10-1-0 (63944) ଶ୍ରୀବେଦବ୍ଯାସାଯ ନମଃ। 10-1-0x (5260) ନାରାଯଣଂ ନମସ୍କୃତ୍ଯ ନରଂ ଚୈବ ନରୋତ୍ତମମ୍। ଦେବୀଂ ସରସ୍ବତୀଂ ବ୍ଯାସଂ ତତୋ ଜଯମୁଦୀରଯେତ୍॥ 10-1-1 (63945) ସଞ୍ଜଯ ଉବାଚ। 10-1-1x (5261) ତତସ୍ତେ ସହିତାଃ ସର୍ବେ ପ୍ରଯାତା ଦକ୍ଷିଣାମୁଖାଃ। ଉପାସ୍ତମଯବେଲାଯାଂ ଶିବିରାଭ୍ଯାଶମାଗତାଃ॥ 10-1-1 (63946) ବିମୁଚ୍ଯ ବାହାଂସ୍ତ୍ବରିତା ଭୀତାଃ ସମନୁବୋଧନାତ୍। ଗହନଂ ଦେଶମାସାଦ୍ଯ ପ୍ରଚ୍ଛନ୍ନା ନ୍ଯବିଶନ୍ତ ତେ॥ 10-1-2 (63947) ସେନାନିବେଶମଭିତୋ ନାତିଦୂରମବସ୍ଥିତାଃ। [ନିକୃତ୍ତା ନିଶିତୈଃ ଶସ୍ତ୍ରୈଃ ସମନ୍ତାତ୍କ୍ଷତବିକ୍ଷତାଃ।] ଦୀର୍ଘମୁଷ୍ଣଂ ଚ ନିଃଶ୍ବସ୍ଯ ପାଣ୍ଡବାନନ୍ବଚିନ୍ତଯନ୍॥ 10-1-3 (63948) ଶ୍ରୁତ୍ବା ଚ ନିନଦଂ ଘୋରଂ ପାଣ୍ଡବାନାଂ ଜଯୈଷିଣାମ୍। ଅନୁସାରଭଯାଦ୍ଭୀତାଃ ପ୍ରାଙ୍ମୁଖାଃ ପ୍ରାଦ୍ରବନ୍ପୁନଃ॥ 10-1-4 (63949) ତେ ମୁହୂର୍ତାତ୍ତତୋ ଗତ୍ବା ଶ୍ରାନ୍ତବାହା ପିପାସିତାଃ। ନାମୃଷ୍ଯନ୍ତ ମହେଷ୍ବାସାଃ କ୍ରୋଧାମର୍ଷବଶଙ୍ଗତାଃ॥ 10-1-5 (63950) ରାଜ୍ଞୋ ବଧେନ ସନ୍ତପ୍ତା ମୁହୂର୍ତଂ ସମବସ୍ଥିତାଃ॥ 10-1-6 (63951) ଧୃତରାଷ୍ଟ୍ର ଉବାଚ। 10-1-7x (5262) ଅଶ୍ରଦ୍ଧେଯମିଦଂ କର୍ମ କୃତଂ ମୀମେନ ସଞ୍ଜଯ। ଯତ୍ସ ନାଗାଯୁତପ୍ରାଣଃ ପୁତ୍ରୋ ମମ ନିପାତିତଃ॥ 10-1-7 (63952) ଅବଧ୍ଯଃ ସର୍ବଭୂତାନାଂ ବଜ୍ରସଂହନନୋ ଯୁବା। ପାଣ୍ଡବୈଃ ସମରେ ପୁତ୍ରୋ ନିହତୋ ମମ ନିପାତିତଃ॥ 10-1-8 (63953) ନ ଦିଷ୍ଟମଭ୍ଯତିକ୍ରାନ୍ତୁଂ ଶକ୍ଯଂ ଗାବଲ୍ଗଣେ ନରୈଃ। ଯତ୍ସମେତ୍ଯ ରଣେ ପାର୍ଥୈଃ ପୁତ୍ରୋ ମମ ନିପାତିତଃ॥ 10-1-9 (63954) ଅଦ୍ରିସାରମଯଂ ନୂନଂ ହୃଦଯଂ ମମ ସଞ୍ଜଯ। ହତଂ ପୁତ୍ରଶତଂ ଶ୍ରୁତ୍ବା ଯନ୍ନ ଦୀର୍ଣଂ ସହସ୍ରଧା॥ 10-1-10 (63955) କଥଂ ହି ବୃଦ୍ଧମିଥୁନଂ ହତପୁତ୍ରଂ ଭବିଷ୍ଯତି। ନ ହ୍ଯହଂ ପାଣ୍ଡୁପୁତ୍ରସ୍ଯ ବିଷଯେ ବସ୍ତୁମୁତ୍ସହେ॥ 10-1-11 (63956) କଥଂ ରାଜ୍ଞଃ ପିତା ଭୂତ୍ବା ସ୍ବଯଂ ରାଜା ଚ ସଞ୍ଜଯ। ପ୍ରେଷ୍ଯଭୂତଃ ପ୍ରବର୍ତେଯଂ ପାଣ୍ଡବେଯସ୍ଯ ଶାସନାତ୍॥ 10-1-12 (63957) ପ୍ରଭୁଜ୍ଯ ପୃଥିବୀଂ ସର୍ବାଂ ସ୍ଥିତା ମୂର୍ଧନି ସଞ୍ଜଯ। କଥମଦ୍ଯ ଭବିଷ୍ଯାମି ଶ୍ରୋତୁଂ ଶକ୍ଷ୍ଯାମି ସଞ୍ଜଯ। 10-1-13 (63958) ଯେନ ପୁତ୍ରଶତଂ ପୂର୍ଣମେକେନ ନିହତଂ ମମ॥ କୃତଂ ସତ୍ଯଂ ବଚସ୍ତସ୍ଯ ବିଦୁରସ୍ଯ ମହାତ୍ମନଃ। 10-1-14 (63959) ଅକୁର୍ବତା ବଚସ୍ତସ୍ଯ ମମ ପୁତ୍ରେଣ ସଞ୍ଜଯ॥ ଅଧର୍ମେଣ ହତେ ତାତ ପୁତ୍ରେ ଦୁର୍ଯୋଧନେ ମମ। 10-1-15 (63960) କୃତବର୍ମା କୃପୋ ଦ୍ରୌଣିଃ କିମକୁର୍ବତ ସଞ୍ଜଯ॥ 10-1-16 (63961) ସଞ୍ଜଯ ଉବାଚ। 10-1-17x (5263) ଗତ୍ବା ତୁ ତାବକା ରାଜନ୍ନାତିଦୂରଂ ମନସ୍ବିନଃ। ଅପଶ୍ଯନ୍ତ ବନଂ ଘୋରଂ ନାନାଦ୍ରୁମଲତାବୃତମ୍॥ 10-1-17 (63962) ତେ ମୁହୂର୍ତଂ ତୁ ବିଶ୍ରମ୍ଯ ଲବ୍ଧତୋଯୈର୍ହଯୋତ୍ତମୈଃ। ସୂର୍ଯାସ୍ତମଯବେଲାଯାଂ କୌରବେଯସ୍ଯ ଶାସନାତ୍॥ 10-1-18 (63963) ନାନାମୃଗଗଣୈର୍ଜୁଷ୍ଟଂ ନାନାପକ୍ଷିଭିରାକୁଲମ୍। ନାନାଦ୍ରୁମଲତାଚ୍ଛନ୍ନଂ ନାନାବ୍ଯାଲନିଷେବିତମ୍॥ 10-1-19 (63964) ନାନାତୋଯସମାକୀର୍ଣୈସ୍ତଟାକୈରୁପଶୋଭିତମ୍। ପଦ୍ମିନୀଶତସଞ୍ଛନ୍ନଂ ନୀଲୋତ୍ପଲସମାଯୁତମ୍॥ 10-1-20 (63965) ପ୍ରବିଶ୍ଯ ତଦ୍ବନଂ ଘୋରଂ ବୀକ୍ଷମାଣାଃ ସମନ୍ତତଃ। ଶାଖାସହସ୍ରସଞ୍ଛନ୍ନଂ ନ୍ଯଗ୍ରୋଧଂ ଦଦୃଶୁସ୍ତତଃ॥ 10-1-21 (63966) ଉପେତ୍ଯ ତୁ ତଦା ରାଜନ୍ନ୍ଯଗ୍ରୋଧଂ ତେ ମହାରଥାଃ। ଦଦୃଶୁର୍ଦ୍ବିପଦାଂ ଶ୍ରେଷ୍ଠାଃ ଶ୍ରେଷ୍ଠଂ ତଂ ବୈ ବନସ୍ପତିମ୍॥ 10-1-22 (63967) ତେଽବତୀର୍ଯ ରଥେଭ୍ଯଶ୍ଚ ବିପ୍ରମୁଚ୍ଯ ଚ ବାଜିନଃ। ଉପସ୍ପୃଶ୍ଯ ଯଥାନ୍ଯାଯଂ ସନ୍ଧ୍ଯାମନ୍ବାସତ ପ୍ରଭୋ॥ 10-1-23 (63968) ତତୋଽସ୍ତଂ ପର୍ବତଶ୍ରେଷ୍ଠମନୁପ୍ରାପ୍ତେ ଦିବାକରେ। ସର୍ବସ୍ଯ ଜଗତୋ ଧାତ୍ରୀ ଶର୍ବରୀ ପ୍ରତ୍ଯପଦ୍ଯତ॥ 10-1-24 (63969) ଗ୍ରହନକ୍ଷତ୍ରତାରାଭିଃ ପ୍ରକୀର୍ଣାଭିରଲଙ୍କୃତମ୍। ନଭୋଂଽଶୁକମିବାଭାତି ପ୍ରେକ୍ଷଣୀଯଂ ସମନ୍ତତଃ॥ 10-1-25 (63970) ଇଚ୍ଛଯା ତେ ପ୍ରବଲ୍ଗନ୍ତି ଯେ ସତ୍ବା ରାତ୍ରିଚାରିଣଃ। ଦିବାଚରାଶ୍ଚ ଯେ ସତ୍ବାସ୍ତେ ନିଦ୍ରାବଶମାଗତାଃ॥ 10-1-26 (63971) ରାତ୍ରିଞ୍ଚରାଣାଂ ସତ୍ବାନାଂ ନିନାଦୋଽଭୂତ୍ସୁଦାରୁଣଃ। କ୍ରବ୍ଯାଦାଶ୍ଚ ପ୍ରମୁଦିତା ଘୋରା ପ୍ରାପ୍ତା ଚ ଶର୍ବରୀ॥ 10-1-27 (63972) ତସ୍ମିନ୍ରାତ୍ରିମୁଖେ ଘୋରେ ଦୁଃଖଶୋକସମନ୍ବିତାଃ। କୃତବର୍ମା କୃପୋ ଦ୍ରୌଣିରୁପୋପବିବିଶୁଃ ସମମ୍॥ 10-1-28 (63973) ଉପୋପବିଷ୍ଟାଃ ଶୋଚନ୍ତୋ ନ୍ଯଗ୍ରୋଧସ୍ଯ ସମୀପତଃ। ତମେବାର୍ଥମତିକ୍ରାନ୍ତଂ କୁରୁପାଣ୍ଡବଯୋଃ କ୍ଷଯମ୍॥ 10-1-29 (63974) ନିଦ୍ରଯା ଚ ପରୀତାଙ୍ଗା ନିଷେଦୁର୍ଧରଣୀତଲେ। ଶ୍ରମେଣ ସୁଦୃଢଂ ଯୁକ୍ତା ବିକ୍ଷତା ବିବିଧୈଃ ଶରୈଃ॥ 10-1-30 (63975) ତତୋ ନିଦ୍ରାବଶଂ ପ୍ରାପ୍ତୌ କୃପଭୋଜୌ ମହାବାଲୌ। ସୁଖୋଚିତାବଦୁଃଖାର୍ହୌ ନିଷଣ୍ଣୌ ଧରଣୀତଲେ॥ 10-1-31 (63976) ତୌ ତୁ ସୁପ୍ତୌ ମହାରାଜ ତସ୍ମିନ୍ଦେଶେ ମହାରଥୌ। [ମହାର୍ହଶଯନୋପେତୌ ଭୂମାବେବ ହ୍ଯନାଥବତ୍॥] 10-1-32 (63977) କ୍ରୋଧାମର୍ଷବଶଂ ପ୍ରାପ୍ତୋ ଦ୍ରୋଣପୁତ୍ରସ୍ତୁ ଭାରତ। ନ ବୈ ସ୍ମ ସ ଜଗାମାଥ ନିଦ୍ରାଂ ସର୍ପ ଇବ ଶ୍ବସନ୍॥ 10-1-33 (63978) ନ ଲେଭେ ସ ତୁ ନିଦ୍ରାଂ ବୈ ଦହ୍ଯମାନୋଽତିମନ୍ଯୁନା। ବୀକ୍ଷାଞ୍ଚକ୍ରେ ମହାବାହୁସ୍ତଦ୍ବନଂ ଘୋରଦର୍ଶନମ୍॥ 10-1-34 (63979) ବୀକ୍ଷମାଣୋ ବନୋଦ୍ଦେଶଂ ନାନାସତ୍ବୈର୍ନିଷେବିତମ୍। ଅପଶ୍ଯତ ମହାବାହୁର୍ନ୍ଯଗ୍ରୋଧଂ ବାଯସାବୃତମ୍॥ 10-1-35 (63980) ତତ୍ର କାକସହସ୍ରାଣି ତାଂ ନିଶାଂ ପର୍ଯଣାମଯନ୍। ସୁଖଂ ସ୍ବପନ୍ତଃ କୌରବ୍ଯ ପୃଥକ୍ପୃଥଗୁପାଶ୍ରଯାଃ॥ 10-1-36 (63981) ସୁପ୍ତେଷୁ ତେଷୁ କାକେଷୁ ବିସ୍ରବ୍ଧେଷୁ ସମନ୍ତତଃ। ସୋଽପଶ୍ଯତ୍ସହସା ଯାନ୍ତମୁଲୂକଂ ଘୋରଦର୍ଶନମ୍॥ 10-1-37 (63982) ମହାସ୍ବନଂ ମହାକାଯଂ ହର୍ଯକ୍ଷଂ ବଭ୍ରୁପିଙ୍ଗଲମ୍। ସୁତୀକ୍ଷ୍ଣଘୋଣାନଖରଂ ସୁପର୍ଣମିବ ବେଗିତମ୍॥ 10-1-38 (63983) ସୋଽଥ ଶବ୍ଦଂ ମୃଦୁଂ କୃତ୍ବା ଲୀଯମାନ ଇବାଣ଼୍ଡଜଃ। ନ୍ଯଗ୍ରୋଧସ୍ଯ ତତଃ ସାଖାଂ ପାତଯାମାସ ଭାରତ॥ 10-1-39 (63984) ସନ୍ନିପତ୍ଯ ତୁ ଶାଖାଯାଂ ନ୍ଯଗ୍ରୋଧସ୍ଯ ବିହଙ୍ଗମଃ। ସୁପ୍ତାଞ୍ଜଘାନ ବିସ୍ରବ୍ଧାନ୍ବାଯସାନ୍ବାଯସାନ୍ତକଃ॥ 10-1-40 (63985) କେଷାଞ୍ଚିଦଚ୍ଛିନତ୍ପକ୍ଷାଞ୍ଶିରାଂସି ଚ ଚକର୍ତ ହ। ଚରଣାଂଶ୍ଚୈବ କେଷାଞ୍ଚିଦ୍ବଭଞ୍ଜ ଚରଣାଯୁଧଃ॥ 10-1-41 (63986) କ୍ଷଣେନାଘ୍ନତ୍ସ ବଲବାନ୍ଯେଽସ୍ଯ ଦୃଷ୍ଟିପଥେ ସ୍ଥିତାଃ॥ 10-1-42 (63987) ତେଷାଂ ଶରୀରାବଯବୈଃ ଶରୀରୈଶ୍ଚ ବିଶାମ୍ପତେ। ନ୍ଯଗ୍ରୋଧମଣ୍ଡଲଂ ସର୍ବଂ ସଞ୍ଛନ୍ନଂ ପର୍ବତୋପମମ୍॥ 10-1-43 (63988) ତାଂସ୍ତୁ ହତ୍ବା ତତଃ କାକାନ୍କୌଶିକୋ ମୁଦିତୋଽଭବତ୍। ପ୍ରତିକୃତ୍ଯ ଯଥାକାମଂ ଶତ୍ରୂଣାଂ ଶତ୍ରୁସୂଦନଃ॥ 10-1-44 (63989) ତଦ୍ଦୃଷ୍ଟ୍ବା ତାଦୃଶଂ କର୍ମ କୌଶିକେନ କୃତଂ ନିଶି। ତଦ୍ଭାବେ କୃତସଙ୍କଲ୍ପୋ ଦ୍ରୌଣିରେକୋଽନ୍ବଚିନ୍ତଯତ୍॥ 