Kumbhaghonam Edition in Odia/Oriya Script
9. ଶଲ୍ଯପର୍ବ
ଶଲ୍ଯପର୍ବ - ଅଧ୍ଯାଯ 001
॥ ଶ୍ରୀଃ ॥
9.1. ଅଧ୍ଯାଯଃ 001
Mahabharata - Shalya Parva - Chapter Topics
ଦୁର୍ଯୋଧନେନ ଶଲ୍ଯସ୍ଯ ସୈନାପତ୍ଯେଽଭିଷେଚନପୂର୍ବକଂ ପୁନର୍ଯୁଦ୍ଧାଯ ନିର୍ଯାଣମ୍॥ 1 ॥ ସଞ୍ଜଯାଚ୍ଛଲ୍ଯଦୁର୍ଯୋଧନାଦିବଧଶ୍ରବଣେନ ମୂର୍ଚ୍ଛିତସ୍ଯ ଧୃତରାଷ୍ଟ୍ରସ୍ଯ ବିଦୁରେଣ ସମାଶ୍ବାସନମ୍॥ 2 ॥Mahabharata - Shalya Parva - Chapter Text
9-1-0 (60111)
ଶ୍ରୀବେଦବ୍ଯାସାଯ ନମଃ॥ 9-1-0x (5079)
ନାରାଯଣଂ ନମସ୍କୃତ୍ଯ ନରଂ ଚୈବ ନରୋତ୍ତମମ୍।
ଦେବୀଂ ସରସ୍ବତୀଂ (ବ୍ଯାସଂ) ଚୈବ ତତୋ ଜଯମୁଦୀରଯେତ୍॥ 9-1-1 (60112)
ଜନମେଜଯ ଉବାଚ। 9-1-2x (5080)
ଏବଂ ନିପାତିତେ କର୍ଣେ ସମରେ ସବ୍ଯସାଚିନା।
ଅଲ୍ପାବଶିଷ୍ଟାଃ କୁରବଃ କିମକୁର୍ବତ ବୈ ଦ୍ବିଜ॥ 9-1-2 (60113)
ବିଦୀର୍ଯମାଣଂ ଚ ବଲଂ ଦୃଷ୍ଟ୍ବା ରାଜା ସୁଯୋଧନଃ।
ପାଣ୍ଡବୈଃ ପ୍ରାପ୍ତକାଲଂ ଚ କିଂ ପ୍ରାପଦ୍ଯତ କୌରବଃ॥ 9-1-3 (60114)
ଏତଦିଚ୍ଛାମ୍ଯହଂ ଶ୍ରୋତୁଂ ତଦାଚକ୍ଷ୍ବ ଦ୍ବିଜୋତ୍ତମ।
ନ ହି ତୃପ୍ଯାମି ପୂର୍ବେଷାଂ ଶୃଣ୍ବାନଶ୍ଚରିତଂ ମହତ୍॥ 9-1-4 (60115)
ବୈଶମ୍ପାଯନ ଉବାଚ। 9-1-5x (5081)
ତତଃ କର୍ଣେ ହତେ ରାଜନ୍ଧାର୍ତରାଷ୍ଟ୍ରଃ ସୁଯୋଧନଃ।
ଭୃଶଂ ଶୋକାର୍ଣବେ ମଗ୍ନୋ ନିରାଶଃ ସର୍ବତୋଽଭବତ୍॥ 9-1-5 (60116)
ହାକର୍ଣ ହାକର୍ଣ ଇତି ଶୋଚମାନୋ ମୁହୁର୍ମୁହୁଃ।
କୃଚ୍ଛ୍ରାତ୍ସ୍ବଶିବିରଂ ପ୍ରାଯାଦ୍ବତଶିଷ୍ଟୈର୍ନୃପୈଃ ସହ॥ 9-1-6 (60117)
ସ ସମାଶ୍ବାସ୍ଯମାନୋଽପି ହେତୁଭିଃ ଶାସ୍ତ୍ରନିଶ୍ଚିତୈଃ।
ରାଜନ୍ବିଭୂତିମିଚ୍ଛଦ୍ଭିଃ ସୂତପୁତ୍ରମନୁସ୍ମରନ୍॥ 9-1-7 (60118)
ସ ଦୈବଂ ବଲବନ୍ମତ୍ବା ପ୍ରଭାତେ ବିମଲେ ସତି।
ସଙ୍ଗ୍ରାମେ ନିଶ୍ଚଯଂ କୃତ୍ବା ପୁନର୍ଯୁଦ୍ବାଯ ନିର୍ଯଯୌ॥ 9-1-8 (60119)
ଶଲ୍ଯଂ ସେନାପତିଂ କୃତ୍ବା ବିଧିବଦ୍ରାଜସତ୍ତମମ୍।
ରଣାଯ ନିର୍ଯଯୌ ରାଜା ହତଶିଷ୍ଟୈର୍ନୃପୈଃ ସହ॥ 9-1-9 (60120)
ତତଃ ସୁତୁମୁଲଂ ଯୁଦ୍ଧଂ କୁରୁପାଣ୍ଡବସେନଯୋଃ।
ବଭୂବ ଭରତଶ୍ରେଷ୍ଠ ଦେବାସୁରରଣୋପମମ୍॥ 9-1-10 (60121)
ତତଃ ଶଲ୍ଯୋ ମହାରାଜ କୃତ୍ବା କଦନମାହବେ।
ପାଣ୍ଡୁସୈନ୍ଯେଽଥ ମଧ୍ଯାହ୍ନେ ଧର୍ମରାଜେନ ପାତିତଃ॥ 9-1-11 (60122)
ତତୋ ଦୁର୍ଯୋଧନୋ ରାଜା ହତବନ୍ଧୂ ରଣାଜିରାତ୍।
ଅପସୃତ୍ଯ ହଦଂ ଘୋରଂ ବିବେଶ ରିପୁଜାଦ୍ଭୁଯାତ୍॥ 9-1-12 (60123)
ଅଥାପରାହ୍ଣେ ତସ୍ଯାହ୍ନଃ ପରିବାର୍ଯ ମହାରଥୈଃ।
ହଦାଦାହୂଯ ଯୁଦ୍ବାଯ ଭୀମସେନେନ ପାତିତଃ॥ 9-1-13 (60124)
ତସ୍ମିଂସ୍ତୁ ନିହତେ ବୀରେ ମହେଷ୍ବାସାସ୍ତ୍ରଯୋ ରଣେ।
କୃତବର୍ମା କୃପୋ ଦ୍ରୌଣିର୍ଜଘ୍ନୁଃ ପାଣ୍ଡବସୈନିକାନ୍॥ 9-1-14 (60125)
ତତଃ ପୂର୍ବାହ୍ଣସମଯେ ଶିବିରାଦେତ୍ଯ ସଞ୍ଜଯଃ।
ପ୍ରବିବେଶ ପୁରୀଂ ଦୀନୋ ଦୁଃଖଶୋକସମନ୍ବିତଃ॥ 9-1-15 (60126)
ସ ପ୍ରବିଶ୍ଯ ପୁରୀଂ ସୂତୋ ଭୂଜାବୁଚ୍ଛ୍ରିତ୍ଯ ଦୁଃଖିତଃ।
ବେପମାନସ୍ତତୋ ରାଜ୍ଞଃ ପ୍ରବିପ୍ରେଶ ନିବେଶନମ୍॥ 9-1-16 (60127)
ଧାବତଶ୍ଚାପ୍ଯପଶ୍ଯxxx ତତ୍ରତ୍ଯାନ୍ପୁରୁଷର୍ଷଭାନ୍।
ନଷ୍ଟଚିତ୍ତାନିବୋନ୍ମତ୍ତାଞ୍ଶୋକେନ ଭୃଶଦୁଃଖିତାନ୍॥ 9-1-17 (60128)
ଦୃଷ୍ଟ୍ବୈବ ଚ ନରାଞ୍ଶୀଘ୍ରଂ ବ୍ଯାଜହାରାତିଦୁଃଖିତଃ।
ଅହୋ ବତ ବିପନ୍ନୋଽସ୍ମି ନିଧନେନ ମହାତ୍ମନଃ॥ 9-1-18 (60129)
ଅହୋ ସୁବଲବାନ୍କାଲୋ ଗତିଶ୍ଚ ପରମା ତଥା।
ଶୁକ୍ରତୁଲ୍ଯବଲାଃ ସର୍ବେ ଯତ୍ରାହନ୍ଯନ୍ତ ପାର୍ଥିବାଃ॥ 9-1-19 (60130)
ତଂ ଦୃଷ୍ଟ୍ବୈବ ପୁରେ ରାଜଞ୍ଜନଃ ସର୍ବଃ ସ୍ମ ସଞ୍ଜଯମ୍।
ପ୍ରରୁରୋଦ ଭଯୋଦ୍ବିଗ୍ନୋ ହା ରାଜନ୍ନିତି ସୁସ୍ବରମ୍॥ 9-1-20 (60131)
ଆକୁମାରଂ ନରବ୍ଯାଘ୍ର ତତ୍ପୁରଂ ବୈ ସମନ୍ତତଃ।
ଆର୍ତନାଦଂ ମହଚ୍ଚକ୍ରେ ଶ୍ରୁତ୍ବା ବିନିହତଂ ନୃପମ୍॥ 9-1-21 (60132)
ତଥା ସ ବିହ୍ବଲଃ ସୂତଃ ପ୍ରବିଶ୍ଯ ନୃପତିକ୍ଷଯମ୍।
ଦଦର୍ଶ ନୃପତିଶ୍ରେଷ୍ଠଂ ପ୍ରଜ୍ଞାଚକ୍ଷୁଷମୀଶ୍ବରମ୍॥ 9-1-22 (60133)
ଦୃଷ୍ଟ୍ବା ଚାସୀନମନଘଂ ସମନ୍ତାତ୍ପରିବାରିତମ୍।
ସ୍ନୁଷାମିର୍ଭରତଶ୍ରେଷ୍ଠ ଗାନ୍ଧାର୍ଯା ବିଦୁରେଣ ଚ।
ତଥାଽନ୍ଯୈଶ୍ଚ ସୁହୃଦ୍ଭିଶ୍ଚ ଜ୍ଞାତିମିଶ୍ଚ ହିତୈଷିଭିଃ॥ 9-1-23 (60134)
ତମେବ ଚାର୍ଥଂ ଧ୍ଯାଯନ୍ତଂ କର୍ଣସ୍ଯ ନିଧନଂ ପ୍ରତି।
ରୁଦନ୍ନେବାବ୍ରବୀଦ୍ବାକ୍ଯଂ ରାଜାନଂ ଜନମେଜଯ॥ 9-1-24 (60135)
ନାତିହୃଷ୍ଟମନାଃ ସୂତୋ ବାଷ୍ପସନ୍ଦିଗ୍ଧଯା ଗିରା।
ସଞ୍ଜଯୋଽହଂ ନରବ୍ଯାଘ୍ର ନମସ୍ତେ ଭରତର୍ଷଭ॥ 9-1-25 (60136)
ମଦ୍ରାଧିପୋ ହତଃ ଶଲ୍ଯଃ ଶକୁନିଃ ସୌବଲସ୍ତଥା।
ଉଲୂକଃ ପୁରୁଷବ୍ଯାଘ୍ର କୈତବ୍ଯୋ ଦୃଢବିକ୍ରମଃ॥ 9-1-26 (60137)
ସଂଶପ୍ତକା ହତାଃ ସର୍ବେ କାମ୍ଭୋଜାଶ୍ଚ ଶକୈଃ ସହ।
ମ୍ଲେଚ୍ଛାଶ୍ଚ ପାର୍ବତୀଯାଶ୍ଚ ଯବନାଶ୍ଚ ନିପାତିତାଃ॥ 9-1-27 (60138)
ପ୍ରାଚ୍ଯା ହତା ମହାରାଜ ଦାକ୍ଷିଣାତ୍ଯାଶ୍ଚ ସର୍ବଶଃ।
ଉଦୀଚ୍ଯାଶ୍ଚ ହତାଃ ସର୍ବେ ପ୍ରତୀଚ୍ଯାଶ୍ଚ ନରୋତ୍ତମାଃ।
ରାଜାନୋ ରାଜପୁତ୍ରାଶ୍ଚ ସର୍ବେ ବିନିହତା ନୃପ॥ 9-1-28 (60139)
କର୍ଣପୁତ୍ରୋ ହତଃ ଶୂରଃ ସତ୍ଯସେନୋ ମହାବଲଃ॥ 9-1-29 (60140)
ଦୁର୍ଯୋଧନୋ ହତୋ ରାଜା ଯଯୋକ୍ତଂ ପାଣ୍ଡବେନ ହ।
xxxxxx ମହାରାଜ ଶେତେ ପାଂସୁଷୁ ରୂଷିତଃ॥ 9-1-30 (60141)
xxxxxx ହତୋ xxx ଜଞ୍ଶିଖଣ୍ଡୀ ଚାପରାଜିତଃ।
ଉତ୍ତମୌଜ ଯୁଧାମନ୍ଯୁସ୍ତଥା ସର୍ବେ ପ୍ରଭଦ୍ରକାଃ॥ 9-1-31 (60142)
ପାଞ୍ଚାଲଶ୍ଚ ନରବ୍ଯାଘ୍ର ଚେଦଯଶ୍ଚ ନିଷୂଦିତାଃ।
ତବ ପୁତ୍ରା ହତାଃ ସର୍ବେ ଦ୍ରୌପଦେଯାଶ୍ଚ ଭାରତ॥ 9-1-32 (60143)
ନରା ବିନିହତାଃ ସର୍ବେ ଗଜାଶ୍ଚ ବିନିପାତିତାଃ।
ରଥିନତ୍ର ନରବ୍ଯାଘ୍ର ହଯାଶ୍ଚ ନିହତା ଯୁଧି॥ 9-1-33 (60144)
ନିxxxx ଶିବିରଂ ରାବଂଜାବକାନାଂ କୃତଂ ପ୍ରଭୋ।
ପାଣ୍ଡବାନାଂ ଚ ଶୂରାଣାଂ ସମାସାଦ୍ଯ ପରସ୍ପରମ୍॥ 9-1-34 (60145)
xxxx ସ୍ରୀଶେଷମଭବଜ୍ଜଗତ୍କାଲେନ ମୋହିତମ୍।
ସପ୍ତ ପାଣ଼୍ଡବତଃ ଶିଷ୍ଟା ଧାର୍ତରାଷ୍ଟ୍ରାସ୍ତ୍ରଯୋରଥାଃ॥ 9-1-35 (60146)
ତେ ଚୈବ ଭ୍ରାତରଃ ପଞ୍ଚ ବାସୁଦେବୋଽଥ ସାତ୍ଯକିଃ।
କୃପଶ୍ଚ କୃତବର୍ମା ଚ ଦ୍ରୌଣିଶ୍ଚ ଜଯତାଂ ବରଃ॥ 9-1-36 (60147)
ଏତେ ଶେଷା ମହାରାଜ ରଥିନୋ ନୃପସତ୍ତମ।
ଅକ୍ଷୌହିଣୀନାମଷ୍ଟାନାଂ ଦଶାନାଂ ଚ ନ ସଂଶଯଃ॥ 9-1-37 (60148)
ଏତେ ଶେଷା ମହାରାଜ ସର୍ବେଽନ୍ଯେ ନିଧନଂ ଗତାଃ।
କାଲେନ ନିହତଂ ସର୍ବଂ ଜଗଦ୍ବୈ ଭରତର୍ଷଭ।
ଦୁର୍ଯୋଧନଂ ବୈ ପୁରତଃ କୃତ୍ବା ସର୍ବେ ନରା ହତାଃ॥ 9-1-38 (60149)
ବୈଶମ୍ପାଯନ ଉବାଚ। 9-1-39x (5082)
ଏତଚ୍ଛ୍ରୁତ୍ବା ବଚଃ କ୍ରୂରଂ ଧୃତରାଷ୍ଟ୍ରୋ ଜନେଶ୍ବରଃ।
ନିପପାତ ସ ରାଜେନ୍ଦ୍ରୋ ଗତସତ୍ବୋ ମହୀତଲେ॥ 9-1-39 (60150)
ତସ୍ମିନ୍ନିପତିତେ ବୀରେ ବିଦୁରୋଽପି ମହାଯଶାଃ।
ନିପପାତ ମହାରାଜ ଶୋକବ୍ଯସନକର୍ଶିତଃ॥ 9-1-40 (60151)
ଗାନ୍ଧାରୀ ଚ ମହାଭାଗା ସର୍ବାଶ୍ଚ କୁରୁଯୋଷିତଃ।
ପତିତାଃ ସହସା ଭୂମୌ ଶ୍ରୁତ୍ବା ଘୋରତରଂ ବଚଃ॥ 9-1-41 (60152)
ନିଃସଂଜ୍ଞଂ ପତିତଂ ଭୂମୌ ତଦାଽଽସୀଦ୍ରାଜମଣ୍ଡଲମ୍।
ବିଲାପମୁକ୍ତୋପହତଂ ଚିତ୍ରଂ ନ୍ଯସ୍ତଂ ପଟେ ଯଥା॥ 9-1-42 (60153)
କୃଚ୍ଛ୍ରେଣ ତୁ ତତୋ ରାଜା ଧୃତରାଷ୍ଟ୍ରୋ ମହୀପତିଃ।
ଶନୈରଲଭତ ପ୍ରାଣାନ୍ପୁତ୍ରବ୍ଯସନକର୍ଶିତଃ॥ 9-1-43 (60154)
ଲବ୍ଧ୍ବା ତୁ ସ ନୃପଃ ପ୍ରାଣାନ୍ବେପମାନଃ ସୁଦୁଃଖିତଃ।
ନିରୀକ୍ଷ୍ଯ ଚ ଦିଶଃ ସର୍ବାଃ କ୍ଷତ୍ତାରଂ ବାକ୍ଯମବ୍ରବୀତ୍॥ 9-1-44 (60155)
ବିଦ୍ଧି କ୍ଷତ୍ତର୍ମହାପ୍ରାଜ୍ଞ ତ୍ବଂ ଗତିର୍ଭରତର୍ଷଭ।
ମମାନାଥସ୍ଯ ସୁଭୃଶଂ ପୁତ୍ରୈର୍ହୀନସ୍ଯ ସର୍ବଶଃ।
ଏବମୁକ୍ତ୍ବା ତତୋ ଭୂଯୋ ବିସଂଜ୍ଞୋ ନିପପାତ ହ॥ 9-1-45 (60156)
ତଂ ତଥା ପତିତଂ ଦୃଷ୍ଟ୍ବା ବାନ୍ଧବା ଯେଽସ୍ଯ କେଚନ।
ଶୀତୈସ୍ତେ ସିଷିଚୁସ୍ତୋଯୈର୍ବିବ୍ଯଜୁର୍ବ୍ଯଜନୈରପି॥ 9-1-46 (60157)
ସ ତୁ ଦୀର୍ଘେଣ କାଲେନ ପ୍ରତ୍ଯାଶ୍ବସ୍ତୋ ନରାଧିପଃ।
ତୂଷ୍ଣୀମାସୀନ୍ମହୀପାଲଃ ପୁତ୍ରବ୍ଯସନକର୍ଶିତଃ॥ 9-1-47 (60158)
ନିଃଶ୍ବସଞ୍ଜିହ୍ମଗ ଇବ କୁମ୍ଭକ୍ଷିପ୍ତୋଽଭବନ୍ନୃପଃ॥ 9-1-48 (60159)
ସଞ୍ଜଯୋଽପ୍ଯରୁଦତ୍ତତ୍ର ଦୃଷ୍ଟ୍ବା ରାଜାନମାତୁରମ୍।
ତଥା ସର୍ବାଃ ସ୍ତ୍ରିଯଶ୍ଚୈବ ଗାନ୍ଧାରୀ ଚ ଯଶସ୍ବିନୀ॥ 9-1-49 (60160)
ତତୋ ଦୀର୍ଘେଣ କାଲେନ ବିଦୁରଂ ବାକ୍ଯମବ୍ରବୀତ୍।
ଧୃତରାଷ୍ଟ୍ରୋ ନରଶ୍ରେଷ୍ଠ ମୁହ୍ଯମାନୋ ମୁହୁର୍ମୁହୁଃ॥ 9-1-50 (60161)
ଗଚ୍ଛନ୍ତୁ ଯୋଷିତଃ ସର୍ବା ଗାନ୍ଧାରୀ ଚ ଯଶସ୍ବିନୀ।
ତଥେମେ ସୁହୃଦଃ ସର୍ବେ ମୁହ୍ଯତେ ମେ ମନୋ ଭୃଶମ୍॥ 9-1-51 (60162)
ଏବମୁକ୍ତସ୍ତତଃ କ୍ଷତ୍ତା ତାଃ ସ୍ତ୍ରିଯୋ ଭରତର୍ଷଭ।
ବିସର୍ଜଯାମାସ ଶନୈର୍ମୁହ୍ଯମାନଃ ପୁନଃପୁନଃ॥ 9-1-52 (60163)
ନିଶ୍ଚକ୍ରମୁସ୍ତତଃ ସର୍ବାଃ ସ୍ତ୍ରିଯୋ ଭରତସତ୍ତମ।
ସୁହୃଦଶ୍ଚ ତଥା ସର୍ବେ ଦୃଷ୍ଟ୍ବା ରାଜାନମାତୁରମ୍॥ 9-1-53 (60164)
ତତୋ ନରପତିସ୍ତତ୍ର ଲବ୍ଧ୍ବା ସଂଜ୍ଞାଂ ପରନ୍ତପଃ।
ଗତିର୍ମେ କୋ ଭବେଦଦ୍ଯ ଇତି ଚିନ୍ତାସମାକୁଲଃ।
ଅପୃଚ୍ଛତ୍ସଞ୍ଜଯଂ ତତ୍ର ରୋଦମାନଂ ଭୃଶାତୁରମ୍॥ 9-1-54 (60165)
ପ୍ରାଞ୍ଜଲିଂ ସଞ୍ଜଯଂ ଦୃଷ୍ଟ୍ବା ରୋଦମାନଂ ମୁହୁର୍ମୁହୁଃ।
ଜ୍ଞାତୀନ୍ସ୍ତ୍ରିଯୋଽଥ ନିର୍ଯାପ୍ଯ ପ୍ରବିଶ୍ଯ ବିଦୁରଃପୁନଃ॥ 9-1-55 (60166)
ରାଜାନଂ ଶୋଚମାନସ୍ତୁ ତଂ ଶୋଚନ୍ତଂ ମୁହୁର୍ମୁହୁଃ।
ସମାଶ୍ବାସଯତ କ୍ଷତ୍ତା ବଚସା ମଧୁରେଣ ଚ॥ ॥ 9-1-56 (60167)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଶଲ୍ଯବଧପର୍ବଣି ପ୍ରଥମୋଽଧ୍ଯାଯଃ॥ 1 ॥
Mahabharata - Shalya Parva - Chapter Footnotes
9-1-12 ଅପରାହେ ଅପରାର୍ଧେ॥ 9-1-41 ବିଲାପବୁକ୍ତୋପହତଂ ଇତି ଙ.ପାଠଃ। ବିଲାପଯୁକ୍ତଂ ସୁମହତ୍ ଇତି ଘ. ପାଠଃ॥ 9-1-1 ପ୍ରଥମୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 002
॥ ଶ୍ରୀଃ ॥
9.2. ଅଧ୍ଯାଯଃ 002
Mahabharata - Shalya Parva - Chapter Topics
ଧୃତରାଷ୍ଟ୍ରେଣ ସଞ୍ଜଯସ୍ଯ ପୁରତୋ ଦୁର୍ଯୋଧନବଚନାନୁସ୍ମରଣେନ ବିଲାପଃ॥ 1 ॥Mahabharata - Shalya Parva - Chapter Text
9-2-0 (60168)
ବୈଶମ୍ପାଯନ ଉବାଚ। 9-2-0x (5083)
ବିସୃଷ୍ଟାସ୍ବଥ ନାରୀଷୁ ଧୃତରାଷ୍ଟ୍ରୋଽମ୍ବିକାସୁତଃ।
ବିଲଲାପ ମହାରାଜ ଦୁଃଖାଦ୍ଦୁଃଖତରଂ ଗତଃ॥ 9-2-1 (60169)
ସଧୂମମିବ ନିଃଶ୍ବସ୍ଯ କରୌ ଧୁନ୍ବନ୍ପୁନଃପୁନଃ।
ବହୁ ସଞ୍ଚିନ୍ତଯିତ୍ବା ତୁ ସଞ୍ଜଯଂ ବାକ୍ଯମବ୍ରବୀତ୍॥ 9-2-2 (60170)
ଧୃତରାଷ୍ଟ୍ର ଉବାଚ। 9-2-3x (5084)
ଅହୋ ବତ ମହଦ୍ଦୁଃଖଂ ଯଦହଂ ପାଣ୍ଡବାନ୍ରଣେ।
କ୍ଷେମିଣଶ୍ଚାବ୍ଯଯାଂଶ୍ଚୈବ ତ୍ବତ୍ତଃ ସୂତ ଶୃଣୋମି ବୈ॥ 9-2-3 (60171)
ବଜ୍ରସାରମଯଂ ନୂନଂ ହୃଦଯଂ ସୁଦୃଢଂ ମମ।
ଯଚ୍ଛ୍ରୁତ୍ବା ନିହତାନ୍ପୁତ୍ରାନ୍ଦୀର୍ଯତେ ନ ସହସ୍ରଧା॥ 9-2-4 (60172)
ଚିନ୍ତଯିତ୍ବା ବଚସ୍ତେଷାଂ ବାଲକ୍ରୀଡାଂ ଚ ସଞ୍ଜଯ।
ଅଦ୍ଯ ଚୈବ ହତାଞ୍ଶ୍ରୁତ୍ବା ଦୀର୍ଯତେ ମେ ଭୃଶଂ ମନଃ॥ 9-2-5 (60173)
ଅନ୍ଧତ୍ବାଦ୍ଯଦି ପୁତ୍ରାଣାଂ ନ ମେ ରୂପିନିଦର୍ଶନମ୍।
ପୁତ୍ରସ୍ନେହକୃତା ପ୍ରୀତିର୍ନିତ୍ଯମେତେଷୁ ଧାରିତା॥ 9-2-6 (60174)
ବାଲଭାବମତିକ୍ରମ୍ଯ ଯୌବନସ୍ଥାଂଶ୍ଚ ତାନହମ୍।
ଶ୍ରିଯଂ ପ୍ରାପ୍ତାଂଶ୍ଚ ତାଞ୍ଶ୍ରୁତ୍ବା ହୃଷ୍ଟ ଆସଂ ତଦାଽନଘ॥ 9-2-7 (60175)
ତାନଦ୍ଯ ନିହତାଞ୍ଶ୍ରୁତ୍ବା ହତୈଶ୍ବର୍ଯାନ୍ହତୌଜସଃ।
ନ ଲଭେଯଂ କ୍ବଚିଚ୍ଛାନ୍ତିଂ ପୁତ୍ରାଧିଭିରଭିପ୍ଲୁତଃ॥ 9-2-8 (60176)
ଏହ୍ଯେହି ବତ୍ସ ରାଜେନ୍ଦ୍ର ମମାନାଥସ୍ଯ ପୁତ୍ରକ।
ତ୍ବଯା ହୀନୋ ମହାବାହୋ କାଂ ନୁ ଯାସ୍ଯାମ୍ଯହଂ ଗତିମ୍॥ 9-2-9 (60177)
କଥଂ ତ୍ବଂ ପୃଥିବୀପାଲାଂସ୍ତ୍ଯକ୍ତ୍ବା ତାତ ସମାଗତାନ୍।
ଶେଷେ ବିନିହତୋ ଭୂମୌ ପ୍ରାକୃତଃ କୁନୃପୋ ଯଥା॥ 9-2-10 (60178)
ଗତିର୍ଭୂତ୍ବା ମହାରାଜ ଜ୍ଞାତୀନାଂ ସୁହୃଦାଂ ତଥା।
ଅନ୍ଧଂ ବୃଦ୍ବଂ ଚ ମାଂ ବୀର ବିହାଯ କ୍ବ ନୁ ଯାସ୍ଯସି॥ 9-2-11 (60179)
ସା କୃପା ସା ଚ ତେ ପ୍ରୀତିଃ ସା ଚ ରାଜସୁ ମାନିତା।
କଥଂ ତ୍ବଂ ନିହତଃ ପାର୍ଥୈଃ ସଂଯୁଗେଷ୍ବପରାଜିତଃ॥ 9-2-12 (60180)
କୋ ନୁ ମାମୁତ୍ଥିତଃ କାଲେ ତାତତାତେତି ବକ୍ଷ୍ଯତି।
ମହାରାଜେତି ସତତଂ ଲୋକନାଥେତି ଚାସକୃତ୍॥ 9-2-13 (60181)
ପରିଷ୍ବଜ୍ଯ ଚ କଂ କଣ୍ଠେ ସ୍ନେହେନ କ୍ଲିନ୍ନଲୋଚନଃ।
ଅନୁଶାସ୍ତାଽସ୍ମି କୌରବ୍ଯ ତତ୍ସାଧୁ ବଦମେ ବଚଃ॥ 9-2-14 (60182)
ନନୁ ନାମାହମଶ୍ରୌଷଂ ବଚନଂ ତବ ପୁତ୍ରକ।
ଭୂଯସୀ ମମ ପୃଥ୍ବୀଯଂ ତାତ ପାର୍ଥସ୍ଯ ନୋ ତଥା॥ 9-2-15 (60183)
ଭଗଦତ୍ତଃ କୃପଃ ଶଲ୍ଯ ଆବନ୍ତ୍ଯୋଽଥ ଜଯଦ୍ରଥଃ।
ଭୂରିଶ୍ରବାଃ ସୋମଦତ୍ତୋ ମହାରାଜଶ୍ଚ ବାହ୍ଲିକଃ॥ 9-2-16 (60184)
ଅଶ୍ବତ୍ଥାମା ଚ ଭୋଜଶ୍ଚ ମାଗଧଶ୍ଚ ମହାବଲଃ।
ବୃହଦ୍ବଲଶ୍ଚ କ୍ରାଥଶ୍ଚ ଶକୁନିଶ୍ଚାପି ସୌବଲଃ॥ 9-2-17 (60185)
ମ୍ଲେଚ୍ଛାଶ୍ଚ ଶତସାହସ୍ରାଃ ଶକାଶ୍ଚ ଯବନୈଃ ସହ।
ସୁଦକ୍ଷିଣଶ୍ଚ କାମ୍ଭୋଜସ୍ତ୍ରିଗର୍ତାଧିପତିସ୍ତଥା॥ 9-2-18 (60186)
ଭୀଷ୍ମଃ ପିତାମହଶ୍ଚୈବ ଭାରଦ୍ବାଜୋଽଥ ଗୌତମଃ।
ଶ୍ରୁତାଯୁଶ୍ଚାଶ୍ରୁତାଯୁଶ୍ଚ ଶତାଯୁଶ୍ଚାପି ବୀର୍ଯବାନ୍॥ 9-2-19 (60187)
ଜଲସନ୍ଧୋଽଥାର୍ଷ୍ଯଶୃଙ୍ଗୀ ରାକ୍ଷସଶ୍ଚାପ୍ଯଲାଯୁଧଃ।
ଅଲମ୍ବୁସୋ ବୀରବାହୁଃ ସୁବାହୁଶ୍ଚ ମହାରଥଃ॥ 9-2-20 (60188)
ଏତେ ଚାନ୍ଯେ ଚ ବହବୋ ରାଜାନୋ ରାଜସତ୍ତମ।
ମଦର୍ଥଂ ପ୍ରହରିଷ୍ଯନ୍ତି ପ୍ରାଣାଂସ୍ତ୍ଯକ୍ତ୍ବା ଧନାନି ଚ॥ 9-2-21 (60189)
ତେଷାଂ ମଧ୍ଯେ ସ୍ଥିତୋ ଯୁଦ୍ଧେ ଭ୍ରାତୃଭିଃ ପରିବାରିତଃ।
ଯୋଧଯିଷ୍ଯାମ୍ଯହଂ ପାର୍ଥାନ୍ପାଞ୍ଚାଲାଂଶ୍ଚୈବ ସର୍ବଶଃ॥ 9-2-22 (60190)
ଚେଦୀଂଶ୍ଚ ନୃପଶାର୍ଦୂଲ ଦ୍ରୌପଦେଯାଂଶ୍ଚ ସଂଯୁଗେ।
ସାତ୍ଯକିଂ କୁନ୍ତିଭୋଜଂ ଚ ରାକ୍ଷସଂ ଚ ଘଟୋତ୍କଚମ୍॥ 9-2-23 (60191)
ଏକୋଽପ୍ଯେଷାଂ ମହାରାଜ ସମର୍ଥଃ ସନ୍ନିବାରଣେ।
ସମରେ ପାଣ୍ଡବେଯାନାଂ ସଙ୍କ୍ରୁଦ୍ଧୋ ହ୍ଯଭିଧାବତାମ୍॥ 9-2-24 (60192)
କିଂ ପୁନଃ ସହିତା ବୀରାଃ କୃତବୈରାଶ୍ଚ ପାଣ୍ଡବୈଃ।
ଅଥବା ସର୍ବ ଏବୈତେ ପାଣ୍ଡବସ୍ଯାନୁଯାଯିଭିଃ॥ 9-2-25 (60193)
ଯୋତ୍ସ୍ଯନ୍ତେ ସହ ରାଜେନ୍ଦ୍ର ହନିଷ୍ଯନ୍ତି ଚ ତାନ୍ମୃଧେ।
କର୍ଣ ଏକୋ ମଯା ସାର୍ଧଂ ନିହନିଷ୍ଯତି ପାଣ୍ଡବାନ୍॥ 9-2-26 (60194)
ତେ ବୈ ନୃପତଯୋ ବୀରାଃ ସ୍ଥାସ୍ଯନ୍ତି ମମ ଶାସନେ॥ 9-2-27 (60195)
ଯଶ୍ଚ ତେଷାଂ ପ୍ରଣେତା ବୈ ବାସୁଦେବୋ ମହାବଲଃ।
ନ ସ ସନ୍ନହ୍ଯତେ ରାଜନ୍ନିତି ମାମବ୍ରବୀଦ୍ବଚଃ॥ 9-2-28 (60196)
ଏବଂ ଚ ବଦତଃ ସୂତ ବହୁଶୋ ମମ ସନ୍ନିଧୌ।
ଯୁକ୍ତିତୋ ହ୍ଯନୁପଶ୍ଯାମି ନିହତାନ୍ପାଣ଼୍ଡବାନ୍ରଣେ॥ 9-2-29 (60197)
ତେଷାଂ ମଧ୍ଯେ ସ୍ଥିତା ଯତ୍ର ହନ୍ଯନ୍ତେ ମମ ପୁତ୍ରକାଃ।
ବ୍ଯାଯଚ୍ଛମାନାଃ ସମରେ କିମନ୍ଯଦ୍ଭାଗଧେଯତଃ॥ 9-2-30 (60198)
ଭୀଷ୍ମଶ୍ଚ ନିହତୋ ଯତ୍ର ଲୋକନାଥଃ ପ୍ରତାପବାନ୍।
ଶିଖଣ଼୍ଡିନଂ ସମାସାଦ୍ଯ ମୃଗେନ୍ଦ୍ର ଇବ ଜମ୍ବୁକମ୍॥ 9-2-31 (60199)
ଦ୍ରୋଣଶ୍ଚ ବ୍ରାହ୍ମଣୋ ଯତ୍ର ସର୍ବଶସ୍ତ୍ରାସ୍ତ୍ରପାରଗଃ।
ନିହତଃ ପାଣ୍ଡବୈଃ ସଙ୍ଖ୍ଯେ କିମନ୍ଯଦ୍ଭାଗଧେଯତଃ॥ 9-2-32 (60200)
କର୍ଣଶ୍ଚ ନିହତଃ ସଙ୍ଖ୍ଯେ ଦିବ୍ଯାସ୍ତ୍ରଜ୍ଞୋ ମହାବଲଃ।
ଭୂରିଶ୍ରବା ହତୋ ପତ୍ର ସୋମଦତ୍ତଶ୍ଚ ସଂଯୁଗେ।
ବାହ୍ଲିକଶ୍ଚ ମହାରାଜ କିମନ୍ଯଦ୍ଭାଗଧେଯତଃ॥ 9-2-33 (60201)
ଭଗଦତ୍ତୋ ହତୋ ଯତ୍ର ଗଜଯୁଦ୍ଧବିଶାରଦଃ।
ଜଯଦ୍ରଥଶ୍ଚ ନିହତଃ କିମନ୍ଯଦ୍ଭାଗଧେଯତଃ॥ 9-2-34 (60202)
ସୁଦକ୍ଷିଣୋ ହତୋ ଯତ୍ର ଜଲସନ୍ଧଶ୍ଚ ପୌରବଃ।
ଶ୍ରୁତାଯୁଶ୍ଚାଶ୍ରୁତାଯୁଶ୍ଚ କିମନ୍ଯଦ୍ଭାଗଧେଯତଃ॥ 9-2-35 (60203)
ମହାବଲସ୍ତଥା ପାଣ୍ଡ୍ଯଃ ସର୍ବଶସ୍ତ୍ରଭୃତାଂ ବରଃ।
ନିହତଃ ପାଣ୍ଡବୈଃ ସଙ୍ଖ୍ଯେ କିମନ୍ଯଦ୍ଭାଗଧେଯତଃ॥ 9-2-36 (60204)
ବୃହଦ୍ବଲୋ ହତୋ ଯତ୍ର ମାଗଧଶ୍ଚ ମହାବଲଃ।
ଉଗ୍ରାଯୁଧଶ୍ଚ ବିକ୍ରାନ୍ତଃ ପ୍ରତିମାନଂ ଧନୁଷ୍ମତାମ୍॥ 9-2-37 (60205)
ଆବନ୍ତ୍ଯୋ ନିହତୋ ଯତ୍ର ତ୍ରୈଗର୍ତଶ୍ଚ ଜନାଧିପଃ।
ସଂଶପ୍ତକାଶ୍ଚ ନିହତାଃ କିମନ୍ଯଦ୍ଭାଗଧେଯତଃ॥ 9-2-38 (60206)
ଅଲମ୍ବୁସସ୍ତଥା ରାଜନ୍ରାକ୍ଷସଶ୍ଚାପ୍ଯଲାଯୁଧଃ।
ଆର୍ଷ୍ଯଶୃଙ୍ଗିଶ୍ଚ ନିହତଃ କିମନ୍ଯଦ୍ଭାଗଧେଯତଃ॥ 9-2-39 (60207)
ନାରାଯଣା ହତା ଯତ୍ର ଗୋପାଲା ଯୁଦ୍ଧଦୁର୍ମଦାଃ।
ମ୍ଲେଚ୍ଛାଶ୍ଚ ବହୁସାହସ୍ରାଃ କିମନ୍ଯଦ୍ଭାଗଧେଯତଃ॥ 9-2-40 (60208)
ଶକୁନିଃ ସୌବଲୋ ଯତ୍ର କୈତବ୍ଯଶ୍ଚ ମହାବଲଃ।
ନିହତଃ ସବଲୋ ବୀରଃ କିମନ୍ଯଦ୍ଭାଗଧେଯତଃ॥ 9-2-41 (60209)
ଏତେ ଚାନ୍ଯେ ଚ ବହବଃ କୃତାସ୍ତ୍ରା ଯୁଦ୍ଧଦୁର୍ମଦାଃ।
ରାଜାନୋ ରାଜପୁତ୍ରାଶ୍ଚ ଶୂରାଃ ପରିଘବାହବଃ।
ନିହତା ବହବୋ ଯତ୍ର କିମନ୍ଯଦ୍ଭାଗଧେଯତଃ॥ 9-2-42 (60210)
ଯତ୍ର ଶୂରା ମହେଷ୍ବାସାଃ କୃତାସ୍ତ୍ରା ଯୁଦ୍ବଦୁର୍ମଦାଃ।
ବହବୋ ନିହତାଃ ସୂତ ମହେନ୍ଦ୍ରସମବିକ୍ରମାଃ॥ 9-2-43 (60211)
ନାନାଦେଶସମାବୃତ୍ତାଃ କ୍ଷତ୍ରିଯା ଯତ୍ର ସଞ୍ଜଯ।
ନିହତାଃ ସମରେ ସର୍ବେ କିମନ୍ଯଦ୍ଭାଗଧେଯତଃ॥ 9-2-44 (60212)
ପୁତ୍ରାଶ୍ଚ ମେ ବିନିହତାଃ ପୌତ୍ରାଶ୍ଚୈବ ମହାବଲାଃ।
ବଯସ୍ଯା ଭ୍ରାତରଶ୍ଚୈବ କିମନ୍ଯଦ୍ଭାଗଧେଯତଃ॥ 9-2-45 (60213)
ଭାଗଧେଯସମାଯୁକ୍ତୋ ଧ୍ରୁବମୁତ୍ପଦ୍ଯତେ ନରଃ।
ଯସ୍ତୁ ଭାଗ୍ଯସମାଯୁକ୍ତଃ ସ ଶୁଭଂ ପ୍ରାପ୍ନୁଯାନ୍ନରଃ॥ 9-2-46 (60214)
ଅହଂ ବିଯୁକ୍ତସ୍ତୈର୍ଭାଗ୍ଯୈଃ ପୁତ୍ରୈଶ୍ଚୈବେହ ସଞ୍ଜଯ।
କଥମଦ୍ଯ ଭବିଷ୍ଯାମି ବୃଦ୍ଧଃ ଶତ୍ରୁବଶଂ ଗତଃ॥ 9-2-47 (60215)
ନାନ୍ଯଦତ୍ର ପରଂ ମନ୍ଯେ ବନବାସାଦୃତେ ପ୍ରଭୋ।
ସୋଽହଂ ବନଂ ଗମିଷ୍ଯାମି ନିର୍ବନ୍ଧୁର୍ଜ୍ଞାତିସଂକ୍ଷଯେ॥ 9-2-48 (60216)
ନ ହି ମେଽନ୍ଯଦ୍ଭବେଚ୍ଛ୍ରେଯୋ ବନାଭ୍ଯୁପଗମାଦୃତେ।
ଇମାମବସ୍ଥାଂ ପ୍ରାପ୍ତସ୍ଯ ଲୂନପକ୍ଷସ୍ଯ ସଞ୍ଜଯ॥ 9-2-49 (60217)
ଦୁର୍ଯୋଧନୋ ହତୋ ଯତ୍ର ଶଲ୍ଯଶ୍ଚ ନିହତୋ ଯୁଧି।
ଦୁଃଶାସନୋ ବିବିଂଶଶ୍ଚ ବିକର୍ଣଶ୍ଚ ମହାବଲଃ॥ 9-2-50 (60218)
କଥଂ ହି ଭୀମସେନସ୍ଯ ଶ୍ରୋଷ୍ଯେଽହଂ ଶବ୍ଦମୁତ୍ତମମ୍।
ଏକେନ ସମରେ ଯେନ ହତଂ ପୁତ୍ରଶତଂ ମମ॥ 9-2-51 (60219)
ଅସକୃଦ୍ବଦତସ୍ତସ୍ଯ ଦୁର୍ଯୋଧନବଧେନ ଚ।
ଦୁଃଖଶୋକାଭିସନ୍ତପ୍ତୋ ନ ଶ୍ରୋଷ୍ଯେ ପରୁଷା ଗିରଃ॥ 9-2-52 (60220)
ବୈଶମ୍ପାଯନ ଉବାଚ। 9-2-53x (5085)
ଏବଂ ସ ଶୋକସନ୍ତପ୍ତଃ ପାର୍ଥିବୋ ହତବାନ୍ଧବଃ।
ମୁହୁର୍ମୁହୁର୍ମୁହ୍ଯମାନଃ ପୁତ୍ରାଧିଭିରଭିପ୍ଲୁତଃ॥ 9-2-53 (60221)
ବିଲପ୍ଯ ସୁଚିରଂ କାଲଂ ଧୃତରାଷ୍ଟ୍ରୋଽମ୍ବିକାସୁତଃ।
ଦୀର୍ଘମୁଷ୍ଣଂ ସ ନିଃଶ୍ବସ୍ଯ ଚିନ୍ତଯିତ୍ବା ପରାଭବମ୍॥ 9-2-54 (60222)
ଦୁଃଖେନ ମହତା ରାଜନ୍ସନ୍ତପ୍ତୋ ଭରତର୍ଷଭଃ।
ପୁନର୍ଗାବଲ୍ଗଣିଂ ସୂତଂ ପର୍ଯପୃଚ୍ଛଦ୍ଯଥାତଥମ୍॥ 9-2-55 (60223)
ଧୃତରାଷ୍ଟ୍ର ଉବାଚ। 9-2-56x (5086)
ଭୀଷ୍ମଦ୍ରୋଣୌ ହତୌ ଶ୍ରୁତ୍ବା ସୂତପୁତ୍ରଂ ଚ ପାତିତମ୍।
ସେନାପତିଂ ପ୍ରଣେତାରଂ କମକୁର୍ବତ ମାମକାଃ॥ 9-2-56 (60224)
ଯଂ ଯଂ ସେନାପ୍ରଣେତାରଂ ଯୁଧି କୁର୍ବନ୍ତି ମାମକାଃ।
ଅଚିରେଣୈବ କାଲେନ ତଂ ତଂ ନିଘ୍ନନ୍ତି ପାଣ୍ଡବାଃ॥ 9-2-57 (60225)
ରଣମୂର୍ଧ୍ନି ହତୋ ଭୀଷ୍ମଃ ପଶ୍ଯତାଂ ବଃ କିରୀଟିନା।
ଏବମେବ ହତୋ ଦ୍ରୋଣଃ ସର୍ବେଷାମେବ ପଶ୍ଯତାମ୍॥ 9-2-58 (60226)
ଏବମେବ ହତଃ କର୍ଣଃ ସୂତପୁତ୍ରଃ ପ୍ରତାପବାନ୍।
ସରାଜକାନାଂ ସର୍ବେଷାଂ ପଶ୍ଯତାଂ ବଃ କିରୀଟିନା॥ 9-2-59 (60227)
ପୂର୍ବମେବାହମୁକ୍ତୋ ବୈ ବିଦୁରେଣ ମହାତ୍ମନା।
ଦୁର୍ଯୋଧନାପରାଧେନ ପ୍ରଜେଯଂ ବିନଶିଷ୍ଯତି॥ 9-2-60 (60228)
କେଚିନ୍ନ ସମ୍ଯକ୍ପଶ୍ଯନ୍ତି ମୂଢାଃ ସମ୍ଯଗବେକ୍ଷ୍ଯ ଚ।
ତଦିଦଂ ମମ ମୂଢସ୍ଯ ତଥାଭୂତଂ ବଚଃ ସ୍ମ ତତ୍॥ 9-2-61 (60229)
ଯଦବ୍ରବୀତ୍ସ ଧର୍ମାତ୍ମା ବିଦୁରୋ ଦୀର୍ଘଦର୍ଶିବାନ୍।
ତତ୍ତଥା ସମନୁପ୍ରାପ୍ତଂ ବଚନଂ ସତ୍ଯବାଦିନାଃ॥ 9-2-62 (60230)
ଦୈବୋପହତଚିତ୍ତେନ ଯନ୍ମଯାଽନୁଷ୍ଠିତଂ ପୁରା।
ଅନଯସ୍ଯ ଫଲଂ ତସ୍ଯ ବ୍ରୂହି ଗାବଲ୍ଗଣେ ପୁନଃ॥ 9-2-63 (60231)
କୋ ବା ମୁଖମନୀକାନାମାସୀତ୍କର୍ଣୋ ନିପାତିତେ।
ଅର୍ଜୁନଂ ବାସୁଦେବଂ ଚ କୋ ବା ପ୍ରତ୍ଯୁଦ୍ଯଯୌ ରଥୀ॥ 9-2-64 (60232)
କେଽରକ୍ଷନ୍ଦକ୍ଷିଣଂ ଚକ୍ରଂ ମଦ୍ରରାଜସ୍ଯ ସଂଯୁଗେ।
ବାମଂ ଚ ଯୋଦ୍ବୁକାମସ୍ଯ କେ ବା ବୀରସ୍ଯ ପୃଷ୍ଠତଃ॥ 9-2-65 (60233)
କଥଂ ଚ ବଃ ସମେତାନାଂ ମଦ୍ରରାଜୋ ମହାରଥଃ।
ନିହତଃ ପାଣ୍ଡବୈଃ ସଙ୍ଖ୍ଯେ ପୁତ୍ରୋ ବା ମମ ସଞ୍ଜଯ॥ 9-2-66 (60234)
ବ୍ରୂହି ସର୍ବଂ ଯଥାତତ୍ତ୍ବଂ ଭରତାନାଂ ମହାକ୍ଷଯମ୍।
ଯଥା ଚ ନିହତଃ ସଙ୍ଖ୍ଯେ ପୁତ୍ରୋ ଦୁର୍ଯୋଧନୋ ମମ॥ 9-2-67 (60235)
ପାଞ୍ଚାଲାଶ୍ଚ ଯଥା ସର୍ବେ ନିହତାଃ ସପଦାନୁଗାଃ।
ଧୃଷ୍ଟଦ୍ଯୁମ୍ନଃ ଶିଖଣ୍ଡୀ ଚ ଦ୍ରୌପଦ୍ଯାଃ ପଞ୍ଚ ଚାତ୍ମଜାଃ॥ 9-2-68 (60236)
ପାଣ୍ଡବାଶ୍ଚ ଯଥା ମୁକ୍ତାସ୍ତଥୋଭୌ ମାଧବୌ ଯୁଧି।
କୃପଶ୍ଚ କୃତବର୍ମା ଚ ଭାରଦ୍ବାଜସ୍ଯ ଚାତ୍ମଜଃ॥ 9-2-69 (60237)
ଯଦ୍ଯଥା ଯାଦୃଶଂ ଚୈବ ଯୁଦ୍ଧଂ ବୃତ୍ତଂ ଚ ସାମ୍ପ୍ରତମ୍।
ଅଖିଲଂ ଶ୍ରୋତୁମିଚ୍ଛାମି କୁଶଲୋ ହ୍ଯସି ସଞ୍ଜଯ॥ ॥ 9-2-70 (60238)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଶଲ୍ଯବଧପର୍ବଣି ଦ୍ବିତୀଯୋଽଧ୍ଯାଯଃ* ॥ 2 ॥* ଏତଦନନ୍ତରଂ ଝ.ପାଠେ ଏକୋଽଧ୍ଯାଯୋଽଧିକୋ ଦୃଶ୍ଯତେ।
Mahabharata - Shalya Parva - Chapter Topics
ପାର୍ଥେନ ନିହତେ କର୍ଣେ ପାଣ୍ଡବଭଯାତ୍ପଲାଯମାନାଂ ସେନାଂ ନିବର୍ତ୍ଯ ଦୁର୍ଯୋଧନସ୍ଯ ପୁନର୍ଯୁଦ୍ଧୋଦ୍ଯମଃ॥ 1 ॥Mahabharata - Shalya Parva - Chapter Text
9-2-0 (60239)
[ସଞ୍ଜଯ ଉବାଚ। 9-2-0x (5087)
ଶୃଣୁ ରାଜନ୍ନବହିତୋ ଯଥାବୃତ୍ତୋ ମହାନ୍କ୍ଷଯଃ।
କୁରୂଣାଂ ପାଣ୍ଡବାନାଂ ଚ ସମାସାଦ୍ଯ ପରସ୍ପରମ୍॥ 9-2-1 (60240)
ନିହତେ ସୂତପୁତ୍ରେ ତୁ ପାଣ୍ଡବେନ ମହାତ୍ମନା।
ବିଦ୍ରୁତେଷୁ ଚ ସୈନ୍ଯେଷୁ ସମାନୀତେଷୁ ଚାସକୃତ୍॥ 9-2-2 (60241)
ଘୋରେ ମନୁଷ୍ଯଦେହାନାମାଜୌ ନରବରକ୍ଷଯେ।
ଯତ୍ତତ୍କର୍ଣେ ହତେ ପାର୍ଥଃ କସିଂହନାଦମଥାକରୋତ୍॥ 9-2-3 (60242)
ତଦା ତବ ସୁତାନ୍ରାଜନ୍ପ୍ରାବିଶତ୍ସୁମହଦ୍ଭଯମ୍॥ 9-2-4 (60243)
ନ ସନ୍ଧାତୁମନୀକାନି ନ ଚୈବାଥ ପରାକ୍ରମେ।
ଆସୀଦ୍ବୁଦ୍ଧିର୍ହତେ କର୍ଣେ ତବ ଯୋଧସ୍ଯ କସ୍ଯଚିତ୍॥ 9-2-5 (60244)
ବଣିଜୋ ନାବି ଭିନ୍ନାଯାମଗାଧେ ବିପ୍ଲୁବା ଇବ।
ଅପାରେ ପାରମିଚ୍ଛନ୍ତୋ ହତେ ଦ୍ବୀପେ କିରୀଟିନା॥ 9-2-6 (60245)
ସୂତପୁତ୍ରୋ ହତେ ରାଜନ୍ବିତ୍ରସ୍ତାଃ ଶରବିକ୍ଷତାଃ।
ଅନାଥା ନାଥମିଚ୍ଛନ୍ତୋ ମୃଗାଃ ସିଂହାର୍ଦିତା ଇବ॥ 9-2-7 (60246)
ଭଗ୍ନଶୃଙ୍ଗା ଇବ ବୃଷା ଶୀର୍ଣଦଂଷ୍ଟ୍ରା ଇବୋରଗାଃ।
ପ୍ରତ୍ଯୁପାଯାମ ସାଯାହ୍ନେ ନିର୍ଜିତାଃ ସବ୍ଯସାଚିନା॥ 9-2-8 (60247)
ହତପ୍ରବୀରା ବିଧ୍ବସ୍ତା ନିକୃତ୍ତା ନିଶିତୈଃ ଶରୈଃ।
ସୂତପୁତ୍ରେ ହତେ ରାଜନ୍ପୁତ୍ରାସ୍ତେ ପ୍ରାଦ୍ରବଂସ୍ତତଃ॥ 9-2-9 (60248)
ବିଧ୍ବସ୍ତକବଚନାଃ ସର୍ବେ କାନ୍ଦିଶୀକା ବିଚେତସଃ।
ଅନ୍ଯୋନ୍ଯମଭିନିଘ୍ନନ୍ତୋ ବୀକ୍ଷମାଣା ଭଯାଦ୍ଦିଶଃ॥ 9-2-10 (60249)
ମାମେବ ନୂନଂ ବୀଭତ୍ସୁର୍ମାମେବ ଚ ବୃକୋଦରଃ।
ଅଭିଯାତୀତି ମନ୍ବାନାଃ ପେତୁର୍ମମ୍ଲୁଶ୍ଚ ଭାରତ॥ 9-2-11 (60250)
ଅଶ୍ବାନନ୍ଯେ ଗଜାନନ୍ଯେ ରଥାନନ୍ଯେ ମହାରଥାଃ।
ଆରୁହ୍ଯ ଜବସମ୍ପନ୍ନାଃ ପାଦାତାନ୍ପ୍ରଜହୁର୍ଭଯାତ୍॥ 9-2-12 (60251)
କୁଞ୍ଜରୈଃ ସ୍ଯନ୍ଦନା ଭଗ୍ନାଃ ସାଦିନଶ୍ଚ ମହାରଥୈଃ।
ପଦାତିସଙ୍ଘାଶ୍ଚାଶ୍ବୌଘୈଃ ପଲାଯଦ୍ଭିର୍ଭୃଶଂ ହତାଃ॥ 9-2-13 (60252)
ବ୍ଯାଲତସ୍କରସଙ୍କୀର୍ଣେ ସାର୍ଥହୀନା ଯଥା ବନେ।
ତଥା ତ୍ବଦୀଯା ନିହତେ ସୂତପୁତ୍ରେ ପଦାଽଭବନ୍॥ 9-2-14 (60253)
ହତାରୋହାସ୍ତଥା ନାଗାଶ୍ଛିନ୍ନହସ୍ତାସ୍ତଥାଽପରେ।
ସର୍ବଂ ପାର୍ଥମଯଂ ଲୋକମପଶ୍ଯନ୍ବୈ ଭଯାର୍ଦିତାଃ॥ 9-2-15 (60254)
ତାନ୍ପ୍ରେକ୍ଷ୍ଯ ଦ୍ରବତଃ ସର୍ବାନ୍ଭୀମସେନଭଯାର୍ଦିତାନ୍।
ଦୁର୍ଯୋଧନୋଽଥ ସ୍ବଂ ସୂତଂ ହାହାକୃତ୍ବୈବମବ୍ରବୀତ୍॥ 9-2-16 (60255)
ନାତିକ୍ରମିଷ୍ଯତେ ପାର୍ଥୋ ଧନୁଷ୍ପାଣିମବସ୍ଥିତମ୍।
ଜଘନେ ଯୁଧ୍ଯମାନଂ ମାଂ ତୂର୍ଣମଶ୍ବାନ୍ପ୍ରଚୋଦଯ॥ 9-2-17 (60256)
ସମରେ ଯୁଧ୍ଯମାନଂ ହି କୌନ୍ତେଯୋ ମାଂ ଧନଞ୍ଜଯଃ।
ନୋତ୍ସହେତାପ୍ଯତିକ୍ରାନ୍ତୁଂ ବେଲାମିବ ମହାର୍ଣବଃ॥ 9-2-18 (60257)
ଅଦ୍ଯାର୍ଜୁନଂ ସଗୋବିନ୍ଦଂ ମାନିନଂ ଚ ବୃକୋଦରମ୍।
ନିହତ୍ଯ ଶିଷ୍ଟାଞ୍ଶତ୍ରୂଂଶ୍ଚ କର୍ଣସ୍ଯାନୃଣ୍ଯମାପ୍ନୁଯାମ୍॥ 9-2-19 (60258)
ତଚ୍ଛ୍ରୁତ୍ବା କୁରୁରାଜସ୍ଯ ଶୂରାର୍ଯସଦୃଶଂ ବଚଃ।
ସୂତୋ ହେମପରିଚ୍ଛନ୍ନାଞ୍ଶନୈରଶ୍ବାନଚୋଦଯତ୍॥ 9-2-20 (60259)
ଗଜାଶ୍ବରଥହୀନାସ୍ତୁ ପାଦାତାଶ୍ଚୈବ ମାରିଷ।
ପଞ୍ଚବିଂଶତିସାହସ୍ରାଃ ପ୍ରାଦ୍ରବଞ୍ଶନକୈରିବ॥ 9-2-21 (60260)
ତାନ୍ଭୀମସେନଃ ସଙ୍କ୍ରୁଦ୍ଧୋ ଧୃଷ୍ଟଦ୍ଯୁମ୍ନଶ୍ଚ ପାର୍ଷତଃ।
ବଲେନ ଚତୁରଙ୍ଗେଣ ପରିକ୍ଷିପ୍ଯାହନଚ୍ଛରୈଃ॥ 9-2-22 (60261)
ପ୍ରତ୍ଯଯୁଧ୍ଯଂସ୍ତୁ ତେ ସର୍ବେ ଭୀମସେନଂ ସପାର୍ଷତମ୍।
ପାର୍ଥପାର୍ଷତଯୋଶ୍ଚାନ୍ଯେ ଜଗୃହୁସ୍ତତ୍ର ନାମନୀ॥ 9-2-23 (60262)
ଅକ୍ରୁଧ୍ଯତ ରଣେ ଭୀମସ୍ତୈର୍ମୃଧେ ପ୍ରତ୍ଯବସ୍ଥିତୈଃ।
ସୋଽବତୀର୍ଯ ରଥାତ୍ତୂର୍ଣଂ ଗଦାପାଣିରଯୁଧ୍ଯତ॥ 9-2-24 (60263)
ନ ତାନ୍ରଥସ୍ଥୋ ଭୂମିଷ୍ଠାନ୍ଧର୍ମାପେକ୍ଷୀ ବୃକୋଦରଃ।
ଯୋଧଯାମାସ କୌନ୍ତେଯୋ ଭୁଜବୀର୍ଯମୁପାଶ୍ରିତଃ॥ 9-2-25 (60264)
ଜାତରୂପପରିଚ୍ଛନ୍ନାଂ ପ୍ରଗୃହ୍ଯ ମହତୀଂ ଗଦାମ୍।
ନ୍ଯବଧୀତ୍ତାବକାନ୍ସର୍ବାନ୍ଦଣ୍ଡପାଣିରିବାନ୍ତକଃ॥ 9-2-26 (60265)
ପଦାତଯୋ ହି ସଂରବ୍ଧାସ୍ତ୍ଯକ୍ତଜୀବିତବାନ୍ଧବାଃ।
ଭୀମମଭ୍ଯଦ୍ରବନ୍ସଙ୍ଖ୍ଯେ ପତଙ୍ଗା ଇବ ପାବକମ୍॥ 9-2-27 (60266)
ଆସାଦ୍ଯ ଭୀମସେନଂ ତେ ସଂରବ୍ଧା ଯୁଦ୍ଧଦୁର୍ମଦାଃ।
ବିନେଦୁଃ ସହସା ଦୃଷ୍ଟ୍ବା ଭୂତଗ୍ରାମା ଇବାନ୍ତକମ୍॥ 9-2-28 (60267)
ଶ୍ଯେନବଦ୍ବ୍ଯଚରଦ୍ଭୀମଃ ଖଙ୍ଗେନ ଗଦଯା ତଥା।
ପଞ୍ଚବିଂଶତିସାହସ୍ରାଂସ୍ତାବକାନାଂ ବ୍ଯପୋଥଯତ୍॥ 9-2-29 (60268)
ହତ୍ବା ତତ୍ପୁରୁଷାନୀକଂ ଭୀମଃ ସତ୍ଯପରାକ୍ରମଃ।
ଧୃଷ୍ଟଦ୍ଯୁମ୍ନଂ ପୁରସ୍କୃତ୍ଯ ପୁନସ୍ତସ୍ଥୌ ମହାବଲଃ॥ 9-2-30 (60269)
ଧନଞ୍ଜଯୋ ରଥାନୀକମନ୍ବପଦ୍ଯତ ବୀର୍ଯବାନ୍॥ 9-2-31 (60270)
ମାଦ୍ରୀପୁତ୍ରୌ ଚ ଶକୁନିଂ ସାତ୍ଯକିଶ୍ଚ ମହାବଲଃ।
ଜବେନାଭ୍ଯପତନ୍ହୃଷ୍ଟା ଘ୍ନନ୍ତୋ ଦୌର୍ଯୋଧନଂ ବଲମ୍॥ 9-2-32 (60271)
ତସ୍ଯାଶ୍ବବାହାନ୍ସୁବହୂଂସ୍ତେ ନିହତ୍ଯ ଶିତୈଃ ଶରୈଃ।
ତମନ୍ବଧାବଂସ୍ତ୍ବରିତାସ୍ତତ୍ର ଯୁଦ୍ଧମବର୍ତତ॥ 9-2-33 (60272)
ତତୋ ଧନଞ୍ଜଯୋ ରାଜନ୍ରଥାନୀକମଗାହତ।
ବିଶ୍ରୁତଂ ତ୍ରିଷୁ ଲୋକେଷୁ ଗାଣ୍ଡୀବଂ ବ୍ଯାକ୍ଷିପନ୍ଧନୁଃ॥ 9-2-34 (60273)
କୃଷ୍ଣସାରଥିମାଯାନ୍ତଂ ଦୃଷ୍ଟ୍ବା ଶ୍ବେତହଯଂ ରଥମ୍।
ଅର୍ଜୁନଂ ଚାପି ଯୋଦ୍ବାରଂ ତ୍ବଦୀଯାଃ ପ୍ରାଦ୍ରାବନ୍ଭଯାତ୍॥ 9-2-35 (60274)
ବିପ୍ରହୀନରଥାଶ୍ବାଶ୍ଚ ଶରୈଶ୍ଚ ପରିବାରିତାଃ।
ପଞ୍ଚବିଂଶତିସାହସ୍ରାଃ ପାର୍ଥମାର୍ଚ୍ଛନ୍ପଦାତଯଃ॥ 9-2-36 (60275)
ହତ୍ବା ତତ୍ପୁରୁଷାନୀକଂ ପାଞ୍ଚାଲାନାଂ ମହାରଥଃ।
ଭୀମସେନଂ ପୁରସ୍କୃତ୍ଯ ନ ଚିରାତ୍ପ୍ରତ୍ଯଦୃଶ୍ଯତ॥ 9-2-37 (60276)
ମହାଧନୁର୍ଧରଃ ଶ୍ରୀମାନମିତ୍ରଗଣମର୍ଦନଃ।
ପୁତ୍ରଃ ପାଞ୍ଚାଲରାଜସ୍ଯ ଧୃଷ୍ଟଦ୍ଯୁମ୍ନୋ ମହାଯଶାଃ॥ 9-2-38 (60277)
ପାରାବତସବର୍ଣାଶ୍ବଂ କୋବିଦାରବରଧ୍ବଜମ୍।
ଧୃଷ୍ଟଦ୍ଯୁମ୍ନଂ ରଣେ ଦୃଷ୍ଟ୍ବା ତ୍ବଦୀଯାଃ ପ୍ରାଦ୍ରବନ୍ଭଯାତ୍॥ 9-2-39 (60278)
ଗାନ୍ଧାରରାଜଂ ଶ୍ରୀଘ୍ରାସ୍ତ୍ରମନୁସୃତ୍ଯ ଯଶସ୍ବିନୌ।
ଅଚିରାତ୍ପ୍ରତ୍ଯଦୃଶ୍ଯେତାଂ ମାଦ୍ରୀପୁତ୍ରୌ ସସାତ୍ଯକୀ॥ 9-2-40 (60279)
ଚେକିତାନଃ ଶିଖଣ୍ଡୀ ଚ ଦ୍ରୌପଦେଯାଶ୍ଚ ମାରିଷ।
ହତ୍ବା ତ୍ବଦୀଯଂ ସୁମହତ୍ସୈନ୍ଯଂ ଶଙ୍ଖାନଥାଧମନ୍॥ 9-2-41 (60280)
ତେ ସର୍ବେ ତାବକାନ୍ପ୍ରେକ୍ଷ୍ଯ ଦ୍ରବତୋ ବୈ ପରାଙ୍ମୁଖାନ୍।
ଅଭ୍ଯଧାବନ୍ତ ନିଘ୍ନନ୍ତୋ ବୃଷାଞ୍ଚିତ୍ବା ବୃଷା ଇବ॥ 9-2-42 (60281)
ସେନାବଶେଷଂ ତଂ ଦୃଷ୍ଟ୍ବା ତବ ପୁତ୍ରସ୍ଯ ପାଣ୍ଡବଃ।
ଅବସ୍ଥିତଂ ସବ୍ଯସାଚୀ ଚୁକ୍ରୋଧ ବଲବନ୍ନୃପ॥ 9-2-43 (60282)
ତତ ଏନଂ ଶରୈ ରାଜନ୍ସହସା ସମବାକିରତ୍।
ରଜସା ଚୋଦ୍ଗତେନାଥ ନ ସ୍ମ କିଞ୍ଚନ ଦୃଶ୍ଯତେ॥ 9-2-44 (60283)
ଅନ୍ଧକାରୀକୃତେ ଲୋକେ ଶରୀଭୂତେ ମହୀତଲେ।
ଦିଶଃ ସର୍ବା ମହାରାଜ ତାବକାଃ ପ୍ରାଦ୍ରବନ୍ଭଯାତ୍॥ 9-2-45 (60284)
ଭଜ୍ଯମାନେଷୁ ସର୍ବେଷୁ କୁରୁରାଜୋ ବିଶାମ୍ପତେ।
ପରେଷାମାତ୍ମନଶ୍ଚୈବ ସୈନ୍ଯେ ତେ ସମୁପାଦ୍ରବତ୍॥ 9-2-46 (60285)
ତତୋ ଦୁର୍ଯୋଧନଃ ସର୍ବାନାଜୁହାବାଥ ପାଣ୍ଡବାନ୍।
ଯୁଦ୍ଧାଯ ଭରତଶ୍ରେଷ୍ଠ ଦେବାନିବ ପୁରା ବଲିଃ॥ 9-2-47 (60286)
ତ ଏନମଭିଗର୍ଜନ୍ତଂ ସହିତାଃ ସମୁପାଦ୍ରବନ୍।
ନାନାଶସ୍ତ୍ରସୃଜଃ କ୍ରୁଦ୍ଧା ଭର୍ତ୍ସଯନ୍ତୋ ମୁହୁର୍ମୁହୁଃ॥ 9-2-48 (60287)
ଦୁର୍ଯୋଧନୋଽପ୍ଯସମ୍ଭ୍ରାନ୍ତସ୍ତାନରୀନ୍ବ୍ଯଧମଚ୍ଛରୈଃ॥ 9-2-49 (60288)
ତତ୍ରାଦ୍ଭୁତମପରଶ୍ଯାମ ତବ ପୁତ୍ରସ୍ଯ ପୌରୁଷମ୍।
ଯଦେନଂ ପାଣ୍ଡବାଃ ସର୍ବେ ନ ଶେକୁରତିବର୍ତିତୁମ୍॥ 9-2-50 (60289)
ନାତିଦୂରାପଯାତଂ ଚ କୃତବୁଦ୍ଧି ପଲାଯନେ।
ଦୁର୍ଯୋଧନଃ ସ୍ବକଂ ସୈନ୍ଯମପଶ୍ଯକଦ୍ଭୃଶବିକ୍ଷତମ୍॥ 9-2-51 (60290)
ତତୋଽବସ୍ଥାପ୍ଯ ରାଜେନ୍ଦ୍ର କୃତବୁଦ୍ଧିସ୍ତବାତ୍ମଜଃ।
ହର୍ଷଯନ୍ନିବ ତାନ୍ଯୋଧାଂସ୍ତତୋ ବଚନମବ୍ରବୀତ୍॥ 9-2-52 (60291)
ନ ତଂ ଦେଶଂ ପ୍ରପଶ୍ଯାମି ପୃଥିବ୍ଯାଂ ପର୍ବତେଷୁ ଚ।
ଯତ୍ର ଯାତାନ୍ନ ବୋ ହନ୍ଯୁଃ ପାଣ୍ଡବାଃ କିଂ ସୃତେନ ବଃ॥ 9-2-53 (60292)
ସ୍ବଲ୍ପଂ ଚୈବ ବଲଂ ତେଷାଂ କୃଷ୍ଣୌ ଚ ଭୃଶବିକ୍ଷତୌ।
ଯଦି ସର୍ବେଽପି ତିଷ୍ଠାମୋ ଧ୍ରୁବଂ ନୋ ବିଜଯୋ ଭବେତ୍॥ 9-2-54 (60293)
ବିପ୍ଲଯାତାଂସ୍ତୁ ବୋ ଭିନ୍ନାନ୍ପାଣ୍ଡବାଃ କୃତକିଲ୍ପିଷାନ୍।
ଅନୁସୃତ୍ଯ ହନିଷ୍ଯନ୍ତି ଶ୍ରେଯୋଃ ନ ସମରେ ବଧଃ॥ 9-2-55 (60294)
ସୁଖଃ ସାଙ୍ଗ୍ରାମିକୋ ମୃତ୍ଯୁଃ କ୍ଷତ୍ରଧର୍ମେଣ ଯୁଧ୍ଯତାମ୍।
ମୃତୋ ଦୁଃଖଂ ନ ଜାନୀତେ ପ୍ରେତ୍ଯ ଚାନନ୍ତ୍ଯମଶ୍ନୁତେ॥ 9-2-56 (60295)
ଶୃଣ୍ବନ୍ତୁ କ୍ଷତ୍ରିଯାଃ ସର୍ବେ ଯାବନ୍ତୋଽତ୍ର ସମାଗତାଃ।
ଦ୍ବିଷତୋ ଭୀମସେନସ୍ଯ ବଶମେଷ୍ଯଥ ବିଦ୍ରୁତାଃ॥ 9-2-57 (60296)
ପିତାମହୈରାଚରିତଂ ନ ଧର୍ମଂ ହାତୁମର୍ହଥ।
ନାନ୍ଯତ୍କର୍ମାସ୍ତି ପାପୀଯଃ କ୍ଷତ୍ରିଯସ୍ଯ ପଲାଯନାତ୍॥ 9-2-58 (60297)
ନ ଯୁଦ୍ବଧର୍ମାଚ୍ଛ୍ରେଯାନ୍ହି ପନ୍ଥାଃ ସ୍ବର୍ଗସ୍ଯ କୌରବାଃ।
ସୁଚିରେଣାର୍ଜିତାଁଲୋକାନ୍ସଦ୍ଯୋ ଯୁଦ୍ଧାତ୍ସମଶ୍ନୁତେ॥ 9-2-59 (60298)
ତସ୍ଯ ତଦ୍ବଚନଂ ରାଜ୍ଞଃ ପୂଜଯିତ୍ବା ମହାରଥାଃ।
ପୁନରେବାଭ୍ଯବର୍ତନ୍ତ କ୍ଷତ୍ରିଯାଃ ପାଣ୍ଡବାନ୍ପ୍ରତି।
ପରାଜଯମମୃଷ୍ଯନ୍ତ କୃତଚିତ୍ତାଶ୍ଚ ବିକ୍ରମେ॥ 9-2-60 (60299)
ତତଃ ପ୍ରବବୃତେ ଯୁଦ୍ଧଂ ପୁନରେବ ସୁଦାରୁଣମ୍।
ତାବକାନାଂ ପରେଷାଂ ଚ ଦେବାସୁରରଣୋପମମ୍॥ 9-2-61 (60300)
ଯୁଧିଷ୍ଠିରପୁରୋଗାଂଶ୍ଚ ସର୍ବସୈନ୍ଯେନ ପାଣ୍ଡବାନ୍।
ଅନ୍ବଧାବନ୍ମହାରାଜ ପୁତ୍ରୋ ଦୁର୍ଯୋଧନସ୍ତବ॥] ॥ 9-2-62 (60301)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଶଲ୍ଯବଧପର୍ବଣି ଅଧ୍ଯାଯଃ॥
Mahabharata - Shalya Parva - Chapter Footnotes
9-2-2 ସଧୂମମିବ ଅତ୍ଯୁଷ୍ଣିତ୍ଯର୍ଥଃ॥ 9-2-14 ପରିଷ୍ବଜ୍ଯ ଚ ମାଂ କଣ୍ଠେ ସ୍ନେହେନ କ୍ଲିନ୍ନଲୋଚନଃ। ଅନୁଶାଧୀତି କୌରବ୍ଯ ତତ୍ସାଧୁ ବଦ ମେ ବଚଃ ଇତି ଝ.ପାଠଃ॥ 9-2-37 ପ୍ରତିମାନଂ କେତୁଭୂତଃ॥ 9-2-61 କେଚିତ୍ସମ୍ଯକ୍ପ୍ରପଶ୍ଯନ୍ତି ମୂଢାସ୍ତୁ ନ ତଥା ପରେ ଇତି ଖ.ପାଠଃ। ସମ୍ଯଗବେକ୍ଷ୍ଯ ନିପୁଣଂ ବିଭାବ୍ଯାପି ମୂଢାସ୍ତଥାଭୂତଂ ତଦ୍ବଚଃ କେଚିନ୍ନ ପଶ୍ଯନ୍ତୀତି ସମ୍ବନ୍ଧଃ। ତଥାଭୂତଂ ଯଥାର୍ଥମ୍॥ 9-2-2 ଦ୍ବିତୀଯୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 003
॥ ଶ୍ରୀଃ ॥
9.3. ଅଧ୍ଯାଯଃ 003
Mahabharata - Shalya Parva - Chapter Topics
କୃପେଣ କର୍ଣବଧଦୁଃଖିତଂ ଦୁର୍ଯୋଧନଂ ପ୍ରତି ସ୍ବପରକ୍ଷଯୋର୍ଦୌର୍ବଲ୍ଯପ୍ରାବଲ୍ଯାଭିଧାନପୂର୍ବକମୁପାଯଂ ପ୍ରଦର୍ଶ୍ଯ ସନ୍ଧିବିଧାନମ୍॥ 1 ॥Mahabharata - Shalya Parva - Chapter Text
9-16-0 (60302)
ସଞ୍ଜଯ ଉବାଚ। 9-16-0x (5088)
ଶୃଣୁ ରାଜନ୍ନବହିତୋ ଯଥାବୃତ୍ତୋ ମହାନ୍କ୍ଷଯଃ।
କୁରୂଣାଂ ପାଣ୍ଡବାନାଂ ଚ ସମାସାଦ୍ଯ ପରସ୍ପରମ୍॥ 9-16-1 (60303)
ନିହତେ ସୂତପୁତ୍ରେ ଚ ଫଲ୍ଗୁନେନ ମହାତ୍ମନା।
ବିଦ୍ରୁତେଷୁ ଚ ସୈନ୍ଯେଷୁ ସମାନୀତେଷୁ ଚାସକୃତ୍॥ 9-16-2 (60304)
ବିମୁଖେ ତବ ପୁତ୍ରେ ଚ ଶୋକୋପହତଚେତସି।
ଭୃଶୋଦ୍ବିଗ୍ନେଷୁ ସୈନ୍ଯେଷୁ ଦୃଷ୍ଟ୍ବା ପାର୍ଥସ୍ଯ ବିକ୍ରମମ୍॥ 9-16-3 (60305)
ଧ୍ଯାଯମାନେଷୁ ଯୋଧେଷୁ ଦୁଋଖଂ ପ୍ରାପ୍ତେଷୁ ଭାରତ।
ବଲାନାଂ ମତ୍ଯମାନାନାଂ ଶ୍ରୁତ୍ବା ନିନଦମୁତ୍ତମମ୍॥ 9-16-4 (60306)
ଅଭିଜ୍ଞାନଂ ନରେନ୍ଦ୍ରାଣାଂ ବିକୃତଂ ପ୍ରେକ୍ଷ୍ଯ ସଂଯୁଗେ।
ପତିତାନବନୀପାଲାନ୍ଧବଜାଂଶ୍ଚୈବ ମହାତ୍ମନାମ୍।
ରଣେ ବିନିହତାନ୍ନାଗାନ୍ଦୃଷ୍ଟ୍ବା ପତ୍ତୀଂଶ୍ଚ ଭାରତ॥ 9-16-5 (60307)
ଆଯୋଧନଂ ମହାଘୋରଂ ରୁଦ୍ରସ୍ଯାକ୍ରୀଡସନ୍ନିଭମ୍।
ଅପ୍ରଖ୍ଯାତିଂ ଗତାନାଂ ତୁ ରାଜ୍ଞାଂ ଶତସହସ୍ରଶଃ॥ 9-16-6 (60308)
କୃପାବିଷ୍ଟଃ କୃପୋ ଦୃଷ୍ଟ୍ବା ବଯଃ ଶୀଲସମନ୍ବିତଃ।
ଅବ୍ରବୀତ୍ତତ୍ର ତେଜସ୍ବୀ ସୋଽଭିସୃତ୍ଯ ଜନାଧିପମ୍।
ଦୁର୍ଯୋଧନମନୁକ୍ରୋଶାଦ୍ବାକ୍ଯଂ ବାକ୍ଯବିଶାରଦଃ॥ 9-16-7 (60309)
ଦୁର୍ଯୋଧନ ନିବୋଧେଯଂ ଯତ୍ତ୍ବାଂ ବକ୍ଷ୍ଯାମି କୌରବ।
ଶ୍ରୁତ୍ବା କୁରୁ ମହାରାଜ ଯଦି ତେ ରୋଚତେଽନଘ॥ 9-16-8 (60310)
ନ ଯୁଦ୍ଧଧର୍ମାଚ୍ଛ୍ରେଯାନ୍ବୈ ପନ୍ଥା ରାଜେନ୍ଦ୍ର ବିଦ୍ଯତେ।
ଯଂ ସମାଶ୍ରିତ୍ଯ ଯୁଧ୍ଯନ୍ତେ କ୍ଷତ୍ରିଯାଃ କ୍ଷତ୍ରିଯର୍ଷଭ॥ 9-16-9 (60311)
ପୁତ୍ରୋ ଭ୍ରାତା ପିତା ଚୈବ ସ୍ବସ୍ରୀଯୋ ମାତୁଲସ୍ତଥା।
ସମ୍ବନ୍ଧିବାନ୍ଧବାଶ୍ଚୈବ ଯୋଦ୍ବବ୍ଯାଃ କ୍ଷତ୍ରଜୀବିନ॥ 9-16-10 (60312)
ବଧେ ଚୈବ ପରୋ ଧର୍ମସ୍ତଥାଽଧର୍ମଃ ପଲାଯନେ।
ତେ ସ୍ମ ଘୋରାଂ ସମାପନ୍ନା ଜୀବିକାଂ ଜୀବିତାର୍ଥିନଃ।
ତଦତ୍ର ପ୍ରତିବକ୍ଷ୍ଯାମି କିଞ୍ଚିଦେବ ହିତଂ ବଚଃ॥ 9-16-11 (60313)
ହତେ ଭୀଷ୍ମେ ଚ ଦ୍ରୋଣେ ଚ କର୍ଣେ ଚୈବ ମହାରଥେ।
ଜଯଦ୍ରଥେ ଚ ନିହତେ ତବ ଭ୍ରାତୃଷୁ ଚାନଘ।
ଲକ୍ଷ୍ମଣେ ତବ ପୁତ୍ରେ ଚ କିଂ ଶେଷଂ ପର୍ଯୁପାସ୍ମହେ॥ 9-16-12 (60314)
ଯେଷୁ ଭାରଂ ସମାସଜ୍ଯ ରାଜ୍ଯେ ମତିମକୁର୍ମହି।
ତେ ସନ୍ତ୍ଯଜ୍ଯ ତନୂର୍ଯାତାଃ ଶୂରା ବ୍ରହ୍ମବିଦାଂ ଗତିମ୍॥ 9-16-13 (60315)
ବଯଂ ତ୍ବିହ ବିନାଭୂତା ଗୁଣବଦ୍ଭିର୍ମହାରଥୈଃ।
କୃପଣଂ ବର୍ତଯିଷ୍ଯାମଃ ପାତଯିତ୍ବା ନୃପାନ୍ବହୂନ୍॥ 9-16-14 (60316)
ସର୍ବୈରଥ ଚ ଜୀବଦ୍ଭିର୍ବୀଭତ୍ସୁରପରାଜିତଃ।
କୃଷ୍ଣନେତ୍ରୋ ମହାବାହୁର୍ଦେବୈରପି ଦୁରାସଦଃ॥ 9-16-15 (60317)
ଇନ୍ଦ୍ରକାର୍ମୁକବଜ୍ରାଭମିନ୍ଦ୍ରକେତୁମିବୋଚ୍ଛ୍ରିତମ୍।
ବାନରଂ କେତୁମାସାଦ୍ଯ ସଞ୍ଚଚାଲ ମହାଚମୂଃ॥ 9-16-16 (60318)
ସିଂହନାଦେନ ଭୀମସ୍ଯ ପାଞ୍ଚଜନ୍ଯସ୍ବନେନ ଚ।
ଗାଣ୍ଡୀବସ୍ଯ ଚ ନିର୍ଘୋଷାତ୍ସମ୍ମୁହ୍ଯନ୍ତେ ମନାଂସି ନଃ॥ 9-16-17 (60319)
ସ୍ଫୁରନ୍ତୀବ ମହାବିଦ୍ଯୁନ୍ମୁଷ୍ଣନ୍ତୀ ନଯନପ୍ରଭାମ୍।
ଅଲାତମିବ ଚାବିଦ୍ବଂ ଗାଣ୍ଡବୀଂ ସମଦୃଶ୍ଯତ॥ 9-16-18 (60320)
ଜାମ୍ବୂନଦବିଚିତ୍ରଂ ଚ ଧୂଯମାନଂ ମହଦ୍ଧନୁଃ।
ଦୃଶ୍ଯତେ ଦିକ୍ଷୁ ସ୍ରବାସୁ ବିଦ୍ଯୁଦଭ୍ରଘନେଷ୍ବିବ॥ 9-16-19 (60321)
ଉହ୍ଯମାନଶ୍ଚ କୃଷ୍ଣେନ ବାଯୁନେବ ବଲାହକଃ।
ତାବକଂ ତଦ୍ବଲଂ ରାଜନ୍ନର୍ଜୁନୋଽସ୍ତ୍ରବିଶାରଦଃ।
ଗହନଂ ଶିଶିରାପାଯେ ଦଦାହାଗ୍ନିରିବୋଲ୍ବଣଃ॥ 9-16-20 (60322)
ଗାହମାନମନୀକାନି ମହେନ୍ଦ୍ରସଦୃଶପ୍ରଭମ୍।
ବିକ୍ଷୋଭଯନ୍ତଂ ସେନାଂ ବୈ ତ୍ରାସଯନ୍ତଂ ଚ ପାର୍ଥିବାନ୍।
ଧନଞ୍ଜଯମପଶ୍ଯାମ ନଲିନୀମିବ କୁଞ୍ଜରମ୍॥ 9-16-21 (60323)
ତ୍ରାସଯନ୍ତଂ ତଥା ଯୋଧାନ୍ଧନୁର୍ଘୋଷେଣ ପାଂଣ୍ଡବମ୍।
ଭୂଯ ଏନମପଶ୍ଯାମ ସିଂହଂ ମୃଗଗଣାନିବ॥ 9-16-22 (60324)
ସର୍ବଲୋକମହେଷ୍ବାସୋ ବୃଷଭୌ ସର୍ବଧନ୍ବିନାମ୍।
ଆମୁକ୍ତକବଚୌ କୃଷ୍ଣୌ ଲୋକମଧ୍ଯେ ବିରେଜତୁଃ॥ 9-16-23 (60325)
ଅଦ୍ଯ ସପ୍ତଦଶାହାନି ବର୍ତମାନସ୍ଯ ଭାରତ।
ସଙ୍ଗ୍ରାମସ୍ଯାତିଘୋରସ୍ଯ ଯୁଧ୍ଯତାଂ ଚାଭିତୋ ଯୁଧି॥ 9-16-24 (60326)
ବାଯୁନେବ ବିଧୂତାନି ଏବ ସୈନ୍ଯାନି ଗଚ୍ଛତା।
ଶରଦମ୍ଭୋଦଜାଲାନି ବିଶୀର୍ଯନ୍ତେ ସମନ୍ତତଃ॥ 9-16-25 (60327)
ତାଂ ନାବମିବ ପର୍ଯସ୍ତାଂ ମଜ୍ଜମାନାଂ ମହାର୍ଣବେ।
ତବ ସେନାଂ ମହାରାଜ ସବ୍ଯସାଚୀ ବ୍ଯକମ୍ପଯତ୍॥ 9-16-26 (60328)
କ୍ବନୁ ତେ ସୂତପୁତ୍ରୋଽଭୂତ୍କ୍ବନୁ ଦ୍ରୋଣଃ ସହାତ୍ମଜଃ।
ଅହଂ କ୍ବ ଚ କ୍ବ ଚାତ୍ମା ତେ ହାର୍ଦିକ୍ଯଶ୍ଚ ତଥା କ୍ବନୁ॥ 9-16-27 (60329)
ଦୁଃଶାସନଶ୍ଚ ତେ ଭ୍ରାତା ଭ୍ରାତୃଭିଃ ସହିତଃ କ୍ବନୁ॥ 9-16-28 (60330)
ବାଣଗୋଚରସମ୍ପ୍ରାପ୍ତଂ ଯୁଧ୍ଯମାନଂ ଜଯଦ୍ରଥମ୍।
ସମ୍ବନ୍ଧିନସ୍ତେ ଭ୍ରାତୄଂଶ୍ଚ ସାହଯାନ୍ମାତୁଲାଂସ୍ତଥା।
ସର୍ବାନ୍ବିକ୍ରମ୍ଯ ମିପତୋ ଲୋକମାକ୍ରମ୍ଯ ମୂର୍ଧନି॥ 9-16-29 (60331)
ଜଯଦ୍ରଥୋ ହତୋ ରାଜନ୍କିନ୍ନୁ ଶେଷମୁପାସ୍ମହେ।
କୋ ବେହ ସ ପୁମାନାସ୍ତେ ଯୋ ବିଜେଷ୍ଯତି ପାଣ୍ଡବମ୍॥ 9-16-30 (60332)
ତସ୍ଯ ଚାସ୍ତ୍ରାଣି ଦିବ୍ଯାନି ବିଦିତାନି ମହାତ୍ମନଃ।
ଗାଣ୍ଡୀବସ୍ଯ ଚ ନିର୍ଘୋଷୋ ଧୈର୍ଯାଣି ହରତେ ହି ନଃ॥ 9-16-31 (60333)
ନଷ୍ଟଚନ୍ଦ୍ରା ଯଥା ରାତ୍ରିଃ ସେନେଯଂ ହତନାଯକା।
ନାଗଭଗ୍ନଦ୍ରୁମା ଶୁଷ୍କା ନଦୀବ ପ୍ରତିଭାତି ମେ॥ 9-16-32 (60334)
ଧ୍ବଜିନ୍ଯାଂ ହତନେତ୍ରାଯାଂ ଯଥେଷ୍ଟଂ ଶ୍ବେତବାହନଃ।
ଚରିଷ୍ଯତି ମହାରାଜଃ କକ୍ଷେଷ୍ବଗ୍ନିରିବ ଜ୍ବଲନ୍॥ 9-16-33 (60335)
ସାତ୍ଯକେଶ୍ଚୈବ ଯୋ ବେଗୋ ଭୀମସେନସ୍ଯ ଚୋଭଯୋଃ।
ଦାରଯେତ ଗିରୀନ୍ସର୍ବାଞ୍ଶୋଷଯେଚ୍ଚୈବ ସାଗରାନ୍॥ 9-16-34 (60336)
ଉବାଚ ବାକ୍ଯଂ ଯଦ୍ଭୀମଃ ସଭାମଧ୍ଯେ ବିଶାମ୍ପତେ।
କୃତଂ ତତ୍ସଫଲଂ ସର୍ବଂ ଭୂଯଶ୍ଚୈବ କରିଷ୍ଯତି॥ 9-16-35 (60337)
ପ୍ରମୁଖସ୍ଥେ ତଦା କର୍ଣେ ବଲଂ ପାଣ୍ଡବରକ୍ଷିତମ୍।
ଦୁରାସଦଂ ତଦା ଗୁପ୍ତଂ ବ୍ଯୂଢଂ ଗାଣ୍ଡୀବଧନ୍ବନା॥ 9-16-36 (60338)
ଯୁଷ୍ମାଭିସ୍ତାନି ଚୀର୍ଣାନି ଯାନ୍ଯସାଧୂନି ସାଧୁଷୁ।
ଅକାରଣକୃତାନ୍ଯେବ ତେଷାଂ ବଃ ଫଲମାଗତମ୍॥ 9-16-37 (60339)
ଆତ୍ମନୋଽର୍ଥେ ତ୍ବଯା ଲୋକେ ଯତ୍ନତଃ ସର୍ବ ଆହୃତଃ।
ସ ତେ ସଂଶଯିତସ୍ତାତ ଆତ୍ମା ଚ ଭରତର୍ଷଭ॥ 9-16-38 (60340)
ରକ୍ଷ ଦୁର୍ଯୋଧନାତ୍ମାନମାତ୍ମା ସର୍ବସ୍ଯ ଭାଜନମ୍।
ଭିନ୍ନେ ହି ଭାଜନେ ତାତ ଦିଶୋ ଗଚ୍ଛତି ତଦ୍ଗତମ୍॥ 9-16-39 (60341)
ହୀଯମାନେନ ବୈ ସନ୍ଧିଃ ପର୍ଯେଷ୍ଟବ୍ଯଃ ସମେନ ବା।
ବିଗ୍ରହୋ ବର୍ଧମାନେନ ନୀତିରେଷା ବୃହସ୍ପତେଃ॥ 9-16-40 (60342)
ତେ ବଯଂ ପାଣ୍ଡୁପୁତ୍ରେଭ୍ଯୋ ହୀନାଃ ସ୍ମ ବଲଶକ୍ତିତଃ।
ଅତ୍ର ତେ ପାଣ୍ଡବୈଃ ସାର୍ଧଂ ସନ୍ଧିଂ ମନ୍ଯେ କ୍ଷମଂ ପ୍ରଭୋ॥ 9-16-41 (60343)
ନ ଜାନୀତେ ହି ଯଃ ଶ୍ରେଯଃ ଶ୍ରେଯସଶ୍ଚାବମନ୍ଯତେ।
ସ କ୍ଷିପ୍ରଂ ଭ୍ରଶ୍ଯତେ ରାଜ୍ଯାନ୍ନ ଚ ଶ୍ରେଯୋଽନୁବିନ୍ଦତି॥ 9-16-42 (60344)
ଅଣିପତ୍ଯ ହି ରାଜାନଂ ରାଜ୍ଯଂ ଯଦି ଲଭେମହି।
ଶ୍ରେଯଃ ସ୍ଯାନ୍ନ ତୁ ମୌଢ୍ଯେନ ରାଜନ୍ଗନ୍ତୁଂ ପରାଭବମ୍॥ 9-16-43 (60345)
ବୈଚିତ୍ରବୀର୍ଯବଚନାତ୍କୃପାଶୀଲୋ ଯୁଧିଷ୍ଠିରଃ।
ବିନିଯୁଞ୍ଜୀତ ରାଜ୍ଯେ ତ୍ବାଂ ଗୋବିନ୍ଦବଚନେନ ଚ॥ 9-16-44 (60346)
`ଅଜାତଶତ୍ରୁଃ କୌରବ୍ଯୋ ଗୁରୁଶୁଶ୍ରୂଷଣେ ରତଃ।
ଧୃତରାଷ୍ଟ୍ରସ୍ଯ ବଚନଂ ନାବମଂସ୍ଯତି ଧାର୍ମିକଃ॥ 9-16-45 (60347)
କୁର୍ବନ୍ତି ଭ୍ରାତରଶ୍ଚାସ୍ଯ ବଚନଂ ନାତ୍ର ସଂଶଯଃ॥ 9-16-46 (60348)
ଯଦ୍ବ୍ରୂଯାଦ୍ଧି ହୃଷୀକେଶୋ ରାଜାନମପରାଜିତମ୍।
ଅର୍ଜୁନୋ ଭୀମସେନଶ୍ଚ ସର୍ବେ କୁର୍ଯୁରସଂଶଯମ୍॥ 9-16-47 (60349)
ନାତିକ୍ରମିଷ୍ଯତେ କୃଷ୍ଣୋ ବଚନଂ ପାଣ୍ଡବସ୍ଯ ତୁ।
ଧୃତରାଷ୍ଟ୍ରସ୍ଯ ମନ୍ଯେଽହଂ ନାପି କୃଷ୍ଣସ୍ଯ ପାଣ୍ଡବଃ॥ 9-16-48 (60350)
ଏତତ୍କ୍ଷମମହଂ ମନ୍ଯେ ତବ ପାର୍ଥୈରବିଗ୍ରହମ୍।
ନ ତ୍ବାଂ ବ୍ରବୀମି କାର୍ପଣ୍ଯାନ୍ନ ପ୍ରାଣପରିରକ୍ଷଣାତ୍॥ 9-16-49 (60351)
ପଥ୍ଯଂ ରାଜନ୍ବ୍ରବୀମି ତ୍ବାଂ ତତ୍ପରାସୁଃ ସ୍ମରିଷ୍ଯସି॥ 9-16-50 (60352)
ଇତି ବୃଦ୍ଧୋ ବିଲପ୍ଯୈତତ୍କୃପଃ ଶାରଦ୍ବତୋ ବଚଃ।
ଦୀର୍ଘମୁଷ୍ଣଂ ଚ ନିଃଶ୍ବସ୍ଯଶୁଶୋଚ ଚ ମୁମୋହ ଚ॥ ॥ 9-16-51 (60353)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଶଲ୍ଯବଧପର୍ବଣି ତୃତୀଯୋଽଧ୍ଯାଯଃ॥ 3 ॥
Mahabharata - Shalya Parva - Chapter Footnotes
9-16-12 ଶେଷାସ୍ତ୍ବାଂ ପର୍ଯୁପାସ୍ମହେ ଇତି ଙ.ପାଠଃ॥ 9-16-15 କୃଷ୍ଣୋ ନେତ୍ରଂ ନେତା ଯସ୍ଯ ସ ତଥା॥ 9-16-24 ବର୍ତମାନସ୍ଯ ସଙ୍ଗ୍ରାମସ୍ଯ ଅଭିତୋ ବଧ୍ଯତାଂ ବଧ୍ଯମାନାନାଂ ଚ ଅଦ୍ଯ ସପ୍ତଦଶାହାନି ଜାତାନୀତ୍ଯନ୍ବଯଃ। ଜାତାନୀତି ଶେଷଃ॥ 9-16-47 ଅର୍ଜୁନଂ ଭୀମସେନଂ ଚ ଇତି ଝ. ପାଠଃ। ଅସଂଶଯଂ ଗତବୈରମିତ୍ଯର୍ଥଃ॥ 9-16-48 ବଚନଂ କୌରବସ୍ଯ ତୁ ଇତି ଝ. ପାଠଃ॥ 9-16-3 ତୃତୀଯୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 004
॥ ଶ୍ରୀଃ ॥
9.4. ଅଧ୍ଯାଯଃ 004
Mahabharata - Shalya Parva - Chapter Topics
ଦୁର୍ଯୋଧନେନ କୃପମ୍ପ୍ରତି କାରଣକଥନପୂର୍ବକଂ ସନ୍ଧ୍ଯନଙ୍ଗୀକରଣମ୍॥ 1 ॥Mahabharata - Shalya Parva - Chapter Text
9-16-0 (60354)
ସଞ୍ଜଯ ଉବାଚ। 9-16-0x (5089)
ଏବମୁକ୍ତସ୍ତତୋ ରାଜା ଗୌତମେନ ତପସ୍ବିନା।
ନିଃଶ୍ବସ୍ଯ ଦୀର୍ଘମୁଷ୍ଣଂ ଚ ତୂଷ୍ଣୀମାସୀଦ୍ବିଶାମ୍ପତେ॥ 9-16-1 (60355)
ତତୋ ମୁହୂର୍ତଂ ସ ଧ୍ଯାତ୍ବା ତବ ପୁତ୍ରୋ ମହାମନାଃ।
କୃପଂ ଶାରଦ୍ବତଂ ବାକ୍ଯମିତ୍ଯୁବାଚ ପରନ୍ତପଃ॥ 9-16-2 (60356)
ଯତ୍କିଞ୍ଚିତ୍ସୁହୃଦା ବାଚ୍ଯଂ ତତ୍ସର୍ବଂ ଶ୍ରାବିତୋ ହ୍ଯହମ୍।
କୃତଂ ଚ ଭବତା ସର୍ବଂ ପ୍ରାଣାନ୍ସନ୍ତ୍ଯଜ୍ଯ ଯୁଧ୍ଯତା॥ 9-16-3 (60357)
ଗାହମାନମନୀକାନି ଯୁଧ୍ଯମାନଂ ମହାରଥୈଃ।
ପାଣ୍ଡବୈରତିତେଜୋଭିର୍ଲୋକସ୍ତ୍ବାମନୁଦୃଷ୍ଟବାନ୍॥ 9-16-4 (60358)
ସୁହୃଦା ଯଦିଦଂ ବାକ୍ଯଂ ଭବତା ଶ୍ରାବିତୋ ହ୍ଯହମ୍।
ନ ମାଂ ପ୍ରୀଣାତି ତତ୍ସର୍ବଂ ମୁମୂର୍ଷୋରିବ ଭେଷଜମ୍॥ 9-16-5 (60359)
ହେତୁକାରଣସଂଯୁକ୍ତଂ ହିତଂ ବଚନମୁତ୍ତମମ୍।
ଉଚ୍ଯମାନଂ ମହାବାହୋ ନ ମେ ବିପ୍ରାଗ୍ର୍ଯ ରୋଚନେ॥ 9-16-6 (60360)
ରାଜ୍ଯାଦ୍ବିନିକୃତୋଽସ୍ମାଭିଃକଥଂ ସୋସ୍ମାସୁ ବିଶ୍ବସେତ୍॥ 9-16-7 (60361)
ଅକ୍ଷଦ୍ଯୂତେ ଚ ନୃପତିର୍ଜିତୋଽସ୍ମାଭିର୍ମହାଧନଃ।
ସ କଥଂ ମମ ବାକ୍ଯାନି ଶ୍ରଦ୍ଦଧ୍ଯାଦ୍ଭୂଯ ଏବ ତୁ॥ 9-16-8 (60362)
ତଥା ଦୂତ୍ଯେନ ସମ୍ପ୍ରାପ୍ତଃ କୃଷ୍ଣଃ ପାର୍ଥହିତେ ରତଃ।
ପ୍ରଲବ୍ଧଶ୍ଚ ହୃଷୀକେଶସ୍ତଚ୍ଚ କର୍ମାବିଚାରିତମ୍।
ସ ଚ ମେ ବଚନଂ ବ୍ରହ୍ମନ୍କଥମେବାଭିମନ୍ଯତେ॥ 9-16-9 (60363)
ବିଲଲାପ ଚ ଯତ୍କୃଷ୍ଣା ସଭାମଧ୍ଯେ ସମେଯୁଷୀ।
ନ ତନ୍ମର୍ଷଯତେ କୃଷ୍ଣୋ ନ ରାଜ୍ଯହରଣଂ ତଥା॥ 9-16-10 (60364)
ଏକପ୍ରାଣାବୁଭୌ କୃଷ୍ଣାବନ୍ଯୋନ୍ଯମଭିସଂଶ୍ରିତୌ।
ପୁରା ଯଚ୍ଛ୍ରୁତମେବାସୀଦଦ୍ଯ ପଶ୍ଯାମି ତତ୍ପ୍ରଭୋ॥ 9-16-11 (60365)
ସ୍ବସ୍ରୀଯଂ ନିହତଂ ଦୃଷ୍ଟ୍ବା ଦୁଃଖଂ ସ୍ବପିତି କେଶବଃ।
କୃତାଗସୋ ବ ଯଂ ତସ୍ଯ ହିତଂ ମେ ସ କଥଂ ଚରେତ୍॥ 9-16-12 (60366)
ଅଭିମନ୍ଯୋର୍ବିନାଶେନ ନ ଶର୍ମ ଲଭତେଽର୍ଜୁନଃ।
ସ କଥଂ ମଦ୍ଧିତେ ଯତ୍ନଂ ପ୍ରକରିଷ୍ଯତି ଯାଚିତଃ॥ 9-16-13 (60367)
ମଧ୍ଯମଃ ପାଣ୍ଡବସ୍ତୀକ୍ଷ୍ଣୋ ଭୀମସେନୋ ମହାବଲଃ।
ପ୍ରତିଜ୍ଞାତଂ ଚ ତେନୋଗ୍ରଂ ଭଜ୍ଯେତାପି ନ ସନ୍ନମେତ୍॥ 9-16-14 (60368)
ଉଭୌ ତୌ ବଦ୍ଧନିସ୍ତ୍ରିଂଶାବୁଭୌ ଚାବଦ୍ଧକଙ୍କଟୌ।
କୃତବୈରାବୁଭୌ ବୀରୌ ଯମାବପି ଯମୋପମୌ॥ 9-16-15 (60369)
ଧୃଷ୍ଟଦ୍ଯୁମ୍ନଃ ଶିଖଣ୍ଡୀ ଚ କୃତବୈରୌ ମଯା ସହ।
ତୌ କଥଂ ମଦ୍ବିତେ ଯତ୍ନଂ କୁର୍ଯାତାଂ ଦ୍ବିଜସତ୍ତମ॥ 9-16-16 (60370)
ଦୁଃଶାସନେନ ଯତ୍କୃଷ୍ଣା ଏକବସ୍ତ୍ରା ରଜସ୍ବଲା।
ପରିକ୍ଲିଷ୍ଟା ସଭାମଧ୍ଯେ ସର୍ବଲୋକସ୍ଯ ପଶ୍ଯତଃ॥ 9-16-17 (60371)
ତଥା ବିବସନାଂ ଦୀନାଂ ସ୍ମରନ୍ତ୍ଯଦ୍ଯାପି ପାଣ୍ଡବାଃ।
ନ ନିବାରଯିତୁଂ ଶକ୍ଯାଃ ସଙ୍ଗ୍ରାମାତ୍ତେ ପରନ୍ତପାଃ॥ 9-16-18 (60372)
ଯଦା ଚ ଦ୍ରୌପଦୀ କ୍ଲିଷ୍ଟା ମଦ୍ବିନାଶାଯ ଦୁଃଖିତା।
ଉଗ୍ରଂ ତେପେ ତପଃ କୃଷ୍ଣା ଭର୍ତୄଣାମର୍ଥସିଦ୍ଧଯେ।
ସ୍ଥଣ୍ଡିଲେ ନିତ୍ଯଦା ଶେତେ ଯାବଦ୍ବୈରସ୍ଯ ଯାତନମ୍॥ 9-16-19 (60373)
ନିକ୍ଷିପ୍ଯ ମାନଂ ଦର୍ପଂ ଚ ବାସୁଦେବସହୋଦରା।
କୃଷ୍ଣାଯାଃ ପ୍ରେଷ୍ଯବଦ୍ଭୂତ୍ବା ଶୁଶ୍ରୂଷାଂ କୁରୁତେ ସଦା॥ 9-16-20 (60374)
ଇତି ସର୍ବଂ ସମୁନ୍ନଦ୍ଧଂ ନ ନିର୍ବାତି କଥଞ୍ଚନ।
ଅଭିମନ୍ଯୋର୍ବିନାଶେନ ସ ସନ୍ଧେଯଃ କଥଂ ମଯା॥ 9-16-21 (60375)
କଥଂ ଚ ରାଜା ଭୁକ୍ତ୍ବେମାଂ ପୃଥିବୀଂ ସାଗରାମ୍ବରାମ୍।
ପାଣ୍ଡବାନାଂ ପ୍ରସାଦେନ ଭୋକ୍ଷ୍ଯେ ରାଜ୍ଯମହଂ କଥମ୍॥ 9-16-22 (60376)
ଉପର୍ଯୁପରି ରାଜ୍ଞାଂ ବୈ ଜ୍ବଲିତ୍ବା ଭାସ୍କରୋ ଯଥା।
ଯୁଧିଷ୍ଠିରଂ କଥଂ ପଞ୍ଚାଦନୁଯାସ୍ଯାମି ଦାସବତ୍॥ 9-16-23 (60377)
କଥଂ ଭୁକ୍ତ୍ବା ସ୍ବଯଂ ଭୋଗାନ୍ଦତ୍ତ୍ବା ଦାଯାଂଶ୍ଚ ପୁଷ୍କଲାନ୍।
କୃପଣଂ ବର୍ତଯିଷ୍ଯାମି କୃପଣୈଃ ସହ ଜୀବିକାମ୍॥ 9-16-24 (60378)
ନାଭ୍ଯସୂଯାମି ତେ ବାକ୍ଯମୁକ୍ତଂ ସ୍ନିଗ୍ଧଂ ହିତଂ ତ୍ବଯା॥
ନ ତୁ ସନ୍ଧିମହଂ ମନ୍ଯେ ପ୍ରାପ୍ତକାଲଂ କଥଞ୍ଚନ। 9-16-25 (60379)
ସୁନୀତମନୁପଶ୍ଯାମି ସୁଯୁଦ୍ଧେନ ପରନ୍ତପ॥ 9-16-26 (60380)
ନାଯଂ କ୍ଲୀବାଯିତୁଂ କାଲଃ ସଂଯୋଦ୍ବୁଂ କାଲ ଏବ ନଃ॥ 9-16-27 (60381)
ଇଷ୍ଟଂ ମେ ବହୁଭିର୍ଜଜ୍ଞୈର୍ଦତ୍ତା ବିପ୍ରେଷୁ ଦକ୍ଷିଣାଃ।
ପ୍ରାପ୍ତାଃ କାମାଃ ଶ୍ରୁତା ବେଦାଃ ଶତ୍ରୂଣାଂ ମୂର୍ଧ୍ନି ଚ ସ୍ଥିତମ୍॥ 9-16-28 (60382)
ଭୃତ୍ଯା ମେ ସୁଭୃତାସ୍ତାତ ଦୀନଶ୍ଚାଭ୍ଯୁଦ୍ବୃତୋ ଜନଃ।
ନୋତ୍ସାହେଽଦ୍ଯ ଦ୍ବିଜଶ୍ରେଷ୍ଠ ପାଣ୍ଡବାନ୍ବକ୍ତୁମୀଦୃଶମ୍॥ 9-16-29 (60383)
ଜିତାନି ପରରାଷ୍ଟ୍ରାଣି ସ୍ବରାଷ୍ଟ୍ରମନୁପାଲିତମ୍।
ଭୁକ୍ତାଶ୍ଚ ବିବିଧା ଭୋଗାସ୍ତ୍ରିବର୍ଗଃ ସେବିତୋ ମଯା॥ 9-16-30 (60384)
ପିତୄଣାଂ ଗତମାନୃଣ୍ଯଂ କ୍ଷତ୍ରଧର୍ମସ୍ଯ ଚୋଭଯୋଃ।
ନ ଧ୍ରୁବଂ ସୁଖମସ୍ତୀହ କୁତୋ ରାଷ୍ଟ୍ରଂ କୁତୋ ଯଶଃ।
ଇହ କୀର୍ତିର୍ବିଚେତବ୍ଯା ସା ଚ ଯୁଦ୍ବେନ ନାନ୍ଯଥା॥ 9-16-31 (60385)
ବୃଥା ଚ ଯତ୍କ୍ଷତ୍ରିଯସ୍ଯ ନିଧନଂ ତଦ୍ବିଗର୍ହିତମ୍।
ଅଧର୍ମଃ ସୁମହାନେଷ ଯଚ୍ଛଯ୍ଯାମରଣଂ ଗୃହେ॥ 9-16-32 (60386)
ଅରଣ୍ଯେ ଯୋ ବିମୁଚ୍ଯେତ ସଙ୍ଗ୍ରାମେ ବା ତନୁଂ ନୃପଃ।
କ୍ରତୂନାହୃତ୍ଯ ମହତୋ ମହିମାନଂ ସ ଗଚ୍ଛତି॥ 9-16-33 (60387)
କୃପଣଂ ବିଲପନ୍ନାର୍ତୋ ଜରଯାଽଭିପରିପ୍ଲୁତଃ।
ମ୍ରିଯତେ ରୁଦତାଂ ମଧ୍ଯେ ଜ୍ଞାତୀନାଂ ନ ସ ପୂରୁଷଃ॥ 9-16-34 (60388)
ତ୍ଯକ୍ତ୍ବା ତୁ ବିବିଧାନ୍ଭୋଗାନ୍ପ୍ରାପ୍ତାନାଂ ପରମାଂ ଗତିମ୍।
ଅପୀଦାନୀଂ ସୁଯୁଦ୍ଧେନ ଗଚ୍ଛେଯଂ ଯତ୍ସଲୋକତାମ୍॥ 9-16-35 (60389)
ଶୂରାଣାମାର୍ଯବୃତ୍ତାନାଂ ସଙ୍କ୍ରାମେଷ୍ବନିବର୍ତିନାମ୍।
ଧୀମତାଂ ସତ୍ଯସନ୍ଧାନାଂ ସର୍ବେଷାଂ କ୍ରତୁଯାଜିନାମ୍।
ଶସ୍ତ୍ରାବଭୃଥପୂତାନାଂ ଧ୍ରୁବୋ ବାସସ୍ତ୍ରିବିଷ୍ଟପେ॥ 9-16-36 (60390)
ମୁଦା ନୂନଂ ପ୍ରପଶ୍ଯନ୍ତି ଯୁଦ୍ବେ ହ୍ଯପ୍ସରସାଂ ଗଣାଃ॥ 9-16-37 (60391)
ପଶ୍ଯନ୍ତି ନୂନଂ ପିତରଃ ପୂଜିତାନ୍ସୁରସଂସଦି।
ଅପ୍ସରୋଭିଃ ପରିବୃତାନ୍ମୋଦମାନାଂସ୍ତ୍ରିବିଷ୍ଟପେ॥ 9-16-38 (60392)
ପନ୍ଥାନମମରୈର୍ଯାନ୍ତଂ ଶୂରୈଶ୍ଚୈବାନିବର୍ତିଭିଃ।
ଅପି ତତ୍ସଙ୍ଗତଂ ମାର୍ଗଂ ବଯମଧ୍ଯାରୁହେମହି॥ 9-16-39 (60393)
ପିତାମହେନ ବୃଦ୍ବେନ ତଥାଽଚାର୍ଯେଣ ଧୀମତା।
ଜଯଦ୍ରଥେନ କର୍ଣେନ ତଥା ଦୁଃଶାସନେନ ଚ॥ 9-16-40 (60394)
ଘଟମାନା ମଦର୍ଥେଽସ୍ମିନ୍ହତାଃ ଶୂରା ଜନାଧିପାଃ।
ଶେରତେ ଲୋହିତାକ୍ତାଙ୍ଗାଃ ପୃଥିବ୍ଯାଂ ଶରବିକ୍ଷତାଃ॥ 9-16-41 (60395)
ଉତ୍ତମାସ୍ତ୍ରବିଦଃ ଶୂରା ଯଥୋକ୍ତକ୍ରତୁଯାଜିନଃ।
ତ୍ଯକ୍ତ୍ବା ପ୍ରାଣାନ୍ଯଥାନ୍ଯାଯମିନ୍ଦ୍ରସଦ୍ମସୁ ଧିଷ୍ଠିତଃ॥ 9-16-42 (60396)
ତୈଃ ସ୍ବଯଂ ରଚିତୋ ମାର୍ଗୋ ଦୁର୍ଗମୋ ହି ପୁନର୍ଭବେତ୍।
ସମ୍ପତଦ୍ଭିର୍ମହାବେଗୈରିତୋ ଯାସ୍ଯାମି ସଦ୍ଗତିମ୍॥ 9-16-43 (60397)
ଯେ ମଦର୍ଥେ ହତାଃ ଶୂରାସ୍ତେଷାଂ କୃତମନୁସ୍ମରନ୍।
ଋଣଂ ତତ୍ପ୍ରତିଯୁଞ୍ଜାନୋ ନ ରାଜ୍ଯେ ମନ ଆଦଧେ॥ 9-16-44 (60398)
ପାତଯିତ୍ବା ବଯସ୍ଯାଂଶ୍ଚ ଭ୍ରାତୃନଥ ପିତାମହାନ୍।
ଜୀବିତଂ ଯଦି ରକ୍ଷେଯଂ ଲୋକୋ ମାଂ ଗର୍ହଯେଦ୍ବ୍ରୁବମ୍॥ 9-16-45 (60399)
କୀଦୃଶଂ ଚ ଭବେଦ୍ରାଜ୍ଯଂ ମମ ହୀନସ୍ଯ ବନ୍ଧୁଭିଃ।
ସଖିଭିଶ୍ଚ ବିଶେଷେଣ ପ୍ରଣିପତ୍ଯ ଚ ପାଣ୍ଡବମ୍॥ 9-16-46 (60400)
ସୋଽହମେତାଦୃଶଂ କୃତ୍ବା ଜଗତୋଽସ୍ଯ ପରାଭବମ୍।
ସୁଯୁଦ୍ଧେନ ହତଃ ସ୍ବର୍ଗଂ ପ୍ରାପ୍ସାମି ନ ତଦନ୍ଯଥା॥ 9-16-47 (60401)
ସଞ୍ଜଯ ଉବାଚ। 9-16-48x (5090)
ଏଂ ଦୁର୍ଯୋଧନେନୋକ୍ତେ ସର୍ବେ ସମ୍ପୂଜ୍ଯ ତଦ୍ବଚଃ।
ସାଧୁସାଧ୍ବିତି ରାଜାନଂ କ୍ଷତ୍ରିଯାଃ ସମ୍ବଭାଷିରେ॥ 9-16-48 (60402)
ପରାଜଯମଶୋଚନ୍ତଃ କୃତଚିତ୍ତାଶ୍ଚ ବିକ୍ରମେ।
ସର୍ବେ ସୁନିଶ୍ଚିତା ଯୋଦ୍ଧୁମୁଦଗ୍ରମନସୋଽଭବନ୍॥ 9-16-49 (60403)
ତତୋ ବାହାନ୍ସମାଶ୍ବାସ୍ଯ ସର୍ବେ ଯୁଦ୍ଧାଭିନନ୍ଦିନଃ।
ଊନେ ଦ୍ବିଯୋଜନେ ଗତ୍ବା ପ୍ରତ୍ଯତିଷ୍ଠନ୍ତ କୌରବାଃ॥ 9-16-50 (60404)
ଆକାଶେ ବିଦ୍ରୁମେ ପୁଣ୍ଯେ ପ୍ରସ୍ଥେ ହିମବତଃ ଶୁଭେ।
ଅରୁଣାଂ ସରସ୍ବତୀଂ ପ୍ରାପ୍ଯ ପପୁଃ ସସ୍ନୁଶ୍ଚ ତେଜଲମ୍॥ 9-16-51 (60405)
ତବ ପୁତ୍ରକୃତୋତ୍ସାହାଃ ପର୍ଯବର୍ତନ୍ତ ତେ ତତଃ।
ପର୍ଯବସ୍ଥାପ୍ଯ ଚାତ୍ମାନମନ୍ଯୋନ୍ଯେନ ପୁନସ୍ତଦା।
ସର୍ବେ ରାଜନ୍ନ୍ଯବର୍ତନ୍ତ କ୍ଷତ୍ରିଯାଃ କାଲଚୋଦିତାଃ॥ ॥ 9-16-52 (60406)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଶଲ୍ଯବଧପର୍ବଣି ଚତୁର୍ଥୋଽଧ୍ଯାଯଃ॥ 4 ॥
Mahabharata - Shalya Parva - Chapter Footnotes
9-16-11 ପୁରା ଯଚ୍ଛାନ୍ତମେବାସୀତ୍ ଇତି କ. ପାଠଃ। ପୁରା ଯଃ ଶନ୍ତମୋ ନାସୀଦଦ୍ଯ ପଶ୍ଯାମି ତଂ କଥମ୍ ଇତି ଙ.ପାଠଃ॥ 9-16-15 ଉରଶ୍ଛଦଃ କଙ୍କଟକ ଇତ୍ଯମରଃ॥ 9-16-32 ବିପ୍ରବନ୍ମରଣଂ ଗୃହେ ଇତି କ.ପାଠଃ। ବିଣ୍ମୂତ୍ରମରଣଂ ଗୃହେ ଇତି ଙ. ପାଠଃ॥ 9-16-4 ଚତୁର୍ଥୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 005
॥ ଶ୍ରୀଃ ॥
9.5. ଅଧ୍ଯାଯଃ 005
Mahabharata - Shalya Parva - Chapter Topics
ଦୁର୍ଯୋଧନେନ କୃପମ୍ପ୍ରତି କାରଣକଥନପୂର୍ବକଂ ସନ୍ଧ୍ଯନଙ୍ଗୀକରଣମ୍॥ 1 ॥Mahabharata - Shalya Parva - Chapter Text
9-16-0 (60407)
ସଞ୍ଜଯ ଉବାଚ। 9-16-0x (5091)
ଏବମୁକ୍ତସ୍ତତୋ ରାଜା ଗୌତମେନ ତପସ୍ବିନା।
ନିଃଶ୍ବସ୍ଯ ଦୀର୍ଘମୁଷ୍ଣଂ ଚ ତୂଷ୍ଣୀମାସୀଦ୍ବିଶାମ୍ପତେ॥ 9-16-1 (60408)
ତତୋ ମୁହୂର୍ତଂ ସ ଧ୍ଯାତ୍ବା ତବ ପୁତ୍ରୋ ମହାମନାଃ।
କୃପଂ ଶାରଦ୍ବତଂ ବାକ୍ଯମିତ୍ଯୁବାଚ ପରନ୍ତପଃ॥ 9-16-2 (60409)
ଯତ୍କିଞ୍ଚିତ୍ସୁହୃଦା ବାଚ୍ଯଂ ତତ୍ସର୍ବଂ ଶ୍ରାବିତୋ ହ୍ଯହମ୍।
କୃତଂ ଚ ଭବତା ସର୍ବଂ ପ୍ରାଣାନ୍ସନ୍ତ୍ଯଜ୍ଯ ଯୁଧ୍ଯତା॥ 9-16-3 (60410)
ଗାହମାନମନୀକାନି ଯୁଧ୍ଯମାନଂ ମହାରଥୈଃ।
ପାଣ୍ଡବୈରତିତେଜୋଭିର୍ଲୋକସ୍ତ୍ବାମନୁଦୃଷ୍ଟବାନ୍॥ 9-16-4 (60411)
ସୁହୃଦା ଯଦିଦଂ ବାକ୍ଯଂ ଭବତା ଶ୍ରାବିତୋ ହ୍ଯହମ୍।
ନ ମାଂ ପ୍ରୀଣାତି ତତ୍ସର୍ବଂ ମୁମୂର୍ଷୋରିବ ଭେଷଜମ୍॥ 9-16-5 (60412)
ହେତୁକାରଣସଂଯୁକ୍ତଂ ହିତଂ ବଚନମୁତ୍ତମମ୍।
ଉଚ୍ଯମାନଂ ମହାବାହୋ ନ ମେ ବିପ୍ରାଗ୍ର୍ଯ ରୋଚନେ॥ 9-16-6 (60413)
ରାଜ୍ଯାଦ୍ବିନିକୃତୋଽସ୍ମାଭିଃ କଥଂ ସୋସ୍ମାସୁ ବିଶ୍ବସେତ୍॥ 9-16-7 (60414)
ଅକ୍ଷଦ୍ଯୂତେ ଚ ନୃପତିର୍ଜିତୋଽସ୍ମାଭିର୍ମହାଧନଃ।
ସ କଥଂ ମମ ବାକ୍ଯାନି ଶ୍ରଦ୍ଦଧ୍ଯାଦ୍ଭୂଯ ଏବ ତୁ॥ 9-16-8 (60415)
ତଥା ଦୂତ୍ଯେନ ସମ୍ପ୍ରାପ୍ତଃ କୃଷ୍ଣଃ ପାର୍ଥହିତେ ରତଃ।
ପ୍ରଲବ୍ଧଶ୍ଚ ହୃଷୀକେଶସ୍ତଚ୍ଚ କର୍ମାବିଚାରିତମ୍।
ସ ଚ ମେ ବଚନଂ ବ୍ରହ୍ମନ୍କଥମେବାଭିମନ୍ଯତେ॥ 9-16-9 (60416)
ବିଲଲାପ ଚ ଯତ୍କୃଷ୍ଣା ସଭାମଧ୍ଯେ ସମେଯୁଷୀ।
ନ ତନ୍ମର୍ଷଯତେ କୃଷ୍ଣୋ ନ ରାଜ୍ଯହରଣଂ ତଥା॥ 9-16-10 (60417)
ଏକପ୍ରାଣାବୁଭୌ କୃଷ୍ଣାବନ୍ଯୋନ୍ଯମଭିସଂଶ୍ରିତୌ।
ପୁରା ଯଚ୍ଛ୍ରୁତମେବାସୀଦଦ୍ଯ ପଶ୍ଯାମି ତତ୍ପ୍ରଭୋ॥ 9-16-11 (60418)
ସ୍ବସ୍ରୀଯଂ ନିହତଂ ଦୃଷ୍ଟ୍ବା ଦୁଃଖଂ ସ୍ବପିତି କେଶବଃ।
କୃତାଗସୋ ବଯଂ ତସ୍ଯ ହିତଂ ମେ ସ କଥଂ ଚରେତ୍॥ 9-16-12 (60419)
ଅଭିମନ୍ଯୋର୍ବିନାଶେନ ନ ଶର୍ମ ଲଭତେଽର୍ଜୁନଃ।
ସ କଥଂ ମଦ୍ଧିତେ ଯତ୍ନଂ ପ୍ରକରିଷ୍ଯତି ଯାଚିତଃ॥ 9-16-13 (60420)
ମଧ୍ଯମଃ ପାଣ୍ଡବସ୍ତୀକ୍ଷ୍ଣୋ ଭୀମସେନୋ ମହାବଲଃ।
ପ୍ରତିଜ୍ଞାତଂ ଚ ତେନୋଗ୍ରଂ ଭଜ୍ଯେତାପି ନ ସନ୍ନମେତ୍॥ 9-16-14 (60421)
ଉଭୌ ତୌ ବଦ୍ଧନିସ୍ତ୍ରିଂଶାବୁଭୌ ଚାବଦ୍ଧକଙ୍କଟୌ।
କୃତବୈରାବୁଭୌ ବୀରୌ ଯମାବପି ଯମୋପମୌ॥ 9-16-15 (60422)
ଧୃଷ୍ଟଦ୍ଯୁମ୍ନଃ ଶିଖଣ୍ଡୀ ଚ କୃତବୈରୌ ମଯା ସହ।
ତୌ କଥଂ ମଦ୍ଧିତେ ଯତ୍ନଂ କୁର୍ଯାତାଂ ଦ୍ବିଜସତ୍ତମ॥ 9-16-16 (60423)
ଦୁଃଶାସନେନ ଯତ୍କୃଷ୍ଣା ଏକବସ୍ତ୍ରା ରଜସ୍ବଲା।
ପରିକ୍ଲିଷ୍ଟା ସଭାମଧ୍ଯେ ସର୍ବଲୋକସ୍ଯ ପଶ୍ଯତଃ॥ 9-16-17 (60424)
କଥା ବିବସନାଂ ଦୀନାଂ ସ୍ମରନ୍ତ୍ଯଦ୍ଯାପି ପାଣ୍ଡବାଃ।
ନ ନିବାରଯିତୁଂ ଶକ୍ଯାଃ ସଙ୍ଗ୍ରାମତ୍ତେ ପରନ୍ତପାଃ॥ 9-16-18 (60425)
ଯଦା ଚ ଦ୍ରୌପଦୀ କ୍ଲିଷ୍ଟା ମଦ୍ବିନାଶାଯ ଦୁଃଖିତା।
ଉଗ୍ରଂ ତେପେ ତପଃ କୃଷ୍ଣା ଭର୍ତୄଣାମର୍ଥସିଦ୍ଧଯେ।
ସ୍ଥଣ୍ଡିଲେ ନିତ୍ଯଦା ଶେତେ ଯାବଦ୍ବୈରସ୍ଯ ଯାତନମ୍॥ 9-16-19 (60426)
ନିକ୍ଷିପ୍ଯ ମାନଂ ଦର୍ପଂ ଚ ବାସୁଦେବସହୋଦରା।
କୃଷ୍ଣାଯାଃ ପ୍ରେଷ୍ଯବଦ୍ଭୂତ୍ବା ଶୁଶ୍ରୂଷାଂ କୁରୁତେ ସଦା॥ 9-16-20 (60427)
ଇତି ସର୍ବଂ ସମୁନ୍ନଦ୍ଧଂ ନ ନିର୍ବାତି କଥଞ୍ଚନ।
ଅଭିମନ୍ଯୋର୍ବିନାଶେନ ସ ସନ୍ଧେଯଃ କଥଂ ମଯା॥ 9-16-21 (60428)
କଥଂ ଚ ରାଜା ଭୁକ୍ତ୍ବେମାଂ ପୃଥିବୀଂ ସାଗରାମ୍ବରାମ୍।
ପାଣ୍ଡବାନାଂ ପ୍ରସାଦେନ ଭୋକ୍ଷ୍ଯେ ରାଜ୍ଯମହଂ କଥମ୍॥ 9-16-22 (60429)
ଉପର୍ଯୁପରି ରାଜ୍ଞାଂ ବୈ ଜ୍ବଲିତ୍ବା ଭାସ୍କରୋ ଯଥା।
ଯୁଧିଷ୍ଠିରଂ କଥଂ ପଞ୍ଚାଦନୁଯାସ୍ଯାମି ଦାସବତ୍॥ 9-16-23 (60430)
କଥଂ ଭୁକ୍ତ୍ବା ସ୍ବଯଂ ଭୋଗାନ୍ଦତ୍ତ୍ବା ଦାଯାଂଶ୍ଚ ପୁଷ୍କଲାନ୍।
କୃପଣଂ ବର୍ତଯିଷ୍ଯାମି କୃପଣୈଃ ସହ ଜୀବିକାମ୍॥ 9-16-24 (60431)
ନାଭ୍ଯସୂଯାମି ତେ ବାକ୍ଯମୁକ୍ତଂ ସ୍ନିଗ୍ଧଂ ହିତଂ ତ୍ବଯା॥ 9-16-25 (60432)
ନ ତୁ ସନ୍ଧିମହଂ ମନ୍ଯେ ପ୍ରାପ୍ତକାଲଂ କଥଞ୍ଚନ।
ସୁନୀତମନୁପଶ୍ଯାମି ସୁଯୁଦ୍ଧେନ ପରନ୍ତପ॥ 9-16-26 (60433)
ନାଯଂ କ୍ଲୀବାଯିତୁଂ କାଲଃ ସଂଯୋଦ୍ଧୁଂ କାଲ ଏବ ନଃ॥ 9-16-27 (60434)
ଇଷ୍ଟଂ ମେ ବହୁଭିର୍ଯଜ୍ଞୈର୍ଦତ୍ତା ବିପ୍ରେଷୁ ଦକ୍ଷିଣାଃ।
ପ୍ରାପ୍ତାଃ କାମାଃ ଶ୍ରୁତା ବେଦାଃ ଶତ୍ରୂଣାଂ ମୂର୍ଧ୍ନିଂ ଚ ସ୍ଥିତମ୍॥ 9-16-28 (60435)
ଭୃତ୍ଯା ମେ ସୁଭୃତାସ୍ତାତ ଦୀନଶ୍ଚାଭ୍ଯୃଦ୍ଭୃତୋ ଜନଃ।
ନୋତ୍ସହେଽଦ୍ଯ ଦ୍ବିଜଶ୍ରେଷ୍ଠ ପାଣ୍ଡବାନ୍ବକ୍ତୁମୀଦୃଶମ୍॥ 9-16-29 (60436)
ଜିତାନି ପରରାଷ୍ଟ୍ରାଣି ସ୍ବରାଷ୍ଟ୍ରମନୁପାଲିତମ୍।
ଭୁକ୍ତାଶ୍ଚ ବିବିଧା ଭୋଗାସ୍ତ୍ରିବର୍ଗଃ ସେବିତୋ ମଯା॥ == ॥ 9-16-30 (60437)
ଇତି ଶ୍ରୀମନ୍ମହାଭାରତେ
Mahabharata - Shalya Parva - Chapter Footnotes
9-16-1 9-16- 9-16- 9-16- 9-16- 9-16- 9-16- 9-16- 9-16- 9-16- 9-16-ଶଲ୍ଯପର୍ବ - ଅଧ୍ଯାଯ 006
॥ ଶ୍ରୀଃ ॥
9.6. ଅଧ୍ଯାଯଃ 006
Mahabharata - Shalya Parva - Chapter Topics
ଦୁର୍ଯୋଧନେନ ଶଲ୍ଯସ୍ଯ ସୈନାପତ୍ଯେଽମିଷେଚନମ୍॥ 1 ॥ କୃଷ୍ଣେନ ଯୁଧିଷ୍ଠିରମ୍ପ୍ରତି ଶଲ୍ଯବଧବିଧାନମ୍॥ 2 ॥Mahabharata - Shalya Parva - Chapter Text
9-6-0 (60438)
ସଞ୍ଜଯ ଉବାଚ। 9-6-0x (5092)
ଏତଚ୍ଛ୍ରୁତ୍ବା ବଚୋ ରାଜ୍ଞୋ ମଦ୍ରରାଜଃ ପ୍ରତାପବାନ୍।
ଦୁର୍ଯୋଧନଂ ତଦା ରାଜନ୍ବାକ୍ଯମେତଦୁବାଚ ହ॥ 9-6-1 (60439)
ଦୁର୍ଯୋଧନ ମହାବାହୋ ଶୃଣୁ ବାକ୍ଯବିଦାଂ ବର।
ଯାବେତୌ ମନ୍ଯସେ କୃଷ୍ଣୌ ରଥସ୍ଥୌ ରଥିନାଂବରୌ।
ନ ମେ ତୁଲ୍ଯାବୁଭାବେତୌ ବାହୁବୀର୍ଯେ କଥଞ୍ଚନ॥ 9-6-2 (60440)
ଉଦ୍ଯତାଂ ପୃଥିବୀଂ ସର୍ବାଂ ସସୁରାସୁରମାନବାମ୍।
ଯୋଧଯେଯଂ ରଣମୁଖେ ସଙ୍କ୍ରୁଦ୍ଧଃ କିମୁ ପାଣ୍ଡବାନ୍॥ 9-6-3 (60441)
ବିଜେଷ୍ଯାମି ରଣେ ପାର୍ଥାନ୍ସୋମକାଂଶ୍ଚ ସମାଗତାନ୍।
ଅହଂ ସେନାପ୍ରମେତା ତେ ଭବିଷ୍ଯାମି ନ ସଂଶଯଃ॥ 9-6-4 (60442)
ତଂ ଚ ବ୍ଯୂହଂ ବିଧାସ୍ଯାମି ନ କ (ତ) ରିଷ୍ଯନ୍ତି ଯଂ ପରେ।
ଇତି ସତ୍ଯଂ ବ୍ରବୀମ୍ଯେଷ ଦୁର୍ଯୋଧନ ନ ସଂଶଯଃ॥ 9-6-5 (60443)
`ଅଦ୍ଯୈବାହଂ ରଣେ ସର୍ବାନ୍ପାଞ୍ଚାଲାନ୍ସହ ପାଣ୍ଡବୈଃ।
ନିହନିଷ୍ଯାମି ବା ରାଜନ୍ସ୍ବର୍ଗଂ ଯାସ୍ଯାମି ବା ହତଃ॥ 9-6-6 (60444)
ଅଦ୍ଯ ପଶ୍ଯନ୍ତୁ ମାଂ ଲୋକା ବିଚରନ୍ତମଭୀତବତ୍॥ 9-6-7 (60445)
ଅଦ୍ଯ ପାଣ୍ଡୁସୁତାଃ ସର୍ବେ ବାସୁଦେବଃ ସସାତ୍ଯକିଃ।
ପାଞ୍ଚାଲାଶ୍ଚେଦଯଶ୍ଚୈବ ଦ୍ରୌପଦେଯାଶ୍ଚ ସର୍ବଶଃ।
ଧୃଷ୍ଟଦ୍ଯୁମ୍ନଃ ଶିଖଣ୍ଡୀ ଚ ସର୍ବେ ଚାପି ପ୍ରଭଦ୍ରକାଃ॥ 9-6-8 (60446)
ବିକ୍ରମଂ ମମ ପଶ୍ଯନ୍ତୁ ଧନୁଷଶ୍ଚ ମହଦ୍ବଲମ୍।
ଲାଘବଂ ଚାସ୍ତ୍ରବୀର୍ଯଂ ଚ ଭୁଜଯୋଶ୍ଚ ବଲଂ ଯୁଧି॥ 9-6-9 (60447)
ଅଦ୍ଯ ପଶ୍ଯନ୍ତୁ ମେ ପାର୍ଥାଃ ସିଦ୍ଧାଶ୍ଚ ସହ ଚାରଣୈଃ।
ଯାଦୃଶଂ ମେ ବଲଂ ବାହ୍ବୋଃ ସମ୍ପଦସ୍ତ୍ରେଷୁ ଯା ଚ ମେ॥ 9-6-10 (60448)
ଅଦ୍ଯ ମେ ବିକ୍ରମଂ ଦୃଷ୍ଟ୍ବା ପାଣ୍ଡବାନାଂ ମହାରଥାଃ।
ପ୍ରତୀକାରପରା ଭୂତ୍ବା ଚେଷ୍ଟନ୍ତେ ବିବିଧାଃ କ୍ରିଯାଃ॥ 9-6-11 (60449)
ଅଦ୍ଯ ସୈନ୍ଯାନି ପାଣ୍ଡୂନାଂ ଦ୍ରାବଯିଷ୍ଯେ ସମନ୍ତତଃ॥ 9-6-12 (60450)
ଦ୍ରୋଣଭୀଷ୍ମାବତି ବିମୋ ସୂତପୁତ୍ରଂ ଚ ସଂଯୁଗେ।
ବିଚରିଷ୍ଯେ ରଣମୁଖେ ପ୍ରିଯାର୍ଥଂ ତବ କୌରବ॥ 9-6-13 (60451)
ସଞ୍ଜଯ ଉବାଚ। 9-6-14x (5093)
ଏବମୁକ୍ତସ୍ତତୋ ରାଜା ମଦ୍ରାଧିପତିମଞ୍ଜସା।
ଅଭ୍ଯଷିଞ୍ଚତ ସେନାଯା ମଧ୍ଯେ ଭରତସତ୍ତମ।
ବିଧିନା ଶାସ୍ତ୍ରଦୃଷ୍ଟେନ କ୍ଲିଷ୍ଟରୂପୋ ବିଶାମ୍ପତେ॥ 9-6-14 (60452)
ଅଭିଷିକ୍ତେ ତତସ୍ତସ୍ମିନ୍ସିଂହନାଦୋ ମହାନଭୂତ୍।
ତବ ସୈନ୍ଯେଽଭ୍ଯବାଦ୍ଯନ୍ତ ବାଦିତ୍ରାଣି ଚ ଭାରତ॥ 9-6-15 (60453)
ହୃଷ୍ଟାଶ୍ଚାସଂସ୍ତଥା ଯୋଧା ମଦ୍ରକାଶ୍ଚ ମହାରଥାଃ।
ତୁଷ୍ଟୁବୁଶ୍ଚୈବ ରାଜାନଂ ଶଲ୍ଯମାହବଶୋଭିନମ୍॥ 9-6-16 (60454)
ଜଯ ରାଜଂଶ୍ଚିରଂ ଜୀବ ଜହି ଶତ୍ରୂନ୍ସମାଗତାନ୍।
ତବ ବାହୁବଲଂ ପ୍ରାପ୍ଯ ଧାର୍ତରାଷ୍ଟ୍ରୋ ମହାବଲଃ।
ନିଖିଲାଂ ପୃଥିବୀଂ ସର୍ବାଂ ପ୍ରଶାସ୍ତୁ ନିହତଦ୍ବିଷମ୍॥ 9-6-17 (60455)
ତ୍ବଂ ହି ଶକ୍ତୋ ରଣେ ଜେତୁଂ ସସୁରାସୁରମାନବାନ୍।
ମର୍ତ୍ଯଧର୍ମାଣ ଇହ ତୁ କିମୁ ସୃଞ୍ଜଯସୋମକାନ୍॥ 9-6-18 (60456)
ଏବଂ ସମ୍ପୂଜ୍ଯମାନସ୍ତୁ ମଦ୍ରାଣାମଧିପୋ ବଲୀ।
ହର୍ଷଂ ପ୍ରାପ ତଦା ବୀରୋ ଦୁରାପମକୃତାତ୍ମଭିଃ॥ 9-6-19 (60457)
ସଞ୍ଜଯ ଉବାଚ। 9-6-20x (5094)
ଅଭିଷିକ୍ତେ ତଥା ଶଲ୍ଯେ ତବ ସୈନ୍ଯେଷୁ ମାନଦ।
ନ କର୍ଣବ୍ଯସନଂ କିଞ୍ଚିନ୍ମେନିରେ ତତ୍ର ଭାରତ॥ 9-6-20 (60458)
ହୃଷ୍ଟାଃ ସୁମନସଶ୍ଚୈବ ବଭୂବୁସ୍ତତ୍ର ସୈନିକାଃ।
ମେନିରେ ନିହତାନ୍ପାର୍ଥାନ୍ମଦ୍ରରାଜବଶଙ୍ଗତାନ୍॥ 9-6-21 (60459)
ପ୍ରହର୍ଷଂ ପ୍ରାପ୍ଯ ସେନା ତୁ ତାବକୀ ଭରତର୍ଷଭ।
ତାଂ ରାତ୍ରିଂ ସୁଖିତା ସୁପ୍ତା ହର୍ଷଚିତ୍ତା ଚ ସାଭବତ୍॥ 9-6-22 (60460)
ସୈନ୍ଯସ୍ଯ ତବ ତଂ ଶବ୍ଦଂ ଶ୍ରୁତ୍ବା ରାଜା ଯୁଧିଷ୍ଠିରଃ।
ବାର୍ଷ୍ଣେଯମବ୍ରବୀଦ୍ବାକ୍ଯଂ ସର୍ବକ୍ଷତ୍ରସ୍ଯ ପଶ୍ଯତଃ॥ 9-6-23 (60461)
ମଦ୍ରରାଜଃ କୃତଃ ଶଲ୍ଯୋ ଧାର୍ତରାଷ୍ଟ୍ରେଣ ମାଘବ।
ସେନାପତିର୍ମହେଷ୍ବାସଃ ସର୍ବସୈନ୍ଯେଷୁ ପୂଜିତଃ॥ 9-6-24 (60462)
ଏତଜ୍ଜ୍ଞାତ୍ବା ଯଥାଭୂତଂ କୁରୁ ମାଧବ ଯତ୍କ୍ଷମମ୍।
ଭବାନ୍ନେତା ଚ ଗୋପ୍ତା ଚ ବିଧତ୍ସ୍ବ ଯଦନନ୍ତରମ୍॥ 9-6-25 (60463)
ତମବ୍ରବୀନ୍ମହାରାଜ ବାସୁଦେବୋ ଜନାଧିପମ୍।
ଆର୍ତାଯନିମହଂ ଜାନେ ଯଥାତତ୍ତ୍ବେନ ଭାରତ॥ 9-6-26 (60464)
ବୀର୍ଯବାଂଶ୍ଚ ମହାତେଜା ମହାତ୍ମା ଚ ବିଶେଷତଃ।
କୃତୀ ଚ ଚିତ୍ରଯୋଧୀ ଚ ସଂଯୁକ୍ତୋ ଲାଘବେନ ଚ॥ 9-6-27 (60465)
ଯାଦୃଗ୍ଭୀଷ୍ମସ୍ତଥା ଦ୍ରୋଣୋ ଯାଦୃକ୍କର୍ଣଶ୍ଚ ସଂଯୁଗେ।
ତାଦୃଶୃସ୍ତଦ୍ବିଶିଷ୍ଟୋ ବା ମଦ୍ରରାଜୋ ମତୋ ମମ॥ 9-6-28 (60466)
ଯୁଧ୍ଯମାନସ୍ଯ ତସ୍ଯାହଂ ଚିନ୍ତଯାନଶ୍ଚ ଭାରତ।
ଯୋଦ୍ଧାରଂ ନାଧିଗଚ୍ଛାମି ତୁଲ୍ଯରୂପଂ ଜନାଧିପ॥ 9-6-29 (60467)
ଶିଖଣ଼୍ଡ୍ଯର୍ଜୁନଭୀମାନାଂ ସାତ୍ବତସ୍ଯ ଚ ଭାରତ।
ଧୃଷ୍ଟଦ୍ଯୁମ୍ନସ୍ଯ ଚ ତଥା ବଲେନାଭ୍ଯଧିକୋ ରଣେ॥ 9-6-30 (60468)
ମଦ୍ରରାଜୋ ମହାରାଜଃ ସିଂହଦ୍ବିରଦବିକ୍ରମଃ।
ବିଚରିଷ୍ଯତ୍ଯଭୀଃ କାଲେ କାଲଃ କ୍ରୁଦ୍ଧଃ ପ୍ରଜାସ୍ବିବ॥ 9-6-31 (60469)
ତସ୍ଯାଦ୍ଯ ନ ପ୍ରପଶ୍ଯାମି ପ୍ରତିଯୋଦ୍ଧାରମାହନେ।
ତ୍ବାମୃତେ ପୁରୁଷବ୍ଯାଘ୍ର ଶାର୍ଦୂଲସମବିକ୍ରମମ୍॥ 9-6-32 (60470)
ସ ତ୍ବମେକୋ ହି ଲୋକେଽସ୍ମିନ୍ନାନ୍ଯସ୍ତ୍ବତ୍ତଃ ପୁମାନ୍ଭବେତ୍।
ମଦ୍ରରାଜଂ ରଣେ କ୍ରୁଦ୍ଧଂ ଯୋ ହନ୍ଯାତ୍କୁରୁନନ୍ଦନ॥ 9-6-33 (60471)
ଅହନ୍ଯହନି ଯୁଧ୍ଯନ୍ତଂ କ୍ଷୋଭଯନ୍ତଂ ବଲଂ ତବ।
ତସ୍ମାଜ୍ଜହି ରଣେ ଶଲ୍ଯଂ ମଘବାନିବ ଶମ୍ବରମ୍॥ 9-6-34 (60472)
ସୌତେଃ ପଶ୍ଚାଦସୌ ବୀରୋ ଧାର୍ତରାଷ୍ଟ୍ରେଣ ସତ୍କୃତଃ।
ତବୈବ ହି ଜଯୋ ନୂନଂ ହତେ ମଦ୍ରେଶ୍ବରେ ଯୁଧି। 9-6-35 (60473)
ତସ୍ମିନ୍ହତେ ହତଂ ସର୍ବଂ ଧାର୍ତରାଷ୍ଟ୍ରବଲଂ ମହତ୍॥
ଏତଚ୍ଛ୍ରୁତ୍ବା ମହାରାଜ ବଚନଂ ମମ ସାମ୍ପ୍ରତମ୍। 9-6-36 (60474)
ପ୍ରତ୍ଯୁଦ୍ଯାହି ରଣେ ପାର୍ଥ ମଦ୍ରରାଜଂ ମହାରଥମ୍॥
ଜହି ଚୈନଂ ମହାବାହୋ ବାସବୋ ନମୁଚିଂ ଯଥା॥ 9-6-37 (60475)
ନ ଚୈବାତ୍ର ଦଯା କାର୍ଯା ମାତୁଲୋଽଯଂ ମମେତି ବୈ।
କ୍ଷତ୍ରବର୍ମ ପୁରସ୍କୃତ୍ଯ ଜହି ମଦ୍ରଜନେଶ୍ବରମ୍॥ 9-6-38 (60476)
ଦ୍ରୋଣଭୀଷ୍ମାର୍ଣବଂ ତୀର୍ତ୍ବା କର୍ଣପାତାଲସମ୍ଭବମ୍।
ମା ନିମଜ୍ଜସ୍ବ ସଗଣଃ ଶଲ୍ଯମାସାଦ୍ଯ ଗୋଷ୍ପଦମ୍। 9-6-39 (60477)
ଯଚ୍ଚ ତେ ତପସୋ ବୀର୍ଯଂ ଯଚ୍ଚ କ୍ଷାତ୍ରଂ ବଲଂ ତବ।
ତଦ୍ଦର୍ଶଯ ରଣେ ସର୍ବଂ ଜହି ଚୈନଂ ମହାରଥମ୍॥ 9-6-40 (60478)
ସଞ୍ଜଯ ଉବାଚ। 9-6-41x (5095)
ଏତାବଦୁକ୍ତ୍ବା ବଚନଂ କେଶବଃ ପରବୀରହା।
ଜଗାମ ଶିବିରଂ ସାଯଂ ପୂଜ୍ଯମାନୋଽଥ ପାଣ୍ଡବୈଃ॥ 9-6-41 (60479)
କେଶବେ ତୁ ତଦା ଯାତେ ଧର୍ମପୁତ୍ରୋ ଯୁଧିଷ୍ଠିରଃ।
ବିସୃଜ୍ଯ ସର୍ବାନ୍ଭ୍ରାତୄଂଶ୍ଚ ପାଞ୍ଚାଲାନଥ ସୋମକାନ୍।
ସୁଷ୍ବାପ ରଜନୀଂ ତାଂ ତୁ ବିଶଲ୍ଯ ଇବ କୁଞ୍ଜରଃ॥ 9-6-42 (60480)
ତେ ଚ ସର୍ବେ ମହେଷ୍ବାସାଃ ପାଞ୍ଚାଲାଃ ପାଣ୍ଡବାସ୍ତଥା।
କର୍ଣସ୍ଯ ନିଧନେ ହୃଷ୍ଟାଃ ସୁଷୁପୁସ୍ତାଂ ନିଶାଂ ତଦା॥ 9-6-43 (60481)
ଗତଜ୍ବରଂ ମହେଷ୍ବାସଂ ତୀର୍ଣପାରଂ ମହାରଥମ୍।
ବଭୂବ ପାଣ୍ଡବେଯାନାଂ ସୈନ୍ଯଂ ଚ ମୁଦିତଂ ନିଶି।
ସୂତପୁତ୍ରସ୍ଯ ନିଧନାଜ୍ଜଯଂ ଲବ୍ଧ୍ବା ଚ ମାରିଷ॥ ॥ 9-6-44 (60482)
ଇତି ଶ୍ରୀମନ୍ମହାଭାରତେ କର୍ଣପର୍ବଣି ଶଲ୍ଯବଧପର୍ବଣି ଷଷ୍ଠୋଽଧ୍ଯାଯଃ॥ 6 ॥
Mahabharata - Shalya Parva - Chapter Footnotes
9-6-14 କ୍ଲିଷ୍ଟରୂପଃ ପରାଜଯନିଶ୍ଚଯାତ୍॥ 9-6-18 ମର୍ତ୍ଯଧର୍ମାଣଃ ମର୍ତ୍ଯଧର୍ମଣଃ॥ 9-6-6 ଷଷ୍ଠୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 007
॥ ଶ୍ରୀଃ ॥
9.7. ଅଧ୍ଯାଯଃ 007
Mahabharata - Shalya Parva - Chapter Topics
ଉଭଯସୈନ୍ଯାନାଂ ବ୍ଯୂହରଚନାପୂର୍ବକଂ ଦ୍ବନ୍ଦ୍ବୀଭୂଯ ଯୁଦ୍ଧାଯ ନିର୍ଗମନମ୍॥ 1 ॥Mahabharata - Shalya Parva - Chapter Text
9-7-0 (60483)
ସଞ୍ଜଯ ଉବାଚ। 9-7-0x (5096)
ବ୍ଯତୀତାଯାଂ ରଜନ୍ଯାଂ ତୁ ରାଜା ଦୁର୍ଯୋଧନସ୍ତଦା।
ଅବ୍ରବୀତ୍ତାବକାନ୍ସର୍ବାନ୍ସନ୍ନହ୍ଯନ୍ତାଂ ମହାରଥାଃ॥ 9-7-1 (60484)
ରାଜ୍ଞଶ୍ଚ ମତମାଜ୍ଞାଯ ସମନହ୍ଯତ ସା ଚମୂଃ।
ଅଯୋଜଯନ୍ରଥାଂସ୍ତୂର୍ଣଂ ପର୍ଯଧାବଂସ୍ତଥା ପରେ॥ 9-7-2 (60485)
ଅକଲ୍ପ୍ଯନ୍ତ ଚ ମାତଙ୍ଗାଃ ସମନହ୍ଯନ୍ତ ପତ୍ତଯଃ।
ହଯାନାସ୍ତରଣୋପେତାଂଶ୍ଚକ୍ରୁରନ୍ଯେ ସହସ୍ରଶଃ॥ 9-7-3 (60486)
ବାଦିତ୍ରାଣାଂ ଚ ନିନଦଃ ପ୍ରାଦୁରାସୀଦ୍ବିଶାମ୍ପତେ।
ଯୋଧାନାଂ ସୈନ୍ଯମୁଖ୍ଯାନାମନ୍ଯୋନ୍ଯଂ ପ୍ରତିଗର୍ଜତାମ୍॥ 9-7-4 (60487)
ତତୋ ବଲାନି ସର୍ବାଣି ହତଶିଷ୍ଟାନି ଭାରତ।
ସନ୍ନଦ୍ଧାନି ବ୍ଯଦୃଶ୍ଯନ୍ତ ମୃତ୍ଯୁଂ କୃତ୍ବା ନିବର୍ତନମ୍॥ 9-7-5 (60488)
ଶଲ୍ଯଂ ସେନାପତିଂ କୃତ୍ବା ମଦ୍ରରାଜଂ ମହାରଥାଃ।
ପ୍ରବିଭଜ୍ଯ ବଲଂ ସର୍ବମନୀକେଷୁ ବ୍ଯବସ୍ଥିତାଃ॥ 9-7-6 (60489)
ତତଃ ସର୍ବେ ସମାଗମ୍ଯ ପୁତ୍ରେଣ ତବ ସୈନିକାଃ।
କୃପଶ୍ଚ କୃତବର୍ମା ଚ ଦ୍ରୌଣିଃ ଶଲ୍ଯୋଽଥ ସୌବଲଃ।
ଅନ୍ଯେ ଚ ପାର୍ଥିବାଃ ଶେଷାଃ ସମଯଂ ଚକ୍ରୁରାଦୃତାଃ॥ 9-7-7 (60490)
`ଅଦ୍ଯାଚାର୍ଯସୁତୋ ଦ୍ରୌଣିର୍ନୈକୋ ଯୁଧ୍ଯେତ ଶତ୍ରୁଭିଃ'।
ନ ନ ଏକେନ ଯୋଦ୍ଧବ୍ଯଂ କଥଞ୍ଚିଦପି ପାଣ୍ଡବୈଃ॥ 9-7-8 (60491)
ଯୋ ହ୍ଯେକଃ ପାଣ୍ଡବୈର୍ଯୁଧ୍ଯେଦ୍ଯୋ ବା ଯୁଧ୍ଯନ୍ତମୁତ୍ସୃଜେତ୍।
ସ ପଞ୍ଚଭିର୍ଭବେଦ୍ଯୁକ୍ତଃ ପାତକୈଶ୍ଚୋପପାତକୈଃ।
ଅନ୍ଯୋନ୍ଯଂ ପରିରକ୍ଷଦ୍ଭିର୍ଯୋଦ୍ଧବ୍ଯଂ ସହିତୈଶ୍ଚ ନଃ॥ 9-7-9 (60492)
ଏବଂ ତେ ସମଯଂ କୃତ୍ବା ସର୍ବେ ତତ୍ର ମହାରଥାଃ।
ମଦ୍ରରାଜଂ ପୁରସ୍କୃତ୍ଯ ତୂର୍ଣମଭ୍ଯଦ୍ରବନ୍ପରାନ୍॥ 9-7-10 (60493)
ତଥୈବ ପାଣ୍ଡବା ରାଜନ୍ବ୍ଯୂହ୍ଯ ସୈନ୍ଯଂ ମହାରଣେ।
ଅଭ୍ଯଯୁଃ କୌରବାନ୍ଯୁଦ୍ଧେ ଯୋତ୍ସ୍ଯମାନାଃ ସମନ୍ତତଃ॥ 9-7-11 (60494)
ତତୋ ବଲଂ ସମଭବତ୍କ୍ଷୁବ୍ଧାର୍ଣବସମସ୍ବନମ୍।
ସମୁଦ୍ଭୂତାର୍ଣବାକାରମୁଦୀର୍ଣରଥକୁଞ୍ଜରମ୍॥ 9-7-12 (60495)
ଧୃତରାଷ୍ଟ୍ର ଉବାଚ। 9-7-13x (5097)
ଦ୍ରୋଣସ୍ଯ ଚୈବ ଭୀଷ୍ମସ୍ଯ ରାଧେଯସ୍ଯ ଚ ମେ ଶ୍ରୁତମ୍।
ପାତନଂ ଶଂସ ମେ ଭୂଯଃ ଶଲ୍ଯସ୍ଯାଥ ସୁତସ୍ଯ ମେ॥ 9-7-13 (60496)
କଥଂ ରଣେ ହତଃ ଶଲ୍ଯୋ ଧର୍ମରାଜେନ ସଞ୍ଜଯ।
ଭୀମେନ ଚ ମହାବାହୁଃ ପୁତ୍ରୋ ଦୁର୍ଯୋଧନୋ ମମ॥ 9-7-14 (60497)
ସଞ୍ଜଯ ଉବାଚ। 9-7-15x (5098)
କ୍ଷଯଂ ମନୁଷ୍ଯଦେହାନାଂ ତଥା ନାଗାଶ୍ବସଙ୍କ୍ଷଯମ୍।
ଶୃଣୁ ରାଜନ୍ସ୍ଥିରୋ ଭୂତ୍ବା ସଙ୍ଗ୍ରାମଂ ଶଂସତୋ ମମ॥ 9-7-15 (60498)
ଆଶା ବଲବତୀ ରାଜନ୍ପୁତ୍ରାଣାଂ ତେଽଭବତ୍ତଦା॥ 9-7-16 (60499)
ହତେ ଦ୍ରୋଣେ ଚ ଭୀଷ୍ମେ ଚ ସୂତପୁତ୍ରେ ଚ ପାତିତେ।
ଶଲ୍ଯଃ ପାର୍ଥାନ୍ରଣେ ସର୍ବାନ୍ନିହନିଷ୍ଯତି ମାରିଷ॥ 9-7-17 (60500)
ତାମାଶାଂ ହୃଦଯେ କୃତ୍ବା ସମାଶ୍ବସ୍ଯ ଚ ଭାରତ।
ମଦ୍ରରାଜଂ ଚ ସମରେ ସମାଶ୍ରିତ୍ଯ ମହାରଥମ୍।
ନାଥବନ୍ତଂ ତଦାଽଽତ୍ମାନମମନ୍ଯତ ସୁତସ୍ତବ॥ 9-7-18 (60501)
ଯଦା କର୍ଣେ ହତେ ପାର୍ଥାଃ ସିଂହନାଦଂ ପ୍ରଚକ୍ରିରେ।
ତଦା ରାଜନ୍ଧାର୍ତରାଷ୍ଟ୍ରାନ୍ପ୍ରବିବେଶ ମହଦ୍ଭଯମ୍॥ 9-7-19 (60502)
ତାନ୍ସମାଶ୍ବାସ୍ଯ ତୁ ତଦା ମଦ୍ରରାଜଃ ପ୍ରତାପବାନ୍।
ବ୍ଯୂହ୍ଯ ବ୍ଯୂହଂ ମହାରାଜ ସର୍ବତୋଭଦ୍ରମୃଦ୍ଧିମତ୍॥ 9-7-20 (60503)
ପ୍ରତ୍ଯୁଦ୍ଯଯୌ ରଣେ ପାର୍ଥାନ୍ମଦ୍ରରାଜଃ ପ୍ରତାପବାନ୍।
ବିଧୂନ୍ବନ୍କାର୍ମୁକଂ ଚିତ୍ରଂ ଭାରଘ୍ନଂ ବେଗବତ୍ତରମ୍।
ରଥପ୍ରବରମାସ୍ଥାଯ ସୈନ୍ଧବାଶ୍ବଂ ମହାରଥଃ॥ 9-7-21 (60504)
ତସ୍ଯ ସୂତୋ ମହାରାଜ ରଥସ୍ଥୋଽଶୋଭଯଦ୍ରଥମ୍।
ସ ତେନ ସଂବୃତୋ ବୀରୋ ରଥେନାମିତ୍ରକର୍ଶନଃ।
ତସ୍ଥୌ ଶୂରୋ ମହାରାଜ ପୁତ୍ରାଣାଂ ତେ ଭଯପ୍ରଣୁତ୍॥ 9-7-22 (60505)
ପ୍ରଯାଣେ ମଦ୍ରରାଜୋଽଭୂନ୍ମୁଖଂ ବ୍ଯୂହସ୍ଯ ଦଂଶିତଃ।
ମଦ୍ରକୈଃ ସହିତୋ ବୀରୈଃ କର୍ଣପୁତ୍ରୈଶ୍ଚ ଦୁର୍ଜଯୈଃ॥ 9-7-23 (60506)
ସବ୍ଯେଽଭୂତ୍କୃତବର୍ମା ଚ ତ୍ରିଗର୍ତୈଃ ପରିବାରିତଃ।
ଗୌତମୋ ଦକ୍ଷିଣେ ପାର୍ଶ୍ବେ ଶକୈଶ୍ଚ ଯବନୈଃ ସହ॥ 9-7-24 (60507)
ଅଶ୍ବତ୍ଥାମା ପୃଷ୍ଠତୋଽଭୂତ୍କାମ୍ଭୋଜୈଃ ପରିବାରିତଃ।
ଦୁର୍ଯୋଧନୋଽଭବନ୍ମଧ୍ଯେ ରକ୍ଷିତଃ କୁରୁପୁଙ୍ଗବୈଃ॥ 9-7-25 (60508)
ହଯାନୀକେନ ମହତା ସୌବଲଶ୍ଚାପି ସଂବୃତଃ।
ପ୍ରଯଯୌ ସର୍ବସୈନ୍ଯେନ କୈତବ୍ଯଶ୍ଚ ମହାରଥଃ॥ 9-7-26 (60509)
ପାଣ୍ଡବାଶ୍ଚ ମହେଷ୍ବାସା ବ୍ଯୂହ୍ଯ ସୈନ୍ଯମରିନ୍ଦମାଃ।
ତ୍ରିଧାଭୂତା ମହାରାଜ ତବ ସୈନ୍ଯମୁପାଦ୍ରବନ୍॥ 9-7-27 (60510)
ଧୃଷ୍ଟଦ୍ଯୁମ୍ନଃ ଶିଖଣ୍ଡୀ ଚ ସାତ୍ଯକିସ୍ଚ ମହାରଥଃ।
ଶଲ୍ଯସ୍ଯ ବାହିନୀଂ ହନ୍ତୁମଭିଦୁଦ୍ରୁବୁରାହବେ॥ 9-7-28 (60511)
ତତୋ ଯୁଧିଷ୍ଠିରୋ ରାଜା ସ୍ବେନାନୀକେନ ସଂବୃତଃ।
ଶଲ୍ଯମେବାଭିଦୁଦ୍ରାବ ଜିଘାଂସୁର୍ଭରତର୍ଷଭଃ॥ 9-7-29 (60512)
ହାର୍ଦିକ୍ଯଂ ଚ ମହେଷ୍ବାସମର୍ଜୁନଃ ଶତ୍ରୁପୂଗହା।
ସଂଶପ୍ତକଗଣାଂଶ୍ଚୈବ ବେଗିତୋଽଭିବିଦୁଦ୍ରୁବେ॥ 9-7-30 (60513)
ଗୌତମଂ ଭୀମସେନୋ ବୈ ସୋମକାଶ୍ଚ ମହାରଥାଃ।
ଅଭ୍ଯଦ୍ରବନ୍ତ ରାଜେନଦ୍ର ଜିଘାଂସନ୍ତଃ ପରାନ୍ଯୁଧି॥ 9-7-31 (60514)
ମାଦ୍ରୀପୁତ୍ରୌ ତୁ ଶକୁନିମୁଲୂକଂ ଚ ମହାରଥମ୍।
ସସୈନ୍ଯୌ ସହସୈନ୍ଯୌ ତାବୁପତସ୍ଥତୁରାହବେ॥ 9-7-32 (60515)
ତଥୈବାଯୁତଶୋ ଯୋଧାସ୍ତାବକାଃ ପାଣ୍ଡବାନ୍ରଣେ।
ଅଭ୍ଯବର୍ତନ୍ତ ସଙ୍କ୍ରୁଦ୍ଧା ବିବିଧାଯୁଧପାଣଯଃ॥ 9-7-33 (60516)
ଧୃତରାଷ୍ଟ୍ର ଉବାଚ। 9-7-34x (5099)
ହତେ ଭୀଷ୍ମେ ହମେଷ୍ବାସେ ଦ୍ରୋଣେ କର୍ଣେ ଜଯଦ୍ରଥେ।
କୁରୁଷ୍ବଲ୍ପାବଶିଷ୍ଟେଷୁ ପାଣ୍ଡବେଷୁ ଚ ସଂଯୁଗେ॥ 9-7-34 (60517)
ସଂରବ୍ଧେଷୁ ଚ ପାର୍ଥେଷୁ ପରାକ୍ରାନ୍ତେଷୁ ସଞ୍ଜଯ।
ମାମକାନାଂ ପରେଷାଂ ଚ କିଂ ଶିଷ୍ଟମଭବଦ୍ବଲମ୍॥ 9-7-35 (60518)
ସଞ୍ଜଯ ଉବାଚ। 9-7-36x (5100)
ଯଥା ବଯଂ ପରେ ରାଜନ୍ଯୁଦ୍ଧାଯ ସମୁପସ୍ଥିତାଃ।
ଯାବଚ୍ଚାସୀଦ୍ବଲଂ ଶିଷ୍ଟଂ ସଙ୍ଗ୍ରାମେ ତନ୍ନିବୋଧ ମେ॥ 9-7-36 (60519)
ଏକାଦଶ ସହସ୍ରାଣି ରଥାନାଂ ଭରତର୍ଷଭ।
ଦଶ ଦନ୍ତିସହସ୍ରାଣି ସପ୍ତ ଚୈବ ଶତାନି ଚ॥ 9-7-37 (60520)
ପୂର୍ଣେ ଶତସହସ୍ରେ ଦ୍ବେ ହଯାନାଂ ତତ୍ର ଭାରତ।
ପତ୍ତିକୋଟ୍ଯସ୍ତଥା ତିସ୍ରୋ ବଲମେତତ୍ତବାଭବତ୍॥ 9-7-38 (60521)
ରଥାନାଂ ଷଟ୍ସହସ୍ରାଣି ଷଟ୍ସହସ୍ରାଶ୍ଚ କୁଞ୍ଜରାଃ।
ଦଶ ଚାଶ୍ବସହସ୍ରାଣି ପତ୍ତିକୋଟୀ ଚ ଭାରତ॥ 9-7-39 (60522)
ଏତଦ୍ବଲଂ ପାଣ୍ଡବାନାମଭବଚ୍ଛେଷମାହବେ।
ଏତ ଏବ ସମାଜଗ୍ମୁର୍ଯୁଦ୍ବାଯ ଭରତର୍ଷଭ॥ 9-7-40 (60523)
ଏବଂ ବିଭଜ୍ଯ ରାଜେନ୍ଦ୍ର ମଦ୍ରରାଜମତେ ସ୍ଥିତାଃ।
ପାଣ୍ଡବାନ୍ପ୍ରତ୍ଯୁଦୀଯାମ ଜଯଗୃଦ୍ଧାଃ ପ୍ରମନ୍ଯବଃ॥ 9-7-41 (60524)
ତଥୈବ ପାଣ଼୍ଡବାଃ ଶୂରାଃ ସମରେ ଜିତକାଶିନଃ।
ଉପଯାତା ନରବ୍ଯାଘ୍ରାଃ ପାଞ୍ଚାଲାଶ୍ଚ ଯଶସ୍ବିନଃ॥ 9-7-42 (60525)
ଏବମେତେ ବଲୌଘେନ ପରସ୍ପରବଧୈଷିଣଃ।
ଉପଯାତା ନରବ୍ଯାଘ୍ରାଃ ପୂର୍ବାଂ ସନ୍ଧ୍ଯାଂ ପ୍ରତି ପ୍ରଭୋ॥ 9-7-43 (60526)
ତତଃ ପ୍ରବବୃତେ ଯୁଦ୍ଧଂ ଘୋରରୂପଂ ଭଯାନକମ୍।
ତାବକାନାଂ ପରେଷାଂ ଚ ନିଘ୍ନତାମିତରେତରମ୍॥ ॥ 9-7-44 (60527)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଶଲ୍ଯବଧପର୍ବଣି ସପ୍ତମୋଽଧ୍ଯାଯଃ॥ 7 ॥
Mahabharata - Shalya Parva - Chapter Footnotes
9-7-39 ପତ୍ତିକୋଟୀ ଇତି ଦ୍ବିବଚନମ୍॥ 9-7-7 ସପ୍ତମୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 008
॥ ଶ୍ରୀଃ ॥
9.8. ଅଧ୍ଯାଯଃ 008
Mahabharata - Shalya Parva - Chapter Topics
ଅଷ୍ଟାଦଶଦିବସଯୁଦ୍ଧାରଭ୍ଯଃ॥ 1 ॥ ସଙ୍କୁଲଯୁଦ୍ଧମ୍॥ 2 ॥Mahabharata - Shalya Parva - Chapter Text
9-8-0 (60528)
ସଞ୍ଜଯ ଉବାଚ। 9-8-0x (5101)
ତତଃ ପ୍ରବବୃତେ ଯୁଦ୍ଧଂ କୁରୂଣାଂ ଭଯବର୍ଧନମ୍।
ସୃଞ୍ଜଯୈଃ ସହ ରାଜେନ୍ଦ୍ର ଘୋରଂ ଦେବାସୁରୋପମମ୍॥ 9-8-1 (60529)
ନରା ରଥା ଗଜୌଘାଶ୍ଚ ବାଜିନଶ୍ଚ ସହସ୍ରଶଃ।
ବାଜିନଶ୍ଚ ପରାକ୍ରାନ୍ତାଃ ସମାଜଗ୍ମୁଃ ପରସ୍ପରମ୍॥ 9-8-2 (60530)
ଗଜାନାଂ ଭୀମରୂପାଣାଂ ଦ୍ରବତାଂ ନିଃସ୍ବନୋ ମହାନ୍।
ଅଶ୍ରୂଯତ ଯଥା କାଲେ ଜଲଦାନାଂ ନଭସ୍ତଲେ॥ 9-8-3 (60531)
ନାଗୈରଭ୍ଯାହତାଃ କେଚିତ୍ସରଥା ରଥିନୋଽପତନ୍।
ବ୍ଯଦ୍ରବନ୍ତ ରଣେ ଭୀତା ଦ୍ରାବ୍ଯମାଣା ମଦୋତ୍କଟୈଃ॥ 9-8-4 (60532)
ହଯୌଘାନ୍ପାଦରକ୍ଷାଂଶ୍ଚ ରଥିନସ୍ତତ୍ର ଶିକ୍ଷିତାଃ।
ଶରୈଃ ସମ୍ପ୍ରେଷଯାମାସୁଃ ପରଲୋକାଯ ଭାରତ॥ 9-8-5 (60533)
ସାଦିନଃ ଶିକ୍ଷିତା ରାଜନ୍ପରିବାର୍ଯ ମହାରଥାନ୍।
ବିଚରନ୍ତୋ ରଣେଽଭ୍ଯଘ୍ନନ୍ପ୍ରାସଶକ୍ତ୍ଯୃଷ୍ଟିଭିସ୍ତଥା॥ 9-8-6 (60534)
ଧନ୍ବିନଃ ପୁରୁଷାଃ କେଚିତ୍ପରିବାର୍ଯ ମହାରଥାନ୍।
ଏକଂ ବହବ ଆସାଦ୍ଯ ପ୍ରୈଷଯନ୍ଯମସାଦନମ୍॥ 9-8-7 (60535)
ନାଗାନ୍ରଥବରାଂଶ୍ଚାନ୍ଯେ ପରିବାର୍ଯ ମହାରଥାଃ।
ସୋତ୍ତରା ଯୁଧି ନିର୍ଜଘ୍ନୁର୍ଦ୍ରବମାଣଂ ମହାରଥମ୍॥ 9-8-8 (60536)
ତଥା ଚ ରଥିନଂ କ୍ରୁଦ୍ଧଂ ବିକିରନ୍ତଂ ଶରାନ୍ବହୂନ୍।
ନାଗା ଜଘ୍ନୁର୍ମହାରାଜ ପରିବାର୍ଯ ସମନ୍ତତଃ॥ 9-8-9 (60537)
ନାଗା ନାଗମଭିଦ୍ରୁତ୍ଯ ରଥୀ ଚ ରଥିନଂ ରଣେ।
ଶକ୍ତିତୋମରନାରାଚୈର୍ନିଜଘ୍ନୁସ୍ତତ୍ର ଭାରତ॥ 9-8-10 (60538)
ପାଦାତାନବମୃଦ୍ଗନ୍ତୋ ରଥବାରଣବାଜିନଃ।
ରଣମଧ୍ଯେ ବ୍ଯଦୃଶ୍ଯନ୍ତ କୁର୍ବନ୍ତୋ ମହଦାକୁଲମ୍॥ 9-8-11 (60539)
ହଯାଶ୍ଚ ପର୍ଯଧାବନ୍ତ ଚାମରୈରୁପଶୋଭିତାଃ।
ହଂସା ହିମବତଃ ପ୍ରସ୍ଥେ ପିବନ୍ତ ଇବ ମେଦିନୀମ୍॥ 9-8-12 (60540)
ତେଷାଂ ତୁ ବାଜିନାଂ ଭୂମିଃ ଖୁରୈଶ୍ଚିତ୍ରା ବିଶାମ୍ପତେ।
ଅଶୋଭତ ଯଥା ନାରୀ କରଜୈଃ କ୍ଷତବିକ୍ଷତା॥ 9-8-13 (60541)
ବାଜିନାଂ ଖୁରଶବ୍ଦେନ ରଥନେମିସ୍ବନେନ ଚ।
ପତ୍ତୀନାଂ ଚାପି ଶବ୍ଦେନ ନାଗାନାଂ ବୃଂହିତେନ ଚ॥ 9-8-14 (60542)
ବାଦିତ୍ରାଣାଂ ଚ ଘୋଷେଣ ଶଙ୍ଖାନାଂ ନିନଦେନ ଚ।
ଅଭବନ୍ନାଦିତା ଭୂମିର୍ନିର୍ଘାତୈରିବ ଭାରତ॥ 9-8-15 (60543)
ଧନୁଷାଂ କୂଜମାନାନାଂ ଶସ୍ତ୍ରୌଘାନାଂ ଚ ପାତ୍ଯତାମ୍।
କବଚାନାଂ ପ୍ରଭାଭିଶ୍ଚ ନ ପ୍ରାଜ୍ଞାଯତ କିଞ୍ଚନ॥ 9-8-16 (60544)
ବହବୋ ବାହବଶ୍ଛିନ୍ନା ନାଗରାଜକରୋପମାଃ।
ଉଦ୍ବେଷ୍ଟନ୍ତେ ବିଚେଷ୍ଟନ୍ତେ ବେଗଂ କୁର୍ବନ୍ତି ଦାରୁଣମ୍॥ 9-8-17 (60545)
ଶିରସାଂ ଚ ମହାରାଜ ପତତାଂ ଧରଣୀତଲେ।
ଚ୍ଯୁତାନାମିବ ତାଲେଭ୍ଯଃ ଫଲାନାଂ ଶ୍ରୂଯତେ ସ୍ବନଃ॥ 9-8-18 (60546)
ଶିରୋଭିଃ ପତିତୈର୍ଭାତି ରୁଧିରାର୍ଦ୍ରୈର୍ବସୁନ୍ଧରା।
ତପନୀଯନିଭୈଃ କାଲେ ନଲିନୈରିବ ଭାରତ॥ 9-8-19 (60547)
ଉଦ୍ବୃତ୍ତନଯନୈସ୍ତୈସ୍ତୁ ଗତସତ୍ବୈଃ ସୁବିକ୍ଷତୈଃ।
ବ୍ଯଭ୍ରାଜତ ମହୀ ରାଜନ୍ପୁଣ୍ଡରୀକୈରିବାବୃତା॥ 9-8-20 (60548)
ବାହୁଭିଶ୍ଚନ୍ଦନାଦିଗ୍ଧୈଃ ସକେଯୂରୈର୍ମହାରଧନୈଃ।
ପତିତୈର୍ଭାତି ରାଜେନ୍ଦ୍ର ମହାଶକ୍ରଧ୍ବଜୈରିବ॥ 9-8-21 (60549)
ଊରୁଭିଶ୍ଚ ନରେନ୍ଦ୍ରାଣାଂ ବିନିକୃତ୍ତୈର୍ମହାହବେ।
ହସ୍ତିହସ୍ତୋପମୈର୍ଜଜ୍ଞେ ସଂବୃତଂ ତଦ୍ରଣାଙ୍କଣମ୍॥ 9-8-22 (60550)
କବନ୍ଧଂଶତସଙ୍କୀର୍ଣଂ ଛତ୍ରଚାମରସଙ୍କୁଲମ୍।
ସେନାବନଂ ତଚ୍ଛୁଶୁଭେ ବନଂ ପୁଷ୍ପାଚିତଂ ଯଥା॥ 9-8-23 (60551)
ତତ୍ର ଯୋଧା ମହାରାଜ ବିଚରନ୍ତୋ ହ୍ଯଭୀତବତ୍।
ଦୃଶ୍ଯନ୍ତେ ରୁଧିରାକ୍ତାଙ୍ଗାଃ ପୁଷ୍ପିତା ଇବ କିଂଶୁକାଃ॥ 9-8-24 (60552)
ମାତଙ୍ଗାଶ୍ଚାପ୍ଯଦୃଶ୍ଯନ୍ତ ଶରତୋମରପୀଡିତାଃ।
ପତନ୍ତସ୍ତତ୍ର ତବୈବ ଛିନ୍ନାଭ୍ରାସଦୃଶା ରଣେ॥ 9-8-25 (60553)
ଗଜାନୀକଂ ମହାରାଜ ବଧ୍ଯମାନଂ ମହାତ୍ମଭିଃ।
ବ୍ଯଦୀର୍ଯତ ଦିଶଃ ସର୍ବା ବାତନୁନ୍ନା ଧନା ଇବ॥ 9-8-26 (60554)
ତେ ଗଜା ଧନସଙ୍କାଶାଃ ପେତୁରୁର୍ବ୍ଯାଂ ସମନ୍ତତଃ।
ବଜ୍ରନୁନ୍ନା ଇବ ବଭୁଃ ପର୍ବତା ଯୁଗସଙ୍କ୍ଷଯେ॥ 9-8-27 (60555)
ହଯାନାଂ ସାଦିଭିଃ ସାର୍ଧଂ ପତିତାନାଂ ମହୀତଲେ।
ରାଶଯଃ ସ୍ମ ପ୍ରଦୃଶ୍ଯନ୍ତେ ଗିରିମାତ୍ରାଂସ୍ତତସ୍ତତଃ॥ 9-8-28 (60556)
ସଞ୍ଜଜ୍ଞେ ରଣଭୂମୌ ତୁ ପରଲୋକବହା ନଦୀ।
ଶୋଣିତୋଦା ରଥାବର୍ତା ଧ୍ବଜବୃକ୍ଷାସ୍ଥିଶର୍କରା॥ 9-8-29 (60557)
ଭୁଜନକ୍ରା ଧନୁଃସ୍ରୋତା ହସ୍ତିଶୈଲା ହଯୋପଲା।
ମେଦୋମଜ୍ଜାକର୍ଦମିନୀ ଛତ୍ରହଂସା ଗଦୋଡୁପା॥ 9-8-30 (60558)
କବଚୋଷ୍ଣୀଷସଞ୍ଛନ୍ନା ପତାକାରୁଚିରଦ୍ରୁମା।
ଚକ୍ରଚକ୍ରାବଲୀଜୁଷ୍ଟା ତ୍ରିବେଣୂରଗସଂବୃତା॥ 9-8-31 (60559)
ଶୂରାଣାଂ ହର୍ଷଜନନୀ ଭୀରୂଣାଂ ଭଯବର୍ଧନୀ।
ପ୍ରାବର୍ତତ ନଦୀ ରୌଦ୍ରା କୁରୁସୃଞ୍ଜଯସଙ୍ଗମେ॥ 9-8-32 (60560)
ତାଂ ନଦୀଂ ପରଲୋକାଯ ବହନ୍ତୀମତିଭୈରବାମ୍।
ତେରୁର୍ବାହନନୌଭିସ୍ତେ ଶୂରାଃ ପରିଘବାହବଃ॥ 9-8-33 (60561)
ବର୍ତମାନେ ତଦା ଯୁଦ୍ଧେ ନିର୍ମର୍ଯାଦେ ବିଶାମ୍ପତେ।
ଚତୁରଙ୍ଗକ୍ଷଯେ ଘୋରେ ଯୁଦ୍ଧେ ଦେବାସୁରୋପମେ॥ 9-8-34 (60562)
ବ୍ଯାକ୍ରୋଶନ୍ବାନ୍ଧବାନନ୍ଯେ ତତ୍ର ତତ୍ର ପରନ୍ତପ।
କ୍ରୋଶଦ୍ଭିର୍ଦଯିତୈରନ୍ଯେ ଭଯାର୍ତା ନ ନିବର୍ତିରେ॥ 9-8-35 (60563)
ନିର୍ମର୍ଯାଦେ ତଥା ଯୁଦ୍ଧେ ବର୍ତମାନେ ଭଯାନକେ।
ଅର୍ଜୁନୋ ଭୀମସେନଶ୍ଚ ମୋହଯାଞ୍ଚକ୍ରତୁଃ ପରାନ୍॥ 9-8-36 (60564)
ସା ବଧ୍ଯମାନା ମହତୀ ସେନା ତବ ନରାଧିପ।
ଅମୁହ୍ଯତ୍ତତ୍ର ତତ୍ରୈବ ଯୋଷିନ୍ମଦବଶାଦିବ॥ 9-8-37 (60565)
ମୋହଯିତ୍ବା ଚ ତାଂ ସେନାଂ ଭୀମସେନଧନଞ୍ଜଯୌ।
ଦଧ୍ମତୁର୍ବାରିଜୌ ତତ୍ର ସିଂହନାଦାଂଶ୍ଚ ଚକ୍ରତୁଃ॥ 9-8-38 (60566)
ଶ୍ରୁତ୍ବୈବ ତୁ ମହାଶବ୍ଦଂ ଧୃଷ୍ଟଦ୍ଯୁମ୍ନଶିଖଣ୍ଡିନୌ।
ଧର୍ମରାଜଂ ପୁରସ୍କୃତ୍ଯ ମଦ୍ରରାଜମଭିଦ୍ରୁତୌ॥ 9-8-39 (60567)
ତତ୍ରାଶ୍ଚର୍ଯମପଶ୍ଯାମ ଘୋରରୂପଂ ମହଦ୍ଭଯମ୍।
ଶଲ୍ଯେନ ସଙ୍ଗତାଃ ଶୂରା ଯଦଯୁଧ୍ଯନ୍ତ ଭାଗଶଃ॥ 9-8-40 (60568)
ମାଦ୍ରୀପୁତ୍ରୌ ତୁ ରଭସୌ କୃତାସ୍ତ୍ରୌ ଯୁଦ୍ଧଦୁର୍ମଦୌ।
ଅଭ୍ଯଯାତାଂ ତ୍ବରାଯୁକ୍ତୌ ଜିଗୀଷନ୍ତୌ ବଲଂ ତବ॥ 9-8-41 (60569)
ତତୋଽଭ୍ଯାବର୍ତତ ବଲଂ ତାବକଂ ଭରତର୍ଷଭ।
ଶରୈଃ ପ୍ରଣୁନ୍ନଂ ବହୁଧା ପାଣ୍ଡବୈର୍ଜିତକାଶିଭିଃ॥ 9-8-42 (60570)
ବଧ୍ଯମାନା ଚମୂଃ ସା ତୁ ପୁତ୍ରାଣାଂ ପ୍ରେକ୍ଷତାଂ ତବ।
ଭେଜେ ଦଶ ଦିଶୋ ରାଜନ୍ପ୍ରଣୁନ୍ନା ଶରବୃଷ୍ଟିଭିଃ॥ 9-8-43 (60571)
ହାହାକାରୋ ମହାଞ୍ଜଜ୍ଞେ ଯୋଧାନାଂ ତତ୍ର ଭାରତ।
ତିଷ୍ଠତିଷ୍ଠେତି ଚାପ୍ଯାସୀଦ୍ଦ୍ରାବିତାନାଂ ମହାତ୍ମନାମ୍॥ 9-8-44 (60572)
କ୍ଷତ୍ରିଯାଣାଂ ତଥାଽନ୍ଯୋନ୍ଯଂ ସଂଯୁଗେ ଜଯମିଚ୍ଛତାମ୍।
ପ୍ରାଦ୍ରବନ୍ନେବ ସମ୍ଭଗ୍ନାଃ ପାଣ୍ଡବୈସ୍ତବ ସୈନିକାଃ॥ 9-8-45 (60573)
ତ୍ଯକ୍ତ୍ବା ଯୁଦ୍ଧେ ପ୍ରିଯାନ୍ପୁତ୍ରାନ୍ଭ୍ରାତୄନଥ ପିତାମହାନ୍।
ମାତୁଲାନ୍ଭାଗିନେଯାଂଶ୍ଚ ବଯସ୍ଯାନପି ଭାରତ॥ 9-8-46 (60574)
ହଯାନ୍ଦ୍ବିପାଂସ୍ତ୍ବରଯନ୍ତୋ ଯୋଧା ଜଗ୍ମୁଃ ସମନ୍ତତଃ।
ଆତ୍ମତ୍ରାଣକୃତୋତ୍ସାହାସ୍ତାବକା ଭରତର୍ଷଭ॥ ॥ 9-8-47 (60575)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଶଲ୍ଯବଧପର୍ବଣି ଅଷ୍ଟାଦଶଦିବସଯୁଦ୍ଧେ ଅଷ୍ଟମୋଽଧ୍ଯାଯଃ॥ 8 ॥
Mahabharata - Shalya Parva - Chapter Footnotes
9-8-35 ନ ନିବର୍ତିରେ ନ ନିବର୍ତିତାଃ॥ 9-8-8 ଅଷ୍ଟମୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 009
॥ ଶ୍ରୀଃ ॥
9.9. ଅଧ୍ଯାଯଃ 009
Mahabharata - Shalya Parva - Chapter Topics
ନକୁକେନ କର୍ଣପୁତ୍ରାଣାଂ ତ୍ରଯାଣାଂ ମାରଣମ୍॥ 1 ॥Mahabharata - Shalya Parva - Chapter Text
9-9-0 (60576)
ସଞ୍ଜଯ ଉବାଚ। 9-9-0x (5102)
ତତ୍ପ୍ରଭଗ୍ନଂ ବଲଂ ଦୃଷ୍ଟ୍ବା ମଦ୍ରରାଜଃ ପ୍ରତାପବାନ୍।
ଉବାଚ ସାରଥିଂ ତୂର୍ଣଂ ଚୋଦଯାଶ୍ବାନ୍ମହାଜବାନ୍॥ 9-9-1 (60577)
ଏଷ ତିଷ୍ଠତି ବୈ ରାଜା ପାଣ୍ଡୁପୁତ୍ରୋ ଯୁଧିଷ୍ଠିରଃ।
ଛତ୍ରେଣ ଧ୍ରିଯମାଣେନ ପାଣ୍ଡୁରେଣ ବିରାଜତା॥ 9-9-2 (60578)
ଅତ୍ର ମାଂ ପ୍ରାପଯ କ୍ଷିପ୍ରଂ ପଶ୍ଯ ମେ ସାରଥେ ବଲମ୍।
ନ ସମର୍ଥା ହି ମେ ପାର୍ଥାଃ ସ୍ଥାତୁମଦ୍ଯ ପୁରୋ ଯୁଧି॥ 9-9-3 (60579)
ଏବମୁକ୍ତସ୍ତତଃ ପ୍ରାଯାନ୍ମଦ୍ରରାଜସ୍ଯ ସାରଥିଃ।
ଯତ୍ରା ରାଜା ସତ୍ଯସନ୍ଧୋ ଧର୍ମପୁତ୍ରୋ ଯୁଧିଷ୍ଠିରଃ॥ 9-9-4 (60580)
ଆପତନ୍ତଂ ଚ ସହସା ପାଣ୍ଡବାନାଂ ମହଦ୍ବଲମ୍।
ଦଧାରୈକୋ ରଣେ ଶଲ୍ଯୋ ବେଲୋଦ୍ବୃତ୍ତମିବାର୍ଣବମ୍॥ 9-9-5 (60581)
ପାଣ୍ଡବାନାଂ ବଲୌଘସ୍ତୁ ଶଲ୍ଯମାସାଦ୍ଯ ମାରିଷ।
ବ୍ଯତିଷ୍ଠତ ତଦା ଯୁଦ୍ବେ ସିନ୍ଧୋର୍ବେଗ ଇବାଚଲମ୍॥ 9-9-6 (60582)
ମଦ୍ରରାଜଂ ତୁ ସମରେ ଦୃଷ୍ଟ୍ବା ଯୁଦ୍ଧାଯ ଧିଷ୍ଠିତମ୍।
କୁରବଃ ସନ୍ନ୍ଯବର୍ତନ୍ତ ମୃତ୍ଯୁଂ କୃତ୍ବା ନିବର୍ତନମ୍॥ 9-9-7 (60583)
ତେଷୁ ରାଜନ୍ନିବୃତ୍ତେଷୁ ବ୍ଯୂଢାନୀକେଷୁ ସର୍ବଶଃ।
ପ୍ରାବର୍ତତ ମହାରୌଦ୍ରଃ ସଙ୍ଗ୍ରାମଃ ଶୋଣିତୋଦକଃ॥ 9-9-8 (60584)
ସମାର୍ଚ୍ଛଚ୍ଚିତ୍ରସେନଂ ତୁ ନକୁଲୋ ଯୁଦ୍ଧଦୁର୍ମଦଃ।
ତୌ ପରସ୍ପରମାସାଦ୍ଯ ଚିତ୍ରକାର୍ମୁକଧାରିଣୌ॥ 9-9-9 (60585)
