗ୍ରମେ ଗଜବାଜିନରକ୍ଷଯେ।
ନରାଶ୍ବନାଗଦେହେଭ୍ଯଃ ପ୍ରସୃତା ଲୋହିତାପଗା॥ 8-44-100 (57141)
ଗଜାଶ୍ବନରଦେହାନ୍ସା ବ୍ଯୁବାହ ପତିତାନ୍ବହୂନ୍।
ନରାଶ୍ବଗଜସମ୍ବାଧେ ନରାଶ୍ବଗଜସାଦିନାମ୍॥ 8-44-10 (57142)
ଲୋହିତୋଦା ମହାଘୋରା ମାଂସଶୋଣିତକର୍ଦମା।
ନରାଶ୍ବଗଜଦେହାନ୍ବୈ ବହନ୍ତୀ ଭୀରୁଭୀଷଣା॥ 8-44-10 (57143)
ତସ୍ଯା ନଦ୍ଯାଃ ପରଂ ପାରଂ ବ୍ରଜନ୍ତି ବିଜଯୈଷିଣଃ।
ନାଗେନ ଚ ପ୍ଲବନ୍ତୋ ବୈ ନିମଜ୍ଜ୍ଯୋନ୍ମଜ୍ଜ୍ଯ ଚାପରେ॥ 8-44-10 (57144)
ତେ ତୁ ଲୋହିତଦିଗ୍ଧାଙ୍ଗା ରକ୍ତବର୍ମାଯୁଧାମ୍ବରାଃ।
ସସ୍ନୁସ୍ତତସ୍ଯାଂ ପପୁଶ୍ଚାସ୍ରଂ ମମ୍ଲୁଶ୍ଚ ଭରତର୍ଷଭ॥ 8-44-10 (57145)
ରଥାନଶ୍ବାନ୍ନାରାନ୍ନାଗାନାଯୁଧାଭରଣାନି ଚ।
ବର୍ମାଣି ଚାପ୍ଯପଶ୍ଯାମ ପତିତାନି ସହସ୍ରଶଃ।
ଖଂ ଦ୍ଯାଂ ଭୂମିଂ ଦିଶଶ୍ଚୈବ ପ୍ରାଯଃ ପଶ୍ଯାମ ଲୋହିତାଃ॥ 8-44-10 (57146)
ଲୋହିତସ୍ଯ ତୁ ଗନ୍ଧେନ ସ୍ପର୍ଦେନ ଚ ରସେନ ଚ।
ରୂପେଣ ଚାତିରକ୍ତତେନ ଶବ୍ଦେନ ଚ ବିସର୍ପତା।
ବିଷାଦଃ ସୁମହାନାସୀତ୍ପ୍ରାଯଃ ସୈନ୍ଯସ୍ଯ ଭାରତ॥ 8-44-10 (57147)
ତତ୍ତୁ ବିପ୍ରହତଂ ସୈନ୍ଯଂ ଭୀମସେନମୁଖୈସ୍ତବ।
ଭୂଯଃ ସମାଦ୍ରବନ୍ବୀରାଃ ସାତତ୍ଯକିପ୍ରମୁଖାସ୍ତଦା॥ 8-44-10 (57148)
ତେଷାମାପତତତାଂ ବେଗମବିଷହ୍ଯଂ ନିରୀକ୍ଷ୍ଯ ଚ।
ପୁତ୍ରାଣାଂ ତେ ମହାସୈନ୍ଯମାସୀଦ୍ରାଜନ୍ପରାଙ୍ମୁଖମ୍॥ 8-44-10 (57149)
ତତ୍ପ୍ରକୀର୍ଣରଥାଶ୍ବେଭଂ ନରବାଜିସମାକୁଲମ୍।
ବିଧ୍ବସ୍ତବର୍ମକବଚଂ ପ୍ରବିଦ୍ବାଯୁଧକାର୍ମୁକମ୍॥ 8-44-10 (57150)
ବ୍ଯଦ୍ରବତ୍ତାବକଂ ସୈନ୍ଯଂ ଲୋଡ୍ଯମାନଂ ସମନ୍ତତଃ।
ସିଂହାର୍ଦିତମିବାରଣ୍ଯେ ଯଥା ଗଜକୁଲଂ ତଥା॥ ॥ 8-44-10 (57151)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଚତୁଶ୍ଚତ୍ବାରିଂଶୋଽଧ୍ଯାଯଃ॥ 44 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.45. ଅଧ୍ଯାଯଃ 045
Mahabharata - Karna Parva - Chapter Topics
କର୍ଣଂ ପରାଜିତ୍ଯ ଜିଘାଂସୋର୍ଭୀମସ୍ଯ ଶଲ୍ଯେନ ହେତୁକଯହପୂର୍ବକଂ ନିଷେଧନମ୍॥ 1 ॥
Mahabharata - Karna Parva - Chapter Text
8-45-0 (57152)
ସଞ୍ଜଯ ଉବାଚ। 8-45-0x (4957)
ତାନଭିଦ୍ରବତୋ ଦୃଷ୍ଟ୍ବା ପାଣ୍ଡବାଂସ୍ତାବକଂ ବଲମ୍। 8-45-1 (57153)
ଅନ୍ତମଦ୍ଯ ଗମିଷ୍ଯାମି ତସ୍ଯ ଦୁଃଖସ୍ଯ ପାର୍ଷତ॥ 8-45-10 (57162)
ହନ୍ତାସ୍ମ୍ଯଦ୍ଯ ରଣେ କର୍ଣଂ ସ ବା ମାଂ ନିହନିଷ୍ଯତି।
ସଙ୍ଗ୍ରାମେଽଦ୍ଯ ସୁଘୋରେଽସ୍ମିନ୍ସତ୍ଯମେତଦ୍ବ୍ରବୀମି ବଃ॥ 8-45-11 (57163)
ରାଜାନମଦ୍ଯ ଭବତାଂ ନ୍ଯାସଭୂତଂ ଦଦାନି ବୈ।
ତସ୍ଯ ସଂରକ୍ଷଣେ ସର୍ବେ ଯତଧ୍ବଂ ବିଗତଜ୍ବରାଃ॥ 8-45-12 (57164)
ଏବମୁକ୍ତ୍ବା ମହାବାହୁଃ ପ୍ରାଯାଦାଧିରଥିଂ ପ୍ରତି।
ସିଂହନାଦେନ ମହତା ସର୍ବାଃ ସନ୍ନାଦଯନ୍ଦିଶଃ॥ 8-45-13 (57165)
ଦୃଷ୍ଟ୍ବା ତ୍ବରିତମାଯାନ୍ତଂ ଭୀମଂ ଯୁଦ୍ଧାଭିନନ୍ଦିନମ୍।
ସୂତପୁତ୍ରମଥୋବାଚ ମଦ୍ରାଣାମୀଶ୍ବରୋ ବିଭୁଃ॥ 8-45-14 (57166)
ଶଲ୍ଯ ଉବାଚ। 8-45-15x (4958)
ପଶ୍ଯ କର୍ଣ ମହାବାହୁଂ ସଙ୍କ୍ରୁଦ୍ଧଂ ପାଣ୍ଡୁନନ୍ଦନମ୍।
ଦୀର୍ଘକାଲାର୍ଜିତଂ କ୍ରୋଧଂ ମୋକ୍ତୁକାମଂ ତ୍ବଯି ଧ୍ରୁବମ୍॥ 8-45-15 (57167)
ଈଦୃଶଂ ନାସ୍ଯ ରୂପଂ ମେ ଦୃଷ୍ଟପୂର୍ବଂ କଦାଚନ।
ଅଭିମନ୍ଯୌ ହତେ କର୍ଣ ରାକ୍ଷସେ ଚ ଘଟୋତ୍କଚେ॥ 8-45-16 (57168)
ତ୍ରୈଲୋକ୍ଯସ୍ଯ ସମସ୍ତସ୍ଯ ଶକ୍ତଃ କ୍ରୁଦ୍ଧୋ ନିବାରଣେ।
ବିଭର୍ତି ସଦୃଶଂ ରୂପଂ ଯୁଗାନ୍ତାଗ୍ନିସମପ୍ରଭମ୍॥ 8-45-17 (57169)
ସଞ୍ଜଯ ଉବାଚ। 8-45-18x (4959)
ଇତି ବ୍ରୁବତି ରାଧେଯଂ ମଦ୍ରାଣାମୀଶ୍ବରେ ନୃପ।
ଅଭ୍ଯବର୍ତତ ବୈ କର୍ଣଂ କ୍ରୋଧଦୀପ୍ତତୋ ବୃକୋଦରଃ॥ 8-45-18 (57170)
ଅଥାଗତଂ ତୁ ସମ୍ପ୍ରେକ୍ଷ୍ଯ ଭୀମଂ ଯୁଦ୍ଧାଭିନନ୍ଦିନମ୍।
ଅବ୍ରବୀଦ୍ବଚନଂ ଶଲ୍ଯଂ ରାଧେଯଃ ପ୍ରହସନ୍ନିବ॥ 8-45-19 (57171)
ଯଦୁକ୍ତଂ ବଚନଂ ମେଽଦ୍ଯ ତ୍ବଯା ମଦ୍ରଜନେଶ୍ବର।
ଭୀମସେନଂ ପ୍ରତି ବିଭୋ ତତ୍ସତ୍ଯଂ ନାତ୍ର ସଂଶଯଃ॥ 8-45-20 (57172)
ଏଷ ଶୂରଶ୍ଚ ବୀରଶ୍ଚ କ୍ରୋଧନଶ୍ଚ ବୃକୋଦରଃ।
ନିରପେକ୍ଷଃ ଶରୀରେ ଚ ପ୍ରାଣତଶ୍ଚ ବଲାଧିକଃ॥ 8-45-21 (57173)
ଅଜ୍ଞାତବାସଂ ବସତା ବିରାଟନଗରେ ତଦା।
ଦ୍ରୌପଦ୍ଯାଃ ପ୍ରିଯକାମେନ କେବଲଂ ବାହୁସଂଶ୍ରଯାତ୍।
ଗୂଢଭାବଂ ସମାଶ୍ରିତ୍ଯ କୀଚକଃ ସଗଣୋ ହତଃ॥ 8-45-22 (57174)
ସୋଽଦ୍ଯ ସଙ୍ଗ୍ରାମଶିରସି ସନ୍ନଦ୍ବଃ କ୍ରୋଧମୂର୍ଚ୍ଛିତଃ।
କିଂ କରୋଦ୍ଯତଦଣ୍ଡେନ ମୃତ୍ଯୁନାପି ବ୍ରଜେଦ୍ରଣମ୍॥ 8-45-23 (57175)
ଚିରକାଲାଭିଲଷିତୋ ମମାଯଂ ତୁ ମନୋରଥଃ।
ଅର୍ଜୁନଂ ସମରେ ହନ୍ଯାଂ ମାଂ ବା ହନ୍ଯାଦ୍ବନଞ୍ଜଯଃ॥ 8-45-24 (57176)
ସ ମେ କଦାଚିଦଦ୍ଯୈବ ଭବେଦ୍ଭୀମସମାଗମାତ୍॥ 8-45-25 (57177)
ନିହତେ ଭୀମସେନେ ବା ଯଦି ବା ବିରଥୀକୃତେ।
ଅଭିଯାସ୍ଯତି ମାଂ ପାର୍ଥସ୍ତନ୍ମେ ସାଧୁ ଭବିଷ୍ଯତି।
ଅତ୍ର ଯନ୍ମନ୍ଯସେ ପ୍ରାପ୍ତଂ ତଚ୍ଛୀଘ୍ରଂ ସମ୍ପ୍ରଧାରଯ॥ 8-45-26 (57178)
ସଞ୍ଜଯ ଉବାଚ। 8-45-27x (4960)
ଏତଚ୍ଛ୍ରୁତ୍ବା ତୁ ବଚନଂ ରାଧେଯସ୍ଯାମିତୌଜସଃ।
ଉବାଚ ବଚନଂ ଶଲ୍ଯଃ ସୂତପୁତ୍ରଂ ତଥାଗତମ୍॥ 8-45-27 (57179)
ଅଭିଯାହି ମହାବାହୋ ଭୀମସେନଂ ମହାବଲମ୍।
ନିରପେକ୍ଷଶ୍ଚ ଯୁଧ୍ଯସ୍ବ ଶକ୍ତିଂ ସ୍ବାଂ ସମ୍ପ୍ରଦର୍ଶଯନ୍॥ 8-45-28 (57180)
ଯସ୍ତେ କାମୋଽଭିଲଷିତଶ୍ଚିରାତ୍ପ୍ରଭୃତି ହୃଦ୍ଗତତଃ।
ସ ବୈ ସମ୍ପତ୍ସ୍ଯତେ କର୍ଣ ସତ୍ଯମେତଦ୍ବ୍ରବୀମି ତେ॥ 8-45-29 (57181)
ଏବମୁକ୍ତେ ତତଃ କର୍ଣଃ ଶଲ୍ଯଂ ପୁନରଭାଷତ।
ହନ୍ତାଽହମେନଂ ସଂରବ୍ଧଂ ମାଂ ବା ହନ୍ତା ବୃକୋଦରଃ॥ 8-45-30 (57182)
ଏବମୁକ୍ତ୍ବା ମହାରାଜ ରାଧେଯୋ ରଥିନାଂ ବରଃ।
ଯୁଦ୍ଧେ ମନଃ ସମାଧାଯ ଯାହି ଯାହୀତ୍ଯଚୋଦଯତ୍॥ 8-45-31 (57183)
ତତଃ ପ୍ରାଯାଦ୍ରଥେନାଶୁ ଶଲ୍ଯସ୍ତତ୍ର ବିଶାମ୍ପତେ।
ଯତ୍ର ଭୀମୋ ମହେଷ୍ବାସୋ ବ୍ଯଦ୍ରାବଯତ ବାହିନୀମ୍॥ 8-45-32 (57184)
ତତସ୍ତୂର୍ଯନିନାଦଶ୍ଚ ଭେରୀଣାଂ ଚ ମହାସ୍ବନଃ।
ଉଦତିଷ୍ଠଚ୍ଚ ରାଜେନ୍ଦ୍ର କର୍ଣଭୀମସମାଗମେ॥ 8-45-33 (57185)
ଭୀମସେନୋଽଥଥ ସଙ୍କ୍ରୁଦ୍ଧସ୍ତସ୍ଯ ସୈନ୍ଯଂ ଦୁରାସଦମ୍।
ନାରାଚୈର୍ବିମଲୈସ୍ତୀକ୍ଷ୍ଣୈର୍ଦିଶଃ ପ୍ରାଦ୍ରାବଯଦ୍ବଲୀ॥ 8-45-34 (57186)
ସ ସନ୍ନିପାତସ୍ତତୁମୁଲୋ ଘୋରରୂପୋ ବିଶାମ୍ପତେ।
ଆସୀଦ୍ରୌଦ୍ରୋ ମହାରାଜ କର୍ଣପାଣ୍ଡବଯୋର୍ମୃଧେ॥ 8-45-35 (57187)
ତତୋ ମୁହୂର୍ତାଦ୍ରାଜେନ୍ଦ୍ର ନାତିକୃଚ୍ଛ୍ରାଦ୍ଧସନ୍ନିବ।
ଭୀମସେନୋ ମହାବାହୁଃ କର୍ଣଂ ପ୍ରେପ୍ସୁରଭିଦ୍ରବତ୍॥ 8-45-36 (57188)
ସମାପତନ୍ତଂ ସମ୍ପ୍ରେକ୍ଷ୍ଯ କର୍ଣୋ ବୈକର୍ତନୋ ବୃଷା।
ଆଜଘାନ ସୁସଙ୍କ୍ରୁଦ୍ଧୋ ନାରାଚେନ ସ୍ତନାନ୍ତରେ।
ପୁନଶ୍ଚୈନମମେଯାତ୍ମା ଶରବର୍ଷୈରବାକିରତ୍॥ 8-45-37 (57189)
ସ ବିଦ୍ବଃ ସୂତପୁତ୍ରେଣ ଚ୍ଛାଦଯାମାସ ପତ୍ରିଭିଃ।
ବିବ୍ଯାଧ ନିଶିତୈଃ କର୍ଣଂ ନବଭିର୍ନତପର୍ବଭିଃ॥ 8-45-38 (57190)
ତସ୍ଯ କର୍ଣୋ ଧନୁର୍ମଧ୍ଯେ ଦ୍ବିଧା ଚିଚ୍ଛେଦ ପତ୍ରିଭିଃ॥ 8-45-39 (57191)
ଅଥୈନଂ ଛିନ୍ନଧନ୍ବାନଂ ପ୍ରତତ୍ଯବିଧ୍ଯତ୍ସ୍ତନାନ୍ତରେ।
ନାରାଚେନ ସୁତୀକ୍ଷ୍ଣେନ ସର୍ବାବରଣଭେଦିନା॥ 8-45-40 (57192)
ସୋଽନ୍ଯତ୍କାର୍ମୁକମାଦାଯ ସୂତତପୁତ୍ରଂ ବୃକୋଦରଃ।
ରାଜନ୍ମର୍ମସୁ ମର୍ମଜ୍ଞୋ ବିବ୍ଯାଧ ନିଶିତୈଃ ଶରୈଃ।
ନନାଦ ବଲବନ୍ନାଦଂ କମ୍ପଯନ୍ନିବ ରୋଦସୀ॥ 8-45-41 (57193)
ତତଂ କର୍ଣଃ ପଞ୍ଚବିଂଶତ୍ଯା ନାରାଚାନାଂ ସମାର୍ପଯତ୍।
ମଦୋତ୍କଟଂ ବନେ ଦୃପ୍ତତମୁଲ୍କାଭିରିବ କୁଞ୍ଜରମ୍॥ 8-45-42 (57194)
ତତଃ ସାଯକଭିନ୍ନାଙ୍ଗଃ ପାଣ୍ଡବଃ କ୍ରୋଧମୂର୍ଚ୍ଛିତଃ।
ସଂରମ୍ଭାମର୍ଷତାମ୍ରାକ୍ଷଃ ସୂତପୁତ୍ରବଧେପ୍ସଯା॥ 8-45-43 (57195)
ସ କାର୍ମୁକେ ମହାବେଗଂ ଭାରସାଧନମୁତ୍ତମମ୍।
ଗିରୀଣାମପି ଭେତ୍ତାରଂ ସାଯକଂ ସମଯୋଜଯତ୍॥ 8-45-44 (57196)
ବିକୃଷ୍ଯ ବଲବଚ୍ଚାପମାକର୍ଣାଦତିମାରୁତିଃ।
ତଂ ମୁମୋଚ ମହେଷ୍ବାସଃ କ୍ରୁଦ୍ଧଃ କର୍ଣଜିଘାଂସଯା॥ 8-45-45 (57197)
ସ ବିସୃଷ୍ଟୋ ବଲବତା ବାଣୋ ବଜ୍ରାଶନିସ୍ବନଃ।
ଅଦାରଯଦ୍ରଣେ କର୍ଣଂ ବଜ୍ରବେଗୋ ଯଥାଽଚଲମ୍॥ 8-45-46 (57198)
ସ ଭୀମସେନାଭିହତଃ ସୂତପୁତ୍ରଃ କୁରୂଦ୍ବହ।
ନିଷସାଦ ରଥୋପସ୍ଥେ ବିସଂଜ୍ଞଃ ପୃତନାପତିଃ।
`ରୁଧିରେଣାବସିକ୍ତାଙ୍ଗୋ ଗତାସୁବଦରିନ୍ଦମଃ॥ 8-45-47 (57199)
ଏତସ୍ମିନ୍ନନ୍ତରେ ଦୃଷ୍ଟ୍ବା ମଦ୍ରରାଜୋ ବୃକୋଦରମ୍।
ଜିଘାଂସୁଂ ଛେତ୍ତୁମାଯାନ୍ତଂ ସାଧଯନ୍ନିଦମବ୍ରବୀତ୍॥ 8-45-48 (57200)
ଭୀମସେନ ମହାବାହୋ ଯତତ୍ତତ୍ବାଂ ବକ୍ଷ୍ଯାମି ତଚ୍ଛୃଣୁ।
ବଚନଂ ହେତୁସମ୍ପନ୍ନଂ ଶ୍ରୁତ୍ବା ଚୈତତ୍ତଥା କୁରୁ॥ 8-45-49 (57201)
ଅର୍ଜୁନେନ ପ୍ରତିଜ୍ଞାତୋ ବଧଃ କର୍ଣସ୍ଯ ଶୁଷ୍ମିଣଃ।
ତାଂ ତଥା କୁରୁ ଭଦ୍ରଂ ତେ ପ୍ରତିଜ୍ଞାଂ ସବ୍ଯସାଚିନଃ॥ 8-45-50 (57202)
ଭୀମସେନ ଉବାଚ। 8-45-51x (4961)
ଦୃଢବ୍ରତତ୍ବଂ ପାର୍ଥସ୍ଯ ଜାନାମି ନୃପସତ୍ତମ।
ରାଜ୍ଞସ୍ତୁ ଧର୍ଷଣଂ ପାପଃ କୃତବାନ୍ମମ ସନ୍ନିଧୌ॥ 8-45-51 (57203)
ତତଃ କୋପାଭିଭୂତେନ ଶେଷଂ ନ ଗଣିତଂ ମଯା।
ପତିତେ ଚାପି ରାଧେଯେ ନ ମେ ମନ୍ଯୁଃ ଶମଂ ଗତଃ)।
ଜିହ୍ବୋଦ୍ବରଣମେବାସ୍ଯ ପ୍ରାପ୍ତକାଲଂ ମତଂ ମମ॥ 8-45-52 (57204)
ଅନେନ ସୁନୃଶଂସେନ ସମବେତେଷୁ ରାଜସୁ।
ଅସ୍ମାକଂ ଶୃଣ୍ବତାଂ ଶଲ୍ଯ ଯାନି ବାକ୍ଯାନି ମାତୁଲ।
ଅସହେଯାନି ନୀଚାନି ବହୂନି ଶ୍ରାବିତାନି ଭୋ॥ 8-45-53 (57205)
ନୂନଂ ଚୈତତ୍ପ୍ରତିଜ୍ଞାତଂ ଦୂରସ୍ଥସ୍ଯାପି ପାର୍ଥିବ।
ଛେଦନଂ ଚାସ୍ଯ ଜିହ୍ବାଯାସ୍ତଦୈବାକାଙ୍କ୍ଷିତଂ ମଯା।
ରାଜ୍ଞସ୍ତୁ ପ୍ରିଯକାମେନ କାଲୋଽଯଂ ପରିପାଲିତଃ॥ 8-45-54 (57206)
ଭବତା ତୁ ଯଦୁକ୍ତୋଽସ୍ମି ବାକ୍ଯଂ ହେତ୍ବର୍ଥସଂହିତମ୍।
ତଦ୍ଗୃହୀତଂ ମହାରାତ କଟୁକସ୍ଥମିବୌଷଧମ୍॥ 8-45-55 (57207)
ହୀନପ୍ରତିଜ୍ଞୋ ବୀଭତ୍ସୁର୍ନ ହି ଜୀବେତ କର୍ହିଚିତ୍।
ଅସ୍ମିନ୍ବିନଷ୍ଟେ ନଷ୍ଟାଃ ସ୍ମଃ ସର୍ବ ଏବ ସକେଶବାଃ॥ 8-45-56 (57208)
ଅଦ୍ଯ ଚୈବ ନୃଶଂସାତ୍ମା ପାପଃ ପାପକୃତାଂ ବରଃ।
ଗମିଷ୍ଯତତି ପରୀଭାବଂ ଦୃଷ୍ଟମାତ୍ରଃ କିରୀଟିନା॥ 8-45-57 (57209)
ଯୁଧିଷ୍ଠିରସ୍ଯ କୋପେନ ପୂର୍ବଂ ଦଗ୍ଧୋ ନୃଶଂସକୃତ୍।
ତ୍ବଯା ସଂରକ୍ଷିତତସ୍ତତ୍ବଦ୍ଯ ମତ୍ସମୀପାଦୁପାଗତଃ॥ 8-45-58 (57210)
ସଞ୍ଜଯ ଉବାଚ।' 8-45-59x (4962)
ଏବଂ ମଦ୍ରାଧିପଃ ଶ୍ରୁତ୍ବା ବିସଂଜ୍ଞଂ ସୂତନନ୍ଦନମ୍।
ଅପୋବାହ ରଥେନାଜୌ କର୍ଣମାହବଶୋଭିନମ୍॥ 8-45-59 (57211)
ପରାଜିତେ ତତଃ କର୍ଣେ ଧାର୍ତରାଷ୍ଟ୍ରୀ ମହାଚମୂଃ।
ବ୍ଯପାଯାତ୍ସର୍ବତୋ ଭଗ୍ନା ହାହାଭୂତା ସମନ୍ତତଃ॥ ॥ 8-45-60 (57212)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତତଦଶଦିବସଯୁଦ୍ଧେ ପଞ୍ଚଚତ୍ବାରିଂଶୋଽଧ୍ଯାଯଃ॥ 45 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.46. ଅଧ୍ଯାଯଃ 046
Mahabharata - Karna Parva - Chapter Topics
ଭୀମକର୍ଣଯୋର୍ଯୁଦ୍ଧମ୍॥ 1 ॥ ଭୀମେନ ଦୁର୍ଯୋଧନାନୁଜାନାଂ କତିପଯାନାଂ ହନନମ୍॥ 2 ॥ ସଙ୍କୁଲଯୁଦ୍ଧଂ ଚ॥ 3 ॥
Mahabharata - Karna Parva - Chapter Text
8-46-0 (57213)
ଧୃତରାଷ୍ଟ୍ର ଉବାଚ। 8-46-0x (4963)
ସୁଦୁଷ୍କରମିଦଂ କର୍ମ କୃତଂ ଭୀମେନ ସଞ୍ଜଯ।
ଯେନ କର୍ଣୋ ମହାବାହୂ ରଥୋପସ୍ଥେ ନିପାତିତଃ॥ 8-46-1 (57214)
କର୍ଣୋ ହ୍ଯେକୋ ରଣେ ହନ୍ତା ପାଣ୍ଡବାନ୍ସୃଞ୍ଜଯୈଃ ସହ।
ଇତି ଦୁର୍ଯୋଧନଃ ସୂତ ପ୍ରାବ୍ରବୀନ୍ମାଂ ମୁହୁର୍ମୁହୁଃ॥ 8-46-2 (57215)
ପରାଜିତଂ ତୁ ରାଧେଯଂ ଦୃଷ୍ଟ୍ବା ଭୀମେନ ସଂଯୁଗେ।
ତତଃ ପରଂ କିମକରୋତ୍ପୁତ୍ରୋ ଦୁର୍ଯୋଧନୋ ମମ॥ 8-46-3 (57216)
ସଞ୍ଜଯ ଉବାଚ। 8-46-4x (4964)
ବିମୁଖଂ ପ୍ରେକ୍ଷ୍ଯ ରାଧେଯଂ ସୂତପୁତ୍ରଂ ମହାହବେ।
ପୁତ୍ରସ୍ତବ ମହାରାଜ ସୋଦର୍ଯାନିଦମବ୍ରବୀତ୍॥ 8-46-4 (57217)
ଶୀଘ୍ରଂ ଗଚ୍ଛତ ଭଦ୍ରଂ ବୋ ରାଧେଯଂ ପରିରକ୍ଷତ।
ଭୀମସେନଭଯେଽଗାଧେ ମ଼ଜ୍ଜନ୍ତଂ ବ୍ଯସନାର୍ଣବେ॥ 8-46-5 (57218)
ତେ ତୁ ରାଜ୍ଞା ସମାଦିଷ୍ଟା ଭୀମସେନଂ ଜିଘାଂସବଃ।
ଅଭ୍ଯବର୍ତନ୍ତ ସଙ୍କ୍ରୁଦ୍ଧାଃ ପତଙ୍ଗାଃ ପାବକଂ ଯଥା॥ 8-46-6 (57219)
ଶ୍ରୁତାଯୁର୍ଦୁର୍ଧରଃ କ୍ରାଥୋ ବିବିତ୍ସୁର୍ବିକଟଃ ସମଃ।
ନିଷଙ୍ଗୀ କବଚୀ ପାଶୀ ତଥା ନନ୍ଦୋପନନ୍ଦକୌ॥ 8-46-7 (57220)
ଦୁଷ୍ପ୍ରଧର୍ଷଃ ସୁବାହୁଶ୍ଚ ବାତବେଗସୁବର୍ଚସୌ।
ଧନୁର୍ଗ୍ରାହୋ ଦୁର୍ମଦଶ୍ଚ ଜଲସନ୍ଧଃ ଶଲଃ ସହଃ॥ 8-46-8 (57221)
ଏତେ ରଥୈଃ ପରିବୃତା ବୀର୍ଯବନ୍ତୋ ମହାବଲାଃ।
ଭୀମସେନଂ ସମାସାଦ୍ଯ ସମନ୍ତାତ୍ପର୍ଯବାରଯନ୍॥ 8-46-9 (57222)
ତେ ବ୍ଯମୁଞ୍ଚଞ୍ଛରବ୍ରାତାନ୍ନାନାଲିଙ୍ଗାନ୍ସମନ୍ତତଃ।
ସ ତୈରଭ୍ଯର୍ଦ୍ଯମାନସ୍ତୁ ଭୀମସେନୋ ମହାବଲଃ॥ 8-46-10 (57223)
ତେଷାମାପତତାଂ କ୍ଷିପ୍ରଂ ସୁତାନାଂ ତେ ଜନାଧିପ।
ରଥୈଃ ପଞ୍ଚଶତୈଃ ସାର୍ଧଂ ପଞ୍ଚାଶଦହନଦ୍ରଥାନ୍॥ 8-46-11 (57224)
ବିବିତ୍ସୋସ୍ତୁ ତତଃ କ୍ରୁଦ୍ଧୋ ଭଲ୍ଲେନାପାହରଚ୍ଛିରଃ।
ଭୀମସେନୋ ମହାରାଜ ତତ୍ପପାତ ହତଂ ଭୁବି॥ 8-46-12 (57225)
ସକୁଣ୍ଡଲଶିରସ୍ତ୍ରାଣଂ ପୂର୍ଣଚନ୍ଦ୍ରୋପମଂ ତଥା।
`ଅଶୋଭତ ମହାରାଜ ପୂର୍ଣଚନ୍ଦ୍ର ଇବାମ୍ବରେ'॥ 8-46-13 (57226)
ତଂ ଦୃଷ୍ଟ୍ବା ନିହତଂ ଶୂରଂ ଭ୍ରାତରଃ ସର୍ବତସ୍ତଦା।
ଅଭ୍ଯଦ୍ରବନ୍ତ ସମରେ ଭୀମଂ ଭୀମପରାକ୍ରମମ୍॥ 8-46-14 (57227)
ତତୋଽପରାଭ୍ଯାଂ ଭଲ୍ଲାଭ୍ଯାଂ ପୁତ୍ରଯୋସ୍ତେ ମହାହବେ।
ଜହାର ସମରେ ପ୍ରାଣାନ୍ଭୀମୋ ଭୀମପରାକ୍ରମଃ॥ 8-46-15 (57228)
ତୌ ଧରାମନ୍ବପଦ୍ଯେତାଂ ବାତରୁଗ୍ଣାବିବ ଦ୍ରୁମୌ।
ବିକଟଶ୍ଚ ସହଶ୍ଚୋମୌ ଦେବପୁତ୍ରୋପମୌ ନୃପ॥ 8-46-16 (57229)
ତତସ୍ତୁ ତ୍ବରିତୋ ଭୀମଃ କ୍ରାଥଂ ନିନ୍ଯେ ଯମକ୍ଷଯମ୍।
ନାରାଚେନ ସୁତୀକ୍ଷ୍ଣେନ ସ ହତୋ ନ୍ଯପତଦ୍ଭୁବି॥ 8-46-17 (57230)
ହାହାକାରସ୍ତତସ୍ତୀବ୍ରଃ ସମ୍ବଭୂବ ଜନେଶ୍ବର।
ବଧ୍ଯମାନେଷୁ ବୀରେଷୁ ତବ ପୁତ୍ରେଷୁ ଧନ୍ବିଷୁ॥ 8-46-18 (57231)
ତେଷାଂ ସୁଲୁଲିତେ ସୈନ୍ଯେ ପୁନର୍ଭୀମୋ ମହାବଲଃ।
ନନ୍ଦୋପନନ୍ଦୌ ସମରେ ପ୍ରୈଷଯଦ୍ଯମସାଦନମ୍॥ 8-46-19 (57232)
ତତସ୍ତେ ପ୍ରାଦ୍ରବନ୍ଭୀତାଃ ପୁତ୍ରାସ୍ତେ ବିହ୍ବଲୀକୃତାଃ।
ଭୀମସେନଂ ରଣେ ଦୃଷ୍ଟ୍ବା କାଲାନ୍ତକଯମୋପମମ୍॥ 8-46-20 (57233)
ପୁତ୍ରାଂସ୍ତେ ନିହତାନ୍ଦୃଷ୍ଟ୍ବା ସୂତପୁତ୍ରଃ ସୁଦୁର୍ମନାଃ।
ହଂସବର୍ଣାନ୍ହଯାନ୍ଭୂଯଃ ପ୍ରୈଷଯଦ୍ଯତ୍ର ପାଣ୍ଡବଃ॥ 8-46-21 (57234)
ତେ ପ୍ରେଷିତା ମହାରାଜ ମଦ୍ରରାଜେନ ବାଜିନଃ।
ଭୀମସେନରଥଂ ପ୍ରାପ୍ଯ ସମସଜ୍ଜନ୍ତ ବେଗିତାଃ॥ 8-46-22 (57235)
ସ ସନ୍ନିପାତସ୍ତୁମୁଲୋ ଘୋରରୂପୋ ବିଶାମ୍ପତେ।
ଆସୀଦ୍ରୌଦ୍ରୋ ମହାରାଜ କର୍ଣପାଣ୍ଡବଯୋର୍ମୃଧେ॥ 8-46-23 (57236)
ଦୃଷ୍ଟ୍ବା ମମ ମହାରାଜ ତୌ ସମେତୌ ମହାରଥୌ।
ଆସୀଦ୍ବୁଦ୍ବିଃ କଥଂ ଯୁଦ୍ବମେତଦଦ୍ଯ ଭବିଷ୍ଯତି॥ 8-46-24 (57237)
ତତୋ ଭୀମୋ ରଣଶ୍ଲାଘୀ ଛାଦଯାମାସ ପତ୍ରିଭିଃ।
କର୍ଣଂ ରଣେ ମହାରାଜ ପୁତ୍ରାଣାଂ ତବ ପଶ୍ଯତାମ୍॥ 8-46-25 (57238)
ତତଃ କର୍ଣୋ ଭୃଶଂ କ୍ରୁଦ୍ଧୋ ଭୀମଂ ନବଭିରାଯସୈଃ।
ବିବ୍ଯାଧ ପରମାସ୍ତ୍ରଜ୍ଞୋ ଭଲ୍ଲୈଃ ସନ୍ନତପର୍ବଭିଃ॥ 8-46-26 (57239)
ତାନ୍ନିହତ୍ଯ ମହାବାହୁର୍ଭୀମୋ ଭୀମପରାକ୍ରମଃ।
ଆକର୍ଣପୂର୍ଣୈର୍ବିଶିଖୈଃ କର୍ଣଂ ବିବ୍ଯାଧ ସପ୍ତଭିଃ॥ 8-46-27 (57240)
ତତଃ କର୍ଣୋ ମହାରାଜ ଆଶୀବିଷ ଇବ ଶ୍ବସନ୍।
ଶରବର୍ଷେଣ ମହତା ଛାଦଯାମାସ ପାଣ୍ଡବମ୍॥ 8-46-28 (57241)
ଭୀମୋଽପି ତତଂ ଶରବ୍ରାତୈଶ୍ଛାଦଯିତ୍ବା ମହାରଥମ୍।
ପଶ୍ଯତାଂ କୌରବେଯାଣାଂ ବିନନର୍ଦ ମହାବଲଃ॥ 8-46-29 (57242)
ତତଃ କର୍ଣୋ ଭୃଶଂ କ୍ରୁଦ୍ଧୋ ଦୃଢମାଦାଯ କାର୍ମୁକମ୍।
ଭୀମଂ ବିବ୍ଯାଧ ଦଶଭିଃ କଙ୍କପତ୍ରୈଃ ଶିଲାଶିତୈଃ।
କାର୍ମୁକଂ ଚାସ୍ଯ ଚିଚ୍ଛେଦ ଭଲ୍ଲେନ ନିଶିତେନ ଚ॥ 8-46-30 (57243)
ତତୋ ଭୀମୋ ମହାବାହୁର୍ହେମପଟ୍ଟବିଭୂଷିତମ୍।
ପରିଘଂ ଘୋରମାଦାଯ ମୃତତ୍ଯୁଦଣ୍ଡମିବାପରମ୍।
କର୍ଣସ୍ଯ ନିଧନାକାଙ୍କ୍ଷୀ ଚିକ୍ଷେପାତିବଲୋ ନଦନ୍॥ 8-46-31 (57244)
ତମାପତନ୍ତଂ ପରିଘଂ ବଜ୍ରାଶନିସମସ୍ବନମ୍।
ଚିଚ୍ଛେଦ ବହୁଧା କର୍ଣଃ ଶରୈରାଶୀବିଷୋପମୈଃ॥ 8-46-32 (57245)
ତତଃ କାର୍ମୁକମାଦାଯ ଭୀମୋ ଦୃଢତରଂ ତଦା।
ଛାଦଯାମାସ ବିଶିଖୈଃ କର୍ଣଂ ପରବଲାର୍ଦନମ୍॥ 8-46-33 (57246)
ତତୋ ଯୁଦ୍ଧମଭୂଦ୍ଧୋରଂ କର୍ଣପାଣ୍ଡବଯୋର୍ମୃଧେ।
ବଲୀନ୍ଦ୍ରଯୋରିବ ମୁହୁଃ ପରସ୍ପରବଧୈଷିଣୋଃ॥ 8-46-34 (57247)
ତତଃ କର୍ଣୋ ମହାରାଜ ଭୀମସେନଂ ତ୍ରିଭିଃ ଶରୈଃ।
ଆକର୍ଣପୂର୍ଣୈର୍ବିବ୍ଯାଧ ଦୃଢମାନମ୍ଯ କାର୍ମୁକମ୍॥ 8-46-35 (57248)
ସୋଽତିବିଦ୍ଧୋ ମହେଷ୍ବାସଃ କର୍ଣେନ ବଲିନାଂ ବରଃ।
ଘୋରମାଦତ୍ତ ବିଶିଖଂ କର୍ଣକାଯାବଦାରଣମ୍॥ 8-46-36 (57249)
ତସ୍ଯ ଭିତ୍ତ୍ବା ତନୁତ୍ରାଣଂ ଭିତ୍ତ୍ବା କାଯଂ ଚ ସାଯକଃ।
ପ୍ରାବିଶଦ୍ବରଣୀଂ ରାଜନ୍ବଲ୍ମୀକମିବ ପନ୍ନଗଃ॥ 8-46-37 (57250)
ସ ତେନାତିପ୍ରହାରେଣ ବ୍ଯଥିତୋ ବିହ୍ବଲନ୍ନିବ॥
ସଞ୍ଚଚାଲ ରଥେ କର୍ଣଃ କ୍ଷିତିକମ୍ପେ ଯଥାଽଚଲଃ॥ 8-46-38 (57251)
ତତଃ କର୍ଣୋ ମହାରାଜ ରୋଷାମର୍ଷସମନ୍ବିତଃ।
ଭୀମଂ ତଂ ପଞ୍ଚବିଂଶତ୍ଯା ନାରାଚାନାଂ ସମାର୍ପଯତ୍॥ 8-46-39 (57252)
ଚିଚ୍ଛେଦ କାର୍ମୁକଂ ତୂର୍ଣଂ ପାଣ୍ଡବସ୍ଯାଶୁ ପତ୍ରିଣା॥ 8-46-40 (57253)
ତତତୋ ମୁହୂର୍ତାଦ୍ରାଜେନ୍ଦ୍ର ନାତିକୃଚ୍ଛ୍ରାଦ୍ବସନ୍ନିବ।
ବିରଥଂ ଭୀମକର୍ମାଣଂ ଭୀମଂ କର୍ଣଶ୍ଚକାର ହ॥ 8-46-41 (57254)
ବିରଥୋ ଭରତଶ୍ରେଷ୍ଠ ପ୍ରହସନ୍ନନିଲୋପମଃ।
ଗଦାଂ ଗୃହ୍ଯ ମହାବାହୁରପତତ୍ସ୍ଯନ୍ଦନୋତ୍ତମାତ୍॥ 8-46-42 (57255)
ଗଦଯା ଚ ମହାରାଜ କର୍ଣସ୍ଯ ରଥକୂବରମ୍।
ପୋଥଯାମାସ ସଙ୍କ୍ରୁଦ୍ଧଃ ସମରେ ଶତ୍ରୁତାପନଃ॥ 8-46-43 (57256)
ସ କ୍ରୋଧବଶମାପନ୍ନଃ ପାଣ୍ଡୁପୁତ୍ରଃ ପ୍ରତାପବାନ୍।
ବିଦ୍ରାବ୍ଯ ଗଦଯା ବୀରସ୍ତବ ପୁତ୍ରାନ୍ମହାହବେ॥ 8-46-44 (57257)
ନାଗାନ୍ସପ୍ତଶତାନ୍ରାଜନ୍ନୀଷାଦନ୍ତାନ୍ପ୍ରହାରିଣଃ।
ବ୍ଯଧମତ୍ସହସା ଭୀମଃ କ୍ରୁଦ୍ଧରୂପଃ ପରନ୍ତପଃ॥ 8-46-45 (57258)
ଦନ୍ତବେଷ୍ଟେଷୁ ନେତ୍ରେଷୁ କୁମ୍ଭେଷୁ ଚ କଟେଷୁ ଚ।
ମର୍ମସ୍ବପି ଚ ମର୍ମଜ୍ଞସ୍ତାନ୍ନାଗାନବଧୀଦ୍ବଲୀ॥ 8-46-46 (57259)
`ଅର୍ଦିତା ଭୀମସେନେନ ବିନଦନ୍ତୋ ଭୃଶାତୁରାଃ'।
ତତସ୍ତେ ପ୍ରାଦ୍ରବନ୍ଭୀତାଃ ପ୍ରହତାଶ୍ଚ ପୁନଃପୁନଃ।
ମହାମାତ୍ରାସ୍ତମାବବ୍ରୁର୍ମେଘା ଇବ ଦିବାକରମ୍॥ 8-46-47 (57260)
ତାନ୍ସ ସପ୍ତଶତାନ୍ନାଗାନ୍ସାରୋହାଯୁଧକେତନାନ୍।
ଭୂମିଷ୍ଠୋ ଗଦଯା ଜଘ୍ନେ ବଜ୍ରେଣେନ୍ଦ୍ର ଇବାଚଲାନ୍॥ 8-46-48 (57261)
ତତଃ ସୁବଲପୁତ୍ରସ୍ଯ ନାଗାନତିବଲାନ୍ପୁନଃ।
ପୋଥଯାମାସ କୌନ୍ତେଯୋ ଦ୍ବିପଞ୍ଚାଶଦରିନ୍ଦମଃ॥ 8-46-49 (57262)
ତଥା ରଥଶତତଂ ସାଗ୍ରଂ ପତ୍ତୀଂଶ୍ଚ ଶତଶୋଽପରାନ୍।
ନ୍ଯହନତ୍ପାଣ୍ଡବୋ ଯୁଦ୍ଧେ ତାପଯଂସ୍ତବ ବାହିନୀମ୍॥ 8-46-50 (57263)
ପ୍ରତାପ୍ଯମାନଂ ସୂର୍ଯେଣ ଭୀମେନ ଚ ମହାତ୍ମନା।
ତବ ସୈନ୍ଯଂ ସଞ୍ଚୁକୋଚ ଚର୍ମାଗ୍ନାବାହିତଂ ଯଥା॥ 8-46-51 (57264)
ତେ ଭୀମଭଯସନ୍ତ୍ରସ୍ତାସ୍ତାବକା ଭରତର୍ଷଭ।
ବିହାଯ ସମରେ କର୍ଣଂ ଦୁଦ୍ରୁବୁର୍ବୈ ଦିଶୋ ଦଶ॥ 8-46-52 (57265)
ରଥାଃ ପଞ୍ଚଶତାଶ୍ଚାନ୍ଯେ ହାଦିନଃ ଶରବର୍ଷିଣଃ।
ଭୀମମଭ୍ଯଦ୍ରବନ୍ଘ୍ନନ୍ତଃ ଶରପୂଗୈଃ ସମନ୍ତତଃ॥ 8-46-53 (57266)
ତାନ୍ସ ପଞ୍ଚଶତାନ୍ବୀରାନ୍ସପତାକଧ୍ବଜାଯୁଧାନ୍।
ପୋଥଯାମାସ ଗଦଯା ଭୀମୋ ବିଷ୍ଣୁରିବାସୁରାନ୍॥ 8-46-54 (57267)
ତତଃ ଶକୁନିନିର୍ଦିଷ୍ଟାଃ ସାଦିନଃ ଶୂରସମ୍ମତାଃ।
ତ୍ରିସାହସ୍ରାଣ୍ଯଭିଯଯୁଃ ଶରଶକ୍ତ୍ଯୃଷ୍ଟିପାଣଯଃ॥ 8-46-55 (57268)
ତାନ୍ପ୍ରତ୍ଯୁଦ୍ଗମ୍ଯ ଯବନାନ୍ସାଶ୍ବାରୋହାଂସ୍ତଦାଽରିହା।
ବିବିଧାନ୍ବିଚରନ୍ମାର୍ଗାନ୍ଗଦଯା ସମପୋଥଯତ୍॥ 8-46-56 (57269)
ତେଷାମାସୀନ୍ମହାଞ୍ଛବ୍ଦସ୍ତାଡିତାନାଂ ଚ ସର୍ବଶଃ।
ଅଗ୍ନିଭିର୍ଦହ୍ଯମାନାନାଂ ନଲାନାମିବ ଭାରତ॥ 8-46-57 (57270)
ଏବଂ ସୁବଲପୁତ୍ରସ୍ଯ ତ୍ରିସାହସ୍ରାନ୍ହଯୋତ୍ତମାନ୍।
ହତ୍ବାଽନ୍ଯଂ ରଥମାସ୍ଥାଯ କ୍ରୁଦ୍ଧୋ ରାଧେଯମଭ୍ଯଯାତ୍॥ 8-46-58 (57271)
କର୍ଣୋଽପି ସମରେ ରାଜନ୍ଧର୍ମପୁତ୍ରମରିନ୍ଦମମ୍।
ସ ଶରୈଶ୍ଛାଦଯାମାସ ସାରଥିଂ ଚାପ୍ଯପାତଯତ୍॥ 8-46-59 (57272)
ତତଃ ସ ପ୍ରଦ୍ରୁତଂ ସୈନ୍ଯଂ ଦୃଷ୍ଟ୍ବା କର୍ଣୋ ମହାରଥଃ।
ଅନ୍ବଧାବତ୍କିରନ୍ବାଣୈଃ କଙ୍କପତ୍ରୈରଜିହ୍ମଗୈଃ॥ 8-46-60 (57273)
ରାଜାନମଭିଧାବନ୍ତଂ ଶରୈରାବୃତ୍ଯ ରୋଦସୀ।
କ୍ରୁଦ୍ଧଃ ପ୍ରଚ୍ଛାଦଯାମାସ ଶରଜାଲେନ ମାରୁତିଃ॥ 8-46-61 (57274)
ସନ୍ନିବୃତ୍ତସ୍ତତସ୍ତୂର୍ଣଂ ରାଧେଯଃ ଶତ୍ରୁକର୍ଶନଃ।
ଭୀମଂ ପ୍ରଚ୍ଛାଦଯାମାସ ସମନ୍ତାନ୍ନିଶିତୈଃ ଶରୈଃ॥ 8-46-62 (57275)
ଭୀମସେନରଥପ୍ରେପ୍ସୁଂ କର୍ଣଂ ଭାରତ ସାତ୍ଯକିଃ।
ଅଭ୍ଯର୍ଦଯଦମେଯାତ୍ମା ପାର୍ଷ୍ଣିଗ୍ରହଣକାରଣାତ୍॥ 8-46-63 (57276)
ଭୀମସେନରଥପ୍ରେପ୍ସୁଂ କର୍ଣୋ ଭାରତ ସାତ୍ଯକିମ୍।
ଅଭ୍ଯବର୍ତତ ଶୈନେଯମର୍ଦଯଞ୍ଛରବୃଷ୍ଟିଭିଃ॥ 8-46-64 (57277)
ତାବନ୍ଯୋନ୍ଯଂ ସମାସାଦ୍ଯ ବୃଷଭୌ ସର୍ବଧନ୍ବିନାମ୍।
ବିସୃଜନ୍ତୌ ଶରାନ୍ଦୀପ୍ତାନ୍ବିଭ୍ରାଜେତାଂ ମନସ୍ବିନୌ॥ 8-46-65 (57278)
ତାଭ୍ଯାଂ ବିଯତି ରାଜେନ୍ଦ୍ର ବିତତତତଂ ଭୀମଦର୍ଶନମ୍।
କୌଞ୍ଚପୃଷ୍ଠାରୁଣଂ ରୌଦ୍ରଂ ବାଣଜାଲଂ ବ୍ଯଦୃଶ୍ଯତ॥ 8-46-66 (57279)
ନୈବ ସୂର୍ଯପ୍ରଭା ରାଜନ୍ନ ଦିଶଃ ପ୍ରଦିଶସ୍ତଥା।
ପ୍ରାଜ୍ଞାସିଷ୍ମ ବଯଂ ତେ ବା ଶରୈର୍ମୁକ୍ତୈଃ ସହସ୍ରଶଃ॥ 8-46-67 (57280)
ମଧ୍ଯାହ୍ନେ ତପତୋ ରାଜନ୍ଭାସ୍କରସ୍ଯ ମହାପ୍ରଭାଃ।
ହୃତାଃ ସର୍ବାଃ ଶରୌଘୈସ୍ତୈଃ କର୍ଣମାଧବଯୋସ୍ତଦା॥ 8-46-68 (57281)
ସୌବଲଂ କୃତବର୍ମାଣଂ ଦ୍ରୌଣିମାଧିରଥିଂ କୃପମ୍।
ସଂସକ୍ତାନ୍ପାଣ୍ଡବୈର୍ଦୃଷ୍ଟ୍ବା ନିବୃତ୍ତାଃ କୁରବଃ ପୁନଃ॥ 8-46-69 (57282)
ତେଷାମାପତତାଂ ଶବ୍ଦସ୍ତୀତ୍ର ଆସୀଦ୍ବିଶାମ୍ପତେ।
ଉଦ୍ବୃତ୍ତାନାଂ ଯଥା ବୃଷ୍ଟ୍ଯା ସାଗରାଣାଂ ଭଯାବହଃ॥ 8-46-70 (57283)
ତେ ସେନେ ଭୃଶସଂସକ୍ତେ ଦୃଷ୍ଟ୍ବାଽନ୍ଯୋନ୍ଯଂ ମହାହବେ।
ହର୍ଷେଣ ମହତା ଯୁକ୍ତେ ପରିଗୃହ୍ଯ ପରସ୍ପରମ୍॥ 8-46-71 (57284)
ତତଃ ପ୍ରବବୃତେ ଯୁଦ୍ଧଂ ମଧ୍ଯଂ ପ୍ରାପ୍ତେ ଦିବାକରେ।
ଯାଦୃଶଂ ନୈବମସ୍ମାଭିର୍ଦୃଷ୍ଟପୂର୍ବଂ ନ ଚ ଶ୍ରୁତମ୍॥ 8-46-72 (57285)
ବଲୌଘସ୍ତୁ ସମାସାଦ୍ଯ ବଲୌଘଂ ସହସା ରଣେ।
ଉପସର୍ପତ ବେଗେନ ବାର୍ଯୋଘ ଇବ ସାଗରମ୍॥ 8-46-73 (57286)
ଆସୀନ୍ନିନାଦଃ ସୁମହାନ୍ବାଣୌଘାନାଂ ପରସ୍ପରମ୍।
ଗର୍ଜତାଂ ସାଗରୌଘାଣାଂ ଯଥା ସ୍ଯାନ୍ନିଃସ୍ବନୋ ମହାନ୍॥ 8-46-74 (57287)
ତେ ତୁ ସେନେ ସମାସାଦ୍ଯ ବେଗବତ୍ଯୌ ପରସ୍ପରମ୍।
ଏକୀଭାବମନୁପ୍ରାପ୍ତେ ନଦ୍ଯାବିବ ସମାଗମେ॥ 8-46-75 (57288)
ତତଃ ପ୍ରବବୃତେ ଯୁଦ୍ଧଂ ଘୋରରୂପଂ ବିଶାମ୍ପତେ।
କୁରୂଣାଂ ପାଣ୍ଡବାନାଂ ଚ ଲିପ୍ସତାଂ ସୁମହଦ୍ଯଶଃ॥ 8-46-76 (57289)
ଶୂରାଣାଂ ଗର୍ଜତାଂ ତତ୍ର ହ୍ଯବିଚ୍ଛେଦକୃତା ଗିରଃ।
ଶ୍ରୁଯନ୍ତେ ବିବିଧା ରାଜନ୍ନାମାନ୍ଯୁଦ୍ଦିଶ୍ଯ ଭାରତ॥ 8-46-77 (57290)
ଯସ୍ଯ ଯଦ୍ଧି ରଣେ ବ୍ଯଙ୍ଗଂ ପିତୃତୋ ମାତୃତୋଽପି ବା।
କର୍ମତଃ ଶୀଲତୋ ବାଽପି ସ ତଚ୍ଛ୍ରାବଯତେ ଯୁଧି॥ 8-46-78 (57291)
ତାନ୍ଦୃଷ୍ଟ୍ବା ସମରେ ଶୂଶାଂସ୍ତର୍ଜମାନାନ୍ପରସ୍ପରମ୍।
ଅଭବନ୍ମେ ମତୀ ରାଜନ୍ନୈଷାମସ୍ତୀତି ଜୀବିତମ୍॥ 8-46-79 (57292)
ତେଷାଂ ଦୃଷ୍ଟ୍ବା ତୁ କ୍ରୁଦ୍ଧାନାଂ ବପୂଂଷ୍ଯମିତତେଜସାମ୍।
ଅଭବନ୍ମେ ଭଯଂ ତୀବ୍ରଂ କଥମେତଦ୍ଭବିଷ୍ଯତି॥ 8-46-80 (57293)
ତତସ୍ତେ ପାଣ୍ଡବା ରାଜନ୍କୌରବାଶ୍ଚ ମହାରଥାଃ।
ତତକ୍ଷୁଃ ସାଯକୈସ୍ତୂର୍ଣମନ୍ଯୋନ୍ଯଂ ବିଜଯୈଷିଣଃ॥ ॥ 8-46-81 (57294)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଷଟ୍ଚତ୍ବାରିଂଶୋଽଧ୍ଯାଯଃ॥ 46 ॥
॥ ଶ୍ରୀଃ ॥
8.47. ଅଧ୍ଯାଯଃ 047
Mahabharata - Karna Parva - Chapter Topics
ସଙ୍କୁଲଯୁଦ୍ଧମ୍॥ 1 ॥
Mahabharata - Karna Parva - Chapter Text
8-47-0 (57295)
ସଞ୍ଜଯ ଉବାଚ। 8-47-0x (4965)
କ୍ଷତ୍ରିଯାସ୍ତେ ମହାରାଜ ପରସ୍ପରବଧୈଷିଣଃ।
ଅନ୍ଯୋନ୍ଯଂ ସମରେ ଜଘ୍ନୁଃ କୃତବୈରା ମହୌଜସଃ॥ 8-47-1 (57296)
ରଥୌଘାଶ୍ଚ ହଯୌଘାଶ୍ଚ ନରୌଘାଶ୍ଚ ସମନ୍ତତଃ।
ଗଜୌଘାଶ୍ଚ ମହାରାଜ ସଂସକ୍ତାଶ୍ଚ ପରସ୍ପରମ୍॥ 8-47-2 (57297)
ଗଦାନାଂ ପରିଘାଣାଂ ଚ ଶକ୍ତୀନାଂ ଚ ପରସ୍ପରମ୍।
ପ୍ରାସାନାଂ ଭିଣ୍ଡିପାଲାନାଂ ମୁସୁଣ୍ଠୀନାଂ ଚ ସର୍ବଶଃ॥ 8-47-3 (57298)
ସମ୍ପାତଂ ଚାନୁପଶ୍ଯାମ ସଙ୍ଗ୍ରାମେ ଭୃଶଦାରୁଣେ।
ଶଲଭା ଇବ ସମ୍ପେତୁଃ ଶରବୃଷ୍ଟ୍ଯଃ ସମନ୍ତତଃ॥ 8-47-4 (57299)
ନାଗାନ୍ନାଗାଃ ସମାସାଦ୍ଯ ବ୍ଯଧମନ୍ତ ପରସ୍ପରମ୍।
ହଯା ହଯାଂଶ୍ଚ ସମରେ ରଥିନୋ ରଥିନସ୍ତଥା॥ 8-47-5 (57300)
ପତ୍ତଯଃ ପତ୍ତିସଙ୍ଘାଂଶ୍ଚ ହଯସଙ୍ଘାଂଶ୍ଚ ପତ୍ତଯଃ।
ପତ୍ତଯୋ ରଥମାତଙ୍ଗାନ୍ରଥା ହସ୍ତ୍ଯଶ୍ବମେବ ଚ।
ନାଗାଶ୍ଚ ସମରେ ତ୍ର୍ଯଙ୍ଗଂ ମମୃଦୁଃ ଶୀଘ୍ରଗା ନୃପ॥ 8-47-6 (57301)
ବଧ୍ଯତାଂ ତତ୍ର ଶୂରାଣାଂ କ୍ରୋଶତାଂ ଚ ପରସ୍ପରମ୍।
ଘୋରମାଯୋଧନଂ ଜଜ୍ଞେ ପଶୂନାଂ ଘାତନେ ଯଥା॥ 8-47-7 (57302)
ରୁଧିରେଣ ସମାସ୍ତୀର୍ଣା ବଭୌ ଭାରତ ମେଦିନୀ।
ଶକ୍ରଗୋପଗଣାକୀର୍ଣା ପ୍ରାବୃଷୀବ ବସୁନ୍ଧରା॥ 8-47-8 (57303)
ଯଥା ବା ବାସସୀ ଶୁକ୍ଲେ ମହାରଜନରଞ୍ଜିତେ।
ବିଭ୍ରତୀ ଯୁବତୀ ଶ୍ଯାମା ତଦ୍ବଦାସୀଦ୍ବସୁନ୍ଧରା॥ 8-47-9 (57304)
`ବଦ୍ବଚୂଡାମଣିଧରୈଃ ଶିରୋଭିଶ୍ଚାରୁକୁଣ୍ଡଲୈଃ।
ଉଜ୍ଝିତୈର୍ବୃଷଭାକ୍ଷାଣାଂ ଭ୍ରାଜତେ ସ୍ମ ବସୁନ୍ଧରା'॥ 8-47-10 (57305)
ଶଶଶୋଣିତଦିଗ୍ଧେବ ଶାତକୁମ୍ଭମଯୀବ ଚ।
`ଭୂର୍ବଭୌ ଭରତଶ୍ରେଷ୍ଠ ଶାନ୍ତାର୍ଚିର୍ଭିରିବାନଲୈଃ॥' 8-47-11 (57306)
ଛିନ୍ନାନାଂ ଚୋତ୍ତମାଙ୍ଗାନାଂ ବାହୂନାଂ ଚୋରୁଭିଃ ସହ।
କୁଣ୍ଡଲାନାଂ ପିନଦ୍ଧାନାଂ ଭୂଷଣାନାଂ ଚ ଭାରତ॥ 8-47-12 (57307)
ନିଷ୍କାଣାଂ ହେମସୂତ୍ରାଣାଂ ଶରୀରାଣାଂ ଚ ଧନ୍ବିନାମ୍।
ଚର୍ମଣାଂ ସପତାକାନାଂ ସଙ୍ଘାସ୍ତତ୍ରାପତନ୍ଭୁବି। 8-47-13 (57308)
`ଅଗମ୍ଯକଲ୍ପା ପୃଥିବୀ ସର୍ବତୋ ଭୃଶକର୍ଦମା'॥
ଗଜା ଗଜାନ୍ସମାସାଦ୍ଯ ବିଷାଣୈରାର୍ଦଯନ୍ନୃପ।
ବିଷାଣାଗ୍ରହତାସ୍ତତ୍ର ଭ୍ରାଜନ୍ତେ ଦ୍ବିରଦୋତ୍ତମାଃ।
ରୁଧିରେଣାବସିକ୍ତାଙ୍ଗା ଗୈରିକପ୍ରସ୍ରବା ଇବ।
`ପ୍ରାବୃଟ୍କାଲେ ମହାରାଜ ମେଘା ଇବ ସବିଦ୍ଯୁତଃ'॥ 8-47-14 (57309)
ସ୍ଯନ୍ଦମାନା ଯଥା ଭାନ୍ତି ପର୍ବତା ଧାତୁମଣ୍ଡିତାଃ।
`ତଥା ରେଜୂ ରଣେ ନାଗା ରୁଧିରେଣ ସମାପ୍ଲୁତାଃ'॥ 8-47-15 (57310)
ତୋମରାନ୍ସାଦିଭିର୍ମୁକ୍ତାନ୍ପ୍ରତିମାନସ୍ଥିତାନ୍ବହୂନ୍।
ହସ୍ତୈରୁଦ୍ଧୃତ୍ଯ ତାନ୍ନାଗା ବଭଞ୍ଜୁଶ୍ଚାପରେ ରଣେ॥ 8-47-16 (57311)
ନାରାଚୈଶ୍ଛିନ୍ନବର୍ମାଣୋ ଭ୍ରାଜନ୍ତେ ସ୍ମ ଗଜୋତ୍ତମାଃ।
ହିମାଗମେ ଯଥା ରାଜନ୍ବ୍ଯଭ୍ରା ଇବ ମହୀଧରାଃ॥ 8-47-17 (57312)
ଶରୈଃ କନକପୁଙ୍ଖୈଶ୍ଚ ଚିତା ରେର୍ଜୁର୍ଗଜୋତ୍ତମାଃ।
ଉଲ୍କାଭିଃ ସମ୍ପ୍ରଦୀପ୍ତାଗ୍ରାଃ ପର୍ବତା ଇବ ଭାରତ॥ 8-47-18 (57313)
କେଚିଦଭ୍ଯାହତା ନାଗୈର୍ନାଗା ନଗବରୋପମାଃ।
ନ ଚେଲୁଃ ସମରାତ୍ତସ୍ମାଚ୍ଛିନ୍ନପକ୍ଷା ଇବାଦ୍ରଯଃ॥ 8-47-19 (57314)
ଅପରେ ପ୍ରାଦ୍ରବନ୍ନାଗାଃ ଶରାର୍ତା ବ୍ରଣପୀଡିତାଃ।
ପ୍ରତିମାନୈଶ୍ଚ କୁମ୍ଭୈଶ୍ଚ ପେତୁରୁର୍ବ୍ଯାଂ ମହାହବେ॥ 8-47-20 (57315)
ନିଷେଦୁଃ ସିଂହବଚ୍ଚାନ୍ଯେ ନଦନ୍ତୋ ଭୈରବାନ୍ରବାନ୍।
ବେମୁଶ୍ଚ ବହବୋ ରାଜଂଶ୍ଚୁକ୍ରୁଶୁଶ୍ଚାପରେ ଗଜାଃ॥ 8-47-21 (57316)
ହଯାଶ୍ଚ ନିହତା ବାଣୈର୍ହେମଭାଣ୍ଡବିଭୂଷିତାଃ।
ନିଷେଦୁଶ୍ଚୈବ ମମ୍ଲୁଶ୍ଚ ବଭ୍ରମୁଶ୍ଚ ଦିଶୋ ଦଶ॥ 8-47-22 (57317)
ଅପରେ କ୍ଲିଶ୍ଯମାନାଶ୍ଚ ବ୍ଯବେଷ୍ଟନ୍ତ ମହୀତଲେ।
ଭାବାନ୍ବହୁବିଧାଂଶ୍ଚକ୍ରୁସ୍ତାଡିତାଃ ଶରତୋମରୈଃ॥ 8-47-23 (57318)
ନରାସ୍ତୁ ନିହତା ଭୂମୌ କୂଜନ୍ତସ୍ତତ୍ର ମାରିପ।
ଦୃଷ୍ଟ୍ବା ଚ ବାନ୍ଧବାନନ୍ଯେ ପିତୄନନ୍ଯେ ପିତାମହାନ୍॥ 8-47-24 (57319)
ଧାବମାନାନ୍ପରାଂଶ୍ଚାନ୍ଯେ ଦୃଷ୍ଟ୍ବାନ୍ଯେ ତତ୍ର ଭାରତ।
ଖ୍ଯାତାନି ଗୋତ୍ରନାମାନି ଶଶଂସୁରିତରେତରମ୍॥ 8-47-25 (57320)
ତେଷାଂ ଛିନ୍ନା ମହାରାଜ ଭୁଜାଃ କନକଭୂଷଣାଃ।
ଉଦ୍ବେଷ୍ଟନ୍ତେ ବିବେଷ୍ଟନ୍ତେ ଭ୍ରମନ୍ତି ହ୍ଯୁତ୍ପତନ୍ତି ଚ॥ 8-47-26 (57321)
ନିପତନ୍ତି ତଥୈବାନ୍ଯେ ସ୍ଫୁରନ୍ତି ଚ ସହସ୍ରଶଃ।
ବେଗାଂଶ୍ଚାନ୍ଯେ ରମେ ଚକ୍ରୁଃ ପଞ୍ଚାସ୍ଯା ଇବ ପନ୍ନଗାଃ॥ 8-47-27 (57322)
ତେ ଭୁଜା ଭୋଗିଭୋଗାଭାଶ୍ଚନ୍ଦନାକ୍ତା ବିଶାମ୍ପତେ।
ଲୋହିତାର୍ଦ୍ରା ଭୃଶଂ ରେଜୁସ୍ତପନୀଯଧ୍ବଜା ଇବ॥ 8-47-28 (57323)
ବର୍ତମାନେ ତଥା ଘୋରେ ସଙ୍କୁଲେ ସର୍ବତୋ ଦିଶମ୍।
ଅବିଜ୍ଞାତାଃ ସ୍ମ ଯୁଧ୍ଯନ୍ତେ ବିନିଘ୍ନନ୍ତଃ ପରସ୍ପରମ୍॥ 8-47-29 (57324)
ଭୌମେନ ରଜସାକୀର୍ଣେ ଶସ୍ତ୍ରସମ୍ପାତସଙ୍କୁଲେ।
ନୈବ ସ୍ବେ ନ ପରେ ରାଜନ୍ବ୍ଯଜ୍ଞାଯନ୍ତ ତମୋବୃତାଃ॥ 8-47-30 (57325)
ତଥା ତଦଭବଦ୍ଯୁଦ୍ଧଂ ଘୋରରୂପଂ ଭଯାନକମ୍।
ଲୋହିତୋଦା ମହାନଦ୍ଯଃ ପ୍ରସସ୍ରୁସ୍ତତ୍ର ଚାସକୃତ୍॥ 8-47-31 (57326)
ଶୀର୍ଷପାଷାଣସଞ୍ଛନ୍ନାଃ କେଶଶୈବଲଶାଦ୍ବଲାଃ।
ଅସ୍ଥିମୀନସମାକୀର୍ଣା ଧନୁଃଶରଗଦୋଡୁପାଃ॥ 8-47-32 (57327)
ମାଂସଶୋଣିତପଙ୍କିନ୍ଯୋ ଘୋରରୂପାଃ ସୁଦାରୁଣାଃ।
ନଦୀଃ ପ୍ରବର୍ତଯାମାସୁଃ ସୋଣିତୌଘବିବର୍ଧିନୀଃ॥ 8-47-33 (57328)
ଭୀରୁବିତ୍ରାସକାରିଣ୍ଯଃ ଶୂରାଣାଂ ହର୍ଷବର୍ଧନାଃ।
ତା ନଦ୍ଯୋ ଘୋରରୂପାସ୍ତୁ ନଯନ୍ତ୍ଯୋ ଯମସାଦନମ୍॥ 8-47-34 (57329)
ଅବଗାଢାନ୍ମଜ୍ଜଯନ୍ତ୍ଯଃ କ୍ଷତ୍ରସ୍ଯାଜନଯନ୍ଭଯମ୍।
କ୍ରବ୍ଯାଦାନାଂ ନରବ୍ଯାଘ୍ର ନର୍ଦତାଂ ତତ୍ରତତ୍ର ହ॥ 8-47-35 (57330)
ଘୋରମାଯୋଧନଂ ଜଜ୍ଞେ ପ୍ରେତରାଜପୁରୋପମମ୍।
ଉତ୍ଥିତାନ୍ଯଗଣେଯାନି କବନ୍ଧାନି ସମନ୍ତତଃ॥ 8-47-36 (57331)
ନୃତ୍ଯନ୍ତି ବୈ ଭୂତଗଣାଃ ସୁତୃପ୍ତା ମାଂସଶୋଣିତୈଃ।
ପୀତ୍ବା ଚ ଶୋଣିତଂ ତତ୍ର ବସାଂ ଭୁକ୍ତ୍ବା ଚ ଭାରତ॥ 8-47-37 (57332)
ମେଦୋମଜ୍ଜାବସାମତ୍ତାସ୍ତୃପ୍ତା ମାଂସସ୍ଯ ଚୈବ ହ।
ଧାବମାନାଃ ସ୍ମ ଦୃଶ୍ଯନ୍ତେ କାକଗୃଘ୍ରବକାସ୍ତଥା॥ 8-47-38 (57333)
ଶୂରାସ୍ତୁ ସମରେ ରାଜନ୍ଭଯଂ ତ୍ଯକ୍ତ୍ବା ସୁଦୁସ୍ତ୍ଯଜମ୍।
ଯୋଧବ୍ରତସମାଖ୍ଯାତାଶ୍ଚକ୍ରୁଃ କର୍ମାଣ୍ଯଭୀତବତ୍॥ 8-47-39 (57334)
ଶରଶକ୍ତିସମାକୀର୍ଣେ କ୍ରବ୍ଯାଦଗଣସଙ୍କୁଲେ।
ବ୍ଯଚରନ୍ତ ରଣେ ଶୂରାଃ ଖ୍ଯାପଯନ୍ତଃ ସ୍ବପୌରୁଷମ୍॥ 8-47-40 (57335)
ଅନ୍ଯୋନ୍ଯଂ ଶ୍ରାବଯନ୍ତି ସ୍ମ ନାମଗୋତ୍ରାଣି ଭାରତ।
ପିତୃନାମାନି ଚ ରଣେ ଗୋତ୍ରନାମାନି ବା ବିଭୋ॥ 8-47-41 (57336)
ଶ୍ରାବଯାଣାଶ୍ଚ ବହବସ୍ତତ୍ର ଯୋଧା ବିଶାମ୍ପତେ।
ଅନ୍ଯୋନ୍ଯମବମୃଦ୍ରନ୍ତଃ ଶକ୍ତିତୋମରପଟ୍ଟସୈଃ॥ 8-47-42 (57337)
ବର୍ତମାନେ ତଥା ଯୁଦ୍ଧେ ଘୋରରୂପେ ସୁଦାରୁଣେ।
ବ୍ଯଷୀଦତ୍କୌରବୀ ସେନା ଭିନ୍ନା ନୌରିବ ସାଗରେ॥ ॥ 8-47-43 (57338)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ସପ୍ତଚତ୍ବାରିଂଶୋଽଧ୍ଯାଯଃ॥ 47 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.48. ଅଧ୍ଯାଯଃ 048
Mahabharata - Karna Parva - Chapter Topics
ଅର୍ଜୁନସ୍ଯ ସଂଶପ୍ତକୈର୍ଯୁଦ୍ଧମ୍॥ 1 ॥
Mahabharata - Karna Parva - Chapter Text
8-48-0 (57339)
ସଞ୍ଜଯ ଉବାଚ। 8-48-0x (4966)
ବର୍ତମାନେ ତଥା ଯୁଦ୍ଧେ କ୍ଷତ୍ରିଯାଣାଂ ନିମଜ୍ଜନେ।
ଗାଣ୍ଡୀବସ୍ଯ ମହାଘୋଷଃ ଶ୍ରୂଯତେ ଯୁଧି ମାରିଷ॥ 8-48-1 (57340)
ସଂଶପ୍ତକାନାମକରୋତ୍କଦନଂ ଯତ୍ର ପାଣ୍ଡବଃ।
କୋସଲାନାଂ ତଥା ରାଜନ୍ନାରାଯଣବଲସ୍ଯ ଚ॥ 8-48-2 (57341)
ସଂଶପ୍ତକାସ୍ତୁ ସମରେ ଶରବୃଷ୍ଟିଃ ସମନ୍ତତଃ।
ଅପାତଯନ୍ପାର୍ଥମୂର୍ଧ୍ନି ଜଯଗୃଦ୍ଧାଃ ପ୍ରମନ୍ଯବଃ॥ 8-48-3 (57342)
ତାଂ ଶସ୍ତ୍ରବୃଷ୍ଟିମାଯାନ୍ତୀମୁରସା ଧାରଯନ୍ପ୍ରଭୁଃ।
ବ୍ଯଗାହତ ପରାନ୍ପାର୍ଥୋ ବିନିଘ୍ନନ୍ରଥିନାଂ ବରାନ୍॥ 8-48-4 (57343)
ବିକ୍ଷୋଭ୍ଯ ତୁ ରଥାନୀକଂ କଙ୍କପତ୍ରୈଃ ଶିଲାଶିତୈଃ।
ଆସସାଦ ତତଃ ପାର୍ଥଃ ସୁଶର୍ମାଣଂ ମହାରଥମ୍॥ 8-48-5 (57344)
ସ ତସ୍ଯ ଶରବର୍ଷାଣି ବବର୍ଷ ରଥିନାଂ ବରଃ।
ତଥା ସଂଶପ୍ତକାଶ୍ଚୈବ ପାର୍ଥସ୍ଯ ସମରେ ସ୍ଥିତାଃ॥ 8-48-6 (57345)
ସୁଶର୍ମା ତୁ ତତଃ ପାର୍ଥଂ ବିଦ୍ଧ୍ବା ଦଶଭିରାଶୁଗୈଃ।
ଜନାର୍ଦନଂ ତ୍ରିଭିର୍ବାଣୈରହନଦ୍ଦକ୍ଷିଣେ ଭୁଜେ॥ 8-48-7 (57346)
ତତୋଽପରେଣ ଭଲ୍ଲେନ କେତୁଂ ପାର୍ଥସ୍ଯ ମାରିଷ।
ବିବ୍ଯାଧ ସମରେ ରାଜନ୍ସୁଶର୍ମା କ୍ରୋଧମୂର୍ଚ୍ଛିତଃ॥ 8-48-8 (57347)
ସ ବାନରବରୋ ରାଜନ୍ବିଶ୍ବକର୍ମକୃତୋ ମହାନ୍।
ନନାଦ ସୁମହାନାଦଂ ନୃତ୍ଯନ୍ନିବ ବିଭୀଷଯନ୍॥ 8-48-9 (57348)
କପେସ୍ତୁ ନିନଦଂ ଶ୍ରୁତ୍ବା ସନ୍ତ୍ରସ୍ତା ତବ ବାହିନୀ।
ଭଯଂ ବିପୁଲମାସାଦ୍ଯ ନିଶ୍ଚେଷ୍ଟା ସମପଦ୍ଯତ॥ 8-48-10 (57349)
ତତଃ ସା ଶୁଶୁଭେ ସେନା ନିଶ୍ଚେଷ୍ଟାଽବସ୍ଥିତା ନୃପ।
ନାନାପୁଷ୍ପସମାକୀର୍ଣଂ ଯଥା ଚିତ୍ରୀକୃତଂ ବନମ୍॥ 8-48-11 (57350)
ପ୍ରତିଲଭ୍ଯ ତତଃ ସଂଜ୍ଞାଂ ଯୋଧାସ୍ତେ କୁରୁସତ୍ତମ।
ଅର୍ଜୁନଂ ସିଷିଚୁର୍ବାଣୈଃ ପର୍ବତଂ ଜଲଦା ଇବ॥ 8-48-12 (57351)
ସଞ୍ଛାଦ୍ଯ ସମରେ ପାର୍ଥଂ ପରିବବ୍ରୁଃ ସମନ୍ତତଃ।
ତେ ହଯାନ୍ରଥଚକ୍ରେ ତୁ ରଥେଷାଂ ଚାପି ମାରିଷ।
ଗ୍ରହୀତୁଂ ପ୍ରଚକ୍ରମୁଶ୍ଚୈବ କ୍ରୋଧାବିଷ୍ଟାଃ ସମନ୍ତତଃ॥ 8-48-13 (57352)
ନିଗୃହ୍ଯ ତୁ ରଥଂ ତସ୍ଯ ଯୋଧାସ୍ତେ ତୁ ସହସ୍ରଶଃ।
ରଥବନ୍ଧଂ ପ୍ରଚକ୍ରୁର୍ହି ପାଣ୍ଡବସ୍ଯାମିତୌଜସଃ॥ 8-48-14 (57353)
ରଥମାରୁରୁହୁଃ କେଚିତ୍କୃଷ୍ଣପାର୍ଥୌ ଜିଘୃକ୍ଷବଃ।
ସଂଶପ୍ତକାନାଂ ଯୋଧାସ୍ତେ ସିଂହନାଦାଂଶ୍ଚ ନେଦିରେ॥ 8-48-15 (57354)
ଅପରେ ଜଗୃହୁଶ୍ଚୈବ କେଶବସ୍ଯ ମହାଭୁଜୌ।
ପାର୍ଥଂ ଚୈକେ ମହାରାଜ ରଥସ୍ଥଂ ଜଗୃହୁର୍ମୁଦା॥ 8-48-16 (57355)
ଅଚ୍ଯୁତଃ ସ ମହାବାହୁର୍ବିଧୁନ୍ବନ୍ରଣମୂର୍ଧନି।
ପାତଯାମାସ ତାନ୍ସର୍ବାନ୍ଦୁଷ୍ଟହସ୍ତୀବ ହସ୍ତିପାନ୍॥ 8-48-17 (57356)
ସ ରଥସ୍ତୈର୍ଗୃହୀତସ୍ତୁ ପାଣ୍ଡବସ୍ଯ ମହାତ୍ମନଃ।
ସ୍ପନ୍ଦିତୁଂ ନାଶକଦ୍ରାଜଂସ୍ତଦଦ୍ଭୁତମିବାଭବତ୍॥ 8-48-18 (57357)
ତତଃ ପାର୍ଥୋ ମହାବାହୁଃ ସଂବୃତଃ ସ୍ତୈର୍ମହାରଥୈଃ।
ନିଗୃହୀତଂ ରଥଂ ଦୃଷ୍ଟ୍ବା ତାଂଶ୍ଚାପ୍ଯାଦ୍ରବତୋ ବହୂନ୍॥ 8-48-19 (57358)
ରଥାରୂଢାଂଶ୍ଚ ସୁବହୂନ୍ପଦାଽଽକ୍ଷିପ୍ଯ ନ୍ଯପାତଯତ୍।
ଅପାତଯଦସମ୍ଭ୍ରାନ୍ତଃ ଶରୈରାସନ୍ନଯୋଧିଭିଃ॥ 8-48-20 (57359)
ତାଂସ୍ତାପଯିତ୍ବା ସମରେ ପାର୍ଥଃ ପରପୁରଞ୍ଜଯଃ।
ସ୍ମଯନ୍ନିବ ମହାବାହୁଃ କେଶବଂ ବାକ୍ଯମବ୍ରବୀତ୍॥ 8-48-21 (57360)
ପଶ୍ଯ କୃଷ୍ଣ ମହାବାହୋ ସଂଶପ୍ତକଗଣାନ୍ବହୂନ୍।
କୁର୍ବତୋଽସୁକରଂ କର୍ମ ମୁମୂର୍ଷୂନ୍କାଲଚୋଦିତାନ୍॥ 8-48-22 (57361)
ରଥବନ୍ଧମିମଂ ପ୍ରାପ୍ଯ ପୃଥିବ୍ଯାଂ ନାସ୍ତି କଶ୍ଚନ।
ଯଃ ସହେତ ପୁମାଁଲ୍ଲୋକେ ମଦନ୍ଯଃ କ୍ଷତ୍ରିଯର୍ଷଭଃ॥ 8-48-23 (57362)
ପଶ୍ଯୈତତାନଦ୍ଯ ସମରେ ମତ୍ପ୍ରଯୁକ୍ତୈଃ ସୁତେଜନୈଃ।
ପାତ୍ଯମାନାନ୍ରଣେ କୃଷ୍ଣ ଶରୈରାଶୀବିଷୋପମୈଃ॥ 8-48-24 (57363)
ଇତ୍ଯେବମୁକ୍ତ୍ବା ବୀଭତ୍ସୁଃ ଶଙ୍ଖପ୍ରବରମୁତ୍ତମମ୍।
ବ୍ଯନାଦଯଦମେଯାତ୍ମା ଦେବଦତ୍ତଂ ମହାମୃଧେ॥ 8-48-25 (57364)
ଦେବଦତ୍ତସ୍ବନଂ ଶ୍ରୁତ୍ବା କେଶବୋଽପି ମହାଯଶାଃ।
ପାଞ୍ଚଜନ୍ଯସ୍ବନଂ ଚକ୍ରେ ପୂରଯନ୍ନିବ ରୋଦସୀ॥ 8-48-26 (57365)
ତଯୋଃ ଶଙ୍ଖସ୍ବନଂ ଶ୍ରୁତ୍ବା ସଂଶପ୍ତକବରୂଥିନୀ।
ସଞ୍ଚଚାଲ ମହାରାଜ ବିତ୍ରସ୍ତା ଚାଦ୍ରବଦ୍ଭୃଶମ୍॥ 8-48-27 (57366)
ନାଗମସ୍ତ୍ରଂ ତତଃ ପାର୍ଥଃ ପ୍ରାଦୁଶ୍ଚକ୍ରେ ହସନ୍ନିବ।
ପାଦବନ୍ଧଂ ସ ତେଷାଂ ବୈ ଚକ୍ରେ ତେନ ମହାସ୍ତ୍ରବିତ୍॥ 8-48-28 (57367)
ଯାନୁଦ୍ଦିଶ୍ଯ ରଣେ ପାର୍ଥଃ ପାଦବନ୍ଧଂ ଚକାର ହ।
ତେ ବଦ୍ଧାଃ ପାଦବନ୍ଧେନ ଯୋଧାଃ ସଂଶପ୍ତକାସ୍ତଦା॥ 8-48-29 (57368)
ନିର୍ବିଚେଷ୍ଟାସ୍ତଦାଽଭୂବନ୍ପାଣ୍ଡବସ୍ଯାସ୍ତ୍ରତେଜସା।
ନିର୍ବିଚେଷ୍ଟାଂସ୍ତତୋ ଯୋଧାନବଧୀତ୍ପାଣ୍ଡୁନନ୍ଦନଃ।
ଯଥେନ୍ଦ୍ରଃ ସମରେ ଦୈତ୍ଯାଂସ୍ତାରକସ୍ଯ ବଧେ ପୁରା॥ 8-48-30 (57369)
ତେ ବଧ୍ଯମାନାଃ ସମରେ ମୁମୁଚୁସ୍ତଂ ରଥୋତ୍ତମମ୍।
ଆଯୁଧାନି ଚ ସର୍ବାଣି ବିସ୍ରଷ୍ଟୁମୁପଚକ୍ରମୁଃ॥ 8-48-31 (57370)
ତତଃ ସୁଶର୍ମା ରାଜେନ୍ଦ୍ର ଗୃହୀତାଂ ବୀକ୍ଷ୍ଯ ବାହିନୀମ୍।
ସୌପର୍ଣମସ୍ତ୍ରଂ ତ୍ବରିତଃ ପ୍ରାଦୁଶ୍ଚକ୍ରେ ମହାରଥଃ॥ 8-48-32 (57371)
ତତଃ ସୁପର୍ଣାଃ ସମ୍ପେତୁର୍ଭକ୍ଷଯନ୍ତୋ ଭୁଜଙ୍ଗମାନ୍।
ତତୋ ବିଦୁଦ୍ରୁବୁର୍ନାଗାସ୍ତାନ୍ଦୃଷ୍ଟ୍ବା ଖେଚରାନ୍ନୃପ॥ 8-48-33 (57372)
ତଦ୍ବିମୁକ୍ତଂ ବଲଂ ରେଜେ ପାଦବନ୍ଧାଦ୍ବିଶାମ୍ପତେ।
ମେଘବନ୍ଧାଦ୍ଯଥା ମୁକ୍ତୋ ଭାସ୍କରସ୍ତାପଯନ୍ପ୍ରଜାଃ॥ 8-48-34 (57373)
ବିପ୍ରମୁକ୍ତାଃ ସ୍ବକା ଯୋଧାଃ ଫଲ୍ଗୁନସ୍ଯ ରଥଂ ପ୍ରତି।
ସସୃଜୁଃ ଶରସଙ୍ଘାଂଶ୍ଚ ଶସ୍ତ୍ରସଙ୍ଘାଂଶ୍ଚ ମାରିଷ॥ 8-48-35 (57374)
ତାଂ ମହାସ୍ତ୍ରମଯୀଂ ବୃଷ୍ଟିଂ ଶରୈଃ ସଞ୍ଛିଦ୍ଯ ଭାରତ।
ଅବଧୀତ୍ସତତୋ ଯୋଧାନ୍ବାସବିଃ ପରବୀରହା॥ 8-48-36 (57375)
ସୁଶର୍ମା ତୁ ତତୋ ରାଜନ୍ବାଣେନ ନତପର୍ବଣା।
ଅର୍ଜୁନଂ ହୃଦଯେ ବିଦ୍ଧ୍ବା ବିବ୍ଯାଧାନ୍ଯୈସ୍ତ୍ରିସପ୍ତଭିଃ॥ 8-48-37 (57376)
ସ ଗାଢବିଦ୍ଧୋ ବ୍ଯଥିତୋ ରଥୋପସ୍ଥ ଉପାବିଶତତ୍।
ତତ ଉଚ୍ଚୁକ୍ରୁଶୁଃ ସର୍ବେ ହତଃ ପାର୍ଥ ଇତି ବ୍ରୁବନ୍॥ 8-48-38 (57377)
ତତଃ ଶଙ୍ଖନିନାଦାଶ୍ଚ ଭେରୀଶବ୍ଦାଶ୍ଚ ପୁଷ୍କଲାଃ।
ନାନାବାଦିତ୍ରନିନଦାଃ ସିଂହନାଦାଶ୍ଚ ଜଜ୍ଞିରେ॥ 8-48-39 (57378)
ପ୍ରତିଲଭ୍ଯ ତତଃ ସଂଜ୍ଞାଂ ଶ୍ବେତାଶ୍ବଃ କୃଷ୍ଣସାରଥିଃ।
ସୋଽତିବିଦ୍ଧୋ ମହେଷ୍ବାସଃ ଶରୈରାଶୀବିପୋପମୈଃ।
ସୁଶର୍ମାଣଂ ମହାରାଜ କ୍ରୋଧାବିଷ୍ଟୋ ମହାରଥଃ॥ 8-48-40 (57379)
ତତଃ ଶରଶତୈଃ ପାର୍ଥଃ ସଞ୍ଛାଦ୍ଯୈନଂ କ୍ଷଣାଦ୍ରଣେ।
ଦିଶସ୍ତୁ ବାରଯାମାସ ବାଣୈସ୍ତତ୍ର ମହାସ୍ତ୍ରବିତ୍॥ 8-48-41 (57380)
ବିମୁଖୀକୃତ୍ଯ ସମରେ ସୁଶର୍ମାଣଂ ଧନଞ୍ଜଯଃ।
ଐନ୍ଦ୍ରମସ୍ତ୍ରମମେଯାତ୍ମା ପ୍ରାଦୁଶ୍ଚକ୍ରେ ହସନ୍ନିବ॥ 8-48-42 (57381)
ତତୋ ବାଣସହସ୍ରାଣି ତଦୁତ୍ସୃଷ୍ଟାନି ମାରିଷ।
ସର୍ବଦିକ୍ଷୁ ବ୍ଯଦୃଶ୍ଯନ୍ତ ସୂଦଯନ୍ତି ରଥଦ୍ବିପାନ୍॥ 8-48-43 (57382)
ହଯାନ୍ପତ୍ତୀଂଶ୍ଚ ସମରେ ଶସ୍ତ୍ରୈଃ ଶତସହସ୍ରଶଃ।
ରରାଜ ସମରେ ରାଜଞ୍ଶକ୍ରୋ ନିଘ୍ନନ୍ନିବାସୁରାନ୍॥ 8-48-44 (57383)
ବଧ୍ଯମାନେ ତତଃ ସୈନ୍ଯେ ଭଯଂ ସୁମହଦାବିଶତ୍।
ସଂଶପ୍ତକଗଣାନାଂ ଚ ଗୋପାଲାନାଂ ଚ ଭାରତ॥ 8-48-45 (57384)
ନ ହି ତତ୍ର ପୁମାନ୍କଶ୍ଚିଦ୍ଯୋଽର୍ଜୁନଂ ପ୍ରତିବୁଧ୍ଯତେ।
ପଶ୍ଯତାଂ ତତ୍ର ବୀରାଣାମହନ୍ଯତ ବଲଂ ତବ॥ 8-48-46 (57385)
ହନ୍ଯମାନଂ ଚ ତଦଭୂନ୍ନିଶ୍ଚେଷ୍ଟଂ ଚ ପରାକ୍ରମେ॥ 8-48-47 (57386)
ଅଯୁତଂ ତତ୍ର ଯୋଧାନାଂ ହତ୍ବା ପାଣ୍ଡୁସୁତୋ ରଣେ।
ବ୍ଯଭ୍ରାଜତ ମହାରାଜ ବିଧୂମୋଽଗ୍ନିରିବ ଜ୍ବଲନ୍॥ 8-48-48 (57387)
ଚତୁର୍ଦଶସହସ୍ରାଣି ଯାନି ଦୃଷ୍ଟନି ଭାରତ।
ରଥାନାମଯୁତଂ ଚୈବ ତ୍ରିସହସ୍ରାଶ୍ଚ ଦନ୍ତିନଃ॥ 8-48-49 (57388)
ତତଃ ସଂଶପ୍ତକା ଭୂଯଃ ପରିବବ୍ରୁର୍ଧନଞ୍ଜଯମ୍।
ମର୍ତବ୍ଯମିତି ନିଶ୍ଚିତ୍ଯ ଜଯଂ ବାପ୍ଯନିବର୍ତନମ୍॥ 8-48-50 (57389)
ତତ୍ର ଯୁଦ୍ଧଂ ମହଚ୍ଚାସୀତ୍ତାବକାନାଂ ବିଶାମ୍ପତେ।
ଶୂରେଣ ବଲିନା ସାର୍ଧଂ ପାଣ୍ଡବେନ କିରୀଟିନା।
ଜିତ୍ବା ତାନ୍ନ୍ଯହନତ୍ପାର୍ଥଃ ଶତ୍ରୂଞ୍ଶକ୍ର ଇବାସୁରାନ୍॥ ॥ 8-48-51 (57390)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଅଷ୍ଟଚତ୍ବାରିଂଶୋଽଧ୍ଯାଯଃ॥ 48 ॥
॥ ଶ୍ରୀଃ ॥
8.49. ଅଧ୍ଯାଯଃ 049
Mahabharata - Karna Parva - Chapter Topics
ସଙ୍କୁଲଯୁଦ୍ଧମ୍॥ 1 ॥
Mahabharata - Karna Parva - Chapter Text
8-49-0 (57391)
ସଞ୍ଜଯ ଉବାଚ। 8-49-0x (4967)
କୃତବର୍ମା କୃପୋ ଦ୍ରୌଣିଃ ସୂତପୁତ୍ରଶ୍ଚ ମାରିଷ।
ଉଲୂକଃ ସୌବଲଶ୍ଚୈବ ରାଜା ଚ ସହ ସୋଦରୈଃ॥ 8-49-1 (57392)
ସୀଦମାନାଂ ଚମୂଂ ଦୃଷ୍ଟ୍ବା ପାଣ୍ଡୁପୁତ୍ରଭଯାର୍ଦିତାମ୍।
ସମୁଜ୍ଜହ୍ରୁଃ ସ୍ମ ବେଗେନ ଭିନ୍ନାଂ ନାବମିବାର୍ଣବେ॥ 8-49-2 (57393)
ତତୋ ଯୁଦ୍ଧମତୀବାସୀନ୍ମୁହୂର୍ତମିବ ଭାରତ।
ଭୀରୂଣାଂ ତ୍ରାସଜନନଂ ଶୂରାଣାଂ ହର୍ଷବର୍ଧନମ୍॥ 8-49-3 (57394)
କୃପେଣ ଶରବର୍ଷାଣି ପ୍ରତିମୁକ୍ତାନି ସଂଯୁଗେ।
ସୃଞ୍ଜଯାଂଶ୍ଛାଦଯାମାସୁଃ ଶଲଭାନାଂ ବ୍ରଜା ଇବ॥ 8-49-4 (57395)
ଶିଖଣ୍ଡୀ ଚ ତତଃ କ୍ରୁଦ୍ଧୋ ଗୌତମଂ ତ୍ବରିତୋ ଯଯୌ।
ବବର୍ଷ ଶରବର୍ଷାଣି ସମନ୍ତାଦ୍ଦ୍ବିଜପୁଙ୍ଗବମ୍॥ 8-49-5 (57396)
କୃପସ୍ତୁ ଶରବର୍ଷଂ ତଦ୍ବିନିହତ୍ଯ ମହାସ୍ତ୍ରବିତ୍।
ଶିଖଣ୍ଡିନଂ ରଣେ କ୍ରୁଦ୍ଧୋ ବିବ୍ଯାଧ ଦଶଭିଃ ଶରୈଃ॥ 8-49-6 (57397)
ତତଃ ଶିଖଣ୍ଡୀ କୁପିତଃ ଶରୈଃ ସପ୍ତଭିରାହବେ।
କୃପଂ ବିବ୍ଯାଧ କୁପିତଂ କଙ୍କପତ୍ରୈରଜିହ୍ମଗୈଃ॥ 8-49-7 (57398)
ତତଃ କୃପଃ ଶରୈସ୍ତୀକ୍ଷ୍ଣୈଃ ସୋଽତିବିଦ୍ଧୋ ମହାରଥଃ।
`ତତଃ ସୁନିଶିତୈସ୍ତୀକ୍ଷ୍ଣୈଃ କ୍ଷୁରପ୍ରୈର୍ହେମଭୂଷିତୈଃ'।
ବ୍ଯଶ୍ବସୂତରଥଂ ଚକ୍ରେ ଶିଖଣ୍ଡିନମଥୋ ଦ୍ବିଜଃ॥ 8-49-8 (57399)
ହତାଶ୍ବାତ୍ତୁ ତତୋ ଯାନାଦବପ୍ଲୁତ୍ଯ ମହାରଥଃ।
ଖଙ୍ଗଂ ଚର୍ମ ତଥା ଗୃହ୍ଯ ସତ୍ବରଂ ବ୍ରାହ୍ମଣଂ ଯଯୌ॥ 8-49-9 (57400)
ତମାପତନ୍ତଂ ସହସା ଶରୈଃ ସନ୍ନତପର୍ବଭିଃ।
ବାରଯାମାସ ସମରେ ତଦଦ୍ଭୁତମିବାଭବତ୍॥ 8-49-10 (57401)
ତତ୍ରାଦ୍ଭୁତମପଶ୍ଯାମ ଶିଲାନାଂ ପ୍ଲବନଂ ଯଥା।
ନିଶ୍ଚେଷ୍ଟୋ ଯଦ୍ରଣେ ରାଜଞ୍ଛିଖଣ୍ଡୀ ସମତିଷ୍ଠତ॥ 8-49-11 (57402)
କୃପେଣ ବାରିତଂ ଦୃଷ୍ଟ୍ବା ଶିଖଣ୍ଡିନମଥୋ ନୃପ।
ପ୍ରତ୍ଯୁଦ୍ଯଯୌ କୃପଂ ତୂର୍ଣଂ ଧୃଷ୍ଟଦ୍ଯୁମ୍ନୋ ମହାରଥଃ॥ 8-49-12 (57403)
ଧୃଷ୍ଟଦ୍ଯୁମ୍ନଂ ତତୋ ଯାନ୍ତଂ ଶାରଦ୍ବତରଥଂ ପ୍ରତି।
ପ୍ରତିଜଗ୍ରାହ ବେଗେନ କୃତବର୍ମା ମହାରଥଃ॥ 8-49-13 (57404)
ଯୁଧିଷ୍ଠିରମଥାଯାନ୍ତଂ ଶାରଦ୍ବତରଥଂ ପ୍ରତି।
ସପୁତ୍ରଂ ସହସୈନ୍ଯଂ ଚ ଦ୍ରୋଣପୁତ୍ରୋ ନ୍ଯବାରଯତ୍॥ 8-49-14 (57405)
ନକୁଲଂ ସହଦେବଂ ଚ ତ୍ବରମାଣୌ ମହାରଥୌ।
ପ୍ରତିଜଗ୍ରାହ ତେ ପୁତ୍ରଃ ଶରବର୍ଷେଣ ବାରଯନ୍॥ 8-49-15 (57406)
ଭୀମସେନଂ କରୂଶାଂଶ୍ଚ କେକଯାନ୍ସହ ସୃଞ୍ଜଯୈଃ।
କର୍ଣୋ ବୈକର୍ତନୋ ଯୁଦ୍ଧେ ବାରଯାମାସ ଭାରତ॥ 8-49-16 (57407)
ଶିଖଣ୍ଡିନେ ତତୋ ବାଣାନ୍କୃପଃ ଶାରଦ୍ବତୋ ଯୁଧି।
ପ୍ରାହିଣୋତ୍ତବରଯା ଯୁକ୍ତୋ ବୀଭତ୍ସୋରଥ ସନ୍ନିଧୌ॥ 8-49-17 (57408)
ତାଞ୍ଛରାନ୍ପ୍ରେଷିତାଂସ୍ତେନ ସମନ୍ତାତ୍ସ୍ବର୍ଣଭୂଷିତାନ୍।
ଚିଚ୍ଛେଦ ଖଙ୍ଗମାବିଧ୍ଯ ଭ୍ରାମଯଂଶ୍ଚ ପୁନଃ ପୁନଃ॥ 8-49-18 (57409)
ଶତଚନ୍ଦ୍ରଂ ଚ ତଚ୍ଚର୍ମ ଗୌତମସ୍ତସ୍ଯ ଭାରତ।
ବ୍ଯଧମତ୍ସାଯକୈସ୍ତୂର୍ଣଂ ତତ ଉଚ୍ଚୁକ୍ରୁଶୁର୍ଜନାଃ॥ 8-49-19 (57410)
ସ ବିଚର୍ମା ମହାରାଜ ଖଙ୍ଗପାଣିରୁପାଦ୍ରବତ୍।
କୃପସ୍ତଂ ଶରସଙ୍ଘାତୈରାଦ୍ରବନ୍ତମପୀଡଯତ୍॥ 8-49-20 (57411)
ଶାରଦ୍ବତଶରୈର୍ଗ୍ରସ୍ତଂ କ୍ଲିଶ୍ଯମାନଂ ମହାବଲଃ।
ଚିତ୍ରକେତୁସୁତୋ ରାଜନ୍ସୁକେତୁସ୍ତ୍ବରିତୋ ଯଯୌ॥ 8-49-21 (57412)
ବିକିରନ୍ବ୍ରାହ୍ମଣଂ ଯୁଦ୍ଧେ ବହୁଭିର୍ନିଶିତୈଃ ଶରୈଃ।
ଅଭ୍ଯାପତଦମେଯାତ୍ମା ଗୌତମସ୍ଯ ରଥଂ ପ୍ରତି॥ 8-49-22 (57413)
ଦୃଷ୍ଟ୍ବା ବିଷକ୍ତଂ ତଂ ଚୈବ ବ୍ରାହ୍ମଣଂ ଚ ନିବାରିତମ୍।
ଅପଯାତସ୍ତତସ୍ତୂର୍ଣଂ ଶିଖଣ୍ଡୀ ରାଜସତ୍ତମ॥ 8-49-23 (57414)
ସୁକେତୁସ୍ତୁ ତତୋ ରାଜନ୍ଗୌତମଂ ନବଭିଃ ଶରୈଃ।
ବିଦ୍ଧ୍ବା ବିବ୍ଯାଧ ସପ୍ତତ୍ଯା ପୁନଶ୍ଚୈନଂ ତ୍ରିଭିଃ ଶରୈଃ॥ 8-49-24 (57415)
ଅଥାସ୍ଯ ସଶରଂ ଚାପଂ ପୁନଶ୍ଚିଚ୍ଛେଦ ମାରିଷ।
ସାରଥିଂ ଚ ଶରେଣାସ୍ଯ ମୃଶଂ ମର୍ମସ୍ବତାଡଯତ୍॥ 8-49-25 (57416)
ଗୌତମସ୍ତୁ ତତଃ କ୍ରୁଦ୍ଧୋ ଧନୁର୍ଗୃହ୍ଯ ନବଂ ଦୃଢମ୍।
ସୁକେତୁଂ ତ୍ରିଂଶତା ବାଣୈଃ ସର୍ବମର୍ମସ୍ବତାଡଯତ୍॥ 8-49-26 (57417)
ସ ବିହ୍ବଲିତସର୍ବାଙ୍ଗଃ ପ୍ରଚଚାଲ ରଥୋତ୍ତମେ।
ଭୂମିକମ୍ପେ ଯଥା ବୃକ୍ଷଶ୍ଚଚାଲାକମ୍ପିତୋ ଭୃଶମ୍॥ 8-49-27 (57418)
ଚଲତସ୍ତସ୍ଯ କାଯାତ୍ତୁଂ ଶିରୋ ଜ୍ବଲିତକୁଣ୍ଡଲମ୍।
ସୋଷ୍ଣୀଷଂ ସଶିରସ୍ତ୍ରାଣଂ କ୍ଷୁରପ୍ରେଣ ତ୍ବପାତଯତ୍॥ 8-49-28 (57419)
ତଚ୍ଛିରଃ ପ୍ରାପତଦ୍ଭୂମୌ ଶ୍ଯେନାହୃତମିବାମିଷମ୍।
ତତୋଽସ୍ଯ କାଯୋ ବସୁଧାଂ ପଶ୍ଚାତ୍ପ୍ରାପତଦଚ୍ଯୁତ॥ 8-49-29 (57420)
ତସ୍ମିନ୍ହତେ ମହାରାଜ ପୁତ୍ରାସ୍ତସ୍ଯ ପଦାନୁଗାଃ।
ଗୌତମଂ ସମରେ ତ୍ଯକ୍ତ୍ବା ଦୁଦ୍ରୁବୁସ୍ତେ ଦିଶୋ ଦଶ॥ 8-49-30 (57421)
ଧୃଷ୍ଟଦ୍ଯୁମ୍ନଂ ତୁ ସମରେ ସନ୍ନିବାର୍ଯ ମହାରଥଃ।
କୃତବର୍ମାଽବ୍ରବୀଦ୍ବୃଷ୍ଟସ୍ତିଷ୍ଠତିଷ୍ଠେତି ଭାରତ॥ 8-49-31 (57422)
ତଦଭୂତ୍ତୁମୁଲଂ ଯୁଦ୍ବଂ ବୃଷ୍ଣିପାର୍ଷତଯୋ ରଣେ।
ଆମିଷାର୍ଥେ ଯଥା ଯୁଦ୍ଧଂ ଶ୍ଯେନଯୋଃ କ୍ରୁଦ୍ଧଯୋର୍ନୃପ॥ 8-49-32 (57423)
ଧୃଷ୍ଟଦ୍ଯୁମ୍ନସ୍ତୁ ସମରେ ହାର୍ଦିକ୍ଯଂ ନବଭିଃ ଶରୈଃ।
ଆଜଘାନୋରସି କ୍ରୁଦ୍ବଃ ପୀଡଯନ୍ହୃଦିକାତ୍ମଜମ୍॥ 8-49-33 (57424)
କୃତବର୍ମା ତୁ ସମରେ ପାର୍ଷତେନ ଦୃଢାହତଃ।
ପାର୍ଷତଂ ସରଥଂ ସାଶ୍ବଂ ଛାଦଯାମାସ ସାଯକୈଃ॥ 8-49-34 (57425)
ସରଥଶ୍ଛାଦିତୋ ରାଜନ୍ଧୃଷ୍ଟଦ୍ଯୁମ୍ନୋ ନ ଦୃଶ୍ଯତେ।
ମେଘୈରିବ ପରିଚ୍ଛନ୍ନୋ ଭାସ୍କରୋ ଜଲଧାରିଭିଃ॥ 8-49-35 (57426)
ବିଧୂଯ ତଂ ବାଣଗଣଂ ଶରୈଃ କନକଭୂଷଣୈଃ।
ବ୍ଯରୋଚତ ରଣେ ରାଜନ୍ଧୃଷ୍ଟଦ୍ଯୁମ୍ନଃ କୃତବ୍ରଣଃ॥ 8-49-36 (57427)
ତତସ୍ତୁ ପାର୍ଷତଃ କ୍ରୁଦ୍ଧଃ ଶସ୍ତ୍ରବୃଷ୍ଟିଂ ସୁଦାରୁଣାମ୍।
କୃତବର୍ମାଣମାସାଦ୍ଯ ବ୍ଯସୃଜତ୍ପୃତନାପତିଃ॥ 8-49-37 (57428)
ତାମାପତନ୍ତୀଂ ସହସା ଶସ୍ତ୍ରବୃଷ୍ଟିଂ ସୁଦାରୁଣାମ୍।
ଶରୈରନେକସାହସ୍ରୈର୍ହାର୍ଦିକ୍ଯୋଽବାରଯଦ୍ଯୁଧି॥ 8-49-38 (57429)
ଦୃଷ୍ଟ୍ବା ତୁ ବାରିତାଂ ଯୁଦ୍ଧେ ଶସ୍ତ୍ରବୃଷ୍ଟିଂ ଦୁରାସଦାମ୍।
କୃତବର୍ମାଣମାସାଦ୍ଯ ବାରଯାମାସ ପାର୍ଷତଃ॥ 8-49-39 (57430)
`ଯଥା ଯୁଗ୍ମରଥେନାଜୌ ବାହାନ୍ବାହେରମିଶ୍ରଯତ୍।
ଗୃହୀତ୍ବା ଚର୍ମ ଖଙ୍ଗଂ ଚ ରଥଂ ତସ୍ଯାବପୁପ୍ଲୁବେ॥ 8-49-40 (57431)
ମିଲିତେଷ୍ବଥ ବାହେଷୁ ପ୍ରତ୍ଯାସନ୍ନେ ଚ ପାର୍ଷତେ।
ଦୃଷ୍ଟ୍ବାଽପଦାନଂ ତସ୍ଯାଶୁ ଗଦାଂ ଜଗ୍ରାହ ସାତ୍ବତଃ॥ 8-49-41 (57432)
ଗଦାପାଣିସ୍ତତୋ ରାଜନ୍ରଥାତ୍ତୂର୍ଣମବପ୍ଲୁତଃ।
ତମଦୃଷ୍ଟ୍ବା ରଥୋପସ୍ଥେ ସାରଥିଂ ସମତାଡଯତ୍॥ 8-49-42 (57433)
ଖଙ୍ଗେନ ଶିତଧାରେଣ ସ ହତଃ ପ୍ରାପତଦ୍ରଥାତ୍।
କୃତବର୍ମା ତତୋ ହୃଷ୍ଟସ୍ତଲଶବ୍ଦଂ ଚକାର ହ॥ 8-49-43 (57434)
ପାର୍ଷତଂ ଚାବ୍ରବୀଦ୍ରାଜନ୍ନେହ୍ଯେହୀତି ପୁନଃପୁନଃ।
ସ ତଂ ନ ମମୃଷେ ଯୁଦ୍ବେ ତଲଶବ୍ଦଂ ସମୀରିତମ୍॥ 8-49-44 (57435)
ଅବପ୍ଲୁତ୍ଯ ରଥାତ୍ତସ୍ମାତ୍ସ୍ବରଥଂ ପୁନରାସ୍ଥିତଃ।
ଅଭ୍ଯଯାତ୍ସ ତୁ ତତ୍ତୂର୍ଣଂ ତିଷ୍ଠତିଷ୍ଠେତି ଚାବ୍ରବୀତ୍॥ 8-49-45 (57436)
ତତୋ ରାଜନ୍ମହେଷ୍ବାସଂ କୃତବର୍ମାଣମାଶୁ ବୈ।
ଗଦାଂ ଗୃହ୍ଯ ପୁନର୍ବେଗାତ୍କୃତବର୍ମାଣମାହନତ୍॥ 8-49-46 (57437)
ସୋଽତିବିଦ୍ବୋ ବଲବତା ନ୍ଯପତନ୍ମୂର୍ଚ୍ଛଯା ହତଃ।
ଶ୍ରୁତର୍ବା ରଥମାରୋପ୍ଯ ଅପୋବାହ ରଣାଜିରାତ୍'॥ 8-49-47 (57438)
ଧୃଷ୍ଟଦ୍ଯୁମ୍ନସ୍ତୁ ସମରେ ଦୃଷ୍ଟ୍ବା ଶତ୍ରୁଂ ମହାରଥଃ।
କୌରବାନ୍ସମରେ ତୂର୍ଣଂ ବାରଯାମାସ ସାଯକୈଃ॥ 8-49-48 (57439)
ତତସ୍ତେ ତାବକା ଯୋଧା ଧୃଷ୍ଟଦ୍ଯୁମ୍ନମୁପାଦ୍ରବନ୍।
ସିଂହନାଦରବାଂଶ୍ଚକ୍ରୁସ୍ତତୋ ଯୁଦ୍ଧମବର୍ତତ॥ ॥ 8-49-49 (57440)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଏକୋନପଞ୍ଚାଶୋଽଧ୍ଯାଯଃ॥ 49 ॥
॥ ଶ୍ରୀଃ ॥
8.50. ଅଧ୍ଯାଯଃ 050
Mahabharata - Karna Parva - Chapter Topics
ସଙ୍କୁଲଯୁଦ୍ଧମ୍॥ 1 ॥ ଅଶ୍ବତ୍ଥାମ୍ନା ଯୁଧିଷ୍ଠିରପରାଜଯଃ॥ 2 ॥
Mahabharata - Karna Parva - Chapter Text
8-50-0 (57441)
ସଞ୍ଜଯ ଉବାଚ। 8-50-0x (4968)
ଦ୍ରୌଣିର୍ଯୁଧିଷ୍ଠିରଂ ଦୃଷ୍ଟ୍ବା ଶୈନେଯେନାଭିରକ୍ଷିତମ୍।
ଦ୍ରୌପଦେଯୈସ୍ତଥା ଶୂରୈରଭ୍ଯବର୍ତତ ହୃଷ୍ଟବତ୍॥ 8-50-1 (57442)
କିରନ୍ନିଷୁଗଣାନ୍ଘୋରାନ୍ହେମପୁଙ୍ଖାଞ୍ଶିଲାଶିତାନ୍।
ଦର୍ଶଯନ୍ବିବିଧାନ୍ମାର୍ଗାଞ୍ଶିକ୍ଷଯା ଲଘୁହସ୍ତବାନ୍॥ 8-50-2 (57443)
ଖଂ ପୁରଯଞ୍ଶରୈସ୍ତୀକ୍ଷ୍ଣୈର୍ବେଗବଦ୍ଭିଃ ସମନ୍ତତଃ।
ଯୁଧିଷ୍ଠିରସ୍ଯ ସମରେ ଦିଶଃ ସର୍ବାଃ ସମାବୃଣୋତ୍॥ 8-50-3 (57444)
ଭାରଦ୍ବାଜଶରୈଶ୍ଛନ୍ନଂ ନ ପ୍ରାଜ୍ଞାଯତ କିଞ୍ଚନ।
ବାଣଭୂତମଭୂତ୍ସର୍ବମାଯୋଧନଶିରୋ ମହତ୍॥ 8-50-4 (57445)
ବାଣଜାଲଂ ଦିବିଷ୍ଠଂ ତତ୍ସ୍ବର୍ଣପୁଙ୍ଖବିଭୂଷିତମ୍।
ଶୁଶୁଭେ ଭରତଶ୍ରେଷ୍ଠ ବିମାନମିବ ବିଷ୍ଠିତମ୍॥ 8-50-5 (57446)
ତେନ ଚ୍ଛନ୍ନେ ରଣେ ରାଜନ୍ବାଣଜାଲେନ ଭାସ୍ବତା।
ଅଭ୍ରଚ୍ଛାଯେବ ସଜଜ୍ଞେ ହୃତରଶ୍ମିସ୍ତମୋନୁଦଃ॥ 8-50-6 (57447)
ତଦଦ୍ଭୁତମପଶ୍ଯାମ ବାଣଭୂତେ ନଭସ୍ଥଲେ।
ନ ସ୍ମ ସମ୍ପତତେ ଭୂତଂ ଦ୍ରୌଣେର୍ଦୃଷ୍ଟ୍ବା ପରାକ୍ରମମ୍॥ 8-50-7 (57448)
ସାତ୍ଯକିର୍ଯତମାନସ୍ତୁ ଧର୍ମରାଜସ୍ତୁ ପାଣ଼୍ଡବଃ।
ତଥେତରାଣି ସୈନ୍ଯାନି ନ ସ୍ମ ଚକ୍ରୁଃ ପରାକ୍ରମମ୍॥ 8-50-8 (57449)
ଲାଘବଂ ଦ୍ରୋଣପୁତ୍ରସ୍ଯ ଦୃଷ୍ଟ୍ବା ତତ୍ର ମହାରଥାଃ।
ବ୍ଯସ୍ମଯନ୍ତ ମହାରାଜ ନ ଚୈନଂ ପ୍ରତ୍ଯୁଦୀକ୍ଷିତୁମ୍॥ 8-50-9 (57450)
ଶେକୁସ୍ତେ ସର୍ବରାଜାନସ୍ତପନ୍ତମିବ ଭାସ୍କରମ୍।
ବଧ୍ଯମାନେ ତତଃ ସୈନ୍ଯେ ଦ୍ରୌପଦେଯା ମହାରଥାଃ॥ 8-50-10 (57451)
ସାତ୍ଯକିର୍ଧର୍ମରାଜଶ୍ଚ ପାଞ୍ଚାଲାଶ୍ଚାପି ସଙ୍ଗତାଃ।
ତ୍ଯକ୍ତ୍ବା ମୃତ୍ଯୁଭଯଂ ଘୋରଂ ଦ୍ରୌଣାଯନିଭୁପାଦ୍ରବନ୍॥ 8-50-11 (57452)
ସାତ୍ଯକିଃ ସପ୍ତବିଂଶତ୍ଯା ଦ୍ରୌଣିଂ ବିଦ୍ଧ୍ବା ଶିଲୀମୁଖୈଃ।
ପୁନର୍ବିବ୍ଯାଧ ନାରାଚୈଃ ସପ୍ତଭିଃ ସ୍ବର୍ଣଭୂଷିତୈଃ॥ 8-50-12 (57453)
ଯୁଧିଷ୍ଠିରସ୍ତ୍ରିସପ୍ତତ୍ଯା ପ୍ରତିବିନ୍ଧ୍ଯଶ୍ଚ ସପ୍ତଭିଃ।
ଶ୍ରୁତକର୍ମା ତ୍ରିଭିର୍ବାଣୈଃ ଶ୍ରୁତକୀର୍ତିଶ୍ଚ ସପ୍ତଭିଃ। 8-50-13 (57454)
ସୁତସୋମସ୍ତୁ ନବଭିଃ ଶତାନୀକଶ୍ଚ ସପ୍ତଭିଃ।
ଅନ୍ଯେ ଚ ବହବଃ ଶୂରା ବିବ୍ଯଧୁସ୍ତଂ ସମନ୍ତତଃ॥ 8-50-14 (57455)
ସ ତୁ କ୍ରୁଦ୍ଧସ୍ତତୋ ରାଜନ୍ନାଶୀବିପ ଇବ ଶ୍ବସନ୍।
ସାତ୍ଯକିଂ ପଞ୍ଚବିଂଶତ୍ଯା ପ୍ରାବିଧ୍ଯତ ଶିଲୀମୁଖୈଃ॥ 8-50-15 (57456)
ଶ୍ରୁତକୀର୍ତିଂ ଚ ନବଭିଃ ସୁତସୋମଂ ଚ ପଞ୍ଚଭିଃ।
ଅଷ୍ଟଭିଃ ଶ୍ରୁତକର୍ମାଣଂ ପ୍ରତିବିନ୍ଧ୍ଯଂ ତ୍ରିଭିଃ ଶରୈଃ॥ 8-50-16 (57457)
ଶତାନୀକଂ ଚ ନବଭିର୍ଧର୍ମପୁତ୍ରଂ ଚ ପଞ୍ଚଭିଃ।
ତଥେତରାଂସ୍ତତଃ ଶୂରାନ୍ଦ୍ବାଭ୍ଯାଂ ଦ୍ବାଭ୍ଯାମତାଡଯତ୍।
ଶ୍ରୁତକୀର୍ତେସ୍ତଥା ଚାପଂ ଚିଚ୍ଛେଦ ନିଶିତୈଃ ଶରୈଃ॥ 8-50-17 (57458)
ଅଥାନ୍ଯଦ୍ବନୁରାଦାଯ ଶ୍ରୁତକୀର୍ତିର୍ମହାରଥଃ।
ଦ୍ରୌଣାଯନିଂ ତ୍ରିଭିର୍ବିଦ୍ବ୍ବା ବିବ୍ଯାଧାନ୍ଯୈଃ ଶିତୈଃ ଶରୈଃ॥ 8-50-18 (57459)
ତତୋ ଦ୍ରୌଣିର୍ମହାରାଜ ଶରବର୍ଷେଣ ଭାରିଷ।
ଛାଦଯାମାସ ତତ୍ସୈନ୍ଯଂ ସମନ୍ତାଦ୍ଭରତର୍ଷଭ॥ 8-50-19 (57460)
ତତଃ ପୁନରମେଯାତ୍ମା ଧର୍ମରାଜସ୍ଯ କାର୍ମୁକମ୍।
ଦ୍ରୌଣିଶ୍ଚିଚ୍ଛେଦ ବିହସନ୍ବିବ୍ଯାଧ ଚ ଶରୈସ୍ତ୍ରିଭିଃ॥ 8-50-20 (57461)
ତତୋ ଧର୍ମସୁତୋ ରାଜନ୍ପ୍ରଗୃହ୍ଯାନ୍ଯନ୍ମହଦ୍ଧନୁଃ।
ଦ୍ରୋଣପୁତ୍ରଂ ତ୍ରିପଷ୍ଟxx ତତୁ ବାହ୍ବୋରୁରସି ଚାର୍ପଯଯତ୍॥ 8-50-21 (57462)
ସାତ୍ଯକିସ୍ତୁ ତତଃ କ୍ରୁଦ୍ଧୋ ଦ୍ରୌଣେଃ ପ୍ରହରତୋ ରଣେ।
ଅର୍ଧଚନ୍ଦ୍ରେଣତୀକ୍ଷ୍ଣେନ ଧନୁଶ୍ଛିତ୍ତ୍ବାଽନଦଦ୍ଭୃଶମ୍॥ 8-50-22 (57463)
ଛିନ୍ନଧନ୍ବା ତତୋ ଦ୍ରୌଣିଃ ଶକ୍ତ୍ଯା ଶକ୍ତିମତାଂ ବରଃ।
ସାରଥିଂ ପାତଯାମାସ ଶୈନେଯସ୍ଯ ରଥାଦ୍ରୁତମ୍॥ 8-50-23 (57464)
ଅଥାନ୍ଯଦ୍ବନୁରାଦାଯ ଦ୍ରୋଣପୁତ୍ରଃ ପ୍ରତାପବାନ୍।
ଶୈନେଯଂ ଶରବର୍ଷେଣ ଚ୍ଛାଦଯାମାସ ଭାରତ॥ 8-50-24 (57465)
ତସ୍ଯାଶ୍ବାଃ ପ୍ରଦ୍ରୁତାଃ ସଙ୍ଖ୍ଯେ ପତିତେ ରଥସାରଥୌ।
ତତ୍ରତତ୍ରୈବ ଧାବନ୍ତଃ ସମଦୃଶ୍ଯନ୍ତ ଭାରତ॥ 8-50-25 (57466)
ଯୁଧିଷ୍ଠିରପୁରୋଗାସ୍ତୁ ଦ୍ରୌଣିଂ ଶସ୍ତ୍ରଭୃତାଂ ବରମ୍।
ଅଭ୍ଯବର୍ଷନ୍ତ ବେଗେନ ବିସୃଜନ୍ତଃ ଶିତାଞ୍ଛରାନ୍॥ 8-50-26 (57467)
ସହସା ପତତସ୍ତାନ୍ବୈ କ୍ରୁଦ୍ବରୂପାନ୍ପରନ୍ତପଃ।
ପ୍ରହସନ୍ପ୍ରତିଜଗ୍ରାହ ଦ୍ରୋଣପୁତ୍ରୋ ମହାରଣେ॥ 8-50-27 (57468)
ତତଃ ଶରଶତଜ୍ବାଲଃ ସେନାକକ୍ଷଂ ମହାରଣେ।
ଦ୍ରୌଣିର୍ଦଦାହ ସମରେ କକ୍ଷମଗ୍ନିରିବୋତ୍ଥିତଃ॥ 8-50-28 (57469)
ତଦ୍ବଲଂ ପାଣ୍ଡୁପୁତ୍ରସ୍ଯ ଦ୍ରୋଣପୁତ୍ରପ୍ରତାପିତମ୍।
ଚୁକ୍ଷୁଭେ ଭରତଶ୍ରେଷ୍ଠ ତସ୍ମିନ୍ନେବ ଚମୂମୁଖେ॥ 8-50-29 (57470)
ତଦ୍ବଲଂ ପାଣ୍ଡବେଯସ୍ଯ ଦ୍ରୋଣପୁତ୍ରଃ ଶରାର୍ଚିଷା।
ତାପଯନ୍ଭରତଶ୍ରେଷ୍ଠ ଗଭସ୍ତିଭିରିବାଂଶୁମାନ୍॥ 8-50-30 (57471)
ତତ୍ପଚ୍ଯମାନଂ ମର୍ଷେଣ ବ୍ରାହ୍ମଣସ୍ଯ ଚ ସାଯକୈଃ।
କ୍ଷୁଭ୍ଯତେ ପାଣ୍ଡବଂ ସୈନ୍ଯଂ ତିମିନେବ ନଦୀମୁଖମ୍॥ 8-50-31 (57472)
ଦୃଷ୍ଟ୍ବା ଚୈବ ମହାରାଜ ଦ୍ରୋଣପୁତ୍ରପରାକ୍ରମମ୍।
ସର୍ବାନ୍ଦୁର୍ଯୋଧନଃ ପାର୍ଥାନ୍ହତାନ୍ଯୁଦ୍ବେଽଭ୍ଯମନ୍ଯତ॥ 8-50-32 (57473)
ଯୁଧିଷ୍ଠିରସ୍ତୁ ତ୍ବରିତୋ ଦ୍ରୌଣିଂ ପୀଡ୍ଯ ମହାରଥମ୍।
ଅବ୍ରବୀଦ୍ଦ୍ରୋଣପୁତ୍ରଂ ସ ରୋଷାମର୍ଷସମନ୍ବିତଃ॥ 8-50-33 (57474)
`ଜାନାମି ତ୍ବାଂ ଯୁଧି ଶ୍ରେଷ୍ଠ ବୀର୍ଯବନ୍ତଂ ବଲାନ୍ବିତମ୍।
କୃତାସ୍ତ୍ରଂ କୃତିନଂ ଚୈବ ତଥା ଲଘୁପରାକ୍ରମମ୍॥ 8-50-34 (57475)
ବଲମେତଦ୍ଭବାନ୍ସର୍ବଂ ପାର୍ଷତେ ଯଦି ଦର୍ସଯେତ୍।
ତତସ୍ତ୍ବାଂ ବଲବନ୍ତଂ ଚ କୃତବିଦ୍ଯଂ ଚ ବିଦ୍ମହେ॥ 8-50-35 (57476)
ନ ହି ବୈ ପାର୍ପତଂ ଦୃଷ୍ଟ୍ବା ସମରେ ଶତ୍ରୁସୂଦନମ୍।
ଭବେତ୍ତବ ବଲଂ କିଞ୍ଚିଦ୍ବ୍ରବୀମି ତ୍ବାଂ ନ ତୁ ଦ୍ବିଜମ୍'॥ 8-50-36 (57477)
ନୈବ ନାମ ତବ ପ୍ରୀତିର୍ନୈବ ନାମ କୃତଜ୍ଞତା।
ଯତସ୍ତ୍ବଂ ପୁରୁଷବ୍ଯାଘ୍ର ମାମେବାଦ୍ଯ ଜିଘାଂସସି॥ 8-50-37 (57478)
ବ୍ରାହ୍ମଣେନ ତପଃ କାର୍ଯଂ ଶମଶ୍ଚ ଦମଏବ ଚ।
କ୍ଷତ୍ରିଯେଣ ଧନୁର୍ନାଭ୍ଯଂ ସ ଭବାନ୍ବ୍ରାହ୍ମଣବ୍ରୁବଃ॥ 8-50-38 (57479)
ମିଷତସ୍ତେ ମହାବାହୋ ଯୁଧି ଜେଷ୍ଯାମି କୌରବାନ୍।
କୁରୁଷ୍ବ ସମରେ କର୍ମ ବ୍ରହ୍ମବନ୍ଧେ ଯଥେଷ୍ଟତଃ॥ 8-50-39 (57480)
ଏବମୁକ୍ତୋ ମହାରାଜ ଦ୍ରୋଣପୁତ୍ରଃ ସଯନ୍ନିବ।
ଯୁକ୍ତ ତତ୍ତ୍ବଂ ଚ ସଞ୍ଚିନ୍ତ୍ଯ ନୋତ୍ତରଂ କିଞ୍ଚିଦବ୍ରବୀତ୍॥ 8-50-40 (57481)
ଅନୁକ୍ତ୍ବା ଚ ତତଃ କିଞ୍ଚିଚ୍ଛରବର୍ଷେଣ ପାଣ୍ଡବମ୍।
ଛାଦଯାମାସ ସମରେ କ୍ରୁଦ୍ଧୋଽନ୍ତକ ଇବ ପ୍ରଜାଃ॥ 8-50-41 (57482)
ସ ଚ୍ଛାଦ୍ଯମାନସ୍ତୁ ତଦା ଦ୍ରୋଣପୁତ୍ରେଣ ମାରିଷ।
ପାର୍ଥୋଽପଯାତଃ ଶୀଘ୍ରଂ ବୈ ପ୍ରଗୃହ୍ଯ ମହତୀଂ ଚମୂମ୍॥ 8-50-42 (57483)
ଅପଯାତେ ତତସ୍ତସ୍ମିନ୍ଧର୍ମପୁତ୍ରେ ଯୁଧିଷ୍ଠିରେ।
ଦ୍ରୋଣପୁତ୍ରଃ ସ୍ଥିତୋ ରାଜନ୍ପ୍ରତ୍ଯାଦେଶାନ୍ମହାତ୍ମନଃ॥ 8-50-43 (57484)
ତତୋ ଯୁଧିଷ୍ଠିରୋ ରାଜଂସ୍ତ୍ଯକ୍ତ୍ବା ଦ୍ରୌଣିଂ ମହାହବେ।
ପ୍ରଯଯୌ ତାବକଂ ସୈନ୍ଯଂ ଯୁକ୍ତଃ କ୍ରୁରାଯ କର୍ମଣେ॥ ॥ 8-50-44 (57485)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ପଞ୍ଚାଶୋଽଧ୍ଯାଯଃ॥ 50 ॥
॥ ଶ୍ରୀଃ ॥
8.51. ଅଧ୍ଯାଯଃ 051
Mahabharata - Karna Parva - Chapter Topics
ସଙ୍କୁଲଯୁଦ୍ଧମ୍॥ 1 ॥
Mahabharata - Karna Parva - Chapter Text
8-51-0 (57486)
ସଞ୍ଜଯ ଉବାଚ। 8-51-0x (4969)
ଭୀମସେନଂ ସପାଞ୍ଚାଲଂ ଚେଦିକେକଯସଂବୃତମ୍।
ସେନାପତିଃ ସ୍ବଯଂ କ୍ରୁଦ୍ଧୋ ବାରଯାମାସ ସାଯକୈଃ॥ 8-51-1 (57487)
ତତସ୍ତୁ ଚେଦିକାରୂଶାନ୍ସୃଢ୍ଜଯାଂଶ୍ଚ ମହାରଥାନ୍।
କର୍ଣୋ ଜଘାନ ସମରେ ଭୀମସେନସ୍ଯ ପଶ୍ଯତଃ॥ 8-51-2 (57488)
ଭୀମସେନସ୍ତତଃ କର୍ଣେ ବିହାଯ ରଥସତ୍ତମମ୍।
ପ୍ରଯଯୌ କୌରବଂ ସୈନ୍ଯଂ କକ୍ଷମଗ୍ନିରିବ ଜ୍ବଲନ୍॥ 8-51-3 (57489)
ସୂତପୁତ୍ରୋଽପି ସମରେ ପାଞ୍ଚାଲାନ୍କେକଯାଂସ୍ତଥା।
ସୃଞ୍ଜଯାଂଶ୍ଚ ମହେଷ୍ବାସାନ୍ନିଜଘାନଂ ସହସ୍ରଶଃ॥ 8-51-4 (57490)
ସଂଶପ୍ତକେଷୁ ପାର୍ଥଶ୍ଚ କୌରବେଷୁ ବୃକୋଦରଃ।
ପାଞ୍ଚାଲେଷୁ ତଥା କର୍ଣଃ କ୍ଷଯଂ ଚକ୍ରୁର୍ମହାରଥାଃ॥ 8-51-5 (57491)
ତେ କ୍ଷତ୍ରିଯା ଦହ୍ଯାମାନାସ୍ତ୍ରିଭିସ୍ତୈଃ ପାବକୋପମୈଃ।
ଜଗ୍ମୁର୍ବିନାଶଂ ସମରେ ରାଜନ୍ଦୁର୍ମନ୍ତ୍ରିତେ ତବ॥ 8-51-6 (57492)
ତତୋ ଦୁର୍ଯୋଧନଃ କ୍ରୁଦ୍ଦୋ ନକୁଲଂ ନବଭିଃ ଶରୈଃ।
ବିବ୍ଯାଧ ଭରତଶ୍ରେଷ୍ଠ ଚତୁରଶ୍ଚାସ୍ଯ ବାଜିନଃ॥ 8-51-7 (57493)
ତତଃ ପରମମେଯାତ୍ମା ତବ ପୁତ୍ରୋ ଜନାଧିପ।
କ୍ଷୁରେଣ ସହଦେବସ୍ଯ ଧ୍ବଜଂ ଚିଚ୍ଛେଦ କାଞ୍ଚନମ୍॥ 8-51-8 (57494)
ନକୁଲସ୍ତୁ ତତଃ କ୍ରୁଦ୍ଧସ୍ତବ ପୁତ୍ରଂ ଚ ସପ୍ତଭିଃ।
ଜଘାନ ସମରେ ରାଜନ୍ସହଦେବଶ୍ଚ ପଞ୍ଚଭିଃ॥ 8-51-9 (57495)
ତାବୁଭୌ ଭରତଶ୍ରେଷ୍ଠୌ ଜ୍ଯେଷ୍ଠୌ ସର୍ବଧନୁଷ୍ମତାମ୍।
ବିବ୍ଯାଧୋରସି ସଙ୍କ୍ରୁଦ୍ଧଃ ପଞ୍ଚଭିଃ ପଞ୍ଚଭିଃ ଶରୈଃ॥ 8-51-10 (57496)
ତତୋଽପରାଭ୍ଯାଂ ଭଲ୍ଲାବ୍ଯାଂ ଧନୁଷୀ ସମକୃନ୍ତତ।
ଯମଯୋଃ ପ୍ରସଭଂ ବୀରୋ ବିବ୍ଯାଧାଶୁ ତ୍ରିଭିସ୍ତ୍ରିଭିଃ॥ 8-51-11 (57497)
ତାବନ୍ଯେ ଧନୁଷୀ ଶ୍ରେଷ୍ଠେ ଶକ୍ରଚାପନିଭେ ଶୁଭେ।
ପ୍ରଗୃହ୍ଯ ରେଜତୁଃ ଶୂରୌ ଦେବପୁତ୍ରସମୌ ଯୁଧି॥ 8-51-12 (57498)
ତତସ୍ତୌ ରଭସୌ ଯୁଦ୍ଧେ ଭ୍ରାତରୌ ଭ୍ରାତରଂ ଯୁଧି।
ଶରୈର୍ବବର୍ଷତୁର୍ଘୋରୈର୍ମହାମେଘୌ ଯଥାଽଚଲମ୍॥ 8-51-13 (57499)
ତତଃ କ୍ରୁଦ୍ଧୋ ମହାରାଜ ତବ ପୁତ୍ରୋ ମହାରଥଃ।
ପାଣ଼୍ଡୁପୁତ୍ରୌ ମହେଷ୍ବାସୌ ବାରଯାମାସ ପତ୍ରିଭିଃ॥ 8-51-14 (57500)
ଧନୁର୍ମଣ୍ଡଲମେବାସ୍ଯ ଦଦୃଶେ ଯୁଧି ଭାରତ।
ସାଯକାଶ୍ଚାପ୍ଯଦୃଶ୍ଯନ୍ତ ନିଶ୍ଚରନ୍ତଃ ସମନ୍ତତଃ॥ 8-51-15 (57501)
`ତସ୍ଯ ସାଯକସଞ୍ଛନ୍ନୌ ମାଦ୍ରେଯୌ ନ ବିରେଜତୁଃ।
ମେଘଚ୍ଛନ୍ନୌ ଯଥା ବ୍ଯୋମ୍ନି ଚନ୍ଦ୍ରସୂର୍ଯୌ ଗତପ୍ରଭୌ॥ 8-51-16 (57502)
ତେ ତୁ ବାଣା ମହାରାଜ ସ୍ବର୍ଣପୁଙ୍ଖାଃ ଶିଲାଶିତାଃ'।
ଆଚ୍ଛାଦଯନ୍ଦିଶଃ ସର୍ବାଃ ସୂର୍ଯସ୍ଯେବ ମରୀଚଯଃ॥ 8-51-17 (57503)
ବାଣଭୂତେ ତତସ୍ତସ୍ମିନ୍ସଞ୍ଛନ୍ନେ ଚ ନଭସ୍ତଲେ।
ରାଜ୍ଞସ୍ତୁ ଦଦୃଶେ ରୂପଂ କାଲାନ୍ତକଯମୋପମମ୍॥ 8-51-18 (57504)
ପରାକ୍ରମଂ ତୁ ତଂ ଦୃଷ୍ଟ୍ବା ତବ ସୂନୋର୍ମହାରଥାଃ।
ମୃତ୍ଯୋରୁପାନ୍ତିକଂ ପ୍ରାପ୍ତୌ ମାଦ୍ରୀପୁତ୍ରୌ ସ୍ମ ମେନିରେ॥ 8-51-19 (57505)
ତତଃ ସେନାପତୀ ରାଜନ୍ପାଣ୍ଡବାନାଂ ମହାରଥଃ।
ପାର୍ଷତଃ ପ୍ରଯଯୌ ତତ୍ର ଯତ୍ର ରାଜା ସୁଯୋଧନଃ॥ 8-51-20 (57506)
ମାଦ୍ରୀପୁତ୍ରୌ ତତଃ ଶୂରୌ ବ୍ଯତିକ୍ରମ୍ଯ ମହାରଥୌ।
ଧୃଷ୍ଟଦ୍ଯୁମ୍ନସ୍ତବ ସୁତଂ ପୀଡଯାମାସ ସାଯକୈଃ॥ 8-51-21 (57507)
ତମବିଧ୍ଯଦମେଯାତ୍ମା ତବ ପୁତ୍ରୋ ହ୍ଯମର୍ପଣଃ।
ପାଞ୍ଚାଲ୍ଯଂ ପଞ୍ଚବିଂଶତ୍ଯା ପ୍ରହସ୍ଯ ପୁରୁଷର୍ଷଭଃ॥ 8-51-22 (57508)
ତତଃ ପୁନରମେଯାତ୍ମା ତବ ପୁତ୍ରୋ ହ୍ଯମର୍ଷଣଃ।
ବିଦ୍ଧ୍ବା ନନାଦ ପାଞ୍ଚାଲ୍ଯଂ ଷଷ୍ଟ୍ଯା ପଞ୍ଚଭିରେବ ଚ॥ 8-51-23 (57509)
ତଥାସ୍ଯ ସଶରଂ ଚାପଂ ମୁଷ୍ଟିଦେଶେ ବିଶାମ୍ପତେ।
କ୍ଷୁରପ୍ରେଣ ସୁତୀକ୍ଷ୍ଣେନ ରାଜା ଚିଚ୍ଛେଦ ସଂଯୁଗେ॥ 8-51-24 (57510)
ତଦପାସ୍ଯ ଧନୁଶ୍ଛିନ୍ନଂ ପାଞ୍ଚାଲ୍ଯଃ ଶତ୍ରୁକର୍ଶନଃ।
ଅନ୍ଯଦାଦତ୍ତ ବେଗେନ ଧନୁର୍ଭାରସହଂ ନବମ୍॥ 8-51-25 (57511)
କ୍ରୋଧାଦ୍ରୁଧିରରକ୍ତାକ୍ଷଃ ସଂରମ୍ଭାତ୍ପ୍ରଜ୍ବଲନ୍ନିବ।
ଅଶୋଭତ ମହେଷ୍ବାସୋ ଧୃଷ୍ଟଦ୍ଯୁମ୍ନଃ କୃତବ୍ରଣଃ॥ 8-51-26 (57512)
ସ ପଞ୍ଚଦଶ ନାରାଚାଞ୍ଶ୍ବସତଃ ପନ୍ନଗାନିବ।
ଜିଘାଂସୁର୍ଭରତଶ୍ରେଷ୍ଠଂ ଧୃଷ୍ଟଦ୍ଯୁମ୍ନୋ ବ୍ଯପାସୃଜତ୍॥ 8-51-27 (57513)
ତେ ବର୍ମ ହେମବିକୃତଂ ଭିତ୍ତ୍ବା ରାଜ୍ଞଃ ଶିଲୀମୁଖାଃ।
ବିବିଶୁର୍ବସୁଧାଂ ବେଗାତ୍କଙ୍କବର୍ହିଣବାସସଃ॥ 8-51-28 (57514)
ସୋଽତିବିଦ୍ଧୋ ମହାରାଜ ପୁତ୍ରସ୍ତେଽତିବ୍ଯରାଜତ।
ବସନ୍ତକାଲେ ସୁମହାନ୍ପ୍ରଫୁଲ୍ଲ ଇବ କିଂଶୁକଃ॥ 8-51-29 (57515)
ସ ଚ୍ଛିନ୍ନବର୍ମା ନାରାଚପ୍ରହାରୈର୍ଝର୍ଝରୀକୃତଃ।
ଧୃଷ୍ଟଦ୍ଯୁମ୍ନସ୍ଯ ଭଲ୍ଲେନ କ୍ରୁଦ୍ଧଶ୍ଚିଚ୍ଛେଦ କାର୍ମୁକମ୍॥ 8-51-30 (57516)
ଅଥୈନଂ ଛିନ୍ନଧନ୍ବାନଂ ତ୍ବରମାଣୋ ମହୀପତିଃ।
ସାଯକୈର୍ଦଶଭୀ ରାଜନ୍ଭ୍ରୁବୋର୍ମଧ୍ଯେ ସମାର୍ପଯତ୍॥ 8-51-31 (57517)
ତସ୍ଯ ତେଽଶୋଭଯନ୍ବକ୍ତ୍ରଂ କର୍ମାରପରିମାର୍ଜିତାଃ।
ପ୍ରଫୁଲ୍ଲଂ ପଙ୍କଜଂ ଯଦ୍ବଦ୍ଧମରା ମଧୁଲିପ୍ସବଃ॥ 8-51-32 (57518)
ତଦପାସ୍ଯ ଧନୁଶ୍ଛିନ୍ନଂ ଦୃଷ୍ଟଦ୍ଯୁମ୍ନୋ ମହାମନାଃ।
ଅନ୍ଯଦାଦତ୍ତ ବେଗେନ ଧନୁର୍ଭଲ୍ଲାଂଶ୍ଚ ଷୋଡଶ॥ 8-51-33 (57519)
ତତୋ ଦୁର୍ଯୋଧନସ୍ଯାଶ୍ବାନ୍ହତ୍ବା ସୂତଂ ଚ ପଞ୍ଚଭିଃ।
ଧନୁଶ୍ଚିଚ୍ଛେଦ ଭଲ୍ଲେନ ଜାତରୂପପରିଷ୍କୃତମ୍॥ 8-51-34 (57520)
ରଥଂ ସୋପସ୍କରଂ ଛତ୍ରଂ ଶକ୍ତିଂ ଖଙ୍ଗଂ ଗଦାଂ ଧ୍ବଜମ୍।
ଭଲ୍ଲୈଶ୍ଚିଚ୍ଛେଦ ଦଶଭିଃ ପୁତ୍ରସ୍ଯ ତବ ପାର୍ଷତଃ॥ 8-51-35 (57521)
ତପନୀଯାଙ୍ଗଦଂ ଛତ୍ରଂ ନାଗଂ ମଣିମଯଂ ଶୁଭମ୍।
ଧ୍ବଜଂ କୁରୁପତେଶ୍ଛିନ୍ନଂ ଦଦୃଶୁଃ ସର୍ବପାର୍ଥିବାଃ॥ 8-51-36 (57522)
ଦୁର୍ଯୋଧନଂ ତୁ ବିରଥଂ ଛିନ୍ନବର୍ମାଯୁଧଧ୍ବଜମ୍।
ଭ୍ରାତରଂ ସମୁଦୈକ୍ଷନ୍ତ ସୋଦରା ଭରତର୍ଷଭ॥ 8-51-37 (57523)
ତମାରୋପ୍ଯ ରଥେ ରାଜନ୍କୁଣ୍ଡଧାରୋ ମହାରଥମ୍।
ଅପାହରଦସମ୍ଭ୍ରାନ୍ତୋ ଧୃଷ୍ଟଦ୍ଯୁମ୍ନସ୍ଯ ପଶ୍ଯତଃ॥ 8-51-38 (57524)
କର୍ଣସ୍ତୁ ସାତ୍ଯକିଂ ହିତ୍ବା ରାଜଗୃଘ୍ନୁରମର୍ଷଣଃ।
ଦ୍ରୋମହନ୍ତାରମୁଗ୍ରେଷୁଂ ସସାରାଭିମୁଖୋ ରଣେ॥ 8-51-39 (57525)
ତଂ ପୃଷ୍ଠତୋଽନ୍ବଯାତ୍ତୂର୍ଣଂ ଶୈନେଯୋଽଭିହତଃ ଶରୈଃ।
ବାରଣଂ ଜଘନୋପାନ୍ତେ ବିଷାଣାଭ୍ଯାମିବ ଦ୍ବିପଃ॥ 8-51-40 (57526)
ସ ଭାରତପୁରୋଗାନାଂ ରାଜ୍ଞାଂ ଚ ସୁମହାତ୍ମନାମ୍।
କର୍ଣପାର୍ଷତଯୋର୍ଯୁଦ୍ବେ ସଙ୍କ୍ରଦ୍ଧାନାଂ ମହାରଣେ॥ 8-51-41 (57527)
ନ ପାଣ୍ଡବାନାଂ ନାସ୍ମାକଂ କଶ୍ଚିଦାସୀତ୍ପରାଙ୍ମୁଖଃ।
ପ୍ରତ୍ଯଦୃଶ୍ଯତ ଯତ୍କର୍ଣଃ ପାଞ୍ଚାଲାଂସ୍ତ୍ବରିତୋ ଯଯୌ॥ 8-51-42 (57528)
ତସ୍ମିନ୍କ୍ଷଣେ ନରଶ୍ରେଷ୍ଠ ଗଜବାଜିରଥକ୍ଷଯଃ।
ପ୍ରାଦୁରାସୀଦୁଭଯତୋ ରାଜନ୍ମଧ୍ଯଗତେଽହନି॥ 8-51-43 (57529)
ପାଞ୍ଚାଲାସ୍ତୁ ମହାରାଜ ତ୍ବରିତା ବିଜିଗୀଷବଃ।
ସର୍ବତୋଽଭ୍ଯଦ୍ରବନ୍କର୍ଣଂ ପତତ୍ତ୍ରିଣ ଇବ ଦ୍ରୁମମ୍॥ 8-51-44 (57530)
ତେଷାମାଧିରଥିଃ କ୍ରୁଦ୍ଧଃ ପ୍ରଧାନାନ୍ବୈ ତରସ୍ବିନଃ।
ବିଚିନ୍ବନ୍ନିବ ବାଣୌଘୈଃ ସମାସାଦଯଦଗ୍ରତଃ॥ 8-51-45 (57531)
ବ୍ଯାଘ୍ରକେତୁଃ ସୁଶର୍ମା ଚ ଶୁକ୍ରଶ୍ଚିତ୍ରାଯୁଧଃ କ୍ରତୁଃ।
ଦୁର୍ଜଯୋ ରୋଚମାନଶ୍ଚ ସିଂହସେନସ୍ତଥାଽଷ୍ଟମଃ।
ମହତା ରଥବଂଶେନ ପରିବବ୍ରୁର୍ନରୋତ୍ତମମ୍॥ 8-51-46 (57532)
ସୃଜନ୍ତଃ ସାଯକାଂସ୍ତୂର୍ଣଂ କର୍ଣମାହବଶୋଭିନମ୍।
ଯତମାନାଂସ୍ତୁ ତାଞ୍ଶୂରାନ୍ମନୁଜେନ୍ଦ୍ରଃ ଶିତୈଃ ଶରୈଃ।
ଅଷ୍ଟାଭିରଷ୍ଟୌ ରାଧେଯଃ ପାଞ୍ଚାଲାନ୍ନ୍ଯହନଦ୍ରଣେ॥ 8-51-47 (57533)
ଅଥାପରାନ୍ମହାରାଜ ସୂତପୁତ୍ରଃ ପ୍ରତାପବାନ୍।
ଜଘାନ ବହୁସାହସ୍ରାନ୍ଯୋଧାନ୍ଯୁଦ୍ବବିଶାରଦାନ୍॥ 8-51-48 (57534)
ବିଷ୍ଣୁଂ ଚ ବିଷ୍ଣୁବର୍ମାଣଂ ଦେବାପିଂ ଭଦ୍ରମେବ ଚ।
ଦଣ୍ଡଧାରଂ ଚ ସମରେ ଚିତ୍ରଂ ଚିଂତ୍ରାଯୁଧଂ ହରିମ୍॥ 8-51-49 (57535)
ସିଂହକେତୁଂ ରୋଚମାନଂ ଶଲଭଂ ଚ ମହାରଥମ୍।
ନିଜଘାନ ସୁସଙ୍କ୍ରୁଦ୍ବଶ୍ଚେଦୀନାଂ ଚ ମହାରଥାନ୍॥ 8-51-50 (57536)
ତେଷାମାଦଦତଃ ପ୍ରାଣାନାସୀଦାଧିରଥେର୍ବପୁଃ।
ଶୋଣିତାଭ୍ଯୁକ୍ଷିତାଙ୍ଗସ୍ଯ ରୁଦ୍ରସ୍ଯୈବାତିଭୈରବମ୍॥ 8-51-51 (57537)
ତତ୍ର ଭାରତ କର୍ଣେନ ମାତଙ୍ଗାସ୍ତାଡିତାଃ ଶରୈଃ।
ସର୍ବତୋଽଭ୍ଯଦ୍ରବନ୍ଭୀତାଃ କୁର୍ବନ୍ତୋ ମହଦାକୁଲମ୍॥ 8-51-52 (57538)
ନିପେତୁରୁର୍ବ୍ଯାଂ ସମରେ କର୍ଣସାଯକତାଡିତାଃ।
କୁର୍ବନ୍ତୋ ବିବିଧାନ୍ନାଦାନ୍ବଜ୍ରନୁନ୍ନା ଇବାଚଲାଃ॥ 8-51-53 (57539)
ଗଜବାଜିମନୁଷ୍ଯୈଶ୍ଚ ନିପତଦ୍ଭିଃ ସମନ୍ତତଃ।
ରଥୈର୍ଭଗ୍ନୈର୍ଧ୍ବଜୈଶ୍ଚୈବ ସମାସ୍ତୀର୍ଯତ ମେଦିନୀ॥ 8-51-54 (57540)
ନୈବଂ ଭାଷ୍ମୋ ନ ଚ ଦ୍ରୋଣୋ ନାନ୍ଯେ ଯୁଧି ଚ ତାବକାଃ।
ଚକ୍ରୁଃ ସ୍ମ ତାଦୃଶଂ କର୍ମ ଯାଦୃଶଂ କୃତବାନ୍ରଣେ॥ 8-51-55 (57541)
ମୃଗମଧ୍ଯେ ଯଥା ସିଂହୋ ଦୃଶ୍ଯତେ ନିର୍ଭଯଶ୍ଚରନ୍।
ପାଞ୍ଚାଲାନାଂ ତଥା ମଧ୍ଯେ କର୍ଣୋଽଚରଦଭୀତବତ୍॥ 8-51-56 (57542)
ସୂତପୁତ୍ରୋଽଥ ନାଗେଷୁ ହଯେଷୁ ଚ ରଥେଷୁ ଚ।
ନରେଷୁ ଚ ନରବ୍ଯାଘ୍ରଶ୍ଚକାର କଦନଂ ମହତ୍॥ 8-51-57 (57543)
ଯଥା ମୃଗଗଣାଂସ୍ତ୍ରସ୍ତାନ୍ସିଂହୋ ଦ୍ରାବଯତେ ଦିଶଃ।
ପାଞ୍ଚାଲାନାଂ ରଥବ୍ରାତାନ୍କର୍ଣୋ ବ୍ଯଦ୍ରାବଯତ୍ତଥା॥ 8-51-58 (57544)
ସିଂହଂ ସ୍ମ ହି ଯଥା ପ୍ରାପ୍ଯ ନ ଜୀବନ୍ତି ମୃଗାଃ କ୍ବଚିତ୍।
ତଥା କର୍ଣମନୁପ୍ରାପ୍ତା ନ ଜୀବନ୍ତି ସ୍ମ ସୃଞ୍ଜଯାଃ॥ 8-51-59 (57545)
ବୈଶ୍ବାନରମୁଖଂ ପ୍ରାପ୍ଯ ଦହ୍ଯନ୍ତେ ଶଲଭା ଯଥା।
କର୍ଣାଗ୍ରିଂ ସମରେ ପ୍ରାପ୍ଯ ଦଗ୍ଧା ଭାରତ ସୃଞ୍ଜଯଃ॥ 8-51-60 (57546)
ଚେଦିଷ୍ବେକେନ କର୍ଣେନ ପାଞ୍ଚାଲେଷୁ ଚ ଭାରତ।
ବେଶ୍ରାବ୍ଯ ନାମ ନିହତା ବହବଃ ଶୂରସମ୍ପତାଃ॥ 8-51-61 (57547)
ମମ ଚାସୀନ୍ମତୀ ରାଜନ୍ଦୃଷ୍ଟ୍ବା କର୍ଣସ୍ଯ ବିକ୍ରମମ୍।
ନୈକୋଽପ୍ଯାଧିରଥେର୍ଜୀବନ୍ପାଞ୍ଚାଲ୍ଯୋ ମୋକ୍ଷ୍ଯତେ ଯୁଧି॥ 8-51-62 (57548)
ସଙ୍ଖ୍ଯେ ବିମର୍ଦ୍ଯ ପାଞ୍ଚାଲାନ୍ସୂତପୁତ୍ରଃ ପୁନଃ ପୁନଃ।
ଅଭ୍ଯଧାବତ୍ସୁସଙ୍କ୍ରୁଦ୍ଧଃ କୁନ୍ତୀପୁତ୍ରଂ ଯୁଧିଷ୍ଠିରମ୍॥ 8-51-63 (57549)
ଧୃଷ୍ଟଦ୍ଯୁମ୍ନଶ୍ଚ ରାଜାନଂ ଦ୍ରୌପଦେଯାଶ୍ଚ ମାରିଷ।
ପରିବବ୍ରୁରମିତ୍ରଘ୍ନଂ ଶତଶଶ୍ଚାପରେ ଜନାଃ॥ 8-51-64 (57550)
ଶିଖଣ୍ଡୀ ସହଦେବଶ୍ଚ ନକୁଲୋ ନାକୁଲିସ୍ତଥା।
ଜନମେଜଯଃ ଶିନେର୍ନପ୍ତା ବହବଶ୍ଚ ପ୍ରଭଦ୍ରକାଃ॥ 8-51-65 (57551)
ଏତେ ପୁରୋଗମା ଭୂତ୍ବା ଧୃଷ୍ଟଦ୍ଯୁମ୍ନଶ୍ଚ ସଂଯୁଗେ।
କର୍ଣମସ୍ଯନ୍ତମିଷ୍ବସ୍ତ୍ରୈସ୍ତତକ୍ଷୁରମିତୌଜସମ୍॥ 8-51-66 (57552)
ତାଂସ୍ତତ୍ରାଧିରଥିଃ ସଙ୍ଖ୍ଯେ ଚେଦିପାଞ୍ଚାଲପାଣ୍ଡବାନ୍।
ଏକୋ ବହୂନଭ୍ଯପତଦ୍ଗରୁତ୍ମାନିବ ପନ୍ନଗାନ୍॥ 8-51-67 (57553)
ତୈଃ କର୍ଣସ୍ଯାଭବଦ୍ଯୁଦ୍ଧଂ ଘୋରରୂପଂ ବିଶାମ୍ପତେ।
ତାଦୃଗ୍ଯାଦୃକ୍ପୁରାବୃତ୍ତଂ ଦେବାନାଂ ଦାନବୈଃ ସହ॥ 8-51-68 (57554)
ତାନ୍ସମେତାନ୍ମହେଷ୍ବାସାଞ୍ଶରବର୍ଷୌଧବର୍ଷିଣଃ।
ଏକୋ ବ୍ଯଧମଦବ୍ଯଗ୍ରସ୍ତମାଂସୀବ ଦିବାକରଃ॥ 8-51-69 (57555)
ଭୀମସେନସ୍ତୁ ସଂସକ୍ତେ ରାଧେଯେ ପାଣ୍ଡବୈଃ ସହ।
ସର୍ବତୋଽଭ୍ଯହନତ୍କ୍ରୁଦ୍ଧୋ ଯମଦଣ୍ଡନିଭୈଃ ଶରୈଃ॥ 8-51-70 (57556)
ବାହ୍ଲୀକାନ୍କେକଯାନ୍ମାତ୍ସ୍ଯାନ୍ବାସାତ୍ଯାନ୍ମଦ୍ରସୈନ୍ଧବାନ୍।
ଏକଃ ସଙ୍ଖ୍ଯେ ମହେଷ୍ବାସୋ ଯୋଧଯନ୍ବହ୍ବଶୋଭତ॥ 8-51-71 (57557)
ତତ୍ର ମର୍ମସୁ ଭୀମେନ ନାରାଚୈସ୍ତାଡିତା ଗଜାଃ।
ପ୍ରପତନ୍ତୋ ହତାରୋହାଃ କମ୍ପଯନ୍ତି ସ୍ମ ମେଦିନୀମ୍॥ 8-51-72 (57558)
ବାଜିନଶ୍ଚ ହତାରୋହାଃ ପତ୍ତଯଶ୍ଚ ଗତାସବଃ।
ଅଶେରତ ମହାରାଜ ବମନ୍ତୋ ରୁଧିରଂ ବହୁ॥ 8-51-73 (57559)
ତାଡିତାଃ ସହସା ନାଗା ଭୀମସେନେନ ମାରିଷ।
ନିପତନ୍ତି ମହାବେଗା ବଜ୍ରରୁଗ୍ଣା ଇବାଚଲାଃ॥ 8-51-74 (57560)
ପତିତୈସ୍ତୈର୍ମହାରାଜ ବେଗବଦ୍ଭିର୍ମହାରଥୈଃ।
ଶୁଶୁଭେ ବସୁଧା ରାଜନ୍ବିକୀର୍ଣୈରିବ ପର୍ବତୈଃ॥ 8-51-75 (57561)