10-1-45 (63990) ଉପଦେଶଃ କୃତୋଽନେନ ପକ୍ଷିଣା ମମ ସଂଯୁଗେ। ଶତ୍ରୂଣାଂ କ୍ଷପଣଂ ଯୁକ୍ତଂ ପ୍ରାପ୍ତଃ କାଲଶ୍ଚ ମେ ମତଃ॥ 10-1-46 (63991) ନାଦ୍ଯ ଶକ୍ଯଂ ମଯା ହନ୍ତୁଂ ପାଣ୍ଡବା ଜିତକାଶିନଃ। ବଲବନ୍ତଃ କୃତୋତ୍ସାହା ଲବ୍ଧଲକ୍ଷାଃ ପ୍ରହାରିଣଃ॥ 10-1-47 (63992) ରାଜ୍ଞଃ ସକାଶେ ତେଷାଂ ଚ ପ୍ରତିଜ୍ଞାତୋ ବଧୋ ମଯା। ପତଙ୍ଗାଗ୍ନିସମାଂ ବୃତ୍ତିମାସ୍ଯାଯାତ୍ମବିନାଶିନୀମ୍॥ 10-1-48 (63993) ନ୍ଯାଯତୋ ଯୁଧ୍ଯମାନସ୍ଯ ପ୍ରାଣତ୍ଯାଗୋ ନ ସଂଶଯଃ। ଛଦ୍ମନା ତୁ ଭବେତ୍ସିଦ୍ବିଃ ଶତ୍ରୂଣାଂ ଚ କ୍ଷଯୋ ମହାନ୍॥ 10-1-49 (63994) ତତ୍ର ସଶଯିତାଦର୍ଥାଦ୍ଯୋଽର୍ଥୋ ନିଃସଂଶଯୋ ଭବେତ୍। ତଂ ଜନା ବହୁମନ୍ଯନ୍ତେ ଯେଽର୍ଥଶାସ୍ତ୍ରବିଶାରଦାଃ॥ 10-1-50 (63995) ଯଚ୍ଚାପ୍ଯତ୍ର ଭବେତ୍କାର୍ଯଂ ଗର୍ହିତଂ ଲୋକନିନ୍ଦିତମ୍। କର୍ତବ୍ଯଂ ତନ୍ମନୁଷ୍ଯେଣ କ୍ଷତ୍ରଧର୍ମେଣ ବର୍ତତା॥ 10-1-51 (63996) ନିନ୍ଦିତାନି ଚ କର୍ମାଣି କୁତ୍ସିତାନି ପଦେପଦେ। ସୋପଧାନି କୃତାନ୍ଯେବ ପାଣ୍ଡବୈରକୃତାତ୍ମଭିଃ॥ 10-1-52 (63997) ଅସ୍ମିନ୍ନର୍ଥେ ପୁରା ଗୀତାଃ ଶ୍ରୂଯନ୍ତେ ଧର୍ମବିତ୍ତମୈଃ। ଶ୍ଲୋକା ନ୍ଯାଯମବେକ୍ଷଦ୍ଭିସ୍ତତ୍ତ୍ବାର୍ଥାସ୍ତତ୍ତ୍ବଦର୍ଶିଭିଃ॥ 10-1-53 (63998) ପରିଶ୍ରାନ୍ତେ ବିଦୀର୍ଣେ ବା ଭୁଞ୍ଜାନେ ବାଽପି ଶତ୍ରୁଭିଃ। ପ୍ରସ୍ଥାନେ ବା ପ୍ରବେଶେ ବା ପ୍ରହର୍ତବ୍ଯଂ ରିପୋର୍ବଲମ୍॥ 10-1-54 (63999) ନିଦ୍ରାର୍ତମର୍ଧରାତ୍ରେ ଚ ତଥା ନଷ୍ଟପ୍ରଣାଯକମ୍। ଭିନ୍ନଯୋଧଂ ବଲଂ ଯଚ୍ଚ ଦ୍ବିଧା ଯୁକ୍ତଂ ଚ ଯଦ୍ଭବେତ୍॥ 10-1-55 (64000) ଇତ୍ଯେବଂ ନିଶ୍ଚଯଂ ଚକ୍ରେ ସୁପ୍ତାନାଂ ନିଶି ମାରଣେ। ପାଣ୍ଡୂନାଂ ସହ ପାଞ୍ଚାଲୈର୍ଦ୍ରୋଣପୁତ୍ରଃ ପ୍ରତାପବାନ୍॥ 10-1-56 (64001) ସ କ୍ରୂରାଂ ମତିମାସ୍ଥାଯ ବିନିଶ୍ଚିତ୍ଯ ମୁହୁର୍ମୁହୁଃ। ସୁପ୍ତୌ ପ୍ରାବୋଧଯତ୍ତୌ ତୁ ମାତୁଲଂ ଭୋଜମେବ ଚ॥ 10-1-57 (64002) ତୌ ପ୍ରବୁଦ୍ଧୌ ମହାତ୍ମାନୌ କୃପଭୋଜୌ ମହାବାଲୌ। ନୋତ୍ତରଂ ପ୍ରତିପଦ୍ଯେତାଂ ତତ୍ର ଯୁକ୍ତଂ ହିଯା ବୃତୌ॥ 10-1-58 (64003) ସ ମୁହୂର୍ତମିବ ଧ୍ଯାତ୍ବା ତାବୁଭୌ ବାକ୍ଯମବ୍ରବୀତ୍॥ 10-1-59 (64004) ହତୋ ଦୁର୍ଯୋଧନୋ ରାଜା ଏକବୀରୋ ମବାହଲଃ। ଯସ୍ଯାର୍ଥେ ବୈରମସ୍ମାଭିରାସକ୍ତଂ ପାଣ୍ଡବୈଃ ସହ॥ 10-1-60 (64005) ଏକାକୀ ବହୁଭିଃ କ୍ଷୁଦ୍ରୈରାହବେ ଶୁଦ୍ଧବିକ୍ରମଃ। ପାତିତୋ ଭୀମସେନେନ ଏକାଦଶଚମୂପତିଃ॥ 10-1-61 (64006) ବୃକୋଦରେଣ କ୍ଷୁଦ୍ରେଣ ସୁନୃଶଂସମିଦଂ କୃତମ୍। ମୂର୍ଧାଭିଷିକ୍ତସ୍ଯ ଶିରଃ ପାଦେନ ପରିମୃଦ୍ଗତା॥ 10-1-62 (64007) ବିନର୍ଦନ୍ତି ଚ ପାଞ୍ଚାଲାଃ କ୍ଷ୍ବେଲନ୍ତି ଚ ହସନ୍ତି ଚ। ଧମନ୍ତି ଶଙ୍ଖାଞ୍ଶତଶୋ ହୃଷ୍ଟା ଘ୍ନନ୍ତି ଚ ଦୁନ୍ଦୁଭୀନ୍॥ 10-1-63 (64008) ବାଦିତ୍ରଘୋଷସ୍ତୁମୁଲୋ ବିମିଶ୍ରଃ ଶଙ୍ଖନିଃସ୍ବନୈଃ। ଅନିଲେନେରିତୋ ଘୋରୋ ଦିଶଃ ପୂରଯତୀବ ହ॥ 10-1-64 (64009) ଅଶ୍ବାନାଂ ହେଷମାଣାନାଂ ଗଜାନାଂ ଚୈବ ବୃଂହତାମ୍। ସିଂହନାଦଶ୍ଚ ଶୂରାଣାଂ ଶ୍ରୂଯତେ ସୁମହାନଯମ୍॥ 10-1-65 (64010) ଦିଶଂ ପ୍ରାଚୀଂ ସମାଶ୍ରିତ୍ଯ ହୃଷ୍ଟାନାଂ ଗଚ୍ଛତାଂ ଭୃଶମ୍। ରଥନେମିସ୍ବନାଶ୍ଚୈବ ଶ୍ରୂଯନ୍ତେ ରୋମହର୍ଷଣାଃ॥ 10-1-66 (64011) ପାଣ୍ଡବୈର୍ଧାର୍ତରାଷ୍ଟ୍ରାଣାଂ ଯଦିଦଂ କଦନଂ କୃତମ୍। ବଯମେବ ତ୍ରଯଃ ଶିଷ୍ଟା ଅସ୍ମିନ୍ମହତି ବୈଶସେ॥ 10-1-67 (64012) କେଚିନ୍ନାଗଶତପ୍ରାଣାଃ କେଚିତ୍ସର୍ବାସ୍ତ୍ରକୋବିଦାଃ। ନିହତାଃ ପାଣ୍ଡବୈର୍ଯସ୍ମିନ୍ମନ୍ଯେ କାଲସ୍ଯ ପର୍ଯଯମ୍॥ 10-1-68 (64013) ଏବମେତେନ ଭାବ୍ଯଂ ହି ନୂନଂ କାର୍ଯେଣ ତତ୍ତ୍ବତଃ। ଯଥା ହ୍ଯସ୍ଯେଦୃଶୀ ନିଷ୍ଠା କୃତେ ଯତ୍ନେଽପି ଦୁଷ୍କରେ॥ 10-1-69 (64014) ଭବତୋସ୍ତୁ ଯଦି ପ୍ରଜ୍ଞା ନ ମୋହାଦପଚୀଯତେ। ବ୍ଯସନେଽସ୍ମିନ୍ମହତ୍ଯର୍ଥେ ଯନ୍ନଃ ଶ୍ରେଯସ୍ତଦୁଚ୍ଯତାମ୍॥ ॥ 10-1-70 (64015) ଇତି ଶ୍ରୀମନ୍ମହାଭାରତେ ସୌପ୍ତିକପର୍ବଣି ପ୍ରଥମୋଽଧ୍ଯାଯଃ॥ 1 ॥

10-2-0 (64016) କୃପ ଉବାଚ। 10-2-0x (5264) ଶ୍ରୁତଂ ତେ ବଚନଂ ସର୍ବଂ ହେତୁଯୁକ୍ତଂ ମଯା ବିଭୋ। ମମାପି ତୁ ବଚଃ କିଞ୍ଚିଚ୍ଛୃଣୁଷ୍ବାଦ୍ଯ ମହାଭୁଜ॥ 10-2-1 (64017) ଆବଦ୍ଧା ମାନୁଷାଃ ସର୍ବେ ନିବଦ୍ଧାଃ କର୍ମଣୋର୍ଦ୍ବଯୋଃ। ଦୈବେ ପୁରୁଷକାରେ ଚ ପରଂ ତାଭ୍ଯାଂ ନ ବିଦ୍ଯତେ॥ 10-2-2 (64018) ନ ହି ଦୈବେନ ସିଧ୍ଯନ୍ତି କାର୍ଯାଣ୍ଯେକେନ ସତ୍ତମ। ନ ଚାପି କର୍ମଣୈକେନ ଦ୍ବାଭ୍ଯାଂ ସିଦ୍ଧିସ୍ତୁ ଯୋଗତଃ॥ 10-2-3 (64019) ତାଭ୍ଯାମୁଭାଭ୍ଯାଂ ସର୍ବାର୍ଥା ନିବଦ୍ଧା ଅଧମୋତ୍ତମାଃ। ପ୍ରବୃତ୍ତାଶ୍ଚୈବ ଦୃଶ୍ଯନ୍ତେ ନିବୃତ୍ତାଶ୍ଚୈବ ସର୍ବଶଃ॥ 10-2-4 (64020) ପର୍ଜନ୍ଯଃ ପର୍ବତେ ବର୍ଷନ୍କିନ୍ନୁ ସାଧଯତେ ଫଲମ୍। କୃଷ୍ଟେ କ୍ଷେତ୍ରେ ତଥା ବର୍ଷନ୍କିଂ ନ ସାଧଯତେ ଫଲମ୍॥ 10-2-5 (64021) ଉତ୍ଥାନଂ ଚାପି ଦୈବସ୍ଯ ହ୍ଯନୁତ୍ଥାନଂ ଚ ଦୈବତମ୍। ବ୍ଯର୍ଥଂ ଭବତି ସର୍ବତ୍ର ପୂର୍ବସ୍ତତ୍ର ବିନିଶ୍ଚଯଃ॥ 10-2-6 (64022) ସୁବୃଷ୍ଟେ ଚ ଯଥା ଦେବେ ସମ୍ଯକ୍ କ୍ଷେତ୍ରେ ଚ କର୍ଷିତେ। ବୀଜଂ ମହାଗୁଣଂ ଭୂଯାତ୍ତଥା ସିଦ୍ଧିର୍ହି ମାନୁଷୀ॥ 10-2-7 (64023) ତଯୋର୍ଦୈବଂ ତୁ ଦୁଶ୍ଚିନ୍ତ୍ଯଂ ସ୍ବବଶେନୈବ ବର୍ତତେ। ପ୍ରାଜ୍ଞାଃ ପୁରୁଷକାରେ ତୁ ବର୍ତନ୍ତେ ଦେବମାସ୍ଥିତାଃ॥ 10-2-8 (64024) ତାଭ୍ଯାଂ ସର୍ବେ ହି କାର୍ଯାର୍ଥା ମନୁଷ୍ଯାଣାଂ ନରର୍ଷଭ। ବିଚେଷ୍ଟନ୍ତଃ ସ୍ମ ଦୃଶ୍ଯନ୍ତେ ନିବୃତ୍ତାସ୍ତୁ ତଥୈବ ଚ॥ 10-2-9 (64025) କୃତଃ ପୁରୁଷକାରଶ୍ଚ ସୋଽପି ଦୈବେନ ସିଧ୍ଯତି। ତଥାସ୍ଯ କର୍ମଣଃ କର୍ତୁରଭିନିର୍ବର୍ତତେ ଫଲମ୍॥ 10-2-10 (64026) ଉତ୍ଥାନଂ ଚ ମନୁଷ୍ଯାଣାଂ ଦକ୍ଷାଣାଂ ଦୈବବର୍ଜିତମ୍। ଅଭଲଂ ଦୃଶ୍ଯତେ ଲୋକେ ସମ୍ଯଗପ୍ଯୁପପାଦିତମ୍॥ 10-2-11 (64027) ତତ୍ରାଲସା ମନୁଷ୍ଯାଣାଂ ଯେ ଭବନ୍ତ୍ଯମନସ୍ବିନଃ। ଉତ୍ଥାନଂ ତେ ବିଗର୍ହନ୍ତି ପ୍ରାଜ୍ଞାନାଂ ତନ୍ନ ରୋଚତେ॥ 10-2-12 (64028) ପ୍ରାଯଶୋ ହି କୃତଂ କର୍ମ ନାଫଲଂ ଦୃଶ୍ଯତେ ଭୁବି। ଅକୃତ୍ବା ଚ ପୁନର୍ଦୁଃଖଂ କର୍ମ ପଶ୍ଯେନ୍ମହାଫଲମ୍॥ 10-2-13 (64029) ଚଷ୍ଟାମକୁର୍ବଂଲ୍ଲଭତେ ଯଦି କିଞ୍ଚିଦ୍ଯଦୃଚ୍ଛଯା। ଯୋ ବା ନ ଲଭତେ କୃତ୍ବା ଦୁର୍ଦର୍ଶୌ ତାବୁଭାବପି॥ 10-2-14 (64030) ଶକ୍ନୋତି ଜୀବିତୁଂ ଦକ୍ଷୋ ନାଲସଃ ସୁଖମେଧତେ। ଦୃଶ୍ଯନ୍ତେ ଜୀବଲୋକେଽସ୍ମିନ୍ଦକ୍ଷାଃ ପ୍ରାଯୋ ହିତୈଷିଣଃ॥ 10-2-15 (64031) ଯଦି ଦକ୍ଷଃ ସମାରମ୍ଭାତ୍କର୍ମଣୋ ନାଶ୍ନୁତେ ଫଲମ୍। ନାସ୍ଯ ବାଚ୍ଯଂ ଭବେତ୍କିଞ୍ଚିଲ୍ଲବ୍ଧବ୍ଯଂ ବାଽଧିଗଚ୍ଛତି॥ 10-2-16 (64032) ନାକୃତ୍ବା କର୍ମ ଲୋକେ ହି ଫଲଂ ବିନ୍ଦତି କର୍ହିଚିତ୍। ସ ତୁ ବକ୍ତବ୍ଯତାଂ ଯାତି ଦ୍ବେଷ୍ଯୋ ଭବତି ଭୂଯଶଃ॥ 10-2-17 (64033) ଏବମେତଦନାଦୃତ୍ଯ ବର୍ତତେ ଯସ୍ତ୍ବତୋଽନ୍ଯଥା। ସ କରୋତ୍ଯାତ୍ମନୋଽନର୍ଥାନେଷ ବୁଦ୍ଧିମତାଂ ନଯଃ॥ 10-2-18 (64034) ହୀନଂ ପୁରୁଷକାରେଣ ଯଦି ଦୈବେନ ବା ପୁନଃ। କାରଣାଭ୍ଯାମଥୈତାଭ୍ଯାମୁତ୍ଥାନମଫଲଂ ଭବେତ୍॥ 10-2-19 (64035) ହୀନଂ ପୁରୁଷକାରେଣ କର୍ମ ତ୍ବିହ ନ ସିଧ୍ଯତି॥ 