ମେଘାବିବ ଯଥୋଦ୍ବୃତ୍ତୌ ଦକ୍ଷିଣୋତ୍ତରବର୍ଷିଣୌ।
ଶରତୋଯୈଃ ସିଷିଚତୁସ୍ତୌ ପରସ୍ପରମାହବେ॥ 9-9-10 (60586)
ନାନ୍ତରଂ ତତ୍ର ପଶ୍ଯାମଃ ପାଣ୍ଡବସ୍ଯେତରସ୍ଯ ଚ।
ଉଭୌ କୃତାସ୍ତ୍ରୌ ବଲିନୌ ରଥଚର୍ଯାବିଶାରଦୌ।
ପରସ୍ପରବଧେ ଯତ୍ତୌ ଛିଦ୍ରାନ୍ବେଷଣତତ୍ପରୌ॥ 9-9-11 (60587)
ଚିତ୍ରସେନସ୍ତୁ ଭଲ୍ଲେନ ପୀତେନ ନିଶିତେନ ଚ।
ନକୁଲସ୍ଯ ମହାରାଜ ମୁଷ୍ଟିଦେଶେଽଚ୍ଛିନଦ୍ଧନୁଃ॥ 9-9-12 (60588)
ଅଥୈନଂ ଛିନ୍ନଧନ୍ବାନଂ ରୁକ୍ମପୁଙ୍ଖୈଃ ଶିଲାଶିତୈଃ।
ତ୍ରିଭିଃ ଶରୈରସମ୍ଭ୍ରାନ୍ତୋ ଲଲାଟେ ବୈ ସମାର୍ପଯତ୍॥ 9-9-13 (60589)
ହଯାଂଶ୍ଚାସ୍ଯ ଶରୈସ୍ତୀକ୍ଷ୍ଣୈଃ ପ୍ରେଷଯାମାସ ମୃତ୍ଯବେ।
ତଥା ଧ୍ବଜଂ ସାରଥିଂ ଚ ତ୍ରିଭିସ୍ତ୍ରିଭିରପାତଯତ୍॥ 9-9-14 (60590)
ସ ଶତ୍ରୁଭୁଜନିର୍ମୁକ୍ତୈର୍ଲଲାଟସ୍ଥୈସ୍ତ୍ରିଭିଃ ଶରୈଃ।
ନକୁଲଃ ଶୁଶୁଭେ ରାଜଂସ୍ତ୍ରିଶୃଙ୍ଗ ଇବ ପର୍ବତଃ॥ 9-9-15 (60591)
ସ ଚ୍ଛିନ୍ନଧନ୍ବା ବିରଥଃ ଖଙ୍ଗମାଦାଯ ଚର୍ମ ଚ।
ରଥାଦବାତରଦ୍ବୀରଃ ଶୈଲାଗ୍ରାଦିବ କେସରୀ॥ 9-9-16 (60592)
ପଦ୍ମାମାପତତସ୍ତସ୍ଯ ଶସ୍ବୃଷ୍ଟିଂ ସମାସୃଜତ୍।
ନକୁଲୋଽପ୍ଯଗ୍ରସତ୍ତାଂ ବୈ ଚର୍ମଣା ଲଘୁବିକ୍ରମଃ॥ 9-9-17 (60593)
ଚିତ୍ରସେନରଥଂ ପ୍ରାପ୍ଯ ଚିତ୍ରଯୋଧୀ ଜିତଶ୍ରମଃ।
ଆରୁରୋହ ମହାବାହୁଃ ସର୍ବସୈନ୍ଯସ୍ଯ ପଶ୍ଯତଃ॥ 9-9-18 (60594)
ସକୁଣ୍ଡଲଂ ସମୁକୁଟଂ ସୁନସଂ ସ୍ବାଯତେକ୍ଷଣମ୍।
ଚିତ୍ରସେନଶିରଃ କାଯାଦପାହରତ ପାଣ୍ଡବଃ॥ 9-9-19 (60595)
ସ ପପାତ ରଥାତ୍ତସ୍ମାଦ୍ଦିବାକରସମଦ୍ଯୁତିଃ॥ 9-9-20 (60596)
ଚିତ୍ରସେନଶିରସ୍ତତ୍ତୁ ଦୃଷ୍ଟ୍ବା ତତ୍ର ମହାରଥାଃ।
ସାଧୁବାଦସ୍ବନାଂଶ୍ଚକ୍ରୁଃ ସିଂହନାଦାଂଶ୍ଚ ପୁଷ୍କଲାନ୍॥ 9-9-21 (60597)
ବିଶସ୍ତଂ ଭ୍ରାତରଂ ଦୃଷ୍ଟ୍ବା କର୍ଣପୁତ୍ରୌ ମହାରଥୌ।
ସୁଶର୍ମା ସତ୍ଯସେନଶ୍ଚ ମୁଞ୍ଚନ୍ତୌ ବିବିଧାଞ୍ଶରାନ୍॥ 9-9-22 (60598)
ତତୋଽଭ୍ଯଧାବତାଂ ତୂର୍ଣଂ ପାଣ୍ଡବଂ ରଥିନାଂ ବରମ୍।
ଜିଘାଂସନ୍ତୌ ଯଥା ନାଗଂ ବ୍ଯାଘ୍ରୌ ରାଜନ୍ମହାବନେ॥ 9-9-23 (60599)
ତାବଭ୍ଯେତ୍ଯ ମହାବାହୂ ଦ୍ବାବପ୍ଯତିମହାରଥୌ।
ଶରୌଷାନ୍ସମ୍ଯଗସ୍ଯନ୍ତୌ ଜୀମୂତୌ ସଲିଲଂ ଯଥା॥ 9-9-24 (60600)
ସ ଶରୈଃ ସର୍ବତୋ ବିଦ୍ଧଃ ପ୍ରହୃଷ୍ଟ ଇବ ପାଣ୍ଡବଃ।
ଅନ୍ଯତ୍କାର୍ମୁକମାଦାଯ ରଥମାରୁହ୍ଯ ବେଗବାନ୍।
ଅତିଷ୍ଠତ ରଣେ ବୀରଃ କ୍ରୁଦ୍ଧରୂପ ଇବାନ୍ତକଃ॥ 9-9-25 (60601)
ତସ୍ଯ ତୌ ଭ୍ରାତରୌ ରାଜଞ୍ଶରୈଃ ସନ୍ନତପର୍ବଭିଃ।
ରଥଂ ବିଶକଲୀକର୍ତୁଂ ସମାରବ୍ଧୌ ବିଶାମ୍ପତେ॥ 9-9-26 (60602)
ତତଃ ପ୍ରହସ୍ଯ ନକୁଲଶ୍ଚତୁର୍ଭିଶ୍ଚତୁରୋ ରଣେ।
ଜଘାନ ନିଶିତୈର୍ବାଣୈଃ ସତ୍ଯସେନସ୍ଯ ବାଜିନଃ॥ 9-9-27 (60603)
ତତଃ ସନ୍ଧାଯ ନାରଚଂ ରୁକ୍ମପୁଙ୍ଖଂ ଶିଲାଶିତମ୍।
ଧନୁଶ୍ଚିଚ୍ଛେଦ ରାଜେନ୍ଦ୍ର ସତ୍ଯସେନସ୍ଯ ପାଣ୍ଡବଃ॥ 9-9-28 (60604)
ଅଥାନ୍ଯଂ ରଥମାସ୍ଥାଯ ଧନୁରାଦାଯ ଚାପରମ୍।
ସତ୍ଯସେନଃ ସୁଶର୍ମା ଚ ପାଣ୍ଡବଂ ପର୍ଯଧାବତାମ୍॥ 9-9-29 (60605)
ଅବିଧ୍ଯତ୍ତାବସମ୍ଭ୍ରାନ୍ତୌ ମାଦ୍ରୀପୁତ୍ରଃ ପ୍ରତାପବାନ୍।
ଦ୍ବାଭ୍ଯାଂ ଦ୍ବାଭ୍ଯାଂ ମହାରାଜ ଶରାଭ୍ଯାଂ ରଣମୂର୍ଧନି॥ 9-9-30 (60606)
ସୁଶର୍ମା ତୁ ତତଃ କ୍ରୁଦ୍ଧଃ ପାଣ୍ଡବସ୍ଯ ମହଦ୍ଧନୁଃ।
ଚିଚ୍ଛେଦ ପ୍ରହସନ୍ଯୁଦ୍ଧେ କ୍ଷୁରପ୍ରେଣ ମହାରଥଃ॥ 9-9-31 (60607)
ଅଥାନ୍ଯଦ୍ଧନୁରାଦାଯ ନକୁଲଃ କ୍ରୋଧମୂଚ୍ଛିତଃ।
ସୁଶର୍ମାଣଂ ପଞ୍ଚଭିର୍ବିଦ୍ଧ୍ବା ଧ୍ବଜମେକେନ ଚିଚ୍ଛିଦେ॥ 9-9-32 (60608)
ସତ୍ଯସେନସ୍ଯ ସ ଧନୁର୍ହସ୍ତାବପଂ ଚ ମାରିଷ।
ଚିଚ୍ଛେଦ ତରସା ଯୁଦ୍ଧେ ତତ ଉଚ୍ଚୁକ୍ରୁଶୁର୍ଜନାଃ॥ 9-9-33 (60609)
ଅଥାନ୍ଯଦ୍ଧନୁରାଦାଯ ବେଗଘ୍ନଂ ଭାରସାଧନମ୍।
ଶରୈଃ ସଞ୍ଛାଦଯାମାସ ସମନ୍ତାତ୍ପାଣ୍ଡୁନନ୍ଦନମ୍॥ 9-9-34 (60610)
ସନ୍ନିବାର୍ଯ ତୁ ତାନ୍ବାଣାନ୍ନକୁଲଃ ପରବୀରହା।
ସତ୍ଯସେନସୁଶର୍ମାଣୌ ଦ୍ବାଭ୍ଯାଂ ଦ୍ବାଭ୍ଯାମବିଧ୍ଯତ॥ 9-9-35 (60611)
ତାବେନଂ ପ୍ରତ୍ଯବିଧ୍ଯେତାଂ ପୃଥକ୍ପୃଥଗଜିହ୍ମଗୈଃ।
ସାରଥିଂ ଚାସ୍ଯ ରାଜେନ୍ଦ୍ର ଶିତୈର୍ବିବ୍ଯଧତୁଃ ଶରୈଃ॥ 9-9-36 (60612)
ସତ୍ଯସେନୋ ରଥେଷାଂ ତୁ ନକୁଲସ୍ଯ ଧନୁସ୍ତଥା।
ପୃଥକ୍ ଶରାଭ୍ଯାଂ ଚିଚ୍ଛେଦ କୃତହସ୍ତଃ ପ୍ରତାପବାନ୍॥ 9-9-37 (60613)
ସ ରଥେଽତିରଥସ୍ତିଷ୍ଠନ୍ରଥଶକ୍ତିଂ ପରାମୃଶତ୍॥
ସ୍ବର୍ଣଦଣ୍ଡାମକୁଣ୍ଠାଗ୍ରାଂ ତୈଲଧୌତାଂ ସୁନିର୍ମଲାମ୍। 9-9-38 (60614)
ଲେଲିହାନାମିବ ବିମୋ ନାଗକନ୍ଯାଂ ମହାବିଷାମ୍॥ 9-9-39 (60615)
ସମୁଦ୍ଯମ୍ଯ ଚ ଚିକ୍ଷେପ ସତ୍ଯସେନସ୍ଯ ସଂଯୁଗେ॥ 9-9-40 (60616)
ସା ତସ୍ଯ ହୃଦଯଂ ଗତ୍ଯା ବିଭେଦ ଶତଧା ନୃପ।
ସ ପବାତ ରଥାଦ୍ଭୂମିଂ ଯତସତ୍ବୋଽଲ୍ପତ୍ତେତନଃ॥ 9-9-41 (60617)
ଭ୍ରାତରଂ ନିହତଂ ଦୃଷ୍ଟ୍ବା ସୁଶର୍ମା କ୍ରୋଧମୂର୍ଚ୍ଛିତଃ।
ଅଭ୍ଯବର୍ଷଚ୍ଛରୈସ୍ତୂର୍ଣଂ ପାଦାତଂ ପାଣ୍ଡୁନନ୍ଦନମ୍॥ 9-9-42 (60618)
ଚତୁର୍ଭିଶ୍ଚତୁରୋ ବାହାନ୍ଧ୍ବଜଂ ଛିତ୍ତ୍ବା ଚ ପଞ୍ଚଭିଃ।
ତ୍ରିଭିର୍ବୈ ସାରଥିଂ ହତ୍ବା କର୍ଣପୁତ୍ରୋ ନନାଦ ହ॥ 9-9-43 (60619)
ନକୁଲଂ ବିରଥଂ ଦୃଷ୍ଟ୍ବା ଦ୍ରୌପଦେଯୋ ମହାରଥମ୍।
ସୁତସୋମୋଽଭିଦୁଦ୍ରାବ ପରୀପ୍ସନ୍ପିତରଂ ରଣେ॥ 9-9-44 (60620)
ତତୋଽଧିରୁହ୍ଯ ନକୁଲଃ ସୁତସୋମସ୍ଯ ତଂ ରଥମ୍।
ଶୁଶୁଭେ ଭରତଶ୍ରେଷ୍ଠୋ ଗିରିସ୍ଯ ଇବ କେସରୀ॥ 9-9-45 (60621)
ଅନ୍ଯତ୍କାର୍ମୁକମାଦାଯ ସୁଶର୍ମାଣମଯୋଧଯତ୍॥ 9-9-46 (60622)
ତତ୍ର ତୌ ଶରବର୍ଷାଭ୍ଯାଂ ସମାସାଦ୍ଯ ପରସ୍ପରମ୍।
ପରସ୍ପରବଧେ ଯତ୍ନଂ ଚକ୍ରତୁଃ ସୁମହାରଥୌ॥ 9-9-47 (60623)
ସୁଶର୍ମା ତୁ ତଃ କ୍ରୁଦ୍ଧଃ ପାଣ୍ଡବଂ ବିଶିଖୈସ୍ତ୍ରିଭିଃ।
ସୁତସୋମଂ ତୁ ବିଂଶତ୍ଯା ବାହ୍ବୋରୁରସି ଚାର୍ପଯତ୍॥ 9-9-48 (60624)
ତତଃ କ୍ରୁଦ୍ଧୋ ମହାରାଜ ନକୁଲଃ ପରବୀରହା।
ଶରୈସ୍ତସ୍ଯ ଦିଶଃ ସର୍ବାଶ୍ଛାଦଯାମାସ ବୀର୍ଯବାନ୍॥ 9-9-49 (60625)
ତତୋ ଗୃହୀତ୍ବା ତୀକ୍ଷ୍ଣାଗ୍ରମର୍ଧଚନ୍ଦ୍ରଂ ସୁତେଜନମ୍।
ଆକର୍ଣପୂର୍ଣଂ ଚିକ୍ଷେପ କର୍ଣପୁତ୍ରାଯ ସଂଯୁଗେ॥ 9-9-50 (60626)
ତସ୍ଯ ତେନ ଶିରଃ କାଯାଜ୍ଜହାର ନୃପସତ୍ତମ।
ପଶ୍ଯତାଂ ସର୍ବସୈନ୍ଯାନାଂ ତଦଦ୍ଭୁତମିବାଭବତ୍॥ 9-9-51 (60627)
ସ ହତଃ ପ୍ରାପତଦ୍ରାଜନ୍ନକୁଲେନ ମହାତ୍ମନା।
ନଦୀପେxxxxxxxଣସ୍ତୀରଜଃ ପାଦପୋ ମହାନ୍॥ 9-9-52 (60628)
କର୍ଣପୁତ୍ରବଚଂ ଦୃଷ୍ଟ୍ବା ନକୁଲସ୍ଯ ଚ ବିକ୍ରମମ୍।
ପ୍ରଦୁଦ୍ରାବ ଭବାତ୍ସେନା ତାବକୀ ଭରତର୍ବଭ॥ 9-9-53 (60629)
ତାଂ ତୁ ସେନାଂ ମହାରାଜ୍ଞ ମଦ୍ରରାଜଃ ପ୍ରତାପବାନ୍।
xxxxxx ଶୂରଃ ସେନାପତିରରିନ୍ଦମଃ॥ 9-9-54 (60630)
xxxxxx ବ୍ଯବସ୍ଯାପ୍ଯ ଚ ବାହିନୀମ୍।
xxxxxxx ଭୂଶଂ କୃତ୍ବା ଧନୁଃଶବ୍ଦଂ ଚ ଦାରୁଣମ୍॥ 9-9-55 (60631)
xxxxxx ସଗରେ ରାଜନ୍ରାଂକ୍ଷେତା ଦୃଢଧନ୍ବନା।
ପ୍ରତ୍ଯୁଦ୍ଯଯୁଶ୍ଚ ତାଂସ୍ତେ ତୁ ସମନ୍ତାଦ୍ବିଗତବ୍ଯଥାଃ॥ 9-9-56 (60632)
ମଦ୍ରରାଜଂ ମହେଷ୍ବାସଂ ପରିବାର୍ଯ ସମନ୍ତତଃ।
ସ୍ଥିତା ରାଜନ୍ମହାସେନା ଯୋଦ୍ବୁକାମା ସମନ୍ତତଃ॥ 9-9-57 (60633)
ସାତ୍ଯକିର୍ଭୀମସେନଶ୍ଚ ମାଦ୍ରୀପୁତ୍ରୌ ଚ ପାଣ୍ଡବୌ।
ଯୁଧିଷ୍ଠିରଂ ପୁରସ୍କୃତ୍ଯ ହୀନିଷେବମରିନ୍ଦମମ୍॥ 9-9-58 (60634)
ପରିବାର୍ଯ ରଣେ ବୀରାଃ ସିଂହନାଦଂ ପ୍ରଚକ୍ରିରେ।
ବାଣଶଙ୍ଖରବାଂସ୍ତୀବ୍ରାନ୍କ୍ଷ୍ବେଲାଶ୍ଚ ବିବିଧା ଦଧୁଃ॥ 9-9-59 (60635)
ତଥୈବ ତାବକାଃ ସର୍ବେ ମଦ୍ରାଧିପତିମଞ୍ଜସା।
ପରିବାର୍ଯ ସୁସଂରବ୍ଧାଃ ପୁନର୍ଯୁଦ୍ଧମରୋଚଯନ୍॥ 9-9-60 (60636)
ତତଃ ପ୍ରବବୃତେ ଯୁଦ୍ଧଂ ଭୀରୂଣାଂ ଭଯବର୍ଧନମ୍।
ତାବକାନାଂ ପରେଷାଂ ଚ ମୃତ୍ଯୁଂ କୃତ୍ବା ନିବର୍ତନମ୍॥ 9-9-61 (60637)
ଯଥା ଦେବାସୁରଂ ଯୁଦ୍ଧଂ ପୂର୍ବମାସୀଦ୍ବିଶାମ୍ପତେ।
ଅଭୀତାନାଂ ତଥାଽଽସୀତ୍ତଦ୍ଯମରାଷ୍ଟ୍ରବିବର୍ଧନମ୍॥ 9-9-62 (60638)
ତତଃ କପିଧ୍ବଜୋ ରାଜନ୍ହତ୍ବା ସଂଶପ୍ତକାନ୍ରଣେ।
ଅଭ୍ଯଦ୍ରବତ ତାଂ ସେନାଂ କୌରବୀଂ ପାଣ୍ଡୁନନ୍ଦନଃ॥ 9-9-63 (60639)
ତଥୈବ ପାଣ୍ଡବାଃ ସର୍ବେ ଧୃଷ୍ଟଦ୍ଯୁମ୍ନପୁରୋଗମାଃ।
ଅଭ୍ଯଧାବନ୍ତତାଂ ସେନାଂ ବିସୃଜନ୍ତଃ ଶିତାଞ୍ଶରାନ୍॥ 9-9-64 (60640)
ପାଣ୍ଡବୈରବକୀର୍ଣାନାଂ ସମ୍ମୋହଃ ସମଜାଯତ।
ନ ଚ ଜଜ୍ଞୁସ୍ତ୍ବନୀକାନି ଦିଶୋ ବା ବିଦିଶସ୍ତଥା॥ 9-9-65 (60641)
ଆପୂର୍ଯମାଣା ନିଶିତୈଃ ଶରୈଃ ପାଣ୍ଡବଚୋଦିତୈଃ।
ହତପ୍ରବୀରା ବିଧ୍ବସ୍ତା ବାର୍ଯମାଣା ସମନ୍ତତଃ।
କୌରବ୍ଯବଧ୍ଯତ ଚମୂଃ ପାଣ୍ଡୁପୁତ୍ରୈର୍ମହାରଥୈଃ॥ 9-9-66 (60642)
ତଥୈବ ପାଣ୍ଡବଂ ସୈନ୍ଯଂ ଶରୈ ରାଜନ୍ସମନ୍ତତଃ।
ରଣେଽହନ୍ଯତ ପୁତ୍ରୈସ୍ତେ ଶତଶୋଽଥ ସହସ୍ରଶଃ॥ 9-9-67 (60643)
ତେ ସେନେ ଭୃଶସନ୍ତପ୍ତେ ବଧ୍ଯମାନେ ପରସ୍ପରମ୍।
ବ୍ଯାକୁଲେ ସମପଦ୍ଯେତାଂ ବର୍ଷାସୁ ସରିତାବିବ॥ 9-9-68 (60644)
ଆବିବେଶ ତତସ୍ତୀବ୍ରଂ ତାବକାନାଂ ମହଦ୍ଭଯମ୍।
ପାଣ୍ଡବାନାଂ ଚ ରାଜେନ୍ଦ୍ର ତଥାଭୂତେ ମହାହବେ॥ ॥ 9-9-69 (60645)
ଇତି ଶ୍ରୀମନ୍ମହାଭାରତେଯଥା ଶଲ୍ଯପର୍ବଣି ଶଲ୍ଯବଧପର୍ବଣି ଅଷ୍ଟାଦଶଦିବସଯୁଦ୍ଧେ ନବମୋଽଧ୍ଯାଯଃ॥ 9 ॥
Mahabharata - Shalya Parva - Chapter Footnotes
9-9-9 ଚିତ୍ରସେନଃ କର୍ଣପୁତ୍ରଃ॥ 9-9-9 ନବମୋଽଧ୍ଯାଯଃ॥ 9 ॥ଶଲ୍ଯପର୍ବ - ଅଧ୍ଯାଯ 010
॥ ଶ୍ରୀଃ ॥
9.10. ଅଧ୍ଯାଯଃ 010
Mahabharata - Shalya Parva - Chapter Topics
ସଙ୍କୁଲଯୁଦ୍ଧମ୍॥ 1 ॥Mahabharata - Shalya Parva - Chapter Text
9-10-0 (60646)
ସଞ୍ଜଯ ଉବାଚ। 9-10-0x (5103)
ତସ୍ମିନ୍ବିଲୁଲିତେ ସୈନ୍ଯେ ବଧ୍ଯମାନେ ପରସ୍ପରମ୍।
ଦ୍ରବମାଣେଷୁ ଯୋଧେଷୁ ବିଦ୍ରବତ୍ସୁ ଚ ଦନ୍ତିଷୁ॥ 9-10-1 (60647)
କୂଜତାଂ ସ୍ତନତାଂ ଚୈବ ପଦାତୀନାଂ ମହାହବେ।
ନିହତେଷୁ ମହାରାଜ ହଯେଷୁ ବହୁଧା ତଦା॥ 9-10-2 (60648)
ପ୍ରକ୍ଷଯେ ଦାରୁଣେ ଘୋରେ ସଂହାରେ ସର୍ବଦେହିନାମ୍।
ନାନାଶସ୍ତ୍ରସମାବାପେ ବ୍ଯତିଷକ୍ତରଥଦ୍ବିପେ॥ 9-10-3 (60649)
ହର୍ଷଣେ ଯୁଦ୍ଧଶୌଣ୍ଡାନାଂ ଭୀରୂଣାଂ ଭଯବର୍ଧନେ।
ଗାହମାନେଷୁ ଯୋଧେଷୁ ପରସ୍ପରବଧୈଷିଷୁ॥ 9-10-4 (60650)
ପ୍ରାଣାଦାନେ ମହାଘୋରେ ବର୍ତମାନେ ଦୁରୋଦରେ।
ସଙ୍ଗ୍ରାମେ ଘୋରରୂପେ ତୁ ଯମରାଷ୍ଟ୍ରବିବର୍ଧନେ॥ 9-10-5 (60651)
ପାଣ୍ଡବାସ୍ତାବକଂ ସୈନ୍ଯଂ ବ୍ଯଧମନ୍ନିଶିତୈଃ ଶରୈଃ।
ତଥୈବ ତାବକା ଯୋଧା ଜଘ୍ନୁଃ ପାଣ୍ଡବସୈନିକାନ୍॥ 9-10-6 (60652)
ତସ୍ମିଂସ୍ତଥା ବର୍ତମାନେ ଯୁଦ୍ଧେ ଭୀରୁଭଯାବହେ।
ପୂର୍ବାହ୍ଣେ ଚାପି ସମ୍ପ୍ରାପ୍ତେ ଭାସ୍କରୋଦଯନଂ ପ୍ରତି॥ 9-10-7 (60653)
ଲବ୍ଧଲକ୍ଷାଃ ପରେ ରାଜନ୍ରକ୍ଷିତାସ୍ତୁ ମହାତ୍ମନା।
ଅଯୋଧଯଂସ୍ତବ ବଲଂ ମୃତ୍ଯୁଂ କୃତ୍ବା ନିବର୍ତନମ୍॥ 9-10-8 (60654)
ବଲିଭିଃ ପାଣ୍ଡବୈର୍ଦୃପ୍ତୈର୍ଲୈବ୍ଧଲକ୍ଷୈଃ ପ୍ରହାରିଭିଃ।
କୌରବ୍ଯସୀଦତ୍ପୃତନା ମୃଗୀବାଗ୍ନିବଯାକୁଲା॥ 9-10-9 (60655)
ତାଂ ଦୃଷ୍ଟ୍ବା ସୀଦତୀଂ ସେନାଂ ପଙ୍କେ ଗାମିବ ଦୁର୍ବଲାମ୍।
ଉଜ୍ଜିହୀର୍ଷୁସ୍ତଦା ଶଲ୍ଯଃ ପ୍ରାଯାତ୍ପାଣ୍ଡୁସୁତାନ୍ପ୍ରତି॥ 9-10-10 (60656)
ମଦ୍ରରାଜଃ ସୁସଙ୍କ୍ରୁଦ୍ଧୋ ଗୃହୀତ୍ବା ଧନୁରୁତ୍ତମମ୍।
ଅଭ୍ଯଦ୍ରବତ ସଙ୍ଗ୍ରାମେ ପାଣ୍ଡବାନାତତାଯିନଃ॥ 9-10-11 (60657)
ପାଣ୍ଡବା ଅପି ଭୂପାଲ ସମରେ ଜିତକାଶିନଃ।
ମଦ୍ରରାଜଂ ସମାସାଦ୍ଯ ବିଭିଦୁର୍ନିଶିତୈଃ ଶରୈଃ॥ 9-10-12 (60658)
ତତଃ ଶରଶତୈସ୍ତୀକ୍ଷ୍ଣୈର୍ମଦ୍ରରାଜୋ ମହାରଥଃ।
ଅର୍ଦଯାମାସ ତାଂ ସେନାଂ ଧର୍ମରାଜସ୍ଯ ପଶ୍ଯତଃ॥ 9-10-13 (60659)
ପ୍ରାଦୁରାସନ୍ନିମିତ୍ତାନି ନାନାରୂପାଣ୍ଯନେକଶଃ।
ଚଚାଲ ଶବ୍ଦଂ କୁର୍ବାଣା ମହୀ ଚାପି ସପର୍ବତା॥ 9-10-14 (60660)
[ସଦଣ୍ଡଶୂଲା ଦୀପ୍ତାଗ୍ରା ଦୀର୍ଯମାଣାଃ ସମନ୍ତତଃ।]
ଉଲ୍କା ଭୂମିଂ ଦିବଃ ପେତୁରାହତ୍ଯ ରବିମଣ୍ଡଲମ୍॥ 9-10-15 (60661)
ମୃଗାଶ୍ଚ ମହିଷାଶ୍ଚାପି ପକ୍ଷିଣଶ୍ଚ ବିଶାମ୍ପତେ।
ଅପସବ୍ଯଂ ତଦା ଚକ୍ରୁଃ ସେନାଂ ତେ ବହୁଶୋ ନୃପ॥ 9-10-16 (60662)
[ଭୃଗୁସୂନୁଧରାପୁତ୍ରୌ ଶଶିଜେନ ସମନ୍ବିତୌ।
ଚରମଂ ପାଣ୍ଡୁପୁତ୍ରାଣାଂ ପୁରସ୍ତାତ୍ସର୍ବଭୂଭୁଜାମ୍॥ 9-10-17 (60663)
ଶସ୍ତ୍ରାଗ୍ରେଷ୍ବଭବଜ୍ଜ୍ବାଲା ନେତ୍ରାଣ୍ଯାହତ୍ଯ ବର୍ଷତୀ।
ଶିରଃ ସ୍ବଲୀଯନ୍ତ ଭୃଶଂ କାକୋଲୂକାଶ୍ଚ କେତୁଷୁ]॥ 9-10-18 (60664)
ତତସ୍ତଦ୍ଯୁଦ୍ଧମତ୍ଯୁଗ୍ରମଭବତ୍ସହଚାରିଣାମ୍।
ତଥା ସର୍ବାଣ୍ଯନୀକାନି ସନ୍ନିପତ୍ଯ ଜନାଧିପ॥ 9-10-19 (60665)
ଅଭ୍ଯଘ୍ନତ୍କୌରବୋ ରାଜା ପାଣ୍ଡବାନାମନୀକିନୀମ୍।
ଶଲ୍ଯସ୍ତୁ ଶରବର୍ଷେଣ ବର୍ଷନ୍ନିବ ସହସ୍ରଦୃକ୍॥ 9-10-20 (60666)
ଅଭ୍ଯବର୍ଷତ ଧର୍ମାତ୍ମା କୁନ୍ତୀପୁତ୍ରଂ ଯୁଧିଷ୍ଠିରମ୍।
ଭୀମସେନଂ ଶରୈଶ୍ଚାପି ରୁକ୍ମପୁଙ୍ଖୈଃ ଶିଲାଶିତୈଃ॥ 9-10-21 (60667)
ଦ୍ରୌପଦେଯାଂସ୍ତଥା ସର୍ବାନ୍ମାଦ୍ରୀପୁତ୍ରୌ ଚ ପାଣ୍ଡବୌ।
ଧୃଷ୍ଟଦ୍ଯୁମ୍ନଂ ଚ ଶୈନେଯଂ ଶିଖଣ୍ଡିନମଥାପି ଚ॥ 9-10-22 (60668)
ଏକୈକଂ ଦଶଭିର୍ବାଣୈର୍ବିବ୍ଯାଧ ସ ମହାବଲଃ।
ତତୋଽସୃଜଦ୍ବାଣବର୍ଷଂ ଘର୍ମାନ୍ତେ ମଘବାନିବ॥ 9-10-23 (60669)
ତତଃ ପ୍ରଭଦ୍ରକା ରାଜନ୍ସୋମକାଶ୍ଚ ସହସ୍ରଶଃ।
ପତିତାଃ ପାତ୍ଯମାନାଶ୍ଚ ଦୃଶ୍ଯନ୍ତେ ଶଲ୍ଯସାଯକୈଃ॥ 9-10-24 (60670)
ଭ୍ରମରାଣାମିବ ବ୍ରାତାଃ ଶଲଭାନାମିବ ବ୍ରଜାଃ।
ହାଦିନ୍ଯ ଇବ ମେଘେଭ୍ଯଃ ଶଲ୍ଯସ୍ଯ ନ୍ଯପତଞ୍ଶରାଃ॥ 9-10-25 (60671)
ଦ୍ବିରଦାସ୍ତୁରଗାଶ୍ଚାର୍ତାଃ ପତ୍ତଯୋ ରଥିନସ୍ତଥା।
ଶଲ୍ଯସ୍ଯ ବାଣୈରପତନ୍ବଭ୍ରମୁର୍ବ୍ଯନଦଂସ୍ତଥା॥ 9-10-26 (60672)
ଆବିଷ୍ଟ ଇବ ମଦ୍ରେଶୋ ମନ୍ଯୁନା ପୌରୁଷେଣ ଚ।
ପ୍ରାଚ୍ଛାଦଯଦରୀନ୍ସଙ୍ଖ୍ଯେ କାଲସୃଷ୍ଟ ଇବାନ୍ତକଃ।
ବିନର୍ଦମାନୋ ମଦ୍ରେଶୋ ମେଘହାଦୋ ମହାବଲଃ॥ 9-10-27 (60673)
ସା ବଧ୍ଯମାନା ଶଲ୍ଯେନ ପାଣ୍ଡବାନାମନୀକିନୀ।
ଅଜାତଶତ୍ରୁଂ କୌନ୍ତେଯମଭ୍ଯଧାବଦ୍ଯୁଧିଷ୍ଠିରମ୍॥ 9-10-28 (60674)
ତାଂ ସମ୍ମର୍ଦ୍ଯ ଶତୈଃ ସଙ୍ଖ୍ଯେ ଲଘୁହସ୍ତଃ ଶିତୈଃ ଶରୈଃ।
ବାଣବର୍ଷେଣ ମହତା ଯୁଧିଷ୍ଠିରମତାଡଯତ୍॥ 9-10-29 (60675)
ତମାପତନ୍ତଂ ଜାତ୍ଯଶ୍ବୈଃ କ୍ରୁଦ୍ଧୋ ରାଜା ଯୁଧିଷ୍ଠିରଃ।
ଅବାରଯଚ୍ଛରୈସ୍ତୀକ୍ଷ୍ଣୈର୍ମହାଦ୍ବିପମିବାଙ୍କୁଶୈଃ॥ 9-10-30 (60676)
ତସ୍ଯ ଶଲ୍ଯଃ ଶରଂ ଘୋରଂ ମୁମୋଚାଶୀବିଷୋପମମ୍।
ସୋଽଭ୍ଯବିଧ୍ଯନ୍ମହାତ୍ମାନଂ ବେଗେନାଭ୍ଯପତଚ୍ଚ ଗାମ୍॥ 9-10-31 (60677)
ତତୋ ବୃକୋଦରଃ କ୍ରୁଦ୍ଧଃ ଶଲ୍ଯଂ ବିବ୍ଯାଧ ସପ୍ତଭିଃ।
ପଞ୍ଚଭିଃ ସହଦେବସ୍ତୁ ନକୁଲୋ ଦଶଭିଃ ଶରୈଃ॥ 9-10-32 (60678)
ଦ୍ରୌପଦେଯାଶ୍ଚ ଶତ୍ରୁଘ୍ନଂ ଶୂରମାର୍ତାଯନିଂ ଶରୈଃ।
ଅଭ୍ଯବର୍ଷନ୍ମହାରାଜ ମେଘା ଇବ ମହୀଧସ୍ମ୍॥ 9-10-33 (60679)
ତତୋ ଦୃଷ୍ଟ୍ବା ବାର୍ଯମାଣଂ ଶଲ୍ଯଂ ପାର୍ଥୈଃ ସମନ୍ତତଃ।
କୃତବର୍ମା କୃପଶ୍ଚୈବ ସଙ୍କ୍ରୁଦ୍ଧାବଭ୍ଯଧାବତାମ୍॥ 9-10-34 (60680)
ଉଲୂକଶ୍ଚ ମହାବୀର୍ଯଃ ଶକୁନିଂଶ୍ଚାପି ସୌବଲଃ।
ସମାଗମ୍ଯାଥ ଶନକୈରଶ୍ବତ୍ଥାମା ମହାବଲଃ।
ତବ ପୁତ୍ରାଶ୍ଚ କାର୍ତ୍ସ୍ନ୍ଯେନ ଜୁଗୁପୁଃ ଶଲ୍ଯମାହବେ॥ 9-10-35 (60681)
ଭୀମସେନଂ ତ୍ରିଭିର୍ବିଦ୍ଧା କୃତବର୍ମା ଶିଲୀମୁଖୈଃ।
ବାଣବର୍ଷେଣ ମହତା କ୍ରୁଦ୍ଧରୂପମବାରଯତ୍।
ଧୃଷ୍ଟଦ୍ଯୁମ୍ନଂ ତତଃ କ୍ରୁଦ୍ଧୋ ବାଣବର୍ଷୈରପୀଡଯତ୍॥ 9-10-36 (60682)
ଦ୍ରୌପଦେଯାଂଶ୍ଚ ଶକୁନିର୍ଯମୌ ଚ ଦ୍ରୌଣିରଭ୍ଯଯାତ୍॥ 9-10-37 (60683)
ଦୁର୍ଯୋଧନୋ ଯୁଧାଂଶ୍ରେଷ୍ଠ ଆହବେ କେଶବାର୍ଜୁନୌ।
ସମଭ୍ଯଯାଦୁଗ୍ରତେଜାଃ ଶରୈଶ୍ଚାପ୍ଯହନଦ୍ବଲୀ॥ 9-10-38 (60684)
ଏବଂ ଦ୍ବନ୍ଦ୍ବଶତାନ୍ଯାସଂସ୍ତ୍ବଦୀଯାନାଂ ପରୈଃ ସହ।
ଘୋରରୂପାଣି ଚିତ୍ରାଣି ତତ୍ରତତ୍ର ବିଶାମ୍ପତେ॥ 9-10-39 (60685)
ଋକ୍ଷବର୍ଣାଞ୍ଜଘାନାଶ୍ବାନ୍ଭୋଜୋ ଭୀମସ୍ଯ ସଂଯୁଗେ।
ସୋଽବତୀର୍ଯ ରଥୋପସ୍ଥାଦ୍ଧତାଶ୍ବାତ୍ପାଣ୍ଡୁନନ୍ଦନଃ।
କାଲୋ ଦଣ୍ଡମିବୋଦ୍ଯମ୍ଯ ଗଦାପାଣିରଯୁଧ୍ଯତ॥ 9-10-40 (60686)
ପ୍ରମୁଖେ ସହଦେବସ୍ଯ ଜଘାନାଶ୍ବାନ୍ସ ମଦ୍ରରାଟ୍।
ତତଃ ଶଲ୍ଯସ୍ଯ ତନଯଂ ସହଦେବୋଽସିନାବଧୀତ୍॥ 9-10-41 (60687)
ଗୌତମଃ ପୁନରାଚାର୍ଯୋ ଧୃଷ୍ଟଦ୍ଯୁମ୍ନମଯୋଧଯତ୍।
ଅସମ୍ଭ୍ରାନ୍ତମସମ୍ଭ୍ରାନ୍ତୋ ଯତ୍ନବାନ୍ଯତ୍ନବତ୍ତରମ୍॥ 9-10-42 (60688)
ଦ୍ରୌପଦେଯାଂସ୍ତଥା ବୀରାନେକୈକଂ ଦଶଭିଃ ଶରୈଃ।
ଅବିଦ୍ଧ୍ଯଦାଚାର୍ଯସୁତୋ ନାତିକ୍ରୁଦ୍ଧୋ ହସନ୍ନିବ॥ 9-10-43 (60689)
[ପୁନଶ୍ଚ ଭୀମସେନସ୍ଯ ଜଘାନାଶ୍ବାଂସ୍ତଥାଽଽହବେ।
ସୋଽବତୀର୍ଯ ରଥାତ୍ତୂର୍ଣଂ ହତାଶ୍ବଃ ପାଣ୍ଡୁନନ୍ଦନଃ॥ 9-10-44 (60690)
କାଲୋ ଦଣ଼୍ଡମିବୋଦ୍ଯମ୍ଯ ଗଦାଂ କ୍ରୁଦ୍ଧୋ ମହାବଲଃ।
ପୋଥଯାମାସ ତୁରଗାନ୍ରଥଂ ଚ କୃତବର୍ମଣଃ।
କୃତବର୍ମା ତ୍ବବପ୍ଲୁତ୍ଯ ରଥାତ୍ତସ୍ମାଦପାକ୍ରମତ୍॥] 9-10-45 (60691)
ଶଲ୍ଯୋଽପି ରାଜନ୍ସଙ୍କ୍ରୁଦ୍ଧୋ ନିଘ୍ନନ୍ସୋମକପାଣ୍ଡବାନ୍।
ପୁନରେବ ଶିତୈର୍ବାଣୈର୍ଯୁଧିଷ୍ଠିରମପୀଡଯତ୍॥ 9-10-46 (60692)
ତସ୍ଯ ଭୀମୋ ରଣେ କ୍ରୁଦ୍ଧଃ ସନ୍ଦଶ୍ଯ ଦଶନଚ୍ଛଦମ୍।
ବିନାଶାଯାଭିସନ୍ଧାଯ ଗଦାମାଦାଯ ବୀର୍ଯବାନ୍॥ 9-10-47 (60693)
ଯମଦଣ୍ଡପ୍ରତୀକାଶାଂ କାଲରାତ୍ରିମିବୋଦ୍ଯତାମ୍।
ଗଜବାଜିମନୁଷ୍ଯାଣାଂ ଦେହାନ୍ତକରଣୀମତି॥ 9-10-48 (60694)
ହେମପଟ୍ଟପରିକ୍ଷିପ୍ତାମୁଲ୍କାଂ ପ୍ରଜ୍ବଲିତାମିବ।
ଶୈକ୍ଯାଂ ବ୍ଯାଲୀମିବାତ୍ଯୁଗ୍ରାଂ ବଜ୍ରକଲ୍ପାମଯୋମଯୀମ୍॥ 9-10-49 (60695)
ଚନ୍ଦନାଗୁରୁପଙ୍କାକ୍ତାଂ ପ୍ରମଦାମୀପ୍ସିତାମିବ।
ବସାମେଦୋପଦିଗ୍ଧାଙ୍ଗୀଂ ଜିହ୍ବାଂ ବୈବସ୍ବତୀମିବ॥ 9-10-50 (60696)
ପଟୁଘଣ୍ଟାଶତରବାଂ ବାସବୀମଶନୀମିବ।
ନିର୍ମୁକ୍ତାଶୀବିଷାକାରାଂ ପୃକ୍ତାଂ ଗଜମଦୈରପି॥ 9-10-51 (60697)
ତ୍ରାସନୀଂ ସର୍ବଭୂତାନାଂ ସ୍ବସୈନ୍ଯପରିହର୍ଷିଣୀମ୍।
ମନୁଷ୍ଯଲୋକେ ବିଖ୍ଯାତାଂ ଗିରିଶୃଙ୍ଗବିଦାରଣୀମ୍॥ 9-10-52 (60698)
ଯଯା କୈଲାସଭବନେ ମହେଶ୍ବରସଖଂ ବଲୀ।
ଆହ୍ବଯାମାସ କୌନ୍ତେଯଃ ସଙ୍କ୍ରୁଦ୍ଧମଲକାଧିପମ୍॥ 9-10-53 (60699)
ଯଯା ମାଯାମଯାନ୍ଦୃପ୍ତାନ୍ସୁବହୂନ୍ଧନଦାଲଯେ।
ଜଘାନ ଗୁହ୍ଯକାନ୍କ୍ରୁଦ୍ଧୋ ମନ୍ଦାରାର୍ଥେ ମହାବଲଃ।
ନିବାର୍ଯମାଣୋ ବହୁଭିର୍ଦ୍ରୌପଦ୍ଯାଃ ପ୍ରିଯମାସ୍ଥିତଃ॥ 9-10-54 (60700)
ତାଂ ବଜ୍ରମଣିରତ୍ନୌଘକଲ୍ମାଷାଂ ବଜ୍ରଗୌରବାମ୍।
ସମୁଦ୍ଯମ୍ଯ ମହାବାହୁଃ ଶଲ୍ଯମଭ୍ଯପତଦ୍ରଣେ॥ 9-10-55 (60701)
ଗଦଯା ଯୁଦ୍ଧକୁଶଲସ୍ତଯା ଦାରୁଣନାଦଯା।
ପୋଥଯାମାସ ଶଲ୍ଯସ୍ଯ ଚତୁରୋଽଶ୍ବାନ୍ମହାଜବାନ୍॥ 9-10-56 (60702)
ତତଃ ଶଲ୍ଯୋ ରଣେ କ୍ରୁଦ୍ଧଃ ପୀନେ ବକ୍ଷସି ତୋମରମ୍।
ନିଚଖାନ ନଦନ୍ବୀରୋବର୍ମ ଭିତ୍ତ୍ବା ଚ ସୋଭ୍ଯଯାତ୍॥ 9-10-57 (60703)
ବୃକୋଦରସ୍ତ୍ବସମ୍ଭ୍ରାନ୍ତସ୍ତମେବୋଦ୍ଧୃତ୍ଯ ତୋମରମ୍।
ଯନ୍ତାରଂ ମଦ୍ରରାଜସ୍ଯ ନିର୍ବିଭେଦ ତଦା ହୃଦି॥ 9-10-58 (60704)
ସ ଭିନ୍ନବର୍ମା ରୁଧିରଂ ବମନ୍ବିତ୍ରସ୍ତମାନସଃ।
ପପାତାଭିମୁଖୋ ଭୀମଂ ମଦ୍ରରାଜସ୍ତ୍ବପାକ୍ରମତ୍॥ 9-10-59 (60705)
କୃତପ୍ରତିକୃତଂ ଦୃଷ୍ଟ୍ବା ଶଲ୍ଯୋ ବିସ୍ମିତମାନସଃ।
ଗଦାମାଶ୍ରିତ୍ଯ ଧର୍ମାତ୍ମା ପ୍ରତ୍ଯମିତ୍ରମବୈକ୍ଷତ॥ 9-10-60 (60706)
ତତଃ ସୁମନସଃ ପାର୍ଥା ଭୀମସେନମପୂଜଯନ୍।
ତେ ଦୃଷ୍ଟ୍ବା କର୍ମ ସଙ୍ଗ୍ରାମେ ଘୋରମକ୍ଲିଷ୍ଟକର୍ମଣଃ॥ ॥ 9-10-61 (60707)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଶଲ୍ଯବଧପର୍ବଣି ଅଷ୍ଟାଦଶଦିବସଯୁଦ୍ଧେ ଦଶମୋଽଧ୍ଯାଯଃ॥ 10 ॥
Mahabharata - Shalya Parva - Chapter Footnotes
9-10-17 ଭୃଗ୍ବିତି। ସର୍ବଭୂଭୁଜାଂ କୃତ୍ସ୍ନପୃଥ୍ବୀପତୀନାଂ ପାଣ୍ଡୁପୁତ୍ରାଣାଂ ପାଣ୍ଡବାନାଂ ଚରମଂ ବିଲୋମଗଣନଯା ପ୍ରଥମଂ ଯୁଧିଷ୍ଠିରମଭିଲକ୍ଷ୍ଯ ଶକ୍ରଭୌମବୁଧାଃ ସପ୍ତମସ୍ଥାନେ ବଲାବହାଃ ଆସନ୍। ଏତଚ୍ଚ ସର୍ବଭୂଭୁଜାମିତି ଫଲସ୍ଯ ଜନକମିତ୍ଯର୍ଥଃ॥ 9-10-18 ଆହତ୍ଯ ସ୍ପୃଷ୍ଟ୍ବା। ବର୍ଷତୀ ଭୁବି ପତନ୍ତୀ॥ 9-10-49 ପରିକ୍ଷିପ୍ତାଂ ପରିଚ୍ଛନ୍ନାମ୍॥ 9-10-51 ବାସବୀମୈନ୍ଦ୍ରୀମ୍। ରାସନୀମିତି ପାଠେ ଶବ୍ଦବତୀମ୍॥ 9-10-53 ମହେଶ୍ବରସଖଂ କୁବେରମ୍॥ 9-10-10 ଦଶମୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 011
॥ ଶ୍ରୀଃ ॥
9.11. ଅଧ୍ଯାଯଃ 011
Mahabharata - Shalya Parva - Chapter Topics
ଶଲ୍ଯଭୀମଯୋର୍ଗଦାଯୁଦ୍ଧମ୍॥ 1 ॥Mahabharata - Shalya Parva - Chapter Text
9-11-0 (60708)
ସଞ୍ଜଯ ଉବାଚ। 9-11-0x (5104)
ପତିତଂ ପ୍ରେକ୍ଷ୍ଯ ଯନ୍ତାରଂ ଶଲ୍ଯଃ ଶୈକ୍ଯାଯସୀଂ ଗଦାମ୍।
ଆଦାଯ ତରସା ରାଜଂସ୍ତସ୍ଥୌ ଗିରିରିବାଚଲଃ॥ 9-11-1 (60709)
ତଂ ଦୀପ୍ତମିବ କାଲାଗ୍ନିଂ ପାଶହସ୍ତମିବାନ୍ତକମ୍।
ସଶୃଙ୍ଗମିବ କୈଲାସଂ ସବଜ୍ରମିବ ବାସବମ୍॥ 9-11-2 (60710)
ସଶୂଲମିବ ହର୍ଯକ୍ଷଂ ସଚକ୍ରମିବ ଚକ୍ରିଣମ୍।
ସଶକ୍ତିମିବ ସେନାନ୍ଯଂ ବନେ ମତ୍ତମିବ ଦ୍ବିପମ୍।
ଜବେନାଭ୍ଯପତଦ୍ଭୀମଃ ପ୍ରଗୃହ୍ଯ ମହତୀଂ ଗଦାମ୍॥ 9-11-3 (60711)
ତତଃ ଶଙ୍ଖପ୍ରଣାଦଶ୍ଚ ତୂର୍ଯାଣାଂ ଚ ସହସ୍ରଶଃ।
ସିଂହନାଦଶ୍ଚ ସଞ୍ଜଜ୍ଞେ ଶୂରାଣାଂ ହର୍ଷବର୍ଧନଃ॥ 9-11-4 (60712)
ପ୍ରୈକ୍ଷନ୍ତ ସର୍ବତସ୍ତୌ ହି ଯୋଧା ମତ୍ତାବିବ ଦ୍ବିପୌ।
ତାବକାଶ୍ଚାପରେ ଚୈବ ସାଧୁସାଧ୍ବିତ୍ଯପୂଜଯନ୍॥ 9-11-5 (60713)
ନ ହି ମଦ୍ରାଧିପାଦନ୍ଯୋ ରାମାଦ୍ବା ଯଦୁନନ୍ଦନାତ୍।
ସୋଢୁମୁତ୍ସହତେ ବେଗଂ ଭୀମସେନସ୍ଯ ସଂଯୁଗେ॥ 9-11-6 (60714)
ତଥା ମଦ୍ରାଧିପସ୍ଯାପି ଗଦାବେଗଂ ମହାତ୍ମନଃ।
ସୋଢୁମୁତ୍ସହତେ ନାନ୍ଯଃ ପୁମାନ୍ଯୁଧି ବୃକୋଦରାତ୍॥ 9-11-7 (60715)
ତୌ ବୃଷାବିବ ନର୍ଦନ୍ତୌ ମଣ୍ଡଲାନି ବିଚେରତୁଃ।
ଆବର୍ତିତୌ ଗଦାହସ୍ତୌ ମଦ୍ରରାଜବୃକୋଦରୌ॥ 9-11-8 (60716)
ମଣ୍ଡଲାବର୍ତମାର୍ଗେଷୁ ଗଦାବିହରଣେଷୁ ଚ।
ନିର୍ବିଶେଷମଭୂଦ୍ଯୁଦ୍ଧଂ ତଯୋଃ ପୁରୁଷସିଂହଯୋଃ॥ 9-11-9 (60717)
ତପ୍ତହେମମଯୈଃ ଶୁଭ୍ରୈର୍ବଭୂବ ଭଯବର୍ଧିନୀ।
ଅଗ୍ନିଜ୍ବାଲୈରିବାବଦ୍ଧା ପଟ୍ଟୈଃ ଶଲ୍ଯସ୍ଯ ସା ଗଦା॥ 9-11-10 (60718)
ତଥୈବ ଚରତୋ ମାର୍ଗାନ୍ମଣ୍ଡଲେଷୁ ମହାତ୍ମନଃ।
ବିଦ୍ଯୁଦଭ୍ରଗ୍ରତୀକାଶା ଭୀମସ୍ଯ ଶୁଶୁଭେ ଗଦା॥ 9-11-11 (60719)
ତାଡିତା ମଦ୍ରରାଜେନ ଭୀମସ୍ଯ ଗଦଯା ଗଦା।
ଦହ୍ଯମାନେବ ଖେ ରାଜନ୍ସାଽସୃଜତ୍ପାବକାର୍ଚିଷଃ॥ 9-11-12 (60720)
ତଥା ଭୀମେନ ଶଲ୍ଯସ୍ଯ ତାଡିତା ଗଦଯା ଗଦା।
ଅଙ୍ଗାରବର୍ଷଂ ମୁମୁଚେ ତଦଦ୍ଭୁତମିବାଭବତ୍॥ 9-11-13 (60721)
ଦନ୍ତୈରିବ ମହାନାଗୌ ଶୃଙ୍ଗୈରିବ ମହର୍ଷଭୌ।
ତୌ ବିରେଜତୁରନ୍ଯୋନ୍ଯଂ ଗଦାଗ୍ରାଭ୍ଯାଂ ପରିକ୍ଷତୌ॥ 9-11-14 (60722)
ତୌ ଗଦାଭିହତୈର୍ଗାତ୍ରୈଃ କ୍ଷଣେନ ରୁଧିରୋକ୍ଷିତୌ।
ପ୍ରେକ୍ଷଣୀଯତରାବାସ୍ତାଂ ପୁଷ୍ପିତାବିବ କିଂଶୁକୌ॥ 9-11-15 (60723)
ଗଦଯା ମଦ୍ରରାଜସ୍ଯ ସବ୍ଯଦକ୍ଷିଣମାହତଃ।
ଭୀମସେନୋ ମହାବାହୁର୍ନ ଚଚାଲାଚଲୋ ଯଥା॥ 9-11-16 (60724)
ତଥା ଭୀମଗଦାବେଗୈସ୍ତାଡ୍ଯମାନୋ ମୁହୁର୍ମୁହୁଃ।
ଶଲ୍ଯୋ ନ ବିବ୍ଯଥେ ରାଜନ୍ଦନ୍ତିନେବ ମହାଗିରିଃ॥ 9-11-17 (60725)
ଶୁଶ୍ରୁବେ ଦିକ୍ଷୁ ସର୍ବାସୁ ତଯୋଃ ପୁରୁଷସିଂହଯୋଃ।
ଗଦାନିପାତସଂହାଦୋ ବଜ୍ରଯୋରିବ ନିଃସ୍ବନଃ॥ 9-11-18 (60726)
ନିବୃତ୍ଯ ତୁ ମହାବୀର୍ଯୌ ସମୁଚ୍ଛ୍ରିତମହାଗଦୌ।
ପୁନରନ୍ତରମାର୍ଗସ୍ଥୌ ପଣ୍ଡଲାନି ବିଚେରତୁଃ॥ 9-11-19 (60727)
ଅଥାଭ୍ଯେତ୍ଯ ପଦାନ୍ଯଷ୍ଟୌ ସନ୍ନିପାତୋଽଭବତ୍ତଯୋଃ।
ଉଦ୍ଯମ୍ଯ ଲୋହଦଣ଼୍ଡାଭ୍ଯାମତିମାନୁଷକର୍ମଣୋଃ॥ 9-11-20 (60728)
ପୋଥଯନ୍ତୌ ତଦାଽନ୍ଯୋନ୍ଯଂ ମଣ୍ଡଲାନି ବିଚେରତୁଃ।
କ୍ରିଯାବିଶେଷଂ କୃତିନୌ ଦର୍ଶଯାମାସତୁସ୍ତଦା॥ 9-11-21 (60729)
ଅଭ୍ଯୁଦ୍ଯତଗଦୌ ବୀରୌ ସଶୃଙ୍ଗାବିବ ପର୍ବତୌ।
ତାବାଜଘ୍ନତୁରନ୍ଯୋନ୍ଯଂ ମଣ୍ଡଲାନି ବିଚେରତୁଃ॥ 9-11-22 (60730)
କ୍ରିଯାବିଶେଷକୃତିନୌ ରଣଭୂମିତଲେଽଚଲୌ।
ତୌ ପରସ୍ପରସଂରମ୍ଭାଦ୍ଗଦାଭ୍ଯାଂ ସୁଭୃଶାହତୌ॥ 9-11-23 (60731)
ଯୁଗପତ୍ପେତତୁର୍ବୀରାବୁଭାବିନ୍ଦ୍ରବଲୀ ଇବ।
ଉଭଯଃ ସେନଯୋର୍ଯୋଧାସ୍ତଦା ହାହାକୃତାଭବନ୍॥ 9-11-24 (60732)
ଭୃଶଂ ମର୍ମସ୍ବଭିହତାବୁଭାବାସ୍ତାଂ ସୁବିହ୍ବଲୌ॥ 9-11-25 (60733)
ତତଃ ସ୍ବରଥମାରୋପ୍ଯ ମଦ୍ରାଣାମୃଷଭଂ ରଣେ।
ଅପୋବାହ କୃପଃ ଶଲ୍ଯଂ ତୂର୍ଣମାଯୋଧନାଦଥ॥ 9-11-26 (60734)
କ୍ଷୀବବଦ୍ବିହ୍ବଲତ୍ବାତ୍ତୁ ନିମେଷାତ୍ପୁନରୁତ୍ଥିତଃ।
ଭୀମସେନୋ ଗଦାପାଣିଃ ସମାହ୍ବଯତ ମଦ୍ରପମ୍॥ 9-11-27 (60735)
ତତସ୍ତୁ ତାବକାଃ ଶୂରା ନାନାଶସ୍ତ୍ରସମାଯୁତାଃ।
ନାନାବାଦିତ୍ରଶବ୍ଦେନ ପାଣ୍ଡୁସେନାମଯୋଧଯନ୍॥ 9-11-28 (60736)
ଭୁଜାବୁଚ୍ଛ୍ରିତ୍ଯ ଶସ୍ତ୍ରଂ ଚ ଶବ୍ଦେନ ମହତା ତତଃ।
ଅଭ୍ଯଦ୍ରବନ୍ମହାରାଜ ଦୁର୍ଯୋଧନପୁରୋଗମାଃ॥ 9-11-29 (60737)
ତଦନୀକମଭିପ୍ରେକ୍ଷ୍ଯ ତତସ୍ତେ ପାଣ୍ଡୁନନ୍ଦନାଃ।
ପ୍ରଯଯୁଃ ସିଂହନାଦେନ ଦୁର୍ଯୋଧନବଧେପ୍ସଯା॥ 9-11-30 (60738)
ତେଷାମାପତତାଂ ତୂର୍ଣଂ ପୁତ୍ରସ୍ତେ ଭରତର୍ଷଭ।
ପ୍ରାପ୍ତେନ ଚେକିତାନଂ ବୈ ବିବ୍ଯାଧ ହୃଦଯେ ଭୃଶମ୍॥ 9-11-31 (60739)
ପପାତ ରଥୋପସ୍ଥେ ତବ ପୁତ୍ରେଣ ପାତିତଃ।
ରୁଧିରୌଘପରିକ୍ଲିନ୍ନଃ ପ୍ରବିଶ୍ଯ ବିପୁଲଂ ତମଃ॥ 9-11-32 (60740)
ଚେକିତାନଂ ହତଂ ଦୃଷ୍ଟ୍ବା ପାଣ୍ଡବେଯା ମହାରଥାଃ।
ଅସକ୍ତମଭ୍ଯବର୍ଷନ୍ତ ଶରବର୍ଷାଣି ଭାଗଶଃ॥ 9-11-33 (60741)
ତାବକାନାମନୀକେଷୁ ପାଣ୍ଡବା ଜିତକାଶିନଃ।
ବ୍ଯଚରନ୍ତ ମହାରାଜ ପ୍ରେକ୍ଷଣୀଯାଃ ସମନ୍ତତଃ॥ 9-11-34 (60742)
କୃପଶ୍ଚ କୃତବର୍ମା ଚ ସୌବଲଶ୍ଚ ମହାରଥଃ।
ଅଯୋଧଯନ୍ଧର୍ମରାଜଂ ମଦ୍ରରାଜପୁରସ୍କୃତାଃ॥ 9-11-35 (60743)
ଭାରଦ୍ବାଜସ୍ଯ ହନ୍ତାରଂ ଭୂରିବୀର୍ଯପରାକ୍ରମମ୍।
ଦୁର୍ଯୋଧନୋ ମହାରାଜ ଧୃଷ୍ଟଦ୍ଯୁମ୍ନମଯୋଧଯତ୍॥ 9-11-36 (60744)
ତ୍ରିସାହସ୍ରାସ୍ତଥା ରାଜଂସ୍ତବ ପୁତ୍ରେଣ ଚୋଦିତାଃ।
ଅଯୋଧଯନ୍ତ ବିଜଯଂ ଜୈଗର୍ତାନାଂ ମହାରଥାଃ॥ 9-11-37 (60745)
ବିଜଯେ ଧୃତସଙ୍କଲ୍ପାଃ ସମରେ ତ୍ଯକ୍ତଜୀବିତାଃ।
ପ୍ରାବିଶଂସ୍ତାବକା ରାଜନ୍ହଂସା ଇବ ମହତ୍ସରଃ॥ 9-11-38 (60746)
ତତୋ ଯୁଦ୍ଧମଭୂଦ୍ଧୋରଂ ପରସ୍ପରବଧୈଷିଣାମ୍।
ଅନ୍ଯୋନ୍ଯବଧସଂଯୁକ୍ତମନ୍ଯୋନ୍ଯପ୍ରୀତିବର୍ଧନମ୍॥ 9-11-39 (60747)
ତସ୍ମିନ୍ପ୍ରବୃତ୍ତେ ସଙ୍ଗ୍ରାମେ ରାଜନ୍ବୀରବରକ୍ଷଯେ।
ଅନିଲେନେରିତଂ ଘୋରମୁତ୍ତସ୍ଥୌ ପାର୍ଥିବଂ ରଜଃ॥ 9-11-40 (60748)
ଶ୍ରବଣାନ୍ନାମଧେଯାନାଂ ପାର୍ଥିବାନାଂ ଚ କୀର୍ତନାତ୍।
ପରସ୍ପରଂ ବିଜାନୀମସ୍ତଦାଯୁଧ୍ଯନ୍ନଭୀତବତ୍॥ 9-11-41 (60749)
ତଦ୍ରଜଃ ପୁରୁଷବ୍ଯାଘ୍ର ଶୋଣିତେନ ପ୍ରଶାମିତମ୍।
ଦିଶଶ୍ଚ ବିମଲା ଜାତାସ୍ତସ୍ମିନ୍ରଜସି ନାଶିତେ॥ 9-11-42 (60750)
ତଥା ପ୍ରବୃତ୍ତେ ସଙ୍ଗ୍ରାମେ ଘୋରରୂପେ ଭଯାନକେ।
ତାବକାନାଂ ପରେଷାଂ ଚ ନାସୀତ୍କଶ୍ଚିତ୍ପରାଙ୍ମୁଖଃ॥ 9-11-43 (60751)
ବ୍ରହ୍ମଲୋକପରା ଭୂତ୍ବା ପ୍ରାର୍ଥଯନ୍ତୋ ଜଯଂ ଯୁଧି।
ସୁଯୁଦ୍ଧେନ ପରାକ୍ରାନ୍ତା ନରାଃ ସ୍ବର୍ଗମଭୀପ୍ସବଃ॥ 9-11-44 (60752)
ଭର୍ତୃପିଣ୍ଡବିମୋକ୍ଷାର୍ଥଂ ଭର୍ତୃକାର୍ଯବିନିଶ୍ଚିତାଃ।
ସ୍ବର୍ଗସଂସକ୍ତମନସୋ ଯୋଧା ଯୁଯୁଧିରେ ତଦା॥ 9-11-45 (60753)
ନାନାରୂପାଣି ଶସ୍ତ୍ରାଣି ବିସୃଜନ୍ତୋ ମହାରଥାଃ।
ଅନ୍ଯୋନ୍ଯମଭିଗର୍ଜନ୍ତଃ ପ୍ରହରନ୍ତଃ ପରସ୍ପରମ୍॥ 9-11-46 (60754)
ହତ ବିଧ୍ଯତ ଗୃହ୍ଣୀତ ପ୍ରହରଧ୍ବଂ ନିକୃନ୍ତତ।
ଇତି ସ୍ମ ବାଚଃ ଶ୍ରୂଯନ୍ତେ ତବତେଷାଂ ଚ ବୈ ବଲେ॥ 9-11-47 (60755)
ତତଃ ଶଲ୍ଯୋ ମହାରାଜ ଧର୍ମପୁତ୍ରଂ ଯୁଧିଷ୍ଠିରମ୍।
ବିବ୍ଯାଧ ନିଶିତୈର୍ବାଣୈର୍ହନ୍ତୁକାମୋ ମହାରଥମ୍॥ 9-11-48 (60756)
ତସ୍ଯ ପାର୍ଥୋ ମହାରାଜ ନାରାଚାନ୍ବୈ ଚତୁର୍ଦଶ।
ମର୍ମାଣ୍ଯୁଦ୍ଦିଶ୍ଯ ମର୍ମଜ୍ଞୋ ନିଚଖାନ ହସନ୍ନିବ॥ 9-11-49 (60757)
ଆବାର୍ଯ ପାଣ୍ଡବଂ ବାଣୈର୍ହନ୍ତୁକାମୋ ମହାବଲଃ।
ବିବ୍ଯାଧ ସମରେ କ୍ରୁଦ୍ଧୋ ବହୁଭିଃ କଙ୍କପତ୍ରିଭିଃ॥ 9-11-50 (60758)
ଅଥ ମଦ୍ରୋ ମହାରାଜ ଶରେଣାନତପର୍ବଣା।
ଯୁଧିଷ୍ଠିରଂ ସମାଜଘ୍ନେ ସର୍ବସୈନ୍ଯସ୍ଯ ପଶ୍ଯତଃ॥ 9-11-51 (60759)
ଧର୍ମରାଜୋଽପି ସଙ୍କ୍ରୁଦ୍ଧୋ ମଦ୍ରରାଜଂ ମହାବଲଃ।
ବିବ୍ଯାଧ ନିଶିତୈର୍ବାଣୈଃ କଙ୍କବର୍ହିଣବାଜିତୈଃ॥ 9-11-52 (60760)
ଚନ୍ଦ୍ରସେନଂ ଚ ସପ୍ତତ୍ଯା ସୂତଂ ଚ ନବଭିଃ ଶରୈଃ।
ଦ୍ରୁମସେନଂ ଚତୁଃଷଷ୍ଟ୍ଯା ନିଜଘାନ ମହାରଥଃ॥ 9-11-53 (60761)
ଚକ୍ରରକ୍ଷେ ହତେ ଶଲ୍ଯଃ ପାଣ୍ଡବେନ ମହାତ୍ମନା।
ନିଜଘାନ ତତୋ ରାଜଂଶ୍ଚେଦୀନ୍ବୈ ପ଼ଞ୍ଚବିଂଶତିମ୍॥ 9-11-54 (60762)
ସାତ୍ଯକିଂ ପଞ୍ଚବିଂଶତ୍ଯା ଭୀମସେନଂ ଚ ପଞ୍ଚଭିଃ।
ମାଦ୍ରୀପୁତ୍ରୌ ଶତେନାଜୌ ବିବ୍ଯାଧ ନିଶିତୈଃ ଶରୈଃ॥ 9-11-55 (60763)
ଏବଂ ବିଚରତସ୍ତସ୍ଯ ସଙ୍ଗ୍ରାମେ ରାଜସତ୍ତମ।
ସମ୍ପ୍ରୈଷଯଚ୍ଛିତାନ୍ପାର୍ଥଃ ଶରାନାଶୀବିଷୋପମାନ୍॥ 9-11-56 (60764)
ଧ୍ବଜାଘ୍ରଂ ଚାସ୍ଯ ସମରେ କୁନ୍ତୀପୁତ୍ରୋ ଯୁଧିଷ୍ଠିରଃ।
ପ୍ରମୁଖେ ବର୍ତମାନସ୍ଯ ଭଲ୍ଲେନାପାହରଦ୍ରଥାତ୍॥ 9-11-57 (60765)
ପାଣ୍ଡୁପୁତ୍ରେଣ ବୈ ତସ୍ଯ କେତୁଂ ଛିନ୍ନଂ ମହାତ୍ମନା।
ନିପତନ୍ତମପଶ୍ଯାମ ଗିରିଶୃଙ୍ଗମିବାହତମ୍॥ 9-11-58 (60766)
ଧ୍ବଜଂ ନିପତିତଂ ଦୃଷ୍ଟ୍ବା ପାଣ଼୍ଡବଂ ଚ ବ୍ଯବସ୍ଥିତମ୍।
ସଙ୍କ୍ରୁଦ୍ଧୋ ମଦ୍ରରାଜୋଽଭୂଚ୍ଛରବର୍ଷଂ ମୁମୋଚ ହ॥ 9-11-59 (60767)
ଶଲ୍ଯଃ ସାଯକବର୍ଷେଣ ପର୍ଜନ୍ଯ ଇବ ବୃଷ୍ଟିମାନ୍।
ଅଭ୍ଯବର୍ଷଦମେଯାତ୍ମା କ୍ଷତ୍ରିଯାନ୍କ୍ଷତ୍ରିଯର୍ଷଭଃ॥ 9-11-60 (60768)
ସାତ୍ଯକିଂ ଭୀମସେନଂ ଚ ମାଦ୍ରୀପୁତ୍ରୌ ଚ ପାଣ୍ଡବୌ।
ଏକୈକଂ ପ଼ଞ୍ଚଭିର୍ବିଦ୍ଧ୍ବା ଯୁଧିଷ୍ଠିରମପୀଡଯତ୍॥ 9-11-61 (60769)
ତତୋ ବାଣମଯଂ ଜାଲଂ ବିତତଂ ପାଣ୍ଡବୋରସି।
ଅପଶ୍ଯାମ ମହାରାଜ ମେଘଜାଲମିବୋଦ୍ଗତମ୍॥ 9-11-62 (60770)
ତସ୍ଯ ଶଲ୍ଯୋ ରଣେ କ୍ରୁଦ୍ଧଃ ଶରୈଃ ସନ୍ନତପର୍ବଭିଃ।
ଦିଶଃ ସଞ୍ଛାଦଯାମାସ ପ୍ରଦିଶଶ୍ଚ ମହାରଥଃ॥ 9-11-63 (60771)
ତତୋ ଯୁଧିଷ୍ଠିରୋ ରାଜା ବାଣଜାଲେନ ପୀଡିତଃ।
ବଭୂବ ହୃତବିକ୍ରାନ୍ତୋ ଜମ୍ଭୋ ବୃତ୍ରହଣା ଯଥା॥ ॥ 9-11-64 (60772)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଶଲ୍ଯବଧପର୍ବଣି ଅଷ୍ଟାଦଶଦିବସଯୁଦ୍ଧେ ଏକାଦଶୋଽଧ୍ଯାଯଃ॥ 11 ॥
Mahabharata - Shalya Parva - Chapter Footnotes
9-11-3 ହର୍ଯକ୍ଷଂ ରୁଦ୍ରମ୍॥ 9-11-10 ଶୁଭ୍ରୈଦୀଂପ୍ତିମଦ୍ଧିଃ॥ 9-11-11 ଏକାଦଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 012
॥ ଶ୍ରୀଃ ॥
9.12. ଅଧ୍ଯାଯଃ 012
Mahabharata - Shalya Parva - Chapter Topics
ଶଲ୍ଯପରାକ୍ରମବର୍ଣନମ୍॥ 1 ॥Mahabharata - Shalya Parva - Chapter Text
9-12-0 (60773)
ସଞ୍ଜଯ ଉବାଚ। 9-12-0x (5105)
ପୀଡିତେ ଧର୍ମରାଜେ ତୁ ମଦ୍ରରାଜେନ ମାରିଷ।
ସାତ୍ଯକିର୍ଭୀମସେନଶ୍ଚ ମାଦ୍ରୀପୁତ୍ରୌ ଚ ପାଣ୍ଡବୌ।
ପରିବାର୍ଯ ରଥୈଃ ଶଲ୍ଯଂ ପୀଡଯାମାସୁରାହବେ॥ 9-12-1 (60774)
ତମେକଂ ବହୁଭିର୍ଦୃଷ୍ଟ୍ବା ପୀଡ୍ଯମାନଂ ମହାରଥୈଃ।
ସାଧୁବାଦୋ ମହାଞ୍ଜଜ୍ଞେ ସିଦ୍ଧାଶ୍ଚାସନ୍ପ୍ରହର୍ଷିତାଃ॥ 9-12-2 (60775)
ଆଶ୍ଚର୍ଯମିତ୍ଯଭାଷନ୍ତ ମୁନଯଶ୍ଚାପି ସଙ୍ଗତାଃ॥ 9-12-3 (60776)
ଭୀମସେନୋ ରଣେ ଶଲ୍ଯଂ ଶଲ୍ଯଭୂତଂ ପରାକ୍ରମେ।
ଏକେନ ବିଦ୍ଧ୍ବା ବାଣେନ ପୁନର୍ବିବ୍ଯାଧ ସପ୍ତଭିଃ॥ 9-12-4 (60777)
ସାତ୍ଯକିଶ୍ଚ ଶତେନୈନଂ ଧର୍ମପୁତ୍ରପରୀପ୍ସଯା।
ମଦ୍ରେଶ୍ବରମବାକୀର୍ଯ ସିଂହନାଦମଥାନଦତ୍॥ 9-12-5 (60778)
ନକୁଲଃ ପଞ୍ଚଭିଶ୍ଚୈନଂ ସହଦେବଶ୍ଚ ପ଼ଞ୍ଚଭିଃ।
ବିଦ୍ଧ୍ବା ତଂ ତୁ ପୁନସ୍ତୂର୍ଣଂ ତତୋ ବିବ୍ଯାଧ ସପ୍ତଭିଃ॥ 9-12-6 (60779)
ସ ତୁ ଶୂରୋ ରଣେ ଯତ୍ତଃ ପୀଡିତସ୍ତୈର୍ମହାରଥୈଃ।
ବିକୃଷ୍ଯ କାର୍ମୁକଂ ଘୋରଂ ଭାରଘ୍ନଂ ବେଗବତ୍ତରମ୍॥ 9-12-7 (60780)
ସାତ୍ଯକିଂ ପଞ୍ଚବିଂଶତ୍ଯା ଶଲ୍ଯୋ ବିବ୍ଯାଧ ମାରିଷ।
ଭୀମସେନଂ ତୁ ସପ୍ତତ୍ଯା ନକୁଲଂ ସପ୍ତଭିସ୍ତଥା॥ 9-12-8 (60781)
ତତଃ ସ ବିଶିଖଂ ଚାପଂ ସହଦେବସ୍ଯ ଧନ୍ବିନଃ।
ଛିତ୍ତ୍ବା ଭଲ୍ଲେନ ସମରେ ବିବ୍ଯାଧୈନଂ ତ୍ରିସପ୍ତଭିଃ॥ 9-12-9 (60782)
ସହଦେବସ୍ତୁ ସମରେ ମାତୁଲଂ ଭୂରିବର୍ଚସମ୍।
ସଜ୍ଯମନ୍ଯଦ୍ଧନୁଃ କୃତ୍ବା ପଞ୍ଚଭିଃ ସମତାଡଯତ୍।
ଶରୈରାଶୀବିଷାକାରୈର୍ଜ୍ବଲଜ୍ଜ୍ବଲନସନ୍ନିଭୈଃ॥ 9-12-10 (60783)
ସାରଥିଂ ଚାସ୍ଯ ସମରେ ଶରେଣାନତପର୍ବଣା।
ବିବ୍ଯାଧ ଭୃଶସଙ୍କ୍ରୁଦ୍ଧସ୍ତଂ ବୈ ଭୂଯସ୍ତ୍ରିଭିଃ ଶରୈଃ॥ 9-12-11 (60784)
ଭୀମସେନସ୍ତୁ ସପ୍ତତ୍ଯା ସାତ୍ଯକିର୍ନବଭିଃ ଶରୈଃ।
ଧର୍ମରାଜସ୍ତଥା ଷଷ୍ଟ୍ଯା ଗାତ୍ରେ ଶଲ୍ଯଂ ସମାର୍ପଯତ୍॥ 9-12-12 (60785)
ତତଃ ଶଲ୍ଯୋ ମହାରାଜ ନିର୍ବିଦ୍ଧସ୍ତୈର୍ମହାରଥୈଃ।
ସୁସ୍ରାବ ରୁଧିରଂ ଗାତ୍ରୈର୍ଗୈରିକଂ ପର୍ବତୋ ଯଥା॥ 9-12-13 (60786)
ତାଂଶ୍ଚ ସର୍ବାନ୍ମହେଷ୍ବାସାନ୍ପଞ୍ଚଭିଃ ପଞ୍ଚଭିଃ ଶରୈଃ।
ବିବ୍ଯାଧ ତରସା ରାଜଂସ୍ତଦଦ୍ଭୁତମିବାଭବତ୍॥ 9-12-14 (60787)
ତତୋଽପରେଣ ଭଲ୍ଲେନ ଧର୍ମପୁତ୍ରସ୍ଯ ମାରିଷ।
ଧନୁଶ୍ଚିଚ୍ଛେଦ ସମରେ ସଜ୍ଜଯଂ ସ ସୁମହାରଥଃ॥ 9-12-15 (60788)
ଅଥାନ୍ଯଦ୍ଧନୁରାଦାଯ ଧର୍ମପୁତ୍ରୋ ଯୁଧିଷ୍ଠିରଃ।
ସାଶ୍ବସୂତଧ୍ବଜରଥଂ ଶଲ୍ଯଂ ପ୍ରାଚ୍ଛାଦଯଚ୍ଛରୈଃ॥ 9-12-16 (60789)
ସ ଚ୍ଛାଦ୍ଯମାନଃ ସମରେ ଧର୍ମପୁତ୍ରସ୍ଯ ସାଯକୈଃ।
ଯୁଧିଷ୍ଠିରମଥାବିଧ୍ଯଦ୍ଦଶଭିର୍ନିଶିତୈଃ ଶରୈଃ॥ 9-12-17 (60790)
ସାତ୍ଯକିସ୍ତୁ ତତଃ କ୍ରୁଦ୍ଧୋ ଧର୍ମପୁତ୍ରେ ଶରାର୍ଦିତେ।
ମଦ୍ରାଣାମଧିପଂ ଶୂରଂ ଶରୈର୍ବିବ୍ଯାଧ ପଞ୍ଚଭିଃ॥ 9-12-18 (60791)
ସ ସାତ୍ଯକେଃ ପ୍ରଚିଚ୍ଛେଦ କ୍ଷୁରପ୍ରେଣ ମହଦ୍ଧନୁଃ।
ଭୀମସେନମୁଖାଂସ୍ତାଂଶ୍ଚ ତ୍ରିଭିସ୍ତ୍ରିଭିରତାଡଯତ୍॥ 9-12-19 (60792)
ତସ୍ଯ କ୍ରୁଦ୍ଧୋ ମହାରାଜ ସାତ୍ଯକିଃ ସତ୍ଯବିକ୍ରମଃ।
ତୋମରଂ ପ୍ରେଷଯାମାସ ସ୍ବର୍ଣଦଣ୍ଡଂ ମହାରଣେ॥ 9-12-20 (60793)
ଭୀମସେନୋଽଥ ନାରାଚଂ ଜ୍ବଲନ୍ତମିବ ପନ୍ନଗମ୍।
ନକୁଲଃ ସମରେ ଶକ୍ତିଂ ସହଦେବୋ ଗଦାଂ ଶୁଭାମ୍।
ଧର୍ମରାଜଃ ଶତଘ୍ନୀଂ ଚ ଜିଘାଂସୁଃ ଶଲ୍ଯମାହବେ॥ 9-12-21 (60794)
ତାନାପତତ ଏବାଶୁ ପଞ୍ଚାନାଂ ବୈ ଭୁଜଚ୍ଯୁତାନ୍।
ବାରଯାମାସ ସମରେ ଶସ୍ତ୍ରସଙ୍ଘୈଃ ସ ମଦ୍ରରାଟ୍॥ 9-12-22 (60795)
ସାତ୍ଯକିପ୍ରହିତଂ ଶଲ୍ଯୋ ଭଲ୍ଲୈଶ୍ଚିଚ୍ଛେଦ ତୋମରମ୍।
ପ୍ରହିତଂ ଭୀମସେନେନ ଶରଂ କନକଭୂଷଣମ୍॥ 9-12-23 (60796)
ଦ୍ବିଧା ଚିଚ୍ଛେଦ ସମରେ କୃତହସ୍ତଃ ପ୍ରତାପବାନ୍।
ନକୁଲପ୍ରେଷିତାଂ ଶକ୍ତିଂ ହେମଦଣ୍ଡାଂ ଭଯାବହାମ୍॥ 9-12-24 (60797)
ଗଦାଂ ଚ ସହଦେବେନ ଶରୌଘୈଃ ସମବାରଯତ୍।
ଶରାଭ୍ଯାଂ ଚ ଶତଘ୍ନୀଂ ତାଂ ରାଜ୍ଞଶ୍ଚିଚ୍ଛେଦ ଭାରତ॥ 9-12-25 (60798)
ପଶ୍ଯତାଂ ପାଣ୍ଡୁପୁତ୍ରାଣାଂ ସିଂହନାଦଂ ନନାଦ ଚ।
ନାମୃଷ୍ଯତ୍ତତ୍ର ଶୈନେଯଃ ଶତ୍ରୋର୍ବିଜଯମାହବେ॥ 9-12-26 (60799)
ଅଥାନ୍ଯଦ୍ଧନୁରାଦାଯ ସାତ୍ଯକିଃ କ୍ରୋଧମୂର୍ଚ୍ଛିତଃ।
ଦ୍ବାଭ୍ଯାଂ ମଦ୍ରେଶ୍ବରଂ ବିଦ୍ବା ସାରଥିଂ ଚ ତ୍ରିଭିଃ ଶରୈଃ॥ 9-12-27 (60800)
ତତଃ ଶଲ୍ଯୋ ରଣେ ରାଜନ୍ସର୍ବାଂସ୍ତାନ୍ଦଶଭିଃ ଶରୈଃ।
ବିବ୍ଯାଧ ଭୃଶସଙ୍କ୍ରୁଦ୍ଧସ୍ତୋତ୍ରୈରିବ ମହାଦ୍ବିପାନ୍॥ 9-12-28 (60801)
ତେ ବାର୍ଯମାଣାଃ ସମରେ ମଦ୍ରରାଜ୍ଞା ମହାରଥାଃ।
ନ ଶେକୁଃ ସମ୍ମୁଖେ ସ୍ଥାତୁଂ ତସ୍ଯ ଶତ୍ରୁନିଷୂଦନାଃ॥ 9-12-29 (60802)
ତତୋ ଦୁର୍ଯୋଧନୋ ରାଜା ଦୃଷ୍ଟ୍ବା ଶଲ୍ଯସ୍ଯ ବିକ୍ରମମ୍।
ନିହତାନ୍ପାଣ୍ଡବାନ୍ମେନେ ପାଞ୍ଚାଲାନଥ ସୃଞ୍ଜଯାନ୍। 9-12-30 (60803)
`ତଥାବିଧଂ ମହାରାଜ ମଦ୍ରରାଜସ୍ଯ ବିକ୍ରମମ୍।
ଅସହ୍ଯଂ ମାନବୈର୍ଯୁଦ୍ଧେ ତଦ୍ବଭୂବ ନରର୍ଷଭ॥' 9-12-31 (60804)
ତତୋ ରାଜନ୍ମହାବାହୁର୍ଭୀମସେନଃ ପ୍ରତାପବାନ୍।
ସନ୍ତ୍ଯଜ୍ଯ ମନସା ପ୍ରାଣାନ୍ମଦ୍ରାଧିପମଯୋଧଯତ୍॥ 9-12-32 (60805)
ନକୁଲଃ ସହଦେବଶ୍ଚ ସାତ୍ଯକିଶ୍ଚ ମହାରଥଃ।
ପରିବାର୍ଯ ତଦା ଶଲ୍ଯଂ ସମନ୍ତାଦ୍ବ୍ଯକିରଞ୍ଶରୈଃ॥ 9-12-33 (60806)
ସ ଚତୁର୍ଭିର୍ମହେଷ୍ବାସୈଃ ପାଣ୍ଡବାନାଂ ମହାରଥଃ।
ବୃତସ୍ତାନ୍ଯୋଧଯାମାସ ମଦ୍ରରାଜଃ ପ୍ରତାପବାନ୍॥ 9-12-34 (60807)
ତସ୍ଯ ଧର୍ମସୁତୋ ରାଜନ୍କ୍ଷୁରପ୍ରେଣ ମହାହବେ।
ଚକ୍ରରକ୍ଷଂ ଜଘାନାଶୁ ମଦ୍ରରାଜସ୍ଯ ପାର୍ଥିବଃ॥ 9-12-35 (60808)
ତସ୍ମିଂସ୍ତୁ ନିହତେ ଶୂରେ ଚକ୍ରରକ୍ଷେ ମହାରଥେ।
ମଦ୍ରରାଜୋଽପି ବଲବାନ୍ସୈନିକାନାବୃଣୋଚ୍ଛରୈଃ॥ 9-12-36 (60809)
ସମାବୃତାଂସ୍ତତସ୍ତାଂସ୍ତୁ ରାଜନ୍ବୀକ୍ଷ୍ଯ ସ୍ବସୈନିକାନ୍।
ଚିନ୍ତଯାମାସ ସମରେ ଧର୍ମପୁତ୍ରୋ ଯୁଧିଷ୍ଠିରଃ॥ 9-12-37 (60810)
କଥଂ ନୁ ନ ଭବେତ୍ସତ୍ଯଂ ତନ୍ମାଧବବଚୋ ମହତ୍।
ଅପି କ୍ରୁଦ୍ଧୋ ରଣେ ରାଜନ୍କ୍ଷପଯେତ ବଲଂ ମମ॥ 9-12-38 (60811)
`ଅହଂ ମଦ୍ଧାତରଶ୍ଚୈବ ସାତ୍ଯକିଶ୍ଚ ମହାରଥଃ।
ପାଞ୍ଚାଲାଃ ସୃଞ୍ଜଯାଶ୍ଚୈବ ନ ଶକ୍ତାସ୍ମ ହି ମଦ୍ରପମ୍॥ 9-12-39 (60812)
ନିହନିଷ୍ଯତି ଚୈବାଦ୍ଯ ମାତୁଲୋଽସ୍ମାନ୍ମହାବଲଃ।
ଗୋବିନ୍ଦବଚନଂ ସତ୍ଯଂ କଥଂ ଭବତି କିନ୍ତ୍ବିଦମ୍॥ 9-12-40 (60813)
ତତଃ ସରଥନାଗାଶ୍ବା ପାଣ୍ଡବାଃ ପାଣ୍ଡୁପୂର୍ବଜ।
ମଦ୍ରରାଜଂ ସମାସେଦୁଃ ପୀଡଯନ୍ତଃ ସମନ୍ତତଃ॥ 9-12-41 (60814)
ନାନାଶସ୍ତ୍ରୌଘବହୁଲାଂ ଶସ୍ତ୍ରବୃଷ୍ଟିଂ ସମୁଦ୍ଯତାମ୍।
ବ୍ଯଧମତ୍ସମରେ ରାଜା ମହାଭ୍ରାଣୀବ ମାରୁତଃ॥ 9-12-42 (60815)
ତତଃ କନକପୁଙ୍ଖାଂ ତାଂ ଶଲ୍ଯକ୍ଷିପ୍ତାଂ ବିଯଦ୍ଗତାମ୍।
ଶରବୃଷ୍ଟିମପଶ୍ଯାମ ଶଲଭାନାମିବାଯତିମ୍॥ 9-12-43 (60816)
ତେ ଶରା ମଦ୍ରରାଜେନ ପ୍ରେଷିତା ରଣମୂର୍ଧନି।
ସମ୍ପତନ୍ତଃ ସ୍ମ ଦୃଶ୍ଯନ୍ତେ ଶଲଭାନାଂ ବ୍ରଜା ଇବ॥ 9-12-44 (60817)
ମଦ୍ରରାଜଧନୁର୍ମୁକ୍ତୈଃ ଶରୈଃ କନକଭୂଷଣୈଃ।
ନିରନ୍ତରମିବାକାଶଂ ସମ୍ବଭୂବ ଜନାଧିପ॥ 9-12-45 (60818)
ନ ପାଣ୍ଡବାନାଂ ନାସ୍ମାକଂ ତତ୍ର କିଞ୍ଚିଦ୍ବ୍ଯଦୃଶ୍ଯତ।
ବାଣାନ୍ଧକାରେ ମହତି କୃତେ ତତ୍ର ମହାହବେ॥ 9-12-46 (60819)
ମଦ୍ରରାଜେନ ବଲିନା ଲାଘବାଚ୍ଛରବୃଷ୍ଟିଭିଃ।
ଚାଲ୍ଯମାନଂ ତୁ ତଂ ଦୃଷ୍ଟ୍ବା ପାଣ୍ଡବାନାଂ ବଲାର୍ଣବମ୍।
ବିସ୍ମଯଂ ପରମଂ ଜଗ୍ମୁର୍ଦେବଗନ୍ଧର୍ବଦାନବାଃ॥ 9-12-47 (60820)
ସ ତୁ ତାନ୍ସର୍ବତୋ ଯତ୍ତାଞ୍ଶରୈଃ ସଞ୍ଛାଦ୍ଯ ମାରିଷ।
ଧର୍ମରାଜମବଚ୍ଛାଦ୍ଯ ସିଂହବଦ୍ବ୍ଯନଦନ୍ମୁହୁଃ॥ 9-12-48 (60821)
ତେ ଚ୍ଛନ୍ନାଃ ସମରେ ତେନ ପାଣ୍ଡବାନାଂ ମହାରଥାଃ।
ନାଶକ୍ନୁବଂସ୍ତଦା ଯୁଦ୍ଧେ ପ୍ରତ୍ଯୁଦ୍ଯାତୁଂ ମହାରଥମ୍॥ 9-12-49 (60822)
ଧର୍ମରାଜପୁରୋଗାସ୍ତୁ ଭୀମସେନମୁଖା ରଥାଃ।
ନିଜଘ୍ନୁଃ ସମରେ ଶୂରଂଶଲ୍ଯମାହବଶୋଭିନମ୍॥ ॥ 9-12-50 (60823)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଶଲ୍ଯବଧପର୍ବଣି ଅଷ୍ଟାଦଶଦିବସଯୁଦ୍ଧେ ଦ୍ବାଦଶୋଽଧ୍ଯାଯଃ॥ 12 ॥
Mahabharata - Shalya Parva - Chapter Footnotes
9-12-25 ସହଦେବେନ ପ୍ରେଷିତାମିତି ପୂର୍ବସ୍ମାତ୍ସମ୍ବଧ୍ଯତେ॥ 9-12-27 ସାରଥିଂ ଚ ବିବ୍ଯାଧେତ୍ଯୁତ୍ତରସ୍ମାଦପକୃଷ୍ଯତେ॥ 9-12-38 କଥନ୍ନୁ ସମରେ ଶକ୍ଯଂ--ନହି କ୍ରୁଦ୍ଧୋ ରଣେ ଇତି ଝ.ପାଠଃ॥ 9-12-12 ଦ୍ବାଦଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 013
॥ ଶ୍ରୀଃ ॥
9.13. ଅଧ୍ଯାଯଃ 013
Mahabharata - Shalya Parva - Chapter Topics
ସଙ୍କୁଲଯୁଦ୍ଧମ୍॥ 1 ॥Mahabharata - Shalya Parva - Chapter Text
9-13-0 (60824)
ସଞ୍ଜଯ ଉବାଚ। 9-13-0x (5106)
ଅର୍ଜୁନୋ ଦ୍ରୌଣିନା ବିଦ୍ଧୋ ଯୁଦ୍ଧେ ବହୁଭିରାଯସୈଃ।
ତସ୍ଯ ଚାନୁଚରୈଃ ଶୂରୈସ୍ତ୍ରିଗର୍ତାନାଂ ମହାରଥୈଃ॥ 9-13-1 (60825)
ଦ୍ରୌଣିଂ ବିବ୍ଯାଧ ସମରେ ତ୍ରିଭିରେବ ଶିଲୀମୁଖୈଃ।
ତଥେତରାନ୍ମହେଷ୍ବାସାନ୍ଦ୍ବାଭ୍ଯାଂ ଦ୍ବାଭ୍ଯାଂ ଧନଞ୍ଜଯଃ।
ଭୂଯଶ୍ଚୈବ ମହାରାଜ ଶରବର୍ଷୈରବାକିରତ୍॥ 9-13-2 (60826)
ଶରକଣ୍ଟକିତାସ୍ତେ ତୁ ତାବକା ଭରତର୍ଷଭ।
ନ ଜହୁଃ ପାର୍ଥମାସାଦ୍ଯ ତାଡ୍ଯମାନାଃ ଶିତୈଃ ଶରୈଃ॥ 9-13-3 (60827)
ଅର୍ଜୁନଂ ରଥବଂଶେନ ଦ୍ରୋଣପୁତ୍ରପୁରୋଗମାଃ।
ପରିବାର୍ଯ ମୁଦା ଯୁକ୍ତା ଯୋଧଯନ୍ତଶ୍ଚକାଶିରେ॥ 9-13-4 (60828)
ତୈସ୍ତୁ କ୍ଷିପ୍ତାଃ ଶରା ରାଜନ୍କାର୍ତସ୍ବରବିଭୂଷିତାଃ।
ଅର୍ଜୁନସ୍ଯ ରଥୋପସ୍ଥଂ ପୂରଯାମାସୁରଞ୍ଜସା॥ 9-13-5 (60829)
ତଥା କୃଷ୍ଣୌ ମହେଷ୍ବାସୌ ବୃଷଭୌ ସର୍ବଧନ୍ବିନାମ୍।
ବିବ୍ଯଧୁଶ୍ଚ ଶରୈର୍ଘୋରୈଃ ପ୍ରହୃଷ୍ଟା ଯୁଦ୍ଧଦୁର୍ମଦାଃ॥ 9-13-6 (60830)
କୂବରଂ ରଥଚକ୍ରାଣି ଈଷା ଯୋକ୍ତ୍ରାଣି ବା ବିଭୋ।
ଯୁଗଂ ଚୈବାନୁକର୍ଷଂ ଚ ଶରଭୂତମଭୂତ୍ତଦା॥ 9-13-7 (60831)
ନୈତାଦୃଶଂ ଦୃଷ୍ଟପୂର୍ବଂ ରାଜନ୍ନେବ ଚ ନଃ ଶ୍ରୁତମ୍।
ଯାଦୃଶଂ ତତ୍ର ପାର୍ଥସ୍ଯ ତାବକାଃ ସମ୍ପ୍ରଚକ୍ରିରେ॥ 9-13-8 (60832)
ସ ରଥଃ ସର୍ବତୋ ଭାତି ଚିତ୍ରପୁଙ୍ଖୈଃ ଶିତୈଃ ଶରୈଃ।
ଉଲ୍କାଶତୈଃ ସମ୍ପ୍ରଦୀପ୍ତଂ ବିମାନମିବ ଭୂତଲେ॥ 9-13-9 (60833)
ତତୋଽର୍ଜୁନୋ ମହାରାଜ ଶରୈଃ ସନ୍ନତପର୍ବଭିଃ।
ଅବାକିରତ୍ତାଂ ପୃତନାଂ ମେଘୋ ଧୃଷ୍ଟ୍ଯେବ ପର୍ବତମ୍॥ 9-13-10 (60834)
ତେ ବଧ୍ଯମାନାଃ ସମରେ ପାର୍ଥନାମାଙ୍କିତୈଃ ଶରୈଃ।
ପାର୍ଥଭୂତମମନ୍ଯନ୍ତ ପ୍ରେକ୍ଷମାଣାସ୍ତଥାବିଧମ୍॥ 9-13-11 (60835)
କୋପୋଦ୍ଧୂତଶରଜ୍ବାଲୋ ଧନୁଃଶବ୍ଦାନିଲୋ ମହାନ୍।
ସୈନ୍ଯେନ୍ଧନଂ ଦଦାହାଶୁ ତାବକଂ ପାର୍ଥପାବକଃ॥ 9-13-12 (60836)
ଚକ୍ରାଣାଂ ପତତାଂ ଚାପି ଯୁଗାନାଂ ଚ ଧରାତଲେ।
ତୂଣୀରାଣାଂ ପତାକାନାଂ ଧ୍ବଜାନାଂ ଚ ରଥୈଃ ସହ॥ 9-13-13 (60837)
ଈଷାଣାମନୁକର୍ଷାଣାଂ ତ୍ରିବେଣୂନାଂ ଚ ଭାରତ।
ଅକ୍ଷାଣାମଥ ଯୋକ୍ତ୍ରାଣାଂ ପ୍ରତୋଦାନାଂ ଚ ରାଶଯଃ॥ 9-13-14 (60838)
ଶିରସାଂ ପତତାଂ ଚାପି କୁଣ୍ଡଲୋଷ୍ଣୀଷଧାରିଣାମ୍।
ଭୁଜାନାଂ ଚ ମହାଭାଗ ସ୍କନ୍ଧାନାଂ ଚ ସମନ୍ତତଃ॥ 9-13-15 (60839)
ଛତ୍ରାଣାଂ ବ୍ଯଜନୈଃ ସାର୍ଧଂ ମକୁଟାନାଂ ଚ ରାଶଯଃ।
ସମଦୃଶ୍ଯନ୍ତ ପାର୍ଥସ୍ଯ ରଥମାର୍ଗେଷୁ ଭାରତ॥ 9-13-16 (60840)
ଅଗମ୍ଯରୂପା ପୃଥିବୀ ମାଂସଶୋଣିତକର୍ଦମା।
ଭୀରୂଣାଂ ତ୍ରାସଜନନୀ ଶୂରାଣାଂ ହର୍ଷବର୍ଧିନୀ।
ବଭୂବ ଭରତଶ୍ରେଷ୍ଠ ରୁଦ୍ରସ୍ଯାକ୍ରୀଡନଂ ଯଥା॥ 9-13-17 (60841)
ହତ୍ବା ତୁ ସମରେ ପାର୍ଥଃ ସହସ୍ରେ ଦ୍ବେ ପରନ୍ତପଃ।
ରଥାନାଂ ସବରୂଥାନଂ ବିଧୂମୋଽଗ୍ନିରିବ ଜ୍ବଲନ୍॥ 9-13-18 (60842)
ଯଥା ହି ଭଗବାନଗ୍ନିର୍ଜଗଦ୍ଦଗ୍ଧ୍ବା ଚରାଚରମ୍।
ବିଧୂମୋ ଦୃଶ୍ଯତେ ରାଜଂସ୍ତଥା ପାର୍ଥୋ ଧନ଼ଞ୍ଜଯଃ॥ 9-13-19 (60843)
ଦ୍ରୌଣିସ୍ତୁ ସମରେ ଦୃଷ୍ଟ୍ବା ପାଣ୍ଡବସ୍ଯ ପରାକ୍ରମମ୍।
ରଥେନାତିପତାକେନ ପାଣ୍ଡବଂ ପ୍ରତ୍ଯବାରଯତ୍॥ 9-13-20 (60844)
ତାବୁଭୌ ପୁରୁଷବ୍ଯାଘ୍ରୌ ଶ୍ବେତାଶ୍ବୌ ଧନ୍ବିନାଂ ବରୌ।
ସମୀଯତୁସ୍ତଦାଽନ୍ଯୋନ୍ଯଂ ପରସ୍ପରବଧୈଷିଣୌ॥ 9-13-21 (60845)
ତଯୋରାସୀନ୍ମହାରାଜ ବାଣବର୍ଷଂ ସୁଦାରୁଣମ୍।
ଜୀମୂତଯୋର୍ଯଥା ବୃଷ୍ଟିସ୍ତପାନ୍ତେ ଭରତର୍ଷଭ॥ 9-13-22 (60846)
ଅନ୍ଯୋନ୍ଯସ୍ପର୍ଧିନୌ ତୌ ତୁ ଶରୈଃ ସନ୍ନତପର୍ବଭିଃ।
ତତକ୍ଷତୁସ୍ତଦାଽନ୍ଯୋନ୍ଯଂ ଶୃଙ୍ଗାଭ୍ଯାଂ ବୃଷଭାବିବ॥ 9-13-23 (60847)
ତଯୋର୍ଯୁଦ୍ଧଂ ମହାରାଜ ଚିରଂ ସମମିବାଭବତ୍।
ଶସ୍ତ୍ରାଣାଂ ସଙ୍ଗମଶ୍ଚୈବ ଘୋରସ୍ତତ୍ରାଭବତ୍ପୁନଃ॥ 9-13-24 (60848)
ତତୋଽର୍ଜୁନଂ ଦ୍ବାଦଶଭୀ ରୁକ୍ମପୁଙ୍ଖୈଃ ସୁତେଜନୈଃ।
ବାସୁଦେବଂ ଚ ଦଶଭିର୍ଦ୍ରୌଣିର୍ବିବ୍ଯାଧ ଭାରତ॥ 9-13-25 (60849)
ତତଃ ପ୍ରହସ୍ଯ ବୀଭତ୍ସୁର୍ବ୍ଯାକ୍ଷିପଦ୍ଗାଣ୍ଡିବଂ ଧନୁଃ।
ମାନଯିତ୍ବା ମୁହୂର୍ତଂ ତୁ ଗୁରୁପୁତ୍ରଂ ମହାହବେ॥ 9-13-26 (60850)
ବ୍ଯଶ୍ବସୂତରଥଂ ଚକ୍ରେ ସବ୍ଯସାଚୀ ପରନ୍ତପଃ।
ମୃଦୁପୂର୍ବଂ ତତଶ୍ଚୈନଂ ପୁନଃପୁନରତାଡଯତ୍॥ 9-13-27 (60851)
ହତାଶ୍ବେ ତୁ ରଥେ ତିଷ୍ଠନ୍ଦ୍ରୋଣପୁତ୍ରସ୍ତ୍ବଯସ୍ମଯମ୍।
ମୁସଲଂ ପାଣ୍ଡୁପୁତ୍ରାଯ ଚିକ୍ଷେପ ପରିଘୋପମମ୍॥ 9-13-28 (60852)
ତମାପତନ୍ତଂ ସହସା ହେମପଟ୍ଟବିଭୂଷିତମ୍।
ଚିଚ୍ଛେଦ ସପ୍ତଧା ବୀରଃ ପାର୍ଥଃ ଶତ୍ରୁନିବର୍ହଣଃ॥ 9-13-29 (60853)
ସ ଚ୍ଛିନ୍ନଂ ମୁସଲଂ ଦୃଷ୍ଟ୍ବା ଦ୍ରୌଣିଃ ପରମକୋପନଃ।
ଆଦଦେ ପରିଘଂ ଘୋରଂ ନଗେନ୍ଦ୍ରଶିଖରୋପମମ୍।
ଚିକ୍ଷେପ ଚୈବ ପାର୍ଥାଯ ଦ୍ରୌଣିର୍ଯୁଦ୍ଧବିଶାରଦଃ॥ 9-13-30 (60854)
ତମନ୍ତକମିବ କ୍ରୁଦ୍ଦଂ ପରିଘଂ ପ୍ରେକ୍ଷ୍ଯ ପାଣ୍ଡବଃ।
ଅର୍ଜୁନସ୍ତ୍ବରିତୋ ଜଘ୍ନେ ପଞ୍ଚଭିଃ ସାଯକୋତ୍ତମୈଃ॥ 9-13-31 (60855)
ସ ଚ୍ଛିନ୍ନଃ ପତିତୋ ଭୂମୌ ପାର୍ଥବାଣୈର୍ମହାହବେ।
ଦାରଯନ୍ପୃଥିବୀନ୍ଦ୍ରାଣାଂ ମନଃ ସବ୍ଦେନ ଭାରତ॥ 9-13-32 (60856)
ତତୋଽପରୈସ୍ତ୍ରିଭିର୍ଭଲ୍ଲୈର୍ଦ୍ରୌଣିଂ ବିବ୍ଯାଧ ପାଣ଼୍ଡବଃ॥ 9-13-33 (60857)
ସୋଽତିବିଦ୍ଧୋ ବଲବତା ପାର୍ଥେନ ସୁମହାତ୍ମନା।
ନାକମ୍ପତ ତଦା ଦ୍ରୌଣିଃ ପୌରୁଷେଷୁ ବ୍ଯବସ୍ଥିତଃ॥ 9-13-34 (60858)
ସୁରଥଂ ଚ ତତୋ ରାଜନ୍ଭାରଦ୍ବାଜୋ ମହାରଥମ୍।
ଅବାକିରଚ୍ଛରବ୍ରାତୈଃ ସର୍ବକ୍ଷତ୍ରସ୍ଯ ପଶ୍ଯତଃ॥ 9-13-35 (60859)
ତତସ୍ତୁ ସୁରଥୋଽପ୍ଯାଜୌ ପାଞ୍ଚାଲାନାଂ ମହାରଥଃ।
ରଥେନ ମେଘଘୋଷେଣ ଦ୍ରୌଣିମେବାଭ୍ଯଧାବତ॥ 9-13-36 (60860)
ବିକର୍ଷନ୍ବୈ ଧନୁଃଶ୍ରେଷ୍ଠଂ ସର୍ବଭାରସହଂ ଦୃଢମ୍।
ଜ୍ବଲନାଶୀବିଷନିଭୈଃ ଶରୈଶ୍ଚୈନମବାକିରତ୍॥ 9-13-37 (60861)
ସୁରଥଂ ତଂ ତତଃ କ୍ରୁଦ୍ଧମାପତନ୍ତଂ ମହାରଥମ୍।
ଚୁକୋପ ସମରେ ଦ୍ରୌଣିର୍ଦଣ୍ଡାହତ ଇବୋରଗଃ॥ 9-13-38 (60862)
ତ୍ରିଶିଖାଂ ଭ୍ରୁକୁଟୀଂ କୃତ୍ବା ସୃକ୍ବିଣୀ ପରିସଂଲିହନ୍।
ଉଦ୍ବୀକ୍ଷ୍ଯ ସୁରଥଂ ରୋଷାଦ୍ଧନୁର୍ଜ୍ଯାମବମୃଜ୍ଯ ଚ।
ମୁମୋଚ ତୀକ୍ଷ୍ଣଂ ନାରାଚଂ ଯମଦଣ୍ଡୋପମଦ୍ଯୁତିମ୍॥ 9-13-39 (60863)
ସ ତସ୍ଯ ହୃଦଯଂ ଭିତ୍ତ୍ବା ପ୍ରବିବେଶାତିବେଗିତଃ।
ଶକ୍ତାଶନିରିବୋତ୍ସୃଷ୍ଟୋ ବିଦାର୍ଯ ଧରଣୀତଲମ୍॥ 9-13-40 (60864)
ତତଃ ସ ପତିତୋ ଭୂମୌ ନାରାଚେନ ସମାହତଃ।
ବଜ୍ରେଣ ଚ ଯଥା ଶୃଙ୍ଗଂ ପର୍ବତସ୍ଯେବ ଦୀର୍ଯତଃ॥ 9-13-41 (60865)
ତସ୍ମିନ୍ବିନିହତେ ବୀରେ ଦ୍ରୋଣପୁତ୍ରଃ ପ୍ରତାପବାନ୍।
ଆରୁରୋହ ରଥଂ ତୂର୍ଣଂ ତମେବ ରଥିନାଂ ବରଃ॥ 9-13-42 (60866)
ତତଃ ସଜ୍ଜୋ ମହାରାଜ ଦ୍ରୌଣିରାହବଦୁର୍ମଦଃ।
ଅର୍ଜୁନଂ ଯୋଧଯାମାସ ସଂଶପ୍ତକବୃତୋ ରଣେ॥ 9-13-43 (60867)
ତତ୍ର ଯୁଦ୍ଧଂ ମହଚ୍ଚାସୀଦର୍ଜୁନସ୍ଯ ପରୈଃ ସହ।
ମଧ୍ଯନ୍ଦିନଗତେ ସୂର୍ଯେ ଯମରାଷ୍ଟ୍ରବିବର୍ଧନମ୍॥ 9-13-44 (60868)
ତତ୍ରାଶ୍ଚର୍ଯମପଶ୍ଯାମ ଦୃଷ୍ଟ୍ବା ତେଷାଂ ପରାକ୍ରମମ୍।
ଯଦେକୋ ଯୁଗପଦ୍ବୀରାନ୍ସମଯୋଧଯଦର୍ଜୁନଃ॥ 9-13-45 (60869)
ବିମର୍ଦଃ ସୁମହାନାସୀଦର୍ଜୁନସ୍ଯ ପରୈଃ ସହ।
ଶତକ୍ରତୋର୍ଯଥାପୂର୍ବଂ ମହତ୍ଯା ଦୈତ୍ଯସେନଯା॥ ॥ 9-13-46 (60870)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଶଲ୍ଯବଧପର୍ବଣି ଅଷ୍ଟାଦଶଦିବସଯୁଦ୍ଧେ ତ୍ରଯୋଦଶୋଽଧ୍ଯାଯଃ॥ 13 ॥
ଶଲ୍ଯପର୍ବ - ଅଧ୍ଯାଯ 014
॥ ଶ୍ରୀଃ ॥
9.14. ଅଧ୍ଯାଯଃ 014
Mahabharata - Shalya Parva - Chapter Topics
ସଙ୍କୁଲଯୁଦ୍ଧମ୍॥ 1 ॥Mahabharata - Shalya Parva - Chapter Text
9-14-0 (60871)
ସଞ୍ଜଯ ଉବାଚ। 9-14-0x (5107)
ଦୁର୍ଯୋଧନୋ ମହାରାଜ ଧୃଷ୍ଟଦ୍ଯୁମ୍ନଶ୍ଚ ପାର୍ଷତଃ।
ଚକ୍ରତୁଃ ସୁମହଦ୍ଯୁଦ୍ଧଂ ଶରଶକ୍ତିସମାକୁଲମ୍॥ 9-14-1 (60872)
ତତୋ ରାଜନ୍ସମାପେତୁଃ ଶରଧାରାଃ ସହସ୍ରଶଃ।
ଅମ୍ବୁଦାନାଂ ଯଥା କାଲେ ଜଲଧାରାଃ ସମନ୍ତତଃ॥ 9-14-2 (60873)
ରାଜା ଚ ପାର୍ଷତଂ ବିଦ୍ଧ୍ବା ଶରୈଃ ପଞ୍ଚଭିରାଶୁଗୈଃ।
ଦ୍ରୋଣହନ୍ତାରମୁଗ୍ରେଷୁଂ ପୁନର୍ବିବ୍ଯାଧ ସପ୍ତଭିଃ॥ 9-14-3 (60874)
ଧୃଷ୍ଟଦ୍ଯୁମ୍ନସ୍ତୁ ସମରେ ବଲବାନ୍ଦୃଢବିକ୍ରମଃ।
ସପ୍ତତ୍ଯା ବିଶିଖାନାଂ ବୈ ଦୁର୍ଯୋଧନମପୀଡଯତ୍॥ 9-14-4 (60875)
ପୀଡିତଂ ବୀକ୍ଷ୍ଯ ରାଜାନଂ ସୋଦର୍ଯା ଭରତର୍ଷଭ।
ମହତ୍ଯା ସେନଯା ସାର୍ଧଂ ପରିବବ୍ରୁଃ ସ୍ମ ପାର୍ଷତମ୍॥ 9-14-5 (60876)
ସ ତୈଃ ପରିବୃତଃ ଶୂରଃ ସର୍ବତୋଽତିରଥୈ ର୍ଭୃଶମ୍।
ବ୍ଯଚରତ୍ସମରେ ରାଜନ୍ଦର୍ଶଯନ୍ନସ୍ତ୍ରଲାଘବମ୍॥ 9-14-6 (60877)
ଶିଖଣ୍ଡୀ କୃତବର୍ମାଣଂ ଗୌତମଂ ଚ ମହାରଥମ୍॥
ପ୍ରଭଦ୍ରକୈଃ ସମାଯୁକ୍ତୋ ଯୋଧଯାମାସ ଧନ୍ବିନୌ॥ 9-14-7 (60878)
ତତ୍ରାପି ସୁମହଦ୍ଯୁଦ୍ଧଂ ଘୋରରୂପଂ ବିଶାମ୍ପତେ।
ପ୍ରାଣାନ୍ସନ୍ତଜତାଂ ଯୁଦ୍ଧେ ପ୍ରାଣଦ୍ଯୂତାଭିଦେବନେ॥ 9-14-8 (60879)
ଶଲ୍ଯଃ ସାଯକବର୍ଷାଣି ବିମୁଞ୍ଜନ୍ସର୍ବତୋଦିଶମ୍।
ପାଣ୍ଡବାନ୍ପୀଡଯାମାସ ସସାତ୍ଯକିବୃକୋଦରାନ୍॥ 9-14-9 (60880)
ତଥା ତୌ ତୁ ଯମୌ ଯମତୁଲ୍ଯପରାକ୍ରମୌ।
ଯୋଧଯାମାସ ରାଜେନ୍ଦ୍ର ବୀର୍ଯେଣାସ୍ତ୍ରବଲେନ ଚ॥ 9-14-10 (60881)
ଶଲ୍ଯସାଯକନୁନ୍ନାନାଂ ପାଣ୍ଡବାନାଂ ମହାମୃଧେ।
ତ୍ରାତାରଂ ନାଧ୍ଯଗଚ୍ଛନ୍ତ କେଚିତ୍ତତ୍ର ମହାରଥାଃ॥ 9-14-11 (60882)
ତତସ୍ତୁ ନକୁଲଃ ଶୂରୋ ଧର୍ମରାଜେ ପ୍ରପୀଡିତେ।
ଅଭିଦୁଦ୍ରାବ ବେଗେନ ମାତୁଲଂ ମାଦ୍ରିନନ୍ଦନଃ॥ 9-14-12 (60883)
ସଞ୍ଛାଦ୍ଯ ସମରେ ବୀରଂ ନକୁଲଃ ପରବୀରହା।
ବିବ୍ଯାଧ ଚୈନଂ ଦଶଭିଃ ସ୍ମଯମାନଃ ସ୍ତନାନ୍ତରେ॥ 9-14-13 (60884)
ସର୍ବପାରସବୈର୍ବାଣୈଃ କର୍ମାରପରିମାର୍ଜିତୈଃ।
ସ୍ବର୍ଣପୁଙ୍ଖୈଃ ଶିଲାଧୌତୈର୍ଧନୁର୍ଯନ୍ତ୍ରପ୍ରଚୋଦିତୈଃ॥ 9-14-14 (60885)
ଶଲ୍ଯସ୍ତୁ ପୀଡିତସ୍ତେନ ସ୍ବସ୍ରୀଯେଣ ହି ମାତୁଲଃ।
ନକୁଲଂ ପୀଡଯାମାସ ପତ୍ରିଭିର୍ନତପର୍ବଭିଃ॥ 9-14-15 (60886)
ତତୋ ଯୁଧିଷ୍ଠିରୋ ରାଜା ଭୀମସେନୋଽଥ ସାତ୍ଯକିଃ।
ସହଦେବଶ୍ଚ ମାଦ୍ରେଣୋ ମଦ୍ରରାଜମୁପାଦ୍ରବନ୍॥ 9-14-16 (60887)
ତାନାପତତ ଏବାଶୁ ପୂରଯାଣାନ୍ରଥସ୍ବନୈଃ।
ଦିଶଶ୍ଚ ବିଦିଶଶ୍ଚୈବ କମ୍ପଯାନାଂଶ୍ଚ ମେଦିନୀମ୍।
ପ୍ରତିଜଗ୍ରାହ ସମରେ ସେନାପତିରମିତ୍ରଜିତ୍॥ 9-14-17 (60888)
ଯୁଧିଷ୍ଠିରଂ ତ୍ରିଭିର୍ବିଦ୍ଧ୍ବା ଭୀମସେନଂ ଚ ପଞ୍ଚଭିଃ।
ସାତ୍ଯକିଂ ଚ ଶତେନାଜୌ ସହଦେବଂ ତ୍ରିଭିଃ ଶରୈଃ॥ 9-14-18 (60889)
ତତସ୍ତୁ ସଶରଂ ଚାପଂ ନକୁଲସ୍ଯ ମହାତ୍ମନଃ।
ମଦ୍ରେଶ୍ବରଃ କ୍ଷୁରପ୍ରେଣ ମଧ୍ଯେ ଚିଚ୍ଛେଦ ମାରିଷ॥ 9-14-19 (60890)
ତଦପାସ୍ଯ ଧନୁଶ୍ଛିନ୍ନଂ ତତଃ ଶଲ୍ଯସ୍ଯ ସାଯକୈଃ।
ଅଥାନ୍ଯଦ୍ଧନୁରାଦାଯ ମାଦ୍ରୀପୁତ୍ରୋ ମହାରଥଃ।
ମଦ୍ରରାଜରଥଂ ତୂର୍ଣଂ ପୂରଯାମାସ ପତ୍ରିଭିଃ॥ 9-14-20 (60891)
ଯୁଧିଷ୍ଠିରସ୍ତୁ ମଦ୍ରେଶଂ ସହଦେବଶ୍ଚ ମାରିଷ।
ଦଶଭିର୍ଦଶଭିର୍ବାଣୈରୁରସ୍ଯେନମବିଧ୍ଯତାମ୍॥ 9-14-21 (60892)
ଭୀମସେନସ୍ତୁ ତଂ ଷଷ୍ଟ୍ଯା ସାତ୍ଯକିର୍ଦଶଭିଃ ଶରୈଃ।
ମଦ୍ରରାଜମଭିଦ୍ରୁତ୍ଯ ଜଘ୍ନତୁଃ xxଙ୍କପତ୍ରିଭିଃ॥ 9-14-22 (60893)
ମଦ୍ରରାଜସ୍ତତଃ କ୍ରୁଦ୍ଧଃ ସାତ୍ଯକିଂ ନବଭିଃ ଶରୈଃ।
ବିବ୍ଯାଧ ଭୂଯଃ ସପ୍ତତ୍ଯା ଶରାଣାଂ ନତପର୍ବଣାମ୍॥ 9-14-23 (60894)
ଅଥାସ୍ଯ ସଶରଂ ଚାପଂ ମୁଷ୍ଟୌ ଚିଚ୍ଛେଦ ମାରିଷ।
ହଯାଂଶ୍ଚ ଚତୁରଃ ସଙ୍ଖ୍ଯେ ପ୍ରେଷଯାମାସ ମୃତ୍ଯବେ॥ 9-14-24 (60895)
ବିରଥଂ ସାତ୍ଯକିଂ କୃତ୍ବା ମଦ୍ରରାଜୋ ମହାରଥଃ।
ବିଶିଖାନାଂ ଶତେନୈନମାଜଘାନ ସମନ୍ତତଃ॥ 9-14-25 (60896)
ମାଦ୍ରୀପୁତ୍ରଂ ଚ ସଂରବ୍ଧୋ ଭୀମସେନଂ ଚ ପାଣ୍ଡବମ୍।
ଯୁଧିଷ୍ଠିରଂ ଚ କୌରବ୍ଯ ବିବ୍ଯାଧ ଦଶଭିଃ ଶରୈଃ॥ 9-14-26 (60897)
ତତ୍ରାଦ୍ଭୁତମପଶ୍ଯାମ ମଦ୍ରରାଜସ୍ଯ ପୌରୁଷମ୍।
ଯଦେନଂ ସହିତାଃ ପାର୍ଥା ନାଭ୍ଯବର୍ତନ୍ତ ସଂଯୁଗେ॥ 9-14-27 (60898)
ଅଥାନ୍ଯଂ ରଥମାସ୍ଥାଯ ସାତ୍ଯକିଃ ସତ୍ଯବିକ୍ରମଃ।
ପୀଡିତାନ୍ପାଣ୍ଡବାନ୍ଦୃଷ୍ଟ୍ବା ମଦ୍ରରାଜବଶଂ ଗତାନ୍।
ଅଭିଦୁଦ୍ରାବ ବେଗେନ ମଦ୍ରାଣାମଧିପଂ ବଲାତ୍॥ 9-14-28 (60899)
ଆପତନ୍ତଂ ରଥଂ ତସ୍ଯ ଶଲ୍ଯଃ ସମିତିଶୋଭନଃ।
ପ୍ରତ୍ଯୁଦ୍ଯଯୌ ରଥେନୈବ ମତ୍ତୋ ମତ୍ତମିବ ଦ୍ବିପମ୍॥ 9-14-29 (60900)
ସ ସନ୍ନିପାତସ୍ତୁମୁଲୋ ବଭୂବାଦ୍ଭୁତଦର୍ଶନଃ।
ସାତ୍ଯକେଶ୍ଚୈବ ଶୂରସ୍ଯ ମଦ୍ରାଣାମଧିପସ୍ଯ ଚ।
ଯାଦୃଶୋ ବୈ ପୁରା ବୃତ୍ତଃ ଶମ୍ବରାମରରାଜଯୋଃ॥ 9-14-30 (60901)
ସାତ୍ଯକିଃ ପ୍ରେକ୍ଷ୍ଯ ସମରେ ମଦ୍ରରାଜମବସ୍ଥିତମ୍।
ବିବ୍ଯାଧ ଦଶଭିର୍ବାଣୈସ୍ତିଷ୍ଠତିଷ୍ଠେତି ଚାବ୍ରବୀତ୍॥ 9-14-31 (60902)
ମଦ୍ରରାଜସ୍ତୁ ସୁଭୃଶଂ ବିଦ୍ଧସ୍ତେନ ମହାତ୍ମନା।
ସାତ୍ଯକିଂ ପ୍ରତିବିବ୍ଯାଧ ଚିତ୍ରପୁଙ୍ଖୈଃ ଶିତୈଃ ଶରୈଃ॥ 9-14-32 (60903)
ତତଃ ପାର୍ଥା ମହେଷ୍ବାସାଃ ସାତ୍ବତାଽଭିସୃତଂ ନୃପମ୍।
ଅଭ୍ଯବର୍ତନ୍ରଥୈସ୍ତୂର୍ଣଂ ମାତୁଲଂ ବଧକାଙ୍କ୍ଷଯା॥ 9-14-33 (60904)
ତତ ଆସୀତ୍ପରାମର୍ଦସ୍ତୁମୁଲଃ ଶୋଣିତୋଦକଃ।
ଶୂରାଣାଂ ଯୁଧ୍ଯମାନାନାଂ ସିଂହାନାମିବ ନର୍ଦତାମ୍॥ 9-14-34 (60905)
ତେଷାମାସୀନ୍ମହାରାଜ ବ୍ଯଧିକ୍ଷେପଃ ପରସ୍ପରମ୍।
ସିଂହାନାମାମିଷେପ୍ସୂନାଂ କୂଜତାମିବ ସଂଯୁଗେ॥ 9-14-35 (60906)
ତେଷାଂ ବାଣସହସ୍ରୌଘୈରାକୀର୍ଣା ବସୁଧାଽଭବତ୍।
ଅନ୍ତରିକ୍ଷଂ ଚ ସହସା ବାଣଭୂତମଭୂତ୍ତଦା॥ 9-14-36 (60907)
ଶରାନ୍ଧକାରଂ ସହସା କୃତଂ ତେନ ସମନ୍ତତଃ।
ଅଭ୍ରଚ୍ଛାଯେବ ସଞ୍ଜଜ୍ଞେ ଶରୈର୍ମୁକ୍ତୈର୍ମହାତ୍ମଭିଃ॥ 9-14-37 (60908)
ତତ୍ର ରାଜଞ୍ଶରୈର୍ମୁକ୍ତୈର୍ନିର୍ମୁକ୍ତୈରିବ ପନ୍ନୈଗଃ।
ସ୍ବର୍ଣପୁଙ୍ଖୈଃ ପ୍ରକାଶଦ୍ଭିର୍ବ୍ଯରୋଚନ୍ତ ଦିଶସ୍ତଦା॥ 9-14-38 (60909)
ତତ୍ରାଦ୍ଭୁତଂ ପରଂ ଚକ୍ରେ ଶଲ୍ଯଃ ଶତ୍ରୁନିବର୍ହଣଃ।
ଯଦେକଃ ସମରେ ଶୂରୋ ଯୋଧଯାମାସ ବୈ ବହୂନ୍॥ 9-14-39 (60910)
ମଦ୍ରରାଜଭୁଜୋତ୍ସୃଷ୍ଟୈଃ କଙ୍କବର୍ହିଣବାଜିତୈଃ।
ସମ୍ପତଦ୍ଭିଃ ଶରୈର୍ଘୋରୈରବାକୀର୍ଯତ ମେଦିନୀ॥ 9-14-40 (60911)
ତତ୍ର ଶଲ୍ଯରଥଂ ରାଜନ୍ବିଚରନ୍ତଂ ମହାହବେ।
ଅପଶ୍ଯାମ ଯଥାପୂର୍ବଂ ଶକ୍ରସ୍ଯାସୁରସଂକ୍ଷଯେ॥ ॥ 9-14-41 (60912)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଶଲ୍ଯବଧପର୍ବଣି ଅଷ୍ଟାଦଶଦିବସଯୁଦ୍ଧେ ଚତୁର୍ଦଶୋଽଧ୍ଯାଯଃ॥ 14 ॥
ଶଲ୍ଯପର୍ବ - ଅଧ୍ଯାଯ 015
॥ ଶ୍ରୀଃ ॥
9.15. ଅଧ୍ଯାଯଃ 015
Mahabharata - Shalya Parva - Chapter Topics
ଶଲ୍ଯଯୁଧିଷ୍ଠିରଯୋର୍ଯୁଦ୍ଧମ୍॥ 1 ॥Mahabharata - Shalya Parva - Chapter Text
9-15-0 (60913)
ସଞ୍ଜଯ ଉବାଚ। 9-15-0x (5108)
ତତଃ ସେନା ତବ ବିଭୋ ମଦ୍ରରାଜପୁରସ୍କୃତା।
ପୁନରଭ୍ଯଦ୍ରବତ୍ପାର୍ଥାନ୍ବେଗେନ ମହତା ରଣେ॥ 9-15-1 (60914)
ପୀଡିତାସ୍ତାବକାଃ ସର୍ବେ ପ୍ରଧାବନ୍ତୋ ରଣୋତ୍କଟାଃ।
କ୍ଷଣେନ ଚୈବ ପାର୍ଥାଂସ୍ତେ ବହୁତ୍ବାତ୍ସମଲୋଡଯନ୍॥ 9-15-2 (60915)
ତେ ବଧ୍ଯମାନାଃ ସମରେ ପାଣ୍ଡବା ନାବତସ୍ଥିରେ।
କ୍ଷଣେନୈବ ମହାରାଜ ପଶ୍ଯତୋଃ କୃଷ୍ଣପାର୍ଥଯୋଃ॥ 9-15-3 (60916)
ତତୋ ଧନଞ୍ଜଯଃ କ୍ରୁଦ୍ଧଃ କୃପଂ ସହ ପଦାନୁଗୈଃ।
ଅବାକିରଚ୍ଛରୌଘେଣ କୃତବର୍ମାଣମେବ ଚ॥ 9-15-4 (60917)
ଶକୁନିଂ ସହଦେବସ୍ତୁ ସହସୈନ୍ଯମବାକିରତ୍।
ନକୁଲଃ ପାର୍ଶ୍ବତଃ ସ୍ଥିତ୍ବା ମଦ୍ରରାଜମଯୋଧଯତ୍॥ 9-15-5 (60918)
ଦ୍ରୌପଦେଯା ନରେନ୍ଦ୍ରାଶ୍ଚ ଭୂଯିଷ୍ଠାନ୍ସମବାରଯନ୍।
ଦ୍ରୋଣପୁତ୍ରଂ ଚ ପାଞ୍ଚାଲ୍ଯଃ ଶିଖଣ୍ଡୀ ସମବାରଯତ୍॥ 9-15-6 (60919)
ଭୀମସେନସ୍ତୁ ରାଜାନଂ ଗଦାପାଣିରବାରଯତ୍।
ଶଲ୍ଯଂ ତୁ ସହ ସୈନ୍ଯେନ କୁନ୍ତୀପୁତ୍ରୋ ଯୁଧିଷ୍ଠିରଃ॥ 9-15-7 (60920)
ତତଃ ସମଭବଦ୍ଯୁଦ୍ଧଂ ସଂସକ୍ତଂ ତତ୍ରତତ୍ର ହ।
ତାବକାନାଂ ପରେଷାଂ ଚ ସଙ୍ଗ୍ରାମେଷ୍ବନିବର୍ତିନାମ୍॥ 9-15-8 (60921)
ତତ୍ର ପଶ୍ଯାମହେ କର୍ମ ଶଲ୍ଯସ୍ଯାତିମହଦ୍ରଣେ।
ଯଦେକଃ ସର୍ବସୈନ୍ଯାନି ପାଣ୍ଡବାନାମଯୋଧଯତ୍॥ 9-15-9 (60922)
ବ୍ଯଦୃଶ୍ଯତ ତଦା ଶଲ୍ଯୋ ଯୁଧିଷ୍ଠିରସମୀପତଃ।
କ୍ରୂରଶ୍ଚନ୍ଦ୍ରମସୋଽଭ୍ଯାଶେ ଶନୈଶ୍ଚର ଇବ ଗ୍ରହଃ॥ 9-15-10 (60923)
ପୀଡଯିତ୍ବା ତୁ ରାଜାନଂ ଶରୈରାଶୀବିଷୋପମୈଃ।
ଅଭ୍ଯଧାବତ୍ପୁନର୍ଭୀମଂ ଶରବର୍ଷୈରବାକିରତ୍॥ 9-15-11 (60924)
ତସ୍ଯ ତଲ୍ଲାଘବଂ ଦୃଷ୍ଟ୍ବା ତଥୈବ ଚ କୃତାସ୍ତ୍ରତାମ୍।
ଅପୂଜଯନ୍ନନୀକାନି ପରେଷାଂ ତାବକାନି ଚ॥ 9-15-12 (60925)
ପୀଡ୍ଯମାନାସ୍ତୁ ଶଲ୍ଯେନ ପାଣ୍ଡବା ଭୃଶାବିକ୍ଷତାଃ।
ପ୍ରାଦ୍ରବନ୍ତ ରଣଂ ହିତ୍ବା କ୍ରୋଶମାନେ ଯୁଧିଷ୍ଠିରେ॥ 9-15-13 (60926)
ବଧ୍ଯମାନେଷ୍ବନୀକେଷୁ ମଦ୍ରରାଜେନ ପାଣ୍ଡବଃ।
ଅମର୍ଷବଶମାପନ୍ନୋ ଧର୍ମରାଜୋ ଯୁଧିଷ୍ଠିରଃ॥ 9-15-14 (60927)
ତତଃ ପୌରୁଷମାସ୍ଥାଯ ମଦ୍ରରାଜମତାଡଯତ୍।
ଜଯୋ ବାଽସ୍ତୁ ବଧୋ ବେତି କୃତବୁଦ୍ଧିର୍ମହାରଥଃ॥ 9-15-15 (60928)
ସମାହୂଯାବ୍ରବୀତ୍ସର୍ବାନ୍ଭ୍ରାତୄନ୍କୃଷ୍ଣଂ ଚ ପାଣ୍ଡବଃ॥ 9-15-16 (60929)
ଭୀଷ୍ମୋ ଦ୍ରୋଣଶ୍ଚ କର୍ଣଶ୍ଚ ଯେ ଚାନ୍ଯେ ପୃଥିବୀକ୍ଷିତଃ।
କୌରବାର୍ଥେ ପରାକ୍ରାନ୍ତାଃ ସଙ୍ଗ୍ରାମେ ନିଧନଂ ଗତାଃ।
ଯଥାଭାଗଂ ଯଥୋତ୍ସାହଂ ଭବନ୍ତଃ କୃତପୌରୁଷାଃ॥ 9-15-17 (60930)
ଭାଗୋଽବଶିଷ୍ଟ ଏକୋଽଯଂ ମମ ଶଲ୍ଯୋ ମହାରଥଃ।
ସୋଽହମଦ୍ଯ ଯୁଧା ଜେତୁମାଶଂସେ ମଦ୍ରକାଧିପମ୍॥ 9-15-18 (60931)
ତତ୍ର ଯନ୍ମାନସଂ ମହ୍ଯଂ ତତ୍ସର୍ବଂ ନିଗଦାମି ବଃ।
ଚକ୍ରରକ୍ଷାବିମୌ ବୀରୌ ମମ ମାଦ୍ରବତୀସୁତୌ॥ 9-15-19 (60932)
ଅଜେଯୌ ବାସବେନାପି ସମରେ ଶୂରସମ୍ମତୌ।
ସାଧ୍ବିମୌ ମାତୁଲଂ ଯୁଦ୍ଧେ କ୍ଷତ୍ରଧର୍ମପୁରସ୍କୃତୌ॥ 9-15-20 (60933)
ମଦର୍ଥେ ପ୍ରତିଯୁଧ୍ଯେତାଂ ମାନାର୍ହୌ ସତ୍ଯସଙ୍ଗରୌ।
ମାଂ ବା ଶଲ୍ଯୋ ରଣେ ହନ୍ତା ତଂ ବାଽହଂ ଭଦ୍ରମସ୍ତୁ ବଃ।
ଇତି ସତ୍ଯାମିମାଂ ବାଣୀଂ ଲୋକବୀରା ନିବୋଧତ॥ 9-15-21 (60934)
ଯୋତ୍ସ୍ଯେଽହଂ ମାତୁଲେନାଦ୍ଯ କ୍ଷାତ୍ରଧର୍ମେଣ ପାର୍ଥିବାଃ।
ସ୍ବମଂଶମଭିସନ୍ଧାଯ ବିଜଯାଯେତରାଯ ବା॥ 9-15-22 (60935)
ତସ୍ଯ ମେଽପ୍ଯଧିକଂ ଶସ୍ତ୍ରଂ ସର୍ବୋପକରଣାନି ଚ।
ସଂଯୁଜ୍ଯନ୍ତାଂ ରଥେ କ୍ଷିପ୍ରଂ ଶାସ୍ତ୍ରବଦ୍ରଥଯୋଜକୈଃ॥ 9-15-23 (60936)
ଶୈନେଯୋ ଦକ୍ଷିଣଂ ଚକ୍ରଂ ଧୃଷ୍ଟଦ୍ଯୁମ୍ନସ୍ତଥୋତ୍ତରମ୍।
ପୃଷ୍ଠଗୋପୋ ଭବତ୍ବଦ୍ଯ ମମ ପାର୍ଥୋ ଧନଞ୍ଜଯଃ॥ 9-15-24 (60937)
ପୁରଃସରୋ ମମାଦ୍ଯାସ୍ତୁ ଭୀମଃ ଶସ୍ତ୍ରଭୃତାଂ ବରଃ।
ଏବମଭ୍ଯଧିକଃ ଶଲ୍ଯାଦ୍ଭବିଷ୍ଯାମି ମହାମୃଧେ॥ 9-15-25 (60938)
ଏବମୁକ୍ତାସ୍ତଥା ଚକ୍ରୁସ୍ତଦା ରାଜ୍ଞଃ ପ୍ରିଯୈଷିଣଃ॥ 9-15-26 (60939)
ତତଃ ପ୍ରହର୍ଷଃ ସୈବ୍ଯାନାଂ ପୁନରାସୀତ୍ତଦାଃ ମୃଧେ।
ପାଞ୍ଚାଲାନାଂ ସୋମକାନାଂ ମାତ୍ସ୍ଯାନାଂ ଚ ବିଶେଷତଃ॥ 9-15-27 (60940)
ପ୍ରତିଜ୍ଞାତଂ ଚ ସଙ୍ଗ୍ରାମେ ଧର୍ମରାଜସ୍ଯ ପୂଜଯନ୍।
ତତଃ ଶଙ୍ଖାଂଶ୍ଚ ଭେରୀଶ୍ଚ ଶତଶଶ୍ଚୈବ ପୁଷ୍କରାନ୍।
ଅବାଦଯନ୍ତ ପାଞ୍ଚାଲାଃ ସିଂହନାଦାଂଶ୍ଚ ନେଦିରେ॥ 9-15-28 (60941)
ତେଽଭ୍ଯଧାବନ୍ତ ସଂରବ୍ଧା ମଦ୍ରରାଜଂ ତରସ୍ବିନମ୍।
ମହତା ହର୍ଷଜେନାଥ ନାଦେନ କୁରୁପୁଙ୍ଗବାଃ॥ 9-15-29 (60942)
ହାଦେନ ଗଜଘଣ୍ଟାନାଂ ଶଙ୍ଖାନାଂ ନିନଦେନ ଚ।
ତୂର୍ଯଶବ୍ଦେନ ମହତା ନାଦଯନ୍ତଶ୍ଚ ମେଦିନୀମ୍॥ 9-15-30 (60943)
ତାନ୍ପ୍ରତ୍ଯଗୃହ୍ଣାତ୍ପୁତ୍ରସ୍ତେ ମଦ୍ରରାଜଶ୍ଚ ବୀର୍ଯବାନ୍।
ମହାମେଘାନିବ ବହୂଞ୍ଶୈଲାବସ୍ତୋଦଯାବୁଭୌ॥ 9-15-31 (60944)
ଶଲ୍ଯସ୍ତୁ ସମରଶ୍ଲାଘୀ ଧର୍ମରାଜମରିନ୍ଦମମ୍।
ବବର୍ଷ ଶରବର୍ଷେଣ ଶମ୍ବରଂ ମଘବା ଇବ॥ 9-15-32 (60945)
ତଥୈବ କୁରୁରାଜୋଽପି ପ୍ରଗୃହ୍ଯ ରୁଚିରଂ ଧନୁଃ।
ଦ୍ରୋଣୋପଦେଶାନ୍ବିବିଧାନ୍ଦର୍ଶଯାନୋ ମହାମନାଃ।
ବବର୍ଷ ଶରବର୍ଷାଣି ଚିତ୍ରଂ ଲଘୁ ଚ ସୁଷ୍ଠୁ ଚ॥ 9-15-33 (60946)
ନ ଚାସ୍ଯ ବିବରଂ କଶ୍ଚିଦ୍ଦଦର୍ଶ ଚରତୋ ରଣେ॥ 9-15-34 (60947)
ତାବୁଭୌ ବିବିଧୈର୍ବାଣୈସ୍ତତକ୍ଷାତେ ପରସ୍ପରମ୍।
ଶାର୍ଦୂଲାବାମିଷପ୍ରେପ୍ସୂ ପରାକ୍ରାନ୍ତାବିବାହବେ॥ 9-15-35 (60948)
ଭୀମସ୍ତୁ ତବ ପୁତ୍ରେଣ ଯୁଦ୍ଧଶୌଣ୍ଡେନ ସଙ୍ଗତଃ॥ 9-15-36 (60949)
ପାଞ୍ଚାଲ୍ଯଃ ସାତ୍ଯକିଶ୍ଚୈବ ମାଦ୍ରୀପୁତ୍ରୌ ଚ ପାଣ୍ଡବୌ।
ଶକୁନିପ୍ରମୁଖାନ୍ବୀରାନ୍ପ୍ରତ୍ଯଗୃହ୍ଣନ୍ସମନ୍ତତଃ॥ 9-15-37 (60950)
ତଦାସୀତ୍ତୁମୁଲଂ ଯୁଦ୍ଧଂ ପୁନରେବ ଜଯୈଷିଣାମ୍।
ତାବକାନାଂ ପରେଷାଂ ଚ ରାଜନ୍ଦୁର୍ମନ୍ତ୍ରିତେ ତବ॥ 9-15-38 (60951)
ଦୁର୍ଯୋଧନସ୍ତୁ ଭୀମସ୍ଯ ଶରେଣାନତପର୍ବଣା।
ଚିଚ୍ଛେଦାଦିଶ୍ଯ ସଙ୍ଗ୍ରାମେ ଧ୍ବଜଂ ହେମପରିଷ୍କୃତମ୍॥ 9-15-39 (60952)
ସ କିଙ୍କିଣୀକଜାଲେନ ମହତା ଚାରୁଦର୍ଶନଃ।
ପପାତ ରୁଚିରଃ ସିଂହୋ ଭୀମସେନସ୍ଯ ପଶ୍ଯତଃ॥ 9-15-40 (60953)
ପୁନଶ୍ଚାସ୍ଯ ଧନୁଶ୍ଚିତ୍ରଂ ଗଜରାଜକରୋପମମ୍।
କ୍ଷୁରେଣ ଶିତଧାରେଣ ପ୍ରଚକର୍ତ ନରାଧିପଃ॥ 9-15-41 (60954)
ସ ଚ୍ଛିନ୍ନଧନ୍ବା ତେଜସ୍ବୀ ରଥଶକ୍ତ୍ଯା ସୁତଂ ତବ।
ବିଭେଦୋରସି ବିକ୍ରମ୍ଯ ସ ରଥୋପସ୍ଥ ଆବିଶତ୍॥ 9-15-42 (60955)
ତସ୍ମିନ୍ମୋହମନୁପ୍ରାପ୍ତେ ପୁନରେବ ବୃକୋଦରଃ।
ଯନ୍ତୁରେବ ଶିରଃ କାଯାତ୍କ୍ଷୁରପ୍ରେଣାହରତ୍ତଦା॥ 9-15-43 (60956)
ହତସୂତା ହଯାସ୍ତସ୍ଯ ରଥମାଦାଯ ଭାରତ।
ବ୍ଯଦ୍ରବନ୍ତ ଦିଶୋ ରାଜନ୍ହାହାକାରସ୍ତଦାଽଭବତ୍॥ 9-15-44 (60957)
ତମଭ୍ଯଧାବଂସ୍ତ୍ରାଣାର୍ଥଂ ଦ୍ରୋଣପୁତ୍ରୋ ମହାରଥଃ।
କୃପଶ୍ଚ କୃତବର୍ମାଂ ଚ ପୁତ୍ରଂ ତେ ହି ପରୀପ୍ସବଃ॥ 9-15-45 (60958)
ତସ୍ମିନ୍ବିଲୁଲିତେ ସୈନ୍ଯେ ତ୍ରସ୍ତାଂସ୍ତସ୍ଯ ପଦାନୁଗାନ୍।
ଗାଣ୍ଡୀବଧନ୍ବା ବିସ୍ଫାର୍ଯ ଧନୁସ୍ତାନହନଚ୍ଛରୈଃ॥ 9-15-46 (60959)
ଯୁଧିଷ୍ଠିରସ୍ତୁ ମଦ୍ରେଶମଭ୍ଯଧାବଦମର୍ଷିତଃ।
ସ୍ବଯଂ ସନ୍ନୋଦଯନ୍ନଶ୍ବାନ୍ଦନ୍ତବର୍ଣାନ୍ମନୋଜବାନ୍॥ 9-15-47 (60960)
ତତ୍ରାଶ୍ଚର୍ଯପମଶ୍ଯାମ କୁନ୍ତୀପୁତ୍ରେ ଯୁଧିଷ୍ଠିରେ।
ପୁରା ଭୂତ୍ବା ମୃଦୁର୍ଦାନ୍ତୋ ଯତ୍ତଦା ଦାରୁଣୋଽଭବତ୍॥ 9-15-48 (60961)
ବିବୃତାକ୍ଷଶ୍ଚ କୌନ୍ତେଯୋ ବେପମାନଶ୍ଚ ମନ୍ଯୁନା।
ଚିଚ୍ଛେଦ ଯୋଧାନ୍ନିଶିତୈଃ ଶରୈଃ ଶତସହସ୍ରଶଃ॥ 9-15-49 (60962)
ଯାଂଯାଂ ପ୍ରତ୍ଯୁଦ୍ଯଯୌ ସେନାଂ ତାଂତାଂ ଜ୍ଯେଷ୍ଠଃ ସ ପାଣ୍ଡବଃ।
ଶରୈରପାତଯଦ୍ରାଜନ୍ଗିରୀନ୍ବଜ୍ରୈରିବୋତ୍ତମୈଃ॥ 9-15-50 (60963)
ସାଶ୍ବସୂତଧ୍ବଜରଥାନ୍ରଥିନଃ ପାତଯନ୍ବହୂନ୍।
ଅକ୍ରୀଡଦେକୋ ବଲବାନ୍ପବନସ୍ତୋଯଦାନିବ॥ 9-15-51 (60964)
ସାଶ୍ବାରୋହାଂଶ୍ଚ ତୁରଗାନ୍ପତ୍ତୀଂଶ୍ଚୈବ ସହସ୍ରଧା।
ବ୍ଯପୋଥଯତ ସଙ୍ଗ୍ରାମେ କ୍ରୁଦ୍ଧୋ ରୁଦ୍ରଃ ପଶୂନିବ॥ 9-15-52 (60965)
ଶୂନ୍ଯମାଯୋଧନଂ କୃତ୍ବା ଶରବର୍ଷୈଃ ସମନ୍ତତଃ।
ଅଭ୍ଯଦ୍ରବତ ମଦ୍ରେଶଂ ତିଷ୍ଠତିଷ୍ଠେତି ଚାବ୍ରବୀତ୍॥ 9-15-53 (60966)
ତସ୍ଯ ତଚ୍ଚରିତଂ ଦୃଷ୍ଟ୍ବା ସଂଗ୍ରାମେ ଭୀମକର୍ମଣଃ।
ବିତ୍ରେସୁସ୍ତାବକାଃ ସର୍ବେ ଶଲ୍ଯସ୍ତ୍ବେନଂ ସମଭ୍ଯଯାତ୍॥ 9-15-54 (60967)
ତତସ୍ତୌ ଭୃଶସଙ୍କ୍ରୁଦ୍ଧୌ ପ୍ରଧ୍ମାଯ ସଲିଲୋଦ୍ଭବୌ।
ସମାହୂଯ ତଦାଽନ୍ଯୋନ୍ଯଂ ଭର୍ତ୍ସଯନ୍ତୌ ସମୀଯତୁଃ॥ 9-15-55 (60968)
ଶଲ୍ଯସ୍ତୁ ଶରବର୍ଷେଣ ପୀଡଯାମାସ ପାଣ୍ଡବମ୍।
ମଦ୍ରରାଜଂ ତୁ କୌନ୍ତେଯଃ ଶରବର୍ଷୈରବାକିରତ୍॥ 9-15-56 (60969)
ଅଦୃଶ୍ଯେତାଂ ତଦା ରାଜନ୍କଙ୍କପତ୍ରିଭିରାଚିତୌ।
ଉଦ୍ଭିନ୍ନରୁଧିରୌ ଶୂରୌ ମଦ୍ରରାଜଯୁଧିଷ୍ଠିରୌ।
ପୁଷ୍ପିତାବିବ ରେଜାତେ ବନେ ଶାଲ୍ମଲିକିଂଶୁକୌ॥ 9-15-57 (60970)
ଦୀବ୍ଯମାନୌ ମହାତ୍ମାନୌ ପ୍ରାଣଦ୍ଯୂତେନ ଦୁର୍ମଦୌ।
ଦୃଷ୍ଟ୍ବା ସର୍ବାଣି ସୈନ୍ଯାନି ନାଧ୍ଯବସ୍ଯଂସ୍ତଯୋର୍ଜଯମ୍॥ 9-15-58 (60971)
ହତ୍ବା ମଦ୍ରାଧିପଂ ପାର୍ଥୋ ଭୋକ୍ଷ୍ଯତେଽଦ୍ଯ ବସୁନ୍ଧରାମ୍।
ଶଲ୍ଯୋ ବା ପାଣ୍ଡବଂ ହତ୍ବା ଦଦ୍ଯାଦ୍ଦୁର୍ଯୋଧନାଯ ଗାମ୍॥ 9-15-59 (60972)
ଇତୀବ ନିଶ୍ଚଯୋ ନାଭୂଦ୍ଯୋଧାନାଂ ତତ୍ର ଭାରତ।
ପ୍ରଦକ୍ଷିଣମଭୂତ୍ସର୍ବଂ ଧର୍ମରାଜସ୍ଯ ଯୁଧ୍ଯତଃ॥ 9-15-60 (60973)
ତତଃ ଶରଶତଂ ଶଲ୍ଯୋ ମୁମୋଚାଶୁ ଯୁଧିଷ୍ଠିରେ।
ଧନୁଶ୍ଚାସ୍ଯ ଶିତାଗ୍ରେଣ ବାଣେନ ନିରୁକୃନ୍ତତ॥ 9-15-61 (60974)
ସୋଽନ୍ଯତ୍କାର୍ମୁକମାଦାଯ ଶଲ୍ଯଂ ଶରଶତୈସ୍ତ୍ରିଭିଃ।
ଅବିଧ୍ଯତ୍କାର୍ମୁକଂ ଚାସ୍ଯ କ୍ଷୁରେଣ ନିରକୃନ୍ତତ॥ 9-15-62 (60975)
ଅଥାସ୍ଯ ନିଜଘାନାଶ୍ବାଂଶ୍ଚତୁରୋ ନତପର୍ବଭିଃ।
ଦ୍ବାଭ୍ଯାମତିଶିତାଗ୍ରାଭ୍ଯାମୁଭୌ ତତ୍ପାର୍ଷ୍ଣିସାରଥୀ॥ 9-15-63 (60976)
ତତୋଽସ୍ଯ ଦୀପ୍ଯମାନେନ ପୀତେନ ନିଶିତେନ ଚ।
ପ୍ରମୁଖେ ବର୍ତମାନସ୍ଯ ଭଲ୍ଲେନାପାହରଦ୍ବୃଜମ୍॥ 9-15-64 (60977)
ତତଃ ପ୍ରଭଗ୍ନଂ ତତ୍ସୈନ୍ଯଂ ଦୌର୍ଯୋଧନମରିନ୍ଦମ॥ 9-15-65 (60978)
ତତୋ ମଦ୍ରାଧିପଂ ଦ୍ରୌଣିରଭ୍ଯଧାବତ୍ତଥା କୃତମ୍।
ଆରୋପ୍ଯ ଚୈନଂ ସ୍ବରଥଂ ତ୍ବରମାଣଃ ପ୍ରଦୁଦ୍ରୁବେ॥ 9-15-66 (60979)
ମୁହୂର୍ତମିବ ତୌ ଗତ୍ବା ନର୍ଦମାନେ ଯୁଧିଷ୍ଠିରେ।
ଗତ୍ବା ତତୋ ମଦ୍ରପତିରନ୍ଯଂ ସ୍ଯନ୍ଦନମାସ୍ଥିତଃ॥ 9-15-67 (60980)
ବିଧିବତ୍କଲ୍ପିତଂ ଶୁଭ୍ରଂ ମହାମ୍ବୁଦନିନାଦିନମ୍।
ସଜ୍ଜଯନ୍ତ୍ରୋପକରଣଂ ଦ୍ବିଷତାଂ ରୋମହର୍ଷଣମ୍॥ 9-15-68 (60981)
ତଥାନ୍ଯଦ୍ଧନୁରାଦାଯ ବଲବାନ୍ବେଗବତ୍ତରମ୍॥
ଯୁଧିଷ୍ଠିରଂ ମଦ୍ରପତିର୍ଭିତ୍ତ୍ବା ସିଂହ ଇବାନଦତ୍॥ 9-15-69 (60982)
ତତଃ ସ ଶରବର୍ଷେଣ ପର୍ଜନ୍ଯ ଇବ ବୃଷ୍ଟିମାନ୍।
ଅଭ୍ଯବର୍ଷଦମେଯାତ୍ମା କ୍ଷତ୍ରିଯାନ୍କ୍ଷତ୍ରିଯର୍ଷଭଃ॥ 9-15-70 (60983)
ସାତ୍ଯକିଂ ଦଶଭିର୍ବିଦ୍ଧ୍ବା ଭୀମସେନଂ ତ୍ରିଭିଃ ଶରୈଃ।
ସହଦେବଂ ତ୍ରିଭିର୍ବିଦ୍ଧା ଯୁଧିଷ୍ଠିରମପୀଡଯତ୍॥ 9-15-71 (60984)
ତାଂସ୍ତାନନ୍ଯାନ୍ମହେଷ୍ବାସାନ୍ସାଶ୍ବାନ୍ସରଥକୂବରାନ୍।
ଅର୍ଦଯାମାସ ବିଶିଖୈରୁଲ୍କାଭିରିବ କୁଞ୍ଜରାନ୍॥ 9-15-72 (60985)
କୁଞ୍ଜରାନ୍କୁଞ୍ଜରାରୋହାନଶ୍ବପ୍ରଯାଯିନଃ।
ରଥାଂଶ୍ଚ ରଥିଭିଃ ସାର୍ଧଂ ଜଘାନ ରଥିନାଂ ବରଃ॥ 9-15-73 (60986)
ବାହୂଂଶ୍ଚିଚ୍ଛେଦ ତରସା ସାଯୁଧାନ୍କେତନାନି ଚ।
ଚକାର ଚ ମହୀଂ ଯୋଧୈଃ ସ୍ତୀର୍ଣାଂ ବେଦୀଂ କୁଶୈରିବ॥ 9-15-74 (60987)
ତଥା ତମରିସୈନ୍ଯାନି ଘ୍ନନ୍ତଂ ମୃତ୍ଯୁମିବାନ୍ତକମ୍।
ପରିବବ୍ରୁର୍ଭୃଶଂ କ୍ରୁଦ୍ଧାଃ ପାଣ୍ଡୁପାଞ୍ଚାଲସୋମକାଃ॥ ॥ 9-15-75 (60988)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଶଲ୍ଯବଧପର୍ବଣି ଅଷ୍ଟାଦଶଦିବସଯୁଦ୍ଧେ ପଞ୍ଚଦଶୋଽଧ୍ଯାଯଃ॥ 15 ॥
Mahabharata - Shalya Parva - Chapter Footnotes
9-15-42 ରଥଶକ୍ତ୍ଯା ରଥସ୍ଥଯା ଶକ୍ତ୍ଯା॥ 9-15-50 ଯାଂ ଯାମଭ୍ଯଗମତ୍ସେନାଂ ତାଂ ତାଂ ବ୍ଯନୀନଶତ୍। ନ୍ଯପାତଯତ କୌନ୍ତେଯୋ ଗିରୀନ୍ବଜ୍ର ଇବୋତ୍ତମାନ୍। ଇତି କ.ଖ.ପାଠଃ॥ 9-15-67 ମୁହୂର୍ତମିବ ତାନ୍ହତ୍ବା ନର୍ଦମୀନେ ଯୁଧିଷ୍ଠିରେ ଇତି କ.ଖ.ପାଠଃ॥ 9-15-15 ପଞ୍ଚଦଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 016
॥ ଶ୍ରୀଃ ॥
9.16. ଅଧ୍ଯାଯଃ 016
Mahabharata - Shalya Parva - Chapter Topics
ଯୁଧିଷ୍ଠିରେଣ ଶଲ୍ଯଶଲ୍ଯାନୁଜଯୋର୍ବଧଃ॥ 1 ॥Mahabharata - Shalya Parva - Chapter Text
9-16-0 (60989)
ସଞ୍ଜଯ ଉବାଚ। 9-16-0x (5109)
ତଂ ଭୀମସେନଶ୍ଚ ଶିନେଶ୍ଚ ନପ୍ତା
ମାଦ୍ଯାଶ୍ଚ ପୁତ୍ରୌ ପୁରୁଷପ୍ରବୀରୌ।
ସମାଗତଂ ଭୀମବଲେନ ରାଜ୍ଞା
ପର୍ଯାପୁରନ୍ଯୋନ୍ଯମଥାହ୍ବଯନ୍ତ॥ 9-16-1 (60990)
ତତସ୍ତୁ ଶୂରାଃ ସମରେ ନରେନ୍ଦ୍ର
ନରେଶ୍ବରଂ ପ୍ରାପ୍ଯ ଯୁଧାଂ ବରିଷ୍ଠମ୍।
ଆବାର୍ଯ ଚୈନଂ ସମରେ ନୃବୀରା
ଜଘ୍ନୁଃ ଶିତୈଃ ପତ୍ରିଭିରୁଗ୍ରବେଗୈଃ॥ 9-16-2 (60991)
ସଂରକ୍ଷିତୋ ଭୀମସେନେନ ରାଜା
ମାଦ୍ରୀସୁତାଭ୍ଯାମଥ ମାଧବେନ।
ମଦ୍ରାଧିପଂ ପତ୍ରିଭିରୁଗ୍ରବେଗୈଃ
ସ୍ତନାନ୍ତରେ ଧର୍ମସୁତୋ ନିଜଘ୍ନେ॥ 9-16-3 (60992)
ତତୋ ରଣେ ତାବକାନାଂ ରଥୌଘାଃ
ସମୀକ୍ଷ୍ଯ ମଦ୍ରାଧିପତିଂ ଶରାର୍ତମ୍।
ପର୍ଯାବବ୍ରୁଃ ପ୍ରବରାଃ ସର୍ବଯୋଧା
ଦୁର୍ଯୋଧନସ୍ଯାନୁମତେ ପୁରସ୍ତାତ୍॥ 9-16-4 (60993)
ତତୋ ଦ୍ରୁତଂ ମଦ୍ରଜନାଧିପୋ ରଣେ
ଯୁଧିଷ୍ଠିରଂ ସପ୍ତଭିରଭ୍ଯବିଦ୍ବ୍ଯତ୍।
ତଂ ଚାପି ପାର୍ଥୌ ନବଭିଃ ପୃଷତ୍କୈ--
ର୍ବିବ୍ଯାଧ ରାଜଂସ୍ତୁମୁଲେ ମହାତ୍ମା॥ 9-16-5 (60994)
ଆକର୍ଣପୂର୍ଣାଯତସମ୍ପ୍ରଯୁକ୍ତୈଃ
ଶରୈସ୍ତଦା ସଂଯତି ତୈଲଧୌତୈଃ।
ଅନ୍ଯୋନ୍ଯମାଚ୍ଛାଦଯତାଂ ମହାରଥୌ
ମଦ୍ରାଧିପଶ୍ଚାପି ଯୁଧିଷ୍ଠିରଶ୍ଚ॥ 9-16-6 (60995)
ତତସ୍ତୁ ତୂର୍ଣଂ ସମରେ ମହାରଥୌ
ପରସ୍ପରସ୍ଯାନ୍ତରମୀକ୍ଷମାଣୌ।
ଶରୈର୍ଭୃଶଂ ବିବ୍ଯଧତୁର୍ନୃପୋତ୍ତମୌ
ମହବଲୌ ଶତ୍ରୁଭିରପ୍ରଧୃଷ୍ଯୌ॥ 9-16-7 (60996)
ତଯୋର୍ଧନୁର୍ଜ୍ଯାତଲନିଃସ୍ବନୋ ମହା--
ନ୍ମହେନ୍ଦ୍ରବଜ୍ରାଶନିତୁଲ୍ଯନିଃ ସ୍ବନଃ।
ପରସ୍ପରଂ ବାଣଗଣୈର୍ମହାତ୍ମନୋଃ
ପ୍ରବର୍ଷତୋର୍ମଦ୍ରପପାଣ୍ଡୁବୀରଯୋଃ॥ 9-16-8 (60997)
ତୌ ଚେରତୁର୍ବ୍ଯାଘ୍ରଶିଶୁପ୍ରକାଶୌ
ମହାବନେଷ୍ବାମିଷଗୃଦ୍ବିନାବିବ।
ବିଷାଣିନୌ ନାଗବରାବିବୋଭୌ
ତତକ୍ଷତୁଃ ସଂଯତି ଜାତଦର୍ପୌ॥ 9-16-9 (60998)
ତତସ୍ତୁ ମଦ୍ରାଧିପତିର୍ମହାତ୍ମା
ଯୁଧିଷ୍ଠିରଂ ଭୀମବଲଂ ପ୍ରସହ୍ଯ।
ବିବ୍ଯାଧ ବୀରଂ ହୃଦଯେଽତିବେଗଂ
ଶରେଣ ସୂର୍ଯାଗ୍ନିସମପ୍ରଭେଣ॥ 9-16-10 (60999)
ତତୋଽତିବିଦ୍ଧୋଽଥ ଯୁଧିଷ୍ଠିରୋଽପି
ସୁସମ୍ପ୍ରଯୁକ୍ତେନ ଶରେଣ ରାଜନ୍।
ଜଘାନ ମଦ୍ରାଧିପତିଂ ମହାତ୍ମା
ମୁଦଂ ଚ ଲେଭେ ବୃଷଭଃ କୁରୂଣାମ୍॥ 9-16-11 (61000)
ତତୋ ମୁହୂର୍ତାଦିବ ପାର୍ଥିବେନ୍ଦ୍ରୋ
ଲବ୍ଧ୍ବା ସଂଜ୍ଞାଂ କ୍ରୋଧସଂରକ୍ତନେତ୍ରଃ।
ଶରେଣ ପାର୍ଥଂ ତ୍ବରିତୋ ଜଘାନ
ସହସ୍ରନେତ୍ରପ୍ରତିମପ୍ରଭାବଃ॥ 9-16-12 (61001)
ତ୍ବରଂସ୍ତତୋ ଧର୍ମସୁତୋ ମହାତ୍ମା
ଶଲ୍ଯସ୍ଯ କୋପାନ୍ନବଭିଃ ପୃଷତ୍କୈଃ।
ଭିତ୍ତ୍ବା ହ୍ଯୁରସ୍ତପନୀଯଂ ଚ ବର୍ମ
ଜଘାନ ଷଡ୍ଭିସ୍ତ୍ବପରୈଃ ପୃଷତ୍କୈଃ॥ 9-16-13 (61002)
ତତସ୍ତୁ ମଦ୍ରାଧିପତିଃ ପ୍ରକୃଷ୍ଟଂ
ଧନୁର୍ବିକୃଷ୍ଯ ବ୍ଯସୃଜତ୍ପୃଷତ୍କାନ୍।
ଦ୍ବାଭ୍ଯାଂ ଶରାଭ୍ଯାଂ ଚ ତଥୈବ ରାଜ୍ଞ--
ଶ୍ଚିଚ୍ଛେଦ ଚାପଂ କୁରୁପୁଙ୍ଗବସ୍ଯ॥ 9-16-14 (61003)
ନବଂ ତତୋଽନ୍ଯତ୍ସମରେ ପ୍ରଗୃହ୍ଯ
ରାଜା ଧନୁର୍ଧୋରତରଂ ମହାତ୍ମା।
ଶଲ୍ଯଂ ତୁ ବିବ୍ଯାଧ ଶରୈଃ ସମନ୍ତା--
ଦ୍ଯଥା ମହେନ୍ଦ୍ରୋ ନମୁଚିଂ ଶିତାଗ୍ରୈଃ॥ 9-16-15 (61004)
ତତସ୍ତୁ ଶଲ୍ଯୋ ନବଭିଃ ପୃଷତ୍କୈ--
ର୍ଭୀମସ୍ଯ ରାଜ୍ଞଶ୍ଚ ଯୁଧିଷ୍ଠିରସ୍ଯ।
ନିକୃତ୍ଯ ରୌକ୍ମେ ପଟୁବର୍ମଣୀ ତଯୋ--
ର୍ବିଦାସ୍ଯାମାସ ଭୁଜୌ ମହାତ୍ମା॥ 9-16-16 (61005)
ତତୋଽପରେଣ ଜ୍ବଲନାର୍କତେଜସା
କ୍ଷୁରେଣ ରାଜ୍ଞୋ ଧନୁରୁନ୍ମମାଥ।
କୃପଶ୍ଚ ତସ୍ଯୈବ ଜଘାନ ସୂତଂ
ଷଡ୍ଭିଃ ଶରୈଃ ସୋଽଭିମୁଖଃ ପପାତ॥ 9-16-17 (61006)
ମଦ୍ରାଧିପଶ୍ଚାପି ଯୁଧିଷ୍ଠିରସ୍ଯ
ଶରୈଶ୍ଚତୁର୍ଭିର୍ନିଜଘାନ ବାହାନ୍।
ବାହାଂଶ୍ଚ ହତ୍ବା ବ୍ଯକରୋନ୍ମହାତ୍ମା
ଯୋଧକ୍ଷଯଂ ଧର୍ମସୁତସ୍ଯ ରାଜ୍ଞଃ॥ 9-16-18 (61007)
`ଯଦଦ୍ଭୁତଂ କର୍ମ ନ ଶକ୍ଯମନ୍ଯୈଃ
ସୁଦୁଃସହଂ ତତ୍କୃତବନ୍ତମେକମ୍।
ଶଲ୍ଯୋ ନରେନ୍ଦ୍ରଃ ସବିଷଣ୍ଣଭାବା--
ଦ୍ବିଚିନ୍ତଯାମାସ ମୃଦଙ୍ଗକେତୁଃ॥ 9-16-19 (61008)
କିମେତଦିନ୍ଦ୍ରାବରଜସ୍ଯ ବାକ୍ଯଂ
ମୋଘଂ ଭବତ୍ଯଦ୍ଯ ବିଧେର୍ବଲେନ।
ଜହୀତି ଶଲ୍ଯଂ ହ୍ଯବଦତ୍ତଦାଽଽଜୌ
ନ ଲୋକନାଥସ୍ଯ ବଚୋଽନ୍ଯଥା ସ୍ଯାତ୍॥' 9-16-20 (61009)
ତଥା କୃତେ ରାଜନି ଭୀମସେନୋ
ମଦ୍ରାଧିପସ୍ଯାଥ ତତୋ ମହାତ୍ମା।
ଛିତ୍ତ୍ବା ଧନୁର୍ବେଗବତା ଶରେଣ
ଦ୍ବାଭ୍ଯାମବିଧ୍ଯତ୍ସୁଭୃଶଂ ନରେନ୍ଦ୍ରମ୍॥ 9-16-21 (61010)
ତଥାପରେଣାସ୍ଯ ଜହାର ଯନ୍ତୁଃ
କାଯାଚ୍ଛିରଃ ସଂହନନୀଯମଧ୍ଯାତ୍।
ଜଘାନ ଚାଶ୍ବାଂଶ୍ଚତୁରଃ ସୁଶୀଘ୍ରଂ
ତଥା ଭୃଶଂ କୁପିତୋ ଭୀମସେନଃ॥ 9-16-22 (61011)
ତମଗ୍ରଣୀଃ ସର୍ବଧନୁର୍ଧରାଣା--
ମେକଂ ଚରନ୍ତଂ ସମରେଽତିବେଗମ୍।
ଭୀମଃ ଶତେନ ବ୍ଯକିରଚ୍ଛରାଣାଂ
ମାଦ୍ରୀପୁତ୍ରଃ ସହଦେବସ୍ତଥୈବ॥ 9-16-23 (61012)
ତୈଃ ସାଯକୈର୍ମୋହିତଂ ବୀକ୍ଷ୍ଯ ଶଲ୍ଯଂ
ଭୀମଃ ଶରୈରସ୍ଯ ଚକର୍ତ ବର୍ମ।
ସ ଭୀମସେନେନ ନିକୃତ୍ତବର୍ମା
ମଦ୍ରାଧିପଶ୍ଚର୍ମ ସହସ୍ରତାରମ୍॥ 9-16-24 (61013)
ପ୍ରଗୃହ୍ଯ ଖଙ୍ଗଂ ଚ ରଥାନ୍ମହାତ୍ମା
ପ୍ରସ୍କନ୍ଦ୍ଯ କୁନ୍ତୀସୁତମଭ୍ଯଧାବତ୍।
ଛିତ୍ତ୍ବା ରଥେଷାଂ ନକୁଲସ୍ଯ ସୋଽଥ
ଯୁଧିଷ୍ଠିରଂ ଭୀମବଲୋଽଭ୍ଯଧାବତ୍॥ 9-16-25 (61014)
ତଂ ଚାପି ରାଜାନମଥୋତ୍ପତନ୍ତଂ
କ୍ରୁଦ୍ଧଂ ଯଥୈବାନ୍ତକମାପତନ୍ତମ୍।
ଧୃଷ୍ଟଦ୍ଯୁମ୍ନୋ ଦ୍ରୌପଦେଯାଃ ଶିଖଣ୍ଡୀ
ଶିନେଶ୍ଚ ନପ୍ତା ସହସା ପରୀଯୁଃ॥ 9-16-26 (61015)
ଅଥାସ୍ଯ ଚର୍ମାପ୍ରତିମଂ ନ୍ଯକୃନ୍ତ--
ଦ୍ଭୀମୋ ମହାତ୍ମା ନବଭିଃ ପୃଷତ୍କୈଃ।
ଖଙ୍ଗଂ ଚ ଭଲ୍ଲୈର୍ନିଚକର୍ତ ମୁଷ୍ଟୌ
ନଦନ୍ପ୍ରହୃଷ୍ଟସ୍ତବ ସୈନ୍ଯମଧ୍ଯେ॥ 9-16-27 (61016)
ତତ୍କର୍ମ ଭୀମସ୍ଯ ସମୀକ୍ଷ୍ଯ ହୃଷ୍ଟା--
ସ୍ତେ ପାଣ୍ଡବାନାଂ ପ୍ରବରା ରଥୌଘାଃ।
ନାଦଂ ଚ ଚକ୍ରୁର୍ଭୃଶମୁତ୍ସ୍ମଯନ୍ତଃ
ଶଙ୍ଖାଂଶ୍ଚ ଦଧ୍ମୁଃ ଶଶିସନ୍ନିକାଶାନ୍॥ 9-16-28 (61017)
ତେନାଥ ଶବ୍ଦେନ ବିଭୀଷଣେନ
ତଥାଽଭିତପ୍ତଂ ବଲମପ୍ରଧୃଷ୍ଯମ୍।
ସ୍ବେଦାଭିଭୂତଂ ରୁଧିରୋକ୍ଷିତାଙ୍ଗଂ
ବିସଞ୍ଜ୍ଞକଲ୍ପଂ ଚ ତଦା ବିଷଣ୍ଣମ୍॥ 9-16-29 (61018)
ସ ମଦ୍ରରାଜଃ ସହସା ବିକୀର୍ଣୋ
ଭୀମାଗ୍ରଗୈଃ ପାଣ୍ଡବଯୋଧମୁଖ୍ଯୈଃ।
ଯୁଧିଷ୍ଠିରସ୍ଯାଭିମୁଖଂ ଜବେନ
ସିଂହୋ ଯଥା ମୃଗହେତୋଃ ପ୍ରଯାତଃ॥ 9-16-30 (61019)
ସ ଧର୍ମରାଜୋ ନିହତାଶ୍ବସୂତଃ
କ୍ରୋଧେନ ଦୀପ୍ତୋ ଜ୍ବଲନପ୍ରକାଶଃ।
ଦୃଷ୍ଟ୍ବା ଚ ମଦ୍ରାଧିପତିଂ ସ୍ମ ତୂର୍ଣଂ
ସମଭ୍ଯଧାବତ୍ତମରିଂ ବଲେନ॥ 9-16-31 (61020)
ଗୋବିନ୍ଦବାକ୍ଯଂ ତ୍ବରିତଂ ବିଚିନ୍ତ୍ଯ
ଦଧ୍ରେ ମତିଂ ଶଲ୍ଯବିନାଶନାଯ।
ସ ଧର୍ମରାଜୋ ନିହତାଶ୍ବସୂତୋ
ରଥେ ତିଷ୍ଠଞ୍ଶକ୍ତିମଥାନ୍ବକର୍ଷତ୍॥ 9-16-32 (61021)
ତଚ୍ଚxx ଶଲ୍ଯସ୍ଯ ନିଶାମ୍ଯ କର୍ମ
ତମାତ୍ମନୋ ଭାଗମଥାବଶିଷ୍ଟମ୍।
କୃତ୍ବା ମନଃ ଶଲ୍ଯବଧେ ମହାତ୍ମା
ଯଥୋକ୍ତମିନ୍ଦ୍ରାବରଜସ୍ଯ ଚକ୍ରେ॥ 9-16-33 (61022)
ସ ଧର୍ମରାଜୋ ମଣିହେମଦଣ୍ଡାଂ
ଜଗ୍ରାହ ଶକ୍ତିଂ କନକପ୍ରକାଶାମ୍।
ନେତ୍ରେ ଚ ଦୀପ୍ତେ ସହସା ବିବୃତ୍ଯ
ମଦ୍ରାଧିପଂ କ୍ରୁଦ୍ଧମନା ନିରୈକ୍ଷତ୍॥ 9-16-34 (61023)
ନିରୀକ୍ଷିତୋ ଧର୍ମସୁତେନ ରାଜ୍ଞା
ଷୂତାତ୍ମନା ନିର୍ହୃତକଲ୍ମଷେଣ।
ଆସୀନ୍ନ ଯଦ୍ଭସ୍ମସାନ୍ମଦ୍ରରାଜ--
ସ୍ତଦଦ୍ଭୁତଂ ମେ ପ୍ରତିଭାତି ରାଜନ୍॥ 9-16-35 (61024)
ତତସ୍ତୁ ଶକ୍ତିଂ ରଚିରୋଗ୍ରଦଣ୍ଡାଂ
ମଣିପ୍ରବେକୋଜ୍ଜ୍ବଲିତାଂ ପ୍ରଦୀପ୍ତାମ୍।
ଚିକ୍ଷେପ ବେଗାତ୍ସୁଭୃଶଂ ମହାତ୍ମା
ମଦ୍ରାଧିପାଯ ପ୍ରବରଃ କୁରୂଣାମ୍॥ 9-16-36 (61025)
ଦୀପ୍ତାମଥୈନାଂ ପ୍ରହିତାଂ ବଲେନ
ସବିସ୍ଫୁଲିଙ୍ଗାଂ ସହସାପତନ୍ତୀମ୍।
ପ୍ରୈକ୍ଷନ୍ତ ସର୍ବେ କୁରବଃ ସମେତା
ଦିବୋ ଯୁଗାନ୍ତେ ମହତୀମିବୋଲ୍କାମ୍॥ 9-16-37 (61026)
ତାଂ କାଲରାତ୍ରୀମିବ ପାଶହସ୍ତାଂ
ଯମସ୍ଯ ଧାତ୍ରୀମିବ ଚୋଗ୍ରରୂପାମ୍।
ସ ବ୍ରହ୍ମଦଣ୍ଡପ୍ରତିମାମମୋଧାଂ
ସସର୍ଜ ଯତ୍ତୋ ଯୁଧି ଧର୍ମରାଜଃ॥ 9-16-38 (61027)
ଗନ୍ଧସ୍ରଗଗ୍ର୍ଯାସନପାନଭୋଜନୈ--
ରଭ୍ଯର୍ଚିତାଂ ପାଣ୍ଡୁସୁତୈଃ ପ୍ରଯତ୍ନାତ୍।
ସାଂବର୍ତକାଗ୍ନିପ୍ରତିମାଂ ଜ୍ବଲନ୍ତୀଂ
କୃତ୍ଯାମଥର୍ବାଙ୍ଗିରସୀମିବୋଗ୍ରାମ୍॥ 9-16-39 (61028)
ଈଶାନହେତୋଃ ପ୍ରତିନିର୍ମିତାଂ ତାଂ
ତ୍ବଷ୍ଟ୍ରା ରିପୂଣାମସୁଦେହଭକ୍ଷ୍ଯାମ୍।
ଭୂମ୍ଯନ୍ତରିକ୍ଷଦ୍ଯୁଜଲାଶ୍ରଯାଣି
ପ୍ରସହ୍ଯ ଭୂତାନି ନିହନ୍ତୁମୀଶାମ୍॥ 9-16-40 (61029)
ଘଣ଼୍ଟାପତାକାଂ ମଣିବଜ୍ରଭୂଷାଂ
ବୈଦୂର୍ଯଚିତ୍ରାଂ ତପନୀଯଦଣ୍ଡାମ୍।
ତ୍ବଷ୍ଟ୍ରା ପ୍ରଯତ୍ନାନ୍ନିଯମେନ କ୍ଲୃପ୍ତାଂ
ବ୍ରହ୍ମଦ୍ବିଷାମନ୍ତକରୀମମାଘାମ୍॥ 9-16-41 (61030)
ବଲପ୍ରଯତ୍ନାଦନିରୋଧବେଗାଂ
ମନ୍ତ୍ରୈଶ୍ଚ ଘୋରୈରପି ପୂରଯିତ୍ବା।
ସସର୍ଜ ମାର୍ଗେଣ ଚ ତାଂ ଖଗାନାଂ
ବଧାଯ ମଦ୍ରାଧିପତେସ୍ତଦାନୀମ୍॥ 9-16-42 (61031)
ହତୋ ହ୍ଯସାବିତ୍ଯଭିଗର୍ଜମାନୋ
ରୁଦ୍ରୋଽନ୍ଧକାଯାନ୍ତକରଂ ଯଥେଷୁମ୍।
ପ୍ରସାର୍ଯ ବାହୁଂ ସୁଦୃଢଂ ସୁପାଣିଂ
କ୍ରୋଧେନ ନୃତ୍ଯନ୍ନିବ ଧର୍ମରାଜଃ॥ 9-16-43 (61032)
`ସ୍ଫୁରତ୍ପ୍ରଭାମଣ୍ଡଲିନୋଂଶୁଜାଲୈ--
ର୍ଧର୍ମାତ୍ମନୋ ମଦ୍ରବିନାଶକାଲେ।
ପୁରତ୍ରଯପ୍ରୋତ୍ସରଣେ ପୁରସ୍ତା--
ନ୍ମାହେଶ୍ବରଂ ରୂପମଭୂତ୍ତଦାନୀମ୍॥ 9-16-44 (61033)
ଆବର୍ତନାକୁଞ୍ଚିତବାହୁଦଣ୍ଡଃ
ସନ୍ଧ୍ଯାବିହାରୀ ତନୁବୃତ୍ତମଧ୍ଯଃ।
ବିଶାଲବକ୍ଷା ଭଗବାନ୍ହରୋ ଯଥା
ସୁଦୁର୍ନିରୀକ୍ଷ୍ଯୋଽଭବଦର୍ଜୁନାଗ୍ରଜଃ'॥ 9-16-45 (61034)
ତାଂ ସର୍ବଶକ୍ତ୍ଯା ପ୍ରହିତାଂ ସୁଶକ୍ତିଂ
ଯୁଧିଷ୍ଠିରେଣାପ୍ରତିବାର୍ଯବୀର୍ଯାମ୍।
ପ୍ରତିଗ୍ରହାଯାଭିନନନ୍ଦ ଶଲ୍ଯଃ
ସମ୍ଯଗ୍ଘୁତାମଗ୍ନିରିବାଜ୍ଯଧାରାମ୍॥ 9-16-46 (61035)
ସା ତସ୍ଯ ବର୍ମାଭିବିଦାର୍ଯ ଶୁଭ୍ର--
ମୁରୋ ବିଶାଲଂ ଚ ତଥୈବ ଭିତ୍ତ୍ବା।
ବିବେଶ ଗାଂ ତୋଯମିବାପ୍ରସକ୍ତା
ଯଶୋ ବିଶାଲଂ ନୃପତେର୍ହରନ୍ତୀ॥ 9-16-47 (61036)
ନାସାକ୍ଷିକର୍ଣାସ୍ଯବିନିଃ ସୃତେନ
ପ୍ରସ୍ଯନ୍ଦତା ଚ ବ୍ରଣସମ୍ଭବେନ।
ସଂସିକ୍ତଗାତ୍ରୋ ରୁଧିରେଣ ସୋଽଭୂ--
ତ୍କ୍ରୌଞ୍ଚୋ ଯଥା ସ୍କନ୍ଦହତୋ ମହାଦ୍ରିଃ॥ 9-16-48 (61037)
ପ୍ରସାର୍ଯ ବାହୂ ଚ ରଥାଦ୍ଗତୋ ଗାଂ
ସଞ୍ଛିନ୍ନବର୍ମା କୁରୁନନ୍ଦନେନ।
ମହେନ୍ଦ୍ରବାହପ୍ରତିମୋ ମହାତ୍ମା
ବଜ୍ରାହତଂ ଶୃଙ୍ଗମିବାଚଲସ୍ଯ॥ 9-16-49 (61038)
ତତୋ ନିପତିତଃ ସୋଽଭୂଦିନ୍ଦ୍ରଧ୍ବଜ ଇବୋଚ୍ଛ୍ରିତଃ।
ବାହୂ ପ୍ରସାର୍ଯାଭିମୁଖୋ ଧର୍ମରାଜସ୍ଯ ମଦ୍ରରାଟ୍।
ସ ତଥା ଭିନ୍ନସର୍ବାଙ୍ଗୋ ରୁଧିରେଣ ସମୁକ୍ଷିତଃ॥ 9-16-50 (61039)
ପ୍ରତ୍ଯୁଦ୍ଗତ ଇବ ପ୍ରେମ୍ଣା ଭୂମ୍ଯା ସ ନରପୁଙ୍ଗବଃ।
ପ୍ରିଯଯା କାନ୍ତଯା କାନ୍ତଃ ପତମାନ ଇବୋରସି॥ 9-16-51 (61040)
ଚିରଂ ଭୁକ୍ତ୍ବା ବସୁମତୀଂ ପ୍ରିଯାଂ କାନ୍ତାମିବ ପ୍ରଭୁଃ।
ସର୍ବୈରଙ୍ଗୈଃ ସମାଶ୍ଲିଷ୍ଯ ପ୍ରସୁପ୍ତ ଇବ ଚାଭବତ୍॥ 9-16-52 (61041)
ଧର୍ମ୍ଯେ ଧର୍ମାତ୍ମନା ଯୁଦ୍ବେ ନିହତୋ ଧର୍ମସୂନୁନା।
ସମ୍ଯକ୍ସ୍ଫୀତ ଇବୋତ୍ସୃଷ୍ଟଃ ପ୍ରଶାନ୍ତୋଽଗ୍ନିରିବାଧ୍ବରେ॥ 9-16-53 (61042)
ଶକ୍ତ୍ଯା ବିଭିନ୍ନହୃଦଯଂ ବିପ୍ରବିଦ୍ଧାଯୁଧଧ୍ବଜମ୍।
ସଂଶାନ୍ତମପି ମଦ୍ରେଶଂ ଲକ୍ଷ୍ମୀର୍ନୈବ ବିମୁଞ୍ଚତି॥ 9-16-54 (61043)
ତତୋ ଯୁଧିଷ୍ଠିରଶ୍ଚାପମାଦାଯେନ୍ଦ୍ରଧନୁଷ୍ପ୍ରଭମ୍।
ବ୍ଯଧମଦ୍ଦ୍ବିଷତଃ ସଙ୍ଖ୍ଯେ ଖଗରାଡିବ ପନ୍ନଗାନ୍।
ଦେହାନ୍ସୁନିଶିତୈର୍ଭଲ୍ଲୈ ରିପୂଣାଂ ନାଶଯନ୍କ୍ଷଣାତ୍॥ 9-16-55 (61044)
ତତଃ ପାର୍ଥସ୍ଯ ବାଣୌଘୈରାବୃତାଃ ସୈନିକାସ୍ତବ।
ନିମୀଲିତାକ୍ଷାଃ କ୍ଷିଣ୍ବନ୍ତି ଭୃଶମନ୍ଯୋନ୍ଯକର୍ଶିତାଃ।
କ୍ଷରନ୍ତୋ ରୁଧିରଂ ଦେହୈର୍ବିଶସ୍ତ୍ରାଯୁଧଜୀବିତାଃ॥ 9-16-56 (61045)
ତତଃ ଶଲ୍ଯେ ନିପତିତେ ମଦ୍ରରାଜାନୁଜୋ ଯୁବା।
ଭ୍ରାତୁସ୍ତୁଲ୍ଯୋ ଗୁଣୈଃ ସର୍ବୈ ରଥୀ ପାଣ୍ଡବମଭ୍ଯଯାତ୍॥ 9-16-57 (61046)
ବିବ୍ଯାଧ ଚ ନରଶ୍ରେଷ୍ଠୋ ନାରାଚୈର୍ବହୁଭିସ୍ତ୍ବରନ୍।
ହତସ୍ଯାପଚିତିଂ ଭ୍ରାତୁଶ୍ଚିକୀଷୁର୍ଯୁଦ୍ଧଦୁର୍ମଦଃ॥ 9-16-58 (61047)
ତଂ ବିବ୍ଯାଧାଶୁଗୈଃ ଷ଼ଡ୍ଭିର୍ଧର୍ମରାଜସ୍ତ୍ବରନ୍ନିବ।
କାର୍ମୁକଂ ଚାସ୍ଯ ଚିଚ୍ଛେଦ କ୍ଷୁରାଭ୍ଯାଂ ଧ୍ବଜମେବ ଚ॥ 9-16-59 (61048)
ତତୋଽସ୍ଯ ଦୀପ୍ଯମାନେନ ସୁଦୃଢେନ ଶିତେନ ଚ।
ପ୍ରମୁଖେ ବର୍ତମାନସ୍ଯ ଭଲ୍ଲେନାପାହରଚ୍ଛିରଃ॥ 9-16-60 (61049)
ସକୁଣ୍ଡଲଂ ତଦ୍ଦଦୃଶେ ପତମାନଂ ଶିରୋ ରଥାତ୍।
ପୁଣ୍ଯକ୍ଷଯମନୁପ୍ରାପ୍ଯ ପତନ୍ସ୍ବର୍ଗାଦିବ ଚ୍ଯୁତଃ॥ 9-16-61 (61050)
ତସ୍ଯାପକୃତ୍ତଶୀର୍ଷଂ ତୁ ଶରୀରଂ ପତିତଂ ରଥାତ୍।
ରୁଧିରେଣାବସିକ୍ତାଙ୍ଗଂ ଦୃଷ୍ଟ୍ବା ସୈନ୍ଯମଭଜ୍ଯତ॥ 9-16-62 (61051)
ବିଚିତ୍ରକବଚେ ତସ୍ମିନ୍ହତେ ମଦ୍ରନୃପାନୁଜେ।
ହାହାକାରଂ ପ୍ରକୁର୍ବାଣାଃ କୁରବୋଽଭିପ୍ରଦୁଦ୍ରୁବୁଃ॥ 9-16-63 (61052)
ଶଲ୍ଯାନୁଜଂ ହତଂ ଦୃଷ୍ଟ୍ବା ତାବକାସ୍ତ୍ଯକ୍ତଜୀବିତାଃ।
ବିତ୍ରେସୁଃ ପାଣ୍ଡବଭଯାତ୍ପ୍ରବିଧ୍ବସ୍ତାସ୍ତଦା ଭୃଶମ୍॥ 9-16-64 (61053)
ତାଂସ୍ତଥା ଭଜ୍ଯମାନାଂସ୍ତୁ କୌରବାନ୍ଭରତର୍ଷଭ।
ଶିନେର୍ନପ୍ତାଽକିରନ୍ବାଣୈରଭ୍ଯବର୍ତତ ସାତ୍ଯକିଃ॥ 9-16-65 (61054)
ତମାଯାନ୍ତଂ ମହେଷ୍ବାସଂ ଦୁଷ୍ପ୍ରସହ୍ଯଂ ଦୁରାସଦମ୍।
ହାର୍ଦିକ୍ଯସ୍ତ୍ବରିତୋ ରାଜନ୍ପ୍ରତ୍ଯଗୃହ୍ଣାଦଭୀତବତ୍॥ 9-16-66 (61055)
ତୌ ସମେତୌ ମହାତ୍ମାନୌ ବାର୍ଷ୍ଣେଯୌ ବରବାଜିନୌ।
ହାର୍ଦିକ୍ଯଃ ସାତ୍ଯକିଶ୍ଚୈବ ସିଂହାବିବ ବଲୋତ୍କଟୌ॥ 9-16-67 (61056)
ଇଷୁଭିର୍ବିମଲାଭାସୈଶ୍ଛାଦଯନ୍ତୌ ପରସ୍ପରମ୍।
ଅର୍ଚିର୍ଭିରିବ ସୂର୍ଯସ୍ଯ ଦିବାକରସମପ୍ରଭୌ॥ 9-16-68 (61057)
ଚାପମାର୍ଗବଲୋଦ୍ବୂତାନ୍ମାର୍ଗଣାନ୍ବୃଷ୍ଣିସିଂହଯୋଃ।
ଆକାଶଗାନପଶ୍ଯାମ ପତଙ୍ଗାନିବ ଶୀଘ୍ରଗାନ୍॥ 9-16-69 (61058)
ସାତ୍ଯକିଂ ଦଶଭିର୍ବିଦ୍ଧ୍ବା ହଯାଂଶ୍ଚାସ୍ଯ ତ୍ରିଭିଃ ଶରୈଃ।
ଚାପମେକେନ ଚିଚ୍ଛେଦ ହାର୍ଦିକ୍ଯୋ ନତପର୍ବଣା॥ 9-16-70 (61059)
ତନ୍ନିକୃତ୍ତଂ ଧନୁଃଶ୍ରେଷ୍ଠମପାସ୍ଯ ଶିନିପୁଙ୍ଗବଃ।
ଅନ୍ଯଦାଦତ୍ତ ବେଗେନ ଧନୁର୍ଜଲଦନିଃସ୍ବନମ୍॥ 9-16-71 (61060)
ତଦାଦାଯ ଧନୁଃଶ୍ରେଷ୍ଠଂ ବରିଷ୍ଠଃ ସର୍ବଧନ୍ବିନାମ୍।
ହାର୍ଦିକ୍ଯଂ ଦଶଭିର୍ବାଣୈଃ ପ୍ରତ୍ଯବିଧ୍ଯତ୍ସ୍ତନାନ୍ତରେ॥ 9-16-72 (61061)
ତତୋ ଯୁଗଂ ରଥେଷାଂ ଚ ଚ୍ଛିତ୍ତ୍ବା ଭଲ୍ଲୈଃ ସୁସଂଯତୈଃ।
ଅଶ୍ବାଂସ୍ତସ୍ଯାବଧୀତ୍ତୂର୍ଣମୁଭୌ ଚ ପାର୍ଷ୍ଣିସାରଥୀ॥ 9-16-73 (61062)
ହାର୍ଦିକ୍ଯଂ ବିରଥଂ ଦୃଷ୍ଟ୍ବା କୃପଃ ଶାରଦ୍ବତଃ ପ୍ରଭୋ।
ଅପୋବାହ ତତଃ କ୍ଷିପ୍ରଂ ରଥମାରୋପ୍ଯ ବୀର୍ଯବାନ୍॥ 9-16-74 (61063)
ମଦ୍ରରାଜେ ହତେ ରାଜନ୍ବିରଥେ କୃତବର୍ମଣି।
ଦୁର୍ଯୋଧନବଲଂ ସର୍ବଂ ପୁନରାସୀତ୍ପରାଙ୍ମୁଖମ୍॥ 9-16-75 (61064)
ସ୍ବ ପରେ ନାନ୍ବବୁଧ୍ଯନ୍ତ ସୈନ୍ଯେନ ରଜସା ବୃତେ।
ବଲଂ ତୁ ହତଭୂଯିଷ୍ଠଂ ତ୍ରସ୍ତମାସୀତ୍ପରାଙ୍ମୁଖମ୍॥ 9-16-76 (61065)
ତତୋ ମୁହୂର୍ତାତ୍ତେଽପଶ୍ଯନ୍ରଜୋ ଭୌମଂ ସମୁତ୍ଥିତମ୍।
ବିବିଧୈଃ ଶୋଣିତସ୍ରାବୈଃ ପ୍ରଶାନ୍ତଂ ପୁରୁଷର୍ଷଭ॥ 9-16-77 (61066)
ତତୋ ଦୁର୍ଯୋଧନୋ ଦୃଷ୍ଟ୍ବା ଭଗ୍ନଂ ସ୍ବବଲମନ୍ତିକାତ୍।