ସହସ୍ରଶଶ୍ଚ ରଥିନଃ ପତ୍ତଯଃ ପତିତାଯୁଧାଃ।
ଅକ୍ଷତାଃ ସମଦୃଶ୍ଯନ୍ତ ଭୀମାଦ୍ଭୀତା ଗତାସବଃ॥ 8-51-76 (57562)
ରଥିଭିଃ ସାଦିଭିଃ ସୂତୈଃ ପାଦାତୈର୍ବାଜିଭିର୍ଗଜୈଃ।
ଭୀମସେନଶରୈଶ୍ଛିନ୍ନୈରାଚ୍ଛନ୍ନା ସୁଧାଭବତ୍॥
ତତ୍ସ୍ତମ୍ଭିତମିବାତିଷ୍ଠଦ୍ଭୀମସେନଭଯାର୍ଦିତମ୍। 8-51-77 (57563)
ଦୁର୍ଯୋଧନବଲଂ ସର୍ବଂ ନିରୁତ୍ସାହଂ କୃତଂ ରଣେ।
ନିଶ୍ଚେଷ୍ଟଂ ତୁମୁଲଂ ଦୀନଂ ବଭୌ ତସ୍ମିନ୍ମହାରଣେ॥ 8-51-78 (57564)
ପ୍ରସନ୍ନସଲିଲେ କାଲେ ଯଥା ସ୍ଯାତ୍ସାଗରୋ ନୃପ।
ତଦ୍ବତ୍ତବ ବଲଂ ତଦ୍ବୈ ନିଶ୍ଚଲଂ ସମବସ୍ଥିତମ୍॥ 8-51-79 (57565)
ମନ୍ଯୁବୀର୍ଯବଲୋପେତଂ ଦର୍ପାତ୍ପ୍ରତ୍ଯବରୋପିତମ୍।
ଅଭବତ୍ତବ ପୁତ୍ରସ୍ଯ ତତ୍ସୈନ୍ଯଂ ନିଷ୍ପ୍ରଭଂ ତଦା॥ 8-51-80 (57566)
ତେ ବଲେ ଭରତଶ୍ରେଷ୍ଠ ବଧ୍ଯମାନେ ପରସ୍ପରମ୍।
ରୁଧିରୌଘପରିକ୍ଲିନ୍ନେ ରୁଧିରାର୍ଦ୍ରେ ବଭୂବତୁଃ॥ 8-51-81 (57567)
ସୂତପୁତ୍ରୋଽବଧୀତ୍କ୍ରୁଦ୍ବଃ ପାଣ୍ଡବାନାମନୀକିନୀମ୍।
ଭୀମସେନଃ କୁରୂଣାଂ ଚ ତ୍ରିଗର୍ତାନାଂ ଧନଞ୍ଜଯଃ॥ 8-51-82 (57568)
ବର୍ତମାନେ ତଥା ରୋଦ୍ରେ ସଙ୍ଗ୍ରାମେଽଦ୍ଭୁତଦର୍ଶନେ।
ନିହତ୍ଯ ପୃତନାମଧ୍ଯଂ ସଂଶପ୍ତକଗଣାନ୍ବହୂନ୍।
ଅର୍ଜୁନୋ ଜଯତାଂ ଶ୍ରେଷ୍ଠୋ ବାସୁଦେବମଥାବ୍ରବୀତ୍॥ 8-51-83 (57569)
ପ୍ରଭଗ୍ନଂ ବଲମେତଦ୍ଧି ଯୋତ୍ସ୍ଯମାନଂ ମଯା ସହ।
ଏତେ ଧାବନ୍ତି ସଗଣାଃ ସଂଶପ୍ତକମହାରଥାଃ॥ 8-51-84 (57570)
`ଦୁର୍ଜଯା ହ୍ଯେବ ସମରେ ଦେବୈରପି ସବାସବୈଃ'।
ଅପାରଯନ୍ତୋ ମଦ୍ବାଣାନ୍ସିଂହଶବ୍ଦଂ ମୃଗା ଇବ॥ 8-51-85 (57571)
ଦୀର୍ଯତେ ଚ ମହତ୍ସୈନ୍ଯଂ ସୃଞ୍ଜଯାନାଂ ମହାରଣେ।
`କୁରବଶ୍ଚାଭିଧାବନ୍ତି ଭୀମସେନଭଯାର୍ଦିତାଃ'॥ 8-51-86 (57572)
ହସ୍ତିକକ୍ଷ୍ଯୋ ହ୍ଯସୌ କୃଷ୍ଣ କେତୁଃ କର୍ଣସ୍ଯ ଧୀମତଃ।
ଦୃଶ୍ଯତେ ରାଜସୈନ୍ଯସ୍ଯ ମଧ୍ଯେ ବିଚରତୋ ମୁହୁଃ॥ 8-51-87 (57573)
ନ ଚ କର୍ଣଂ ରଣେ ଶକ୍ତା ଜେତୁମେତେ ମହାରଥାଃ।
ଜାନୀତେ ହି ଭବାନ୍କର୍ଣଂ ବୀର୍ଯବନ୍ତଂ ପରାକ୍ରମେ॥ 8-51-88 (57574)
ତତ୍ର ଯାହି ଯତଃ କର୍ଣୋ ଦ୍ରାବଯତ୍ଯେଷ ନୋ ବଲମ୍।
ତ୍ରିଗର୍ତାନ୍ବର୍ଜଯନ୍ଯାହି ସୂତପୁତ୍ରଂ ମହାରଥମ୍।
ଏତନ୍ମେ ରୋଚତେ କୃଷ୍ଣ ଯଥା ବା ତବ ରୋଚତେ॥ 8-51-89 (57575)
ଏତଚ୍ଛ୍ରୁତ୍ବା ବଚସ୍ତସ୍ଯ ଗୋବିନ୍ଦଃ ପ୍ରହସନ୍ନିବ।
ଅବ୍ରବୀଦର୍ଜୁନଂ ତୂର୍ଣଂ କୌରବାନ୍ଯାହି ପାଣ୍ଡବ॥ 8-51-90 (57576)
ତତସ୍ତବ ମହାସୈନ୍ଯଂ ଗୋବିନ୍ଦପ୍ରେରିତା ହଯାଃ।
ହଂସବର୍ଣା ବିଶଂସ୍ତୂର୍ଣଂ ବହନ୍ତୋଽର୍ଜୁନମାହବେ॥ 8-51-91 (57577)
କେଶବପ୍ରେରିତୈରଶ୍ବୈଃ ଶ୍ବେତୈଃ କାଞ୍ଚନଭୂଷଣୈଃ।
ପ୍ରବିଶଦ୍ଭିସ୍ତବ ବଲଂ ଚତୁର୍ଦିଶମଦୀର୍ଯତ॥ 8-51-92 (57578)
ମେଘସ୍ତନିତନିର୍ହାଦଃ ସ ରଥୋ ବାନରଧ୍ବଜଃ।
ଚଲତ୍ପତାକସ୍ତାଂ ସେନାଂ ବିମାନଂ ଦ୍ଯାମିବାବିଶତ୍॥ 8-51-93 (57579)
ତୌ ବିଦାର୍ଯ ମହାସେନାଂ ପ୍ରବିଷ୍ଟୌ କେଶବାର୍ଜୁନୋ।
କ୍ରୁଦ୍ଧୌ ସଂରମ୍ଭରକ୍ତାକ୍ଷୌ ବିଭ୍ରାଜେତାଂ ମହାଦ୍ଯୁତୀ॥ 8-51-94 (57580)
ଯୁଦ୍ଧଶୌଣ୍ଡୌ ସମାହୂତାବାଗତୌ ତୌ ରଣାଧ୍ବରମ୍।
ଯଜ୍ବଭିର୍ବିଧିନା ହୂତୌ ମଖଂ ଦେବାବିବାଶ୍ବିନୌ॥ 8-51-95 (57581)
`କ୍ରୋଧତାମ୍ରେକ୍ଷଣୌ ଶୂରୌ ଶୁଶୁଭାତେ ମହାବଲୌ।
ମଦୋତ୍କଟୌ ଯଥା ନାଗୌ ଦୃଷ୍ଟିସଞ୍ଚାରଚାରିଣୌ'॥ 8-51-96 (57582)
କ୍ରୁଦ୍ଧୌ ତୌ ତୁ ନରବ୍ଯାଘ୍ରୋ ଯୋଗବନ୍ତୌ ବଭୂବତୁଃ।
ତଲଶବ୍ଦେନ ରୁଷିତୌ ମହାନାଗାବିବୋତ୍କଟୌ॥ 8-51-97 (57583)
ବିଗାହ୍ଯ ତୁ ରଥାନୀକମଶ୍ବସଙ୍ଘାଂଶ୍ଚ ଫଲ୍ଗୁନଃ।
ବ୍ଯଚରତ୍ପୃତନାମଧ୍ଯେ ପାଶହସ୍ତ ଇବାନତ୍କଃ॥ 8-51-98 (57584)
ତଂ ଦୃଷ୍ଟ୍ବା ଯୁଧି ବିକ୍ରାନ୍ତଂ ସେନାଯାଂ ତବ ଭାରତ।
ସଂଶପ୍ତକଗଣାନ୍ଭୂଯଃ ପୁତ୍ରସ୍ତେ ସମଚୂଚୁଦତ୍॥ 8-51-99 (57585)
ତତୋ ରଥସହସ୍ରେଣ ଦ୍ବିରଦାନାଂ ତ୍ରିଭିଃ ଶତୈଃ।
ଚତୁର୍ଦଶସହସ୍ରୈସ୍ତୁ ତୁରଗାଣାଂ ମହାହବେ।
ଦ୍ବାଭ୍ଯାଂ ଶତସହସ୍ରାଭ୍ଯାଂ ପଦାତୀନାଂ ଚ ଧନ୍ବିନାମ୍॥ 8-51-100 (57586)
ଶୂରାଣାଂ ଲବ୍ଧଲକ୍ଷାଣାଂ ବିଦିତାନାଂ ସମନ୍ତତଃ।
ଅଭ୍ଯବର୍ତନ୍ତ କୌନ୍ତେଯଂ ଛାଦଯନ୍ତୋ ମହାରଥାଃ॥ 8-51-100 (57587)
ଶରବର୍ଷୈର୍ମହାରାଜ ସର୍ବତଃ ପାଣ୍ଡୁନନ୍ଦନମ୍।
ସ ଚ୍ଛାଦ୍ଯମାନଃ ସମରେ ଶରୈଃ ପରବଲାର୍ଦନଃ॥ 8-51-101 (57588)
ଦର୍ଶଯନ୍ରୌଦ୍ରମାତ୍ମାନଂ ପାଶହସ୍ତ ଇବାନ୍ତକଃ।
ନିଘ୍ନନ୍ସଂଶପ୍ତକାନ୍ପାର୍ଥଃ ପ୍ରେକ୍ଷଣୀଯତରୋଽଭବତ୍॥ 8-51-102 (57589)
ତତୋ ବିଦ୍ଯୁତ୍ପ୍ରଭୈର୍ବାଣୈଃ କାର୍ତସ୍ବରବିଭୂଷିତୈଃ।
ନିରନ୍ତରମିବାକାଶମାସୀଚ୍ଛନ୍ନଂ କିରୀଟିନା॥ 8-51-103 (57590)
କିରୀଟିଚାପନିର୍ମୁକ୍ତୈଃ ସମ୍ପତଦ୍ଭିର୍ମହାଶରୈଃ।
ସମାଚ୍ଛନ୍ନଂ ବଭୌ ସର୍ବଂ କାଦ୍ରବେଯୈରିବ ପ୍ରଭୋ॥ 8-51-104 (57591)
ରୁକ୍ମପୁଙ୍ଖାଞ୍ଶରାନ୍ଘୋରାନ୍ପ୍ରସନ୍ନାନ୍ନତପର୍ବଣଃ।
ଅବାସୃଜଦମେଯାତ୍ମା ଦିକ୍ଷୁ ସର୍ବାସୁ ପାଣ୍ଡବଃ॥ 8-51-105 (57592)
ମହୀ ବିଯଦ୍ଦିଶଃ ସର୍ବାଃ ସମୁଦ୍ରା ଗିରଯୋଽପି ବା।
ସ୍ଫୁଟନ୍ତୀତି ଜନା ଜଜ୍ଞୁଃ ପାର୍ଥସ୍ଯ ତଲନିଃସ୍ବନାତ୍॥ 8-51-106 (57593)
ହତ୍ବା ଦଶସହସ୍ରାଣି ପାର୍ଥିବାନାଂ ମହାରଥଃ।
ସଂଶପ୍ତକାନାଂ କୌନ୍ତେଯଃ ପ୍ରପକ୍ଷଂ ତ୍ବରିତୋଭ୍ଯଯାତ୍॥ 8-51-107 (57594)
ପ୍ରପକ୍ଷଂ ଚ ସମାସାଦ୍ଯ ପାର୍ଥଃ କାମ୍ଭୋଜରକ୍ଷିତମ୍।
ପ୍ରମମାଥ ବଲଂ ଭଲ୍ଲୈର୍ଦାନବାନିବ ବାସବଃ॥ 8-51-108 (57595)
ପ୍ରଚିଚ୍ଛେଦାଶୁ ଭଲ୍ଲେନ ଦ୍ବିଷତାମାତତାଯିନାମ୍।
ଶସ୍ତ୍ରପାଣୀଂସ୍ତଥା ବାହୂଂସ୍ତଥାପି ଚ ଶିରାଂସ୍ଯୁତ॥ 8-51-109 (57596)
ଅଙ୍ଗାଂଙ୍ଗାବଯବୈଶ୍ଛିନ୍ନୈର୍ବ୍ଯାଯୁଧାସ୍ତେଽପତନ୍ଭୁବି।
ବିଷ୍ବଗ୍ବାତାଭିସମ୍ଭଗ୍ନା ବହୁଶାଖା ଇବ ଦ୍ରୁମାଃ॥ 8-51-110 (57597)
ହସ୍ତ୍ଯଶ୍ବରଥପତ୍ତୀନାଂ ବ୍ରାତାନ୍ନିଘ୍ନନ୍ତମର୍ଜୁନମ୍।
ସୁଦକ୍ଷିଣାଦବରଜଃ ଶରବୃଷ୍ଟ୍ଯାଭ୍ଯବୀବୃଷତ୍॥ 8-51-112 (57598)
ତସ୍ଯାସ୍ଯତୋଽର୍ଧଚନ୍ଦ୍ରାଭ୍ଯାଂ ସ ବାହୂ ପରିଘୋପମୌ।
ପୂର୍ଣଚନ୍ଦ୍ରାଭବକ୍ତ୍ରଂ ଚ କ୍ଷୁରେଣାପାହରଚ୍ଛିରଃ॥ 8-51-113 (57599)
ତତ୍ପପାତ ତତୋ ବେଗାତ୍ସ୍ବଲୋହିତପରିଷ୍କୃତମ୍।
ମନଃ ଶିଲାଗିରେଃ ଶୃଙ୍ଗଂ ବ୍ଜ୍ରେଣେବାବଦାରିତମ୍॥ 8-51-114 (57600)
ସୁଦକ୍ଷିଣାଦବରଜଂ କାମ୍ଭୋଜା ଦଦୃଶୁର୍ହତମ୍।
ପ୍ରାଂଶୁଂ କମଲପତ୍ରାକ୍ଷମତ୍ଯର୍ଥଂ ପ୍ରିଯଦର୍ଶନମ୍।
କାଞ୍ଚନସ୍ତମ୍ଭସଦୃଶଂ ଭିନ୍ନଂ ହେମଗିରିଂ ଯଥା॥ 8-51-115 (57601)
ତତୋଽଭବତ୍ପୁନର୍ଯୁଦ୍ଧଂ ଘୋରମତ୍ଯର୍ଥମଦ୍ଭୁତମ୍।
ନାନାବସ୍ଥାଶ୍ଚ ଯୋଧାନାଂ ବଭୂବୁସ୍ତତ୍ର ଯୁଧ୍ଯତାମ୍॥ 8-51-116 (57602)
ପାର୍ଥେଷୁନିହତୈରଶ୍ବୈଃ କାମ୍ଭୋଜୈର୍ଯବନୈଃ ଶକୈଃ।
ଶୋଣିତାକ୍ତୈସ୍ତଦା ରକ୍ତଂ ସର୍ବାମାସୀଦ୍ବିଶାଂ ପତେ॥ 8-51-117 (57603)
ରଥୈର୍ହତାଶ୍ବସୂତୈଶ୍ଚ ହତାରୋହୈଶ୍ଚ ବାଜିଭିଃ।
ଦ୍ବିରଦୈଶ୍ଚ ହତାରୋହୈର୍ମହାମାତ୍ରୈର୍ହତଦ୍ବିପୈଃ॥ 8-51-118 (57604)
ଅନ୍ଯୋନ୍ଯେନ ମହାରାଜ ବିନାଶଃ ପୃଥିବୀକ୍ଷିତାମ୍।
ଆସୀତ୍କ୍ରୁଦ୍ବେଽର୍ଜୁନେ କର୍ଣେ ଭୀମସେନେ ଚ ଦାରୁଣମ୍॥ 8-51-119 (57605)
ତସ୍ପିନ୍ପ୍ରପକ୍ଷେ ପକ୍ଷେ ଚ ବଧ୍ଯମାନେ ମଦୋତ୍କଟଃ।
ଅର୍ଜୁନଂ ଜଯତାଂ ଶ୍ରେଷ୍ଠଂ ତ୍ବରିତୋ ଦ୍ରୌଣିରଭ୍ଯଯାତ୍॥ 8-51-120 (57606)
ବିଧୁନ୍ବାନୋ ମହଚ୍ଚାପଂ କାର୍ତସ୍ବରବିଭୂଷିତମ୍।
ଆଦଦାନଃ ଶରାନ୍ଘୋରାନ୍ସ୍ବରଶ୍ମୀନିବ ଭାସ୍କରଃ॥ 8-51-121 (57607)
ତଯୋରାସୀନ୍ମହଦ୍ଯୁଦ୍ଧଂ ଧର୍ମଭ୍ରାତ୍ରୋରନୈଷ୍ଠିକମ୍।
ବିସ୍ମାପଯିଷତୋର୍ଲୋକଂ ଯଶଶ୍ଚୋତ୍ତମମିଚ୍ଛତୋଃ॥ 8-51-122 (57608)
ସଂଶପ୍ତକାଂସ୍ତୁ କୌନ୍ତେଯଃ କୁରୂଂଶ୍ଚାପି ବୃକୋଦରଃ।
ସୂତପୁତ୍ରସ୍ତୁ ପାଞ୍ଚାଲାଂସ୍ତ୍ରଯୋଽଘ୍ନଂସ୍ତ୍ବରିତାଃ ଶରୈଃ॥ 8-51-123 (57609)
ଏବମେଷ ମହାରାଜ ବିନାଶଃ ପୃଥିବୀକ୍ଷିତାମ୍।
ଯୁଦ୍ବଂ ଘୋରଂ ତଥା ତ୍ବାସୀତ୍ତ୍ରିଧାଭୂତେ ଚମୂମୁଖେ॥ ॥ 8-51-124 (57610)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଏକପଞ୍ଚାଶୋଽଧ୍ଯାଯଃ॥ 51 ॥ *.ଏତଦନନ୍ତରଂ ଝ.ପୁସ୍ତକେ ବିଦ୍ଯମାନା କଥା ଅସ୍ମିନ୍ପାଠେ---57--58 ତମାଧ୍ଯାଯଯୋର୍ବର୍ତତେ।
॥ ଶ୍ରୀଃ ॥
8.52. ଅଧ୍ଯାଯଃ 052
Mahabharata - Karna Parva - Chapter Topics
ସଂଶପ୍ତକୈର୍ଯୁଧ୍ଯମାନସ୍ଯ ପାର୍ଥସ୍ଯାଶ୍ବତ୍ଥାମ୍ନାଽଽହ୍ନାନମ୍॥ 1 ॥ ତଯୋର୍ଯୁଦ୍ଧମ୍॥ 2 ॥
Mahabharata - Karna Parva - Chapter Text
8-52-0 (57611)
ଧୃତରାଷ୍ଟ୍ର ଉବାଚ। 8-52-0x (4970)
କଥଂ ସଂଶପ୍ତକୈଃ ସାର୍ଧମର୍ଜୁନସ୍ଯାଭବଦ୍ରଣଃ।
ସୂତପୁତ୍ରସ୍ଯ ପାଞ୍ଚାଲୈଃ କଥଂ ଯୁଦ୍ଧଂ ପ୍ରବର୍ତିତମ୍॥ 8-52-1 (57612)
ଅଶ୍ବତ୍ଥାମ୍ନସ୍ତୁ ଯଦ୍ଯୁଦ୍ଧମର୍ଜୁନସ୍ଯ ଚ ସଞ୍ଜଯ।
ଅନ୍ଯେଷାଂ ଚ ମଦୀଯାନାଂ ପାଣ୍ଡବୈସ୍ତଦ୍ବ୍ରବୀହି ମେ॥ 8-52-2 (57613)
ସଞ୍ଜଯ ଉବାଚ। 8-52-3x (4971)
ଶୃଣୁ ରାଜନ୍ଯଥାବୃତ୍ତଂ ସଙ୍ଗ୍ରାମଂ ବ୍ରୁବତୋ ମମ।
ବୀରାଣାଂ ଶତ୍ରୁଭିଃ ସାର୍ଧଂ ଦେହପାପ୍ମବିନାଶନମ୍॥ 8-52-3 (57614)
ପାର୍ଥଃ ସଂଶପ୍ତକବଲଂ ପ୍ରବିଶ୍ଯାର୍ଣବସନ୍ନିଭମ୍।
ବ୍ଯକ୍ଷୋଭଯଦମିତ୍ରଘ୍ନୋ ମହାବାତ ଇବାର୍ଣବମ୍॥ 8-52-4 (57615)
ପୂର୍ଣଚନ୍ଦ୍ରାଭବକ୍ରାଣି ସ୍ବକ୍ଷିଭ୍ରୂଦଶନାନି ଚ।
ଶିରାଂସ୍ଯୁନ୍ମଥ୍ଯ ବୀରାଣାଂ ଶିତୈର୍ଭଲ୍ଲୈର୍ଧନଞ୍ଜଯଃ।
ସନ୍ତସ୍ତାର କ୍ଷିତିଂ କ୍ଷିପ୍ରଂ ବିନାଲୈର୍ନଲିନୈରିବ॥ 8-52-5 (57616)
ସୁବୃତ୍ତାନାଯତାନ୍ପୁଷ୍ଟାଂଶ୍ଚନ୍ଦନାଗୁରୁଭୂଷିତାନ୍।
ସାଯୁଧାନ୍ସତଲତ୍ରାଂଶ୍ଚ ପଞ୍ଚାସ୍ଯୋରଗସନ୍ନିଭାନ୍।
ବାହୂନ୍କ୍ଷୁରୈରମିତ୍ରାଣାଂ ଚିଚ୍ଛେଦ ସମରେଽର୍ଜୁନଃ॥ 8-52-6 (57617)
ଧୁର୍ଯାନ୍ଧୁର୍ଯୋତରାନ୍ସୂତାନ୍ଧ୍ବଜାଂଶ୍ଚାପାନି ସାଯକାନ୍।
ପାଣୀନ୍ନିତାନ୍ତନିଶିତୈର୍ଭଲ୍ଲୈଶ୍ଚିଚ୍ଛେଦ ପାଣ୍ଡବଃ॥ 8-52-7 (57618)
ରଥାନ୍ଦ୍ବିପାନ୍ହଯାଂଶ୍ଚୈବ ସାରୋହାନର୍ଜୁନୋ ଯୁଧି।
ଶରୈରନେକସାହସ୍ରୈର୍ନିନ୍ଯେ ରାଜନ୍ଯମକ୍ଷଯମ୍॥ 8-52-8 (57619)
ତଂ ପ୍ରବୀରାଃ ସୁସଂରବ୍ଧା ନର୍ଦମାନା ଇବର୍ଷଭାଃ।
ବାସିତାର୍ଥମିବ କ୍ରୁଦ୍ଧମଭିଦ୍ରୁତ୍ଯ ମହୋତ୍କଟାଃ।
ନିଘ୍ନ୍ତମଭିଜଘ୍ନୁସ୍ତେ ଶରୈଃ ଶୃଙ୍ଗୈରିବର୍ଷଭାଃ॥ 8-52-9 (57620)
ତସ୍ଯ ତେଷାଂ ଚ ତଦ୍ଯୁଦ୍ବମଭବଦ୍ରୋମହର୍ଷଣମ୍।
ତ୍ରୈଲୋକ୍ଯବିଜଯେ ଯଦ୍ବଦ୍ଦୈତ୍ଯାନାଂ ସହ ବଜ୍ରିଣା॥ 8-52-10 (57621)
ଅସ୍ତ୍ରୈସ୍ତ୍ରାଣି ସଂବାର୍ଯ ଦ୍ବିଷତାଂ ସର୍ବତୋଽର୍ଜୁନଃ।
ଇଷୁଭିର୍ବହୁଭିସ୍ତୂର୍ଣଂ ବିଦ୍ବ୍ବା ପ୍ରାଣାଞ୍ଜହାର ସଃ॥ 8-52-11 (57622)
ଛିନ୍ନତ୍ରିବେଣୁଚକ୍ରାକ୍ଷାନ୍ହତଯୋଧାନ୍ସସାରଥୀନ୍।
ବିଧ୍ବସ୍ତାଯୁଧତୂଣୀରାନ୍ସମୁନ୍ମଥିତକେତନାନ୍॥ 8-52-12 (57623)
ସଞ୍ଛିନ୍ନଯୋକ୍ରରଶ୍ମୀଷାନ୍ବିତ୍ରିବେଣୂନ୍ବିକୂବରାନ୍।
ବିସ୍ରସ୍ତବନ୍ଧୁରଯୁଗାନ୍ବିସ୍ରସ୍ତାକ୍ଷପ୍ରମଣ୍ଡଲାନ୍॥ 8-52-13 (57624)
ରଥାନ୍ବିଶକଲୀକୁର୍ବନ୍ମହାଭ୍ରାଣୀବ ମାରୁତଃ॥ 8-52-14 (57625)
ବିସ୍ମାପକଂ ପ୍ରେକ୍ଷକାଣାଂ ଦ୍ବିଷତାଂ ଭଯବର୍ଧନମ୍।
ମହାରଥସହସ୍ରସ୍ଯ ସମଂ କର୍ମାକରୋଜ୍ଜଯଃ॥ 8-52-15 (57626)
ସିଦ୍ଧଦେବର୍ଷିସଙ୍ଘାଶ୍ଚ ଚାରଣାଶ୍ଚାପି ତୁଷ୍ଟୁବୁଃ॥ 8-52-16 (57627)
ଦେବଦୁନ୍ଦୁଭଯୋ ନେଦୁଃ ପୁଷ୍ପବର୍ଷାଣି ଚାପତନ୍।
କେଶବାର୍ଜୁନଯୋର୍ମୂର୍ଧ୍ନି ପ୍ରାହ ବାକ୍ବାଶରୀରିଣୀ॥ 8-52-17 (57628)
ଚନ୍ଦ୍ରାଗ୍ନ୍ଯନିଲସୂର୍ଯାଣାଂ କାନ୍ତିଦୀପ୍ତିବଲଦ୍ଯୁତୀଃ।
ଯୌ ସଦା ବିଭ୍ରତୁର୍ବୀରାବିମୌ ତୌ କେଶବାର୍ଜୁନୌ॥ 8-52-18 (57629)
ବ୍ରହ୍ମେଶାନାବିବ ପୁରା ବୀରାବେକରଥେ ସ୍ଥିତୌ।
ସର୍ବଭୂତବରୌ ବୀରୌ ନରନାରାଯଣାବିମୌ॥ 8-52-19 (57630)
ଇତ୍ଯେତନ୍ମହଦାଶ୍ଚର୍ଯଂ ଦୃଷ୍ଟ୍ବା ଶ୍ରୁତ୍ବା ଚ ଭାରତ।
ଅଶ୍ବତ୍ଥାମା ସୁସଙ୍କ୍ରୁଦ୍ଧଃ କୃଷ୍ଣାବଭ୍ଯଦ୍ରବଦ୍ରଣେ॥ 8-52-20 (57631)
ଅଥ ପାଣ୍ଡବମସ୍ଯନ୍ତମମିତ୍ରାନ୍ତକରାଞ୍ଛରାନ୍।
ସେଷୁଣା ପାଣିନାଽଽହୂଯ ପ୍ରହସନ୍ଦ୍ରୌଣିରବ୍ରବୀତ୍॥ 8-52-21 (57632)
ଯଦି ମାଂ ମନ୍ଯସେ ବୀର ପ୍ରାପ୍ତମର୍ହମିହାତିଥିମ୍।
ତତଃ ସର୍ବାତ୍ମନା ତ୍ବଦ୍ଯ ଯୁଦ୍ବାତିଥ୍ଯଂ ପ୍ରଯଚ୍ଛ ମେ॥ 8-52-22 (57633)
ଏବମାଚାର୍ଯପୁତ୍ରେଣ ସମାହୂତୋ ଯୁଯୁତ୍ସଯା।
ବହୁମେନେଽର୍ଜୁନୋଽଽତ୍ମାନମିତି ଚାହ ଜନାର୍ଦନମ୍॥ 8-52-23 (57634)
ସଂଶପ୍ତକାଶ୍ଚ ମେ ବଧ୍ଯା ଦ୍ରୌଣିରାହ୍ବଯତେ ଚ ମାମ୍।
ଯଦତ୍ରାନନ୍ତରଂ ପ୍ରାପ୍ତଂ ଶଂସ ମେ ତଦ୍ବି ମାଧବ॥ 8-52-24 (57635)
ଆତିଥ୍ଯକର୍ମାଭ୍ଯୁତ୍ଥାଯ ଦୀଯତାଂ ଯଦି ମନ୍ଯସେ।
ଏବମୁକ୍ତୋଽବହତ୍ପାର୍ଥଂ କୃଷ୍ଣୋଦ୍ରୋଣାତ୍ମଜାନ୍ତିକେ॥ 8-52-25 (57636)
ଶୈକ୍ଷ୍ଯେଣ ବିଧିନାଽଽହୂତଂ ବାଯୁରିନ୍ଦ୍ରମିବାଧ୍ବରେ।
ତମାମନ୍ତ୍ର୍ଯୈକମନସଂ କେଶବୋ ଦ୍ରୌଣିମବ୍ରବୀତ୍॥ 8-52-26 (57637)
ଅଶ୍ବତ୍ଥାମନ୍ସ୍ଥିରୋ ଭୂତ୍ବା ପ୍ରହରାଶୁ ସହସ୍ବ ଚ।
ନିର୍ବେଷ୍ଟୁଂ ଭର୍ତୃପିଣ୍ଡଂ ହି କାଲୋଽଯମୁପଜୀବିନାମ୍॥ 8-52-27 (57638)
ସୂକ୍ଷ୍ମୋ ବିବାଦୋ ବିପ୍ରାଣାଂ ସୂକ୍ଷ୍ମୌ କ୍ଷାସ୍ତ୍ରୌ ଜଯାଜଯୌ॥ 8-52-28 (57639)
ନହି ସଂକ୍ଷମସେ ମୋହାଦ୍ଦିବ୍ଯାଂ ପାର୍ଥସ୍ଯ ସତ୍କ୍ରିଯାମ୍।
ସମାପ୍ତିମିଚ୍ଛନ୍ଯୁଧ୍ଯସ୍ବ ସ୍ଯିରୋ ଭୂତ୍ବାଽଦ୍ଯ ପାଣ୍ଡବଂ॥ 8-52-29 (57640)
ଇତ୍ଯୁକ୍ତୋ ବାସୁଦେବେନ ତଥେତ୍ଯୁକ୍ତ୍ବା ଦ୍ବିଜୋତ୍ତମଃ।
ବିବ୍ଯାଧ କେଶବଂ ଷଷ୍ଟ୍ଯା ନାରାଚୈରର୍ଜୁନଂ ତ୍ରିଭିଃ॥ 8-52-30 (57641)
ତସ୍ଯାର୍ଜୁନଃ ସୁସଙ୍କ୍ରୁଦ୍ଧସ୍ତ୍ରିଭିର୍ବାଣୈଃ ଶରାସନମ୍।
ଚିଚ୍ଛେଦାଥାନ୍ଯଦାଦତ୍ତ ଦ୍ରୌଣିର୍ଘୋରତରଂ ଧନୁଃ॥ 8-52-31 (57642)
ସଜ୍ଯଂ କୃତ୍ବା ନିମେଷାଚ୍ଚ ବିବ୍ଯାଧାର୍ଜୁନକେଶବୌ।
ତ୍ରିଭିଃ ଶତୈର୍ବାସୁଦେବଂ ସହସ୍ରେଣ ଚ ପାଣ୍ଡବମ୍॥ 8-52-32 (57643)
ତତଃ ଶରସହସ୍ରାଣି ପ୍ରଯୁତାନ୍ଯର୍ବୁଦାନି ଚ।
ସସୃଜେ ଦ୍ରୌଣିରାଯସ୍ତଃ ସ୍ତମ୍ଭଯାମାସ ଚାର୍ଜୁନମ୍॥ 8-52-33 (57644)
ଇଷୁଧେର୍ଧନୁଷୋ ଜ୍ଯାଯାସ୍ତ୍ବଙ୍ଗୁଲିଭ୍ଯଶ୍ଚ ମାରିଷ।
ବାହ୍ବୋଃ କରାଭ୍ଯାମୁରସୋ ବଦନାଦ୍ବ୍ରାଣନେତ୍ରତଃ॥ 8-52-34 (57645)
କର୍ଣାଭ୍ଯାଂ ଶିରସୋଽଙ୍ଗେଭ୍ଯୋ ଲୋମବର୍ମଭ୍ଯ ଏବ ଚ।
ରଥଧ୍ବଜାଭ୍ଯାଂ ଚ ଶରା ନିଷ୍ପେତୁର୍ବ୍ରହ୍ମବାଦିନଃ॥ 8-52-35 (57646)
ଶରଜାଲେନ ମହତା ବଦ୍ଧ୍ବା ମାଧବପାଣ୍ଡବୌ।
ନନାଦ ସୁଦିତୋ ଦ୍ରୌଣିର୍ମହାମେଘୌଘନିଃସ୍ବନମ୍॥ 8-52-36 (57647)
`ତୈଃ ପତଦ୍ଭିର୍ମହାରାଜ ଦ୍ରୌଣିମୁକ୍ତୈଃ ସମନ୍ତତଃ।
ସଞ୍ଛାଦିତୌ ରଥସ୍ଥୌ ତାବୁଭୌ କୃଷ୍ଣଧନଞ୍ଜଯୌ॥ 8-52-37 (57648)
ଦତଃ ଶରxxxxxxକ୍ଷ୍ଣୈର୍ଭାରଦ୍ବାଜଃ ପ୍ରତାପବାନ୍।
ନିxxxxxଚକ୍ରେ ରଥେ ମାଧବପାଣ୍ଡବୌ॥ 8-52-38 (57649)
xxxxଜଙ୍ଗମଂ ସ୍ଥାବରଂ ତଥା।
ଚରାଚରସା ମୋପ୍ତାରୌ ଦୃଷ୍ଟ୍ବା ସଞ୍ଛାଦିତୌ ଶରୈଃ॥ 8-52-39 (57650)
ସିଦ୍ଧଚାରxxxxxଶ୍ଚ ସଂପେତୁର୍ଶୈ ସମନ୍ତତଃ।
ଅପି xxxxxxxx ଲୋକାନାମିତି ଚାବ୍ରୁବନ୍॥ 8-52-40 (57651)
ନ ମଯା xxxxxxxxxx ରାଜନ୍ଦୃଷ୍ଟପୃର୍ବଃ ପରାକମଃ।
xxxxxxxxxxxx କୃଷ୍ଣୋ ଛାଦଯତୋ ରଣେ॥ 8-52-41 (57652)
xxxxxxxxxxxଶବ୍ଦଂ ରଥାନାଂ ତ୍ରାସନଂ ରଣେ।
xxxxxxxxxx ରାଜନ୍ସିଂହସ୍ଯ ନଦତୋ ଯଥା॥ 8-52-42 (57653)
ଚରତୋ ଯୁଦ୍ଧେ ସବ୍ଯଂ ଦକ୍ଷିଣମସ୍ଯତଃ।
ବିଦ୍ଯୁଦମ୍ଭୋଧରସ୍ଯେବ ଭ୍ରାଜମାନା ବ୍ଯଦୃଶ୍ଯତ॥ 8-52-43 (57654)
ସ ତଦା କ୍ଷିପ୍ରକାରୀ ଚ ଦୃଢହସ୍ତଶ୍ଚ ପାଣ୍ଡବଃ।
ପ୍ରମୋହଂ ପରମଂ ଗତ୍ବା ପ୍ରେକ୍ଷନ୍ନାସ୍ତେ ଧନଞ୍ଜଯଃ॥ 8-52-44 (57655)
ବିକ୍ରମଂ ଚରତୋ ଯୁଦ୍ଧେ ସବ୍ଯଂ ଦକ୍ଷିଣମସ୍ଯତଃ।
ବିକ୍ରମଂ ଚ ହୃତଂ ମେନେ ଆତ୍ମନସ୍ତେନ ସଂଯୁଗେ॥ 8-52-45 (57656)
ଅଥାସ୍ଯ ସମରେ ରାଜନ୍ବପୁରାସୀତ୍ସୁଦୁର୍ଦୃଶମ୍।
ଦ୍ରୌଣେସ୍ତତ୍କୁର୍ବତଃ କର୍ମ ଯାଦୃଗ୍ରୂପଂ ପିନାକିନଃ॥ 8-52-46 (57657)
ବର୍ଧମାନେ ତତସ୍ତତ୍ର ଦ୍ରୋଣପୁତ୍ରେ ବିଶାମ୍ପତେ।
ହୀଯମାନେ ଚ କୌନ୍ତେଯେ କୃଷ୍ଣଂ ରୋଷଃ ସମାବିଶତ୍॥ 8-52-47 (57658)
ସ ରୋଷାନ୍ନିଶ୍ବସନ୍ରାଜନ୍ନିର୍ଦହନ୍ନିବ ଚକ୍ଷୁଷା।
ଦ୍ରୌଣିଂ ଦଦର୍ଶ ସଙ୍ଗ୍ରାମେ ଫଲ୍ଗୁନଂ ଚ ମୁହୁର୍ମୁହୁଃ॥ 8-52-48 (57659)
ତତଃ କୃଷ୍ଣୋଽବ୍ରବୀତ୍କ୍ରୁଦ୍ଧଃ ପାର୍ଥଂ ସପ୍ରଣଯଂ ବଚଃ॥ 8-52-49 (57660)
ଅତ୍ଯଦ୍ଭୁତତମିଦଂ ପାର୍ଥ ତ୍ବଯି ପଶ୍ଯାମି ସଂଯୁଗେ।
ଯତ୍ତ୍ବାଂ ବିଶେଷଯତ୍ଯାଜୌ ଦ୍ରୋଣପୁତ୍ରୋଽଦ୍ଯ ଭାରତ॥ 8-52-50 (57661)
କଚ୍ଚିତ୍ତେ ଗାଣ୍ଡିବଂ ହସ୍ତେ ମୁଷ୍ଟିର୍ବା ନ ବ୍ଯଶୀର୍ଯତ।
କଚ୍ଚିଦ୍ବୀର୍ଯଂ ଯଥାପୂର୍ବଂ ଭୁଜଯୋର୍ବା ବଲଂ ତବ॥ 8-52-51 (57662)
ଉଦୀର୍ଯମାଣଂ ହି ରଣେ ପଶ୍ଯାମି ଦ୍ରୌଣିମାହବେ।
ଗୁରୁପୁତ୍ର ଇତି ହ୍ଯେନଂ ମାନଯନ୍ପାଣ୍ଡବର୍ଷଭ।
ଉପେକ୍ଷାଂ ମା କୃଥାଃ ପାର୍ଥ ନାଯଂ କାଲ ଉପେକ୍ଷିତୁମ୍'॥ 8-52-52 (57663)
ଅର୍ଜୁନ ଉବାଚ। 8-52-53x (4972)
ପଶ୍ଯ ମାଧବ ଦୌରାତ୍ମ୍ଯଂ ଗୁରୁପୁତ୍ରସ୍ଯ ମାଂ ପ୍ରତି।
ବଧଂ ପ୍ରାପ୍ତୌ ମନ୍ଯତେ ନୌ ପ୍ରାବେଶ୍ଯ ଶବରେଶ୍ମନି।
ଏଷୋସ୍ମି ହନ୍ମି ସଙ୍କଲ୍ପଂ ଶିକ୍ଷଯା ଚ ବଲେନ ଚ॥ 8-52-53 (57664)
`ଏବମୁକ୍ତ୍ବାଽସ୍ଯ ଚିଚ୍ଛେଦ ଭଲ୍ଲୈଃ କର୍ମାରମାର୍ଜିତୈଃ।
ଧନୁଶ୍ଛତ୍ରଂ ପତାକାଂ ଚ ରଥଶକ୍ତିଂ ଗଦାଂ ବରାମ୍'॥ 8-52-54 (57665)
ଅଶ୍ବତ୍ଥାମ୍ନଃ ଶରାନସ୍ତାଞ୍ଛିତ୍ତ୍ବୈକୈକଂ ତ୍ରିଧା ତ୍ରିଧା।
ବ୍ଯଧମଦ୍ଭରତଶ୍ରେଷ୍ଠୋ ନୀହାରମିବ ମାରୁତଃ॥ 8-52-55 (57666)
ତତଃ ସଂଶପ୍ତକାନ୍ଭୂଯଃ ସାଶ୍ବସୂତରଥଦ୍ବିପାନ୍।
ଧ୍ବଜପତ୍ତିଗଣାନୁର୍ଗ୍ରୈର୍ବାଣୈର୍ବିବ୍ଯାଧ ପାଣ୍ଡବଃ॥ 8-52-56 (57667)
ଯେ ଯେ ଦଦୃଶିରେ ତତ୍ର ଯଦ୍ଯଦ୍ରୂପାସ୍ତଦା ଜନାଃ।
ତେ ତେ ତତ୍ର ଶରୈର୍ବ୍ଯାପ୍ତଂ ମେନିରେଽଽତ୍ମାନମାତ୍ମନା॥ 8-52-57 (57668)
ତେ ଗାଣ୍ଡୀବପ୍ରମୁକ୍ତାସ୍ତୁ ନାନାରୂପାଃ ପତତ୍ରିଣଃ।
କ୍ରୋଶେ ସାଗ୍ରେ ସ୍ଥିତାଞ୍ଜଘ୍ନୁର୍ଦ୍ବିପାଂଶ୍ଚ ପୁରୁଷାନ୍ରଣେ॥ 8-52-58 (57669)
ଭଲ୍ଲୈଶ୍ଛିନ୍ନାଃ କରାଃ ପେତୁଃ କରିଣାଂ ମଦବର୍ଷିଣାମ୍।
ଯଥା ବନେ ପରଶୁଭିର୍ନିକୃତ୍ତାଃ ଶାଲ୍ମଲିଦ୍ରୁମାଃ॥ 8-52-59 (57670)
ପଶ୍ଚାତ୍ତୁ ଶୈଲବତ୍ପତୁସ୍ତେ ଗଜାଃ ସହ ସାଦିଭିଃ।
ବଜ୍ରିବଜ୍ରାବମଥିତା ଯଥୈବାଦ୍ରିଚଯାସ୍ତଥା॥ 8-52-60 (57671)
ଗନ୍ଧର୍ବନଗରାକାରାନ୍ରଥାଂଶ୍ଚୈବ ସୁକଲ୍ପିତାନ୍।
ବିନୀତୈର୍ଜବନୈର୍ଯୁକ୍ତାନାସ୍ଥିତାନ୍ଯୁଦ୍ବଦୁର୍ମଦୈଃ॥ 8-52-61 (57672)
ଶରୈର୍ବିଶକଲୀକୁର୍ବନ୍ନମିତ୍ରାନଭ୍ଯବୀବୃଷତ୍।
ସ୍ବଲଙ୍କୃତାନଶ୍ବସାଦୀନ୍ପତ୍ତୀଂଶ୍ଚାହନ୍ଧନଞ୍ଜଯଃ॥ 8-52-62 (57673)
ଧନଞ୍ଜଯଯୁଗାନ୍ତାର୍କଃ ସଂଶପ୍ତକମହାର୍ଣବମ୍।
ବ୍ଯଶୋଷଯତ ଦୁଃଶୋଷଂ ତୀକ୍ଷ୍ଣୈଃ ଶରଗଭସ୍ତିଭିଃ॥ 8-52-63 (57674)
ପୁନର୍ଦ୍ରୌଣିମହାଶୈଲଂ ନାରାଚୈର୍ବଜ୍ରସନ୍ନିଭୈଃ।
ନିର୍ବିଭେଦ ମହାବେଗୈସ୍ତ୍ବରନ୍ବଜ୍ରୀବ ପର୍ବତମ୍॥ 8-52-64 (57675)
ତମାଚାର୍ଯସୁତଃ କ୍ରୁଦ୍ଧଃ ସାଶ୍ବଯନ୍ତାରମାଶୁଗୈଃ।
ଯୁଯୁତ୍ସୁରାଗମଦ୍ଯୋଦ୍ଧୁଂ ପାର୍ଥସ୍ତାନଚ୍ଛିନଚ୍ଛରାନ୍॥ 8-52-65 (57676)
ତତଃ ପରମସଙ୍କ୍ରୁଦ୍ଧଃ କାଣ୍ଡକୋଶମବାସୃଜତ୍।
ଅଶ୍ବତ୍ଥାମାଭିରୂପାଯ ଗୃହାନତିଥଯେ ଯଥା॥ 8-52-66 (57677)
ଅଥ ସଂଶପ୍ତକାଂସ୍ତ୍ଯକ୍ତ୍ବା ପାଣ୍ଡବୋ ଦ୍ରୌଣିମଭ୍ଯଯାତ୍।
ଅପାଙ୍କ୍ତେଯାନିବ ତ୍ଯକ୍ତ୍ବା ଦାତା ପାଙ୍କ୍ତେଯମର୍ଥିନମ୍॥ 8-52-67 (57678)
`ସ୍ଥିତାଃ ସଂଶପ୍ତକା ରାଜନ୍ଦୃଷ୍ଟ୍ବା ଯୁଦ୍ବଂ ମହାତ୍ମନୋଃ'॥ ॥ 8-52-68 (57679)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଦ୍ବିପଞ୍ଚାଶୋଽଧ୍ଯାଯଃ॥ 52 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.53. ଅଧ୍ଯାଯଃ 053
Mahabharata - Karna Parva - Chapter Topics
ଅର୍ଜୁନେନାଶ୍ବତ୍ଥାମପରାଜଯଃ॥ 1 ॥
Mahabharata - Karna Parva - Chapter Text
8-53-0 (57680)
ସଞ୍ଜଯ ଉବାଚ। 8-53-0x (4973)
ତତଃ ସମଭବଦ୍ଯୁଦ୍ଧଂ ଶୁକ୍ରାଙ୍ଗିରସବର୍ଚସୋଃ।
ନକ୍ଷତ୍ରମଭିତୋ ବ୍ଯୋମ୍ନି ଶୁକ୍ରାଙ୍ଗିରସଯୋରିବ॥ 8-53-1 (57681)
ସନ୍ତାପଯନ୍ତାବନ୍ଯୋନ୍ଯଂ ଦୀପ୍ତୈଃ ଶରଗଭସ୍ତିଭିଃ।
ଲୋକତ୍ରାସକରାବାସ୍ତାଂ ବିମାର୍ଗସ୍ଥୌ ଗ୍ରହାବିବ॥ 8-53-2 (57682)
ତତୋଽବିଧ୍ଯଦ୍ଧୁବୋର୍ମଧ୍ଯେ ନାରାଚୈରର୍ଜୁନୋ ଭୃଶମ୍।
ସ ତେନ ବିବଭୌ ଦ୍ରୌଣିରୂର୍ଧ୍ବରଶ୍ମିର୍ଯଥା ରବିଃ॥ 8-53-3 (57683)
ଅଥ କୃଷ୍ଣୌ ଶରଶତୈରଶ୍ବତ୍ଥାମ୍ନାଽର୍ଦିତୌ ଭୃଶମ୍।
ସ୍ବରଶ୍ମିଜାଲବିକଚୌ ଯୁଗାନ୍ତାର୍କାବିବାସୁତଃ॥ 8-53-4 (57684)
ତତୋଽର୍ଜୁନଃ ସର୍ବତୋଧାରମସ୍ତ୍ର--
ମବାସୃଜଦ୍ବାସୁଦେବେଽଭିଭୂତେ।
ଦ୍ରୌଣାଯନିଶ୍ଚାଭ୍ଯହନତ୍ପୃଷତ୍କୈ--
ର୍ବଜ୍ରାଗ୍ନିବୈବସ୍ବତଦଣ୍ଡକଲ୍ପୈଃ॥ 8-53-5 (57685)
ସ କେଶବଂ ଚାର୍ଜୁନଂ ଚାତିତେଜା
ବିବ୍ଯାଧ ମର୍ମସ୍ବତିରୌଦ୍ରକର୍ମା।
ବାଣୈଃ ସୁମୁକ୍ତୈରତିତୀବ୍ରବେଗୈ--
ର୍ଯୈରାହତୋ ମୃତ୍ଯୁରପି ବ୍ଯଥେତ॥ 8-53-6 (57686)
ଦ୍ରୌଣେରିଷୂନିଷୁଭିଃ ସନ୍ନିବାର୍ଯ
ବ୍ଯାଯଚ୍ଛତସ୍ତଦ୍ଦ୍ବିଗୁଣୈଃ ସୁପୁଙ୍ଖୈଃ।
ତଂ ସାଶ୍ବସୂତଧ୍ବଜମେକବୀର--
ମାବୃତ୍ଯ ସଂଶପ୍ତକସୈନ୍ଯମାର୍ଚ୍ଛତ୍॥ 8-53-7 (57687)
ଧନୂଂଷି ବାଣାନିଷୁଧୀର୍ଧନୁର୍ଜ୍ଯାଃ
ପାଣୀନ୍ଭୁଜାନ୍ପାଣିଗତଂ ଚ ଶସ୍ତ୍ରମ୍।
ଛତ୍ରାଣି କେତୂଂସ୍ତୁରଗାନ୍ରଥେଷାଂ
ବସ୍ତ୍ରାଣି ମାଲ୍ଯାନ୍ଯଥା ଭୂଷଣାନି॥ 8-53-8 (57688)
ଚର୍ମାଣି ବର୍ମାଣି ମନୋରମାଣି
ପ୍ରସହ୍ଯ ଚୈଷାଂ ସ ଶିରାଂସି ଚୈବ।
ସ୍ରିଚ୍ଛେଦ ପାର୍ଥୋ ଦ୍ବିଷତାଂ ସୁମୁକ୍ତୈ--
ର୍ବାଣୈଃ ସ୍ଥିତାନାମପରାଙ୍ମୁଖାନାମ୍॥ 8-53-9 (57689)
ସୁକଲ୍ପିତାଃ ସ୍ମନ୍ଦନବାଜିନାଗାଃ
ସମାସ୍ଥିତାଃ କୃତଯତ୍ନୈର୍ନୃବୀରୈଃ।
ପାର୍ଥେରିତୈର୍ବାଣଶତୈର୍ନିରସ୍ତା--
ସ୍ତୈରେବ ସାର୍ଧଂ ନୃବରୈର୍ବିନେଶୁଃ॥ 8-53-10 (57690)
ପଦ୍ମାର୍କପୂର୍ଣେନ୍ଦୁନିଭାନନାନି
କିରୀଟମାଲ୍ଯାଭରଣୋଜ୍ଜ୍ବଲାନି।
ଭଲ୍ଲାର୍ଧଚନ୍ଦ୍ରକ୍ଷୁରସନ୍ନିକୃତ୍ତା--
ନ୍ଯପାତଯଚ୍ଛତ୍ରୁଶିରାଂସ୍ଯଜସ୍ରମ୍॥ 8-53-11 (57691)
ଅଥ ଦ୍ବିପୈର୍ଦୈତ୍ଯରିପୁଦ୍ବିପାଭୈ--
ର୍ଦେବାରିକଲ୍ପା ବଲମନ୍ଯୁକଲ୍ପୈଃ।
କଲିଙ୍ଗବଙ୍ଗାଙ୍ଗନିଷାଦବୀରା
ଜିଘାଂସବଃ ପାଣ୍ଡବମଭ୍ଯଧାବନ୍॥ 8-53-12 (57692)
ତେଷାଂ ଦ୍ବିପାନାଂ ନିଚକର୍ତ ପାର୍ଥୋ
ବର୍ମାଣି ଚର୍ମାଣି କରାନ୍ନିଯନ୍ତୄନ୍।
ଧ୍ବଜାଃ ପତାକାଶ୍ଚ ତତଃ ପ୍ରପେତୁ--
ର୍ବଜ୍ରାହତାନୀବ ଗିରେଃ ଶିରାଂସି॥ 8-53-13 (57693)
ତେଷୁ ପ୍ରଭଗ୍ନେଷୁ ଗୁରୋସ୍ତନୂଜଂ
ବାଣୈଃ କିରୀଟି ନବସୂର୍ଯବର୍ଣୈଃ।
ପ୍ରଚ୍ଛାଦଯାମାସ ମହାଭ୍ରଜାଲୈ--
ର୍ବାଯୁଃ ସମୁଦ୍ଯନ୍ତମିବାଂଶୁମନ୍ତମ୍॥ 8-53-14 (57694)
ତତୋଽର୍ଜୁନେଷୂନିଷୁଭିର୍ନିରସ୍ଯ
ଦ୍ରୌଣିଃ ଶିତୈରର୍ଜୁନବାସୁଦେବୌ।
ପ୍ରଚ୍ଛାଦଯିତ୍ବା ଦିବି ଚନ୍ଦ୍ରସୂର୍ଯୌ
ନନାଦ ସୋଽମ୍ଭୋଦ ଇବାତପାନ୍ତେ॥ 8-53-15 (57695)
ତମର୍ଜୁନସ୍ତାଂଶ୍ଚ ପୁନସ୍ତ୍ବଦୀଯା--
ନଭ୍ଯର୍ଦିତସ୍ତୈରଭିସୃତ୍ଯ ଶସ୍ତ୍ରୈଃ।
ବାଣାନ୍ଧକାରଂ ସହସୈବ କୃତ୍ତ୍ବା
ବିବ୍ଯାଧ ପାର୍ଥୋ ବରହେମପୁଙ୍ଖୈଃ॥ 8-53-16 (57696)
ନାପ୍ଯାଦଦତ୍ସନ୍ଦଧନ୍ନୈବ ମୁଞ୍ଚ--
ନ୍ବାଣାନ୍ରଥେଽଦୃଶ୍ଯତ ସବ୍ଯସାଚୀ।
ରଥାଂଶ୍ଚ ନାଗାଂସ୍ତୁରଗାନ୍ପଦାତୀନ୍
ସଂସ୍ଯୂତଦେହାନ୍ଦଦୃଶୁର୍ହତାଂଶ୍ଚ॥ 8-53-17 (57697)
ସନ୍ଧାଯ ନାରାଚବରାନ୍ଦଶାଶୁ
ଦ୍ରୌଣିସ୍ତ୍ବରନ୍ନେକମିବୋତ୍ସସର୍ଜ।
ତେଷାଂ ଚ ପଞ୍ଚାର୍ଜୁନମଭ୍ଯବିଧ୍ଯ--
ନ୍ପଞ୍ଚାଚ୍ଯୁତଂ ନିର୍ବିଭୁଦୁଃ ସୁପୁଙ୍ଖାଃ॥ 8-53-18 (57698)
ତୈରାହତୌ ସର୍ବମନୁଷ୍ଯମୁଖ୍ଯା--
ବସୃକ୍ସ୍ରବନ୍ତୌ ଧନଦେନ୍ଦ୍ରକଲ୍ପୌ।
ସମାପ୍ତବିଦ୍ଯେନ ତଥାଽଭିଭୂତୌ
ହତୌ ରଣେ ତାବିତି ମେନିରେଽନ୍ଯେ॥ 8-53-19 (57699)
ଅଥାର୍ଜୁନଂ ପ୍ରାହ ଦଶାର୍ହନାଥଃ
ପ୍ରମାଦ୍ଯସେ କିଂ ଜହି ଯୋଧମେତମ୍।
କୁର୍ଯାଦ୍ଧି ଦୋଷଂ ସମୁପେକ୍ଷିତୋଽଯଂ
କଷ୍ଟୋ ଭବେଦ୍ବ୍ଯାଧିରିବାକ୍ରିଯାବାନ୍॥ 8-53-20 (57700)
ତଥେତି ଚୋକ୍ତ୍ବାଽଚ୍ଯୁତମପ୍ରମାଦୀ
ଦ୍ରୌଣେଃ ପ୍ରହସ୍ଯାଶୁ କିରୀଟମାଲୀ।
ଭୁଜୌ ବରୌ ଚନ୍ଦନସାରଦିଗ୍ଧୌ
ବକ୍ଷଃ ଶିରୋଽଥାପ୍ରତିମୌ ତଥୋରୂ॥ 8-53-21 (57701)
ଗାଣ୍ଡୀବମୁକ୍ତୈଃ କୁପିତାହିକଲ୍ପୈ--
ଦ୍ରୌଣିଂ ଶରୈଃ ସଂଯତି ନିର୍ବିଭେଦ।
ଛିତ୍ତ୍ବା ତୁ ରଶ୍ମୀଂସ୍ତୁରଗାନବିଧ୍ଯ--
ତ୍ତେ ତଂ ରଣାଦୂହୁରତୀବ ଦୂରମ୍॥ 8-53-22 (57702)
ସ ତୈର୍ହୃତୋ ବାତଜବୈସ୍ତୁରଙ୍ଗୈ-
ର୍ଦ୍ରୌଣିର୍ଦୃଢଂ ପାର୍ଥଶରାଭିଭୂତଃ।
ଆବୃତ୍ଯ ନୈବ ବ୍ଯଷହତ୍ସ ଯୋଦ୍ଧୁଂ
ପାର୍ଥେନ ସାର୍ଧଂ ମତିମାନ୍ବିମୃଶ୍ଯ। 8-53-23 (57703)
ଜାନଞ୍ଜଯଂ ନିଯତଂ ବୃଷ୍ଣିବୀରେ
ଧନଞ୍ଜଯେ ଚାଙ୍ଗିରସାଂ ବରିଷ୍ଠଃ॥
ବିବେଶ କର୍ଣସ୍ଯ ବଲଂ ତରସ୍ବୀ
ଭଗ୍ନୋତ୍ସାହଃ କ୍ଷୀଣବାଣାସ୍ତ୍ରଯୋଗଃ॥ 8-53-24 (57704)
ପ୍ରତୀପକାମେ ତୁ ରଣାଦଶ୍ବତ୍ଥାମ୍ନି ହୃତେ ହଯୈଃ।
ମନ୍ତ୍ରୌଷଧିକ୍ରିଯାଯୋଗୈର୍ବ୍ଯାଧୌ ଦେହାଦିବାହୃତେ॥ 8-53-25 (57705)
ସଂଶପ୍ତକାନଭିମୁଖୌ ପ୍ରଯାତୌ କେଶବାର୍ଜୁନୌ।
ବାତୋଦ୍ବୂତପତାକେନ ସ୍ଯନ୍ଦନେନୌଘନାଦିନା॥ ॥ 8-53-26 (57706)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ତ୍ରିପଞ୍ଚାଶୋଽଧ୍ଯାଯଃ॥ 53 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.54. ଅଧ୍ଯାଯଃ 054
Mahabharata - Karna Parva - Chapter Topics
ଅର୍ଜୁନେନ ଦଣ୍ଡଦଣ୍ଡଧାରଯୋର୍ବଧଃ॥ 1 ॥
Mahabharata - Karna Parva - Chapter Text
8-54-0 (57707)
ସଞ୍ଜଯ ଉବାଚ। 8-54-0x (4974)
ଅଥୋତ୍ତରେଣ ପାଣ୍ଡୂନାଂ ସେନାଯାଂ ଧ୍ବନିରୁତ୍ଥିତଃ।
ରଥନାଗାଶ୍ବପତ୍ତୀନାଂ ଦଣ୍ଡଧାରେଣ ବଧ୍ଯତାମ୍॥ 8-54-1 (57708)
ନିବର୍ତଯିତ୍ବା ତୁ ରଥଂ କେଶବୋଽର୍ଜୁନମବ୍ରବୀତ୍।
ବାହଯନ୍ନେବ ତୁରଗାନ୍ଗରୁଡାନିଲରଂହସଃ॥ 8-54-2 (57709)
ମାଗଧୋଽସାବତିକ୍ରାନ୍ତୋ ଦ୍ବିରଦେନ ପ୍ରମାଥିନା।
ଭଗଦତ୍ତାଦନବମଃ ଶିକ୍ଷଯା ଚ ବଲେନ ଚ॥ 8-54-3 (57710)
ଏନଂ ହତ୍ବା ନିହନ୍ତାଽସି ପୁନଃ ସଂଶପ୍ତକାନିତି।
ବାକ୍ଯାନ୍ତେ ପ୍ରାପଯତ୍ପାର୍ଥଂ ଦଣ୍ଡଧାରଗଜଂ ପ୍ରତି॥ 8-54-4 (57711)
ସ ମାଗଧାନାଂ ପ୍ରବରୋ ମହାବଲୋଽ--
ଶୁଭଗ୍ରହୋ ଯୋଧଗଣୈଃ ସମନ୍ବିତଃ।
ସପତ୍ନସେନାଂ ପ୍ରମମାଥ ଦାରୁଣୋ
ଭୀମଂ ସମଗ୍ରାଂ ବଲବାନିବ ଗ୍ରହମ୍॥ 8-54-5 (57712)
ସୁକଲ୍ପିତଂ ଦାନବନାଗସନ୍ନିଭଂ
ମହାଭ୍ରନିର୍ହାଦସମସ୍ବନଂ ରଣେ।
ସମାସ୍ଥିତୋ ନାଗବରଂ ନରେଶ୍ବରୋ
ରଥାଶ୍ବମାତଙ୍ଗନରପ୍ରମାଥିନମ୍॥ 8-54-6 (57713)
ସ ନାଗଯନ୍ତୄନ୍ସମରେ ମହାରଥା--
ନ୍ସପତ୍ତିସଙ୍ଘାଂସ୍ତୁରଗାନ୍ସସାଦିନଃ।
ଦ୍ବିପାଂଶ୍ଚ ବାଣୈର୍ନିଜଘାନ ବୀର୍ଯବା--
ନ୍ସମନ୍ତତୋ ଘ୍ନନ୍ନିବ କାଲଚକ୍ରବତ୍॥ 8-54-7 (57714)
ନରାଂସ୍ତୁ କାଂସ୍ଯାଯସବର୍ମଭୂଷଣା--
ନ୍ନିପାତ୍ଯ ସାଶ୍ବାନପି ପତ୍ତିଭିଃ ସହ।
ବ୍ଯପୋଥଯଦ୍ଦନ୍ତିବରେଣ ଶୁଷ୍ମିଣା
ସଶବ୍ଦବତ୍ସ୍ଥୂଲନଲଂ ଯଥା ତଥା॥ 8-54-8 (57715)
ଅଥାର୍ଜୁନୋ ଜ୍ଯାତଲନେମିନିଃସ୍ବନେ
ମୃଦଙ୍ଗଭେରୀବହୁଶଙ୍ଖନାଦିତେ।
ରଥାଶ୍ବମାତଙ୍ଗସହସ୍ରନାଦିତେ
ରଥୋତ୍ତମେନାଭ୍ଯପତଦ୍ଦ୍ବିପୋତ୍ତମମ୍॥ 8-54-9 (57716)
ତତୋଽର୍ଜୁନଂ ଦ୍ବାଦଶଭିଃ ଶରୋତ୍ତମୈ--
ର୍ଜନାର୍ଦନଂ ଷୋଡଶଭିଃ ସମାର୍ପଯତ୍।
ସ ଦଣ଼୍ଡଧାରସ୍ତୁରଗାଂସ୍ତ୍ରିଭିସ୍ତ୍ରିଭି---
ସ୍ତତୋ ନନାଦ ପ୍ରଜହାସ ଚାସକୃତ୍॥ 8-54-10 (57717)
ତତୋଽସ୍ଯ ପାର୍ଥଃ ସଗୁଣେଷୁକାର୍ମୁକଂ
ଚକର୍ତ ଭଲ୍ଲୈର୍ଧ୍ବଜମପ୍ଯଲଙ୍କୃତମ୍।
ପୁନର୍ନିଯନ୍ତୄନ୍ସହପାଦଗୋପ୍ତୃଭି--
ସ୍ତତଃ ସ ଚୁକ୍ରୋଧ ଗିରିବ୍ରଜେଶ୍ବରଃ॥ 8-54-11 (57718)
ତତୋଽର୍ଜୁନଂ ଭିନ୍ନକଟେନ ଦନ୍ତିନା
ଘନାଘନେନାନିଲତୁଲ୍ଯରଂହସା।
ଅତୀବ ଚୁକ୍ରୋଧଯିଷୁର୍ଜନାର୍ଦନଂ
ଘନଞ୍ଜଯଂ ଚାଭିଜଘାନ ତୋମରୈଃ॥ 8-54-12 (57719)
ଅଥାସ୍ଯ ବାହୂ ଦ୍ବିପହସ୍ତସନ୍ନିଭୌ
ଶିରଶ୍ଚ ପୂର୍ଣେନ୍ଦୁନିଭାନନଂ ତ୍ରିଭିଃ।
କ୍ଷୁରୈଃ ପ୍ରଚିଚ୍ଛେଦ ସହୈବ ପାଣ୍ଡବ--
ସ୍ତତୋ ଦ୍ବିପଂ ବାଣଶତୈଃ ସମର୍ପଯତ୍॥ 8-54-13 (57720)
ସ ପାର୍ଥବାଣୈସ୍ତପନୀଯଭୂଷଣୈଃ
ସମାବୃତଃ କାଞ୍ଚନବର୍ମଭୃଦ୍ଦ୍ବିପଃ।
ଭୃଶଂ ଚକାଶେ ନିଶି ପର୍ବତୋ ଯଥା
ଦାବାଗ୍ନିନା ପ୍ରଜ୍ବଲିତୌଷଧିଦ୍ରୁମଃ॥ 8-54-14 (57721)
ସ ବେଦନାର୍ତୋଽମ୍ବୁଦନିସ୍ବନୋ ନଦଂ--
ଶ୍ଚରନ୍ଭ୍ରମନ୍ପ୍ରସ୍ସ୍ବଲିତାନ୍ତରୋଽଦ୍ରବତ୍।
ପପାତ ରୁଗ୍ଣଃ ସନିଯନ୍ତୃକସ୍ତଥା॥
ଯଥା ଗିରିର୍ବଜ୍ରବିଦାରିତସ୍ତଥା॥ 8-54-15 (57722)
ହିମାବଦାନେନ ସୁବର୍ଣମାଲିନା
ହିମାଦ୍ରିକୂଟପ୍ରତିମେନ ଦନ୍ତିନା।
ହତେ ରଣେ ଭ୍ରାତରି ଦଣ୍ଡ ଆବ୍ରଜ--
ଜ୍ଜିଘାଂସୁରିନ୍ଦ୍ରାବରଜଂ ଧନଞ୍ଜଯମ୍॥ 8-54-16 (57723)
ସତୋମରୈରର୍କରପ୍ରଭୈସ୍ତ୍ରିଭି--
ର୍ଜନାର୍ଦନଂ ପଞ୍ଚଭିରର୍ଜୁନଂ ଶିତୈଃ।
ସମର୍ପଯିତ୍ବା ବିନନାଦ ଚାର୍ଦଯଂ--
ସ୍ତତୋଽସ୍ଯ ବାହୂ ନିଚକର୍ତ ପାଣ୍ଡବଃ॥ 8-54-17 (57724)
କ୍ଷୁରପ୍ରକୃତ୍ତୌ ବିପୁଲୌ ସତୋମରୌ
ଶୁଭାଙ୍ଗଦୌ ଚନ୍ଦନରୂଷିତୌ ଭୁଜୌ।
ଗଜାତ୍ପତନ୍ତୌ ଯୁଗପଦ୍ବିରେଜତୁ--
ର୍ଯଥୋରଗୌ ପର୍ବତଶୃଙ୍ଗବନ୍ମହୀମ୍॥ 8-54-18 (57725)
ଅଥାଽର୍ଧଚନ୍ଦ୍ରେଣ ହତଂ କିରୀଟିନା
ପପାତ ଦଣ୍ଡସ୍ଯ ଶିରଃ କ୍ଷିତିଂ ଦ୍ବିପାତ୍।
ସ ଶୋଣିତାର୍ଦ୍ରୋ ନିପତନ୍ବିରେଜେ
ଦିବାକରୋଽସ୍ତାଦିବ ପଶ୍ଚିମାଂ ଦିଶମ୍॥ 8-54-19 (57726)
ଅଥ ଦ୍ବିପଂ ଶ୍ବେତନଗାଗ୍ରସନ୍ନିଭଂ
ଦିବାକରାଂଶୁପ୍ରତିମୈଃ ଶରୋତ୍ତମୈଃ।
ବିଭେଦ ପାର୍ଥଃ ସ ପପାତ ନାଦଯନ୍
ହିମାଦ୍ରିକୂଟଂ କୁଲିଶାହତଂ ଯଥା॥ 8-54-20 (57727)
ତତୋଽପରଂ ତତ୍ପ୍ରତିମା ଗଜୋତ୍ତମା
ଜିଗୀଷବଃ ସଂଯତି ସବ୍ଯସାଚିନା।
ତଥା କୃତାସ୍ତେଽପି ଯଥୈବ ତୌ ଦ୍ବିପୌ
ତତଃ ପ୍ରଭଗ୍ନଂ ସୁମହଦ୍ରିପୋର୍ବଲମ୍॥ 8-54-21 (57728)
ଗଜା ରଥାଶ୍ବାଃ ପୁରୁଷାଶ୍ଚ ସଙ୍ଘଶଃ
ପରସ୍ପରଘ୍ନାଃ ପରିପେତୁରାହବେ।
ପରସ୍ପରଂ ପ୍ରସ୍ଖଲିତାଃ ସମାହତା
ଭୃଶଂ ଚ ତତ୍ତଦ୍ବହୁଭାଷିଣୋ ହତାଃ॥ 8-54-22 (57729)
ଅଥାର୍ଜୁନଂ ସ୍ବେ ପରିବାର୍ଯ ସୈନିକାଃ
ପୁରନ୍ଦରଂ ଦେବଗଣା ଇବାବ୍ରୁବନ୍।
ଅଭୈଷ୍ମ ଯସ୍ମାନ୍ମରଣାଦିବ ପ୍ରଜାଃ
ସ ବୀର ଦିଷ୍ଟ୍ଯା ନିହତସ୍ତ୍ବଯା ରିପୁଃ॥ 8-54-23 (57730)
ନ ଚେତ୍ପରିତ୍ରାସ୍ଯଦିମାଞ୍ଜନାନ୍ଭଯା--
ଦ୍ଦ୍ବିଷଦ୍ଭିରେବଂ ବଲିଭିଃ ପ୍ରପୀଡିତାନ୍।
ତଥାଽଭବିଷ୍ଯଦ୍ଦ୍ବିଷତାଂ ପ୍ରମୋଦନଂ
ଯଥା ହତେଷ୍ବେଷ୍ବିହ ନୋଽରିସୂଦନ॥ 8-54-24 (57731)
ଇତୀବ ଭୂଯଶ୍ଚ ସୁହୃଦ୍ଭିରୀଡିତା
ନିଶମ୍ଯ ବାଚଃ ସୁମନାସ୍ତଦାଽର୍ଜୁନଃ।
ଯଥାଽନୁରୂପଂ ପ୍ରତିପୂଜ୍ଯ ତଂ ଜନଂ
ଜଗାମ ସଂଶପ୍ତକସଙ୍ଘହା ପୁନଃ॥ ॥ 8-54-25 (57732)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଚତୁଃପଞ୍ଚାଶୋଽଧ୍ଯାଯଃ॥ 54 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.55. ଅଧ୍ଯାଯଃ 055
Mahabharata - Karna Parva - Chapter Topics
ଅର୍ଜୁନେନ ସଂଶପ୍ତକାନାଂ ବଧଃ॥ 1 ॥
Mahabharata - Karna Parva - Chapter Text
8-55-0 (57733)
ସଞ୍ଜଯ ଉବାଚ। 8-55-0x (4975)
ପ୍ରତ୍ଯେତ୍ଯାଥ ପୁନର୍ଜିଷ୍ଣୁର୍ଜିତ୍ବା ସଂଶପ୍ତକାନ୍ବଭୌ।
ବକ୍ରାନୁବକ୍ରଗମନାଦଙ୍ଗାରକ ଇବ ଗ୍ରହଃ॥ 8-55-1 (57734)
ପାର୍ଥବାଣହତା ରାଜନ୍ନରାଶ୍ବରଥକୁଞ୍ଜରାଃ।
ବିଚେଲୁର୍ବଭ୍ରମୁର୍ନେଶୁଃ ପେତୁର୍ମମ୍ଲୁଶ୍ଚ ଭାରତ॥ 8-55-2 (57735)
ଧୁର୍ଯାନ୍ଧୁର୍ଯେତରାନ୍ସୂତାନ୍ଧ୍ବଜାଂଶ୍ଚପାସିସାଯକାନ୍।
ପାଣୀନ୍ପାଣିଗତାଞ୍ଶସ୍ତ୍ରାନ୍ବାହୂନପି ଶିରାଂସି ଚ॥ 8-55-3 (57736)
ଭଲ୍ଲୈଃ କ୍ଷୁରୈରର୍ଧଚନ୍ଦ୍ରୈର୍ବତ୍ସଦନ୍ତୈଶ୍ଚ ପାଣ୍ଡବଃ।
ଚିଚ୍ଛେଦାମିତ୍ରବୀରାଣାଂ ସମରେ ପ୍ରତିଯୁଧ୍ଯତାମ୍॥ 8-55-4 (57737)
ତଂ ପ୍ରବୀରାସ୍ତ୍ବଦୀଯାନାଂ ନର୍ଦମାନାଽଭିଦୁଦ୍ରୁବୁଃ।
ବାସିତାର୍ଥେ ଯୁଯୁତ୍ସନ୍ତୋ ବୃଷଭା ବୃଷଭଂ ଯଥା।
ନିପତନ୍ତ୍ଯର୍ଜୁନଂ ଶୂରାଃ ଶତଶୋଽଥ ସହସ୍ରଶଃ॥ 8-55-5 (57738)
ତେଷାଂ ତସ୍ଯ ଚ ତଦ୍ଯୁଦ୍ଧମଭବଦ୍ରୋମହର୍ଷଣମ୍।
ତ୍ରୈଲୋକ୍ଯବିଜଯେ ଯାଦୃଗ୍ଦୈତ୍ଯାନାଂ ସହ ବଜ୍ରିଣା॥ 8-55-6 (57739)
ତମବିଧ୍ଯତ୍ତ୍ରିଭିର୍ବାଣୈର୍ଦନ୍ଦଶୂକୈରିବାହିଭିଃ।
ଉଗ୍ରାଯୁଧସ୍ଯ ତସ୍ଯାଶୁ ଶିରଃ କାଯାଦପାହରତ୍॥ 8-55-7 (57740)
ତେଽର୍ଜୁନଂ ସର୍ବତଃ କ୍ରୁଦ୍ଧା ନାନାଶସ୍ତ୍ରୈରବୀବୃଷନ୍।
ମରୁଦ୍ଭିଃ ପ୍ରେରିତା ମେଘା ହିମବନ୍ତମିବୋଷ୍ଣଗେ॥ 8-55-8 (57741)
ଅସ୍ତ୍ରୈରସ୍ତ୍ରାଣିଂ ସଂବାର୍ଯ ଦ୍ବିଷତାଂ ସର୍ବତୋଽର୍ଜୁନଃ।
ସମ୍ଯଗସ୍ତୈଃ ଶରୈଃ ସର୍ବାନହିତାନହନଦ୍ବହୂନ୍॥ 8-55-9 (57742)
ଛିନ୍ନତ୍ରିବେଣୁଜଙ୍ଘେଷାନ୍ହତାଶ୍ବାନ୍ହତସାରଥୀନ୍।
ବିସ୍ରସ୍ତହସ୍ତତୂଣୀରାନ୍ବିଚକ୍ରଥକେତନାନ୍॥ 8-55-10 (57743)
ସଞ୍ଛିନ୍ନରଶ୍ମିଯୋକ୍ତ୍ରାକ୍ଷାନ୍ବ୍ଯନୁକର୍ଷଯୁଗାନ୍ରଥାନ୍।
ବିଧ୍ବସ୍ତସର୍ବସନ୍ନାହାନ୍ବାଣୈଶ୍ଚକ୍ରେଽର୍ଜୁନସ୍ତ୍ବରନ୍॥ 8-55-11 (57744)
ତେ ରଥାସ୍ତତ୍ର ବିଧ୍ବସ୍ତାଃ ପରାର୍ଦ୍ବ୍ଯା ଭାନ୍ତ୍ଯନେକଶଃ।
ଧନିନାମିବ ବେଶ୍ମାନି ହତାନ୍ଯଗ୍ନ୍ଯନିଲାମ୍ବୁଭିଃ॥ 8-55-12 (57745)
ଦ୍ବିପାଃ ସମ୍ଭିନ୍ନମର୍ମାଣୋ ବଜ୍ରାଶନିସମୈଃ ଶରୈଃ।
ପେତୁର୍ଗିର୍ଯଗ୍ରବେଶ୍ମାନି ବଜ୍ରବାତାଗ୍ନିଭିର୍ଯଥା॥ 8-55-13 (57746)
ଅନେକୈଶ୍ଚ ଶିଲାଧୌତୈର୍ବଜ୍ରାନଲବିଷୋପମୈଃ।
ଶରୈର୍ନିଜଘ୍ନିବାନ୍ପାର୍ଥୋ ମହେନ୍ଦ୍ର ଇବ ଦାନବାନ୍॥ 8-55-14 (57747)
ସାରୋହାସ୍ତୁରଗାଃ ପେତୁର୍ବହବୋଽର୍ଜୁନତାଡିତାଃ।
ନିର୍ଜିହ୍ବାନ୍ତ୍ରାଃ କ୍ଷିତୌ କ୍ଷୀଣା ରୁଧିରାର୍ଦ୍ରାଃ ସୁଦୁର୍ଦୃଶଃ॥ 8-55-15 (57748)
ନରାଶ୍ବନାଗା ନାରାଚୈଃ ସଂସ୍ଯୂତାଃ ସବ୍ଯସାଚିନା।
ବଭ୍ରମୁଶ୍ଚସ୍ଖଲୁଃ ପେତୁର୍ନେଦୁର୍ମମ୍ଲୁଶ୍ଚ ମାରିଷ॥ 8-55-16 (57749)
ମହାର୍ହବର୍ମାଭରଣା ନାନାରୂପାମ୍ବରାଯୁଧାଃ।
ସରଥାଶ୍ବଦ୍ବିପା ବୀରା ହତାଃ ପାର୍ଥେନ ଶେରତେ॥ 8-55-17 (57750)
ନିର୍ଭଯାଃ ପୁଣ୍ଯକର୍ମାଣୋ ବିଶିଷ୍ଟାଭିଜନଶ୍ରୁତାଃ।
ଗତାଃ ଶରୀରୈର୍ବସୁଧାମୂର୍ଜିତୈଃ କର୍ମଭିର୍ଦିବମ୍॥ 8-55-18 (57751)
ଅଥାର୍ଜୁନରଥଂ ବୀରାସ୍ତ୍ବଦୀଯାଃ ସମଭିଦ୍ରବନ୍।
ନାନାଜନପଦାଧ୍ଯକ୍ଷାଃ ସଗଣା ଜାତମନ୍ଯବଃ॥ 8-55-19 (57752)
ଉହ୍ଯମନା ରଥାଶ୍ବେଭୈଃ ପତ୍ତଯଶ୍ଚ ଜିଘାଂସବଃ।
ସମଭ୍ଯଧାବନ୍ନସ୍ଯନ୍ତୋ ବିବିଧଂ କ୍ଷିପ୍ରମାଯୁଧମ୍॥ 8-55-20 (57753)
ତଦାଯୁଧମହାବର୍ଷଂ କ୍ଷିପ୍ତଂ ଯୋଧମହାମ୍ବୁଦୈଃ।
ବ୍ଯଧମନ୍ନିଶିତୈର୍ବାଣୈଃ କ୍ଷିପ୍ରମର୍ଜୁନମାରୁତଃ॥ 8-55-21 (57754)
ସାଶ୍ବପତ୍ତିଦ୍ବିପରଥଂ ମହାଶସ୍ତ୍ରୌଘସମ୍ପ୍ଲବମ୍॥
ସହସା ସନ୍ତିତୀର୍ଷନ୍ତଂ ପାର୍ଥଂ ଶସ୍ତ୍ରାସ୍ତ୍ରସେତୁନା॥ 8-55-22 (57755)
ଅଥାବ୍ରବୀଦ୍ବାସୁଦେବଃ ପାର୍ଥ କିଂ କ୍ରୀଡସେଽନଘ।
ସଂଶପ୍ତକାନ୍ପ୍ରମଥ୍ଯୈନାଂସ୍ତତଃ କର୍ଣବଧେ ତ୍ବର॥ 8-55-23 (57756)
ତଥେତ୍ଯୁକ୍ତ୍ବାଽର୍ଜୁନଃ କୃଷ୍ଣଂ ଶିଷ୍ଟାନ୍ସଂଶପ୍ତକାଂସ୍ତଦା।
କ୍ଷପଯିଷ୍ଯଂସ୍ତଦା ବାଣୈର୍ଦୈତ୍ଯାନିନ୍ଦ୍ର ଇବାବଧୀତ୍॥ 8-55-24 (57757)
ଆଦଦତ୍ସନ୍ଦଧନ୍ନେଷୃନ୍ଦୃଷ୍ଟଃ କୈଶ୍ଚିଦ୍ରଣେଽର୍ଜୁନଃ।
ବିମୁଞ୍ଚନ୍ବା ଶରାଞ୍ଶୀଘ୍ରଂ ଦୃଶ୍ଯନ୍ତେ ବୈ ନରା ହତାଃ॥ 8-55-25 (57758)
ଆଶ୍ଚର୍ଯମିତି ଗୋବିନ୍ଦୋ ବ୍ରୁବନ୍ନଶ୍ବାନଚୋଦଯତ୍।
ହଂସାଂଶୁଗୌରାସ୍ତେ ସେନାଂ ହଂସାଃ ସର ଇବାବିଶନ୍॥ 8-55-26 (57759)
ତତଃ ସଙ୍ଗ୍ରାମଭୂମିଂ ତାଂ ବର୍ତମାନେ ଜନକ୍ଷଯେ।
ଅବେକ୍ଷମାଣୋ ଗୋବିନ୍ଦଃ ସବ୍ଯସାଚିନମବ୍ରବୀତ୍॥ 8-55-27 (57760)
ଏଷ ପାର୍ଥ ମହାରୌଦ୍ରୋ ବର୍ତତେ ଭରତକ୍ଷଯଃ।
ପୃଥିବ୍ଯାଂ ପାର୍ଥିବାନାଂ ବୈ ଦୁର୍ଯୋଧନକୃତେ ମହାନ୍॥ 8-55-28 (57761)
ପଶ୍ଯ ଭାରତ ଚାପାନି ରୁକ୍ମପୃଷ୍ଠାନି ଧନ୍ବିନାମ୍।
ହତାନାମପବିଦ୍ଧାନି କଲାପାନିଷୁଧୀଂସ୍ତଥା॥ 8-55-29 (57762)
ଜାତରୂପମଯୈଃ ପୁଙ୍ଖୈଃ ଶରାଂଶ୍ଚ ନତପର୍ବଣଃ।
ତୈଲଧୌତାଂଶ୍ଚ ନାରାଚାନ୍ନିର୍ମୁକ୍ତାନିବ ପନ୍ନଗାନ୍॥ 8-55-30 (57763)
ଆକୀର୍ଣାଂସ୍ତୋମରାନ୍ବାହାଂଶ୍ଛତ୍ରାନ୍ହେମବିଭୂଷିତାନ୍।
ଚର୍ମାଣି ଚାପବିଦ୍ଧାନି ରୁକ୍ମପୃଷ୍ଠାନି ଭାରତ॥ 8-55-31 (57764)
ସୁବର୍ଣବିକୃତାନ୍ପ୍ରାସାଞ୍ଶକ୍ତୀଃ କନକଭୂଷିତାଃ।
ଜାମ୍ବୂନଦମଯୈଃ ପଟ୍ଟୈର୍ବଦ୍ଧାଶ୍ଚ ବିପୁଲା ଗଦାଃ॥ 8-55-32 (57765)
ଜାତରୂପମଯୀଶ୍ଚର୍ଷ୍ଟୀଃ ପଟ୍ଟସାନ୍ହେମଭୂଷିତାନ୍।
ଦଣ୍ଡୈଃ କନକଚିତ୍ରୈଶ୍ଚ ବିପ୍ରବିଦ୍ଧାନ୍ପରଶ୍ବଥାନ୍॥ 8-55-33 (57766)
ପରିଘାନ୍ଭିଣ୍ଡିପାଲାଂଶ୍ଚ ଭୁଶୁଣ୍ଡୀଃ କଣପାନପି।
ଅଯସ୍କୁନ୍ତାଂଶ୍ଚ ପତିତାନ୍ମୁସଲାନି ଗୁରୂଣି ଚ॥ 8-55-34 (57767)
ନାନାବିଧାନି ଶସ୍ତ୍ରାଣି ପ୍ରଗୃହ୍ଯ ଜଯଗୃଦ୍ଧିନଃ।
ଜୀବନ୍ତ ଇବ ଦୃଶ୍ଯନ୍ତେ ଗତସତ୍ବାସ୍ତରସ୍ବିନଃ॥ 8-55-35 (57768)
ଗଦାବିମଥିତୈର୍ଗାତ୍ରୈର୍ମୁସଲୈର୍ଭିନ୍ନମସ୍ତକାନ୍।
ଗଜବାଜିରଥୈଃ କ୍ଷୁଣ୍ଣାନ୍ପଶ୍ଯ ଯୋଧାନ୍ସହସ୍ରଶଃ॥ 8-55-36 (57769)
ମନୁଷ୍ଯଗଜବାଜୀନାଂ ଶରଶକ୍ତ୍ଯୃଷ୍ଟିତୋମରୈଃ।
ନିସ୍ତ୍ରିଂଶୈଃ ପଟ୍ଟସୈଃ ପ୍ରାସୈର୍ନଖରୈର୍ଲଗୁଡୈରପି॥ 8-55-37 (57770)
ଶରୀରୈର୍ବହୁଘା ଛିନ୍ନୈଃ ଶୋଣିତୌଘପରିପ୍ଲୁତୈଃ।
ଗତାସୁଭିରମିତ୍ରଘ୍ନ ସଂବୃତା ରଣଭୂମଯଃ॥ 8-55-38 (57771)
ବାହୁଭିଶ୍ଚନ୍ଦନାଦିଗ୍ଧୈଃ ସାଙ୍ଗଦୈଃ ଶୁଭଭୂଷଣୈଃ।
ସତଲତ୍ରୈଃ ସକେଯୂରୈର୍ଭାତି ଭାରତ ମେଦିନୀ॥ 8-55-39 (57772)
ସାଙ୍ଗୁଲିତ୍ରୈର୍ଭୁଜାଗ୍ରୈଶ୍ଚ ବିପ୍ରବିଦ୍ବୈରଲଙ୍କୃତୈଃ।
ହସ୍ତିହସ୍ତୋପମୈଶ୍ଛିନ୍ନୈରୂରୁଭିଶ୍ଚ ତରସ୍ବିନାମ୍॥ 8-55-40 (57773)
ବଦ୍ଧଚୂଡାମଣିବରୈଃ ଶିରୋଭିଶ୍ଚ ସକୁଣ୍ଡଲୈଃ।
`ନିକୃତ୍ତୈର୍ବୃଷଭାକ୍ଷାଣାଂ ଶରୀରୈଶ୍ଚାପି ସଙ୍ଘଶଃ॥ 8-55-41 (57774)
ଗଜବାଜିମନୁଷ୍ଯାଣାଂ ଶରଶକ୍ତ୍ଯୃଷ୍ଟିତୋମରୈଃ।
କବନ୍ଧୈଃ ଶୋଣିତାଦିଗ୍ଧୈଶ୍ଛିନ୍ନଗାତ୍ରଶିରୋଧରୈଃ।
ଭୂର୍ଭାତି ଭରତଶ୍ରେଷ୍ଠ ଶାନ୍ତାଗ୍ନିଭିରିବାଧ୍ବରେ'॥ 8-55-42 (57775)
ରଥାଂଶ୍ଚ ବହୁଧା ଭଗ୍ନାନ୍ହେମକିଙ୍କିଣିନଃ ଶୁଭାନ୍।
ଅଶ୍ବାଂଶ୍ଚ ବୁହଧା ପଶ୍ଯ ଶୋଣିତେନ ପରିପ୍ଲୁତାନ୍॥ 8-55-43 (57776)
ଅନୁକର୍ଷାନୁପାସଙ୍ଗାନ୍ପତାକା ବିବିଧାନ୍ଧ୍ବଜାନ୍।
ଯୋଧାନାଂ ଚ ମହାଶଙ୍ଖାନ୍ପାଣ୍ଡୁରାଂଶ୍ଚ ପ୍ରକୀର୍ଣକାନ୍।
ନିରସ୍ତଜିହ୍ବାନ୍ମାତଙ୍ଗାଞ୍ଶଯାନାନ୍ପର୍ବତୋପମାନ୍॥ 8-55-44 (57777)
ବୈଜଯନ୍ତୀର୍ବିଚିତ୍ରାଶ୍ଚ ହତାଂଶ୍ଚ ଗଜଯୋଧିନଃ।
ବାରଣାନାଂ ପରିସ୍ତୋମାନ୍ସଂଯୁକ୍ତାନେକକମ୍ବଲାନ୍॥ 8-55-45 (57778)
ବିପାଟିତବିଚିତ୍ରାଶ୍ଚ ରୂପଚିତ୍ରାଃ କୁଥାସ୍ତଥା।
ଭିନ୍ନାଶ୍ଚ ବହୁଧା ଘଣ୍ଟାଃ ପତଦ୍ଭିଶ୍ଚୂର୍ଣିତା ଗଜୈଃ॥ 8-55-46 (57779)
ବୈଦୂର୍ଯମଣିଦଣ୍ଡାଂଶ୍ଚ ପତିତାଂଶ୍ଚାଙ୍କୁଶାନ୍ଭୁବି।
ଅଶ୍ବାନାଂ ଚ ଯୁଗାପୀଡାନ୍ରତ୍ନଚିତ୍ରାନୁରଶ୍ଛଦାନ୍॥ 8-55-47 (57780)
ବିଦ୍ଧାଃ ସାଦିଧ୍ବଜାଗ୍ରେଷୁ ସୁବର୍ଣବିକୃତାଃ କୁଥାଃ।
ବିଚିତ୍ରାନ୍ମଣିଚିତ୍ରାଂଶ୍ଚ ଜାତରୂପପରିଷ୍କୃତାନ୍॥ 8-55-48 (57781)
ଅଶ୍ବାସ୍ତରପରିସ୍ତୋମାନ୍ରାଙ୍କବାନ୍ପତିତାନ୍ଭୁବି।
ଚୂଡାମଣୀନ୍ନରେନ୍ଦ୍ରାଣାଂ ବିଚିତ୍ରାଃ କାଞ୍ଚନସ୍ରଜଃ।
ଛତ୍ରାଣି ଚାପବିଦ୍ଧାନି ଚାମରବ୍ଯଜନାନି ଚ॥ 8-55-49 (57782)
ଚନ୍ଦ୍ରନକ୍ଷତ୍ରଭାସୈଶ୍ଚ ବଦନୈଶ୍ଚାରୁକୁଣ୍ଡଲୈଃ।
କ୍ଲୃପ୍ତଶ୍ମଶ୍ରୁଭିରତ୍ଯର୍ଥଂ ବୀରାଣାଂ ସମଲଙ୍କୃତୈଃ।
ବଦନୈଃ ପଶ୍ଯ ସଞ୍ଛନ୍ନାଂ ମହୀଂ ଶୋଣିତକର୍ଦମାମ୍॥ 8-55-50 (57783)
ସଜୀବାଂଶ୍ଚ ନରାନ୍ପଶ୍ଯ କୂଜମାନାନ୍ସମନ୍ତତଃ।
ଉପାସ୍ଯମାନାଂଶ୍ଚ ବହୂନ୍ନ୍ଯସ୍ତଶସ୍ତ୍ରୈଶ୍ଚ ଭୂପତେ।
ଜ୍ଞାତିଭିଶ୍ଚ ଜଲକ୍ଲିନ୍ନାନ୍ରୋଦମାନୈର୍ମୁହୁର୍ମୁହୁଃ॥ 8-55-51 (57784)
ଉତ୍କ୍ରାନ୍ତାନପରାନ୍ଯୋଧାଞ୍ଛାଦଯିତ୍ବା ତରସ୍ବିନଃ।
ପୁନର୍ଯୁଦ୍ଧାଯ ଗଚ୍ଛନ୍ତି ଜଯେ ଲୁବ୍ଧାଃ ପ୍ରମନ୍ଯବଃ॥ 8-55-52 (57785)
ଅପରେ ତତ୍ରତତ୍ରୈବ ପରିଧାବନ୍ତି ମାନବାଃ।
ସନ୍ନିବୃତ୍ତାଶ୍ଚ ତେ ଶୂରା ଦୃଷ୍ଟା ଚୈତାନ୍ବିଚେତସଃ॥ 8-55-53 (57786)
ଜଲଂ ତ୍ଯକ୍ତ୍ବା ପ୍ରଧାବନ୍ତି କ୍ରୋଶମାନାଃ ପରସ୍ପରମ୍।
ଜଲଂ ପୀତ୍ବା ମୃତାନ୍ପଶ୍ଯ ପିବତୋଽନ୍ଯାଂଶ୍ଚ ଭାରତ॥ 8-55-54 (57787)
ପରିଷ୍ବଜ୍ଯ ପ୍ରିଯାନନ୍ଯେ ବାନ୍ଧବାନ୍ବନ୍ଧୁବତ୍ସଲାଃ।
ବିସଂଜ୍ଞାନ୍ସମରେ ଯୋଧାଂସ୍ତତ୍ରତତ୍ର ମହାରଣେ॥ 8-55-55 (57788)
ପଶ୍ଯାପରାନ୍ନରଶ୍ରେଷ୍ଠ ସନ୍ଦଷ୍ଟୋଷ୍ଠପୁଟାନ୍ପୁନଃ।
ଭୃକୁଟୀକୁଟିଲୈର୍ବକ୍ତ୍ରୈଃ ପ୍ରେକ୍ଷମାଣାନ୍ମହାରଣମ୍॥ 8-55-56 (57789)
ଏତତ୍ତବୈବାନୁରୂପଂ କର୍ମାର୍ଜୁନ ମହାହବେ।
ଦିବି ବା ଦେବରାଜସ୍ଯ ତ୍ବଯା ଯତ୍କୃତମାହବେ॥ 8-55-57 (57790)
ସଞ୍ଜଯ ଉବାଚ। 8-55-58x (4976)
ଏବଂ ତାଂ ଦର୍ଶଯନ୍କୃଷ୍ଣୋ ଯୁଦ୍ଧଭୂମିଂ କିରୀଟିନେ।
ଗଚ୍ଛନ୍ନେବାଶୃଣୋଚ୍ଛବ୍ଦଂ ଦୁର୍ଯୋଧନବଲେ ମହତ୍॥ 8-55-58 (57791)
ଶଙ୍ଖଦୁନ୍ଦୁଭିନିର୍ଘୋଷଂ ଭେରୀପଣବନିଃସ୍ବନମ୍।
ରଥାଶ୍ବନରନାଗାନାଂ ପାଦଶବ୍ଦାଂଶ୍ଚ ଦାରୁଣାନ୍॥ 8-55-59 (57792)
ପ୍ରବିଶ୍ଯ ତଦ୍ବଲଂ କୃଷ୍ଣସ୍ତୁରଗୈର୍ବାତବେଗିତୈଃ।
ପାଣ୍ଡ୍ଯେନାଭ୍ଯର୍ଦିତଂ ସୈନ୍ଯଂ ତ୍ବଦୀଯଂ ବୀକ୍ଷ୍ଯ ବିସ୍ମିତଃ॥ 8-55-60 (57793)
ସ ହି ନାନାବିଧୈର୍ବାଣୈରିଷ୍ବସ୍ତ୍ରପ୍ରବରୋ ଯୁଧି।
ନ୍ଯହନଦ୍ଦ୍ବିଷତାଂ ପୂଗାନ୍ଗତାସୂନନ୍ତକୋ ଯଥା॥ 8-55-61 (57794)
ଗଜବାଜିମନୁଷ୍ଯାଣାଂ ଶରୀରାଣି ଶିତୈଃ ଶରୈଃ।
ଭିତ୍ତ୍ବା ପ୍ରହରତାଂ ଶ୍ରେଷ୍ଠୋ ବିଦେହାସୂନପାତଯତ୍॥ 8-55-62 (57795)
ଶତ୍ରୁପ୍ରବୀରୈରସ୍ତ୍ରାଣି ନାନାଶସ୍ତ୍ରାଣି ସାଯକୈଃ।
ଛିତ୍ତ୍ବା ତାନବଧୀଚ୍ଛତ୍ରୂନ୍ପାଣ୍ଡ୍ଯଃ ଶକ୍ର ଇବାସୁରାନ୍॥ ॥ 8-55-63 (57796)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ପଞ୍ଚପଞ୍ଚାଶୋଽଧ୍ଯାଯଃ॥ 55 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.56. ଅଧ୍ଯାଯଃ 056
Mahabharata - Karna Parva - Chapter Topics
ଅଶ୍ବତ୍ଥାମ୍ନା ପାଣ୍ଡ୍ଯବଧଃ॥ 1 ॥
Mahabharata - Karna Parva - Chapter Text
8-56-0 (57797)
ଧୃତରାଷ୍ଟ୍ର ଉବାଚ। 8-56-0x (4977)
ପ୍ରୋକ୍ତସ୍ତ୍ବଯା ପୂର୍ବମେବ ପ୍ରବୀରୋ ଲୋକବିଶ୍ରୁତଃ।
ନ ତ୍ବସ୍ଯ କର୍ମ ସଙ୍ଗ୍ରାମେ ତ୍ବଯା ସଞ୍ଜଯ କୀର୍ତିତମ୍॥ 8-56-1 (57798)
ତସ୍ଯ ବିସ୍ତରଶୋ ବ୍ରୂହି ପ୍ରବୀରସ୍ଯାଦ୍ଯ ବିକ୍ରମମ୍।
ଶିକ୍ଷାଂ ପ୍ରଭାବଂ ବୀର୍ଯଂ ଚ ପ୍ରମାଣଂ ଦର୍ପମେବ ଚ॥ 8-56-2 (57799)
ସଞ୍ଜଯ ଉବାଚ। 8-56-3x (4978)
ଭୀଷ୍ମଦ୍ରୋଣକୃପଦ୍ରୌଣିକର୍ଣାର୍ଜୁନଜନାର୍ଦନାନ୍।
ସମାପ୍ତବିଦ୍ଯାନ୍ଧନୁଷି ଶ୍ରେଷ୍ଠାନ୍ଯାନ୍ସପ୍ତ ମନ୍ଯସେ॥ 8-56-3 (57800)
ଯୋ ହ୍ଯାକ୍ଷିପତି ବୀର୍ଯେଣ ସର୍ବାନେତାନ୍ମହାରଥାନ୍।
ନ ମେନେ ଚାତ୍ମନା ତୁଲ୍ଯଂ କଞ୍ଚିଦେବ ନରେଶ୍ବରମ୍॥ 8-56-4 (57801)
ତୁଲ୍ଯତାଂଦ୍ରୋଣଭୀଷ୍ମାଭ୍ଯାମାତ୍ମନୋ ଯୋ ନ ମୃଷ୍ଯତେ।
ବାସୁଦେବାର୍ଜୁନାଭ୍ଯାଂ ଚ ନ୍ଯୂନତାଂ ନୈଚ୍ଛତାତ୍ମନି॥ 8-56-5 (57802)
ସ ପାଣ୍ଡ୍ଯୋଽର୍ଥପତିଶ୍ରେଷ୍ଠଃ ସର୍ବଶସ୍ତ୍ରଭୃତାଂ ବରଃ।
କର୍ଣସ୍ଯାନୀକମହନତ୍ପାଶହସ୍ତ ଇବାନ୍ତକଃ॥ 8-56-6 (57803)
ତଦୁଦୀର୍ଣରଥାଶ୍ବେଭଂ ପତ୍ତିପ୍ରବରସଙ୍କୁଲମ୍।
କୁଲାଲଚକ୍ରବଦ୍ଧାନ୍ତଂ ପାଣ୍ଡ୍ଯେନାଭ୍ଯାହତଂ ବଲାତ୍॥ 8-56-7 (57804)
ବ୍ଯଶ୍ବସୂତଧ୍ବଜରଥାନ୍ବିପ୍ରଯୁକ୍ତଯୁଗାନ୍ରଥାନ୍।
ସମ୍ଯଗସ୍ତୈଃ ଶରୈଃ ପାଣ୍ଡ୍ଯୋ ବାଯୁର୍ମେଘାନିବାକ୍ଷିପତ୍॥ 8-56-8 (57805)
ଦ୍ବିରଦାନ୍ପ୍ରବରାରୋହାନ୍ବିପତାକାଯୁଧଧ୍ବଜାନ୍।
ସ ପାଦରକ୍ଷାନହନଦ୍ବଜ୍ରେଣାଦ୍ରୀନିବାଦ୍ରିହା॥ 8-56-9 (57806)
ସ ଶକ୍ତିପ୍ରାସତୂଣୀରାନଶ୍ବାରୋହାନ୍ହଯାନପି।
ପୁଲିନ୍ଦଖସବାହ୍ଲୀକନିଷାଦାନ୍ଧ୍ରକକୁନ୍ତଲାନ୍॥ 8-56-10 (57807)
ଦାକ୍ଷିଣାତ୍ଯାଂଶ୍ଚ ଭୋଜାଂଶ୍ଚ ଶୂରାନ୍ସଙ୍ଗ୍ରାମକର୍କଶାନ୍।
ବିଶସ୍ତ୍ରକବଚାନ୍ବାଣୈଃ କୃତ୍ବା ପାଣ୍ଡ୍ଯୋଽକରୋଦ୍ବ୍ଯସୂନ୍॥ 8-56-11 (57808)
ଚତୁରଙ୍ଗଂ ବଲଂ ବାଣୈର୍ନିଘ୍ନନ୍ତଂ ପାଣ୍ଡଯମାହବେ।
ଦୃଷ୍ଟ୍ବା ଦ୍ରୌଣିରସମ୍ଭ୍ରାନ୍ତମସମ୍ଭ୍ରାନ୍ତସ୍ତତୋଽଭ୍ଯଯାତ୍॥ 8-56-12 (57809)
ଆଭାଷ୍ଯ ଚୈନଂ ମଧୁରମଭୀତଂ ତମଭୀତବତ୍।
ପ୍ରାହ ପ୍ରହରତାଂ ଶ୍ରେଷ୍ଠଃ ସ୍ମିତପୂର୍ବଂ ସମାହ୍ବଯତ୍॥ 8-56-13 (57810)
ରାଜନ୍କମଲପତ୍ରାକ୍ଷ ପ୍ରଧାନାଯୁଧବାହନ।
ବଜ୍ରସଂହନନପ୍ରଖ୍ଯ ପ୍ରଖ୍ଯାତବଲପୌରୁଷ॥ 8-56-14 (57811)
ମୁଷ୍ଟିକ୍ଲିଷ୍ଟାଙ୍ଗୁଲିଭ୍ଯାଂ ଚ ବ୍ଯାଯତାଭ୍ଯାଂ ମହଦ୍ଧନୁଃ।
ଦୋର୍ଭ୍ଯାଂ ବିସ୍ଫାରଯନ୍ଭାସି ମହାଜଲଦବଦ୍ଭୃଶମ୍॥ 8-56-15 (57812)
ଶରବର୍ଷୈର୍ମହାବେଗୈରମିତ୍ରାନଭିବର୍ଷତଃ।
ମଦନ୍ଯଂ ନାନୁପଶ୍ଯାମି ପ୍ରତିବୀରଂ ତବାହବେ॥ 8-56-16 (57813)
ରଥଦ୍ବିରଦପତ୍ତ୍ଯଶ୍ବାନେକଃ ପ୍ରମଥସେ ବହୂନ୍।
ମୃଗସଙ୍ଘାନିବାରଣ୍ଯେ ବିଭୀର୍ଭୀମବଲୋ ହରିଃ॥ 8-56-17 (57814)
ମହତା ରଥଘୋଷେଣ ଦିବଂ ଭୂମିଂ ଚ ନାଦଯନ୍।
ବର୍ଷାନ୍ତେ ସସ୍ଯାଂ ସୂର୍ଯୋ ଭାଭିରାଦୀପଯନ୍ନିବ॥ 8-56-18 (57815)
ସଂସ୍ପୃଶାନଃ ଶରୈଃ ପୂର୍ଣୌ ତୂଣୀ ଚାଶୀବିଷୋପମୈଃ।
ମଯୈବୈକେନ ଯୁଧ୍ଯସ୍ବ ତ୍ର୍ଯମ୍ବକେନାନ୍ଧକୋ ଯଥା॥ 8-56-19 (57816)
ଏବମୁକ୍ତସ୍ତଥେତ୍ଯୁକ୍ତ୍ବା ପ୍ରମଥ୍ଯୈନଂ ସ ପାର୍ଥିବଃ।
କର୍ଣିନା ଦ୍ରୋଣତନଯଂ ବିବ୍ଯାଧ ମଲଯଧ୍ବଜଃ॥ 8-56-20 (57817)
ମର୍ମଭେଦିଭିରତ୍ଯୁଗ୍ରୈର୍ବାଣୈରଗ୍ନିଶିଖୋପମୈଃ।
ମର୍ମସ୍ବଭ୍ଯହନଦ୍ଦ୍ରୌଣିଃ ପାଣ୍ଡ୍ଯମାଚାର୍ଯନନ୍ଦନଃ॥ 8-56-21 (57818)
ତତୋଽପରାନ୍ନବାଂସ୍ତୂର୍ଣଂ ନାରାଚାନ୍କଙ୍କବାସସଃ।
ଗତ୍ଯା ଦଶମ୍ଯା ସଂଯୁକ୍ତାନଶ୍ବତ୍ଥାମାଽପ୍ଯବାସୃଜତ୍॥ 8-56-22 (57819)
ତାନଚ୍ଛିନତ୍ତଦା ପାଣ୍ଡ୍ଯଶ୍ଚତୁର୍ଭିରପରୈଃ ଶରୈଃ।
ଚତୁରୋଽଭ୍ଯାହନଚ୍ଚାଶ୍ବାନାଶୁ ତେ ବ୍ଯସବୋଽଭବନ୍॥ 8-56-23 (57820)
ଅଥ ଦ୍ରୋଣସୁତସ୍ଯେଷୂଂସ୍ତାଞ୍ଛିତ୍ତ୍ବା ନିଶିତୈଃ ଶରୈଃ।
ଧନୁର୍ଜ୍ଯାଂ ବିତତାଂ ପାଣ୍ଡ୍ଯଶ୍ଚିଚ୍ଛେଦାଦିତ୍ଯତେଜସଃ॥ 8-56-24 (57821)
ଦିବ୍ଯଂ ଧନୁରଥାଧିଜ୍ଯଂ କୃତ୍ବା ଦ୍ରୌଣିରମିତ୍ରହା।
ପ୍ରେକ୍ଷ୍ଯ ଚାଶୁ ରଥେ ଯୁକ୍ତାନ୍ନରୈରନ୍ଯାନ୍ହଯୋତ୍ତମାନ୍॥ 8-56-25 (57822)
ତତଃ ଶରସହସ୍ରାଣି ପ୍ରେଷଯାମାସ ବୈ ଦ୍ବିଜଃ।
ଇଷୁସମ୍ବାଧମାକାଶମକରୋଦ୍ଦିଶ ଏବ ଚ॥ 8-56-26 (57823)
ତତସ୍ତାନସ୍ଯତଃ ସର୍ବାନ୍ଦ୍ରୌଣେର୍ବାଣାନ୍ମହାତ୍ମନଃ।
ଜାନାନୋପ୍ଯକ୍ଷଯାନ୍ପାଣ୍ଡ୍ଯୋ ଶାତଯତ୍ପୁରୁଷର୍ଷଭଃ॥ 8-56-27 (57824)
ପ୍ରଯୁକ୍ତାଂସ୍ତାନ୍ପ୍ରଯତ୍ନେନ ଛିତ୍ତ୍ବା ଦ୍ରୌଣେରିଷୂନରିଃ।
ଚକ୍ରରକ୍ଷୌ ରଣେ ତସ୍ଯ ପ୍ରାଣୁଦନ୍ନିଶିତୈଃ ଶରୈଃ॥ 8-56-28 (57825)
ଅଥ ତଲ୍ଲାଘବଂ ଦୃଷ୍ଟ୍ବା ମଣ୍ଡଲୀକୃତକାର୍ମୁକଃ।
ପ୍ରାସ୍ଯଦ୍ଦ୍ରୋଣସୁତୋ ବାଣାନ୍ବୃଷ୍ଟିଂ ପୂଷାନୁଜୋ ଯଥା॥ 8-56-29 (57826)
ଅଷ୍ଟାବଷ୍ଟଗବାନ୍ଯୂହୁଃ ଶକଟାନି ଯଦାଯୁଧମ୍।
ଅହ୍ନସ୍ତଦଷ୍ଟଭାଗେନ ଦ୍ରୌଣିଶ୍ଚିକ୍ଷେପ ମାରିଷ॥ 8-56-30 (57827)
ତମନ୍ତକମିବ କ୍ରୁଦ୍ଧମନ୍ତକାଲାନ୍ତକୋପମମ୍।
ଯେ ଯେ ଦଦୃଶିରେ ରୂପଂ ବିସଂଜ୍ଞାଃ ପ୍ରାଯଶୋଽଭବନ୍॥ 8-56-31 (57828)
ଆଚାର୍ଯପୁତ୍ରସ୍ତାଂ ସେନାଂ ବାଣବୃଷ୍ଟ୍ଯା ବ୍ଯବୀବୃଷତ୍।
ପର୍ଜନ୍ଯ ଇବ ଘର୍ମାନ୍ତେ ବୃଷ୍ଟ୍ଯା ସାଦ୍ରିଦ୍ରୁମାଂ ମହିମ୍॥ 8-56-32 (57829)
ଦ୍ରୌଣିପର୍ଜନ୍ଯମୁକ୍ତାଂ ତାଂ ବାଣବୃଷ୍ଟିଂ ସୁଦୁଃସହାମ୍।
ବାଯବ୍ଯାସ୍ତ୍ରେଣ ସ କ୍ଷିପ୍ରଂ ବିଦ୍ଧ୍ବା ପାଣ୍ଡ୍ଯାତିଲୋଽନଦତ୍॥ 8-56-33 (57830)
ତସ୍ଯ ନାନଦତଃ କେତୁଂ ଚନ୍ଦନାଗୁରୁରୂଷିତମ୍।
ମଲଯପ୍ରତିମଂ ଦ୍ରୌଣିଶ୍ଛିତ୍ତ୍ବାଶ୍ବାଂଶ୍ଚତୁରୋଽହନତ୍॥ 8-56-34 (57831)
ସୂତମେକେଷୁଣା ହତ୍ବା ମହାଜଲଦନିଃସ୍ବନମ୍।
ଧନୁଶ୍ଛିତ୍ତ୍ବାଽର୍ଧଚନ୍ଦ୍ରେଣ ତିଲଶୋ ବ୍ଯଧମଦ୍ରଥମ୍॥ 8-56-35 (57832)
ଅସ୍ତ୍ରୈରସ୍ତ୍ରାଣି ସଂବାର୍ଯ ଛିତ୍ତ୍ବା ସର୍ବାଯୁଧାନି ଚ।
ପ୍ରାପ୍ତମପ୍ଯହିତଂ ଦ୍ରୌଣିର୍ନାହନଦ୍ଯୁଦ୍ଧତୃଷ୍ଣଯା॥ 8-56-36 (57833)
ହତେଶ୍ବରୋ ଦନ୍ତିବରଃ ସୁକଲ୍ପିତ--
ସତ୍ବରାଭିସୃଷ୍ଟଃ ପ୍ରତିଶବ୍ଦଗୋ ବଲୀ।
ତମାଦ୍ରବଦ୍ଦ୍ରୌଣିଶରାହତସ୍ତ୍ବରନ୍
ଜବେନ କୃତ୍ବା ପ୍ରତିହସ୍ତିଗର୍ଜିତମ୍॥ 8-56-37 (57834)
ତଂ ବାରଣଂ ବାରଣଯୁଦ୍ଧକୋବିଦୋ
ଦ୍ବିପୋତ୍ତମଂ ପର୍ବତସାନୁସନ୍ନିଭମ୍।
ସମ୍ଭ୍ଯତିଷ୍ଠନ୍ମଲଯଧ୍ବଜସ୍ତ୍ବର--
ନ୍ଯଥାଽଦ୍ରିଶୃଙ୍ଗଂ ହରିରୁନ୍ନଦଂସ୍ତଥା॥ 8-56-38 (57835)
ସ ତୋମରଂ ଭାସ୍କରରଶ୍ମିବର୍ଚସଂ
ବଲାସ୍ତ୍ରସର୍ଗୋତ୍ତମଯତ୍ନମନ୍ଯୁଭିଃ।
ସସର୍ଜ ଶୀଘ୍ରଂ ପରିପୀଡଯନ୍ଗଜଂ
ଗୁରୋଃ ସୁତାଯ ଦ୍ରବିଡେଶ୍ବରୋ ନଦନ୍॥ 8-56-39 (57836)
ମଣିପ୍ରବେକୋତ୍ତମବଜ୍ରହାଟକୈ--
ରଲଙ୍କୃତଂ ଚାଂଶୁକମାଲ୍ଯମୌକ୍ତିକୈଃ।
ହତୋ ମଯାସୀତ୍ଯସକୃନ୍ମୁଦା ନଦ--
ନ୍ପରାଭିନଦ୍ଦ୍ରୌଣିବରାଙ୍ଗଭୂଷଣମ୍॥ 8-56-40 (57837)
ତଦର୍କଚନ୍ଦ୍ରଗ୍ରହପାବକତ୍ବିଷଂ
ଭୃଶାଭିଘାତାତ୍ପତିତଂ ବିଘୂର୍ଣିତମ୍।
ମହେନ୍ଦ୍ରବଜ୍ରାଭିହତଂ ମହାସ୍ବନଂ
ଯଥାଽଦ୍ରିଶୃଙ୍ଗଂ ଭରଣୀତଲେ ତଥା॥ 8-56-41 (57838)
ତତଃ ପ୍ରଜଜ୍ବାଲ ପରେଣ ମନ୍ଯୁନା'
ପାଦାହତୋ ନାଗପତିର୍ଯଥା ତଥା।
ସମାଦଦେ ଚାନ୍ତକଦଣ୍ଡସନ୍ନିଭା--
ନିଷୂନମିତ୍ରାନ୍ତକରାଂଶ୍ଚତୁର୍ଦଶ॥ 8-56-42 (57839)
ଦ୍ବିପସ୍ଯ ପାଦାଗ୍ରକରାନ୍ସ ପଞ୍ଚଭି--
ର୍ନୃପସ୍ଯ ବାହୂ ଚ ଶିରୋଽଥ ଚ ତ୍ରିଭିଃ।
ଜଘାନ ପଡ୍ଭିଃ ପଡୃତୂପମତ୍ବିଷଃ
ସ ପାଣ୍ଡ୍ଯରାଜାନୁଚରାନ୍ମହାରଥାନ୍॥ 8-56-43 (57840)
ସୁଦୀର୍ଘବୃତ୍ତୌ ବରଚନ୍ଦନୋକ୍ଷିତୌ
ସୁବର୍ଣମୁକ୍ତାମଣିବଜ୍ରଭୂଷଣୌ।
ଭୁଜୌ ଧରାଯାଂ ପତିତୌ ନୃପସ୍ଯ ତୌ
ବିଚେଷ୍ଟତୁସ୍ତାର୍କ୍ଷ୍ଯହତାବିବୋରଗୌ॥ 8-56-44 (57841)
ଶିରଶ୍ଚ ତତ୍ପୂର୍ଣଶଶିପ୍ରଭାନନଂ
ସରୋଷତାମ୍ରାଯତନେତ୍ରମୁନ୍ନସମ୍।
କ୍ଷିତାବପି ଭ୍ରାଜତି ତତ୍ସକୁଣ୍ଡଲଂ
ବିଶାଖଯୋର୍ମଧ୍ଯଗତଃ ଶଶୀ ଯଥା॥ 8-56-45 (57842)
[ସ ତୁ ଦ୍ବିପଃ ପଞ୍ଚଭିରୁତ୍ତମେଷୁଭିଃ
କୃତଃ ଷଡଂଶଶ୍ଚତୁରୋ ନୃପସ୍ତ୍ରିଭିଃ।
କୃତୋ ଦଶାଂଶଃ କୁଶଲେନ ଯୁଧ୍ଯତା
ଯଥା ହବିସ୍ତଦ୍ଦଶ ଦୈବତଂ ତଥା॥ 8-56-46 (57843)
ସ ପାଦଶୋ ରାକ୍ଷସଭୋଜନାନ୍ବହୂନ୍
ପ୍ରଦାଯ ପାଣ୍ଡ୍ଯୋଽଶ୍ବମନୁଷ୍ଯକୁଞ୍ଜରାନ୍।
ସ୍ବଧାମିବାପ୍ଯ ଜ୍ବଲନଃ ପିତୃପ୍ରିଯ--
ସ୍ତତଃ ପ୍ରଶାନ୍ତଃ ସଲିଲପ୍ରବାହତଃ]॥ 8-56-47 (57844)
ସମାପ୍ତବିଦ୍ଯଂ ତୁ ଗୁରୋଃ ସୁତଂ ନୃପଃ
ସମାପ୍ତକର୍ମାଣମୁପେତ୍ଯ ତେ ସୁତଃ।
ସୁହୃଦ୍ବୃତୋଽତ୍ଯର୍ଥମପୂଜଯନ୍ମୁଦା
ଜିତେ ବଲୌ ବିଷ୍ଣୁମିବାମରେଶ୍ବରଃ॥ ॥ 8-56-48 (57845)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଷଟ୍ପଞ୍ଚାଶୋଽଧ୍ଯାଯଃ॥ 56 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.57. ଅଧ୍ଯାଯଃ 057
Mahabharata - Karna Parva - Chapter Topics
ସଙ୍କୁଲଯୁଦ୍ଧମ୍॥ 1 ॥
Mahabharata - Karna Parva - Chapter Text
8-57-0 (57846)
ଦୃତରାଷ୍ଟ୍ର ଉବାଚ। 8-57-0x (4979)
ପାଣ୍ଡ୍ଯେ ହତେ କିମକରୋଦର୍ଜୁନୋ ଜଯତାଂବରଃ।
ଏକବୀରେଣ କର୍ଣେନ ଦ୍ରାବିତେ ଚ ଯୁଧିଷ୍ଠିରେ॥ 8-57-1 (57847)
ସମାପ୍ତବିଦ୍ଯୋ ବଲବାନ୍ଯୁକ୍ତୋ ବୀରଶ୍ଚ ପାଣ୍ଡବଃ।
ସର୍ବଭୂତେଷ୍ବନୁଜ୍ଞାତଃ ଶଙ୍କରେଣ ମହାତ୍ମନା॥ 8-57-2 (57848)
ତସ୍ମାନ୍ମହଦ୍ଭଯଂ ତୀବ୍ରମମିତ୍ରଘ୍ନାଦ୍ଧନଞ୍ଜଯାତ୍।
ସ ଯତ୍ତତ୍ରାକରୋତ୍ପାର୍ଥସ୍ତନ୍ମମାଚକ୍ଷ୍ବ ସଞ୍ଜଯ॥ 8-57-3 (57849)
ସଞ୍ଜଯ ଉବାଚ। 8-57-4x (4980)
ହତେ ପାଣ୍ଡ୍ଯେଽର୍ଜୁନଂ କୃଷ୍ଣସ୍ତ୍ବରନ୍ନାହ ବଚୋ ହିତମ୍।
ହତଂ ପଶ୍ଯ ସ୍ବରାଜାନମପଯାତାଂଶ୍ଚ ପାଣ୍ଡବାନ୍॥ 8-57-4 (57850)
କର୍ଣଂ ପଶ୍ଯ ମହାରଙ୍ଗେ ଜ୍ବଲନ୍ତମିବ ପାବକମ୍।
ଅସୌ ଭୀମୋ ମହେଷ୍ବାସଃ ପ୍ରତିବୃତ୍ତୋ ରଣଂ ପ୍ରତି॥ 8-57-5 (57851)
ତ ଇମେ ନାନୁବର୍ତନ୍ତେ ଧୃଷ୍ଟଦ୍ଯୁମ୍ନପୁରୋଗମାଃ।
ପାଞ୍ଚାଲାଃ ସୃଞ୍ଜଯାଶ୍ଚୈବ ପାଣ୍ଡବାନାଂ ଚମୂମୁଖମ୍॥ 8-57-6 (57852)
`ନିବୃତ୍ତୈଶ୍ଚ ପୁନଃ ପାର୍ଥୈର୍ଭଗ୍ନଂ ଶତ୍ରୁବଲଂ ମହତ୍'।
କୌରବାନ୍ଦ୍ରବତୋ ହ୍ଯେଷ କର୍ଣୋ ବାରଯତେ ଭୃଶମ୍॥ 8-57-7 (57853)
ଅନ୍ତକପ୍ରତିମୋ ବେଗେ ଶକ୍ରତୁଲ୍ଯପରାକ୍ରମଃ।
ଅସୌ ଗଚ୍ଛତି କୌନ୍ତେଯ ଦ୍ରୌଣିଃ ଶସ୍ତ୍ରଭୃତାଂ ବରଃ॥ 8-57-8 (57854)
ତମେଷ ପ୍ରଦ୍ରୁତଃ ସଙ୍ଖ୍ଯେ ଧୃଷ୍ଟଦ୍ଯୁମ୍ନୋ ମହାରଥଃ।
ଅଶ୍ବତ୍ଥାମ୍ନା ହତାଃ ସଙ୍ଖ୍ଯେ ସର୍ବେ କୌନ୍ତେଯ ସୃଞ୍ଜଯାଃ॥ 8-57-9 (57855)
ରଥାଶ୍ବନରନାଗାନାଂ କୃତଂ ଚ କଦନଂ ମହତ୍।
ଇତ୍ଯେତତ୍ସର୍ବମାଚଷ୍ଟ ବାସୁଦେବଃ କିରୀଟିନେ॥ 8-57-10 (57856)
ଏତଚ୍ଛ୍ରୁତ୍ବା ଚ ଦୃଷ୍ଟ୍ବା ଚ ଭ୍ରାତୃଣାଂ ବ୍ଯସନଂ ମହତ୍।
ବାହଯାଶ୍ବାନ୍ହୃଷୀକେଶ କ୍ଷିପ୍ରମିତ୍ଯାହ ପାଣ୍ଡବଃ॥ 8-57-11 (57857)
ତତଃ ପ୍ରାଯାଦ୍ଧୃଷୀକେଶୋ ରଥେନାପ୍ରତିମୋ ଯୁଧି।
`ତତୋ ରେଣୁଃ ସମଭବତ୍ପୁନସ୍ତତ୍ର ମହାରଣେ॥ 8-57-12 (57858)
ତତୋ ରାଜନ୍ମହାନାସୀତ୍ସଙ୍ଗାମୋ ରୋମହର୍ଷଣଃ।
ସିଂହନାଦରବାଶ୍ଚାତ୍ର ପ୍ରାଦୁରାସନ୍ସମାଗମେ।
ଉଭଯୋଃ ସେନଯୋ ରାଜନ୍ମୃତ୍ଯୁଂ କୃତ୍ବା ନିବର୍ତନମ୍॥ 8-57-13 (57859)
ତତଃ ହୁନଃ ସମାଜଗ୍ମୁରଭୀତାଃ କୁରୁସୃଞ୍ଜଯାଃ।
ଯୁଧିଷରମୁଖାଃ ପାର୍ଥା ବୈକର୍ତନମୁଖା ବଯମ୍॥ 8-57-14 (57860)
ତତଃ ପ୍ରବବୃତେ ଯୂଦ୍ଧଂ ଘୋରରୂପଂ ବିଶାମ୍ପତେ।
କର୍ଣସ୍ଯ ପାଣ୍ଡବାନାଂ ଚ ଯମରାଷ୍ଟ୍ରବିବର୍ଧନମ୍॥ 8-57-15 (57861)
ତସ୍ମିନ୍ପ୍ରବୃତ୍ତେ ସଙ୍ଗ୍ରାମେ ତୁମୁଲେ ରୋମହର୍ଷଣେ।
ସଂଶପ୍ତକେଷୁ ବୀରେଷୁ କିଞ୍ଚିଚ୍ଛେଷେଷୁ ଭାରତ॥ 8-57-16 (57862)
ଧୃଷ୍ଟଦ୍ଯୁମ୍ନୋ ମହାରାଜ ସହିତଃ ସର୍ବରାଜଭିଃ।
କର୍ଣମେବାଭିଦୁଦ୍ରାବ ପାଣ୍ଡବାଶ୍ଚ ମହାରଥାଃ॥ 8-57-17 (57863)
ଆଗଚ୍ଛମାନାଂସ୍ତାନ୍ଦୃଷ୍ଟ୍ବା ସଙ୍ଗ୍ରମେ ବିଜଯୈଷିଣଃ।
ଦଧାରୈକୋ ରଣେ କାର୍ଣୋ ଜଲୌଘାନିବ ପର୍ବତଃ॥ 8-57-18 (57864)
ସମାସାଦ୍ଯ ତୁ ତେ କର୍ଣଂ ବ୍ଯଶୀର୍ଯନ୍ତ ମହାରଥାଃ।
ଯଥାଽଚଲଂ ସମାସାଦ୍ଯ ବାର୍ଯୋଧାଃ ସର୍ବତୋଦିଶମ୍॥ 8-57-19 (57865)
ତଯୋରାସୀନ୍ମହାରାଜ ସଙ୍ଗ୍ରାମୋ ଘୋରଦର୍ଶନଃ।
ପ୍ରବୃଦ୍ଧଯୋର୍ମହାରଙ୍ଗେ ବଲିନୋର୍ବିଜିଗୀଷତୋଃ॥ 8-57-20 (57866)
ଧୃଷ୍ଟଦ୍ଯୁମ୍ନସ୍ତୁ ରାଧେଯଂ ଶରେଣାନତପର୍ବଣା।
ଛାଦଯାମାସ ସଙ୍କ୍ରୁଦ୍ଧସ୍ତିଷ୍ଠତିଷ୍ଠେତି ଚାବ୍ରବୀତ୍॥ 8-57-21 (57867)
ବିଜଯଂ ତୁ ଧନୁଃ ଶ୍ରେଷ୍ଠଂ ବିଧୃନ୍ବାନୋ ମହାରଥଃ।
ପାର୍ଷତସ୍ଯ ଧନୁଶ୍ଛିତ୍ତ୍ବା ଶରାଂଶ୍ଚାଶୀବିଷୋପମାନ୍॥ 8-57-22 (57868)
ବବର୍ଷ ଶରବର୍ଷାଣି ତୋଯବର୍ଷାନିବାମ୍ବୁଦଃ।
ଛାଦଯାମାସ ସଙ୍କ୍ରୁଦ୍ଧଃ ପାର୍ଷତଂ ନବଭିଃ ଶରୈଃ॥ 8-57-23 (57869)
ତେ ହେମବିକୃତଂ ବର୍ମ ଭିତ୍ତ୍ବା ତସ୍ଯ ମହାତ୍ମନଃ।
ଶୋଣିତାକ୍ତା ବ୍ଯରାଜନ୍ତ ଶକ୍ରଗୋପା ଇବାନଘ॥ 8-57-24 (57870)
ତଦପାସ୍ଯ ଧନୁଶ୍ଛିନ୍ନଂ ଧୃଷ୍ଟଦ୍ଯୁମ୍ନଃ ପ୍ରତାପବାନ୍।
ତତୋଽନ୍ଯଦ୍ଧନୁରାଦାଯ ସାରବଦ୍ଭାରସାଧନମ୍।
କର୍ଣଂ ବିବ୍ଯାଧ ସପ୍ତତ୍ଯା ଶରୈଃ ସନ୍ନତପର୍ବଭିଃ॥ 8-57-25 (57871)
ତଥୈବ ରାଜନ୍କର୍ଣୋଽପି ପାର୍ଷତଂ ଶତ୍ରୁତାପନମ୍।
ଦ୍ରୋଣଶତ୍ରୁଂ ମହେଷ୍ବାସୋ ବିବ୍ଯାଧ ନିଶିତୈଃ ଶରୈଃ॥ 8-57-26 (57872)
ପୁନରନ୍ଯଂ ମହାରାଜ ଶରଂ କନକଭୂଷଣମ୍।
ପ୍ରେଷଯାମାସ ସମରେ ମୃତ୍ଯୁଦଣ୍ଡମିବାପରମ୍॥ 8-57-27 (57873)
ତମାପତନ୍ତଂ ସହସା ଘୋରରୂପଂ ବିଶାମ୍ପତେ।
ଚିଚ୍ଛେଦ ଶତଧା ରାଜନ୍ପାର୍ଷତଃ କୃତହସ୍ତବତ୍॥ 8-57-28 (57874)
ଦୃଷ୍ଟବାନ୍ପତିତଂ ଭୂମୌ ଶରଂ କର୍ଣୋ ବିଶାମ୍ପତେ॥ 8-57-29 (57875)
ପାର୍ଷତଃ ଶରବର୍ଷେଣ ସମନ୍ତାତ୍ପର୍ଯବାରଯତ୍।
ବିବ୍ଯାଧ ଚୈନଂ ତ୍ବରିତୋ ନାରାଚୈଃ ସପ୍ତଭିସ୍ତଦା॥ 8-57-30 (57876)
ତଂ ପ୍ରତ୍ଯବିଧ୍ଯଦ୍ଦଶଭିଃ ଶରୈର୍ହେମବିଭୂଷିତୈଃ।
ତଯୋର୍ଯୁଦ୍ଧଂ ସମଭବଦ୍ଦୃଷ୍ଟିଶ୍ରୋତ୍ରମନୋହରମ୍॥ 8-57-31 (57877)
ଆସୀଦ୍ଧୋରଂ ଚ ଚିତ୍ରଂ ଚ ପ୍ରେକ୍ଷଣୀଯଂ ଚ ସର୍ବଶଃ॥ 8-57-32 (57878)
ସର୍ବେଷାଂ ତତ୍ର ଭୂତାନାଂ ରୋମହର୍ଷୋ ବ୍ଯଜାଯତ।
ଦୃଷ୍ଟ୍ବା ତତ୍ସମରେ କର୍ମ କର୍ଣପାର୍ଷତଯୋର୍ନୃପ॥ 8-57-33 (57879)
ଏତସ୍ମିନ୍ନନ୍ତରେ ଦ୍ରୌଣିରଭ୍ଯଯାତ୍ତଂ ମହାରଥମ୍।
ପାର୍ଷତଂ ଶତ୍ରୁଦମନଂ ଶତ୍ରୁବୀର୍ଯାସୁନାଶନମ୍॥ 8-57-34 (57880)
ସ ଦୃଷ୍ଟ୍ବା ସମରେ ଯାନ୍ତମଭୀତଂ ଚ ମହାରଥମ୍।
ଅଭ୍ଯଭାଷତ ସଙ୍କ୍ରୁଦ୍ଧଃ ପାର୍ଷତଂ ଶତ୍ରୁତାପନମ୍॥ 8-57-35 (57881)
ରଥଂ ରଥେନ ସମ୍ପୀଡ୍ଯ ପାର୍ଷତସ୍ଯ ତୁ ବ୍ରାହ୍ମଣଃ॥ 8-57-36 (57882)
ତିଷ୍ଠତିଷ୍ଠେତି ବ୍ରହ୍ମଘ୍ନ ନ ମେ ଜୀବନ୍ବିମୋକ୍ଷ୍ଯସେ।
ଇତ୍ଯୁକ୍ତ୍ବା ସୁଭୃଶଂ ବୀରଃ ଶୀଘ୍ରକୃନ୍ନିଶିତୈଃ ଶରୈଃ।
ଛାଦଯାମାସ ସମରେ ଯତମାନୋ ମହାରଥଃ॥ 8-57-37 (57883)
ଯତ୍ନତଃ ପରଯା ଶକ୍ତ୍ଯା ଧୃଷ୍ଟଦ୍ଯୁମ୍ନଂ ମହାରଥମ୍।
ଯୋଧଯାମାସ ସମରେ କ୍ରୁଦ୍ଧରୂପୋ ବିଶାମ୍ପତେ॥ 8-57-38 (57884)
ତଯୋସ୍ତୁ ସନ୍ନିପାତେ ହି ଘୋରରୂପୋ ବିଶାମ୍ପତେ॥ 8-57-39 (57885)
ଯଥା ହି ସମରେ ଦ୍ରୌଣିଃ ପାର୍ଷତଂ ଦୃଶ୍ଯତ ମାରିଷ।
ନାତିହୃଷ୍ଟମନା ହ୍ଯାସୀନ୍ମନ୍ବାନୋ ମୃତ୍ଯୁମାତ୍ମନଃ॥ 8-57-40 (57886)
ସ ଜ୍ଞାତ୍ବା ପିତୁରତ୍ଯନ୍ତରୈରିଣଂ ତୁ ମହାହବେ।
ଆତ୍ମାନଂ ସମରେ ଜ୍ଞାତ୍ବାଽଶସ୍ତ୍ରବଧ୍ଯଂ ମହାବଲଃ।
ଜବେନାଭିଯଯୌ ଦ୍ରୌଣିଂ କାଲଃ କାଲକ୍ଷଯେ ଯଥା॥ 8-57-41 (57887)
ଦ୍ରୌଣିସ୍ତୁ ଦୃଷ୍ଟ୍ବା ରାଜେନ୍ଦ୍ର ଧୃଷ୍ଟଦ୍ଯୁମ୍ନମବସ୍ଥିତମ୍।
କ୍ରୋଧେନ ନିଃଶ୍ବସନ୍ବୀରଃ ପାର୍ଷଦଂ ସମଭିଦ୍ରବତ୍॥ 8-57-42 (57888)
ତାବନ୍ଯୋନ୍ଯଂ ତୁ ଦୃଷ୍ଟ୍ବୈବ ସଂରମ୍ଭଂ ଜଗ୍ମତୁଃ ପରମ୍।
ପ୍ରଗୃହ୍ଯ ମହତୀ ଚାପେ ଶରାସନସମନ୍ବିତେ॥ 8-57-43 (57889)
ଅଥାବ୍ରବୀନ୍ମହାରାଜ ଦ୍ରୋଣପୁତ୍ରଃ ପ୍ରତାପବାନ୍।
ଧୃଷ୍ଟଦ୍ଯୁମ୍ନଂ ସମୀପସ୍ଥଂ ତ୍ବରମାଣୋ ବିଶାମ୍ପତେ॥ 8-57-44 (57890)
ପାଞ୍ଚାଲାପଶଦାଦ୍ଯ ତ୍ବାଂ ପ୍ରେଷଯାମି ଯମକ୍ଷଯମ୍।
ପାପଂ ହି ଯତ୍ତ୍ବଯା କର୍ମ କୃତଂ ତାତଂ ଘ୍ନତା ରଣେ॥ 8-57-45 (57891)
ଅଦ୍ଯ ତ୍ବଂ ପ୍ରାପ୍ସ୍ଯସେ ତଦ୍ବୈ ଯଥା ହ୍ଯକୁଶଲସ୍ତଥା।
ଅରକ୍ଷ୍ଯମାଣଃ ପାର୍ଥେନ ଯଦି ତିଷ୍ଠସି ସଂଯୁଗେ।
ନାପକ୍ରାମସି ବା ମୋହାତ୍ସତ୍ଯମେତଦ୍ବ୍ରବୀମି ତେ॥ ॥ 8-57-46 (57892)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ସପ୍ତପଞ୍ଚାଶୋଽଧ୍ଯାଯଃ॥ 57 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.58. ଅଧ୍ଯାଯଃ 058
Mahabharata - Karna Parva - Chapter Topics
ଅର୍ଜୁନସ୍ଯ ଦ୍ରୌଣିଗ୍ରସ୍ତଧୃଷ୍ଟଦ୍ଯୁମ୍ନରକ୍ଷଣପୂର୍ବକଂ ଦ୍ରୌଣିଂ ନିର୍ଜିତ୍ଯ ସଂଶପ୍ତକାନ୍ପ୍ରତି ଗମନମ୍॥ 1 ॥
Mahabharata - Karna Parva - Chapter Text
8-58-0 (57893)
ସଞ୍ଜଯ ଉବାଚ। 8-58-0x (4981)
ଏବମୁକ୍ତଃ ପ୍ରତ୍ଯୁବାଚ ଧୃଷ୍ଟଦ୍ଯୁମ୍ନଃ ପ୍ରତାପବାନ୍।
ଆଶିଷଂ ତାଂ ପ୍ରବକ୍ତବ୍ଯାଂ ମାମକୋ ଦାସ୍ଯତେ ତବ॥ 8-58-1 (57894)
ଯେନୈବ ତେ ପିତୁର୍ଦତ୍ତା ଯତମାନସ୍ଯ ସଂଯୁଗେ।
ଏଷ ତେ ପ୍ରତିବାକ୍ଯଂ ବୈ ଅସିର୍ଦାସ୍ଯତି ମାମକଃ।
ଯେନ କୃତ୍ତଂ ତବ ପିତୁର୍ଯତମାନସ୍ଯ ତଚ୍ଛିରଃ॥ 8-58-2 (57895)
ଯଦି ତାବନ୍ମଯା ଦ୍ରୋଣୋ ନିହତୋ ବ୍ରାହ୍ମଣବ୍ରୁବଃ।
ତ୍ବାମିଦାନୀଂ କଥଂ ଯୁଦ୍ଧେ ନ ହନିଷ୍ଯାମି କିଲ୍ବିଷମ୍॥ 8-58-3 (57896)
ଏବମୁକ୍ତ୍ବା ମହାତେଜାଃ ସେନାପତିରରିନ୍ଦମଃ।
ସୁତୀକ୍ଷ୍ଣେନାଥ ଭଲ୍ଲେନ ଦ୍ରୌଣିଂ ବିବ୍ଯାଧ ପାର୍ଷତଃ॥ 8-58-4 (57897)
ତତୋ ଦ୍ରୌଣିଃ ସୁସଙ୍କ୍ରୁଦ୍ଧଃ ଶରୈଃ ସନ୍ନତପର୍ବଭିଃ।
ଆଚ୍ଛାଦଯଦ୍ଦିଶୋ ରାଜନ୍ଧୃଷ୍ଟଦ୍ଯୁମ୍ନସ୍ଯ ସଂଯୁଗେ॥ 8-58-5 (57898)
ନୈବାନ୍ତରିକ୍ଷଂ ନ ଦିଶୋ ନାପି ଯୋଧାଃ ସହସ୍ରଶଃ।
ଦୃଶ୍ଯନ୍ତେ ବୈ ମହାରାଜ ଶରୈଶ୍ଛନ୍ନାଃ ସମନ୍ତତଃ।
ଏକଃ ସନ୍ବାରଯାମାସ ପ୍ରେକ୍ଷଣୀଯଃ ସମନ୍ତତଃ॥ 8-58-6 (57899)
ତଥୈବ ପାର୍ଷତୋ ରାଜନ୍ଦ୍ରୌଣିମାହବଶୋଭିନମ୍।
ଶରୈଃ ସଞ୍ଛାଦଯାମାସ ସୂତପୁତ୍ରସ୍ଯ ପଶ୍ଯତଃ॥ 8-58-7 (57900)
ରାଧେଯୋଽପି ମହାରାଜ ପାଞ୍ଚାଲାନ୍ସହ ପାଣ୍ଡବୈଃ।
ଦ୍ରୌପଦେଯା ଯୁଧାମନ୍ଯୁମୁତ୍ତମୌଜସମେବ ଚ॥ 8-58-8 (57901)
ସାତ୍ଯକିଶ୍ଚ ମହାରାଜ ଯୋଧାଂଶ୍ଚାନ୍ଯାନ୍ସହସ୍ରଶଃ।
ଏକସ୍ତାନ୍ବାରଯାମାସ ପ୍ରେକ୍ଷଣୀଯଃ ସମନ୍ତତଃ॥ 8-58-9 (57902)
ଧୃଷ୍ଟଦ୍ଯୁମ୍ନସ୍ତୁ ସମରେ ଦ୍ରୌଣେଶ୍ଚିଚ୍ଛେଦ କାର୍ମୁକମ୍।
କ୍ଷୁରପ୍ରେଣ ସୁତୀକ୍ଷ୍ଣେନ ପଶ୍ଯତାଂ ସର୍ବଯୋଧିନାମ୍॥ 8-58-10 (57903)
ତଦପାସ୍ଯ ଧନୁଶ୍ଛିନ୍ନମନ୍ଯଦାଦତ୍ତ କାର୍ମୁକମ୍।
ବେଗବତ୍ସମରେ ଘୋରଂ ଶରାଂଶ୍ଚାଶୀବିଷୋପମାନ୍॥ 8-58-11 (57904)
ସ ପାର୍ଷତସ୍ଯ ରାଜେନ୍ଦ୍ର ଧନୁଃ ଶକ୍ତିଂ ଗଦାଂ ଧ୍ବଜମ୍।
ହଯାନ୍ସୂତଂ ରଥଂ ଚୈବ ନିମେଷାଦ୍ବ୍ଯଧମଚ୍ଛରୈଃ॥ 8-58-12 (57905)
ସ ଚ୍ଛିନ୍ନଧନ୍ବା ବିରଥୋ ହତାଶ୍ବୋ ହତସାରଥିଃ।
ଖଙ୍ଗମାଦତ୍ତ ବିପୁଲଂ ଶତଚନ୍ଦ୍ରଂ ଚ ଭାନୁମତ୍॥ 8-58-13 (57906)
ଦ୍ରୌଣିସ୍ତଦପି ରାଜେନ୍ଦ୍ର ଭଲ୍ଲୈଃ କ୍ଷିପ୍ରଂ ମହାରଥଃ।
ଚିଚ୍ଛେଦ ସମରେ ବୀରଃ କ୍ଷିପ୍ରହସ୍ତୋ ଦୃଢାଯୁଧଃ॥ 8-58-14 (57907)
ରଥାଦନବରୂଢସ୍ଯ ଧନ୍ବିନୋ ବାହୁଶାଲିନଃ।
ପଶ୍ଯତାଂ ସର୍ବସୈନ୍ଯାନାଂ ତଦଦ୍ଭୁତମିବାଭବତ୍॥ 8-58-15 (57908)
ଧୃଷ୍ଟଦ୍ଯୁମ୍ନଂ ତୁ ବିରଥଂ ହତାଶ୍ବରଥସାରଥିମ୍।
ଶସ୍ତ୍ରୈଶ୍ଚ ବହୁଧା ବିଦ୍ଧମସ୍ତ୍ରୈଶ୍ଚ ଶକଲୀକୃତମ୍।
ନାତରଦ୍ଭରତଶ୍ରେଷ୍ଠ ଯଦମାନୋ ମହାରଥଃ॥ 8-58-16 (57909)
ତସ୍ଯାନ୍ତମିଷୁଭୀ ରାଜନ୍ଯଦା ଦ୍ରୌଣିର୍ନ ଗଚ୍ଛତି।
ଅଥ ତ୍ଯକ୍ତ୍ବା ରଥଂ ବୀରଃ ପାର୍ଷତଂ ତ୍ବରିତୋଽନ୍ବଗାତ୍।
ପ୍ରଗୃହ୍ଯ ବିପୁଲଂ ଖହ୍ଗଂ ଜାତରୂପପରିଷ୍କୃତମ୍॥ 8-58-17 (57910)
ତସ୍ଯ ସମ୍ପତତୋ ରାଜନ୍ବପୁରାସୀନ୍ମହାତ୍ମନଃ।
ଗରୁଡସ୍ଯେବ ତତୋ ଜିଘୃକ୍ଷୋଃ ପନ୍ନଗୋତ୍ତମମ୍॥ 8-58-18 (57911)
ଏତସ୍ମିନ୍ନେବ କାଲେ ତୁ କେଶବଃ ପରବୀରହା।
ଅବ୍ରବୀଦ୍ଭରତଶ୍ରେଷ୍ଠମର୍ଜୁନଂ ଜଯତାଂ ବରମ୍॥ 8-58-19 (57912)
ପଶ୍ଯ ଦ୍ରୌଣିଂ ପାର୍ଷତସ୍ଯ ଯତମାନଂ ବଧଂ ପ୍ରତି।
ଯତ୍ନଂ କରୋତି ବିପୁଲଂ ହନ୍ଯାଚ୍ଚୈନଂ ନ ସଂଶଯଃ॥ 8-58-20 (57913)
ତ୍ରାଯସ୍ବୈନଂ ମହାବାହୋ ପାର୍ଷତଂ ଯୁଦ୍ଧଦୁର୍ମଦମ୍।
ଦ୍ରୌଣେରାସ୍ଯଗତଂ ବୀର ମୃତ୍ଯୋରାସ୍ଯଗତଂ ଯଥା॥ 8-58-21 (57914)
ଏବମୁକ୍ତ୍ବା ମହାରାଜ ବାସୁଦେବଃ ପ୍ରତାପବାନ୍।
ପ୍ରୈଷଯତ୍ତୁରଗାନ୍ଯତ୍ର ଦ୍ରୌଣିର୍ବୀରୋ ବ୍ଯବସ୍ଥିତଃ॥ 8-58-22 (57915)
ତେ ହଯାଶ୍ଚନ୍ଦ୍ରସଙ୍କାଶାଃ କେଶବେନ ପ୍ରଚୋଦିତାଃ।
ପିବନ୍ତ ଇବ ଚାକାଶଂ ଜଗ୍ମୁଦ୍ରୌଣେର୍ମହାରଥମ୍॥ 8-58-23 (57916)
ଦୃଷ୍ଟ୍ବା ଦ୍ରୌଣିର୍ମହାରାଜ ବାସୁଦେବଧନଂଜଯୌ।
ଧୃଷ୍ଟଦ୍ଯୁମ୍ନବଧେ ରାଜଂଶ୍ଚକ୍ରେ ଯତ୍ନଂ ମହାବଲଃ॥ 8-58-24 (57917)
ବିକୃଷ୍ଯମାଣଂ ଦୃଷ୍ଟ୍ବୈ ଧୃଷ୍ଟଦ୍ଯୁମ୍ନଂ ଜନେଶ୍ବର।
ଶରାଂଶ୍ଚିକ୍ଷେପ ବୈ ପାର୍ଥୋ ଦ୍ରୌଣିଂ ପ୍ରତି ମହାରଥଃ॥ 8-58-25 (57918)
ତେ ଶରା ହେମବିକୃତା ଗାଣ୍ଡୀବପ୍ରେଷିତା ଭୃଶମ୍।
ଦ୍ରୌଣିମାସାଦ୍ଯ ବିବିଶୁର୍ବଲ୍ମୀକମିବ ପନ୍ନଗାଃ॥ 8-58-26 (57919)
ବିଦ୍ଧସ୍ତୁ ତୈଃ ଶରୈର୍ଘୋରୈଦ୍ରୋଣପୁତ୍ରଃ ପ୍ରତାପବାନ୍।
ଉତ୍ସୃଜ୍ଯ ସମରେ ରାଜନ୍ପାଞ୍ଚାଲମମିତୌଜସମ୍॥ 8-58-27 (57920)
ଆରୁରୋହ ରଥଂ ବୀରୋ ଧନଞ୍ଜଯଶରାର୍ଦିତଃ।
ପ୍ରଗୃହ୍ଯ ଚ ଧନୁଃ ଶ୍ରେଷ୍ଠଂ ପାର୍ଥଂ ବିବ୍ଯାଧ ସାଯକୈଃ॥ 8-58-28 (57921)
ଏତସ୍ମିନ୍ନନ୍ତରେ ଶୂରଃ ସହଦେବୋ ଜନାଧିପ।
ଅପୋବାହ ରଥେନାଜୌ ପାର୍ଷତଂ ଶତ୍ରୁତାପନମ୍॥ 8-58-29 (57922)
ଅର୍ଜୁନୋଽପି ମହାରାଜ ଦ୍ରୌଣିଂ ବିବ୍ଯାଧ ପତ୍ରିଭିଃ।
ତଂ ଦ୍ରୋଣପୁତ୍ରଃ ସଂରବ୍ଧୋ ବାହ୍ବୋରୁରସି ଚାର୍ପଯତ୍॥ 8-58-30 (57923)
କ୍ରୋଧିତସ୍ତୁ ରଣେ ପାର୍ଥୋ ନାରାଚଂ କାଲସନ୍ନିଭମ୍।
ଦ୍ରୋଣପୁତ୍ରାଯ ଚିକ୍ଷେପ ଯମଦଣ୍ଡମିବାପରମ୍॥ 8-58-31 (57924)
ସ ବ୍ରାହ୍ମଣସ୍ଯାଂସଦେଶେ ନିପପାତ ମହାଦ୍ଯୁତେଃ।
ସ ବିହ୍ବଲୋ ମହାରାଜ ଶରବେଗେନ ସଂଯୁଗେ।
ନିଷସାଦ ରଥୋପସ୍ଥେ ବୈକ୍ଲବ୍ଯଂ ପରମଂ ଯଯୌ॥ 8-58-32 (57925)
ତଂ ତୁ ମତ୍ବା ହତଂ ବୀରଂ ସାରଥିଃ ଶତ୍ରୁକର୍ଶନମ୍।
ଅପୋବାହ ରଣେନାଜୌ ତ୍ବରମାଣୋ ରଣାଜିରାତ୍॥ 8-58-33 (57926)
ଅଥୋଦ୍ଧୃଷ୍ଟଂ ମହାରାଜ ପାଞ୍ଚାଲୈର୍ଜିତକାଶିଭିଃ।
ମୋକ୍ଷିତଂ ପାର୍ଷତଂ ଦୃଷ୍ଟ୍ବା ଦ୍ରୋଣପୁତ୍ରଂ ଚ ପୀଡିତମ୍॥ 8-58-34 (57927)
ବାଦିତ୍ରାଣି ଚ ଦିବ୍ଯାନି ପ୍ରାବାଦ୍ଯନ୍ତ ସହସ୍ରଶଃ।
ସିଂହନାଦଶ୍ଚ ସଞ୍ଜଜ୍ଞେ ଦୃଷ୍ଟ୍ବା ଯୁଦ୍ଧଂ ତଦଦ୍ଭୁତମ୍॥ 8-58-35 (57928)
ତତଃ କର୍ଣୋ ମହାରାଜ ବ୍ଯାକ୍ଷିପଦ୍ବିଜଯଂ ଧନୁଃ।
ଦୃଷ୍ଟ୍ବାର୍ଜୁନଂ ରଣେ କ୍ରୁଦ୍ଧଃ ପ୍ରେକ୍ଷତେ ଚ ମୁହୁର୍ମୁହୁଃ।
ଦ୍ବୈରଥଂ ଚାପି ପାର୍ଥେନ ଗନ୍ତୁକାମୋ ମହାଦ୍ଯୁତିଃ॥ 8-58-36 (57929)
ଏବଂ କୃତ୍ବାଽବ୍ରବୀତ୍ପାର୍ଥୋ ବାସୁଦେବଂ ଧନଞ୍ଜଯଃ।
ଯାହି ସଂଶପ୍ତକାନ୍କୃଷ୍ଣ କାର୍ଯମେତତ୍ପରଂ ମମ॥ 8-58-37 (57930)
ତତଃ ପ୍ରଯାତୋ ଗୋବିନ୍ଦଃ ଶ୍ରୁତ୍ବା ପାଣ୍ଡବଭାଷିତମ୍।
ରଥେନାତିପତାକେନ ମନୋମାରୁତରଂହସା॥ 8-58-38 (57931)
ଏବମେଷ କ୍ଷଯୋ ବୃତ୍ତଃ ପୃଥିବ୍ଯାଂ ପୃଥିବୀପତେ।
ତାବକାନାଂ ପରେଷାଂ ଚ ରାଜନ୍ଦୁର୍ମନ୍ତ୍ରିତେ ତବ॥ ॥ 8-58-39 (57932)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଅଷ୍ଟପଞ୍ଚାଶୋଽଧ୍ଯାଯଃ॥ 58 ॥
॥ ଶ୍ରୀଃ ॥
8.59. ଅଧ୍ଯାଯଃ 059
Mahabharata - Karna Parva - Chapter Topics
ସଙ୍କୁଲଯୁଦ୍ଧମ୍॥ 1 ॥
Mahabharata - Karna Parva - Chapter Text
8-59-0 (57933)
ସଞ୍ଜଯ ଉବାଚ। 8-59-0x (4982)
ତତଃ ପ୍ରବବୃତେ ଭୂଯଃ ସଙ୍ଗ୍ରାମୋ ରାଜସତ୍ତମ।
କର୍ଣସ୍ଯ ପାଣ୍ଡବାନାଂ ଚ ଯମରାଷ୍ଟ୍ରବିବର୍ଧନଃ॥ 8-59-1 (57934)
ଧନୂଂଷି ବାଣାନ୍ପରିଘାନସିପଟ୍ଟସତୋମରାନ୍।
ମୁସଲାନି ଭୁଶୁଣ୍ଡୀଶ୍ଚ ଶକ୍ତିରିଷ୍ଟିପରଶ୍ବଥାନ୍॥ 8-59-2 (57935)
ଗଦାଃ ପ୍ରାସାଞ୍ଶିତାନ୍କୁନ୍ତାନ୍ଭିଂଡିପାଲାନ୍ମହାଙ୍କୁଶାନ୍।
ପ୍ରଗୃହ୍ଯ କ୍ଷିପ୍ରମାପେତୁଃ ପରସ୍ପରଜିଘାଂସଯା॥ 8-59-3 (57936)
ବାଣଜ୍ଯାତଲଶବ୍ଦେନ ଦ୍ଯାଂ ଦିଶଃ ପ୍ରଦିଶୋ ବିଯତ୍।
ପୃଥିବୀଂ ନେମିଘୋଷେଣ ନାଦଯନ୍ତୋଽଭ୍ଯଯୁଃ ପରାନ୍॥ 8-59-4 (57937)
ତେନ ଶବ୍ଦେନ ମହତା ସଂହୃଷ୍ଟାଶ୍ଚକ୍ରୁରାହବମ୍।
ବୀରା ବୀରୈର୍ମହାପ୍ତୋରକଲହାନ୍ତଂ ତିତୀର୍ଷବଃ॥ 8-59-5 (57938)
ଜ୍ଯାତଲତ୍ରଧନୁଃଶବ୍ଦାଞ୍ଶସ୍ତ୍ରାଣାଂ ଚ ନିପାତ୍ଯତାମ୍।
ତାଡିତାନାଂ ଚ ପତତା ନିନାଦାଂଶ୍ଚ ପଦାତିନାମ୍॥ 8-59-6 (57939)
ବାଣଶବ୍ଦାଂଶ୍ଚ ବିବିଧାଞ୍ଶୂରାଣାଂ ଚାଭିଗର୍ଜତାମ୍।
ଶ୍ରୁତ୍ବା ଗଜା ଭୃଶଂ ତ୍ରେସୁଃ ପେତୁର୍ମମ୍ଲୁଶ୍ଚ ସୈନିକାଃ॥ 8-59-7 (57940)
ତେଷାଂ ନିନଦତାଂ ଚୈବ ଶସ୍ତ୍ରବର୍ଷଂ ଚ ମୁଞ୍ଚତାମ୍।
ବହୂନାଧିରଥିର୍ବୀରଃ ପ୍ରମମାଥେଷୁଭିଃ ପରାନ୍॥ 8-59-8 (57941)
ପଞ୍ଚ ପାଞ୍ଚାଲବୀରାଣାଂ ରଥାନ୍ଦଶ ଚ ପଞ୍ଚ ଚ।
ସାଶ୍ବସୂତଧ୍ବଜାନ୍କର୍ଣଃ ଶରୈର୍ନିନ୍ଯେ ଯମକ୍ଷଯମ୍॥ 8-59-9 (57942)
ଯୋଧମୁଖ୍ଯା ମହାବୀର୍ଯାଃ ପାଣ୍ଡୂନାଂ କର୍ଣମାହବେ।
ଶିକ୍ଷିତାସ୍ତମଭିଦ୍ରୁତ୍ଯ ପରିବବ୍ରୁଃ ସମନ୍ତତଃ॥ 8-59-10 (57943)
ତତଃ କର୍ଣୋ ଦ୍ବିଷତ୍ସେନାଂ ଶରବର୍ଷୈର୍ବିଲୋଡଯନ୍।
ବିଜଗାହାଣ୍ଡଜାକୀର୍ଣାଂ ପଦ୍ମିନୀମିବ ଯୂଥପଃ॥ 8-59-11 (57944)
ଦ୍ବିଷତ୍ସୈନ୍ଯମବସ୍କନ୍ଦ୍ଯ ରାଧେଯୋ ଧନୁରୁତ୍ତମମ୍।
ବିଧୁନ୍ବାନଃ ଶିତୈର୍ବାଣୈଃ ଶିରାଂସ୍ଯୁନ୍ମଥ୍ଯ ପାତଯତ୍॥ 8-59-12 (57945)