10-2-20 (64036) ଦୈବତେଭ୍ଯୋ ନମସ୍କୃତ୍ଯ ଯସ୍ତ୍ବର୍ଥାନ୍ସମ୍ଯଗୀହତେ। ଦକ୍ଷୋ ଦାକ୍ଷିଣ୍ଯସମ୍ପନ୍ନୋ ନ ସ ମୋଘୈର୍ବିହନ୍ଯତେ॥ 10-2-21 (64037) ସମ୍ଯଗୀହା ପୁନରିଯଂ ଯା ବୃଦ୍ଧାନୁପସେବତେ। ଆପୃଚ୍ଛତି ଚ ଯଚ୍ଛ୍ରେଯଃ କରୋତି ଚ ହିତଂ ବଚଃ॥ 10-2-22 (64038) ଉତ୍ଥାଯୋତ୍ଥାଯ ହି ସଦା ପ୍ରଷ୍ଟବ୍ଯା ବୃଦ୍ଧସମ୍ମତାଃ। ତେ ସ୍ମ ଯୋଗେ ପରଂ ମୂଲଂ ତନ୍ମୂଲା ସିଦ୍ଧିରୁଚ୍ଯତେ॥ 10-2-23 (64039) ବୃଦ୍ଧାନାଂ ବଚନଂ ଶ୍ରୁତ୍ବା ଯୋଽଭ୍ଯୁତ୍ଥାନଂ ପ୍ରଯୋଜଯେତ୍। ଉତ୍ଥାନସ୍ଯ ଫଲଂ ସମ୍ଯକ୍ତଦା ସ ଲଭତେଽଚିରାତ୍॥ 10-2-24 (64040) ରାଗାତ୍କ୍ରୋଧାଦ୍ଭଯାଲ୍ଲୋଭାଦ୍ଯୋଽର୍ଥାନୀହେତ ମାନବଃ। ଅନୀଶଶ୍ଚାବମାନୀ ଚ ସ ଶୀଘ୍ରଂ ଭ୍ରଶ୍ଯତେ ଶ୍ରିଯଃ॥ 10-2-25 (64041) ସୋଯଂ ଦୁର୍ଯୋଧନେନାର୍ଥୋ ଲୁବ୍ଧେନାଦୀର୍ଘଦର୍ଶିନା। ଅସମର୍ଥଃ ସମାରବ୍ଧୋ ମୂଢତ୍ବାଦବିଚିନନ୍ତିତଃ॥ 10-2-26 (64042) ହିତବୁଦ୍ଧୀନନାଦୃତ୍ଯ ସମ୍ମନ୍ତ୍ର୍ଯାସାଧୁଭିଃ ସହ। ବାର୍ଯମାଣୋଽକରୋଦ୍ବୈରଂ ପାଣ୍ଡବୈର୍ଗୁଣବତ୍ତରୈଃ॥ 10-2-27 (64043) ପୂର୍ବମପ୍ଯତିଦୁଃଶୀଲୋ ନ ଧୈର୍ଯଂ କର୍ତୁମର୍ହତି। ତପତ୍ଯର୍ଥେ ବିପନ୍ନେ ହି ମିତ୍ରାଣାଂ ନ କୃତଂ ବଚଃ॥ 10-2-28 (64044) ଅନୁବର୍ତାମହେ ଯତ୍ତୁ ତଂ ବଯଂ ପାପପୂରୁଷମ୍। ଅସ୍ମାନପ୍ଯନଯସ୍ତସ୍ମାତ୍ପ୍ରାପ୍ତୋଽଯଂ ଦାରୁଣୋ ମହାନ୍॥ 10-2-29 (64045) ଅେନ ତୁ ମମାଦ୍ଯାପି ବ୍ଯସନେନୋପତାପିତା। ବୁଦ୍ଧିଶ୍ଚିନ୍ତଯତେ କିଞ୍ଚିତ୍ସ୍ବଂ ଶ୍ରେଯୋ ନାବବୁଧ୍ଯତେ॥ 10-2-30 (64046) ମୁହ୍ଯତା ତୁ ମନୁଷ୍ଯେଣ ପ୍ରଷ୍ଟବ୍ଯାଃ ସୁହୃଦୋ ଜନାଃ। ତତ୍ରାସ୍ଯ ବୁଦ୍ଧିର୍ବିନଯସ୍ତତ୍ର ଶ୍ରେଯଶ୍ଚ ପଶ୍ଯତି॥ 10-2-31 (64047) ତତୋଽସ୍ଯ ମୂଲଂ କାର୍ଯାଣାଂ ବୁଦ୍ଧ୍ଯା ନିଶ୍ଚିତ୍ଯ ବୈ ବୁଧାଃ'। ତେଽତ୍ର ପୃଷ୍ଟା ଯଥା ବ୍ରୂଯୁସ୍ତତ୍କର୍ତବ୍ଯଂ ତଥା ଭବେତ୍॥ 10-2-32 (64048) ତେ ବଯଂ ଧୃତରାଷ୍ଟ୍ରଂ ଚ ଗାନ୍ଧାରୀଂ ଚ ଯଶସ୍ବିନୀମ୍। ଉପପୃଚ୍ଛାମହେ ଗତ୍ବା ବିଦୁରଂ ଚ ମହାମତିମ୍॥ 10-2-33 (64049) ତେ ପୃଷ୍ଟାସ୍ତୁ ବଦେଯୁର୍ଯଚ୍ଛ୍ରେଯୋ ନଃ ସମନନ୍ତରମ୍। ତଦସ୍ମାଭିଃ ପୁନଃ କାର୍ଯମିତି ମେ ନୈଷ୍ଠିକୀ ମତିଃ॥ 10-2-34 (64050) ଅନାରମ୍ଭାତ୍ତୁ କାର୍ଯାଣାଂ ନାର୍ଥଃ ସମ୍ପଦ୍ଯତେ କ୍ବଚିତ୍॥ 10-2-35 (64051) କୃତେ ପୁରୁଷକାରେ ତୁ ଯେଷାଂ କାର୍ଯଂ ନ ସିଧ୍ଯତି। ଦୈବେନୋପହତାସ୍ତେ ତୁ ନାତ୍ର କାର୍ଯା ବିଚାରଣା॥ ॥ 10-2-36 (64052) ଇତି ଶ୍ରୀମନ୍ମହାଭାରତେ ସୌପ୍ତିକପର୍ବଣି ଦ୍ବିତୀଯୋଽଧ୍ଯାଯଃ॥ 2 ॥

10-3-0 (64053) ସଞ୍ଜଯ ଉବାଚ। 10-3-0x (5265) କୃପସ୍ଯ ବଚନଂ ଶ୍ରୁତ୍ବା ଧର୍ମାର୍ଥସହିତଂ ଶୁଭମ୍। ଅଶ୍ବତ୍ଥାମା ମହାରାଜ ଦୁଃଖଶୋକସମନ୍ବିତଃ॥ 10-3-1 (64054) ଦହ୍ଯମାନସ୍ତୁ ଶୋକେନ ପ୍ରଦୀପ୍ତେନାଗ୍ନିନା ଯଥା। କ୍ରୂରଂ ମନସ୍ତତଃ କୃତ୍ବା ତାବଭୌ ପ୍ରତ୍ଯଭାଷତ॥ 10-3-2 (64055) ପୁରୁଷେପୁରୁଷେ ବୁଦ୍ଧିର୍ଯାଯା ଭବତି ଶୋଭନା। ତୁଷ୍ଯନ୍ତି ଚ ପୃଥକ୍ସର୍ବେ ପ୍ରଜ୍ଞଯା ତେ ସ୍ବଯାସ୍ବଯା॥ 10-3-3 (64056) ସର୍ବୋ ହି ମନ୍ଯତେ ଲୋକ ଆତ୍ମାନଂ ବୁଦ୍ଧିମତ୍ତରମ୍। ସର୍ବସ୍ଯାତ୍ମା ବହୁମତଃ ସର୍ବୋତ୍ମାନଂ ପ୍ରଶଂସତି॥ 10-3-4 (64057) ସର୍ବସ୍ଯ ହି ସ୍ବକା ପ୍ରଜ୍ଞା ସାଧୁବାଦେ ପ୍ରତିଷ୍ଠିତା। ପରବୁଦ୍ଧିଂ ଚ ନିନ୍ଦନ୍ତି ସ୍ବାଂ ପ୍ରଶଂସନ୍ତି ଚାସକୃତ୍॥ 10-3-5 (64058) କାରଣାନ୍ତରଯୋଗେନ ଯେଷାଂ ସଂବଦତେ ମତିଃ। ତେଽନ୍ଯୋନ୍ଯେନ ଚ ତୁଷ୍ଯନ୍ତି ବହୁମନ୍ଯନ୍ତି ଚାସକୃତ୍॥ 10-3-6 (64059) ତସ୍ଯୈବ ତୁ ମନୁଷ୍ଯସ୍ଯ ସାସା ବୁଦ୍ଧିସ୍ତଦାତଦା। କାଲଯୋଗେ ବିପର୍ଯାସଂ ପ୍ରାପ୍ଯାନ୍ଯୋନ୍ଯଂ ବିପଦ୍ଯତେ॥ 10-3-7 (64060) ଅନିତ୍ଯତ୍ବାତ୍ତୁ ଚିତ୍ତାନାଂ ମନୁଷ୍ଯାଣାଂ ବିଶେଷତଃ। ଚିତ୍ତବୈକ୍ଲବ୍ଯମାସାଦ୍ଯ ସାସା ବୁଦ୍ଧିଃ ପ୍ରଜାଯତେ॥ 10-3-8 (64061) ଯଥା ହି ବୈଦ୍ଯଃ କୁଶଲୋ ଜ୍ଞାତ୍ବା ବ୍ଯାଧିଂ ଯଥାବିଧି। ଭୈଷଜ୍ଯଂ କୁରୁତେ ଯୋଗାତ୍ପ୍ରଶମାର୍ଥମିତି ପ୍ରଭୋ॥ 10-3-9 (64062) ଏବଂ କାର୍ଯସ୍ଯ ଯୋଗାତ୍ପ୍ରଶମାର୍ଥମିତି ପ୍ରଭୋ॥ ପ୍ରଜ୍ଞଯା ଚ ସ୍ବଯା ଯୁକ୍ତ୍ଯା ତାଂ ଚ ଗୃହ୍ଣନ୍ତି ବୈ ବୁଧାଃ॥ 10-3-10 (64063) ଅନ୍ଯଯା ଯୌବନେ ବାଲ୍ଯେ ବୁଦ୍ଧ୍ଯା ଭବତି ମୋହିତଃ। ମଧ୍ଯେଽନ୍ଯଯା ଜରାଯାଂ ତୁ ସୋନ୍ଯାଂ ରୋଚଯତେ ମତିମ୍॥ 10-3-11 (64064) ବ୍ଯସନ ବା ମହାଘୋରଂ ସମୃଦ୍ଧିଂ ଚାପି ତାଦୃଶୀମ୍। ଅବାପ୍ଯ ପୁରୁଷୋ ଭୋଜ କୁରୁତେ ବୁଦ୍ଧିବୈକୃତମ୍॥ 10-3-12 (64065) ଏକସ୍ମିନ୍ନେବ ପୁରୁଷେ ସାସା ବୁଦ୍ଧିସ୍ତଦାତଦା। ଭବତ୍ଯନିତ୍ଯା ପ୍ରଜ୍ଞା ହି ସା ତସ୍ଯୈବ ନ ରୋଚତେ॥ 10-3-13 (64066) ନିଶ୍ଚିତ୍ଯ ତୁ ଯଥାପ୍ରଜ୍ଞଂ ଯାଂ ମତିଂ ସାଧୁ ପଶ୍ଯତି। ତଯା ପ୍ରକୁରୁତେ ଭାବଂ ସା ତସ୍ଯୋଦ୍ଯୋଗକାରିକା॥ 10-3-14 (64067) ସର୍ବୋ ହି ପୁରୁଷୋ ଭୋଜ ସାଧ୍ବେତଦିତି ନିଶ୍ଚିତଃ। କର୍ତୁମାରଭତେ ପ୍ରୀତିଂ ମରଣାଦିଷୁ କର୍ମସୁ॥ 10-3-15 (64068) ସର୍ବେ ହି ଯୁକ୍ତାଂ ବିଜ୍ଞାଯ ପ୍ରଜ୍ଞାଂ ବାପି ସ୍ବକାଂ ନରାଃ। ଚେଷ୍ଟନ୍ତେ ବିବିଧାଂ ଚେଷ୍ଟାଂ ହିତମିତ୍ଯେବ ଜାନତେ॥ 10-3-16 (64069) ଉପଜାତା ବ୍ଯସନଜା ଯେଯମଦ୍ଯ ମତିର୍ମମ। ଯୁବଯୋସ୍ତାଂ ପ୍ରବକ୍ଷ୍ଯାମି ସର୍ବେଷାଂ ଶୋକନାଶିନୀମ୍॥ 10-3-17 (64070) ପ୍ରଜାପତିଃ ପ୍ରଜାଃ ସୃଷ୍ଟ୍ବା କର୍ମ ତାସୁ ବିଧାଯ ଚ। ବର୍ଣେବର୍ଣେ ସମାଧତ୍ତ ହ୍ଯେକୈକଂ ଗୁଣବତ୍ତରମ୍॥ 10-3-18 (64071) ବ୍ରାହ୍ମଣେ ବେଦମଗ୍ର୍ଯଂ ତୁ କ୍ଷତ୍ରିଯେ ତେଜ ଉତ୍ତମମ୍। ଦାକ୍ଷ୍ଯଂ ବୈଶ୍ଯେ ଚ ଶୂଦ୍ରେ ଚ ସର୍ବବର୍ଣାନୁକୂଲତାମ୍॥ 10-3-19 (64072) ଅଦାନ୍ତୋ ବ୍ରାହ୍ମଣୋଽସାଧୁର୍ନିସ୍ତେଜାଃ କ୍ଷତ୍ରିଯୋ ମୃତଃ। ଅଦକ୍ଷୋ ନିନ୍ଦ୍ଯତେ ବୈଶ୍ଯଃ ଶୂଦ୍ରଶ୍ଚ ପ୍ରତିକୂଲବାନ୍॥ 10-3-20 (64073) ସୋଽସ୍ମି ଜାତଃ କୁଲେ ଶ୍ରେଷ୍ଠେ ବ୍ରାହ୍ମଣୈରଭିପୂଜିତେ। ମନ୍ଦଭାଗ୍ଯତଯାଽସ୍ମ୍ଯେତଂ କ୍ଷତ୍ରଧର୍ମମନୁଷ୍ଠିତଃ॥ 10-3-21 (64074) କ୍ଷତ୍ରଧର୍ମଂ ବିଦିତ୍ବାଽହଂ ଯଦି ବ୍ରାହ୍ମଣ୍ଯମାଶ୍ରିତଃ। ପ୍ରକରିଷ୍ଯେ ମହତ୍କର୍ମ ନ ମେ ତତ୍ସାଧୁସମ୍ମତମ୍॥ 10-3-22 (64075) ଧାରଯିତ୍ବା ଧନୁର୍ଦିବ୍ଯଂ ଦିବ୍ଯାନ୍ଯସ୍ତ୍ରାଣି ଚାହବେ। ପିତରଂ ନିହତଂ ଦୃଷ୍ଟ୍ବା କିନ୍ନୁ ବକ୍ଷ୍ଯାମି ସଂସଦି॥ 10-3-23 (64076) ସୋଽହମଦ୍ଯ ଯଥାକାମଂ କ୍ଷତ୍ରଧର୍ମମବାପ୍ଯ ଚ। ଗନ୍ତାଽସ୍ମି ପଦବୀଂ ରାଜ୍ଞଃ ପିତୁଶ୍ଚାପି ମହାତ୍ମନଃ॥ 10-3-24 (64077) ଅଦ୍ଯ ସ୍ବପ୍ସ୍ଯନ୍ତି ପାଞ୍ଚାଲା ବିଶ୍ବସ୍ତା ଜିତକାଶିନଃ। ବିମୁକ୍ତଯୁଗ୍ଯକବଚା ହର୍ଷେଣ ଚ ସମନ୍ବିତାଃ। ବଯଂ ଜିତା ମତାଶ୍ଚୈଷାଂ ଶ୍ରାନ୍ତା ବ୍ଯାଯାମକର୍ଶିତାଃ॥ 10-3-25 (64078) ତେଷାଂ ନିଶି ପ୍ରସୁପ୍ତାନାଂ ସୁସ୍ଥାନାଂ ଶିବିରେ ସ୍ବକେ। ଅବସ୍କନ୍ଦଂ କରିଷ୍ଯାମି ଶିବିରସ୍ଯାଦ୍ଯ ଦୁଷ୍କରମ୍॥ 10-3-26 (64079) ତାନବସ୍କନ୍ଦ୍ଯ ଶିବିରେ ପ୍ରେତଭୂତାନଚେତସଃ। ସୂଦଯିଷ୍ଯାମି ବିକ୍ରମ୍ଯ ମଘବାନିବ ଦାନବାନ୍॥ 10-3-27 (64080) ଅଦ୍ଯ ତାନ୍ସହିତାନ୍ସର୍ବାନ୍ଧୃଷ୍ଟଦ୍ଯୁମ୍ନପୁରୋଗମାନ୍। ସୂଦଯିଷ୍ଯାମି ବିକ୍ରମ୍ଯ କକ୍ଷଂ ଦୀପ୍ତ ଇବାନଲଃ॥ 