ଜବେନାପତତଃ ପାର୍ଥାନେକଃ ସର୍ବାନବାରଯତ୍॥ 9-16-78 (61067)
ପାଣ୍ଡବାନ୍ସରଥାନ୍ଦୃଷ୍ଟ୍ବା ଧୃଷ୍ଟଦ୍ଯୁମ୍ନଂ ଚ ପାର୍ଷତମ୍।
ଆନର୍ତ୍ତଂ ଚ ଦୁରାଧର୍ଷଂ ଶିତୈର୍ବାଣୈରବାରଯତ୍॥ 9-16-79 (61068)
ତଂ ପରେ ନାଭ୍ଯବର୍ତନ୍ତ ମର୍ତ୍ଯା ମୃତ୍ଯୁମିବାଗତମ୍।
ଅଥାନ୍ଯଂ ରଥମାସ୍ଥାଯ ହାର୍ଦିକ୍ଯୋଽପି ନ୍ଯବର୍ତତ॥ 9-16-80 (61069)
ତତୋ ଯୁଧିଷ୍ଠିରୋ ରାଜା ତ୍ବରମାଣୋ ମହାରଥଃ।
ଚତୁର୍ଭିର୍ନିଜଘାନାଶ୍ବାନ୍ପତ୍ରିଭିଃ କୃତବର୍ମଣଃ।
ବିବ୍ଯାଧ ଗୌତମଂ ଚାପି ଷ଼ଡ୍ଭିର୍ଭଲ୍ଲୈଃ ସୁତେଜନୈଃ॥ 9-16-81 (61070)
ଅଶ୍ବତ୍ଥାମାଃ ତତୋ ରାଜ୍ଞା ହତାଶ୍ବଂ ବିରଥୀକୃତମ୍।
ତମପୋବାହ ହାର୍ଦିକ୍ଯଂ ସ୍ବରଥେନ ଯୁଧିଷ୍ଠିରାତ୍॥ 9-16-82 (61071)
ତତଃ ଶାରଦ୍ବତଃ ଷଡ୍ଭିଃ ପ୍ରତ୍ଯବିଧ୍ଯଦ୍ଯୁଧିଷ୍ଠିରମ୍।
ବିବ୍ଯାଧ ଚାଶ୍ବାନ୍ନିଶିତୈସ୍ତସ୍ଯାଷ୍ଟାଭିଃ ଶିଲୀମୁଖୈଃ॥ 9-16-83 (61072)
ଏବମେତନ୍ମହାରାଜ ଯୁଦ୍ଧଶେଷମବର୍ତତ।
ତବ ଦୁର୍ମନ୍ତ୍ରିତେ ରାଜନ୍ସହପୁତ୍ରସ୍ଯ ଭାରତ॥ 9-16-84 (61073)
ତସ୍ମିନ୍ମହେଷ୍ବାସଧରେ ବିଶସ୍ତେ
ସଙ୍ଗ୍ରାମମଧ୍ଯେ କୁରୁପୁଙ୍ଗବେନ।
ପାର୍ଥାଃ ସମେତାଃ ପରମପ୍ରହୃଷ୍ଟାଃ
ଶଙ୍ଖାନ୍ପ୍ରଦଧ୍ମୁର୍ହତମୀକ୍ଷ୍ଯ ଶଲ୍ଯମ୍॥ 9-16-85 (61074)
ଯୁଧିଷ୍ଠିରଂ ଚ ପ୍ରଶଶଂସୁରାଜୌ
ପୁରା ସୁରା ବୃତ୍ରବଧେ ଯଥେନ୍ଦ୍ରମ୍।
ଚକ୍ରୁଶ୍ଚ ନାନାବିଧବାଦ୍ଯଶବ୍ଦା--
ନ୍ନିନାଦଯନ୍ତୋ ବସୁଧାଂ ସମନ୍ତାତ୍॥ ॥ 9-16-86 (61075)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଶଲ୍ଯବଧପର୍ବଣି ଅଷ୍ଟାଦଶଦିବସଯୁଦ୍ଧେ ଷୋଡଶୋଽଧ୍ଯାଯଃ॥ 16 ॥
Mahabharata - Shalya Parva - Chapter Footnotes
9-16-22 ସଂହନନୀଯୋ ଦୃଢସନ୍ଧିକୋ ମଧ୍ଯୋ ଯସ୍ଯ ତସ୍ମାତ୍କାଯାତ୍॥ 9-16-47 ତୋଯମିବ ସୁପ୍ରବେଶାଙ୍ଗାମ୍। ଅପ୍ରସକ୍ତଃ ଅପ୍ରତିହତା। ନୃପତେଃ ଶଲ୍ଯସ୍ଯ॥ 9-16-16 ଷୋଡଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 017
॥ ଶ୍ରୀଃ ॥
9.17. ଅଧ୍ଯାଯଃ 017
Mahabharata - Shalya Parva - Chapter Topics
ସଙ୍କୁଲଯୁଦ୍ଧମ୍॥ 1 ॥Mahabharata - Shalya Parva - Chapter Text
9-17-0 (61076)
ସଞ୍ଜଯ ଉବାଚ। 9-17-0x (5110)
ଶଲ୍ଯେଽଥ ନିହତେ ରାଜନ୍ମଦ୍ରରାଜପଦାନୁଗାଃ।
ରଥାଃ ସପ୍ତଶତା ବୀରା ଦୁଦ୍ରୁବୁର୍ମହତୋ ବଲାତ୍॥ 9-17-1 (61077)
ଦୁର୍ଯୋଧନସ୍ତୁ ଦ୍ବିରଦମାରୁହ୍ଯାଚଲସନ୍ନିଭମ୍।
ଛତ୍ରେଣ ଧ୍ରିଯମାଣେନ ବୀଜ୍ଯମାନଶ୍ଚ ଚାମରୈଃ।
ନ ଗନ୍ତବ୍ଯଂ ନ ଗନ୍ତବ୍ଯମିତି ମଦ୍ରାନବାରଯତ୍॥ 9-17-2 (61078)
ଦୁର୍ଯୋଧନେନ ତେ ବୀରା ବାର୍ଯମାଣାଃ ପୁନଃ ପୁନଃ।
ଯୁଧିଷ୍ଠିରଂ ଜିଘାଂସନ୍ତଃ ପାଣ୍ଡୂନାଂ ପ୍ରାବିଶନ୍ବଲମ୍॥ 9-17-3 (61079)
ତେ ତୁ ଶୂରା ମହାରାଜ କୃତଚିତ୍ତାଶ୍ଚ ଯୋଧନେ।
ଧନୁଃଶବ୍ଦଂ ମହତ୍କୃତ୍ବା ସହାଯୁଧ୍ଯନ୍ତ ପାଣ୍ଡବୈଃ॥ 9-17-4 (61080)
ଶ୍ରୁତ୍ବା ଚ ନିହତଂ ଶଲ୍ଯଂ ଧର୍ମପୁତ୍ରଂ ଚ ପୀଡିତମ୍।
ମଦ୍ରରାଜପ୍ରିଯେ ଯୁକ୍ତୈର୍ମଦ୍ରକାଣାଂ ମହାରଥୈଃ॥ 9-17-5 (61081)
ଆଜଗାମ ତତଃ ପାର୍ଥୋ ଗାଣ୍ଡୀବଂ ବିକ୍ଷିପନ୍ଧନୁଃ।
ପୂରଯନ୍ରଥଘୋଷେଣ ଦିଶଃ ସର୍ବା ମହାରଥଃ॥ 9-17-6 (61082)
ତତୋଽର୍ଜୁନଶ୍ଚ ଭୀମଶ୍ଚ ମାଦ୍ରୀପୁତ୍ରୌ ଚ ପାଣ୍ଡବୌ।
ସାତ୍ଯକିଶ୍ଚ ନରବ୍ଯାଘ୍ରୋ ଦ୍ରୌପଦେଯାଶ୍ଚ ସର୍ବଶଃ॥ 9-17-7 (61083)
ଧୃଷ୍ଟଦ୍ଯୁମ୍ନଃ ଶିଖଣ୍ଡୀ ଚ ପାଞ୍ଚାଲାଃ ସହ ସୋମକୈଃ।
ଯୁଧିଷ୍ଠିରଂ ପରୀପ୍ସନ୍ତଃ ସମନ୍ତାତ୍ପର୍ଯବାରଯନ୍॥ 9-17-8 (61084)
ତେ ସମନ୍ତାତ୍ପରିବୃତାଃ ପାଣ୍ଡବୈଃ ପୁରୁଷର୍ଷଭୈଃ।
କ୍ଷୋଭଯନ୍ତି ସ୍ମ ତାଂ ସେନାଂ ମକରାଃ ସାଗରଂ ଯଥା।
ବୃକ୍ଷାନିବ ମହାବାତାଃ କମ୍ପଯନ୍ତି ସ୍ମ ତାବକାଃ॥ 9-17-9 (61085)
ପୁରୋବାତେନ ଗଙ୍ଗେବ--କ୍ଷୋଭ୍ଯମାଣା ମହାନଦୀ।
ଅକ୍ଷୋଭ୍ଯତ ତଦା ରାଜନ୍ପାଣ୍ଡୂନାଂ ଧ୍ବଜିନୀ ତତଃ॥ 9-17-10 (61086)
ପ୍ରସ୍କନ୍ଦ୍ଯ ସେନାଂ ମହତୀଂ ମହାତ୍ମାନୋ ମହାରଥାଃ।
ବହବଶ୍ଚୁକ୍ରୁଶୁସ୍ତତ୍ର କ୍ବ ସ ରାଜା ଯୁଧିଷ୍ଠିରଃ।
ଭ୍ରାତରୋ ବାଽସ୍ଯ ତେ ଶୂରା ଦୃଶ୍ଯନ୍ତେ ନେହ କେଚନ॥ 9-17-11 (61087)
ଧୃଷ୍ଟଦ୍ଯୁମ୍ନୋଽଥ ଶୈନେଯୋ ଦ୍ରୌପଦେଯାଶ୍ଚ ସର୍ବଶଃ।
ପାଞ୍ଚାଲାଶ୍ଚ ମହାବୀର୍ଯାଃ ଶିଖଣ୍ଡୀ ଚ ମହାରଥଃ॥ 9-17-12 (61088)
ଏବଂ ତାନ୍ବାଦିନଃ ଶୂରାନ୍ଦ୍ରୌପଦେଯା ମହାରଥାଃ।
ଅଭ୍ଯଘ୍ନନ୍ଯୁଯୁଧାନଶ୍ଚ ମଦ୍ରରାଜପଦାନୁଗାନ୍॥ 9-17-13 (61089)
ଚକ୍ରୈର୍ବିମଥିତୈଃ କେଚିତ୍କେଚିଚ୍ଛିନ୍ନୈର୍ମହାଧ୍ବଜୈଃ।
ସମ୍ପ୍ରଦୃଶ୍ଯନ୍ତ ସମରେ ତାବକା ନିହତାଃ ପରୈଃ॥ 9-17-14 (61090)
ଆଲୋକ୍ଯ ପାଣ୍ଡବାନ୍ଯୁଦ୍ଧେ ଯୋଧା ରାଜନ୍ସମନ୍ତତଃ।
ବାର୍ଯମାଣା ଯଯୁର୍ବେଗାତ୍ପୁତ୍ରେଣ ତବ ଭାରତ॥ 9-17-15 (61091)
ଦୁର୍ଯୋଧନଶ୍ଚ ତାନ୍ବୀରାନ୍ବାରଯାମାସ ସାନ୍ତ୍ବଯନ୍।
ନ ଚାସ୍ଯ ଶାସନଂ କେଚିତ୍ତତ୍ର ଚକ୍ରୁର୍ମହାରଥାଃ॥ 9-17-16 (61092)
ତତୋ ଗାନ୍ଧାରରାଜସ୍ଯ ପୁତ୍ରଃ ଶକୁନିରବ୍ରବୀତ୍।
ଦୁର୍ଯୋଧନଂ ମହାରାଜ ବଚନଂ ବଚନକ୍ଷମମ୍॥ 9-17-17 (61093)
କିଂ ନଃ ସମ୍ପ୍ରେକ୍ଷମାଣାନାଂ ମଦ୍ରାଣାଂ ହନ୍ଯତେ ବଲମ୍।
ନ ଯୁକ୍ତମେତତ୍ସମରେ ତ୍ବଯି ତିଷ୍ଠତି ଭାରତ॥ 9-17-18 (61094)
ସହିତୈର୍ନାମ ଯୋଦ୍ଧବ୍ଯମିତ୍ଯେଷ ସମଯଃ କୃତଃ।
ଅଥ କସ୍ମାତ୍ସ୍ମରନ୍ନେବ ଘ୍ନତୋ ମର୍ଷଯସେ ନୃପ॥ 9-17-19 (61095)
ଦୁର୍ଯୋଧନ ଉବାଚ। 9-17-20x (5111)
ବାର୍ଯମାଣା ମଯା ପୂର୍ବଂ ନୈତେ ଚକ୍ରୁର୍ବଚୋ ମମ।
ଏତେ ବିନିହତାଃ ସର୍ବେ ପ୍ରସ୍କନ୍ନାଃ ପାଣ୍ଡୁବାହିନୀମ୍॥ 9-17-20 (61096)
ଶକୁନିରୁବାଚ। 9-17-21x (5112)
ନ ଭର୍ତୁଃ ଶାସନଂ ବୀରା ରଣେ କୁର୍ବନ୍ତ୍ଯମର୍ଷିତାଃ।
ଅଲଂ କ୍ରୋଦ୍ବୁମଥୈତେଷାଂ ନାଯଂ କାଲ ଉପେକ୍ଷିତୁମ୍॥ 9-17-21 (61097)
ଯାମଃ ସର୍ବେଽତ୍ର ସମ୍ଭୂଯ ସବାଜିରଥକୁଞ୍ଜରାଃ।
ପରିତ୍ରାତୁଂ ମହେଷ୍ବାସାନ୍ମଦ୍ରରାଜପଦାନୁଗାନ୍॥ 9-17-22 (61098)
ଅନ୍ଯୋନ୍ଯଂ ପରିରକ୍ଷାମୋ ଯତ୍ନେନ ମହତା ନୃପ।
ଏବଂ ସର୍ବେଽନୁସଞ୍ଚିନ୍ତ୍ଯ ପ୍ରଯଯୁର୍ଯତ୍ର ସୈନିକାଃ॥ 9-17-23 (61099)
ସଞ୍ଜଯ ଉବାଚ। 9-17-24x (5113)
ଏବମୁକ୍ତସ୍ତଦା ରାଜା ବଲେନ ମହତା ବୃତଃ।
ପ୍ରଯଯୌ ସିଂହନାଦେନ କମ୍ପଯନ୍ନିବ ମେଦିନୀମ୍॥ 9-17-24 (61100)
ହତ ବିଧ୍ଯତ ଗୃହ୍ଣୀତ ପ୍ରହରଧ୍ବଂ ନିକୃନ୍ତତ।
ଇତ୍ଯାସୀତ୍ତୁମୁଲଃ ଶବ୍ଦସ୍ତବ ସୈନ୍ଯସ୍ଯ ଭାରତ॥ 9-17-25 (61101)
ପାଣ୍ଡବାସ୍ତୁ ରଣେ ଦୃଷ୍ଟ୍ବା ମଦ୍ରରାଜପଦାନୁଗାନ୍।
ସହିତାନଭ୍ଯବର୍ତନ୍ତଂ ଗୁଲ୍ମମାସ୍ଥାଯ ମଧ୍ଯମମ୍॥ 9-17-26 (61102)
ତେ ମୁହୂର୍ତାଦ୍ରଣେ ବୀରା ହସ୍ତାହସ୍ତି ବିଶାମ୍ପତେ।
ନିହତାଃ ପ୍ରତ୍ଯଦୃଶ୍ଯନ୍ତ ମଦ୍ରରାଜପଦାନୁଗାଃ॥ 9-17-27 (61103)
ତତୋ ନଃ ସମ୍ପ୍ରଯାତାନାଂ ହତା ମଦ୍ରାସ୍ତରସ୍ବିନଃ।
ହୃଷ୍ଟାଃ କିଲକିଲାଶବ୍ଦମକୁର୍ବନ୍ସହିତାଃ ପରେ॥ 9-17-28 (61104)
ଅଥୋତ୍ଥିତାନି ରୁଣ୍ଡାନି ସମଦୃଶ୍ଯନ୍ତ ସର୍ବଶଃ।
ପପାତ ମହତୀ ଚୋଲ୍କା ମଧ୍ଯେନାଦିତ୍ଯମଣ୍ଡଲମ୍॥ 9-17-29 (61105)
ରଥୈର୍ଭଗ୍ନଯୁଗାକ୍ଷୈଶ୍ଚ ନିହତୈଶ୍ଚ ମହାରଥୈଃ।
ଅଶ୍ବୈର୍ନିପାତିତୈଶ୍ଚୈବ ସଞ୍ଛନ୍ନାଽଭୂଦ୍ବସୁନ୍ଧରା॥ 9-17-30 (61106)
ବାତାଯମାନୈସ୍ତୁରଗୈର୍ଯୁଗାସକ୍ତୈସ୍ତତସ୍ତତଃ।
ଅକୃଷ୍ଯନ୍ତ ମହାରାଜ ଯୋଧାସ୍ତତ୍ର ରଣାଜିରେ॥ 9-17-31 (61107)
ଭଗ୍ନଚକ୍ରାନ୍ରଥାନ୍କେଚିଦହରଂସ୍ତୁରଗା ରଣେ।
ରଥାର୍ଧଂ କେଚିଦାଦାଯ ଦିଶୋ ଦଶ ବିବଭ୍ରମୁଃ।
ତତ୍ରତତ୍ର ବ୍ଯଦୃଶ୍ଯନ୍ତ ଯୋକ୍ତ୍ରୈଃ ଶ୍ଲିଷ୍ଟାଃ ସ୍ମ ବାଜିନଃ॥ 9-17-32 (61108)
ରଥିନଃ ପତମାନାଶ୍ଚ ଦୃଶ୍ଯନ୍ତେ ସ୍ମ ନରୋତ୍ତମାଃ।
ଗଗନାତ୍ପ୍ରଚ୍ଯୁତାଃ ସିଦ୍ଧାଃ ପୁଣ୍ଯାନାମିବ ସଙ୍କ୍ଷଯେ॥ 9-17-33 (61109)
ନିହତେଷୁ ଚ ଶୂରେଷୁ ମଦ୍ରରାଜାନୁଗେଷୁ ବୈ।
ଅସ୍ମାନାପତତଶ୍ଚାପି ଦୃଷ୍ଟ୍ବା ପାର୍ଥା ମହାରଥାଃ॥ 9-17-34 (61110)
ଅଭ୍ଯବର୍ତନ୍ତ ବେଗେନ ଜଯଗୃଦ୍ଧାଃ ପ୍ରହାରିଣଃ।
ବାଣଶବ୍ଦରବାନ୍କୃତ୍ବା ବିମିଶ୍ରାଞ୍ଶଙ୍ଖନିଃସ୍ବନୈଃ॥ 9-17-35 (61111)
ଅସ୍ମାଂସ୍ତୁ ପୁନରାସାଦ୍ଯ ଲବ୍ଧଲକ୍ଷାଃ ପ୍ରହାରିଣଃ।
ଶରାସନାନି ଧୁନ୍ବାନାଃ ସିଂହନାଦାନ୍ପ୍ରଚୁକ୍ରୁଶୁଃ॥ 9-17-36 (61112)
ତତୋ ହତମଭିପ୍ରେକ୍ଷ୍ଯ ମଦ୍ରରାଜବଲଂ ମହତ୍।
ମଦ୍ରରାଜଂ ଚ ସମରେ ଦୃଷ୍ଟ୍ବା ଶୂରଂ ନିପାତିତମ୍।
ଦୁର୍ଯୋଧନବଲଂ ସର୍ବଂ ପୁନରାସୀତ୍ପରାଙ୍ମୁଖମ୍॥ 9-17-37 (61113)
ବଧ୍ଯମାନଂ ମହାରାଜ ପାଣ୍ଡବୈର୍ଜିତକାଶିଭିଃ।
ଦିଶୋ ଭେଜେଽଥ ସମ୍ଭ୍ରାନ୍ତଂ ତ୍ରାସିତଂ ଦୃଢଧନ୍ବିଭିଃ॥ ॥ 9-17-38 (61114)
ଇତି ଶ୍ରୀମନ୍ମହାଭାରତେ ଶଲ୍ଯବପର୍ବଣି ଶଲ୍ଯବଧପର୍ବଣି ଅଷ୍ଟାଦଶଦିବସଯୁଦ୍ଧେ ସପ୍ତଦଶୋଽଧ୍ଯାଯଃ॥ 17 ॥
Mahabharata - Shalya Parva - Chapter Footnotes
9-17-20 ପ୍ରସ୍କନ୍ନାଃ ପ୍ରପନ୍ନାଃ॥ 9-17-17 ସପ୍ତଦଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 018
॥ ଶ୍ରୀଃ ॥
9.18. ଅଧ୍ଯାଯଃ 018
Mahabharata - Shalya Parva - Chapter Topics
ସଙ୍କୁଲଯୁଦ୍ଧମ୍॥ 1 ॥Mahabharata - Shalya Parva - Chapter Text
9-18-0 (61115)
ସଞ୍ଜଯ ଉବାଚ। 9-18-0x (5114)
ପାତିତେ ଯୁଧି ଦୁର୍ଧର୍ଷେ ମଦ୍ରରାଜେ ମହାରଥେ।
ତାବକାସ୍ତବ ପୁତ୍ରାଶ୍ଚ ପ୍ରାଯଶୋ ବିମୁଖାଽଭବନ୍॥ 9-18-1 (61116)
ବଣିଜୋ ନାବି ଭିନ୍ନାଯାଂ ଯଥାଗାଧେ ମହାର୍ଣବେ।
ଅପାରେ ପାରମିଚ୍ଛନ୍ତୋ ହତେ ଶୂରେ ମହାତ୍ମନି॥ 9-18-2 (61117)
ମଦ୍ରରାଜେ ମହାରାଜ ବିତ୍ରସ୍ତାଃ ଶରବିକ୍ଷତାଃ।
ଅନାଥା ନାଥମିଚ୍ଛନ୍ତୋ ମୃଗାଃ ସିଂହାର୍ଦିତା ଇବ॥ 9-18-3 (61118)
ବୃଷା ଯଥା ଭଗ୍ନଶୃଙ୍ଗାଃ ଶୀର୍ଣଦନ୍ତା ଯଥା ଗଜାଃ।
ମଧ୍ଯାହ୍ନେ ପ୍ରତ୍ଯପାଯାମ ନିର୍ଜିତାଽଜାତଶତ୍ରୁଣା॥ 9-18-4 (61119)
ନ ସଂସ୍ଥାତୁମନୀକାନି ନ ଚ ରାଜନ୍ପରାକ୍ରମେ।
ଆସୀଦ୍ବୁଦ୍ଧିର୍ହତେ ଶଲ୍ଯେ ତବ ଯୋଧସ୍ଯ କସ୍ଯଚିତ୍॥ 9-18-5 (61120)
ଭୀଷ୍ମେ ଦ୍ରୋଣେ ଚ ନିହତେ ସୂତପୁତ୍ରେ ଚ ପାତିତେ।
ଯଦ୍ଦୁଃଖଂ ତବ ଯୋଧାନାଂ ଭଯଂ ଚାସୀଦ୍ବିଶାମ୍ପତେ॥ 9-18-6 (61121)
ତଦ୍ଭଯଂ ସ ଚ ନଃ ଶୋକୋ ଭୂଯ ଏବାଭ୍ଯବର୍ତତ।
ନିରାଶାଶ୍ଚ ଜଯେ ରାଜନ୍ହତେ ଶଲ୍ଯେ ମହାରଥେ॥ 9-18-7 (61122)
ହତପ୍ରବୀରା ବିଧ୍ବସ୍ତା ନିକୃତ୍ତାଶ୍ଚ ଶିତୈଃ ଶରୈଃ।
ମଦ୍ରରାଜେ ହତେ ରାଜନ୍ଯୋଧାସ୍ତେ ପ୍ରାଦ୍ରବନ୍ଭଯାତ୍॥ 9-18-8 (61123)
ଅଶ୍ବାନନ୍ଯେ ଗଜାନନ୍ଯେ ରଥାନନ୍ଯେ ମହାରଥାଃ।
ଆରୁହ୍ଯ ଜବସମ୍ପନ୍ନା ପାଦାତାଃ ପ୍ରାଦ୍ରବଂସ୍ତଥା॥ 9-18-9 (61124)
ଦ୍ବିସାହସ୍ରାଶ୍ଚ ମହାତଙ୍ଗା ଗିରିରୂପାଃ ପ୍ରହାରିଣଃ।
xxପ୍ରାଦ୍ରବନ୍ହତେ ଶଲ୍ଯେ ଅଙ୍କୁଶାଙ୍ଗୁଷ୍ଠନୋଦିତାଃ॥ 9-18-10 (61125)
ତେ ରଣାଦ୍ଭରତଶ୍ରେଷ୍ଠ ତାବକାଃ ପ୍ରାଦ୍ରବନ୍ଦିଶଃ।
ଧାବତଶ୍ଚାପ୍ଯପଶ୍ଯାମ ଶ୍ବସମାନାଞ୍ଶରାହତାନ୍॥ 9-18-11 (61126)
ତାନ୍ପ୍ରଭଗ୍ନାନ୍ହତାନ୍ଦୃଷ୍ଟ୍ବା ହତୋତ୍ସାହାନ୍ପରାଜିତାନ୍।
ଅଭ୍ଯବର୍ତନ୍ତ ପାଞ୍ଚାଲାଃ ପାଣ୍ଡବାଶ୍ଚ ଜଯୈଷିଣଃ॥ 9-18-12 (61127)
ବାଣଶବ୍ଦରବାଶ୍ଚାପି ସିଂହନାଦାଶ୍ଚ ପୁଷ୍କଲାଃ।
ଶଙ୍ଖଶବ୍ଦଶ୍ଚ ଶୂରାଣାଂ ଦାରୁଣଃ ସମପଦ୍ଯତ॥ 9-18-13 (61128)
ଦୃଷ୍ଟ୍ବା ତୁ କୌରବଂ ସୈନ୍ଯଂ ଭଯତ୍ରସ୍ତଂ ପ୍ରବିଦ୍ରୁତମ୍।
ଅନ୍ଯୋନ୍ଯଂ ସମଭାଷନ୍ତ ପାଞ୍ଚାଲାଃ ପାଣ୍ଡବୈଃ ସହ॥ 9-18-14 (61129)
ଅଦ୍ଯ ରାଜା ସତ୍ଯଧୃତିର୍ହତାମିତ୍ରୋ ଯୁଧିଷ୍ଠିରଃ।
ଅଦ୍ଯ ଦୁର୍ଯୋଧନୋ ହୀନୋ ଦୀପ୍ତଯା ନୃପତିଶ୍ରିଯା॥ 9-18-15 (61130)
ଅଦ୍ଯ ଶ୍ରୁତ୍ବା ହତଂ ପୁତ୍ରଂ ଧୃତରାଷ୍ଟ୍ରୋ ଜନେଶ୍ବରଃ।
ନିଃସଂଜ୍ଞଃ ପତିତୋ ଭୂମୌ କିଲ୍ବିଷଂ ପ୍ରତିପତ୍ସ୍ଯତେ॥ 9-18-16 (61131)
ଅଦ୍ଯ ଜାନାତି ବୀଭତ୍ସୁଂ ସମର୍ଥଂ ସ୍ବଧନ୍ବିନାମ୍।
ଅଦ୍ଯାତ୍ମାନଂ ଚ ଦୁର୍ମେଧା ଗର୍ହଯିଷ୍ଯତି ପାପକୃତ୍॥ 9-18-17 (61132)
ଅଦ୍ଯ କ୍ଷତ୍ତୁର୍ବଚଃ ସତ୍ଯଂ ସ୍ମରତାଂ ବ୍ରୁବତୋ ହିତମ୍।
ଅଦ୍ଯପ୍ରଭୃତି ପାର୍ଥଂ ଚ ପ୍ରେଷ୍ଯଭୂତ ଇବାଚରନ୍।
ବିଜାନାତୁ ନୃପୋ ଦୁଃଖଂ ଯତ୍ପ୍ରାପ୍ତଂ ପାଣ୍ଡୁନନ୍ଦନୈଃ॥ 9-18-18 (61133)
ଅଦ୍ଯ କୃଷ୍ଣସ୍ଯ ମାହାତ୍ମ୍ଯଂ ବିଜାନାତୁ ମହୀପତିଃ।
ଅଦ୍ଯାର୍ଜୁନଧନୁର୍ଘୋଷଂ ଘୋରଂ ଜାନାତୁ ସଂଯୁଗେ॥ 9-18-19 (61134)
ଅତ୍ତ୍ରାଣାଂ ଚ ବଲଂ ସର୍ବଂ ବାହ୍ବୋଶ୍ଚ ବଲମାହବେ।
`ପୁତ୍ରାଣାଂ ଚ ବଧଂ ଘୋରଂ ଭୀମେନ ଶ୍ରୋଷ୍ଯତେ ନୃପଃ'॥ 9-18-20 (61135)
ଅଦ୍ଯ ଜ୍ଞାସ୍ଯତି ଭୀମସ୍ଯ ବଲଂ ଘୋରଂ ମହାତ୍ମନଃ।
ହତେ ଦୁର୍ଯୋଧନେ ଯୁଦ୍ଧେ ଶକ୍ରେଣେବ ତୁ ଶମ୍ବରେ॥ 9-18-21 (61136)
ଯତ୍କୃତଂ ଭୀମସେନେନ ଦୁଃଶାସନବଧେ ତଦା।
କୋଽନ୍ଯଃ କର୍ତାଽସ୍ତି ତଲ୍ଲୋକେ ଋତେ ଭୀମାନ୍ମହାବଲାତ୍। 9-18-22 (61137)
ଅଦ୍ଯ ଜ୍ଯେଷ୍ଠସ୍ଯ ଜାନୀତାଂ ପାଣ୍ଡବସ୍ଯ ପରାକ୍ରମମ୍।
ମଦ୍ରରାଜଂ ହତଂ ଶ୍ରୁତ୍ବା ଦେବୈରପି ସୁଦୁଃସହମ୍॥ 9-18-23 (61138)
ଅଦ୍ଯ ଜ୍ଞାସ୍ଯତି ସଙ୍ଗ୍ରାମେ ମାଦ୍ରୀପୁତ୍ରୌ ସୁଦୁଃସହୌ।
ନିହତେ ସୌବଲେ ବୀରେ ଗାନ୍ଧାରେଷୁ ଚ ସର୍ବଶଃ॥ 9-18-24 (61139)
xxxx ନ ତେଷାଂ ସ୍ଯାଦ୍ଯେଷାଂ ଯୋଦ୍ଧା ଧନଞ୍ଜଯଃ।
xxxxx ଧୃଷ୍ଟଦ୍ଯୁମ୍ନଶ୍ଚ ପାର୍ଷତଃ॥ 9-18-25 (61140)
xxxx ପଞ୍ଚ ମାଦ୍ରୀପୁତ୍ରୌ ଚ ପାଣ୍ଡବୌ।
ଶିଖଣ୍ଡୀ ଚ ମହେଷ୍ବାସୋ ରାଜା ଚୈବ ଯୁଧିଷ୍ଠିରଃ॥ 9-18-26 (61141)
ଯେଷାଂ ଚ ଜଗତୋ ନାଥୋ ନାଥଃ କୃଷ୍ଣୋ ଜନାର୍ଦନଃ।
କଥଂ ତେଷାଂ ଜଯୋ ନ ସ୍ଯାଦ୍ଯେଷାଂ ଧର୍ମୋ ବ୍ଯପାଶ୍ରଯଃ॥ 9-18-27 (61142)
`ଲାଭସ୍ତେଷାଂ ଜଯସ୍ତେଷାଂ କୁତସ୍ତେଷାଂ ପରାଭବଃ।
ଯେଷାଂ ନାଥୋ ହୃଷୀକେଶଃ ସର୍ବଲୋକବିଭୁର୍ହରିଃ'॥ 9-18-28 (61143)
ଭୀଷ୍ମଂ ଦ୍ରୋଣଂ ଚ କର୍ଣଂ ଚ ମଦ୍ରରାଜାନମେବ ଚ।
ତଥାଽନ୍ଯାନ୍ନୃପତୀନ୍ବୀରାଞ୍ଶତଶୋଽଥ ସହସ୍ରଶଃ॥ 9-18-29 (61144)
କୋଽନ୍ଯଃ ଶକ୍ତୋ ରଣେ ଜେତୁମୃତେ ପାର୍ଥାଦ୍ଯୁଧିଷ୍ଠିରାତ୍।
ଯସ୍ଯ ନାଥୋ ହୃଷୀକେଶଃ ସଦା ସତ୍ଯଯଶୋନିଧିଃ॥ 9-18-30 (61145)
ଇତ୍ଯେବଂ ବଦମାନାସ୍ତେ ହର୍ଷେଣ ମହତା ଯୁତାଃ।
ପ୍ରଭଗ୍ନାଂସ୍ତାବକାନ୍ଯୋଧାନ୍ସଂହୃଷ୍ଟାଃ ପୃଷ୍ଠତୋଽନ୍ବଯୁଃ॥ 9-18-31 (61146)
ଧନଞ୍ଜଯୋ ରଥାନୀକମଭ୍ଯବର୍ତତ ବୀର୍ଯବାନ୍।
ମାଦ୍ରୀପୁତ୍ରୌ ଚ ଶକୁନିଂ ସାତ୍ଯକିଶ୍ଚ ମହାରଥଃ॥ 9-18-32 (61147)
ତାନ୍ପ୍ରେକ୍ଷ୍ଯ ଦ୍ରବତଃ ସର୍ବାନ୍ଭୀମସେନଭଯାର୍ଦିତାନ୍।
ଦୁର୍ଯୋଧନସ୍ତଦା ସୂତମବ୍ରବୀଦ୍ବିସ୍ମଯନ୍ନିବ॥ 9-18-33 (61148)
ମାମତିକ୍ରମତେ ପାର୍ଥୋ ଧନୁଷ୍ପାଣିମବସ୍ଥିତମ୍।
ଜଘନେ ସର୍ବସୈନ୍ଯାନାଂ ଶନୈରଶ୍ବାନ୍ପ୍ରଚୋଦଯ॥ 9-18-34 (61149)
ଜଘନେ ଯୁଧ୍ଯମାନଂ ହି କୌନ୍ତେଯୋ ମାଂ ନ ସଂଶଯଃ।
ନୋତ୍ସହେଦଭ୍ଯତିକ୍ରାନ୍ତୁଂ ବେଲାମିବ ମହୋଦଧିଃ॥ 9-18-35 (61150)
ପଶ୍ଯ ସୈନ୍ଯଂ ମହତ୍ସୂତ ପାଣ୍ଡବୈଃ ସମଭିଦ୍ରୁତମ୍।
ସୈନ୍ଯରେଣୁଂ ସମୁଦ୍ଭୂତଂ ପଶ୍ଯ ଚୈନଂ ସମନ୍ତତଃ॥ 9-18-36 (61151)
ସିଂହନାଦାଂଶ୍ଚ ସମୁଦ୍ଭୂତଂ ପଶ୍ଯ ଚୈନଂ ସମନ୍ତତଃ॥
ତସ୍ମାଦ୍ଯାହି ଶନୈଃ ସୂତ ଜଘନଂ ପରିପାଲଯ॥ 9-18-37 (61152)
ମଯି ସ୍ଥିତେ ଚ ସମରେ ନିରୁଦ୍ଧେଷୁ ଚ ପାଣ୍ଡୁଷୁ।
ପୁନରାବର୍ତତେ ତୂର୍ଣଂ ମାମକଂ ବଲମୋଜସା॥ 9-18-38 (61153)
ତଚ୍ଛ୍ରୁତ୍ବା ତବ ପୁତ୍ରସ୍ଯ ଶୂରସ୍ଯ ସଦୃଶଂ ବଚଃ।
ସାରଥିର୍ହେମସଞ୍ଛନ୍ନାଞ୍ଶରୈରଶ୍ବାନଚୋଦଯତ୍॥ 9-18-39 (61154)
ଗଜାଶ୍ବରଥିଭିର୍ହୀନାସ୍ତ୍ଯକ୍ତାତ୍ମାନଃ ପଦାତଯଃ।
ଏକବିଂଶତିସାହସ୍ରାଃ ସଂଯୁଗାଯାବତସ୍ଥିରେ॥ 9-18-40 (61155)
ନାନାଦେଶସମୁଦ୍ଭୂତା ନାନାରଞ୍ଜିତବାସସଃ।
ଅବସ୍ଥିତାସ୍ତଦା ଯୋଧାଃ ପ୍ରାର୍ଥଯନ୍ତୋ ମହଦ୍ଯଶଃ॥ 9-18-41 (61156)
ତେଷାମାପତତାଂ ତତ୍ର ସଂହୃଷ୍ଟାନାଂ ପରସ୍ପରମ୍।
ସମ୍ମର୍ଦଃ ସୁମହାଞ୍ଚଜ୍ଞେ ଘୋରରୂପୋ ଭଯାନକଃ॥ 9-18-42 (61157)
ଭୀମସେନଂ ତଦା ରାଜନ୍ଧୃଷ୍ଟଦ୍ଯୁମ୍ନଂ ଚ ପାର୍ଷତମ୍।
ବଲେନ ଚତୁରଙ୍ଗେଣ ନାନାଦେଶ୍ଯାନବାରଯତ୍॥ 9-18-43 (61158)
ଭୀମମେବାଭ୍ଯବର୍ତନ୍ତ ରଣେଽନ୍ଯେ ତୁ ପଦାତଯଃ।
ପ୍ରକ୍ଷ୍ବେଡ୍ଯାସ୍ଫୋଟ୍ଯ ସଂହୃଷ୍ଟା ବୀରଲୋକଂ ଯିଯାସବଃ॥ 9-18-44 (61159)
ଆସାଦ୍ଯ ଭୀମସେନଂ ତୁ ସଂରବ୍ଧା ଯୁଦ୍ଧଦୁର୍ମଦାଃ।
ଧାର୍ତରାଷ୍ଟ୍ରା ବିନେଦୁର୍ହି ନାନ୍ଯାମକଥନଯନ୍କଥାମ୍।
ପରିବାର୍ଯ ରଣେ ଭୀମଂ ନିଜଘ୍ନୁସ୍ତେ ସମନ୍ତତଃ॥ 9-18-45 (61160)
ସ ବଧ୍ଯମାନଃ ସମରେ ପଦାତିଗଣସଂବୃତଃ।
ନ ଚଚାଲ ତତଃ ସ୍ଥାନାନ୍ମୈନାକ ଇବ ପର୍ବତଃ॥ 9-18-46 (61161)
ତେ ତୁ କ୍ରୁଦ୍ଧା ମହାରାଜ ପାଣ୍ଡବସ୍ଯ ମହାରଥମ୍।
ନିଗ୍ରହୀତୁଂ ପ୍ରବୃତ୍ତା ହି ଯୋଧାଂଶ୍ଚାନ୍ଯାନବାରଯନ୍॥ 9-18-47 (61162)
ଅକ୍ରୁଧ୍ଯତ ରଣେ ଭୀମସ୍ତୈସ୍ତଦା ପର୍ଯବସ୍ଥିତୈଃ।
ସୋଽବତୀର୍ଯ ରଥାତ୍ତୂର୍ଣଂ ପଦାତିଃ ସମବସ୍ଥିତଃ॥ 9-18-48 (61163)
ଜାତରୂପପ୍ରତିଚ୍ଛନ୍ନାଂ ପ୍ରଗୃହ୍ଯ ମହତୀଂ ଗଦାମ୍।
ଅବଧୀତ୍ତାବକାନ୍ଯୋଧାନ୍ଦଣ୍ଡପାଣିରିବାନ୍ତକଃ॥ 9-18-49 (61164)
ରଥାଶ୍ବବିପ୍ରହୀଣାଂସ୍ତୁ ତାନ୍ଭୀମୋ ଗଦଯା ବଲୀ।
ଏକବିଂଶତିସାହସ୍ରାନ୍ପଦାତୀନ୍ସମପୋଥଯତ୍॥ 9-18-50 (61165)
ହତ୍ବା ତତ୍ପୁରୁଷାନୀକଂ ଭୀମଃ ସତ୍ଯପରାକ୍ରମଃ।
ଧୃଷ୍ଟଦ୍ଯୁମ୍ନଂ ପୁରସ୍କୃତ୍ଯ ନ ଚିରାତ୍ପ୍ରତ୍ଯଦୃଶ୍ଯତ॥ 9-18-51 (61166)
ପାଦାତା ନିହତା ଭୂମୌ ଶିଶ୍ଯିରେ ରୁଧିରୋକ୍ଷିତଃ।
ସମ୍ଭଗ୍ନା ଇବ ବାତେନ କର୍ଣିକାରାଃ ସୁପୁଷ୍ପିତାଃ॥ 9-18-52 (61167)
ନାନାଶସ୍ତ୍ରସମାଯୁକ୍ତା ନାନାକୁଣ୍ଡଲଧାରିଣଃ।
ନାନାଜାତ୍ଯା ହତାସ୍ତତ୍ର ନାଦେଶସମାଗତାଃ॥ 9-18-53 (61168)
ପତାକାଧ୍ବଜସଞ୍ଛନ୍ନଂ ପଦାତୀନାଂ ମହଦ୍ବଲମ୍।
ନିକୃତ୍ତଂ ବିବଭୌ ରୌଦ୍ରଂ ଘୋରରୂପଂ ଭଯାବହମ୍॥ 9-18-54 (61169)
ଯୁଧିଷ୍ଠିରପୁରୋଗାଶ୍ଚ ସହସୈନ୍ଯା ମହାରଥାଃ।
ଅଭ୍ଯଧାବନ୍ମହାତ୍ମାନଂ ପୁତ୍ରଂ ଦୁର୍ଯୋଧନଂ ତବ॥ 9-18-55 (61170)
ତେ ସର୍ବେ ତାବକାନ୍ଦୃଷ୍ଟ୍ବା ମହେଷ୍ବାସାନ୍ପରାଙ୍ମୁଖାନ୍।
ନାଭ୍ଯବର୍ତନ୍ତ ତେ ପୁତ୍ରଂ ବେଲାମିବ ମହୋର୍ମଯଃ॥ 9-18-56 (61171)
ତଦଦ୍ଭୁତମପଶ୍ଯାମ ତବ ପୁତ୍ରସ୍ଯ ପୌରୁଷମ୍।
ଯଦେକଂ ସହିତାଃ ପାର୍ଥା ନ ଶେକୁରତିବର୍ତିତୁମ୍॥ 9-18-57 (61172)
ନାତିଦୂରାପଯାତଂ ତୁ କୃତବୁଦ୍ବି ପଲାଯନେ।
ଦୁର୍ଯୋଧନଃ ସ୍ବକଂ ସୈନ୍ଯମବ୍ରବୀଦ୍ଭୃଶବିକ୍ଷତମ୍॥ 9-18-58 (61173)
ନ ତଂ ଦେଶଂ ପ୍ରପଶ୍ଯାମି ପୃଥିବ୍ଯାଂ ପର୍ବତେଷୁ ଚ।
ଯତ୍ର ଯାତାନ୍ନ ବା ହନ୍ଯୁଃ ପାଣ୍ଡବାଃ କିଂ ସୃତେନ ବଃ॥ 9-18-59 (61174)
ଅଲ୍ପଂ ଚ ବଲମେତେଷାଂ କୃଷ୍ଣୌ ଚ ଭୃଶବିକ୍ଷତୌ।
ଯଦି ସର୍ବେଽତ୍ର ତିଷ୍ଠାମୋ ଧ୍ରୁବଂ ନୋ ବିଜଯୋ ଭବେତ୍॥ 9-18-60 (61175)
ବିପ୍ରଯାତାଂସ୍ତୁ ବୋ ଭିନ୍ନାନ୍ପାଣ୍ଡବାଃ କୃତବିପ୍ରିଯାଃ।
ଅନୁଯାଯ ହନିଷ୍ଯନ୍ତି ଶ୍ରେଯାନ୍ନଃ ସମରେ ବଧଃ॥ 9-18-61 (61176)
ଶୃଣ୍ବନ୍ତୁ କ୍ଷତ୍ରିଯାଃ ସର୍ବେ ଯାବନ୍ତୋଽତ୍ର ସମାଗତାଃ।
ଯଦା ଶୂରଂ ଚ ଭୀରୁଂ ଚ ମାରଯତ୍ଯନ୍ତକଃ ସଦା॥ 9-18-62 (61177)
କୋ ନୁ ମୂଢୋ ନ ଯୁଧ୍ଯେତ ପୁରୁଷଃ କ୍ଷତ୍ରିଯୋ ଧ୍ରୁବମ୍।
ଶ୍ରେଯାନ୍ନୋ ଭୀମସେନସ୍ଯ କ୍ରୁଦ୍ଧସ୍ଯାଭିମୁଖେ ସ୍ଥିତଃ॥ 9-18-63 (61178)
ସୁଖଃ ସାଙ୍ଗ୍ରାମିକୋ ମୃତ୍ଯୁର୍ଦୁଃଖୋ ବ୍ଯାଧିଜରାଦିଭିଃ।
ମର୍ତ୍ଯେନାବଶ୍ଯମର୍ତବ୍ଯଂ ଗୃହେଷ୍ବପି କଦାଚନ॥ 9-18-64 (61179)
ଯୁଧ୍ଯତଃ କ୍ଷତ୍ରଧର୍ମେଣ ମୃତ୍ଯୁରେଷ ସନାତନଃ।
ହତ୍ବେହ ସୁଖମାପ୍ନୋତି ହତଃ ପ୍ରେତ୍ଯ ମହତ୍ଫଲମ୍॥ 9-18-65 (61180)
ନ ଯୁଦ୍ଧଧର୍ମାଚ୍ଛ୍ରେଯାନ୍ବୈ ପନ୍ଥାଃ ସ୍ବର୍ଗସ୍ଯ କୌରବାଃ।
ଅଚିରେଣୈବ ତାଁଲ୍ଲୋକାନ୍ହତୋ ଯୁଦ୍ଧେ ସମଶ୍ନୁତେ॥ 9-18-66 (61181)
ଶ୍ରୁତ୍ବା ତଦ୍ବଚନଂ ତସ୍ଯ ପୂଜଯିତ୍ବା ଚ ପାର୍ଥିବାଃ।
ପୁନରେବାଭ୍ଯବର୍ତନ୍ତ ପାଣ୍ଡବାନାତତାଯିନଃ॥ 9-18-67 (61182)
ତାନାପତତ ଏବାଶୁ ବ୍ଯୂଢାନୀକାଃ ପ୍ରହାରିଣଃ।
ପ୍ରତ୍ଯୁଦ୍ଯଯୁସ୍ତଦା ପାର୍ଥା ଜଯଗୃଦ୍ଧାଃ ପ୍ରମନ୍ଯବଃ॥ 9-18-68 (61183)
ଧନଞ୍ଜଯୋ ରଥେନାଜାବଭ୍ଯବର୍ତତ ବୀର୍ଯବାନ୍।
ବିଶ୍ରୁତଂ ତ୍ରିଷୁ ଲୋକେଷୁ ବ୍ଯାକ୍ଷିପନ୍ଗାଣ୍ଡିବଂ ଧନୁଃ॥ 9-18-69 (61184)
ମାଦ୍ରୀପୁତ୍ରୌ ଚ ଶକୁନିଂ ସାତ୍ଯକିଶ୍ଚ ମହାବଲଃ।
ଜବେନାଭ୍ଯପତନ୍ହୃଷ୍ଟା ଯତ୍ତା ବୈ ତାବକଂ ବଲମ୍॥ ॥ 9-18-70 (61185)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଶଲ୍ଯବଧପର୍ବଣି ଅଷ୍ଟାଦଶଦିବସଯୁଦ୍ଧେ ଅଷ୍ଟାଦଶୋଽଧ୍ଯାଯଃ॥ 18 ॥
Mahabharata - Shalya Parva - Chapter Footnotes
9-18-34 ନ ମାତେକ୍ରମତେ ପାଥଃ ଇତି ଙ. ପାଠଃ। ନ ମାନସସ୍ଯତେ ଇତି କ.ପାଠଃ॥ 9-18-18 ଅଷ୍ଟାଦଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 019
॥ ଶ୍ରୀଃ ॥
9.19. ଅଧ୍ଯାଯଃ 019
Mahabharata - Shalya Parva - Chapter Topics
ସାତ୍ଯକିନା ସାଲ୍ବବଧଃ॥ 1 ॥Mahabharata - Shalya Parva - Chapter Text
9-19-0 (61186)
ସଞ୍ଜରା ଉବାଚ। 9-19-0x (5115)
ସନ୍ନିବୃତ୍ତେଷୁ ସୈନ୍ଯେଷୁ ସାଲ୍ବୋ ମ୍ଲେଚ୍ଛଗଣାଧିପଃ।
ଅଭ୍ଯଦ୍ରବତ୍ସୁସଙ୍କ୍ରୁଦ୍ଧଃ ପାଣ୍ଡବାନାଂ ମହଦ୍ବଲମ୍॥ 9-19-1 (61187)
ଆସ୍ଥାଯ ସୁମହାନାଗଂ ପ୍ରଭିନ୍ନଂ ପର୍ବତୋପମମ୍।
ସପ୍ତମୈରାବତପ୍ରଖ୍ଯମମିତ୍ରଗଣମର୍ଦନମ୍॥ 9-19-2 (61188)
ଯୋଽସୌ ମହାନ୍ଭଦ୍ରକୁଲପ୍ରସୂତଃ
ସୁପୂଜିତୋ ଧାର୍ତରାଷ୍ଟ୍ରେଣ ନିତ୍ଯମ୍।
ସୁକଲ୍ପିତଃ ଶାସ୍ତ୍ରବିନିଶ୍ଚଯଜ୍ଞୈଃ
ସଦୌପବାହ୍ଯଃ ସମରେଷୁ ରାଜନ୍॥ 9-19-3 (61189)
ଐରାବତଂ ଦୈତ୍ଯଗଣାନ୍ବିମୃଦ୍ର--
ଞ୍ଶକ୍ରୋ ଯଥା ସଞ୍ଜନଯନ୍ଭଯାନି।
ତମାସ୍ଥିତୋ ରାଜବରୋ ବଭୂବ
ଯଥୋଦଯସ୍ଥଃ ସବିତା କ୍ଷପାନ୍ତେ॥ 9-19-4 (61190)
ସ ତେନ ନାଗପ୍ରବରେଣ ରାଜ--
ନ୍ନଭ୍ଯୁଦ୍ଯଯୌ ପାଣ୍ଡୁସୁତାନ୍ସମେତାନ୍।
ଶିତୈଃ ପୃଷତ୍କୈର୍ବିଦଦାର ବେଗୈ--
ର୍ମହେନ୍ଦ୍ରବଜ୍ରପ୍ରତିମୈଃ ସୁଘୋରୈଃ॥ 9-19-5 (61191)
ତତଃ ଶରାନ୍ବୈ ସୃଜତୋ ମହାରଣେ
ଯୋଧାଂଶ୍ଚ ରାଜନ୍ନଯତୋ ଯମାଲଯମ୍।
ନାସ୍ଯାନତ୍ରଂ ଦଦୃଶୁଃ ସ୍ବେ ପରେ ବା
ଯଥା ପୁରା ବଜ୍ରଧରସ୍ଯ ଦୈତ୍ଯାଃ॥ 9-19-6 (61192)
ତେ ପାଣ୍ଡବାଃ ସୋମକାଃ ସୃଞ୍ଜଯାଶ୍ଚ
ତମେକନାଗଂ ଦଦୃଶୁଃ ସମନ୍ତାତ୍।
ସହସ୍ରଶୋ ବୈ ବିଚରନ୍ତମେକଂ
ଯଥା ମହେନ୍ଦ୍ରସ୍ଯ ଗଜଂ ସମୀପେ॥ 9-19-7 (61193)
ସନ୍ଦ୍ରାବ୍ଯମାଣଂ ତୁ ବଲଂ ପରେଷାଂ
ପରେତକଲ୍ପଂ ବିବଭୌ ସମନ୍ତତଃ।
ନୈବାବତସ୍ଥେ ସମରେ ଭୃଶଂ ଭଯା--
ଦ୍ବିମୃଦ୍ଯମାନଂ ତୁ ପରସ୍ପରଂ ତଦା॥ 9-19-8 (61194)
ତତଃ ପ୍ରଭଗ୍ନା ସହସା ମହାଚମୂଃ
ସା ପାଣ୍ଡବୀ ତେନ ନରାଧିପେନ।
ଦିଶଶ୍ଚତସ୍ରଃ ସହସା ବିଧାବିତା
ଗଜେନ୍ଦ୍ରବେଗଂ ତମପାରଯନ୍ତୀ॥ 9-19-9 (61195)
ଦୃଷ୍ଟ୍ବା ଚ ତାଂ ବେଗବତା ପ୍ରଭଗ୍ନାଂ
ସର୍ବେ ତ୍ବଦୀଯା ଯୁଧି ଯୋଧମୁଖ୍ଯାଃ।
ଅପୂଜଯଂସ୍ତେ ତୁ ନରାଧିପଂ ତଂ
ଦଧ୍ମୁଶ୍ଚ ଶଙ୍ଖାଞ୍ଶଶିସନ୍ନିକାଶାନ୍॥ 9-19-10 (61196)
ଶ୍ରୁତ୍ବା ନିନାଦଂ ତ୍ବଥ କୌରବାଣାଂ
ହର୍ଷାଦ୍ବିମୁକ୍ତଂ ସହ ଶଙ୍ଖଶବ୍ଦୈଃ।
ସେନାପତିଃ ପାଣ୍ଡବସୃଞ୍ଜଯାନାଂ
ପାଞ୍ଚାଲପୁତ୍ରୋ ମମୃଷେ ନ କୋପାତ୍॥ 9-19-11 (61197)
ତତସ୍ତୁ ତଂ ବୈ ଦ୍ବିରଦଂ ମହାତ୍ମା
ପ୍ରତ୍ଯୁଦ୍ଯଯୌ ତ୍ବରମାଣୋ ଜଯାଯ।
ଜମ୍ଭୋ ଯଥା ଶକ୍ରସମାଗମେ ବୈ
ନାଗେନ୍ଦ୍ରମୈରାବଣମିନ୍ଦ୍ରବାହ୍ଯମ୍॥ 9-19-12 (61198)
ତମାପତନ୍ତଂ ସହସା ତୁ ଦୃଷ୍ଟ୍ବା
ପାଞ୍ଚାଲପୁତ୍ରଂ ଯୁଧି ରାଜସିଂହଃ।
ତଂ ବୈ ଦ୍ବିପଂ ପ୍ରେଷଯାମାସ ତୂର୍ଣଂ
ବଧାଯ ରାଜନ୍ଦ୍ରୁପଦାତ୍ମଜସ୍ଯ॥ 9-19-13 (61199)
ସ ତଂ ଦ୍ବିପେନ୍ଦ୍ରଂ ସହସାପତନ୍ତ--
ମବିଧ୍ଯଦଗ୍ନିପ୍ରତିମୈଃ ପୃଷତ୍କୈଃ।
କର୍ମାରଧୌତୈର୍ନିଶିତୈର୍ଜ୍ବଲଦ୍ଭି--
ର୍ନାରାଚମୁଖ୍ଯୈସ୍ତ୍ରିଭିରୁଗ୍ରବେଗୈଃ॥ 9-19-14 (61200)
ତତୋଽପରାନ୍ପଞ୍ଚଶତାନ୍ମହାତ୍ମା
ନାରାଚମୁଖ୍ଯାନ୍ବିସସର୍ଜ କୁମ୍ଭେ।
ସ ତୈସ୍ତୁ ବିଦ୍ଧଃ ପରମଦ୍ବିପୋ ରଣେ
ତଦା ପରାବୃତ୍ଯ ଭୃଶଂ ପ୍ରଦୁଦ୍ରୁବେ॥ 9-19-15 (61201)
ତଂ ନାଗରାଜଂ ସହସା ପ୍ରଣୁନ୍ନଂ
ବିଦ୍ରାବ୍ଯମାଣଂ ବିନିବର୍ତ୍ଯ ସାଲ୍ବଃ।
ତୋତ୍ରାଙ୍କୁଶୈଃ ପ୍ରେଷଯାମାସ ତୂର୍ଣଂ
ପାଞ୍ଚାଲରାଜସ୍ଯ ସୁତଂ ପ୍ରଦିଶ୍ଯ॥ 9-19-16 (61202)
ଦୃଷ୍ଟ୍ବା ପତନ୍ତଂ ସହସା ତୁ ନାଗଂ
ଧୃଷ୍ଟଦ୍ଯୁମ୍ନଃ ସ୍ବରଥାଚ୍ଛୀଘ୍ରମେବ।
ଗଦାଂ ପ୍ରଗୃହ୍ଯୋଗ୍ରଜବେନ ବୀରୋ
ଭୂମିଂ ପ୍ରପନ୍ନୋ ଭଯବିହ୍ବଲାଙ୍ଗଃ॥ 9-19-17 (61203)
ସ ତଂ ରଥଂ ହେମବିଭୂଷିତାଙ୍ଗଂ
ସାଶ୍ବଂ ସସୂତଂ ସହସା ବିମୃଦ୍ଯ।
ଉତ୍କ୍ଷିପ୍ଯ ହସ୍ତେନ ନଦନ୍ମହାଦ୍ବିପୋ
ବିପୋଥଯାମାସ ବସୁନ୍ଧରାତଲେ॥ 9-19-18 (61204)
ପାଞ୍ଚାଲରାଜସ୍ଯ ସୁତଂ ଚ ଦୃଷ୍ଟ୍ବା
ତଦାର୍ଦିତଂ ନାଗବରେଣ ତେନ।
ତମଭ୍ଯଧାବତ୍ସହସା ଜବେନ
ଭୀମଃ ଶିଖଣ୍ଡୀ ଚ ଶିନେଶ୍ଚ ନପ୍ତା॥ 9-19-19 (61205)
ଶରୈଶ୍ଚ ବେଗଂ ସହସା ନିଗୃହ୍ଯ
ତସ୍ଯାଭିତୋ ବ୍ଯାପତତୋ ଗଜସ୍ଯ।
ସ ସଙ୍ଗୃହୀତୋ ରଥିଭିର୍ଗଜୋ ବୈ
ଚଚାଲ ତୈର୍ବାର୍ଯମାଣଶ୍ଚ ସଙ୍ଖ୍ଯେ॥ 9-19-20 (61206)
ତତଃ ପୃଷତ୍କାନ୍ପ୍ରବବର୍ଷ ରାଜା
ସୂର୍ଯୋ ଯଥା ରଶ୍ମିଜାଲଂ ସମନ୍ତାତ୍।
ତୈରାଶୁଗୈର୍ବଧ୍ଯମାନା ରଥୌଘାଃ
ପ୍ରଦୁଦ୍ରୁବୁଃ ସହିତାସ୍ତତ୍ରତତ୍ର॥ 9-19-21 (61207)
ତତ୍କର୍ମ ସାଲ୍ବସ୍ଯ ସମୀକ୍ଷ୍ଯ ସର୍ବେ
ପାଞ୍ଚାଲପୁତ୍ରା ନୃପ ସୃଞ୍ଜଯାଶ୍ଚ।
ହାହାକାରୈର୍ନାଦଯନ୍ତି ସ୍ମ ଯୁଦ୍ଧେ
ଦ୍ବିପଂ ସମନ୍ତାଦ୍ରୁରୁଧୁର୍ନରାଗ୍ର୍ଯାଃ॥ 9-19-22 (61208)
ପାଞ୍ଚାଲପୁତ୍ରସ୍ତ୍ବରିତସ୍ତୁ ଶୂରୋ
ଗଦାଂ ପ୍ରଗୃହ୍ଯାଚଲଶୃଙ୍ଗକଲ୍ପାମ୍।
ସସମ୍ଭ୍ରମଂ ଭାରତ ଶତ୍ରୁଘାତୀ
ଜବେନ ବୀରୋଽନୁସସାର ନାଗମ୍॥ 9-19-23 (61209)
ତତସ୍ତୁ ନାଗଂ ଧରଣୀଧରାଭଂ
ମଦଂ ସ୍ରବନ୍ତଂ ଜଲଦପ୍ରକାଶମ୍।
ଗଦାଂ ସମାତିଧ୍ଯ ଭୃଶଂ ଜଘାନ
ପାଞ୍ଚାଲରାଜସ୍ଯ ସୁତସ୍ତରସ୍ବୀ॥ 9-19-24 (61210)
ସ ଭିନ୍ନକୁମ୍ଭଃ ସହସା ବିନଦ୍ଯ
ମୁଖାତ୍ପ୍ରଭୂତଂ କ୍ଷତଜଂ ବିମୁଞ୍ଚନ୍।
ପପାତ ନାଗୋ ଧରମୀଧରାଭଃ
କ୍ଷିତିପ୍ରକମ୍ପାଚ୍ଚଲିତୋ ଯଥାଽଦ୍ରିଃ॥ 9-19-25 (61211)
ନିପାତ୍ଯମାନେ ତୁ ତଦା ଗଜେନ୍ଦ୍ରେ
ହାହାକୃତେ ତବ ପୁତ୍ରସ୍ଯ ସୈନ୍ଯେ।
ସ ସାଲ୍ବରାଜସ୍ଯ ଶିନିପ୍ରବୀରୋ
ଜହାର ଭଲ୍ଲେନ ଶିରଃ ଶିତେନ॥ 9-19-26 (61212)
ହୃତୋତ୍ତମାଙ୍ଗୋ ଯୁଧି ସାତ୍ବତେନ
ପପାତ ଭୂମୌ ସହ ନାଗରାଜ୍ଞା।
ଯଥାଽଦ୍ରିଶୃଙ୍ଗଂ ସୁମହତ୍ପ୍ରଣୁନ୍ନଂ
ବଜ୍ରେଣ ଦେବାଧିପଚୋଦିତେନ॥ ॥ 9-19-27 (61213)
ଇତି ଶ୍ରୀମନ୍ମହାଭାରତେ ଶଲ୍ଯବଧପର୍ବଣି ଶଲ୍ଯବଧପର୍ବଣି ଅଷ୍ଟାଦଶଦିବସଯୁଦ୍ଧେ ଏକୋନବିଂଶୋଽଧ୍ଯାଯଃ॥ 19 ॥
ଶଲ୍ଯପର୍ବ - ଅଧ୍ଯାଯ 020
॥ ଶ୍ରୀଃ ॥
9.20. ଅଧ୍ଯାଯଃ 020
Mahabharata - Shalya Parva - Chapter Topics
ସାତ୍ଯକିନା କୃତବର୍ମପରାଜଯଃ॥ 1 ॥Mahabharata - Shalya Parva - Chapter Text
9-20-0 (61214)
ସଞ୍ଜଯ ଉବାଚ। 9-20-0x (5116)
ତସ୍ମିଂସ୍ତୁ ନିହତେ ଶୂରେ ସାଲ୍ବେ ସମିତିଶୋଭନେ।
ତବାଭଜ୍ଯଦ୍ବଲଂ ବେଗାଦ୍ବାତେନେବ ମହାଦ୍ରୁମଃ॥ 9-20-1 (61215)
ତତ୍ପ୍ରଭଗ୍ନଂ ବଲଂ ଦୃଷ୍ଟ୍ବା କୃତବର୍ମା ମହାରଥଃ।
ଦଧାର ସମରେ ଶୂରଃ ଶତ୍ରୁସୈନ୍ଯଂ ମହାବଲଃ॥ 9-20-2 (61216)
ସନ୍ନିବୃତ୍ତାସ୍ତୁ ତେ ଶୂରା ଦୃଷ୍ଟ୍ବା ସାତ୍ବତମାହବେ।
ଶୈଲୋପମଂ ସ୍ଥିରଂ ରାଜନ୍କୀର୍ଯମାଣଂ ଶରୈର୍ଯୁଧି॥ 9-20-3 (61217)
ତତଃ ପ୍ରବବୃତେ ଯୁଦ୍ଧଂ କୁରୂଣାଂ ପାଣ୍ଡବୈଃ ସହ।
ନିବୃତ୍ତାନାଂ ମହାରାଜ ମୃତ୍ଯୁଂ କୃତ୍ବା ନିବର୍ତନମ୍॥ 9-20-4 (61218)
ତତ୍ରାଶ୍ଚର୍ଯମଭୂଦ୍ଯୁଦ୍ବଂ ସାତ୍ବତସ୍ଯ ପରୈଃ ସହ।
ଯଦେକୋ ବାରଯାମାସ ପାଣ୍ଡୁସେନାଂ ଦୁରାସଦାମ୍॥ 9-20-5 (61219)
ତେଷାମନ୍ଯୋନ୍ଯସୁହୃଦାଂ କୃତେ କର୍ମଣି ଦୁଷ୍କରେ।
ସିଂହନାଦଃ ପ୍ରହୃଷ୍ଟାନାଂ ଦିବିସ୍ପୃକ୍ସୁମହାନଭୂତ୍॥ 9-20-6 (61220)
ତେନ ଶବ୍ଦେନ ବିତ୍ରସ୍ତାନ୍ପାଞ୍ଚାଲାନ୍ଭରତର୍ଷଭ।
ଶିନେର୍ନପ୍ତା ମହାବାହୁରନ୍ବପଦ୍ଯତ ସାତ୍ଯକିଃ॥ 9-20-7 (61221)
ସ ସମାସାଦ୍ଯ ରାଜାନଂ କ୍ଷେମଧୂର୍ତିଂ ମହାବଲମ୍।
ସପ୍ତଭିର୍ନିଶିତୈର୍ବାଣୈରନଯଦ୍ଯମସାଦନମ୍॥ 9-20-8 (61222)
ତମାଯାନ୍ତଂ ମହାବାହୁଂ ପ୍ରବପନ୍ତଂ ଶିତାଞ୍ଶରାନ୍।
ଜବେନାଭ୍ଯପତଦ୍ବୀମାନ୍ହାର୍ଦିକ୍ଯଃ ଶିନିପୁଙ୍ଗବମ୍॥ 9-20-9 (61223)
ତୌ ସିଂହାବିବ ନର୍ଦନ୍ତୌ ଧନ୍ବିନୌ ରଥିନାଂ ବରୌ।
ଅନ୍ଯୋନ୍ଯମଭିଧାବନ୍ତୌ ଶସ୍ତ୍ରପ୍ରବରଧାରିଣୌ॥ 9-20-10 (61224)
ପାଣ୍ଡବାଃ ସହପାଞ୍ଚାଲା ଯୋଧାଶ୍ଚାନ୍ଯେ ନୃପୋତ୍ତମାଃ।
ପ୍ରେକ୍ଷକାଃ ସମପଦ୍ଯନ୍ତ ତଯୋଃ ପୁରୁଷସିଂହଯୋଃ॥ 9-20-11 (61225)
ନାରାଚୈର୍ବତ୍ସଦନ୍ତୈଶ୍ଚ ବୃଷ୍ଣ୍ଯନ୍ଧକମହାରଥୌ।
ଅଭିଜଘ୍ନତୁରନ୍ଯୋନ୍ଯଂ ପ୍ରହୃଷ୍ଟାବିବ କୁଞ୍ଚରୌ॥ 9-20-12 (61226)
ଚରନ୍ତୌ ବିବିଧାନ୍ମାର୍ଗାନ୍ହାର୍ଦିକ୍ଯଶିନିପୁଙ୍ଗବୌ।
ମୁହୁରନ୍ତର୍ଦଧାତେ ତୌ ବାଣବୃଷ୍ଟ୍ଯା ପରସ୍ପରମ୍॥ 9-20-13 (61227)
ଚାପବେଗବଲୋଦ୍ବୂତାନ୍ମାର୍ଗଣାନ୍ବୃଷ୍ଣିସିଂହଯୋଃ।
ଆକାଶେ ସମପଶ୍ଯାମ ପତଙ୍ଗାନିବ ଶୀଘ୍ରଗାନ୍॥ 9-20-14 (61228)
ତମେକଂ ସତ୍ଯକର୍ମାଣମାସାଦ୍ଯ ହୃଦିକାତ୍ମଜଃ।
ଅବିଧ୍ଯନ୍ନିଶିତୈର୍ବାଣୈଶ୍ଚତୁର୍ଭିଶ୍ଚତୁରୋ ହଯାନ୍॥ 9-20-15 (61229)
ସ ଦୀର୍ଘବାହୁଃ ସଙ୍କ୍ରୁଦ୍ଧସ୍ତୋତ୍ରାର୍ଦିତ ଇବ ଦ୍ବିପଃ।
ଅଷ୍ଟଭିଃ କୃତବର୍ମାଣମବିଧ୍ଯତ୍ପରମେଷୁଭିଃ॥ 9-20-16 (61230)
ତତଃ ପୂର୍ଣାଯତୋତ୍ସୃଷ୍ଟୈଃ କୃତବର୍ମା ଶିଲାଶିତୈଃ।
ସାତ୍ଯକିଂ ତ୍ରିଭିରାହତ୍ଯ ଧନୁରେକେନ ଚିଚ୍ଛିଦେ॥ 9-20-17 (61231)
ନିକୃତ୍ତଂ ତଦ୍ଧନୁଃଶ୍ରେଷ୍ଠମପାସ୍ଯ ଶିନିପୁଙ୍ଗବଃ।
ଅନ୍ଯଦାଦତ୍ତ ବେଗେନ ଶୈନେଯଃ ସଶରଂ ଧନୁଃ॥ 9-20-18 (61232)
ତଦାଦାଯ ଧନୁଃଶ୍ରେଷ୍ଠଂ ବରିଷ୍ଠଃ ସର୍ବଧନ୍ବିନାମ୍।
ଆରୋପ୍ଯ ଚ ଧନୁଃ ଶୀଘ୍ରଂ ମହାବୀର୍ଯୋ ମହାବଲଃ॥ 9-20-19 (61233)
ଅମୃଷ୍ଯମାଣୋ ଧନୁଷଶ୍ଛେଦନଂ କୃତବର୍ମଣା।
କୁପିତୋଽତିରଥଃ ଶୀଘ୍ରଂ କୃତବର୍ମାଣମଭ୍ଯଯାତ୍॥ 9-20-20 (61234)
ତତଃ ସୁନିଶିତୈର୍ବାଣୈର୍ଦଶଭିଃ ଶିନିପୁଙ୍ଗବଃ।
ଜଘାନ ସୂତଂ ଚାଶ୍ବାଂଶ୍ଚ ଧ୍ବଜଂ ଚ କୃତବର୍ମଣଃ॥ 9-20-21 (61235)
ତତୋ ରାଜନ୍ମହେଷ୍ବାସଃ କୃତବର୍ମା ମହାରଥଃ।
ହତାଶ୍ବସୂତଂ ସମ୍ପ୍ରେକ୍ଷ୍ଯ ରଥଂ ହେମପରିଷ୍କୃତମ୍॥ 9-20-22 (61236)
ରୋଷେଣ ମହତାଽଽବିଷ୍ଟଃ ଶୂଲମୁଦ୍ଯମ୍ଯ ମାରିଷ।
ଚିକ୍ଷେପ ଭୁଜବେଗେନ ଜିଘାଂସୁଃ ଶିନି ପୁଙ୍ଗବମ୍॥ 9-20-23 (61237)
ତଚ୍ଛୂଲଂ ସାତ୍ବତୋ ହ୍ଯାଜୌ ନିର୍ଭିଦ୍ଯ ନିଶିତୈଃ ଶରୈଃ।
ଚୂର୍ଣିତଂ ପାତଯାମାସ ମୋହଯନ୍ନିବ ମାଧବମ୍।
ତତୋଽପରେଣ ଭଲ୍ଲେନ ହୃଦ୍ଯେନଂ ସମତାଡଯତ୍॥ 9-20-24 (61238)
ସୁଯୁଦ୍ବେ ଯୁଯୁଧାନେନ ହତାଶ୍ବୋ ହତସାରଥିଃ।
କୃତବର୍ମା କୃତାସ୍ତ୍ରେଣ ଧରମୀମନ୍ବପଦ୍ଯତ॥ 9-20-25 (61239)
ତସ୍ମିନ୍ସାତ୍ଯକିନା ବୀରେ ଦ୍ବୈରଥେ ବିରଥୀକୃତେ।
ସମପଦ୍ଯତ ସର୍ବେଷାଂ ସୈନ୍ଯାନାଂ ସୁମହଦ୍ଭଯମ୍॥ 9-20-26 (61240)
ପୁତ୍ରାଣାଂ ତବ ଚାତ୍ଯର୍ଥଂ ବିଷାଦଃ ସମଜାଯତ।
ହତସୂତେ ହତାଶ୍ବେ ତୁ ବିରଥେ କୃତବର୍ମଣି॥ 9-20-27 (61241)
ହତାଶ୍ବଂ ଚ ସମାଲକ୍ଷ୍ଯ ହତସୂତମରିନ୍ଦମ।
ଅଭ୍ଯଧାବତ୍କୃପୋ ରାଜଞ୍ଜିଘାଂସୁଃ ଶିନିପୁଙ୍ଗବମ୍॥ 9-20-28 (61242)
ତମାରୋପ୍ଯ ରଥୋପସ୍ଥେ ମିଷତାଂ ସର୍ବଧନ୍ବିନାମ୍।
ଅପୋବାହ ମହାବାହୁଂ ତୂର୍ଣମାଯୋଧନାଦପି॥ 9-20-29 (61243)
ଶୈନେଯେଽଧିଷ୍ଠିତେ ରାଜନ୍ବିରଥେ କୃତବର୍ମଣି।
ଦୁର୍ଯୋଧନବଲଂ ସର୍ବଂ ପୁନରାସୀତ୍ପରାଙ୍ମୁଖମ୍॥ 9-20-30 (61244)
ତତ୍ପରେ ନାନ୍ବବୁଧ୍ଯନ୍ତ ସୈନ୍ଯେନ ରଜସା ବୃତାଃ।
ତାବକାଃ ପ୍ରଦ୍ରୁତା ରାଜନ୍ଦୁର୍ଯୋଧନମୃତେ ନୃପମ୍॥ 9-20-31 (61245)
ଦୁର୍ଯୋଧନସ୍ତୁ ସମ୍ପ୍ରେକ୍ଷ୍ଯ ଭଗ୍ନଂ ସ୍ବବଲମନ୍ତିକାତ୍।
ଜବେନାଭ୍ଯପତତ୍ତୂର୍ଣଂ ସର୍ବାଂଶ୍ଚୈକୋ ନ୍ଯବାରଯତ୍॥ 9-20-32 (61246)
ପାଣ୍ଡୂଂଶ୍ଚ ସର୍ବାନ୍ସଙ୍କ୍ରୁଦ୍ଧୋ ଧୃଷ୍ଟଦ୍ଯୁମ୍ନଂ ଚ ପାର୍ଷତମ୍।
ଶିଖଣ୍ଡିନଂ ଦ୍ରୌପଦେଯାନ୍ପାଞ୍ଚାଲାନାଂ ଚ ଯେ ଗଣାଃ॥ 9-20-33 (61247)
କେକଯାନ୍ସୋମକାଂଶ୍ଚୈବ ସୃଞ୍ଜଯାଂଶ୍ଚୈବ ମାରିଷ।
ଅସମ୍ଭ୍ରମଂ ଦୁରାଧର୍ଷଃ ଶିତୈର୍ବାଣୈରବାକିରତ୍॥ 9-20-34 (61248)
ଅତିଷ୍ଠଦାହବେ ଯତ୍ତଃ ପୁତ୍ରସ୍ତବ ମହାବଲଃ।
ଯଥା ଯଜ୍ଞେ ମହାନଗ୍ନିର୍ମନ୍ତ୍ରପୂତଃ ପ୍ରକାଶତେ।
ତଥା ଦୁର୍ଯୋଧନୋ ରାଜା ସଙ୍ଗ୍ରାମେ ସର୍ବତୋଽଭବତ୍॥ 9-20-35 (61249)
ତଂ ପରେ ନାଭ୍ଯବର୍ତନ୍ତ ମର୍ତ୍ଯା ମୃତ୍ଯୁମିବାହବେ।
ଅଥାନ୍ଯଂ ରଥମାସ୍ଥାଯ ହାର୍ଦିକ୍ଯଃ ସମପଦ୍ଯତ॥ ॥ 9-20-36 (61250)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବମି ଶଲ୍ଯବଧପର୍ବଣି ଅଷ୍ଟାଦଶଦିବସଯୁଦ୍ଧେ ବିଂଶୋଽଧ୍ଯାଯଃ॥ 20 ॥
Mahabharata - Shalya Parva - Chapter Footnotes
9-20-3 ସାତ୍ବତଂ କୃତବର୍ମାଣମ୍॥ 9-20-20 ବିଂଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 021
॥ ଶ୍ରୀଃ ॥
9.21. ଅଧ୍ଯାଯଃ 021
Mahabharata - Shalya Parva - Chapter Topics
ସଙ୍କୁଲଯୁଦ୍ଧମ୍॥ 1 ॥Mahabharata - Shalya Parva - Chapter Text
9-21-0 (61251)
ସଞ୍ଜଯ ଉବାଚ। 9-21-0x (5117)
ପୁତ୍ରସ୍ତୁ ତେ ମହାରାଜ ରଥସ୍ଥୋ ରଥିନାଂ ବରଃ।
ଦୁରୁତ୍ସହୋ ବଭୌ ଯୁଦ୍ଧେ ଯଥା ରୁଦ୍ରଃ ପ୍ରତାପବାନ୍॥ 9-21-1 (61252)
ତସ୍ଯ ବାଣସହସ୍ରୈସ୍ତୁ ପ୍ରଚ୍ଛନ୍ନା ହ୍ଯଭବନ୍ମହୀ।
ପରାଂଶ୍ଚ ସିଷିଚେ ବାଣୈର୍ଧାରାଭିରିବ ପର୍ବତାନ୍॥ 9-21-2 (61253)
ନ ଚ ସୋଽସ୍ତି ପୁମାନ୍କଶ୍ଚିତ୍ପାଣ୍ଡବାନାଂ ବଲାର୍ଣବେ।
ହଯୋ ଗଜୋ ରଥୋ ବାଽପି ଯଃ ସ୍ଯାଦ୍ବାଣୈରବିକ୍ଷତଃ॥ 9-21-3 (61254)
ଯଂ ଯଂ ହି ସମରେ ଯୋଧଂ ପ୍ରପଶ୍ଯାମି ବିଶାମ୍ପତେ।
ସ ସ ବାଣୈଶ୍ଚିତୋଽଭୂଦ୍ବୈ ପୁତ୍ରେଣ ତବ ଭାରତ॥ 9-21-4 (61255)
ଯଥା ସୈନ୍ଯେନ ରଜସା ସମୁଦ୍ଭୂତେନ ବାହିନୀ।
ପ୍ରତ୍ଯଦୃଶ୍ଯତ ସଞ୍ଛନ୍ନା ତଥା ବାଣୈର୍ମହାତ୍ମନଃ॥ 9-21-5 (61256)
ବାଣଭୂତାମପଶ୍ଯାମ ପୃଥିବୀଂ ପୃଥିବୀପତେ।
ଦୁର୍ଯୋଧନେନ ପ୍ରକୃତାଂ କ୍ଷିପ୍ରହସ୍ତେନ ଧନ୍ବିନା॥ 9-21-6 (61257)
ତେଷୁ ଯୋଧସହସ୍ରେଷୁ ତାବକେଷୁ ପରେଷୁ ଚ।
ନାସ୍ତି ଦୁର୍ଯୋଧନସମଃ ପୁମାନିତି ମତିର୍ମମ॥ 9-21-7 (61258)
ତତ୍ରାଦ୍ଭୁତମପଶ୍ଯାମ ତବ ପୁତ୍ରସ୍ଯ ବିକ୍ରମମ୍।
ଯଦେକଂ ସହିତାଃ ପାର୍ଥା ନାଭ୍ଯବର୍ତନ୍ତ ଭାରତ॥ 9-21-8 (61259)
ଯୁଧିଷ୍ଠିରଂ ଶତେନାଜୌ ବିବ୍ଯାଧ ଭରତର୍ଷଭ।
ଭୀମସେନଂ ଚ ସପ୍ତତ୍ଯା ସହଦେବଂ ଚ ପଞ୍ଚଭିଃ॥ 9-21-9 (61260)
ନକୁଲଂ ଚ ଚତୁଃଷଷ୍ଟ୍ଯା ଧୃଷ୍ଟଦ୍ଯୁମ୍ନଂ ଚ ପଞ୍ଚଭିଃ।
ପଞ୍ଚଭିର୍ଦ୍ରୌପଦେଯାଂଶ୍ଚ ତ୍ରିଭିର୍ବିବ୍ଯାଧ ସାତ୍ଯକିମ୍॥ 9-21-10 (61261)
ଧନୁଶ୍ଚିଚ୍ଛେଦ ଭଲ୍ଲେନ ସହଦେବସ୍ଯ ମାରିଷ।
ତଦପାସ୍ଯ ଧନୁଶ୍ଛିନ୍ନଂ ମାଦ୍ରୀପୁତ୍ରଃ ପ୍ରତାପବାନ୍॥ 9-21-11 (61262)
ଅଭ୍ଯଦ୍ରବତ ରାଜାନଂ ପ୍ରଗୃହ୍ଯାନ୍ଯନ୍ମହଦ୍ଧନୁଃ।
ତତୋ ଦୁର୍ଯୋଧନଂ ସଙ୍ଖ୍ଯେ ବିବ୍ଯାଧ ଦଶଭିଃ ଶରୈଃ॥ 9-21-12 (61263)
ନକୁଲସ୍ତୁ ତତୋ ବୀରୋ ରାଜାନଂ ନବଭିଃ ଶରୈଃ।
ଘୋରରୂପୈର୍ମହେଷ୍ବାସୋ ବିବ୍ଯାଧ ଚ ନନାଦ ଚ॥ 9-21-13 (61264)
ସାତ୍ଯକିଶ୍ଚୈବ ରାଜାନଂ ଶରେଣାନତପର୍ବଣା।
ଦ୍ରୌପଦେଯାସ୍ତ୍ରିସପ୍ତତ୍ଯା ଧର୍ମରାଜଶ୍ଚ ପଞ୍ଚଭିଃ।
ଅଶୀତ୍ଯା ଭୀମସେନଶ୍ଚ ଶରୈ ରାଜାନମାର୍ପଯନ୍॥ 9-21-14 (61265)
ସମନ୍ତାତ୍କୀର୍ଯମାଣସ୍ତୁ ବାଣସଙ୍ଘୈର୍ମହାତ୍ମଭିଃ।
ନ ଚଚାଲ ମହାରାଜ ସର୍ବସୈନ୍ଯସ୍ଯ ପଶ୍ଯତଃ॥ 9-21-15 (61266)
ଲାଘବାତ୍ସୌଷ୍ଠବାଚ୍ଚାପି ବୀର୍ଯାଚ୍ଚାପି ମହାତ୍ମନଃ।
ଅତି ସର୍ବାଣି ଭୂତାନି ଦଦୃଶୁଃ ସର୍ବପାର୍ଥିବାଃ॥ 9-21-16 (61267)
ଧାର୍ତରାଷ୍ଟ୍ରା ହି ରାଜେନ୍ଦ୍ର ଯୋଧାସ୍ତୁ ସ୍ବଲ୍ପମନ୍ତରମ୍।
ଅପଶ୍ଯମାନା ରାଜାନଂ ପର୍ଯବର୍ତନ୍ତ ଦଂଶିତାଃ॥ 9-21-17 (61268)
ତେଷାମାପତତାଂ ଘୋରସ୍ତୁମୁଲଃ ସମପଦ୍ଯତ।
କ୍ଷୁବ୍ଧସ୍ଯ ହି ସମୁଦ୍ରସ୍ଯ ପ୍ରାବୃଟ୍କାଲେ ଯଥା ସ୍ବନଃ॥ 9-21-18 (61269)
ସମାସାଦ୍ଯ ରଣେ ତେ ତୁ ରାଜାନମପରାଜିତମ୍।
ପ୍ରତ୍ଯୁଦ୍ଯଯୁର୍ମହେଷ୍ବାସାଃ ପାଣ୍ଡବାନାତତାଯିନଃ॥ 9-21-19 (61270)
ଭୀମସେନଂ ରଣେ କ୍ରୁଦ୍ଧୋ ଦ୍ରୋଣପୁତ୍ରୋ ନ୍ଯବାରଯତ୍।
ତଯୋର୍ବାଣୈର୍ମହାରାଜ ପ୍ରମୁକ୍ତୈଃ ସର୍ବତୋଦିଶମ୍।
ନାଜ୍ଞାଯନ୍ତ ରଣେ ବୀରା ନ ଦିଶଃ ପ୍ରଦିଶସ୍ତଥା॥ 9-21-20 (61271)
ତାବୁଭୌ କ୍ରୂରକର୍ମାଣାବୁଭୌ ଭାରତଦୁଃସହୌ।
ଘୋରରୂପମଯୁଧ୍ଯେତାଂ କୃତପ୍ରତିକୃତୈଷିଣୌ॥ 9-21-21 (61272)
ତ୍ରାସଯନ୍ତୌ ଦିଶଃ ସର୍ବା ଜ୍ଯାକ୍ଷେପକଠିନତ୍ବଚୌ।
ଶକୁନିସ୍ତୁ ରଣେ ବୀରୋ ଯୁଧିଷ୍ଠିରମପୀଡଯତ୍॥ 9-21-22 (61273)
ତସ୍ଯାଶ୍ବାଂଶ୍ଚତୁରୋ ହତ୍ବା ସୁବଲସ୍ଯ ସୁତୋ ବିଭୋ।
ନାଦଂ ଚକାର ବଲବତ୍ସର୍ବସୈନ୍ଯାନି କମ୍ପଯନ୍॥ 9-21-23 (61274)
ଏତସ୍ମିନ୍ନନ୍ତରେ ବୀରଂ ରାଜାନମପରାଜିତମ୍।
ଅପୋବାହ ରଥେନାଜୌ ସହଦେବଃ ପ୍ରତାପବାନ୍॥ 9-21-24 (61275)
ଅଥାନ୍ଯଂ ରଥମାସ୍ଥାଯ ଧର୍ମପୁତ୍ରୋ ଯୁଧିଷ୍ଠିରଃ।
ଶକୁନିଂ ନବଭିର୍ବିଦ୍ଧ୍ବା ପୁନର୍ବିବ୍ଯାଧ ପଞ୍ଚଭିଃ।
ନନାଦ ଚ ମହାନାଦଂ ପ୍ରବରଃ ସର୍ବଧନ୍ବିନାମ୍॥ 9-21-25 (61276)
ତଦ୍ଯୁଦ୍ଧମଭବଚ୍ଚିତ୍ରଂ ଘୋରରୂପଂ ଚ ମାରିଷ।
ପ୍ରେକ୍ଷତାଂ ପ୍ରୀତିଜନନଂ ସିଦ୍ଧଚାରଣସେବିତମ୍॥ 9-21-26 (61277)
ଉଲୂକସ୍ତୁ ମହେଷ୍ବାସଂ ନକୁଲଂ ଯୁଦ୍ଧଦୁର୍ମଦମ୍।
ଅଭ୍ଯବର୍ଷଦମେଯାତ୍ମା ଶରବର୍ଷୈଃ ସମନ୍ତତଃ॥ 9-21-27 (61278)
ତଥୈବ ନକୁଲଃ ଶୂରଃ ସୌବଲସ୍ଯ ସୁତଂ ରଣେ।
ଶରବର୍ଷେଣ ମହତା ସମନ୍ତାତ୍ପର୍ଯବାରଯତ୍॥ 9-21-28 (61279)
ତୌ ତତ୍ର ସମରେ ବୀରୌ କୁଲପୁତ୍ରୌ ମହାରଥୌ।
ଯୋଧଯନ୍ତାବପଶ୍ଯେତାଂ କୃତପ୍ରତିକୃତୈଷିଣୌ॥ 9-21-29 (61280)
ତଥୈବ କୃତବର୍ମାଣଂ ଶୈନେଯଃ ଶତ୍ରୁତାପନଃ।
ଯୋଧଯଞ୍ଶୁଶୁଭେ ରାଜନ୍ବଲିଂ ଶକ୍ର ଇବାହବେ॥ 9-21-30 (61281)
ଦୁର୍ଯୋଧନୋ ଧନୁଶ୍ଛିତ୍ତ୍ବା ଧୃଷ୍ଟଦ୍ଯୁମ୍ନସ୍ଯ ସଂଯୁଗେ।
ଅଥୈନଂ ଛିନ୍ନଧନ୍ବାନଂ ବିବ୍ଯାଧ ନିଶିତୈଃ ଶରୈଃ॥ 9-21-31 (61282)
ଧୃଷ୍ଟଦ୍ଯୁମ୍ନୋଽପି ସମରେ ପ୍ରଗୃହ୍ଯ ପରମାଯୁଧମ୍।
ରାଜାନଂ ଯୋଧଯାମାସ ପଶ୍ଯତାଂ ସର୍ବଧନ୍ବିନାମ୍॥ 9-21-32 (61283)
ତଯୋର୍ଯୁଦ୍ଧଂ ମହଚ୍ଚାସୀତ୍ସଙ୍ଗ୍ରାମେ ଭରତର୍ଷଭ।
ପ୍ରଭିନ୍ନଯୋର୍ଯଥା ସକ୍ତଂ ମତ୍ତଯୋର୍ବନହସ୍ତିନୋଃ॥ 9-21-33 (61284)
ଗୌତମସ୍ତୁ ରଣେ କ୍ରୁଦ୍ଧୋ ଦ୍ରୌପଦେଯାନ୍ମହାବାଲାନ୍।
ବିବ୍ଯାଧ ବହୁଭିଃ ଶୂରଃ ଶରୈଃ ସନ୍ନତପର୍ବଭିଃ॥ 9-21-34 (61285)
ତସ୍ଯ ତୈରଭବଦ୍ଯୁଦ୍ଧମିନ୍ଦ୍ରିଯୈରିବ ଦେହିନଃ।
ଘୋରରୂପମସଂବାର୍ଯଂ ନିର୍ମର୍ଯାଦମବର୍ତତ॥ 9-21-35 (61286)
ତେ ଚ ସମ୍ପୀଡଯାମାସୁରିନ୍ଦ୍ରିଯାଣୀବ ବାଲିଶମ୍।
ସ ଚ ତାନ୍ପ୍ରତିସଂରବ୍ଧଃ ପ୍ରତ୍ଯଯୋଧଯଦାହବେ॥ 9-21-36 (61287)
ଏବଂ ଚିତ୍ରମଭୂଦ୍ଯୁଦ୍ଧଂ ତସ୍ଯ ତୈଃ ସହ ଭାରତ।
ଉତ୍ଥାଯୋତ୍ଥାଯ ହି ଯଥା ଦେହିନାମିନ୍ଦ୍ରିଯୈର୍ବିଭୋ॥ 9-21-37 (61288)
ନରାଶ୍ଚୈବ ନରୈଃ ସାର୍ଧଂ ଦନ୍ତିନୋ ଦନ୍ତିଭିସ୍ତଥା।
ହଯା ହଯୈଃ ସମାସକ୍ତା ରଥିନୋ ରଥିଭିଃ ସହ॥ 9-21-38 (61289)
ସଙ୍କୁଲଂ ଚାଭବଦ୍ଭୂଯୋ ଘୋରରୂପଂ ବିଶାମ୍ପତେ॥ 9-21-39 (61290)
ଇଦଂ ଚିତ୍ରମିଦଂ ଘୋରମିଦଂ ରୌଦ୍ରମିତି ପ୍ରଭୋ।
ଯୁଦ୍ଧାନ୍ଯାସନ୍ମହାରାଜ ଘୋରାଂଣି ଚ ବହୂନି ଚ॥ 9-21-40 (61291)
ତେ ସମାସାଦ୍ଯ ସମରେ ପରସ୍ପରମରିନ୍ଦମାଃ।
ବ୍ଯନଦଂଶ୍ଚୈବ ଜଘ୍ନୁଶ୍ଚ ସମାତାଦ୍ଯ ମହାହବେ॥ 9-21-41 (61292)
ତେଷାଂ ପତ୍ରସମୁଦ୍ଭୂତଂ ରଜସ୍ତୀବ୍ରମଦୃଶ୍ଯତ।
ବାତେନ ଚୋଦ୍ଧତଂ ରାଜନ୍ଧାବଦ୍ଭିଶ୍ଚାଶ୍ବସାଦିଭିଃ॥ 9-21-42 (61293)
ରଥନେମିସମୁଦ୍ଭୂତଂ ନିଃଶ୍ବାସୈଶ୍ଚାପି ଦନ୍ତିନାମ୍।
ରଜଃ ସନ୍ଧ୍ଯାଭ୍ରକଲିଲଂ ଦିବାକରପଥଂ ଯଯୌ॥ 9-21-43 (61294)
ରଜସା ତେନ ସମ୍ପୃକ୍ତୋ ଭାସ୍କରୋ ନିଷ୍ପ୍ରଭଃ କୃତଃ।
ସଞ୍ଛାଦିତାଽଭବଦ୍ଭୂମିସ୍ତେ ଚ ଶୂରା ମହାରଥାଃ॥ 9-21-44 (61295)
ମୁହୂର୍ତାଦିବ ସଂବୃତ୍ତଂ ନୀରଜସ୍କଂ ସମନ୍ତତଃ।
ବୀରଶୋଣିତସିକ୍ତାଯାଂ ଭୂମୌ ଭରତସତ୍ତମ॥ 9-21-45 (61296)
ଉପାଶାମ୍ଯତ୍ତତସ୍ତୀବ୍ରଂ ତଦ୍ରଜୋ ଘୋରଦର୍ଶନମ୍॥ 9-21-46 (61297)
ତତୋଽପଶ୍ଯମହଂ ଭୂଯୋ ଦ୍ବନ୍ଦ୍ବଯୁଦ୍ଧାନି ଭାରତ।
ଯଥାପ୍ରାଣଂ ଯଥାଶ୍ରେଷ୍ଠଂ ମଧ୍ଯାହ୍ନେ ବୈ ସୁଦାରୁଣମ୍॥ 9-21-47 (61298)
ବର୍ମଣାଂ ତତ୍ର ରାଜେନ୍ଦ୍ର ବ୍ଯଦୃଶ୍ଯନ୍ତୋଜ୍ଜ୍ବଲାଃ ପ୍ରଭାଃ।
ଶବ୍ଦଶ୍ଚ ତୁମୁଲଃ ସଙ୍ଖ୍ଯେ ଶରାଣାଂ ପତତାମଭୂତ୍
ମହାବେଣୁବନସ୍ଯେବ ଦହ୍ଯମାନସ୍ଯ ପର୍ବତେ॥ ॥ 9-21-48 (61299)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଶଲ୍ଯବଧପର୍ବଣି ଅଷ୍ଟାଦଶଦିବସଯୁଦ୍ଧେ ଏକବିଂଶୋଽଧ୍ଯାଯଃ॥ 21 ॥
Mahabharata - Shalya Parva - Chapter Footnotes
9-21-42 ପତ୍ରଂ ବାହନମ୍॥ 9-21-21 ଏକବିଂଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 022
॥ ଶ୍ରୀଃ ॥
9.22. ଅଧ୍ଯାଯଃ 022
Mahabharata - Shalya Parva - Chapter Topics
ସଙ୍କୁଲଯୁଦ୍ଧମ୍॥ 1 ॥Mahabharata - Shalya Parva - Chapter Text
9-22-0 (61300)
ସଞ୍ଜଯ ଉବାଚ। 9-22-0x (5118)
ବର୍ତମାନେ ତଦା ଯୁଦ୍ଧେ ଘୋରରୂପେ ଭଯାନକେ।
ଅଭଜ୍ଯତ ବଲଂ ତତ୍ର ତବ ପୁତ୍ରସ୍ଯ ପାଣ୍ଡବୈଃ॥ 9-22-1 (61301)
ତାଂସ୍ତୁ ସର୍ବାନଯନ୍ତେନ ସନ୍ନିବାର୍ଯ ମହାରଥାଃ।
ପୁତ୍ରାସ୍ତେ ଯୋଧଯାମାସୁଃ ପାଣ୍ଡବାନାମନୀକିନୀମ୍॥ 9-22-2 (61302)
ନିବୃତ୍ତାଃ ସହସା ଯୋଧାସ୍ତବ ପୁତ୍ରଜଯୈପିଣଃ।
ସନ୍ନିବୃତ୍ତେଷୁ ତେଷ୍ବେବଂ ଯୁଦ୍ଧମାସୀତ୍ସୁଦାରୁଣମ୍।
ତାବକାନାଂ ପରେଷାଂ ଚ ଦେବାସୁରରଣୋପଭମ୍॥ 9-22-3 (61303)
ପରେଷାଂ ତାବକାନାଂ ଚ ନାସୀତ୍କଶ୍ଚିତ୍ପରାଙ୍ମୁଖଃ॥ 9-22-4 (61304)
ଅନୁମାନେନ ଯୁଧ୍ଯନ୍ତେ ସଞ୍ଜ୍ଞାଭିଶ୍ଚ ପରସ୍ପରମ୍।
ତେଷାଂ କ୍ଷଯୋ ମହାନାସୀଦ୍ଯୁଧ୍ଯତାମିତରେତରମ୍॥ 9-22-5 (61305)
ତତୋ ଯୁଧିଷ୍ଠିରୋ ରାଜା କ୍ରୋଧେନ ମହତା ଯୁତଃ।
ଜିଗୀଷମାଣଃ ସଙ୍ଗ୍ରାମେ ଧାର୍ତରାଷ୍ଟ୍ରାନ୍ସରାଜକାନ୍॥ 9-22-6 (61306)
ତ୍ରିଭିଃ ଶାରଦ୍ବତଂ ବିଦ୍ବ୍ବା ରୁକ୍ମପୁଙ୍ଖୈଃ ଶିଲାଶିତୈଃ।
ଚତୁର୍ଭିର୍ନିଜଘାନାଶ୍ବାନ୍କଲ୍ଯାଣାନ୍କୃତବର୍ମଣଃ॥ 9-22-7 (61307)
ଅଶ୍ବତ୍ଥାମା ତୁ ହାର୍ଦିକ୍ଯମପୋବାହ ଯଶସ୍ବିନମ୍।
ଅଥ ଶାରଦ୍ବତୋଽଷ୍ଟାଭିଃ ପ୍ରତ୍ଯବିଧ୍ଯଦ୍ଯୁଧିଷ୍ଠିରମ୍॥ 9-22-8 (61308)
ତତୋ ଦୁର୍ଯୋଧନୋ ରାଜା ରଥାନ୍ସପ୍ତଶତାନ୍ରଣେ।
ପ୍ରୈଷଯଦ୍ଯତ୍ର ରାଜାଽସୌ ଧର୍ମପୁତ୍ରୋ ଯୁଧିଷ୍ଠିରଃ॥ 9-22-9 (61309)
ତେ ରଥା ରଥିଭିର୍ଯୁକ୍ତା ମନୋମାରୁତରଂହସଃ।
ଅଭ୍ଯଦ୍ରବନ୍ତ ସଙ୍ଗ୍ରାମେ କୌନ୍ତେଯସ୍ଯ ରଥଂ ପ୍ରତି॥ 9-22-10 (61310)
ତେ ସମନ୍ତାନ୍ମହାରାଜ ପରିବାର୍ଯ ଯୁଧିଷ୍ଠିରମ୍।
ଅଦୃଶ୍ଯଂ ସାଯକୈଶ୍ଚକ୍ରୁର୍ମେଘା ଇବ ଦିବାକରମ୍॥ 9-22-11 (61311)
ତଂ ଦୃଷ୍ଟ୍ବା ଧର୍ମରାଜାନଂ କୌରବେଯୈସ୍ତଥାବୃତମ୍।
ନାମୃଷ୍ଯନ୍ତ ସୁସଂରବ୍ଧାଃ ଶିଖଣ୍ଡିପ୍ରମୁଖା ରଥାଃ॥ 9-22-12 (61312)
ରଥୈରଶ୍ବବରୈର୍ଯୁକ୍ତୈଃ କିଙ୍କିଣୀଜାଲସଂବୃତୈଃ।
ଆଜଗ୍ମୁରଥ ରକ୍ଷନ୍ତଃ କୁନ୍ତୀପୁତ୍ରଂ ଯୁଧିଷ୍ଠିରମ୍॥ 9-22-13 (61313)
ତତଃ ପ୍ରବବୃତେ ରୌଦ୍ରଃ ସଙ୍ଗ୍ରାମଃ ଶୋଣିତୋଦକଃ।
ପାଣ୍ଡବାନାଂ କୁରୂଣାଂ ଚ ଯମରାଷ୍ଟ୍ରବିବର୍ଧନଃ॥ 9-22-14 (61314)
ରଥାନ୍ସପ୍ତଶତାନ୍ହତ୍ବା କୁରୂଣାମାତତାଯିନାମ୍।
ପାଣ୍ଡବାଃ ସହ ପାଞ୍ଚାଲୈଃ ପୁନରେବାଭ୍ଯବାରଯନ୍॥ 9-22-15 (61315)
ତତ୍ର ଯୁଦ୍ଧଂ ମହଚ୍ଚାସୀତ୍ତବ ପୁତ୍ରସ୍ଯ ପାଣ୍ଡବୈଃ।
ନ ଚ ତତ୍ତାଦୃଶଂ ଦୃଷ୍ଟଂ ନୈବ ଚାପି ପରିଶ୍ରୁତମ୍॥ 9-22-16 (61316)
ବର୍ତମାନେ ତଦା ଯୁଦ୍ଧେ ନିର୍ମର୍ଯାଦେ ସମନ୍ତତଃ।
ବଧ୍ଯମାନେଷୁ ଯୋଧେଷୁ ତାବକେଷ୍ବିତରେଷୁ ଚ॥ 9-22-17 (61317)
ବିନଦତ୍ସୁ ଚ ଯୋଧେଷୁ ଶଙ୍ଖବର୍ଯୈଶ୍ଚ ପୂରିତୈଃ।
ଉତ୍କ୍ରୁଷ୍ଟୈଃ ସିଂହନାଦୈଶ୍ଚ ଗର୍ଜିତୈଶ୍ଚୈବ ଧନ୍ବିନାମ୍॥ 9-22-18 (61318)
ଅତିପ୍ରବୃତ୍ତେ ଯୁଦ୍ଧେ ଚ ଛିଦ୍ଯମାନେଷୁ ମର୍ମସୁ।
ଧାବମାନେଷୁ ଯୋଧେଷୁ ଜଯଗୃଦ୍ଧିଷୁ ମାରିଷ॥ 9-22-19 (61319)
ସଂହାରେ ସର୍ବତୋ ଜାତେ ପୃଥିବ୍ଯାଂ ଶୋକସମ୍ଭବେ।
ବହ୍ନୀନାମୁତ୍ତମସ୍ତ୍ରୀଣାଂ ସୀମନ୍ତୋଦ୍ଧରଣେ କୃତେ॥ 9-22-20 (61320)
ନିର୍ମର୍ଯାଦେ ମହାଯୁଦ୍ଧେ ବର୍ତମାନେ ସୁଦାରୁଣେ।
ପ୍ରାଦୁରାସନ୍ବିନାଶାଯ ତଦୋତ୍ପାତାଃ ସୁଦାରୁଣାଃ॥ 9-22-21 (61321)
ଚଚାଲ ଶବ୍ଦଂ କୁର୍ବାଣା ସପର୍ବତବନା ମହୀ।
ସଦଣ୍ଡାଃ ସୋଲ୍ମୁକା ରାଜନ୍କୀର୍ଯମାଣାଃ ସମନ୍ତତଃ॥ 9-22-22 (61322)
ଉଲ୍କାଃ ପେତୁର୍ଦିବୋ ଭୂମାବାହତ୍ଯ ରବିମଣ୍ଡଲମ୍।
ବିଷ୍ବଗ୍ବାତାଃ ପ୍ରାଦୁରାସନ୍ନୀଚୈଃ ଶର୍କରବର୍ଷିଣଃ॥ 9-22-23 (61323)
ଅଶ୍ରୂଣି ମୁମୁଚୁର୍ନାଗା ବେପଥୁଂ ଚାସ୍ପୃଶନ୍ଭୃଶମ୍।
ଏତାନ୍ଧୋରାନନାଦୃତ୍ଯ ସମୁତ୍ପାତାନ୍ସୁଦାରୁଣାନ୍॥ 9-22-24 (61324)
ପୁନର୍ଯୁଦ୍ଧାଯ ସଂଯତ୍ତାଃ କ୍ଷତ୍ରିଯାସ୍ତସ୍ଥୁରବ୍ଯଥାଃ।
ରମଣୀଯେ କୁରୁକ୍ଷେତ୍ରେ ପୁଣ୍ଯେ ସ୍ବର୍ଗଂ ଯିଯାସବଃ॥ 9-22-25 (61325)
ତତୋ ଗାନ୍ଧାରରାଜସ୍ଯ ପୁତ୍ରଃ ଶକୁନିରବ୍ରବୀତ୍।
ଯୁଧ୍ଯଧ୍ବମଗ୍ରତୋ ଯାବତ୍ପୃଷ୍ଠତୋ ହନ୍ମି ପାଣ୍ଡବାନ୍॥ 9-22-26 (61326)
ତତୋ ନଃ ସମ୍ପ୍ରାଯାତାନାଂ ମଦ୍ରଯୋଧାସ୍ତରସ୍ବିନଃ।
ହୃଷ୍ଟାଃ କିଲାକିଲାଶବ୍ଦମକୁର୍ବତ ପରେ ତଥା॥ 9-22-27 (61327)
ଅସ୍ମାଂସ୍ତୁ ପୁନରାସାଦ୍ଯ ଲବ୍ଧଲକ୍ଷା ଦୁରାସଦାଃ।
ଶରାସନାନି ଧୁନ୍ବନ୍ତଃ ଶରବର୍ଷୈରବାକିରନ୍॥ 9-22-28 (61328)
ତତୋ ହତଂ ପରୈସ୍ତତ୍ର ମଦ୍ରରାଜବଲଂ ତଦା।
ଦୁର୍ଯୋଧନବଲଂ ଦୃଷ୍ଟ୍ବା ପୁନରାସୀତ୍ପରାଙ୍ମୁଖମ୍॥ 9-22-29 (61329)
ଗାନ୍ଧାରରାଜସ୍ତୁ ପୁନର୍ବାକ୍ଯମାହ ତତୋ ବଲୀ।
ନିବର୍ତଧ୍ବମଧର୍ମଜ୍ଞା ଯୁଧ୍ଯଧ୍ବଂ କିଂ ସୃତେନ ବଃ॥ 9-22-30 (61330)
ଅନୀକଂ ଦଶସାହସ୍ରମଶ୍ବାନାଂ ଭରତର୍ଷଭ।
ଆସୀଦ୍ଗାନ୍ଧାରରାଜସ୍ଯ ବିଶାଲପ୍ରାସଯୋଧିନାମ୍॥ 9-22-31 (61331)
ବଲେନ ତେନ ବିକ୍ରମ୍ଯ ବର୍ତମାନେ ଜନକ୍ଷଯେ।
ପୃଷ୍ଠତଃ ପାଣ୍ଡବାନୀକମଭ୍ଯଘ୍ନନ୍ନିଶିତୈଃ ଶରୈଃ॥ 9-22-32 (61332)
ତଦଭ୍ରମିବ ବାତେନ କ୍ଷିପ୍ଯମାଣଂ ସମନ୍ତତଃ।
ଅଭଜ୍ଯତ ମହାରାଜ ପାଣ୍ଡୂନାଂ ସୁମହଦ୍ବଲମ୍॥ 9-22-33 (61333)
ତତୋ ଯୁଧିଷ୍ଠିରଃ ପ୍ରେକ୍ଷ୍ଯ ଭଗ୍ନଂ ସ୍ବବଲମନ୍ତିକାତ୍।
ଅଭ୍ଯନୋଦଯଦବ୍ଯଗ୍ରଃ ସହଦେବଂ ମହାବଲମ୍॥ 9-22-34 (61334)
ଅସୌ ସୁବଲପୁତ୍ରୋ ନୋ ଜଘନଂ ପୀଡ୍ଯ ଦଂଶିତଃ।
ସୈନ୍ଯାନି ସୂଦଯତ୍ଯେଷ ପଶ୍ଯ ପାଣ୍ଡବ ଦୁର୍ମତିଃ॥ 9-22-35 (61335)
ଗଚ୍ଛ ତ୍ବଂ ଦ୍ରୌପଦେଯୈଶ୍ଚ ଶକୁନିଂ ସୌବଲଂ ଜହି।
ରଥାନୀକମହଂ ଧକ୍ଷ୍ଯେ ପାଞ୍ଚାଲସହିତୋଽନଘ॥ 9-22-36 (61336)
ଗଚ୍ଛନ୍ତୁ କୁଞ୍ଜରାଃ ସର୍ବେ ବାଜିନଶ୍ଚ ସହ ତ୍ବଯା।
ପାଦାତାଶ୍ଚ ତ୍ରିସାହସ୍ରାଃ ଶକୁନିଂ ତୈର୍ବୃତୋ ଜହି॥ 9-22-37 (61337)
ତତୋ ଗଜାଃ ସପ୍ତଶତାଶ୍ଚାପପାଣିଭିରାସ୍ଥିତାଃ।
ପଞ୍ଚ ଚାଶ୍ବସହସ୍ରାଣି ସହଦେବଶ୍ଚ ବୀର୍ଯବାନ୍॥ 9-22-38 (61338)
ପାଦାତାଶ୍ଚ ତ୍ରିସାହସ୍ରା ଦ୍ରୌପଦେଯାଶ୍ଚ ସର୍ବଶଃ।
ରଣେ ହ୍ଯଭ୍ଯଦ୍ରବଂସ୍ତେ ତୁ ଶକୁନିଂ ଯୁଦ୍ଧଦୁର୍ମଦମ୍॥ 9-22-39 (61339)
ତତସ୍ତୁ ସୌବଲୋ ରାଜନ୍ନଭ୍ଯତିକ୍ରମ୍ଯ ପାଣ୍ଡବାନ୍।
ଜଘାନ ପୃଷ୍ଠତଃ ସେନାଂ ଜଯଗୃଦ୍ବଃ ପ୍ରତାପବାନ୍॥ 9-22-40 (61340)
ଅଶ୍ବାରୋହାସ୍ତୁ ସଂରବ୍ଧାଃ ପାଣ୍ଡବାନାଂ ତରସ୍ବିନାମ୍।
ପ୍ରାବିଶନ୍ସୌବଲାନୀକମଭ୍ଯତିକ୍ରମ୍ଯ ତାନ୍ରଥାନ୍॥ 9-22-41 (61341)
ତେ ତତ୍ର ସାଦିନଃ ଶୂରାଃ ସୌବଲସ୍ଯ ମହଦ୍ବଲମ୍।
ରଣମଧ୍ଯେ ବ୍ଯତିଷ୍ଠନ୍ତ ଶରବର୍ଷୈରବାକିରନ୍॥ 9-22-42 (61342)
ତଦୁଦ୍ଯତଗଦାପ୍ରାସମକାପୁରୁଷସେବିତମ୍।
ପ୍ରାବର୍ତତ ମହଦ୍ଯୁଦ୍ଧଂ ରାଜନ୍ଦୁର୍ମନ୍ତ୍ରିତେ ତବ॥ 9-22-43 (61343)
ଉପାରମନ୍ତ ଜ୍ଯାଶବ୍ଦାଃ ପ୍ରେକ୍ଷକା ରଥିନୋଽଭବନ୍।
ନ ହି ସ୍ବେଷାଂ ପରେଷାଂ ବା ବିଶେଷଃ ପ୍ରତ୍ଯଦୃଶ୍ଯତ॥ 9-22-44 (61344)
ଶୂରବାହୁବିସୃଷ୍ଟାନାଂ ଶକ୍ତୀନାଂ ଭରତର୍ଷଭ।
ଜ୍ଯୋତିଷାମିବ ସମ୍ପାତମପଶ୍ଯନ୍କୁରୁପାଣ୍ଡବାଃ॥ 9-22-45 (61345)
ଋଷ୍ଟିଭିର୍ବିମଲାଭିଶ୍ଚ ତତ୍ରତତ୍ର ବିଶାମ୍ପତେ।
ସମ୍ପତନ୍ତୀଭିରାକାଶମାବୃତଂ ବହ୍ବଶୋଭତ॥ 9-22-46 (61346)
ପ୍ରାସାନାଂ ପତତାଂ ରାଜନ୍ରୂପମାସୀତ୍ସମନ୍ତତଃ।
ଶଲଭାନାମିବାକାଶେ ତଦା ଭରତସତ୍ତମ॥ 9-22-47 (61347)
ରୁଧିରୋକ୍ଷିତସର୍ବାଙ୍ଗା ବିପ୍ରବିଦ୍ଧୈର୍ନିଯନ୍ତୃଭିଃ।
ହଯାଃ ପରିପତନ୍ତିସ୍ମ ଶତଶୋଽଥ ସହସ୍ରଶଃ॥ 9-22-48 (61348)
ଅନ୍ଯୋନ୍ଯଂ ପରିପିଷ୍ଟାଶ୍ଚ ସମାସାଦ୍ଯ ପରସ୍ପରମ୍।
ସୁବିକ୍ଷତାଃ ସ୍ମ ଦୃଶ୍ଯନ୍ତେ ବମନ୍ତୋ ରୁଧିରଂ ମୁଖୈଃ॥ 9-22-49 (61349)
ତତୋଽଭବତ୍ତମୋ ଘୋରଂ ସୈନ୍ଯେନ ରଜସା ବୃତମ୍।
ତାନପାକ୍ରମତୋଽଦ୍ରାକ୍ଷଂ ତସ୍ମାଦ୍ଦେଶାଦରିନ୍ଦମ॥ 9-22-50 (61350)
ଅଶ୍ବାନ୍ରାଜନ୍ମନୁଷ୍ଯାଂଶ୍ଚ ରଜସା ସଂବୃତେ ସତି।
ଭୂମୌ ନିପତିତାଶ୍ଚାନ୍ଯେ ବମନ୍ତୋ ରୁଧିରଂ ବହୁ॥ 9-22-51 (61351)
କେଶାକେଶି ସମାଲଗ୍ନା ନ ଶେକୁଶ୍ଚେଷ୍ଟିତୁଂ ନରାଃ।
ଅନ୍ଯୋନ୍ଯମଶ୍ବପୃଷ୍ଠେଭ୍ଯୋ ବିକର୍ଷନ୍ତୋ ମହାବଲାଃ॥ 9-22-52 (61352)
ମଲ୍ଲା ଇବ ସମାସାଦ୍ଯ ନିଜଘ୍ନୁରିତରେତରମ୍।
ଅଶ୍ବୈଶ୍ଚ ବ୍ଯପକୃଷ୍ଯନ୍ତ ବହବୋଽତ୍ର ଗତାସବଃ॥ 9-22-53 (61353)
ଭୂମୌ ନିପତିତାଶ୍ଚାନ୍ଯେ ବହବୋ ବିଜଯୈଷିଣଃ।
ତତ୍ରତତ୍ର ବ୍ଯଦୃଶ୍ଯନ୍ତ ପୁରୁଷାଃ ଶୂରମାନିନଃ॥ 9-22-54 (61354)
ରକ୍ତୋକ୍ଷିତୈଶ୍ଛିନ୍ନଭୁଜୈରବକୃଷ୍ଟଶିରୋରୁହୈଃ।
ବ୍ଯଦୃଶ୍ଯତ ମହୀ କୀର୍ଣା ଶତଶୋଽଥ ସହସ୍ରଶଃ॥ 9-22-55 (61355)
ଦୂରଂ ନ ଶକ୍ଯଂ ତତ୍ରାସୀଦ୍ଗନ୍ତୁମଶ୍ବେନ କେନଚିତ୍।
ସାଶ୍ବାରୋହୈର୍ହତୈରଶ୍ବୈରାବୃତେ ବସୁଧାତଲେ॥ 9-22-56 (61356)
ରୁଧିରୋକ୍ଷିତସନ୍ନାହୈରାତ୍ତଶସ୍ତ୍ରୈରୁଦାଯୁଧୈଃ।
ନାନାପ୍ରହରଣୈର୍ଘୋରୈଃ ପରସ୍ପରବଧୈଷିଭିଃ।
ସୁସନ୍ନିକୃଷ୍ଟେ ସଙ୍ଗ୍ରାମେ ହତଭୂଯିଷ୍ଠସୈନିକେ॥ 9-22-57 (61357)
ସ ମୁହୂର୍ତଂ ତତୋ ଯୁଦ୍ଧ୍ବା ସୌବଲୋଽଥ ବିଶାମ୍ପତେ।
ଷଟ୍ସାହସ୍ରୈର୍ହଯୈଃ ଶିଷ୍ଟେରପାଯାଚ୍ଛକୁନିସ୍ତତଃ॥ 9-22-58 (61358)
ତଥୈବ ପାଣ୍ଡବାନୀକଂ ରୁଧିରେଣ ସମୁକ୍ଷିତମ୍।
ଷଟ୍ସାହସ୍ରୈର୍ହଯୈଃ ଶିଷ୍ଟେରପାଯାଚ୍ଛ୍ରାନ୍ତବାହନମ୍॥ 9-22-59 (61359)
ଅଶ୍ବାରୋହାଶ୍ଚ ପାଣ୍ଡୂନାମବ୍ରୁବନ୍ରୁଧିରୋକ୍ଷିତାଃ।
ସୁସନ୍ନିକୃଷ୍ଟେ ସଙ୍ଗ୍ରାମେ ଭୂଯିଷ୍ଠେ ତ୍ଯକ୍ତଜୀବିତାଃ॥ 9-22-60 (61360)
ନ ହି ଶକ୍ଯଂ ରଥୈର୍ଯୋଦ୍ଧୁଂ କୁତ ଏବ ମହାଗଜୈଃ।
ରଥାନେବ ରଥା ଯାନ୍ତୁ କୁଞ୍ଜରାଃ କୁଞ୍ଜରାନପି॥ 9-22-61 (61361)
ପ୍ରତିଯାତୋ ହି ଶକୁନିଃ ସ୍ବମନୀକମବସ୍ଥିତଃ।
ନ ପୁନଃ ସୌବଲୋ ରାଜା ଯୋଦ୍ଧୁମଭ୍ଯାଗମିଷ୍ଯତି॥ 9-22-62 (61362)
ତତସ୍ତୁ ଦ୍ରୌପଦେଯାଶ୍ଚ ତେ ଚ ମତ୍ତା ମହାଦ୍ବିପାଃ।
ପ୍ରଯଯୁର୍ଯତ୍ର ପାଞ୍ଚାଲ୍ଯୋ ଧୃଷ୍ଟଦ୍ଯୁମ୍ନୋ ମହାରଥଃ॥ 9-22-63 (61363)
ସହଦେବୋଽପି କୌରବ୍ଯ ରଜୋମେଘେ ସମୁତ୍ଥିତେ।
ଏକାକୀ ପ୍ରଯଯୌ ତତ୍ର ଯତ୍ର ରାଜା ଯୁଧିଷ୍ଠିରଃ॥ 9-22-64 (61364)
ତତସ୍ତେଷୁ ପ୍ରଯାତେଷୁ ଶକୁନିଃ ସୌବଲଃ ପୁନଃ।
ପାର୍ଶ୍ବତୋଽଭ୍ଯହନତ୍କ୍ରୁଦ୍ଧୋ ଧୃଷ୍ଟଦ୍ଯୁମ୍ନସ୍ଯ ବାହିନୀମ୍॥ 9-22-65 (61365)
ତତ୍ପୁନସ୍ତୁମୁଲଂ ଯୁଦ୍ଧଂ ପ୍ରାଣାଂସ୍ତ୍ଯକ୍ତ୍ବାଽଭ୍ଯବର୍ତତ।
ତାବକାନାଂ ପରେଷାଂ ଚ ପରସ୍ପରବଧୈଷିଣାମ୍॥ 9-22-66 (61366)
ତେ ଚାନ୍ଯୋନ୍ଯମବୈକ୍ଷନ୍ତ ତସ୍ମିନ୍ବୀରସମାଗମେ।
ଯୋଧାଃ ପର୍ଯପତନ୍ରାଜଞ୍ଶତଶୋଽଥ ସହସ୍ରଶଃ॥ 9-22-67 (61367)
ଅସିଭିଶ୍ଛିଦ୍ଯମାନାନାଂ ଶିରସାଂ ଲୋକସଂକ୍ଷଯେ।
ପ୍ରାଦୁରାସୀନ୍ମହାଞ୍ଶବ୍ଦସ୍ତାଲାନାଂ ପତତାମିବ॥ 9-22-68 (61368)
ବିମୁକ୍ତାନାଂ ଶରୀରାଣାଂ ଛିନ୍ନାନାଂ ପତତାଂ ଭୁବି।
ସାଯୁଧାନାଂ ଚ ବାହୂନାମୂରୂଣାଂ ଚ ବିଶାମ୍ପତେ।
ଆସୀତ୍କଟକଟାଶବ୍ଦଃ ସୁମହାନ୍ରୋମହର୍ଷଣଃ॥ 9-22-69 (61369)
ନିଘ୍ନନ୍ତୋ ନିଶିତୈଃ ଶସ୍ତ୍ରୈର୍ଭ୍ରାତୄନ୍ପୁତ୍ରାନ୍ସଖୀନପି।
ଯୋଧାଃ ପରିପତନ୍ତି ସ୍ମ ଯଥାଽଽମିଷକୃତେ ଖଗାଃ॥ 9-22-70 (61370)
ଅନ୍ଯୋନ୍ଯଂ ପ୍ରତିସଂରବ୍ଧାଃ ସମାସାଦ୍ଯ ପରସ୍ପରମ୍।
ଅହମ୍ପୂର୍ବମହମ୍ପୂର୍ବମିତି ନିଘ୍ନନ୍ସହସ୍ରଶଃ॥ 9-22-71 (61371)
ସଂଯାତେନାସନଭ୍ରଷ୍ଟୈରଶ୍ବାରୋହୈର୍ଗତାସୁଭିଃ।
ହଯାଃ ପରିପତନ୍ତି ସ୍ମ ଶତଶୋଽଥ ସହସ୍ରଶଃ॥ 9-22-72 (61372)
ସ୍ଫୁରତାଂ ପ୍ରତିପିଷ୍ଟାନାମଶ୍ବାନାଂ ଶୀଘ୍ରଗାମିନାମ୍।
ସ୍ତନତାଂ ଚ ମନୁଷ୍ଯାଣାଂ ସନ୍ନଦ୍ଧାନାଂ ବିଶାମ୍ପତେ॥ 9-22-73 (61373)
ଶକ୍ତ୍ଯୃଷ୍ଟିପ୍ରାସଶବ୍ଦଶ୍ଚ ତୁମୁଲଃ ସମପଦ୍ଯତ।
ଭିନ୍ଦତାଂ ପରମର୍ମାଣି ରାଜନ୍ଦୁର୍ମନ୍ତ୍ରିତେ ତବ॥ 9-22-74 (61374)
ଶ୍ରମାଭିଭୂତାଃ ସଂରବ୍ଧା ଶ୍ରାନ୍ତବାହାଃ ପିପାସବଃ।
ବିକ୍ଷତାଶ୍ଚ ଶିତୈଃ ଶସ୍ତ୍ରୈରଭ୍ଯବର୍ନ୍ତତ ତାବକାଃ॥ 9-22-75 (61375)
ମତ୍ତା ରୁଧିରଗନ୍ଧେନ ବହବୋଽତ୍ର ବିଚେତସଃ।
ଜଘ୍ନୁଃ ପରାନ୍ସ୍ବକାଂଶ୍ଚୈବ ପ୍ରାପ୍ତାନ୍ପ୍ରାପ୍ତାନନନ୍ତରାନ୍॥ 9-22-76 (61376)
ବହବଶ୍ଚ ଗତପ୍ରାଣାଃ କ୍ଷତ୍ରିଯା ଜଯଗୃଦ୍ବିନଃ।
ଭୂମାବଭ୍ଯପତନ୍ରାଜଞ୍ଶରବୃଷ୍ଟିଭିରାବୃତାଃ॥ 9-22-77 (61377)
ବୃକଗୃଧ୍ରଶୃଗାଲାନାଂ ତୁମୁଲେ ମୋଦନେଽହନି।
ଆସୀଦ୍ବଲକ୍ଷଯୋ ଘୋରସ୍ତବ ପୁତ୍ରସ୍ଯ ପଶ୍ଯତଃ॥ 9-22-78 (61378)
ନରାଶ୍ବକାଯୈଃ ସଞ୍ଛନ୍ନା ଭୂମିରାସୀଦ୍ବିଶାମ୍ପତେ।
ରୁଧିରୋଦକଚିତ୍ରା ଚ ଭୀରୂଣାଂ ଭଯବର୍ଧିନୀ॥ 9-22-79 (61379)
ଅସିଭିଃ ପଟ୍ଟସୈଃ ଶୂଲୈସ୍ତକ୍ଷମାଣାଃ ପୁନଃପୁନଃ।
ତାବକାଃ ପାଣ଼୍ବେଯାଶ୍ଚ ନ ନ୍ଯବର୍ତନ୍ତ ଭାରତ॥ 9-22-80 (61380)
ପ୍ରହରନ୍ତୋ ଯଥାଶକ୍ତି ଯାବତ୍ପ୍ରାଣସ୍ଯ ଧାରଣମ୍।
ଯୋଧାଃ ପରିପତନ୍ତି ସ୍ମ ବମନ୍ତୋ ରୁଧିରଂ ମୁଖୈଃ॥ 9-22-81 (61381)
ଶିରୋ ଗୃହୀତ୍ବା କେଶେଷୁ କବନ୍ଧଃ ସ ପ୍ରଦୃଶ୍ଯତେ।
ଉଦ୍ଯମ୍ଯ ଚ ଶିତଂ ଖଙ୍ଗଂ ରୁଧିରେଣ ପରିପ୍ଲୁତମ୍॥ 9-22-82 (61382)
ତଥୋତ୍ଥିତେଷୁ ବହୁଷୁ କବନ୍ଧେଷୁ ନରାଧିପ।
ତଥା ରୁଧିରଗନ୍ଧେନ ଯୋଧାଃ କଶ୍ମଲମାବିଶନ୍॥ 9-22-83 (61383)
ମନ୍ଦୀଭୂତେ ତତଃ ଶବ୍ଦେ ପାଣ୍ଡବାନାଂ ମହଦ୍ବଲମ୍।
ଅଲ୍ପାବଶିଷ୍ଟୈସ୍ତୁରଗୈରଭ୍ଯବର୍ତତ ସୌବଲଃ॥ 9-22-84 (61384)
ତତୋଽଭ୍ଯଧାବଂସ୍ତ୍ବରିତାଃ ପାଣ୍ଡବା ଜଯଗୃଦ୍ବିନଃ।
ପଦାତଯଶ୍ଚ ନାଗାଶ୍ଚ ସାଦିନଶ୍ଚୋଦ୍ଯତାଯୁଧାଃ॥ 9-22-85 (61385)
କୋଷ୍ଠକୀକୃତ୍ଯ ଚାପ୍ଯେନଂ ପରିକ୍ଷିପ୍ଯ ଚ ସର୍ବଶଃ।
ଶସ୍ତ୍ରୈର୍ନାନାବିଧୈର୍ଜଘ୍ନୁର୍ଯୁଦ୍ବପାରଂ ତିତୀର୍ଷବଃ॥ 9-22-86 (61386)
ତ୍ବଦୀଯାସ୍ତାଂସ୍ତୁ ସମ୍ପ୍ରେକ୍ଷ୍ଯ ସର୍ବତଃ ସମଭିଦ୍ରୁତାନ୍।
ରଥାଶ୍ବପତ୍ତିଦ୍ବିରଦାଃ ପାଣ୍ଡବାନଭିଦୁଦ୍ରୁବୁଃ॥ 9-22-87 (61387)
କେଚିତ୍ପଦାତଯଃ ପଦ୍ଭିର୍ମୁଷ୍ଟିଭିଶ୍ଚ ପରସ୍ପରମ୍।
ନିଜଘ୍ନୁଃ ସମରେ ଶୂରାଃ କ୍ଷୀଣଶସ୍ତ୍ରାସ୍ତତୋଽପତନ୍॥ 9-22-88 (61388)
ରଥେଭ୍ଯୋ ରଥିନଃ ପେତୁର୍ଦ୍ବିପେଭ୍ଯୋ ହସ୍ତିସାଦିନଃ।
ବିମାନେଭ୍ଯୋ ଦିବୋ ଭ୍ରଷ୍ଟାଃ ସିଦ୍ବାଃ ପୁଣ୍ଯକ୍ଷଯାଦିବ॥ 9-22-89 (61389)
ଏବମନ୍ଯୋନ୍ଯମାଯତ୍ତା ଯୋଧା ଜଘ୍ନୁର୍ମହାହବେ।
ପିତୄନ୍ଭ୍ରାତୄନ୍ବଯସ୍ଯାଂଶ୍ଚ ପୁତ୍ରାନପି ତଥା ପରେ॥ 9-22-90 (61390)
ଏବମାସୀଦମର୍ଯାଦଂ ଯୁଦ୍ବଂ ଭରତସତ୍ତମ।
ପ୍ରାସାସିବାଣକଲିଲଂ ବର୍ତମାନେ ସୁଦାରୁଣେ॥ ॥ 9-22-91 (61391)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଶଲ୍ଯବଧପର୍ବଣି ଅଷ୍ଟାଦଶଦିବସଯୁଦ୍ଧେ ଦ୍ବାବିଂଶୋଽଧ୍ଯାଯଃ॥ 22 ॥
ଶଲ୍ଯପର୍ବ - ଅଧ୍ଯାଯ 023
॥ ଶ୍ରୀଃ ॥
9.23. ଅଧ୍ଯାଯଃ 023
Mahabharata - Shalya Parva - Chapter Topics
ଅର୍ଜୁନେନ ଦୁର୍ଯୋଧନାଗର୍ହଣପୂର୍ବକଂ ତତ୍ସେନାନିବର୍ହଣମ୍॥ 1 ॥Mahabharata - Shalya Parva - Chapter Text
9-23-0 (61392)
ସଞ୍ଜଯ ଉବାଚ। 9-23-0x (5119)
ଅଲ୍ପାବଶିଷ୍ଟେ ସୈନ୍ଯେ ତୁ ପାଣ୍ଡବୈର୍ନିହତେ ବଲେ।
ଅଶ୍ବୈଃ ସପ୍ତସହସ୍ରୈସ୍ତୁ ଉପାବର୍ତତ ସୌବଲଃ॥ 9-23-1 (61393)
ସ ଯାତ୍ବା ବାହିନୀଂ ତୂର୍ଣଂ ଚୋଦଯାନଃ ସ୍ବକାନ୍ଯୁଧି।
ଯୁଧ୍ଯଧ୍ବମିତି ସଂହୃଷ୍ଟାଃ ପୁନଃପୁନରରିନ୍ଦମାଃ॥ 9-23-2 (61394)
ଅପୃଚ୍ଛତ୍କ୍ଷତ୍ରିଯାଂସ୍ତତ୍ର କ୍ବ ନୁ ରାଜା ମହାବଲଃ।
ଶକୁନେସ୍ତଦ୍ବଚଃ ଶ୍ରୁତ୍ବା ତମୂଚୁର୍ଭରତର୍ଷଭ॥ 9-23-3 (61395)
ଅସୌ ତିଷ୍ଠତି କୌରବ୍ଯୋ ରଣମଧ୍ଯେ ମହାବଲଃ।
ଯତ୍ରୈତତ୍ସୁମହଚ୍ଛତ୍ରଂ ପୂର୍ଣଚନ୍ଦ୍ରସମପ୍ରଭମ୍॥ 9-23-4 (61396)
ଯତ୍ର ତେ ସତନୁତ୍ରାଣା ରଥାସ୍ତିଷ୍ଠନ୍ତି ଦଂଶିତାଃ।
ଯତ୍ରୈଷ ତୁମୁଲଃ ଶବ୍ଦଃ ପର୍ଜନ୍ଯନିନଦୋପମଃ॥ 9-23-5 (61397)
ତତ୍ର ଗଚ୍ଛ ଦ୍ରୁତଂ ରାଜଂସ୍ତତୋ ଦ୍ରକ୍ଷ୍ଯସି କୌରବମ୍।
ଏବମୁକ୍ତସ୍ତୁ ତୈର୍ଯୋଧୈଃ ଶକୁନିଃ ସୌବଲସ୍ତଦା॥ 9-23-6 (61398)
ପ୍ରଯଯୌ ତତ୍ର ଯତ୍ରାସ୍ତେ ପୁତ୍ରସ୍ତବ ନରାଧିପ।
ସର୍ବତଃ ସଂବୃତୋ ବୀରୈଃ ସମରେ ଚିତ୍ରଯୋଧିଭିଃ॥ 9-23-7 (61399)
ତତୋ ଦୁର୍ଯୋଧନଂ ଦୃଷ୍ଟ୍ବା ରଥାନୀକେ ବ୍ଯବସ୍ଥିତମ୍।
ସ ରଥାଂସ୍ତାବକାନ୍ସର୍ବାନ୍ହର୍ଷଯଞ୍ଶକୁନିସ୍ତତଃ॥ 9-23-8 (61400)
ଦୁର୍ଯୋଧନମିଦଂ ବାକ୍ଯଂ ହୃଷ୍ଟରୂପୋ ବିଶାମ୍ପତେ।
କୃତକାର୍ଯମିବାତ୍ମାନଂ ମନ୍ଯମାନୋଽବ୍ରବୀନ୍ନୃପମ୍॥ 9-23-9 (61401)
ଜହି ରାଜନ୍ରଥାନୀକମଶ୍ବାଃ ସର୍ବେ ଜିତା ମଯା।
ନାତ୍ଯକ୍ତ୍ବା ଜୀବିତଂ ସଙ୍ଖ୍ଯେ ଶକ୍ଯୋ ଜେତୁଂ ଯୁଧିଷ୍ଠିରଃ॥ 9-23-10 (61402)
ହତେ ତସ୍ମିନ୍ରଥାନୀକେ ପାଣ୍ଡବେନାଭିପାଲିତେ।
ଗଜାନେତାନ୍ହନିଷ୍ଯାମଃ ପଦାତୀଂଶ୍ଚେତରାଂସ୍ତଥା॥ 9-23-11 (61403)
ଶ୍ରୁତ୍ବା ତୁ ବଚନଂ ତସ୍ଯ ତାବକା ଜଯଗୃଦ୍ବିନଃ।
ଜବେନାଭ୍ଯପତନ୍ହୃଷ୍ଟାଃ ପାଣ୍ଡବାନାମନୀକିନୀମ୍॥ 9-23-12 (61404)
ବଦ୍ବନିସ୍ତ୍ରିଂଶହସ୍ତାଶ୍ଚ ପ୍ରଗୃହୀତଶରାସନାଃ।
ଶରାସନାନି ଧୂନ୍ବାନାଃ ସିଂହନାଦାନ୍ପ୍ରଚକ୍ରିରେ॥ 9-23-13 (61405)
ତତୋ ଜ୍ଯାତଲନିର୍ଧୋଷଃ ପୁନରାସୀଦ୍ବିଶାମ୍ପତେ।
ପ୍ରାଦୁରାସୀଚ୍ଛରାଣାଂ ଚ ସୁମୁକ୍ତାନାଂ ସୁଦାରୁଣଃ॥ 9-23-14 (61406)
ତାନ୍ସମୀପଗତାନ୍ଦୃଷ୍ଟ୍ବା ଜନାନୁଦ୍ଯତକାର୍ମୁକାନ୍।
ଉବାଚ ଦେବକୀପୁତ୍ରଂ କୁନ୍ତୀପୁତ୍ରୋ ଧନଞ୍ଜଯଃ॥ 9-23-15 (61407)
ଚୋଦଯାଶ୍ବାନସମ୍ଭ୍ରାନ୍ତଃ ପ୍ରବିଶୈତଦ୍ବଲାର୍ଣବମ୍।
ଅନ୍ତମଦ୍ଯ ଗମିଷ୍ଯାମି ଶତ୍ରୂଣାଂ ନିଶିତୈଃ ଶରୈଃ॥ 9-23-16 (61408)
ଅଷ୍ଟାଦଶ ଦିନାନ୍ଯଦ୍ଯ ଯୁଦ୍ଧସ୍ଯାସ୍ଯ ଜନାର୍ଦନ।
ବର୍ତମାନସ୍ଯ ମହତଃ ସମାସାଦ୍ଯ ପରସ୍ପରମ୍॥ 9-23-17 (61409)
ଅନନ୍ତକଲ୍ପା ଧ୍ବଜିନୀ ଭୂତ୍ବା ହ୍ଯେଷାଂ ମହାତ୍ମନାମ୍।
କ୍ଷଯମଦ୍ଯ ଗତା ଯୁଦ୍ଧେ ପଶ୍ଯ ଦୈବଂ ଯଥାବିଧମ୍॥ 9-23-18 (61410)
ସମୁଦ୍ରକଲ୍ପଂ ଚ ବଲଂ ଧାର୍ତରାଷ୍ଟ୍ରସ୍ଯ ମାଧବ।
ଅସ୍ମନାସାଦ୍ଯ ସଞ୍ଜାତଂ ଗୋଷ୍ପଦୋପମମଚ୍ଯୁତ॥ 9-23-19 (61411)
ହତେ ଭୀଷ୍ମେ ଧୀର୍ମମାସୀଚ୍ଛମଃ ସ୍ଯାଦିତି ମାଧବ।
ନ ଚ ତତ୍କୃତବାନ୍ମୂଢୋ ଧାର୍ତରାଷ୍ଟ୍ରଃ ସୁବାଲିଶଃ॥ 9-23-20 (61412)
ଉକ୍ତଂ ଭୀଷ୍ମେଣ ଯଦ୍ବାକ୍ଯଂ ହିତଂ ତଥ୍ଯଂ ଚ ମାଧବ।
ତଚ୍ଚାପି ନାସୌ କୃତବାନ୍ବୀତବୁଦ୍ଧିଃ ସୁଯୋଧନଃ॥ 9-23-21 (61413)
ତସ୍ମିଂସ୍ତୁ ନିହତେ ଭୀଷ୍ମେ ପ୍ରଚ୍ଯୁତେ ପୃଥିବୀପତୌ।
ନ ଜାନେ କାରଣଂ କିନ୍ତୁ ଯେନ ଯୁଦ୍ଧମବର୍ତତ॥ 9-23-22 (61414)
ମୂଢାଂସ୍ତୁ ସର୍ବଥା ମନ୍ଯେ ଧାର୍ତରାଷ୍ଟ୍ରାନ୍ସୁବାଲିଶାନ୍।
ପତିତେ ଶନ୍ତନୋଃ ପୁତ୍ରେ ଯେଽକାର୍ଯୁଃ ସଂଯୁଗଂ ପୁନଃ॥ 9-23-23 (61415)
ଅନନ୍ତରଂ ଚ ନିହତେ ଦ୍ରୋଣେ ବ୍ରହ୍ମବିଦାଂ ବରେ।
ରାଧେଯେ ଚ ବିକର୍ଣେ ଚ ନୈବ ଶାମ୍ଯତି ବୈଶସମ୍॥ 9-23-24 (61416)
ଅଲ୍ପାବଶିଷ୍ଟେ ସୈନ୍ଯେଽସ୍ମିନ୍ସୂତପୁତ୍ରେ ଚ ପାତିତେ।
ସପୁତ୍ରେ ବୈ ନରବ୍ଯାଘ୍ରେ ନୈବ ଶାମ୍ଯତି ବୈଶସମ୍॥ 9-23-25 (61417)
ଶ୍ରୁତାଯୁଷି ହତେ ବୀରେ ଜଲସନ୍ଧେ ଚ ମାଗଧେ।
ଶ୍ରୁତାଯୁଧେ ଚ ନୃପତୌ ନୈବ ଶାମ୍ଯତି ବୈଶସମ୍॥ 9-23-26 (61418)
ଭୂରିଶ୍ରବସି ଶଲ୍ଯେ ଚ ସାଲ୍ଯେ ଚୈବ ଜନାର୍ଦନ।
ଆବନ୍ତ୍ଯେଷୁ ଚ ବୀରେଷୁ ନୈବ ଶାମ୍ଯତି ବୈଶସମ୍॥ 9-23-27 (61419)
ଜଯଦ୍ରଥେ ଚ ନିହତେ ରାକ୍ଷସେ ଚାପ୍ଯଲାଯୁଧେ।
ବାହ୍ଲିକେ ସୋମଦତ୍ତେ ଚ ନୈବ ଶାମ୍ଯତି ବୈଶସମ୍॥ 9-23-28 (61420)
ଭଗଦତ୍ତେ ହତେ ଶୂରେ କାମ୍ଭୋଜେ ଚ ସୁଦାରୁଣେ।
ଦୁଃଶାସନେ ଚ ନିହତେ ନୈବ ଶାମ୍ଯତି ବୈଶସମ୍॥ 9-23-29 (61421)
ଦୃଷ୍ଟ୍ବା ବିନିହତାଞ୍ଶୂରାନ୍ପୃଥଙ୍ମାଣ଼୍ଡଲିକାନ୍ନୃପାନ୍।
ବଲିନଶ୍ଚ ରଣେ କୃଷ୍ଣ ନୈବ ଶାମ୍ଯତି ବୈଶସମ୍॥ 9-23-30 (61422)
ଅକ୍ଷୌହିଣୀପତୀନ୍ଦୃଷ୍ଟ୍ବା ଭୀମସେନନିପାତିତାନ୍।
ମୋହାଦ୍ବା ଯଦି ବା ଲୋଭାନ୍ନୈବ ଶାମ୍ଯତି ବୈଶସମ୍॥ 9-23-31 (61423)
`ହତପ୍ରବୀରାଂ ବିଧ୍ବସ୍ତାଂ ଦୃଷ୍ଟ୍ବା ଚେମାଂ ଚମୂଂ ରଣେ।
ଅଲମ୍ବଲେ ଚ ନିହତେ ନୈବ ଶାମ୍ଯତି ବୈଶସମ୍॥ 9-23-32 (61424)
ଭ୍ରାତୄନ୍ବିନିହତାନ୍ଦୃଷ୍ଟ୍ବା ବଯସ୍ଯାନ୍ମାତୁଲାନପି।
ପୁତ୍ରାନ୍ବିନିହତାନ୍ଦୃଷ୍ଟ୍ବା ନୈବ ଶାମ୍ଯତି ବୈଶସମ୍'॥ 9-23-33 (61425)
କୋ ନୁ ରାଜକୁଲେ ଜାତଃ କୌରବେଷୁ ବିଶେଷତଃ।
ନିରର୍ଥକଂ ମହଦ୍ବୈରଂ କୁର୍ଯାଦନ୍ଯଃ ସୁଯୋଧନାତ୍॥ 9-23-34 (61426)
ଗୁଣତୋଽଭ୍ଯଧିକାଞ୍ଜ୍ଞାତ୍ବା ବଲତଃ ଶୌର୍ଯତୋପି ବା।
ଅମୂଢଃ କୋ ନୁ ଯୁଧ୍ଯେତ ଜାନନ୍ପ୍ରାଜ୍ଞୋ ହିତାହିତମ୍॥ 9-23-35 (61427)
କିନ୍ନୁ ତସ୍ଯ ମନୋ ହ୍ଯାସୀତ୍ତ୍ବଯୋକ୍ତସ୍ଯ ହିତଂ ବଚଃ।
ପ୍ରଶମେ ପାଣ୍ଡବୈଃ ସାର୍ଧଂ ସୋନ୍ଯସ୍ଯ ଶୃଣୁଯାତ୍କଥମ୍॥ 9-23-36 (61428)
ଯେନ ଶାନ୍ତନବୋ ଭୀଷ୍ମୋ ଦ୍ରୋଣୋ ବିଦୁର ଏବ ଚ।
ପ୍ରତ୍ଯାଖ୍ଯାତାଃ ଶଂମସ୍ଯାର୍ଥେ କିନ୍ନୁ ତସ୍ଯାଦ୍ଯ ଭେଷଜମ୍॥ 9-23-37 (61429)
ମୌର୍ଖ୍ଯାଦ୍ଯେନ ପିତା ବୃଦ୍ବଃ ପ୍ରତ୍ଯାଖ୍ଯାତୋ ଜନାର୍ଦନ।
ତଥା ମାତା ହିତଂ ବାକ୍ଯଂ ଭାଷମାଣା ହିତୈଷିଣୀ॥ 9-23-38 (61430)
ପ୍ରତ୍ଯାଖ୍ଯାତା ହ୍ଯସତ୍କୃତ୍ଯ ସ କସ୍ମୈ ରୋଚଯେଦ୍ବଚଃ।
କୁଲାନ୍ତକରଣୋ ବ୍ଯକ୍ତଂ ଜାତ ଏଷ ଜନାର୍ଦନ॥ 9-23-39 (61431)
ତଥାସ୍ଯ ଦୃଶ୍ଯତେ ଚେଷ୍ଟା ନୀତିଶ୍ଚୈବ ବିଶାମ୍ପତେ।
ନୈଷ ଦାସ୍ଯତି ନୋ ରାଜ୍ଯମିତି ମେ ମତିରଚ୍ଯୁତ॥ 9-23-40 (61432)
ଉକ୍ତୋଽହଂ ବହୁଶସ୍ତାତ ବିଦୁରେଣ ମହାତ୍ମନା।
ନ ଜୀବନ୍ଦାସ୍ଯତେ ଭାଗଂ ଧାର୍ତରାଷ୍ଟ୍ରଃ ସୁଯୋଧନଃ॥ 9-23-41 (61433)
ଯାବତ୍ପ୍ରାଣା ଧରିଷ୍ଯନ୍ତି ଧାର୍ତରାଷ୍ଟ୍ରସ୍ଯ ଦୁର୍ମତେଃ।
ତାବଦ୍ଯୁଷ୍ମାସ୍ବପାପେଷୁ ପ୍ରଚରିଷ୍ଯତି ପାପକମ୍॥ 9-23-42 (61434)
ନ ଚ ଯୁକ୍ତୋଽନ୍ଯଥା ଜେତୁମୃତେ ଯୁଦ୍ଧେନ ମାଧବ।
ଇତ୍ଯବ୍ରବୀତ୍ସଦା ମାଂ ହି ବିଦୁରଃ ସତ୍ଯଦର୍ଶନଃ॥ 9-23-43 (61435)
ତତ୍ସର୍ବମଦ୍ଯ ଜାନାମି ବ୍ଯବସାଯଂ ଦୁରାତ୍ମନଃ।
ଯଦୁକ୍ତଂ ବଚନଂ ତେନ ବିଦୁରେଣ ମହାତ୍ମନା॥ 9-23-44 (61436)
ଯୋ ହି ଶ୍ରୁତ୍ବା ବଚଃ ପଥ୍ଯଂ ଜାମଦଗ୍ନ୍ଯାଦ୍ଯଥାତଥମ୍।
ଅବାମନ୍ଯତ ଦୁର୍ବୁଦ୍ଧିର୍ଧ୍ରୁବଂ ନାଶମୁଖେ ସ୍ଥିତଃ॥ 9-23-45 (61437)
ଉକ୍ତଂ ହି ବହୁଭିଃ ସିଦ୍ଧୈର୍ଜାତମାତ୍ରେ ସୁଯୋଧନେ।
ଏନଂ ପ୍ରାପ୍ଯ ଦୁରାତ୍ମାନଂ କ୍ଷଯଂ କ୍ଷତ୍ରଂ ଗମିଷ୍ଯତି॥ 9-23-46 (61438)
ତଦିଦଂ ବଚନଂ ତେଷାଂ ନିରୁକ୍ତଂ ବୈ ଜନାର୍ଦନ।
କ୍ଷଯଂ ଯାତା ହି ରାଜାନୋ ଦୁର୍ଯୋଧନକୃତେ ଭୃଶମ୍॥ 9-23-47 (61439)
ସୋଽଦ୍ଯ ସର୍ବାନ୍ରଣେ ଯୋଧାନ୍ନିହନିଷ୍ଯାମି ମାଧବ॥ 9-23-48 (61440)
କ୍ଷତ୍ରିଯେଷୁ ହତେଷ୍ବାଶୁ ଶୂନ୍ଯେ ଚ ଶିବିରେ କୃତେ।
ବଧାଯ ଚାତ୍ମନୋଽସ୍ମାଭିଃ ସଂଯୁଗଂ ରୋଚଯିଷ୍ଯତି॥ 9-23-49 (61441)
ତଦନ୍ତଂ ହି ଭବେଦ୍ବୈରମନୁମାନେନ ମାଧବ।
ଏବଂ ପଶ୍ଯାମି ବାର୍ଷ୍ଣେଯ ଚିନ୍ତଯନ୍ପ୍ରଜ୍ଞଯା ସ୍ବଯା।
ବିଦୁରସ୍ଯ ଚ ବାକ୍ଯେନ ଚେଷ୍ଟଯା ଚ ଦୁରାତ୍ମନଃ॥ 9-23-50 (61442)
ତସ୍ମାଦ୍ଯାହି ଚମୂଂ ବୀର ଯାବଦ୍ବନ୍ମି ଶିତୈଃ ଶରୈଃ।
ଦୁର୍ଯୋଧନଂ ମହାବାହୋ ବାହିନୀଂ ଚାସ୍ଯ ସଂଯୁଗେ॥ 9-23-51 (61443)
କ୍ଷେମମଦ୍ଯ କରିଷ୍ଯାମି ଧର୍ମରାଜସ୍ଯ ମାଧବ।
ହତ୍ବୈତଦ୍ଦୁର୍ବଲଂ ସୈନ୍ଯଂ ଧାର୍ତରାଷ୍ଟ୍ରସ୍ଯ ପଶ୍ଯତଃ॥ 9-23-52 (61444)
ସଞ୍ଜଯ ଉବାଚ। 9-23-53x (5120)
ଅଭୀଶୁହସ୍ତୋ ଦାଶାର୍ହସ୍ତଥୋକ୍ତଃ ସବ୍ଯସାଚିନା।
ତଦ୍ବଲୌଘମମିତ୍ରାଣାମଭୀତଃ ପ୍ରାବିଶଦ୍ବଲାତ୍॥ 9-23-53 (61445)
ଶରାସନବନଂ ଘୋରଂ ଶକ୍ତିକଣ୍ଟକସଙ୍କୁଲମ୍।
ଗଦାପରିଘପାଷାଣଂ ରଥନାଗମହାଦ୍ରୁମମ୍॥ 9-23-54 (61446)
ହଯପତ୍ତିଲତାକୀର୍ଣଂ ଗାହମାନୋ ମହାଯଶାଃ।
ବ୍ଯଚରତ୍ତତ୍ର ଗୋବିନ୍ଦୋ ରଥେନାତିପତାକିନା॥ 9-23-55 (61447)
ତେ ହଯାଃ ପାଣ୍ଡୁରା ରାଜନ୍ବହନ୍ତୋଽର୍ଜୁନମାହବେ।
ଦିକ୍ଷୁ ସର୍ବାସ୍ବଦୃଶ୍ଯନ୍ତ ଦାଶାର୍ହେଣ ପ୍ରଚୋଦିତାଃ॥ 9-23-56 (61448)
ତତଃ ପ୍ରାଯାଦ୍ରଥେନାଜୌ ସବ୍ଯସାଚୀ ପରନ୍ତପଃ।
କିରଞ୍ଶରଶତାଂସ୍ତୀକ୍ଷ୍ଣାନ୍ବାରିଧାରା ଘନୋ ଯଥା॥ 9-23-57 (61449)
ପ୍ରାଦୁରାସୀନ୍ମହାଞ୍ଶବ୍ଦଃ ଶରାଣାଂ ନତପର୍ବଣାମ୍।
ଇଷୁଭିଶ୍ଛାଦ୍ଯମାନାନାଂ ସମରେ ସବ୍ଯସାଚିନା॥ 9-23-58 (61450)
ଅସଜ୍ଜନ୍ତସ୍ତନୁତ୍ରେଷୁ ଶରୌଘାଃ ପ୍ରାପତନ୍ଭୁବି।
ଇନ୍ଦ୍ରାଶନିସମସ୍ପର୍ଶା ଗାଣ୍ଡୀବପ୍ରେଷିତାଃ ଶରାଃ॥ 9-23-59 (61451)
ନରାନ୍ନାଗାନ୍ସମାହତ୍ଯ ହଯାଂଶ୍ଚାପି ବିଶାମ୍ପତେ।
ଅପତନ୍ତ ରଣେ ବାଣାଃ ପତଙ୍ଗା ଇବ ଘୋଷିଣଃ॥ 9-23-60 (61452)
ଆସୀତ୍ସର୍ବମବଚ୍ଛନ୍ନଂ ଗାଣ୍ଡୀବପ୍ରେଷିତୈଃ ଶରୈଃ।
ନ ପ୍ରାଜ୍ଞାଯନ୍ତ ସମରେ ଦିଶୋ ବା ପ୍ରଦିଶୋପି ବା॥ 9-23-61 (61453)
ସର୍ବମାସୀଜ୍ଜଗତ୍ପୂର୍ଣଂ ପାର୍ଥନାମାଙ୍କିତୈଃ ଶରୈଃ।
ରୁକ୍ମପୁଙ୍ଖୈସ୍ତୈଲଧୌତୈଃ କର୍ମାରପରିମାର୍ଜିତୈଃ॥ 9-23-62 (61454)
ତେ ଦହ୍ଯମାନାଃ ପାର୍ଥେନ ପାବକେନେବ କୁଞ୍ଜରାଃ।
ପାର୍ଥଂ ନ ପ୍ରାଜହୁର୍ଘାରା ବଧ୍ଯମାନାଃ ଶିତୈଃ ଶରୈଃ॥ 9-23-63 (61455)
ଶରଚାପଧରଃ ପାର୍ଥଃ ପ୍ରଜ୍ବଲନ୍ନିବ ଭାସ୍କରଃ।
ଦଦାହ ସମରେ ଯୋଧାନ୍କକ୍ଷମଗ୍ନିରିବ ଜ୍ବଲନ୍॥ 9-23-64 (61456)
ଯଥା ବନାନ୍ତେ ବନପୈର୍ବିସୃଷ୍ଟଃ
କକ୍ଷଂ ଦହେତ୍କୃଷ୍ଣଗତିଃ ସୁଘୋଷଃ।
ଭୂରିଦ୍ରୁମଂ ଶୁଷ୍କଲତାବିତାନଂ
ଭୃଶଂ ସମୃଦ୍ଧୋ ଜ୍ବଲନଃ ପ୍ରତାପୀ॥ 9-23-65 (61457)
ଏବଂ ସ ନାରାଚଗଣମ୍ପ୍ରତାପୀ
ଶରାର୍ଚିରୁଚ୍ଚାବଚତିଗ୍ମତେଜାଃ।
ଦଦାହ ସର୍ବାଂ ତବ ପୁତ୍ରସେନା--
ମମୃଷ୍ଯମାଣସ୍ତରସା ତରସ୍ବୀ॥ 9-23-66 (61458)
ତସ୍ଯେଷବଃ ପ୍ରାଣହରାଃ ସୁମୁକ୍ତା
ନାସଜ୍ଜନ୍ବୈ ବର୍ମସୁ ରୁକ୍ମପୁଙ୍ଖାଃ।
ନ ଚ ଦ୍ବିତୀଯଂ ପ୍ରମୁମୋଚ ବାଣଂ
ନରେ ହଯେ ବା ପରମଦ୍ବିପେ ବା॥ 9-23-67 (61459)
ଅନେକରୂପାକୃତିଭିର୍ହି ବାଣୈ--
ର୍ମହାରଥାନୀକମନୁପ୍ରବିଶ୍ଯ।
ସ ଏବ ଏକସ୍ତବ ପୁତ୍ରସ୍ଯ ସେନାଂ
ଜଘାନ ଦୈତ୍ଯାନିବ ବଜ୍ରପାଣିଃ॥ ॥ 9-23-68 (61460)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଶଲ୍ଯବଧପର୍ବଣି ଅଷ୍ଟାଦଶଦିବସଯୁଦ୍ଧେ ତ୍ରଯୋବିଂଶୋଽଧ୍ଯାଯଃ॥ 23 ॥
Mahabharata - Shalya Parva - Chapter Footnotes
9-23-42 ପାପକଂ ପ୍ରଚରିଷ୍ଯତି ଆଚରିଷ୍ଯତି ଧାର୍ତରାଷ୍ଟ୍ର ଇତି ଶେଷଃ॥ 9-23-23 ତ୍ରଯୋବିଂଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 024
॥ ଶ୍ରୀଃ ॥
9.24. ଅଧ୍ଯାଯଃ 024
Mahabharata - Shalya Parva - Chapter Topics
ଧୃଷ୍ଟଦ୍ଯୁମ୍ନପରାଜିତେନ ଦୁର୍ଯୋଧନେନାଶ୍ବାରୋହଣେନ ପଲାଯନମ୍॥ 1 ॥ ଅଶ୍ବତ୍ଥାମାଦିଭିସ୍ତଦନ୍ବେଷଣମ୍॥ 2 ॥Mahabharata - Shalya Parva - Chapter Text
9-24-0 (61461)
ସଞ୍ଜଯ ଉବାଚ। 9-24-0x (5121)
ଯୁଧ୍ଯତାଂ ଯତମାନାନାଂ ଶୂରାଣାମନିବର୍ତନାମ୍।
ସଙ୍କଲ୍ପମକରୋନ୍ମୋଘଂ ଗାଣ୍ଡୀବେନ ଧନଞ୍ଜଯଃ॥ 9-24-1 (61462)
ଇନ୍ଦ୍ରାଶନିସମସ୍ପର୍ଶାନବିଷହ୍ଯାନ୍ମହୌଜସଃ।
ବିସୃଜନ୍ଦୃଶ୍ଯତେ ବାଣାନ୍ଧାରା ମୁଞ୍ଚନ୍ନିବାମ୍ବୁଦଃ॥ 9-24-2 (61463)
ତତ୍ସୈନ୍ଯଂ ଭରତଶ୍ରେଷ୍ଠ ବଧ୍ଯମାନଂ କିରୀଟିନା।
ସମ୍ପ୍ରଦୁଦ୍ରାବ ସଙ୍ଗ୍ରାମାତ୍ତବ ପୁତ୍ରସ୍ଯ ପଶ୍ଯତଃ॥ 9-24-3 (61464)
ପିତୄନ୍ଭ୍ରାତୄନ୍ପରିତ୍ଯଜ୍ଯ ବଯସ୍ଯାନପି ଚାପରେ॥ 9-24-4 (61465)
ହତଧୁର୍ଯା ରଥାଃ କେଚିଦ୍ଧତସୂତାସ୍ତଥା ପରେ।
ଭଗ୍ନାକ୍ଷଯୁଗଚକ୍ରେଷାଃ କେଚିଦାସନ୍ବିଶାମ୍ପତେ॥ 9-24-5 (61466)
ଅନ୍ଯେଷାଂ ସାଯକାଃ କ୍ଷୀଣାସ୍ତଥାଽନ୍ଯେ ବାଣପୀଡିତାଃ।
ଅକ୍ଷତା ଯୁଗପତ୍କେଚିତ୍ପ୍ରାଦ୍ରବନ୍ଭଯପୀଡିତାଃ॥ 9-24-6 (61467)
କେଚିତ୍ପୁତ୍ରାନୁପାଦାଯ ହତଭୂଯିଷ୍ଠବାନ୍ଧବାଃ।
ବିଚୁକ୍ରୁଶୁଃ ପିତୄଂସ୍ତ୍ବନ୍ଯେ ସହାଯାନପରେ ପୁନଃ॥ 9-24-7 (61468)
ବାନ୍ଧବାଂଶ୍ଚ ନରବ୍ଯାଘ୍ର ଭ୍ରାତୄନ୍ସମ୍ବନ୍ଧିନସ୍ତଥା।
ଦୁଦ୍ରୁବୁଃ କେଚିଦୁତ୍ସୃଜ୍ଯ ତତ୍ରତତ୍ର ବିଶାମ୍ପତେ॥ 9-24-8 (61469)
ବହବୋଽତ୍ର ଭୃଶଂ ବିଦ୍ଧା ମୁହ୍ଯମାନା ମହାରଥାଃ।
ନିଃଶ୍ବସନ୍ତି ସ୍ମ ଦୃଶ୍ଯନ୍ତେ ପାର୍ଥବାଣହତା ନରାଃ॥ 9-24-9 (61470)
ତାନନ୍ଯେ ରଥମାରୋପ୍ଯ ହ୍ଯାଶ୍ବାସ୍ଯ ଚ ମୁହୂର୍ତକମ୍।
ବିଶ୍ରାନ୍ତାଶ୍ଚ ବିତୃଷ୍ଣାଶ୍ଚ ପୁନର୍ଯୁଦ୍ଧାଯ ଜଗ୍ମିରେ॥ 9-24-10 (61471)
ତାନପାସ୍ଯ ଗତାଃ କେଚିତ୍ପୁନରେବ ଯୁଯୁତ୍ସବଃ।
କୁର୍ବନ୍ତସ୍ତବ ପୁତ୍ରସ୍ଯ ଶାସନଂ ଯୁଦ୍ଧଦୁର୍ମଦାଃ॥ 9-24-11 (61472)
ପାନୀଯମପରେ ପୀତ୍ବା ପର୍ଯାଶ୍ବାସ୍ଯ ଚ ବାହନମ୍।
ବର୍ମାଣି ଚ ସମାରୋପ୍ଯ କେଚିଦ୍ଭରତସତ୍ତମ॥ 9-24-12 (61473)
ସମାଶ୍ବାସ୍ଯାପରେ ଭ୍ରାତୄନ୍ନିକ୍ଷିପ୍ଯ ଶିବିରେଽପି ଚ।
ପୁତ୍ରାନନ୍ଯେ ପିତୄନନ୍ଯେ ପୁନର୍ଯୁଦ୍ଧମରୋଚଯନ୍॥ 9-24-13 (61474)
ସଜ୍ଜଯିତ୍ବା ରଥାନ୍କେଚିଦ୍ଯଥାମୁଖ୍ଯଂ ବିଶାମ୍ପତେ।
ଆବୃତ୍ଯ ପାଣ୍ଡବାନୀକଂ ପୁନର୍ଯୁଦ୍ଧମରୋଚଯନ୍॥ 9-24-14 (61475)
ତେ ଶୂରାଃ କିଙ୍କିଣୀଜାଲୈଃ ସମାଚ୍ଛନ୍ନା ବଭାସିରେ।
ତ୍ରୈଲୋକ୍ଯବିଜଯେ ଯୁକ୍ତା ଯଥା ଦୈତେଯଦାନବାଃ॥ 9-24-15 (61476)
ଆଗମ୍ଯ ସହସା କେଚିଦ୍ରଥୈଃ ସ୍ବର୍ଣବିଭୂଷିତୈଃ।
ପାଣ୍ଡବାନାମନୀକେଷୁ ଧୃଷ୍ଟଦ୍ଯୁମ୍ନମଯୋଧଯନ୍॥ 9-24-16 (61477)
ଧୃଷ୍ଟଦ୍ଯୁମ୍ନୋଽପି ପାଞ୍ଚାଲ୍ଯଃ ଶିଖଣ୍ଡୀ ଚ ମହାରଥଃ।
ନାକୁଲିସ୍ତୁ ଶତାନୀକୋ ରଥାନୀକମଯୋଧଯନ୍॥ 9-24-17 (61478)
ପାଞ୍ଚାଲ୍ଯସ୍ତୁ ତତଃ କ୍ରୁଦ୍ଧଃ ସୈନ୍ଯେନ ମହତା ବୃତଃ।
ଅଭ୍ଯଦ୍ରବତ୍ସୁସଙ୍କ୍ରୁଦ୍ଧସ୍ତାବକାନ୍ହନ୍ତୁମୁଦ୍ଯତଃ॥ 9-24-18 (61479)
ତତସ୍ତ୍ବାପତତସ୍ତସ୍ଯ ତବ ପୁତ୍ରୋ ଜନାଧିପ।
ବାଣସଙ୍ଘାନନେକାନ୍ବୈ ପ୍ରେଷଯାମାସ ଭାରତ॥ 9-24-19 (61480)
ଧୃଷ୍ଟଦ୍ଯୁମ୍ନସ୍ତତୋ ରାଜଂସ୍ତବ ପୁତ୍ରେଣ ଧନ୍ବିନା।
ନାରାଚୈରର୍ଧନାରାଚୈର୍ବହୁଭିଃ କ୍ଷିପ୍ରକାରିଭିଃ॥ 9-24-20 (61481)
ବତ୍ସଦନ୍ତୈଶ୍ଚ ବାଣୈଶ୍ଚ କର୍ମାରପରିମାର୍ଜିତୈଃ।
ଅଶ୍ବାଂଶ୍ଚ ଚତୁରୋ ହତ୍ବା ବାହ୍ବୋରୁରସି ଚାର୍ପିତଃ॥ 9-24-21 (61482)
ସୋଽତିବିଦ୍ଧୋ ମହେଷ୍ବାସସ୍ତୋତ୍ରାର୍ଦିତ ଇବ ଦ୍ବିପଃ।
ତସ୍ଯାଶ୍ବାଂଶ୍ଚତୁରୋ ବାଣୈଃ ପ୍ରେଷଯାମାସ ମୃତ୍ଯବେ।
ସାରଥେଶ୍ଚାସ୍ଯ ଭଲ୍ଲେନ ଶିରଃ କାଯାଦପାହରତ୍॥ 9-24-22 (61483)
ତତୋ ଦୁର୍ଯୋଧନୋ ରାଜା ପୃଷ୍ଠମାରୁହ୍ଯ ବାଜିନଃ।
ଅପାକ୍ରାମଦ୍ବତରଥୋ ନାତିଦୂରମରିନ୍ଦମଃ॥ 9-24-23 (61484)
ଦୃଷ୍ଟା ତୁ ହତବିକ୍ରାନ୍ତଂ ସ୍ବମନୀକଂ ମହାବଲଃ।
ତବ ପୁତ୍ରୋ ମହାରାଜ ପ୍ରଯଯୌ ଯତ୍ର ସୌବଲଃ॥ 9-24-24 (61485)
ତତୋ ରଥେଷୁ ଭଗ୍ନେଷୁ ତ୍ରିସାହସ୍ରା ମହାଦ୍ବିପାଃ।
ପାଣ୍ଡବାନ୍ରଥିନଃ ସର୍ବାନ୍ସମନ୍ତାତ୍ପର୍ଯବାରଯନ୍॥ 9-24-25 (61486)
ତେ ବୃତାଃ ସମରେ ପଞ୍ଚ ଗଜାନୀକେନ ଭାରତ।
ଅଶୋଭନ୍ତ ମହାରାଜ ଗ୍ରହାସ୍ତାରାଗଣୈରିବ॥ 9-24-26 (61487)
ତତୋଽର୍ଜୁନୋ ମହାରାଜ ଲବ୍ଧଲକ୍ଷୌ ମହାଭୁଜଃ।
ବିନିର୍ଯଯୌ ରଥେନୈବ ଶ୍ବେତାଶ୍ବଃ କୃଷ୍ଣସାରଥିଃ॥ 9-24-27 (61488)
ତୈଃ ସମନ୍ତାତ୍ପରିବୃତଃ କୁଞ୍ଜରୈଃ ପର୍ବତୋପମୈଃ।
ନାରାଚୈର୍ବିମଲୈସ୍ତୀକ୍ଷ୍ଣୈର୍ଗଜାନୀକମଯୋଧଯତ୍॥ 9-24-28 (61489)
ତତ୍ରୈକବାଣନିହତାନପଶ୍ଯାମ ମହାଗଜାନ୍।
ପତିତାନ୍ପାତ୍ଯମାନାଂଶ୍ଚ ନିର୍ଭିନ୍ନାନ୍ସବ୍ଯସାଚିନା॥ 9-24-29 (61490)
ଭୀମସେନସ୍ତୁ ତାନ୍ଦୃଷ୍ଟ୍ବା ନାଗାନ୍ମତ୍ତଗଜୋପମଃ।
କରେଣାଦାଯ ମହତୀଂ ଗଦାମଭ୍ଯପତଦ୍ବଲୀ।
ଅଥାପ୍ଲୁତ୍ଯ ରଥାତ୍ତୂର୍ଣଂ ଦଣ୍ଡପାଣିରିବାନ୍ତକଃ॥ 9-24-30 (61491)
ତମୁଦ୍ଯତଗଦଂ ଦୃଷ୍ଟ୍ବା ପାଣ୍ଡବାନାଂ ମହାରଥମ୍।
ବିତ୍ରେସୁସ୍ତାବକାଃ ସୈନ୍ଯାଃ ଶକୃନ୍ମୂତ୍ରଂ ଚ ସୁସ୍ରୁବୁଃ॥ 9-24-31 (61492)
ଆବିଗ୍ନଂ ଚ ବଲଂ ସର୍ବଂ ଗଦାହସ୍ତେ ବୃକୋଦରେ॥ 9-24-32 (61493)
ଗଦଯା ଭୀମସେନେନ ଭିନ୍ନକୁମ୍ଭାନ୍ନିପାତିତାନ୍।
ଧାବମାନାନପଶ୍ଯାମ କୁଞ୍ଜରାନ୍ପର୍ବତୋପମାନ୍॥ 9-24-33 (61494)
ପ୍ରାଦ୍ରବନ୍କୁଞ୍ଜରାସ୍ତେ ତୁ ଭୀମସେନଗଦାହତାଃ।
ପେତୁରାର୍ତସ୍ବରଂ କୃତ୍ବା ଛିନ୍ନପକ୍ଷା ଇବାଦ୍ରଯଃ॥ 9-24-34 (61495)
ପ୍ରଭିନ୍ନକୁମ୍ଭାଂସ୍ତୁ ବହୂନ୍ଦ୍ରବମାଣାନିତସ୍ତତଃ।
ପତମାନାଂଶ୍ଚ ସମ୍ପ୍ରେକ୍ଷ୍ଯ ବିତ୍ରେସୁସ୍ତବ ସୈନିକାଃ॥ 9-24-35 (61496)
ଯୁଧିଷ୍ଠିରୋଽପି ସଙ୍କ୍ରୁଦ୍ଧୋ ମାଦ୍ରୀପୁତ୍ରୌ ଚ ପାଣ୍ଡବୌ।
ଗାର୍ଧ୍ରପତ୍ରୈଃ ଶିତୈର୍ବାଣୈର୍ଜଘ୍ନୁର୍ବୈ ଗଜଯୋଧିନଃ॥ 9-24-36 (61497)
ଧୃଷ୍ଟଦ୍ଯୁମ୍ନସ୍ତୁ ସମରେ ପାରଜିତ୍ଯ ନରାଧିପମ୍।
ଅପକ୍ରାନ୍ତେ ତବ ସୁତେ ହଯପୃଷ୍ଠେ ସମାଶ୍ରିତେ॥ 9-24-37 (61498)
ଦୃଷ୍ଟ୍ବା ଚ ପାଣ୍ଡବାନ୍ସର୍ବାନ୍କୁଞ୍ଚରୈଃ ପରିବାରିତାନ୍।
ଧୃଷ୍ଟଦ୍ଯୁମ୍ନୋ ମହାରାଜ ସହସା ସମୁପାଦ୍ରବତ୍॥ 9-24-38 (61499)
ପୁତ୍ରଃ ପାଞ୍ଚାଲରାଜସ୍ଯ ଜିଘାଂସୁଃ କୁଞ୍ଜରାନ୍ଯଯୌ।
ଅଦୃଷ୍ଟ୍ବା ତୁ ରଥାନୀକେ ଦୁର୍ଯୋଧନମରିନ୍ଦମମ୍॥ 9-24-39 (61500)
ଅଶ୍ବତ୍ଥାମା କୃପଶ୍ଚୈବ କୃତବର୍ମା ଚ ସାତ୍ବତଃ।
ଅପୃଚ୍ଛନ୍କ୍ଷତ୍ରିଯାଂସ୍ତତ୍ର କ୍ବ ନୁ ଦୁର୍ଯୋଧନୋ ଗତଃ॥ 9-24-40 (61501)
ତେଽପଶ୍ଯମାନା ରାଜାନଂ ବର୍ତମାନେ ଜନକ୍ଷଯେ।
ମନ୍ବାନା ନିହତଂ ତତ୍ର ତବ ପୁତ୍ରଂ ମହାରଥାଃ।
ବିବର୍ଣବଦନା ଭୂତ୍ବା ପର୍ଯପୃଚ୍ଛନ୍ତ ତେ ସୁତମ୍॥ 9-24-41 (61502)
ଆହୁଃ କେଚିଦ୍ବତେ ସୂତେ ପ୍ରଯାତୋ ଯତ୍ର ସୌବଲଃ।
ହିତ୍ବା ପାଞ୍ଚାଲରାଜସ୍ଯ ତଦନୀକଂ ଦୁରୁତ୍ସହମ୍॥ 9-24-42 (61503)
ଅପରେ ତ୍ବବ୍ରୁବଂସ୍ତତ୍ର କ୍ଷତ୍ରିଯା ଭୃଶବିକ୍ଷତାଃ।
ଦୁର୍ଯୋଧନେନ କିଂ କାର୍ଯଂ ଦ୍ରକ୍ଷ୍ଯଧ୍ବଂ ଯଦି ଜୀବତି।
ଯୁଧ୍ଯଧ୍ବଂ ସହିତାଃ ସର୍ବେ କିଂ ବୋ ରାଜା କରିଷ୍ଯତି॥ 9-24-43 (61504)
ତେ କ୍ଷତ୍ରିଯାଃ କ୍ଷତୈର୍ଗାତ୍ରୈର୍ହତଭୂଯିଷ୍ଠବାହନାଃ।
ଶରୈଃ ସମ୍ପୀଡ୍ଯମାନାସ୍ତୁ ନାତିବ୍ଯକ୍ତମଥାବ୍ରୁବନ୍॥ 9-24-44 (61505)
ଇଦଂ ସର୍ବଂ ବଲଂ ହନ୍ମୋ ଯେନ ସ୍ମ ପରିବାରିତାଃ।
ଏତେ ସର୍ବେ ଗଜାନ୍ହତ୍ବା ଉପଯାନ୍ତି ସ୍ମ ପାଣ୍ଡବାଃ॥ 9-24-45 (61506)
ଶ୍ରୁତ୍ବା ତୁ ବଚନଂ ତେଷାମଶ୍ବତ୍ଥାମା ମହାବଲଃ।
ଭିତ୍ତ୍ବା ପାଞ୍ଚାଲରାଜସ୍ଯ ତଦନୀକଂ ଦୁରୁତ୍ସହମ୍॥ 9-24-46 (61507)
କୃପଶ୍ଚ କୃତବର୍ମା ଚ ପ୍ରଯଯୌ ଯତ୍ର ସୌବଲଃ।
ରଥାନୀକଂ ପରିତ୍ଯଜ୍ଯ ଶୂରାଃ ସୁଦୃଢଧନ୍ବିନଃ॥ 9-24-47 (61508)
ତତସ୍ତେଷୁ ପ୍ରଯାତେଷୁ ଧୃଷ୍ଟଦ୍ଯୁମ୍ନପୁରସ୍କୃତାଃ।
ଆଯଯୁଃ ପାଣ୍ଡବା ରାଜନ୍ବିନିଘ୍ନନ୍ତଃ ସ୍ମ ତାବକାନ୍॥ 9-24-48 (61509)
ଦୃଷ୍ଟ୍ବା ତୁ ତାନାପତତଃ ସମ୍ପ୍ରହୃଷ୍ଟାନ୍ମହାରଥାନ୍।
ପରାକ୍ରାନ୍ତାସ୍ତତୋ ବୀରା ନିରାଶା ଜୀବିତେ ତଦା॥ 9-24-49 (61510)
ବିବର୍ଣମୁଖଭୂଯିଷ୍ଠମଭବତ୍ତାବକଂ ବଲମ୍।
ପରିକ୍ଷୀଣାଯୁଧାନ୍ଦୃଷ୍ଟ୍ବା ତାନହଂ ପରିବାରିତାନ୍॥ 9-24-50 (61511)
ରାଜନ୍ବଲେନ ତ୍ର୍ଯଙ୍ଗେନ ତ୍ଯକ୍ତ୍ବା ଜୀବିତମାତ୍ମନଃ।
ଆତ୍ମନା ପଞ୍ଚମୋଽଯୁଧ୍ଯଂ ପାଞ୍ଚାଲସ୍ଯ ବଲେନ ହ॥ 9-24-51 (61512)
ତସ୍ମିନ୍ଦେଶେ ବ୍ଯବସ୍ଥାଯ ଯତ୍ର ଶାରଦ୍ବତଃ ସ୍ଥିତଃ।
ସମ୍ପ୍ରଦ୍ରୁତା ବଯଂ ପଞ୍ଚ କିରୀଟିଶରପୀଡିତାଃ॥ 9-24-52 (61513)
ଧୃଷ୍ଟଦ୍ଯୁମ୍ନଂ ମହାରୌଦ୍ରଂ ତତ୍ର ନାଭୂଦ୍ରଣୋ ମହାନ୍।
ଜିତାସ୍ତେନ ବଯଂ ସର୍ବେ ବ୍ଯପଯାମ ରଣାତ୍ତତଃ॥ 9-24-53 (61514)
ଅଥାପଶ୍ଯଂ ସାତ୍ଯକିଂ ତମୁପାଯାତଂ ମହାରଥମ୍।
ରଥୈଶ୍ଚତୁଃ ଶତୈର୍ବୀରୋ ମାମଭ୍ଯଦ୍ରବଦାହବେ॥ 9-24-54 (61515)
ଧୃଷ୍ଟଦ୍ଯୁମ୍ନାଦହଂ ମୁକ୍ତଃ କଞ୍ଛିଛ୍ରାନ୍ତବାହନାତ୍।
ପତିତୋ ମାଧବାନୀକଂ ଦୁଷ୍କୃତୀ ନରକଂ ଯଥା॥ 9-24-55 (61516)
ତତ୍ର ଯୁଦ୍ଧମଭୂଦ୍ଧୋରଂ ମୁହୂର୍ତମତିଦାରୁଣମ୍॥ 9-24-56 (61517)
ସାତ୍ଯକିସ୍ତୁ ମହାବାହୁର୍ମମ ହତ୍ବା ପରିଚ୍ଛଦମ୍।
ଜୀବଗ୍ରାହମଗୃହ୍ଣାନ୍ମାଂ ମୂର୍ଚ୍ଛିତଂ ପତିତଂ ଭୁବି॥ 9-24-57 (61518)
ତତୋ ମୁହୂର୍ତାଦିବ ତଦ୍ଗଜାନୀକମବିଧ୍ଯତ।
ଗଦଯା ଭୀମସେନେନ ନାରାଚୈରର୍ଜୁନେନ ଚ॥ 9-24-58 (61519)
ଅଭିପିଷ୍ଟୈର୍ମହାନାଗୈଃ ସମନ୍ତାତ୍ପର୍ବତୋପମୈଃ।
ନାତିପ୍ରସିଦ୍ଧୈବ ଗତିଃ ପାଣ୍ଡବାନାମଜାଯତ॥ 9-24-59 (61520)
ରଥମାର୍ଗଂ ତତଶ୍ଚକ୍ରେ ଭୀମସେନୋ ମହାବଲଃ।
ପାଣ୍ଡବାନାଂ ମହାରାଜ ବ୍ଯପାକର୍ଷନ୍ମହାଗଜାନ୍॥ 9-24-60 (61521)
ଅଶ୍ବତ୍ଥାମା କୃପଶ୍ଚୈବ କୃତବର୍ମା ଚ ସାତ୍ବତଃ।
ଅପଶ୍ଯନ୍ତୋ ରଥାନୀକେ ଦୁର୍ଯୋଧନସମରିନ୍ଦମମ୍।
ରାଜାନଂ ମୃଗଯାମାସୁସ୍ତବ ପୁତ୍ରଂ ମହାରଥମ୍॥ 9-24-61 (61522)
ପରିତ୍ଯଜ୍ଯ ଚ ପାଞ୍ଚାଲ୍ଯଂ ପ୍ରଯାତା ଯତ୍ର ସୌବଲଃ।
ରାଜ୍ଞୋଽଦର୍ଶନସଂବିଗ୍ନା ବର୍ତମାନୋ ଜନକ୍ଷଯେ॥ ॥ 9-24-62 (61523)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଶଲ୍ଯବଧପର୍ବଣି ଅଷ୍ଟାଦଶଦିବସଯୁଦ୍ଧେ ଚତୁର୍ବିଂଶୋଽଧ୍ଯାଯଃ॥ 24 ॥
Mahabharata - Shalya Parva - Chapter Footnotes
9-24-4 ସମ୍ପ୍ରଦୁଦ୍ରାବେତି ପୂର୍ବସ୍ଥଂ ସମ୍ପ୍ରଦୁଦ୍ରୁବୁରିତି ବିପରିଣାମେନ ସମ୍ବଧ୍ଯତେ॥ 9-24-24 ଚତୁର୍ବିଂଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 025
॥ ଶ୍ରୀଃ ॥
9.25. ଅଧ୍ଯାଯଃ 025
Mahabharata - Shalya Parva - Chapter Topics
ଭୀମେନାବଶିଷ୍ଟାନାଂ ଦୁର୍ଯୋଧନାନୁଜାନାଂ ବଧଃ॥ 1 ॥Mahabharata - Shalya Parva - Chapter Text
9-25-0 (61524)
ସଞ୍ଜଯ ଉବାଚ। 9-25-0x (5122)
ଗଜାନୀକେ ହତେ ତସ୍ମିନ୍ପାଣ୍ଡୁପୁତ୍ରେଣ ଭାରତ।
ବଧ୍ଯମାନେ ବଲେ ଚୈବ ଭୀମସେନେନ ସଂଯୁଗେ॥ 9-25-1 (61525)
ଚରନ୍ତଂ ଚ ପ୍ରପଶ୍ଯାମୋ ଭୀମସେନମରିନ୍ଦମମ୍।
ଦଣ୍ଡହସ୍ତଂ ଯଥା କ୍ରୁଦ୍ବମନ୍ତକଂ ପ୍ରାଣହାରିଣମ୍॥ 9-25-2 (61526)
ସମେତ୍ଯ ସମରେ ରାଜନ୍ହତଶେଷାଃ ସୁତାସ୍ତବ।
ଅଦୃଶ୍ଯମାନେ କୌରବ୍ଯେ ପୁତ୍ରେ ଦୁର୍ଯୋଧନେ ତବ।
ସୋଦର୍ଯାଃ ସହିତା ଭୂତ୍ବା ଭୀମସେନମୁପାଦ୍ରବନ୍॥ 9-25-3 (61527)
ଶ୍ରୁତର୍ବା ସଞ୍ଜଯଶ୍ଚୈବ ଜଯତ୍ସେନଃ ଶ୍ରୁତାନ୍ତକଃ।
ଦୁର୍ବିମୋଚନକଶ୍ଚୈବ ତଥା ଦୁର୍ବିଷହୋ ବଲୀ॥ 9-25-4 (61528)
ଦୁର୍ମର୍ଷଣଃ ସୁଜାତଶ୍ଚ ଜୈତ୍ରୋ ଭୂରିବଲୋ ରବିଃ।
ଇତ୍ଯେତେ ସହିତା ଭୂତ୍ବା ତବ ପୁତ୍ରାଃ ସମନ୍ତତଃ।
ଭୀମସେନମଭିଦ୍ରୁତ୍ଯ ରୁରୁଧୁଃ ସର୍ବତୋ ଦିଶମ୍॥ 9-25-5 (61529)
ତତୋ ଭୀମୋ ମହାରାଜ ସ୍ବରଥଂ ପୁନରାସ୍ଥିତଃ।
ମୁମୋଚ ନିଶିତାନ୍ବାଣାନ୍ପୁତ୍ରାଣାଂ ତବ ମର୍ମସୁ॥ 9-25-6 (61530)
ତେ କୀର୍ଯମାଣା ଭୀମେନ ପୁତ୍ରାସ୍ତବ ମହାରଣେ।
ଭୀମସେନମୁପାସେଦୁଃ ପ୍ରବାତା ଇବ କୁଞ୍ଜରମ୍॥ 9-25-7 (61531)
ତତଃ କ୍ରୁଦ୍ଧୋ ରଣେ ଭୀମଃ ଶିରୋ ଦୁର୍ମର୍ଷଣସ୍ଯ ହ।
କ୍ଷୁରପ୍ରେଣ ପ୍ରମଥ୍ଯାଶୁ ପାତଯାମାସ ଭୂତଲେ॥ 9-25-8 (61532)
ତତୋଽପରେଣ ଭଲ୍ଲେନ ସର୍ବାବରଣଭେଦିନା।
ଶ୍ରୁତାନ୍ତମବଧୀଦ୍ବୀମସ୍ତବ ପୁତ୍ରଂ ମହାରଥଃ॥ 9-25-9 (61533)
ଜଯତ୍ସେନଂ ତତୋ ବିଦ୍ବା ନାରାଚେନ ହସନ୍ନିବ।
ପାତଯାମାସ କୌରବ୍ଯଂ ରଥୋପସ୍ଥାଦରିନ୍ଦମଃ।
ସ ପପାତ ରଥାଦ୍ରାଜନ୍ଭୂମୌ ତୂର୍ଣଂ ମମାର ଚ॥ 9-25-10 (61534)
ଶ୍ରୁତର୍ବା ତୁ ତତୋ ଭୀମଂ କ୍ରୁଦ୍ଧୋ ବିବ୍ଯାଧ ମାରିଷ।
ଶତେନ ଗୃଘ୍ରବାଜାନାଂ ଶରାଣାଂ ନତପର୍ବଣାମ୍॥ 9-25-11 (61535)
ତତଃ କ୍ରୁଦ୍ଧୋ ରଣେ ଭୀମୋ ଜୈତ୍ରଂ ଭୂରିବଲଂ ରବିମ୍।
ତ୍ରୀନେତାଂସ୍ତ୍ରିଭିରାନର୍ଚ୍ଛଦ୍ବିଷାଗ୍ନିପ୍ରତିମୈଃ ଶରୈଃ॥ 9-25-12 (61536)
ତେ ହତା ନ୍ଯପତନ୍ଭୂମୌ ସ୍ଯନ୍ଦନେଭ୍ଯୋ ମହାରଥାଃ।
ବସନ୍ତେ ପୁଷ୍ପଶବଲା ନିକୃତ୍ତା ଇବ କିଂଶୁକାଃ॥ 9-25-13 (61537)
ତତୋଽପରେଣ ଭଲ୍ଲେନ ତୀକ୍ଷ୍ଣେନ ଚ ପରନ୍ତପଃ।
ଦୁର୍ବିମୋଚନମାହତ୍ଯ ପ୍ରେଷଯାମାସ ମୃତ୍ଯବେ॥ 9-25-14 (61538)
ସ ହତଃ ପ୍ରାପତଦ୍ଭୂମୌ ସ୍ବରଥାଦ୍ରଥିନାଂ ବରଃ।
ଗିରେସ୍ତୁ କୂଟଜୋ ଭଗ୍ନୋ ମାରୁତେନେବ ପାଦପଃ॥ 9-25-15 (61539)
ଦୁଷ୍ପ୍ରଧର୍ଷଂ ତତଶ୍ଚୈବ ସୁଜାତଂ ଚ ସୁତଂ ତବ।
ଏକୈକଂ ନ୍ଯହନତ୍ସଙ୍ଖ୍ଯେ ଦ୍ବାଭ୍ଯାଂଦ୍ବାଭ୍ଯାଂ ଚମୂମୁଖେ।
ତୌ ଶିଲୀମୁଖବିଦ୍ଧାଙ୍ଗୌ ପେତତୂ ରଥସତ୍ତମୌ॥ 9-25-16 (61540)
ତତଃ ପତନ୍ତଂ ସମରେ ଅଭିବୀକ୍ଷ୍ଯ ସୁତଂ ତବ।
ଭଲ୍ଲେନ ପାତଯାମାସ ଭୀମୋ ଦୁର୍ବିପହଂ ରଣେ॥ 9-25-17 (61541)
ସ ପପାତ ହତୋ ବାହାତ୍ପଶ୍ଯତାଂ ସର୍ବଧନ୍ବିନାମ୍॥ 9-25-18 (61542)
ଦୃଷ୍ଟ୍ବା ତୁ ନିହତାନ୍ଭ୍ରାତୄନ୍ବହୂନେକେନ ସଂଯୁଗେ।