`ହସ୍ତିନଃ ସମହାମାତ୍ରାନ୍ସାଶ୍ବାରୋହାନ୍ହଯାନପି।
ରଥିନୋଽପ୍ଯେକବାଣେନ ଭ୍ରମତଶ୍ଚାବପାତଯତ୍'॥ 8-59-13 (57946)
ବର୍ମ ବା ଚର୍ମ ବାଽଶ୍ରିତ୍ଯ ନିପାତମପି ଦେହିନଃ।
ବିଷେହୁର୍ନାସ୍ଯ ସଂସ୍ପର୍ଶଂ ଦ୍ବିତୀଯସ୍ଯ ପତତ୍ତ୍ରିଣଃ॥ 8-59-14 (57947)
ବର୍ମଯୁକ୍ତେଷୁ ଦେହେଷୁ ଧନୁଷୋଽସ୍ଯଞ୍ଶିତାଞ୍ଶରାନ୍।
ମୌର୍ବ୍ଯା ତଲତ୍ରେ ନ୍ଯହନତ୍କଶଯା ବାଜିନୋ ଯଥା॥ 8-59-15 (57948)
ପାଣ୍ଡୁସୃଞ୍ଜଯପାଞ୍ଚାଲାଞ୍ଶରଗୋଚରମାଗତାନ୍।
ମମର୍ଦ ତରସା କର୍ଣଃ ସିଂହୋ ମୃଗଗଣାନିବ॥ 8-59-16 (57949)
ତତଃ ପାଞ୍ଚାଲପୁତ୍ରଶ୍ଚ ଦ୍ରୌପଦେଯାଶ୍ଚ ମାରିଷ।
ଯମୌ ଚ ଯୁଯୁଧାନଶ୍ଚ ତ୍ବରିତାଃ କର୍ଣମଭ୍ଯଯୁଃ॥ 8-59-17 (57950)
ତେଷୁ ବ୍ଯାଯଚ୍ଛମାନେଷୁ କୁରୁପାଞ୍ଚାଲପାଣ୍ଡୁଷୁ।
ପ୍ରିଯାନସୂନ୍ରଣେ ତ୍ଯକ୍ତ୍ବା ଯୋଧା ଜଘ୍ନୁଃ ପରସ୍ପରମ୍॥ 8-59-18 (57951)
ସୁସନ୍ନଦ୍ଧାଃ କବଚିନଃ ସଶିରସ୍ତ୍ରାଣଭୂଷଣାଃ।
ଗଦାଭିର୍ମୁସଲୈଶ୍ଚାନ୍ଯେ ପରିଘୈଶ୍ଚ ମହାବାଲାଃ॥ 8-59-19 (57952)
ସମଭ୍ଯଧାବନ୍ତ ଭୃଶଂ କାଲଦଣ୍ଡୈରିବୋଦ୍ଯତୈଃ।
ନର୍ଦନ୍ତଶ୍ଚାହ୍ବଯନ୍ତଶ୍ଚ ପ୍ରବଲ୍ଗନ୍ତଶ୍ଚ ମାରିଷ॥ 8-59-20 (57953)
ତତୋ ନିଜଘ୍ନୁରନ୍ଯୋନ୍ଯଂ ପେତୁଶ୍ଚାନ୍ଯୋନ୍ଯତାଡିତାଃ।
ବମନ୍ତୋ ରୁଧିରଂ ଗାତ୍ରୈର୍ବିମସ୍ତିଷ୍କେକ୍ଷମାଯୁଧାଃ॥ 8-59-21 (57954)
ଦନ୍ତପୂର୍ଣୈଃ ସରୁଧିରୈର୍ବକ୍ରୈର୍ଦାଡିମସନ୍ନିଭୈଃ।
ଜୀବନ୍ତ ଇବ ଚାପ୍ଯେକେ ତସ୍ଥୁଃ ଶସ୍ତ୍ରୌଘବୃଂହିତାଃ॥ 8-59-22 (57955)
ପରଶ୍ବଥୈଶ୍ଚାପ୍ଯପରେ ପଟ୍ଟସୈରସିଭିସ୍ତଥା।
ଶକ୍ତିଭିର୍ଭିଣ୍ଡିପାଲୈଶ୍ଚ ନଖରପ୍ରାସତୋମରୈଃ॥ 8-59-23 (57956)
ତତକ୍ଷୁଶ୍ଚିଚ୍ଛିଦୁଶ୍ଚାନ୍ଯେ ବିଭିଦୁଶ୍ଚିକ୍ଷିପୁସ୍ତଥା।
ସଞ୍ଚକର୍ତୁଶ୍ଚ ଜଘ୍ନୁଶ୍ଚ ରାଜନ୍ଯୋଧା ମହାରଣେ॥ 8-59-24 (57957)
ପେତୁରନ୍ଯୋନ୍ଯନିହତା ବ୍ଯସବୋ ରୁଧିରୋକ୍ଷିତାଃ।
କ୍ଷରନ୍ତଃ ସ୍ବରସଂ ରକ୍ତଂ ପ୍ରକୃତ୍ତାଶ୍ଚନ୍ଦନା ଇବ॥ 8-59-25 (57958)
ରଥୈ ରଥା ବିନିହତା ହସ୍ତିଭିଶ୍ଚାପି ହସ୍ତିନଃ।
ନରୈର୍ନରା ହତାଃ ପେତୁରଶ୍ବାଶ୍ଚାଶ୍ବୈଃ ସହସ୍ରଶଃ॥ 8-59-26 (57959)
ଧ୍ବଜାଃ ଶିରାଂସି ଚ୍ଛିନ୍ନାଃ ପେତୁର୍ମହୀତଲେ॥
`ବଧ୍ଯତାଂ ଦାରୁଣାଃ ଶବ୍ଦାଃ ପତତାଂ ସ୍ତନତାମପି। 8-59-27 (57960)
କ୍ଷୁରୈର୍ଭଲ୍ଲାର୍ଧଚନ୍ଦ୍ରୈଶ୍ଚ ଚ୍ଛିନ୍ନାଃ ପେତୁର୍ମହୀତଲେ॥
ନରାଶ୍ବେଭରଥାନାଂ ହିନରାଶ୍ବେଭରଥୈସ୍ତଥା'॥ 8-59-28 (57961)
ନରାଂଶ୍ଚ ନାଗାଂଶ୍ଚ ରଥାନ୍ହଯାନ୍ମମୃଦୁରାହବେ॥ 8-59-29 (57962)
ଅଶ୍ବାରୋହୈର୍ହତାଃ ଶୂରାଶ୍ଛିନ୍ନହସ୍ତାଶ୍ଚ ଦନ୍ତିନଃ।
ସପତାକାଧ୍ବଜାଃ ପେତୁର୍ବିଶୀର୍ଣା ଇବ ପର୍ବତାଃ॥ 8-59-30 (57963)
ପତ୍ତିଭିଶ୍ଚ ସମାପ୍ଲୁତ୍ଯ ଦ୍ବିରଦାଃ ସ୍ଯନ୍ଦନାସ୍ତଥା।
ହତାଶ୍ଚ ହନ୍ଯମାନାଶ୍ଚ ପତିତାଶ୍ଚୈବ ସର୍ବଶଃ॥ 8-59-31 (57964)
ଅଶ୍ବାରୋହାଃ ସମାସାଦ୍ଯ ତ୍ବରିତାଃ ପତ୍ତିଭିର୍ହତାଃ।
ସାଦିଭିଃ ପତ୍ତିସଙ୍ଘାଶ୍ଚ ନିହତା ଯୁଧି ଶେରତେ॥ 8-59-32 (57965)
ମୃଦିତାନୀବ ପଦ୍ମାନି ପ୍ରମ୍ଲାନା ଇବ ଚ ସ୍ରଜଃ।
ହତାନାଂ ବଦନାନ୍ଯାସନ୍ଗାତ୍ରାଣି ଚ ମହାହବେ॥ 8-59-33 (57966)
ରୂପାଣ୍ଯତ୍ଯର୍ଥକାନ୍ତାନି ଦ୍ବିରଦାଶ୍ବନୃଣାଂ ନୃପ।
ସମୁନ୍ନାନୀବ ବସ୍ତ୍ରାଣି ଯଯୁର୍ଦୁର୍ଦୁର୍ଶତାଂ ପରାମ୍॥ ॥ 8-59-34 (57967)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଏକୋନଷଷ୍ଟିତମୋଽଧ୍ଯାଯଃ॥ 59 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.60. ଅଧ୍ଯାଯଃ 060
Mahabharata - Karna Parva - Chapter Topics
ଗଜଯୁଦ୍ଧମ୍॥ 1 ॥ ସଙ୍କୁଲଯୁଦ୍ଧମ୍॥ 2 ॥
Mahabharata - Karna Parva - Chapter Text
8-60-0 (57968)
ସଞ୍ଜଯ ଉବାଚ। 8-60-0x (4983)
ହସ୍ତିଭିସ୍ତୁ ମହାମାତ୍ରାସ୍ତବ ପୁତ୍ରେଣ ଚୋଦିତାଃ।
ଧୃଷ୍ଟଦ୍ଯୁମ୍ନଂ ଘ୍ନତେତ୍ଯାଶୁ କ୍ରୁଦ୍ଧାଃ ପାର୍ଷତମଭ୍ଯଯୁଃ॥ 8-60-1 (57969)
ପ୍ରାଚ୍ଯାଶ୍ଚ ଦାକ୍ଷିଣାତ୍ଯାଶ୍ଚ ପ୍ରବରା ଗଜଯୋଧିନଃ।
ଅଙ୍ଗା ବଙ୍ଗାଶ୍ଚ ପୁଣ୍ଡ୍ରାଶ୍ଚ ମାଗଧାସ୍ତାମ୍ରଲିପ୍ତକାଃ॥ 8-60-2 (57970)
ମେକଲାଃ କୋଶଲା ମଦ୍ରା ଦଶାର୍ଣା ନିଷଧାସ୍ତଥା।
ଗଜଯୁଦ୍ଧେଷୁ କୁଶଲାଃ କଲିଙ୍ଗୈଃ ସହ ଭାରତ॥ 8-60-3 (57971)
ଶରତୋମରନାରାଚୈର୍ବୃଷ୍ଟିମନ୍ତ ଇବାମ୍ବୁଦାଃ।
ସିଷିଚୁସ୍ତେ ତତଃ ସର୍ବେ ପାଞ୍ଚାଲବଲମାହବେ॥ 8-60-4 (57972)
ତାନଭିଦ୍ରବତୋ ନାଗାନ୍ମଦବେଗସମୁଦ୍ଧତାନ୍।
ବିପାଠକ୍ଷୁରନାରାଚୈର୍ଧୃଷ୍ଟଦ୍ଯୁମ୍ନୋ ହ୍ଯବୀବୃଷତ୍॥ 8-60-5 (57973)
ଏକୈକଂ ଦଶଭିଃ ଷ଼ଡ୍ଭିରଷ୍ଟାଭିରପି ପାର୍ଷତଃ।
ଦ୍ବିରଦାନଭିବିବ୍ଯାଧ କ୍ଷିପ୍ରଂ ଗିରିନିଭାଞ୍ଶରୈଃ॥ 8-60-6 (57974)
ପ୍ରଚ୍ଛାଦ୍ଯମାନଂ ଦ୍ବିରଦୈର୍ମେଘୈରିବ ଦିବାକରମ୍।
ପର୍ଯଯୁଃ ପାଣ୍ଡୁପାଞ୍ଚାଲା ନଦନ୍ତୋ ହ୍ଯାତ୍ତକାର୍ମୁକାଃ॥ 8-60-7 (57975)
ତାନ୍ନାଗାନଭିବର୍ଷନ୍ତୋ ଜ୍ଯାତଲତ୍ରବିନାଦିନଃ।
ବୀରନୃତ୍ଯଂ ପ୍ରନୃତ୍ଯନ୍ତଃ ଶୂରତାଲପ୍ରଚୋଦିତୈଃ।
ନକୁଲଃ ସହଦେବଶ୍ଚ ଦ୍ରୌପଦେଯାଃ ପ୍ରଭଦ୍ରକାଃ॥ 8-60-8 (57976)
ସାତ୍ଯକିଶ୍ଚ ଶିଖଣ୍ଡୀ ଚ ଚେକିତାନଶ୍ଚ ବୀର୍ଯବାନ୍।
ସମନ୍ତାତ୍ସିଷିଚୁର୍ବୀରା ମେଘାସ୍ତୋଯୈରିବାଚଲାନ୍॥ 8-60-9 (57977)
ତେ ମ୍ଲେଚ୍ଛୈଃ ପ୍ରେଷିତା ନାଗା ନରାନଶ୍ବାନ୍ରଥାନପି।
ହସ୍ତୈରାକ୍ଷିପ୍ଯ ମମୃଦୁଃ ପଦ୍ଭିଶ୍ଚାପ୍ଯତିମନ୍ଯବଃ॥ 8-60-10 (57978)
ବିଭିଦୁଶ୍ଚ ବିଷାଣାଗ୍ରୈଃ ସମାକ୍ଷିପ୍ଯ ଚ ଚିକ୍ଷିପୁଃ।
ବିଷାଣଲଗ୍ନାଶ୍ଚାପ୍ଯନ୍ଯେ ପରିପେତୁର୍ବିଭୀଷଣାଃ॥ 8-60-11 (57979)
ପ୍ରମୁଖେ ବର୍ତମାନଂ ତୁ ଦ୍ବିପମଙ୍ଗସ୍ଯ ସାତ୍ଯକିଃ।
ନାରାଚେନୋଗ୍ରବେଗେନ ଭିତ୍ତ୍ବା ମର୍ମାଣ୍ଯତାଡଯତ୍॥ 8-60-12 (57980)
ତସ୍ଯାବର୍ଜିତକାଯସ୍ଯ ଦ୍ବିରଦାଦୁତ୍ପତିଷ୍ଯତଃ।
ନାରାଚେନାହନଦ୍ବକ୍ଷଃ ସାତ୍ଯକିଃ ସୋଽପତଦ୍ଭୁବି॥ 8-60-13 (57981)
ପୁଣ୍ଡ୍ରସ୍ଯାପତତୋ ନାଗଂ ଚଲନ୍ତମିବ ପର୍ବତମ୍।
ସହଦେବଃ ପ୍ରସନ୍ନାଗ୍ରୈର୍ନାରାଚୈରହନତ୍ତ୍ରିଭିଃ॥ 8-60-14 (57982)
ବିପତାକଂ ବିଯନ୍ତାରଂ ବିବର୍ମଧ୍ବଜଜୀବିତମ୍।
ତଂ କୃତ୍ବା ଦ୍ବିରଦଂ ଭୂଯଃ ସହଦେବୋଽଙ୍ଗମଭ୍ଯଯାତ୍॥ 8-60-15 (57983)
ସହଦେବଂ ତୁ ନକୁଲୋ ବାରଯିତ୍ବାଙ୍ଗମାର୍ଦଯତ୍।
ନାରାଚୈର୍ଯମଦଣ୍ଡାଭୈସ୍ତ୍ରିଭିର୍ନାଗଂ ଶତେନ ତମ୍॥ 8-60-16 (57984)
ଦିବାକରକପ୍ରଖ୍ଯାନଙ୍ଗଶ୍ଚିକ୍ଷେପ ତୋମରାନ୍।
ନକୁଲାଯ ଶତାନ୍ଯଷ୍ଟୌ ତ୍ରିଧୈକୈକଂ ତୁ ସୋଽଚ୍ଛିନତ୍॥ 8-60-17 (57985)
ତଥାଽର୍ଧଚନ୍ଦ୍ରେଣ ଶିରସ୍ତସ୍ଯ ଚିଚ୍ଛେଦ ପାଣ୍ଡବଃ।
ସ ପପାତ ହତୋ ମ୍ଲେଚ୍ଛସ୍ତେନୈବ ସହ ଦନ୍ତିନା॥ 8-60-18 (57986)
ଅଥାଙ୍ଗପୁତ୍ରେ ନିହତେ ହସ୍ତିଶିକ୍ଷାବିଶାରଦେ।
ଅଙ୍ଗାଃ କ୍ରୁଦ୍ଧା ମହାମାତ୍ରା ନାଗୈର୍ନକୁଲମଭ୍ଯଯୁଃ॥ 8-60-19 (57987)
ଚଲତ୍ପତାକୈଃ ସୁମୁଖୈର୍ହେମକକ୍ଷ୍ଯାତନୁଚ୍ଛଦୈଃ।
ମିମର୍ଦିଷନ୍ତସ୍ତ୍ବରିତାଃ ପ୍ରଦୀପ୍ତୈରିବ ପର୍ବତୈଃ॥ 8-60-20 (57988)
ମେକଲୋତ୍କଲକାଲିଙ୍ଗା ନିଷଧାସ୍ତାମ୍ରଲିପ୍ତକାଃ।
ଶରତୋମରବର୍ଷାଣି ବିମୁଞ୍ଚନ୍ତୋ ଜିଘାଂସବଃ॥ 8-60-21 (57989)
ତୈଶ୍ଛାଦ୍ଯମାନଂ ନକୁଲଂ ନିଶାକରମିବାମ୍ବୁଦୈଃ।
ପରିପେତୁଃ ସୁସଂରବ୍ଧାଃ ପାଣ୍ଡୁପାଞ୍ଚାଲସାତ୍ଯକାଃ॥ 8-60-22 (57990)
ତତସ୍ତଦଭବଦ୍ଯୁଦ୍ଧଂ ରଥିନାଂ ହସ୍ତିଭିଃ ସହ।
ସୃଜତାଂ ଶରବର୍ଷାଣି ତୋମରାଂଶ୍ଚ ସହସ୍ରଶଃ॥ 8-60-23 (57991)
ନାଗାନାଂ ପ୍ରାସ୍ଫୁଟନ୍କୁମ୍ଭା ମର୍ମାଣି ଚ ନଖାନି ଚ।
ଦନ୍ତାଶ୍ଚୈବାତିବିଦ୍ଧାନାଂ ନାରାଚୈର୍ହେମଭୂଷଣୈଃ॥ 8-60-24 (57992)
ତେଷାମଷ୍ଟୌ ମହାନାଗାଂଶ୍ଚତୁଃଷଷ୍ଟ୍ଯା ସୁତେଜନୈଃ।
ନାରାଚୈଃ ସହଦେବସ୍ତାନ୍ପାତଯାମାସ ସାଦିଭିଃ॥ 8-60-25 (57993)
ଅଞ୍ଜୋଗତିଭିରାଯମ୍ଯ ପ୍ରଯତ୍ନାଦ୍ଧନୁରୁତ୍ତମମ୍।
ନାରାଚୈରହନନ୍ନାଗାନ୍ନକୁଲଃ କୁଲନନ୍ଦନଃ॥ 8-60-26 (57994)
ତତଃ ପାଞ୍ଚାଲଶୈନେଯୌ ଦ୍ରୌପଦେଯାଃ ପ୍ରଭଦ୍ରକାଃ।
ଶିଖଣ୍ଡୀ ଚ ମହାନାଗାନ୍ସିଷିଚୁଃ ଶରବୃଷ୍ଟିଭିଃ॥ 8-60-27 (57995)
ତେ ପାଣ୍ଡୁଯୋଧାମ୍ବୁଧରୈଃ ଶତ୍ରୁଦ୍ବିରଦପର୍ବତାଃ।
ବାଣବର୍ଷୈର୍ହତାଃ ପେତୁର୍ବଜ୍ରବର୍ଷୈରିବାଚଲାଃ॥ 8-60-28 (57996)
ଏବଂ ହତ୍ବା ତବ ଗଜାଂସ୍ତେ ପାଣ୍ଡୁରଥକୁଞ୍ଜରାଃ।
ଦ୍ରୁତଂ ସେନାଂ ଚ ବର୍ଷନ୍ତୋ ଭିନ୍ନକୂଲାମିବାପଗାମ୍॥ 8-60-29 (57997)
ତାଂ ତେ ସେନାଂ ସମାଲୋଡ୍ଯ ପାଣ୍ଡୁପୁତ୍ରସ୍ଯ ସୈନିକାଃ।
ବିକ୍ଷୋଭଯିତ୍ବା ଚ ପୁନଃ କର୍ଣଂ ସମଭିଦୁଦ୍ରୁବୁଃ॥ ॥ 8-60-30 (57998)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଷଷ୍ଟିତମୋଽଧ୍ଯାଯଃ॥ 60 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.61. ଅଧ୍ଯାଯଃ 061
Mahabharata - Karna Parva - Chapter Topics
କୃଷ୍ଣେନାର୍ଜୁନମ୍ପ୍ରତି କୁରୂଣାଂ ଯୁଧିଷ୍ଠିରଗ୍ରହଣୋଦ୍ଯମକଥନମ୍॥ 1 ॥
Mahabharata - Karna Parva - Chapter Text
8-61-0 (57999)
ସଞ୍ଜଯ ଉବାଚ। 8-61-0x (4984)
ତେଷାଂ ପ୍ରବୃତ୍ତେ ସଙ୍ଗ୍ରାମେ ବିପୁଲେ ଶୋଣିତୋଦକେ।
ରରାଜ ଲୋହିତେନୋର୍ବୀ ସଂସିକ୍ତା ବହୁଧା ଭୃଶମ୍॥ 8-61-1 (58000)
ତତୋ ରଜସି ସଂଶାନ୍ତେ ପ୍ରକାଶଃ ସର୍ବତୋଽଭବତ୍।
ଏତସ୍ମିନ୍ନନ୍ତରେ ପାର୍ଥଂ କୃଷ୍ଣୋ ବଚନମବ୍ରବୀତ୍।
ଦର୍ଶଯନ୍ନିବ କୌନ୍ତେଯଂ ଧର୍ମରାଜଂ ଯୁଧିଷ୍ଠିରମ୍॥ 8-61-2 (58001)
ଏଷ ପାଣ୍ଡବ ତେ ଭ୍ରାତା ଧାର୍ତରାଷ୍ଟ୍ରୈର୍ମହାବଲୈଃ।
ଜିଘାଂସୁଭିର୍ମହେଷ୍ବାସୈଃ ଶୀଘ୍ରଂ ପାର୍ଥୋଽନୁସାର୍ଯତେ॥ 8-61-3 (58002)
ତମନ୍ବଗେବ ପାଞ୍ଚାଲାଶ୍ଚେଦିମାତ୍ସ୍ଯାଶ୍ଚ ଭାରତ।
ଅନୁଯାନ୍ତି ମହାତ୍ମାନଂ ପରୀପ୍ସନ୍ତୋ ମହାଜବାଃ॥ 8-61-4 (58003)
ଏଷ ଦୁର୍ଯୋଧନଃ ପାର୍ଥ ଗଜାନୀକେନ ଦଂଶିତଃ।
ରାଜା ସର୍ବସ୍ଯ ଲୋକସ୍ଯ ରାଜାନମନୁଧାବତି॥ 8-61-5 (58004)
ଜିଘାଂସୁଃ ପୁରୁଷବ୍ଯାଘ୍ରଂ ଭ୍ରାତୃଭିଃ ସହିତୋ ବଲୀ।
ଆଶୀବିଷସମସ୍ପର୍ଶୈଃ ସର୍ବାଯୁଧବିଶାରଦୈଃ॥ 8-61-6 (58005)
ନଦଦ୍ଭିଃ ସିଂହନାଦାଂଶ୍ଚ ଧମଦ୍ଭିଶ୍ଚାପି ବାରିଜାନ୍।
ବଲବଦ୍ଭିର୍ମହେଷ୍ବାସୈର୍ବିଧୂନ୍ବାନୈର୍ଧନୂଂଷି ଚ॥ 8-61-7 (58006)
ଏତେ ଜିଘୃକ୍ଷବୋ ଯାନ୍ତି ଦ୍ବିପାଶ୍ବରଥପତ୍ତଯଃ।
ଯୁଧିଷ୍ଠିରଂ ଧାର୍ତରାଷ୍ଟ୍ରୋ ରତ୍ନୋତ୍ତମମିବାର୍ଥିନଃ॥ 8-61-8 (58007)
ପଶ୍ଯ ସାତ୍ବତଭୀମାଭ୍ଯାଂ ନିରୁଦ୍ଧା ବିଷ୍ଠିତାଃ ପୁନଃ।
ଜିହୀର୍ଷବୋଽମୃତଂ ଦୈତ୍ଯାଃ ଶକ୍ରାଗ୍ନିଭ୍ଯାମିବାହବେ॥ 8-61-9 (58008)
ଏତେ ବହୁତ୍ବାତ୍ତ୍ବରିତାଃ ପୁନର୍ଗଚ୍ଛନ୍ତି ପାଣ୍ଡବମ୍।
ସମୁଦ୍ରମିବ ବାର୍ଯୋଘାଃ ପ୍ରାବୃଟ୍କାଲେ ମହାରଥାଃ॥ 8-61-10 (58009)
ମୃତ୍ଯୋର୍ମୁଖଗତଂ ମନ୍ଯେ କୁନ୍ତୀପୁତ୍ରଂ ଯୁଧିଷ୍ଠିରମ୍।
ହୁତମଗ୍ନୌ ଚ କୌନ୍ତେଯଂ ଦୁର୍ଯୋଧନବଶଂ ଗତମ୍॥ 8-61-11 (58010)
ଯଥାଯୁକ୍ତମନୀକଂ ହି ଧାର୍ତରାଷ୍ଟ୍ରସ୍ଯ ପାଣ୍ଡବ।
ନାସ୍ଯ ଶକ୍ରୋଽପି ମୁଚ୍ଯେତ ସମ୍ପ୍ରାପ୍ତୋ ବାଣଗୋଚରମ୍॥ 8-61-12 (58011)
ଦୁର୍ଯୋଧନସ୍ଯ ବୀରସ୍ଯ ଶରୌଘାଞ୍ଶୀଘ୍ରମସ୍ଯତଃ।
ସଙ୍କ୍ରୁଦ୍ଧସ୍ଯାନ୍ତକସ୍ଯେବ କୋ ବେଗଂ ସଂସହେଦ୍ରଣେ॥ 8-61-13 (58012)
ରସତସ୍ତସ୍ଯ ବୀରସ୍ଯ ଦ୍ରୌଣେଃ ଶାରଦ୍ବତସ୍ଯ ଚ।
କର୍ଣସ୍ଯ ଚେଷୁବେଗୋ ବୈ ପର୍ବତାନପି ଶାତଯେତ୍॥ 8-61-14 (58013)
କର୍ଣେନ ଚ କୃତୋ ରାଜା ବିମୁଖୋଽଦ୍ଯ ତୁ ଦୃଶ୍ଯତେ॥ 8-61-15 (58014)
ବଲବାଁଲ୍ଲୁଘୁହସ୍ତଶ୍ଚ କୃତୀ ଯୁଦ୍ଧବିଶାରଦଃ।
ରାଧେଯଃ ପାଣ୍ଡବଶ୍ରେଷ୍ଠଂ ଶକ୍ତଃ ପୀଡଯିତୁଂ ରଣେ।
ସହିତୋ ଧୃତରାଷ୍ଟ୍ରସ୍ଯ ପୁତ୍ରୈଃ ଶୂରୈର୍ମହାବଲୈଃ॥ 8-61-16 (58015)
ତସ୍ଯୈଭିର୍ଯୁଧ୍ଯମାନସ୍ଯ ସଙ୍ଗ୍ରାମେ ଶଂସିତାତ୍ମନଃ।
ଅନ୍ଯୈରପି ଚ ପାର୍ଥସ୍ଯ କୃତଂ କର୍ମ ମହାରଥୈଃ॥ 8-61-17 (58016)
ଉପବାସକୃଶୋ ରାଜା ଭୃଶଂ ଭରତସତ୍ତମଃ।
ବ୍ରାହ୍ମୋ ବଲେ ସ୍ଥିତୋ ହ୍ଯେଷ ନ କ୍ଷାତ୍ରେ ହି ବଲେ ବିଭୁଃ॥ 8-61-18 (58017)
କର୍ଣେନ ଚାଭିଯୁକ୍ତୋଽଯଂ ଭୂପତିଃ ଶତ୍ରୁତାପନଃ।
ସଂଶଯଂ ସମନୁପ୍ରାପ୍ତଃ ପାଣ୍ଡବୋ ବୈ ଯୁଧିଷ୍ଠିରଃ॥ 8-61-19 (58018)
ନ ଜୀବତି ମହାରାଜୋ ମନ୍ଯେ ପାର୍ଥ ଯୁଧିଷ୍ଠିରଃ।
ଯଦ୍ଭୀମସେନଃ ସହତେ ସିଂହନାଦମମର୍ଷଣଃ॥ 8-61-20 (58019)
ନର୍ଦତାଂ ଧାର୍ତରାଷ୍ଟ୍ରାଣାଂ ପୁନଃପୁନରରିନ୍ଦମଃ।
ଧମତାଂ ଚ ମହାଶଙ୍ଖାନ୍ସଙ୍ଗ୍ରାମେ ଜିତକାଶିନାମ୍॥ 8-61-21 (58020)
ଯୁଧିଷ୍ଠିରଂ ପାଣ୍ଡବେଯଂ ହତେତି ଭରତର୍ଷଭ।
ସଞ୍ଚୋଦଯତ୍ଯସୌ କର୍ଣୋ ଧାର୍ତରାଷ୍ଟ୍ରାନ୍ମହାବଲାନ୍॥ 8-61-22 (58021)
ସ୍ଥୂଣାକର୍ଣାସ୍ତ୍ରଜାଲେନ ପାର୍ଥ ପାଶୁପତେନ ଚ।
ପ୍ରଚ୍ଛାଦଯନ୍ତି ରାଜାନମନୁଯାନ୍ତି ମହାରଥାଃ॥ ॥ 8-61-23 (58022)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଏକଷଷ୍ଟିତମୋଽଧ୍ଯାଯଃ॥ 61 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.62. ଅଧ୍ଯାଯଃ 062
Mahabharata - Karna Parva - Chapter Topics
କୃଷ୍ଣେନାର୍ଜୁନମ୍ପ୍ରତି ଯୁଧିଷ୍ଠିରସ୍ଯ କର୍ଣେନ ପରାଭବକଥନପୂର୍ବକଂ କର୍ଣଯୁଦ୍ଧପ୍ରଦର୍ଶନମ୍॥ 1 ॥ ତଥା ଭୀମସେନଯୁଦ୍ଧପ୍ରଦର୍ଶନମ୍॥ 2 ॥
Mahabharata - Karna Parva - Chapter Text
8-62-0 (58023)
ଶ୍ରୀଭଗବାନୁବାଚ। 8-62-0x (4985)
ଆତୁରୋ ମେ ମତୋ ରାଜା ଅବିପହ୍ଯଶ୍ଚ ଭାରତ।
ଯଥୈନମନୁବର୍ତନ୍ତେ ପଞ୍ଚାଲାଃ ସହ ପାଣ୍ଡବୈଃ॥ 8-62-1 (58024)
ତ୍ବରମାଣାସ୍ତ୍ବରାକାଲେ ସର୍ବଶସ୍ତ୍ରଭୃତାଂ ବରାଃ।
ମଜ୍ଜନ୍ତମିବ ପାତାଲେ ବଲିନୋ ହ୍ଯୁଜ୍ଜିହୀର୍ଷବଃ॥ 8-62-2 (58025)
ନ କେତୁର୍ଦୃଶ୍ଯତେ ରାଜ୍ଞଃ କର୍ଣସ୍ଯ ପିହିତଃ ଶରୈଃ।
ପଶ୍ଯତୋର୍ଯମଯୋଃ ପାର୍ଥ ସାତ୍ଯକେଶ୍ଚ ଶିଖଣ୍ଡିନଃ॥ 8-62-3 (58026)
ଧୃଷ୍ଟଦ୍ଯୁମ୍ନସ୍ଯ ଭୀମସ୍ଯ ଶତାନୀକସ୍ଯ ବା ବିଭୋ।
ପାଞ୍ଚାଲାନାଂ ଚ ସର୍ବେଷାଂ ଚେଦୀନାଂ ଚୈବ ଭାରତ॥ 8-62-4 (58027)
ଏଷ କର୍ଣୋ ରଣେ ପାର୍ଥ ପାଣ୍ଡବାନାମନୀକିନୀମ୍।
ଶରୈର୍ବିଧ୍ବଂସଯାମାସ ନଲିନୀମିବ କୁଞ୍ଜରଃ॥ 8-62-5 (58028)
ଏତେ ଦ୍ରବନ୍ତି ରଥିନସ୍ତ୍ବଦୀଯାଃ ପାଣ୍ଡୁନନ୍ଦନ।
ପଶ୍ଯ ପଶ୍ଯ ଯଥା ପାର୍ଥ ଗଚ୍ଛନ୍ତ୍ଯେତେ ମହାରଥାଃ॥ 8-62-6 (58029)
ଏତେ ଭାରତ ମାତଙ୍ଗାଃ କର୍ଣେନାଭିହତାଃ ଶରୈଃ।
ଆର୍ତନାଦାନ୍ବିକୁର୍ବାଣା ବିଦ୍ରବନ୍ତି ଦିଶୋ ଦଶ॥ 8-62-7 (58030)
ରଥାନାଂ ଦ୍ରବତେ ବୃନ୍ଦମେତଚ୍ଚୈବ ସମନ୍ତତଃ।
ଦ୍ରାବ୍ଯମାଣଂ ରଣେ ପାର୍ଥ କର୍ଣେନାମିତତେଜସା॥ 8-62-8 (58031)
ହସ୍ତିକକ୍ଷ୍ଯାଂ ରଣେ ପଶ୍ଯ ଚରନ୍ତୀଂ ତତ୍ରତତ୍ର ହ।
ରଥସ୍ଥଂ ସୂତପୁତ୍ରସ୍ଯ କେତୁଂ କେତୁମତାଂ ବର॥ 8-62-9 (58032)
ଅସୌ ଧାବତି ରାଧେଯୋ ଭୀମସେନରଥଂ ପ୍ରତି।
କିରଞ୍ଶରଶତାନ୍ଯେବ ବିନିଘ୍ନଂସ୍ତବ ବାହିନୀମ୍॥ 8-62-10 (58033)
ଏତେ ନଶ୍ଯନ୍ତି ପାଞ୍ଚାଲା ଦ୍ରାବ୍ଯମାଣା ମହାତ୍ମନା।
ଶକ୍ରେଣେବ ଯଥା ଦୈତ୍ଯା ଦ୍ରାବ୍ଯମାଣା ମହାତ୍ମନା॥ 8-62-11 (58034)
ଏଷ କର୍ଣୋ ରଣେ ଜିତ୍ବା ପାଞ୍ଚାଲାନ୍ପାଣ୍ଡୁସୃଞ୍ଜଯାନ୍।
ଦିଶୋ ବିପ୍ରେକ୍ଷତେ ସର୍ବାସ୍ତ୍ବଦର୍ଥମିତି ମେ ମତିଃ॥ 8-62-12 (58035)
ଏଷ କର୍ଣୋ ଧନୁଃଶ୍ରେଷ୍ଠଂ ବିଧୂନ୍ବନ୍ବହୁଶୋଭତେ।
ଶତ୍ରୁଂ ଜିତ୍ବା ଯଥା ଶକ୍ରୋ ଦେବସଙ୍ଖୈଃ ସମାବୃତଃ॥ 8-62-13 (58036)
ଏତେ ନର୍ଦନ୍ତି କୌରବ୍ଯା ଦୃଷ୍ଟ୍ବା କର୍ଣସ୍ଯ ବିକ୍ରମମ୍।
ତ୍ରାସଯନ୍ତୋ ରଣେ ପାଣ୍ଡୂନ୍ସୃଂଜଯାଂଶ୍ଚ ସମନ୍ତତଃ॥ 8-62-14 (58037)
ଏଷ ସର୍ବାତ୍ମନା ପାଣ୍ଡୂଂସ୍ତ୍ରାସଯିତ୍ବା ମହାରଣେ।
ଅଭିଭାଷତି ରାଧେଯଃ ସର୍ବସୈନ୍ଯାନି ମାନଦ॥ 8-62-15 (58038)
ଅଭିଦ୍ରବତ ଭଦ୍ରଂ ବୋ ଦ୍ରୁତଂ ଦ୍ରବତ କୌରବାଃ।
ଯଥା ନ ଜୀବବାନ୍କଶ୍ଚିନ୍ମୁଚ୍ଯେତ ଯୁଧି ସୃଞ୍ଜଯଃ॥ 8-62-16 (58039)
ତଥା କୁରୁତ ସଂଯତ୍ତା ବଯଂ ଯାସ୍ଯାମ ପୃଷ୍ଠତଃ।
ଏବମୁକ୍ତ୍ବା ଗତୋ ହ୍ଯେଷ ପୃଷ୍ଠତୋ ବିକିରଞ୍ଛରାନ୍॥ 8-62-17 (58040)
ପଶ୍ଯ କର୍ଣଂ ରଣେ ପାର୍ଥ ଶ୍ବେତଚ୍ଛତ୍ରବିରାଜିତମ୍।
ଉଦଯଂ ପର୍ବତଂ ଯଦ୍ବଚ୍ଛଶାଙ୍କେନାଭିଶୋଭିତମ୍॥ 8-62-18 (58041)
ପୂର୍ଣଚନ୍ଦ୍ରନିକାଶେନ ମୂର୍ଧ୍ନି ଚ୍ଛତ୍ରେଣ ଭାରତ।
ଧ୍ରିଯମାଣେନ ସମରେ ଶ୍ରୀମଚ୍ଛତଶଲାକିନା॥ 8-62-19 (58042)
ଏଷ ତ୍ବାଂ ପ୍ରେକ୍ଷତେ କର୍ଣଃ ସକଟାକ୍ଷଂ ଧନଞ୍ଜଯ।
ଉତ୍ତମଂ ଯତ୍ନମାସ୍ଥାଯ ଧ୍ରୁବମେଷ୍ଯତି ସଂଯୁଗେ॥ 8-62-20 (58043)
ପଶ୍ଯ ହ୍ଯେନଂ ମହାବାହୋ ବିଧୁନ୍ବାନଂ ମହଦ୍ଧନୁଃ।
ଶରାଂଶ୍ଚାଶୀବିଷାକାରାନ୍ବିସୃଜନ୍ତଂ ମହାରଣେ॥ 8-62-21 (58044)
ଅସୌ ନିବୃତ୍ତୋ ରାଧେଯୋ ଦୃଷ୍ଟ୍ବା ତେ ବାନରଧ୍ବଜମ୍।
ପ୍ରାର୍ଥଯନ୍ସମରଂ ପାର୍ଥ ତ୍ବଯା ସହ ପରନ୍ତପ।
ବଧାଯ ହ୍ଯାତ୍ମନୋଽଭ୍ଯେତି ପାବକଂ ଶଲଭୋ ଯଥା॥ 8-62-22 (58045)
କର୍ଣମେକାକିନଂ ଦୃଷ୍ଟ୍ବା ଧାର୍ତରାଷ୍ଟ୍ରୋ ରଣାଜିରେ।
ତ୍ବାଂ ଚ ପାର୍ଥାଭିସଂରବ୍ଧଂ କର୍ଣଂ ପ୍ରତି ମହାରଥମ୍॥ 8-62-23 (58046)
କୃତାଗସଂ ଚ ରାଧେଯଂ ଧର୍ମାତ୍ମନି ଯୁଧିଷ୍ଠିରେ।
ଅତ୍ମାନଂ ଚ କୃତାର୍ଥଂ ଚ ସମୀକ୍ଷ୍ଯ ଭରତର୍ଷଭ॥ 8-62-24 (58047)
ଅସୌ ଦୁର୍ଯୋଧନଃ କ୍ରୁଦ୍ଧୋ ରଥାନୀକେନ ଭାରତ।
ରିରକ୍ଷିଷୁଃ ସୁସଂବୃତ୍ତୋ ଧାର୍ତରାଷ୍ଟ୍ରୋ ନିବର୍ତତେ॥ 8-62-25 (58048)
ସର୍ବୈଃ ସହୈଭିର୍ଦୁଷ୍ଟାତ୍ମା ବଧ୍ଯତାଂ ଚ ପ୍ରଯତ୍ନତଃ।
ତ୍ବଯା ଯଶଶ୍ଚ ରାଜ୍ଯଂ ଚ ସୁଖଂ ଚୋତ୍ତମମିଚ୍ଛତା॥ 8-62-26 (58049)
ଅଦୀନଯୋର୍ବିଶ୍ରୁତଯୋର୍ଯୁବଯୋର୍ଯୋତ୍ସ୍ଯମାନଯୋଃ।
ଦେବାସୁରେ ପାର୍ଥ ମୃଧେ ଦେବଦାନବଯୋରିବ।
ପଶ୍ଯନ୍ତୁ କୌରବାଃ ସର୍ବେ ତବ ପାର୍ଥ ପରାକ୍ରମମ୍॥ 8-62-27 (58050)
ତ୍ବାଂ ଚ ଦୃଷ୍ଟ୍ବାତିସଂରବ୍ଧଂ କର୍ଣଂ ଚ ଭରତର୍ଷମ୍।
ଅସୌ ଦୁର୍ଯୋଧନଃ କ୍ରୁଦ୍ଧୋ ନୋତ୍ତରଂ ପ୍ରତିପଦ୍ଯତେ॥ 8-62-28 (58051)
ଆତ୍ମାନଂ ଚ କୃତାତ୍ମାନଂ ସମୀକ୍ଷ୍ଯ ଭରତର୍ଷଭ।
କୃତାଗସଂ ଚ ରାଧେଯଂ ଧର୍ମାତ୍ମନି ଯୁଧିଷ୍ଠିରେ॥ 8-62-29 (58052)
ପ୍ରତିପଦ୍ଯସ୍ବ କୌନ୍ତେଯ ପ୍ରାପ୍ତକାଲମନନ୍ତରମ୍।
ଆର୍ଯାଂ ଯୁଦ୍ଧେ ମତିଂ କୃତ୍ବା ପ୍ରତ୍ଯେହି ରଥଯୂଥପମ୍॥ 8-62-30 (58053)
ପଞ୍ଚ ହ୍ଯେତାନି ମୁଖ୍ଯାନି ରଥାନାଂ ରଥସତ୍ତମ।
ଶତାନ୍ଯxxxxxxଜଲିନାଂ ତିନ୍ମତେଜସାମ୍॥ 8-62-31 (58054)
ପଞ୍ଚ ନାଘxxxxx ଦ୍ବିଗୁଣା ବାଜିନସ୍ତଥା।
ଅଭିସଂହତ୍ଯ କୌନ୍ତେଯ ପଦାତାଃ ପ୍ରଯୁତାନି ଚ॥ 8-62-32 (58055)
xxxxxxxx ବୀର ବଲଂ ତାମଭିବର୍ତତେ।
ଦ୍ରୋମପୁତ୍ରଂ ପୁରସ୍କୃତ୍ଯ ତଚ୍ଛୀଘ୍ରଂ ସନ୍ନିଷୂଦଯ॥ 8-62-33 (58056)
ନିକୃତ୍ତ୍ଯୈତଦ୍ରଥାନୀକଂ ବଲିନଂ ଲୋକବିଶ୍ରୁତମ୍।
ସୂତପୁତ୍ରେ ମହେଷ୍ବାସେ ଦର୍ଶଯାତ୍ମାନମାତ୍ମନା॥ 8-62-34 (58057)
xxxxxxxxxxxxxxxଭରତର୍ଷଭ।
xxxxxxxxxxxxx ପାଞ୍ଚାଲାନଭିଘାବତି। 8-62-35 (58058)
xxxxxx ହି ପଶ୍ଯାମି ଧୃଷ୍ଟଦ୍ଯୁମ୍ନରର୍ଥ ପ୍ରତି।
xxxxxx ପାଞ୍ଚାଲାନିତି ମନ୍ଯେ ପରନ୍ତପ॥ 8-62-36 (58059)
ଆଚଚକ୍ଷେ ପ୍ରିଯଂ ପାର୍ଥ ତବେଦଂ ଭରତର୍ଷଭ।
ରାଜାସୌ କୁଶଲୀ ଶ୍ରୀମାନ୍ଧର୍ମପୁତ୍ରୋ ଯୁଧିଷ୍ଠିରଃ॥ 8-62-37 (58060)
ଅସୌ ଭୀମୋ ମହାବାହୁଃ ସନ୍ନିବୃତ୍ତଶ୍ଚମୂଯୁଖେ।
ବୃତଃ ସୃଞ୍ଜଯ ସୈନ୍ଯେନ ଶୈନେଯେନ ଚ ଭପ୍ତତ॥ 8-62-38 (58061)
ବଧ୍ଯନ୍ତ ଏତେ ସମରେ କୌରବା ନିଶିତୈଃ ଶରୈଃ।
ଭୀମସେନେନ କୌନ୍ତେଯ ପାଞ୍ଚାଲୈଶ୍ଚ ମହାତ୍ମଭିଃ॥ 8-62-39 (58062)
ସେନା ହି ଧାର୍ତରାଷ୍ଟ୍ରସ୍ଯ ବିମୁଖା ବ୍ଯଦ୍ରବଦ୍ରଣାତ୍।
ବେଗେନ ଭୀମସେନସ୍ଯ ବିହତା ବିବିଧୈଃ ଶରୈଃ॥ 8-62-40 (58063)
ବିପନ୍ନସସ୍ଯେବ ମହୀ ରୁଧିରେଣ ସମୁକ୍ଷିତା।
ଭାରତୀ ଭରତଶ୍ରେଷ୍ଠ ସେନା କୃପଣଦର୍ଶନା॥ 8-62-41 (58064)
ନିବୃତ୍ତଂ ପଶ୍ଯ କୌନ୍ତେଯ ଭୀମସେନଂ ଯୁଧାମ୍ପତିମ୍।
ଆଶୀବିଷମିବ କ୍ରୁଦ୍ଧଂ ତସ୍ମାଦ୍ଦ୍ରବତି ଭାରତି॥ 8-62-42 (58065)
ପୀତରକ୍ତାସିତସିତାସ୍ତାରାଚନ୍ଦ୍ରାର୍କମଣ୍ଡିତାଃ।
ପତାକା ବିପ୍ରକୀର୍ଯନ୍ତେ ଛତ୍ରାଣ୍ଯେତାନି ଚାର୍ଜୁନ॥ 8-62-43 (58066)
ସୌବର୍ଣା ରାଜତାଶ୍ଚୈବ ତୈଜସାଶ୍ଚ ପୃଥଗ୍ବିଧାଃ।
କେତବୋଽଭିନିପାତ୍ଯନ୍ତେ ହସ୍ତ୍ଯଶ୍ବଂ ଚ ପ୍ରକୀର୍ଯତେ॥ 8-62-44 (58067)
ରଥେଭ୍ଯଃ ପ୍ରପତନ୍ତ୍ଯେତେ ରଥିନୋ ବିଗତାସବଃ।
ନାନାବର୍ଣୈର୍ହତା ବାଣୈଃ ପାଞ୍ଚାଲୈରପଲାଯିଭିଃ॥ 8-62-45 (58068)
ନିର୍ମନୁଷ୍ଯାନ୍ଗଜାନଶ୍ବାନ୍ରଥାଂଶ୍ଚୈବ ଧନଞ୍ଜଯ।
ସମାଦ୍ରବନ୍ତି ପାଞ୍ଚାଲା ଧାର୍ତରାଷ୍ଟ୍ରାଂସ୍ତରସ୍ବିନଃ॥ 8-62-46 (58069)
ବିମୃଦ୍ରନ୍ତି ନରବ୍ଯାଘ୍ରା ଭୀମସେନବଲାଶ୍ରଯାତ୍।
ବଲଂ ପରେଷାଂ ଦୁର୍ଧର୍ଷଂ ତ୍ଯକ୍ତ୍ବା ପ୍ରାଣାନରିନ୍ଦମ୍॥ 8-62-47 (58070)
ଏତେ ନର୍ଦିନ୍ତି ପାଞ୍ଚାଲା ଧ୍ମାପଯନ୍ତି ଚ ବାରିଜାନ୍।
ଅଭିଦ୍ରବନ୍ତି ଚ ରଣେ ମୃଦ୍ରନ୍ତଃ ସାଯକୈଃ ପରାନ୍॥ 8-62-48 (58071)
ପଶ୍ଯ ସ୍ବର୍ଗସ୍ଯ ମାହାତ୍ମ୍ଯଂ ପାଞ୍ଚାଲା ହି ପରାକ୍ରମାତ୍।
ଧାର୍ତରାଷ୍ଟ୍ରାନ୍ବିନିଘ୍ନନ୍ତୋ ବିଶନ୍ତ୍ଯେତେ ରଥୋତ୍ତମାନ୍॥ 8-62-49 (58072)
[ଶସ୍ତ୍ରମାଚ୍ଛିଦ୍ଯ ଶତ୍ରୂଣାଂ ସାଯୁଧାନାଂ ନିରାଯୁଧାଃ।
ତେନୈବୈତାନମୋଘାସ୍ତ୍ରା ନିଘ୍ନନ୍ତି ଚ ନଦନ୍ତି ଚ॥ 8-62-50 (58073)
ଶିରାଂସ୍ଯେତାନି ପାତ୍ଯନ୍ତେ ଶତ୍ରୂଣାଂ ବାହବୋଽପି ଚ।
ରଥନାଗହଯା ବୀରା ଯଶସ୍ଯାଃ ସର୍ବ ଏବ ଚ]॥ 8-62-51 (58074)
ସର୍ବତଶ୍ଚାଭିପନ୍ନୈଷା ଧାର୍ତରାଷ୍ଟ୍ରୀ ମହାଚମୂଃ।
ତ୍ଯକ୍ତ୍ବା ପ୍ରାଣାନ୍ମହେଷ୍ବାସୈଃ ପାଞ୍ଚାଲୈଃ ପରିପାତ୍ଯତେ॥ 8-62-52 (58075)
ସୁହୃଦଶ୍ଚ ପରାକ୍ରାନ୍ତାଃ କୃପକର୍ଣାଦଯୋ ବିଭୋ।
ନିବାରଣେ ମହେଷ୍ବାସାଃ ପାଞ୍ଚାଲାନାଂ ପରନ୍ତପ॥ 8-62-53 (58076)
ଅନିବୃତ୍ତାଂଶ୍ଚ ଭୀତାଂସ୍ତାନ୍ଧାର୍ତରାଷ୍ଟ୍ରାନ୍ପରନ୍ତପ।
ଧୃଷ୍ଟଦ୍ଯୁମ୍ନମୁଖା ବୀରା ଘ୍ନନ୍ତି ଶତ୍ରୂନ୍ସହସ୍ରଶଃ॥ 8-62-54 (58077)
ରଥାଶ୍ଚ ବିବିଧାଃ ସର୍ବେ ନିବୃତ୍ତେ ଭରତର୍ଷଭେ।
ବିବର୍ଣମୁଖଭୂଯିଷ୍ଠା ଧାର୍ତରାଷ୍ଟ୍ରୀ ମହାଚମୂଃ॥ 8-62-55 (58078)
ପଶ୍ଯ ଭୀମେନ ନାରାଚୈର୍ଭିନ୍ନା ନାଗାଃ ପତନ୍ତ୍ଯମୀ।
ବଜ୍ରିବଜ୍ରହତାନୀବ ଶିଖରାଣି ଧରାଭୃତାମ୍॥ 8-62-56 (58079)
ଭୀମସେନସ୍ଯ ନିର୍ବିଦ୍ଧା ବାଣୈଃ ସନ୍ନତପର୍ବଭିଃ।
ସ୍ବାନ୍ଯନୀକାନି ମୃଦ୍ଗନ୍ତୋ ଦ୍ରବନ୍ତ୍ଯେତେ ମହାଗଜାଃ॥ 8-62-57 (58080)
`ଏତେ ଦ୍ରବନ୍ତି କୁରବୋ ଭୀମସେନଭଯାର୍ଦିତାଃ।
ତ୍ଯକ୍ତ୍ବା ରଥାନ୍ଗଜାଂଶ୍ଚୈବ ହଯାଂଶ୍ଚୈବ ସହସ୍ରଶଃ॥ 8-62-58 (58081)
ହସ୍ତ୍ଯଶ୍ବରଥପତ୍ତୀନାଂ ଦ୍ରବତାଂ ନିଃସ୍ବନଂ ଶୃଣୁ।
ଭୀମସେନସ୍ଯ ନିନଦଂ ଦ୍ରାବଯାନସ୍ଯ କୌରବାନ୍॥ 8-62-59 (58082)
ଅଭିଜାନାମି ଭୀମସ୍ଯ ସିଂହନାଦଂ ପୁନଃପୁନଃ'।
ନଦତଃ ପାଣ୍ଡବେଯସ୍ଯ ସଙ୍ଗ୍ରାମେ ଜିତକାଶିନଃ॥ 8-62-60 (58083)
ଏଷ ନୈଷାଦିରଭ୍ଯେତି ଦ୍ବିପମୁଖ୍ଯେନ ପାଣ୍ଡବମ୍।
ବିସୃଜଂସ୍ତୋମରାନ୍କ୍ରୁଦ୍ଧୋ ଦଣ୍ଡପାଣିରିବାନ୍ତକଃ॥ 8-62-61 (58084)
ତସ୍ଯ ଚୈବ ଭୁଜୌ ଛିନ୍ନୌ ଭୀମସେନେନ ଗର୍ଜତଃ।
ନାଗଶ୍ଚ କ୍ରକରପ୍ରଖ୍ଯୈର୍ନାରାଚୈର୍ଦଶଭିର୍ହତଃ॥ 8-62-62 (58085)
ହନ୍ତୈତେ ପୁନରାଯାନ୍ତି ନାଗା ହ୍ଯନ୍ଯେ ପ୍ରହାରିଣଃ।
ନୀଲାଞ୍ଜନଚଯପ୍ରଖ୍ଯା ମହାମାତ୍ରୈରଧିଷ୍ଠିତାଃ॥ 8-62-63 (58086)
ଶକ୍ତିତୋମରସଙ୍ଘତୈର୍ବିନିଘ୍ନନ୍ତୋ ବୃକୋଦରମ୍।
ସପ୍ତସପ୍ତ ଚ ନାଗସ୍ଥା ବୈଜଯନ୍ତ୍ଯଶ୍ଚ ସଧ୍ବଜାଃ।
ନବତ୍ଯା ନିଶିତୈର୍ବାଣୈଶ୍ଛିନ୍ନାଃ ପାର୍ଥାଗ୍ରଜେନ ତେ॥ 8-62-64 (58087)
ଦଶଭିର୍ଦଶଭିଶ୍ଚୈକୋ ନାରାଚୈର୍ନିହତୋ ଗଜଃ॥ 8-62-65 (58088)
ନ ଚାସୌ ଧାର୍ତରାଷ୍ଟ୍ରାଣାଂ ଶ୍ରୂଯତେ ନିନଦସ୍ତଥା।
ପୁରନ୍ଦରସମେ କ୍ରୁଦ୍ଧେ ନିବୃତ୍ତେ ଭରତର୍ଷଭେ॥ 8-62-66 (58089)
ଅକ୍ଷୌହିଣ୍ଯସ୍ତଥା ତିସ୍ରୋ ଧାର୍ତରାଷ୍ଟ୍ରସ୍ଯ ସଙ୍ଗତାଃ।
କ୍ରୁଦ୍ଧେନ ଭୀମସେନେନ ନରସିଂହେନ ବାରିତାଃ॥ 8-62-67 (58090)
ନ ଶକ୍ନୁବନ୍ତି ବୈ ପାର୍ଥଂ ପାର୍ଥିବାଃ ସମୁଦୀକ୍ଷିତୁମ୍।
ମଧ୍ଯନ୍ଦିନଗତଂ ସୂର୍ଯଂ ଯଥା ଦୁର୍ବଲଚକ୍ଷୁଷଃ॥ 8-62-68 (58091)
ଏତେ ଭୀମସ୍ଯ ସନ୍ତ୍ରସ୍ତାଃ ସିଂହସ୍ଯେବେତରେ ମୃଗାଃ।
ଶରୈଃ ସନ୍ତ୍ରାସିତାଃ ସହ୍ଖ୍ଯେ ନ ଲଭନ୍ତେ ସୁଖଂ କ୍ବଚିତ୍॥ 8-62-69 (58092)
ରାଧେଯୋ ବହୁଭିଃ ସାର୍ଧମସୌ ଗଚ୍ଛତି ବେଗିତଃ।
ବର୍ଧଯିତ୍ବା ତୁ ଭୀରୁଂ ତଂ ପାର୍ଶ୍ବତୋ ହ୍ଯାନଯଦ୍ଧନୁଃ।
ତଂ ପାଲଯନ୍ମହାରାଜଂ ଧାର୍ତରାଷ୍ଟ୍ରଂ ବଲାନ୍ବିତଃ॥ 8-62-70 (58093)
ସଞ୍ଜଯ ଉବାଚ। 8-62-71x (4986)
ଏତଚ୍ଛ୍ରୁତ୍ବା ମହାବାହୁର୍ବାସୁଦେବାଦ୍ଧନଞ୍ଜଯଃ।
ଭୀମସେନେନ ତତ୍କର୍ମ କୃତଂ ଦୃଷ୍ଟ୍ବା ସୁଦୁଷ୍କରମ୍।
ଅର୍ଜୁନୋ ବ୍ଯଧମଚ୍ଛିଷ୍ଟାନ୍ସଂଶପ୍ତକଗଣାନ୍ବହୂନ୍॥ 8-62-71 (58094)
ତେ ବଧ୍ଯମାନାଃ ପାର୍ଥେନ ସଂଶପ୍ତକଗଣାଃ ପ୍ରଭୋ।
ଶକ୍ରସ୍ଯାତିଥିତାଂ ଗତ୍ବା ବିଶୋକା ହ୍ଯଭବଂସ୍ତଦା॥ 8-62-72 (58095)
ନାରାଯଣାଂସ୍ତୁ ଗୋପାଲାନ୍ବ୍ଯଧମତ୍ପାଣ୍ଡୁନନ୍ଦନଃ।
ଉତ୍ତମଂ ବେxxxxxପ୍ତାସ୍ଥାଯ ଚଣ୍ଡବାଯୁର୍ଧନାନିବ॥ 8-62-73 (58096)
ଅନ୍ବକୀର୍ଯନ୍ତ ଭୀତାସ୍ତେ ତତ୍ରତତ୍ରୈବ ଭାରତ।
ଲୁଲିତାଂଶ୍ଚ ତତଃ ଶୂରାନହନତ୍ପୁରୁଷୋତ୍ତମଃ॥ 8-62-74 (58097)
ପୁନଶ୍ଚ ପୁରୁଷବ୍ଯାଘ୍ରଃ ଶରୈଃ ସନ୍ନତପର୍ବଭିଃ।
ଜଘାନ ଧାର୍ତରାଷ୍ଟ୍ରସ୍ଯ ଚତୁର୍ବିଧବଲାଂ ଚମୂମ୍॥ ॥ 8-62-75 (58098)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଦ୍ବିଷଷ୍ଟିତମୋଽଧ୍ଯାଯଃ॥ 62 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.63. ଅଧ୍ଯାଯଃ 063
Mahabharata - Karna Parva - Chapter Topics
ରଣାଯ ରାଜ୍ଞାଂ ଦ୍ବନ୍ଦ୍ବୀଭାବଃ॥ 1 ॥ କର୍ଣେନ ଶିଖଣ୍ଡିପରାଜଯଃ॥ 2 ॥ ଧୃଷ୍ଟଦ୍ଯୁମ୍ନଦୁଃଶାସନଯୋର୍ଯୁଦ୍ଧମ୍॥ 3 ॥
Mahabharata - Karna Parva - Chapter Text
8-63-0 (58099)
ଧୃତରାଷ୍ଟ୍ର ଉବାଚ। 8-63-0x (4987)
ନିବୃତ୍ତେ ଭୀମସେନେ ଚ ପାଣ୍ଡବେ ଚ ଯୁଧିଷ୍ଠିରେ।
ବଧ୍ଯମାନେ ବଲେ ଚାପି ମାମକେ ପାଣ୍ଡୁସୃଞ୍ଜଯୈଃ॥ 8-63-1 (58100)
ଦ୍ରବମାଣେ ବଲୌଘେ ଚ ନିରାକ୍ରନ୍ଦେ ମୁହୁର୍ମୁହୁଃ।
`ଅବଶେଷଂ ନ ପଶ୍ଯାମି ମମ ସୈନ୍ଯେଷୁ ସଞ୍ଜଯ॥ 8-63-2 (58101)
ଅହୋ ବତ ଦଶାଂ ପ୍ରାପ୍ତୋ ନ ହି ଶକ୍ଷ୍ଯାମି ଜୀବିତୁମ୍।
ଜଯକାଙ୍କ୍ଷୀ କଥଂ ସୂତ ପୁତ୍ରାଣାମନିବର୍ତିନାମ୍॥ 8-63-3 (58102)
କଥଂ ଜୀବାମି ନିହତାଞ୍ଶ୍ରୁତ୍ବା ଚ ମମ ସୈନିକାନ୍।
ବହୁନାଽଦ୍ଯ କିମୁକ୍ତେନ ଦୈବଂ ତେଷାଂ ପରାଯଣମ୍'॥ 8-63-4 (58103)
ମାମକାଃ କିମକୁର୍ବନ୍ତ ତନ୍ମମାଚକ୍ଷ୍ବ ସଞ୍ଜଯ॥ 8-63-5 (58104)
ସଞ୍ଜଯ ଉବାଚ। 8-63-6x (4988)
ଦୃଷ୍ଟ୍ବା ଭୀମଂ ମହାବାହୁଂ ତବ ପୁତ୍ରଃ ପ୍ରତାପବାନ୍।
କ୍ରୋଧରକ୍ତେକ୍ଷଣୋ ରାଜନ୍ଭୀମସେନମଭିଦ୍ରବତ୍॥ 8-63-6 (58105)
`ତିଷ୍ଠତିଷ୍ଠ ପୃଥାପୁତ୍ର ପଶ୍ଯ ମେଽଦ୍ଯ ପରାକ୍ରମମ୍।
ଅଦ୍ଯ ତ୍ବାଂ ପ୍ରେଷାଯଷ୍ଯାମି ଯମସ୍ଯ ସଦନଂ ପ୍ରାତେ।
ଇତ୍ଯୁକ୍ତ୍ବା ପ୍ରଯଯୌ କର୍ଣୋ ଯତ୍ର ଭୀମୋ ବ୍ଯବସ୍ଥିତଃ'॥ 8-63-7 (58106)
ତାବକଂ ତୁ ବଲଂ ଦୃଷ୍ଟ୍ବା ଭୀମସେନାତ୍ପରାଙ୍ମୁଖମ୍।
ଯତ୍ନେନ ମହତା କର୍ଣଃ ପର୍ଯବସ୍ଥାପଯଦ୍ବଲୀ॥ 8-63-8 (58107)
ବ୍ଯବସ୍ଥାପ୍ଯ ମହାବାହୁସ୍ତବ ପୁତ୍ରସ୍ଯ ବାହିନୀମ୍।
ପ୍ରତ୍ଯୁଦ୍ଯଯୌ ତଦା କର୍ଣଃ ପାଣ୍ଡବାନ୍ଯୁଦ୍ଧଦୁର୍ମଦାନ୍॥ 8-63-9 (58108)
ପ୍ରତ୍ଯୁଦ୍ଯଯୁଶ୍ଚ ରାଧେଯଂ ପାଣ୍ଡବାନାଂ ମହାରଥାଃ।
ଧୁନ୍ବାନାଃ କାର୍ମୁକାଣ୍ଯାଜୌ ବିକ୍ଷିପନ୍ତଶ୍ଚ ସାଯକାନ୍॥ 8-63-10 (58109)
ଭୀମସେନଃ ଶିନେର୍ନପ୍ତା ଶିଖଣ୍ଡୀ ଜନମେଜଯଃ।
ଧୃଷ୍ଟଦ୍ଯୁମ୍ନଶ୍ଚ ବଲବାନ୍ସର୍ବେ ଚାପି ପ୍ରଭଦ୍ରକାଃ॥ 8-63-11 (58110)
ପାଞ୍ଚାଲାନାଂ ନରବ୍ଯାଘ୍ରାଃ ସମନ୍ତାତ୍ତ୍ବ ବାହିନୀମ୍।
ଅଭ୍ଯଦ୍ରବନ୍ତ ସଙ୍କ୍ରୁଦ୍ଧାଃ ସମରେ ଜିତକାଶିନଃ॥ 8-63-12 (58111)
ତଥୈବ ତାବକା ରାଜନ୍ପାଣ୍ଡବାନାମନୀକିନୀମ୍।
ଅଭ୍ଯଦ୍ରବନ୍ତ ତ୍ବରିତା ଜିଘାଂସନ୍ତୋ ମହାରଥାନ୍॥ 8-63-13 (58112)
ରଥନାଗାଶ୍ବକଲିଲଂ ପତ୍ତିଧ୍ବଜସମାକୁଲମ୍।
ବଭୂବ ପୁରୁଷବ୍ଯାଘ୍ର ସୈନ୍ଯମଦ୍ଭୁତଦର୍ଶନମ୍॥ 8-63-14 (58113)
ଶିଖଣ୍ଡୀ ତୁ ଯଯୌ କର୍ଣଂ ଧୃଷ୍ଟଦ୍ଯୁମ୍ନଃ ସୁତଂ ତବ।
ଦୁଃଶାସନଂ ମହାରାଜ ମହାସେନଃ ସମଭ୍ଯଯାତ୍॥ 8-63-15 (58114)
ନକୁଲୋ ବୃଷସେନଂ ତୁ ଚିତ୍ରସେନଂ ଯୁଧିଷ୍ଠିରଃ।
ଉଲୂକଂ ସମରେ ରାଜନ୍ସହଦେବଃ ସମଭ୍ଯଯାତ୍॥ 8-63-16 (58115)
ସାତ୍ଯକିଃ ଶକୁନିଂ ଚାପି ଦ୍ରୌପଦେଯାଶ୍ଚ କୌରବାନ୍।
ଅର୍ଜୁନଂ ଚ ରଣେ ଯତ୍ତୋ ଦ୍ରୋଣପୁତ୍ରୋ ମହାରଥଃ॥ 8-63-17 (58116)
ଯୁଧାମନ୍ଯୁଂ ମହେଷ୍ବାସଂ ଗୌତମୋଽଭ୍ଯପତଦ୍ରଣେ।
କୃତବର୍ମା ଚ ବଲବାନୁତ୍ତମୌଜସମାଦ୍ରବତ୍॥ 8-63-18 (58117)
ଭୀମସେନଃ କୁରୂନ୍ସର୍ବାନ୍ପୁତ୍ରାଂଶ୍ଚ ତବ ମାରିଷ।
ସହାନୀକାନ୍ମହାବାହୁରେକ ଏବ ନ୍ଯବାରଯତ୍॥ 8-63-19 (58118)
ଶିଖଣ୍ଡୀ ତୁ ତତଃ କର୍ଣଂ ବିଚରନ୍ତମଭୀତବତ୍।
ଭୀଷ୍ମହନ୍ତା ମହାରାଜ ବାରଯାମାସ ପତ୍ରିଭିଃ॥ 8-63-20 (58119)
ପ୍ରତିରୁଦ୍ଧସ୍ତତଃ କର୍ଣୋ ରୋପାତ୍ପ୍ରସ୍ଫୁରିତାଧରଃ।
ଶିଖଣ୍ଡିନଂ ତ୍ରିଭିର୍ବାଣୈର୍ଭ୍ରୁବୋର୍ମଧ୍ଯେଽଭ୍ଯତାଡଯତ୍॥ 8-63-21 (58120)
ଧାରଯଂସ୍ତୁ ସ ତାନ୍ବାଣାଞ୍ଶିଖଣ୍ଡୀ ବହ୍ବଶୋଭତ।
ରାଜତଃ ପର୍ବତୋ ଯଦ୍ବତ୍ତ୍ରିଭିଃ ଶୃଙ୍ଗୈଃ ସମନ୍ବିତଃ॥ 8-63-22 (58121)
ସୋଽତିବିଦ୍ଧୋ ମହେଷ୍ବାସଃ ସୂତପୁତ୍ରେଣ ସଂଯୁଗେ।
କର୍ଣଂ ବିବ୍ଯାଧ ସମରେ ନବତ୍ଯା ନିଶିତୈଃ ଶରୈଃ॥ 8-63-23 (58122)
ତସ୍ଯ କର୍ଣୋ ହଯାନ୍ହତ୍ବା ସାରଥିଂ ଚ ଶରୈଃ।
ଉନ୍ମମାଥ ଧ୍ବଜଂ ଚାସ୍ଯ କ୍ଷୁରପ୍ରେଣ ମହାରଥଃ॥ 8-63-24 (58123)
ହତାଶ୍ବାତ୍ତୁ ତତୋ ଯାନାଦବପ୍ଲୁତ୍ଯ ମହାରଥଃ।
ଶକ୍ତିଂ ଚିକ୍ଷେପ କର୍ଣାଯ ସଙ୍କ୍ରୁଦ୍ଧଃ ଶତ୍ରୁତାପନଃ॥ 8-63-25 (58124)
ତାଂ ଛିତ୍ତ୍ବା ସମରେ କର୍ଣସ୍ତ୍ରିଭିର୍ଭାରତ ସାଯକୈଃ।
ଶିଖଣ୍ଡିନମଥାବିଧ୍ଯନ୍ନବଭିର୍ନିଶିତୈଃ ଶରୈଃ॥ 8-63-26 (58125)
କର୍ଣଚାପଚ୍ଯୁତାନ୍ବାଣାନ୍ବର୍ଜଯଂସ୍ତୁ ନରୋତ୍ତମଃ।
ଅପଯାତସ୍ତତସ୍ତୂର୍ଣଂ ଶିଖଣ୍ଡୀ ଭୃଶବିକ୍ଷତଃ॥ 8-63-27 (58126)
ତତଃ କର୍ଣୋ ମହାରାଜ ପାଣ୍ଡୁସୈନ୍ଯାନ୍ଯଶାତଯତ୍।
ତୂଲରାଶିଂ ସମାସାଦ୍ଯ ଯଥା ବାଯୁର୍ମହାବଲଃ॥ 8-63-28 (58127)
ଧୃଷ୍ଟଦ୍ଯୁମ୍ନୋ ମହାରାଜ ତବ ପୁତ୍ରେଣ ପୀଡିତଃ।
ଦୁଃଶାସନଂ ତ୍ରିଭିର୍ବାଣୈଃ ପ୍ରତ୍ଯବିଧ୍ଯତ୍ସ୍ତନାନ୍ତରେ॥ 8-63-29 (58128)
ତସ୍ଯ ଦୁଃଶାସନୋ ବାହୁଂ ସବ୍ଯଂ ବିବ୍ଯାଧ ମାରିଷ।
ସ ତେନ ରୁକ୍ମପୁଙ୍ଖେନ ଭଲ୍ଲେନ ନତପର୍ବଣା॥ 8-63-30 (58129)
ଧୃଷ୍ଟଦ୍ଯୁମ୍ନସ୍ତୁ ନିର୍ବିଦ୍ଧଃ ଶରଂ ଘୋରମମର୍ଷଣଃ।
ଦୁଃଶାସନାଯ ସଙ୍କ୍ରୁଦ୍ଧଃ ପ୍ରେଷଯାମାସ ଭାରତ॥ 8-63-31 (58130)
ଆପତନ୍ତଂ ମହାବେଗଂ ଧୃଷ୍ଟଦ୍ଯୁମ୍ନସମୀରିତମ୍।
ଶରୈଶ୍ଚିଚ୍ଛେଦ ପୁତ୍ରସ୍ତେ ତ୍ରିଭିରେବ ବିଶାମ୍ପତେ॥ 8-63-32 (58131)
ଅଥାପରୈଃ ଷୋଡଶଭିର୍ଭଲ୍ଲୈଃ କନକଭୂଷଣୈଃ।
ଧୃଷ୍ଟଦ୍ଯୁମ୍ନଂ ସମାସାଦ୍ଯ ବାହ୍ବୋରୁରସି ଚାର୍ପଯତ୍॥ 8-63-33 (58132)
ତତଃ ସ ପାର୍ଷତଃ କ୍ରୁଦ୍ଧୋ ଧନୁଶ୍ଚିଚ୍ଛେଦ ମାରିଷ।
କ୍ଷୁରପ୍ରେଣ ସୁତୀକ୍ଷ୍ଣେନ ତତ ଉଚ୍ଚୁକ୍ରୁଶୁର୍ଜନାଃ॥ 8-63-34 (58133)
ଅଥାନ୍ଯଦ୍ଧନୁରାଦାଯ ପୁତ୍ରସ୍ତେ ପ୍ରହସନ୍ନିବ।
ଧୃଷ୍ଟଦ୍ଯୁମ୍ନଂ ଶରବ୍ରାତୈଃ ସମନ୍ତାତ୍ପର୍ଯବାରଯତ୍॥ 8-63-35 (58134)
ତବ ପୁତ୍ରସ୍ଯ ତେ ଦୃଷ୍ଟ୍ବା ବିକ୍ରମଂ ସୁମହାତ୍ମନଃ।
ବ୍ଯସ୍ମଯନ୍ତ ରଣେ ଯୋଧାଃ ସିଦ୍ଧାଶ୍ଚାପ୍ସରସସ୍ତଥା॥ 8-63-36 (58135)
ଧୃଷ୍ଟଦ୍ଯୁମ୍ନଂ ତୁ ପଶ୍ଯାମ ଘଟମାନଂ ମହାବଲମ୍।
ଦୁଃଶାସନେନ ସଂରୁଦ୍ଧଂ ସିଂହେନେବ ମହାଗଜମ୍॥ ॥ 8-63-37 (58136)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ତ୍ରିଷଷ୍ଟିତମୋଽଧ୍ଯାଯଃ॥ 63 ॥
॥ ଶ୍ରୀଃ ॥
8.64. ଅଧ୍ଯାଯଃ 064
Mahabharata - Karna Parva - Chapter Topics
ସଙ୍କୁଲଯୁଦ୍ଧମ୍॥ 1 ॥
Mahabharata - Karna Parva - Chapter Text
8-64-0 (58137)
ସଞ୍ଜଯ ଉବାଚ। 8-64-0x (4989)
ତତଃ ସରଥନାଗାଶ୍ବାଃ ପାଞ୍ଚାଲାଃ ପାଣ୍ଡୁସୃଞ୍ଜଯାଃ।
ସେନାପତିଂ ପରୀପ୍ସନ୍ତୋ ରୁରୁଧୁସ୍ତନଯଂ ତବ॥ 8-64-1 (58138)
ତତଃ ପ୍ରବବୃତେ ଯୁଦ୍ବଂ ତାବକାନାଂ ପରୈଃ ସହ।
ଘୋରଂ ପ୍ରାଣଭୃତାଂ କାଲେ ଭୀମରୂପଂ ପରନ୍ତପ॥ 8-64-2 (58139)
ନକୁଲୋ ବୃଷସେନଂ ତୁ ବିଦ୍ଧ୍ବା ପଞ୍ଚଭିରାଯସୈଃ।
ପିତୁଃ ସମୀପେ ତିଷ୍ଠନ୍ତଂ ତ୍ରିଭିରନ୍ତ୍ଯୈରବିଧ୍ଯତ॥ 8-64-3 (58140)
ନକୁଲଂ ତୁ ତତଃ ଶୂରୋ ବୃଷସେନୋ ହସନ୍ନିବ।
ନାରାଚେନ ସୁତୀକ୍ଷ୍ଣେନ ବିବ୍ଯାଧ ହୃଦଯେ ଭୃଶମ୍'॥ 8-64-4 (58141)
ସୋଽତିବିଦ୍ଧୋ ବଲବତା ଶତ୍ରୁଣା ଶତ୍ରୁକର୍ଶନ।
ଶତ୍ରୁଂ ବିବ୍ଯାଧ ବିଂଶତ୍ଯା ସୂତଂ ଚୈବାସ୍ଯ ସପ୍ତଭିଃ॥ 8-64-5 (58142)
ତତଃ ଶରସହସ୍ରେଣ ତାବୁଭୌ ପୁରୁଷର୍ଷଭୌ।
ଅନ୍ଯୋନ୍ଯମାଚ୍ଛାଦଯତାଂ ତବାଭଜ୍ଯତ ବାହିନୀ॥ 8-64-6 (58143)
ସ ଦୃଷ୍ଟ୍ବା ପ୍ରଦ୍ରୁତାଂ ସେନାଂ ଧାର୍ତରାଷ୍ଟ୍ରସ୍ଯ ସୂତଜଃ।
ନିବାରଯାମାସ ବଲାଦନୁପତ୍ଯ ବିଶାମ୍ପତେ॥ 8-64-7 (58144)
`ଏତସ୍ମିନ୍ନନ୍ତରେ ଯୁଦ୍ଧଂ କଷ୍ଟମାସୀଦ୍ବିଶାମ୍ପତେ'।
ନିବୃତ୍ତେ ତୁ ତତଃ ସୈନ୍ଯେ ନକୁଲଃ କୌରବାନ୍ଯଯୌ॥ 8-64-8 (58145)
କର୍ଣପୁତ୍ରସ୍ତୁ ସମରେ ହିତ୍ବା ନକୁଲମେବ ତୁ।
ଜୁଗୋପ ଚକ୍ରଂ ତ୍ବରିତୋ ରାଧେଯସ୍ଯୈବ ମାରିଷ॥ 8-64-9 (58146)
ଉଲୂକସ୍ତୁ ରଣେ କ୍ରୁଦ୍ଧଃ ସହଦେବେନ ମାରିଷ।
`ନିବାରିତଃ ଶରଶତୈଃ କ୍ରୁଦ୍ଧେନ ରଣମୂର୍ଧନି॥ 8-64-10 (58147)
ତସ୍ଯାଶ୍ବାଂଶ୍ଚତୁରୋ ହତ୍ବା ସହଦେବଃ ପ୍ରତାପବାନ୍।
ସାରଥିଂ ପ୍ରେଷଯାମାସ ଯମସ୍ଯ ସଦନଂ ପ୍ରତି॥ 8-64-11 (58148)
ଉଲୂକସ୍ତୁ ତତୋ ଯାନାଦବପ୍ଲୁତ୍ଯ ବିଶାମ୍ପତେ।
ତ୍ରିଗର୍ତାନାଂ ବଲଂ ତୂର୍ଣଂ ଜଗାମ ପିତୃନନ୍ଦନଃ॥ 8-64-12 (58149)
ସାତ୍ଯକିଃ ଶକୁନିଂ ବିଦ୍ଧ୍ବା ବିଂଶତ୍ଯା ନିଶିତୈଃ ଶରୈଃ।
ଧ୍ବଜଂ ଚିଚ୍ଛେଦ ଭଲ୍ଲେନ ସୌବଲସ୍ଯ ହସନ୍ନିବ॥ 8-64-13 (58150)
ସୌବଲସ୍ତସ୍ଯ ସମରେ କ୍ରୁଦ୍ଧୋ ରାଜନ୍ପ୍ରତାପବାନ୍।
ବିଦାର୍ଯ କବଚଂ ଭୂଯୋ ଧ୍ବଜଂ ଚିଚ୍ଛେଦ କାଞ୍ଚନମ୍॥ 8-64-14 (58151)
ତଥୈନଂ ନିଶିତୈର୍ବାଣୈଃ ସାତ୍ଯକିଃ ପ୍ରତ୍ଯବିଧ୍ଯତ।
ସାରଥିଂ ଚ ମହାରାଜ ତ୍ରିଭିରେବ ସମାର୍ପଯତ୍॥ 8-64-15 (58152)
ଅଥାସ୍ଯ ବାହାଂସ୍ତ୍ବରିତଃ ଶରୈର୍ନିତ୍ଯେ ଯମକ୍ଷଯମ୍।
ତତୋଽବପ୍ଲୁତ୍ଯ ସହସା ଶକୁନିର୍ଭରତର୍ଷଭ॥ 8-64-16 (58153)
ଆରୁରୋହ ରଥଂ ତୂର୍ଣମୁଲୂକସ୍ଯ ମହାତ୍ମନଃ।
ଅପୋବାହାଥ ଶୀଘ୍ରଂ ସ ଶୈନେଯାଦ୍ଯୁଦ୍ଧଶାଲିନଃ॥ 8-64-17 (58154)
ସାତ୍ଯକିସ୍ତୁ ରଣ ରାଜଂସ୍ତାବକାନାମନୀକିନୀମ୍।
ଅଭିଦୁଦ୍ରାବ ବେଗେନ ତତୋଽନୀକମଭଜ୍ବତ॥ 8-64-18 (58155)
ଶୈନେଯଶରସଞ୍ଛନ୍ନଂ ତବ ସୈନ୍ଯଂ ବିଶାମ୍ପତେ।
ଭେଜେ ଦଶା ଦିଶସ୍ତୂର୍ଣଂ ନ୍ଯପତଚ୍ଚ ଗତାସୁବତ୍॥ 8-64-19 (58156)
ଭୀମସେନଂ ତବ ସୁତୋ ବାରଯାମାସ ସଂଯୁଗେ॥ 8-64-20 (58157)
ତଂ ତୁ ଭୀମୋ ମୁହୂର୍ତେନ ବ୍ଯଶ୍ବସୂତରଥଧ୍ବଜମ୍।
ଚକ୍ରେ ଲୋକେଶ୍ବରଂ ତତ୍ର ତେନାତୁଷ୍ଯନ୍ତ ବୈ ଜନାଃ॥ 8-64-21 (58158)
ତତୋଽପାଯାନ୍ନୃପସ୍ତସ୍ମାଦ୍ଭୀମସେନଭଯାର୍ଦିତଃ।
କୁରୁସୈନ୍ଯଂ ତତଃ ସର୍ବଂ ଭୀମସେନମୁପାଦ୍ରବତ୍।
ତତ୍ର ନାଦୋ ମହାନାସୀଦ୍ଧୀମସେନଂ ଜିଘାଂସତାମ୍॥ 8-64-22 (58159)
ଯୁଧାମନ୍ଯୁଃ କୃପଂ ବିଦ୍ଧ୍ବା ଧନୁରସ୍ଯାଶୁ ଚିଚ୍ଛଦେ।
ଅଥାନ୍ଯଦ୍ଧନୁରାଦାଯ କୃପଃ ଶସ୍ତ୍ରଭୃତାଂ ବରଃ।
ଯୁଧାମନ୍ଯୋର୍ଧ୍ବଜଂ ସୂତଂ ଛତ୍ରଂ ଚାପାତଯତ୍କ୍ଷିତୌ॥ 8-64-23 (58160)
ତତୋଽପାଯାଦ୍ରଥେନୈବ ଯୁଧାମନ୍ଯୁର୍ମହାରଥଃ॥ 8-64-24 (58161)
ଉତ୍ତମୌଜାଶ୍ଚ ହାର୍ଦିକ୍ଯଂ ଭୀମଂ ଭୀମପରାକ୍ରମମ୍।
ଛାଦଯାମାସ ସହସା ମେଘୋ ବୃଷ୍ଟ୍ଯେବ ପର୍ବତମ୍॥ 8-64-25 (58162)
ତଦ୍ଯୁଦ୍ଧମାସୀତ୍ସୁମହଦ୍ଧୋରରୂପଂ ପରନ୍ତପ।
ତାଦୃଶଂ ନ ମଯା ଯୁଦ୍ଧଂ ଦୃଷ୍ଟପୂର୍ବଂ ବିଶାମ୍ପତେ॥ 8-64-26 (58163)
କୃତବର୍ମା ତତୋ ରାଜନ୍ନୁତ୍ତମୌଜସମାହବେ।
ହୃଦି ବିବ୍ଯାଧ ସହସା ରଥୋପସ୍ଥ ଉପାବିଶତ୍॥ 8-64-27 (58164)
ସାରଥିସ୍ତମପୋବାହ ରଥେନ ରଥିନାଂ ବରମ୍।
ତତସ୍ତୁ ସାତ୍ବତୋ ରାଜନ୍ପାଣ୍ଡୁସୈନ୍ଯମଭିଦ୍ରବତ୍॥ 8-64-28 (58165)
[ଦୁଃଶାସନଃ ସୌବଲଶ୍ଚ ଗଜାନୀକେନ ପାଣ୍ଡବମ୍।
ମହତା ପରିବାର୍ଯୈବ କ୍ଷୁଦ୍ରକୈରଭ୍ଯତାଡଯତ୍॥ 8-64-29 (58166)
ତତୋ ଭୀମଃ ଶରଶତୈର୍ଦୁର୍ଯୋଧନମମର୍ଷଣମ୍।
ବିମୁଖୀକୃତ୍ଯ ତରସା ଗଜାନୀକମୁପାଦ୍ରବତ୍॥ 8-64-30 (58167)
ତମାପତନ୍ତଂ ସହସା ଗଜାନୀକଂ ବୃକୋଦରଃ।
ଦୃଷ୍ଟ୍ବୈବ ସୁଭୃଶଂ କ୍ରୁଦ୍ଧୋ ଦିବ୍ଯମସ୍ତ୍ରମୁଦୈରଯତ୍॥ 8-64-31 (58168)
ଗଜୈର୍ଗଜାନଭ୍ଯହନଦ୍ବଜ୍ରେଣେନ୍ଦ୍ର ଇବାସୁରାନ୍॥ 8-64-32 (58169)
ତତୋଽନ୍ତରିକ୍ଷଂ ବାଣୌଘୈଃ ଶଲଭୈରିବ ପାଦପମ୍।
ଛାଦଯାମାସ ସମରେ ଗଜାନ୍ନିଘ୍ନନ୍ବୃକୋଦରଃ॥ 8-64-33 (58170)
ତତଃ କୁଞ୍ଜରଯୂଥାନି ସମେତାନି ସହସ୍ରଶଃ।
ବ୍ଯଧମତ୍ତରସା ଭୀମୋ ମେଘସଙ୍ଘାନିବାନିଲଃ॥ 8-64-34 (58171)
ସୁବର୍ଣଜାଲାପିହିତା ମଣିଜାଲୈଶ୍ଚ କୁଞ୍ଜରାଃ।
ରେଜୁରଭ୍ଯଧିକଂ ସଂଖ୍ଯେ ବିଦ୍ଯୁତ୍ବନ୍ତ ଇବାମ୍ବୁଦାଃ॥ 8-64-35 (58172)
ତେ ବଧ୍ଯମାନା ଭୀମେନ ଗଜା ରାଜନ୍ବିଦୁଦ୍ରୁବୁଃ।
କେଚିଦ୍ବିଭିନ୍ନହୃଦଯାଃ କୁଞ୍ଜରା ନ୍ଯପତନ୍ଭୁବି॥ 8-64-36 (58173)
ପତିତୈର୍ନିପତଦ୍ଭିଶ୍ଚ ଗଜୈର୍ହେମବିଭୂଷିତୈଃ।
ଅଶୋଭତ ମହୀ ତତ୍ର ବିଶୀର୍ଣୈରିବ ପର୍ବତୈଃ॥ 8-64-37 (58174)
ଦୀପ୍ତାଭୈ ରତ୍ନବଦ୍ଭିଶ୍ଚ ପତିତୈର୍ଗଜଯୋଧିଭିଃ।
ରରାଜ ଭୂମିଃ ପତିତୈଃ କ୍ଷୀଣପୁଣ୍ଯୈରିବ ଗ୍ରହୈଃ॥ 8-64-38 (58175)
ତତୋ ଭିନ୍ନକଟା ନାଗା ଭିନ୍ନକୁମ୍ଭକରାସ୍ତଥା।
ଦୁଦ୍ରୁବୁଃ ଶତଶଃ ସଂଖ୍ଯେ ଭୀମସେନଶରାହତାଃ॥ 8-64-39 (58176)
କେଚିଦ୍ବମନ୍ତୋ ରୁଧିରଂ ଭଯାର୍ତାଃ ପର୍ବତୋପମାଃ।
ବ୍ଯଦ୍ରବଞ୍ଛରବିଦ୍ଧାଙ୍ଗା ଧାତୁଚିତ୍ରା ଇବାଚଲାଃ॥ 8-64-40 (58177)
ମହାଭୁଜଗସଙ୍କାଶୌ ଚନ୍ଦନାଗୁରୁରୂଷିତୌ।
ଅପଶ୍ଯଂ ଭୀମସେନସ୍ଯ ଧନୁର୍ବିକ୍ଷିପତୋ ଭୁଜୌ॥ 8-64-41 (58178)
ତସ୍ଯ ଜ୍ଯାତଲନିର୍ଘୋଷଂ ଶ୍ରୁତ୍ବାଶନିସମସ୍ବନମ୍।
ବିମୁଞ୍ଚନ୍ତଃ ଶକୃନ୍ମୂତ୍ରଂ ଗଜାଃ ପ୍ରାଦୁଦ୍ରୁବୁର୍ଭୃଶମ୍॥ 8-64-42 (58179)
ଭୀମସେନସ୍ଯ ତତ୍କର୍ମ ରାଜନ୍ନେକସ୍ଯ ଧୀମତଃ।
ନିଘ୍ନତଃ ସର୍ବଭୂତାନି ରୁଦ୍ରସ୍ଯେବ ଚ ନିର୍ବଭୌ॥] ॥ 8-64-43 (58180)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଚତୁଃଷଷ୍ଟିତମୋଽଧ୍ଯାଯଃ॥ 64 ॥
॥ ଶ୍ରୀଃ ॥
8.65. ଅଧ୍ଯାଯଃ 065
Mahabharata - Karna Parva - Chapter Topics
ସଙ୍କୁଲଯୁଦ୍ଧମ୍॥ 1 ॥
Mahabharata - Karna Parva - Chapter Text
8-65-0 (58181)
ସଞ୍ଜଯ ଉବାଚ। 8-65-0x (4990)
ତତଃ ଶ୍ବେତାଶ୍ବସଂଯୁକ୍ତେ ନାରାଯଣସମାହିତେ।
ତିଷ୍ଠନ୍ରଥବରେ ଶ୍ରୀମାନର୍ଜୁନଃ ସମପଦ୍ଯତ॥ 8-65-1 (58182)
ତଦ୍ବଲଂ ନୃପତିଶ୍ରେଷ୍ଠ ତାବକଂ ବିଜଯୋ ରଣେ।
ବ୍ଯକ୍ଷୋଭଯଦୁଦୀର୍ଣାଶ୍ବଂ ମହୋଦଧିମିବାନିଲଃ॥ 8-65-2 (58183)
ଦୁର୍ଯୋଧନସ୍ତବ ସୁତଃ ପ୍ରମତ୍ତେ ଶ୍ବେତବାହନେ।
ଅଭ୍ଯେତ୍ଯ ସହସା କ୍ରୁଦ୍ଧଃ ସୈନ୍ଯାର୍ଧେନାଭିସଂବୃତଃ॥ 8-65-3 (58184)
ପର୍ଯବାରଯଦାଯାନ୍ତଂ ଯୁଧିଷ୍ଠିରମମର୍ଷଣମ୍।
କ୍ଷୁରପ୍ରାଣାଂ ତ୍ରିସପ୍ତତ୍ଯା ତତୋଽବିଧ୍ଯତ ପାଣ୍ଡବମ୍॥ 8-65-4 (58185)
ଅକ୍ରୁଧ୍ଯତ ଭୃଶଂ ତତ୍ର କୁନ୍ତୀପୁତ୍ରୋ ଯୁଧିଷ୍ଠିରଃ।
ସ ଭଲ୍ଲାଂସ୍ତ୍ରିଂଶତସ୍ତୂର୍ଣଂ ତବ ପୁତ୍ରେ ନ୍ଯବେଶଯତ୍॥ 8-65-5 (58186)
ତତୋ ଧାବନ୍ତ କୌରବ୍ଯା ଜିଘୃକ୍ଷନ୍ତୋ ଯୁଧିଷ୍ଠିରମ୍॥ 8-65-6 (58187)
ଦୁଷ୍ଟଭାବାନ୍ପରାଞ୍ଜ୍ଞାତ୍ବା ସମବେତା ମହାରଥାଃ।
ଆଜଗ୍ମୁସ୍ତଂ ପରୀପ୍ସନ୍ତଃ କୁନ୍ତୀପୁତ୍ରଂ ଯୁଧିଷ୍ଠିରମ୍॥ 8-65-7 (58188)
`ସଞ୍ଜଯ ଉବାଚ। 8-65-8x (4991)
ଯୁଧିଷ୍ଠିରଶ୍ଚିତ୍ରସେନଂ ଶରବର୍ଷୈରବାକିରତ୍।
ଚିତ୍ରସେନସ୍ତୁ କୌନ୍ତେଯଂ ସଙ୍କ୍ରୁଦ୍ଧଃ ସମବାରଯତ୍॥ 8-65-8 (58189)
ମୁହୂର୍ତାଦ୍ବିମୁଖୀକୃତ୍ଯ ଚିତ୍ରସେନଂ ସ ଧର୍ମରାଟ୍।
ତାବକଂ ସୈନ୍ଯମଭ୍ଯଘ୍ନତ୍ସମନ୍ତାନ୍ନିଶିତୈଃ ଶରୈଃ॥ 8-65-9 (58190)
ତାବକା ହି ମାବାହୋ ଦୁର୍ଯୋଧନପୁରୋଗମାଃ।
ଯୁଧିଷ୍ଠିରଂ ଜିଘୃକ୍ଷନ୍ତଃ ସର୍ବସୈନ୍ଯଂ ସମାକ୍ଷିପନ୍॥ 8-65-10 (58191)
ଦୃଷ୍ଟପ୍ରଭାବାଂସ୍ତାନ୍ମତ୍ବା ସମବେତାନ୍ମହାରଥାନ୍।
ଆଜଗ୍ମୁଃ ସମ୍ପରୀପ୍ସନ୍ତଃ ପାଣ୍ଡବେଯଂ ଯୁଧିଷ୍ଠିରମ୍'॥ 8-65-11 (58192)
ନକୁଲଃ ସହଦେବଶ୍ଚ ଧୃଷ୍ଟଦ୍ଯୁମ୍ନଶ୍ଚ ପାର୍ଷତଃ।
ଅକ୍ଷୌହିଣ୍ଯା ପରିବୃତାସ୍ତେଽଭ୍ଯଧାବନ୍ଯୁଧିଷ୍ଠିରମ୍॥ 8-65-12 (58193)
ଭୀମସେନଶ୍ଚ ନାରାଚୈର୍ମୃଦ୍ରଂସ୍ତବ ମହାରଥାନ୍।
ଅଭ୍ଯଧାବଦଭିପ୍ରେପ୍ସୂ ରାଜାନଂ ଶତ୍ରୁଭିର୍ବୃତମ୍॥ 8-65-13 (58194)
ତାଂସ୍ତୁ ସର୍ବାନ୍ମହେଷ୍ବାସାନ୍କର୍ଣୋ ବୈକର୍ତନୋ ବୃଷା।
ଶରବର୍ଷେଣ ମହତା ପ୍ରତ୍ଯବାରଯଦାଗତାନ୍॥ 8-65-14 (58195)
ଶରୌଘାନ୍ବିସୃଜନ୍ତସ୍ତେ ପ୍ରେଯନ୍ତଶ୍ଚ କୁଞ୍ଜରାନ୍।
ନ ଶେକୁର୍ଯତ୍ନବନ୍ତୋଽପି ରାଧେଯଂ ପ୍ରତିବୀକ୍ଷିତୁମ୍॥ 8-65-15 (58196)
ତାଂଶ୍ଚ ସର୍ବାନ୍ମହେଷ୍ବାସାନ୍ସର୍ବଶସ୍ତ୍ରବିଶାରଦାନ୍।
ମହତା ଶରବର୍ଷେଣ ରାଧେଯଃ ପ୍ରତ୍ଯବାରଯତ୍॥ 8-65-16 (58197)
ଦୁର୍ଯୋଧନଂ ଚ ବିଂଶତ୍ଯା ନାରାଚାନାଂ କୃତୀ ବଲୀ।
ଅବିଧ୍ଯତ୍ତୂର୍ଣମଭ୍ଯେତ୍ଯ ସହଦେବୋ ମହୀପତିମ୍॥ 8-65-17 (58198)
ସ ବିଦ୍ଧଃ ସହଦେବେନ ରରାଜ ବଲସନ୍ନିଧୌ।
ପ୍ରଭିନ୍ନ ଇବ ମାତଙ୍ଗୋ ରୁଧିରେଣ ପରିପ୍ଲୁତଃ॥ 8-65-18 (58199)
ଦୃଷ୍ଟ୍ବା ତବ ସୁତଂ ତତ୍ର ଗାଢବିଦ୍ଧଂ ସୁତେଜନୈଃ।
ଅଭ୍ଯଧାବଦ୍ଦୃଢଂ କ୍ରୁଦ୍ଧୋ ରାଧେଯୋ ରଥିନାଂ ବରଃ॥ 8-65-19 (58200)
ଦୁର୍ଯୋଧନଂ ତଥା ଦୃଷ୍ଟ୍ବା ଶୀଘ୍ରମସ୍ତ୍ରମୁଦୀର୍ଯ ସଃ।
ଅବଧୀତ୍ପାଣ୍ଡବାନୀକଂ ପାଞ୍ଚାଲାଂଶ୍ଚୈବ ମାରିଷ॥ 8-65-20 (58201)
ତତୋ ଯୌଧିଷ୍ଠିରଂ ସୈନ୍ଯଂ ବଧ୍ଯମାନଂ ମହାତ୍ମନା।
ସହସା ପ୍ରାଦ୍ରାବଦ୍ରାଜନ୍ମୂତପୁତ୍ରଶରାର୍ଦିତମ୍॥ 8-65-21 (58202)
ବିବିଧା ବିଶିଖାସ୍ତତ୍ର ସମ୍ପତନ୍ତି ପରସ୍ପରମ୍।
ଭଲ୍ଲାଃ ପୁଙ୍ଖସମାଶ୍ଲିଷ୍ଟାଃ ସୂତପୁତ୍ରଧନୁଶ୍ଚ୍ଯୁତାଃ॥ 8-65-22 (58203)
ଅନ୍ତରିକ୍ଷେ ଶରୌଘାଣାଂ ପତତାଂ ଚ ପରସ୍ପରମ୍।
ସଙ୍ଘର୍ପେଣ ମହାରାଜ ପାବକଃ ସମଜାଯତ॥ 8-65-23 (58204)
ତକତୋ ଦଶଦିଶଃ କର୍ଣଃ ଶଲଭୈରିବ ଯାଯିଭିଃ।
ଅଭ୍ଯଘ୍ନଂସ୍ତରସା ରାଜଞ୍ଶରୈଃ ପରଶରୀରଗୈଃ॥ 8-65-24 (58205)
ରକ୍ତଚନ୍ଦନସନ୍ଦିଗ୍ଧୌ ମଣିହେମବିଭୂଷିତୌ।
ବାହୂ ବ୍ଯତ୍ଯକ୍ଷିପତ୍କର୍ଣଃ ପରମାସ୍ତ୍ରଂ ବିଦର୍ଶଯନ୍॥ 8-65-25 (58206)
ତତଃ ସର୍ବା ଦିଶୋ ରାଜନ୍ସାଯକୈର୍ବିପ୍ରମୋହଯନ୍।
ଅପୀଡଯଦ୍ଭୃଶଂ କର୍ଣୋ ଧର୍ମରାଜଂ ଯୁଧିଷ୍ଠିରମ୍॥ 8-65-26 (58207)
ତତଃ କ୍ରୁଦ୍ଧୋ ମହାରାଜ ଧର୍ମପୁତ୍ରୋ ଯୁଧିଷ୍ଠିରଃ।
ନିଶିତୈରିଷୁଭିଃ କର୍ଣଂ ପଞ୍ଚାଶଦ୍ଭିଃ ସମାର୍ପଯତ୍॥ 8-65-27 (58208)
[ବାଣାନ୍ଧକାରମଭବତ୍ତଦ୍ଯୁଦ୍ଧଂ ଘୋରଦର୍ଶନମ୍।
ହାହାକାରୋ ମହାନାସୀତ୍ତାବକାନାଂ ବିଶାମ୍ପତେ॥ 8-65-28 (58209)
ବଧ୍ଯମାନେ ତଦା ସୈନ୍ଯେ ଧର୍ମପୁତ୍ରେଣ ମାରିଷ।
ସାଯକୈର୍ବିବିଧୈସ୍ତୀକ୍ଷ୍ଣୈଃ କଙ୍କପତ୍ରୈଃ ଶିଲାଶିତୈଃ।
ଭଲ୍ଲୈରନେକୈର୍ବିବିଧୈଃ ଶକ୍ତ୍ଯୃଷ୍ଟିମୁସଲୈରପି॥ 8-65-29 (58210)
ଯତ୍ର ଯତ୍ର ସ ଧର୍ମାତ୍ମା ଦୁଷ୍ଟାଂ ଦୃଷ୍ଟିଂ ବ୍ଯସର୍ଜଯତ୍।
ତତ୍ର ତତ୍ର ବ୍ଯଶୀର୍ଯନ୍ତ ତାବକା ଭରତର୍ଷଭ॥ 8-65-30 (58211)
କର୍ଣୋଽପି ଭୃଶସଙ୍କୁଦ୍ରୋ ଧର୍ମରାଜଂ ଯୁଧିଷ୍ଠିରମ୍।
ନାରାଚୈରର୍ଧଚନ୍ଦ୍ରୈଶ୍ଚ ବତ୍ସଦନ୍ତୈଶ୍ଚ ସଂଯୁଗେ॥ 8-65-31 (58212)
ଅମର୍ଷୀ କ୍ରୋଧନଶ୍ଚୈବ ରୋଷପ୍ରସ୍ଫୁରିତାନନଃ।
ସାଯକୈରପ୍ରମେଯାତ୍ମା ଯୁଧିଷ୍ଠିରମଭିଦ୍ରବତ୍॥ 8-65-32 (58213)
ଯୁଧିଷ୍ଠିରଶ୍ଚାପି ସ ତଂ ସ୍ବର୍ଣପୁଙ୍ଖୈଃ ଶିତୈଃ ଶରୈଃ॥] 8-65-33 (58214)
ପ୍ରହସନ୍ନିବ ତଂ କର୍ଣଃ କଙ୍କପତ୍ରୈଃ ଶିଲାଶିତୈଃ।
ଉରସ୍ଯବିଧ୍ଯଦ୍ରାଜାନଂ କୁନ୍ତୀପୁତ୍ରଂ ଯୁଧିଷ୍ଠିରମ୍॥ 8-65-34 (58215)
ସ ପୀଡିତୋ ଭୃଶଂ ତେନ ଧର୍ମରାଜୋ ଯୁଧିଷ୍ଠିରଃ।
ଉପବିଶ୍ଯ ରଥୋପସ୍ଥେ ସୂତଂ ଯାହୀତ୍ଯନୋଦଯତ୍॥ 8-65-35 (58216)
ଅକ୍ରୋଶନ୍ତ ତତଃ ସର୍ବେ ଧାର୍ତରାଷ୍ଟ୍ରାଃ ସରାଜକାଃ।
ଗୃହ୍ଣୀଧ୍ବମିତି ରାଜାନମଭ୍ଯଧାବନ୍ତ ସର୍ବଶଃ॥ 8-65-36 (58217)
ତତଃ ଶତାଃ ସପ୍ତଦଶ କେକଯାନାଂ ପ୍ରହାରିଣାମ୍।
ପଞ୍ଚାଲୈଃ ସହିତା ରାଜନ୍ଧାର୍ତରାଷ୍ଟ୍ରାନ୍ନ୍ଯବାରଯନ୍॥ 8-65-37 (58218)
ତସ୍ମିନ୍ସୁତୁମୁଲେ ଯୁଦ୍ଧେ ବର୍ତମାନେ ଜନକ୍ଷଯେ।
ଦୁର୍ଯୋଧନଶ୍ଚ ଭୀମଶ୍ଚ ସମେଯାତାଂ ମହାବଲୌ॥ ॥ 8-65-38 (58219)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ପଞ୍ଚଷଷ୍ଟିତମୋଽଧ୍ଯାଯଃ॥ 65 ॥
॥ ଶ୍ରୀଃ ॥
8.66. ଅଧ୍ଯାଯଃ 066
Mahabharata - Karna Parva - Chapter Topics
କର୍ଣବାଣପୀଡିତସ୍ଯ ଯୁଧିଷ୍ଠିରସ୍ଯ ବିଶ୍ରମାଯ ସ୍ବଶିବିରପ୍ରବେଶଃ॥ 1 ॥
Mahabharata - Karna Parva - Chapter Text
8-66-0 (58220)
ସଞ୍ଜଯ ଉବାଚ। 8-66-0x (4992)
କର୍ଣୋଽପି ଶରଜାଲେନ କେକଯାନାଂ ମହାରଥାନ୍।
ବ୍ଯଧମତ୍ପରମେଷ୍ବାସାନଗ୍ରାନୀକେ ବ୍ଯବସ୍ଥିତାନ୍॥ 8-66-1 (58221)
ତେଷାଂ ପ୍ରଯତମାନାନାଂ ରାଧେଯସ୍ଯ ନିବାରଣେ।
ରଥାନ୍ପଞ୍ଚଶତାନ୍କର୍ଣଃ ପ୍ରାହିଣୋଦ୍ଯମସାଦନମ୍॥ 8-66-2 (58222)
ଅବିଷହ୍ଯତମଂ ଦୃଷ୍ଟ୍ବା ରାଧେଯଂ ଯୁଧି ଯୋଧିନଃ।
ଭୀମସେନମୁପାଗଚ୍ଛନ୍କର୍ଣବାଣପ୍ରପୀଡିତାଃ॥ 8-66-3 (58223)
ରଥାନୀକଂ ବିଦାର୍ଯୈବ ଶରୈ ରାଜନ୍ନନେକଧା।
କର୍ଣ ଏକରଥେନୈବ ଯୁଧିଷ୍ଠିରମୁପାଦ୍ରବତ୍॥ 8-66-4 (58224)
ସେନାନିବେଶଂ ଗଚ୍ଛନ୍ତଂ ମାର୍ଗଣୈର୍ଭୃଶପୀଡିତମ୍।
ଯମଯୋର୍ମଧ୍ଯଗଂ ବୀରଂ ଶନୈର୍ଯାନ୍ତଂ ବିଚେତସମ୍॥ 8-66-5 (58225)
ସ ସମାସାଦ୍ଯ ରାଜାନଂ ଦୁର୍ଯୋଧନହିତେପ୍ସଯା।
ସୂତପୁତ୍ରସ୍ତ୍ରିଭିସ୍ତୀକ୍ଷ୍ଣୈର୍ବିବ୍ଯାଧ ପରମେଷୁଭିଃ॥ 8-66-6 (58226)
ତଥୈବ ରାଜା ରାଧେଯଂ ପ୍ରତ୍ଯବିଧ୍ଯତ୍ସ୍ତନାନ୍ତରେ।
ଶରୈସ୍ତ୍ରିଭିଶ୍ଚ ଯନ୍ତାରଂ ଚତୁର୍ଭିଶ୍ଚତୁରୋ ହଯାନ୍॥ 8-66-7 (58227)
ଚକ୍ରରକ୍ଷୌ ନୃପସୁତୌ ମାଦ୍ରୀପୁତ୍ରୌ ପରନ୍ତପୌ।
ତାବପ୍ଯଧାବତାଂ କର୍ଣଂ ରାଜାନଂ ମା ବଧୀଦିତି॥ 8-66-8 (58228)
ତୌ ପୃଥକ୍ଶରବର୍ଷାଭ୍ଯାଂ ରାଧେଯଂ ସମବର୍ଷତାମ୍।
ନକୁଲଃ ସହଦେବଶ୍ଚ ପରମଂ ଯତ୍ନମାସ୍ଥିତୌ॥ 8-66-9 (58229)
ତଥୈବ ତୌ ପ୍ରତ୍ଯବିଧ୍ଯତ୍ସୂତପୁତ୍ରଃ ପ୍ରତାପବାନ୍।
ଭଲ୍ଲାଭ୍ଯାଂ ଶିତଧାରାଭ୍ଯାଂ ମହାତ୍ମାନାବରିନ୍ଦମୌ॥ 8-66-10 (58230)
ଦନ୍ତବର୍ଣାଂସ୍ତୁ ରାଧେଯୋ ନିଜଘାନ ମନୋଜବାନ୍।
ଯୁଧିଷ୍ଠିରସ୍ଯ ସଙ୍ଗ୍ରାମେ କାଲବାଲାନ୍ହଯୋତ୍ତମାନ୍॥ 8-66-11 (58231)
ତତୋଽପରେଣ ଭଲ୍ଲେନ ଶିରସ୍ତ୍ରାଣମପାତଯତ୍।
କୌନ୍ତେଯସ୍ଯ ମହେଷ୍ବାସଃ ପ୍ରହସନ୍ନିବ ସୂତଜଃ॥ 8-66-12 (58232)
ତଥୈବ ନକୁଲସ୍ଯାପି ହଯାନ୍ହତ୍ବା ମହାରଥଃ।
ତତୋଽପରେଣ ଭଲ୍ଲେନ ଭୃଶଂ ତୀକ୍ଷ୍ଣେନ ଭାରତ।
ଧନୁଶ୍ଚିଚ୍ଛେଦ ବୀରସ୍ଯ ମାଦ୍ରୀପୁତ୍ରସ୍ଯ ଧୀମତଃ॥ 8-66-13 (58233)
ତୌ ହତାଶ୍ବୌ ହତରଥୌ ପାଣ୍ଡବୌ ଭୃଶବିକ୍ଷତୌ।
ଭ୍ରାତରାବାରୁରୁହତୁଃ ସହଦେବରଥଂ ତଦା॥ 8-66-14 (58234)
ତୌ ଦୃଷ୍ଟ୍ବା ମାତୁଲସ୍ତତ୍ର ବିରଥୌ ପରବୀରହା।
ଅଭ୍ଯଭାଷତ ରାଧେଯଂ ମଦ୍ରରାଜୋଽନୁକମ୍ପଯା॥ 8-66-15 (58235)
ମାର୍ଗିତବ୍ଯସ୍ତ୍ବଯା କର୍ଣ କୁନ୍ତୀପୁତ୍ରୋ ଧନଞ୍ଜଯଃ।
ଅତସ୍ତ୍ବଂ ଧର୍ମରାଜେନ କିମର୍ଥମିହ ଯୁଧ୍ଯସେ॥ 8-66-16 (58236)
[କ୍ଷୀଣଶସ୍ତ୍ରାସ୍ତ୍ରାକବଚଃ କ୍ଷୀଣବାଣୋ ବିବାଣଧିଃ।
ଶ୍ରାନ୍ତସାରଥିବାହଶ୍ଚ ଚ୍ଛନ୍ନୋଽସ୍ତ୍ରୈରରିଭିସ୍ତଥା।
ପାର୍ଥମାସାଦ୍ଯ ରାଧେଯ ଉପହାସ୍ଯୋ ଭବିଷ୍ଯସି॥] 8-66-17 (58237)
ତଥାପି କର୍ଣଃ ସଂରବ୍ଧୋ ଯୁଧିଷ୍ଠିରମପୀଡଯତ୍।
ଶରୈସ୍ତୀକ୍ଷ୍ଣୈର୍ମହାବୀର୍ଯୈର୍ମାଦ୍ରୀପୁତ୍ରୌ ଚ ପାଣ୍ଡବୌ॥ 8-66-18 (58238)
ତତଃ ଶଲ୍ଯଃ ପ୍ରହସ୍ଯେଦଂ କର୍ଣଂ ପୁନରୁବାଚ ହ।
ରଥସ୍ଥମତିସଂରବ୍ଧଂ ଯୁଧିଷ୍ଠିରବଧେ ସ୍ଥିତମ୍॥ 8-66-19 (58239)
ଯଦର୍ଥଂ ଧାର୍ତରାଷ୍ଟ୍ରେଣ ସତତଂ ମାନିତୋ ଭବାନ୍।
ତଂ ପାର୍ଥ ଜହି ରାଧେଯ କିଂ ତେ ହତ୍ବା ଯୁଧିଷ୍ଠିରମ୍।
`ହତେ ଯସ୍ମିନ୍ଧ୍ରୁବଂ ପାର୍ଥଃ ସର୍ବାଞ୍ଜେଷ୍ଯତି ନୋ ରଥାନ୍॥ 8-66-20 (58240)
ତସ୍ମିନ୍ହି ଧାର୍ତରାଷ୍ଟ୍ରସ୍ଯ ନିହତେ ତୁ ଧ୍ରୁବୋ ଜଯଃ।
ଧ୍ବଜୋଽସୌ ଦୃଶ୍ଯତେ ତସ୍ଯ ରୋଚମାନୋଂଽଶୁମାନିବ।
ସାରୋ ହ୍ଯେଷ ମହାବାହୋ କିଂ ତେ ହତ୍ବା ଯୁଧିଷ୍ଠିରମ୍॥' 8-66-21 (58241)
ଶଙ୍ଖଯୋର୍ଧ୍ମାତଯୋଃ ଶବ୍ଦଃ ସୁମହାନେଷ କୃଷ୍ଣଯୋଃ।
ଶ୍ରୂଯତେ ଚାପଘୋଷଶ୍ଚ ପ୍ରାବୃଷୀବାମ୍ବୁଦସ୍ଯ ହ॥ 8-66-22 (58242)
ଅସୌ ନିଘ୍ନନ୍ରଥୋଦାରାନର୍ଜୁନଃ ଶରବୃଷ୍ଟିଭିଃ।
ସର୍ବାଂ ଗ୍ରସତି ନଃ ସେନାଂ କର୍ଣ ପଶ୍ଯୈନମାହବେ॥ 8-66-23 (58243)
ପୃଷ୍ଠରକ୍ଷୌ ଚ ଶୂରସ୍ଯ ଯୁଧାମନ୍ଯୂତ୍ତମୌଜସୌ॥ 8-66-24 (58244)
ଉତ୍ତରଂ ଚାସ୍ଯ ବୈ ଶୂରଶ୍ଚକ୍ରଂ ରକ୍ଷତି ସାଂତ୍ଯକିଃ।
ଧୃଷ୍ଟଦ୍ଯୁମ୍ନସ୍ତଥା ଚାସ୍ଯ ଚକ୍ରଂ ରକ୍ଷତି ଦକ୍ଷିଣମ୍॥ 8-66-25 (58245)
ଭୀମସେନଶ୍ଚ ବୈ ରାଜ୍ଞା ଧାର୍ତରାଷ୍ଟ୍ରେଣ ଯୁଧ୍ଯତେ।
ଯଥା ନ ହନ୍ଯାତ୍ତଂ ଭୀମଃ ସର୍ବେଷାଂ ନୋଽଦ୍ଯ ପଶ୍ଯତାମ୍।
କୁରୁ ରାଧେଯ ବୈ ରାଜା ଯଥା ମୁଚ୍ଯେତ ତତ୍ତଥା॥ 8-66-26 (58246)
xxxx ଭୀମସେନେନ ଗ୍ରସ୍ତମାହବଶୋଭିନା।
ଯଦି ନାମାଦ୍ଯ ମୁଚ୍ଯେତ ବିସ୍ମଯଃ ସୁମହାନ୍ଭବେତ୍॥ 8-66-27 (58247)
ପରିତ୍ରାହ୍ଯେନମଭ୍ଯେତ୍ଯ ସଂଶଯଂ ପରମଂ ଗତମ୍।
କିଂ ନୁ ମାଦ୍ରୀସୁତୌ ହତ୍ବା ରାଜାନଂ ବା ଯୁଧିଷ୍ଠିରମ୍॥ 8-66-28 (58248)
ଇତି ଶଲ୍ଯବଚଃ ଶ୍ରୁତ୍ବା ରାଧେଯଃ ପୃଥିବୀପତେ।
ଦୃଷ୍ଟ୍ବା ଦୁର୍ଯୋଧନଂ ଚୈବ ଭୀମଗ୍ରସ୍ତଂ ମହାହବେ॥ 8-66-29 (58249)
ରାଜଗୃଧ୍ନୁର୍ଭୃଶଂ ଚୈବ ଶଲ୍ଯବାକ୍ଯପ୍ରଚୋଦିତଃ।
ଅଜାତଶତ୍ରୁମୁତ୍ସୃଜ୍ଯ ମାଦ୍ରୀପୁତ୍ରୌ ଚ ପାଣ୍ଡବୌ॥ 8-66-30 (58250)
ତବ ପୁତ୍ରଂ ପରିତ୍ରାତୁମଭ୍ଯଧାବତ ବୀର୍ଯବାନ୍।
ମଦ୍ରରାଜପ୍ରଣୁଦିତୈରଶ୍ବୈରାକାଶଗୈରିବ॥ 8-66-31 (58251)
ଗତେ କର୍ଣେ ତୁ କୌନ୍ତେଯଃ ପାଣ୍ଡୁପୁତ୍ରୋ ଯୁଧିଷ୍ଠିରଃ।
ଅପାଯାଜ୍ଜବନୈରଶ୍ବୈଃ ସହଦେବସ୍ଯ ମାରିଷ॥ 8-66-32 (58252)
[ତାଭ୍ଯାଂ ସ ସହିତସ୍ତୂର୍ଣଂ ବ୍ରୀଡନ୍ନିବ ନରେଶ୍ବରଃ]।
ପ୍ରାପ୍ଯ ସେନାନିବେଶଂ ସ୍ବଂ ମାର୍ଗଣୈର୍ଭୃଶବିକ୍ଷତଃ॥ 8-66-33 (58253)
ଅବତୀର୍ଯ ରଥାତ୍ତୂର୍ଣମାବିଶଚ୍ଛଯନଂ ଶୁଭମ୍।
ଅପେତଶଲ୍ଯୋ ରାଜା ତୁ ହୃଚ୍ଛଲ୍ଯେନାଭିପୀଡିତଃ॥ 8-66-34 (58254)
ସୋଽବ୍ରବୀଦ୍ଧାତରୌ ରାଜା ମାଦ୍ରୀପୁତ୍ରୌ ମହାରଥୌ।
ଗଚ୍ଛନ୍ତ ତ୍ବରିତୌ ବୀରୌ ଯତ୍ର ଭୀମୋ ବ୍ଯବସ୍ଥିତଃ॥ 8-66-35 (58255)
`ତତସ୍ତେ ପାଣ୍ଡବାଃ ସର୍ବେ ସମାଭାଷ୍ଯ ପରସ୍ପରମ୍।
ଅନୀକଂ ଭୀମସେନସ୍ଯ ପାଣ୍ଡବାବଭ୍ଯଗଚ୍ଛତାମ୍'।
ଜୀମୂତ ଇବ ନର୍ଦଂସ୍ତୁ ଯୁଧ୍ଯତେ ସ ବୃକୋଦରଃ॥ 8-66-36 (58256)
ତତୋଽନ୍ଯଂ ରଥମାସ୍ଥାଯ ନକୁଲୋ ରଥପୁଙ୍ଗବଃ।
ସହଦେବଶ୍ଚ ତେଜସ୍ବୀ ଭ୍ରାତରୌ ଶତ୍ରୁକର୍ଶନୌ॥ 8-66-37 (58257)
ତୁରଗୈରଗ୍ର୍ଯରଂହୋଭିର୍ଯତ୍ର ଭୀମସ୍ତରସ୍ବିନୌ।
ଅନୀକୈଃ ସହିତୌ ତତ୍ର ଭ୍ରାତରୌ ସମବସ୍ଥିତୌ॥ ॥ 8-66-38 (58258)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଷଟ୍ଷଷ୍ଟିତମୋଽଧ୍ଯାଯଃ॥ 66 ॥
॥ ଶ୍ରୀଃ ॥
8.67. ଅଧ୍ଯାଯଃ 067
Mahabharata - Karna Parva - Chapter Topics
ପାର୍ଥେନାଶ୍ବତ୍ଥାମ୍ନି ପରାଜିତେ କର୍ଣେନ ଭାର୍ଗବାସ୍ତ୍ରପ୍ରଯୋଗାତ୍ପାଣ୍ଡବସେନାପୀଡନମ୍॥ 1 ॥
Mahabharata - Karna Parva - Chapter Text
8-67-0 (58259)
ସଞ୍ଜଯ ଉବାଚ। 8-67-0x (4993)
ଦ୍ରୌଣିସ୍ତୁ ରଥବଂଶେନ ମହତା ପରିବାରିତଃ।
ଅପତତ୍ସହସା ରାଜନ୍ଯତ୍ର ପାର୍ଥୋ ବ୍ଯବସ୍ଥିତଃ॥ 8-67-1 (58260)
ତମାପତନ୍ତଂ ସହସା ଶୂରଃ ଶୌରିସହାଯବାନ୍।
ଦଧାର ସମରେ ପାର୍ଥୋ ବେଲେବ ମକରାଲଯମ୍॥ 8-67-2 (58261)
ତତଃ କ୍ରୁଦ୍ଧୋ ମହାରାଜ ଦ୍ରୋଣପୁତ୍ରଃ ପ୍ରତାପବାନ୍।
ଅର୍ଜୁନଂ ବାସୁଦେବଂ ଚ ଚ୍ଛାଦଯାମାସ ସାଯକୈଃ॥ 8-67-3 (58262)
ଅବଚ୍ଛନ୍ନୌ ତତଃ କୃଷ୍ଣୌ ଦୃଷ୍ଟ୍ବା ତତ୍ର ମହାରଥାଃ।
ବିସ୍ମଯଂ ପରମଂ ଗତ୍ବା ପ୍ରୈକ୍ଷନ୍ତ କୁରବସ୍ତଦା॥ 8-67-4 (58263)
ଅର୍ଜୁନସ୍ତୁ ତତୋ ଦିବ୍ଯମସ୍ତ୍ରଂ ଚକ୍ରେ ହସନ୍ନିବ।
ତଦସ୍ତ୍ରଂ ବାରଯାମାସ ବ୍ରାହ୍ମଣୋ ଯୁଧି ଭାରତ॥ 8-67-5 (58264)
ଯଦ୍ଯଦ୍ଧି ବ୍ଯାକ୍ଷିପଦ୍ଯୁଦ୍ଧେ ଫଲ୍ଗୁନୋଽସ୍ତ୍ରଂ ଜିଘାଂସଯା।
ତତ୍ତଦସ୍ତ୍ରୈର୍ମହେଷ୍ବାସୋ ଦ୍ରୋଣପୁତ୍ରୋ ଜଘାନ ହ॥ 8-67-6 (58265)
ଅସ୍ତ୍ରଯୁଦ୍ଧେ ମହାରାଜ ବର୍ତମାନେ ମହାଭଯେ।
ଅପଶ୍ଯାମ ରଣେ ଦ୍ରୌଣିଂ ବ୍ଯାତ୍ତାନନମିବାନ୍ତକମ୍॥ 8-67-7 (58266)
ସ ଦିଶଃ ପ୍ରଦିଶଶ୍ଚୈବ ଚ୍ଛାଦଯିତ୍ବା ହ୍ଯଜିହ୍ମଗୈଃ।
ବାସୁଦେବଂ ତ୍ରିଭିର୍ବାଣୈରବିଧ୍ଯଦ୍ଦକ୍ଷିଣେ ଭୁଜେ॥ 8-67-8 (58267)
ତତୋଽର୍ଜୁନୋ ରଥାନ୍ସର୍ବାନ୍ହତ୍ବା ତସ୍ଯ ପଦାନୁଗାନ୍।
ଚକାର ସମରେ ଭୂମିଂ ଶୋଣିତୌଘପରିପ୍ଲୁତାମ୍।
[ସର୍ବଲୋକବହାଂ ରୌଦ୍ରାଂ ପରଲୋକବହାଂ ନଦୀମ୍]॥ 8-67-9 (58268)
ସରଥା ରଥିନଃ ପେତୁଃ ପାର୍ଥଚାପଚ୍ଯୁତୈଃ ଶରୈଃ॥ 8-67-10 (58269)
[ଦ୍ରୌଣେରପହତାନ୍ସଙ୍ଖେ ଦଦୃଶୁ ସ ଚ ତାଂ ତଥା।
ପ୍ରାବର୍ତଯନ୍ମହାଘୋରାଂ ନଦୀଂ ପରବହାଂ ତଦା॥ 8-67-11 (58270)
ତଯୋସ୍ତୁ ବ୍ଯାକୁଲେ ଯୁଦ୍ଧେ ଦ୍ରୌଣେଃ ପାର୍ଥସ୍ଯ ଦାରୁଣେ।
ଅମର୍ଯାଦଂ ଯୋଧଯନ୍ତଃ ପର୍ଯଧାବନ୍ତ ପୃଷ୍ଠତଃ॥ 8-67-12 (58271)
ରଥୈର୍ହତାଶ୍ବସୂତୈଶ୍ଚ ହତାରୋହୈଶ୍ଚ ବାଜିଭିଃ।
ଦ୍ବିରଦୈଶ୍ଚ ହତାରୋହୈର୍ମହାମାତ୍ରୈର୍ହତଦ୍ବିପୈଃ॥ 8-67-13 (58272)
ପାର୍ଥେନ ସମରେ ରାଜନ୍କୃତୋ ଘୋରୋ ଜନକ୍ଷଯଃ।
ନିହତା ରଥିନଃ ପେତୁଃ ପାର୍ଥଚାପଚ୍ଯୁତୈଃ ଶରୈଃ॥] 8-67-14 (58273)
ହଯାଶ୍ଚ ପର୍ଯଧାବନ୍ତ ମୁକ୍ତଯୋକ୍ତ୍ରାସ୍ତତସ୍ତତଃ।
ତଦ୍ଦୃଷ୍ଟ୍ବା କର୍ମ ପାର୍ଥସ୍ଯ ଦ୍ରୌଣିରାହବଶୋଭିନଃ॥ 8-67-15 (58274)
ଅର୍ଜୁନଂ ଜଯତାଂ ଶ୍ରେଷ୍ଠଂ ତ୍ବରିତୋଽଭ୍ଯେତ୍ଯ ବୀର୍ଯବାନ୍।
ବିଧୁନ୍ବାନୋ ମହଚ୍ଚାପଂ କାର୍ତସ୍ବରବିଭୂଷିତମ୍॥ 8-67-16 (58275)
ଅବାକିରତ୍ତତୋ ଦ୍ରୌମିଃ ସମନ୍ତାନ୍ନିଶିତୈଃ ଶରୈଃ।
ଭୂଯୋଽର୍ଜୁନଂ ମହାରାଜ ଦ୍ରୌଣିରାଯମ୍ଯ ପତ୍ରିଣା॥ 8-67-17 (58276)
ବକ୍ଷୋଦେଶେ ଭୃଶଂ ପାର୍ଥଂ ତାଡଯାମାସ ନିର୍ଦଯମ୍।
ସୋଽତିବିଦ୍ଧୋ ରଣେ ତେନ ଦ୍ରୋଣପୁତ୍ରେଣ ଭାରତ॥ 8-67-18 (58277)
ଗାଣ୍ଡୀବଧନ୍ବା ପ୍ରସଭଂ ଶରବର୍ଷୈରୁଦାରଧୀଃ।
ସଞ୍ଛାଦ୍ଯ ସମରେ ଦ୍ରୌଣିଂ ଚିଚ୍ଛେଦାସ୍ଯ ଚ କାର୍ମୁକମ୍॥ 8-67-19 (58278)
ସ ଚ୍ଛିନ୍ନଧନ୍ବା ପରିଧଂ ବଜ୍ରସ୍ପର୍ଶସମଂ ଯୁଧି।
ଆଦାଯ ଚିକ୍ଷେପ ତଦା ଦ୍ରୋଣପୁତ୍ରଃ କିରୀଟିନେ॥ 8-67-20 (58279)
ତମାପନ୍ତତଂ ପରିଘଂ ଜାମ୍ବୂନଦପରିଷ୍କୃତମ୍।
ଚିଚ୍ଛେଦ ସହସା ରାଜନ୍ପ୍ରହସନ୍ନିବ ପାଣ୍ଡବଃ॥ 8-67-21 (58280)
ସ ପପାତ ତଦା ଭୂମୌ ନିକୃତ୍ତଃ ପାର୍ଥସାଯକୈଃ।
ବିକୀର୍ଣଃ ପର୍ବତୋ ରାଜନ୍ଯଥା ବଜ୍ରେଣ ତାଡିତଃ॥ 8-67-22 (58281)
ତତଃ କ୍ରୁଦ୍ଧୋ ମହାରାଜ ଦ୍ରୋଣପୁତ୍ରୋ ମହାରଥଃ।
ଐନ୍ଦ୍ରେଣ ଚାସ୍ତ୍ରବେଗେନ ବୀଭତ୍ସୁଂ ସମବାକିରତ୍॥ 8-67-23 (58282)
ତସ୍ଯେନ୍ଦ୍ରଜାଲାବତତଂ ସମୀକ୍ଷ୍ଯ
ପାର୍ଥୋ ରାଜନ୍ଗାଣ୍ଡିବମାଦଦେ ସଃ।
ଐନ୍ଦ୍ରଂ ଜାଲଂ ପ୍ରତ୍ଯହରତ୍ତରସ୍ବୀ
ବରାସ୍ତ୍ରମାଦାଯ ମହେନ୍ଦ୍ରସୃଷ୍ଟମ୍॥ 8-67-24 (58283)
ବିଦାର୍ଯ ତଜ୍ଜାଲମଥେନ୍ଦ୍ରମୁକ୍ତଂ
ପାର୍ଥସ୍ତତୋ ଦ୍ରୌଣିରଥଂ କ୍ଷଣେନ।
ପ୍ରଚ୍ଛାଦଯାମାସ ତତୋଽଭ୍ଯୁପେତ୍ଯ
ଦ୍ରୌଣିସ୍ତଦା ପାର୍ଥଶରାଭିଭୂତଃ॥ 8-67-25 (58284)
ବିଗାହ୍ଯ ତାଂ ପାଣ୍ଡବବାଣବୃଷ୍ଟିଂ
ଶରୈଃ ପରଂ ନାମ ତତଃ ପ୍ରକାଶ୍ଯ।
ଶତେନ କୃଷ୍ଣଂ ସହସାଭ୍ଯବିଦ୍ଧ୍ଯା--
ତ୍ତ୍ରିଭିଃ ଶତୈରର୍ଜୁନଂ କ୍ଷୁଦ୍ରକାଣାମ୍॥ 8-67-26 (58285)
ତତୋଽର୍ଜୁନଃ ସାଯକାନାଂ ଶତେନ
ଗୁରୋଃ ସୁତଂ ମର୍ମସୁ ନିର୍ବିଭେଦ।
ଅଶ୍ବାଂଶ୍ଚ ସୂତଂ ଚ ତଥା ଧନୁର୍ଜ୍ଯା--
ମବାକିରତ୍ପଶ୍ଯତାଂ ତାବକାନାମ୍॥ 8-67-27 (58286)
ସ ବିଦ୍ଧ୍ବା ମର୍ମସୁ ଦ୍ରୌଣିଂ ପାଣ୍ଡବଃ ପରବୀରହା।
ସାରଥିଂ ଚାସ୍ଯ ଭଲ୍ଲେନ ରଥନୀଡାଦପାତଯତ୍॥ 8-67-28 (58287)
ସ ସଙ୍ଗୃହ୍ଯ ସ୍ବଯଂ ବାହାନ୍କୃଷ୍ଣୌ ପ୍ରାଚ୍ଛଦଯଚ୍ଛରୈଃ।
ତତ୍ରାଦ୍ଭୁତମପରଶ୍ଯାମ ଦ୍ରୌଣେରାଶୁ ପରାକ୍ରମମ୍॥ 8-67-29 (58288)
ସଂଯଚ୍ଛଂସ୍ତୁରଗାନ୍ଯଚ୍ଚ ଫଲ୍ଗୁନଂ ଚାପ୍ଯଯୋଧଯତ୍।
ତଦସ୍ଯ ସମରେ ରାଜନ୍ସର୍ବଭୂତାନ୍ଯପୂଜଯନ୍॥ 8-67-30 (58289)
`ତେନାସ୍ଯ ସମରେ ଯୋଧାସ୍ତୁଷ୍ଟୁବୁଃ ସର୍ବ ଏବ ତେ।
ଯଦା ନିଜଗୃହେ ପାର୍ଥୋ ଦ୍ରୋଣପୁତ୍ରେଣ ଧନ୍ବିନା॥ 8-67-31 (58290)
ତଦା ପ୍ରହସ୍ଯ ବୀଭସ୍ତୁର୍ଦ୍ରୋଣପୁତ୍ରସ୍ଯ ସଂଯୁଗେ।
କ୍ଷିପ୍ରଂ ରଶ୍ମୀନଥାଶ୍ବାନାଂ କ୍ଷୁରପ୍ରୈଶ୍ଚିଚ୍ଛିଦେ ଜଯଃ॥ 8-67-32 (58291)
ପ୍ରାଦ୍ରବଂସ୍ତୁରଗାସ୍ତସ୍ଯ ଶରବେଗପ୍ରପୀଡିତାଃ।
ତତୋଽଭୂନ୍ନିନଦୋ ଘୋରସ୍ତବ ସୈନ୍ଯସ୍ଯ ଭାରତ॥ 8-67-33 (58292)
ପାଣ୍ଡବାସ୍ତୁ ଜଯଂ ଲବ୍ଧ୍ବା ତବ ସୈନ୍ଯଂ ସମାଦ୍ରବନ୍।
ସମନ୍ତାନ୍ନିଶିତାନ୍ବାଣାନ୍ବିମୁଞ୍ଚନ୍ତୋ ଜଯୈଷିଣଃ॥ 8-67-34 (58293)
ତାବକୀ ଚତୁରଙ୍ଗୈଷା ପାଣ୍ଡବୈସ୍ତୁ ମହାଚମୂଃ।
ପୁନଃପୁନରଥୋ ବୀରୈଃ ପ୍ରଭଗ୍ନା ଜିତକାଶିଭିଃ॥ 8-67-35 (58294)
ପଶ୍ଯତାଂ ତେ ମହାରାଜ ପୁତ୍ରାଣାଂ ଚିତ୍ରଯୋଧିନାମ୍।
ଶକୁନେଃ ସୌବଲେଯସ୍ଯ କର୍ଣସ୍ଯ ଚ ବିଶାମ୍ପତେ॥ 8-67-36 (58295)
ବାର୍ଯମାଣା ମହାସେନା ପୁତ୍ରୈସ୍ତବ ଜନେଶ୍ବର।
ନ ଚାତିଷ୍ଠତ ସଙ୍ଗ୍ରାମେ ପୀଡ୍ଯମାନା ସମନ୍ତତଃ॥ 8-67-37 (58296)
ତତୋ ଯୋଧୈର୍ମହାରାଜ ପଲାଯଦ୍ଭିଃ ସମନ୍ତତଃ।
ଅଭବଦ୍ଯ୍ବାକୁଲଂ ଭୀତଂ ପୁତ୍ରାଣାଂ ତେ ମହଦ୍ବଲମ୍॥ 8-67-38 (58297)
ତିଷ୍ଠତିଷ୍ଠେତି ସତତଂ ସୂତପୁତ୍ରସ୍ଯ ଜଲ୍ପତଃ।
ନାବତିଷ୍ଠତି ସା ସେନା ବଧ୍ଯମାନା ମହାତ୍ମଭିଃ॥ 8-67-39 (58298)
ଅଥୋତ୍କ୍ରୁଷ୍ଟଂ ମହାରାଜ ପାଣ୍ଡବୈର୍ଜିତକାଶିଭିଃ।
ଧାର୍ତରାଷ୍ଟ୍ରବଲଂ ଦୃଷ୍ଟ୍ବା ବିଦ୍ରୁତଂ ବୈ ସମନ୍ତତଃ॥ 8-67-40 (58299)
ତତୋ ଦୁର୍ଯୋଧନଃ କର୍ଣମବ୍ରବୀତ୍ପ୍ରଣଯାଦିବ।
ପଶ୍ଯ କର୍ଣ ମହାସେନାଂ ପାଣ୍ଡବୈରର୍ଦିତାଂ ଭୃଶମ୍॥ 8-67-41 (58300)
ତ୍ବଯି ତିଷ୍ଠତି ସନ୍ତ୍ରାସାତ୍ସମନ୍ତାତ୍ପ୍ରପଲାଯତେ।
ଏତଜ୍ଜ୍ଞତ୍ବା ମହାବାହୋ କୁରୁ ପ୍ରାପ୍ତମରିନ୍ଦମ॥ 8-67-42 (58301)
ସହସ୍ରାଣି ଚ ଯୋଧାନାଂ ତ୍ବାମେବ ପୁରୁଷୋତ୍ତମ।
କ୍ରୋଶନ୍ତେ ସମରେ ବୀର ଦ୍ରାବ୍ଯମାଣାନି ପାଣ୍ଡବୈଃ॥ 8-67-43 (58302)
ସଞ୍ଜଯ ଉବାଚ। 8-67-44x (4994)
ଏତଚ୍ଛ୍ରୁତ୍ବା ତୁ ରାଧେଯୋ ଦୁର୍ଯୋଧନବଚୋ ମହତ୍।
ମଦ୍ରରାଜମିଦଂ ବାକ୍ଯମବ୍ରବୀତ୍ପ୍ରହସନ୍ନିବ॥ 8-67-44 (58303)
ପଶ୍ଯ ମେ ଭୁଜଯୋର୍ବୀର୍ଯମସ୍ତ୍ରାଣାଂ ଚ ଜନେଶ୍ବର।
ଅଦ୍ଯ ହନ୍ମି ରଣେ ସର୍ବାନ୍ପାଞ୍ଚାଲାନ୍ପାଣ୍ଡୁଭିଃ ସହ॥ 8-67-45 (58304)
ବାହଯାଶ୍ବାନ୍ନରବ୍ଯାଘ୍ର ମଦ୍ରାଧିପ ନ ସଂଶଯଃ।
ଏବମୁକ୍ତ୍ବା ମହାରାଜ ସୂତପୁତ୍ରଃ ପ୍ରତାପବାନ୍॥ 8-67-46 (58305)
ପ୍ରଗୃହ୍ଯ ବିଜଯଂ ବୀରୋ ଧନୁଃଶ୍ରେଷ୍ଠଂ ପୁରାତନମ୍।
ସଜ୍ଯଂ କୃତ୍ବା ମହାରାଜ ସମ୍ମୃଜ୍ଯ ଚ ପୁନଃ ପୁନଃ॥ 8-67-47 (58306)
ସନ୍ନିବାର୍ଯ ଚ ତାନ୍ଯୋଧାନ୍ସତ୍ଯେନ ଶପଥେନ ଚ।
ପ୍ରାଯୋଜଯଦମେଯାତ୍ମା ଭାର୍ଗବାସ୍ତ୍ରଂ ମହାବଲଃ॥ 8-67-48 (58307)
ତସ୍ମାଦ୍ରାଜନ୍ସହସ୍ରାଣି ପ୍ରଯୁତାନ୍ଯର୍ବୁଦାନି ଚ।
କୋଟିଶଶ୍ଚ ଶରାସ୍ତୀକ୍ଷ୍ଣା ନିରଗଚ୍ଛନ୍ମହାମୃଧେ॥ 8-67-49 (58308)
ଜ୍ବଲିତୈସ୍ତୈଃ ଶରୈର୍ଘୋରୈଃ କଙ୍କବର୍ହିଣବାଜିତୈଃ।
ସଞ୍ଚନ୍ନା ପାଣ୍ଡବୀ ସେନା ନ ପ୍ରାଜ୍ଞାଯତ କିଞ୍ଚନ॥ 8-67-50 (58309)
ହାହାକାରୋ ମହାନାସୀତ୍ପାଣ୍ଡବାନାଂ ବିଶାମ୍ପତେ।
ପୀଡିତାନାଂ ବଲବତା ଭାର୍ଗବାସ୍ତ୍ରେଣ ସଂଯୁଗେ॥ 8-67-51 (58310)
ନିପତଦ୍ଭିର୍ଗଜୈ ରାଜନ୍ନଶ୍ବୈଶ୍ଚାପି ସହସ୍ରଶଃ।
ରଥୈଶ୍ଚାପି ନରବ୍ଯାଘ୍ର ନରୈଶ୍ଚୈବ ସମନ୍ତତଃ॥ 8-67-52 (58311)
ପ୍ରାକମ୍ପତ ମହୀ ରାଜନ୍ନିହତୈସ୍ତୈଃ ସମନ୍ତତଃ।
ବ୍ଯାକୁଲଂ ସର୍ବମଭବତ୍ପାଣ୍ଡବାନାଂ ମହଦ୍ବଲମ୍॥ 8-67-53 (58312)
କର୍ଣସ୍ତ୍ବେକୋ ଯୁଧାଂ ଶ୍ରେଷ୍ଠୋ ବିଧୂମ ଇବ ପାବକଃ।
ଦହଞ୍ଶତ୍ରୂନ୍ନରବ୍ଯାଘ୍ରଃ ଶୁଶୁଭେ ସ ପରନ୍ତପଃ॥ 8-67-54 (58313)
ତେ ବଧ୍ଯମାନାଃ କର୍ଣେନ ପାଞ୍ଚାଲାଶ୍ଚେଦିଭିଃ ସହ।
ତତ୍ର ତତ୍ର ବ୍ଯମୁହ୍ଯନ୍ତ ବନଦାହେ ଯଥା ଦ୍ବିପାଃ॥ 8-67-55 (58314)
ଚୁକ୍ରୁଶୁଶ୍ଚ ନରବ୍ଯାଘ୍ର ଯଥାପ୍ରାଣଂ ନରୋତ୍ତମାଃ।
ତେଷାଂ ତୁ କ୍ରୋଶତାଂ ଦୀନଂ ଭୀତାନାଂ ରଣମୂର୍ଧନି॥ 8-67-56 (58315)
ଧାବତାଂ ଚ ତତୋ ରାଜଂସ୍ତ୍ରସ୍ତାନାଂ ଚ ସମନ୍ତତଃ।
ଆର୍ତନାଦୋ ବଭୂବାତ୍ର ଭୂତାନାମିବ ସମ୍ପ୍ଲୁବେ॥ 8-67-57 (58316)
ବଧ୍ଯମାନାଂସ୍ତୁ ତାନ୍ଦୃଷ୍ଟ୍ବା ସୂତପୁତ୍ରେଣ ମାରିଷ॥
ବିତ୍ରେସୁଃ ସର୍ବଭୂତାନି ତିର୍ଯଗ୍ଯୋନିଗତାନ୍ଯପି॥ 8-67-58 (58317)
ତେ ବଧ୍ଯମାତାଃ ସମରେ ସୂତପୁତ୍ରେଣ ସୃଞ୍ଜଯାଃ।
ଅର୍ଜୁନଂ ବାସୁଦେବଂ ଚ କ୍ରୋଶନ୍ତି ଚ ମୁହୁର୍ମୁହୁଃ।
ପ୍ରେତରାଜପୁରେ ଯଦ୍ବତ୍ପ୍ରେତରାଜଂ ବିଚେତସଃ॥ 8-67-59 (58318)
ଶ୍ରୁତ୍ବା ତୁ ନିନଦଂ ତେଷାଂ ବଧ୍ଯତାଂ କର୍ଣସାଯକୈଃ।
ଅଥାବ୍ରବୀଦ୍ବାସୁଦେବଂ କୁନ୍ତୀପୁତ୍ରୋ ଧନ଼ଞ୍ଜଯଃ।
ଭାର୍ଗବାସ୍ତ୍ରଂ ମହାଘୋରଂ ଦୃଷ୍ଟ୍ବା ତତ୍ର ସମୀରିତମ୍॥ 8-67-60 (58319)
ପଶ୍ଯ କୃଷ୍ଣ ମହାବାହୋ ଭାର୍ଗବାସ୍ତ୍ରସ୍ଯ ବିକ୍ରମମ୍।
ନୈତଦସ୍ତ୍ରଂ ହି ସମରେ ଶକ୍ଯଂ ହନ୍ତୁଂ କଥଞ୍ଚନ॥ 8-67-61 (58320)
ସୂତପୁତ୍ରଂ ଚ ସଂରବ୍ଧଂ ପଶ୍ଯ କୃଷ୍ଣ ମହାରଣେ।
ଅନ୍ତକପ୍ରତିମଂ ବୀର୍ଯେ କୁର୍ବାଣଂ କର୍ମ ଦାରୁଣମ୍॥ 8-67-62 (58321)
ଅଭୀକ୍ଷ୍ଣଂ ଚୋଦଯନ୍ନଶ୍ବାନ୍ପ୍ରେକ୍ଷତେ ମାଂ ମୁହୁର୍ମୁହୁଃ।
ନଚ ଶକ୍ଷ୍ଯାମି କର୍ଣସ୍ଯ ସଂଯୁଗେଽହଂ ପଲାଯିତୁମ୍॥ 8-67-63 (58322)
ଜୀବନ୍ପ୍ରାପ୍ନୋତି ପୁରୁଷଃ ସଙ୍ଖ୍ଯେ ଜଯପରାଜଯୌ।
ମୃତସ୍ଯ ତୁ ହୃପୀକେଶ ଭଙ୍ଗ ଏବ କୁତୋ ଜଯଃ॥ 8-67-64 (58323)
ଏଷ କର୍ଣୋ ରଣେ ଭାତି ମଧ୍ଯାହ୍ନ ଇବ ଭାସ୍କରଃ।
ନିବର୍ତଯ ରଥଂ କୃଷ୍ଣ ଜୀବନ୍ଭଦ୍ରାଣି ପଶ୍ଯତି॥ ॥ 8-67-65 (58324)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦ୍ବଶଦିବସଯୁଦ୍ଧେ ସପ୍ତଷଷ୍ଟିତମୋଽଧ୍ଯାଯଃ॥ 67 ॥
॥ ଶ୍ରୀଃ ॥
8.68. ଅଧ୍ଯାଯଃ 068
Mahabharata - Karna Parva - Chapter Topics
କର୍ଣବାଣବ୍ଯଥାପନୋଦନାଯ ଯୁଧିଷ୍ଠିରଂ ଶିବିରଗତଂ ବିଜ୍ଞାଯ ଶତ୍ରୁନିଗ୍ରହେ ଭୀମନିଯୋଜନପୂର୍ବକମର୍ଜୁନେନ ସହ ଶ୍ରୀକୃଷ୍ଣସ୍ଯ ତତ୍ସମୀପଂ ପ୍ରତି ଗମନମ୍॥ 1 ॥
Mahabharata - Karna Parva - Chapter Text
8-68-0 (58325)
ସଞ୍ଜଯ ଉବାଚ। 8-68-0x (4995)
ତତୋ ଜନାର୍ଦନଃ ଶ୍ରୁତ୍ବା ତସ୍ଯ ବାକ୍ଯଂ ବିଶାମ୍ପତେ।
ରଥେନାପଯଯୌ କ୍ଷିପ୍ରଂ ସଙ୍ଗ୍ରାମାଦିତି ଭାରତ॥ 8-68-1 (58326)
ପ୍ରତ୍ଯନୀକମବସ୍ଥାପ୍ଯ ଭୀମଂ ଭୀମପରାକ୍ରମମ୍।
ଅଲଂ ବିଷହିତୁଂ ହ୍ଯେଷ କୁରୂଣାଂ ସମ୍ପ୍ରପଶ୍ଯତାମ୍॥ 8-68-2 (58327)
କର୍ଣଂ ଚ ସମରେ ରାଜନ୍ଗ୍ରାହଯିଷ୍ଯଞ୍ଶ୍ରମଂ ପ୍ରତି।
ବିଶ୍ବମାର୍ଥଂ ଚ କୌରବ୍ଯ ପାର୍ଥସ୍ଯ ଚ ମହାତ୍ମନଃ।
ଅପଯାତୋ ରଣାଦ୍ବୀରୋ ରାଜାନଂ ଦ୍ରଷ୍ଟୁମେବ ଚ॥ 8-68-3 (58328)
ଅର୍ଜୁନଂ ଚାବ୍ରବୀତ୍କୃଷ୍ଣୋ ଭୃଶଂ ରାଜା ପରିକ୍ଷତଃ।
ତମାଶ୍ବାସ୍ଯ କୁରୁଶ୍ରେଷ୍ଠ ତତଃ କର୍ଣଂ ହନିଷ୍ଯସି॥ 8-68-4 (58329)
ତତୋ ଧନଞ୍ଜଯଃ ଶ୍ରୁତ୍ବା ରାଜାନଂ ଶଲ୍ଯପୀଡିତମ୍।
ଯାହିଯାହିତି ବହୁଶୋ ବାସୁଦେବମଚୋଦଯତ୍।
ରାଜାନଂ ପ୍ରତି ବାର୍ଷ୍ଣେଯ ଦୂଯତେ ମେ ଦୃଢଂ ମନଃ॥ 8-68-5 (58330)
ସ ଚୋଦ୍ଯମାନଃ ପାର୍ଥେନ କେଶିଘ୍ନୋ ବୃଷ୍ଣିନନ୍ଦନଃ।
ରଥେନାପଯଯୌ କ୍ଷିପ୍ରଂ ସଙ୍ଗ୍ରାମାଦ୍ଧୋରଦର୍ଶନାତ୍॥ 8-68-6 (58331)
ଗଚ୍ଛନ୍ନେବ ତୁ କୌନ୍ତେଯୋ ଧର୍ମରାଜଦିଦୃକ୍ଷଯା।
ସୈନ୍ଯମାଲୋକଯାମାସ ନାପଶ୍ଯତ୍ତତ୍ର ଚାଗ୍ରଜମ୍॥ 8-68-7 (58332)
ଯୁଦ୍ଧଂ କୃତ୍ବା ତୁ କୌନ୍ତେଯୋ ଦ୍ରୋଣପୁତ୍ରେଣ ଭାରତ।
ଦୁଃସହଂ ବଜ୍ରିଣା ସଙ୍ଖ୍ଯେ ପରାଜିତ୍ଯ ଗୁରୋଃ ସୁତମ୍॥ 8-68-8 (58333)
ଦ୍ରୌଣିଂ ପରାଜିତ୍ଯ ତତୋଗ୍ରଧନ୍ବା
କୃତ୍ବା ମହଦ୍ଦୁଷ୍କରଂ ଶୂରକର୍ମ।
ଆଲୋକଯାମାସ ତତଃ ସ୍ବସୈନ୍ଯଂ
ଧନଞ୍ଜଯଃ ଶତ୍ରୁଭିରପ୍ରଧୃଷ୍ଯଃ॥ 8-68-9 (58334)
ସଂଯୁଧ୍ଯମାନାନ୍ପୃତନାମୁଖସ୍ଥା--
ଞ୍ଶୂରଃ ଶୂରାନ୍ହର୍ଷଯନ୍ସବ୍ଯସାଚୀ।
ପୂର୍ବାପଦାନୈଃ ପ୍ରଥିତୈଃ ପ୍ରଶଂସ--
ନ୍ସ୍ଥିତାଂଶ୍ଚକାରାତ୍ମରଥାନନୀକେ॥ 8-68-10 (58335)
ଅପଶ୍ଯମାନସ୍ତୁ କିରୀଟମାଲୀ
ଯୁଧିଷ୍ଠିରଂ ଭ୍ରାତରମାଜମୀଢମ୍।
ଉବାଚ ଭୀମଂ ତରସାଭ୍ଯୁପେତ୍ଯ
ରାଜ୍ଞଃ ପ୍ରବୃତ୍ତିସ୍ତ୍ବିହ କୁତ୍ର ଚେତି॥ 8-68-11 (58336)
ଭୀମସେନ ଉବାଚ। 8-68-12x (4996)
ଅପଯାତ ଇତୋ ରାଜା ଧର୍ମପୁତ୍ରୋ ଯୁଧିଷ୍ଠିରଃ।
କର୍ଣବାଣାଭିତପ୍ତାଙ୍ଗୋ ଯଦି ଜୀବେତ୍କଥଞ୍ଚନ॥ 8-68-12 (58337)
ଅର୍ଜୁନ ଉବାଚ। 8-68-13x (4997)
ତସ୍ମାଦ୍ଭବାଞ୍ଶୀଘ୍ରମିତଃ ପ୍ରଯାତୁ
ଜ୍ଞାତୁଂ ପ୍ରବୃତ୍ତିଂ ପୁରୁଷର୍ଷଭସ୍ଯ।
ନୂନଂ ସ ବିଦ୍ଧୋଽତିଭୃଶଂ ପୃଷତ୍କୈଃ
କର୍ଣେନ ରାଜା ଶିବିରଂ ଗତୋଽସୌ॥ 8-68-13 (58338)
ଯଃ ସମ୍ପ୍ରହାରୈର୍ଯୁଧି ସମ୍ପ୍ରବୃତ୍ତେ
ଦ୍ରୋଣେନ ବିଦ୍ଧୋଽତିଭୃଶଂ ତରସ୍ବୀ।
ତସ୍ଥୌ ସ ତତ୍ରାପି ଜଯପ୍ରତୀକ୍ଷୋ
ଦ୍ରୋଣେନ ଯାବନ୍ନ ହତଃ କିଲାସୀତ୍॥ 8-68-14 (58339)
ସ ସଂଶଯଂ ଗମିତଃ ପାଣ୍ଡବାଗ୍ର୍ଯଃ
ସଙ୍ଖ୍ଯେଽଦ୍ଯ କର୍ଣେନ ମହାନୁଭାବଃ।
ଜ୍ଞାତୁଂ ପ୍ରଯାହ୍ଯାଶୁ ତମଦ୍ଯ ଭୀମ
ସ୍ଥାସ୍ଯାମ୍ଯହଂ ଶତ୍ରୁଗଣାନ୍ନିରୁଧ୍ଯ॥ 8-68-15 (58340)
ଭୀମସେନ ଉବାଚ। 8-68-16x (4998)
ତ୍ବମେବ ଜାନୀହି ମହାନୁଭାବ
ରାଜ୍ଞଃ ପ୍ରବୃତ୍ତିଂ ଭରତର୍ଷଭସ୍ଯ।
ଅହଂ ହି ଯଦ୍ଯର୍ଜୁନ ଯାମ୍ଯମିତ୍ରା
ବଦନ୍ତି ମାଂ ଭୀତ ଇତି ପ୍ରବୀରାଃ॥ 8-68-16 (58341)
ତତୋଽବ୍ରବୀଦର୍ଜୁନୋ ଭୀମସେନଂ
ସଂଶପ୍ତକାଃ ପ୍ରତ୍ଯନୀକସ୍ଥିତା ମେ।
ଏତାନହତ୍ବାଦ୍ଯ ମଯା ନ ଶକ୍ଯ--
ମିତୋପଯାତୁଂ ରିପୁସଙ୍ଖମଧ୍ଯାତ୍॥ 8-68-17 (58342)
ଅଥାବ୍ରବୀଦର୍ଜୁନଂ ଭୀମସେନଃ
ସ୍ବବୀର୍ଯମାସାଦ୍ଯ କୁରୁପ୍ରବୀର।
ସଂଶପ୍ତକାନ୍ପ୍ରତିଯୋତ୍ସ୍ଯାମି ସଙ୍ଖ୍ଯେ
ସର୍ବାନହଂ ଯାହି ଧନଞ୍ଜଯ ତ୍ବମ୍॥ 8-68-18 (58343)
ତଦ୍ଭୀମସେନସ୍ଯ ବଚୋ ନିଶମ୍ଯ
ଧନଞ୍ଜଯୋ ଭ୍ରାତୁରମିତ୍ରମଧ୍ଯେ।
ଦ୍ରଷ୍ଟୁଂ କୁରୁଶ୍ରେଷ୍ଠମଭିପ୍ରଯାସ୍ଯ--
ନ୍ପ୍ରୋବାଚ ବୃଷ୍ଣିପ୍ରବରଂ ତଦାନୀମ୍॥ 8-68-19 (58344)
ଅର୍ଜୁନ ଉବାଚ। 8-68-20x (4999)
`ରାଜାନଂ ପ୍ରତି ବାର୍ଷ୍ଣେଯ ଦୂଯତେ ମେ ଦୃଢଂ ମନଃ'।
ଚୋଦଯାଶ୍ବାନ୍ହୃଷୀକେଶ ବିହାଯୈତଦ୍ବଲାର୍ଣବମ୍।
ଅଜାତଶତ୍ରୁଂ ରାଜାନଂ ଦ୍ରଷ୍ଟୁମିଚ୍ଛାମି କେଶବ॥ 8-68-20 (58345)
ସଞ୍ଜଯ ଉବାଚ। 8-68-21x (5000)
`ତଂ ରଥ ଚୋଦଯାମାସ ବୀଭତ୍ସୋର୍ବଚନାଦ୍ଧରିଃ'॥ 8-68-21 (58346)
ତତୋ ହଯାନ୍ସର୍ବଦାଶାର୍ହମୁଖ୍ଯଃ
ପ୍ରଚୋଦଯନ୍ଭୀମମୁବାଚ ଚେଦମ୍।
ନୈତଚ୍ଚିତ୍ରଂ ତବ କର୍ମାଦ୍ଯ ଭୀମ
ଯାସ୍ଯାବହେ ଜହି ପାର୍ଥାରିସଙ୍ଘାନ୍॥ 8-68-22 (58347)