10-3-28 (64081) ନିହତ୍ଯ ଚୈବ ପାଞ୍ଚାଲାଞ୍ଶାନ୍ତିଂ ଲବ୍ଧାଽସ୍ମି ସତ୍ତମ॥ 10-3-29 (64082) ପାଞ୍ଚାଲେଷୁ ଚରିଷ୍ଯାମି ସୂଦଯନ୍ନଦ୍ଯ ସଂଯୁଗେ। ପିନାକପାଣିଃ ସଙ୍କ୍ରୁଦ୍ଧଃ ସ୍ବଯଂ ରୁଦ୍ରଃ ପଶୁଷ୍ବିବ॥ 10-3-30 (64083) ଅଦ୍ଯାହଂ ସର୍ବପାଞ୍ଚାଲାନ୍ନିକୃତ୍ଯା ଚ ନିକୃଷ୍ଯ ଚ। ଅର୍ଦଯିଷ୍ଯାମି ସଂହୃଷ୍ଟୋ ରଣେ ପାଣ୍ଡୁସୁତାଂସ୍ତଥା। `ସୂଦଯିଷ୍ଯାମି ସଙ୍କ୍ରୁଦ୍ଧଃ ପଶୂନିବ ପିନାକଧୃତ୍'॥ 10-3-31 (64084) ଅଦ୍ଯାହଂ ସର୍ବପାଞ୍ଚାଲୈଃ କୃତ୍ବା ଭୂମିଂ ଶରୀରିଣୀମ୍। ପ୍ରହୃତ୍ଯୈକେନ ଶସ୍ତ୍ରେଣ ଭବିଷ୍ଯାମ୍ଯନୃଣଃ ପିତୁଃ॥ 10-3-32 (64085) ଦୁର୍ଯୋଧନସ୍ଯ କର୍ଣସ୍ଯ ଭୀଷ୍ମସୈନ୍ଧବଯୋରପି। ଗମିଷ୍ଯାମି ନିଶାବେଲାଂ ପଦବୀମଦ୍ଯ ଦୁର୍ଗମାମ୍॥ 10-3-33 (64086) ଅଦ୍ଯ ପାଞ୍ଚାଲରାଜସ୍ଯ ଧୃଷ୍ଟଦ୍ଯୁମ୍ନସ୍ଯ ବୈ ନିଶି। ବିରାତ୍ରେ ପ୍ରମଥିଷ୍ଯାମି ପଶୋରିବ ଶିରୋ ବଲାତ୍॥ 10-3-34 (64087) ଅଦ୍ଯ ପାଞ୍ଚାଲପାଣ୍ଡୂନାଂ ଶଯିତାନାଂ ଶିରୋ ନିଶି। ଖଙ୍ଗେନ ନିଶିତେନାଜୌ ପ୍ରମଥିଷ୍ଯାମି ଗୌତମ॥ 10-3-35 (64088) ଅଦ୍ଯ ପାଞ୍ଚାଲସେନାଂ ତାଂ ନିହତ୍ଯ ନିଶି ସୌପ୍ତିକେ। କୃତକୃତ୍ଯଃ ସୁଖୀ ଚୈବ ଭବିଷ୍ଯାମି ମହାମତେ॥ ॥ 10-3-36 (64089) ଇତି ଶ୍ରୀମନ୍ମହାଭାରତେ ସୌପ୍ତିକପର୍ବଣି ତୃତୀଯୋଽଧ୍ଯାଯଃ॥ 3 ॥

10-6-0 (64168) ଧୃତରାଷ୍ଟ୍ର ଉବାଚ। 10-6-0x (5270) ଦ୍ବାରଦେଶେ ତତୋ ଦ୍ରୌଣିମବସ୍ଥିତମବେକ୍ଷ୍ଯ ତୌ। ଅକୁର୍ବତାଂ ଭୋଜକୃପୌ କିଂ ସଞ୍ଜଯ ବଦସ୍ବ ମେ॥ 10-6-1 (64169) ସ଼ଞ୍ଜଯ ଉବାଚ। 10-6-2x (5271) କୃତବର୍ମାଣମାମନ୍ତ୍ର୍ଯ କୃପଂ ଚ ସ ମହାରଥଃ। ଦ୍ରୌଣିର୍ମନ୍ଯୁପରୀତାତ୍ମା ଶିବିରଦ୍ବାରମାସଦତ୍॥ 10-6-2 (64170) ତତ୍ର ଭୂତଂ ମହାକାଯଂ ଚନ୍ଦ୍ରାର୍କସଦୃଶଦ୍ଯୁତିମ୍। ସୋଽପଶ୍ଯଦ୍ଦ୍ବାରମାବୃତ୍ଯ ତିଷ୍ଠନ୍ତଂ ରୋମହର୍ଷଣମ୍॥ 10-6-3 (64171) ବସାନଂ ଚର୍ମ ବୈଯାଘ୍ରଂ ବସାରୁଧିରବିସ୍ରବମ୍। କୃଷ୍ଣାଜିନୋତ୍ତରାସଙ୍ଗଂ ନାଗଯଜ୍ଞୋପବୀତିନମ୍॥ 10-6-4 (64172) ବାହୁଭିଃ ସ୍ବାଯତୈର୍ଭୀମୈର୍ନାନାପ୍ରହରଣୋଦ୍ଯତୈଃ। ବଦ୍ଧାଙ୍ଗଦମହାସର୍ପଂ ଜ୍ବାଲାମାଲାକୁଲାନନମ୍॥ 10-6-5 (64173) ଦଂଷ୍ଟ୍ରାକରାଲବଦନଂ ବ୍ଯାଦିତାସ୍ଯଂ ଭଯାନକମ୍। ନଯନାନାଂ ସହସ୍ରୈଶ୍ଚ ବିଚିତ୍ରୈରଭିଭୂଷିତମ୍॥ 10-6-6 (64174) ନୈବ ତସ୍ଯ ବପୁଃ ଶକ୍ଯଂ ପ୍ରବକ୍ତୁଂ ବେଷ ଏବ ଚ। ସର୍ବଥା ତୁ ତଦାଲକ୍ଷ୍ଯ ସ୍ଫୁଟେଯୁରପି ପର୍ବତାଃ॥ 10-6-7 (64175) ତସ୍ଯାସ୍ଯନାସିକାଭ୍ଯାଂ ଚ ଶ୍ରବଣାଭ୍ଯାଂ ଚ ସର୍ବଶଃ। ତେଭ୍ଯଶ୍ଚାକ୍ଷିସହସ୍ରେଭ୍ଯଃ ପ୍ରାଦୁରାସନ୍ମହାର୍ଚିଷଃ॥ 10-6-8 (64176) ତଥା ତେଜୋମରୀଚିଭ୍ଯଃ ଶଙ୍ଖଚକ୍ରଗଦାଧରାଃ। ପ୍ରାଦୁରାସନ୍ହୃଷୀକେଶାଃ ଶତଶୋଽଥ ସହସ୍ରଶଃ॥ 10-6-9 (64177) ତଦତ୍ଯଦ୍ଭୁତମାଲୋକ୍ଯ ଭୂତଂ ଲୋକଭଯଙ୍କରମ୍। ଦ୍ରୌଣିରବ୍ଯଥିତୋ ଦିବ୍ଯୈରସ୍ତ୍ରବର୍ଷୈରବାକିରତ୍॥ 10-6-10 (64178) ଦ୍ରୌଣିମୁକ୍ତାଞ୍ଛରାଂସ୍ତାଂସ୍ତୁ ତଦ୍ଭୂତଂ ମହଦଗ୍ରସତ୍। ଉଦଧେରିବ ବାର୍ଯୋଘାନ୍ପାବକୋ ବଡବାମୁଖଃ॥ 10-6-11 (64179) ଅଶ୍ବତ୍ଥାମା ତୁ ସମ୍ପ୍ରେକ୍ଷ୍ଯ ଶରୌଘାଂସ୍ତାନ୍ନିରର୍ଥକାନ୍। ରଥଶକ୍ତିଂ ମୁମୋଚାସ୍ମୈ ଦୀପ୍ତାମଗ୍ନିଶିଖାମିବ॥ 10-6-12 (64180) ସା ତମାହତ୍ଯ ଦୀପ୍ତାଗ୍ରା ରଥଶକ୍ତିରଦୀର୍ଯତ। ଯୁଗାନ୍ତେ ସୂର୍ଯମାହତ୍ଯ ମହୋଲ୍କେବ ଦିବଶ୍ଚ୍ଯୁତା॥ 10-6-13 (64181) ଅଥ ହେମତ୍ସରୁଂ ଦିବ୍ଯଂ ଖଙ୍ଗମାକାଶବର୍ଚସମ୍॥ କୋଶାତ୍ସମୁଦ୍ବବର୍ହାଶୁ ବିଲାଦ୍ଦୀପ୍ତମିବୋରଗମ୍॥ 10-6-14 (64182) ତତଃ ଖଙ୍ଗବରଂ ଧୀମାନ୍ଭୂତାଯ ପ୍ରାହିଣୋତ୍ତଦା। ସ ତଦାସାଦ୍ଯ ଭୂତଂ ବୈ ବିଲଯଂ ତୂଲବଦ୍ଯଯୌ॥ 10-6-15 (64183) ତତଃ ସ କୁପିତୋ ଦ୍ରୌଣିରିନ୍ଦ୍ରକେତୁନିଭାଂ ଗଦାମ୍। ଜ୍ବଲନ୍ତୀଂ ପ୍ରାହିଣୋତ୍ତସ୍ମୈ ଭୂତଂ ତାମପି ଚାଗ୍ରସତ୍॥ 10-6-16 (64184) ତତଃ ସର୍ବାଯୁଧାଭାବେ ବୀକ୍ଷମାଣସ୍ତତସ୍ତତଃ। ଅପଶ୍ଯତ୍କୃତମାକାଶମନାକାଶଂ ଜନାର୍ଦନୈଃ॥ 10-6-17 (64185) ତଦଦ୍ଭୁତତମଂ ଦୃଷ୍ଟ୍ବା ଦ୍ରୋଣପୁତ୍ରୋ ନିରାଯୁଧଃ। ଅଚିନ୍ତଯତ୍ସୁସନ୍ତ୍ରସ୍ତଃ କୃପଭୋଜବଚଃ ସ୍ମରନ୍॥ 10-6-18 (64186) ବ୍ରୁବତାମପ୍ରିଯଂ ପଥ୍ଯଂ ସୁହୃଦାଂ ନ ଶୃମୋତି ଯଃ। ସ ଶୋଚତ୍ଯାପଦଂ ପ୍ରାପ୍ଯ ଥାଽହମବମତ୍ଯ ତୌ॥ 10-6-19 (64187) ଶାସ୍ତ୍ରଦୃଷ୍ଟାନବିଦ୍ବାନ୍ଯଃ ସମତୀତ୍ଯ ଜିଘାଂସତି। ସ ପଥଃ ପ୍ରଚ୍ଯୁତୋ ଧର୍ମ୍ଯାତ୍କୁପଥେ ପ୍ରତିହନ୍ଯତେ॥ 10-6-20 (64188) ଗୋବ୍ରାହ୍ମଣନୃପସ୍ତ୍ରୀଷୁ ସଖ୍ଯୁର୍ମାତୁର୍ଗୁରୋସ୍ତଥା। ବୃଦ୍ଧବାଲଜଡାନ୍ଧେଷୁ ସୁପ୍ତଭୀତୋତ୍ଥିତେଷୁ ଚ॥ 10-6-21 (64189) ମତ୍ତୋନ୍ମତ୍ତପ୍ରମତ୍ତେଷୁ ନ ଶସ୍ତ୍ରାଣି ଚ ମାତଯେତ୍। ଇତ୍ଯେବଂ ଗୁରୁଭିଃ ପୂର୍ବମୁପଦିଷ୍ଟଂ ନୃଣାଂ ସଦା॥ 10-6-22 (64190) ସୋଽହମୁତ୍କ୍ରମ୍ଯ ପନ୍ଥାନଂ ଶାସ୍ତ୍ରଦୃଷ୍ଟଂ ସନାତନମ୍। ଅମାର୍ଗେଣୈବମାରଭ୍ଯ ଘୋରାମାପଦମାଗତଃ॥ 10-6-23 (64191) ତାଂ ଚାପଦଂ ଘୋରତରାଂ ପ୍ରବଦନ୍ତି ମନୀଷିଣଃ। ଯଦୁଦ୍ଯମ୍ଯ ମହତ୍କୃତ୍ଯଂ ଭଯାଦପି ନିବର୍ତତେ॥ 10-6-24 (64192) ଅଶକ୍ଯଂ ଚୈବ କଃ କର୍ତୁଂ ଶକ୍ତଃ ଶକ୍ତିବଲାଦିହ। ନ ହି ଦୈବାଦ୍ଗରୀଯୋ ବୈ ମାନୁଷ୍ଯଂ କିଞ୍ଚିଦିଷ୍ଯତେ॥ 10-6-25 (64193) ମାନୁଷ୍ଯଂ କୁର୍ବତଃ କର୍ମ ଯଦି ଦୈବାନ୍ନ ସିଧ୍ଯତି। ସ ପଥଃ ପ୍ରଚ୍ଯୁତୋ ଧର୍ମ୍ଯାଦ୍ବିପଦଂ ପ୍ରତିପଦ୍ଯତେ॥ 10-6-26 (64194) ପ୍ରତିଜ୍ଞାନଂ ହ୍ଯବିଜ୍ଞାନଂ ପ୍ରବଦନ୍ତି ମନୀଷିଣଃ। ଯଦାରଭ୍ଯ କ୍ରିଯାଂ କାଞ୍ଚିଦ୍ଭଯାଦିହ ନିବର୍ତତେ॥ 10-6-27 (64195) ତଦିଦଂ ଦୁଷ୍ପ୍ରଣୀତେନ ଭଯଂ ମା ସମୁପସ୍ଥିତମ୍। ନ ହି ଦ୍ରୋଣସୁତଃ ସଙ୍ଖ୍ଯେ ନିବର୍ତେତ କଥଞ୍ଚନ॥ 10-6-28 (64196) ଇଦଂ ଚ ସୁମହଦ୍ଭୂତଂ ଦୈବଦଣ୍ଡମିବୋଦ୍ଯତମ୍। ନ ଚୈତଦଭିଜାନାମି ଚିନ୍ତଯନ୍ନପି ସର୍ବଥା॥ 10-6-29 (64197) ଧ୍ରୁବଂ ଯେଯମଧର୍ମେଣ ପ୍ରହିତା କଲୁଷା ମତିଃ। ତସ୍ଯାଃ ଫଲମିଦଂ ଘୋରଂ ପ୍ରତିଘାତାଯ କଲ୍ପତେ॥ 10-6-30 (64198) ତଦିଦଂ ଦୈବବିହିତଂ ମମ ସଙ୍ଖ୍ଯେ ନିବର୍ତନମ୍। ନାନ୍ଯତ୍ର ଦୈବାଦୁଦ୍ଯନ୍ତୁମିହ ଶକ୍ଯଂ କଥଞ୍ଚନ॥ 10-6-31 (64199) ସୋଽହମଦ୍ଯ ମହାଦେବଂ ପ୍ରପଦ୍ଯେ ଶରଣଂ ବିଭୁମ୍। ଦୈବଦଣ୍ଡମିମଂ ଘୋରଂ ସ ହି ମେ ନାଶଯିଷ୍ଯତି॥ 10-6-32 (64200) କପର୍ଦିନଂ ପ୍ରପଦ୍ଯେଽହଂ ଦେବଦେବମୁମାପତିମ୍। କପାଲମାଲିନଂ ରୁଦ୍ରଂ ଭଗନେତ୍ରହରଂ ହରମ୍॥ 10-6-33 (64201) ସ ହି ଦେବୋଽତ୍ଯଗାଦ୍ଦେବାଂସ୍ତପସା ବିକ୍ରମେଣ ଚ। ତସ୍ମାଚ୍ଛରଣମଭ୍ଯେଷ୍ଯେ ଗିରିଶଂ ଶୂଲପାଣିନମ୍॥ ॥ 10-6-34 (64202) ଇତି ଶ୍ରୀମନ୍ମହାଭାରତେ ସୌପ୍ତିକପର୍ବଣି ଷଷ୍ଠୋଽଧ୍ଯାଯଃ॥ 6 ॥