ଅମର୍ଷଧଶମାପସଃ ଶ୍ରୁତର୍ବା ଭୀମମଭ୍ଯଯାତ୍॥ 9-25-19 (61543)
ବିକ୍ଷିପନ୍ସୁମହଚ୍ଚାପଂ କାର୍ତଖରବିଭୂଷିତମ୍।
ବିମୃଜନ୍ସାଯକାଂଶ୍ଚୈବ ବିଷାଗ୍ନିପ୍ରତିମାନ୍ବହୂନ୍॥ 9-25-20 (61544)
ସ ତୁ ରାଜନ୍ଧନୁଶ୍ଛିତ୍ତ୍ବା ପାଣ୍ଡବସ୍ଯ ମହାମୃଧେ।
ଅଥୈନଂ ଛିନ୍ନଧନ୍ବାନଂ ବିଂଶତ୍ଯା ସମବାକିରତ୍॥ 9-25-21 (61545)
ତତୋଽନ୍ଯଦ୍ଧନୁରାଦାଯ ଭୀମସେନୋ ମହାବଲଃ।
ଅବାକିରତ୍ତବ ସୁତଂ ତିଷ୍ଠତିଷ୍ଠେତି ଚାବ୍ରବୀତ୍॥ 9-25-22 (61546)
ମହଦାସୀତ୍ତଯୋର୍ଯୁଦ୍ଧଂ ଚିତ୍ରରୂପଂ ଭଯାନକମ୍।
ବାଦୃଶଂ ସମରେ ପୂର୍ବଂ ତମ୍ଭବାସବଯୋର୍ଯୁଧି॥ 9-25-23 (61547)
ତଯୋସ୍ତତ୍ର ଶିତୈର୍ଗୁକ୍ତୈର୍ଯମଦଣ୍ଡନିଭୈଃ ଶରୈଃ।
ସମାଚ୍ଛକାଧାରା ସର୍ବା ତ୍ବଂ ଦିଶୋ ବିଦିଶସ୍ତଥା॥ 9-25-24 (61548)
ଅତଃ ଶ୍ରୁତର୍ବା ସଙ୍କ୍ରୁଦ୍ଧୋ ଧନୁରାଦାଯ ସାଯକୈଃ।
ଭୀମସେନଂ ରଣେ ରାଜନ୍ବାହ୍ବୋରୁରସି ଚାର୍ପଯତ୍॥ 9-25-25 (61549)
ସୋଽତିବିଦ୍ଧୋ ମହାରାଜ ତବ ପୁତ୍ରେଣ ଧନ୍ବିନା।
ଭୀମଃ ସଞ୍ଚୁକ୍ଷୁଭେ କ୍ରୁଦ୍ଧଃ ପର୍ବଣୀବ ମହୋଦଧିଃ॥ 9-25-26 (61550)
ତତୋ ଭୀମୋ ରୁଷାବିଷ୍ଟଃ ପୁତ୍ରସ୍ଯ ତବ ମାରିଷ।
ସାରଥିଂ ଚତୁରଶ୍ଚାଶ୍ବାଞ୍ଶରୈର୍ନିନ୍ଯେ ଯମକ୍ଷଯମ୍॥ 9-25-27 (61551)
ବିରଥଂ ତଂ ସମାଲକ୍ଷ୍ଯ ବିଶିଖୈର୍ଲୋମବାହିଭିଃ।
ଅବାକିରଦମେଯାତ୍ମା ଦର୍ଶଯନ୍ପାଣିଲାଘବମ୍॥ 9-25-28 (61552)
ଶ୍ରୁତର୍ବା ବିରଥୋ ରାଜନ୍ନାଦଦେ ଖଙ୍ଗଚର୍ମଣୀ।
ଅଥାସ୍ଯାଦଦତଃ ଖହ୍ଗଂ ଶତଚନ୍ଦ୍ରଂ ଚ ଭାନୁମତ୍।
କ୍ଷୁରପ୍ରେଣଂ ଶିରଃ କାଯାତ୍ପାତଯାମାସ ପାଣ୍ଡବଃ॥ 9-25-29 (61553)
ଛିନ୍ନୋତ୍ତମାଙ୍ଗସ୍ଯ ତତଃ କ୍ଷୁରପ୍ରେଣ ମହାତ୍ମନା।
ପପାତ କାଯଃ ସ୍ବରଥାଦ୍ବସୁଧାମନୁନାଦଯନ୍॥ 9-25-30 (61554)
ତସ୍ମିନ୍ନିପତିତେ ବୀରେ ତାବକା ଭଯମୋହିତାଃ।
ଅଭ୍ଯଦ୍ରବନ୍ତ ସଙ୍ଗ୍ରାମେ ଭୀମସେନଂ ଯୁଯୁତ୍ସବଃ॥ 9-25-31 (61555)
ତାନାପତତ ଏବାଶୁ ହତଶେଷାଦ୍ବଲାର୍ଣବାତ୍।
ଦଂଶିତାନ୍ପ୍ରତିଜଗ୍ରାହ ଭୀମସେନଃ ପ୍ରତାପବାନ୍॥ 9-25-32 (61556)
ତେ ତୁ ତଂ ବୈ ସମାସାଦ୍ଯ ପରିବବ୍ରୁଃ ସମନ୍ତତଃ॥ 9-25-33 (61557)
ତତସ୍ତୁ ସଂବୃତୋ ଭୀମସ୍ତାବକାନ୍ନିଶିତୈଃ ଶରୈଃ।
ପୀଡଯାମାସ ତାନ୍ସର୍ବାନ୍ସହସ୍ରାକ୍ଷ ଇବାସୁରାନ୍॥ 9-25-34 (61558)
ତତଃ ପଞ୍ଚଶତାନ୍ହତ୍ବା ସବରୂଥାନ୍ମହାରଥାନ୍।
ଜଘାନ କୁଞ୍ଜରାନୀକଂ ପୁନଃ ସପ୍ତଶତଂ ଯୁଧି॥ 9-25-35 (61559)
ହତ୍ବା ଶତସହସ୍ରାଣି ପତ୍ତୀନାଂ ପରମେଷୁଭିଃ।
ବାଜିନାଂ ଚ ଶତାନ୍ଯଷ୍ଟୌ ପାଣ୍ଡବଃ ସ୍ମ ବିରାଜତେ॥ 9-25-36 (61560)
ଭୀମସେନସ୍ତୁ କୌନ୍ତେଯୋ ହତ୍ବା ଯୁଦ୍ଧେ ସୁତାଂସ୍ତବ।
ମେନେ କୃତାର୍ଥମାତ୍ମାନଂ ସଫଲଂ ଜନ୍ମ ଚ ପ୍ରଭୋ॥ 9-25-37 (61561)
ତଂ ତଥା ଯୁଧ୍ଯମାନଂ ଚ ବିନିଘ୍ନନ୍ତଂ ଚ ତାବକାନ୍।
ଈକ୍ଷିତୁଂ ନୋତ୍ସହନ୍ତେ ସ୍ମ ତବ ସୈନ୍ଯା ନରାଧିପ॥ 9-25-38 (61562)
ବିଦ୍ରାବ୍ଯ ଚ କୁରୂନ୍ସର୍ବାଂସ୍ତାଂଶ୍ଚ ହତ୍ବା ପଦାନୁଗାନ୍।
ଦୋର୍ଭ୍ଯାଂ ଶବ୍ଦଂ ତତଶ୍ଚକ୍ରେ ତ୍ରାସଯାନୋ ମହାଦ୍ବିପାନ୍॥ 9-25-39 (61563)
ହତଭୂଯିଷ୍ଠଯୋଧା ତୁ ତବ ସେନା ବିଶାମମ୍ପତେ।
କିଞ୍ଚିଚ୍ଛେଷା ମହାରାଜ କୃପଣଂ ସମପଦ୍ଯତ॥ ॥ 9-25-40 (61564)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଶଲ୍ଯବଧପର୍ବଣି ଅଷ୍ଟାଦଶଦିବସଯୁଦ୍ଧେ ପଞ୍ଚବିଂଶୋଽଧ୍ଯାଯଃ॥ 25 ॥
Mahabharata - Shalya Parva - Chapter Footnotes
9-25-7 ପ୍ରବଣାଦିବ କୁଞ୍ଜରମିତି ଝ.ପାଠଃ॥ 9-25-25 ପଞ୍ଚବିଂଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 026
॥ ଶ୍ରୀଃ ॥
9.26. ଅଧ୍ଯାଯଃ 026
Mahabharata - Shalya Parva - Chapter Topics
କୃଷ୍ଣାର୍ଜୁନଯୋଃ ସଂବାଦଃ॥ 1 ॥ ସଙ୍କୁଲଯୁଦ୍ଧମ୍॥ 2 ॥ ଭୀମେନ ସୁଦର୍ଶନନାମ୍ନୋ ଦୁର୍ଯୋଧନାନୁଜସ୍ଯ ବଧଃ॥ 3 ॥Mahabharata - Shalya Parva - Chapter Text
9-26-0 (61565)
ସଞ୍ଜଯ ଉବାଚ। 9-26-0x (5123)
ଦୁର୍ଯୋଧନୋ ମହାରାଜ ସୁଦର୍ଶଶ୍ଚାପି ତେ ସୁତଃ।
ହତଶେଷୌ ତଦା ସଙ୍ଖ୍ଯେ ବାଜିମଧ୍ଯେ ବ୍ଯବସ୍ଥିତୌ॥ 9-26-1 (61566)
ତତୋ ଦୁର୍ଯୋଧନଂ ଦୃଷ୍ଟ୍ବା ବାଜିମଧ୍ଯେ ବ୍ଯବସ୍ଥିତମ୍।
ଉବାଚ ଦେବକୀପୁତ୍ରଃ କୁନ୍ତୀପୁତ୍ରଂ ଧନଞ୍ଜଯମ୍॥ 9-26-2 (61567)
ଶତ୍ରବୋ ହତଭୂଯିଷ୍ଠା ଜ୍ଞାତଯଃ ପରିପାଲିତାଃ।
ଗୃହୀତ୍ବା ସଞ୍ଜଯଂ ଚାସୌ ନିବୃତ୍ତଃ ଶିନିପୁଙ୍ଗବଃ॥ 9-26-3 (61568)
ପରିଶ୍ରାନ୍ତଶ୍ଚ ନକୁଲଃ ସହଦେବଶ୍ଚ ଭାରତ।
ଯୋଧଯିତ୍ବା ରଣେ ପାପାନ୍ଧାର୍ତରାଷ୍ଟ୍ରାନ୍ସହାନୁଗାନ୍॥ 9-26-4 (61569)
ଦୁର୍ଯୋଧନମତିକ୍ରମ୍ଯ ତ୍ରଯ ଏତେ ବ୍ଯବସ୍ଥିନ୍ତାଃ।
କୃପଶ୍ଚ କୃତବର୍ମା ଚ ଦ୍ରୌଣିଶ୍ଚୈବ ମହାରଥଃ॥ 9-26-5 (61570)
ଅସୌ ତିଷ୍ଠତି ପାଞ୍ଚାଲ୍ଯଃ ଶ୍ରିଯା ପରମଯା ଯୁତଃ।
ଦୁର୍ଯୋଧନବଲଂ ହତ୍ବା ସହ ସର୍ବୈଃ ପ୍ରଭଦ୍ରକୈଃ॥ 9-26-6 (61571)
ଅସୌ ଦୁର୍ଯୋଧନଃ ପାର୍ଥ ବାଜିମଧ୍ଯେ ବ୍ଯବସ୍ଥିତଃ।
ଛତ୍ରେଣ ଧ୍ରିଯାମଣେନ ପ୍ରେକ୍ଷମାଣୋ ମୁହୁର୍ମୁହୁଃ॥ 9-26-7 (61572)
ପ୍ରତିବ୍ଯୂହ୍ଯ ବଲଂ ସର୍ବଂ ରଣମଧ୍ଯେ ବ୍ଯବସ୍ଥିତଃ।
ଏନଂ ହତ୍ବା ଶିତୈର୍ବାଣୈଃ କୃତକୃତ୍ଯୋ ଭବିଷ୍ଯସି॥ 9-26-8 (61573)
ଗଜାନୀକଂ ହତଂ ଦୃଷ୍ଟ୍ବା ତ୍ବାଂ ଚ ପ୍ରାପ୍ତମରିନ୍ଦମ।
ଯାବନ୍ନ ବିଦ୍ରବନ୍ତ୍ଯେତେ ତାବଜ୍ଜହି ସୁଯୋଧନ୍ସମ୍॥ 9-26-9 (61574)
ଯାତୁ କଶ୍ଚିତ୍ତୁଂ ପାଞ୍ଚାଲ୍ଯଂ କ୍ଷିପ୍ରମାଗମ୍ଯତାମିତି।
ପରିଶ୍ରାନ୍ତବଲସ୍ତାତ ନୈଷ ମୁଚ୍ଯେତ କିଲ୍ବିଷୀ॥ 9-26-10 (61575)
ହତ୍ବା ତବ ବଲଂ ସର୍ବଂ ସଙ୍ଗ୍ରମେ ଧୃତରାଷ୍ଟ୍ରଜଃ।
ଜିତାନ୍ପାଣ୍ଡୁସୁତାନ୍ପ୍ରତ୍ବା ରୂପଂ ଧାରଯତେ ମହତ୍॥ 9-26-11 (61576)
ନିହତଂ ସ୍ବବଲଂ ଦୃଷ୍ଟ୍ବା ପୀଡିତଂ ଚାପି ପାଣ୍ଡବୈଃ।
ଧ୍ରୁବମେଷ୍ଯତି ସଙ୍ଗ୍ରମେ ବଧାଯୈବାତ୍ମନୋ ନୃପଃ॥ 9-26-12 (61577)
ଏବମୁକ୍ତଃ ଫଲ୍ଗୁନସ୍ତୁ କୃଷ୍ଣଂ ବଚନମବ୍ରବୀତ୍।
ଧୃତରାଷ୍ଟ୍ରସୁତାଃ ସର୍ବେ ହତା ଭୀମେନ ମାଧବ।
ଯାବେତାବାସ୍ଥିତୌ କୃଷ୍ଣ ତାବଦ୍ଯ ନଭବିଷ୍ଯତଃ॥ 9-26-13 (61578)
ହତୋ ଭୀଷ୍ମୋ ହତୋ ଦ୍ରୋଣଃ କର୍ଣୋ ବୈକର୍ତନୋ ହତଃ।
ମଦ୍ରରାଜୋ ହତଃ ଶଲ୍ଯୋ ହତଃ କୃଷ୍ଣ ଜଯଦ୍ରଥଃ॥ 9-26-14 (61579)
ହଯାଃ ପଞ୍ଚଶତାଃ ଶିଷ୍ଟାଃ ଶକୁନେଃ ସୌବଲସ୍ଯ ଚ।
ରଥାନାଂ ତୁ ଶତେ ଶିଷ୍ଟେ ଦ୍ବେ ଏବ ତୁ ଜନାର୍ଦନ।
ଦନ୍ତିନାଂ ଚ ଶତଂ ସାଗ୍ରଂ ତ୍ରିସାହସ୍ରାଃ ପଦାତଯଃ॥ 9-26-15 (61580)
ଅଶ୍ବତ୍ଥାମା କୃପଶ୍ଚୈବ ତ୍ରିଗର୍ତାଧିପତିସ୍ତଥା।
ଉଲୂକଃ ଶକୁନିଶ୍ଚୈବ କୃତବର୍ମା ଚ ସାତ୍ବତଃ॥ 9-26-16 (61581)
ଏତଦ୍ବଲମଭୂଚ୍ଛେଷଂ ଧାର୍ତରାଷ୍ଟ୍ରସ୍ଯ ମାଧବ।
ମୋକ୍ଷୋ ନ ନୂନଂ କାଲାତ୍ତୁ ବିଦ୍ଯତେ ଭୁବି କସ୍ଯଚିତ୍॥ 9-26-17 (61582)
ତଥା ବିନିହତେ ସୈନ୍ଯେ ପଶ୍ଯ ଦୁର୍ଯୋଧନଂ ସ୍ଥିତମ୍।
ଅଦ୍ଯାହ୍ନା ହି ମହାରାଜୋ ହତାମିତ୍ରୋ ଭବିଷ୍ଯତି।
ନ ହି ମେ ମୋକ୍ଷ୍ଯତେ କଶ୍ଚିତ୍ପରେଷାମିହ ଚିନ୍ତଯେ॥ 9-26-18 (61583)
ଯେ ତ୍ବଦ୍ଯ ସମରଂ କୃଷ୍ଣ ନ ହାସ୍ଯନ୍ତି ମଦୋତ୍କଟାଃ।
ତାନ୍ବୈ ସର୍ବାନ୍ହନିଷ୍ଯାମି ଯଦ୍ଯପି ସ୍ଯୁରମାନୁଷାଃ॥ 9-26-19 (61584)
ଅଦ୍ଯ ଯୁଦ୍ଧେ ସମୁତ୍ପନ୍ନଂ ଦୀର୍ଘଂ ରାଜ୍ଞଃ ପ୍ରଜାଗରମ୍।
ଅପନେଷ୍ଯାମି ଗାନ୍ଧାରିଂ ଘାତଯିତ୍ବା ଶିତୈଃ ଶରୈଃ॥ 9-26-20 (61585)
ନିକୃତ୍ଯା ବୈ ଦୁରାଚାରୋ ଯାନି ରତ୍ନାନି ସୌବଲଃ।
ସଭାଯାମହରଦ୍ଦ୍ଯୂତେ ପୁନସ୍ତାନ୍ଯାହରାମ୍ଯହମ୍॥ 9-26-21 (61586)
ଅଦ୍ଯ ବେତ୍ସ୍ଯନ୍ତି ମଚ୍ଛକ୍ତିଂ ସର୍ବା ନାଗପୁରେ ସ୍ତ୍ରିଯଃ।
ଶ୍ରୁତ୍ବା ପତୀଂଶ୍ଚ ପୁତ୍ରାଂଶ୍ଚ ପାଣ୍ଡବୈର୍ନିହତାନ୍ଯୁଧି॥ 9-26-22 (61587)
ସମାପ୍ତମଦ୍ଯ ବୈ କର୍ମ ସର୍ବଂ କୃଷ୍ଣ ଭବିଷ୍ଯତି।
ଅଦ୍ଯ ଦୁର୍ଯୋଧନୋ ଦୀପ୍ତାଂ ଶ୍ରିଯଂ ପ୍ରାଣାଂଶ୍ଚ ମୋକ୍ଷ୍ଯତି॥ 9-26-23 (61588)
ନାପଯାତି ଭଯାତ୍କୃଷ୍ଣ ସଙ୍ଗ୍ରାମାଦ୍ଯଦି ଚେନ୍ମମ।
ନିହତଂ ବିଦ୍ଧି ବାର୍ଷ୍ଣେଯ ଧାର୍ତରାଷ୍ଟ୍ରଂ ସୁବାଲିଶମ୍॥ 9-26-24 (61589)
ମମ ହ୍ଯେତଦପର୍ଯାପ୍ତଂ ବାଜିବୃନ୍ଦମରିନ୍ଦମ।
ସୋଢୁଂ ଜ୍ଯାତଲନିର୍ଘୋଷଂ ଯାହି ଯାବନ୍ନିହନ୍ମ୍ଯହମ୍॥ 9-26-25 (61590)
ସଞ୍ଜଯ ଉବାଚ। 9-26-26x (5124)
ଏବମୁକ୍ତସ୍ତୁ ଦାଶାର୍ହଃ ପାଣ୍ଡବେନ ଯଶସ୍ବିନା।
ଅଚୋଦଯଦ୍ଧାଯନ୍ରାଜନ୍ଦୁର୍ଯୋଧନବଲଂ ପ୍ରତି॥ 9-26-26 (61591)
ତଦନୀକମଭିପ୍ରେକ୍ଷ୍ଯ ତ୍ରଯଃ ସଜ୍ଜା ମହାରଥାଃ।
ଭୀମସେନୋଽକର୍ଜୁନଶ୍ଚୈବ ସହଦେବଶ୍ଚ ମାରିଷ।
ପ୍ରଯଯୁଃ ସିଂହନାଦେନ ଦୁର୍ଯୋଧନଜିଘାଂସଯା॥ 9-26-27 (61592)
ତାନ୍ପ୍ରେକ୍ଷ୍ଯ ସହିତାନ୍ସର୍ବାଞ୍ଜବେନୋଦ୍ଯତକାର୍ମୁକାନ୍।
ସୌବଲୋଽଭ୍ଯଦ୍ରବଦ୍ଯୁଦ୍ଧେ ପାଣ୍ଡବାନାତତାଯିନଃ॥ 9-26-28 (61593)
ସୁଦର୍ଶନସ୍ତ୍ବ ମତୋ ଭୀମସେନଂ ସମଭ୍ଯଯାତ୍।
ସୁଶର୍ମା ଶକୁନିଶ୍ଚୈବ ଯୁଯୁଧାତେ କିରୀଟିନା॥ 9-26-29 (61594)
ସହଦେବଂ ତବ ସୁତୋ ହଯପୃଷ୍ଠଗତୋଽଭ୍ଯଯାତ୍॥ 9-26-30 (61595)
ତତୋ ହି ଯତ୍ନତଃ କ୍ଷିପ୍ରଂ ତବଂ ପୁତ୍ରୋ ଜନାଧିପ।
ପ୍ରାସେନ ସହଦେବସ୍ଯ ଶିରସି ପ୍ରାହରଦ୍ଭୃଶମ୍॥ 9-26-31 (61596)
ସୋପାବିଶଦ୍ରଥୋପସ୍ଥେ ତବ ସୁତ୍ରେଣ ତାଡିତଃ।
ରୁଧିରାପ୍ଲୁତସର୍ବାଙ୍ଗ ଆଶୀବିଷ ଇବ ଶ୍ବସନ୍॥ 9-26-32 (61597)
ପ୍ରତିଲଭ୍ଯ ତତଃ ସଞ୍ଜ୍ଞାଂ ସହଦେବୋ ବିଶାମ୍ପତେ।
ଦୁର୍ଯୋଧନଂ ଶରୈସ୍ତୀକ୍ଷ୍ଣୈଃ ସଙ୍କ୍ରୁଦ୍ଧଃ ସମବାକିରତ୍॥ 9-26-33 (61598)
ପାର୍ଥୋଽପି ଯୁଧି ବିକ୍ରମ୍ଯ କୁନ୍ତୀପୁତ୍ରୋ ଧନଞ୍ଜଯଃ।
ଶୂରାଣାମଶ୍ବପୃଷ୍ଠେଭ୍ଯଃ ଶିରାଂସି ନିଚକର୍ତ ହ॥ 9-26-34 (61599)
ତଦନୀକଂ ତଦା ପାର୍ଥୋ ବ୍ଯଧମଦ୍ବହୁଭିଃ ଶରୈଃ।
ପାତଯିତ୍ବା ହଯାନ୍ସର୍ବାଂସ୍ତ୍ରିଗର୍ତାନାଂ ରଥାନ୍ଯଯୌ॥ 9-26-35 (61600)
ତତସ୍ତେ ସହିତା ଭୂତ୍ବା ତ୍ରିଗର୍ତାନାଂ ମହାରଥାଃ।
ଅର୍ଜୁନଂ ବାସୁଦେବଂ ଚ ଶରବର୍ଷୈରବାକିରନ୍॥ 9-26-36 (61601)
ସତ୍ଯକର୍ମାଣମାକ୍ଷିପ୍ଯ କ୍ଷୁରପ୍ରେଣ ମହାଯଶାଃ।
ତତୋଽସ୍ଯ ସ୍ଯନ୍ଦନସ୍ଯେଷାଂ ଚିଚ୍ଛିଦେ ପାଣ୍ଡୁନନ୍ଦନଃ॥ 9-26-37 (61602)
ଶିଲାଶିତେନ ଚ ବିଭୋ କ୍ଷୁରପ୍ରେଣ ମହାଯଶାଃ।
ଶିରଶ୍ଚିଚ୍ଛେଦ ସହସା ତପ୍ତକୁଣ୍ଡଲଭୂଷଣମ୍॥ 9-26-38 (61603)
ସତ୍ଯେଷୁମଥ ଚାଦତ୍ତ ଯୋଧାନାଂ ମିଷତାଂ ତତଃ।
ଯଥା ସିଂହୋ ବନେ ରାଜନ୍ମୃଗଂ ପରି ବୁଭୁକ୍ଷିତଃ॥ 9-26-39 (61604)
ତଂ ନିହତ୍ଯ ତତଃ ପାର୍ଥଃ ସୁଶର୍ମାଣଂ ତ୍ରିଭିଃ ଶରୈଃ।
ବିଦ୍ଧ୍ବା ତାନହନତ୍ସର୍ବାନ୍ରଥାନ୍ରୁକ୍ମବିଭୂଓଷିତାନ୍॥ 9-26-40 (61605)
ତତଃ ପ୍ରାଯାତ୍ତ୍ବରନ୍ପାର୍ଥୋ ଦୀର୍ଘକାଲଂ ସୁସଂବୃତମ୍।
ମୁଞ୍ଜନ୍କ୍ରୋଧବିଷଂ ତୀକ୍ଷ୍ଣଂ ପ୍ରସ୍ଥଲାଧିପତିଂ ପ୍ରତି॥ 9-26-41 (61606)
ତମର୍ଜୁନଃ ପୃଷତ୍କାନାଂ ଶତେନ ଭରତର୍ଷଭ।
ପୂରଯିତ୍ବା ତତୋ ବାହାନ୍ପ୍ରାହରତ୍ତସ୍ଯ ଧନ୍ବିନଃ॥ 9-26-42 (61607)
ତତଃ ଶରଂ ସମାଦାଯ ଯମଦଣ୍ଡୋପମଂ ତଦା।
ସୁଶର୍ମାଣଂ ସମୁଦ୍ଦିଶ୍ଯ ଚିକ୍ଷେପାଶୁ ହସନ୍ନିବ॥ 9-26-43 (61608)
ସ ଶରଃ ପ୍ରେଷିତସ୍ତେନ କ୍ରୋଧଦୀପ୍ତେନ ଧନ୍ବିନା।
ସୁଶର୍ମାଣଂ ସମାସାଦ୍ଯ ବିଭେଦ ହୃଦଯଂ ରଣେ॥ 9-26-44 (61609)
ସ ଗତାସୁର୍ମହାରାଜ ପପାତ ଧରଣୀତଲେ।
ନନ୍ଦଯନ୍ପାଣ୍ଡବାନ୍ସର୍ବାନ୍ବ୍ଯଥଯଂଶ୍ଚାପି ତାବକାନ୍॥ 9-26-45 (61610)
ସୁଶର୍ମାଣଂ ରଣେ ହତ୍ବା ପୁତ୍ରାନସ୍ଯ ମହାରଥାନ୍।
ସପ୍ତ ଚାଷ୍ଟୌ ଚ ତ୍ରିଂଶଚ୍ଚ ସାଯକୈରନଯତ୍କ୍ଷଯମ୍॥ 9-26-46 (61611)
ତତୋଽସ୍ଯ ନିଶିତୈର୍ବାଣୈଃ ସର୍ବାନ୍ହତ୍ବା ପଦାନୁଗାନ୍।
ଅଭ୍ଯଗାଦ୍ଭାରତୀଂ ସେନାଂ ହତଶେଷାଂ ମହାରଥଃ॥ 9-26-47 (61612)
ଭୀମସ୍ତୁ ସମରେ କ୍ରୁଦ୍ଧଃ ପୁତ୍ରଂ ତବ ଜନାଧିପ।
ସୁଦର୍ଶନମଦୃଶ୍ଯନ୍ତଂ ଶରୈଶ୍ଚକ୍ରେ ହସନ୍ନିବ॥ 9-26-48 (61613)
ତତୋଽସ୍ଯ ପ୍ରହସନ୍କ୍ରୁଦ୍ଧଃ ଶିରଃ କାଯାଦପାହରତ୍।
କ୍ଷୁରପ୍ରେଣ ସୁତୀକ୍ଷ୍ଣେନ ସ ହତଃ ପ୍ରାପତଦ୍ଭୁବି॥ 9-26-49 (61614)
ତସ୍ମିଂସ୍ତୁ ନିହତେ ବୀରେ ତତସ୍ତସ୍ଯ ପଦାନୁଗାଃ।
ପରିବବ୍ରୂ ରମେ ଭୀମଂ କିରନ୍ତୋ ବିବିଧାଞ୍ଶରାନ୍॥ 9-26-50 (61615)
ତତସ୍ତୁ ନିଶିତୈର୍ବାଣୈସ୍ତବାନୀକଂ ବୃକୋଦରଃ।
ଇନ୍ଦ୍ରାଶନିସମସ୍ପର୍ଶୈଃ ସମନ୍ତାତ୍ପର୍ଯବାକିରତ୍॥ 9-26-51 (61616)
ତତଃ କ୍ଷଣେନ ତଦ୍ଭୀମୋ ନ୍ଯହନଦ୍ଭରତର୍ଷଭ॥ 9-26-52 (61617)
ତେଷୁ ତୂତ୍ସାଦ୍ଯମାନେଷୁ ସେନାଧ୍ଯକ୍ଷା ମହାରଥାଃ।
ଭୀମସେନଂ ସମାସାଦ୍ଯ ତତୋଽଯୁଧ୍ଯନ୍ତ ଭାରତ॥ 9-26-53 (61618)
ସ ତାନ୍ସର୍ବାଞ୍ଶରୈର୍ଘୋରୈରବାକିରତ ପାଣ୍ଡବଃ।
ତଥୈବ ତାବକା ରାଜନ୍ପାଣ୍ଡବେଯାନ୍ମହାରଥାନ୍।
ଶରବର୍ଷେଣ ମହତା ସମନ୍ତାତ୍ପର୍ଯବାରଯନ୍॥ 9-26-54 (61619)
ବ୍ଯାକୁଲଂ ତଦଭୂତ୍ସର୍ବଂ ପାଣ୍ଡବାନାଂ ପରୈଃ ସହ।
ତାବକାନାଂ ଚ ସମରେ ପାଣ୍ଡବେଂଯୈର୍ଯୁଯୁତ୍ସତାମ୍॥ 9-26-55 (61620)
ତତ୍ର ଯୋଧାସ୍ତଦା ପେତୁଃ ପରସ୍ପରସମାହତାଃ।
ଉଭଯୋଃ ସେନଯୋ ରାଜନ୍ସଂଶୋଚନ୍ତଃ ସ୍ମ ବାନ୍ଧବାନ୍॥ ॥ 9-26-56 (61621)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଶଲ୍ଯବଧପର୍ବଣି ଅଷ୍ଟାଦଶଦିବସଯୁଦ୍ଧେ ଷଡ୍ବିଂଶୋଽଧ୍ଯାଯଃ॥ 26 ॥
Mahabharata - Shalya Parva - Chapter Footnotes
9-26-17 ମୋକ୍ଷୋ ନୂନଂ କାଲସୃଷ୍ଟଃ ଇତି କ.ପାଠଃ॥ 9-26-26 ଷଡ୍ବିଂଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 027
॥ ଶ୍ରୀଃ ॥
9.27. ଅଧ୍ଯାଯଃ 027
Mahabharata - Shalya Parva - Chapter Topics
ସହଦେବେନ ଶକୁନ୍ଯୁଲୂକଯୋର୍ବଧଃ॥ 1 ॥Mahabharata - Shalya Parva - Chapter Text
9-27-0 (61622)
ସଞ୍ଜଯ ଉବାଚ। 9-27-0x (5125)
ତସ୍ମିନ୍ପ୍ରବୃତ୍ତେ ସଙ୍ଗ୍ରାମେ ଗଜବାଜିନରଶ୍ରୋ
ଶକୁନିଃ ସୌବଲୋ ରାଜନ୍ସହଦେବଂ xxxxxxଯାତ୍॥ 9-27-1 (61623)
ତତୋଽସ୍ଯାପତତସ୍ତୂର୍ଣଂ ସହଦେବଃ ପତାପବାନ୍।
ଶରୌଘାନ୍ପ୍ରେଷଯାମାସ ପତଙ୍ଗାନିବ ଶୀଘ୍ରଗାନ୍।
ଉଲୂକଂ ଚ ରଣେ ରାଜନ୍ବିବ୍ଯାଧ ଦଶଭିଃ ଶରୈଃ॥ 9-27-2 (61624)
ଶକୃନିଶ୍ଚ ମହାରାଜ ଭୀମଂ ବିଦ୍ଧ୍ବା ତ୍ରିଭିଃ ଶରୈଃ।
ନବତ୍ଯା ନିଶିତୈର୍ବାଣୈଃ ସହଦେବମବାକିରତ୍॥ 9-27-3 (61625)
ତେ ଶୂରାଃ ସମରେ ରାଜନ୍ସମାସାଦ୍ଯ ପରସ୍ପରମ୍।
ବିବ୍ଯଧୁର୍ନିଶିତୈର୍ବାଣୈଃ କଙ୍କବର୍ହିଣବାଜିତୈଃ।
ସ୍ବର୍ଣପୁଙ୍ଖୈଃ ଶିଲଧୌତୈରାକର୍ଣପ୍ରହିତୈଃ ଶରୈଃ॥ 9-27-4 (61626)
ତେଷାଂ ଚାପଗୁଣୋତ୍ସୃଷ୍ଟା ଶରବୃଷ୍ଟିର୍ବିଶାମ୍ପତେ।
ଆଚ୍ଛାଦଯଦ୍ଦିଶଃ ସର୍ବା ଧାରାଭିରିବ ତୋଯଦଃ॥ 9-27-5 (61627)
ତତଃ କ୍ରୁଦ୍ଧୋ ରଣେ ଭୀମଃ ସହଦେବଶ୍ଚ ଭାରତ।
ଚେରତୁଃ କଦନଂ ସଙ୍ଖ୍ଯେ କୁର୍ବନ୍ତୌ ସୁମହାବଲୌ॥ 9-27-6 (61628)
ତାଭ୍ଯାଂ ଶରଶତୈଶ୍ଛନଂ ତଦ୍ବଲଂ ତବ ଭାରତ।
ସାନ୍ଧକାରମିବାକାଶମଭବତ୍ତତ୍ରତତ୍ର ହ॥ 9-27-7 (61629)
ଅଶ୍ବୈର୍ବିପରିଧାବଦ୍ଭିଃ ଶରଚ୍ଛନ୍ନୈର୍ବିଶାମ୍ପତେ।
ତତ୍ରତତ୍ର କୃତୋ ମାର୍ଗୋ ବିକର୍ଷଦ୍ଭିର୍ହତାନ୍ବହୂନ୍॥ 9-27-8 (61630)
ନିହତାନାଂ ହଯାନାଂ ଚ ସହୈବ ହଯସାଦିଭିଃ।
ବର୍ମଭିର୍ବିନିକୃତ୍ତୈଶ୍ଚ ପ୍ରାସୈଶ୍ଛିନ୍ନୈଶ୍ଚ ମାରିଷ॥ 9-27-9 (61631)
ଋଷ୍ଟିଭିଃ ଶକ୍ତିଭିଶ୍ଚୈବ ସାସିପ୍ରାସପରଶ୍ବଥୈଃ।
ସଞ୍ଛନ୍ନା ପୃଥିବୀ ଜଜ୍ଞେ କୁସୁମୈଃ ଶବଲା ଇବ॥ 9-27-10 (61632)
ଯୋଧାସ୍ତତ୍ର ମହାରାଜ ସମାସାଦ୍ଯ ପରସ୍ପରମ୍।
ବ୍ଯଚରନ୍ତ ରଣେ କ୍ରୁଦ୍ଧା ବିନିଘ୍ନନ୍ତଃ ପରସ୍ପରମ୍॥ 9-27-11 (61633)
ଉଦ୍ବୃତ୍ତନଯନୈ ରୋଷାତ୍ସନ୍ଦଷ୍ଟୌଷ୍ଠପୁଟୈର୍ମୁଖୈଃ।
ସକୁଣ୍ଡଲୈର୍ମହୀ ଚ୍ଛନ୍ନା ପଦ୍ମକିଞ୍ଚଲ୍କସନ୍ନିଭୈଃ॥ 9-27-12 (61634)
ଭୁଜୈଶ୍ଛିନ୍ନୈର୍ମହାରାଜ ନାଗରାଜକରୋପମୈଃ।
ସାଙ୍ଗଦୈଃ ସତନୁତ୍ରୈଶ୍ଚ ସାସିପ୍ରାସପରଶ୍ବଥୈଃ॥ 9-27-13 (61635)
କବନ୍ଧୈରୁତ୍ଥିତୈଶ୍ଛିନ୍ନୈର୍ନୃତ୍ଯଦ୍ଭିଶ୍ଚାପରୈର୍ଯୁଧି।
କ୍ରବ୍ଯାଦଗଣସଞ୍ଛନ୍ନା ଘୋରାଽଭୂତ୍ପୃଥିବୀ ବିଭୋ॥ 9-27-14 (61636)
ଅଲ୍ପାବଶିଷ୍ଟେ ସୈନ୍ଯେ ତୁ କୌରବେଯାନ୍ମହାହବେ।
ପ୍ରହୃଷ୍ଟାଃ ପାଣ୍ଡବା ଭୂତ୍ବା ନିନ୍ଯିରେ ଯମସାଦନମ୍॥ 9-27-15 (61637)
ଏତସ୍ମିନ୍ନନ୍ତରେ ଶୂରଃ ସୌବଲେଯଃ ପ୍ରତାପବାନ୍।
ପ୍ରାସେନ ସହଦେବସ୍ଯ ଶିରସି ପ୍ରାହରଦ୍ଭୃଶମ୍॥ 9-27-16 (61638)
ସ ବିହ୍ବଲୋ ମହାରାଜ ରଥୋପସ୍ଥ ଉପାବିଶତ୍॥ 9-27-17 (61639)
ସହଦେବଂ ତଥା ଦୃଷ୍ଟ୍ବା ଭୀମସେନଃ ପ୍ରତାପବାନ୍।
ସର୍ବସୈନ୍ଯାନି ସଙ୍କ୍ରୁଦ୍ଧୋ ବାରଯାମାସ ଭାରତ॥ 9-27-18 (61640)
ନିର୍ବିଭେଦ ଚ ନାରାଚୈଃ ଶତଶୋଽଥ ସହସ୍ରଶଃ।
ସ ନିର୍ଭିଦ୍ଯାକରୋଚ୍ଚୈବ ସିଂହନାଦମରିନ୍ଦମଃ॥ 9-27-19 (61641)
ତେନ ଶଭ୍ଦେନ ବିତ୍ରସ୍ତାଃ ସର୍ବେ ସହଯବାରଣାଃ।
ପ୍ରାଦ୍ରବନ୍ସହସା ଭୀତାଃ ଶକୁନେଶ୍ଚ ପଦାନୁଗାଃ॥ 9-27-20 (61642)
ପ୍ରଭଗ୍ନାନଥ ତାନ୍ଦୃଷ୍ଟ୍ବା ରାଜା ଦୁର୍ଯୋଧନୋଽବ୍ରବୀତ୍।
ନିବର୍ତଧ୍ବମଧର୍ମଜ୍ଞା ଯୁଧ୍ଯଧ୍ବଂ କିଂ ସୃତେନ ବଃ॥ 9-27-21 (61643)
ଇହ କୀର୍ତି ସମାଧାଯ ପ୍ରେତ୍ଯ ଲୋକାନ୍ସମଶ୍ନୁତେ।
ପ୍ରାଣାଞ୍ଜହାତି ଯୋ ଧୀରୋ ଯୁଦ୍ଧେ ପୃଷ୍ଠମଦର୍ଶଯନ୍॥ 9-27-22 (61644)
ଏବମୁକ୍ତାସ୍ତୁ ତେ ରାଜ୍ଞା ସୌବଲସ୍ଯ ପଦାନୁଗାଃ।
ପାଣ୍ଡବାନଭ୍ଯବର୍ତନ୍ତ ମୃତ୍ଯୁଂ କୃତ୍ବା ନିବର୍ତନମ୍॥ 9-27-23 (61645)
ଦ୍ରବଦ୍ଭିସ୍ତତ୍ର ରାଜେନ୍ଦ୍ର କୃତଃ ଶବ୍ଦୋଽତିଦାରୁଣଃ।
କ୍ଷୁବ୍ଧସାଗରସଙ୍କାଶଃ କ୍ଷୁଭିତୈଃ ସର୍ବତୋ ଦିଶମ୍॥ 9-27-24 (61646)
ତାଂସ୍ତତଃ ପୁରତୋ ଦୃଷ୍ଟ୍ବା ସୌବଲସ୍ଯ ପଦାନୁଗାନ୍।
ପ୍ରତ୍ଯୁଦ୍ଯଯୁର୍ମହାରାଜ ପାଣ୍ଡବା ବିଜଯୋଦ୍ଯତାଃ॥ 9-27-25 (61647)
ପ୍ରତ୍ଯାଶ୍ବସ୍ଯ ଚ ଦୁର୍ଧର୍ଷଃ ସହଦେବୋ ବିଶାମ୍ପତେ।
ଶକୁନିଂ ଦଶଭିର୍ବିଦ୍ଧ୍ବା ହଯାଂଶ୍ଚାସ୍ଯ ତ୍ରିଭିଃ ଶରୈଃ।
ଧନୁଶ୍ଚିଚ୍ଛେଦ ଚ ଶରୈଃ ସୌବଲସ୍ଯ ହସନ୍ନିବ॥ 9-27-26 (61648)
ଅଥାନ୍ଯଦ୍ଧନୁରାଦାଯ ଶକୁନିର୍ଯୁଦ୍ଧଦୁର୍ମଦଃ।
ବିବ୍ଯାଧ ନକୁଲଂ ଷଷ୍ଟ୍ଯା ଭୀମସେନଂ ଚ ସପ୍ତାଭିଃ॥ 9-27-27 (61649)
ଉଲୂକୋଽପି ମହାରାଜ ଭୀମଂ ବିବ୍ଯାଧ ସପ୍ତଭିଃ।
ସହଦେବଂ ଚ ସପ୍ତତ୍ଯା ପରୀପ୍ସନ୍ପିତରଂ ରଣେ॥ 9-27-28 (61650)
ତଂ ଭୀମସେନଃ ସମରେ ବିବ୍ଯାଧ ନବଭିଃ ଶରୈଃ।
ଶକୁନିଂ ଚ ଚତୁଃଷଷ୍ଟ୍ଯା ପାର୍ଶ୍ବସ୍ଥାଂଶ୍ଚ ତ୍ରିଭିସ୍ତ୍ରିଭିଃ॥ 9-27-29 (61651)
ତେ ହନ୍ଯମାନା ଭୀମେନ ନାରାଚୈସ୍ତୈଲପାଯିତୈଃ।
ସହଦେବଂ ରଣେ କ୍ରୁଦ୍ଧାଶ୍ଛାଦଯଞ୍ଶରବୃଷ୍ଟିଭିଃ।
ପର୍ବତଂ ବାରିଧାରାଭିଃ ସବିଦ୍ଯୁତ ଇବାମ୍ବୁଦାଃ॥ 9-27-30 (61652)
ତତୋଽସ୍ଯାପତତଃ ଶୂରଃ ସହଦେବଃ ପ୍ରତାପବାନ୍।
ଉଲୂକସ୍ଯ ମହାରାଜ ଭଲ୍ଲେନାପାହରଚ୍ଛିରଃ॥ 9-27-31 (61653)
ସ ଜଗାମ ରଥାଦ୍ଭୂମିଂ ସହଦେବେନ ପାତିତଃ।
ରୁଧିରାପ୍ଲୁତସର୍ବାଙ୍ଗୋ ନନ୍ଦଯନ୍ପାଣ୍ଡବାନ୍ଯୁଧି॥ 9-27-32 (61654)
ପୁତ୍ରଂ ତୁ ନିହତଂ ଦୃଷ୍ଟ୍ବା ଶକୁନିସ୍ତତ୍ର ଭାରତ।
ସାଶ୍ରୁକଣ୍ଠୋ ବିନିଃଶ୍ବସ୍ଯ କ୍ଷତ୍ତୁର୍ବାକ୍ଯମନୁସ୍ମରନ୍॥ 9-27-33 (61655)
ଚିନ୍ତଯିତ୍ବା ମୁହୂର୍ତଂ ସ ବାଷ୍ପପୂର୍ଣେକ୍ଷଣଃ ଶ୍ବସନ୍।
ସହଦେବଂ ସମାସାଦ୍ଯ ତ୍ରିଭିର୍ବିବ୍ଯାଧ ସାଯକୈଃ॥ 9-27-34 (61656)
ତାନପାସ୍ଯ ଶରାନ୍ମୁକ୍ତାଞ୍ଶରସଙ୍ଘୈଃ ପ୍ରତାମ୍ପବାନ୍।
ସହଦେବୋ ମହାରାଜ ଧନୁଶ୍ଚିଚ୍ଛେଦ ସଂଯୁଗେ॥ 9-27-35 (61657)
ଛିନ୍ନେ ଧନୁଷି ରାଜେନ୍ଦ୍ର ଶକୁନିଃ ସୌବଲସ୍ତଦା।
ପ୍ରଗୃହ୍ଯ ବିପୁଲଂ ଖଙ୍ଗଂ ସହଦେବାଯ ପ୍ରାହିଣୋତ୍॥ 9-27-36 (61658)
ତମାପତନ୍ତଂ ସହସା ଘୋରରୂପଂ ବିଶାମ୍ପତେ।
ଦ୍ବିଧା ଚିଚ୍ଛେଦ ସମରେ ସୌବଲସ୍ଯ ହସନ୍ନିବ॥ 9-27-37 (61659)
ଅସିଂ ଦୃଷ୍ଟ୍ବା ଦ୍ବିଧା ଚ୍ଛିନ୍ନଂ ପ୍ରଗୃହ୍ଯ ମହତୀଂ ଗଦାମ୍।
ପ୍ରାହିଣୋତ୍ସହଦେବାଯ ସା ମୋଘା ନ୍ଯପତଦ୍ଭୁବି॥ 9-27-38 (61660)
ତତଃ ଶକ୍ତିଂ ମହାଘୋରାଂ କାଲରାତ୍ରୀମିବୋଦ୍ଯତାମ୍।
ପ୍ରେଷଯାମାସ ସକ୍ରୁଦ୍ଧଃ ପାଣ୍ଡବଂ ପ୍ରତି ସୌବଲଃ॥ 9-27-39 (61661)
ତାମାପତନ୍ତୀଂ ସହସା ଶରୈଃ କନକଭୂଷଣୈଃ।
ତ୍ରିଧା ଚିଚ୍ଛେଦ ସମରେ ସହଦେବୋ ହସନ୍ନିବ॥ 9-27-40 (61662)
ସା ପପାତ ତ୍ରିଧା ଚ୍ଛିନ୍ନା ଭୂମୌ କନକଭୂଷଣା।
ଶୀର୍ଯମାଣା ଯଥା ଦୀପ୍ତା ଗଗନାଦ୍ବୈ ଶତହଦା॥ 9-27-41 (61663)
ଶକ୍ତିଂ ବିନିହତାଂ ଦୃଷ୍ଟ୍ବା ସୌବଲଂ ଚ ଭଯାର୍ଦିତମ୍।
ଦୁଦ୍ରୁବୁସ୍ତାବକାଃ ସର୍ବେ ଭଯେ ଜାତେ ସସୌବଲାଃ॥ 9-27-42 (61664)
ଅଥୋତ୍କ୍ରୁଷ୍ଟଂ ମହଚ୍ଚାସୀତ୍ପାଣ୍ଡବୈର୍ଜିତକାଶିଭିଃ।
ଧାର୍ତରାଷ୍ଟ୍ରାସ୍ତତଃ ସର୍ବେ ପ୍ରାଯଶୋ ବିମୁଖାଽଭବନ୍॥ 9-27-43 (61665)
ତାନ୍ବୈ ବିମନସୋ ଦୃଷ୍ଟ୍ବା ମାଦ୍ରୀପୁତ୍ରଃ ପ୍ରତାପବାନ୍।
ଶରୈରନେକସାହସ୍ରୈର୍ବାରଯାମାସ ସଂଯୁଗେ॥ 9-27-44 (61666)
ତତୋ ଗାନ୍ଧାରକୈର୍ଗୁପ୍ତଂ ପୁଷ୍ଟୈରଶ୍ବୈର୍ଜଯେ ଧୃତମ୍।
ଆସସାଦ ରମେ ଯାନ୍ତଂ ସହଦେବୋଽଥ ସୌବଲମ୍॥ 9-27-45 (61667)
ସ୍ବମଂଶମବଶିଷ୍ଟଂ ତଂ ସଂସ୍ମୃତ୍ଯ ଶକୁନିଂ ନୃପ।
ରଥେନ କାଞ୍ଚନାଙ୍ଗେନ ସହଦେବଃ ସମଭ୍ଯଯାତ୍॥ 9-27-46 (61668)
ଅଧିଜ୍ଯଂ ବଲବତ୍କୃତ୍ବା ବ୍ଯାକ୍ଷିପନ୍ସୁମହଦ୍ଧନୁଃ।
ସ ସୌବଲମଭିଦ୍ରୁତ୍ଯ ଗାର୍ଧ୍ରପତ୍ରୈଃ ଶିଲାଶିତୈଃ॥ 9-27-47 (61669)
ଭୃଶମଭ୍ଯହନ୍ତ୍କୁଦ୍ଧସ୍ତୋତ୍ରୈରିବ ମହାଦ୍ବିପମ୍।
ଉବାଚ ଚୈନଂ ମେଧାବୀ ବିଗୃହ୍ଯ ସ୍ମାରଯନ୍ନିବ॥ 9-27-48 (61670)
କ୍ଷତ୍ରଧର୍ମେ ସ୍ଥିରୋ ଭୂତ୍ବା ଯୁଧ୍ଯସ୍ବ ପୁରୁଷୋ ଭବ।
ଯତ୍ତଦା ଭାଷସେ ମୂଢ ଗୃହ୍ଣନ୍ନକ୍ଷାନ୍ସଭାତଲେ।
ଫଲମଦ୍ଯ ପ୍ରପଦ୍ଯସ୍ବ କର୍ମଣସ୍ତସ୍ଯ ଦୁର୍ମତେ॥ 9-27-49 (61671)
ନିହତାସ୍ତେ ଦୁରାତ୍ମାନୋ ଯେଽସ୍ମାନବହସନ୍ପୁରା।
ଦୁର୍ଯୋଧନଃ କୁଲାଙ୍ଗାରଃ ଶିଷ୍ଟସ୍ତ୍ବଂ ଚାସ୍ଯ ମାତୁଲଃ॥ 9-27-50 (61672)
ଅଦ୍ଯ ତେ ନିହନିଷ୍ଯାମି କ୍ଷୁରେଣୋନ୍ମଥିତଂ ଶିରଃ।
ବୃକ୍ଷାତ୍ଫଲମିବାବିଦ୍ବଂ ଲଗୁଡେନ ପ୍ରମାଥିନା॥ 9-27-51 (61673)
ଏବମୁକ୍ତ୍ବା ମହାରାଜ ସହଦେବୋ ମହାବଲଃ।
ସଙ୍କ୍ରୁଦ୍ଧୋ ରଣଶାର୍ଦୂଲୋ ବେଗେନାଭିଜଗାମ ତମ୍॥ 9-27-52 (61674)
ଅଭିଗମ୍ଯ ସୁଦୁର୍ଧର୍ଷଃ ସହଦେବୋ ଯୁଧାଂ ପତିଃ।
ବିକୃଷ୍ଯ ବଲବଚ୍ଚାପଂ କ୍ରୋଧେନ ପ୍ରଜ୍ବଲନ୍ନିବ॥ 9-27-53 (61675)
ଶକୁନିଂ ଦଶଭିର୍ବିଦ୍ଧ୍ବା ଚତୁର୍ଭିଶ୍ଚାସ୍ଯ ବାଜିନଃ।
ଛତ୍ରଂ ଧ୍ବଜଂ ଧନୁଶ୍ଚାସ୍ଯ ଚ୍ଛିତ୍ତ୍ବା ସିଂହ ଇବାନଦତ୍॥ 9-27-54 (61676)
ଛିନ୍ନଧ୍ବଜଧନୁଶ୍ଛତ୍ରଃ ସହଦେବେନ ସୌବଲଃ।
କୃତୋ ବିଦ୍ଧଶ୍ଚ ବହୁଭିଃ ସର୍ବମର୍ମସୁ ସାଯକୈଃ॥ 9-27-55 (61677)
ତତୋ ଭୂଯୋ ମହାରାଜ ସହଦେବଃ ପ୍ରତାପବାନ୍।
ଶକୁନେଃ ପ୍ରେଷଯାନ୍ମାସ ଶରବୃଷ୍ଟିଂ ଦୁରାସଦାମ୍॥ 9-27-56 (61678)
ତତସ୍ତୁ କ୍ରୁଦ୍ଧଃ ସୁବଲସ୍ଯ ପୁତ୍ରୋ
ମାଦ୍ରୀସୁତଂ ସହଦେବଂ ବିମର୍ଦେ।
ପ୍ରାସେନ ଜାମ୍ବୂନଦଭୂଷଣେନ
ଜିଘାଂସୁରେକୋଽଭିପପାତ ଶୀଘ୍ରମ୍॥ 9-27-57 (61679)
ମାଦ୍ରୀସୁତସ୍ତସ୍ଯ ସମୁଦ୍ଯତଂ ତଂ
ପ୍ରାସଂ ସୁବୃତ୍ତୌ ଚ ଭୁଜୌ ରଣାଗ୍ରେ।
ଭଲ୍ଲୈସ୍ତ୍ରିଭିର୍ଯୁଗପତ୍ସଞ୍ଚକର୍ତ
ନନାଦ ଚୋଚ୍ଚୈସ୍ତରସାଽଽଜିମଧ୍ଯେ॥ 9-27-58 (61680)
ତସ୍ଯାଶୁକାରୀ ସୁସମାହିତେନ
ସୁବର୍ଣପୁଙ୍ଖେନ ଦୃଢାଯସେନ।
ଭଲ୍ଲେନ ସର୍ବାବରଣାତିଗେନ
ଶିରଃ ଶରୀରାତ୍ପ୍ରମମାଥ ଭୂଯଃ॥ 9-27-59 (61681)
ଶରେଣ କାର୍ତସ୍ବରଭୂଷିତେନ
ଦିବାକରାଭେଣ ସୁସଂହିତେନ।
ହୃତୋତ୍ତମାଙ୍ଗୋ ଯୁଧି ପାଣ୍ଡବେନ
ପପାତ ଭୂମୌ ସୁବଲସ୍ଯ ପୁତ୍ରଃ॥ 9-27-60 (61682)
ସ ତଚ୍ଛିରୋ ବେଗବତା ଶରେଣ
ସୁବର୍ଣପୁଙ୍ଖେନ ଶିଲାଶିତେନ।
ପ୍ରାବେରଯତ୍କୁପିତଃ ପାଣ୍ଡୁପୁତ୍ରୋ
ଯତ୍ତତ୍କୁରୂଣାମନଯସ୍ଯ ମୂଲମ୍॥ 9-27-61 (61683)
ଭୁଜୌ ସୁବୃତ୍ତୌ ପ୍ରଚକର୍ତ ବୀରଃ
ପଶ୍ଚାତ୍କବନ୍ଧଂ ରୁଧିରାବସିକ୍ତମ୍।
ବିସ୍ପନ୍ଦମାନଂ ନିପପାତ ଘୋରଂ
ରଥୋତ୍ତମାତ୍ପାର୍ଥିବ ପାର୍ଥିବସ୍ଯ॥ 9-27-62 (61684)
ହୃତୋତ୍ତମାଙ୍ଗଂ ଶକୁନିଂ ସମୀକ୍ଷ୍ଯ
ଭୂମୌ ଶଯାନଂ ରୁଧିରାର୍ଦ୍ରଗାତ୍ରମ୍।
ଯୋଧାସ୍ତ୍ବଦୀଯା ଭଯନଷ୍ଟସତ୍ବା
ଦିଶଃ ପ୍ରଜଗ୍ମୁଃ ପ୍ରଗୃହୀତଶସ୍ତ୍ରାଃ॥ 9-27-63 (61685)
ପ୍ରବିଦ୍ରୁତାଃ ଶୁଷ୍କମୁଖା ବିସଞ୍ଜ୍ଞା
ଗାଣ୍ଡୀବଘୋଷେଣ ସମାହତାଶ୍ଚ।
ଭଯାର୍ଦିତା ଭଗ୍ନରଥାଶ୍ବନାଗାଃ
ପଦାତଯଶ୍ଚୈବ ସଧାର୍ତରାଷ୍ଟ୍ରାଃ॥ 9-27-64 (61686)
ତତୋ ରଥାଚ୍ଛକୁନିଂ ପାତଯିତ୍ବା
ମୁଦାନ୍ବିତା ଭାରତ ପାଣ୍ଡବେଯାଃ
ଶଙ୍କାନ୍ପ୍ରଦଧ୍ଯୁଃ ସମରେଽତିହୃଷ୍ଟାଃ
ସକେଶବାଃ ସୈନିକାନ୍ହର୍ଷଯନ୍ତଃ॥ 9-27-65 (61687)
ତଂ ଚାପି ସର୍ବେ ପ୍ରତିପୂଜଯନ୍ତୋ
ଦୃଷ୍ଟ୍ବା ବ୍ରୁବାଣାଃ ସହଦେବମାଜୌ।
ଦିଷ୍ଟ୍ଯା ହତୋ ନୈକୃତିକୋ ମହାତ୍ମା
ସହାତ୍ମଜୋ ବୀର ରଣେ ତ୍ବଯେତି॥ ॥ 9-27-66 (61688)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଶଲ୍ଯବଧପର୍ବଣି ଅଷ୍ଟାଦଶଦିବସଯୁଦ୍ଧେ ସପ୍ତବିଂଶୋଽଧ୍ଯାଯଃ॥ 27 ॥
Mahabharata - Shalya Parva - Chapter Footnotes
9-27-7 ଅଲଙ୍କୃତମିବାକାଶଂ ଇତି କ.ପାଠଃ॥ 9-27-49 ଯତ୍ତଦା ହୃଷ୍ଯସେ ମୃଢ ଗ୍ଲହନ୍ନକ୍ଷୈଃ ଇତି ଝ.ପାଠଃ॥ 9-27-27 ସପ୍ତବିଂଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 028
॥ ଶ୍ରୀଃ ॥
9.28. ଅଧ୍ଯାଯଃ 028
Mahabharata - Shalya Parva - Chapter Topics
ହତାବଶିଷ୍ଟେ ବଲେ ପାଣ୍ଡବୈର୍ନିହତେ ଦୁର୍ଯୋଧନେନ ପଲାଯନେ ନିର୍ଧାରଣମ୍॥ 1 ॥Mahabharata - Shalya Parva - Chapter Text
9-28-0 (61689)
ସ଼ଞ୍ଜଯ ଉବାଚ। 9-28-0x (5126)
ତତଃ କ୍ରୁଦ୍ଧା ମହାରାଜ ସୌବଲସ୍ଯ ପଦାନୁଗାଃ।
ତ୍ଯକ୍ତ୍ବା ଜୀବିତମାକ୍ରନ୍ଦେ ପାଣ୍ଡବାନ୍ପର୍ଯବାରଯନ୍॥ 9-28-1 (61690)
ତାନର୍ଜୁନଃ ପ୍ରତ୍ଯଗୃହ୍ଣାତ୍ସହଦେବଜଯେ ଧୃତଃ।
ଭୀମସେନଶ୍ଚ ତେଜସ୍ବୀ କ୍ରୁଦ୍ଧାଶୀବିଷଦର୍ଶନଃ॥ 9-28-2 (61691)
ଶକ୍ତ୍ଯୃ-ଷ୍ଟିପ୍ରାସହସ୍ତାନାଂ ସହଦେବଂ ଜିଘାଂସତାମ୍।
ସଙ୍କଲ୍ପମକରୋନ୍ମୋଘଂ ଗାଣ୍ଡୀବେନ ଧନଞ୍ଜଯଃ॥ 9-28-3 (61692)
ସଙ୍ଗୃହୀତାଯୁଧାନ୍ବାହୂନ୍ଯୋଧାନାମଭିଧାବତାମ୍।
ଭଲ୍ଲୈଶ୍ଚିଚ୍ଛେଦ ବୀଭତ୍ସୁଃ ଶିରାଂସ୍ଯପି ହଯାନପି॥ 9-28-4 (61693)
ତେ ହଯାଃ ପ୍ରତ୍ଯପଦ୍ଯନ୍ତ ବସୁଧାଂ ବିଗତାସବଃ।
ଚରତା ଲୋକବୀରେଣ ପ୍ରହତାଃ ସବ୍ଯସାଚିନା॥ 9-28-5 (61694)
ତତୋ ଦୁର୍ଯୋଧନୋ ରାଜା ଦୃଷ୍ଟ୍ବା ସ୍ବବଲସଙ୍କ୍ଷଯମ୍।
ହତଶେଷାନ୍ସମାନୀଯ କ୍ରୁଦ୍ଧୋ ରଥଗଣାନ୍ବହୂନ୍॥ 9-28-6 (61695)
କୁଞ୍ଜରାଂଶ୍ଚ ହଯାଂଶ୍ଚୈବ ପାଦାତାଂଶ୍ଚ ସମନ୍ତତଃ।
ଉବାଚ ଦୁଃଖିତାନ୍ସର୍ବାନ୍ଧାର୍ତରାଷ୍ଟ୍ର ଇଦଂ ବଚଃ॥ 9-28-7 (61696)
ସମାସାଦ୍ଯ ରଣେ ସର୍ବାନ୍ପାଣ୍ଡବାନ୍ସସୁହୃଦ୍ଗଣାନ୍।
ପାଞ୍ଚାଲ୍ଯଂ ଚାପି ସବଲଂ ହତ୍ବା ଶୀଘ୍ରଂ ନ୍ଯବର୍ତତ॥ 9-28-8 (61697)
ତସ୍ଯ ତେ ଶିରସା ଗୃହ୍ଯ ବଚନଂ ଯୁଦ୍ଧଦୁର୍ମଦାଃ।
ଅଭ୍ଯୁଦ୍ଯଯୂ ରଣେ ପାର୍ଥାଂସ୍ତବ ପୁତ୍ରସ୍ଯ ଶାସନାତ୍॥ 9-28-9 (61698)
ତାନଭ୍ଯାପତତଃ ଶୀଘ୍ରଂ ହତଶେଷାନ୍ମହାରଣେ।
ଶରୈରାଶୀବିଷାକାରୈଃ ପାଣ୍ଡବାଃ ସମବାକିରନ୍॥ 9-28-10 (61699)
ତତ୍ସୈନ୍ଯଂ ଭରତଶ୍ରେଷ୍ଠ ମୁହୂର୍ତେନ ମହାତ୍ମଭିଃ।
ଅବଧ୍ଯତ ରଣଂ ପ୍ରାପ୍ଯ ତ୍ରାତାରଂ ନାଭ୍ଯବିନ୍ଦତ॥ 9-28-11 (61700)
ପଲାଯମାନଂ ତୁ ଭଯାନ୍ନାବତିଷ୍ଠତି ଦଂଶିତମ୍।
ଅଶ୍ବୈର୍ବିପରିଧାବଦ୍ଭିଃ ସୈନ୍ଯେନ ରଜସା ବୃତେ॥ 9-28-12 (61701)
ନ ପ୍ରାଜ୍ଞାଯନ୍ତ ସମରେ ଦିଶଃ ସପ୍ରଦିଶସ୍ତଥା।
ତତସ୍ତୁ ପାଣ୍ଡବାନୀକାନ୍ନିଃସୃତ୍ଯ ବହବୋ ଜନାଃ॥ 9-28-13 (61702)
ଅଭ୍ଯଘ୍ନଂସ୍ତାବକାନ୍ଯୁଦ୍ଧେ ମୁହୂର୍ତାଦିବ ଭାରତ।
ତତୋ ନିଃଶେଷମଭବତ୍ତତ୍ସନ୍ଯଂ ତବ ଭାରତ॥ 9-28-14 (61703)
ଅକ୍ଷୌହିଣ୍ଯଃ ସମେତାସ୍ତୁ ତବ ପୁତ୍ରସ୍ଯ ଭାରତ।
ଏକାଦଶ ହତା ଯୁଦ୍ଧେ ତାଃ ପ୍ରଭୋ ପାଣ୍ଡୁସୃଞ୍ଜଯୈଃ॥ 9-28-15 (61704)
ତେଷୁ ରାଜସହସ୍ରେଷୁ ତାବକେଷୁ ମହାତ୍ମସୁ।
ଏକୋ ଦୁର୍ଯୋଧନୋ ରାଜନ୍ନଦୃଶ୍ଯତ ଭୃଶଂ କ୍ଷତଃ॥ 9-28-16 (61705)
ତତୋ ବୀକ୍ଷ୍ଯ ଦିଶଃ ସର୍ବା ଦୃଷ୍ଟ୍ବା ଶୂନ୍ଯାଂ ଚ ମେଦିନୀମ୍।
ବିହୀନଃ ସର୍ବଯୋଧୈଶ୍ଚ ପାଣ୍ଡବାନ୍ବୀକ୍ଷ୍ଯଂ ସଂଯୁଗେ॥ 9-28-17 (61706)
ମୁଦିତାନ୍ସର୍ବତଃ ସିଦ୍ଧାନ୍ନର୍ଦମାନାନ୍ସମନ୍ତତଃ।
ବାଣଶବ୍ଦରବାଂଶ୍ଚୈବ ଶ୍ରୁତ୍ବା ତେଷାଂ ମହାତ୍ମନାମ୍॥ 9-28-18 (61707)
ଦୁର୍ଯୋଧନୋ ମହାରାଜ କଶ୍ମଲେନାଭିସଂବୃତଃ।
ଅପଯୋ ମନଶ୍ଚକ୍ରେ ବିହୀନବଲବାହନଃ॥ ॥ 9-28-19 (61708)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ଅଷ୍ଟାଦଶଦିବସଯୁଦ୍ଧେ ଅଷ୍ଟାବିଂଶୋଽଧ୍ଯାଯଃ॥ 28 ॥
ଶଲ୍ଯପର୍ବ - ଅଧ୍ଯାଯ 029
॥ ଶ୍ରୀଃ ॥
9.29. ଅଧ୍ଯାଯଃ 029
Mahabharata - Shalya Parva - Chapter Topics
ପାଣ୍ଡବୈର୍ନିହତସହାଯସ୍ଯ ଦୁର୍ଯୋଧନସ୍ଯ ଗଦାମାଦାଯ ହଦଂ ପ୍ରତି ପ୍ରସ୍ଥାନମ୍॥ 1 ॥ ସଞ୍ଜଯସଂହାରାଯାସିମୁଦ୍ଯଚ୍ଛତା ସାତ୍ଯକିନା ବ୍ଯାସବଚନାତ୍ତଦ୍ବିମୋଚନମ୍॥ 2 ॥ ହାସ୍ତିନପୁରଂ ଗଚ୍ଛତଃ ସଞ୍ଜଯସ୍ଯ ମଧ୍ଯେମାର୍ଗଂ ଦୁର୍ଯୋଧନଦର୍ଶନମ୍॥ 3 ॥ ତେନ ତସ୍ମିନ୍ଧୃତରାଷ୍ଟ୍ରାଯ ସ୍ବବୃତ୍ତାନ୍ତନିବେଦନଚୋଦନପୂର୍ବକଂ ହଦଂ ପ୍ରବିଶ୍ଯ ମାଯଯା ଜଲସ୍ତମ୍ଭନମ୍॥ 4 ॥ ତତ୍ରାଗତୈର୍ଦ୍ରୌଣିକୃପକୃତବର୍ମଭିଃ ସଞ୍ଜଯାଦ୍ଦୁର୍ଯୋଧନସ୍ଯ ହଦପ୍ରବେଶଂ ବିଜ୍ଞାଯ ବିଲପ୍ଯ ପୁନଃ ଶିବିରଗମନମ୍॥ 5 ॥ ତତୋ ବୃଦ୍ଧପରିଜନୈର୍ଯୁଯୁତ୍ସୁନା ଚ ରାଜଦାରାଣାଂ ନଗରପ୍ରାପଣମ୍॥ 6 ॥Mahabharata - Shalya Parva - Chapter Text
9-29-0 (61709)
ଧୃତରାଷ୍ଟ୍ର ଉବାଚ। 9-29-0x (5127)
ନିହତେ ମାମକେ ସୈନ୍ଯେ ନିଃଶେଷେ ଶିବିରେ କୃତେ।
ପାଣ୍ଡବାନାଂ ବଲେ ସୂତ କିନ୍ନୁ ଶେଷମଭୂତ୍ତଦା॥ 9-29-1 (61710)
ଏତନ୍ମେ ପୃଚ୍ଛତୋ ବ୍ରୂହି କୁଶଲୋ ହ୍ଯସି ସଞ୍ଜଯ।
ଯଚ୍ଚ ଦୁର୍ଯୋଧନୋ ମାନୀ କୃତବାଂସ୍ତନଯୋ ମମ।
ବଲକ୍ଷଯଂ ତଥା ଦୃଷ୍ଟ୍ବା ସ ଏକଃ ପୃଥିବୀପତିଃ॥ 9-29-2 (61711)
ସଞ୍ଜଯ ଉବାଚ। 9-29-3x (5128)
ରଥାନାଂ ଦ୍ବେ ସହସ୍ରେ ତୁ ସପ୍ତ ନାଗଶତାନି ଚ।
ପଞ୍ଚ ଚାଶ୍ବସହସ୍ରାଣି ପତ୍ତୀନାମଯୁତାନି ଚ॥ 9-29-3 (61712)
ଏତଚ୍ଛେଷମଭୂଦ୍ରାଜନ୍ପାଣ୍ଡବାନାଂ ମହଦ୍ବଲମ୍।
ପରିଗୃହ୍ଯ ହି ଯଦ୍ଯୁଦ୍ଧେ ଧୃଷ୍ଟଦ୍ଯୁମ୍ନୋ ବ୍ଯବସ୍ଥିତଃ॥ 9-29-4 (61713)
ଏକାକୀ ଭରତଶ୍ରେଷ୍ଠ ତତୋ ଦୁର୍ଯୋଧନୋ ନୃପଃ।
ନାପଶ୍ଯତ୍ସମରେ କଞ୍ଚିତ୍ସହାଯଂ ରଥିନାଂ ବରଃ॥ 9-29-5 (61714)
ନର୍ଦମାନାନ୍ପରାନ୍ଦୃଷ୍ଟ୍ବା ସ୍ବବଲସ୍ଯ ଚ ସଙ୍କ୍ଷଯମ୍।
ଦୃଷ୍ଟ୍ବା ଭରତଶାର୍ଦୂଲଃ କଶ୍ମଲେନାଭିସଂବୃତଃ।
ହତଂ ସ୍ବହଯମୁତ୍ସୃଜ୍ଯ ପ୍ରାଙ୍ମୁଖଃ ପ୍ରାଦ୍ରାବଦ୍ଭଯାତ୍॥ 9-29-6 (61715)
ଏକାଦଶଚମୂଭର୍ତା ପୁତ୍ରୋ ଦୁର୍ଯୋଧନସ୍ତବ।
ଗଦାମାଦାଯ ତେଜସ୍ବୀ ପଦାତିଃ ପ୍ରସ୍ଥିତୋ ହଦମ୍॥ 9-29-7 (61716)
ନାତିଦୂରଂ ତତୋ ଗତ୍ବା ପଦ୍ଭ୍ଯାମେବ ନରାଧିପଃ।
ସସ୍ମାର ବଚନଂ କ୍ଷତ୍ରୁର୍ଧର୍ମଶୀଲସ୍ଯ ଧୀମତଃ॥ 9-29-8 (61717)
ଇଦଂ ନୂନଂ ମହାପ୍ରାଜ୍ଞୋ ବିଦୁରୋ ଦୃଷ୍ଟ୍ବାନ୍ପୁରା।
ମହଦ୍ବ୍ସନମସ୍ମାକଂ କ୍ଷତ୍ରିଯାଣାଂ ଚ ସର୍ବଶଃ॥ 9-29-9 (61718)
ଏବଂ ବିଚିନ୍ତଯାନସ୍ତୁ ପ୍ରବିବିକ୍ଷୁର୍ହଦଂ ନୃପଃ।
ଦୁଃଖସନ୍ତପ୍ତହୃଦଯୋ ଦୃଷ୍ଟ୍ବା ରାଜନ୍ବଲକ୍ଷଯମ୍॥ 9-29-10 (61719)
`ଦଶୈକାକ୍ଷୌହିଣୀଭର୍ତା ତଦା ଦୁର୍ଯୋଧନୋଽପି ସନ୍।
ପ୍ରାପ୍ତବାନ୍ବ୍ଯସନଂ ତୀବ୍ରଂ ଦୈବଂ ହି ବଲବତ୍ତରମ୍'॥ 9-29-11 (61720)
ପାଣ୍ଡବାସ୍ତୁ ମହାରାଜ ଧୃଷ୍ଟଦ୍ଯୁମ୍ନପୁରୋଗମାଃ।
ଅଭ୍ଯଦ୍ରବନ୍ତ ସଙ୍କ୍ରୁଦ୍ଧାସ୍ତବ ରାଜନ୍ବଲଂ ପ୍ରତି॥ 9-29-12 (61721)
ଶକ୍ତ୍ଯୃଷ୍ଟିପ୍ରାସହସ୍ତାନାଂ ବଲାନାମଭିଗର୍ଜତାମ୍।
ସଙ୍କଲ୍ପମକରୋନ୍ମୋଘଂ ଗାଣ୍ଡୀବେନ ଧନଞ୍ଜଯଃ॥ 9-29-13 (61722)
ତାନ୍ହତ୍ବା ନିଶିତୈର୍ବାଣୈଃ ସାମାତ୍ଯାନ୍ସହ ବନ୍ଧୁଭିଃ।
ରଥେ ଶ୍ବେତହଯେ ତିଷ୍ଠନ୍ନର୍ଜୁନୋ ବହ୍ବଶୋଭତ॥ 9-29-14 (61723)
ସୁବଲସ୍ଯ ହତେ ପୁତ୍ରେ ସବାଜିରଥକୁଞ୍ଜରେ।
ମହାବନମିବ ଚ୍ଛିନ୍ନମଭବତ୍ତାବକଂ ବଲମ୍॥ 9-29-15 (61724)
ଅନେକଶତସାହସ୍ରେ ବଲେ ଦୁର୍ଯୋଧନସ୍ଯ ହ।
ନାନ୍ଯୋ ମହାରଥୋ ରାଜଞ୍ଜୀବମାନୋ ବ୍ଯଦୃଶ୍ଯତ॥ 9-29-16 (61725)
ଦ୍ରୋଣପୁତ୍ରାଦୃତେ ବୀରାତ୍ତଥୈବ କୃତବର୍ମଣଃ।
କୃପାଚ୍ଚ ଗୌତମାଦ୍ରାଜନ୍ପାର୍ଥିବାଚ୍ଚ ତବାତ୍ମଜାତ୍॥ 9-29-17 (61726)
ଧୃଷ୍ଟଦ୍ଯୁମ୍ନସ୍ତୁ ମାଂ ଦୃଷ୍ଟ୍ବା ହସନ୍ସାତ୍ଯକିମବ୍ରବୀତ୍।
କିମନେନ ଗୃହୀତେନ ନାନେନାର୍ଥୋଽସ୍ତି ଜୀବତା॥ 9-29-18 (61727)
ଧୃଷ୍ଟଦ୍ଯୁମ୍ନବଚଃ ଶ୍ରୁତ୍ବା ଶିନେର୍ନପ୍ତା ମହାରଥଃ।
ଉଦ୍ଯମ୍ଯ ନିଶିତଂ ଖଙ୍ଗଂ ହନ୍ତୁଂ ମାମୁଦ୍ଯତସ୍ତଦା॥ 9-29-19 (61728)
ତମାଗମ୍ଯ ମହାପ୍ରାଜ୍ଞଃ କୃଷ୍ଣଦ୍ବୈପାଯନୋଽବ୍ରବୀତ୍।
ମୁଚ୍ଯତାଂ ସଞ୍ଜଯୋ ଜୀବନ୍ନ ହନ୍ତବ୍ଯଃ କଥଞ୍ଚନ॥ 9-29-20 (61729)
ଦ୍ବୈପାଯନବଚଃ ଶ୍ରୁତ୍ବା ଶିନେର୍ନପ୍ତା କୃତାଞ୍ଜଲିଃ।
ତତୋ ମାମବ୍ରବୀନ୍ମୁକ୍ତ୍ବା ସ୍ବସ୍ତି ସଞ୍ଜଯ ସାଧଯ॥ 9-29-21 (61730)
ଅନୁଜ୍ଞାତସ୍ତ୍ବହଂ ତେନ ନ୍ଯସ୍ତବର୍ମା ନିରାଯୁଧଃ।
ପ୍ରାତିଷ୍ଠଂ ଯେନ ନଗରଂ ସାଯାହ୍ନେ ରୁଧିରୋକ୍ଷିତଃ॥ 9-29-22 (61731)
କ୍ରୋଶମାତ୍ରମପକ୍ରାନ୍ତଂ ଗଦାପାଣିମବସ୍ଥିତମ୍।
ଏକଂ ଦୁର୍ଯୋଧନଂ ରାଜନ୍ନପଶ୍ଯଂ ଭୃଶବିକ୍ଷତମ୍॥ 9-29-23 (61732)
ସ ତୁ ମାମଶ୍ରୁପୂର୍ଣାକ୍ଷୋ ନାଶକ୍ନୋଦଭିବୀକ୍ଷିତୁମ୍।
ଉପପ୍ରୈକ୍ଷତ ମାଂ ଦୃଷ୍ଟ୍ବା ତଥା ଦୀନମବସ୍ଥିତମ୍॥ 9-29-24 (61733)
ତଂ ଚାହମପି ଶୋଚନ୍ତଂ ଦୃଷ୍ଟ୍ବୈକାକିନମାହବେ।
ମୁହୂର୍ତଂ ନାଶକଂ ବକ୍ତୁମତିଦୁଃଖପରିପ୍ଲୁତଃ॥ 9-29-25 (61734)
`ଯସ୍ଯ ମୂର୍ଧାଭିଷିକ୍ତାନାଂ ସହସ୍ରମଣିମୌଲିନାମ୍।
ଆହୃତ୍ଯ ଚ କରଂ ସର୍ବଂ ସ୍ବସ୍ଯ ବେଶ୍ମ ସମାଗତମ୍॥ 9-29-26 (61735)
ଚତୁଃସାଗରପର୍ଯନ୍ତା ପୃଥିବୀ ରତ୍ନଭୂଷିତା।
କର୍ଣେନୈକେନ ଯସ୍ଯାର୍ଥେ କରମାହାରିତା ପୁରା॥ 9-29-27 (61736)
ଯସ୍ଯାଜ୍ଞା ପରରାଷ୍ଟ୍ରେଷୁ କର୍ଣେନୈବ ପ୍ରସାରିତା।
ନାଭବଦ୍ଯସ୍ଯ ଶସ୍ତ୍ରେଷୁ ଖେଦୋ ରାଜ୍ଞଃ ପ୍ରଶାସତଃ॥ 9-29-28 (61737)
ଆସୀନୋ ହାସ୍ତିନପୁରେ କ୍ଷେମଂ ରାଜ୍ଯମକଣ୍ଟକମ୍।
ଅନ୍ବପାଲଯଦୈଶ୍ବର୍ଯାତ୍କୁବେରମପି ନାସ୍ମରତ୍॥ 9-29-29 (61738)
ଭବନାଦ୍ଭବନଂ ରାଜନ୍ପ୍ରଯାତୁଂ ପୃଥିବୀପତେ।
ଦେବାଲଯପ୍ରଦେଶେ ଚ ପନ୍ଥା ଯସ୍ଯ ହିରଣ୍ମଯଃ॥ 9-29-30 (61739)
ପତାକାବୃତସୂର୍ଯାଂଶୁତୋରଣୋଚ୍ଛ୍ରିତଶୋଭିତାଃ।
ପ୍ରଯାଣେ ପୃଥିବୀଭର୍ତୁର୍ଧନ୍ଯାନାମଭବନ୍ଗୃହାଃ॥ 9-29-31 (61740)
ଆରୁହ୍ଯୈରାବତପ୍ରଖ୍ଯଂ ନାଗମିନ୍ଦ୍ରସମୋ ବଲୀ।
ବିଭୂତ୍ଯା ସୁମହତ୍ଯା ଯଃ ପ୍ରଯାତି ପୃଥିବୀପତେ॥ 9-29-32 (61741)
ତଂ ଭୃଶକ୍ଷତସର୍ବାଙ୍ଗଂ ପଦ୍ଧ୍ଯାମେବ ଧରାତଲେ।
ତିଷ୍ଠନ୍ତମେକଂ ଦୃଷ୍ଟ୍ବା ତୁ ମମାଭୂତ୍କ୍ଲେଶ ଉତ୍ତମଃ॥ 9-29-33 (61742)
ତସ୍ଯ ଚୈବଂବିଧସ୍ଯାଦ୍ଯ ଜଗନ୍ନାଥସ୍ଯ ଭୂପତେ।
ଆପଦପ୍ରତିମୈବାଭୂଦ୍ବଲୀଯାନ୍ବିଧିରେବ ହି'॥ 9-29-34 (61743)
ତତୋଽସ୍ମୈ ତଦହଂ ସର୍ବମୁକ୍ତବାନ୍ଗ୍ରହଣଂ ତଦା।
ଦ୍ବୈପାଯନପ୍ରସାଦାଚ୍ଚ ଜୀବତୋ ମୋକ୍ଷମାହବେ॥ 9-29-35 (61744)
ସ ମୁହୂର୍ତମିବ ଧ୍ଯାତ୍ବା ପ୍ରତିଲଭ୍ଯ ଚ ଚେତନାମ୍।
ଭ୍ରାତୄଂଶ୍ଚ ସର୍ବସୈନ୍ଯାନି ପର୍ଯପୃଚ୍ଛତ ମାଂ ତତଃ॥ 9-29-36 (61745)
ତସ୍ମୈ ତଦହମାଚକ୍ଷେ ସର୍ବଂ ପ୍ରତ୍ଯକ୍ଷଦର୍ଶିବାନ୍।
ଭ୍ରାତୄଶ୍ଚ ନିହତାନ୍ସର୍ବାନ୍ସୈନ୍ଯଂ ଚ ବିନିପାତିତମ୍॥ 9-29-37 (61746)
ତ୍ରଯଃ କିଲ ରଥାଃ ଶିଷ୍ଟାସ୍ତାବକାନାଂ ନରାଧିପ।
ଇତି ପ୍ରସ୍ଥାନକାଲେ ମାଂ କୃଷ୍ଣଦ୍ବୈପାଯନୋଽବ୍ରବୀତ୍॥ 9-29-38 (61747)
ସ ଦୀର୍ଘମିବ ନିଃଶ୍ବସ୍ଯ ପ୍ରତ୍ଯବେକ୍ଷ୍ଯ ପୁନଃ ପୁନଃ।
ଅସୌ ମାଂ ପାଣିନା ସ୍ପୃଷ୍ଟ୍ବା ପୁତ୍ରସ୍ତେ ପର୍ଯଭାଷତ॥ 9-29-39 (61748)
ତ୍ବଦନ୍ଯୋ ନେହ ସଙ୍ଗ୍ରାମେ କଶ୍ଚିଜ୍ଜୀବତି ସଞ୍ଜଯ।
ଦ୍ବିତୀଯଂ ନେହ ପଶ୍ଯାମି ସସହାଯାଶ୍ଚ ପାଣ଼୍ଡବାଃ॥ 9-29-40 (61749)
ବ୍ରୂଯାଃ ସଞ୍ଜଯ ରାଜାନଂ ପଜ୍ଞାଚକ୍ଷୁଷମୀଶ୍ବରମ୍।
ଦୁର୍ଯୋଧନସ୍ତବ ସୁତଃ ପ୍ରବିଷ୍ଟୋ ହଦମିତ୍ଯୁତ॥ 9-29-41 (61750)
ସୁହୃଦ୍ଭିସ୍ତାଦୃଶୈର୍ହୀନଃ ପୁତ୍ରୈର୍ଭ୍ରାତୃଭିରେବ ଚ।
ପାଣ୍ଡବୈଶ୍ଚ ହୃତେ ରାଜ୍ଯେ କୋ ନୁ ଜୀବେତ ମାଦୃଶଃ॥ 9-29-42 (61751)
ଆଚକ୍ଷୀଥାଃ ସର୍ବମିଦଂ ମାଂ ଚ ମୁକ୍ତଂ ମହାହବାତ୍।
ଆସ୍ମିଂସ୍ତୋଯହଦେ ଗୁପ୍ତଂ ଜୀବନ୍ତଂ ଭୃଶବିକ୍ଷତମ୍॥ 9-29-43 (61752)
ଏବମୁକ୍ତ୍ବା ମହାରାଜ ପ୍ରାବିଶତ୍ତଂ ମହାହଦମ୍।
ଅସ୍ତମ୍ଭଯତ ତୋଯଂ ଚ ମାଯଯା ମନୁଜାଧିପଃ॥ 9-29-44 (61753)
ତସ୍ମିନ୍ହଦଂ ପ୍ରବିଷ୍ଟେ ତୁ ତ୍ରୀନ୍ରଥାଞ୍ଶ୍ରାନ୍ତବାହନାନ୍।
ଅପଶ୍ଯଂ ସହିତାନେକସ୍ତଂ ଦେଶଂ ସମୁପେଯୁଷଃ॥ 9-29-45 (61754)
କୃପଂ ଶାରଦ୍ବତଂ ବୀରଂ ଦ୍ରୌଣିଂ ଚ ରଥିନାଂ ବରମ୍।
ଭୋଜଂ ଚ କୃତବର୍ମାଣଂ ସହିତାଞ୍ଶରବିକ୍ଷତାନ୍॥ 9-29-46 (61755)
ତେ ସର୍ବଂ ମାମଭିପ୍ରେକ୍ଷ୍ଯ ତୂର୍ଣମଶ୍ବାନନୋଦଯନ୍।
ଉପଯାଯ ତୁ ମାମୂଚୁର୍ଦିଷ୍ଟ୍ଯା ଜୀବସି ସଞ୍ଜଯ॥ 9-29-47 (61756)
ଅପୃଚ୍ଛଂଶ୍ଚୈବ ମାଂ ସର୍ବେ ପୁତ୍ରଂ ତବ ଜନାଧିପମ୍।
କଚ୍ଚିଦ୍ଦୁର୍ଯୋଧନୋ ରାଜା ସ ନୋ ଜୀବତି ସଞ୍ଜଯ॥ 9-29-48 (61757)
ଆଖ୍ଯାତବାନହଂ ତେଭ୍ଯସ୍ତଦା କୁଶଲିନଂ ନୃପମ୍।
ତଚ୍ଚୈବ ସର୍ବମାଚକ୍ଷଂ ଯନ୍ମାଂ ଦୁର୍ଯୋଧନୋଽବ୍ରବୀତ୍॥ 9-29-49 (61758)
ହଦଂ ଚୈବାହମାଚକ୍ଷଂ ଯଂ ପ୍ରବିଷ୍ଟୋ ନରାଧିପଃ।
ଅଶ୍ବତ୍ଥାମା ତୁ ତଦ୍ରାଜନ୍ନିଶମ୍ଯ ବଚନଂ ମମ॥ 9-29-50 (61759)
ତଂ ହଦଂ ବିପୁଲଂ ପ୍ରେକ୍ଷ୍ଯ କରୁଣଂ ପର୍ଯଦେବଯତ୍।
ଅହୋ ଧିକ୍ସ ନ ଜାନାତି ଜୀବତୋଽସ୍ମାନ୍ନରାଧିପ।
ପର୍ଯାପ୍ତା ହି ବଯଂ ତେନ ସହ ଯୋଧଯିତୁଂ ପରାନ୍॥ 9-29-51 (61760)
ତେ ତୁ ତତ୍ର ଚିରଂ କାଲଂ ବିଲପ୍ଯ ଚ ମହାରଥାଃ।
ପ୍ରାଦ୍ରବନ୍ରଥିନାଂ ଶ୍ରେଷ୍ଠା ଦୃଷ୍ଟ୍ବା ପାଣ୍ଡୁସୁତାନ୍ରଣେ॥ 9-29-52 (61761)
ତେ ତୁ ମାଂ ରଥମାରୋପ୍ଯ କୃପସ୍ଯ ସୁପରିଷ୍କୃତମ୍।
ସେନାନିବେଶମାଜଗ୍ମୁର୍ହତଶେଷାସ୍ତ୍ରଯୋ ରଥାଃ॥ 9-29-53 (61762)
ତତ୍ର ଗୁଲ୍ମାଃ ପରିକ୍ଷିପ୍ତାଃ ସୂର୍ଯେ ଚାସ୍ତମିତେ ସତି।
ସର୍ବେ ବିଚୁକ୍ରୁଶୁଃ ଶ୍ରୁତ୍ବା ପୁତ୍ରାଣାଂ ତବ ସଂକ୍ଷଯମ୍॥ 9-29-54 (61763)
ତତୋ ବୃଦ୍ଧା ମହାରାଜ ଯୋଷିତାଂ ରକ୍ଷିଣୋ ନରାଃ।
ରାଜଦାରାନୁପାଦାଯ ପଯଯୁର୍ନଗରଂ ପ୍ରତି॥ 9-29-55 (61764)
ତତ୍ର ବିକ୍ରୋଶମାନାନାଂ ରୁଦତୀନାଂ ଚ ସର୍ବଶଃ।
ପ୍ରାଦୁରାସୀନ୍ମହାଞ୍ଶବ୍ଦଃ ଶ୍ରୁତ୍ବା ତଦ୍ବଲସଙ୍କ୍ଷଯମ୍॥ 9-29-56 (61765)
ତତସ୍ତା ଯୋଷିତୋ ରାଜନ୍ରୁଦନ୍ତ୍ଯୋ ବୈ ମୁହୁର୍ମୁହୁଃ।
କୁରର୍ଯ ଇବ ଶବ୍ଦେନ ନାଦଯନ୍ତ୍ଯୋ ମହୀତଲମ୍॥ 9-29-57 (61766)
ଆଜଘ୍ନୁଃ କରଜୈଶ୍ଚାପି ପାଣିଭିଶ୍ଚ ଶିରାଂସ୍ଯୁତ।
ଲୁଲୁଚୁଶ୍ଚ ତଦା କେଶାନ୍କ୍ରୋଶନ୍ତ୍ଯସ୍ତତ୍ରତତ୍ର ହ॥ 9-29-58 (61767)
ହାହାକାରବିନାଦିନ୍ଯୋ ବିନିଘ୍ନନ୍ତ୍ଯ ଉରାଂସି ଚ।
ଶୋଚନ୍ତ୍ଯସ୍ତତ୍ର ରୁରୁଦୁଃ କ୍ରନ୍ଦମାନା ବିଶାମ୍ପତେ॥ 9-29-59 (61768)
ତତୋ ଦୁର୍ଯୋଧନାମାତ୍ଯାଃ ସାଶ୍ରୁକଣ୍ଠା ଭୃଶାତୁରାଃ।
ରାଜଦାରାନୁପାମନ୍ତ୍ର୍ଯ ପ୍ରଯଯୁର୍ନଗରଂ ପ୍ରତି॥ 9-29-60 (61769)
ବେତ୍ରବ୍ଯାସକ୍ତହସ୍ତାଶ୍ଚ ଦ୍ବାରାଧ୍ଯକ୍ଷା ବିଶାମ୍ପତେ।
ଶଯନୀଯାନି ଶୁଭ୍ରାଣି ସ୍ପର୍ଧ୍ଯାସ୍ତରଣବନ୍ତି ଚ।
ସମାଦାଯ ଯଯୁସ୍ତୂର୍ଣଂ ନଗରଂ ଦାରରକ୍ଷିଣଃ॥ 9-29-61 (61770)
ଆସ୍ଥାଯାଶ୍ବତରୀଯୁକ୍ତାନ୍ସ୍ଯନ୍ଦନାନପରେ ପୁନଃ।
ସ୍ବାନ୍ସ୍ବାନ୍ଦାରାନୁପାଦାଯ ପ୍ରଯଯୁର୍ନଗରଂ ପ୍ରତି॥ 9-29-62 (61771)
ଅଦୃଷ୍ଟପୂର୍ବା ଯା ନାର୍ଯୋ ଭାସ୍କରେଣାପି ବେଶ୍ମସୁ।
ଦଦୃଶୁସ୍ତା ମହାରାଜ ଜନା ଯାତାଃ ପୁରଂ ପ୍ରତି॥ 9-29-63 (61772)
ତାଃ ସ୍ତ୍ରିଯୋ ଭରତଶ୍ରେଷ୍ଠ ସୌକୁମାର୍ଯସମନ୍ବିତାଃ।
ପ୍ରଯଯୁର୍ନଗରଂ ତୂର୍ଣଂ ହତସ୍ବପତିବାନ୍ଧବାଃ॥ 9-29-64 (61773)
ଆଗୋପାଲାବିପାଲେଭ୍ଯୋ ଦ୍ରବନ୍ତୋ ନଗରଂ ପ୍ରତି।
ଯଯୁର୍ମନୁଷ୍ଯାଃ ସମ୍ଭ୍ରାନ୍ତା ଭୀମସେନଭଯାର୍ଦିତାଃ॥ 9-29-65 (61774)
ଅପିଚୈଷାଂ ଭଯଂ ତୀବ୍ରଂ ପାର୍ଥେଭ୍ଯୋଽଭୂତ୍ସୁଦାରୁଣମ୍।
ପ୍ରେକ୍ଷମାଣାସ୍ତଦାଽନ୍ଯୋନ୍ଯମାଧାବନ୍ନଗରଂ ପ୍ରତି॥ 9-29-66 (61775)
ତସ୍ମିଂସ୍ତଥା ବର୍ତମାନେ ବିଦ୍ରବେ ଭୃଶଦାରୁଣେ।
ଯୁଯୁତ୍ସୁଃ ଶୋକସମ୍ମୂଢଃ ପ୍ରାପ୍ତକାଲମଚିନ୍ତଯତ୍॥ 9-29-67 (61776)
ଜିତୋ ଦୁର୍ଯୋଧନଃ ସଙ୍ଖ୍ଯେ ପାଣ୍ଡବୈର୍ଭୀମବିକ୍ରମୈଃ।
ଏକାଦଶଚମୂଭର୍ତା ଭ୍ରାତରଶ୍ଚାସ୍ଯ ସୂଦିତାଃ॥ 9-29-68 (61777)
ହତାଶ୍ଚ କୁରବଃ ସର୍ବେ ଭୀଷ୍ମଦ୍ରୋଣପୁରଃ ସରାଃ।
ଅହମେକୋ ବିମୁକ୍ତସ୍ତୁ ଭାଗ୍ଯଯୋଗାଦ୍ଯଦୃଚ୍ଛଯା॥ 9-29-69 (61778)
ବିଦ୍ରୁତାନି ଚ ସର୍ବାଣି ଶିବିରାଦ୍ବୈ ସମନ୍ତତଃ।
[ଇତସ୍ତତଃ ପଲାଯନ୍ତେ ହତନାଥା ହତୌଜସଃ॥ 9-29-70 (61779)
ଅଦୃଷ୍ଟପୂର୍ବା ଦୁଃଖାର୍ତା ଭଯବ୍ଯାକୁଲଲୋଚନାଃ।
ହରିଣା ଇବ ବିତ୍ରସ୍ତା ବୀକ୍ଷମାଣା ଦିଶୋ ଦଶ]॥ 9-29-71 (61780)
ଦୁର୍ଯୋଧନସ୍ଯ ସଚିବା ଯେ କେଚିଦବଶେଷିତାଃ।
ରାଜଦାରାନୁପାଦାଯ ପ୍ରଯଯୁର୍ନଗରଂ ପ୍ରତି।
ପ୍ରାପ୍ତକାଲମହଂ ମନ୍ଯେ ପ୍ରବେଶଂ ତୈଃ ସହ ପ୍ରଭୋ॥ 9-29-72 (61781)
ଯୁଧିଷ୍ଠିରମନୁଜ୍ଞାଯ ବାସୂଦେବଂ ତଥୈବ ଚ।
ଏତମର୍ଥଂ ମହାବାହୁରୁଭଯୋଃ ସନ୍ନ୍ଯବେଦଯତ୍॥ 9-29-73 (61782)
ତସ୍ଯ ପ୍ରୀତୋଽଭବଦ୍ରାଜା ନିତ୍ଯଂ କରୁଣବେଦିତା।
ପରିଷ୍ବଜ୍ଯ ମହାବାହୁର୍ବୈଶ୍ଯାପୁତ୍ରଂ ବ୍ଯସର୍ଜଯତ୍॥ 9-29-74 (61783)
ତତଃ ସ ରଥମାସ୍ଥାଯ ଦ୍ରୁତମଶ୍ବାନଚୋଦଯତ୍।
ସଂବାହଯିତବାଂଶ୍ଚାପି ରାଜଦାରାନ୍ପୁରଂ ପ୍ରତି॥ 9-29-75 (61784)
ତୈଶ୍ଚୈବ ସହିତଃ କ୍ଷିପ୍ରମସ୍ତଂ ଗଚ୍ଛତି ଭାସ୍କରେ।
ପ୍ରବିଷ୍ଟୋ ହାସ୍ତିନପୁରଂ ବାଷ୍ପକଣ୍ଠୋଽଶ୍ରୁଲୋଚନଃ॥ 9-29-76 (61785)
ଅପଶ୍ଯତ ମହାପ୍ରାଜ୍ଞଂ ବିଦୁରଂ ସାଶ୍ରୁଲୋଚନମ୍।
ରାଜ୍ଞଃ ସମୀପାନ୍ନିଷ୍କ୍ରାନ୍ତଂ ଶୋକୋପହତଚେତସମ୍॥ 9-29-77 (61786)
ତମବ୍ରବୀତ୍ସତ୍ଯଧୃତିଃ ପ୍ରଣତଂ ତ୍ବଗ୍ରତଃ ସ୍ଥିତମ୍॥ 9-29-78 (61787)
ବିଦୁର ଉବାଚ। 9-29-79x (5129)
ଦିଷ୍ଟ୍ଯା କୁରୁକ୍ଷଯେ ବୃତ୍ତେ ଅସ୍ମିଂସ୍ତ୍ବଂ ପୁତ୍ର ଜୀବସି।
ବିନା ରାଜ୍ଞଃ ପର୍ବେଶାର୍ଦ୍ବୈ କିମସି ତ୍ବମିହାଗତଃ।
ଏତଦ୍ବୈ କାରଣଂ ସର୍ବଂ ବିସ୍ତରେଣ ନିବେଦଯ॥ 9-29-79 (61788)
ଯୁଯୁତ୍ସୁରୁବାଚ। 9-29-80x (5130)
ନିହତେ ଶକୁନୌ ତତ୍ର ସଜ୍ଞାତିସୁତବାନ୍ଧବେ।
ହତଶେଷପରୀବାରୋ ରାଜା ଦୁର୍ଯୋଧନସ୍ତତଃ।
ସ୍ବକଂ ସ ହଯମୁତ୍ସୃଜ୍ଯ ପ୍ରାଙ୍ମୁଖଃ ପ୍ରାଦ୍ରବଦ୍ଭଯାତ୍॥ 9-29-80 (61789)
ଅପକ୍ରାନ୍ତେ ତୁ ନୃପତୌ ସ୍କନ୍ଧାବାରନିବେଶନାତ୍।
ଭଯବ୍ଯାକୁଲିତଂ ସର୍ବଂ ପ୍ରାଦ୍ରାବନ୍ନଗରଂ ପ୍ରତି॥ 9-29-81 (61790)
ତତୋ ରାଜ୍ଞଃ କଲତ୍ରାଣି ଭ୍ରାତୄଣାଂ ଚାସ୍ଯ ସର୍ବତଃ।
ବାହନେଷୁ ସମାରୋପ୍ଯ ଅଧ୍ଯକ୍ଷାଃ ପ୍ରାଦ୍ରାବନ୍ଭଯାତ୍॥ 9-29-82 (61791)
ତତୋଽହଂ ସମନୁଜ୍ଞାପ୍ଯ ରାଜାନଂ ସହକେଶବମ୍।
ପ୍ରବିଷ୍ଟୋ ହାସ୍ତିନପୁରଂ ରକ୍ଷନ୍ଲୋକସ୍ଯ ବାଚ୍ଯତାମ୍॥ 9-29-83 (61792)
ସଞ୍ଜଯ ଉବାଚ। 9-29-84x (5131)
ଏତଚ୍ଛ୍ରୁତ୍ବା ତୁ ବଚନଂ ବୈଶ୍ଯାପୁତ୍ରେଣ ଭାଷିତମ୍।
ପ୍ରାପ୍ତକାଲମିତି ଜ୍ଞାତ୍ବା ବିଦୁରଃ ସର୍ବଧର୍ମବିତ୍।
ଅପୂଜଯଦମେଯାତ୍ମା ଯୁଯୁତ୍ସୁଂ ବାକ୍ଯମବ୍ରବୀତ୍॥ 9-29-84 (61793)
ପ୍ରାପ୍ତକାଲମିଦଂ ସର୍ବଂ ବ୍ରୁବତା ଭରତକ୍ଷଯେ।
[ରକ୍ଷିତଃ କୁଲଧର୍ମଶ୍ଚ ସାନୁକ୍ରୋଶତଯା ତ୍ବଯା॥ 9-29-85 (61794)
ଦିଷ୍ଠ୍ଯା ତ୍ବାମିହ ସଙ୍ଗ୍ରାମ ଦସ୍ମାଦ୍ବୀରକ୍ଷଯାତ୍ପୁରମ୍।
ସମାଗତମପଶ୍ଯାମ ହ୍ଯଂଶୁମନ୍ତମିବ ପ୍ରଜାଃ॥ 9-29-86 (61795)
ଅନ୍ଧସ୍ଯଂ ନୃପତେର୍ଯଷ୍ଟିର୍ଲୁବ୍ଧସ୍ଯାଦୀର୍ଘଦର୍ଶିନଃ।
ବହୁଶୋ ଯାଚ୍ଯମାନସ୍ଯ ଦୈବୋପହତଚେତସଃ।
ତ୍ବମେକୋ ବ୍ଯସନାର୍ତସ୍ଯ ଧ୍ରିଯସେ ପୁତ୍ର ସର୍ବଥା]॥ 9-29-87 (61796)
ଅଦ୍ଯ ତ୍ବମିହ ବିଶ୍ରାନ୍ତଃ ଶ୍ବୋଽଭିଗନ୍ତା ଯୁଧିଷ୍ଠିରମ୍।
ଏତାବଦୁକ୍ତ୍ବା ବଚନଂ ବିଦୁରଃ ସାଶ୍ରୁଲୋଚନଃ।
ଯୁଯୁତ୍ସୁଂ ସମନୁଜ୍ଞାପ୍ଯ ପ୍ରବିବେଶ ନୃପକ୍ଷଯମ୍॥ 9-29-88 (61797)
[ପୌରଜାନପଦୈର୍ଦୁଃଖାଦ୍ଧାହେତି ଭୃଶନାଦିତମ୍।
ନିରାନନ୍ଦଂ ଗତଶ୍ରୀକଂ ହୃତାରାମମିବାଶଯମ୍।
ଶୂନ୍ଯରୂପମପଧ୍ବସ୍ତଂ ଦୁଃଖାଦ୍ଦୁଃଖତରୋଽଭବତ୍॥ 9-29-89 (61798)
ବିଦୁରଃ ସର୍ବଧର୍ମଜ୍ଞୋ ବିକ୍ଲବେନାନ୍ତରାତ୍ମନା।
ବିବେଶ ନଗରେ ରାଜନ୍ନିଶଶ୍ବାସ ଶନୈଃ ଶନୈଃ॥ 9-29-90 (61799)
ଯୁଯୁତ୍ସୁରପି ତାଂ ରାତ୍ରିଂ ସ୍ବଗୃହେ ନ୍ଯବସତ୍ତଦା।
ବନ୍ଦ୍ଯମାନଃ ସ୍ବକୈଶ୍ଚାପି ନାଭ୍ଯନନ୍ଦତ୍ସୁଦୁଃଖିତଃ।
ଚିନ୍ତଯାନଃ କ୍ଷଯଂ ତୀବ୍ରଂ ଭରତାନାଂ ପରସ୍ପରମ୍॥ ॥ 9-29-91 (61800)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ଅଷ୍ଟାଦଶଦିବସଯୁଦ୍ଧେ ଏକୋନତ୍ରିଂଶୋଽଧ୍ଯାଯଃ॥ 29 ॥
Mahabharata - Shalya Parva - Chapter Footnotes
9-29-38 ହତୋ ଦୁର୍ଯୋଧନ ଇତି କ.ପାଠଃ॥ 9-29-39 ଅହମେକୋଽବଶିଷ୍ଟସ୍ତୁ ଇତି କ.ପାଠଃ॥ 9-29-29 ଏକୋନତ୍ରିଂଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 030
॥ ଶ୍ରୀଃ ॥
9.30. ଅଧ୍ଯାଯଃ 030
Mahabharata - Shalya Parva - Chapter Topics
କୃପଦ୍ଗୌଣିକୃତବର୍ମସୁ ହୃଦମେତ୍ଯ ଦୁର୍ଯୋଧନେନ ଭାପମାଣେଷୁ ତତ୍ର ଯଦୃଚ୍ଛୋପାଗତୈର୍ବ୍ଯାଧୈସ୍ତଦ୍ଦର୍ଶନମ୍॥ 1 ॥ ବ୍ଯାଧନିବେଦନେନ ସପରିବାରୈଃ ପାଣ଼୍ଡବୈର୍ହ୍ରଦଂ ପ୍ରତ୍ଯାଗମନମ୍॥ 2 ॥ ତଦ୍ଦର୍ଶନେନ କୃପାଦିଭିର୍ଦୁର୍ଯୋଧନାଭ୍ଯନୁଜ୍ଞାନେନ ଦୂରସ୍ଥନ୍ଯଗ୍ନୋଧତରୁମେତ୍ଯ ତନ୍ମୂଲେ ଉପବେଶନମ୍॥ 3 ॥ ଦୁର୍ଯୋଧନେନ ପୁନର୍ଜଲସ୍ତମ୍ଭନେନ ହ୍ରଦପ୍ରବେଶନମ୍॥ 4 ॥Mahabharata - Shalya Parva - Chapter Text
9-30-0 (61902)
`ସଞ୍ଜଯ ଉବାଚ। 9-30-0x (5133)
ମୁହୂର୍ତାଦିବ ରାଜେନ୍ଦ୍ର ସର୍ବଂ ଶୂନ୍ଯମଦୃଶ୍ଯତ।
ମତ୍ତବାରଣସଂଘୁଷ୍ଟଂ ଶିବିରଂ ବିଦ୍ରୁତେ ବଲେ॥ 9-30-1 (61903)
ଯତ୍ର ଶବ୍ଦେନ ମହତା ନାନ୍ବବୁଧ୍ଯନ୍ମହାରଥାଃ।
ତତ୍ର ଶବ୍ଦଂ ନ ଶୃଣୁମୋ ମନୁଷ୍ଯସ୍ଯାପି କସ୍ଯଚିତ୍'॥ 9-30-2 (61904)
ଧୃତରାଷ୍ଟ୍ର ଉବାଚ। 9-30-3x (5134)
ହତେଷୁ ସର୍ବସୈନ୍ଯେଷୁ ପାଣ୍ଡୁପୁତ୍ରୈ ରଣାଜିରେ।
ମାମକାଶ୍ଚାବଶିଷ୍ଟାସ୍ତେ କିମକୁର୍ବତ ସଞ୍ଜଯ॥ 9-30-3 (61905)
କୃତବର୍ମା କୃପଶ୍ଚୈବ ଦ୍ରୋଣପୁତ୍ରଶ୍ଚ ବୀର୍ଯବାନ୍।
ଦୁର୍ଯୋଧନଶ୍ଚ ମନ୍ଦାତ୍ମା ରାଜା କିମକରୋତ୍ତଦା॥ 9-30-4 (61906)
ସଞ୍ଜଯ ଉବାଚ। 9-30-5x (5135)
ସମ୍ପ୍ରାଦ୍ରୁବତ୍ସୁ ଦାରେଷୁ କ୍ଷତ୍ରିଯାଣାଂ ମହାତ୍ମନାମ୍।
ବିଦ୍ରୁତେ ଶିବିରେ ଶୂନ୍ଯେ ଭୃଶୋଦ୍ବିଗ୍ନାସ୍ତ୍ରଯୋ ରଥାଃ॥ 9-30-5 (61907)
ନିଶମ୍ଯ ପାଣ୍ଡୁପୁତ୍ରାଣାଂ ତଦା ବୈଜଯିନାଂ ସ୍ବନମ୍।
ବିଦ୍ରୁତଂ ଶିବିରଂ ଦୃଷ୍ଟ୍ବା ସାଯାହ୍ନେ ରାଜଗୃଦ୍ବିନଃ।
ସ୍ଥାନଂ ନାରୋଚଯଂସ୍ତତ୍ର ତତସ୍ତେ ହଦମଭ୍ଯଯୁଃ॥ 9-30-6 (61908)
ଯୁଧିଷ୍ଠିରୋଽପି ଧର୍ମାତ୍ମା ଭ୍ରାତୃଭିଃ ସହିତୋ ରଣେ।
ହୃଷ୍ଟଃ ପର୍ଯପତଦ୍ରାଜନ୍ଦୁର୍ଯୋଧନବଧେପ୍ସଯା॥ 9-30-7 (61909)
ମାର୍ଗମାଣାସ୍ତୁ ସଙ୍କ୍ରୁଦ୍ଧାସ୍ତବ ପୁତ୍ରଂ ଜଯୈଷିଣଃ।
ଯତ୍ନତୋଽନ୍ବେଷମାଣାସ୍ତେ ନୈବାପଶ୍ଯଞ୍ଜନାଧିପମ୍॥ 9-30-8 (61910)
ଯଦା ଦୁର୍ଯୋଧନୋ ଯୁଦ୍ଧଂ ତ୍ଯକ୍ତ୍ବା ପଦ୍ଭ୍ଯାଂ ପରାକ୍ରମମତ୍।
ତଂ ହଦଂ ପ୍ରାବିଶଚ୍ଚାପି ବିଷ୍ଟଭ୍ଯାପଃ ସ୍ବମାଯଯା॥ 9-30-9 (61911)
ଯଦା ତୁ ପାଣ୍ଡବାଃ ସର୍ବେ ସୁପରିଶ୍ରାନ୍ତବାହନାଃ।
ତତଃ ସ୍ବଶିବିରଂ ପ୍ରାପ୍ଯ ବ୍ଯତିଷ୍ଠନ୍ତ ସସୈନିକାଃ॥ 9-30-10 (61912)
ତତଃ କୃପଶ୍ଚ ଦ୍ରୌଣିଶ୍ଚ କୃତବର୍ମା ଚ ସାତ୍ବତଃ।
ସନ୍ନିବିଷ୍ଟେଷୁ ପାର୍ଥେଷୁ ପ୍ରଯଯୁସ୍ତଂ ହଦଂ ଶନୈଃ॥ 9-30-11 (61913)
ତେ ତଂ ହଦଂ ସମାସାଦ୍ଯ ଯତ୍ର ଶେତେ ଜନାଧିପଃ।
ଅଭ୍ଯଭାଷନ୍ତ ଦୁର୍ଧର୍ଷଂ ରାଜାନଂ ସୁପ୍ତମମ୍ଭସି॥ 9-30-12 (61914)
ରାଜନ୍ନୁତ୍ତିଷ୍ଠ ଯୁଧ୍ଯସ୍ବ ସହାସ୍ମାଭିର୍ଯୁଧିଷ୍ଠିରମ୍।
ଜିତ୍ବା ବା ପୃଥିବୀଂ ଭୁଙ୍କ୍ଷ୍ବ ହତୋ ବା ସ୍ବର୍ଗମାପ୍ନୁହି॥ 9-30-13 (61915)
ତେଷାମପି ବଲଂ ସର୍ବଂ ହତଂ ଦୁର୍ଯୋଧନ ତ୍ବଯା।
ପ୍ରତିବିଦ୍ଧାଶ୍ଚ ଭୂଯିଷ୍ଠଂ ଯେ ଶିଷ୍ଟାସ୍ତତ୍ର ସୈନିକାଃ॥ 9-30-14 (61916)
ନ ତେ ବେଗଂ ବିଷହିତୁଂ ଶକ୍ତାସ୍ତବ ବିଶାମ୍ପତେ।
ଅସ୍ମାଭିରପି ଗୁପ୍ତସ୍ଯ ତସ୍ମାଦୁତ୍ତିଷ୍ଠ ଭାରତ॥ 9-30-15 (61917)
ଦୁର୍ଯୋଧନ ଉବାଚ। 9-30-16x (5136)
ଦିଷ୍ଟ୍ଯା ପଶ୍ଯାମି ବୋ ମୁକ୍ତାନୀଦୃଶାତ୍ପୁରୁଷକ୍ଷଯାତ୍।
ପାଣ୍ଡୁକୌରବସମ୍ମର୍ଦାଜ୍ଜୀବମାନାନ୍ନରର୍ଷଭାନ୍॥ 9-30-16 (61918)
ବିଜେଷ୍ଯାମୋ ବଯଂ ସର୍ବେ ବିଶ୍ରାନ୍ତା ବିଗତକ୍ଲମାଃ।
ଭବନ୍ତଶ୍ଚ ପରିଶ୍ରାନ୍ତା ବଯଂ ଚ ଭୃଶବିକ୍ଷତାଃ।
ଉଦୀର୍ଣଂ ଚ ବଲଂ ତେଷାଂ ତେନ ଯୁଦ୍ଧଂ ନ ରୋଚଯେ॥ 9-30-17 (61919)
ନ ତ୍ବେତଦଦ୍ଭୁତଂ ବୀରା ଯଦ୍ବୋ ମହଦିଦଂ ମନଃ।
ଅସ୍ମାସୁ ଚ ପରା ଶକ୍ତିର୍ନ ତୁ କାଲଃ ପରାକ୍ରମେ॥ 9-30-18 (61920)
ବିଶ୍ରମ୍ଯୈକାଂ ନିଶାମଦ୍ଯ ଭବଦ୍ଭିଃ ସହିତୋ ରଣେ।
ପ୍ରତିଯୋତ୍ସ୍ଯାମ୍ଯହଂ ଶତ୍ରୂଞ୍ଶ୍ବୋ ନ ସ୍ଯାଚ୍ଚ ଶ୍ରମୋ ମମ॥ 9-28-19 (61921)
ସଞ୍ଜଯ ଉବାଚ। 9-28-20x (5137)
ଏବମୁକ୍ତୋଽବ୍ରବୀଦ୍ଦ୍ରୌଣୀ ରାଜାନଂ ଯୁଦ୍ଧଦୁର୍ମଦମ୍।
ଉତ୍ତିଷ୍ଠ ରାଜନ୍ଭଦ୍ରଂ ତେ ବିଜେଷ୍ଯାମୋ ବଯଂ ପରାନ୍॥ 9-28-20 (61922)
ଇଷ୍ଟାପୂର୍ତେନ ଦାନେନ ସତ୍ଯେନ ଚ ଜପେନ ଚ।
ଶପେ ରାଜନ୍ଯଥା ହ୍ଯଦ୍ଯ ନିହନିଷ୍ଯାମି ସୋମକାନ୍॥ 9-28-21 (61923)
ମା ସ୍ମ ଯଜ୍ଞକୃତାଂ ପ୍ରୀତିମାପ୍ନୁଯାଂ ସଜ୍ଜନୋଚିତାମ୍।
ଯଦୀମାଂ ରଜନୀଂ ବ୍ଯୁଷ୍ଟାଂ ନ ହି ହନ୍ମି ପରାନ୍ରଣେ॥ 9-30-22 (61924)
ନାହତ୍ବା ସର୍ବପାଞ୍ଚାଲାନ୍ବିମୋକ୍ଷ୍ଯେ କବଚଂ ବିଭୋ।
ଉତ୍ତିଷ୍ଠ ତ୍ବଂ ବ୍ରବୀମ୍ଯେତତ୍ତନ୍ମେ ଶୃଣୁ ଜନାଧିପ॥ 9-30-23 (61925)
ତେଷୁ ସମ୍ବାଷମାଣେଷୁ ବ୍ଯାଧାସ୍ତଂ ଦେଶମାଯଯୁଃ।
ମାଂସଭାରପରିଶ୍ରାନ୍ତାଃ ପାନୀଯାର୍ଥଂ ଯଦୃଚ୍ଛଯା॥ 9-30-24 (61926)
ତେ ହି ନିତ୍ଯଂ ମହାରାଜ ଭୀମସେନସ୍ଯ ଲୁବ୍ଧକାଃ।
ମାଂସଭାରାନୁପାଜହ୍ନୁର୍ଭକ୍ତ୍ଯା ପରମଯା ବିଭୋ॥ 9-30-25 (61927)
ତେ ତତ୍ର ଧିଷ୍ଠିତାସ୍ତେଷାଂ ସର୍ବଂ ତଦ୍ବଚନଂ ରହଃ।
ଦୁର୍ଯୋଧନବଚଶ୍ଚୈବ ଶୁଶ୍ରୁବୁଃ ସଙ୍ଗତା ମିଥଃ॥ 9-30-26 (61928)
ତେଽପି ସର୍ବେ ମହେଷ୍ବାସା ଅଯୁଦ୍ଧାର୍ଥିନି କୌରବେ।
ନିର୍ବନ୍ଧଂ ପରମଂ ଚକ୍ରୁସ୍ତଦା ବୈ ଯୁଦ୍ଧକାଙ୍କ୍ଷିଣଃ॥ 9-30-27 (61929)
ତାଂସ୍ତଥା ସମୁଦୀକ୍ଷ୍ଯାଥ କୌରବାଣାଂ ମହାରଥାନ୍।
ଅଯୁଦ୍ଧମନସଂ ଚୈବ ରାଜାନଂ ସ୍ଥିତମମ୍ଭସି॥ 9-30-28 (61930)
ତେଷାଂ ଶ୍ରୁତ୍ବା ଚ ସଂବାଦଂ ରାଜ୍ଞଶ୍ଚ ସଲିଲେ ସତଃ।
ବ୍ଯାଧା ହ୍ଯଜାନନ୍ରାଜେନ୍ଦ୍ର ସଲିଲସ୍ଥଂ ସୁଯୋଧନମ୍॥ 9-30-29 (61931)
ତେ ପୂର୍ବଂ ପାଣ୍ଡୁପୁତ୍ରେଣ ପୃଷ୍ଟା ହ୍ଯାସନ୍ସୁତଂ ତବ।
ଯଦୃଚ୍ଛୋପଗତାସ୍ତତ୍ର ରାଜାନଂ ପରିମାର୍ଗତା॥ 9-30-30 (61932)
ତତସ୍ତେ ପାଣ୍ଡୁପୁତ୍ରସ୍ଯ ସ୍ମୃତ୍ବା ତଦ୍ଭାଷିତଂ ତଦା।
ଅନ୍ଯୋନ୍ଯମବ୍ରୁବନ୍ରାଜନ୍ମୃଗବ୍ଯାଧାଃ ଶନୈରିବ॥ 9-30-31 (61933)
ଦୁର୍ଯୋଧନଂ ଖ୍ଯାପଯାମୋ ଧନଂ ଦାସ୍ଯତି ପାଣ୍ଡବଃ।
ସୁବ୍ଯକ୍ତମିହ ନଃ ଖ୍ଯାତୋ ହଦେ ଦୁର୍ଯୋଧନୋନୃପଃ॥ 9-30-32 (61934)
ତସ୍ମାଦ୍ଗଚ୍ଛାମହେ ସର୍ବେ ଯତ୍ର ରାଜା ଯୁଧିଷ୍ଠିରଃ।
ଆଖ୍ଯାତୁଂ ସଲିଲେ ସୁପ୍ତଂ ଦୁର୍ଯୋଧନମମର୍ଷଣମ୍॥ 9-30-33 (61935)
ଧୃତରାଷ୍ଟ୍ରାତ୍ମଜଂ ତସ୍ମୈ ଭୀମସେନାଯ ଧୀମତେ।
ଶଯାନଂ ସଲିଲେ ସର୍ବେ କଥଯାମୋ ଧନୁର୍ଭୃତେ॥ 9-30-34 (61936)
ସ ନୋ ଦାସ୍ଯତି ସୁପ୍ରୀତୋ ଧନାନି ବହୁଲାନ୍ଯୁତ।
କିଂ ନୋ ମାଂସେନ ଶୁଷ୍କେଣ ପରିକ୍ଲିଷ୍ଟେନ ଶୋଷିଣା॥ 9-30-35 (61937)
ଏବମୁକ୍ତ୍ବା ତୁ ତେ ବ୍ଯାଧାଃ ସମ୍ପ୍ରହୃଷ୍ଟା ଧନାର୍ଥିନଃ।
ମାଂସଭାରାନୁପାଦାଯ ପ୍ରଯଯୁଃ ଶିବିରଂ ପ୍ରତି॥ 9-30-36 (61938)
ପାଣ଼୍ଡବାଶ୍ଚ ମହାରାଜ ଲବ୍ଧଲକ୍ଷାଃ ପ୍ରହାରିଣଃ।
ଅପଶ୍ଯମାନାଃ ସମରେ ଦୁର୍ଯୋଧନମବସ୍ଥିତମ୍॥ 9-30-37 (61939)
ନିକୃତିଜ୍ଞସ୍ଯ ପାପସ୍ଯ ତସ୍ଯାଭିଗମନେପ୍ସଯା।
ଚାରାନ୍ସମ୍ପ୍ରେଷଯାମାସୁଃ ସମନ୍ତାତ୍ତଦ୍ରଣାଜିରେ॥ 9-30-38 (61940)
ଆଗମ୍ଯ ତୁ ତତଃ ସର୍ବେ ନଷ୍ଟଂ ଦୁର୍ଯୋଧନଂ ନୃପମ୍।
ନ୍ଯବେଦଯନ୍ତ ସହିତା ଧର୍ମରାଜସ୍ଯ ସୈନିକାଃ॥ 9-30-39 (61941)
ତେଷାଂ ତଦ୍ବଚନଂ ଶ୍ରୁତ୍ବା ଚାରାଣାଂ ଭରତର୍ଷଭ।
ଚିନ୍ତାମଭ୍ଯଗମତ୍ତୀବ୍ରାଂ ନିଶଶ୍ବାସ ଚ ପାର୍ଥିବଃ॥ 9-30-40 (61942)
`ଅରିଶେଷେ ଜୀବତି ତୁ ସନ୍ଦିଗ୍ଧୋ ବିଜଯୋ ଭବେତ୍।
ରାଜ୍ଯଂ ଲଭେ କଥଂ ତଦ୍ବି ପୂଜିତଂ ବିଜଯାଦିଭିଃ'॥ 9-30-41 (61943)
ଅଥ ସ୍ଥିତାନାଂ ପାଣ୍ଡୂନାଂ ଦୀନାନାଂ ଭରତର୍ଷଭ।
ତସ୍ମାଦ୍ଦେଶାଦପକ୍ରମ୍ଯ ତ୍ବରିତା ଲୁବ୍ଧକା ବିଭୋ॥ 9-30-42 (61944)
ଆଜଗ୍ମୁଃ ଶିବିରଂ ହୃଷ୍ଟା ଦୃଷ୍ଟ୍ବା ଦୁର୍ଯୋଧନଂ ନୃପମ୍।
ବାର୍ଯମାଣାଃ ପ୍ରବିଷ୍ଟାଶ୍ଚ ଭୀମସେନସ୍ଯ ପଶ୍ଯତଃ॥ 9-30-43 (61945)
ତେ ତୁ ପାଣ୍ଡବମାସାଦ୍ଯ ଭୀମସେନଂ ମହାବଲମ୍।
ତସ୍ମୈ ତତ୍ସର୍ବମାଚଖ୍ଯୁର୍ଯଦ୍ବୃତ୍ତଂ ଯଚ୍ଚ ବୈ ଶ୍ରୁତମ୍॥ 9-30-44 (61946)
ତତୋ ବୃକୋଦରୋ ରାଜନ୍ଦତ୍ତ୍ବା ତେଷାଂ ଧନଂ ବହୁ।
ଧର୍ମରାଜାଯ ତତ୍ସର୍ବମାଚଚକ୍ଷେ ପରନ୍ତପଃ॥ 9-30-45 (61947)
ଅସୌ ଦୁର୍ଯୋଧନୋ ରାଜନ୍ବିଜ୍ଞାତୋ ମମ ଲୁବ୍ଧକୈଃ।
ସଂସ୍ତଭ୍ଯ ସଲିଲଂ ଶେତେ ଯସ୍ଯାର୍ଥେ ପରିତପ୍ଯସେ॥ 9-30-46 (61948)
ତଦ୍ବଚୋ ଭୀମସେନସ୍ଯ ପ୍ରିଯଂ ଶ୍ରୁତ୍ବା ବିଶାମ୍ପତେ।
ଅଜାତଶତ୍ରୁଃ କୌନ୍ତେଯୋ ହୃଷ୍ଟୋଽଭୂତ୍ସହ ସୋଦରୈଃ॥ 9-30-47 (61949)
ତଂ ଚ ଶ୍ରୁତ୍ବା ମହେଷ୍ବାସଂ ପ୍ରବିଷ୍ଟଂ ସଲିଲହଦେ।
କ୍ଷିପ୍ରମେବ ତତୋଽଗଚ୍ଛନ୍ପୁରସ୍କୃତ୍ଯ ଜନାର୍ଦନମ୍॥ 9-30-48 (61950)
ତତଃ କିଲକିଲାଶବ୍ଦଃ ପ୍ରାଦୁରାସୀଦ୍ବିଶାମ୍ପତେ।
ପାଣ୍ଡବାନାଂ ପ୍ରହୃଷ୍ଟାନାଂ ପାଞ୍ଚାଲାନାଂ ଚ ସର୍ବଶଃ॥ 9-30-49 (61951)
ସିଂହନାଦାଂସ୍ତତଶ୍ଚକ୍ରୁଃ କ୍ଷ୍ବେଡାଶ୍ଚ ଭରତର୍ଷଭ।
ତ୍ବରିତାଃ କ୍ଷତ୍ରିଯା ରାଜନ୍ନୁଦକ୍ରୋଶନ୍ପରସ୍ପରମ୍॥ 9-30-50 (61952)
ଜ୍ଞାତଃ ପାପୋ ଧାର୍ତରାଷ୍ଟ୍ରୋ ଦୃଷ୍ଟଶ୍ଚେତ୍ଯସକୃଦ୍ରଣେ।
ପ୍ରାକ୍ରୋଶନ୍ସୋମକାସ୍ତତ୍ର ହୃଷ୍ଟରୂପାଃ ସମନ୍ତତଃ॥ 9-30-51 (61953)
ତେଷାମାଶୁ ପ୍ରଯାତାନାଂ ରଥାନାଂ ତତ୍ର ବେଗିନାମ୍।
ବଭୂବ ତୁମୁଲଃ ଶବ୍ଦୋ ଦିବସ୍ପୃକ୍ ପୃଥିବୀପତେ॥ 9-30-52 (61954)
ଦୁର୍ଯୋଧନଂ ପରୀପ୍ସନ୍ତସ୍ତତ୍ରତତ୍ର ଯୁଧିଷ୍ଠିରମ୍।
ଅନ୍ବଯୁସ୍ତ୍ବରିତାସ୍ତେ ବୈ ରାଜାନଂ ଶ୍ରାନ୍ତବାହନାଃ॥ 9-30-53 (61955)
ଅର୍ଜୁନୋ ଭୀମସେନଶ୍ଚ ମାଦ୍ରୀପୁତ୍ରୌ ଚ ପାଣ୍ଡବୌ।
ଧୃଷ୍ଟଦ୍ଯୁମ୍ନଶ୍ଚ ପାଞ୍ଚାଲ୍ଯଃ ଶିଖଣ୍ଡୀ ଚାପରାଜିତଃ॥ 9-30-54 (61956)
ଉତ୍ତମୌଜା ଯୁଧାମନ୍ଯୁଃ ସାତ୍ଯକିଶ୍ଚ ମହାରଥଃ।
ପାଞ୍ଚାଲାନାଂ ଚ ଯେ ଶିଷ୍ଟା ଦ୍ରୌପଦେଯାଶ୍ଚ ଭାରତ।
ହଯାଶ୍ଚ ସର୍ବେ ନାଗାଶ୍ଚ ଶତଶଶ୍ଚ ପଦାତଯଃ॥ 9-30-55 (61957)
ତତଃ ପ୍ରାପ୍ତୋ ମହାରାଜ ଧର୍ମରାଜଃ ପ୍ରତାପବାନ୍।
ଦ୍ବୈପାଯନହଦଂ ଘୋରଂ ଯତ୍ର ଦୁର୍ଯୋଧନୋଽଭବତ୍॥ 9-30-56 (61958)
ଶୀତାମଲଜଲଂ ହୃଦ୍ଯଂ ଦ୍ବିତୀଯମିବ ସାଗରମ୍।
ମାଯଯା ସଲିଲଂ ସ୍ତଭ୍ଯ ଯତ୍ରାଭୂତ୍ତେ ସ୍ଥିତଃ ସୁତଃ॥ 9-30-57 (61959)
ଅତ୍ଯଦ୍ଭୁତେନ ବିଧିନା ଦୈବଯୋଗେନ ଭାରତ।
ସଲିଲାନ୍ତର୍ଗତଃ ଶେତେ ଦୁର୍ଦର୍ଶଃ କସ୍ଯଚିତ୍ପ୍ରଭୋ। 9-30-58 (61960)
ମାନୁଷସ୍ଯ ମନୁଷ୍ଯେନ୍ଦ୍ର ଗଦାହସ୍ତୋ ଜନାଧିପଃ॥ 9-30-59 (61961)
ତତୋ ଦୁର୍ଯୋଧନୋ ରାଜା ସଲିଲାନ୍ତର୍ଗତୋ ବସନ୍।
ଶୁଶ୍ରୁବେ ତୁମୁଲଂ ଶବ୍ଦଂ ଜଲଦୋପମନିଃସ୍ବନମ୍॥ 9-30-59 (61962)
ଯୁଧିଷ୍ଠିରଶ୍ଚ ରାଜେନ୍ଦ୍ର ତଂ ହଦଂ ସହ ସୋଦରୈଃ।
ଆଜଗାମ ମହାରାଜ ତବ ପୁତ୍ରବଧାଯ ବୈ॥ 9-30-60 (61963)
ମହତା ଶଙ୍ଖନାଦେନ ରଥନେମିସ୍ବନେନ ଚ।
ଊର୍ଧ୍ବଂ ଧୁନ୍ବନ୍ମହାରେଣୁଂ କମ୍ପଯଂଶ୍ଚାପି ମେଦିନୀମ୍॥ 9-30-61 (61964)
ଯୌଧିଷ୍ଠିରସ୍ଯ ସୈନ୍ଯସ୍ଯ ଶ୍ରୁତ୍ବା ଶବ୍ଦଂ ମହାରଥାଃ।
କୃତବର୍ମା କୃପୋ ଦ୍ରୌଣୀ ରାଜାନମିଦମବ୍ରୁବନ୍॥ 9-30-62 (61965)
ଇମେ ହ୍ଯାଯାନ୍ତି ସଂହୃଷ୍ଟାଃ ପାଣ୍ଡବା ଜିତକାଶିନଃ।
ଅପଯାସ୍ଯାମହେ ତାବଦନୁଜାନାତୁ ନୋ ଭବାନ୍॥ 9-30-63 (61966)
ଦୁର୍ଯୋଧନସ୍ତୁ ତଚ୍ଛ୍ରୁତ୍ବା ତେଷାଂ ତତ୍ର ତରସ୍ବିନାମ୍।
ତଥେତ୍ଯୁକ୍ତ୍ବା ହଦଂ ତଂ ବୈ ମାଯଯାଽସ୍ତମ୍ଭଯତ୍ପ୍ରଭୋ॥ 9-30-64 (61967)
ତେ ତ୍ବନୁଜ୍ଞାପ୍ଯ ରାଜାନଂ ଭୃଶଂ ଶୋକପରାଯଣାଃ।
ଜଗ୍ମୁର୍ଦୂରେ ମହାରାଜ କୃପପ୍ରଭୃତଯୋ ରଥାଃ॥ 9-30-65 (61968)
ତେ ଗତ୍ବା ଦୂରମଧ୍ବାନଂ ନ୍ଯଗ୍ରୋଧଂ ପ୍ରେକ୍ଷ୍ଯ ମାରିଷ।
ନ୍ଯବିଶନ୍ତ ଭୃଶଂ ଶ୍ରାନ୍ତାଶ୍ଚିନ୍ତଯନ୍ତୋ ନୃପଂ ପ୍ରତି॥ 9-30-66 (61969)
ବିଷ୍ଟଭ୍ଯ ସଲିଲଂ ସୁପ୍ତୋ ଧାର୍ତରାଷ୍ଟ୍ରୋ ମହାବଲଃ।
ପାଣ୍ଡବାଶ୍ଚାପି ସମ୍ପ୍ରାପ୍ତାସ୍ତଂ ଦେଶଂ ଯୁଦ୍ଧମୀପ୍ସବଃ॥ 9-30-67 (61970)
କଥଂ ନୁ ଯୁଦ୍ଧଂ ଭବିତା କଥଂ ରାଜା ଭବିଷ୍ଯତି।
କଥଂ ନୁ ପାଣ୍ଡବା ରାଜନ୍ପ୍ରତିପତ୍ସ୍ଯନ୍ତି କୌରବମ୍॥ 9-30-68 (61971)
ଇତ୍ଯେବଂ ଚିନ୍ତଯାନାସ୍ତୁ ରଥେଭ୍ଯୋଽଶ୍ବାନ୍ବିମୁଚ୍ଯ ତେ।
ତତ୍ରାସାଞ୍ଚକ୍ରିରେ ରାଜନ୍କୃପପ୍ରଭୃତଯୋ ରଥାଃ॥ ॥ 9-30-69 (61972)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ଅଷ୍ଟାଦଶଦିବସଯୁଦ୍ଧେ ତ୍ରିଂଶୋଽଧ୍ଯାଯଃ॥ 30 ॥
Mahabharata - Shalya Parva - Chapter Footnotes
9-30-18 ଅସ୍ମାସୁ ଚ ପରା ଭକ୍ତିର୍ଦର୍ଶିତା କାର୍ଯଗୌରବାତ୍। ଇତି ଙ. ପାଠଃ॥ 9-30-22 ଯଜ୍ଞକୃତାଂ ପ୍ରୀତି ଯଜ୍ଞାଦିଜସ୍ଯ ପୁଣ୍ଯସ୍ଯ ଫଲମ୍॥ 9-30-39 ନଷ୍ଟଂ ଅଦୃଶ୍ଯତ୍ବଂ ଗତଂ ଲୀନମିତ୍ଯର୍ଥଃ॥ 9-30-30 ତ୍ରିଂଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 031
॥ ଶ୍ରୀଃ ॥
9.31. ଅଧ୍ଯାଯଃ 031
Mahabharata - Shalya Parva - Chapter Topics
ଯୁଧିଷ୍ଠିରେଣ ହଦସ୍ଥଂ ଦୁର୍ଯୋଧନଂ ପ୍ରତି ନିଷ୍ଠୁରୋକ୍ତିଭିଃ ସନ୍ତର୍ଜନମ୍॥ 1 ॥ ଯୁଧିଷ୍ଠିରଦୁର୍ଯୋଧନଯୋଃ ସଂବାଦଃ॥ 2 ॥Mahabharata - Shalya Parva - Chapter Text
9-31-0 (61973)
ସଞ୍ଜଯ ଉବାଚ। 9-31-0x (5138)
ତତସ୍ତେଷ୍ବପଯାତେଷୁ ରଥେଷୁ ତ୍ରିଷୁ ପାଣ୍ଡବାଃ।
ତଂ ହଦଂ ପ୍ରତ୍ଯପଦ୍ଯନ୍ତ ଯତ୍ର ଦୁର୍ଯୋଧନୋଽଭବତ୍॥ 9-31-1 (61974)
ଆସାଦ୍ଯ ଚ କୁରୁଶ୍ରେଷ୍ଠ ତଦା ଦ୍ବୈପାଯନଂ ହଦମ୍।
ସ୍ତମ୍ଭିତଂ ଧାର୍ତରାଷ୍ଟ୍ରେଣ ଦୃଷ୍ଟ୍ବା ତଂ ସଲିଲାଶଯମ୍॥ 9-31-2 (61975)
ବାସୁଦେବମିଦଂ ବାକ୍ଯମବ୍ରବୀତ୍କୁରୁନନ୍ଦନଃ।
ପଶ୍ଯେମାଂ ଧାର୍ତରାଷ୍ଟ୍ରେଣ ମାଯାମପ୍ସୁ ପ୍ରଯୋଜିତାମ୍॥ 9-31-3 (61976)
ବିଷ୍ଟଭ୍ଯ ସଲିଲଂ ଶେତେ ନାସ୍ଯ ମାନୁଷତୋ ଭଯମ୍।
ଦୈବୀଂ ମାଯାମିମାଂ କୃତ୍ବା ସଲିଲାନ୍ତର୍ଗତୋ ହ୍ଯଯମ୍॥ 9-31-4 (61977)
ନିକୃତ୍ଯା ନିକୃତିପ୍ରଜ୍ଞୋ ନ ମେ ଜୀବନ୍ବିମୋକ୍ଷ୍ଯତେ।
ଯଦ୍ଯସ୍ଯ ସମରେ ସାହ୍ଯଂ କୁରୁତେ ବଜ୍ରଭୃତ୍ସ୍ବଯମ୍।
ତଥାପ୍ଯେନଂ ହତଂ ଯୁଦ୍ଧେ ଲୋକା ଦ୍ରକ୍ଷ୍ଯନ୍ତି ମାଧବ॥ 9-31-5 (61978)
ବାସୁଦେବ ଉବାଚ। 9-31-6x (5139)
ମାଯାବିନ ଇମାଂ ମାଯାଂ ମାଯଯା ଜହି ଭାରତ।
ମାଯାବୀ ମାଯଯା ବଧ୍ଯଃ ସତ୍ଯମେତଦ୍ଯୁଧିଷ୍ଠିର॥ 9-31-6 (61979)
କ୍ରିଯାଭ୍ଯୁପାଯୈର୍ବହୁଭିର୍ଭାଯାମପ୍ସୁ ପ୍ରଯୋଜ୍ଯ ଚ।
ଜହି ତ୍ବଂ ଭରତଶ୍ରେଷ୍ଠ ମାଯାତ୍ମାନଂ ସୁଯୋଧନମ୍॥ 9-31-7 (61980)
କ୍ରିଯାଭ୍ଯୁପାଯୈରିନ୍ଦ୍ରେଣ ନିହତା ଦୈତ୍ଯଦାନବାଃ।
କ୍ରିଯାଭ୍ଯୁପାଯୈର୍ବଲିଭିର୍ବଲିର୍ବଦ୍ଧୋ ମହାତ୍ମନା॥ 9-31-8 (61981)
କ୍ରିଯାଭ୍ଯୁପାଯପୂର୍ବଂ ବୈ ହିରଣ୍ଯାକ୍ଷୋ ମହାସୁରଃ।
ହିରଣ୍ଯକଶିପୁଶ୍ଚୈବ କ୍ରିଯଯୈବ ନିଷୂଦିତୌ॥ 9-31-9 (61982)
ବୃତ୍ରଶ୍ଚ ନିହତୋ ରାଜନ୍କ୍ରିଯଯୈବ ମହାବଲଃ।
ତଥା ପୌଲସ୍ତ୍ଯତନଯୋ ରାବଣୋ ନାମ ରାକ୍ଷସଃ।
ରାମେଣ ନିହତୋ ରାଜନ୍ସାନୁବନ୍ଧଃ ସହାନୁଗଃ॥ 9-31-10 (61983)
କ୍ରିଯଯା ଯୋଗମାସ୍ଥାଯ ତଥା ତ୍ବମପି ବିକ୍ରମ॥ 9-31-11 (61984)
କ୍ରିଯାଭ୍ଯୁପାଯୈର୍ନିହତୌ ମଯା ରାଜନ୍ପୁରାତନୌ।
ତାରକଶ୍ଚ ମହାଦୈତ୍ଯୋ ବିପ୍ରଚିତ୍ତିଶ୍ଚ ବୀର୍ଯବାନ୍॥ 9-31-12 (61985)
ବାତାପିରିଲ୍ବଲଶ୍ଚୈବ ତ୍ରିଶିରାଶ୍ଚ ତଥା ବିଭୋ।
ସୁନ୍ଦୋପସୁନ୍ଦାବସୁରୌ କ୍ରିଯଯୈବ ନିଷୂଦିତୌ॥ 9-31-13 (61986)
କ୍ରିଯାଭ୍ଯୁପାଯୈରିନ୍ଦ୍ରେଣ ତ୍ରିଦିବଂ ଭୁଜ୍ଯତେ ବିଭୋ।
କ୍ରିଯା ବଲବତୀ ରାଜନ୍ନାନ୍ଯତ୍କିଂଚିଦ୍ଯୁଧିଷ୍ଠିର॥ 9-31-14 (61987)
ଦୈତ୍ଯାଶ୍ଚ ଦାନବାଶ୍ଚୈବ ରାକ୍ଷସାଃ ପାର୍ଥିବାସ୍ତଥା।
କ୍ରିଯାଭ୍ଯୁପାଯୈର୍ନିହତାଃ କ୍ରିଯାଂ ତସ୍ମାତ୍ସମାଚର॥ 9-31-15 (61988)
ସଞ୍ଜଯ ଉବାଚ। 9-31-16x (5140)
ଇତ୍ଯୁକ୍ତୋ ବାସୁଦେବେନ ପାଣ୍ଡବଃ ସଂଶିତବ୍ରତଃ।
ଜଲସ୍ଥଂ ତଂ ମହାରାଜ ତବ ପୁତ୍ରଂ ମହାବଲମ୍।
ଅଭ୍ଯଭାଷତ କୌନ୍ତେଯଃ ପ୍ରହସନ୍ନିବ ଭାରତ॥ 9-31-16 (61989)
ସୁଯୋଧନ କିମର୍ଥୋଽଯମାରମ୍ଭୋଽପ୍ସୁ କୃତସ୍ତ୍ବଯା।
ସର୍ବଂ କ୍ଷତ୍ରଂ ଘାତଯିତ୍ବା ସ୍ବକୁଲଂ ଚ ବିଶାମ୍ପତେ॥ 9-31-17 (61990)
ଜଲାଶଯଂ ପ୍ରବିଷ୍ଟୋଽଦ୍ଯ ବାଞ୍ଛଞ୍ଜୀବିତମାତ୍ମନଃ।
ଉତ୍ତିଷ୍ଠ ରାଜନ୍ଯୁଧ୍ଯସ୍ବ ସହାସ୍ମାଭିଃ ସୁଯୋଧନ॥ 9-31-18 (61991)
ସ ତେ ଦର୍ପୋ ନରଶ୍ରେଷ୍ଠ ସ ଚ ମାନଃ କ୍ବ ତେ ଗତଃ।
ଯସ୍ତ୍ବଂ ସଂସ୍ତଭ୍ଯ ସଲିଲଂ ଭୀତୋ ରାଜନ୍ବ୍ଯବସ୍ଥିତଃ॥ 9-31-19 (61992)
ସର୍ବେ ତ୍ବାଂ ଶୂର ଇତ୍ଯେବଂ ଜନା ଜଲ୍ପନ୍ତି ସଂସଦି।
ବ୍ଯର୍ଥଂ ତଦ୍ଭବତୋ ମନ୍ଯେ ଶୌର୍ଯଂ ସଲିଲଶାଯିନଃ॥ 9-31-20 (61993)
ଉତ୍ତିଷ୍ଠ ରାଜନ୍ଯୁଧ୍ଯସ୍ବ କ୍ଷତ୍ରିଯୋଽସି କୁଲୋଦ୍ଭବଃ।
କୌରବେଯୋ ବିଶେଷେଣ କୁଲଂ ଜନ୍ମ ଚ ସଂସ୍ମର॥ 9-31-21 (61994)
ସ କଥଂ କୌରବେ ବଂଶେ ପ୍ରଶଂସଞ୍ଜନ୍ମ ଚାତ୍ମନଃ।
ଯୁଦ୍ବାତ୍ତ୍ରସ୍ତତରସ୍ତୋଯଂ ପ୍ରବିଶ୍ଯ ପ୍ରତିତିଷ୍ଠସି॥ 9-31-22 (61995)
ଅଯୁଦ୍ଧେନ ବ୍ଯବସ୍ଥାନଂ ନୈଷ ଧର୍ମଃ ସନାତନଃ॥ 9-31-23 (61996)
ଅନାର୍ଯଜୁଷ୍ଟମସ୍ବର୍ଗ୍ଯଂ ରଣେ ରାଜନ୍ପଲାଯନମ୍।
କଥଂ ପାରମଗତ୍ବା ହି ଯୁଦ୍ଧେ ତ୍ବଂ ବୈ ଜିଜୀବିଷୁଃ॥ 9-31-24 (61997)
ଇମାନ୍ନିପତିତାନ୍ଦୃଷ୍ଟ୍ବା ପୁତ୍ରାନ୍ଭ୍ରାତୄନ୍ପିତୄଂସ୍ତଥା।
ସମ୍ବନ୍ଧିନୋ ବଯସ୍ଯାଂଶ୍ଚ ମାତୁଲାନ୍ବାନ୍ଧବାଂସ୍ତଥା।
ଘାତଯିତ୍ବା କଥଂ ତାତ ହଦେ ତିଷ୍ଠତି ସାମ୍ପ୍ରତମ୍॥ 9-31-25 (61998)
ଶୂରମାନୀ ନ ଶୂରସ୍ତ୍ବଂ ମୃଷା ବଦସି ଭାରତ।
ଶୂରୋଽହମିତି ଦୁର୍ବୁଦ୍ଧେ ସର୍ବଲୋକସ୍ଯ ଶୃଣ୍ବତଃ॥ 9-31-26 (61999)
ନ ହି ଶୂରାଃ ପଲାଯନ୍ତେ ଶତ୍ରୂନ୍ଦୃଷ୍ଟ୍ବା କଥଞ୍ଚନ।
ବ୍ରୂହି ବା ତ୍ବଂ ଯଯା ବୃତ୍ତ୍ଯା ଶୂର ତ୍ଯଜସି ସଙ୍ଗରମ୍॥ 9-31-27 (62000)
ସ ତ୍ବମୁତ୍ତିଷ୍ଠ ଯୁଧ୍ଯସ୍ବ ବିହାଯ ଭଯମାତ୍ମନଃ।
ଘାତଯିତ୍ବା ସର୍ବସୈନ୍ଯଂ ଭ୍ରାତୄଂଶ୍ଚୈବ ସୁଯୋଧନ॥ 9-31-28 (62001)
ନେଦାନୀଂ ଜୀବିତେ ବୁଦ୍ଧିଃ କାର୍ଯା ଧର୍ମଚିକୀର୍ଷଯା।
କ୍ଷତ୍ରଧର୍ମମୁପାଶ୍ରିତ୍ଯ ତ୍ବଦ୍ବିଧେନ ସୁଯୋଧନ॥ 9-31-29 (62002)
ଯତ୍ତୁ କର୍ଣମୁପାଶ୍ରିତ୍ଯ ଶକୁନିଂ ଚାପି ସୌବଲମ୍।
ଦୁଃଶାସନଂ ଚ ମୋହାତ୍ତ୍ବମାତ୍ମାନଂ ନାବବୁଦ୍ଧବାନ୍॥ 9-31-30 (62003)
ତତ୍ପାପଂ ସୁମହତ୍କୃତ୍ବା ପ୍ରତିଯୁଧ୍ଯସ୍ବ ଭାରତ।
କଥଂ ହି ତ୍ବଦ୍ବିଧୋ ମୋହାଦ୍ରୋଚଯେତ ପଲାଯନମ୍॥ 9-31-31 (62004)
କ୍ବ ତେ ତତ୍ପୌରୁଷଂ ଯାତଂ କ୍ବ ଚ ମାନଃ ସୁଯୋଧନ।
କ୍ବ ଚ ବିକ୍ରାନ୍ତତା ଯାତା କ୍ବ ଚ ବିସ୍ଫୂର୍ଜିତଂ ମହତ୍॥ 9-31-32 (62005)
କ୍ବ ତେ କୃତାସ୍ତ୍ରତା ଯାତା କିଂ ନୁ ଶେଷେ ଜଲାଶଯେ।
ସ ତ୍ବମୁତ୍ତିଷ୍ଠ ଯୁଧ୍ଯସ୍ବ କ୍ଷତ୍ରଧର୍ମେଣ ଭାରତ॥ 9-31-33 (62006)
ଅସ୍ମାଂସ୍ତୁ ବା ପରାଜିତ୍ଯ ପ୍ରଶାଧି ପୃଥିବୀମିମାମ୍।
ଅଥବା ନିହତୋସ୍ମାଭିର୍ଭୂମୌ ସ୍ବପ୍ସ୍ଯସି ଭାରତ॥ 9-31-34 (62007)
ଏଷ ତେ ପରମୋ ଧର୍ମଃ ସୃଷ୍ଟୋ ଧାତ୍ରା ମହାତ୍ମନା।
ତଂ କୁରୁଷ୍ବ ଯଥାତଥ୍ଯଂ ପୌରୁଷେ ସ୍ବ ବ୍ଯବସ୍ଥିତଃ॥ 9-31-35 (62008)
ସଞ୍ଜଯ ଉବାଚ। 9-31-36x (5141)
ଏବମୁକ୍ତୋ ମହାରାଜ ଧର୍ମପୁତ୍ରେଣ ଧୀମତା।
ସଲିଲସ୍ଥସ୍ତବ ସୁତ ଇଦଂ ବଚନମବ୍ରବୀତ୍॥ 9-31-36 (62009)
ନୈତଚ୍ଚିତ୍ରଂ ମହାରାଜ ଯଦ୍ଭୀଃ ପ୍ରାଣିନମାବିଶେତ୍।
ନ ଚ ପ୍ରାଣଭଯାଦ୍ଭୀତୋ ବ୍ଯପଯାତୋଽସ୍ମି ଭାରତ॥ 9-31-37 (62010)
ଅରଥଶ୍ଚାନିଷଙ୍ଗୀ ଚ ନିହତଃ ପାର୍ଷ୍ଣିସାରଥିଃ।
ଏକଶ୍ଚାପ୍ଯଗଣଃ ସଙ୍ଖ୍ଯେ ପ୍ରତ୍ଯାଶ୍ବାସମରୋଚଯମ୍॥ 9-31-38 (62011)
ନ ପ୍ରାଣହେତୋର୍ନ ଭଯାଶ୍ଚ ବିଷାଦାଦ୍ବିଶାମ୍ପତେ।
ଇଦମମ୍ଭଃ ପ୍ରବିଷ୍ଟୋଽସ୍ମି ଶ୍ରମାତ୍ତ୍ବିଦମନୁଷ୍ଠିତମ୍॥ 9-31-39 (62012)
ତ୍ବଂ ଚାଶ୍ବସିହି କୌନ୍ତେଯ ଯେ ଚାପ୍ଯନୁଗତାସ୍ତବ।
ଅହମୁତ୍ଥାଯ ବଃ ସର୍ବାନ୍ପ୍ରତିଯୋତ୍ସ୍ଯାମି ସଂଯୁଗେ॥ 9-31-40 (62013)
ଯୁଧିଷ୍ଠିର ଉବାଚ। 9-31-41x (5142)
ଆଶ୍ବସ୍ତା ଏବ ସର୍ବେ ସ୍ମ ଚିରଂ ତ୍ବାଂ ମୃଗଯାମହେ।
ତଦିଦାନୀଂ ସମୁତ୍ତିଷ୍ଠ ଯୁଧ୍ଯସ୍ବେହ ସୁଯୋଧନ॥ 9-31-41 (62014)
ହତ୍ବା ବା ସମରେ ପାର୍ଥାନ୍ସ୍ଫୀତଂ ରାଜ୍ଯମବାପ୍ନୁହି।
ନିହତୋ ବା ରଣେଽସ୍ମାଭିର୍ବୀରଲୋକମବାପ୍ସ୍ଯସି॥ 9-31-42 (62015)
ଦୁର୍ଯୋଧନ ଉବାଚ। 9-31-43x (5143)
ଯଦର୍ଥଂ ରାଜ୍ଯମିଚ୍ଛାମି କୁରୂଣାଂ କୁରୁନନ୍ଦନ।
ତ ଇମେ ନିହତାଃ ସର୍ବେ ଭ୍ରାତରୋ ମେ ଜନେଶ୍ବର॥ 9-31-43 (62016)
କ୍ଷୀଣରତ୍ନାଂ ଚ ପୃଥିବୀଂ ହତକ୍ଷତ୍ରିଯପୁଙ୍ଗବାମ୍।
ନ ହ୍ଯୁତ୍ସହାମ୍ଯହଂ ଭୋକ୍ତୁଂ ବିଧବାମିବ ଯୋଷିତମ୍॥ 9-31-44 (62017)
ଅଦ୍ଯାପି ତ୍ବହମାଶଂସେ ତ୍ବାଂ ବିଜେତୁଂ ଯୁଧିଷ୍ଠିର।
ଭଙ୍କ୍ତ୍ବା ପାଞ୍ଚାଲପାଣ୍ଡୂନାମୁତ୍ସାହଂ ଭରତର୍ଷଭ॥ 9-31-45 (62018)
ନ ତ୍ବିଦାନୀମହଂ ମନ୍ଯେ କାର୍ଯଂ ଯୁଦ୍ଧେନ କର୍ହିଚିତ୍।
ଦ୍ରୋଣେ କର୍ଣେ ଚ ସଂଶାନ୍ତେ ନିହତେ ଚ ପିତାମହେ॥ 9-31-46 (62019)
ଅସ୍ତ୍ବିଦାନୀମିଯଂ ରାଜନ୍କେବଲା ପୃଥିବୀ ତବ।
ଅସହାଯୋ ହି କୋ ରାଜା ରାଜ୍ଯମିଚ୍ଛେତ୍ପ୍ରଶାସିତୁମ୍॥ 9-31-47 (62020)
ସୁହୃଦସ୍ତାଦୃଶାନ୍ହତ୍ବା ପୁତ୍ରାନ୍ଭ୍ରାତୄନ୍ପିତୄନପି।
ଭବଦ୍ଭିଶ୍ଚ ହୃତେ ରାଜ୍ଯେ କୋ ନୁ ଜୀବେତ ମାଦୃଶଃ॥ 9-31-48 (62021)
ଅହଂ ବନଂ ଗମିଷ୍ଯାମି ହ୍ଯଜିନୈଃ ପ୍ରତିବାସିତଃ।
ରତିର୍ହି ନାସ୍ତି ମେ ରାଜ୍ଯେ ହତପକ୍ଷସ୍ଯ ଭାରତ॥ 9-31-49 (62022)
ହତବାନ୍ଧବଭୂଯିଷ୍ଠା ହତାଶ୍ବା ହତକୁଞ୍ଜରା।
ଏଷା ତେ ପୃଥିବୀ ରାଜନ୍ଭୁଙ୍କ୍ଷୈନାଂ ବିଗତଜ୍ବରଃ॥ 9-31-50 (62023)
ବନମେବ ଗମିଷ୍ଯାମି ବସାନୋ ମୃଗଚର୍ମଣୀ।
ନ ହି ମେ ନିର୍ଜନସ୍ଯାସ୍ତି ଜୀବିତେଽଦ୍ଯ ସ୍ପୃହା ବିଭୋ॥ 9-31-51 (62024)
ଗଚ୍ଛ ତ୍ବଂ ଭୁଙ୍କ୍ଷ ରାଜେନ୍ଦ୍ର ପୃଥିବୀଂ ନିହତେଶ୍ବରାମ୍।
ହତଯୋଧାଂ ନଷ୍ଟରତ୍ନାଂ ଶୀର୍ଣକ୍ଷତ୍ରାଂ ଯଥାସୁଖମ୍॥ 9-31-52 (62025)
[ସଞ୍ଜଯ ଉବାଚ। 9-31-53x (5144)
ଦୁର୍ଯୋଧନଂ ତବ ସୁତଂ ସଲିଲସ୍ଥଂ ମହାଯଶାଃ।
ଶ୍ରୁତ୍ବା ତୁ କରୁଣଂ ବାକ୍ଯମଭାଷତ ଯୁଧିଷ୍ଠିରଃ॥] 9-31-53 (62026)
ଯୁଧିଷ୍ଠିର ଉବାଚ। 9-31-54x (5145)
ଆର୍ତପ୍ରଲାପାନ୍ମା ତାତ ସଲିଲସ୍ଥଃ ପ୍ରଭାଷଥାଃ।
ନୈତନ୍ମନସି ମେ ରାଜନ୍ବାଶିତଂ ଶକୁନେରିବ॥ 9-31-54 (62027)
ଯଦି ବାପି ସମର୍ଥଃ ସ୍ଯାସ୍ତ୍ବଂ ଦାନାଯ ସୁଯୋଧନ।
ନାହମିଚ୍ଛେଯମବନିଂ ତ୍ବଯା ଦତ୍ତାଂ ପ୍ରଶାସିତୁମ୍॥ 9-31-55 (62028)
ଅଧର୍ମେଣ ନ ଗୃହ୍ଣୀଯାଂ ତ୍ବଯା ଦତ୍ତାଂ ମହୀମିମାମ୍।
ନ ହି ଧର୍ମଃ ସ୍ମୃତୋ ରାଜନ୍କ୍ଷତ୍ରିଯସ୍ଯ ପ୍ରତିଗ୍ରହଃ॥ 9-31-56 (62029)
ତ୍ବଯା ଦତ୍ତାଂ ନ ଚେଚ୍ଛେଯଂ ପୃଥିବୀମଖିଲାମହମ୍।
ତ୍ବାଂ ତୁ ଯୁଦ୍ଧେ ବିନିର୍ଜିତ୍ଯ ଭୋକ୍ତାଽସ୍ମି ବସୁଧାମିମାମ୍॥ 9-31-57 (62030)
ଅନୀଶ୍ବରଶ୍ଚ ପୃଥିବୀଂ କଥଂ ତ୍ବଂ ଦାତୁମିଚ୍ଛସି।
ତ୍ବଯେଯଂ ପୃଥିବୀ ରାଜନ୍କିଂ ନ ଦତ୍ତା ତଦୈବ ହି॥ 9-31-58 (62031)
ଧର୍ମତୋ ଯାଚମାନାନାଂ ପ୍ରଶମାର୍ଥଂ କୁଲସ୍ଯ ନଃ।
ବାର୍ଷ୍ଣେଯଂ ପ୍ରଥମଂ ରାଜନ୍ପ୍ରତ୍ଯାଖ୍ଯାଯ ମହାବାଲମ୍॥ 9-31-59 (62032)
କିମିଦାନୀଂ ଦଦାସି ତ୍ବଂ କୋ ହି ତେ ଜିତ୍ତବିଭ୍ରମଃ।
ଅଭିଯୁକ୍ତସ୍ତୁ କୋ ରାଜା ଦାତୁମିଚ୍ଛେଦ୍ଧି ମେଦିନୀଂ॥ 9-31-60 (62033)
ନ ତ୍ବମଦ୍ଯ ମହୀଂ ଦାତୁମୀଶଃ କୌରବନନ୍ଦନ।
ଆଚ୍ଛେତ୍ତୁଂ ବା ବଲାଦ୍ରାଜନ୍ସ କଥଂ ଦାତୁମିଚ୍ଛସି॥ 9-31-61 (62034)
ମାଂ ତୁ ନିର୍ଜିତ୍ଯ ସଙ୍ଗ୍ରାମେ ପାଲଯେମାଂ ବସୁନ୍ଧରାମ୍।
ସୂଚ୍ଯଗ୍ରେଣାପି ଯଦ୍ଭୂମେରପି ଭିଦ୍ଯେତ ଭାରତ॥ 9-31-62 (62035)
ତନ୍ମାତ୍ରମପି ତନ୍ମହ୍ଯଂ ନ ଦଦାତି ପୁରା ଭବାନ୍।
ସ କଥଂ ପୃଥିବୀମେତାଂ ପ୍ରଦଦାସି ବିଶାମ୍ପତେ॥ 9-31-63 (62036)
ସୂଚ୍ଯଗ୍ରଂ ନାତ୍ଯଜଃ ପୂର୍ବଂ ସ କଥଂ ତ୍ଯଜସି କ୍ଷିତିମ୍॥ 9-31-64 (62037)
ଏବମୈଶ୍ବର୍ଯମାସାଦ୍ଯ ପ୍ରଶାସ୍ଯ ପୃଥିବୀମିମାମ୍।
କୋ ହି ମୂଢୋ ବ୍ଯବସ୍ଯେତ ଶତ୍ରୋର୍ଦାତୁଂ ବସୁନ୍ଧରାମ୍॥ 9-31-65 (62038)
ତ୍ବଂ ତୁ କେବଲମୌର୍ଖ୍ଯେଣ ବିମୂଢୋ ନାବବୁଧ୍ଯସେ।
ପୃଥିବୀଂ ଦାତୁକାମୋଽପି ଜୀବଂସ୍ତ୍ବଂ ନୈବ ମୋକ୍ଷ୍ଯସେ॥ 9-31-66 (62039)
ଅସ୍ମାନ୍ବା ତ୍ବଂ ପରାଜିତ୍ଯ ପ୍ରଶାଧି ପୃଥିବୀମିମାମ୍।
ଅଥବା ନିହତୋଽସ୍ମାଭିର୍ବ୍ରଜ ଲୋକାନନୁତ୍ତମାନ୍॥ 9-31-67 (62040)
ଆବଯୋର୍ଜୀବତୋ ରାଜନ୍ମଯି ଚ ତ୍ବଯି ଚ ଧ୍ରୁବମ୍।
ସଂଶଯଃ ସର୍ବଭୂତାନାଂ ବିଜଯେ ନୌ ଭବିଷ୍ଯତି॥ 9-31-68 (62041)
ଜୀବିତଂ ତ୍ବଯି ଦୁଷ୍ପ୍ରାପଂ ମଯି ଯତ୍ପରିବର୍ତତେ।
ଜୀବଯେଯମହଂ କାମଂ ନ ତୁ ତ୍ବଂ ଜୀବିତୁଂ କ୍ଷମଃ॥ 9-31-69 (62042)
ଦହନେ ହି କୃତୋ ଯତ୍ନସ୍ତ୍ବଯାଽସ୍ମାସୁ ବିଶେଷତଃ।
ଆଶୀବିଷୈର୍ବିଷୈଶ୍ଚାପି ଜଲେ ଜାପି ପ୍ରବେଶନୈଃ।
ତ୍ବଯା ବିନିକୃତା ରାଜନ୍ରାଜ୍ଯସ୍ଯ ହରଣେନ ଚ॥ 9-31-70 (62043)
ଅପ୍ରିଯାଣାଂ ଚ ବଚନୈର୍ଦ୍ରୌପଦ୍ଯାଃ କର୍ଷଣେନ ଚ।
ଏତସ୍ମାତ୍କାରଣାତ୍ପାପ ଜୀବିତଂ ନ ବିଦ୍ଯତେ॥ 9-31-71 (62044)
ଉତ୍ତିଷ୍ଠୋତ୍ତିଷ୍ଠ ଯୁଧ୍ଯସ୍ବ ଯୁଦ୍ଧେ ଶ୍ରେଯୋ ଭବିଷ୍ଯତି॥ 9-31-72 (62045)
ଏବଂ ତୁ ବିବିଧା ବାଚୋ ଜଯଯୁକ୍ତାଃ ପୁନଃପୁନଃ।
କୀର୍ତଯନ୍ତି ସ୍ମ ତେ ବୀରାସ୍ତତ୍ରତତ୍ର ଜନାଧିପ॥ ॥ 9-31-73 (62046)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ଅଷ୍ଟାଦଶଦିବସଯୁଦ୍ଧେ ଏକତ୍ରିଂଶୋଽଧ୍ଯାଯଃ॥ 31 ॥
Mahabharata - Shalya Parva - Chapter Footnotes
9-31-7 କିଯାଭ୍ଯୁପାଯୈଃ ଶତ୍ରୁକିଯାନୁରୂପୈଃ ପ୍ରତୀକାରୈର୍ଘର୍ମ୍ଯୈରଧର୍ମ୍ଯୈର୍ବେତ୍ଯର୍ଥଃ। ଏତେତୁ ଚ୍ଛଲକାରିଣଶ୍ଛଲୈରେବ ହନ୍ତବ୍ଯା ଇତି ଭାବଃ। ମାଯଯୈବ ସୁଯୋଧନଂ ଇତି କ.ପାଠଃ॥ 9-31-11 ବିକ୍ରମ ବିକ୍ରମଂ କୁରୁଷ୍ବ କ୍ରିଯଯା ଯୋଗମାସ୍ଥାଯ ହତସ୍ତ୍ବାଷ୍ଟ୍ରୋଽପି ବିକ୍ରମାତ୍ ଇତି କ.ପାଠଃ॥ 9-31-12 କ୍ରିଯାଭ୍ଯୁପାଯୈର୍ନିହତୋ ମଯୋ ନାମ ମହାସରଃ। ଇତି କ.ପାଠଃ॥ 9-31-27 ହେ ଶୂରେତି ସାଧିକ୍ଷେପସମ୍ବୋଧନମ୍। ଯଯା ବୃତ୍ତ୍ଯା ନିମିତ୍ତଭୂତଯା। ବାନପ୍ରସ୍ଥତ୍ବେନ ବା ନ୍ଯସ୍ତଶସ୍ତ୍ରତ୍ବେନ ବା କ୍ଲୀବତ୍ବେନ ବା ତ୍ବଂ ସଙ୍ଗରଂ ତ୍ଯଜସି ତାଂ ବୃତ୍ତିଂ ବ୍ରୂହି। ନ ତ୍ବଂ ବାନପ୍ରସ୍ଥୋଽସି ରାଜ୍ଯାର୍ଥିବାତ୍। ନାପି ନ୍ଯସ୍ତଶସ୍ତ୍ରୋ ଗଦାଧାରିତ୍ବାତ୍। ପରିଶେଷାତ କ୍ଲୀବୋଽସ୍ମୀତି ମା ଭାଷସ୍ବ। ଯୁଦ୍ଧଂ କୁର୍ବିତି ଭାବଃ॥ 9-31-32 ପୌରୁଷଂ ଯତ୍ନଃ। ବିକ୍ରାନ୍ତତା ଶୌର୍ଯମ୍। ବିସ୍ଫୂର୍ଜିତଂ ଗର୍ଜନମ୍॥ 9-31-49 ହତାପତ୍ଯସ୍ଯ ଭାରତ ଇତି କ.ପାଠଃ॥ 9-31-52 ନିହତତ୍ବିଷମିତି କ.ଙ.ପାଠଃ॥ 9-31-31 ଏକତ୍ରିଂଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 032
॥ ଶ୍ରୀଃ ॥
9.32. ଅଧ୍ଯାଯଃ 032
Mahabharata - Shalya Parva - Chapter Topics
ଯୁଧିଷ୍ଠିରକଟୁଭାଷଣରୁଷ୍ଟେନ ସୁଯୋଧନେନ ଗଦଯାସହ ହଦାଦୁତ୍ଥାନମ୍॥ 1 ॥ ଯୁଧିଷ୍ଠିରଦୁର୍ଯୋଧନଯୋଃ ସଂବାଦଃ॥ 2 ॥Mahabharata - Shalya Parva - Chapter Text
9-32-0 (62047)
ଧୃତରାଷ୍ଟ୍ର ଉବାଚ। 9-32-0x (5146)
ଏବଂ ସନ୍ତର୍ଜ୍ଯମାନସ୍ତୁ ମମ ପୁତ୍ରୋ ମହୀପତିଃ।
ପ୍ରକୃତ୍ଯା ମନ୍ଯୁମାନ୍ବୀରଃ କଥମାସୀତ୍ପରନ୍ତପଃ॥ 9-32-1 (62048)
ନ ହି ସନ୍ତର୍ଜନା ତେନ ଶ୍ରୁତପୂର୍ବା କଥଞ୍ଚନ।
ରାଜଭାବେନ ମାନ୍ଯଶ୍ଚ ସର୍ବଲୋକସ୍ଯ ସୋଽଭବତ୍॥ 9-32-2 (62049)
[ଯସ୍ଯାତପତ୍ରଚ୍ଛାଯାପି ସ୍ବକା ଭାନୋସ୍ତଥା ପ୍ରଭା।
ଖେଦାଯୈବାଭିମାନିତ୍ବାତ୍ସହେତ୍ସୈବଂ କଥଂ ଗରିଃ॥] 9-32-3 (62050)
ଇଯଂ ଚ ପୃଥିବୀ ସର୍ବା ସମ୍ଲେଚ୍ଛାଟବିକା ଭୃଶମ୍।
ପ୍ରସାଦାଦ୍ଭ୍ରିଯତେ ଯସ୍ଯ ପ୍ରତ୍ଯକ୍ଷଂ ତବ ସଞ୍ଜଯ॥ 9-32-4 (62051)
ସ ତଥା ତର୍ଜ୍ଯମାନସ୍ତୁ ପାଣ୍ଡୁପୁତ୍ରୈର୍ବିଶେଷତଃ।
ବିହୀନଶ୍ଚ ସ୍ବକୈର୍ଭୃତ୍ଯୈର୍ନିର୍ଜିତେ ଚାବୃତୋ ଭୃଶମ୍॥ 9-32-5 (62052)
ସ ଶ୍ରୁତ୍ବା କଟୁକା ବାଚୋ ଜଯଯୁକ୍ତାଃ ପୁନଃପୁନଃ।
କିମବ୍ରବୀତ୍ପାଣ୍ଡବେଯାଂସ୍ତନ୍ମମାଚକ୍ଷ୍ବ ସଞ୍ଜଯ॥ 9-32-6 (62053)
ସଞ୍ଜଯ ଉବାଚ। 9-32-7x (5147)
ତର୍ଜ୍ଯମାନସ୍ତଦା ରାଜନ୍ନୁଦକସ୍ଥସ୍ତବାତ୍ମଜଃ।
ଯୁଧିଷ୍ଠିରେଣ ରାଜେନ୍ଦ୍ର ଭ୍ରାତୃଭିଃ ସହିତେନ ହ॥ 9-32-7 (62054)
ଶ୍ରୁତ୍ବା ସ କଟୁକା ବାଚୋ ବିଷମସ୍ଥୋ ନରାଧିପଃ।
ଦୀର୍ଘମୁଷ୍ଣଂ ଚ ନିଃଶ୍ବସ୍ଯ ସଲିଲସ୍ଥଃ ପୁନଃପୁନଃ॥ 9-32-8 (62055)
ସଲିଲାନ୍ତର୍ଗତୋ ରାଜା ଧୁନ୍ବନ୍ହସ୍ତୌ ପୁନଃପୁନଃ।
ମନଶ୍ଚକାର ଯୁଦ୍ଧାଯ ରାଜାନଂ ଚାଭ୍ଯଭାଷତ॥ 9-32-9 (62056)
ଯୂଯଂ ସସୁହୃଦଃ ପାର୍ଥାଃ ସର୍ବେ ସରଥବାହନାଃ।
ଅହମେକଃ ପରିଦ୍ଯୂନୋ ବିରଥୋ ହତବାହନଃ॥ 9-32-10 (62057)
ଆତ୍ତଶସ୍ତ୍ରୈ ରଥୋପେତୈର୍ବହୁଭିଃ ପରିବାସ୍ତିଃ।
କଥମେକଃ ପଦାତିଃ ସନ୍ନଶସ୍ତ୍ରୋ ଯୋଦ୍ଧୁମୁତ୍ସହ॥ 9-32-11 (62058)
ଏକୈକଶଶ୍ଚ ମାଂ ଯୂଯଂ ଯୋଧଯଧ୍ବଂ ଯୁଧିଷ୍ଠିର।
ନ ହ୍ଯେକୋ ବହୁଭିର୍ବୀରୈର୍ନ୍ଯାଯ୍ଯୋ ଯୋଧଯିତୁଂ ଯୁଧି॥ 9-32-12 (62059)
ବିଶେଷତୋ ବିକବଚଃ ଶ୍ରାନ୍ତଶ୍ଚାପତ୍ସମାଶ୍ରିତଃ।
ଭୃଶଂ ବିକ୍ଷତଗାତ୍ରଶ୍ଚ ଶ୍ରାନ୍ତବାହନସୈନିକଃ॥ 9-32-13 (62060)
ନ ମେ ତ୍ବତ୍ତୋ ଭଯଂ ରାଜନ୍ନ ଚ ପାର୍ଥାଦ୍ବୃକୋଦରାତ୍।
ଫଲ୍ଗୁନାଦ୍ବାସୁଦେବାଦ୍ବା ପାଞ୍ଚାଲେଭ୍ଯୋଽଥବା ପୁନଃ॥ 9-32-14 (62061)
ଯମାଭ୍ଯାଂ ଯୁଯୁଧାନାଦ୍ବା ଯେ ଚାନ୍ଯେ ତବ ସୈନିକାଃ।
ଏକଃ ସର୍ବାନହଂ କ୍ରୁଦ୍ଧୋ ବାରଯିଷ୍ଯେ ଯୁଧି ସ୍ଥିତଃ॥ 9-32-15 (62062)
ଧର୍ମମୂଲା ସତାଂ କୀର୍ତିର୍ମନୁଷ୍ଯାଣାଂ ଜନାଧିପ।
ଧର୍ମଂ ଚୈବେହ କୀର୍ତିଂ ଚ ପାଲଯନ୍ପ୍ରବ୍ରବୀମ୍ଯହମ୍॥ 9-32-16 (62063)
ଅହମୁତ୍ଥାଯ ସର୍ବାନ୍ବୈ ପ୍ରତିଯୋତ୍ସ୍ଯାମି ସଂଯୁଗେ।
ଅନ୍ବଭ୍ଯାଶଂ ଗତାନ୍ସର୍ବାନ୍ନିହନିଷ୍ଯାମି ଭାରତ॥ 9-32-17 (62064)
ଅଦ୍ଯ ବଃ ସରଥାନ୍ସାଶ୍ବାନଶସ୍ତ୍ରୋ ବିରଥୋଽପି ସନ୍।
ନକ୍ଷତ୍ରାଣୀବ ସର୍ବାଣି ସବିତା ରାତ୍ରିସଂକ୍ଷଯେ॥ 9-32-18 (62065)
ତେଜସା ନାଶଯିଷ୍ଯାମି ସ୍ଥିରୀଭବତ ପାଣ଼୍ଡବାଃ।
ଅଦ୍ଯାନୃଣ୍ଯଂ ଗମିଷ୍ଯାମି କ୍ଷତ୍ରିଯାଣାଂ ଯଶସ୍ବିନାଂ॥ 9-32-19 (62066)
ବାହ୍ଲୀକଦ୍ରୋଣଭୀଷ୍ମାଣାଂ କର୍ଣସ୍ଯ ଚ ମହାତ୍ମନଃ।
ଜଯଦ୍ରଥସ୍ଯ ଶୂରସ୍ଯ ଭଗଦତ୍ତସ୍ଯ ଚୋଭଯୋଃ॥ 9-32-20 (62067)
ମଦ୍ରରାଜସ୍ଯ ଶଲ୍ଯସ୍ଯ ଭୂରିଶ୍ରବସ ଏବ ଚ।
ପୁତ୍ରାଣାଂ ଭରତଶ୍ରେଷ୍ଠ ଶକୁନେଃ ସୌବଲସ୍ଯ ଚ॥ 9-32-21 (62068)
ମେତ୍ରାଣାଂ ସୁହୃଦାଂ ଚୈବ ବାନ୍ଧବାନାଂ ତଥୈବ ଚ।
ପ୍ରାନୃଣ୍ଯମଦ୍ଯ ଗଚ୍ଛାମି ହତ୍ବା ତ୍ବାଂ ଭ୍ରାତୃଭିଃ ସହ॥ 9-32-22 (62069)
ସଞ୍ଜଯ ଉବାଚ। 9-32-23x (5148)
ଏତାବଦୁକ୍ତ୍ବା ବଚନଂ ବିରରାମ ଜନାଧିପଃ।
`ସଲିଲାନ୍ତର୍ଗତଃ ଶ୍ରୀମାନ୍ପୁତ୍ରୋ ଦୁର୍ଯୋଧନସ୍ତବ॥' 9-32-23 (62070)
ଯୁଧିଷ୍ଠିର ଉବାଚ। 9-32-24x (5149)
ଦିଷ୍ଟ୍ଯା ତ୍ବମପି ଜାନୀଷେ କ୍ଷତ୍ରଧର୍ମଂ ସୁଯୋଧନ।
ଦିଷ୍ଟ୍ଯା ତେ ବର୍ତତେ ବୁଦ୍ଧିର୍ଯୁଦ୍ଧାଯୈବ ମହାଭୁଜ॥ 9-32-24 (62071)
ଦିଷ୍ଟ୍ଯା ଶୂରୋଽସି ଗାନ୍ଧାରେ ଦିଷ୍ଟ୍ଯା ଜାନାସି ସଙ୍ଗରମ୍।
ଯସ୍ତ୍ବମେକୋ ହି ନଃ ସର୍ବାନ୍ସଙ୍ଗରେ ଯୋଦ୍ଭୁମିଚ୍ଛସି॥ 9-32-25 (62072)
ଏକ ଏକେନ ସଙ୍ଗମ୍ଯ ଯତ୍ତେ ସମ୍ମତମାଯୁଧମ୍।
ତତ୍ତ୍ବମାଦାଯ ଯୁଧ୍ଯସ୍ବ ପ୍ରେକ୍ଷକାସ୍ତେ ବଯଂ ସ୍ଥିତାଃ॥ 9-32-26 (62073)
ଅଯମିଷ୍ଟଂ ଚ ତେ କାମଂ ବୀର ଭୂଯୋ ଦଦାମ୍ଯହମ୍।
ହତ୍ବୈକଂ ଭବ ନୋ ରାଜା ହତୋ ବା ସ୍ବର୍ଗମାପ୍ନୁହି॥ 9-32-27 (62074)
ଦୁର୍ଯୋଧନ ଉବାଚ। 9-32-28x (5150)
ଏକଶ୍ଚେଦ୍ଯୋଦ୍ଭୁମାକ୍ରନ୍ଦେ ବରୋଽଦ୍ଯ ମମ ଦୀଯତାମ୍।
ଆଯୁଧାନାମିଯଂ ଚାପି ମତା ମେ ସତଂ ଗଦା॥ 9-32-28 (62075)
ଭ୍ରାତଣାଂ ଭବତାମେକଃ ଶକ୍ଯଂ ମାଂ ଯୋଽଭିମନ୍ଯତେ।
ପଦାତିର୍ଗଦଯା ସଙ୍ଖ୍ଯେ ସ ଯୁଧ୍ଯତୁ ମଯା ସହ॥ 9-32-29 (62076)
ବୃତ୍ତାନି ରଥଯୁଦ୍ଧାନି ବିଚିତ୍ରାମି ପଦେପଦେ।
ଇଦମେକଂ ଗଦାଯୁଦ୍ଧଂ ଭବତ୍ବଦ୍ଯାଦ୍ଭୁତଂ ମହତ୍॥ 9-32-30 (62077)
ଅନ୍ନାନାମପି ପର୍ଯାଯଂ କର୍ତୁମିଚ୍ଛନ୍ତି ମାନବାଃ।
ଯୁଦ୍ଧାନାମପି ପର୍ଯାଯୋ ଭବତ୍ବନୁମତେ ତବ॥ 9-32-31 (62078)
ଗଦଯା ତ୍ବାଂ ମହାବାହୋ ବିଜେଷ୍ଯାମି ସହାନୁଜମ୍।
ପାଞ୍ଚାଲାନ୍ସୃଞ୍ଜଯାଂଶ୍ଚୈବ ଯେ ଚାନ୍ଯେ ତବ ସୈନିକାଃ।
ନ ହି ମେ ସମ୍ଭ୍ରାମୋ ଜାତୁ ଶକ୍ରାଦପି ଯୁଧିଷ୍ଠିର॥ 9-32-32 (62079)
ଯୁଧିଷ୍ଠିର ଉବାଚ। 9-32-33x (5151)
ଉତ୍ତିଷ୍ଠୋତ୍ତିଷ୍ଠ ଗାନ୍ଧାରେ ମାଂ ଯୋଧଯ ସୁଯୋଧନ।
ଏକ ଏକେନ ସଙ୍ଗମ୍ଯ ସଂଯୁଗେ ଗଦଯା ବଲୀ॥ 9-32-33 (62080)
ପୁରୁଷୋ ଭବ ଗାନ୍ଧାରେ ଯୁଧ୍ଯସ୍ବ ସୁସମାହିତଃ।
ଅଦ୍ଯ ତେ ଜୀବିତଂ ନାସ୍ତି ଯଦୀନ୍ଦ୍ରୋପି ତବାଶ୍ରଯଃ॥ 9-32-34 (62081)
ସଞ୍ଜଯ ଉବାଚ। 9-32-35x (5152)
ଏତତ୍ସ ନରଶାର୍ଦୂଲୋ ନାମୃଷ୍ଯତ ତବାତ୍ମଜଃ।
ସଲିଲାନ୍ତର୍ଗତଃ ଶ୍ବଭ୍ରେ ମହାନାଗ ଇବ ଶ୍ବସନ୍॥ 9-32-35 (62082)
ତଥାଽସୌ ବାକ୍ପ୍ରତୋଦେନ ତୁଦ୍ଯମାନଃ ପୁନଃପୁନଃ।
ବଚୋ ନ ମମୃଷେ ରାଜନ୍ନୁତ୍ତମାଶ୍ବଃ କଶାମିବ॥ 9-32-36 (62083)
ସଙ୍କ୍ଷୋଭ୍ଯ ସଲିଲଂ ବେଗାଦ୍ଗଦାମାଦାଯ ବୀର୍ଯବାନ୍।
ଅଦ୍ରିସାରମଯୀଂ ଗୁର୍ବୀଂ କାଞ୍ଚନାଙ୍ଗଦଭୂଷଣାମ୍।
ଅନ୍ତର୍ଜଲାତ୍ସମୁତ୍ତସ୍ଥୌ ନାଗେନ୍ଦ୍ର ଇବ ନିଃଶ୍ବସନ୍॥ 9-32-37 (62084)
ସ ଭିତ୍ତ୍ବା ସ୍ତମ୍ଭିତଂ ତୋଯଂ ସ୍କନ୍ଧେ କୃତ୍ବାଯସୀଂ ଗଦାମ୍।
ଉଦତିଷ୍ଠତ ପୁତ୍ରସ୍ତେ ପ୍ରତପନ୍ରଶ୍ମିବାନିବ॥ 9-32-38 (62085)
ତତଃ ଶୈକ୍ଯାଯସୀଂ ଗୁର୍ବୀ ଜାତରୂପପରିଷ୍କୃତାମ୍।
ଗଦାଂ ପରାମୃଶଦ୍ଧୀମାନ୍ଧାର୍ତରାଷ୍ଟ୍ରୋ ମହାବଲଃ॥ 9-32-39 (62086)
ଗଦାହସ୍ତଂ ତୁ ତଂ ଦୃଷ୍ଟ୍ବା ସଶୃଙ୍ଗମିବ ପର୍ବତମ୍।
ପ୍ରଜାନାମିବ ସଙ୍କ୍ରୁଦ୍ଧଂ ଶୂଲପାଣିମିବ ସ୍ଥିତମ୍॥ 9-32-40 (62087)
*ସଗଦୋ ଭାରତୋ ଭାତି ପ୍ରତପନ୍ଭାସ୍କରୋ ଯଥା*॥ 9-32-41 (62088)
ତମୁତ୍ତୀର୍ଣଂ ମହାବାହୁଂ ଗଦାହସ୍ତମରିନ୍ଦମମ୍।
ମେନିରେ ସର୍ବଭୂତାନି ଦଣ୍ଡପାଣିମିବାନ୍ତକମ୍॥ 9-32-42 (62089)
ବଜ୍ରହସ୍ତଂ ଯଥା ଶକ୍ରଂ ଶୂଲହସ୍ତଂ ଯଥା ହରମ୍।
ଦଦୃଶୁଃ ଶର୍ବପାଞ୍ଚାଲାଃ ପୁତ୍ରଂ ତବ ଜନାଧିପ॥ 9-32-43 (62090)
ତମୁତ୍ତୀର୍ଣଂ ତୁ ସମ୍ପ୍ରେକ୍ଷ୍ଯ ସମହୃଷ୍ଯନ୍ତ ସର୍ବଶଃ।
ପାଞ୍ଚାଲାଃ ପାଣ୍ଡବେଯାଶ୍ଚ ତେଽନ୍ଯୋନ୍ଯସ୍ଯ ତଲାନ୍ଦଦୁଃ॥ 9-32-44 (62091)
ଅବହାସଂ ତୁ ତଂ ମତ୍ବା ପୁତ୍ରୋ ଦୁର୍ଯୋଧନସ୍ତବ।
ଉଦ୍ବୃତ୍ଯ ନଯନେ କ୍ରୁଦ୍ଧୋ ଦିଧକ୍ଷୁରିବ ପାଣ୍ଡବାନ୍॥ 9-32-45 (62092)
ତ୍ରିଶିଖାଂ ଭ୍ରୁକୁଟୀଂ କୃତ୍ବା ସନ୍ଦଷ୍ଟଦଶନଚ୍ଛଦଃ।
ପ୍ରତ୍ଯୁବାଚ ତତସ୍ତାନ୍ବୈ ପାଣ୍ଡବାନ୍ସହ କେଶବାନ୍॥ 9-32-46 (62093)
ଦୁର୍ଯୋଧନ ଉବାଚ। 9-32-47x (5153)
ଅସ୍ଯାବହାସସ୍ଯ ଫଲଂ ପ୍ରତିମୋକ୍ଷ୍ଯଥ ପାଣ୍ଡବାଃ।
ଗମିଷ୍ଯଥ ହତାଃ ସଦ୍ଯଃ ସପାଞ୍ଚାଲା ଯମକ୍ଷଯମ୍॥ 9-32-47 (62094)
ଉତ୍ଥିନ୍ତଶ୍ଚ ଜଲାତ୍ତସ୍ମାତ୍ପୁତ୍ରୋ ଦୁର୍ଯୋଧନସ୍ତବ।
ଅତିଷ୍ଠତ ଗଦାପାଣୀ ରୁଧିରେଣ ସମୁକ୍ଷିତଃ॥ 9-32-48 (62095)
ତସ୍ଯ ଶୋଣିତଦିଗ୍ଧସ୍ଯ ସଲିଲେନ ସମୁକ୍ଷିତମ୍।
ଶରୀରଂ ସ୍ମ ତଦା ଭାତି ସ୍ରବନ୍ନିବ ମହୀଧାରଃ॥ 9-32-49 (62096)
ତମୁଦ୍ଯତଗଦଂ ବୀରଂ ମେନିରେ ତତ୍ର ପାଣ୍ଡବାଃ।
ବୈବସ୍ବତମିବ କ୍ରୁଦ୍ଧଂ ଶୂଲପାଣିମିବ ସ୍ଥିତମ୍॥ 9-32-50 (62097)
ସ ମେଘନିନଦୋ ହର୍ଷାନ୍ନର୍ଦନ୍ନିବ ଚ ଗୋବୃଷଃ।
ଆଜୁହାବ ତତଃ ପାର୍ଥାନ୍ଗଦଯା ଯୁଧି ବୀର୍ଯବାନ୍॥ 9-32-51 (62098)
ଦୁର୍ଯୋଧନ ଉବାଚ। 9-32-52x (5154)
ଏକୈକେନ ଚ ମାଂ ଯୂଯମାସୀଦତ ଯୁଧିଷ୍ଠିର।
ନ ହ୍ଯେକୋ ବହୁଭିର୍ନ୍ଯାଯ୍ଯୋ ବୀରୋ ଯୋଧଯିତୁଂ ଯୁଧି॥ 9-32-52 (62099)
ନ୍ଯସ୍ତବର୍ମା ବିଶେଷେଣ ଶ୍ରାନ୍ତଶ୍ଚାପ୍ସୁ ପରିପ୍ଲୁତଃ।
ଭୃଶଂ ବିକ୍ଷତଗାତ୍ରଶ୍ଚ ହତବାହନସୈନିକଃ॥ 9-32-53 (62100)
[ଅବଶ୍ଯମେବ ଯୋଦ୍ବବ୍ଯଂ ସର୍ବୈରେବ ମଯା ସହ।
ଯୁକ୍ତଂ ତ୍ବଯୁକ୍ତମିତ୍ଯେତଦ୍ବେତ୍ସି ତ୍ବଂ ଚୈବ ସର୍ବଦା]॥ 9-32-54 (62101)
ଯୁଧିଷ୍ଠିର ଉବାଚ। 9-32-55x (5155)
ମା ଭୂଦିଯଂ ତବ ପ୍ରଜ୍ଞା କଥମେକଂ ସୁଯୋଧନ।
ଯଦାଽଭିମନ୍ଯୁଂ ବହବୋ ଜଘ୍ନୁର୍ଯୁଧି ମହାରଥାଃ॥ 9-32-55 (62102)
[କ୍ଷତ୍ରଧର୍ମଂ ଭୃଶଂ କ୍ରୂରଂ ନିରପେକ୍ଷଂ ସୁନିର୍ଘୃଣମ୍।
ଅନ୍ଯଥା ତୁ କଥଂ ହନ୍ଯୁରଭିମନ୍ଯୁଂ ତଥାଗତମ୍॥ 9-32-56 (62103)