ତତୋ ଯଯୌ ହୃଷୀକେଶୋ ଯତ୍ର ରାଜା ଯୁଧିଷ୍ଠିରଃ।
ଶୀଘ୍ରାଚ୍ଛୀଘ୍ରତରୋ ରାଜନ୍ବାଜିଭିର୍ଗରୁଡୋପମୈଃ॥ 8-68-23 (58348)
ପ୍ରତ୍ଯନୀକେ ତ୍ବବସ୍ଥାପ୍ଯ ଭୀମସେନମରିନ୍ଦମମ୍।
ସନ୍ଦିଶ୍ଯ ଚୈନଂ ରାଜେନ୍ଦ୍ର ଯୁଦ୍ଧଂ ପ୍ରତି ବୃକୋଦରମ୍॥ 8-68-24 (58349)
ତତସ୍ତୁ ଗତ୍ବା ପୁରୁଷପ୍ରବୀରୌ
ରାଜାନମାସାଦ୍ଯ ଶଯାନମେକମ୍।
ରଥାଦୁଭୌ ପ୍ରତ୍ଯବରୁହ୍ଯ ତସ୍ମା--
ଦ୍ବବନ୍ଦତୁର୍ଧର୍ମରାଜସ୍ଯ ପାଦୌ॥ 8-68-25 (58350)
`ଇତ୍ଯେବମୁପସଙ୍ଗୃହ୍ଯ ଉଭୌ ତୁ ପାଞ୍ଜଲୀ ସ୍ଥିତୌ।
ଶସ୍ତ୍ରକ୍ଷତୌ ମହାରାଜ ରୁଧିରେଣ ସମୁକ୍ଷିତୌ।
ନିହତ୍ଯ ବାହିନୀଂ ତୁଭ୍ଯମପଯାତୌ ରଣାଜିରାତ୍'॥ 8-68-26 (58351)
ତଂ ଦୃଷ୍ଟ୍ବା ପୁରୁଷବ୍ଯାଘ୍ରଂ କ୍ଷେମିଣଂ ପୁରୁଷର୍ଷଭମ୍।
ମୁଦାଭ୍ଯନନ୍ଦତାଂ କୃଷ୍ଣାବଶ୍ବିନାବିବ ବାସବମ୍॥ 8-68-27 (58352)
ତାବଭ୍ଯନନ୍ଦଦ୍ରାଜାପି ବିବସ୍ବାନଶ୍ବିନାବିବ।
ହତେ ମହାସୁରେ ଜମ୍ଭେ ଶକ୍ରବିଷ୍ଣୂ ଯଥା ଗୁରୁଃ॥ 8-68-28 (58353)
ମନ୍ଯମାନୋ ହତଂ କର୍ଣଂ ପ୍ରୀତଃ ପରପୁରଞ୍ଜଯଃ।
`ସ ଭୂତ୍ବା ପୁରୁଷବ୍ଯାଘ୍ରୋ ରାଜା ତତ୍ର ଯୁଧିଷ୍ଠିରଃ'।
ହର୍ଷଗଦ୍ଗଦଯା ବାଚା ପ୍ରୀତଃ ପ୍ରାହ ପରନ୍ତପଃ॥ ॥ 8-68-29 (58354)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଅଷ୍ଟଷଷ୍ଟିତମୋଽଧ୍ଯାଯଃ॥ 68 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.69. ଅଧ୍ଯାଯଃ 069
Mahabharata - Karna Parva - Chapter Topics
ଯୁଧିଷ୍ଠିରେଣ କର୍ଣଶରବିକ୍ଷତସ୍ଯାତ୍ମନୋ ଦିଦୃକ୍ଷଯା ସ୍ବଶିବିରମୁପାଗତୌ କୃଷ୍ଣାର୍ଜୁନୌ ଦୃଷ୍ଟ୍ବା ପାର୍ଥେନ ରାଧେଯସ୍ଯ ବଧଭ୍ରମେଣ ପାର୍ଥସ୍ଯ ପ୍ରଶଂସନମ୍॥ 1 ॥
Mahabharata - Karna Parva - Chapter Text
8-69-0 (58355)
ସଞ୍ଜଯ ଉବାଚ। 8-69-0x (5001)
[ଅଥୋପଯାତୌ ପୃଥୁଲୋହିତାକ୍ଷୌ
ଶରାଚିତାଙ୍ଗୌ ରୁଧିରପ୍ରଦିଗ୍ଧୌ।
ସମୀକ୍ଷ୍ଯ ସେନାଗ୍ରନରପ୍ରବୀରୌ
ଯୁଧିଷ୍ଠିରୋ ବାକ୍ଯମିଦଂ ବଭାଷେ॥] 8-69-1 (58356)
ତତୋ ଯୁଧିଷ୍ଠିରୋ ଦୃଷ୍ଟ୍ବା ସହିତୌ କେଶବାର୍ଜୁନୌ।
ହତମାଧିରଥିଂ ମେନେ ସଙ୍ଖ୍ଯେ ଗାଣ୍ଡୀବଧନ୍ବନା॥ 8-69-2 (58357)
ତାବଭ୍ଯନନ୍ଦତ୍କୌନ୍ତେଯଃ ସାମ୍ନା ପରମବଲ୍ଗୁନା।
ସ୍ମିତପୂର୍ବମମିତ୍ରଘ୍ନ ପୂଜଯନ୍ଭରତର୍ପଭ॥ 8-69-3 (58358)
ଯୁଧିଷ୍ଠିର ଉବାଚ। 8-69-4x (5002)
ସ୍ବାଗତଂ ଦେବକୀପୁତ୍ର ସ୍ବାଗତଂ ତେ ଧନଞ୍ଜଯ।
ପ୍ରିଯଂ ମେ ଦର୍ଶନଂ ବାଢଂ ଯୁବଯୋର୍ନରସିଂହଯୋଃ॥ 8-69-4 (58359)
ଅରିଷ୍ଟଯୋରକ୍ଷତଯୋଃ କର୍ଣଂ ହତ୍ବା ମହାରଥମ୍।
ଆଶୀବିପସମଂ ଯୁଦ୍ଧେ ସର୍ବଶସ୍ତ୍ରବିଶାରଦମ୍॥ 8-69-5 (58360)
ଅଗ୍ରଗଂ ଧାର୍ତରାଷ୍ଟ୍ରାଣାଂ ସର୍ବେଷାଂ ଶର୍ମ ବର୍ମ ଚ।
ରକ୍ଷିତଂ ବୃଷସେନେନ ସୁପେଣେନ ଚ ଧନ୍ବିନା॥ 8-69-6 (58361)
ଅନୁଜ୍ଞାତଂ ମହାବୀର୍ଯଂ ରାମେଣାସ୍ତ୍ରେ ସୁଦୁର୍ଜଯମ୍।
ଅଗ୍ର୍ଯଂ ସର୍ବସ୍ଯ ଲୋକସ୍ଯ ରଥିନଂ ଲୋକବିଶ୍ରୁତମ୍॥ 8-69-7 (58362)
ତ୍ରାତାରଂ ଧାର୍ତରାଷ୍ଟ୍ରାଣାଂ ଗନ୍ତାରଂ ବାହିନୀମୁଖେ।
ହନ୍ତାରଂ ପରସୈନ୍ଯାନାମମିତ୍ରଗଣମର୍ଦନମ୍॥ 8-69-8 (58363)
ଦୁର୍ଯୋଧନହିତେ ଯୁକ୍ତମସ୍ମଦ୍ଦୁଃଖାଯ ଚୋଦ୍ଯତମ୍।
ଅପ୍ରଧୃଷ୍ଯଂ ମହାଯୁଦ୍ଧେ ଦେବୈରପି ସବାସବୈଃ॥ 8-69-9 (58364)
ଅନଲାନିଲଯୋସ୍ତୁଲ୍ଯଂ ତେଜସା ଚ ବଲେନ ଚ।
ପାତାଲମିବ ଗମ୍ଭୀରଂ ସୁହୃଦାଂ ନନ୍ଦିବର୍ଧନମ୍॥ 8-69-10 (58365)
ଅନ୍ତକଂ ମମ ମିତ୍ରାଣାଂ ହତ୍ବା କର୍ଣଂ ମହାମୃଧେ।
ଦିଷ୍ଟ୍ଯା ଯୁବାମନୁପ୍ରାପ୍ତୌ ହତ୍ବାଽସୁରମିବାମରୌ॥ 8-69-11 (58366)
ତେନ ଯୁଦ୍ଧମଭୀତେନ ମଯାଽଦ୍ଯାପ୍ଯଚ୍ଯୁତାର୍ଜୁନୌ।
କୃତଂ ଘୋରଂ ମହାବାହୂ ଧୃଷ୍ଟଦ୍ଯୁମ୍ନସ୍ଯ ପଶ୍ଯତଃ।
ଅନ୍ତକେନେବ କ୍ରୁଦ୍ଧେନ ପ୍ରଜାଃ ସର୍ବା ଜିଘାଂସତା॥ 8-69-12 (58367)
ତେନ କେତୁଶ୍ଚ ମେ ଚ୍ଛିନ୍ନୋ ହତୌ ଚ ପାର୍ଷ୍ଣିସାରଥୀ।
ହତବାହଃ କୃତଶ୍ଚାସ୍ମି ଯୁଯୁଧାନସ୍ଯ ପଶ୍ଯତଃ॥ 8-69-13 (58368)
ଧୃଷ୍ଟଦ୍ଯୁମ୍ନସ୍ଯ ଯମଯୋର୍ବୀରସ୍ଯ ଚ ଶିଖଣ୍ଡିନଃ।
ପଶ୍ଯତାଂ ଦ୍ରୌପଦେଯାନାଂ ଶତଦ୍ରୋଶ୍ଚ ମହାତ୍ମନଃ॥ 8-69-14 (58369)
ଏତାଞ୍ଜିତ୍ବା ମହାବୀର୍ଯଃ କର୍ଣଃ ଶତ୍ରୁଗଣାନ୍ବହୂନ୍।
ଜିତବାନ୍ମାଂ ମହାବାହୋ ଯତମାନୋ ମହାରଣେ॥ 8-69-15 (58370)
ଅନୁସୃତ୍ଯ ଚ ମାଂ ଯୁଦ୍ଧେ ପରୁଷାଣ୍ଯୁକ୍ତବାନ୍ବହୁ।
ତତ୍ର ତତ୍ର ଯୁଧାଂ ଶ୍ରେଷ୍ଠ ପରିଭୂଯ ନ ସଂଶଯଃ॥ 8-69-16 (58371)
ଭୀମସେନପ୍ରଭାବାତ୍ତୁ ଯଜ୍ଜୀବାମି ଧନଞ୍ଜଯ।
ବହୁନାତ୍ର କିମୁକ୍ତେନ ହତେ ସୋଢୁଂ ସମୁତ୍ସହେ॥ 8-69-17 (58372)
ତ୍ରଯୋଦଶାହଂ ବର୍ଷାଣି ଯସ୍ମାଦ୍ଭୀତୋ ଧନଞ୍ଜଯ।
ନ ସ୍ମ ନିଦ୍ରାଂ ଲଭେ ରାତ୍ରୌ ନ ଚାହନି ସୁଖଂ କ୍ବଚିତ୍॥ 8-69-18 (58373)
ତସ୍ଯ ଦ୍ବେଷେଣ ସଂଯୁକ୍ତଃ ପରିଦହ୍ଯେ ଧନଞ୍ଜଯ।
ଆତ୍ମନୋ ମରଣଂ ଜାନନ୍ବାଧ୍ରୀଣସ ଇବ ଦ୍ବିଜଃ॥ 8-69-19 (58374)
ତସ୍ଯାଯମଗମତ୍କାଲଶ୍ଚିନ୍ତଯାନସ୍ଯ ମେ ଚିରମ୍।
କଥଂ କର୍ଣୋ ମଯା ଶକ୍ଯୋ ଯୁଦ୍ଧେ କ୍ଷପଯିତୁଂ ଭବେତ୍॥ 8-69-20 (58375)
ଜାଗ୍ରତ୍ସ୍ବପଂଶ୍ଚ କୌନ୍ତେଯ କର୍ଣମେବ ସ୍ମରାହ୍ଯହମ୍।
ପଶ୍ଯାମି ତତ୍ରତତ୍ରୈବ କର୍ଣଭୂତମିଦଂ ଜଗତ୍॥ 8-69-21 (58376)
ଯତ୍ର ଯତ୍ର ହି ଗଚ୍ଛାମି କର୍ଣାଦ୍ଭୀତୋ ଧନଞ୍ଜଯ।
ତତ୍ର ତତ୍ର ହି ପଶ୍ଯାମି କର୍ଣମେବାଗ୍ରତଃ ସ୍ଥିତମ୍॥ 8-69-22 (58377)
ସୋଽହଂ ତେନୈବ ବୀରେଣ ସମରେଷ୍ବପଲାଯିନା।
ସହଯଃ ସରଥଃ ପାର୍ଥ ଜିତ୍ବା ଜୀବନ୍ବିସର୍ଜିତଃ॥ 8-69-23 (58378)
କୋ ନୁ ମେ ଜୀବିତେନାର୍ଥୋ ରାଜ୍ଯେନାର୍ଥୋ ଭବେତ୍ପୁନଃ।
ମମୈବଂ ବିକ୍ଷତସ୍ଯାଦ୍ଯ କର୍ଣେନାହବଶୋଭିନା॥ 8-69-24 (58379)
ନ ପ୍ରାପ୍ତପୂର୍ବଂ ଯଦ୍ଭୀଷ୍ମାତ୍କୃପାଦ୍ଦ୍ରୋଣାଚ୍ଚ ସଂଯୁଗେ।
ତତ୍ପ୍ରାପ୍ତମଦ୍ଯ ମେ ଯୁଦ୍ଧେ ସୂତପୁତ୍ରାନ୍ମହାରଥାତ୍॥ 8-69-25 (58380)
ସ ତ୍ବାଂ ପୃଚ୍ଛାମି କୌନ୍ତେଯ ଯଥା ନ କୁଶଲସ୍ତଥା।
ତନ୍ମମାଚକ୍ଷ୍ବ କାର୍ତ୍ସ୍ନ୍ଯେନ ଯଥା କର୍ଣୋ ହତସ୍ତ୍ବଯା॥ 8-69-26 (58381)
ଶକ୍ରତୁଲ୍ଯବଲୋ ଯୁଦ୍ଧେ ଯମତୁଲ୍ଯଃ ପରାକ୍ରମେ।
ରାମତୁଲ୍ଯସ୍ତଥାସ୍ତ୍ରେଷୁ ସ କଥଂ ତେ ନିଷୂଦିତଃ॥ 8-69-27 (58382)
ମହାରଥସମାଖ୍ଯାତଃ ସର୍ବଯୁଦ୍ଧବିଶାରଦଃ।
ଧନୁର୍ଧରାଣାଂ ପ୍ରବରଃ ସର୍ବେଷାଂ ବୈ ସଦାର୍ଜୁନ॥ 8-69-28 (58383)
ପୂଜିତୋ ଧୃତରାଷ୍ଟ୍ରେଣ ସପୁତ୍ରେଣ ବିଶାମ୍ପତେ।
ତ୍ବଦର୍ଥମେବ ରାଧେଯଃ ସ କଥଂ ନିହତସ୍ତ୍ବଯା॥ 8-69-29 (58384)
ଧାର୍ତରାଷ୍ଟ୍ରସ୍ଯ ଯୋଦ୍ଧାରଃ ସର୍ବ ଏବ ସଦାର୍ଜୁନ।
ତବ ମୃତ୍ଯୁଂ ରଣେ କର୍ଣଂ ମନ୍ଯନ୍ତେ ପୁରୁଷର୍ଷଭ॥ 8-69-30 (58385)
ସ ତ୍ବଯା ପୁରୁଷବ୍ଯାଘ୍ର କଥଂ ଯୁଦ୍ଧେ ନିଷୂଦିତଃ।
ତନ୍ମମାଚକ୍ଷ୍ବ କୌନ୍ତେଯ ଯଥା କର୍ଣୋ ହତସ୍ତ୍ବଯା॥ 8-69-31 (58386)
ସୋତ୍ସେଧମସ୍ଯ ଚ ଶିରଃ ପଶ୍ଯତାଂ ସୁହୃଦାଂ ହୃତମ୍।
ତ୍ବଯା ପୁରୁଷଶାର୍ଦୂଲ ସିଂହେନେବ ଯଥା ରୁରୋଃ॥ 8-69-32 (58387)
ସର୍ବା ଦିଶଃ ପର୍ଯପତତ୍ତ୍ବଦର୍ଥଂ
ତ୍ବାଂ ସୂତପୁତ୍ରଃ ସମରେ ପରୀପ୍ସନ୍।
ଦିତ୍ସନ୍ନୃଣାଂ ଶକଟଂ ରତ୍ନପୂର୍ଣଂ
କଥଂ ତ୍ବଯାସୌ ନିହତୋଽଦ୍ଯ କର୍ଣଃ॥ 8-69-33 (58388)
ତ୍ବଯା ରଣେ ନିହତଃ ସୂତପୁତ୍ରଃ
କଚ୍ଚିତ୍କୃତଂ ମେ ପରମଂ ତ୍ବଯାଦ୍ଯ
ପ୍ରିଯଂ ରଣେ ସୂତପୁତ୍ରଂ ନିହତ୍ଯ॥ 8-69-34 (58389)
ସର୍ବା ଦିଶଃ ପର୍ଯପତତ୍ତ୍ବଦର୍ଥଂ
ମୁଦାନ୍ବିତୋ ଗର୍ବିତଃ ସୂତପୁତ୍ରଃ।
ସ ଶୂରମାନୀ ସମରେ ସମେତ୍ଯ
କଚ୍ଚିତ୍ତ୍ବଯା ନିହତଃ ସୂତପୁତ୍ରଃ॥ 8-69-35 (58390)
ରାଜ୍ଯଂ ପରଂ ହସ୍ତିଗବାଶ୍ବଯୁକ୍ତଂ
ରଥଂ ଦିତ୍ସୁର୍ଯଃ ପରେଭ୍ଯସ୍ତ୍ବର୍ଦର୍ଥେ।
ତ୍ବଯା ରଣେ ସ୍ପର୍ଧତେ ଯଃ ସ ପାପଃ
କଚ୍ଚିତ୍ତ୍ବଯା ନିହତଃ ପାପବୁଦ୍ଧିଃ॥ 8-69-36 (58391)
ଯୋଽସୌ ନିତ୍ଯଂ ଶୌର୍ଯମଦେନ ମତ୍ତୋ
ବିକତ୍ଥତେ ସଂସଦି କୌରବାଣାମ୍।
ପ୍ରୀତ୍ଯର୍ଥଂ ବୈ ତାତ ସୁଯୋଧନସ୍ଯ
କଚ୍ଚିତ୍ସ ପାପୋ ନିହତସ୍ତ୍ବଯାଦ୍ଯ॥ 8-69-37 (58392)
କଚ୍ଚିତ୍ସମାଗମ୍ଯ ଧନୁଃପ୍ରମୁକ୍ତୈ--
ସ୍ତ୍ବତ୍ପ୍ରେଷିତୈର୍ଲୋହମଯୈର୍ବିହଂଗୈଃ।
ଶେତେ ଭିନ୍ନଃ ପାଂସୁଷୁ ସୂତପୁତ୍ରଃ
କଚ୍ଚିଦ୍ଭଗ୍ରୌ ଧାର୍ତରାଷ୍ଟ୍ରସ୍ଯ ବାହୂ॥ 8-69-38 (58393)
ଯୋଽସୌ ସଦା ଶ୍ଲାଘତେ ରାଜମଧ୍ଯେ
ଦୁର୍ଯୋଧନଂ ହର୍ଷଯନ୍ଦର୍ପଯୁକ୍ତଃ।
ହନ୍ତାଽସ୍ମି ସର୍ବାନିତି ପାଣ୍ଡୁପୁତ୍ରା--
ନହଂ ହନ୍ତା ଫଲ୍ଗୁନସ୍ଯେତି ମୋହାତ୍॥ 8-69-39 (58394)
କଚ୍ଚିଦ୍ବଚୋଽସ୍ଯ ବିତଥଂ ତ୍ବଯା କୃତଂ
ଯତ୍ତତ୍ପ୍ରିଯାମବଦତ୍ତାତ କର୍ଣଃ।
ସଭାମଥ୍ଯେ ରୂକ୍ଷମନେକରୂପଂ
ଧିକ୍ପାଣ୍ଡବାନପତିସ୍ତ୍ବଂ ହି କୃଷ୍ଣେ॥ 8-69-40 (58395)
କଚ୍ଚିଦ୍ଭୁବଂ ଶତ୍ରୁରଯଂ ମହାତ୍ମା
ହ୍ଯଧାରଯଦ୍ଦ୍ବାଦଶ ଯଃ ସମାସ୍ତୁ।
କର୍ଣୋ ବ୍ରତଂ ଘୋରମମିତ୍ରସାହୋ
ଦୁର୍ଯୋଧନସ୍ଯାର୍ଥନିବିଷ୍ଟବୁଦ୍ଧିଃ॥ 8-69-41 (58396)
ପାଦୌ ନ ଧାବେ ଯାବଦହଂ ନ ହନ୍ମି
ଧନଞ୍ଜଯଂ ସମରେଷୂଗ୍ରବେଗମ୍।
କଚ୍ଚିଦ୍ରଣେ ଫଲ୍ଗୁନ ତଂ ନିହତ୍ଯ
କଚ୍ଚିଦ୍ବ୍ରତଂ ତସ୍ଯ ଭଗ୍ନଂ ତ୍ବଯାଽଦ୍ଯ॥ 8-69-42 (58397)
ଯୋଽସୌ କୃଷ୍ଣାମବ୍ରବୀଦ୍ଦୁଷ୍ଟବୁଦ୍ଧିଃ
କର୍ଣଃ ସଭାଯାଂ କୁରୁବୀରମଧ୍ଯେ।
କିଂ ପାଣ୍ଡବାଂସ୍ତ୍ବଂ ନ ଜହାସି କୃଷ୍ଣେ
ସୁଦୁର୍ବଲାନ୍ପତିତାନ୍ହୀନସତ୍ବାନ୍॥ 8-69-43 (58398)
ଯୋଽସୌ କର୍ଣଃ ପ୍ରତ୍ଯଜାନାତ୍ତ୍ବଦର୍ଥେ
ନାହଂ ହତ୍ବା ସହ କୃଷ୍ଣେନ ପାର୍ଥମ୍।
ଇହୋପଯାତେତି ସ ପାପବୁଦ୍ଧିଃ
କଚ୍ଚିଚ୍ଛେତେ ଶରସମ୍ଭିନ୍ନଗାତ୍ରଃ॥ 8-69-44 (58399)
କଚ୍ଚିତ୍ସଙ୍ଗ୍ରାମୋ ବିଦିତୋ ବୈ ତବାଯଂ
ସମାଗମେ ସୃଞ୍ଜଯ କୌରବାଣାମ୍।
ଯେନାବସ୍ଥାମୀଦୃଶୀଂ ପ୍ରାପିତୋଽହଂ
କଚ୍ଚିତ୍ତ୍ବଯା ସୋଽଦ୍ଯ ହତୋ ଦୁରାତ୍ମା॥ 8-69-45 (58400)
କଚ୍ଚିତ୍ତ୍ବଯା ତସ୍ଯ ସୁମନ୍ଦବୁଦ୍ଧେ--
ର୍ଗାଣ୍ଡୀବମୁକ୍ତୈର୍ବିଶିଖୈର୍ଜ୍ବଲଦ୍ଭିଃ।
ସକୁଣ୍ଡଲଂ ଭାନୁମଦୁତ୍ତମାଙ୍ଗଂ
କାଯାତ୍ପ୍ରକୃତ୍ତଂ ଯୁଧି ସବ୍ଯସାଚିନ୍॥ 8-69-46 (58401)
ଯତ୍ତନ୍ମଯା ବାଣସମର୍ପିତେନ
ଧ୍ଯାତୋଽସି କର୍ଣସ୍ଯ ବଧାଯ ବୀର।
ତନ୍ମେ ତ୍ବଯା କଚ୍ଚିଦମୋଘମଦ୍ଯ
ଧ୍ଯାନଂ କୃତଂ କର୍ଣନିପାତନେନ॥ 8-69-47 (58402)
ଯଦ୍ଦର୍ପପୂର୍ଣଃ ସ ସୁଯୋଧନୋଽସ୍ମା--
ନ୍ଦିଧକ୍ଷତେ କର୍ଣସମାଶ୍ରଯେଣ।
କଚ୍ଚିତ୍ତ୍ବଯା ସୋଽଦ୍ଯ ସମାଶ୍ରଯୋଽସ୍ଯ
ଭଗ୍ନଃ ପରାକ୍ରମ୍ଯ ସୁଯୋଧନସ୍ଯ॥ 8-69-48 (58403)
ଯୋ ନଃ ପୁରା ଷଣ୍ଢତିଲାନବୋଚ--
ତ୍ସଭାମଧ୍ଯେ କୌରବାଣାଂ ସମକ୍ଷମ୍।
ସ ଦୁର୍ମତିଃ କଚ୍ଚିଦୁପେତ୍ଯ ସଙ୍ଖ୍ଯେ
ତ୍ବଯା ହତଃ ସୂତପୁତ୍ରୋଽତ୍ଯମର୍ଷୀ॥ 8-69-49 (58404)
ଯଃ ପ୍ରାହିଣୋତ୍ସୂତପୁତ୍ରୋ ଦୁରାତ୍ମା
କୃଷ୍ଣାଂ ଜିତାଂ ସୌବଲେହାନଯେତି।
ସ ମନ୍ଦବୁଦ୍ଧିର୍ନିହତଃ ପ୍ରସହ୍ଯ
ବୈକର୍ତନସ୍ତ୍ବଦ୍ଯ କଚ୍ଚିନ୍ମହାତ୍ମନ୍॥ 8-69-50 (58405)
ଯଃ ଶସ୍ତ୍ରଭୃଚ୍ଛ୍ରେଷ୍ଠତମଂ ପୃଥିବ୍ଯାଂ
ପିତାମହଂ ବ୍ଯାକ୍ଷିପଦଲ୍ପଚେତାଃ।
ସଙ୍ଖ୍ଯାଯମାନୋଽର୍ଧରଥଃ ସ କଚ୍ଚି--
ତ୍ତ୍ବଯାଂ ହତୋଽଦ୍ଯାଧିରଥିର୍ମହାତ୍ମନ୍॥ 8-69-51 (58406)
ଅମର୍ଷଜଂ ନିକୃତିସମୀରଣେରିତଂ
ହୃଦି ସ୍ଥିତଂ ଜ୍ବଲନମିମଂ ସଦା ମମ।
ହତୋ ମଯା ସୋଽଦ୍ଯ ସମେତ୍ଯ କର୍ଣ
ଇତି ବ୍ରୁବନ୍ପ୍ରଶମଯସେଽଦ୍ଯ ଫଲ୍ଗୁନ॥ ॥ 8-69-52 (58407)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଏକୋନସପ୍ତତିତମୋଽଧ୍ଯାଯଃ॥ 69 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.70. ଅଧ୍ଯାଯଃ 070
Mahabharata - Karna Parva - Chapter Topics
ଅର୍ଜୁନେନ ସ୍ଯଯୁଦ୍ଧାନୁବାଦପୂର୍ବକଂ ଯୁଧିଷ୍ଠିରମ୍ପ୍ରତି କର୍ଣବଧପ୍ରତିଜ୍ଞାନମ୍॥ 1 ॥
Mahabharata - Karna Parva - Chapter Text
8-70-0 (58408)
ସଞ୍ଜଯ ଉବାଚ। 8-70-0x (5003)
ତଦ୍ଧର୍ମଶୀଲସ୍ଯ ବଚୋ ନିଶମ୍ଯ
ରାଜ୍ଞଃ କ୍ରୁଦ୍ଧସ୍ଯାତିରଥୋ ମହାତ୍ମା।
ଉବାଚ ଦୁର୍ମର୍ଷମଦୀନସତ୍ବୋ
ଯୁଧିଷ୍ଠିରଂ ଜିଷ୍ଣୁରନନ୍ତବୀର୍ଯଃ॥ 8-70-1 (58409)
ଦ୍ରୋଣଂ ହତଂ ପାର୍ଥ କର୍ଣୋ ବିଦିତ୍ବା
ଭିନ୍ନାଂ ନାବବିମାବତ୍ଯଗାଧେ କୁରୂଣାମ୍।
ସମ୍ମୁହ୍ଯମାନାନ୍ଧାର୍ତରାଷ୍ଟ୍ରାନ୍ବିଦିତ୍ବା
ନିରୁତ୍ସାହାଂଶ୍ଚ ବିଜଯେ ପରେଷାମ୍॥ 8-70-2 (58410)
ସୋଦର୍ଯବତ୍ତ୍ବରିତୋଽମିତୌଜା
ଉତ୍ତାରଯିଷ୍ଯନ୍ଧୃତରାଷ୍ଟ୍ରସ୍ଯ ପୁତ୍ରାନ୍।
ରଣେ ରଥେନାଧିରଥିର୍ମହାତ୍ମା
ତତୋ ହି ମାଂ ତ୍ବରିତଃ ସୋଽଭ୍ଯଧାବତ୍॥ 8-70-3 (58411)
ସଂଶପ୍ତକୈର୍ଯୁଧ୍ଯମାନସ୍ଯ ମେଽଦ୍ଯ
ସେନାଗ୍ରଯାଯୀ କୁରୁସୈନ୍ଯସ୍ଯ ରାଜନ୍।
ଆଶୀବିଷାଭାନ୍ବିକିରଞ୍ଶରୌଘା--
ନ୍ଦ୍ରୌଣିଃ ପୁରସ୍ତାତ୍ସହସାଧ୍ଯତିଷ୍ଠତ୍॥ 8-70-4 (58412)
ସ ମେ ଦୃଷ୍ଟ୍ବା ଶୂରତମୋ ଧ୍ବଜାଗ୍ରଂ
ସମାଦିଶଦ୍ରଥସଙ୍ଘାନନେକାନ୍।
ତେଷାମହଂ ପଞ୍ଚଶତଂ ନିହତ୍ଯ
ଆସାଦଯଂ ଦ୍ରୋଣପୁତ୍ରଂ ନଦନ୍ତମ୍॥ 8-70-5 (58413)
ସ ଦ୍ରୋଣପୁତ୍ରଃ ସଦୃଶଂ ମହାତ୍ମା
ମାମପ୍ଯରୌତ୍ସୀତ୍ତଦନୀକମଧ୍ଯେ।
କିରଞ୍ଶରୌଘାନ୍ବହୁରୂପାନ୍ବିଚିତ୍ରା--
ନ୍ସ୍ବାତୀଗତଃ ଶୁକ୍ର ଇବାତିବର୍ଷନ୍॥ 8-70-6 (58414)
ସ ମେ ରାନ୍ସର୍ବତଃ କଙ୍କପତ୍ରା--
ନବାସୃଜଦ୍ବୈ ପୃଥିବୀପ୍ରକାଶାନ୍।
ନିବାର୍ଯ ତୂର୍ଣଂ ପରମାଜିମଧ୍ଯେ
ତତୋଽପି ମାଂ ବାଣଗଣୈଃ ସମାର୍ପଯତ୍॥ 8-70-7 (58415)
ଆକର୍ଷଣଂ ବାପି ବିକୃଷ୍ଯ ମୁକ୍ତଂ
ନ ଦୃଶ୍ଯତେ ତସ୍ଯ ମହାରଥସ୍ଯ।
ନ ସନ୍ଦଧାନଃ କୁତ ଆଦଦାନୋ
ନ ବ୍ଯାକ୍ଷିପନ୍ନ ବିକର୍ଷନ୍ବିମୁଞ୍ଚନ୍॥ 8-70-8 (58416)
ସବ୍ଯେନ ବା ଯଦି ବା ଦକ୍ଷିଣେନ
ନ ଜ୍ଞାଯତେ କତରେଣାସ୍ଯତୀତି।
ଆଚାର୍ଯବତ୍ସମରେ ପର୍ଯବର୍ତ--
ନ୍ମହଚ୍ଚିତ୍ରଂ ଦର୍ଶଯନ୍ସର୍ବତଃ ସ୍ମ॥ 8-70-9 (58417)
ଦୃଷ୍ଟ୍ବୀବିଷଂ ଚାସୁହରଂ ପରେଷାଂ
ସର୍ବା ଦିଶଃ ପୂରଯାନଂ ଶରୌଧୈଃ।
ଅଲାତଚକ୍ରପ୍ରତିମଂ ମହାତ୍ମନଃ
ସଦା ନତଂ କାର୍ମୁକଂ ବ୍ରହ୍ମବନ୍ଧୋଃ॥ 8-70-10 (58418)
ତତୋଽପରାନ୍ବାଣଗଣାନନେକା--
ନାକର୍ଣପୂର୍ଣାଯତବିପ୍ରମୁକ୍ତାନ୍।
ସସର୍ଜ ଶୀଘ୍ରାସ୍ତ୍ରବଲେନ ବୀର--
ସ୍ତୋଯଂ ଯଥା ପ୍ରାବୃଷି କାଲମେଘଃ॥ 8-70-11 (58419)
ଆବିଧ୍ଯନ୍ମାଂ ପଞ୍ଚଭିଦ୍ରୋଣପୁତ୍ରଃ
ଶିତୈଃ ଶରୈଃ ପଞ୍ଚଭିର୍ବାସୁଦେବମ୍।
ଅଭ୍ଯଘ୍ନଂ ବାଣୈସ୍ତମହଂ ସୁଧାରୈ--
ର୍ନିମେଷମାତ୍ରେଣ ସୁବର୍ଣପୁଙ୍ଖୈଃ॥ 8-70-12 (58420)
ସ ନିର୍ବିଦ୍ଧୋ ବିରଥୋ ଦ୍ରୋଣପୁତ୍ରୋ
ରଥାନୀକଂ ଚାଧିରଥେର୍ବିବେଶ।
ମଯାଭିଭୂତାନ୍ସ୍ବରଥପ୍ରବର୍ହା--
ନସ୍ତ୍ରଂ ଚ ପଶ୍ଯନ୍ରୁଧିରପ୍ରଦିଗ୍ଧମ୍॥ 8-70-13 (58421)
ତତୋଽଭିଭୂତଂ ଯୁଧି ବୀକ୍ଷ୍ଯ ସୈନ୍ଯଂ
ବିଧ୍ବସ୍ତଯୋଧଂ ଦ୍ରୁତନାଗଯୂଥମ୍।
ପଞ୍ଚାଶତା ରଥମୁଖ୍ଯୈଃ ସମେତଃ
କର୍ଣସ୍ତ୍ବରନ୍ନଭ୍ଯପତତ୍ପ୍ରମାଥୀ॥ 8-70-14 (58422)
ତାନ୍ସୂଦଯିତ୍ବାଽହମପାସ୍ଯ କର୍ଣଂ
ଦ୍ରଷ୍ଟୁଂ ଭବନ୍ତଂ ତ୍ବରଯୋପଯାତଃ।
ସର୍ବେ ପାଞ୍ଚାଲା ହ୍ଯୁଦ୍ବିଜନ୍ତେ ସ୍ମ କର୍ଣଂ
ଦୃଷ୍ଟ୍ବା ଗାବଃ କେସରିଣଂ ଯଥୈବ॥ 8-70-15 (58423)
ମୃତ୍ଯୋରାସ୍ଯଂ ବ୍ଯାତ୍ତମିବାଭିପଦ୍ଯ
ପ୍ରଭଦ୍ରକାଃ କର୍ଣମାସାଦ୍ଯ ସର୍ବେ।
ଯାସ୍ଯାମି ତାଂସ୍ତାରଯିଷ୍ଯନ୍ବଲୌଘା--
ଦ୍ଦିଷ୍ଟ୍ଯା ଭବାନ୍ସ୍ବସ୍ତିମାନ୍ପାର୍ଥ ଦୃଷ୍ଟଃ॥ 8-70-16 (58424)
ହନିଷ୍ଯେଽହଂ ଭାରତ ସୂତପୁତ୍ର--
ମସ୍ମିନ୍ସଙ୍ଗ୍ରାମେ ଯଦି ଦୃଶ୍ଯତେଽଦ୍ଯ।
ଆଯାହି ପଶ୍ଯାଦ୍ଯ ଯୁଯୁତ୍ସମାନୌ
ମାଂ ସୂତପୁତ୍ରଂ ଚ ଧୃତୌ ରଣାଯ॥ 8-70-17 (58425)
ମହାଝଷସ୍ଯେବ ମୁଖଂ ପ୍ରପନ୍ନାଃ
ପ୍ରଭଦ୍ରକାଃ କର୍ଣମୁଖଂ ପ୍ରପନ୍ନାଃ।
ଷଟ୍ସାହସ୍ରା ଭାରତ ରାଜପୁତ୍ରାଃ
ସ୍ବର୍ଗାଯ ଲୋକାଯ ରଣେ ନିମଗ୍ନାଃ॥ 8-70-18 (58426)
ତାନଦ୍ଯ ଯାସ୍ଯାମି ରଣାଦ୍ବିମୋକ୍ତୁଂ
ସର୍ବାତ୍ମନା ସୂତପୁତ୍ରଂ ଚ ହନ୍ତୁମ୍॥ 8-70-19 (58427)
ଅଥ ପ୍ରବୀରେଣ ମହାନୁଭାବ
ଦ୍ବିଷତ୍ସୈନ୍ଯଂ ନିର୍ଦହନ୍ବିସ୍ତରେଣ।
ସମେତ୍ଯାହଂ ସୂତପୁତ୍ରେଣ ସଙ୍ଖ୍ଯେ
ବଜ୍ରୀବ ବୃତ୍ରେଣ ନରେନ୍ଦ୍ରମୁଖ୍ଯ॥ 8-70-20 (58428)
ଏବଂ ଗତେ କିଞ୍ଚ ମଯାଽଦ୍ଯ ଶକ୍ଯଂ
କାର୍ଯଂ କର୍ତୁଂ ନିଗ୍ରହେ ସୂତଜସ୍ଯ।
ତଥୈବ ରାଜ୍ଞଶ୍ଚ ସୁଯୋଧନସ୍ଯ
ଯେ ଚାପି ମାଂ ଯୋଦ୍ଧୁକାମାଃ ସମେତାଃ॥ 8-70-21 (58429)
କର୍ଣଂ ନ ଚେଦଦ୍ଯ ନିହନ୍ମି ରାଜ--
ନ୍ସବାନ୍ଧବଂ ଯୁଧ୍ଯମାନଂ ପ୍ରସହ୍ଯ।
ପ୍ରତିଶ୍ରୁତ୍ଯାଽକୁର୍ବତାଂ ଯା ଗତିର୍ବୈ
କଷ୍ଟାଂ ଯାଯାଂ ତାମହଂ ରାଜସିଂହ॥ 8-70-22 (58430)
ଆମନ୍ତ୍ରଯେ ତ୍ବାଂ ବ୍ରୂହି ରଣେ ଜଯଂ ମେ
ପୁରା ଭୀମଂ ଧାର୍ତରାଷ୍ଟ୍ରା ଗ୍ରସନ୍ତି।
ସୌତିଂ ହନିଷ୍ଯାମି ନରେନ୍ଦ୍ରସିଂହ
ସୈନ୍ଯଂ ତଥା ଶତ୍ରୁଗଣାଂଶ୍ଚ ସର୍ବାନ୍॥ ॥ 8-70-23 (58431)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ସପ୍ତତିତମୋଽଧ୍ଯାଯଃ॥ 70 ॥
॥ ଶ୍ରୀଃ ॥
8.71. ଅଧ୍ଯାଯଃ 071
Mahabharata - Karna Parva - Chapter Topics
କର୍ଣସ୍ଯାମାରଣଜ୍ଞାନାଦ୍ରୁଷ୍ଟେନ ଯୁଧିଷ୍ଠିରେଣ ଅର୍ଜୁନମ୍ପ୍ରତି ଗର୍ହଣପୂର୍ବକଂ କୃଷ୍ଣକରେ ଗାଣ୍ଡୀବଦାନଚୋଦନା॥ 1 ॥
Mahabharata - Karna Parva - Chapter Text
8-73-0 (58432)
ସଞ୍ଜଯ ଉବାଚ। 8-73-0x (5004)
ବୈକର୍ତନଂ କୁଶଲିନଂ ନିଶମ୍ଯ
କ୍ରୁଦ୍ଧଃ ପାର୍ଥଃ ଫଲ୍ଗୂନସ୍ଯାମିତୌଜାଃ।
ଧନଞ୍ଜଯଂ ବାକ୍ଯମୁବାଚ ରାଜା
ଯୁଧିଷ୍ଠିରଃ କର୍ଣଶରାଭିତପ୍ତଃ॥ 8-73-1 (58433)
ଇମାଂ ଚ ବସତିଂ ହିତ୍ବା ଭଯାତ୍କର୍ଣେନ ଫଲ୍ଗୁନ।
ଅହଂ ଚ ଭୀମସେନଶ୍ଚ ମାଦ୍ରୀପୁତ୍ରୌ ଚ ପାଣ୍ଡବୌ॥ 8-73-2 (58434)
ବାସୁଦେବେନ ସହିତା ବଯଂ କର୍ଣେନ ନିର୍ଜିତାଃ।
ପୁନରେବ ବନଂ ଗତ୍ବା ତପଶ୍ଚର୍ଯାଂ ଚ କୁର୍ମହେ।
ଅଥବା ଧାର୍ତରାଷ୍ଟ୍ରାଣାଂ ପରିଚର୍ଯାଂ ଚରାମହେ॥ 8-73-3 (58435)
ଇତ୍ଯେବମୁକ୍ତ୍ବା ବୀଭତ୍ସୁଂ ରୋଷାତ୍ସଂରକ୍ତଲୋଚନଃ।
ଅବ୍ରବୀତ୍ପୁନରେବାତ୍ର ଧର୍ମରାଜୋ ଯୁଧିଷ୍ଠିରଃ॥ 8-73-4 (58436)
ଇଦଂ ଯଦି ଦ୍ବୈତବନେ ତୁ ସୂକ୍ତଂ
କର୍ଣଂ ନିଯୋଦ୍ଧୁଂ ନ ସହେ ନୃପେତି।
ବଯଂ ତତଃ ପ୍ରାପ୍ତକାଲଂ ଯଥାବ--
ତ୍କୃତ୍ବାଽଭ୍ଯୁପେକ୍ଷାମ ତଥୈବ ରାଜ୍ଯମ୍॥ 8-73-5 (58437)
ମଯି ପ୍ରତିଶ୍ରୁତ୍ଯ ବଧଂ ହି ତସ୍ଯ
ବଲସ୍ଯ ଚାର୍ଧସ୍ଯ ତଥୈବ ଯୁଦ୍ଧେ।
ଆନୀଯ ମାଂ ଶତ୍ରୁମଧ୍ଯେ ସ କସ୍ମା--
ତ୍ସମୁନ୍ନାମ୍ଯ ସ୍ଥଣ୍ଡିଲେ ପ୍ରତ୍ଯପିଂଷ୍ଠାଃ॥ 8-73-6 (58438)
ଅନ୍ବାସ୍ଯ ସତ୍ଯେନ ଯଦାତ୍ଥ ପାର୍ଥ
ସତ୍ଯଂ ଶପନ୍ବାସୁଦେବେନ ସାର୍ଧମ୍।
ତନ୍ନଃ ସତ୍ଯମଫଲଂ ହ୍ଯକାର୍ଷୀଃ
ଫଲସ୍ଯ କାଲେ ଚାଚ୍ଛିନ୍ନଃ ପୁଷ୍ପବୃକ୍ଷମ୍॥ 8-73-7 (58439)
ପ୍ରଚ୍ଛାଦିତସ୍ତ୍ବଂ ବାଲିଶ ଦୁର୍ଯଶୋଭି--
ରନର୍ଥବାକ୍ଯୋଽସ୍ଯର୍ଜୁନ ନୈବ ସାଧୁଃ।
ତ୍ଯକ୍ତ୍ବା ଭୀମଂ ସର୍ବଭୀମେଷୁ ଭୀମଂ
ସଂଯୋଜିତସ୍ତ୍ବଂ ସୂତପୁତ୍ରଂ ନିହନ୍ତୁମ୍॥ 8-73-8 (58440)
ଯତ୍ତଦ୍ବୃଥା ବାଗୁବାଚାନ୍ତରିକ୍ଷେ
ସପ୍ତାହ୍ନି ଜାତେ ତ୍ବଯି ମନ୍ଦବୁଦ୍ଧୌ।
ଅପାପୀଯାନ୍ବାସବାତ୍କୁନ୍ତିଜାତୋ
ବହୂନ୍ସଙ୍ଗ୍ରାମାନଯମେବ ଜେତା॥ 8-73-9 (58441)
ଅଯଂ ଜେତା ପାଣ୍ଡବୋ ଦେବସଙ୍ଘାନ୍
ସର୍ବାଣି ଭୂତାନ୍ଯପି ଚୋତ୍ତମୌଜାଃ।
ଅଯଂ ଜେତା ମଦ୍ରକଲିଙ୍ଗଜାତା--
ନ୍ଦୈତ୍ଯାଂଶ୍ଚ ରକ୍ଷାଂସି ସମାଗତାନି॥ 8-73-10 (58442)
ଭୂମିଂ ଚ ସର୍ବାଂ ନିଖିଲେନ ଜେତା
କୁରୂଂଶ୍ଚ ଜେତା ସ୍ବଗଣାଂଶ୍ଚ ଜେତା।
ଅସ୍ମାତ୍ପରୋ ନୋ ଭବିତା ଧନୁର୍ଧରୋ
ନୈଷ୍ଯନ୍ନ ଭୂତଃ କଶ୍ଚିଦେନଂ ବିଜେତା॥ 8-73-11 (58443)
ଇଚ୍ଛନ୍ନଯଂ ସର୍ବଭୂତାନି କୁର୍ଯା--
ଦ୍ବଶୀ ବଶେ ସର୍ବସମାପ୍ତବିଦ୍ଯଃ।
କାନ୍ତ୍ଯା ଶଶାଙ୍କସ୍ଯ ଜବେନ ବାଯୋଃ
ସ୍ଯୈର୍ଯେଣ ମେରୋଃ କ୍ଷମଯା ପୃଥିବ୍ଯାଃ॥ 8-73-12 (58444)
ଅଗ୍ନେଶ୍ଚ ତାପେ ଧନଦସ୍ଯ ଲକ୍ଷ୍ମ୍ଯା
ଶୌର୍ଯେଣ ଶକ୍ରସ୍ଯ ଜଯେନ ବିଷ୍ଣୋଃ।
ତୁଲ୍ଯୋ ମହାତ୍ମା ତବ କୁନ୍ତି ପୁତ୍ରୋ
ଜାତୋଽଦିତେର୍ବିଷ୍ଣୁରିବାମିତୌଜାଃ॥ 8-73-13 (58445)
ସ୍ବେଷାଂ ଜଯାଯ ଦ୍ବିଷତାଂ ବଧାଯ
ଜାତୋ ମହାତ୍ମା ତବ ନନ୍ଦିକର୍ତା।
ଇତ୍ଯନ୍ତରିକ୍ଷେ ଶତଶୃଙ୍ଗମୂର୍ଧ୍ନି
ତପସ୍ବିନାଂ ଶୃଣ୍ବତାଂ ବାଗୁବାଚ॥ 8-73-14 (58446)
ଏବଂବିଧସ୍ତ୍ବଂ ନ ଚ ଭୂତସ୍ତଥାଦ୍ଯ
ଦେବାଶ୍ଚ ନୂନମନୃତଂ ବଦନ୍ତି॥ 8-73-15 (58447)
ତଥା ପରେଷାମୃଷିସତ୍ତମାନାଂ
ଶ୍ରୁତ୍ବା ଗିରଃ ପୂଜଯତାଂ ସଦା ତ୍ବାମ୍।
ନ ସନ୍ନତିଂ ଯାମି ସୁଯୋଧନସ୍ଯ
ନ ତ୍ବାଂ ଜାନାମ୍ଯାଧିରଥେର୍ଭଯାର୍ତମ୍॥ 8-73-16 (58448)
ତ୍ବଷ୍ଟ୍ରା କୃତଂ ବାହମକୂଜନାକ୍ଷଂ
ଶୁଭଂ ସମାସ୍ଥାଯ କପିଧ୍ବଜଂ ତମ୍।
ଖଙ୍ଗଂ ଗୃହୀତ୍ବା ହେମଚିତ୍ରାବନଦ୍ବଂ
ଧନୁର୍ବରଂ ଗାଣ୍ଡିବଂ ତାଲମାତ୍ରମ୍।
ତ୍ବଂ ବାସୁଦେବେନୋହ୍ଯମାନଃ କଥଂ ନୁ
କର୍ଣାଦ୍ଭୀତୋ ବ୍ଯପଯାତୋଽସି ପାର୍ଥ॥ 8-73-17 (58449)
ପୂର୍ବଂ ଯଦୁକ୍ତଂ ହି ସୁଯୋଧନେନ
ନ ଫଲ୍ଗୁନଃ ପ୍ରମୁଖେ ସ୍ଥାସ୍ଯତୀତି।
କର୍ଣସ୍ଯ ଯୁଦ୍ଧେ ହି ମହାବଲସ୍ଯ
ମୌର୍ଖ୍ଯାତ୍ତୁ ତନ୍ନାବବୁଦ୍ଧଂ ମଯାଽସୀତ୍॥ 8-73-18 (58450)
ତେନାଦ୍ଯ ତପ୍ସ୍ଯେ ଭୃଶମପ୍ରମେଯଂ
ଯନ୍ମିତ୍ରବର୍ଗୋ ନରକଂ ପ୍ରବିଷ୍ଟଃ।
ତଦୈବ ବାଚ୍ଯୋଽସ୍ମି ନନୁ ତ୍ବଯାଽହଂ
ନ ଯୋତ୍ସ୍ଯେଽହଂ ସୂତପୁତ୍ରଂ କଥଞ୍ଚିତ୍॥ 8-73-19 (58451)
ତତୋ ନାହଂ ସୃଞ୍ଜଯାନ୍କେକଯାଂଶ୍ଚ
ସମାନଯେଯଂ ସୁହୃଦୋ ରଣାଯ॥ 8-73-20 (58452)
ଏବଂ ଗତେ କିଂ ଚ ମଯାଽଦ୍ଯ ଶକ୍ଯଂ
କାର୍ଯଂ କର୍ତୁଂ ନିଗ୍ରହେ ସୂତଜସ୍ଯ।
ତଥୈବ ରାଜ୍ଞଶ୍ଚ ସୁଯୋଧନସ୍ଯ
ଯେ ବାପି ମାଂ ଯୋଦ୍ଧୁକାମାଃ ସମେତାଃ॥ 8-73-21 (58453)
ଧିଗସ୍ତୁ ମଜ୍ଜୀବିତମଦ୍ଯ କୃଷ୍ଣ
ଯୋଽହଂ ବଶଂ ସୂତପୁତ୍ରସ୍ଯ ଯାତଃ।
ମଧ୍ଯେ କୁରୂଣାଂ ସମୁଯୋଧନାନାଂ
ଯେ ଚାପ୍ଯନ୍ଯେ ଯୋଦ୍ଧୁକାମାଃ ସମେତାଃ॥ 8-73-22 (58454)
ଏକଃ ସ ମେ ଭୀମସେନୋଽଦ୍ଯଂ ନାଥୋ
ଯେନାଭିପନ୍ନୋଽସ୍ମି ରଣେ ମହାଭଯେ।
ବିମୋଚ୍ଯ ମାଂ ଚାପି ରୁପାନ୍ବିତସ୍ତତଃ
ଶରେଣ ତୀକ୍ଷ୍ଣେନ ବିଭେଦ କର୍ଣମ୍॥ 8-73-23 (58455)
ତ୍ଯକ୍ତ୍ବା ପ୍ରାଣାନ୍ସମରେ ଭୀମସେନ--
ଶ୍ଚକ୍ରେ ଯୁଦ୍ଧଂ କୁରୁମୁଖ୍ଯୈଃ ସମେତୈଃ।
ଗଦାଗ୍ରହସ୍ତୋ ରୁଧିରୋକ୍ଷିତାଙ୍ଗ--
ଶ୍ଚରନ୍ରଣେ କାଲ ଇବାନ୍ତକାଲେ॥ 8-73-24 (58456)
ଅସୌ ହି ଭୀମସ୍ଯ ମହାନିନାଦୋ
ମୁହୁର୍ମହୁଃ ଶ୍ରୂଯତେ ଧାର୍ତରାଷ୍ଟ୍ରୈଃ।
ଯଦି ସ୍ମ ଜୀବେତ୍ସମରେ ନିହନ୍ତା
ମହାରଥାନାଂ ପ୍ରବରୋ ନରୋତ୍ତମଃ॥ 8-73-25 (58457)
ତବାଭିମନ୍ଯୁସ୍ତନଯୋଽଦ୍ଯ ପାର୍ଥ
ନ ଚାସ୍ମି ଗନ୍ତା ସମରେ ପରାଭବମ୍।
ଅଥାପି ଜୀବେତ୍ସମରେ ଘଟୋତ୍କଚ--
ସ୍ତଥାଽପି ନାହଂ ସମରେ ପରାଙ୍ଯୁଖଃ॥ 8-73-26 (58458)
ଭୀମସ୍ଯ ପୁତ୍ରଃ ସମରାଗ୍ରଯାଯୀ
ମହାସ୍ତ୍ରବିନ୍ନାପି ତବାନୁରୂପଃ।
ଯଂ ତଂ xxxସାଦ୍ଯ ରିପୋର୍ବଲଂ ନୋ
ନିମୀଲିତାକ୍ଷଂ ଭଯବିପ୍ଲୁତଂ ଭବେତ୍॥ 8-73-27 (58459)
xxxxxନିଶି ଯୁଦ୍ଧମେକ--
ସ୍ତ୍ଯକ୍ସା ରଣଂ ଯତ୍ବ ଭଯାଦ୍ରବନ୍ତେ॥ 8-73-28 (58460)
ସ ଚେତ୍ସମାସାଦ୍ଯ ମହାନୁଭାବଃ
କର୍ଣଂ ରଣେ ବାଣଗଣୈଃ ପ୍ରମୋହ୍ଯଃ।
ଧୈର୍ଯେ ସ୍ଥିତେନାପି ଚ ସୂତଜେନ
ଶକ୍ଯା ହତୋ ବାସବଦତ୍ତଯା ତଯା॥ 8-73-29 (58461)
ମମୈବ ଭାଗ୍ଯାନି ପୁରା କୃତାନି
ପାପାନି ନୂନଂ ଫଲବନ୍ତି ଯୁଦ୍ଧେ।
ତୃଣଂ ଚ କୃତ୍ବା ସମରେ ଭବନ୍ତଂ
ତତୋଽହମେବଂ ନିକୃତୋ ଦୁରାତ୍ମନା।
ବୈକର୍ତନେନୈବ ତଥା କୃତୋଽହଂ
ଯଥା ହ୍ଯଶକ୍ତଃ କ୍ରିଯତେ ତ୍ବବାନ୍ଧବଃ॥ 8-73-30 (58462)
ଆପଦ୍ଗ୍ରତଂ ଯଶ୍ଚ ନରୋ ବିମୋକ୍ଷଯେ--
ତ୍ସ ବାନ୍ଧବଃ ସ୍ନେହଯୁତଃ ସୁହୃଚ୍ଚ।
ଏବଂ ପୁରାଣା ଋଷଯୋ ବଦନ୍ତି
ଧର୍ମଃ ସଦା ସଦ୍ଭିରନୁଷ୍ଠିତଶ୍ଚ॥ 8-73-31 (58463)
ଖଙ୍ଗଂ ବିଭ୍ରଜ୍ଜାତରୂପତ୍ସରୁଂ ଚ
ଧନୁର୍ବେଦଂ ଗାଣ୍ଡିବଂ ତାଲମାତ୍ରମ୍।
ସ କେଶବେନୋହ୍ଯମାନଃ କଥଂ ନୁ
କର୍ଣାତ୍ପାର୍ଥସ୍ତ୍ବମପୈତୁଂ ସମୈଷୀଃ॥ 8-73-32 (58464)
ସ ଗାଣ୍ଡୀବଂ କେଶବାଯ ପ୍ରଦାଯ
ଯନ୍ତା ଭବେସ୍ତ୍ବଂ ଯଦି କେଶବସ୍ଯ।
ତତସ୍ତରେତ୍କେଶବଃ କର୍ଣମୁଗ୍ରଂ
ମରୁତ୍ସସ୍ବୋ ବୃତ୍ରମିବାତ୍ତବଜ୍ରଃ॥ 8-73-33 (58465)
ମାସେଽପତିଷ୍ଯୋ ଯଦି ପଞ୍ଚମେ ତ୍ବଂ
ନ ବା ଗର୍ଭୋ ଯଦ୍ଯଭବଃ ପୃଥାଯାଃ।
ମତ୍ତଃ ଶ୍ରେଯାନ୍ରାଜପୁତ୍ରୋଽଭବିଷ୍ଯ--
ନ୍ନ ତେ ଯଶଃ ଫଲ୍ଗୁନ ଇତ୍ଯପେଯାତ୍॥ ॥ 8-73-34 (58466)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଏକସପ୍ତତିତମୋଽଧ୍ଯାଯଃ॥ 71 ॥
॥ ଶ୍ରୀଃ ॥
8.72. ଅଧ୍ଯାଯଃ 072
Mahabharata - Karna Parva - Chapter Topics
xxxxxxxxxxxxx ତେନ ତନ୍ନିବେଦନମ୍॥ 1 ॥ କୃଷ୍ଣେନ ବଧପ୍ରତିନିଧିତ୍ବେନ ଯୁଧିଷ୍ଠିରାଧିକ୍ଷେପxxxxxxx॥ 2 ॥
Mahabharata - Karna Parva - Chapter Text
8-72-0 (58467)
ସଞ୍ଜଯ ଉବାଚ। 8-72-0x (5005)
ଯୁଧିଷ୍ଠିରେଣୈxxxxକ୍ତଃ କୌନ୍ତେଯଃ ଶ୍ବେତବାହନଃ।
ଅସିଂ ଜଗ୍ରାହ ସଙ୍କ୍ରୁଦ୍ଧୋ ଜିଘାଂସୁର୍ଭରତର୍ଷଭମ୍॥ 8-72-1 (58468)
ତସ୍ଯ କୋପଂ ସମାଜ୍ଞାଯ ଚିତ୍ତଜ୍ଞଃ କେଶବସ୍ତଦା।
ଉବାଚ କିମିଦଂ ଖଙ୍ଗଂ ଗୃହ୍ଣାସ୍ଯର୍ଜୁନ ଶଂମ ମେ॥ 8-72-2 (58469)
ନେହ ପଶ୍ଯାମି ଯୋଦ୍ଧବ୍ଯଂ ତ୍ବଯା କିଞ୍ଚିଦ୍ବନଞ୍ଜଯ।
ନେହାଗତା ଧାର୍ତରାଷ୍ଟ୍ରାଃ ସର୍ବେ ଭୀମେନ ବାରିତାଃ॥ 8-72-3 (58470)
ଉପାଗତୋଽସି କୌନ୍ତେଯ ରାଜା ଦ୍ରଷ୍ଟବ୍ଯ ଇତ୍ଯସୌ।
ସ ରାଜା ଭବତା ଦୃଷ୍ଟଃ କୁଶଲୀ ଚ ଯୁଧିଷ୍ଠିରଃ॥ 8-72-4 (58471)
ତଂ ଦୃଷ୍ଟ୍ବା ନୃପଶାର୍ଦୂଲଂ ଶାର୍ଦୂଲସମବିକ୍ରମମ୍।
ହର୍ଷକାଲେ ଚ ସମ୍ପ୍ରାପ୍ତେ କସ୍ମାତ୍ତ୍ବାଂ ମନ୍ଯୁରାବିଶତ୍॥ 8-72-5 (58472)
ନ ତଂ ପଶ୍ଯାମି କୌନ୍ତେଯ ଯସ୍ତେ ବଧ୍ଯୋ ଭବେଦିହ।
ପ୍ରହର୍ତୁମିଚ୍ଛସେ କସ୍ମାତ୍କିଂ ବା ତେ ଚିତ୍ତବିଭ୍ରମଃ॥ 8-72-6 (58473)
କସ୍ମାଦ୍ଭବାନ୍ମହାଖଙ୍ଗଂ ପରିଗୃହ୍ଣାତ୍ଯକାରଣାତ୍। 8-72-7 (58474)
ତତ୍ତ୍ବାଂ ପୃଚ୍ଛାମି କୌନ୍ତେଯ କିମିଦଂ ତେ ଚିକୀର୍ଷିତମ୍।
ପରାମୃଶସି ଯତ୍କ୍ରୁଦ୍ଧଃ ଖଙ୍ଗମଦ୍ଭୁତବିକ୍ରମ॥ 8-72-8 (58475)
ଏବମୁକ୍ତଃ କଟାକ୍ଷେଣ ପ୍ରେକ୍ଷମାଣୋ ଯୁଧିଷ୍ଠିରମ୍।
ଅର୍ଜୁନଃ ପ୍ରାହ ଗୋବିନ୍ଦଂ କ୍ରୁଦ୍ଧଃ ସର୍ପ ଇବ ଶ୍ବସନ୍॥ 8-72-9 (58476)
ଅନ୍ଯସ୍ମୈ ଦେହି ଗାଣ୍ଡୀବମିତି ମାଂ ଯଃ ପ୍ରଚୋଦଯେତ୍।
ଭିନ୍ଦ୍ଯାମହଂ ତସ୍ଯ ଶିର ଇତ୍ଯୁପାଂଶୁ ବ୍ରତଂ ମମ।
ଯୁଧିଷ୍ଠିରେଣ ତେନାହମୁକ୍ତଶ୍ଚାସ୍ମି ଜନାର୍ଦନ॥ 8-72-10 (58477)
ଯଦୁକ୍ତୋଽହମଦୀନାର୍ଥଂ ରାଜ୍ଞାଽନେନ ଯଶସ୍ବିନା।
ସମକ୍ଷଂ ତବ ଗୋବିନ୍ଦ ନ ତତ୍କ୍ଷନ୍ତୁମିହୋତ୍ସହେ॥ 8-72-11 (58478)
ତସ୍ମାଦେନଂ ବିଧିଷ୍ଯାମି ରାଜାନଂ ଧର୍ମଚାରିଣାମ୍।
ପ୍ରତିଜ୍ଞାଂ ପାଲଯିଷ୍ଯାମି ହତ୍ବୈନଂ ନରସତ୍ତମମ୍॥ 8-72-12 (58479)
ଏତଦର୍ଥଂ ମଯା ଖହ୍ଗୋ ଗୃହୀତୋ ଯଦୁନନ୍ଦନ।
ସୋଽହଂ ଯୁଧିଷ୍ଠିରଂ ହତ୍ବା ସତ୍ଯସ୍ଯାନୃଣ୍ଯତାଂ ଗତଃ।
ବିଶୋକୋ ବିଜ୍ବରଶ୍ଚାପି ଭବିଷ୍ଯାମି ଜନାର୍ଦନ॥ 8-72-13 (58480)
କିଂ ବା ତ୍ବଂ ମନ୍ଯସେ ପ୍ରାପ୍ତମସ୍ମିନ୍କାର୍ଯ ଉପସ୍ଥିତେ।
ତ୍ବମସ୍ଯ ଜଗତସ୍ତାତ ବେତ୍ଥ ସର୍ବଂ ଗତାଗତମ୍॥ 8-72-14 (58481)
`ଜାତସ୍ତ୍ବତ୍ତୋ ହି ଧର୍ମଶ୍ଚାଧର୍ମଶ୍ଚେତି ପରା ଶ୍ରୁତିଃ'।
ତତ୍ତଥା ପ୍ରକରିଷ୍ଯାମି ଯଥା ମାଂ ବକ୍ଷ୍ଯତେ ଭବାନ୍॥ 8-72-15 (58482)
ସଞ୍ଜଯ ଉବାଚ। 8-72-16x (5006)
ଧିଗ୍ଧିଗିତ୍ଯେବ ଗୋବିନ୍ଦଃ ପାର୍ଥମୁକ୍ତ୍ବାବ୍ରବୀତ୍ପୁନଃ॥ 8-72-16 (58483)
କୃଷ୍ଣ ଉବାଚ। 8-72-17x (5007)
ଇଦାନୀଂ ପାର୍ଥ ଜାନାମି ନ ବୃଦ୍ଧାଃ ସେବିତାସ୍ତ୍ବଯା।
ଅକାଲେ ପୁରୁଷବ୍ଯାଘ୍ର ସଂରମ୍ଭଂ ଯଦ୍ଭବାନଗାତ୍॥ 8-72-17 (58484)
ନ ହି ଧର୍ମବିଗଜ୍ଞୈରେବଂ କାର୍ଯଂ ଧନଞ୍ଜଯ।
ଯଥା ତ୍ବଂ ପାଣ୍ଡବାଦ୍ଯେହ ଧର୍ମଭୀରୁରଣ୍ଡିତଃ॥ 8-72-18 (58485)
ଯୋଽକାର୍ଯାଣାଂ କ୍ରିଯାଯାଶ୍ଚ ସଂଯୋଗଂ ନାବବୁଧ୍ଯତେ।
କାର୍ଯାଣାମକ୍ରିଯାଯାଶ୍ଚ ସ ପାର୍ଥ ପୁରୁଷାଧମଃ॥ 8-72-19 (58486)
ଅନୁସୃତ୍ଯ ତୁ ଯେ ଧର୍ମଂ କବଯଃ ସମୁପସ୍ଥିତାଃ।
ସମାସବିସ୍ତରବିଦାଂ ନ ତେଷାଂ ବେତ୍ସି ନିଶ୍ଚଯମ୍॥ 8-72-20 (58487)
ଅନିଶ୍ଚଯଜ୍ଞୋ ହି ନରଃ କାର୍ଯାକାର୍ଯବିନିଶ୍ଚଯେ।
ଏବଂ ସ ମୁହ୍ଯତ୍ଯବଶୋ ଯଥା ତ୍ବଂ ପାର୍ଥ ମୁହ୍ଯସି॥ 8-72-21 (58488)
ନ ହି କାର୍ଯମକାର୍ଯଂ ବା ସୁଖଂ ଜ୍ଞାତୁଂ କଥଞ୍ଚନ।
ଶ୍ରୁତେନ ଜ୍ଞାଯତେ ସର୍ବଂ ତଚ୍ଚ ତ୍ବଂ ନାବହୁଧ୍ଯସେ॥ 8-72-22 (58489)
ଅବିଜ୍ଞାନାଦିହ ଭବାନ୍ସତ୍ଯଂ ରକ୍ଷତି ଧର୍ମବିତ୍।
ପ୍ରାଣିନାଂ ତ୍ବଂ ବଧଂ ପାର୍ଥ ଧାର୍ମିକୋ ନାବବୁଧ୍ଯସେ॥ 8-72-23 (58490)
ପ୍ରାଣିନାଂ ହି ବଧାତ୍ତାତ ବୃଥା ଧର୍ମୋ ମତୋ ମମ।
ଅନୃତଂ ତୁ ଭବେଦ୍ବାଚ୍ଯଂ ନ ତୁ ହିଂସା କଦାଚନ॥ 8-72-24 (58491)
ସ କଥଂ ଭ୍ରାତରଂ ଜ୍ଯେଷ୍ଠଂ ରାଜାନଂ ଧର୍ମକୋବିଦମ୍।
ହନ୍ଯାଦ୍ଭବାନ୍ନରଶ୍ରେଷ୍ଠ ପ୍ରାକୃତୋଽନ୍ଯଃ ପୁମାନିବ॥ 8-72-25 (58492)
ଅଯୁଧ୍ଯମାନସ୍ଯ ଗୁରୋସ୍ତଥାଽଶତ୍ରୋଶ୍ଚ ମାନଦ।
ପରାଙ୍ମୁଖସ୍ଯ ଦ୍ରବତଃ ଶରଣଂ ଚାପି ଗଚ୍ଛତଃ॥ 8-72-26 (58493)
କୃତାଞ୍ଜଲେଃ ପ୍ରପନ୍ନସ୍ଯ ପ୍ରମତ୍ତସ୍ଯ ତଥୈବ ଚ।
ନ ବଧଃ ପୂଜ୍ଯତେ ସଦ୍ଭିସ୍ତଚ୍ଚ ସର୍ବଂ ଗୁରୌ ତବ॥ 8-72-27 (58494)
ତ୍ବଯା ଚୈତଦ୍ବ୍ରତଂ ପାର୍ଥ ବାଲେନେବ କୃତଂ ପୁରା।
ତସ୍ମାଦଧର୍ମସଂଯୁକ୍ତଂ ମୌର୍ଖ୍ଯାଦେବ ବ୍ଯବସ୍ଯସି॥ 8-72-28 (58495)
ସ୍ବଗୁରୁଂ ପାର୍ଥ କସ୍ମାତ୍ତ୍ବଂ ହନ୍ତୁକାମୋଽଭିଧାବସି।
ଅସମ୍ପ୍ରଧାର୍ଯ ଧର୍ମାଣାଂ ଗତିଂ ସୂକ୍ଷ୍ମାଂ ଦୁରତ୍ଯଯାମ୍॥ 8-72-29 (58496)
ଇଦଂ ଧର୍ମରହସ୍ଯଂ ଚ ତବ ବକ୍ଷ୍ଯାମି ପାଣ୍ଡବ।
ଯଦ୍ବ୍ରୂଯାତ୍ତବ ଭୀଷ୍ମୋ ବା ରାଜା ବାପି ଯୁଧିଷ୍ଠିରଃ॥ 8-72-30 (58497)
ବିଦୁରୋ ବା ପୁନଃ କ୍ଷତ୍ତା ଗାନ୍ଧାରୀ ବା ଯଶସ୍ବିନୀ।
କୁନ୍ତୀ ବା ଭରତଶ୍ରେଷ୍ଠ ଦ୍ରୌପଦୀ ବା ଯଶସ୍ବିନୀ।
ତତ୍ତେ ବକ୍ଷ୍ଯାମି ତତ୍ତ୍ବେନ ନିବୋଧୈତଦ୍ଧନଞ୍ଜଯ॥ 8-72-31 (58498)
ସତ୍ଯସ୍ଯଂ ବଚନଂ ସାଧୁ ନ ସତ୍ଯାଦ୍ବିଦ୍ଯତେ ପରମ୍।
ସୁଦୁର୍ବିଦଂ ହି ତତ୍ତ୍ବେନ ତତ୍ସତ୍ଯମିତି ମେ ସତିଃ॥ 8-72-32 (58499)
ଭବେତ୍ସତ୍ଯମବକ୍ତବ୍ଯଂ ବକ୍ତବ୍ଯମନୃତଂ ଭବେତ୍।
ଯତ୍ରାନୃତଂ ଭବେତ୍ସତ୍ଯଂ ସତ୍ଯଂ ଚାପ୍ଯନୃତଂ ଭବେତ୍॥ 8-72-33 (58500)
ବିବାହକାଲେ ରତିସମ୍ପ୍ରଯୋଗେ
ପ୍ରାଣାତ୍ଯଯେ ସର୍ବତ୍ରନାପହାରେ।
ବିପ୍ରସ୍ଯ ଚାର୍ଥେ ହ୍ଯନୃତଂ ବଦେତ
ପଞ୍ଚାନୃତାନ୍ଯାହୁରପାତକାନି॥ 8-72-34 (58501)
ସର୍ବସ୍ବସ୍ଯାପହାରେ ତୁ ବକ୍ତବ୍ଯମନୃତଂ ଭବେତ୍॥
ତତ୍ରାନୃତଂ ଭବେତ୍ସତ୍ଯଂ ସତ୍ଯଂ ଚାପ୍ଯନୃତଂ ଭବେତ୍॥ 8-72-35 (58502)
ତାଦୃଶୋ ହନ୍ଯତେ ବାଲୋ ଯସ୍ଯ ସତ୍ଯମନିଶ୍ଚିତମ୍।
ସତ୍ଯାନୃତେ ବିନିଶ୍ଚିତ୍ଯ ତତୋ ଭବତି ଧର୍ମବିତ୍॥ 8-72-36 (58503)
କିମାଶ୍ଚର୍ଯଂ କୃତପ୍ରଜ୍ଞଃ ପୁରୁଷୋଽପି ସୁଦାରୁଣଃ।
ସୁମହତ୍ପ୍ରାପ୍ନୁଯାତ୍ପୁଣ୍ଯଂ ବଲାକୋଽନ୍ଧବଧାଦିବ॥ 8-72-37 (58504)
କିମାଶ୍ଚର୍ଯଂ ପୁନର୍ମୂଢୋ ଧର୍ମକାମୋ ହ୍ଯପଣ୍ଡିତଃ।
ସୁମହତ୍ପ୍ରାପ୍ନୁଯାତ୍ପାପମାପଗାସ୍ବିବ କୌଶିକଃ॥ 8-72-38 (58505)
ଅର୍ଜୁନ ଉବାଚ। 8-72-39x (5008)
ଆଚକ୍ଷ୍ବ ଭଗବନ୍ନେତଦ୍ଯଥା ବିନ୍ଦାମ୍ଯହଂ ତଥା।
ବଲାକସ୍ଯାନୁସମ୍ବଦ୍ଧଂ ନଦୀନାଂ କୌଶିକସ୍ଯ ଚ॥ 8-72-39 (58506)
ବାସୁଦେବ ଉବାଚ। 8-72-40x (5009)
ମୃଗବ୍ଯାଧୋଽଭବତ୍କଶ୍ଚିଦ୍ବଲାକୋ ନାମ ଭାରତ।
ଯାତ୍ରାର୍ଥଂ ପୁତ୍ରଦାରାଣାଂ ମୃଗାନ୍ହନ୍ତି ନ କାମତଃ॥ 8-72-40 (58507)
ବୃଦ୍ଧୌ ଚ ମାତାପିତରୌ ବିଭର୍ତ୍ଯନ୍ଯାଂଶ୍ଚ ସଂଶ୍ରିତାନ୍।
ସ୍ବଧର୍ମନିରତୋ ନିତ୍ଯଂ ସଂବିଭଜ୍ଯାନସୂଯକଃ॥ 8-72-41 (58508)
ସ କଦାଚିନ୍ମୃଗପ୍ରେପ୍ସୁର୍ନାନ୍ବବିନ୍ଦନ୍ମୃଗଂ କ୍ବଚିତ୍।
ଅଥାପଶ୍ଯତ୍ସ ପୀବାନଂ ଶ୍ବାପଦଂ ଘ୍ରାଣଚକ୍ଷୁଷମ୍॥ 8-72-42 (58509)
ଅଦୃଷ୍ଟପୂର୍ବମପି ତତ୍ସତ୍ବଂ ତେନ ହତଂ ତଦା।
ଅନ୍ଧେ ହତେ ତତୋ ବ୍ଯୋମ୍ନଃ ପୁଷ୍ପବର୍ଷଂ ପପାତ ଚ॥ 8-72-43 (58510)
ଅପ୍ସରୋଗୀତବାଦିତ୍ରୈର୍ନାଦିତଂ ଚ ମନୋରମମ୍।
ବିମାନମଗମତ୍ସ୍ବର୍ଗାନ୍ମୃଗବ୍ଯାଧନିନୀଷଯା॥ 8-72-44 (58511)
ତଦ୍ଭୂତଂ ସର୍ବଭୂତାନାମଭାବାଯ କିଲାର୍ଜୁନ।
ତପସ୍ତପ୍ତ୍ବା ବରଂ ପ୍ରାପ୍ତଂ କୃତମନ୍ଧଂ ସ୍ବଯମ୍ଭୁବା॥ 8-72-45 (58512)
ତଦ୍ଧତ୍ବା ସର୍ବଭୂତାନାମଭାବକୃତନିଶ୍ଚଯମ୍।
ବଲାକୋଽଗାତ୍ସ୍ବର୍ଗଲୋକମେବଂ ଧର୍ମଃ ସୁଦୁର୍ବିଦଃ॥ 8-72-46 (58513)
କୌଶିକୋଽପ୍ଯଭବଦ୍ବିପ୍ରସ୍ତପସ୍ବୀନୋ ବହୁଶ୍ରୁତଃ।
ନଦୀନାଂ ସଙ୍ଗମେ ଗ୍ରାମାଦଦୂରେ ସ କିଲାବସତ୍॥ 8-72-47 (58514)
ସତ୍ଯଂ ମଯା ସଦା ବାଚ୍ଯମିତି ତସ୍ଯାଭବଦ୍ଦ୍ବତମ୍।
ସତ୍ଯବାଦୀତି ବିଖ୍ଯାତଃ ସ ତଦାସୀଦ୍ଧନଞ୍ଜଯ॥ 8-72-48 (58515)
ଅଥ ଦସ୍ଯୁଭଯାତ୍କେଚିତ୍ତଦା ତଦ୍ବନମାବିଶନ୍।
ତତ୍ରାପି ଦସ୍ଯବଃ କ୍ରୁଦ୍ଧାସ୍ତାନମାର୍ଗନ୍ତ ଯତ୍ନତଃ॥ 8-72-49 (58516)
ଅଥ କୌଶିକମଭ୍ଯେତ୍ଯ ପ୍ରୋଚୁସ୍ତେ ସତ୍ଯବାଦିନମ୍।
କତରେଣ ପଥା ଯାତା ଭଗବନ୍ନିତି ବୈ ଜନାଃ।
ସତ୍ଯେନ ପୃଷ୍ଟଃ ପ୍ରବ୍ରୂହି ଯଦି ତଦ୍ବେତ୍ଥ ଶଂସ ନଃ॥ 8-72-50 (58517)
ଶ୍ରୀକୃଷ୍ଣ ଉବାଚ। 8-72-51x (5010)
ସତ୍ଯସ୍ଯ ତ୍ବବିଭାଗଜ୍ଞଃ ସତ୍ଯଂ ତେଭ୍ଯଃ ଶଶଂସ ହ।
ବହୁବୃକ୍ଷଲତାଗୁଲ୍ମମେତଦ୍ଗହନମାଶ୍ରିତାଃ।
ଇତି ତାନ୍ଖ୍ଯାପଯାମାସ ତେଭ୍ଯସ୍ତତ୍ତ୍ବଂ ସ କୌଶିକଃ॥ 8-72-51 (58518)
ତତସ୍ତେ ତାନ୍ସମାସାଦ୍ଯ କ୍ରୂରା ଜଘ୍ନୁରିତି ଶ୍ରୁତିଃ।
ତତୋଽଧର୍ମେଣ ମହତା ବାଗ୍ଦୁରୁକ୍ତେନ କୌଶିକଃ॥ 8-72-52 (58519)
ଗତଃ ସୁକଷ୍ଟଂ ନିରଯଂ ଧର୍ମସୂକ୍ଷ୍ମେଷ୍ବତତ୍ତ୍ବବିତ୍।
ଦୃଷ୍ଟପୂର୍ବଶ୍ରୁତୋ ମୂଢୋ ଧର୍ମାଣାମବିଶାରଦଃ॥ 8-72-53 (58520)
ବୃଦ୍ଧାନପୃଚ୍ଛନ୍ସନ୍ଦେହାନନ୍ଧଃ ଶ୍ବଭ୍ରମିବର୍ଚ୍ଛତି॥ 8-72-54 (58521)
ତତ୍ର ତେ ଲକ୍ଷଣୋଦ୍ଦେଶଃ କଶ୍ଚିଦେବ ଭବିଷ୍ଯତି।
ଦୁଷ୍କରଂ ପ୍ରତିସଂଖ୍ଯାନଂ କାର୍ତ୍ସ୍ନ୍ଯେନାତ୍ର ବ୍ଯବସ୍ଥିତିଃ॥ 8-72-55 (58522)
ସତ୍ଯଂ ଧର୍ମ ଇତି ହ୍ଯେକେ ବଦନ୍ତି ବହବୋ ଜନାଃ।
ନ ଚ ପାର୍ଥାଭ୍ଯସୂଯାମି ନୈତତ୍ସର୍ବତ୍ର ଶିଷ୍ଯତେ॥ 8-72-56 (58523)
ଶ୍ରୁତିସ୍ତୁ ଧାର୍ଯା ଇତ୍ଯେକେ ବଦନ୍ତି ବହବୋ ଜନାଃ।
ନ ତ୍ବେତତ୍ପ୍ରତ୍ଯସୂଯାମି ତତ୍ର ସର୍ବଂ ବିଧୀଯତେ॥ 8-72-57 (58524)
ଯତ୍ସ୍ଯାଦହିଂସାସଂଯୁକ୍ତଂ ସ ଧର୍ମ ଇତି ନିଶ୍ଚଯଃ।
ଅହିଂସାର୍ଥାଯ ହିଂସ୍ରାଣାଂ ଧର୍ମପ୍ରବଚନଂ କୃତମ୍।
ଧାରଣାଦ୍ଧର୍ମମିତ୍ଯାହୁର୍ଧର୍ମୋ ଧାରଯତେ ପ୍ରଜାଃ॥ 8-72-58 (58525)
ପ୍ରଭବାର୍ଥାଯ ଭୂତାନାଂ ଧର୍ମପ୍ରବଚନଂ କୃତମ୍।
ଯସ୍ମାତ୍ପ୍ରଭବସଂଯୁକ୍ତଃ ସ ଧର୍ମ ଇତି ନିଶ୍ଚଯଃ॥ 8-72-59 (58526)
ଯେଽନ୍ଯାଯେନ ଜିଗୀଷନ୍ତୋ ଧର୍ମଂ ପୃଚ୍ଛନ୍ତି ମାନବାଃ।
ଅକୂଜନେନ ଚେନ୍ମୋକ୍ଷୋ ନାତ୍ର କୂଜେତ୍କଥଞ୍ଚନ॥ 8-72-60 (58527)
ଅବଶ୍ଯଂ କୂଜିତବ୍ଯେ ହ ଶଙ୍କେରନ୍ବାପ୍ଯକୂଜନାତ୍।
ଯେଽନ୍ଯାଯେନ ଜିହୀର୍ଷନ୍ତୋ ଧର୍ମଂ ପୃଚ୍ଛନ୍ତି କସ୍ଯଚିତ୍।
ଶ୍ରେଯସ୍ତତ୍ରାନୃତଂ ବକ୍ତୁଂ ସତ୍ଯାଦିତି ବିନିଶ୍ଚିତ୍ମ୍॥ 8-72-61 (58528)
ପ୍ରାଣାତ୍ଯଯେ ବିବାହେ ବା ସର୍ବଜାତ୍ଯା ମହାଭଯେ।
ସର୍ବସ୍ବସ୍ଯ ଚ ଲୋପେ ବା ବକ୍ତବ୍ଯମନୃତଂ ଭବେତ୍॥ 8-72-62 (58529)
ଅଧର୍ମଂ ହି ନ ପଶ୍ଯନ୍ତି ମୃଷୋଦ୍ଯଂ ତତ୍ର ପଣ୍ଡିତାଃ।
ସର୍ବଥାଽଭିବଦେତ୍ତତ୍ତୁ ନାନୃତଂ ସ୍ଯାଦ୍ବିଚକ୍ଷଣଃ॥ 8-72-63 (58530)
ଯଃ ସ୍ତେନୈଃ ସହ ସମ୍ବନ୍ଧୋ ମୁଚ୍ଯତେ ଶପଥାଦପି।
ଭବେତ୍ତତ୍ରାନୃତଂ ଶ୍ରେଯଃ ସତ୍ଯାଦିତି ବିଚାରିତମ୍॥ 8-72-64 (58531)
ନ ଚ ତେଭ୍ଯୋ ଧନଂ ଦେଯଂ ସତ୍ଯାଦିତି କଥଞ୍ଚନ।
ପାପେଭ୍ଯୋଽପି ଧନଂ ଦତ୍ତଂ ଦାତାରମପି ପୀଡଯେତ୍।
ତସ୍ମାଦ୍ଧର୍ମାର୍ଥମନୃତମୁକ୍ତ୍ବା ନାନୃତବାଗ୍ଭବେତ୍॥ 8-72-65 (58532)
ଏଷ ତେ ଲକ୍ଷଣୋଦ୍ଦେଶୋ ମଯୋଦ୍ଦିଷ୍ଟୋ ଯଥାବିଧି।
ଏତଜ୍ଜ୍ଞାତ୍ବା ବ୍ରୂହି ପାର୍ଥ ଯଦି ବଧ୍ଯୋ ଯୁଧିଷ୍ଠିରଃ॥ 8-72-66 (58533)
ଅର୍ଜୁନ ଉବାଚ। 8-72-67x (5011)
ଯଥା ବ୍ରୂଯାନ୍ମହାପ୍ରାଜ୍ଞୋ ଯଥା ବ୍ରୂଯାନ୍ମହାଯଶାଃ॥ 8-72-67 (58534)
ସୁହୃଦ୍ବ୍ରୂଯାଦ୍ଯଥାଽସ୍ମାକଂ ତଥୋକ୍ତଂ ବଚନଂ ତ୍ବଯା।
ଭବାନ୍ମାତୃସମୋଽସ୍ମାକଂ ଭବାନ୍ପିତୃସମୋଽପି ଚ।
ଗତିଶ୍ଚ ପରମା କୃଷ୍ଣ ତ୍ବମେବ ଚ ପରାଯଣମ୍॥ 8-72-68 (58535)
ନ ହି ତେ ତ୍ରିଷୁ ଲୋକେଷୁ ବିଦ୍ଯତେଽବିଦିତଂ କ୍ବଚିତ୍।
ତସ୍ମାଦ୍ଭବାନ୍ପରଂ ଧର୍ମଂ ବେଦ ସର୍ବଂ ଯଥାତଥମ୍॥ 8-72-69 (58536)
ଅବଧ୍ଯଂ ପାଣ୍ଡବଂ ମନ୍ଯେ ଧର୍ମରାଜଂ ଯୁଧିଷ୍ଠିରମ୍।
ଅଧର୍ମଯୁକ୍ତେ ସଂଯୋଗେ ବ୍ରୂହି କିଞ୍ଚିଦନୁଗ୍ରହମ୍॥ 8-72-70 (58537)
ଇଦଂ ଚାପରମତ୍ରୈବ ବ୍ରୂହି ତତ୍ତ୍ବଂ ବିବକ୍ଷିତମ୍॥ 8-72-71 (58538)
ଜାନାସି ଦାଶାର୍ହ ମମ ବ୍ରତଂ ତୁ
ଯୋ ମାଂ ବ୍ରୂଯାତ୍କଶ୍ଚନ ମାନୁଷେଷୁ।
ଅନ୍ଯସ୍ମୈ ତ୍ବଂ ଗାଣ୍ଡିବଂ ଦେହି ପାର୍ଥ
ଯୋ ମତ୍ତୋଽସ୍ତ୍ରେ ବୀର୍ଯତୋ ବା ବିଶିଷ୍ଟଃ॥ 8-72-72 (58539)
ହନ୍ଯାମହଂ କେଶବ ତଂ ପ୍ରସହ୍ଯ
ଭୀମୋ ହନ୍ଯାତ୍ତୂବରକେତି ଚୋକ୍ତଃ।
ବନ୍ମାଂ ରାଜା ହ୍ଯୁକ୍ତବାଂସ୍ତେ ସମକ୍ଷଂ
ଧନୁର୍ଦେହୀତ୍ଯସକୃଦ୍ବୃଷ୍ଣିବୀରେ॥ 8-72-73 (58540)
ତଂ ହନ୍ଯାଂ ଚେତ୍କେଶବ ଜୀବଲୋକେ
ସ୍ଥାତା ନାହଂ କାଲମପ୍ଯଲ୍ପମାତ୍ରମ୍।
ଧ୍ଯାତ୍ବା ନୂନଂ ହ୍ଯେନସା ଚାପି ମୁକ୍ତୋ
ବଧଂ ରାଜ୍ଞୋ ଭ୍ରଷ୍ଟବୀର୍ଯୋ ବିଚେତାଃ॥ 8-72-74 (58541)
ଯଥା ପ୍ରତିଜ୍ଞା ମମ ଲୋକବୁଦ୍ଧୌ
ଭବେତ୍ସତ୍ଯା ଧର୍ମଭୃତାଂ ବରିଷ୍ଠ।
ଯଥା ଜୀବତ୍ପାଣ୍ଡବୋଽହଂ ଚ କୃଷ୍ଣ
ତଥା ବୁଦ୍ଧିଂ ଦାତୁମପ୍ଯର୍ହସି ତ୍ବମ୍॥ 8-72-75 (58542)
ବାସୁଦେବ ଉବାଚ। 8-72-76x (5012)
ରାଜା ଶ୍ରାନ୍ତୋ ବିକ୍ଷତୋ ଦୁଃଖିତଶ୍ଚ
କର୍ଣେନ ସହ୍ଖ୍ଯେ ନିଶିତୈର୍ବାଣସଙ୍ଘୈଃ।
ଯଶ୍ଚାନିଶଂ ସୂତପୁତ୍ରେଣ ବୀର
ଶରୈର୍ଭୃଶଂ ତାଡିତୋ ଯୁଧ୍ଯମାନଃ॥ 8-72-76 (58543)
ଅତସ୍ତ୍ବମେତେନ ସରୋଷମୁକ୍ତୋ
ଦୁଃଖାନ୍ବିତେନେଦମଯୁକ୍ତରୂପମ୍।
ଅକୋପିତୋ ହ୍ଯେଷ ଯଦି ସ୍ମ ସଙ୍ଖ୍ଯେ
କର୍ଣଂ ନ ହନ୍ଯାଦିତି ଚାବ୍ରବୀତ୍ସଃ॥ 8-72-77 (58544)
ଜାନାତି ତଂ ପାଣ୍ଡବ ଏଷ ଚାପି
ପାପଂ ଲୋକେ କର୍ଣମସହ୍ଯମନ୍ଯୈଃ।
ତତସ୍ତ୍ବମୁକ୍ତୋ ଭୃଶରୋଷିତେନ
ରାଜ୍ଞା ସମକ୍ଷଂ ପରୁଷାଣି ପାର୍ଥ॥ 8-72-78 (58545)
ନିତ୍ଯୋଦ୍ଯୁକ୍ତେ ସତତଂ ଚାପ୍ରସହ୍ଯେ
କର୍ଣେ ଦ୍ଯୂତଂ ହ୍ଯଦ୍ଯ ରଣେ ନିବଦ୍ଧମ୍।
ତସ୍ମିନ୍ହତେ କୁରବୋ ନିର୍ଜିତାଃ ସ୍ଯୁ--
ରେବଂ ବୁଦ୍ଧିଃ ପାର୍ଥିବେ ଧର୍ମପୁତ୍ରେ॥ 8-72-79 (58546)
ତତୋ ବଧଂ ନାର୍ହତି ଧର୍ମପୁତ୍ର--
ସ୍ତ୍ବଯା ପ୍ରତିଜ୍ଞାଽର୍ଜୁନ ପାଲନୀଯା।
ଜୀବନ୍ନଯଂ ଯେନ ମୃତୋ ଭବେଦ୍ଧି
ତନ୍ମେ ନିବୋଧେହ ତବାନୁରୂପମ୍॥ 8-72-80 (58547)
ଯଦା ମାନଂ ଲଭତେ ମାନନାର୍ହ--
ସ୍ତଦା ସ ବୈ ଜୀବତି ଜୀବଲୋକେ।
ଯଦାଽବମାନଂ ଲଭତେ ମହାନ୍ତଂ
ତଦା ଜୀବନ୍ମୃତ ଇତ୍ଯୁଚ୍ଯତେ ସଃ॥ 8-72-81 (58548)
ସମ୍ମାନିତଃ ପାର୍ଥିବୋଽଯଂ ସଦୈବ
ତ୍ବଯା ଚ ଭୀମେନ ତଥା ଯମାଭ୍ଯାମ୍।
ବୃଦ୍ଧୈଶ୍ଚ ଲୋକେ ପୁରୁଷୈଶ୍ଚ ଶୂରୈ--
ସ୍ତସ୍ଯାପମାନଂ କଲଯା ପ୍ରଯୁଙ୍କ୍ଷ୍ବ॥ 8-72-82 (58549)
ତ୍ବମିତ୍ଯତ୍ରଭବନ୍ତଂ ହି ବ୍ରୂହି ପାର୍ଥ ଯୁଧିଷ୍ଠିରମ୍।
ତ୍ବମିତ୍ଯୁକ୍ତୋ ହି ନିହତୋ ଗୁରୁର୍ଭବତି ଭାରତ॥ 8-72-83 (58550)
ଏବମାଚର କୌନ୍ତେଯ ଧର୍ମରାଜେ ଯୁଧିଷ୍ଠିରେ।
ଅଧର୍ମଯୁକ୍ତଂ ସଂଯୋଗଂ କୁରୁଷ୍ବୈନଂ କୁରୂଦ୍ବହ॥ 8-72-84 (58551)
ଅଥର୍ବାଙ୍ଗିରସୀ ହ୍ଯେଷା ଶ୍ରୁତୀନାମୁତ୍ତମା ଶ୍ରୁତିଃ।
ଅବିଚାର୍ଯୈବ କାର୍ଯୈଷା ଶ୍ରେଯସ୍କାମୈର୍ନରୈଃ ସଦା॥ 8-72-85 (58552)
ଅବଧେନ ବଧଃ ପ୍ରୋକ୍ତୋ ଯଦ୍ଗୁରୁସ୍ତ୍ବମିତି ପ୍ରଭୁଃ।
ତଦ୍ବ୍ରୂହି ତ୍ବଂ ଯନ୍ମଯୋକ୍ତଂ ଧର୍ମରାଜସ୍ଯ ଧର୍ମବିତ୍॥ 8-72-86 (58553)
ଯଦା ହ୍ଯଂ ପାଣ୍ଡବ ଧର୍ମରାଜ--
ସତ୍ବତ୍ତୋଽଯୁକ୍ତଂ ଲପ୍ସ୍ଯତେ ଚୈବ ସାଧୁ।
ତତୋଽସ୍ଯ ପାଦାବଭିବାଦ୍ଯ ପଶ୍ଚା--
ଚ୍ଛ୍ରେଯୋ ବ୍ରୂଯାତ୍ସାନ୍ତ୍ବଯୁକ୍ତଂ ହିତଂ ଚ॥ 8-72-87 (58554)
ଭ୍ରାତା ପ୍ରାଜ୍ଞସ୍ତବ କୋପଂ ନ ଜାତୁ
କୁର୍ଯାଦ୍ରାଜା ଧର୍ମମାର୍ଗାନୁସାରୀ।
ମୁକ୍ତୋଽନୃତାଦ୍ବାତୃବଧାଚ୍ଚ ପାପା--
ଦ୍ଧୃଷ୍ଟଃ କର୍ଣଂ ତ୍ବଂ ଜହି ପାର୍ଥ ପଶ୍ଚାତ୍॥ ॥ 8-72-88 (58555)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଦ୍ବିସପ୍ତତିତମୋଽଧ୍ଯାଯଃ॥ 72 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.73. ଅଧ୍ଯାଯଃ 073
Mahabharata - Karna Parva - Chapter Topics
ଯୁଧିଷ୍ଠିରାଧିକ୍ଷେପାଦାତ୍ମବଧୋଦ୍ଯତଂ ପାର୍ଥଂ ପ୍ରତି କୃଷ୍ଣେନ ତତ୍ପ୍ରତିନିଧିତଯା ଆତ୍ମପ୍ରଶଂସନଚୋଦନା॥ 1 ॥ ଅର୍ଜୁନେନାତ୍ମପ୍ରଶଂସନାନନ୍ତରଂ ଯୁଧିଷ୍ଠିରକ୍ଷମାପନମ୍॥ 2 ॥
Mahabharata - Karna Parva - Chapter Text
8-73-0 (58556)
ସଞ୍ଜଯ ଉବାଚ। 8-73-0x (5013)
ଇତ୍ଯେବମୁକ୍ତସ୍ତୁ ଜନାର୍ଦନେନ
ପାର୍ଥଃ ପ୍ରଶସ୍ଯାଥ ସୁହୃଦ୍ବଚସ୍ତତ୍।
ତତୋଽବ୍ରବୀଦର୍ଜୁନୋ ଧର୍ମରାଜ--
ମନୁକ୍ତପୂର୍ବଂ ପରୁଷଂ ପ୍ରସହ୍ଯ॥ 8-73-1 (58557)
ମା ତ୍ବଂ ରାଜନ୍ବ୍ଯାହରସ୍ବାଦ୍ଯ ପାପଂ
ତ୍ବଂ ତିଷ୍ଠସି କ୍ରୋଶମାତ୍ରେ ବ୍ଯପେତ୍ଯ।
ଭୀମସ୍ତୁ ମାମର୍ହତି ଗର୍ହଣାଯ
ଯୋ ଯୁଧ୍ଯତେ ସର୍ବଲୋକପ୍ରବୀରୈଃ॥ 8-73-2 (58558)
କାଲେ ହି ଶତ୍ରୂନ୍ପରିପୀଡ୍ଯ ବୀରୋ
ହତ୍ବା ପ୍ରବୀରାନ୍ବସୁଧାଧିପାନାମ୍।
ରଥପ୍ରଧାନୋତ୍ତମନାଗମୁଖ୍ଯା
ଯୁଧିପ୍ରବୀରା ନିହତାଶ୍ଚ ଶୂରାଃ॥ 8-73-3 (58559)
ସୁଦୁଷ୍କରଂ କର୍ମ କରୋତି ଭୀମଃ
କର୍ତୁଂ ଯଥା ନାର୍ହତି କଶ୍ଚିଦନ୍ଯଃ।
ରଥାଦବସ୍କନ୍ଦ୍ଯ ଗଦାଂ ପରାମୃଶଂ--
ସ୍ତଥା ରଣେ ହନ୍ତି ତଥୈବ ବାରଣାନ୍॥ 8-73-4 (58560)
ସ କୁଞ୍ଜରାଣାମଧିକଂ ସହସ୍ରଂ
ହତ୍ବା ନଦଂସ୍ତୁମୁଲଂ ସିଂହନାଦମ୍।
କାମ୍ଭୋଜବାନାଯୁଜପାର୍ବତୀଯା--
ନୀହାମୃଗାଭାନ୍ବିନିହତ୍ଯ ବାଜିନଃ॥ 8-73-5 (58561)
ମହାରଥାନ୍ଦବିରଦାଞ୍ଶୈଲକଲ୍ପା--
ନ୍ସହେତ ଯଃ କୁଞ୍ଜରାନ୍ବଧ୍ଯମାନାନ୍।
ଅସୌ ଭୀମୋ ଧାର୍ତରାଷ୍ଟ୍ରେଷୁ ମଗ୍ନଃ
ସ ମାମୁପାଲବ୍ଧୁମରିନ୍ଦମୋଽର୍ହତି॥ 8-73-6 (58562)
ବରାସିନା ଚାଥ ନରାଶ୍ବକୁଞ୍ଜରାଂ--
ସ୍ତଥା ରଥାଙ୍ଗୈର୍ଧନୁଷା ଚ ହନ୍ତ୍ଯରୀନ୍।
ପ୍ରମୃଦ୍ଯ ପଦ୍ଧ୍ଯାମହିତାଂସ୍ତୁ ହନ୍ତି
ପୁନଶ୍ଚ ଦୋର୍ଭ୍ଯାଂ ଶତମନ୍ଯୁବିକ୍ରମଃ॥ 8-73-7 (58563)
ମହାବଲୋ ବୈଶ୍ରବଣାନ୍ତକୋପମଃ
ପ୍ରସହ୍ଯ ହର୍ତା ଦ୍ବିଷତାଂ ଯଶାଂସି।
ସ ଭୀମସେନୋଽର୍ହତି ଗର୍ହଣାଯ
ନ ତ୍ବଂ ନିତ୍ଯଂ ରକ୍ଷ୍ଯମାଣଃ ସୁହୃଦ୍ଭିଃ॥ 8-73-8 (58564)
କଲିଙ୍ଗବଙ୍ଗାଙ୍ଗନିପାଦମାଗଧା--
ନ୍ସଦା ମହାଶୈଲବଲାହକୋପମାନ୍।
ନିହନ୍ତି ଯଃ ଶତ୍ରୁଗଣାନନେକଶଃ
ସ ମାଂ ହି ବକ୍ତୁଂ ପ୍ରଭବତ୍ଯମାନଗସମ୍॥ 8-73-9 (58565)
ସଂଯୁକ୍ତମାସ୍ଥାଯ ରଥଂ ହି କାଲେ
ଧନୁର୍ବିଧୂନ୍ବଞ୍ଛରପୂର୍ଣମୁଷ୍ଟିଃ।
ସୃଜେଚ୍ଚ ଯୋ ବାଣସଙ୍ଘାନ୍ପରେଷୁ
ମହାବଲୋ ମେଘ ଇବାମ୍ବୁଧାରାଃ॥ 8-73-10 (58566)
ଶତାନ୍ଯଷ୍ଟୌ ବାରଣାନାମଦର୍ଶଯ--
ଦ୍ବିଶାତିତୈଃ କୁମ୍ଭଘଟାଗ୍ରହସ୍ତୈଃ।
ଯୋ ଭୀମସେନୋ ନିହତାରିସଙ୍ଘଃ
ସ ମାମୁପାଲବ୍ଧୁମରିନ୍ଦମୋଽର୍ହତି॥ 8-73-11 (58567)
ରଥାଶ୍ଚ ନାଗାଶ୍ଚ ହଯାଶ୍ଚ ରାଜ--
ନ୍ଭୀମେନାଜୌ ନିହତାଃ ସଙ୍ଘଶୋଽଦ୍ଯ।
ରାଜାନଶ୍ଚ ବହବୋ ମହାବଲାଃ
ସ ମାମୁପାଲବ୍ଧୁମରିନ୍ଦମୋଽର୍ହତି॥ 8-73-12 (58568)
ଧୃତରାଷ୍ଟ୍ରପୁତ୍ରା ବଲିନଶ୍ଚ ଯେନ
ମହାବଲା ନିହତାଃ ପ୍ରାଯଶୋ ବୈ।
ଶୂରୋ ଯୁଦ୍ଧେ ହ୍ଯପ୍ରତିବାର୍ଯବୀର୍ଯଃ
ସ ମାମୁପାଲବ୍ଧୁମରିନ୍ଦମୋଽର୍ହତି॥ 8-73-13 (58569)
ପ୍ରତାପଯଂସ୍ତଦ୍ବଲମୁଗ୍ରରୂପଂ
ଯୋଽସୌ ରମେ ଧାର୍ତରାଷ୍ଟ୍ରସ୍ଯ ବୀରଃ।
ଏକଃ ସହେତାପ୍ରତିସହ୍ଯପୌରୁଷ--
ସ୍ତେନାସ୍ମି ବାଚ୍ଯୋ ନ ତ୍ବଯା ବୈ କଦାଚିତ୍॥ 8-73-14 (58570)
ମହାରଥା ଯତ୍ର ଯତ୍ରୈବ ଯୁଦ୍ଧେ
ଭିନ୍ଦନ୍ତି ସୈନ୍ଯଂ ତବ କାମତୋଽଦ୍ଯ।
ତତ୍ରୈବ ତତ୍ରୈବ ରଣେ ମହାତ୍ମା
ଦୃଢଂ ଭୀମଃ ପରସଙ୍ଘାନମୃଦ୍ରାତ୍॥ 8-73-15 (58571)
ତେନାସ୍ମି ବାଚ୍ଯୋ ନ ତ୍ବଯା ହଂ କଦାଚି--
ନ୍ମା ମା ବୋଚଃ କ୍ରୂରମିହାଦ୍ଯ ପାର୍ଥ।
ନାସ୍ମଦ୍ବିଧୋ ବୈ ଭବତା ତୁ ବାଚ୍ଯୋ
ଯଥା ଭବାନ୍ସର୍ବଲୋକସ୍ଯ ବାଚ୍ଯଃ॥ 8-73-16 (58572)
ଏବଂ ହି ମା ତେ ବ୍ରୁବତୋ ନରେନ୍ଦ୍ର
କଥଂ ନ ଦୀର୍ଯେଚ୍ଛତଧାଽଦ୍ଯ ଜିହ୍ବା।
ଅହୋ ବତେଦଂ ସୁନୃଶଂସରୂପଂ
କାମାଦବୋଚସ୍ତ୍ବମିହାଦ୍ଯ ଯଦ୍ବୈ॥ 8-73-17 (58573)
ବଲଂ ନ ବାଧିଷ୍ଠିତଂ ସତ୍ତମାନାଂ
ଯତ୍କ୍ଷତ୍ରିଯାଣାଂ ବହୁଲଂ ବଦନ୍ତି।
ତ୍ବଂ ଚାବଲୋ ଭାରତ ନିଷ୍ଠୁରୋଽସି
ତ୍ବମେବ ମାଂ ବେତ୍ସି ଯଥାବିଧୋଽହମ୍॥ 8-73-18 (58574)
ନକୁଲେନ ରାଜନ୍ଗଜବାଜିଯୋଧା
ହତାଶ୍ଚ ବୀରାଃ ସହସା ସମେତ୍ଯ।
ତ୍ଯକ୍ତ୍ବା ପ୍ରାଣାନ୍ସମରେ ଯୁଦ୍ଧକାଙ୍କ୍ଷୀ
ସ ମାମୁପାଲବ୍ଧୁମରିନ୍ଦମୋଽର୍ହତି॥ 8-73-19 (58575)
କୃତଂ କର୍ମ ସହଦେବେନ ଦୁଷ୍କରଂ
ଯୋ ଯୁଧ୍ଯତେ ପରସୈନ୍ଯାବମର୍ଦୀ।
ନ ଚାବ୍ରବୀତ୍କିଞ୍ଚିଦିହାଗତୋ ବଲୀ
ପଶ୍ଯାନ୍ତରଂ ତସ୍ଯ ଚେବାତ୍ମନଶ୍ଚ॥ 8-73-20 (58576)
ଧୃଷ୍ଟଦ୍ଯୁମ୍ନଃ ସାତ୍ଯକିର୍ଦ୍ରୌପଦେଯା
ଯୁଧାମନ୍ଯୁଶ୍ଚୋତ୍ତମୌଜାଃ ଶିଖଣ୍ଡୀ।
ଏତେଽଦ୍ଯ ଯୁଧି ସମ୍ପ୍ରପୀଡିତା--
ସ୍ତେ ମାମୁଲପାଲବ୍ଧୁମର୍ହନ୍ତି ନ ତ୍ବମ୍॥ 8-73-21 (58577)
ତ୍ବନ୍ମୂଲମସ୍ମାଭିରିଦଂ ହି ବୈରଂ
ପ୍ରାପ୍ତଂ ତଥା ବ୍ଯସନଂ ଚାତିଘୋରମ୍।
ଦ୍ଯୂପ୍ରମତ୍ତେନ କୃତଂ ତ୍ବଯାଽସକୃ--
ତ୍କସ୍ମାଦୁପାଲବ୍ଧୁମିହାର୍ହସି ତ୍ବମ୍॥ 8-73-22 (58578)
ତ୍ବମେବ ରାଜନ୍ସତତଂ ପ୍ରମତ୍ତ--
ସ୍ତ୍ବମେବ ମୂଢୋ ଭାରତାନାମସାଧୁଃ।
ତ୍ବାଂ ପ୍ରାପ୍ଯ ରାଜ୍ଯଂ ଚ ବିନଷ୍ଟମେତ--
ତ୍ପ୍ରାପ୍ତା ମହତ୍ପାଣ୍ଡବାଶ୍ଚାପି ଦାସ୍ଯମ୍॥ 8-73-23 (58579)
ତ୍ବତ୍ତଃ କୃତୋଽସ୍ମକଦ୍ବନବାସଦୁଃଖଂ
ରାଜ୍ଯସ୍ଯ ନାଶୋ ହ୍ଯଭିମନ୍ଯୋଶ୍ଚ ଘୋରଃ।
ଆତ୍ମାନମେବଂ ସୁନୃଶଂସରୂପଂ
ଜ୍ଞାତ୍ବା କିମର୍ଥଂ ଗର୍ହସେ ମାଦ୍ଯ ବୀର॥ 8-73-24 (58580)
ଲଜ୍ଜସ୍ବ ରାଜନ୍ଯଦି ତେଽସ୍ତି ଲଜ୍ଜା
ତୂଷ୍ଣୀମ୍ଭୂତଃ ପଶ୍ଯ ସର୍ବଂ କୃତଘ୍ନଃ।
ଭୀମୋ ନିତ୍ଯଂ ସମରସ୍ଯ କର୍ତା
ଦର୍ପସ୍ଯ ଭେତ୍ତା ପୁନରେବ ନିତ୍ଯମ୍॥ 8-73-25 (58581)
ସ୍ବଯଂ ହ୍ଯଶକ୍ତେନ ନରେନ୍ଦ୍ର ଯୁଦ୍ଧେ
ନରେଣ କାର୍ଯା ସତତଂ କ୍ଷମୈବ।
ବଲଂ ହି ବାଚି ଦ୍ବିଜସତ୍ତମାନାଂ
କ୍ଷାତ୍ରଂ ଦ୍ବିଜା ବାହୁବଲଂ ବଦନ୍ତି॥ 8-73-26 (58582)
ତ୍ବଂ ବାଗ୍ବଲୋ ଭାରତ ନିଷ୍ଠୁରୋଽସି
ତ୍ବମେବ ମାଂ ବେତ୍ସି ଯଥାବିଧୋଽହମ୍।
ଘଟାମି ନିତ୍ଯଂ ତବ କର୍ତୁମିଷ୍ଟଂ
ଦାରୈଃ ସୁତୈର୍ଜୀବିତେନାତ୍ମନା ଚ॥ 8-73-27 (58583)
ଏବଞ୍ଚ ମାଂ ବାକ୍ଛଲାକୈର୍ହିନତ୍ସି
ତ୍ବତ୍ତଃ ସୁଖଂ ନ ବଯଂ ବିଦ୍ମ କିଞ୍ଚିତ୍।
ମା ମାମବଂସ୍ଥା ଦ୍ରୌପଦୀତଲ୍ପକସଂସ୍ଥୋ
ମହାରଥାନ୍ପ୍ରତିହନ୍ମି ତ୍ବଦର୍ଥେ॥ 8-73-28 (58584)
ସର୍ବାତିଶଙ୍କୀ ଭବସି ପ୍ରମତ୍ତ--
ସ୍ତ୍ବତ୍ତଃ ସୁଖଂ ନାଭିଜାନାମି କିଞ୍ଚିତ୍।
ପ୍ରୋକ୍ତଃ ସ୍ବଯଂ ସତ୍ଯସନ୍ଧେନ ମୃତ୍ଯୁ--
ସ୍ତବ ପ୍ରିଯାର୍ଥଂ ନରଦେବ ଯୁଦ୍ଧେ॥ 8-73-29 (58585)
ଶିଖଣ୍ଡିନାମ୍ନା ପ୍ରଧନେ ତବାର୍ଥେ
ମଯାଭିଗୁପ୍ତେନ ହତଶ୍ଚ ଭୀଷ୍ମଃ।
ଦ୍ରୋଣୋ ହତୋ ଯଃ ସତତୋପକାରୀ
ଧୃଷ୍ଟଦ୍ଯୁମ୍ନେନ ସ୍ଯନ୍ଦନାଦ୍ବିପ୍ରକୃଷ୍ଟଃ॥ 8-73-30 (58586)
ଦ୍ରୌଣିଶ୍ଚ ରୁଦ୍ଧଃ ସଗଣୋ ମହାତ୍ମା
ତଥାପି ତେ ବୈ ବଚନଂ ନୃଶଂସବତ୍।
ଦୁଃଖଂ ପ୍ରିଯଂ ତେ ନରଦେବ କର୍ତୁଂ
ଯସ୍ଯ ପ୍ରିଯଂ ତେ ନ କରୋମ୍ଯହଂ ବୈ॥ 8-73-31 (58587)
ନ ଯୁଚ୍ଯତେ ବୈ ଦିବି ଚେହ ଯଃ ପୁମା--
ନ୍ଯସ୍ତେ ମଦନ୍ଯୋଽପ୍ରିଯମାରଭେତ।
ନ ଚାଭିନନ୍ଦାମି ତଥାହି ରାଜ୍ଯଂ
ଯତସ୍ତ୍ବମକ୍ଷେଷୁ ଦୃଢଂ ପ୍ରସକ୍ତଃ॥ 8-73-32 (58588)
ସ୍ବଯଂ କୃତଂ ପାପମନାର୍ଯଜୁଷ୍ଟ--
ମସ୍ମାଭିରାଜୌ ବ୍ଯସନଂ ତିତୀର୍ଷସି॥
ଅକ୍ଷେଷୁ ଦୋଷା ବହବୋ ବିଧର୍ମ୍ଯାଃ
ଶ୍ରୁତାସ୍ତ୍ବଯା ସହଦେବୋଽବ୍ରବୀଦ୍ଯାନ୍॥ 8-73-33 (58589)
ତାନ୍ନେଚ୍ଛସି ତ୍ଯକ୍ତୁମନାର୍ଯଜୁଷ୍ଟା--
ନ୍ଘୋରେ ସ୍ମ ସର୍ବେ ନିରଯେ ତ୍ବଯାଽସ୍ତାଃ।
ତ୍ବଂ ଦେବିତା ତ୍ବତ୍କୃତେ ରାଜ୍ଯନାଶଂ--
ସ୍ତ୍ବତ୍ସମ୍ଭବଂ ବ୍ଯସନଂ ନୋ ନରେନ୍ଦ୍ର॥ 8-73-34 (58590)
ମାସ୍ମାନ୍କ୍ରୂରୈର୍ଷାକ୍ପ୍ରତୋଦୈସ୍ତୁଦସ୍ତ୍ବଂ
ଭୂଯୋ ରାଜନ୍କୋପଯସ୍ଯଲ୍ପବୁଦ୍ଧ୍ଯା॥ 8-73-35 (58591)
ସଞ୍ଜଯ ଉବାଚ। 8-73-36x (5014)
ଏତା ବାଚଃ ପରୁଷାଃ ସବ୍ଯସାଚୀ
ସ୍ଥିରପ୍ରତିଜ୍ଞଃ ଶ୍ରାବଯିତ୍ବା ନରେନ୍ଦ୍ରମ୍।
ବିନିଃ ଶ୍ବସଞ୍ଜ୍ଯେଷ୍ଠମନିଷ୍ଟମୁକ୍ତ୍ବା
ତତସ୍ତୁ କୋଶାଦସିମୁଦ୍ବବର୍ହ॥ 8-73-36 (58592)
ତମାହ କୃଷ୍ଣଃ କିମିଦଂ ପୁନର୍ଭବା--
ନ୍ବିକୋଶମାକାଶନିଭଂ କରୋତ୍ଯସିମ୍।
ପ୍ରବ୍ରୂହି ସତ୍ଯଂ ପୁନରୁତ୍ତରଂ ସଖେ
ବଚଃ ପ୍ରବକ୍ଷ୍ଯାଭି ତବାର୍ଥସିଦ୍ଧଯେ॥ 8-73-37 (58593)
ଇତୀବ ପୃଷ୍ଟଃ ପୁରୁଷୋତ୍ତମେନ
ସୁଦୁଃଖିତଃ କେଶବମାହ ପାର୍ଥଃ।
ଅହଂ ହନିଷ୍ଯେ ସ୍ବଶରୀରମେତ--
ତ୍ପ୍ରସହ୍ଯ ଯେନାହିତମୁକ୍ତବାନ୍ଗୁରୁମ୍॥ 8-73-38 (58594)
ନିଶମ୍ଯ ତତ୍ପାର୍ଥବଚୋଽବ୍ରବୀଦିଦଂ
ଜନାର୍ଦନୋ ଧର୍ମଭୃତାଂ ବରିଷ୍ଠଃ।
ପ୍ରବ୍ରୂହି ପାର୍ଥ ସ୍ବଗୁଣାନିହାତ୍ମନ--
ସ୍ତତୋ ହତାତ୍ମା ଭବସୀତି ନିଶ୍ଚଯଃ॥ 8-73-39 (58595)
ତଥା ତୁ କୃଷ୍ଣସ୍ଯ ବଚୋ ନିଶମ୍ଯ
ତତୋଽର୍ଜୁନଃ ପ୍ରାହ ଧନୁଃ ପ୍ରଗୃହ୍ଯ।
ଯୁଧିଷ୍ଠିରଂ ଧର୍ମଭୃତାଂ ବରିଷ୍ଠଂ
ଶୃଣୁଷ୍ବ ରାଜନ୍ନିତି ଦୁର୍ବଚଃ ସ୍ବଯମ୍॥ 8-73-40 (58596)
ଅର୍ଜୁନ ଉବାଚ। 8-73-41x (5015)
ନ ମାଦୃଶୋଽନ୍ଯୋ ନରଦେବ ବିଦ୍ଯତେ
ଧନୁର୍ଧରୋ ଦେବମୃତେ ପିନାକିନମ୍।
ଅହଂ ହି ତେନାନୁମତୋ ମହାତ୍ମନା
କ୍ଷଣେନ ହନ୍ଯାଂ ସଚରାଚରଂ ଜଗତ୍॥ 8-73-41 (58597)
ମଯା ହି ରାଜନ୍ସଦିଗୀଶ୍ବରା ଦିଶୋ
ବିଜିତ୍ଯ ସର୍ବା ଭବତଃ କୃତା ବଶେ।
ସ ରାଜସୂଯଶ୍ଚ ସମାପ୍ତଦକ୍ଷିଣଃ
ସଭା ଚ ଦିବ୍ଯା ଭବତୋ ମମୌଜସା॥ 8-73-42 (58598)
ପାଣୀ ପୃଷତ୍କାଲିଖିତାବିମୌ ପୁନ--
ର୍ଧନୁଶ୍ଚ ସବ୍ଯେ ବିତତଂ ସବାଣମ୍।
ପାଦୌ ଚ ମେ ଲକ୍ଷଣତଃ ପ୍ରଶସ୍ତୌ
ନ ମାଦୃଶଂ ଯୁଦ୍ଧଗତଂ ଜଯନ୍ତି॥ 8-73-43 (58599)
ହତା ଉଦୀଚ୍ଯା ନିହତାଃ ପ୍ରତୀଚ୍ଯାଃ
ପ୍ରାଚ୍ଯା ନିରସ୍ତା ଦାକ୍ଷିଣାତ୍ଯା ବିଶସ୍ତାଃ।
ସଂଶପ୍ତକାନାଂ କିଞ୍ଚିଦେବାବଶିଷ୍ଟଂ
ସର୍ବସ୍ଯ ଲୋକସ୍ଯ ହତଂ ମଯାଽର୍ଧମ୍॥ 8-73-44 (58600)
ଶେତେ ମଯା ନିହତା ଶତ୍ରୁସେନା
ଛିନ୍ନୈର୍ଗାତ୍ରୈର୍ଭୂମିତଲେ ସ୍ଖଲନ୍ତୀ।
ଅନସ୍ତ୍ରଜ୍ଞାନ୍ନୈବ ନିହନ୍ମି ଚାସ୍ତ୍ରୈ--
ସ୍ତସ୍ମାନ୍ନ ଭସ୍ମୈବ କରୋମି ଲୋକାନ୍॥ 8-73-45 (58601)
ଜୈତ୍ରଂ ରଥଂ ଭୀମମାସ୍ଥାଯ କୃଷ୍ଣ
ଯାବଚ୍ଛୀଘ୍ରଂ ସୂତପୁତ୍ରଂ ନିହନ୍ତୁମ୍।
ରାଜା ଭବତ୍ବଦ୍ଯ ସୁନିର୍ବୃତୋଽଯଂ
କର୍ଣଂ ରଣେ ନାଶଯିତାସ୍ମି ବାଣୈଃ॥ 8-73-46 (58602)
ଇତ୍ଯେବମୁକ୍ତ୍ବା ପୁନରାହ ପାର୍ଥୋ
ଯୁଧିଷ୍ଠିରଂ ଧର୍ମଭୃତାଂ ବରିଷ୍ଠମ୍।
ଅଦ୍ଯାପୁତ୍ରା ସୂତମାତା ଭବିତ୍ରୀ
କୁନ୍ତୀ ବାଥୋ ବା ମଯା ତେନ ବାପି।
ସତ୍ଯଂ ବଦାମ୍ଯଦ୍ଯ ନ କର୍ଣମାଜୌ
ଶରୈରହତ୍ବା କବଚଂ ବିମୋକ୍ଷ୍ଯେ॥ 8-73-47 (58603)
ସଞ୍ଜଯ ଉବାଚ। 8-73-48x (5016)
ଇତ୍ଯେବମୁକ୍ତ୍ବା ପୁନରେବ ପାର୍ଥୋ
ଯୁଧିଷ୍ଠିରଂ ଧର୍ମଭୃତାଂ ବରିଷ୍ଠମ୍।
ବିମୁଚ୍ଯ ଶସ୍ତ୍ରାଣି ଧନୁର୍ବିସୃଜ୍ଯ
କୋଶେ ଚ ଖଙ୍ଗଂ ବିନିଧାଯ ତୂର୍ଣମ୍॥ 8-73-48 (58604)
ସ ବ୍ରୀଡଯା ନମ୍ରଶିରାଃ କିରୀଟୀ
ଯୁଧିଷ୍ଠିରଂ ପ୍ରାଞ୍ଜଲିରଭ୍ଯୁବାଚ।
ପ୍ରସୀଦ ରାଜନ୍କ୍ଷମ ଯନ୍ମଯୋକ୍ତଂ
କାଲେ ଭବାନ୍ବେତ୍ସ୍ଯତି ତନ୍ନମସ୍ତେ॥ 8-73-49 (58605)
ତତସ୍ତୁ ପାଦାବୁପଗୃହ୍ଯ ପାର୍ଥଃ
ସମୁତ୍ଥିତୋ ଦୀପ୍ତତେଜାଃ କିରୀଟି।
ପ୍ରସାଦ୍ଯ ରାଜାନମମିତ୍ରସାହଂ
ସ୍ଥିତୋଽବ୍ରବୀଚ୍ଚୈନମଭିପ୍ରତପ୍ତମ୍॥ 8-73-50 (58606)
ଯାମ୍ଯେଷ ଭୀମଂ ସମରାଦ୍ବିମୋକ୍ତୁଂ
ସର୍ବାତ୍ମନା ସୂତପୁତ୍ରଂ ଚ ହନ୍ତୁମ୍।
ଭବତ୍ପ୍ରିଯାର୍ଥଂ ମମ ଜୀବିତଂ ହି
ବ୍ରବୀମି ସତ୍ଯଂ ତଦବେହି ରାଜନ୍॥ 8-73-51 (58607)
ନେଦଂ ଚିରାତ୍କ୍ଷିପ୍ରମିଦଂ ଭବିଷ୍ଯ--
ଦାବର୍ତତେଽସାବଭିଯାମି ଚୈନମ୍।
ଅଦ୍ଯାପ୍ଯପୁତ୍ରା ତେନ ହତେନ ରାଧା
କୁନ୍ତୀ ମଯା ବା ତଦିଦଂ ବିଦ୍ଧି ରାଜନ୍॥ ॥ 8-73-52 (58608)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ତ୍ରିସପ୍ତତିତମୋଽଧ୍ଯାଯଃ॥ 73 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.74. ଅଧ୍ଯାଯଃ 074
Mahabharata - Karna Parva - Chapter Topics
ଅର୍ଜୁନକୃତାବମାନାଦ୍ବନଂ ଯିଯାସୋର୍ଯୁଧିଷ୍ଠିରସ୍ଯ କୃଷ୍ଣେନ ପରିସାନ୍ତ୍ବନମ୍॥ 1 ॥
Mahabharata - Karna Parva - Chapter Text
8-74-0 (58609)
ସଞ୍ଜଯ ଉବାଚ। 8-74-0x (5017)
ଏତଚ୍ଛ୍ରୁତ୍ବା ପାଣ୍ଡବୋ ଧର୍ମରାଜୋ
ଭ୍ରାତୁର୍ବାକ୍ଯଂ ପରୁଷଂ ଫଲ୍ଗୁନସ୍ଯ।
ଉତ୍ଥାଯ ତସ୍ମାଚ୍ଛଯନାଦୁବାଚ
ପାର୍ଥଂ ତତୋ ଦୁଃଖପରୀତଚେତାଃ॥ 8-74-1 (58610)
କୃତଂ ମଯା ପାର୍ଥଂ ନ ସାଧୁକର୍ମ
ଯେନ ପ୍ରାପ୍ତଂ ବ୍ଯସନଂ ବଃ ସୁଘୋରମ୍।
ତସ୍ମାଚ୍ଛିରଶ୍ଛିନ୍ଧି ମମୈତଦଦ୍ଯ
କୁଲାନ୍ତକସ୍ଯାଧମପୂରୁଷସ୍ଯ॥ 8-74-2 (58611)
ପାପସ୍ଯ ପାପ୍ମୋହତସ୍ଯ ବୀର
ବିମୂଢବୁଦ୍ଧେରଲସସ୍ଯ ଭୀରୋଃ।
ବୃଦ୍ଧାବମନ୍ସୁଃ ପରୁଷତ୍ଯ ଚୈବ
କିଂ ତେ ଚିରଂ ମାମନୁସୃଜ୍ଯ ରୂକ୍ଷମ୍॥ 8-74-3 (58612)
ଗଚ୍ଛାମ୍ଯହଂ ବନମଦ୍ଯୈବ ପାପଃ
ସୁଖଂ ଭବାନ୍ବର୍ତତାଂ ମଦ୍ବିହୀନଃ।
ଯୋଗ୍ଯୋ ରାଜା ଭୀମସେନୋ ମହାତ୍ମା
କ୍ଲୀବସ୍ଯ କିଂ ବା ମମ ରାଜ୍ଯକୃତ୍ଯମ୍॥ 8-74-4 (58613)
ନ ଚାପି ଶକ୍ତଃ ପରୁଷାଣି ସୋଢୁଂ
ପୁନସ୍ତବେମାନି ରୁଷାନ୍ବିତସ୍ଯ।
ଭୀମୋଽସ୍ତୁ ରାଜା ମମ ଜୀବିତେନ
ନ କାର୍ଯମଦ୍ଯାବମତସ୍ଯ ବୀର॥ 8-74-5 (58614)
ଇତ୍ଯେବମୁକ୍ତ୍ବା ସହସୋତ୍ପପାତ
ରୁଷାନ୍ବିତସ୍ତଚ୍ଛଯନଂ ବିହାଯ।
ଇଯେଷ ନିର୍ଗନ୍ତୁମଥୋ ବନାଯ
ତଂ ବାସୁଦେବଃ ପ୍ରଣତୋଽଭ୍ଯୁବାଚ॥ 8-74-6 (58615)
ନ ରାଜନ୍ବିଦିତଂ ତତ୍ତେ ଯଥା ଗାଣ୍ଡୀବଧନ୍ବନଃ।
ପ୍ରତିଜ୍ଞା ସତ୍ଯସନ୍ଧସ୍ଯ ଗାଣ୍ଡୀବଂ ପ୍ରତି ବିଶ୍ରୁତା॥ 8-74-7 (58616)
ବ୍ରୂଯାଦ୍ଯ ଏନଂ ଗାଣ୍ଡୀବଂ ଦେହ୍ଯନ୍ଯସ୍ମୈ ତ୍ବମିତ୍ଯୁତ।
ବଧ୍ଯୋଽସ୍ଯ ସ ପୁମାଁଲ୍ଲୋକେ ତ୍ବଯା ଚୋକ୍ତୋଯମୀଦୃଶମ୍॥ 8-74-8 (58617)
ତତଃ ସତ୍ଯାଂ ପ୍ରତିଜ୍ଞାଂ ତାଂ ପାର୍ଥେନ ପ୍ରତିରକ୍ଷତା।
ମଚ୍ଛନ୍ଦାଦବମାନୋଽଯଂ କୃତସ୍ତବ ମହୀପତେ॥ 8-74-9 (58618)
ଗୁରୂଣାମବମାନୋ ହି ବଧ ଇତ୍ଯଭିଧୀଯତେ।
ତସ୍ମାତ୍କ୍ଷମ ମହାବାହୋ ମମ ପାର୍ଥସ୍ଯ ଚୋଭଯୋଃ॥ 8-74-10 (58619)
ବ୍ଯତିକ୍ରମମିମଂ ରାଜନ୍ସତ୍ଯସଂରକ୍ଷଣଂ ପ୍ରତି।
ଶରଣଂ ତ୍ବାଂ ମହାରାଜ ପ୍ରତିପନ୍ନାବୁଭାବପି॥ 8-74-11 (58620)
କ୍ଷନ୍ତୁମର୍ହସି ମେ ରାଜନ୍ପ୍ରଣତସ୍ଯାଭିଯାଚତଃ।
ରାଧେଯସ୍ଯାଦ୍ଯ ପାପସ୍ଯ ଭୂମିଃ ପାସ୍ଯତି ଶୋଣିତମ୍॥ 8-74-12 (58621)
ସତ୍ଯଂ ତେ ପ୍ରତିଜାନାମି ହତଂ ବିଦ୍ବ୍ଯଦ୍ଯ ସୂତଜମ୍।
ଯସ୍ଯେଚ୍ଛସି ବଧଂ ତସ୍ଯ ଗତମେବାଦ୍ଯ ଜିବୀତମ୍॥ 8-74-13 (58622)
ଇତି କୃଷ୍ଣବଚଃ ଶ୍ରୁତ୍ବା ଧର୍ମରାଜୋ ଯୁଧିଷ୍ଠିରଃ।
ସସମ୍ଭ୍ରମଂ ହୃଷୀକେଶମୁତ୍ଥାପ୍ଯ ପ୍ରଣତଂ ତଦା।
କୃତାଞ୍ଜଲିମୁବାଚେଦଂ ବାକ୍ଯଂ ଯତ୍ସମନନ୍ତରମ୍॥ 8-74-14 (58623)
ଏବମେବ ଯଥାତ୍ଥ ତ୍ବମସ୍ତ୍ଯେଷୋଽତିକ୍ରମୋ ମମ।
ଅନୁନୀତୋଽସ୍ମି ଗୋବିନ୍ଦ ତାରିତଶ୍ଚାସ୍ମି ମାଧବ॥ 8-74-15 (58624)
ମୋଚିତା ବ୍ଯସନାଦ୍ଧୋରାଦ୍ବଯମଦ୍ଯ ତ୍ବଯାଚ୍ଯୁତ।
ଭବନ୍ତଂ ନାବମାସାଦ୍ଯ ହ୍ଯାବାଂ ବ୍ଯସନସାଗରାତ୍।
ଘୋରାଦଦ୍ଯ ସମୁତ୍ତୀର୍ଣାବୁଭାବଜ୍ଞାନମୋହିତୌ॥ 8-74-16 (58625)
ତ୍ବଦ୍ବୁଦ୍ଧିପ୍ଲବମାସାଦ୍ଯ ଦୁଃଖଶୋକାର୍ଣବାଦ୍ବଯମ୍।
ସମୁତ୍ତୀର୍ଣାଃ ସହାମାତ୍ଯାଃ ସନାଥାଃ ସ୍ମ ତ୍ବଯାଚ୍ଯୁତ॥ ॥ 8-74-17 (58626)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଚତୁଃସପ୍ତତିତମୋଽଧ୍ଯାଯଃ॥ 74 ॥
॥ ଶ୍ରୀଃ ॥
8.75. ଅଧ୍ଯାଯଃ 075
Mahabharata - Karna Parva - Chapter Topics
ଅର୍ଜୁନେନ ସ୍ବାବମାନିତସ୍ଯ ଯୁଧିଷ୍ଠିରସ୍ଯ ପ୍ରସାଦନମ୍॥ 1 ॥ ଅର୍ଜୁନେନ ଯୁଧିଷ୍ଠିରାଗ୍ରେ କର୍ଣବଧପ୍ରତିଜ୍ଞାନମ୍॥ 2 ॥
Mahabharata - Karna Parva - Chapter Text
8-75-0 (58627)
ସଞ୍ଜଯ ଉବାଚ। 8-75-0x (5018)
ଇତି ସ୍ମ କୃଷ୍ଣବଚନାତ୍ପ୍ରତ୍ଯୁଚ୍ଚାର୍ଯ ଯୁଧିଷ୍ଠିରମ୍।
ବଭୂବ ବିମନାଃ ପାର୍ଥଃ କିଞ୍ଚିତ୍କୃତ୍ବେବ ପାତକମ୍॥ 8-75-1 (58628)
ତତୋଽବ୍ରବୀଦ୍ବାସୁଦେବଃ ପ୍ରହସନ୍ନିବ ପାଣ୍ଡବମ୍।
କଥଂ ନାମ ଭବେଦେତଦ୍ଯଦି ତ୍ବଂ ପାର୍ଥ ଧର୍ମଜମ୍॥ 8-75-2 (58629)
ଅସିନା ତୀକ୍ଷ୍ଣଧାରଣେ ହନ୍ଯା ଧର୍ମେ ବ୍ଯସ୍ଥିତମ୍।
ତ୍ବମିତ୍ଯୁକ୍ତ୍ବାଥ ରାଜାନମେବଂ କଶ୍ମଲମାବିଶଃ॥ 8-75-3 (58630)
ହତ୍ବା ତୁ ନୃପତିଂ ପାର୍ଥ କରିଷ୍ଯସି କିମୁତ୍ତରମ୍।
ଏବଂ ହି ଦୁର୍ବିଦୋ ଧର୍ମୋ ମନ୍ଦପ୍ରଜ୍ଞୈର୍ବିଶେଷତଃ॥ 8-75-4 (58631)
ସ ଭବାନ୍ଧର୍ମଭୀରୁତ୍ବାଦ୍ଧବଂ ଯାଯାନ୍ମହତ୍ତମଃ।
ନରକଂ ଘୋରରୂପଂ ଚ ଭ୍ରାତୁର୍ଜ୍ଯେତୁସ୍ଯ ବୈ ବଥାତ୍॥ 8-75-5 (58632)
ସ ତ୍ବଂ ଧର୍ମଭୃତାଂ ଶ୍ରେଷ୍ଠଂ ରାଜାନଂ ଧର୍ମସଂହିତମ୍।
ପ୍ରସାଦଯ କୁରୁଶ୍ରେଷ୍ଠମେତଦତ୍ର ମତଂ ମମ॥ 8-75-6 (58633)
ପ୍ରସାଦ୍ଯ ଭକ୍ତ୍ଯା ରାଜାନଂ ପ୍ରୀତେ ଚୈବ ଯୁଧିଷ୍ଠିରେ।
ପ୍ରଯାବସ୍ତ୍ବରିତୌ ଯୋଦ୍ଧୁଂ ସୂତପୁତ୍ରରଥଂ ପ୍ରତି॥ 8-75-7 (58634)
ହତ୍ବା ତୁ ସମରେ କର୍ଣଂ ତ୍ବମଦ୍ଯ ନିଶିତୈଃ ଶରୈଃ।
ବିପୁଲାଂ ପ୍ରୀତିମାଧତ୍ସ୍ବ ଧର୍ମପୁତ୍ରସ୍ଯ ମାନଦ॥ 8-75-8 (58635)
ଏତଦତ୍ର ମହାବାହୋ ପ୍ରାପ୍ତକାଲଂ ମତଂ ମମ।
ଏବଂ କୃତେ କୃତଂ ଚୈବ ତବ କାର୍ଯଂ ଭବିଷ୍ଯତି॥ 8-75-9 (58636)
ସଞ୍ଜଯ ଉବାଚ। 8-75-10x (5019)
ତତୋଽର୍ଜୁନୋ ମହାରାଜ ଲଜ୍ଜପା ବୈ ସମନ୍ବିତଃ।
ଧର୍ତରାଜସ୍ଯ ଚରଣୌ ପ୍ରପଦ୍ଯ ଶିରସା ନତଃ॥ 8-75-10 (58637)
ଉବାଚ ଭରତଶ୍ରେଷ୍ଠଂ ପ୍ରସୀଦେତି ପୁନଃ ପୁନଃ।
କ୍ଷମସ୍ବ ରାଜନ୍ଯତ୍ପ୍ରୋକ୍ତସ୍ତ୍ବଂ ମଯା ଧର୍ମଭୀରୁଣା॥ 8-75-11 (58638)
ପାଦଯୋଃ ପତିତଂ ଦୃଷ୍ଟ୍ବା ଧର୍ମରାଜୋ ଯୁଧିଷ୍ଠିରଃ।
ଧନଞ୍ଜଯମମିତ୍ରଘ୍ନଂ ରୁଦନ୍ତଂ ଭରତର୍ଷଭମ୍॥ 8-75-12 (58639)
ଉତ୍ଥାପ୍ଯ ଭ୍ରାତରଂ ରାଜା ଧର୍ମରାଜୋ ଧନଞ୍ଜଯମ୍।
ସମାଶ୍ଲିଷ୍ଯ ଚ ସସ୍ନେହଂ ପ୍ରରୁରୋଦ ମହୀପତିଃ॥ 8-75-13 (58640)
ରୁଦିତ୍ବା ସୁଚିରଂ କାଲଂ ଭ୍ରାତରୌ ସୁମହାଦ୍ଯୁତୀ।
କୃତଶୌଚୌ ମହାରାଜ ପ୍ରୀତିମନ୍ତୌ ବଭୂବତୁଃ॥ 8-75-14 (58641)
ତତ ଆଶ୍ଲିଷ୍ଯ ତଂ ପ୍ରେମ୍ଣା ମୂର୍ଧ୍ନି ଚାଘ୍ରାଯ ପାଣ୍ଡବଃ।
ପ୍ରୀତ୍ଯା ପରମଯା ଯୁକ୍ତୋ ବିସ୍ମଯଂଶ୍ଚ ପୁନଃପୁନଃ।
ଅବ୍ରବୀତ୍ତଂ ମହେଷ୍ବାସଂ ଧର୍ମରାଜୋ ଧନଞ୍ଜଯମ୍॥ 8-75-15 (58642)
କର୍ଣେନ ମେ ମହାବାହୋ ସର୍ବସୈନ୍ଯସ୍ଯ ପଶ୍ଯତଃ।
କବଚଂ ଚ ଧ୍ବଜଂ ଚୈବ ଧନୁଃ ଶକ୍ତିର୍ହଯାଃ ଶରାଃ।
ଶରୈଃ କୃତ୍ତା ମହେଷ୍ବାସ ଯତମାନସ୍ଯ ସଂଯୁଗେ॥ 8-75-16 (58643)
ସୋଽହଂ ଦୃଷ୍ଟ୍ବା ରଣେ ତସ୍ଯ କର୍ଣ କର୍ଣସ୍ଯ ଫଲ୍ଗୁନ।
ବ୍ଯବସୀଦାମି ଦୁଃଖେନ ନ ତୁ ମେ ଜୀବିତଂ ପ୍ରିଯମ୍॥ 8-75-17 (58644)
ନ ଚେଦଦ୍ଯ ହି ତଂ ବୀରଂ ନିହନିଷ୍ଯସି ସଂଯୁଗେ।
ପ୍ରାଣାନେବ ପରିତ୍ଯକ୍ଷ୍ଯେ ଜୀବିତାର୍ଥୋ ହି କୋ ମମ॥ 8-75-18 (58645)
ଏବମୁକ୍ତଃ ପ୍ରତ୍ଯୁବାଚ ବିଜଯୋ ଭରତର୍ଷଭ॥ 8-75-19 (58646)
ସତ୍ଯେନ ତେ ଶପେ ରାଜଂସ୍ତ୍ବତ୍ପାଦେନ ତଥୈବ ଚ।
ଭୀମେନ ଚ ନରଶ୍ରେଷ୍ଠ ଯମାଭ୍ଯାଂ ଚ ମହୀପତେ॥ 8-75-20 (58647)
`ଅହମେନଂ ନରଶ୍ରେଷ୍ଠ ସାମାତ୍ଯଂ ଚ ମହୀପତେ'।
ଯଥାଦ୍ଯ ସମରେ କର୍ଣଂ ହନିଷ୍ଯାମି ହତୋପି ବା।
ମହୀତଲେ ପତିଷ୍ଯାମି ସତ୍ଯେନାଯୁଧମାଲଭେ॥ 8-75-21 (58648)
ଏବମାଭାଷ୍ଯ ରାଜାନମବ୍ରବୀନ୍ମାଧବଂ ବଚଃ।
ଅଦ୍ଯ କର୍ଣଂ ରଣେ କୃଷ୍ଣ ସୂଦଯିଷ୍ଯେ ନ ସଂଶଯଃ।
ତ୍ବମନୁଧ୍ଯାହି ଭଦ୍ରଂ ତେ ବଧଂ ତସ୍ଯ ଦୁରାତ୍ମନଃ॥ 8-75-22 (58649)
ଏବମୁକ୍ତୋଽବ୍ରବୀତ୍ପାର୍ଥଂ କେଶବୋ ରାଜସତ୍ତମ।
ଶକ୍ତୋଽସି ଭରତଶ୍ରେଷ୍ଠ ଯତ୍ନଂ କର୍ତୁଂ ଯଦାତ୍ଥ ମାମ୍॥ 8-75-23 (58650)
ଏଷ ଚାପି ହି ମେ କାମୋ ନିତ୍ଯମେବ ମହାରଥ।
କଥଂ ଭବାନ୍ରଣେ କର୍ଣଂ ନିହନ୍ଯାଦିତି ସତ୍ତମ॥ 8-75-24 (58651)
ଏବମୁକ୍ତସ୍ତତୋ ରାଜନ୍ପାର୍ଥୋ ବଚନମବ୍ରବୀତ୍।
ହନ୍ଯତେ ଦ୍ବୈରଥେ ଭୂଯୋ ଯୁଜ୍ଯନ୍ତାଂ ବୈ ରଥୋତ୍ତମେ॥ 8-75-25 (58652)
ଉପାବୃତ୍ତାଶ୍ଚ ତୁରଗାଃ ଶିକ୍ଷିତାଶ୍ଚାଶ୍ବସାଦିଭିଃ।
ରଥୋପକରଣୈଃ ସର୍ବୈଃ ସତ୍ବରଂ ଯାତୁ ମେ ରଥଃ॥ 8-75-26 (58653)
ଏବମୁକ୍ତୋ ମହାରାଜ ଫଲ୍ଗୁନେନ ମହାତ୍ମନା।
ଉବାଚ ଦାରୁକଂ କୃଷ୍ଣଃ କୁରୁ ସର୍ବଂ ଯଦବ୍ରବୀତ୍।
ଅର୍ଜୁନୋ ଭାରତଶ୍ରେଷ୍ଠଃ ଶ୍ରେଷ୍ଠଃ ସର୍ବଧନୁଷ୍ମତାମ୍॥ 8-75-27 (58654)
ଆଜ୍ଞପ୍ତସ୍ତ୍ବଥ କୃଷ୍ଣେନ ଦାରୁକୋ ରାଜସତ୍ତମ।
ଯୋଜଯାମାସ ଚ ରଥଂ ବୈଯାଘ୍ନଂ ଶତ୍ରୁତାପନମ୍।
ସଜ୍ଜଂ ନିବେଦଯାମାସ ପାଣ୍ଡବସ୍ଯ ମହାତ୍ମନଃ॥ 8-75-28 (58655)
ଯୁକ୍ତଂ ତୁ ରଥମାସ୍ଥାଯ ଦାରୁକେଣ ମହାତ୍ମନା।
ଉପସ୍ଥିତଂ ରଥଂ ଦୃଷ୍ଟ୍ବା ପଦ୍ମନାଭୋ ରଣାନ୍ତକୃତ୍।
ଭୂଯଶ୍ଚୋବାଚ ମତିମାନ୍ମାଧବୋ ଧର୍ମନନ୍ଦନମ୍॥ 8-75-29 (58656)
ଯୁଧିଷ୍ଠିରେମଂ ବୀଭତ୍ସୁଂ ତ୍ବଂ ସାନ୍ତ୍ବଯିତୁମର୍ହସି।
ଅନୁଜ୍ଞାତୁଂ ଚ କର୍ଣସ୍ଯ ବଧାଯାଦ୍ଯ ଦୁରାତ୍ମନଃ॥ 8-75-30 (58657)
ଶ୍ରୁତ୍ବା ହ୍ଯାବାଂ ମହାସଂଖ୍ଯେ ତ୍ବାଂ କର୍ଣଶରପୀଡିତମ୍।
ପ୍ରବୃତ୍ତିଂ ଜ୍ଞାତୁମାଯାତାବିହାବାଂ ପାଣ୍ଡୁନନ୍ଦନ॥ 8-75-31 (58658)
ଦିଷ୍ଟ୍ଯାସି ରାଜନ୍ବିରୁଜୋ ଦିଷ୍ଟ୍ଯା ନ ଗ୍ରହଣଂ ଗତଃ।
ପରିସାନ୍ତ୍ବଯ ବୀଭତ୍ସୁଂ ଜଯମାଶାଧି ଚାନଘ॥ 8-75-32 (58659)
ଯୁଧିଷ୍ଠିର ଉବାଚ। 8-75-33x (5020)
ଏହ୍ଯେହି ପାର୍ଥ ବୀଭତ୍ସୋ ମାଂ ପରିଷ୍ବଜ ପାଣ୍ଡବ।
ବକ୍ତବ୍ଯମୁକ୍ତୋସ୍ମ୍ଯହିତଂ ତ୍ବଯା କ୍ଷାନ୍ତଂ ଚ ତନ୍ମଯା॥ 8-75-33 (58660)
ଅହଂ ତ୍ବାମନୁଜାନାମି ଜହି କର୍ଣଂ ଧନଞ୍ଜଯ।
ମନ୍ଯୁଂ ଚ ମା କୃଥାଃ ପାର୍ଥ ଯନ୍ମଯୋକ୍ତୋଽସି ଦାରୁଣଂ॥ 8-75-34 (58661)
ସଞ୍ଜଯ ଉବାଚ। 8-75-35x (5021)
ତତୋ ଧନଞ୍ଜଯୋ ରାଜଞ୍ଶିରସା ପ୍ରଣତସ୍ତଦା।
ପାଦୌ ଜଗ୍ରାହ ପାଣିଭ୍ଯାଂ ଭ୍ରାତୁର୍ଜ୍ଯେଷ୍ଠସ୍ଯ ମାରିଷ॥ 8-75-35 (58662)
ତମୁତ୍ଥାପ୍ଯ ତତୋ ରାଜା ପରିଷ୍ବଜ୍ଯ ଚ ପୀଡିତମ୍।
ମୂର୍ଧ୍ନୁପାଘ୍ରାଯ ଚୈବୈନମିଦଂ ପୁନରୁବାଚ ହ॥ 8-75-36 (58663)
ଧନଞ୍ଜଯ ମହାବାହୋ ମାନିତୋଽସ୍ମି ଦୃଢଂ ତ୍ବଯା।
ମାହାତ୍ମ୍ଯଂ ବିଜଯଂ ଚୈବଂ ଭୂଯଃ ପ୍ରାପ୍ନୁହି ଶାଶ୍ବତମ୍॥ 8-75-37 (58664)
ଅର୍ଜୁନ ଉବାଚ। 8-75-38x (5022)
ଅଦ୍ଯ ତଂ ପାପକର୍ମାଣଂ ସାନୁବନ୍ଧଂ ରଣେ ଶରୈଃ।
ନଯାମ୍ଯନ୍ତଂ ସମାସାଦ୍ଯ ରାଧେଯଂ ବଲଗର୍ବିତମ୍॥ 8-75-38 (58665)
ଯେନ ତ୍ବଂ ପୀଡିତୋ ବାଣୈର୍ଦୃଢମାଯମ୍ଯ କାର୍ମୁକମ୍।
ତସ୍ଯାଦ୍ଯ କର୍ମଣଃ କର୍ଣଃ ଫଲମାପ୍ସ୍ଯତି ଦାରୁଣମ୍॥ 8-75-39 (58666)
ଅଦ୍ଯ ତ୍ବାମୁପଯାସ୍ଯାମି କର୍ଣଂ ହତ୍ବା ମହୀପତେ।
ସଭାଜଯେ ତ୍ବାମାକ୍ରନ୍ଦାଦିତି ସତ୍ଯଂ ବ୍ରବୀମି ତେ॥ 8-75-40 (58667)
ନାହତ୍ବା ବିନିଷର୍ତିଷ୍ଯେ କର୍ଣମଦ୍ଯ ରଣାଜିରାତ୍।
ଇତି ସତ୍ଯେନ ତେ ପାଦୌ ସ୍ପୃଶାମି ଜଗତୀପତେ॥ 8-75-41 (58668)
ସଞ୍ଜଯ ଉବାଚ। 8-75-42x (5023)
ଇତି ବ୍ରୁବାଣଂ ସୁମନାଃ କିରୀଟିନଂ
ଯୁଧିଷ୍ଠିରଃ ପ୍ରାହ ବଚୋ ବୃହତ୍ତରମ୍।
ଯଶୋଽକ୍ଷଯଂ ଜୀବିତମୀପ୍ସିତଂ ତେ
ଜଯଂ ସଦା ବୀର୍ଯମରିକ୍ଷଯଂ ତଦା॥ 8-75-42 (58669)
ପ୍ରଯାହି ବୃଦ୍ଧିଂ ଚ ଦିଶନ୍ତୁ ଦେବତା
ଯଥାହମିଚ୍ଛାମି ତବାସ୍ତୁ ତତ୍ତଥା।
ପ୍ରଯାହି ଶୀଘ୍ରଂ ଜହି କର୍ଣମାହବେ
ପୁରନ୍ଦରୋ ବୃତ୍ରମିବାତ୍ମବୃଦ୍ବଯେ॥ ॥ 8-75-43 (58670)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ପଞ୍ଚସପ୍ତତିତମୋଽଧ୍ଯାଯଃ॥ 75 ॥
॥ ଶ୍ରୀଃ ॥
8.76. ଅଧ୍ଯାଯଃ 076
Mahabharata - Karna Parva - Chapter Topics
କର୍ଣେନ ଯୋଦ୍ଧୁଂନିର୍ଗଚ୍ଛତୋଽର୍ଜୁନସ୍ଯ ଶୁଭନିମିତ୍ତପ୍ରାଦୁର୍ଭାବଃ॥ 1 ॥ ଶ୍ରୀକୃଷ୍ଣେନାର୍ଜୁନସ୍ଯ ପ୍ରୋତ୍ସାହନମ୍॥ 2 ॥
Mahabharata - Karna Parva - Chapter Text
8-76-0 (58671)
ସଞ୍ଜଯ ଉବାଚ। 8-76-0x (5024)
ପ୍ରସାଦ୍ଯ ଧର୍ମରାଜାନଂ ପ୍ରହୃଷ୍ଟେନାନ୍ତରାତ୍ମନା।
ସମ୍ପୂଜ୍ଯ ଦେବତାଃ ସର୍ବ ବ୍ରାହ୍ମଣାନ୍ସ୍ବସ୍ତି ବାଚ୍ଯ ଚ।
ସୁମଙ୍ଗଲଂ ସ୍ବସ୍ତ୍ଯଯନମାରୁରୋହ ରଥୋତ୍ତମମ୍॥ 8-76-1 (58672)
ତସ୍ଯ ରାଜା ମହାପ୍ରାଜ୍ଞୋ ଧର୍ମରାଜୋ ଯୁଧିଷ୍ଠିରଃ।
ଆଶିଷୋଽଯୁଙ୍କ୍ତ ପରମାଃ ଯୁକ୍ତଂ କର୍ଣରଥଂ ପ୍ରତି॥ 8-76-2 (58673)
ତମାଯାନ୍ତଂ ମହେଷ୍ବାସଂ ଦୃଷ୍ଟ୍ବା ଭୂତାନି ଭାରତ।
ନିହତଂ ମେନିରେ କର୍ଣଂ ପାଣ୍ଡବେନ ମହାତ୍ମନା॥ 8-76-3 (58674)
ବଭୂବୁର୍ବିମଲାଃ ସର୍ବା ଦିଶୋ ରାଜନ୍ସମନ୍ତତଃ।
ଚାଷାଶ୍ଚ ଶତପତ୍ରାଶ୍ଚ କ୍ରୌଞ୍ଚାଶ୍ଚୈବ ଜନେଶ୍ବର।
ପ୍ରଦକ୍ଷିଣମକୁର୍ବନ୍ତ ତଦା ବୈ ପାଣ୍ଡୁନନ୍ଦନମ୍॥ 8-76-4 (58675)
ବହବଃ ପକ୍ଷିଣୋ ରାଜନ୍ପୁନ୍ନାମାନଃ ଶୁଭାଃ ଶିବାଃ।
ତ୍ବରଯନ୍ତୋଽର୍ଜୁନଂ ଯୁଦ୍ଧେ ହୃଷ୍ଟରୂପା ବବାଶିରେ॥ 8-76-5 (58676)
କଙ୍କା ଗୃଧ୍ରା ବକାଃ ଶ୍ଯେନା ବାଯସାଶ୍ଚ ବିଶାମ୍ପତେ।
ଅଗ୍ରତସ୍ତସ୍ଯ ଗଚ୍ଛନ୍ତି ଭକ୍ଷ୍ଯହେତୋର୍ଭଯାନକାଃ॥ 8-76-6 (58677)
ନିମିତ୍ତାନି ଚ ଧନ୍ଯାନି ପାଣ୍ଡବସ୍ଯ ଶଶଂସିରେ।
ବିନାଶମରିସୈନ୍ଯାନାଂ କର୍ଣସ୍ଯ ଚ ବଧଂ ତଥା॥ 8-76-7 (58678)
ପ୍ରଯାତସ୍ଯାଥ ପାର୍ଥସ୍ଯ ମହାନ୍ସ୍ବେଦୋ ବ୍ଯଜାଯତ।
ଚିନ୍ତା ଚ ବିପୁଲା ଜଜ୍ଞେ କଥଂ ଚେଦଂ ଭବିଷ୍ଯତି॥ 8-76-8 (58679)
ବିଷଣ୍ଣଂ ତୁ ତତୋ ଜ୍ଞାତ୍ବା ସବ୍ଯସାଚିନମଚ୍ଯୁତଃ।
ସଞ୍ଚୋଦଯତି ତେଜସ୍ବୀ ମଧୁହା ବାନରଧ୍ବଜମ୍॥ 8-76-9 (58680)
ତତୋ ଗାଣ୍ଡୀବଧନ୍ବାନମବ୍ରବୀନ୍ମଧୁସୂଦନଃ।
ଦୃଷ୍ଟ୍ବା ପାର୍ଥଂ ତଥାଯାନ୍ତଂ ଚିନ୍ତାପରିଗତଂ ତଦା॥ 8-76-10 (58681)
ଗାଣ୍ଡୀବଧନ୍ବନ୍ସଙ୍ଗ୍ରାମେ ଯେ ତ୍ବଯା ଧନୁଷା ଜିତାଃ।
ନ ତେଷାଂ ମାନୁଷୋ ଜେତା ତ୍ବଦନ୍ଯ ଇହ ବିଦ୍ଯତେ॥ 8-76-11 (58682)
ଏତେ ହି ବହବଃ ଶୂରାଃ ଶକ୍ରତୁଲ୍ଯପରାକ୍ରମାଃ।
ତ୍ବାଂ ପ୍ରାପ୍ଯ ସମରେ ଶୂରଂ ପ୍ରଯାତାଃ ପରମାଂ ଗତିମ୍॥ 8-76-12 (58683)
କୋ ହି ଦ୍ରୋଣଂ ଚ ଭୀଷ୍ମଂ ଚ ଭଗଦତ୍ତଂ ଚ ମାରିଷ।
ବିନ୍ଦାନୁବିନ୍ଦାବାବନ୍ତ୍ଯୌ କାମ୍ଭୋଜଂ ଚ ସୁଦକ୍ଷିଣମ୍॥ 8-76-13 (58684)
ଶ୍ରୁତାଯୁଂ ଚାଶ୍ରୁତାଯୁଂ ଚ ଶତାଯୁଂ ଚ ମହାରଥମ୍।
ପ୍ରତ୍ଯୁଦ୍ଗମ୍ଯ ଭବେତ୍କ୍ଷେମୀ ଯୋ ନ ସ୍ଯାତ୍ତ୍ବଦ୍ବିଧଃ ପ୍ରଭୁଃ॥ 8-76-14 (58685)
ତବ ହ୍ଯସ୍ତ୍ରାଣି ଦିବ୍ଯାନି ଲାଘବଂ ବଲମେବ ଚ।
ଅସମ୍ମୋହଶ୍ଚ ଯୁଦ୍ଧେଷୁ ବିଜ୍ଞାନସ୍ଯ ଚ ସନ୍ନତିଃ।
ବେଧଃ ପାତଶ୍ଚ ଲକ୍ଷେଷୁ ଯୋଗଶ୍ଚୈବ ତଥାର୍ଜୁନ॥ 8-76-15 (58686)
ଭବାନ୍ଦେବାନ୍ସଗନ୍ଧର୍ବାନ୍ହନ୍ଯାତ୍ସର୍ବାଂଶ୍ଚ ରାକ୍ଷସାନ୍।
ପୃଥିବ୍ଯାଂ ତୁ ରଣେ ପାର୍ଥ ନ ଯୋଦ୍ଧା ତ୍ବତ୍ସମଃ ପୁମାନ୍॥ 8-76-16 (58687)
ଧନୁର୍ଗୃହ୍ମନ୍ତି ଯେ କେଚିତ୍କ୍ଷତ୍ରିଯା ଯୁଦ୍ଧଦୁର୍ମଦାଃ।
ଆତ୍ମନସ୍ତୁ ସମଂ ତେଷାଂ ନ ପଶ୍ଯାମି ଶୃଣୋମି ଚ॥ 8-76-17 (58688)
ବ୍ରହ୍ମଣା ହି ପ୍ରଜାଃ ସୃଷ୍ଟା ଗାଣ୍ଡୀବଂ ଚ ମହଦ୍ଧନୁଃ।
ଯେନ ତ୍ବଂ ଯୁଧ୍ଯସେ ପାର୍ଥ ତସ୍ମାନ୍ନାସ୍ତି ତ୍ବଯା ସମଃ॥ 8-76-18 (58689)
ଅବଶ୍ଯଂ ତୁ ମଯା ବାଚ୍ଯଂ ଯତ୍ପଥ୍ଯଂ ତବ ପାଣ୍ଡବ।
ମାବମଂସ୍ଥା ମହାବାହୋ କର୍ଣମାହବଶୋଭିନମ୍॥ 8-76-19 (58690)
କର୍ଣୋ ହି ବଲବାନ୍ଦୃପ୍ତଃ କୃତାସ୍ତ୍ରଶ୍ଚ ମହାରଥଃ।
କୃତୀ ଚ ଚିତ୍ରଯୋଧୀ ଚ ଦେଶକାଲସ୍ଯ କୋବିଦଃ॥ 8-76-20 (58691)
ବହୁନାତ୍ର କିମୁକ୍ତେନ ସଂକ୍ଷେପାଚ୍ଛୃଣୁ ପାଣ୍ଡବ।
ତ୍ବତ୍ସମଂ ତ୍ବଦ୍ବିଶିଷ୍ଟଂ ବା କର୍ଣଂ ମନ୍ଯେ ମହାରଥମ୍।