10-7-0 (64203) ସଞ୍ଜଯ ଉବାଚ। 10-7-0x (5272) ଏବଂ ସଞ୍ଚିନ୍ତଯିତ୍ବା ତୁ ଦ୍ରୋଣପୁତ୍ରୋ ବିଶାମ୍ପତେ। ଅବତୀର୍ଯ ରଥୋପସ୍ଥାଦ୍ଦଧ୍ଯୌ ସ ପ୍ରଯତଃ ସ୍ଥିତଃ॥ 10-7-1 (64204) ଦ୍ରୌଣିରୁବାଚ। 10-7-2x (5273) ଉଗ୍ରଂ ସ୍ଥାଣୁଂ ଶିବଂ ରୁଦ୍ରଂ ଶର୍ବମୀଶାନମୀଶ୍ବରମ୍। ଗିରିଶଂ ବରଦଂ ଦେବଂ ଭବଭାବନମବ୍ଯଯମ୍॥ 10-7-2 (64205) ଶିତିକଣ୍ଠମଜଂ ରୁଦ୍ରଂ ଦକ୍ଷକ୍ରତୁହରଂ ହରମ୍। ବିଶ୍ବରୂପଂ ବିରୂପାକ୍ଷଂ ବହୁରୂପମୁମାପତିମ୍॥ 10-7-3 (64206) ଶ୍ମଶାନବାସିନଂ ଦୃପ୍ତଂ ମହାଗଣପତିଂ ବିଭୁମ୍। ଖଟ୍ବାଙ୍ଗଧାରିଣଂ ମୁଣ୍ଡଂ ଜଟିଲଂ ବ୍ରହ୍ମଚାରିଣମ୍॥ 10-7-4 (64207) ମନସା ହ୍ଯନୁଚିନ୍ତ୍ଯୈନଂ ଦୁଷ୍କରେଣାଲ୍ପଚେତସା। ଅଦ୍ଯ ଭୂତୋପହାରେଣ ଯକ୍ଷ୍ଯେ ତ୍ରିପୁରାଘାତିନମ୍॥ 10-7-5 (64208) xxତୁତଂ ସ୍ତୁତ୍ଯଂ ସ୍ତୂଯମାନମମୋଘଂ କୃତ୍ତିବାସସମ୍। ବିଲୋହିତଂ ନୀଲକଣ୍ଠମସହ୍ଯଂ ଦୁର୍ନିବାରଣମ୍॥ 10-7-6 (64209) ଶୁକ୍ରଂ ବିଶ୍ବସୃଜଂ ବ୍ରହ୍ମ ବ୍ରହ୍ମଚାରିଣମେବ ଚ। ବ୍ରତବନ୍ତଂ ତପୋନିଷ୍ଠମନନ୍ତଂ ତପତାଂ ଗତିମ୍॥ 10-7-7 (64210) ବହୁରୂପଂ ଗଣାଧ୍ଯକ୍ଷଂ ତ୍ର୍ଯକ୍ଷଂ ପାରିଷଦପ୍ରିଯମ୍। ଧନାଧ୍ଯକ୍ଷପ୍ରିଯସଖଂ ଗୌରୀହୃଦଯବଲ୍ଲଭମ୍॥ 10-7-8 (64211) କୁମାରପିତରଂ ପିଙ୍ଗଂ ଗୋବୃଷୋତ୍ତମବାହନମ୍। କୁତ୍ତିବାସସମତ୍ଯୁଗ୍ରମାତୋଷଣତତ୍ପରମ୍॥ 10-7-9 (64212) ପରଂ ପରେଭ୍ଯଃ ପରମଂ ପରଂ ଯସ୍ମାନ୍ନ ବିଦ୍ଯତେ। ଇଷ୍ବସ୍ତ୍ରୋତ୍ତମଭର୍ତାରଂ ଦିଗନ୍ତଂ ଦେଶରକ୍ଷିଣମ୍॥ 10-7-10 (64213) ହିରଣ୍ଯକବଚଂ ଦେବଂ ଚନ୍ଦ୍ରମୌଲିବିଭୂଷଣମ୍। ପ୍ରପଦ୍ଯେ ଶରଣଂ ଦେବଂ ପରମେଣ ସମାଧିନା॥ 10-7-11 (64214) ଇମାଂ ଚେଦାପଦଂ ଘୋରାଂ ତରାମ୍ଯଦ୍ଯ ସୁଦୁସ୍ତରାମ୍। ସର୍ବଭୂତୋପହାରେଣ ଯକ୍ଷ୍ଯେଽହଂ ଶୁଚିନା ଶୁଚିମ୍॥ 10-7-12 (64215) ଇତି ତସ୍ଯ ବ୍ଯବସିତଂ ଜ୍ଞାତ୍ବା ଯୋଗାତ୍ସୁକର୍ମଣଃ। ପୁରସ୍ତାତ୍କାଞ୍ଚନୀ ବେଦୀ ପ୍ରାଦୁରାସୀନ୍ମହାତ୍ମନଃ॥ 10-7-13 (64216) ତସ୍ଯାଂ ବେଦ୍ଯାଂ ତଦା ରାଜଂଶ୍ଚିତ୍ରଭାନୁରଜାଯତ। ସ ଦିଶୋ ବିଦିଶଃ ଖଂ ଚ ଜ୍ବାଲାଭିରିବ ପୂରଯନ୍॥ 10-7-14 (64217) ଦୀପ୍ତାସ୍ଯନଯନାଶ୍ଚାତ୍ର ନୈକପାଦଶିରୋଧରାଃ। [ରତ୍ନଚିତ୍ରାଙ୍ଗଦଧରାଃ ସମୁଦ୍ଯତକରାସ୍ତଥାଃ॥] 10-7-15 (64218) ଦ୍ବିପାଃ ଶୈଲପ୍ରତୀକାଶାଃ ପ୍ରାଦୁରାସନ୍ମହାଗଣାଃ। ଶ୍ବବରାହୋଷ୍ଟ୍ରରୂପାଶ୍ଚ ହଯଗୋମାଯୁଗୋମୁଖାଃ॥ 10-7-16 (64219) ଋକ୍ଷମାର୍ଜାରବଦନା ବ୍ଯାଘ୍ରଦ୍ବୀପିମୁଖାସ୍ତଥା। କାକବକ୍ତ୍ରାଃ ପ୍ଲୁବମୁଖାଃ ଶୁକବକ୍ତ୍ରାସ୍ତଥୈବ ଚ॥ 10-7-17 (64220) ମହାଜଗରବକ୍ତ୍ରାଶ୍ଚ ହଂସବକ୍ତ୍ରାଃ ଶିତପ୍ରଭାଃ। ଦାର୍ବାଘାଟମୁଖାଶ୍ଚାପି ଚାଷବକ୍ତ୍ରାଶ୍ଚ ଭାରତ॥ 10-7-18 (64221) କୂର୍ମନକ୍ରମୁଖାଶ୍ଚୈବ ଶିଂଶୁମାରମୁଖାସ୍ତଥା। ମହାମକରବକ୍ତ୍ରାଶ୍ଚ ତିମିବକ୍ତ୍ରାସ୍ତଥୈବ ଚ॥ 10-7-19 (64222) ହରିବକ୍ତ୍ରାଃ କ୍ରୌଞ୍ଚମୁଖାଃ କପୋତାଭମୁଖାସ୍ତଥା। ପାରାବତମୁଖାଶ୍ଚୈବ ମଦ୍ଗୁବକ୍ତ୍ରାସ୍ତଥୈବ ଚ॥ 10-7-20 (64223) ପାଣିକର୍ଣାଃ ସହସ୍ରାକ୍ଷାସ୍ତଥୈବ ଚ ମହୋଦରାଃ। ନିର୍ମାଂସାଃ କାକବକ୍ତ୍ରାଶ୍ଚ ଶ୍ଯେନବକ୍ତ୍ରାଶ୍ଚ ଭାରତ॥ 10-7-21 (64224) ତଥୈବାଶିରସୋ ରାଜନ୍ନୃକ୍ଷବକ୍ତ୍ରାଶ୍ଚ ଭୀଷଣାଃ। ପ୍ରଦୀପ୍ତନେତ୍ରଜିହ୍ବାଶ୍ଚ ଜ୍ବାଲାବର୍ଣାସ୍ତଥୈବ ଚ॥ 10-7-22 (64225) ଜ୍ବାଲାକେଶାଶ୍ଚ ରାଜେନ୍ଦ୍ର ଜ୍ବଲଦ୍ରୋମଚତୁର୍ଭୁଜାଃ। ମେଷବକ୍ତ୍ରାସ୍ତଥୈବାନ୍ଯେ ତଥା ଛାଗମୁଖା ନୃପ॥ 10-7-23 (64226) ଶଙ୍ଖାଭାଃ ଶଙ୍ଖବକ୍ତ୍ରାଶ୍ଚ ଶଙ୍ଖବର୍ଣାସ୍ତଥୈବ ଚ। ଶଙ୍ଖମାଲାପରିକରାଃ ଶହ୍ଖଧ୍ବନିସମସ୍ବନାଃ॥ 10-7-24 (64227) ଜଟାଧରାଃ ପ଼ଞ୍ଚଶିଖାସ୍ତଥା ମୁଣ୍ଡାଃ କୃଶୋଦରାଃ। ଚତୁର୍ଦଂଷ୍ଟ୍ରାଶ୍ଚତୁର୍ଜିହ୍ବାଃ ଶଙ୍କୁକର୍ଣାଃ କିରୀଟିନଃ॥ 10-7-25 (64228) ମୌଞ୍ଜୀଧରାଶ୍ଚ ରାଜେନ୍ଦ୍ର ତଥା କୁଞ୍ଚିତମୂର୍ଧଜାଃ। ଉଷ୍ଣୀଷିଣଃ କୁଣ୍ଡଲିନଶ୍ଚାରୁବକ୍ତ୍ରାଃ ସ୍ବଲଙ୍କୃତାଃ॥ 10-7-26 (64229) ପଦ୍ମୋତ୍ପଲାପୀଡଧରାସ୍ତଥା ମୁକୁଟଧାରିଣଃ। ମହାତ୍ମ୍ଯେନ ଚ ସଂଯୁକ୍ତାଃ ଶତଶୋଽଥ ସହସ୍ରଶଃ॥ 10-7-27 (64230) ଶତଘ୍ନୀଚକ୍ରହସ୍ତାଶ୍ଚ ତଥା ମୁସଲପାଣଯଃ। ଭୁଶୁଣ୍ଡୀପାଶହସ୍ତାଶ୍ଚ ଦଣ଼୍ଡହସ୍ତାଶ୍ଚ ଭାରତ॥ 10-7-28 (64231) ପୃଷ୍ଠେଷୁ ବଦ୍ଧେଷୁଧଯଶ୍ଚିତ୍ରବାଣୋତ୍କଟାସ୍ତଥା। ସଧ୍ବଜାଃ ସପତାକାଶ୍ଚ ସଘଣ୍ଟାଃ ସପରଶ୍ବଥାଃ॥ 10-7-29 (64232) ମହାପାଶୋଦ୍ଯତକରାସ୍ତଥା ଲଗୁଡପାଣଯଃ। ସ୍ଥୂଣାହସ୍ତାଃ ଖଙ୍ଗହସ୍ତାଃ ସର୍ପୋଚ୍ଛ୍ରିତକିରୀଟିନଃ॥ 10-7-30 (64233) ମହାସର୍ପାଙ୍ଗଦଧରାଶ୍ଚିତ୍ରାଭରଣଧାରିଣଃ। ରଜୋଧ୍ବଜାଃ ପଙ୍କଦିଗ୍ଧାଃ ସର୍ବେ ଚିତ୍ରାମ୍ବରସ୍ରଜଃ। ନୀଲାଙ୍ଗାଃ ପିଙ୍ଗଲାଙ୍ଗାଶ୍ଚ ମୁଣ୍ଡବକ୍ତାସ୍ତଥୈବ ଚ॥ 10-7-31 (64234) ଭେରୀଶଙ୍ଖମୃଦଙ୍ଗାଂଶ୍ଚ ଝର୍ଝରାନକଗୋମୁଖାନ୍। ଅବାଦଯନ୍ପାରିଷଦାଃ ପ୍ରହୃଷ୍ଟାଃ କନକପ୍ରଭାଃ॥ 10-7-32 (64235) ଗାଯମାନାସ୍ତଥୈବାନ୍ଯେ ସଂହୃଷ୍ଟାଃ ପୁରୁଷର୍ଷଭାଃ। ଲଙ୍ଘଯନ୍ତଃ ପ୍ଲୁବନ୍ତଶ୍ଚ ବଲ୍ଗନ୍ତଶ୍ଚ ମହାରଥାଃ॥ 10-7-33 (64236) ଧାବନ୍ତୋ ଜବନାଶ୍ଚଣ୍ଡାଃ ପାବକୋଦ୍ବୂତମୂର୍ଧଜାଃ। ମତ୍ତା ଇବ ମହାନାଗା ବିନଦନ୍ତୋ ମୁହୁର୍ମୁହୁଃ॥ 10-7-34 (64237) ସୁଭୀମା ଘୋରରୂପାଶ୍ଚ ଶୂଲପଟ୍ଟସପାଣଯଃ। ନାନାବିରାଗବସନାଶ୍ଚିତ୍ରମାଲ୍ଯାନୁଲେପନାଃ॥ 10-7-35 (64238) ରତ୍ନଚିତ୍ରାଙ୍ଗଦଧରାଃ ସମୁଦ୍ଯତକରାସ୍ତଥା। ହନ୍ତାରୋ ଦ୍ବିଷତାଂ ଶୂରାଃ ପ୍ରସହ୍ଯାସହ୍ଯବିକ୍ରମାଃ॥ 10-7-36 (64239) ପାତାରୋଽସୃଗ୍ବସାଜ୍ଯାନାଂ ମାଂସାନ୍ତ୍ରକୃତଭୋଜନାଃ। ଚୂଡାଲାଃ କର୍ଣିକାରାଶ୍ଚ ପ୍ରହୃଷ୍ଟାଃ ପିଠରୋଦରାଃ॥ 10-7-37 (64240) ଅତିହସ୍ବାତିଦୀର୍ଘାଶ୍ଚ ପ୍ରଲମ୍ବାଶ୍ଚାତିଭୈରବାଃ। ବିକଟାଃ କାଲଲଂବୋଷ୍ଠା ବୃହଚ୍ଛେଫାଣ୍ଡପିଣ୍ଡିକାଃ॥ 10-7-38 (64241) ମହାର୍ହନାନାବିକଟା ମୁଣ୍ଡାଶ୍ଚ ଜଟିଲାଃ ପରେ। ସାର୍କେନ୍ଦୁଗ୍ରହନକ୍ଷତ୍ରାଂ ଦ୍ଯାଂ କୁର୍ଯୁସ୍ତେ ମହୀତଲେ॥ 10-7-39 (64242) ଉତ୍ସହେରଂଶ୍ଚ ଯେ ହନ୍ତୁଂ ଭୂତଗ୍ରାମଂ ଚତୁର୍ବିଧମ୍। ଯେ ଚ ବୀତଭଯା ନିତ୍ଯଂ ହରସ୍ଯ ଭ୍ରୁକୁଟୀସହାଃ॥ 10-7-40 (64243) କାମକାରକରା ନିତ୍ଯଂ ତ୍ରୈଲୋକ୍ଯସ୍ଯେଶ୍ବରେଶ୍ବରାଃ। ନିତ୍ଯାନନ୍ଦପ୍ରମୁଦିତା ବାଗୀଶା ବୀତମତ୍ସରାଃ॥ 10-7-41 (64244) ପ୍ରାପ୍ଯାଷ୍ଟଗୁଣମୈଶ୍ବର୍ଯଂ ଯେ ନ ଯାସ୍ଯନ୍ତି ବୈ ସ୍ମଯମ୍। ଯେଷାଂ ବିସ୍ମଯତେ ନିତ୍ଯଂ ଭଗବାନ୍କର୍ମଭିର୍ହରଃ॥ 10-7-42 (64245) ମନୋବାକ୍କର୍ମଭିର୍ଯୁକ୍ତୈର୍ନିତ୍ଯମାରାଧିତଶ୍ଚ ଯୈଃ। ମନୋବାକ୍କର୍ମଭିର୍ଭକ୍ତାନ୍ପାତି ପୁତ୍ରାନିବୌରସାନ୍॥ 10-7-43 (64246) ପିବନ୍ତୋଽସୃଗ୍ବସାଶ୍ଚାନ୍ଯେ କ୍ରୁଦ୍ଧା ବ୍ରହ୍ମଦ୍ବିଷାଂ ସଦା। ଚତୁର୍ବିଧାତ୍ମକଂ ସୋମଂ ଯେ ପିବନ୍ତି ଚ ସର୍ବଦା॥ 10-7-44 (64247) ଶ୍ରୁତେନ ବ୍ରହ୍ମଚର୍ଯେଣ ତପସା ଚ ଦମେନ ଚ। ଯେ ସମାରାଧ୍ଯ ଶୂଲାଙ୍କଂ ଭବସାଯୁଜ୍ଯମାଗତାଃ॥ 10-7-45 (64248) ଯୈରାତ୍ମଭୂତୈର୍ଭଗବାନ୍ପାର୍ବତ୍ଯା ଚ ମହେଶ୍ବରଃ। ମହାଭୂତଗଣୈର୍ଭୁଙ୍କ୍ତେ ଭୂତଭବ୍ଯଭବତ୍ପ୍ରଭୁଃ॥ 10-7-46 (64249) ନାନାବାଦିତ୍ରହସିତକ୍ଷ୍ବେଡିତୋତ୍କୃଷ୍ଟଗର୍ଜିତୈଃ। ସନ୍ତ୍ରାସଯନ୍ତସ୍ତେ ବିଶ୍ବମଶ୍ବତ୍ଥାମାନମଭ୍ଯଯୁଃ॥ 10-7-47 (64250) ସଂସ୍ତୁବନ୍ତୋ ମହାଦେବଂ ଭାଃ କୁର୍ବାଣାଃ ସୁବର୍ଚସଃ। ବିବର୍ଧଯିଷବୋ ଦ୍ରୌଣେର୍ମହିମାନଂ ମହାତ୍ମନଃ॥ 