ସର୍ବେ ଭବନ୍ତୋ ଧର୍ମଜ୍ଞାଃ ସର୍ବେ ଶୂରାସ୍ତନୁତ୍ଯଜଃ।
ନ୍ଯାଯେନ ଯୁଧ୍ଯତାଂ ପ୍ରୋକ୍ତା ଶକ୍ରଲୋକଗତିଃ ପରା॥ 9-32-57 (62104)
ଯଦ୍ଯେକସ୍ତୁ ନ ହନ୍ତବ୍ଯୋ ବହୁଭିର୍ଧର୍ମ ଏବ ତୁ।
ତଦାଽଭିମନ୍ଯୁଂ ବହବୋ ନିଜଘ୍ନୁସ୍ତ୍ବନ୍ମତେ କଥମ୍॥ 9-32-58 (62105)
ସର୍ବୋ ବିମୃଶତେ ଜନ୍ତୁଃ କୃଚ୍ଛ୍ରସ୍ଥୋ ଧର୍ମଦର୍ଶନମ୍।
ପଦସ୍ଥଃ ପିହିତଂ ଦ୍ବାରଂ ପରଲୋକସ୍ଯ ପଶ୍ଯତି॥] 9-32-59 (62106)
ଆମୁଞ୍ଚ କବଚଂ ବୀର ମୂର୍ଧଜାନ୍ଯମଯସ୍ବ ଚ।
ଯଚ୍ଚାନ୍ଯଦପି ତେ ନାସ୍ତି ତଦପ୍ଯାଦତ୍ସ୍ବ ଭାରତ॥ 9-32-60 (62107)
ଇମମେକଂ ଚ ତେ କାମଂ ବୀର ଭୂଯୋ ଦଦାମ୍ଯହମ୍।
ପଞ୍ଚାନାଂ ପାଣ଼୍ଡବେଯାନାଂ ଯେନ ତ୍ବଂ ଯୋଦ୍ଧୁମିଚ୍ଛସି॥ 9-32-61 (62108)
ତଂ ହତ୍ବା ବୈ ଭବାରାଜା ହତୋ ବା ସ୍ବର୍ଗମାପ୍ନୁହି।
ଋତେ ଚ ଜୀବିତାଦ୍ବୀର ଯୁଦ୍ଧେ କିଂ କୁର୍ମ ତେ ପ୍ରିଯମ୍॥ 9-32-62 (62109)
ସଞ୍ଜଯ ଉବାଚ। 9-32-63x (5156)
ତତସ୍ତବ ସୁତୋ ରାଜନ୍ବର୍ମ ଜଗ୍ରାହ କାଞ୍ଚନମ୍।
ବିଚିତ୍ରଂ ଚ ଶିରସ୍ତ୍ରାଣଂ ଜାମ୍ବୂନଦପରିଷ୍କୃତମ୍॥ 9-32-63 (62110)
ସୋଽବବଦ୍ବଶିରସ୍ତ୍ରାଣଃ ଶୁଭକାଞ୍ଚନବର୍ମଭୃତ୍।
ରରାଜ ରାଜନ୍ପୁତ୍ରସ୍ତେ କାଞ୍ଚନଃ ଶୈଲରାଡିବ॥ 9-32-64 (62111)
ସନ୍ନଦ୍ଧଃ ସଗତୋ ରାଜନ୍ସଜ୍ଜଃ ସଙ୍ଗ୍ରାମମୂର୍ଧନି।
ଅବ୍ରବୀତ୍ପାଣ଼୍ଡବାନ୍ସର୍ବାନ୍ପୁତ୍ରୋ ଦୁର୍ଯୋଧନସ୍ତବ॥ 9-32-65 (62112)
ଭ୍ରାତୄଣାଂ ଭବତାମେକୋ ଯୁଧ୍ଯତାଂ ଗଦଯା ମଯା।
ସହଦେବେନ ବା ଯୋତ୍ସ୍ଯେ ଭୀମେନ ନକୁଲେନ ବା॥ 9-32-66 (62113)
ଅଥବା ଫଲ୍ଗୁନେନାଦ୍ଯ ତ୍ବଯା ବା ଭରତର୍ଷଭ।
ଯୋତ୍ସ୍ଯେଽହଂ ସଙ୍ଗରଂ ପ୍ରାପ୍ଯ ବିଜେଷ୍ଯେ ଚ ରଣାଜିରେ॥ 9-32-67 (62114)
ଅହମଦ୍ଯ ଗମିଷ୍ଯାମି ବୈରସ୍ଯାନ୍ତଂ ସୁଦୁର୍ଗମମ୍।
ଗଦଯା ପୁରୁଷବ୍ଯାଘ୍ର ହେମପଟ୍ଟନିବଦ୍ଧଯା॥ 9-32-68 (62115)
ଗଦାଯୁଦ୍ଧେ ନ ମେ କଶ୍ଚିତ୍ସଦୃଶୋଽସ୍ତୀତି ଚିନ୍ତଯେ।
ଗଦଯା ବୋ ହନିଷ୍ଯାମି ସର୍ବାନେବ ସମାଗତାନ୍॥ 9-32-69 (62116)
ନ ମେ ସମର୍ଥାଃ ସର୍ବେ ବୈ ଯୋଦ୍ଧୁଂ ନ୍ଯାଯେନ କେଚନ।
ନ ଯୁକ୍ତମାତ୍ମନା ବକ୍ତୁମେବଂ ଗର୍ବୋଦ୍ଧତଂ ବଚଃ।
ଅଥବା ସଫଲଂ ହ୍ଯେତତ୍କରିଷ୍ଯେ ଭବତାଂ ପୁରଃ॥ 9-32-70 (62117)
ଅସ୍ମିନ୍ମହୂର୍ତେ ସତ୍ଯଂ ବା ମିଥ୍ଯା ବୈ ତଦ୍ଭବିଷ୍ଯତି।]
ଗୃହ୍ଣାତୁ ଚ ଗଦାଂ ଯୋ ବୈ ଯୋତ୍ସ୍ଯତେଽଦ୍ଯ ମଯା ସହ॥ ॥ 9-32-71 (62118)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଦ୍ବାତ୍ରିଂଶୋଽଧ୍ଯାଯଃ॥ 32 ॥
Mahabharata - Shalya Parva - Chapter Footnotes
9-32-3 ଆତପତ୍ରେଣ ଦୁର୍ଯୋଧନଃ ସୂର୍ଯାଦ୍ରକ୍ଷିତ ଇତ୍ଯେଷ ପ୍ରବାଦୋଽପି ଯସ୍ଯ ନ ସ ଇତି ଭାବଃ॥ 9-32-10 ପରିଦ୍ଯୂନଃ ପରିଶ୍ରାନ୍ତଃ॥ 9-32-27 ନଃ ଅସ୍ମାକଂ ପଞ୍ଚାନାଂ ମଧ୍ଯେ ଏକମପି ହତ୍ବା ତ୍ବଂ ରାଜା ଭବେତ୍ଯନ୍ବଯଃ॥ 9-32-34 ଅଦ୍ଯ ତେ ଜୀବିତଂ ନାସ୍ତି ଯଦ୍ଯପି ତ୍ବଂ ମନୋଜବଃ ଇତି କ.ଙ.ପାଠଃ॥ 9-32-56 କ୍ଷତ୍ରଧର୍ମଂ ଅସ୍ତୀତି ଶେଷଃ। ଧର୍ମୋଽସ୍ତ୍ରୀ ପୁଣ୍ଯଆଚାରେ ଇତି ମେଦିନୀ॥ 9-32-32 ଦ୍ବାତ୍ରିଂଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 033
॥ ଶ୍ରୀଃ ॥
9.33. ଅଧ୍ଯାଯଃ 033
Mahabharata - Shalya Parva - Chapter Topics
ଯୁଧିଷ୍ଠିରେଣ ଦୁର୍ଯୋଧନମ୍ପ୍ରତି ସ୍ବେଷ୍ବନ୍ଯତମପରାଜଯେନାପି ତସ୍ଯ ରାଜ୍ଯପ୍ରାପ୍ତିବଚନେ କୃଷ୍ଣେନ ତମ୍ପ୍ରତି ସକୋପଂ ଭୀମେନାପି ଦୁର୍ଯୋଧନପ ରାଜଯେ ସ୍ବସ୍ଯ ସଂଶଯୋକ୍ତିଃ॥ 1 ॥ ଭୀମେନ କୃଷ୍ଣମ୍ପ୍ରତି ସ୍ବସାମର୍ଥ୍ଯପ୍ରକଥନପୂର୍ବକଂ ସ୍ବେନ ଦୁର୍ଯୋଧନବଧସ୍ଯ ସୁକରତ୍ବେ କଥିତେ କୃଷ୍ଣାଦିଭିସ୍ତତ୍ପ୍ରଶଂସନମ୍॥ 2 ॥ ଭୀମଦୁର୍ଯୋଧନଯୋର୍ବୀରବାଦପୁର୍ବକଂ ଯୁଦ୍ଧୋଦ୍ଯମଃ॥ 3 ॥Mahabharata - Shalya Parva - Chapter Text
9-33-0 (62119)
ସଞ୍ଜଯ ଉବାଚ। 9-33-0x (5157)
ଏବଂ ଦୁର୍ଯୋଧନେ ରାଜନ୍ଗର୍ଜମାନେ ମୁହୁର୍ମୁହୁଃ।
ଯୁଧିଷ୍ଠିରସ୍ଯ ସଙ୍କ୍ରୁଦ୍ଧୋ ବାସୁଦେବୋଽବ୍ରବୀଦିଦମ୍॥ 9-33-1 (62120)
ଯଦୀ ନାମ ହ୍ଯଯଂ ଯୂଦ୍ଧେ ବରଯେତ୍ତ୍ବାଂ ଯୁଧିଷ୍ଠିର।
ଅର୍ଜୁନଂ ନକୁଲଂ ଚୈବ ସହଦେବମଥାପି ବା॥ 9-33-2 (62121)
କିମିଦଂ ସାହସଂ ରାଜଂସ୍ତ୍ବଯା ବ୍ଯାହୃତମୀଦୃଶମ୍।
ଏକମେବ ନିହତ୍ଯାଜୌ ଭବ ରାଜା କୁରୁଷ୍ବିତି॥ 9-33-3 (62122)
ଏତେନ ହି କୃତା ଯୋଗ୍ଯା ବର୍ଷାଣୀହ ତ୍ରଯୋଦଶ।
ଆଯସେ ପୁରୁଷେ ରାଜନ୍ଭୀମସେନଜିଘାଂସଯା॥ 9-33-4 (62123)
କଥଂ ନାମ ଭବେତ୍କାର୍ଯମସ୍ମାଦ୍ବି ଭରତର୍ଷଭ।
ସାହସଂ କୃତବାଂସ୍ତ୍ବଂ ତୁ ହ୍ଯନୁକ୍ରୋଶାନ୍ନୃପୋତ୍ତମ॥ 9-33-5 (62124)
ନାନ୍ଯମସ୍ଯାନୁପଶ୍ଯାମି ପ୍ରତିଯୋଦ୍ଧାରମାହବେ।
ଋତେ ବୃକୋଦରାତ୍ପାର୍ଥାତ୍ସ ଚ ନାତିକୃତଶ୍ରମଃ॥ 9-33-6 (62125)
ତଦିଦଂ ଦ୍ଯୂତମାରବ୍ଧଂ ପୁନରେବ ଯଥା ପୁରା।
ବିଷମଂ ଶକୁନେଶ୍ଚୈବ ତବ ଚୈବ ବିଶେଷତଃ॥ 9-33-7 (62126)
ବଲୀ ଭୀମଃ ସମର୍ଥଶ୍ଚ କୃତୀ ରାଜା ସୁଯୋଧନଃ।
ବଲବାନ୍ବା କୃତୀ ବେତି କୃତୀ ରାଜନ୍ବିଶିଷ୍ଯତେ॥ 9-33-8 (62127)
ସୋଽଯଂ ରାଜଂସ୍ତ୍ବଯା ଶତ୍ରୁଃ ସମେ ପଥି ନିବେଶିତଃ।
ନ୍ଯସ୍ତଶ୍ଚାତ୍ମା ସୁବିଷମେ କୃଚ୍ଛ୍ରମାପାଦିତା ବଯମ୍॥ 9-33-9 (62128)
କୋଽନୁ ସର୍ବାନ୍ବିନିର୍ଜିତ୍ଯ ଶତ୍ରୂନେକେନ ବୈରିଣା।
[କୃଚ୍ଛ୍ରପ୍ରାପ୍ତେନ ଚ ତଥା ହାରଯେଦ୍ରାଜ୍ଯମାଗତମ୍।]
ପାତିତଶ୍ଚୈକବାଣେନ ଶୋଚଯେଦେବମାହବେ॥ 9-33-10 (62129)
ନ ହି ପଶ୍ଯାମି ତଂ ଲୋକେ ଯୋଽଦ୍ଯ ଦୁର୍ଯୋଧନଂ ରଣେ।
ଗଦାହସ୍ତଂ ବିଜେତୁଂ ବୈ ଶକ୍ତଃ ସ୍ଯାଦମରୋପି ହି॥ 9-33-11 (62130)
ଫଲ୍ଗୁନୋ ବା ଭବାନ୍ବାଥ ମାଦ୍ରୀପୁତ୍ରାବଥାପି ବା।
ନ ସମର୍ଥାନହଂ ମନ୍ଯେ ଗଦାହସ୍ତସ୍ଯ ସଂଯୁଗେ॥ 9-33-12 (62131)
ନ ତ୍ବଂ ଭୀମୋ ନ ନକୁଲଃ ସହଦେବୋଽଥ ଫଲ୍ଗୁନଃ।
ଜେତୁଂ ନ୍ଯାଯେନ ଶକ୍ତୋ ବୈ କୃତୀ ରାଜା ସୁଯୋଧନଃ॥ 9-33-13 (62132)
ସ କଥଂ ବଦସେ ଶତ୍ରୁଂ ଯୁଧ୍ଯସ୍ବ ଗଦଯେତି ହି।
ଏକଂ ଚ ନୋ ନିହତ୍ଯାଜୌ ଭବ ରାଜେତି ଭାରତ॥ 9-33-14 (62133)
ବୃକୋଦରଂ ସମାସାଦ୍ଯ ସଂଶଯୋ ବୈ ଜଯେ ହି ନଃ।
ନ୍ଯାଯତୋ ଯୁଧ୍ଯମାନାନାଂ କୃତୀ ହ୍ଯେଷ ମହାବଲଃ॥ 9-33-15 (62134)
[ନୂନଂ ନ ରାଜ୍ଯଭାଗେଷା ପାଣ୍ଡୋଃ କୁନ୍ତ୍ଯାଶ୍ଚ ସନ୍ତତିଃ।
ଅତ୍ଯନ୍ତବନବାସାଯ ସୃଷ୍ଟା ଭୈକ୍ଷ୍ଯାଯ ବା ପୁନଃ॥] 9-33-16 (62135)
ଭୀମସେନ ଉବାଚ। 9-33-17x (5158)
ମଧୁସୂଦନ ମାକାର୍ଷୀବିଷାଦଂ ଯଦୁନନ୍ଦନ।
ଅଦ୍ଯ ପାରଂ ଗମିଷ୍ଯାମି ବୈରସ୍ଯ ଭୃଶଦୁର୍ଗମମ୍॥ 9-33-17 (62136)
ଅହଂ ସୁଯୋଧନଂ ସଙ୍ଖ୍ଯେ ହନିଷ୍ଯାମି ନ ସଂଶଯଃ।
ବିଜଯୋ ବୈ ଧ୍ରୁବଃ କୃଷ୍ଣ ଧର୍ମରାଜସ୍ଯ ଦୃଶ୍ଯତେ॥ 9-33-18 (62137)
ଅଧ୍ଯର୍ଧେନ ଗୁଣେନେଯଂ ଗଦା ଗୁରୁତରୀ ମମ।
ନ ତଥା ଧାର୍ତରାଷ୍ଟ୍ରସ୍ଯ ମାକାର୍ଷୀର୍ମାଧବ ବ୍ଯଥାମ୍॥ 9-33-19 (62138)
ଅନଯା ଗଦଯାନାହଂ ସଂଯୁଗେ ଯୋଦ୍ଧୁମୁତ୍ସହେ।
ଭବନ୍ତଃ ପ୍ରେକ୍ଷକାଃ ସର୍ବେ ମମ ସନ୍ତୁ ଜନାର୍ଦନ॥ 9-33-20 (62139)
ସାମରାନପି ଲୋକାଂସ୍ତ୍ରୀନ୍ନାନାଶସ୍ତ୍ରଧରାନ୍ଯୁଧି।
ଯୋଧଯେଯଂ ରଣେ କୃଷ୍ଣ କିମୁତାଦ୍ଯ ସୁଯୋଧନମ୍॥ 9-33-21 (62140)
ସଞ୍ଜଯ ଉବାଚ। 9-33-22x (5159)
ତଥା ସମ୍ଭାଷମାଣଂ ତୁ ବାସୁଦେବୋ ବୃକୋଦରମ୍।
ହୃଷ୍ଟଃ ସମ୍ପୂଜଯାମାସ ବଚନଂ ଚେଦମବ୍ରବୀତ୍॥ 9-33-22 (62141)
ତ୍ବାମାଶ୍ରିତ୍ଯ ମହାବାହୋ ଧର୍ମରାଜୋ ଯୁଧିଷ୍ଠିରଃ।
ନିହତାରିଃ ସ୍ବକାଂ ଦୀପ୍ତାଂ ଶ୍ରିଯଂ ପ୍ରାପ୍ନୋତ୍ଯସଂଶଯମ୍॥ 9-33-23 (62142)
ତ୍ବଯା ବିନିହତାଃ ସର୍ବେ ଧୃତରାଷ୍ଟ୍ରସୁତା ରଣେ।
ରାଜାନୋ ରାଜପୁତ୍ରାଶ୍ଚ ନାଗାଶ୍ଚ ବିନିପାତିତାଃ॥ 9-33-24 (62143)
କଲିଙ୍ଗା ମାଗଧାଃ ପ୍ରାଚ୍ଯା ଗାନ୍ଧାରାଃ କୁରବସ୍ତଥା।
ତ୍ବାମାସାଦ୍ଯ ମହାଯୁଦ୍ଧେ ନିହତାଃ ପାଣ୍ଡୁନନ୍ଦନ॥ 9-33-25 (62144)
ହତ୍ବା ଦୁର୍ଯୋଧନଂ ଚାପି ପ୍ରଯଚ୍ଛୋର୍ବୀଂ ସସାଗରାମ୍।
ଧର୍ମରାଜାଯ କୌନ୍ତେଯ ଯଥା ବିଷ୍ଣୁଃ ଶଚୀପତେଃ॥ 9-33-26 (62145)
ତ୍ବାଂ ଚ ପ୍ରାପ୍ଯ ରଣେ ପାପୋ ଧାର୍ତରାଷ୍ଟ୍ରୋ ବିନଙ୍କ୍ଷ୍ଯତି।
ତ୍ବମସ୍ଯ ସକ୍ଥିନୀ ଭଂକ୍ତ୍ବା ପ୍ରତିଜ୍ଞାଂ ପାଲଯିଷ୍ଯସି॥ 9-33-27 (62146)
ଯତ୍ନେନ ହ ତ୍ବଯା ପାପୋ ଯୋଦ୍ଧବ୍ଯୋ ଧୃତରାଷ୍ଟ୍ରଜଃ।
କୃତୀ ଚ ବଲବାଂଶ୍ଚୈବ ଯୁଦ୍ଧଶୌଣ୍ଡଶ୍ଚ ନିତ୍ଯଦା॥ 9-33-28 (62147)
ତତସ୍ତୁ ସାତ୍ଯକୀ ରାଜନ୍ପୂଜଯାମାସ ପାଣ୍ଡବମ୍।
ବିବିଧାଭିଶ୍ଚ ତଂ ବାଗ୍ଭିର୍ଭିମସେନଂ ଜନେଶ୍ବର॥ 9-33-29 (62148)
ପାଞ୍ଚାଲାଃ ପାଣ୍ଡବେଯାଶ୍ଚ ଧର୍ମରାଜପୁରୋଗମାଃ।
ତଦ୍ବଚୋ ଭୀମସେନସ୍ଯ ସର୍ବ ଏବାଭ୍ଯପୂଜଯନ୍॥ 9-33-30 (62149)
ତତୋ ଭୀମବଲୋ ଭୀମୋ ଯୁଧିଷ୍ଠିରମଥାବ୍ରବୀତ୍।
ସୃଞ୍ଜଯୈଃ ସହ ତିଷ୍ଠନ୍ତଂ ତପନ୍ତମିବ ଭାସ୍କରମ୍॥ 9-33-31 (62150)
ଅହମେତେନ ସଙ୍ଗମ୍ଯ ସଂଯୁଗେ ଯୋଦ୍ଧୁମୁତ୍ସହେ।
ନ ହି ଶକ୍ତୋ ରଣେ ଜେତୁଂ ମାମେଷ ପୁରୁଷାଧମଃ॥ 9-33-32 (62151)
ଅଦ୍ଯ କ୍ରୋଧଂ ବିମୋକ୍ଷ୍ଯାମି ନିହିତଂ ହୃଦଯେ ଭୃଶମ୍।
ସୁଯୋଧନେ ଧାର୍ତରାଷ୍ଟ୍ରେ ଖାଣ୍ଡବେଽଗ୍ନିମିବାର୍ଜୁନଃ॥ 9-33-33 (62152)
ଶଲ୍ଯମଦ୍ଯୋଦ୍ଧରିଷ୍ଯାମି ତବ ପାଣ୍ଡବ ହୃଚ୍ଛଯମ୍।
ନିହତେ ଗଦଯା ପାପେ ଅଦ୍ଯ ରାଜନ୍ସୁଖୀ ଭବ॥ 9-33-34 (62153)
ଅଦ୍ଯ କୀର୍ତିମଯୀଂ ମାଲାଂ ପ୍ରିତମୋକ୍ଷ୍ଯେ ତବାନଘ।
ପ୍ରାଣାଞ୍ଶ୍ରିଯଂ ଚ ରାଜ୍ଯଂ ଚ ମୋକ୍ଷ୍ଯତେଽଦ୍ଯ ସୁଯୋଧନଃ॥ 9-33-35 (62154)
ରାଜା ଚ ଧୃତରାଷ୍ଟ୍ରୋଽଦ୍ଯ ଶ୍ରୁତ୍ବା ପୁତ୍ରଂ ମଯା ହତମ୍।
ସ୍ମରିଷ୍ଯତ୍ଯଶୁଭଂ କର୍ମ ଯତ୍ତଚ୍ଛକୁନିବୁଦ୍ଧିଜମ୍॥ 9-33-36 (62155)
ଇତ୍ଯୁକ୍ତ୍ବା ଭରତଶ୍ରେଷ୍ଠୋ ଗଦାମୁଦ୍ଯମ୍ଯ ବୀର୍ଯବାନ୍।
ଉଦତିଷ୍ଠତ ଯୁଦ୍ଧାଯ ଶକ୍ରୋ ବୃତ୍ରମିବାହ୍ବଯନ୍॥ 9-33-37 (62156)
[ତଦାହ୍ବାନମମୃଷ୍ଯନ୍ବୈ ତବ ପୁତ୍ରୋଽତିବୀର୍ଯବାନ୍।
ପ୍ରତ୍ଯୁପସ୍ଥିତ ଏବାଶୁ ମତ୍ତୋ ମତ୍ତମିବ ଦ୍ବିପମ୍॥ 9-33-38 (62157)
ଗଦାହସ୍ତଂ ତବ ସୁତଂ ଯୁଦ୍ଧାଯ ସମୁପସ୍ଥିତମ୍।
ଦଦୃଶୁଃ ପାଣ୍ଡବାଃ ସର୍ବେ କୈଲାସମିବ ଶୃଙ୍ଗିଣମ୍]॥ 9-33-39 (62158)
ତମେକାକିନମାସାଦ୍ଯ ଧାର୍ତରାଷ୍ଟ୍ରଂ ମହାବଲମ୍।
ବିଯୂଥମିବ ମାତଙ୍ଗଂ ସମହୃଷ୍ଯନ୍ତ ପାଣ୍ଡବାଃ॥ 9-33-40 (62159)
[ନ ସମ୍ଭ୍ରମୋ ନ ଚ ଭଯଂ ନ ଚ ଗ୍ଲାନିର୍ନ ଚ ବ୍ଯଥା।
ଆସୀଦ୍ଦୁର୍ଯୋଧନସ୍ଯାପି ସ୍ଥିତଃ ସିଂହ ଇବାହବେ]॥ 9-33-41 (62160)
ସମୁଦ୍ଯତଗଦଂ ଦୃଷ୍ଟ୍ବା କୈଲାସମିବ ଶୃଙ୍ଗିଯାମ୍।
ଭୀମସେନସ୍ତଦା ରାଜନ୍ଦୁର୍ଯୋଧନମଥାବ୍ରବୀତ୍॥ 9-33-42 (62161)
ରାଜ୍ଞାପି ଧୃତରାଷ୍ଟ୍ରେଣ ତ୍ବଯା ଚାସ୍ମାସୁ ଯତ୍କୃତମ୍।
ସ୍ମର ତଦ୍ଦୁଷ୍କୃତଂ କର୍ମଂ ଯଦ୍ଭୂତଂ ବାରଣାବତେ। 9-33-43 (62162)
ଦ୍ରୌପଦୀ ଚ ପରାମୃଷ୍ଟା ସମାମଧ୍ଯେ ରଜସ୍ବଲା।
ଦ୍ଯୂତେ ଚ ବଞ୍ଚିତୋ ରାଜା ଶକୂନେର୍ବୁଦ୍ଧିଲାଘବାତ୍॥ 9-33-44 (62163)
ଯାନି ଚାନ୍ଯାନି ଦୁଷ୍ଟାତ୍ମନ୍ପାପାନି କୃତବାନସି।
ଅନାଗାସୁ ଚ ପାର୍ଥେଷୁ ତସ୍ଯ ପଶ୍ଯ ମହତ୍ଫଲମ୍॥ 9-33-45 (62164)
ତ୍ବତ୍କୃତେ ନିହତଃ ଶେତେ ଶରତଲ୍ପେ ମହାଯଶାଃ।
ଯାଙ୍ଗେଯୋ ଭରତଶ୍ରେଷ୍ଠଃ ସର୍ବେଷାଂ ନଃ ପିତାମହଃ॥ 9-33-46 (62165)
ହତୋ ଦ୍ରୋଣଶ୍ଚ କର୍ଣଶ୍ଚ ଇତଃ ଶଲ୍ଯଃ ପ୍ରତାପବାନ୍।
ବୈରାଗ୍ନେରାଦିକର୍ତା ଚ ଶକୁନିର୍ନିହତୋ ରଣେ॥ 9-33-47 (62166)
ଭ୍ରାତରସ୍ତେ ହତାଃ ଶୂରାଃ ପୁତ୍ରାଶ୍ଚ ସହସୈନିକାଃ।
ରାଜାନଶ୍ଚ ହତାଃ ଶୂରାଃ ସମରେଷ୍ବନିବର୍ତିନଃ॥ 9-33-48 (62167)
ଏତେ ଚାନ୍ଯେ ଚ ନିହତା ବହବଃ କ୍ଷତ୍ରିଯର୍ଷଭାଃ।
ପ୍ରାତିକାମୀ ତଥା ପାପୋ ଦ୍ରୌପଦ୍ଯାଃ କ୍ଲେଶକୃଦ୍ଧତଃ॥ 9-33-49 (62168)
ଅବଶିଷ୍ଟସ୍ତ୍ବମେବୈକଃ କୁଲଘ୍ନୋଽଧମପୂରୁଷଃ।
ତ୍ବାମପ୍ଯଦ୍ଯ ହନିଷ୍ଯାମି ଗଦଯା ନାତ୍ର ସଂଶଯଃ॥ 9-33-50 (62169)
ଅଦ୍ଯ ତେଽହଂ ରଣେ ଦର୍ପଂ ସର୍ବଂ ନାଶଯିତା ନୃପ।
ରାଜ୍ଯାଶାଂ ବିପୁଲାଂ ଚାପି ପାଣ୍ଡବେଷୁ ଚ ଦୁଷ୍କୃତମ୍॥ 9-33-51 (62170)
ଦୁର୍ଯୋଧନ ଉବାଚ। 9-33-52x (5160)
କିଂ କତ୍ଥିତେନ ବହୁନା ଯୁଧ୍ଯସ୍ବାଦ୍ଯ ମଯା ସହ।
ଅଦ୍ଯ ତେଽହଂ ବିନେଷ୍ଯାମି ଯୁଦ୍ଧଶ୍ରଦ୍ଧାଂ ବୃକୋଦର॥ 9-33-52 (62171)
କିଂ ନ ପଶ୍ଯସି ମାଂ ପାପ ଗଦାଯୁଦ୍ଧେ ବ୍ଯବସ୍ଥିତମ୍।
ହିମବଚ୍ଛିଖରାକାରାଂ ପ୍ରଗୃହ୍ଯ ମହତୀଂ ଗଦାମ୍॥ 9-33-53 (62172)
ଗଦିନଂ କୋଽଦ୍ଯ ମାଂ ପାପ ହନ୍ତୁମୁତ୍ସହତେ ରିପୁଃ।
ନ୍ଯାଯତୋ ଯୁଧ୍ଯମାନଶ୍ଚ ଦେବେଷ୍ବପି ପୁରନ୍ଦରଃ॥ 9-33-54 (62173)
ମା ବୃଥା ଗର୍ଜ କୌନ୍ତେଯ ଶାରଦାଭ୍ରମିବାଜଲମ୍।
ଦର୍ଶଯସ୍ବ ବଲଂ ଯୁଦ୍ଧେ ଯାବନ୍ନାସୂନ୍ନିହନ୍ମି ତେ॥ 9-33-55 (62174)
ତସ୍ଯ ତଦ୍ବଚନଂ ଶ୍ରୁତ୍ବା ପାଣ୍ଡବାଃ ସହସୃଞ୍ଜଯାଃ।
ସର୍ବେ ସମ୍ପୂଜଯାମାସୁସ୍ତଦ୍ବଚୋ ବିଜିଗୀଷବଃ॥ 9-33-56 (62175)
ଉନ୍ମତ୍ତମିବ ମାତଙ୍ଗଂ ତଲଶବ୍ଦେନ ମାନବାଃ।
ଭୂଯଃ ସଂହର୍ଷଯାମାସୂ ରାଜନ୍ଦୁର୍ଯୋଧନଂ ଦ୍ବିଷଃ॥ 9-33-57 (62176)
ବୃଂହନ୍ତି କୁଞ୍ଜରାସ୍ତତ୍ର ହଯା ହେଷନ୍ତି ଚାସକୃତ୍।
ଶସ୍ତ୍ରାଣି ସମ୍ପ୍ରଦୀପ୍ଯନ୍ତେ ପାଣ୍ଡବାନାଂ ଜଯୈଷିଣାମ୍॥ ॥ 9-33-58 (62177)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ତ୍ରଯସ୍ତ୍ରିଂଶୋଽଧ୍ଯାଯଃ॥ 33 ॥
Mahabharata - Shalya Parva - Chapter Footnotes
9-33-4 ଯୋଗ୍ଯା ଅଭ୍ଯାସଃ। ଯୋଗ୍ଯଃ ପ୍ରବୀଣେତ୍ଯାଦ୍ଯୁପକ୍ରମ୍ଯ ସ୍ତ୍ର୍ଯଭ୍ଯାସାର୍କଯୋଷିତୋରିତି ମେଦିନୀ॥ 9-33-7 ଶକୁନେଶ୍ଚ ତବ ଚ ଯଥାପୁରା ତଥୈବେଦମିତି ସମ୍ବନ୍ଧଃ॥ 9-33-10 ପଣିତ୍ବା ଚୈକପାଣେନ ରୋଚଯେଦେବ ମାହବମ୍ ଇତି ଝ.ପାଠଃ॥ 9-33-33 ତ୍ରଯସ୍ତ୍ରିଂଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 034
॥ ଶ୍ରୀଃ ॥
9.34. ଅଧ୍ଯାଯଃ 034
Mahabharata - Shalya Parva - Chapter Topics
xxxxxxxxxx॥ 1 ॥ ତସ୍ମିନ୍ପାଣ୍ଢବାଦିଭିରର୍ଚିତୋପବିଷ୍ଟେ ପୁନର୍ଗଦାଯୁଦ୍ଧାରମ୍ଭଃ॥ 2 ॥Mahabharata - Shalya Parva - Chapter Text
9-16-0 (62178)
ସଞ୍ଜଯ ଉବାଚ। 9-16-0x (5161)
xxxxxxxxxxxସୁସଂବୃତ୍ତେ ସୁଦାରୁଣେ।
xxxxxxxxxxx ପାଣ୍ଡବେଷୁ ମହାତ୍ମସୁ॥ 9-16-1 (62179)
ତତସ୍ତାଲଧ୍ବଜକେ ରାମସ୍ତଯୋର୍ଯୁଦ୍ଧ ଉପସ୍ଥିତେ।
ଶ୍ରୁତ୍ବା ତଚ୍ଛିଷ୍ଯଯୋ ରାଜନ୍ନାଜଗାମ ହଲାଯୁଧଃ॥ 9-16-2 (62180)
ତଂ ଦୃଷ୍ଟ୍ବା ପରମପ୍ରୀତାଃ ପାଣ୍ଡବାଃ ସହକେଶବାଃ।
ଉପଗମ୍ଯୋପସଙ୍ଗୃହ୍ଯ ବିଧିବତ୍ପ୍ରତ୍ଯପୂଜଯନ୍॥ 9-16-3 (62181)
ପୂଜଯିତ୍ବା ତତଃ ପଶ୍ଚାଦିଦଂ ବଚନମବ୍ରୁବନ୍।
ଶିଷ୍ଯଯୋଃ କୌଶଲଂ ଯୁଦ୍ଧେ ପଶ୍ଯ ରାମେତି ପାର୍ଥିବ॥ 9-16-4 (62182)
ଅବ୍ରବୀଚ୍ଚ ତଦା ରାମୋ ଦୃଷ୍ଟ୍ବା କୃଷ୍ଣଂ ସପାଣ୍ଡବମ୍।
ଦୁର୍ଯୋଧନଂ ଚ କୌରବ୍ଯଂ ଗଦାପାଣିମବସ୍ଥିତମ୍॥ 9-16-5 (62183)
ରାମ ଉବାଚ। 9-16-6x (5162)
ଚତ୍ବାରିଂଶଦହାନ୍ଯଦ୍ଯ ଦ୍ବେ ଚ ମେ ନିଃସୃତସ୍ଯ ବୈ।
ପୁଷ୍ଯେଣ ସମ୍ପ୍ରଯାତୋଽସ୍ମି ଶ୍ରବଣେ ପୁନରାଗତଃ।
ଶିଷ୍ଯଯୋର୍ବୈ ଗଦାଯୁଦ୍ଧଂ ଦ୍ରୁଷ୍ଟୁକାମୋଽସ୍ମି ମାଧବ॥ 9-16-6 (62184)
ତତୋ ଯୁଧିଷ୍ଠିରୋ ରାଜା ପରିଷ୍ବଜ୍ଯ ହଲାଯୁଧମ୍।
ସ୍ବାଗତଂ କୁଶଲଂ ଚାସ୍ମୈ ପର୍ଯପୃଚ୍ଛଦ୍ଯଥାତଥମ୍॥ 9-16-7 (62185)
କୃଷ୍ଣୌ ଚାପି ମହେଷ୍ବାସାବଭିବାଦ୍ଯ ହଲାଯୁଧମ୍।
ସସ୍ବଜାତେ ପରିପ୍ରୀତୌ ପ୍ରୀଯମାଣୌ ଯଶସ୍ବିନୌ॥ 9-16-8 (62186)
ମାଦ୍ରୀପୁତ୍ରୌ ତଥା ଶୂରୌ ଦ୍ରୌପଦ୍ଯାଃ ପଞ୍ଚ ଚାତ୍ମଜାଃ।
ଅଭିବାଦ୍ଯ ସ୍ଥିତା ରାଜନ୍ରୌହିଣେଯଂ ମହାବଲମ୍॥ 9-16-9 (62187)
ଭୀମସେନୋଽଥ ବଲବାନ୍ପୁତ୍ରସ୍ତବ ଜନାଧିପ।
ତଥୈବ ଚୋଦ୍ଯତଗଦୌ ପୂଜଯାମାସତୁର୍ବଲମ୍॥ 9-16-10 (62188)
ସ୍ବାଗତେନ ଚ ତେ ତତ୍ର ପ୍ରତିପୂଜ୍ଯ ପୁନଃପୁନଃ।
ପଶ୍ଯ ଯୁଦ୍ଧଂ ମହାବାହୋ ଇତି ତେ ରାମମବ୍ରୁବନ୍॥ 9-16-11 (62189)
ଏବମୁଚୁର୍ମହାତ୍ମାନଂ ରୌହିଣେଯଂ ନରାଧିପାଃ॥ 9-16-12 (62190)
ପରିଷ୍ବଜ୍ଯ ତଦା ରାମଃ ପାଣ୍ଡବାନ୍ସହ ସୃଞ୍ଜଯାନ୍।
ଅପୃଚ୍ଛତ୍କୁଶଲଂ ସର୍ବାନ୍ପାର୍ଥିବାଂଶ୍ଚାମିତୌଜସଃ।
ତଥୈବ ତେ ସମାସାଦ୍ଯ ପପ୍ରଚ୍ଛୁସ୍ତମନାମଯମ୍॥ 9-16-13 (62191)
ପ୍ରତ୍ଯଭ୍ଯର୍ଚ୍ଯ ହଲୀ ସର୍ବାନ୍କ୍ଷତ୍ରିଯାଂଶ୍ଚ ମହାତ୍ମନଃ।
କୃତ୍ବା କୁଶଲସମ୍ପ୍ରଶ୍ନଂ ସଂବିଦଂ ଚ ଯଥାବଯଃ॥ 9-16-14 (62192)
ଜନାର୍ଦନଂ ସାତ୍ଯକିଂ ଚ ପ୍ରେମ୍ଣା ସମ୍ପରିଷସ୍ବଜେ।
ମୂର୍ଧ୍ନି ଚୈତାବୁପାଘ୍ରାଯ କୁଶଲଂ ପର୍ଯପୃଚ୍ଛତ॥ 9-16-15 (62193)
ତୌ ଚ ତଂ ବିଧିବଦ୍ରାଜନ୍ପୂଜଯାମାସତୁର୍ଗୁରୁମ୍।
ବ୍ରହ୍ମାଣାମିବ ଦେବେଶମିନ୍ଦ୍ରୋପେନ୍ଦ୍ରୌ ମୁଦାନ୍ବିତୌ॥ 9-16-16 (62194)
ତତୋଽବ୍ରବୀଦ୍ଧର୍ମସୁତୋ ରୌହିଣେଯମରିନ୍ଦମମ୍।
ଇଦଂ ଭ୍ରାତ୍ରୋର୍ମହାଯୁଦ୍ଧଂ ପଶ୍ଯ ରାମେତି ଭାରତ॥ 9-16-17 (62195)
ତେଷାଂ ମଧ୍ଯେ ମହାବାହୁଃ ଶ୍ରୀମାନ୍କେଶବପୂର୍ବଜଃ।
ନ୍ଯବିଶତ୍ପରମପ୍ରୀତଃ ପୂଜ୍ଯମାନୋ ମହାରଥୈଃ॥ 9-16-18 (62196)
ସ ବଭୌ ରାଜମଧ୍ଯସ୍ଥୋ ନୀଲବାସାଃ ସିତପ୍ରଭଃ।
ଦିବୀବ ନକ୍ଷତ୍ରଗଣୈଃ ପରିବୀତୋ ନିଶାକରଃ॥ 9-16-19 (62197)
ତତସ୍ତଯୋଃ ସନ୍ନିପାତସ୍ତୁମୁଲୋ ରୋମହର୍ଷଣଃ।
ଆସୀଦନ୍ତକରୋ ରାଜନ୍ବୈରସ୍ଯାନ୍ତଂ ବିଧିତ୍ସତୋଃ॥ ॥ 9-16-20 (62198)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବଶପର୍ବଣି ଅଷ୍ଟାଦଶଦିବସଯୁଦ୍ଧେ ଚତୁସ୍ତ୍ରିଂଶୋଽଧ୍ଯାଯଃ॥ 34 ॥
ଶଲ୍ଯପର୍ବ - ଅଧ୍ଯାଯ 035
॥ ଶ୍ରୀଃ ॥
9.35. ଅଧ୍ଯାଯଃ 035
Mahabharata - Shalya Parva - Chapter Topics
ଜନମେଜଯେନ ବୈଶମ୍ପାଯନମ୍ପ୍ରତି ବଲରାମସ୍ଯ ତୀର୍ଥଯାତ୍ରାପ୍ରକାରପ୍ରଶ୍ନଃ॥ 1 ॥ ତେନ ତମ୍ପ୍ରତି ତତ୍କଥନମୁପକ୍ରମ୍ଯ ପ୍ରଭାସତୀର୍ଥସ୍ଯ ତତ୍ପଦବାଚ୍ଯତ୍ବେ ହେତୁକଥନମ୍॥ 2 ॥Mahabharata - Shalya Parva - Chapter Text
9-35-0 (62199)
ଜନମେଜଯ ଉବାଚ। 9-35-0x (5163)
ପୂର୍ବମେବ ଯଦା ରାମସ୍ତସ୍ମିନ୍ଯୁଦ୍ଧ ଉପସ୍ଥିତେ।
ଆମନ୍ତ୍ର୍ଯ କେଶବଂ ଯାତୋ ବୃଷ୍ଣିଭିଃ ସହିତଃ ପ୍ରଭୁଃ॥ 9-35-1 (62200)
ସାହାଯ୍ଯଂ ଧାର୍ତରାଷ୍ଟ୍ରସ୍ଯ ନ ଚ କର୍ତାଽସ୍ମି କେଶବ।
ନ ଚୈବ ପାଣ୍ଡୁପୁତ୍ରାଣାଂ ଗମିଷ୍ଯାମି ଯଥାଗତମ୍॥ 9-35-2 (62201)
ଏବମୁକ୍ତ୍ବା ତଦା ରାମୋ ଯାତଃ ଶତ୍ରୁନିବର୍ହଣଃ।
ତସ୍ଯ ଚାଗମନଂ ଭୂଯୋ ବ୍ରହ୍ମଞ୍ଶଂ ସିତୁମର୍ହସି॥ 9-35-3 (62202)
ଆଖ୍ଯାହି ମେ ବିସ୍ତରଶଃ କଥଂ ରାମ ଉପସ୍ଥିତଃ।
କଥଂ ଚ ଦୃଷ୍ଟବାନ୍ଯୁଦ୍ଧଂ କୁଶଲୋ ହ୍ଯସି ସତ୍ତମ॥ 9-35-4 (62203)
ବୈଶମ୍ପାଯନ ଉବାଚ। 9-35-5x (5164)
ଉପପ୍ଲାବ୍ଯେ ନିବିଷ୍ଟେଷୁ ପାଣ୍ଡବେଷୁ ମହାତ୍ମସୁ।
ପ୍ରେଷିତୋ ଧୃତରାଷ୍ଟ୍ରସ୍ଯ ସମୀପଂ ମଧୁସୂଦନଃ॥ 9-35-5 (62204)
ଶମଂ ପ୍ରତି ମହାବାହୋ ହିତାର୍ଥଂ ସର୍ବଦେହିନାମ୍॥
ସ ଗତ୍ବା ହାସ୍ତିନପୁରଂ ଧୃତରାଷ୍ଟ୍ରଂ ସମେତ୍ଯ ଚ। 9-35-6 (62205)
ଉକ୍ତବାନ୍ବଚନଂ ପଥ୍ଯଂ ହିତଂ ଚୈବ ବିଶେଷତଃ॥ 9-35-7 (62206)
ନ ଚ ତତ୍କୃତବାନ୍ରାଜା ଯଥାଽଖ୍ଯାତଂ ହି ତତ୍ପୁରା॥ 9-35-8 (62207)
ଅନବାପ୍ଯ ଶମଂ ତତ୍ର କୃଷ୍ଣଃ ପୁରୁଷସତ୍ତମଃ।
ଆଗଚ୍ଛତ ମହାବାହୁରୁପପ୍ଲାବ୍ଯଂ ଜନାଧିପ॥ 9-35-9 (62208)
ତତଃ ପ୍ରତ୍ଯାଗତଃ କୃଷ୍ଣୋ ଧାର୍ତରାଷ୍ଟ୍ରବିସର୍ଜିତଃ।
ଆଜଗାମ ନରବ୍ଯାଘ୍ରଃ ପାଣ୍ଡବାନାମନୀକିନୀମ୍।
ଯଥୋକ୍ତଂ ଚ ଯଥାବୃତ୍ତଂ ଗତ୍ବା ପାଣ୍ଡବମବ୍ରବୀତ୍॥ 9-35-10 (62209)
ନ କୁର୍ବନ୍ତି ବଚୋ ମହ୍ଯଂ କୁରବଃ କାଲନୋଦିତାଃ।
ନିର୍ଗଚ୍ଛଧ୍ବ ପାଣ୍ଡବେଯାଃ ପୁଷ୍ଯେଣ ସହିତା ମଯା॥ 9-35-11 (62210)
ତତୋ ବିଭଜ୍ଯମାନେଷୁ ବଲେଷୁ ବଲିନାଂ ବରଃ।
ପ୍ରୋବାଚ ଭ୍ରାତରଂ କୃଷ୍ଣଂ ରୌହିଣେଯୋ ମହାମନାଃ॥ 9-35-12 (62211)
ତେଷାମପି ମହାବାହୋ ସାହାଯ୍ଯଂ ମଧୁସୂଦନ।
କ୍ରିଯତାମିତି ତତ୍କୃଷ୍ଣୋ ନାସ୍ଯ ଚକ୍ରେ ବଚସ୍ତଦା॥ 9-35-13 (62212)
ତତୋ ମନ୍ଯୁପରୀତାତ୍ମା ଜଗାମ ଯଦୁନନ୍ଦନଃ।
ତୀର୍ଥଯାତ୍ରାଂ ହଲଧରଃ ସରସ୍ବତ୍ଯାଂ ମହାଯଶାଃ।
ମୈତ୍ରନକ୍ଷତ୍ରଯୋଗେ ସ୍ମ ସହିତଃ ସର୍ବଯାଦବୈଃ॥ 9-35-14 (62213)
ଆଶ୍ରଯାମାସ ଭୋଜସ୍ତୁ ଦୁର୍ଯୋଧନମରିନ୍ଦମଃ।
ଯୁଯୁଧାନେନ ସହିତୋ ବାସୁଦେବସ୍ତୁ ପାଣ୍ଡବାନ୍॥ 9-35-15 (62214)
ରୌହିଣେଯେ ଗତେ ଶୂରେ ପୁଷ୍ଯେଣ ମଧୁସୂଦନଃ।
ପାଣ୍ଡବେଯାନ୍ପୁରସ୍କୃତ୍ଯ ଯଯାବଭିମୁଖଃ କୂରୂନ୍॥ 9-35-16 (62215)
ଗଚ୍ଛନ୍ନେବ ପଥିସ୍ଥସ୍ତୁ ରାମଃ ପ୍ରେଷ୍ଯାନୁବାଚ ହ।
ସମ୍ଭାରାଂସ୍ତୀର୍ଥଯାତ୍ରାଯାଂ ସର୍ବୋପକରଣାନି ଚ॥ 9-35-17 (62216)
ଆନଯଧ୍ବଂ ଦ୍ବାରକାଯା ଅଗ୍ନୀନ୍ବୈ ଯାଜକାଂସ୍ତଥା।
ସୁବର୍ଣରଜନଂ ଚୈବ ଧୈନୂର୍ବାସାଂସି ବାଜିନଃ॥ 9-35-18 (62217)
କୁଞ୍ଜରାଂଶ୍ଚ ରଥାଂଶ୍ଚୈବ ଖରୋଷ୍ଟ୍ରଂ ବାହନାନି ଚ।
କ୍ଷିପ୍ରମାନୀଯତାଂ ସର୍ବଂ ତୀର୍ଥହେତୋଃ ପରିଚ୍ଛଦମ୍॥ 9-35-19 (62218)
ପ୍ରତିସ୍ରୋତଃ ସରସ୍ବତ୍ଯା ଗଚ୍ଛଧ୍ବଂ ଶୀଘ୍ରଗାମିନଃ।
ଋତ୍ବିଜଶ୍ଚାନଯଧ୍ବଂ ବୈ ଶତଶଶ୍ଚ ଦ୍ବିଜର୍ଷଭାନ୍॥ 9-35-20 (62219)
ଏବଂ ସନ୍ଦିଶ୍ଯ ତୁ ପ୍ରେଷ୍ଯାନ୍ବଲଦେବୋ ମହାବଲଃ।
ତୀର୍ଥଯାତ୍ରାଂ ଯଯୌ ରାଜନ୍କୁରୂଣାଂ ବୈଶସେ ତଦା॥ 9-35-21 (62220)
ସରସ୍ବତ୍ଯାଃ ପ୍ରତିସ୍ରୋତଃ ସମୁଦ୍ରାଦଭିଜଗ୍ମିବାନ।
ରାମୋ ଯଦୂତ୍ତମଃ ଶ୍ରୀମାଂସ୍ତୀର୍ଥଯାତ୍ରାମନୁସ୍ମରନ୍॥ 9-35-22 (62221)
ଋତ୍ବିଗ୍ଭିଶ୍ଚ ସୁହୃଦ୍ଭିଶ୍ଚ ଯଥାଽନ୍ଯୈର୍ଦ୍ବିଜସତ୍ତମୈଃ।
ରଥୈର୍ଗଜୈସ୍ତଥାଽଶ୍ବୈଶ୍ଚ ପ୍ରେଷ୍ଯୈଶ୍ଚ ଭରତର୍ଷଭ।
ଗୋଖରୋଷ୍ଟ୍ରପ୍ରଯୁକ୍ତୈଶ୍ଚ ଯାନୈଶ୍ଚ ବହୁଭିର୍ବୃତଃ॥ 9-35-23 (62222)
ଶ୍ରାନ୍ତାନାଂ କ୍ଲାନ୍ତବପୁଷାଂ ଶିଶୂନାଂ ବିପୁଲାଯୁଷାମ୍।
ଦେଶେଦେଶେ ତୁ ଦେଯାନି ଦାନାନି ବିବିଧାନି ଚ॥ 9-35-24 (62223)
ଅର୍ଚାଯୈ ଚାର୍ଥିନାଂ ରାଜନ୍କ୍ଲୃପ୍ତାନି ବହୁଶସ୍ତଥା।
ତାନି ଯାନୀହ ଦେଶେଷୁ ପ୍ରତୀକ୍ଷନ୍ତି ସ୍ମ ଭାରତ॥ 9-35-25 (62224)
ବୁଭୁକ୍ଷିତାନାମର୍ଥାଯ କ୍ଲୃପ୍ତମନ୍ନଂ ସମନ୍ତତଃ॥ 9-35-26 (62225)
ଯୋଯୋ ଯତ୍ର ଦ୍ବିଜୋ ଭୋଜ୍ଯଂ ଭୋକ୍ତୁଂ କାମଯତେ ତଦା।
ତସ୍ଯତସ୍ଯ ତୁ ତତ୍ରୈବମୁପଜହ୍ରୁସ୍ତଦା ନୃଷ॥ 9-35-27 (62226)
ତତ୍ରତତ୍ର ସ୍ଥିତା ରାଜନ୍ରୌହିଣେଯସ୍ଯ ଶାସନାତ୍।
ଭକ୍ଷ୍ଯପେଯସ୍ଯ କୁର୍ବନ୍ତି ରାଶୀଂସ୍ତତ୍ର ସମନ୍ତତଃ॥ 9-35-28 (62227)
ବାସାଂସି ଚ ମହାର୍ହାଣି ପର୍ଯଙ୍କାସ୍ତରଣାନି ଚ।
ପୂଜାର୍ଥଂ ତତ୍ର କ୍ଲୃପ୍ତାନି ବିପ୍ରାଣାଂ ସୁଖମିଚ୍ଛତାମ୍॥ 9-35-29 (62228)
ଯତ୍ର ଯଃ ସ୍ବପତେ ବିପ୍ରୋ ଯୋ ବା ଜାଗର୍ତି ଭାରତ।
ତତ୍ରତତ୍ରୈବ ସର୍ବସ୍ଯ କ୍ଲୃପ୍ତଂ ସର୍ବମପଶ୍ଯତ॥ 9-35-30 (62229)
ଯଥାସୁଖଂ ଜନଃ ସର୍ବୋ ଯାତି ତିଷ୍ଠତି ବୈ ତଦା।
ଯାତୁକାମସ୍ଯ ଯାନାନି ପାନାନି ତୃଷିତସ୍ଯ ଚ॥ 9-35-31 (62230)
ବୁଭୁକ୍ଷିତସ୍ଯ ଚାନ୍ନାନି ସ୍ବାଦୂନି ଭରତର୍ଷଭ।
ଉପଜହ୍ରୁର୍ନରାସ୍ତତ୍ର ବସ୍ତ୍ରାଣ୍ଯାଭରଣାନି ଚ॥ 9-35-32 (62231)
ସ ପନ୍ଥାଃ ପ୍ରବଭୌ ରାଜନ୍ସର୍ବସ୍ଯୈବ ସୁଖାବହଃ।
ସ୍ବର୍ଗୋପମସ୍ତଦା ବୀର ନରାଣାଂ ତତ୍ର ଗଚ୍ଛତାମ୍॥ 9-35-33 (62232)
ନିତ୍ଯପ୍ରମୁଦିତୋପେତଃ ସ୍ବାଦୁଭକ୍ଷ୍ଯୋ ଜଲାନ୍ବିତଃ।
ବିପଣ୍ଯାପଣପଣ୍ଯାନଂ ନାନାଜନଶତୈର୍ବୃତଃ।
ନାନାଦ୍ରୁମଲତୋପେତୋ ନାନାରତ୍ନବିଭୂଷିତଃ॥ 9-35-34 (62233)
ତତୋ ମହାତ୍ମା ନିଯତୋ ମନସ୍ବିନାଂ
ପୁଣ୍ଯେଷୁ ତୀର୍ଥେଷୁ ବସୂନି ରାଜନ୍।
ଦଦୌ ଦ୍ବିଜେଭ୍ଯଃ କ୍ରତୁଦକ୍ଷିଣାଶ୍ଚ
ଯଦୁପ୍ରବୀରୋ ହଲଭୃତ୍ପ୍ରତୀତଃ॥ 9-35-35 (62234)
ଦୋଗ୍ଧ୍ରୀଶ୍ଚ ଧେନୂଶ୍ଚ ସହସ୍ରଶୋ ବୈ
ସୁବାସସଃ କାଞ୍ଚନବଦ୍ଧଶୃଙ୍ଗୀଃ।
ହଯାଂଶ୍ଚ ନାନାବିଧଦେଶଜାତାନ୍
ଯାନାନି ଦାସାଂଶ୍ଚ ଶୁଭାନ୍ଦ୍ବିଜେଭ୍ଯଃ॥ 9-35-36 (62235)
ରତ୍ନାନି ମୁକ୍ତାମଣିବିଦ୍ରୁମଂ ଚା--
ପ୍ଯଗ୍ର୍ଯଂ ସୁବର୍ଣଂ ରଜତଂ ସୁଶୁନ୍ଦ୍ବମ୍।
ଅଯସ୍ମଯଂ ତାମ୍ରମଯଂ ଚ ଭାଣ୍ଡଂ
ଦଦୌ ଦ୍ବିଜାତିପ୍ରବରେଷୁ ରାମଃ॥ 9-35-37 (62236)
ଏବଂ ସ ବିତ୍ତଂ ପ୍ରଦଦୌ ମହାତ୍ମା
ସରସ୍ବତୀତୀର୍ଥଗତେଷୁ ଭୂରି।
ଯଯୌ କ୍ରମେଣାପ୍ରତିମପ୍ରଭାବ--
ସ୍ତତଃ କୁରୁକ୍ଷେତ୍ରମୁଦାରବୃତ୍ତଃ॥ 9-35-38 (62237)
ଜନମେଜଯ ଉବାଚ। 9-35-39x (5165)
ସାରସ୍ବତାନାଂ ତୀର୍ଥାନାଂ ଗୁଣୋତ୍ପତ୍ତିଂ ବଦସ୍ବ ମେ।
ଫଲଂ ଚ ଦ୍ବିପଦାଂ ଶ୍ରେଷ୍ଠ କର୍ମ ନିର୍ବୃତ୍ତିମେବ ଚ॥ 9-35-39 (62238)
ଯଥାକ୍ରମେଣ ଭଗବଂସ୍ତୀର୍ଥାନାମନୁପୂର୍ବଶଃ।
ବ୍ରୂହି ବ୍ରହ୍ମବିଦାଂ ଶ୍ରେଷ୍ଠ ପରଂ କୌତୂହଲଂ ହି ମେ॥ 9-35-40 (62239)
ବୈଶମ୍ପାଯନ ଉବାଚ। 9-35-41x (5166)
ତୀର୍ଥାନାଂ ଚ ଫଲଂ ରାଜନ୍ଗୁଣୋତ୍ପତ୍ତିଂ ଚଂ ସର୍ବଶଃ।
ମଯୋଚ୍ଯମାନଂ ବୈ ପୁଣ୍ଯଂ ଶୃଣୁ ରାଜେନ୍ଦ୍ର କୃତ୍ସ୍ନଶଃ॥ 9-35-41 (62240)
ପୂର୍ବଂ ମହାରାଜ ଯଦୁପ୍ରବୀର
ଋତ୍ବିକ୍ସୁହୃଦ୍ବିପ୍ରଗଣୈଶ୍ଚ ସାର୍ଧମ୍।
ପୁଣ୍ଯଂ ପ୍ରଭାସଂ ସମୁପାଜଗାମ
ଯତ୍ରୋଡୁରାଢ୍ଯକ୍ଷ୍ମଣା କ୍ଷୀଯମାଣଃ॥ 9-35-42 (62241)
ବିମୁକ୍ତଶାପଃ ପୁନରାପ୍ଯ ତେଜଃ
ସର୍ବଂ ଜଗଦ୍ଭାସଯତେ ନରେନ୍ଦ୍ର।
ଏତତ୍ତୁ ତୀର୍ଥପ୍ରବରଂ ପୃଥିବ୍ଯାଂ
ପ୍ରଭାସନାତ୍ତସ୍ଯ ତତଃ ପ୍ରଭାସଃ॥ ॥ 9-35-43 (62242)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ଅଷ୍ଟଦଶଦିବସଯୁଦ୍ଧେ ପଞ୍ଚତ୍ରିଂଶୋଽଧ୍ଯାଯଃ॥ 35 ॥
Mahabharata - Shalya Parva - Chapter Footnotes
9-35-14 ମୈତ୍ରନକ୍ଷତ୍ରଯୋଗେ ଅନୁରାଧାଯାଂ॥ 9-35-15 ଭୋଜଃ କୃତବର୍ମା॥ 9-35-16 ପୁଷ୍ଯେଣ ହି ପାଣ୍ଡବେଭ୍ଯଃ ପ୍ରଯାଣଂ ଅନୁରାଧାତସ୍ତୀର୍ଥଯାତ୍ରାର୍ଥମିତି ବିବେକଃ॥ 9-35-34 ବିପଣିଃ ପାଣ୍ଯବୀଥିକା। ଆପଣା ହଟ୍ଟାଃ। ପଣ୍ଯାନି ବିକ୍ରେଯଦ୍ରବ୍ଯାଣି॥ 9-35-35 କୃତଦକ୍ଷିଣାଶ୍ଚେତି କ.ଙ.ପାଠଃ॥ 9-35-39 ଗୁଣାନ୍ ରମଣୀଯତ୍ବାଦୀନ୍। ଉତ୍ପତ୍ତିଂ ସମ୍ଭବମ୍। କର୍ମନିର୍ବୃତ୍ତିଂ ତୀର୍ଥଯାତ୍ରାବିଦିସିଦ୍ଧମ୍। ନିବୃତ୍ତିମପି କର୍ମଣାମ୍ ଇତି କ.ଙ.ପାଠଃ॥ 9-35-40 ଯଥାକମେଣ ତୀର୍ଥକମାପେକ୍ଷଯା ଅନୁପୂର୍ବଶଃ ଗୁଣୋତ୍ପତ୍ତ୍ଯାଦିକ୍ରମାପେକ୍ଷଯା॥ 9-35-43 ପ୍ରଭାସଃ ପ୍ରଭାସତ୍ବମ୍॥ 9-35-35 ପଞ୍ଚତ୍ରିଂଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 036
॥ ଶ୍ରୀଃ ॥
9.36. ଅଧ୍ଯାଯଃ 036
Mahabharata - Shalya Parva - Chapter Topics
ଚନ୍ଦ୍ରେ ସ୍ବଭାର୍ଯାସ୍ବଶ୍ବିନ୍ଯାଦିଦଂକ୍ଷପୁତ୍ରୀଷୁ ଇତରୋପେକ୍ଷଣେନ ରୋହିଣ୍ଯାମେବାସକ୍ତେ ଦକ୍ଷେଣ ରୋଷାଚ୍ଚନ୍ଦ୍ରେ ଯକ୍ଷ୍ମପ୍ରକ୍ଷେପଃ॥ 1 ॥ ଦେବୈ ପ୍ରସାଦିତଦକ୍ଷବଚନାଚ୍ଚନ୍ଦ୍ରେଣ ପ୍ରଭାସତୀର୍ଥନିମଜ୍ଜନେନ କ୍ଷଯରୋଗପରିହରଣମ୍॥ 2 ॥ ବଲଭଦ୍ରେଣ ତତ୍ତୀର୍ଥେ ମଜ୍ଜନାଦି॥ 3 ॥Mahabharata - Shalya Parva - Chapter Text
9-36-0 (62243)
ଜନମେଜଯ ଉବାଚ। 9-36-0x (5167)
କିମର୍ଥଂ ଭଗବାନ୍ସୋମୋ ଯକ୍ଷ୍ମଣା ସମଗୃହ୍ଯତ।
କଥଂ ଚ ତୀର୍ଥପ୍ରବରେ ତସ୍ମିଂଶ୍ଚନ୍ଦ୍ରୋ ନ୍ଯମଜ୍ଜତ॥ 9-36-1 (62244)
କଥମାପ୍ଲୁତ୍ଯ ତସ୍ମିଂସ୍ତୁ ପୁନରାପ୍ଯାଯିତଃ ଶଶୀ।
ଏତନ୍ମେ ସର୍ବମାଚକ୍ଷ୍ବ ବିସ୍ତରେଣ ମହାମୁନେ॥ 9-36-2 (62245)
ବୈଶମ୍ପାଯନ ଉବାଚ। 9-36-3x (5168)
ଦକ୍ଷସ୍ଯ ତନଯାସ୍ତାତ ପ୍ରାଦୁରାସନ୍ବିଶାମ୍ପତେ।
ସ ସପ୍ତବିଂଶତିଂ କନ୍ଯା ଦକ୍ଷ ସୋମାଯ ବୈ ଦଦୌ॥ 9-36-3 (62246)
ନକ୍ଷତ୍ରଯୋଗନିରତାଃ ସଙ୍ଖ୍ଯାନାର୍ଥଂ ଚ ତାଭବନ୍।
ପତ୍ନ୍ଯୋ ବୈ ତସ୍ଯ ରାଜେନ୍ଦ୍ର ସୋମସ୍ଯ ଶୁଭକର୍ମଣଃ॥ 9-36-4 (62247)
ତାସ୍ତୁ ସର୍ବା ବିଶାଲାକ୍ଷ୍ଯୋ ରୂପେଣାପ୍ରତିମାଽଭବନ୍।
ଅତ୍ଯରିଚ୍ଯତ ତାସାଂ ତୁ ରୋହିଣୀ ରୁପସମ୍ପଦା॥ 9-36-5 (62248)
ତତସ୍ତସ୍ଯାଂ ସ ଭଗବାନ୍ପ୍ରୀତିଂ ଚକ୍ରେ ନିଶାକରଃ।
ସାଽସ୍ଯ ହୃଦ୍ଯା ବଭୂବାଥ ତସ୍ମାତ୍ତାଂ ବୁଭୁଜେ ସଦା॥ 9-36-6 (62249)
ତତସ୍ତାଃ କୁପିତାଃ ସର୍ବା ନକ୍ଷତ୍ରାଖ୍ଯା ମହାତ୍ମନଃ।
ତା ଗତ୍ବା ପିତରଂ ପ୍ରାହୁଃ ପ୍ରଜାପତିମତନ୍ଦ୍ରିତାଃ॥ 9-36-7 (62250)
ସୋମୋ ବସତି ନାସ୍ମାସୁ ରୋହିଣୀଂ ଭଜତେ ସଦା।
ତା ବଯଂ ସହିତାଃ ସର୍ବାସ୍ତ୍ବତ୍ସକାଶେ ପ୍ରଜେଶ୍ବର।
ବତ୍ସ୍ଯାମୋ ନିଯତାହାରାସ୍ତପଶ୍ଚରଣତତ୍ପରାଃ॥ 9-36-8 (62251)
ଶ୍ରୁତ୍ବା ତାସାଂ ତୁ ବଚନଂ ଦକ୍ଷଃ ସୋମମଥାବ୍ରବୀତ୍।
ସମଂ ବର୍ତସ୍ବ ସର୍ବାସୁ ମା ତ୍ବାଽଧର୍ମୋ ମହାନ୍ସ୍ପୃଶେତ୍॥ 9-36-9 (62252)
ତାସ୍ତୁ ସର୍ବାଽବ୍ରବୀଦ୍ଦକ୍ଷୋ ଗଚ୍ଛଧ୍ବଂ ଶଶିନୋନ୍ତିକମ୍।
ସମଂ ବତ୍ସ୍ଯତି ସର୍ବାସୁ ଚନ୍ଦ୍ରମା ମମ ଶାସନାତ୍॥ 9-36-10 (62253)
ବିସୃଷ୍ଟାସ୍ତାସ୍ତଥା ଜଗ୍ମୁଃ ଶୀତାଶୋର୍ଭବନଂ ଶୁଭାଃ।
ତଥାଽପି ସୋମୋ ଭଗବାନ୍ପୁନରେବ ମହୀପତେ।
ରୋହିଣ୍ଯା ସାର୍ଧମବସତ୍ପ୍ରୀଯମାଣୋ ମୁହୁର୍ମୁହୁଃ॥ 9-36-11 (62254)
ତତସ୍ତାଃ ସହିତାଃ ସର୍ବା ଭୂଯଃ ପିତରମବ୍ରୁବନ୍॥ 9-36-12 (62255)
ସୋମୋ ବସତି ନାସ୍ମାସୁ ନାକରୋଦ୍ବଚନଂ ତବ।
ତବ ଶୁଶ୍ରୂଷଣେ ଯୁକ୍ତା ବତ୍ସ୍ଯାମୋ ହି ତବାନ୍ତିକେ॥ 9-36-13 (62256)
ତାସାଂ ତଦ୍ବଚନଂ ଶ୍ରୁତ୍ବା ଦକ୍ଷଃ ସୋମମଥାବ୍ରବୀତ୍।
ସମଂ ବର୍ତସ୍ବ ସର୍ବାସୁ ମା ତ୍ବାଂ ଶପ୍ସ୍ଯେ ବିରୋଚନ॥ 9-36-14 (62257)
ଅନାଦୃତ୍ଯ ତୁ ତଦ୍ବାକ୍ଯଂ ଦକ୍ଷସ୍ଯ ଭଗବାଞ୍ଶଶୀ।
ରୋହିଣ୍ଯା ସାର୍ଧମବସତ୍ତତସ୍ତାଃ କୁପିତାଃ ପୁନଃ॥ 9-36-15 (62258)
ଗତ୍ବା ଚ ପିତରଂ ପ୍ରାହୁଃ ପ୍ରଣମ୍ଯ ଶିରସା ତଦା।
ସୋମୋ ବସତି ନାସ୍ମାସୁ ତସ୍ମାନ୍ନଃ ଶରଣଂ ଭବ॥ 9-36-16 (62259)
ରୋହିଣ୍ଯାମେବ ଭଗବାନ୍ସଦା ବସତି ଚନ୍ଦ୍ରମାଃ।
ନ ତ୍ବଦ୍ବଚୋ ଗଣଯତି ନାସ୍ମାସୁ ସ୍ନେହମିଚ୍ଛତି॥ 9-36-17 (62260)
ତସ୍ମାନ୍ନସ୍ତ୍ରାହି ସର୍ବା ବୈ ଯଥା ନଃ ସୋମ ଆବିଶେତ୍।
ତଚ୍ଛ୍ରୁତ୍ବା ଭଗବାନ୍କ୍ରୁଦ୍ଧୋ ଯକ୍ଷ୍ମାଣଂ ପୃଥିବୀପତେ॥ 9-36-18 (62261)
ସସର୍ଜ ରୋଷାତ୍ସୋମାଯ ସ ଚୋଡୁପତିମାବିଶତ୍।
ସ ଯକ୍ଷ୍ମଣାଽଭିଭୂତାତ୍ମାକ୍ଷୀଯତାହରହଃ ଶଶୀ॥ 9-36-19 (62262)
ଯତ୍ନଂ ଚାପ୍ଯକରୋଦ୍ରାଜନ୍ମୋକ୍ଷାର୍ଥଂ ତସ୍ଯ ଯକ୍ଷ୍ମଣଃ।
ଇଷ୍ଟ୍ବେଷ୍ଟିଭିର୍ମହାରାଜ ବିବିଧାଭିର୍ନିଶାକରଃ॥ 9-36-20 (62263)
ନ ଚାମୁଚ୍ଯତ ଶାପାଦ୍ବୈ କ୍ଷଯଂ ଚୈବାଧିଗଚ୍ଛତି।
କ୍ଷୀଯମାଣେ ତତଃ ସୋମେ ଓଷଧ୍ଯୋ ନ ପ୍ରଜଜ୍ଞିରେ॥ 9-36-21 (62264)
ନିରାସ୍ବାଦରସାଃ ସର୍ବା ହତବୀର୍ଯାଶ୍ଚ ସର୍ବଶଃ।
ଓଷଧୀନାଂ କ୍ଷଯେ ଜାତେ ପ୍ରାଣିନାମପି ସଙ୍କ୍ଷଯଃ॥ 9-36-22 (62265)
କୃଶାଶ୍ଚାସନ୍ପ୍ରଜାଃ ସର୍ବାଃ କ୍ଷୀଯମାଣେ ନିଶାକରେ।
ତତୋ ଦେବାଃ ସମାଗମ୍ଯ ସୋମମୂଚୁର୍ମହୀପତେ॥ 9-36-23 (62266)
କିମିଦଂ ଭବତୋ ରୂପମୀଦୃଶଂ ସମ୍ପ୍ରକାଶତେ।
କାରଣଂ ବ୍ରୂହି ନଃ ସର୍ବଂ ଯେନେଦଂ ତେ ମହଦ୍ଭଯମ୍॥ 9-36-24 (62267)
ଶ୍ରୁତ୍ବା ତୁ କାରଣଂ ତ୍ବତ୍ତୋ ବିଧାସ୍ଯାମସ୍ତତୋ ବଯମ୍।
ଏବମୁକ୍ତଃ ପ୍ରତ୍ଯୁବାଚ ସର୍ବାଂସ୍ତାଞ୍ଶଶଲକ୍ଷଣଃ॥ 9-36-25 (62268)
ଶାପସ୍ଯ କାରମଂ ଚୈବ ଯକ୍ଷ୍ମାଣଂ ଚ ତଥାଽଽତ୍ମନଃ।
ଦେବାସ୍ତସ୍ଯ ବଚଃ ଶ୍ରୁତ୍ବା ଗତ୍ବା ଦକ୍ଷମଥାଽବ୍ରୁବନ୍॥ 9-36-26 (62269)
ପ୍ରସୀଦ ଭଗବନ୍ସୋମେ ଶାପୋଽଯଂ ବିନିବର୍ତ୍ଯତାମ୍।
ଅସୌ ହି ଚନ୍ଦ୍ରମାଃ କ୍ଷୀଣଃ କିଞ୍ଚିଚ୍ଛେଷୋ ହି ଲକ୍ଷ୍ଯତେ॥ 9-36-27 (62270)
କ୍ଷଯାଚ୍ଚୈବାସ୍ଯ ଦେବେଶ ପ୍ରଜାଶ୍ଚୈବ ଗତାଃ କ୍ଷଯମ୍।
ବୀରୁଦୋଷଧଯଶ୍ଚୈବ ବୀଜାନି ବିବିଧାନି ଚ।
ତଥା ନରା ଲୋକଗୁରୋ ପ୍ରସାଦଂ କର୍ତୁମର୍ହସି॥ 9-36-28 (62271)
ଏବମୁକ୍ତସ୍ତତୋ ଦେବାନ୍ପ୍ରାହ ବାକ୍ଯଂ ପ୍ରଜାପତିଃ।
ନୈତଚ୍ଛକ୍ଯଂ ମମ ବଚୋ ବ୍ଯାବର୍ତଯିତୁମଞ୍ଜସା॥ 9-36-29 (62272)
ହେତୁନା ତୁ ମହାଭାଗା ନିବର୍ତିଷ୍ଯତି କେନଚିତ୍।
ସମଂ ବର୍ତତୁ ସର୍ବାସୁ ଶଶୀ ଭାର୍ଯାସୁ ନିତ୍ଯଶଃ॥ 9-36-30 (62273)
ସରସ୍ବତ୍ଯା ବରେ ତୀର୍ଥେ ନିମଜ୍ଜଞ୍ଶଶଲକ୍ଷଣଃ।
ପୁନର୍ବର୍ଧିଷ୍ଯତେ ଦେବାସ୍ତଦ୍ବୈ ସତ୍ଯଂ ବଚୋ ମମ॥ 9-36-31 (62274)
ମାସାର୍ଧଂ ଚ କ୍ଷଯଂ ସୋମୋ ନିତ୍ଯମେବ ଗମିଷ୍ଯତି।
ମାସାର୍ଧଂ ତୁ ପୁନର୍ବୃଦ୍ବିଂ ସତ୍ଯମେତଦ୍ବଚୋ ମମ॥ 9-36-32 (62275)
ସମୁଦ୍ରଂ ପଶ୍ଚିମଂ ଗତ୍ବା ସରସ୍ବତ୍ଯବ୍ଧିସଙ୍ଗମମ୍।
ଆରାଧଯତୁ ଦେବେଶଂ ତତଃ କାନ୍ତିମବାପ୍ସ୍ଯତି॥ 9-36-33 (62276)
ସରସ୍ବତୀଂ ତତଃ ସୋମଃ ସ ଜଗାମର୍ଷିଶାସନାତ୍।
ପ୍ରଭାସଂ ପ୍ରଥମଂ ତୀର୍ଥଂ ସରସ୍ବତ୍ଯା ଜଗାମ ହ॥ 9-36-34 (62277)
ଅମାବାସ୍ଯାଂ ମହାତେଜାସ୍ତତ୍ରାମଜ୍ଜନ୍ମହାଦ୍ଯୁତିଃ।
ଲୋକାନ୍ପ୍ରଭାସଯାମାସ ଶୀତାଂଶୁତ୍ବମବାପ ଚ॥ 9-36-35 (62278)
ଦେବାସ୍ତୁ ସର୍ବେ ରାଜେନ୍ଦ୍ର ପ୍ରସାଦଂ ପ୍ରାପ୍ଯ ପୁଷ୍କଲମ୍।
ସୋମେନ ସହିତା ଭୂତ୍ବା ଦକ୍ଷସ୍ଯ ପ୍ରମୁଖେଽଭବନ୍॥ 9-36-36 (62279)
ତତଃ ପ୍ରଜାପତିଃ ସର୍ବା ବିସସର୍ଜାଥ ଦେବତାଃ।
ସୋମଂ ଚ ଭଗବାନ୍ପ୍ରୀତୋ ଭୂଯୋ ବଚନମବ୍ରବୀତ୍॥ 9-36-37 (62280)
ମାବମଂସ୍ଥାଃ ସ୍ତ୍ରିଯଃ ପୁତ୍ର ମା ଚ ବିପ୍ରାନ୍କଦାଚନ।
ଗଚ୍ଛ ଯୁକ୍ତଃ ସଦା ଭୂତ୍ବା କୁରୁ ବୈ ଶାସନଂ ମମ॥ 9-36-38 (62281)
ସ ବିସୃଷ୍ଟୋ ମହାରାଜ ଜଗାମାଥ ସ୍ବମାଲଯମ୍।
ପ୍ରଜାଶ୍ଚ ମୁଦିତା ଭୂତ୍ବା ଈଜିରେ ଚ ଯଥା ପୁରା॥ 9-36-39 (62282)
ଏବଂ ତେ ସର୍ବମାଖ୍ଯାତଂ ଯଥା ଶପ୍ତୋ ନିଶାକରଃ।
ପ୍ରଭାସଂ ଚ ଯଥା ତୀର୍ଥଂ ତୀର୍ଥାନାଂ ପ୍ରବରଂ ମହତ୍॥ 9-36-40 (62283)
ଅମାବାସ୍ଯାଂ ମହାରାଜ ନିତ୍ଯଶଃ ଶଶଲକ୍ଷଣଃ।
ସ୍ନାତ୍ବାହ୍ଯାପ୍ଯାଯତେ ଶ୍ରୀମାନ୍ପ୍ରଭାସେ ତୀର୍ଥଉତ୍ତମେ॥ 9-36-41 (62284)
ଅତଶ୍ଚୈତତ୍ପ୍ରଜାନନ୍ତି ପ୍ରଭାସମିତି ଭୂମିପ।
ପ୍ରଭାଂ ହି ପରମାଂ ଲେଭେ ତସ୍ମିଂଶ୍ଚାମଜ୍ଜ୍ଯ ଚନ୍ଦ୍ରମାଃ॥ 9-36-42 (62285)
`ଲୋକାନ୍ପ୍ରଭାସଯାମାସ ପୁପୋଷ ଚ ବପୁସ୍ତଥା।
ତତ୍ର ସ୍ନାତ୍ବା ହଲୀରାମୋ ଦତ୍ବା ପ୍ରୀତୋଽଥ ଦକ୍ଷିଣାଃ'॥ 9-36-43 (62286)
ତତସ୍ତୁ ଚମସୋଦ୍ଭେଦମଭୀତସ୍ତ୍ବଗମଦ୍ବଲୀ।
ଚମସୋଦ୍ଭେଦ ଇତ୍ଯେବଂ ଯଂ ଜନାଃ କଥଯନ୍ତ୍ଯୁତ॥ 9-36-44 (62287)
ତତ୍ର ଦତ୍ତ୍ବା ଚ ଦାନାନି ବିଶିଷ୍ଟାନି ହଲାଯୁଧଃ।
ଉଷିତ୍ବା ରଜନୀମେକାଂ ସ୍ନାତ୍ବା ଚ ବିଧିବତ୍ତଦା॥ 9-36-45 (62288)
ଉଦପାନମଥାଗଚ୍ଛତ୍ତ୍ବରାବାନ୍କେଶବାଗ୍ରଜଃ।
ଆଦ୍ଯଂ ସ୍ବସ୍ତ୍ଯଯନଂ ଚୈବ ତତ୍ରାବାପ୍ଯ ମହାବଲଃ॥ 9-36-46 (62289)
ସ୍ନିଗ୍ଧତ୍ବାଦୋଷଧୀନାଂ ଚ ଭୂମେଶ୍ଚ ଜନମେଜଯ।
ଜାନନ୍ତି ସିଦ୍ଧା ରାଜେନ୍ଦ୍ର ନିଗୂଢାଂ ତାଂ ସରସ୍ବତୀମ୍॥ ॥ 9-36-47 (62290)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ଅଷ୍ଟାଦଶଦିବସଯୁଦ୍ଧେ ଷଟ୍ତ୍ରିଂଶୋଽଧ୍ଯାଯଃ॥ 36 ॥
Mahabharata - Shalya Parva - Chapter Footnotes
9-36-9 ତ୍ବା ତ୍ବାଂ ଅଧର୍ମଃ ମା ସ୍ମୃଶେତ୍॥ 9-36-14 ବିରୋଚନ ହେ ବିଶେଷେଣ ରୋଚମାନ। ତ୍ବାଂ ମାଶପ୍ସ୍ଯେ। ତବ ରୋଚନାଂ ଶାପେନ ନ ହରାମି ତଥା ଯତସ୍ବେତ୍ଯର୍ଥଃ॥ 9-36-38 ଗଚ୍ଛଯତଃ ଇତି କ.ପାଠଃ॥ 9-36-36 ଷଟତ୍ରିଂଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 037
॥ ଶ୍ରୀଃ ॥
9.37. ଅଧ୍ଯାଯଃ 037
Mahabharata - Shalya Parva - Chapter Topics
ଏକତଦ୍ବିତତ୍ରିତନାମକାନାଂ ବିପ୍ରାଣାଂ କଥା॥ 1 ॥Mahabharata - Shalya Parva - Chapter Text
9-37-0 (62291)
ବୈଶମ୍ପାଯନ ଉବାଚ। 9-37-0x (5169)
ତସ୍ମାନ୍ନଦୀଗତଂ ଚାପି ହ୍ଯୁଦପାନଂ ଯଶସ୍ବିନଃ।
ତ୍ରିତସ୍ଯ ଚ ମହାରାଜ ଜଗାମାଥ ହଲାଯୁଧଃ॥ 9-37-1 (62292)
ତତ୍ର ଦତ୍ତ୍ବା ବହୁଦ୍ରବ୍ଯଂ ପୂଜଯିତ୍ବା ତଥା ଦ୍ବିଜାନ୍।
ଉପସ୍ପୃଶ୍ଯ ଚ ତତ୍ରୈବ ପ୍ରହୃଷ୍ଟୋ ମୁସଲାଯୁଧଃ॥ 9-37-2 (62293)
ତତ୍ର ଧର୍ମପରୋ ହ୍ଯାସୀତ୍ତ୍ରିତଃ ସ ସୁମହାତପାଃ।
କୂପେ ଚ ବସତା ତେନ ସୋମଃ ପୀତୋ ମହାତ୍ମନା॥ 9-37-3 (62294)
ତତ୍ର ଚୈନଂ ସମୁତ୍ସୃଜ୍ଯ ଭ୍ରାତରୌ ଜଗ୍ମତୁର୍ଗୃହାନ୍।
ତତସ୍ତୌ ବୈ ଶଶାପାଥ ତ୍ରିତୋ ବ୍ରାହ୍ମଣସତ୍ତମଃ॥ 9-37-4 (62295)
ଜନମେଜଯ ଉବାଚ। 9-37-5x (5170)
ଉଦପାନଂ କଥଂ ବ୍ରହ୍ମନ୍କଥଂ ଚ ସୁମହାତପାଃ।
ପତିତଃ କିଂ ଚ ସନ୍ତ୍ଯକ୍ତୋ ଭ୍ରାତୃଭ୍ଯାଂ ଦ୍ବିଜସତ୍ତମ॥ 9-37-5 (62296)
କୂପେ କଥଂ ଚ ହିତ୍ବୈନଂ ଭ୍ରାତରୌ ଜଗ୍ମତୁର୍ଗୃହାନ୍।
କଥଂ ଚ ଯାଜଯାମାସ ପପୌ ସୋମଂ ଚ ବୈ କଥମ୍।
ଏତଦାଚକ୍ଷ୍ବ ମେ ବ୍ରହ୍ମନ୍ଶ୍ରୋତବ୍ଯଂ ଯଦି ମନ୍ଯସେ॥ 9-37-6 (62297)
ବୈଶମ୍ପାଯନ ଉବାଚ। 9-37-7x (5171)
ଆସନ୍ପୂର୍ବଯୁଗେ ରାଜନ୍ମୁନଯୋ ଭ୍ରାତରସ୍ତ୍ରଯଃ।
ଏକତଶ୍ଚ ଦ୍ବିତଶ୍ଚୈବ ତ୍ରିତଶ୍ଚାଦିତ୍ଯସନ୍ନିଭାଃ॥ 9-37-7 (62298)
ସର୍ବେ ପ୍ରଜାପତିସମାଃ ପ୍ରଜାବନ୍ତସ୍ତଥୈବ ଚ।
ବ୍ରହ୍ମଲୋକଜିତାଃ ସର୍ବେ ତପସା ବ୍ରହ୍ମବାଦିନଃ॥ 9-37-8 (62299)
ତେଷାଂ ତୁ ତପସା ପ୍ରୀତୋ ନିଯମେନ ଦମେନ ଚ।
ଅଭବଦ୍ଗୌତମୋ ନିତ୍ଯଂ ପିତା ଧର୍ମରତଃ ସଦା॥ 9-37-9 (62300)
ସ ତୁ ଦୀର୍ଘେଣ କାଲେନ ତେଷାଂ ପ୍ରୀତିମବାପ୍ଯ ଚ।
ଜଗାମ ଭଗବାନ୍ସ୍ଥାନମନୁରୂପମିବାତ୍ମନଃ॥ 9-37-10 (62301)
ରାଜାନସ୍ତସ୍ଯ ଯେ ହ୍ଯାସନ୍ଯାଜ୍ଯା ରାଜନ୍ମହାତ୍ମନଃ।
ତେ ସର୍ବେ ସ୍ବର୍ଗତେ ତସ୍ମିଂସ୍ତସ୍ଯ ପୁତ୍ରାନପୂଜଯନ୍॥ 9-37-11 (62302)
ତେଷାଂ ତୁ କର୍ମଣା ରାଜଂସ୍ତଥା ଚାଧ୍ଯଯନେନ ଚ।
ତ୍ରିତଃ ସ ଶ୍ରେଷ୍ଠତାଂ ପ୍ରାପ ଯଥୈବାସ୍ଯ ପିତା ତଥା॥ 9-37-12 (62303)
ତଥା ସର୍ବେ ମହାଭାଗା ମୁନଯଃ ପୁଣ୍ଯଲକ୍ଷଣାଃ।
ଅପୂଜଯନ୍ମହାଭାଗଂ ଯଥାସ୍ଯ ପିତରଂ ତଥା॥ 9-37-13 (62304)
କଦାଚିଦ୍ବି ତତୋ ରାଜନ୍ଭ୍ରାତରାବେକତଦ୍ବିତୌ।
ଯଜ୍ଞାର୍ଥଂ ଚକ୍ରତୁଶ୍ଚିନ୍ତାଂ ତଥା ବିତ୍ତାର୍ଥମେବ ଚ॥ 9-37-14 (62305)
ତଯୋର୍ବୁଦ୍ଧିଃ ସମଭବତ୍ତ୍ରିତଂ ଗୃହ୍ଯ ପରନ୍ତପ।
ଯାଜ୍ଯାନ୍ସର୍ବାନୁପାଦାଯ ପ୍ରତିଗୃହ୍ଯ ପଶୂଂସ୍ତତଃ।
ସୋମଂ ପାସ୍ଯାମହେ ହୃଷ୍ଟାଃ ପ୍ରାପ୍ଯ ଯଜ୍ଞଂ ମହାଫଲମ୍॥ 9-37-15 (62306)
ଚକ୍ରୁଶ୍ଚୈବଂ ତଥା ରାଜନ୍ଭ୍ରାତରସ୍ତ୍ରଯ ଏବ ଚ।
ଯଥା ତେ ତୁ ପରିକ୍ରମ୍ଯ ଯାଜ୍ଯାନ୍ସର୍ବାନ୍ପଶୂନ୍ପ୍ରତି।
ଯାଜଯିତ୍ବା ତତୋ ଯାଜ୍ଯାଁଲ୍ଲବ୍ଧ୍ବା ତୁ ସୁବହୂନ୍ପଶୂନ୍॥ 9-37-16 (62307)
ଯାଜ୍ଯେନ କର୍ମଣା ତେନ ପ୍ରତିଗୃହ୍ଯ ବିଧାନତଃ।
ପ୍ରାଚୀଂ ଦିଶଂ ମହାତ୍ମାନ ଆଜଗ୍ମୁସ୍ତେ ମହର୍ଷଯଃ॥ 9-37-17 (62308)
ତ୍ରିତସ୍ତେଷାଂ ମହାରାଜ ପୁରସ୍ତାଦ୍ଯାତି ହୃଷ୍ଟବତ୍।
ଏକତଶ୍ଚ ଦ୍ବିତଶ୍ଚୈବ ପୃଷ୍ଠତଃ କାଲଯନ୍ପଶୂନ୍॥ 9-37-18 (62309)
ତଯୋଶ୍ଚିନ୍ତା ସମଭବଦେକତସ୍ଯ ଦ୍ବିତସ୍ଯ ଚ।
କଥଂ ଚ ସ୍ଯୁରିମା ଗାବ ଆବାଭ୍ଯାଂ ହି ବିନା ତ୍ରିତମ୍॥ 9-37-19 (62310)
ତାବନ୍ଯୋନ୍ଯଂ ସମାଭାଷ୍ଯ ଏକତଶ୍ଚ ଦ୍ବିତଶ୍ଚ ହ।
ଯଦୂଚତୁର୍ମିଥଃ ପାପୌ ତନ୍ନିବୋଧ ଜନେଶ୍ବର॥ 9-37-20 (62311)
ତ୍ରିତୋ ଯଜ୍ଞେଷୁ କୁଶଲସ୍ତଥା ବେଦେଷୁ ନିଷ୍ଠିତଃ।
ତତସ୍ତ୍ରିତୋ ବହୁତରଂ ଗାବଃ ସମୁପଲପ୍ସ୍ଯତେ॥ 9-37-21 (62312)
ତଦାବାଂ ସହିତୌ ଭୂତ୍ବା ଗାଃ ପ୍ରକାଲ୍ଯ ବ୍ରଜାବହେ।
ତ୍ରିତୋଽପି ଗଚ୍ଛତାଂ କାମମାବାଭ୍ଯାଂ ବୈ ବିନାକୃତାଃ॥ 9-37-22 (62313)
ବୈଶମ୍ପାଯନ ଉବାଚ। 9-37-23x (5172)
ତେଷାମାଗଚ୍ଛତାଂ ରାତ୍ରୌ ପଥିସ୍ଥାନାଂ ବୃକୋଽଭବତ୍।
ତତ୍ର କୂପୋ ବିଦୂରେଽଭୂତ୍ସରସ୍ବତ୍ଯାସ୍ତଟେ ମହାନ୍॥ 9-37-23 (62314)
ଅଥଂ ତ୍ରିତୋ ବୃକଂ ଦୃଷ୍ଟ୍ବା ପଥି ତିଷ୍ଠନ୍ତମଗ୍ରତଃ।
ତଦ୍ଭ୍ଯାଦପସର୍ପନ୍ବୈ ତସ୍ମିନ୍କୂପେ ପପାତ ହ।
ଅଗାଧେ ସୁମହାଘୋରେ ସର୍ବଭୂତଭଯଙ୍କରେ॥ 9-37-24 (62315)
ତ୍ରିତସ୍ତତୋ ମହାରାଜ କୂପସ୍ଥୋ ମୁନିସତ୍ତମଃ।
ଆର୍ତନାଦଂ ତତଶ୍ଚକ୍ରେ ତୌ ତୁ ଶୁଶ୍ରୁବତୁର୍ମୁନୀ॥ 9-37-25 (62316)
ତ ଜ୍ଞାତ୍ବା ପତିତଂ କୂପେ ଭ୍ରାତରାବେକତଦ୍ବିତୌ।
ବୃକତ୍ରାସାଚ୍ଚ ଲୋଭାଚ୍ଚ ସମୁତ୍ସୃଜ୍ଯ ପ୍ରଜଗ୍ମତୁଃ॥ 9-37-26 (62317)
ଭ୍ରାତୃଭ୍ଯାଂ ପଶୁଲୁବ୍ଧାଭ୍ଯାମୁତ୍ସୃଷ୍ଟଃ ସ ମହାତପାଃ।
ଉଦପାନେ ତଦା ରାଜନ୍ନିର୍ଜଲେ ପାଂସୁପଂବୃତେ॥ 9-37-27 (62318)
ତ୍ରିତ ଆତ୍ମାନମାଲକ୍ଷ୍ଯ କୂପେ ବୀରୁତ୍ତୃଣାବୃତେ।
ନିମଗ୍ନଂ ଭରତଶ୍ରେଷ୍ଠ ନରକେ ଦୁଷ୍କୃତୀ ଯଥା॥ 9-37-28 (62319)
ତତୋ ହ୍ଯଚିନ୍ତଯତ୍ପ୍ରାଜ୍ଞୋ ମୃତଭୂତୋ ହ୍ଯସୋମପଃ।
ସୋମଃ କଥଂ ତୁ ପାତବ୍ଯ ଇହସ୍ଥେନ ମଯା ଭବେତ୍॥ 9-37-29 (62320)
ସ ଏବମଭିସଞ୍ଚିନ୍ତ୍ଯ ତସ୍ମିନ୍କୂପେ ମହାତପାଃ।
ଦଦର୍ଶ ବୀରୁଧଂ ତତ୍ର ଲମ୍ବମାନାଂ ଯଦୃଚ୍ଛଯା॥ 9-37-30 (62321)
ପାଂସୁଗ୍ରସ୍ତେ ତତଃ କୂପେ ନ୍ଯଖନତ୍ସଲିଲଂ ମୁନିଃ।
ଅଗ୍ନୀନ୍ସଙ୍କଲ୍ପଯାମାସ ହୋତୄନାତ୍ମାନମେବ ଚ॥ 9-37-31 (62322)
ତତସ୍ତାଂ ବୀରୁଧଂ ସୋମଂ ସଙ୍କଲ୍ପ ସୁମହାତପାଃ।
ଋଚୋ ଜଯୂଂଷି ସାମାନି ମନସା ଚିନ୍ତଯନ୍ମୁନିଃ॥ 9-37-32 (62323)
ଗ୍ରାବାଣଃ ଶର୍କରାଃ କୃତ୍ବା ପ୍ରଚକ୍ରେଽଭିଷବଂ ନୃପ।
ଆଜ୍ଯଂ ଚ ସଲିଲଂ ଚକ୍ରେ ଭାଗାଂଶ୍ଚ ତ୍ରିଦିବୌକସାମ୍॥ 9-37-33 (62324)
ସୋମସ୍ଯାଭିଷବସ୍ଯାଗ୍ରେ ପ୍ରବୃତ୍ତସ୍ତୁମୁଲୋ ଧ୍ବନିଃ।
ସ ଚାବିଶଦ୍ଦିବଂ ରାଜନ୍ସ୍ବରଶ୍ଚୈବ ତ୍ରିତସ୍ତ ବୈ॥ 9-37-34 (62325)
ସମବାପ ଚ ତଂ ଯଜ୍ଞାଂ ଯଥୋକ୍ତଂ ବ୍ରହ୍ମବାଦିଭିଃ॥ 9-37-35 (62326)
ବର୍ତମାନେ ମହାଯଜ୍ଞେ ତ୍ରିତସ୍ଯ ସୁମହାତ୍ମନଃ।
ଆବିଗ୍ନଂ ତ୍ରିଦିବଂ ସର୍ବଂ କାରମଂ ଚ ନ ବୁଧ୍ଯତେ॥ 9-37-36 (62327)
ତତଃ ସୁତୁମୁଲଂ ଶବ୍ଦଂ ଶୁଶ୍ରାବାଥ ବୃହସ୍ପତିଃ।
ଶ୍ରୁତ୍ବା ଚୈବାବ୍ରବୀତ୍ସର୍ବାନ୍ଦେବାନ୍ଦେବପୁରୋହିତଃ॥ 9-37-37 (62328)
ତ୍ରିତସ୍ଯ ବର୍ତତେ ଯଜ୍ଞସ୍ତତ୍ର ଗଚ୍ଛାମହେ ସୁରାଃ।
ସ ହି କ୍ରୁଦ୍ଧଃ ସୃଜେଦନ୍ଯାନ୍ଦେବାନପି ମହାତପାଃ॥ 9-37-38 (62329)
ତଚ୍ଛ୍ରୁତ୍ବା ବଚନଂ ତସ୍ଯ ସହିତାଃ ସର୍ବଦେବତାଃ।
ପ୍ରଯଯୁସ୍ତତ୍ର ଯତ୍ରାସ୍ତେ ତ୍ରିତଯଜ୍ଞଶ୍ଚ ବର୍ତତେ॥ 9-37-39 (62330)
ତେ ତତ୍ର ଗତ୍ବା ବିବୁଧାସ୍ତଂ କୂପଂ ଯତ୍ର ସ ତ୍ରିତଃ।
ଦଦୃଶୁସ୍ତଂ ମହାତ୍ମାନଂ ଦୀକ୍ଷିତଂ ଯଜ୍ଞକର୍ମସୁ॥ 9-37-40 (62331)
ଦୃଷ୍ଟ୍ବା ଚୈନଂ ମହାତ୍ମାନଂ ଶ୍ରିଯା ପରମଯା ଯୁତମ୍।
ଊଚୁଶ୍ଚୈନଂ ମହାଭାଗଂ ପ୍ରାପ୍ତା ଭାଗାର୍ଥିନୋ ବଯମ୍॥ 9-37-41 (62332)
ଅଥାବ୍ରବୀଦୃଷିର୍ଦେବାନ୍ପଶ୍ଯଧ୍ବଂ ମାଂ ଦିବୌକସଃ।
ଅସ୍ମିନ୍ପ୍ରତିଭଯେ କୂପେ ନିମଗ୍ନଂ ନଷ୍ଟଚେତସମ୍॥ 9-37-42 (62333)
ତତସ୍ତ୍ରିତୋ ମହାରାଜ ଭାଗାଂସ୍ତେଷାଂ ଯଥାବିଧି।
ମନ୍ତ୍ରଯୁକ୍ତାନ୍ସମଦଦାତ୍ତେନ ପ୍ରୀତାସ୍ତଦାଽଭବନ୍॥ 9-37-43 (62334)
ତତୋ ଯଥାବିଧି ପ୍ରାପ୍ତାନ୍ଭାଗାନ୍ପ୍ରାପ୍ଯ ଦିବୌକସଃ।
ପ୍ରୀତାତ୍ମାନୋ ଦଦୁସ୍ତସ୍ମୈ ବରାନ୍ଯାନ୍ମନସେଚ୍ଛତି॥ 9-37-44 (62335)
ସ ତୁ ବବ୍ରେ ଲବରଂ ଦେବାଂସ୍ତ୍ରାତୁମର୍ହଥ ମାମିତଃ।
ଯଶ୍ଚାମ୍ଭୋପସ୍ପୃଶେତ୍କୂପେ ସ ସୋମପଗତିଂ ଲଭେତ୍॥ 9-37-45 (62336)
ତତ୍ର ଚୋର୍ମିମତୀ ରାଜନ୍ନୁତ୍ପପାତ ସରସ୍ବତୀ।
ତଯୋତ୍କ୍ଷିପ୍ତସ୍ତ୍ରିତସ୍ତସ୍ଥୌ ପୂଜଯଂସ୍ତ୍ରିଦିବୌକସଃ॥ 9-37-46 (62337)
ତଥେତି ଚୋକ୍ତ୍ବା ବିବୁଧା ଜଗ୍ମୂ ରାଜନ୍ଯଥାଽଽଗତାଃ।
ତ୍ରିତଶ୍ଚାଭ୍ଯାଗମତ୍ପ୍ରୀତଃ ସ୍ବମେବ ନିଲଯଂ ତଦା॥ 9-37-47 (62338)
କ୍ରୁଦ୍ଧସ୍ତୁ ସ ସମାସାଦ୍ଯ ତାବୃଷୀ ଭ୍ରାତରୌ ତଦା।
ଉବାଚ ପରୁଷଂ ବାକ୍ଯଂ ଶଶାପ ଚ ମହାତପାଃ॥ 9-37-48 (62339)
ପଶୁଲୁବ୍ଧୌ ଯୁବାଂ ଯସ୍ମାନ୍ମାମୁତ୍ସୃଜ୍ଯ ପ୍ରଧାବିତୌ।
ତସ୍ମାଦ୍ବୃକାକୃତୀ ରୌଦ୍ରୌ ଦଂଷ୍ଟ୍ରିଣାବଭିତଶ୍ଚରୌ॥ 9-37-49 (62340)
ଭବିତାରୌ ମଯା ଶପ୍ତୌ ପାପେନାନେନ କର୍ମଣା।
ପ୍ରସବଶ୍ଚୈବ ଯୁବଯୋର୍ଗୋଲାଙ୍ଗୂଲର୍କ୍ଷବାନରାଃ॥ 9-37-50 (62341)
ଇତ୍ଯୁକ୍ତେନ ତଦା ତେନ କ୍ଷଣାଦେବ ବିଶାମ୍ପତେ।
ତଥାଭୂତାବଦୃଶ୍ଯେତାଂ ବଚନାତ୍ସତ୍ଯବାଦିନଃ॥ 9-37-51 (62342)
ତତ୍ରାପ୍ଯମିତବିକ୍ରାନ୍ତଃ ସ୍ପୃଷ୍ଟ୍ବା ତୋଯଂ ହଲାଯୁଧଃ।
ଦତ୍ତ୍ବାଚ ବିବିଧାନ୍ଦେଯାନ୍ପୂଜଯିତ୍ବା ଚ ବୈ ଦ୍ବିଜାନ୍॥ 9-37-52 (62343)
ଉଦପାନଂ ଚ ତଂ ବୀକ୍ଷ୍ଯ ପ୍ରଶସ୍ଯ ଚ ପୁନଃପୁନଃ।
ନଦୀଗତମଦୀନାତ୍ମା ପ୍ରାପ୍ତୋ ବିନଶନଂ ତଦା॥ ॥ 9-37-53 (62344)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ସପ୍ତତ୍ରିଂଶୋଽଧ୍ଯାଯଃ॥ 37 ॥
Mahabharata - Shalya Parva - Chapter Footnotes
9-37-6 ଯାଜଯାମାସ ସ୍ବାର୍ଥେ ଣିଚ୍ ଯାଗଂ କୃତବାନ୍॥ 9-37-8 ସର୍ବେ ପ୍ରଜାପତିସୁତାଃ ପ୍ରଜାପତଯ ଏବ ଚ ଇତି କ.ପାଠଃ॥ 9-37-16 ପଶୂନ୍ପ୍ରତିପଶ୍ବର୍ଥମ୍। ଦକ୍ଷିଣାର୍ଥା ଗାଃ ପ୍ରାପ୍ତୁମିତ୍ଯର୍ଥଃ॥ 9-37-18 ତ୍ରିତଶ୍ଚାକାଲଯନ୍ପଶୂନ୍ ଇତି କ.ପାଠଃ॥ 9-37-23 ପଥିସ୍ଥାନେ ବୃକୋଽଭବଦିତି କ.ଙ.ପାଠଃ॥ 9-37-45 ଯଶ୍ଚେହୋପସ୍ପୃଶେଦିତି ଝ.ପାଠଃ॥ 9-37-37 ସପ୍ତତ୍ରିଂଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 038
॥ ଶ୍ରୀଃ ॥
9.38. ଅଧ୍ଯାଯଃ 038
Mahabharata - Shalya Parva - Chapter Topics
ବଲଭଦ୍ରସ୍ଯ ସରସ୍ବତୀତୀରସ୍ଥାନାନାତୀର୍ଥଯାତ୍ରାପ୍ରକାରବର୍ଣନମ୍॥ 1 ॥ ତତ୍ତତ୍ତୀର୍ଥମହିମାନୁବର୍ଣନଂ ଚ॥ 2 ॥Mahabharata - Shalya Parva - Chapter Text
9-38-0 (62345)
ବୈଶମ୍ପାଯନ ଉବାଚ। 9-38-0x (5173)
ତତୋ ବିନଶନଂ ରାଜନ୍ନାଜଗାମ ହଲାଯୁଧଃ।
ଶୂଦ୍ରାଭୀରାନ୍ପ୍ରତି ଦ୍ବେଷାଦ୍ଯତ୍ର ନଷ୍ଟା ସରସ୍ବତୀ।
ତସ୍ମାତ୍ତାମୃଷଯୋ ନିତ୍ଯଂ ପ୍ରାହୁର୍ବିନଶନେତି ଚ॥ 9-38-1 (62346)
ତତ୍ରାପ୍ଯୁପସ୍ପୃଶ୍ଯ ବଲଃ ସରସ୍ବତ୍ଯାଂ ମହାବଲଃ।
ସୁଭୂମିକଂ ତତୋଽଗଚ୍ଛତ୍ସରସ୍ବତ୍ଯାସ୍ତଟେ ବରେ॥ 9-38-2 (62347)
ତତ୍ର ଚାପ୍ସରସଃ ଶୁଭ୍ରା ନିତ୍ଯକାଲମତନ୍ଦ୍ରିତାଃ।
କ୍ରୀଡାଭିର୍ବିମଲାଭିଶ୍ଚ କ୍ରୀଡନ୍ତି ବିମଲାନନାଃ॥ 9-38-3 (62348)
ତତ୍ର ଦେବାଃ ସଗନ୍ଧର୍ବା ମାସିମାସି ଜନେଶ୍ବର।
ଅଭିଗଚ୍ଛନ୍ତି ତତ୍ତୀର୍ଥଂ ପୁଣ୍ଯଂ ବ୍ରାହ୍ମଣସେବିତମ୍॥ 9-38-4 (62349)
ତତ୍ର ନୃତ୍ଯନ୍ତି ଗନ୍ଧର୍ବାସ୍ତଥୈବାପ୍ସରସାଂ ଗଣାଃ।
ସମେତ୍ଯ ସହିତା ରାଜନ୍ଯଥାପ୍ରାପ୍ତଂ ଯଥାସୁଖମ୍॥ 9-38-5 (62350)
ତତ୍ର ମୋଦନ୍ତି ଦେବାଶ୍ଚ ପିତରଶ୍ଚ ସବୀରୁଧଃ।
ପୁଣ୍ଯୈଃ ପୁଷ୍ପୈଃ ସଦା ଦିବ୍ଯୈଃ କୀର୍ଯମାଣାଃ ପୁନଃ ପୁନଃ॥ 9-38-6 (62351)
ଆକ୍ରୀଡଭୂମିଃ ସା ରାଜଂସ୍ତାସାମପ୍ସରସାଂ ଶୁଭା।
ସୁଭୂମିକେତି ବିଖ୍ଯାତା ସରସ୍ବତ୍ଯାସ୍ତଟେ ବରେ॥ 9-38-7 (62352)
ତତ୍ର ସ୍ନାତ୍ବା ଚ ଦତ୍ତ୍ବା ଚ ବସୁ ବିପ୍ରେଷୁ ମାଧବଃ।
ଶ୍ରୁତ୍ବା ଗୀତଂ ଚ ତଦ୍ଦିବ୍ଯଂ ବାଦିତ୍ରାଣାଂ ଚ ନିଃସ୍ବନମ୍॥ 9-38-8 (62353)
ଶଯ୍ଯାଶ୍ଚ ବିପୁଲା ଦୃଷ୍ଟ୍ବା ଦେବଗନ୍ଧର୍ବରକ୍ଷସାମ୍।
ଗନ୍ଧର୍ବାଣାଂ ତତସ୍ତୀର୍ଥମାଗଚ୍ଛଦ୍ରୋହିଣୀସୁତଃ॥ 9-38-9 (62354)
ବିଶ୍ବାବସୁମୁଖାସ୍ତତ୍ର ଗନ୍ଧର୍ବାପ୍ସରସାଂ ଗଣାଃ।
ନୃତ୍ତବାଦିତ୍ରଗୀତଂ ଚ କୁର୍ନ୍ବତି ସୁମନୋରମମ୍॥ 9-38-10 (62355)
ତତ୍ର ଦତ୍ତ୍ବା ହଲଧରୋ ବିପ୍ରେଭ୍ଯୋ ବିବିଧଂ ବସୁ।
ଅଜାବିକଂ ଗୋଖରୋଷ୍ଟ୍ରଂ ସୁବର୍ଣଂ ରଜତଂ ତଥା॥ 9-38-11 (62356)
ଭୋଜଯିତ୍ବା ଦ୍ବିଜାନ୍କାମୈଃ ସନ୍ତର୍ପ୍ଯ ଚ ମହାଧନୈଃ।
ପ୍ରଯଯୌ ସହିତୋ ବିପ୍ରୈଃ ସ୍ତୂଯମାନଶ୍ଚ ମାଧବଃ॥ 9-38-12 (62357)
ତସ୍ମାଦ୍ଗନ୍ଧର୍ବତୀର୍ଥାଚ୍ଚ ମହାବାହୁରରିନ୍ଦମଃ।
ଗର୍ଗସ୍ରୋତୋ ମହାତୀର୍ଥମାଜଗାମୈକକୁଣ୍ଡଲୀ॥ 9-38-13 (62358)
ତତ୍ର ଗର୍ଗେଣ ବୃଦ୍ଧେନ ତପସା ଭାବିତାତ୍ମନା।
କାଲଜ୍ଞାନଗତିଶ୍ଚୈବ ଜ୍ଯୋତିଷାଂ ଚ ବ୍ଯତିକ୍ରମଃ॥ 9-38-14 (62359)
ଉତ୍ପାତା ଦାରୁଣାଶ୍ଚୈକ ଶୁଭାଶ୍ଚ ଜନମେଜଯ।
ସରସ୍ବତ୍ଯାଃ ଶୁଭେ ତୀର୍ଥେ ବିଦିତା ବୈ ମହାତ୍ମନା॥ 9-38-15 (62360)
ତସ୍ଯ ନାମ୍ନା ଚ ତତ୍ତୀର୍ଥଂ ଗର୍ଗସ୍ରୋତ ଇତି ସ୍ମୃତମ୍॥ 9-38-16 (62361)
ତତ୍ର ଗର୍ଗଂ ମହାଭାଗମୃଷଯଃ ସୁବ୍ରତା ନୃପ।
ଉପାସାଞ୍ଚକ୍ରିରେ ନିତ୍ଯଂ କାଲଜ୍ଞାନଂ ପ୍ରତି ପ୍ରଭୋ॥ 9-38-17 (62362)
ତତ୍ର ଗତ୍ବା ମହାରାଜ ବଲଃ ଶ୍ବେତାନୁଲେପନଃ।
ବିଧିବଦ୍ବି ଧନଂ ଦତ୍ତ୍ବା ମୁନୀନାଂ ଭାବିତାତ୍ମନାମ୍॥ 9-38-18 (62363)
ଉଚ୍ଚାବଚାଂସ୍ତଥା ଭକ୍ଷ୍ଯାନ୍ବିପ୍ରେଭ୍ଯୋ ବିପ୍ରଦାଯ ସଃ।
ନୀଲବାସାସ୍ତଦାଽଗଚ୍ଛଚ୍ଛଙ୍ଘତୀର୍ଥଂ ମହାଯଶାଃ॥ 9-38-19 (62364)
ତତ୍ରାପଶ୍ଯନ୍ମହାଶଙ୍ଖଂ ମହାମେରୁମିବୋଚ୍ଛ୍ରିତମ୍।
ଶ୍ବେତପର୍ବତସଙ୍କାଶମୃଷିସଙ୍ଘୈର୍ନିଷେବିତମ୍।
ସରସ୍ବତ୍ଯାସ୍ତଟେ ଜାତଂ ନଗଂ ତାଲଧ୍ବଜୋ ବଲୀ॥ 9-38-20 (62365)
ଯକ୍ଷା ବିଦ୍ଯାଧରାଶ୍ଚୈବ ରାକ୍ଷସାଶ୍ଚାମିତୌଜସଃ।
ପିଶାଚାଶ୍ଚାମିତବଲା ଯତ୍ର ସିଦ୍ଧାଃ ସହସ୍ରଶଃ॥ 9-38-21 (62366)
ତେ ସର୍ବେ ହ୍ଯଶନଂ ତ୍ଯକ୍ତ୍ବା ଫଲଂ ତସ୍ଯ ବନସ୍ପତେଃ।
ବ୍ରତୈଶ୍ଚ ନିଯମୈଶ୍ଚୈବ କାଲେକାଲେ ସ୍ମ ଭୁଞ୍ଜତେ॥ 9-38-22 (62367)
ପ୍ରାପ୍ତୈଶ୍ଚ ନିଯମୈସ୍ତୈସ୍ତୈର୍ବିଚରନ୍ତଃ ପୃଥକ୍ପୃଥକ୍।
ଅଦୃଶ୍ଯମାନା ମନୁଜୈର୍ବ୍ଯଚରନ୍ପୁରୁଷର୍ଷଭ॥ 9-38-23 (62368)
ଏବଂ ଖ୍ଯାତୋ ନରବ୍ଯାଘ୍ର ଲୋକେଽସ୍ମିନ୍ସ ବନସ୍ପତିଃ।
ତତ୍ର ତୀର୍ଥଂ ସରସ୍ବତ୍ଯାଃ ପାବନଂ ଲୋକବିଶ୍ରୁତମ୍॥ 9-38-24 (62369)
ତସ୍ମିଂଶ୍ଚ ଯଦୁଶାର୍ଦୂଲୋ ଦତ୍ତ୍ବା ତୀର୍ଥେ ପଯସ୍ବିନୀଃ।
ତାମ୍ରାଯସାନି ଭାଣ୍ଡାନି ବସ୍ତ୍ରାଣି ବିବିଧାନି ଚ॥ 9-38-25 (62370)
ପୂଜଯିତ୍ବା ଦ୍ବିଜାଂଶ୍ଚୈବ ପୂଜିତଶ୍ଚ ତପୋଧନୈଃ।
ପୁଣ୍ଯଂ ନୈସର୍ଗିକଂ ରାଜନ୍ନାଜଗାମ ହଲାଯୁଧଃ॥ 9-38-26 (62371)
ତତ୍ର ଗତ୍ବା ମୁନୀନ୍ଦୃଷ୍ଟ୍ବା ନାନାବେଷଧରାନ୍ବଲଃ।
ଆପ୍ଲୁତ୍ଯ ସଲିଲେ ଚାପି ପୂଜଯାମାସ ବୈ ଦ୍ବିଜାନ୍॥ 9-38-27 (62372)
ତଥୈବ ଦତ୍ତ୍ବା ବିପ୍ରେଭ୍ଯଃ ପରିଭୋଗାନ୍ସୁପୁଷ୍କଲାନ୍।
ତତଃ ପ୍ରାଯାଦ୍ବଲୋ ରାଜନ୍ଦକ୍ଷିଣେନ ସରସ୍ବତୀମ୍॥ 9-38-28 (62373)
ଗତ୍ବା ଚୈବଂ ମହାବାହୁର୍ନାତିଦୂରେ ମହାଯଶାଃ।
ଧର୍ମାତ୍ମା ନାଗଧନ୍ବାନଂ ତୀର୍ଥମାଗମଦଚ୍ଯୁତଃ॥ 9-38-29 (62374)
ଯତ୍ର ପନ୍ନଗରାଜସ୍ଯ ବାସୁକେଃ ସନ୍ନିବେଶନମ୍।
ମହାଦ୍ଯୁତେର୍ମହାରାଜ ବହୁଭିଃ ପନ୍ନଗୈର୍ବୃତମ୍॥ 9-38-30 (62375)
ଋଷିଣାଂ ହି ସହସ୍ରାଣି ତତ୍ର ନିତ୍ଯଂ ଚତୁର୍ଦଶ।
ଯତ୍ର ଦେବାଃ ସମାଗମ୍ଯ ବାସୁକିଂ ପନ୍ନଗୋତ୍ତମମ୍।
ସର୍ବପନ୍ନଗରାଜାନମଭ୍ଯଷିଞ୍ଚନ୍ଯଥାବିଧି॥ 9-38-31 (62376)
ପନ୍ନଗେଭ୍ଯୋ ଭଯଂ ତତ୍ର ବିଦ୍ଯତେ ନ ସ୍ମ ପୌରବ॥ 9-38-32 (62377)
ତତ୍ରାପି ବିଧିବଦ୍ଦତ୍ବା ବିପ୍ରେଭ୍ଯୋ ରତ୍ନସଞ୍ଚଯାନ୍।
ପ୍ରାଯାତ୍ପ୍ରାଚୀଂ ଦିଶଂ ରାଜଂସ୍ତତ୍ର ତୀର୍ଥାନ୍ଯନେକଶଃ॥ 9-38-33 (62378)
ସହସ୍ରଶତସଙ୍ଖ୍ଯାନି ପ୍ରଥିତାନି ପଦେପଦେ।
ଆପ୍ଲୁତ୍ଯ ତତ୍ର ତୀର୍ଥେଷୁ ଯଥୋକ୍ତଂ ତତ୍ର ଚର୍ଷିଭିଃ॥ 9-38-34 (62379)
ଦତ୍ତ୍ବା ବସୁ ଦ୍ବିଜାଗ୍ର୍ଯେଭ୍ଯୋ ନିର୍ଜଗାମ ମହାବଲଃ।
ତତ୍ରସ୍ଥାନୃଷିସଙ୍ଘାଂସ୍ତାନଭିବାଦ୍ଯ ହଲାଯୁଧଃ॥ 9-38-35 (62380)
ତତୋ ରାମୋଽଗମତ୍ତୀର୍ଥମୃଷିଭିଃ ସେକ୍ତିଂ ମହତ୍।
ଯତ୍ର ଭୂଯୋ ନିବବୃତେ ପ୍ରାଙ୍ମୁଖା ବୈ ସରସ୍ବତୀ॥ 9-38-36 (62381)
ଋଷୀଣାଂ ନୈମିଷେଯାଣାବମେକ୍ଷାର୍ଥଂ ମହାତ୍ମନାମ୍।
ନିବୃତ୍ତାଂ ତାଂ ସରିଚ୍ଛ୍ରେଷ୍ଠାଂ ତତ୍ର ଦୃଷ୍ଟ୍ବା ତୁ ଲାଙ୍ଗଲୀ।
ବଭୂବ ବିସ୍ମିତୋ ରାଜନ୍ବଲଃ ଶ୍ବେତାନୁଲେପନଃ॥ 9-38-37 (62382)
ଜନମେଜଯ ଉବାଚ। 9-38-38x (5174)
କସ୍ମାତ୍ସରସ୍ବତୀ ବ୍ରହ୍ମନ୍ନିବୃତ୍ତା କପ୍ରାଙ୍ମୁଖୀ ଭବତ୍।
ବ୍ଯାଖ୍ଯାତମେତଦିଚ୍ଛାମି ସର୍ବମଧ୍ବର୍ଯୁସତ୍ତମ॥ 9-38-38 (62383)
କସ୍ମିଂଶ୍ଚିତ୍କାରଣେ ତତ୍ର ବିସ୍ମିତୋ ଯଦୁନନ୍ଦନଃ।
ନିବୃତ୍ତା ହେତୁନା କେନ କଥମେବ ସରିଦ୍ବରା॥ 9-38-39 (62384)
ବୈଶମ୍ପାଯନ ଉବାଚ। 9-38-40x (5175)
ପୂର୍ବଂ କୃତଯୁଗେ ରାଜନ୍ନୈମିଷେଯାସ୍ତପସ୍ବିନଃ।
ବର୍ତମାନେ ସୁବିପୁଲେ ସତ୍ରେ ଦ୍ବାଦଶବାର୍ଷିକେ॥ 9-38-40 (62385)
ଋଷଯୋ ବହବୋ ରାଜଂସ୍ତତ୍ସତ୍ରମଭିପେଦିରେ।
ଉଷିତ୍ବା ଚ ମହାଭାଗାସ୍ତସ୍ମିନ୍ସତ୍ରେ ଯଥାବିଧି॥ 9-38-41 (62386)
ନିବୃତ୍ତେ ନୈମିଷେ ଯେ ବୈ ସତ୍ରେ ଦ୍ବାଦଶବାର୍ଷିକେ।
ଆଜଗ୍ମୁର୍ଋଷଯସ୍ତତ୍ର ବହବସ୍ତୀର୍ଥକାରଣାତ୍॥ 9-38-42 (62387)
ଋଷୀଣାଂ ବହୁଲତ୍ବାତ୍ତୁ ସରସ୍ବତ୍ଯା ବିଶାମ୍ପତେ।
ତୀର୍ଥାନି ନଗରାଯନ୍ତେ କୂଲେ ବୈ ଦକ୍ଷିଣୋତ୍ତରେ॥ 9-38-43 (62388)
ସମନ୍ତପଞ୍ଚକଂ ଯାବତ୍ତାବତ୍ତେ ଦ୍ବିଜସତ୍ତମାଃ।
ତୀର୍ଥଲୋଭାନ୍ନରବ୍ଯାଘ୍ର ନଦ୍ଯାସ୍ତୀରଂ ସମାଶ୍ରିତାଃ॥ 9-38-44 (62389)
ଜୁହ୍ବତାଂ ତତ୍ର ତେଷାଂ ତୁ ମୁନୀନାଂ ଭାବିତାତ୍ମନାମ୍।
ସ୍ବାଧ୍ଯାଯେନାତିମହତା ବଭୂବୁଃ ପୂରିତା ଦିଶଃ॥ 9-38-45 (62390)
ଅଗ୍ନିହୋତ୍ରୈସ୍ତତସ୍ତେଷାଂ ହୂଯମାନୈର୍ମହାତ୍ମନାମ୍।
ଅଶୋଭତ ସରିଚ୍ଛ୍ରେଷ୍ଠା ଦୀପ୍ଯମାନୈଃ ସମନ୍ତତଃ॥ 9-38-46 (62391)
ବାଲଖିଲ୍ଯା ମହାରାଜ ଅଶ୍ମକୁଟ୍ଟାଶ୍ଚ ତାପସାଃ।
ଦନ୍ତୋଲୂଖଲିନଶ୍ଚାନ୍ଯେ ସମ୍ପ୍ରକ୍ଷାଲାସ୍ତଥା ପରେ॥ 9-38-47 (62392)
ବାଯୁଭକ୍ଷା ଜଲାହାରାଃ ପର୍ଣଭକ୍ଷାଶ୍ଚ ତାପସାଃ।
ନାନାନିଯମଯୁକ୍ତାଶ୍ଚ ତଥା ସ୍ଥଣ୍ଡିଲଶାଯିନଃ॥ 9-38-48 (62393)
ଆସନ୍ବୈ ମୁନଯସ୍ତବତ୍ର ସରସ୍ବତ୍ଯାଃ ସମୀପତଃ।
ଶୋଭଯନ୍ତଃ ସରିଚ୍ଛ୍ରେଷ୍ଠାଂ ଗଙ୍ଗାମିବ ଦିବୌକସଃ॥ 9-38-49 (62394)
ଶତଶଶ୍ଚ ସମାପେତୁର୍ଋଷଯଃ ସତ୍ରଯାଜିନଃ।
ତେଽବକାଶଂ ନ ଦଦୃଶୁଃ ସରସ୍ବତ୍ଯା ମହାବ୍ରତାଃ।
ତେଽବକାଶଂ ଚ ଦଦୃଶୁଃ କୁରୁକ୍ଷେତ୍ରଂ (ତ୍ରେ) ମହାବ୍ରତାଃ॥ 9-38-50 (62395)
ତତୋ ଯଜ୍ଞୋପବୀତୈଃ ସ୍ବୈସ୍ତତ୍ର କୃତ୍ବା ସରସ୍ବତୀମ୍।
ଜୁହୁବୁଶ୍ଚାଗ୍ନିହୋତ୍ରାଂଶ୍ଚ ଚକ୍ରୁଶ୍ଚ ବିବିଧାଃ କ୍ରିଯାଃ॥ 9-38-51 (62396)
ତତସ୍ତମୃପିସଙ୍ଘାତଂ ନିରାଶଂ ଚିନ୍ତଯାନ୍ବିତମ୍।
ଦର୍ଶଯାମାସ ରାଜେନ୍ଦ୍ର ତେଷାମର୍ଥେ ସରସ୍ବତୀ॥ 9-38-52 (62397)
ତତଃ କୁଞ୍ଜାନ୍ବହୂନ୍କୃତ୍ବା ସନ୍ନିବୃତ୍ତା ସରସ୍ବତୀ।
ଋଷୀଣାଂ ପୁଣ୍ଯତପସାଂ କାରୁଣ୍ଯାଜ୍ଜନମେଜଯ॥ 9-38-53 (62398)
ତତୋ ନିବୃତ୍ତ୍ଯ ରାଜେନ୍ଦ୍ର ତେଷାମର୍ଥେ ସରସ୍ବତୀ।
ଭୂଯଃ ପ୍ରତୀଚ୍ଯଭିମୁଖୀ ପ୍ରସୁସ୍ରାବ ସରିଦ୍ବରା॥ 9-38-54 (62399)
ଅମୋଘା ଗମନଂ କୃତ୍ବା ତେଷାଂ ଭୂଯୋ ଜଗାମ ହ।
ଅତ୍ଯଦ୍ଭୁତଂ ମହଚ୍ଚକ୍ରେ ତଦା ରାଜନ୍ମହାନଦୀ॥ 9-38-55 (62400)
ଏବଂ ସ କୁଞ୍ଜୋ ରାଜନ୍ବୈ ନୈମିଷୀଯ ଇତି ସ୍ମୃତଃ।
କୁରୁଶ୍ରେଷ୍ଠ କୁରୁକ୍ଷେତ୍ରେ କୁରୁଷ୍ବ ମହତୀଂ କ୍ରିଯାମ୍॥ 9-38-56 (62401)
ତତ୍ର କୁଞ୍ଜାନ୍ବହୂନ୍ଦୃଷ୍ଟ୍ବା ନିବୃତ୍ତାଂ ଚ ସରସ୍ବତୀମ୍।
ବଭୂବ ବିସ୍ମଯସ୍ତତ୍ର ରାମସ୍ଯାଥ ମହାତ୍ମନଃ॥ 9-38-57 (62402)
ଉପସ୍ପୃଶ୍ଯ ତୁ ତତ୍ରାପି ବିଧିବଦ୍ଯଦୁନନ୍ଦନଃ।
ଦତ୍ତ୍ବା ଦେଯାନ୍ଦ୍ବିଜାତିଭ୍ଯୋ ଭାଣ୍ଡାନି ବିବିଧାନି ଚ॥ 9-38-58 (62403)
ଭକ୍ଷ୍ଯଂ ଭୋଜ୍ଯଂ କଚ ବିବିଧଂ ବ୍ରାହ୍ମଣେଭ୍ଯଃ ପ୍ରଦାଯ ଚ।
ତତଃ ପ୍ରାଯାଦ୍ବଲୋ ରାଜନ୍ପୂଜ୍ଯମାନୋ ଦ୍ବିଜାତିଭିଃ॥ 9-38-59 (62404)
ସରସ୍ବତୀତୀର୍ଥବରଂ ନାନାଦ୍ବିଜଗଣାଯୁତମ୍।
ବଦରେଙ୍ଗୁଦଶ୍ଯାମାକାପ୍ଲୁକ୍ଷାଶ୍ବତ୍ଥବିଭୀତକୈଃ॥ 9-38-60 (62405)
କଙ୍କୋଲୈଶ୍ଚ ପଲାଶ୍ଚୈଶ୍ଚ କରୀରୈଃ ପୀଲୁଭିସ୍ତଥା।
ସରସ୍ବତୀତୀର୍ଥରୁହୈସ୍ତରୁଭିର୍ବିବିଧୈସ୍ତଥା॥ 9-38-61 (62406)
କରୁଷକବରୈଶ୍ଚୈବ ବିଲ୍ବୈରାମ୍ରାତକୈସ୍ତଥା।
ଅତିମୁକ୍ତକଷଣ୍ଡୈଶ୍ଚ ପାରିଜାତୈଶ୍ଚ ଶୋଭିତମ୍॥ 9-38-62 (62407)
କଦଲୀବନଭୂଯିଷ୍ଠଂ ଦୃଷ୍ଟିକାନ୍ତଂ ମନୋହରମ୍।
ବାଯ୍ବମ୍ବୁଫଲପର୍ଣାଦୈର୍ଦନ୍ତୋଲୂଖଲିକୈରପି॥ 9-38-63 (62408)
ତଥାଽଶ୍ମକୁଟ୍ଟୈର୍ବାତେଯୈର୍ମୁନିଭିର୍ବହୁଭିର୍ବୃତମ୍।
ସ୍ବାଧ୍ଯାଯଘୋଷସଙ୍ଘୁଷ୍ଟଂ ମୃଗଯୂଥଶତାକୁଲମ୍॥ 9-38-64 (62409)
ଅହିଂସ୍ରୈର୍ଧର୍ମପରମୈର୍ନୃଭିରତ୍ଯର୍ଥରୋବିତମ୍।
ସପ୍ତସାରସ୍ବତଂ ତୀର୍ଥମାଜଗାମ ହଲାଯୁଧଃ।
ଯତ୍ର ମଙ୍କଣକଃ ସିଦ୍ଧସ୍ତପସ୍ତେପେ ମହାମୁନିଃ॥ ॥ 9-38-65 (62410)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ଅଷ୍ଟବିଂଶୋଽଧ୍ଯାଯଃ॥ 38 ॥
Mahabharata - Shalya Parva - Chapter Footnotes
9-38-1 ଶୂଦ୍ରାଭୀରାନ୍ଦ୍ବିଷ୍ଟମାନା---ଇତି କ.ପାଠଃ॥ 9-38-3 ଶୁଭ୍ରାଃ ଶୁଚଯଃ॥ 9-38-9 ଛାଯାଶ୍ଚ ବିପୁଲା ଇତି ଙ.ପାଠଃ॥ 9-38-10 ଗନ୍ଧର୍ବାପ୍ସରସାନ୍ବିଂତାଃ ଇତି ଙ.ପାଠଃ॥ 9-38-17 କାଲଜ୍ଞାନାର୍ଥମ୍॥ 9-38-20 ଶଙ୍ଖଂ ଶଙ୍ଖନାମାନମ୍। ନଗଂ ବୃକ୍ଷମ୍॥ 9-38-26 ପୁଣ୍ଯଂ ଦ୍ରୈତବନଂ ଇତି ଝ.ପାଠଃ॥ 9-38-37 ଅବେକ୍ଷାର୍ଯମିଷ୍ଟସିଦ୍ଧ୍ଯର୍ଥମ୍॥ 9-38-38 ଇଚ୍ଛାମି ଶ୍ରୋତୁମିତି ଶେଷଃ॥ 9-38-51 ଯଜ୍ଞୋପବୀତୈଃ ଯଜ୍ଞସୂତ୍ରୈଃ ନିରାଶଂ ସରସ୍ବତୀଜଲଲାଭେ ଇତ୍ଯର୍ଥଃ॥ 9-38-53 କୁଜ୍ଜାନ୍ ଆତ୍ମନୋ ବାସସ୍ଥାନାନି ତିର୍ଥବିଶେଷାନିତ୍ଯର୍ଥଃ॥ 9-38-38 ଅଷ୍ଟତ୍ରିଂଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 039
॥ ଶ୍ରୀଃ ॥
9.39. ଅଧ୍ଯାଯଃ 039
Mahabharata - Shalya Parva - Chapter Topics
ସରସ୍ବତ୍ଯାଃ ସପ୍ତଧାବିଭାଗେ କାରଣାଭିଧାନମ୍॥ 1 ॥ ସପ୍ତଭାଗାନାଂ କସ୍ମିଂଶ୍ଚିତ୍ତୀର୍ଥେ ଏକୀଭବନାତ୍ତତ୍ତୀର୍ଥସ୍ଯ ସପ୍ତସାରସ୍ବତନାମପ୍ରାପ୍ତିଃ॥ 2 ॥ ମଙ୍କଣମୁନିଚରିତପ୍ରତିପାଦନମ୍॥ 3 ॥Mahabharata - Shalya Parva - Chapter Text
9-39-0 (62411)
ଜନମେଜଯ ଉବାଚ। 9-39-0x (5176)
ସପ୍ତସାରସ୍ବତଂ କସ୍ମାତ୍କଶ୍ଚ ମଙ୍କଣକୋ ମୁନିଃ।
କଥଂ ସିଦ୍ଧଃ ସ ଭଗବାନ୍କଶ୍ଚାସ୍ଯ ନିଯମୋଽଭବତ୍॥ 9-39-1 (62412)
କସ୍ଯ ବଂଶେ ସମୁତ୍ପନ୍ନଃ କିଂ ଚାଧୀତଂ ଦ୍ବିଜୋତ୍ତମ।
ଏତନ୍ମେ ସର୍ବମାଚକ୍ଷ୍ବ ଯଥାତତ୍ତ୍ବଂ ମହାମୁନେ॥ 9-39-2 (62413)
ବୈଶମ୍ପାଯନ ଉବାଚ। 9-39-3x (5177)
ସପ୍ତନଦ୍ଯଃ ସରସ୍ବତ୍ଯା ଯାଭିର୍ବ୍ଯାପ୍ତମିଦଂ ଜଗତ୍।
ଆହୂତା ବଲବଦ୍ଭିର୍ହି ତତ୍ରତତ୍ର ସରସ୍ବତୀ॥ 9-39-3 (62414)
ସୁପ୍ରଭା କାଞ୍ଚନାକ୍ଷୀ ଚ ବିଶାଲା ଚ ମନୋରମା।
ସରସ୍ବତୀ ଚୌଘବତୀ ସୁରେଣୁର୍ବିମଲୋଦକା॥ 9-39-4 (62415)
ପିତାମହସ୍ଯ ମହତୋ ବର୍ତମାନେ ମହାମଖେ।
ବିତତେ ଯଜ୍ଞବାଟେ ଚ ସଂସିଦ୍ଧେଷୁ ଦ୍ବିଜାତିଷୁ॥ 9-39-5 (62416)
ପୁଣ୍ଯାହଘୋଷୈର୍ବିମଲୈର୍ବେଦାନାଂ ନିନଦୈସ୍ତଥା।
ଦେବେଷୁ ଚୈବ ବ୍ଯଗ୍ରେଷୁ ତସ୍ମିନ୍ଯଜ୍ଞବିଧୌ ତଦା॥ 9-39-6 (62417)
ତତ୍ର ଚୈବ ମହାରାଜ ଦୀକ୍ଷିତେ ପ୍ରପିତାମହେ।
ଯଜତସ୍ତସ୍ଯ ସତ୍ରେଣ ସର୍ବକାମସମୃଦ୍ବିନା॥ 9-39-7 (62418)
ମନସା ଚିନ୍ତିତା ହ୍ଯର୍ଥା ଧର୍ମାର୍ଥକୁଶଲୈସ୍ତଦା।
ଉପତିଷ୍ଠନ୍ତି ରାଜେନ୍ଦ୍ର ଦ୍ବିଜାତୀଂସ୍ତତ୍ରତତ୍ର ହ॥ 9-39-8 (62419)
ଜଗୁଶ୍ଚ ତତ୍ର ଗନ୍ଧର୍ବା ନନୃତୁଶ୍ଚାପ୍ସରୋଗଣାଃ।
ବାଦିତ୍ରାଣି ଚ ଦିବ୍ଯାନି ବାଦଯାମାସୁରଞ୍ଜସା॥ 9-39-9 (62420)
ତସ୍ଯ ଯଜ୍ଞସ୍ଯ ସମ୍ପତ୍ତ୍ଯା ତୁତୁଷୁର୍ଦେବତାଗଣାଃ।
ବିସ୍ମଯଂ ପରମଂ ଜଗ୍ମୁଃ କିମୁ ମାନୁଷଯୋନଯଃ॥ 9-39-10 (62421)
ବର୍ତମାନେ ଯଥା ଯଜ୍ଞେ ପୁଷ୍କରସ୍ଥେ ପିତାମହେ।
ଅବ୍ରୁବନ୍ନୃଷଯୋ ରାଜନ୍ନାଯଂ ଯଜ୍ଞୋ ମହାଗୁଣଃ॥ 9-39-11 (62422)
ନ ଦୃଶ୍ଯତେ ସରିଚ୍ଛ୍ରେଷ୍ଠା ଯସ୍ମାଦିହ ସରସ୍ବତୀ।
ତଚ୍ଛ୍ରୁତ୍ବା ଭଗବାନ୍ପ୍ରୀତଃ ସସ୍ମାରାଥ ସରସ୍ବତୀମ୍॥ 9-39-12 (62423)
ପିତାମହେନ ଯଜତା ଆହୂତା ପୁଷ୍କରେଷୁ ବୈ।
ସୁପ୍ରଭା ନାମ ରାଜେନ୍ଦ୍ର ନାମ୍ନା ତତ୍ର ସରସ୍ବତୀ॥ 9-39-13 (62424)
ତାଂ ଦୃଷ୍ଟ୍ବା ମୁନଯସ୍ତୁଷ୍ଟାସ୍ତ୍ବରାଯୁକ୍ତାଂ ସରସ୍ବତୀମ୍।
ପିତାମହଂ ମାନଯନ୍ତୀଂ କ୍ରତୁଂ ତେ ବହୁମେନିରେ॥ 9-39-14 (62425)
ଏବମେଷା ସରିଚ୍ଛ୍ରେଷ୍ଠା ପୁଷ୍କରେଷୁ ସରସ୍ବତୀ।
ପିତାମହାର୍ଥଂ ସମ୍ଭୂତା ତୁଷ୍ଟ୍ଯର୍ଥଂ ଚ ମନୀଷିଣାମ୍॥ 9-39-15 (62426)
ନୈମିଷେ ମୁନଯୋ ରାଜନ୍ସମାଗମ୍ଯ ସମାସତେ।
ତତ୍ର ଚିତ୍ରାଃ କଥା ହ୍ଯାସନ୍ବେଦଂ ପ୍ରତି ଜନେଶ୍ବର॥ 9-39-16 (62427)
ଯତ୍ର ତେ ମୁନଯୋ ହ୍ଯାସନ୍ନାନାସ୍ବାଧ୍ଯାଯବେଦିନଃ।
ତେ ସମାଗମ୍ଯ ମୁନଯଃ ସସ୍ମାରୁର୍ବୈ ସରସ୍ବତୀମ୍॥ 9-39-17 (62428)
ସା ତୁ ଧ୍ଯାତା ମହାରାଜ ମୁନିଭିଃ ସତ୍ରଯାଜିଭିଃ।
ସମାଗତାନାଂ ରାଜେନ୍ଦ୍ର ସାହାଯ୍ଯାର୍ଥଂ ମହାତ୍ମନାମ୍।
ଆଜଗାମ ମହାଭାଗା ତତ୍ର ପୁଣ୍ଯା ସରସ୍ବତୀ॥ 9-39-18 (62429)
ନୈମିଷେ କାଞ୍ଚନାକ୍ଷୀ ତୁ ମୁନୀନାଂ ସତ୍ରାଯାଜିxxxମ୍।
ଆଗତା ସରିତାଂ ଶ୍ରେଷ୍ଠା ତତ୍ର ଭାରତ ପୂଜିତ॥ 9-39-19 (62430)
ଗଯସ୍ଯ ଯଜମାନସ୍ଯ ଗଯେଷ୍ବେବ ମହାକ୍ରତୁମ୍।
ଆହୂତା ସରିତାଂ ଶ୍ରେଷ୍ଠା ଗଯଯଜ୍ଞେ ସରସ୍ବତୀ॥ 9-39-20 (62431)
ଗଯସ୍ଯ ଯଜମାନସ୍ଯ ଗଯେଷ୍ବେବ ମହାକ୍ରତୁମ୍।
ବିଶାଲାଂ ତୁ ଗଯସ୍ଯାହୁର୍ଋଷଯଃ ସଂଶିତବ୍ରତା॥ 9-39-21 (62432)
ସରିତ୍ସା ହିମବତ୍ପାର୍ଶ୍ବାତ୍ପ୍ରସ୍ରୁତା ଶୀଘ୍ରଗାମିନୀ।
ଔଦ୍ଦାଲକେସ୍ତଥା ଯଜ୍ଞେ ଯଜତସ୍ତସ୍ଯ ଭାରତ॥ 9-39-22 (62433)
ସମେତେ ସର୍ବତଃ ସ୍ଫୀତେ ମୁନୀନାଂ ମଣ୍ଡଲେ ତଦା।
ଉତ୍ତରେ କୋସଲାଭାଗେ ପୁଣ୍ଯେ ରାଜନ୍ମହାତ୍ମନଃ॥ 9-39-23 (62434)
ଔଦ୍ଦାଲକେନ ଯଜତା ପୂର୍ବଂ ଧ୍ଯାତା ସରସ୍ବତୀ।
ଆଜଗାମ ସରିଚ୍ଛେଷ୍ଠା ତଂ ଦେଶଂ ମୁନିକାରଣାତ୍॥ 9-39-24 (62435)
ପୂଜ୍ଯମାନା ମୁନିଗଣୈର୍ବଲ୍କଲାଜିନସଂବୃତୈଃ।
ମନୋହରେତି ବିଖ୍ଯାତା ସା ହି ତୈର୍ମନସା ବୃତା॥ 9-39-25 (62436)
[ସୁରଣୁଋଷଭେ ଦ୍ବୀପେ ପୁଣ୍ଯେ ରାଜର୍ଷିସେବିତେ।]
କୁରୋଶ୍ଚ ଯଜମାନସ୍ଯ କୁରୁକ୍ଷେତ୍ରେ ମହାତ୍ମନଃ।
ଆଜଗାମ ମହାଭାଗା ସରିଚ୍ଛ୍ରେଷ୍ଠା ସରସ୍ବତୀ॥ 9-39-26 (62437)
ଓଘବତ୍ଯପି ରାଜେନ୍ଦ୍ର ବସିଷ୍ଠେନ ମହାତ୍ମନା।
ସମାହୂତା କୁରୁକ୍ଷେତ୍ରେ ଦିବ୍ଯତୋଯା ସରସ୍ବତୀ॥ 9-39-27 (62438)
ଦକ୍ଷେଣ ଯଜତା ଚାପି ଗଙ୍ଗାଦ୍ବାରେ ସରସ୍ବତୀ।
ସୁବେଣିରିତି ବିଖ୍ଯାତା ପ୍ରସ୍ରୁତା ଶୀଘ୍ରଗାମିନୀ॥ 9-39-28 (62439)
ବିମଲୋଦା ଭଗବତୀ ବ୍ରହ୍ମଣା ଯଜତା ପୁନଃ।
ସମାହୂତା ଯଯୌ ତତ୍ର ପୁଣ୍ଯେ ହୈମବତେ ଗିରୌ॥ 9-39-29 (62440)
ଏକୀଭୂତାସ୍ତତସ୍ତାସ୍ତୁ ତସ୍ମିଂସ୍ତୀର୍ଥେ ସମାଗତାଃ।
ସପ୍ତସାରସ୍ବତଂ ତୀର୍ଥଂ ତତସ୍ତୁ ପ୍ରଥିତଂ ଭୁବି॥ 9-39-30 (62441)
ଇତି ସପ୍ତସରସ୍ବତ୍ଯୋ ନାମତଃ ପରିକୀର୍ତିତାଃ।
ସପ୍ତସାରସ୍ବତଂ ଚୈବ ତୀର୍ଥଂ ପୁଣ୍ଯଂ ତଥା ସ୍ମୃତମ୍॥ 9-39-31 (62442)
ଶୃଣୁ ମଙ୍କଣକସ୍ଯାପି କୌମାରବ୍ରହ୍ମଚାରିଣଃ।
ଆପଗାମବଗାଢସ୍ଯ ରାଜନ୍ପ୍ରକ୍ରୀଡିତଂ ମହତ୍॥ 9-39-32 (62443)
ଦୃଷ୍ଟ୍ବା ଯଦୃଚ୍ଛଯା ତତ୍ର ସ୍ତ୍ରିଯମମ୍ଭସି ଭାରତ।
ସ୍ନାଯନ୍ତୀଂ ରୁଚିରାପାଙ୍ଗୀଂ ଦିଗ୍ବାସସମନିନ୍ଦିତାମ୍। 9-39-33 (62444)
ସରସ୍ବତ୍ଯାଂ ମହାରାଜ ଚସ୍କନ୍ଦେ ବୀର୍ଯମମ୍ଭସି॥
ତଦ୍ରେତଃ ସ ତୁ ଜଗ୍ରାହ କଲଶେ ବୈ ମହାତପାଃ। 9-39-34 (62445)
`ଋଷିଃ ପରମଧର୍ମାତ୍ମା ତଦା ପୁରୁଷସତ୍ତମ'॥
ସପ୍ତଧା ପ୍ରବିଭାଗଂ ତୁ କଲଶସ୍ଥଂ ଜଗାମ ହ। 9-39-35 (62446)
ତତ୍ରର୍ଷଯଃ ସପ୍ତ ଜାତା ଜଜ୍ଞିରେ ମରୁତାଂ ଗଣାଃ॥
ବାଯୁବେଗୋ ବାଯୁବଲୋ ବାଯୁହା ବାଯୁମଣ୍ଡଲଃ। 9-39-36 (62447)
ବାଯୁଜ୍ବାଲୋ ବାଯୁରେତା ବାଯୁଚକ୍ରଶ୍ଚ ବୀର୍ଯବାନ୍।
ମହର୍ଷେଶ୍ଚରିତଂ ଯାଦୃକ୍ ତ୍ରିଷୁ ଲୋକେଷୁ ବିଶ୍ରୁତମ୍॥ 9-39-37 (62448)
ପୁରା ମଙ୍କଣକଃ ସିଦ୍ଭଃ କୁଶାଗ୍ରେଣେତି ନଃ ଶ୍ରୁତମ୍।
କ୍ଷତଃ କିଲ କରେ ରାଜଂସ୍ତସ୍ଯ ଶାକରସୋଽସ୍ରବତ୍॥ 9-39-38 (62449)
ସ ବୈ ଶାକରସଂ ଦୃଷ୍ଟ୍ବା ହର୍ଷାବିଷ୍ଟଃ ପ୍ରନୃତ୍ତବାନ୍॥ 9-39-39 (62450)
ତତସ୍ତସ୍ମିନ୍ପ୍ରନୃତ୍ତେ ବୈ ସ୍ଥାବରଂ ଜଙ୍ଗମଂ ଚ ଯତ୍।
ପ୍ରନୃତ୍ତମୁଭଯଂ ବୀର ସେଜସା ତସ୍ଯ ମୋହିତମ୍॥ 9-39-40 (62451)
ବ୍ରହ୍ମାଦିଭିଃ ସୁରୈ ରାଜନ୍ନୃଷିଭିଶ୍ଚ ତପୋଧନୈଃ।
ବିଜ୍ଞପ୍ତୋ ବୈ ମହାଦେବ ଋଷେରର୍ଥେ ନରାଧିପ।
ନାଯଂ ନୃତ୍ଯେଦ୍ଯଥା ଦେବ ତଥା ତ୍ବଂ କର୍ତୁମର୍ହସି॥ 9-39-41 (62452)
ତତୋ ଦେବୋ ମୁନିଂ ଦୃଷ୍ଟ୍ବା ହର୍ଷାବିଷ୍ଟମତୀବ ହ।
ସୁଗଣାଂ ହିତକାମାର୍ଥଂ ମହାଦେବୋଽଭ୍ଯଭାଷତ॥ 9-39-42 (62453)
ଭୋଭୋ ବ୍ରାହ୍ମଣ ଧର୍ମଜ୍ଞ କିମର୍ଥଂ ନୃତ୍ଯତେ ଭବାନ୍।
ହର୍ଷସ୍ଥାନଂ କିମର୍ଥଂ ଚ ତବେଦମଧିକଂ ମୁନେ।
ତପସ୍ବିନୋ ଧର୍ମପଥେ ସ୍ଥିତସ୍ଯ ଦ୍ବିଜସତ୍ତମ॥ 9-39-43 (62454)
ଋଷିରୁବାଚ। 9-39-44x (5178)
କିଂ ନ ପଶ୍ଯସି ମେ ବ୍ରହ୍ମନ୍କରାଚ୍ଛାକରସଂ ସ୍ରୁତମ୍।
ଯଂ ଦୃଷ୍ଟ୍ବା ସମ୍ପ୍ରନୃତ୍ତୋ ବୈ ହର୍ଷେଣ ମହତା ବିଭୋ॥ 9-39-44 (62455)
ତଂ ପ୍ରହସ୍ଯାବ୍ରବୀଦ୍ଦେବୋ ମୁନିଂ ରାଗେଣ ମୋହିତମ୍।
ଅହଂ ନ ବିସ୍ମଯଂ ବିପ୍ର ଗଚ୍ଛାମୀତି ପ୍ରପଶ୍ଯ ମାମ୍॥ 9-39-45 (62456)
ଏବମୁକ୍ତ୍ବା ମୁନିଶ୍ରେଷ୍ଠଂ ମହାଦେବେନ ଧୀମତା।
ଅଙ୍ଗୁଲ୍ଯଗ୍ରେଣ ରାଜେନ୍ଦ୍ରସ୍ବାଙ୍ଗୁଷ୍ଠସ୍ତାଡିତୋଽଭବତ୍॥ 9-39-46 (62457)
ତତୋ ଭସ୍ମ କ୍ଷତାଦ୍ରାଜନ୍ନିର୍ଗତଂ ହିମସନ୍ନିଭମ୍॥ 9-39-47 (62458)
ତଦ୍ଦୃଷ୍ଟ୍ବା ବ୍ରୀଡିତୋ ରାଜନ୍ସ ମୁନିଃ ପାଦଯୋର୍ଗତଃ।
ମେନେ ଦେବଂ ମହାଦେବମିଦଂ ଚୋବାଚ ବିସ୍ମିତଃ॥ 9-39-48 (62459)
ନାନ୍ଯଂ ଦେବାଦହଂ ମନ୍ଯେ ରୁଦ୍ରାତ୍ପରତରଂ ମହତ୍।
ସୁରାସୁରସ୍ଯ ଜଗତୋ ଗତିସ୍ତ୍ବମସି ଶୂଲଧୃକ୍॥ 9-39-49 (62460)
ତ୍ବଯା ସୃଷ୍ଟମିଦଂ ବିଶ୍ବଂ ବଦନ୍ତୀହ ମନୀଷିଣଃ।
ତ୍ବାମେବ ସର୍ବଂ ବିଶତି ପୁନରେବ ଯୁଗକ୍ଷଯେ॥ 9-39-50 (62461)
ଦେବୈରପି ନ ଶକ୍ଯସ୍ତ୍ବଂ ପରିଜ୍ଞାତୁଂ କୁତୋ ମଯା।
ତ୍ବଯି ସର୍ବେ ସ୍ମ ଦୃଶ୍ଯନ୍ତେ ଭାବା ଯେ ଜଗତି ସ୍ଥିତାଃ॥ 9-39-51 (62462)
ତ୍ବାମୁପାସନ୍ତ ବରଦଂ ଦେବା ବ୍ରହ୍ମାଦଯୋଽନଘ।
ସର୍ବସ୍ତ୍ବମସି ଦେବାନାଂ କର୍ତା କାରଯିତା ଚ ହ॥ 9-39-52 (62463)
ତ୍ବତ୍ପ୍ରସାଦାତ୍ସୁରାଃ ସର୍ବେ ମୋଦନ୍ତୀହାକୁତୋଭଯାଃ।
`ତ୍ବଂ ପ୍ରଭୁଃ ପରମୈଶ୍ବର୍ଯାଦଧିକଂ ଭାସି ଶଙ୍କରଃ॥ 9-39-53 (62464)
ତ୍ବଯି ବ୍ରହ୍ମା ଚ ବିଷ୍ଣୁଶ୍ଚ ଲୋକାନ୍ସନ୍ଧାଯ ତିଷ୍ଠତଃ।
ତ୍ବନ୍ମୂଲଂ ଚ ଜଗତ୍ସର୍ବଂ ଭୂତସ୍ଥାବରଜଙ୍ଗମମ୍॥ 9-39-54 (62465)
ସ୍ବର୍ଗଂ ଚ ପରମଂ ସ୍ଥାନଂ ନୃଣାମଭ୍ଯୁଦଯାର୍ଥିନାମ୍।
ଦଦାସି ଚ ପ୍ରସନ୍ନସ୍ତ୍ବଂ ଭକ୍ତାନାଂ ପରମେଶ୍ବର॥ 9-39-55 (62466)
ଅନାବୃତ୍ତିପଦଂ ନୄଣାଂ ନିତ୍ଯଂ ନିଶ୍ରେଯସାର୍ଥିନାମ୍।
ଦଦାସି କର୍ମିଣାଂ କର୍ମ ଭାବଯନ୍ଧ୍ଯାନଯୋଗତଃ॥ 9-39-56 (62467)
ନ ବୃଥାଽସ୍ତି ମହାଦେବ ପ୍ରସାଦସ୍ତେ ମହେଶ୍ବର।
ଯସ୍ମାତ୍ତ୍ବଯୋପକରଣାତ୍କରୋମି କମଲେକ୍ଷଣ॥ 9-39-57 (62468)
ପ୍ରପଦ୍ଯେ ଶରଣଂ ଶଂଭୁଂ ସର୍ବଦା ସର୍ବତଃ ସ୍ଥିତମ୍।
କର୍ମଣା ମନସା ବାଚା ତମେବାଭିଭଜାମ୍ଯହମ୍॥ 9-39-58 (62469)
ଜନମେଜଯ ଉବାଚ।' 9-39-59x (5179)
ଏବଂ ସ୍ତୁତ୍ବା ମହାଦେବଂ ସ ଋଷିଃ ପ୍ରଣତୋଽଭବତ୍॥ 9-39-59 (62470)
ଯଦିଦଂ ଚାପଲଂ ଦେବ କୃତମେତତ୍ସ୍ମଯାଦିକମ୍।
ତତଃ ପ୍ରସାଦଯମି ତ୍ବାଂ ତପୋ ମେ ନ କ୍ଷରେଦିତି॥ 9-39-60 (62471)
ତତୋ ଦେବଃ ପ୍ରୀତମନାସ୍ତମୃଷିଂ ପୁନରବ୍ରବୀତ୍।
ତପସ୍ତେ ବର୍ଧତାଂ ବିପ୍ର ମତ୍ପ୍ରସାଦାତ୍ସହସ୍ରଧା॥ 9-39-61 (62472)
ଆଶ୍ରମେ ଚେହ ବତ୍ସ୍ଯାମି ତ୍ବଯା ସାର୍ଧମହଂ ସଦା।
ସପ୍ତସାରସ୍ବତେ ଚାସ୍ମିନ୍ଯୋ ମାମର୍ଚିଷ୍ଯତେ ନରଃ॥ 9-39-62 (62473)
ନ ତସ୍ଯ ଦୁର୍ଲଭଂ କିଞ୍ଚିଦ୍ଧବିତେହ ପରତ୍ର ବା।
ସାରସ୍ବତଂ ଚ ତେ ଲୋକଂ ଗମିଷ୍ଯନ୍ତି ନ ସଂଶଯଃ॥ 9-39-63 (62474)
ଏତନ୍ମଙ୍କଣକସ୍ଯାପି ଚରିତଂ ଭୂରିତେଜସଃ।
ସ ହି ପୁତ୍ରଃ ସୁକନ୍ଯାଯାମୁତ୍ପନ୍ନୋ ମାତରିଶ୍ବନା॥ ॥ 9-39-64 (62475)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ଏକୋନଚତ୍ବାରିଂଶୋଽଧ୍ଯାଯଃ॥ 39 ॥
Mahabharata - Shalya Parva - Chapter Footnotes
9-39-4 ବିଶାଲା ସୁତନୁସ୍ତଥା। ସରସ୍ବତ୍ଯୋଘମାଲା ଚ ସୁବେଣୀ ନିର୍ମଲୋଦକା ଇତି ଙ.ପାଠଃ। ସରସ୍ବତ୍ଯୂର୍ମିମାଲା ଚ ସୁବେଣୀ ବିମଲୋଦକା ଇତି କ.ପାଠଃ॥ 9-39-17 ସସ୍ମରୁଃ ସ୍ମୃତବନ୍ତଃ॥ 9-39-20 ଗଯେଷୁ ଗଯଦେଶେଷୁ॥ 9-39-25 ମନୋରମେତି ବିଖ୍ଯାତା ସା ହି ତୈର୍ମନସା କୃତା ଇତି ଝ.ପାଠଃ॥ 9-39-28 ସୁରେଣୁରିତି ଝ.ପାଠଃ॥ 9-39-32 ରାଜନ୍ପ୍ରଜପିତଂ ମହତ୍ ଇତି କ.ପାଠଃ॥ 9-39-33 ସ୍ନାଯନ୍ତୀଂ ସ୍ନାନ୍ତୀମ୍॥ 9-39-36 ମରୁତାଂ ପ୍ରାଣବାଯୂନାଂ ଏକୋନପଞ୍ଚାଶତାମ୍। ଏତେଷାଂ ତପସା ମରୁତୋ ଦିତ୍ଯାମୁତ୍ପନ୍ନା ଇତି କଲ୍ପାନ୍ତରବିଷଯୋଽଯମର୍ଥଃ॥ 9-39-60 ସ୍ମଯାଦିକଂ ଗର୍ଦାଦିକମ୍॥ 9-39-39 ଏକୋନଚତ୍ବାରିଂଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 040
॥ ଶ୍ରୀଃ ॥
9.40. ଅଧ୍ଯାଯଃ 040
Mahabharata - Shalya Parva - Chapter Topics
ବଲରାମସ୍ଯୌଶନସତୀର୍ଥଗମନମ୍॥ 1 ॥ ତତ୍ତୀର୍ଥସ୍ଯ କପାଲମୋଚନନାମପ୍ରାପ୍ତିହେତୂକ୍ତିଃ॥ 2 ॥ ବଲସ୍ଯ ଉଶଂଗ୍ବାଶ୍ରମଗମନମ୍॥ 3 ॥ ଉଶଙ୍ଗୁଚରିତ୍ରକଥନଂ ବଲସ୍ଯ ପୃଥୂଦକତୀର୍ଥେ ସ୍ନାନଦାନାଦି॥ 4 ॥Mahabharata - Shalya Parva - Chapter Text
9-40-0 (62476)
ବୈଶମ୍ପାଯନ ଉବାଚ। 9-40-0x (5180)
ଉଷିତ୍ବା ତତ୍ର ରାମସ୍ତୁ ସମ୍ପୂଜ୍ଯାଶ୍ରମବାସିନଃ।
ତଥା ମଙ୍କଣକେ ପ୍ରୀତିଂ ଶୁଭାଂ ଚକ୍ରେ ହଲାଯୁଧଃ॥ 9-40-1 (62477)
ଦତ୍ତ୍ବା ଦାନଂ ଦ୍ବିଜାତିଭ୍ଯୋ ରଜନୀଂ ତାମୁପୋଷ୍ଯ ଚ।
ପୂଜିତୋ ମୁନିସଙ୍ଖୈଶ୍ଚ ପ୍ରାତରୁତ୍ଥାଯ ଲାଙ୍ଗଲୀ॥ 9-40-2 (62478)
ଅନୁଜ୍ଞାପ୍ଯ ମୁନୀନ୍ସର୍ବାନ୍ସ୍ପୃଷ୍ଟ୍ବା ତୋଯଂ ଚ ଭାରତ।
ପ୍ରଯଯୌ ତ୍ବରିତୋ ରାମସ୍ତୀର୍ଥହେତୋର୍ମହାବଲଃ॥ 9-40-3 (62479)
ତତସ୍ତ୍ବୌଶନସଂ ତୀର୍ଥମାଜଗାମ ହଲାଯୁଧଃ।
କପାଲମୋଚନଂ ନାମ ଯତ୍ର ମୁକ୍ତୋ ମହାମୁନିଃ॥ 9-40-4 (62480)
ମହତା ଶିରସା ରାଜନ୍ଗ୍ରସ୍ତଜଙ୍ଘୋ ମହୋଦରଃ।
ରାକ୍ଷସସ୍ଯ ମହାରାଜ ରାମକ୍ଷିପ୍ତସ୍ଯ ବୈ ପୁରା॥ 9-40-5 (62481)
ତତ୍ର ପୂର୍ବଂ ତପସ୍ତପ୍ତଂ କାବ୍ଯେନ ସୁମହାତ୍ମନା।
ଯତ୍ରାସ୍ଯ ନୀତିରଖିଲା ପ୍ରାଦୁର୍ଭୂତା ମହାତ୍ମନଃ।
ଯତ୍ରସ୍ଥଶ୍ଚିନ୍ତଯାମାସ ଦୈତ୍ଯଦାନବବିଗ୍ରହମ୍॥ 9-40-6 (62482)
ତତ୍ପ୍ରାପ୍ଯ ଚ ବଲୋ ରାଜଂସ୍ତୀର୍ଥପ୍ରବରମୁତ୍ତମମ୍।
ବିଧିବଦ୍ବୈ ଦଦୌ ବିତ୍ତଂ ବ୍ରାହ୍ମଣାନାଂ ମହାତ୍ମନାମ୍॥ 9-40-7 (62483)
ଜନମେଜଯ ଉବାଚ। 9-40-8x (5181)
କପାଲମୋଚନଂ ବ୍ରହ୍ମନ୍କଥଂ ଯତ୍ର ମହାମୁନିଃ।
ମୁକ୍ତଃ କଥଂ ଚାସ୍ଯ ଶିରୋ ଲଗ୍ନଂ କେନ ଚ ହେତୁନା॥ 9-40-8 (62484)
ବୈଶମ୍ପାଯନ ଉବାଚ। 9-40-9x (5182)
ପୁରା ବୈ ଦଣ୍ଡକାରଣ୍ଯେ ରାଘବେଣ ମହାତ୍ମନା।
ବସତା ରାଜଶାର୍ଦୂଲ ରାକ୍ଷସାଞ୍ଶମଯିଷ୍ଯତା॥ 9-40-9 (62485)
ଜନସ୍ଥାନେ ଶିରଶ୍ଛିନ୍ନଂ ରାକ୍ଷସସ୍ଯ ଦୁରାତ୍ମନଃ।
କ୍ଷୁରେଣ ଶିତଧାରେଣ ତତ୍ପଣାତ ମହାବନେ॥ 9-40-10 (62486)
ମହୋଦରସ୍ଯ ତଲ୍ଲଗ୍ନଂ ଜଙ୍ଘାଯାଂ ବୈ ଯଦୃଚ୍ଛଯା।
ବନେ ବିଚରତୋ ରାଜନ୍ନସ୍ଥି ଭିତ୍ତ୍ବାଽସ୍ଫୁରତ୍ତଦା॥ 9-40-11 (62487)
ସ ତେନ ଲଗ୍ନେନ ତଦା ଦ୍ବିଜାତିର୍ନ ଶଶାକ ହ।
ଅଭିଗନ୍ତୁଂ ମହାପ୍ରାଜ୍ଞସ୍ତୀର୍ଥାନ୍ଯାଯତନାନି ଚ॥ 9-40-12 (62488)
ସ ପୂତିନା ବିସ୍ରବତା ବେଦନାର୍ତୋ ମହାମୁନିଃ।
ଜଗାମ୍ ସର୍ବତୀର୍ଥାନି ପୃଥିବ୍ଯାଂ ଚେତି ନଃ ଶ୍ରୁତମ୍॥ 9-40-13 (62489)
ସ ଗତ୍ବା ସରିତଃ ସର୍ବାଃ ସମୁଦ୍ରାଂଶ୍ଚ ମହାତପାଃ।
କଥଯାମାସ ତତ୍ସର୍ବମୃଷୀଣାଂ ଭାବିତାତ୍ମନାମ୍॥ 9-40-14 (62490)
ଆପ୍ଲୁତ୍ଯ ସର୍ବତୀର୍ଥେଷୁ ନ ଚ ମୋକ୍ଷମବାପ୍ତବାନ୍।
ସ ତୁ ଶୁଶ୍ରାବ ବିପ୍ରେନ୍ଦ୍ରୋ ମୁନୀନାଂ ବଚନଂ ମହତ୍॥ 9-40-15 (62491)
ସରସ୍ବତ୍ଯାସ୍ତୀର୍ଥବରଂ ଖ୍ଯାତମୌଶନସଂ ତଦା।
ସର୍ବପାପପ୍ରଶମନଂ ସିଦ୍ଧିକ୍ଷେତ୍ରମନୁତ୍ତମମ୍॥ 9-40-16 (62492)
ସ ତୁ ଗତ୍ବା ତତସ୍ତତ୍ର ତୀର୍ଥମୌଶନସଂ ଦ୍ବିଜଃ॥ 9-40-17 (62493)
ତତ ଔଶନସେ ତୀର୍ଥେ ତସ୍ଯୋପସ୍ପୃଶତସ୍ତଦା।
xxx ଚ୍ଛରଶ୍ଚରଣଂ ମୁକ୍ତ୍ବା ପପାତାନ୍ତର୍ଜଲେ ତଦା॥ 9-40-18 (62494)
ବିମୁକ୍ତସ୍ତେନ ଶିରସା ପରଂ ସୁଖମବାପ ହ।
ସ ଚାପ୍ଯନ୍ତର୍ଜଲେ ମୂର୍ଧା ଜଗାମାଦର୍ଶନଂ ବିଭୋ॥ 9-40-19 (62495)
ତତଃ ସ ବିରୁଜୋ ରାଜନ୍ପୂତାତ୍ମା ବୀତକଲ୍ମଷଃ।
ଆଜଗାମାଶ୍ରମଂ ପ୍ରୀତଃ କୃତକୃତ୍ଯୋ ମହୋଦରଃ॥ 9-40-20 (62496)
ସୋଽଥ ଗତ୍ବାଽଽଶ୍ରମଂ ପୁଣ୍ଯଂ ବିପ୍ରମୁକ୍ତୋ ମହାତପାଃ।
କଥଯାମାସ ତତ୍ସର୍ବମୃଷୀଣାଂ ଭାବିତାତ୍ମନାମ୍॥ 9-40-21 (62497)
ତେ ଶ୍ରୁତ୍ବା ବଚନଂ ତସ୍ଯ ତତସ୍ତୀର୍ଥସ୍ଯ ମାନଦ।
କପାଲମୋଚନମିତି ନାମ ଚକ୍ରୁଃ ସମାଗତାଃ॥ 9-40-22 (62498)
ସ ଚାପି ତୀର୍ଥପ୍ରବରଂ ପୁନର୍ଗତ୍ବା ମହାନୃଷିଃ।
ପୀତ୍ବା ପଯଃସୁବିପୁଲଂ ସିଦ୍ଧିମାଯାତ୍ତଦା ମୁନିଃ॥ 9-40-23 (62499)
ତତ୍ର ଦତ୍ତ୍ବା ବହୂନ୍ଦେଯାନ୍ବିପ୍ରାନ୍ସମ୍ପୂଜ୍ଯ ମାଧବଃ।
ଜଗାମ ତତ୍ର ରାଜେନ୍ଦ୍ର ଉଶଙ୍ଗୋରାଶ୍ରମଂ ତଦା॥ 9-40-24 (62500)
ଯତ୍ର ତପ୍ତଂ ତପୋ ଘୋରମାର୍ଷ୍ଟିଷେଣେନ ଭାରତ।
ବ୍ରାହ୍ମଣ୍ଯଂ ଲବ୍ଧବାନ୍ଯତ୍ର ବିଶ୍ବାମିତ୍ରୋ ମହାମୁନିଃ॥ 9-40-25 (62501)
ସର୍ବକାମସମୃଦ୍ଧଂ ଚ ତଦାଶ୍ରମପଦଂ ମହତ୍।
ମୁନିଭିର୍ବ୍ରାହ୍ମଣୈଶ୍ଚୈବ ସେବିତଂ ସର୍ବଦା ବିଭୋ॥ 9-40-26 (62502)
ତତୋ ହଲଧରଃ ଶ୍ରୀମାନ୍ବ୍ରାହ୍ମଣୈଃ ପରିବାରିତଃ।
ଜଗାମ ତତ୍ର ରାଜେନ୍ଦ୍ର ଉଶଙ୍ଗୁସ୍ତନୁମତ୍ଯଜତ୍॥ 9-40-27 (62503)
ଉଶଙ୍ଗୁର୍ବ୍ରାହ୍ମଣୋ ବୃଦ୍ଧସ୍ତପୋନିତ୍ଯଶ୍ଚ ଭାରତ।
ଦେହନ୍ଯାସେ କୃତମନା ବିଚିନ୍ତ୍ଯ ବହୁଧା ତଦା॥ 9-40-28 (62504)
ତତଃ ସର୍ବାନୁପାଦାଯ ତନଯାନ୍ବୈ ମହାତପାଃ।
ଉଶଙ୍ଗୁରବ୍ରବୀତ୍ତତ୍ର ନଯଧ୍ବଂ ମାଂ ପୃଥୂଦକମ୍॥ 9-40-29 (62505)
ବିଜ୍ଞାଯାତୀତବଯସମୁଶଙ୍ଗୁଂ ତେ ତପୋଧନାଃ।
ତଂ ଚ ତୀର୍ଥମପାନିନ୍ଯୁଃ ସରସ୍ବତ୍ଯାସ୍ତପୋଧନମ୍॥ 9-40-30 (62506)
ସ ତୈଃ ପୁତ୍ରୈସ୍ତଦା ଧୀମାନାନୀତୋ ବୈ ସରସ୍ବତୀମ୍।
ପୁଣ୍ଯାଂ ତୀର୍ଥଶତୋପେତାଂ ବିପ୍ରସଙ୍ଘୈର୍ନିଷେବିତାମ୍॥ 9-40-31 (62507)
ସ ତତ୍ର ବିଧିନା ରାଜନ୍ନାପ୍ଲୁତ୍ଯ ସୁମହାତପାଃ।
ଜ୍ଞାତ୍ବା ତୀର୍ଥଗୁଣାଂଶ୍ଚୈବ ପ୍ରାହେଦମୃଷିସତ୍ତମଃ।
ସୁପ୍ରୀତଃ ପୁରୁଷବ୍ଯାଘ୍ର ସର୍ବାନ୍ପୁତ୍ରାନୁପାସତଃ॥ 9-40-32 (62508)
ସରସ୍ବତ୍ଯୁତ୍ତରେ ତୀରେ ଯସ୍ତ୍ଯଜେଦାତ୍ମନସ୍ତନୁମ୍।
ପୃଥୂଦକେ ଜପ୍ଯପରୋ ନୈନଂ ଶ୍ବୋ ମରଣଂ ତପେତ୍॥ 9-40-33 (62509)
`ଇତ୍ଯୁକ୍ତ୍ବା ସ୍ବାଂ ତନୁଂ ତ୍ଯକ୍ତ୍ବା ପ୍ରପେଦେ ବୈଷ୍ଣବଂ ପଦମ୍'।
ତତ୍ରାପ୍ଲୁତ୍ଯ ସ ଧର୍ମାତ୍ମା ଉପସ୍ପୃଶ୍ଯ ହଲାଯୁଧଃ।
ଦତ୍ତ୍ବା ଚୈବ ବୂହୂନ୍ଦେଯାନ୍ବିପ୍ରାଣାଂ ବିପ୍ରବତ୍ସଲଃ॥ 9-40-34 (62510)
ସସର୍ଜ ଯତ୍ର ଭଗବାଁଲ୍ଲୋକାଁଲ୍ଲୋକପିତାମହଃ॥ 9-40-35 (62511)
ଯତ୍ରାର୍ଷ୍ଟିଷେଣଃ କୌରବ୍ଯ ବ୍ରାହ୍ମଣ୍ଯଂ ସଂଶିତବ୍ରତଃ।
ତପସା ମହତା ରାଜନ୍ପ୍ରାପ୍ତବାନୃଷିସତ୍ତମଃ॥ 9-40-36 (62512)
ସିନ୍ଧୁଦ୍ବୀପଶ୍ଚ ରାଜର୍ଷିର୍ଦେବାପିଶ୍ଚ ମହାତପାଃ।
ବ୍ରାହ୍ମଣ୍ଯଂ ଲବ୍ଧବାନ୍ଯତ୍ର ବିଶ୍ବାମିତ୍ରସ୍ତଥା ମୁନିଃ॥ 9-40-37 (62513)
ମହାତପସ୍ବୀଂ ଭଗବାନୁଗ୍ରତେଜା ମହାତପାଃ।
ତତ୍ରାଜଗାମ ବଲବାନ୍ବଲଭଦ୍ରଃ ପ୍ରତାପବାନ୍॥ ॥ 9-40-38 (62514)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ଚତ୍ବାରିଂଶୋଽଧ୍ଯାଯଃ॥ 40 ॥
Mahabharata - Shalya Parva - Chapter Footnotes
9-40-17 ତୀର୍ଥମୁପାସ୍ପୃଶଦିତି ଶେଷଃ॥ 9-40-24 ତ୍ରିଶଙ୍ଖୋରାଶ୍ରମଂ ତଦା ଇତି କ.ପାଠଃ। ରୁଶଙ୍ଗୋରାଶ୍ରମଂ ତଦା ଇତି ଝଂ. ପାଠଃ॥ 9-40-33 ଅକ୍ଷଯଂ ସ୍ବର୍ଗମାପ୍ନୋତୀତ୍ଯର୍ଥଃ॥ 9-40-36 ବ୍ରାହ୍ମଣଂ ବ୍ରହ୍ମସନ୍ଘାତୋ ବେଦସମୂହ ଇତି ଯାବତ୍। ତତଃ ସ୍ବାର୍ଥେ ଷ୍ଯଞ୍। ବ୍ରାହ୍ମଣଂ ବ୍ରହ୍ମସଙ୍ଘାତେ ଇତି ମେଦିନୀ॥ 9-40-40 ଚତ୍ବାରିଂଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 041
॥ ଶ୍ରୀଃ ॥
9.41. ଅଧ୍ଯାଯଃ 041
Mahabharata - Shalya Parva - Chapter Topics
ଆର୍ଷ୍ଟିଷେଣେନ ପୃଥୂଦକତୀର୍ଥେ ତପଶ୍ଚର୍ଯବା କୃତ୍ସ୍ନବେଦାଧିଗମଃ॥ 1 ॥ ବିଶ୍ବାମିତ୍ରାଦୀନାଂ ତତ୍ତତ୍ତୀର୍ଥେ ତପଶ୍ଚର୍ଯଯା ବ୍ରାହ୍ମଣ୍ଯାଧିଗମ॥ ବଲଭଦ୍ରସ୍ଯ ତତ୍ର ସ୍ନାନାଦିପୂର୍ବକଂ ବକାଶ୍ରମମ୍ପ୍ରତି ଗମନମ୍॥ 3 ॥Mahabharata - Shalya Parva - Chapter Text
9-41-0 (62515)
ଜନମେଜଯ ଉବାଚ। 9-41-0x (5183)
ଆର୍ଷ୍ଟିଷେଣସ୍ତଥା ବ୍ରହ୍ମନ୍ବିପୁଲଂ ତପ୍ତବାଂସ୍ତପଃ।
ସିନ୍ଧୁଦ୍ବୀପଃ କଥଂ ଚାପି ବ୍ରାହ୍ମଣ୍ଯଂ ଲବ୍ଧବାଂସ୍ତଦା॥ 9-41-1 (62516)
ଦେବାପିଶ୍ଚ କଥଂ ବ୍ରହ୍ମନ୍ବିଶ୍ବାମିତ୍ରଶ୍ଚ ସତ୍ତମ।
ତନ୍ମମାଚକ୍ଷ୍ବ ଭଗବନ୍ପରଂ କୌତୂହଲଂ ହି ମେ॥ 9-41-2 (62517)
ବୈଶମ୍ପାଯନ ଉବାଚ। 9-41-3x (5184)
ପୁରା କୃତଯୁଗେ ରାଜନ୍ନାର୍ଷ୍ଟିଷେଣୋ ଦ୍ବିଜୋତ୍ତମଃ।
ବସନ୍ଗୁରୁକୁଲେ ନିତ୍ଯଂ ନିତ୍ଯମଧ୍ଯଯନେ ରତଃ॥ 9-41-3 (62518)
ତସ୍ଯ ରାଜନ୍ଗୁରୁକୁଲେ ବସତୋ ନିତ୍ଯମେବ ଚ।
ସମାପ୍ତିଂ ନାଗମଦ୍ବିଦ୍ଯା ନାପି ବେଦା ବିଶାମ୍ପତେ॥ 9-41-4 (62519)
ସ ନିର୍ବିଣ୍ଣସ୍ତତୋ ରାଜଂସ୍ତପସ୍ତେପେ ମହାତପାଃ।
ତତୋ ବୈ ତପସା ତେନ ପ୍ରାପ୍ଯ ବେଦାନନୁତ୍ତମାନ୍॥ 9-41-5 (62520)
ସ ବିଦ୍ବାନ୍ବେଦଯୁକ୍ତଶ୍ଚ ସିଦ୍ଧଶ୍ଚାପ୍ଯୃଷିସତ୍ତମଃ।
ତତ୍ର ତୀର୍ଥେ ବରାନ୍ପ୍ରାଦାତ୍ତ୍ରୀନେବ ସୁମହାତପାଃ॥ 9-41-6 (62521)
ଅସ୍ମିଂସ୍ତୀର୍ଥେ ମହାନଦ୍ଯା ଅଦ୍ଯପ୍ରଭୃତି ମାନବଃ।
ଆପ୍ଲୁତୋ ବାଜିମେଧସ୍ଯ ଫଲଂ ପ୍ରାପ୍ସ୍ଯତି ପୁଷ୍କଲମ୍॥ 9-41-7 (62522)
ଅଦ୍ଯପ୍ରଭୃତି ନୈବାତ୍ର ଭଯଂ ବ୍ଯାଲାଦ୍ଭବିଷ୍ଯତି।
ଅପି ଚାଲ୍ପେନ କାଲେନ ଫଲଂ ପ୍ରାପ୍ସ୍ଯତି ପୁଷ୍କଲମ୍॥ 9-41-8 (62523)
ଏବମୁକ୍ତ୍ବା ମହାତେଜା ଜଗାମ ତ୍ରିଦିବଂ ମୁନିଃ।
ଏବଂ ସିଦ୍ବଃ ସ ଭଗବାନାର୍ଷ୍ଟିଷେଣଃ ପ୍ରତାପବାନ୍॥ 9-41-9 (62524)
ତସ୍ମିନ୍ନେବ ତଦା ତୀର୍ଥେ ସିନ୍ଧୁଦ୍ବୀପଃ ପ୍ରତାପବାନ୍।
ଦେବାପିଶ୍ଚ ମହାରାଜ ବ୍ରାହ୍ମଣ୍ଯଂ ପ୍ରାପତୁର୍ମହତ୍॥ 9-41-10 (62525)
ତଥାଚ କୌଶିକସ୍ତାତ ତପୋନିତ୍ଯୋ ଜିତେନ୍ଦ୍ରିଯଃ।
ତପସା ବୈ ସୁତପ୍ତେନ ବ୍ରାହ୍ମଣତ୍ବମବାପ୍ତବାନ୍॥ 9-41-11 (62526)
ଗାଧିର୍ନାମ ମହାନାସୀତ୍କ୍ଷତ୍ରିଯଃ ପ୍ରଥିତୋ ଭୁବି।
ତସ୍ଯ ପୁତ୍ରୋଽଭବଦ୍ରାଜନ୍ବିଶ୍ବାମିତ୍ରଃ ପ୍ରତାପବାନ୍॥ 9-41-12 (62527)
ସ ରାଜା କୌଶିକସ୍ତାତ ମହାଯୋଗ୍ଯଭବତ୍କିଲ।
ସ ପୁତ୍ରମଭିଷିଚ୍ଯାଥ ବିଶ୍ବାମିତ୍ରଂ ମହାତପାଃ॥ 9-41-13 (62528)
ଦେହନ୍ଯାସେ ମନଶ୍ଚକ୍ରେ ତମୂଚୁଃ ପ୍ରଣତାଃ ପ୍ରଜାଃ।
ନ ଗନ୍ତବ୍ଯଂ ମହାପ୍ରାଜ୍ଞ ତ୍ରାହି ଚାସ୍ମାନ୍ମହାଭଯାତ୍॥ 9-41-14 (62529)
ଏବମୁକ୍ତଃ ପ୍ରତ୍ଯୁବାଚ ତତୋ ଗାଧିଃ ପ୍ରଜାସ୍ତତଃ।
ବିଶ୍ବସ୍ଯ ଜଗତୋ ଗୋପ୍ତା ଭବିଷ୍ଯତି ସୁତୋ ମମ॥ 9-41-15 (62530)
ଇତ୍ଯୁକ୍ତ୍ବା ତୁ ତତୋ ଗାଧିର୍ବିଶ୍ବାମିତ୍ରଂ ନିବେଶ୍ଯ ଚ।
ଜଗାମ ତ୍ରିଦିବଂ ରାଜନ୍ବିଶ୍ବାମିତ୍ରୋଽଭବନ୍ନୃପଃ॥ 9-41-16 (62531)
ନ ସ ଶକ୍ନୋତି ପୃଥିବୀଂ ଯତ୍ନବାନପି ରକ୍ଷିତୁମ୍।
ତତଃ ଶୁଶ୍ରାବ ରାଜା ସ ରାକ୍ଷସେଭ୍ଯୋ ମହାଭଯମ୍॥ 9-41-17 (62532)
ନିର୍ଯଯୌ ନଗରାଚ୍ଚାପି ଚତୁରଙ୍ଗବଲାନ୍ବିତଃ।
ସ ଗତ୍ବା ଦୂରମଧ୍ବାନଂ ବସିଷ୍ଠାଶ୍ରମମଭ୍ଯଯାତ୍॥ 9-41-18 (62533)
ତସ୍ଯ ତେ ସୈନିକା ରାଜଂଶ୍ଚକ୍ରୁସ୍ତତ୍ରାନଯାନ୍ବହୂନ୍।
ତତସ୍ତୁ ଭଗବାନ୍ବିପ୍ରୋ ବସିଷ୍ଠୋ ଶ୍ରମମଭ୍ଯଯାତ୍।
ଦଦୃଶେଽଥ ତତଃ ସର୍ବଂ ଭଜ୍ଯମାନଂ ମହାବ୍ରନମ୍॥ 9-41-19 (62534)
ତସ୍ଯ କ୍ରୁଦ୍ଧୋ ମହାରାଜ ବସିଷ୍ଠୋ ମୁନିସତ୍ତମଃ।
ସୃଜସ୍ବ ଶବରାନ୍ଘୋରାନିତି ସ୍ବାଂ ଗାମୁବାଚ ହ॥ 9-41-20 (62535)
ତଥୋକ୍ତା ସାଽସୃଜଦ୍ଧେନୁଃ ପୁରୁଷାନ୍ଘୋରଦର୍ଶନାନ୍।
ତେ ତୁ ତଦ୍ବଲମାସାଦ୍ଯ ବଭଞ୍ଜୁଃ ସର୍ବତୋଦିଶମ୍॥ 9-41-21 (62536)
ତଚ୍ଛ୍ରୁତ୍ବା ବିଦ୍ରୁତଂ ସୈନ୍ଯଂ ବିଶ୍ବାମିତ୍ରସ୍ତୁ ଗାଧିଜଃ।
ତପଃ ପରଂ ମନ୍ଯମାନସ୍ତପସ୍ଯେବ ମନୋ ଦଧେ॥ 9-41-22 (62537)
ସୋଽସ୍ମିଂସ୍ତୀର୍ଥବରେ ରାଜନ୍ସରସ୍ବତ୍ଯାଃ ସମାହିତଃ।
ନିଯମୈଶ୍ଚୋପବାସୈଶ୍ଚ କର୍ଶଯନ୍ଦେହମାତ୍ମନଃ॥ 9-41-23 (62538)
ଜଲାହାରୋ ବାଯୁଭକ୍ଷଃ ପର୍ଣାହାରଶ୍ଚ ସୋଽଭବତ୍।
ତଥା ସ୍ଥଣ୍ଡିଲଶାଯୀ ଚ ଯେ ଚାନ୍ଯେ ନିଯମାଃପୃଥକ୍॥ 9-41-24 (62539)
ଅସକୃତ୍ତସ୍ଯ ଦେବାସ୍ତୁ ବ୍ରତବିଘ୍ନଂ ପ୍ରଚକ୍ରିରେ।
ନ ଚାସ୍ଯ ନିଯମାଦ୍ବୁଦ୍ଧିରପଯାତି ମହାତ୍ମନଃ॥ 9-41-25 (62540)
ତତଃ ପରେଣ ଯତ୍ନେନ ତପ୍ତ୍ବା ବହୁବିଧଂ ତପଃ।
ତେଜସା ଭାସ୍କରାକାରୋ ଗାଧିଜଃ ସମପଦ୍ଯତ॥ 9-41-26 (62541)
ତପସା ତୁ ତଥାଯୁକ୍ତଂ ବିଶ୍ବାମିତ୍ରଂ ପିତାମହଃ।
ଅମନ୍ଯତ ମହାତେଜା ବରଦୋଽଦର୍ଶଯତ୍ତଦା॥ 9-41-27 (62542)
ସ ତୁ ବବ୍ରେ ବରଂ ରାଜନ୍ସ୍ଯାମହଂ ବ୍ରାହ୍ମଣସ୍ତ୍ବିତି।
ତଥେତି ଚାବ୍ରବୀଦ୍ବ୍ରହ୍ମା ସର୍ବଲୋକପିତାମହଃ॥ 9-41-28 (62543)
ସ ଲବ୍ଧ୍ବା ତପସୋଗ୍ରେଣ ବ୍ରାହ୍ମଣତ୍ବଂ ମହାଯଶାଃ।
ବିଚଚାର ମହୀଂ କୃତ୍ସ୍ନାଂ କୃତକାମଃ ସୁରୋପମଃ॥ 9-41-29 (62544)
ତସ୍ମିଂସ୍ତୀର୍ଥବରେ ରାମଃ ପ୍ରଦାଯ ବିବିଧଂ ବସୁ।
ପଯସ୍ବିନୀସ୍ତଥା ଧେନୂର୍ଯାନାନି ଶଯନାନି ଚ॥ 9-41-30 (62545)
ଅଥ ବସ୍ତ୍ରାଣ୍ଯଲଙ୍କାରଂ ଭକ୍ଷ୍ଯଂ ପେଯଂ ଚ ଶୋଭନମ୍।
ଅଦଦନ୍ମୁଦିତୋ ରାଜନ୍ପୂଜଯିତ୍ବା ଦ୍ବିଜୋତ୍ତମାନ୍॥ 9-41-31 (62546)
ଯଯୌ ରାଜଂସ୍ତତୋ ରାମୋ ବକସ୍ଯାଶ୍ରମମନ୍ତିକାତ୍।
ଯତ୍ର ତେପେ ତପସ୍ତୀବ୍ରଂ ଦାଲ୍ଭ୍ଯୋ ବକ ଇତି ଶ୍ରୁତିଃ॥ ॥ 9-41-32 (62547)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ଏକଚତ୍ବାରିଂଶୋଽଧ୍ଯାଯଃ॥ 41 ॥