ପରମଂ ଯତ୍ନମାସ୍ଥାଯ ତ୍ବଯା ବଧ୍ଯୋ ମହାହବେ॥ 8-76-21 (58692)
ତେଜସା ବହ୍ନିସଦୃଶୋ ବାଯୁବେଗସମୋ ଜବେ।
ଅନ୍ତକପ୍ରତିମଃ କ୍ରୋଧେ ସିଂହସଂହନନୋ ବଲୀ॥ 8-76-22 (58693)
ଅଷ୍ଟରତ୍ନିର୍ମହାବାହୁର୍ବ୍ଯୂଢୋରସ୍କଃ ସୁଦୁର୍ଜଯଃ।
ଅଭିମାନୀ ଚ ଶୂରଶ୍ଚ ପ୍ରବୀରଃ ପ୍ରିଯଦର୍ଶନଃ॥ 8-76-23 (58694)
ସର୍ବଯୋଧଗୁଣୈର୍ଯୁକ୍ତୋ ମିତ୍ରାଣାମଭଯଙ୍କରଃ।
ସତତଂ ପାଣ୍ଡବଦ୍ବେଷୀ ଧାର୍ତରାଷ୍ଟ୍ରହିତେ ରତଃ॥ 8-76-24 (58695)
ସର୍ବୈରବଧ୍ଯୋ ରାଧେଯୋ ଦେବୈରପି ସବାସବୈଃ।
ଋତେ ତ୍ବାମିତି ମେ ବୁଦ୍ଧିସ୍ତଦଦ୍ଯ ଜହି ସୂତଜମ୍॥
ଦେବୈରପି ହି ସଂଯତ୍ତୈର୍ବିଭ୍ରଦ୍ଭିର୍ମାଂସଶୋଣିତମ୍।
ଅଶକ୍ଯଃ ସ ରଥୋ ଜେତୁଂ ସର୍ବୈରପି ଯୁଯୁତ୍ସୁଭିଃ॥ 8-76-25 (58696)
ଦୁରାତ୍ମାନଂ ପାପବୃତ୍ତଂ ନୃଶଂସଂ
ଦୁଷ୍ଟପ୍ରଜ୍ଞଂ ପାଣ୍ଡବେଯେଷୁ ନିତ୍ଯମ୍।
ହୀନସ୍ବାର୍ଥଂ ପାଣ୍ଡବେଯୈର୍ବିରୋଧେ
ହତ୍ବା କର୍ଣଂ ନିଶ୍ଚିତାର୍ଥୋ ଭବାଦ୍ଯ॥ 8-76-27 (58697)
ତଂ ସୂତପୁତ୍ରଂ ରଥିନାଂ ବରିଷ୍ଠଂ
ନିଷ୍କାଲିକଂ କାଲବଶଂ ନଯାଦ୍ଯ।
ତଂ ସୂତପୁତ୍ରଂ ରଥିନାଂ ବରିଷ୍ଠଂ
ହତ୍ବା ପ୍ରୀତିଂ ଧର୍ମରାଜେ କୁରୁଷ୍ବ॥ 8-76-28 (58698)
ଜାନାମି ତେ ପାର୍ଥଂ ବୀର୍ଯଂ ଯଥାବ--
ଦ୍ଦୁର୍ବାରଣୀଯଂ ଚ ସୁରାସୁରୈଶ୍ଚ।
ସଦାବଜାନାତି ହି ପାଣ୍ଡୁପୁତ୍ରା--
ନସୌ ଦର୍ପାତ୍ସୂତପୁତ୍ରୋ ଦୁରାତ୍ମା॥ 8-76-29 (58699)
ଆତ୍ମାନଂ ମନ୍ଯତେ ବୀରଂ ଯେନ ପାପଃ ସୁଯୋଧନଃ।
ତମଦ୍ଯ ମୂଲଂ ପାପାନାଂ ଜହି ସୌତିଂ ଧନଞ୍ଜଯ॥ 8-76-30 (58700)
ଖଙ୍ଗଜିହ୍ବଂ ଧନୁରାସ୍ଯଂ ଶରଦଂଷ୍ଟ୍ରଂ ତରସ୍ବିନମ୍।
ଦୃପ୍ତଂ ପୁରୁଷଶାର୍ଦୂଲଂ ଜହି କର୍ଣଂ ଧନଞ୍ଜଯ॥ 8-76-31 (58701)
ଅହଂ ତ୍ବାମନୁଜାନାମି ବୀର୍ଯେଣ ଚ ବଲେନ ଚ।
ଜହି କର୍ଣଂ ରଣେ ଶୂରଂ ମାତଙ୍ଗମିବ କେସରୀ॥ 8-76-32 (58702)
ଯସ୍ଯ ବୀର୍ଯେଣ ବୀର୍ଯଂ ତେ ଧାର୍ତରାଷ୍ଟ୍ରୋଽବମନ୍ଯତେ।
ତମଦ୍ଯ ପାର୍ଥ ସଙ୍ଗ୍ରାମେ କର୍ଣଂ ବୈକର୍ତନଂ ଜହି॥ ॥ 8-76-33 (58703)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଷଟ୍ସପ୍ତତିତମୋଽଧ୍ଯାଯଃ॥ 76 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.77. ଅଧ୍ଯାଯଃ 077
Mahabharata - Karna Parva - Chapter Topics
କୃଷ୍ଣେନାର୍ଜୁନମ୍ପ୍ରତି ଭୀଷ୍ମାଦିଯୁଦ୍ଧନିଧନପ୍ରକାରାନୁବାଦପୂର୍ବକଂ ତେଷାଂ ବଧେ ତସ୍ଯୈବ ମୁଖ୍ଯକାରଣତ୍ବକଥନମ୍॥ 1 ॥ ବାଲ୍ଯାତ୍ପ୍ରଭୂତି ଦୁର୍ଯୋଧନାପନଯାନୁସ୍ମରାଣପୂର୍ବକଂ ସର୍ବତ୍ର କର୍ଣସ୍ଯୈବ ମୂଲତଯା ମହାପରାଧିତ୍ବଦ୍ଯୋତନେନ ତସ୍ଯାବଶ୍ଯଂ ହନନବିଧାନମ୍॥ 2 ॥
Mahabharata - Karna Parva - Chapter Text
8-77-0 (58704)
ସଞ୍ଜଯ ଉବାଚ। 8-77-0x (5025)
ତତଃ ପୁନରମେଯାତ୍ମା କେଶବୋଽର୍ଜୁନମବ୍ରବୀତ୍।
କୃତସଙ୍କଲ୍ପମାଯାନ୍ତଂ ବଧେ କର୍ଣସ୍ଯ ଭାରତ॥ 8-77-1 (58705)
ଅଦ୍ଯ ସପ୍ତଦଶାହାନି ବର୍ତମାନସ୍ଯ ନିତ୍ଯଶଃ।
ବିନାଶସ୍ଯାତିଘୋରସ୍ଯ ନରବାରଣବାଜିନାମ୍॥ 8-77-2 (58706)
ଭୂତ୍ବା ହି ବିପୁଲା ସେନା ତାବକାନାଂ ପରୈଃ ସହ।
ଅନ୍ଯୋନ୍ଯଂ ସମରଂ ପ୍ରାପ୍ଯ କିଞ୍ଚିଚ୍ଛେଷା ବିଶାମ୍ପତେ॥ 8-77-3 (58707)
ଭୂତ୍ବା ବୈ କୌରବାଃ ପାର୍ଥ ପ୍ରଭୂତଗଜବାଜିନଃ।
ତ୍ବାଂ ବୈ ଶତ୍ରୁଂ ସମାସାଦ୍ଯ ବିନଷ୍ଟା ରଣମୂର୍ଧନି॥ 8-77-4 (58708)
ଏତେ ତେ ପୃଥିବୀପାଲାଃ ସୃଞ୍ଜଯାଶ୍ଚ ସମାଗତାଃ।
ତ୍ବାଂ ସମାସାଦ୍ଯ ଦୁର୍ଧର୍ଷଂ ପାଣ୍ଡବାଶ୍ଚ ବ୍ଯବସ୍ଥିତାଃ॥ 8-77-5 (58709)
ପାଞ୍ଚାଲୈଃ ପାଣ୍ଡବୈର୍ମାତ୍ସ୍ଯୈଃ କାରୂଶୈଶ୍ଚେଦିଭିଃ ସହ।
`ମଗଧୈଃ ପାରିଜାତୈଶ୍ଚ ଦାକ୍ଷିଣାତ୍ଯୈଃ ସକେରଲୈଃ'।
ତ୍ବଯା ଗୁପ୍ତୈରମିତ୍ରଘ୍ନୈଃ କୃତଃ ଶତ୍ରୁଗଣକ୍ଷଯଃ॥ 8-77-6 (58710)
କୋ ହି ଶକ୍ତୋ ରଣେ ଜେତୁଂ କୌରବାଂସ୍ତାତ ସଂଯୁଗେ।
ଅନ୍ଯତ୍ର ପାଣ୍ଡବାଦ୍ଯୁଦ୍ଧେ ଶ୍ବେତାଶ୍ବାଦ୍ବାନରଧ୍ବଜାତ୍॥ 8-77-7 (58711)
ଶକ୍ତସ୍ତ୍ବଂ ହି ରଣେ ଜେତୁଂ ସସୁରାସୁରମାନୁଷାନ୍।
ତ୍ରୀଂଲ୍ଲୋକାନ୍ସମରେ ଯୁକ୍ତାନ୍କିଂ ପୁନଃ କୌରବଂ ବଲମ୍॥ 8-77-8 (58712)
ଭଗଦତ୍ତଂ ଚ ରାଜାନଂ କୋଽନ୍ଯଃ ଶକ୍ତସ୍ତ୍ବଯା ବିନା।
ଜେତୁଂ ପୁରୁଷଶାର୍ଦୂଲ ଯୋଽପି ସ୍ଯାଦ୍ବାସବୋପମଃ॥ 8-77-9 (58713)
ତଥେମାଂ ବିପୁଲାଂ ସେନାଂ ଗୁପ୍ତାଂ ପାର୍ଥ ତ୍ବଯାଽନଘ।
ନ ଶେକୁଃ ପାର୍ଥିବାଃ ସର୍ବେ ଚକ୍ଷୁର୍ଭିରପି ବୀକ୍ଷିତୁମ୍॥ 8-77-10 (58714)
ତଥୈବ ସତତଂ ପାର୍ଥ ରକ୍ଷିତାଭ୍ଯାଂ ତ୍ବଯା ରଣେ।
ଧୃଷ୍ଟଦ୍ଯୁମ୍ନଶିଖଣ଼୍ଡିଭ୍ଯାଂ ଦ୍ରୋଣଭୀଷ୍ମୌ ନିପାତିତୌ॥ 8-77-11 (58715)
କୋ ହି ଶକ୍ତୋ ରଣେ ପାର୍ଥ ଭାରତାନାଂ ମହାରଥୌ।
ଭୀଷ୍ମଦ୍ରୋଣୌ ଯୁଧା ଜେତୁଂ ଶକ୍ରତୁଲ୍ଯପରାକ୍ରମୌ॥ 8-77-12 (58716)
କୋ ହି ଶାନ୍ତନବଂ ଭୀଷ୍ମଂ ଦ୍ରୋଣଂ ବୈକର୍ତନଂ କୃପମ୍।
ଦ୍ରୌଣିଂ ଚ ସୌମଦତ୍ତିଂ ଚ କୃତବର୍ମାଣମେବ ଚ॥ 8-77-13 (58717)
ସୈନ୍ଧବଂ ମଦ୍ରରାଜଂ ଚ ରାଜାନଂ ଚ ସୁଯୋଧନମ୍।
ବୀରାନ୍କୃତାସ୍ତ୍ରାନ୍ସମରେ ସର୍ବାନେବାନିବର୍ତିନଃ॥ 8-77-14 (58718)
ଅକ୍ଷୌହିଣୀପତୀନୁଗ୍ରାନ୍ସଂହତାନ୍ଯୁଦ୍ଧଦୁର୍ମଦାନ୍।
ତ୍ବାମୃତେ ପୁରୁଷବ୍ଯାଘ୍ର ଜେତୁଂ ଶକ୍ତଃ ପୁମାନିହ॥ 8-77-15 (58719)
ଶ୍ରେଣ୍ଯଶ୍ଚ ବହୁଲାଃ କ୍ଷୀଣାଃ ପ୍ରଦୀର୍ଣାଶ୍ବରଥଦ୍ବିପାଃ।
ନାନାଜନପଦାଶ୍ଚୋଗ୍ରାଃ କ୍ଷତ୍ରିଯାଣାମମର୍ଷିଣାମ୍॥ 8-77-16 (58720)
ଗଣାଶ୍ଚ ଦାସମୀଯାନାଂ ବସାତୀନାଂ ଚ ଭାରତ।
ପ୍ରାଚ୍ଯାନାଂ ବାଟଧାନାନାଂ ଭୋଜାନାଂ ଚାଭିମାନିନାମ୍। 8-77-17 (58721)
ଉଦୀର୍ଣାଶ୍ବଗଜା ସେନା ସର୍ବକ୍ଷତ୍ରସ୍ଯ ଭାରତ।
ତ୍ବାଂ ସମାସାଦ୍ଯ ନିଧନଂ ଗତା ଭୀମଂ ଚ ଭାରତ॥ 8-77-18 (58722)
ଉଗ୍ରାଶ୍ଚ ଭୀମକର୍ମାଣସ୍ତୁଷାରା ଯବନାଃ ଖଶାଃ।
ଦାର୍ବାଭିସାରା ଦରଦାଃ ଶକା ମାଠରତଙ୍କଣାଃ॥ 8-77-19 (58723)
ଆନ୍ଧ୍ରକାଶ୍ଚ ପୁଲିନ୍ଦାଶ୍ଚ କିରାତାଶ୍ଚୋଗ୍ରବିକ୍ରମାଃ।
ମ୍ଲେଚ୍ଛାଶ୍ଚ ପର୍ବତୀଯାଶ୍ଚ ସାଗରାନୂପବାସିନଃ॥ 8-77-20 (58724)
ସଂରମ୍ଭିଣୋ ଯୁଦ୍ଧଶୌଣ୍ଡା ବଲିନୋ ଦଣ୍ଡପାଣଯଃ॥ 8-77-21 (58725)
ଏତେ ସୁଯୋଧନସ୍ଯାର୍ଥେ ସଂରବ୍ଧାଃ କୁରୁଭିଃ ସହ।
ନ ଶକ୍ଯା ଯୁଧି ନିର୍ଜେତୁଂ ତ୍ବଦନ୍ଯେନ ପରନ୍ତପ॥ 8-77-21 (58726)
ଏତେ ସୁଯୋଧନସ୍ଯାର୍ଥେ ସଂରବ୍ଧାଃ କୁରୁଭିଃ ସହ।
ନ ଶକ୍ଯା ଯୁଧି ନିର୍ଜେତୁଂ ତ୍ବଦନ୍ଯେନ ପରନ୍ତପ॥ 8-77-22 (58727)
ଧାର୍ତରାଷ୍ଟ୍ରମୁଦଗ୍ରଂ ହି ବ୍ଯୂଢଂ ଦୃଷ୍ଟ୍ବା ମହଦ୍ବଲମ୍।
ଯଦି ତ୍ବଂ ନ ଭବେସ୍ତ୍ରାତା ପ୍ରତୀଯାତ୍କୋ ନୁ ମାନବଃ॥ 8-77-23 (58728)
ତତ୍ସାଗରମିବୋଦ୍ବୂତଂ ରଜସା ସଂବୃତଂ ବଲମ୍।
ବିଦାର୍ଯ ପାଣ୍ଡବୈଃ କ୍ରୁଦ୍ଧୈସ୍ତ୍ବଯା ଗୁପ୍ତୈର୍ହତଂ ବିଭୋ॥ 8-77-24 (58729)
ମାଗଧାନାମଧିପତିର୍ଜଯତ୍ସେନୋ ମହାବଲଃ।
ଅଦ୍ଯ ସପ୍ତୈବ ଚାହାନି ହତଃ ସଙ୍ଖ୍ଯେଽଭିମନ୍ଯୁନା॥ 8-77-25 (58730)
ତତୋ ଦଶସହସ୍ରାଣି ଗଜାନାଂ ଭୀମକର୍ମଣାମ୍।
ଜଘାନ ଗଦଯା ଭୀମସ୍ତସ୍ଯ ରାଜ୍ଞଃ ପରିଚ୍ଛଦମ୍॥ 8-77-26 (58731)
ତଥାନ୍ଯେଽଭିହତା ନାଗା ରଥାଶ୍ଚ ଶତଶୋ ବଲାତ୍।
ତଦେବଂ ସମରେ ପାର୍ଥ ବର୍ତମାନେ ମହାଭଯେ॥ 8-77-27 (58732)
ଭୀମସେନଂ ସମାସାଦ୍ଯ ତ୍ବାଂ ଚ ପାଣ୍ଡବ କୌରବାଃ।
ସବାଜିରଥମାତଙ୍ଗା ମୃତ୍ଯୁଲୋକମିତୋ ଗତାଃ॥ 8-77-28 (58733)
ତଥା ସେନାମୁଖେ ତତ୍ର ନିହତେ ପାର୍ଥ ପାଣ୍ଡବୈଃ।
ଭୀଷ୍ମଃ ପ୍ରାସୃଜଦୁଗ୍ରାଣି ଶରତାଲାନି ମାରିଷ॥ 8-77-29 (58734)
ସଚେଦିକାଶିପାଞ୍ଚାଲାନ୍କରୂଶାନ୍ମାତ୍ସ୍ଯକେକଯାନ୍।
ଶରୈଃ ପ୍ରଚ୍ଛାଦ୍ଯ ନିଧନମନଯତ୍ପରମାସ୍ତ୍ରବିତ୍॥ 8-77-30 (58735)
ତସ୍ଯ ଚାପଚ୍ଯୁତୈର୍ବାଣୈଃ ପରଦେହବିଦାରଣୈଃ।
ପୂର୍ଣମାକାଶମଭବଦ୍ରୁକ୍ମପୁହ୍ଖୈରଜିହ୍ମଗୈଃ॥ 8-77-31 (58736)
ହନ୍ଯାଦ୍ରଥସହସ୍ରାଣି ଏକୈକେନୈବ ମୁଷ୍ଟିନା।
ଲକ୍ଷଂ ନରଦ୍ବିପାନ୍ହତ୍ବା ସମେତାନ୍ସମହାବଲାନ୍॥ 8-77-32 (58737)
ଗତ୍ଯା ଦଶମ୍ଯା ତେ ଗତ୍ବା ଜଘ୍ନୁର୍ବାଜିରଥଦ୍ବିପାନ୍।
ହିତ୍ବା ନବଗତୀର୍ଦୁଷ୍ଟାଃ ସ ବାଣାନାହବେଽତ୍ଯଜତ୍॥ 8-77-33 (58738)
ଦିନାନି ଦଶ ଭୀଷ୍ମେଣ ନିଘ୍ନତା ତାବକଂ ବଲମ୍।
ଶୂନ୍ଯାଃ କୃତା ରଥୋପସ୍ଥା ହତାଶ୍ଚ ଗଜବାଜିନଃ॥ 8-77-34 (58739)
`ଦଶମେଽହନି ସମ୍ପ୍ରାପ୍ତେ କୃତ୍ବା ଘୋରଂ ପରାକ୍ରମମ୍'।
ଦର୍ଶଯିତ୍ବାଽଽତ୍ମନୋ ରୂପଂ ରୁଦ୍ରୋପେନ୍ଦ୍ରସମଂ ଯୁଧି॥ 8-77-35 (58740)
ପାଣ୍ଡବାନାମନୀକାନି ପ୍ରବିଗାହ୍ଯ ବିଶାମ୍ପତେ।
ବିନିଘ୍ନନ୍ପୃଥିବୀପାଲାଂଶ୍ଚେଦିପାଞ୍ଚାଲକେକଯାନ୍॥ 8-77-36 (58741)
ଅହନତ୍ପାଣ୍ଡବୀଂ ସେନାଂ ରଥାଶ୍ବଗଜସଙ୍କୁଲାମ୍।
ମଜ୍ଜନ୍ତମପ୍ଲୁବେ ମନ୍ଦମୁଜ୍ଜିହୀର୍ଷୁଃ ସୁଯୋଧନମ୍॥ 8-77-37 (58742)
ତଥା ଚରନ୍ତଂ ସମରେ ତପନ୍ତମିବ ଭାସ୍କରମ୍।
ପଦାତିକୋଟିସାହସ୍ରାଃ ପ୍ରବରାଯୁଧପାଣଯଃ॥ 8-77-38 (58743)
ନ ଶେକୁଃ ସୃଞ୍ଜଯା ଦ୍ରଷ୍ଟୁଂ ତଥୈବାନ୍ଯେ ମହୀକ୍ଷିତଃ।
ବିଚରନ୍ତଂ ତଥା ତଂ ତୁ ସଙ୍ଗ୍ରମେ ଜିତକାଶିନମ୍॥ 8-77-39 (58744)
ସର୍ବୋଦ୍ଯମେନ ମହତା ପାଣ୍ଡବାନ୍ସମଭିଦ୍ରବତ୍।
ସ ତୁ ବିଦ୍ରାବ୍ଯ ସମରେ ପାଣ୍ଡବାନ୍ସୃଞ୍ଜଯାନପି।
ଏକ ଏବ ରଣେ ଭୀଷ୍ମ ଏକବୀରତ୍ବମାଗତଃ॥ 8-77-40 (58745)
ତଂ ଶିଖଣ୍ଡୀ ସମାସାଦ୍ଯ ତ୍ବଯା ଗୁପ୍ତୋ ମହାବ୍ରତମ୍।
ଜଘାନ ପୁରୁଷବ୍ଯାଘ୍ରଂ ଶରୈଃ ସନ୍ନତପର୍ବଭିଃ॥ 8-77-41 (58746)
ସ ଏଷ ପତିତଃ ଶେତେ ଶରତଲ୍ପେ ପିତାମହଃ।
ତ୍ବାଂ ପ୍ରାପ୍ଯ ପୁରୁଷବ୍ଯାଘ୍ରଂ ବୃତ୍ରଃ ପ୍ରାପ୍ଯେବ ବାସବମ୍॥ 8-77-42 (58747)
ଦ୍ରୋଣଃ ପଞ୍ଚଦିନାନ୍ଯୁଗ୍ରୋ ବିଧମ୍ଯ ରିପୁବାହିନୀମ୍।
କୃତ୍ବା ବ୍ଯୂହମଭେଦ୍ଯଂ ଚ ପାତଯିତ୍ବା ମହାରଥାନ୍॥ 8-77-43 (58748)
ଜଯଦ୍ରଥସ୍ଯ ସମରେ କୃତ୍ବା ରକ୍ଷାଂ ମହାରଥଃ।
ଅନ୍ତକପ୍ରତିମଶ୍ଚୋଗ୍ରୋ ରାତ୍ରିଯୁଦ୍ଧେଽଦହତ୍ପ୍ରଜାଃ॥ 8-77-44 (58749)
ଦଗ୍ଧ୍ବା ଯୋଧାଞ୍ଛରୈର୍ବୀରୋ ଭାରଦ୍ବାଜଃ ପ୍ରତାପବାନ୍।
ଧୃଷ୍ଟଦ୍ଯୁମ୍ନଂ ସମାସାଦ୍ଯ ସ ଗତଃ ପରମାଂ ଗତିମ୍॥ 8-77-45 (58750)
ଯଦି ବାଽଦ୍ଯ ଭବାନ୍ଯୁଦ୍ଧେ ସୂତପୁତ୍ରମୁଖାନ୍ରଥାନ୍।
ନାବାରଯିଷ୍ଯଃ ସଙ୍ଗ୍ରାମେ ନ ସ୍ମ ଦ୍ରୋଣୋ ବ୍ଯନଙ୍କ୍ଷ୍ଯତ॥ 8-77-46 (58751)
ଭବତା ତୁ ବଲଂ ସର୍ବଂ ଧାର୍ତରାଷ୍ଟ୍ରସ୍ଯ ବାରିତମ୍।
ତତୋ ଦ୍ରୋଣୋ ହତୋ ଯୁଦ୍ଧେ ପାର୍ଷତେନ ଧନଞ୍ଜଯ॥ 8-77-47 (58752)
କଶ୍ଚ ଶକ୍ତୋ ରଣେ କର୍ତୁଂ ତ୍ବଦନ୍ଯଃ ପୁରୁଷବ୍ରୁବଃ।
ଯାଦୃଶଂ ତେ କୃତଂ ପାର୍ଥ ଜଯଦ୍ରଥବଧଂ ପ୍ରତି॥ 8-77-48 (58753)
ନିବାର୍ଯ ସେନାଂ ମହତୀଂ ହତ୍ବା ଶୂରାଂଶ୍ଚ ପାର୍ଥିବାନ୍।
ନିହତଃ ସୈନ୍ଧବୋ ରାଜା ତ୍ବଯାଽସ୍ତ୍ରବଲତେଜସା॥ 8-77-49 (58754)
ଆଶ୍ଚର୍ଯଂ ସିନ୍ଧୁରାଜସ୍ଯ ବଧଂ ଜାନନ୍ତି ପାର୍ଥିବାଃ।
ଅନାଶ୍ଚାର୍ଯଂ ହି ତତ୍ତ୍ବତ୍ତସ୍ତ୍ବଂ ହି ପାର୍ଥ ମହାରଥଃ॥ 8-77-50 (58755)
ତ୍ବାଂ ହି ପ୍ରାପ୍ଯ ରଣେ କ୍ଷତ୍ରମେକାହାଦିତି ଭାରତ।
ନଶ୍ଯମାନମହଂ ଯୁକ୍ତଂ ମନ୍ଯେଯମିତି ମେ ମତିଃ॥ 8-77-51 (58756)
ସେଯଂ ପାର୍ଥ ଚମୂର୍ଘୋରା ଧାର୍ତରାଷ୍ଟ୍ରସ୍ଯ ସଂଯୁଗେ।
ହତସର୍ବସ୍ବଭୂଯିଷ୍ଠା ଭୀଷ୍ମଦ୍ରୋଣୌ ହତୌ ଯଥା॥ 8-77-52 (58757)
ଶୀର୍ଣପ୍ରବରଯୋଧାଢ୍ଯା ହତବାଜିରଥଦ୍ବିପା।
ହୀନା ସୂର୍ଯେନ୍ଦୁନକ୍ଷତ୍ରୈର୍ଦ୍ଯୌରିବାଭାତି ଭାରତୀ॥ 8-77-53 (58758)
ବିଧ୍ବସ୍ତା ହି ରଣେ ପାର୍ଥ ସେନେଯଂ ଭୀମବିକ୍ରମ।
ଆସୁରୀବ ମହାସେନା ଦେବରାଜପରାକ୍ରମୈଃ॥ 8-77-54 (58759)
ତେଷାଂ ହତାବଶିଷ୍ଟାସ୍ତୁ ସନ୍ତି ପଞ୍ଚ ମହାରଥାଃ।
ଦ୍ରୌଣିଶ୍ଚ କୃତବର୍ମା ଚ କର୍ଣୋ ମଦ୍ରାଧିପଃ କୃପଃ॥ 8-77-55 (58760)
ତାଂସ୍ତ୍ବମଦ୍ଯ ନରବ୍ଯାଘ୍ର ହତ୍ବା ପଞ୍ଚ ମହାରଥାନ୍।
ହତାମିତ୍ରଃ ପ୍ରଯଚ୍ଛୋର୍ବୀ ରାଜ୍ଞେ ସଦ୍ବୀପପତ୍ତନାମ୍॥ 8-77-56 (58761)
ସାକାଶଜଲପାତାଲାଂ ସପର୍ବତମହାବନାମ୍।
ପ୍ରଯଚ୍ଛାମିତବୀର୍ଯାଯ ପାର୍ଥାଯାଦ୍ଯ ବସୁନ୍ଧରାମ୍॥ 8-77-57 (58762)
ଏତାଂ ପୁରା ବିଷ୍ଣୁରିବ ହତ୍ବା ଦୈତେଯଦାନବାନ୍।
ପ୍ରଯଚ୍ଛ ମେଦିନୀଂ ରାଜ୍ଞେ ଶକ୍ରାଯୈବ ହରିର୍ଯଥା॥ 8-77-58 (58763)
ଅଦ୍ଯ ମୋଦନ୍ତୁ ପାଞ୍ଚାଲା ନିହତେଷ୍ବରିଷୁ ତ୍ବଯା।
ବିଷ୍ଣୁନା ନିହତେଷ୍ବେବ ଦାନବେଯେଷୁ ଦେବତାଃ॥ 8-77-59 (58764)
ଯଦି ବା ଦ୍ବିପଦାଂ ଶ୍ରେଷ୍ଠଂ ଦ୍ରୋଣଂ ମାନଯତୋ ଗୁରୁମ୍।
ଅଶ୍ବତ୍ଥାମ୍ନି କୃପା ତେଽସ୍ତି କୃପେ ବାଚାର୍ଯଗୌରବାତ୍॥ 8-77-60 (58765)
ଅତ୍ଯନ୍ତାପଚିତାନ୍ବନ୍ଧୂନ୍ମାନଯନ୍ମାତୃବାନ୍ଧବାନ୍।
କୃତବର୍ମାଣମାସାଦ୍ଯ ନ ନେଷ୍ଯାସି ଯମକ୍ଷଯମ୍॥ 8-77-61 (58766)
ଭ୍ରାତରଂ ମାତୁରାସାଦ୍ଯ ଶଲ୍ଯଂ ମଦ୍ରଜନାଧିପମ୍।
ଯଦି ତ୍ବମରବିନ୍ଦାକ୍ଷ ଦଯାବାନ୍ନ ଜିଘାସସି॥ 8-77-62 (58767)
ଏତତ୍ତେ ସୁକୃତଂ କର୍ମ ନାତ୍ର କିଞ୍ଚନ ବିଦ୍ଯତେ।
ବଯମପ୍ଯନୁଜାନୀମୋ ନାତ୍ର ଦୋଷୋଽସ୍ତି କଶ୍ଚନ॥ 8-77-63 (58768)
ଇମଂ ପାପମତିଂ କ୍ଷୁଦ୍ରମତ୍ଯନ୍ତଂ ପାଣ୍ଡବାନ୍ପ୍ରତି।
କର୍ଣମଦ୍ଯ ନରଶ୍ରେଷ୍ଠ ଜହି ପାର୍ଥ ଶିତୈଃ ଶରୈଃ॥ 8-77-64 (58769)
ଦହନେ ଯତ୍ସପୁତ୍ରାଯା ନିଶି ମାତୁସ୍ତବାନଘ।
ଦ୍ଯୂତାର୍ଥେ ଯଚ୍ଚ ଯୁଷ୍ମାସୁ ପ୍ରାବର୍ତତ ସୁଯୋଧନଃ।
ତସ୍ଯ ସର୍ବସ୍ଯ ଦୁଷ୍ଟାତ୍ମା କର୍ଣୋ ବୈ ମୂଲମିତ୍ଯୁତ॥ 8-77-65 (58770)
ପ୍ରୋତ୍ସାହଯତି ଦୁଷ୍ଟାତ୍ମା ଧାର୍ତରାଷ୍ଟ୍ରଂ ସୁଦୁର୍ମତିମ୍।
ସମିତୌ ଗଦତେ କର୍ଣସ୍ତମଦ୍ଯ ଜହି ଭାରତ॥ 8-77-66 (58771)
ଯଶ୍ଚ ଯୁଷ୍ମାସୁ ପାପଂ ବୈ ଧାର୍ତରାଷ୍ଟ୍ରଃ ପ୍ରଯୁକ୍ତବାନ୍।
ତସ୍ଯ ସର୍ବସ୍ଯ ଦୁର୍ବୁଦ୍ଧିଃ କର୍ଣୋ ମୂଲମିହାର୍ଜୁନ॥ 8-77-67 (58772)
କର୍ଣଂ ହି ମନ୍ଯତେ ତ୍ରାଣଂ ନିତ୍ଯମେବ ସୁଯୋଧନଃ।
ତତୋ ମାମପି ସଂରବ୍ଧୋ ନିଗ୍ରହୀତୁଂ ପରାକ୍ରମାତ୍॥ 8-77-68 (58773)
ସ୍ଥିତା ବୁଦ୍ଧିର୍ନରେନ୍ଦ୍ରାଣାଂ ଧାର୍ତରାଷ୍ଟ୍ରସ୍ଯ ଚୋଭଯୋଃ।
କର୍ଣଃ ପାର୍ଥାନ୍ରଣେ ସର୍ବାନ୍ନାଶଯିଷ୍ଯତି ସାଯକୈଃ॥ 8-77-69 (58774)
କର୍ଣମାଶ୍ରିତ୍ଯ କୌନ୍ତେଯ ଧାର୍ତରାଷ୍ଟ୍ରସ୍ଯ ବିଗ୍ରହଃ।
ରୁଚିତୋ ଭବତା ସାର୍ଧଂ ଜାନତୋଽପି ବଲଂ ତବ॥ 8-77-70 (58775)
କର୍ଣୋ ଜଲ୍ପତି ବୈ ନିତ୍ଯମହଂ ପାର୍ଥାନ୍ସମାଗତାନ୍।
ବାସୁଦେବଂ ଚ ଦାଶାର୍ହଂ ବିଜେଷ୍ଯାମି ମହାରଣେ।
ସମିତୌ ବଲ୍ଗତେ କର୍ଣସ୍ତମଦ୍ଯ ଜହି ଫଲ୍ଗୁନ॥ 8-77-71 (58776)
ଯଚ୍ଚ ଯୁଷ୍ମାସୁ ପାପଂ ବୈ ଧାର୍ତରାଷ୍ଟ୍ରଃ ପ୍ରତାପବାନ୍।
ସଭାଯାଂ କୃତବାନ୍ନିତ୍ଯଂ କର୍ଣମାଶ୍ରିତ୍ଯ ବୈ ପୁରା॥ 8-77-72 (58777)
ଯଚ୍ଚ ତଂ ଧାର୍ତରାଷ୍ଟ୍ରାଣାଂ ଷଡ୍ଭିଃ ଶୂରୈର୍ମହାରଥୈଃ।
ପଶ୍ଯତାଂ ସଂବୃତଂ ଶୂରଂ ସୌଭଦ୍ରମପରାଜିତମ୍॥ 8-77-73 (58778)
ଦ୍ରୋଣଦ୍ରୌଣିକୃପାନ୍ବୀରାନ୍କମ୍ପଯାନଂ ମହେଷୁଭିଃ।
ବିଧମନ୍ତମନୀକାନି ପ୍ରମଥନ୍ତଂ ମହାରଥାନ୍॥ 8-77-74 (58779)
ମନୁଷ୍ଯବାଜିମାତଙ୍ଗାନ୍ପ୍ରେଷଯନ୍ତଂ ଯମକ୍ଷଯମ୍।
ଶରୈଃ ସୌଭଦ୍ରମାଯାନ୍ତଂ ଦହନ୍ତମରିବାହିନୀମ୍॥ 8-77-75 (58780)
ନିର୍ମନୁଷ୍ଯାଶ୍ଚ ମାତଙ୍ଗା ବିରଥାଶ୍ଚ ମହାରଥାଃ।
ପ୍ରଦ୍ରବନ୍ତି ସ୍ମ ସମରେ ଦିଶୋ ଭୀତାଽଭିମନ୍ଯବେ॥ 8-77-76 (58781)
ବିଗତାସୂଂଶ୍ଚ ତୁରଗାନ୍ପତ୍ତୀନ୍ବ୍ଯାଯୁଧଜୀବିତାନ୍।
କୁର୍ବନ୍ତମୃଷଭସ୍କନ୍ଧଂ କୁରୁବୃଷ୍ଣିଯଶସ୍କରମ୍।
ତନ୍ମେ ଦହତି ଗାତ୍ରାଣି ସଖେ ସତ୍ଯେନ ତେ ଶପେ॥ 8-77-77 (58782)
ଯତ୍ତଦାସୀତ୍ସୁଦୁଷ୍ଟାତ୍ମା କର୍ଣୋ ବିନିହତଃ ପ୍ରଭୁଃ।
ନ ଶକ୍ତୋ ହ୍ଯଭିମନ୍ଯୋସ୍ତୁ କର୍ଣଃ ସ୍ଥାତୁଂ ରଣାଗ୍ରତଃ॥ 8-77-78 (58783)
ସୌଭଦ୍ରଶରନିର୍ଭିନ୍ନୋ ବିସଂଜ୍ଞଃ ଶୋଣିତୋକ୍ଷିତଃ।
ନିଶ୍ବସନ୍କ୍ରୋଧସନ୍ଦୀପ୍ତୋ ବିମୁଖଃ ସାଯକାର୍ଦିତଃ॥ 8-77-79 (58784)
ତସ୍ଥୌ ସ ବିହ୍ବଲଃ ସଙ୍ଖ୍ଯେ ପ୍ରହାରଜନିତଚ୍ଛବିଃ।
ଅପଯାନକୃତୋତ୍ସାହୋ ନିରୁତ୍ସାହଶ୍ଚ ଭାରତ॥ 8-77-80 (58785)
ଦୁର୍ଯୋଧନଂ ରଣେ ଦୃଷ୍ଟ୍ବା ଲଜ୍ଜମାନୋ ମୁହୁର୍ମୁହୁଃ।
ନାପଯାସୀତ୍ତତତଃ ପାର୍ଥ ସୋଽଭିମନ୍ଯୋର୍ମହାରଣେ॥ 8-77-81 (58786)
ଦୃଷ୍ଟ୍ବା ଦ୍ରୋଣଂ ବଧୋପାଯମଭିମନ୍ଯୋଶ୍ଚ ପୃଷ୍ଟବାନ୍।
ଶ୍ରୁତ୍ବା ଦ୍ରୋଣବଚଃ କ୍ରୂରଂ ତତଶ୍ଚିଚ୍ଛେଦ କାର୍ମୁକମ୍॥ 8-77-82 (58787)
ତତଶ୍ଛିନ୍ନାଯୁଧଂ ତେନ ଦୃଷ୍ଟ୍ବା ପଞ୍ଚ ମହାରଥାଃ।
ସ ଚୈବ ନିକୃତିପ୍ରାଜ୍ଞଃ ପ୍ରାହିଣୋଚ୍ଛରବୃଷ୍ଟିଭିଃ॥ 8-77-83 (58788)
ପ୍ରହସନ୍ସ ତୁ ଦୁଷ୍ଟାତ୍ମା କର୍ଣୋ ରାଜା ଚ କୌରବଃ।
ଯଚ୍ଚ କର୍ଣୋଽବ୍ରବୀତ୍କୃଷ୍ଣାଂ ସଭାଯାଂ ପରୁଷଂ ବଚଃ।
ପ୍ରମୁଖେ ପାଣ୍ଡବେଯାନାଂ କୁରୂଣାଂ ଚୈବ ପଶ୍ଯତାମ୍॥ 8-77-84 (58789)
ବିନଷ୍ଟାଃ ପାଣ୍ଡବାଃ କୃଷ୍ଣେ ଶାଶ୍ବତଂ ନରକଂ ଗତାଃ।
ପତିମନ୍ଯଂ ପୃଥୁଶ୍ରୋଣି ବୃଣୀଷ୍ବ ମୃଦୁଭାଷିଣି॥ 8-77-85 (58790)
ଏଷା ତ୍ବଂ ଧୃତରାଷ୍ଟ୍ରସ୍ଯ ଦାସୀଭୂତା ନିବେଶନମ୍।
ପ୍ରବିଶାରାଲପକ୍ଷ୍ମାକ୍ଷି ନ ସନ୍ତି ପତଯସ୍ତବ॥ 8-77-86 (58791)
ନ ପାଣ୍ଡବାଃ ପ୍ରଭବନ୍ତି ତବ କୃଷ୍ଣେ କଥଞ୍ଚନ।
ଦାସଭାର୍ଯା ଚ ପାଞ୍ଚାଲି ସ୍ବଯଂ ଦାସୀ ଚ ଶୋଭନେ॥ 8-77-87 (58792)
ଅଦ୍ଯ ଦୁର୍ଯୋଧନୋ ରାଜା ପୃଥିବ୍ଯାଂ ନୃପତିଃ ସ୍ମୃତଃ।
ସର୍ବେ ଚାସ୍ଯ ମହିପାଲା ଯୋଗକ୍ଷେମମୁପାସତେ॥ 8-77-88 (58793)
ପଶ୍ଯେଦାନୀଂ ଯଦା ଭଦ୍ରେ ନିବିଷ୍ଟାଃ ପାଣ୍ଡବାଃ ସମମ୍।
ଅନ୍ଯୋନ୍ଯଂ ସମୁଦୀକ୍ଷନ୍ତେ ଧାର୍ତରାଷ୍ଟ୍ରସ୍ଯ ତେଜସା॥ 8-77-89 (58794)
ବ୍ଯକ୍ତଂ ଷଣ୍ଡତିଲା ହ୍ଯେତେ ନରକେ ଚ ନିମଜ୍ଜିତାଃ।
ପ୍ରେଷ୍ଯବଚ୍ଚାପି ରାଜାନମୁପସ୍ଥାସ୍ଯନ୍ତି କୌରବମ୍॥ 8-77-90 (58795)
ଉକ୍ତବାନ୍ସ ଚ ପାତାତ୍ମା ତଥା ପରମଦୁର୍ମତିଃ।
ପାପଃ ପାପବଚଃ କର୍ଣଃ ପଶ୍ଯତସ୍ତେ ଧନଞ୍ଜଯ॥ 8-77-91 (58796)
ଅସ୍ଯ ପାପସ୍ଯ ତଦ୍ବାକ୍ଯଂ ସୁବର୍ଣବିକୃତାଃ ଶରାଃ।
ଶମଯନ୍ତି ଶିଲାଧୌତା ନାଶଯନ୍ତୋଽସ୍ଯ ଜୀବିତମ୍॥ 8-77-92 (58797)
ଅଦ୍ଯ କର୍ଣଂ ରଣେ ଗ୍ରସ୍ତଂ ପଶ୍ଯନ୍ତୁ କୁରବସ୍ତ୍ବଯା।
ସ୍ବର୍ଗାବତରଣେ ଯତ୍ନଂ ସ୍ବର୍ଗଦ୍ବାରଗତଂ ଯଥା॥ 8-77-93 (58798)
ଅଦ୍ଯ ତେ ସମରେ ବୀର୍ଯଂ ପଶ୍ଯନ୍ତୁ କୁରୁଯୋଧିନଃ।
ସୂତପୁତ୍ରେ ହତେ ପାର୍ଥ ଜାନନ୍ତୁ ତ୍ବାଂ ମହାରଥମ୍॥ 8-77-94 (58799)
ଅଦ୍ଯ କାକବଲା ଗୃଧ୍ରା ବାଯସା ଜମ୍ବୁକାସ୍ତଥା।
ବିପ୍ରକର୍ଷନ୍ତୁ ଗାତ୍ରାଣି ସୂତପୁତ୍ରସ୍ଯ ମାରିଷ॥ 8-77-95 (58800)
ଅଦ୍ଯାଧିରଥିରାକ୍ଷିପ୍ତୋ ନିହତଶ୍ଚ ତ୍ବଯା ରଣେ।
କୁରୂଣାଂ ଶୋକମାଧତ୍ତାଂ ପାଣ୍ବାନାଂ ମୁଦଂ ତଦା॥ 8-77-96 (58801)
ଅଦ୍ଯ ତ୍ବାଂ ପ୍ରତିମର୍ଦନ୍ତୁ ପାଞ୍ଚାଲାଃ ପାଣ୍ଡବୈଃ ସହ।
ଯଥା ବୃତ୍ରବଧେ ବୃତ୍ତେ ଦେବାଃ ସର୍ବେ ଶତକ୍ରତୁମ୍॥ 8-77-97 (58802)
ଅଦ୍ଯ କର୍ଣଂ ରଣେ ହତ୍ବା ପ୍ରାପ୍ଯ ଚୈବୋତ୍ତମଂ ଯଶଃ।
ବିଶୋକୋ ବିଜ୍ବରଃ ପାର୍ଥ ଭବ ବନ୍ଧୁପୁରସ୍କୃତଃ॥ 8-77-98 (58803)
ନରସିଂହବପୁଃ କୃତ୍ବା ଯଥା ଶସ୍ତୋ ମହାସୁରଃ।
ହିରଣ୍ଯକଶିପୁର୍ଦୈତ୍ଯୋ ବିଷ୍ଣୁନା ପ୍ରଭବିଷ୍ଣୁନା॥ 8-77-99 (58804)
ତଥା ତ୍ବମପି ରାଧେଯଂ ଘୋରାଂ କୃତ୍ବା ମହାତନୁମ୍।
ଜହି ଯୁଦ୍ଧେ ମହାବାହୋ ତ୍ରାଯସ୍ବ ଚ ଭଯାତ୍ସ୍ବକାନ୍॥ 8-77-10 (58805)
କର୍ଣଂ ହାହାକୃତଂ ଦୀନଂ ବିଷଣ୍ଣଂ ତ୍ବଚ୍ଛରାର୍ଦିତମ୍।
ପ୍ରପତନ୍ତଂ ମହୀଂ କର୍ଣଂ ପଶ୍ଯନ୍ତୁ ବସୁଧାଧିପାଃ॥ 8-77-10 (58806)
ତଂ ଚ ସ୍ବଶୋଣିତେ ମଗ୍ନଂ ଶଯାନଂ ପତିତଂ ଭୁବି।
ଅପବିଦ୍ଧାଯୁକଧଂ କର୍ଣମଦ୍ଯ ପଶ୍ଯନ୍ତୁ ବାନ୍ଧବାଃ॥ 8-77-10 (58807)
ତଚ୍ଚୈବାଦ୍ଯ ମହତ୍କର୍ମ ଗାଣ୍ଡୀବପ୍ରେଷିତୈଃ ଶରୈଃ।
ରଥୋପସ୍ଥେ ବିଶୀର୍ଯେତ ତାରାରାଜ ଇବାମ୍ବରାତ୍॥ 8-77-10 (58808)
ଆଶୁ ଚାଦ୍ଯ ଶରାସ୍ତସ୍ଯ ସମ୍ପତନ୍ତୋ ମହାଜବୈଃ।
ତ୍ବଚ୍ଛରୈଃ ସନ୍ନିକୃତ୍ତାଗ୍ରା ବିଶୀର୍ଯନ୍ତେ ମହୀତଲେ॥ 8-77-10 (58809)
ତ୍ବଯା ଚାଦ୍ଯ ହତେ ତସ୍ଯ ବିକ୍ରମେ ଭରତର୍ଷଭ।
ବିମୁଖାଃ ସର୍ବରାଜାନୋ ଭବନ୍ତୁ ଗତଜୀବିତାଃ॥ 8-77-10 (58810)
ତଥା ଚାଧିରଥୌ ଯାତେ ପ୍ରଯାନ୍ତୁ କୁରବୋ ଦିଶଃ।
ମନ୍ବାନାସ୍ତଂ ରଥଶ୍ରେଷ୍ଠଂ ସର୍ବଲୋକେଷୁ ଧନ୍ବିନାମ୍॥ 8-77-10 (58811)
ସ ବୈ ଚାଦ୍ଯ ଭଯାତ୍ତ୍ଯକ୍ତ୍ବା ଧାର୍ତରାଷ୍ଟ୍ରୋ ମହାଚମୂମ୍।
ଦୁର୍ଯୋଧନୋ ଭଯୋଦ୍ବିଗ୍ନୋ ଦ୍ରବତୁ ସ୍ବଂ ନିବେଶନମ୍॥ 8-77-10 (58812)
ତଥା ଚାଦ୍ଯ ହତଂ ଶ୍ରୁତ୍ବା ଧୃତରାଷ୍ଟ୍ରୋ ଜନେଶ୍ବରଃ।
କ୍ଷଣେନ ନିପତେଦ୍ଭୂମୌ ବିସଂଜ୍ଞୋ ବୈ ମହୀପତିଃ॥ 8-77-10 (58813)
ଅଦ୍ଯ ଜାନନ୍ତୁ ତେ ପାର୍ଥ ବିକ୍ରମଂ ସର୍ବଯୋଧିନଃ।
ଯଦୁବାଚ ସଭାମଧ୍ଯେ ପରୁଷଂ ଭାରତ ତ୍ବଯି॥ 8-77-10 (58814)
ଯାନି ଚାନ୍ଯାନି ଦୁଷ୍ଟାତ୍ମା ପାପାନି କୃତବାଂସ୍ତ୍ବଯି।
ତାନ୍ଯଦ୍ଯ ଭରତଶ୍ରେଷ୍ଠ ନାଶଯନ୍ତୁ ଶରାସ୍ତବ॥ 8-77-10 (58815)
ଶାନ୍ତିଂ କୁରୁ ପରିକ୍ଲେଶା କୃଷ୍ଣାଯାଃ ଶତ୍ରୁପାତନ।
ହତ୍ବା ଶତ୍ରୁଂ ରଣେ ଶ୍ଲାଘ୍ଯଂ ଗର୍ଜନ୍ତମତିପୌରୁଷମ୍॥ 8-77-10 (58816)
ଅଦ୍ଯ ଚାଧିରଥିର୍ବେଦ୍ଧସ୍ତବ ବାଣୈଃ ସମନ୍ତତଃ।
ମନ୍ଯତାଂ ତ୍ବାଂ ନରବ୍ଯାଘ୍ର ପ୍ରବରଂ ସର୍ବଧନ୍ବିନାମ୍॥ 8-77-10 (58817)
ଗାଣ୍ଡୀବପ୍ରସୃତାନ୍ବାଣାନଦ୍ଯ ଗାତ୍ରସ୍ପୃଶଃ ଶରାନ୍।
ଯାତୁ କର୍ଣୋ ରଣେ ପାର୍ଥ ଶ୍ବାବିଚ୍ଛଲଲତୋ ଯଥା॥ 8-77-10 (58818)
ତଂ କଥଂ କର୍ଣମାସାଦ୍ଯ ବିଦ୍ରବେଯୁର୍ମହାରଥାଃ।
ଯସ୍ତ୍ବେକଃ ସର୍ବପାଞ୍ଚାଲାନହନ୍ଯହନି ନାଶଯନ୍।
କାଲବଚ୍ଚରତେ ବୀର ପାଞ୍ଚାଲାନାଂ ରଥବ୍ରଜେ॥ 8-77-10 (58819)
ତମପ୍ଯାସାଦ୍ଯ ସମରେ ମିତ୍ରାର୍ଥେ ମିତ୍ରବତ୍ସଲ।
ତଥା ଜ୍ବଲନ୍ତମସ୍ତ୍ରୈଶ୍ଚ ଶୂରଂ ସର୍ବଧନୁଷ୍ମତାମ୍।
ନିର୍ଦହନ୍ତଂ ସମାରୂଢଂ ଦୁର୍ଧର୍ଷଂ ଦ୍ରୋଣମଞ୍ଜସା॥ 8-77-10 (58820)
ତେ ନିତ୍ଯମୁଦିତା ଜେତୁଂ ଯୁଧି ଶତ୍ରୁମରିନ୍ଦମାଃ।
ନ ଚେଦାଧିରଥେର୍ଭୀତାଃ ପାଞ୍ଚାଲାଃ ସ୍ଯୁଃ ପରାଙ୍ମୁଖାଃ॥ 8-77-10 (58821)
ତେଷାମାପତତାଂ ଶୂରଃ ପାଞ୍ଚାଲାନାଂ ତରସ୍ବିନାମ୍।
ଆଦତ୍ତାସୂଞ୍ଶରୈଃ କର୍ଣଃ ପତଙ୍ଗାନାମିବାନଲଃ॥ 8-77-10 (58822)
ଏତେ ଦ୍ରବନ୍ତି ପାଞ୍ଚାଲା ଦ୍ରାବ୍ଯନ୍ତେ ଯୋଧିଭିର୍ଧ୍ରୁବମ୍।
କର୍ଣେନ ଭରତଶ୍ରେଷ୍ଠ ପଶ୍ଯପଶ୍ଯ ତଥାକୃତାନ୍॥ 8-77-10 (58823)
ତାନ୍ସମାରୋହତଃ ଶୂରାନ୍ମିତ୍ରାର୍ଥେ ତ୍ଯକ୍ତଜୀବିତାନ୍।
ନିସ୍ତାରଯ ମହାବାହୋ କର୍ଣାସ୍ତ୍ରାତ୍ପାବକୋପମାତ୍॥ 8-77-10 (58824)
ଅସ୍ତ୍ରଂ ହିରାମାତ୍କର୍ଣେନ ଭାର୍ଗବାଦୃଷିସତ୍ତମାତ୍।
ଯଦବାପ୍ତଂ ତଦା ଘୋରଂ ତସ୍ଯ ରୂପମୁଦୀର୍ଯତେ॥ 8-77-10 (58825)
ତାପନଂ ସର୍ବସୈନ୍ଯସ୍ଯ ଘୋରରୂପଂ ଭଯାନକମ୍।
ଯମାଶ୍ରିତ୍ଯ ମହାସେନା ଜ୍ବଲତେ ସ୍ବେନ ତେଜସା॥ 8-77-10 (58826)
ଏତେ ଚରନ୍ତି ସଙ୍ଗ୍ରାମେ କର୍ଣଚାପଚ୍ଯୁତାଃ ଶରାଃ।
ପ୍ରଭଯା ଇହ ଶତ୍ରୂଣାଂ ଘାତଯନ୍ତୋ ଜନାନ୍ପ୍ରଭୋ॥ 8-77-10 (58827)
ଏତେ ଭ୍ରମନ୍ତି ପାଞ୍ଚାଲା ଉତ୍କ୍ରଯନ୍ତି ଚ ମାରିଷ।
କର୍ଣାସ୍ତ୍ରଂ ସମରେ ପ୍ରାପ୍ଯ ଦୁର୍ନିବାର୍ଯଂ ମହାତ୍ମଭିଃ॥ 8-77-10 (58828)
ଏଷ ଭୀମୋ ଦୃଢକ୍ରୋଧୋ ବୃତଃ ପାର୍ଥ ସମନ୍ତତଃ।
ସୃଞ୍ଜଯୈର୍ଯୋଽଜଯତ୍କର୍ଣଂ ପୀଡ୍ଯତେ ନିଶିତୈଃ ଶରୈଃ॥ 8-77-10 (58829)
ପାଞ୍ଚାଲାନ୍ସୃଞ୍ଜଯାଂଶ୍ଚୈବ ପାଣ୍ଡବାଂଶ୍ଚୈବ ଭାରତ।
ଉପେକ୍ଷିତୋ ଦହେତ୍କର୍ଣୋ ରୋଗୋ ଦେହମିବାନ୍ତକଃ॥ 8-77-10 (58830)
ନାନ୍ଯଂ ତ୍ବତ୍ତୋ ହି ପଶ୍ଯାମି ଯୋଧଂ ଯୌଧିଷ୍ଠିରେ ବଲେ।
ଯଃ ସମାସାଦ୍ଯ ରାଧେଯଂ ସ୍ବସ୍ତିମାନାବ୍ରଜେଦ୍ଗୃହାନ୍॥ 8-77-10 (58831)
ତମଦ୍ଯ ନିଶିତୈର୍ବାଣୈର୍ନିହତ୍ଯ ଭରତର୍ଷଭ।
ଯଥା ପ୍ରତିଜ୍ଞାଂ ତ୍ବ ପାର୍ଥ ତୀର୍ତ୍ବା କୀର୍ତିମବାପ୍ସ୍ଯସି॥ 8-77-10 (58832)
ତ୍ବଂ ହି ଶକ୍ତୋ ରଣେ କର୍ଣଂ ବିଜେତୁଂ ସହ ପାର୍ଥିବୈଃ।
ନାନ୍ଯୋ ଯୁଧି ଯୁଧାଂ ଶ୍ରେଷ୍ଠ ସତ୍ଯମେତଦ୍ବ୍ରବୀମି ତେ॥ 8-77-10 (58833)
ଏତତ୍କୃତ୍ବା ମହତ୍କାର୍ମ ହତ୍ବା କର୍ଣଂ ମହାରଥମ୍।
କୃତାର୍ଥଃ ସଫଲଃ ପାର୍ଥ ସୁଖୀ ଭବ ନରୋତ୍ତମ॥ ॥ 8-77-10 (58834)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ସପ୍ତସପ୍ତତିତମୋଽଧ୍ଯାଯଃ॥ 77 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.78. ଅଧ୍ଯାଯଃ 078
Mahabharata - Karna Parva - Chapter Topics
ଅର୍ଜୁନେନ କୃଷ୍ଣାଗ୍ରେ କର୍ଣବଧାନନ୍ତରଭାବ୍ଯର୍ଥାନୁବର୍ଣନପୂର୍ବକଂ ତଦ୍ବଧପ୍ରତିଜ୍ଞା॥ 1 ॥
Mahabharata - Karna Parva - Chapter Text
8-78-0 (58835)
ସଞ୍ଜଯ ଉବାଚ। 8-78-0x (5026)
ସ କେଶବସ୍ଯ ବୀଭତ୍ସୁଃ ଶ୍ରୁତ୍ବା ଭାରତ ଭାଷିତମ୍।
ବିଶୋକଃ ସମ୍ପ୍ରହୃଷ୍ଟଶ୍ଚ କ୍ଷଣେନ ସମପଦ୍ଯତ॥ 8-78-1 (58836)
ତତୋ ଜ୍ଯାମଭିମୃଜ୍ଯାଶୁ ବ୍ଯାକ୍ଷିପଦ୍ଗାଣ୍ଡିବଂ ଧନୁଃ।
ଦଧ୍ରେ କର୍ଣବିନାଶାଯ କେଶବଂ ଚାଭ୍ଯଭାଷତ॥ 8-78-2 (58837)
ତ୍ବଯା ନାଥେନ ଗୋବିନ୍ଦ ଧ୍ରୁବ ଏବ ଜଯୋ ମମ।
ପ୍ରସନ୍ନୋ ଯସ୍ଯ ଭଗବାନ୍ଭୂତଭବ୍ଯଭବିଷ୍ଯକୃତ୍॥ 8-78-3 (58838)
ତ୍ବତ୍ସହାଯୋ ହ୍ଯହଂ କୃଷ୍ଣ ତ୍ରୀଂଲ୍ଲୋକାନ୍ବୈ ସମାଗତାନ୍।
ପ୍ରାପଯେଯଂ ପରଂ ଲୋକଂ କିମୁ କର୍ଣଂ ମହାହବେ॥ 8-78-4 (58839)
ପଶ୍ଯାମି ଦ୍ରବତୀଂ ସେନାଂ ପାଞ୍ଚାଲାନାଂ ଜନାର୍ଦନ।
ପଶ୍ଯାମି କର୍ଣଂ ସମରେ ବିଚରନ୍ତମଭୀତବତ୍॥ 8-78-5 (58840)
ଭାର୍ଗବାସ୍ତ୍ରଂ ଚ ପଶ୍ଯାମି ଜ୍ବଲନ୍ତଂ କୃଷ୍ଣ ସର୍ବଶଃ।
ସୃଷ୍ଟଂ କର୍ଣେନ ବାର୍ଷ୍ଣେଯ ଶକ୍ରେଣେବ ମହାଶନିମ୍॥ 8-78-6 (58841)
ଅନେନ ଖଲୁ ସଙ୍ଗ୍ରାମେ ଯତ୍ତୁ କୃଷ୍ଣ ମଯା କୃତମ୍।
କଥଯିଷ୍ଯନ୍ତି ଭୂତାନି ଯାବଦ୍ଭୂମିର୍ଧରିଷ୍ଯତି॥ 8-78-7 (58842)
ଅଦ୍ଯ କୃଷ୍ଣ ବିକର୍ଣା ମେ କର୍ଣଂ ନେଷ୍ଯନ୍ତି ମୃତ୍ଯବେ।
ଗାଣ୍ଡୀବମୁକ୍ତାଃ କ୍ଷିଣ୍ବନ୍ତୋ ମମ ହସ୍ତପ୍ରଚୋଦିତାଃ॥ 8-78-8 (58843)
ଅଦ୍ଯ ରାଜା ଧୃତରାଷ୍ଟ୍ରଃ ସ୍ବାଂ ବୁଦ୍ଧିମବମଂସ୍ଯତେ।
ଦୁର୍ଯୋଧନମରାଜ୍ଯାର୍ହଂ ଯଯା ରାଜ୍ଯେଽଭ୍ଯଷେଚଯତ୍॥ 8-78-9 (58844)
ଅଦ୍ଯ ରାଜ୍ଯାତ୍ସୁଖାଚ୍ଚୈବ ଶ୍ରିଯୋ ରାଷ୍ଟ୍ରାତ୍ତଥା ପୁରାତ୍।
ପୁତ୍ରେଭ୍ଯଶ୍ଚ ମହାବାହୋ ଧୃତରାଷ୍ଟ୍ରୋ ବିମୋକ୍ଷ୍ଯତି॥ 8-78-10 (58845)
ଗୁଣବନ୍ତଂ ହି ଯୋ ହିତ୍ବା ନିର୍ଗୁଣଂ କୁରୁତେ ପ୍ରଭୁମ୍।
ସ ଶୋଚତି ଚିରଂ କୃଷ୍ଣ କ୍ଷିପ୍ରମେବାଗତେ କ୍ଷଯେ॥ 8-78-11 (58846)
ଯଥା ଚ ପୁରୁଷଃ କଶ୍ଚିଚ୍ଛିତ୍ତ୍ବା ଚାମ୍ରବଣଂ ମହତ୍।
ପଲାଶସେଚନେ ବୁଦ୍ଧିଂ କୃତ୍ବା ଶୋଚତି ମନ୍ଦଧୀଃ॥ 8-78-12 (58847)
ଦୃଷ୍ଟ୍ବା ପୁଷ୍ପଂ ପଲେ ଗୃଧ୍ନୁଃ ଫଲଂ ଦୃଷ୍ଟ୍ବାଽନୁଶୋଚତି।
ତଥେଦଂ ଧୃତରାଷ୍ଟ୍ରସ୍ଯ ପୁଷ୍ପଲୁପ୍ଧସ୍ଯ ମାନଦ।
ଫଲଂ ଦୃଷ୍ଟ୍ବା ଭୃଶଂ ଦୁଃଖଂ ଭବିଷ୍ଯତି ଜନାର୍ଦନ॥ 8-78-13 (58848)
ସୂତପୁତ୍ରେ ହତେ ତ୍ବଦ୍ଯ ନିରାଶୋ ଭବିତା ପ୍ରଭୁଃ॥ 8-78-14 (58849)
ଅଦ୍ଯ ଦୁର୍ଯୋଧନୋ ରାଜ୍ଯାଜ୍ଜୀବିତାଚ୍ଚ ନିରାଶକଃ।
ଭବିଷ୍ଯତି ହତେ କର୍ଣେ କୃଷ୍ଣ ସତ୍ଯଂ ବ୍ରବୀମି ତେ॥ 8-78-15 (58850)
ଅଦ୍ଯ ଦୃଷ୍ଟ୍ବା ମଯା କର୍ଣଂ ଶରୈର୍ବିଶକଲୀକୃତମ୍।
ସ୍ମରତାଂ ତବ ବାକ୍ଯାନି ଶମଂ ପ୍ରତି ଜନେଶ୍ବରଃ॥ 8-78-16 (58851)
ଅଦ୍ଯାସୌ ସୌବଲଃ କୃଷ୍ଣ ଗ୍ଲହାଞ୍ଜାନାତୁ ବୈ ଶରାନ୍।
ଦୁରୋଦରଂ ଚ ଗାଣ୍ଡୀବଂ ଗଣ଼୍ଡବଂ ଚ ରଥଂ ମମ॥ 8-78-17 (58852)
ଅଦ୍ଯ କୁନ୍ତୀସୁତସ୍ଯାହଂ ଦୃଢଂ ରାଜ୍ଞଃ ପ୍ରଜାଗରମ୍।
ବ୍ଯପନେଷ୍ଯାମି ଗୋବିନ୍ଦ ହତ୍ବା କର୍ଣଂ ଶିତୈଃ ଶରୈଃ॥ 8-78-18 (58853)
ଅଦ୍ଯ କୁନ୍ତୀସୁତୋ ରାଜା ହତେ ସୂତସୁତେ ମଯା।
ସୁପ୍ରହୃଷ୍ଟମନାଃ ପ୍ରୀତଶ୍ଚିରଂ ସୁଖମବାପ୍ସ୍ଯତି॥ 8-78-19 (58854)
ଅଦ୍ଯ ବାହମନାଧୃଷ୍ଯଂ କେଶବାପ୍ରତିମଂ ଶରମ୍।
ଉତ୍ସ୍ରକ୍ଷ୍ଯାମୀହଯଃ କର୍ଣଂ ଜୀବିତାଦ୍ଧଂଶଯିଷ୍ଯତି॥ 8-78-20 (58855)
ଯସ୍ଯ ଚୈତଦ୍ବ୍ରତଂ ମହ୍ଯଂ ବଧେ କିଲ ଦୁରାତ୍ମନଃ।
ପାଦୌନ ମxxxxxxନ୍ଯାଂ ନ ଫଲ୍ଗୁନମ୍॥ 8-78-21 (58856)
xxxxxxxz ପାପସ୍ଯ ମଧୁସୂଦନ।
xxxxxxxxxxxxxx ସନ୍ନତପର୍ବଭିଃ॥ 8-78-22 (58857)
xxxxxxxxxxxxxx ନାନ୍ଯଂ ପୃଥିବ୍ଯାମନୁମନ୍ଯତେ।
xxxxxxxxx ସୂତପୁତ୍ରସ୍ଯ ଭୂମିଃ ପାସ୍ଯତି ଶୋଣିତମ୍॥ 8-78-23 (58858)
xxxxxxx ସୂତପୁତ୍ରୋ ଯଦବ୍ରବୀତ୍।
xxxxxxxxxxx ଶ୍ଲାଘମାନଃ ସ୍ବକାନ୍ଗୁଣାନ୍॥ 8-78-24 (58859)
ଅନୃତଂ ତତ୍କରିଷ୍ଯନ୍ତି ମାମକା ନିଶିତାଃ ଶରାଃ।
ଆଶୀବିଷା ଇବ କ୍ରୁଦ୍ଧାସ୍ତସ୍ଯପାସ୍ଯନ୍ତି ଶୋଣିତମ୍॥ 8-78-25 (58860)
ମଯା ହସ୍ତବତା ମୁକ୍ତା ନାରାଚା ବୈଦ୍ଯୁତତ୍ବିଷଃ।
ଗାଣ୍ଡୀବସୃଷ୍ଟା ଦାସ୍ଯନ୍ତି କର୍ଣସ୍ଯ ପରମାଂ ଗତିମ୍॥ 8-78-26 (58861)
ଅଦ୍ଯ ତପ୍ସ୍ଯତି ରାଧେଯଃ ପାଞ୍ଚାଲୀଂ ଯତ୍ତଦବ୍ରବୀତ୍।
ସଭାମଧ୍ଯେ ବଚଃ କ୍ରୂରଂ କୁତ୍ସଯନ୍ପାଣ୍ଡବାନ୍ପ୍ରତି॥ 8-78-27 (58862)
ଏତେ ଷଣ୍ଡତିଲାଃ କୃଷ୍ଣେ ନିର୍ବୀର୍ଯା ହତବିକ୍ରମାଃ।
ଅହଂ ବଃ ପାଣ୍ଡବେଯେଭ୍ଯୋ ଭଯାତ୍ତ୍ରାସ୍ଯେତି ଚାବ୍ରବୀତ୍।
ହନ୍ତାଽହଂ ପାଣ୍ଡବାନ୍ସର୍ବାନ୍ସପୁତ୍ରାନିହ ଭାରତ॥ 8-78-28 (58863)
ଅନୃତଂ ତତ୍କରିଷ୍ଯନ୍ତି ମାମକା ନିଶିତାଃ ଶରାଃ।
ହତେ ବୈକର୍ତନେ କର୍ଣେ ସୂତପୁତ୍ରେ ଦୁରାତ୍ମନି॥ 8-78-29 (58864)
ଯସ୍ଯ ବୀର୍ଯଂ ସମାଶ୍ରିତ୍ଯ ଧାର୍ତରାଷ୍ଟ୍ରୋ ବୃହନ୍ମନାଃ।
ତମଦ୍ଯ କର୍ଣଂ ହନ୍ତାସ୍ମି ସମରେ ମଧୁସୂଦନ॥ 8-78-30 (58865)
ଅଦ୍ଯ କର୍ଣେ ହତେ କୃଷ୍ଣ ଧାର୍ତରାଷ୍ଟ୍ରାଃ ସରାଜକାଃ।
ବିଦ୍ରବନ୍ତି ଦିଶୋ ଭୀତାଃ ସିଂହଂ ଦୃଷ୍ଟ୍ବା ମୃଗା ଇବ॥ 8-78-31 (58866)
ଅଦ୍ଯ ଦୁର୍ଯୋଧନୋ ରାଜା ପୃଥିବୀଂ ନାନ୍ବବେକ୍ଷତେ।
ହତେ କର୍ଣେ ମଯା ସଙ୍ଖ୍ଯେ ସପୁତ୍ରେ ସସୁହୃଜ୍ଜନେ॥ 8-78-32 (58867)
ଅଦ୍ଯ କର୍ଣେ ହତଂ ଦୃଷ୍ଟ୍ବା ଧାର୍ତରାଷ୍ଟ୍ରୋଽତ୍ଯମର୍ଷଣଃ।
ଜାନାତୁ ମାଂ ରଣେ କୃଷ୍ଣ ପ୍ରବରଂ ସର୍ବଧନ୍ବିନାମ୍॥ 8-78-33 (58868)
ସପୁତ୍ରପୌତ୍ରଃ ସାମାତ୍ଯଃ ସସୁହୃଚ୍ଚ ନିରାଶିଷଃ।
ପିତ୍ର୍ଯେ ରାଜ୍ଯେ ନିରାଶଶ୍ଚ ଧାର୍ତରାଷ୍ଟ୍ରୋ ନିରାଶ୍ରଯଃ॥ 8-78-34 (58869)
ଅଦ୍ଯ ରାଜା ଧର୍ମପୁତ୍ରୋ ହତାମିତ୍ରୋ ଭବିଷ୍ଯତି।
ଅଦ୍ଯ ଦୁର୍ଯୋଧନୋ ଦୀପ୍ତାଂ ଶ୍ରିଯଂ ରାଜ୍ଯଂ ଚ ହାସ୍ଯତି॥ 8-78-35 (58870)
ହତେ ବୈକର୍ତନେ କର୍ଣେ ଭୀଷ୍ମେ ଦ୍ରୋଣେ ଚ ସଂଯୁଗେ।
କାତରଂ ତଦ୍ବଲଂ କୃଷ୍ଣ ପ୍ରବିଷ୍ଟଂ ଭୋକ୍ଷ୍ଯତେ ତୁ ଯତ୍॥ 8-78-36 (58871)
ଅଦ୍ଯପ୍ରଭୃତି ରାଜାନଂ ଧର୍ମପୁତ୍ରଂ ଯୁଧିଷ୍ଠିରମ୍।
ଅନୁମୋଦନ୍ତୁ ସୁହୃଦୋ ଜ୍ଞାତପୂର୍ବାଶ୍ଚ ବ୍ରାହ୍ମଣାଃ॥ 8-78-37 (58872)
ଅଦ୍ଯ ତଂ ନିହତଂ ଶ୍ରୁତ୍ବା କର୍ଣଂ ବୈକର୍ତନଂ ମଯା।
କରୋତୁ ପଟହୋନ୍ମିଶ୍ରଂ ଦେବତାସ୍ଥାନପୂଜନମ୍॥ 8-78-38 (58873)
ଅଦ୍ଯ କୃଷ୍ଣ ହତେ କର୍ଣେ କୁରୁତାଂ ଚିରସମ୍ଭୃତମ୍।
ଯାଜନଂ ବୈ ମହାବାହୋ ଦେବତାନାଂ ଯଥାବିଧି॥ 8-78-39 (58874)
ଅଦ୍ଯ ତ୍ବମ୍ବା ଚ କୃଷ୍ଣା ଚ ତ୍ବରମାଣେ ପରସ୍ପରମ୍।
ସସ୍ବଜେତାଂ ହୃଷୀକେଶ ସମ୍ପୂର୍ଣେଽସ୍ମିନ୍ମନୋରଥେ॥ 8-78-40 (58875)
ଅଦ୍ଯ ତ୍ବଂ ପାଣ୍ଡବୋ ଜ୍ଯେଷ୍ଠସ୍ତଥାଽଽର୍ଯଶ୍ଚ ବୃକୋଦରଃ।
ଉଦୀକ୍ଷେତାଂ ହତେ କର୍ଣେ କୃଷ୍ଣ ସୌମ୍ଯେନ ଚକ୍ଷୁଷା॥ 8-78-41 (58876)
ଅଭିବାଦ୍ଯ ଗୁରୂନଦ୍ଯ କନିଷ୍ଠୈଶ୍ଚାଭିବାଦିତଃ।
ସସ୍ବଜାନୋ ହ୍ଯହଂ ଦୋର୍ଭ୍ଯାଂ ପ୍ରାପ୍ସ୍ଯାମି ବିପୂଲଂ ଯଶଃ॥ 8-78-42 (58877)
ଅଦ୍ଯ କର୍ଣେ ହତେ କୃଷ୍ଣ ପ୍ରଶଂସନ୍ତୋଽର୍ଜୁନଂ ସୁରାଃ।
ତ୍ରିଦିବଂ ଯାନ୍ତୁ ସଂହୃଷ୍ଟାଃ ସଙ୍ଗତାଶ୍ଚ ତପୋଧନାଃ॥ 8-78-43 (58878)
ଅଦ୍ଯ ଲୋକାସ୍ତ୍ରଯଃ କୃଷ୍ଣ ଜାନନ୍ତୁ ମମ ପୌରୁଷମ୍।
ଦୃଷ୍ଟ୍ବା କର୍ଣଂ ହତଂ ଯୁଦ୍ଧେ ଦ୍ବୈରଥେ ସବ୍ଯସାଚିନା॥ 8-78-44 (58879)
ଅଦ୍ଯାହମନୃଣଃ କୃଷ୍ଣ ଭବିଷ୍ଯାମି ଧନୁଷ୍ମତାମ୍।
ରଥସ୍ଯ ଚ ଶରାଣାଂ ଚ ଧନୁଷୋ ଗାଣ୍ଡିବସ୍ଯ ଚ॥ 8-78-45 (58880)
ମୋକ୍ଷ୍ଯାମ୍ଯଦ୍ଯ ମହଦ୍ଦୁଃଖଂ ତ୍ରଯୋଦଶସମାର୍ଜିତମ୍।
ହତ୍ବା କର୍ଣଂ ରଣେ କୃଷ୍ଣ ଶମ୍ବରଂ ମଘବାନିବ॥ 8-78-46 (58881)
ଅଦ୍ଯ କର୍ଣେ ହତେ ଯୁଦ୍ଧେ ସୋମକାନାଂ ମହାରଥାଃ।
କୃତକାର୍ଯାଃ ପ୍ରମୋଦନ୍ତାଂ ମିତ୍ରକାର୍ଯେପ୍ସବୋ ଯୁଧି॥ 8-78-47 (58882)
ନ ଜାନେ ଚ କଥଂ ପ୍ରୀତିଃ ଶୈନେଯସ୍ଯାଦ୍ଯ ମାଧବ।
ଅହଂ ହତ୍ବା ରଣେ କର୍ଣଂ ପୁତ୍ରାଂଶ୍ଚାସ୍ଯ ଜଯାଧିକାନ୍।
ପ୍ରୀତିଂ ଦାସ୍ଯାମି ଭୀମସ୍ଯ ସାତ୍ଯକେର୍ଯମଯୋସ୍ତଥା॥ 8-78-48 (58883)
ଧୃଷ୍ଟଦ୍ଯୁମ୍ନସ୍ଯ ବୀରସ୍ଯ ତଥୈବ ଚ ଶିଖଣ୍ଡିନଃ।
ଅଦ୍ଯାନୃଣ୍ଯଂ ଗମିଷ୍ଯାମି ହତ୍ବା କର୍ଣଂ ମହାହବେ।
ଧର୍ମରାଜସ୍ଯ ସଂଶ୍ରୁତ୍ଯ ବାର୍ଷ୍ଣେଯଶପଥଂ ମିଥଃ॥ 8-78-49 (58884)
ଅଦ୍ଯ ପଶ୍ଯନ୍ତୁ ସଙ୍ଗ୍ରାମେ ଧନଞ୍ଜଯମମର୍ଷଣମ୍।
ଯୁଧ୍ଯନ୍ତଂ କୌରବୈଃ ସାର୍ଧଂ ଘାତଯନ୍ତଂ ଚ ସୂତଜମ୍॥ 8-78-50 (58885)
ଭବତ୍ସମକ୍ଷମଂ ବକ୍ଷ୍ଯାମି ପୁନରେବାତ୍ମସଂସ୍ତବମ୍।
ଇତ୍ଯପ୍ଯମିତ୍ରପ୍ରବରମଦ୍ଯାହଂ ହନ୍ମି ସୂତଜମ୍॥ 8-78-51 (58886)
ଧନୁର୍ବେଦେ ମତ୍ସମଃ କୋ ନୁ ଲୋକେ
ପରାକ୍ରମେ ବା ମମ କୋଽସ୍ତି ତୁଲ୍ଯଃ।
କୋ ବାଽପ୍ଯନ୍ଯୋ ମତ୍ସମୋଽସ୍ତି କ୍ଷମାଯାଂ
ମମାନୃଶଂସ୍ଯେ ସଦୃଶୋଽସ୍ତି କୋଽନ୍ଯଃ॥ 8-78-52 (58887)
ଅହଂ ଧନୁଷ୍ମାନ୍ସସୁରାସୁରାଂଶ୍ଚ
ସର୍ବାଣି ଭୂତାନି ଚ ସଙ୍ଗତାନି।
ସ୍ବବାହୁବୀର୍ଯାଦ୍ଗମଯେ ପରାଭବଂ
ମତ୍ପୌରୁଷଂ ବିଦ୍ବି ପରଂ ପରେଭ୍ଯଃ॥ 8-78-53 (58888)
ଶରାର୍ଚିଷା ଗାଣ୍ଡିବେନାହମେକଃ
ସର୍ବାନ୍କୁରୂନ୍ବାହ୍ଲିକାଂଶ୍ଚାଭିପନ୍ନଃ।
ହିମାତ୍ଯଯେ କକ୍ଷଗତୋ ଯଥାଽଗ୍ନିଃ
ସ ନିର୍ଦହେଯଂ ସହସା ପ୍ରଗୃହ୍ଯ॥ 8-78-54 (58889)
ପାଣୀ ପୃଷତ୍କାଲିଖିତୌ ମମୈତୌ
ଧନୁଶ୍ଚ ସଙ୍ଖ୍ଯେ ବିତତଂ ସବାଣମ୍।
ପାଦୌ ଚେମୌ ସୁରଥୌ ସଧ୍ବଜୌ ଚ
ନ ମାଦୃଶଂ ଯୁଦ୍ଧଗତଂ ଭଜନ୍ତି॥ ॥ 8-78-55 (58890)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଅଷ୍ଟସପ୍ତତିତମୋଽଧ୍ଯାଯଃ॥ 78 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.79. ଅଧ୍ଯାଯଃ 079
Mahabharata - Karna Parva - Chapter Topics
ଦ୍ବନ୍ଦ୍ବଯୁଦ୍ଧମ୍॥ 1 ॥
Mahabharata - Karna Parva - Chapter Text
8-79-0 (58891)
[ଧୃତରାଷ୍ଟ୍ର ଉବାଚ। 8-79-0x (5027)
ସମାଗମେ ପାଣ୍ଡବସୃଞ୍ଜଯାନାଂ
ମହାଭଯେ ମାମକାନାମଗାଧେ।
ଧନଞ୍ଜଯେ ତାତ ରଣାଯ ଯାତେ
କର୍ଣେନ ତଦ୍ଯୁଦ୍ବମଥୋଽତ୍ର କୀଦୃକ୍॥] 8-79-1 (58892)
ସଞ୍ଜଯ ଉବାଚ। 8-79-2x (5028)
ତେଷାମନୀକାନି ମହାଧ୍ବଜାନି
ରଣେ ସମୃଦ୍ଧାନି ସୁସଙ୍ଗତାନି।
ଭେରୀନିରାଦୋନ୍ମୁଖରାଣ୍ଯଂଗର୍ଜ--
ନ୍ମେଘା ଇବ ପ୍ରାବୃଷି ମାରୁତାସ୍ତାଃ॥ 8-79-2 (58893)
ମହାଗଜାଭ୍ରାକୁଲମସ୍ତ୍ରତୋଯଂ
ବାଦିତ୍ରନେମୀତଲଶବ୍ଦବଚ୍ଚ।
ହିରଣ୍ଯଚିତ୍ରାଯୁଧବିଦ୍ଯୁତଂ ଚ
ଶରାସିନାରାଚମହାସ୍ତ୍ରଧାରମ୍॥ 8-79-3 (58894)
ତଦ୍ଭୀମବେଗଂ ରୁଧିରୌଘବାହି
ଖଙ୍ଗାକୁଲଂ କ୍ଷତ୍ରିଯଜୀବଘାତି।
ଅନାର୍ତବଂ କ୍ରୂରମନିଷ୍ଟବର୍ଷଂ
ବଭୂବ ସଂରମ୍ଭକରଂ ପ୍ରଜାନାମ୍॥ 8-79-4 (58895)
ଏକଂ ରଥଂ ସମ୍ପରିବାର୍ଯ ମୃତ୍ଯୁଂ
ନଯନ୍ତ୍ଯନେକେ ଚ ରଥାଃ ସମେତାଃ।
ଏକସ୍ତଥୈକଂ ରଥିନଂ ରଥାଗ୍ର୍ଯାଂ--
ସ୍ତଥା ରଥଶ୍ଚାପି ରଥାନନେକାନ୍॥ 8-79-5 (58896)
ରଥଂ ସସୂତଂ ସହଯଂ ଚ କଞ୍ଚି--
ତ୍କଶ୍ଚିଦ୍ରତୀ ମୃତ୍ଯୁବଶଂ ନିନାଯ।
ନିନାଯ ଚାପ୍ଯେକଗଜେନ କଶ୍ଚି--
ଦ୍ରଥାନ୍ବହୂନ୍ମୃତ୍ଯୁବଶେ ତଥାଶ୍ବାନ୍॥ 8-79-6 (58897)
ରଥାନ୍ସସୂତାନ୍ସହଯାନ୍ଗଜାଂଶ୍ଚ
ସର୍ବାନରୀନ୍ମୃତ୍ଯୁବଶଂ ଶରୌଘୈଃ।
ନିନ୍ଯେ ହଯାଂଶ୍ଚୈବ ତଥା ସସାଦୀ--
ନ୍ପଦାତିସଙ୍ଘାଂଶ୍ଚ ତଥୈବ ପାର୍ଥଃ॥ 8-79-7 (58898)
କୃପଃ ଶିଖଣ୍ଡୀ ଚ ରଣେ ସମେତୌ
ଦୁର୍ଯୋଧନଂ ସାତ୍ଯକିରଧ୍ଯଗଚ୍ଛତ୍।
ଶ୍ରୁତଶ୍ରବା ଦ୍ରୋଣପୁତ୍ରେଣ ସାର୍ଧଂ
ଯୁଧାମନ୍ଯୁଶ୍ଚିତ୍ରସେନେନ ସାର୍ଧମ୍॥ 8-79-8 (58899)
କର୍ଣସ୍ଯ ପୁତ୍ରଂ ତୁ ରଥୀ ସୁଷେଣଂ
ସମାଗତଂ ସୃଞ୍ଜଯଶ୍ଚୋତ୍ତମୌଜାଃ।
ଗାନ୍ଧାରରାଜଂ ସହଦେବୋଽକ୍ଷଧୂର୍ତଂ
ମହର୍ଷଭଂ ସିଂହ ଇବାଭ୍ଯଧାବତ୍॥ 8-79-9 (58900)
ଶତାନୀକୋ ନାକୁଲିଃ କର୍ଣପୁତ୍ରଂ
ଯୁବା ଯୁବାନଂ ବୃଷସେନଂ ଶରୌଘୈଃ।
ସମାର୍ପଯତ୍କର୍ଣପୁତ୍ରଶ୍ଚ ଶୂରଃ
ପାଞ୍ଚାଲେଯଂ ଶରବର୍ଷୈରନେକୈଃ॥ 8-79-10 (58901)
ରଥର୍ଷଭଃ କୃତବର୍ମାଣଭାର୍ଚ୍ଛ--
ନ୍ମାଦ୍ରୀପୁତ୍ରୋ ନକୁଲଶ୍ଚିତ୍ରଯୋଧୀ।
ପାଞ୍ଚାଲାନାମଧିପୋ ଯାଜ୍ଞସେନିଃ
ସେନାପତିଃ କର୍ଣମାର୍ଚ୍ଛତ୍ସସୈନ୍ଯମ୍॥ 8-79-11 (58902)
ଦୁଃଶାସନୋ ଭାରତ ଭାରତଂ ତୁ
ବ୍ଯାତ୍ତାନନଂ କ୍ରୂରମିବାନ୍ତକାଭମ୍।
ଭୀମଂ ରଣେ ଶସ୍ତ୍ରଭୃତାଂ ବରିଷ୍ଠଂ
ଭୀମଂ ସମାର୍ଚ୍ଛତ୍ତମସହ୍ଯବେଗମ୍॥ 8-79-12 (58903)
କର୍ଣାତ୍ମଜଂ ତତ୍ର ଜଘାନ ବୀର--
ସ୍ତଥାଚ୍ଛିନଚ୍ଚୋତ୍ତମୌଜାଃ ପ୍ରସହ୍ଯ।
ତସ୍ଯୋତ୍ତମାଙ୍ଗଂ ନିପପାତ ଭୂମୌ
ନିନାଦଯଦ୍ଗାଂ ନିନଦେନ ଖଂ ଚ॥ 8-79-13 (58904)
ସୁଷେଣଶୀର୍ଷଂ ପତିତଂ ପୃଥିବ୍ଯାଂ
ବିଲୋକ୍ଯ କର୍ଣୋଽଥ ତଦାର୍ତରୂପଃ।
କ୍ରୋଧାଦ୍ଧଯାଂସ୍ତସ୍ଯ ରଥଂ ଧ୍ବଜଂ ଚ
ବାଣୈଃ ସୁଧାରୈର୍ନିଶିତୈରକୃନ୍ତତ୍॥ 8-79-14 (58905)
ସ ତୂତ୍ତମୌଜା ନିଶିତୈଃ ପୃଷତ୍କୈ--
ର୍ବିବ୍ଯାଧ ଖଙ୍ଗେନ ଚ ଭାସ୍ବରେଣ।
ପାର୍ଷ୍ଣିଗ୍ରହାଂଶ୍ଚୈବ କୃପସ୍ଯ ହତ୍ବା
ଶିଖଣ୍ଡିବାହଂ ସ ତତୋଽଧ୍ଯରୋହତ୍॥ 8-79-15 (58906)
କୃପଂ ତୁ ଦୃଷ୍ଟ୍ବା ବିରଥଂ ରଥସ୍ଥୋ
ନୈଚ୍ଛଚ୍ଛରୈସ୍ତାଡଯିତୁଂ ଶିଖଣ୍ଡୀ।
ତଂ ଦ୍ରୌଣିରାବାର୍ଯ ରଥଂ କୃପସ୍ଯ
ସମୁଜ୍ଜହେ ପଙ୍କଗତାଂ ଯଥା ଗାମ୍॥ 8-79-16 (58907)
ହିରଣ୍ଯବର୍ମା ନିଶିତୈଃ ପୃଷତ୍କୈ--
ସ୍ତବାତ୍ମଜାନାମନିଲାତ୍ମଜୋ ବୈ।
ଅତାପଯତ୍ସୈନ୍ଯମତୀବ ଭୀମଃ
କାଲେ ଶୁଚୌ ମଧ୍ଯଗତୋ ଯଥାଽର୍କଃ॥ ॥ 8-79-17 (58908)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଏକୋନାଶୀତିତମୋଽଧ୍ଯାଯଃ॥ 79 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.80. ଅଧ୍ଯାଯଃ 080
Mahabharata - Karna Parva - Chapter Topics
ଭୀମସେନବିଶୋକଯୋଃ ସଂବାଦଃ॥ 1 ॥
Mahabharata - Karna Parva - Chapter Text
8-80-0 (58909)
ସଞ୍ଜଯ ଉବାଚ। 8-80-0x (5029)
ଅଥ ତ୍ବିଦାନୀଂ ତୁମୁଲେ ବିମର୍ଦେ
ଦ୍ବିଷଦ୍ଭିରେକୋ ବହୁଭିଃ ସମାବୃତଃ।
ମହାରଣେ ସାରଥିମିତ୍ଯୁବାଚ
ଭୀମଶ୍ଚମୂଂ ବାହଯ ଧାର୍ତରାଷ୍ଟ୍ରୀମ୍।
ତ୍ବଂ ସାରଥେ ଯାହି ଜବେନ ବାହୈ--
ର୍ନଯାମ୍ଯେତାନ୍ଧାର୍ତରାଷ୍ଟ୍ରାନ୍ଯମାଯ॥ 8-80-1 (58910)
ସଞ୍ଚୋଦିତୋ ଭୀମସେନେନ ଚୈବଂ
ସ ସାରଥିଃ ପୁତ୍ରବଲଂ ତ୍ବଦୀଯମ୍।
ପ୍ରାଯାତ୍ତତଃ ସତ୍ବରମୁଗ୍ରବେଗୋ
ଯତୋ ଭୀମସ୍ତଦ୍ବଲଂ ଗନ୍ତୁମୈଚ୍ଛତ୍॥ 8-80-2 (58911)
ତତୋଽପରେ ନାଗରଥାଶ୍ବପତ୍ତିଭିଃ
ପ୍ରତ୍ଯୁଦ୍ଯଯୁସ୍ତଂ କୁରବଃ ସମନ୍ତାତ୍।
ଭୀମସ୍ଯ ବାହାଗ୍ର୍ଯମୁଦାରବେଗଂ
ସମନ୍ତତୋ ବାଣଗଣୈର୍ନିଜଘ୍ନୁଃ॥ 8-80-3 (58912)
ତତଃ ଶରାନାପତତୋ ମହାତ୍ମା
ଚିଚ୍ଛେଦ ବାଣୈସ୍ତପୀନଯପୁଙ୍ଖୈଃ।
ତେ ବୈ ନିପେତୁସ୍ତପନୀଯପୁଙ୍ଖା
ଦ୍ବିଧା ତ୍ରିଧା ଭୀମଶରୈର୍ନିକୃତ୍ତାଃ॥ 8-80-4 (58913)
ତତୋ ରାଜନ୍ନାଗରଥାଶ୍ବଯୂନାଂ
ଭୀମାହତାନାଂ ବରରାଜମଧ୍ଯେ।
ଘୋରୋ ନିନାଦଃ ସୁମହାନଭୂତ୍ତଦା
ବଜ୍ରାହତାନାମିବ ପର୍ବତାନାମ୍॥ 8-80-5 (58914)
ତେ ବଧ୍ଯମାନାଶ୍ଚ ନରେନ୍ଦ୍ରମୁଖ୍ଯା
ନିର୍ଭିଦ୍ଯନ୍ତୋ ଭୀମଶରପ୍ରବେକୈଃ।
ଭୀମଂ ସମନ୍ତାତ୍ସମରେଽଭ୍ଯରୋହନ୍
ବୃକ୍ଷଂ ଶକୁନ୍ତା ଇବ ପୁଷ୍ପହେତୋଃ॥ 8-80-6 (58915)
ତତୋଽଭିଯାତେ ତବ ସୈନ୍ଯେ ସ ଭୀମଃ
ପ୍ରାଦୁଶ୍ଚକ୍ରେ ବେଗମନନ୍ତବେଗଃ।
ଯଥାଽନ୍ତକାଲେ କ୍ଷପଯନ୍ଦିଧକ୍ଷୁ--
ର୍ଭୂତାନ୍ତକୃତ୍କାଲ ଇବାତ୍ତଦଣ୍ଡଃ॥ 8-80-7 (58916)
ତସ୍ଯାତିବେଗସ୍ଯ ରଣେଽତିବେଗଂ
ନାଶକ୍ନୁବନ୍ଧାରଯିତୁଂ ତ୍ବଦୀଯାଃ।
ବ୍ଯାତ୍ତାନନସ୍ଯାପତତୋ ଯଥୈବ
କାଲସ୍ଯ କାଲେ ହରତଃ ପ୍ରଜା ବୈ॥ 8-80-8 (58917)
ତତୋ ବଲଂ ଭାରତ ଭାରତାନାଂ
ପ୍ରଦହ୍ଯମାନଂ ସମରେ ମହାତ୍ମନା।
ଭୀତଂ ଦିଶୋଽକୀର୍ଯତ ଭୀମନୁନ୍ନଂ
ମହାନିଲେନାଭ୍ରଗଣା ଯଥୈବ॥ 8-80-9 (58918)
ତତୋ ଧୀମାନ୍ସାରଥିମବ୍ରବୀଦ୍ବଲୀ
ସ ଭୀମସେନଃ ପୁନରେବ ହୃଷ୍ଟଃ॥ 8-80-10 (58919)
ସୂତାଭିଜାନୀହି ପରାନ୍ସ୍ବକାନ୍ବା
ରଥାନ୍ଧ୍ବଜାଂଶ୍ଚାପତତଃ ସମେତାନ୍।
ଯୁଧ୍ଯନ୍ହ୍ଯହଂ ନାଭିଜାନାମି କିଞ୍ଚି--
ନ୍ମା ସୈନ୍ଯଂ ସ୍ବଂ ଛାଦଯିଷ୍ଯେ ପ୍ରମତ୍ତଃ॥ 8-80-11 (58920)
ଅରୀନ୍ବିଶୋକାନ୍ହି ନିରୀକ୍ଷ୍ଯ ସର୍ବତୋ
ମହାଂଶ୍ଚ ମନ୍ଯୁଃ ପୁନରେତି ମାଂ ଭୃଶମ୍।
ରାଜାତୁରୋ ନାଗମଦ୍ଯତ୍କିରୀଟୀ
ବହୂନି ଦୁଃଖାନ୍ଯଭିଚିନ୍ତଯାମି॥ 8-80-12 (58921)
ଏତଦ୍ଦୁଃଖଂ ଧାରଯେ ଧର୍ମରାଜୋ
ଯନ୍ମାଂ ହିତ୍ବା ଯାତବାଞ୍ଶତ୍ରୁମଧ୍ଯେ।
ନୈନଂ ଜୀବଂ ନାଭିଜାନାମ୍ଯଜୀବଂ
ବୀଭତ୍ସୁଂ ବା ତନ୍ମମାଦ୍ଯାତିଦୁଃଖମ୍॥ 8-80-13 (58922)
ସୋଽହଂ ଦ୍ବିଷତ୍ସୈନ୍ଯମୁଦଗ୍ରକଲ୍ପଂ
ବିନାଶଯିଷ୍ଯେ ପରମପ୍ରତୀତଃ।
ଏତନ୍ନିହତ୍ଯାଜିମଧ୍ଯେ ସମେତଂ
ପ୍ରୀତୋ ଭବିଷ୍ଯାମି ସହ ତ୍ବଯାଦ୍ଯ॥ 8-80-14 (58923)
ସର୍ବାଂସ୍ତୂଣାନ୍ସାଯକାନାମବେକ୍ଷ୍ଯ
କିଂ ଶିଷ୍ଟଂ ସ୍ଯାତ୍ସାଯକାନାଂ ରଥେ ମେ।
କା ବା ଜାତିଃ କିଂ ପ୍ରମାଣଂ ଚ ତେଷାଂ
ଜ୍ଞାତ୍ବା ବ୍ଯକ୍ତଂ ତତ୍ସମାଚକ୍ଷ୍ବ ସୂତ।
`କତି ବା ସହସ୍ରାଣି କତି ବା ଶତାନି
ହ୍ଯାଚକ୍ଷ୍ବ ମେ ସାରଥେ କ୍ଷିପ୍ରମେବ॥ 8-80-15 (58924)
ବିଶୋକ ଉବାଚ। 8-80-16x (5030)
ସର୍ବଂ ବିଦିତ୍ବୈବମହଂ ବଦାମି
ତବାର୍ଥସିଦ୍ଧିପ୍ରଦମଦ୍ଯ ବୀର।
କୈକେଯକାମ୍ଭୋଜସୁରାଷ୍ଟ୍ରବାହ୍ଲିକା
ମ୍ଲେଚ୍ଛାଶ୍ଚ ସୁହ୍ମାଃ ପରତଙ୍କଣାଶ୍ଚ। 8-80-16 (58925)
ମଦ୍ରାଶ୍ଚ ବଙ୍ଗା ମଗଧାଃ କୁଣିନ୍ଦା
ଆନର୍ତକାବର୍ତକାଃ ପାର୍ବତୀଯାଃ।
ସର୍ବେ ଗୃହୀତପ୍ରବରାଯୁଧାସ୍ତ୍ବାଂ
ସଂବେଷ୍ଟ୍ଯ ସଂବେଷ୍ଟ୍ଯ ତତୋ ବିବେଦୁଃ॥ 8-80-17 (58926)
ରଥେ ତବାସ୍ମିନ୍ନିଶିତାଃ ସୁପୀତା--
ସ୍ତତୋ ଭଲ୍ଲା ଦ୍ବାଦଶ ବୈ ସହସ୍ରାଃ'।
ଷଣ୍ମାର୍ଗଣାନାମଯୁତାନି ବୀର
କ୍ଷୁରାଶ୍ଚ ଭଲ୍ଲାଶ୍ଚ ତଥାଯୁତାଖ୍ଯାଃ॥ 8-80-18 (58927)
ନାରାଚାନାଂ ଦ୍ବେ ସହସ୍ରେ ଚ ବୀର
ତ୍ରୀଣ୍ଯେପ ଚ ପ୍ରଦରାଣାଂ ସ୍ମ ପାର୍ଥ।
ଅସ୍ତ୍ଯାଯୁଧଂ ପାଣ୍ଡବେଯାବଶିଷ୍ଟଂ
ନ ଯଦ୍ବହେଚ୍ଛକଟଂ ଷଙ୍ଗବୀଯମ୍॥ 8-80-19 (58928)
ଏତଦ୍ବିଦ୍ବନ୍ମୁଞ୍ଚ ସହସ୍ରଶୋଽପି
ଗଦାସିବାହୁଦ୍ରବିଣଂ ଚ ତେଽସ୍ତି।
ପ୍ରାସାଶ୍ଚ ମୁଦ୍ରରାଃ ଶକ୍ତଯସ୍ତୋମରାଶ୍ଚ
ମାଭୈଷୀସ୍ତ୍ବଂ ସଂକ୍ଷଯାଦାଯୁଧାନାମ୍॥ 8-80-20 (58929)
ଭୀମସେନ ଉବାଚ। 8-80-21x (5031)
`ଅଦ୍ଯୈବ ନୂନଂ କଥଯନ୍ତୁ ସିଦ୍ଧାଂ
ମମ ପ୍ରତିଜ୍ଞାଂ ସର୍ବଲୋକେ ବିଶୋକ।
ନ ମୋକ୍ଷ୍ଯତେ ସମରେ ଭୀମସେନ
ଏକଃ ଶତ୍ରୂନ୍ସମରେ ବାପ୍ଯଜୈଷୀତ୍।
ଆଶଂସିତାନାମିଦମେକମସ୍ତୁ
ତନ୍ମେ ଦେବାଃ ସକଲଂ ସାଧଯନ୍ତୁ॥' 8-80-21 (58930)
ସୂତାଦ୍ଯ ମଦ୍ବାହୁଯୁତୈଃ ସମସ୍ତା--
ନ୍ସମାହନଦ୍ଭିଃ ପାର୍ଥିବାନାଶୁବେଗୈଃ।
ଚ୍ଛନ୍ନଂ ବାଣୈରାହବଂ ଘୋରରୂପଂ
ନଷ୍ଟାଦିତ୍ଯଂ ମୃତ୍ଯୁଲୋକେନ ତୁଲ୍ଯମ୍॥ 8-80-22 (58931)
ଅଦ୍ଯୈତଦ୍ଯୈ ବିଦିତଂ ପାର୍ଥିବାନାଂ
ଭବିଷ୍ଯତି ହ୍ଯାକୁମାରଂ ଚ ସୂତ।
ନିମଗ୍ନୋ ବା ସମରେ ଭୀମସେନ
ଏକଃ କୁରୂନ୍ବା ସମରେ ବ୍ଯଜୈଷୀତ୍॥ 8-80-23 (58932)
ସର୍ବେ ସଙ୍ଖ୍ଯେ କୁରବୋ ନିଷ୍ପତନ୍ତୁ
ମାଂ ବା ଲୋକାଃ କୀର୍ତଯନ୍ତ୍ବାକୁମାରମ୍।
ସର୍ବାନେକସ୍ତାନହଂ ପାତଯିଷ୍ଯେ
ତେ ବା ସର୍ବେ ଭୀମସେନଂ ତୁଦନ୍ତୁ॥ 8-80-24 (58933)
ଆଶାସ୍ତାରଃ କର୍ମ ଚାପ୍ଯୁତ୍ତମଂ ଯେ
ତନ୍ମେ ଦେବାଃ ସଫଲଂ ସାଧଯନ୍ତୁ।
ଆଯାତୀହ କେଶବସାରଥୀ ରଥୀ
ଶକ୍ରସ୍ତୂର୍ଣଂ ଯଜ୍ଞ ଇବୋପହୂତଃ॥ 8-80-25 (58934)
ଈକ୍ଷସ୍ବୈତାଂ ଭାରତୀଂ ଦୀର୍ଯମାଣା--
ମେତେ କସ୍ମାଦ୍ବିଦ୍ରବନ୍ତେ ନରେନ୍ଦ୍ରାଃ।
ବ୍ଯକ୍ତଂ ଧୀମାନ୍ସବ୍ଯସାଚୀ ନରାଗ୍ର୍ଯଃ
ସୈନ୍ଯଂ ହ୍ଯେତଚ୍ଛାଦଯତ୍ଯାଶୁ ବାଣୈଃ॥ 8-80-26 (58935)
ପଶ୍ଯ ଧ୍ବଜାଂଶ୍ଚ ଦ୍ରବତୋ ବିଶୋକ
ନାଗାନ୍ହଯାନ୍ପତ୍ତିସଙ୍ଘାଂଶ୍ଚ ସଙ୍ଖ୍ଯେ।
ରଥାନ୍ବିକୀର୍ଣାଞ୍ଶରଶକ୍ତିତାଡିତା--
ନ୍ପଶ୍ଯସ୍ବୈତାନ୍ରଥିନଶ୍ଚୈବ ସୂତ॥ 8-80-27 (58936)
ଆପୂର୍ଯତେ କୌରବୀ ଚାପ୍ଯଭୀକ୍ଷ୍ଣଂ
ସେନା ହ୍ଯସୌ ସୁଭୃଶଂ ହନ୍ଯମାନା।
ଧନଞ୍ଜଯସ୍ଯାଶନିତୁଲ୍ଯବେଗୈ--
ର୍ଗ୍ରସ୍ତା ଶରୈଃ କାଞ୍ଚନବର୍ହଜାଲୈଃ॥ 8-80-28 (58937)
ଏତେ ଦ୍ରବନ୍ତି ସ୍ମ ରଥାଶ୍ବନାଗାଃ
ପଦାତିସଙ୍ଘାନତିମର୍ଦଯନ୍ତଃ।
ସମ୍ମୁହ୍ଯମାନାଃ କୌରବାଃ ସର୍ବ ଏବ
ଦ୍ରବନ୍ତି ନାଗା ଇବ ଦାହଭୀତାଃ॥ 8-80-29 (58938)
ହାହାକୃତାଶ୍ଚୈବ ରଣେ ବିଶୋକ
ମୁଞ୍ଚନ୍ତି ନାଦାନ୍ବିପୁଲାନ୍ଗଜେନ୍ଦ୍ରାଃ॥ 8-80-30 (58939)
ବିଶୋକ ଉବାଚ। 8-80-31x (5032)
କିଂ ଭୀମ ନୈନଂ ତ୍ବମିହାଶୃଣୋଷି
ବିସ୍ଫାରିତଂ ଗାଣ୍ଡିବସ୍ଯାତିଘୋରମ୍।
କ୍ରୁଦ୍ଧେନ ପାର୍ଥେନ ବିକୃଷ୍ଯତୋଽଦ୍ଯ
କଚ୍ଚିନ୍ନେମୌ ତବ କର୍ଣୌ ବିନଷ୍ଟୌ॥ 8-80-31 (58940)
ସର୍ବେ କାମାଃ ପାଣ୍ଡବ ତେ ସମୃଦ୍ଧାଃ
କପିର୍ହ୍ଯସୌ ଦୃଶ୍ଯତେ ହସ୍ତିସୈନ୍ଯେ।
ନୀଲାଦ୍ଧନାଦ୍ବିଦ୍ଯୁତମୁଚ୍ଚରନ୍ତୀଂ
ତଥା ପଶ୍ଯ ବିସ୍ଫୁରନ୍ତୀଂ ଧନୁର୍ଜ୍ଯାମ୍॥ 8-80-32 (58941)
କପିର୍ହ୍ଯସୌ ବୀକ୍ଷତେ ସର୍ବତୋ ବୈ
ଧ୍ବଜାଗ୍ରମାରୁହ୍ଯ ଧନଞ୍ଜଯସ୍ଯ।
ବିତ୍ରାସଯନ୍ରି ପୁସଙ୍ଘାନ୍ବିମର୍ଦେ
ବିଭେମ୍ଯସ୍ମାଦାତ୍ମନୈବାଭିବୀକ୍ଷ୍ଯ॥ 8-80-33 (58942)
ବିଭ୍ରାଜତେ ଚାତିମାତ୍ରଂ କିରୀଟଂ
ବିଚିତ୍ରମେତଚ୍ଚ ଧନଞ୍ଜଯସ୍ଯ।
ଦିବାକରାଭୋ ମଣିରେଷ ଦିବ୍ଯୋ
ବିଭ୍ରାଜତେ ଚୈବ କିରୀଟସଂସ୍ଥଃ॥ 8-80-34 (58943)
ପାର୍ଶ୍ବେ ଭୀମଂ ପାଣ୍ଡୁରାଭ୍ରପ୍ରକାଶଂ
ପଶ୍ଯସ୍ବ ସଙ୍ଖଂ ଦେବଦତ୍ତଂ ସୁଘୋଷମ୍।
ଅଭୀଷୁହସ୍ତସ୍ଯ ଜନାର୍ଦନସ୍ଯ
ବିଗାହମାନସ୍ଯ ଚମୂଂ ପରେଷାମ୍॥ 8-80-35 (58944)
ରବିପ୍ରଭଂ ବଜ୍ରନାଭଂ କ୍ଷୁରାନ୍ତଂ
ପାର୍ଶ୍ବେ ସ୍ଥିତଂ ପଶ୍ଯ ଜନାର୍ଦନସ୍ଯ।
ଚକ୍ରଂ ଯଶୋବର୍ଧନଂ କେଶବସ୍ଯ
ସଦାର୍ଚିତଂ ଯଦିଭିଃ ପଶ୍ଯ ବୀର॥ 8-80-36 (58945)
ମହାଦ୍ବିପାନାଂ ସରଲଦ୍ରୁମୋପମାଃ
କରା ନିକୃତ୍ତାଃ ପ୍ରପତନ୍ତ୍ଯମୀ କ୍ଷୁରୈଃ।
କିରୀଟିନା ତେନ ପୁନଃ ସସାଦିନଃ
ଶରୈର୍ନିକୃତ୍ତାଃ କୁଲିଶୈରିବାଦ୍ରଯଃ॥ 8-80-37 (58946)
ତଥୈବ କୃଷ୍ଣସ୍ଯ ଚ ପାଞ୍ଚଜନ୍ଯଂ
ମହାର୍ହମେତଂ ଦ୍ବିଜରାଜବର୍ଣମ୍।
କୌନ୍ତେଯ ପଶ୍ଯୋରସି କୌସ୍ତୁଭଂ ଚ
ଜାଜ୍ବଲ୍ଯମାନଂ ବିଜଯାଂ ସ୍ରଜଂ ଚ॥ 8-80-38 (58947)
ଧ୍ରବଂ ରଥାଗ୍ର୍ଯଃ ସମୁପୈତି ପାର୍ଥୋ
ବିଦ୍ରାବଯନ୍ସୈନ୍ଯମିଦଂ ପରେଷାମ୍।
ସିତାଭ୍ରବର୍ଣୈରସିତପ୍ରଯୁକ୍ତୈ--
ର୍ହଯୈର୍ମହାର୍ହୈ ରଥିନାଂ ବରିଷ୍ଠଃ॥ 8-80-39 (58948)
ରଥାନ୍ହଯାନ୍ପତ୍ତିଗଣାଂଶ୍ଚ ସାଯକୈ--
ର୍ବିଦାରିତାନ୍ପଶ୍ଯ ପତନ୍ତ୍ଯମୀ ଯଥା।
ତବାନୁଜେନାମରରାଜତେଜସା
ମହାବନାନୀବ ସୁପର୍ଣବାଯୁନା॥ 8-80-40 (58949)
ଚତୁଃ ଶତାନ୍ପଶ୍ଯ ରଥାନିମାନ୍ହତାନ୍
ସବାଜିସୂତାନ୍ସମରେ କିରୀଟିନା।
ମହେଷୁଭିଃ ସପ୍ତଶତାନି ଦନ୍ତିନାଂ
ପଦାତିସାଦୀଂଶ୍ଚ ରଥାନନେକଶଃ॥ 8-80-41 (58950)
ଅଯଂ ସମଭ୍ଯେତି ତବାନ୍ତିକଂ ବଲୀ
ନିଘ୍ନନ୍କୁରୂଂଶ୍ଚିତ୍ର ଇବ ଗ୍ରହୋଽର୍ଜୁନଃ।
ସମୃଦ୍ଧକାମୋଽସି ହତାସ୍ତବାହିତା
ବଲଂ ତବାଯୁଶ୍ଚ ଚିରାଯ ବର୍ଧତାମ୍॥ 8-80-42 (58951)
ଭୀମସେନ ଉବାଚ। 8-80-43x (5033)
ଦଦାନି ତେ ଗ୍ରାମବରାଂଶ୍ଚତୁର୍ଦଶ
ପ୍ରିଯାଖ୍ଯାନେ ସାରଥେ ସୁପ୍ରସନ୍ନଃ।
ଦାସୀଶତଂ ଚାପି ରଥାଂଶ୍ଚ ବିଂଶତିଂ
ଯଦର୍ଜୁନଂ ବେଦଯସେ ବିଶୋକ॥ ॥ 8-80-43 (58952)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଅଶୀତିତମୋଽଧ୍ଯାଯଃ॥ 80 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.81. ଅଧ୍ଯାଯଃ 081
Mahabharata - Karna Parva - Chapter Topics
ପାର୍ଥପରାକ୍ରମଃ॥ 1 ॥ ଭୀମେନ ଦୁର୍ଯୋଧନଚୋଦିତସ୍ଯ ଶକୁନେଃ ପରାଜଯଃ॥ 2 ॥
Mahabharata - Karna Parva - Chapter Text
8-81-0 (58953)
ସଞ୍ଜଯ ଉବାଚ। 8-81-0x (5034)
ଶ୍ରୁତ୍ବା ତୁ ରଥନିର୍ଘୋଷଂ ସିଂହନାଦଂ ଚ ସଂଯୁଗେ।
ଅର୍ଜୁନଃ ପ୍ରାହ ଗୋବିନ୍ଦଂ ଶୀଘ୍ରଂ ବାହଯ ବାଜିନଃ॥ 8-81-1 (58954)
ଅର୍ଜୁନସ୍ଯ ବଚଃ ଶ୍ରୁତ୍ବା ଗୋବିନ୍ଦୋଽର୍ଜୁନମବ୍ରବୀତ୍।
ଏଷ ଗଚ୍ଛାମି ସୁକ୍ଷିପ୍ରଂ ଯତ୍ର ଭୀମୋ ବ୍ଯବସ୍ଥିତଃ॥ 8-81-2 (58955)
ତଂ ଯାନ୍ତମଶ୍ବା ହିମଶଙ୍ଖବର୍ଣାଃ
ସୁବର୍ଣମୁକ୍ତାମଣିଜାଲନଦ୍ଧାଃ।
ଜମ୍ଭଂ ଜିଘାଂସୁଂ ପ୍ରଗୃହୀତବଜ୍ରଂ
ହଯା ଯଥା ତତ୍ର ଯଥା ବହଂସ୍ତଦା॥ 8-81-3 (58956)
ରଥାଶ୍ବମାତଙ୍ଗପଦାତିସଙ୍ଘା
ବାଣସ୍ବନୈର୍ନେମିଖୁରସ୍ବନୈଶ୍ଚ।
ସନ୍ନାଦଯନ୍ତୋ ବସୁଧାଂ ଦିଶଶ୍ଚ
କ୍ରୁଦ୍ଧା ନୃସିଂହା ଜଯମଭ୍ଯୁଦୀଯଃ॥ 8-81-4 (58957)
ତେଷାଂ ଚ ପାର୍ଥସ୍ଯ ଚ ମାରିଷାସୀ--
ଦ୍ଦେହାସୁପାପକ୍ଷପଣଂ ସୁଯୁଦ୍ଧମ୍।
ତ୍ରୈଲୋକ୍ଯହେତୋରସୁରୈର୍ଯଥାସୀ--
ଦ୍ଦେବସ୍ଯ ବିଷ୍ଣୋର୍ଜଯତାଂ ବରସ୍ଯ॥ 8-81-5 (58958)
ତୈରସ୍ତମୁଚ୍ଚାବଚମାଯୁଧଂ ତ--
ଦେକଃ ପ୍ରଚିଚ୍ଛେଦ କିରୀଟମାଲୀ।
କ୍ଷୁରାର୍ଧଚନ୍ଦ୍ରୈର୍ନିଶିତୈଶ୍ଚ ଭଲ୍ଲୈଃ
ଶିରାଂସି ତେଷାଂ ବହୁଧା ଚ ବାହୂନ୍॥ 8-81-6 (58959)
ଛତ୍ରାଣି ବାଲବ୍ଯଜନାନି କେତୂ--
ନଶ୍ବାନ୍ରଥାନ୍ପତ୍ତିଗଣାନ୍ଦ୍ବିପାଂଶ୍ଚ।
ତେ ପେତୁରୁର୍ବ୍ଯାଂ ବହୁଧା ବିକୃତ୍ତା
ବାତପ୍ରଣୁନ୍ନାନି ଯଥା ବନାନି॥ 8-81-7 (58960)
ସୁବର୍ଣଜାଲାବନତା ମହାଗଜାଃ
ସବୈଜଯନ୍ତୀଧ୍ବଜଯୋଧକଲ୍ପିତାଃ।
ସୁବର୍ଣପୁଙ୍ଘୈରିଷୁଭିଃ ସମାଚିତା--
ଶକାଶିରେ ପ୍ରଜ୍ବଲିତା ଯଥାଚଲାଃ॥ 8-81-8 (58961)
ବିଦାର୍ଯ ନାଗାଶ୍ବରଥାନ୍ଧଞ୍ଜଯଃ
ଶରୋତ୍ତମୈର୍ବାସବବଜ୍ରସନ୍ନିଭୈଃ।
ଦ୍ରୁତଂ ଯଯୌ କର୍ଣଜିଘାଂସଯା ତଥା
ଯଥା ମରୁତ୍ବାନ୍ବଲଭେଦନେ ପୁରା॥ 8-81-9 (58962)
ତତଃ ସ ପୁରୁଷବ୍ଯାଘ୍ରସ୍ତବ ସୈନ୍ଯମରିନ୍ଦମଃ।
ପ୍ରବିବେଶ ମହାବାହୁର୍ମକରଃ ସାଗରଂ ଯଥା॥ 8-81-10 (58963)
ତଂ ହୃଷ୍ଟାସ୍ତାବକା ରାଜନ୍ରଥପତ୍ତିସମନ୍ବିତାଃ।
ଗଜାଶ୍ବସାଦିବହୁଲାଃ ପାଣ୍ଡବଂ ସମୁପାଦ୍ରବନ୍॥ 8-81-11 (58964)
ତେଷାମାପତତାଂ ପାର୍ଥମାରାବଃ ସୁମହାନଭୂତ୍।
ସାଗରସ୍ଯେବ କ୍ଷୁବ୍ଧସ୍ଯ ଯଥା ସ୍ଯାତ୍ସଲିଲସ୍ବନଃ॥ 8-81-12 (58965)
ତେ ତୁ ତଂ ପୁରୁଷବ୍ଯାଘ୍ରଂ ବ୍ଯାଘ୍ରା ଇବ ମହାରଥାଃ।
ଅଭ୍ଯଦ୍ରବନ୍ତ ସଙ୍ଗ୍ରାମେ ତ୍ଯକ୍ତ୍ବା ପ୍ରାଣକୃତଂ ଭଯମ୍॥ 8-81-13 (58966)
ତେଷାମାପତତାଂ ତତ୍ର ଶରବର୍ଷାଣି ମୁଞ୍ଚତାମ୍।
ଅର୍ଜୁନୋ ବ୍ଯଧମତ୍ସୈନ୍ଯଂ ମହାବାତୋ ଘନାନିବ॥ 8-81-14 (58967)
ତେଽର୍ଜୁନଂ ସହିତା ଭୂତ୍ବା ରଥବଂଶୈଃ ଗ୍ରହାରିଣଃ।
ଅଭିଯାଯ ମହେଷ୍ବାସା ବିବ୍ଯଧୁର୍ନିଶିତୈଃ ଶରୈଃ॥ 8-81-15 (58968)
ତତୋଽର୍ଜୁନଃ ସହସ୍ରାଣି ରଥବାରଣବାଜିନାମ୍।
ପ୍ରେଷଯାମାସ ବିଶିଖୈର୍ଯମସ୍ଯ ସଦନଂ ପ୍ରତି॥ 8-81-16 (58969)
ତେ ବଧ୍ଯମାନାଃ ସମରେ ପାର୍ଥଚାପଚ୍ଯୁତୈଃ ଶରୈଃ।
ତତ୍ରତତ୍ର ସ୍ମ ଲୀଯନ୍ତେ ଭଯେ ଜାତେ ମହାରଥାଃ॥ 8-81-17 (58970)
ତେଷାଂ ଚତୁଃଶତାନ୍ବୀରାନ୍ଯତମାନାନ୍ମହାରଥାନ୍।
ଅର୍ଜୁନୋ ନିଶିତୈର୍ବାଣୈରନଯଦ୍ଯମସାଦନମ୍॥ 8-81-18 (58971)
ତେ ବଧ୍ଯମାନାଃ ସମରେ ନାନାଲିଙ୍ଗୈଃ ଶିତୈଃ ଶରୈଃ।
ଅର୍ଜୁନଂ ସମଭିତ୍ଯଜ୍ଯ ଦୁଦ୍ରୁବୁର୍ବୈ ଦିଶୋ ଦଶ॥ 8-81-19 (58972)
ତେଷାଂ ଶବ୍ଦୋ ମହାନାସୀଦ୍ଦ୍ରବତାଂ ବାହିନୀମୁଖେ।
ମେଘୌଘସ୍ଯେବ ଭଦ୍ରଂ ତେ ଗିରିମାସାଦ୍ଯ ଦୀର୍ଯତଃ॥ 8-81-20 (58973)
ତାଂ ତୁ ସେନାଂ ଭୃଶଂ ବିଦ୍ଧ୍ବା ଦ୍ରାବଯିତ୍ବାଽର୍ଜୁନଃ ଶରୈଃ।
ପ୍ରାଯାଦଭିମୁଖଃ ପାର୍ଥଃ ସୂତାନୀକଂ ହି ମାରିଷ॥ 8-81-21 (58974)
ତସ୍ଯ ଶବ୍ଦୋ ମହାନାସୀତ୍ପରାନଭିମୁଖସ୍ଯ ବୈ।
ଗରୁଡସ୍ଯେବ ପତତଃ ପନ୍ନଗାର୍ଥେ ଯଥା ପୁରା॥ 8-81-22 (58975)
ତଂ ତୁ ଶବ୍ଦମଭିଶ୍ରୁତ୍ଯ ଭୀମସେନୋ ମହାବଲଃ।
ବଭୂବ ପରମପ୍ରୀତଃ ପାର୍ଥଦର୍ଶନଲାଲସଃ॥ 8-81-23 (58976)
ଶ୍ରୁତ୍ବୈବ ପାର୍ଥମାଯାନ୍ତଂ ଭୀମସେନଃ ପ୍ରତାପବାନ୍।
ତ୍ଯକ୍ତ୍ବା ପ୍ରାଣାନ୍ମହାରାଜ ସେନାଂ ତବ ମମର୍ଦ ହ॥ 8-81-24 (58977)
ସ ବାଯୁବୀର୍ଯପ୍ରତିମୋ ବାଯୁବେଗସମୋ ଜବେ।
ବାଯୁବଦ୍ବ୍ଯଚରଦ୍ଭୀମୋ ବାଯୁପୁତ୍ରଃ ପ୍ରତାପବାନ୍॥ 8-81-25 (58978)
ତେନାଦ୍ଯମାନା ରାଜେନ୍ଦ୍ର ସେନା ତବ ବିଶାମ୍ପତେ।
ବ୍ଯଭ୍ରଶ୍ଯତ ମହାରାଜ ଭିନ୍ନା ନୌରିବ ସାଗରେ॥ 8-81-26 (58979)
ତାଂ ତୁ ସେନାଂ ତଦା ଭୀମୋ ଦର୍ଶଯନ୍ପାଣିଲାଘବମ୍।
ଶରୈରବଚକର୍ତୋଗ୍ରୈଃ ପ୍ରେପଯିଷ୍ଯନ୍ଯମକ୍ଷଯମ୍॥ 8-81-27 (58980)
ତତ୍ର ଭାରତ ଭୀମସ୍ଯ ବଲଂ ଦୃଷ୍ଟ୍ବାତିମାନୁଷମ୍।
ବ୍ଯତ୍ରସ୍ଯନ୍ତ ରଣେ ଯୋଧାଃ କାଲସ୍ଯେବ ଯୁଗକ୍ଷଯେ॥ 8-81-28 (58981)
ତଥାଽର୍ଦିତାନ୍ଭୀମବଲାନ୍ଭୀମସେନେନ ଭାରତ।
ଦୃଷ୍ଟ୍ବା ଦୁର୍ଯୋଧନୋ ରାଜା ଇଦଂ ବଚନମବ୍ରବୀତ୍॥ 8-81-29 (58982)
ସୈନିକାଂଶ୍ଚ ମହେଷ୍ବାସାନ୍ଯୋଧାଂଶ୍ଚ ଭରତର୍ଷଭ।
ସମାଦିଶନ୍ରଣେ ସର୍ବାନ୍ହତ ଭୀମମିତି ସ୍ମ ହ॥ 8-81-30 (58983)
ତସ୍ମିନ୍ହତେ ହତଂ ମନ୍ଯେ ପାଣ୍ଡୁସୈନ୍ଯମଶେଷତଃ॥ 8-81-31 (58984)
ପ୍ରତିଗୃହ୍ଯ ଚ ତାମାଜ୍ଞାଂ ତବ ପୁତ୍ରସ୍ଯ ପାର୍ଥିବାଃ।
ଭୀମଂ ପ୍ରଚ୍ଛାଦଯାମାସୁଃ ଶରବର୍ଷୈଃ ସମନ୍ତତଃ॥ 8-81-32 (58985)
ଗଜାଶ୍ଚ ବହୁଲା ରାଜନ୍ନରାଶ୍ଚ ଜଯଗୃଦ୍ଧିନଃ।
ରଥେ ସ୍ଥିତାଶ୍ଚ ରାଜେନ୍ଦ୍ର ପରିବବ୍ରୁର୍ବୃକୋଦରମ୍॥ 8-81-33 (58986)
ସ ତୈଃ ପରିବୃତଃ ଶୂରୈଃ ଶୂରୋ ରାଜନ୍ସମନ୍ତତଃ।
ଶୁଶୁଭେ ଭରତଶ୍ରେଷ୍ଠୋ ନକ୍ଷତ୍ରୈରିବ ଚନ୍ଦ୍ରମାଃ॥ 8-81-34 (58987)
ପରିବେଷୀ ଯଥା ସୋମଃ ପରିପୂର୍ଣୋ ବିରାଜତେ।
ସ ରରାଜ ତଥା ସଙ୍ଖ୍ଯେ ଦର୍ଶନୀଯୋ ନରୋତ୍ତମଃ।
ନିର୍ବିଶେଷୋ ମହାରାଜ ବିଜଯେନୈବ ସଂଯୁଗେ॥ 8-81-35 (58988)
ତସ୍ଯ ତେ ପାର୍ଥିବାଃ ସର୍ବେ ଶରବୃଷ୍ଟିଂ ସମାସୃଜନ୍।
କ୍ରୋଧରକ୍ତେକ୍ଷଣାଃ ଶୂରା ହନ୍ତୁକାମା ବୃକୋଦରମ୍॥ 8-81-36 (58989)
ତାଂ ବିଦାର୍ଯ ମହାସେନାଂ ଶରୈଃ ସନ୍ନତପର୍ବଭିଃ।
ନିଶ୍ଚକ୍ରାମ ରଣାଦ୍ଭୀମୋ ମତ୍ସ୍ଯୋ ଜାଲାଦିବାମ୍ଭସି॥ 8-81-37 (58990)
ହତ୍ବା ଦଶସହସ୍ରାଣି ଗଜାନାମନିବର୍ତିନାମ୍।
ନୃଣାଂ ଶତସହସ୍ରେ ଦ୍ବେ ଦ୍ବେ ଶତେ ଚୈବ ଭାରତ॥ 8-81-38 (58991)
ପଞ୍ଚ ଚାଶ୍ବସହସ୍ରାଣି ରଥାନାଂ ଶତମେବ ଚ।
ହତ୍ବା ପ୍ରାସ୍ଯନ୍ଦଯଦ୍ଭୀମୋ ନଦୀଂ ଶୋଣିତବାହିନୀମ୍॥ 8-81-39 (58992)
ଶୋଣିତୋଦାଂ ରଥାବର୍ତାଂ ହସ୍ତିଗ୍ରାହସମାକୁଲାମ୍।
ନରମୀନାଶ୍ବନକ୍ରାନ୍ତାଂ କେଶଶୈବଲଶାଦ୍ବଲାମ୍॥ 8-81-40 (58993)
ସଞ୍ଛିନ୍ନଭୁଜନାଗେନ୍ଦ୍ରାଂ ବହୁରତ୍ନାପହାରିଣୀମ୍।
ଊରୁଗ୍ରାହାଂ ମଜ୍ଜପଙ୍କାଂ ଶୀର୍ଷୋପଲସମାବୃତାମ୍॥ 8-81-41 (58994)
ଧନୁଃକାଶାଂ ଶରାବାପାଂ ଗଦାପରିଘକେତନାମ୍।
ହଂସଛତ୍ରଧ୍ବଜୋପେତାମୁଷ୍ଣୀଷବରଫେନିଲାମ୍॥ 8-81-42 (58995)
ହାରପଦ୍ମାକରାଂ ଚୈବ ଭୂମିରେଣୂର୍ମିମାଲିନୀମ୍।
ଆର୍ଯବୃତ୍ତବତୀଂ ସଙ୍ଖ୍ଯେ ସୁତରାଂ ଭୀରୁଦୁସ୍ତରାମ୍॥ 8-81-43 (58996)
ଯୋଧଗ୍ରାହବତୀଂ ସଙ୍ଖ୍ଯେ ବହନ୍ତୀଂ ପିତୃସାଦନମ୍।
କ୍ଷଣେନ ପୁରୁଷବ୍ଯାଘ୍ରଃ ପ୍ରାବର୍ତଯତ ନିମ୍ନଗାମ୍॥ 8-81-44 (58997)
ଯଥା ବୈତରଣୀମୁଗ୍ରାଂ ଦୁସ୍ତରାମକୃତାତ୍ମଭିଃ।
ତଥା ଦୁସ୍ତରଣୀଂ ଘୋରାଂ ଭୀରୂଣାଂ ଭଯବର୍ଧନୀମ୍॥ 8-81-45 (58998)
ଯତୋଯତଃ ପାଣ୍ଡବେଯଃ ପ୍ରବିଷ୍ଟୋ ରଥସତ୍ତମଃ।
ତତସ୍ତତଃ ପ୍ରାପତନ୍ବୈ ଯୋଧାଃ ଶତସହସ୍ରଶଃ॥ 8-81-46 (58999)
ଏବଂ ଦୃଷ୍ଟ୍ବା କୃତଂ କର୍ମ ଭୀମସେନେନ ସଂଯୁଗେ।
ଦୁର୍ଯୋଧନୋ ମହାରାଜ ଶକୁନିଂ ବାକ୍ଯମବ୍ରବୀତ୍॥ 8-81-47 (59000)
ଜହି ମାତୁଲ ସଙ୍ଗ୍ରାମେ ଭୀମସେନଂ ମହାବଲମ୍।
ଅସ୍ମିଞ୍ଜିତେ ଜିତଂ ମନ୍ଯେ ପାଣ୍ଡବେଯଂ ମହାବଲମ୍॥ 8-81-48 (59001)
ତତଃ ପ୍ରାଯାନ୍ମହାରାଜ ସୌବଲେଯଃ ପ୍ରତାପବାନ୍।
ରଣାଯ ମହତେ ଯୁକ୍ତୋ ଭ୍ରାତୃଭିଃ ପରିବାରିତଃ॥ 8-81-49 (59002)
ସ ସମାସାଦ୍ଯ ସଙ୍ଗ୍ରାମେ ଭୀମଂ ଭୀମପରାକ୍ରମମ୍।
ବାରଯାମାସ ତଂ ବୀରୋ ବେଲେବ ମକରାଲଯମ୍॥ 8-81-50 (59003)
ସନ୍ନ୍ଯବର୍ତତ ତଂ ଭୀମୋ ବାର୍ଯମାଣଃ ଶିତୈଃ ଶରୈଃ।
ଶକୁନିସ୍ତସ୍ଯ ରାଜେନ୍ଦ୍ର ବାମପାର୍ଶ୍ବେ ସ୍ତନାନ୍ତରେ।
ପ୍ରେଷଯାମାସ ନାରାଚାନ୍ରୁକ୍ମପୁଙ୍ଖାଞ୍ଶିଲାଶିତାନ୍॥ 8-81-51 (59004)
ବର୍ମ ଭିତ୍ତ୍ବା ତୁ ତେ ଘୋରାଃ ପାଣ୍ଡବସ୍ଯ ମହାତ୍ମନଃ।
ନ୍ଯମ଼ଞ୍ଜନ୍ତ ମହାରାଜ କଙ୍କବର୍ହିଣବାସସଃ॥ 8-81-52 (59005)
ସୋଽତିବିଦ୍ଧୋ ରଣେ ଭୀମଃ ଶରଂ ରୁକ୍ମବିଭୂଷିତମ୍।
ପ୍ରେଷଯାମାସ ସ ରୁଷା ସୌବଲଂ ପ୍ରତି ଭାରତ॥ 8-81-53 (59006)
ତମାଯାନ୍ତଂ ଶରଂ ଘୋରଂ ଶକୁନିଃ ଶତ୍ରୁତାପନଃ।
ଚିଚ୍ଛେଦ ସପ୍ତଧା ରାଜନ୍କୃତହସ୍ତୋ ମହାବଲଃ॥ 8-81-54 (59007)
ତସ୍ମିନ୍ନିପତିତେ ଭୂମୌ ଭୀମଃ କ୍ରୁଦ୍ଧୋ ବିଶାମ୍ପତେ।
ଧନୁଶ୍ଛିଚ୍ଛେଦ ଭଲ୍ଲେନ ସୌବଲସ୍ଯ ହସନ୍ନିବ॥ 8-81-55 (59008)
ତଦପାସ୍ଯ ଧନୁଶ୍ଛିନ୍ନଂ ସୌବଲେଯଃ ପ୍ରତାପବାନ୍।
ଅନ୍ଯଦାଦାଯ ବେଗେନ ଧନୁର୍ଭଲ୍ଲାଂଶ୍ଚ ଷୋଡଶ।
ତୈସ୍ତସ୍ଯ ତୁ ମହାରାଜ ଭଲ୍ଲୈଃ ସନ୍ନତପର୍ବଭିଃ॥ 8-81-56 (59009)
ଦ୍ବାଭ୍ଯାଂ ସ ସାରଥିଂ ହ୍ଯାର୍ଚ୍ଛଦ୍ଭୀମଂ ସପ୍ତଭିରେବ ଚ।
ଧ୍ବଜମେକେନ ଚିଚ୍ଛେଦ ଦ୍ବାଭ୍ଯାଂ ଛତ୍ରଂ ବିଶାମ୍ପତେ।
ଚତୁର୍ଭିଶ୍ଚତୁରୋ ବାହାନ୍ବିବ୍ଯାଧ ସୁବଲାତ୍ମଜଃ॥ 8-81-57 (59010)
ତତଃ କ୍ରୁଦ୍ଧୋ ମହାରାଜ ଭୀମସେନଃ ପ୍ରତାପବାନ୍।
ଶକ୍ତିଂ ଚିକ୍ଷେପ ସମରେ ରୁକ୍ମଦଣ୍ଡାମଯସ୍ମଯୀମ୍॥ 8-81-58 (59011)
ସା ଭୀମଭୁଜନିର୍ମୁକ୍ତା ନାଗଜିହ୍ବେନ ଚଞ୍ଚଲା।
ନିପପାତ ରଣେ ତୂର୍ଣଂ ସୌବଲସ୍ଯ ମହାତ୍ମନଃ॥ 8-81-59 (59012)
ତତସ୍ତାମେବ ସଂଗୃହ୍ଯ ଶକ୍ତିଂ କନକଭୂଷଣାମ୍।
ଭୀମସେନାଯ ଚିକ୍ଷେପ କ୍ରୁଦ୍ଧରୂପୋ ବିଶାମ୍ପତେ॥ 8-81-60 (59013)
ସା ନିର୍ଭିଦ୍ଯ ଭୁଜଂ ସବ୍ଯଂ ପାଣ୍ଡବସ୍ଯ ମହାତ୍ମନଃ।
ନିପପାତ ତଦା ଭୂମୌ ଯଥା ବିଦ୍ଯୁନ୍ନଭଶ୍ଚ୍ଯୁତା॥ 8-81-61 (59014)
ଅଥୋତ୍କ୍ରୁଷ୍ଟଂ ମହାରାଜ ଧାର୍ତରାଷ୍ଟ୍ରୈଃ ସମନ୍ତତଃ।
ନ ତୁ ତଂ ମମୃଷେ ଭୀମଃ ସିଂହନାଦଂ ତରସ୍ବିନାମ୍॥ 8-81-62 (59015)
ଅନ୍ଯଦ୍ଗୃହ୍ଯ ଧନୁଃ ସଜ୍ଯଂ ତ୍ବରମାଣୋ ମହାବଲଃ।
ମୁହୂର୍ତାଦିବ ରାଜେନ୍ଦ୍ର ଚ୍ଛାଦଯାମାସ ସାଯକୈଃ।
ସୌବଲସ୍ଯ ବଲଂ ସଙ୍ଖ୍ଯେ ତ୍ଯକ୍ତ୍ବା ନାଦଂ ମହାବଲଃ॥ 8-81-63 (59016)
ତସ୍ଯାଶ୍ବାଂଶ୍ଚତୁରୋ ହତ୍ବା ସୂତଂ ଚୈବ ବିଶାମ୍ପତେ।
ଧ୍ବଜଂ ଚିଚ୍ଛେଦ ଭଲ୍ଲେନ ତ୍ବରମାଣଃ ପରାକ୍ରମୀ॥ 8-81-64 (59017)
ହତାଶ୍ବଂ ରଥମୁତ୍ସୃଜ୍ଯ ତ୍ବରମାଣୋ ନରୋତ୍ତମଃ।
ତସ୍ଥୌ ବିସ୍ଫାରଯଂଶ୍ଚାପଂ କ୍ରୋଧରକ୍ତେକ୍ଷଣଃ ଶ୍ବସନ୍॥ 8-81-65 (59018)
ଶରୈଶ୍ଚ ବହୁଧା ରାଜନ୍ଭୀମମାର୍ଚ୍ଛତ୍ସମନ୍ତତଃ॥ 8-81-66 (59019)
ପ୍ରତିହତ୍ଯ ତୁ ବେଗେନ ଭୀମସେନଃ ପ୍ରତାପବାନ୍।
ଧନୁଶ୍ଚିଚ୍ଛେଦ ସଙ୍କ୍ରୁଦ୍ଧୋ ବିବ୍ଯାଧ ଚ ଶିତୈଃ ଶରୈଃ॥ 8-81-67 (59020)
ସୋଽତିବିଦ୍ଧୋ ବଲବତା ଶତ୍ରୁଣା ଶତ୍ରୁକର୍ଶନଃ।
ନିପପାତ ତଦା ଭୂମୌ କିଞ୍ଚିତ୍ପ୍ରାଣୋ ନରାଧିପଃ॥ 8-81-68 (59021)
ତତସ୍ତଂ ବିହ୍ବଲଂ ଜ୍ଞାତ୍ବା ପୁତ୍ରସ୍ତବ ବିଶାମ୍ପତେ।
ଅପୋବାହ ରଥେନାଜୌ ଭୀମସେନସ୍ଯ ପଶ୍ଯତଃ॥ 8-81-69 (59022)
ଶକୁନିଂ ବିହ୍ବଲଂ ଦୃଷ୍ଟ୍ବା ଧାର୍ତରାଷ୍ଟ୍ରାଃ ପରାଙ୍ମୁଖାଃ।
ପ୍ରଦୁଦ୍ରୁବୁର୍ଦିଶୋ ଭୀତା ଭୀମସେନଭଯାତ୍ପ୍ରଭୋ॥ 8-81-70 (59023)
ସୌବଲେ ନିର୍ଜିତେ ରାଜନ୍ଭୀମସେନେନ ଧନ୍ବିନା।
ଭଯେନ ମହତାଽଽବିଷ୍ଟଃ ପୁତ୍ରୋ ଦୁର୍ଯୋଧନସ୍ତବ।
ଅପାଯାଜ୍ଜବନୈରଶ୍ବୈଃ ସାପେକ୍ଷୋ ମାତୁଲଂ ପ୍ରତି॥ 8-81-71 (59024)
ପରାଙ୍ମୁଖଂ ତୁ ରାଜାନଂ ଦୃଷ୍ଟ୍ବା ସୈନ୍ଯାନି ଭାରତ।
ବିପ୍ରଜଗ୍ମୁଃ ସମୁତ୍ସୃଜ୍ଯ ଦ୍ବୈରଥାନି ସମନ୍ତତଃ॥ 8-81-72 (59025)
ତାନ୍ଦୃଷ୍ଟ୍ବା ବିଦ୍ରୁତାନ୍ସର୍ବାନ୍ଧାର୍ତରାଷ୍ଟ୍ରାନ୍ପରାଙ୍ମୁଖାନ୍।
ଜବେନାଭ୍ଯାପତଦ୍ଭୀମଃ କିରଞ୍ଶରଶତାନ୍ବହୂନ୍॥ 8-81-73 (59026)
ତେ ବଧ୍ଯମାନା ଭୀମେନ ଧାର୍ତରାଷ୍ଟ୍ରାଃ ପରାଙ୍ମୁଖାଃ।
କର୍ଣମାସାଦ୍ଯ ସମରେ ସ୍ଥିତା ରାଜନ୍ସମନ୍ତତଃ॥ 8-81-74 (59027)
ସ ହି ତେଷାଂ ମହାବୀର୍ଯୋ ଦ୍ବୀପୋଽଭୂତ୍ସୁମହାବଲଃ।
ଭିନ୍ନନୌକା ଯଥା ରାଜନ୍ଦ୍ବୀପମାସାଦ୍ଯ ନିର୍ବୃତାଃ॥ 8-81-75 (59028)
ଭବନ୍ତି ପୁରୁଷବ୍ଯାଘ୍ର ନାବିକାଃ କାଲପର୍ଯଯେ।
ତଥା କର୍ଣଂ ସମାସାଦ୍ଯ ତାବକାଃ ପୁରୁଷର୍ଷଭ॥ 8-81-76 (59029)
ସମାଶ୍ବସ୍ତାଃ ସ୍ଥିତା ରାଜନ୍ସମ୍ପ୍ରହୃଷ୍ଟାଃ ପରସ୍ପରମ୍।
ସମାଜଗ୍ମୁଶ୍ଚ ଯୁଦ୍ଧାଯ ମୃତ୍ଯୁଂ କୃତ୍ବା ନିବର୍ତନମ୍॥ ॥ 8-81-77 (59030)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଏକାଶୀତିତମୋଽଧ୍ଯାଯଃ॥ 81 ॥
॥ ଶ୍ରୀଃ ॥
8.82. ଅଧ୍ଯାଯଃ 082
Mahabharata - Karna Parva - Chapter Topics
କର୍ଣପରାକ୍ରମବର୍ଣନମ୍॥ 1 ॥
Mahabharata - Karna Parva - Chapter Text
8-82-0 (59031)
ଧୃତରାଷ୍ଟ୍ର ଉବାଚ। 8-82-0x (5035)
ତତୋ ଭଗ୍ନେଷୁ ସୈନ୍ଯେଷୁ ଭୀମସେନେନ ସଂଯୁଗେ।
ଦୁର୍ଯୋଧନୋଽବ୍ରବୀତ୍କିଂ ନୁ ସୌବଲୋ ବାଽପି ସଞ୍ଜଯ॥ 8-82-1 (59032)
କର୍ଣୋ ବା ଜଯତାଂ ଶ୍ରେଷ୍ଠୋ ଯୋଧା ବା ମାମକା ଯୁଧି।
କୃପୋ ବା କୃତବର୍ମା ବା ଦ୍ରୌଣିର୍ଦୁଃଶାସନୋଽପି ବା॥ 8-82-2 (59033)
ଅତ୍ଯଦ୍ଭୁତମହଂ ମନ୍ଯେ ପାଣ୍ଡବେଯସ୍ଯ ବିକ୍ରମମ୍।
ଯଦେକଃ ସମରେ ସର୍ବାନ୍ଯୋଧଯାମାସ ମାମକାନ୍॥ 8-82-3 (59034)
ଯଥାପ୍ରତିଜ୍ଞଂ ଯୋଧାନାଂ ରାଧେଯଃ କୃତବାନପି।
କୁରୂଣାମଥ ସର୍ବେଷାଂ କର୍ଣଃ ଶତ୍ରୁନିଷୂଦନଃ।
ଶର୍ମ ବର୍ମ ପ୍ରତିଷ୍ଠା ଚ ଜୀବିତାଶା ଚ ସଞ୍ଜଯ॥ 8-82-4 (59035)
ତଦ୍ଭଗ୍ରଂ ସ୍ବବଲଂ ଦୃଷ୍ଟ୍ବା କୌନ୍ତେଯେନାମିତୌଜସା।
ଧନୁର୍ଦରାଣାଂ ପ୍ରବରଃ କର୍ଣଃ କିମକରୋଦ୍ଯୁଧି॥ 8-82-5 (59036)
ପୁତ୍ରା ବା ମମ ଦୁର୍ଧର୍ଷା ରାଜାନୋ ବା ମହାରଥାଃ।
ଏତନ୍ମେ ସର୍ବମାଚକ୍ଷ୍ବ କୁଶଲୋ ହ୍ଯସି ସଞ୍ଜଯ॥ 8-82-6 (59037)
ସଞ୍ଜଯ ଉବାଚ। 8-82-7x (5036)
ଅପରାହ୍ଣେ ମହାରାଜ ସୂତପୁତ୍ରଃ ପ୍ରତାପବାନ୍।
ଜଘାନ ସୋମକାନ୍ସର୍ବାନ୍ଭୀମସେନସ୍ଯ ପଶ୍ଯତଃ॥ 8-82-7 (59038)
ଭୀମୋଽପ୍ଯତିବଲଂ ସୈନ୍ଯଂ ଧାର୍ତରାଷ୍ଟ୍ରଂ ବ୍ଯପୋଥଯତ୍॥ 8-82-8 (59039)
ଦ୍ରାବ୍ଯମାଣଂ ବଲଂ ଦୃଷ୍ଟ୍ବା ଭୀମସେନେନ ଧୀମତା।
ଯନ୍ତାରମବ୍ରବୀତ୍କର୍ଣଃ ପାଞ୍ଚାଲାନେବ ମାଂ ବହ॥ 8-82-9 (59040)
ମଦ୍ରରାଜସ୍ତତଃ ଶଲ୍ଯଃ ଶ୍ବେତାନଶ୍ବାନ୍ମହାଜବାନ୍।
ପ୍ରାହିଣୋଚ୍ଚେଦିପାଞ୍ଚାଲାନ୍କରୂଶାଂଶ୍ଚ ମହାବଲଃ॥ 8-82-10 (59041)
ପ୍ରବିଶ୍ଯ ଚ ମହତ୍ସୈନ୍ଯଂ ଶଲ୍ଯଃ ପରବଲାର୍ଦନଃ।
ନ୍ଯଯଚ୍ଛତ୍ତୁରଗାନ୍ହୃଷ୍ଟୋ ଯତ୍ରଯତ୍ର ଚ ତେ ରଥାଃ॥ 8-82-11 (59042)
ତଂ ରଥଂ ମେଘସଙ୍କାଶଂ ବୈଯାଘ୍ରପରିବାରଣମ୍।
ସଂଦୃଶ୍ଯ ପାଣ୍ଡୁପଞ୍ଚାଲାସ୍ତ୍ରସ୍ତା ହ୍ଯାସନ୍ବିଶାମ୍ପତେ॥ 8-82-12 (59043)
ତତୋ ରଥସ୍ଯ ନିନଦଃ ପ୍ରାଦୁରାସୀନ୍ମହାରଣେ।
ପର୍ଜନ୍ଯସମନିର୍ଘୋଷଃ ପର୍ବତସ୍ଯେବ ଦୀର୍ଯତଃ॥ 8-82-13 (59044)
ତତଃ ଶରଶତୈସ୍ତୀକ୍ଷଣୈଃ କର୍ଣ ଆକର୍ଣନିଃସୃତୈଃ।
ଜଘାନ ପାଣ୍ଡବବଲଂ ଶତଶୋଽଥ ସହସ୍ରଶଃ॥ 8-82-14 (59045)
ତଂ ତଥା ସମରେ କର୍ମ କୁର୍ବାଣମପରାଜିତମ୍।
ପରିବବ୍ରୁର୍ମହେଷ୍ବାସାଃ ପାଣ୍ଡବାନାଂ ମହାରଥାଃ॥ 8-82-15 (59046)
ତଂ ଶିଖଣ୍ଡୀ ଚ ଭୀମଶ୍ଚ ଧୃଷ୍ଟଦ୍ଯୁମ୍ନଶ୍ଚ ପାର୍ଷତଃ।
ନକୁଲଃ ସହଦେବଶ୍ଚ ଦ୍ରୌପଦେଯାଶ୍ଚ ସାତ୍ଯକିଃ॥ 8-82-16 (59047)
ପରିବବ୍ରୁର୍ଜିଘାଂସନ୍ତୋ ରାଧେଯଂ ଶରବୃଷ୍ଟିଭିଃ।
ସାତ୍ଯକିସ୍ତୁ ତଦା କର୍ଣଂ ବିଂଶତ୍ଯା ନିଶିତୈଃ ଶରୈଃ॥ 8-82-17 (59048)
ଅତାଡଯଦ୍ରଣେ ଶୂରୋ ଜତ୍ରୁଦେଶେ ନରୋତ୍ତମଃ।
ଶିଖଣ୍ଡୀ ପଞ୍ଚବିଂଶତ୍ଯା ଧୃଷ୍ଟଦ୍ଯୁମ୍ନଶ୍ଚ ସପ୍ତଭିଃ॥ 8-82-18 (59049)
ଦ୍ରୌପଦେଯାଶ୍ଚତୁଃଷଷ୍ଟ୍ଯା ସହଦେବଶ୍ଚ ସପ୍ତଭିଃ।
ନକୁଲଶ୍ଚ ଶତେନାଜୌ କର୍ଣଂ ବିବ୍ଯାଧ ସାଯକୈଃ॥ 8-82-19 (59050)
ଭୀମସେନସ୍ତୁ ରାଧେଯଂ ନବତ୍ଯା ନତପର୍ବଣାମ୍।
ବିବ୍ଯାଧ ସମରେ କ୍ରୁଦ୍ଧୋ ଜତ୍ରୁଦେଶେ ମହାବଲଃ॥ 8-82-20 (59051)
ଅଥ ପ୍ରହସ୍ଯାଧିରଥିର୍ବ୍ଯାକ୍ଷିପଦ୍ଧନୁରୁତ୍ତମମ୍।
ମୁମୋଚ ନିଶିତାନ୍ବାଣାନ୍ପୀଡଯନ୍ସୁମହାବଲଃ॥ 8-82-21 (59052)
ତାନ୍ପ୍ରତ୍ଯବିଧ୍ଯଦ୍ରାଧେଯଃ ପଞ୍ଚଭିଃ ପଞ୍ଚଭିଃ ଶରୈଃ।
ସାତ୍ଯକେସ୍ତୁ ଧନୁଶ୍ଛିତ୍ତ୍ବା ଧ୍ବଜଂ ଚ ଭରତର୍ଷଭ॥ 8-82-22 (59053)
ତଂ ତଥା ନବଭିର୍ବାଣୈରାଜଘାନ ସ୍ତନାନ୍ତରେ।
ଭୀମସେନଂ ତତଃ କ୍ରୁଦ୍ଧୋ ବିବ୍ଯାଧ ତ୍ରିଂଶତା ଶରୈଃ॥ 8-82-23 (59054)
ସହଦେବସ୍ଯ ଭଲ୍ଲେନ ଧ୍ବଜଂ ଚିଚ୍ଛେଦ ମାରିଷ।
ସାରଥିଂ ଚ ତ୍ରିଭିର୍ବାଣୈରାଜଘାନ ପରନ୍ତପଃ॥ 8-82-24 (59055)
ବିରଥାନ୍ଦ୍ରୌପଦେଯାଂଶ୍ଚ ଚକାର ଭରତର୍ଷଭ।
ଅକ୍ଷ୍ଣୋର୍ନିମେଷମାତ୍ରେଣ ତଦଦ୍ଭୁତମିବାଭବତ୍॥ 8-82-25 (59056)
ବିମୁଖୀକୃତ୍ଯ ତାନ୍ସର୍ବାଞ୍ଶରୈଃ ସନ୍ନତପର୍ବଭିଃ।
ପାଞ୍ଚାଲାନହନଞ୍ଛୂରାଂଶ୍ଚେଦୀନାଂ ଚ ମହାରଥାନ୍॥ 8-82-26 (59057)
ତେ ବଧ୍ଯମାନାଃ ସମରେ ଚେଦିମତ୍ସ୍ଯା ବିଶାମ୍ପତେ।
କର୍ଣମେକମଭିଦ୍ରୁତ୍ଯ ଶରସଙ୍ଖୈଃ ସମାର୍ପଯନ୍॥ 8-82-27 (59058)
ତାଞ୍ଜଘାନ ଶିତୈର୍ବାଣୈଃ ସୂତପୁତ୍ରୋ ମହାରଥଃ।
ତେ ବଧ୍ଯମାନାଃ ସମରେ ଚେଦିମାତ୍ସ୍ଯା ବିଶାମ୍ପତେ।
ପ୍ରାଦ୍ରବନ୍ତ ରଣେ ଭୀତାଃ ସିଂହତ୍ରସ୍ତା ମୃଗା ଇବ॥ 8-82-28 (59059)
ଏତଦତ୍ଯୁଦ୍ଭତଂ କର୍ମ ଦୃଷ୍ଟ୍ବାନସ୍ମି ଭାରତ।
ଯଦେକଃ ସମରେ ଶୂରାନ୍ସୂତପୁତ୍ରଃ ପ୍ରତାପବାନ୍॥ 8-82-29 (59060)
ଯତମାନାନ୍ପରଂ ଶକ୍ତ୍ଯା ଯୋଧଯାନାଂଶ୍ଚ ଧନ୍ବିନଃ।
ପାଣ୍ଡବେଯାନ୍ମହାରାଜ ଶରୈର୍ବାରିତବାନ୍ରଣେ॥ 8-82-30 (59061)
ତତ୍ର ଭାରତ କର୍ଣସ୍ଯ ଲାଘବେନ ମହାତ୍ମନଃ।
ତୁତୁଷୁର୍ଦେବତାଃ ସର୍ବାଃ ସିଦ୍ଧାଶ୍ଚ ସହ ଚାରଣୈଃ॥ 8-82-31 (59062)
ଅପୂଜଯନ୍ମହେଷ୍ବାସା ଧାର୍ତରାଷ୍ଟ୍ରା ନରୋତ୍ତମମ୍।
କର୍ଣଂ ରଥବରଶ୍ରେଷ୍ଠଂ ଶ୍ରେଷ୍ଠଂ ସର୍ବଧନୁଷ୍ମତାମ୍॥ 8-82-32 (59063)
ତତଃ କର୍ଣୋ ମହାରାଜ ଦଦାହ ରିପୁବାହିନୀମ୍।
କକ୍ଷମିଦ୍ଧୋ ଯଥା ବହ୍ନିର୍ନିଦାଧେ ଜ୍ବଲିତୋ ମହାନ୍॥ 8-82-33 (59064)
ତେ ବଧ୍ଯମାନାଃ କର୍ଣେନ ପାଣ୍ଡବେଯାସ୍ତତସ୍ତତଃ।
ପ୍ରାଦ୍ରବନ୍ତ ରଣେ ଭୀତାଃ କର୍ଣଂ ଦୃଷ୍ଟ୍ବା ମହାରଥମ୍॥ 8-82-34 (59065)
ତତ୍ରାକ୍ରନ୍ଦୋ ମହାନାସୀତ୍ପାଞ୍ଚାଲାନାଂ ମହାରଣେ।
ବଧ୍ଯତାଂ ସାଯକୈସ୍ତୀକ୍ଷ୍ଣୈଃ କର୍ଣଚାପବରଚ୍ଯୁତୈଃ॥ 8-82-35 (59066)
ତେନ ଶବ୍ଦେନ ବିତ୍ରସ୍ତା ପାଣ୍ଡବାନାଂ ମହାଚମୂଃ।
କର୍ଣମେକଂ ରଣେ ଯୋଧଂ ମେନିରେ ତତ୍ର ଶାତ୍ରବାଃ॥ 8-82-36 (59067)
ତତ୍ରାଦ୍ଭୁତଂ ପୁନଶ୍ଚକ୍ରେ ରାଧେଯଃ ଶତ୍ରୁକର୍ଶନଃ।
ଯଦେନଂ ପାଣ୍ଡବାଃ ସର୍ବେ ନ ଶେକୁରଭିବୀକ୍ଷିତୁମ୍॥ 8-82-37 (59068)
ଜଲୌଘଃ ପର୍ବତଶ୍ରେଷ୍ଠଂ ଯଥାସାଦ୍ଯ ପ୍ରଭିଦ୍ଯତେ।
ତଥା ତତ୍ପାଣ୍ଡବଂ ସୈନ୍ଯଂ କର୍ଣମାସାଦ୍ଯ ଦୀର୍ଯତେ॥ 8-82-38 (59069)
କର୍ଣୋଽପି ସମରେ ରାଜନ୍ବିଧୂମୋଽଗ୍ନିରିବ ଜ୍ବଲତ୍।
ଦହଂସ୍ତସ୍ଥୌ ମହାବାହୁଃ ପାଣ୍ଡବାନାଂ ମହାଚମୂମ୍॥ 8-82-39 (59070)
ଶିରାଂସି ଚ ମହାରାଜ କର୍ଣାଂ ଶ୍ଚୈବ ସକୁଣ୍ଡଲାନ୍।
ବାହୂଂଶ୍ଚ ବୀରୋ ବୀରାଣାଂ ଚିଚ୍ଛେଦ ଲଘୁ ଚେଷୁଭିଃ॥ 8-82-40 (59071)
ହସ୍ତିଦନ୍ତତ୍ସରୂନ୍ଖଙ୍ଗାନ୍ଧ୍ବଜାଞ୍ଶକ୍ତୀର୍ହଯାନ୍ଗଜାନ୍।
ରଥାଂଶ୍ଚ ବିବିଧାନ୍ରାଜନ୍ପତାକା ବ୍ଯଜନାନି ଚ॥ 8-82-41 (59072)
ଅକ୍ଷଂ ଚ ଯୁଗଯୋକ୍ତ୍ରାଣି ଚକ୍ରାଣି ବିବିଧାନି ଚ।
ଚିଚ୍ଛେଦ ବହୁଧା କର୍ଣୋ ଯୋଧବ୍ରତମନୁଷ୍ଠିତଃ॥ 8-82-42 (59073)
ତତ୍ର ଭାରତ କର୍ଣେନ ନିହତୈର୍ଗଜବାଜିଭିଃ।
ଅଗମ୍ଯରୂପା ପୃଥିବୀ ମାଂସଶୋଣିତକର୍ଦମା॥ 8-82-43 (59074)
ବିଷମଂ ଚ ସମଂ ଚୈବ ହତୈରଶ୍ବପଦାତିଭିଃ।