10-7-48 (64251) ଜିଜ୍ଞାସମାନାସ୍ତତ୍ତେଜଃ ସୌପ୍ତିକଂ ଚ ଦିଦୃକ୍ଷବଃ। ଭୀମୋଗ୍ରପରିଘାଲାତଶୂଲପଟ୍ଟସପାଣଯଃ। ଘୋରରୂପାଃ ସମାଜଗ୍ମୁର୍ଭୂତସଙ୍ଘାଃ ସହସ୍ରଶଃ॥ 10-7-49 (64252) ଜନଯେଯୁର୍ଭଯଂ ଯେ ସ୍ମ ତ୍ରୈଲୋକ୍ଯସ୍ଯାପି ଦର୍ଶନାତ୍। ନ ଚ ତାନ୍ପ୍ରେକ୍ଷମାଣୋଽପି ବ୍ଯଥାମୁପଜଗାମ ହ॥ 10-7-50 (64253) ଅଥ ଦ୍ରୌଣିର୍ଧନୁଷ୍ପାଣିର୍ବଦ୍ଧଗୋଧାଙ୍ଗୁଲିତ୍ରବାନ୍। ସ୍ବଯମେବାତ୍ମନାତ୍ମାନମୁପହାରମୁପାହରତ୍॥ 10-7-51 (64254) ଧନୂଂଷି ସମିଧସ୍ତତ୍ର ପବିତ୍ରାଣି ସିତାଃ ଶରାଃ। ହବିରାତ୍ମବତଶ୍ଚାତ୍ମା ତସ୍ମିନ୍ଭାରତ କର୍ମଣି॥ 10-7-52 (64255) ତତଃ ସୌମ୍ଯେନ ମନ୍ତ୍ରେଣ ଦ୍ରୋଣପୁତ୍ରଃ ପ୍ରତାପବାନ୍। ଉପହାରଂ ମହାମନ୍ଯୁରଥାତ୍ମାନମୁପାହରତ୍॥ 10-7-53 (64256) ତଂ ରୁଦ୍ରଂ ରୌଦ୍ରକର୍ମାଣଂ ରୌଦ୍ରୈଃ କର୍ମଭିରଚ୍ଯୁତମ୍। ଅଭିଷ୍ଟୁତ୍ଯ ମହାତ୍ମାନମିତ୍ଯୁବାଚ କୃତାଞ୍ଜଲିଃ॥ 10-7-54 (64257) ଦ୍ରୌଣିରୁବାଚ। 10-7-55x (5274) ଇମମାତ୍ମାନମଦ୍ଯାହଂ ଜାତମାଙ୍ଗିରସେ କୁଲେ। ସ୍ବଗ୍ନୌ ଜୁହୋମି ଭଗବନ୍ପ୍ରତିଗୃହ୍ଣୀଷ୍ବ ମାଂ ବଲିମ୍॥ 10-7-55 (64258) ଭବଦ୍ଭକ୍ତ୍ଯା ମହାଦେବ ପସ୍ମେଣ ସମାଧିନା। ଅସ୍ଯାମାପଦି ବିଶ୍ବାତ୍ମନ୍ନୁପାକୁର୍ମୀ ତବାଗ୍ରତଃ॥ 10-7-56 (64259) ତ୍ବଯି ସର୍ବାଣି ଭୂତାନି ସର୍ବଭୂତେଷୁ ଚାସି ବୈ। ଗୁଣାନାଂ ହି ପ୍ରଧାନାନାଂ କୈବଲ୍ଯଂ ତ୍ବଯି ତିଷ୍ଠତି॥ 10-7-57 (64260) ସର୍ବଭୂତାଶ୍ରଯ ବିଭୋ ହବିର୍ଭୂତମବସ୍ଥିତମ୍। ପ୍ରତିଗୃହାଣ ମାଂ ଦେବ ଯଦ୍ଯଶକ୍ଯାଃ ପରେ ମଯା॥ 10-7-58 (64261) ଇତ୍ଯୁକ୍ତ୍ବା ଦ୍ରୌଣିରାସ୍ଥାଯ ତାଂ ଦେବୀଂ ଦୀପ୍ତପାବକାମ୍। ସନ୍ତ୍ଯଜ୍ଯାତ୍ମାନମାରୁହ୍ଯ କୃଷ୍ଣବର୍ତ୍ମନ୍ଯୁପାବିଶତ୍॥ 10-7-59 (64262) ତମୂର୍ଧ୍ବବାହୁଂ ନିଶ୍ଚେଷ୍ଟଂ ଦୃଷ୍ଟ୍ବା ହବିରୁପସ୍ଥିତମ୍। ଅବ୍ରବୀଦ୍ଭଗବାନ୍ସାକ୍ଷାନ୍ମହାଦେବୋ ହସନ୍ନିବ॥ 10-7-60 (64263) ସତ୍ଯଶୌଚାର୍ଜବତ୍ଯାଗୈସ୍ତପସା ନିଯମେନ ଚ। କ୍ଷାନ୍ତ୍ଯା ଭକ୍ତ୍ଯା ଚ ଧୃତ୍ଯା ଚ କର୍ମଣା ମନସା ଗିରା॥ 10-7-61 (64264) ଯଥାବଦହମାରାଦ୍ବଃ କୃଷ୍ଣେନାକ୍ଲିଷ୍ଟକର୍ମଣା। ତସ୍ମାଦିଷ୍ଟତମଃ କୃଷ୍ଣାଦନ୍ଯୋ ମମ ନ ବିଦ୍ଯତେ॥ 10-7-62 (64265) କୁର୍ବତା ତାତ ସମ୍ମାନଂ ତ୍ବାଂ ଚ ଜିଜ୍ଞାସତା ମଯା। ପାଞ୍ଚାଲାଃ ସର୍ବଦା ଗୁପ୍ତା ମାଯାଶ୍ଚ ବହୁଶଃ କୃତାଃ॥ 10-7-63 (64266) କୃତସ୍ତସ୍ଯୈବ ସମ୍ମାନଂ ପାଞ୍ଚାଲାନ୍ରକ୍ଷତା ମଯା। ଅଭିଭୂତାସ୍ତୁ କାଲେନ ନୈଷାମଦ୍ଯାସ୍ତି ଜୀବିତମ୍॥ 10-7-64 (64267) ଏବମୁକ୍ତ୍ବା ମହାତ୍ମାନଂ ଭଗବାନାତ୍ମନସ୍ତନୁମ୍। ଆବିବେଶ ଦଦୌ ଚାସ୍ମୈ ବିମଲଂ ଖଙ୍ଗମୁତ୍ତମମ୍॥ 10-7-65 (64268) ଅଥାବିଷ୍ଟୋ ଭଗବତା ଭୂଯୋ ଜଜ୍ବାଲ ତେଜସା। ବେଗବାଂଶ୍ଚାଭବଦ୍ଯୁଦ୍ଧେ ଦେବସୃଷ୍ଟେନ ତେଜସା॥ 10-7-66 (64269) ତଂ ଦୃଷ୍ଟ୍ବା ତାନି ଭୂତାନି ରକ୍ଷାଂସି ଚ ସମାଦ୍ରବନ୍। ଅଭିତଃ ଶିବିରଂ ଯାନ୍ତଂ ଦ୍ରୋଣପୁତ୍ରଂ ମହାରଥମ୍। ଦେବଦେବଂ ହରଂ ସ୍ଥାଉଂ ଯାନ୍ତଂ ସାକ୍ଷାଦିବେଶ୍ବରମ୍॥ ॥ 10-7-67 (64270) ଇତି ଶ୍ରୀମନ୍ମହାଭାରତେ ସୌପ୍ତିକପର୍ବଣି ସପ୍ତମୋଽଧ୍ଯାଯଃ॥ 7 ॥

10-8-0 (64271) ଧୃତରାଷ୍ଟ୍ର ଉବାଚ। 10-8-0x (5275) ତଥା ପ୍ରଯାତେ ଶିବିରଂ ଦ୍ରୋଣପୁତ୍ରେ ମହାରଥେ। କଚ୍ଚିତ୍କୃପଶ୍ଚ ଭୋଜଶ୍ଚ ଭଯାର୍ତୌ ନ ବ୍ଯବର୍ତତାମ୍॥ 10-8-1 (64272) କଚ୍ଚିନ୍ନ ବାରିତୌ କ୍ଷୁଦ୍ରୌ ରକ୍ଷିଭିର୍ନୋପଲକ୍ଷିତୌ। ଅସହ୍ଯମିତି ମନ୍ବାନୌ ନ ନିବୃତ୍ତୌ ମହାରଥୌ॥ 10-8-2 (64273) କଚ୍ଚିଦୁନ୍ମଥ୍ଯ ଶିବିରଂ ହତ୍ବା ସୋମକପାଣ୍ଡବାନ୍। `କୃତା ପ୍ରତିଜ୍ଞା ସଫଲା କଚ୍ଚିତ୍ସଞ୍ଜଯ ସା ନିଶି'॥ 10-8-3 (64274) ଦୁର୍ଯୋଧନସ୍ଯ ପଦବୀଂ କଚ୍ଚିତ୍ପରମିକାଂ ରଣେ। `ଗତ୍ବାତିଷ୍ଠଦସୌ ଦ୍ରୌଣିଃ କୃତ୍ବା କର୍ମ ସୁଦୁଷ୍କରମ୍॥ 10-8-4 (64275) ଧୃଷ୍ଟଦ୍ଯୁମ୍ନଶିଖଣ୍ଡିଭ୍ଯାଂ ଦ୍ରୌପଦ୍ଯାଶ୍ଚ ସୁତୈଃ କିଲ। ସଞ୍ଛନ୍ନା ମେଦିନୀ ସୁପ୍ତୈର୍ନିହତୈଃ ପାଣ୍ଡୁସୈନିକୈଃ॥ 10-8-5 (64276) ପାଞ୍ଚାଲୈର୍ବା ବିନିହତୈଃ ଶଯାନୈ ରୁଧିରୋକ୍ଷିତୈଃ। କଚ୍ଚିନ୍ମହୀତଲଂ ଛନ୍ନଂ ତନ୍ମମାଚକ୍ଷ୍ବ ସଞ୍ଜଯ'॥ 10-8-6 (64277) [ପାଞ୍ଚାଲୈର୍ନିହତୌ ବୀରୌ କଚ୍ଚିତ୍ତୁ ସ୍ବପତାଂ କ୍ଷିତୌ। କଚ୍ଚିତ୍ତାଭ୍ଯାଂ କୃତଂ କର୍ମ ତନ୍ମମାଚକ୍ଷ୍ବ ସଞ୍ଜଯ॥] 10-8-7 (64278) ସଞ୍ଜଯ ଉବାଚ। 10-8-8x (5276) ତସ୍ମିନ୍ପ୍ରଯାତେ ଶିବିରଂ ଦ୍ରୋଣପୁତ୍ରେ ମହାତ୍ମନି। କୃପଶ୍ଚ କୃତବର୍ମା ଚ ଦ୍ରୌଣିମେବାଭ୍ଯବର୍ତତାମ୍॥ 10-8-8 (64279) ଅଶ୍ବତ୍ଥାମା ତୁ ତୌ ଦୃଷ୍ଟ୍ବା ଯତ୍ନବନ୍ତୌ ମହାରଥୌ। ପ୍ରହୃଷ୍ଟଃ ଶନକୈ ରାଜନ୍ନିଦଂ ବଚନମବ୍ରବୀତ୍॥ 10-8-9 (64280) ଯତ୍ତୌ ଭବନ୍ତୌ ପର୍ଯାପ୍ତୌ ସର୍ବକ୍ଷତ୍ରସ୍ଯ ନାଶନେ। କିମ୍ପୁନର୍ଯୋଧଶେଷସ୍ଯ ପ୍ରସୁପ୍ତସ୍ଯ ବିଶେଷତଃ॥ 10-8-10 (64281) ଅହଂ ପ୍ରବେକ୍ଷ୍ଯେ ଶିବିରଂ ଚରିଷ୍ଯାମି ଚ କାଲବତ୍। ଯଥା ନ କଶ୍ଚିଦପି ବାଂ ଜୀବନ୍ମୁଚ୍ଯେତ ମାନବଃ। ତଥା ଭବଦ୍ଧ୍ଯାଂ କାର୍ଯଂ ସ୍ଯାଦିତି ମେ ନିଶ୍ଚିତା ମତିଃ॥ 10-8-11 (64282) ଇତ୍ଯୁକ୍ତ୍ବା ପ୍ରାବିଶଦ୍ଦ୍ରୌଣିଃ ପାର୍ଥାନାଂ ଶିବିରଂ ମହତ୍। ଅଦ୍ବାରେଣାଭ୍ଯବସ୍କନ୍ଦ୍ଯ ବିହାଯ ଭଯମାତ୍ମନଃ॥ 10-8-12 (64283) ସ ପ୍ରବିଶ୍ଯ ମହାବାହୁରୁଦ୍ଦେଶଜ୍ଞଶ୍ଚ ତସ୍ଯ ହ। `ଦ୍ରୌଣିଃ ପରମସଙ୍କ୍ରୁଦ୍ଧସ୍ତେଜସା ପ୍ରଜ୍ବଲନ୍ନିବ। ତତଃ ପର୍ଯଚରତ୍ସର୍ବଂ ସମ୍ପ୍ରସୁପ୍ତଂ ଜନଂ ନିଶି'॥ 10-8-13 (64284) ଧୃଷ୍ଟଦ୍ଯୁମ୍ନସ୍ଯ ନିଲଯଂ ଶନକୈରଭ୍ଯୁପାଗମତ୍॥ 10-8-14 (64285) ତେ ତୁ କୃତ୍ବା ମହତ୍କର୍ମ ଶ୍ରାନ୍ତାଶ୍ଚ ବଲବଦ୍ରଣେ। ପ୍ରସୁପ୍ତା ବୈ ସୁବିଶ୍ବସ୍ତାଃ ସ୍ବସୈନ୍ଯପରିବାରିତାଃ॥ 10-8-15 (64286) ଅଥ ପ୍ରବିଶ୍ଯ ତଦ୍ବେଶ୍ମ ଧୃଷ୍ଟଦ୍ଯୁମ୍ନସ୍ଯ ଭାରତ। ପାଞ୍ଚାଲ୍ଯଂ ଶଯନେ ଦ୍ରୌଣିରପଶ୍ଯତ୍ସୁପ୍ତମନ୍ତିକାତ୍॥ 10-8-16 (64287) କ୍ଷୌମାବଦାତେ ମହତି ସ୍ପର୍ଦ୍ବ୍ଯାସ୍ତରଣସଂବୃତେ। ମାଲ୍ଯପ୍ରବରସଂଯୁକ୍ତେ ଧୂପୈଶ୍ଚୂର୍ଣୈଶ୍ଚ ବାସିତେ॥ 10-8-17 (64288) ତଂ ଶଯାନଂ ମହାତ୍ମାନଂ ବିସ୍ରବ୍ଧମକୁତୋଭଯମ୍। ଅପୋଥଯତ ପାଦେନ ଶଯନସ୍ଥଂ ମହୀପତେ॥ 10-8-18 (64289) ସମ୍ବୁଧ୍ଯ ଚରଣସ୍ପର୍ଶାଦୁତ୍ଥାଯ ରଣଦୁର୍ମଦଃ। ଅଭ୍ଯଜାନାଦମେଯାତ୍ମା ଦ୍ରୋଣପୁତ୍ରଂ ମହାରଥମ୍॥ 10-8-19 (64290) ତମୁତ୍ପତନ୍ତଂ ଶଯନାଦଶ୍ବତ୍ଥାମା ମହାବଲଃ। କେଶେଷ୍ବାଲଭ୍ଯ ପାଣିଭ୍ଯାଂ ନିଷ୍ପିପେଷ ମହୀତଲେ॥ 10-8-20 (64291) ସ ବଲାତ୍ତେନ ନିଷ୍ପିଷ୍ଟଃ ସାଧ୍ବସେନ ଚ ଭାରତ। ଅଭ୍ଯାକ୍ରାନ୍ତଶ୍ଚ ନିଦ୍ରାନ୍ଧୋ ନାଶକଚ୍ଚେଷ୍ଟିତୁଂ ତଦା॥ 10-8-21 (64292) `ନିଷ୍ପିଷ୍ଯ ତୁ ତତୋ ଭୂମୌ ପାଞ୍ଚାଲ୍ଯଂ ଦ୍ରୌଣିରଞ୍ଜସା। ଧନୁଷୋ ଜ୍ଯାଂ ବିମୁଚ୍ଯାଶୁ କ୍ରୂରବୁଦ୍ଧିରମର୍ଷଣଃ॥ 10-8-22 (64293) ତସ୍ଯ କଣ୍ଠେଽଥ ବଦ୍ଧ୍ବା ତାଂ ତ୍ବରିତଃ କ୍ରୋଧମୂର୍ଚ୍ଛିତଃ।' ଦ୍ରୌଣିଃ କ୍ରୂରଂ ମନଃ କୃତ୍ବା ପାଞ୍ଚାଲ୍ଯମବଧୀତ୍ତଦା॥ 10-8-23 (64294) ତମାକ୍ରମ୍ଯ ପଦା ରାଜନ୍କଣ୍ଠେ ଚୋରସି ପାଦଯୋଃ। ତଦନ୍ତଂ ବିସ୍ଫୁରନ୍ତଂ ଚ ପଶୁମାରମମାରଯତ୍॥ 