ଶଲ୍ଯପର୍ବ - ଅଧ୍ଯାଯ 042
॥ ଶ୍ରୀଃ ॥
9.42. ଅଧ୍ଯାଯଃ 042
Mahabharata - Shalya Parva - Chapter Topics
ବଲଦେବସ୍ଯାବାକୀର୍ଣତୀର୍ଥଗମନମ୍॥ 1 ॥ ବକମୁନିଚରିତ୍ରକଥନମ୍॥ 2 ॥ ବଲଦେବସ୍ଯ ତତୋ ବସିଷ୍ଠାପବାହତୀର୍ଥଗମନମ୍॥ 3 ॥Mahabharata - Shalya Parva - Chapter Text
9-42-0 (62548)
ବୈଶମ୍ପାଯନ ଉବାଚ। 9-42-0x (5185)
ବ୍ରହ୍ମଯୋନିଭିରାକୀର୍ଣଂ ଜଗାମ ଯଦ୍ବୁନନ୍ଦନଃ।
ଯତ୍ର ଦାଲ୍ଭ୍ଯୋ ବକୋ ରାଜନ୍ପଶ୍ବର୍ଥ ସୁମହାତପାଃ।
ଜୁହାବ ଧୃତରାଷ୍ଟ୍ରସ୍ଯ ରାଷ୍ଟ୍ରଂ କୋପସମନ୍ବିତଃ॥ 9-42-1 (62549)
ତପସା ଘୋରରୂପେଣ କର୍ଶଯନ୍ଦେହମାତ୍ମନଃ।
କ୍ରୋଧେନ ମହତାଽଽବିଷ୍ଟୋ ଧର୍ମାତ୍ମା ବୈ ପ୍ରତାପବାନ୍॥ 9-42-2 (62550)
ପୁରା ହି ନୈମିଶୀଯାନାଂ ସତ୍ରେ ଦ୍ବାଦଶବାର୍ଷିକେ।
ବୃତ୍ତେ ବିଶ୍ବଜିତୋଽନ୍ତେ ବୈ ପାଞ୍ଚାଲାନୃଷଯୋଽଗମନ୍॥ 9-42-3 (62551)
ତତ୍ରେଶ୍ବରମଯାଚନ୍ତ ଦକ୍ଷିଣାର୍ଥଂ ମନସ୍ବିନଃ।
`ତତ୍ର ତେ ଲେଭିରେ ରାଜନ୍ପାଞ୍ଚାଲେଭ୍ଯୋ ମହର୍ଷଯଃ।'
ବଲାନ୍ବିତାନ୍ବତ୍ସତରାନ୍ନିର୍ବ୍ଯାଧୀନ୍ସପ୍ତବିଂଶତିମ୍॥ 9-42-4 (62552)
ତାନବ୍ରବୀଦ୍ବଲୋ ଦାଲ୍ଭ୍ଯୋ ବିଭଜଧ୍ବଂ ପଶୂନିତି।
ପଶୂନେତାନହଂ ତ୍ଯକ୍ତ୍ବା ଭିକ୍ଷିଷ୍ଯେ ରାଜସତ୍ତମମ୍॥ 9-42-5 (62553)
ଏବମୁକ୍ତ୍ବା ବକୋ ରାଜନ୍ନୃଷୀନ୍ସର୍ବାଂନ୍ପ୍ରତାପବାନ୍।
ଜଗାମ ଧୃତରାଷ୍ଟ୍ରସ୍ଯ ଭବନଂ ବ୍ରାହ୍ମଣୋତ୍ତମଃ॥ 9-42-6 (62554)
ସ ସମୀପଗତୋ ଭୂତ୍ବା ଧୃତରାଷ୍ଟ୍ରଂ ଜନେଶ୍ବରମ୍।
ଅଯାଚତ ପଶୂନ୍ଦାଲ୍ଭ୍ଯଃ ସ ଚୈନଂ ରୁଷିତୋଽବ୍ରବୀତ୍॥ 9-42-7 (62555)
ଯଦୃଚ୍ଛଯା ମୃତା ଦୃଷ୍ଟ୍ବା ଗାସ୍ତଦା ନୃପସତ୍ତମଃ।
ଏତାନ୍ପଶୂନ୍ନଯ କ୍ଷିପ୍ରଂ ବ୍ରହ୍ମବନ୍ଧୋ ଯଦୀଚ୍ଛସି॥ 9-42-8 (62556)
ଋଷିସ୍ତ୍ବଥ ବକଃ କ୍ରୁଦ୍ଧଶ୍ଚିନ୍ତଯାମାସ ଧର୍ମବିତ୍।
ଅହୋ ବତ ନୃଶଂସଂ ବୈ ବାକ୍ଯମୁକ୍ତୋଽସ୍ମି ସଂସଦି॥ 9-42-9 (62557)
ଚିନ୍ତଯିତ୍ବା ମୁହୂର୍ତେନ ରୋଷାବିଷ୍ଟୋ ଦ୍ବିଜୋତ୍ତମଃ।
ମତିଂ ଚକ୍ରେ ବିନାଶାଯ ଧୃତରାଷ୍ଟ୍ରସ୍ଯ ଭୂପତେଃ॥ 9-42-10 (62558)
ସ ତୂତ୍କୃତ୍ଯ ମୃତାନାଂ ବୈ ମାଂସାନି ମୁନିସତ୍ତମଃ।
ଜୁହାବ ଧୃତରାଷ୍ଟ୍ରସ୍ଯ ରାଷ୍ଟ୍ରଂ ନରପତେଃ ପୁରା॥ 9-42-11 (62559)
ଅବାକର୍ଣେ ସରସ୍ବତ୍ଯାସ୍ତୀର୍ଥେ ପ୍ରଜ୍ବାଲ୍ଯ ପାବକମ୍।
xxxx ଦାଲ୍ଭ୍ଯୋ ମହାରାଜ ନିଯମଂ ପରମଂ ସ୍ଥିତଃ॥ 9-42-12 (62560)
ସ ତୈରେବ ଜୁହାବାଗ୍ନୌ ରାଷ୍ଟ୍ରଂ ମାଂସୈର୍ମହାତପଃ॥ 9-42-13 (62561)
ତସ୍ମିଂସ୍ତୁ ବିଧିବତ୍ସତ୍ରେ ସମ୍ପ୍ରବୃତ୍ତେ ସୁଦାରୁଣେ।
ଅକ୍ଷୀଯତ ତତୋ ରାଷ୍ଟ୍ରଂ ଧୃତରାଷ୍ଟ୍ରସ୍ଯ ପାର୍ଥିବ॥ 9-42-14 (62562)
ଛିxxxମାନଂ xxxxxx ପରଶୁନା ବିଭୋ
xxxxxxxxxxxx ବ୍ଯବକୀର୍ଥମଚେତନମ୍॥ 9-42-15 (62563)
ଦୃଷ୍ଟ୍ବା ତଥାଽବକୀର୍ଣଂ ତୁ ରାଷ୍ଟ୍ରଂ ଚ ମନୁଜାଧିପଃ।
ବଭୂବ ଦୁର୍ମନା ରାଜା ଚିନ୍ତଯାମାସ ଚ ପ୍ରଭୁଃ॥ 9-42-16 (62564)
xxxxxxxxxରଦ୍ଯତ୍ରଂ ବ୍ରାହ୍ମଣୈଃ ସହିତଃ ପୁରା।
xxxxxଗଚ୍ଛତ୍ତୁ କ୍ଷୀଯତେ ରାଷ୍ଟ୍ରମେବ ଚ॥ 9-42-17 (62565)
ଯଦା ସ ପାର୍ଥିବଃ ଖିନ୍ନସ୍ତେ ଚ ବିପ୍ରାସ୍ତଦାଽନଘ॥ 9-42-18 (62566)
ଯଦା ଚାପି ନ ଶକ୍ନୋତି ରାଷ୍ଟ୍ରଂ ମୋକ୍ଷଯିତୁଂ ନୃପଃ।
ଅଥ ବିପ୍ରାଦିକାଂସ୍ତତ୍ର ପପ୍ରଚ୍ଛ ଜନମେଜଯ॥ 9-42-19 (62567)
ତତୋ ବିପ୍ରାଦିକାଃ ପ୍ରାହୁଃ ପଶୁବିପ୍ରକୃତସ୍ତ୍ବଯା।
ମାଂସୈରଭିଜୁହୋତୀଦଂ ତବ ରାଷ୍ଟ୍ରଂ ମୁନିର୍ବକଃ॥ 9-42-20 (62568)
ତେନ ତେ ହୂଯମାନସ୍ଯ ରାଷ୍ଟ୍ରସ୍ଯାସ୍ଯ କ୍ଷଯୋ ମହାନ୍।
ତସ୍ଯୈତତ୍ତପସଃ କର୍ମ ଯେନ ତେଽଦ୍ଯ ଲଯୋ ମହାନ୍॥ 9-42-21 (62569)
`ଯଦୀଚ୍ଛସି ମହାବାହୋ ଶାନ୍ତିଂ ରାଷ୍ଟ୍ରସ୍ଯ ଭୂମିପ।'
ଅପାଂ କୁଞ୍ଜେ ସରସ୍ବତ୍ଯାସ୍ତଂ ପ୍ରସାଦଯ ପାର୍ଥିବ॥ 9-42-22 (62570)
ବୈଶମ୍ପାଯନ ଉବାଚ। 9-42-23x (5186)
ସରସ୍ବତୀଂ ତତୋ ଗତ୍ବା ସ ରାଜା ବକମବ୍ରବୀତ୍।
ନିପତ୍ଯ ଶିରସା ଭୂମୌ ପ୍ରାଞ୍ଜଲିର୍ଭରତର୍ଷଭ॥ 9-42-23 (62571)
ପ୍ରସାଦଯେ ତ୍ବାଂ ଭଗବନ୍ନପରାଧଂ କ୍ଷମସ୍ବ ମେ।
ମମ ଦୀନସ୍ଯ ଲୁବ୍ଧସ୍ଯ ମୌର୍ଖ୍ଯେଣ ହତଚେତସଃ।
ତ୍ବଂ ଗତିସ୍ତ୍ବଂ ଚ ମେ ନାଥଃ ପ୍ରସାଦଂ କର୍ତୁମର୍ହସି॥ 9-42-24 (62572)
ତଂ ତଥା ବିଲପନ୍ତଂ ତୁ ଶୋକୋପହତଚେତସମ୍।
ଦୃଷ୍ଟ୍ବା ତସ୍ଯ କୃପା ଜଜ୍ଞେ ରାଷ୍ଟ୍ରଂ ତସ୍ଯ ବ୍ଯମୋଚଯତ୍॥ 9-42-25 (62573)
ଋଷିଃ ପ୍ରସନ୍ନସ୍ତସ୍ଯାଭୂତ୍ସଂରମ୍ଭଂ ଚ ବିହାଯ ସଃ।
ମୋକ୍ଷାର୍ଥଂ ତସ୍ଯ ରାଜ୍ଯସ୍ଯ ଜୁହାବ ପୁନରାହୁତିମ୍॥ 9-42-26 (62574)
ମୋକ୍ଷଯିତ୍ବା ତତୋ ର୍ଷ୍ଟ୍ରଂ ପ୍ରତିଗୃହ୍ଯ ପଶୂନ୍ବହୂନ୍।
ହୃଷ୍ଟାତ୍ମା ନୈମିଶାରଣ୍ଯଂ ଜଗାମ ପୁନରେବ ସଃ॥ 9-42-27 (62575)
ଧୃତରାଷ୍ଟ୍ରୋଽପି ଧର୍ମାତ୍ମା ସ୍ବସ୍ଥଚେତା ମହାମନାଃ।
ସ୍ବମେବ ନଗରଂ ରାଜନ୍ପ୍ରତିପେଦେ ମହର୍ଦ୍ଧିମତ୍॥ 9-42-28 (62576)
ତତ୍ର ତୀର୍ଥେ ମହାରାଜ ବୃହସ୍ପତିରୁଦାରଧୀଃ।
ଅସୁରାଣାମଭାବାଯ ଭବାଯ ଚ ଦିବୌକସାମ୍॥ 9-42-29 (62577)
ମାଂସୈରଭିଜୁହାବେଷ୍ଟିମକ୍ଷୀଯନ୍ତ ତତୋଽସୁରାଃ।
ଦୈବତୈରପି ସମ୍ଭଗ୍ନା ଜିତକାଶିଭିରାହବେ॥ 9-42-30 (62578)
ତତ୍ରାପି ବିଧିବଦ୍ଦତ୍ତ୍ବା ବ୍ରାହ୍ମଣେଭ୍ଯୋ ମହାଯଶାଃ।
ବାଜିନଃ କୁଞ୍ଜରାଂଶ୍ଚୈବ ରଥାଂଶ୍ଚଶ୍ବତରୀଯୁତାନ୍॥ 9-42-31 (62579)
ରତ୍ନାନି ଚ ମହାର୍ହାଣି ଧନଂ ଧାନ୍ଯଂ ଚ ପୁଷ୍କଲମ୍।
ଯଯୌ ତୀର୍ଥଂ ମହାବାହୁର୍ଯାଯାତଂ ପୃଥିବୀପତେ॥ 9-42-32 (62580)
ତତ୍ର ଯଜ୍ଞେ ଯଯାତେଶ୍ଚ ମହାରାଜ ସରସ୍ବତୀ।
ସର୍ପିଃ ପଯଶ୍ଚ ସୁସ୍ରାବ ନାହୁଷସ୍ଯ ମହାତ୍ମନଃ॥ 9-42-33 (62581)
ତତ୍ରେଷ୍ଟ୍ବା ପୁରୁଷବ୍ଯାଘ୍ରୋ ଯଯାତିଃ ପୃଥିବୀପତିଃ।
ଆକ୍ରାମଦୂର୍ଧ୍ବଂ ପୁଦିତୋ ଲେଭେ ଲୋକାଂଶ୍ଚ ପୁଷ୍କଲାନ୍॥ 9-42-34 (62582)
ପୁନସ୍ତତ୍ର ଚ ରାଜ୍ଞସ୍ତୁ ଯଯାତେର୍ଯଜତଃ ପ୍ରଭୋଃ।
ଔଦାର୍ଯଂ ପରମଂ କୃତ୍ବା ଭକ୍ତିଂ ଚାତ୍ମନି ଶାଶ୍ବତୀମ୍।
ଦଦୌ କାମାନ୍ବ୍ରାହ୍ମଣେଭ୍ଯୋ ବାନ୍ଯାନ୍ଯୋ ମନସେଚ୍ଛତି॥ 9-42-35 (62583)
ଯୋ ଯତ୍ର ସ୍ଥିତ ଏବେହ ଆହୂତୋ ଯଜ୍ଞସଂସ୍ତରେ।
ତସ୍ଯତସ୍ଯ ସରିଚ୍ଛ୍ରେଷ୍ଠା ଗୃହାଦି ଶଯନାଦିକମ୍।
ଷଡ୍ରସଂ ଭୋଜନଂ ଚୈବ ଦାନଂ ନାନାବିଧଂ ତଥା॥ 9-42-36 (62584)
ତେ ମନ୍ଯମାନା ରାଜ୍ଞସ୍ତୁ ସମ୍ପ୍ରଦାନମନୁତ୍ତମମ୍।
ରାଜାନଂ ତୁଷ୍ଟୁବୁଃ ପ୍ରୀତା ଦତ୍ତ୍ବା ଚୈବାଶିଷଃ ଶୁଭାଃ॥ 9-42-37 (62585)
ତତ୍ର ଦେବାଃ ସଗନ୍ଧର୍ବାଃ ପ୍ରୀତା ଯଜ୍ଞସ୍ଯ ସମ୍ପଦା।
ବିସ୍ମିତା ମାନୁଷାଶ୍ଚାସନ୍ଦୃଷ୍ଟ୍ବା ତାଂ ଯଜ୍ଞସମ୍ପଦମ୍॥ 9-42-38 (62586)
ତତସ୍ତାଲକେତୁର୍ମହାଧର୍ମକେତୁ--
ର୍ମହାତ୍ମା କୃତାତ୍ମା ମହାଦାନନିତ୍ଯଃ।
ବସିଷ୍ଠାପବାହଂ ମହାଭୀମବେଗଂ
ଧୃତାତ୍ମା ଜିତାତ୍ମା ସମଭ୍ଯାଜଗାମ॥ ॥ 9-42-39 (62587)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ଦ୍ବିଚତ୍ବାରିଂଶୋଽଧ୍ଯାଯଃ॥ 42 ॥
Mahabharata - Shalya Parva - Chapter Footnotes
9-42-1 ବ୍ରହ୍ମଯୋନେରବାକୀର୍ଣମିତି ଝ.ପାଠଃ। ତତ୍ର ବ୍ରହ୍ମଯୋନେଃ ବ୍ରାହ୍ମଣ୍ଯୋତ୍ପାଦକାତ୍ତୀର୍ଥାଦବାକୀର୍ଣଂ ନାମ ଦ୍ବାଲ୍ଭ୍ଯସେବିତଂ ତୀର୍ଥଂ ଜଗାମେତ୍ଯର୍ଥଃ ॥ 9-42-3 ପାଞ୍ଚଲାନ୍ବିଶ୍ବଜିତୋ ମହତ୍ମାନ୍ତେ ଅଗମନ୍॥ 9-42-4 ଈଶ୍ବରଂ ପାଶ୍ଚାଲସଜମ୍॥ 9-42-5 xxxxxxxxxxx ଖଯଂ ତତ୍ର ଭାଗଂ ନ ଗୃହୀତବାନିତ୍ଯର୍ଥଃ॥ 9-42-19 ଅଥ ବୈ ପ୍ରାଶ୍ନିକାଂସ୍ତତ୍ରେତି ଝ ପାଠଃ॥ 9-42-42 ଦ୍ବିଚତ୍ବାରିଂଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 043
॥ ଶ୍ରୀଃ ॥
9.43. ଅଧ୍ଯାଯଃ 043
Mahabharata - Shalya Parva - Chapter Topics
ବସିଷ୍ଠାପବାହତୀର୍ଥସ୍ଯ ତନ୍ନାମପ୍ରାପ୍ତିପ୍ରକାରକଥନମ୍॥ 1 ॥Mahabharata - Shalya Parva - Chapter Text
9-43-0 (62588)
ଜନମେଜଯ ଉବାଚ। 9-43-0x (5187)
ବସିଷ୍ଠାପବାହୋ ବ୍ରହ୍ମନ୍ବୈ ଭୀମବେଗଃ କଥଂ ନୁ ସଃ।
କିମର୍ଥଂ ଚ ସରିଚ୍ଛ୍ରେଷ୍ଠା ତମୃଷିଂ ପ୍ରତ୍ଯବାହଯତ୍॥ 9-43-1 (62589)
କଥମସ୍ଯାଭବଦ୍ବୈରଂ କାରଣଂ କିଂ ଚ ତତ୍ପ୍ରଭୋ।
ଶଂସ ପୃଷ୍ଟୋ ମହାପ୍ରାଜ୍ଞ ନ ହି ତୃପ୍ଯାମି କଥ୍ଯତି॥ 9-43-2 (62590)
ବୈଶମ୍ପାଯନ ଉବାଚ। 9-43-3x (5188)
ବିଶ୍ବାମିତ୍ରସ୍ଯ ବିପ୍ରର୍ଷେର୍ବସିଷ୍ଠସ୍ଯ ଚ ଭାରତ।
ଭୃଶଂ ବୈରମଭୂଦ୍ରାଜଂସ୍ତପଃସ୍ପର୍ଧାକୃତଂ ମହତ୍॥ 9-43-3 (62591)
ଆଶ୍ରମୋ ବୈ ବସିଷ୍ଠସ୍ଯ ସ୍ଥାଣୁତୀର୍ଥେଽଭବନ୍ମହାନ୍।
ପୂର୍ବତଃ ପାର୍ଶ୍ବତଶ୍ଚାସୀଦ୍ବିଶ୍ବାମିତ୍ରସ୍ଯ ଧୀମତଃ॥ 9-43-4 (62592)
ଯତ୍ର ସ୍ଥାଣୁର୍ମହାରାଜ ତପ୍ତବାନ୍ପରମଂ ତପଃ।
ତତ୍ରାସ୍ଯ କର୍ମ ତଦ୍ଧୋରଂ ପ୍ରବଦନ୍ତି ମନୀଷିଣଃ॥ 9-43-5 (62593)
ଯତ୍ରେଷ୍ଟ୍ବା ଭଗବାନ୍ସ୍ଥାଣୁଃ ପୂଜଯିତ୍ବା ସରସ୍ବତୀମ୍।
ସ୍ଥାପଯାମାସ ତତ୍ତୀର୍ଥଂ ସ୍ଥାଣୁତୀର୍ଥମିତି ପ୍ରଭୋ॥ 9-43-6 (62594)
ତତ୍ର ତୀର୍ଥେ ସୁରାଃ ସ୍କନ୍ଦମଭ୍ଯଷିଞ୍ଚନ୍ନରାଧିପ।
ସୈନାପତ୍ଯେନ ମହତା ସୁରାରିବିନିବର୍ହଣମ୍॥ 9-43-7 (62595)
ତସ୍ମିନ୍ସାରସ୍ବତେ ତୀର୍ଥେ ବିଶ୍ବାମିତ୍ରୋ ମହାମୁନିଃ।
ବସିଷ୍ଠଂ ଚାଲଯାମାସ ତପସୋଗ୍ରେଣ ତଚ୍ଛୃଣୁ॥ 9-43-8 (62596)
ବିଶ୍ବାମିତ୍ରବସିଷ୍ଠୌ ତାବହନ୍ଯହନି ଭାରତ।
ସ୍ପର୍ଧାଂ ତପଃ କୃତାଂ ତୀବ୍ରାଂ ଚକ୍ରତୁସ୍ତୌ ବତପୋଧନୌ॥ 9-43-9 (62597)
ତତ୍ରାପ୍ଯଧିକସନ୍ତପ୍ତୋ ବିଶ୍ବାମିତ୍ରୋ ମହାମୁନିଃ।
ଦୃଷ୍ଟ୍ବା ତେଜୋ ବସିଷ୍ଠସ୍ଯ ଚିନ୍ତାମଭିଜଗାମ ହ॥ 9-43-10 (62598)
ତସ୍ଯ ବୁଦ୍ଧିରିଯଂ ହ୍ଯାସୀଦ୍ଧର୍ମନିତ୍ଯସ୍ଯ ଭାରତ।
ଇଦଂ ସରସ୍ବତୀ ତୂର୍ଣଂ ମତ୍ସମୀପଂ ତପୋଧନମ୍॥ 9-43-11 (62599)
ଆନଯିଷ୍ଯତି ବେଗେନ ବସିଷ୍ଠଂ ଜପତାଂ ବରମ୍।
ଇହାଗତଂ ଦ୍ବିଜଶ୍ରେଷ୍ଠଂ ହନିଷ୍ଯାମି ନ ସଂଶଯଃ॥ 9-43-12 (62600)
ଏବଂ ନିଶ୍ଚିତ୍ଯ ଭଗବାନ୍ବିଶ୍ବାମିତ୍ରୋ ମହାମୁନିଃ।
ସସ୍ମାର ସରିତାଂ ଶ୍ରେଷ୍ଠାଂ କ୍ରୋଧସଂରକ୍ତଲୋଚନଃ॥ 9-43-13 (62601)
ସା ଧ୍ଯାତା ମୁନିନା ତେନ ବ୍ଯାକୁଲତ୍ବଂ ଜଗାମ ହ।
ଗତ୍ବା ଚୈନଂ ମହାବୀର୍ଯଂ ମହାକୋପଂ ଚ ଭାମିନୀ॥ 9-43-14 (62602)
ତଦା ତଂ ବେପମାନାଙ୍ଗୀ ବିବର୍ଣା ପ୍ରାଞ୍ଜଲିର୍ଭୃଶମ୍।
ଉପତସ୍ଥେ ମୁନିବରଂ ବିଶ୍ବାମିତ୍ରଂ ସରସ୍ବତୀ॥ 9-43-15 (62603)
ହତବୀରା ଯଥା ନାରୀ ସାଽଭବଦ୍ଦୁଃଖିତା ଭୃଶମ୍।
ବ୍ରୂହି କିଂ କରବାଣୀତି ପ୍ରୋବାଚ ମୁନିସତ୍ତମମ୍॥ 9-43-16 (62604)
ତାମୁବାଚ ମୁନିଃ କ୍ରୁଦ୍ଧୋ ବସିଷ୍ଠଂ ଶୀଘ୍ରମାନଯ।
ଯାବଦେନଂ ନିହନ୍ମ୍ଯଦ୍ଯ ତଚ୍ଛ୍ରୁତ୍ବା ବ୍ଯଥିତା ନଦୀ॥ 9-43-17 (62605)
ସାଞ୍ଜଲିଂ ତୁ ତତଃ କୃତ୍ବା ପୁଣ୍ଡରୀକନିଭେକ୍ଷଣା।
ପ୍ରାକମ୍ପତ ଭୃଶଂ ଭୀତା ବାଯୁନେବାହତା ଲତା॥ 9-43-18 (62606)
ତଥାରୂପାଂ ତୁ ତାଂ ଦୃଷ୍ଟ୍ବା ମୁନିରାହ ମହାନଦୀମ୍।
ଅବିଚାରଂ ବସିଷ୍ଠଂ ତ୍ବମାନଯସ୍ତ୍ବାନ୍ତିକଂ ମମ॥ 9-43-19 (62607)
ସା ତସ୍ଯ ବଚନଂ ଶ୍ରୁତ୍ବା ଜ୍ଞାତ୍ବା ପାପଂ ଚିକୀର୍ଷିତମ୍।
ବସିଷ୍ଠସ୍ଯ ପ୍ରଭାବଂ ଚ ଜାନନ୍ତ୍ଯପ୍ରତିମଂ ଭୁବି॥ 9-43-20 (62608)
ସାଽଭିଗମ୍ଯ ବସିଷ୍ଠଂ ଚ ଇଦମର୍ଥମଚୋଦଯତ୍।
ଯଦୁକ୍ତା ସରିତାଂଶ୍ରେଷ୍ଠା ବିଶ୍ବାମିତ୍ରେଣ ଧୀମତା॥ 9-43-21 (62609)
ଉଭଯୋଃ ଶାପଯୋର୍ଭୀତା ବେପମାନା ପୁନଃପୁନଃ।
ଚିନ୍ତଯିତ୍ବା ମହାଶାପମୃଷିବିପ୍ରାସିତା ଭୃଶମ୍॥ 9-43-22 (62610)
ତାଂ କୃଶାଂ ଚ ବିବର୍ଣାଂ ଚ ଦୃଷ୍ଟ୍ବା ଚିନ୍ତାସମନ୍ବିତାମ୍।
ଉବାଚ ରାଜନ୍ଧର୍ମାତ୍ମା ବସିଷ୍ଠୋ ଦ୍ବିପଦାଂ ବରଃ॥ 9-43-23 (62611)
ପାହ୍ଯାତ୍ମାନଂ ସରିଚ୍ଛେଷ୍ଠେ ବହ ମାଂ ଶୀଘ୍ରଗାମିନୀ।
ବିଶ୍ବାମିତ୍ରଃ ଶପେଦ୍ବି ତ୍ବାଂ ମା କୃଥାସ୍ତ୍ବଂ ବିଚାରଣାମ୍॥ 9-43-24 (62612)
ତସ୍ଯ ତଦ୍ବଚନଂ ଶ୍ରୁତ୍ବା କୃପାଶୀଲସ୍ଯ ସା ସରିତ୍।
ଚିନ୍ତଯାମାସ କୌରବ୍ଯ କିଂ କୃତ୍ବା ସୁକୃତଂ ଭବେତ୍॥ 9-43-25 (62613)
ତସ୍ଯାଶ୍ଚିନ୍ତା ସମୁତ୍ପନ୍ନା ବସିଷ୍ଠୋ ମଯ୍ଯତୀବ ହି।
କୃତବାନ୍ହି ଦଯାଂ ନିତ୍ଯଂ ତସ୍ଯା କାର୍ଯଂ ହିତଂ ମଯା॥ 9-43-26 (62614)
ଅଥ କୂଲେ ସ୍ବକେ ରାଜଞ୍ଜପନ୍ତମୃଷିସତ୍ତମମ୍।
ଜୁହ୍ବାନଂ କୌଶିକଂ ପ୍ରେକ୍ଷ୍ଯ ସରସ୍ବତ୍ଯଭ୍ଯଚିନ୍ତଯତ୍॥ 9-43-27 (62615)
ଇଦମନ୍ତରମିତ୍ଯେବଂ ତତଃ ସା ସରିତାଂ ବରା।
କୂଲାପହାରମକରୋତ୍ସ୍ବେନ ବେଗେନ ସା ସରିତ୍॥ 9-43-28 (62616)
ତେନ କୂଲାପହାରେଣ ମୈତ୍ରାବରୁଣିରୌହ୍ଯତ।
ଉହ୍ଯମାନଃ ସ ତୁଷ୍ଟାବ ତଦା ରାଜନ୍ସରସ୍ବତୀମ୍॥ 9-43-29 (62617)
ପିତାମହସ୍ଯ ସରସଃ ପ୍ରବୃତ୍ତାଽସି ସରସ୍ବତି।
ବ୍ଯାପ୍ତଂ ଚେଦଂ ଜଗତ୍ସର୍ବଂ ତବୈବାମ୍ଭୋଭିରୁତ୍ତମୈଃ॥ 9-43-30 (62618)
ତ୍ବମେବାକାଶଗା ଦେବି ମେଘେଷୁ ସୃଜସେ ପଯଃ।
ସର୍ବାଶ୍ଚାପସ୍ତ୍ବମେବେତି ଯଥା ବଯମଧୀମହି॥ 9-43-31 (62619)
ପୁଷ୍ଟିର୍ଦ୍ଯୁତିସ୍ତଥା କୀର୍ତିଃ ସିଦ୍ଧିର୍ବୁଦ୍ଧିରମା ତଥା।
ତ୍ବମେବ ବାଣୀ ସ୍ବାହା ତ୍ବଂ ତବାଯତ୍ତମିଦଂ ଜଗତ୍।
ତ୍ବମେବ ସର୍ବଭୂତେଷୁ ବସସୀହ ଚତୁର୍ବିଧା॥ 9-43-32 (62620)
ବୈଶମ୍ପାଯନ ଉବାଚ। 9-43-33x (5189)
ଏବଂ ସରସ୍ବତୀ ରାଜନ୍ସ୍ତୂଯମାନା ମହର୍ଷିଣା।
ବେଗେନୋବାହ ତଂ ବିପ୍ରଂ ବିଶ୍ବାମିତ୍ରାଶ୍ରମଂ ପ୍ରତି॥ 9-43-33 (62621)
ନ୍ଯବେଦଯତ ଚାକ୍ଷୀକ୍ଷ୍ଣଂ ବିଶ୍ବାମିତ୍ରାଯ ତଂ ମୁନିମ୍॥ 9-43-34 (62622)
ତମାନୀତଂ ସରସ୍ବତ୍ଯା ଦୃଷ୍ଟ୍ବା କୋପସମନ୍ବିତଃ।
ଅଥାନ୍ବେଷତ୍ପ୍ରହରଣଂ ବସିଷ୍ଠାନ୍ତକରଂ ତଦା॥ 9-43-35 (62623)
ତଂ ତୁ କ୍ରୁଦ୍ଧମଭିପ୍ରେକ୍ଷ୍ଯ ବ୍ରହ୍ମବଧ୍ଯାଭଯାନ୍ନଦୀ।
ଅପୋବାହ ବସିଷ୍ଠଂ ତୁ ପ୍ରାଚୀଂ ଦିଶମତନ୍ଦ୍ରିତା।
ଉଭଯୋଃ କୁର୍ବତୀ ବାକ୍ଯଂ ବଞ୍ଚଯିତ୍ବା ଚ ଗାଧିଜମ୍॥ 9-43-36 (62624)
ତତୋପବାହିତଂ ଦୃଷ୍ଟ୍ବା ବସିଷ୍ଠମୃଷିସତ୍ତମମ୍।
ଅବ୍ରବୀତ୍ତ୍ବଥ ସଙ୍କ୍ରୁଦ୍ଧୋ ବିଶ୍ବାମିତ୍ରଃ ସରସ୍ବତୀମ୍॥ 9-43-37 (62625)
ଯସ୍ମାନ୍ମାଂ ତ୍ବଂ ସରିଚ୍ଛ୍ରେଷ୍ଠେ ବଞ୍ଚଯିତ୍ବା ପୁନର୍ଗତା।
ଶୋଣିତଂ ବହ କଲ୍ଯାଣି ରାକ୍ଷସାନାଂ ଚ ସମ୍ମତମ୍॥ 9-43-38 (62626)
ତତଃ ସରସ୍ବତୀ ଶପ୍ତା ବିଶ୍ବାମିତ୍ରେଣ ଧୀମତା।
ଅବହଚ୍ଛୋଣିତୋନ୍ମିଶ୍ରଂ ତୋଯଂ ସଂବତ୍ସରଂ ତଦା॥ 9-43-39 (62627)
ଅଥର୍ଷଯଶ୍ଚ ଦେବାଶ୍ଚ ଗନ୍ଧର୍ବାପ୍ସରସସ୍ତଦା।
ସରସ୍ବତୀଂ ତଥା ଦୃଷ୍ଟ୍ବା ବଭୂବୁର୍ଭୃଶଦୁଃଖିତାଃ॥ 9-43-40 (62628)
ଏବଂ ବସିଷ୍ଠାପବାହୋ ଲୋକେ ଖ୍ଯାତୋ ଜନାଧିପ।
ଆଗଚ୍ଛଚ୍ଚ ପୁନର୍ମାର୍ଗଂ ସ୍ବମେବ ସରିତାଂ ବରା॥ ॥ 9-43-41 (62629)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ତ୍ରିଚତ୍ବାରିଂଶୋଽଧ୍ଯାଯଃ॥ 43 ॥
ଶଲ୍ଯପର୍ବ - ଅଧ୍ଯାଯ 044
॥ ଶ୍ରୀଃ ॥
9.44. ଅଧ୍ଯାଯଃ 044
Mahabharata - Shalya Parva - Chapter Topics
ବିଶ୍ବାମିତ୍ରଶାପାଦ୍ରୁଧିରଜଲାଯାଃ ସରସ୍ବତ୍ଯା ଋଷିଭିସ୍ବପସା ଶୋଧନମ୍॥ 1 ॥ ଇନ୍ଦ୍ରେଣ ସରସ୍ବତ୍ଯରୁଣାସଙ୍ଗମେ ଯଜନାଦିନା ବ୍ରହ୍ମହତ୍ଯାପରିହରଣମ୍॥ 2 ॥ ବଲରାମସ୍ଯ ତତ୍ର ସ୍ନାନାଦିପୂର୍ବକଂ ତସ୍ମାତ୍ସୋମତୀର୍ଥଗମନମ୍॥ 3 ॥Mahabharata - Shalya Parva - Chapter Text
9-44-0 (62630)
ବୈଶମ୍ପାଯନ ଉବାଚ। 9-44-0x (5190)
ସ ଶପ୍ତା ତେନ କ୍ରୁଦ୍ଧେନ ବିଶ୍ବାମିତ୍ରେଣ ଧୀମତା।
ତସ୍ମିଂସ୍ତୀର୍ଥବରେ ଶୁଭ୍ରଂ ଶୋଣିତଂ ସମୁପାବହତ୍॥ 9-44-1 (62631)
ଅଥାଜଗ୍ମୁସ୍ତତୋ ରାଜନ୍ରାକ୍ଷସାସ୍ତତ୍ର ଭାରତ।
ତତ୍ର ତେ ଶୋଣିତଂ ସର୍ବେ ପିବନ୍ତଃ ସୁଖମାସତେ॥ 9-44-2 (62632)
ତୃପ୍ତାଶ୍ଚ ସୁଭୃଶଂ ତେନ ସୁଖିତା ବିଗତଜ୍ବରାଃ।
ନୃତ୍ଯନ୍ତଶ୍ଚ ହସନ୍ତଶ୍ଚ ଯଥା ସ୍ବର୍ଗଜିତସ୍ତଥା॥ 9-44-3 (62633)
କସ୍ଯଚିତ୍ତ୍ବଥ କାଲସ୍ଯ ଋଷଯଃ ସୁତପୋଧନାଃ।
ତୀର୍ଥଯାତ୍ରାଂ ସମାଜଗ୍ମୁଃ ସରସ୍ବତ୍ଯାଂ ମହୀପତେ॥ 9-44-4 (62634)
ତେଷୁ ସର୍ବେଷୁ ତୀର୍ଥେଷୁ ସ୍ବାପ୍ଲୁତ୍ଯ ମୁନିପୁଙ୍ଗବାଃ।
ପ୍ରାପ୍ଯ ପ୍ରୀତିଂ ପରାଂ ଚାପି ତପୋଲୁପ୍ଧା ବିଶାରଦାଃ॥ 9-44-5 (62635)
ପ୍ରଯଯୁର୍ହି ତତୋ ରାଜନ୍ଯେନ ତୀର୍ଥମସୃଗ୍ବହମ୍।
ଅଥାଗମ୍ଯ ମହାଭାଗାସ୍ତତ୍ତୀର୍ଥଂ ଦାରୁଣଂ ତଦା॥ 9-44-6 (62636)
ଦୃଷ୍ଟ୍ବା ତୋଯଂ ସରସ୍ବତ୍ଯାଃ ଶୋଣିତେନ ପରିପ୍ଲୁତମ୍।
ପୀଯମାନଂ ଚ ରକ୍ଷୋଭିର୍ବହୁଭିର୍ନୃପସତ୍ତମ॥ 9-44-7 (62637)
ତାନ୍ଦୃଷ୍ଟ୍ବା ରାକ୍ଷସାନ୍ରାଜନ୍ମୁନଯଃ ସଂଶିତବ୍ରତାଃ।
ପରିତ୍ରାଣେ ସରସ୍ବତ୍ଯାଃ ପରଂ ଯତ୍ନଂ ପ୍ରଚକ୍ରିରେ॥ 9-44-8 (62638)
ତେ ତୁ ସର୍ବେ ମହାଭାଗାଃ ସମାଗମ୍ଯ ମହାବ୍ରତାଃ।
ଆହୂଯ ସରିତାଂ ଶ୍ରେଷ୍ଠାମିଦଂ ବଚନମବ୍ରୁବନ୍॥ 9-44-9 (62639)
କାରଣଂ ବ୍ରୂହି କଲ୍ଯାଣି କିମର୍ଥଂ ତେ ହୃଦୋ ହ୍ଯଯମ୍।
ଏବମଗ୍ରାହ୍ଯତାଂ ଯାତଃ ଶ୍ରୁତ୍ବାଽଧ୍ଯାସ୍ଯାମହେ ବଯମ୍॥ 9-44-10 (62640)
ତତଃ ସା ସର୍ବମାଚଷ୍ଟ ଯଥାବୃତ୍ତଂ ପ୍ରବେପତୀ।
ଦୁଃଖିତାମଥ ତାଂ ଦୃଷ୍ଟ୍ବା ଊଚୁସ୍ତେ ବୈ ତପୋଧନାଃ॥ 9-44-11 (62641)
କାରଣଂ ଶ୍ରୁତମସ୍ମାଭିଃ ଶାପଶ୍ଚୈବ ଶ୍ରୁତୋଽନଘେ।
କରିଷ୍ଯନ୍ତି ତୁ ଯତ୍ପ୍ରାପ୍ତଂ ସର୍ବ ଏବ ତପୋଧନାଃ॥ 9-44-12 (62642)
ଏବମୁକ୍ତ୍ବା ସରିଚ୍ଛ୍ରେଷ୍ଠାମୂଚୁସ୍ତେଽଥ ପରସ୍ପରମ୍।
ବିମୋଚଯାମହେ ସର୍ବେ ଶାପାଦେତାଂ ସରସ୍ବତୀମ୍॥ 9-44-13 (62643)
ତେ ସର୍ବେ ବ୍ରାହ୍ମଣା ରାଜଂସ୍ତପୋଭିର୍ନିଯମୈସ୍ତଥା।
ଉପବାସୈଶ୍ଚ ବିବିଧୈର୍ଯମୈଃ କଷ୍ଟବ୍ରତୈସ୍ତଥା॥ 9-44-14 (62644)
ଆରାଧ୍ଯ ପଶୁଭର୍ତାରଂ ମହାଦେବଂ ଜଗତ୍ପତିମ୍।
ମୋକ୍ଷଯାମାସୁସ୍ତାଂ ଦେବୀଂ ସରିଚ୍ଛ୍ରେଷ୍ଠାଂ ସରସ୍ବତୀମ୍॥ 9-44-15 (62645)
ତେଷାଂ ତୁ ସା ପ୍ରଭାବେଣ ପ୍ରକୃତିସ୍ଥା ସରସ୍ବତୀ।
ପ୍ରସନ୍ନସଲିଲା ଜଜ୍ଞେ ଯଥା ପୂର୍ବଂ ତଥୈବ ହି।
ନିର୍ମୁକ୍ତା ଚ ସରିଚ୍ଛ୍ରେଷ୍ଠା ବିବଭୌ ସା ଯଥା ପୁରା॥ 9-44-16 (62646)
ଦୃଷ୍ଟ୍ବା ତୋଯଂ ସରସ୍ବତ୍ଯା ମୁନିଭିସ୍ତୈସ୍ତଥା କୃତମ୍।
ତାନେବ ଶରଣଂ ଜଗ୍ମୂ ରାକ୍ଷସାଃ କ୍ଷୁଧିତାସ୍ତଥା॥ 9-44-17 (62647)
କୃତ୍ବାଞ୍ଜଲିଂ ତତୋ ରାଜନ୍ରାକ୍ଷସାଃ କ୍ଷୁଧଯାଽର୍ଦିତାଃ।
ଊଚୁସ୍ତାନ୍ବୈ ମୁନୀନ୍ସର୍ବାନ୍କୃପାଯୁକ୍ତାନ୍ପୁନଃପୁନଃ॥ 9-44-18 (62648)
ବଯଂ ଚ କ୍ଷୁଧିତାଶ୍ଚୈବ ଧର୍ମାଦ୍ଧୀନାଶ୍ଚ ଶାଶ୍ବତାତ୍।
ନ ଚ ନଃ କାମକାରୋଽଯଂ ଯଦ୍ବଯଂ ପାପକାରିଣା॥ 9-44-19 (62649)
ଯୁଷ୍ମାକଂ ଚାପ୍ରସାଦେନ ଦୁଷ୍କୃତେନ ଚ କର୍ମଣା।
ପକ୍ଷୋଽଯଂ ବର୍ଧତେଽସ୍ମାକଂ ଯତଃ ସ୍ମୋ ବ୍ରହ୍ମରାକ୍ଷସାଃ।
ଯୋଷିତାଂ ଚୈବ ପାପେନ ଯୋନିଦୋଷକୃତେନ ଚ॥ 9-44-20 (62650)
ଏବଂ ହି ବୈଶ୍ଯଶୂଦ୍ରାଣାଂ କ୍ଷତ୍ରିଯାଣାଂ ତଥୈବ ଚ।
ଯେ ବ୍ରାହ୍ମଣାନ୍ପ୍ରଦ୍ବିଷନ୍ତି ତେ ଭବନ୍ତୀହ ରାକ୍ଷସାଃ॥ 9-44-21 (62651)
`ଶକ୍ତିମନ୍ତୋଽପି ଯେ କେଚିଦାଶ୍ରିତାନାଂ ଚ ରକ୍ଷଣମ୍।
ନ କୁର୍ବନ୍ତି ମନୁଷ୍ଯାସ୍ତେ ସମ୍ଭବନ୍ତୀହ ରାକ୍ଷସାଃ'॥ 9-44-22 (62652)
ଆଚାର୍ଯମୃତ୍ବିଜଂ ଚୈବ ଗୁରୁଂ ବୃଦ୍ବଜନଂ ତଥା।
ପ୍ରଣିନୋ ଯେଽବମନ୍ଯନ୍ତେ ତେ ଭବନ୍ତୀହ ରାକ୍ଷସାଃ॥ 9-44-23 (62653)
ତତ୍କୁରୁଧ୍ବମିହାସ୍ମାକଂ ତାରଣଂ ଦ୍ବିଜସତ୍ତମାଃ।
ଶକ୍ତା ଭବନ୍ତଃ ସର୍ବେଷାଂ ଲୋକାନାମପି ତାରଣେ॥ 9-44-24 (62654)
ତେଷାଂ ତୁ ବଚନଂ ଶ୍ରୁତ୍ବା ତୁଷ୍ଟୁବୁସ୍ତାଂ ମହାନଦୀମ୍।
ମୋକ୍ଷାର୍ଥଂ ରକ୍ଷସାଂ ତେଷାମୂଚୁଃ ପ୍ରଯତମାନସାଃ॥ 9-44-25 (62655)
ଋଷଯ ଊଚୁଃ। 9-44-26x (5191)
କ୍ଷୁତଂ କୀଟାବପନ୍ନଂ ଚ ଯଚ୍ଚୋଚ୍ଛିଷ୍ଟାଚିତଂ ଭବେତ୍।
ସକେଶମବଧୂତଂ ଚ ରୁଦିତୋପହତଂ ଚ ଯତ୍॥ 9-44-26 (62656)
ଶ୍ବଭିଃ ସଂସୃଷ୍ଟମନ୍ନଂ ଚ ଭାଗୋଽସୌ ରକ୍ଷସାମିହ।
ତସ୍ମାଜ୍ଜ୍ଞାତ୍ବା ସଦା ବିଦ୍ବାନେତାନ୍ଯତ୍ନାଦ୍ବିବର୍ଜଯେତ୍।
ରାକ୍ଷସାନ୍ନମସୌ ଭୁଙ୍କ୍ତେ ଯୋ ଭୁଙ୍କ୍ତେ ହ୍ଯନ୍ନମୀଦୃଶମ୍॥ 9-44-27 (62657)
ଶୋଧଯିତ୍ବା ତତସ୍ତୀର୍ଥମୃଷଯସ୍ତେ ତପୋଧନାଃ।
ମୋକ୍ଷାର୍ଥଂ ରାକ୍ଷସାନାଂ ଚ ନଦୀଂ ତାଂ ପ୍ରତ୍ଯଚୋଦଯନ୍॥ 9-44-28 (62658)
ମହର୍ଷୀଣାଂ ମତଂ ଜ୍ଞାତ୍ବା ତତଃ ସା ସରିତାଂ ବରା।
ଅରୁଣାମାନଯାମାସ ସ୍ବାଂ ତନୁଂ ପୁରୁଷର୍ଷଭ॥ 9-44-29 (62659)
ତସ୍ଯାନ୍ତେରାକ୍ଷସାଃ ସ୍ନାତ୍ବା ତନୂସ୍ତ୍ଯକ୍ତ୍ବା ଦିବଂ ଗତାଃ।
ଅରୁଣାଯାଂ ମହାରାଜ ବ୍ରହ୍ମବଧ୍ଯାପହା ହି ସା॥ 9-44-30 (62660)
ଏତମର୍ଥମଭିଜ୍ଞାଯ ଦେବରାଜଃ ଶତକ୍ରତୁଃ।
ତସ୍ମିଂସ୍ତୀର୍ଥେ ବରେ ସ୍ନାତ୍ବା ବିମୁକ୍ତଃ ପାପ୍ମନା କିଲ॥ 9-44-31 (62661)
ଜନମେଜଯ ଉବାଚ। 9-44-32x (5192)
କିମର୍ଥଂ ଭଗବାଞ୍ଶକ୍ରୋ ବ୍ରହ୍ମବଧ୍ଯାମବାପ୍ତବାନ୍।
କଥମସ୍ମିଂଶ୍ଚ ତୀର୍ଥେ ବୈ ଆପ୍ଲୁତ୍ଯାକଲ୍ମଷୋଽଭବତ୍॥ 9-44-32 (62662)
ବୈଶମ୍ପାଯନ ଉବାଚ। 9-44-33x (5193)
ଶୃଣୁଷ୍ବୈତଦୁପାଖ୍ଯାନଂ ଯଥାବୃତ୍ତଂ ଜନେଶ୍ବର।
ଯଥା ବିଭେଦ ସମଯଂ ନମୁଚେର୍ବାସବଃ ପୁରା॥ 9-44-33 (62663)
ଜମୁଚିର୍ବାସବାଦ୍ଭୀତଃ ସୂର୍ଯରଶ୍ମିଂ ସମାବିଶତ୍।
ତେନେନ୍ଦ୍ରଃ ସଖ୍ଯମକରୋତ୍ସମଯଂ ଚେଦମବ୍ରବୀତ୍॥ 9-44-34 (62664)
ନ ଚାର୍ଦ୍ରେଣ ନ ଶୁଷ୍କେଣ ନ ରାତ୍ରୌ ନାପି ଚାହନି।
ବଧିଷ୍ଯାମ୍ଯସୁରଶ୍ରେଷ୍ଠ ସଖେ ସତ୍ଯେନ ତେ ଶପେ॥ 9-44-35 (62665)
ଏବଂ ସ କୃତ୍ବା ସମଯଂ ଦୃଷ୍ଟ୍ବା ନୀହାସ୍ମୀଶ୍ବରଃ।
ଚିଚ୍ଛେଦାସ୍ଯ ଶିରୋ ରାଜନ୍ନପାଂ ଫେନେନ ବାସବଃ॥ 9-44-36 (62666)
ତଚ୍ଛିରୋ ନମୁଚେଶ୍ଛିନ୍ନଂ ପୃଷ୍ଠତଃ ଶକ୍ରମନ୍ବିଯାତ୍।
ଭୋଭୋ ମିତ୍ରହ ପାପେତି ବ୍ରୁବାଣଂ ଶକ୍ରମନ୍ତିକାତ୍॥ 9-44-37 (62667)
ଏବଂ ସ ଶିରସା ତେନ ଚୋଦ୍ଯମାନଃ ପୁନଃ ପୁନଃ।
ପିତାମହାଯ ସନ୍ତପ୍ତ ଏତମର୍ଥଂ ନ୍ଯବେଦଯତ୍॥ 9-44-38 (62668)
ତମବ୍ରବୀଲ୍ଲୋକଗୁରୁରରୁଣାଯାଂ ଯଥାବିଧି।
ଇଷ୍ଟ୍ବୋପସ୍ପୃଶ ଦେବେନ୍ଦ୍ର ତୀର୍ଥେ ପାପଭଯାପହେ॥ 9-44-39 (62669)
[ଏଷା ପୁଣ୍ଯଜଲା ଶକ୍ର କୃତା ମୁନିଭିରେବ ତୁ।
ନିଗୂଢମସ୍ଯାଗମନମିହାସୀତ୍ପୂର୍ବମେବ ତୁ॥ 9-44-40 (62670)
ତତୋଽଭ୍ଯେତ୍ଯାରୁଣାଂ ଦେବୀଂ ପ୍ଲାବଯାମାସ ବାରିଣା।
ସରସ୍ବତ୍ଯାରୁଣାଯାଶ୍ଚ ପୁଣ୍ଯୋଽଯଂ ସଙ୍ଗମୋ ମହାନ୍॥ 9-44-41 (62671)
ଇହ ତ୍ବଂ ଯଜ ଦେବେନ୍ଦ୍ର ଦଦ ଦାନାନ୍ଯନେକଶଃ।
ଅତ୍ରାପ୍ଲୁତ୍ଯ ସୁଘୋରାତ୍ତ୍ବଂ ପାତକାଦ୍ବିପ୍ରମୋକ୍ଷ୍ଯସେ॥] 9-44-42 (62672)
ଇତ୍ଯୁକ୍ତଃ ସ ସରସ୍ବତ୍ଯାଃ କୁଞ୍ଜେ ବୈ ଜନମେଜଯ।
ଇଷ୍ଟ୍ବା ଯଥାବଦ୍ବଲଭିଦରୁଣାଯାମୁପାସ୍ପୃଶତ୍॥ 9-44-43 (62673)
ସ ମୁକ୍ତଃ ପାପ୍ମନା ତେନ ବ୍ରହ୍ମବଧ୍ଯାକୃତେନ ଚ।
ଜଗାମ ସଂହୃଷ୍ଟମନାସ୍ତ୍ରିଦିବଂ ତ୍ରିଦଶେଶ୍ବରଃ॥ 9-44-44 (62674)
ଶିରସ୍ତଚ୍ଚାପି ନମୁଚେସ୍ତତ୍ରୈବାପ୍ଲୁତ୍ଯ ଭାରତ।
ଲୋକାନ୍କାମଦୁଧାତ୍ପ୍ରାପ୍ତମକ୍ଷଯାନ୍ରାଜସତ୍ତମ॥ 9-44-45 (62675)
ବୈଶପାଯନ ଉବାଚ। 9-44-46x (5194)
ତତ୍ରାପ୍ଯୁପସ୍ପୃଶ୍ଯ ବଲୋ ମହାତ୍ମା
ଦତ୍ତ୍ବା ଚ ଦାନାନି ପୃଥଗ୍ବିଧାନି।
ଅବାପ୍ଯ ଧର୍ମଂ ପରମାର୍ଯକର୍ମା
ଜଗାମ ସୋମସ୍ଯ ମହତ୍ସୁତୀର୍ଥମ୍॥ 9-44-46 (62676)
ଯତ୍ରାଯଜଦ୍ରାଜସୂଯେନ ସୋମଃ
ସାକ୍ଷାତ୍ପୁରା ବିଧିବତ୍ପାର୍ଥିବେନ୍ଦ୍ର।
ଅତ୍ରିର୍ଧୀମାନ୍ବ୍ରହ୍ମପୁତ୍ରୋ ବଭୂବ
ହୋତା ଯସ୍ମିନ୍କ୍ରତୁମୁଖ୍ଯେ ମହାତ୍ମା॥ 9-44-47 (62677)
ଯସ୍ଯାନ୍ତେଽଭୂତ୍ସୁମହଦ୍ଦାନବାନାଂ
ଦୈତେଯାନାଂ ରାକ୍ଷସାନାଂ ଚ ଦେବୈଃ।
ସଙ୍ଗ୍ରାମୋ ବୈ ତାରକାଖ୍ଯଃ ସୁତୀବ୍ରୋ
ଯତ୍ର ସ୍କନ୍ଦସ୍ତାରକାଖ୍ଯଂ ଜଘାନ॥ 9-44-48 (62678)
ସୈନାପତ୍ଯଂ ଲବ୍ଧବାନ୍ଦୈବତାନାଂ
ମହାସେନୋ ଯତ୍ର ଦୈତ୍ଯାନ୍ତକର୍ତା।
ସାକ୍ଷାଚ୍ଚୈବଂ ନ୍ଯବସତ୍କାର୍ତିକେଯଃ
ସଦା କୁମାରୋ ଯତ୍ର ସ ପ୍ଲୁକ୍ଷରାଜଃ॥ ॥ 9-44-49 (62679)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ଚତୁଶ୍ଚତ୍ବାରିଂଶୋଽଧ୍ଯାଯଃ॥ 44 ॥
Mahabharata - Shalya Parva - Chapter Footnotes
9-44-10 ଅଧ୍ଯାସ୍ଯାମହେ ଅଧ୍ଯବସାଯଂ କରିଷ୍ଯାମହେ॥ 9-44-49 ସଦା କୁମାରୋ ଯତ୍ର ନକ୍ଷତ୍ରଧର୍ମା ଇତି କ.ପାଠଃ। ଯତ୍ର ନକ୍ଷତ୍ରକାମଃ ଇତି ଙ.ପାଠଃ॥ 9-44-44 ଚତୁଶ୍ଚତ୍ବାରିଂଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 045
॥ ଶ୍ରୀଃ ॥
9.45. ଅଧ୍ଯାଯଃ 045
Mahabharata - Shalya Parva - Chapter Topics
କୁମାରୋତ୍ପତ୍ତିବର୍ଣନମ୍॥ 1 ॥Mahabharata - Shalya Parva - Chapter Text
9-45-0 (62680)
ଜନମେଜଯ ଉବାଚ। 9-45-0x (5195)
ସରସ୍ବତ୍ଯାଃ ପ୍ରଭାବୋଽଯମୁକ୍ତସ୍ତେ ଦ୍ବିଜସତ୍ତମ।
କୁମାରସ୍ଯାଭିଷେକଂ ତୁ ବ୍ରହ୍ମନ୍ନାଖ୍ଯାତୁମର୍ହସି॥ 9-45-1 (62681)
ଯସ୍ମିନ୍ଦେଶେ ଚ କାଲେ ଚ ଯଥା ଚ ବଦତାଂ ବର।
ଯୈଶ୍ଚାଭିଷିକ୍ତୋ ଭଗବାନ୍ବିଧିନା ଯେନ ଚ ପ୍ରଭୁଃ॥ 9-45-2 (62682)
ସ୍କନ୍ଦୋ ଯଥା ଚ ଦୈତ୍ଯାନାମକରୋତ୍କଦନଂ ମହତ୍।
ତଥା ମେ ସର୍ବମାଚକ୍ଷ୍ବ ପରଂ କୌତୂହଲଂ ହି ମେ॥ 9-45-3 (62683)
ବୈଶମ୍ପାଯନ ଉବାଚ। 9-45-4x (5196)
କୁରୁବଂଶସ୍ଯ ସଦୃଶଂ କୌତୂହଲମିଦଂ ତବ।
ହର୍ଷମୁତ୍ପାଦଯତ୍ବେବ ବଚୋ ମେ ଜନମେଜଯ॥ 9-45-4 (62684)
ହନ୍ତ ତେ କଥଯିଷ୍ଯାମି ଶୃଣ୍ବାନସ୍ଯ ନରାଧିପ।
ଅଭିଷେକଂ କୁମାରସ୍ଯ ପ୍ରଭାବଂ ଚ ମହାତ୍ମନଃ॥ 9-45-5 (62685)
ତେଜୋ ମାହେଶ୍ବରଂ ସ୍କନ୍ନମଗ୍ନୌ ପ୍ରପତିତଂ ପୁରା।
ତତ୍ସର୍ବଂ ଭଗବାନଗ୍ନିର୍ନାଶକଦ୍ଧର୍ତୁମକ୍ଷଯମ୍॥ 9-45-6 (62686)
ତେନ ସୀଦତି ତେଜସ୍ବୀ ଦୀପ୍ତିମାନ୍ହବ୍ଯବାହନଃ।
ନ ଚୈବଂ ଧାରଯାମାସ ବ୍ରହ୍ମଣେ ଉକ୍ତବାନ୍ପ୍ରଭୁଃ॥ 9-45-7 (62687)
ସ ଗଙ୍ଗାମୁପସଗମ୍ଯ ନିଯୋଗାଦ୍ବ୍ରହ୍ମଣଃ ପ୍ରଭୁଃ।
ଗର୍ଭମାହିତବାନ୍ଦିବ୍ଯଂ ଭାସ୍କରୋପମତେଜସମ୍॥ 9-45-8 (62688)
ଅଥ ଗଙ୍ଗାପି ତଂ ଗର୍ଭମସହନ୍ତୀ ବିଧାରଣେ
ଉତ୍ସସର୍ଜ ଗିରୌ ରମ୍ଯେ ହିମବତ୍ଯମରାର୍ଚିତେ॥ 9-45-9 (62689)
ସ ତତ୍ର ବବୃଧେ ଲୋକାନାବୃତ୍ଯ ଜ୍ବଲନାତ୍ମଜଃ।
ଦଦୃଶୁର୍ଜ୍ବଲନାକାରଂ ତଂ ଗର୍ଭମଥ କୃତ୍ତିକାଃ॥ 9-45-10 (62690)
ଶରସ୍ତମ୍ବେ ମହାତ୍ମାନମନଲାତ୍ମଜମୀଶ୍ବରମ୍।
ମମାଯମିତି ତାଃ ସର୍ବାଃ ପୁତ୍ରାର୍ଥିନ୍ଯୋଽଭିଚୁକ୍ରୁଶୁଃ॥ 9-45-11 (62691)
ତାସାଂ ବିଦିତ୍ବା ଭାବଂ ତଂ ମାତୄଣାଂ ଭଗବାନ୍ପ୍ରଭୁଃ।
ପ୍ରସ୍ନୁତାନାଂ ପଯଃ ଷଡ୍ଭିର୍ବଦନୈରପିବତ୍ତଦା॥ 9-45-12 (62692)
ତଂ ପ୍ରଭାବଂ ସମାଲକ୍ଷ୍ଯ ତସ୍ଯ ବାଲସ୍ଯ କୃତ୍ତିକାଃ।
ପରଂ ବିସ୍ମଯମାପନ୍ନା ଦେବ୍ଯୋ ଦିବ୍ଯବପୁର୍ଧରାଃ॥ 9-45-13 (62693)
ଯତ୍ରୋତ୍ସୃଷ୍ଟଶ୍ଚ ଗର୍ଭଃ ସ ଗଙ୍ଗଯା ନିରିମୂର୍ଧନି।
ସ ଶୈଲଃ କାଞ୍ଚନଃ ସର୍ବଃ ସମ୍ବଭୌ ମେରୁବତ୍ତଦା॥ 9-45-14 (62694)
ବର୍ଧତା ଚୈବ ଗର୍ଭେଣ ପୃଥିବୀ ତେନ ରଞ୍ଜିତା।
ଅତଶ୍ଚ ସର୍ବେ ସଂବୃତ୍ତା ଗିରଯଃ କାଞ୍ଚନାତ୍ମକାଃ॥ 9-45-15 (62695)
କୁମାରଃ ସୁମହାବୀର୍ଯଃ କାର୍ତିକେଯ ଇତି ସ୍ମୃତଃ।
ଗାଙ୍ଗେଯଃ ପୂର୍ବମଭବନ୍ମହାକାଯୋ ବଲାନ୍ବିତଃ॥ 9-45-16 (62696)
ଶମେନ ତପସା ଚୈବ ବୀର୍ଯେଣ ଚ ସମନ୍ବିତଃ।
ବବୃଧେଽତୀବ ରାଜେନ୍ଦ୍ର ଚନ୍ଦ୍ରବତ୍ପ୍ରିଯଦର୍ଶନଃ। 9-45-17 (62697)
ସ ତସ୍ମିନ୍କାଞ୍ଚନେ ଦିବ୍ଯେ ଶରସ୍ତମ୍ବେ ଶ୍ରିଯା ବୃତଃ।
ସ୍ତଯମାନଃ ସଦା ଶେତେ ଗନ୍ଧର୍ବୈର୍ମୁନିଭିସ୍ତଥା॥ 9-45-18 (62698)
ତଥୈନମନ୍ବନୃତ୍ଯନ୍ତ ଦେବକନ୍ଯାଃ ସହସ୍ରଶଃ।
ଦିବ୍ଯବାଦିତ୍ରନୃତ୍ଯଜ୍ଞାଃ ସ୍ତୁବନ୍ତ୍ଯଶ୍ଚାରୁଦର୍ଶନାଃ॥ 9-45-19 (62699)
ଅନ୍ବଯୁଶ୍ଚାଗ୍ନଯଃ ସର୍ବେ ଗଙ୍ଗା ଚ ସରିତାଂ ବରା।
ଦଧାର ପୃଥିବୀ ଚୈନଂ ବିଭ୍ରତୀ ରୂପମୁତ୍ତମମ୍। 9-45-20 (62700)
ଜାତକର୍ମାଦିକାସ୍ତସ୍ଯ କ୍ରିଯାଶ୍ଚକ୍ରେ ବୃହସ୍ପତିଃ।
ବେଦଶ୍ଚୈନଂ ଚତୁର୍ମୂର୍ତିରପତସ୍ଥେ କୃତାଞ୍ଜଲିଃ॥ 9-45-21 (62701)
ଧନୁର୍ବେଦଶ୍ଚତୁଷ୍ପାଦଃ ସାସ୍ତ୍ରଗ୍ରାମଃ ସସଙ୍ଗ୍ରହଃ।
ତତ୍ରୈନଂ ସମୁପାତିଷ୍ଠତ୍ସାକ୍ଷାଦ୍ବାଣୀ ଚ କେବଲା॥ 9-45-22 (62702)
ସ ଦଦର୍ଶ ମହାତ୍ମାନଂ ଦେବଦେବମୁମାପତିଃ।
ଶୈଲପୁତ୍ର୍ଯା ସମାଗମ୍ଯଭୂତସଙ୍ଘଶତୈର୍ବୃତଃ॥ 9-45-23 (62703)
ନିକାଯା ଭୂତସଙ୍ଘାନାଂ ପରମାଦ୍ଭୁତଦର୍ଶନାଃ।
ବିକୃତା ବିକୃତାକାରା ବିକୃତାଭରଣଧ୍ବଜାଃ॥ 9-45-24 (62704)
ବ୍ଯାଘ୍ରସିଂହର୍କ୍ଷବଦନା ବିଡାଲମକରାନନାଃ।
ବୃଷଦଂଶମୁଖାଶ୍ଚାନ୍ଯେ ଗଜୋଷ୍ଟ୍ରବଦନାସ୍ତଥା॥ 9-45-25 (62705)
ଉଲୂକବଦନାଃ କେଚିଦ୍ଗୃଧ୍ରଗୋମାଯୁଦର୍ଶନାଃ।
କ୍ରୌଞ୍ଚପାରାବତନିଭୈର୍ବଦନୈ ରାଙ୍କବୈରପି॥ 9-45-26 (62706)
ଶ୍ବାବିଚ୍ଛଲ୍ଯକଗୋଧାନାମଜୈଡକଗବାଂ ତଥା।
ସଦୃଶାନି ବପୂଂଷ୍ଯନ୍ଯେ ତତ୍ରତତ୍ର ବ୍ଯଧାରଯନ୍॥ 9-45-27 (62707)
କେଚିଚ୍ଛେଲାମ୍ବୁଦପ୍ରଖ୍ଯାଶ୍ଚକ୍ରାଲାତଗଦାଯୁଧାଃ।
କେଚିଦଞ୍ଜନପୁଞ୍ଜାଭାଃ କେଚିଚ୍ଛ୍ବେତାଚଲପ୍ରଭାଃ॥ 9-45-28 (62708)
ସପ୍ତମାତୃଗଣାଶ୍ଚୈବ ସମାଜଗ୍ମୁର୍ବିଶାମ୍ପତେ।
ସାଧ୍ଯା ବିଶ୍ବେଽଥ ମରୁତୋ ବସବଃ ପିତରସ୍ତଥା॥ 9-45-29 (62709)
ରୁଦ୍ରାଦିତ୍ଯାସ୍ତଥା ସିଦ୍ଧା ଭୁଜଗା ଦାନବାଃ ଖଗାଃ।
ବ୍ରହ୍ମା ସ୍ବଯମ୍ଭୂର୍ଭଗବାନ୍ସପୁତ୍ରଃ ସହବିଷ୍ଣୁନା॥ 9-45-30 (62710)
ଶକ୍ରସ୍ତଥାଽଭ୍ଯଯାଦ୍ଦ୍ରଷ୍ଟୁଂ କୁମାରମମିତପ୍ରଭମ୍।
ନାରଦପ୍ରମୁଖାଶ୍ଚାପି ଦେବଗନ୍ଧର୍ବସତ୍ତମାଃ॥ 9-45-31 (62711)
ଦେବର୍ଷଯଶ୍ଚ ସିଦ୍ଧାଶ୍ଚ ବୃହସ୍ପତିପୁରୋଗମାଃ।
ପିତରୋ ଜଗତଃ ଶ୍ରେଷ୍ଠା ଦେବାନାମପି ଦେବତାଃ।
ତେଽପି ତତ୍ର ସମାଜଗ୍ମୁର୍ଯାମା ଧାମାଶ୍ଚ ସର୍ବଶଃ॥ 9-45-32 (62712)
ସ ତୁ ବାଲୋଽପି ବଲବାନ୍ମହାଯୋଗବଲାନ୍ବିତଃ।
ଅଭ୍ଯାଜଗାମ ଦେବେଶଂ ଶୂଲହସ୍ତଂ ପିନାକିନମ୍॥ 9-45-33 (62713)
ତମାବ୍ରଜନ୍ତମାଲକ୍ଷ୍ଯ ଶିବସ୍ଯାସୀନ୍ମନୋଗତମ୍।
ଯୁଗପଚ୍ଛୈଲପୁତ୍ର୍ଯାଶ୍ଚ ଗଙ୍ଗାଯାଃ ପାବକସ୍ଯ ଚ॥ 9-45-34 (62714)
କଂ ନୁ ପୂର୍ବମଯଂ ବାଲୋ ଗୌରବାଦଭ୍ଯୁପୈଷ୍ଯତି।
ଅପି ମାମିତି ସର୍ବେଷାଂ ତେଷାମାସୀନ୍ମନୋଗତମ୍॥ 9-45-35 (62715)
ତେଷାମେତମଭିପ୍ରାଯଂ ଚତୁର୍ଣାମୁପଲକ୍ଷ୍ଯ ସଃ।
ଯୁଗପଦ୍ଯୋଗମାସ୍ଥାଯ ସସର୍ଜ ବିବିଧାସ୍ତନୂଃ॥ 9-45-36 (62716)
ତତୋଽଭବଚ୍ଚତୁର୍ମୂର୍ତିଃ କ୍ଷଣେନ ଭଗବାନ୍ପ୍ରଭୁଃ।
ତସ୍ଯ ଶାଖୋ ବିଶାଖଶ୍ଚ ନୈଗମେଯଶ୍ଚ ପୃଷ୍ଠତଃ॥ 9-45-37 (62717)
ଏବଂ ସ କୃତ୍ବା ହ୍ଯାତ୍ମାନଂ ଚତୁର୍ଧା ଭଗବାନ୍ପ୍ରଭୁଃ।
ଯତୋ ରୁଦ୍ରସ୍ତତଃ ସ୍କନ୍ଦୋ ଜଗାମାଦ୍ଭୁତଦର୍ଶନଃ॥ 9-45-38 (62718)
ବିଶାଖସ୍ତୁ ଯଯୌ ଦେବୀଂ ତତୋ ଗିରିବରାତ୍ମଜାମ୍।
ଶାଖୋ ଯଯୌ ସ ଭଗବାନ୍ଦିବ୍ଯମୂର୍ତିର୍ବିଭାବସୁମ୍॥ 9-45-39 (62719)
ନୈଗମେଯୋଽଗମଦ୍ଗଙ୍ଗାଂ କୁମାରଃ ପାବକପ୍ରଭଃ॥ 9-45-40 (62720)
ସର୍ବେ ଭାସୁରଦେହାସ୍ତେ ଚତ୍ବାରଃ ସମରୂପିଣଃ।
ତାନ୍ସମଭ୍ଯଯୁରବ୍ଯଗ୍ରାସ୍ତଦଦ୍ଭୁତମିବାଭବତ୍॥ 9-45-41 (62721)
ହାହାକାରୋ ମହାନାସୀଦ୍ଦେବଦାନବରକ୍ଷସାମ୍।
ତଦ୍ଦୃଷ୍ଟ୍ବା ମହଦାଶ୍ଚର୍ଯମଦ୍ଭୁତଂ ରୋମହର୍ଷଣମ୍॥ 9-45-42 (62722)
ତତୋ ରୁଦ୍ରଶ୍ଚ ଦେବୀ ଚ ପାବକଶ୍ଚ ପିତାମହମ୍।
ଗଙ୍ଗଯା ସହିତାଃ ସର୍ବେ ପ୍ରଣିପେତୁର୍ଜଗତ୍ପତିମ୍॥ 9-45-43 (62723)
ପ୍ରଣିପତ୍ଯ ତତସ୍ତେ ତୁ ବିଧିବଦ୍ରାଜପୁଙ୍ଗବ।
ଇଦମୂଚୁର୍ବଚୋ ରାଜନ୍କାର୍ତିକେଯପ୍ରିଯେପ୍ସଯା॥ 9-45-44 (62724)
ଅସ୍ଯ ବାଲସ୍ଯ ଭଗବନ୍ନାଧିପତ୍ଯ ଯଥେପ୍ସିତମ୍।
ଅସ୍ମତ୍ପ୍ରିଯାର୍ଥଂ ଦେବେଶ ସଦୃଶଂ ଦାତୁମର୍ହସି॥ 9-45-45 (62725)
ତତଃ ସ ଭଗବାନ୍ଧୀମାନ୍ସର୍ବଲୋକପିତାମହଃ।
ମନସା ଚିନ୍ତଯାମାସ କିମଯଂ ଲଭତାମିତି॥ 9-45-46 (62726)
ଐଶ୍ବର୍ଯାଣି ଚ ସର୍ବାଣି ଦେବଗନ୍ଧର୍ବରକ୍ଷସାମ୍।
ଭୂତଯକ୍ଷବିହଙ୍ଗାନାଂ ପନ୍ନଗାନାଂ ଚ ସର୍ବଶଃ॥ 9-45-47 (62727)
ସର୍ବମେବାଦିଦେଶାସୌ କୌରବେଯ ମହାତ୍ମନଃ।
ସମର୍ଥଂ ଚ ତମୈଶ୍ବର୍ଯେ ମହାମତିରମନ୍ଯତ॥ 9-45-48 (62728)
ତତୋ ମୁହୂର୍ତଂ ସ ଧ୍ଯାତ୍ବା ଦେବାନାଂ ସ୍ରେଯସି ସ୍ଥିତଃ।
ସୈନାପତ୍ଯଂ ଦଦୌ ତସ୍ମୈ ସର୍ବ ଭୂତେଷୁ ଭାରତ॥ 9-45-49 (62729)
ସର୍ବଦେବନିକାଯାନାଂ ଯେ ରାଜାନଃ ପରିଶ୍ରୁତାଃ।
ତାନ୍ସର୍ବାନ୍ବ୍ଯାଦିଦେଶାସ୍ମୈ ସର୍ବଭୂତପିତାମହଃ॥ 9-45-50 (62730)
ତତଃ କୁମାରମାଦାଯ ଦେବା ବ୍ରହ୍ମପୁରୋଗମାଃ।
ଅଭିଷେକାର୍ଥମାଜଗ୍ମୁଃ ଶୈଲେନ୍ଦ୍ରଂ ସହିତାସ୍ତତଃ॥ 9-45-51 (62731)
ପୁଣ୍ଯାଂ ହୈମବତୀଂ ଦେବୀଂ ସରିଚ୍ଛ୍ରେଷ୍ଠାଂ ସରସ୍ବତୀମ୍।
ସମନ୍ତପଞ୍ଚକେ ଯା ବୈ ତ୍ରିଷୁ ଲୋକେଷୁ ବିଶ୍ରୁତା॥ 9-45-52 (62732)
ତତ୍ର ତୀରେ ସରସ୍ବତ୍ଯାଃ ପୁଣ୍ଯେ ସର୍ବଗୁଣାନ୍ବିତେ।
ନିଷେଦୁର୍ଦେବଗନ୍ଧର୍ବାଃ ସର୍ବେ ସମ୍ପୂର୍ଣମାନସାଃ॥ ॥ 9-45-53 (62733)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ପଞ୍ଚଚତ୍ବାରିଂଶୋଽଧ୍ଯାଯଃ॥ 45 ॥
Mahabharata - Shalya Parva - Chapter Footnotes
9-45-6 ତତ୍ସର୍ବଭକ୍ଷୋ ଭଗବାନ୍ନାଶକଦ୍ଦଗ୍ଧୁମକ୍ଷଯମିତି ଝ.ପାଠଃ॥ 9-45-7 ତେନାସୀଦତି ତେଜସ୍ବୀ ଇତି ଝ.ଙ.ପାଠଃ॥ 9-45-25 ବିଡାଲବୃଷଦଂଶୌ ମାର୍ଜାରଜାତିଭେଦୌ ତତ୍ସଦୃଶାନନୌ॥ 9-45-27 ଶ୍ବାନଶଲ୍ଯକଗୋଧାନାମିତି କ.ପାଠଃ॥ 9-45-37 ତସ୍ଯ ସ୍କନ୍ଦସ୍ଯ ପୃଷ୍ଠତଃ ପଶ୍ଚାତ୍ ଶାଖବିଶାଖନୈଗମେଯାଃ ଆସନ୍। ତେ ସ୍କନ୍ଦେନ ସହ ଚତ୍ବାରଃ॥ 9-45-39 ବାଯୁମୂର୍ତିର୍ବିଭାବସୁମିତି ଝ.ପାଠଃ॥ 9-45-42 ଅଦ୍ଭୁତମଦୃଷ୍ଟପୂବମ୍॥ 9-45-45 ପଞ୍ଚଚତ୍ବାରିଂଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 046
॥ ଶ୍ରୀଃ ॥
9.46. ଅଧ୍ଯାଯଃ 046
Mahabharata - Shalya Parva - Chapter Topics
ବୃହସ୍ପତ୍ଯାଦିଭିଃ ସ୍କନ୍ଦସ୍ଯ ସୈନାପତ୍ଯେଽଭିଷେଚନମ୍॥ 1 ॥ ବ୍ରହ୍ମାଦିଭିଃ ସ୍କନ୍ଦାଯ ସ୍ବସ୍ବପାରିଷଦାନାଂ ଦାନମ୍॥ 2 ॥Mahabharata - Shalya Parva - Chapter Text
9-46-0 (62734)
ବୈଶମ୍ପାଯନ ଉବାଚ। 9-46-0x (5197)
ତତୋଽଭିଷେକସମ୍ଭାରାନ୍ସର୍ବାନ୍ସମ୍ଭୃତ୍ଯ ଶାସ୍ତ୍ରତଃ।
ବୃହସ୍ପତିଃ ସମିଦ୍ଧେଽଗ୍ନୌ ଜୁହାବାଗ୍ନିଂ ଯଥାବିଧି॥ 9-46-1 (62735)
ତତୋ ହିମବତା ଦତ୍ତେ ମଣିପ୍ରବରଶୋଭିତେ।
ଦିବ୍ଯରତ୍ନାଚିତେ ପୁଣ୍ଯେ ନିଷଣ୍ଣଂ ପରମାସନେ॥ 9-46-2 (62736)
ସର୍ବମଙ୍ଗଲସମ୍ଭାରୈର୍ବିଧିମନ୍ତ୍ରପୁରସ୍କୃତମ୍।
ଆଭିଷେଚନିକଂ ଦ୍ରବ୍ଯଂ ଗୃହୀତ୍ବା ଦେବତାଗଣାଃ॥ 9-46-3 (62737)
ଇନ୍ଦ୍ରାବିଷ୍ଣୂ ମହାବୀର୍ଯୌ ସୂର୍ଯୋଚନ୍ଦ୍ରମସୌ ତଥା।
ଧାତା ଚୈବ ବିଧାତା ଚ ତଥା ଚୈବାନିଲାନଲୌ॥ 9-46-4 (62738)
ପୂଷ୍ଣା ଭଗେନାର୍ଯମ୍ଣା ଚ ଅଂଶେନ ଚ ବିବସ୍ବତାଂ।
ରୁଦ୍ରଶ୍ଚ ସହିତୋ ଧୀମାନ୍ମିତ୍ରେଣ ବରୁଣେନ ଚ॥ 9-46-5 (62739)
ରୁଦ୍ରୈର୍ବସୁଭିରାଦିତ୍ଯୈରଶ୍ବିଭ୍ଯାଂ ଚ ବୃତଃ ପ୍ରଭୁଃ।
ବିଶ୍ବୈର୍ଦେବୈର୍ମରୁଦ୍ଭିଶ୍ଚ ସାଧ୍ଯୈଶ୍ଚ ପିତୃଭିଃ ସହ॥ 9-46-6 (62740)
ଗନ୍ଧର୍ବୈରପ୍ସରୋଭିଶ୍ଚ ଯକ୍ଷରାକ୍ଷସପନ୍ନଗୈଃ।
ଦେବର୍ଷିଭିରସଙ୍ଖ୍ଯାତୈସ୍ତଥା ବ୍ରହ୍ମର୍ଷିଭିସ୍ତଥା॥ 9-46-7 (62741)
ବୈଖାନସୈର୍ବାଲଖିଲ୍ଯୈର୍ବାଯ୍ବାହାରୈର୍ମରୀଚିପୈଃ।
ଭୃଗୁଭିଶ୍ଚାଙ୍ଗିରୋଭିଶ୍ଚ ଯତିଭିଶ୍ଚ ମହାତ୍ମଭିଃ॥ 9-46-8 (62742)
ସର୍ବୈର୍ବିଦ୍ଯାଧରୈଃ ପୁଣ୍ଯୈର୍ଯୋଗସିଦ୍ଧୈସ୍ତଥା ବୃତଃ।
ପିତାମହଃ ପୁଲସ୍ତ୍ଯଶ୍ଚ ପୁଲହଶ୍ଚ ମହାତପାଃ॥ 9-46-9 (62743)
ଅଙ୍ଗିରାଃ କଶ୍ଯପୋଽତ୍ରିଶ୍ଚ ମରୀଚିର୍ଭୃଗୁରେବ ଚ।
କ୍ରତୁର୍ହରିଃ ପ୍ରଚେତାଶ୍ଚ ମନୁର୍ଦକ୍ଷସ୍ତଥୈବ ଚ॥ 9-46-10 (62744)
ଋତବଶ୍ଚ ଗ୍ରହାଶ୍ଚୈବ ଜ୍ଯୋତୀଂଷି ଚ ବିଶାମ୍ପତେ।
ମୂର୍ତିମତ୍ଯଶ୍ଚ ସରିତୋ ବେଦାଶ୍ଚୈବ ସନାତନାଃ॥ 9-46-11 (62745)
ସମୁଦ୍ରାଶ୍ଚ ହଦାଶ୍ଚୈବ ତୀର୍ଥାନି ବିବିଧାନି ଚ।
ପୃଥିବୀ ଦ୍ଯୌର୍ଦିଶଶ୍ଚୈବ ପାଦପାଶ୍ଚ ଜନାଧିପ॥ 9-46-12 (62746)
ଅଦିତିର୍ଦେବମାତା ଚ ହୀଃ ଶ୍ରୀଃ ସ୍ବାହା ସରସ୍ବତୀ।
ଉମା ଶଚୀ ସିନୀବାଲୀ ତଥୈବାନୁମତିଃ କୁହୂଃ॥ 9-46-13 (62747)
ରାକା ଚ ଧିଷଣା ଚୈବ ପତ୍ନ୍ଯଶ୍ଚାନ୍ଯା ଦିବୌକସାମ୍।
ହିମବାଂଶ୍ଚୈବ ବିନ୍ଧ୍ଯଶ୍ଚ ମେରୁଶ୍ଚାନେକଶୃଙ୍ଗବାନ୍॥ 9-46-14 (62748)
ଐରାବତଃ ସାନୁଚରଃ କଲାଃ କାଷ୍ଠାସ୍ତଥୈବ ଚ।
ମାସାର୍ଧମାସା ଋତବସ୍ତଥା ରାତ୍ର୍ଯହନୀ ନୃପ॥ 9-46-15 (62749)
ଉଚ୍ଚୈଃ ଶ୍ରବା ହଯଶ୍ରେଷ୍ଠୋ ନାଗରାଜଶ୍ଚ ବାସୁକିଃ।
ଅରୁଣୋ ଗରୁଡଶ୍ଚୈବ ବୃକ୍ଷାଶ୍ଚୌଷଧିଭିଃ ସହ॥ 9-46-16 (62750)
ଧର୍ମଶ୍ଚ ଭଗବାନ୍ଦେବଃ ସମାଜଗ୍ମୁର୍ହି ସଙ୍ଗତାଃ।
କାଲୋ ଯମଶ୍ଚ ମୃତ୍ଯୁଶ୍ଚ ଯମସ୍ଯାନୁଚରାଶ୍ଚ ଯେ॥ 9-46-17 (62751)
ବହୁଲତ୍ବାଚ୍ଚ ନୋକ୍ତା ଯେ ବିବିଧା ଦେବତାଗଣାଃ।
ତେ କୁମାରାଭିଷେକାର୍ଷଂ ସମାଜଗ୍ମୁସ୍ତତସ୍ତତଃ॥ 9-46-18 (62752)
ଜଗୃହୁସ୍ତେ ତଦା ରାଜନ୍ସର୍ବଂ ଏବ ଦିବୌକସଃ।
ଆଭିଷେଚନିକଂ ଭାଣ୍ଡଂ ମଙ୍ଗଲାନି ଚ ସର୍ବଶଃ॥ 9-46-19 (62753)
ଦିବ୍ଯସମ୍ଭାରସଂଯୁକ୍ତୈଃ କଲଶୈଃ କାଞ୍ଚନୈର୍ନୃପ।
ସାରସ୍ବତାଭିଃ ପୁଣ୍ଯାଭିରଦ୍ଭିସ୍ତାଭିରଲଙ୍କୃତମ୍॥ 9-46-20 (62754)
ଅଭ୍ଯଷିଞ୍ଚନ୍କୁମାରଂ ବୈ ସମ୍ପ୍ରହୃଷ୍ଟା ଦିବୌକସଃ।
ସୈନାପତ୍ଯେ ମହାତ୍ମାନମସୁରାଣାଂ ଭଯଙ୍କରମ୍॥ 9-46-21 (62755)
ପୁରା ଯଥା ମହାରାଜ ବରୁଣଂ ବୈ ଜଲେଶ୍ବରମ୍।
ତଥାଽଭ୍ଯଷିଞ୍ଚଦ୍ଭଗବାନ୍ସର୍ବଲୋକପିତାମହଃ॥ 9-46-22 (62756)
କଶ୍ଯପଶ୍ଚ ମହାତେଜା ଯେ ଚାନ୍ଯେ ସୋକକୀର୍ତିତାଃ।
ତସ୍ମୈ ବ୍ରହ୍ମା ଦଦୌ ପ୍ରୀତୋ ବଲିନୋ ବାତରଂହସଃ॥ 9-46-23 (62757)
କାମବୀର୍ଯଧରାନ୍ସିଦ୍ଧାନ୍ମହାପାରିଷଦାନ୍ପ୍ରଭୁଃ।
ନନ୍ଦିସେନଂ ଲୋହିତାକ୍ଷଂ ଘଣ୍ଟାକାର୍ଣଂ ଚ ସମ୍ମତମ୍॥ 9-46-24 (62758)
ଚତୁର୍ଥମସ୍ଯାନୁଚରଂ ଖ୍ଯାତଂ କୁମୁଦମାଲିନମ୍।
ତତ୍ର ସ୍ଥାଣୁର୍ମହାତେଜା ମହାପାରିଷଦଂ ପ୍ରଭୁଃ॥ 9-46-25 (62759)
ମାଯାଶତଧରଂ କାମଂ କାମବୀର୍ଯବଲାନ୍ବିତମ୍।
ଦଦୌ ସ୍କନ୍ଦାଯ ରାଜେନ୍ଦ୍ର ସୁରାରିବିନିବର୍ହଣମ୍॥ 9-46-26 (62760)
ସହି ଦେବାସୁରେ ଯୁଦ୍ଧେ ଦୈତ୍ଯାନାଂ ଭୀମକର୍ମଣାମ୍।
ଜଘାନ ଦୋର୍ଭ୍ଯାଂ ସଙ୍କ୍ରୁଦ୍ଧଃ ପ୍ରଯୁତାନି ଚତୁର୍ଦଶ॥ 9-46-27 (62761)
ତଥା ଦେବା ଦଦୁସ୍ତସ୍ମୈ ସେନାଂ ନୈର୍ଋତସଙ୍କୁଲାମ୍।
ଦେବଶତ୍ରୁକ୍ଷଯକରୀମଜଯ୍ଯାଂ ବିଶ୍ବରୂପିଣୀମ୍॥ 9-46-28 (62762)
ଜଯଶବ୍ଦଂ ତଥା ଚକ୍ରୁର୍ଦେବାଃ ସର୍ବେ ସବାସବାଃ।
ଗନ୍ଧର୍ବା ଯକ୍ଷରକ୍ଷାଂସି ମୁନଯଃ ପିତରସ୍ତଥା॥ 9-46-29 (62763)
ତତଃ ପ୍ରାଦାଦନୁଚରୌ ଯମଃ କାଲୋପମାବୁଭୌ।
ଉନ୍ମାଥଂ ଚ ପ୍ରମାଥଂ ଚ ମହାବୀର୍ଯୌ ମହାଦ୍ଯୁତୀ॥ 9-46-30 (62764)
ସୁଭ୍ରାଜୋ ଭାସ୍ବରଶ୍ଚୈବ ଯୌ ତୌ ସୂର୍ଯାନୁଯାଯିନୌ।
ତୌ ସୂର୍ଯଃ କାର୍ତିକେଯାଯ ଦଦୌ ପ୍ରୀତଃ ପ୍ରତାପବାନ୍॥ 9-46-31 (62765)
କୈଲାସଶୃଙ୍ଗସଙ୍କାଶୌ ଶ୍ବେତମାଲ୍ଯାନୁଲେପନୌ।
ସୋମୋଽପ୍ଯନୁଚରୌ ପ୍ରାଦାନ୍ମଣିଂ ସୁମଣିମେବ ଚ॥ 9-46-32 (62766)
ଜ୍ବାଲାଜିହ୍ବଂ ତଥା ଜ୍ଯୋତିରାତ୍ମଜାଯ ହୁତାଶନଃ।
ଦଦାବନୁଚରୌ ଶୂରୌ ପରସୈନ୍ଯପ୍ରମାଥିନୌ॥ 9-46-33 (62767)
ପରିଧଂ ଚ ବଟଂ ଚୈବ ଭୀମଂ ଚ ସୁମହାବଲମ୍।
ଦହତିଂ ଦହନଂ ଚୈବ ପ୍ରଚଣ୍ଡୌ ବୀର୍ଯସମ୍ମତୌ॥ 9-46-34 (62768)
ଅଂଶୋଽପ୍ଯନୁଚରାନ୍ପଞ୍ଚ ଦଦୌ ସ୍କନ୍ଦାଯ ଧୀମତେ।
ଉତ୍କ୍ରୋଶଂ ସତ୍କରଂ ଚୈବ ବଜ୍ରଦଣ୍ଡଧରାବୁଭୌ॥ 9-46-35 (62769)
ଦଦାବନଲପୁତ୍ରାଯ ବାସବଃ ପରବୀରହା।
ତୌ ହି ଶତ୍ରୂନ୍ମହେନ୍ଦ୍ରାସ୍ଯ ଜଘ୍ନତୁଃ ସମରେ ବହୂନ୍॥ 9-46-36 (62770)
ଚକ୍ରଂ ବିକ୍ରମକଂ ଚୈବ ସଙ୍କ୍ରମଂ ଚ ମହାବଲମ୍।
ସ୍କନ୍ଦାଯ ତ୍ରୀନନୁଚରାନ୍ଦଦୌ ବିଷ୍ଣୁର୍ମହାଯଶାଃ॥ 9-46-37 (62771)
ବର୍ଧନଂ ନନ୍ଦନଂ ଚୈବ ସର୍ବବିଦ୍ଯାବିଶାରଦୌ।
ସ୍କନ୍ଦାଯ ଦଦତୁଃ ପ୍ରୀତାବଶ୍ବିନୌ ଭିଷଜାଂ ବରୌ॥ 9-46-38 (62772)
କିନ୍ଦୁଂ ଚ କୁସୁମଂ ଚୈବ କୁମୁଦଂ ଚ ମହାଯଶାଃ।
ଡମ୍ବରାଡମ୍ବରୌ ଚୈବ ଦଦୌ ଧାତା ମହାତ୍ମନେ॥ 9-46-39 (62773)
ବକ୍ରାନୁବକ୍ରୌ ବଲିନୌ ମେଷବକ୍ତ୍ରୌ ବଲୋତ୍କଟୌ।
ଦଦୌ ତ୍ବଷ୍ଟା ମହାମାଯୌ ସ୍କନ୍ଦାଯାନୁଚରାବୁଭୌ॥ 9-46-40 (62774)
ସୁବ୍ରତଂ ସତ୍ଯସନ୍ଧଂ ଚ ଦଦୌ ମିତ୍ରୋ ମହାତ୍ମନେ।
କୁମାରାଯ ମହାତ୍ମାନୌ ତପୋବିଦ୍ଯାଧରୌ ପ୍ରଭୁଃ॥ 9-46-41 (62775)
ସୁଦର୍ଶନୀଯୌ ବରଦୌ ତ୍ରିଷୁ ଲୋକେଷୁ ବିଶ୍ରୁତୌ।
ସୁବ୍ରତଂ ଚ ମହାତ୍ମାନଂ ଶୁଭକର୍ମାଣମେବ ଚ॥ 9-46-42 (62776)
କାର୍ତିକେଯାଯ ସମ୍ପ୍ରାଦାଦ୍ବିଧାତା ଲୋକବିଶ୍ରୁତୌ।
ପାଣୀତକଂ କାଲିକଂ ଚ ମହାମାଯାବିନାବୁଭୌ॥ 9-46-43 (62777)
ପୂଷା ଚ ପାର୍ଷଦୌ ପ୍ରାଦାତ୍କାର୍ତିକେଯାଯ ଭାରତ।
ବଲଂ ଚାତିବଲଂ ଚୈବ ମହାବକ୍ତ୍ରୌ ମହାବଲୌ॥ 9-46-44 (62778)
ପ୍ରଦଦୌ କାର୍ତିକେଯାଯ ବାଯୁର୍ଭରତସତ୍ତମ।
ଯମଂ ଚାତିଯମଂ ଚୈବ ତିମିବକ୍ତ୍ରୌ ମହାବଲୌ॥ 9-46-45 (62779)
ପ୍ରଦଦୌ କାର୍ତିକେଯାଯ ବରୁଣଃ ସତ୍ଯସଙ୍ଗରଃ।
ସୁବର୍ଚସଂ ମହାତ୍ମାନଂ ତଥୈବାପ୍ଯତିବର୍ଚସମ୍॥ 9-46-46 (62780)
ହିମବାନ୍ପ୍ରଦଦୌ ରାଜନ୍ହୁତାଶନସୁତାଯ ବୈ।
କାଞ୍ଚନଂ ଚ ମହାତ୍ମାନଂ ମେଘମାଲିନମେବ ଚ॥ 9-46-47 (62781)
ଦଦାବନୁଚରୌ ମେରୁରଗ୍ନିପୁତ୍ରାଯ ଭାରତ।
ସ୍ଥିରଂ ଚାତିସ୍ଥିରଂ ଚୈବ ମେରୁରେବାପରୌ ଦଦୌ॥ 9-46-48 (62782)
ମହାତ୍ମା ତ୍ବଗ୍ନିପୁତ୍ରାଯ ମହାବଲପରାକ୍ରମୌ।
ଉଚ୍ଛୃଙ୍ଗଂ ଚାତିଶୃଙ୍ଗଂ ଚ ମହାପାଷାଣଯୋଧିନୌ॥ 9-46-49 (62783)
ପ୍ରଦଦାବଗ୍ନିପୁତ୍ରାଯ ବିନ୍ଧ୍ଯଃ ପାରିଷଦାବୁଭୌ।
ସଙ୍ଗ୍ରହଂ ବିଗ୍ରହଂ ଚୈବ ସମୁଦ୍ରୋଽମି ଗଦାଧରୌ॥ 9-46-50 (62784)
ପ୍ରଦଦାବଗ୍ନିପୁତ୍ରାଯ ମହାପାରିଷଦାବୁଭୌ।
ଉନ୍ମାଦଂ ଶଙ୍କୁକର୍ଣଂ ଚ ପୁଷ୍ପଦନ୍ତଂ ତଥୈବ ଚ॥ 9-46-51 (62785)
ପ୍ରଦଦାବଗ୍ନିପୁତ୍ରାଯ ପାର୍ବତୀ ଶୁଭଦର୍ଶନା।
ଜଯଂ ମହାଜଯଂ ଚୈବ ଗଙ୍ଗା ଜ୍ବଲନସୂନବେ॥ 9-46-52 (62786)
ପ୍ରଦଦୌ ପୁରୁଷବ୍ଯାଘ୍ର ବାସୁକିଃ ପନ୍ନଗେଶ୍ବରଃ।
ଏବଂ ସାଧ୍ଯାଶ୍ଚ ରୁଦ୍ରାଶ୍ଚ ବସବଃ ପିତରସ୍ତଥା॥ 9-46-53 (62787)
ସାଗରାଃ ସରିତଶ୍ଚୈବ ଗିରଯଶ୍ଚ ମହାବଲାଃ।
ଦଦୁଃ ସେନାଗଣାଧ୍ଯକ୍ଷାଞ୍ଶୂଲପଟ୍ଟସଧାରିଣଃ॥ 9-46-54 (62788)
ଦିବ୍ଯପ୍ରହରଣୋପେତାନ୍ନାନାବେଷବିଭୂଷିତାନ୍।
ଶୃଣୁ ନାମାନି ଚାପ୍ଯେଷାଂ ଯେଽନ୍ଯେ ସ୍କନ୍ଦସ୍ଯ ସୈନିକାଃ॥ 9-46-55 (62789)
ବିବିଧାଯୁଧସମ୍ପନ୍ନାଶ୍ଚିତ୍ରାଭରଣଭୂଷିତାଃ।
ଶଙ୍କୁକର୍ଣୋ ନିକୁମ୍ଭଶ୍ଚ ପଦ୍ମଃ କୁମୁଦ ଏବ ଚ॥ 9-46-56 (62790)
ଅନନ୍ତୋ ଦ୍ବାଦଶଭୁଜସ୍ତଥା କୃଷ୍ଣୋପକୃଷ୍ଣକୌ।
ଘ୍ରାଣଶ୍ରବାଃ କପିସ୍କନ୍ଧଃ କାଞ୍ଚନାକ୍ଷୋ ଜଲନ୍ଧମଃ॥ 9-46-57 (62791)
ଅକ୍ଷଃ ସନ୍ତର୍ଜନୋ ରାଜନ୍କୁନଦୀକସ୍ତମୋନ୍ତକୃତ୍।
ଏକାକ୍ଷୋ ଦ୍ବାଶାକ୍ଷଶ୍ଚ ତଥୈବୈକଜଟଃ ପ୍ରଭୁଃ॥ 9-46-58 (62792)
ସହସ୍ରବାହୁର୍ବିକଟୋ ବ୍ଯାଘ୍ରାକ୍ଷଃ କ୍ଷିତିକମ୍ପନଃ।
ପୁଣ୍ଯନାମା ସୁନାମା ଚ ସୁଚକ୍ରଃ ପ୍ରିଯଦର୍ଶନଃ॥ 9-46-59 (62793)
ପରିଶ୍ରୁତଃ କୋକନଦଃ ପ୍ରିଯମାଲ୍ଯାନୁଲେପନଃ।
ଅଜୋଦରୋ ଗଜଶିରାଃ ସ୍କନ୍ଧାକ୍ଷଃ ଶତଲୋଚନଃ॥ 9-46-60 (62794)
ଜ୍ବାଲାଜିହ୍ବଃ କରାଲାକ୍ଷଃ ଶିତିକେଶୋ ଜଟୀ ହରିଃ।
ପରିଶ୍ରୁତଃ କୋକନଦଃ କୃଷ୍ଣକେଶୋ ଜଟାଧରଃ॥ 9-46-61 (62795)
ଚତୁର୍ଦଂଷ୍ଟ୍ରୋଽଷ୍ଟଜିହ୍ବଶ୍ଚ ମେଘନାଦଃ ପୃଥୁଶ୍ରବାଃ।
ବିଦ୍ଯୁତାକ୍ଷୋ ଧନୁର୍ବକ୍ତ୍ରୋ ଜାଠରୋ ମାରୁତାଶନଃ॥ 9-46-62 (62796)
ଉଦାରାକ୍ଷୋ ରଥାକ୍ଷଶ୍ଚ ବଜ୍ରନାଭୋ ବସୁପ୍ରଭଃ।
ସମୁଦ୍ରବେଗୋ ରାଜେନ୍ଦ୍ର ଶୈଲକମ୍ପୀ ତଥୈବ ଚ॥ 9-46-63 (62797)
ବୃଷୋ ମେଷଃ ପ୍ରବାହଶ୍ଚ ତଥା ନନ୍ଦୋପନନ୍ଦକୌ।
ଧୂମ୍ରଃ ଶ୍ବେତଃ କଲିଙ୍ଗଶ୍ଚ ସିଦ୍ଧାର୍ଥୋ ବରଦସ୍ତଥା॥ 9-46-64 (62798)
ପ୍ରିଯକଶ୍ଚୈବ ନନ୍ଦଶ୍ଚ ଗୋନନ୍ଦଶ୍ଚ ପ୍ରତପବାନ୍।
ଆନନ୍ଦଶ୍ଚ ପ୍ରମୋଦଶ୍ଚ ସ୍ବସ୍ତିକୋ ଧ୍ରୁବକସ୍ତଥା॥ 9-46-65 (62799)
କ୍ଷେମବାହଃ ସୁବାହଶ୍ଚ ସିଦ୍ଧପାତ୍ରଶ୍ଚ ଭାରତ।
ଗୋବ୍ରଜଃ କନକାପୀଡୋ ମହାପାରିଷଦେଶ୍ବରଃ॥ 9-46-66 (62800)
ଗାଯନୋ ହସନଶ୍ଚୈବ ବାଣଃ ଖଙ୍ଗଶ୍ଚ ବୀର୍ଯବାନ୍।
ବୈତାଲୀ ଗତିତାଲୀ ଚ ତଥା କଥକବାତିକୌ॥ 9-46-67 (62801)
ହଂସଜଃ ପଙ୍କଦିଗ୍ଧାଙ୍ଗଃ ସମୁଦ୍ରୋନ୍ମାଦନଶ୍ଚ ହ।
ରଣୋତ୍କଟଃ ପ୍ରହାସଶ୍ଚ ଶ୍ବେତସିଦ୍ଧଶ୍ଚ ନନ୍ଦନଃ॥ 9-46-68 (62802)
କାଲକଣ୍ଠଃ ପ୍ରଭାସଶ୍ଚ ତଥା କୁମ୍ଭାଣ୍ଡକୋଦରଃ।
କାଲକକ୍ଷଃ ସିତଶ୍ଚୈବ ଭୂତାନାଂ ମଥନସ୍ତଥା॥ 9-46-69 (62803)
ଯଜ୍ଞବାହଃ ସୁବାହଶ୍ଚ ଦେବଯାଜୀ ଚ ସୋମପଃ।
ମଜ୍ଜାନଶ୍ଚ ମହାତେଜାଃ କ୍ରଥକ୍ରାଥୌ ଚ ଭାରତ॥ 9-46-70 (62804)
ତୁହରଶ୍ଚ ତୁହାରଶ୍ଚ ଚିତ୍ରଦେବଶ୍ଚ ବୀର୍ଯବାନ୍।
ମଧୁରଃ ସୁପ୍ରସାଦଶ୍ଚ କିରୀଟୀ ଚ ମହାବଲଃ॥ 9-46-71 (62805)
ବତ୍ସଲୋ ମଧୁବର୍ଣଶ୍ଚ କଲଶୋଦର ଏବ ଚ।
ଧର୍ମଦୋ ମନ୍ମଥକରଃ ସୂଚୀବକ୍ତ୍ରଶ୍ଚ ବୀର୍ଯବାନ୍॥ 9-46-72 (62806)
ଶ୍ବେତବକ୍ତ୍ରଃ ସୁବକ୍ତ୍ରଶ୍ଚ ଚାରୁବକ୍ତ୍ରଶ୍ଚ ପାଣ୍ଡୁରଃ।
ଦଣ୍ଡବାହୁଃ ସୁବାହୁଶ୍ଚ ରଜଃ କୋକିଲକସ୍ତଥା॥ 9-46-73 (62807)
ଅଚଲଃ କନକାକ୍ଷଶ୍ଚ ବାଲାନାମପି ଯଃ ପ୍ରଭୁଃ।
ସଞ୍ଚାରକଃ କୋକନଦୋ ଗୃଧ୍ରପତ୍ରଶ୍ଚ ଜମ୍ବୁକଃ॥ 9-46-74 (62808)
ଲୋହାଜବକ୍ତ୍ରୋ ଜବନଃ କୁମ୍ଭବକ୍ତ୍ରଶ୍ଚ କୁମ୍ଭକଃ।
ସ୍ବର୍ଣଗ୍ରୀବଶ୍ଚ କୃଷ୍ଣୌଜା ହଂସବକ୍ତ୍ରଶ୍ଚ ଚନ୍ଦ୍ରଭଃ॥ 9-46-75 (62809)
ପାଣିକୂର୍ଚାଶ୍ଚ ଶମ୍ବୂକଃ ପଞ୍ଚବକ୍ତ୍ରଶ୍ଚ ଶିକ୍ଷକଃ।
ଚାଷବକ୍ତ୍ରକ୍ଷ ଜମ୍ବୂକଃ ଶାକବକ୍ତ୍ରଶ୍ଚ କୁଞ୍ଜଲଃ॥ 9-46-76 (62810)
ଯୋଗଯୋକ୍ତା ମହାତ୍ମାନଃ ସତତଂ ବ୍ରାହ୍ମଣପ୍ରିଯାଃ।
ପୈତାମହା ମହାତ୍ମାନୋ ମହାପାରିଷଦାଶ୍ଚ ଯେ॥ 9-46-77 (62811)
ଯୌବନସ୍ଥାଶ୍ଚ ବାଲାଶ୍ଚ ବୃଦ୍ଧାଶ୍ଚ ଜନମେଜଯ।
ସହସ୍ରଶଃ ପାରିଷଦାଃ କୁମାରମୁପତସ୍ଥିରେ॥ 9-46-78 (62812)
ବକ୍ତ୍ରୈର୍ନାନାବିଧୈର୍ଯେ ତୁ ଶୃଣୁ ତାଞ୍ଚନମେଜଯ।
କୂର୍ମକୁକ୍କୁଟବକ୍ତ୍ରାଶ୍ଚ ଶଶୋଲୂକମୁଖାସ୍ତଥା॥ 9-46-79 (62813)
ଖରୋଷ୍ଟ୍ରବଦନାଶ୍ଚାନ୍ଯେ ବରାହବଦନାସ୍ତଥା।
ମାର୍ଜାରଶଶବକ୍ତାଶ୍ଚ ଦୀର୍ଘବକ୍ତ୍ରାଶ୍ଚ ଭାରତ॥ 9-46-80 (62814)
ନକୁଲୋଲୂକବକ୍ତ୍ରାଶ୍ଚ କାକବକ୍ତ୍ରାସ୍ତଥା ପରେ।
ଆଖୁବଭ୍ରୁକବକ୍ତ୍ରାଶ୍ଚ ମଯୂରବଦନାସ୍ତଥା॥ 9-46-81 (62815)
ମତ୍ସ୍ଯମେଷାନନାଶ୍ଚାନ୍ଯେ ଅଜାବିମହିଷାନନାଃ।
ଋକ୍ଷଶାର୍ଦୂଲବକ୍ତ୍ରାଶ୍ଚ ଦ୍ବୀତିସିଂହାନନାସ୍ତଥା॥ 9-46-82 (62816)
ଭୀମା ଗଜାନନାଶ୍ଚୈବ ତଥା ନକ୍ରମୁଖାଶ୍ଚ ଯେ।
ଗରୁଡାନନାଃ କଙ୍କୁମୁଖା ବୃକକାକମୁଖାସ୍ତଥା॥ 9-46-83 (62817)
ଗୋଖରୋଷ୍ଟ୍ରମୁଖାଶ୍ଚାନ୍ଯେ ବୃଷଦଂଶମୁଖାସ୍ତଥା।
ମହାଜଠରପାଦାଙ୍ଗାସ୍ତାରକାକ୍ଷାଶ୍ଚ ଭାରତ॥ 9-46-84 (62818)
ପାରାବତମୁଖାଶ୍ଚାନ୍ଯେ ତଥା ବୃଷମୁଖାଃ ପରେ।
କୋକିଲାଭାନନାଶ୍ଚାନ୍ଯେ ଶ୍ଯେନତିତ୍ତିରିକାନନାଃ॥ 9-46-85 (62819)
କୃକଲାସମୁଖାଶ୍ଚୈବ ବିରଜୋମ୍ବରଧାରିଣଃ।
ବ୍ଯାଲବକ୍ତ୍ରାଃ ଶୂଲମୁଖାଶ୍ଚଣ୍ଡବକ୍ତ୍ରାଃ ଶୁଭାନନାଃ॥ 9-46-86 (62820)
ଆଶୀବିଷାଶ୍ଚୀରଧରା ଗୋନାସାବଦନାସ୍ତଥା।
ସ୍ଥୂଲୋଦରାଃ କୃଶାଙ୍ଗାଶ୍ଚ ସ୍ଥୂଲାଙ୍ଗାଶ୍ଚ କୃଶୋଦରାଃ॥ 9-46-87 (62821)
ହସ୍ବଗ୍ରୀବା ମହାକର୍ଣା ନାନାବ୍ଯାଲବିଭୂଷଣାଃ।
ଗଜେନ୍ଦ୍ରଚର୍ମବସନାସ୍ତଥା କୃଷ୍ଣାଜିନାମ୍ବରାଃ॥ 9-46-88 (62822)
ସ୍କନ୍ଧେମୁଖା ମହାରାଜ ତଥାପ୍ଯୁଦରତୋମୁଖାଃ।
ପୃଷ୍ଠେମୁଖା ହନୁମୁଖାସ୍ତଥା ଜଙ୍ଘାମୁଖା ଅପି॥ 9-46-89 (62823)
ପାର୍ଶ୍ବାନନାଶ୍ଚ ବହବୋ ନାନାଦେଶମୁଖାସ୍ତଥା।
ତଥା କୀଟପତଙ୍ଗାନାଂ ସଦୃଶାସ୍ଯା ଗଣେଶ୍ବରାଃ॥ 9-46-90 (62824)
ନାନାବ୍ଯାଲମୁଖାଶ୍ଚାନ୍ଯେ ବହୁବାହୁଶିରୋଧରାଃ।
ନାନାବୃକ୍ଷଭୁଜାଃ କେଚିତ୍କଟିଶୀର୍ଷାସ୍ତଥା ପରେ॥ 9-46-91 (62825)
ଭୁଜଙ୍ଗଭୋଗବଦନା ନାନାଗୁଲ୍ମନିବାସିନଃ।
ଚୀରସଂବୃତଗାତ୍ରାଶ୍ଚ ନାନାକନକବାସସଃ॥ 9-46-92 (62826)
ନାନାବେଷଧରାଶ୍ଚୈବ ନାନାମାଲ୍ଯାନୁଲେପନାଃ।
ନାନାବସ୍ତ୍ରଧରାଶ୍ଚୈବ ଚର୍ମବାସସ ଏବ ଚ॥ 9-46-93 (62827)
ଉଷ୍ଣୀଷିଣୋ ମୁକୁଟିନଃ ସୁଗ୍ରୀବାଶ୍ଚ ସୁବର୍ଚସଃ।
କିରୀଟିନଃ ପଞ୍ଚଶିଖାସ୍ତଥା କାଞ୍ଚନମୂର୍ଧଜାଃ॥ 9-46-94 (62828)
ତ୍ରିଶିଖା ଦ୍ବିଶିଖାଶ୍ଚୈବ ତଥା ସପ୍ତଶିଖାଃ ପରେ।
ଶିଖଣ୍ଡିନୋ ମୁକୁଟିନୋ ମୁଣ୍ଡାଶ୍ଚ ଜଟିଲାସ୍ତଥା॥ 9-46-95 (62829)
ଚିତ୍ରମାଲାଧରାଃ କେଚିତ୍କେଚିଦ୍ରୋମାନନାସ୍ତଥା।
ବିଗ୍ରହୈକରସା ନିତ୍ଯମଜେତାଃ ସୁରସତ୍ତମୈଃ॥ 9-46-96 (62830)
କୃଷ୍ଣା ନିର୍ମାଂସବକ୍ତ୍ରାଶ୍ଚ ଦୀର୍ଘପୃଷ୍ଠାସ୍ତନୂଦରାଃ।
ସ୍ଥୂଲପୃଷ୍ଠା ହସ୍ବପୃଷ୍ଠାଃ ପ୍ରଲମ୍ବୋଦରମେହନାଃ॥ 9-46-97 (62831)
ମହାଭୁଜା ହସ୍ବଭୁଜା ହସ୍ବଗାତ୍ରାଶ୍ଚ ବାମନାଃ।
କୁବ୍ଜାଶ୍ଚ ହସ୍ବଜଙ୍ଘାଶ୍ଚ ହସ୍ତିକର୍ଣଶିରୋଧରାଃ॥ 9-46-98 (62832)
ହସ୍ତିନାସାଃ କୂର୍ମନାସା ବୃକନାସାସ୍ତଥା ପରେ।
ଦୀର୍ଘୋଚ୍ଛ୍ବାସା ଦୀର୍ଘଜଙ୍ଘା ବିକରାଲା ହ୍ଯଧୋମୁଖାଃ॥ 9-46-99 (62833)
ମହାଦଂଷ୍ଟ୍ରା ହସ୍ବଦଂଷ୍ଟ୍ରାଶ୍ଚତୁର୍ଦଂଷ୍ଟ୍ରାସ୍ତଥା ପରେ।
ବାରମେନ୍ଦ୍ରନିଭାଶ୍ଚାନ୍ଯେ ଭୀମା ରାଜନ୍ସହସ୍ରଶଃ॥ 9-46-100 (62834)
ସୁବିଭକ୍ତଶରୀରାଶ୍ଚ ଦୀପ୍ତିମନ୍ତଃ ସ୍ବଲଙ୍କୃତାଃ।
ପିଙ୍ଗାକ୍ଷାଃ ଶଙ୍କୁକର୍ଣାଶ୍ଚ ରକ୍ତନାସାଶ୍ଚ ଭାରତ॥ 9-46-101 (62835)
ପୃଥୁଦଂଷ୍ଟ୍ରା ମହାଦଂଷ୍ଟ୍ରାଃ ସ୍ଥୂଲୌଷ୍ଠା ହରିମୂର୍ଧଜାଃ।
ନାନାପାଦୌଷ୍ଠଦଂଷ୍ଟ୍ରାଶ୍ଚ ନାନାହସ୍ତଶିରୋଧରାଃ॥ 9-46-102 (62836)
ନାନାଚର୍ମଭିରାଚ୍ଛନ୍ନା ନାନାଭାଷାଶ୍ଚ ଭାରତ।
କୁଶଲା ଦେଶଭାଷାସୁ ଜଲ୍ପନ୍ତୋଽନ୍ଯୋନ୍ଯମୀଶ୍ବରାଃ॥ 9-46-103 (62837)
ହୃଷ୍ଟାଃ ପରିପତନ୍ତି ସ୍ମ ମହାପାରିଷଦାସ୍ତଥା।
ଦୀର୍ଘଗ୍ରୀବା ଦୀର୍ଘନଖା ଦୀର୍ଘପାଦଶିରୋଭୁଜାଃ॥ 9-46-104 (62838)
ପିଙ୍ଗାକ୍ଷା ନୀଲକଣ୍ଠାଶ୍ଚ ଲମ୍ବକର୍ଣାଶ୍ଚ ଭାରତ।
ବୃକୋଦରନିଭାଶ୍ଚୈବ କେଚିଦଞ୍ଜନସନ୍ନିଭାଃ॥ 9-46-105 (62839)
ଶ୍ବେତାକ୍ଷା ଲୋହିତଗ୍ରୀବାଃ ପିଙ୍ଗାକ୍ଷାଶ୍ଚ ତଥା ପରେ।
କଲ୍ମାଷା ବହବୋ ରାଜଂଶ୍ଚିତ୍ରବର୍ଣାଶ୍ଚ ଭାରତ॥ 9-46-106 (62840)
ଚାମରାପୀଡକନିଭାଃ ଶ୍ବେତଲୋହିତରାଜଯଃ।
ନାନାବର୍ଣାଃ ସବର୍ଣାଶ୍ଚ ମଯୂରସଦୃଶପ୍ରଭାଃ॥ 9-46-107 (62841)
ପୁନଃ ପ୍ରହରଣାନ୍ଯେଷାଂ କୀର୍ତ୍ଯମାନାନି ମେ ଶୃଣୁ।
ଶେଷୈଃ କୃତଃ ପାରିଷଦୈରାଯୁଧାନାଂ ପରିଗ୍ରହଃ॥ 9-46-108 (62842)
ପାଶୋଦ୍ଯତକରାଃ କେଚିଦ୍ବ୍ଯାଦିତାସ୍ଯାଃ ଖରାନନାଃ।
ପୃଷ୍ଠାକ୍ଷା ନୀଲକଣ୍ଠାଶ୍ଚ ତଥା ପରିଘବାହବଃ॥ 9-46-109 (62843)
ଶତଘ୍ନୀଚକ୍ରହସ୍ତାଶ୍ଚ ତଥା ମୁସଲପାଣଯଃ।
ଅସିମୁଦ୍ଗ୍ରରହସ୍ତାଶ୍ଚ ଦଣ୍ଡହସ୍ତାଶ୍ଚ ଭାରତ॥ 9-46-110 (62844)
ଗଦାଭୁଶୁଣ୍ଡିହସ୍ତାଶ୍ଚ ତଥା ତୋମରପାଣଯଃ।
ଆଯୁଧୈର୍ବିବିଧୈର୍ଘୋରୈର୍ମହାତ୍ମାନୋ ମହାଜବାଃ॥ 9-46-111 (62845)
ମହାବଲା ମହାବେଗା ମହାପାରିଷଦାସ୍ତଥା।
ଅଭିଷେକଂ କୁମାରସ୍ଯ ଦୃଷ୍ଟ୍ବା ହୃଷ୍ଟା ରଣପ୍ରିଯାଃ॥ 9-46-112 (62846)
ଘଣ୍ଟାଜାଲପିନଦ୍ଧାଙ୍ଗା ନନୃତୁସ୍ତେ ମହୌଜସଃ।
ଏତେ ଚାନ୍ଯେ ଚ ବହବୋ ମହାପାରିଷଦା ନୃପ॥ 9-46-113 (62847)
ଉପତସ୍ଥୁର୍ମହାତ୍ମାନଂ କାର୍ତିକେଯଂ ଯଶସ୍ବିନମ୍।
ଦିବ୍ଯାଶ୍ଚାପ୍ଯାନ୍ତରିକ୍ଷାଶ୍ଚ ପାର୍ଥିବାଶ୍ଚାନିଲୋପମାଃ॥ 9-46-114 (62848)
ବ୍ଯାଦିଷ୍ଟା ଦୈବତୈଃ ଶୂରାଃ ସ୍କନ୍ଦସ୍ଯାନୁଚରାଽଭବନ୍।
ତାଦୃଶାନାଂ ସହସ୍ରାଣି ପ୍ରଯୁତାନ୍ଯର୍ବୁଦାନି ଚ।
ଅଭିଷିକ୍ତଂ ମହାତ୍ମାନଂ ପରିବାର୍ଯୋପତସ୍ଥିରେ॥ ॥ 9-46-115 (62849)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ଷଟ୍ଚତ୍ବାରିଂଶୋଽଧ୍ଯାଯଃ॥ 46 ॥
Mahabharata - Shalya Parva - Chapter Footnotes
9-46-13 ନାଗରାଜଶ୍ଚ ବାମନ ଇତି ଖ.ପାଠଃ॥ 9-46-45 ଘସଂ ତ୍ବାତିଘସଂ ଚୈବେତି ଖ.ପାଠଃ॥ 9-46-46 ଷଟ୍ଚତ୍ବାରିଂଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 047
॥ ଶ୍ରୀଃ ॥
9.47. ଅଧ୍ଯାଯଃ 047
Mahabharata - Shalya Parva - Chapter Topics
କୁମାରମାତୃଗଣସ୍ଯ ନାମକୀର୍ତନମ୍॥ 1 ॥ କୁମାରେଣ ତାରକାସୁରବଧଃ କ୍ରୌଞ୍ଚପର୍ବତଭେଦନଂ ଚ॥ 2 ॥Mahabharata - Shalya Parva - Chapter Text
9-47-0 (62850)
ବୈଶମ୍ପାଯନ ଉବାଚ। 9-47-0x (5198)
ଶୃଣୁ ମାତୃଗଣାନ୍ରାଜନ୍କୁମାରାନୁଚରାନିମାନ୍।
କୀର୍ତ୍ଯମାନାନ୍ମଯା ବୀର ସପତ୍ନଗଣସୂଦନାନ୍॥ 9-47-1 (62851)
ଯଶସ୍ବିନୀନାଂ ମାତୄଣାଂ ଶୃଣୁ ନାମାନି ଭାରତ
ଯାଭିର୍ବାଯପ୍ତାସ୍ତ୍ରଯୋଲୋକାଃ କଲ୍ଯାଣୀଭିଶ୍ଚ ଭାଗଶଃ॥ 9-47-2 (62852)
ପ୍ରଭାବତୀ ବିଶାଲାକ୍ଷୀ ପାଲିତା ଗୋସ୍ତାନୀ ତଥା।
ଶ୍ରୀମତୀ ବହୁଲା ଚୈବ ତଥୈବ ବହୁପୁତ୍ରିକା॥ 9-47-3 (62853)
ଅପ୍ସୁଜାତା ଚ ଗୋପାଲୀ ବୃହଦମ୍ବାଲିକା ତଥା।
ଜଯାବତୀ ମାଲତିକା ଧ୍ରୁବରତ୍ନା ଭଯଙ୍କରୀ॥ 9-47-4 (62854)
ବସୁଦାମା ଚ ଦାମା ଚ ବିଶୋକା ନନ୍ଦିନୀ ତଥା।
ଏକଚୂଡା ମହାଚୂଡା ଚକ୍ରନେମିଶ୍ଚ ଭାରତ॥ 9-47-5 (62855)
ଉତ୍ତେଜନୀ ଜଯତ୍ସେନା କମଲାକ୍ଷ୍ଯଥ ଶୋଭନା।
ଶତ୍ରୁଞ୍ଜଯା ତଥା ଚୈବ କ୍ରୋଧନା ଶଲଭୀ ଖରୀ॥ 9-47-6 (62856)
ମାଧବୀ ଶୁଭବକ୍ତ୍ରା ଚ ତୀର୍ଥସେନିଶ୍ଚ ଭାରତ।
ଗୀତପ୍ରିଯା ଚ କଲ୍ଯାଣୀ ରୁଦ୍ରରୋମାଽମିତାଶନା॥ 9-47-7 (62857)
ମେଘସ୍ବନା ଭୋଗବତୀ ସୁଭ୍ରୂଶ୍ଚ କନକାବତୀ।
ଅଲାତାକ୍ଷୀ ବୀର୍ଯବତୀ ବିଦ୍ଯୁଜ୍ଜିହ୍ବା ଚ ଭାରତ॥ 9-47-8 (62858)
ପୁନ୍ନାବତୀ ସୁନକ୍ଷତ୍ରା କନ୍ଦରା ବହୁଯୋଜନା।
ସନ୍ତାନିକା ଚ କୌରବ୍ଯ କମଲା ଚ ମହାବଲା॥ 9-47-9 (62859)
ସୁଦାମା ବହୁଦାମା ଚ ସୁପ୍ରଭା ଚ ଯଶସ୍ବିନୀ।
ନୃତ୍ଯପ୍ରିଯା ଚ ରାଜେନ୍ଦ୍ର ଶତୋଲୂଖଲମେଖଲା॥ 9-47-10 (62860)
ଶତଘଣ୍ଟା ଶତାନନ୍ଦା ଭଗନନ୍ଦା ଚ ଭାବିନୀ।
ବପୁଷ୍ମତୀ ଚନ୍ଦ୍ରଶୀତା ଭଦ୍ରକାଲୀ ଚ ଭାରତ॥ 9-47-11 (62861)
ଋକ୍ଷାମ୍ବିକା ନିଷ୍କୁଟିକା ବାମା ଚତ୍ବରବାସିନୀ।
ସୁମଙ୍ଗଲା ସ୍ବସ୍ତିମତୀ ବୁଦ୍ଧିକାମା ଜଯପ୍ରିଯା॥ 9-47-12 (62862)
ଧନଦା ସୁପ୍ରସାଦା ଚ ଭବଦା ଚ ଜଲେଶ୍ବରୀ।
ଏଡୀ ଭେଡୀ ସମେଡୀ ଚ ବେତାଲଜନନୀ ତଥା॥ 9-47-13 (62863)
କଣ୍ଡୂତିଃ କାଲିକା ଚୈବ ଦେବମିତ୍ରା ଚ ଭାରତ।
ବସୁଶ୍ରୀଃ କୋଟରା ଚୈବ ଚିତ୍ରସେନା ତଥାଽଚଲା॥ 9-47-14 (62864)
କୁକ୍କୁଟିକା ଶଙ୍ଖଲିକା ତଥା ଶକୁନିକା ନୃପ।
କୁଣ୍ଡାରିକା କୌକୁଲିକା କୁମ୍ଭିକାଽଥ ଶତୋଦରୀ॥ 9-47-15 (62865)
ଉତ୍କ୍ରାଥିନୀ ଜଲେଲା ଚ ମହାବେଗା ଚ କଙ୍କଣା।
ମନୋଜବା କଣ୍ଟକିନୀ ପ୍ରଘସା ପୂତନା ତଥା॥ 9-47-16 (62866)
କେଶଯନ୍ତ୍ରୀ ତ୍ରୁଟିର୍ବାମା କ୍ରୋଶନାଽଥ ତଡିତ୍ପ୍ରଭା।
ମନ୍ଦୋଦରୀ ଚ ମୁଣ୍ଡୀ ଚ କୋଟରା ମେଘବାହିନୀ॥ 9-47-17 (62867)
ସୁଭଗା ଲମ୍ବିନୀ ଲମ୍ବା ତାମ୍ରଚୂଡା ବିକାଶିନୀ।
ଊର୍ଧ୍ବବେଣୀଧରା ଚୈବ ପିଙ୍ଗାକ୍ଷୀ ଲୋହମେଖଲା॥ 9-47-18 (62868)
ପୃଥୁବସ୍ତ୍ରା ମଧୁଲିକା ମଧୁକୁମ୍ଭା ତଥୈବ ଚ।
ପକ୍ଷାଲିକା ମତ୍କୁଲିକା ଜରାଯୁର୍ଜର୍ଜରାନନା॥ 9-47-19 (62869)
ଖ୍ଯାତା ଦହଦହା ଚୈବ ତଥା ଧମଧମା ନୃପ।
ଖଣ୍ଡଖଣ୍ଡା ଚ ରାଜେନ୍ଦ୍ର ପୂଷଣା ମଣିକୁଟ୍ଟିକା॥ 9-47-20 (62870)
ଅମୋଘା ଚୈବ କୌରବ୍ଯ ତଥା ଲମ୍ବପଯୋଧରା।
ବେଣୁବୀଣାଧରା ଚୈବ ପିଙ୍ଗାକ୍ଷୀ ଲୋହମେଖଲା॥ 9-47-21 (62871)
ଶଶୋକୂଲମୁଖୀ କୃଷ୍ଣା ଖରଜଙ୍ଘା ମହାଜବା।
ଶିଶୁମାରମୁଖୀ ଶ୍ବେତା ଲୋହିତାକ୍ଷୀ ବିଭୀଷଣା॥ 9-47-22 (62872)
ଜଟାଲିକା କାମଚରୀ ଦୀର୍ଘଜିହ୍ବା ବଲୋତ୍କଟା।
କାଲେହିକା ବାମନିକା ମୁକୁଟା ଚୈବ ଭାରତ॥ 9-47-23 (62873)
ଲୋହିତାକ୍ଷୀ ମହାକାଯା ହରିପିଣ୍ଡା ଚ ଭୂମିପ।
ଏକତ୍ବଚା ସୁକୁସୁମା କୃଷ୍ଣକର୍ଣୀ ଚ ଭାରତ॥ 9-47-24 (62874)
କ୍ଷୁରକର୍ଣୀ ଚତୁଷ୍କର୍ଣୀ କର୍ଣପ୍ରାବରଣା ତଥା।
ଚତୁଷ୍ପଥନିକେତା ଚ ଗୋକର୍ଣୀ ମହିଷାନନା॥ 9-47-25 (62875)
ଖରକର୍ଣୀ ମହାକର୍ଣୀ ଭେରୀସ୍ବନମହାସ୍ବନା।
ଶଙ୍ଖକୁମ୍ଭଶ୍ରବାଶ୍ଚୈବ ଭଗଦା ଚ ମହାବଲା॥ 9-47-26 (62876)
ଗଣା ଚ ସୁଗଣା ଚୈବ ତଥା ଭୀତ୍ଯଥ କାମଦା।
ଚତୁଷ୍ପଥରତା ଚୈବ ଭୂତିତୀର୍ଥାନ୍ଯଗୋଚରୀ॥ 9-47-27 (62877)
ପଶୁଦା ବିତ୍ତଦା ଚୈବ ସୁଖଦା ଚ ମହାଯଶାଃ।
ପଯୋଦା ଗୋମହିଷଦା ସବିଶାଲା ଚ ଭାରତ॥ 9-47-28 (62878)
ପ୍ରତିଷ୍ଠା ସୁପ୍ରତିଷ୍ଠା ଚ ରୋଚମାନା ସୁରୋଚନା।
ନୌକର୍ଣୀ ମୁଖକର୍ଣୀ ଚ ବିଶିରା ମନ୍ଥିନୀ ତଥା॥ 9-47-29 (62879)
ଏକଚନ୍ଦ୍ରା ମେଘକର୍ଣା ମେଘମାଲା ବିରୋଚନା।
ଏତାଶ୍ଚାନ୍ଯାଶ୍ଚ ବହବୋ ମାତରୋ ଭରତର୍ଷଭ॥ 9-47-30 (62880)
କାର୍ତିକେଯାନୁଯାଯିନ୍ଯୋ ନାନାରୂପାଃ ସହସ୍ରଶଃ।
ଦୀର୍ଘନଖ୍ଯୋ ଦୀର୍ଘଦନ୍ତ୍ଯୋ ଦୀର୍ଘତୁଣ୍ଡ୍ଶ୍ଚ ଭାରତ॥ 9-47-31 (62881)
ସବଲା ମଧୁରାଶ୍ଚୈବ ଯୌବନସ୍ଥାଃ ସ୍ବଲଙ୍କୃତାଃ।
ମାହାତ୍ମ୍ଯେନ ଚ ସଂଯୁକ୍ତାଃ କାମରୂପଧରାସ୍ତଥା॥ 9-47-32 (62882)
ନିର୍ମାସଗାତ୍ର୍ଯଃ ଶ୍ବେତାଶ୍ଚ ତଥା କାଞ୍ଚନସନ୍ନିଭାଃ।
କୃଷ୍ଣମେଘନିଭାଶ୍ଚାନ୍ଯା ଧୂମ୍ନାଶ୍ଚ ଭରତର୍ଷଭ॥ 9-47-33 (62883)
ଅରୁଣାଭା ମହାଭୋଗା ଦୀର୍ଘକେଶ୍ଯଃ ସିତାମ୍ବରାଃ।
ଊର୍ଧ୍ବବେଣୀଧରାଶ୍ଚୈବ ପିଙ୍ଗାକ୍ଷ୍ଯୋ ଲମ୍ବମେଖଲାଃ॥ 9-47-34 (62884)
ଲମ୍ବୋଦର୍ଯୋ ଲମ୍ବକର୍ଣାସ୍ତଥା ଲମ୍ବପଯୋଧରାଃ।
ତାମ୍ରାକ୍ଷ୍ଯସ୍ତାମ୍ରବର୍ଣାଶ୍ଚ ହର୍ଯକ୍ଷ୍ଯଶ୍ଚ ତଥାଽପରାଃ॥ 9-47-35 (62885)
ବରଦାଃ କାମଚାରିଣ୍ଯୋ ନିତ୍ଯଂ ପ୍ରମୁଦିତାସ୍ତଥା।
ଯାମ୍ଯା ରୌଦ୍ରାସ୍ତଥା ସୌମ୍ଯାଃ କୌବେର୍ଯୋଽଥ ମହାବଲାଃ॥ 9-47-36 (62886)
ବାରୁଣ୍ଯୋଽଥ ଚ ମାହେନ୍ଦ୍ଯସ୍ତଥାଽଽଗ୍ନେଯ୍ଯଃ ପରନ୍ତପ।
ବାଯବ୍ଯଶ୍ଚାଥ କୌମାର୍ଯୋ ବ୍ରାହ୍ମଶ୍ଚ ଭରତର୍ଷଭ॥ 9-47-37 (62887)
ବୈଷ୍ଣବ୍ଯଶ୍ଚ ତଥା ସୌର୍ଯୋ ବାରାହ୍ଯଶ୍ଚ ମହାବଲାଃ।
ରୂପେଣାପ୍ସରସାଂ ତୁଲ୍ଯା ମନୋହାର୍ଯୋ ମନୋରମାଃ॥ 9-47-38 (62888)
ପରପୁଷ୍ଟୋପମା ବାକ୍ଯେ ତଥର୍ଦ୍ଧ୍ଯା ଧନଦୋପମାଃ।
ଶକ୍ରବୀର୍ଯୋପମା ଯୁଦ୍ଧେ ଦୀପ୍ତା ବହ୍ନିସମାସ୍ତଥା॥ 9-47-39 (62889)
ଶତ୍ରୁଣାଂ ବିଗ୍ରହେ ନିତ୍ଯଂ ଭଯଦାସ୍ତା ଭବନ୍ତ୍ଯୁତ।
କାମରୂପଧରାଶ୍ଚୈବ ଜବେ ବାଯୁସମାସ୍ତଥା॥ 9-47-40 (62890)
ଅଚିନ୍ତ୍ଯବଲବୀର୍ଯାଶ୍ଚ ତଥାଽଚିନ୍ତ୍ଯପରାକ୍ରମାଃ।
ବୃକ୍ଷଚତ୍ବରବାସିନ୍ଯଶ୍ଚତୁଷ୍ପଥନିକେତନାଃ॥ 9-47-41 (62891)
ଗୁହାଶ୍ମଶାନବାସିନ୍ଯଃ ଶୈଲପ୍ରସ୍ରବଣାଲଯାଃ।
ନାନାଭରଣଧାରିଣ୍ଯୋ ନାନାମାଲ୍ଯାମ୍ବରାସ୍ତଥା॥ 9-47-42 (62892)
ନାନାବିଚିତ୍ରବେଷାଶ୍ଚ ନାନାଭାଷାସ୍ତଥୈବ ଚ।
ଏତେ ଚାନ୍ଯେ ଚ ମାତୄଣାଂ ଗଣାଃ ଶତ୍ରୁଭଯଙ୍କରାଃ॥ 9-47-43 (62893)
ଅନୁଜଗ୍ମୁର୍ମହାତ୍ମାନଂ ତ୍ରିଦଶେନ୍ଦ୍ରସ୍ଯ ସମ୍ମତେ।
ତତଃ ଶକ୍ତ୍ଯସ୍ତ୍ରମଦଦଦ୍ଭଗବାନ୍ପାକଶାସନଃ॥ 9-47-44 (62894)
ଗୁହାଯ ରାଜଶାର୍ଦୂଲ ବିନାଶାଯ ସୁରଦ୍ବିଷାମ୍।
ମହାସ୍ବନାଂ ମହାଘଣ୍ଟାଂ ଦ୍ଯୋତମାନାଂ ସିତପ୍ରଭାମ୍॥ 9-47-45 (62895)
ଅରୁଣାଦିତ୍ଯବର୍ଣାଂ ଚ ପତାକାଂ ଭରତର୍ଷଭ।
ଦଦୌ ପଶୁପତିସ୍ତସ୍ମୈ ସର୍ବଭୂତମହାଚମୂମ୍॥ 9-47-46 (62896)
ଉଗ୍ରାଂ ନାନାପ୍ରହରଣାଂ ତପୋବୀର୍ଯବଲାନ୍ବିତାମ୍।
ଅଜେଯାଂ ସ୍ବଗଣୈର୍ଯୁକ୍ତାଂ ନାମ୍ନା ସେନାଂ ଧନଞ୍ଜଯାମ୍॥ 9-47-47 (62897)
ରୁଦ୍ରତୁଲ୍ଯବଲୈର୍ଯୁକ୍ତାଂ ଯୋଧାନାମଯୁତୈସ୍ତ୍ରିଭିଃ।
ନ ସା ବିଜାନାତି ରଣାତ୍କଦାଚିଦ୍ବିନିବର୍ତିତୁମ୍॥ 9-47-48 (62898)
ବିଷ୍ଣୁର୍ଦଦୌ ବୈଜଯନ୍ତୀଂ ମାଲାଂ ବଲବିବର୍ଧିନୀମ୍।
ଉମା ଦଦୌ ବିରଜସୀ ବାସସୀ ରବିସପ୍ରଭେ॥ 9-47-49 (62899)
ଗଙ୍ଗା କମଣ୍ଡଲୁଂ ଦିବ୍ଯମମୃତୋଦ୍ଭବମୁତ୍ତମମ୍।
ଦଦୌ ପ୍ରୀତ୍ଯା କୁମାରାଯ ଦଣ୍ଡଂ ଚୈବ ବୃହସ୍ପତିଃ॥ 9-47-50 (62900)
ଗରୁଡୋ ଦଯିତଂ ପୁତ୍ରଂ ମଯରଂ ଚିତ୍ରବର୍ହିଣମ୍।
ଅରୁଣସ୍ତାମ୍ରଚୂଡଂ ଚ ପ୍ରଦଦୌ ଚରଣାଯୁଧମ୍॥ 9-47-51 (62901)
ଛାଗଂ ତୁ ବରୁଣୋ ରାଜା ବଲବୀର୍ଯସମନ୍ବିତମ୍।
କୃଷ୍ଣାଜିନଂ ତତୋ ବ୍ରହ୍ମା ବ୍ରହ୍ମଣ୍ଯାଯ ଦଦୌ ପ୍ରଭୁଃ।
ସମରେଷୁ ଜଯଂ ଚୈବ ପ୍ରଦଦୌ ଲୋକଭାବନଃ॥ 9-47-52 (62902)
ସୈନାପତ୍ଯମନୁପ୍ରାପ୍ଯ ସ୍କନ୍ଦୋ ଦେବଗଣସ୍ଯ ହ।
ଶୁଶୁଭେ ଜ୍ବଲିତୋର୍ଚିଷ୍ମାନ୍ଦ୍ବିତୀଯ ଇବ ପାବକଃ॥ 9-47-53 (62903)
ତତଃ ପାରିଷଦୈଶ୍ଚୈବ ମାତୃଭିଶ୍ଚ ସମନ୍ବିତଃ।
ଯଯୌ ଦେତ୍ଯବିନାଶାଯ ହ୍ଲାଦଯନ୍ସୁରପୁଙ୍ଗବାନ୍॥ 9-47-54 (62904)
ସା ସେନା ନୈର୍ଋତୀ ଭୀମା ସଘଣ୍ଟୋଚ୍ଛ୍ରିତକେତନା।
ସଭେରୀଶଙ୍ଖମୁରଜା ସାଯୁଧା ସପତାକିନୀ॥ 9-47-55 (62905)
ଶାରଦୀ ଦ୍ଯୌରିବାଭାତି ଜ୍ଯୋତିର୍ଭିରିବ ଶୋଭିତା॥ 9-47-56 (62906)
ତତୋ ଦେବନିକାଯାସ୍ତେ ନାନାଭୂତଗଣାସ୍ତଥା।
ବାଦଯାମାସୁରବ୍ଯାଗ୍ରା ଭେରୀଃ ଶଙ୍ଖାଂଶ୍ଚ ପୁଷ୍କଲାନ୍॥ 9-47-57 (62907)
ପଟହାନ୍ଝର୍ଝରାଂଶ୍ଚୈବ କ୍ରକଚାନ୍ଗୋବିଷାଣିକାନ୍।
ଆଡମ୍ବରାନ୍ଗୋମୁଖାଂଶ୍ଚ ଡିଣ୍ଡିମାଂଶ୍ଚ ମହାସ୍ବନାନ୍॥ 9-47-58 (62908)
ତୁଷ୍ଟୁବୁସ୍ତେ କୁମାରଂ ତୁ ସର୍ବେ ଦେବାଃ ସବାସବାଃ।
ଜଗୁଶ୍ଚ ଦେବଗନ୍ଧର୍ବା ନନୃତୁଶ୍ଚାପ୍ସରୋଗଣାଃ॥ 9-47-59 (62909)
ତତଃ ପ୍ରୀତୋ ମହାସେନସ୍ତ୍ରିଦଶେଭ୍ଯୋ ବରଂ ଦଦୌ।
ରିପୂନ୍ଦନ୍ତାଽସ୍ମି ସମରେ ଯେ ବୋ ବଧଚିକୀର୍ଷବଃ॥ 9-47-60 (62910)
ପ୍ରତିଗୃହ୍ଯ ବରଂ ଦେବାସ୍ତସ୍ମାଦ୍ବିବୁଧସତ୍ତମାତ୍।
ପ୍ରୀତାତ୍ମାନୋ ମହାତ୍ମାନୋ ମେନିରେ ନିହତାନ୍ରିପୂନ୍॥ 9-47-61 (62911)
ସର୍ବେଷାଂ ଭୂତସଙ୍ଘାନାଂ ହର୍ଷାନ୍ନାଦଃ ସମୁତ୍ଥିତଃ।
ଅପୂରଯତ ଲୋକାଂସ୍ତ୍ରୀନ୍ବରେ ଦତ୍ତେ ମହାତ୍ମନା॥ 9-47-62 (62912)
ସ ନିର୍ଯଯୌ ମହାସେନୋ ମହତ୍ଯା ସେନଯା ବୃତଃ।
ବଧାଯ ଯୁଧି ଦୈତ୍ଯାନାଂ ରକ୍ଷାର୍ଥଂ ଚ ଦିବୋକସାମ୍॥ 9-47-63 (62913)
ବ୍ଯବସାଯୋ ଜଯୋ ଧର୍ମଃ ସିଦ୍ଧିର୍ଲକ୍ଷ୍ମୀର୍ଧୃତିଃ ସ୍ମୃତିଃ।
ମହାସେନସ୍ଯ ସୈନ୍ଯାନାମଗ୍ରେ ଜଗ୍ମୁର୍ନରାଧିପ॥ 9-47-64 (62914)
ସ ତଯା ଭୀମଯା ଦେବଃ ଶୁଲମୁଦ୍ଗରହସ୍ତଯା।
ଜ୍ବଲିତାଲାତଧାରିଣ୍ଯା ଚିତ୍ରାଭରଣବର୍ମଯା॥ 9-47-65 (62915)
ଗଦାମୁସଲନାରାଚଶକ୍ତିତୋମରହରତଯା।
ଦୃପ୍ତସିଂହନିନାଦିନ୍ଯା ବିନଦ୍ଯ ପ୍ରଯଯୌ ଗୁହଃ॥ 9-47-66 (62916)
`ତଂ ଦଷ୍ଟ୍ବା ସର୍ବଦୈତେଯା ରାକ୍ଷସା ଦାନବାସ୍ତଥା।
ବ୍ଯଦ୍ରବନ୍ତ ଦିଶଃ ସର୍ବା ଭଯୋଦ୍ବିଗ୍ନାଃ ସମନ୍ତତଃ॥ 9-47-67 (62917)
ଅଭ୍ଯଦ୍ରବନ୍ତ ଦେବାସ୍ତାନ୍ବିବିଧାଯୁଧପାଣଯଃ।
ଦୃଷ୍ଟ୍ବା ଚ ସ ତତଃ କ୍ରୁଦ୍ଧଃ ସ୍କନ୍ଦସ୍ତେଜୋବଲାନ୍ବିତଃ॥ 9-47-68 (62918)
ଶକ୍ତ୍ଯସ୍ତ୍ରଂ ଭଗବାନ୍ଭୀମଂ ପୁନଃପୁନରବାକିରତ୍।
ଆଦଧଚ୍ଚାତ୍ମନସ୍ତେଜୋ ହବିଷେଦ୍ଧ ଇବାନଲଃ॥ 9-47-69 (62919)
ଅଭ୍ଯସ୍ଯମାନେ ଶକ୍ତ୍ଯସ୍ତ୍ରେ ସ୍କନ୍ଦେନାମିତତେଜସା।
ଉଲ୍କାଜ୍ବାଲା ମହାରାଜ ପପାତ ବସୁଧାତଲେ॥ 9-47-70 (62920)
ସଂହାଦଯନ୍ତଶ୍ଚ ତଥା ନିର୍ଘାତାଶ୍ଚାପତନ୍କ୍ଷିପୌ।
ଯଥାନ୍ତକାଲସମଯେ ସୁଘୋରାଃ ସ୍ଯୁସ୍ତଥା ନୃପ॥ 9-47-71 (62921)
କ୍ଷିପ୍ତା ହ୍ଯେକା ଯଦା ଶକ୍ତିଃ ସୁଘୋରାଽନଲସୂନୁନା।
ତତଃ କୋଟ୍ଯୋ ବିନିଷ୍ପେତୁଃ ଶକ୍ତୀନାଂ ଭରତର୍ଷଭ॥ 9-47-72 (62922)
ତତଃ ପ୍ରୀତୋ ମହାସେନୋ ଜଘାନ ଭଗବାନ୍ପ୍ରଭୁଃ।
ଦୈତ୍ଯେନ୍ଦ୍ରଂ ତାରକଂ ନାମ ମହାବଲପରାକ୍ରମମ୍॥ 9-47-73 (62923)
ବୃତଂ ଦୈତ୍ଯାଯୁତୈର୍ବୀରୈର୍ବଲିଭିର୍ଦଶଭିର୍ନୃପ।
ମହିଷଂ ଚାଷ୍ଟଭିଃ ପଦ୍ମୈର୍ବୃତଂ ସଙ୍ଖ୍ଯେ ନିଜଘ୍ନିବାନ୍॥ 9-47-74 (62924)
ତ୍ରିପାଦଂ ଚାଯୁତଶତୈର୍ଜଘାନ ଦଶଭିର୍ବୃତମ୍।
ହଦୋଦରଂ ନିଖର୍ବୈଶ୍ଚ ବୃତଂ ଦଶଭିରୀଶ୍ବରଃ॥ 9-47-75 (62925)
ଜଘାନାନୁଚରୈଃ ସାର୍ଧଂ ବିବିଧାଯୁଧପାଣିଭିଃ।
ତଥାଽକୁର୍ବନ୍ତ ବିପୁଲଂ ନାଦଂ ବଧ୍ଯତ୍ସୁ ଶତ୍ରୁଷୁ॥ 9-47-76 (62926)
କୁମାରାନୁଚରା ରାଜନ୍ପୂରଯନ୍ତୋ ଦିଶୋ ଦଶ।
ନନୃତୁଶ୍ଚ ବବଲ୍ଗୁଶ୍ଚ ଜହସୁଶ୍ଚ ମୁଦାନ୍ବିତାଃ॥ 9-47-77 (62927)
ଶକ୍ତ୍ଯସ୍ତ୍ରସ୍ଯ ତୁ ରାଜେନ୍ଦ୍ର ତତୋଽର୍ଚିର୍ଭିଃ ସମନ୍ତତଃ।
ତ୍ରୈଲୋକ୍ଯଂ ତ୍ରାସିତଂ ସର୍ବଂ ଜୃମ୍ଭମାଣାଭିରେବ ଚ॥ 9-47-78 (62928)
ଦଗ୍ଧାଃ ସହସ୍ରଶୋ ଦୈତ୍ଯା ନାଦୈଃ ସ୍କନ୍ଦସ୍ଯ ଚାପରେ।
ପତାକଯାବଧୂତାଶ୍ଚ ହତାଃ କେଚିତ୍ସୁରଦ୍ବିଷଃ॥ 9-47-79 (62929)
କେଚିଦ୍ଧଣ୍ଟାରବତ୍ରସ୍ତା ନିଷେଦୁର୍ବସୁଧାତଲେ।
କେଚିତ୍ପ୍ରହରଣୈଶ୍ଛିନ୍ନା ବିନିଷ୍ପେତୁର୍ଗତାଯୁଷଃ॥ 9-47-80 (62930)
ଏବଂ ସୁରଦ୍ବିଷୋଽନେକାନ୍ବଲବାନାତତାଯିନଃ।
ଜଘାନ ସମରେ ବୀରଃ କାର୍ତିକେଯୋ ମହାବଲଃ॥ 9-47-81 (62931)
ବାଣୋ ନାମାଥ ଦୈତେଯୋ ବଲେଃ ପୁତ୍ରୋ ମହାବଲଃ।
କ୍ରୌଞ୍ଚଂ ପର୍ବତମାଶ୍ରିତ୍ଯ ଦେବସଙ୍ଘାନବାଧତ॥ 9-47-82 (62932)
ତମଭ୍ଯଯାନ୍ମହାସେନଃ ସୁରଶତ୍ରୁମୁଦାରଧୀଃ।
ସ କାର୍ତିକେଯସ୍ଯ ଭଯାତ୍କ୍ରୌଞ୍ଚଂ ଶରଣମୀଯିବାନ୍॥ 9-47-83 (62933)
ତତଃ କ୍ରୌଞ୍ଚଂ ମହାମନ୍ଯୁଃ କ୍ରୌଞ୍ଚନାଦନିନାଦିତମ୍।
ଶକ୍ତ୍ଯା ବିଭେଦ ଭଗବାନ୍କାର୍ତିକେଯୋଽଗ୍ନିଦତ୍ତଯା॥ 9-47-84 (62934)
ସସାଲସ୍କନ୍ଧଶବଲଂ ତ୍ରସ୍ତବାନରବାରଣମ୍।
ପ୍ରୋଙ୍କୀନୋଦ୍ଧାନ୍ତବିହଗଂ ବିନିଷ୍ପତିତପନ୍ନଗମ୍॥ 9-47-85 (62935)
ଗୋଲାଙ୍ଗୂଲର୍କ୍ଷସଙ୍ଘୈଶ୍ଚ ଦ୍ରବଦ୍ଭିରନୁନାଦିତମ୍।
କୁରଙ୍ଗମବିନିର୍ଘୋଷନିନାଦିତବନାନ୍ତରମ୍॥ 9-47-86 (62936)
ବିନିଷ୍ପତଦ୍ଭିଃ ଶରଭୈଃ ସିଂହୈଶ୍ଚ ସହସା ଦ୍ରୁତୈଃ।
ଶୋଚ୍ଯାମପି ଦଶାଂ ପ୍ରାପ୍ତୋ ରରାଜେବ ସପର୍ବତଃ॥ 9-47-87 (62937)
ବିଦ୍ଯାଧରାଃ ସମୁତ୍ପେତୁସ୍ତସ୍ଯ ଶୃଙ୍ଗନିବାସିନଃ।
କିନ୍ନରାଶ୍ଚ ସମୁଦ୍ବିଗ୍ନାଃ ଶକ୍ତିପାତରବୋଦ୍ଧତାଃ॥ 9-47-88 (62938)
ତତୋ ଦୈତ୍ଯା ବିନିଷ୍ପେତୁଃ ଶତଶୋଽଥ ସହସ୍ରଶଃ।
ପ୍ରଦୀପ୍ତାତ୍ପର୍ବତଶ୍ରେଷ୍ଠାଦ୍ବିଚିତ୍ରାଭରଣସ୍ରଜଃ॥ 9-47-89 (62939)
ତାନ୍ନିଜଘ୍ନୁରତିକ୍ରମ୍ଯ କୁମାରାଜୁଚରା ମୃଧେ।
ସ ଚୈବ ଭଗବାନ୍କ୍ରୁଦ୍ଧୋ ଦୈତ୍ଯେନ୍ଦ୍ରସ୍ଯ ସୁତଂ ତଦା॥ 9-47-90 (62940)
ସହାନୁଜଂ ଜଘାନାଶୁ ବୃତ୍ରଂ ଦେବପତିର୍ଯଥା।
ବିଭେଦ କ୍ରୌଞ୍ଚଂ ଶକ୍ତ୍ଯା ଚ ପାବକିଃ ପରବୀରହା॥ 9-47-91 (62941)
ବହୁଧା ଚୈକଧା ଚୈବ କୃତ୍ବାଽଽତ୍ମାନଂ ମହାବଲଃ।
ଶକ୍ତିଃ କ୍ଷିପ୍ତା ରଣେ ତସ୍ଯ ପାଣିମେତି ପୁନଃ ପୁନଃ॥ 9-47-92 (62942)
ଏବମ୍ପ୍ରଭାବୋ ଭଗବାଂସ୍ତେ ଭୂଯଶ୍ଚ ପାବକିଃ।
ଶୌର୍ଯାଦ୍ଦ୍ବିଗୁଣଯୋଗେନ ତେଜସା ଯଶସା ଶ୍ରିଯା॥ 9-47-93 (62943)
କ୍ରୌଞ୍ଚସ୍ତେ ବିନିର୍ଭିନ୍ନୋ ଦୈତ୍ଯାଶ୍ଚ ଶତଶୋ ହତାଃ॥ 9-47-94 (62944)
ତତଃ ସ ଭଗବାନ୍ଦେବୋ ନିହତ୍ଯ ବିବୁଧଦ୍ବିଷଃ।
ସଭାଜ୍ଯମାନୋ ବିବୁଧୈଃ ପରଂ ହର୍ଷମବାପ ହ॥ 9-47-95 (62945)
ତତୋ ଦୁନ୍ଦୁଭଯୋ ରାଜନ୍ନେଦୁଃ ଶଙ୍ଖାଶ୍ଚ ଭାରତ।
ମୁମୁଚୁର୍ଦେବଯୋଷାଶ୍ଚ ପୁଷ୍ପବର୍ଷମନୁତ୍ତମମ୍।
ଯୋଗିନାମୀଶ୍ବରଂ ଦେବଂ ଶତଶୋଽଥ ସହସ୍ରଶଃ॥ 9-47-96 (62946)
ଦିବ୍ଯଗନ୍ଧମୁପାଦାଯ ବବୌ ପୁଣ୍ଯଶ୍ଚ ମାରୁତଃ।
ଗନ୍ଧର୍ବାସ୍ତୁଷ୍ଟୁବୁଶ୍ଚୈନଂ ଯଜ୍ବାନଶ୍ଚ ମହର୍ଷଯଃ॥ 9-47-97 (62947)
କେଚିଦନଂ ବ୍ଯବସ୍ଯାନ୍ତି ପିତାମହସୁତଂ ପ୍ରଭୁମ୍।
ସନତ୍କୁମାରଂ ସର୍ବେଷାଂ ବ୍ରହ୍ମଯୋନିଂ ତମଗ୍ରଜମ୍॥ 9-47-98 (62948)
କେଚିନ୍ମହେଶ୍ବରସୁତଂ କେଚିତ୍ପୁତ୍ରଂ ବିଭାବସୋଃ।
ଉମାଯାଃ କୃତ୍ତିକାନାଂ ଚ ଗଙ୍ଗାଯାଶ୍ଚ ବଦନ୍ତ୍ଯୁତ॥ 9-47-99 (62949)
ଏକଧା ଚ ଦ୍ବିଧା ଚୈବ ଚତୁର୍ଧା ଚ ମହାବଲମ୍।
ଯୋଗିନାମୀଶ୍ବରଂ ଦେବଂ ଶତଶୋଽଥ ସହସ୍ରଶଃ॥ 9-47-100 (62950)
ଏତତ୍ତେ କଥିତଂ ରାଜନ୍କାର୍ତିକେଯାଭିଷେଚନମ୍।
ଶୃଣୁ ଚୈବ ସରସ୍ବତ୍ଯାସ୍ତୀର୍ଥବଂଶସ୍ଯ ପୁଣ୍ଯତାମ୍॥ 9-47-1 (62951)
ବଭୂବ ତୀର୍ଥପ୍ରବରଂ ହତେଷୁ ସୁରଶତ୍ରୁଷୁ।
କୁମାରେଣ ମହାରାଜ ତ୍ରିବିଷ୍ଟପମିବାପରମ୍॥ 9-47-2 (62952)
ଐଶ୍ବର୍ଯାଣି ଚ ତତ୍ରସ୍ଥୋ ଦଦାବୀଶଃ ପୃଥକ୍ପୃଥକ୍।
ଦଦୌ ନୈର୍ଋତମୁଖ୍ଯେଭ୍ଯସ୍ତ୍ରୈଲୋକ୍ଯଂ ପାବକାତ୍ମଜଃ॥ 9-47-3 (62953)
ଏବଂ ସ ଭଗବାଂସ୍ତସ୍ମିଂସ୍ତୀର୍ଥେ ଦୈତ୍ଯକୁଲାନ୍ତକଃ।
ଅଭିଷିକ୍ତୋ ମହାରାଜ ଦେବସେନାପତିଃ ସୁରୈଃ॥ 9-47-4 (62954)
ଔଶନଂ ନାମ ତତ୍ତୀର୍ଥଂ ଯତ୍ର ପୂର୍ବମପାମ୍ପତିଃ।
ଅଭିଷିକ୍ତଃ ସୁରଗଣୈର୍ବରୁଣୋ ଭରତର୍ଷଭ॥ 9-47-5 (62955)
ଅସ୍ମିଂସ୍ତୀର୍ଥବରେ ସ୍ନାତ୍ବା ସ୍କନ୍ଦଂ ଚାଭ୍ଯର୍ଚ୍ଯ ଲାଙ୍ଗଲୀ।
ବ୍ରାହ୍ମଣେଭ୍ଯୋଦଦୌ ରୁକ୍ମଂ ବାସାଂସ୍ଯାଭରଣାନି ଚ॥ 9-47-6 (62956)
ଉଷିତ୍ବା ରଜନୀଂ ତତ୍ର ମାଧବଃ ପରବୀରହା।
ପୂଜ୍ଯତୀର୍ଥବରଂ ତଚ୍ଚ ସ୍ପୃଷ୍ଟ୍ବା ତୋଯଂ ଚ ଲାଙ୍ଗଲୀ॥ 9-47-7 (62957)
ହୃଷ୍ଟଃ ପ୍ରୀତମନାଶ୍ଚୈବ ହ୍ଯଭବନ୍ମାଧବୋତ୍ତମଃ।
ଏତତ୍ତେ ସର୍ବମାଖ୍ଯାତଂ ଯନ୍ମାଂ ତ୍ବଂ ପରିପୃଚ୍ଛସି॥ 9-47-8 (62958)
ଯଥାଽଭିଷିକ୍ତୋ ଭଗବାନ୍ସ୍କନ୍ଦୋ ଦେବୈଃ ସମାଗତୈଃ।
`ସେନାନୀଶ୍ଚ କୃତୋ ରାଜନ୍ବାଲ ଏବ ମହାବଲଃ'॥ ॥ 9-47-9 (62959)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ସପ୍ତଚତ୍ବାରିଂଶୋଽଧ୍ଯାଯଃ॥ 47 ॥
ଶଲ୍ଯପର୍ବ - ଅଧ୍ଯାଯ 048
॥ ଶ୍ରୀଃ ॥
9.48. ଅଧ୍ଯାଯଃ 048
Mahabharata - Shalya Parva - Chapter Topics
ଦେବୈର୍ବରୁଣସ୍ଯ ଜଲାଧିପତ୍ଯେଽଭିଷେଚନମ୍॥ 1 ॥ ବଲଭଦ୍ରସ୍ଯାଗ୍ନିତୀର୍ଥକୌବେରତୀର୍ଥଗମନଂ ତନ୍ମହିମାନୁବର୍ଣନଂ ଚ॥ 2 ॥Mahabharata - Shalya Parva - Chapter Text
9-16-0 (62960)
ଜନମେଜଯ ଉବାଚ। 9-16-0x (5199)
ଅତ୍ଯଦ୍ଭୁତମିଦଂ ବ୍ରହ୍ମଞ୍ଶ୍ରୁତବାନସ୍ମି ତତ୍ତ୍ବତଃ।
ଅଭିଷେକଂ କୁମାରସ୍ଯ ବିସ୍ତରେଣ ଯଥାବିଧି॥ 9-16-1 (62961)
ଯଚ୍ଛ୍ରୁତ୍ବା ପୂତମାତ୍ମାନଂ ବିଜାନାମି ତପୋଧନ।
ପ୍ରହୃଷ୍ଟାନି ଚ ରୋମାଣି ପ୍ରସନ୍ନଂ ଚ ମନୋ ମମ॥ 9-16-2 (62962)
ଅଭିଷେକଂ କୁମାରସ୍ଯ ଦୈତ୍ଯାନାଂ ଚ ବଧଂ ତଥା।
ଶ୍ରୁତ୍ବା ମେ ପରମା ପ୍ରୀତିର୍ଭୂଯଃ କୌତୂହଲଂ ହି ମେ॥ 9-16-3 (62963)
ଅପାମ୍ପତିଃ କଥଂ ହ୍ଯସ୍ମିନ୍ନଭିଷିକ୍ତଃ ପୁରା ସୁରୈଃ।
ତନ୍ମେ ବ୍ରୂହି ମହାପ୍ରଜ୍ଞ କୁଶଲୋ ହ୍ଯସି ସତ୍ତମ॥ 9-16-4 (62964)
ବୈଶମ୍ପାଯନ ଉବାଚ। 9-16-5x (5200)
ଶୃଣୁ ରାଜନ୍ନିଦଂ ଚିତ୍ରଂ ପୂର୍ବକାଲେ ଯଥାଽଭବତ୍॥ 9-16-5 (62965)
ଆଦୌ କୃତଯୁଗେ ରାଜନ୍ବର୍ତମାନେ ଯଥାବିଧି।
ବରୁଣଂ ଦେବତାଃ ସର୍ବାଃ ସମେତ୍ଯେଦମଥାବ୍ରୁବନ୍॥ 9-16-6 (62966)
ଯଥାଽସ୍ମାନ୍ସୁରରାଟ୍ ଶକ୍ରୋ ଭଯେଭ୍ଯଃ ପାତି ସର୍ବଦା।
ତଥା ତ୍ବମପି ସର୍ବାସାଂ ସରିତାଂ ବୈ ପତିର୍ଭବ॥ 9-16-7 (62967)
ବାସଶ୍ଚ ତେ ସଦା ଦେବ ସାଗରେ ମକରାଲଯେ।
ସମୁଦ୍ରୋଽଯଂ ତବ ବଶେ ଭବିଷ୍ଯତି ନଦୀପତିଃ॥ 9-16-8 (62968)
ସୋମେନ ସାର୍ଧଂ ଚ ତବ ହାନିବୃଦ୍ବୀ ଭବିଷ୍ଯତଃ।
ଏବମସ୍ତ୍ବିତି ତାନ୍ଦେବାନ୍ବରୁଣୋ ବାକ୍ଯମବ୍ରବୀତ୍॥ 9-16-9 (62969)
ସମାଗମ୍ଯ ତତଃ ସର୍ବେ ବରୁଣଂ ସାଗରାଲଯମ୍।
ଅପାମ୍ପତିଂ ପ୍ରଚକ୍ରୁର୍ହି ବିଧିଦୃଷ୍ଟେନ କର୍ମଣା॥ 9-16-10 (62970)
ଅଭିଷିଚ୍ଯ ତତୋ ଦେବା ବରୁଣଂ ଯାଦସାମ୍ପତିମ୍।
ଜଗ୍ମୁଃ ସ୍ବାନ୍ଯେବ ସ୍ଥାନାନି ପୂଜଯିତ୍ବା ଜଲେଶ୍ବରମ୍॥ 9-16-11 (62971)
ଅଭିଷିକ୍ତସ୍ତତୋ ଦେବୈର୍ବରୁଣୋଽପି ମହାଯଶାଃ।
ସରିତଃ ସାଗରାଂଶ୍ଚୈବ ନଦାଂଶ୍ଚାପି ସରାଂସି ଚ।
ପାଲଯାମାସ ବିଧିନା ଯଥା ଦେବାଞ୍ଶତକ୍ରତୁଃ॥ 9-16-12 (62972)
ତତସ୍ତ୍ରତ୍ରାପ୍ଯୁପସ୍ପୃଶ୍ଯ ଦତ୍ତ୍ବା ଚ ବିବିଧଂ ବସୁ।
ଅଗ୍ନିତୀର୍ଥଂ ମହାପ୍ରାଜ୍ଞୋ ଜଗାମାଥ ପ୍ରଲମ୍ବହା।
ନଷ୍ଟୋ ନ ଦୃଶ୍ଯତେ ଯତ୍ର ଶମୀଗର୍ଭେ ଦୁତାଶନଃ॥ 9-16-13 (62973)
ଲୋକାଲୋକବିନାଶେ ଚ ପ୍ରାଦୁର୍ଭୂତେ ତଦାଽନଘ।
ଉପତସ୍ଥୁଃ ସୁରା ଯତ୍ର ସର୍ବଲୋକପିତାମହମ୍॥ 9-16-14 (62974)
ଅଗ୍ନିଃ ପ୍ରନଷ୍ଟୋ ଭଗବାନ୍କାରଣଂ ଚ ନ ବିଦ୍ମହେ।
ସର୍ବଭୂତକ୍ଷଯୋ ରାଜନ୍ସମ୍ପାଦଯ ବିଭୋଽନଲମ୍॥ 9-16-15 (62975)
ଜନମେଜଯ ଉବାଚ। 9-16-16x (5201)
କିମର୍ଥଂ ଭଗବାନଗ୍ନିଃ ପ୍ରନଷ୍ଟୋ ଲୋକଭାବନାଃ।
ବିଜ୍ଞାତଶ୍ଚ କଥଂ ଦେବୈସ୍ତନ୍ମମାଚକ୍ଷ୍ବ ତତ୍ତ୍ବତଃ॥ 9-16-16 (62976)
ବୈଶମ୍ପାଯନ ଉବାଚ। 9-16-17x (5202)
ଭୃଗୋଃ ଶାପାଦ୍ଭୃଶଂ ଭୀତୋ ଜାତବେଦାଃ ପ୍ରତାପବାନ୍।
ଶମୀଗର୍ଭମଥାସାଦ୍ଯ ନନାଶ ଭଗବାଂସ୍ତତଃ॥ 9-16-17 (62977)
ପ୍ରନଷ୍ଟେ ତୁ ତଦା ବହ୍ନୌ ଦେବାଃ ସର୍ବେ ସବାସବାଃ।
ଅନ୍ବୈଷନ୍ତ ତଦା ନଷ୍ଟଂ ଜ୍ବଲନଂ ଭୃଶଦୁଃଖିତାଃ॥ 9-16-18 (62978)
ତତୋଽଗ୍ନିତୀର୍ଥମାସାଦ୍ଯ ଶମୀଗର୍ଭସ୍ଥମେବ ହି।
ଦଦୃଶୁର୍ଜ୍ବଲନଂ ତତ୍ର ବସମାନଂ ଯଥାବିଧି॥ 9-16-19 (62979)
ଦେବାଃ ସର୍ବେ ନରବ୍ଯାଘ୍ର ବୃହସ୍ପତିପୁରୋଗମାଃ।
ଜ୍ବଲନଂ ତଂ ସମାସାଦ୍ଯ ପ୍ରୀତାଽଭୂବନ୍ସବାସବାଃ॥ 9-16-20 (62980)
ପୁନର୍ଯଥାଗତଂ ଜଗ୍ମୁଃ ସର୍ବଭକ୍ଷଶ୍ଚ ସୋଽଭବତ୍।
ଭୃଗୋଃ ଶାପାନ୍ମହାଭାଗ ଯଦୁକ୍ତଂ ବ୍ରହ୍ମବାଦିନା॥ 9-16-21 (62981)
ତତ୍ରାପ୍ଯାପ୍ଲୁତ୍ଯ ମତିମାନ୍ବ୍ରହ୍ମଶାପାନ୍ମୁମୋଚ ହ॥ 9-16-22 (62982)
ତତ୍ରାପ୍ଲୁତ୍ଯ ତତୋ ବ୍ରହ୍ମା ସହ ଦେବୈଃ ପ୍ରଭୁଃ ପୁରା।
ସସର୍ଜ ଚାନ୍ନାନି ତଥା ଦେବତାନାଂ ଯଥାବିଧି॥ 9-16-23 (62983)
ତତ୍ର ସ୍ନାତ୍ବା ଚ ଦତ୍ତ୍ବା ଚ ବସୂନି ବିବିଧାନି ଚ।
କୌବେରଂ ପ୍ରଯଯୌ ତୀର୍ଥଂ ଯତ୍ର ତପ୍ତ୍ବା ମହତ୍ତପଃ॥ 9-16-24 (62984)
ଧନାଧିପତ୍ଯଂ ସମ୍ପ୍ରାପ୍ତୋ ରାଜନ୍ନୈଲବିଲଃ ପ୍ରଭୁଃ॥ 9-16-25 (62985)
ତତ୍ରସ୍ଥମେବ ତଂ ରାଜନ୍ଧନାନି ନିଧଯସ୍ତଥା।
ଉପତଦ୍ଧତୁର୍ନରଶ୍ରେଷ୍ଠ ତତ୍ତୀର୍ଥଂ ଲାଙ୍ଗଲୀ ବଲଃ॥ 9-16-26 (62986)
ଗତ୍ବା ସ୍ନାତ୍ବା ଚ ବିଧିବଦ୍ବ୍ରାହ୍ମଣେଭ୍ଯୋ ଧନଂ ଦଦୌ।
ଦଦୃଶେ ତତ୍ର ତତ୍ସ୍ଥାନଂ କୌବେରେ କାନନୋତ୍ତମେ॥ 9-16-27 (62987)
ପୁରା ଯତ୍ର ତପସ୍ତପ୍ତଂ ବିପୁଲଂ ସୁମହାତ୍ମନା।
ଯକ୍ଷରାଜ୍ଞା କୁବେରେଣ ବରା ଲବ୍ଧାଶ୍ଚ ପୁଷ୍କଲାଃ॥ 9-16-28 (62988)
ଧନାଧିପତ୍ଯଂ ସଖ୍ଯଂ ଚ ରୁଦ୍ରେଣାମିତତେଜସା।
ସୁରତ୍ବଂ ଲୋକପାଲତ୍ବଂ ପୁତ୍ରଂ ଚ ନଲକୂବରମ୍॥ 9-16-29 (62989)
ଯତ୍ର ଲେଭେ ମହାବାହୋ ଧନାଧିପତିରଞ୍ଜସା।
ଅଭିଷିକ୍ତଶ୍ଚ ତତ୍ରୈବ ସମାଗମ୍ଯ ମରୁଦ୍ଗଣୈଃ॥ 9-16-30 (62990)
ବାହନଂ ଚାସ୍ଯ ତଦ୍ଦତ୍ତଂ ହଂସଯୁକ୍ତଂ ମନୋଜବମ୍।
ବିମାନଂ ପୁଷ୍ପକଂ ଦିବ୍ଯଂ ନୈର୍ଋତୈଶ୍ବର୍ଯମେବ ଚ॥ 9-16-31 (62991)
ତତ୍ରାପ୍ଲୁତ୍ଯ ବଲୋ ରାଜନ୍ଦତ୍ତ୍ବା ଦାଯାଂଶ୍ଚ ପୁଷ୍କଲାନ୍।
ଜଗାମ ତ୍ବରିତୋ ରାମସ୍ତୀର୍ଥଂ ସ୍ବେତାନୁଲେପନଃ॥ 9-16-32 (62992)
ନିଷେବିତଂ ସର୍ବସତ୍ବୈର୍ନାମ୍ନା ବଦରପାଚନମ୍।
ନାନର୍ତୁକବନୋପେତଂ ସଦା ପୁଷ୍ପଫଲଂ ଶୁଭମ୍॥ ॥ 9-16-33 (62993)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ଅଷ୍ଟଚତ୍ବାରିଂଶୋଽଧ୍ଯାଯଃ॥ 48 ॥
Mahabharata - Shalya Parva - Chapter Footnotes
9-16-25 ଐଲବିଲଃ କୁବେରଃ॥ 9-16-48 ଅଷ୍ଟଚତ୍ବାରିଂଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 049
॥ ଶ୍ରୀଃ ॥
9.49. ଅଧ୍ଯାଯଃ 049
Mahabharata - Shalya Parva - Chapter Topics
ବଲରାମସ୍ଯ ବଦରପାଚନତୀର୍ଥଗମନମ୍॥ 1 ॥ ଶ୍ରୁତାବତ୍ଯରୁନ୍ଧତ୍ଯୋର୍ମହିମାନୁବର୍ଣନମ୍॥ 2 ॥Mahabharata - Shalya Parva - Chapter Text
9-49-0 (62994)
ବୈଶମ୍ପାଯନ ଉବାଚ। 9-49-0x (5203)
ତତସ୍ତୀର୍ଥବରଂ ରାମୋ ଯଯୌ ବଦରପାଚନାମ୍।
ତପସ୍ବିସିଦ୍ଧଚରିତଂ ଯତ୍ର କନ୍ଯା ଧୃତବ୍ରତା॥ 9-49-1 (62995)
ଭରଦ୍ବାଜସ୍ଯ ଦୁହିତା ରୁପେଣାପ୍ରତିମା ଭୁବି।
ଶ୍ରୁତାବତୀ ନାମ ବିଭୋ କୁମାରୀ ବ୍ରହ୍ମଚାରିଣୀ॥ 9-49-2 (62996)
ତପଶ୍ଚଚାର ସାତ୍ଯୁଗ୍ରଂ ନିଯମୈର୍ବହୁଭିର୍ବୃତା।
ଭର୍ତା ମେ ଦେବରାଜଃ ସ୍ଯାଦିତି ନିଶ୍ଚିତ୍ଯ ଭାମିନୀ॥ 9-49-3 (62997)
ସମାସ୍ତସ୍ଯା ବ୍ଯତିକ୍ରାନ୍ତା ବହ୍ବ୍ଯଃ କୁରୁକୁଲୋଦ୍ବହ।
ଚରନ୍ତ୍ଯା ନିଯମାଂସ୍ତାଂସ୍ତାଂସ୍ତ୍ରୀଭିସ୍ତୀବ୍ରାନ୍ସୁଦୁଶ୍ଚରାନ୍॥ 9-49-4 (62998)
ତସ୍ଯାସ୍ତୁ ତେନ ବୃତ୍ତେନ ତପସା ଚ ବିଶାମ୍ପତେ।
ଭକ୍ତ୍ଯା ଚ ଭଗବାନ୍ପ୍ରୀତଃ ପରଯା ପାକଶାସନଃ॥ 9-49-5 (62999)
ଆଜଗାମାଶ୍ରମଂ ତସ୍ଯାସ୍ତ୍ରିଦଶାଧିପତିଃ ପ୍ରଭୁଃ।
ଆସ୍ଥାଯ ରୂପଂ ବିପ୍ରର୍ଷେର୍ବସିଷ୍ଠସ୍ଯ ମହାତ୍ମନଃ॥ 9-49-6 (63000)
ସା ତଂ ଦୃଷ୍ଟ୍ବୋଗ୍ରତପସଂ ବସିଷ୍ଠଂ ତପତାଂ ବରମ୍।
ଆଚାରୈର୍ମୁନିଭିର୍ଦୃଷ୍ଟୈଃ ପୂଜଯାମାସ ଭାରତ॥ 9-49-7 (63001)
ଉବାଚ ନିଯମଜ୍ଞା ଚ କଲ୍ଯାଣୀ ସା ପ୍ରିଯଂବଦା।
ଭଗବନ୍ମୁନିଶାର୍ଦୂଲ କିମାଜ୍ଞାପଯସି ପ୍ରଭୋ॥ 9-49-8 (63002)
ସର୍ବମଦ୍ଯ ଯଥାଶକ୍ତି ତବ ଦାସ୍ଯାମି ସୁବ୍ରତ।
ଶକ୍ତ୍ରଭକ୍ତ୍ଯା ଚ ତେ ପାଣିଂ ନ ଦାସ୍ଯାମି କଥଞ୍ଚନ॥ 9-49-9 (63003)
ବ୍ରତୈଶ୍ଚ ନିଯମୈଶ୍ଚୈବ ତପସା ଚ ତପୋଧନ।
ଶକ୍ରସ୍ତୋଷଯିତବ୍ଯୋ ବୈ ମଯା ତ୍ରିଭୁବନେଶ୍ବରଃ॥ 9-49-10 (63004)
ଇତ୍ଯୁକ୍ତୋ ଭଗବାନ୍ଦେବଃ ସ୍ମଯନ୍ନିବ ନିରୀକ୍ଷ୍ଯ ତାମ୍।
ଉବାଚ ନିଯମଂ ଜ୍ଞାତ୍ବା ସାଂତ୍ବଯନ୍ନିବ ଭାରତ॥ 9-49-11 (63005)
ଉଗ୍ରଂ ତପଶ୍ଚରସି ବୈ ବିଦିତା ମେଽସି ସୁବ୍ରତେ।
ଯଦର୍ଥମଯମାରମ୍ଭସ୍ତବ କଲ୍ଯାଣି ହୃଦ୍ଗତଃ॥ 9-49-12 (63006)
ତଚ୍ଚ ସର୍ବଂ ଯଥାଭୂତଂ ଭବିଷ୍ଯତି ବରାନନେ।
ତପସା ଲଭ୍ଯତେ ସର୍ବଂ ଯଥାଭୂତଂ ଭବିଷ୍ଯତି॥ 9-49-13 (63007)
ଯଥା ସ୍ଥାନାନି ଦିବ୍ଯାନି ବିବୁଧାନାଂ ଶୁଭାନନେ।
ତପସା ତାନି ପ୍ରାପ୍ଯାଣି ତପୋମୂଲଂ ମହାତ୍ସୁଖମ୍॥ 9-49-14 (63008)
ଇତି କୃତ୍ବା ତପୋ ଘୋରଂ ଦେହଂ ସନ୍ନ୍ଯସ୍ଯ ମାନବାଃ।
ଦେବତ୍ବଂ ଯାନ୍ତି କଲ୍ଯାଣି ଶୃଣୁଷ୍ବୈକଂ ବଚୋ ମମ॥ 9-49-15 (63009)
ପ଼ଞ୍ଚ ଚୈତାନି ସୁଭଗେ ବଦରାଣି ଶୁଭବ୍ରତେ।
ପଚେତ୍ଯୁକ୍ତ୍ବା ତୁ ଭଗବାଞ୍ଜଗାମ ବଲସୂଦନଃ॥ 9-49-16 (63010)
ଆମନ୍ତ୍ର୍ଯ ତାଂ ତୁ କଲ୍ଯାଣୀଂ ତତୋ ଜପ୍ଯଂ ଜଜାପ ସଃ।
ଅବିଦୂରେ ତତସ୍ତସ୍ମାଦାଶ୍ରମାତ୍ତୀର୍ଥମୁତ୍ତମମ୍॥ 9-49-17 (63011)
ତଚ୍ଚ ତୀର୍ଥଂ ମହାରାଜ ଯତ୍ର ଜପ୍ଯଂ ଜଜାପ ସଃ।
ଇନ୍ଦ୍ରତୀର୍ଥେତିବିଖ୍ଯାତଂ ତ୍ରିଷୁ ଲୋକେଷୁ ମାନଦ॥ 9-49-18 (63012)
ତସ୍ଯ ଜିଜ୍ଞାସନାର୍ଥଂ ସ ଭଗବାନ୍ପାକଶାସନଃ।
ବଦରାଣାମପଚନଂ ଚକାର ବିବୁଧାଧିପଃ॥ 9-49-19 (63013)
ତତଃ ପ୍ରତପ୍ତା ସା ରାଜନ୍ବାଗ୍ଯତା ବିଗତକ୍ଲମା।
ତତ୍ପରା ଶୁଚିସଂବୀତା ପାବକେ ସମଧିଶ୍ରଯତ୍।
ଅପଚଦ୍ରାଜଶାର୍ଦୂଲ ବଦରାଣି ମହାବ୍ରତା॥ 9-49-20 (63014)
ତସ୍ଯାଃ ପଚନ୍ତ୍ଯାଃ ସୁମହାନ୍କାଲୋଽଗାତ୍ପୁରୁଷର୍ଷଭ।
ନ ଚ ସ୍ମ ତାନ୍ଯପଚ୍ଯନ୍ତ ଦିନଂ ଚ କ୍ଷଯମଭ୍ଯଗାତ୍॥ 9-49-21 (63015)
ହୁତାଶନେନ ଦଗ୍ଧଶ୍ଚ ଯସ୍ତସ୍ଯାଃ କାଷ୍ଠସଞ୍ଚଯଃ।
ଅକାଷ୍ଠମଗ୍ନିଂ ସା ଦୃଷ୍ଟ୍ବା ସ୍ବଶରୀରମଥାଦହତ୍॥ 9-49-22 (63016)
ପାଦୌ ପ୍ରକ୍ଷିପ୍ଯ ସା ପୂର୍ବଂ ପାବକେ ଚାରୁଦର୍ଶନା।
ଦଗ୍ଧୌ ଦଗ୍ଧୌ ପୁନଃ ପାଦାବୁପାବର୍ତଯତାନଘ॥ 9-49-23 (63017)
ଚରଣେ ଦହ୍ଯମାନେ ଚ ନାଚିନ୍ତଯଦନିନ୍ଦିତା।
ଦୁଃଖଂ କମଲପତ୍ରାକ୍ଷୀ ମହର୍ଷିପ୍ରିଯକାମ୍ଯଯା॥ 9-49-24 (63018)
ନ ବୈମନସ୍ଯଂ ତସ୍ଯାସ୍ତୁ ମୁଖଭେଦୋଽଥବାଽଭବତ୍।
ଶରୀରମଗ୍ନିନା ଦୀପ୍ଯ ଜଲମଧ୍ଯେ ଯଥା ସ୍ଥିତା॥ 9-49-25 (63019)
ତଚ୍ଚାସ୍ଯାଃ ପଚନେ ଯତ୍ନଂ ନ ନ୍ଯବର୍ତତ ଭାରତ।
ସର୍ବଥା ବଦରାଣ୍ଯେବ ପକ୍ତବ୍ଯାନୀତି କନ୍ଯକା॥ 9-49-26 (63020)
ସା ତନ୍ମନସି କୃତ୍ବୈବ ମହର୍ଷେର୍ବଚନଂ ଶୁଭା।
ଅପଚଦ୍ବଦରାଣ୍ଯେବ ନ ଚାପଚ୍ଯନ୍ତ ଭାରତ॥ 9-49-27 (63021)
ତସ୍ଯାସ୍ତୁ ଚରଣୌ ବହ୍ନିର୍ଦଦାହ ଭଗବାନ୍ସ୍ବଯମ୍।
ନ ଚ ତସ୍ଯା ମନୋଦୁଃଖଂ ସ୍ବଲ୍ପମପ୍ଯଭବତ୍ତଦା॥ 9-49-28 (63022)
ଅଥ ତତ୍କର୍ମ ଦୃଷ୍ଟ୍ବାଽସ୍ଯାଃ ପ୍ରୀତସ୍ତ୍ରିଭୁବନେଶ୍ବରଃ।
ତତଃ ସନ୍ଦର୍ଶଯାମାସ କନ୍ଯାଯୈ ରୂପମାତ୍ମନଃ॥ 9-49-29 (63023)
ଉବାଚ ଚ ସୁରଶ୍ରେଷ୍ଠସ୍ତାଂ କନ୍ଯାଂ ସୁଦୃଢବ୍ରତାମ୍।
ପ୍ରୀତୋଽସ୍ମି ତେ ଶୁଭେ ଭକ୍ତ୍ଯା ତପସା ନିଯମେନ ଚ॥ 9-49-30 (63024)
ତସ୍ମାଦ୍ଯୋଽଭିମତଃ କାମଃ ସ ତେ ସମ୍ପତ୍ସ୍ଯତେ ଶୁଭେ।
ଦେହଂ ତ୍ଯକ୍ତ୍ବା ମହାଭାଗେ ତ୍ରିଦିବେ ମଯି ବତ୍ସ୍ଯସି॥ 9-49-31 (63025)
ଇଦଂ ଚ ତେ ତୀର୍ଥବରଂ ସ୍ଥିରଂ ଲୋକେ ଭବିଷ୍ଯତି।
ସର୍ବପାପାପହଂ ସୁଭ୍ରୁ ନାମ୍ନା ବଦରପାଚନମ୍।
ବିଖ୍ଯାତଂ ତ୍ରିଷୁ ଲୋକେଷୁ ବ୍ରହ୍ମର୍ଷିଭିରଭିପ୍ଲୁତମ୍॥ 9-49-32 (63026)
ଅସ୍ମିନ୍ଖଲୁ ମହାଭାଗେ ଶୁଭେ ତୀର୍ଥବରେଽନଘେ।
ତ୍ଯକ୍ତ୍ବା ସପ୍ତର୍ଷଯୋ ଜଗ୍ମୁର୍ହିମବନ୍ତମରୁନ୍ଧତୀମ୍॥ 9-49-33 (63027)
ତତସ୍ତେ ବୈ ମହାଭାଗା ଗତ୍ବା ତତ୍ର ସୁସଂଶିତାଃ।
ବୃତ୍ତ୍ଯର୍ଥଂ ଫଲମୂଲାନି ସମାହର୍ତୁଂ ଯଯୁଃ କିଲ॥ 9-49-34 (63028)
ତେଷାଂ ବୃତ୍ତ୍ଯର୍ଥିନାଂ ତତ୍ର ବସତାଂ ହିମବଦ୍ବନେ।
ଅନାବୃଷ୍ଟିରନୁପ୍ରାପ୍ତା ତଦା ଦ୍ବାଦଶବାର୍ଷିକୀ॥ 9-49-35 (63029)
ତେ କୃତ୍ବା ଚାଶ୍ରମଂ ତତ୍ର ନ୍ଯବସନ୍ତ ତପସ୍ବିନଃ।
ଅରୁନ୍ଧତ୍ଯପି କଲ୍ଯାଣୀ ତପୋନିତ୍ଯାଽଭବତ୍ତଦା॥ 9-49-36 (63030)
ଅରୁନ୍ଧତୀଂ ତତୋ ଦୃଷ୍ଟ୍ବା ତୀବ୍ରଂ ନିଯମମାସ୍ଥିତାମ୍।
ଅଥାଗମତ୍ତ୍ରିନଯନଃ ସୁପ୍ରୀତୋ ବରଦସ୍ତଦା॥ 9-49-37 (63031)
ବ୍ରାହ୍ମଂ ରୂପଂ ତତଃ କୃତ୍ବା ମହାଦେବୋ ମହାଯଶାଃ।
ତାମଭ୍ଯେତ୍ଯାବ୍ରବୀଦ୍ଦେବୋ ଭିକ୍ଷାମିଚ୍ଛାମ୍ଯହଂ ଶୁଭେ॥ 9-49-38 (63032)
ପ୍ରତ୍ଯୁବାଚ ତତଃ ସା ତଂ ବ୍ରାହ୍ମଣଂ ଚାରୁଦର୍ଶନା।
କ୍ଷୀଣୋଽନ୍ନସଞ୍ଚଯୋ ବିପ୍ର ବଦରାଣୀହ ଭକ୍ଷଯ॥ 9-49-39 (63033)
ତତୋଽବ୍ରବୀନ୍ମହାଦେବଃ ପଚସ୍ବୈତାନି ସୁବ୍ରତେ।
ଇତ୍ଯୁକ୍ତା ସାଽପଚତ୍ତାନି ବ୍ରାହ୍ମଣପ୍ରିଯକାମ୍ଯଯା।