ରଥୈଶ୍ଚ କୁଞ୍ଜରୈଶ୍ଚୈବ ନ ପ୍ରାଜ୍ଞାଯତ କିଞ୍ଚନ॥ 8-82-44 (59075)
ନାପି ସ୍ବେ ନ ପରେ ଯୋଧାଃ ପ୍ରାଜ୍ଞାଯନ୍ତ ପରସ୍ପରମ୍।
ଘୋରେ ଶରାନ୍ଧକାରେ ତୁ କର୍ଣାସ୍ତ୍ରେ ଚ ବିଜୃମ୍ଭିତେ॥ 8-82-45 (59076)
ରାଧେଯଚାପନିର୍ମୁକ୍ତୈଃ ଶରୈଃ କାଞ୍ଚନଭୂଷଣୈଃ।
ସଞ୍ଛାଦିତା ମହାରାଜ ପାଣ୍ଡବାନାଂ ମହାରଥାଃ॥ 8-82-46 (59077)
ତେ ପାଣ୍ଡବେଯାଃ ସମରେ ରାଧେଯେନ ପୁନଃ ପୁନଃ।
ଅଭଜ୍ଯନ୍ତ ମହାରାଜ ଯତମାନା ମହାରଥାଃ॥ 8-82-47 (59078)
ମୃଗସଙ୍ଘାନ୍ଯଥା କ୍ରୁଦ୍ଧଃ ସିଂହୋ ଦ୍ରାବଯତେ ବନେ।
ପଞ୍ଚାଲାନାଂ ରଥଶ୍ରେଷ୍ଠାନ୍ଦ୍ରାବଯଞ୍ଶାତ୍ରବାଂସ୍ତଥା॥ 8-82-48 (59079)
କର୍ଣସ୍ତୁ ସମରେ ଯୋଧାଂସ୍ତ୍ରାସଯୁନ୍ସୁମହାଯଶାଃ।
କାଲଯାମାସ ତତ୍ସୈନ୍ଯଂ ଯଥା ପଶୁଗଣାନ୍ବୃକଃ॥ 8-82-49 (59080)
ଦୃଷ୍ଟ୍ବା ତୁ ପାଣ୍ଡବୀଂ ମେନାଂ ଧାର୍ତରାଷ୍ଟ୍ରାଃ ପରାଙ୍ଯୁଖୀମ୍।
ତତ୍ରାଜଗ୍ମୁର୍ମହେଷ୍ବାସା ରୁଦନ୍ତୋ ଭୈରବାତ୍ରବାନ୍ ॥ 8-82-50 (59081)
ଦୁର୍ଯୋଧନୋ ହି ରାଜେନ୍ଦ୍ର ମୁଦା ପରମଯା ଯୁତଃ।
ବାଦଯାମାସ ସଂହୃଷ୍ଟୋ ନାନାବାଦ୍ଯାନି ସର୍ବଶଃ॥ 8-82-51 (59082)
ପାଞ୍ଚାଲାଶ୍ଚ ମହେଷ୍ବାସା ଭଗ୍ନାସ୍ତତ୍ର ନରୋତ୍ତମାଃ।
ନ୍ଯବର୍ତନ୍ତ ତଦା ଶୂରା ମୃତ୍ଯୁଂ କୃତ୍ବା ନିବର୍ତନମ୍॥ 8-82-52 (59083)
ତାନ୍ନିବୃତ୍ତାନ୍ରଣେ ଶୂରାନ୍ରାଧେଯଃ ଶତ୍ରୁତାପନଃ।
ଅନେକଶୋ ମହାରାଜ ବଭଞ୍ଜ ପୁରୁଷର୍ଷଭଃ॥ 8-82-53 (59084)
ତତ୍ର ଭାରତ କର୍ଣେନ ପାଞ୍ଚାଲା ବିଂଶତୀ ରଥାଃ।
ନିହତାଃ ସାଯକୈଃ କ୍ରୋଧାଚ୍ଚେଦଯଶ୍ଚ ପରଂଶତାଃ॥ 8-82-54 (59085)
କୃତ୍ବା ଶୂନ୍ଯାନ୍ରଥୋପସ୍ଥାନ୍ବାଜିପୃଷ୍ଠାଂଶ୍ଚ ଭାରତ।
ନିର୍ମନୁଷ୍ଯାନ୍ଗଜସ୍କନ୍ଧାନ୍ପାଦାତାଂଶ୍ଚୈବ ବିଦ୍ରୁତାନ୍॥ 8-82-55 (59086)
ଆଦିତ୍ଯ ଇବ ମଧ୍ଯାହ୍ନେ ଦୁର୍ନିରୀକ୍ଷ୍ଯଃ ପରନ୍ତପଃ।
କାଲାନ୍ତକବପୁଃ ଶୂରଃ ସୂତପୁତ୍ରୋଽଭ୍ଯରାଜତ॥ 8-82-56 (59087)
ଏବମେତନ୍ମହାରାଜ ନରବାଜିରଥଦ୍ବିପାନ୍।
ହତ୍ବା ତସ୍ଥୌ ମହେଷ୍ବାସଃ କର୍ଣୋଽରିଗଣସୂଦନଃ॥ 8-82-57 (59088)
ଯଥା ଭୂତଗଣାନ୍ହତ୍ବା କାଲସ୍ତିଷ୍ଠେନ୍ମହାବଲଃ।
ତଥା ସ ସୋମକାନ୍ହତ୍ବା ତସ୍ଥାବେକୋ ମହାରଥଃ॥ 8-82-58 (59089)
ତତ୍ରାଦ୍ଭୁତମପଶ୍ଯାମ ପାଞ୍ଚାଲାନାଂ ପରାକ୍ରମମ୍।
ବଧ୍ଯମାନାଽପି ଯତ୍କର୍ଣଂ ନାଜହୂ ରଣମୂର୍ଧନି॥ 8-82-59 (59090)
ରାଜା ଦୁଃଶାସନଶ୍ଚୈବ କୃପଃ ଶାରଦ୍ବତସ୍ତଥା।
ଅଶ୍ବତ୍ଥାମା କୃତବର୍ମା ଶକୁନିଶ୍ଚ ମହାବଲଃ।
ବ୍ଯହନନ୍ପାଣ୍ଡବୀଂ ସେନାଂ ଶତଶୋଽଥ ସହସ୍ରଶଃ॥ 8-82-60 (59091)
କର୍ମପୁତ୍ରୌ ତୁ ରାଜେନ୍ଦ୍ର ଭ୍ରାତରୌ ସତ୍ଯବିକ୍ରମୌ।
ନିଜଘ୍ନାତେ ବଲଂ କ୍ରୁଦ୍ଧୌ ପାଣ୍ଡବାନାମିତସ୍ତତଃ॥ 8-82-61 (59092)
ତତ୍ର ଯୁଦ୍ଧଂ ମହଚ୍ଚାସୀତ୍କ୍ରୂରଂ ବିଶସନଂ ମହତ୍॥ 8-82-62 (59093)
ତଥୈବ ପାଣ୍ଡବାଃ ଶୂରା ଧୃଷ୍ଟଦ୍ଯୁମ୍ନଶିଖଣ୍ଡିନୌ।
ଦ୍ରୌପଦେଯାଶ୍ଚ ସଙ୍କ୍ରୁଦ୍ଧା ଅଭ୍ଯଘ୍ନଂସ୍ତାବକଂ ବଲମ୍॥ 8-82-63 (59094)
ଏବମେଷ କ୍ଷଯୋ ବୃତ୍ତଃ ପାଣ୍ଡବାନାଂ ତତସ୍ତତଃ।
ତାବକାନାମପି ରଣେ ଭୀମଂ ପ୍ରାପ୍ଯ ମହାବଲମ୍॥ ॥ 8-82-64 (59095)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଦ୍ବ୍ଯଶୀତିତମୋଽଧ୍ଯାଯଃ॥ 82 ॥
॥ ଶ୍ରୀଃ ॥
8.83. ଅଧ୍ଯାଯଃ 083
Mahabharata - Karna Parva - Chapter Topics
ପାର୍ଥଚୋଦନଯା କୃଷ୍ଣେନ କର୍ଣସମୀପମ୍ପ୍ରତି ରଥପ୍ରାପଣମ୍॥ 1 ॥ ଶଲ୍ଯେନ କର୍ଣପ୍ରୋତ୍ସାହନମ୍॥ 2 ॥ କର୍ଣେନ ପାର୍ଥପ୍ରଶଂସନପୂର୍ବକଂ ତଦ୍ବଧପ୍ରତିଜ୍ଞା॥ 3 ॥ ସଙ୍କୁଲଯୁଦ୍ଧମ୍॥ 4 ॥
Mahabharata - Karna Parva - Chapter Text
8-83-0 (59096)
ସଞ୍ଜଯ ଉବାଚ। 8-83-0x (5037)
ହତ୍ବା ତୁ ଫଲ୍ଗୁନଃ ସେନାଂ କୌରବାଣାଂ ପୃଥକ୍ପୃଥକ୍।
ସୂତପୁତ୍ରସ୍ଯ ସଂରମ୍ଭଂ ଦୃଷ୍ଟ୍ବା ଚୈବ ମହାରଣେ॥ 8-83-1 (59097)
ଶୋଣିତୋଦାଂ ନଦୀଂ କୃତ୍ବା ମାଂସମଜ୍ଜାସ୍ଥିପଙ୍କିଲାମ୍।
ମନୁଷ୍ଯଶୀର୍ଷପାଷାଣାଂ ହସ୍ତ୍ଯଶ୍ବକୃତରୋଧସମ୍॥ 8-83-2 (59098)
ଶୂରାସ୍ଥିତ୍ତଯସଙ୍କୀର୍ଣାଂ କାକଗୃଧ୍ରାନୁନାଦିତାମ୍।
ଛତ୍ରହଂସପ୍ଲୁବୋପେତାଂ ବୀରବୃକ୍ଷାପହାରିଣୀମ୍॥ 8-83-3 (59099)
ହାରପଦ୍ମାକରବତୀମୁଷ୍ଣୀଷବରଫେନିଲାମ୍।
ଧନୁଃଶରଧ୍ବଜୋପେତାଂ ନରକ୍ଷୁଦ୍ରକପାଲିନୀମ୍॥ 8-83-4 (59100)
ଚର୍ମବର୍ମଭ୍ରମୋପେତାଂ ରଥୋଡୁପସମାକୁଲାମ୍।
ଜଯୈଷିଣାଂ ଚ ସୁତରାଂ ଭୀରୂଣାଂ ଚ ସୁଦୁସ୍ତରାମ୍॥ 8-83-5 (59101)
ନଦୀଂ ପ୍ରାବର୍ତଯିତ୍ବା ଚ ବୀଭତ୍ସୁଃ ପରବୀରହା।
ବାସୁଦେବମିଦଂ ବାକ୍ଯମବ୍ରବୀତ୍ପୁରୁଷର୍ଷଭଃ॥ 8-83-6 (59102)
ଅର୍ଜୁନ ଉବାଚ। 8-83-7x (5038)
ଏଷ କେତୂ ରଣେ କୃଷ୍ଣ ସୂତପୁତ୍ରସ୍ଯ ଦୃଶ୍ଯତେ।
ଭୀମସେନାଦଯଶ୍ଚୈତେ ଯୋଧଯନ୍ତି ମହାରଥମ୍॥ 8-83-7 (59103)
ଏତେ ଦ୍ରବନ୍ତି ପାଞ୍ଚାଲାଃ କର୍ମତ୍ରସ୍ତା ଜନାର୍ଦନ।
ଏଷ ଦୁର୍ଯୋଧନୋ ରାଜା ଶ୍ବେତଚ୍ଛତ୍ରେଣ ଧାର୍ଯତେ॥ 8-83-8 (59104)
କର୍ଣେନ ଭଗ୍ନାନ୍ପାଞ୍ଚାଲାନ୍ଦ୍ରାବଯନ୍ବହୁ ଶୋଭତେ।
କୃପଶ୍ଚ କୃତବର୍ମା ଚ ଦ୍ରୌଣିଶ୍ଚୈବ ମହାରଥଃ॥ 8-83-9 (59105)
ଏତେ ରକ୍ଷନ୍ତି ରାଜାନଂ ସୂତପୁତ୍ରେଣ ରକ୍ଷିତାଃ।
ଅବଧ୍ଯମାନାସ୍ତେଽସ୍ମାଭିର୍ଯୋଧଯିଷ୍ଯନ୍ତି ସୋମକାନ୍॥ 8-83-10 (59106)
ଏଷ ଶଲ୍ଯୋ ରଥୋପସ୍ଥେ ରଶ୍ମିସଙ୍ଗ୍ରାହକୋବିଦଃ।
ସୂତପୁତ୍ରରଥଂ କୃଷ୍ଣ ବାହଯନ୍ବହୁ ଶୋଭତେ॥ 8-83-11 (59107)
ତତ୍ର ମେ ବୁଦ୍ଧିରୁତ୍ପନ୍ନା ବାହଯାତ୍ର ରଥଂ ମମ।
ନାହତ୍ବା ସମରେ କର୍ଣଂ ନିବର୍ତିଷ୍ଯେ କଥଞ୍ଚନ॥ 8-83-12 (59108)
ମା ସ୍ମ କର୍ଣୋ ରଣେ ପାର୍ଥାନ୍ସୃଞ୍ଜଯାଂଶ୍ଚ ମହାରଥାନ୍।
ନିଃଶେଷାନ୍ସମରେ କୁର୍ଯାତ୍ପଶ୍ଯତାଂ ନୋ ଜନାର୍ଦନ॥ 8-83-13 (59109)
ସଞ୍ଜଯ ଉବାଚ। 8-83-14x (5039)
ତତଃ ପ୍ରାଯାଜ୍ଜବେନାଶୁ କେଶବସ୍ତବ ବାହିନୀମ୍।
କର୍ଣଂ ପ୍ରତି ମହେଷ୍ବାସଂ ଦ୍ବୈରଥେ ସବ୍ଯସାଚିନଃ॥ 8-83-14 (59110)
ସ ପ୍ରଯାତୋ ରଥେନାଶୁ କୃଷ୍ଣୋ ରାଜନ୍ମହାହବେ।
ଆଶ୍ବାସଯନ୍ରଣେ ଚାଶୁ ପାଣ୍ଡୁସୈନ୍ଯାନି ସର୍ବଶଃ॥ 8-83-15 (59111)
ରଥଘୋଷସ୍ତତସ୍ତସ୍ଯ ପାଣ୍ଡବସ୍ଯ ବଭୂବ ହ।
ବାସବାସ୍ତ୍ରନିପାତେନ ପର୍ବତେଷ୍ବିବ ମାରିଷ॥ 8-83-16 (59112)
ମହତା ରଥଘୋଷେଣ ପାଣ୍ଡବଃ ସତ୍ଯବିକ୍ରମଃ।
ଅଭ୍ଯଯାଦପ୍ରମେଯାତ୍ମା ନିର୍ଜଯଂସ୍ତବ ବାହିନୀମ୍॥ 8-83-17 (59113)
ତମାଯାନ୍ତଂ ସମୀକ୍ଷ୍ଯୈବ ଶ୍ବେତାଶ୍ବଂ କୃଷ୍ଣସାରଥିମ୍।
ମଦ୍ରରାଜୋଽବ୍ରବୀତ୍କର୍ଣଂ କେତୁଂ ଦୃଷ୍ଟ୍ବା ମହାତ୍ମନଃ॥ 8-83-18 (59114)
ଅଯଂ ସ ରଥ ଆଯାତି ଶ୍ବେତାଶ୍ବଃ କୃଷ୍ଣସାରଥିଃ।
ନିଘ୍ନନ୍ନମିତ୍ରାନ୍ସମରେ ଯଂ କର୍ଣ ପରିପୃଚ୍ଛସି॥ 8-83-19 (59115)
ଏଷ ତିଷ୍ଠତି କୌନ୍ତେଯଃ ସଂସ୍ପୃଶନ୍ଗାଣ୍ଡିବଂ ଧନୁଃ।
ତଂ ହନିଷ୍ଯସି ଚେଦଦ୍ଯ ତନ୍ନଃ ଶ୍ରେଯୋ ଭବିଷ୍ଯତି॥ 8-83-20 (59116)
ଧନୁର୍ଜ୍ଯା ଚନ୍ଦ୍ରତାରାଙ୍କା ପତାକାକିଙ୍କିଣୀଯୁତା।
ପଶ୍ଯ କର୍ଣାର୍ଜୁନସ୍ଯୈଷା ସୌଦାମନ୍ଯମ୍ବରେ ଯଥା॥ 8-83-21 (59117)
ଏଷ ଧ୍ବଜାଗ୍ରେ ପାର୍ଥସ୍ଯ ପ୍ରେକ୍ଷମାଣଃ ସମନ୍ତତଃ।
ଦୃଶ୍ଯତେ ବାନରୋ ଭୀମୋ ବୀକ୍ଷତାଂ ଭଯବର୍ଧନଃ॥ 8-83-22 (59118)
ଏତଚ୍ଚକ୍ରଂ ଗଦା ଶଙ୍ଖଃ ଶାର୍ଙ୍ଗଂ କୃଷ୍ଣସ୍ଯ ଚ ପ୍ରଭୋ।
ଦୃଶ୍ଯତେ ପାଣ୍ଡବରଥେ ବାହଯାନସ୍ଯ ବାଜିନଃ॥ 8-83-23 (59119)
ଏତତ୍କୂଜତି ଗାଣ୍ଡୀବଂ ବିସୃଷ୍ଟଂ ସବ୍ଯସାଚିନା।
ଏତେ ହସ୍ତବତା ମୁକ୍ତା ଘ୍ନନ୍ତ୍ଯମିତ୍ରାଞ୍ଶିତାଃ ଶରାଃ॥ 8-83-24 (59120)
ବିଶାଲାଯତତାମ୍ରାକ୍ଷୈଃ ପୂର୍ଣଚନ୍ଦ୍ରନିଭାନନୈଃ।
ଏଷା ଭୂଃ କୀର୍ଯତେ ରାଜ୍ଞାଂ ଶିରୋଭିରପଲାଯିନାମ୍॥ 8-83-25 (59121)
ଏତେ ପରିଘସଙ୍କାଶାଃ ପୁଣ୍ଯଗନ୍ଧାନୁଲେପନାଃ।
ଉଦ୍ଧତା ରଣଶୂରାଣାଂ ପାତ୍ଯନ୍ତେ ସାଯୁଧା ଭୁଜାଃ॥ 8-83-26 (59122)
ନିରସ୍ତଜିହ୍ବା ନେତ୍ରାନ୍ତା ବାଜିନଃ ସହ ସାଦିଭିଃ।
ପତିତାଃ ପାତ୍ଯମାନାଶ୍ଚ କ୍ଷିତୌ କ୍ଷୀଣା ବିଶେରତେ॥ 8-83-27 (59123)
ଏତେ ପର୍ବତଶୃଙ୍ଗାଣାଂ ତୁଲ୍ଯା ହୈମବତା ଗଜାଃ।
ସଞ୍ଛିନ୍ନକୁମ୍ଭାଃ ପାର୍ଥେନ ପ୍ରପତନ୍ତ୍ଯଦ୍ରଯୋ ଯଥା॥ 8-83-28 (59124)
ଗନ୍ଧର୍ବନଗରାକାରା ରଥା ହତନରେଶ୍ବରାଃ।
ବିମାନାଦିବ ପୁଣ୍ଯାନ୍ତେ ସ୍ବର୍ଗିଣୋ ନିପତନ୍ତ୍ଯମୀ॥ 8-83-29 (59125)
ବ୍ଯାକୁଲୀକୃତମତ୍ଯର୍ଥଂ ପଶ୍ଯ ସୈନ୍ଯଂ କିରୀଟିନା।
ନାନାମୃଗସହସ୍ରାଣାଂ ଯୂଥଂ କେସରିଣା ଯଥା॥ 8-83-30 (59126)
ତ୍ବାମଭିପ୍ରେପ୍ସୁରାଯାତି କର୍ଣ ନିଘ୍ନନ୍ବରାନ୍ରଥାନ୍।
ଅସଜ୍ଜମାନୋ ରାଧେଯ ତଂ ଯାହି ପ୍ରତି ଭାରତ॥ 8-83-31 (59127)
ଏଷା ବିଦୀର୍ଯତେ ସେନା ଧାର୍ତରାଷ୍ଟ୍ରୀ ସମନ୍ତତଃ।
ଅର୍ଜୁନସ୍ଯ ଭଯାତ୍ତୂର୍ଣଂ ନିଘ୍ନତଃ ଶାତ୍ରବାନ୍ବହୂନ୍॥ 8-83-32 (59128)
ବର୍ଜଯନ୍ସର୍ବସୈନ୍ଯାନି ତ୍ବରତେ ହି ଧନଞ୍ଜଯଃ।
ତ୍ବଦର୍ଥମିତି ମନ୍ଯେଽହଂ ଯଥାସ୍ଯୋଦୀର୍ଯତେ ବପୁଃ॥ 8-83-33 (59129)
ନ ହ୍ଯବସ୍ଥାସ୍ଯତେ ପାର୍ଥୋ ଯୁଯୁତ୍ସୁଃ କେନଚିତ୍ସହ।
ତ୍ବାମୃତେ କ୍ରୋଧଦୀପ୍ତୋ ହି ପୀଡ୍ଯମାନେ ବୃକୋଦରେ॥ 8-83-34 (59130)
ବିରଥଂ ଧର୍ମରାଜଂ ତୁ ଦୃଷ୍ଟ୍ବା ସୁଦୃଢବିକ୍ଷତମ୍।
ଶିଖଣ୍ଡିନଂ ସାତ୍ଯକିଂ ଚ ଧୃଷ୍ଟଦ୍ଯୁମ୍ନଂ ଚ ପାର୍ଷତମ୍॥ 8-83-35 (59131)
ଦ୍ରୌପଦେଯାନ୍ଯୁଧାମନ୍ଯୁମୁତ୍ତମୌଜସମେବ ଚ।
ନକୁଲଂ ସହଦେବଂ ଚ ବଶଗାଂସ୍ତେ ସମୀକ୍ଷ୍ଯ ତୁ॥ 8-83-36 (59132)
ସହସୈକରଥଃ ପାର୍ଥସ୍ତ୍ବାମଭ୍ଯେତି ପରନ୍ତପଃ।
କ୍ରୋଧରକ୍ତେକ୍ଷଣଃ କ୍ରୁଦ୍ଧୋ ଜିଘାଂସୁଃ ସର୍ବପାର୍ଥିବାନ୍॥ 8-83-37 (59133)
ତ୍ବରିତୋଽଭିପତତ୍ଯସ୍ମାଂସ୍ତ୍ଯକ୍ତ୍ବା ସୈନ୍ଯାନ୍ଯସଂଶଯମ୍।
ତ୍ବଂ କର୍ଣ ପ୍ରତିଯାହ୍ଯେନଂ ନାସ୍ତ୍ଯନ୍ଯୋ ହି ଧନୁର୍ଧରଃ॥ 8-83-38 (59134)
ନ ତଂ ପଶ୍ଯାମି ଲୋକେଽସ୍ମିଂସ୍ତ୍ବତ୍ତୋ ହ୍ଯନ୍ଯଂ ଧନୁର୍ଧରମ୍।
ଅର୍ଜୁନଂ ସମରେ କ୍ରୁଦ୍ଧଂ ଯୋ ବେଲାମିବ ବାରଯେତ୍॥ 8-83-39 (59135)
ନ ଚାସ୍ଯ ରକ୍ଷାଂ ପଶ୍ଯାମି ପାର୍ଶ୍ବତୋ ନ ଚ ପୃଷ୍ଠତଃ।
ଏକ ଏବାଭିଯାତି ତ୍ବାଂ ପଶ୍ଯ ସାଫଲ୍ଯମାତ୍ମନଃ॥ 8-83-40 (59136)
ତ୍ବଂ ହି କୃଷ୍ଣୌ ରଣେ ଶକ୍ତୋ ଯୋଦ୍ଧୁମେତୌ ପରନ୍ତପୌ।
ତବୈବ ଭାରୋ ରାଧେଯ ପ୍ରତ୍ଯୁଦ୍ଯାହି ଧନଞ୍ଜଯମ୍॥ 8-83-41 (59137)
ସମାନୋ ହ୍ଯସି ଭୀଷ୍ମେଣ ଦ୍ରୋମଦ୍ରୌଣିକୃପେଣ ଚ।
ସବ୍ଯସାଚିନମାଯାନ୍ତଂ ନିବାରଯ ମହାରଣେ॥ 8-83-42 (59138)
ଲେଲିହାନଂ ଯଥା ସର୍ପଂ ଗର୍ଜନ୍ତମୃଷଭଂ ଯଥା।
ବନସ୍ଥିତଂ ଯଥା ବ୍ଯାଘ୍ରଂ ଜହି କର୍ଣ ଧନଞ୍ଜଯମ୍॥ 8-83-43 (59139)
ଏତେ ଦ୍ରବନ୍ତି ସମରାନ୍ନିରପେକ୍ଷା ନରାଧିପାଃ।
ଅର୍ଜୁନସ୍ଯ ଭଯତ୍ରସ୍ତା ଧାର୍ତରାଷ୍ଟ୍ରା ମହାବଲାଃ॥ 8-83-44 (59140)
ଦ୍ରବତାମଥ ତେଷାଂ ତୁ ନାନ୍ଯୋଽସ୍ତି ଯୁଧି ମାନବଃ।
ଭଯହା ଯୋ ଭବେଦ୍ବୀରସ୍ତ୍ବାମୃତେ ସୂତନନ୍ଦନ॥ 8-83-45 (59141)
ଏତେ ତ୍ବାଂ କୁରବଃ ସର୍ବେ ଦ୍ବୀପମାସାଦ୍ଯ ସଂଯୁଗେ।
ଧିଷ୍ଠିତାଃ ପୁରୁଷବ୍ଯାଘ୍ର ତ୍ବତ୍ତଃ ଶରଣକାଙ୍କ୍ଷିଣଃ॥ 8-83-46 (59142)
ବୈଦେହାମ୍ବଷ୍ଠକାମ୍ଭୋଜାସ୍ତଥା ନଗ୍ନଜିତସ୍ତ୍ବଯା।
ଗାନ୍ଧାରାଶ୍ଚ ଯଯା ଧୃତ୍ଯା ଜିତାଃ ସଙ୍ଖ୍ଯେ ସୁଦୁର୍ଜଯାଃ।
ତାଂ ଧୃତିଂ କୁରୁରାଧେଯ ତତଃ ପ୍ରତ୍ଯେହି ପାଣ୍ଡବମ୍॥ 8-83-47 (59143)
ବାସୁଦେବଂ ଚ ବାର୍ଷ୍ଣେଯଂ ପ୍ରୀଯମାଣଂ କିରୀଟିନା।
ପ୍ରତ୍ଯୁଦ୍ଯାହି ମହାବାହୋ ପୌରୁଷେ ମହତି ସ୍ଥିତଃ॥ 8-83-48 (59144)
କର୍ଣ ଉବାଚ। 8-83-49x (5040)
ପ୍ରକୃତିସ୍ଥୋଽସି ମେ ଶଲ୍ଯ ଇଦାନୀଂ ସମ୍ମତସ୍ତଥା।
ପ୍ରତିଭାସି ମହାବାହୋ ଅଭୀତଶ୍ଚ ଧନଞ୍ଜଯାତ୍॥ 8-83-49 (59145)
ପଶ୍ଯ ବାହ୍ବୋର୍ବଲଂ ମେଽଦ୍ଯ ଶିକ୍ଷିତସ୍ଯ ଚ ପଶ୍ଯ ମେ।
ଏକୋଽଦ୍ଯ ନିହନିଷ୍ଯାମି ପାଣ୍ଡବାନାଂ ମହାଚମୂମ୍॥ 8-83-50 (59146)
କୃଷ୍ଣୌ ଚ ପୁରୁଷବ୍ଯାଘ୍ର ତତଃ ସତ୍ଯଂ ବ୍ରବୀମି ତେ।
ନାହତ୍ବା ଯୁଧି ତୌ ବୀରୌ ବ୍ଯପଯାସ୍ଯେ କଥଞ୍ଚନ॥ 8-83-51 (59147)
ଶିଶ୍ଯେ ବା ନିହତସ୍ତାଭ୍ଯାମନିତ୍ଯୋ ହି ରଣେ ଜଯଃ।
କୃତାର୍ଥୋଽଦ୍ଯ ଭବିଷ୍ଯାମି ହତ୍ବା ବାପ୍ଯଥ ବା ହତଃ॥ 8-83-52 (59148)
ଶଲ୍ଯ ଉବାଚ। 8-83-53x (5041)
ଅଜଯ୍ଯମେନଂ ପ୍ରବଦନ୍ତି ଯୁଦ୍ଧେ
ମହାରଥାଃ କର୍ଣ ରଥପ୍ରବୀରମ୍।
ଏକାକିନ କିମୁ କୃଷ୍ଣାଭିଗୁପ୍ତଂ
ବିଜେତୁମେନଂ କ ଇହୋତ୍ସହେତ॥ 8-83-53 (59149)
କର୍ଣ ଉବାଚ। 8-83-54x (5042)
ନୈତାଦୃଶୋ ଜାତୁ ବଭୂବ ଲୋକେ
ରଥୋତ୍ତମୋ ଯାବଦୁପଶ୍ରୁତଂ ନଃ।
ତମୀଦୃଶଂ ପ୍ରତିଯୋତ୍ସ୍ଯାମି ପାର୍ଥଂ
ମହାହବେ ପଶ୍ଯ ଚ ପୌରୁଷଂ ମେ ॥ 8-83-54 (59150)
ରଣେ ଚରତ୍ଯେଷ ରଥପ୍ରବୀରଃ
ସିତୈର୍ହଯୈଃ କୌରବରାଜପୁତ୍ରଃ।
ସ ବାଽଦ୍ଯ ମାଂ ନେଷ୍ଯତି କୃଚ୍ଛ୍ରମେତ--
ତ୍କର୍ଣୋଽସ୍ଯାନ୍ତେଽପ୍ଯତ୍ର ଭବେତ୍ସମର୍ଥଃ॥ 8-83-55 (59151)
ଅସ୍ବେଦିନୌ ରାଜପୁତ୍ରସ୍ଯ ହସ୍ତା--
ବବେପମାନୌ ଜାତକିଣୌ ବୃହନ୍ତୌ।
ଦୃଢାଯୁଧଃ କୃତିମାନ୍କ୍ଷିପ୍ରହସ୍ତୋ
ନ ପାଣ୍ଡବେଯେନ ସମୋଽସ୍ତି ଯୋଧଃ॥ 8-83-56 (59152)
ଗୃହ୍ଣାତ୍ଯନେକାନପି କଙ୍କପତ୍ରା--
ନେକଂ ଯଥା ତାନ୍ପ୍ରତିଯୋଜ୍ଯ ଚାଶୁ।
ତେ କ୍ରୋଶମାତ୍ରେ ନିପତନ୍ତ୍ଯମୋଧାଃ
କସ୍ତେନ ଯୋଧୋଽସ୍ତି ସମଃ ପୃଥିବ୍ଯାମ୍॥ 8-83-57 (59153)
ଅତୋଷଯତ୍ସ୍ବାଣ୍ଡବେ ଯୋ ହୁତାଶଂ
କୃଷ୍ଣଦ୍ବିତୀଯୋଽତିରଥସ୍ତରସ୍ବୀ।
ଲେଭେ ଚକ୍ରଂ ଯତ୍ର କୃଷ୍ଣୋ ମହାତ୍ମା
ଧନୁର୍ଗାଣ୍ଡୀବଂ ପାଣ୍ଡବଃ ସବ୍ଯସାଚୀ॥ 8-83-58 (59154)
ଶ୍ବେତାଶ୍ବଯୁକ୍ତଂ ଚ ସୁଘୋଷମୁଗ୍ରଂ
ରଥଂ ମହାବାହୁରଦୀନସତ୍ବଃ।
ମହେଷୁଧୀ ଚାକ୍ଷଯେ ଦିବ୍ଯରୂପେ
ଶସ୍ତ୍ରାଣି ଦିବ୍ଯାନି ଚ ହବ୍ଯବାହାତ୍॥ 8-83-59 (59155)
ଯସ୍ତ୍ବିନ୍ଦ୍ରଲୋକେ ନିଜଘାନ ଦୈତ୍ଯା--
ନସଙ୍ଖ୍ଯେଯାନ୍କାଲକେଯାଂଶ୍ଚ ସର୍ବାନ୍।
ଲେଭେ ଶଙ୍ଖଂ ଦେବଦତ୍ତଂ ସ୍ମ ତତ୍ର
କୋ ନାମ ତେନାଭ୍ଯଧିକଃ ପୃଥିବ୍ଯାମ୍॥ 8-83-60 (59156)
ମହାଦେବଂ ତୋଷଯାମାସ ଯୋଽସ୍ତ୍ରୈଃ
ସାକ୍ଷାତ୍ସୁଯୁଦ୍ଧେନ ମହାନୁଭାବଃ।
ଲେଭେ ତତଃ ପାଶୁପତଂ ସୁଘୋରଂ
ତ୍ରୈଲୋକ୍ଯସଂହାରକରଂ ମହାସ୍ତ୍ରମ୍॥ 8-83-61 (59157)
ପୃଥକ୍ପୃଥଗ୍ଲୋକପାଲାଃ ସମେତା
ଦଦୁର୍ମହାସ୍ତ୍ରାଣ୍ଯପ୍ରମେଯାଣି ସଙ୍ଖ୍ଯେ।
ଯୈସ୍ତାଞ୍ଜଘାନାଶୁ ରଣେ ନୃସିଂହଃ
ସକାଲକେଯାନସୁରାନ୍ସମେତାନ୍॥ 8-83-62 (59158)
ତଥା ବିରାଟସ୍ଯ ପୁରେ ସମେତା--
ନ୍ସର୍ବାନସ୍ମାନେକରଥେନ ଜିତ୍ବା।
ଜହାର ତଦ୍ରୋଧନମାଜିମଧ୍ଯେ
ବସ୍ତ୍ରାଣି ଚାଦତ୍ତ ମହାରଥେଭ୍ଯଃ॥ 8-83-63 (59159)
ତମୀଦୃଶଂ ବୀର୍ଯଗୁଣୋପପନ୍ନଂ
କୃଷ୍ଣଦ୍ବିତୀଯଂ ପରମଂ ନୃପାଣାମ୍।
ତମାହ୍ବଯନ୍ସାହସମୁତ୍ତମଂ ବୈ
ଜାନେ ସ୍ବଯଂ ସର୍ବଲୋକସ୍ଯ ଶଲ୍ଯ॥ 8-83-64 (59160)
ଅନନ୍ତବୀର୍ଯେଣ ଚ କେଶବେନ
ନାରାଯଣେନାପ୍ରତିମେନ ଗୁପ୍ତଃ।
ବର୍ଷାଯୁତୈର୍ଯସ୍ଯ ଗୁଣା ନ ଶକ୍ଯା
ବକ୍ତୁଂ ସମେତୈରପି ସର୍ବଲୋକୈଃ॥ 8-83-65 (59161)
ମହାତ୍ମନଃ ଶଙ୍ଖଚକ୍ରାସିପାଣେ--
ର୍ବିଷ୍ଣୋର୍ଜିଷ୍ଣୋର୍ବସୁଦେବାତ୍ମଜସ୍ଯ।
ଭଯଂ ନ ମେ ଜାଯତେ ସାଧ୍ବସଂ ଚ
ଦୃଷ୍ଟ୍ବା କୃଷ୍ଣାବେକରଥେ ସମେତୌ॥ 8-83-66 (59162)
ଅତୀବାଯଂ ଧନୁଷି ରାଜପୁତ୍ରେ--
ଷ୍ବତୀବାନ୍ଯାନ୍କେଶବଶ୍ଚକ୍ରଯୁଦ୍ଧେ।
ଏବଂବିଧୌ ପାଣ୍ଡବବାସୁଦେବୌ
ଚଲେତ୍ସ୍ବଦେଶାଦ୍ବିମବାନ୍ନ କୃଷ୍ଣୌ॥ 8-83-67 (59163)
ଉଭୌ ହି ଶୂରୌ ବଲିନୌ ଦୃଢାଯୁଧୌ
ମହାରଥୌ ସଂହନନୋପପନ୍ନୌ।
ଏତୌ ବୀରୌ ନରବୀରୌ ସମେତୌ
ସ୍ଥାନାଚ୍ଚ୍ଯୁତୌ ଦେବକୁମାରରୂପୌ॥ 8-83-68 (59164)
ଅଗ୍ର୍ଯାଦିତ୍ଯାବିନ୍ଦ୍ରବୃହସ୍ପତୀ ବା
ଯମାନ୍ତକୌ ବା ଶତ୍ରିପୂଷଣୌ ବା।
ଭଗାଂଶମିତ୍ରାବରୁଣାବଶ୍ବିନୌ ବା
ମରୁଦ୍ଗଣୌ ବା ବସବଃ ସମେତାଃ।
ବ୍ଯସ୍ତାଃ ସମସ୍ତାଶ୍ଚ ଯୁଧା ନ ଶକ୍ତା
ଜେତୁଂ ପ୍ରସହ୍ଯାର୍ଜୁନଂ ଚାଚ୍ଯୁତଂ ଚ॥ 8-83-69 (59165)
ଏତୌ ହି ତାବର୍ଜୁନବାସୁଦେବୌ
କୋଽନ୍ଯଃ ପ୍ରତୀଯାନ୍ମଦୃତେ ତୁ ଶଲ୍ଯ॥ 8-83-70 (59166)
ସର୍ବେଷାଂ ବୃଷ୍ଣିବୀରାଣାଂ କୃଷ୍ଣେ ଲକ୍ଷ୍ମୀଃ ପ୍ରତିଷ୍ଠିତା।
ସର୍ବେଷାଂ ପାଣ୍ଡୁପୁତ୍ରାଣାଂ ଜଯଃ ପାର୍ଥେ ପ୍ରତିଷ୍ଠିତଃ॥ 8-83-71 (59167)
ତାବୁଭୌ ପୁରୁଷବ୍ଯାଘ୍ରୌ ସମାନେ ସ୍ଯନ୍ଦନେ ସ୍ଥିତୌ।
ମାମେକମଭିଯୋଦ୍ଧାରୌ ସୁଜାତଂ ବତ ଶଲ୍ଯ ମେ॥ 8-83-72 (59168)
ନୈତଚ୍ଚିରଂ କ୍ଷିପ୍ରମିମଂ ରଥଂ ମେ
ପ୍ରବର୍ତଯୈତାବଭିଯାମି ଚୈବମ୍।
ଅସ୍ମିନ୍ମୁହୂର୍ତେ ନିହତୌ ପଶ୍ଯ କୃଷ୍ଣୌ
ତାଭ୍ଯାଂ ହତଂ ବା ଯୁଧି ମାଂ ରିପୁଭ୍ଯାମ୍॥ 8-83-73 (59169)
ଏବଂ ବ୍ରୁବାଣଃ ସହସା ମହାରଥ--
ସ୍ତ୍ବଭ୍ଯଦ୍ରବତ୍ପାଣ୍ଡବଂ ସୂତପୁତ୍ରଃ॥ 8-83-74 (59170)
ଅଭ୍ଯେତ୍ଯ ପୁତ୍ରେଣ ତବାଭିନନ୍ଦିତାଃ
ସମେତ୍ଯ ଚୋକ୍ତାଃ କୁରୁବୀରସତ୍ତମାଃ।
କୃପଶ୍ଚ ଭୋଜଶ୍ଚ ମହାରଥାବୁଭୌ
ତଥୈବ ଗାନ୍ଧାରପତିଃ ସହାନୁଜଃ।
ଗୁରୋଃ ସୁତସ୍ତସ୍ଯ ତବାତ୍ମଜାସ୍ତଥା
ପଦାତିସଙ୍ଘା ଦ୍ବିରଦାସ୍ତଥା ତଦା॥ 8-83-75 (59171)
ନିରୁଧ୍ଯତାଭିଦ୍ରବତାଚ୍ଯୁତାର୍ଜୁନୌ
ଶ୍ରମେଣ ସଂଯୋଜଯତାଶୁ ସର୍ବଶଃ।
ଯଥା ଭବଦ୍ଭିର୍ଭୃଶବିକ୍ଷତାବୁଭୌ
ସୁଖେନ ହନ୍ଯାନ୍ମମ ବାହିନୀପତିଃ॥ 8-83-76 (59172)
ତଥେତି ଚୋକ୍ତ୍ବା ତ୍ବରିତାଃ ସ୍ମ ତେଽର୍ଜୁନଂ
ଜିଘାଂସବୋ ବୀରତରାଃ ସମାଯଯୁଃ।
ଶରୈଶ୍ଚ ଜଘ୍ନୁର୍ଯୁଧି ତଂ ମହାରଥା
ଧନଞ୍ଜଯଂ କର୍ଣନିଦେଶକାରିଣଃ।
ନଦୀନଦଂ ଭୂରିଜଲୋ ମହାର୍ଣବୋ
ଯଥା ତଥା ତାନ୍ସମରେଽର୍ଜୁନୋଽଗ୍ରସତ୍॥ 8-83-77 (59173)
ନ ସନ୍ଦଧାନୋ ନ ତଥା ଶରୋତ୍ତମାନ୍
ପ୍ରମୁଞ୍ଚମାନୋ ରିପୁଭିଃ ପ୍ରଦୃଶ୍ଯତେ।
ଧନଞ୍ଜଯାସ୍ତୈଃ ସ୍ମ ଶରୈର୍ବିଦାରିତା
ହତା ନିପେତୁର୍ନରବାଜିକୁଞ୍ଜରାଃ॥ 8-83-78 (59174)
ଶରାର୍ଚିଷଂ ଗାଣ୍ଡିବଚାରୁମଣ୍ଡଲଂ
ଯୁଗାନ୍ତସୂର୍ଯପ୍ରତିମାନତେଜସମ୍।
ନ କୌରବାଃ ଶେକୁରୁଦୀକ୍ଷିତୁଂ ଜଯଂ
ଯଥା ରବିଂ ବ୍ଯାଧିତଚକ୍ଷୁଷୋ ଜନାଃ॥ 8-83-79 (59175)
ଶରୋତ୍ତମାନ୍ସମ୍ପ୍ରହିତାନ୍ମହାରଥୈ
ଶ୍ଚିଚ୍ଛେଦ ପାର୍ଥଃ ପ୍ରହସଞ୍ଛରୌଧୈଃ।
ଭୂଯଶ୍ଚ ତାନହନଦ୍ବାଣସଙ୍ଘାନ୍
ଗାଣ୍ଡୀବଧନ୍ବାଯତପୂର୍ଣମଣ୍ଡଲମ୍॥ 8-83-80 (59176)
ଯଥୋଗ୍ରରଶ୍ମିଃ ଶୁଚିଶୁକ୍ରମଧ୍ଯଗଃ
ସୁଖଂ ବିବସ୍ବାନ୍ହରତେ ଜଲୌଘାନ୍।
ତଥାର୍ଜୁନୋ ବାଣଗଣାନ୍ନିରସ୍ଯ
ଦଦାହ ସେନାଂ ତବ ପାର୍ଥିବେନ୍ଦ୍ର॥ 8-83-81 (59177)
ତମଭ୍ଯଧାବଦ୍ବିସୃଜନ୍କୃପଃ ଶରାଂ--
ସ୍ତଥୈବ ଭୋଜସ୍ତବ ଚାତ୍ମଜଃ ସ୍ବଯମ୍।
ମହାରଥୋ ଦ୍ରୋଣସୁତଶ୍ଚ ସାଯକୈ--
ରବାକିରଂସ୍ତୋଯଧରା ଯଥାଽଚଲମ୍॥ 8-83-82 (59178)
ଜିଘାଂସୁଭିସ୍ତାନ୍କୁଶଲୈଃ ଶରୋତ୍ତମାନ୍
ମହାତ୍ମଭିଃ ସମ୍ପ୍ରହିତାନ୍ପ୍ରଯତ୍ନତଃ।
ଶରୈଃ ପ୍ରତିଚ୍ଛେଦ ସ ପାଣ୍ଡବସ୍ତ୍ବରନ୍
ପରାନ୍ବିନିର୍ଭିଦ୍ଯ ଚ ତାଂସ୍ତ୍ରିଭିସ୍ତ୍ରିଭିଃ॥ 8-83-83 (59179)
ସ ଗାଣ୍ଡିବବ୍ଯାଯତପୂର୍ଣମଣ୍ଡଲ--
ସ୍ତପନ୍ରିପୂନର୍ଜୁନଭାସ୍କରୋ ବଭୌ।
ଶରୋଗ୍ରଶ୍ମିଃ ଶୁଚିଶୁକ୍ରମଧ୍ଯଗୋ
ଯଥୈବ ସୂର୍ଯଃ ପରିବେଯବାଂସ୍ତଥା॥ 8-83-84 (59180)
ଅଥାଗ୍ର୍ଯବାଣୈର୍ଦଶଭିର୍ଧନଞ୍ଜଯଂ
ପରାଭିନଦ୍ଦୋଣସୁତୋଽଚ୍ଯୁତଂ ତ୍ରିଭିଃ।
ଚତୁର୍ଭିରଶ୍ବାଂଶ୍ଚତୁରଃ କପିଂ ତତଃ
ଶରୈଶ୍ଚ ନାରାଚବରୈରବାକିରତ୍॥ 8-83-85 (59181)
ତଥା ତତଃ ପ୍ରସ୍ଫୁରଦସ୍ଯ କାର୍ମୁକଂ
ତ୍ରିଭିଃ ଶରୈର୍ଯନ୍ତୃଶିରଶ୍ଚକର୍ତ ହ।
ହଯାଂଶ୍ଚତୁର୍ଭିଶ୍ଚତୁରସ୍ତ୍ରିଭିର୍ଧ୍ବଜଂ
ଧନଞ୍ଜଯୋ ଦ୍ରୌଣିରଥାଦପାତଯତ୍॥ 8-83-86 (59182)
ସ ରୋଷପୂର୍ଣୋ ହ୍ମତିବଜ୍ରହାଟକୈ---
ରଲଙ୍କୃତଂ ତକ୍ଷକଭୋଗବର୍ଚସମ୍।
ସ ତଦ୍ବଧେ କାର୍ମୁକମନ୍ଯଦାଦଦେ
ଯଥା ମହାହିପ୍ରବରଂ ତଥୈବ ଚ॥ 8-83-87 (59183)
ସ୍ବମାଯୁଧଂ ଚାପି ବିକୀର୍ଯ ଭୂତଲେ
ଧନୁଶ୍ଚ କୃତ୍ବା ସଗୁଣଂ ଗୁଣାଧିକଃ।
ସମାନଯଂସଲ୍ତାବଜିତୌ ନରୋତ୍ତମୌ
ଶରୋତ୍ତମୈର୍ଦ୍ରୌଣିରବିଧ୍ଯଦନ୍ତିକାତ୍॥ 8-83-88 (59184)
କୃପଶ୍ଚ ଭୋଜଶ୍ଚ ତବାତ୍ମଜଶ୍ଚ ତେ
ଶରୈରନେକୈର୍ଯୁଧି ପାଣ୍ଡବର୍ଷଭମ୍।
ମହାରଥାଃ ସଂଯୁଗମୂର୍ଧନି ସ୍ଥିତା--
ସ୍ତମୋନୁଦଂ ବାରିଧରା ଇବାପତନ୍॥ 8-83-89 (59185)
କୃପସ୍ଯ ପାର୍ଥଃ ଶରଂ ଶରାସନଂ
ହଯାନ୍ଧ୍ବଜାନ୍ସାରଧିମେବ ପତ୍ରିଭିଃ।
[ସମାର୍ପଯଦ୍ବାହୁସହସ୍ରବିକ୍ରମ--
ସ୍ତଥା ଯଥା ବଜ୍ରଧରଃ ପୁରା ବଲେଃ॥ 8-83-90 (59186)
ସ ପାର୍ଥବାଣୈର୍ବିନିପାତିତାଯୁଧୋ
ଧ୍ବଜାବମର୍ଦେ ଚ କୃତେ ମହାହବେ।
କୃତଃ କୃପୋ ବାଣସହସ୍ରଯନିତୋ
ଯଥାପଗେଯଃ ପ୍ରଥମଂ କିରୀଟିନା॥] 8-83-91 (59187)
ଶରୈଃ ପ୍ରଚିଚ୍ଛେଦ ତବାତ୍ମଜସ୍ଯ
ଧ୍ବଜଂ ଧନୁଶ୍ଚ ପ୍ରଚକର୍ତ ନର୍ଦତଃ।
ଜଘାନ ଚାଶ୍ବାନ୍କୃତବର୍ମଣଃ ଶୁଭାନ୍
ଧ୍ବଜଂ ଚ ଚିଚ୍ଛେଦ ତବାତ୍ମଜସ୍ଯ ହ॥ 8-83-92 (59188)
ସବାଜିସୂତେଷ୍ବସନାନ୍ସକେତନା--
ଞ୍ଜଯାନ ନାଗାଶ୍ବରଥାଂଶ୍ଚ ସ ତ୍ବରନ୍।
ତତଃ ପ୍ରକୀର୍ଣଂ ସୁମହଦ୍ବଲଂ ତବ
ପ୍ରପୀଡିତଂ ସବିତୁରିବୌଜସା ଭୃଶମ୍॥ 8-83-93 (59189)
ତତୋଽର୍ଜୁନସ୍ବାଶୁ ରଥେନ କେଶବ--
ଶ୍ଚକାର ଶତ୍ରୂନପସବ୍ଯମାତୁରାନ୍।
ତତଃ ପ୍ରଯାତଂ ତ୍ବରିତଂ ଧନଞ୍ଜଯଂ
ଶତକ୍ରତୁଂ ବୃତ୍ରନିଜଘ୍ରୁଷଂ ଯଥା।
ସମନ୍ବଧାବନ୍ପୁନରୁତ୍ଥିତୈର୍ଧ୍ବଜୈ
ରଥୈଃ ସୁଯୁକ୍ତୈରପରେ ଯୁଯୁତ୍ସବଃ॥ 8-83-94 (59190)
ଅଥାଭିସୃତ୍ଯ ପ୍ରତିବାର୍ଯ ଚାହିତାନ୍
ଧନଞ୍ଜଯସ୍ଯାନୁଚରାନ୍ମହାରଥାଃ।
ଶିଖଣ୍ଡିଶୈନେଯଯମାଃ ଶିତୈଃ ଶରୈ---
ର୍ବିଦାରଯନ୍ତୋ ବ୍ଯନଦନ୍ସୁଭୈରବମ୍॥ 8-83-95 (59191)
ତତୋଽଭିଜଘ୍ନୁଃ କୁପିତାଃ ପରସ୍ପରଂ
ଶରୈସ୍ତଦାଞ୍ଚୋଗତିଭିଃ ସୁତେଜନୈଃ।
କୁରୁପ୍ରବୀରାଃ ସହ ପୃଞ୍ଜଯୈର୍ଯଥା
ସୁରାରଯୋ ଦେବପତିଂ ଯଥା ତଥା॥ 8-83-96 (59192)
ଜଯେପ୍ସବଃ ସ୍ବର୍ଗମନାଯ ଚୋତ୍ସୁକାଃ
ପତନ୍ତି ନାଗାଶ୍ବରଥାଃ ପରନ୍ତପ।
ତଥୈବ ସର୍ବେ ବହବଶ୍ଚ ବିବ୍ଯଧୁଃ
ଶରୈଃ ସୁମୁକ୍ତୈରିତରେତରଂ ପୃଥକ୍॥ 8-83-97 (59193)
ଶରାନ୍ଧକାରେ ତୁ ମହାତ୍ମଭିଃ କୃତେ
ମହାମୃଧେ ଯୋଧବରୈଃ ପରସ୍ପରମ୍।
ଚତୁର୍ଦିଶୋ ବୈ ବିଦିଶଶ୍ଚ ପାର୍ଥିବ
ପ୍ରଭା ଚ ସୂର୍ଯସ୍ଯ ତମୋବୃତାଽଭବତ୍॥ ॥ 8-83-98 (59194)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ତ୍ର୍ଯଶୀତିତମୋଽଧ୍ଯାଯଃ॥ 83 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.84. ଅଧ୍ଯାଯଃ 084
Mahabharata - Karna Parva - Chapter Topics
ସଙ୍କୁତxxxxx ॥ 1 ॥
Mahabharata - Karna Parva - Chapter Text
8-84-0 (59195)
ସଞ୍ଜଯ ଉବାଚ। 8-84-0x (5043)
xxxxxxxxxxxପ୍ରବରୈର୍ବଲୈର୍ଭୀମମଭିଦ୍ରୁତମ୍।
xxxxxxxxxx କୌନ୍ତେଯମୁସ୍ଥିହୀର୍ଷୁର୍ଧନଞ୍ଜଯଃ॥ 8-84-1 (59196)
xxxxxxxxx ସେନାଂ ମାରତ ସାଯକୈଃ।
xxxxxxxxxx ପରବୀରାନ୍ଧନଞ୍ଜଯଃ॥ 8-84-2 (59197)
xxxxxxxxxxx ଶରଜାଲାନି ଭାଗଶଃ।
ଅଦୃଶ୍ଯନ୍ତ ତଥାନ୍ଯେ ଚ ନିଜଘ୍ନୁସ୍ତବ ବାହିନୀମ୍॥ 8-84-3 (59198)
ସ ପକ୍ଷିସଙ୍ଘାଚରିତମାକାଶଂ ପୂରଯଞ୍ଶରୈଃ।
ଧନଞ୍ଜଯୋ ମହାବାହୁଃ କୁରୂଣାମନ୍ତକୋଽମଯତ୍ 8-84-4 (59199)
ତତୋ ଭଲ୍ଲୈଃ କ୍ଷୁରପ୍ରୈଶ୍ଚ ନାରାଚୈର୍ବିମଲୈରପି।
ଗାତ୍ରାଣି ପ୍ରାଚ୍ଛିନତ୍ପାର୍ଥଃ ଶିରାଂସି ଚ ଚକର୍ତ ହ॥ 8-84-5 (59200)
ଛିନ୍ନଗାତ୍ରୈର୍ବିକବଚୈର୍ବିଶିରସ୍କୈଃ ସମନ୍ତତଃ।
ପାତିତୈଶ୍ଚ ପତଦ୍ଭିଶ୍ଚ ଯୋଧୈରାସୀତ୍ସମାବୃତା॥ 8-84-6 (59201)
ଧନଞ୍ଜଯଶରାଭ୍ଯସ୍ତୈଃ ସ୍ଯନ୍ଦନାଶ୍ବରଥଦ୍ବିପୈଃ।
ସଞ୍ଛିନ୍ନଭିନ୍ନବିଧ୍ବସ୍ତୈର୍ବ୍ଯଙ୍ଗାଙ୍ଗାବଯବୈଃ ସ୍ତୃତା।
ଗତସତ୍ବୈଃ ସସତ୍ବୈଶ୍ଚ ସଂବୃତାଽଽସୀଦ୍ବସୁନ୍ଧରା॥ 8-84-7 (59202)
ସୁଦୁର୍ଗମା ସୁବିଷମା ଘୋରାଽତ୍ଯର୍ଥଂ ସୁଦୁର୍ଦୃଶା।
ରଣଭୂମିରଭୂଦ୍ରାଜନ୍ମହାବୈତରଣୀ ଯଥା॥ 8-84-8 (59203)
ଈଷାଚକ୍ରାକ୍ଷଭଲ୍ଲୈଶ୍ଚ ବ୍ଯଶ୍ବୈଃ ସାଶ୍ବୈଶ୍ଚ ଯୁଧ୍ଯତାମ୍।
ସସୂତୈର୍ହତସୂତୈଶ୍ଚ ରଥୈଃ ସ୍ତୀର୍ଣାଽଭବନ୍ମହୀ॥ 8-84-9 (59204)
ସୁବର୍ଣବର୍ମସନ୍ନାହୈର୍ଯୋଧୈଃ କନକମାଲିଭିଃ।
ଆସ୍ଥିତାଃ କ୍ଲୃପ୍ତବର୍ମାଣୋ ଭଦ୍ରା ନିତ୍ଯମଦା ଦ୍ବିପାଃ॥ 8-84-10 (59205)
କ୍ରୁଦ୍ଧାଃ କ୍ରୁରୈର୍ମହାମାତ୍ରୈଃ ପ୍ରେଷିତାର୍ଜୁନମଭ୍ଯଯୁଃ।
ଚତୁଃ ଶତା ରଥବରା ହତାଃ ପେତୁଃ କିରୀଟିନା॥ 8-84-11 (59206)
ପର୍ଯସ୍ତାନୀବ ଶୃଙ୍ଗାଣି ସସତ୍ବାନି ମହାଗିରେଃ।
ଧନଞ୍ଜଯଶରାଭ୍ଯସ୍ତୈଃ ସ୍ତୀର୍ଣା ଭୂର୍ବରବାରଣୈଃ॥ 8-84-12 (59207)
ସମନ୍ତାଜ୍ଜଲଦପ୍ରଖ୍ଯାନ୍ବାରଣାନ୍ମଦବର୍ଷିଣଃ।
ଅଭିପେଦେଽର୍ଜୁନରଥୋ ଘନାନ୍ଭିନ୍ଦନ୍ନିବାଂଶୁମାନ୍॥ 8-84-13 (59208)
ହତୈର୍ଗଜମନୁଷ୍ଯାଶ୍ବୈର୍ଭିନ୍ନୈଶ୍ଚ ବହୁଧା ରଥୈଃ।
ବିଶସ୍ତ୍ରଯନ୍ତ୍ରକବଚୈର୍ଯୁଦ୍ଧଶୌଣ୍ଡୈର୍ଗତାସୁଭିଃ।
ଉପବିଦ୍ଧାଯୁଧୈର୍ମାର୍ଗଃ ସ୍ତୀର୍ଣୋଽଭୂତ୍ଫଲ୍ଗୁନେନ ବୈ॥ 8-84-14 (59209)
ବିସ୍ଫାରିତଂ ଚ ଗାଣ୍ଡୀବମତ୍ଯାସୀଦ୍ଭୈରବସ୍ବନମ୍
ସୁଘୋଷଂ ବଜ୍ରନିଷ୍ପେଷଂ ସ୍ତନଯନ୍ନିବ ତୋଯଦଃ॥ 8-84-15 (59210)
ତତଃ ପ୍ରାଦୀର୍ଯତ ଚମୂର୍ଧନଞ୍ଜଯଶରାହତା।
ମହାବାତସମାବିଦ୍ଧା ମହାନୌରିବ ସାଗରେ॥ 8-84-16 (59211)
ନାନାରୂପାଃ ପ୍ରାଣହରାଃ ଶରା ଗାଣ୍ଡୀବଚୋଦିତାଃ।
ଅଲାତୋଲ୍କାଶନିପ୍ରଖ୍ଯାସ୍ତବ ସୈନ୍ଯଂ ବିନିର୍ଦହନ୍॥ 8-84-17 (59212)
ମହାଗିରୌ ବେଣୁବନଂ ନିଶି ପ୍ରଜ୍ବଲିତଂ ଯଥା।
ତଥା ତବ ମହାସୈନ୍ଯଂ ପ୍ରାସ୍ଫୁରଚ୍ଛରପୀଡିତମ୍॥ 8-84-18 (59213)
ତଦ୍ବିନଷ୍ଟଂ ସୁବିଧ୍ବସ୍ତଂ ତବ ସୈନ୍ଯଂ କିରୀଟିନା।
ହତପ୍ରବିହତଂ ବାଣୈଃ ସର୍ବତଃ ପ୍ରଦ୍ରୁତଂ ଦିଶଃ॥ 8-84-19 (59214)
ସଶ୍ବାପଦା ମୃଗଗଣା ଦାବାଗ୍ନିତ୍ରାସିତା ଯଥା।
କୁରବଃ ପର୍ଯବର୍ତନ୍ତ ନିର୍ଦଗ୍ଧାଃ ସବ୍ଯସାଚିନା॥ 8-84-20 (59215)
ଉତ୍ସୃଜ୍ଯ ଚ ମହାବାହୁଂ ଭୀମସେନଂ ତଥା ରଣେ।
ବଲଂ କୁରୂଣାମୁଦ୍ବିଗ୍ନଂ ସର୍ବମାସୀତ୍ପରାଙ୍ମୁଖମ୍॥ 8-84-21 (59216)
ତତଃ କୁରୁଷୁ ଭଗ୍ନେଷୁ ବୀଭତ୍ସୁରପରାଜିତଃ।
ଭୀମସେନଂ ସମାସାଦ୍ଯ ମୁହୂର୍ତଂ ସୋଽଭ୍ଯବର୍ତତ॥ 8-84-22 (59217)
ସମାଗମ୍ଯ ଚ ଭୀମେନ ମନ୍ତ୍ରଯିତ୍ବା ଚ ଫଲ୍ଗୁନଃ।
ବିଶଲ୍ଯମରୁଜଂ ଚାସ୍ମୈ କଥଯିତ୍ବା ଯୁଧିଷ୍ଠିରମ୍॥ 8-84-23 (59218)
ଭୀମସେନାଭ୍ଯନୁଜ୍ଞାତସ୍ତତଃ ପ୍ରାଯାଦ୍ଧନଞ୍ଜଯଃ।
ନାଦନ୍ରଥଘୋଷେଣ ପୃଥିବୀଂ ଦ୍ଯାଂ ଚ ଭାରତ॥ 8-84-24 (59219)
ତତଃ ପରିବୃତୋ ବୀରୈର୍ଦଶଭିଃ ଶତ୍ରୁତାପନଃ।
ଦୁଃଶାସନାଦବରଜୈସ୍ତବ ପୁତ୍ରୈର୍ଧନଞ୍ଜଯଃ॥ 8-84-25 (59220)
ତେ ତମଭ୍ଯର୍ଦଯନ୍ବାଣୈରୁଲ୍କାଭିରିବ କୁଞ୍ଜରମ୍।
ଆତତେଷ୍ବସନା ବୀରା ନୃତ୍ଯନ୍ତ ଇବ ଭାରତ॥ 8-84-26 (59221)
ଅପସବ୍ଯାଂସ୍ତୁ ତାଂଶ୍ଚକ୍ରେ ରଥେନ ମଧୁସୂଦନଃ।
ନିଯୁକ୍ତାନ୍ହି ସ ତାନ୍ମେନେ ଯମାଯାଶୁ କିରୀଟିନା॥ 8-84-27 (59222)
ତଥାନ୍ଯେ ପ୍ରାଣଦନ୍ମୂଢାଃ ପରାଙ୍ମୁଖମିବାର୍ଜୁନମ୍॥ 8-84-28 (59223)
ତେଷାଂ ନାନଦତାଂ କେତୂନଶ୍ବାଂଶ୍ଚାପାନି ସାରଥୀନ୍।
ନାରାଚୈରର୍ଧଚନ୍ଦ୍ରୈଶ୍ଚ କ୍ଷିପ୍ରଂ ପାର୍ଥୋ ନ୍ଯକୃନ୍ତତ॥ 8-84-29 (59224)
*ଅଥାନ୍ଯୈର୍ଦଶଭିର୍ଭଲ୍ଲୈଃ ଶିରାଂସ୍ଯେଷାମପାତଯତ୍।
ରୋଷସଂରକ୍ତନେତ୍ରାଣି ସନ୍ଦଷ୍ଟୌଷ୍ଠାନି ଭୂତଲେ॥ 8-84-30 (59225)
ତେଷାଂ ବକ୍ରାଣି ବିବଭୁର୍ବ୍ଯୋମ୍ନି ତାରାଗଣା ଇବ॥ 8-84-31 (59226)
ତାଂସ୍ତୁ ଭଲ୍ଲୈର୍ମହାବେଗୈର୍ଦଶଭିର୍ଦଶ କୌରବାନ୍।
ରୁକ୍ମାଙ୍ଗଦାବ୍ରୁକ୍ମପୁଙ୍ଖୈର୍ହତ୍ବା ପ୍ରାଯାଦମିତ୍ରହା॥ ॥ 8-84-32 (59227)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଚତୁରଶୀତିତମୋଽଧ୍ଯାଯଃ॥ 84 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.85. ଅଧ୍ଯାଯଃ 085
Mahabharata - Karna Parva - Chapter Topics
ସଙ୍କୁଲଯୁଦ୍ଧମ୍॥ 1 ॥
Mahabharata - Karna Parva - Chapter Text
8-85-0 (59228)
ସଞ୍ଜଯ ଉବାଚ। 8-85-0x (5044)
ତମାଯାନ୍ତଂ ମହାବେଗୈରଶ୍ବୈଃ କପିବରଧ୍ବଜମ୍।
ଯୁଦ୍ଧାଯାଭ୍ଯଦ୍ରବନ୍ଦୀରାଃ କୁରୂଣାଂ ନବତୀଂ ରଥାଃ॥ 8-85-1 (59229)
କୃତ୍ବା ସଂଶପ୍ତକା ଘୋରଂ ଶପଥଂ ପାରଲୌକିକମ୍।
ପରିବବ୍ରୁର୍ନରବ୍ଯାଘ୍ରା ନରବ୍ଯାଘ୍ରଂ ରଣେଽର୍ଜୁନମ୍॥ 8-85-2 (59230)
କୃଷ୍ଣଃ ଶ୍ବେତାନ୍ମହାବେଗାନଶ୍ବାନ୍କାଞ୍ଚନଭୂଷଣାନ୍।
ମୁକ୍ତାଜାଲପ୍ରତିଚ୍ଛନ୍ନାନ୍ପ୍ରୈଷୀତ୍କର୍ଣରଥଂ ପ୍ରତି॥ 8-85-3 (59231)
ପ୍ରେକ୍ଷ୍ଯ କର୍ଣରଥଂ ଯାନ୍ତମରିଘ୍ନଂ ତଂ ଧନଞ୍ଜଯମ୍।
ବାଣବର୍ଷୈରଭିଘ୍ନନ୍ତଃ ସଂଶପ୍ତକଗଣା ଯଯୁଃ॥ 8-85-4 (59232)
ତ୍ବରମାଣାଂସ୍ତୁ ତାନ୍ସର୍ବାନ୍ସସୂତେଷ୍ବସନଧ୍ବଜାନ୍।
ଜଘାନ ନବତିଂ ବୀରାନର୍ଜୁନୋ ନିଶିତୈଃ ଶରୈଃ॥ 8-85-5 (59233)
ତେଽପତନ୍ତ ହତା ବାଣୈର୍ନାନାରୂପୈଃ କିରୀଟିନା।
ବିମାନେଭ୍ଯଃ ସୁକୃତିନଃ ସ୍ବର୍ଗାତ୍ପୁଣ୍ଯକ୍ଷଯେ ଯଥା॥ 8-85-6 (59234)
ତତଃ ସରଥନାଗାଶ୍ବାଃ କୁରବଃ କୁରୁସତ୍ତମମ୍।
ନିର୍ଭଯା ଭରତଶ୍ରେଷ୍ଠମଭ୍ଯବର୍ତନ୍ତ ଫଲ୍ଗୁନମ୍॥ 8-85-7 (59235)
ତଦାଯସ୍ତମନୁଷ୍ଯାଶ୍ବମୁଦୀର୍ଣବରବାରଣମ୍।
ପୁତ୍ରାଣାଂ ତେ ମହାସୈନ୍ଯଂ ସମରୌତ୍ସୀଦ୍ଧନଞ୍ଜଯମ୍॥ 8-85-8 (59236)
ଶକ୍ତ୍ଯୃଷ୍ଟିତୋମରପ୍ରାସୈର୍ଗଦାନିସ୍ତ୍ରିଂଶସାଯକୈଃ।
ପ୍ରାଚ୍ଛାଦଯନ୍ମହେଷ୍ବାସାଃ କୁରବଃ କୁରୁନନ୍ଦନମ୍॥ 8-85-9 (59237)
ତାମନ୍ତରିକ୍ଷେ ବିତତାଂ ଶସ୍ତ୍ରବୃଷ୍ଟିଂ ସମନ୍ତତଃ।
ବ୍ଯଧମତ୍ପାଣ୍ଡବୋ ବାଣୈସ୍ତମଃ ସୂର୍ଯ ଇବାଂଶୁଭିଃ॥ 8-85-10 (59238)
ତତୋ ମ୍ଲେଚ୍ଛାଃ ସ୍ଥିତା ମତ୍ତୈସ୍ତ୍ରଯୋଦଶଶତୈର୍ଗଜୈଃ।
ପାର୍ଶ୍ବତୋ ବ୍ଯହନନ୍ପାର୍ଥଂ ତବ ପୁତ୍ରସ୍ଯ ଶାସନାତ୍॥ 8-85-11 (59239)
କର୍ଣିନାଲୀକନାରାଚୈସ୍ତୋମରପ୍ରାସଶକ୍ତିଭିଃ।
କର୍ପଣୈର୍ଭିଣ୍ଡିପାଲୈଶ୍ଚ ରଥସ୍ଥଂ ପାର୍ଥମାର୍ଦଯନ୍॥ 8-85-12 (59240)
ତାଂ ଶସ୍ତ୍ରବୃଷ୍ଟିମତୁଲାଂ ଦ୍ବିପସ୍ଥୈଃ ପ୍ରେଷିତାଂ ପ୍ରଭୁଃ।
ଚିଚ୍ଛେଦ ନିଶିତୈର୍ଭଲ୍ଲୈରର୍ଧଚନ୍ଦ୍ରୈଶ୍ଚ ଫଲ୍ଗୁନଃ॥ 8-85-13 (59241)
ଅଥ ତାନ୍ଦ୍ବିରଦାନ୍ସର୍ବାନ୍ନାନାଲିଙ୍ଗୈଃ ଶରୋତ୍ତମୈଃ।
ସପତାକଧ୍ବଜାରୋହାନ୍ଗିରୀନ୍ବଜ୍ରୈରିବାଭିନତ୍॥ 8-85-14 (59242)
ତେ ହେମପୁଙ୍ଖୈରିଷୁଭିରର୍ଦିତା ହେମମାଲିନଃ।
ହତାଃ ପେତୁର୍ମହାନାଗାଃ ସାଗ୍ରିଜ୍ବାଲା ଇବାଦ୍ରଯଃ॥ 8-85-15 (59243)
ତତୋ ଗାଣ୍ଡୀବନିର୍ଘୋଷୋ ମହାନାସୀଦ୍ବିଶାମ୍ପତେ।
ସ୍ତନତାଂ କୂଜତାଂ ଚୈବ ମନୁଷ୍ଯଗଜବାଜିନାମ୍॥ 8-85-16 (59244)
କୁଞ୍ଚରାଶ୍ଚ ହତା ରାଜନ୍ଦଦ୍ରୁବୁସ୍ତେ ସମନ୍ତତଃ।
ଅଶ୍ବାଶ୍ଚ ପର୍ଯଧାବନ୍ତ ହତାରୋହା ଦିଶୋ ଦଶ॥ 8-85-17 (59245)
ରଥା ହୀନା ନହାରାଜ ରଥିଭିର୍ବାଜିଭିସ୍ତଥା।
ଗନ୍ଧର୍ବନଗରାକାରା ଦୃଶ୍ଯନ୍ତେ ସ୍ମ ସହସ୍ରଶଃ॥ 8-85-18 (59246)
ଅଶ୍ବାରୋହା ମହାରାଜ ଧାବମାନା ଇତସ୍ତତଃ।
ତତ୍ରତତ୍ରୈବ ଦୃଶ୍ଯନ୍ତେ ନିହତାଃ ପାର୍ଥସାଯକୈଃ॥ 8-85-19 (59247)
ତସ୍ମିନ୍କ୍ଷଣେ ପାଣ୍ଡବସ୍ଯ ବାହ୍ବୋର୍ବଲମଦୃଶ୍ଯତ।
ଯତ୍ସାଦିନୋ ବାରଣାଂଶ୍ଚ ରଥାଂଶ୍ଚୈକୋଽଜଯଦ୍ଯୁଧି॥ 8-85-20 (59248)
ଅସଂଯୁକ୍ତାଶ୍ଚ ତେ ରାଜନ୍ପରିବୃତ୍ତା ରଣଂ ପ୍ରତି।
ନରା ନାଗା ରଥାଶ୍ଚୈବ ନଦନ୍ତୋଽର୍ଜୁନମଭ୍ଯଯୁଃ॥ 8-85-21 (59249)
ତତସ୍ତ୍ର୍ଯେଙ୍ଗେଣ ମହତା ବଲେନ ଭରତର୍ଷଭ।
ଦୃଷ୍ଟ୍ବା ପରିବୃତଂ ରାଜନ୍ଭୀମସେନଃ କିରୀଟିନମ୍॥ 8-85-22 (59250)
ହତାବଶେଷାନୁତ୍ସୃଜ୍ଯ ତ୍ବଦୀଯାନ୍କତିଚିଦ୍ରଥାନ୍।
ଜବେନାଭ୍ଯଦ୍ରବଦ୍ଭୀମୋ ଧନଞ୍ଜଯରଥଂ ପ୍ରତି॥ 8-85-23 (59251)
ତତସ୍ତତ୍ପ୍ରାଦ୍ରବତ୍ସୈନ୍ଯଂ ହତଭୂଯିଷ୍ଠମାତୁରମ୍।
ଦୃଷ୍ଟ୍ବାଽର୍ଜୁନଂ ତଦା ଭୀମମାଗତଂ ଭ୍ରାତରଂ ପ୍ରତି॥ 8-85-24 (59252)
ହତାବଶିଷ୍ଟାଂସ୍ତୁରଗାନର୍ଜୁନେନ ମହାବଲଃ।
ଭୀମୋ ବ୍ଯଧମଦଶ୍ରାନ୍ତୋ ଗଦାପାଣିର୍ମହାହବେ॥ 8-85-25 (59253)
`ଗଦାପାଣିଂ ତଦା ଦୃଷ୍ଟ୍ବା ଭୀମଂ ଭାରତ ଭାରତାଃ।
ମେନିରେ ତମନୁପ୍ରାପ୍ତଂ ଦଣ୍ଡପାଣିମିବାନ୍ତକମ୍'॥ 8-85-26 (59254)
କାଲରାତ୍ରିମିବାତ୍ଯୁଗ୍ରାଂ ନରନାଗାଶ୍ବଭୋଜନାମ୍।
ପ୍ରାକାରାଟ୍ଟପୁରଦ୍ବାରଦାରଣୀମତିଦାରୁଣାମ୍॥ 8-85-27 (59255)
ଗଦାଂ ତୁରଗନାଶାଯ ତ୍ବରନ୍ଭୀମୋ ବ୍ଯବାସୃଜତ୍।
ସା ଜଘାନ ବହୂନଶ୍ବାନଶ୍ବାରୋହାଂଶ୍ଚ ମାରିଷ॥ 8-85-28 (59256)
କାଂସ୍ଯାଯସତନୁତ୍ରାଂଶ୍ଚ ନରାନଶ୍ବାଂଶ୍ଚ ପାଣ୍ଡବଃ।
ପୋଥଯାମାସ ଗଦଯା ସଶବ୍ଦଂ ତେଽପତନ୍ହତାଃ॥ 8-85-29 (59257)
ଦନ୍ତୈର୍ଦଶନ୍ତୋ ବସୁଧାଂ ଶେରତେ କ୍ଷତଜୋକ୍ଷିତାଃ।
ଭଗ୍ନମୂର୍ଧାସ୍ଥିଚରଣାଃ କ୍ରବ୍ଯାଦଗଣଭୋଜନାଃ॥ 8-85-30 (59258)
ଅସୃଙ୍ମାଂସବସାଭିଶ୍ଚ ତୃପ୍ତିମଭ୍ଯାଗତା ଗଦା।
ଅସ୍ଥୀନ୍ଯପ୍ଯଶ୍ନତୀ ତସ୍ଥୌ କାଲରାତ୍ରୀବ ଦୁର୍ଦୃଶା॥ 8-85-31 (59259)
ସହସ୍ରାଣି ଦଶାଶ୍ବାନାଂ ହତ୍ବା ପତ୍ତୀଂଶ୍ଚ ଭୂଯସଃ।
ଭୀମୋଽଭ୍ଯଧାବତ୍ସଙ୍କ୍ରୁଦ୍ଧୋ ଗଦାପାଣିରିତସ୍ତତଃ॥ 8-85-32 (59260)
ଗଦାପାଣିଂ ତତୋ ଭୀମଂ ଦୃଷ୍ଟ୍ବା ଭାରତ ତାବକାଃ।
ମେନିରେ ସମନୁପ୍ରାପ୍ତଂ କାଲଦଣ଼୍ଡୋଦ୍ଯତଂ ଯମମ୍॥ 8-85-33 (59261)
ସ ମତ୍ତ ଇବ ମାତଙ୍ଗଃ ସଙ୍କ୍ରୁଦ୍ଧଃ ପାଣ୍ଡୁନନ୍ଦନଃ।
ପ୍ରବିବେଶ ଗଜାନୀକଂ ମକରଃ ସାଗରଂ ଯଥା॥ 8-85-34 (59262)
ବିଗାହ୍ଯ ଚ ଗଜାନୀକଂ ପ୍ରଗୃହ୍ଯ ମହତୀଂ ଗଦାମ୍।
କ୍ଷଣେନ ଭୀମଃ ସଙ୍କ୍ରୁଦ୍ଧସ୍ତନ୍ନିନ୍ଯେ ଯମସାଦନମ୍॥ 8-85-35 (59263)
ଗଜାନ୍ସକଙ୍କଟାନ୍ମତ୍ତାନ୍ସାରୋହାନ୍ସପତାକିନଃ।
ପତତଃ ସମପଶ୍ଯାମ ସପକ୍ଷାନ୍ପର୍ବତାନିବ॥ 8-85-36 (59264)
ହତ୍ବା ତୁ ତଦ୍ଗଜାନୀକଂ ଭୀମସେନୋ ମହାବଲଃ।
ପୁନଃ ସ୍ବରଥମାସ୍ଥାଯ ପୃଷ୍ଠତୋଽର୍ଜୁନମଭ୍ଯଯାତ୍॥ 8-85-37 (59265)
ତତଃ ପରାଙ୍ମୁଖୀଭୂତଂ ନିରୁତ୍ସାହଂ ବଲଂ ତବ।
ତଦାନୀଂ ତୁ ମହାରାଜ ପ୍ରାଯଶଃ ଶସ୍ତ୍ରବେଷ୍ଟିତମ୍॥ 8-85-38 (59266)
ବିଲମ୍ବମାନଂ ତତ୍ସୈନ୍ଯଭପ୍ରଗଲ୍ଭମବସ୍ଥିତମ୍।
ଦୃଷ୍ଟ୍ବା ପ୍ରାଚ୍ଛାଦଯଦ୍ବାଣୈରର୍ଜୁନଃ ଶସ୍ତ୍ରବୃଷ୍ଟିଭିଃ॥ 8-85-39 (59267)
ନରାଶ୍ବରଥମାତଙ୍ଗା ଯୁଧି ଗାଣ୍ଡୀବଧନ୍ବନା।
ଶରବ୍ରାତୈଶ୍ଚିତା ରେଜୁଃ କଦମ୍ବା ଇବ କେସରୈଃ॥ 8-85-40 (59268)
ତତଃ କୁରୁଣାମଭବଦାର୍ତନାଦୋ ମହାନ୍ନୃପ।
ନରାଶ୍ବନାଗାସୁହନାନ୍ଦୃଷ୍ଟ୍ବା ବାଣାନ୍କିରୀଟିନଃ॥ 8-85-41 (59269)
ହାହାକୃତଂ ଭୃଶଂ ତ୍ରସ୍ତଂ ଲୀଯମାନଂ ପରସ୍ପରମ୍।
ଅଲାତଚକ୍ରବତ୍ସୈନ୍ଯଂ ତଦା ବଭ୍ରାମ ତାବକମ୍॥ 8-85-42 (59270)
ତତୋଽର୍ଜୁନଶରଧ୍ବସ୍ତଂ କୁରୂଣାଂ ସୁମହଦ୍ବଲମ୍।
ନ ହ୍ଯତ୍ରାସୀଦନିର୍ଭିନ୍ନୋ ରଥଃ ସାଦୀ ହଯୋ ଗଜଃ॥ 8-85-43 (59271)
ଆଦୀପ୍ତମିବ ତତ୍ସୈନ୍ଯଂ ଶରୈଶ୍ଛିନ୍ନତନୁଚ୍ଛଦମ୍।
ଆସୀତ୍ସ୍ବଶୋଣିତକ୍ଲିନ୍ନଂ ରୌଦ୍ରଂ ନଷ୍ଟଂ ବିଶାମ୍ପତେ॥ 8-85-44 (59272)
ତତ୍ସୈନ୍ଯଂ ହତଭୂଯିଷ୍ଠମାହତଂ ନିଶିତୈଃ ଶରୈଃ।
ନ ଜହୌ ସମରଂ ପ୍ରାପ୍ଯ ଫଲ୍ଗୁନଂ ଶତ୍ରୁତାପନମ୍॥ 8-85-45 (59273)
ତତ୍ରାଦ୍ଭୁତମପଶ୍ଯାମ କୌରବାଣାଂ ପରାକ୍ରମମ୍।
ବଧ୍ଯମାନୋଽପି ଯତ୍ପାର୍ଥଂ ନ ଜହୌ ଭରତର୍ଷଭ॥ 8-85-46 (59274)
ତଂ ଦୃଷ୍ଟ୍ବା ବିକ୍ରମଂ ତସ୍ଯ କୁରବଃ ସବ୍ଯସାଚିନଃ।
ନିରାଶାଃ ସମପଦ୍ଯନ୍ତ ସର୍ବେ କର୍ଣସ୍ଯ ଜୀବିତେ॥ 8-85-47 (59275)
ଅବିଷହ୍ଯଂ ତୁ ପାର୍ଥସ୍ଯ ଶରସଂସ୍ପର୍ଶମାହବେ।
ମତ୍ବା ନ୍ଯବର୍ତନ୍କୁରବୋ ଜିତା ଗାଣ୍ଡୀବଧନ୍ବନା॥ 8-85-48 (59276)
ତେ ହିତ୍ବା ସମରେ ପାର୍ଥଂ ବଧ୍ଯମାନାଶ୍ଚ ସାଯକୈଃ।
ପ୍ରଦୁଦ୍ରୁବୁର୍ଦିଶୋ ଭୀତାଶ୍ଚୁକ୍ରୁଶୁଶ୍ଚାପି ସୂତଜମ୍॥ 8-85-49 (59277)
ତାନ୍ବିଦ୍ରାବଯତେ ପାର୍ଥଃ କିରଞ୍ଶରଶତାନ୍ବହୂନ୍।
ହର୍ଷଯନ୍ପାଣ୍ଡବୀଂ ସେନାଂ ରାଜାନଂ ଚ ଯୁଧିଷ୍ଠିରମ୍॥ 8-85-50 (59278)
ପୁତ୍ରାସ୍ତବ ମହାରାଜ ଜଗ୍ମୁଃ କର୍ଣରଥଂ ପ୍ରତି।
ଅଗାଧେ ମଜ୍ଜତାଂ ତେଷାଂ ଦ୍ବୀପଃ କର୍ଣୋଽଭବତ୍ତଦା॥ 8-85-51 (59279)
କୁରବୋ ହି ମହାରାଜ ନିର୍ବିଷାଃ ପନ୍ନଗା ଇବ।
କର୍ଣମେବୋପଲୀଯନ୍ତ ଭଯାଦ୍ଗାଣ୍ଡୀବଘନ୍ବନଃ॥ 8-85-52 (59280)
ଯଥା ସର୍ବାଣି ଭୂତାନି ମୃତ୍ଯୋର୍ଭୀତାନି ମାରିଷ।
ଉପଲୀଯନ୍ତି ସନ୍ତ୍ରାସାଦ୍ଧର୍ମଂ ଲୋକପରାଯଣମ୍॥ 8-85-53 (59281)
ତଥା କର୍ଣଂ ମହେଷ୍ବାସଂ ପୁତ୍ରାସ୍ତବ ନରାଧିପ।
ଉପାଲୀଯନ୍ତ ସନ୍ତ୍ରାସାତ୍ପାଣ୍ଡବସ୍ଯ ମହାତ୍ମନଃ॥ 8-85-54 (59282)
ତାଞ୍ଶୋଣିତପରିକ୍ଲିନ୍ନାନ୍ବିଷମସ୍ଥାଞ୍ଶରାତୁରାନ୍।
ମା ଭୈଷ୍ଟେତ୍ଯବ୍ରବୀତ୍କର୍ଣୋ ଭୀତାନାବିଷ୍ଟଚେତସଃ॥ 8-85-55 (59283)
ସମ୍ଭଗ୍ନଂ ହି ବଲଂ ଦୃଷ୍ଟ୍ବା ବଲାତ୍ପାର୍ଥେନ ତାବକମ୍।
ଧନୁର୍ବିସ୍ଫାରଯନ୍କର୍ଣସ୍ତସ୍ଥୌ ଶତ୍ରୁଜିଘାଂସଯା॥ 8-85-56 (59284)
ତାନ୍ପ୍ରଦ୍ରୁତାନ୍କୁରୂନ୍ଦୃଷ୍ଟ୍ବା କର୍ଣଃ ଶସ୍ତ୍ରଭୃତାଂ ବରଃ।
ସଞ୍ଚିନ୍ତଯିତ୍ବା ପାର୍ଥସ୍ଯ ବଧେ ଦଧ୍ରେ ମନଃ ଶ୍ବସନ୍॥ 8-85-57 (59285)
ବିସ୍ଫାର୍ଯ ସୁମହଚ୍ଚାପଂ ତତଶ୍ଚାଧିରଥିର୍ବୃଷଃ।
ପାଞ୍ଚାଲାନ୍ପୁନରାଧାବତ୍ପଶ୍ଯତଃ ସବ୍ଯସାଚିନଃ॥ 8-85-58 (59286)
ତତଃ କ୍ଷଣେନ କ୍ଷିତିପାଃ କ୍ଷତଜପ୍ରତିମେକ୍ଷଣାଃ।
ଶରୌଘୈଶ୍ଛାଦଯାମାସୁର୍ମହାମେଘା ଇବାଚଲମ୍॥ 8-85-59 (59287)
ତତଃ ଶରସହସ୍ରାଣି କର୍ଣମୁକ୍ତାନି ମାରିଷ।
ପାଞ୍ଚାଲାନାଂ ହରତ୍ପ୍ରାଣାଂସ୍ତମାଂସୀବ ତମୋନୁଦଃ॥ 8-85-60 (59288)
ମହଦାସୀତ୍ତଦା ଯୁଦ୍ଧଂ ପାଞ୍ଚାଲାନାଂ ମହାମତେ।
ବଧ୍ଯତାଂ ସୂତପୁତ୍ରେଣ ମିତ୍ରାର୍ଥେ ମିତ୍ରଗୃଦ୍ଧିନା॥ ॥ 8-85-61 (59289)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ପଞ୍ଚାଶୀତିତମୋଽଧ୍ଯାଯଃ॥ 85 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.86. ଅଧ୍ଯାଯଃ 086
Mahabharata - Karna Parva - Chapter Topics
ସଙ୍କଲଯୁଦ୍ଧମ୍॥ 1 ॥ ଭୀମଦୁଃଶାସନଯୋଃ ସମାଗମଃ ସଂବାଦଶ୍ଚ॥ 2 ॥
Mahabharata - Karna Parva - Chapter Text
8-86-0 (59290)
ସଞ୍ଜଯ ଉବାଚ। 8-86-0x (5045)
ତତଃ କର୍ଣଃ କୁରୁଷୁ ପ୍ରଦ୍ରୁତେଷୁ
ବରୂଥିନା ଶ୍ବେତହଯେନ ରାଜନ୍।
ପାଞ୍ଚାଲପୁତ୍ରାନ୍ବ୍ଯଧମତ୍ସୂତପୁତ୍ରୋ
ମହେଷୁମିର୍ବାତ ଇବାଭ୍ରସଙ୍ଘାନ୍॥ 8-86-1 (59291)
ସୂତଂ ରଥାଦଞ୍ଜଲିକୈର୍ନିପାତ୍ଯ
ଜଘାନ ଚାଶ୍ବାଞ୍ଜନମେଜଯସ୍ଯ।
ଶତାନୀକଂ ସୁତସୋମଂ ଚ ଭଲ୍ଲୈ--
ରବାକିରଦ୍ଧନୁଷୀ ଚାପ୍ଯକୃନ୍ତତ୍॥ 8-86-2 (59292)
ଧୃଷ୍ଟଦ୍ଯୁମ୍ନଂ ନିର୍ବିଭେଦାଥ ଷଡ୍ଭି--
ର୍ଜଘାନାଶ୍ବାନ୍ଦକ୍ଷିଣାଂସ୍ତସ୍ଯ ସଙ୍ଖ୍ଯେ।
ହତ୍ବା ଚାଶ୍ବାନ୍ସାତ୍ଯକେଃ ସୂତପୁତ୍ରଃ
କୈକେଯପୁତ୍ରଂ ନ୍ଯବଧୀଦ୍ବିଶୋକମ୍॥ 8-86-3 (59293)
ତମଭ୍ଯଧାବନ୍ନିହତେ କୁମାରେ
ସେନାପତିଃ କୈକଯୋ ମିତ୍ରବର୍ମା।
ଶରୈର୍ବିଧୁନ୍ବନ୍ଭୃଶମୁଗ୍ରବେଗୈଃ
କର୍ଣାତ୍ମଜଂ ଚାପ୍ଯହନତ୍ସୁଦେବମ୍॥ 8-86-4 (59294)
ତସ୍ଯାର୍ଧଚନ୍ଦ୍ରୈସ୍ତ୍ରିଭିରୁଚ୍ଚକର୍ତ
ପ୍ରହସ୍ଯ ବାହୂ ଚ ଶିରଶ୍ଚ କର୍ଣଃ।
ସ ସ୍ଯନ୍ଦନାଦ୍ଗାମଗମଦ୍ଗତାସୁଃ
ପରଶ୍ବଥୈଃ ସାଲ ଇବାବରୁଗ୍ଣଃ॥ 8-86-5 (59295)
ହତାଶ୍ବମଞ୍ଜୋଗମିଭିଃ ସୁଷେଣଃ
ଶିନିପ୍ରବୀରଂ ନିଶିତୈଃ ପୃଷତ୍କୈଃ।
ପ୍ରଚ୍ଛାଦ୍ଯ ନୃତ୍ଯନ୍ନିବ କର୍ଣପୁତ୍ରଃ
ଶୈନେଯବାଣାଭିହତଃ ପପାତ॥ 8-86-6 (59296)
ପୁତ୍ରେ ହତେ କ୍ରୋଧପରୀତଯେତାଃ
କର୍ଣଃ ଶିନୀନାଂ ପ୍ରବରଂ ଜିଘାଂସୁଃ।
ହତୋଽସି ହେ ସାତ୍ଯକ ଇତ୍ଯୁଦୀର୍ଯ
ବ୍ଯବାସୃଜଦ୍ବାଣମମିତ୍ରସାହମ୍॥ 8-86-7 (59297)
ତମସ୍ଯ ଚିଚ୍ଛେଦ ଶରଂ ଶିଖଣ୍ଡୀ
ତ୍ରିଭିସ୍ତ୍ରିଭିଶ୍ଚ ପ୍ରତୁତୋଦ କର୍ଣମ୍।
ଶିଖଣ୍ଡିନଃ କାର୍ମୁକଂ ଚ ଧ୍ବଜଂ ଚ
ଚ୍ଛିତ୍ତ୍ବା କ୍ଷୁରାଭ୍ଯାଂ ନ୍ଯହନତ୍ସୁଜାତଃ॥ 8-86-8 (59298)
ଶିଖଣ୍ଡିନଂ ଷଡ୍ଭିରବିଧ୍ଯଦୁଗ୍ରୋ
ଧାର୍ଷ୍ଟଦ୍ଯୁମ୍ନେଃ ସ ଶିରଶ୍ଚୋଚ୍ଚକର୍ତ।
ତତୋଽଭିନତ୍ସୁତସୋମଂ କ୍ଷୁରେଣ
ସୁସଞ୍ଝିତେନାଧିରଥିର୍ମହାତ୍ମା॥ 8-86-9 (59299)
ଅଥାକ୍ରନ୍ଦେ ତୁମୁଲେ ବର୍ତମାନେ
ଧାର୍ଷ୍ଟଦ୍ଯୁମ୍ନେ ନିହତେ ତତ୍ର କୃଷ୍ଣଃ।
ଅପାଞ୍ଚାଲ୍ଯଂ କ୍ରିଯତେ ଯାହି ପାର୍ଥ
କର୍ଣଂ ଜହୀଲାବ୍ରବୀଦ୍ରାଜସିଂହ॥ 8-86-10 (59300)
ତତଃ ପ୍ରହସ୍ଯାଶୁ ନରପ୍ରବୀରୋ
ରଥଂ ରଥେନାଧିରଥେର୍ଜଗାମ।
ଭଯେ ତେଷାଂ ତ୍ରାଣମିଚ୍ଛନ୍ସୁବାହୁ--
ରଭ୍ଯାହତାନାଂ ରଥଯୂଥପେନ॥ 8-86-11 (59301)
ତତୋଽପରେ ଭାରତ ଦୁଷ୍ପ୍ରକମ୍ପ୍ଯାଃ
ପାଞ୍ଚାଲାନାଂ ରଥସଙ୍ଘାଃ ସମେତାଃ।
ପ୍ରତିଶ୍ରିତା ହ୍ଯନ୍ତରିକ୍ଷେ ଗ୍ରହାଭା
ଧନୁଃପ୍ରବୀରାସ୍ତୁ ରଥପ୍ରବୀରାଃ॥ 8-86-12 (59302)
ବିସ୍ଫାର୍ଯ ଗାଣ୍ଡୀବମଥୋଗ୍ରଘୋଷଂ
ଜ୍ଯଯା ସମାହତ୍ଯ ତଲେ ଭୃଶଂ ଚ।
ବାଣାନ୍ଧକାରଂ ସହସୈବ କୃତ୍ବା
ଜଘାନ ନାଗାଶ୍ବରଥଧ୍ବଜାଂଶ୍ଚ॥ 8-86-13 (59303)
[ପ୍ରତିଶ୍ରୁତଃ ପ୍ରାଚରଦନ୍ତରିକ୍ଷେ
ଗୁହା ଗିରୀଣାମପତନ୍ବଯାଂସି।
ଯନ୍ମଣ୍ଡଲଜ୍ଯେନ ବିଜୃମ୍ଭମାଣୋ
ରୌଦ୍ରେ ମୁହୂର୍ତେଽଭ୍ଯପତତ୍କିରୀଟୀ॥] 8-86-14 (59304)
ତଂ ଭୀମସେନୋଽନୁଯଯୌ ରଥେନ
ପୃଷ୍ଠେ ରକ୍ଷନ୍ପାଣ୍ଡବମେକବୀରଃ।
ତୌ ରାଜପୁତ୍ରୌ ତ୍ବରିତୌ ରଥାଭ୍ଯାଂ
କର୍ଣାଯ ଯାତାବରିଭିର୍ବିଷକ୍ତୌ॥ 8-86-15 (59305)
ତତ୍ରାନ୍ତରେ ସୁମହାନ୍ସୂତପୁତ୍ର--
ଶ୍ଚକ୍ରେ ଯୁଦ୍ଧଂ ସୋମକାନ୍ସମ୍ପ୍ରମଥ୍ଯ।
ରଥାଶ୍ବମାତଙ୍ଗଣାଞ୍ଜଘାନ
ପ୍ରଚ୍ଛାଦଯାମାସ ଶରୈର୍ଦିଶଶ୍ଚ॥ 8-86-16 (59306)
ତମୁତ୍ତମୌଜା ଜନମେଜଯଶ୍ଚ
କ୍ରୁଦ୍ଧୌ ଯୁଧାମନ୍ଯୁଶିଖଣ୍ଡିନୌ ଚ।
କର୍ଣଂ ବିଭେଦୁଃ ସହିତାଃ ପୃଷତ୍କୈଃ
ସନ୍ନର୍ଦମାନାଃ ସହ ପାର୍ଷତେନ॥ 8-86-17 (59307)
ତେ ପଞ୍ଚ ପାଞ୍ଚାଲରଥାଃ ସମେତା
ବୈକର୍ତନଂ କର୍ଣମଭିଦ୍ରବନ୍ତଃ।
ତସ୍ମାଦ୍ରଥାଚ୍ଚ୍ଯାବଯିତୁଂ ନ ଶେକୁ--
ର୍ଧୈର୍ଯାତ୍କୃତାତ୍ମାନମିବେନ୍ଦ୍ରିଯାର୍ଥାଃ॥ 8-86-18 (59308)
ତେଷାଂ ଧନୂଂଷି ଧ୍ବଜବାଜିସୂତାଂ--
ସ୍ତୂର୍ଣଂ ପତାକାଶ୍ଚ ନିକୃତ୍ଯ ବାଣୈଃ।
ତାନ୍ପାଞ୍ଚାଲାନଭ୍ଯହନତ୍ପୃବତ୍କୈଃ
କର୍ଣସ୍ତତଃ ସିଂହ ଇବୋନ୍ନନାଦ॥ 8-86-19 (59309)
ତସ୍ଯାସ୍ଯତସ୍ତାନଭିନିଘ୍ନତଶ୍ଚ
ଜ୍ଯାବାଣହସ୍ତସ୍ଯ ଧନୁଃସ୍ବେନନ।
ସାଦ୍ରିଦ୍ରୁମା ସ୍ଯାତ୍ପୃଥିବୀ ବିଶୀର୍ଣେ--
ତ୍ଯତୀବ ମତ୍ବା ଜନତା ବ୍ଯପୀଦତ୍॥ 8-86-20 (59310)
ସ ଶକ୍ରଚାପପ୍ରତିମେନ ଧନ୍ବନା
ଭୃଶାଯତେନାଧିରଥିଃ ଶରାନ୍ସୃଜନ୍।
ବଭୌ ରଣେ ଦୀପ୍ତମରୀଚିମଣ୍ଡଲୋ
ଯଥାଂଶୁମାଲୀ ପରିବେଷବାଂସ୍ତଥା॥ 8-86-21 (59311)
ଶିଖଣ୍ଡିନଂ ଦ୍ବାଦଶଭିଃ ପରାଭିନ--
ଚ୍ଛିତୈଃ ଶରୈଃ ଷଡ୍ଭିରଥୋତ୍ତମୌଜସମ୍।
ତ୍ରିଭିର୍ଯୁଧାମନ୍ଯୁମବିଧ୍ଯଦାଶୁଗୈ--
ସ୍ତ୍ରିଭିସ୍ତ୍ରିଭିଃ ସୋମକପାର୍ଷତାତ୍ମଜୌ॥ 8-86-22 (59312)
ପରାଜିତାଃ ପଞ୍ଚ ମହାରଥାସ୍ତୁ ତେ
ମହାହବେ ସୂତସୁତେନ ମାରିଷ।
ନିରୁଦ୍ଯମାସ୍ତସ୍ଥୁରମିତ୍ରନନ୍ଦନା
ଯଥେନ୍ଦ୍ରିଯାର୍ଥାତ୍ମବତା ପରାଜିତାଃ॥ 8-86-23 (59313)
ନିମଜ୍ଜତସ୍ତାନଥ କର୍ଣସାଗରେ
ବିପନ୍ନନାବୋ ବଣିଜୋ ଯଥାର୍ଣବେ।
ଉଦ୍ଦଧ୍ରିରେ ନୌଭିରିବାର୍ଣବାଦ୍ରଥୈଃ
ସୁକଲ୍ପିତୈର୍ଦ୍ରୌପଦିଜାଃ ସ୍ବମାତୁଲାନ୍॥ 8-86-24 (59314)
ତତଃ ଶିନୀନାମୃଷଭଃ ଶିତୈଃ ଶରୈ--
ର୍ନିକୃତ୍ଯ କର୍ଣପ୍ରହିତାନିଷୂନ୍ବହୂନ୍।
ବିଦାର୍ଯ କର୍ଣଂ ନିଶିତୈରଯସ୍ମଯୈ--
ସ୍ତବାତ୍ମଜଂ ଜ୍ଯେଷ୍ଠମବିଧ୍ଯଦଷ୍ଟମିଃ॥ 8-86-25 (59315)
କୃପୋଽଥ ଭୋଜଶ୍ଚ ତବାତ୍ମଜସ୍ତଥା
ସ୍ବଯଂ ଚ କର୍ଣୋ ନିଶିତୈରତାଡଯତ୍।
ସ ତୈଶ୍ଚତୁର୍ଭିର୍ଯୁଯୁଧେ ଯଦୂତ୍ତମୋ
ଦିଗୀଶ୍ବରୈର୍ଦୈତ୍ଯପତିର୍ଯଥା ତଥା॥ 8-86-26 (59316)
ସମାତତେନେଷ୍ବସନେନ କୂଜତା
ମହାସ୍ବନେନାଶନିପାତଦୀଧିତିଃ।
ବଭୂବ ଦୁର୍ଧର୍ଷତରଃ ସ ସାତ୍ଯକିଃ
ଶରନ୍ନଭୋମଧ୍ଯଗତୋ ଯଥା ରବିଃ॥ 8-86-27 (59317)
ପୁନଃ ସମାସ୍ଥାଯ ରଥାନ୍ସୁଦଂଶିତାଃ
ଶିନିପ୍ରବୀରଂ ଜୁଗୁପୁଃ ପରନ୍ତପାଃ।
ସମେତ୍ଯ ପାଞ୍ଚାଲମହାରଥା ରଣେ
ମରୁଦ୍ରଣାଃ ଶକ୍ରମିବାରିନିଗ୍ରହେ॥ 8-86-28 (59318)
ତତୋଽଭବଦ୍ଯୁଦ୍ଧମତୀବ ଦାରୁଣଂ
ତବାହିତାନାଂ ତବ ସୈନିକୈଃ ସହ।
ରଥାଶ୍ବମାତଙ୍ଗବିନାଶନଂ ତଥା
ଯଥା ସୁରାଣାମସୁରୈଃ ପୁରାଽଭବତ୍॥ 8-86-29 (59319)
ରଥା ଦ୍ବିପା ବାଜିପଦାତଯସ୍ତଥା
ଭ୍ରମନ୍ତି ନାନାବିଧଶସ୍ତ୍ରବେଷ୍ଟିତାଃ।
ପରସ୍ପରେଣାଭିହତାଶ୍ଚ ଚସ୍ଖଲୁ--
ର୍ବିନେଦୁରାର୍ତା ବ୍ଯସବୋଽପତଂସ୍ତଥା॥ 8-86-30 (59320)
ତଥାଗତଂ ଭୀମମଭୀସ୍ତବାତ୍ମଜଃ
ସସାର ରାଜାବରଜଃ କିରଞ୍ଶରୈଃ।
ତମଭ୍ଯଧାବତ୍ତ୍ବରିତୋ ବୃକୋଦରୋ
ମହାରୁରୁଂ ସିଂହ ଇବାଭିପେଦିବାନ୍॥ 8-86-31 (59321)
ତତସ୍ତଯୋର୍ଯୁଦ୍ଧମତୀବ ଦାରୁଣଂ
ପ୍ରଦୀବ୍ଯତୋଃ ପ୍ରାଣଦୁରୋଦରଂ ଦ୍ବଯୋଃ।
ପରସ୍ପରେଣାଭିନିବିଷ୍ଟରୋଷଯୋ--
ରୁଦଗ୍ରଯୋଃ ଶମ୍ବରଶକ୍ରଯୋର୍ଯଥା॥ 8-86-32 (59322)
ଶରୈଃ ଶରୀରାର୍ତିକରୈଃ ସୁତେଜନୈ--
ର୍ନିଜଘ୍ନତୁସ୍ତାବିତରେତରଂ ଭୃଶମ୍।
ସକୃତ୍ପ୍ରଭିନ୍ନାବିବ ବାସିତାନ୍ତରେ
ମହାଗଜୌ ଦୋର୍ଭିରଦୀନଘାତିନୌ॥ 8-86-33 (59323)
ଆଲୋକ୍ଯ ତୌ ଚୈବ ପରସ୍ପରଂ ତତଃ
ସମଂ ଚ ଶୂରୌ ଚ ସସାରଥୀ ତଦା।
ଭୀମୋଽବ୍ରବୀଦ୍ଯାହି ଦୁଃଶାସନାଯ
ଦୁଃଶାସନୋ ଯାହି ବୃକୋଦରାଯ॥ 8-86-34 (59324)
ତଯୋ ରଥୌ ସାରଥିସମ୍ପ୍ରଚୋଦିତୌ
ସମଂ ରଥୌ ତୌ ମହସା ସମୀଯତୁଃ।
ନାନାଯୁଧଚ୍ଛତ୍ରପତାକିକାଧ୍ବଜୌ
ଦିବୀବ ପୂର୍ବଂ ବଲଶକ୍ରଯୋ ରଣେ॥ 8-86-35 (59325)
ଭୀମ ଉବାଚ। 8-86-36x (5046)
ଦିଷ୍ଟ୍ଯାଽସି ଦୁଃଶାସନ ଅଦ୍ଯ ଦୃଷ୍ଟଃ
କ୍ଷଣଂ ପ୍ରତୀଚ୍ଛେ ସହବୃଦ୍ଧି ମୂଲମ୍।
ଚିରୋଦିତଂ ଯନ୍ମଯା ତେ ସଭାଯାଂ
କୃଷ୍ଣାଭିମର୍ଶେନ ଗୃହାଣ ମତ୍ତଃ॥ 8-86-36 (59326)
ସ ଏବମୁକ୍ତସ୍ତୁ ତତୋ ମହାତ୍ମା
ଦୁଃଶାସନୋ ବାକ୍ଯମୁବାଚ ବୀରଃ।
ସର୍ବଂ ସ୍ମରନ୍ନେବ ବିସଂସ୍ମରାମି
ଉଦୀର୍ଯମାଣଂ ଶୃଣୁ ଭୀମସେନ॥ 8-86-37 (59327)
ସ୍ମରାମି ଚାତ୍ମପ୍ରଭବଂ ଚିରାଯ
ଯଜ୍ଜାତୁଷେ ବେଶ୍ମନି ରାତ୍ର୍ଯହାନି।
ବିଶ୍ବାସହୀନା ମୃଗଯାଂ ଚରନ୍ତୋ
ବସନ୍ତି ସର୍ବତ୍ର ନିରାକୃତାସ୍ତୁ॥ 8-86-38 (59328)
ମହାଭଯଂ ରାତ୍ର୍ଯହାନି ସ୍ମରନ୍ତ--
ସ୍ତଥୋପଭୋଗାଚ୍ଚ ସୁଖାଚ୍ଚ ହୀନାଃ।
ବନେଷ୍ବଟନ୍ତୋ ଗିରିଗହ୍ବରାଣି
ପାଞ୍ଚାଲରାଜସ୍ଯ ପୁରଂ ପ୍ରବିଷ୍ଟାଃ॥ 8-86-39 (59329)
ମାଯାଂ ଯୂଯଂ କାମପି ସମ୍ପ୍ରବିଷ୍ଟା
ଯତୋ ବୃତଃ କୃଷ୍ଣଯା ଫଲ୍ଗୁନୋ ବଃ।
ସଂଭୂଯ ପାପୈସ୍ତଦନାର୍ଯବୃତ୍ତଂ
କୃତଂ ତଦା ମାତୃକୃତାନୁରୂପମ୍॥ 8-86-40 (59330)
ଏକା ବୃତା ପଞ୍ଚଭିଃ ସାଭିପନ୍ନା।
ହ୍ଯଲଜ୍ଜମାନେଶ୍ଚ ପରସ୍ପରସ୍ଯ।
ସ୍ମରେ ସଭାଯାଂ ସୁବଲାତ୍ମଜେନ
ଦାସୀକୃତା ଯତ୍ସହ କୃଷ୍ଣଯା ଚ॥ 8-86-41 (59331)
ସଞ୍ଜଯ ଉବାଚ। 8-86-42x (5047)
ଇତ୍ଯେବମୁକ୍ତସ୍ତୁ ତବାତ୍ମଜେନ
ପାଣ୍ଡୋଃ ସୁତଃ କୋପବଶଂ ଭୃଶଂ
ଧନୁଃ କ୍ଷୁରାଭ୍ଯାଂ ଧ୍ବଜମେବ ଚାଚ୍ଛିନତ୍।
ଲଲାଟମପ୍ଯସ୍ଯ ବିଭେଦ ପତ୍ରିଣା 8-86-42 (59332)
ଶିରଶ୍ଚ କାଯାତ୍ପ୍ରଜହାର ସାରଥେଃ॥
ସ ରାଜପୁତ୍ରୋଽନ୍ଯଦବାପ୍ଯ କାର୍ମୁକଂ
ବୃକୋଦରଂ ଦ୍ବାଦଶଭିଃ ପରାଭିନତ୍।
ସ୍ବଯଂ ନିଯଚ୍ଛଂସ୍ତୁରଗାନଜିହ୍ମଗୈଃ 8-86-43 (59333)
ଶରୈଶ୍ଚ ଭୀମଂ ପୁନରପ୍ଯବୀବୃଷତ୍॥ ॥ 8-86-44 (59334)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଷଡଶୀତିତମୋଽଧ୍ଯାଯଃ॥ 86 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.87. ଅଧ୍ଯାଯଃ 087
Mahabharata - Karna Parva - Chapter Topics
ଭୀମେନ ରାଜ୍ଞାଂ ସମକ୍ଷଂ ଦୁଃଶାସନବକ୍ଷସୋ ରକ୍ତପାନମ୍॥ 1 ॥
Mahabharata - Karna Parva - Chapter Text
8-87-0 (59335)
ସଞ୍ଜଯ ଉବାଚ। 8-87-0x (5048)
ସର ରାଜପୁତ୍ରେଣ ସମାର୍ଚ୍ଛଦୁଗ୍ର--
ଦୁଃଶାସନେନ ନିକୃତୋ ନିକୃତ୍ଯା॥ 8-87-1 (59336)
ତତ୍ରାକରୋଦ୍ଦୁଷ୍କରଂ ରାଜପୁତ୍ରୋ
ଦୁଃଶାସନଃ କୁରୁବୀରୋ ମହାତ୍ମା।
ଯଦ୍ଭୀମସେନଂ ପ୍ରତିଯୋଧଯଦ୍ରଣେ
ଜମ୍ଭୋ ଯଥା ଶକ୍ରମୁଦାରବୀର୍ଯମ୍॥ 8-87-2 (59337)
ଧନୁଚ୍ଛିତ୍ତ୍ବା ଭୀମସେନସ୍ଯ ସଙ୍ଖ୍ଯେ
ଷଡ୍ଭିଃ ଶରୈଃ ସାରଥିମଭ୍ଯବିଧ୍ଯତ୍।
ତତୋଽବିଧ୍ଯତ୍ତ୍ରିଂଶତା ଭୀମସେନଂ
ବରେଷୁଭିର୍ବନ୍ଯମିବ ଦ୍ବିପେନ୍ଦ୍ରମ୍॥ 8-87-3 (59338)
ସ କାର୍ମୁକଂ ଗୃହ୍ଯ ତୁ ଭାରସାଧନଂ
ଭୀମସ୍ତଦା ରାଜପୁତ୍ରଂ ହ୍ଯବିଧ୍ଯତ୍।
ପଞ୍ଚାଶତୈର୍ବାଣଗଣୈଃ ସ୍ତନାନନ୍ତରେ
ତୋତ୍ରୈର୍ଯଥା ତୀବ୍ରବେଗଂ ଦ୍ବିପେନ୍ଦ୍ରମ୍॥ 8-87-4 (59339)
ତତସ୍ତୁ ରାଜନ୍ବିରଥଂ ମହାତ୍ମା
ଦୁଃଶାସନୋ ଭୀମସେନଂ ଚକାର।
ନିହତ୍ଯ ସଙ୍ଖ୍ଯେ ଚତୁରୋଽସ୍ଯ ବାହା--
ଞ୍ଛିତ୍ତ୍ବା ରଥେଷାଂ ପୁନରେବ ଚାକ୍ଷିପତ୍॥ 8-87-5 (59340)
ତତଃ କ୍ଷିତିସ୍ବୋ ହ୍ଯବରୁହ୍ଯ ଯାନା--
ଦ୍ବୃକୋଦରୋ ମଦଯା ତସ୍ଯ ବାହାନ୍।
ଯମକ୍ଷଯଂ ପ୍ରେଷଯିତ୍ବା ମହାତ୍ମା
ରଥଂ ସମାକର୍ପତ ରାଜସୂନୋଃ॥ 8-87-6 (59341)
ତସ୍ମାଦବପ୍ଲୁତ୍ଯ ରଥାତ୍ସସର୍ଜ
ଦୁଃଶାସନସ୍ତୋମରମୁଗ୍ରବେଗମ୍।
ସ ତେନ ବିଦ୍ଧୋ ହ୍ଯୁରସି ହ୍ଯପ୍ରମେଯୋ
ଗଦାଂ ତସ୍ମୈ ବିସସର୍ଜାପ୍ରମେଯାମ୍॥ 8-87-7 (59342)
ତତଃ କ୍ରୋଧାଦ୍ଭୀମସେନଃ କୃତାନି
ସର୍ବାଣି ଦୁଃଖାନ୍ଯନୁସଂସ୍ମରନ୍ବୈ।
ସଂସ୍ମୃତ୍ଯ ସଂସ୍ମୃତ୍ଯ ତଥା ପ୍ରତିଜ୍ଞା--
ମୁଗ୍ରାମସୌ ରାଜପୁତ୍ରୌ ବ୍ଯଷୀଦତ୍॥ 8-87-8 (59343)
ସଞ୍ଚିନ୍ତିତଂ ରୋଷମତୀବ ବେଗା-
ତ୍ତ୍ରଯୋଦଶାବ୍ଦଂ ପୁରୁଷପ୍ରବୀରଃ।
ପ୍ରଗୃହ୍ଯ ବଜ୍ରାଶନିତୁଲ୍ଯବେଗାଂ
ଗଦାଂ କରେଣାଥ ବୃକୋଦରୋ ରୁଷା॥ 8-87-9 (59344)
ନିପାତଯିତ୍ବା ପୃଥିବୀତଲେ ଭୃଶଂ
ସ ତାଜଯାମା ବୃକୋଦରୋ ବଲୀ।
ଅତୀବ ସନ୍ତାଡିତଭିନ୍ନଗାତ୍ରୋ
ଦୁଃଶାସନୋ ବୈ ନିପପାତ ଭୂମୌ॥ 8-87-10 (59345)
ଆକ୍ରମ୍ଯ କଣ୍ଠେ ଯୁଧି ରାଜପୁତ୍ରଂ
ସଂରକ୍ତନେତ୍ରୋ ହ୍ଯବ୍ରବୀଦ୍ଧାର୍ତରାଷ୍ଟ୍ରମ୍।
ତଦ୍ବ୍ରୂହି କିଂ ତ୍ବଂ ପରିମାର୍ଗମାଣୋ
ହ୍ଯସ୍ମାନ୍ପରାଭୂଯ ଇହାଗତଃ ପୁନଃ॥ 8-87-11 (59346)
ଦିଦୀପଯଂସ୍ତଦ୍ଭୃଶଦୀପିତଂ ମେ
ଚିରାର୍ଜିତଂ ରୋଷମତିପ୍ରଦୀପ୍ତମ୍।
ମଧୁ ପ୍ରପାସ୍ଯେ ତବ କୋଷ୍ଟଭାଜନା--
ଦିତ୍ଯବ୍ରବୀଦ୍ଭୀମସେନସ୍ତରସ୍ବୀ॥ 8-87-12 (59347)
ଦୁଃଶାସନଂ କଣ୍ଠଦେଶେ ପ୍ରମୃଦ୍ରଂ--
ସ୍ତତଃ କ୍ରୂରଂ ଭୀମସେନଶ୍ଚକାର।
କତଂ ବ୍ଯଂସଯିତ୍ବା ସହସା ସସାର
ବଲାଦସୌ ଧାର୍ତରାଷ୍ଟ୍ରସ୍ତରସ୍ବୀ॥ 8-87-13 (59348)
ଭୀମୋଽଭିଦୁଦ୍ରାବ ସୁତଂ ତ୍ବଦୀଯଂ
ସପତ୍ରତାଂ ଦର୍ଶଯନ୍ଧାର୍ତରାଷ୍ଟ୍ରେ।
ମୃଗଂ ମୁହୁଃ ସିଂହଶିଶୁର୍ଯଥା ବନେ
ତଥାଶ୍ବଭିଦ୍ରୁତ୍ଯ ମହାବଲଂ ବଲୀ॥ 8-87-14 (59349)
ନିଗୃହ୍ଯ ଚୈନଂ ପରମେଣ କର୍ମଣା
ଉତ୍କ୍ଷିପ୍ଯ ଚୋତ୍କ୍ଷିପ୍ଯ ଚ ତୂର୍ଣମେନମ୍।
ଭୂମୌ ତଦା ନିଷ୍ପିପେଷାଥ ବୀର
ଅସିଂ ବିକୋଶଂ ବିମଲଂ ଚକାର॥ 8-87-15 (59350)
ତଂ ପାତଯିତ୍ବା ତୁ ବୃକୋଦରୋଽଥ
ଜଗର୍ଜ ହର୍ଷେଣ ବିନାଦଯନ୍ଦିଶଃ।
ନାଦେନ ତେନାଖିଲପାର୍ଶ୍ବବର୍ତିନୋ
ମୂର୍ଚ୍ଛାକୁଲାଃ ପତିତାସ୍ତ୍ବାଜମୀଢ॥ 8-87-16 (59351)
ଦୁଃଶାସନଂ ତତ୍ର ସମୀକ୍ଷ୍ଯ ରାଜ--
ନ୍ଭୀମୋ ମହାବାହୁରଚିନ୍ତ୍ଯକର୍ମା।
ସ୍ମୃତ୍ବା ଚ କେଶଗ୍ରହଣଂ ଚ ଦେବ୍ଯା
ବସ୍ତ୍ରାପହାରଂ ଚ ରଜସ୍ବଲାଯାଃ॥ 8-87-17 (59352)
ଅନାଗସୋ ଭର୍ତୃପରାଙ୍ମୁଖାଯା
ଦୁଃଖାନି ଦତ୍ତାନ୍ଯପି ବିପ୍ରଚିନ୍ତ୍ଯା।
ଜଜ୍ବାଲ କୋପାଦଥ ଭୀମସେନ
ଆଜ୍ଯପ୍ରସିକ୍ତୋ ହି ଯଥା ହୁତାଶଃ॥ 8-87-18 (59353)
ତତ୍ରାହ କର୍ଣଂ ଚ ସୁଯୋଧନଂ ଚ
କୃପଂ ଦ୍ରୌଣିଂ କୃତବର୍ମାଣମେବ।
ନିହନ୍ମି ଦୁଃଶାସନମଦ୍ଯ ପାପଂ
ସଂରକ୍ଷ୍ଯତାମଦ୍ଯ ସମସ୍ତଯୋଧାଃ॥ 8-87-19 (59354)
ଇତ୍ଯେବମୁକ୍ତ୍ବା ସହସାଭ୍ଯଧାବ--
ନ୍ନିହନ୍ତୁକାମୋଽତିବଲସ୍ତରସ୍ବୀ।
ତଥା ତୁ ବିକ୍ରମ୍ଯ ରମେ ବୃକୋଦରୋ
ମହାଗଜଂ କେସରିକୋ ଯଥୈବ।
ନିଗୃହ୍ଯ ଦୁଃଶାସନମେକବୀରଃ
ସୁଯୋଧନସ୍ଯାଧିରଥେଃ ସମକ୍ଷମ୍॥ 8-87-20 (59355)
ଅସିଂ ସମୁଦ୍ଯମ୍ଯ ସିତଂ ସୁଧାରଂ
କଣ୍ଠେ ପଦାକ୍ରମ୍ଯ ଚ ବେପମାନମ୍।
ଉବାଚ ତଦ୍ଗୌରିତି ଯଦ୍ବ୍ରୁବାଣୋ
ହୃଷ୍ଟୋଽବଦଃ କର୍ଣସୁଯୋଧନାଭ୍ଯାମ୍॥ 8-87-21 (59356)
ଯେ ରାଜସୂଯାବଭୃଥେ ପବିତ୍ରା
ଜାତାଃ କଛା ଯାଜ୍ଞସେନ୍ଯା ଦୁରାତ୍ମନ୍।
ତେ ପାଣିନା କତରେଣାବକୃଷ୍ଟା--
ସ୍ତଦ୍ବ୍ରୂହି ତ୍ବାଂ ପୃଚ୍ଛତି ଭୀମସେନଃ॥ 8-87-22 (59357)
ଶ୍ରୁତ୍ବା ତୁ ତଦ୍ଭୀମବଚଃ ସୁଘୋରଂ
ଦୁଃଶାସନୋ ଭୀମସେନଂ ନିରୀକ୍ଷ୍ଯ।
ଜଜ୍ବାଲ ବୀମଂ ସ ତଦା ସ୍ମଯେନ
ସଂଶୃଣ୍ବତାଂ କୌରବସୋମକାନାମ୍।
ଉକ୍ତସ୍ତଦାଜୌ ସ ତଥା ସରୋଷଂ
ଜଗାଦ ଭୀମଂ ପରିବୃତ୍ତନେତ୍ରଃ॥ 8-87-23 (59358)
ଅଯଂ କରିକରାକାରଃ ପୀନସ୍ତନବିମର୍ଦନଃ।
ଗୋସହସ୍ରପ୍ରଦାତା ଚ କ୍ଷତ୍ରିଯାନ୍ତକରଃ କରଃ॥ 8-87-24 (59359)
ଅନେନ ଯାଜ୍ଞସେନ୍ଯା ମେ ଭୀମ କେଶା ବିକର୍ଷିତାଃ।
ପଶ୍ଯତାଂ କୁରୁମୁଖ୍ଯାନାଂ ଯୁଷ୍ମାକଂ ଚ ସଭାସଦାମ୍॥ 8-87-25 (59360)
ଏବଂ ତ୍ବସୌ ରାଜସୁତଂ ନିଶମ୍ଯ
ବ୍ରୁବନ୍ତମାଜୌ ବିନିପୀଡ୍ଯ ବକ୍ଷଃ।
ଭୀମୋ ବଲାତ୍ତଂ ପ୍ରତିଗୃହ୍ଯ ଦୋର୍ଭ୍ଯା--
ମୁଚ୍ଚୈର୍ନନାଦାଥ ସମସ୍ତଯୋଧାନ୍॥ 8-87-26 (59361)
ଉବାଚ ଯସ୍ଯାସ୍ତି ବଲଂ ସ ରକ୍ଷ--
ତ୍ବସୌ ଭବେଦଦ୍ଯ ନିରସ୍ତବାହୁଃ।
ଦୁଃଶାନଂ ଜୀବିତଂ ପ୍ରୋତ୍ସୃଜନ୍ତ--
ମାକ୍ଷିପ୍ଯ ଯୋଧାଂସ୍ତରସା ମହାବଲଃ॥ 8-87-27 (59362)
ଏବଂ କ୍ରୁଦ୍ଧୋ ଭୀମସେନଃ କରେଣ
ଉତ୍ପାଟଯାମାସ ଭୁଜଂ ମହାତ୍ମା।
ଦୁଃଶାସନଂ ତେନ ସ ବୀରମଧ୍ଯେ
ଜଘାନ ବଜ୍ରାଶନିସନ୍ନିଭେନ॥ 8-87-28 (59363)
କଣ୍ଠେ ସମାକ୍ରମ୍ଯ ଚ ବେପମାନଂ
କୃତ୍ବାଽନୁ ରୂପଂ ପରମଂ ସୁଘୋରମ୍।
କାଲାନ୍ତକାଭ୍ଯାଂ ସଦୃଶଂ ତଦାନୀଂ
ବିଦାର୍ଯ ବକ୍ଷଶ୍ଚ ମହାରଥସ୍ଯ॥ 8-87-29 (59364)
ଦୁଃଶାସନସ୍ଯ ନିପୁଶାସନସ୍ଯ
ଉଦ୍ଧୃତ୍ଯ ବକ୍ଷଃ ପତିତସ୍ଯ ଭୂମୌ।
ତତୋଽପିବଚ୍ଛୋଣିତମସ୍ଯ କୋଷ୍ଣ--
ମାସ୍ବାଦ୍ଯ ଚାସ୍ବାଦ୍ଯ ଚ ବୀକ୍ଷମାଣଃ॥ 8-87-30 (59365)
କ୍ରୁଦ୍ଧଃ ପ୍ରହୃଷ୍ଟୋ ନିଜଗାଦ ବାକ୍ଯଂ
ସ୍ତନ୍ଯସ୍ଯ ମାତୁଃ ପଯସୋଽମୃତସ୍ଯ।
ମାଧ୍ବୀକଜସ୍ଯେବ ରସସ୍ଯ ତସ୍ଯ
ମଧୋଶ୍ଚ ପାନାଦ୍ଯବକସ୍ଯ ପାନାତ୍॥ 8-87-31 (59366)
ପଯୋଦଧିଭ୍ଯାଂ ମଥିତାଚ୍ଚ ମୁଖ୍ଯା--
ତ୍ତଥେକ୍ଷୁସାରସ୍ଯ ମନୋହରସ୍ଯ।
ସର୍ବେଭ୍ଯ ଏବାଭ୍ଯଧିକୋ ରସୋଽସ୍ଯ
ମତୋ ମମାଦ୍ଯାହିତଲୋହିତସ୍ଯ॥ 8-87-32 (59367)
ଏବଂ ବ୍ରୁବାଣଂ ପୁନରୁତ୍ଥିତଂ ତ--
ମାସ୍ଫୋଟ୍ଯ ବଲ୍ଗନ୍ତମତିପ୍ରହୃଷ୍ଟମ୍।
ଯେ ଭୀମସେନଂ ଦଦୃଶୁସ୍ତଦାନୀଂ
ପ୍ରାଯେଣ ତେଽପି ବ୍ଯଥିତା ନିପେତୁଃ॥ 8-87-33 (59368)
ଯେ ଚାପି ନାସନ୍ପତିତା ମନୁଷ୍ଯା--
ସ୍ତେଷାଂ କରେଭ୍ଯଃ ପତିତଂ ତୁ ଶସ୍ତ୍ରମ୍।
ଭଯାଚ୍ଚ ସଞ୍ଚୁକ୍ରୁଶୁରସ୍ବରୈସ୍ତଦା
ନିମୀଲିତାକ୍ଷା ମୁମୁହୁଶ୍ଚ ତତ୍ର॥ 8-87-34 (59369)
ଯେ ତତ୍ର ଭୀମଂ ରୁଧିରଂ ପିବନ୍ତଂ
ଦୁଃଶାସନସ୍ଯ ଦଦୃଶୁଃ ପ୍ରପନ୍ନାଃ।
ନାଯଂ ମନୁଷ୍ଯସ୍ତ୍ବିତି ଭାଷମାଣାଃ
ସର୍ବେଽପଲାଯନ୍ତ ଭଯାଭିପନ୍ନାଃ॥ ॥ 8-87-35 (59370)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ସପ୍ତଶୀତିତମୋଽଧ୍ଯାଯଃ॥ 87 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.88. ଅଧ୍ଯାଯଃ 088
Mahabharata - Karna Parva - Chapter Topics
ଦୁଃଶାସନବଧକ୍ରୋଧାଦାତ୍ମନାମଭିଦ୍ରୁତଦତାଂ ତଦନୁଜାନାଂ ଭୀମେନ ବଧଃ॥ 1 ॥ ଦୁଃଶାସନାଦିନିଧନାଦ୍ବିଶ୍ଯତଃ କର୍ଣସ୍ଯ ଶଲ୍ଯେନ ପ୍ରୋତ୍ସାହନମ୍॥ 2 ॥ ସଙ୍କୁଲଯୁଦ୍ଧମ୍॥ 3 ॥
Mahabharata - Karna Parva - Chapter Text
8-88-0 (59371)
ସଞ୍ଜଯ ଉବାଚ। 8-88-0x (5049)
ସ ପୀତ୍ବା ରୁଧିରଂ ତସ୍ଯ ଚରଣୌ ଗୃହ୍ଯ ଭାରତ।
ଇତ୍ଯୁଚ୍ଚୈର୍ବଚନଂ ପ୍ରାହ ପ୍ରତିନୃତ୍ଯନ୍ବୃକୋଦରଃ॥ 8-88-1 (59372)
ଏଷ ତେ ରୁଧିରଂ ତୀବ୍ରଂ ପିବାମି ପୁରୁଷାଦବତ୍।
ବଦେଦାନୀଂ ସୁସଂରବ୍ଧଃ ପୁନର୍ଗୌରିତି ଗୌରିତି॥ 8-88-2 (59373)
ଯେ ଚାସ୍ମାନ୍ପ୍ରତିନୃତ୍ଯନ୍ତି ତଦା ଗୌରିତି ଗୌରିତି।
ତାନ୍ବଯଂ ପ୍ରତିନୃତ୍ଯାମଃ ପୁନର୍ଗୌରିତି ଗୌରିତି॥ 8-88-3 (59374)
ପ୍ରମାଣକୋଟ୍ଯାଂ ଶଯନେ କାଲକୂଟକଭୋଜନମ୍।
ଦଂଶନଂ ଚାହିଭିସ୍ତୀକ୍ଷ୍ଣୈର୍ଦାହଂ ଜତୁଗୃହେ ଚ ଯତ୍॥ 8-88-4 (59375)
ଦ୍ଯୂତେ ଚ ଦୋଷଭୂଯସ୍ତ୍ବମରଣ୍ଯେ ବସତିଶ୍ଚ ଯା।
ଇଷ୍ବସ୍ତ୍ରାଣି ଚ ସଙ୍ଗ୍ରାମେ ଅନିଲାନିଲବେଶ୍ମସୁ॥ 8-88-5 (59376)
ଦୁଃଖାନ୍ଯେବାଭିଜାନୀମୋ ନ ସୁଖାନି କଦାଚନ।
ଧୃତରାଷ୍ଟ୍ରସ୍ଯ ଦୌରାତ୍ମ୍ଯାତ୍ସପୁତ୍ରସ୍ଯ ବଯଂ ସଦା॥ 8-88-6 (59377)
ଇତ୍ଯୁଚ୍ଚୈର୍ବଚନଂ ପ୍ରୋଚ୍ଯ ଜଯଂ ପ୍ରାପ୍ଯ ବୃକୋଦରଃ।
ପୁନରେବ ମହାରାଜ ତବ ସୈନ୍ଯମଭିଦ୍ରବତ୍॥ 8-88-7 (59378)
ରକ୍ତାର୍ଦ୍ରପାଣିସ୍ତୁ ତତୋ ମହାତ୍ମା
ଗଦାପାଣିଃ କାଲ ଇବାନ୍ତକାଲେ।
ବିଭୀଷଯଂସ୍ତବ ପୁତ୍ରସ୍ଯ ସୈନ୍ଯ--
ମିତସ୍ତତୋ ଧାବତି ବାହିନୀଂ ତେ॥ 8-88-8 (59379)
ତତଃ କ୍ଷଣାଦ୍ଭାରତ ଶୂନ୍ଯମାସୀ--
ଦାଯୋଧନଂ ଘୋରତରଂ କୁରୂଣାମ୍।
ଯତ୍ରାଜିମଧ୍ଯେ ପ୍ରାପିବଦ୍ଭୀମସେନୋ
ଦୁଃଶାସନସ୍ଯ ରୁଧିରଂ କ୍ରୋଧଦୀପ୍ତଃ॥ 8-88-9 (59380)
ସ ହତ୍ବା ସମରେ ରାଜନ୍ରାଜପୁତ୍ରଂ ମହାବଲମ୍।
ପୂର୍ଣକାମୋ ମଦୋଦଗ୍ରଃ ସିଂହୋ ରୁରୁମିବୋତ୍କଟଃ॥ 8-88-10 (59381)
ରୁଧିରାର୍ଦ୍ରୋ ମହାରାଜ ବ୍ଯଶୋଭତ ପରନ୍ତପଃ।
ସପୁଷ୍ପଃ କିଂଶୁକ ଇବ ରକ୍ତରକ୍ତତରୋ ବଭୌ॥ 8-88-11 (59382)
ରୁଧିରାକ୍ତୋ ଘୋରବେଷଃ କ୍ରୁଦ୍ଧୋ ରାଜନ୍ବଚୋଽବ୍ରବୀତ୍।
ବ୍ରୂହୀଦାନୀଂ ପାପମତେ ନୃଶଂସ ପତିତୋ ହ୍ଯସି॥ 8-88-12 (59383)
ଦୁଃଶାସନେ ଯାଦୃଶଂ ସଂଶ୍ରୁତଂ ନ--
ସ୍ତଦବାପ୍ତଂ ପାଣ୍ଡବୈଃ ସର୍ବମେବ।
ଅତ୍ରୈବମାପ୍ସ୍ଯାମ୍ଯପରଂ ଦ୍ବିତୀଯଂ
ଦୁର୍ଯୋଧନଂ ଯଜ୍ଞପଶୁଂ ବିଶସ୍ଯ॥ 8-88-13 (59384)
ଶିରୋ ମୃଦିତ୍ବାଽସ୍ଯ ପୁନଶ୍ଚ ଶାନ୍ତିଂ
ଯାସ୍ଯାମ୍ଯହଂ କୌରବାଣାଂ ସମକ୍ଷମ୍।
ଯା ସାଽପତିଃ ସା ସପତିର୍ହି ଜାତା
ଯାସ୍ତାଃ ସପତ୍ଯୋଽପତଯସ୍ତୁ ଜାତାଃ॥ 8-88-14 (59385)
ପଶ୍ଯନ୍ତୁ ଚିତ୍ରଂ ବିବିଧଂ ହି ଲୋକେ
ଯେ ବୈ ତିଲାଃ ଷଣ୍ଡତିଲା ବଭୂବୁଃ।
ତେ ଚେତ୍ସଂସିଦ୍ଧା ନିଧନଂ ଗତାଃ ପରେ
କିଂ ଚିତ୍ରରୂପଂ ବତ ଜୀବଲୋକେ॥ 8-88-15 (59386)
ଏତାବଦୁକ୍ତ୍ବା ବଚନଂ ପ୍ରହୃଷ୍ଟଃ
ପ୍ରାକ୍ରୋଶଦୁଚ୍ଚୈ ରୁଧିରାର୍ଦ୍ରବକ୍ରଃ।
ନନର୍ତ ଚୈବାତିବଲୋ ମହାତ୍ମା
ବୃତ୍ରଂ ନିହତ୍ଯେବ ସହସ୍ରନେତ୍ରଃ॥ 8-88-16 (59387)
ଦୃଷ୍ଟ୍ବା ତୁ ନୃତ୍ଯନ୍ତମୁଦଗ୍ରବୀର୍ଯଂ
କାଲଂ ଯଥା ତ୍ବନ୍ତକାଲେ ପ୍ରଜାନାମ୍।
ମହଦ୍ଭଯଂ ଚାଧିରଥିଂ ବିବେଶ
ଜଯେ ନିରାଶାଶ୍ଚ ସୁତାସ୍ତ୍ବଦୀଯାଃ॥ 8-88-17 (59388)
ଦୁଃଶାସନେ ତୁ ନିହତେ ପୁତ୍ରାସ୍ତବ ମହାରଥାଃ।
ମହତ୍କ୍ରୋଧବିଷଂ ବୀରା ଧାରଯନ୍ତୋ ମହାବଲାଃ।
ତେ ତୁ ରାଜନ୍ମହାବୀର୍ଯା ଭୀମଂ ପ୍ରାଚ୍ଛାଦଯଞ୍ଛରୈଃ॥ 8-88-18 (59389)
ନିଷଙ୍ଗୀ କବଚୀ ଖଙ୍ଗୀ ଦଣ୍ଡଧାରୋ ଧନୁର୍ଧରଃ।
ଅଲମ୍ବୁର୍ଜଲସନ୍ଧଶ୍ଚ ବାତବେଗସୁବର୍ଚସୌ॥ 8-88-19 (59390)
ଏତେ ସମେତ୍ଯ ସହିତା ଭ୍ରାତୃବ୍ଯସନକର୍ଶିତାଃ।
ଭୀମସେନଂ ମହାବାହୁଂ ପୀଡଯାମାସୁରଞ୍ଜସା॥ 8-88-20 (59391)
ସ ବଧ୍ଯମାନୋ ବିଶିଖୈଃ ସମନ୍ତାତ୍ତୈର୍ମହାରଥୈଃ।
ଭୀମଃ କ୍ରୋଧାଭିରକ୍ତାକ୍ଷଃ କ୍ରୁଦ୍ଧଃ କାଲ ଇବାବଭୌ॥ 8-88-21 (59392)
ତତଃ ପରିବୃତୋ ରାଜନ୍ନବଭିଃ ଶତ୍ରୁତାପନୈଃ।
ଦୁଃଶାସନାଦବରଜୈଃ ପୁତ୍ରୈସ୍ତବ ବୃକୋଦରଃ॥ 8-88-22 (59393)
ତାଂସ୍ତୁ ଭଲ୍ଲୈର୍ମହାବେଗୈର୍ନବଭିର୍ନବ ଭାରତ।
ରୁକ୍ମାଙ୍ଗଦାନ୍ରୁକ୍ମପୁଙ୍ଖୈଃ ପାର୍ଥୋ ନିନ୍ଯେ ଯମକ୍ଷଯମ୍॥ 8-88-23 (59394)
ହତେଷୁ ତବ ପୁତ୍ରେଷୁ ବଲଂ ତଦ୍ବିପ୍ରଦୁଦ୍ରୁବେ।
ପଶ୍ଯତଃ ସୂତପୁତ୍ରସ୍ଯ ପାଣ୍ଡବସ୍ଯ ଭଯାର୍ଦିତମ୍॥ 8-88-24 (59395)
ତତଃ କର୍ଣଂ ମହାରାଜ ପ୍ରବିବେଶ ମହଦ୍ଭଯମ୍।
ଦୃଷ୍ଟ୍ବା ଭୀମସ୍ଯ ବିକ୍ରାନ୍ତମନ୍ତକସ୍ଯ ପ୍ରଜାସ୍ବିବ॥ 8-88-25 (59396)
ତସ୍ଯ ତ୍ବାକାରଭାବଜ୍ଞଃ ଶଲ୍ଯଃ ସମିତିଶୋଭନଃ। 8-88-26 (59397)
ଉବାଚ ବଚନଂ କର୍ଣଂ ପ୍ରାପ୍ତକାଲଂ ହିତଂ ତଦା॥ 8-88-27 (59398)
ଏତେ ଦ୍ରବନ୍ତି ରାଜାନୋ ଭୀମସେନଭଯାର୍ଦିତାଃ।
ଦୁର୍ଯୋଧନଶ୍ଚ ସମ୍ମୂଢୋ ଭ୍ରାତୃବ୍ଯସନକର୍ଶିତଃ॥ 8-88-28 (59399)
ଦୁଃଶାସନସ୍ଯ ରୁଧିରେ ପୀଯମାନେ ମହାତ୍ମନା।
ବ୍ଯାପନ୍ନଚେତାଃ ସହସା ଶୋକୋପହତଚେତନଃ॥ 8-88-29 (59400)
ଉପାସତେ ତ୍ବାମେତେ ହି ପରିବାର୍ଯ ମହାରଥାଃ।
କୃପପ୍ରଭୃତଯଃ କର୍ଣ ହତଶେଷାଃ ସହୋଦରାଃ॥ 8-88-30 (59401)
ପାଣ୍ଡବା ଲବ୍ଧଲକ୍ଷାଶ୍ଚ ଧନଞ୍ଜଯପୁରୋଗମାଃ।
ତ୍ବାମେବାଭିମୁଖାଃ ଶୂରା ଯୁଦ୍ଧାଯ ସମୁପସ୍ଥିତାଃ॥ 8-88-31 (59402)
ସ ତ୍ବଂ ପୁରୁଷଶାର୍ଦୂଲ ପୌରୁଷେ ମହତି ସ୍ଥିତଃ।
କ୍ଷତ୍ରଧର୍ମଂ ପୁରସ୍କୃତ୍ଯ ପ୍ରତ୍ଯୁଦ୍ଯାହି ଧନଞ୍ଜଯମ୍॥ 8-88-32 (59403)
ଭାରୋ ହି ଧାର୍ତରାଷ୍ଟ୍ରେଣ ତ୍ବଯି ସର୍ବଃ ସମାହିତଃ।
ତମୁଦ୍ବହ ମହାବାହୋ ଯଥାଶକ୍ତି ଯଥାବଲମ୍॥ 8-88-33 (59404)
ଜଯେ ସ୍ଯାଦ୍ବିପୁଲା କୀର୍ତିର୍ଧ୍ରୁବଃ ସ୍ବର୍ଗଃ ପରାଜଯେ।
ବୃଷସେନଶ୍ଚ ରାଧେଯ ସଙ୍କ୍ରୁଦ୍ଧସ୍ତନଯସ୍ତବ।
ତ୍ବଯି ମୋହଂ ସମାପନ୍ନେ ପାଣ଼୍ଡବାନଭିଧାବତି॥ 8-88-34 (59405)
ସଞ୍ଜଯ ଉବାଚ। 8-88-35x (5050)
ଏତଚ୍ଛ୍ରୁତ୍ବା ତୁ ବଚନଂ ଶଲ୍ଯସ୍ଯାମିତତୋଜସଃ।
ହୃଦି ମାନୁଷ୍ଯକଂ ଭାବଂ କୃତ୍ବା ଯୁଦ୍ବାଯ ସୁସ୍ଥିରମ୍॥ 8-88-35 (59406)
ତତଃ କ୍ରୁଦ୍ଧୋ ବୃଷସେନୋଽଭ୍ଯଧାବ--
ଦ୍ଭୀମଂ ସମାଯାନ୍ତମମିତ୍ରସାହମ୍।
ବାଣୈଃ କିରନ୍ତଂ ପ୍ରତିଯାତି ଚୋଗ୍ରଂ
ବ୍ଯାତ୍ତାନନଂ କାଲମିବାପତନ୍ତମ୍॥ 8-88-36 (59407)
ତମଭ୍ଯଧାବନ୍ନକୁଲଃ ପ୍ରବୀର--
ମାରାଦମିତ୍ରଂ ପ୍ରତୁଦନ୍ପୃଷତ୍କୈଃ।
କର୍ଣସ୍ଯ ପୁତ୍ରଂ ସମରେ ପ୍ରହୃଷ୍ଟଂ
ଜିଷ୍ଣୁର୍ଜିଘାଂସୁର୍ମଘବେବ ଜମ୍ଭମ୍॥ 8-88-37 (59408)
ତତୋ ଧ୍ବଜଂ ସ୍ଫାଟିକହେମଚିତ୍ରଂ
ଚିଚ୍ଛେଦ ଧୈର୍ଯାନ୍ନକୁଲଃ କ୍ଷୁରେଣ।
କର୍ଣାତ୍ମଜସ୍ଯେଷ୍ବସନଂ ଚ ଚିତ୍ରଂ
ଭଲ୍ଲେନ ଜାମ୍ବୂନଦଚିତ୍ରନଦ୍ଧମ୍॥ 8-88-38 (59409)
ଅଥାନ୍ଯଦାଦାଯ ଧନୁଃ ସ ଶୀଘ୍ରଂ
କର୍ଣାତ୍ମଜଃ ପାଣ୍ଡବମଭ୍ଯବିଧ୍ଯତ୍।
ଦିବ୍ଯୈରସ୍ତ୍ରୈରଭ୍ଯବର୍ଷତ୍ତଦୈନଂ
କର୍ଣସ୍ଯ ପୁତ୍ରୋ ନକୁଲଂ କୃତାସ୍ତ୍ରମ୍॥ 8-88-39 (59410)
ତତଃ କ୍ରୁଦ୍ଧୋ ନକୁଲଃ କର୍ଣପୁତ୍ରଂ
ଶରୈର୍ମହୋଲ୍କାଭିରିବାଭ୍ଯପୀଡଯତ୍।
ସ କର୍ଣପୁତ୍ରୋ ନକୁଲସ୍ଯ ରାଜ--
ନ୍ସର୍ବାନସ୍ତ୍ରାନ୍ବାରଯଦୁତ୍ତମାସ୍ତ୍ରୈଃ॥ 8-88-40 (59411)
ଆସୀତ୍ସୁଘୋରଂ ଭରତପ୍ରବୀର
ଯୁଦ୍ଧଂ ତଦା କର୍ଣଜପାଣ୍ଡବାଭ୍ଯାମ୍॥ 8-88-41 (59412)
ବନାଯୁଜାନ୍ସୁକୁମାରାନ୍ସୁଶୁଭ୍ରା--
ନଲଙ୍କୃତାଞ୍ଜାତରୂପେଣ ଚିତ୍ରାନ୍।
ଜଘାନ ଚାଶ୍ବାନ୍ନକୁଲସ୍ଯ ବୀରୋ
ରଣାଜିରେ ସୂତପୁତ୍ରସ୍ଯ ପୁତ୍ରଃ॥ 8-88-42 (59413)
ତତୋ ହତାଶ୍ବାଦବରୁହ୍ଯ ଯାନା--
ଚ୍ଚର୍ମାଽଽଦଦେ ରୁଚିରଂ ବର୍ହିଚିତ୍ରମ୍।
ଆକାଶସଙ୍କାଶମସିଂ ପ୍ରଗୃହ୍ଯ
ପ୍ରକାଶମାନଃ ଖଗବଚ୍ଚଚାର॥ 8-88-43 (59414)
ତତୋଽସ୍ଯ ପକ୍ଷାନନଯଦ୍ଯମାଯ
ଦ୍ବିସାହସ୍ରାନ୍ନକୁଲଃ କ୍ଷିପ୍ରକାରୀ।
ତେ ପ୍ରାପତନ୍ନସିନା ବୈ ବିଶସ୍ତା
ଯଥାଽଶ୍ବମେଧେ ପଶବଃ ଶମିତ୍ରା॥ 8-88-44 (59415)
ତତସ୍ତତୋ ବିଜିତା ଯୁଦ୍ଧଶୌଣ୍ଡା
ନାନାଦେଶ୍ଯାଃ ସୁହୃଦଃ ସତ୍ଯସନ୍ଧାଃ।
ଏକେନ ଶୀଘ୍ରଂ ନକୁଲେନ ନୁନ୍ନାଃ
ସାରେପ୍ସୁନେବୋତ୍ତମଚନ୍ଦନସ୍ଯ॥ 8-88-45 (59416)
ଭୂମୌ ଚରନ୍ତଂ ନକୁଲଂ ରଥୌଘାଃ
ସମନ୍ତତଃ ସାଯକୈଃ ପ୍ରତ୍ଯଗୃହ୍ଣନ୍।
ସ ତୁଦ୍ଯମାନୋ ନକୁଲୋ ବିହଙ୍ଗୈ--
ଶ୍ଚଚାର ସଙ୍ଖ୍ଯେ ଦ୍ବିଷତୋ ବିନିଘ୍ନନ୍॥ 8-88-46 (59417)
ତଂ କର୍ଣପୁତ୍ରୋଽପି ଚରନ୍ତମାଜୌ
ନରାଶ୍ବମାତଙ୍ଗରଥପ୍ରବୀରାନ୍।
ନିଘ୍ନନ୍ତମଷ୍ଟାଦଶଭିଃ ପୃଷତ୍କୈ--
ର୍ବିବ୍ଯାଧ ବୀରଃ ସ ଚୁକୋପ ବିଦ୍ଧଃ॥ 8-88-47 (59418)
ତତୋଽଭ୍ଯଧାବତ୍ସମରେ ଜିଘାଂସୁଃ
କର୍ଣାତ୍ମଜଂ ପାଣ୍ଡୁସୁତୋ ନୃବୀରମ୍।
ତସ୍ଯେଷୁଭିର୍ବଧମତ୍ସୂତପୁତ୍ରୋ
ମହାରଣେ ବର୍ମ ସହସ୍ରଭାରମ୍॥ 8-88-48 (59419)
ତସ୍ଯାଥ କାଂସ୍ଯଂ ସୁଶିତଂ ସୁପୀତ--
ମସିପ୍ରବୀରଂ ଗୁରୁଭାରାସାହମ୍।
ଦ୍ବିଷଚ୍ଛରୀରାପହରଂ ସୁଘୋର--
ମାଧୂନ୍ବତଃ ସର୍ପମିବାତ୍ତକୋଶମ୍॥ 8-88-49 (59420)
କ୍ଷିପ୍ରଂ ଶରୈଃ ଷଙ୍ଭିରମିତ୍ରସାହ--
ଶ୍ଚକର୍ତ ଖଙ୍ଗଂ ନିଶିତୈଃ ସୁଧାରୈଃ।
ପୁନଶ୍ଚ ପାର୍ଥଂ ନିଶିତୈଃ ପୃଷତ୍କୈଃ
ସ୍ତନାନ୍ତରେ କ୍ଷିପ୍ରମିବାତ୍ଯବିଧ୍ଯତ୍॥ 8-88-50 (59421)
ସ ଭୀମସେନସ୍ଯ ରଥଂ ଚ ଗତ୍ବା
ବବର୍ଷ ବୈ ଶରବର୍ଷଂ ସୁଘୋରମ୍॥ 8-88-51 (59422)
ନକୁଲମଥ ବିଦିତ୍ବା ଛିନ୍ନବାଣାସନାସିଂ
ବିରଥମରିଭିରାର୍ତଂ କର୍ଣପୁତ୍ରାସ୍ତ୍ରମଗ୍ନମ୍।
ପବନଚଲପତାକା ହ୍ଲାଦିନୋ ବଲ୍ଗିତାଶ୍ବାଃ
ପରପୁରୁଷନିଯୁକ୍ତାଃ ସ୍ବୈ ରଥୈଃ ଶୀଘ୍ରମୀଯୁଃ॥ 8-88-52 (59423)
ଦ୍ରୁପଦସୁତବରିଷ୍ଠାଃ ପଞ୍ଚ ଶୈନେଯଷଷ୍ଠା
ଦ୍ରୁପଦଦୁହିତୃପୁତ୍ରାଃ ପଞ୍ଚ ଚାମିତ୍ରସାହାଃ।
ଦ୍ବିରଦରଥନରାଶ୍ବାନ୍ସୂଦଯନ୍ତସ୍ତ୍ବଦୀଯାନ୍
ଭଗବତ ଇବ ରୁଦ୍ରାଃ ସଙ୍ଖ୍ଯଯା ହେତିମନ୍ତଃ॥ 8-88-53 (59424)
ଅଥ ତବ ରଥମୁଖ୍ଯାସ୍ତାନ୍ପ୍ରତୀଯୁସ୍ତ୍ବରନ୍ତଃ
କୃପହୃଦିକସୁତୌ ଚ ଦ୍ରୌଣିଦୁର୍ଯୋଧନୌ ଚ।
ଶକୁନିଶୁକବୃକାଶ୍ଚ କ୍ରାଥଦେବାବୃଧୌ ଚ
ଦ୍ବିରଦଜଲଦଘୌଷୈଃ ସ୍ଯନ୍ଦନୈଃ କାର୍ମୁକୈଶ୍ଚ॥ 8-88-54 (59425)
ଅଥ ତବ ରଥବର୍ଯାସ୍ତାନ୍ଦଶୈକପ୍ରବୀରା--
ନିଷୁଭିରଶନିକଲ୍ପୈସ୍ତାଡଯନ୍ତୋ ନ୍ଯରୁନ୍ଧନ୍।
ନବଜଲଦସବର୍ଣୈର୍ହସ୍ତିଭିସ୍ତାନ୍ସ୍ମ ବବ୍ରୁ--
ର୍ଗିରିଶିଖରନିକାଶୈର୍ଭୀମବେଗୈଃ କୁଣିନ୍ଦାଃ॥ ॥ 8-88-55 (59426)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଅଷ୍ଟାଶୀତିତମୋଽଧ୍ଯାଯଃ॥ 88 ॥
॥ ଶ୍ରୀଃ ॥
8.89. ଅଧ୍ଯାଯଃ 089
Mahabharata - Karna Parva - Chapter Topics
ସଙ୍କୁଲଯୁଦ୍ଧମ୍॥ 1 ॥
Mahabharata - Karna Parva - Chapter Text
8-89-0 (59427)
ସଞ୍ଜଯ ଉବାଚ। 8-89-0x (5051)
ସୁକଲ୍ପିତା ହୈମବତା ମହୋତ୍କଟା
ରଣାଭିକାମୈଃ କୃତିଭିଃ ସମାସ୍ଥିତାଃ।
ସୁବର୍ଣଜାଲୈର୍ବିତତା ବଭୁର୍ଗଜା--
ସ୍ତଥା ଯଥା ଖେ ଜଲଦାଃ ସବିଦ୍ଯୁତଃ॥ 8-89-1 (59428)
କୁଣିନ୍ଦପୁତ୍ରୋ ଦଶଭିର୍ମହାଯସୈଃ
କୃପଂ ସସୂତାଶ୍ବମପୀଡଯଦ୍ଭୃଶମ୍।
ତତଃ ଶରଦ୍ବତ୍ସୁତସାଯକୈର୍ହତଃ
ସହୈବ ନାଗେନ ପପାତ ଭୂତଲେ॥ 8-89-2 (59429)
କୁଣିନ୍ଦପୁତ୍ରାବରଜସ୍ତୁ ତୋମରୈ--
ର୍ଦିବାକରାଂଶୁପ୍ରତିମୈରଯସ୍ମଯୈଃ।
ଜଘାନ ଭୋଜସ୍ଯ ହଯାନଥାପତନ୍
କ୍ଷଣାଦ୍ବିଶସ୍ତାଃ କୃତବର୍ମଣେ ହଯାଃ॥ 8-89-3 (59430)
ଅଥାପରେ ଦ୍ରୌଣିହତା ମହାଦ୍ବିପା--
ସ୍ତ୍ରଯଃ ସସର୍ବାଯୁଧଯୋଧକେତନାଃ।
ନିପେତୁରୁର୍ବ୍ଯାଂ ବ୍ଯସବୋ ବିଚେତନା--
ସ୍ତଥା ଯଥା ବଜ୍ରହତା ମହାଚଲାଃ॥ 8-89-4 (59431)
କୁଣିନ୍ଦରାଜାବରଜାଦନନ୍ତରଃ
ସ୍ତନାନ୍ତରେ ପତ୍ରିବରୈରତାଡଯତ୍।
ତବାତ୍ମଜଂ ତସ୍ଯ ତବାତ୍ମଜଃ ଶରୈଃ
ଶିତୈଃ ଶରୀରଂ ବ୍ଯହନଦ୍ଦ୍ବିପଂ ଚ ତମ୍॥ 8-89-5 (59432)
ସ ନାଗରାଜଃ ସହ ରାଜସୂନୁନା
ପପାତ ରକ୍ତଂ ବହୁ ସର୍ବତଃ କ୍ଷରନ୍।
ମହେନ୍ଦ୍ରବଜ୍ରପ୍ରହତୋଽମ୍ବୁଦାଗମେ
ଯଥା ଜଲଂ ଗେରିକପର୍ବତସ୍ତଥା॥ 8-89-6 (59433)
କୁଣିନ୍ଦପୁତ୍ରପ୍ରହିତୋଽପରୋ ଦ୍ବିପଃ
କ୍ରାଥଂ ସସୂତାଶ୍ବରଥଂ ବ୍ଯପୋଥଯତ୍।
ତତୋଽପତତ୍କ୍ରାଥସରାଭିଘାତିତଃ
ସହେଶ୍ବରୋ ବଜ୍ରହତୋ ଯଥା ଗିରିଃ॥ 8-89-7 (59434)
ରଥୀ ଦ୍ବିପସ୍ଥେନ ହତୋଽପତଚ୍ଛରୈଃ
କ୍ରାଥାଧିପଃ ପର୍ବତଜେନ ଦୁର୍ଜଯଃ।
ସବାଜିସୂତେଷ୍ବସନଧ୍ବଜସ୍ତଥା
ଯଥା ମହାବାତହତୋ ମହାଦ୍ରୁମଃ॥ 8-89-8 (59435)
ବୃକୋ ଦ୍ବିପସ୍ଥଂ ଗିରିରାଜବାସିନଂ
ଭୃଶଂ ଶରୈର୍ଦ୍ବାଦଶଭିଃ ପରାଭିନତ୍।
ତତୋ ବୃକଂ ସାଶ୍ବରଥଂ ମହାଦ୍ବିପୋ
ଦ୍ରୁତଂ ଚତୁର୍ଭିରଣୈର୍ବ୍ଯପୋଥଯତ୍॥ 8-89-9 (59436)
ସ ପୋଥିତୋ ନାଗରବେଣ ବୀର୍ଯବା--
ନ୍ପରାଭିନଦ୍ଦ୍ବାଦଶଭିଃ ଶିଲୀମୁଖୈଃ।
ବୃକେଣ ବାଣାଭିହତୋଽପତତ୍କ୍ଷିତୌ
ସବାରଣୋ ବଭ୍ରୁସୁତେନ ସାର୍ଧମ୍॥ 8-89-10 (59437)
କୁଣିନ୍ଦରାଜସ୍ଯ ସୁତୋଽପରସ୍ତଦା
ସ ଚାପି ଶୂରଃ ସହସା ସମର୍ପିତଃ।
ପପାତ ବାଣୈଃ ସୁବଲସ୍ଯ ସୂନୁନା
ବିଷାଣପୁଚ୍ଛାପରଗାତ୍ରପାତିନା॥ 8-89-11 (59438)
ଗଜେନ ବାହାଞ୍ଶକୁନେଃ କୁଣିନ୍ଦଜୋ