10-8-24 (64295) `ସ ବାର୍ଯମାଣସ୍ତରସା ବଲାଦ୍ବଲବତା ବଲୀ'। ତୁଦନ୍ନଖୈସ୍ତୁ ସ ଦ୍ରୌଣିଂ ନାତିବ୍ଯକ୍ତମୁଦାହରତ୍॥ 10-8-25 (64296) ଆଚାର୍ଯପୁତ୍ର ଶସ୍ତ୍ରେଣ ଜହି ମାଂ ମା ଚିରଂ କୃଥାଃ। ତ୍ବତ୍କୃତେ ସୁକୃତାଂ ଲୋକାନ୍ଗଚ୍ଛେଯଂ ଦ୍ବିପଦାଂବର॥ 10-8-26 (64297) ଏବମୁକ୍ତ୍ବା ତୁ ବଚନଂ ବିରରାମ ପରନ୍ତପଃ। ସୁତଃ ପାଞ୍ଚାଲରାଜସ୍ଯ ଆକ୍ରାନ୍ତୋ ବଲିନା ଭୃଶମ୍॥ 10-8-27 (64298) ତସ୍ଯାବ୍ଯକ୍ତାଂ ତୁ ତାଂ ବଚଂ ସଂଶ୍ରୁତ୍ଯ ଦ୍ରୌଣିରବ୍ରବୀତ୍। ଆଚାର୍ଯଘାତିନାଂ ଲୋକା ନ ସନ୍ତି କୁଲପାଂସନ। ତସ୍ମାଚ୍ଛସ୍ତ୍ରେଣ ନିଧନଂ ନ ତ୍ବମର୍ହସି ଦୁର୍ମତେ॥ 10-8-28 (64299) `ନୃଶଂସେନାତିବୃତ୍ତେନ ତ୍ବଯା ମେ ନିହତଃ ପିତା। ତସ୍ମାତ୍ତ୍ବମପି ବଧ୍ଯଶ୍ଚ ନୃଶଂସେନ ନୃଶଂସକୃତ୍॥' 10-8-29 (64300) ଏବଂ ବ୍ରୁବାଣସ୍ତଂ ବୀରଂ ସିଂହୋ ମତ୍ତମିବ ଦ୍ବିପମ୍। ମର୍ମସ୍ବଭ୍ଯବଧୀତ୍କ୍ରୁଦ୍ଧଃ ପାଦଘାତୈଃ ସୁଦାରୁଣୈଃ॥ 10-8-30 (64301) ତସ୍ଯ ବୀରସ୍ଯ ଶବ୍ଦେନ ମାର୍ଯମାଣସ୍ଯ ବେଶ୍ମନି। ଅବୁଧ୍ଯନ୍ତ ମହାରାଜ ସ୍ତ୍ରିଯୋ ଯେ ଚାସ୍ଯ ରକ୍ଷିଣଃ॥ 10-8-31 (64302) ତେ ଦୃଷ୍ଟ୍ବା ଧର୍ଷଯନ୍ତଂ ତମତିମାନୁଷବିକ୍ରମମ୍। ଭୂତମିତ୍ଯଧ୍ଯବସ୍ଯନ୍ତୋ ନ ସ୍ମ ପ୍ରବ୍ଯାହରନ୍ଭଯାତ୍॥ 10-8-32 (64303) ତଂ ତୁ ତେନାଭ୍ଯୁପାଯେନ ଗମଯିତ୍ବା ଯମକ୍ଷଯମ୍। ଅଧ୍ଯତିଷ୍ଠତ ତେଜସ୍ବୀ ରଥଂ ପ୍ରାପ୍ଯ ସୁଦର୍ଶନମ୍॥ 10-8-33 (64304) ସ ତସ୍ଯ ଭବନାଦ୍ରାଜନ୍ନିଷ୍କ୍ରମ୍ଯାନାଦଯନ୍ଦିଶଃ। ରଥେନ ଶିବିରଂ ପ୍ରାଯାଜ୍ଜିଘାଂସୁର୍ଦ୍ବିଷତୋ ବଲୀ॥ 10-8-34 (64305) ଅପକ୍ରାନ୍ତେ ତତସ୍ତସ୍ମିନ୍ଦ୍ରୋଣପୁତ୍ରେ ମହାରଥେ। ସହିତୈଃ ରକ୍ଷିଭିଃ ସର୍ବୈଃ ପ୍ରାଣେଦୁର୍ଯୋଷିତସ୍ତଦା॥ 10-8-35 (64306) ରାଜାନଂ ନିହତଂ ଦୃଷ୍ଟ୍ବା ଭୃଶଂ ଶୋକପରାଯଣାଃ। ବ୍ଯାକ୍ରୋଶନ୍କ୍ଷତ୍ରିଯାଃ ସର୍ବେ ଧୃଷ୍ଟଦ୍ଯୁମ୍ନସ୍ଯ ଭାରତ॥ 10-8-36 (64307) ତାସାଂ ତୁ ତେନ ଶବ୍ଦେନ ସମୀପେ କ୍ଷତ୍ରିଯର୍ଷଭାଃ। ସମ୍ଭ୍ରାନ୍ତାଃ ସମନହ୍ଯନ୍ତ କିମେତଦିତି ଚାବ୍ରୁବନ୍॥ 10-8-37 (64308) ସ୍ତ୍ରିଯସ୍ତୁ ରାଜନ୍ବିତ୍ରସ୍ତା ଭାରଦ୍ବାଜଂ ନିରୀକ୍ଷ୍ଯ ତାଃ। ଅବ୍ରୁନ୍ଦୀନକଣ୍ଠେନ କ୍ଷିପ୍ରମାଦ୍ରବତେତି ବୈ॥ 10-8-38 (64309) ରାକ୍ଷସୋ ବା ମନୁଷ୍ଯୋ ବା ନୈନଂ ଜାନୀମ କୋନ୍ବଯମ୍। ହତ୍ବା ପାଞ୍ଚାଲରାଜାନଂ ରଥମାରୁହ୍ଯ ତିଷ୍ଠତି॥ 10-8-39 (64310) ତତସ୍ତେ ଯୋଧମୁଖ୍ଯାସ୍ତଂ ସହସା ପର୍ଯବାରଯନ୍। ସ ତାନାପତତଃ ସର୍ବାନ୍ରୁଦ୍ରାସ୍ତ୍ରେଣ ବ୍ଯପୋଥଯତ୍॥ 10-8-40 (64311) ଧୃଷ୍ଟଦ୍ଯୁମ୍ନଂ ଚ ହତ୍ବା ସ ତାଂଶ୍ଚୈବାସ୍ଯ ପଦାନୁଗାନ୍। ଅପଶ୍ଯଚ୍ଛଯନେ ସୁପ୍ତମୁତ୍ତମୌଜସମନ୍ତିକେ॥ 10-8-41 (64312) ତମପ୍ଯାକ୍ରମ୍ଯ ପାଦେନ କଣ୍ଠେ ଚୋରସି ତେଜସା। ତଥୈବ ମାରଯାମାସ ବିନର୍ଦନ୍ତମରିନ୍ଦମମ୍॥ 10-8-42 (64313) ଯୁଧାମନ୍ଯୁଶ୍ଚ ବିକ୍ରାନ୍ତୋ ମତ୍ବା ତଂ ରାକ୍ଷସଂ ସ୍ମ ସଃ। ଗଦାମୁଦ୍ଯମ୍ଯ ବେଗେନ ହୃଦି ଦ୍ରୌଣିମତାଡଯତ୍॥ 10-8-43 (64314) `ଗଦାପ୍ରହାରାଭିହତୋ ନାଚଲଦ୍ଦ୍ରୌଣିରାହବେ'। ତମଭିଦ୍ରୁତ୍ଯ ବେଗେନ କ୍ଷିତୌ ଚୈନମପାତଯତ୍॥ 10-8-44 (64315) ବିସ୍ଫୁରନ୍ତଂ ଚ ପଶୁବତ୍ତଥୈବୈନମମାରଯତ୍। ତଥା ସ ବୀରୋ ହତ୍ବା ତଂ ତତୋଽନ୍ଯାନ୍ସମୁପାଦ୍ରବତ୍॥ 10-8-45 (64316) ସଂସୁପ୍ତାନେବ ରାଜେନ୍ଦ୍ର ତତ୍ର ତତ୍ର ମହାରଥାନ୍। ପାଞ୍ଚାଲବୀରାନାକ୍ରମ୍ଯ କ୍ରୁଦ୍ଧୋ ନ୍ଯହନଦନ୍ତିକେ। ସ୍ଫୁରତୋ ବେପମାନାଂଶ୍ଚ ଶମିତେବ ପଶୂନ୍ମଖେ॥ 10-8-46 (64317) ତତୋ ନିସ୍ତ୍ରିଂଶମାଦାଯ ଜଘାନାନ୍ଯାନ୍ପୃଥକ୍ପୃଥକ୍। ଭାଗଶୋ ବିଚରନ୍ମାର୍ଗାନସିଯୁଦ୍ବବିଶାରଦଃ॥ 10-8-47 (64318) ତଥୈବ ଗୁଲ୍ମେ ସମ୍ପ୍ରେକ୍ଷ୍ଯ ଶଯାନାନ୍ମଧ୍ଯଗୌଲ୍ମିକାନ୍। ଶ୍ରାନ୍ତାନ୍ବ୍ଯସ୍ତାଯୁଧାନ୍ସର୍ବାନସିନୈବ ବ୍ଯପୋଥଯତ୍॥ 10-8-48 (64319) ଯୋଧାନଶ୍ବାନ୍ଦ୍ବିପାଂଶ୍ଚୈବ ପ୍ରାଚ୍ଛିନତ୍ସ ବରାସିନା। ରୁଧିରୋକ୍ଷିତସର୍ବାଙ୍ଗଃ କାଲସୃଷ୍ଟ ଇବାନ୍ତକଃ॥ 10-8-49 (64320) ବିସ୍ଫୁରଦ୍ଭିଶ୍ଚ ତୈର୍ଦ୍ରୌଣିର୍ନିସ୍ତ୍ରିଂଶସ୍ଯୋଦ୍ଯମେନ ଚ। ଅବକ୍ଷେପେଣ ଚୈବାସେସ୍ତ୍ରିଧା ରକ୍ତୋକ୍ଷିତୋଽଭବତ୍॥ 10-8-50 (64321) ତସ୍ଯ ଲୋହିତରକ୍ତସ୍ଯ ଦୀପ୍ତଖଙ୍ଗସ୍ଯ ଯୁଧ୍ଯତଃ। ଅମାନୁଷ ଇବାକାରୋ ବଭୌ ପରମଭୀଷଣଃ॥ 10-8-51 (64322) ଯେ ତ୍ବଜାଗ୍ରନ୍ତ କୌରବ୍ଯ ତେଽପି ଶବ୍ଦେନ ମୋହିତାଃ। ବୀକ୍ଷମାଣାସ୍ତୁ ତେ ତତ୍ର ଦ୍ରୌଣିଂ ଦୃଷ୍ଟ୍ବା ପ୍ରବିବ୍ଯଥୁଃ॥ 10-8-52 (64323) ତଦ୍ରୂପଂ ତସ୍ଯ ତେ ଦୃଷ୍ଟ୍ବା କ୍ଷତ୍ରିଯାଃ ଶତ୍ରୁକର୍ଶନମ୍। ରାକ୍ଷସଂ ମନ୍ଯମାନାସ୍ତଂ ନଯନାନି ନ୍ଯମୀଲଯନ୍॥ 10-8-53 (64324) ସ ଘୋରରୂପୋ ବ୍ଯଚରତ୍କାଲବଚ୍ଛିବିରେ ତଦା। ଅପଶ୍ଯଦ୍ଦ୍ରୌପଦୀପୁତ୍ରାନବଶିଷ୍ଟାଂଶ୍ଚ ସୋମକାନ୍॥ 10-8-54 (64325) ତେନ ଶବ୍ଦେନ ବିତ୍ରସ୍ତା ଧନୁର୍ହସ୍ତା ମହାରଥାଃ। ଧୃଷ୍ଟଦ୍ଯୁମ୍ନଂ ହତଂ ଶ୍ରୁତ୍ବା ଦ୍ରୌପଦେଯା ବିଶାମ୍ପତେ। ଅବାକିରଞ୍ଶରବ୍ରାତୈର୍ଭାରଦ୍ବାଜମଭୀତବତ୍॥ 10-8-55 (64326) ତତସ୍ତେନ ନିନାଦେନ ସମ୍ପ୍ରବୁଦ୍ଧାଃ ପ୍ରଭଦ୍ରକାଃ। ଶିଲୀମୁଖୈଃ ଶିଖଣ୍ଡୀ ଚ ଦ୍ରୋଣପୁତ୍ରଂ ସମାର୍ଦଯନ୍॥ 10-8-56 (64327) ଭାରଦ୍ବାଜଃ ସ ତାନ୍ଦୃଷ୍ଟ୍ବା ଶରବର୍ଷାଣି ବର୍ଷତଃ। ନନାଦ ବଲବନ୍ନାଦଂ ଜିଘାଂସୁସ୍ତାନ୍ମହାରଥାନ୍॥ 10-8-57 (64328) ତତଃ ପରମସଙ୍କ୍ରୁଦ୍ଧଃ ପିତୁର୍ବଧମନୁସ୍ମରନ୍। ଅବରୁହ୍ଯ ରଥୋପସ୍ଥାତ୍ତ୍ବରମାଣୋଽଭିଦୁଦ୍ରୁବେ॥ 10-8-58 (64329) ସହସ୍ରଚନ୍ଦ୍ରବିମଲଂ ଗୃହୀତ୍ବା ଚର୍ମ ସଂଯୁଗେ। ଖଙ୍ଗଂ ଚ ବିମଲଂ ଦିବ୍ଯଂ ଜାତରୂପପରିଷ୍କୃତମ୍। ଦ୍ରୌପଦେଯାନଭିଦ୍ରୁତ୍ଯ ଖଙ୍ଗେନ ବ୍ଯଧମଦ୍ବଲୀ॥ 10-8-59 (64330) ତତଃ ସ ନରଶାର୍ଦୂଲଃ ପ୍ରତିବିନ୍ଧ୍ଯଂ ମହାହବେ। କୁକ୍ଷିଦେଶେଽବଧୀଦ୍ରାଜନ୍ସ ହତୋ ନ୍ଯପତଦ୍ଭୁବି॥ 10-8-60 (64331) ପ୍ରାସେନ ବିଦ୍ଧ୍ବା ଦ୍ରୌଣିଂ ତୁ ସୁତସୋମଃ ପ୍ରତାପବାନ୍। ପୁନଶ୍ଚାସିଂ ସମୁଦ୍ଯମ୍ଯ ଦ୍ରୋଣପୁତ୍ରମୁପାଦ୍ରବତ୍॥ 10-8-61 (64332) ସୁତସୋମସ୍ଯ ସାସିଂ ତଂ ବାହୁଂ ଛିତ୍ତ୍ବା ନରର୍ଷଭ। ପୁନରପ୍ଯାହନତ୍ପାର୍ଶ୍ବେ ସ ଭିନ୍ନହୃଦଯୋଽପତତ୍॥ 10-8-62 (64333) ନାକୁଲିସ୍ତୁ ଶତାନୀକୋ ରଥଚକ୍ରେଣ ବୀର୍ଯବାନ୍। ଦୋର୍ଭ୍ଯାମୁତ୍କ୍ଷିପ୍ଯ ବେଗେନ ବକ୍ଷସ୍ଯେନମତାଡଯତ୍॥ 10-8-63 (64334) ଅତାଡଯଚ୍ଛତାନୀକଂ ମୁକ୍ତଚକ୍ରଂ ଦ୍ବିଜସ୍ତୁ ସଃ। ସ ବିହ୍ବଲୋ ଯଯୌ ଭୂମିଂ ତତୋଽସ୍ଯାପାହରଚ୍ଛିରଃ॥ 10-8-64 (64335) ଶ୍ରୁତକର୍ମା ତୁ ପରିଘଂ ଘୋରଂ ଗୃହ୍ଯ ଦୁରାସଦମ୍। ଅତାଡଯତ୍ସମୁଦ୍ଯମ୍ଯ ବେଗେନ ଦ୍ରୌଣିମୁତ୍ସ୍ମଯନ୍॥ 10-8-65 (64336) ସ ତୁ ତଂ ଶ୍ରୁତକର୍ମାଣମାସ୍ଯେ ଜଘ୍ନେ ବରାସିନା। ସ ହତୋ ନ୍ଯପତଦ୍ଭୂମୌ ବିମୂର୍ଧା ବିକୃତାନନଃ॥ 10-8-66 (64337) ତେନ ଶବ୍ଦେନ ବୀରସ୍ତୁ ଶ୍ରୁତକୀର୍ତିରବୁଧ୍ଯତ। ଅଶ୍ବତ୍ଥାମାନମାସାଦ୍ଯ ଶରବର୍ଷୈରବାକିରତ୍॥ 10-8-67 (64338) `ଶରୈରାଚ୍ଛାଦିତସ୍ତେନ ଦ୍ରୋଣପୁତ୍ରୋ ମହାରଥଃ। ଅଦୃଶ୍ଯତ ମହାରାଜ ଶ୍ବାବିଚ୍ଛଲଲତୋ ଯଥା॥' 10-8-68 (64339) ତସ୍ଯାପି ଶରବର୍ଷାଣି ଚର୍ମଣା ପ୍ରତିବାର୍ଯ ସଃ। ସକୁଣ୍ଡଲଂ ଶିରଃ କାଯାଦ୍ବାଜମାନମପାହରତ୍॥ 