ଅଧିଶ୍ରିତ୍ଯ ସମିଦ୍ଧେଽଗ୍ନୌ ବଦରାଣି ଯଶସ୍ବିନୀ॥ 9-49-40 (63034)
ଦିବ୍ଯା ମନୋରମାଃ ପୁଣ୍ଯାଃ କଥାଃ ଶୁଶ୍ରାବ ସା ତଦା।
ଅତୀତା ସା ତ୍ବନାବୃଷ୍ଟିର୍ଘୋରା ଦ୍ବାଦଶବାର୍ଷିକୀ॥ 9-49-41 (63035)
ଅନଶ୍ନନ୍ତ୍ଯାଃ ପଚନ୍ତ୍ଯାଶ୍ଚ ଶୃଣ୍ବନ୍ତ୍ଯାଶ୍ଚ କଥାଃ ଶୁଭାଃ।
ଦିନୋପମଃ ସ ତସ୍ଯାଥ କାଲୋଽତୀତଃ ସୁଦାରୁଣଃ॥ 9-49-42 (63036)
ତତସ୍ତୁ ମୁନଯଃ ପ୍ରାପ୍ତାଃ ଫଲାନ୍ଯାଦାଯ ପର୍ବତାତ୍।
ତତଃ ସ ଭଗବାନ୍ପ୍ରୀତଃ ପ୍ରୋବାଚାରୁନ୍ଧତୀଂ ତତଃ॥ 9-49-43 (63037)
ଉପସର୍ପସ୍ବ ଧର୍ମଜ୍ଞେ ଯଥାପୂର୍ବମିମାନୃଷୀନ୍।
ପ୍ରୀତୋଽସ୍ମି ତବ ଧର୍ମଜ୍ଞେ ତପସା ନିଯମେନ ଚ॥ 9-49-44 (63038)
ତତଃ ସନ୍ଦର୍ଶଯାମାସ ସ୍ବରୂପଂ ଭଗବାନ୍ହରଃ।
ତତୋଽବ୍ରବୀତ୍ତଦା ତେଭ୍ଯସ୍ତସ୍ଯାଶ୍ଚ ଚରିତଂ ମହତ୍॥ 9-49-45 (63039)
ଭବଦ୍ଭିର୍ହିମବତ୍ପୃଷ୍ଠେ ଯତ୍ତପଃ ସମୁପାର୍ଜିତମ୍।
ଅସ୍ଯାସ୍ଚ ଯତ୍ତପୋ ବିପ୍ରା ନ ସମଂ ତନ୍ମତଂ ମମ॥ 9-49-46 (63040)
ଅନଯା ହି ତପସ୍ବିନ୍ଯା ତପସ୍ତପ୍ତଂ ସୁଦୁଶ୍ଚରମ୍।
ଅନଶ୍ନନ୍ତ୍ଯା ପଚନ୍ତ୍ଯା ଚ ସମା ଦ୍ବାଦଶ ପାରିତାଃ॥ 9-49-47 (63041)
ତତଃ ପ୍ରୋବାଚ ଭଗବାଂସ୍ତାମେବାରୁନ୍ଧତୀଂ ପୁନଃ।
ବରଂ ବୃଣୀଷ୍ବ କଲ୍ଯାଣି ଯତ୍ତେଽଭିଲଷିତଂ ହୃଦି॥ 9-49-48 (63042)
ସାଽବ୍ରବୀତ୍ପୃଥୁତାମ୍ରାକ୍ଷୀ ଦେବଂ ସପ୍ତର୍ଷିସଂସଦି।
ଭଗବାନ୍ଯଦି ମେ ପ୍ରୀତସ୍ତୀର୍ଥଂ ସ୍ଯାଦିଦମଦ୍ଭୁତମ୍॥ 9-49-49 (63043)
ସିଦ୍ଧଦେବର୍ଷିଦଯିତଂ ନାମ୍ନା ବଦରପାଚନମ୍।
ତଥାଽସ୍ମିନ୍ଦେବଦେବେଶ ତ୍ରିରାତ୍ରମୁଷିତଃ ଶୁଚିଃ॥ 9-49-50 (63044)
ପ୍ରାପ୍ନୁଯାଦୁପବାସେନ ଫଲଂ ଦ୍ବାଦଶବାର୍ଷିକମ୍।
ଏବମସ୍ତ୍ବିତି ତାଂ ଦେବଃ ପ୍ରତ୍ଯୁବାଚ ତପସ୍ବିନୀମ୍॥ 9-49-51 (63045)
ସପ୍ତର୍ଷିଭିଃ ସ୍ତୁତୋ ଦେବସ୍ତତୋ ଲୋକଂ ଯଯୌ ତଦା।
ଋଷଯୋ ବିସ୍ମଯଂ ଜଗ୍ମୁସ୍ତାଂ ଦୃଷ୍ଟ୍ବା ଚାପ୍ଯରୁନ୍ଧତୀମ୍।
ଅଶ୍ରାନ୍ତାଂ ଚାବିବର୍ଣାଂ ଚ କ୍ଷୁତ୍ପିପାସାଽସମାଯୁତାମ୍॥ 9-49-52 (63046)
ଏବଂ ସିଦ୍ଧିଃ ପରା ପ୍ରାପ୍ତା ଅରୁନ୍ଧତ୍ଯା ବିଶୁଦ୍ଧଯା।
ଯଥା ତ୍ବଯା ମହାଭାଗେ ମଦର୍ଥେ ସଂଶିତବ୍ରତେ॥ 9-49-53 (63047)
ବିଶେଷୋ ହି ତ୍ବଯା ଭଦ୍ରେ ବ୍ରତେ ହ୍ଯସ୍ମିନ୍ସମର୍ପିତଃ।
ତଥା ଚେଦଂ ଦଦାମ୍ଯଦ୍ଯ ନିଯମେନ ସୁତୋଷିତଃ।
ବିଶେଷଂ ତବ କଲ୍ଯାଣି ପ୍ରଯଚ୍ଛାମି ବରଂ ବରେ॥ 9-49-54 (63048)
ଅରୁନ୍ଧତ୍ଯା ବରସ୍ତସ୍ଯା ଯୋ ଦତ୍ତୋ ବୈ ମହାତ୍ମନା।
ତସ୍ଯ ଚାହଂ ପ୍ରଭାବେନ ତବ କଲ୍ଯାଣି ତେଜସା।
ପ୍ରବକ୍ଷ୍ଯାମି ପରଂ ଭୂଯୋ ବରମତ୍ର ଯଥାବିଧି॥ 9-49-55 (63049)
ଯସ୍ତ୍ବେକାଂ ରଜନୀଂ ତୀର୍ଥେ ବତ୍ସ୍ଯତେ ସୁସମାହିତଃ।
ସସ୍ନାତ୍ବା ପ୍ରାପ୍ସ୍ଯତେ ଲୋକାନ୍ଦେହନ୍ଯାସାତ୍ସୁଦୁର୍ଲଭାନ୍॥ 9-49-56 (63050)
ଇତ୍ଯୁକ୍ତ୍ବା ଭଗବାନ୍ଦେବଃ ସହସ୍ରାକ୍ଷଃ ପ୍ରତାପବାନ୍।
ଶ୍ରୁତାବତୀଂ ତତଃ ପୁଣ୍ଯାଂ ଜଗାମ ତ୍ରିଦିବଂ ପୁନଃ॥ 9-49-57 (63051)
ଗତେ ବଜ୍ରଧରେ ରାଜଂସ୍ତତ୍ର ବର୍ଷଂ ପପାତ ହ।
ପୁଷ୍ପାଣାଂ ଭରତଶ୍ରେଷ୍ଠ ଦିବ୍ଯାନାଂ ପୁଣ୍ଯଗନ୍ଧିନାମ୍॥ 9-49-58 (63052)
ଦବଦୁନ୍ଦୁଭଯଶ୍ଚାପି ନେଦୁସ୍ତତ୍ର ମହାସ୍ବନାଃ।
ମାରୁତଶ୍ଚ ବବୌ ପୁଣ୍ଯଃ ପୁଣ୍ଯଗନ୍ଧୋ ବିଶାମ୍ପତେ॥ 9-49-59 (63053)
ଉତ୍ସୃଜ୍ଯ ତୁ ଶୁଭା ଦେହଂ ଜଗାମାସ୍ଯ ଚ ଭାର୍ଯତାମ୍।
ତପସୋଗ୍ରେଣ ତଂ ଲବ୍ଧ୍ବା ତେନ ରେମେ ସହାଚ୍ଯୁତ॥ 9-49-60 (63054)
ଜନମେଜଯ ଉବାଚ। 9-49-61x (5204)
କା ତସ୍ଯା ଭଗବନ୍ମାତା କ୍ବ ସଂବୃଦ୍ଧା ଚ ଶୋଭନା।
ଶ୍ରୋତୁମିଚ୍ଛାମ୍ଯହଂ ବିପ୍ର ପରଂ କୌତୂହଲଂ ହି ମେ॥ 9-49-61 (63055)
ବୈଶମ୍ପାଯନ ଉବାଚ। 9-49-62x (5205)
ଭରଦ୍ବାଜସ୍ଯ ବିପ୍ରର୍ଷେଃ ସ୍କନ୍ନଂ ରେତୋ ମହାତ୍ମନଃ।
ଦୃଷ୍ଟ୍ବାଽପ୍ସରସମାଯାନ୍ତୀ ଘୃତାଚୀଂ ପୃଥଲୋଚନାମ୍॥ 9-49-62 (63056)
ସ ତୁ ଜଗ୍ରାହ ତଦ୍ରେତଃ କରେଣ ଜପତାଂ ବରଃ।
ତଦାଽପତତ୍ପର୍ଣପୁଟେ ତତ୍ର ସା ସମ୍ଭବତ୍ସୁତା॥ 9-49-63 (63057)
ତସ୍ଯାସ୍ତୁ ଜାତକର୍ମାଦି କୃତ୍ବା ସର୍ବଂ ତପୋଧନଃ।
ନାମ ଚାସ୍ଯାଃ ସ କୃତବାନ୍ଭରଦ୍ବାଜୋ ମହାମୁନିଃ॥ 9-49-64 (63058)
ଶ୍ରୁତାବତୀତି ଧର୍ମାତ୍ମା ଦେବର୍ଷିଗଣସଂସଦି।
ସ୍ବେ ଚ ତାମାଶ୍ରମେ ନ୍ଯସ୍ଯ ଜଗାମ ହିମବଦ୍ବନମ୍॥ 9-49-65 (63059)
ତତ୍ରାପ୍ଯୁପସ୍ପୃଶ୍ଯ ମହାନୁଭାବୋ
ବସୂନି ଦତ୍ତ୍ବା ଚ ମହାଦ୍ବିଜେଭ୍ଯଃ।
ଜଗାମ ତୀର୍ଥଂ ସୁସମାହିତାତ୍ମା
ଶକ୍ରସ୍ଯ ବୃଷ୍ଣିପ୍ରବରସ୍ତଦାନୀମ୍॥ ॥ 9-49-66 (63060)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ଏକୋନପଞ୍ଚାଶୋଽଧ୍ଯାଯଃ॥ 49 ॥
Mahabharata - Shalya Parva - Chapter Footnotes
9-49-23 ଉପାବର୍ତଯତ ଅଗ୍ରେଽଗ୍ରେ ପ୍ରସାରିତବତୀ॥ 9-49-26 ତଚ୍ଚାସ୍ଯା ବଚନଂ ନିତ୍ଯମବର୍ତଦ୍ବୃଦି ଭାରତ ଇତି ଝ.ପାଠଃ॥ 9-49-49 ଏକୋନପଞ୍ଚାଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 050
॥ ଶ୍ରୀଃ ॥
9.50. ଅଧ୍ଯାଯଃ 050
Mahabharata - Shalya Parva - Chapter Topics
ବଲଭଦ୍ରସ୍ଯେରଦ୍ରତୀର୍ଥାଦିଗମନମ୍॥ 1 ॥ ତତ୍ତତ୍ତୀର୍ଥମାହାତ୍ମ୍ଯକଥନମ୍॥ 2 ॥Mahabharata - Shalya Parva - Chapter Text
9-50-0 (63061)
ବୈଶମ୍ପାଯନ ଉବାଚ। 9-50-0x (5206)
ଇନ୍ଦ୍ରତୀର୍ଥଂ ତତୋ ଗତ୍ବା ଯଦୂନାଂ ପ୍ରବରୋ ବଲୀ।
ବିପ୍ରେଭ୍ଯୋ ଧନରତ୍ନାନି ଦଦୌ ସ୍ନାତ୍ବା ଯଥାବିଧି॥ 9-50-1 (63062)
ତତ୍ର ହ୍ଯମରରାଜୋ ବୈ ଈଜେ କ୍ରତୁଶତେନ ହ।
ବୃହସ୍ପତେଶ୍ଚ ଦେବେଶଃ ପ୍ରଦଦୌ ବିପୁଲଂ ଧନମ୍॥ 9-50-2 (63063)
ଅନର୍ଗଲାନ୍ସଜାରୂଥ୍ଯାନ୍ସର୍ବାନ୍ବିବିଧଦକ୍ଷିଣାନ୍।
ଆଜହର କ୍ରତୂଂସ୍ତତ୍ର ଯଥୋକ୍ତଂ ବେଦପାରଗୈଃ॥ 9-50-3 (63064)
ତାନ୍କ୍ରତୂନ୍ଭରତଶ୍ରେଷ୍ଠ ଶତକୃତ୍ବୋ ମହାଦ୍ଯୁତିଃ।
ପୂରଯାମାସ ବିଧିବତ୍ତତଃ ଖ୍ଯାତଃ ଶତକ୍ରତୁଃ॥ 9-50-4 (63065)
ତସ୍ଯ ନାମ୍ନା ତୁ ତତ୍ତୀର୍ଥଂ ଶିବଂ ପୁଣ୍ଯଂ ସନାତନମ୍।
ଇନ୍ଦ୍ରତୀର୍ଥମିତି ଖ୍ଯାତଂ ସର୍ବପାପପ୍ରମୋଚନମ୍॥ 9-50-5 (63066)
ଉପସ୍ପୃଶ୍ଯ ଚ ତତ୍ରାପି ବିଧିବନ୍ମୁସଲାଯୁଧଃ।
ବ୍ରାହ୍ମଣାନ୍ପୂଜଯିତ୍ବା ଚ ପାନାଚ୍ଛାଦୁନଭୋଜନୈଃ॥ 9-50-6 (63067)
ଶୁଭଂ ତୀର୍ଥବରଂ ତସ୍ମାଦ୍ରାମତୀର୍ଥଂ ଜଗାମ ହ।
ଯତ୍ର ରାମୋ ମହାଭାଗୋ ଭାର୍ଗବଃ ସୁମହାତପାଃ॥ 9-50-7 (63068)
ଅସକୃତ୍ପୃଥିବୀଂ କୃତ୍ବା ହତକ୍ଷତ୍ରିଯପୁଙ୍ଗବାମ୍।
ଉପାଧ୍ଯାଯଂ ପୁରସ୍କୃତ୍ଯ କାଶ୍ଯପଂ ମୁନିସତ୍ତମମ୍॥ 9-50-8 (63069)
ଅଯଜଦ୍ବାଜପେଯେନ ସୋଽଶ୍ବମେଧଶତେନ ଚ।
ପ୍ରଦଦୌ ଦକ୍ଷିଣାର୍ଥଂ ଚ ପୃଥିବୀଂ ସାଗରାମ୍ବରାମ୍॥ 9-50-9 (63070)
ରାମୋ ଦତ୍ତ୍ବା ଧନଂ ତତ୍ର ଦ୍ବିଜେଭ୍ଯୋ ଜନମେଜଯ।
ଉପସ୍ପୃଶ୍ଯ ଯଥାନ୍ଯାଯଂ ପୂଜଯିତ୍ବା ତଥା ଦ୍ବିଜାନ୍॥ 9-50-10 (63071)
ପୁଣ୍ଯତୀର୍ଥେ ଶୁଭେ ଦେଶେ ବସୁ ଦତ୍ତ୍ବା ହଲାଯୁଧଃ।
ମୁନୀଂଶ୍ଚୈବାଭିବାଦ୍ଯାଥ ଯମୁନାତୀର୍ଥମାଗମତ୍।
ଯତ୍ରାନଯାମାସ ତଦା ରାଜସୂଯମପାମ୍ପତିଃ॥ 9-50-11 (63072)
ଦିତେଃ ସୁତାନ୍ମହାଭାଗୋ ବରୁଣୋ ବୈ ସିତପ୍ରଭଃ।
ଯତ୍ର ନିର୍ଜିତ୍ଯ ସଙ୍ଗ୍ରାମେ ମାନୁଷାନ୍ଦାନବାଂସ୍ତଥା।
ଗନ୍ଧର୍ବାନ୍ରାକ୍ଷସାଂଶ୍ଚୈବ ବରୁଣଃ ପରବୀରହା॥ 9-50-12 (63073)
ତସ୍ମିନ୍କ୍ରତୁବରେ ବୃତ୍ତେ ସଙ୍ଗ୍ରାମଃ ସମଜାଯତ।
ଦେବାନାଂ ଦାନବାନାଂ ଚ ତ୍ରୈଲୋକ୍ଯସ୍ଯ ଭଯାବହଃ॥ 9-50-13 (63074)
ରାଜସୂଯେ କ୍ରତୁଶ୍ରେଷ୍ଠେ ନିବୃତ୍ତେ ଜନମେଜଯ।
ଜାଯତେ ସୁମହାଘୋରଃ ସଂକ୍ଷଯଃ କ୍ଷତ୍ରିଯାନ୍ପ୍ରତି॥ 9-50-14 (63075)
ହଲାଯୁଧସ୍ତଦା ରାମସ୍ତସ୍ମିଂସ୍ତୀର୍ଥବରେ ଶୁଭେ।
ତତ୍ରସ୍ନାତ୍ବା ଚ ଦତ୍ତ୍ବା ଚ ଦ୍ବିଜେଭ୍ଯୋ ବସୁ ମାଧବଃ॥ 9-50-15 (63076)
ବନମାଲୀ ତତୋ ହୃଷ୍ଟଃ ସ୍ତୂଯମାନୋ ଦ୍ବିଜାତିଭିଃ।
ତସ୍ମାଦାଦିତ୍ଯତୀର୍ଥଂ ଚ ଜଗାମ କମଲେକ୍ଷଣଃ॥ 9-50-16 (63077)
ଯତ୍ରେଷ୍ଟ୍ବା ଭଗବାଞ୍ଜ୍ଯୋତିର୍ଭାସ୍କରୋ ରାଜସତ୍ତମ।
ଜ୍ଯୋତିଷାମାଧିପତ୍ଯଂ ଚ ପ୍ରଭାବଂ ଚାଭ୍ଯପଦ୍ଯତ॥ 9-50-17 (63078)
ତସ୍ଯା ନଦ୍ଯାସ୍ତୁ ତୀରେ ବୈ ସର୍ବେ ଦେବାଃ ସବାସବାଃ।
ବିଶ୍ବେଦେବାଃ ସମରୁତୋ ଗନ୍ଧର୍ବାପ୍ସରସଶ୍ଚ ହ॥ 9-50-18 (63079)
ଦ୍ବୈପାଯନଃ ଶୁକଶ୍ଚୈବ କୃଷ୍ଣଶ୍ଚ ମଧୁସୂଦନଃ।
ଯକ୍ଷାଶ୍ଚ ରାକ୍ଷସାଶ୍ଚୈବ ପିଶାଚାଶ୍ଚ ବିଶାମ୍ପତେ॥ 9-50-19 (63080)
ଏତେ ଚାନ୍ଯେ ଚ ବହବୋ ଯୋଗସିଦ୍ଧାଃ ସହସ୍ରଶଃ।
ତସ୍ମିଂସ୍ତୀର୍ଥେ ସରସ୍ବତ୍ଯାଃ ଶିବେ ପୁଣ୍ଯେ ପରନ୍ତପ॥ 9-50-20 (63081)
ତତ୍ର ହତ୍ବା ପୁରା ବିଷ୍ଣୁରସୁରୌ ମଧୁକୈଟଭୌ।
ଆପ୍ଲୁତ୍ଯ ଭରତଶ୍ରେଷ୍ଠ ତୀର୍ଥପ୍ରବର ଉତ୍ତମେ॥ 9-50-21 (63082)
ଦ୍ବୈପାଯନଶ୍ଚ ଧର୍ମାତ୍ମା ତତ୍ରୈବାପ୍ଲୁତ୍ଯ ଭାରତ।
ସମ୍ପ୍ରାପ୍ତଃ ପରମଂ ଯୋଗଂ ସିଦ୍ଧିଂ ଚ ପରମାଂ ଗତଃ॥ 9-50-22 (63083)
ଅସିତୋ ଦେବଲଶ୍ଚୈବ ତସ୍ମିନ୍ନେବ ମହାତପାଃ।
ପରମଂ ଯୋଗମାସ୍ଥାଯ ଋଷିର୍ଯୋଗମବାପ୍ତବାନ୍॥ ॥ 9-50-23 (63084)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ପଞ୍ଚାଶୋଽଧ୍ଯାଯଃ॥ 50 ॥
Mahabharata - Shalya Parva - Chapter Footnotes
9-50-1 ଆନଯାମାସ ମୁନୀନିତ୍ଯନୁଷଜ୍ଜ୍ଯତେ। ରାଜସୂଯଂ କର୍ତୁମିତି ଶେଷଃ॥ 9-50-50 ପଞ୍ଚାଶତ୍ତମୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 051
॥ ଶ୍ରୀଃ ॥
9.51. ଅଧ୍ଯାଯଃ 051
Mahabharata - Shalya Parva - Chapter Topics
ଦେବଲଜୈଗୀଷବ୍ଯଯୋଶ୍ଚରିତ୍ରକୀର୍ତନମ୍॥ 1 ॥ ବଲଭଦ୍ରସ୍ଯାଦିତ୍ଯତୀର୍ଥାତ୍ସୋମତୀର୍ଥଗମନମ୍॥ 2 ॥Mahabharata - Shalya Parva - Chapter Text
9-51-0 (63085)
ବୈଶମ୍ପାଯନ ଉବାଚ। 9-51-0x (5207)
ତସ୍ମିନ୍ନେବ ତୁ ଧର୍ମାତ୍ମା ବସତି ସ୍ମ ତପୋଧନଃ।
ଗାର୍ହିସ୍ଥ୍ଯଂ ଧର୍ମମାସ୍ଥାଯ ହ୍ଯସିତୋ ଦେବଲଃ ପୁରା॥ 9-51-1 (63086)
ଧର୍ମନିତ୍ଯଃ ଶୁଚିର୍ଦାନ୍ତୋ ଯଜ୍ଞଶୀଲୋ ମହାତପାଃ।
କର୍ମଣା ମନସା ବାଚା ସମଃ ସର୍ବେଷୁ ଜନ୍ତୁଷୁ॥ 9-51-2 (63087)
ଅକ୍ରୋଧନୋ ମହାରାଜ ତୁଲ୍ଯନିନ୍ଦାତ୍ମସଂସ୍ତୁତିଃ।
ପ୍ରିଯାପ୍ରିଯେ ତୁଲ୍ଯବୃତ୍ତିର୍ଯମବତ୍ସମଦର୍ଶନଃ॥ 9-51-3 (63088)
କାଞ୍ଚନେ ଲୋଷ୍ଠକେ ଚୈବ ସମଦର୍ଶୀ ମହାତପାଃ।
ଦେବାନପୂଜଯନ୍ନିତ୍ଯମତିଥୀଂଶ୍ଚ ଦ୍ବିଜୈଃ ସହ।
ବ୍ରହ୍ମଚର୍ଯରତୋ ନିତ୍ଯଂ ସଦା ଧର୍ମପରାଯଣଃ॥ 9-51-4 (63089)
ତତୋଽଭ୍ଯେତ୍ଯ ମହାଭାଗ ଯୋଗମାସ୍ଥାଯ ଭିକ୍ଷୁକଃ।
ଜୈଗୀଷବ୍ଯୋ ମୁନିର୍ଧୀମାଂସ୍ତସ୍ମିଂସ୍ତୀର୍ଥେ ସମାହିତଃ॥ 9-51-5 (63090)
ଦେବଲସ୍ଯାଶ୍ରମେ ରାଜନ୍ନ୍ଯବସତ୍ସ ମହାଦ୍ଯୁତିଃ।
ଯୋଗନିତ୍ଯୋ ମହାରାଜ ସିଦ୍ଧିଂ ପ୍ରାପ୍ତୋ ମହାତପାଃ॥ 9-51-6 (63091)
ତଂ ତତ୍ର ବସମାନଂ ତୁ ଜୈଗୀଷବ୍ଯଂ ମହାମୁନିମ୍।
ଦେବଲୋ ଦର୍ଶଯନ୍ନେବ ନୈବାଯୁଞ୍ଜତ ଧର୍ମତଃ॥ 9-51-7 (63092)
ଏବଂ ତଯୋର୍ମହାରାଜ ଦୀର୍ଘକାଲୋ ବ୍ଯତିକ୍ରମତ୍॥ 9-51-8 (63093)
ଜୈଗୀଷବ୍ଯୋ ମୁନିସ୍ତଂ ତୁ ଦଦର୍ଶାଥ ସ କେବଲମ୍।
ଆହାରକାଲେ ମତିମାନ୍ପରିବ୍ରାଡ୍ ଜମେଜଯ॥ 9-51-9 (63094)
ଉପାତିଷ୍ଠତ ଧର୍ମଜ୍ଞୋ ଭୈକ୍ଷକାଲେ ସ ଦେବଲମ୍।
ଗୌରବଂ ପରମଂ ଚକ୍ରେ ପ୍ରୀତିଂ ଚ ବିପୁଲାଂ ତଥା॥ 9-51-10 (63095)
ଦେବଲସ୍ତୁ ଯଥାଶକ୍ତି ପୂଜଯାମାସ ଭାରତ।
ଋଷିଦୃଷ୍ଟେନ ବିଧିନା ସମା ବହୀଃ ସମାହିତଃ॥ 9-51-11 (63096)
କଦାଚିତ୍ତସ୍ଯ ନୃଯତେ ଦେବଲସ୍ଯ ମହାତ୍ମନଃ।
ଚିନ୍ତା ସୁମହତୀ ଜାତା ମୁନିଂ ଦୃଷ୍ଟ୍ବା ମହାଦ୍ଯୁତିମ୍॥ 9-51-12 (63097)
ସମାସ୍ତୁ ସମତିକ୍ରାନ୍ତା ବହ୍ବ୍ଯଃ ପୂଜଯତୋ ମମ।
ନ ଚାଯମଲସୋ ଭିକ୍ଷୁରଭ୍ଯଭାଷତ କିଞ୍ଚନ॥ 9-51-13 (63098)
ଏବଂ ବିଗଣଯନ୍ନେବ ସ ଜଗାମ ମହୋଦଧିମ୍।
ଅନ୍ତରିକ୍ଷଚରଃ ଶ୍ରୀମାନ୍କଲଶଂ ଗୃହ୍ଯ ଦେବଲଂ॥ 9-51-14 (63099)
ଗଚ୍ଛନ୍ନେବ ସ ଧର୍ମାତ୍ମା ସମୁଦ୍ରଂ ସରିତାଂ ପରିମ୍।
ଜୈଗୀଷବ୍ଯଂ ତତୋଽପଶ୍ଯଦ୍ରତଂ ପ୍ରାଗେବ ଭାରତ॥ 9-51-15 (63100)
ତତଃ ସବିସ୍ମଯଶ୍ଚିନ୍ତାଂ ଜଗାମାଥାମିତପ୍ରଭଃ।
କଥଂ ସିକ୍ଷୁରଚଂ ପ୍ରାପ୍ତଃ ସମୁଦ୍ରେ ସ୍ନାତ ଏବ ଚ॥ 9-51-16 (63101)
ଇତ୍ଯେବଂ ଚିନ୍ତଯାମାସ ମହର୍ଷିରସିତସ୍ତଦା।
ସ୍ନାତ୍ବା ସଖୁଦ୍ରେ ବିଧିବଚ୍ଛୁଚିର୍ଜପ୍ଯଂ ଜଜାପ ସଃ॥ 9-51-17 (63102)
କୃତଜxxxxx ଶ୍ରୀମାନାଶ୍ରଯଂ ଚ ଜଗାମ ହ।
xxxxxxxxxx ଗୃହୀତ୍ବା ଜନମେଜଯ॥ 9-51-18 (63103)
ତତଃ ସ ପ୍ରବିଶନ୍ନେବ ସ୍ବମାଶ୍ରମପଦଂ ମୁନିଃ।
xxxxxxxxx ତତ୍ର ଜୈଗୀଷବ୍ଯମପଶ୍ଯତ॥ 9-51-19 (63104)
ନ ବ୍ଯାହରତି ଚୈବେନଂ ଜୈଗୀଷବ୍ଯଃ କଥଞ୍ଚନ।
xxxxxxxx ବସତି ସ୍ମ ମହାତପାଃ॥ 9-51-20 (63105)
ତଂ ଦୃଷ୍ଟ୍ବା ଚାପ୍ଲୁତଂ ତୋଯେ ସାମରେ ସାଗରୋପମମ୍।
ପ୍ରବିଷ୍ଟxxxxx ଚାପି ପୂର୍ବମେବ ଦଦର୍ଶ ସଃ॥ 9-51-21 (63106)
xxxxx ଦେବଲୋ ରାଜଂଶ୍ଚିନ୍ତଯାମାସ ବୁଦ୍ଧିମାନ୍।
xxxxxxx ତପସୋ ଜୈଗୀଷବ୍ଯାସ୍ବ ଯୋଗଜମ୍॥ 9-51-22 (63107)
ଚିନ୍ତଯାମାସ ରାଜେନ୍ଦ୍ର ତଦା ସ ମୁନିସତ୍ତମଃ।
ମଯା ଦୃଷ୍ଟଃ ସମୁଦ୍ରେ ଚ ଆଶ୍ରମେ ଚ କଥଂନ୍ବଯମ୍॥ 9-51-23 (63108)
ଏବଂ ବିଗଣଯନ୍ନେବ ସ ମୁନିର୍ମନ୍ତ୍ରପାରଗଃ।
ଉତ୍ପପାତାଶ୍ରମାତ୍ତସ୍ମାଦନ୍ତରିକ୍ଷଂ ବିଶାମ୍ପତେ।
ଜିଜ୍ଞାସାର୍ଥଂ ତଦା ଭିକ୍ଷୋର୍ଜୈଗୀଷବ୍ଯସ୍ଯ ଦେବଲଃ॥ 9-51-24 (63109)
ସୋଽନ୍ତରିକ୍ଷଚରାନ୍ସିଦ୍ଧାନ୍ସମପଶ୍ଯତ୍ସମାହିତାନ୍।
ଜୈଗୀଷବ୍ଯଂ ଚ ତୈଃ ସିଦ୍ଧୈଃ ପୂଜ୍ଯମାନମପଶ୍ଯତ॥ 9-51-25 (63110)
ତତୋଽସିତଃ ସୁସଂରବ୍ଧୋ ବ୍ଯବସାଯୀ ଦୃଢବ୍ରତଃ।
ଅପଶ୍ଯଦ୍ବୈ ଦିବଂ ଯାତଂ ଜୈଗୀଷବ୍ଯଂ ସ ଦେବଲଃ॥ 9-51-26 (63111)
ତସ୍ମାଚ୍ଚ ପିତୃଲୋକଂ ତଂ ବ୍ରଜନ୍ତଂ ସୋଽନ୍ବପଶ୍ଯତ।
ପିତୃଲୋକାଚ୍ଚ ତଂ ଯାତଂ ଯାମ୍ଯଂ ଲୋକମପଶ୍ଯତ॥ 9-51-27 (63112)
`ତସ୍ମାଦାଦିତ୍ଯଲୋକଂ ଚ ବ୍ରଜନ୍ତଂ ସୋଽନ୍ବପଶ୍ଯତ।'
ତସ୍ମାଦପି ସମୁତ୍ପତ୍ଯ ସୋମଲୋକମଭିଷ୍ଟୁତମ୍।
ବ୍ରଜନ୍ତମନ୍ବପଶ୍ଯତ୍ସ ଜୈଗୀଷବ୍ଯଂ ସ ଦେବଲଃ॥ 9-51-28 (63113)
ଲୋକାନ୍ସମୁତ୍ପତନ୍ତଂ ତୁ ଶୁଭାନେକାନ୍ତଯାଜିନାମ୍।
ତତୋଽଗ୍ନିହୋତ୍ରିଣାଂ ଲୋକାଂସ୍ତତଶ୍ଚାପ୍ଯୁତ୍ପପାତ ହ॥ 9-51-29 (63114)
ଦର୍ଶଂ ଚ ପୌର୍ଣମାସଂ ଚ ଯେ ଯଜନ୍ତି ତପୋଧନାଃ।
ତେଭ୍ଯଃ ସ ଦଦୃଶେ ଧୀମାଁଲ୍ଲୋକେଭ୍ଯଃ ପଶୁଯାଜିନାମ୍।
ବ୍ରଜନ୍ତଂ ଲୋକମମଲମପଶ୍ଯଦ୍ଦେବପୂଜିତମ୍॥ 9-51-30 (63115)
ଚାତୁର୍ମାସ୍ଯୈର୍ବହୁବିଧୈର୍ଯଜନ୍ତେ ଯେ ତପୋଧନାଃ।
ତେଷାଂ ସ୍ଥାନଂ ତତୋ ଯତାଂ ତଥାଽଗ୍ନିଷ୍ଟୋମଯାଜିନାମ୍॥ 9-51-31 (63116)
ଅଗ୍ନିଷ୍ଟୁତେନ ଚ ତଥା ଯେ ଯଜନ୍ତି ତପୋଧନଃ।
ତତ୍ସ୍ଥାନମନୁସମ୍ପ୍ରାପ୍ତମନ୍ବପଶ୍ଯତ ଦେବଲଃ॥ 9-51-32 (63117)
ବାଜପେଯଂ କ୍ରତୁବରଂ ତଥା ବହୁସୁବର୍ଣକମ୍।
ଆହରନ୍ତି ମହାପ୍ରାଜ୍ଞାସ୍ତେଷାଂ ଲୋକେଷ୍ବପଶ୍ଯତ॥ 9-51-33 (63118)
ଯଜନ୍ତେ ରାଜସୂଯେନ ପୁଣ୍ଡରୀକେଣ ଚୈବ ଯେ।
ତେଷାଂ ଲୋକେଷ୍ବପଶ୍ଯଚ୍ଚ ଜୈଗୀଷବ୍ଯଂ ସ ଦେବଲଃ॥ 9-51-34 (63119)
ଅଶ୍ବମେଧଂ କ୍ରତୁବରଂ ନରମେଧଂ ତଥୈବ ଚ।
ଆହରନ୍ତି ନରଶ୍ରେଷ୍ଠାସ୍ତେଷାଂ ଲୋକେଷ୍ବପଶ୍ଯତ॥ 9-51-35 (63120)
ସର୍ବମେଧଂ ଚ ଦୁଷ୍ପ୍ରାପଂ ତଥା ସୌତ୍ରାମଣିଂ ଚ ଯେ।
ତେଷାଂ ଲୋକେଷ୍ବପଶ୍ଯଚ୍ଚ ଜୈଗୀଷବ୍ଯଂ ସ ଦେବଲଃ॥ 9-51-36 (63121)
ଦ୍ବାଦଶାହୈଶ୍ଚ ସତ୍ରୈଶ୍ଚ ଯଜନ୍ତେ ବିବିଧୈର୍ନୃପ।
ତେଷାଂ ଲୋକେଷ୍ବପଶ୍ଯଚ୍ଚ ଜୈଗୀଷବ୍ଯଂ ସ ଦେବଲଃ॥ 9-51-37 (63122)
ମୈତ୍ରାବରୁଣଯୋର୍ଲୋକାନାଦିତ୍ଯାନାଂ ତଥୈବ ଚ।
ସଲୋକତାମନୁପ୍ରାପ୍ତମପଶ୍ଯତ ତତୋଽସିତଃ॥ 9-51-38 (63123)
ରୁଦ୍ରାଣାଂ ଚ ବସୂନାଂ ଚ ସ୍ଥାନଂ ଯଚ୍ଚ ବୃହସ୍ପତେଃ।
ତାନିଂ ସର୍ବାଣ୍ଯତୀତଂ ଚ ସମପଶ୍ଯତ୍ତତୋଽସିତଃ॥ 9-51-39 (63124)
ଆରୁହ୍ଯ ଚ ଗବାଂ ଲୋକଂ ପ୍ରଯାନ୍ତଂ ବ୍ରହ୍ମସତ୍ରିଣାମ୍।
ଲୋକାନପଶ୍ଯଦ୍ଗଚ୍ଛନ୍ତଂ ଜୈଗୀଷବ୍ଯଂ ତତୋଽସିତଃ॥ 9-51-40 (63125)
ତ୍ରୀଲ୍ଲୋଁକାନ୍ପ୍ରବରାନ୍ବିପ୍ରମୁତ୍ପତନ୍ତଂ ସ୍ବତେଜସା।
ପତିବ୍ରତାନାଂ ଲୋକାଂଶ୍ଚ ବ୍ରଜନ୍ତଂ ସୋଽନ୍ବପଶ୍ଯତ॥ 9-51-41 (63126)
ତତୋ ମୁନିବରଂ ଭୂଯୋ ଜୈଗୀଷବ୍ଯମଥାସିତଃ।
ନାନ୍ବପଶ୍ଯତ ଲୋକସ୍ଥମନ୍ତର୍ହିତମରିନ୍ଦମ॥ 9-51-42 (63127)
ସୋଽଚିନ୍ତଯନ୍ମହାଭାଗୋ ଜୈଗୀଷବ୍ଯସ୍ଯ ଦେବଲଃ।
ପ୍ରଭାବଂ ସୁବ୍ରତତ୍ବଂ ଚ ସିଦ୍ଧିଂ ଯୋଗସ୍ଯ ଚାତୁଲାମ୍॥ 9-51-43 (63128)
ଅସିତୋଽପୃଚ୍ଛତ ତଦା ସିଦ୍ଧାଁଲ୍ଲୋକେଷୁ ସତ୍ତମାନ୍।
ପ୍ରଯତଃ ପ୍ରାଞ୍ଜଲିର୍ଭୂତ୍ବା ଧୀରସ୍ତାନ୍ବ୍ରହ୍ମଚାରିଣଃ॥ 9-51-44 (63129)
ଜୈଗୀଷବ୍ଯଂ ନ ପଶ୍ଯାମି ତଂ ଶଂସନ୍ତୁ ତପୋଧନାଃ।
ଏତଦିଚ୍ଛାମ୍ଯହଂ ଶ୍ରୋତୁଂ ପରଂ କୌତୂହଲଂ ହି ମେ॥ 9-51-45 (63130)
ସିଦ୍ଧା ଊଚୁଃ। 9-51-46x (5208)
ଶୃଣୁ ଦେବଲ ଭୂତାର୍ଥଂ ଶଂସତାଂ ନୋ ଦୃଢବ୍ରତ।
ଜୈଗୀଷବ୍ଯୋ ଗତୋ ଲୋକଂ ଶାଶ୍ବତଂ ବ୍ରହ୍ମଣୋକ୍ଷଯମ୍॥ 9-51-46 (63131)
ବୈଶମ୍ପାଯନ ଉବାଚ। 9-51-47x (5209)
ସ ଶ୍ରୁତ୍ବା ବଚନଂ ତେଷାଂ ସିଦ୍ଧାନାଂ ବ୍ରହ୍ମଚାରିଣାମ୍।
ଅସିତା ଦେବଲସ୍ତୂର୍ଣମୁତ୍ପପାତ ପପାତ ଚ॥ 9-51-47 (63132)
ତତଃ ସିଦ୍ଧାସ୍ତ ଊଚୁର୍ହି ଦେବଲଂ ପୁନରେବ ହ।
ନ ଦେବଲଗତିସ୍ତତ୍ର ତବ ଗନ୍ତୁଂ ତପୋଧନ।
ବ୍ରହ୍ମଣଃ ସଦନେ ବିପ୍ର ଜୈଗୀଷବ୍ଯୋ ଯଦାପ୍ତବାନ୍॥ 9-51-48 (63133)
ବୈଶମ୍ପାଯନ ଉବାଚ। 9-51-49x (5210)
ତେଷାଂ ତଦ୍ବଚନଂ ଶ୍ରୁତ୍ବା ସିଦ୍ଧାନାଂ ଦେବଲଃ ପୁନଃ।
ଆନୁପୂର୍ବ୍ଯେଣ ଲୋକାଂସ୍ତାନ୍ସର୍ବାନବତତାର ହ॥ 9-51-49 (63134)
ସ୍ବମାଶ୍ରମପଦଂ ପୁଣ୍ଯମାଜଗାମ ପତଙ୍ଗବତ୍।
ପ୍ରବିଶନ୍ନେବ ଚାପଶ୍ଯଜ୍ଜୈଗୀଷବ୍ଯଂ ସ ଦେବଲଃ॥ 9-51-50 (63135)
ତତୋ ବୁଦ୍ଧ୍ଯା ବ୍ଯଗଣଯଦ୍ଦେବଲୋ ଧର୍ମଯୁକ୍ତଯା।
ଦୃଷ୍ଟ୍ବା ପ୍ରଭାବଂ ତପସୋ ଜୈଗୀଷବ୍ଯସ୍ଯ ଯୋଗଜମ୍॥ 9-51-51 (63136)
ତତୋଽବ୍ରବିନ୍ମହାତ୍ମାନଂ ଜୈଗୀଷବ୍ଯଂ ସ ଦେବଲଃ।
ବିନଯାବନତୋ ରାଜନ୍ନୁପସର୍ପ୍ଯ ମହାମୁନିମ୍।
ମୋକ୍ଷଧର୍ମଂ ସମାସ୍ଥାତୁମିଚ୍ଛେଯଂ ଭଗବନ୍ନହମ୍॥ 9-51-52 (63137)
ତସ୍ଯ ତଦ୍ବଚନଂ ଶ୍ରୁତ୍ବା ଉପଦେଶଂ ଚକାର ସଃ।
ବିଧିଂ ଯୋଗସ୍ଯ ପରମଂ କାର୍ଯାକାର୍ଯସ୍ଯ ଶାସ୍ତ୍ରତଃ॥ 9-51-53 (63138)
ସନ୍ନାଯେ କୃତବୁଦ୍ଧିଂ ତଂ ତତୋ ଦୃଷ୍ଟ୍ବା ମହାତପାଃ।
ସର୍ବାଶ୍ଚାସ୍ଯ କ୍ରିଯାଶ୍ଚକ୍ରେ ବିଧିଦୃଷ୍ଟେନ କର୍ମଣା॥ 9-51-54 (63139)
ସନ୍ନ୍ଯାସେ କୃତବୁଦ୍ଧିଂ ତଂ ଭୂତାନି ପିତୃଭିଃ ସହ।
ତତୋ ଦୃଷ୍ଟ୍ବା ପ୍ରରୁରୁଦୁଃ କୋଽସ୍ମାନ୍ସଂବିଭଜିଷ୍ଯତି॥ 9-51-55 (63140)
ଦେବଲସ୍ତୁ ବଚଃ ଶ୍ରୁତ୍ବା ଭୂତାନାଂ କରୁଣଂ ତଥା।
ଦିଶୋ ଦଶ ବ୍ଯାହରତାଂ ମୋକ୍ଷଂ ତ୍ଯକ୍ତୁଂ ମନୋ ଦଧେ॥ 9-51-56 (63141)
ତତସ୍ତୁ ଫଲମୂଲାନି ପବିତ୍ରାଣି ଚ ଭାରତ।
ପୁଷ୍ପାଣ୍ଯୋଷଧଯଶ୍ଚୈବ ରୋରୂଯନ୍ତେ ସହସ୍ରଶଃ॥ 9-51-57 (63142)
ପୁନର୍ନୋ ଦେବଲଃ କ୍ଷୁଦ୍ରୋ ନୂନଂ ଛେତ୍ସ୍ଯତି ଦୁର୍ମତିଃ।
ଅଭଯଂ ସର୍ବଭୂତେଭ୍ଯୋ ଯୋ ଦତ୍ତ୍ବା ନାବବୁଧ୍ଯତେ॥ 9-51-58 (63143)
ତତୋ ଭୂଯୋ ବ୍ଯଗଣଯତ୍ସ୍ବବୁଦ୍ଧ୍ଯା ମୁନିସତ୍ତମଃ।
ମୋକ୍ଷେ ଗାର୍ହସ୍ଥ୍ଯଧର୍ମେ ବା କିନ୍ନୁ ଶ୍ରେଯସ୍କରଂ ଭବେତ୍॥ 9-51-59 (63144)
ଇତି ନିଶ୍ଚିତ୍ଯ ମନସା ଦେବଲୋ ରାଜସତ୍ତମ।
ତ୍ଯକ୍ତ୍ବା ଗାର୍ହସ୍ଥ୍ଯଧର୍ମଂ ସ ମୋକ୍ଷଧର୍ମମରୋଚଯତ୍॥ 9-51-60 (63145)
ଏବମାଦୀନି ସଞ୍ଚିନ୍ତ୍ଯ ଦେବଲୋ ନିଶ୍ଚଯାନ୍ବିତଃ।
ପ୍ରାପ୍ତବାନ୍ପରମାଂ ସିଦ୍ଧିଂ ପରଂ ଯୋଗଂ ଚ ଭାରତ॥ 9-51-61 (63146)
ତତୋ ଦେବାଃ ସମାଗମ୍ଯ ବୃହସ୍ପତିପୁରୋଗମାଃ।
ଜୈଗୀଷବ୍ଯଂ ତପଶ୍ଚାସ୍ଯ ପ୍ରଶଂସନ୍ତି ତପସ୍ବିନଃ॥ 9-51-62 (63147)
ଅଥାବ୍ରବୀଦୃଷିବରୋ ଦେବାନ୍ବୈ ନାରଦସ୍ତଥା।
ଜୈଗୀଷବ୍ଯେ ତପୋ ନାସ୍ତି ବିସ୍ମାପଯତି ଯୋଽସିତମ୍॥ 9-51-63 (63148)
ତମେବଂବାଦିନଂ ଧୀରଂ ପ୍ରତ୍ଯୂଚୁସ୍ତେ ଦିବୌକସଃ।
ନୈବମିତ୍ଯେବ ଶଂସନ୍ତୋ ଜୈଗୀଷବ୍ଯଂ ମହାମୁନିମ୍॥ 9-51-64 (63149)
ନାତଃ ପରତରଂ କିଞ୍ଚିତ୍ତୁଲ୍ଯମସ୍ତି ପ୍ରଭାବତଃ।
ତେଜସସ୍ତପସଶ୍ଚାସ୍ଯ ଯୋଗସ୍ଯ ଚ ମହାତ୍ମନଃ॥ 9-51-65 (63150)
ଏବଂ ପ୍ରଭାବୋ ଧର୍ମାତ୍ମା ଜୈଗୀଷବ୍ଯସ୍ତଥାଽସିତଃ।
ତଯୋରିଦଂ ସ୍ଥାନବରଂ ତୀର୍ଥଂ ଚୈବ ମହାତ୍ମନୋଃ॥ 9-51-66 (63151)
ତତ୍ରାପ୍ଯୁପସ୍ପୃଶ୍ଯ ତତୋ ମହାତ୍ମା
ଦତ୍ତ୍ବା ଚ ବିତ୍ତଂ ହଲଭୃଦ୍ଦ୍ବିଜେଭ୍ଯଃ।
ଅବାପ୍ଯ ଧର୍ମଂ ପରମାର୍ଥକର୍ମା
ଜଗାମ ସୋମସ୍ଯ ମହାxxxxxxର୍ଥମ୍। ॥ 9-51-67 (63152)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ଏକପଞ୍ଚାଶତ୍ତମୋଽଧ୍ଯାଯଃ॥ 51 ॥
Mahabharata - Shalya Parva - Chapter Footnotes
9-51-7 ନୈବାପୁଞ୍ଚତ ଧର୍ମତଃ ଇତି ଛ.ପାଠଃ॥ 9-51-8 ନ୍ଯତିକ୍ରମତ୍ ବ୍ଯତ୍ଯକ୍ରାମତ୍॥ 9-51-16 ଅସିତପ୍ରଭ ଇତି ଛ.ପାଠଃ॥ 9-51-46 ଭୂତାର୍ଥଂ ଯଥାଭୂତାର୍ଥମ୍॥ 9-51-47 ଉତ୍ପପାତ ବ୍ରହ୍ମଲୋକଂ ଗନ୍ତୁମିତି ଶେଷଃ। ପପାତ ଚ ଗଗନାତ୍॥ 9-51-54 ସର୍ବାଃ କ୍ରିଯା ଉତ୍ସର୍ଗେଷ୍ଠ୍ଯାଦଯଃ॥ 9-51-56 ମୋକ୍ଷଂ ସନ୍ନ୍ଯାସଂ ତ୍ଯକ୍ତୁଂ ମନୋ ଦଧେ। ଉତ୍ସୃଷ୍ଟା ନାମଗ୍ନୀନାଂ ପୁନରାଧାନଂ କର୍ତୁମୈଚ୍ଛତ୍॥ 9-51-66 ଅସିତୋ ଦେବଲ॥ 9-51-51 ଏକପଞ୍ଚାଶତ୍ତତୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 052
॥ ଶ୍ରୀଃ ॥
9.52. ଅଧ୍ଯାଯଃ 052
Mahabharata - Shalya Parva - Chapter Topics
ଦଧୀଚିସାରସ୍ବତଯୋଶ୍ଚରିତବର୍ଣନମ୍॥ 1 ॥Mahabharata - Shalya Parva - Chapter Text
9-52-0 (63153)
ବୈଶମ୍ପାଯନ ଉବାଚ। 9-52-0x (5211)
ଯତ୍ରେଜିବାନୁଡୁପତୀ ରାଜସୂଯେନ ଭାରତ।
ଯସ୍ମିନ୍ବୃତ୍ତେ ମହାନାସୀତ୍ସଙ୍ଗ୍ରାମସ୍ତାରକାମଯଃ॥ 9-52-1 (63154)
ତତ୍ରାପ୍ଯୁପସ୍ପୃଶ୍ଯ ବଲୋ ଦତ୍ତ୍ବା ଦାନାନି ଚାତ୍ମବାନ୍।
ସାରସ୍ବତସ୍ଯ ଧର୍ମାତ୍ମା ମୁନେସ୍ତୀର୍ଥଂ ଜଗାମ ହ॥ 9-52-2 (63155)
ଯତ୍ର ଦ୍ବାଦଶବାର୍ଷିକ୍ଯାମନାବୃଷ୍ଟ୍ଯାଂ ଦ୍ବିଜୋତ୍ତମାନ୍।
ବେଦାନଧ୍ଯାପଯାମାସ ପୁରା ସାରସ୍ବତୋ ମୁନିଃ॥ 9-52-3 (63156)
ଜନମେଜଯ ଉବାଚ। 9-52-4x (5212)
କଥଂ ଦ୍ବାଦଶବାର୍ଷିକ୍ଯାମନାବୃଷ୍ଟ୍ଯାଂ ଦ୍ବିଜୋତ୍ତମାନ୍।
ବେଦାନଧ୍ଯାପଯାମାସ ପୁରା ସାରସ୍ବତୋ ମୁନିଃ॥ 9-52-4 (63157)
ବୈଶମ୍ପାଯନ ଉବାଚ। 9-52-5x (5213)
ଆସୀତ୍ପୂର୍ବଂ ମହାରାଜ ମୁନିର୍ଧୀମାନ୍ମହାତପାଃ।
ଦଧୀଚିରିତି ବିଖ୍ଯାତୋ ବ୍ରହ୍ମଚାରୀ ଜିତେନ୍ଦ୍ରିଯଃ॥ 9-52-5 (63158)
ତସ୍ଯାତିତପସଃ ଶକ୍ରୋ ବିଭେତି ସତତଂ ବିଭୋ।
ନ ସ ଲୋଭଯିତୁଂ ଶକ୍ଯଃ ଫଲୈର୍ବହୁବିଧୈରପି॥ 9-52-6 (63159)
ପ୍ରଲୋଭନାର୍ଥଂ ତସ୍ଯାଥ ପ୍ରାହିଣୋତ୍ପାକଶାସନଃ।
ଦିବ୍ଯାମପ୍ସରସଂ ପୁଣ୍ଯାଂ ଦର୍ଶନୀଯାମଲମ୍ବୁସାମ୍॥ 9-52-7 (63160)
ତସ୍ଯ ତର୍ପଯତୋ ଦେବାନ୍ସରସ୍ବତ୍ଯାଂ ମହାତ୍ମନଃ।
ସମୀପତୋ ମହାରାଜ ସୋପାତିଷ୍ଠତ ଭାମିନୀ॥ 9-52-8 (63161)
ତାଂ ଦିବ୍ଯବପୁଷଂ ଦୃଷ୍ଟ୍ବା ତସ୍ଯର୍ଷେର୍ଭାବିତାତ୍ମନଃ।
ରେତଃ ସ୍କନ୍ନଂ ସରସ୍ବତ୍ଯାଂ ତସ୍ମା ଜଗ୍ରାହ ନିମ୍ନଗା॥ 9-52-9 (63162)
କୁକ୍ଷୌ ଚାପ୍ଯଦଧଦ୍ବୃଷ୍ଟା ତଦ୍ରେତଃ ପୁରୁଷର୍ଷଭ।
ସା ଦଧାର ଚ ତଂ ଗର୍ଭଂ ପୁତ୍ରହେତୋର୍ମହାତ୍ମନଃ॥ଥ 9-52-10 (63163)
ସୁଷୁବେ ଚାପି ସମଯେ ପୁତ୍ରଂ ସାରସ୍ବତଂ ବରମ୍।
ଜଗାମ ପୁତ୍ରମାଦାଯ ତମୃଷିଂ ପ୍ରତି ଚ ପ୍ରଭୋ॥ 9-52-11 (63164)
ଋଷିସଂସଦି ତଂ ଦୃଷ୍ଟ୍ବା ସା ନଦୀ ମୁନିସତ୍ତମମ୍।
ତତଃ ପ୍ରୋବାଚ ରାଜେନ୍ଦ୍ର ଦଦତୀ ପୁତ୍ରମସ୍ଯ ତମ୍।
ବ୍ରହ୍ମର୍ଷେ ତବ ପୁତ୍ରୋଽଯଂ ତ୍ବଦ୍ଭକ୍ତ୍ଯା ଧାରିତୋ ମଯା॥ 9-52-12 (63165)
ଦୃଷ୍ଟ୍ବା ତେଽପ୍ସରସଂ ରେତୋ ଯତ୍ସ୍କନ୍ନଂ ପ୍ରାଗଲମ୍ବୁସାମ୍।
ତତ୍କୁକ୍ଷିଣାଽହଂ ବ୍ରହ୍ମର୍ଷେ ତ୍ବଦ୍ଭକ୍ତ୍ଯା ଧୃତବତ୍ଯହମ୍॥ 9-52-13 (63166)
ନ ବିନାଶମିଦଂ ଗଚ୍ଛେତ୍ତ୍ବତ୍ତେଜ ଇତି ନିଶ୍ଚଯାତ୍।
ପ୍ରତିଗୃହ୍ଣୀଷ୍ବ ପୁତ୍ରଂ ସ୍ବଂ ମଯା ଦତ୍ତମନିନ୍ଦିତମ୍॥ 9-52-14 (63167)
ଇତ୍ଯୁକ୍ତଃ ପ୍ରତିଜଗ୍ରାହ ପ୍ରୀତିଂ ଚାବାପ ପୁଷ୍କଲାମ୍।
ପିତୃବଚ୍ଚୋପଜିଘ୍ରତ୍ତଂ ମୂର୍ଧ୍ନି ପ୍ରେମ୍ଣା ଦ୍ବିଜୋତ୍ତମଃ॥ 9-52-15 (63168)
ପରିଷ୍ବଜ୍ଯ ଚିରଂ କାଲଂ ତଦା ଭରତସତ୍ତମ।
ସରସ୍ବତ୍ଯୈ ବରଂ ପ୍ରାଦାତ୍ପ୍ରୀଯମାଣୋ ମହାମୁନିଃ॥ 9-52-16 (63169)
ବିଶ୍ବେଦେବାଃ ସପିତରୋ ଗନ୍ଧର୍ବାପ୍ସରସାଂ ଗଣାଃ।
ତୃପ୍ତିଂ ଯାସ୍ଯନ୍ତି ସୁଭଗେ ତର୍ପ୍ଯମାଣାସ୍ତବାମ୍ଭସା॥ 9-52-17 (63170)
ଇତ୍ଯୁକ୍ତ୍ବା ସ ତୁ ତୁଷ୍ଟାବ ବଚୋଭିର୍ବୈ ମହାନଦୀମ୍।
ପ୍ରୀତଃ ପରମହୃଷ୍ଟାତ୍ମା ଯଥାବଚ୍ଛୃଣୁ ପାର୍ଥିବ॥ 9-52-18 (63171)
ଦଧୀଚିରୁବାଚ। 9-52-19x (5214)
ପ୍ରସ୍ରୁତାଽସି ମହାଭାଗେ ସରସୋ ବ୍ରହ୍ମଣଃ ପୁରା।
ଜାନନ୍ତି ତ୍ବାଂ ସରିଚ୍ଛ୍ରେଷ୍ଠେ ମୁନଯଃ ସଂଶିତବ୍ରତାଃ॥ 9-52-19 (63172)
ମମ ପ୍ରିଯକରୀ ଚାପି ସତତଂ ପ୍ରିଯଦର୍ଶନେ।
ତସ୍ମାତ୍ସାରସ୍ବତଂ ପୁତ୍ରମଦଧା ବରବର୍ଣିନି॥ 9-52-20 (63173)
ତବୈବ ନାମ୍ନା ପ୍ରଥିତଃ ପୁତ୍ରସ୍ତେ ଲୋକଭାବନଃ।
ସାରସ୍ବତ ଇତି ଖ୍ଯାତୋ ଭବିଷ୍ଯତି ମହାତପାଃ॥ 9-52-21 (63174)
ଏଷ ଦ୍ବାଦଶବାର୍ଷିକ୍ଯାମନାବୃଷ୍ଟ୍ଯାଂ ଦ୍ବିଜର୍ଷଭାନ୍।
ସାରସ୍ବତୋ ମହାଭାଗେ ବେଦାନଧ୍ଯାପଯିଷ୍ଯତି॥ 9-52-22 (63175)
ପୁଣ୍ଯାଭ୍ଯଶ୍ଚ ସରିଦ୍ଭ୍ଯସ୍ତ୍ବଂ ସଦା ପୁଣ୍ଯତମା ଶୁଭେ।
ଭବିଷ୍ଯସି ମହାଭାଗେ ମତ୍ପ୍ରସାଦାତ୍ସରସ୍ବତି॥ 9-52-23 (63176)
ଏବଂ ସ୍ତ ସଂସ୍ତୁତା ତେନ ବରଂ ଲବ୍ଧ୍ବା ମହାନଦୀ।
ପୁତ୍ରମାଦାଯ ମୁଦିତା ଜଗାମ ଭରତର୍ଷଭ॥ 9-52-24 (63177)
ଏତସ୍ମିନ୍ନେବ କାଲେ ତୁ ବିରୋଧେ ଦେବଦାନବୈଃ।
ଶକ୍ରଃ ପ୍ରହରଣାନ୍ବିଷୀ ଲୋକାଂସ୍ତ୍ରୀନ୍ବିଚଚାର ହ॥ 9-52-25 (63178)
ନ ଚୋପଲେଭେ ଭଗବାଞ୍ଶକ୍ରଃ ପ୍ରହରଣଂ ତଦା।
ଯଦ୍ବୈ ତେଷାଂ ଭବେଦ୍ଯୋଗ୍ଯଂ ବଧାଯ ବିବୁଧଦ୍ବିଷାମ୍॥ 9-52-26 (63179)
ତତୋଽବ୍ରବୀତ୍ସୁରାଞ୍ଶକ୍ରୋ ନ ମେ ଶକ୍ଯାଃ ସୁରାରଯଃ।
ଋତେଽସ୍ଥିଭିର୍ଦଧୀଚସ୍ଯ ନିହନ୍ତୁଂ ତ୍ରିଦଶଦ୍ବିଷଃ॥ 9-52-27 (63180)
ତସ୍ମାଦ୍ଯତ୍ନାଦୃଷିଶ୍ରେଷ୍ଠୋ ଯାଚ୍ଯତାଂ କାର୍ଯସିଦ୍ଧଯେ।
ଦଧୀଚାସ୍ଥୀନି ଦେହୀତି ତୈର୍ବଧିଷ୍ଯାମହେ ରିପୂନ୍॥ 9-52-28 (63181)
ସ ଚ ତୈର୍ଯାଚିତୋଽସ୍ଥୀନି ଯତ୍ନାଦୃଷିବରସ୍ତଦା।
ସାହାଯ୍ଯଂ ନଃ କୁରୁଷ୍ବେତି ଚକାରୈବାବିଚାରଯନ୍॥ 9-52-29 (63182)
ସ ଲୋକାନକ୍ଷଯାନ୍ପ୍ରାପ୍ତୋ ଦେବପ୍ରିଯକରସ୍ତଦା।
ତସ୍ଯାସ୍ଥିଭିରଥୋ ଶକ୍ରଃ ସମ୍ପ୍ରହୃଷ୍ଟମନାସ୍ତଦା॥ 9-52-30 (63183)
କାରଯାମାସ ଦିବ୍ଯାନି ନାନାପ୍ରହରଣାନ୍ଯୁତ।
ଗଦା ବଜ୍ରାଣି ଚକ୍ରାଣି ଗୁରୂନ୍ଦଣ୍ଡାଂଶ୍ଚ ପୁଷ୍କଲାନ୍॥ 9-52-31 (63184)
ସ ହି ତୀବ୍ରେଣ ତପସା ସମ୍ଭୃତଃ ପରମର୍ଷିଣା।
ପ୍ରଜାପତିସୁତେନାଥ ଭୃଗୁଣା ଲୋକଭାବନଃ॥ 9-52-32 (63185)
ଅତିକାଯଃ ସ ତେଜସ୍ବୀ ଲୋକସାରୋ ବିନିର୍ମିତଃ।
ଜଜ୍ଞେ ଶୈଲଗୁରୁଃ ପ୍ରାଂଶୁର୍ମହିମ୍ନା ପ୍ରଥିତଃ ପ୍ରଭୁଃ॥ 9-52-33 (63186)
ନିତ୍ଯମୁଦ୍ବିଜତେ ଚାସ୍ଯ ତେଜସଃ ପାକଶାସନଃ॥ 9-52-34 (63187)
ତେନ ବଜ୍ରେଣ ଭଗବାନ୍ମନ୍ତ୍ରଯୁକ୍ତେନ ଭାରତ।
ଭୃଶଂ କ୍ରୋଧବିସୃଷ୍ଟେନ ବ୍ରହ୍ମତେଜୋଦ୍ଭବେନ ଚ।
ଦୈତ୍ଯଦାନବବୀରାଣାଂ ଜଘାନ ନବତୀର୍ନବ॥ 9-52-35 (63188)
ଅଥ କାଲେ ବ୍ଯତିକ୍ରାନ୍ତେ ମହତ୍ଯତିଭଯଙ୍କରୀ।
ଅନାବୃଷ୍ଟିରନୁପ୍ରାପ୍ତା ରାଜନ୍ଦ୍ବାଦଶବାର୍ଷିକୀ॥ 9-52-36 (63189)
ତସ୍ଯାଂ ଦ୍ବାଦଶବାର୍ଷିକ୍ଯାମନାବୃଷ୍ଟ୍ଯାଂ ମହର୍ଷଯଃ।
ବୃତ୍ତ୍ଯର୍ଥଂ ପ୍ରାଦ୍ରବନ୍ରାଜନ୍କ୍ଷୁଧାର୍ତାଃ ସର୍ବତୋଦିଶମ୍॥ 9-52-37 (63190)
ଦିଗ୍ଭ୍ଯସ୍ତାନ୍ପ୍ରଦ୍ରୁତାନ୍ଦୃଷ୍ଟ୍ବା ମୁନିଃ ସାରସ୍ବତସ୍ତଦା।
ଗମନାଯ ମତିଂ ଚକ୍ରେ ତଂ ପ୍ରୋବାଚ ସରସ୍ବତୀ॥ 9-52-38 (63191)
ନ ଗନ୍ତବ୍ଯମିତଃ ପୁତ୍ର ତବାହାରମହଂ ସଦା।
ଦାସ୍ଯାମି ମତ୍ସ୍ଯପ୍ରବରାନୁଷ୍ଯତାମିହ ଭାରତ॥ 9-52-39 (63192)
ଇତ୍ଯୁକ୍ତସ୍ତର୍ପଯାମାସ ସ ପିତୄନ୍ଦେବତାସ୍ତଥା।
ଆହାରମକରୋନ୍ନିତ୍ଯଂ ପ୍ରାଣାନ୍ବେଦାଂଶ୍ଚ ଧାରଯନ୍॥ 9-52-40 (63193)
ଅଥ ତସ୍ଯାମନାବୃଷ୍ଟ୍ଯାମତୀତାଯାଂ ମହର୍ଷଯଃ।
ଅନ୍ଯୋନ୍ଯଂ ପରିପପ୍ରଚ୍ଛୁଃ ପୁନଃ ସ୍ବାଧ୍ଯାଯକାରଣାତ୍॥ 9-52-41 (63194)
ତେଷାଂ କ୍ଷୁଧାପରୀତାନାଂ ନଷ୍ଟା ଦେବା ବିଧାବତାମ୍।
ସର୍ବେଷାମେବ ରାଜେନ୍ଦ୍ର ନ କିଚିତ୍ପ୍ରତିଭାତି ହ॥ 9-52-42 (63195)
ଅଥ କଶ୍ଚିଦୃଷିସ୍ତେଷାଂ ସାରସ୍ବତମୁପେଯିବାନ୍।
କୁର୍ବାଣଂ ସଂଶିତାତ୍ମାନଂ ସ୍ବାଧ୍ଯାଯମୃଷିସତ୍ତମମ୍॥ 9-52-43 (63196)
ସ ଗତ୍ବାଽଚଷ୍ଟ ତେଭ୍ଯଶ୍ଚ ସାରସ୍ବତମୃଷିଂ ପ୍ରଭୁମ୍।
ସ୍ବାଧ୍ଯାଯମମରପ୍ରଖ୍ଯଂ କୁର୍ବାଣଂ ବିଜନେ ବନେ॥ 9-52-44 (63197)
ତତଃ ସର୍ବେ ସମାଜଗ୍ମୁସ୍ତତ୍ର ରାଜନ୍ମହର୍ଷଯଃ।
ସାରସ୍ବତଂ ମୁନିଶ୍ରେଷ୍ଠମିଦମୂଚୁଃ ସମାଗତାଃ॥ 9-52-45 (63198)
ଅସ୍ମାନଧ୍ଯାପଯସ୍ବେତି ତାନୁବାଚ ତତୋ ମୁନିଃ।
ଶିଷ୍ଯତ୍ବମୁପାଗଚ୍ଛଧ୍ବଂ ବିଧିନା ଚ ମମେତ୍ଯୁତ॥ 9-52-46 (63199)
ତତ୍ରାବ୍ରୁବନ୍ମୁନିଗଣା ବାଲସ୍ତ୍ବମସି ପୁତ୍ରକ।
ସ ତାନାହ ନ ମେ ଧର୍ମୋ ନଶ୍ଯେଦିତି ପୁନର୍ମୁନୀନ୍॥ 9-52-47 (63200)
ଯୋ ହ୍ଯଧର୍ମେଣ ବୈ ବ୍ରୂଯାଦ୍ଗୃହ୍ଣୀଯାଦ୍ଯୋଽପ୍ଯଧର୍ମତଃ।
ମ୍ରିଯେତାଂ ତାବୁଭୌ କ୍ଷିପ୍ରଂ ସ୍ଯାତାଂ ବା ବୈରିଣାବୁଭୌ॥ 9-52-48 (63201)
ନ ହାଯନୈର୍ନ ପଲିତୈର୍ନ ବିତ୍ତେନ ନ ବନ୍ଧୁଭିଃ।
ଋଷଯଶ୍ଚକ୍ରିରେ ଧର୍ମଂ ଯୋଽନୂଚାନଃ ସ ନୋ ମହାନ୍॥ 9-52-49 (63202)
ଏତଚ୍ଛ୍ରୁତ୍ବା ବଚସ୍ତସ୍ଯ ମନୁଯସ୍ତେ ବିଧାନତଃ।
ତସ୍ମାଦ୍ବେଦାନନୁପ୍ରାପ୍ଯ ପୁନର୍ଧର୍ମଂ ପ୍ରଚକ୍ରିରେ॥ 9-52-50 (63203)
ଷଷ୍ଟିର୍ମୁନିସହସ୍ରାଣି ଶିଷ୍ଯତ୍ବଂ ପ୍ରତିପେଦିରେ।
ସାରସ୍ବତସ୍ଯ ବିପ୍ରର୍ଷେର୍ବେଦସ୍ବାଧ୍ଯାଯକାରଣାତ୍॥ 9-52-51 (63204)
ମୁଷ୍ଟିଂ ମୁଷ୍ଟିଂ ତତଃ ସର୍ବେ ଦର୍ଭାଣାଂ ତେ ହ୍ଯୁପାହରନ୍।
ତସ୍ଯାସନାର୍ଥଂ ବିପ୍ରର୍ଷେର୍ବାଲସ୍ଯାପି ବଶେ ସ୍ଥିତାଃ॥ 9-52-52 (63205)
ତତ୍ରାପି ଦତ୍ତ୍ବା ବସୁ ରୌହିଣେଯୋ
ମହାବଲଃ କେଶବପୂର୍ବଜୋଽଥ
ଜଗାମ ତୀର୍ଥଂ ମୁଦିତଃ କ୍ରମେଣ
ତଂ ବୃଦ୍ଧକନ୍ଯାଶ୍ରମମେ ବ ବୀରଃ॥ ॥ 9-52-53 (63206)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ଦ୍ବିପଞ୍ଚାଶତ୍ତମୋଽଧ୍ଯାଯଃ॥ 52 ॥
Mahabharata - Shalya Parva - Chapter Footnotes
9-52-5 ଦଧୀଚ ଇତି ଇତି ଛ.ଝ.ପାଠଃ॥ 9-52-12 ଋଷିସଂସାଦିତଂ ଦୃଷ୍ଟ୍ବେତି କ.ଛ.ପାଠଃ। ତତ୍ର ସଂସାଦିତଂ ପରିବାରିତମିତ୍ଯର୍ଥଃ॥ 9-52-28 ଦଧୀଚୋଽସ୍ଥୀନୀତି ଛ.ପାଠଃ॥ 9-52-29 ପ୍ରାଣତ୍ଯାଗଂ କୁରୁଶ୍ରେଷ୍ଠ ଚକାରୈବାବିଚାରଯଷିତି ଝ.ପାଠଃ॥ 9-52-34 ଅସ୍ଯ ମୁନେଃ॥ 9-52-35 ତେନ ତଦସ୍ଥିଜେନ ବଜ୍ରେଣ ନବତୀର୍ନବ ଦଶାଧିକାଂ ଅଷ୍ଟଶତୀମ॥ 9-52-52 ଦ୍ବିପଞ୍ଚାଶତ୍ତମୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 053
॥ ଶ୍ରୀଃ ॥
9.53. ଅଧ୍ଯାଯଃ 053
Mahabharata - Shalya Parva - Chapter Topics
ବୃଦ୍ଧକନ୍ଯାଚରିତ୍ରକଥନମ୍॥ 1 ॥Mahabharata - Shalya Parva - Chapter Text
9-53-0 (63207)
ଜନମେଜଯ ଉବାଚ। 9-53-0x (5215)
କଥଂ କୁମାରୀ ଭଗବଂସ୍ତପୋଯୁକ୍ତା ହ୍ଯଭୂତ୍ପୁରା।
କିମର୍ଥଂ ଚ ତପସ୍ତେପେ କୋ ବାଽସ୍ଯା ନିଯମୋଽଭବତ୍॥ 9-53-1 (63208)
ସୁଦୁଷ୍କରମିଦଂ ବ୍ରହ୍ମଂସ୍ତ୍ବତ୍ତଃ ଶ୍ରୁତମନୁତ୍ତମମ୍।
ଆଖ୍ଯାହି ତତ୍ତ୍ବମଖିଲଂ ଯଥା ତପସି ସା ସ୍ଥିତା॥ 9-53-2 (63209)
ବୈଶମ୍ପାଯନ ଉବାଚ। 9-53-3x (5216)
ଋଷିରାସୀନ୍ମହାବୀର୍ଯଃ କୁଣିର୍ଗାର୍ଗ୍ଯୋ ମହାଯଶାଃ।
ସ ତପ୍ତ୍ବା ବିପୁଲଂ ରାଜଂସ୍ତପୋ ବୈ ତପତାଂ ବରଃ।
ତପସାଽଥ ସୁତାଂ ସୁଭ୍ରୂଂ ସମୁତ୍ପାଦିତବାନ୍ବିଭୁଃ॥ 9-53-3 (63210)
ତାଂ ଚ ଦୃଷ୍ଟ୍ବା ମୁନିଃ ପ୍ରୀତଃ କୁଣିର୍ଗାର୍ଗ୍ଯୋ ମହାଯଶାଃ।
ଜଗାମ ତ୍ରିଦିବଂ ରାଜନ୍ସଂତ୍ଯଜ୍ଯେହ କଲେବରମ୍॥ 9-53-4 (63211)
ସୁଭ୍ରୂଃ ସା ହ୍ଯଥ କଲ୍ଯାଣୀ ପୁଣ୍ଡରୀକନିଭେକ୍ଷଣା।
ମହତା ତପସୋଗ୍ରେଣ କୃତ୍ବାଶ୍ରମମନିନ୍ଦିତା॥ 9-53-5 (63212)
ଉପବାସୈଃ ପୂଜଯନ୍ତୀ ପିତୄନ୍ଦେବାଂଶ୍ଚ ସା ପୁରା।
ତସ୍ଯାସ୍ତୁ ତପସୋଗ୍ରେଣ ମହାନ୍କାଲୋଽତ୍ଯଗାନ୍ନୃପ॥ 9-53-6 (63213)
ସା ପିତ୍ରା ଦୀଯମାନାପି ପତିଂ ନୈଚ୍ଛଦନିନ୍ଦିତା।
ଆତ୍ମନଃ ସଦୃଶଂ ସା ତୁ ଭର୍ତାରଂ ନାନ୍ବପଶ୍ଯତ॥ 9-53-7 (63214)
ତତଃ ସା ତପସୋଗ୍ରେଣ ପୀଡଯିତ୍ବାଽଽତ୍ମନସ୍ତନୁମ୍।
ପିତୃଦେବାର୍ଚନରତା ବଭୂବ ବିଜନେ ବନେ॥ 9-53-8 (63215)
ସାଽଽତ୍ମାନଂ ମନ୍ଯମାନା ତୁ କୃତକୃତ୍ଯଂ ଶ୍ରମାନ୍ବିତା।
`ଜଗାମ ବୃଦ୍ଧଭାବଂ ତୁ କୌମାରବ୍ରହ୍ମଚାରିଣୀ'॥ 9-53-9 (63216)
ବାର୍ଧକେନ ଚ ରାଜେନ୍ଦ୍ର ତପସା ଚୈବ କର୍ଶିତା।
ସା ନାଶକଦ୍ଯଦା ଗନ୍ତୁଂ ପଦାତ୍ପଦମପି ସ୍ବଯମ୍॥ 9-53-10 (63217)
ଚକାର ଗମନେ ବୁଦ୍ଧିଂ ପରଲୋକାଯ ବୈ ତଦା।
ମୋକ୍ତୁକାମାଂ ତୁ ତାଂ ଦୃଷ୍ଟ୍ବା ଶରୀରଂ ନାରଦୋଽବ୍ରବୀତ୍॥ 9-53-11 (63218)
ଅସଂସ୍କୃତାଯାଃ କନ୍ଯାଯାଃ କୁତୋ ଲୋକାସ୍ତବାନଘେ।
ଏବଂ ତୁ ଶ୍ରୁତମସ୍ମାଭିର୍ଦେବଲୋକେ ମହାବ୍ରତେ॥ 9-53-12 (63219)
ତପଃ ପରମକଂ ପ୍ରାପ୍ତଂ ନ ତୁ ଲୋକାସ୍ତ୍ବଯା ଜିତାଃ।
ତନ୍ନାରଦବଚଃ ଶ୍ରୁତ୍ବା ସାଽବ୍ରବୀଦୃଷିସଂସଦି॥ 9-53-13 (63220)
ତପସୋଽର୍ଧଂ ପ୍ରଯଚ୍ଛାମି ପାଣିଗ୍ରାହସ୍ଯ ସତ୍ତମାଃ।
ଇତ୍ଯୁକ୍ତେଽସ୍ଯାସ୍ତୁ ଜଗ୍ରାହ ପାଣିଂ ଗାଲବସମ୍ଭବଃ॥ 9-53-14 (63221)
ଋଷିଃ ପ୍ରାକ୍ ଶୃଙ୍ଗବାନ୍ନାମ ସମଯଂ ଚେମମବ୍ରବୀତ୍।
ସମଯେନ ତବାଦ୍ଯାହଂ ପାଣିଂ ସ୍ପ୍ରକ୍ଷ୍ଯାମି ଶୋଭନେ॥ 9-53-15 (63222)
ଯଦ୍ଯେକରାତ୍ରଂ ବସ୍ତବ୍ଯଂ ତ୍ବଯା ସହ ମଯେତି ହ।
ତଥେତି ସା ପ୍ରତିଶ୍ରୁତ୍ଯ ତସ୍ମୈ ପାଣିଂ ଦଦୌ ତଦା॥ 9-53-16 (63223)
ଯଥାଦୃଷ୍ଟେନ ବିଧିନା ହୁତ୍ବା ଚାଗ୍ନିଂ ବିଧାନତଃ।
ଚକ୍ରେ ଚ ପାଣିଗ୍ରହଣଂ ତସ୍ଯୋଦ୍ବାହଂ ଚ ଗାଲବିଃ॥ 9-53-17 (63224)
ସା ରାତ୍ରାବଭବଦ୍ରାଜଂସ୍ତରୁଣୀ ବରବର୍ଣିନୀ।
ଦିବ୍ଯାଭରଣବସ୍ତ୍ରା ଚ ଦିବ୍ଯଗନ୍ଧାନୁଲେପନା॥ 9-53-18 (63225)
ତାଂ ଦୃଷ୍ଟ୍ବା ଗାଲବିଃ ପ୍ରୀତୋ ଦୀପଯନ୍ତୀମିବ ଶ୍ରିଯା।
ଉବାସ ଚ କ୍ଷପାମେକାଂ ପ୍ରଭାତେ ସାଽବ୍ରବୀଚ୍ଚ ତମ୍॥ 9-53-19 (63226)
ଯସ୍ତ୍ବଯା ସମଯୋ ବିପ୍ର କୃତୋ ମେ ତପତାଂ ବର।
ତେନୋଷିତାଽସ୍ମି ଭଦ୍ରଂ ତେ ସ୍ବସ୍ତି ତେଽସ୍ତୁ ବ୍ରଜାମ୍ଯହମ୍॥ 9-53-20 (63227)
ସା ତୁ ଧ୍ଯାତ୍ବାଽବ୍ରବୀଦ୍ଭୂଯୋ ଯୋଽସ୍ମିଂସ୍ତୀର୍ଥେ ସମାହିତଃ।
ବସତେ ରଜନୀମେକାଂ ତର୍ପଯିତ୍ବା ଦିବୌକସଃ॥ 9-53-21 (63228)
ଚତ୍ବାରିଂଶତମଷ୍ଟୌ ଚ ଦ୍ବୌ ଚାଷ୍ଟୌ ସମ୍ଯଗାଚରେତ୍।
ଯୋ ବ୍ରହ୍ମଚର୍ଯଂ ବର୍ଷାଣି ଫଲଂ ତସ୍ଯ ଲଭେତ ସଃ॥ 9-53-22 (63229)
ଏବମୁକ୍ତ୍ବା ତତଃ ସାଧ୍ବୀ ଦେହଂ ତ୍ଯକ୍ତ୍ବା ଦିବଂ ଗତା।
ଋଷିରପ୍ଯଭବଦ୍ଦୀନସ୍ତସ୍ଯା ରୂପଂ ବିଚିନ୍ତଯନ୍॥ 9-53-23 (63230)
ସମଯେନ ତପୋଽର୍ଧଂ ଚ କୃଚ୍ଛ୍ରାତ୍ପ୍ରତିଗୃହୀତବାନ୍।
ସାଧଯିତ୍ବା ତଦାଽଽତ୍ମାନଂ ତସ୍ଯାଃ ସ ଗତିମାପ୍ତବାନ୍।
ଦୁଃଖିତୋ ଭରତଶ୍ରେଷ୍ଠ ତସ୍ଯା ରୂପବଲାତ୍କୃତଃ॥ 9-53-24 (63231)
ଏତତ୍ତେ ବୃଦ୍ବକନ୍ଯାଯା ବ୍ଯାଖ୍ଯାତଂ ଚରିତଂ ମହତ୍।
ତଥୈବ ବ୍ରହ୍ମଚର୍ଯଂ ଚ ସ୍ବର୍ଗସ୍ଯ ଚ ଗତିଃ ଶୁଭା॥ 9-53-25 (63232)
ତତ୍ରସ୍ଥଶ୍ଚାପି ଶୁଶ୍ରାବ ହତଂ ଶଲ୍ଯଂ ହଲାଯୁଧଃ॥ 9-53-26 (63233)
ତତ୍ରାପି ଦତ୍ତ୍ବା ଦାନାନି ଦ୍ବିଜାତିଭ୍ଯଃ ପରନ୍ତପଃ।
ଶୁଶୋଚ ଶଲ୍ଯଂ ସଙ୍ଗ୍ରାମେ ନିହତଂ ପାଣ୍ଡବୈସ୍ତଦା॥ 9-53-27 (63234)
ସମନ୍ତପଞ୍ଚକଦ୍ବାରାତ୍ତତୋ ନିଷ୍କ୍ରମ୍ଯ ମାଧବଃ।
ପପ୍ରଚ୍ଛର୍ଷିଗଣାରାମଃ କୁରୁକ୍ଷେତ୍ରସ୍ଯ ଯତ୍ଫଲମ୍॥ 9-53-28 (63235)
ତେ ପୃଷ୍ଟା ଯଦୁସିଂହେନ କୁରୁକ୍ଷେତ୍ରଫଲଂ ବିଭୋ
ସମାଚଖ୍ଯୁର୍ମହାତ୍ମାନସ୍ତସ୍ମୈ ସର୍ବଂ ଯଥାତଥମ୍॥ ॥ 9-53-29 (63236)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ତ୍ରିପଞ୍ଚାଶତମୋଽଧ୍ଯାଯଃ॥ 53 ॥
Mahabharata - Shalya Parva - Chapter Footnotes
9-53-3 ତପସା ସଂଯୁତା ସୁଭ୍ରୂଃ ସମୁତ୍ପନଃ ଇତି ଛ. ପାଠଃ॥ 9-53-22 ଚତ୍ବାରିଂଶତମଷ୍ଟୌ ଚେତି। ପ୍ରତିବେଦଂ ଦ୍ବାଦଶବର୍ଷାଣୀତି ବେଦଚତୁଷ୍ଟଯାଧ୍ଯଯନାଯାଷ୍ଟାଚତ୍ବାରିଂଶଦ୍ବର୍ଷାଣି। ତତୋ ଦ୍ବୈ ବତ୍ସରୌ ସ୍ନାତକେନ ଗୁରୋରାନୃଣ୍ଯାର୍ଥଂ ସେବା କାର୍ଯା। ତତୋଽଷ୍ଟବାର୍ଷିକୀଂ କନ୍ଯାଂ ପରିଣୀଯ ତସ୍ଯା ଯୌବନାବଧ୍ଯଷ୍ଟବର୍ଷାଣୀତ୍ଯଷ୍ଟପଞ୍ଚାଶଦ୍ବର୍ଷାଣି ବ୍ରହ୍ମଚର୍ଯଂ ସର୍ବସ୍ଯେଷ୍ଟମ୍॥ 9-53-24 ସଙ୍ଗତିମନ୍ବିଯାତ୍ ଇତି ଛ. ପାଠଃ॥ 9-53-53 ତ୍ରିପଞ୍ଚାଶୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 054
॥ ଶ୍ରୀଃ ॥
9.54. ଅଧ୍ଯାଯଃ 054
Mahabharata - Shalya Parva - Chapter Topics
ଦଲଭଦ୍ରାଯ ମହର୍ଷିଭିଃ କୁରୁକ୍ଷେତ୍ରମହିମାନୁବର୍ଣନମ୍॥ 1 ॥Mahabharata - Shalya Parva - Chapter Text
9-54-0 (63237)
ଋଷଯ ଊଚୁଃ। 9-54-0x (5217)
ପ୍ରଜାପତେରୁତ୍ତରବେଦିରୁଚ୍ଯତେ
ସନାତନଂ ରାମ ସମନ୍ତପଞ୍ଚକମ୍।
ସମୀଜିରେ ଯତ୍ର ପୁରା ଦିବୌକସୋ
ବରେଣ ସତ୍ରେଣ ମହାବରପ୍ରଦାଃ॥ 9-54-1 (63238)
ପୁରା ଚ ରାଜର୍ଷିବରେଣ ଧୀମତା
ବହୂନି ବର୍ଷାଣ୍ଯମିତେନ ତେଜସା।
ପ୍ରକୃଷ୍ଟମେତତ୍କୁରୁଣା ମହାତ୍ମନା
ତତଃ କୁରୁକ୍ଷେତ୍ରମିତୀହ ପପ୍ରଥେ॥ 9-54-2 (63239)
ରାମ ଉବାଚ। 9-54-3x (5218)
କିମର୍ଥଂ କୁରୁଣା କୃଷ୍ଟଂ କ୍ଷେତ୍ରମେତନ୍ମହାତ୍ମନା।
ଏତଦିଚ୍ଛାମ୍ଯହଂ ଶ୍ରୋତୁଂ କଥ୍ଯମାନଂ ତପୋଧନାଃ॥ 9-54-3 (63240)
ଋଷଯ ଊଚୁଃ। 9-54-4x (5219)
ପୁରା କିଲ କୁରୁଂ ରାମ କର୍ଷନ୍ତଂ ସତତୋତ୍ଥିତମ୍।
ଅଭ୍ଯେତ୍ଯ ଶକ୍ରସ୍ତ୍ରିଦିବାତ୍ପର୍ଯପୃଚ୍ଛତ କାରଣମ୍॥ 9-54-4 (63241)
ଇନ୍ଦ୍ର ଉବାଚ। 9-54-5x (5220)
କିମିଦଂ ବର୍ତତେ କର୍ମ ପ୍ରଯତ୍ନେନ ପରେଣ ଚ।
ରାଜର୍ଷେ କିମଭିପ୍ରେତ୍ଯ ଯେନେଯଂ କୃଷ୍ଯତେ କ୍ଷିତିଃ॥ 9-54-5 (63242)
କୁରୁରୁବାଚ। 9-54-6x (5221)
ଇହ ଯେ ପୁରୁଷାଃ କ୍ଷେତ୍ରେ ଜନିଷ୍ଯନ୍ତି ଶତକ୍ରତୋ।
ତେ ଗମିଷ୍ଯନ୍ତି ସୁକୃତାଂ ଲୋକାନ୍ପାପବିବର୍ଜିତାନ୍॥ 9-54-6 (63243)
ଅପହାସ୍ଯ ତୁ ତଂ ଶକ୍ରୋ ଜଗାମ ତ୍ରିଦିବଂ ପୁନଃ।
ରାଜର୍ଷିରପ୍ଯନିର୍ବିଣ୍ଣଃ କର୍ଷତ୍ଯେବ ବସୁନ୍ଧରାମ୍॥ 9-54-7 (63244)
ଆଗମ୍ଯାଗମ୍ଯ ଚୈବୈନଂ ଭୂଯୋଭୂଯୋଽପହାସ୍ଯ ଚ।
ଶତ୍ରକ୍ରତୁରନିର୍ବିଣ୍ଣଂ ପୃଷ୍ଟ୍ବାପୃଷ୍ଟ୍ବା ଜଗାମ ହ॥ 9-54-8 (63245)
ଯଦା ତୁ ତପସୋଗ୍ରେଣ ଚକର୍ଷ ବସୁଧାଂ ନୃପଃ।
ତତଃ ଶକ୍ରୋଽବ୍ରବୀଦ୍ଦେବାନ୍ରାଜର୍ଷେର୍ଯଚ୍ଚିକୀର୍ଷିତମ୍॥ 9-54-9 (63246)
ଏତଚ୍ଛ୍ରୁତ୍ବାଽବ୍ରୁବନ୍ଦେବାଃ ସହସ୍ରାକ୍ଷମିଦଂ ବଚଃ।
ବରେଣ ଚ୍ଛନ୍ଦ୍ଯତାଂ ଶକ୍ର ରାଜର୍ଷିର୍ଯଦି ଶକ୍ଯତେ॥ 9-54-10 (63247)
ଯଦି ହ୍ଯତ୍ର ପ୍ରସୂତା ବୈ ସ୍ବର୍ଗଂ ଗଚ୍ଛନ୍ତି ମାନବାଃ।
ଅସ୍ମାନନିଷ୍ଟ୍ବା କ୍ରତୁଭିର୍ଭାଗୋ ନୋ ନ ଭବିଷ୍ଯତି॥ 9-54-11 (63248)
ଆଗମ୍ଯ ଚ ତତଃ ଶକ୍ରସ୍ତଦା ରାଜର୍ଷିମବ୍ରବୀତ୍।
ଅଲଂ ଖେଦେନ ଭବତଃ କ୍ରିଯତାଂ ବଚନଂ ମମ॥ 9-54-12 (63249)
ମାନବା ଯେ ନିରାହାରା ଦେହଂ ତ୍ଯକ୍ଷ୍ଯନ୍ତ୍ଯତନ୍ଦ୍ରିତାଃ।
ଯୁଧି ବା ନିହତାଃ ସମ୍ଯଗପି ତିର୍ଯଗ୍ଗତା ନୃପ॥ 9-54-13 (63250)
ତେ ସ୍ବର୍ଗଭାଜୋ ରାଜେନ୍ଦ୍ର ଭବନ୍ତ୍ବିହ ହତାସ୍ତୁ ଯେ।
ତଥାସ୍ତ୍ବିତି ତତୋ ରାଜା କୁରୁଃ ଶକ୍ରମୁବାଚ ହ॥ 9-54-14 (63251)
ତତସ୍ତମଭ୍ଯନୁଜ୍ଞାପ୍ଯ ପ୍ରହୃଷ୍ଟେନାନ୍ତରାତ୍ମନା।
ଜଗାମ ତ୍ରିଦିବଂ ଭୂଯଃ କ୍ଷିପ୍ରଂ ବଲନିଷୂଦନଃ॥ 9-54-15 (63252)
ଏବମେତଦ୍ଯଦୁଶ୍ରେଷ୍ଠ କୃଷ୍ଟଂ ରାଜର୍ଷିଣା ପୁରା।
ଶକ୍ରେଣ ଚାଭ୍ଯନୁଜ୍ଞାତଃ ପୁଣ୍ଯେ ପ୍ରାଣାନ୍ମୁମୋଚ ହ॥ 9-54-16 (63253)
[ଶକ୍ରେଣ ଚାଭ୍ଯନୁଜ୍ଞାତଂ ବ୍ରାହ୍ମଦ୍ଯୈଶ୍ଚ ସୁରୈସ୍ତଥା।
ନାତଃ ପରତରଂ ପୁଣ୍ଯଂ ଭୂମେଃ ସ୍ଥାନଂ ଭବିଷ୍ଯତି॥ 9-54-17 (63254)
ଇହ ତପ୍ସ୍ଯନ୍ତି ଯେ କେଚିତ୍ତପଃ ପରମକଂ ନରାଃ।
ଦେହତ୍ଯାଗେନ ତେ ସର୍ବେ ଯାସ୍ଯନ୍ତି ବ୍ରହ୍ମଣଃ କ୍ଷଯମ୍॥ 9-54-18 (63255)
ଯେ ପୁନଃ ପୁଣ୍ଯଭାଜୋ ବୈ ଦାନଂ ଦାସ୍ଯନ୍ତି ମାନବାଃ।
ତେଷାଂ ସହସ୍ରଗୁଣିତଂ ଭବିଷ୍ଯତ୍ଯଚିରେଣ ବୈ॥ 9-54-19 (63256)
ଯେ ଚେହ ନିତ୍ଯଂ ମନୁଜା ନିବତ୍ସ୍ଯନ୍ତି ଶୁଭୈଷିଣଃ।
ଯମସ୍ଯ ବିଷଯଂ ତେ ତୁ ନ ଦ୍ରକ୍ଷ୍ଯନ୍ତି କଦାଚନ॥ 9-54-20 (63257)
ଯକ୍ଷ୍ଯନ୍ତି ଯେ ଚ କ୍ରତୁଭିର୍ମହଦ୍ଭିର୍ମନୁଜେଶ୍ବରାଃ।
ତେଷାଂ ତ୍ରିବିଷ୍ଟପେ ବାସୋ ଯାବଦ୍ଭୂମିର୍ଧରିଷ୍ଯତି॥] 9-54-21 (63258)
ଅପି ଚାତ୍ର ସ୍ବଯଂ ଶକ୍ରୋ ଜଗୌ ଗାଥାଂ ସୁରାଧିପଃ।
କୁରୁକ୍ଷେତ୍ରନିବଦ୍ଧାଂ ବୈ ତାଂ ଶୃଣୁଷ୍ବ ହଲାଯୁଧ॥ 9-54-22 (63259)
ପାଂସବୋଽପି କୁରୁକ୍ଷେତ୍ରାଦ୍ବାଯୁନା ସମୁଦୀରିତାଃ।
ଅପି ଦୁଷ୍କୃତକର୍ମାଣଂ ନଯନ୍ତି ପରମାଂ ଗତିମ୍॥ 9-54-23 (63260)
`କୁରୁକ୍ଷେତ୍ରଂ ଗମିଷ୍ଯାମି କୁରୁକ୍ଷେତ୍ରେ ବସାମ୍ଯହମ୍।
ଇତ୍ଯେବଂ ନିଶ୍ଚିତୋ ଭୂତ୍ବା ତେନ ସ୍ବର୍ଗଂ ଗମିଷ୍ଯତି॥ 9-54-24 (63261)
କୁରୁକ୍ଷେତ୍ରଂ ଗମିଷ୍ଯାମି କୁରୁକ୍ଷେତ୍ରେ ବସାମ୍ଯହମ୍।
ତଥା ସ୍ଥାନଂ ଚ ମୌନଂ ଚ ବୀରାସନମୁପାସ୍ମହେ॥ 9-54-25 (63262)
ଏବଂ ପ୍ରଲପମାନୋଽପି ଚିନ୍ତଯଂଶ୍ଚ ମୁହୁର୍ମୁହୁଃ।
ଦୂରସ୍ଥୋ ଯଦି ବା ତିଷ୍ଠଁଲ୍ଲଭେତ୍ସ୍ବର୍ଗଂ ସୁନିଶ୍ଚିତମ୍'॥ 9-54-26 (63263)
ସୁରର୍ଷଭା ବ୍ରାହ୍ମଣସତ୍ତମାଶ୍ଚ
ତଥା ନୃଗାଦ୍ଯା ନରଦେବମୁଖ୍ଯାଃ।
ଇଷ୍ଟ୍ବା ମହାର୍ହୈଃ କ୍ରତୁଭିର୍ନୃସିଂହ
ସନ୍ତ୍ଯଜ୍ଯ ଦେହାନ୍ସୁଗତିଂ ପ୍ରପନ୍ନାଃ॥ 9-54-27 (63264)
ତଂରନ୍ତୁକାରନ୍ତୁକଯୋର୍ଯଦନ୍ତରଂ
ରାମହଦାନାଂ ଚ ମଚକ୍ରୁକସ୍ଯ ଚ।
ଏତତ୍କୁରୁକ୍ଷେତ୍ରସମନ୍ତପଞ୍ଚକଂ
ପ୍ରଜାପତେରୁତ୍ତରବେଦିରୁଚ୍ଯତେ॥ 9-54-28 (63265)
ଶିବଂ ମହାପୁଣ୍ଯମିଦଂ ଦିବୌକସାଂ
ସୁସମ୍ମତଂ ସ୍ବର୍ଗଗୁଣୈଃ ସମନ୍ବିତମ୍।
ଅତଶ୍ଚ ସର୍ବେ ନିହତା ନୃପା ରଣେ
ଯାସ୍ଯନ୍ତି ପୁଣ୍ଯାଂ ଗତିମକ୍ଷଯାଂ ସଦା॥ 9-54-29 (63266)
[ଇତ୍ଯୁବାଚ ସ୍ବଯଂ ଶକ୍ରଃ ସହ ବ୍ରହ୍ମାଦିଭିସ୍ତଦା।
ତଚ୍ଚାନୁମୋଦିତଂ ସର୍ବଂ ବ୍ରହ୍ମବିଷ୍ଣୁମହେଷ୍ବରୈଃ]॥ ॥ 9-54-30 (63267)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ଚତୁଃପଞ୍ଚାଶତ୍ତମୋଽଧ୍ଯାଯଃ॥ 54 ॥
Mahabharata - Shalya Parva - Chapter Footnotes
9-54-2 ପପ୍ରଥେ ପ୍ରସିଦ୍ଧଂ ବଭୂବ॥ 9-54-3 ପରିଷ୍ଯନ୍ତି ଶତକ୍ରତୋ ଇତି ଝ. ପାଠଃ॥ 9-54-11 ପ୍ରମୀତା ବୈ ଇତି ଝ.ପାଠଃ॥ 9-54-18 ବ୍ରହ୍ମଣଃ କ୍ଷଯଂ ନିବାସମ୍॥ 9-54-28 ଆରୁନ୍ଦୁକାରୁନ୍ଦକଯୋର୍ଯଦନ୍ତରଂ ରାମହ୍ରଦାନା ଚ ସମନ୍ଦୁକସ୍ଯ ଇତି କ.ପାଠଃ। ପରମନ୍ଦୁକସ୍ଯେତି ଙ.ଛ.ପାଠଃ॥ 9-54-54 ଚତୁଃପଞ୍ଚାଶତ୍ତମୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 055
॥ ଶ୍ରୀଃ ॥
9.55. ଅଧ୍ଯାଯଃ 055
Mahabharata - Shalya Parva - Chapter Topics
ମିତ୍ରାବରୁଣାଶ୍ରମେ ନାରଦାଦ୍ଭୀମଦୁର୍ଯୋଧନଯୋର୍ଗଦାଯୁଦ୍ଧୋପକ୍ରମଶ୍ରାବିଣା ବଲରାମେଣ ତଦ୍ଦିଦୃକ୍ଷଯା କୁରୁକ୍ଷେତ୍ରଂ ପ୍ରତ୍ଯାଗମନମ୍॥ 1 ॥Mahabharata - Shalya Parva - Chapter Text
9-55-0 (63268)
ବୈଶମ୍ପାଯନ ଉବାଚ। 9-55-0x (5222)
କୁରୁକ୍ଷେତ୍ରଂ ତତୋ ଦୃଷ୍ଟ୍ବା ଦତ୍ତ୍ବା ଦେଯାଂଶ୍ଚ ସାତ୍ବତଃ।
ଆଶ୍ରମଂ ସୁମହତ୍ପୁଣ୍ଯମଗମଜ୍ଜନମେଜଯ॥ 9-55-1 (63269)
ମଧୂକାମ୍ରବଣୋପେତଂ ପ୍ଲୁକ୍ଷନ୍ଯଗ୍ରୋଧସଙ୍କୁଲମ୍।
ଚିରବିଲ୍ବଯୁତଂ ପୁଣ୍ଯଂ ପନସାର୍ଜୁନସଙ୍କୁଲମ୍॥ 9-55-2 (63270)
ତଂ ଦୃଷ୍ଟ୍ବା ଯାଦବଶ୍ରେଷ୍ଠଃ ପ୍ରବରଂ ପୁଣ୍ଯଲକ୍ଷଣମ୍।
ପପ୍ରଚ୍ଛ ତାନୃଷୀନ୍ସର୍ବାନ୍କସ୍ଯାଶ୍ରମବରସ୍ତ୍ବଯମ୍॥ 9-55-3 (63271)
ତେ ତୁ ସର୍ବେ ମହାତ୍ମାନମୂଚୂ ରାଜନ୍ହଲାଯୁଧମ୍।
ଶୃଣୁ ବିସ୍ତରଶୋ ରାମ ଯସ୍ଯାଯଂ ପୂର୍ବମାଶ୍ରମଃ॥ 9-55-4 (63272)
ଅତ୍ର ବିଷ୍ଣୁଃ ପୁରା ଦେବସ୍ତପ୍ତବାଂସ୍ତପ ଉତ୍ତମମ୍।
ଅତ୍ରାସ୍ଯ ବିଧିବଦ୍ଯଜ୍ଞାଃ ସର୍ବେ ବୃତ୍ତାଃ ସନାତନାଃ॥ 9-55-5 (63273)
ଅତ୍ରୈବ ବ୍ରାହ୍ମଣୀ ବୃଦ୍ବା କୌମାରବ୍ରହ୍ମଚାରିଣୀ।
ଯୋଗଯୁକ୍ତା ଦିବଂ ଯାତା ତପୋଯୁକ୍ତା ବିଶାମ୍ପତେ॥ 9-55-6 (63274)
ବଭୂବ ଶ୍ରୀମତୀ ରାଜଞ୍ଶାଣ୍ଡିଲ୍ଯସ୍ଯ ମହାତ୍ମନଃ।
ସୁତା ଧୃତବ୍ରତା ସାଧ୍ବୀ ନିଯତା ବ୍ରହ୍ମଚାରିଣୀ॥ 9-55-7 (63275)
ସାଽପି ପ୍ରାପ୍ଯ ପରଂ ଯୋଗଂ ଗତା ସ୍ବର୍ଗମନୁତ୍ତମମ୍।
ଭୁକ୍ତ୍ବାଽଶ୍ରମେଽଶ୍ବମେଧସ୍ଯ ଫଲଂ ଫଲବତଃ ଶୁଭମ୍॥ 9-55-8 (63276)
ଗତା ସ୍ବର୍ଗଂ ମହାରାଜ ପୂଜିତା ଚ ମହାତ୍ମଭିଃ।
ଅଭିଗମ୍ଯାଶ୍ରମଂ ପୁଣ୍ଯଂ ସ ଦୃଷ୍ଟ୍ବା ଯଦୁନନ୍ଦନଃ॥ 9-55-9 (63277)
ଋଷୀଂସ୍ତାନଭିବାଦ୍ଯାଥ ପାର୍ଶ୍ବେ ହିମବତୋଽଚ୍ଯୁତଃ।
ସନ୍ଧ୍ଯାକାର୍ଯାଣି ସର୍ବାଣି ନିର୍ବର୍ତ୍ଯାରୁରୁହେଽଚଲମ୍॥ 9-55-10 (63278)
ନାତିଦୂରଂ ତତୋ ଗତ୍ବା ନଗଂ ତାଲଧ୍ବଜୋ ବଲୀ।
ପୁଣ୍ଯେ ତୀର୍ଥବରେ ସ୍ନାତ୍ବା ବିସ୍ମଯଂ ପରମଂ ଗତଃ॥ 9-55-11 (63279)
ପ୍ରଭବଂ ଚ ସରସ୍ବତ୍ଯାଃ ପ୍ଲକ୍ଷପ୍ରସ୍ରବଣଂ ବଲଃ।
ସମ୍ପ୍ରାପ୍ତଃ କାରପଚନଂ ତୀର୍ଥପ୍ରବରମୁତ୍ତମମ୍॥ 9-55-12 (63280)
ହଲାଯୁଧସ୍ତୁ ତତ୍ରାପି ଦତ୍ତ୍ବା ଦାନଂ ମହାବଲଃ।
ଆପ୍ଲୁତଃ ସଲିଲେ ପୁଣ୍ଯେ ସୁଶୀତେ ବିମଲେ ଶୁଚୌ।
ସନ୍ତର୍ପଯାମାସ ପିତୄନ୍ଦେବାଂଶ୍ଚ ରଣଦୁର୍ମଦଃ॥ 9-55-13 (63281)
ତତ୍ରୋଷ୍ଯୈକାଂ ତୁ ରଜନୀଂ ଯତିଭିର୍ବ୍ରାହ୍ମଣୈଃ ସହ।
ମିତ୍ରାବରୁଣଯୋଃ ପୁଣ୍ଯଂ ଜଗାମାଶ୍ରମମଚ୍ଯୁତଃ॥ 9-55-14 (63282)
ଇନ୍ଦ୍ରୋଽଗ୍ନିରର୍ଯମା ଚୈବ ଯତ୍ର ପ୍ରାକ୍ ପ୍ରୀତିମାପ୍ନୁବମ୍।
ତଂ ଦେଶଂ କାରପଚନାତ୍ସ ତସ୍ମାଦାଜଗାମହ॥ 9-55-15 (63283)
ସ୍ନାତ୍ବା ତତ୍ର ଚ ଧର୍ମାତ୍ମା ପରାଂ ପ୍ରୀତିମବାପ୍ଯ ଚ।
ଋଷିଭିଶ୍ଚୈବ ସିଦ୍ଧୈଶ୍ଚ ସହିତୋ ବୈ ମହାବଲଃ।
ଉପବିଷ୍ଟଃ କଥାଃ ଶୁଭ୍ରାଃ ଶୁଶ୍ରାବ ଯଦୁପୁଙ୍ଗବଃ॥ 9-55-16 (63284)
ତଥା ତୁ ତିଷ୍ଠତାଂ ତେଷାଂ ନାରଦୋ ଭଗବାନୃଷିଃ।
ଆଜଗାମାଥ ତଂ ଦେଶଂ ଯତ୍ର ରାମୋ ବ୍ଯବସ୍ଥିତଃ॥ 9-55-17 (63285)
ଜଟାମଣ୍ଡଲସଂବୀତଃ କୁଶଚୀରୀ ମହାତପାଃ।
ହେମଦଣ୍ଡଧରୋ ରାଜନ୍କମଣ୍ଡଲୁଧରସ୍ତଥା॥ 9-55-18 (63286)
ମହତୀଂ ସୁଖଶବ୍ଦାଂ ତାଂ ଗୃହ୍ଯ ବୀଣାଂ ମନୋରମାମ୍।
ନୃତ୍ଯେ ଗୀତେ ଚ କୁଶଲୋ ଦେବବ୍ରାହ୍ମଣପୂଜିତଃ॥ 9-55-19 (63287)
ପ୍ରଭବଃ କଲହାନଂ ଚ ନିତ୍ଯଂ ଚ କଲହପ୍ରିଯଃ।
ତଂ ଦେଶମଗମଦ୍ଯତ୍ର ଶ୍ରୀମାନ୍ରାମୋ ବ୍ଯବସ୍ଥିତଃ॥ 9-55-20 (63288)
ପ୍ରତ୍ଯୁତ୍ଥାଯ ଚ ତଂ ରାମଃ ପୂଜଯିତ୍ବା ଯତବ୍ରତମ୍।
ଦେବର୍ଷିଂ ପର୍ଯପୃଚ୍ଛତ୍ସ ଯଥାବୃତ୍ତଂ କୁରୂନ୍ପ୍ରତି॥ 9-55-21 (63289)
ତଦାଽସ୍ଯାକଥଯଦ୍ରାଜନ୍ନାରଦଃ ସର୍ବବେଦବିତ୍।
ସର୍ବମେତଦ୍ଯଥାବୃତ୍ତମତୀତଂ କୁରୁସଂକ୍ଷଯମ୍॥ 9-55-22 (63290)
ତତୋଽବ୍ରବୀଦ୍ରୌହିଣେଯୋ ନାରଦଂ ଦୀନଯା ଗିରା।
କିମବସ୍ଥଂ ତୁ ତତ୍କ୍ଷତ୍ରଂ ଯେ ତୁ ତତ୍ରାଭବନ୍ନୃପାଃ॥ 9-55-23 (63291)
ଶ୍ରୁତମେତନ୍ମଯା ପୂର୍ବଂ ସର୍ବମେବ ତପୋଧନ।
ବିସ୍ତରଶ୍ରବଣେ ଜାତଂ କୌତୂହଲମତୀବ ମେ॥ 9-55-24 (63292)
ନାରଦ ଉବାଚ। 9-55-25x (5223)
ପୂର୍ବମେବ ହତୋ ଭୀଷ୍ମୋ ଦ୍ରୋଣଃ ସିନ୍ଧୁପତିସ୍ତଥା।
ହତୋ ବୈକର୍ତନଃ କର୍ଣଃ ପୁତ୍ରାଶ୍ଚାସ୍ଯ ମହାରଥାଃ॥ 9-55-25 (63293)
ଭୂରିଶ୍ରବା ରୌହିଣେଯ ମଦ୍ରରାଜଶ୍ଚ ବୀର୍ଯବାନ୍।
ଏତେ ଚାନ୍ଯେ ଚ ବହବୋ ହତାସ୍ତତ୍ର ମହାବଲାଃ॥ 9-55-26 (63294)
ପ୍ରିଯାନ୍ପ୍ରାଣାନ୍ପରିତ୍ଯଜ୍ଯ ପ୍ରିଯାର୍ଥଂ କୌରବସ୍ଯ ବୈ।
ରାଜାନୋ ରାଜପୁତ୍ରାଶ୍ଚ ସମରେଷ୍ବନିବର୍ତିନଃ॥ 9-55-27 (63295)
ଅହତାଂସ୍ତୁ ମହାବାହୋ ଶୃଣୁ ମେ ତତ୍ର ମାଧବ॥ 9-55-28 (63296)
ଧାର୍ତରାଷ୍ଟ୍ରବଲେ ଶେଷାସ୍ତ୍ରଯଃ ସମିତିମର୍ଦନାଃ।
କୃପଶ୍ଚ କୃତବର୍ମା ଚ ଦ୍ରୋଣପୁତ୍ରଶ୍ଚ ବୀର୍ଯବାନ୍।
ତେଽପି ବୈ ବିଦ୍ରୁତା ରାମ ଦିଶୋ ଦଶ ଭଯାତ୍ତଦା॥ 9-55-29 (63297)
ଦୁର୍ଯୋଧନୋ ହତେ ସୈନ୍ଯେ ବିଦ୍ରୁତେଷୁ ପଦାତିଷୁ।
ହଦଂ ଦ୍ବୈପାଯନଂ ନାମ ବିବେଶ ଭୃଶଦୁଃଖିତଃ॥ 9-55-30 (63298)
ଶଯାନଂ ଧାର୍ତରାଷ୍ଟ୍ରଂ ତୁ ସଲିଲେ ସ୍ତମ୍ଭିତେ ତଦା।
ପାଣ୍ଡବାଃ ସହ କୃଷ୍ଣେନ ବାଗ୍ଭିରୁଗ୍ରାଭିରାର୍ଦଯନ୍॥ 9-55-31 (63299)
ସ ତୁଦ୍ଯମାନୋ ବଲବାନ୍ବାଗ୍ଭୀ ରାମ ସମନ୍ତତଃ।
ଉତ୍ଥିତଃ ସ ହଦାଦ୍ବୀରଃ ପ୍ରଗୃହ୍ଯ ମହତୀଂ ଗଦାମ୍॥ 9-55-32 (63300)
ସ ଚାପ୍ଯୁପାଗତୋ ଯୋଦ୍ଧୁଂ ଭୀମେନ ସହ ସାମ୍ପ୍ରତମ୍।
ଭବିଷ୍ଯତି ତଯୋରଦ୍ଯ ଯୁଦ୍ଧଂ ରାମ ସୁଦାରୁଣମ୍॥ 9-55-33 (63301)
ଯଦି କୌତୂହଲଂ ତେଽସ୍ତି ବ୍ରଜ ମାଧବ ମା ଚିରମ୍।
ପଶ୍ଯ ଯୁଦ୍ଧଂ ମହାଘୋରଂ ଶିଷ୍ଯଯୋର୍ଯଦି ମନ୍ଯସେ॥ 9-55-34 (63302)
ବୈଶମ୍ପାଯନ ଉବାଚ। 9-55-35x (5224)
ନାରଦସ୍ଯ ବଚଃ ଶ୍ରୁତ୍ବା ତାନଭ୍ଯର୍ଚ୍ଯ ଦ୍ବିଜର୍ଷଭାନ୍।
ସର୍ବାନ୍ବିସର୍ଜଯାମାସ ଯେ ତେନାଭ୍ଯାଗତାଃ ସହ।
ଗମ୍ଯତାଂ ଦ୍ବାରକାଂ ଚେତି ସୋଽନ୍ବଶାଦନୁଯାଯିନଃ॥ 9-55-35 (63303)
ସୋଽବତୀର୍ଯାଚଲଶ୍ରେଷ୍ଠାତ୍ପ୍ଲକ୍ଷପ୍ରସ୍ରବଣାଚ୍ଛୁଭାତ୍।
ତତଃ ପ୍ରୀତମନାଃ ରାମଃ ଶ୍ରୁତା ତୀର୍ଥଫଲଂ ମହତ୍।
ବିପ୍ରାଣାଂ ସନ୍ନିଧୌ ଶ୍ଲୋକମଗାଯଦିମମଚ୍ଯୁତଃ॥ 9-55-36 (63304)
ସରସ୍ବତୀବାସସମା କୁତୋ ରତିଃ
ସରସ୍ବତୀବାସସମାଃ କୁତୋ ଗୁଣାଃ।
ସରସ୍ବତୀଂ ପ୍ରାପ୍ଯ ଦିବଂ ଗତା ଜନାଃ
ସଦା ସ୍ମରିଷ୍ଯନ୍ତି ନଦୀଂ ସରସ୍ବତୀମ୍॥ 9-55-37 (63305)
ସରସ୍ବତୀ ସର୍ବନଦୀଷୁ ପୁଣ୍ଯା
ସରସ୍ବତୀ ଲୋକଶୁଭାବହା ସଦା।
ସରସ୍ବତୀଂ ପ୍ରାପ୍ଯ ଜନାଃ ସୁଦୁଷ୍କୃତଂ
ସଦା ନ ଶୋଚନ୍ତି ପରତ୍ର ଚେହ ଚ॥ 9-55-38 (63306)
ତତୋ ମୁହୁର୍ମୁହୁଃ ପ୍ରୀତ୍ଯା ପ୍ରେକ୍ଷମାଣଃ ସରସ୍ବତୀମ୍।
ହଯୈର୍ଯୁକ୍ତଂ ରଥଂ ଶୁଭ୍ରମାରୁରୋହ ପରନ୍ତପଃ॥ 9-55-39 (63307)
ସ ଶୀଘ୍ରଗାମିନା ତେନ ରଥେନ ଯଦୁପୁଙ୍ଗବଃ।
ଦିଦୃକ୍ଷୁରଭିସମ୍ପ୍ରାପ୍ତଃ ଶିଷ୍ଯଯୁଦ୍ବମୁପସ୍ଥିତମ୍॥ 9-55-40 (63308)
ଏବଂ ତଦଭବଦ୍ଯୁଦ୍ବଂ ତୁମୁଲଂ ଜନମେଜଯଂ।
ଯତ୍ର ଦୁଃଖାନ୍ବିତୋ ରାଜା ଧୃତରାଷ୍ଟ୍ରୋଽବ୍ରବୀଦିଦମ୍॥ 9-55-41 (63309)
ଧୃତରାଷ୍ଟ୍ର ଉବାଚ। 9-55-42x (5225)
ରାମ ସନ୍ନିହିତଂ ଶ୍ରୁତ୍ବା ଗଦାଯୁଦ୍ଧ ଉପସ୍ଥିତେ।
ମମ ପୁତ୍ରଃ କଥଂ ଭୀମଂ ପ୍ରତ୍ଯଯୁଧ୍ଯତ ସଞ୍ଜଯ॥ ॥ 9-55-42 (63310)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ହ୍ରଦପ୍ରବେଶପର୍ବଣି ପଞ୍ଚପଞ୍ଚାଶତ୍ତମୋଽଧ୍ଯାଯଃ॥ 55 ॥ ସମାପ୍ତଂ ହଦପ୍ରବେଶପର୍ବ ॥ 2 ॥
Mahabharata - Shalya Parva - Chapter Footnotes
9-55-10 ସ୍କନ୍ଧାବାରାଣି ସର୍ବାଣୀତି କ.ଙ.ଛ.ପାଠଃ॥ 9-55-12 ପ୍ଲକ୍ଷପ୍ରସ୍ରବଣଂ ବିଲମିତି କ.ପାଠଃ॥ 9-55-19 କଚ୍ଛପୀଂ ସୁଖଶବ୍ଦାଂ ତାମିତି କ.ଛ.ଝ.ପାଠଃ॥ 9-55-30 ଦୁର୍ଯୋଧନୋ ହତେ ଶଲ୍ଯେ ବିଦ୍ରୁତେଷୁ କୃପାଦିଷୁ ଇତି ଝ.ପାଠଃ॥ 9-55-38 ସରସ୍ବତୀଂ ହୀନବିଦେଶବାସିନଃ ସଦା ରମରିଷ୍ଯନ୍ତି ଇତି ଙ.ପାଠଃ। ସରସ୍ବତୀହୀନବିଦେଶବାସିନଃ ଇତି କ.ପାଠଃ॥ 9-55-55 ପଞ୍ଚପଞ୍ଚାଶତ୍ତମୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 056
॥ ଶ୍ରୀଃ ॥
9.56. ଅଧ୍ଯାଯଃ 056
Mahabharata - Shalya Parva - Chapter Topics
(ଅଥ ଗଦାଯୁଦ୍ଧପର୍ବ ॥ 3 ॥) ଗଦାଯୁଦ୍ଧାଯ ସନ୍ନଦ୍ଧଯୋର୍ଭୀମଦୁର୍ଯୋଧନଯୋର୍ବର୍ଣନମ୍॥ 1 ॥
Mahabharata - Shalya Parva - Chapter Text
9-56-0 (63311)
ସଞ୍ଜଯ ଉବାଚ। 9-56-0x (5226)
ରାମସାନ୍ନିଧ୍ଯମାଗମ୍ଯ ପୁତ୍ରୋ ଦୁର୍ଯୋଧନସ୍ତବ।
ଯୋଦ୍ଧୁକାମୋ ମହାବାହୁଃ ସମହୃଷ୍ଯତ ବୀର୍ଯବାନ୍॥ 9-56-1 (63312)
ଦୃଷ୍ଟ୍ବା ଲାଙ୍ଗଲିନଂ ରାଜା ପ୍ରତ୍ଯୁତ୍ଥାଯ ଚ ଭାରତ।
ପ୍ରୀତ୍ଯା* ପରମଯା ଯୁକ୍ତୋ ଯୁଧିଷ୍ଠିରମଥାବ୍ରବୀତ୍॥ 9-56-2 (63313)
ଦୁର୍ଯୋଧନ ଉବାଚ। 9-56-3x (5227)
ସମନ୍ତପଞ୍ଚକଂ ପୁଣ୍ଯମିତୋ ଯାମ ବିଶାମ୍ପତେ।
ପ୍ରଥିତୋତ୍ତରବେଦୀ ସା ଦେବଲୋକେ ପ୍ରଜାପତେଃ॥ 9-56-3 (63314)
ତସ୍ମିନ୍ମହାପୁଣ୍ଯତମେ ତ୍ରୈଲୋକ୍ଯସ୍ଯ ସନାତନେ।
ସଙ୍ଗ୍ରାମେ ନିଧନଂ ପ୍ରାପ୍ଯ ଧ୍ରୁବଂ ସ୍ବର୍ଗଂ ଗମିଷ୍ଯସି॥ 9-56-4 (63315)
ତଥେତ୍ଯୁକ୍ତ୍ବା ମହାରାଜ କୁନ୍ତୀପୁତ୍ରୋ ଯୁଧିଷ୍ଠିରଃ।
ସମନ୍ତପଞ୍ଚକଂ ବୀରଃ ପ୍ରାଯାଦଭିମୁଖଃ ପ୍ରଭୁଃ॥ 9-56-5 (63316)
ତତୋ ଦୁର୍ଯୋଧନୋ ରାଜା ପ୍ରଗୃହ୍ଯ ମହତୀଂ ଗଦାମ୍।
ପଦ୍ଧ୍ଯାମମର୍ଷୀ ଦ୍ଯୁତିମାନଗଚ୍ଛତ୍ପାଣ୍ଡବୈଃ ସହ॥ 9-56-6 (63317)
ତଥା ଯାନ୍ତଂ ଗଦାହସ୍ତଂ ବର୍ମଣା ଚାପି ଦଂଶିତମ୍।
ଅନ୍ତରିକ୍ଷଚରା ଦେବାଃ ସାଧୁସାଧ୍ବିତ୍ଯପୂଜଯନ୍॥ 9-56-7 (63318)
ବାଦକାଶ୍ଚ ନରାସ୍ତତ୍ର ଦୃଷ୍ଟ୍ବା ତେ ହର୍ଷମାଗତାଃ॥ 9-56-8 (63319)
ସ ପାଣ୍ଡବୈଃ ପରିବୃତଃ କୁରୁରାଜସ୍ତବାତ୍ମଜଃ।
ମତ୍ତସ୍ଯେବ ଗଜେନ୍ଦ୍ରସ୍ଯ ଗତିମାସ୍ଥାଯ ସୋଽବ୍ରଜତ୍॥ 9-56-9 (63320)
ତତଃ ଶଙ୍ଖନିନାଦୈଶ୍ଚ ଭେରୀଣାଂ ଚ ମହାସ୍ବନୈଃ।
ସିଂହନାଦୈଶ୍ଚ ଶୂରାଣାଂ ଦିଶଃ ସର୍ବାଃ ପ୍ରପୂରିତାଃ॥ 9-56-10 (63321)
ତତସ୍ତେ ତୁ କୁରୁକ୍ଷେତ୍ରଂ ପ୍ରାପ୍ତା ନରବରୋତ୍ତମାଃ।
ପ୍ରତୀଚ୍ଯଭିମୁଖଂ ଦେଶଂ ଯଥୋଦ୍ଦିଷ୍ଟଂ ସୁତେନ ତେ।
ଦକ୍ଷିଣେନ ସରସ୍ବତ୍ଯାଃ ସ୍ବଯନଂ ତୀର୍ଥମୁତ୍ତମମ୍॥ 9-56-11 (63322)
ତସ୍ମିନ୍ଦେଶେ ତ୍ବନିରିଣେ ତେ ତୁ ଯୁଦ୍ଧମରୋଚଯନ୍॥ 9-56-12 (63323)
ତତୋ ଭୀମୋ ମହାକୋଟିଂ ଗଦାଂ ଗୃହ୍ଯାଥ ବର୍ମଭୃତ୍।
ବିଭ୍ରଦ୍ରୂପଂ ମହାରାଜ ସଦୃଶଂ ହି ଗରୁତ୍ମତଃ॥ 9-56-13 (63324)
ଅବବଦ୍ଧଶିରସ୍ତ୍ରାଣଃ ଶୁଦ୍ଧକାଞ୍ଚନବର୍ମଭୃତ୍।
ରରାଜ ରାଜନ୍ପୁତ୍ରସ୍ତେ କାଞ୍ଚନଃ ଶୈଲରାଡିବ॥ 9-56-14 (63325)
ତୌ ତଥା ସଙ୍ଗତୌ ବୀରୌ ଭୀମଦୁର୍ଯୋଧନାବୁଭୌ।
ସଂଯୁଗେ ସମ୍ପ୍ରକାଶେତେ ସଂରବ୍ଧାବିବ କୁଞ୍ଜରୌ॥ 9-56-15 (63326)
ରଥମଣ୍ଡଲମଧ୍ଯସ୍ଥୌ ଭ୍ରାତରୌ ତୌ ନରର୍ଷଭୌ।
ଅଶୋଭେତାଂ ମହାରାଜ ଚନ୍ଦ୍ରସୂର୍ଯାବିବୋଦିତୌ॥ 9-56-16 (63327)
ତାବନ୍ଯୋନ୍ଯଂ ନିରୀକ୍ଷେତାଂ କ୍ରୁଦ୍ଧାବିବ ମହୋରଗୌ।
ଦହନ୍ତୌ ଲୋଚନୈ ରାଜନ୍ପରସ୍ପରବଧୈଷିଣୌ॥ 9-56-17 (63328)
ସଂପ୍ରହୃଷ୍ଟମନା ରାଜନ୍ଗଦାମାଦାଯ କୌରବଃ।
ସୃକ୍ବିଣୀ ସଂଲିହନ୍ରାଜନ୍କ୍ରୋଧରକ୍ତେକ୍ଷଣଃ ଶ୍ବସନ୍॥ 9-56-18 (63329)
ତତୋ ଦୁର୍ଯୋଧନୋ ରାଜନ୍ଗଦାମାଦାଯ ବୀର୍ଯବାନ୍।
ଭୀମସେନମଭିପ୍ରେକ୍ଷ୍ଯ ଗଜୋ ଗଜମିବାହ୍ବଯତ୍॥ 9-56-19 (63330)
ଅଦ୍ରିସାରମଯୀଂ ଭୀମସ୍ତଥୈବାଦାଯ ବୀର୍ଯବାନ୍।
ଆହ୍ବଯାମାସ ନୃପତିଂ ସିଂହଃ ସିଂହଂ ଯଥା ବନେ॥ 9-56-20 (63331)
ତାବୁଦ୍ଯତଗଦାପାଣୀ ଦୁର୍ଯୋଧନବୃକୋଦରୌ।
ସଂଯୁଗେ ସମ୍ପ୍ରକାଶେତାଂ ଗିରୀ ସଶିଖରାବିବ॥ 9-56-21 (63332)
ତାବୁଭୌ ସମତିକ୍ରୁଦ୍ଧାବୁଭୌ ଭୀମପରାକ୍ରମୌ।
ଉଭୌ ଶିଷ୍ଯୌ ଗଦାଯୁଦ୍ଧେ ରୌହିଣେଯସ୍ଯ ଧୀମତଃ॥ 9-56-22 (63333)
ଉଭୌ ସଦୃଶକର୍ମାଣୌ ବରୁଣସ୍ଯ ମହାବଲୌ।
ବାସୁଦେବସ୍ଯ ରାମସ୍ଯ ତଥା ବୈଶ୍ରବଣସ୍ଯ ଚ॥ 9-56-23 (63334)
ସଦୃଶୌ ତୌ ମହାରାଜ ମଧୁକୈଟଭଯୋରପି।
ଉଭୌ ସଦୃଶକର୍ମାଣୌ ତଥା ସୁନ୍ଦୋପସୁନ୍ଦଯୋଃ॥ 9-56-24 (63335)
[ରାମରାବଣଯୋଶ୍ଚୈବ ବାଲିସୁଗ୍ରୀବଯୋସ୍ତଥା]।
ତଥୈବ କାଲସ୍ଯ ସମୌ ମୃତ୍ଯୋଶ୍ଚୈବ ପରନ୍ତପୌ॥ 9-56-25 (63336)
ଅନ୍ଯୋନ୍ଯମଭିଧାବନ୍ତୌ ମତ୍ତାବିବ ମହାଦ୍ବିପୌ।
ବାସିତାସଙ୍ଗମେ ଦୃପ୍ତୌ ଶରଦୀବ ମଦୋତ୍କଟୌ॥ 9-56-26 (63337)
ଉଭୌ କ୍ରୋଧବିଷଂ ଦୀପ୍ତଂ ବମନ୍ତାବୁରଗାବିବ।
ଅନ୍ଯୋନ୍ଯମଭିସଂରବ୍ଧୌ ପ୍ରେକ୍ଷମାଣାବରିନ୍ଦମୌ॥ 9-56-27 (63338)
ଉଭୌ ଭରତଶାର୍ଦୂଲୌ ବିକ୍ରମେଣ ସମନ୍ବିତୌ।
ସିଂହାବିବ ଦୁରାଧର୍ଷୌ ଗଦାଯୁଦ୍ଧବିଶାରଦୌ॥ 9-56-28 (63339)
ନଖଦଂଷ୍ଟ୍ରାଯୁଧୌ ବୀରୌ ବ୍ଯାଘ୍ରାବିବ ଦୁରୁତ୍ସହୌ।
ପ୍ରଜାସଂହରଣେ କ୍ଷୁବ୍ଧୌ ସମୁଦ୍ରାବିବ ଦୁସ୍ତରୌ॥ 9-56-29 (63340)
ଲୋହିତାଙ୍ଗାବିବ କ୍ରୁଦ୍ଧୌ ପ୍ରତପନ୍ତୌ ମହାରଥୌ।
[ପୂର୍ବପଶ୍ଚିମଜୌ ମେଘୌ ପ୍ରେକ୍ଷମାଣାବରିନ୍ଦମୌ॥ 9-56-30 (63341)
ଗର୍ଜମାନୌ ସୁବିଷମଂ କ୍ଷରନ୍ତୌ ପ୍ରାବୃଷୀବ ହି।
ରଶ୍ମିଯୁକ୍ତୌ ମହାତ୍ମାନୌ ଦୀପ୍ତିମନ୍ତୌ ମହାବଲୌ॥ 9-56-31 (63342)
ଦଦୃଶାତେ କୁରୁଶ୍ରେଷ୍ଠୌ କାଲସୂର୍ଯାବିବୋଦିତୌ।
ବ୍ଯାଘ୍ରାବିବ ସୁସଂରବ୍ଧୌ ଗର୍ଜନ୍ତାବିବତୋଯଦୌ॥ 9-56-32 (63343)
ଜହୃଷାତେ ମହାବାହୁ ସିଂହକେସରିଣାବିବ।
ଗଜାବିବ ସୁସଂରବ୍ଧୌ ଜ୍ବଲିତାବିବ ପାବକୌ॥ 9-56-33 (63344)
ଦଦୃଶାତେ ମହାତ୍ମାନୌ ସଶୃଙ୍ଗାବିବ ପର୍ବତୌ।
ରୋଷାତ୍ପ୍ରସ୍ଫୁରମାଣୋଷ୍ଠୌ ନିରୀକ୍ଷନ୍ତୌ ପରସ୍ପରମ୍॥ 9-56-34 (63345)
ତୌ ସମେତୌ ମହାତ୍ମାନୌ ଗଦାହସ୍ତୌ ନରୋତ୍ତମୌ।]
ଉଭୌ ପରମସଂହୃଷ୍ଟାବୁଭୌ ପରମସମ୍ମତୌ॥ 9-56-35 (63346)
ସଦଶ୍ବାବିବ ହେଷନ୍ତୌ ବୃଂହନ୍ତାବିବ କୁଞ୍ଜରୌ।
ବୃଷଭାବିବ ଗର୍ଜନ୍ତୌ ଦୁର୍ଯୋଧନବୃକୋଦରୌ।
ଦୈତ୍ଯାବିବ ବଲୋନ୍ମତ୍ତୌ ରେଜତୁସ୍ତୌ ନରୋତ୍ତମୌ॥ 9-56-36 (63347)
ତତୋ ଦୁର୍ଯୋଧନୋ ରାଜନ୍ନିଦମାହ ଯୁଧିଷ୍ଠିରମ୍।
ସୃଞ୍ଜଯୈଃ ସହ ତିଷ୍ଠନ୍ତଂ ତପନ୍ତମିବ ଭାସ୍କରମ୍॥ 9-56-37 (63348)
ଇଦଂ ବ୍ଯବସିତଂ ଯୁଦ୍ଧଂ ମମ ଭୀମସ୍ଯ ଚୋଭଯୋଃ।
ଉପୋପବିଷ୍ଟାଃ ପଶ୍ଯଧ୍ବଂ ବିମର୍ଦଂ ନୃପସତ୍ତମାଃ॥ 9-56-38 (63349)
ତତଃ ସମୁପବିଷ୍ଟଂ ତତ୍ସୁମହଦ୍ରାଜମଣ୍ଡଲମ୍।
ବିରାଜମାନଂ ଦଦୃଶେ ଦିବୀବାଦିତ୍ଯମଣ୍ଡଲମ୍॥ 9-56-39 (63350)
ତେଷାଂ ମଧ୍ଯେ ମହାବାହୁଃ ଶ୍ରୀମାନ୍କେଶବପୂର୍ବଜଃ।
ଉପବିଷ୍ଟୋ ମହାରାଜ ପୂଜ୍ଯମାନଃ ସମନ୍ତତଃ॥ 9-56-40 (63351)
ଶୁଶୁଭେ ରାଜମଧ୍ଯସ୍ଥୋ ନୀଲବାସାଃ ସିତପ୍ରଭଃ।
ନକ୍ଷତ୍ରୈରିବ ସମ୍ପୂର୍ଣୋ ବୃତୋ ନିଶି ନିଶାକରଃ॥ 9-56-41 (63352)
ତୌ ତଥା ତୁ ମହାରାଜ ଗଦାହସ୍ତୌ ସୁଦୁଃସହୌ।
ଅନ୍ଯୋନ୍ଯଂ ବାଗ୍ଭିରୁଗ୍ରାଭିସ୍ତକ୍ଷମାଣୌ ବ୍ଯବସ୍ଥିତୌ॥ 9-56-42 (63353)
ଅପ୍ରିଯାଣି ତତୋଽନ୍ଯୋନ୍ଯମୁକ୍ତ୍ବା ତୌ କୁରୁସତ୍ତମୌ।
ଉଦୀକ୍ଷନ୍ତୌ ସ୍ଥିତୌ ତତ୍ର ବୃତ୍ରଶକ୍ରୌ ଯଥାଽଽହବେ॥ ॥ 9-56-43 (63354)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଗଯାଦୁଦ୍ଧପର୍ବଣି ଷଟ୍ପଞ୍ଚାଶତ୍ତମୋଽଧ୍ଯାଯଃ॥ 56 ॥ *ଏତଚ୍ଛ୍ଲୋକସ୍ଯ ସ୍ଥାନେ ଝ.ପୁସ୍ତକେ ଅଧୋଲିଖିତାଃ ପଞ୍ଚ ଶ୍ଲୋକା ବର୍ତନ୍ତେ। ତେ ଚ।
ପ୍ରୀତ୍ଯା ପରମଯା ଯୁକ୍ତାଃ ସମଭ୍ଯର୍ଚ୍ଯ ଯଥାବିଧି।
ଆସନଂ ଚ ଦଦୌ ତସ୍ମୈ ପର୍ଯପୃଚ୍ଛଦନାମଯମ୍॥ 9-56-1 (63355)
ତତୋ ଯୁଧିଷ୍ଠିରଂ ରାମୋ ବାକ୍ଯମେତଦୁବାଚ ହ।
ମଧୁରଂ ଧର୍ମସଂଯୁକ୍ତଂ ଶୂରାଣାଂ ହିତମେବ ଚ॥ 9-56-2 (63356)
ମଯା ଶ୍ରୁତଂ କଥଯତାମୃଷୀଣାଂ ରାଜସତ୍ତମ।
କୁରୁକ୍ଷେତ୍ରଂ ପରଂ ପୁଣ୍ଯଂ ପାବନଂ ସ୍ବର୍ଗ୍ଯମେବ ଚ॥ 9-56-3 (63357)
ଦେବତୈର୍ଋଷିଭିର୍ଜୁଷ୍ଟଂ ବ୍ରାହ୍ମଣୈଶ୍ଚ ମହାତ୍ମଭିଃ।
ତତ୍ର ବୈ ଯୋତ୍ସ୍ଯମାନା ଯେ ଦେହଂ ତ୍ଯକ୍ଷ୍ଯନ୍ତି ମାନବାଃ॥ 9-56-4 (63358)
9-56-5 (63359)
ତେଷାଂ ସ୍ବର୍ଗେ ଧ୍ରୁବୋ ବାସଃ ଶକ୍ରେଣ ସହ ମାରିଷ।
ତସ୍ମାତ୍ସମନ୍ତପଞ୍ଚକମିତୋ ଯାମ ଦ୍ରୁତଂ ନୃପ॥
Mahabharata - Shalya Parva - Chapter Footnotes
9-56-8 ବାତିକାଶ୍ଚାରଣା ଯେ ତୁ ଇତି ଝ.ପାଠଃ। ତତ୍ର ବାତିକାଃ ବାତେନ ସହ ଗଚ୍ଛନ୍ତି ତେ ଆକାଶଚାରିଣଃ। ଚାରଣାଃ ସିଦ୍ଧବିଶେଷା ଇତ୍ଯର୍ଥଃ॥। 9-56-11 ସ୍ବଯନଂ ସୁଗତିଦମ୍॥ 9-56-12 ଅନିରିଣେ ଅନୂଷରେ॥ 9-56-26 ବାସିତାସଙ୍ଗମେ ଏକକରିଣୀସଙ୍ଗମାର୍ଥେ ଦୃପ୍ତୌ ମୋହିତୌ॥ 9-56-30 ଲୋହିତାଙ୍ଗୌ ଦ୍ବୌ କୁଜାବିବେତ୍ଯଭୂତୋପମା॥ 9-56-33 ଜହଷାତେ ହର୍ଷଂ ପ୍ରାପତୁଃ॥ 9-56-56 ଷଟ୍ପଞ୍ଚାଶତ୍ତମୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 057
॥ ଶ୍ରୀଃ ॥
9.57. ଅଧ୍ଯାଯଃ 057
Mahabharata - Shalya Parva - Chapter Topics
ଭୀମଦୁର୍ଯୋଧନଯୋର୍ବୀରବାଦଃ॥ 1 ॥Mahabharata - Shalya Parva - Chapter Text
9-57-0 (63360)
ବୈଶମ୍ପାଯନ ଉବାଚ। 9-57-0x (5228)
ତତୋ ବାଗ୍ଯୁଦ୍ଧମଭବତ୍ତୁମୁଲଂ ଜନମେଜଯ।
ଯତ୍ର ଦୁଃଖାନ୍ବିତୋ ରାଜା ଧୃତରାଷ୍ଟ୍ରୋଽବ୍ରବୀଦିଦମ୍॥ 9-57-1 (63361)
ଧିଗସ୍ତୁ ଖଲୁ ମାନୁଷ୍ଯଂ ଯସ୍ଯ ନିଷ୍ଠେଯମୀଦୃଶୀ।
ଏକାଦଶଚମୂଭର୍ତା ଯତ୍ର ପୁତ୍ରୋ ମମାନଘ॥ 9-57-2 (63362)
ଆଜ୍ଞାପ୍ଯ ସର୍ବାନ୍ନୃପତୀନ୍ଭୁକ୍ତ୍ବା ଚେମାଂ ବସୁନ୍ଧରାମ୍।
ଗଦାମାଦାଯ ଚୈକାକୀ ପଦାତିଃ ପ୍ରସ୍ଥିତୋ ରଣମ୍॥ 9-57-3 (63363)
ଭୂତ୍ବା ହି ଜଗତୋ ନାଥୋ ହ୍ଯନାଥ ଇବ ମେ ସୁତଃ।
ଗଦାମୁଦ୍ଯମ୍ଯ ଯୋ ଯାତି କିମନ୍ଯଦ୍ଭାଗଧେଯତଃ॥ 9-57-4 (63364)
ଅହୋ ଦୁଃଖଂ ମହତ୍ପ୍ରାପ୍ତଂ ପୁତ୍ରେଣ ମମ ସ଼ଞ୍ଜଯ।
ଏବମୁକ୍ତ୍ବା ସ ଦୁଃଖାର୍ତୋ ବିରରାମ ଜନାଧିପଃ॥ 9-57-5 (63365)
ସଞ୍ଜଯ ଉବାଚ। 9-57-6x (5229)
ସ ମେଘନିନଦୋ ହର୍ଷାନ୍ନିନଦନ୍ନିବ ଗୋବୃଷଃ।
ଆଜୁହାବ ତଦା ପାର୍ଥଂ ଯୁଦ୍ଧାଯ ଯୁଧି ବୀର୍ଯବାନ୍॥ 9-57-6 (63366)
ଭୀମମାହ୍ବଯମାନେ ତୁ କୁରୁରାଜେ ମହାତ୍ମନି।
ପ୍ରାଦୁରାସନ୍ସୁଘୋରାଣି ରୂପାଣି ବିବିଧାନ୍ଯୁତ॥ 9-57-7 (63367)
ବବୁର୍ବାତାଃ ସନିର୍ଘାତାଃ ପାଂସୁବର୍ଷଂ ପପାତ ଚ।
ବଭୂବୁଶ୍ଚ ଦିଶଃ ସର୍ବାସ୍ତିମିରେଣ ସମାବୃତାଃ॥ 9-57-8 (63368)
ମହାସ୍ବନାଃ ସୁନିର୍ବାତାସ୍ତୁମୁଲା ରୋମହର୍ଷଣାଃ।
ପେତୁସ୍ତଥୋଲ୍କାଃ ଶତଶଃ ସ୍ଫୋଟଯନ୍ତ୍ଯୋ ନଭସ୍ତଲାତ୍॥ 9-57-9 (63369)
ରାହୁଶ୍ଚାଗ୍ରସଦାଦିତ୍ଯମପର୍ବଣି ବିଶାମ୍ପତେ।
ଚକମ୍ପେ ଚ ମହାକମ୍ପଂ ପୃଥିବୀ ସବନଦ୍ରୁମା॥ 9-57-10 (63370)
ରୂକ୍ଷାଶ୍ଚ ବାତାଃ ପ୍ରବବୁର୍ନୀଚୈଃ ଶର୍କରକର୍ଷିଣଃ।
ଗିରୀଣାଂ ଶିଖରାଣ୍ଯେବ ନ୍ଯପତନ୍ତ ମହୀତଲେ॥ 9-57-11 (63371)
ମୃଗା ବହୁବିଧାକାରାଃ ସମ୍ପତନ୍ତି ଦୀଶୋ ଦଶ।
ଦୀପ୍ତାଃ ଶିବାଶ୍ଚାପ୍ଯନଦନ୍ଘୋରରୂପାଃ ସୁଦାରୁଣାଃ॥ 9-57-12 (63372)
ନିର୍ଘାତାଶ୍ଚ ମହାଘୋରା ବଭୂବୂ ରୋମହର୍ଷଣାଃ।
ଦୀପ୍ତାଯାଂ ଦିଶି ରାଜେନ୍ଦ୍ର ମୃଗାଶ୍ଚାଶୁଭବାଦିନଃ॥ 9-57-13 (63373)
ଉଦପାନଗତାଶ୍ଚାପୋ ବ୍ଯବର୍ଧନ୍ତ ସମନ୍ତତଃ।
ଅଶରୀରା ମହାନାଦାଃ ଶ୍ରୂଯନ୍ତେ ସ୍ମ ଭଯାନକାଃ॥ 9-57-14 (63374)
ଏବମାଦୀନି ଦୃଷ୍ଟ୍ବା ସ ନିମିତ୍ତାନି ବୃକୋଦରଃ।
ଉବାଚ ଭ୍ରାତରଂ ଜ୍ଯେଷ୍ଠଂ ଧର୍ମରାଜଂ ଯୁଧିଷ୍ଠିରମ୍॥ 9-57-15 (63375)
ଏଷ ଶକ୍ଯୋ ମଯା ଜେତୁଂ ମନ୍ଦାତ୍ମା ଚ ସୁଯୋଧନଃ॥ 9-57-16 (63376)
ଅଦ୍ଯ କ୍ରୋଧଂ ବିମୋକ୍ଷ୍ଯାମି ନିଗୂଢଂ ହୃଦଯେଶଯମ୍।
ସୁଯୋଧନେ କୌରବେନ୍ଦ୍ରେ ଖାଣ୍ଡବେଽଗ୍ନିମିବାର୍ଜୁନଃ॥ 9-57-17 (63377)
ଶଲ୍ଯମଦ୍ଯୋଦ୍ଧରିଷ୍ଯାମି ତବ ପାଣ୍ଡବ ହୃଚ୍ଛଯମ୍।
ନିହତ୍ଯ ଗଦଯା ପାପମିମଂ କୁରୁକୁଲାନ୍ତକମ୍॥ 9-57-18 (63378)
ଅଦ୍ଯ କୀର୍ତିମଯୀଂ ମାଲାଂ ପ୍ରତିମୋକ୍ଷ୍ଯାମ୍ଯହଂ ତ୍ବଯି।
ହତ୍ବେମଂ ପାପକର୍ମାଣଂ ଗଦଯା ରଣମୂର୍ଧନି॥ 9-57-19 (63379)
ଅଦ୍ଯୋରୁଗଦଯା ରାଜନ୍ଭେତ୍ତାଽସ୍ମି ସମରେଽନଯା।
ନାଯଂ ପ୍ରବେଷ୍ଟା ନଗରଂ ପୁନର୍ବାରଣସାହ୍ବଯମ୍॥ 9-57-20 (63380)
ସର୍ପୋତ୍ସର୍ଗସ୍ଯ ଶଯନେ ବିଷଦାନସ୍ଯ ଭୋଜନେ।
ପ୍ରମାଣକୋଟ୍ଯାଂ ପାତସ୍ଯ ଦାହସ୍ଯ ଜତୁବେଶ୍ମନି॥ 9-57-21 (63381)
ସଭାଯାମବହାସସ୍ଯ ସର୍ବସ୍ବହରଣସ୍ଯ ଚ।
ବର୍ଷମଜ୍ଞାତବାସସ୍ଯ ବନବାସସ୍ଯ ଚାନଘ॥ 9-57-22 (63382)
ଅଦ୍ଯାନ୍ତମେଷାଂ ଦୁଃଖାନାଂ ଗନ୍ତାଽହଂ ଭରତର୍ଷଭ।
ଏକାହ୍ନା ବିନିହତ୍ଯେମଂ ଭବିଷ୍ଯାମ୍ଯାତ୍ମନୋଽନୃଣଃ॥ 9-57-23 (63383)
ଅଦ୍ଯାଯୁର୍ଧାର୍ତରାଷ୍ଟ୍ରସ୍ଯ ଦୁର୍ମତେରକୃତାତ୍ମନଃ।
ସମାପ୍ତଂ ଭରତଶ୍ରେଷ୍ଠ ମାତାପିତ୍ରୋଶ୍ଚ ଦର୍ଶନମ୍॥ 9-57-24 (63384)
ଅଦ୍ଯ ସୌଖ୍ଯଂ ତୁ ରାଜେନ୍ଦ୍ର କୁରୁରାଜସ୍ଯ ଦୁର୍ମତେଃ।
ସମାପ୍ତଂ ଚ ମହାରାଜ ନାରୀଣାଂ ଦର୍ଶନଂ ପୁନଃ॥ 9-57-25 (63385)
ଅଦ୍ଯାଯଂ କୁରୁରାଜସ୍ଯ ଶନ୍ତନୋଃ କୁଲପାଂସନଃ।
ପ୍ରାଣାଞ୍ଶ୍ରିଯଂ ଚ ରାଜ୍ଯଂ ଚ ତ୍ଯକ୍ତ୍ବା ଶେଷ୍ଯତି ଭୂତଲେ॥ 9-57-26 (63386)
ରାଜା ଚ ଧୃତରାଷ୍ଟ୍ରୋଽଦ୍ଯ ଶ୍ରୁତ୍ବା ପୁତ୍ରଂ ନିପାତିତମ୍।
ସ୍ମରିଷ୍ଯତ୍ଯଶୁଭଂ କର୍ମ ଯତ୍ତଚ୍ଛକୁନିବୁଦ୍ଧିଜମ୍॥ 9-57-27 (63387)
ଇତ୍ଯୁକ୍ତ୍ବା ରାଜଶାର୍ଦୂଲ ଗଦାମାଦାଯ ବୀର୍ଯବାନ୍।
ଅଭ୍ଯତିଷ୍ଠତ ଯୁଦ୍ଧାଯ ଶକ୍ରୋ ବୃତ୍ରମିବାହ୍ବଯନ୍॥ 9-57-28 (63388)
ତମୁଦ୍ଯତଗଦଂ ଦୃଷ୍ଟ୍ବା କୈଲାସମିବ ଶୃଙ୍ଗିଣମ୍।
ଭୀମସେନଃ ପୁନଃ କ୍ରୁଦ୍ଧୋ ଦୁର୍ଯୋଧନମୁବାଚ ହ॥ 9-57-29 (63389)
ରାଜ୍ଞଶ୍ଚ ଧୃତରାଷ୍ଟ୍ରସ୍ଯ ତଥା ତ୍ବମପି ଚାତ୍ମନଃ।
ସ୍ମର ତଦ୍ଦୁଷ୍କୃତଂ କର୍ମ ଯଦ୍ବୃତ୍ତଂ ବାରଣାବତେ॥ 9-57-30 (63390)
ଦ୍ରୌପଦୀ ଚ ପରିକ୍ଲିଷ୍ଟା ସଭାମଧ୍ଯେ ରଜସ୍ବଲା।
ଦ୍ଯୂତେ ଚ ବଞ୍ଚିତୋ ରାଜା ଯତ୍ତ୍ବଯା ସୌବଲେନ ଚ॥ 9-57-31 (63391)
ବନେ ଦୁଃଖଂ ଚ ଯତ୍ପ୍ରାପ୍ତମସ୍ମାଭିସ୍ତ୍ବତ୍କୃତଂ ମହତ୍।
ବିରାଟନଗରେ ଚୈବ ଯୋନ୍ଯନ୍ତରଗତୈରିବ।
ତତ୍ସର୍ବଂ ପାତଯାମ୍ଯଦ୍ଯ ଦିଷ୍ଟ୍ଯା ଦୃଷ୍ଟୋଽସି ଦୁର୍ମତେ॥ 9-57-32 (63392)
ତ୍ବତ୍କୃତେଽସୌ ହତଃ ଶେତେ ଶରତଲ୍ପେ ପିତାମହଃ।
ଗାଙ୍ଗେଯୋ ରଥିନାଂ ଶ୍ରେଷ୍ଠୋ ରଥିନା ଯାଜ୍ଞସେନିନା॥ 9-57-33 (63393)
ହତୋ ଦ୍ରୋଣଶ୍ଚ କର୍ଣଶ୍ଚ ତଥା ଶଲ୍ଯଃ ପ୍ରତାପବାନ୍।
ବୈରାଗ୍ନେରାଦିକର୍ତାସୌ ଶକୁନିଃ ସୌବଲୋ ହତଃ॥ 9-57-34 (63394)
ପ୍ରାତିକାମୀ ତଥା ପାପୋ ଦ୍ରୌପଦ୍ଯାଃ କ୍ଲେଶକୃଦ୍ଧତଃ।
ଭ୍ରାତରସ୍ତେ ହତାଃ ସର୍ବେ ଶୂରା ବିକ୍ରାନ୍ତଯୋଧିନଃ॥ 9-57-35 (63395)
ଏତେ ଚାନ୍ଯେ ଚ ବହବୋ ନିହତାସ୍ତ୍ବତ୍କୃତେ ନୃପାଃ।
ତ୍ବାମଦ୍ଯ ନିହନିଷ୍ଯାମି ଗଦଯା ନାତ୍ର ସଂଶଯଃ॥ 9-57-36 (63396)
ଇତ୍ଯେବମୁଚ୍ଚୈ ରାଜାନଂ ଭାଷମାଣଂ ବୃକୋଦରମ୍।
ଉବାଚ ଗତଭୀ ରାଜନ୍ପୁତ୍ରସ୍ତେ ସତ୍ଯବିକ୍ରମଃ॥ 9-57-37 (63397)
କିଂ କତ୍ଥନେନ ବହୁନା ଯୁଧ୍ଯସ୍ବେହ ବୃକୋଦର।
ଅଦ୍ଯ ତେଽହଂ ବିନେଷ୍ଯାମି ଯୁଦ୍ଧଶ୍ରଦ୍ଧାଂ କୁଲାଧମ॥ 9-57-38 (63398)
ଇତି ଦୁର୍ଯାର୍ଧେନୋଽକ୍ଷୁଦ୍ରସ୍ତ୍ବଯା କ୍ଷୁଦ୍ରବଲେନ ବୈ।
ଶକ୍ଯସ୍ରାସଯିତୁଂ ବାଚା ନ ଚାନ୍ଯଃ ପ୍ରାକୃତୋ ଯଥା॥ 9-57-39 (63399)
ଚିରକାଲେପ୍ସିତଂ ଦିଷ୍ଟ୍ଯା ହୃଦଯସ୍ଥମିଦଂ ମମ।
ତ୍ବଯା ସହ ଗଦାଯୁଦ୍ଧଂ ତ୍ରିଦଶୈରୁପପାଦିତମ୍॥ 9-57-40 (63400)
କିଂ ବାଚା ବହୁନୋକ୍ତେନ କତ୍ଥିତେନ ଚ ଦୁର୍ମତେ।
ବାଣୀ ସଙ୍କୋଚ୍ଯତାମେଷା କର୍ମଣା ମା ଚିରଂ କୃଥାଃ॥ 9-57-41 (63401)
ତସ୍ଯ ତଦ୍ବଚନଂ ଶ୍ରୁତ୍ବା ସର୍ବ ଏବାଭ୍ଯପୂଜଯନ୍।
ରାଜାନଃ ସୋମକାଶ୍ଚୈବ ଯେ ତତ୍ରାସନ୍ସମାଗତାଃ॥ 9-57-42 (63402)
ତତଃ ସମ୍ପୂଜିତଃ ସର୍ବୈଃ ସମ୍ପ୍ରହୃଷ୍ଟତନୂରୁହଃ।
ଭୂଯୋ ଧୀରାଂ ମତିଂ ଚକ୍ରେ ଯୁଦ୍ଧାଯ କୁରୁନନ୍ଦନଃ॥ 9-57-43 (63403)
ତଂ ମତ୍ତମିବ ମାତଙ୍ଗଂ ତଲଶବ୍ଦୈର୍ନରାଧିପାଃ।
ଭୂଯଃ ସଂହର୍ଷଯାଂଚକ୍ରୁର୍ଦୁର୍ଯୋଧନମମର୍ଷଣମ୍॥ 9-57-44 (63404)
ତଂ ମହାତ୍ମା ମହାତ୍ମାନଂ ଗଦାମୁଦ୍ଯମ୍ଯ ପାଣ୍ଡବଃ।
ଅଭିଦୁଦ୍ରାବ ବେଗେନ ଧାର୍ତରାଷ୍ଟ୍ରଂ ବୃକୋଦରଃ॥ 9-57-45 (63405)
ବୃଂହନ୍ତି କୁଞ୍ଚରାସ୍ତତ୍ର ହଯା ହେଷନ୍ତି ଚାସକୃତ୍।
ଶସ୍ତ୍ରାଣି ଚାପ୍ଯଦୀପ୍ଯନ୍ତ ପାଣ୍ଡବାନାଂ ଜଯୈଷିଣାଂ ॥ 9-57-46 (63406)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି କଦାଯୁଦ୍ଧପର୍ବଣି ସପ୍ତପଞ୍ଚାଶତ୍ତମୋଽଧ୍ଯାଯଃ॥ 57 ॥
Mahabharata - Shalya Parva - Chapter Footnotes
9-57-16 ନୈଷ ଶକ୍ତୋ ରଣେ ଜେତୁଂ ମନ୍ଦାତ୍ମା ମାଂ ସୁଯୋଧନ ଇତି ଝ.ପାଠଃ॥ 9-57-41 ବାଣୀ ସମ୍ପଦ୍ଯତାମିତି ଝ.ପାଠଃ॥ 9-57-57 ସପ୍ତପଞ୍ଚାଶତ୍ତମୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 058
॥ ଶ୍ରୀଃ ॥
9.58. ଅଧ୍ଯାଯଃ 058
Mahabharata - Shalya Parva - Chapter Topics
ସଞ୍ଜଯ ଉବାଚ।Mahabharata - Shalya Parva - Chapter Text
9-58-0 (63407)
ସଞ୍ଜଯ ଉବାଚ। 9-58-0x (5230)
ତତୋ ଦୁର୍ଯୋଧନୋ ଦୃଷ୍ଟ୍ବା ଭୀମସେନଂ ତଥାଽଽଗତମ୍।
ପ୍ରତ୍ଯୁଦ୍ଯଯାବଦୀନାତ୍ମା ବେଗେନ ମହତା ନଦନ୍॥ 9-58-1 (63408)
ସମାପେତତୁରନ୍ଯୋନ୍ଯଂ ଶୃଙ୍ଗିଣୌ ବୃଷଭାବିବ।
ମହାନିର୍ଘାତଘୋଷଶ୍ଚ ପ୍ରହାରାଣାମଜାଯତ॥ 9-58-2 (63409)
ଅଭବଚ୍ଚ ତଯୋର୍ଯୁଦ୍ବଂ ତୁମୁଲଂ ରୋମହର୍ଷଣମ୍।
ଜିଘୃକ୍ଷତୋର୍ଯଥାଽନ୍ଯୋନ୍ଯମିନ୍ଦ୍ରପ୍ରହ୍ଲାଦଯୋରିବ॥ 9-58-3 (63410)
ରୁଧିରୋକ୍ଷିତସର୍ବାଙ୍ଗୌ ଗଦାହସ୍ତୌ ମନସ୍ବିନୌ।
ଦଦୃଶାତେ ମହାତ୍ମାନୌ ପୁଷ୍ପିତାବିବ କିଂଶୁକୌ॥ 9-58-4 (63411)
ତଥା ତସ୍ମିନ୍ମହାଯୁଦ୍ଧେ ବର୍ତମାନେ ସୁଦାରୁଣେ।
ଖଦ୍ଯୋତସଙ୍ଖୈରିବ ଖଂ ଦର୍ଶନୀଯଂ ବ୍ଯରୋଚତ॥ 9-58-5 (63412)
ତଥା ତସ୍ମିନ୍ବର୍ତମାନେ ସଙ୍କୁଲେ ତୁମୁଲେ ଭୃଶମ୍।
ଉଭାବପି ପରିଶ୍ରାନ୍ତୌ ଯୁଧ୍ଯମାନାବରିନ୍ଦମୌ॥ 9-58-6 (63413)
ତୌ ମୁହୂର୍ତଂ ସମାଶ୍ବସ୍ଯ ପୁନରେବ ପରନ୍ତପୌ।
ସମ୍ପ୍ରହାରଯତାଂ ଚିତ୍ରେ ସମ୍ପ୍ରଗୃହ୍ଯ ଗଦେ ଶୁଭେ॥ 9-58-7 (63414)
ତୌ ତୁ ଦୃଷ୍ଟ୍ବା ମହାବୀର୍ଯୌ ସମାଶ୍ବସ୍ତୌ ନରର୍ଷଭୌ।
ବଲିନୌ ବାରଣୌ ଯଦ୍ବଦ୍ବାସିତାର୍ଥେ ମଦୋତ୍କଟୌ॥ 9-58-8 (63415)
ସମାନବୀର୍ଯୌ ସମ୍ପ୍ରେକ୍ଷ୍ଯ ପ୍ରଗୃହୀତଗଦାବୁଭୌ।
ପ୍ରହର୍ଷଂ ପରମଂ ଜଗ୍ମୁର୍ଦେବଗନ୍ଧର୍ବଦାନବାଃ॥ 9-58-9 (63416)
ପ୍ରଗୃହୀତଗଦୌ ଦୃଷ୍ଟ୍ବା ଦୁର୍ଯୋଧନବୃକୋଦରୌ।
ସଂଶଯଃ ସର୍ବଭୂତାନାଂ ବିଜଯେ ସମପଦ୍ଯତ॥ 9-58-10 (63417)
ସମାଗମ୍ଯ ତତୋ ଭୂଯୋ ଭ୍ରାତରୌ ବଲିନାଂ ବରୌ।
ଅନ୍ଯୋନ୍ଯସ୍ଯାନ୍ତରପ୍ରେପ୍ସୂ ପ୍ରଚକ୍ରାତେଽନ୍ତରଂ ପ୍ରତି॥ 9-58-11 (63418)
ଯମଦଣ୍ଡୋପମାଂ ଗୁର୍ବୀମିନ୍ଦ୍ରାଶନିମିବୋଦ୍ଯତାମ୍।
ଦଦୃଶୁଃ ପ୍ରେକ୍ଷକା ରାଜନ୍ରୌଦ୍ରୀଂ ବିଶସନୀଂ ଗଦାମ୍॥ 9-58-12 (63419)
ଆବିଦ୍ଧ୍ଯତୋ ଗତାଂ ତସ୍ଯ ଭୀମସେନସ୍ଯ ସଂଯୁଗେ।
ଶବ୍ଦଃ ସୁତୁମୁଲୋ ଘୋରୋ ମୁହୂର୍ତଂ ସମପଦ୍ଯତ॥ 9-58-13 (63420)
ଆବିଦ୍ଧ୍ଯନ୍ତମରିଂ ପ୍ରେକ୍ଷ୍ଯ ଧାର୍ତରାଷ୍ଟ୍ରୋଽଥ ପାଣ୍ଡବମ୍।
ଗଦାମତୁଲବେଗାଂ ତାଂ ବିସ୍ମିତଃ ସମ୍ବଭୂବ ହ॥ 9-58-14 (63421)
ଚରଂଶ୍ଚ ବିବିଧାନ୍ମାର୍ଗାନ୍ମଣ୍ଡଲାନି ଚ ଭାରତ।
ଅଶୋଭତ ତଦା ବୀରୋ ଭୂଯ ଏବ ବୃକୋଦରଃ॥ 9-58-15 (63422)
ତୌ ପରସ୍ପରମାସାଦ୍ଯ ଯତ୍ତାବନ୍ଯୋନ୍ଯସୂଦନେ।
ମାର୍ଜାରାବିବ ଭକ୍ଷାର୍ଥେ ତତକ୍ଷାତେ ମୁହୁର୍ମୁହୁଃ॥ 9-58-16 (63423)
ଅଚରଦ୍ଭୀମସେନସ୍ତୁ ମାର୍ଗାନ୍ବହୁବିଧାଂସ୍ତଥା।
ମଣ୍ଡଲାନି ବିଚିତ୍ରାଣି ଗତପ୍ରତ୍ଯାଗତାନି ଚ॥ 9-58-17 (63424)
ଗୋମୂତ୍ରିକାଣି ଚିତ୍ରାଣି ସ୍ଥାନାନି ବିବିଧାନି ଚ।
ପରିମୋକ୍ଷଂ ପ୍ରହାରାଣାଂ ବର୍ଜନଂ ପରିଧାବନମ୍॥ 9-58-18 (63425)
ଅଭିଦ୍ରବଣମାକ୍ଷେପମବସ୍ଥାନଂ ସବିଗ୍ରହମ୍।
ମତ୍ସ୍ଯୋଦ୍ବୃତ୍ତଂ ସୋରୁବୃତ୍ତମବପ୍ଲୁତମୁପପ୍ଲୁତମ୍॥ 9-58-19 (63426)
ଉପନ୍ଯସ୍ତମପନ୍ଯସ୍ତଂ ଗଦାଯୁଦ୍ଧବିଶାରଦୌ।
ଏବଂ ତୌ ବିଚରନ୍ତୌ ତୁ ନ୍ଯଘ୍ନତାଂ ବୈ ପରସ୍ପରମ୍॥ 9-58-20 (63427)
ବଞ୍ଚଯାନୌ ପୁନଶ୍ଚୈବ ଚେରତୁଃ କୁରୁସତ୍ତମୌ।
ବିକ୍ରୀଡନ୍ତୌ ସୁବଲିନୌ ମଣ୍ଡଲାନି ବିଚେରତୁଃ॥ 9-58-21 (63428)
[ତୌ ଦର୍ଶଯନ୍ତୌ ସମରେ ଯୁଦ୍ଧକ୍ରୀଡାଂ ସମନ୍ତତଃ।
ଗଦାଭ୍ଯାଂ ସହସାଽନ୍ଯୋନ୍ଯମାଜଘ୍ନତୁରରିନ୍ଦମୌ॥ 9-58-22 (63429)
ପରସ୍ପରଂ ସମାସାଦ୍ଯ ଦଂଷ୍ଟ୍ରାଭ୍ଯାଂ ଦ୍ବିରଦୌ ଯଥା।
ଅଶୋଭେତାଂ ମହାରାଜ ଶୋଣିତେନ ପରିପ୍ଲୁତୌ॥ 9-58-23 (63430)
ଏବଂ ତଦଭବଦ୍ଯୁଦ୍ଧଂ ଘୋରରୂପଂ ପରନ୍ତପ।
ପରିବୃତ୍ତେଽହନି କ୍ରୂରଂ ବୃତ୍ରବାସବଯୋରିବ॥] 9-58-24 (63431)
ଗଦାହସ୍ତୌ ତତସ୍ତୌ ତୁ ମଣ୍ଡଲାବସ୍ଥିତୌ ବଲୀ।
ଦକ୍ଷିଣଂ ମଣ୍ଡଲଂ ରାଜନ୍ଧାର୍ତରାଷ୍ଟ୍ରୋଽଭ୍ଯବର୍ତତ।
ସବ୍ଯଂ ତୁ ମଣ୍ଡଲଂ ତତ୍ର ଭୀମସେନୋଽଭ୍ଯବର୍ତତ॥ 9-58-25 (63432)
ତଥା ତୁ ଚରତସ୍ତସ୍ଯ ଭୀମସ୍ଯ ରଣମୂର୍ଧନି।
ଦୁର୍ଯୋଧନୋ ମହାରାଜ ପାର୍ଶ୍ବଦେଶେଽଭ୍ଯତାଡଯତ୍॥ 9-58-26 (63433)
ଆହତସ୍ତୁ ତତୋ ଭୀମଃ ପୁତ୍ରେଣ ତବ ଭାରତ।
ଆବିଧ୍ଯତ ଗଦାଂ ଗୁବୀଂ ପ୍ରହାରଂ ତମଚିନ୍ତଯନ୍॥ 9-58-27 (63434)
ଇନ୍ଦ୍ରାଶନିସମାଂ ଘୋରାଂ ଯମଦଣ୍ଡମିବୋଦ୍ଯତାମ୍।
ଦଦୃଶୁସ୍ତେ ମହାରାଜ ଭୀମସେନସ୍ଯ ତାଂ ଗଦାମ୍॥ 9-58-28 (63435)
ଆବିଧ୍ଯନ୍ତଂ ଗଦାଂ ଦୃଷ୍ଟ୍ବା ଭୀମସେନଂ ତବାତ୍ମଜଃ।
ସମୁଦ୍ଯମ୍ଯ ଗଦାଂ ଘୋରାଂ ପ୍ରତ୍ଯବିଧ୍ଯତ୍ପରନ୍ତପଃ॥ 9-58-29 (63436)
ଗଦାମାରୁତବେଗେନ ତବ ପୁତ୍ରସ୍ଯ ଭାରତ।
ଶବ୍ଦ ଆସୀତ୍ସୁତୁମୁଲସ୍ତେଜଶ୍ଚ ସମଜାଯତ॥ 9-58-30 (63437)
ସ ଚରନ୍ବିବିଧାନ୍ମାର୍ଗାନ୍ମଣ୍ଡଲାନି ଚ ଭାଗଶଃ।
ସମଶୋଭତ ତେଜସ୍ବୀ ଭୂଯୋ ଭୀମାତ୍ସୁଯୋଧନଃ॥ 9-58-31 (63438)
ଆବିଦ୍ଧା ସର୍ବବେଗେନ ଭୀମେନ ମହତୀ ଗଦା।
ସଧୂମଂ ସାର୍ଚିଷଂ ଚାଗ୍ନିଂ ମୁମୋଚୋଗ୍ରମହାସ୍ବନା॥ 9-58-32 (63439)
ଆଧୂତାଂ ଭୀମସେନେନ ଗଦାଂ ଦୃଷ୍ଟ୍ବା ସୁଯୋଧନଃ।
ଅଦ୍ରିସାରମଯୀଂ ଗୁର୍ବୀମାବିଧ୍ଯନ୍ବହ୍ବଶୋଭତ॥ 9-58-33 (63440)
ଗଦାମାରୁତବେଗଂ ହି ଦୃଷ୍ଟ୍ବା ତସ୍ଯ ମହାତ୍ମନଃ।
ଭଯଂ ବିବେଶ ପାଣ୍ଡୂଂସ୍ତୁ ସର୍ବାନେବ ସସାତ୍ଯକୀନ୍॥ 9-58-34 (63441)
ତୌ ଦର୍ଶଯନ୍ତୌ ସମରେ ଯୁଦ୍ଧକ୍ରୀଡାଂ ସମନ୍ତତଃ।
ଗଦାଭ୍ଯାଂ ସହସାଽନ୍ଯୋନ୍ଯମାଜଘ୍ନତୁରରିନ୍ଦମୌ॥ 9-58-35 (63442)
ତୌ ପରସ୍ପରମାସାଦ୍ଯ ଦଂଷ୍ଟ୍ରାଭ୍ଯାଂ ଦ୍ବିରଦୌ ଯଥା।
ଅଶୋଭେତାଂ ମହାରାଜ ଶୋଣିତେନ ପରିପ୍ଲୁତୌ॥ 9-58-36 (63443)
ଏବଂ ତଦଭବଦ୍ଯୁଦ୍ଧଂ ଘୋରରୂପମସଂବୃତମ୍।
ପରିବୃତ୍ତେଽହନି କ୍ରୂରଂ ବୃତ୍ରବାସବଯୋରିବ॥ 9-58-37 (63444)
ଦୃଷ୍ଟ୍ବା ବ୍ଯବସ୍ଥିତଂ ଭୀମଂ ତବ ପୁତ୍ରୋ ମହାବଲଃ।
ଚରଂଶ୍ଚିତ୍ରତରାନ୍ମା ର୍ଗାନ୍କୌନ୍ତେଯମଭିଦୁଦ୍ରୁବେ॥ 9-58-38 (63445)
ତସ୍ଯ ଭୀମୋ ମହାବେଗାଂ ଜାମ୍ବୂନଦପରିଷ୍କୃତାମ୍।
ଅତିକ୍ରୁଦ୍ଧସ୍ଯ କ୍ରୁଦ୍ଧସ୍ତୁ ତାଡଯାମାସ ତାଂ ଗଦାମ୍॥ 9-58-39 (63446)
ସବିସ୍ଫୁଲିଙ୍ଗୋ ନିର୍ହାଦସ୍ତଯୋସ୍ତତ୍ରାଭିଘାତଜଃ।
ପ୍ରାଦୁରାସୀନ୍ମହାରାଜ ଘୃଷ୍ଟଯୋର୍ବଜ୍ରଯୋରିବ॥ 9-58-40 (63447)
ବେଗବତ୍ଯା ତଯା ତତ୍ର ଭୀମସେନପ୍ରମୁକ୍ତଯା।
ନିପତନ୍ତ୍ଯା ମହାରାଜ ପୃଥିବୀ ସମକମ୍ପତ॥ 9-58-41 (63448)
ତାଂ ନାମୃଷ୍ଯତ କୌରବ୍ଯୋ ଗଦାଂ ପ୍ରତିହତାଂ ରଣେ।
ମତ୍ତୋ ଦ୍ବିପ ଇବ କ୍ରୁଦ୍ଧଃ ପ୍ରତିକୁଞ୍ଜରଦର୍ଶନାତ୍॥ 9-58-42 (63449)
ସ ସବ୍ଯଂ ମଣ୍ଡଲଂ ରାଜା ଉଦ୍ଧାମ୍ଯ କୃତନିଶ୍ଚଯଃ।
ଆଜଘ୍ନେ ମୂର୍ଧ୍ନି କୌନ୍ତେଯଂ ଗଦଯା ଭୀମବେଗଯା॥ 9-58-43 (63450)
ତଯା ତ୍ବଭିହତୋ ଭୀମଃ ପୁତ୍ରେଣ ତବ ପାଣ୍ଡବଃ।
ନାକମ୍ପତ ମହାରାଜ ତଦଦ୍ଭୁତମିବାଭବତ୍॥ 9-58-44 (63451)
ଆଶ୍ଚର୍ଯଂ ଚାପି ତଦ୍ରାଜନ୍ସର୍ବସୈନ୍ଯାନ୍ଯପୂଜଯନ୍।
ଯଦ୍ଗଦାଭିହତୋ ଭୀମୋ ନାକମ୍ପତ ପଦାତ୍ପଦମ୍॥ 9-58-45 (63452)
ତତୋ ଗୁରୁତରାଂ ଦୀପ୍ତାଂ ଗଦାଂ ହେମପରିଷ୍କୃତାମ୍।
ଦୁର୍ଯୋଧନାଯ ବ୍ଯସୃଜଦ୍ଭୀମୋ ଭୀମପରାକ୍ରମଃ॥ 9-58-46 (63453)
ତଂ ପ୍ରହାରମସମ୍ଭ୍ରାନ୍ତୋ ଲାଘବେନ ମହାବଲଃ।
ମୋଘଂ ଦୁର୍ଯୋଧନଶ୍ଚକ୍ରେ ତତ୍ରାଭୂଦ୍ବିସ୍ମଯୋ ମହାନ୍॥ 9-58-47 (63454)
ସା ତୁ ମୋଘା ଗଦା ରାଜନ୍ପତନ୍ତୀ ଭୀମଚୋଦିତା।
ଚାଲଯାମାସ ପୃଥିବୀଂ ମହାନିର୍ଘାତନିଃସ୍ବନାଃ॥ 9-58-48 (63455)
ଆସ୍ଥାଯ କୌଶିକାନ୍ମାର୍ଗାନୁତ୍ପତନ୍ସ ପୁନଃ ପୁନଃ।
ଗଦାନିପାତଂ ପ୍ରଜ୍ଞାଯ ଭୀମସେନଂ ଚ ବଞ୍ଚିତମ୍॥ 9-58-49 (63456)
ବଞ୍ଚଯିତ୍ବା ତଦା ଭୀମଂ ଗଦଯା କୁରୁସତ୍ତମଃ।
ତାଡଯାମାସ ସଙ୍କ୍ରୁଦ୍ଧୋ ବକ୍ଷୋଦେଶେ ମହାବଲଃ॥ 9-58-50 (63457)
ଗଦଯା ନିହତୋ ଭୀମୋ ମୁହ୍ଯମାନୋ ମହାରଣେ।
ନାଭ୍ଯମନ୍ଯତ କର୍ତବ୍ଯଂ ପୁତ୍ରେଣାଭ୍ଯାହତସ୍ତବ॥ 9-58-51 (63458)
ତସ୍ମିଂସ୍ତଥା ବର୍ତମାନେ ରାଜନ୍ସୋମକପାଣ଼୍ଡବାଃ।
ଭୃଶୋପହତସଙ୍କଲ୍ପା ନହୃଷ୍ଟମନସୋଽଭବନ୍॥ 9-58-52 (63459)
ସ ତୁ ତେନ ପ୍ରହାରେଣ ମାତଙ୍ଗ ଇବ ରୋଷିତଃ।
ହସ୍ତିବଦ୍ବସ୍ତିସଂକାଶମଭିଦୁଦ୍ରାବ ତେ ସୁତମ୍॥ 9-58-53 (63460)
ତତସ୍ତୁ ତରସା ଭୀମୋ ଗଦଯା ତନଯଂ ତବ।
ଅଭିଦୁଦ୍ରାବ ବେଗେନ ସିଂହୋ ବନଗଜଂ ଯଥା॥ 9-58-54 (63461)
ଉପସୃତ୍ଯ ତୁ ରାଜାନଂ ଗଦାମୋକ୍ଷବିଶାରଦଃ।
ଆବିଧ୍ଯତ ଗଦାଂ ରାଜନ୍ସମୁଦ୍ଦିଶ୍ଯ ସୁତଂ ତବ॥ 9-58-55 (63462)
ଅତାଡଯଦ୍ଭୀମସେନଃ ପାର୍ଶ୍ବେ ଦୁର୍ଯୋଧନଂ ତଦା।
ସ ବିହ୍ବଲଃ ପ୍ରହାରେଣ ଜାନୁଭ୍ଯାମଗମନ୍ମହୀମ୍॥ 9-58-56 (63463)
ତସ୍ମିନ୍କୁରୁକୁଲଶ୍ରେଷ୍ଠେ ଜାନୁଭ୍ଯାମବନୀଂ ଗତେ।
ଉଦତିଷ୍ଠତ୍ତତୋ ନାଦଃ ସୃଞ୍ଜଯାନାଂ ଜଗତ୍ପତେ॥ 9-58-57 (63464)
ତେଷାଂ ତୁ ନିନଦଂ ଶ୍ରୁତ୍ବା ଶୃଞ୍ଜଯାନାଂ ନରର୍ଷଭଃ।
ଅମର୍ଷାଦ୍ଭରତଶ୍ରେଷ୍ଠ ପୁତ୍ରସ୍ତେ ସମକୁପ୍ଯତ॥ 9-58-58 (63465)
ଉତ୍ଥାଯ ତୁ ମହାବାହୁର୍ମହାନାଗ ଇବ ଶ୍ବସନ୍।
ଦିଧକ୍ଷନ୍ନିବ ନେତ୍ରାଭ୍ଯାଂ ଭୀମସେନମବୈକ୍ଷତ॥ 9-58-59 (63466)
ତତଃ ସ ଭରତଶ୍ରେଷ୍ଠୋ ଗଦାପାଣିରଭିଦ୍ରବନ୍।
ପ୍ରମଥିଷ୍ଯନ୍ନିବ ଶିରୋ ଭୀମସେନସ୍ଯ ସଂଯୁଗେ॥ 9-58-60 (63467)
ସ ମହାତ୍ମା ମହାତ୍ମାନଂ ଭୀମଂ ଭୀମପରାକ୍ରମଃ।
ଅତାଡଯଚ୍ଛଙ୍ଖଦେଶେ ନ ଚଚାଲାଚଲୋପମଃ॥ 9-58-61 (63468)
ସ ଭୂଯଃ ଶୁଶୁଭେ ପାର୍ଥସ୍ତାଡିତୋ ଗଦଯା ରଣେ।
ଉଦ୍ଭିନ୍ନରୁଧିରୋ ରାଜନ୍ପ୍ରଭିନ୍ନ ଇବ କୁଞ୍ଚରଃ॥ 9-58-62 (63469)
ତତୋ ଗଦାଂ ବୀରହଣୀମଯୋମଯୀଂ
ପ୍ରଗୃହ୍ଯ ବଜ୍ରାଶନିତୁଲ୍ଯନିଃସ୍ବନାମ୍।
ଅତାଡଯଚ୍ଛତ୍ରୁମମିତ୍ରକର୍ଶନୋ
ବଲେନ ବିକ୍ରମ୍ଯ ଧନଞ୍ଜଯାଗ୍ରଜଃ॥ 9-58-63 (63470)
ସ ଭୀମସେନାଭିହତସ୍ତବାତ୍ମଜଃ
ପପାତ ସଙ୍କମ୍ପିତଦେହବନ୍ଧନଃ।
ସୁପୁଷ୍ପିତୋ ମାରୁତବେଗତାଡିତୋ
ବନେ ମହାସାଲ ଇବାବଘୂର୍ଣିତଃ॥ 9-58-64 (63471)
ତତଃ ପ୍ରଣେଦୁର୍ଜହୃଷୁଶ୍ଚ ପାଣ୍ଡବାଃ
ସମୀକ୍ଷ୍ଯ ପୁତ୍ରଂ ପତିତଂ କ୍ଷିତୌ ତବ।
ତତଃ ସୁତସ୍ତେ ପ୍ରତିଲଭ୍ଯ ଚେତନାଂ
ସମୁତ୍ପପାତ ଦ୍ବିରଦୋ ଯଥା ହଦାତ୍॥ 9-58-65 (63472)
ସ ପାର୍ଥିବୋ ନିତ୍ଯମମର୍ଷିତସ୍ତଦା
ମହାରଥଃ ଶିକ୍ଷିତବତ୍ପରିଭ୍ରମନ୍।
ଅତାଡଯତ୍ପାଣ୍ଡବମଗ୍ରତଃ ସ୍ଥିତଂ
ସ ବିହ୍ବଲାଙ୍ଗୋ ଜଗତୀମୁପାସ୍ପୃଶତ୍॥ 9-58-66 (63473)
ସ ସିଂହନାଦଂ ବିନନାଦ କୌରବୋ
ନିପାତ୍ଯ ଭୂମୌ ଯୁଧି ଭୀମମୋଜସା।
ବିଭେଦ ଚୈବାଶନିତୁଲ୍ଯମୋଜସା
ଗଦାନିପାତେନ ଶରୀରରକ୍ଷଣମ୍॥ 9-58-67 (63474)
ତତୋଽନ୍ତରିକ୍ଷେ ନିନଦୋ ମହାନଭୂ--
ଦ୍ଦିବୌକସାମପ୍ସରସାଂ ଚ ନେଦୁଷାମ୍।
ପପାତ ଚୋଚ୍ଚୈରମରପ୍ରବେରିତଂ
ବିଚିତ୍ରପୁଷ୍ପୋତ୍କରବର୍ଷମୁତ୍ତମମ୍॥ 9-58-68 (63475)
ତତଃ ପରାନାବିଶଦୁତ୍ତମଂ ଭଯଂ
ସମୀକ୍ଷ୍ଯ ଭୂମୌ ପତିତଂ ନରୋତ୍ତମମ୍।
ଅହୀଯମାନଂ ଚ ବଲେନ କୌରବଂ
ନିଶାମ୍ଯ ଭେଦଂ ସୁଦୃଢସ୍ଯ ବର୍ମଣଃ॥ 9-58-69 (63476)
ତତୋ ମୁହୂର୍ତାଦୁପଲଭ୍ଯ ଚେତନାଂ
ପ୍ରମୃଜ୍ଯ ବକ୍ତ୍ରଂ ରୁଧିରାକ୍ତମାତ୍ମନଃ।
ଧୃତିଂ ସମାଲମ୍ବ୍ଯ ବିବୃତ୍ଯ ଲୋଚନେ
ବଲେନ ସଂସ୍ତଭ୍ଯ ବୃକୋଦରଃ ସ୍ଥିତଃ॥ 9-58-70 (63477)
`ତତୋ ଯମୌ ଯମସଦୃଶୌ ପରାକ୍ରମେ
ସପାର୍ଷତଃ ଶିନିତନଯଶ୍ଚ ବୀର୍ଯବାନ୍।
ସମାହ୍ବଯନ୍ନହମହମିତ୍ଯଭିତ୍ବରଂ--
ସ୍ତବାତ୍ମଜଂ ସମଭିଯଯୁର୍ବଧୈଷିଣଃ॥ 9-58-71 (63478)
ନିବର୍ତ୍ଯ ତାନ୍ପୁନରପି ପାଣ୍ଡବୋ ବଲୀ
ତବାତ୍ମଜଂ ସ୍ବଯମଭିଗମ୍ଯ କାଲବତ୍।
ଚଚାର ଚାପ୍ଯପଗତଖେଦବେପଥୁଃ
ସୁରେଶ୍ବରୋ ନମୁଚିମିବୋତ୍ତମଂ ରଣେ'॥ ॥ 9-58-72 (63479)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଗଦାଯୁଦ୍ଧପର୍ବଣି ଅଷ୍ଟପଞ୍ଚାଶତ୍ତମୋଽଧ୍ଯାଯଃ॥ 58 ॥
Mahabharata - Shalya Parva - Chapter Footnotes
9-58-3 ଜିଗୀଷତୋର୍ଯଥେତି ଝ.ପାଠଃ॥ 9-58-49 ଆସ୍ଥାଯେତି। କୌଶିକାନ୍ କୁଶ ଉନ୍ମତ୍ତସ୍ତଦାଚରିତାନ୍ମାର୍ଗାନାସ୍ଥାଯ ପୁନଃ ପୁନରୁତ୍ପତନେନ ବଞ୍ଚନେନ ଚ ଭୀମମୁନ୍ମତ୍ତୀକୃତ୍ଯ ଗଦଯା ତାଡଯାମାସେତି ଦ୍ବଯୋଃ ସମ୍ବନ୍ଧଃ॥ 9-58-52 ନହୃଷ୍ଟମନସଃ ଖିନ୍ନଚେତସଃ॥ 9-58-61 ଶଙ୍ଖଦେଶେ ଲଲାଟପ୍ରାନ୍ତ॥ 9-58-69 ନେଦୁଷାଂ ନାଦ କୃତବତୀନାମ୍॥ 9-58-58 ଅଷ୍ଟପଞ୍ଚାଶତ୍ତମୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 059
॥ ଶ୍ରୀଃ ॥
9.59. ଅଧ୍ଯାଯଃ 059
Mahabharata - Shalya Parva - Chapter Topics
ଭୀମସେନେନ ଦୁର୍ଯୋଧନସ୍ଯୋରୁଭେଦନମ୍॥ 1 ॥Mahabharata - Shalya Parva - Chapter Text
9-59-0 (63480)
ସଞ୍ଚଯ ଉବାଚ। 9-59-0x (5231)
ସମୁଦୀର୍ଣଂ ତତୋ ଦୃଷ୍ଟ୍ବା ସଙ୍ଗ୍ରାମଂ କୁରୁମୁଖ୍ଯଯୋଃ।
ଅବ୍ରବୀଦର୍ଜୁନସ୍ତତ୍ର ବାସୁଦେବଂ ଯଶସ୍ବିନମ୍॥ 9-59-1 (63481)
ଅନଯୋର୍ବୀରଯୋର୍ଯୁଦ୍ଧେ କୋ ଜ୍ଯାଯାନ୍ଭବତୋ ମତଃ।
କସ୍ଯ ବା କୋ ଗୁଣୋ ଜ୍ଯାଯାନେତଦ୍ବଦ ଜନାର୍ଦନ॥ 9-59-2 (63482)
ବାସୁଦେବ ଉବାଚ। 9-59-3x (5232)
ଉପଦେଶୋଽନଯୋସ୍ତୁଲ୍ଯୋ ଭୀମସ୍ତୁ ବଲବତ୍ତରଃ।
କୃତୀ ଯତ୍ନପରସ୍ତ୍ବେଷ ଧାର୍ତରାଷ୍ଟ୍ରୋ ବୃକୋଦରାତ୍॥ 9-59-3 (63483)
ଭୀମସେନସ୍ତୁ ଧର୍ମେଣ ଯୁଧ୍ଯମାନୋ ନ ଜେଷ୍ଯତି।