ନିନାଯ ବୈବସ୍ବତମନ୍ଦିରଂ ରଣେ।
ରଥଂ ଚ ସଂକ୍ଷୁଭ୍ଯ ନନାଦ ନର୍ଦତ--
ସ୍ତତୋଽସ୍ଯ ଗାନ୍ଧାରପତିଃ ଶିରୋଽହରତ୍॥ 8-89-12 (59439)
ତତଃ କୁଣିନ୍ଦେଷୁ ଗତେଷୁ ତେଷୁ
ପ୍ରହୃଷ୍ଟରୂପାସ୍ତବ ତେ ମହାରଥାଃ।
ଭୃଶଂ ପ୍ରଦରଧ୍ମୁର୍ଲବଣାମ୍ବୁସମ୍ଭବା--
ନ୍ବରାଂଶ୍ଚ ବାଣାସନପାଣଯୋଽଭ୍ଯଯୁଃ॥ 8-89-13 (59440)
ତଥାଽଭବଦ୍ଯୁଦ୍ଧମତୀବ ଦାରୁଣଂ
ପୁନଃ କୁରୂଣାଂ ସହ ପାଣ୍ଡୁସୃଞ୍ଜଯୈଃ।
ଶରାସିଶକ୍ତ୍ଯୃଷ୍ଟିଗଦାପରଶ୍ବଥୈ--
ର୍ନରାଶ୍ବନାଗାସୁହରଂ ଭୃଶାକୁଲମ୍॥ 8-89-14 (59441)
ରଥାଶ୍ବମାତଙ୍ଗପଦାତଯସ୍ତତଃ
ପରସ୍ପରଂ ବିପ୍ରହତାଃ କ୍ଷିତୌ ପତନ୍।
ଯଥା ସବିଦ୍ଯୁତ୍ତଟିତୋ ଜଲପ୍ରଦାଃ
ସମୁତ୍ଥିତୈର୍ଦିଗ୍ଭ୍ଯ ଇବୋଗ୍ରମାରୁତେଃ॥ 8-89-15 (59442)
ତତଃ ଶତାନୀକହତା ମହାଗଜା
ହଯା ରଥାଃ ପତ୍ତିଗଣାଶ୍ଚ ତାବକାଃ।
ସୁପର୍ଣବାତପ୍ରହତା ଯଥୋରଗା--
ସ୍ତଥା ଗତା ଗାଂ ବିବଶା ବିଚୂର୍ଣିତାଃ॥ 8-89-16 (59443)
ତତୋଽଭ୍ଯବିଦ୍ଧ୍ଯଦ୍ବହୁଭିଃ ଶିତୈଃ ଶରୈଃ
ସ ବିନ୍ଦପୁତ୍ରୋ ନକୁଲାତ୍ମଜଂ ସ୍ମଯନ୍।
ତତୋଽସ୍ଯ କୋପାଦ୍ବିଚକର୍ତ ନାକୁଲିଃ
ଶିରଃ କ୍ଷୁରେଣାମ୍ବୁଜସନ୍ନିଭାନନମ୍॥ 8-89-17 (59444)
ତତଃ ଶତାନୀକମବିଧ୍ଯଦାଯସୈ--
ସ୍ତ୍ରିଭିଃ ଶରୈଃ କର୍ଣସୁତୋଽର୍ଜୁନଂ ତ୍ରିଭିଃ।
ତ୍ରିଭିଶ୍ଚ ଭୀମଂ ନକୁଲଂ ଚ ସପ୍ତଭି--
ର୍ଜନାର୍ଦନଂ ଦ୍ବାଦଶଭିଶ୍ଚ ସାଯକୈଃ॥ 8-89-18 (59445)
ତଦସ୍ଯ କର୍ମାତିମନୁଷ୍ଯକର୍ମଣଃ
ସମୀକ୍ଷ୍ଯ ହୃଷ୍ଟାଃ କୁରବୋଽଭ୍ଯପୂଜଯନ୍।
ପରାକ୍ରମଜ୍ଞାସ୍ତୁ ଧନଞ୍ଜଯସ୍ଯ ଯେ
ହୁତୋଽଯମଗ୍ନାବିତି ତେ ତୁ ମେନିରେ॥ ॥ 8-89-19 (59446)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଏକୋନନବତିତମୋଽଧ୍ଯାଯଃ॥ 89 ॥
॥ ଶ୍ରୀଃ ॥
8.90. ଅଧ୍ଯାଯଃ 090
Mahabharata - Karna Parva - Chapter Topics
ଅର୍ଜୁନେନ କର୍ଣସୂନୋର୍ବୃଷସେନସ୍ଯ ବଧଃ॥ 1 ॥
Mahabharata - Karna Parva - Chapter Text
8-90-0 (59447)
ସଞ୍ଜଯ ଉବାଚ। 8-90-0x (5052)
ତତଃ କିରୀଟି ପରବୀରଘାତୀ
ହତାଶ୍ବମାଲୋକ୍ଯ ନରପ୍ରବୀରଃ।
ମାଦ୍ରୀସୁତଂ ନକୁଲଂ ଲୋକମଧ୍ଯେ
ସମୀକ୍ଷ୍ଯ କୃଷ୍ଣଂ ଭୃଶବିକ୍ଷତଂ ଚ।
ସମଭ୍ଯଧାବଦ୍ବୃଷସେନମାହବେ
ସ ସୂତଜସ୍ଯ ପ୍ରମୁଖେ ସ୍ଥିତସ୍ତଦା॥ 8-90-1 (59448)
ତମାପତନ୍ତଂ ନରବୀରମୁଗ୍ରଂ
ମହାହବେ ବାଣସହସ୍ରଧାରିଣମ୍।
ଅଭ୍ଯାପତତ୍କର୍ଣସୁତୋ ମହାରଥଂ
ଯଥା ମହେନ୍ଦ୍ରଂ ନମୁଚିଃ ପୁରା ତଥା॥ 8-90-2 (59449)
ତୌ ତତ୍ର ଶୂରୌ ରଥକୁଞ୍ଜରୌ ରଣେ
ପରସ୍ପରସ୍ଯାଭିମୁଖୌ ମହାରଥୌ।
ସସର୍ଜତୁଃ ଶରସଙ୍ଘାନନେକା--
ନ୍ସମ୍ଭ୍ରାନ୍ତରୂପୌ ସୁଭୃଶଂ ତଦାନୀମ୍॥ 8-90-3 (59450)
ତତୋ ଦ୍ରୁତଂ ଚୈକଶରେଣ ପାର୍ଥଂ
ଶିତେନ ବିଦ୍ଧ୍ବା ଯୁଧି କର୍ଣପୁତ୍ରଃ।
ନନାଦ ନାଦଂ ସୁମହାନୁଭାବୋ
ବିଦ୍ଧ୍ବେବ ଶକ୍ରଂ ନମୁଚିଃ ସ ବୀରଃ॥ 8-90-4 (59451)
ପୁନଃ ସ ପାର୍ଥଂ ବୃଷସେନ ଉଗ୍ରୈ--
ର୍ବାଣୈରବିଦ୍ଧ୍ଯଦ୍ଭୁଜମୂଲେ ତୁ ସବ୍ଯେ।
ତଥୈବ କୃଷ୍ଣଂ ନବଭିଃ ସମାର୍ଦଯ--
ତ୍ପୁନଶ୍ଚ ପାର୍ଥଂ ଦଶଭିର୍ଜଘାନ॥ 8-90-5 (59452)
ପୂର୍ବଂ ଯଥା ବୃଷସେନପ୍ରଯୁକ୍ତୈ--
ରଭ୍ଯାହତଃ ଶ୍ବେତହଯଃ ଶରୈସ୍ତୈଃ।
ସଂରମ୍ଭମୀଷଦ୍ଗମିତୋ ବଧାଯ
କର୍ଣାତ୍ମଜସ୍ଯାଥ ମନଃ ପ୍ରଦଧ୍ରେ॥ 8-90-6 (59453)
ତତଃ କିରୀଟି ରଣମୂର୍ଧ୍ନି କୋପାତ୍
କୃତ୍ବା ତ୍ରିଶାଖାଂ ଭ୍ରୁକୁଟିଂ ଲଲାଟେ।
ମୁମୋଚ ତୂର୍ଣଂ ବିଶିଖାନ୍ମହାତ୍ମା
ବଧେ ଧୃତଃ କର୍ଣସୁତସ୍ଯ ସଙ୍ଖ୍ଯେ।
ଆରକ୍ତନେତ୍ରୋଽନ୍ତକଶତ୍ରୁହନ୍ତା
ଉବାଚ କର୍ଣଂ ଭୃଶମୁତ୍ସ୍ମଯଂସ୍ତଦା॥ 8-90-7 (59454)
ଦୁର୍ଯୋଧନଂ ଦ୍ରୌଣିମୁଖାଂଶ୍ଚ ସର୍ବା--
ନହଂ ରଣେ ବୃଷସେନଂ ତମୁଗ୍ରମ୍।
ସମ୍ପଶ୍ଯତଃ କର୍ଣ ତବାଦ୍ଯ ସଙ୍ଖ୍ଯେ
ନଯାମି ଲୋକଂ ନିଶିତୈଃ ପୃଷତ୍କୈଃ॥ 8-90-8 (59455)
ଊନଂ ଚ ତାବଦ୍ଧି ଜନା ବଦନ୍ତି
ସର୍ବୈର୍ଭବଦ୍ଭିର୍ମମ ସୂନୁର୍ହତୋଽସୌ।
ଏକୋ ରଥୋ ମଦ୍ବିହୀନସ୍ତରସ୍ବୀ
ଅହଂ ହନିଷ୍ଯେ ଭବତାଂ ସମକ୍ଷମ୍॥ 8-90-9 (59456)
ସଂରକ୍ଷ୍ଯତାଂ ରଥସଂସ୍ଥାଃ ସୁତୋଽଯ--
ମହଂ ହନିଷ୍ଯେ ଭବତାଂ ସମକ୍ଷମ୍॥
ପଶ୍ଚାଦ୍ବଧିଷ୍ଯେ ତ୍ବାମପି ସମ୍ପ୍ରମୂଢ--
ମହଂ ହନିଷ୍ଯେଽର୍ଜୁନ ଆଜିମଧ୍ଯେ॥ 8-90-10 (59457)
ତମଦ୍ଯ ମୂଲଂ କଲହସ୍ଯ ସଙ୍ଖ୍ଯେ
ଦୁର୍ଯୋଧନାପାଶ୍ରଯ ଜାତଦର୍ପମ୍।
ତ୍ବାମଦ୍ଯ ହନ୍ତାଽସ୍ମି ରଣେ ପ୍ରସହ୍ଯ
ଅସ୍ଯୈବ ହନ୍ତା ଯୁଧି ଭୀମସେନଃ।
ଦୁର୍ଯୋଧନସ୍ଯାଧମପୂରୁଷସ୍ଯ
ଯସ୍ଯାନଯାଦେଷ ମହାନ୍କ୍ଷଯୋଽଭବତ୍॥ 8-90-11 (59458)
ସ ଏବମୁକ୍ତ୍ବା ବିନିମୃଜ୍ଯ ଚାପଂ
ଲକ୍ଷ୍ଯଂ ହି କୃତ୍ବା ବୃଷସେନମାଜୌ।
ସସର୍ଜ ବାଣାନ୍ବିଶିଖାନ୍ମହାତ୍ମା
ବଧାଯ ରାଜନ୍କର୍ଣସୁତସ୍ଯ ସଙ୍ଖ୍ଯେ॥ 8-90-12 (59459)
ବିବ୍ଯାଧ ଚୈନଂ ଦଶଭିଃ ପୃଷତ୍କୈ--
ର୍ମର୍ମସ୍ବଶଙ୍କଂ ପ୍ରହସନ୍କିରୀଟୀ।
ଚିଚ୍ଛେଦ ଚାସ୍ଯେଷ୍ବସନଂ ଭୁଜୌ ଚ
କ୍ଷୁରୈଶ୍ଚତୁର୍ଭିର୍ନିଶିତୈଃ ଶିରଶ୍ଚ॥ 8-90-13 (59460)
ସ ପାର୍ଥବାଣାଭିହତଃ ପପାତ
ରଥାଦ୍ବିବାହୁର୍ବିଶିରା ଧରାଯାମ୍।
ସୁପୁଷ୍ପିତୋ ବଜ୍ରହତୋଽତିମାତ୍ରୋ
ଭଗ୍ନୋ ଯଥା ସାଲ ଇବାବକୃତ୍ତଃ॥ 8-90-14 (59461)
ତଂ ପାର୍ଥବାଣାଭିହତଂ ପତନ୍ତଂ
ସମ୍ପ୍ରେକ୍ଷ୍ଯ କର୍ଣଃ ସୁତମାଶୁକାରୀ।
ରଥଂ ରଥେନାଶୁ ଜଗାମ ରୋଷା--
ତ୍କିରୀଟିନଃ ପୁତ୍ରବଧାଭିତପ୍ତଃ॥ 8-90-1x1 ସଞ୍ଜଯ ଉବାଚ। 8-90-1a1 ତମାଯାନ୍ତମଭିପ୍ରେକ୍ଷ୍ଯ ବେଲୋଦ୍ବୃତ୍ତମିବାର୍ଣବମ୍। 8-90-1b1 ଗର୍ଜନ୍ତଂ ସୁମହାକାଯଂ ଦୁର୍ନିବାରଂ ସୁରୈରପି। 8-90-1c1 ଅର୍ଜୁନଂ ପ୍ରାହ ଦାଶାର୍ହଃ ପ୍ରହସ୍ଯ ପୁରୁଷର୍ଷଭଃ॥ 8-90-2a2 ଅର୍ଯ ସରଥ ଆଯାସି ଶ୍ବେତାଶ୍ବଃ ଶଲ୍ଯସାରଥିଃ। 8-90-2b2 ଯେନ ତେ ସହ ଯୋଦ୍ଧବ୍ଯଂ ସ୍ଥିରୋ ଭବ ଧନଞ୍ଜଯ॥ 8-90-3a3 ପଶ୍ଯ ଚୈନଂ ସମାଯୁକ୍ତଂ ରଥଂ କର୍ଣସ୍ଯ ପାଣ୍ଡବ। 8-90-3b3 ଶ୍ବେତବାଜିସମାଯୁକ୍ତଂ ଯୁକ୍ତଂ ରାଧାସୁତେନ ଚ॥ 8-90-4a4 ନାନାପତାକାକଲିଲଂ କିଙ୍କିଣୀଜାଲମାଲିନମ୍। 8-90-4b4 ଉହ୍ଯମାନମିବାକାଶୋ ବିମାନଂ ପାଣ୍ଡୁରୈର୍ହଯୈଃ॥ 8-90-5a5 ଧ୍ବଜଂ ଚ ପଶ୍ଯ କର୍ଣସ୍ଯ ନାଗକକ୍ଷଂ ମହାତ୍ମନଃ। 8-90-5b5 ଆଖଣ୍ଡଲଧନୁଃପ୍ରଖ୍ଯମୁଲ୍ଲିଖନ୍ତମିବାମ୍ବରମ୍॥ 8-90-6a6 ପଶ୍ଯ କର୍ଣଂ ସମାଯାନ୍ତଂ ଧାର୍ତରାଷ୍ଟ୍ରପ୍ରିଯୈଷିଣମ୍। 8-90-6b6 ଶରଧାରା ବିମୁଞ୍ଚନ୍ତଂ ଧାରାସାରମିବାମ୍ବୁଦମ୍॥ 8-90-7a7 ଏଷ ମଦ୍ରେଶ୍ବରୋ ରାଜା ରଥାଗ୍ରେ ପର୍ଯବସ୍ଥିତଃ। 8-90-7b7 ନିଯଚ୍ଛତି ହଯାନସ୍ଯ ରାଧେଯସ୍ଯାମିତୌଜସଃ॥ 8-90-8a8 ଶୃଣୁ ଦୁନ୍ଦୁଭିନିର୍ଘୋଷଂ ଶଙ୍ଖଶବ୍ଦଂ ଚ ଦାରୁଣମ୍। 8-90-8b8 ସିଂହନାଦାଂଶ୍ଚ ବିବିଧାଞ୍ଶୃଣୁ ପାଣ଼୍ଡବ ସର୍ବତଃ॥ 8-90-9a9 ଅନ୍ତର୍ଧାଯ ମହାଶବ୍ଦାନ୍କର୍ଣେନାମିତତେଜସା। 8-90-9b9 ଦୋଧୂଯମାନସ୍ଯ ଭୃଶଂ ଧନୁଷଃ ଶୃଣୁ ନିଃସ୍ବନମ୍॥ 8-90-10a10 ଏତେ ଦୀର୍ଯନ୍ତି ସଗଣାଃ ପାଞ୍ଚାଲାନାଂ ମହାରଥାଃ। 8-90-10b10 ଦୃଷ୍ଟ୍ବା କେସରିଣଂ କ୍ରୁଦ୍ଧଂ ମୃଗା ଇବ ମହାବନେ॥ 8-90-11a11 ସର୍ବଯତ୍ନେନ କୌନ୍ତେଯ ହନ୍ତୁମର୍ହସି ସୂତଜମ୍। 8-90-11b11 ନ ହି କର୍ଣଶରାନନ୍ଯଃ ସୋଢୁମୁତ୍ସହତେ ନରଃ॥ 8-90-12a12 ସଦେବାସୁରଗନ୍ଧର୍ବାଂସ୍ତ୍ରୀଁଲ୍ଲୋକାନ୍ସଚରାଚରାନ୍। 8-90-12b12 ତ୍ବଂ ହି ଜେତୁଂ ରଣେ ଶକ୍ତସ୍ତଥୈବ ବିଦିତଂ ମମ॥ 8-90-13a13 ଭୀମମୁଗ୍ରଂ ମହାତ୍ମାନଂ ତ୍ର୍ଯକ୍ଷଂ ଶର୍ବଂ କପର୍ଦିନମ୍। 8-90-13b13 ନ ଶକ୍ତା ଦ୍ରଷ୍ଟୁମୀଶାନଂ କିଂ ପୁନର୍ଯୋଧିତୁଂ ପ୍ରଭୁମ୍॥ 8-90-14a14 ତ୍ବଯା ସାକ୍ଷାନ୍ମହାଦେବଃ ସର୍ବଭୂତଶିବଃ ଶିବଃ। 8-90-14b14 ଯୁଦ୍ଧେନାରାଧିତଃ ସ୍ଥାଣୁର୍ଦେବାଶ୍ଚ ବରଦାସ୍ତବ॥ 8-90-15a15 ତସ୍ଯ ପାର୍ଥ ପ୍ରସାଦେନ ଦେବଦେବସ୍ଯ ଶୂଲିନଃ। 8-90-15b15 ଜହି କର୍ଣଂ ମହାବାହୋ ନମୁଚିଂ ବୃତ୍ରହା ଯଥା॥ 8-90-16a16 ଶ୍ରେଯସ୍ତେଽସ୍ତୁ ସଦା ପାର୍ଥ ଯୁଦ୍ଧେ ଜଯମବାପ୍ନୁହି॥ 8-90-16b17x ଅର୍ଜୁନ ଉବାଚ। 8-90-17a17 ଧ୍ରୁବ ଏବ ଜଯଃ କୃଷ୍ଣ ମମ ନାସ୍ତ୍ଯତ୍ର ସଂଶଯଃ। 8-90-17b17 ସର୍ବଲୋକଗୁରୁର୍ଯସ୍ତ୍ବଂ ତୁଷ୍ଟୋଽସି ମଧୁସୂଦନ॥ 8-90-18a18 ଚୋଦଯାଶ୍ବାନ୍ହୃଷୀକେଶ ରଥଂ ମମ ମହାରଥ। 8-90-18b18 ନାହତ୍ବା ସମରେ କର୍ଣଂ ନିବର୍ତିଷ୍ଯତି ଫଲ୍ଗୁନଃ॥ 8-90-19a19 ଅଦ୍ଯ କର୍ଣଂ ହତଂ ପଶ୍ଯ ମଚ୍ଛରୈଃ ଶକଲୀକୃତମ୍। 8-90-19b19 ମାଂ ବା ଦ୍ରକ୍ଷ୍ଯସି ଗୋବିନ୍ଦ କର୍ଣେନ ନିହତଂ ଶରୈଃ॥ 8-90-20a20 ଉପସ୍ଥିତମିଦଂ ଘୋରଂ ଯୁଦ୍ଧଂ ତ୍ରୈଲୋକ୍ଯମୋହନମ୍। 8-90-20b20 ଯଜ୍ଜନାଃ କଥଯିଷ୍ଯନ୍ତି ଯାବଦ୍ଭୂମିର୍ଧରିଷ୍ଯତି॥ 8-90-21a21 ଏବଂ ବ୍ରୁବଂସ୍ତଦା ପାର୍ଥଃ କୃଷ୍ଣମକ୍ଲିଷ୍ଟକାରିଣମ୍। 8-90-21b21 ପ୍ରତ୍ଯୁଦ୍ଯଯୌ ରଥେନାଶୁ ଗଜଂ ପ୍ରତିଗଜୋ ଯଥା॥ 8-90-22a22 ପୁନରପ୍ଯାହ ତେଜସ୍ବୀ ପାର୍ଥଃ କୃଷ୍ଣମରିନ୍ଦମ। 8-90-22b22 ଚୋଦଯାଶ୍ବାନ୍ହୃଷୀକେଶ କାଲୋଽଯମତିବର୍ତତେ॥ 8-90-23a23 ଏବମୁକ୍ତସ୍ତଦା ତେନ ପାଣ଼୍ଡବେନ ମହାତ୍ମନା। 8-90-23b23 ଜଯେନ ସମ୍ପୂଜ୍ଯ ସ ପାଣ୍ଡବଂ ତଦା 8-90-23c23 ପ୍ରଚୋଦଯାମାସ ହଯାନ୍ମନୋଜବାନ୍॥ 8-90-24a24 ସ ପାଣ୍ଡୁପୁତ୍ରସ୍ଯ ରଥୋ ମନୋଜବଃ 8-90-24b24 କ୍ଷଣେନ କର୍ଣସ୍ଯ ରଥାଗ୍ରଗୋଽଭବତ୍॥ ॥ 8-90-15 (59462)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ନବତିତମୋଽଧ୍ଯାଯଃ*॥ 90 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.91. ଅଧ୍ଯାଯଃ 091
Mahabharata - Karna Parva - Chapter Topics
ରଣାଯ କର୍ଣାର୍ଜୁନଯୋଃ ସମାଗମଃ॥ 1 ॥ ତଦବଲୋକନାଯ ଦିବି ଦେବଗନ୍ଧର୍ବାଦୀନାଂ ସମାଗମଃ॥ 2 ॥ ଦେବାସୁରାଦୀନାଂ କର୍ଣାର୍ଜୁ ନସମାଶ୍ରଯଣେନ ଦ୍ବୈଧୀଭାବଃ॥ 3 ॥
Mahabharata - Karna Parva - Chapter Text
8-91-0 (59463)
ସଞ୍ଜଯ ଉବାଚ। 8-91-0x (5053)
ବୃଷସେନଂ ହତଂ ଦୃଷ୍ଟ୍ବା କ୍ରୋଧାମର୍ଷସମନ୍ବିତଃ।
ପୁତ୍ରଶୋକୋଦ୍ଭବଂ ବାରି ନେତ୍ରାଭ୍ଯାଂ ସମବାସୃଜତ୍॥ 8-91-1 (59464)
ରଥେନ କର୍ଣସ୍ତେଜସ୍ବୀ ଜଗାମାଭିମୁଖୋ ରିପୁମ୍।
ଯୁଦ୍ଧାଯାମର୍ପତାମ୍ରାକ୍ଷଃ ସମାହୂଯ ଧନଞ୍ଜଯମ୍॥ 8-91-2 (59465)
ତୌ ରଥୌ ସୂର୍ଯସଙ୍କାଶୌ ବୈଯାଘ୍ରପରିବାରିତୌ।
ସମେତୌ ଦଦୃଶୁସ୍ତତ୍ର ଦ୍ବାବିବାର୍କୌ ସମୁଦ୍ଗତୌ॥ 8-91-3 (59466)
ଶ୍ବେତାଶ୍ବୌ ପୁରୁଷାଦିତ୍ଯାବାସ୍ଥିତାବରିମର୍ଦନୌ।
ଶୁଶୁଭାତେ ମହାତ୍ମାନୌ ଚନ୍ଦ୍ରାଦିତ୍ଯୌ ଯଥା ଦିବି।
`ରଥୌ ଚତୁର୍ଭିର୍ଜଲଦୈର୍ଭଗମିତ୍ରାବିବାମ୍ବରେ'॥ 8-91-4 (59467)
ତୌ ଦୃଷ୍ଟ୍ବା ବିସ୍ମଯଂ ଜଗ୍ମୁଃ ସର୍ବସୈନ୍ଯାନି ମାରିଷ।
ତ୍ରୈଲୋକ୍ଯବିଜଯେ ଯତ୍ତାବିନ୍ଦ୍ରବୈରୋଚନାବିବ॥ 8-91-5 (59468)
ରଥଜ୍ଯାତଲନିର୍ହାଦୈର୍ବାଣଶଙ୍ଖରବୈସ୍ତଥା।
ତୌ ରଥାବଭ୍ଯଧାବନ୍ତ କ୍ଷତ୍ରିଯାଃ ସର୍ବ ଏବ ହି॥ 8-91-6 (59469)
ଧ୍ବଜାବାଲୋକ୍ଯ ବୀରାଣାଂ ବିସ୍ମଯଃ ସମପଦ୍ଯତ।
ହସ୍ତିକକ୍ଷ୍ଯାଂ ଚ କର୍ଣସ୍ଯ ବାନରଂ ଚ କିରୀଟିନଃ॥ 8-91-7 (59470)
ତୌ ରଥୌ ସମ୍ପ୍ରସକ୍ତୌ ତୁ ଦୃଷ୍ଟ୍ବା ଭାରତ ପାର୍ଥିବାଃ।
ସିଂହନାଦରବାଂଶ୍ଚକ୍ରୁଃ ସାଧୁବାଦାଂଶ୍ଚ ପୁଷ୍କଲାନ୍॥ 8-91-8 (59471)
ଶ୍ରୁତ୍ବା ତଯୋର୍ଦ୍ବୈରଥଂ ଚ ତତ୍ର ଯୋଧାଃ ସହସ୍ରଶଃ।
ଚକ୍ରୁର୍ବାହୁସ୍ବନାଂଶ୍ଚୈବ ତଥା ବାଣରବଂ ମହତ୍॥ 8-91-9 (59472)
ଆଜଘ୍ନୁଃ କୁରବସ୍ତତ୍ର ବାଦିତ୍ରାଣି ସମନ୍ତତଃ।
ରାଧେଯମଭିତୋ ଦଧ୍ମୁଃ ଶଙ୍ଖାଞ୍ଶତସହସ୍ରଶଃ॥ 8-91-10 (59473)
ତଥୈବ ପାଣ୍ଡବାଃ ସର୍ବେ ହର୍ଷଯନ୍ତୋ ଧନଞ୍ଜଯମ୍।
ତୂର୍ଯଶଙ୍ଖନିନାଦେନ ଦିଶଃ ସର୍ବା ବ୍ଯନାଦଯନ୍॥ 8-91-11 (59474)
କ୍ଷ୍ବେଲିତାସ୍ଫୋଟିତୋତ୍କ୍ରୁଷ୍ଟୈସ୍ତୁମୁଲଂ ସର୍ବତୋଽଭବତ୍।
ବାହୁଶବ୍ଦୈଶ୍ଚ ଶୂରାଣାଂ କର୍ଣାର୍ଜୁନସମାଗମେ॥ 8-91-12 (59475)
ତୌ ଦୃଷ୍ଟ୍ବା ପୁରୁଷବ୍ଯାଘ୍ରୌ ରଥସ୍ଥୌ ରଥିନାଂ ବରୌ।
ପ୍ରଗୃହୀତମହାଚାପୌ ଶରଶକ୍ତିଧ୍ବଜାଯୁତୌ॥ 8-91-13 (59476)
ବର୍ମିଣୌ ବଦ୍ଧନିସ୍ତ୍ରିଂଶୌ ଶ୍ବେତାଶ୍ବୌ ଶଙ୍ଖଶୋଭିତୌ।
ତୂଣୀରବସମ୍ପନ୍ନୌ ଦ୍ବାବପ୍ଯେତୌ ସୁଦର୍ଶନୌ॥ 8-91-14 (59477)
ରକ୍ତଚନ୍ଦନଦିଗ୍ଧାଙ୍ଗୌ ସମଦୌ ଗୋବୃଷାବିବ।
ଚାପବିଦ୍ଯୁଦ୍ଧ୍ବଜୋପେତୌ ଶସ୍ତ୍ରସମ୍ପତ୍ତିଯୋଧିନୌ॥ 8-91-15 (59478)
ଚାମରବ୍ଯଜନୋପୈତୌ ଶ୍ବେତଚ୍ଛତ୍ରୋପଶୋଭିତୌ।
କୃଷ୍ଣଶଲ୍ଯରଥୋପେତୌ ତୁଲ୍ଯରୂପୌ ମହାରଥୌ॥ 8-91-16 (59479)
ସିଂହସ୍କନ୍ଧୌ ଦୀର୍ଘଭୁଜୌ ରକ୍ତାକ୍ଷୌ ହେମମାଲିନୌ।
ସିଂହସ୍କନ୍ଧପ୍ରତୀକାଶୌ ବ୍ଯୂଢୋରସ୍କୌ ମହାବଲୌ।
ଅନ୍ଯୋନ୍ଯବଧମିଚ୍ଛନ୍ତାବନ୍ଯୋନ୍ଯଜଯକାଙ୍କ୍ଷିଣୌ॥ 8-91-17 (59480)
ଅନ୍ଯୋନ୍ଯମଭିଧାବନ୍ତୌ ଗୋଷ୍ଠେ ଗୋବୃଷଭାବିବ।
ପ୍ରଭିନ୍ନାବିବ ମାତଙ୍ଗୌ ସୁସଂରବ୍ଧାବିବାଚଲୌ॥ 8-91-18 (59481)
ଆଶୀବିଷଶିଶୁପ୍ରଖ୍ଯୌ ଯମକାଲାନ୍ତକୋପମୌ।
ଇନ୍ଦ୍ରବୃତ୍ରାବିବ କ୍ରୁଦ୍ଧୌ ସୂର୍ଯଚନ୍ଦ୍ରସମପ୍ରଭୌ॥ 8-91-19 (59482)
ମହାଗ୍ରହାବିବ କ୍ରୁଦ୍ଧୌ ଯୁଗାନ୍ତାଯ ସମୁତ୍ଥିତୌ।
ଦେବଗର୍ଭୌ ଦେବସମୌ ଦେବତୁଲ୍ଯୌ ଚ ରୂପତଃ॥ 8-91-20 (59483)
ଯଦୃଚ୍ଛଯା ସମାଯାତୌ ସୂର୍ଯାଚନ୍ଦ୍ରମସୌ ଯଥା।
ବଲିନୌ ସମରେ ଦୃପ୍ତୌ ନାନାଶସ୍ତ୍ରଧରୌ ଯୁଧି॥ 8-91-21 (59484)
ତୌ ଦୃଷ୍ଟ୍ବା ପୁରୁଷବ୍ଯାଘ୍ରୌ ଶାର୍ଦୂଲାବିବ ଧିଷ୍ଠିତୌ।
ବଭୂବ ପରମୋ ହର୍ଷସ୍ତାବକାନାଂ ବିଶାମ୍ପତେ॥ 8-91-22 (59485)
ସଂଶଯଃ ସର୍ବଭୂତାନାଂ ବିଜଯେ ସମପଦ୍ଯତ।
ସମେତୌ ପୁରୁଷବ୍ଯାଘ୍ରୌ ପ୍ରେକ୍ଷ୍ଯ କର୍ଣଧନଞ୍ଜଯୌ॥ 8-91-23 (59486)
ଉଭୌ ବରାଯୁଧଧରାବୁଭୌ ରଣକୃତଶ୍ରମୌ।
ଉଭୌ ଚ ବାହୁଶବ୍ଦେନ ନାଦଯନ୍ତୌ ନଭସ୍ତଲମ୍॥ 8-91-24 (59487)
ଉଭୌ ବିଶ୍ରୁତକର୍ମାଣୌ ପୌରୁଷେଣ ବଲେନ ଚ।
ଉଭୌ ଚ ସଦୃଶୌ ଯୁଦ୍ଧେ ଶମ୍ବରାମରରାଜଯୋଃ॥ 8-91-25 (59488)
କାର୍ତବୀର୍ଯସମୌ ଚୋଭାବୁଭୌ ଦାଶରଥେଃ ସମୌ।
ବିଷ୍ଣୁବୀର୍ଯସମୌ ଚୋଭାବୁଭୌ ଭବସମୌ ଯୁଧି॥ 8-91-26 (59489)
ଉଭୌ ଶ୍ବେତହଯୌ ରାଜନ୍ରଥପ୍ରବରବାହିନୌ।
ସାରଥିପ୍ରବରୌ ଚାପି ଉଭୌ ମଦ୍ରଜନାର୍ଦନୌ॥ 8-91-27 (59490)
ତତୋ ଦୃଷ୍ଟ୍ବା ମହାରାଜ ରାଜମାନୌ ମହାରଥୌ।
ସିଦ୍ଧଚାରଣସଙ୍ଘାନାଂ ବିସ୍ମଯଃ ସମପଦ୍ଯତ॥ 8-91-28 (59491)
ଧାର୍ତରାଷ୍ଟ୍ରାସ୍ତତସ୍ତୂର୍ଣଂ ସବଲା ଭରତର୍ଷଭ।
ପରିବବ୍ରୁର୍ମହାତ୍ମାନଂ କର୍ଣମାହବଶୋଭିନମ୍॥ 8-91-29 (59492)
ତଥୈବ ପାଣ୍ଡବା ଦୃଷ୍ଟ୍ବା ଧୃଷ୍ଟଦ୍ଯୁମ୍ନପୁରୋଗମାଃ।
ଯମୌ ଚ ଚେକିତାନଶ୍ଚ ପ୍ରହୃଷ୍ଟାଶ୍ଚ ପ୍ରଭଦ୍ରକାଃ॥ 8-91-30 (59493)
ନାନାଦେଶ୍ଯାଶ୍ଚ ଯେ ଶୂରାଃ ଶିଷ୍ଟା ଯୁଦ୍ଧାଭିନନ୍ଦିନଃ।
ତେ ସର୍ବେ ସହିତା ହୃଷ୍ଟାଃ ପରିବବ୍ରୁର୍ଧନଞ୍ଜଯମ୍॥ 8-91-31 (59494)
ରିରକ୍ଷିଷନ୍ତଃ ଶଥ୍ରୁଘ୍ନାଃ ପତ୍ତ୍ଯଶ୍ବରଥକୁଞ୍ଜରାଃ।
ଧନଞ୍ଜଯସ୍ଯ ବିଜଯେ ଧୃତାଃ କର୍ଣବଧେଽପି ଚ॥ 8-91-32 (59495)
ତଥୈବ ତାବକାଃ ସର୍ବେ ଯତ୍ତାଃ ସେନାପ୍ରହାରିଣଃ।
ଦୁର୍ଯୋଧନମୁଖା ରାଜନ୍କର୍ଣଂ ଜୁଗୁପୁରାହବେ॥ 8-91-33 (59496)
ତାବକାନାଂ ରଣେ କର୍ଣୋ ଗ୍ଲହୋ ହ୍ଯାସୀଦ୍ବିଶାମ୍ପତେ।
ତଥୈବ ପାଣ୍ଡବେଯାନାଂ ଗ୍ଲହଃ ପାର୍ଥୋଽଭବତ୍ତଦା॥ 8-91-34 (59497)
ତଯୋସ୍ତୁ ସଭ୍ଯାସ୍ତତ୍ରାସନ୍ପ୍ରେକ୍ଷକାଶ୍ଚାଭବନ୍ଯୁଧି।
ତତ୍ରୈଷାଂ ଗ୍ଲହମାନାନାଂ ଧ୍ରୁବୌ ଜଯପରାଜଯୌ॥ 8-91-35 (59498)
ତାଭ୍ଯାଂ ଦ୍ଯତଂ ସମାସକ୍ତଂ ବିଜଯାଯେତରାଯ ବା।
ଅସ୍ମାକଂ ପାଣ୍ଡବାନାଂ ଚ ସ୍ଥିତାନାଂ ରଣମୂର୍ଧନି॥ 8-91-36 (59499)
ତୌ ତୁ ସ୍ଥିତୌ ମହାରାଜ ସମରେ ଯୁଦ୍ଧଶାଲିନୌ।
ଅନ୍ଯୋନ୍ଯଂ ପ୍ରତିସଂରବ୍ଧାବନ୍ଯୋନ୍ଯବଧକାଙ୍କ୍ଷିଣୌ॥ 8-91-37 (59500)
ତାବୁମୌ ପ୍ରଜିହୀର୍ଷନ୍ତାବିନ୍ଦ୍ରବୃତ୍ରାବିବ ପ୍ରଭୋ।
ଭୀମରୂପଧରାବାସ୍ତାଂ ମହାଧୂମାବିବ ଗ୍ରହୌ॥ 8-91-38 (59501)
ତତୋଽନ୍ତରିକ୍ଷେ ସଞ୍ଜଜ୍ଞେ ବିବାଦୋ ଭରତର୍ଷଭ।
ମିଥୋ ଭେଦାଶ୍ଚ ଭୂତାନାମାସନ୍କର୍ଣାର୍ଜୁନାନ୍ତରେ॥ 8-91-39 (59502)
ବ୍ଯାଶ୍ରଯନ୍ତ ଦ୍ବିଧା ଭିନ୍ନାଃ ସର୍ବେ ଲୋକାସ୍ତୁ ମାରିଷ।
ଦେବଦାନବଗନ୍ଧର୍ବାଃ ପିଶାଚୋରଗରାକ୍ଷସାଃ।
ପ୍ରତିପକ୍ଷଗ୍ରହଂ ଚକ୍ରୁଃ କର୍ଣାର୍ଜୁନସମାଗମେ॥ 8-91-40 (59503)
ଦ୍ଯୌରାସୀତ୍କର୍ଣପକ୍ଷେଽତ୍ର ସନକ୍ଷତ୍ରା ବିଶାମ୍ପତେ।
ଭୂର୍ବିଶାଲା ପାର୍ଥମାତା ପୁତ୍ରସ୍ଯ ଜଯକାଙ୍କ୍ଷିଣୀ॥ 8-91-41 (59504)
ସାଗରାଶ୍ଚୈବ ଗିରଯଃ ସରିତଶ୍ଚ ନରୋତ୍ତମ।
ମହୀଜା ଜଲଜାଶ୍ଚୈବ ବ୍ଯାଶ୍ରଯନ୍ତ କିରୀଟିନମ୍॥ 8-91-42 (59505)
ଅସୁରା ଯାତୁଧାନାଶ୍ଚ ଗୁହ୍ଯକାଶ୍ଚ ପରନ୍ତପ।
କର୍ଣଃ ସମଭବଦ୍ଯତ୍ର ଖେଚରାଣି ବଯାଂସି ଚ॥ 8-91-43 (59506)
ରତ୍ନାନି ନିଧଯଃ ସର୍ବେ ବେଦାଶ୍ଚାଖ୍ଯାନପଞ୍ଚମାଃ।
ସୋପବେଦୋପନିଷଦୋ ବ୍ଯାଶ୍ରଯନ୍ତ କିରୀଟିନମ୍॥ 8-91-44 (59507)
ବାସୁକିଶ୍ଚିତ୍ରସେନଶ୍ଚ ତକ୍ଷକଶ୍ଚୋପତକ୍ଷକଃ।
ମହୀବିଯଜ୍ଜଲଚରାଃ କାଦ୍ରବେଯାଶ୍ଚ ସାନ୍ବଯାଃ।
ବିଷବନ୍ତୋ ମହାନାଗା ବେଗିନଶ୍ଚାର୍ଜୁନେଽଭବନ୍॥ 8-91-45 (59508)
ଐରାବତାଃ ସୌରଭେଯା ବୈଶାଲେଯାଶ୍ଚ ଭୋଗିନଃ।
ଏତେଽଭବନ୍ନର୍ଜୁନସ୍ଯ ପାପାଃ ସର୍ପାଶ୍ଚ କର୍ଣତଃ॥ 8-91-46 (59509)
ଈହାମୃଗା ବ୍ଯାଲମୃଗା ମଙ୍ଗଲା ମୃଗପକ୍ଷିଣଃ।
ମଙ୍ଗଲାଃ ପଶବଶ୍ଚୈବ ସିଂହବ୍ଯାଘ୍ରାସ୍ତଥୈବ ଚ।
ପାର୍ଥସ୍ଯ ବିଜଯେ ରାଜନ୍ସର୍ବ ଏବ ସମାଶ୍ରିତାଃ॥ 8-91-47 (59510)
ବସବୋ ମରୁତଃ ସାଧ୍ଯା ରୁଦ୍ରା ଦେବାଶ୍ବିନାବପି।
ଅଗ୍ନୀ ରୁଦ୍ରଶ୍ଚ ସୋମଶ୍ଚ ପନ୍ନଗାଶ୍ଚ ଦିଶୋ ଦଶ।
କର୍ଣତଃ ସମପଦ୍ଯନ୍ତ ଶ୍ବସୃଗାଲବଯାଂସି ଚ॥ 8-91-48 (59511)
ବସବଶ୍ଚ ମହେନ୍ଦ୍ରେଣ ମରୁତଶ୍ଚ ସହାଗ୍ନିନା।
ଧନଞ୍ଜଯସ୍ଯ ତେ ବର୍ଗା ଆଦିତ୍ଯାଃ କର୍ଣତୋଽଭବନ୍॥ 8-91-49 (59512)
ଦେବତାଃ ପିତୃଭିଃ ସାର୍ଧମୃଷିଭିଶ୍ଚ ପରନ୍ତପ।
ତୁମ୍ବୁରୁପ୍ରମୁଖାଃ ସର୍ବେ ଗନ୍ଧର୍ବା ଭରତର୍ଷଭ।
ଯମୌ ବୈଶ୍ରବଣଶ୍ଚୈବ ବରୁଣଶ୍ଚ ଯତୋଽର୍ଜୁନଃ॥ 8-91-50 (59513)
ଦେବର୍ଷିବ୍ରହ୍ମର୍ଷିଗଣାଃ ସର୍ବେ ଚ ଖଚରାଶ୍ଚ ଯେ
ପ୍ରାଲେଯାଃ ସହମୌନେଯାଃ ଶୁଭାଶ୍ଚାପ୍ସରସାଂ ଗଣାଃ॥ 8-91-51 (59514)
ସହାପ୍ସରୋଭିଃ ଶୁଭ୍ରାଭିର୍ଦେବଦୂତାଶ୍ଚ ଗୁହ୍ଯକାଃ।
କିରୀଟିନଂ ସଂଶ୍ରିତାଃ ସ୍ମ ପୁଣ୍ଯଗନ୍ଧା ମନୋରମାଃ॥ 8-91-52 (59515)
ଅମନୋଜ୍ଞାଶ୍ଚ ଯେ ଗନ୍ଧାସ୍ତେ ସର୍ବେ କର୍ଣମାଶ୍ରିତାଃ।
ବିପରୀତାନ୍ଯନିଷ୍ଟାନି ଭବନ୍ତି ବିନଶିଷ୍ଯତାମ୍॥ 8-91-53 (59516)
ଯେ ତ୍ବନ୍ତକାଲେ ପୁରୁଷଂ ବିପରୀତମୁପାଶ୍ରିତମ୍।
ପ୍ରବିଶନ୍ତି ନରଂ କ୍ଷିପ୍ରଂ ମୃତ୍ଯୁକାଲେଽଭ୍ଯୁପାଗତେ।
ତେ ଭାବାଃ ସହିତାଃ କର୍ଣଂ ପ୍ରବିଷ୍ଟାଃ ସୂତନନ୍ଦନମ୍॥ 8-91-54 (59517)
ଓଜସ୍ତେଜଶ୍ଚ ସିଦ୍ଧିଶ୍ଚ ପ୍ରହର୍ଷଃ ସତ୍ଯବିକ୍ରମୌ।
ମନସ୍ତୁଷ୍ଟିର୍ଜଯଶ୍ଚାପି ତଥାଽଽନନ୍ଦୋ ନୃପୋତ୍ତମ॥ 8-91-55 (59518)
ଈଦୃଶାର୍ନି ନରବ୍ଯାଘ୍ ତସ୍ମିନ୍ସଙ୍ଗ୍ରାମସାଗରେ।
ନିମିତ୍ତାନି ଚ ଶୁଭ୍ରାଣି ବିବିଶୁର୍ଜିଷ୍ଣୁମାହବେ॥ 8-91-56 (59519)
ଋଷଯୋ ବ୍ରାହ୍ମଣୈଃ ସାର୍ଧମଭଜନ୍ତ କିରୀଟିନମ୍॥ 8-91-57 (59520)
ତତୋ ଦେବଗଣୈଃ ସାର୍ଧଂ ସିଦ୍ଧାଶ୍ଚ ସହ ଚାରଣୈଃ।
ଦ୍ବିଧା ଭୂତା ମହାରାଜ ବ୍ଯାଶ୍ରଯନ୍ତ ନରୋତ୍ତମୌ॥ 8-91-58 (59521)
ବିମାନାନି ବିଚିତ୍ରାଣି ଗୁଣବନ୍ତି ଚ ସର୍ବଶଃ।
ସମାରୁହ୍ଯ ସମାଜଗ୍ମୁର୍ଦ୍ବୈରଥଂ କର୍ଣପାର୍ଥଯୋଃ।
ଅନ୍ତରିକ୍ଷେ ମହାରାଜ ଦେବଗନ୍ଧର୍ବରାକ୍ଷସାଃ॥ 8-91-59 (59522)
ଏବଂ ସର୍ବେଷୁ ଭୂତେଷୁ ଦ୍ବିଧା ଭୂତେଷୁ ଭାରତ।
ଆଶଂସମାନେଷୁ ଜଯଂ ରାଧେଯସ୍ଯାର୍ଜୁନସ୍ଯ ଚ।
ବିମାନାଯୁତସମ୍ବାଧମାକାଶମଭବତ୍ତଦା॥ 8-91-60 (59523)
ଈହାମୃଗବ୍ଯାଲମୃଗୈର୍ଦିପାଶ୍ବରଥପଙ୍କ୍ତିଭିଃ।
ଊହ୍ଯମାନାଃ ପରେ ମେଘୈର୍ବାଯୁନା ଚ ମନୀଷିଣଃ।
ଦିଦୃକ୍ଷବଃ ସମାଜଗ୍ମୁଃ କର୍ଣାର୍ଜୁନସମାଗମମ୍॥ 8-91-61 (59524)
ଦେବଦାନବଗନ୍ଧର୍ବା ନାଗଯକ୍ଷପତତ୍ରିଣଃ।
ମହର୍ଷଯୋ ଦେବଗଣାଃ ପିତରଶ୍ଚ ସ୍ବଧାଭୁଜଃ॥ 8-91-62 (59525)
ତପୋବିଦ୍ଯୌଷଧୀସିଦଧା ନାନାରୂପାମ୍ବରତ୍ବିଷଃ।
ଅନ୍ତରିକ୍ଷେ ମହାରାଜ ବିବଦନ୍ତୋଽବତସ୍ଥିରେ॥ 8-91-63 (59526)
ବ୍ରହ୍ମା ବ୍ରହ୍ମର୍ଷିଭିଃ ସାର୍ଧଂ ପ୍ରଜାପତିଭିରେବ ଚ।
ଆସ୍ଥିତୋ ଯାନମାକାଶେ ଦିବ୍ଯଂ ତେଜଃ ସମାଗତାଃ॥ 8-91-64 (59527)
ତତଃ ପ୍ରଜାପତିସ୍ତୂର୍ଣମାଜଗାମ ମହାମତେ।
ଦ୍ବୈରଥଂ ଯୁଧି ତଂ ଦ୍ରୁଷ୍ଟଂ କର୍ଣପାଣ୍ଡବଯୋସ୍ତଦା॥ 8-91-65 (59528)
ବିଜିତ୍ଯ କର୍ଣଃ ସ୍ବିଦିମାଂ ବସୁନ୍ଧରା--
ମଥାର୍ଜୁନଃ ସ୍ବିତ୍ପ୍ରତିପଦ୍ଯତେଽଖିଲାମ୍।
ଇତୀଶ୍ବରସ୍ଯାପି ବଭୂବ ସଂଶଯଃ
ପ୍ରଜାପତେଃ ପ୍ରେକ୍ଷ୍ଯ ତଯୋର୍ମହଦ୍ବଲମ୍॥ ॥ 8-91-66 (59529)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଏକନବତିତମୋଽଧ୍ଯାଯଃ॥ 91 ॥
॥ ଶ୍ରୀଃ ॥
8.92. ଅଧ୍ଯାଯଃ 092
Mahabharata - Karna Parva - Chapter Topics
କର୍ଣାର୍ଜୁନସମାଶ୍ରଯାତ୍ ଲୋକକ୍ଷଯଭୀରୁଣା ପ୍ରଜାପତିନା ବ୍ରହ୍ମାଣଂ ପ୍ରତି ଉଭଯୋଃ ସାମ୍ଯେନ ଜଯପ୍ରାର୍ଥନା॥ 1 ॥ ଇନ୍ଦ୍ରେଣ ସକାରଣନିରୂପଣମର୍ଜୁନସ୍ଯୈବ ଜଯେ ପ୍ରାର୍ଥିତେ ବ୍ରହ୍ମେଶାନାଭ୍ଯାଂ ତଦଙ୍ଗୀକାରେ ଦେବୈର୍ହର୍ଷାତ୍ପୁଷ୍ପବର୍ଷଣମ୍॥ 2 ॥
Mahabharata - Karna Parva - Chapter Text
8-92-0 (59530)
ସଞ୍ଜଯ ଉବାଚ। 8-92-0x (5054)
ପ୍ରଜାପତିସ୍ତୁ ତଂ ଦୃଷ୍ଟ୍ବା ଦେବଭାଗଂ ସମାଗତମ୍।
ଅବ୍ରବୀତ୍ତୁ ତତୋ ରାଜନ୍ପଶ୍ଯତୋ ବୈ ସ୍ବଯଂଭୁବଃ॥ 8-92-1 (59531)
ଉଭାବତିରଥୌ ଶୂରାବୁଭୌ ଦୃଢପରାକ୍ରମୌ।
ଉଭୌ ସଦୃଶକର୍ମାଣୌ ବଜ୍ରିଚକ୍ରାଯୁଧୌପମୌ॥ 8-92-2 (59532)
ଅହୋ ବତ ମହଦ୍ଯୁଦ୍ଧଂ କର୍ଣାର୍ଜୁନସମାଗମେ।
ଭବିଷ୍ଯତି ମହାଘୋରଂ ବୃତ୍ରବାସବଯୋରିବ॥ 8-92-3 (59533)
ପ୍ରଜାପତିରଥୋକ୍ତ୍ବୈବଂ ସ୍ବଯମ୍ଭୁବମଚୋଦଯତ୍।
ସମୋଽସ୍ତୁ ବିଜଯଃ କାମମୁଭଯୋର୍ନରସିଂହଯୋଃ॥ 8-92-4 (59534)
କର୍ଣାର୍ଜୁନବିବାଦେନ ମା ନଶ୍ଯେଦଖିଲଂ ଜଗତ୍।
ସ୍ବଯଂଭୋ ବ୍ରୂହି ତଦ୍ବାକ୍ଯଂ ସମୋଽସ୍ତୁ ବିଜଯୋଽନଯୋଃ॥ 8-92-5 (59535)
ଏବମୁକ୍ତସ୍ତୁ ଭଗବାଞ୍ଜଯେ ତାଭ୍ଯାମନିଶ୍ଚିତେ।
ଇତ୍ଯବ୍ରବୀନ୍ମହାରାଜ ମହାବ୍ରହ୍ମା ପ୍ରଜାପତିମ୍॥ 8-92-6 (59536)
ଦ୍ବାବପ୍ଯେତୌ ହି କୃତିନୌ ଦ୍ବାବପ୍ଯତିବଲୋତ୍କଟୌ।
ଭବିଷ୍ଯତ୍ଯନଯୋର୍ଯୁଦ୍ଧଂ ତ୍ରୈଲୋକ୍ଯସ୍ଯ ଭଯାବହମ୍॥ 8-92-7 (59537)
ତତଃ ପ୍ରଜାପତିଂ ତତ୍ର ସହସ୍ରାକ୍ଷୋଽଭ୍ଯଚୋଦଯତ୍।
ବିଜଯୋ ଧ୍ରୁବ ଏବାସ୍ତୁ ପାଣ୍ଡବସ୍ଯ ମହାତ୍ମନଃ॥ 8-92-8 (59538)
ମନସ୍ବୀ ବଲବାଞ୍ଶୂରଃ କୃତବିଦ୍ଯସ୍ତପୋଧନଃ।
ବିଭର୍ତି ଚ ମହାତେଜା ଧନୁର୍ବେଦମଶେଷତଃ॥ 8-92-9 (59539)
ପାର୍ଥଃ ସର୍ବଗୁଣୋପେତୋ ଦେବକାର୍ଯମିଦଂ ଯତଃ।
କ୍ଲିଶ୍ଯନ୍ତେ ପାଣ୍ଡବା ନିତ୍ଯଂ ବନବାସାଦିଭିର୍ଭୃଶଂ॥ 8-92-10 (59540)
ସମ୍ପନ୍ନସ୍ତପସା ଚୈବ ପର୍ଯାପ୍ତଃ ପୁରୁଷର୍ଷଭଃ।
ଅତିକ୍ରାମେଚ୍ଚ ମାହାତ୍ମ୍ଯାଦ୍ଦିଷ୍ଟମପ୍ଯବିଚାରଯନ୍॥ 8-92-11 (59541)
ଅତିକ୍ରମେ ଚ ଲୋକାନାମଭାବୋ ନିଯତୋ ଭବେତ୍।
ନାବସ୍ଥାନଂ ଚ ପଶ୍ଯାମି କ୍ରୁଦ୍ଧଯୋଃ କୃଷ୍ଣଯୋଃ କ୍ବଚିତ୍॥ 8-92-12 (59542)
ସ୍ରଷ୍ଟାରୌ ଜଗତଶ୍ଚୈତୌ ତତଶ୍ଚ ପୁରୁଷର୍ଷଭୌ।
ନରନାରାଯଣାବେତୌ ପୁରାଣାବୃଷିସତ୍ତମୌ॥ 8-92-13 (59543)
ଅନିଯମ୍ଯୌ ନିଯନ୍ତାରୌ ଜଗତଃ ପୁରୁଷର୍ଷଭୌ।
[ନୈତଯୋସ୍ତୁ ସମଃ କଶ୍ଚିଦ୍ଦିବି ବା ମାନୁଷେଷୁ ବା॥ 8-92-14 (59544)
ଅନୁଗମ୍ଯାସ୍ତ୍ରଯୋ ଲୋକାଃ ସହ ଦେବର୍ଷିଚାରଣୈଃ।
ସର୍ବଦେବଗଣାଶ୍ଚାପି ସର୍ବଭୂତାନି ଯାନି ଚ।
ଅନଯୋସ୍ତୁ ପ୍ରଭାବେନ ବର୍ତତେ ନିଖିଲଂ ଜଗତ୍॥] 8-92-15 (59545)
କାମଂ ତୁ ସୁକୃତାଁଲ୍ଲୋକାନାପ୍ନୋତୁ ପୁରୁଷର୍ଷଭଃ।
କର୍ଣୋ ବୈକର୍ତନଃ ଶୂରୋ ବିଜଯସ୍ତ୍ବସ୍ତୁ କୃଷ୍ଣଯୋଃ॥ 8-92-16 (59546)
ବସୂନାଂ ସମଲୋକତ୍ବଂ ମରୁତାଂ ବାସମାପ୍ନୁଯାତ୍।
ସହିତୋ ଦ୍ରୋଣଭୀଷ୍ମାଭ୍ଯାଂ ନାକପୃଷ୍ଠେ ମହୀଯତାମ୍॥ 8-92-17 (59547)
`କ୍ଲେଶିତୋ ହି ବନେ ପାର୍ଥୋ ଦିର୍ଘକାଲଂ ପିତାମହ।
ତସ୍ମାଦେଷ ଜଯେଦ୍ଯୁଦ୍ଧେ ତପସାଽଭ୍ଯଧିକୋଽର୍ଜୁନଃ॥ 8-92-18 (59548)
ପୂର୍ବଂ ଭଗବତା ପ୍ରୋକ୍ତଃ କୃଷ୍ଣଯୋର୍ବିଜଯୋ ଧ୍ରୁବଃ।
ତତ୍ତଥାସ୍ତୁ ନମସ୍ତେଽସ୍ତୁ ପ୍ରମୋ ବ୍ରୂହି ପିତାମହ॥ 8-92-19 (59549)
ତତ୍ସହସ୍ରାକ୍ଷବଚନଂ ନିଶମ୍ଯ ଭଗବାନ୍ପ୍ରଭୁଃ।
ନୋବାଚ ତଜ୍ଜଯଂ ତୁଲ୍ଯଂ ତଯୋଃ କର୍ଣକିରୀଟିନୋଃ॥ 8-92-20 (59550)
ତସ୍ମାଦାଶାଂ ଗତଃ ଶକ୍ରସ୍ତୂଷ୍ଣୀମ୍ଭୂତେ ପିତାମହେ।
ବିଜଯଃ ପାଣ୍ଡବେଯସ୍ଯ କର୍ଣସ୍ଯ ଚ ବଧୋ ଭବେତ୍॥ 8-92-21 (59551)
ବ୍ରହ୍ମେଶାନୌ ତତୋ ବାକ୍ଯମୂଚତୁର୍ଭୁବନେଶ୍ବରମ୍।
ବିଜଯୋ ଧ୍ରୁବ ଏବାସ୍ତୁ ପାଣ୍ଡବସ୍ଯ ମହାତ୍ମନଃ॥ 8-92-22 (59552)
ମନସ୍ବୀ ଜଯତାଂ ଶୂରଃ କୃତବିଦ୍ଯସ୍ତପୋଧନଃ।
ବିଭର୍ତି ଚ ମହାତେଜା ଧନୁର୍ବେଦମଶେଷତଃ॥ 8-92-23 (59553)
ଅତିକ୍ରାମେଚ୍ଚ ମାହାତ୍ମ୍ଯାଦ୍ଦିଷ୍ଟମପ୍ଯବିଚାରଯନ୍।
ଅତିକ୍ରମେ ଚ ଲୋକାନାମଭାବୋ ନିଯତୋ ଭବେତ୍॥ 8-92-24 (59554)
ନ ଚ ବିଦ୍ମ ହ୍ଯବସ୍ଥାନଂ କ୍ରୁଦ୍ଧଯୋଃ କୃଷ୍ଣଯୋଃ କ୍ବଚିତ୍।
ସ୍ରଷ୍ଟାରୌ ଜଗତଶ୍ଚୈବ ସତଶ୍ଚ ପୁରୁଷର୍ଷଭୌ॥ 8-92-25 (59555)
କାମଂ ତୁ ସୁକୃତାଁଲ୍ଲୋକାନ୍ପ୍ରାପ୍ନୋତ୍ବେଷ ପରନ୍ତପଃ।
କର୍ଣୋ ବୈକର୍ତନଃ ଶୂରୋ ବିଜଯସ୍ତୁ ନରେ ଧ୍ରୁବଃ॥ 8-92-26 (59556)
ତଥୋକ୍ତେ ଦେବଦେବାଭ୍ଯାଂ ସହସ୍ରାକ୍ଷୋଽବ୍ରବୀଦ୍ବଚଃ।
ଆମନ୍ତ୍ର୍ଯ ସର୍ବଭୂତାନି ବ୍ରହ୍ମେଶାନାନୁଶାସନାତ୍॥ 8-92-27 (59557)
ଶ୍ରୁତଂ ଭବଦ୍ଭିର୍ଯତ୍ପ୍ରୋକ୍ତଂ ଭଗବଦ୍ଭ୍ଯାଂ ଜଗଦ୍ଧିତମ୍।
ତତ୍ତଥା ବ୍ଯେତୁ ତେ ରୋଗଃ ଶମାପ୍ନୁତ ବିମନ୍ଯବଃ॥ 8-92-28 (59558)
ଇତି ଶ୍ରୁତ୍ବେନ୍ଦ୍ରବଚନଂ ସର୍ବଭୂତାନି ମାନିଷ।
ବିସ୍ମିତାନ୍ଯଭବନ୍ରାଜନ୍ପୂଜଯାଞ୍ଚକ୍ରିରେ ତଦା।
ନୋଚୁସ୍ତଦା ଜଯଂ ତୁଲ୍ଯଂ ତଯୋଃ ପୁରୁଷସିଂହଯୋଃ॥ 8-92-29 (59559)
ବ୍ଯସୃଜଂଶ୍ଚ ସୁଗନ୍ଧୀନି ପୁଷ୍ପବର୍ଷାଣି ହର୍ଷିତାଃ।
ନାନାରୂପାଣି ବିବୁଧା ଦେବତୂର୍ଯାଣ୍ଯବାଦଯନ୍॥ 8-92-30 (59560)
ଦିଦୃକ୍ଷବଶ୍ଚାପ୍ରତିମଂ ଦ୍ବୈରଥଂ ନରସିଂହଯୋଃ।
ବିସ୍ମଯୋତ୍ଫୁଲ୍ଲନଯନା ନାନ୍ଯା ବୁବୁଧିରେ କ୍ରିଯାଃ॥ ॥ 8-92-31 (59561)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଦ୍ବିନବତିତମୋଽଧ୍ଯାଯଃ॥ 92 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.93. ଅଧ୍ଯାଯଃ 093
Mahabharata - Karna Parva - Chapter Topics
ଶଲ୍ଯକର୍ଣଯୋଃ ସଁଲାପଃ॥ 1 ॥ କୃଷ୍ଣାର୍ଜୁନଯୋଃ ସଁଲାପଃ॥ 2 ॥ ଅର୍ଜୁନେନ କୃଷ୍ଣମ୍ପ୍ରତି ସ୍ବସାମର୍ଥ୍ଯକଥନମ୍॥ 3 ॥
Mahabharata - Karna Parva - Chapter Text
8-93-0 (59562)
ସଞ୍ଜଯ ଉବାଚ। 8-93-0x (5055)
ରଥୌ ତଯୋଃ ଶ୍ବେତହଯୌ ଦିବ୍ଯୌ ଯୁକ୍ତୌ ମହାସ୍ବନୌ।
ସମାସ୍ଥିତୌ ଲୋକବୀରୌ ଶଙ୍ଖାନ୍ଦଧ୍ମୁଃ ପୃଥକ୍ପୃଥକମ୍।
ବାସୁଦେବାର୍ଜୁନୌ ବୀରୌ କର୍ଣଶଲ୍ଯୌ ଚ ଭାରତ॥ 8-93-1 (59563)
ତଦ୍ଭୀରୁସନ୍ତ୍ରାସକରଂ ଯୁଦ୍ଧଂ ସମଭବତ୍ତଦା।
ଅନ୍ଯୋନ୍ଯସ୍ପାଂଧେନୋରୁଗ୍ରଂ ଶକ୍ରଶମ୍ବରଯୋରିବ॥ 8-93-2 (59564)
ତଯୋର୍ଧ୍ବଜୌ ହି ବିମଲୌ ଶୁଶୁଭାତେ ରଥେ ସ୍ଥିତୌ।
ରାହୁକେତୂ ଯଥାଽଽକାଶେ ଉଦିତୌ ଜଗତଃ କ୍ଷଯେ॥ 8-93-3 (59565)
କର୍ଣସ୍ଯାଶୀବିଷନିଭା ରତ୍ନସାରମଯୀ ଦୃଢ଼ା।
ପୁରନ୍ଦରଧନୁଃ ପ୍ରଖ୍ଯା ହସ୍ତିକକ୍ଷ୍ଯା ବିରାଜତେ॥ 8-93-4 (59566)
କପିଶ୍ରେଷ୍ଠସ୍ତୁ ପାର୍ଥସ୍ଯ ବ୍ଯାଦିତାସ୍ଯ ଇବାନ୍ତକଃ।
ଦଂଷ୍ଟ୍ରାଭିର୍ଭୀଷଯନ୍ଭାଭିର୍ଦୁର୍ନିରୀକ୍ଷ୍ଯୋ ରବିର୍ଯଥା॥ 8-93-5 (59567)
ଯୁଦ୍ଧାଭିଲାଷୁକୋ ଭୂତ୍ବା ଧ୍ବଜୋ ଗାଣ୍ଡୀବଧନ୍ବନଃ।
କର୍ଣଧ୍ବଜମୁପାତିଷ୍ଠତ୍ସ୍ବସ୍ଥାନାଦ୍ବେଗବାନ୍କପିଃ॥ 8-93-6 (59568)
ଉତ୍ପତ୍ଯ ଚ ମହାବେଗଃ କକ୍ଷ୍ଯାମଭ୍ଯାହନତ୍ତଦା।
ନଖୈଶ୍ଚ ଦଶନୈଶ୍ଚୈବ ଗରୁଡଃ ପନ୍ନଗଂ ଯଥା॥ 8-93-7 (59569)
ସା କିଙ୍କିଣୀକାଭରଣା କାଲପାଶୋପମା ତଦା।
ଅଭ୍ଯଦ୍ରବତ୍ସୁସଂରବ୍ଧା ହସ୍ତିକକ୍ଷ୍ଯାଽଥ ତଂ କପିମ୍॥ 8-93-8 (59570)
ତଯୋର୍ଘୋରତରେ ଯୁଦ୍ଧେ ଦ୍ବୈରଥେ ଦ୍ଯୂତ ଆହିତେ।
ପ୍ରାକୁର୍ବତାଂ ଧ୍ବଜୌ ଯୁଦ୍ଧଂ ପୂର୍ବଂ ପୂର୍ବତରଂ ତଦା॥ 8-93-9 (59571)
ହଯା ହଯାନଭ୍ଯହେଷନ୍ସ୍ପର୍ଧମାନାଃ ପରସ୍ପରମ୍।
ଅବିଧ୍ଯତ୍ପୁଣ୍ଡରୀକାକ୍ଷଃ ଶଲ୍ଯଂ ନଯନସାଯକୈଃ।
ଶଲ୍ଯଶ୍ଚ ପୁଣ୍ଡରୀକାକ୍ଷଂ ତଥୈବାଭିସମୈକ୍ଷତ॥ 8-93-10 (59572)
ତତ୍ରାଜଯଦ୍ବାସୁଦେବଃ ଶଲ୍ଯଂ ନଯନସାଯକୈଃ।
କର୍ଣଂ ଚାପ୍ଯଜଯଦୃଷ୍ଟ୍ଯା କୁନ୍ତୀପୁତ୍ରୋ ଧନଞ୍ଜଯଃ॥ 8-93-11 (59573)
ଅଯାବ୍ରବୀତ୍ସୂତପୁତ୍ରଃ ଶଲ୍ଯମାଭାଷ୍ଯ ସସ୍ମିତମ୍॥ 8-93-12 (59574)
ଯଦି ପାର୍ଥୋ ରଣେ ହନ୍ଯାଦଦ୍ଯ ମାମିହ କର୍ହିଚିତ୍।
କିଂ କରିଷ୍ଯସି ସଙ୍ଘାମେ ଶଲ୍ଯ ସତ୍ଯମଥୋଚ୍ଯତାମ୍॥ 8-93-13 (59575)
ଶଲ୍ଯ ଉବାଚ। 8-93-14x (5056)
ଯଦି କର୍ଣ ରଣେ ହନ୍ଯାଦଦ୍ଯ ତ୍ବାଂ ଶ୍ବେତବାହନଃ।
ଉଭାବେକରଯେନାହଂ ହନ୍ଯାଂ ମାଧବପାଣ୍ଡବୌ॥ 8-93-14 (59576)
ସଞ୍ଜଯ ଉବାଚ। 8-93-15x (5057)
ଏବମେବ ତୁ ଗୋବିନ୍ଦମର୍ଜୁନଃ ପ୍ରତ୍ଯଭାଷତ।
ତଂ ପ୍ରହସ୍ଯାବ୍ରବୀତ୍କୃଷ୍ଣଃ ପାର୍ଥଂ ପରମିଦଂ ବଚଃ॥ 8-93-15 (59577)
ପତେଦ୍ଦିବାକରଃ ସ୍ଥାନାଚ୍ଛୀର୍ଯେଦ୍ଭୂମିରନେକଧା।
ଶୈଲ୍ଯମଗ୍ନିରିଯାନ୍ନ ତ୍ବାଂ ହନ୍ଯାତ୍କାର୍ଣୋ ଧନଞ୍ଜଯ॥ 8-93-16 (59578)
ଯଦି ଚୈତତ୍କଥଞ୍ଚିତ୍ସ୍ଯାଲ୍ଲୋକପର୍ଯସନଂ ଭବେତ୍।
ହନ୍ଯାଂ କର୍ଣଂ ତଥା ଶଲ୍ଯଂ ବାହୁଭ୍ଯାମେବ ସଂଯୁଗେ॥ 8-93-17 (59579)
ଇତି କୃଷ୍ଣବଚଃ ଶ୍ରୁତ୍ବା ପ୍ରହସନ୍କପିକେତନଃ।
ଅର୍ଜୁନଃ ପ୍ରତ୍ଯୁବାଚେଦଂ କୃଷ୍ଣମକ୍ଲିଷ୍ଟକାରିଣମ୍॥ 8-93-18 (59580)
ମମ ତାବଦପର୍ଯାପ୍ତୌ କର୍ଣଶଲ୍ଯୌ ଜନାର୍ଦନ।
ସପତାକଧ୍ବଜଂ କର୍ଣଂ ସଶଲ୍ଯରଥବାଜିନମ୍॥ 8-93-19 (59581)
ସଚ୍ଛତ୍ରକବଚଂ ଚୈବ ସଶକ୍ତିଶରକାର୍ମୁକମ୍।
ଦ୍ରଷ୍ଟାଽସ୍ଯଦ୍ଯ ରଣେ କୃଷ୍ଣ ଶରୈଶ୍ଛିନ୍ନମନେକଧା॥ 8-93-20 (59582)
ଅଦ୍ଯୈବ ସରଥଂ ସାଶ୍ବଂ ସଶକ୍ତିକବଚାଯୁଧମ୍।
ସଞ୍ଚୂର୍ଣିତମିବାରଣ୍ଯେ ବୃକ୍ଷଂ ପଶ୍ଯାଦ୍ଯ ଦନ୍ତିନା॥ 8-93-21 (59583)
ଅଦ୍ଯ ରାଧେଯଭାର୍ଯାଣାଂ ବୈଧବ୍ଯଂ ସମୁପସ୍ଥିତମ୍।
ଧ୍ରୁବଂ ସ୍ବପ୍ନେଷ୍ବନିଷ୍ଟାନି ତାଭିର୍ଦୃଷ୍ଟାନି ମାଧବ॥ 8-93-22 (59584)
ଦ୍ରଷ୍ଟାସି ଧ୍ରୁବମଦ୍ଯୈବ ବିଧବାଃ କର୍ଣଯୋଷିତଃ।
ନ ହି ମେ ଶାମ୍ଯତେ ମନ୍ଯୁର୍ଯଦନେନ ପୁରା କୃତମ୍॥ 8-93-23 (59585)
କୃଷ୍ଣାଂ ସଭାଗତାଂ ଦୃଷ୍ଟ୍ବା ମୂଢେନାଦୀର୍ଘଦର୍ଶିନା।
ଅସ୍ମାଂସ୍ତଥାଽବହସତା କ୍ଷିପତା ଚ ପୁନଃପୁନଃ॥ 8-93-24 (59586)
ଅଦ୍ଯ ଦ୍ରଷ୍ଟାସି ଗୋବିନ୍ଦ କର୍ଣମୁନ୍ମଥିତଂ ମଯା।
ବାରଣେନେବ ମତ୍ତେନ ପୁଷ୍ପିତଂ ଗଜତୀରୁହମ୍॥ 8-93-25 (59587)
ଅଦ୍ଯ ତା ମଧୁରା ବାଚଃ ଶ୍ରୋତାସି ମଧୁସୂଦନ।
ଦିଷ୍ଟ୍ଯା ଜଯସି ବାର୍ଷ୍ଣେଯ ଇତି କର୍ଣେ ନିପାତିତେ॥ 8-93-26 (59588)
ଅଦ୍ଯାଭିମନ୍ଯୁଜନନୀଂ ପ୍ରହୃଷ୍ଟଃ ସାଂତ୍ବଯିଷ୍ଯସି।
କୁନ୍ତୀଂ ପିତୃଷ୍ବସାରଂ ଚ ପ୍ରହୃଷ୍ଟଃ ସନ୍ ଜନାର୍ଦନ॥ 8-93-27 (59589)
ଅଦ୍ଯ ବାଷ୍ପମୁଖୀଂ କୃଷ୍ଣାଂ ସାନ୍ତ୍ବଯିଷ୍ଯସି ମାଧବ।
ବାଗ୍ଭିଶ୍ଚାମୃତକଲ୍ପାଭିର୍ଧର୍ମରାଜଂ ଚ ପାଣ୍ଡବମ୍॥ ॥ 8-93-28 (59590)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ତ୍ରିନବତିତମୋଽଧ୍ଯାଯଃ॥ 93 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.94. ଅଧ୍ଯାଯଃ 094
Mahabharata - Karna Parva - Chapter Topics
କର୍ଣାଲ୍ଲଂନଯୋର୍ଯୁଦ୍ଧାରମ୍ଭଃ॥ 1 ॥ ଦ୍ରୌଣିନା ଦୁର୍ଯୋଧନାଯ ହିତାଖ୍ଯାନମ୍॥ 2 ॥ ତେନ ତଦନାଦୃତ୍ଯ ରଣାଯ ସେନାନିଯୋଜନମ୍॥ 3 ॥
Mahabharata - Karna Parva - Chapter Text
8-94-0 (59591)
ସଞ୍ଜଯ ଉବାଚ। 8-94-0x (5058)
ତଦ୍ଦେତନାଗାସୁରସିଦ୍ଧଯକ୍ଷୈ--
ର୍ଗନ୍ଧର୍ବରକ୍ଷୋପ୍ସରସାଂ ଚ ସଙ୍ଘୈଃ।
ବ୍ରହ୍ମର୍ଷିରାଜର୍ଷିସୁପର୍ଣଜୁଷ୍ଟଂ
ବଭୌ ବିଯଦ୍ବିସ୍ମଯନୀଯରୂପମ୍॥ 8-94-1 (59592)
ନାନଦ୍ଯମାନଂ ନିନଦୈର୍ମନୋଜ୍ଞୈ--
ର୍ବାଦିତ୍ରଗୀତସ୍ତୁତିନୃତ୍ଯହାସୈଃ।
ସର୍ବେଽନ୍ତରିକ୍ଷଂ ଦଦୃଶୁର୍ମନୁଷ୍ଯାଃ
ଖସ୍ଥାଶ୍ଚ ତଦ୍ବିସ୍ମଯନୀଯରୂପମ୍॥ 8-94-2 (59593)
ତତଃ ପ୍ରହୃଷ୍ଟାଃ କୁରୁପାଣ୍ଡୁଯୋଧା
ବାଦିତ୍ରଶଙ୍ଖସ୍ବନସିଂହନାଦୈଃ।
ବିନାଦଯନ୍ତୋ ବସୁଧାଂ ଦିଶଶ୍ଚ
ସ୍ବନେନ ସର୍ବାନ୍ଦ୍ବିଷତୋ ନିଜଘ୍ନୁଃ॥ 8-94-3 (59594)
ନରାଶ୍ବମାତଙ୍ଗରଥୈଃ ସମାକୁଲଂ
ଶରାସିଶକ୍ତ୍ଯୃଷ୍ଟିନିପାତଦୁଃସହମ୍।
ଅଭୀରୁଜୁଷ୍ଟଂ ହତଦେହସଙ୍କୁଲଂ
ରଣାଜିରଂ ଲୋହିତମାବଭୌ ତଦା॥ 8-94-4 (59595)
[ବଭୂବ ଯୁଦ୍ଧଂ କୁରୁପାଣ୍ଡବାନାଂ
ଯଥା ସୁରାଣାମସୁରୈଃ ସହାଭବତ୍।]
ତଥା ପ୍ରବୃତେ ତୁମୁଲେ ସୁଦାରୁଣେ
ଧନଞ୍ଜଯଶ୍ଚାଧିରଥିଶ୍ଚ ସାଯକୈଃ।
ଦିଶଶ୍ଚ ସୈନ୍ଯଂ ଚ ଶିତୈରଜିହ୍ମଗୈଃ
ପରସ୍ପରଂ ପ୍ରାବୃଣୁତାଂ ସୁଦଂଶିତୌ॥ 8-94-5 (59596)
ତତସ୍ତ୍ବଦୀଯାଶ୍ଚ ପରେ ଚ ସାଯକୈଃ
କୃତେଽନ୍ଧକାରେ ଦଦୃଶୁର୍ନ କିଞ୍ଚନ।
ଭଯାତୁରା ଏକରଥୌ ସମାଶ୍ରଯଂ--
ସ୍ତତୋଽଭବତ୍ତ୍ବଦ୍ଭୁତମେବ ସର୍ବତଃ॥ 8-94-6 (59597)
ତତୋଽସ୍ତ୍ରମସ୍ତ୍ରେଣ ପରସ୍ପରଂ ତୌ
ବିଧୂଯ ବାତାବିବ ପୂର୍ବପଶ୍ଚିମୌ।
ଘନାନ୍ଧକାରେ ବିତତେ ତମୋନୁଦୌ
ଯଥୋଦିତୌ ତଦ୍ବଦତୀବ ରେଜତୁଃ॥ 8-94-7 (59598)
ନ ଚାଭିସର୍ତବ୍ଯମିତି ପ୍ରଚୋଦିତାଃ
ପରେ ତ୍ବଦୀଯାଶ୍ଚ ତଥାଽବତସ୍ଥିରେ।
ମହାରଥୌ ତୌ ପରିବାର୍ଯ ସର୍ବତଃ
ସୁରାସୁରାଃ ଶମ୍ବରବାସବାବିବ॥ 8-94-8 (59599)
ମୃଦଙ୍ଗଭେରୀପଣବାନକସ୍ବନୈ--
ର୍ନିନାଦିତେ ବାହନଶଙ୍ଖନିସ୍ବନୈଃ।
ତୌ ସିଂହନାଦୈର୍ବଭତୁର୍ନରୋତ୍ତମୌ
ପତଙ୍ଗଚନ୍ଦ୍ରାବିବ ଦୁଃସହାବୁଭୌ॥ 8-94-9 (59600)
ମହାଧନୁର୍ମଣ୍ଡୁଲମଧ୍ଯଗାବୁଭୌ
ସୁବର୍ଚସୌ ବାଣସହସ୍ରଦୀଧିତୀ।
ଦିଧକ୍ଷମାଣୌ ସଚରାଚରଂ ଜଗ--
ଦ୍ଯୁଗାନ୍ତସୂର୍ଯାବିବ ଦୁଃସହୌ ରଣେ॥ 8-94-10 (59601)
ଉଭାବଜେଯାବହିତାନ୍ତକାବୁଭା--
ବୁଭୌ ଜିଘାଂସୂ କୃତିନୌ ପରସ୍ପରମ୍।
ମହାହବେ ବୀତଭଯୌ ସମୀଯତୁ--
ର୍ମହେନ୍ଦ୍ରଜମ୍ଭାବିବ କର୍ଣପାଣ୍ଡବୌ॥ 8-94-11 (59602)
ତତୋ ମହାସ୍ତ୍ରାଣି ମହାଧନୁର୍ଧରୌ
ବିମୁଞ୍ଚମାନାବିଷୁଭିର୍ଭଯାନକୈଃ।
ନରାଶ୍ବନାଗାନମିତାନ୍ନିଜଘ୍ନତୁଃ
ପରସ୍ପରଂ ଚାପି ମହାରଥୌ ନୃପ॥ 8-94-12 (59603)
ତତୋ ବିସସ୍ରୁଃ ପୁନରର୍ଦିତା ନରା
ନରୋତ୍ତମାଭ୍ଯାଂ କୁରୁପାଣ୍ଡବାଶ୍ରଯାଃ।
ସନାଗପତ୍ତ୍ଯଶ୍ବରଥା ଦିଶୋ ଦ୍ରୁତା--
ସ୍ତଥା ଯଥା ସିଂହହତା ବନୌକସଃ॥ 8-94-13 (59604)
ତତସ୍ତୁ ଦୁର୍ଯୋଧନଭୋଜସୌବଲାଃ
କୃପୋ ଗୁରୋଶ୍ଚାପି ସୁତୋ ମହାହବେ।
ମହାରଥାଃ ପଞ୍ଚ ଧନଞ୍ଜଯାଚ୍ଯୁତୌ
ଶରୈଃ ଶରୀରାର୍ତିକରୈରତାଡଯନ୍॥ 8-94-14 (59605)
ଧନୂଂଷି ତେଷାମିଷୁଧୀନ୍ଧ୍ବଜାନ୍ହଯା--
ନ୍ରଥାଂଶ୍ଚ ସୂତାଂଶ୍ଚ ଧନଞ୍ଜଯଃ ଶରୈଃ।
ସମଂ ପ୍ରମଧ୍ଯାଶୁ ପରାନ୍ସମନ୍ତତଃ
ଶରୋତ୍ତମୈର୍ଦ୍ବାଦଶଭିନ୍ନ ସୂତଜମ୍॥ 8-94-15 (59606)
ଅଥାଭ୍ଯଧାବଂସ୍ତ୍ବରିତାଃ ଶତଂ ରଥାଃ
ଶତଂ ଗଜାଶ୍ଚାର୍ଜୁନମାତତାଯିନଃ।
ଶକାସ୍ତୁଷାରା ଯବନାଶ୍ଚ ସାଦିନଃ
ସହୈବ କାମ୍ଭୋଜବରୈର୍ଜିଘାଂସବଃ॥ 8-94-16 (59607)
ବରାଯୁଧାନ୍ପାଣିଗତୈଃ ଶରୈଃ ସହ
କ୍ଷୁରୈର୍ନ୍ଯକୃନ୍ତତ୍ପ୍ରପତଞ୍ଶିରାଂସି ଚ।
ହଯାଂଶ୍ଚ ନାଗାଂଶ୍ଚ ରଥାଂଶ୍ଚ ଯୁଧ୍ଯତୋ
ଧନଞ୍ଜଯଋ ଶତ୍ରୁଗଣାନ୍କ୍ଷିତୌ କ୍ଷିଣୌତ୍॥ 8-94-17 (59608)
ତତୋଽନ୍ତରିକ୍ଷେ ସୁରତୂର୍ଯନିଃସ୍ବନାଃ
ସସାଧୁବାଦା ହୃଷିତୈଃ ସମୀରିତାଃ।
ନିପେତୁରପ୍ଯୁତ୍ତମପୁଷ୍ପବୃଷ୍ଟଯଃ
ସୁରୂପଗନ୍ଧାଃ ପବନେରିତାଃ ଶୁଭାଃ॥ 8-94-18 (59609)
ତଦଦ୍ଭୁତଂ ଦେବମନୁଷ୍ଯସାକ୍ଷିକଂ
ସମୀକ୍ଷ୍ଯ ଭୂତାନି ବିସିସ୍ମିଯୁସ୍ତଦା।
ତବାତ୍ମଜଃ ସୂତସୁତଶ୍ଚ ନ ବ୍ଯଥାଂ
ନ ବିସ୍ମଯଂ ଜଗ୍ମତୁରେକନିଶ୍ଚଯୌ॥ 8-94-19 (59610)
ଅଥାବ୍ରବୀଦ୍ଦ୍ରୋଣସୁତସ୍ତବାତ୍ମଜଂ
କରଂ କରେଣ ପ୍ରତିପୀଡ୍ଯ ସାନ୍ତ୍ବଯନ୍।
ପ୍ରସୀଦ ଦୁର୍ଯୋଧନ ଶାମ୍ଯ ପାଣ୍ଡବୈ--
ରଲଂ ବିରୋଧେନ ଧିଗସ୍ତୁ ବିଗ୍ରହମ୍॥ 8-94-20 (59611)
ହତୋ ଗୁରୁର୍ବ୍ରହ୍ମସମୋ ମହାସ୍ତ୍ରବି--
ତ୍ତଥୈବ ଭୀଷ୍ମପ୍ରମୁଖା ମହାରଥାଃ।
ଅହଂ ତ୍ବବଧ୍ଯୋ ମମ ଚାପି ମାତୁଲଃ
ପ୍ରଶାଧି ରାଜ୍ଯଂ ସହ ପାଣ୍ଡବୈଶ୍ଚିରମ୍॥ 8-94-21 (59612)
ଧନଞ୍ଜଯଃ ସ୍ଯାସ୍ଯତି ବାରିତୋ ମଯା
ଜନାର୍ଦନୋ ନୈବ ବିରୋଧମିଚ୍ଛତି।
ଯୁଧିଷ୍ଠିରୋ ଭୂତହିତେ ରତଃ ସଦା
ବୃକୋଦରସ୍ତଦ୍ବଶଗସ୍ତଥା ଯମୌ॥ 8-94-22 (59613)
ତ୍ବଯା ତୁ ପାର୍ଥୈଶ୍ଚ କୃତେ ଚ ସଂବିଦେ
ପ୍ରଜାଃ ଶିବଂ ପ୍ରାପ୍ନୁଯୁରିଚ୍ଛଯା ତବ।
ବ୍ରଜନ୍ତୁ ଶେଷାଃ ସ୍ବପୁରାଣି ପାର୍ଥିବା
ନିବୃତ୍ତବୈରାଶ୍ଚ ଭବନ୍ତୁ ସୈନିକାଃ।
ନ ଚେଦ୍ବଚଃ ଶ୍ରୋଷ୍ଯସି ମେ ନରାଧିପ
ଧ୍ରୁବଂ ହି ତପ୍ତୋଽସି ହତୋଽରିଭିର୍ଯୁଧି॥ 8-94-23 (59614)
ବୃଦ୍ଧଂ ପିତରମାଲୋକ୍ଯ ଗାନ୍ଧାରୀଂ ଚ ଯଶସ୍ବିନୀମ୍।
କୃପାଲୁର୍ଧର୍ମରାଜୋ ହି ଯାଚିତଃ ଶମମେଷ୍ଯତି॥ 8-94-24 (59615)
ଯଥୋଚିତଂ ଚ ବୈ ରାଜ୍ଯମନୁଜ୍ଞାସ୍ଯତି ତେ ପ୍ରଭୁଃ।
ବିପଶ୍ଚିତ୍ସୁମତିର୍ବୀରଃ ସର୍ବଶାସ୍ତ୍ରାର୍ଥତତ୍ତ୍ବବିତ୍॥ 8-94-25 (59616)
ବୈରଂ ନେଷ୍ଯତି ଧର୍ମାତ୍ମା ସ୍ବଜନେ ନାସ୍ତ୍ଯତିକ୍ରମଃ।
ନ ବିଗ୍ରହମତିଃ କୃଷ୍ଣା ସ୍ବଜନେ ପ୍ରତିନନ୍ଦତି॥ 8-94-26 (59617)
ଭୀମସେନାର୍ଜୁନୌ ଚୋଭୌ ମାଦ୍ରୀପୁତ୍ରୌ ଚ ପାଣ୍ଡବୌ।
ବାସୁଦେବମତେ ଚୈବ ପାଣ୍ଡବସ୍ଯ ଚ ଧୀମତଃ।
ସ୍ଥାସ୍ଯନ୍ତି ପୁରୁଷବ୍ଯାଘ୍ରାସ୍ତଯୋର୍ବଚନଗୌରବାତ୍॥ 8-94-27 (59618)
ରକ୍ଷ ଦୁର୍ଯୋଧନାତ୍ମାନମାତ୍ମା ସର୍ବସ୍ଯ ଭାଜନମ୍।
ଜୀବନେ ଯତ୍ନମାତିଷ୍ଠ ଜୀବନ୍ଭଦ୍ରାଣି ପଶ୍ଯତି॥ 8-94-28 (59619)
ରାଜ୍ଯଂ ଶ୍ରୀଶ୍ଚୈବ ଭଦ୍ରଂ ତେ ଜୀବମାନେ ଚ କଲ୍ପତେ।
ମୃତସ୍ଯ ତୁ ଖଲୁ କୌରବ୍ଯ ନୈବ ରାଜ୍ଯଂ କୁତଃ ସୁଖମ୍॥ 8-94-29 (59620)
ଲୋକବୃତ୍ତମିଦଂ ବୃତ୍ତଂ ପ୍ରବୃତ୍ତଂ ପଶ୍ଯ ଭାରତ।
ଶାମ୍ଯ ତ୍ବଂ ପାଣ୍ଡବୈଃ ସାର୍ଧଂ ଶେଷଂ ରକ୍ଷ କୁଲସ୍ଯ ଚ॥ 8-94-30 (59621)
ମା ଭୂତ୍ସ କାଲଃ କୌରବ୍ଯ ଯଦାଽହମହିତଂ ବଚଃ।
ବ୍ରୂଯାଂ କାମଂ ମହାବାହୋ ମାଽବମଂସ୍ଥା ବଚୋ ମମ॥ 8-94-31 (59622)
ଧର୍ମିଷ୍ଠମିଦମତ୍ଯର୍ଥଂ ରାଜ୍ଞଶ୍ଚୈବ କୁଲସ୍ଯ ଚ।
ଏତଦ୍ଧି ପରମଂ ଶ୍ରେଯଃ କୁରୁବଂଶସ୍ଯ ବୃଦ୍ଧଯେ।
ପ୍ରଯାହି ତଂ ଚ ଗାନ୍ଧାରେ କୁଲସ୍ଯ ଚ ସୁଖାବହମ୍॥ 8-94-32 (59623)
ପଥ୍ଯମାଯତିସଂଯୁକ୍ତଂ କର୍ଣୋଽପ୍ଯର୍ଜୁନମାହବେ।
ନ ଜେଷ୍ଯତି ନରବ୍ଯାଘ୍ର ଇତି ମେ ନିଶ୍ଚିତା ମତିଃ॥ 8-94-33 (59624)
ରୋଚତାଂ ତେ ନରଶ୍ରେଷ୍ଠ ମମୈତଦ୍ବଚନଂ ଶୁଭମ୍।
ଅତୋଽନ୍ଯଥା ହି ରାଜେନ୍ଦ୍ର ବିନାଶଃ ସୁମହାନ୍ଭବେତ୍॥ 8-94-34 (59625)
ଇଦଂ ଚ ଦୃଷ୍ଟଂ ଜଗତା ସହ ତ୍ବଯା
କୃତଂ ଯଦେକେନ କିରୀଟମାଲିନା।
ଯଥା ନ କୁର୍ଯାଦ୍ବଲଭିନ୍ନ ଚାନ୍ତକୋ
ନ ଚ ପ୍ରଚେତା ଭଗବାନ୍ନ ଯକ୍ଷରାଟ୍॥ 8-94-35 (59626)
ଅତୋଽପି ଭୂଯାନ୍ସ୍ବଗୁଣୈର୍ଧନଞ୍ଜଯୋ
ନ ଚାତିବର୍ତିଷ୍ଯତି ମେ ବଚୋଽଖିଲମ୍।
ତବାନୁଯାତ୍ରାଂ ଚ ସଦା କରିଷ୍ଯତି
ପ୍ରସୀଦ ରାଜେନ୍ଦ୍ର ଶମଂ ତ୍ବମାପ୍ନୁହି॥ 8-94-36 (59627)
ମମାଭିମାନଃ ପରମଃ ସଦା ତ୍ବଯି
ବ୍ରବୀମ୍ଯତସ୍ତ୍ବାଂ ପରମାଚ୍ଚ ସୌହୃଦାତ୍।
ନିବାରଯିଷ୍ଯାମି ଚ କର୍ଣମାହବେ
ମହାନ୍ହି ମେଽସ୍ତି ପ୍ରଣଯୋଽଥ ସୂତଜେ॥ 8-94-37 (59628)
ବଦନ୍ତି ମୈତ୍ରୀଂ ସହଜାଂ ବିଚକ୍ଷଣା--
ସ୍ତଥୈବ ସାମ୍ନା ଚ ଧନେନ ଚାର୍ଜିତାମ୍।
ପ୍ରତାପତଶ୍ଚୋପନତାଂ ଚତୁର୍ବିଧାଂ
ତଦସ୍ତି ସର୍ବଂ ତବ ପାଣ୍ଡବେଷୁ॥ 8-94-38 (59629)
ନିସର୍ଗତସ୍ତେ ତବ ବୀର ବାନ୍ଧବାଃ
ପୁନଶ୍ଚ ସାମ୍ନା ହିତମାପ୍ନୁଯୁଃ ପ୍ରଭୋ।
ତ୍ବଯି ପ୍ରସନ୍ନେ ଯଦି ମିତ୍ରତାଂ ଗତେ
ହିତଂ କୃତଂ ସ୍ଯାଜ୍ଜଗତସ୍ତ୍ବଯାଽତୁଲମ୍॥ 8-94-39 (59630)
ଇତୀଦମୁକ୍ତଃ ସୁହୃଦା ବଚୋ ହିତଂ
ବିଚିନ୍ତ୍ଯ ନିଃଶ୍ବସ୍ଯ ଚ ଦୁର୍ମନାଽବ୍ରବୀତ୍।
ଯଥା ଭବାନାହ ସଖେ ତଥୈବ ତ--
ନ୍ମମାପି ବିଜ୍ଞାପଯତୋ ବଚଃ ଶୃଣୁ॥ 8-94-40 (59631)
ନିହତ୍ଯ ଦୁଃଶାସନମୁକ୍ତବାନ୍ବହୁ
ପ୍ରହସ୍ଯ ଶାର୍ଦୂଲବଦେଷ ଦୁର୍ମତିଃ।
ବୃକୋଦରସ୍ତଦ୍ବୃଦଯେ ମମ ସ୍ଥିତଂ
ନ ତତ୍ପରୋକ୍ଷଂ ଭବତଃ କୁତଃ ଶମଃ॥ 8-94-41 (59632)
ନ ଚାପି କର୍ଣଂ ପ୍ରସହେଦ୍ରଣେଽର୍ଜୁନୋ
ମହାଗିରିଂ ମେରୁମିବୋଗ୍ରମାରୁତଃ।
ନ ଚାଶ୍ବସିଷ୍ଯନ୍ତି ପୃଥାତ୍ମଜା ମଯି
ପ୍ରସହ୍ଯ ବୈରଂ ବହୁଶୋ ବିଚିନ୍ତ୍ଯ॥ 8-94-42 (59633)
ନ ଚାପି କର୍ଣଂ ଗୁରୁପୁତ୍ର ସଂଯୁଗା--
ଦୁପାରମେତ୍ଯର୍ହସି ବୀର ଭାଷିତୁମ୍।
ଶ୍ରମେଣ ଯୁକ୍ତୋ ମହତାଦ୍ଯ ଫଲ୍ଗୁନ--
ସ୍ତମେଷ କର୍ଣଃ ପ୍ରସଭଂ ହନିଷ୍ଯତି॥ 8-94-43 (59634)
`ବସୁନ୍ଧରାଯାଃ ପରିବର୍ତନଂ ଭବେ--
ଦ୍ବ୍ରଜେଚ୍ଚ ଶୋଷଂ ମକରାଲଯୋଽର୍ଣବଃ।
ପ୍ଲବେଯୁରପ୍ଯଦ୍ରିବରା ମହାମ୍ବୁଧୌ
ନ ଚାର୍ଜୁନୋ ଜେଷ୍ଯତି କର୍ଣମାହବେ॥ 8-94-44 (59635)
ଅପାଂ ପୃଥିବ୍ଯା ନଭସୋ ନଭସ୍ବତଃ
ସୁତିଗ୍ମଦୀପ୍ତେଶ୍ଚ ହିରଣ୍ଯରେତସଃ।
ଅଭାବ ଏଷାମପି ସର୍ବତୋ ଭବେ--
ନ୍ନ ଚାର୍ଜୁନୋ ଜେଷ୍ଯତି କର୍ଣମାହବେ'॥ 8-94-45 (59636)
ତମେବମୁକ୍ତ୍ବାଽପ୍ଯନୁନୀଯ ଚାସକୃ--
ତ୍ତବାତ୍ମଜଃ ସ୍ବାନନୁଶାସ୍ତି ସୈନିକାନ୍।
ଦ୍ରୁତଂ ଘ୍ନତାଭିଦ୍ରବତାହିତାନିମା--
ନହୀନସତ୍ବାଃ କିମୁ ଜୋଷମାସତେ॥ ॥ 8-94-46 (59637)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଚତୁର୍ନବତିତମୋଽଧ୍ଯାଯଃ॥ 94 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.95. ଅଧ୍ଯାଯଃ 095
Mahabharata - Karna Parva - Chapter Topics
ରଣେ କର୍ଣସ୍ଯାର୍ଜୁନସାମ୍ଯମସହମାନେନ ଭୀମେନ ସକୋପଂ ପାର୍ଥପ୍ରୋତ୍ସାହନମ୍॥ 1 ॥
Mahabharata - Karna Parva - Chapter Text
8-95-0 (59638)
ସଞ୍ଜଯ ଉବାଚ। 8-95-0x (5059)
ତୌ ଶଙ୍ଖଭେରୀନିନଦେ ସମୃଦ୍ଧେ
ସମୀଯତୁଃ ଶ୍ବେତହଯୌ ନରାଗ୍ର୍ଯୌ।
ବୈକର୍ତନଃ ସୂତପୁତ୍ରୋଽର୍ଜୁନଶ୍ଚ
ଦୁର୍ମନ୍ତ୍ରିତେ ତେ ସସୁତସ୍ଯ ରାଜନ୍॥ 8-95-1 (59639)
`ଆଶୀବିଷାବଗ୍ନିମିବୋତ୍ସୃଜନ୍ତୌ
ତଥା ମୁଖାଭ୍ଯାମଭିନିଃ ଶ୍ବସନ୍ତୌ।
ଯଶସ୍ବିନୌ ଜଜ୍ବଲତୁର୍ମୃଧେ ତଦା
ଘୃତାବସିକ୍ତାବିବ ହବ୍ଯବାହୌ'॥ 8-95-2 (59640)
ଯଥା ଗଜୌ ହୈମବତୌ ପ୍ରଭିନ୍ନୌ
ପ୍ରବୃଦ୍ଧଦନ୍ତାବିବ ବାସିତାର୍ଥେ।
ତଥା ସମାଜଗ୍ମତୁରୁଗ୍ରବୀର୍ଯୌ
ଧନଞ୍ଜଯଶ୍ଚାଧିରଥିଶ୍ଚ ବୀରୌ॥ 8-95-3 (59641)
ବଲାହକେନେବ ମହାବଲାହକୋ
ଯଦୃଚ୍ଛଯା ବା ଗିରିଣା ଯଥା ଗିରିଃ।
ତଥା ଧନୁର୍ଜ୍ଯାତଲନେମିନିଃସ୍ବନୌ
ସମୀଯତୁସ୍ତାବିଷୁବର୍ଷବର୍ଷିଣୌ॥ 8-95-4 (59642)
ଶରାସ୍ତ୍ରଶକ୍ତ୍ଯୃଷ୍ଟିଗଦାସିସର୍ପୌ
ରୋଷାନିଲୋଦ୍ବୂତମହୋର୍ମିମାଲୌ।
ଯଥାଽଚଲୌ ଦ୍ବୌ ଚଲତସ୍ତଥା ତୌ
ଯଥାଽର୍ଣବୌ ଚାଶୁ ଚତୁର୍ଯୁଗାନ୍ତେ'॥ 8-95-5 (59643)
ପ୍ରବୃଦ୍ଧଶୃଙ୍ଗଦ୍ରୁମବୀରୁଦୋଷଧୀ
ପ୍ରବୃଦ୍ବନାନାବିଧନିର୍ଝରୌଘୌ।
ଯଥାଽଚଲୌ ବା ଚଲିତୌ ମହାଜଲୈ--
ସ୍ତଥା ମହାସ୍ତ୍ରୈରିତରେତରଂ ହତଃ॥ 8-95-6 (59644)
ସ ସନ୍ନିପାତୋ ରଥଯୋର୍ମହାନଭୂ--
ତ୍ସୁରେଶବୈରୋଚନଯୋର୍ଯଥା ପୁରା।
ଶରୈର୍ବିନୁନ୍ନାଶ୍ବନିଯନ୍ତୃଦେହଯୋଃ
ସୁଦୁଃସହାସ୍ତ୍ରୈଃ ପରିଭିନ୍ନଦେହଯୋଃ॥ 8-95-7 (59645)
ପ୍ରଭୂତପଦ୍ମୋତ୍ପଲମତ୍ସ୍ଯକଚ୍ଛପୌ
ମହାହଦୌ ପକ୍ଷିଗଣାନୁନାଦିତୌ।
ସୁସନ୍ନିକୃଷ୍ଟାବନିଲୋଦ୍ଧତୌ ଯଥା
ତଥା ରଥୌ ତୌ ଧ୍ବଜିନୌ ସମୀଯତୁଃ॥ 8-95-8 (59646)
ଉଭୌ ମହେନ୍ଦ୍ରସ୍ଯ ସମାନବିକ୍ରମା--
ବୁଭୌ ମହେନ୍ଦ୍ରପ୍ରତିମୌ ମହାରଥୌ।
ମହେନ୍ଦ୍ରବଜ୍ରପ୍ରତିମୈଶ୍ଚ ସାଯକୈ--
ର୍ମହେନ୍ଦ୍ରବୃତ୍ରାବିବ ସମ୍ପ୍ରଜଘ୍ନତୁଃ॥ 8-95-9 (59647)
ସନାଗପତ୍ତ୍ଯଶ୍ବରଥେ ଉଭେ ବଲେ
ବିଚିତ୍ରବର୍ମାଭରଣାମ୍ବରାଯୁଧେ।
ଚକମ୍ପତୁଶ୍ଚୋନ୍ନଦତୁଶ୍ଚ ବିସ୍ମଯା--
ଦ୍ଧରା ବିଯଚ୍ଚାର୍ଜୁନକର୍ଣସଙ୍ଗମେ॥ 8-95-10 (59648)
ଭୁଜାଃ ସବସ୍ତ୍ରାଙ୍ଗୁଲଯଃ ସମୁଚ୍ଛ୍ରିତାଃ
ସସିଂହନାଦୈର୍ହୃଷିତୈର୍ଦିଦୃକ୍ଷୁଭିଃ।
ଯଦାଽର୍ଜୁନଂ ମତ୍ତ ଇବ ଦ୍ବିପୋ ଦ୍ବିପଂ
ସମଭ୍ଯଯାଦାଧିରଥିର୍ଜିଘାଂସଯା॥ 8-95-11 (59649)
ଉଦକ୍ରୋଶନ୍ସୋମକାସ୍ତତ୍ର ପାର୍ଥଂ
ତ୍ବରସ୍ବ ଯାହ୍ଯର୍ଜୁନ ଭିନ୍ଧି କର୍ଣମ୍।
ଛିନ୍ଧ୍ଯସ୍ଯ ମୂର୍ଧାନମଲଂ ଚିରେଣ
ଶ୍ରଦ୍ଧାଂ ଚ ରାଜ୍ଯାଦ୍ବୃତରାଷ୍ଟ୍ରସୂନୋଃ॥ 8-95-12 (59650)
ତଥାଽସ୍ମାକଂ ବହବସ୍ତତ୍ର ଯୋଧାଃ
କର୍ଣଂ ତଥା ଯାହି ଯାହୀତ୍ଯବୋଚନ୍।
ଜହ୍ଯର୍ଜୁନଂ କର୍ଣ ତତଃ ସୁଦୀନାଃ
ପୁନର୍ବନଂ ଯାନ୍ତ୍ବଚିରାଯ ପାର୍ଥାଃ॥ 8-95-13 (59651)
କର୍ଣୋଽଥ ପୂର୍ବଂ ଦଶଭିଃ ପୃଷତ୍କୈ--
ର୍ଗାଣ୍ଡୀବଧନ୍ବାନମବିଧ୍ଯଦାଶୁ।
ଜଘାନ ତଂ ଚାପି ତତଃ କିରୀଟୀ
ଶରୈସ୍ତଦାଷ୍ଟାଦଶଭିଃ ସୁମୁକ୍ତୈଃ॥ 8-95-14 (59652)
ପୁନଶ୍ଚ କର୍ଣସ୍ତ୍ବରିତୋଽପି ପାର୍ଥଂ
ରଥେଷୁଭିସ୍ତଂ ଦଶଭିର୍ଜଘାନ।
ତଂ ଚାପି ପାର୍ଥୋ ଦଶଭିଃ ଶିତାଗ୍ରୈଃ
କକ୍ଷ୍ଯାନ୍ତରେ ତୀକ୍ଷ୍ଣମୁଖୈରବିଧ୍ଯତ୍॥ 8-95-15 (59653)
କର୍ଣସ୍ତତୋ ଭାରତ ସାମ୍ପରାଯେ
ଘୋରେଽତିବେଲଂ ରଣସଂବିମର୍ଦୀ।
ଜଘାନ ପାର୍ଥଂ ନବଭିଃ ଶିତାଗ୍ରୈଃ
କକ୍ଷ୍ଯାନ୍ତେ ନାଗମିବ ପ୍ରଭିନ୍ନମ୍॥ 8-95-16 (59654)
ତତୋଽପରାଭ୍ଯାଂ ଯୁଧି ସୂତପୁତ୍ରୋ
ଦ୍ବାଭ୍ଯାଂ କ୍ଷୁରାଭ୍ଯାଂ ହରିମାଶୁକାରୀ।
ସମାଜଘାନ ତ୍ବରଯା ମହାତ୍ମା
ଯଥା ସୁରେନ୍ଦ୍ରଂ ନମୁଚିଃ ପ୍ରସହ୍ଯ॥ 8-95-17 (59655)
ତଂ ପାଣ଼୍ଡବଃ ପଞ୍ଚଭିରାଯସାଗ୍ରୈ--
ରାକର୍ଣପୂର୍ଣୈର୍ନିଜଘାନ କର୍ଣମ୍।
ତେ ଶୋଣିତଂ ତସ୍ଯ ପପୁସ୍ତଦାନୀଂ
କାଲସ୍ଯ ଦୂତା ଇବ ପାର୍ଥବାଣାଃ॥ 8-95-18 (59656)
କର୍ଣୋଽପି ପାର୍ଥଂ ସହ ବାସୁଦେବଂ
ସମାଚିନୋଦ୍ଭାରତ ବତ୍ସଦନ୍ତୈଃ।
ପରସ୍ପରଂ ତୌ ବିଶିଖୈଃ ପ୍ରମୁକ୍ତୈ--
ସ୍ତତକ୍ଷତୁଃ ସୂତପୁତ୍ରୋଽର୍ଜୁନଶ୍ଚ॥ 8-95-19 (59657)
ପରସ୍ପରଂ ଛିଦ୍ରଦିଦୃକ୍ଷଯା ଚ
ସୁଭୀମମଭ୍ଯାଯଯତୁଃ ପ୍ରରୁଷ୍ଟୌ॥ 8-95-20 (59658)
ତତୋଽସ୍ତ୍ରମାଗ୍ନେଯମମିତ୍ରତାପନଂ
ମୁମୋଚ କର୍ଣାଯ ସୁରେଶ୍ବରାତ୍ମଜଃ।
ଧନଞ୍ଜଯାତ୍ସଂଯୁଗମୂର୍ଧ୍ନି ନିଃସୃତଂ
ତଦା ପ୍ରଜଜ୍ବାଲ ତଦସ୍ତ୍ରମୁତ୍ତମମ୍॥ 8-95-21 (59659)
ସମୀକ୍ଷ୍ଯ କର୍ଣୋ ଜ୍ବଲନାସ୍ତ୍ରମୁଦ୍ଯତଂ
ସ ବାରୁଣଂ ତତ୍ପ୍ରଶମାର୍ଥମାହବେ।
ସମୁତ୍ସୃଜତ୍ସୂତପୁତ୍ରଃ ପ୍ରତାପବାନ୍
ସ ତେନ ବହ୍ନିଂ ଶମଯାଞ୍ଚକାର॥ 8-95-22 (59660)
ବଲାହକାସ୍ତ୍ରେଣ ଦିଶସ୍ତରସ୍ବୀ
ଚକାର ସର୍ବାସ୍ତିମିରେଣ ସଂବୃତାଃ।
ଅପାବହନ୍ମେଘଗଣାଂସ୍ତତସ୍ତାନ୍
ସମୀରଣାସ୍ତ୍ରେଣ ସମୀରିତେନ॥ 8-95-23 (59661)
ତତଃ ସୋଽସ୍ତ୍ରଂ ଦଯିତଂ ଦେବରାଜ୍ଞଃ
ପ୍ରାଦୁଶ୍ଚକ୍ରେ ବଜ୍ରମମିତ୍ରତାପନଃ।
ଗାଣ୍ଡୀବଜ୍ଯା ବିମୃଶଂଶ୍ଚାତିମନ୍ଯୁ--
ର୍ଧନଞ୍ଜଯଃ ଶତ୍ରୁସଙ୍ଘପ୍ରମାଥୀ॥ 8-95-24 (59662)
ନାରାଚନାଲୀକବରାହକର୍ଣା
ଗାଣ୍ଡୀବତଃ ପ୍ରାଦୁରାସନ୍ସୁତୀକ୍ଷ୍ଣାଃ।
ସହସ୍ରଶୋ ବଜ୍ରସମାନବେଗା--
ସ୍ତେ ସର୍ବତଃ ପର୍ଯଧାବନ୍ତ ଘୋରାଃ॥ 8-95-25 (59663)
ପାର୍ଥେଷବଃ କର୍ଣରଥଂ ବିଲଗ୍ନା
ଅଧୋମୁଖାଃ ପକ୍ଷିଗଣା ଦିନାନ୍ତେ।
ନିଶାନିକେତାର୍ଥମିବାଶୁ ବୃକ୍ଷଂ
ଜଗ୍ରାହ ତାନ୍ସୂତପୁତ୍ରଃ ପୃଷତ୍କୈଃ॥ 8-95-26 (59664)
କ୍ଷିପ୍ତାଂସ୍ତଥା ପାଣ୍ଡବବାଣସଙ୍ଘା--
ନମୃଷ୍ଯମାଣସ୍ଯ ଧନଞ୍ଜଯସ୍ଯ।
ରଣାଜିରେ ତ୍ବନ୍ତକତୁଲ୍ଯକର୍ମା
ବୈକର୍ତନୋ ରୋଷପରୀତଚେତାଃ॥ 8-95-27 (59665)
ଜ୍ଯୋତିଷ୍ପ୍ରଭାଂ ଯଦ୍ବଦୁପାଗତଃ ସ--
ନ୍ଦିବାକରୋ ନାଶଯତେ କ୍ଷଣେନ।
ପାର୍ଥସ୍ଯ ତାନ୍ବାଣଗଣାନ୍ସମଗ୍ରା--
ନ୍ବ୍ଯନାଶଯଦ୍ଯୁଧ୍ଯତ ଏବ କର୍ଣଃ॥ 8-95-28 (59666)
ରୋଷାତ୍ପ୍ରଦୀପ୍ତଃ ସୁମହାବିମର୍ଦେ
ଭୀମସ୍ତତୋଽକ୍ରୁଧ୍ଯଦଦୀନସତ୍ବଃ।
ପାଣିଂ ସ୍ବପାଣୌ ସ ବିନିଷ୍ପିଷ୍ଯ ରୋଷା--
ଦମର୍ଷିତୋ ବାକ୍ଯମୁବାଚ ପାର୍ଥମ୍॥ 8-95-29 (59667)
ତ୍ବାଂ ସୂତପୁତ୍ରୋ ନୁ କଥଂ କିରୀଟି--
ନ୍ରଥେଷୁଭିର୍ହନ୍ତି ଶିତାଗ୍ରଧାରୈଃ।
ଧୃତ୍ଯା ହି ଭୂତାନି ଯଯାଽଜଯସ୍ତ୍ବଂ
ଗ୍ରାସଂ ଦଦତ୍ଖାଣ୍ଡବେ ପାବକାଯ॥ 8-95-30 (59668)
ଧୃତ୍ଯା ତଯା ସୂତପୁତ୍ରଂ ଜହି ତ୍ବ--
ମହଂ ବୈନଂ ଗଦଯା ପୋଥଯିଷ୍ଯେ।
ସମେତ୍ଯ ପାର୍ଥଂ ସୁନୃଶଂସବାଦୀ
ଜୀବନ୍ନାଯଂ ଯାସ୍ଯତି କାଲପକ୍ବଃ॥ ॥ 8-95-31 (59669)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ମ଼ଞ୍ଜନବତିତମୋଽଧ୍ଯାଯଃ॥ 95 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.96. ଅଧ୍ଯାଯଃ 096
Mahabharata - Karna Parva - Chapter Topics
କର୍ଣେ ଯୁଧି ବର୍ଧମାନେ କୃଷ୍ଣେନାର୍ଜୁନପ୍ରୋତ୍ସାହନମ୍॥ 1 ॥ ତତୋଽର୍ଜୁନେନ ସ୍ବସାମର୍ଥ୍ଯପ୍ରକାଶନମ୍॥ 2 ॥
Mahabharata - Karna Parva - Chapter Text
8-96-0 (59670)
ସଞ୍ଜଯ ଉବାଚ। 8-96-0x (5060)
ଅଥାବ୍ରବୀଚ୍ଚକ୍ରଧରୋଽପି ପାର୍ଥଂ
ଦୃଷ୍ଟ୍ବା ରଥେଷୂନ୍ପ୍ରତିହନ୍ଯମାନାନ୍।
ଅମୂମୁଷତ୍ପଶ୍ଯତ ଏବ ତେଽଦ୍ଯ
ହ୍ଯସ୍ତ୍ରାଣି କର୍ଣୋଽସ୍ତ୍ରଗଣୈଃ କିରୀଟିନ୍॥ 8-96-1 (59671)
ସ ପାର୍ଥ କିଂ ମୁହ୍ଯସି ବେତ୍ସି ଚୈବ ତା--
ନ୍ଦୃଷ୍ଟ୍ବା ସମେତାନ୍ନଦତଃ କୁରୂସ୍ତ୍ବମ୍।
କର୍ଣଂ ପୁରସ୍କୃତ୍ଯ ବିଦୁର୍ହି ସର୍ବେ
ତବାସ୍ତ୍ରମସ୍ତ୍ରୈର୍ବିନିହନ୍ଯମାନମ୍॥ 8-96-2 (59672)
ଯଯା ଧୃତ୍ଯା ତାମସଂ ଜଘ୍ନିବାଂସ୍ତ୍ବଂ
ତତ୍ସଂଯୁଗେ ତାମସାଂଶ୍ଚାତିଘୋରାନ୍।
ଦମ୍ଭୋଦ୍ଭବଂ ଚାସୁରମାହବେ ତ୍ବଂ
ଦର୍ପୋତ୍ସିକ୍ତଂ ବୀର୍ଯବନ୍ତଂ କିରୀଟିନ୍।
ତଯା ଧୃତ୍ଯା ତ୍ବଂ ଜହି କର୍ଣମଦ୍ଯ
ପାର୍ଥାହବେ ତ୍ଯକ୍ତୁମସ୍ତ୍ରଂ ସମର୍ଥଃ॥ 8-96-3 (59673)
ଅନେନ ଚାଶୁ କ୍ଷୁରନେମିନାଦ୍ଯ
ମଯା ବିସୃଷ୍ଟେନ ସୁଦର୍ଶନେନ।
ଛିନ୍ଧ୍ଯସ୍ଯ ମୂର୍ଧାନମରେଃ ପ୍ରସହ୍ଯ
ବଜ୍ରେଣ ଶକ୍ରୋ ନମୁଚେରିବାରେଃ॥ 8-96-4 (59674)
କିରାତରୂପୀ ଭଗବାନ୍ଯଯା ଚ
ତ୍ବଯା ମହାତ୍ମା ପରିତୋଷିତୋଽଭୂତ୍।
ସ ତାଂ ପୁନର୍ବୀର ଧୃତିଂ ଗୃହୀତ୍ବା
ସହାନୁବନ୍ଧଂ ଜହି ସୂତପୁତ୍ରମ୍॥ 8-96-5 (59675)
ତତୋ ମହୀଂ ସାଗରମେଖଲାଂ ତ୍ବଂ
ସପତ୍ତଗା ଗ୍ରାମବତୀଂ ସମୃଦ୍ଧାମ୍।
ପ୍ରଯଚ୍ଛ ରାଜ୍ଞେ ନିହତାରିସଙ୍ଘାଂ
ଯଶଶ୍ଚ ପାର୍ଥାତୁଲମାପ୍ନୁହି ତ୍ବମ୍॥ 8-96-6 (59676)
କର୍ଣଂ ପୁରସ୍କୃତ୍ଯ ନଦନ୍ତିଂ ସର୍ବେ
ତବାସ୍ତ୍ରମଗ୍ର୍ଯଂ ପ୍ରତିହତ୍ଯ ବୀରାଃ।
କୁରୁ ପ୍ରଯତ୍ନଂ ଭରତପ୍ରବୀର
ଦ୍ରବନ୍ତ୍ଯମୀ ସୃଞ୍ଜଯାଃ ସୋମକାଶ୍ଚ।
ଦୃଷ୍ଟ୍ବାଥ କର୍ଣଂ ସମରେ ପ୍ରହୃଷ୍ଟଂ
ତ୍ବାଂ ଚାପି ଦୃଷ୍ଟ୍ବା ପରିହୀଯମାନମ୍॥ 8-96-7 (59677)
ସଞ୍ଜଯ ଉବାଚ। 8-96-8x (5061)
ସଞ୍ଚୋଦିତୋ ଭୀମଜନାର୍ଦନାଭ୍ଯାଂ
ସ୍ମୃତ୍ବା ତଦାତ୍ମାନମବେତ୍ଯ ସର୍ବମ୍।
ଇହାତ୍ମନଶ୍ଚାଗମନେ ବିଦିତ୍ବା
ପ୍ରଯୋଜନଂ କେଶବମିତ୍ଯୁବାଚ॥ 8-96-8 (59678)
ପ୍ରାଦୁଷ୍କରୋଭ୍ଯେଷ ମହାସ୍ତ୍ରମୁଗ୍ରଂ
ଶିବାଯ ଲୋକସ୍ଯ ବଧାଯ ସୌତେଃ।
ତନ୍ମେଽନୁଜାନାତୁ ଭବାନ୍ସୁରାଶ୍ଚ
ବ୍ରହ୍ମା ଶିବୋ ବ୍ରହ୍ମବିଦଶ୍ଚ ସର୍ବେ॥ 8-96-9 (59679)
ଇତି ସ୍ମୋକ୍ତ୍ବା ପାଣ୍ଡବଃ ସବ୍ଯସାଚୀ
ନମସ୍କୃତ୍ବା ବ୍ରହ୍ମଣେ ସୋଽମିତାତ୍ମା।
ଅନୁତ୍ତମଂ ବ୍ରାହ୍ମମସହ୍ଯମସ୍ତ୍ରଂ
ପ୍ରାଦୁଶ୍ଚକ୍ରେ ମନସା ଯଦ୍ବିଧେଯମ୍॥ 8-96-10 (59680)
ତତୋ ଦିଶଶ୍ଚ ପ୍ରଦିଶଶ୍ଚ ସର୍ବାଃ
ସମାବୃଣୋତ୍ସାଯକୈର୍ଭୂରିତେଜାଃ।
ଗାଣ୍ଡୀବମୁକ୍ତୈର୍ଭୁଜଗୈରିବୋଗ୍ରୈ--
ର୍ଦିବାକରାଂଶୁପ୍ରତିମୈର୍ଜ୍ବଲଦ୍ଭିଃ॥ 8-96-11 (59681)
ସୃଷ୍ଟାସ୍ତୁ ବାଣା ଭରତର୍ଷଭେଣ
ଶତଂ ଶତଂ ଭୀମମୁଖାଃ ସୁତୀକ୍ଷ୍ଣାଃ।
ପ୍ରାଚ୍ଛାଦଯନ୍କର୍ଣରଥଂ କ୍ଷଣେନ
ଯୁଗାନ୍ତକାଲାର୍କକରପ୍ରକାଶାଃ॥ 8-96-12 (59682)
ବୈକର୍ତନେନାଶୁ ତଦାଜିମଧ୍ଯେ
ସହସ୍ରଶୋ ବାଣଗଣା ବିସୃଷ୍ଟାଃ।
ତେ ଚାକ୍ଷଯାଃ ପାଣ୍ଡବମଭ୍ଯୁପେଯୁଃ
ପର୍ଜନ୍ଯସୃଷ୍ଟା ଇବ ବାରିଧାରାଃ॥ 8-96-13 (59683)
ତତଃ ସ କୃଷ୍ଣଂ ଚ କିରୀଟିନଂ ଚ
ବୃକୋଦରଂ ଚାପ୍ରତିମପ୍ରଭାବଃ।
ତ୍ରିଭିସ୍ତ୍ରିଭିର୍ଭୀମବଲୋ ନିହତ୍ଯ
ନନାଦ ଘୋରଂ ମହତା ସ୍ବନେନ॥ 8-96-14 (59684)
ତତଃ ସ ବାଣାଭିହତଃ କିରୀଟୀ
ଭୀମଂ ତଥା ପ୍ରେକ୍ଷ୍ଯ ଜନାର୍ଦନଂ ଚ।
ଅମୃଷ୍ଯମାଣଃ ପୁନରେବ ପାର୍ଥଃ
ଶରାନ୍ଦଶାଷ୍ଟୌ ସମମୁଦ୍ବବର୍ଷ॥ 8-96-15 (59685)
ସ କେତୁମେକେନ ଶରେଣ ବିଦ୍ଧ୍ବା
ଶଲ୍ଯଂ ଚତୁର୍ଭିସ୍ତ୍ରିଭିରେବ କର୍ଣମ୍।
ତତଃ ସୁମୁକ୍ତୈର୍ଦଶଭିର୍ଜଘାନ
ସେନାପତିଂ କାଞ୍ଚନବର୍ମନଦ୍ବମ୍॥ 8-96-16 (59686)
ସ ରାଜପୁତ୍ରୋ ବିଶିରା ବିବାହୁ--
ର୍ବିବାଜିସୂତୋ ବିଧନୁର୍ବିକେତୁଃ।
ଅଥୋ ରଥାଗ୍ରାଦପତତ୍ପ୍ରରୁଗ୍ଣଃ
ପରଶ୍ବଥୈଃ ସାଲ ଇବାବକୃତ୍ତଃ॥ 8-96-17 (59687)
ପୁନଶ୍ଚ କର୍ଣଂ ତ୍ରିଭିରଷ୍ଟଭିଶ୍ଚ
ଦ୍ବାଭ୍ଯାଂ ଚତୁର୍ଭିର୍ଦଶଭିଶ୍ଚ ବିଦ୍ଧା।
ଚତୁଶ୍ଶତଂ ଦ୍ବିରଦାନାଂ ନିପାତ୍ଯ
ରଥାଞ୍ଜଘାନାଷ୍ଟରଥାନ୍କିରୀଟି।
ସହସ୍ରମଶ୍ବାଂଶ୍ଚ ପୁନଶ୍ଚ ସାଦୀ--
ନଷ୍ଟୌ ସହସ୍ରାଣି ଚ ପତ୍ତିବୀରାନ୍॥ 8-96-18 (59688)
ଦୃଷ୍ଟ୍ବା ତୁ ମୁଖ୍ଯାବତିବିଧ୍ଯମାନୌ
ବରେଷୁଭିଃ ଶୂରବରାବରିଘ୍ନୌ।
କର୍ଣଂ ଚ ପାର୍ଥଂ ଚ ନିଯମ୍ଯ ବାହା-
ନ୍ସର୍ବେ ବରିଷ୍ଠାଶ୍ଚ ତତୋଽବତସ୍ଥୁଃ॥ 8-96-19 (59689)
ପ୍ରଚ୍ଛାଦଯାମାସ ତତଃ ପୃଷତ୍କୈଃ
ସଘୋଷମାଚ୍ଛିଦ୍ଯ ଚ ଗାଣ୍ଡିବଜ୍ଯାମ୍।
ଅସ୍ମିନ୍କ୍ଷଣେ ଫଲ୍ଗୁନଂ ସୂତପୁତ୍ରଃ
ସମାଚିନୋତ୍କ୍ଷୁଦ୍ରକାଣାଂ ଶତେନ॥ 8-96-20 (59690)
ନିର୍ମୁକ୍ତସର୍ପପ୍ରତିମୈଶ୍ଚ ତୀକ୍ଷ୍ଣୈ--
ସ୍ତୈଲପ୍ରଘୌତୈଃ ଖଗପତ୍ରବାଜୈଃ।
ଷଷ୍ଟ୍ଯା ବିଭେଦାଶୁ ଚ ବାସୁଦେବଂ
ତଦନ୍ତରେ ପ୍ରାତ୍ବରନ୍ସୋମକାଶ୍ଚ॥ 8-96-21 (59691)
ତତୋ ନବଜ୍ଯାଂ ସୁଦୃଢାଂ କିରୀଟି
ସ୍ବବାହୁବିକ୍ଷେପସହାଂ ପ୍ରଗୃହ୍ଯ।
ସମାଦଧେ ଗାଣ୍ଡିବେ କ୍ଷିପ୍ରକାରୀ
ନିମେଷମାତ୍ରେଣ ମହାଧନୁଷ୍ମାନ୍॥ 8-96-22 (59692)
ଜ୍ଯାଛେଦନଂ ଜ୍ଯାବିଧାନଂ ଚ ତସ୍ଯ
ନୈବାବବୁଧ୍ଯତ୍ସୂତପୁତ୍ରୋ ଲଘୁତ୍ବାତ୍।
ପାର୍ଥସ୍ଯ ସଙ୍ଖ୍ଯେ ଦ୍ବିଷତାଂ ନିହନ୍ତୁ--
ସ୍ତଦଦ୍ଭୁତଂ ତତ୍ର ବଭୂବ ରାଜନ୍॥ 8-96-23 (59693)
ପାର୍ଥୋଽପି ତାଂ ଜ୍ଯାମବଧାଯ ତୂର୍ଣଂ
ଶରାସନଜ୍ଯାମାଧିରଥେର୍ବିହତ୍ଯ।
ସୁସଂରବ୍ଧଃ କର୍ଣଶରୈଃ କ୍ଷତାଙ୍ଗୋ
ରଣେ ଯୋଧାଂସ୍ତାବକାନ୍ପ୍ରତ୍ଯଗୃହ୍ଣାତ୍॥ 8-96-24 (59694)
ନୈବାପତ୍ପକ୍ଷିଗଣୋଽନ୍ତରିକ୍ଷେ
ପାର୍ଥେନ ଚାସ୍ତ୍ରେଣ କୃତେଽନ୍ଧକାରେ॥ 8-96-25 (59695)
ଶଲ୍ଯଂ ତୁ ପାର୍ଥୋ ଦଶଭିର୍ନିମେଷା--
ଦ୍ଭୃଶଂ ତନୁତ୍ରେ ପ୍ରହସନ୍ନବିଧ୍ଯତ୍।
ତତଃ କର୍ଣଂ ଦ୍ବାଦଶଭିଃ ପୃଷତ୍କୈ--
ର୍ବିଦ୍ଧ୍ବା ପୁନଃ ସପ୍ତଭିରପ୍ଯବିଧ୍ଯତ୍॥ 8-96-26 (59696)
ସ ପାର୍ଥବାଣାସନବେଗନୁନ୍ନୈ--
ର୍ଦୃଢାହତଃ ପତ୍ରିଭିରୁଗ୍ରବେଗୈଃ।
ବିଭିନ୍ନଗାତ୍ରଃ କ୍ଷତଜୋକ୍ଷିତାଙ୍ଗଃ
କର୍ଣୋ ବଭୌ ରୁଦ୍ର ଇବାନ୍ତକାଲେ॥ 8-96-27 (59697)
ତତସ୍ତ୍ରିଭିସ୍ତଂ ତ୍ରିଦଶାଧିପୋପମଂ
ଶରୈର୍ବିଭେଦାଧିରଥିର୍ଧନଞ୍ଜଯମ୍।
ଶରାଂଶ୍ଚ ପଞ୍ଚ ଜ୍ବଲନାନିବୋରଗା--
ନ୍ପ୍ରବେଶଯାମାସ ଜିଘାଂସୁରଚ୍ଯୁତେ॥ 8-96-28 (59698)
ସୁବର୍ଣଚିତ୍ରଂ ପୁରୁଷୋତ୍ତମସ୍ଯ
ବର୍ମାଥ ଭିତ୍ତ୍ବାଭ୍ଯପତନ୍ସୁପୁଙ୍ଖାଃ।
ବେଗେନ ଗାଂ ତେ ବିବିଶୁଶ୍ଚ ରାଜ--
ନ୍ସ୍ନାତ୍ବା କର୍ଣାଽଭିମୁଖାଃ ପ୍ରତୀଯୁଃ॥ 8-96-29 (59699)
ତାନ୍ପଞ୍ଚଭଲ୍ଲୈର୍ଦଶଭିଃ ସୁମୁକ୍ତୈ--
ସ୍ତ୍ରିଧାତ୍ରିଧୈକୈକମଥୋଚ୍ଚକର୍ତ।
ଧନଞ୍ଜଯସ୍ତେ ନ୍ଯପତନ୍ପୃଥିବ୍ଯାଂ
ଯଥାଽହଯସ୍ତାର୍କ୍ଷ୍ଯମୁଖେନ କୃତ୍ତାଃ॥ 8-96-30 (59700)
ତତଃ ପ୍ରଜଜ୍ବାଲ କିରୀଟମାଲୀ
କ୍ରୋଧେନ କକ୍ଷଂ ପ୍ରଦହନ୍ନିବାଗ୍ନିଃ।
ସ କର୍ଣମାକର୍ଣବିକୃଷ୍ଟସୃଷ୍ଟୈଃ
ଶରୈଃ ଶରୀରାନ୍ତକରୈର୍ଜ୍ବଲଦ୍ଭିଃ।
ମର୍ମସ୍ବବିଧ୍ଯତ୍ସ ଚଚାଲ ଦୁଃଖା--
ଦ୍ଧୈର୍ଯାତ୍ତୁଂ ତସ୍ଥାବତିମାତ୍ରଧୈର୍ଯଃ॥ 8-96-31 (59701)
ପ୍ରାଦୁଶ୍ଚକାରାଥ ଶରାନ୍ମହାତ୍ମା
ଦେହଂ ବିଚିନ୍ବନ୍ନିବ ସୂତଜସ୍ଯ।
ଶରାସ୍ତୁ ତେ କାଞ୍ଚନଚିତ୍ରପୁଙ୍ଖାଃ
ସମ୍ପେତୁରୁର୍ବ୍ଯାଂ ଶତଶୋ ମହାନ୍ତଃ॥ 8-96-32 (59702)
ତତଃ ଶରୌଘୈଃ ପ୍ରଦିଶୋ ଦିଶଶ୍ଚ
ରବିପ୍ରଭାଃ କର୍ଣରଥଶ୍ଚ ରାଜନ୍।
ଅଦୃଶ୍ଯ ଆସୀତ୍କୁପିତେ ଧନଞ୍ଜଯେ
ତୁଷାରନୀହାରବୃତୋ ଗିରିର୍ଯଥା॥ 8-96-33 (59703)
ସଚକ୍ରରକ୍ଷା ଅପି ପୃଷ୍ଠଗୋପାଃ
କର୍ଣସ୍ଯ ଯେ ଚାପି ପୁରଃସରାଶ୍ଚ।
ଭୀତା ଦ୍ରବନ୍ତି ସ୍ମ ନିହନ୍ଯମାନା
ମହେଷୁଭିଃ ପାର୍ଥକରପ୍ରଣୁନ୍ନୈଃ॥ 8-96-34 (59704)
ତତୋଽର୍ଜୁନୋ ବୈ ଭରତପ୍ରବୀରୋ
ମହାନୁଭାବଃ ସମରେ ନିହନ୍ତା।
ସୁଯୋଧନେନାନୁମତାନ୍ବିନିଘ୍ନ--
ନ୍ସମୁଚ୍ଛ୍ରିତାନ୍ସରଥାନ୍ସାରଭୂତାନ୍॥ 8-96-35 (59705)
ଗାଣ୍ଡୀବଧନ୍ବା ଦ୍ବିଗୁଣଂ ସହସ୍ରଂ
କୁରୁପ୍ରବୀରାନୃଷଭଃ କୁରୂଣାମ୍।
କ୍ଷଣେନ ସର୍ବାନ୍ସରଥାନ୍ସସୂତା--
ନ୍ନିନାଯ ରାଜନ୍କ୍ଷଯମେକବୀରଃ॥ 8-96-36 (59706)
ଅଥୋ ପଲାଯନ୍ତ ବିହାଯ କର୍ଣଂ
ତବାତ୍ମଜା ଯେ କୁରବଶ୍ଚ ଶିଷ୍ଟାଃ।
ଏତାନବାକୀର୍ଯ ଶରକ୍ଷତାଂଶ୍ଚ
ବିଲପ୍ଯମାନାଂସ୍ତନଯାନ୍ବିମୃଦ୍ଗନ୍॥ 8-96-37 (59707)
ସର୍ବେ ପ୍ରଣେଶୁଃ କୁରବୋ ବିଭଗ୍ନାଃ
ପାର୍ଥେଷୁଭିଃ ସମ୍ପରିତପ୍ଯମାନାଃ।
ସୁଯୋଧନେନାଥ ପୁନର୍ବରିଷ୍ଠାଃ
ପ୍ରଚୋଦିତାଃ କର୍ଣରଥାନୁଯାନେ॥ 8-96-38 (59708)
ଭୋଃ କ୍ଷତ୍ରିଯାଃ ଶୂରତମାସ୍ତୁ ସର୍ବେ
କ୍ଷତ୍ରେ ଚ ଧର୍ମେ ନିରତାଃ ସ୍ଥ ଯୂଯମ୍।
ନ ଯୁକ୍ତରୂପଂ ଭବତାଂ ସମୀପା--
ତ୍ପଲାଯନଂ କର୍ଣମତିପ୍ରହାଯ॥ 8-96-39 (59709)
ତବାତ୍ମଜେନାପି ତଥୋଚ୍ଯମାନା
ନୈବାବତିଷ୍ଠନ୍ତ ଭଯାଦ୍ବିବର୍ଣାଃ।
କ୍ଷଣେନ ନଷ୍ଟାଃ ପ୍ରଦିଶୋ ଦିଶଶ୍ଚ
ସର୍ବେ ତତଃ ପ୍ରେକ୍ଷ୍ଯ ଦିଶୋ ବିଶୂନ୍ଯାଃ॥ 8-96-40 (59710)
ଭଯାବଦୀର୍ଣଃ କୁରୁଭିର୍ବିହୀନଃ
ପାର୍ଥେଷୁଭିଃ ସମ୍ପରିତପ୍ଯମାନଃ।
ନ ବିବ୍ଯଧେ ଭାରତ ତତ୍ର କର୍ଣଃ
ପ୍ରତୀପମେବାର୍ଜୁନମଭ୍ଯଧାବତ୍॥ ॥ 8-96-41 (59711)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଷଣ୍ଣବତିତମୋଽଧ୍ଯାଯଃ॥ 96 ॥
॥ ଶ୍ରୀଃ ॥
8.97. ଅଧ୍ଯାଯଃ 097
Mahabharata - Karna Parva - Chapter Topics
ରଣେ ହୀଯମାନେନ କର୍ଣେନାର୍ଜୁନସ୍ଯ ଶିରୋ ଲକ୍ଷୀକୃତ୍ଯ ନାଗାସ୍ତ୍ରପ୍ରଯୋଗଃ॥ 1 ॥ କୃଷ୍ଣେନ ପାର୍ଥରଥେ ପାଦନିପୀଡନେନ ଧରଣ୍ଯାଂ କିଞ୍ଚିନ୍ନିମଜ୍ଜିତେ ତଦସ୍ତ୍ରେଣ ଶିରୋବର୍ଜଂ ପାର୍ଥକିରୀଟମାତ୍ରାପହାରଃ॥ 2 ॥ କର୍ଣସ୍ଯ ରଥଚକ୍ରେ ବିପ୍ରଶାପାତ୍ ଧରଣ୍ଯାଂ ନିମଗ୍ନେ ତଦୁଦ୍ଦିଧୀର୍ଷଯା ତେନପାର୍ଥଂପ୍ରତି ମୁହୂର୍ତମଯୁଦ୍ଧପ୍ରାର୍ଥନମ୍॥ 3 ॥
Mahabharata - Karna Parva - Chapter Text
8-97-0 (59712)
ସଞ୍ଜଯ ଉବାଚ। 8-97-0x (5062)
ତତୋଽପଯାତାଃ ଶରପାତମାତ୍ର--
ମବସ୍ଥିତା ବୈ କୁରବୋ ନରେନ୍ଦ୍ର।
ବିଦ୍ଯୁତ୍ପ୍ରକାଶଂ ଦଦୃଶୁଃ ସମନ୍ତା--
ଦ୍ବନଞ୍ଜଯାସ୍ତ୍ରଂ ସମୁଦୀର୍ଯମାଣମ୍॥ 8-97-1 (59713)
ତତୋଽଗ୍ରସତ୍ସୂତପୁତ୍ରୋଽର୍ଜୁନସ୍ଯ
ବିଯଦ୍ଗତଂ ଘୋରତରଂ ଶରୈସ୍ତତ୍।
କ୍ରୁଦ୍ଧେନ ପାର୍ଥେନ ଶରଂ ବିସୃଷ୍ଟଂ
ବଧାଯ କର୍ଣସ୍ଯ ମହାବିମର୍ଦେ॥ 8-97-2 (59714)
[ଉଦୀର୍ଯମାଣଂ ସ୍ମ କୁରୂନ୍ଦହନ୍ତଂ
ସୁବର୍ଣପୁଙ୍ଖୈର୍ବିଶିଖୈର୍ମମର୍ଦ।
କର୍ଣସ୍ତ୍ବମୋଘେଷ୍ବସନଂ ଦୃଢଜ୍ଯଂ
ବିସ୍ଫାରଯିତ୍ବା ବିସୃଜଞ୍ଛରୋଘାନ୍॥] 8-97-3 (59715)
ରାମାଦୁପାତ୍ତେନ ମହାମହିମ୍ନା
ହ୍ଯାଥର୍ବଣେନାରିବିନାଶନେନ।
ତଦର୍ଜୁନାସ୍ତ୍ରଂ ବ୍ଯଧମଦ୍ଦହନ୍ତଂ
ପାର୍ଥଂ ଚ ବାଣୈର୍ନିଶିତୈରବିଧ୍ଯତ୍॥ 8-97-4 (59716)
ତତୋ ବିମର୍ଦଃ ସୁମହାନ୍ବଭୂବ
ତତ୍ରାର୍ଜୁନସ୍ଯାଧିରଥେଶ୍ଚ ରାଜନ୍।
ଅନ୍ଯୋନ୍ଯମାସାଦଯତୋଃ ପୃଷତ୍କୈ--
ର୍ବିଷାଣଘାତୈର୍ଦ୍ବିପଯୋରିବାଜୌ॥ 8-97-5 (59717)
ତତୋଽସ୍ତ୍ରସଙ୍ଘାତସମାବୃତଂ ତଦା
ବଭୂବ ରାଜଂସ୍ତୁମୁଲଂ ରଣାଜିରମ୍।
ଯତ୍କର୍ଣପାର୍ଥୌ ଶରବୃଷ୍ଟିସଙ୍ଘୈ--
ର୍ନିରନ୍ତରଂ ଚକ୍ରତୁରମ୍ବରଂ ତଦା॥ 8-97-6 (59718)
[ତତୋ ଜାଲଂ ବାଣମଯଂ ମହାନ୍ତଂ
ସର୍ବେଽଦ୍ରାକ୍ଷୁଃ କୁରବଃ ସୋମକାଶ୍ଚ।
ନାନ୍ଯଂ ଚ ଭୂତଂ ଦଦୃଶୁସ୍ତଦା ତେ
ବାଣାନ୍ଧକାରେ ତୁମୁଲେଽଥ କିଞ୍ଚିତ୍॥ 8-97-7 (59719)
ତୌ ସନ୍ଦଧାନାବନିଶଂ ଚ ରାଜନ୍।
ସମସ୍ଯନ୍ତୌ ଚାପି ଶରାନନେକାନ୍।
ସନ୍ଦର୍ଶଯେତାଂ ଯୁଧି ମାର୍ଗାନ୍ବିଚିତ୍ରା--
ନ୍ଧନୁର୍ଧରୌ ତୌ ବିବିଧୈଃ କୃତାସ୍ତ୍ରୈଃ॥ 8-97-8 (59720)
ତଯୋରେବଂ ଯୁଧ୍ଯତୋରାଜିମଧ୍ଯେ
ସୂତାତ୍ମଜୋଽଭୂଦଧିକଃ କଦାଚିତ୍।
ପାର୍ଥଃ କଦାଚିତ୍ତ୍ବଧିକଃ କିରୀଟି
ବୀର୍ଯାସ୍ତ୍ରମାଯାବଲପୌରୁଷେଣ॥ 8-97-9 (59721)
ଦୃଷ୍ଟ୍ବା ତଯୋସ୍ତଂ ଯୁଧି ସମ୍ପ୍ରହାରଂ
ପରସ୍ପରସ୍ଯାନ୍ତରମୀକ୍ଷମାଣଯୋଃ।
ଘୋରଂ ତଯୋର୍ଦୁର୍ବିଷହଂ ରଣେଽନ୍ଯୈ--
ର୍ଯୋଧାଃ ସର୍ବେ ବିସ୍ମଯମଭ୍ଯଗଚ୍ଛନ୍॥ 8-97-10 (59722)
ତତୋ ଭୂତାନ୍ଯନ୍ତରିକ୍ଷସ୍ଥିତାନି
ତୌ କର୍ଣପାର୍ଥୌ ପ୍ରଶଶଂସୁର୍ନରେନ୍ଦ୍ର।
ଭୋଃ କର୍ଣ ସାଧ୍ବର୍ଜୁନ ସାଧୁ ଚେତି
ବିଯତ୍ସୁ ବାଣୀ ଶ୍ରୂଯତେ ସର୍ବତୋପି॥ 8-97-11 (59723)
ତସ୍ମିନ୍ବିମର୍ଦେ ରଥବାଜିନାଗୈ--
ସ୍ତଦାଽଭିଘାତୈର୍ଦଲିତେ ହି ଭୂତଲେ।
ତତସ୍ତୁ ପାତାଲତଲେ ଶଯାନୋ
ନାଗୋଽଶ୍ବସେନଃ କୃତବୈରୋଽର୍ଜୁନେନ॥ 8-97-12 (59724)
ରାଜଂସ୍ତଦା ଖାଣ୍ଡବଦାହମୁକ୍ତୋ
ବିବେଶ କୋପାଦ୍ବସୁଧାତଲେ ଯଃ।
ଅଥୋତ୍ପପାତୋର୍ଧ୍ବଗତିର୍ଜବେନ
ସନ୍ଦୃଶ୍ଯ କର୍ଣାର୍ଜୁନଯୋର୍ବିମର୍ଦମ୍॥ 8-97-13 (59725)
ଅଯଂ ହି କାଲୋସ୍ଯ ଦୁରାତ୍ମନୋ ବୈ
ପାର୍ଥସ୍ଯ ବୈରପ୍ରତିଯାତନାଯ।
ସଞ୍ଚିନ୍ତ୍ଯ ତୂର୍ଣଂ ପ୍ରବିବେଶ ଚୈବ
କର୍ଣସ୍ଯ ରାଜନ୍ଶରରୂପଧାରୀ॥ 8-97-14 (59726)
ତତୋସ୍ତ୍ରସଙ୍ଘାତସମାକୁଲଂ ତଦା
ବଭୂବ ଜନ୍ଯଂ ବିତତାଂଶୁଜାଲମ୍।
ତତ୍କର୍ଣପାର୍ଥୋ ଶରସଙ୍ଘବୃଷ୍ଟିଭି--
ର୍ନିରନ୍ତରଂ ଚକ୍ରତୁରମ୍ବରଂ ତଦା॥ 8-97-15 (59727)
ତଦ୍ବାଣଜାଲୈକମଯଂ ମହାନ୍ତଂ
ସର୍ବେଽତ୍ରସନ୍କୁରବଃ ସୋମକାଶ୍ଚ।
ନାନ୍ଯତ୍କିଞ୍ଚିଦ୍ଦଦୃଶୁଃ ସମ୍ପତଦ୍ବୈ
ବାଣାନ୍ଧକାରେ ତୁମୁଲେଽତିମାତ୍ରମ୍॥ 8-97-16 (59728)
ତତସ୍ତୌ ପୁରୁଷବ୍ଯାଘ୍ରୌ ସର୍ବଲୋକଧନୁର୍ଧରୌ।
ତ୍ଯକ୍ତପ୍ରାଣୌ ରଣେ ବୀରୋ ଯୁଦ୍ଧଶ୍ରମମୁପାଗତୌ॥ 8-97-17 (59729)
ସମୁତ୍କ୍ଷେପୈର୍ବୀକ୍ଷମାଣୌ ସିକ୍ତୌ ଚନ୍ଦନବାରିଣା।
ସବାଲବ୍ଯଜନୈର୍ଦିବ୍ଯୈର୍ଦିବିସ୍ଥୈରପ୍ସରୋଗଣୈଃ।
ଶକ୍ରସୂର୍ଯକରାବ୍ଜାଭ୍ଯାଂ ପ୍ରମାର୍ଜିତମୁଖାବୁଭୌ॥ 8-97-18 (59730)
କର୍ଣୋଽଥ ପାର୍ଥଂ ନ ବିଶେଷଯଦ୍ଯଦା
ଭୃଶଂ ଚ ପାର୍ଥେନ ଶରାଭିତପ୍ତଃ।
ତତସ୍ତୁ ବୀରଃ ଶରବିକ୍ଷତାଙ୍ଗୋ
ଦଧ୍ରେ ମନୋ ହ୍ଯେକଶଯସ୍ଯ ତସ୍ଯ॥] 8-97-19 (59731)
ତତୋ ରିପୁଘ୍ନଂ ସମଧତ୍ତ କର୍ଣଃ
ସୁସଞ୍ଚିତଂ ସର୍ପମୁଖଂ ଜ୍ବଲନ୍ତମ୍।
ରୌଦ୍ରଂ ଶରଂ ସନ୍ନତମୁଗ୍ରଧୌତଂ
ପାର୍ଥାର୍ଥମିତ୍ଯେବ ଚିରାଭିଗୁପ୍ତମ୍॥ 8-97-20 (59732)
ସଦାର୍ଚିତଂ ଚନ୍ଦନଚୂର୍ଣଶାଯିତଂ
ସୁବର୍ଣତୂଣୀରଶଯଂ ମହାର୍ଚିଷମ୍।
ଆକର୍ଣପୂର୍ଣଂ ବିଚକର୍ଷ କର୍ଣୋ
ବିମୋକ୍ତୁକାମଃ ଶରମୁଗ୍ରବେଗମ୍॥ 8-97-21 (59733)
ପ୍ରଦୀପ୍ତମୈରାବତବଂଶସମ୍ଭବଂ
ଶିରୋ ଜିହୀର୍ଷୁର୍ଯୁଧି ସବ୍ଯସାଚିନଃ।
ତତଃ ପ୍ରଜଜ୍ବାଲ ଦିଶୋ ନଭଶ୍ଚ
ଉଲ୍କାଶ୍ଚ ଘୋରାଃ ଶତଶଃ ପ୍ରପେତୁଃ॥ 8-97-22 (59734)
ତସ୍ମିଂସ୍ତୁ ନାଗେ ଧନୁଷି ପ୍ରଯୁକ୍ତେ
ହାହାକୃତା ଲୋକପାଲାଃ ସଶକ୍ରାଃ॥ 8-97-23 (59735)
ସ ସୂତପୁତ୍ରସ୍ତମପାଙ୍ଗଦେଶେ
ଅବାଙ୍ମୁଖଂ ସନ୍ଧଯତି ସ୍ମ ରୋଷାତ୍।
ନ ତଂ ସ୍ମ ଜାନାତି ମହାନୁଭାବ--
ମପାଙ୍ଗଦେଶେଽଭିନିବିଷ୍ଟମାଜୌ॥ 8-97-24 (59736)
[ନ ଚାପି ତଂ ବୁବୁଧେ ସୂତପୁତ୍ରୋ
ବାଣେ ପ୍ରବିଷ୍ଟଂ ଯୋଗବଲେନ ନାଗମ୍।
ଦଶଶତନଯନୋଽହିଂ ଦୃଶ୍ଯ ବାଣେ ପ୍ରବିଷ୍ଟଂ
ନିହତ ଇତି ସୁତୋ ମେ ସ୍ରସ୍ତଗାତ୍ରୋ ବଭୂବ।
ଜଲଜକୁସୁମଯୋନିଃ ଶ୍ରେଷ୍ଠଭାବୋ ଜିତାତ୍ମା
ତ୍ରିଦଶପତିମବୋଚନ୍ମା ବ୍ଯଥିଷ୍ଠା ଜଯେ ଶ୍ରୀଃ॥ 8-97-25 (59737)
ତତୋଽବ୍ରବୀନ୍ମଦ୍ରରାଜୋ ମହାତ୍ମା
ଦୃଷ୍ଟ୍ବା କର୍ଣଂ ପ୍ରହିତେଷୁ ତମୁଗ୍ରମ୍।
ଗ୍ରୀବାଯତଃ କର୍ଣ ନ ସଂହିତୋଽଯଂ
ସମୀକ୍ଷ୍ଯ ସନ୍ଧତ୍ସ୍ବ ଶରଂ ପରଘ୍ନମ୍॥ 8-97-26 (59738)
ଅଥାବ୍ରବୀତ୍କ୍ରୋଧସଂରକ୍ତନେତ୍ରୋ
ମଦ୍ରାଧିପଂ ସୂତପୁତ୍ରୋ ମନସ୍ବୀ।
ନ ସନ୍ଧତ୍ତେ ଦ୍ବିଃ ଶରଂ ଶଲ୍ଯ କର୍ଣୋ
ନ ମାଦୃଶା ଜିହ୍ମଯୁଦ୍ବା ଭବନ୍ତି॥ 8-97-27 (59739)
ଇତୀଦମୁକ୍ତ୍ବା ବିସସର୍ଜ ତଂ ଶରଂ
ପ୍ରଯତ୍ନତୋ ବର୍ଷଗଣାଭିପୂଜିତମ୍।
ହତୋସି ରେ ଫଲ୍ଗୁନ ଇତ୍ଯଧିକ୍ଷିପ--
ନ୍ନୁବାଚ ଚୋଚ୍ଚୈର୍ନିରମୂର୍ଜିତାଂ ବୃଷଃ॥ 8-97-28 (59740)
ସ ସାଯକଃ କର୍ଣଭୁଜପ୍ରସୃଷ୍ଟୋ
ହୁତାଶନାର୍କପ୍ରତିମଃ ସୁଘୋରଃ।
ଗୁଣଚ୍ଯୁତଃ କର୍ଣଧନୁଃପ୍ରମୁକ୍ତୋ
ବିଯଦ୍ଗତଃ ପ୍ରାଜ୍ବଲଦନ୍ତରିକ୍ଷେ॥ 8-97-29 (59741)
ତମାପତନ୍ତଂ ଜ୍ବଲିତଂ ନିରୀକ୍ଷ୍ଯ
ବିଯଦ୍ଗତଂ ବୃଷ୍ଣିକୁଲପ୍ରବୀରଃ।
ରଥସ୍ଯ ଚକ୍ରଂ ସହସା ନିପୀଡ୍ଯ
ପଞ୍ଚାଙ୍ଗୁଲଂ ମଜ୍ଜଯତି ସ୍ମ ବୀରଃ॥ 8-97-30 (59742)
ତତୋଽନ୍ତରିକ୍ଷେ ସୁମହାନ୍ନିନାଦଃ
ସମ୍ପୂଜନାର୍ଥଂ ମଧୁସୂଦନସ୍ଯ।
[ଦିବ୍ଯାଶ୍ଚ ବାଚଃ ସହସା ବଭୂବୁ--
ର୍ଦିବ୍ଯାନି ପୁଷ୍ପାଣ୍ଯଥ ସିଂହନାଦାଃ।
ତସ୍ମିଂସ୍ତଥା ବୈ ଧରଣୀଂ ନିମଗ୍ନେ
ରଥେ ପ୍ରଯତ୍ନାନ୍ମଧୁସୂଦନସ୍ଯ॥] 8-97-31 (59743)
ତତଃ କିରୀଟଂ ବହୁରତ୍ନଚିତ୍ରଂ
ଜଘାନ ନାଗୋଽର୍ଜୁନମୂର୍ଧତୋ ବଲାତ୍।
ଗିରେଃ ସୁଜାତାଙ୍କୁରପୁଷ୍ପିତଦ୍ରୁମଂ
ମହେନ୍ଦ୍ରବଜ୍ରଂ ଶିଖରଂ ଯଥୋତ୍ତମମ୍॥ 8-97-32 (59744)
ତତଃ କିରୀଟଂ ତପନୀଯଚିତ୍ରଂ
ପାର୍ଥୋତ୍ତମାଙ୍ଗାଦହରତ୍ତରସ୍ବୀ।
ତଦ୍ଧେମଜାଲାବନତଂ ସୁଘୋରଂ
ସମ୍ପ୍ରଜ୍ବଲତ୍ତନ୍ନିପପାତ ଭୂମୌ॥ 8-97-33 (59745)
ତତୋଽର୍ଜୁନସ୍ଯୋତ୍ତମଗାତ୍ରଭୂଷଣଂ
ସୁବର୍ଣମୁକ୍ତାମଣିବଜ୍ରଚିତ୍ରିତମ୍।
ଧରାବିଯଦ୍ଦ୍ଯୋସଲିଲେଷୁ ବିଶ୍ରୁତଂ
ବଲଂ ନିସର୍ଗୋତ୍ତମମନ୍ଯୁଧିଃ ସଦା॥ 8-97-34 (59746)
ଶରେଣ ମୂର୍ଧ୍ନି ପ୍ରଜହାର ସୂତଜୋ
ଦିବାକରେନ୍ଦୁଜ୍ବଲନଗ୍ରହତ୍ବିଷମ୍।
ସୁବର୍ଣମୁକ୍ତାମଣିବଜ୍ରଭୂଷଣଂ
ପୁରନ୍ଦରାର୍ଥଂ ତପସା ପ୍ରଯତ୍ନତଃ॥ 8-97-35 (59747)
ସ୍ବଯଂ କୃତଂ ଯଦ୍ବିଧିନା ସ୍ବଯମ୍ଭୁବା
ମହାର୍ହରୂପଂ ଦ୍ବିଷତାଂ ଭଯଙ୍କରମ୍।
ନିଜଘ୍ନତେ ଦେବରିପୂନ୍ସୁରେଶ୍ବରଃ
ସ୍ବଯଂ ଦଦୌ ଯଦ୍ଧି ମୁଦାଽର୍ଜୁନାଯ॥ 8-97-36 (59748)
ହରିପ୍ରଚେତୋହରିବିତ୍ତଗୋପ୍ତୃଭିଃ
ପିନାକପାଶାଶନିଦଣ୍ଡଧାରିଭିଃ।
ସୁରୋତ୍ତମୈରପ୍ଯବିଷହ୍ଯମର୍ଦିତୁଂ
ପ୍ରସହ୍ଯ ନାଗେନ ଜହାର ତଦ୍ବୃଷା॥ 8-97-37 (59749)
ତଦୁତ୍ତମେଷୂନ୍ମଥିତଂ ବିଷାହିନା
ପ୍ରଦୀପ୍ତମର୍ଚିଷ୍ମଦତୀବ ସୁନ୍ଦରମ୍।
ପପାତ ପାର୍ଥସ୍ଯ କିରୀଟମୁତ୍ତମଂ
ଦିବାକରୋସ୍ତାଦିବ ପର୍ବତାଜ୍ଜ୍ବଲନ୍॥ 8-97-38 (59750)
ମହୀବିଯଦ୍ଦ୍ଯୋସଲିଲାନି ବାଯୁନା
ପ୍ରସହ୍ଯ ରୁଗ୍ଣାନି ବିଘୂର୍ଣିତାନି ବା।
ଇତୀବ ଶବ୍ଦଂ ଭୁବନେଷୁ ତତ୍ତଥା
ଜନା ବ୍ଯବସ୍ଯନ୍ତି ଦିଶଶ୍ଚ ବିହ୍ବଲାଃ॥ 8-97-39 (59751)
ବିନା କିରୀଟଂ* ଶୁଶୁଭେ ସ ପାର୍ଥଃ
ଶ୍ଯାମୋ ଯୁବା ଶୈଲ ତ୍ରିଶୃଙ୍ଗୈଃ॥ 8-97-40 (59752)
ତତଃ ସମୁଦ୍ଗ୍ରଥ୍ଯ ସିତେନ ବାସସା
ସ୍ବମୂର୍ଧଜନାବ୍ଯଥିତସ୍ତଦାଽର୍ଜୁନଃ।
ବଭୌ ସୁସମ୍ପୂର୍ଣମରୀଚିନେନ୍ଦୁନା
ଶିରୋଗତେନୋଦଯପର୍ବତୋ ଯଥା॥ 8-97-41 (59753)
ସ ଚାପି ରାଧେଯଭୁଜପ୍ରମୁକ୍ତୋ
ହୁତାଶନାର୍କପ୍ରତିମଦ୍ଯୁତିର୍ମହାନ୍।
ମହୋରଗଃ କୃତବୈରୋଽର୍ଜୁନେନ
କିରୀଟମାହୃତ୍ଯ ସମୁତ୍ପପାତ॥ 8-97-42 (59754)
ତମୁତ୍ପତନ୍ତଂ ଦ୍ବିପଦାଂ ବରିଷ୍ଠୋ
ଦୃଷ୍ଟ୍ବା ବଚଃ ପାର୍ଥମୁବାଚ କୃଷ୍ଣଃ।
ମହୋରଗଂ ପାଣ୍ଡବ ପଶ୍ଯପଶ୍ଯ
ପ୍ରଯୋଜିତଂ ତ୍ବନ୍ନିଧନାର୍ଥମୁଗ୍ରମ୍॥ 8-97-43 (59755)
ସ ଏବମୁକ୍ତୋ ମଧୁସୂଦନେନ
ଗାଣ୍ଡୀବଧନ୍ବା ହରିମୁଗ୍ରବାଚା।
ଉବାଚ କୋ ନ୍ବେଷ ମମାଦ୍ଯ ନାଗଃ
କ୍ଷଯାଯ ନାଗାଦ୍ଗରୁଡସ୍ଯ ବକ୍ରମ୍॥ 8-97-44 (59756)
କୃଷ୍ଣ ଉବାଚ। 8-97-45x (5063)
ଯୋଽସୌ ତ୍ବଯା ଖାଣ୍ଡବେ ଚିତ୍ରଭାନୁଂ
ସନ୍ତର୍ପଯାଣେନ ଧନୁର୍ଧରେଣ।
ବିଯଦ୍ଗତୋ ଜନନୀଗୁପ୍ତଦେହୋ
ମତ୍ବୈକରୂପଂ ନିହତାଽସ୍ଯ ମାତା॥ 8-97-45 (59757)
ସ ଏଷ ତଦ୍ବୈରମନୁସ୍ମରନ୍ବୈ
ତ୍ବାଂ ପ୍ରାର୍ଥଯତ୍ଯାତ୍ମବଧାଯ ନୂନମ୍।
ନଭଶ୍ଚୁତାଂ ପ୍ରଜ୍ବଲିତାମିବୋଲ୍କାଂ
ପଶ୍ଯୈନମାଯାନ୍ତମମିତ୍ରସାହ॥ 8-97-46 (59758)
ସଞ୍ଜଯ ଉବାଚ। 8-97-47x (5064)
ତତଃ ସ ଜିଷ୍ଣୁଃ ପରିବୃତ୍ଯ ରୋଷା--
ଚ୍ଚିଚ୍ଛେଦ ଷଡ୍ଭିର୍ନିଶିତୈଃ ସୁଧାରୈଃ।
ନାଗଂ ବିଯତ୍ତିର୍ଯଗିବୋତ୍ପତତଂ
ସ ଚ୍ଛିନ୍ନଗାତ୍ରୋ ନିପପାତ ଭୂମୌ॥ 8-97-47 (59759)
[ଗତେ ଚ ତସ୍ମିନ୍ଭୁଜଗେ କିରୀଟିନା
ସ୍ବଯଂ ବିଭୁଃ ପାର୍ଥିବ ଭୂତଲାଦଥ।
ସମୁଜ୍ଜହାରାଶୁ ପୁନଃ ପତନ୍ତଂ
ରଥଂ ଭୁଜାଭ୍ଯାଂ ପୁରୁଷୋତ୍ତମସ୍ତତଃ॥] 8-97-48 (59760)
ତସ୍ମିନ୍ମୁହୂର୍ତେ ଦଶଭିଃ ପୃଷତ୍କୈଃ
ସିଲାଶିତୈର୍ବର୍ହିଣବର୍ହବାଜିତୈଃ।
ବିବ୍ଯାଧ କର୍ଣଃ ପୁରୁଷପ୍ରବୀରୋ
ଧନଞ୍ଜଯଂ ତିର୍ଯଗବେକ୍ଷମାଣଃ॥ 8-97-49 (59761)
ତତୋଽର୍ଜୁନୋ ଦ୍ବାଦଶଭିଃ ସୁମୁକ୍ତୈ--
ର୍ବରାହକର୍ଣୈର୍ଜିଶିତୈଃ ସମର୍ପ୍ଯ।
ନାରାଚମାଶୀବିଷତୁଲ୍ଯବେଗ--
ମାକର୍ଣପୂର୍ଣାଯତମୁତ୍ସସର୍ଜ॥ 8-97-50 (59762)
ସ ଚିତ୍ରବର୍ମେଷୁବରୋ ବିଦାର୍ଯ
ପ୍ରାଣାନ୍ନିରସ୍ଯନ୍ନିବ ସାଧୁମୁକ୍ତଃ।
କର୍ଣସ୍ଯ ପୀତ୍ବା ରୁଧିରଂ ବିବେଶ
ବସୁନ୍ଧରାଂ ଶୋଣିତଦିଗ୍ଧବାଜଃ॥ 8-97-51 (59763)
ତତୋ ବୃଷୋ ବାଣନିପାତକୋପିତୋ
ମହୋରଗୋ ଦଣ୍ଡବିଘଟ୍ଟିତୋ ଯଥା।
ତଦାଽଽଶୁକାରୀ ବ୍ଯସୃଜଚ୍ଛରୋତ୍ତମାନ୍
ମହାବିଷଃ ସର୍ପ ଇବୋତ୍ତମଂ ବିଷମ୍॥ 8-97-52 (59764)
ଜନାର୍ଦନଂ ଦ୍ବାଦଶଭିଃ ପରାଭିନ--
ନ୍ନବୈର୍ନବତ୍ଯା ଚ ଶରୈସ୍ତଥାଽର୍ଜୁନମ୍।
ଶରେଣ ଘୋରେଣ ପୁନଶ୍ଚ ପାଣ୍ଡବଂ
ବିଦାର୍ଯ କର୍ଣୋ ବ୍ଯନଦଜ୍ଜହାସ ଚ॥ 8-97-53 (59765)
ତମସ୍ଯ ହର୍ଷଂ ମମୃଷେ ନ ପାଣ୍ଡବୋ
ବିଭେଦ ମର୍ମାଣି ତତୋଽସ୍ଯ ମର୍ମବିତ୍।
ପରଃଶତୈଃ ପତ୍ରିଭିରିନ୍ଦ୍ରବିକ୍ରମ--
ସ୍ତଥା ଯଥେନ୍ଦ୍ରୋ ବଲମୋଜସା ରଣେ॥ 8-97-54 (59766)
ତତଃ ଶରାଣାଂ ନବତିଂ ତଦାଽର୍ଜୁନଃ
ସସର୍ଜ କର୍ଣେଽନ୍ତକଦଣ୍ଡସନ୍ନିଭାମ୍।
ତୈଃ ପତ୍ରିଭିର୍ବିଦ୍ଧତନୁଃ ସ ବିବ୍ଯଥେ
ତଥା ଯଥା ବଜ୍ରବିଦାରିତୋଽଚଲଃ॥ 8-97-55 (59767)
ମଣିପ୍ରବେକୋତ୍ତମବଜ୍ରହାଟକୈ--
ରଲଙ୍କୃତଂ ଚାସ୍ଯ ବରାଙ୍ଗଭୂଷଣମ୍।
ପ୍ରବିଦ୍ଧମୁର୍ବ୍ଯାଂ ନିପପାତ ପତ୍ରିଭି--
ର୍ଧନଞ୍ଜଯେନୋତ୍ତମକୁଣ୍ଡଲେପି ଚ॥ 8-97-56 (59768)
ମହାଧନଂ ଶିଲ୍ପିବରୈଃ ପ୍ରଯତ୍ନତଃ
କୃତଂ ଯଦସ୍ଯୋତ୍ତମବର୍ମ ଭାସ୍ବରମ୍।
ସୁଦୀର୍ଘକାଲେନ ତତୋଽସ୍ଯ ପାଣ୍ଡବଃ
କ୍ଷଣେନ ବାଣୈର୍ବହୁଧା ବ୍ଯଶାତଯତ୍॥ 8-97-57 (59769)
`ତସ୍ଯେଷୁଭିଃ ଖଣ୍ଡିତକୁଣ୍ଡଲୋଽନ୍ତଃ
ପରିକ୍ଷତଶ୍ଚାଭ୍ଯଧିକଂ ତଦାନୀମ୍।
ସ ଲୋହିତାଙ୍ଗଶ୍ରବଣଶ୍ଚକାଶେ
ସଲୋହିତାଙ୍ଗଶ୍ରବଣୋ ଯଥା ଦିବି'॥ 8-97-58 (59770)
ସ ତଂ ବିବର୍ମାଣମଥୋତ୍ତମେଷୁଭିଃ
ଶିତୈଶ୍ଚତୁର୍ଭିଃ କୁପିତଃ ପରାଭିନତ୍।
ସ ବିବ୍ଯଥେଽତ୍ଯର୍ଥମରିପ୍ରତାଡିତୋ
ଯଥାଽଽତୁରଃ ପିତ୍ତକଫାନିଲଜ୍ବରୈଃ॥ 8-97-59 (59771)
ମହାଧନୁର୍ମଣ୍ଡଲନିଃସୃତୈଃ ଶିତୈଃ
କ୍ରିଯାପ୍ରଯତ୍ନପ୍ରହିତୈର୍ବଲେନ ଚ।
ତତକ୍ଷ କର୍ଣଂ ବହୁଭିଃ ଶରୋତ୍ତମୈ--
ର୍ବିଭେଦ ମର୍ମସ୍ବପି ଚାର୍ଜୁନସ୍ତ୍ବରନ୍॥ 8-97-60 (59772)
ଦୃଢାହତଃ ପତ୍ରିଭିରୁଗ୍ରବେଗୈଃ
ପାର୍ଥେନ କର୍ଣୋ ବିବିଧୈଃ ଶିତାଗ୍ରୈଃ।
ବଭୌ ଗିରିର୍ଗୈରିକଧାତୁରକ୍ତଃ
କ୍ଷରନ୍ପ୍ରପାତୈରିବ ରକ୍ତମମ୍ଭଃ॥ 8-97-61 (59773)
[ତତୋଽର୍ଜୁନଃ କର୍ଣମବକ୍ରଗୈର୍ନବୈଃ
ସୁବର୍ଣପୁଙ୍ଖୈଃ ସୁଦୃଢୈରଯସ୍ମଯୈଃ।
ଯମାଗ୍ନିଦଣ୍ଡପ୍ରତିମୈଃ ସ୍ତନାନ୍ତରେ
ପରାଭିନତ୍କ୍ରୌଞ୍ଚମିବାଦ୍ରିମଗ୍ନିଜଃ॥ 8-97-62 (59774)
ତତଃ ଶରାବାପମପାସ୍ଯ ସୂତଜୋ
ଧନୁଶ୍ଚ ତଚ୍ଛକ୍ରଶରାସନୋପମମ୍।
ତତୋ ରଥସ୍ଥଃ ସ ମୁମୋହ ଚ ସ୍ଖଲନ୍।
ପ୍ରଶୀର୍ଣମୁଷ୍ଟିଃ ସୁଭୃଶାହତଃ ପ୍ରଭୋ॥ 8-97-63 (59775)
ନ ଚାର୍ଜୁନସ୍ତଂ ବ୍ଯସନେ ତଦେଷିବା--
ନ୍ନିହନ୍ତୁମାର୍ଯଃ ପୁରୁଷବ୍ରତେ ସ୍ଥିତଃ।
ତତସ୍ତମିନ୍ଦ୍ରାବରଜଃ ସୁସମ୍ଭ୍ରମା--
ଦୁବାଚ କିଂ ପାଣ଼୍ଡବ ହେ ପ୍ରମାଦ୍ଯସେ॥ 8-97-64 (59776)
ନୈବାହିତାନାଂ ସତତଂ ବିପଶ୍ଚିତଃ
କ୍ଷଣଂ ପ୍ରତୀକ୍ଷନ୍ତ୍ଯପି ଦୁର୍ବଲୀଯସାମ୍।
ବିଶେଷତୋଽରୀନ୍ବ୍ଯସନେଷୁ ପଣ୍ଡିତୋ
ନିହତ୍ଯ ଧର୍ମଂ ଚ ଯଶଶ୍ଚ ବିନ୍ଦତେ॥ 8-97-65 (59777)
ତଦେକବୀରଂ ତବ ଚାହିତଂ ସଦା
ତ୍ବରସ୍ବ କର୍ଣଂ ସହସାଽଭିମର୍ଦିତୁମ୍।
ପୁରା ସମର୍ଥଃ ସମୁପୈତି ସୂତଜୋ
ଭିନ୍ଧି ତ୍ବମେନଂ ନମୁଚିଂ ଯଥା ହରିଃ॥ 8-97-66 (59778)
ତତସ୍ତଦେବେତ୍ଯଭିପୂଜ୍ଯ ସତ୍ବରଂ
ଜନାର୍ଦନଂ କର୍ଣମବିଧ୍ଯଦର୍ଜୁନଃ।
ଶରୋତ୍ତମୈଃ ସର୍ବକୁରୂତ୍ତମସ୍ତ୍ବରଂ--
ସ୍ତଥା ଯଥା ଶମ୍ବରହା ପୁରା ବଲିମ୍॥] 8-97-67 (59779)
ସାଶ୍ବଂ ତୁ କର୍ଣଂ ସରଥଂ କିରୀଟି
ସମାଚିନୋଦ୍ଭାରତ ବତ୍ସଦନ୍ତୈଃ।
ପ୍ରଚ୍ଛାଦଯାମାସ ଦିଶଶ୍ଚ ବାଣୈଃ
ସର୍ବପ୍ରଯତ୍ନାତ୍ତପନୀଯପୁଙ୍ଖୈଃ॥ 8-97-68 (59780)
ସବତ୍ସଦନ୍ତୈଃ ପୃଥୁପୀନବକ୍ଷାଃ
ସମାଚିତଃ ସୋଽଧିରଥିର୍ବିଭାତି।
ସୁପୁଷ୍ପିତାଶୋକପଲାଶଶାଲ୍ମଲି--
ର୍ଯଥାଽଚଲଶ୍ଚନ୍ଦନକାନନାଯୁତଃ॥ 8-97-69 (59781)
ଶରୈଃ ଶରୀରେ ବହୁଭିଃ ସମର୍ପିତୈ--
ର୍ବିଭାତି କର୍ଣଃ ସମରେ ବିଶାମ୍ପତେ।
ମହୀରୁହୈରାଚିତସାନୁକନ୍ଦରୋ
ଯଥା ଗିରୀନ୍ଦ୍ରଃ ସ୍ଫୁଟକର୍ଣିକାରବାନ୍॥ 8-97-70 (59782)
ସ ବାଣସଙ୍ଘାନ୍ବହୁଧା ବ୍ଯବାସୃଜନ୍
ବିଭାତି କର୍ଣଃ ଶରଜାଲରଶ୍ମିବାନ୍।
ସ ଲୋହିତୋ ରକ୍ତଗଭସ୍ତିମଣ୍ଡଲୋ
ଦିବାକରୋଽସ୍ତାଭିମୁଖୋ ଯଥା ତଥା॥ 8-97-71 (59783)
ବାହ୍ବନ୍ତରାଦାଧିରଥେର୍ବିମୁକ୍ତାନ୍
ବାଣାନ୍ମହାହୀନିବ ଦୀପ୍ଯମାନାନ୍।
ବ୍ଯଧ୍ବଂସଯନ୍ନର୍ଜୁନବାହୁମୁକ୍ତାଃ
ଶରାଃ ସମାସାଦ୍ଯ ଦିଶଃ ଶିତାଗ୍ରାଃ॥ 8-97-72 (59784)
[ତତଃ ସ କର୍ଣଃ ସମବାପ୍ଯ ଧୈର୍ଯଂ
ବାଣାନ୍ବିମୁଞ୍ଚନ୍କୁପିତାହିକଲ୍ପାନ୍।
ବିବ୍ଯାଧ ପାର୍ଥଂ ଦଶଭିଃ ପୃଷତ୍କୈଃ
କୃଷ୍ଣଂ ଚ ଷ଼ଡ୍ଭିଃ କୁପିତାହିକଲ୍ପୈଃ॥ 8-97-73 (59785)
ତତଃ କିରୀଟି ଭୃଶମୁଗ୍ରନିଃସ୍ବନଂ
ମହାଶରଂ ସର୍ପବିଷାନଲୋପମମ୍।
ଅଯସ୍ମାଯଂ ରୌଦ୍ରମହାସ୍ତ୍ରସମ୍ଭୃତଂ
ମହାହବେ କ୍ଷେପ୍ତୁମନା ମହାମତିଃ॥] 8-97-74 (59786)
କାଲୋ ହ୍ଯଦୃଶ୍ଯୋ ନୃପ ବିପ୍ରଶାପା--
ନ୍ନିଦର୍ଶଯନ୍କର୍ଣବଧଂ ବ୍ରୁବାଣଃ।
ଭୂମିସ୍ତୁ ଚକ୍ରଂ ଗ୍ରସତୀତ୍ଯବୋଚ--
ତ୍କର୍ଣସ୍ଯ ତସ୍ମିନ୍ବଧକାଲ ଆଗତେ॥ 8-97-75 (59787)
ନ ଚାସ୍ଯ ଘୋରଂ ପ୍ରତିଭାତି ଚାସ୍ତ୍ରଂ
ଯଦ୍ଭାର୍ଗବୋଽସ୍ମୈ ପ୍ରଦଦୌ ମହାତ୍ମା।
ଚକ୍ରଂ ଚ ବାମଂ ଗ୍ରସତେ ଭୂମିରସ୍ଯ
ପ୍ରାପ୍ତେ ତସ୍ମିନ୍ବଧକାଲେ ନୃବୀର॥ 8-97-76 (59788)
ତତୋ ରଥୋ ଘୂର୍ଣିତବାନ୍ନରେନ୍ଦ୍ର
ଶାପାତ୍ତଦା ବ୍ରାହ୍ମଣସତ୍ତମସ୍ଯ।
ପ୍ରାପ୍ତଂ ବଧଂ ଶଂସତି ଚାପ୍ଯଥାସ୍ତ୍ରଂ
ପ୍ରଣଶ୍ଯମାନଂ ଦ୍ବିଜମୁଖ୍ଯଶାପାତ୍॥ 8-97-77 (59789)
[ତତଶ୍ଚକ୍ରମପତତ୍ତସ୍ଯ ଭୂମୌ
ସ ବିହ୍ବଲଃ ସମରେ ସୂତପୁତ୍ରଃ।
ସବେଦିକଶ୍ଚୈତ୍ଯ ଇବାତିମାତ୍ରଃ
ସୁପୁଷ୍ପିତୋ ଭୂମିତଲେ ନିମଗ୍ନଃ]॥ 8-97-78 (59790)
ମଗ୍ନେ ରଥେ ବ୍ରାହ୍ମଣଶାପମୂଢୋ
ହ୍ଯସ୍ତ୍ରଂ ଚ ତଂ ମୋଘମିଷୁ ଚ ସର୍ପମ୍।
ଅମୃଷ୍ଯମାଣୋ ବ୍ଯସନାନି ତାନି
ହସ୍ତୌ ବିଧୁନ୍ବନ୍ବିଜଗର୍ହ ଧର୍ମମ୍॥ 8-97-79 (59791)
ଧର୍ମପ୍ରଧାନଂ କିଲ ପାତି ଧର୍ମ
ଇତ୍ଯବ୍ରୁବନ୍ଧର୍ମବିଦଃ ସଦୈବ।
ବଯଂ ଚ ଧର୍ମେ ପ୍ରଯତାମ ନିତ୍ଯଂ
ଚର୍ତୁଂ ଯଥାଶକ୍ତି ଯଥାଶ୍ରୁତଂ ଚ।
ସ ଚାପି ନିଘ୍ନାତି ନ ପାତି ଭକ୍ତାନ୍
ମନ୍ଯେ ନ ନିତ୍ଯଂ ପରିପାତି ଧର୍ମଃ॥ 8-97-80 (59792)
ଏବଂ ବ୍ରୁବନ୍ପ୍ରସ୍ଖଲିତାଶ୍ବସୂତୋ
ବିଚାଲ୍ଯମାନୋଽର୍ଜୁନବାଣପାତୈଃ।
ମର୍ମାଭିଘାତାଚ୍ଛିଥିଲଃ କ୍ରିଯାସୁ
ପୁନଃ ପୁନର୍ଧର୍ମମସୌ ଜଗର୍ହ॥ 8-97-81 (59793)
ତତଃ ଶରୈର୍ଭୀମତରୈରବିଧ୍ଯତ୍ତ୍ରିଭିରାହବେ।
ହସ୍ତେ କୃଷ୍ଣଂ ତଥା ପାର୍ଥମଭ୍ଯବିଧ୍ଯଚ୍ଚ ସପ୍ତଭିଃ॥ 8-97-82 (59794)
ତତୋଽର୍ଜୁନଃ ସପ୍ତଦଶ ତିଗ୍ମବେଗାନଜିହ୍ମଗାନ୍।
ଇନ୍ଦ୍ରାଶନିସମାନ୍ଘୋରାନସୃଜତ୍ପାବକୋପମାନ୍॥ 8-97-83 (59795)
ନିର୍ଭିଦ୍ଯ ତେ ଭୀମବେଗା ହ୍ଯପତନ୍ପୃଥିବୀତଲେ।
କମ୍ପିତାତ୍ମା ତତଃ କର୍ଣଃ ଶକ୍ତ୍ଯା ଚେଷ୍ଟାମଦର୍ଶଯତ୍॥ 8-97-84 (59796)
ବଲେନାଥ ସ ସଂସ୍ତଭ୍ଯ ବ୍ରହ୍ମାସ୍ତ୍ରଂ ସମୁଦୈରଯତ୍।
ଐନ୍ଦ୍ରଂ ତତୋଽର୍ଜୁନଶ୍ଚାପି ତଂ ଦୃଷ୍ଟ୍ବାଽଭ୍ଯୁପମନ୍ତ୍ରଯତ୍॥ 8-97-85 (59797)
ଗାଣ୍ଡୀବଂ ଜ୍ଯାଂ ଚ ବାଣାଂଶ୍ଚ ସୋଽନୁମନ୍ତ୍ର୍ଯ ପରନ୍ତପଃ।
ବ୍ଯସୃଜଚ୍ଛରବର୍ଷାଣି ବର୍ଷାଣୀବ ପୁରନ୍ଦରଃ॥ 8-97-86 (59798)
ତତସ୍ତେଜୋମଯା ବାଣା ରଥାତ୍ପାର୍ଥସ୍ଯ ନିଃସୃତାଃ।
ପ୍ରାଦୁରାସନ୍ମହାବୀର୍ଯାଃ କର୍ଣସ୍ଯ ରଥମନ୍ତିକାତ୍। 8-97-87 (59799)
ସ କର୍ଣୋଽଗ୍ରସଦସ୍ଯାସ୍ତ୍ରଂ କୁର୍ବନ୍ମୋକ୍ଷଂ ମହାରଥଃ॥
ତତୋଽବ୍ରବୀଦ୍ବୃଷ୍ଣିବୀରସ୍ତସ୍ମିନ୍ନସ୍ତ୍ରେ ବିନାଶିତେ।
ବିସୃଜାସ୍ତ୍ରଂ ପରଂ ପାର୍ଥ ରାଧେଯୋ ଗ୍ରସତେ ଶରାନ୍॥ 8-97-88 (59800)
ତତୋ ବ୍ରହ୍ମାସ୍ତ୍ରମତ୍ଯୁଗ୍ରଂ ସମ୍ମନ୍ତ୍ର୍ଯ ସମଯୋଜଯତ୍।
ଛାଦଯିତ୍ବା ତତୋ ବାଣୈଃ କର୍ଣଂ ପ୍ରତ୍ଯସ୍ଯଦର୍ଜୁନଃ॥ 8-97-89 (59801)
ତତଃ କର୍ଣଃ ଶିତୈର୍ବାଣୈର୍ଜ୍ଯାଂ ଚିଚ୍ଛେଦ ସୁତେଜନୈଃ।
[ଦ୍ବିତୀଯାଂ ଚ ତୃତୀଯାଂ ଚ ଚତୁର୍ଥୀ ପଞ୍ଚମୀଂ ତଥା॥ 8-97-90 (59802)
ଷଷ୍ଠୀମଥାସ୍ଯ ଚିଚ୍ଛେଦ ସପ୍ତମୀଂ ଚ ତଥାଽଷ୍ଟମୀମ୍।
ନବମୀଂ ଦଶମୀଂ ଚାସ୍ଯ ତଥା ଚୈକାଦଶୀଂ ବୃଷଃ।
ଜ୍ଯାଶତଂ ଶତସନ୍ଧାନଃ ସ କର୍ଣୋ ନାବବୁଧ୍ଯତେ॥] 8-97-91 (59803)
ତତୋ ଜ୍ଯାଂ ବିନିଧାଯାନ୍ଯାମଭିମନ୍ତ୍ର୍ଯ ଚ ପାଣ୍ଡବଃ।
ଶରୈରବାକିରତ୍କର୍ଣଂ ଦୀପ୍ଯମାନୈରିବାହିଭିଃ॥ 8-97-92 (59804)
ତସ୍ଯ ଜ୍ଯାଚ୍ଛେଦନଂ କର୍ଣୋ ଜ୍ଯାବଧାନଂ ଚ ସଂଯୁଗେ।
ନାନ୍ବବୁଧ୍ଯତ ଶୀଘ୍ରତ୍ବାତ୍ତଦଦ୍ଭୁତମିବାଭବତ୍॥ 8-97-93 (59805)
ଅସ୍ତ୍ରୈରସ୍ତ୍ରାଣି ସଂବାର୍ଯ ପ୍ରନିଘ୍ନନ୍ସବ୍ଯସାଚିନଃ।
ଚକ୍ରେ ଚାପ୍ଯଧିକଂ ପାର୍ଥାତ୍ସ୍ବବୀର୍ଯମତିଦର୍ଶଯନ୍॥ 8-97-94 (59806)
ତତଃ କର୍ଣୋଽର୍ଜୁନଂ ଦୃଷ୍ଟ୍ବା ସ୍ବସ୍ଯାସ୍ତ୍ରେଣ ଚ ପୀଡିତମ୍।
ଅଭ୍ଯସେତ୍ଯବ୍ରବୀତ୍ପାର୍ଥମାତିଷ୍ଠାସ୍ତ୍ରଂ ବ୍ରଜେତି ଚ॥ 8-97-95 (59807)
ତତୋଽଗ୍ନିସଦୃଶଂ ଘୋରଂ ଶରଂ ସର୍ପବିଷୋପମମ୍।
ଅଶ୍ମସାରମଂ ଦିବ୍ଯମଭିମନ୍ତ୍ର୍ଯଂ ପରନ୍ତପଃ।
ରୌଦ୍ରମସ୍ତ୍ରଂ ସମାଧାଯ କ୍ଷେପ୍ତୁକାମଃ କିରୀଟିନେ॥ 8-97-96 (59808)
ତତୋଽଗ୍ରସନ୍ମହୀ ଚକ୍ରଂ ରାଧେଯସ୍ଯ ତଦା ନୃପ॥ 8-97-97 (59809)
[ତତୋଽବତୀର୍ଯ ରାଧେଯୋ ରଥାଦାଶୁ ସମୁଦ୍ଯତଃ।
ଚକ୍ରଂ ଭୁଜାଭ୍ଯାମାଲମ୍ବ୍ଯ ସମୁତ୍କ୍ଷେପ୍ତୁମିଯେଷ ସଃ॥ 8-97-98 (59810)
ସପ୍ତଦ୍ବୀପା ବସୁମତୀ ସଶୈଲବନକାନନା।
ଗୀର୍ଣଚକ୍ରା ସମୁତ୍କ୍ଷିପ୍ତା କର୍ଣେନ ଚତୁରଙ୍ଗୁଲମ୍॥ 8-97-99 (59811)
ଗ୍ରସ୍ତଚକ୍ରସ୍ତୁ ରାଧେଯଃ କ୍ରୋଧାଦଶ୍ରୂଣ୍ଯବର୍ତଯତ୍।
ଅର୍ଜୁନଂ ବୀକ୍ଷ୍ଯ ସଂରବ୍ଧମିଦଂ ବଚନମବ୍ରବୀତ୍॥ 8-97-100 (59812)
ଭୋଭୋ ପାର୍ଥ ମହେଷ୍ବାସ ମୁହୁର୍ତଂ ପରିପାଲଯ।
ଯାବଚ୍ଚକ୍ରମିଦଂ ଗ୍ରସ୍ତମୁଦ୍ଧରାମି ମହୀତଲାତ୍॥ 8-97-101 (59813)
ସବ୍ଯଂ ଚକ୍ରଂ ମହୀଗ୍ରସ୍ତଂ ଦୃଷ୍ଟ୍ବା ଦୈବାଦିଦଂ ମମ।
ପାର୍ଥ କାପୁରୁଷାଚୀର୍ଣମଭିସନ୍ଧିଂ ବିସର୍ଜଯ॥ 8-97-102 (59814)
ନ ତ୍ବଂ କାପୁରୁଷାଚୀର୍ଣଂ ମାର୍ଗମାସ୍ଥାତୁମର୍ହସି।
ଖ୍ଯାତସ୍ତ୍ବମସି କୌନ୍ତେଯ ବିଶିଷ୍ଟୋ ରଣକର୍ମସୁ।
ବିଶିଷ୍ଟତରମେବ ତ୍ବଂ କର୍ତୁମର୍ହସି ପାଣ୍ଡବ॥ 8-97-103 (59815)
ପ୍ରକୀର୍ଣକେଶେ ବିମୁଖେ ବ୍ରାହ୍ମଣେଽଥ କୃତାଞ୍ଜଲୌ।
ଶରଣାଗତେ ନ୍ଯସ୍ତଶସ୍ତ୍ରେଯାଚମାନେ ତଥାଽର୍ଜୁନ॥ 8-97-104 (59816)
ଅବାଣେ ଭ୍ରଷ୍ଟକବଚେ ଭ୍ରଷ୍ଟଭଗ୍ନାଯୁଧେ ତଥା।
ନ ବିମୁଞ୍ଚନ୍ତି ଶସ୍ତ୍ରାଣି ଶୂରାଃ ସାଧୁବ୍ରତେ ସ୍ଥିତାଃ॥ 8-97-105 (59817)
ତ୍ବଂ ଚ ଶୂରତମୋ ଲୋକେ ସାଧୁବୃତ୍ତଶ୍ଚ ପାଣ୍ଡବ।
ଅଭିଜ୍ଞୋ ଯୁଦ୍ଧଧର୍ମାଣାଂ ତସ୍ମାତ୍କ୍ଷମ ମୁହୂର୍ତକମ୍॥ 8-97-106 (59818)
ଦିବ୍ଯାସ୍ତ୍ରବିଦମେଯାତ୍ମା କାର୍ତବୀର୍ଯସମୋ ଯୁଧି।
ଯାବଚ୍ଚକ୍ରମିଦଂ ଗ୍ରସ୍ତମୁଦ୍ବରାମି ମହାଭୁଜ॥ 8-97-107 (59819)
ନ ମାଂ ରଥସ୍ଥୋ ଭୂମିଷ୍ଠଂ ବିକଲଂ ହନ୍ତୁମର୍ହସି।
ନ ବାସୁଦେବାତ୍ତ୍ବତ୍ତୋ ବା ପାଣ୍ଡବେଯ ବିଭେମ୍ଯହମ୍॥ 8-97-108 (59820)
ତ୍ବଂ ହି କ୍ଷତ୍ରିଯଦାଯାଦୋ ମହାଲକୁଲବିବର୍ଧନଃ।
ଅତସ୍ତ୍ବାଂ ପ୍ରବବୀମ୍ଯେଷ ମୁହୂର୍ତଂ କ୍ଷମ ପାଣ଼୍ଡବ॥ ॥ 8-97-109 (59821)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ସପ୍ତନବତିତମୋଽଧ୍ଯାଯଃ॥ 97 ॥
[ବିନା କିରୀଟଂ ଶଂଶୁଭେ ସ ପାର୍ଥଃ।
ଶ୍ଯାମୋ ଯୁବା ନୀଲ ଇବୋଚ୍ଚଶୃଙ୍ଗଃ।
ତତଃ ସମୁଦ୍ଗ୍ରଥ୍ଯ ସିତେନ ବାସସା
ସ୍ବମୂର୍ଧଜାନବ୍ଯଥିତସ୍ତଦାଽର୍ଜୁନଃ।
ବିଭାସିତଃ ସୂର୍ଯମରୀଚିନା ଦୃଢଂ
ଶିରୋଗତେନୋଦଯପର୍ବତୋ ଯଥା॥ 8-97-1 (59822)
ଗୋକର୍ଣା ସୁମୁଖୀ କୃତେନ ଇଷୁଣା ଗୋପୁତ୍ରସମ୍ପ୍ରେଷିତା
ଗୋଶବ୍ଦାତ୍ମଜଭୂଷଣଂ ସୁବିହିତଂ ସୁବ୍ଯକ୍ତଗୋଽସୁପ୍ରଭଂ
ଦୃଷ୍ଟ୍ବା ଗୋଗତକଂ ଜହାର ମୁକୁଟଂ ଗୋଶବ୍ଦଗୋପୂରି ବୈ
ଗୋକର୍ଣାସନମର୍ଦନଶ୍ଚ ନ ଯଯାବପ୍ରାପ୍ଯ ମୃତ୍ଯୋର୍ବଶଂ 8-97-2 (59823)
ସ ସାଯକଃ କର୍ଣଭୁଜପ୍ରସୃଷ୍ଟୋ
ହୁତାଶନାର୍କପ୍ରତିମୋ ମହାର୍ହଃ।
ମହୋରଗଃ କୃତବୈରୋଽର୍ଜୁନେନ
କିରୀଟମାହତ୍ଯ ତତୋ ବ୍ଯତୀଯାତ୍॥ 8-97-3 (59824)
ତଂ ଚାପି ଦଗ୍ଧ୍ବା ତପନୀଯଚିତ୍ରଂ
କିରୀଟମାକୃଷ୍ଯ ତଦର୍ଜୁନସ୍ଯ।
ଇଯେଷ ଗନ୍ତୁଂ ପୁନରେବ ତୂଣଂ
ଦୃଷ୍ଟଶ୍ଚ କର୍ଣେନ ତତୋଽବ୍ରବୀତ୍ତମ୍॥ 8-97-4 (59825)
ମୁକ୍ତସ୍ତ୍ବଯାଽହଂ ତ୍ବସମୀକ୍ଷ୍ଯ କର୍ଣ
ଶିରୋ ହୃତଂ ଯନ୍ନ ମଯାଽର୍ଜୁନସ୍ଯ।
ସମୀକ୍ଷ୍ଯ ମାଂ ମୁଞ୍ଚ ରଣେ ତ୍ବମାଶୁ
ହନ୍ତାଽସ୍ମି ଶତ୍ରୁଂ ତବ ଚାତ୍ମନଶ୍ଚ॥ 8-97-5 (59826)
ସ ଏବମୁକ୍ତୋ ଯୁଧି ସୂତପୁତ୍ର--
ସ୍ତମ୍ବ୍ରବୀତ୍କୋ ଭବାନୁଗ୍ରରୂପଃ।
ନାଗୋଽବ୍ରବୀଦ୍ବିଦ୍ବି କୃତାଗସଂ ମାଂ
ପାର୍ଥେନ ମାତୁର୍ବଧଜାତବୈରମ୍॥ 8-97-6 (59827)
ଯଦି ସ୍ବଯଂ ବଜ୍ରଧରୋଽସ୍ଯ ଗୋପ୍ତା
ତଥାପି ଯାତା ପିତୃରାଜବେଶ୍ମନି। 8-97-7 (59828)
କର୍ଣ ଉବାଚ।
ନ ନାଗ କର୍ଣୋଽଦ୍ଯ ରଣେ ପରସ୍ଯ
ବଲଂ ସମାସ୍ଥାଯ ଜଯଂ ବୁଭୂଷେତ୍॥ 8-97-7x (5065)
ନ ସଂଦଧ୍ଯାଂ ଦ୍ବିଃ ଶରଂ ଚୈବ ନାଗ
ଯଦ୍ଯର୍ଜୁନାନାଂ ଶତମେବ ହନ୍ଯାମ୍।
ତମାହ କର୍ଣଃ ପୁନରେବ ନାଗଂ
ତଦାଽଜିମଧ୍ଯେ ରବିସୂନୁସତ୍ତମଃ॥ 8-97-8 (59829)
ବ୍ଯାଲାସ୍ତ୍ରସର୍ଗୋତ୍ତମଯତ୍ନମନ୍ଯୁଭି--
ର୍ହନ୍ତାଽସ୍ମି ପାର୍ଥଂ ସୁସୁଖୀ ବ୍ରଜ ତ୍ବମ୍।
ଇତ୍ଯେବମୁକ୍ତୋ ଯୁଧି ନାଗରାଜଃ
କର୍ଣେନ ରୋଷାଦସହଂସ୍ତସ୍ଯ ବାକ୍ଯମ୍॥ 8-97-9 (59830)
ସ୍ବଯଂ ପ୍ରାଯାତ୍ପାର୍ଥବଧାଯ ରାଜନ୍
କୃତ୍ବା ସ୍ବରୂପଂ ବିଜିଘାଂସୁରୁଗ୍ରଃ।
ତତଃ କୃଷ୍ଣଃ ପାର୍ଥମୁବାଚ ସଙ୍ଖ୍ଯେ
ମହୋରଗଂ କୃତବୈରଂ ଜହି ତ୍ବମ୍॥ 8-97-10 (59831)
8-97-11 (59832)
ସ ଏବମୁକ୍ତୋ ମଧୁସୂଦନେନ
ଗାଣ୍ଡୀବଧନ୍ବା ରିପୁବୀର୍ଯସାହଃ।
ଉବାଚ କୋ ହ୍ଯେଷ ମମାଦ୍ଯ ନାଗଃ
ସ୍ବଯଂ ଯ ଆଯାଦ୍ଗରୁଡସ୍ଯ ବକ୍ତ୍ରମ୍॥]
Mahabharata - Karna Parva - Chapter Footnotes
॥ ଶ୍ରୀଃ ॥
8.98. ଅଧ୍ଯାଯଃ 098
Mahabharata - Karna Parva - Chapter Topics
ପାର୍ଥାଯ ଧର୍ମାନୁବାଦକଂ କର୍ଣଂମ୍ପ୍ରତି କୃଷ୍ଣେନ ତତ୍କୃତଦୁଷ୍କୃତାନୁସ୍ମାରଣପୂର୍ବକଂ ମର୍ମୋଦ୍ଧାଟନମ୍॥ 1 ॥ କର୍ଣେନ ସ୍ବବାଣାହତିନିର୍ବିଣ୍ଣେଽର୍ଜୁନେ ତଦନ୍ତରେ ରଥାଦବରୁହ୍ଯ ତଚ୍ଚକ୍ରୋଦ୍ଧରଣୋଦ୍ଯମଃ॥ 2 ॥ ତଦନ୍ତରେ କୃଷ୍ଣଚୋଦନଯା ପାର୍ଥେନ କର୍ଣଶିରଶ୍ଛେଦଃ॥ 3 ॥
Mahabharata - Karna Parva - Chapter Text
8-98-0 (59833)
ସଞ୍ଜଯ ଉବାଚ। 8-98-0x (5066)
ଅଥାବ୍ରବୀଦ୍ବାସୁଦେବୋ ମହାତ୍ମା
ରାଧେଯ ଦିଷ୍ଟ୍ଯା ସ୍ମରସୀହ ଧର୍ମମ୍।
`ଧର୍ମେ ହି ବଦ୍ଧା ସତତଂ ହି ପାର୍ଥା--
ସ୍ତେଭ୍ଯସ୍ତତୋ ବୃଦ୍ଧିସୌ ଦଦାତି॥ 8-98-1 (59834)
ଧର୍ମାଦପେତାଃ ପରିପନ୍ଥିନସ୍ତେ
ତସ୍ମାଦ୍ଗତା ବୈ କୁରବୋ ବିନାଶମ୍'।
ପ୍ରାଯେଣ ନୀଚା ବ୍ଯସନେଷୁ ମଗ୍ନା
ନିନ୍ଦନ୍ତି ଦୈବଂ ନ ତୁ ଦୁଷ୍କୃତଂ ସ୍ବମ୍॥ 8-98-2 (59835)
କୃଷ୍ଣାଂ ସଭାଂ କର୍ଣ ଯଦେକବସ୍ତ୍ରା--
ମାନୀତବାଂସ୍ତ୍ବଂ ଚ ସୁଯୋଧନଶ୍ଚ।
ଦୁଃଶାସନଃ ଶକୁନିଃ ସୌବଲଶ୍ଚ।
ଧର୍ମସ୍ତଦା ତେ ରୁଚିତୋ ନ କସ୍ମାତ୍॥ 8-98-3 (59836)
ଯଦା ସଭାଯାଂ ରାଜାନମନକ୍ଷଜ୍ଞଂ ଯୁଧିଷ୍ଠିରମ୍।
ଆନୀଯ ଜିତବନ୍ତୋ ବୈ କ୍ବ ତେ ଧର୍ମସ୍ତଦା ଗତଃ॥ 8-98-4 (59837)
ବନବାସେ ବ୍ଯତୀତେ ଚ କର୍ଣ ବର୍ଷେ ତ୍ରଯୋଦଶେ।
ନ ପ୍ରଯଚ୍ଛସି ଯଦ୍ରାଜ୍ଯଂ କ୍ବ ତେ ଧର୍ମସ୍ତଦା ଗତଃ॥ 8-98-5 (59838)
ଯଦ୍ଭୀମସେନଂ ସର୍ପୈଶ୍ଚ ବିଷଯୁକ୍ତୈଶ୍ଚ ଭୋଜନୈଃ।
ଆଚରତ୍ତ୍ବନ୍ମତେ ରାଜା କ୍ବ ତେ ଧର୍ମସ୍ତଦା ଗତଃ॥ 8-98-6 (59839)
ଯଦ୍ବାରଣାବତେ ପାର୍ଥାନ୍ସୁପ୍ତାଞ୍ଜତୁଗୃହେ ତଦା।
ହନ୍ତୁକାମାସ୍ତଦା ଯୂଯଂ କ୍ବ ତେ ଧର୍ମସ୍ତଦା ଗତଃ॥ 8-98-7 (59840)
ଯଦା ରଜସ୍ବଲାଂ କୃଷ୍ଣାଂ ଦୁଃଶାସନବଶେ ସ୍ଥିତାମ୍।
ସଭାଯାଂ ପ୍ରାହସଃ କର୍ଣ କ୍ବ ତେ ଧର୍ମସ୍ତଦା ଗତଃ॥ 8-98-8 (59841)
ଯଦନାର୍ଯୈଃ ପୁରା କୃଷ୍ଣାଂ କ୍ଲିଶ୍ଯମାନାମନାଗସମ୍।
ଉପପ୍ରେକ୍ଷସି ରାଧେଯ କ୍ବ ତେ ଧର୍ମସ୍ତଦା ଗତଃ॥ 8-98-9 (59842)
ବିନଷ୍ଟାଃ ପାଣ୍ଡବାଃ କୃଷ୍ଣେ ଶାଶ୍ବତଂ ନରକଂ ଗତାଃ।
ପତିମନ୍ଯଂ ବୃଣୀଷ୍ବେତି ବଦଂସ୍ତ୍ବଂ ଗଜଗାମିନୀମ୍।
ଉପପ୍ରେକ୍ଷସି ରାଧେଯ କ୍ବ ତେ ଧର୍ମସ୍ତଦା ଗତଃ॥ 8-98-10 (59843)
ରାଜ୍ଯଲୁବ୍ଧଃ ପୁନଃ କର୍ଣ ସମାହ୍ବଯସି ପାଣ୍ଡବାନ୍।
ଯଦା ଶକୁନିମାଶ୍ରିତ୍ଯ କ୍ବ ତେ ଧର୍ମସ୍ତଦା ଗତଃ॥ 8-98-11 (59844)
ଯଦାଽଭିମନ୍ଯୁଂ ବହବୋ ଯୁଦ୍ଧେ ଜଘ୍ନୁର୍ମହାରଥାଃ।
ପରିବାର୍ଯ ରଣେ ବାଲଂ କ୍ବ ତେ ଧର୍ମସ୍ତଦା ଗତଃ॥ 8-98-12 (59845)
[ଯଦ୍ଯେଷ ଧର୍ମସ୍ତତ୍ର ନ ବିଦ୍ଯତେ ହି
କିଂ ସର୍ବଥା ତାଲୁବିଶୋଷଣେନ।
ଅଦ୍ଯେହ ଧର୍ମ୍ଯାଣି ବିଧତ୍ସ୍ବ ସୂତ
ତଥାପି ଜୀବନ୍ନ ବିମୋକ୍ଷ୍ଯସେ ହି॥ 8-98-13 (59846)
ନଲୋ ହ୍ଯକ୍ଷୈର୍ନିର୍ଜିତଃ ପୁଷ୍କରେଣ
ପୁନର୍ଯଶୋ ରାଜ୍ଯମବାପ ବୀର୍ଯାତ୍।
ପ୍ରାପ୍ତାସ୍ତଥା ପାଣ୍ଡବା ବାହୁବୀର୍ଯା--
ତ୍ସର୍ବୈଃ ସମେତାଃ ପରିବୃତ୍ତଲୋଭାଃ॥ 8-98-14 (59847)
ନିହତ୍ଯ ଶତ୍ରୂନ୍ସମରେ ପ୍ରବୃଦ୍ଧା--
ନ୍ସସୋମକା ରାଜ୍ଯମବାପ୍ନୁଯୁସ୍ତେ।
ତଥା ଗତା ଧାର୍ତରାଷ୍ଟ୍ରା ବିନାଶଂ
ଧର୍ମାଭିଗୁପ୍ତୈଃ ସତତଂ ନୃସିଂହୈଃ]॥ 8-98-15 (59848)
ସଞ୍ଜଯ ଉବାଚ। 8-98-16x (5067)
ଏବମୁକ୍ତସ୍ତଦା କର୍ଣୋ ବାସୁଦେବେନ ଭାରତ।
ଲଜ୍ଜଯାବନତୋ ଭୂତ୍ବା ନୋତ୍ତରଂ କିଞ୍ଚିଦୁକ୍ତବାନ୍॥ 8-98-16 (59849)
କ୍ରୋଧାତ୍ପ୍ରସ୍ଫୁରମାଣୌଷ୍ଠୋ ଧନୁରୁଦ୍ଯମ୍ଯ ଭାରତ।
ଯୋଧଯାମାସ ବୈ ପାର୍ଥଂ ମହାବେଗପରାକ୍ରମଃ॥ 8-98-17 (59850)
ତତୋଽବ୍ରବୀଦ୍ବାସୁଦେବଃ ଫଲ୍ଗୁନଂ ପୁରୁଷର୍ଷଭମ୍।
ଦିବ୍ଯାସ୍ତ୍ରେଣୈବ ନିର୍ଭିଦ୍ଯ ପାତଯସ୍ବ ମହାବଲ॥ 8-98-18 (59851)
ଏବମୁକ୍ତସ୍ତୁ ଦେବେନ କ୍ରୋଧମାଗାତ୍ତଦାଽର୍ଜୁନଃ।
ମନ୍ଯୁମଭ୍ଯାବିଶଦ୍ଧୋରଂ ସ୍ମୃତ୍ବା ତତ୍ତୁ ଧନଞ୍ଜଯଃ॥ 8-98-19 (59852)
ତସ୍ଯ କ୍ରୁଦ୍ଧସ୍ଯ ସର୍ବେଭ୍ଯଃ ସ୍ରୋତୋଭ୍ଯସ୍ତେଜସୋଽର୍ଚିଷଃ।
ପ୍ରାଦୁରାସଂସ୍ତଦା ରାଜଂସ୍ତଦଦ୍ଭୁତମିବାଭବତ୍॥ 8-98-20 (59853)
ତତ୍ସମୀକ୍ଷ୍ଯ ତତଃ କର୍ଣୋ ବ୍ରହ୍ମାସ୍ତ୍ରେଣ ଧନଞ୍ଜଯମ୍।
ଅଭ୍ଯବର୍ଷତ୍ପୁନର୍ଯତ୍ନମକରୋଦ୍ରଥସର୍ଜନେ॥ 8-98-21 (59854)
ବ୍ରହ୍ମାସ୍ତ୍ରେଣବ ତଂ ପାର୍ଥୋ କବର୍ଷ ଶରବୃଷ୍ଟିଭିଃ।
ତଦସ୍ତ୍ରମସ୍ତ୍ରେଣାବାର୍ଯ ପ୍ରଜହାର ଚ ପାଣ୍ଡବଃ॥ 8-98-22 (59855)
ତତୋଽନ୍ଯଦସ୍ତ୍ରଂ କୌନ୍ତେଯୋ ଦଯିତଂ ଜାତବେଦସଃ।
ମୁମୋଚ କର୍ଣମୁଦ୍ଦିଶ୍ଯ ତତ୍ପ୍ରଜଜ୍ବାଲ ତେଜସା॥ 8-98-23 (59856)
ବାରୁଣେନ ତତଃ କର୍ଣଃ ଶମଯାମାସ ପାବକ୍ରମ୍।
ଜୀମୂତୈଶ୍ଚ ଦିଶଃ ସର୍ବାଶ୍ଚକ୍ରେ ତିମିରଦୁର୍ଦିନାଃ॥ 8-98-24 (59857)
ପାଣ୍ଡବେଯସ୍ତ୍ବସମ୍ଭ୍ରାନ୍ତୋ ବାଯବ୍ଯାସ୍ତ୍ରେଣ ବୀର୍ଯବାନ୍।
ଅପୋବାହ ତଦାଽଭ୍ରାଣି ରାଧେଯସ୍ଯ ପ୍ରପଶ୍ଯତଃ॥ 8-98-25 (59858)
[ତତଃ ଶରଂ ମହାଘୋରଂ ଜ୍ବଲନ୍ତିମିବ ପାବକମ୍।
ଆଦଦେ ପାଣ୍ଡୁପୁତ୍ରସ୍ଯ ସୂତପୁତ୍ରୋ ଜିଘାଂସଯା॥ 8-98-26 (59859)
ଯୋଜ୍ଯମାନେ ତତସ୍ତସ୍ମିନ୍ବାଣେ ଧନୁଷି ପୂଜିତେ।
ଚଚାଲ ପୃଥିବୀ ରାଜନ୍ସଶୈଲବନକାନନା॥ 8-98-27 (59860)
ବବୌ ସଶର୍କରୋ ବାଯୁର୍ଦିଶଶ୍ଚ ରଜସା ବୃତାଃ।
ହାହାକାରଶ୍ଚ ସଂବଜ୍ଞେ ସୁରାଣାଂ ଦିବି ଭାରତ॥ 8-98-28 (59861)
ତମିଗୁଂ ସନ୍ଧିତଂ ଦୃଷ୍ଟ୍ବା ସୂତପୁତ୍ରେଣ ମାରିଷ।
ବିଷାଦଂ ପରମଂ ଜଗ୍ମୁଃ ପାଣ୍ଡବା ଦୀନଚେତସଃ॥ 8-98-29 (59862)
ସ ସାଯକଃ କର୍ଣଭୁଜପ୍ରମୁକ୍ତଃ
ଶକ୍ରାଶନିଗ୍ରଖ୍ଯରୁଚିଃ ଶିତାଗ୍ରଃ।
ମୁଲାନ୍ତରଂ ପ୍ରାପ୍ଯ ଧନଞ୍ଜଯସ୍ଯ
ବିବେଶ ବଲ୍ମୀକମିବୋରମୋତ୍ତମଃ॥ 8-98-30 (59863)
ସ ରାଢବିଦ୍ଧଃ ସମରେ ମହାତ୍ମା
ବିଧୂର୍ଣମାନଃ ଶ୍ଲଥହସ୍ତଗାଣ୍ଡିବଃ।
ଚଚାଲ ବୀଭତ୍ସୁରମିତ୍ରମର୍ଦନଃ
କ୍ଷିତେଃ ପ୍ରକମ୍ପେ ଚ ଯଥାଽଚଲୋତ୍ତମଃ॥ 8-98-31 (59864)
ତଦନ୍ତରଂ ପ୍ରାପ୍ଯ ବୃଷୋ ମହାରଥୋ
ରଥାଙ୍ଗସୁର୍ବୀଗତମୁଜ୍ଜିହୀର୍ଷୁଃ।
ରଥାଦବପ୍ଲୁତ୍ଯ ନିଗୃହ୍ଯ ଦୋର୍ଭ୍ଯାଂ
ଶଶାକ ଦୈବାନ୍ନ ମହାବଲୋଽପି॥ 8-98-32 (59865)
ତତଃ କିରୀଟି ପ୍ରତିଲଭ୍ଯ ସଂଜ୍ଞାଂ
ଜଗ୍ରାହ ବାଣଂ ଯମଦଣ୍ଡକଲ୍ପମ୍।
ତତୋଽର୍ଜୁନଃ ପ୍ରାଞ୍ଜଲିକଂ ମହାତ୍ମା
ତତୋଽବ୍ରବୀଦ୍ବାସୁଦେବୋଽପି ପାର୍ଥମ୍॥ 8-98-33 (59866)
ଛିନ୍ଧ୍ଯସ୍ଯ ମୂର୍ଧାନମରେଃ ଶରେଣ
ନ ଯାବଦାରୋହତି ବୈ ରଥଂ ବୃଷଃ।
ତଥୈବ ସମ୍ପୂଜ୍ଯ ସ ତଦ୍ବଚଃ ପ୍ରଭୋ--
ସ୍ତତଃ ଶରଂ ପ୍ରଜ୍ବଲିତଂ ପ୍ରଗୃହ୍ଯ।
ଜଘାନ କକ୍ଷାମମଲାର୍କବର୍ଣାଂ
ମହାରଥେ ରଥଚକ୍ରେ ବିମଗ୍ନେ॥ 8-98-34 (59867)
ତଂ ହସ୍ତିକକ୍ଷାପ୍ରବରଂ ସୁକେତୁଂ
ସୁବର୍ଣମୁକ୍ତାମଣିବଜ୍ରଜୁଷ୍ଟମ୍।
କଲାପ୍ରକୃଷ୍ଟୋତ୍ତମଶିଲ୍ପିଯତ୍ନୈଃ
କୃତଂ ସୁରୂପଂ ତପନୀଯଚିତ୍ରମ୍॥ 8-98-35 (59868)
ଜଯାସ୍ପଦଂ ତବ ସୈନ୍ଯସ୍ଯ ନିତ୍ଯ---
ମମିତ୍ରବିତ୍ରାସନମୀଡ୍ଯରୂପମ୍।
ବିଖ୍ଯାତମାଦିତ୍ଯସୁତସ୍ଯ ଲୋକେ
ତ୍ବିଷା ସମଂ ପାବକଭାନୁଚନ୍ଦ୍ରୈଃ॥ 8-98-36 (59869)
ତତଃ କ୍ଷୁରପ୍ରେଣ ସୁସଂଶିତେନ
ସୁବର୍ଣପୁଙ୍ଖେନ ହୁତାଗ୍ନିବର୍ଚସା।
ଶ୍ରିଯା ଜ୍ବଲନ୍ତଂ ଧ୍ବଜମୁନ୍ମମାଥ
ମହାରଥସ୍ଯାଧିରଥେଃ କିରୀଟୀ॥ 8-98-37 (59870)
ଯଶଶ୍ଚ ଦର୍ପଶ୍ଚ ତଥା ପ୍ରିଯାଣି
ସର୍ବାଣି କାର୍ଯାଣି ଚ ତେନ କେତୁନା।
ସାକଂ କୁରୂଣାଂ ହୃଦଯାନି ଚାପତନ୍
ବଭୂବ ହାହେତି ଚ ନିଃସ୍ବନୋ ମହାନ୍॥ 8-98-38 (59871)
ଦ୍ବଷ୍ଟ୍ବା ଧ୍ବଜଂ ପାତିତମାଶୁକାରିଣା
କୁରୁପ୍ରବୀରେଣ ନିକୃତ୍ତମାହବେ।
ନାଶଂସିରେ ସୂତପୁତ୍ରସ୍ଯ ସର୍ବେ
ଜଯଂ ତଦା ଭାରତ ଯେ ତ୍ବଦୀଯାଃ॥ 8-98-39 (59872)
ଅଥ ତ୍ବରନ୍କର୍ଣବଧାଯ ପାର୍ଥୋ
ମହେଦ୍ରବଜ୍ରାନଲଦଣ୍ଡସନ୍ନିଭମ୍।
ଆଦତ୍ତ ଚାଥାଞ୍ଜଲିକଂ ନିଷଙ୍ଗା--
ତ୍ସହସ୍ରରଶ୍ମେରିବ ରଶ୍ମିମୁତ୍ତମମ୍॥ 8-98-40 (59873)
ମର୍ମଚ୍ଛିଦଂ ଶୋଣିତମାଂସଦିଗ୍ଧଂ
ବୈଶ୍ବାନରାର୍କପ୍ରତିମଂ ମହାର୍ହମ୍।
ନରାଶ୍ବନାଗାସୁହରଂ ତ୍ର୍ଯରତ୍ନିଂ
ଷଡ୍ବାଜମଞ୍ଜୋଗତିମୁଗ୍ରବେଗମ୍॥ 8-98-41 (59874)
ସହସ୍ରନେତ୍ରାଶନିତୁଲ୍ଯବୀର୍ଯଂ
କାଲାନଲଂ ବ୍ଯାତ୍ତମିବାତିଘୋରମ୍।
ପିନାକନାରାଯଣଚକ୍ରସନ୍ନିଭଂ
ଭଯଙ୍କରଂ ପ୍ରାଣଭୃତାଂ ବିନାଶନମ୍॥ 8-98-42 (59875)
ଜଗ୍ରାହ ପାର୍ଥଃ ସ ଶରଂ ପ୍ରହୃଷ୍ଟୋ
ଯୋ ଦେବସଙ୍ଘୈରପି ଦୁର୍ନିବାର୍ଯଃ।
ସମ୍ପୂଜିତୋ ଯଃ ସତତଂ ମହାତ୍ମା
ଦେବାସୁରାନ୍ଯୋ ବିଜଯେନ୍ମହେଷୁଃ॥ 8-98-43 (59876)
ତଂ ବୈ ପ୍ରମୃଷ୍ଟଂ ପ୍ରସମୀକ୍ଷ୍ଯ ଯୁଦ୍ଧେ
ଚଚାଲ ସର୍ବଂ ସଚରାଚରଂ ଜଗତ୍।
କୃତ୍ସ୍ନଂ ଜଗତ୍ସ୍ବସ୍ତ୍ଯୃଷଯୋଽଭିଚକ୍ରୁ--
ସ୍ତମୁଦ୍ଯତଂ ପ୍ରେକ୍ଷ୍ଯ ମହାହବେଷୁମ୍॥ 8-98-44 (59877)
ତତସ୍ତୁ ତଂ ବୈ ଶରମପ୍ରମେଯଂ
ଗାଣ୍ଡୀବଧନ୍ବା ଧନୁଷି ବ୍ଯଯୋଜଯତ୍।
ଯୁକ୍ତ୍ବା ମହାସ୍ତ୍ରେଣ ପରେଣ ଚାପଂ
ବିକୃଷ୍ଯ ଗାଣ୍ଡୀବମୁବାଚ ସତ୍ବରମ୍॥ 8-98-45 (59878)
ଅଯଂ ହାସ୍ତ୍ରପ୍ରହିତୋ ମହାଶରଃ
ଶରୀରହୃଚ୍ଚାସୁହରଶ୍ଚ ଦୁର୍ହୃଦଃ।
ତପୋଽସ୍ତି ତପ୍ତଂ ଗୁରବଶ୍ଚ ତୋଷିତା
ମଯା ଯଦୀଷ୍ଟଂ ସୁହୁତଂ ଯଦି ଶ୍ରୁତମ୍॥ 8-98-46 (59879)
ଅନେନ ସତ୍ଯେନ ନିହନ୍ତ୍ବଯଂ ଶରଃ
ସୁସଂହିତଃ କର୍ଣମରିଂ ମମୋର୍ଜିତମ୍।
ଇତ୍ଯୂଚିବାଂସ୍ତଂ ପ୍ରମୁମୋଚ ବାଣଂ
ଧନଞ୍ଜଯଃ କର୍ଣବଧାଯ ଘୋରମ୍॥ 8-98-47 (59880)
କୃତ୍ଯା ହ୍ଯଥର୍ବାଙ୍ଗିରସୀ ପ୍ରଚୋଦିତା
ଯଥା ତଥା ତ୍ବଂ ଜହି ଶାତ୍ରବଂ ମମ।
ବ୍ରୁବନ୍କିରୀଟୀ ତମତିପ୍ରହୃଷ୍ଟୋ--
ଽସୃଜଦ୍ଦେବାନାଂ ଜଯହେତୁଂ ମହେଷୁମ୍॥ 8-98-48 (59881)
ଜିଘାଂସୁରର୍କେନ୍ଦୁସମପ୍ରଭାବଃ
କର୍ଣଂ ବଶୀ ପାଣ୍ଡବଃ କ୍ଷିପ୍ରକାରୀ।
ତତୋ ବିମୁକ୍ତୋ ବଲିନା ମହେଷୁଃ
ପ୍ରଜ୍ବାଲଯାମାସ ନଭୋ ଦିଶଶ୍ଚ॥ 8-98-49 (59882)
ସୈନ୍ଯାନ୍ଯନେକାନି ଚ ବିପ୍ରମୋହ୍ଯ
ଗାଣ୍ଡୀବମୁକ୍ତେନ ତତୋ ମହାତ୍ମା।
ତେନାର୍ଜୁନସ୍ତନ୍ମହନୀଯମସ୍ଯ
ଶିରୋଽହରତ୍ସୂତପୁତ୍ରସ୍ଯ ରାଜନ୍॥ 8-98-50 (59883)
ଶରୋତ୍ତମେନାଞ୍ଜଲିକେନ ରାଜଂ--
ସ୍ତଦା ମହାସ୍ତ୍ରପ୍ରତିମନ୍ତ୍ରିତେନ।
ପାର୍ଥୋଽପରାହ୍ଣେ ଶିର ଉଚ୍ଚକର୍ତ
ବୈକର୍ତନସ୍ଯାଥ ମହେନ୍ଦ୍ରସୂନୁଃ।
ଛିନ୍ନଂ ପପାତାଞ୍ଜଲିକେନ ତୂର୍ଣଂ
କାଯଶ୍ଚ ପଶ୍ଚାଦ୍ଧରଣୀଂ ଜଗାମ॥ 8-98-51 (59884)
ତଦୁଦ୍ଯତାଦିତ୍ଯସମାନତେଜସଂ
ଶରନ୍ନଭୋମଧ୍ଯଗଭାସ୍କରୋପମମ୍।
ବରାଙ୍ଗମୁର୍ବ୍ଯାମପତଚ୍ଚମୁମୂଖେ
ଦିବାକରୋଽସ୍ତାଦିବ ରକ୍ତମଣ୍ଡଲଃ॥ 8-98-52 (59885)
ତତୋଽସ୍ଯ ଦେହଂ ସତତଂ ସୁଖୈଧିତଂ
ସୁରୂପମତ୍ଯର୍ଥସୁଖଂ ସୁଗନ୍ଧି ଚ।
ପରେଣ କୃଚ୍ଛ୍ରେଣ ଶିରଃ ସମତ୍ଯଜ--
ଦ୍ଗୃହଂ ମହର୍ଧୀନ୍ନିବସନ୍ନିବେଶ୍ବରଃ॥ 8-98-53 (59886)
ଶରୈର୍ବିଭିନ୍ନଂ ବ୍ଯସୁ ତତ୍ସୁବର୍ଚସଃ
ପପାତ କର୍ଣସ୍ଯ ଶରୀମୁଚ୍ଛ୍ରିତମ୍।
ସ୍ରବଦ୍ବ୍ରଣଂ ଗୈରିକତୋଯବିସ୍ରବଂ
ଗିରେର୍ଯଥା ବଜ୍ରହତଂ ମହାଶିରଃ॥ 8-98-54 (59887)
ଦେହାଚ୍ଚ କର୍ଣସ୍ଯ ନିପାତିତସ୍ଯ
ତେଜଃ ସୂର୍ଯଂ ଖଂ ବିତତ୍ଯାବିବେଶ।
ତଦଦ୍ଭୁତଂ ସର୍ବମନୁଷ୍ଯଯୋଧାଃ
ସଂଦୃଷ୍ଟବନ୍ତୋ ନିହତେ ସ୍ମ କର୍ଣେ॥ 8-98-55 (59888)
ତତଃ ଶଙ୍ଖାନ୍ପାଣ୍ଡବା ଦଧ୍ମୁରୁଚ୍ଚୈ--
ର୍ଦୃଷ୍ଟ୍ବା କର୍ଣଂ ପାତିତଂ ଫଲ୍ଗୁନେନ।
ତଥୈବ କୃଷ୍ଣଶ୍ଚ ଧନଞ୍ଜଯଶ୍ଚ
ହଷ୍ଟୌ ଯମୌ ଦଧ୍ମତୁର୍ବାରିଜାତୌ॥ 8-98-56 (59889)
ତଂ ସୋମକାଃ ପ୍ରେକ୍ଷ୍ଯ ହତଂ ଶଯାନଂ
ସୈନ୍ଯୈଃ ସାର୍ଧଂ ସିଂହନାଦାନ୍ପ୍ରଚକ୍ରୁଃ।
ତୂର୍ଯାଣି ସଞ୍ଜଘ୍ନୁରତୀବ ହୃଷ୍ଟା
ବାସାଂସି ଚୈବାଦୁଧୁବୁର୍ଭୁଜାଂଶ୍ଚ॥ 8-98-57 (59890)
ସଂବର୍ଧଯନ୍ତଶ୍ଚ ନରେନ୍ଦ୍ର ଯୋଧାଃ
ପାର୍ଥଂ ସମାଜଗ୍ମୁରତୀବ ହୃଷ୍ଟାଃ।
ବଲାନ୍ବିତାଶ୍ଚାପରେ ହ୍ଯପ୍ଯନୃତ୍ଯ--
ନ୍ନନ୍ଯୋନ୍ଯମାଶ୍ଲିଷ୍ଯ ନଦନ୍ତ ଊଚୁଃ॥ 8-98-58 (59891)
ଦୃଷ୍ଟ୍ବା ତୁ କର୍ଣଂ ଭୁବି ବା ବିପନ୍ନଂ
କୃତ୍ତଂ ରଥାତ୍ସାଯକୈରର୍ଜୁନସ୍ଯ।
ମହାନିଲେନାଦ୍ରିମିବାପବିଦ୍ବଂ
ଯଜ୍ଞାବସାନେଽଗ୍ନିମିବ ପ୍ରଶାନ୍ତମ୍॥ 8-98-59 (59892)
ତଦାନନଂ ସୂର୍ଯସୁତସ୍ଯ ରାଜ--
ନ୍ବିଭ୍ରାଜତେ ପଦ୍ମିବାବନାଲମ୍।
ରରାଜ କର୍ଣସ୍ଯ ଶିରୋ ନିକୃତ୍ତ--
ମସ୍ତଂଗତଂ ଭାସ୍କରସ୍ଯେବ ବିମ୍ବମ୍॥ 8-98-60 (59893)
ଶରୈରାଚିତସର୍ବାଙ୍ଗଃ ଶୋଣିତୌଘପରିପ୍ଲୁତଃ।
ରରାଜ ଦେହଃ କର୍ଣସ୍ଯ ସ୍ବରଶ୍ମିଭିରିବାଂଶୁମାନ୍॥ 8-98-61 (59894)
ପ୍ରତାପ୍ଯ ସେନାମାମିତ୍ରୀଂ ଦୀପ୍ତୈଃ ଶରଗଭସ୍ତିଭିଃ।
ବଲିନାର୍ଜୁନକାଲେନ ନୀତୋଽସ୍ତଂ କର୍ଣଭାସ୍କରଃ॥ 8-98-62 (59895)
ଅସ୍ତଂ ଗଚ୍ଛନ୍ଯଥାଽଦିତ୍ଯଃ ପ୍ରଭାମାଦାଯ ଗଚ୍ଛତି।
ତଥା ଜୀବିତମାହାଯ କର୍ଣସ୍ଯେଷୁର୍ଜଗାମ ସଃ॥ 8-98-63 (59896)
ଅପରାହ୍ଣେଽପରାହ୍ଣସ୍ଯ ସୂତପୁତ୍ରସ୍ଯ ମାରିଷ।
ଛିନ୍ନମଞ୍ଜଲିକେନାଜୌ ସୋତ୍ସେଧମପତଚ୍ଛିରଃ॥ 8-98-64 (59897)
ଉପର୍ଯୁପରି ସୈନ୍ଯାନାଂ ବିନିଘ୍ନନ୍ନିତରାଞ୍ଜନାନ୍।
ଶିରଃ କର୍ଣସ୍ଯ ସୋଽତ୍ସେଧମିଷୁଃ ସୋପ୍ଯହରଦ୍ଦ୍ରୁତମ୍॥ 8-98-65 (59898)
କର୍ଣଂ ତୁ ଶୂରଂ ପତିତଂ ପୃଥିବ୍ଯାଂ
ଶରାଚିତଂ ଶୋଣିତଦିଗ୍ଧଗାତ୍ରମ୍।
ଦୃଷ୍ଟ୍ବା ଶଯାନଂ ଭୁବି ମଦ୍ରରାଜ--
ଶ୍ଛିନ୍ନଧ୍ବଜେନାଥ ଯଯୌ ରଥେନ॥ 8-98-66 (59899)
ହତେ କର୍ଣେ କୁରବଃ ପ୍ରାଦ୍ରବନ୍ତ
ଭଯାର୍ଦିତା ଗାଢବିଦ୍ଧାଶ୍ଚ ସଙ୍ଖ୍ଯେ।
ଅବେକ୍ଷମାଣା ମୁହୁରର୍ଜୁନସ୍ଯ
ଧ୍ବଜଂ ମହାନ୍ତଂ ବପୁଷା ଜ୍ବଲନ୍ତମ୍॥ 8-98-67 (59900)
ତଚ୍ଛିରୋ ଭରତଶ୍ରେଷ୍ଠ ଶୋଭଯାମାସ ମେଦିନୀମ୍।
ଯଦୃଚ୍ଛଯେବ ପତିତଂ ମଣ୍ଡଲଂ ଚାଣ୍ଡଦୀଧିତେଃ॥ 8-98-68 (59901)
ତଂ ଦୃଷ୍ଟ୍ବା ସମରବିମର୍ଦ (ବଦ୍ଧ) ଲବ୍ଧନିଦ୍ରଂ
ଦଷ୍ଟୋଷ୍ଠଂ ରୁଧିରପୀରତକାତରାକ୍ଷମ୍।
ରାଧେଯଂ ରଥବରପୃଷ୍ଠସନ୍ନିଷଣ୍ଣଂ
ହୀନାଂଶୁର୍ଦିବସକରୋ ମୁହୂର୍ତମାସୀତ୍॥ 8-98-69 (59902)
ନିଃଶବ୍ଦତୂର୍ଯଂ ହତଯୋଧମୁଖ୍ଯଂ
ପ୍ରଶାନ୍ତଦର୍ପଂ ଧୃତରାଷ୍ଟ୍ରସୈନ୍ଯମ୍।
ନ ଶୋଭତେ ସୂର୍ଯସୁତେନ ହୀନଂ
ବୃନ୍ଦଂ ଗ୍ରହାଣାମିବ ଚନ୍ଦ୍ରହୀନମ୍॥ 8-98-70 (59903)
ସହସ୍ରନେତ୍ରପ୍ରତିମାନକର୍ମଣଃ
ସହସ୍ରପତ୍ରପ୍ରତିମାନନଂ ଶୁଭମ୍।
ସହସ୍ରରଶ୍ମିର୍ଦିବସକ୍ଷଯେ ଯଥା
ତଥାଽପତତ୍କର୍ଣଶିରୋ ବସୁନ୍ଧରାମ୍॥ 8-98-71 (59904)
ବ୍ଯୂଢୋରସ୍କଂ କମଲବଦନଂ ତପ୍ତହେମାବଭାସଂ
କର୍ଣଂ ଦୃଷ୍ଟ୍ବା ଭୁବି ନିପତିତଂ ପାର୍ଥବାଣାଭିତପ୍ତମ୍।
ପାଂସୁଗ୍ରସ୍ତଂ ମଲିନମସକୃତ୍ପୁତ୍ରମନ୍ବୀକ୍ଷମାଣୋ
ମନ୍ଦମ୍ମନ୍ଦଂ ବ୍ରଜତି ସବିତା ମନ୍ଦିରଂ ମନ୍ଦରଶ୍ମିଃ॥ ॥ 8-98-72 (59905)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ସପ୍ତଦଶଦିବସଯୁଦ୍ଧେ ଅଷ୍ଟନବତିତମୋଽଧ୍ଯାଯଃ॥ 98 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.99. ଅଧ୍ଯାଯଃ 099
Mahabharata - Karna Parva - Chapter Topics
ଶଲ୍ଯେନ କର୍ଣମରଣାଦ୍ବ୍ଯାକୁଲମନସୋ ଦୁର୍ଯୋଧନସ୍ଯ ସମାଶ୍ବାସନମ୍॥ 1 ॥ ତଥା ତମ୍ପ୍ରତି ରଣାଙ୍କଣବର୍ଣନମ୍॥ 2 ॥ ଦେବଗନ୍ଧର୍ବାଦୀନାଂ ସ୍ବସ୍ବସ୍ଥାନଗମନମ୍॥ 3 ॥
Mahabharata - Karna Parva - Chapter Text
8-99-0
(59906)
ସଞ୍ଜଯ ଉବାଚ। 8-99-0x (5068)
କର୍ଣଂ ତୁ ଶୂରଂ ପତିତଂ ପୃଥିବ୍ଯାଂ
ଶରାଚିତଂ ଶୋଣିତଦିଗ୍ଧଗାତ୍ରମ୍।
ଯଦୃଚ୍ଛଯା ସୂର୍ଯମିବାବନିଂ ଗତଂ
ଦିଦୃକ୍ଷବଃ ସମ୍ପରିବାର୍ଯ ତସ୍ଥୁଃ॥ 8-99-1
(59907)
ପ୍ରହୃଷ୍ଟବିତ୍ରସ୍ତବିଷଣ୍ଣବିସ୍ମିତା--
ସ୍ତଥାଽପରେ ଶୋକସମନ୍ବିତାଽଭବନ୍।
ପରେ ତ୍ବଦୀଯାଶ୍ଚ ରଣେ ବିଶାମ୍ପତେ
ଯଥାଯଥେଷ୍ଟଂ ପୃତନା ତଥା ଗତା॥ 8-99-2
(59908)
ପ୍ରବିଦ୍ଧବର୍ମାଭରଣାଯୁଧାମ୍ବରଂ
ଧନଞ୍ଜଯେନ ପ୍ରହତଂ ମହାରଥମ୍।
ନିଶାମ୍ଯ କର୍ଣଂ କୁରବଃ ପ୍ରଦୁଦ୍ରୁବୁ--
ର୍ହତର୍ଷଭଂ କେସରିଣେବ ଗୋକୁଲମ୍॥ 8-99-3
(59909)
କୃତ୍ବା ଦିମର୍ଦଂ ଭୃଶମର୍ଜୁନେନ
କର୍ଣଂ ହତଂ କେସରିଣେବ ନାଗମ୍।
ଦୃଷ୍ଟ୍ବା ଶଯାନଂ ଯୁଧି ମଦ୍ରରାଜ--
ଶ୍ଛିନ୍ନଧ୍ବଜେନାପଯଯୌ ରଥେନ॥ 8-99-4
(59910)
କର୍ଣେ ହତେ ପାର୍ଥଭଯାତ୍ପ୍ରଦୁଦ୍ରୁବୁ--
ର୍ବୈକର୍ତନେ ଧାର୍ତରାଷ୍ଟ୍ରାଃ ସଶଲ୍ଯାଃ।
ଅବେକ୍ଷମାଣା ମୁହୁରର୍ଜୁନସ୍ଯ
କେତୁଂ ମହାନ୍ତଂ ଯଶସା ଜ୍ବଲନ୍ତମ୍॥ 8-99-5
(59911)
ଶଲ୍ଯସ୍ତୁ କର୍ଣାର୍ଜୁନଯୋର୍ବିମର୍ଦେ
ବଲାନି ଦୃଷ୍ଟ୍ବା ମୃଦିତଧ୍ବଜାନି।
ଯଯୌ ସ ତେନୈବ ରଥେନ ତୂର୍ଣଂ
ହେଲୀକୃତଃ ସୃଞ୍ଜଯସୋମକୈଶ୍ଚ॥ 8-99-6
(59912)
ନିପାତିତସ୍ଯନ୍ଦନବାଜିନାଗଂ
ବଲଂ ଚ ଦୃଷ୍ଟ୍ବା ହତସୂତପୁତ୍ରମ୍।
ଭୀମସ୍ତୁ ଭୀମେନ ତଦା ସ୍ବରେଣ
ସମୁନ୍ନଦଦ୍ରୋଦସୀ କମ୍ପଯଂଶ୍ଚ। 8-99-7
(59913)
ଆସ୍ଫୋଟଯନ୍ନୃତ୍ଯତି ବଲ୍ଗତେ ଚ
ହତେ କର୍ଣେ ତ୍ରାସଯନ୍ଧାର୍ତରାଷ୍ଟ୍ରାନ୍।
ତଦା ରାଜନ୍ସୃଞ୍ଜଯାଃ ସୋମକାଶ୍ଚ
ଶଙ୍ଖାନ୍ଦଧ୍ମୁଃ ସସ୍ବଜୁଶ୍ଚାପି ସର୍ବେ॥ 8-99-8
(59914)
ପରସ୍ପରଂ କ୍ଷତ୍ରିଯା ହୃଷ୍ଟରୂପାଃ
ସୂତାତ୍ମଜେ ବୈ ନିହତେ ତଦାନୀମ୍।
ଦୁର୍ଯୋଧନୋଽଶ୍ରୁପ୍ରତିପୂର୍ଣନେତ୍ରୋ
ଦୀନୋ ମୁହୁର୍ନିଶ୍ବସନ୍ନାର୍ତରୂପଃ॥ 8-99-9
(59915)
ମଦ୍ରାଧିପଶ୍ଚାପି ବିମୂଢଚେତା--
ସ୍ତୂର୍ଣଂ ଧ୍ବଜେନାପହୃତେନ ତେନ।
ରଥେନ ଦୁର୍ଯୋଧନମେତ୍ଯ ତୂର୍ଣଂ
ପଶ୍ଯନ୍ସୁଦୁଃଖାତ୍ତମୁବାଚ ରାଜନ୍॥ 8-99-10
(59916)
ବିଶୀର୍ଣନାଗାଶ୍ବରଥପ୍ରବୀରଂ
ବଲଂ ତ୍ବଦୀଯଂ ଯମରାଷ୍ଟ୍ରକଲ୍ପମ୍।
ଅନ୍ଯୋନ୍ଯମାସାଦ୍ଯ ହତୈଃ ଶଯାନୈ--
ର୍ନରାଶ୍ବନାଗୈର୍ଗିରିକୂଟକଲ୍ପୈଃ॥ 8-99-11
(59917)
ନୈତାଦୃଶଂ ଭାରତ ଯୁଦ୍ଧମାସୀ--
ଦ୍ଯଥା ହି କର୍ଣାର୍ଜୁନଯୋର୍ବଭୂବ।
ଗ୍ରସ୍ତୌ ହି କର୍ଣେନ ସମେତ୍ଯ କୃଷ୍ଣା--
ବନ୍ଯେ ହି ସର୍ବେ ତବ ଶାତ୍ରବେଯାଃ॥ 8-99-12
(59918)
ଦୈବଂ ତୁ ଯତ୍ତତ୍ସ୍ବବଶେ ପ୍ରବୃତ୍ତଂ
ତତ୍ପାଣ୍ଡବାନ୍ପାତି ନିହନ୍ତି ଚାସ୍ମାନ୍।
ତବାର୍ଥସିଦ୍ଧ୍ଯର୍ଥକରା ହି ସର୍ବେ
ପ୍ରସହ୍ଯ ବୀରା ନିହତା ଦ୍ବିଷଦ୍ଭିଃ॥ 8-99-13
(59919)
କୁବେରବୈବସ୍ବତବାସବାନାଂ
ତୁଲ୍ଯପ୍ରଭାବା ବରୁଣସ୍ଯ ଚାପି।
ବୀର୍ଯେଣ ଶୌର୍ଯେଣ ପରାକ୍ରମେଣ
ତୈଶ୍ଚାପି ଯୁକ୍ତା ବିମଲୈର୍ଗୁଣୌଘୈଃ॥ 8-99-14
(59920)
ଅବଧ୍ଯକଲ୍ପା ନିହତା ନରେନ୍ଦ୍ରା--
ସ୍ତବାର୍ଥକାମା ଯୁଧି ପାଣ୍ଡବେଯୈଃ।
ତନ୍ମା ଶୁଚୋ ଭାରତ ଦିଷ୍ଟମେତ--
ତ୍ପର୍ଯାଯସିଦ୍ଧିର୍ନ ତୁ ନିତ୍ଯସିଦ୍ଧିଃ॥ 8-99-15
(59921)
ଏତଦ୍ବଚୋ ମଦ୍ରପତେର୍ନିଶମ୍ଯ
ସ୍ବଂ ଚାବିନୀତଂ ମନସା ବିଚିନ୍ତ୍ଯ।
ଦୁର୍ଯୋଧନୋଽଶ୍ରୁପ୍ରତିପୂର୍ଣନେତ୍ରୋ
ମୁହୁର୍ମୁହୁର୍ନିଶ୍ବସନ୍ନାର୍ତରୂପଃ॥ 8-99-16
(59922)
*ତଦ୍ବ୍ଯାନମୂକଂ କୃପଣଂ ଭୃଶାର୍ତ--
ମାର୍ତାଯନିର୍ଦୀନମୁବାଚ ରାଜନ୍।
ପଶ୍ଯେଦମୁଗ୍ରୈର୍ନରବାଜିନାଗୈ--
ରାଯୋଧନଂ ବୀର ହତୈଃ ସୁପୂର୍ଣମ୍॥ 8-99-17
(59923)
ମହୀଧରାଭୈଃ ପତିତୈଶ୍ଚ ନାଗୈଃ
ସକୃତ୍ପ୍ରଯତ୍ନୈଃ ଶରଭିନ୍ନଗାତ୍ରୈଃ।
ପ୍ରବିହ୍ବଲଦ୍ଭିଶ୍ଚ ଗତାସୁଭିଶ୍ଚ
ପ୍ରଧ୍ବସ୍ତବର୍ମାଯୁଧସର୍ବଯୋଧୈଃ॥ 8-99-18
(59924)
ବଜ୍ରାପବିଦ୍ବୈରିବ ଚାଚଲୌଘୈ--
ର୍ବିଭିନ୍ନପାଷାଣମୃଗଦ୍ରୁମୌଘୈଃ।
ପ୍ରବିଦ୍ଧଘଣ୍ଟାଙ୍କୁଶତୋମରଧ୍ବଜୈଃ
ସହେମଜାଲୈ ରୁଧିରୌଘସମ୍ପ୍ଲବୈଃ॥ 8-99-19
(59925)
ଶରାବନୁନ୍ନୈଃ ପତିତୈସ୍ତୁରଙ୍ଗୈ--
ସ୍ତନଦ୍ଭିରାର୍ତୈଃ କ୍ଷତଜଂ ବମଦ୍ଭିଃ।
ଦୀନୈସ୍ତ୍ରସଦ୍ଭିଃ ପରିବୃତ୍ତନେତ୍ରୈ--
ର୍ମହୀ ପତଦ୍ଭିଃ କୃପଣା ବଭୂବ॥ 8-99-20
(59926)
ତଥାଽପବିଦ୍ବୈର୍ଗଜବାଜିଯୂଥୈ--
ର୍ମନ୍ଦାସୁଭିଶ୍ଚାପି ଗତାସୁଭିଶ୍ଚ।
ରଥୈଶ୍ଚ ନାଗୈସ୍ତୁରଗୈଶ୍ଚ ନୁନ୍ନୈ--
ର୍ମହୀ ମହାବୈତରଣୀବ ଭାତି॥ 8-99-21
(59927)
ଗଜୈର୍ନିକୃତ୍ତାପରହସ୍ତଗାତ୍ରୈ--
ରୁଦ୍ବେପମାନୈଃ ପତିତୈଃ ପୃଥିବ୍ଯାମ୍।
ରଥର୍ଷଭୈର୍ନାଗବରାଶ୍ବଯୋଧୈଃ
ପଦାତିଭିଶ୍ଚାଭିମୁଖୈଃ ପରୈର୍ହତୈଃ॥ 8-99-22
(59928)
ବିଶୀର୍ଣବର୍ମାଭରଣାମ୍ବରାଯୁଧୈ--
ର୍ଯୁତା ପ୍ରଶାନ୍ତୈରିବ ପାବକୈର୍ମହୀ।
ଶରପ୍ରହାରାଭିହତୈର୍ମହାବଲୈ--
ରବେକ୍ଷମାଣୈଃ ପତିତୈଃ ସମନ୍ତତଃ॥ 8-99-23
(59929)
ପ୍ରନଷ୍ଟସଂଜ୍ଞୈଃ ପୁନରାଶ୍ବସଦ୍ଭି--
ର୍ମହୀ ବଭୌ କୁମ୍ଭଗତୈରିବାଗ୍ନିଭିଃ।
ରତ୍ନୈଶ୍ଚ୍ଯୁତୈର୍ଭୂରତିଦୀପ୍ତିମଦ୍ଭି--
ର୍ନକ୍ତଂ ଗ୍ରହୈର୍ଦ୍ଯୌର୍ବିମଲୈର୍ବିଭାତି॥ 8-99-24
(59930)
ଶରାସ୍ତୁ କର୍ଣାର୍ଜୁନବାହୁମୁକ୍ତା
ବିଦାର୍ଯ ନାଗାଂଶ୍ଚ ମନୁଷ୍ଯଦେହାନ୍।
ପ୍ରାଣାନ୍ନିରସ୍ଯାଶୁ ମହୀଂ ପ୍ରତୀଯୁ--
ର୍ମହୋରଗା ବାସମିବାଭିନମ୍ରାଃ॥ 8-99-25
(59931)
ହତୈର୍ମନୁଷ୍ଯୈଶ୍ଚ ଗଜୈଶ୍ଚ ସଙ୍ଖ୍ଯେ
ଶରାବଭିନ୍ନୈ ରୁଧିରପ୍ରଦିଗ୍ଧୈଃ।
ଧନ଼ଞ୍ଜଯସ୍ଯାଧିରଥେଶ୍ଚ ମାର୍ଗେ
ହତୈରଗମ୍ଯା ବସୁଧାଽତିଦୁର୍ଗା॥ 8-99-26
(59932)
ରଥୈର୍ମହେଷୂନ୍ମଥିତୈଃ ସୁକଲ୍ପିତୈଃ
ସନାଗଯୋଧାଶ୍ବବରାଯୁଧଧ୍ବଜୈଃ
ବିଶୀର୍ଣଯୋକ୍ତ୍ରୈର୍ବିନିକୀର୍ଣବନ୍ଧନୈ--
ର୍ନିକୃତ୍ତଚକ୍ରାକ୍ଷଯୁଗତ୍ରିବେଣୁଭିଃ॥ 8-99-27
(59933)
ବିମୁକ୍ତଯୋକ୍ତ୍ରୈଶ୍ଚ ରଥୈରୁପସ୍କରୈଃ
କୃତାଭିଷଙ୍ଗୈର୍ବିନିବଦ୍ବକୂବରୈଃ।
ପ୍ରଭଗ୍ନନୀଡୈର୍ମଣିହେମଭୂଷିତୈ--
ର୍ବୃତା ମହୀ ଦ୍ଯୌରିବ ଶାରଦୈର୍ଘନୈଃ॥ 8-99-28
(59934)
ନିକୃଷ୍ଯମାଣା ଜବନୈସ୍ତୁରଙ୍ଗମୈ--
ର୍ହତେଶ୍ବରା ରାଜରଥାଃ ସୁକଲ୍ପିତାଃ।
ମନୁଷ୍ଯମାତଙ୍କରଥାଶ୍ବସାଦିଷୁ
ଦ୍ରୁତଂ ବ୍ରଜନ୍ତୋ ବହୁଧା ବିଘୂର୍ଣିତାଃ॥ 8-99-29
(59935)
ସହେମପୃଷ୍ଠାଃ ସପରଶ୍ବଥାଯୁଧାଃ
ଶିତାଶ୍ଚ ଶୂଲା ମୁସଲାଃ ସମୁଦ୍ଗରାଃ।
ଚିତ୍ରାଶ୍ଚ ଖଙ୍ଗା ବିମଲାଶ୍ଚ କୋଶା
ଗଜାଶ୍ଚ ଜାମ୍ବୂନଦପଟ୍ଟନଦ୍ଧାଃ॥ 8-99-30
(59936)
ଚାପାନି ଜାମ୍ବୂନଦଭୂଷିତାନି
ଶରାଶ୍ଚ କାର୍ତସ୍ବରଚିତ୍ରପୁଙ୍ଖାଃ।
ଋଷ୍ଟ୍ଯଶ୍ଚ ପୀତା ବିମଲାଶ୍ଚ କୋଶାଃ
ପ୍ରାସାଶ୍ଚ ଦଣ୍ଡାଃ କନକପ୍ରଭାସାଃ॥ 8-99-31
(59937)
ଶୁଭ୍ରାଣି ବାଲବ୍ଯଜନାନି ଶଙ୍ଖା--
ଶ୍ଛିନ୍ନାବରୁଦ୍ଧା ବିରୁଚଃ ସ୍ରଜଶ୍ଚ।
କୁଥାଃ ପତାକାମ୍ବରବେଷ୍ଟନାନି
କିରୀଟମାଲା ମକୁଟାଶ୍ଚ ଶୁଭ୍ରାଃ॥ 8-99-32
(59938)
ପ୍ରକୀର୍ଣକା ବିପ୍ରତିକୀର୍ଣକାଶ୍ଚ
ପ୍ରଧାନମୁଖ୍ଯାସ୍ତରଲାଶ୍ଚ ହାରାଃ।
ଆପୀଡକେଯୂରବରାଙ୍ଗଦାନି
ଗ୍ରୈବେଯନିଷ୍କାଃ ସସୁବର୍ଣସୂତ୍ରାଃ॥ 8-99-33
(59939)
ମଣ୍ଯୁତ୍ତମା ବଜ୍ରସୁବର୍ଣଯୁକ୍ତା
ରତ୍ନାନି ଚୋଚ୍ଚାବଚମଙ୍ଗଲାନି।
ଗାତ୍ରାଣି ଚାଭାନ୍ତି ସୁଖୋଚିତାନି
ଶିରାଂସି ଚେନ୍ଦୁପ୍ରତିମାନନାନି॥ 8-99-34
(59940)
ଦେହାଂଶ୍ଚ ଭୋଗାଂଶ୍ଚ ପରିଚ୍ଛଦାଂଶ୍ଚ
ତ୍ଯକ୍ତ୍ବା ମନୋଜ୍ଞା ନିହତାଃ ସୁଖାନି।
ସ୍ବଧର୍ମନିଷ୍ଠାଂ ମହତୀମବାପ୍ଯ
ପ୍ରାପ୍ତାଶ୍ଚ ଲୋକାନ୍ଯଶସା ଗତାସ୍ତେ॥ 8-99-35
(59941)
ନିବର୍ତ ଦୁର୍ଯୋଧନ ଯାନ୍ତୁ ସୈନିକା
ବ୍ରଜସ୍ବ ରାଜଞ୍ଶିବିରାଣି ମାନଦ।
ଦିବାକରୋଽପ୍ଯେଷ ବିଲମ୍ବତେ ପ୍ରଭୋ
ପୁନସ୍ତ୍ବମେବାତ୍ର ନରେନ୍ଦ୍ର କାରଣମ୍॥ 8-99-36
(59942)
ସଞ୍ଜଯ ଉବାଚ। 8-99-37x (5069)
ଏତାବଦୁକ୍ତ୍ବା ବିରରାମ ଶଲ୍ଯୋ
ଦୁର୍ଯୋଧନଂ ଚୈବ ନିବର୍ତଯିତ୍ବା।
ଯୁଦ୍ଧାଯ ରାଜନ୍ବିନିବିଷ୍ଟବୁଦ୍ଧି--
ର୍ହା କର୍ଣ ହା କର୍ଣ ଇତି ବ୍ରୁବାଣମ୍॥ 8-99-37
(59943)
ତଂ ଦ୍ରୋଣପୁତ୍ରପ୍ରମୁଖା ନରେନ୍ଦ୍ରାଃ
ସର୍ବେ ସମାଶ୍ବାସ୍ଯ ତତଃ ପ୍ରଜଗ୍ମୁଃ।
ନିରୀକ୍ଷମାଣା ଧ୍ବଜମର୍ଜୁନସ୍ଯ
ରଥଂ ଚ ଦିବ୍ଯଂ ଯଶସା ଜ୍ବଲନ୍ତମ୍॥ 8-99-38
(59944)
ନରାଶ୍ବମାତଙ୍ଗଶରୀରଜେନ
ରକ୍ତେନ ସିକ୍ତାଂ ରୁଧିରେଣ ଭୂମିମ୍।
ରକ୍ତାମ୍ବରସ୍ରକ୍ତପନୀଯଯୋଗା--
ନ୍ନାରୀଂ ପ୍ରକାଶାମିବ ସର୍ବରମ୍ଯାମ୍॥ 8-99-39
(59945)
ପ୍ରଚ୍ଛନ୍ନରୂପାଂ ରୁଧିରେଣ ରାଜ
ନ୍ରୌଦ୍ରେ ମୁହୂର୍ତେଽତିବିରାଜମାନେ।
ନୈବାବତସ୍ଥୁଃ କୁରବଃ ସମୀକ୍ଷ୍ଯ
ପ୍ରବ୍ରାଜିତା ନରଦେବା ଯଥାଽକ୍ଷୈଃ॥ 8-99-40
(59946)
ବଧେନ କର୍ଣସ୍ଯ ସୁଦୁଃଖିତାସ୍ତେ
ହା କର୍ଣ ହା କର୍ଣ ଇତି ବ୍ରୁବାଣାଃ।
ଦ୍ରୁତଂ ପ୍ରଜଗ୍ମୁଃ ଶିବିରାଣି ରାଜ--
ନ୍ଦିବାକରଂ ରକ୍ତମବେକ୍ଷମାଣାଃ॥ 8-99-41
(59947)
ଗାଣ୍ଡୀବମୁକ୍ତୈସ୍ତୁ ସୁବର୍ଣପୁଙ୍ଖୈଃ
ଶିଲାଶିତୈଃ ଶୋଣିତଦିଗ୍ଧବାଜୈଃ।
ଶରୈଶ୍ଚିତାଙ୍ଗୋଽପି ରରାଜ କର୍ଣୋ
ହତୋଽପି ଦୀପ୍ତାଂଶୁରିବାଂଶୁଜାଲୈଃ॥ 8-99-42
(59948)
କର୍ଣସ୍ଯ ଦେହଂ ରୁଧିରାମ୍ବୁସିକ୍ତଂ
ପୁତ୍ରାନକୁମ୍ପୀ ଭଗବାନ୍ବିବସ୍ବାନ୍।
ସ୍ପୃଷ୍ଟ୍ବା କରାଗ୍ରୈଃ କ୍ଷତଜାନୁରୂପୈଃ
ସ୍ନାତୁଂ ତଦାଽଗାଦପରଂ ସମୁଦ୍ରମ୍॥ 8-99-43
(59949)
ଇତୀବ ସଞ୍ଚିନ୍ତ୍ଯ ସୁରର୍ଷଭାଶ୍ଚ
ସମ୍ପ୍ରସ୍ଥିତାସ୍ତେ ତୁ ଯଥାନିକେତମ୍।
ସଞ୍ଚିନ୍ତ୍ଯ ସର୍ବା ଜନତା ବିସସ୍ରୁ--
ର୍ଯଥାସୁଖଂ ଖେ ଚ ମହୀତଲେ ଚ॥ 8-99-44
(59950)
ତଦଦ୍ଭୁତଂ ପ୍ରାଣଭୃତାଂ ଭଯଙ୍କରଂ
ନିଶାମ୍ଯ ଯୁଦ୍ଧଂ କୁରୁବୀରମୁଖ୍ଯଯୋଃ।
ସମାଚିତୌ କର୍ଣଶରୈଋ ପରନ୍ତପୌ
ତଥୈବ ସଂରେଜତୁରଚ୍ଯୁତାର୍ଜୁନୌ॥ 8-99-45
(59951)
ତମୋ ନିହତ୍ଯାଭ୍ଯୁଦିତୌ ଯଥାଽମଲୌ
ଶଶାଙ୍କସୂର୍ଯାବିବ ରଶ୍ମିମାଲିନୌ।
ବିହାଯ ତାନ୍ବାଣଗଣାନ୍ମହାବଲୌ
ସୁହୃଦ୍ବୃତାବପ୍ରତିମାନବିକ୍ରମୌ॥ 8-99-46
(59952)
ସୁଖପ୍ରବିଷ୍ଟୌ ସୁଖଦୌ ବିରେଜତୁଃ
ସଦସ୍ଯଚିନ୍ତ୍ଯାବିବ ବିଷ୍ଣୁବାସବୌ।
ସଦେବଗନ୍ଧର୍ବମନୁଷ୍ଯଚାରଣୈ--
ର୍ମହର୍ଷିଭିର୍ଯକ୍ଷମହୋରଗୈରପି।
ଜଯାଭିବୃଦ୍ଧ୍ଯା ପରଯାଽଭିପୂଜିତୌ
ନିହତ୍ଯ କର୍ଣଂ ପରମାହବେ ତଦା॥ 8-99-47
(59953)
ଯଥାନୁରୂପଂ ପ୍ରତିପୂଜ୍ଯ ତାନଥ
ପ୍ରଶସ୍ଯମାନାବତୁଲୈଶ୍ଚ କର୍ମଭିଃ।
ନନନ୍ଦତୁଶ୍ଚୈବ ସୁହୃଦ୍ଭିରାବୃତୌ
ବଲଂ ନିହତ୍ଯେବ ସୁରେଶକେଶବୌ॥ ॥ 8-99-48
(59954)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଏକୋନଶତତମୋଽଧ୍ଯାଯଃ॥ 99 ॥
Mahabharata - Karna Parva - Chapter Text
8-99-0 (59955)
[ଧୃଷ୍ଟରାଷ୍ଟ୍ର ଉବାଚ। 8-99-0x (5070)
ତସ୍ମିଂସ୍ତୁ କର୍ଣାର୍ଜୁନଯୋର୍ବିମର୍ଦେ
ଦଗ୍ଧସ୍ଯ ରୌଦ୍ରେଽହନି ବିଦ୍ରୁତସ୍ଯ।
ବଭୂବ କୁରୁସୃଞ୍ଜଯାନାଂ
ବଲସ୍ଯ ବାଣୋନ୍ମଥିତସ୍ଯ କୀଦୃକ୍॥ 8-99-1 (59956)
ସଞ୍ଜଯ ଉବାଚ। 8-99-2x (5071)
ଶୃଣୁ ରାଜନ୍ନବହିତୋ ଯଥା ବୃତ୍ତୋ ମହାକ୍ଷଯଃ।
ଘୋରୋ ମନୁଷ୍ଯଦେହାନାମାଜୌ ଚ ଗଜବାଜିନାମ୍॥ 8-99-2 (59957)
ଯତ୍ର କର୍ଣେ ହତେ ପାର୍ଥଃ ସିଂହନାଦମଥାକରୋତ୍।
ତଦା ତବ ସୁତାନ୍ରାଜନ୍ନାବିବେଶ ମହଦ୍ଭଯମ୍॥ 8-99-3 (59958)
ନ ସନ୍ଧାତୁମନୀକାନି ନ ଚୈବାଶୁ ପରାକ୍ରମେ।
ଆସୀଦ୍ବୁଦ୍ବିର୍ହତେ କର୍ଣେ ତବ ଯୋଧସ୍ଯ କର୍ହିଚିତ୍॥ 8-99-4 (59959)
ବଣିଜୋ ନାବି ଭିନ୍ନାଯାମଗାଧେ ବିପ୍ଲୁବେ ଯଥା।
ଅପାରେ ପାରମିଚ୍ଛନ୍ତୋ ହତେ ଦ୍ବୀପେ କିରୀଟିନା॥ 8-99-5 (59960)
ସୂତପୁତ୍ରେ ହତେ ରାଜନ୍ବିତ୍ରସ୍ତାଃ ଶସ୍ତ୍ରବିକ୍ଷତାଃ।
ଅନାଥା ନାଥମିଚ୍ଛନ୍ତୋ ମୃଗାଃ ସିଂହୈରିବାର୍ଦିତାଃ॥ 8-99-6 (59961)
ଭଗ୍ନଶୃଙ୍ଗା ବୃଷା ଯଦ୍ବଦ୍ଭଗ୍ନଦଂଷ୍ଟ୍ରା ଇବୋରଗାଃ।
ପ୍ରତ୍ଯପାଯାମ ସାଯାହ୍ନେ ନିର୍ଜିତାଃ ସବ୍ଯସାଚିନା॥ 8-99-7 (59962)
ହତପ୍ରବୀରା ବିଧ୍ବସ୍ତା ନିକୃତ୍ତା ନିଶିତୈଃ ଶରୈଃ।
ସୂତପୁତ୍ରେ ହତେ ରାଜନ୍ପୁତ୍ରାସ୍ତେ ଦୁଦ୍ରୁବୁର୍ଭଯାତ୍॥ 8-99-8 (59963)
ବିସ୍ରସ୍ତଯନ୍ତ୍ରକବଚାଃ କାନ୍ଦିଗ୍ଭୂତା ବିଚେତସଃ।
ଅନ୍ଯୋନ୍ଯମବମୃଦ୍ଗନ୍ତୋ ବୀକ୍ଷମାଣା ଭଯାର୍ଦିତାଃ॥ 8-99-9 (59964)
ମାମେବ ନୂନଂ ବୀଭତ୍ସୁର୍ମାମେବ ଚ ବୃକୋଦରଃ।
ଅଭିଯାତୀତି ମନ୍ବାନାଃ ପେତୁର୍ମମ୍ଲୁଶ୍ଚ ସମ୍ଭ୍ରମାତ୍॥ 8-99-10 (59965)
ହଯାନନ୍ଯେ ଗଜାନନ୍ଯେ ରଥାନନ୍ଯେ ମହାରଥାଃ।
ଆରୁହ୍ଯ ଜବସମ୍ପନ୍ନାଃ ପଦାତୀନ୍ପ୍ରଜହୁର୍ଭଯାତ୍॥ 8-99-11 (59966)
କୁଞ୍ଜରୈଃ ସ୍ଯନ୍ଦନାଃ କ୍ଷୁଣ୍ଣାଃ ସାଦିନଶ୍ଚ ମହାରଥୈଃ।
ପଦାତିସଙ୍ଘାଶ୍ଚାଶ୍ବୌଧୈଃ ପଲାଯଦ୍ଭିର୍ଭଯାର୍ଦିତୈଃ॥ 8-99-12 (59967)
ବ୍ଯାଲତସ୍କରସଙ୍କୀର୍ଣେ ସାର୍ଥହୀନା ଯଥା ବନେ।
ସୂତପୁତ୍ରେ ହତେ ରାଜଂସ୍ତବ ଯୋଧାସ୍ତଥାଽଭବନ୍॥ 8-99-13 (59968)
ହତାରୋହା ଯଥା ନାଗାଶ୍ଛିନ୍ନହସ୍ତା ଯଥା ନରାଃ।
ସର୍ବେ ପାର୍ଥମଯଂ ଲୋକଂ ସମ୍ପଶ୍ଯନ୍ତୋ ଭଯାର୍ଦିତାଃ॥ 8-99-14 (59969)
ସମ୍ପ୍ରେକ୍ଷ୍ଯ ଦ୍ରବତଃ ସର୍ବାନ୍ଭୀମସେନଭଯାର୍ଦିତାନ୍।
ଦୁର୍ଯୋଧନୋଽଥ ସ୍ବଂ ସୂତଂ ହାହାକୃତ୍ବେଦମବ୍ରବୀତ୍॥ 8-99-15 (59970)
ନାତିକ୍ରମେଚ୍ଚ ମାଂ ପାର୍ଥୋ ଧନୁଷ୍ପାଣିମବସ୍ଥିତମ୍।
ଜଘନେ ସର୍ବସୈନ୍ଯାନାଂ ଶନୈରଶ୍ବାନ୍ପ୍ରଚୋଦଯ॥ 8-99-16 (59971)
ଯୁଧ୍ଯମାନଂ ହି କୌନ୍ତେଯଂ ହନିଷ୍ଯାମି ନ ସଂଶଯଃ।
ନୋତ୍ସହେନ୍ମାମତିକ୍ରାନ୍ତୁଂ ବେଲାମିବ ମହୋଦଧିଃ॥ 8-99-17 (59972)
ଅଦ୍ଯାର୍ଜୁନଂ ସଗୋବିନ୍ଦଂ ମାନିନଂ ଚ ବୃକୋଦରମ୍।
ଅନ୍ଯାଞ୍ଶିଷ୍ଟାଂସ୍ତଥା ଶତ୍ରୂନ୍କର୍ଣସ୍ଯାନୃଣ୍ଯମାପ୍ନୁଯାମ୍॥ 8-99-18 (59973)
ତଚ୍ଛ୍ରୁତ୍ବା କୁରୁରାଜସ୍ଯ ଶୂରାର୍ଯସଦୃଶଂ ବଚଃ।
ସୂତୋ ହେମପରିଚ୍ଛନ୍ନାଞ୍ଶନୈରଶ୍ବାନଚୋଦଯତ୍॥ 8-99-19 (59974)
ରଥାଶ୍ବନାଗହୀନାସ୍ତୁ ପାଦାତାସ୍ତବ ମାରିଷ।
ପଞ୍ଚବିଂଶତିସାହସ୍ରା ଯୁଦ୍ବାଯୈବ ବ୍ଯବସ୍ଥିତାଃ॥ 8-99-20 (59975)
ତାନ୍ଭୀମସେନଃ ସଙ୍କ୍ରୁଦ୍ଧୋ ଧୃଷ୍ଟ୍ଯଦ୍ଯୁମ୍ନଶ୍ଚ ପାର୍ଷତଃ।
ବଲେନ ଚତୁରଙ୍ଗେଣ ସଂବୃତ୍ଯାଜଘ୍ନତୁଃ ଶରୈଃ॥ 8-99-21 (59976)
ପ୍ରତ୍ଯଯୁଧ୍ଯନ୍ତ ସମରେ ଭୀମସେନଂ ସପାର୍ଷତମ୍।
ପାର୍ଥପାର୍ଷତଯୋଶ୍ଚାନ୍ଯେ ଜଗୃହୁସ୍ତତ୍ର ନାମନୀ॥ 8-99-22 (59977)
ଅକ୍ରୁଧ୍ଯତ ରଣେ ଭୀମସ୍ତୈସ୍ତଦା ପର୍ଯବସ୍ଥିତୈଃ।
ସୋଽବତୀର୍ଯ ରଥାତ୍ତୂର୍ଣଂ ଗଦାପାଣିରଯୁଧ୍ଯତ॥ 8-99-23 (59978)
ନ ତାନ୍ରଥସ୍ଥୋ ଭୂମିଷ୍ଠାନ୍ଧର୍ମାପେକ୍ଷୀ ବୃକୋଦରଃ।
ଯୋଧଯାମାସ କୌନ୍ତେଯୋ ଭୁଜବୀର୍ଯବ୍ଯପାଶ୍ରଯଃ॥ 8-99-24 (59979)
ଜାତରୂପପରିଚ୍ଛନ୍ନାଂ ପ୍ରଗୃହ୍ଯ ମହତୀଂ ଗଦାମ୍।
ଅବଧୀତ୍ତାବକାନ୍ସର୍ବାନ୍ଦଣ୍ଡପାଣିରିବାନ୍ତକଃ॥ 8-99-25 (59980)
ପଦାତିନୋଽପି ସନ୍ତ୍ଯକ୍ତ୍ବା ପ୍ରିଯଂ ଜୀବିତମାତ୍ମନଃ।
ଭୀମମଭ୍ଯଦ୍ରବନ୍ସଙ୍ଖ୍ଯେ ପତଙ୍ଗା ଜ୍ବଲନଂ ଯଥା॥ 8-99-26 (59981)
ଆସାଦ୍ଯ ଭୀମସେନଂ ତୁ ସଂରବ୍ଧା ଯୁଦ୍ଧଦୁର୍ମଦାଃ।
ବିନେଶୁଃ ସହସା ଦୃଷ୍ଟ୍ବା ଭୂତଗ୍ରାମା ଇବାନ୍ତକମ୍॥ 8-99-27 (59982)
ଶ୍ଯେନବଦ୍ବିଚରନ୍ଭୀମୋ ଗଦାହସ୍ତୋ ମହାବଲଃ।
ପଞ୍ଚବିଂଶତିସାହସ୍ରାଂସ୍ତାବକାନବପୋଥଯତ୍॥ 8-99-28 (59983)
ହତ୍ବା ତତ୍ପୁରୁଷାନୀକଂ ଭୀମଃ ସତ୍ଯପରାକ୍ରମଃ।
ଧୃଷ୍ଟଦ୍ଯୁମ୍ନଂ ପୁରସ୍କୃତ୍ଯ ତସ୍ଥୌ ତତ୍ର ମହାବଲଃ॥ 8-99-29 (59984)
ଧନଞ୍ଜଯୋ ରଥାନୀକମଭ୍ଯବର୍ତତ ବୀର୍ଯବାନ୍।
ମାଦ୍ରୀପୁତ୍ରୌ ତୁ ଶକୁନିଂ ସାତ୍ଯକିଶ୍ଚ ମହାରଥଃ।
ଜବେନାଭ୍ଯପତନ୍ହୃଷ୍ଟା ଘ୍ନନ୍ତୋ ଦୌର୍ଯୋଧନଂ ବଲମ୍॥ 8-99-30 (59985)
ତସ୍ଯାଶ୍ବସାଦୀନ୍ସୁବହୂଂସ୍ତେ ନିହତ୍ଯ ଶିତୈଃ ଶରୈଃ।
ସମଭ୍ଯଧାବଂସ୍ତ୍ବରିତାସ୍ତତ୍ର ଯୁଦ୍ଧମଭୂନ୍ମହତ୍॥ 8-99-31 (59986)
ଧନଞ୍ଜଯୋଽପି ଚାଭ୍ଯେତ୍ଯ ରଥାନୀକଂ ତବ ପ୍ରଭୋ।
ବିଶ୍ରୁତଂ ତ୍ରିଷୁ ଲୋକେଷୁ ଗାଣ୍ଡୀବଂ ବିକ୍ଷିପନ୍ଧନୁଃ॥ 8-99-32 (59987)
କୃଷ୍ଣସାରଥିମାଯାନ୍ତଂ ଦୃଷ୍ଟ୍ବା ଶ୍ବେତହଯଂ ରଥମ୍।
ଅର୍ଜୁନଂ ଚାପି ଯୋଦ୍ବାରଂ ତ୍ବଦୀଯାଃ ପ୍ରାଦ୍ରବନ୍ଭଯାତ୍॥ 8-99-33 (59988)
ବିପ୍ରହୀଣରଥାଶ୍ଚୈବ ଶରୈଶ୍ଚ ପରିକର୍ଶିତାଃ।
ପଞ୍ଚବିଂଶତିସାହସ୍ରାଃ କାଲମାର୍ଛନ୍ପଦାତଯଃ॥ 8-99-34 (59989)
ହତ୍ବା ତାନ୍ପୁରୁଷବ୍ଯାଘ୍ରଃ ପାଞ୍ଚାଲାନାଂ ମହାରଥଃ।
ପୁତ୍ରାଃ ପାଞ୍ଚାଲରାଜସ୍ଯ ଧୃଷ୍ଟଦ୍ଯୁମ୍ନୋ ମହାମନାଃ॥ 8-99-35 (59990)
ଭୀମସେନଂ ପୁରସ୍କୃତ୍ଯ ନଚିରାତ୍ପ୍ରତ୍ଯଦୃଶ୍ଯତ।
ମହାଧନୁର୍ଧରଃ ଶ୍ରୀମାନମିତ୍ରଗଣତାପନଃ॥ 8-99-36 (59991)
ପାରାବତସବର୍ଣାଶ୍ବଂ କୋବିଦାରମଯଧ୍ବଜମ୍।
ଧୃଷ୍ଟଦ୍ଯୁମ୍ନଂ ରଣେ ଦୃଷ୍ଟ୍ବା ତ୍ବଦୀଯାଃ ପ୍ରାଦ୍ରବନ୍ଭଯାତ୍॥ 8-99-37 (59992)
ଗାନ୍ଧାରରାଜଂ ଶୀଘ୍ରାସ୍ତ୍ରମନୁସୃତ୍ଯ ଯଶସ୍ବିନୌ।
ନଚିରାତ୍ପ୍ରତ୍ଯଦୃଶ୍ଯେତାଂ ମାଦ୍ରୀପୁତ୍ରୌ ସସାତ୍ଯକୀ॥ 8-99-38 (59993)
ବେକିତାନଃ ଶିଖଣ୍ଡୀ ଚ ଦ୍ରୌପଦେଯାଶ୍ଚ ମାରିଷ।
ହତ୍ବା ତ୍ବଦୀଯଂ ସୁମହତ୍ସୈନ୍ଯଂ ଶଙ୍ଖାଂସ୍ତଥାଽଧମନ୍॥ 8-99-39 (59994)
ତେ ସର୍ବେ ତାବକାନ୍ପ୍ରେକ୍ଷ୍ଯ ଦ୍ରବତୋଽପି ପରାଙ୍ମୁଖାନ୍।
ଅଭ୍ଯବର୍ତନ୍ତ ସଂରବ୍ଧାନ୍ବୃଷାଞ୍ଜିତ୍ବା ଯଥା ବୃଷାଃ॥ 8-99-40 (59995)
ସେନାବଶେଷଂ ତଂ ଦୃଷ୍ଟ୍ବା ତବ ସୈନ୍ଯସ୍ଯ ପାଣ୍ଡବଃ।
ବ୍ଯବସ୍ଥିତଃ ସବ୍ଯସାଚୀ ଚୁକ୍ରୋଧ ବଲବାନ୍ନୃପ॥ 8-99-41 (59996)
ଧନଞ୍ଜଯୋ ରଥାନୀକମଭ୍ଯବର୍ତତ ବୀର୍ଯବାନ୍।
ବିଶ୍ରୁତଂ ତ୍ରିଷୁ ଲୋକେଷୁ ବ୍ଯାକ୍ଷିପଦ୍ଗାଣ୍ଡିବଂ ଧନୁଃ॥ 8-99-42 (59997)
ତତ ଏନାଞ୍ଶରବ୍ରାତୈଃ ସହସା ସମବାକିରତ୍।
ତମସା ସଂବୃତେନାଥ ନ ସ୍ମ କିଞ୍ଚିଦ୍ବଦୃଶ୍ଯତ॥ 8-99-43 (59998)
ଅନ୍ଧକାରୀକୃତେ ଲୋକେ ରଜୋଭୂତେ ମହୀତଲେ।
ଯୋଧାଃ ସର୍ବେ ମହାରାଜ ତାବକାଃ ପ୍ରାଦ୍ରାବନ୍ଭଯାତ୍॥ 8-99-44 (59999)
ସମ୍ଭଜ୍ଯମାନେ ସୈନ୍ଯେ ତୁ କୁରୁରାଜୋ ବିଶାମ୍ପତେ।
ପରାନଭିମୁଖାଂଶ୍ଚୈବ ସୁତସ୍ତେ ସମୁପାଦ୍ରବତ୍॥ 8-99-45 (60000)
ତତୋ ଦୁର୍ଯୋଧନଃ ସର୍ବାନାଜୁହାବାଥ ପାଣ୍ଡବାନ୍।
ଯୁଦ୍ଧାଯ ଭରତଶ୍ରେଷ୍ଠ ଦେବାନିବ ପୁରା ବଲିଃ॥ 8-99-46 (60001)
ତ ଏନମଭିଗର୍ଜନ୍ତଃ ସହିତାଃ ସମୁପାଦ୍ରବନ୍।
ନାନାଶସ୍ତ୍ରଭୃତଃ କ୍ରୁଦ୍ଧା ଭର୍ତ୍ସଯନ୍ତୋ ମୁହୁର୍ମୁହୁଃ॥ 8-99-47 (60002)
ଦୁର୍ଯୋଧନୋଽପ୍ଯସମ୍ଭ୍ରାନ୍ତସ୍ତାନ୍ରଣେ ନିଶିତୈଃ ଶରୈଃ।
ତତ୍ରାବଧୀତ୍ତତଃ କ୍ରୁଦ୍ବଃ ଶତଶୋଽଥ ସହସ୍ରଶଃ॥ 8-99-48 (60003)
ତତ୍ସୈନ୍ଯଂ ପାଣ୍ଡବେଯାନାଂ ଯୋଧଯାମାସ ସର୍ବତଃ॥ 8-99-49 (60004)
ତତ୍ରାଦ୍ଭୁତମପଶ୍ଯାମ ତବ ପୁତ୍ରସ୍ଯ ପୌରୁଷମ୍।
ଯଦେକଃ ସହିତାନ୍ସର୍ବାନ୍ରଣେଽଯୁଧ୍ଯତ ପାଣ୍ଡବାନ୍।
ତତୋଽପଶ୍ଯନ୍ମହାତ୍ମା ସ ସ୍ବସୈନ୍ଯଂ ଭୃଶଦୁଃଖିତମ୍॥ 8-99-50 (60005)
ତତୋଽବସ୍ଥାପ୍ଯ ରାଜେନ୍ଦ୍ର କୃତବୁଦ୍ଧିସ୍ତବାତ୍ମଜଃ।
ହର୍ଷଯନ୍ନିବ ତାନ୍ଯୋଧାନିଦଂ ବଚନମବ୍ରବୀତ୍॥ 8-99-51 (60006)
ନ ତଂ ଦେଶଂ ପ୍ରପଶ୍ଯାମି ଯତ୍ର ଯାତା ଭଯାର୍ଦିତାଃ।
ଗତାନାଂ ଯତ୍ର ବୈ ମୋକ୍ଷଃ ପାଣ୍ଡବାତ୍କିଂ ଗତେନ ବଃ॥ 8-99-52 (60007)
ଅଲ୍ପଂ ଚ ବଲମେତେଷାଂ କୃଷ୍ଣୌ ଚ ଭୃଶବିକ୍ଷତୌ।
ଅଦ୍ଯ ସର୍ବାନ୍ହନିଷ୍ଯାମିଧ୍ରୁବୋ ହି ବିଜଯୋ ଭବେତ୍॥ 8-99-53 (60008)
ବିପ୍ରଯାତାଂସ୍ତୁ ବୋ ଭିନ୍ନାନ୍ପାଣ୍ଡବାଃ କୃତକିଲ୍ବିଷାନ୍।
ଅନୁସୃତ୍ଯ ବଧିଷ୍ଯନ୍ତି ଶ୍ରେଯାନ୍ନଃ ସମରେ ବଧଃ॥ 8-99-54 (60009)
ସୁଖଂ ସାଙ୍ଗ୍ରାମିକୋ ମୃତ୍ଯୁଃ କ୍ଷତ୍ରଧର୍ମେଣ ଯୁଧ୍ଯତାମ୍।
ମୃତୋ ଦୁଃଖଂ ନ ଜାନୀତେ ପ୍ରେତ୍ଯ ଚାନନ୍ତ୍ଯମଶ୍ନୁତେ॥ 8-99-55 (60010)
ଶୃଣୁଧ୍ବଂ କ୍ଷତ୍ରିଯାଃ ସର୍ବେ ଯାବନ୍ତଃ ସ୍ଥ ସମାଗତାଃ।
ଯଦା ଶୂରଂ ଚ ଭୀରୁଂ ଚ ମାରଯତ୍ଯନ୍ତକୋ ମଯଃ॥ 8-99-56 (60011)
କୋ ନ ମୂଢୋ ନ ଯୁଧ୍ଯେତ ମାଦୃଶଃ କ୍ଷତ୍ରିଯବ୍ରତଃ।
ଦ୍ବିଷତୋ ଭୀମସେନସ୍ଯ କ୍ରଦ୍ଧସ୍ଯ ବଶମେଷ୍ଯଥା॥ 8-99-57 (60012)
ପିତାମହୈରାଚରିତଂ ନ ଧର୍ମଂ ହାତୁମର୍ହଥ।
ନ ହ୍ଯଧର୍ମୋଽସ୍ତି ପାପୀଯାନ୍କ୍ଷତ୍ରିଯସ୍ଯ ପଲାଯନାତ୍॥ 8-99-58 (60013)
ନ ଯୁଦ୍ଧଧର୍ମାଚ୍ଛ୍ରେଯୋ ହି ପନ୍ଥାଃ ସ୍ବର୍ଗସ୍ଯ କୌରବାଃ।
ଅଚିରେଣ ହତା ଲୋକାନ୍ସଦ୍ଯୋ ଯୋଧାଃ ସମଶ୍ନୁତ॥ 8-99-59 (60014)
ସଞ୍ଜଯ ଉବାଚ। 8-99-60x (5072)
ଏବଂ ବ୍ରୁବତି ପୁତ୍ରେ ତେ ସୈନିକା ଭୃଶବିକ୍ଷତାଃ।
ଅନବେକ୍ଷ୍ଯୈବ ତଦ୍ବାକ୍ଯଂ ପ୍ରାଦ୍ରବନ୍ସର୍ବତୋ ଦିଶଃ॥ 8-99-60 (60015)
ସଞ୍ଜଯ ଉବାଚ। 8-99-61x (5073)
8-99-61 (60016)
ଦୃଷ୍ଟ୍ବା ତୁ ସୈନ୍ଯଂ ପରିବୃତ୍ଯମାନଂ
ପୁତ୍ରେଣ ତେ ମଦ୍ରପତିସ୍ତଦାନୀମ୍।
ସନ୍ତ୍ରସ୍ତରୂପଃ ପରିମୂଢଚେତା
ଦୁର୍ଯୋଧନଂ ବାକ୍ଯମିଦଂ ବଭାଷେ]॥
Mahabharata - Karna Parva - Chapter Footnotes
॥ ଶ୍ରୀଃ ॥
8.100. ଅଧ୍ଯାଯଃ 100
Mahabharata - Karna Parva - Chapter Topics
କର୍ଣବଧାନନ୍ତରଂ କୃଷ୍ଣାର୍ଜୁନଯୋର୍ଯୁଧିଷ୍ଠିରସମୀପଗମନମ୍॥ 1 ॥
Mahabharata - Karna Parva - Chapter Text
8-100-0 (60017)
ସଞ୍ଜଯ ଉବାଚ। 8-100-0x (5074)
ଶରସଙ୍କୃତ୍ତବର୍ମାଣଂ ରୁଧିରୋକ୍ଷିତବକ୍ଷସମ୍।
ଗତାସୁମପି ରାଧେଯଂ ନୈବ ଲକ୍ଷ୍ମୀର୍ବିମୁଞ୍ଚତି॥ 8-100-1 (60018)
ତପ୍ତଜାମ୍ବୂନଦନିଭଂ ବାଲାର୍କସଦୃଶଦ୍ଯୁତିମ୍।
ଜୀବନ୍ତମିବ ତଂ ଶୂରଂ ସର୍ବଭୂତାନି ମେନିରେ॥ 8-100-2 (60019)
ହତସ୍ଯାପି ମହାରାଜ ସୂତପୁତ୍ରସ୍ଯ ସଂଯୁଗେ।
ବିତ୍ରେସୁଃ ସର୍ବତୋ ଯୋଧାଃ ସିଂହସ୍ଯେବେତରେ ମୃଗାଃ॥ 8-100-3 (60020)
ହତୋଽପି ପୁରୁଷବ୍ଯାଘ୍ରୋ ବ୍ଯାହରନ୍ନିବ ଲକ୍ଷ୍ଯତେ।
ନାଭବଦ୍ବିକୃତିଃ କାଚିନ୍ମୃତସ୍ଯାପି ମହାତ୍ମନଃ॥ 8-100-4 (60021)
ଚାରୁବେଷଧରଂ ରାଜଂଶ୍ଚାରୁମୌଲିଶିରୋଧରମ୍।
ତନ୍ମୁଖଂ ସୂତପୁତ୍ରସ୍ଯ ପୂର୍ଣଚନ୍ଦ୍ରସମଦ୍ଯୁତି॥ 8-100-5 (60022)
କନକୋତ୍ତମସହ୍କାଶୋ ଜ୍ବଲନ୍ନିବ ବିଭାବସୁଃ।
ସ ଶାନ୍ତଃ ପୁରୁଷବ୍ଯାଘ୍ରଃ ପାର୍ଥସାଯକବାରିଣା॥ 8-100-6 (60023)
ଯଥାଽଗ୍ନିର୍ଜ୍ବଲନୋ ଦୀପ୍ତୋ ଜଲମାସାଦ୍ଯ ଶାମ୍ଯତି।
କର୍ଣାଗ୍ନିଃ ସମରେ ତଦ୍ବତ୍ପାର୍ଥମେଘେନ ଶାମିତଃ॥ 8-100-7 (60024)
ଆହୃତ୍ଯ ସ ଯଶୋ ଦୀପ୍ତଂ ସୁଯୁଦ୍ଧେନାତ୍ମନୋ ଭୁବି।
ସପୁତ୍ରଃ ସମରେ କର୍ଣଃ ପ୍ରଶାନ୍ତଃ ପାର୍ଥତେଜସା॥ 8-100-8 (60025)
ପ୍ରତାପ୍ଯ ପାଣ୍ଡବାନ୍ସର୍ବାନ୍ପାଞ୍ଚାଲାନସ୍ତ୍ରତେଜସା।
ନାନାଭରଣବାନ୍ରଜଂସ୍ତପ୍ତଜାମ୍ବୂନଦପ୍ରଭଃ॥ 8-100-9 (60026)
ବର୍ଷିତ୍ବା ଶରବର୍ଷାଣି ପ୍ରତାପ୍ଯ ରିପୁବାହିନୀମ୍।
ଶ୍ରୀମାନିବ ସହସ୍ରାଂଶୁର୍ଜ୍ବଲନ୍ସର୍ବାନ୍ପ୍ରତାପ୍ଯ ଚ।
ହତୋ ବୈକର୍ତନଃ କର୍ଣଃ ପାଦପୋଽଙ୍କୁରବାନିବ॥ 8-100-10 (60027)
ଦଦାନୀତ୍ଯେବ ଯଃ ପ୍ରାଦାନ୍ନ ନାସ୍ତୀତ୍ଯର୍ଥିତୋଽବଦତ୍।
ସଦ୍ଧ୍ଯଃ ସଦା ସତ୍ପୁରୁଷଃ ସ ହତୋ ଦ୍ବୈରଥେ ବୃଷା॥ 8-100-11 (60028)
ଯସ୍ଯ ବ୍ରାହ୍ମଣସାତ୍ସର୍ବଂ ବିତ୍ତମାସୀନ୍ମହାତ୍ମନଃ।
ନାଦେଯଂ ବ୍ରାହ୍ମଣେଷ୍ବାସୀଦ୍ଯସ୍ଯ ସ୍ବମପି ଜୀବିତମ୍॥ 8-100-12 (60029)
ସ ଦାତୄଣାଂ ପ୍ରିଯୋ ରାଜନ୍ଦାତା ଚୈବ ମନୋରଥାନ୍।
ସ ପାର୍ଥାସ୍ତ୍ରବିନିର୍ଦଗ୍ଧୋ ଗତଃ ପରମିକାଂ ଗତିମ୍॥ 8-100-13 (60030)
ଯମାଶ୍ରିତ୍ଯାକରୋଦ୍ବୈରଂ ସୁତସ୍ତେ ସ ଗତୋ ଦିବମ୍।
ଆଦାଯ ତବ ପୁତ୍ରାଣାଂ ଜଯାଶାଂ ସର୍ମ ବର୍ମ ଚ॥ 8-100-14 (60031)
ହତେ ଚ କର୍ଣେ ସରିତୋ ନ ସସ୍ରୁ--
ର୍ଜଗାମ ଚାସ୍ତଂ କଲୁଷୋ ଦିବାକରଃ।
ଶ୍ବେତୋ ଗ୍ରହଶ୍ଚ ଜ୍ବଲିତାର୍କବର୍ଣୋ
ଯମସ୍ଯ ପୁତ୍ରୋଽଭ୍ଯୁଦିତଃ ସ ତିର୍ଯକ୍॥ 8-100-15 (60032)
ନଭଶ୍ଚଚାଲାଥ ନନାଦ ଚୋର୍ବୀ
ବବୁଶ୍ଚ ବାତାଃ ପରୁଷାଶ୍ଚ ଘୋରାଃ।
ଦିଶୋ ବଭୂବୁର୍ଜ୍ବଲିତାଃ ସଧୂମା
ମହାର୍ଣବାଃ ସସ୍ବନୁଶ୍ଚୁକ୍ଷୁଭୁଶ୍ଚ॥ 8-100-16 (60033)
ସକାନନାଶ୍ଚାଦ୍ରିବରାଶ୍ଚକମ୍ପିରେ
ପ୍ରବିବ୍ଯଥୁର୍ଭୂତଗଣାଶ୍ଚ ମାରିଷ।
ବୃହସ୍ପତିଃ ସମ୍ପରିବାର୍ଯ ରୋହିଣୀଂ
ବଭୂବ ଚନ୍ଦ୍ରାର୍କସମୋ ବିଶାମ୍ପତେ॥ 8-100-17 (60034)
ହତେ କର୍ଣେ ନ ଦିଶୋ ବିପ୍ରଚାରାଃ
ସଚନ୍ଦ୍ରାର୍କା ଦ୍ଯୌର୍ବିଚଚାଲ ଭୂମିଃ।
ପପାତ ଚୋଲ୍କା ଜ୍ବଲନପ୍ରଭା ଚ
ନିଶାଚରା ହୃଷ୍ଟତରା ବଭୂବୁଃ॥ 8-100-18 (60035)
ଶଶିପ୍ରକାଶାନନମର୍ଜୁନୋ ଯଦା
ଜହାର କର୍ଣସ୍ଯ ଶିରଃ ଶରେଣ।
ତତୋଽନ୍ତରିକ୍ଷେ ସହସୈବ ଶବ୍ଦୋ
ବଭୂବ ହାହେତି ସୁରୈର୍ବିମୁକ୍ତଃ॥ 8-100-19 (60036)
ସଦେବଗନ୍ଧର୍ବମନୁଷ୍ଯପୂଜିତଂ
ନିହତ୍ଯ କର୍ଣଂ ରିପୁମାହବେଽର୍ଜୁନଃ।
ରରାଜ ରାଜନ୍ପରମେଣ ତେଜସା
ଯଥା ପୁରା ବୃତ୍ରବଧେ ଶତକ୍ରତୁଃ॥ 8-100-20 (60037)
ପତାକିନା ଭୀମନିନାଦକେତୁନା
ରଥେନ ଶଙ୍ଖସ୍ଫଟିକାବଭାସିନା।
ମହେନ୍ଦ୍ରବାହପ୍ରତିମେନ ତାବୁଭୌ
ମହେନ୍ଦ୍ରବୀର୍ଯପ୍ରତିମାନପୌରୁଷୌ॥ 8-100-21 (60038)
ସୁବର୍ଣମୁକ୍ତାମଣିବଜ୍ରବିଦ୍ରୁମୈ--
ରଲଙ୍କୃତେନାପ୍ରତିମେନ ରଂହସା।
ନରୋତ୍ତମୌ ଯାଦବପାଣ୍ଡୁନନ୍ଦନୌ
ଦିବାକରୌ ଦୀପ୍ତହୁତାଶନାବିବ।
ରଣାଜିରେ ବୀତଭଯୌ ବିରେଜତୁଃ
ସମାନଯୋଗାବିବ ବିଷ୍ଣୁବାସବୈଃ॥ 8-100-22 (60039)
ତତୋ ଧନୁର୍ଜ୍ଯାତଲନେମିନିସ୍ବନୈଃ
ପ୍ରସହ୍ଯ କୃତ୍ବା ଚ ରିପୂନ୍ଗତପ୍ରଭାନ୍।
ସ ସାଧଯିତ୍ବା ଚ ରିପୂଞ୍ଶରୌଘୈଃ
କପିଧ୍ବଜଃ ପକ୍ଷିବରଧ୍ବଜଶ୍ଚ।
ପ୍ରଦଧ୍ମତୁଃ ଶଙ୍ଖବରୌ ସୁଘୋଷୌ
ମନାଂସ୍ଯରୀଣାମୁପତାପଯନ୍ତୌ॥ 8-100-23 (60040)
ସୁବର୍ଣଜାଲାବତତୌ ମହାସ୍ବନୌ
ହିମାବଦାତୌ ପରିଗୃହ୍ଯ ପାଣିମିଃ।
ଚୁଚୁମ୍ବତୁଃ ଶଙ୍ଖବରୌ ନୃଣାଂ ବରୌ
ବିଘୋଷଯନ୍ତୌ ବିଜଯଂ ଜଗତ୍ତ୍ରଯେ॥ 8-100-24 (60041)
ପାଞ୍ଚଜନ୍ଯସ୍ଯ ନିର୍ଘୋଷୋ ଦେବଦତ୍ତସ୍ଯ ଚୋଭଯୋଃ।
ପୃଥିବୀମନ୍ତରିକ୍ଷଂ ଚ ଦିଶଶ୍ଚ ସମପୂରଯତ୍॥ 8-100-25 (60042)
ବିତ୍ରସ୍ତାଶ୍ଚାଭବନ୍ସର୍ବେ କୁରବୋ ରାଜସତ୍ତମ।
ଶୂରଯୋଃ ଶଙ୍ଖଶବ୍ଦେନ ମାଧବସ୍ଯାର୍ଜୁନସ୍ଯ ଚ॥ 8-100-26 (60043)
ତୌ ଶଙ୍ଖଶବ୍ଦେନ ନିନାଦଯନ୍ତୌ
ବନାନି ଶୈଲାନ୍ସରିତୋ ଗୁହାଶ୍ଚ।
ବିତ୍ରାସଯନ୍ତୌ ତବ ପୁତ୍ରସେନାଂ
ଯୁଧିଷ୍ଠିରଂ ନନ୍ଦଯିତୁଂ ପ୍ରଯାତୌ॥ 8-100-27 (60044)
ତତଃ ପ୍ରଜଗ୍ମୁଃ କୁରବୋ ଜବେନ
ଶ୍ରୁତ୍ବୈବ ଶଙ୍ଖସ୍ବନମୀର୍ଯମାଣମ୍।
ବିହାଯ ମଦ୍ରାଧିପତିଂ ପତିଂ ଚ
ଦୁର୍ଯୋଧନଂ ଭାରତ ଭାରତାନାମ୍॥ 8-100-28 (60045)
ତତୋ ରଥେନାମ୍ବୁଦବୃନ୍ଦନାଦିନା
ଶରଦ୍ବହର୍ମଧ୍ଯଦିବାକରତ୍ବିଷା।
ଧନଞ୍ଜଯସ୍ଯାଧିରଥେଶ୍ଚ ବିସ୍ମିତାଃ
ପ୍ରଶଂସମାନାଃ ପ୍ରଯଯୁସ୍ତଦାଽର୍ଜୁନମ୍॥ 8-100-29 (60046)
ମହାହବେ ତଂ ବହୁଶୋଭମାନଂ
ଧନଞ୍ଜଯଂ ଯୋଧଗଣୈଃ ସମେତାଃ।
ତାବନ୍ବମୋଦଂଶ୍ଚ ଜନାଃ ପ୍ରକାମଂ
ପ୍ରଭାକରାବଭ୍ଯୁଦିତୌ ଯଥୈବ॥ ॥ 8-100-30 (60047)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଶତତମୋଽଧ୍ଯାଯଃ॥ 100 ॥
Mahabharata - Karna Parva - Chapter Footnotes
॥ ଶ୍ରୀଃ ॥
8.101. ଅଧ୍ଯାଯଃ 101
Mahabharata - Karna Parva - Chapter Topics
କର୍ଣବଧାନନ୍ତରମର୍ଜୁନେନ ଯୁଧିଷ୍ଠିରାଭିବାଦନମ୍॥ 1 ॥ ତେନ କୃଷ୍ଣାର୍ଜୁନପ୍ରଶଂସନମ୍॥ 2 ॥ କୃଷ୍ଣଯୁଧିଷ୍ଠିରସଂବାଦଃ॥ 3 ॥
Mahabharata - Karna Parva - Chapter Text
8-101-0 (60048)
ସଞ୍ଜଯ ଉବାଚ। 8-101-0x (5075)
ହତେ ବୈକର୍ତନେ କର୍ଣେ କୁରବୋ ଭଯପୀଡିତାଃ।
ବୀକ୍ଷମାଣା ଦିଶଃ ସର୍ବାଃ ପଲାଯନ୍ତ ସହସ୍ରଶଃ॥ 8-101-1 (60049)
ରାବଣଂ ନିହତଂ ଦୃଷ୍ଟ୍ବା ରାକ୍ଷସା ରାଘବେଣ ବା।
ଦିଶୋ ଭୀତା ଦ୍ରବନ୍ନେବ ତାବକା ଭଯପୀଡିତାଃ॥ 8-101-2 (60050)
ତତୋ ମହାରବଂ ଚକ୍ରୁର୍ଯୋଧା ରାଜନ୍ସମନ୍ତତଃ।
ବାର୍ଯମାଣା ଭୃଶୋଦ୍ବିଗ୍ନାସ୍ତବ ପୁତ୍ରେଣ ଭାରତ॥ 8-101-3 (60051)
ତେଷାଂ ତୁ ମତମାଜ୍ଞାଯ ପୁତ୍ରସ୍ତେ ଭରତର୍ଷଭ।
ଅବହାରଂ ତତଶ୍ଚକ୍ରେ ଶଲ୍ଯସ୍ଯାନୁମତେନ ଚ॥ 8-101-4 (60052)
କୃତବର୍ମା ରଣେ ତୂର୍ଣଂ ବୃତୋ ଭାରତ ତାବକୈଃ।
ନାରାଯଣାବଶିଷ୍ଟୈଶ୍ଚ ଶିବିରାଯୈବ ଦୁଦ୍ରୁବେ॥ 8-101-5 (60053)
ଅଶ୍ବତ୍ଥାମା ତତଃ ଶୂରୋ ବିନିଶ୍ବସ୍ଯ ମୁହୁର୍ମୁହୁଃ।
ପାଣ୍ଡବାନାଂ ଜଯଂ ଦୃଷ୍ଟ୍ବା ଶିବିରାଯୈବ ଦୁଦ୍ରୁବେ॥ 8-101-6 (60054)
କୃପଃ ଶାରଦ୍ବତୋ ରାଜନ୍ନାଗାନୀକେନ ଭାରତ।
ମହତା ମେଘକଲ୍ପେନ ଶିବିରାଯୈବ ଦୁଦ୍ରୁବେ॥ 8-101-7 (60055)
ଗାନ୍ଧାରାଣାଂ ସହସ୍ରେଣ ଶକୁନିଃ ପରିବାରିତଃ।
ସୁଶର୍ମା ଚ ଯଯୌ ରାଜନ୍ବୀକ୍ଷମାଣୋ ଭଯାର୍ଦିତଃ॥ 8-101-8 (60056)
ଦୁର୍ଯୋଧନୋଽପି ସ ଯଯୌ ହ୍ବତସର୍ବସ୍ବ ଆତୁରଃ।
ଜ୍ଞାତିଶୋକସମାପନ୍ନଶ୍ଚିନ୍ତଯିତ୍ବା ମୁହୁର୍ମୁହୁଃ॥ 8-101-9 (60057)
ଛିନ୍ନଧ୍ବଜେନ ଶଲ୍ଯସ୍ତୁ ରଥେନ ରଥିନାଂ ବରଃ।
ପ୍ରଯଯୌ ଶିବିରାଯୈବ ବୀକ୍ଷମାଣୋ ଦିଶୋ ଦଶ॥ 8-101-10 (60058)
ତତୋଽପରେ ସୁବହୁଶୋ ଭାରତାନାଂ ମହାରଥାଃ।
ବ୍ଯଦ୍ରବନ୍ତ ଦିଶୋ ଭୀତା ଭଯବିହ୍ବଲଚେତସଃ॥ 8-101-11 (60059)
ଅଶ୍ରୂପୂର୍ଣା ଭଯୋଦ୍ବିଗ୍ନା ବେପମାନା ଭଯାତୁରାଃ।
କୁରବଃ ପ୍ରାଦ୍ରବନ୍ସର୍ବେ ଦୃଷ୍ଟ୍ବା କର୍ଣଂ ନିପାତିତମ୍॥ 8-101-12 (60060)
ପ୍ରଶଂସନ୍ତୋଽର୍ଜୁନଂ କେଚିତ୍କେଚିତ୍କର୍ଣଂ ମହାରଥାଃ।
ପ୍ରାଦ୍ରବନ୍ତ ରଣେ ଭୀତାଃ କୁରବଃ କୁରୁସତ୍ତମ॥ 8-101-13 (60061)
ତେଷାଂ ଯୋଧସହସ୍ରାଣାଂ ତାବକାନାଂ ମହାମୃଧେ।
ନାସୀତ୍ତତ୍ର ପୁମାନ୍କଶ୍ଚିଦ୍ଯସ୍ତୁ ଯୁଦ୍ଧେ ମନୋ ଦଧେ॥ 8-101-14 (60062)
କର୍ଣେ ହତେ ମହାରାଜ ନିରାଶାଃ କୁରବୋଽଭବନ୍।
ଜୀବନେଷୁ ଚ ରାଜ୍ଯେଷୁ ଦାରେଷୁ ଚ ଧନେଷୁ ଚ॥ 8-101-15 (60063)
ତାନ୍ସମାନୀଯ ପୁତ୍ରସ୍ତେ ଯତ୍ନେନ ମହତା ବିଭୋ।
ନିବେଶାଯ ମନୋ ଦଧ୍ରେ ଦୁଃଖଶୋକସମନ୍ବିତଃ॥ 8-101-16 (60064)
ତସ୍ଯାଜ୍ଞାଂ ଶିରସା ଦୀନାଃ ପ୍ରତିଗୃହ୍ଯ ବିଶାମ୍ପତେ।
ବିଷଣ୍ଣମନସୋ ଭୀତ୍ଯା ନ୍ଯବିଶନ୍ତ ମହାରଥାଃ॥ 8-101-17 (60065)
ଚିନ୍ତଯନ୍ତୋ ବଧଂ ଘୋରଂ ସୂତପୁତ୍ରସ୍ଯ ସଂଯୁଗେ।
ଅର୍ଜୁନସ୍ଯ ଜଯଂ ଯୁଦ୍ଧେ ଚିନ୍ତଯାନାଃ ପୁନଃପୁନଃ॥ 8-101-18 (60066)
ପାଣ୍ଡବାଶ୍ଚ ମହେଷ୍ବାସା ନ୍ଯବିଶନ୍ତ ପରନ୍ତପାଃ।
ପ୍ରହୃଷ୍ଟମନସଃ ସର୍ବେ ଜିତ୍ବା ଶତ୍ରୁଂ ମହାରଥାଃ॥ 8-101-19 (60067)
ତତୋ ଯୁଧିଷ୍ଠିରଂ ତତ୍ର ନିବିଷ୍ଟଂ ବୈ ମୁଦାନ୍ବିତମ୍।
ସମେତ୍ଯ ସର୍ବେ ପାଞ୍ଚାଲା ବର୍ଧଯନ୍ତୋ ଯଥାବିଧି॥ 8-101-20 (60068)
ଅର୍ଜୁନସ୍ତୁ ରଥାତ୍ତୂର୍ଣମବରୁହ୍ଯ ମହାଯଶାଃ।
ଧର୍ମରାଜସ୍ଯ ଚରଣୌ ପୀଡଯାମାସ ହୃଷ୍ଟବତ୍॥ 8-101-21 (60069)
ତମୁତ୍ଥାପ୍ଯ ମହାରାଜ ଧର୍ମପୁତ୍ରଃ ପ୍ରତାପବାନ୍।
ସସ୍ବଜେ ଭରତଶ୍ରେଷ୍ଠମୁପଜିଘ୍ରନ୍ନୁପସ୍ପୃଶନ୍॥ 8-101-22 (60070)
ନକୁଲଃ ସହଦେବଶ୍ଚ ପାଣ୍ଡବଶ୍ଚ ବୃକୋଦରଃ।
ଅଭିବାଦ୍ଯ ମହାରାଜମସ୍ବଜନ୍ତ ସ୍ମ ଫଲ୍ଗୁନମ୍॥ 8-101-23 (60071)
ଧୃଷ୍ଟଦ୍ଯୁମ୍ନଃ ଶିଖଣ୍ଡୀ ଚ ପାଣ୍ଡବାନାଂ ଚ ଯେ ରଥାଃ।
ବର୍ଧଯନ୍ତେ ସ୍ମ ରାଜାନଂ ନିହତେ ସୂତନନ୍ଦନେ॥ 8-101-24 (60072)
ତତଃ କୃଷ୍ଣୋ ମହାରାଜ ସାତ୍ଯକିଶ୍ଚାପି ସାତ୍ବତଃ।
ବର୍ଧଯନ୍ତେ ସ୍ମ ରାଜାନଂ ନିହତେ ସୂତନନ୍ଦନେ॥ 8-101-25 (60073)
ବାସୁଦେବଶ୍ଚ କୌନ୍ତେଯଂ ପ୍ରଣଯାଦିଦମବ୍ରବୀତ୍।
ଅଦ୍ଯ ରାଜନ୍ହତାଃ ସର୍ବେ ଧାର୍ତରାଷ୍ଟ୍ରାଃ ସରାଜକାଃ।
ହତେ ବୈକର୍ତନେ କର୍ଣେ ରଥାନାଂ ପ୍ରବରେ ରଥେ॥ 8-101-26 (60074)
ଯଦି ଲୋକାସ୍ତ୍ରଯଃ ସର୍ବେ ଯୋଧଯେଯୁଃ ସବାସବାଃ।
ତଥାପି ଦୁର୍ଜଯଃ ସୂତସ୍ତବ କୋପାତ୍ତୁ ସୂଦିତଃ॥ 8-101-27 (60075)
ଏବମୁକ୍ତଃ ପ୍ରତ୍ଯୁବାଚ ଧର୍ମରାଜୋ ଜନାର୍ଦନମ୍॥ 8-101-28 (60076)
ତବ ପ୍ରସାଦାଦ୍ଗ୍ରୋବିନ୍ଦ ହତଃ କର୍ଣୋ ମହାଯଶାଃ।
ପାଣ୍ଡବାଶ୍ଚ ଜଯଂ ପ୍ରାପ୍ଯା ନାଶିତାଶ୍ଚାପି ଶତ୍ରବଃ॥ 8-101-29 (60077)
ତ୍ବଂ ହି ଶକ୍ତୋ ଭଯାତ୍ତ୍ରାତୁଂ ଯସ୍ଯ କସ୍ଯଚିଦାହବେ।
ତ୍ବମସ୍ଯ ଜଗତୋ ଗୋପ୍ତା ପାଣ୍ଡବାନାଂ ଚ ସର୍ବଦା॥ 8-101-30 (60078)
ତ୍ବାଂ ସମାସାଦ୍ଯ ଶକ୍ରୋଽପି ମୋଦତେ ଦିବି ନିତ୍ଯଶଃ।
ତ୍ବଂ ପାତା ପାଣ୍ଡୁପୁତ୍ରାଣାଂ ଯଥୈବ ଜଗତସ୍ତଥା॥ 8-101-31 (60079)
ଅନାଶ୍ଚର୍ଯୋ ଜଯସ୍ତେଷାଂ ଭକ୍ତିର୍ଯେଷାଂ ତ୍ବଯି ପ୍ରଭୋ॥ 8-101-32 (60080)
ତ୍ବଯା ନାଥେନ ଗୋବିନ୍ଦ ନାଥବନ୍ତୋ ବଯଂ ଯୁଧି।
ଯଥେନ୍ଦ୍ରେଣ ପୁରା ଦେବାସ୍ତ୍ବଯା ଚାପି ଜନାର୍ଦନ॥ 8-101-33 (60081)
ସ୍ବପ୍ସ୍ଯାମ୍ଯଦ୍ଯ ସୁଖଂ କୃଷ୍ଣନିଦ୍ରାଂ ଲପ୍ସ୍ଯେ ତ୍ବହଂ କ୍ଷପାମ୍।
ବିଗତଂ ହି ଭଯଂ ମେଽଦ୍ଯ ତ୍ବତ୍ପ୍ରସାଦାନ୍ନ ସଂଶଯଃ॥ 8-101-34 (60082)
ଏବମୁକ୍ତସ୍ତୁ ପାର୍ଥେନ କେଶବଃ ପ୍ରାହ ପାଣ୍ଡବମ୍।
ନିମିତ୍ତମାତ୍ରଂ ହି ବଯଂ ତବାପ୍ଯସ୍ମିନ୍ମୁଦାଗମେ॥ 8-101-35 (60083)
ଯସ୍ଯ ତେ ଭ୍ରାତରଃ ଶୂରା ଭୀମସେନାଦଯୋ ନୃପ।
ସମ୍ବନ୍ଧିନଶ୍ଚେନ୍ଦ୍ରବୀର୍ଯାଃ ପାର୍ଷତପ୍ରମୁଖାସ୍ତଥା॥ 8-101-36 (60084)
ଅର୍ହତେ ଚ ଭବାନ୍ନିତ୍ଯଂ ପ୍ରିଯଂ ନିତ୍ଯଂ ଚ ମଦ୍ବିତମ୍।
ପ୍ରିଯୋ ହି ମେ ତ୍ବମେତେନ ବଚନେନ ନରୋତ୍ତମ॥ 8-101-37 (60085)
ଇତ୍ଯୁକ୍ତୋ ଧର୍ମରାଜସ୍ତୁ ସ୍ବରଥଂ ହେମଭୂପିତମ୍।
ଦନ୍ତବର୍ଣୈର୍ହଯୈର୍ଯୁକ୍ତଂ କାଲବାଲୈର୍ମହୀପତିଃ॥ 8-101-38 (60086)
ଆସ୍ଥାଯ ପୁରୁଷବ୍ଯାଘ୍ରଃ ସ୍ବବଲେନାପି ସଂବୃତଃ।
ପ୍ରଯଯୌ ବହୁବୃତ୍ତାନ୍ତଂ ଦ୍ରଷ୍ଟୁମାଯୋଧନଂ ପ୍ରତି॥ 8-101-39 (60087)
ସମ୍ଭାଷମାଣୌ ତୌ ବୀର ଉଭୌ ମାଧବପାଣ୍ଡବୌ॥ 8-101-40 (60088)
ସ ଦଦର୍ଶ ରଣେ କର୍ଣଂ ଶଯାନଂ ପୁରୁଷର୍ଷଭମ୍।
ଗାଣ୍ଡୀବମୁକ୍ତୈର୍ବିଶିଖୈଃ ସର୍ବତଃ ସନ୍ନିପୀଡିତମ୍॥ 8-101-41 (60089)
ସପୁତ୍ରଂ ନିହତଂ ଦୃଷ୍ଟ୍ବା କର୍ଣଂ ରାଜା ଯୁଧିଷ୍ଠିରଃ।
ପ୍ରଶଶଂସ ନରବ୍ଯାଘ୍ରାବୁଭୌ ମାଧବପାଣ୍ଡବୌ॥ 8-101-42 (60090)
ଅଦ୍ଯ ରାଜାଽସ୍ମି ସର୍ବସ୍ଯାଂ ପୃଥିବ୍ଯାଂ ମଧୁସୂଦନ।
ଦିଷ୍ଟ୍ଯା ଜଯସି ଗୋବିନ୍ଦ ଦିଷ୍ଟ୍ଯାଶତ୍ରୁର୍ନିପାତିତଃ॥ 8-101-43 (60091)
ଏବଂ ସୁବହୁଶୋ ରାଜନ୍ପ୍ରଶଶଂସ ଜନାର୍ଦନମ୍।
ଅର୍ଜୁନଂ ଚ କୁରୁଶ୍ରେଷ୍ଠୋ ଧର୍ମରାଜୋ ଯୁଧିଷ୍ଠିରଃ॥ 8-101-44 (60092)
ଦୃଷ୍ଟ୍ବା ଚ ନିହତଂ କର୍ଣଂ ସ ପୁତ୍ରଂ ପାର୍ଥସାଯକୈଃ।
ପୁନର୍ଜାତମିବାତ୍ମାନଂ ମେନେ କୁରୁକୁଲୋଦ୍ବହଃ॥ 8-101-45 (60093)
ସମେତ୍ଯ ଚ କୁରୁଶ୍ରେଷ୍ଠଂ କୁନ୍ତୀପୁତ୍ରଂ ଯୁଧିଷ୍ଠିରମ୍।
ବର୍ଧଯନ୍ତି ସ୍ମ ରାଜାନୋ ହର୍ଷଯୁକ୍ତା ମହାରଥାଃ॥ 8-101-46 (60094)
ସଞ୍ଜଯ ଉବାଚ। 8-101-47x (5076)
ଏବମେଷ କ୍ଷଯୋ ବୃତ୍ତଃ ସୁମହାନ୍ରୋମହର୍ଷଣଃ।
ତବ ଦୁର୍ମନ୍ତ୍ରିତେ ରାଜନ୍ଦିଷ୍ଟ୍ଯା ତ୍ବମନୁଶୋଚସି॥ 8-101-47 (60095)
ବୈଶମ୍ପାଯନ ଉବାଚ। 8-101-48x (5077)
ଶ୍ରୁତ୍ବୈତଦପ୍ରିଯଂ ରାଜା ଧୃତରାଷ୍ଟ୍ରୋ ମହୀପତିଃ।
ପପାତ ଭୂମୌ ନିଶ୍ଚେଷ୍ଟଃ କୌରବ୍ଯଃ ପରମାସନାତ୍।
ତଥା ସତ୍ଯବ୍ରତା ଦେବୀ ଗାନ୍ଧାରୀ ଦିବ୍ଯଦର୍ଶନା॥ 8-101-48 (60096)
ତତସ୍ତୂର୍ଣଂ ତୁ ବିଦୁରସ୍ତଂ ନୃପଂ ସଞ୍ଜଯସ୍ତଥା।
ପର୍ଯାଶ୍ବାସଯତାଂ ଚୈତାବୁଭାବେବ ତୁ ଭୂମିପମ୍॥ 8-101-49 (60097)
ତଥୈବାଶ୍ବାସଯାମାସୁର୍ଗାନ୍ଧାରୀଂ କୁରୁଯୋଷିତଃ॥ 8-101-50 (60098)
ସ ଦୈବଂ ପରମଂ ମେନେ ଭବିତବ୍ଯଂ ଚ ଭାରତ।
ତାଭ୍ଯାମାଶ୍ବାସିତୋ ରାଜା ତୂଷ୍ଣୀମାସ୍ତେ ବିଶାମ୍ପତେ॥ 8-101-51 (60099)
ଏବମାଖ୍ଯାଯ ରାଜ୍ଞେ ଚ ସଞ୍ଜଯୋ ରାଜସତ୍ତମ।
ଜଗାମ ଶିବିରଂ ଭୂଯୋ ହତେ କର୍ଣେ ମହାତ୍ମନି॥ 8-101-52 (60100)
ସ ଦୃଷ୍ଟ୍ବା ନିହତଂ ଶଲ୍ଯଂ ରାଜାନଂ ଚ ସୁଯୋଧନମ୍।
ଶକୁନିଂ ସୁବହୂନ୍ରାଜନ୍ସୈନିକାଂଶ୍ଚ ସହସ୍ରଶଃ॥ 8-101-53 (60101)
ତଥୈବ ପାଣ୍ଡବୀଂ ସେନାଂ ନିହତାଂ ପ୍ରେକ୍ଷ୍ଯ ସଞ୍ଜଯଃ।
ସୌପ୍ତିକେ ଦ୍ରୌଣିନା ରାଜନ୍ହତବାଜିନରଦ୍ବିପାମ୍॥ 8-101-54 (60102)
ସ ହି ଦୃଷ୍ଟ୍ବା ହତାନ୍ସର୍ବାନ୍ସମନ୍ତାଦ୍ଯୁଧି ସଞ୍ଜଯଃ।
ପ୍ରଯାତୋ ହାସ୍ତିନପୁରଂ ଶୋକାର୍ତୋ ଭଯବିହ୍ବଲଃ॥ 8-101-55 (60103)
ହତେଷୁ ପୁନରେତେଷୁ ପ୍ରଭୂତଗଜବାଜିଷୁ।
ଯୋଧୈଶ୍ଚ ତୈର୍ମହାରାଜ ନାନାଦେଶସମୁଦ୍ଭବୈଃ॥ 8-101-56 (60104)
କୁରୁକ୍ଷେତ୍ରଂ ତୁ ତତ୍ସର୍ବଂ ଶୂନ୍ଯମାସୀଦ୍ବିଶାମ୍ପତେ।
ନିହତୈଃ ପାଣ୍ଡବେଯୈଶ୍ଚ ଧାର୍ତରାଷ୍ଟ୍ରୈଶ୍ଚ ସଂଯୁଗେ॥ 8-101-57 (60105)
ଯଥାହି ବିଷଯଂ ବୃତ୍ତଂ ଧାର୍ତରାଷ୍ଟ୍ରସ୍ଯ ସଂଞ୍ଜଯଃ।
ନିବେଦଯତି ତତ୍ସର୍ବଂ ଯଥାବୃତ୍ତଂ ଯଥାବିଧି॥ 8-101-58 (60106)
ଏବଂ ମହାଯୁଦ୍ଧମିଦଂ ମହାତ୍ମନୋ
ଧନଞ୍ଜଯସ୍ଯାଧିରଥେଶ୍ଚ ଯଃ ପଠେତ୍।
ସ ସମ୍ଯଗିଷ୍ଟସ୍ଯ ମଖସ୍ଯ ଯତ୍ଫଲଂ
ତଦାପ୍ନୁଯାଦ୍ଯଃ ଶୃଣୁଯାଚ୍ଚ ନିତ୍ଯଶଃ॥ 8-101-59 (60107)
ମଖୋ ହି ବିଷ୍ଣୁର୍ଭଗବାନ୍ସନାତନୋ
ବହନ୍ତି ଯଂ ଚାପ୍ଯନିଲେନ୍ଦୁଭାନବଃ।
ଅତୋଽନସୂଯୁଃ ଶୃଣୁଯାତ୍ପଠେଚ୍ଚ ଯଃ
ସ ସର୍ବଲୋକାଂଶ୍ଚ ଜଯେତ୍ସୁଖୀ ଭବେତ୍॥ ॥ 8-101-60 (60108)
ଇତି ଶ୍ରୀମନ୍ମହାଭାରତେ ଶତସାହସ୍ରିକାଯାଂ ସଂହିତାଯାଂ ବୈଯାସିକ୍ଯାଂ କର୍ଣପର୍ବଣି ଏକାଧିକଶତତମୋଽଧ୍ଯାଯଃ॥ 101 ॥ ॥ କର୍ଣପର୍ବ ସମାପ୍ତମ୍॥ 8 ॥
ଅତଃ ପରଂ ଶଲ୍ଯପର୍ବ ଭବିଷ୍ଯତି।
ତସ୍ଯାଯମାଦ୍ଯଃ ଶ୍ଲୋକଃ॥ 8-101-1 (60109)
ଜନମେଜଯ ଉବାଚ। 8-101-2x (5078)
ଏବଂ ନିପାତିତେ କର୍ଣେ ସମରେ ସବ୍ଯସାଚିନା।
ଅଲ୍ପାବଶିଷ୍ଟାଃ କୁରବଃ କିମକୁର୍ବତ ବୈ ଦ୍ବିଜ॥ 8-101-2 (60110)
ଇଦଂ କର୍ଣପର୍ବ କୁମ୍ଭଘୋଣସ୍ଥେନ ଟୀ.ଆର୍.କୃଷ୍ଣାଚାର୍ଯେଣ ଟୀ. ଆର୍. ବ୍ଯାସାଚାର୍ଯେଣ ଚ ମୁମ୍ବଯ୍ଯାଂ ନିର୍ଣଯସାଗରମୁଦ୍ରାଯନ୍ତ୍ରେ ମୁଦ୍ରାପିତମ୍। ଶକାବ୍ଦାଃ 1829 ସନ 1907.