ଅନ୍ଯାଯେନ ତୁ ଯୁଧ୍ଯନ୍ବୈ ହନ୍ଯାଦେବ ସୁଯୋଧନମ୍॥ 9-59-4 (63484)
ମାଯଯା ନିର୍ଜିତା ଦେବୈରସୁରା ଇତି ନଃ ଶ୍ରୁତମ୍।
ବିରୋଚନସ୍ତୁ ଶକ୍ରେଣ ମାଯଯା ନିର୍ଜିତଃ ସ ବୈ॥ 9-59-5 (63485)
ମାଯଯା ଚାକ୍ଷିପତ୍ତେଜୋ ବୃତ୍ରସ୍ଯ ବଲସୂଦନଃ।
ତସ୍ମାନ୍ମାଯାମଯଂ ବୀର ଆତିଷ୍ଠତୁ ବୃକୋଦରଃ॥ 9-59-6 (63486)
ପ୍ରତିଜ୍ଞାତଂ ଚ ଭୀମେନ ଦ୍ଯୂତକାଲେ ଧନଞ୍ଜଯ।
ଊରୂ ଭେତ୍ସ୍ଯାମି ତେ ସଙ୍ଖ୍ଯେ ଗଦଯେତି ସୁଯୋଧନମ୍॥ 9-59-7 (63487)
ସୋଽଯଂ ପ୍ରତିଜ୍ଞାଂ ତାଂ ଚାପି ପାରଯତ୍ବରିକର୍ଶନଃ।
ମାଯାବିନଂ ତୁ ରାଜାନଂ ମାଯଯୈବ ନିକୃନ୍ତତୁ॥ 9-59-8 (63488)
ଯଦ୍ଯେଷ ବଲମାସ୍ଥାଯ ନ୍ଯାଯେନ ପ୍ରହରିଷ୍ଯତି।
ବିଷମସ୍ଥସ୍ତତୋ ରାଜା ଭବିଷ୍ଯତି ଯୁଧିଷ୍ଠିରଃ॥ 9-59-9 (63489)
ପୁନରେବ ତୁ ବକ୍ଷ୍ଯାମି ପାଣ୍ଡବେଯ ନିବୋଧ ମେ।
ଧର୍ମରାଜାପରାଧେନ ଭଯଂ ନଃ ପୁନରାଗତମ୍॥ 9-59-10 (63490)
କୃତ୍ବା ହି ସୁମହତ୍କର୍ମ ହତ୍ବା ଭୀଷ୍ମମୁଖାନ୍କୁରୂନ୍।
ଜଯଃ ପ୍ରାପ୍ତୋ ଯଶଃ ପ୍ରାଗ୍ର୍ଯଂ ବୈରଂ ଚ ପ୍ରତିଯାତିତମ୍।
ତଦେବଂ ବିଜଯଃ ପ୍ରାପ୍ତଃ ପୁନଃ ସଂଶଯିତଃ କୃତଃ॥ 9-59-11 (63491)
ଅବୁଦ୍ଧିରେଷାଂ ମହତୀ ଧର୍ମରାଜସ୍ଯ ପାଣ୍ଡବ।
ଯଦେକବିଜଯେ ବୀର ପଣିତଂ କୃତମୀଦୃଶମ୍॥ 9-59-12 (63492)
ସୁଯୋଧନଃ କୃତୀ ବୀର ଏକାଯନଗତସ୍ତଥା॥ 9-59-13 (63493)
ଅପି ଚୋଶନସା ଗୀତଃ ଶ୍ରୂଯତେଽଯଂ ପୁରାତନଃ।
ଶ୍ଲୋକସ୍ତତ୍ତ୍ବାର୍ଥସହିତସ୍ତନ୍ମେ ନିଗଦତଃ ଶୃଣୁ॥ 9-59-14 (63494)
ପୁନରାବର୍ତମାନାନାଂ ଭଗ୍ନାନାଂ ଜୀବିତୈଷିଣାମ୍।
ଭେତବ୍ଯମରିଶେଷାଣାମେକାଯନଗତା ହି ତେ॥ 9-59-15 (63495)
[ସାହସୋତ୍ପତିତାନାଂ ଚ ନିରାଶାନାଂ ଚ ଜୀବିତେ।
ନ ଶକ୍ଯମଗ୍ରତଃ ସ୍ଥାତୁଂ ଶକ୍ରେଣାପି ଧନଞ୍ଜଯ]॥ 9-59-16 (63496)
ସୁଯୋଧନମିମଂ ଭଗ୍ନଂ ହତସୈନ୍ଯଂ ହଦଂ ଗତମ୍।
ପରାଜିତଂ ବନପ୍ରେପ୍ସୁଂ ନିରାଶଂ ରାଜ୍ଯଲମ୍ଭନେ।
କୋଽନ୍ବିଷ୍ଯ ସଂଯୁଗେ ପ୍ରାଜ୍ଞଃ ପୁନର୍ଦ୍ବନ୍ଦ୍ବେ ସମାହ୍ବଯେତ୍॥ 9-59-17 (63497)
ଅପି ନୋ ନିର୍ଜିତଂ ରାଜ୍ଯଂ ନ ହରେତ ସୁଯୋଧନଃ।
ଯସ୍ତ୍ରଯୋଦଶବର୍ଷାଣି ଗଦଯା କୃତନିଶ୍ରମଃ।
ଚରତ୍ଯୂର୍ଧ୍ବଂ ଚ ତିର୍ଯକ୍ବ ଭୀମସେନିଘାଂସଯା॥ 9-59-18 (63498)
ଏନଂ ଚେନ୍ନ ମହାବାହୁରନ୍ଯାଯେନ ହନିଷ୍ଯତି।
ଏଷ ବଃ କୌରବୋ ରାଜା ଧାର୍ତରାଷ୍ଟ୍ରୋ ଭବିଷ୍ଯତି॥ 9-59-19 (63499)
ସଞ୍ଜଯ ଉବାଚ। 9-59-20x (5233)
ଧନଞ୍ଜଯସ୍ତୁ ଶ୍ରୁତ୍ବୈତତ୍କେଶବସ୍ଯ ମହାତ୍ମନଃ।
ପ୍ରେକ୍ଷତୋ ଭୀମସେନସ୍ଯ ସବ୍ଯମୂରୁମତାଡଯତ୍॥ 9-59-20 (63500)
ଗୃହ୍ଯ ସଂଜ୍ଞାଂ ତତୋ ଭୀମୋ ଗଦଯା ବ୍ଯଚରଦ୍ରଣେ।
ମଣ୍ଡଲାନି ବିଚିତ୍ରାଣି ଯମକାନୀତରାଣି ଚ॥ 9-59-21 (63501)
ଦକ୍ଷିଣଂ ମଣ୍ଡଲଂ ସବ୍ଯଂ ଗୋମୂତ୍ରିକମଥାପି ଚ।
ବ୍ଯଚରତ୍ପାଣ୍ଡବୋ ରାଜନ୍ନରିଂ ସମ୍ମୋହଯନ୍ନିବ॥ 9-59-22 (63502)
ତଥୈବ ତବ ପୁତ୍ରୋଽପି ଗଦାମାର୍ଗବିଶାରଦଃ।
ବ୍ଯଚରଲ୍ଲଘୁ ଚିତ୍ରଂ ଚ ଭୀମସେନଜିଘାଂସଯା॥ 9-59-23 (63503)
ଆଧୁନ୍ବନ୍ତୌ ଗଦେ ଘୋରେ ଚନ୍ଦନାଗରୁରୂଷିତେ।
ବୈରସ୍ଯାନ୍ତଂ ପରୀପ୍ସନ୍ତୌ ରଣେ କ୍ରୁଦ୍ଧାବିବାନ୍ତକୌ॥ 9-59-24 (63504)
ଅନ୍ଯୋନ୍ଯଂ ତୌ ଜିଘାଂସନ୍ତୌ ପ୍ରବୀରୌ ପୁରୁଷର୍ଷଭୌ।
ଯୁଯୁଧାତେ ଗରୁତ୍ମନ୍ତୌ ଯଥା ନାଗାମିଷୈଷିଣୌ॥ 9-59-25 (63505)
ମଣ୍ଡଲାନି ବିଚିତ୍ରାଣି ଚରତୋର୍ନୃପଭୀମଯୋଃ।
ଗଦାସମ୍ପାତଜାସ୍ତତ୍ର ପ୍ରଜଜ୍ଞୁଃ ପାବକାର୍ଚିଷଃ॥ 9-59-26 (63506)
ସମଂ ପ୍ରହରତୋସ୍ତତ୍ର ଶୂରଯୋର୍ବଲିନୋର୍ମୃଧେ।
କ୍ଷୁବ୍ଧଯୋର୍ବାଯୁନା ରାଜନ୍ଦ୍ବଯୋରିବ ସମୁଦ୍ରଯୋଃ॥ 9-59-27 (63507)
ତଯୋଃ ପ୍ରହରତୋସ୍ତୁଲ୍ଯଂ ମତ୍ତକୁଞ୍ଜରଯୋରିବ।
ଗଦାନିର୍ଘାତସଂ ହାଦଃ ପ୍ରହାରାଣାମଜାଯତ॥ 9-59-28 (63508)
ତସ୍ମିଂସ୍ତଦା ସମ୍ପ୍ରହାରେ ଦାରୁଣେ ସଙ୍କୁଲେ ଭୃଶମ୍।
ଉଭାବପି ପରିଶ୍ରାନ୍ତୌ ଯୁଧ୍ଯମାନାବରିନ୍ଦମୌ॥ 9-59-29 (63509)
ତୌ ମୁହୂର୍ତେ ସମାଶ୍ବସ୍ଯ ପୁନରେବ ପରନ୍ତପ।
ଅଭ୍ଯହାରଯତାଂ କ୍ରୁଦ୍ଧୌ ପ୍ରଗୃହ୍ଯ ମହତୀ ଗଦେ॥ 9-59-30 (63510)
ତଯୋଃ ସମଭବଦ୍ଯୁଦ୍ଧଂ ଘୋରରୂପମସଂବୃତମ୍।
ଗଦାନିପାତୈ ରାଜେନ୍ଦ୍ର ତକ୍ଷତୋର୍ବୈ ପରସ୍ପରମ୍॥ 9-59-31 (63511)
ସମରେ ପ୍ରଦ୍ରୁତୌ ତୌ ତୁ ବୃଷଭାକ୍ଷୌ ତରସ୍ବିନୌ।
ଅନ୍ଯୋନ୍ଯଂ ଜଘ୍ନତୁର୍ବୀରୌ ପଙ୍କସ୍ଥୌ ମହିଷାବିବ॥ 9-59-32 (63512)
ଜର୍ଝରୀକୃତସର୍ବାଙ୍ଗୌ ରୁଧିରେଣାଭିସଂପ୍ଲୁତୌ।
ଦଦୃଶାତେ ହିମବତି ପୁଷ୍ପିତାବିବ କିଂଶୁକୌ॥ 9-59-33 (63513)
ଦୁର୍ଯୋଧନସ୍ତୁ ପାର୍ଥେନ ବିବରେ ସମ୍ପ୍ରଦର୍ଶିତେ।
ଈଷଦୁତ୍ସ୍ମଯମାନସ୍ତୁ ସହସା ପ୍ରସସାର ହ॥ 9-59-34 (63514)
ତମଭ୍ଯାଶଗତଂ ପ୍ରାଜ୍ଞଃ କ୍ଷଣେ ପ୍ରେକ୍ଷ୍ଯ ବୃକୋଦରଃ।
ଅବାକ୍ଷିପଦ୍ଗଦାଂ ତସ୍ମିନ୍ବେଗେନ ମହତା ବତୀ॥ 9-59-35 (63515)
ଅବକ୍ଷେପଂ ତୁ ତଂ ଦୃଷ୍ଟ୍ବା ପୁତ୍ରସ୍ତବ ବିଶାମ୍ପତେ।
ଅପାସର୍ପତ୍ତତଃ ସ୍ଥାନାତ୍ସା ମୋଘା ନ୍ଯପତଦ୍ଭୁବି॥ 9-59-36 (63516)
ମୋକ୍ଷଯିତ୍ବା ପ୍ରହାରଂ ତଂ ସୁତସ୍ତବ ସୁସମ୍ଭ୍ରମାତ୍।
ଭୀମସେନଂ ଚ ଗଦଯା ପ୍ରାହରତ୍କୁରୁସତ୍ତମ॥ 9-59-37 (63517)
ତସ୍ଯ ବିସ୍ଯନ୍ଦମାନେନ ରୁଧିରେଣାମିତୌଜସଃ।
ପ୍ରହାରଗୁରୁପାତାଚ ମୂର୍ଛେବ ସମଜାଯତ॥ 9-59-38 (63518)
ତନ୍ନାବୁଧ୍ଯତ ପୁତ୍ରସ୍ତେ ପୀଡିତଂ ପାଣ୍ଡବଂ ରଣେ।
ଧାରଯାମାସ ଭୀମୋଽପି ଶରୀରମତିପୀଡିତମ୍॥ 9-59-39 (63519)
ଅମନ୍ଯତ ସ୍ଥିତଂ ହ୍ଯେନଂ ପ୍ରହରିଷ୍ଯନ୍ତମାହବେ।
ଅତୋ ନ ପ୍ରାହରତ୍ତସ୍ମୈ ପୁନରେବ ତବାତ୍ମଜଃ॥ 9-59-40 (63520)
ତତୋ ମୁହୂର୍ତନାଶ୍ବସ୍ଯ ଦୁର୍ଯୋଧନମୁପସ୍ଥିତମ୍।
ଦେଗେନାଭ୍ଯଯତଦ୍ରାଜନ୍ଗଦାମାଦାଯ ପାଣ୍ଡବଃ॥ 9-59-41 (63521)
ତମାପତନ୍ତଂ ସମ୍ପ୍ରେକ୍ଷ୍ଯ ସଂରବ୍ଧଗମିତୌଜସମ୍।
ମୋଧମସ୍ଯ ପ୍ରହାରଂ ତଂ ଚିକୀର୍ଷୁର୍ଭରତର୍ଷଭ॥ 9-59-42 (63522)
ଅବସ୍ଯାନେ ମତିଂ କୃତ୍ବା ପୁତ୍ରନ୍ତବ ମହାମନାଃ।
ଇଯେଷୋତ୍ପତିତୁଂ ରାଜଞ୍ଛଲଯିଷ୍ଯନ୍ବୃକୋଦରମ୍॥ 9-59-43 (63523)
ଅବୁଧ୍ଯଦ୍ଭୀମସେନସ୍ତୁ ରାଜ୍ଞସ୍ତସ୍ଯ ଚିକୀର୍ଷିତମ୍।
ଅଚାସ୍ଯ ସମମିଦ୍ରୁତ୍ଯ ସମୁତ୍ପତ୍ଯ ଚ ସିଂହବତ୍॥ 9-59-44 (63524)
ସତ୍ଯା ବଞ୍ଚବତୋ ରାଜନ୍ପୁନରେବୋତ୍ପତିଷ୍ଯତଃ।
ଊରୁଭ୍ଯାଂ ପ୍ରାହିଣୋଦ୍ରାଜନ୍ଗଦାଂ ବେଗେନ ପାଣ୍ଡବଃ॥ 9-59-45 (63525)
ସା ବଜ୍ରନିଷ୍ପେଷସମା ପ୍ରହିତା ଭୀମକର୍ମଣା।
ଊରୂ ଦୁର୍ଯୋଧନସ୍ଯାଥ ବଭଞ୍ଜ ପ୍ରିଯଦର୍ଶନୌ॥ 9-59-46 (63526)
ସ ପପାତ ନରବ୍ଯାଘ୍ରୋ ବସୁଧାମନୁନାଦଯନ୍।
ଭଗ୍ନୋରୁର୍ଭୀମସେନେନ ପୁତ୍ରସ୍ତବ ମହୀପତେ॥ 9-59-47 (63527)
ବବୁର୍ବାତାଃ ସନିର୍ଘାତାଃ ପାଂସୁବର୍ଷଂ ପପାତ ଚ।
ଚଚାଲ ପୃଥିବୀ ଚାପି ସବୃକ୍ଷକ୍ଷୁପପର୍ବତା॥ 9-59-48 (63528)
ତସ୍ମିନ୍ନିପତିତେ ବୀରେ ପତ୍ଯୌ ସର୍ବମହୀକ୍ଷିତାମ୍।
ମହାସ୍ବନା ପୁନର୍ଦୀପ୍ତା ସନିର୍ଘାତା ଭଯଙ୍କରୀ।
ପପାତ ଚୋଲ୍କା ମହତୀ ପତିତେ ପୃଥିବୀପତୌ॥ 9-59-49 (63529)
ତଥା ଶୋଣିତବର୍ଷଂ ଚ ପାଂସୁବର୍ଷଂ ଚ ଭାରତ।
ବବର୍ଷ ମଘବାଂସ୍ତତ୍ର ତବ ପୁତ୍ରେ ନିପାତିତେ॥ 9-59-50 (63530)
ଯକ୍ଷାଣାଂ ରାକ୍ଷସାନାଂ ଚ ପିଶାଚାନାଂ ତଥୈବ ଚ।
ଅନ୍ତରିକ୍ଷେ ମହାନ୍ନାଦସ୍ତତ୍ର ଭାରତ ଶୁଶ୍ରୁବେ॥ 9-59-51 (63531)
ତେନ ଶବ୍ଦେନ ଘୋରେଣ ମୃଗାଣାମଥ ପକ୍ଷିଣାମ୍।
ଜଜ୍ଞେ ଘୋରତରଃ ଶବ୍ଦୋ ବହୂନାଂ ସର୍ବତୋଦିଶମ୍॥ 9-59-52 (63532)
ଯେ ତତ୍ର ବାଜିନଃ ଶେଷା ଗଜାଶ୍ଚ ମନୁଜୈଃ ସହ।
ମୁମୁଚୁସ୍ତେ ମହାନାଦଂ ତବ ପୁତ୍ରେ ନିପାତିତେ॥ 9-59-53 (63533)
ବେରୀଶଙ୍ଖମୃଦଙ୍ଗାନାମଭବଚ୍ଚ ସ୍ବନୋ ମହାନ୍।
ଅନ୍ତର୍ଭୂମିଗତଶ୍ଚୈବ ତବ ପୁତ୍ରେ ନିପାତିତେ॥ 9-59-54 (63534)
[ବହୁପାଦୈର୍ବହୁଭୁଜୈଃ କବନ୍ଧୈର୍ଘୋରଦର୍ଶନୈଃ।
ନୃତ୍ଯଦ୍ଭିର୍ଭଯଦୈର୍ବ୍ଯାପ୍ତା ଦିଶସ୍ତତ୍ରାଭବନ୍ନୃପ॥ 9-59-55 (63535)
ଧ୍ବଜବନ୍ତୋଽସ୍ତ୍ରବନ୍ତଶ୍ଚ ଶସ୍ତ୍ରବନ୍ତସ୍ତଥୈବ ଚ।
ପ୍ରାକମ୍ପନ୍ତ ତତୋ ରାଜଂସ୍ତବ ପୁତ୍ରେ ନିପାତିତେ]॥ 9-59-56 (63536)
ହଦାଃ କୂପାଶ୍ଚ ରୁଧିରମୁଦ୍ବେମୁର୍ନୃପସତ୍ତମ।
ନଦ୍ଯଶ୍ଚ ସୁମହାବେଗାଃ ପ୍ରତିସ୍ରୋତୋବହାଽଭବନ୍॥ 9-59-57 (63537)
ପୁଲ୍ଲିଙ୍ଗା ଇବ ନାର୍ଯସ୍ତୁ ସ୍ତ୍ରୀଲିଙ୍ଗାଃ ପୁରୁଷାଽଭବନ୍।
ଦୁର୍ଯୋଧନେ ତଦା ରାଜନ୍ପତିତେ ତନଯେ ତବ॥ 9-59-58 (63538)
ଦୃଷ୍ଟ୍ବା ତାନଦ୍ଭୁତୋତ୍ପାତାନ୍ପାଞ୍ଚାଲାଃ ପାଣ୍ଡବୈଃ ସହ।
ଆବିଗ୍ନମନସଃ ସର୍ବେ ବଭୂବୁର୍ଭରତର୍ଷଭ॥ 9-59-59 (63539)
ଯଯୁର୍ଦେବା ଯଥାକାମଂ ଗନ୍ଧର୍ବାପ୍ସରସସ୍ତଥା।
କଥଯନ୍ତୋଽଦ୍ଭୁତଂ ଯୁଦ୍ଧଂ ସୁତଯୋସ୍ତବ ଭାରତ॥ 9-59-60 (63540)
ତଥୈବ ସିଦ୍ଧା ରାଜେନ୍ଦ୍ର ତଥା ବାତିକଚାରଣାଃ।
ନରସିଂହୌ ପ୍ରଶଂସନ୍ତୌ ବିପ୍ରଜଗ୍ମୁର୍ଯଥାଗତମ୍॥ ॥ 9-59-61 (63541)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଗଦାଯୁଦ୍ଧପର୍ବଣି ଏକୋନଷଷ୍ଟିତମୋଽଧ୍ଯାଯଃ॥ 59 ॥
Mahabharata - Shalya Parva - Chapter Footnotes
9-59-15 ଅରିଶେଷାଣୋ ପଞ୍ଚମ୍ଯର୍ଥେ ଷଷ୍ଠୀ॥ 9-59-34 ସହସୈବାଭିସାରିତ ଇତି କ.ଛ.ପାଠଃ॥ 9-59-45 ଧୃତ୍ଯା ବଞ୍ଚଯତ ଇତି କ.ଛ.ପାଠଃ॥ 9-59-48 କ୍ଷୁପଃ କ୍ଷୁଦ୍ରବୃକ୍ଷଃ॥ 9-59-59 ଏକୋନଷଷ୍ଟିତମୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 060
॥ ଶ୍ରୀଃ ॥
9.60. ଅଧ୍ଯାଯଃ 060
Mahabharata - Shalya Parva - Chapter Topics
ଭୀମସେନେନ ଦୁର୍ଯୋଧନାପନଯାନୁସ୍ମାରଣପୂର୍ବକଂ ବାମପାଦେନ ତଚ୍ଛିରସ୍ତାଡନମ୍॥ 1 ॥ ଯୁଧିଷ୍ଠିରେଣ ଦୁର୍ଯୋଧନସମାଶ୍ବାସନମ୍॥ 2 ॥Mahabharata - Shalya Parva - Chapter Text
9-60-0 (63542)
ସଞ୍ଜଯ ଉବାଚ। 9-60-0x (5234)
ତଂ ପାତିତଂ ତତୋ ଦୃଷ୍ଟ୍ବା ମହାସାଲମିବୋଦ୍ଗତମ୍।
ପ୍ରହୃଷ୍ଟମନସଃ ସର୍ବେ ବଭୂବୁସ୍ତତ୍ର ପାଣ୍ଡବାଃ॥ 9-60-1 (63543)
ଉନ୍ମତ୍ତମିବ ମାତଙ୍ଗଂ ସିଂହେନ ବିନିପାତିତମ୍।
ଦଦୃଶୁର୍ହୃଷ୍ଟରୋମାଣଃ ସର୍ବେ ତେ ଚାପି ସୋମକାଃ॥ 9-60-2 (63544)
ତତୋ ଦୁର୍ଯୋଧନଂ ହତ୍ବା ଭୀମସେନଃ ପ୍ରତାପବାନ୍।
ପାତିତଂ କୌରବେନ୍ଦ୍ରଂ ତମୁପଗମ୍ଯେଦମବ୍ରବୀତ୍॥ 9-60-3 (63545)
ଗୌର୍ଗୌରିତି ପୁରା ମନ୍ଦ ଦ୍ରୌପଦୀମେକବାସସମ୍।
ଯତ୍ସଭାଯାଂ ହସନ୍ନସ୍ମାଂସ୍ତଦା ବଦସି ଦୁର୍ମତେ।
ତସ୍ଯାବହାସସ୍ଯ ଫଲମଦ୍ଯ ତ୍ବଂ ସମବାପ୍ନୁହି॥ 9-60-4 (63546)
ଏବମୁକ୍ତ୍ବା ସ ବାମେନ ପଦା ମୌଲିମୁପାସ୍ପୃଶତ୍।
ଶିରଶ୍ଚ ରାଜସିଂହସ୍ଯ ପାଦେନ ସମଲୋଡଯତ୍॥ 9-60-5 (63547)
ତଥୈବ କ୍ରୋଧସଂରକ୍ତୋ ଭୀମଃ ପରବଲାର୍ଦନଃ।
ପୁନରେବାବ୍ରବୀଦ୍ବାକ୍ଯଂ ଯତ୍ତଚ୍ଛୃଣୁ ନରାଧିପ॥ 9-60-6 (63548)
ଯେଽସ୍ମାନ୍ପୁରା ପ୍ରନୃତ୍ଯନ୍ତି ମୂଢା ଗୌରିତି ଗୌରିତି।
ତାନ୍ବଯଂ ପ୍ରତିନୃତ୍ଯାମଃ ପୁନର୍ଗୌରିତି ଗୌରିତି॥ 9-60-7 (63549)
ନାସ୍ମାକଂ ନିକୃତିର୍ବହ୍ନିର୍ନାକ୍ଷଦ୍ଯୂତଂ ନ ବଞ୍ଚନା।
ସ୍ବବାହୁବଲମାଶ୍ରିତ୍ଯ ପ୍ରବାଧାମୋ ବଯଂ ରିପୂନ୍॥ 9-60-8 (63550)
ସୋଽବାପ୍ଯ ବୈରସ୍ଯ ଚିରସ୍ଯ ପାରଂ
ବୃକୋଦରଃ ପ୍ରାହ ଶନୈଃ ପ୍ରହସ୍ଯ।
ଯୁଧିଷ୍ଠିରଂ କେଶବସୃଞ୍ଜଯାଂଶ୍ଚ
ଧନଞ୍ଜଯଂ ମାଦ୍ରବତୀସୁତୌ ଚ॥ 9-60-9 (63551)
ରଜସ୍ବଲା ଦ୍ରୌପଦୀମାନଯନ୍ତେ
ଯେ ଚାପ୍ଯକୁର୍ବନ୍ତ ସଦସ୍ଯବସ୍ତ୍ରାମ୍। 9-60-10cତାନ୍ପଶ୍ଯଧ୍ବଂ ପାଣ୍ଡବୈର୍ଧାର୍ତରାଷ୍ଟ୍ରାନ୍
ରଣେ ହତାଂସ୍ତପସା ଯାଜ୍ଞସେନ୍ଯାଃ॥ 9-60-10 (63552)
ଯେ ନଃ ପୁରା ଷଣ୍ଢତିଲାନବୋଚନ୍
କ୍ରୂରା ରାଜ୍ଞୋ ଧୃତରାଷ୍ଟ୍ରସ୍ଯ ପୁତ୍ରାଃ।
ତେ ନୋ ହତାଃ ସଗଣାଃ ସାନୁବନ୍ଧାଃ
କାମଂ ସ୍ବର୍ଗଂ ନରକଂ ବା ବ୍ରଜାମଃ॥ 9-60-11 (63553)
ପୁନଶ୍ଚ ରାଜ୍ଞଃ ପତିତସ୍ଯ ଭୂମୌ
ସ ତାଂ ଗଦାଂ ସ୍କନ୍ଧଗତାଂ ପ୍ରଗୃହ୍ଯ।
ବାମେନ ପାଦେନ ଶିରଃ ପ୍ରମୃଦ୍ଯ
ଦୁର୍ଯୋଧନଂ ନୈକୃତିକେତ୍ଯବୋଚତ୍॥ 9-60-12 (63554)
ହୃଷ୍ଟେନ ରାଜନ୍କୁରୁପାର୍ଥିବସ୍ଯ
କ୍ଷୁଦ୍ରାତ୍ମନା ଭୀମସେନେନ ପାଦମ୍।
ଦୃଷ୍ଟ୍ବା କୃତଂ ମୂର୍ଧନି ନାଭ୍ଯନନ୍ଦନ୍
ଧର୍ମାତ୍ମାନଃ ସୋମକାନାଂ ପ୍ରବର୍ହାଃ॥ 9-60-13 (63555)
ତବ ପୁତ୍ରଂ ତଥା ହତ୍ବା କତ୍ଥମାନଂ ବୃକୋଦରମ୍।
ନୃତ୍ଯମାନଂ ଚ ବହୁଶୋ ଧର୍ମରାଜୋଽବ୍ରବୀଦିଦମ୍॥ 9-60-14 (63556)
ଗତୋଽସି ବୈରସ୍ଯାନୃଣ୍ଯଂ ପ୍ରତିଜ୍ଞା ପୂରିତା ତ୍ବଯା।
ଶୁଭେନାଥାଶୁଭେନୈବ କର୍ମଣା ବିରମାଧୁନା॥ 9-60-15 (63557)
ମା ଶିରୋଽସ୍ଯ ପଦାଽମର୍ଦୀର୍ମା ଧର୍ମସ୍ତେଽତିଗୋ ଭବେତ୍।
ରାଜା ଜ୍ଞାତିର୍ହତଶ୍ଚାଯଂ ନୈତନ୍ନ୍ଯାଯ୍ଯଂ ତବାନଘ॥ 9-60-16 (63558)
ଏକାଦଶଚମୂନାଥଂ କୁରୂଣାମଧିପଂ ତଥା।
ମାସ୍ପ୍ରାକ୍ଷୀର୍ଭୀମ ପାଦେନ ରାଜାନଂ ଜ୍ଞାତିମେବ ଚ॥ 9-60-17 (63559)
ହତବନ୍ଧୁର୍ହତାମାତ୍ଯୋ ଭ୍ରଷ୍ଟସୈନ୍ଯୋ ହତୋ ମୃଧେ।
ସର୍ବାକାରେଣ ଶୋଚ୍ଯୋଽଯଂ ନାବହାସ୍ଯୋଽଯମୀଶ୍ବରଃ॥ 9-60-18 (63560)
ବିଧ୍ବସ୍ତୋଽଯଂ ହତାମାତ୍ଯୋ ହତବନ୍ଧୁର୍ହତାତ୍ମଜଃ।
ଉତ୍ସନ୍ନପିଣ୍ଡୋ ଭ୍ରାତା ଚ ନୈତନ୍ନ୍ଯାଯ୍ଯଂ କୃତଂ ତ୍ବଯା॥ 9-60-19 (63561)
ଧାର୍ମିକୋ ଭୀମସେନୋଽସାବିତ୍ଯାହୁସ୍ତ୍ବାଂ ପୁରା ଜନାଃ।
ସ କସ୍ମାଦ୍ଭୀମସେନ ତ୍ବଂ ରାଜାନମଧିତିଷ୍ଠସି॥ 9-60-20 (63562)
ଇତ୍ଯୁକ୍ତ୍ବା ଭୀମସେନଂ ତୁ ସାଶ୍ରୁକଣ୍ଠୋ ଯୁଧିଷ୍ଠିରଃ।
ଉପସୃତ୍ଯାବ୍ରବୀଦ୍ଦୀନୋ ଦୁର୍ଯୋଧନମରିନ୍ଦମମ୍॥ 9-60-21 (63563)
ତାତ ମନ୍ଯୁର୍ନ ତେ କାର୍ଯୋ ନାତ୍ମା ଶୋଚ୍ଯସ୍ତ୍ବଯା ତଥା।
ନୂନଂ ପୂର୍ବକୃତଂ କର୍ମ ସୁଘୋରମନୁଭୂଯତେ॥ 9-60-22 (63564)
ଧାତ୍ରୋପଦିଷ୍ଟଂ ବିଷମଂ ନୂନଂ ଫଲମସଂସ୍କୃତମ୍।
ଯଦ୍ବଯଂ ତ୍ବାଂ ଜିଘାଂସାମସ୍ତ୍ବଂ ଚାସ୍ମାନ୍କୁରୁସତ୍ତମ॥ 9-60-23 (63565)
ଆତ୍ମନୋ ହ୍ଯପରାଧେନ ମହଦ୍ବ୍ଯସନମୀହଶମ୍।
ପ୍ରାପ୍ତବାନସି ଯଲ୍ଲୋଭାନ୍ମଦାଦ୍ବାଲ୍ଯାଚ୍ଚ ଭାରତ॥ 9-60-24 (63566)
ଘାତଯିତ୍ବା ବଯସ୍ଯାଂଶ୍ଚ ଭ୍ରାତୄନଥ ପିତୄଂସ୍ତଥା।
ପୁତ୍ରାନ୍ପୌତ୍ରାଂସ୍ତଥା ଚାନ୍ଯାଂସ୍ତତୋସି ନିଧନଂ ଗତଃ॥ 9-60-25 (63567)
ତବାପରାଧାଦସ୍ମାଭିର୍ଭ୍ରାତରସ୍ତେ ନିପାତିତାଃ।
ନିହତା ଜ୍ଞାତଯଶ୍ଚାପି ଦିଷ୍ଟଂ ମନ୍ଯେ ଦୁରତ୍ଯଯମ୍॥ 9-60-26 (63568)
[ଆତ୍ମା ନ ଶୋଚନୀଯସ୍ତେ ଶ୍ଲାଘ୍ଯୋ ମୃତ୍ଯୁସ୍ତବାନଘ।
ବଯମେବାଧୁନା ଶୋଚ୍ଯାଃ ସର୍ବାବସ୍ଥାସୁ କୌରବ॥ 9-60-27 (63569)
କୃପଣଂ ବର୍ତଯିଷ୍ଯାମସ୍ତୈର୍ହୀନା ବନ୍ଧୁଭିଃ ପ୍ରିଯୈଃ।
ଭ୍ରାତୄଣାଂ ଚୈବ ପୁତ୍ରାଣାଂ ତଥା ବୈ ଶୋକବିହ୍ବଲାଃ॥ 9-60-28 (63570)
କଥଂ ଦ୍ରକ୍ଷ୍ଯାମି ବିଧବା ବଧୂଃ ଶୋକପରିପ୍ଲୁତାଃ।
ତ୍ବମେକଃ ସୁସ୍ଥିତୋ ରାଜନ୍ସ୍ବର୍ଗେ ତେ ନିଲଯୋ ଧ୍ରୁବଃ।
ବଯଂ ନରକସଂଜ୍ଞଂ ବୈ ଦୁଃଖଂ ପ୍ରାପ୍ସ୍ଯାମ ଦାରୁଣମ୍॥] 9-60-29 (63571)
ସ୍ନୁଷାଶ୍ଚ ପ୍ରସ୍ନୁଷାଶ୍ଚୈବ ଧୃତରାଷ୍ଟ୍ରସ୍ଯ ବିହ୍ବଲାଃ।
ଗର୍ହଯିଷ୍ଯନ୍ତି ନୋ ନୂନଂ ବିଧବାଃ ଶୋକକର୍ଶିତାଃ॥ 9-60-30 (63572)
ସଞ୍ଜଯ ଉବାଚ। 9-60-31x (5235)
ଏବମୁକ୍ତ୍ବା ସୁଦୁଃଖାର୍ତୋ ନିଶଶ୍ବାସ ସ ପାର୍ଥିବଃ।
ବିଲଲାପ ଚିରଂ ଚାପି ଧର୍ମପୁତ୍ରୋ ଯୁଧିଷ୍ଠିରଃ॥ ॥ 9-60-31 (63573)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଗଦାଯୁଦ୍ଧପର୍ବଣି ଷଷ୍ଟିତମୋଽଧ୍ଯାଯଃ॥ 60 ॥
ଶଲ୍ଯପର୍ବ - ଅଧ୍ଯାଯ 061
॥ ଶ୍ରୀଃ ॥
9.61. ଅଧ୍ଯାଯଃ 061
Mahabharata - Shalya Parva - Chapter Topics
ଭୀମେ ଅପନଯବୁଦ୍ଧ୍ଯା କ୍ରୁଦ୍ଧେନ ବଲରାମେଣ ଲାଙ୍ଗଲମୁଦ୍ଯମ୍ଯ ତମ୍ପ୍ରତ୍ଯଭିଗମନମ୍॥ 1 ॥ କୃଷ୍ଣେନ ତତ୍ସାନ୍ତ୍ବନଂ ତତୋ ବଲସ୍ଯ ଦ୍ବାରକାଗମନମ୍॥ 2 ॥ ଯୁଧିଷ୍ଠିରସ୍ଯ କୃଷ୍ଣେନ ଭୀମେନ ଚ ସଂଲାପଃ॥ 3 ॥Mahabharata - Shalya Parva - Chapter Text
9-61-0 (63574)
ଧୃତରାଷ୍ଟ୍ରା ଉବାଚ। 9-61-0x (5236)
ଅଧର୍ମେଣ ହତଂ ଦୃଷ୍ଟ୍ବା ରାଜାନଂ ମାଧବୋତ୍ତମଃ।
କିମବ୍ରବୀତ୍ତଦା ସୂତ ବଲଦେବୋ ମହାବଲଃ॥ 9-61-1 (63575)
ଗଦାଯୁଦ୍ଧବିଶେଷଜ୍ଞୋ ଗଦାଯୁଦ୍ଧବିଶାରଦଃ।
କୃତବାନ୍ରୌହିଣେଯୋ ଯତ୍ତନ୍ମମାଚକ୍ଷ୍ବ ସଞ୍ଜଯ॥ 9-61-2 (63576)
ସଞ୍ଜଯ ଉବାଚ। 9-61-3x (5237)
ଶିରସ୍ଯଭିହତଂ ଦୃଷ୍ଟ୍ବା ଭୀମସେନେନ ତେ ସୁତମ୍।
ରାମଃ ପ୍ରହରତାଂ ଶ୍ରେଷ୍ଠଶ୍ଚୁକ୍ରୋଧ ବଲବଦ୍ବଲୀ॥ 9-61-3 (63577)
ତତୋ ମଧ୍ଯେ ନରେନ୍ଦ୍ରାଣାମୂର୍ଧ୍ବବାହୁର୍ହଲାଯୁଧଃ।
କୁର୍ବନ୍ନାର୍ତସ୍ବରଂ ଘୋରଂ ଧିଗ୍ଧିଗ୍ଭୀମେତ୍ଯୁବାଚ ହ॥ 9-61-4 (63578)
ଅହୋ ଧିଗ୍ଯଦଧୋ ନାଭେଃ ପ୍ରହୃତଂ ଧର୍ମବିଗ୍ରହେ।
ନୈତଦ୍ଦୃଷ୍ଟଂ ଗଦାଯୁଦ୍ଧେ କୃତବାନ୍ଯଦ୍ବୃକୋଦରଃ॥ 9-61-5 (63579)
ଅଧୋ ନାଭ୍ଯା ନ ହନ୍ତବ୍ଯମିତି ଶାସ୍ତ୍ରସ୍ଯ ନିଶ୍ଚଯଃ।
ଅଯଂ ତୁ ଶାସ୍ତ୍ରମୁତ୍ସୃଜ୍ଯ ସ୍ବଚ୍ଛନ୍ଦାତ୍ସମ୍ପ୍ରବର୍ତତେ॥ 9-61-6 (63580)
ତସ୍ଯ ତତ୍ତଦ୍ବ୍ରୁବାଣସ୍ଯ ରୋଷଃ ସମଭବନ୍ମହାନ୍।
[ତତୋ ରାଜାନମାଲୋକ୍ଯ ରୋଷସଂରକ୍ତଲୋଚନଃ।
ବଲଦେବୋ ମହାରାଜ ତତୋ ବଚନମବ୍ରବୀତ୍॥ 9-61-7 (63581)
ନ ଚୈଷ ପତିତଃ କୃଷ୍ଣ କେବଲଂ ମତ୍ସମୋଽସମଃ।
ଆଶ୍ରିତସ୍ଯ ତୁ ଦୌର୍ବଲ୍ଯାଦାଶ୍ରଯଃ ପରିଭର୍ତ୍ସ୍ଯତେ॥] 9-61-8 (63582)
ତତୋ ଲାଙ୍ଗଲମୁଦ୍ଯମ୍ଯ ଭୀମମଭ୍ଯଦ୍ରବଦ୍ବଲୀ॥ 9-61-9 (63583)
ତସ୍ଯୋର୍ଧ୍ବବାହୋଃ ସଦୃଶଂ ରୂପମାସୀନ୍ମହାତ୍ମନଃ।
ବହୁଧାତୁବିଚିତ୍ରସ୍ଯ ଶ୍ବେତସ୍ଯେବ ମହାଗିରେଃ॥ 9-61-10 (63584)
`ଭ୍ରାତୃଭିଃ ସହିତୋ ବୀରୈଃ ସାର୍ଜୁନୈରସ୍ତ୍ରକୋବିଦୈଃ।
ନ ବିବ୍ଯଥେ ମହାରାଜ ଦୃଷ୍ଟ୍ବା ହଲଧରଂ ବଲୀ'॥ 9-61-11 (63585)
ଅଥ ରାମଂ ନିଜଗ୍ରାହ କେଶବୋ ବିନଯାନ୍ବିତଃ।
ବାହୁଭ୍ଯାଂ ପୀନବୃତ୍ତାଭ୍ଯାଂ ପ୍ରଯତ୍ନାଦ୍ବଲବଦ୍ବଲୀ॥ 9-61-12 (63586)
ସିତାସିତୌ ଯଦୁବରୌ ଶୁଶୁଭାତେଽଧିକଂ ତଦା।
`ସଙ୍ଗତାବିବ ରାଜେନ୍ଦ୍ର କୈଲାସାଞ୍ଜନପର୍ବତୌ।
ନଭୋଗତୌ ଯଥା ରାଜଂଶ୍ଚନ୍ଦ୍ରସୂର୍ଯୌ ଦିନକ୍ଷଯେ॥ 9-61-13 (63587)
ଉବାଚ ଚୈନଂ ସଂରବ୍ଧଂ ଶମଯନ୍ନିବ କେଶବଃ॥ 9-61-14 (63588)
ଆତ୍ମବୃଦ୍ଧିର୍ମିତ୍ରବୃଦ୍ଧିର୍ମିତ୍ରମିତ୍ରୋଦଯସ୍ତଥା।
ବିପରୀତଂ ଦ୍ବିଷତ୍ସ୍ବେତତ୍ଷଡ୍ବିଧା ବୃଦ୍ଧିରାତ୍ମନଃ॥ 9-61-15 (63589)
ଆତ୍ମନ୍ଯପି ଚ ମିତ୍ରେ ଚ ବିପରୀତଂ ଯଦା ଭବେତ୍।
ତଦା ବିଦ୍ଯାନ୍ମନୋଗ୍ଲାନିମାଶୁ ଶାନ୍ତିକରୋ ଭବେତ୍॥ 9-61-16 (63590)
ଅସ୍ମାକଂ ସହଜଂ ମିତ୍ରଂ ପାଣ୍ଡବାଃ ଶୁଦ୍ଧପୌରୁଷାଃ।
ସ୍ବକାଃ ପିତୃଷ୍ବସୁଃ ପୁତ୍ରାସ୍ତେ ପରୈର୍ନିକୃତା ଭୃଶମ୍॥ 9-61-17 (63591)
ପ୍ରତିଜ୍ଞାପାଲନଂ ଧର୍ମଃ କ୍ଷତ୍ରିଯସ୍ଯେତି ବେତ୍ଥ ତତ୍॥ 9-61-18 (63592)
ସୁଯୋଧନସ୍ଯ ଗଦଯା ଭକ୍ତାଽସ୍ମ୍ଯୂରୂ ମହାହବେ।
ଇତି ପୂର୍ବଂ ପ୍ରତିଜ୍ଞାତଂ ଭୀମେନ ହି ସଭାତଲେ॥ 9-61-19 (63593)
ମୈତ୍ରେଯେଣାଭିଶପ୍ତଶ୍ଚ ପୂର୍ବମେବ ମହାର୍ଷିଣା।
ଊରୂ ତେ ଭେତ୍ସ୍ଯତେ ଭୀମୋ ଗଦଯେତି ପରନ୍ତପ।
ଅତୋ ଦୋଷଂ ନ ପଶ୍ଯାମି ମା କ୍ରୁଧ୍ଯସ୍ବ ପ୍ରଲମ୍ବହନ୍॥ 9-61-20 (63594)
ଯୌନଃ ସ୍ବୈଃ ସୁଖହାର୍ଦୈଶ୍ଚ ସମ୍ବନ୍ଧଃ ସହ ପାଣ୍ଡବୈଃ।
ତେଷାଂ ବୃଦ୍ଧ୍ଯା ହି ବୃଦ୍ଧିର୍ନୋ ମା କ୍ରୁଧଃ ପୁରୁଷର୍ଷଭ॥ 9-61-21 (63595)
ବାସୁଦେବବଚଃ ଶ୍ରୁତ୍ବା ସୀରଭୃତ୍ପ୍ରାହ ଧର୍ମବିତ୍॥ 9-61-22 (63596)
ଧର୍ମଶ୍ଚ ଧାରିତଃ ସଦ୍ଭିଃ ସ ଚ ଦ୍ବାଭ୍ଯାଂ ନିଯଚ୍ଛତି।
ଅର୍ଥଶ୍ଚାପ୍ଯତିଲୁବ୍ଧସ୍ଯ କାମଶ୍ଚାତିପ୍ରସଙ୍ଗିଣଃ॥ 9-61-23 (63597)
ଧର୍ମାର୍ଥୌ ଧର୍ମକାମୌ ଚ କାମାର୍ଥୌ ଚାପ୍ଯପୀଡଯନ୍।
ଧର୍ମାର୍ଥକାମାନ୍ଯୋଽଭ୍ଯେତି ସୋତ୍ଯନ୍ତଂ ସୁଖମଶ୍ନୁତେ॥ 9-61-24 (63598)
ତଦିଦଂ ବ୍ଯାକୁଲଂ ସର୍ବଂ କୃତଂ ଧର୍ମସ୍ଯ ପୀଡନାତ୍।
ଭୀମସେନେନ ଗୋବିନ୍ଦ କାମଂ ତ୍ବଂ ତୁ ଯଥାଽଽତ୍ଥ ମାମ୍॥ 9-61-25 (63599)
କୃଷ୍ଣ ଉବାଚ। 9-61-26x (5238)
ଅରୋଷଣୋ ହି ଧର୍ମାତ୍ମା ସତତଂ ଧର୍ମବତ୍ସଲଃ।
ଭବାନ୍ପ୍ରଖ୍ଯାଯତେ ଲୋକେ ତସ୍ମାତ୍ସଂଶାମ୍ଯ ମା କ୍ରୁଧଃ॥ 9-61-26 (63600)
ପ୍ରାପ୍ତଂ କଲିଯୁଗଂ ବିଦ୍ବି ପ୍ରତିଜ୍ଞାଂ ପାଣ୍ଡବସ୍ଯ ଚ।
ଆନୃଣ୍ଯଂ ଯାତୁ ବୈରସ୍ଯ ପ୍ରତିଜ୍ଞାଯାଶ୍ଚ ପାଣ୍ଡବଃ।
`ତତଃ ପୁରୁଷଶାର୍ଦୂଲୋ ହତ୍ବା ନୈକୃତିକଂ ରଣେ॥ 9-61-27 (63601)
ନିକୃତ୍ଯା ନିକୃତିପ୍ରଜ୍ଞଂ ଯୋ ହନ୍ଯାଦ୍ବୈରିଣଂ ରଣେ।
ଅଧର୍ମୋ ବିଦ୍ଯତେ ନାତ୍ର ଯଦ୍ଭୀମୋ ହତବାନ୍ରିପୁମ୍॥ 9-61-28 (63602)
ଯୁଧ୍ଯମାନଂ ରଣେ ବୀରଂ କୁରୁବୃଷ୍ଣିଯଶସ୍କରମ୍।
ଅନେନ କର୍ଣଃ ସନ୍ଦିଷ୍ଟଃ ପୃଷ୍ଠତୋ ଧନୁରଚ୍ଛିନତ୍॥ 9-61-29 (63603)
ତତଃ ସଞ୍ଛିନ୍ନଧନ୍ବାନଂ ବିରଥଂ ପୌରୁଷେ ସ୍ଥିତମ୍।
ବ୍ଯାଯୁଧୀକୃତ୍ଯ ବହବଃ ସୌଭଦ୍ରମପଲାଯିନମ୍॥ 9-61-30 (63604)
ଜନ୍ମପ୍ରଭୃତି ଲୁବ୍ଧଶ୍ଚ ପାପାତ୍ମା ଚୈଷ ଦୁର୍ମତିଃ।
ନିହତୋ ଭୀମସେନେନ ଦୁର୍ବୁଦ୍ଧିଃ କୁଲପାଂସନଃ॥ 9-61-31 (63605)
ପ୍ରତିଜ୍ଞାଂ ଭୀମସେନେନ ତ୍ରଯୋଦଶସମାର୍ଜିତାମ୍।
କିମର୍ଥଂ ନାଭିଜାନାତି ଯୁଧ୍ଯମାନୋ ହି ଶତ୍ରୁଭିଃ॥ 9-61-32 (63606)
ଊର୍ଧ୍ବମାକ୍ରମ୍ଯ ବେଗେନ ଜିଘାଂସନ୍ତଂ ବୃକୋଦରଃ।
ବିଭେଦ ଗଦଯା ଚୋରୂ ନ ସ୍ଥାନେ ନ ଚ ମଣ୍ଡଲେ'॥ 9-61-33 (63607)
ସଞ୍ଜଯ ଉବାଚ। 9-61-34x (5239)
ଧର୍ମଚ୍ଛଲମିମଂ ଶ୍ରୁତ୍ବା କେଶବାତ୍ସ ବିଶାମ୍ପତେ।
ନୈବ ପ୍ରୀତମାନା ରାମୋ ବଚନଂ ପ୍ରାହ ସଂସଦି॥ 9-61-34 (63608)
ହତ୍ବାଽଧର୍ମେଣ ରାଜାନଂ ଧର୍ମାତ୍ମାନଂ ସୁଯୋଧନମ୍।
ଜିହ୍ମଯୋଧୀତି ଲୋକେଽସ୍ମିନ୍ଖ୍ଯାତିଂ ଯାସ୍ଯତି ପାଣ୍ଡବଃ॥ 9-61-35 (63609)
ଦୁର୍ଯୋଧନୋଽପି ଧର୍ମାତ୍ମା ଗତିଂ ଯାସ୍ଯତି ଶାଶ୍ବତୀମ୍।
ଋଜୁଯୋଧୀ ହତୋ ରାଜା ଧର୍ମରାଷ୍ଟ୍ରୋ ନରାଧିପଃ॥ 9-61-36 (63610)
ଯୁଦ୍ଧଦୀକ୍ଷାଂ ପ୍ରବିଶ୍ଯାଜୌ ରଣଯଜ୍ଞଂ ବିତତ୍ଯ ଚ।
ହୁତ୍ବାଽଽତ୍ମାନମମିତ୍ରାଗ୍ନୌ ପ୍ରାପ ଚାବଭୃଥଂ ଯଶଃ।
`ସ୍ବର୍ଗଂ ଗନ୍ତା ମହାରାଜଃ ସସୁହୃଜ୍ଜ୍ଞାତିବାନ୍ଧବଃ'॥ 9-61-37 (63611)
ଇତ୍ଯୁକ୍ତ୍ବା ରଥମାସ୍ଥାଯ ରୌହିଣେଯଃ ପ୍ରତାପବାନ୍।
ଶ୍ବେତାଭ୍ରଶିଖରାକାରଃ ପ୍ରଯଯୌ ଦ୍ବାରକାଂ ପ୍ରତି॥ 9-61-38 (63612)
ପାଞ୍ଚାଲାଶ୍ଚ ସବାର୍ଷ୍ଣେଯାଃ ପାଣ୍ଡବାଶ୍ଚ ବିଶାମ୍ପତେ।
ରାମେ ଦ୍ବାରବତୀଂ ଯାତେ ନାତିପ୍ରମନସୋଽଭବନ୍॥ 9-61-39 (63613)
ତତୋ ଯୁଧିଷ୍ଠିରଂ ଦୀନଂ ଚିନ୍ତାପରମଧୋମୁଖମ୍।
ଶୋକୋପହତସଙ୍କଲ୍ପଂ ବାସୁଦେବୋଽବ୍ରବୀଦିଦମ୍॥ 9-61-40 (63614)
ବାସୁଦେବ ଉବାଚ। 9-61-41x (5240)
ଧର୍ମରାଜ କିମର୍ଥଂ ତ୍ବମଧର୍ମମନୁମନ୍ଯସେ।
ହତବନ୍ଧୋର୍ଯଦେତସ୍ଯ ପତିତସ୍ଯ ବିଚେତସଃ॥ 9-61-41 (63615)
ଦୁର୍ଯୋଧନସ୍ଯ ଭୀମେନ ମୃଦ୍ଯମାନଂ ଶିରଃ ପଦା।
ଉପପ୍ରେକ୍ଷସି କସ୍ମାତ୍ତ୍ବଂ ଧର୍ମଜ୍ଞଃ ସନ୍ନରାଧିପ॥ 9-61-42 (63616)
ଯୁଧିଷ୍ଠିର ଉବାଚ। 9-61-43x (5241)
ନ ମମୈତତ୍ପ୍ରିଯଂ କୃଷ୍ଣ ଯଦ୍ରାଜାନଂ ବୃକୋଦରଃ।
ପଦା ମୂର୍ଧ୍ନ୍ଯସ୍ପୃଶତ୍କ୍ରୋଧାନ୍ନ ଚ ହୃଷ୍ଯେ କୁଲକ୍ଷଯେ॥ 9-61-43 (63617)
ନିକୃତ୍ଯା ନିକୃତା ନିତ୍ଯଂ ଧୃତରାଷ୍ଟ୍ରସୁତୈର୍ବଯମ୍।
ବହୂନି ପରୁଷାଣ୍ଯୁକ୍ତ୍ବା ବନଂ ପ୍ରସ୍ଥାପିତା ବଯମ୍॥ 9-61-44 (63618)
ଭୀମସେନସ୍ଯ ତଦ୍ଦୁଃଖମତୀବ ହୃଦି ବର୍ତତେ।
ଇତି ସଞ୍ଚିନ୍ତ୍ଯ ବାର୍ଷ୍ଣେଯ ମଯୈତତ୍ସମୁପେକ୍ଷିତମ୍॥ 9-61-45 (63619)
ତସ୍ମାଦ୍ଧତ୍ବାଽକୃତପ୍ରଜ୍ଞଂ ଲୁବ୍ଧଂ କାମବଶାନୁଗମ୍।
ଲଭତାଂ ପାଣ଼୍ଡବଃ କାମଂ ଧର୍ମୋଽଧର୍ମୋଽଥବା କୃତଃ॥ 9-61-46 (63620)
ସଞ୍ଜଯ ଉବାଚ। 9-61-47x (5242)
ଇତ୍ଯୁକ୍ତବତି କୌନ୍ତେଯେ ଧର୍ମରାଜେ ଯୁଧିଷ୍ଠିରେ।
ବାସୁଦେବୋ ମହାବାହୁର୍ଯୁଧିଷ୍ଠିରମଭାଷତ।
କାମମସ୍ତ୍ବେତଦିତି ବୈ କୃଚ୍ଛ୍ରାଦ୍ଯଦୁକୁଲୋଦ୍ବହଃ॥ 9-61-47 (63621)
ଇତ୍ଯୁକ୍ତ୍ବା ବାସୁଦେବୋଽପି ବାଯୁପୁତ୍ରପ୍ରିଯେପ୍ସଯା।
ଅନ୍ବମୋଦତ ତତ୍ସର୍ବଂ ଯଦ୍ଭୀମେନ କୃତଂ ଯୁଧି॥ 9-61-48 (63622)
`ଅର୍ଜୁନୋଽପି ମହାବାହୁରପ୍ରୀତେନାନ୍ତରାତ୍ମନା।
ନୋବାଚ କିଞ୍ଚିଦ୍ବଚନଂ ଭ୍ରାତରଂ ସାଧ୍ବସାଧୁ ବା'॥ 9-61-49 (63623)
ଭୀମସେନୋଽପି ହତ୍ବାଽଽଜୌ ତବ ପୁତ୍ରମମର୍ଷଣଃ।
ଅଭିବାଦ୍ଯାଗ୍ରତଃ ସ୍ଥିତ୍ବା ସମ୍ପ୍ରହୃଷ୍ଟଃ କୃତାଞ୍ଜଲିଃ॥ 9-61-50 (63624)
ପ୍ରୋବାଚ ସୁମହାତେଜା ଧର୍ମରାଜଂ ଯୁଧିଷ୍ଠିରମ୍।
ହର୍ଷାଦୁତ୍ଫୁଲ୍ଲନଯନୋ ଜିତକାଶୀ ବିଶାମ୍ପତେ॥ 9-61-51 (63625)
ତବାଦ୍ଯ ପୃଥିବୀ ସର୍ବା କ୍ଷେମା ନିହତକଣ୍ଟକା।
ତାଂ ପ୍ରଶାଧି ମହାରାଜ ସ୍ବଧର୍ମମନୁପାଲଯ॥ 9-61-52 (63626)
ଯସ୍ତୁ କର୍ତାଽସ୍ଯ ବୈରସ୍ଯ ନିକୃତ୍ଯା ନିକୃତିପ୍ରିଯଃ।
ସୋଽଯଂ ବିନିହତଃ ଶେତେ ପୃଥିବ୍ଯଂ ପୃଥିବୀପତେ॥ 9-61-53 (63627)
ଦୁଃଶାସନପ୍ରଭୃତଯଃ ସର୍ବେ ତେ ଚୋଗ୍ରବାଦିନଃ।
ରାଧେଯଃ ଶକୁନିଶ୍ଚୈବ ହତାଶ୍ଚ ତବ ଶତ୍ରବଃ॥ 9-61-54 (63628)
ସେଯଂ ରତ୍ନସମାକୀର୍ଣା ମହୀ ସବନପର୍ବତା।
ଉପାବୃତ୍ତା ମହାରାଜ ତ୍ବାମଦ୍ଯ ନିହତଦ୍ବିଷମ୍॥ 9-61-55 (63629)
ଯୁଧିଷ୍ଠିର ଉବାଚ। 9-61-56x (5243)
ଗତୋ ବୈରସ୍ଯ ନିଧନଂ ହତୋ ରାଜା ସୁଯୋଧନଃ।
କୃଷ୍ଣସ୍ଯ ମତମାସ୍ଥାଯ ବିଜିତେଯଂ ବସୁନ୍ଧରା॥ 9-61-56 (63630)
ଦିଷ୍ଟ୍ଯା ଗତସ୍ତ୍ବମାନୃଣ୍ଯଂ ମାତୁଃ କୋପସ୍ଯ ଚୋଭଯୋଃ।
ଦିଷ୍ଟ୍ଯା ଜଯସି ଦୁର୍ଧର୍ଷ ଦିଷ୍ଟ୍ଯା ଶତ୍ରୁର୍ନିପାତିତଃ॥ ॥ 9-61-57 (63631)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଗଦାଯୁଦ୍ଧପର୍ବଣି ଏକଷଷ୍ଟିତମୋଽଧ୍ଯାଯଃ॥ 61 ॥
Mahabharata - Shalya Parva - Chapter Footnotes
9-61-15 ଆତ୍ମବୃଦ୍ଧିଃ ଶତ୍ରୁକ୍ଷଯଃ ସ୍ବମିତ୍ରସ୍ଯ ବୃଦ୍ଧିଃ ଶତ୍ରୁମିତ୍ରସ୍ଯ କ୍ଷଯଃ ସ୍ବମିତ୍ରମିତ୍ରସ୍ଯ ବୃଦ୍ଧିଃ ଶତ୍ରୁମିତ୍ରମିତ୍ରସ୍ଯ କ୍ଷଯଃ ଏବଂ ଷଡ୍ବିଧା ଆତ୍ମନୋ ବୃଦ୍ଧିଃ॥ 9-61-16 ଯଦି ଚୋଦାତ୍ମନୋ ଗ୍ଲାନିସ୍ତଦା ଶାନ୍ତିକର ଇତି କ.ପାଠଃ॥ 9-61-19 ଭକ୍ତା ଭଙ୍କ୍ଷ୍ଯେ॥ 9-61-21 ଯୌନଃ ଯୋନିନିମିତ୍ତଃ ସମ୍ବନ୍ଧଃ। ଅସ୍ମାକଂ ପିତାମହଃ ପାଣ୍ଡବାନାଂ ମାତାମହଶ୍ଚୈକ ଇତି ଯୌନସମ୍ବନ୍ଧଃ॥ 9-61-22 ସୀରଭୃତ୍ ରାମଃ॥ 9-61-23 ଧର୍ମଇତି। ନିଯଚ୍ଛତି ନିଯମମେତି ଅର୍ଥକାମାଭ୍ଯାଂ ଧର୍ମଃ ସଙ୍କୋଚମେତୀତ୍ସର୍ଥଃ॥ 9-61-24 ଧର୍ମାର୍ଥୌ କାମେ ନାପୀଡଯନ୍ ଧର୍ମକାବର୍ଥେନାପୀଡଯନ୍ କାମାର୍ଥୌ ଧର୍ମେଣ ଚାପୀଡଯନ୍ନିତ୍ଯର୍ଥଃ॥ 9-61-25 କାମଂ ଯଥେଷ୍ଟଂ ତ୍ବଂ ମାଂ ପ୍ରତି ଉକ୍ତବାନସି ନତୁ ଧର୍ମ୍ଯେ॥ 9-61-27 କଲିଯୁଗାରମ୍ଭେ ଏତାବତ୍ପାପଂ ନାତୀବ ଖେଦାବହମିତି ଭାବଃ॥ 9-61-41 ଅଧର୍ମମନୁପଶ୍ଯସୀତି କ.ଛ.ପାଠଃ॥ 9-61-46 ଧର୍ମୋଽଧର୍ମେ ଚ ବା କୃତେ ଇତି ଝ.ପାଠଃ॥ 9-61-62 ଏକଷଷ୍ଟିତମୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 062
॥ ଶ୍ରୀଃ ॥
9.62. ଅଧ୍ଯାଯଃ 062
Mahabharata - Shalya Parva - Chapter Topics
ପାଞ୍ଚାଲାଦିଭିର୍ଭୀମସ୍ତୁତିଃ॥ 1 ॥ କୃଷ୍ଣାଦୁର୍ଯୋଧନଯୋଃ ପରସ୍ପରଗର୍ହଣମ୍॥ 2 ॥ ଦୁର୍ଯୋଧନେନାତ୍ମସ୍ତୁତୌ ତନ୍ମୂର୍ଧି ଗନ୍ଧର୍ବୈଃ ପୁଷ୍ପବର୍ଷଣମ୍॥ 3 ॥ ଭୀଷ୍ମାଦିମରଣେନ ଦୁଃଖିତାନାଂ ପାଣ୍ଡବାନାଂ କୃଷ୍ଣେନ ସମାଶ୍ବାସନମ୍॥ 4 ॥Mahabharata - Shalya Parva - Chapter Text
9-62-0 (63632)
ଧୃତରାଷ୍ଟ୍ର ଉବାଚ। 9-62-0x (5244)
ହତଂ ଦୁର୍ଯୋଧନଂ ଦୃଷ୍ଟ୍ବା ଭୀମସେନେନ ସଂଯୁଗେ।
ପାଣ୍ଡବାଃ ସୃଞ୍ଜଯାଶ୍ଚୈବ କିମକୁର୍ବତ ସଞ୍ଜଯ॥ 9-62-1 (63633)
ସ଼ଞ୍ଜଯ ଉବାଚ। 9-62-2x (5245)
ହତଂ ଦୁର୍ଯୋଧନଂ ଦୃଷ୍ଟ୍ବା ଭୀମସେନେନ ସଂଯୁଗେ।
ସିଂହେନେବ ମହାରାଜ ମତ୍ତଂ ବନଗଜଂ ଯଥା॥ 9-62-2 (63634)
ପ୍ରହୃଷ୍ଟମନସସ୍ତତ୍ର କୃଷ୍ଣେନ ସହ ପାଣ୍ଡବାଃ।
ପାଞ୍ଚାଲାଃ ସୃଞ୍ଜଯାଶ୍ଚୈବ ନିହତେ କୁରୁନନ୍ଦନେ।
ଆବିଧ୍ଯନ୍ନୁତ୍ତରୀଯାଣି ସିଂହନାଦାଂଶ୍ଚ ନେଦିରେ॥ 9-62-3 (63635)
ନୈତାନ୍ହର୍ଷସମାବିଷ୍ଟାନିଯଂ ସେହେ ବସୁନ୍ଧରା॥ 9-62-4 (63636)
ଧନୂଂଷ୍ଯେକେ ବ୍ଯାକ୍ଷିପନ୍ତ ଜ୍ଯାଶ୍ଚାପ୍ଯନ୍ଯେ ତଥାଽକ୍ଷିପନ୍।
ଦଧ୍ମୁରନ୍ଯେ ମହାଶଙ୍ଖାନନ୍ଯେ ଜଘ୍ନୁଶ୍ଚ ଦୁନ୍ଦୁଭୀନ୍॥ 9-62-5 (63637)
ଚିକୀଡୁଶ୍ଚ ତଥୈବାନ୍ଯେ ଜହସୁଶ୍ଚ ତବାହିତାଃ।
ଅବ୍ରୁବଂଶ୍ଚାସକୃଦ୍ବୀରା ଭୀମସେନମିଦଂ ବଚଃ॥ 9-62-6 (63638)
ଦୁଷ୍କରଂ ଭବତା କର୍ମ ରଣେଽଦ୍ଯ ସୁମହତ୍କୃତମ୍।
କୌରବେଯଂ ରଣେ ହତ୍ବା ଗଦଯାଽତିକୃତଶ୍ରମମ୍॥ 9-62-7 (63639)
ଇନ୍ଦ୍ରେଣେବ ହି ବୃତ୍ରସ୍ଯ ବଧଂ ପରମସଂଯୁଗେ।
ତ୍ବଯା କୃତମମନ୍ଯନ୍ତ ଶତ୍ରୋର୍ବଧମିମଂ ଜନାଃ॥ 9-62-8 (63640)
ଚରନ୍ତଂ ବିବିଧାନ୍ମାର୍ଗାନ୍ମଣ୍ଡଲାନି ଚ ସର୍ବଶଃ।
ଦୁର୍ଯୋଧନମିମଂ ଶୂରଂ କୋଽନ୍ଯୋ ହନ୍ଯାଦ୍ବୃକୋଦରାତ୍॥ 9-62-9 (63641)
ବୈରସ୍ଯ ଚ ଗତଃ ପାରଂ ତ୍ବମିହାନ୍ଯୈଃ ସୁଦୁର୍ଗମମ୍।
ଅଶକ୍ଯମେତଦନ୍ଯେନ ସମ୍ପାଦଯିତୁମୀଦୃଶମ୍॥ 9-62-10 (63642)
କୁଞ୍ଜରେଣେବ ମତ୍ତେନ ବୀରସଙ୍ଗ୍ରାମମୂର୍ଧନି।
ଦୁର୍ଯୋଧପଶିରୋ ଦିଷ୍ଟ୍ଯା ପାଦେନ ମୃଦିତଂ ତ୍ବଯା॥ 9-62-11 (63643)
ସିଂହେନ ମହିଷସ୍ଯେବ କୃତ୍ବା ସଙ୍ଗରମୁତ୍ତମମ୍।
ଦୁଃଶାସନସ୍ଯ ରୁଧିରଂ ଦିଷ୍ଟ୍ଯା ପୀତଂ ତ୍ବଯାଽନଘ॥ 9-62-12 (63644)
ଯେ ବିପ୍ରକୁର୍ବନ୍ରାଜାନଂ ଧର୍ମାତ୍ମାନଂ ଯୁଧିଷ୍ଠିରମ୍।
ମୂର୍ଧ୍ନି ତେଷାଂ କୃତଃ ପାଦୋ ଦିଷ୍ଟ୍ଯା ତେ ସ୍ବେନ କର୍ମଣା॥ 9-62-13 (63645)
ଅମିତ୍ରାଣାମଧିଷ୍ଠାନାଦ୍ବଧାଦ୍ଦୁର୍ଯୋଧନସ୍ଯ ଚ।
ଭୀମ ଦିଷ୍ଟ୍ଯା ପୃଥିବ୍ଯାଂ ତେ ପ୍ରଥିତଂ ସୁମହଦ୍ଯଶଃ॥ 9-62-14 (63646)
ଏବଂ ନୂନଂ ହତେ ବୃତ୍ରେ ଶକ୍ରଂ ନନ୍ଦନ୍ତି ବନ୍ଦିନଃ।
ତଥା ତ୍ବାଂ ନିହତାମିତ୍ରଂ ବଯଂ ନନ୍ଦାମ ଭାରତ॥ 9-62-15 (63647)
ଦୁର୍ଯୋଧନବଧେ ଯାନି ରୋମାଣି ହୃଷିତାନି ନଃ।
ଅଦ୍ଯାପି ନ ବିକୃଷ୍ଯନ୍ତେ ତାନି ତଦ୍ବିଦ୍ଧି ଭାରତ।
ଇତ୍ଯବ୍ରୁନ୍ଭୀମସେନଂ ବାତିକାସ୍ତତ୍ର ସଙ୍ଗତାଃ॥ 9-62-16 (63648)
ତାନ୍ହୃଷ୍ଟାନ୍ପୁରୁଷବ୍ଯାଘ୍ରାନ୍ପାଞ୍ଚାଲାନ୍ପାଣ୍ଡବୈଃ ସହ।
ବ୍ରୁବତୋଽସଦୃଶଂ ତତ୍ର ପ୍ରୋବାଚ ମଧୁସୂଦନଃ॥ 9-62-17 (63649)
ନ ନ୍ଯାଯ୍ଯଂ ନିହତଂ ଶତ୍ରୁଂ ଭୂଯୋ ହନ୍ତୁଂ ନରାଧିପାଃ।
ଅସକୃଦ୍ବାଗ୍ଭିରୁଗ୍ରାଭିର୍ନିହତୋ ହ୍ଯେଷ ମନ୍ଦଧୀଃ॥ 9-62-18 (63650)
ତଦୈବୈଷ ହତଃ ପାପୋ ଯଦୈବ ନିରପତ୍ରପଃ।
ଲୁବ୍ଧଃ ପାପସହାଯଶ୍ଚ ସୁହୃଦାଂ ଶାସନାତିଗଃ॥ 9-62-19 (63651)
ବହୁଶୋ ବିଦୁରଦ୍ରୋଣକୃପଗାଙ୍ଗେଯସୃଞ୍ଜଯୈଃ।
ପାଣ୍ଡୁଭ୍ଯଃ ପ୍ରାର୍ଥ୍ଯମାନୋଽପି ପିତ୍ର୍ଯମଂଶଂ ନ ଦତ୍ତବାନ୍॥ 9-62-20 (63652)
ନୈବ ତେଭ୍ଯୋଽଦ୍ଯ ମିତ୍ରଂ ବା ଶତ୍ରୁର୍ବା ପୁରୁଷାଧମଃ।
କିମନେନ ବିତୁନ୍ନେନ ବାଗ୍ଭିଃ କାଷ୍ଠସଧର୍ମଣା॥ 9-62-21 (63653)
ରଥେଷ୍ବାରୋହତ କ୍ଷିପ୍ରଂ ଗଚ୍ଛାମୋ ବସୁଧାଧିପାଃ।
ଦିଷ୍ଟ୍ଯା ହତୋଽଯଂ ପାପାତ୍ମା ସାମାତ୍ଯଜ୍ଞାତିବାନ୍ଧବଃ॥ 9-62-22 (63654)
ଇତି ଶ୍ରୁତ୍ବା ତ୍ବଧିକ୍ଷେପଂ କୃଷ୍ଣାଦ୍ଦୁର୍ଯୋଧନୋ ନୃପଃ।
ଅମର୍ଷବଶମାପନ୍ନ ଉଦତିଷ୍ଠଦ୍ବିଶାମ୍ପତେ॥ 9-62-23 (63655)
ସ୍ଫିଗ୍ଦେଶେନୋପବିଷ୍ଟଃ ସ ଦୋର୍ଭ୍ଯାଂ ବିଷ୍ଟଭ୍ଯ ମେଦିନୀମ୍।
ଦୃଷ୍ଟିଂ ଭ୍ରୂସଙ୍କଟାଂ କୃତ୍ବା ବାସୁଦେବେ ନ୍ଯପାତଯତ୍॥ 9-62-24 (63656)
ଅର୍ଧୋନ୍ନତଶରୀରସ୍ଯ ରୂପମାସୀନ୍ନୃପସ୍ଯ ତୁ।
କ୍ରୁଦ୍ଧସ୍ଯାଶୀବିଷସ୍ଯେବ ଚ୍ଛିନ୍ନପୁଚ୍ଛସ୍ଯ ଭୋଗିନଃ॥ 9-62-25 (63657)
ପ୍ରାଣାନ୍ତକରିଣୀଂ ଘୋରାଂ ବେଦନାମପ୍ଯଚିନ୍ତଯନ୍।
ଦୁର୍ଯୋଧନୋ ବାସୁଦେବଂ ବାଗ୍ଭିରୁଗ୍ରାଭିରାର୍ଦଯତ୍॥ 9-62-26 (63658)
କଂସଦାସସ୍ଯ ଦାଯାଦ ନ ତେ ଲଜ୍ଜାଽସ୍ତ୍ଯନେନ ବୈ।
ଅଧର୍ମେଣ ଗଦାଯୁଦ୍ଧେ ଯଦର୍ହଂ ବିନିପାତିତଃ।
ଊରୂଭିନ୍ଧୀତି ଭୀମସ୍ଯ ସ୍ମୃତିଂ ମିଥ୍ଯାପ୍ରଯଚ୍ଛତା॥ 9-62-27 (63659)
କିଂ ନ ବିଜ୍ଞାତମେତନ୍ମେ ଯଦର୍ଜୁନମବୋଚଥାଃ।
ଘାତଯିତ୍ବା ମହୀପାଲାନୃଜୁଯୁଦ୍ଧାନ୍ସହସ୍ରଶଃ।
ଜିହ୍ମୈରୁପାଯୈର୍ବହୁଭିର୍ନ ତେ ଲଜ୍ଜା ନ ତେ ଘୃଣା॥ 9-62-28 (63660)
ଅହନ୍ଯହନି ଶୂରାଣାଂ କୁର୍ବାଣଃ କଦନଂ ମହତ୍।
ଶିଖଣ୍ଡିନଂ ପୁରସ୍କୃତ୍ଯ ଘାତିତସ୍ତେ ପିତାମହଃ॥ 9-62-29 (63661)
ଅଶ୍ବତ୍ଥାମ୍ନଃ ସନାମାନଂ ହତ୍ବା ନାଗଂ ସୁଦୁର୍ମତେ।
ଆଚାର୍ଯୋ ନ୍ଯାସିତଃ ଶସ୍ତ୍ରଂ କିଂ ତନ୍ନ ବିଦିତଂ ମଯା॥ 9-62-30 (63662)
ସ ଚାନେନ ନୃଶଂସେନ ଧୃଷ୍ଟଦ୍ଯୁମ୍ନେନ ବୀର୍ଯବାନ୍।
ପାତ୍ଯମାନସ୍ତ୍ବଯା ଦୃଷ୍ଟୋ ନ ଚୈନଂ ତ୍ବମବାରଯଃ॥ 9-62-31 (63663)
ବଧାର୍ଥଂ ପାଣ୍ଡୁପୁତ୍ରସ୍ଯ ଯାଚିତାଂ ଶକ୍ତିମେବ ଚ।
ଘଟୋତ୍କଚେ ବ୍ଯଂସଯତଃ କସ୍ତ୍ବତ୍ତଃ ପାପକୃତ୍ତମଃ॥ 9-62-32 (63664)
ଛିନ୍ନହସ୍ତଃ ପ୍ରାଯଗତସ୍ତଥା ଭୂରିଶ୍ରବା ବଲୀ।
ତ୍ବଯାଽଭିସୃଷ୍ଟେନ ହତଃ ଶୈନେଯେନ ଦୁରାତ୍ମନା॥ 9-62-33 (63665)
କୁର୍ବାଣଶ୍ଚୋତ୍ତମଂ କର୍ମ କର୍ଣଃ ପାର୍ଥଜିଗୀଷଯା।
ବ୍ଯଂସନେନାଶ୍ବସେନସ୍ଯ ପନ୍ନଗେନ୍ଦ୍ରସ୍ଯ ବୈ ପୁନଃ॥ 9-62-34 (63666)
ପୁନଶ୍ଚ ପତିତେ ଚକ୍ରେ ବ୍ଯସନାର୍ତଃ ପରାଜିତଃ।
ପାପିତଃ ସମରେ କର୍ଣଶ୍ଚକ୍ରବ୍ଯାଗ୍ରୋଽଗ୍ରଣୀର୍ନୃଣାମ୍॥ 9-62-35 (63667)
ଯଦି ମାଂ ଚାପି କର୍ଣଂ ଚ ଭୀଷ୍ମଦ୍ରୋଣୌ ଚ ସଂଯୁଗେ।
ଋଜୁନା ପ୍ରତିଯୁଧ୍ଯେଥା ନ ତେ ସ୍ଯାଦ୍ବିଜଯୋ ଧ୍ରୁବମ୍॥ 9-62-36 (63668)
ତ୍ବଯା ପୁନରନାର୍ଯେଣ ଜିହ୍ମମାର୍ଗେଣ ପାର୍ଥିବାଃ।
ସ୍ବଧର୍ମମନୁତିଷ୍ଠନ୍ତୋ ବଯଂ ଚାନ୍ଯେ ଚ ଘାତିତାଃ॥ 9-62-37 (63669)
`ତ୍ବଯା ମାଯାବିନା କୃଷ୍ଣ ମାଯାଂ କର୍ମପ୍ରମୋଷିଣୀମ୍।
କୃତ୍ବା ହତଃ ସିନ୍ଧୁପତିଃ କିଂ ତନ୍ନ ବିଦିତଂ ମମ'॥ 9-62-38 (63670)
ବାସୁଦେବ ଉବାଚ। 9-62-39x (5246)
ହତସ୍ତ୍ବମସି ଗାନ୍ଧାରେ ସଭ୍ରାତୃସୁତବାନ୍ଧବଃ।
ସଗଣଃ ସସୁହୃଚ୍ଚୈବ ପାପଂ ମାର୍ଗମନୁଷ୍ଠିତଃ॥ 9-62-39 (63671)
ତବୈବ ଦୁଷ୍କୃତୈର୍ବୀରୌ ଭୀଷ୍ମଦ୍ରୋଣୌ ନିପାତିତୌ।
କର୍ଣଶ୍ଚ ନିହତଃ ସଙ୍ଖ୍ଯେ ତବ ଶୀଲାନୁବର୍ତକଃ॥ 9-62-40 (63672)
ଯାଚ୍ଯମାନଂ ମଯା ମୂଢ ପିତ୍ର୍ଯମଂଶଂ ନ ଦିତ୍ସସି।
ପାଣ୍ଡବେଭ୍ଯଃ ସ୍ବରାଜ୍ଯଂ ଚ ଲୋଭାଚ୍ଛକୁନିନିଶ୍ଚଯାତ୍॥ 9-62-41 (63673)
ବିଷଂ ତେ ଭୀମସେନାଯ ଦତ୍ତଂ ସର୍ବେ ଚ ପାଣ୍ଡବାଃ।
ପ୍ରଦୀପିତା ଜତୁଗୃହେ ମାତ୍ରା ସହ ସୁଦୁର୍ମତେ॥ 9-62-42 (63674)
ସଭାଯାଂ ଯାଜ୍ଞସେନୀ ଚ କୃଷ୍ଟା ଦ୍ଯୂତେ ରଜସ୍ବଲା।
ତଦୈବ ତାବଦ୍ଦୁଷ୍ଟାତ୍ମନ୍ବଧ୍ଯସ୍ତ୍ବଂ ନିରପତ୍ରପ॥ 9-62-43 (63675)
ଅନକ୍ଷଜ୍ଞଂ ଚ ଧର୍ମଜ୍ଞଂ ସୌବଲେନାକ୍ଷବେଦିନା।
ନିକୃତ୍ଯା ଯତ୍ପରାଜୈଷୀସ୍ତସ୍ମାଦସି ହତୋ ରଣେ॥ 9-62-44 (63676)
ଜଯଦ୍ରଥେନ ପାପେନ ଯତ୍କୃଷ୍ଣା କ୍ଲେଶିତା ବନେ।
ଯାତେଷୁ ମୃଗଯାଂ ଚୈବ ତୃଣବିନ୍ଦୋରଥାଶ୍ରମମ୍॥ 9-62-45 (63677)
ଅଭିମନ୍ଯୁଶ୍ଚ ଯଦ୍ବାଲ ଏକୋ ବହୁଭିରାହବେ।
ତ୍ବଦ୍ଦୋଷୈର୍ନିହତଃ ପାପ ତସ୍ମାଦସି ହତୋ ରଣେ॥ 9-62-46 (63678)
`କୁର୍ବାଣଂ କର୍ମ ସମରେ ପାଣ୍ଡବାନର୍ଥକାଙ୍କ୍ଷିଣମ୍।
ଯଚ୍ଛିଖଣ୍ଡ୍ଯବଧୀଦ୍ଭୀଷ୍ମଂ ମିତ୍ରାର୍ଥେ ନ ବ୍ଯତିକ୍ରମଃ॥ 9-62-47 (63679)
ସ୍ବଧର୍ମଂ ପୃଷ୍ଠତଃ କୃତ୍ବା ଆଚାର୍ଯସ୍ତ୍ବତ୍ପ୍ରିଯେପ୍ସଯା।
ପାର୍ଷତେନ ହତଃ ସଙ୍ଖ୍ଯେ ବର୍ତମାନୋଽସତାଂ ପଥି॥ 9-62-48 (63680)
ପ୍ରତିଜ୍ଞାମାତ୍ମନଃ ସତ୍ଯାଂ ଚିକୀର୍ଷନ୍ସମରେ ନିପୁମ୍।
ହତବାନ୍ସାତ୍ବତୋ ବିଦ୍ବାନ୍ସୌମଦତ୍ତିଂ ମହାରଥମ୍॥ 9-62-49 (63681)
ଅର୍ଜୁନଃ ସମରେ ରାଜନ୍ଯୁଧ୍ଯମାନଃ କଦାଚନ।
ନିନ୍ଦିତଂ ପୁରୁଷବ୍ଯାଘ୍ରଃ କରୋତି ନ କଥଞ୍ଚନ॥ 9-62-50 (63682)
ଲବ୍ଧ୍ବାଽପି ବହୁଧା ଛିଦ୍ରଂ ବୀରବୃତ୍ତମନୁସ୍ମରନ୍।
ନିଜଘାନ ରଣେ କର୍ଣଂ ମୈବଂ ବୋଚଃ ସୁଦୁର୍ମତେ॥ 9-62-51 (63683)
ଦେବାନାଂ ମତମାଜ୍ଞାଯ ତେଷାଂ ପ୍ରିଯହିତେପ୍ସଯା।
ଅର୍ଜୁନସ୍ଯ ମହାନାଗଂ ମଯା ବ୍ଯଂସିତମସ୍ତ୍ରଜମ୍॥ 9-62-52 (63684)
ତ୍ବଂ ଚ ଭୀଷ୍ମଶ୍ଚ କର୍ଣଶ୍ଚ ଦ୍ରୋଣୋ ଦ୍ରୌଣାଯନିସ୍ତଥା।
ବିରାଟନଗରେ ତସ୍ଯ ହ୍ଯାନୃଶଂସ୍ଯେନ ଜୀବିତାଃ॥ 9-62-53 (63685)
ସ୍ମର ପାର୍ଥସ୍ଯ ବିକ୍ରାନ୍ତଂ ଗନ୍ଧର୍ବେଷୁ କୃତଂ ତଥା।
ଅଧର୍ମଂ ନାତ୍ର ଗାନ୍ଧାରେ ପାଣ୍ଡବୈର୍ଯତ୍କୃତଂ ତ୍ବଯି॥ 9-62-54 (63686)
ସ୍ବବାହୁବଲମାସ୍ଥାଯ ସ୍ବଧର୍ମେଣ ପରନ୍ତପାଃ।
ଜିତବନ୍ତୋ ରଣେ ବୀରାଃ ପାପୋସି ନିଧନଂ ଗତଃ'॥ 9-62-55 (63687)
[ଯାନ୍ଯକାର୍ଯାଣି ଚାସ୍ମାକଂ କୃତାନିତି ପ୍ରଭାଷସେ।
ବୈଗୁଣ୍ଯେନ ତବାତ୍ଯର୍ଥଂ ସର୍ବଂ ହି ତଦନୁଷ୍ଠିତମ୍॥ 9-62-56 (63688)
ବୃହସ୍ପତେରୁଶନସୋ ନୋପଦେଶଃ ଶ୍ରୁତସ୍ତ୍ବଯା।
ବୃଦ୍ଧା ନୋପାସିତାଶ୍ଚୈବ ହିତଂ ବାକ୍ଯଂ ନ ତେ ଶ୍ରୁତଭ୍॥ 9-62-57 (63689)
ଲୋଭେନାତିବଲେନ ତ୍ବଂ ତୃଷ୍ଣଯା ଚ ବଶୀକୃତଃ।
କୃତବାନସ୍ଯକାର୍ଯାଣି ବିପାକସ୍ତସ୍ଯ ଭୁଜ୍ଯତାମ୍॥] 9-62-58 (63690)
ଦୁର୍ଯୋଧନ ଉବାଚ। 9-62-59x (5247)
ଅଧୀତଂ ବିଧିବଦ୍ଦତ୍ତଂ ଭୂଃ ପ୍ରଭୁକ୍ତା ସସାଗରା।
ମୂର୍ଧ୍ନି ସ୍ଥିମମିତ୍ରାଣାଂ କୋ ନୁ ସ୍ବନ୍ତତରୋ ମଯା॥ 9-62-59 (63691)
ଯଦିଷ୍ଟଂ କ୍ଷତ୍ରବନ୍ଧୂନାଂ ସ୍ବଧର୍ମମନୁପଶ୍ଯତାମ୍।
ତଦିଦଂ ନିଧନଂ ପ୍ରାପ୍ତଂ କୋ ନୁ ସ୍ବନ୍ତତରୋ ମଯା॥ 9-62-60 (63692)
ଦେବାର୍ହା ମାନୁଷା ଭୋଗାଃ ପ୍ରାପ୍ତା ଅସୁଲଭା ନୃପୈଃ।
ଐଶ୍ବର୍ଯଂ ଚୋତ୍ତମଂ ପ୍ରାପ୍ତଂ କୋ ନୁ ସ୍ବନ୍ତତରୋ ମଯା॥ 9-62-61 (63693)
ସସୁହୃତ୍ସାନୁବନ୍ଧସ୍ଚ ସ୍ବର୍ଗଂ ଗନ୍ତାଽହମଚ୍ଯୁତ।
ଯୂଯଂ ଗର୍ହିତସଙ୍କଲ୍ପାଃ ଶୋଚନ୍ତୋ ବର୍ତଯିଷ୍ଯଥ॥ 9-62-62 (63694)
`ନ ମେ ବିଷାଦୋ ଭୀମେନ ପାଦେନ ଶିର ଆହତମ୍।
କାକା ବା କଙ୍କଗୃଧ୍ରା ବା ନିଧାସ୍ଯନ୍ତି ପଦଂ କ୍ଷଣାତ୍'॥ 9-62-63 (63695)
ସଞ୍ଜଯ ଉବାଚ। 9-62-64x (5248)
ଅସ୍ଯ ବାକ୍ଯସ୍ଯ ନିଧନେ କୁରୁରାଜସ୍ଯ ଧୀମତଃ।
ଅପତତ୍ସୁମହଦ୍ବର୍ଷଂ ପୁଷ୍ପାଣାଂ ପୁଣ୍ଯଗନ୍ଧିନାମ୍॥ 9-62-64 (63696)
ଅବାଦଯନ୍ତ ଗନ୍ଧର୍ବା ବାଦିତ୍ରଂ ସୁମନୋହରମ୍॥ 9-62-65 (63697)
ଜଗୁଶ୍ଚାପ୍ସରସୋ ରାଜ୍ଞୋ ଯଶଃ ସମ୍ବଦ୍ଧମେବ ଚ।
ସିଦ୍ଧାଶ୍ଚ ମୁମୁଚୁର୍ବାଚଃ ସାଧୁସାଧ୍ବିତି ପାର୍ଥିବ॥ 9-62-66 (63698)
ବବୌ ଚ ସୁରଭିର୍ବାଯୁଃ ପୁଣ୍ଯଗନ୍ଧୋ ମୃଦୁଃସୁଖଃ।
ବ୍ଯରାଜଂଶ୍ଚ ଦିଶଃ ସର୍ବା ନଭୋ ବୈଦୂର୍ଯସନ୍ନିଭମ୍॥ 9-62-67 (63699)
ଅତ୍ଯଦ୍ଭୁତାନି ତେ ଦୃଷ୍ଟ୍ବା ବାସୁଦେବପୁରୋଗମାଃ।
ଦୁର୍ଯୋଧନସ୍ଯ ପୂଜାଂ ତୁ ଦୃଷ୍ଟ୍ବା ବ୍ରୀଡାମୁପାଗମନ୍॥ 9-62-68 (63700)
ହତାଂଶ୍ଚାଧର୍ମତଃ ଶ୍ରୁତ୍ବା ଶୋକାର୍ତାଃ ଶୁଶୁଚୁର୍ହି ତେ।
ଭୀଷ୍ମଂ ଦ୍ରୋଣଂ ତଥା କର୍ଣଂ ଭୂରିଶ୍ରବସମେବ ଚ॥ 9-62-69 (63701)
ତାଂସ୍ତୁ ଚିନ୍ତାପରାନ୍ଦୃଷ୍ଟ୍ବା ପାଣ୍ଡବାନ୍ଦୀନଚେତସଃ।
ପ୍ରୋବାଚେଦଂ ବଚଃ କୃଷ୍ଣୋ ମେଘଦୁନ୍ଦୁଭିନିସ୍ବନଃ॥ 9-62-70 (63702)
ନୈଷ ଶକ୍ଯୋଽତିଶୀଘ୍ରାସ୍ତ୍ରସ୍ତେ ଚ ସର୍ବେ ମହାରଥାଃ।
ଋଜୁଯୁଦ୍ଧେନ ବିକ୍ରାନ୍ତା ହନ୍ତୁଂ ଯୁଷ୍ମାଭିରାହବେ॥ 9-62-71 (63703)
ଉପାଯାନ୍ନିହତା ହ୍ଯେତେ ମଯା ତସ୍ମାନ୍ନରାଧିପାଃ।
ଅନ୍ଯଥା ପାଣ୍ଡବେଯାନାଂ ନାଭବିଷ୍ଯଜ୍ଜଯଃ କ୍ବଚିତ୍॥ 9-62-72 (63704)
ତେ ହି ସର୍ବେ ମହେଷ୍ବାସାଶ୍ଚତ୍ବାରୋଽତିରଥା ମୁବି।
ଅଶକ୍ଯା ଧର୍ମତୋ ହନ୍ତୁଂ ଲୋକପାଲୈରପି ସ୍ବଯମ୍॥ 9-62-73 (63705)
ତଥୈବାଯଂ ଗଦାପାଣିର୍ଧାର୍ତରାଷ୍ଟ୍ରୋ ଗତଶ୍ରମଃ।
ଅଶକ୍ଯୋ ଧର୍ମତୋ ହନ୍ତୁଂ କାଲେନାପି ଦି ଦଣ୍ଡିନା॥ 9-62-74 (63706)
ନୈତନ୍ମନସି କର୍ତବ୍ଯଂ ଯଦଯଂ ନିହତୋ ନୃପଃ।
ମିଥ୍ଯାଚର୍ଯାଚ୍ଛଲୋପାଯୈର୍ବହବଃ ଶତ୍ରବୋ ହତାଃ॥ 9-62-75 (63707)
ପୂର୍ବୈରନୁଗତୋ ମାର୍ଗୋ ଦେବୈରସୁରଘାତିଭିଃ।
ସଦ୍ଭିଶ୍ଚାନୁଗତଃ ପନ୍ଥାଃ ସର୍ବୈରନୁଗମିଷ୍ଯତେ॥ 9-62-76 (63708)
`ଏବଂ ବିଧାତ୍ରା ବିହିତଂ ସ୍ବଯମେଷାଂ ମହାତ୍ମନାମ୍।
ଦୈବଂ ପୁରୁଷକାରେଣ ନ ଶକ୍ଯମତିବର୍ତିତୁମ୍॥ 9-62-77 (63709)
ଭୂତଂ ଭବ୍ଯଂ ଭବିଷ୍ଯଚ୍ଚ ନିମେଷାଦ୍ଯୋ ହନିଷ୍ଯତି।
କୃତାନ୍ତମନ୍ଯଥା କର୍ତୁଂ ନେଚ୍ଛେତ୍ସୋଽଯଂ ଧନଞ୍ଜଯ॥' 9-62-78 (63710)
କୃତକୃତ୍ଯାଃ ସ୍ମ ସାଯାହ୍ନେ ନିବାସଂ ରୋଚଯାମହେ।
ସାଶ୍ବନାଗରଥାଃ ସର୍ବେ ବିଶ୍ରାମ୍ଯନ୍ତୁ ନରାଧିପାଃ॥ 9-62-79 (63711)
ବାସୁଦେବବଚଃ ଶ୍ରୁତ୍ବା ତଦାନୀଂ ପାଣ୍ଡବୈଃ ସହ।
ପାଞ୍ଚାଲା ଭୃଶସଂହୃଷ୍ଟା ବିନେଦୁଃ ସିଂହସଙ୍ଘବତ୍॥ 9-62-80 (63712)
ତତଃ ପ୍ରାଧ୍ମାପଯଚ୍ଛଙ୍ଖଂ ପାଞ୍ଚଜନ୍ଯଂ ଜନାର୍ଦନଃ।
`ଦେବଦତ୍ତଂ ପ୍ରହୃଷ୍ଟାତ୍ମା ଶଙ୍ଖପ୍ରବରମର୍ଜୁନଃ॥ 9-62-81 (63713)
ଅନନ୍ତବିଜଯଂ ରାଜା କୁନ୍ତୀପୁତ୍ରୋ ଯୁଧିଷ୍ଠିରଃ।
ପୋଣ୍ଡ୍ରଂ ଦଧ୍ମୌ ମହାଶଙ୍ଖଂ ଭୀମକର୍ମା ବୃକୋଦରଃ॥ 9-62-82 (63714)
ନକୁଲଃ ସହଦେବଶ୍ଚ ସୁଘୋଷମଣିପୁଷ୍ପକୌ।
ଧୃଷ୍ଟଦ୍ଯୁମ୍ନସ୍ତଥା ଜୈତ୍ରଂ ସାତ୍ଯକିର୍ନନ୍ଦିବର୍ଧନମ୍॥ 9-62-83 (63715)
ତେଷାଂ ନାଦେନ ମହତା ଶଙ୍ଖାନାଂ ଭରତର୍ଷଭ।
ଆପୁପୂରେ ନଭଃ ସର୍ବଂ ପୃଥିବୀ ଚ ଚଚାଲ ହ॥ 9-62-84 (63716)
ତତଃ ଶଙ୍ଖାଶ୍ଚ ଭେର୍ଯଶ୍ଚ ପଣବାନକଗୋମୁଖାଃ।
ପାଣ୍ଡୁସୈନ୍ଯେଷ୍ବବାଦ୍ଯନ୍ତ ସ ଶବ୍ଦସ୍ତୁମୁଲୋଽଭବତ୍॥ 9-62-85 (63717)
ଅସ୍ତୁବନ୍ପାଣ୍ଡବାନନ୍ଯେ ନିର୍ଭୀଶ୍ଚ ସ୍ତୁତିମଙ୍ଗଲୈଃ'।
ହୃଷ୍ଟା ଦୁର୍ଯୋଧନଂ ଦୃଷ୍ଟ୍ବା ନିହତଂ ପୁରୁଷର୍ଷଭାଃ॥ ॥ 9-62-86 (63718)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଗଦାଯୁଦ୍ଧପର୍ବଣି ଦ୍ବିଷଷ୍ଟିତମୋଽଧ୍ଯାଯଃ॥ 62 ॥
Mahabharata - Shalya Parva - Chapter Footnotes
9-62-21 ନୈଷ ଯୋଗ୍ଯୋଽଦ୍ଯ ମିତ୍ରଂ ବେତି ଝ.ପାଠଃ॥ 9-62-62 ଦ୍ବିଷଷ୍ଟିତମୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 063
॥ ଶ୍ରୀଃ ॥
9.63. ଅଧ୍ଯାଯଃ 063
Mahabharata - Shalya Parva - Chapter Topics
ପାଞ୍ଚାଲାଦିଷୁ ସ୍ବସ୍ବଶିବିରାଣ୍ଯୁପଗତେଷୁ ପାଣ୍ଡବୈର୍ଦୁର୍ଯୋଧନଶିବିରମେତ୍ଯ ସ୍ବସ୍ବରଥେଭ୍ଯୋଽବତରଣମ୍॥ 1 ॥ କୃଷ୍ଣେ ରଥାତ୍ପ୍ରଥମଂ ପାର୍ଥମବତାର୍ଥ ପଶ୍ଚାତ୍ସ୍ବଯମପ୍ଯବତୀର୍ଣେ ଅଗ୍ନିନା ତଦ୍ଗ୍ରଥସ୍ଯ ଭସ୍ମୀକରଣମ୍॥ 2 ॥ କୃଷ୍ଣେନାର୍ଜୁନମ୍ପ୍ରତି ରଥଦାହସ୍ଯ କାରଣକଥନମ୍॥ 3 ॥ କୃଷ୍ଣଚୋଦନଯା ପାଣ୍ଡବୈରୋଘବତୀତୀରେ ରାତ୍ରୌ ନିବସନମ୍॥ 4 ॥ କୃଷ୍ଣେନ ଯୁଧିଷ୍ଠିରଚୋଦନଯା ଗାନ୍ଧାର୍ଯାଶ୍ବାସନାଯ ହାସ୍ତିନପୁରାଗମନମ୍॥ 5 ॥Mahabharata - Shalya Parva - Chapter Text
9-63-0 (63719)
ସଞ୍ଜଯ ଉବାଚ। 9-63-0x (5249)
ତତସ୍ତେ ପ୍ରଯଯୁଃ ସର୍ବେ ନିବାସାଯ ମହୀକ୍ଷିତଃ।
ଶଙ୍ଖାନ୍ପ୍ରଧ୍ମାପଯନ୍ତୋ ବୈ ହୃଷ୍ଟାଃ ପରିଘବାହବଃ॥ 9-63-1 (63720)
ପାଣ୍ଡବାନ୍ଗଚ୍ଛତଶ୍ଚାପି ଶିବିରଂ ନୋ ବିଶାମ୍ପତେ।
ମହେଷ୍ବାସୋଽନ୍ବଗାତ୍ପଶ୍ଚାଦ୍ଯୁଯୁତ୍ସୁଃ ସାତ୍ଯକିସ୍ତଥା॥ 9-63-2 (63721)
ଧୃଷ୍ଟଦ୍ଯୁମ୍ନଃ ଶିଖଣ୍ଡୀ ଚ ଦ୍ରୌପଦେଯାଶ୍ଚ ସର୍ବଶଃ।
ସର୍ବେ ଚାନ୍ଯେ ମହେଷ୍ବାସା ଯଯୁଃ ସ୍ବଶିବିରାଣ୍ଯୁତ॥ 9-63-3 (63722)
ତତସ୍ତେ ପ୍ରାବିଶନ୍ପାର୍ଥା ହତତ୍ବିଟ୍କଂ ହତେଶ୍ବରମ୍।
ଦୁର୍ଯୋଧନସ୍ଯ ଶିବିରଂ ରଙ୍ଗବନ୍ନିଃସୃତେ ଜନେ॥ 9-63-4 (63723)
ଗତୋତ୍ସବଂ ପୁରମିବ ହୃତନାଗମିବ ହଦମ୍।
ସ୍ତ୍ରୀବର୍ଷବରଭୂଯିଷ୍ଠଂ ବୃଦ୍ଧାମାତ୍ଯୈରଧିଷ୍ଠିତମ୍॥ 9-63-5 (63724)
ତତ୍ରୈତାନ୍ପର୍ଯୁପାତିଷ୍ଠନ୍ଦୁର୍ଯୋଧନ ପୁରଃସରାଃ।
କୃତାଞ୍ଜଲିପୁଟା ରାଜନ୍କାଷାଯମଲିନାମ୍ବରାଃ॥ 9-63-6 (63725)
ଶିବିରଂ ସମନୁପ୍ରାପ୍ଯ କୁରୁରାଜସ୍ଯ ପାଣ୍ଡବାଃ।
ଅବତେରୁର୍ମହାରାଜ ରଥେଭ୍ଯୋ ରଥସତ୍ତମାଃ॥ 9-63-7 (63726)
ତତୋ ଗାଣ୍ଡୀବଧନ୍ବାନମଭ୍ଯଭାଷତ କେଶବଃ।
ସ୍ଥିତଃ ପ୍ରିଯହିତେ ନିତ୍ଯମତୀବ ଭରତର୍ଷଭ॥ 9-63-8 (63727)
ଅବରୋପଯ ଗାଣ୍ଡୀବମକ୍ଷଯୌ ଚ ମହେଷୁଧୀ।
ଅଥାହମବରୋକ୍ଷ୍ଯାମି ପଶ୍ଚାଦ୍ଭରତସତ୍ତମ।
ସ୍ବଯଂ ଚୈବାବରୋହ ତ୍ବମେତଚ୍ଛ୍ରେଯସ୍ତବାନଘ॥ 9-63-9 (63728)
ତଚ୍ଚାକରୋତ୍ତଥା ବୀରଃ ପାଣ୍ଡୁପୁତ୍ରୋ ଧନଞ୍ଜଯଃ॥ 9-63-10 (63729)
ଅଥ ପଶ୍ଚାତ୍ତତଃ କୃଷ୍ଣୋ ରଶ୍ମୀନୁତ୍ସୃଜ୍ଯ ବାଜିନାମ୍।
ଅବାରୋହତ ମେଧାବୀ ରଥାଦ୍ଗାଣ୍ଡୀବଧନ୍ବନଃ॥ 9-63-11 (63730)
ଅଥାବତୀର୍ଣେ ଭୂତାନାମୀଶ୍ବରେ ସୁମହାତ୍ମନି।
କପିରପ୍ଯାଶ୍ବପାକ୍ରାମତ୍ସହଦେବୈର୍ଧ୍ବଜାଲଯୈଃ॥ 9-63-12 (63731)
ସ ଦଗ୍ଧୋ ଦ୍ରୋଣକର୍ଣାଭ୍ଯାଂ ଦିବ୍ଯୈରସ୍ତ୍ରୈର୍ମହାରଥଃ।
ଅଥ ଦୀପ୍ତୋଽଗ୍ନିନା ହ୍ଯାଶୁ ପ୍ରଜଜ୍ବାଲ ମହୀପତେ॥ 9-63-13 (63732)
ସୋପାସଙ୍ଗଃ ସରଶ୍ମିଶ୍ଚ ସାଶ୍ବଃ ସଯୁଗବନ୍ଧନଃ।
ଭସ୍ମୀଭୂତୋଽପତଦ୍ଭୂମୌ ରଥୋ ଗାଣ୍ଡୀବଧନ୍ବନଃ॥ 9-63-14 (63733)
ତଂ ତଥା ଭସ୍ମଭୂତଂ ତୁ ଦୃଷ୍ଟ୍ବା ପାଣ୍ଡୁସୁତାଃ ପ୍ରଭୋ।
ଅଭବନ୍ବିସ୍ମିତା ରାଜନ୍ନର୍ଜୁନଶ୍ଚେଦମବ୍ରବୀତ୍॥ 9-63-15 (63734)
କୃତାଞ୍ଜଲିଃ ସପ୍ରଣଯଂ ପ୍ରଣିପତ୍ଯାଭିବାଦ୍ଯ ହ।
ଗୋବନ୍ଦ କସ୍ମାଦ୍ଭଗବନ୍ରଥୋ ଦଗ୍ଧୋଽଯମଗ୍ନିନା॥ 9-63-16 (63735)
କିମେତନ୍ମହଦାଶ୍ଚର୍ଯମଭବଦ୍ଯଦୁନନ୍ଦନ।
ତନ୍ମେ ବ୍ରୂହି ମହାବାହୋ ଶ୍ରୋତବ୍ଯଂ ଯଦି ମନ୍ଯସେ॥ 9-63-17 (63736)
ବାସୁଦେବ ଉବାଚ। 9-63-18x (5250)
ଦ୍ରୋଣକର୍ଣାସ୍ତ୍ରନିର୍ଦଗ୍ଧଃ ପୂର୍ବମେବାଯମର୍ଜୁନ।
ମଦାସ୍ଥିତତ୍ବାତ୍ସମରେ ନ ବିଶୀର୍ଣଃ ପରନ୍ତପ॥ 9-63-18 (63737)
ଇଦାନୀଂ ତୁ ବିଶୀର୍ଣୋଽଯଂ ଦଗ୍ଧୋ ବ୍ରହ୍ମାସ୍ତ୍ରତେଜସା।
ମଯା ବିମୁକ୍ତଃ କୌନ୍ତେଯ ତ୍ବଯ୍ଯଦ୍ଯ କୃତକର୍ମଣି॥ 9-63-19 (63738)
ସଞ୍ଜଯ ଉବାଚ। 9-63-20x (5251)
ଈଷଦୁତ୍ସ୍ମଯମାନସ୍ତୁ ଭଗବାନ୍କେଶବୋଽରିହା।
ପରିଷ୍ବଜ୍ଯ ଚ ରାଜାନଂ ଯୁଧିଷ୍ଠିରମଭାଷତ॥ 9-63-20 (63739)
ଦିଷ୍ଟ୍ଯା ଜଯସି କୌନ୍ତେଯ ଦିଷ୍ଟ୍ଯା ତେ ଶତ୍ରବୋ ଜିତାଃ।
ଦିଷ୍ଟ୍ଯା ଗାଣ୍ଡୀବଧନ୍ବା ଚ ଭୀମସେନଶ୍ଚ ପାଣ୍ଡବଃ॥ 9-63-21 (63740)
ତ୍ବଂ ଚାପି କୁଶଲୀ ରାଜନ୍ମାଦ୍ରୀପୁତ୍ରୌ ଚ ପାଣ୍ଡବୌ।
ମୁକ୍ତା ବୀରକ୍ଷଯାଦିସ୍ମାତ୍ସଙ୍ଗ୍ରାମାନ୍ନିହତଦ୍ବିଷଃ।
କ୍ଷିପ୍ରମୁତ୍ତରକାଲାନି କୁରୁ କାର୍ଯାଣି ଭାରତ॥ 9-63-22 (63741)
ଉପଯାତମୁପପ୍ଲାବ୍ଯଂ ସହ ଗାଣ୍ଡୀବଧନ୍ବନା।
ଆନୀଯ ମଧୁପର୍କଂ ମାଂ ଯତ୍ପୁରା ତ୍ବମବୋଚଥାଃ॥ 9-63-23 (63742)
ଏଷ ଭ୍ରାତା ସଖା ଚୈବ ତବ କୃଷ୍ଣ ଧନଞ୍ଜଯଃ।
ରକ୍ଷିତବ୍ଯୋ ମହାବାହୋ ସର୍ବାସ୍ବାପତ୍ସ୍ବିତି ପ୍ରଭୋ॥ 9-63-24 (63743)
ତବ ଚୈବ ବ୍ରୁବାଣସ୍ଯ ତଥେତ୍ଯେବାହମବ୍ରୁବମ୍॥ 9-63-25 (63744)
ସ ସବ୍ଯସାଚୀ ଗୁପ୍ତସ୍ତେ ବିଜଯୀ ଚ ଜନେଶ୍ବର। 9-63-26 (63745)
ଭ୍ରାତୃଭିଃ ସହ ରାଜେନ୍ଦ୍ର ଶୂରଃ ସତ୍ଯପରାକ୍ରମଃ।
ମୁକ୍ତୋ ବୀରକ୍ଷଯାଦସ୍ମାତ୍ସଙ୍ଗ୍ରାମାଦ୍ରୋମହର୍ଷଣାତ୍॥ 9-63-26 (63746)
ଏବମୁକ୍ତସ୍ତୁ କୃଷ୍ଣେନ ଧର୍ମରାଜୋ ଯୁଧିଷ୍ଠିରଃ।
ହୃଷ୍ଟରୋମା ମହାରାଜ ପ୍ରତ୍ଯୁବାଚ ଜନାର୍ଦନମ୍॥ 9-63-27 (63747)
ଯୁଧିଷ୍ଠିର ଉବାଚ। 9-63-28x (5252)
ପ୍ରମୁକ୍ତଂ ଦ୍ରୋଣକର୍ଣାଭ୍ଯାଂ ବ୍ରହ୍ମାସ୍ତ୍ରମରିମର୍ଦନ।
କସ୍ତ୍ବଦନ୍ଯଃ ସହେତ୍ସାକ୍ଷାଦପି ବଜ୍ରୀ ପୁରନ୍ଦରଃ॥ 9-63-28 (63748)
ଭବତସ୍ତୁ ପ୍ରସାଦେନ ସଂଗ୍ରାମେ ବହବୋ ହତାଃ।
ମହାରଣଗତଃ ପାର୍ଥୋ ଯଚ୍ଚ ନାସୀତ୍ପରାଙ୍ମୁଖଃ॥ 9-63-29 (63749)
ତଥା ତବ ମହାବାହୋ ପର୍ଯାଯୈର୍ବହୁଭିର୍ମଯା।
କର୍ମଣଆମନୁସନ୍ଧାନାତ୍ତେଜସ୍ବୀ ଜଗତି ଶ୍ରୁତା॥ 9-63-30 (63750)
ଉପପ୍ଲାବ୍ଯେ ମହର୍ଷିର୍ମେ କୃଷ୍ଣଦ୍ବୈପାଯନୋଽବ୍ରବୀତ୍।
ଯତୋ ଧର୍ମସ୍ତତଃ କୃଷ୍ଣୋ ଯତଃ କୃଷ୍ଣସ୍ତତୋ ଜଯଃ॥ 9-63-31 (63751)
`ଏବମୁକ୍ତସ୍ତତଃ କୃଷ୍ଣଃ ପ୍ରତ୍ଯୁବାଚ ଯୁଧିଷ୍ଠିରମ୍।
ନ ତୁଲ୍ଯାଶ୍ଚାର୍ଜୁନସ୍ଯେହ ବଲେନ କୁରୁନନ୍ଦନ॥ 9-63-32 (63752)
ସ ଏଷ ସର୍ବାଣ୍ଯସ୍ତ୍ରାଣି ଦିବ୍ଯାନି ପ୍ରାପ୍ଯ ଶଙ୍କରାତ୍।
ସତ୍ସମୋ ବା ବିଶିଷ୍ଟୋ ବା ରଣେ ତ୍ବମିତି ପାଣ୍ଡବଃ।
ଅନୁଜ୍ଞାତଃ ପାଣ୍ଡୁସୁତଃ ପୁନଃ ପ୍ରତ୍ଯାଗମନ୍ମହୀମ୍॥ 9-63-33 (63753)
ଭୂତଂ ଭବ୍ଯଂ ଭବିଷ୍ଯଚ୍ଚ ଅନୁଜ୍ଞାତସ୍ତ୍ବଯା ବିଭୋ।
ନିମେଷାର୍ଧାନ୍ନରବ୍ଯାଘ୍ରୋ ନଯେଦିତି ମତିର୍ମମ॥ 9-63-34 (63754)
ଦ୍ରୋଣଂ ଭୀଷ୍ମଂ କୃପଂ କର୍ଣଂ ଦ୍ରୋଣପୁତ୍ରଂ ଜଯଦ୍ରଥମ୍।
ନିହନ୍ତୁଂ ଶକ୍ନୁଯାତ୍କ୍ରୁଦ୍ଧୋ ନିମେଷାର୍ଧାଦ୍ଧନଞ୍ଜଯଃ॥ 9-63-35 (63755)
ସଦେବାସୁରଗନ୍ଧର୍ବାନ୍ସଯକ୍ଷୋରଗରାକ୍ଷସାନ୍।
ତ୍ରୀନ୍ବା ଲୋକାନ୍ବିଜେତୁଂ ସ ଶକ୍ତଃ କିମିହ ମାନୁଷାନ୍॥ 9-63-36 (63756)
ବିଧିନା ବିହିତଂ ଚାସୌ ମଯା ସଞ୍ଚୋଦିତୋଽପି ସନ୍।
ନ ଚକାର ମତିଂ ହନ୍ତୁଂ ତତସ୍ତେ ବଲବତ୍ତରାଃ॥ 9-63-37 (63757)
ଅତ୍ର ଗୀତା ମଯା ସୁଷ୍ଠୁ ଗିରଃ ସତ୍ଯା ମହୀପତେ।
ଦର୍ସିତଂ ମଯି ସର୍ବଂ ଚ ତେନାସୌ ଜିତବାନ୍ରିପୂନ୍॥ 9-63-38 (63758)
ଅର୍ଜୁନୋଽପି ମହାବାହୁର୍ମଯା ତୁଲ୍ଯୋ ମହୀପତେ।
ସ ମହେଶ୍ବରଲବ୍ଧାସ୍ତ୍ରଃ କିଂ ନ କୁର୍ଯାଦ୍ବିଭୁଃ ପ୍ରଭୋ॥' 9-63-39 (63759)
ଇତ୍ଯେବମୁକ୍ତେ ତେ ବୀରାଃ ଶିବିରଂ ତବ ଭାରତ।
ପ୍ରବିଶ୍ଯ ପ୍ରତ୍ଯପଦ୍ଯନ୍ତ କୋଶରତ୍ନର୍ଧିସଞ୍ଚଯାନ୍॥ 9-63-40 (63760)
ରଜତଂ ଜାତରୂପଂ ଚ ମଣୀନଥ ଚ ମୌକ୍ତିକାନ୍।
ଭୂଷଣାନ୍ଯଥ ମୁଖ୍ଯାନି କମ୍ବଲାନ୍ଯଜିନାନି ଚ॥ 9-63-41 (63761)
`ଗଜାନଶ୍ବାନ୍ରଥାଂଶ୍ଚୈବ ମହାନ୍ତି ଶଯନାନି ଚ'।
ଦାସୀଦାସମସଂଖ୍ଯେଯଂ ରାଜ୍ଯୋପକରଣାନି ଚ॥ 9-63-42 (63762)
ତେ ପ୍ରାପ୍ଯ ଧନମକ୍ଷଯ୍ଯଂ ତ୍ବଦୀଯଂ ଭରତର୍ଷଭ।
ଉଦକ୍ରୋଶନ୍ମହାଭାଗା ନରେନ୍ଦ୍ର ବିଜିତାରଯଃ॥ 9-63-43 (63763)
ତେ ତୁ ବୀରାଃ ସମାଶ୍ବସ୍ଯ ବାହନାନ୍ଯବମୁଚ୍ଯ ଚ।
ଅତିଷ୍ଠନ୍ତ ମୁହୁଃ ସର୍ବେ ପାଣ୍ଡବା ବିଗତଜ୍ବରାଃ॥ 9-63-44 (63764)
ଅଥାବ୍ରବୀନ୍ମହାରାଜ ବାସୁଦେବୋ ମହାଯଶାଃ।
ଅସ୍ମାଭିର୍ମଙ୍ଗଲାର୍ଥାଯ ବସ୍ତବ୍ଯଂ ଶିବିରାଦ୍ବହିଃ॥ 9-63-45 (63765)
ତଥେତ୍ଯୁକ୍ତ୍ବା ହି ତେ ସର୍ବେ ପାଣ୍ଡବାଃ ସାତ୍ଯକିସ୍ତଥା।
ବାସୁଦେବେନ ସହିତା ମଙ୍ଗଲାର୍ଥଂ ବହିର୍ଯଯୁଃ॥ 9-63-46 (63766)
ତେ ସମାସାଦ୍ଯ ସରିତଂ ପୁଣ୍ଯାମୋଘବତୀଂ ନୃପ।
ନ୍ଯବସନ୍ନଥ ତାଂ ରାତ୍ରିଂ ପାଣ୍ଡବା ହତଶତ୍ରବଃ॥ 9-63-47 (63767)
ଯୁଧିଷ୍ଠିରସ୍ତତୋ ରାଜା ପ୍ରାପ୍ତକାଲମଚିନ୍ତଯନ୍॥ 9-63-48 (63768)
ତତ୍ର ତେ ଗମନଂ ମାପ୍ତଂ ରୋଚତେ ତବ ମାଧବ।
ଗାନ୍ଧାର୍ଯାଃ କ୍ରୋଧଦୀପ୍ତାଯାଃ ପ୍ରଶମାର୍ଥମରିନ୍ଦମ॥ 9-63-49 (63769)
ହେତୁକାରଣଯୁକ୍ତୈଶ୍ଚ ବାକ୍ଯୈଃ କାଲସମୀରିତୈଃ।
କ୍ଷିପ୍ରମେବ ମହାଭାଗ ଗାନ୍ଧାରୀଂ ପ୍ରଶମିଷ୍ଯସି।
ପିତାମହଶ୍ଚ ଭଗବାନ୍ବ୍ଯାସସ୍ତତ୍ର ଭବିଷ୍ଯତି॥ 9-63-50 (63770)
ତତଃ ସମ୍ପ୍ରେଷଯାମାସୁର୍ଯାଦବଂ ନାଗସାହ୍ବଯମ୍॥ 9-63-51 (63771)
ସ ଚ ପ୍ରାଯାଜ୍ଜବେନାଶୁ ବାସୁଦେବଃ ପ୍ରତାପବାନ୍।
ଦାରୁକଂ ରଥମାରୋପ୍ଯ ଯେନ ରାଜାଽମ୍ବିକାସୁତଃ॥ 9-63-52 (63772)
ତମୂଚୁଃ ସମ୍ପ୍ରଯାସ୍ଯନ୍ତଂ ଶୈବ୍ଯସୁଗ୍ରୀବବାହନମ୍।
ପ୍ରତ୍ଯାଶ୍ବାସଯ ଗାନ୍ଧାରୀଂ ହତପୁତ୍ରାଂ ଯଶସ୍ବିନୀମ୍॥ 9-63-53 (63773)
ସ ପ୍ରାଯାତ୍ପାଣ୍ଡବୈରୁକ୍ତସ୍ତତ୍ପୁରଂ ସାତ୍ବତାଂ ବରଃ।
ଆସସାଦ ତତଃ କ୍ଷିପ୍ରଂ ଗାନ୍ଧାରୀଂ ନିହତାତ୍ମଜାମ୍॥ ॥ 9-63-54 (63774)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଗଦାଯୁଦ୍ଧପର୍ବଣି ତ୍ରିଷଷ୍ଟିତମୋଽଧ୍ଯାଯଃ॥ 63 ॥
Mahabharata - Shalya Parva - Chapter Footnotes
9-63-5 ବର୍ଷବରଃ ଷଣ୍ଢଃ॥ 9-63-6 ଦୁର୍ଯୋଧନସ୍ଯ ପୁରସରାଃ ଦୁର୍ଯୋଧନପୁରଃ ସରାଃ॥ 9-63-30 ତେଜସ୍ବୀତି ଗତିଃ ଶ୍ରୁତା ଇତି ଛ.ପାଠଃ। ତଥୈବ ଚ ମହାବାହୋ ମନୁସନ୍ତାନଂ ତେଜସଶ୍ଚ ଗତୀଃ ଶୁଭାଃ ଇତି ଝ.ପାଠଃ॥ 9-63-63 ତ୍ରିଷଷ୍ଟିତମୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 064
॥ ଶ୍ରୀଃ ॥
9.64. ଅଧ୍ଯାଯଃ 064
Mahabharata - Shalya Parva - Chapter Topics
ଜନମେଜଯେନ ଗାନ୍ଧାର୍ଯାଶ୍ବାସନକାରଣପ୍ରଶ୍ନେ ବୈଶମ୍ପାଯନେନ ତତ୍କଥନମ୍॥ 1 ॥ କୃଷ୍ଣେନ ଗାନ୍ଧାରୀଧୃତରାଷ୍ଟ୍ରୋ ସମାଶ୍ବାସ୍ଯ ପୁନଃ ପାଣ୍ଡବସମୀପାଗମନମ୍॥ 2 ॥Mahabharata - Shalya Parva - Chapter Text
9-64-0 (63775)
ଜନମେଜଯ ଉବାଚ। 9-64-0x (5253)
କିମର୍ଥଂ ଦ୍ବିଜଶାର୍ଦୂଲ ଧର୍ମରାଜୋ ଯୁଧିଷ୍ଠିରଃ।
ଗାନ୍ଧାର୍ଯାଃ ପ୍ରେଷଯାମାସ ବାସୁଦେବଂ ପରନ୍ତପମ୍॥ 9-64-1 (63776)
ଯଦା ପୂର୍ବଂ ଗତଃ କୃଷ୍ଣଃ ଶମାର୍ଥଂ କୌରବାନ୍ପ୍ରତି।
ନ ଚ ତଂ ଲବ୍ଧବାନ୍କାମଂ ତତୋ ଯୁଦ୍ଧମଭୂଦିଦମ୍॥ 9-64-2 (63777)
ନିହତେଷୁ ତୁ ଯୋଧେଷୁ ହତେ ଦୁର୍ଯୋଧନେ ତଦା।
ପୃଥିବ୍ଯାଂ ପାଣ୍ଡବେଯସ୍ଯ ନିଃସପତ୍ନେ କୃତେ ଯୁଧି॥ 9-64-3 (63778)
ବିଦ୍ରୁତେ ଶିବିରେ ଶୂନ୍ଯେ ପ୍ରାପ୍ତେ ଯଶସି ଚୋତ୍ତମେ।
କିଂ ତୁ ତତ୍କାରଣଂ ବ୍ରହ୍ମନ୍ଯେନ କୃଷ୍ଣୋ ଗତଃ ପୁନଃ॥ 9-64-4 (63779)
ନ ଚୈତତ୍କାରଣଂ ବ୍ରହ୍ମନ୍ନଲ୍ପଂ ବିପ୍ରତିଭାତି ମେ।
ଯତ୍ରାଗମଦମେଯାତ୍ମା ସ୍ବଯମେବ ଜନାର୍ଦନଃ॥ 9-64-5 (63780)
ତତ୍ତ୍ବତୋ ବୈ ସମାଚକ୍ଷ୍ବ ସର୍ବମଧ୍ବର୍ଯୁସତ୍ତମ।
ଯଚ୍ଚାତ୍ର କାରଣଂ ବ୍ରହ୍ମନ୍କାର୍ଯସ୍ଯାସ୍ଯ ବିନିଶ୍ଚଯେ॥ 9-64-6 (63781)
ବୈଶମ୍ପାଯନ ଉବାଚ। 9-64-7x (5254)
ତ୍ବଦ୍ଯୁକ୍ତୋଽଯମନୁପ୍ରଶ୍ନୋ ଯନ୍ମାଂ ପୃଚ୍ଛସି ପାର୍ଥିବ।
ତତ୍ତେଽହଂ ସଂପ୍ରବକ୍ଷ୍ଯାମି ଯଥାବଦ୍ଭରତର୍ଷଭ॥ 9-64-7 (63782)
ହତଂ ଦୁର୍ଯୋଧନଂ ଦୃଷ୍ଟ୍ବା ଭୀମସେନେନ ସଂଯୁଗେ।
ବ୍ଯୁତ୍କ୍ରମ୍ଯ ସମଯଂ ରାଜନ୍ଧାର୍ତରାଷ୍ଟ୍ରଂ ମହାବଲମ୍॥ 9-64-8 (63783)
ଅନ୍ଯାଯେନ ହତଂ ଦୃଷ୍ଟ୍ବା ଗଦାଯୁଦ୍ଧେନ ଭାରତ।
ଯୁଧିଷ୍ଠିରଂ ମହାରାଜ ମହଦ୍ଭଯମଥାବିଶତ୍॥ 9-64-9 (63784)
ସୋଽଚିନ୍ତଯନ୍ମହାଭାଗାଂ ଗାନ୍ଧାରୀଂ ତପସାନ୍ବିତାମ୍।
ଘୋରେଣ ତପସା ଯୁକ୍ତାଂ ତ୍ରୈଲୋକ୍ଯମପି ସା ଦହେତ୍॥ 9-64-10 (63785)
ତସ୍ଯ ଚିନ୍ତଯମାନସ୍ଯ ବୁଦ୍ଧିଃ ସମଭବତ୍ତଦା।
ଗାନ୍ଧାର୍ଯାଃ କ୍ରୋଧଦୀପ୍ତାଯାଃ ପୂର୍ବଂ ପ୍ରଶମନଂ ଭବେତ୍॥ 9-64-11 (63786)
ସା ହି ପୁତ୍ରବଧଂ ଶ୍ରୁତ୍ବା କୃତମସ୍ମାଭିରୀଦୃଶମ୍।
ମାନସେନାଗ୍ନିନା କ୍ରୁଦ୍ଧା ଭସ୍ମସାନ୍ନଃ କରିଷ୍ଯତି॥ 9-64-12 (63787)
କଥଂ ଦୁଃଖମିଦଂ ତୀବ୍ରଂ ଗାନ୍ଧାରୀ ସମ୍ପ୍ରଶକ୍ଷ୍ଯତି।
ଶ୍ରୁତ୍ବା ବିନିହତଂ ପୁତ୍ରଂ ଛଲେନାଜିହ୍ମଯୋଧିନମ୍॥ 9-64-13 (63788)
ଏବଂ ବିଚିନ୍ତ୍ଯ ବହୁଧା ଭଯଶୋକସମନ୍ବିତଃ।
ବାସୁଦେବମିଦଂ ବାକ୍ଯଂ ଧର୍ମରାଜୋଽଭ୍ଯଭାଷତ॥ 9-64-14 (63789)
ତବ ପ୍ରସାଦାଦ୍ଗୋବିନ୍ଦ ରାଜ୍ଯଂ ନିହତକଣ୍ଟକମ୍।
ଅପ୍ରାପ୍ଯଂ ମନସାଽପୀଦଂ ପ୍ରାପ୍ତମସ୍ମାଭିରଚ୍ଯୁତ॥ 9-64-15 (63790)
ପ୍ରତ୍ଯକ୍ଷଂ ମେ ମହାବାହୋ ସଙ୍ଗ୍ରାମେ ରୋମହର୍ଷଣେ।
ବିମର୍ଦଃ ସୁମହାନ୍ପ୍ରାପ୍ତସ୍ତ୍ବଯା ଯାଦବନନ୍ଦନ॥ 9-64-16 (63791)
ତ୍ବଯା ଦେବାସୁରେ ଯୁଦ୍ଧେ ବଧାର୍ଥମମରଦ୍ବିଷାମ୍।
ଯଥା ସାହ୍ଯଂ ପୁରା ଦତ୍ତଂ ହତାଶ୍ଚ ବିବୁଧଦ୍ବିଷଃ॥ 9-64-17 (63792)
ସାହ୍ଯଂ ତଥା ମହାବାହୋ ଦତ୍ତମସ୍ମାକମଚ୍ଯୁତ।
ସାରଥ୍ଯେନ ଚ ବାର୍ଷ୍ଣେଯ ଭବତା ହି ଧୃତା ବଯମ୍॥ 9-64-18 (63793)
ଯଦି ନ ତ୍ବଂ ଭବେନ୍ନାଥଃ ଫଲ୍ଗୁନସ୍ଯ ମହାରଣେ।
କଥଂ ଶକ୍ଯୋ ରଣେ ଜେତୁଂ ଭବେଦେଷ ବଲାର୍ଣବଃ॥ 9-64-19 (63794)
ଗଦାପ୍ରହାରା ବିପୁଲାଃ ପରିଘୈଶ୍ଚାପି ତାଡନମ୍।
ଶକ୍ତିଭିର୍ଭିଣ୍ଡିପାଲୈଶ୍ଚ ତୋମରୈଃ ସପରଶ୍ବଥୈଃ॥ 9-64-20 (63795)
ଅସ୍ମତ୍କୃତେ ତ୍ବଯା କୃଷ୍ଣ ବାଚଃ ସୁପରୁଷାଃ ଶ୍ରୁତାଃ।
ଶସ୍ତ୍ରାଣାଂ ଚ ନିପାତା ବୈ ବଜ୍ରସ୍ପର୍ଶୋପମା ରଣେ॥ 9-64-21 (63796)
ତେ ଚ ତେ ସଫଲା ଜାତା ହତେ ଦୁର୍ଯୋଧନେଽଚ୍ଯୁତ।
ତତ୍ସର୍ବଂ ନ ଯଥା ନଶ୍ଯେତ୍ପୁନଃ କୃଷ୍ଣ ତଥା କୁରୁ॥ 9-64-22 (63797)
ସନ୍ଦେହଡୋଲାଂ ପ୍ରାପ୍ତଂ ନଶ୍ଚେତଃ କୃଷ୍ଣ ଜଯେ ସତି।
ଗାନ୍ଧାର୍ଯା ହି ମହାବାହୋ କ୍ରୋଧଂ ଶମଯ ମାଧବ॥ 9-64-23 (63798)
ସା ହି ନିତ୍ଯଂ ମହାଭାଗା ତପସୋଗ୍ରେଣ କର୍ଶିତା।
ପୁତ୍ରପୌତ୍ରବଧଂ ଶ୍ରୁତ୍ବା ଧ୍ରୁବଂ ନଃ ସମ୍ପ୍ରଧକ୍ଷ୍ଯତି।
ତସ୍ଯା ପ୍ରସାଦନଂ ବୀର ପ୍ରାପ୍ତକାଲଂ ମତଂ ମମ॥ 9-64-24 (63799)
କଶ୍ଚ ତାଂ କ୍ରୋଧସନ୍ଦୀପ୍ତାଂ ପୁତ୍ରବ୍ଯସନକର୍ଶିତାମ୍।
ବୀକ୍ଷିତୁଂ ପୁରୁଷଃ ଶକ୍ତସ୍ତ୍ବାମୃତେ ପୁରୁଷୋତ୍ତମ॥ 9-64-25 (63800)
ତତ୍ର ମେ ଗମନଂ ପ୍ରାପ୍ତଂ ରୋଚତେ ତବ ମାଧବ।
ଗାନ୍ଧାର୍ଯାଃ କ୍ରୋଧଦୀପ୍ତାଯାଃ ପ୍ରଶମାର୍ଥମରିନ୍ଦମ॥ 9-64-26 (63801)
ତ୍ବଂ ହି କର୍ତା ବିକର୍ତା ଚ ଲୋକାନାଂ ପ୍ରଭବାବ୍ଯଯଃ।
ହେତୁକାରଣସଂଯୁକ୍ତୈର୍ବାକ୍ଯୈଃ କାଲସମୀରିତୈଃ॥ 9-64-27 (63802)
କ୍ଷିପ୍ରମେବ ମହାବାହୋ ଗାନ୍ଧାରୀଂ ଶମଯିଷ୍ଯସି।
ପିତାମହଶ୍ଚ ଭଗବାନ୍କୃଷ୍ଣସ୍ତତ୍ର ଭବିଷ୍ଯତି॥ 9-64-28 (63803)
ସର୍ବଥା ତେ ମହାବାହୋ ଗାନ୍ଧାର୍ଯାଃ କ୍ରୋଧନାଶନମ୍।
କର୍ତବ୍ଯଂ ସାତ୍ବତାଂ ଶ୍ରେଷ୍ଠ ପାଣ୍ଡବାନାଂ ହିତାର୍ଥିନା॥ 9-64-29 (63804)
ଧର୍ମରାଜସ୍ଯ ବଚନଂ ଶ୍ରୁତ୍ବା ଯଦୁକୁଲୋଦ୍ବହଃ।
ଆମନ୍ତ୍ର୍ଯ ଦାରୁକଂ ପ୍ରାହ ରଥଃ ସଞ୍ଜୋ ବିଧୀଯତାମ୍॥ 9-64-30 (63805)
କେଶବସ୍ଯ ବଚଃ ଶ୍ରୁତ୍ବା ତ୍ବରମାଣୋଽଥ ଦାରୁକଃ।
ନ୍ଯବେଦଯଦ୍ରଥଂ ସଜ୍ଜଂ କେଶବାଯ ମହାତ୍ମନେ॥ 9-64-31 (63806)
ତଂ ରଥଂ ଯାଦବଶ୍ରେଷ୍ଠଃ ସମାରୁହ୍ଯ ପରନ୍ତପଃ।
ଜଗାମ ହାସ୍ତିନପୁରଂ ତ୍ବରିତଃ କେଶବୋ ବିଭୁଃ॥ 9-64-32 (63807)
ତତଃ ପ୍ରାଯାନ୍ମହାରାଜ ମାଧବୋ ଭଗବାନ୍ରଥୀ।
ନାଗସାହ୍ବଯମାସାଦ୍ଯ ପ୍ରବିବେଶ ଚ ବୀର୍ଯବାନ୍॥ 9-64-33 (63808)
ପ୍ରବିଶ୍ଯ ନଗରଂ ବୀରୋ ରଥଘୋଷେଣ ନାଦଯନ୍।
ବିଦିତୋ ଧୃତରାଷ୍ଟ୍ରସ୍ଯ ସୋଽବତୀର୍ଯ ରଥୋତ୍ତମାତ୍।
ଅଭ୍ଯଗଚ୍ଛଦଦୀନାତ୍ମା ଧୃତରାଷ୍ଟ୍ରନିବେଶନମ୍॥ 9-64-34 (63809)
ପୂର୍ବଂ ଚାଭିଗତଂ ତତ୍ର ସୋଽପଶ୍ଯଦୃଷିସତ୍ତମମ୍॥ 9-64-35 (63810)
ପାଦୌ ପ୍ରପୀଡ୍ଯ କୃଷ୍ଣସ୍ଯ ରାଜ୍ଞଶ୍ଚାପି ଜନାର୍ଦନଃ।
ଅଭ୍ଯବାଦଯଦବ୍ଯଗ୍ରୋ ଗାନ୍ଧାରୀଂ ଚାପି କେଶବଃ॥ 9-64-36 (63811)
ତତସ୍ତୁ ଯାଦବଶ୍ରେଷ୍ଠୋ ଧୃତରାଷ୍ଟ୍ରମଧୋକ୍ଷଜଃ।
ପାଣିମାଲମ୍ବ୍ଯ ରାଜେନ୍ଦ୍ର ସୁସ୍ବରଂ ପ୍ରରୁରୋଦ ହ॥ 9-64-37 (63812)
ସ ମୁହୂର୍ତାଦିବୋତ୍ସୃଜ୍ଯ ବାଷ୍ପଂ ଶୋକସମୁଦ୍ଭବମ୍।
ପ୍ରକ୍ଷାଲ୍ଯ ବାରିଣା ନେତ୍ରେ ହ୍ଯାଚମ୍ଯ ଚ ଯଥାବିଧି।
ଉବାଚ ପ୍ରଶ୍ରିତଂ ବାକ୍ଯଂ ଧୃତରାଷ୍ଟ୍ରମରିନ୍ଦମଃ॥ 9-64-38 (63813)
ନ ତେଽସ୍ତ୍ଯବିଦିତଂ କିଞ୍ଚିଦ୍ଭୂତଂ ଭବ୍ଯଂ ଚ ଭାରତ।
କାଲସ୍ଯ ଚ ଯଥାବୃତ୍ତଂ ତତ୍ତେ ସୁବିଦିତଂ ପ୍ରଭୋ॥ 9-64-39 (63814)
ଯଦିଦଂ ପାଣ୍ଡବୈଃ ସର୍ବୈସ୍ତବ ଚିତ୍ତାନୁରୋଧିଭିଃ।
କଥଂ କୁଲକ୍ଷଯୋ ନ ସ୍ଯାତ୍ତଥା କ୍ଷତ୍ରସ୍ଯ ଭାରତ॥ 9-64-40 (63815)
ଭ୍ରାତୃଭିଃ ସମଯଂ କୃତ୍ବା କ୍ଷାନ୍ତବାନ୍ଧର୍ମବତ୍ସଲଃ।
ଦ୍ଯୂତଚ୍ଛଲଜିତୈଃ ଶୁଦ୍ବୈର୍ବନବାସୋ ହ୍ଯୁପାଗତଃ॥ 9-64-41 (63816)
ଅଜ୍ଞାତବାସଚର୍ଯା ଚ ନାନାବେଷସମାବୃତୈଃ।
ଅନ୍ଯେ ଚ ବହବଃ କ୍ଲେଶାସ୍ତ୍ବଶକ୍ତୈରିବ ସର୍ବଦା॥ 9-64-42 (63817)
ମଯା ଚ ସ୍ବଯମାଗମ୍ଯ ଯୁଦ୍ଧକାଲ ଉପସ୍ଥିତେ।
ସର୍ବଲୋକସ୍ଯ ସାନ୍ନିଧ୍ଯେଗ୍ରାମାଂସ୍ତ୍ବଂ ପଞ୍ଚଯାଚିତଃ॥ 9-64-43 (63818)
ତ୍ବଯା କାଲୋପସୃଷ୍ଟେନ ଲୋଭତୋ ନାପବର୍ଜିତାଃ।
ତବାପରାଧାନ୍ନୃପତେ ସର୍ବଂ କ୍ଷତ୍ରଂ କ୍ଷଯଂ ଗତମ୍॥ 9-64-44 (63819)
ଭୀଷ୍ମେଣ ସୋମଦତ୍ତେନ ବାହ୍ଲୀକେନ କୃପେଣ ଚ।
ଦ୍ରୋଣେନ ଚ ସପୁତ୍ରେଣ ବିଦୁରେଣ ଚ ଧୀମତା।
ଯାଚିତସ୍ତ୍ବଂ ଶମଂ ନିତ୍ଯଂ ନ ଚ ତତ୍କୃତବାନସି॥ 9-64-45 (63820)
କାଲୋପହତଚିତ୍ତା ହି ସର୍ବେ ମୁହ୍ଯନ୍ତି ଭାରତ।
ଯଥା ମୂଢୋ ଭବାନ୍ପୂର୍ବମସ୍ମିନ୍ନର୍ଥେ ସମୁଦ୍ଯତେ॥ 9-64-46 (63821)
କିମନ୍ଯତ୍କାଲଯୋଗାଦ୍ଧି ଦ୍ବିଷ୍ଟମେବ ପରାଯଣମ୍।
ମା ଚ ଦୋଷାନ୍ମହାପ୍ରାଜ୍ଞ ପାଣ୍ଡବେଷୁ ନିବେଶଯ॥ 9-64-47 (63822)
ଅଲ୍ପୋପ୍ଯତିକ୍ରମୋ ନାସ୍ତି ପାଣ୍ଡବାନାଂ ମହାତ୍ମନାମ୍।
ଧର୍ମତୋ ନ୍ଯାଯତଶ୍ଚୈବ ସ୍ନେହତଶ୍ଚ ପରନ୍ତପ॥ 9-64-48 (63823)
ଏତତ୍ସର୍ବଂ ତୁ ବିଜ୍ଞାଯ ହ୍ଯାତ୍ମଦୋଷକୃତଂ ଫଲମ୍।
ତନ୍ମନ୍ଯୁଂ ପାଣ୍ଡୁପୁତ୍ରେଷୁ ନ ଭବାନ୍କର୍ତୁମର୍ହତି॥ 9-64-49 (63824)
କୁଲଂ ବଂଶଶ୍ଚ ପିଣ୍ଡାଶ୍ଚ ଯଚ୍ଚ ପୁତ୍ରକୃତ ଫଲମ୍।
ଗାନ୍ଧାର୍ଯାସ୍ତବ ବୈ ନାଥ ପାଣ୍ଡବେଷୁ ପ୍ରତିଷ୍ଠିତମ୍॥ 9-64-50 (63825)
ତ୍ବଂ ଚୈବ କୁରୁଶାର୍ଦୂଲ ଗାନ୍ଧାରୀ ଚ ଯଶସ୍ବିନୀ।
ମା ଶୁଚୋ ନରଶାର୍ଦୂଲ ପାଣ୍ଡବାନ୍ପ୍ରତିକିଲ୍ବିମ୍॥ 9-64-51 (63826)
ଏତତ୍ସର୍ବମନୁଧ୍ଯାଯ ଆତ୍ମନଶ୍ଚ ବ୍ଯତିକ୍ରମମ୍।
ଶିବେନ ପାଣ୍ଡବାନ୍ଧ୍ଯାହି ନମସ୍ତେ ଭରତର୍ଷଭ॥ 9-64-52 (63827)
ଜାନାସି ଚ ମହାବାହୋ ଧର୍ମରାଜସ୍ଯ ଯା ତ୍ବଯି।
ଭକ୍ତିର୍ଭରତଶାର୍ଦୂଲ ସ୍ନେହଶ୍ଚାପି ସ୍ବଭାବତଃ॥ 9-64-53 (63828)
ଏତଚ୍ଚ କଦନଂ କୃତ୍ବା ଶତ୍ରୂଣାମପକାରିଣାମ୍।
ଦହ୍ଯତେ ସ ଦିବାରାତ୍ରୌ ନ ଚ ଶର୍ମାଧିଗଚ୍ଛତି॥ 9-64-54 (63829)
ତ୍ବାଂ ଚୈବ ନରଶାର୍ଦୂଲ ଗାନ୍ଧାରୀଂ ଚ ଯଶସ୍ବିନୀମ୍।
ସ ଶୋଚନ୍ନରଶାର୍ଦୂଲଃ ଶାନ୍ତିଂ ନୈବାଧିଗଚ୍ଛତି॥ 9-64-55 (63830)
ହିଯା ଚ ପରଯାଽବିଷ୍ଟୋ ଭବନ୍ତଂ ନାଧିଗଚ୍ଛତି।
ପୁତ୍ରଶୋକାଭିସନ୍ତପ୍ତଂ ବୁଦ୍ଧିବ୍ଯାକୁଲିତେନ୍ଦ୍ରିଯମ୍॥ 9-64-56 (63831)
ଏବମୁକ୍ତ୍ବା ମହାରାଜ ଧୃତରାଷ୍ଟ୍ରଂ ଯଦୂତ୍ତମଃ।
ଉବାଚ ପରମଂ ବାକ୍ଯଂ ଗାନ୍ଧାରୀଂ ଶୋକକର୍ଶିତାମ୍॥ 9-64-57 (63832)
ସୌବଲେଯି ନିବୋଧ ତ୍ବଂ ଯତ୍ତ୍ବାଂ ବକ୍ଷ୍ଯାମି ସୁବ୍ରତେ।
ତ୍ବତ୍ସମା ନାସ୍ତି ଲୋକେଽସ୍ମିନ୍ନଦ୍ଯ ସୀମନ୍ତିନୀ ଶୁଭେ॥ 9-64-58 (63833)
ଜାନାସି ଚ ଯଥା ରାଜ୍ଞି ସଭାଯାଂ ମମ ସନ୍ନିଧୌ।
ଧର୍ମାର୍ଥସହିତଂ ବାକ୍ଯମୁଭଯୋଃ ପକ୍ଷଯୋର୍ହିତମ୍॥ 9-64-59 (63834)
ଉକ୍ତବତ୍ଯସି କଲ୍ଯାଣି ନ ଚ ତେ ତନଯୈଃ କୃତମ୍।
ଦୁର୍ଯୋଧନସ୍ତ୍ବଯା ଚୋକ୍ତୋ ଜଯାର୍ଥୀ ପରୁଷଂ ବଚଃ॥ 9-64-60 (63835)
ଶୃଣୁ ମୂଢ ବଚୋ ମହ୍ଯଂ ଯତୋ ଧର୍ମସ୍ତତୋ ଜଯଃ।
ତଦିଦଂ ସମନୁପ୍ରାପ୍ତଂ ତବ ବାକ୍ଯଂ ନୃପାତ୍ମଜେ॥ a6-64-61 (63836)
ଏବଂ ବିଦିତ୍ବା କଲ୍ଯାଣି ମା ସ୍ମ ଶୋକେ ମନଃ କୃଥାଃ।
ପାଣ୍ଡବାନାଂ ବିନାଶାଯ ମା ତେ ବୁଦ୍ଧିଃ କଦାଚନ॥ 9-64-62 (63837)
ଶକ୍ତା ଚାସି ମହାଭାଗେ ପୃଥିବୀଂ ସଚରାଚରାମ୍।
ଚକ୍ଷୁଷା କ୍ରୋଧଦୀପ୍ତେନ ନିର୍ଦଗ୍ଧୁଂ ତପସୋ ବଲାତ୍॥ 9-64-63 (63838)
ବାସୁଦେବବଚଃ ଶ୍ରୁତ୍ବା ଗାନ୍ଧାରୀ ବାକ୍ଯମବ୍ରବୀତ୍।
ଏବମେତନ୍ମହାବାହୋ ଯଥା ବଦସି କେଶବ॥ 9-64-64 (63839)
ଆଧିଭିର୍ଦହ୍ଯମାନାଯା ମତିଃ ସଞ୍ଚଲିତା ମମ।
ସା ମେ ବ୍ଯବସ୍ଥିତା ଶ୍ରୁତ୍ବା ତବ ବାକ୍ଯଂ ଜନାର୍ଦନ॥ 9-64-65 (63840)
ରାଜ୍ଞସ୍ତ୍ବନ୍ଧସ୍ଯ ବୃଦ୍ଧସ୍ଯ ହତପୁତ୍ରସ୍ଯ କେଶବ।
ତ୍ବଂ ଗତିଃ ସହିତୈର୍ବୀରୈଃ ପାଣ୍ଡବୈର୍ଦିପଦା ବର॥ 9-64-66 (63841)
ଏତାବଦୁକ୍ତ୍ବା ବଚନଂ ମୁଖଂ ପ୍ରଚ୍ଛାଦ୍ଯ ବାସସା।
ପୁତ୍ରଶୋକାଭିସନ୍ତପ୍ତା ଗାନ୍ଧାରୀ ପ୍ରରୁରୋଦ ହ॥ 9-64-67 (63842)
ତତ ଏନାଂ ମହାବାହୁଃ କେଶ୍ବଃ ଶୋକକର୍ଶିତାମ୍।
ହେତୁକାରଣସଂଯୁକ୍ତୈର୍ବାକ୍ଯୈରାଶ୍ବାସଯତ୍ପ୍ରଭୁଃ॥ 9-64-68 (63843)
ସମାଶ୍ବାସ୍ଯ ଚ ଗାନ୍ଧାରୀଂ ଧୃତରାଷ୍ଟ୍ରଂ ଚ ମାଧବଃ।
ଦ୍ରୌଣିସଙ୍କଲ୍ପିତଂ ଭାବମନ୍ବବୁଧ୍ଯତ କେଶବଃ॥ 9-64-69 (63844)
ତତସ୍ତ୍ବରିତ ଉତ୍ଥାଯ ପାଦୌ ମୂର୍ଧ୍ନା ପ୍ରଣମ୍ଯ ଚ।
ଦ୍ବୈପାଯନସ୍ଯ ରାଜେନ୍ଦ୍ର ତତଃ କୌରବମବ୍ରବୀତ୍॥ 9-64-70 (63845)
ଆପୃଚ୍ଛେ ତ୍ବାଂ କୁରୁଶ୍ରେଷ୍ଠ ମା ଚ ଶୋକେ ମନଃ କୃଥାଃ।
ଦ୍ରୌଣେଃ ପାପୋସ୍ତ୍ଯଭିପ୍ରାଯସ୍ତେନାସ୍ମି ସହସୋତ୍ଥିତଃ॥ 9-64-71 (63846)
ପାଣ୍ଡବାନାଂ ବଧେ ରାତ୍ରୌ ବୁଦ୍ଧିସ୍ତେନ ପ୍ରଦର୍ଶିତା॥ 9-64-72 (63847)
ଏତଚ୍ଛ୍ରୁତ୍ବା ତୁ ବଚନଂ ଗାନ୍ଧାର୍ଯା ସହିତୋଽବ୍ରବୀତ୍।
ଧୃତରାଷ୍ଟ୍ରୋ ମହାବାହୁଃ କେଶବଂ କେଶିସୂଦନମ୍॥ 9-64-73 (63848)
ଶୀଘ୍ରଂ ଗଚ୍ଛ ମହାବାହୋ ପାଣ୍ଡବାନ୍ପରିପାଲଯ।
ଭୂଯସ୍ତ୍ବଯା ସମେଷ୍ଯାମି କ୍ଷିପ୍ରମେବ ଜନାର୍ଦନ॥ 9-64-74 (63849)
ପ୍ରାଯାତ୍ତତସ୍ତୁ ତ୍ବରିତୋ ଦାରୁକେଣ ସହାଚ୍ଯୁତଃ॥ 9-64-75 (63850)
ବାସୁଦେବେ ଗତେ ରାଜନ୍ଧୃତରାଷ୍ଟ୍ରଂ ଜନେଶ୍ବରମ୍।
ଆଶ୍ବାସଯଦମେଯାତ୍ମା ବ୍ଯାସୋ ଲୋକନମସ୍କୃତଃ॥ 9-64-76 (63851)
ବାସୁଦେବୋଽପି ଧର୍ମାତ୍ମା କୃତକୃତ୍ଯୋ ଜଗାମ ହ।
ଶିବିରଂ ହାସ୍ତିନପୁରାଦ୍ଦିଦୃକ୍ଷୁଃ ପାଣ୍ଡବାନ୍ନୃପ॥ 9-64-77 (63852)
ଆଗମ୍ଯ ଶିବିରଂ ରାତ୍ରୌ ସୋଽଭ୍ଯଗଚ୍ଛତ ପାଣ୍ଡବାନ୍।
ତଚ୍ଚ ତେଭ୍ଯଃ ସମାଖ୍ଯାଯ ସହିତସ୍ତୈଃ ସମାହିତଃ॥ ॥ 9-64-78 (63853)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଗଦାଯୁଦ୍ଧପର୍ବଣି ଚତୁଃଷଷ୍ଟିତମୋଽଧ୍ଯାଯଃ॥ 64 ॥
Mahabharata - Shalya Parva - Chapter Footnotes
9-64-27 ହେତୁକାରଣସଂଯୁକ୍ତୈଃ ହେତବୋ ଦୃଷ୍ଟା ଅପରାଧାଃ। କାରଣାନି ଅଦୃଷ୍ଟାନ୍ଯବଶ୍ଯଂଭାବୀନି ତୈର୍ଯୁକ୍ତାନି ତୈର୍ଯୁକ୍ତାନି ତୈଃ॥ 9-64-33 ପ୍ରାଯାଦଗଚ୍ଛତ୍॥ 9-64-34 ବିଦିତଂ ଧୃତାରାଷ୍ଟ୍ରସ୍ଯେତି ଝ.ପାଠଃ॥ 9-64-36 କୃଷ୍ଣସ୍ଯ ବ୍ଯାସସ୍ଯ॥ 9-64-49 ଅସୂଯାଂ ପାଣ୍ଡୁପୁତ୍ରୋଷ୍ବିତି ଝ.ପାଠଃ॥ 9-64-64 ଚତୁଃଷଷ୍ଟିତମୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 065
॥ ଶ୍ରୀଃ ॥
9.65. ଅଧ୍ଯାଯଃ 065
Mahabharata - Shalya Parva - Chapter Topics
ସଞ୍ଜଯେନ ଧୃତରାଷ୍ଟ୍ରଂପ୍ରତି ଦୁର୍ଯୋଧନବିଲାପପ୍ରକାରକଥନମ୍॥ 1 ॥ ବାଦିକୈରଶ୍ବତ୍ଥାମ୍ନି ଦୁର୍ଯୋଧନପାତନନିବେଦନମ୍॥ 2 ॥Mahabharata - Shalya Parva - Chapter Text
9-65-0 (63854)
ଧୃତରାଷ୍ଟ୍ର ଉବାଚ। 9-65-0x (5255)
ଅଧିଷ୍ଠିତଃ ପଦା ମୂର୍ଧ୍ନି ଭଗ୍ନସକ୍ଥୋ ମହୀଂ ଗତଃ।
ଶୌଟୀର୍ଯମାନୀ ପୁତ୍ରୋ ମେ କିମଭାଷତ ସଞ୍ଜଯ॥ 9-65-1 (63855)
ଅତ୍ଯର୍ଥଂ କୋପନୋ ରାଜା ଜାବୈରଶ୍ଚ ପାଣ୍ଡୁଷୁ।
ବ୍ଯସନଂ ପରମଂ ପ୍ରାପ୍ତଃ କିମାହ ପରମାହବେ॥ 9-65-2 (63856)
ସଞ୍ଜଯ ଉବାଚ। 9-65-3x (5256)
ଶୃଣୁ ରାଜନ୍ପ୍ରବକ୍ଷ୍ଯାମି ଯଥାବୃତ୍ତଂ ନରାଧିପ।
ରାଜ୍ଞା ଯଦୁକ୍ତଂ ମଗ୍ନେନ ତସ୍ମିନ୍ବ୍ଯସନସାଗରେ॥ 9-65-3 (63857)
ଭଗ୍ନସକ୍ଥୋ ନୃପୋ ରାଜନ୍ପାଂସୁନା ସୋଽବକୁଣ୍ଠିତଃ।
ଯମଯନ୍ମୂର୍ଧଜାଂସ୍ତତ୍ର ବୀକ୍ଷ୍ଯ ଚୈବ ଦିଶୋ ଦଶ॥ 9-65-4 (63858)
କେଶାନ୍ନିଯସ୍ଯ ଯତ୍ନେନ ନିଃଶ୍ବସନ୍ନୁରଗୋ ଯଥା।
ସଂରମ୍ଭାଶ୍ରୁପରୀତାବ୍ଯାଂ ନେତ୍ରାଭ୍ଯାମଭିବୀକ୍ଷ୍ଯ ମାମ୍॥ 9-65-5 (63859)
ବାହୂ ଧରଣ୍ଯାଂ ନିଷ୍ପିଷ୍ଯ ସୁଦୁର୍ମତ୍ତ ଇବ ଦ୍ବିପଃ।
ପ୍ରକୀର୍ଣାନ୍ମୂର୍ଧଜାନ୍ଧୁନ୍ବନ୍ଦନ୍ତୈର୍ଦନ୍ତାନୁପସ୍ପୃଶନ୍।
ଗର୍ହଯନ୍ପାଣ୍ଡବଂ ଜ୍ଯେଷ୍ଠଂ ନିଃଶ୍ବସ୍ଯେଦମଥାବ୍ରବୀତ୍॥ 9-65-6 (63860)
ଭୀଷ୍ମେ ଶାନ୍ତନବେ ନାଥେ କର୍ଣେ ଶସ୍ତ୍ରଭୃତାଂ ବରେ।
ଗୌତମେ ଶକୁନୌ ଚାପି ଦ୍ରୋଣେ ଚାସ୍ତ୍ରଭୃତାଂ ବରେ॥ 9-65-7 (63861)
ଅଶ୍ବତ୍ଥାମ୍ନି ଯଥା ଶଲ୍ଯେ ଶୂରେ ଚ କୃତବର୍ମଣି।
ଅନ୍ଯେଷ୍ବପି ଚ ଶୂରେଷୁ ନ୍ଯସ୍ତଭାରୋ ମହାତ୍ମସୁ।
ଇମାମବସ୍ଥାଂ ପ୍ରାପ୍ତୋଽସ୍ମି କାଲୋ ହି ଦୁରତିକ୍ରମଃ॥ 9-65-8 (63862)
ଏକାଦଶଚମୂଭର୍ତା ସୋଽହମେତାଂ ଦଶାଂ ଗତଃ।
କାଲଂ ପ୍ରାପ୍ଯ ମହାବାହୋ ନ କଶ୍ଚିଦତିବର୍ତତେ॥ 9-65-9 (63863)
ଆଖ୍ଯାତବ୍ଯଂ ମଦୀଯାନାଂ ଯେଽସ୍ମିଞ୍ଜୀବନ୍ତି ସଂଯୁଗେ।
ଯଥାଽହଂ ଭୀମସେନେନ ବ୍ଯୁତ୍କ୍ରମ୍ଯ ସମଯଂ ହତଃ॥ 9-65-10 (63864)
ବହୂନି ସୁନୃଶଂସାନି କୃତାନି ଖଲୁ ପାଣ୍ଡବୈଃ।
ଭୂରିଶ୍ରବସି କର୍ଣେ ଚ ଭୀଷ୍ମେ ଦ୍ରୋଣେ ଚ ଧୀମତି॥ 9-65-11 (63865)
ଇଦଂ ଚ ଗର୍ହିତଂ କର୍ମ ନୃଶଂସୈଃ ପାଣ୍ଡବୈଃ କୃତମ୍।
ଯେନ ତେ ବାଚ୍ଯତାଂ ସତ୍ସୁ ଗମିଷ୍ଯନ୍ତୀତି ମେ ମତିଃ॥ 9-65-12 (63866)
କା ପ୍ରୀତିଃ ସତ୍ବଯୁକ୍ତସ୍ଯ କୃତ୍ବୋପାଧିକୃତଂ ଜଯମ୍।
କୋ ବା ସମଯଭେତ୍ତାରଂ ବୁଧଃ ସମ୍ମନ୍ତୁମର୍ହତି॥ 9-65-13 (63867)
ଅଧର୍ମେଣ ଜଯଂ ଲବ୍ଧ୍ବା କୋ ନୁ ହୃଷ୍ଯେତ ପଣ୍ଡିତଃ।
ଯଥା ସଂହୃଷ୍ଯତେ ପାପଃ ପାଣ୍ଡୁପୁତ୍ରୋ ବୃକୋଦରଃ॥ 9-65-14 (63868)
କିନ୍ନୁ ଚିତ୍ରମିତସ୍ତ୍ବଦ୍ଯ ଭଗ୍ନସକ୍ଥସ୍ଯ ଯନ୍ମମ।
କ୍ରୁଦ୍ଧେନ ଭୀମସେନେନ ପାଦେନ ମୃଦିତଂ ଶିରଃ॥ 9-65-15 (63869)
ପ୍ରତପନ୍ତଂ ଶ୍ରିଯା ଜୁଷ୍ଟଂ ବର୍ତମାନଂ ଚ ବନ୍ଧୁଷୁ।
ଏବଂ କୁର୍ଯାନ୍ନରୋ ଯୋ ହି ସ ବୈ ସ଼ଞ୍ଜଯ ପୂରୁଷଃ॥ 9-65-16 (63870)
ଅଭିଜ୍ଞୌ ଯୁଦ୍ଧଧର୍ମସ୍ଯ ମମ ମାତା ପିତା ଚ ଯୌ।
ତୌ ହି ସଞ୍ଜଯ ଦୁଃଖାର୍ତୌ ବିଜ୍ଞାପ୍ଯୌ ବଚନାଦ୍ବି ମେ॥ 9-65-17 (63871)
ଇଷ୍ଟଂ ଭୃତ୍ଯା ଭୃତାଃ ସମ୍ଯଗ୍ଭୂଃ ପ୍ରଶାସ୍ତା ସସାଗରା।
ମୂର୍ଧ୍ନି ସ୍ଥିତମମିତ୍ରାଣାଂ ଜୀବତାମେବ ସ଼ଞ୍ଜଯ॥ 9-65-18 (63872)
ଦତ୍ତା ଦାଯା ଯଥାଶକ୍ତି ମିତ୍ରାଣାଂ ଚ ପ୍ରିଯଂ କୃତମ୍।
ଅମିତ୍ରା ବାଧିତାଃ ସର୍ବେ କୋ ନୁ ସ୍ବନ୍ତତରୋ ମଯା॥ 9-65-19 (63873)
ମାନିତା ବାନ୍ଧବାଃ ସର୍ବେ ମାନ୍ଯଃ ସମ୍ପୂଜିତୋ ଜନଃ।
ତ୍ରିତଯଂ ସେବିତଂ ସର୍ବଂ କୋ ନୁ ସ୍ବନ୍ତତରୋ ମଯା॥ 9-65-20 (63874)
ଆଜ୍ଞପ୍ତଂ ନୃପମୁଖ୍ଯେଷୁ ମାନଃ ପ୍ରାପ୍ତଃ ସୁଦୁର୍ଲଭଃ।
ଆଜାନେଯୈସ୍ତଥା ଯାତଂ କୋ ନୁ ସ୍ବନ୍ତତରୋ ମଯା॥ 9-65-21 (63875)
ଯାତାନି ପରରାଷ୍ଟ୍ରାଣି ନୃପା ଭୁକ୍ତାଶ୍ଚ ଦାସବତ୍।
ପ୍ରିଯେଭ୍ଯଃ ପ୍ରକୃତଂ ସାଧୁ କୋ ନୁ ସ୍ବନ୍ତତରୋ ମଯା॥ 9-65-22 (63876)
ଅଧୀତଂ ବିଧିବଦ୍ଦତ୍ତଂ ପ୍ରାପ୍ତମାଯୁର୍ନିରାମଯମ୍।
ସ୍ବଧର୍ମେଣ ଜିତା ଲୋକାଃ କୋ ନୁ ସ୍ବନ୍ତତରୋ ମଯା॥ 9-65-23 (63877)
ଦିଷ୍ଟ୍ଯା ନାହଂ ଜିତଃ ସଙ୍ଖ୍ଯେ ପରାନ୍ପ୍ରେଷ୍ଯବଦାଶ୍ରିତଃ।
ଦିଷ୍ଟ୍ଯା ମେ ବିପୁଲା ଲକ୍ଷ୍ମୀର୍ମୃତେ ତ୍ବନ୍ଯଗତା ବିଭୋ॥ 9-65-24 (63878)
ଯଦିଷ୍ଟଂ କ୍ଷତ୍ରବନ୍ଧୂନାଂ ସ୍ବଧର୍ମମନୁତିଷ୍ଠତାମ୍।
ନିଧନଂ ତନ୍ମଯା ପ୍ରାପ୍ତଂ କୋ ନୁ ସ୍ବନ୍ତତରୋ ମଯା॥ 9-65-25 (63879)
ଦିଷ୍ଟ୍ଯା ନାହଂ ପରାବୃତ୍ତୋ ବୈରାତ୍ପ୍ରାକୃତବଞ୍ଜିତଃ।
ଦିଷ୍ଟ୍ଯା ନ ବିମତିଂ କାଞ୍ଚିଦ୍ଭଜିତ୍ବା ତୁ ପରାଜିତଃ॥ 9-65-26 (63880)
ସୁପ୍ତଂ ବାଽଥ ପ୍ରମତ୍ତଂ ବା ଯଥା ହନ୍ଯାଦ୍ବିଷେଣ ବା।
ଏବଂ ବ୍ଯୁତ୍କ୍ରାନ୍ତଧର୍ମେଣ ବ୍ଯୁତ୍କ୍ରମ୍ଯ ସମଯଂ ହତଃ॥ 9-65-27 (63881)
ଅଶ୍ଚତ୍ଥାମା ମହାଭାଗଃ କୃତବର୍ମା ଚ ସାତ୍ବତଃ।
କୃପଃ ଶାରଦ୍ବତଶ୍ଚୈବ ବକ୍ତବ୍ଯା ବଚନାନ୍ମମ॥ 9-65-28 (63882)
ଅଧର୍ମେଣ ପ୍ରବୃତ୍ତାନାଂ ପାଣ୍ଡବାନାମନେକଶଃ।
ବିଶ୍ବାସଂ ସମଯଘ୍ନାନାଂ ନ ଯୂଯଂ ଗନ୍ତୁମର୍ହଥ॥ 9-65-29 (63883)
ବାର୍ତିକାଂଶ୍ଚାବ୍ରବୀଦ୍ରାଜା ପୁତ୍ରସ୍ତେ ସତ୍ଯବିକ୍ରମଃ।
ଅଧର୍ମାଦ୍ଭୀମସେନେନ ନିହତୋଽହଂ ଯଥା ରଣେ॥ 9-65-30 (63884)
ସୋଽହଂ ଦ୍ରୋଣଂ ସ୍ବର୍ଗଗତଂ କର୍ଣଶଲ୍ଯାବୁଭୌ ତଥା।
ବୃଷସେନଂ ମହାବୀର୍ଯଂ ଶକୁନିଂ ଚାପି ସୌବଲମ୍॥ 9-65-31 (63885)
ଜଲସନ୍ଧଂ ମହାବୀର୍ଯଂ ଭଗଦତ୍ତଂ ଚ ପାର୍ଥିବମ୍।
ସୋମଦତ୍ତଂ ମହେଷ୍ବାସଂ ସୈନ୍ଧବଂ ଚ ଜଯଦ୍ରଥମ୍॥ 9-65-32 (63886)
ଦୁଋଶାସନପୁରୋଗାଂଶ୍ଚ ଭ୍ରାତୄନାତ୍ମସମାଂସ୍ତଥା।
ଦୌଃଶାସନିଂ ଚ ବିକ୍ରାନ୍ତଂ ଲକ୍ଷ୍ମଣଂ ଚାତ୍ମଜାବୁଭୌ॥ 9-65-33 (63887)
ଏତାଂଶ୍ଚାନ୍ଯାଂଶ୍ଚ ସୁବହୂନ୍ମଦୀଯାଂଶ୍ଚ ସହସ୍ରଶଃ।
ପୃଷ୍ଠତୋଽନୁଗମିଷ୍ଯାମି ସାର୍ଥହୀନୋ ଯଥାଽଧ୍ବଗଃ॥ 9-65-34 (63888)
କଥଂ ଭ୍ରାତୄନ୍ହତାଞ୍ଶ୍ରୁତ୍ବା ଭର୍ତାରଂ ଚ ସ୍ବସା ମମ।
ରୋରୂଯାମାଣା ଦୁଃଖାର୍ତା ଦୁଃଶଲା ସା ଭବିଷ୍ଯତି॥ 9-65-35 (63889)
ସ୍ନୁଷାଭିଃ ପ୍ରସ୍ନୁଷାଭିଶ୍ଚ ବୃଦ୍ଧୋ ରାଜା ପିତା ମମ।
ଗାନ୍ଧାରୀସହିତଶ୍ଚୈବ କା ଗତିଂ ପ୍ରତିପତ୍ସ୍ଯତି॥ 9-65-36 (63890)
ନୂନଂ ଲକ୍ଷ୍ମଣମାତାଽପି ହତପୁତ୍ରା ହତେଶ୍ବରା।
ବିନାଶଂ ଯାସ୍ଯତି କ୍ଷିପ୍ରଂ କଲ୍ଯାଣୀ ପୃଥୁଲୋଚନା॥ 9-65-37 (63891)
ଯଦି ଜାନାତି ଚାର୍ବାକଃ ପରିବ୍ରାଦ୍ବାଗ୍ବିଶାରଦଃ।
କରିଷ୍ଯତି ମହାଭାଗୋ ଧ୍ରୁବଂ ଚାପଚିତିଂ ମମ॥ 9-65-38 (63892)
ସମନ୍ତପ଼ଞ୍ଚକେ ପୁଣ୍ଯେ ତ୍ରିଷୁ ଲୋକେଷୁ ବିଶ୍ରୁତେ।
ଅହଂ ନିଧନମାସାଦ୍ଯ ଲୋକାନ୍ପ୍ରାପ୍ସ୍ଯାମି ଶାଶ୍ବତାନ୍॥ 9-65-39 (63893)
ତତୋ ଜନସହସ୍ରାଣି ବାଷ୍ପପୂର୍ଣାନି ଦିଶୋ ଦଶ॥
ସସାଗରବନା ଘୋରା ପୃଥିବୀ ସଚରାଚରା। 9-65-40 (63894)
ଚଚାଲାଥ ସନିର୍ହାଦା ଦିଶଶ୍ଚୈବାବିଲାଽଭବନ୍॥
ତେ ଦ୍ରୋଣପୁତ୍ରମାସାଦ୍ଯ ଯଥାବୃତ୍ତଂ ନ୍ଯବେଦଯନ୍। 9-65-41 (63895)
ବ୍ଯବହାରଂ ଗଦାଯୁଦ୍ଧେ ପାର୍ଥିବସ୍ଯ ଚ ପାତନମ୍॥
ତଦାଖ୍ଯାଯ ତତଃ ସର୍ବେ ଦ୍ରୋଣପୁତ୍ରସ୍ଯ ଭାରତ। 9-65-42 (63896)
`ବାଦିକା ଦୁଃଖସନ୍ତପ୍ତାଃ ଶୋକୋପହତଚେତସଃ'।
ଧ୍ଯାତ୍ବା ଚ ସୁଚିରଂ କାଲଂ ଜଗ୍ମୁରାର୍ତା ଯଥାଗତମ୍॥ ॥ 9-65-43 (63897)
ଇତି ଶ୍ରୀମନ୍ମହାଭାରତେ ଶଲ୍ଯପର୍ବଣି ଗଦାଯୁଦ୍ଧପର୍ବଣି ପଞ୍ଚଷଷ୍ଟିତମୋଽଧ୍ଯାଯଃ॥ 65 ॥
Mahabharata - Shalya Parva - Chapter Footnotes
9-65-1 ଶୌଟୀରଃ ଶୂରଃ ସ ଏବ ଶୌଟୀର୍ଯମାତ୍ମାନଂ ମନ୍ଯତେ ଶୌଟୀର୍ଯମାନୀ॥ 9-65-16 ସ ବୈ ସଞ୍ଜଯପୂଜିତ ଇତି ଝ.ପାଠଃ॥ 9-65-20 ମଯା ମତ୍ତଃ॥ 9-65-30 ବାର୍ତିକାନ୍ବାର୍ତାହାରିଣଃ॥ 9-65-38 ଚାର୍ବାକୋ ବ୍ରାହ୍ମଣବେଷଧାରୀ ରାକ୍ଷସଃ। ଅପଚିତିଂ ପ୍ରତୀକାରମ୍॥ 9-65-65 ପଞ୍ଚଷଷ୍ଟିତମୋଽଧ୍ଯାଯଃ॥ଶଲ୍ଯପର୍ବ - ଅଧ୍ଯାଯ 066
॥ ଶ୍ରୀଃ ॥
9.66. ଅଧ୍ଯାଯଃ 066
Mahabharata - Shalya Parva - Chapter Topics
ଦ୍ରୌଣିକୃତକୃତବର୍ମଭିର୍ଦୁର୍ଯୋଧନସ୍ଯ ଭୂପତନଦର୍ଶନେନ ଶୋଚନମ୍॥ 1 ॥ ଦ୍ରୌଣିଦୁର୍ଯୋଧନଯୋଃ ସଂଲାପଃ॥ 2 ॥ ଦ୍ରୌଣିନା ରାତ୍ରୌ ପାଣ୍ଡବବଧପ୍ରତିଜ୍ଞାନମ୍॥ 3 ॥ ଦୁର୍ଯୋଧନବଚନାତ୍ କୃପେଣ ଦ୍ରୌଣେଃ ସୈନାପତ୍ଯେଽଫିଷେଚନମ୍॥ 4 ॥Mahabharata - Shalya Parva - Chapter Text
9-66-0 (63898)
ସଞ୍ଜଯ ଉବାଚ। 9-66-0x (5257)
ବାଦିକାନାଂ ସକାଶାତ୍ତୁ ଶ୍ରୁତ୍ବା ଦୁର୍ଯୋଧନଂ ହତମ୍।
ହତଶିଷ୍ଟାସ୍ତଦା ରାଜନ୍କୌରବାଣାଂ ମହାରଥାଃ॥ 9-66-1 (63899)
ବିନିର୍ଭିନ୍ନାଃ ଶିତୈର୍ବାଣୈର୍ଣଦାତୋମରଶକ୍ତିଭିଃ।
ଅଶ୍ବତ୍ଥାମା କୃପଶ୍ଚୈବ କୃତବର୍ମା ଚ ସାତ୍ବତଃ।
ତ୍ବରିତା ଜବନୈରଶ୍ବୈରାଯୋଧନମୁପାଗମନ୍॥ 9-66-2 (63900)
ତତ୍ରାପଶ୍ଯନ୍ମହାତ୍ମାନଂ ଧାର୍ତରାଷ୍ଟ୍ରଂ ନିପାତିତମ୍।
ପ୍ରଭଗ୍ନଂ ବାଯୁବେଗେନ ମହାସାଲଂ ଯଥା ବନେ॥ 9-66-3 (63901)
ଭୂମୌ ବିବେଷ୍ଟମାନଂ ତଂ ରୁଧିରେଣ ସମୁକ୍ଷିତମ୍।
ମହାଗର୍ଜାମେବାରଣ୍ଯେ ବ୍ଯାଧେନ ବିନିପାତିତମ୍॥ 9-66-4 (63902)
ବିବର୍ତମାନଂ ବହୁଶୋ ରୁଧିରୌଘପରିପ୍ଲୁତମ୍।
ଯଦୃଚ୍ଛଯା ନିପତିତଂ ଚନ୍ଦ୍ରମାଦିତ୍ଯଗୋଚରାତ୍॥ 9-66-5 (63903)
ଯୁଗାନ୍ତମାରୁତେନେବ ଶୋଷିତଂ ମକରାଲଯମ୍।
ପୂର୍ଣଚନ୍ଦ୍ରମିବ ବ୍ଯୋମ୍ନି ତୁଷାରାବୃତମଣ୍ଡଲମ୍॥ 9-66-6 (63904)
ରେଣୁଧ୍ବସ୍ତଂ ଦୀର୍ଘଭୁଜଂ ମାତଙ୍ଗମିବ ବିକ୍ରମେ।
ବୃତଂ ଭୂତଗଣୈର୍ଘୋରୈଃ କ୍ରବ୍ଯାଦୈଶ୍ଚ ସମନ୍ତତଃ॥ 9-66-7 (63905)
ଯଥା ଧନଂ ଲିପ୍ସମାନୈର୍ଭୃତ୍ଯୈର୍ନୃପତିସତ୍ତମମ୍।
ଭ୍ରୁକୁଟୀକୃତବକ୍ତ୍ରାନ୍ତଂ କ୍ରୋଧାଦୁଦ୍ବୃତ୍ତଚକ୍ଷୁଷମ୍।
ସାମର୍ଷଂ ତଂ ନରବ୍ଯାଘ୍ରଂ ଭୌମଂ ନିପତିତଂ ତଥା॥ 9-66-8 (63906)
ତେ ତଂ ଦୃଷ୍ଟ୍ବା ମହେଷ୍ବାସଂ ଭୂତଲେ ପତିତଂ ନୃପମ୍।
ମୋହମଭ୍ଯାଗମନ୍ସର୍ବେ କୃପପ୍ରଭୃତଯୋ ରଥାଃ॥ 9-66-9 (63907)
ଅବତୀର୍ଯ ରଥେଭ୍ଯଶ୍ଚ ପ୍ରାଦ୍ରବନ୍ରାଜସନ୍ନିଧୌ।
ଦୁର୍ଯୋଧନଂ ଚ ସମ୍ପ୍ରାପ୍ଯ ସର୍ବେ ଭୂମାବୁପାବିଶନ୍॥ 9-66-10 (63908)
ତତୋ ଦ୍ରୌଣିର୍ମହାରାଜ ବାଷ୍ପପୂର୍ଣେକ୍ଷଣଃ ଶ୍ବସନ୍।
ଉବାଚ ଭରତଶ୍ରେଷ୍ଠଂ ସର୍ବଲୋକେଶ୍ବରେଶ୍ବରମ୍॥ 9-66-11 (63909)
ନ ନୂନଂ ବିଦ୍ଯତେ ପୁଣ୍ଯଂ ମାନୁଷେ କିଞ୍ଚିଦେବ ହି।
ଯତ୍ର ତ୍ବଂ ପୁରୁଷବ୍ଯାଘ୍ର ଶେଷେ ପାଂସୁଷୁ ରୂଷିତଃ॥ 9-66-12 (63910)
ଭୂତ୍ବା ହି ନୃପତିଃ ପୂର୍ବଂ ସମାଜ୍ଞାପ୍ଯ ଚ ମେଦିନୀମ୍।
କଥମେକୋଽଦ୍ଯ ରାଜେନ୍ଦ୍ର ତିଷ୍ଠସେ ନିର୍ଜନେ ବନେ॥ 9-66-13 (63911)
ଦୁଃଶାସନଂ ନ ପଶ୍ଯାମି ନାପି କର୍ଣଂ ମହାରଥମ୍।
ନାପି ତାନ୍ସୁହୃଦଃ ସର୍ବାନ୍କିମିଦଂ ଭରତର୍ଷଭ॥ 9-66-14 (63912)
ଦୁଃଖଂ ନୂନଂ କୃତାନ୍ତସ୍ଯ ଗତିଂ ଜ୍ଞାତୁଂ କଥଞ୍ଚନ।
ଲୋକନାଥୋ ଭବାନ୍ଯତ୍ର ଶେଷେ ପାଂସୁଷୁ ରୂଷିତଃ॥ 9-66-15 (63913)
ଏଷ ମୂର୍ଧାଭିଷିକ୍ତାନାମଗ୍ରେ ଗତ୍ବା ପରନ୍ତପଃ।
ସତୃଣଂ ଗ୍ରସତେ ପାଂସୁଂ ପଶ୍ଯ କାଲସ୍ଯ ପର୍ଯଯମ୍॥ 9-66-16 (63914)
କ୍ବ ତେ ତଦମଲଂ ଛତ୍ରଂ ବ୍ଯଜନଂ କ୍ବ ଚ ପାର୍ଥିବ।
ସା ଚ ତେ ମହତୀ ସେନା କ୍ବ ଗତା ପାର୍ଥିବୋତ୍ତମ॥ 9-66-17 (63915)
ଦୁର୍ବିଜ୍ଞେଯା ଗତିର୍ନୂନଂ କାର୍ଯାଣାଂ କାରଣାନ୍ତରେ।
ଯୋ ବୈ ଲୋକଗୁରୁର୍ନାଥୋ ଭବାନେତାଂ ଦଶାଂ ଗତାଃ॥ 9-66-18 (63916)
ଅଧ୍ରୁବା ସର୍ବମର୍ତ୍ଯେଷୁ ଧ୍ରୁବୈବ ଶ୍ରୀର୍ବିଚିନ୍ତ୍ଯତେ।
ଭବତୋ ବ୍ଯସନଂ ଦୃଷ୍ଟ୍ବା ଶକ୍ରବିସ୍ପର୍ଧିନୋ ଭୃଶମ୍॥ 9-66-19 (63917)
ତସ୍ଯ ତଦ୍ବଚନଂ ଶ୍ରୁତ୍ବା ଦୁଃଖିତସ୍ଯ ବିଶେଷତଃ।
ଉବାଚ ରାଜନ୍ପୁତ୍ରସ୍ତେ ପ୍ରାପ୍ତକାଲମିଦଂ ବଚଃ॥ 9-66-20 (63918)
ବିମୃଜ୍ଯ ନେତ୍ରେ ପାଣିଭ୍ଯାଂ ଶୋକଜଂ ବାଷ୍ପମୁତ୍ସୃଜନ୍।
କୃପାଦୀନ୍ସ ତଦା ବୀରାନ୍ସର୍ବାନେବ ନରାଧିପଃ॥ 9-66-21 (63919)
ଈଦୃଶୋ ଲୋକଧର୍ମୋଽଯଂ ଧାତ୍ରା ନିର୍ଦିଷ୍ଟ ଉଚ୍ଯତେ।
ବିନାଶଃ ସର୍ବଭୂତାନାଂ କାଲପର୍ଯାଯକାରିତଃ॥ 9-66-22 (63920)
ସୋଽଯଂ ମାଂ ସମନୁପ୍ରାପ୍ତଃ ପ୍ରତ୍ଯକ୍ଷୋ ଭବତାଂ ହି ଯଃ।
ପୃଥିବୀଂ ପାଲଯିତ୍ବାଽହମେତାଂ ନିଷ୍ଠାମୁପାଗତଃ॥ 9-66-23 (63921)
ଦିଷ୍ଟ୍ଯା ନାହଂ ପରାବୃତ୍ତୋ ଯୁଦ୍ଧେ କସ୍ଯାଂଚିଦାପଦି।
ଦିଷ୍ଟ୍ଯାଽହଂ ନିହତଃ ପାପୈଶ୍ଚଲେନୈବ ବିଶେଷତଃ॥ 9-66-24 (63922)
ଉତ୍ସାହଶ୍ଚ କୃତୋ ନିତ୍ଯଂ ମଯା ଦିଷ୍ଟ୍ଯା ଯୁଯୁତ୍ସତା।
ଦିଷ୍ଟ୍ଯା ଚାସ୍ମିନ୍ହତୋ ଯୁଦ୍ଧେ ନିହତଜ୍ଞାତିବାନ୍ଧବଃ॥ 9-66-25 (63923)
ଦିଷ୍ଟ୍ଯା ଚ ବୋଽହଂ ପଶ୍ଯାମି ମୁକ୍ତାନସ୍ମାଜ୍ଜନକ୍ଷଯାତ୍।
ସ୍ବସ୍ତିଯୁକ୍ତାଂଶ୍ଚ କଲ୍ଯାଣାଂସ୍ତନ୍ମେ ପ୍ରିଯମନୁତ୍ତମମ୍॥ 9-66-26 (63924)
ମା ଭବନ୍ତୋଽତ୍ର ତପ୍ଯନ୍ତାଂ ସୌହୃଦାନ୍ନିଧନେନ ମେ।
ଯଦି ବେଦାଃ ପ୍ରମାଣଂ ବୋ ଜିତା ଲୋକା ମଯାଽକ୍ଷଯାଃ॥ 9-66-27 (63925)
ଜାନମାନଃ ପ୍ରଭାବଂ ଚ କୃଷ୍ଣସ୍ଯାମିତତେଜସଃ।
ତେନ ନ ଚ୍ଯାବିତଶ୍ଚାହଂ କ୍ଷତ୍ରଧର୍ମାତ୍ସ୍ବନୁଷ୍ଠିତାତ୍॥ 9-66-28 (63926)
ସ ମଯା ସମନୁପ୍ରାପ୍ତୋ ନାସ୍ମି ଶୋଚ୍ଯଃ କଥଞ୍ଚନ।
କୃତଂ ଭବଦ୍ଭିଃ ସଦୃଶମନୁରୂପମିବାତ୍ମନଃ।
ଯତିତଂ ବିଜଯେ ଶକ୍ତ୍ଯା ଦୈବଂ ତୁ ଦୁରତିକ୍ରମମ୍॥ 9-66-29 (63927)
ଏତାବଦୁକ୍ତ୍ବା ବଚନଂ ବାଷ୍ପବ୍ଯାକୁଲଲୋଚନଃ।
ତୂଷ୍ଣୀବଭୂବ ରାଜେନ୍ଦ୍ର ରୁଜାଽସୌ ବିହ୍ବଲୋ ଭୃଶମ୍॥ 9-66-30 (63928)
ତଥା ଦୃଷ୍ଟ୍ବା ତୁ ରାଜାନଂ ବାଷ୍ପଶୋକସମନ୍ବିତମ୍।
ଦ୍ରୌଣିଃ କ୍ରୋଧେନ ଜଜ୍ବାଲ ଯଥା ବହ୍ନିର୍ଜଗତ୍କ୍ଷଯେ॥ 9-66-31 (63929)
ସ ଚ କ୍ରୋଧସମାବିଷ୍ଟଃ ପାଣୌ ପାଣିଂ ନିପୀଡ୍ଯ ଚ।
ବାଷ୍ପବିହ୍ବଲଯା ବାଚା ରାଜାନମିଦମବ୍ରବୀତ୍॥ 9-66-32 (63930)
ପିତା ମେ ନିହତଃ କ୍ଷୁଦ୍ରୈଃ ସୁନୃଶଂସେନ କର୍ମଣା।
ନ ତଥା ତେନ ତପ୍ଯାମି ତଥା ରାଜଂସ୍ତ୍ବଯାଽଦ୍ଯ ବୈ॥ 9-66-33 (63931)
ଶୃଣୁ ଚେଦଂ ବଚୋ ମହ୍ଯଂ ସତ୍ଯେନ ବଦତଃ ପ୍ରଭୋ।
ଇଷ୍ଟାପୂର୍ତେନ ଦାନେନ ଧର୍ମେଣ ସୁକୃତେନ ଚ॥ 9-66-34 (63932)
ଅଦ୍ଯାହଂ ସର୍ବପାଞ୍ଚାଲାନ୍ବାସୁଦେବସ୍ଯ ପଶ୍ଯତଃ।
ଅଦ୍ଯ ରାତ୍ରୌ ମହାରାଜ ନିହନିଷ୍ଯାମି ପାଣ୍ଡବାନ୍॥ 9-66-35 (63933)
ଅନୁଜ୍ଞାଂ ତୁ ମହାରାଜ ଭବାନ୍ମେ ଦାତୁମର୍ହତି॥ 9-66-36 (63934)
ତଚ୍ଛ୍ରୁତ୍ବା ବଚନଂ ଦ୍ରୌଣେର୍ଧୃତରାଷ୍ଟ୍ର ତବାତ୍ମଜଃ।
ମନସଃ ପ୍ରୀତିଜନନଂ କୃପଂ ବଚନମବ୍ରବୀତ୍। 9-66-37 (63935)
ଦୁର୍ଯୋଧନ ଉବାଚ।
ଆଚାର୍ଯ ଶୀଘ୍ରଂ କଲଶଂ ଜଲପୂର୍ଣଂ ସମାନଯ॥ 9-66-37x (5258)
ସ ତଦ୍ବଚନମାଜ୍ଞାଯ ରାଜ୍ଞୋ ବ୍ରାହ୍ମଣସତ୍ତମଃ।
କଲଶଂ ପୂର୍ଣମାଦାଯ ରାଜ୍ଞୋଽନ୍ତିକମୁପାଗମତ୍॥ 9-66-38 (63936)
ତମବ୍ରବୀନ୍ମହାରାଜ ପୁତ୍ରସ୍ତବ ବିଶାମ୍ପତେ।
ମମାଜ୍ଞଯା ଦ୍ବିଜଶ୍ରେଷ୍ଠ ଦ୍ରୋଣପୁତ୍ରୋଽଭିଷିଚ୍ଯତାମ୍।
ସୈନାପତ୍ଯେନ ଭଦ୍ରଂ ତେ ମମ ଚେଦିଚ୍ଛସି ପ୍ରିଯମ୍॥ 9-66-39 (63937)
ରାଜ୍ଞୋ ନିଯୋଗାଦ୍ଯୋଦ୍ବବ୍ଯଂ ବ୍ରାହ୍ମଣେନ ବିଶେଷତଃ।
ବର୍ତତା କ୍ଷତ୍ରଧର୍ମେଣ ହ୍ଯେବଂ ଧର୍ମବିଦୋ ବିଦୁଃ॥ 9-66-40 (63938)
ରାଜ୍ଞସ୍ତୁ ବଚନଂ ଶ୍ରୁତ୍ବା କୃପଃ ଶାରଦ୍ବତସ୍ତତଃ।
ଦ୍ରୌଣିଂ ରାଜ୍ଞୋ ନିଯୋଗେନ ସୈନାପତ୍ଯେଽଭ୍ଯଷେଚଯତ୍॥ 9-66-41 (63939)
ସୋଽଭିଷିକ୍ତୋ ମହାରାଜ ପରିଷ୍ବଜ୍ଯ ନୃପୋତ୍ତମମ୍।
ପ୍ରଯଯୌ ସିଂହନାଦେନ ଦିଶଃ ସର୍ବା ବିନାଦଯନ୍॥ 9-66-42 (63940)
ଦୁର୍ଯୋଧନୋଽପି ରାଜେନ୍ଦ୍ର ଶୋଣିତେନ ପରିପ୍ଲୁତଃ।
ତାଂ ନିଶାଂ ପ୍ରତିପେଦେଽଥ ସର୍ବଭୂତଭଯାବହାମ୍॥ 9-66-43 (63941)
ଅପକ୍ରମ୍ଯ ତୁ ତେ ତୂର୍ଣଂ ତସ୍ମାଦାଯୋଧନାନ୍ନୃପ।
ଶୋକସଂବିଗ୍ନମନସଶ୍ଚିନ୍ତାମାପେଦିରେ ଭୃଶମ୍॥ ॥ 9-66-44 (63942)
ଇତି ଶ୍ରୀମନ୍ମହାଭାରତେ ଶତସାହସ୍ତ୍ରିକାଯାଂ ସଂହିତାଯାଂ ବୈଯାସିକ୍ଯାଂ ଶଲ୍ଯପର୍ବଣି ଗଦାଯୁଦ୍ଧପର୍ବଣି ଷଟ୍ଷଷ୍ଟିତମୋଽଧ୍ଯାଯଃ॥ 66 ॥ ॥ ସମାପ୍ତଂ ଗଦାଯୁଦ୍ଧପର୍ବ ଶଲ୍ଯପର୍ବ ଚ॥ 9 ॥
ଅତଃ ପରଂ ସୌପ୍ତିକଂ ପର୍ବ ଭବିଷ୍ଯତି। ତସ୍ଯାଯମାଦ୍ଯଃ ଶ୍ଲୋକଃ। 9-66-1 (63943) 9-66-1x (5259) ସଞ୍ଜଯ ଉବାଚ। ତତସ୍ତେ ସହିତାଃ ସର୍ବେ ପ୍ରଯାତା ଦକ୍ଷିଣାମୁଖାଃ। ଉପାସ୍ତମଯବେଲାଯାଂ ଶିବିରାଭ୍ଯାଶମାଗତାଃ॥