10-8-69 (64340) ତତୋ ଭୀଷ୍ମନିହନ୍ତାରଂ ସହ ସର୍ବୈଃ ପ୍ରଭଦ୍ରକୈଃ। ଆହନତ୍ସର୍ବତୋ ବୀରଂ ନାନାପ୍ରହରଣୈର୍ବଲାତ୍॥ 10-8-70 (64341) ଶିଲୀମୁଖେନ ଚାପ୍ଯେନଂ ଭ୍ରୁବୋର୍ମଧ୍ଯେ ସମାର୍ପଯତ୍॥ 10-8-71 (64342) ସ ତୁ କ୍ରୋଧସମାବିଷ୍ଟୋ ଦ୍ରୋଣପୁତ୍ରୋ ମହାବଲଃ। ଶିଖଣ୍ଡିନଂ ସମାସାଦ୍ଯ ଦ୍ବିଧା ଚିଚ୍ଛେଦ ସୋସିନା॥ 10-8-72 (64343) ଶିଖଣ଼୍ଡିନଂ ତତୋ ହତ୍ବା କ୍ରୋଧାବିଷ୍ଟଃ ପରନ୍ତପଃ। ପ୍ରଭଦ୍ରକଗଣାନ୍ସର୍ବାନଭିଦୁଦ୍ରାବ ବେଗବାନ୍॥ 10-8-73 (64344) ଯଚ୍ଚ ଶିଷ୍ଟଂ ବିରାଟସ୍ଯ ବଲଂ ତୁ ଭୃଶମାଦ୍ରବତ୍। ଦ୍ରୁପଦସ୍ଯ ଚ ପୁତ୍ରାଣାଂ ପୌତ୍ରାଣାଂ ସୁହୃଦାମପି। ଚକାର କଦନଂ ଘୋରଂ ଦୃଷ୍ଟ୍ବା ତତ୍ର ମହାବଲଃ॥ 10-8-74 (64345) ଅନ୍ଯାନନ୍ଯାଂଶ୍ଚ ପୁରୁଷାନଭିସୃତ୍ଯାଭିସୃତ୍ଯ ଚ। ନ୍ଯକୃନ୍ତଦସିନା ଦ୍ରୌଣିରସିମାର୍ଗବିଶାରଦଃ॥ 10-8-75 (64346) କାଲୀଂ ରକ୍ତାସ୍ଯନଯନାଂ ରକ୍ତମାଲ୍ଯାନୁଲେପନାମ୍। ରକ୍ତାମ୍ବରଧରାଂ ଘୋରାଂ ପାଶହସ୍ତାଂ କୁଟୁମ୍ବିନୀମ୍॥ 10-8-76 (64347) ଦଦୃଶୁଃ କାଲରାତ୍ରିଂ ତେ ସ୍ମଯମାନାମିବ ସ୍ଥିତାମ୍। ନରାଶ୍ବକୁଞ୍ଜରାନ୍ପାଶୈର୍ବଦ୍ଧା ଘୋରୈଃ ପ୍ରତସ୍ଥୁଷୀମ୍॥ 10-8-77 (64348) ବହନ୍ତୀଂ ବିବିଧାନ୍ପ୍ରେତାନ୍ପାଶବଦ୍ବାନ୍ବିମୂର୍ଧଜାନ୍। ତଥୈବ ଚ ସଦା ରାଜନ୍ନ୍ଯସ୍ତଶସ୍ତ୍ରାନ୍ମହାରଥାନ୍॥ 10-8-78 (64349) ସ୍ବପ୍ନେ ସୁପ୍ତାନ୍ନଯନ୍ତୀଂ ତାଂ ରାତ୍ରିଷ୍ବନ୍ଯାସୁ ମାରିଷ। ଦଦୃଶୁର୍ଯୋଧମୁଖ୍ଯାସ୍ତେ ଘ୍ନନ୍ତଂ ଦ୍ରୌଣିଂ ଚ ନିତ୍ଯଦା॥ 10-8-79 (64350) ଯତଃ ପ୍ରଭୃତି ସଙ୍ଗ୍ରାମଃ କୁରୁପାଣ୍ଡବସେନଯୋଃ। ତତଃ ପ୍ରଭୃତି ତାଂ କନ୍ଯାମପଶ୍ଯନ୍ଦ୍ରୌଣିମେବ ଚ॥ 10-8-80 (64351) ତାଂସ୍ତୁ ଦୈବହତାନ୍ପୂର୍ବଂ ପଶ୍ଚାଦ୍ଦ୍ରୌଣିର୍ବ୍ଯପାତଯତ୍। ତ୍ରାସଯନ୍ସର୍ବଭୂତାନି ବିନଦନ୍ଭୈରବାନ୍ରବାନ୍॥ 10-8-81 (64352) ତଦନୁସ୍ମୃତ୍ଯ ତେ ବୀରା ଦର୍ଶନଂ ପୂର୍ବକାଲିକମ୍। ଇଦଂ ତଦିତ୍ଯମନ୍ଯନ୍ତ ଦୈବେନୋପନିପୀଡିତାଃ॥ 10-8-82 (64353) ତତସ୍ତେନ ନିନାଦେନ ପ୍ରତ୍ଯବୁଧ୍ଯନ୍ତ ଧନ୍ବିନଃ। ଶିବିରେ ପାଣ୍ଡବେଯାନାଂ ଶତଶୋଽଥ ସହସ୍ରଶଃ॥ 10-8-83 (64354) ସୋଽଚ୍ଛିନତ୍କସ୍ଯଚିତ୍ପଦୌ ଜଘନଂ ଚୈବ କସ୍ଯଚିତ୍। କାଂଶ୍ଚିଦ୍ବିଭେଦପାର୍ଶ୍ବେଷୁ କାଲସୃଷ୍ଟ ଇବାନ୍ତକଃ॥ 10-8-84 (64355) ଅତ୍ଯୁଗ୍ରପ୍ରତିପିଷ୍ଟୈଶ୍ଚ ନଦଦ୍ଭିଶ୍ଚ ଭୃଶୋତ୍କଟୈଃ। ଗଜାଶ୍ବମଥିତୈଶ୍ଚାନ୍ଯୈର୍ମହୀ କୀର୍ଣାଽଭବତ୍ପ୍ରଭୋ॥ 10-8-85 (64356) କ୍ରୋଶତାଂ କିମିଦଂ କୋଽଯଂ କଃ ଶବ୍ଦଃ କିନ୍ନୁ କିଂ କୃତମ୍। ପାଞ୍ଚାଲାନାଂ ତଥା ଦ୍ରୌଣିରନ୍ତକଃ ସମପଦ୍ଯତ॥ 10-8-86 (64357) ଅପେତଶସ୍ତ୍ରସନ୍ନାହାନ୍ସନ୍ନଦ୍ବାନ୍ପାଣ୍ଡୁସୃଞ୍ଜଯାନ୍। ପ୍ରାହିଣୋନ୍ମୃତ୍ଯୁଲୋକାଯ ଦ୍ରୌଣିଃ ପ୍ରହରତାଂ ବରଃ॥ 10-8-87 (64358) ତତସ୍ତଚ୍ଛସ୍ତ୍ରବିତ୍ରସ୍ତା ଭଯାଦଭ୍ଯପତନ୍ନରାଃ। ନିଦ୍ରାନ୍ଧା ନଷ୍ଟସଂଜ୍ଞାଶ୍ଚ ତତ୍ରତତ୍ର ନିପେତିରେ॥ 10-8-88 (64359) ଊରୁସ୍ତମ୍ଭଗୃହୀତାଶ୍ଚ କଶ୍ମଲାଭିହତୌଜସଃ। ବିନଦନ୍ତୋ ଭୃଶଂ ତ୍ରସ୍ତା ନିରୈକ୍ଷନ୍ତ ପରସ୍ପରମ୍॥ 10-8-89 (64360) ତତୋ ରଥଂ ପୁନର୍ଦ୍ରୌଣିରାସ୍ଥିତୋ ଭୀମଦର୍ଶନଃ। ଧନୁଷ୍ପାଣିଃ ଶରୈରନ୍ଯାନ୍ପ୍ରୈଷଯଦ୍ବୈ ଯମକ୍ଷଯମ୍॥ 10-8-90 (64361) ପୁନରୁତ୍ପତତଶ୍ଚାପି ଦୂରାଦପି ନରୋତ୍ତମାନ୍। ଶୂରାନ୍ସମ୍ପତତଶ୍ଚାନ୍ଯାନ୍କାଲରାତ୍ର୍ଯୈ ନ୍ଯବେଦଯତ୍॥ 10-8-91 (64362) ତଥୈବ ସ୍ଯନ୍ଦନାଗ୍ରେଣ ପ୍ରମଥନ୍ସ ବ୍ଯରୋଚତ। ଶରବର୍ଷୈଶ୍ଚ ବିବିଧୈରବର୍ଷଚ୍ଛାତ୍ରବାଂସ୍ତତଃ॥ 10-8-92 (64363) ପୁନଶ୍ଚ ସୁବିଚିତ୍ରେଣ ଶତଚନ୍ଦ୍ରେଣ ଚର୍ମଣା। ତେନ ଚାକାଶବର୍ଣେନ ତଥାଚରତ ସୋଽସିନା॥ 10-8-93 (64364) ତଥା ସ ଶିବିରଂ ତେଷାଂ ଦ୍ରୌଣିରାହବଦୁର୍ମଦଃ। ବ୍ଯକ୍ଷୋଭଯତ ରାଜେନ୍ଦ୍ର ମହାହ୍ଦମିବ ଦ୍ବିପଃ॥ 10-8-94 (64365) ଉତ୍ପେତୁସ୍ତେନ ଶବ୍ଦେନ ଯୋଧା ରାଜନ୍ବିଚେତସଃ। ନିଦ୍ରାର୍ତାଶ୍ଚ ଭଯାର୍ତାଶ୍ଚ ବ୍ଯଧାବନ୍ତ ତତସ୍ତତଃ॥ 10-8-95 (64366) ବିସ୍ବରଂ ଚୁକ୍ରୁଶୁଶ୍ଚାନ୍ଯେ ବହ୍ବବଦ୍ବଂ ତଥାଽବଦନ୍। ନ ଚ ସ୍ମ ପ୍ରତ୍ଯପଦ୍ଯନ୍ତ ଶସ୍ତ୍ରାଣି ବସନାନି ଚ॥ 10-8-96 (64367) ବିମୁକ୍ତକେଶାଶ୍ଚାପ୍ଯନ୍ଯେ ନାଭ୍ଯଜାନନ୍ପରସ୍ପରମ୍। ଉତ୍ପତନ୍ତୋଽପତଞ୍ଶ୍ରାନ୍ତାଃ କେଚିତ୍ତତ୍ରାଭ୍ରମଂସ୍ତଦା। ପୁରୀଷମସୃଜନ୍କେଚିତ୍କେଚିନ୍ମୂତ୍ରଂ ପ୍ରସୁସ୍ରୁବୁଃ॥ 10-8-97 (64368) ବନ୍ଧନାନି ଚ ରାଜେନ୍ଦ୍ର ସଞ୍ଛିଦ୍ଯ ତୁରଗା ଦ୍ବିପାଃ। ସମଂ ପର୍ଯପତଂଶ୍ଚାନ୍ଯେ କୁର୍ବନ୍ତୋ ମହଦାକୁଲମ୍॥ 10-8-98 (64369) ତତ୍ର କେଚିନ୍ନରା ଭୀତା ବ୍ଯଲୀଯନ୍ତ ମହୀତଲେ। ତଥୈବ ତାନ୍ନିପତିତାନପିଂଷନ୍ଗଜବାଜିନଃ॥ 10-8-99 (64370) ତସ୍ମିଂସ୍ତଥା ବର୍ତମାନେ ରକ୍ଷାଂସି ପୁରୁଷର୍ଷଭ। ହୃଷ୍ଟାନି ବ୍ଯନଦନ୍ନୁଚ୍ଚୈର୍ମୁଦା ଯୁକ୍ତାନି ସତ୍ତମ॥ 10-8-100 (64371) ସ ଶବ୍ଦଃ ପ୍ରେରିତୋ ରାଜନ୍ଭୂତସଙ୍ଘୈର୍ମୁଦା ଯୁତୈଃ। ଅପୂରଯଦ୍ଦିଶଃ ସର୍ବା ଦିବଂ ଚାତିମହାନ୍ସ୍ବନଃ॥ 10-8-101 (64372) ତେଷାମାର୍ତରବଂ ଶ୍ରୁତ୍ବା ବିତ୍ରସ୍ତା ଗଜବାଜିନଃ। ମୁକ୍ତାଃ ପର୍ଯପତନ୍ରାଜନ୍ମୃଦ୍ଗନ୍ତଃ ଶିବିରେ ଜନମ୍॥ 10-8-102 (64373) ତୈସ୍ତତ୍ର ପରିଧାବଦ୍ଭିଶ୍ଚରଣୋଦୀରିତଂ ରଜଃ। ଅକରୋଚ୍ଛିବିରେ ତେଷାଂ ରଜନ୍ଯାଂ ଦ୍ବିଗୁଣଂ ତମଃ॥ 10-8-103 (64374) ତସ୍ମିଂସ୍ତମସି ସଞ୍ଜାତେ ପ୍ରମୂଢାଃ ସର୍ବତୋ ଜନାଃ। ନାଜାନନ୍ପିତରଃ ପୁତ୍ରାନ୍ଭ୍ରାତୄନ୍ଭ୍ରାତର ଏବ ଚ॥ 10-8-104 (64375) ଗଜୋ ରାଜାନତିକ୍ରମ୍ଯ ନିର୍ମନୁଷ୍ଯା ହଯା ହଯାନ୍। ଅତାଡଯଂସ୍ତଥାଽଭଞ୍ଜଂସ୍ତଥାଽମୃଦ୍ଗଂଶ୍ଚ ଭାରତ॥ 10-8-105 (64376) ତେ ଭଗ୍ନାଃ ପ୍ରପତନ୍ତି ସ୍ମ ମୃଦ୍ରନ୍ତଶ୍ଚ ପରସ୍ପରମ୍। ନ୍ଯପାତଯଂସ୍ତଥା ଚାନ୍ଯାନ୍ପାତଯିତ୍ବା ତଦାଽପିଷନ୍॥ 10-8-106 (64377) ବିଚେତସଃ ସନିଦ୍ରାଶ୍ଚ ତମସା ଚାବୃତା ନରାଃ। ଜଘ୍ରୁଃ ସ୍ବାନେବ ତତ୍ରାଥ କାଲେନୈବ ପ୍ରଚୋଦିତାଃ॥ 10-8-107 (64378) ତ୍ଯକ୍ତ୍ବାଦ୍ବାରାଣି ଚ ଦ୍ବାସ୍ଥାସ୍ତଥାଗୁଲ୍ମାନିଗୌଲ୍ମିକାଃ। ପ୍ରାଦ୍ରବନ୍ତ ଯଥାଶକ୍ତି କାଂଦିଶୀକା ବିଚେତସଃ॥ 10-8-108 (64379) ବିପ୍ରନଷ୍ଟାଶ୍ଚ ତେଽନ୍ଯୋନ୍ଯଂ ନାଜାନନ୍ତସ୍ତଥା ବିଭୋ। କ୍ରୋଶନ୍ତସ୍ତାତ ପୁତ୍ରେତି ଦୈବୋପହତଚେତସଃ॥ 10-8-109 (64380) ପଲାଯତାଂ ଦିଶସ୍ତେଷାଂ ସ୍ବାନପ୍ଯୁତ୍ସୃଜ୍ଯ ବାନ୍ଧବାନ୍। ଗୋତ୍ରନାମଭିରନ୍ଯୋନ୍ଯମାକ୍ରନ୍ଦନ୍ତ ତତୋ ଜନାଃ॥ 10-8-110 (64381) ହାହାକାରଂ ଚ କୁର୍ବାଣାଃ ପୃଥିବ୍ଯାଂ ଶେରତେ ପରେ। ତାନ୍ବୁଦ୍ଧା ରଣମଧ୍ଯେଽସୌ ଦ୍ରୋଣପୁତ୍ରୋ ବ୍ଯପୋଥଯତ୍॥ 10-8-111 (64382) ତତ୍ରାପରେ ବଧ୍ଯମାନା ମୁହୁର୍ମହୁରଚେତସଃ। ଶିବିରାନ୍ନିଷ୍ପତନ୍ତି ସ୍ମ କ୍ଷତ୍ରିଯା ଭଯପୀଡିତାଃ॥ 10-8-112 (64383) ତାଂସ୍ତୁ ନିଷ୍ପତିତାଂସ୍ତ୍ରସ୍ତାଞ୍ଶିବିରାଜ୍ଜୀବିତୈଷିଣଃ। କୃତବର୍ମା କୃପଶ୍ଚୈବ ଦ୍ବାରଦେଶେ ନିଜଘ୍ନତୁଃ॥ 10-8-113 (64384) ବିସସ୍ତଯନ୍ତ୍ରକବଚାନ୍ମୁକ୍ତକେଶାନ୍କୃତାଞ୍ଜଲୀନ୍। ବେପମାନାନ୍କ୍ଷିତୌ ଭୀତାନ୍ତ୍ରୈବ କାଂଶ୍ଚିଦମୁଚ୍ଯତାମ୍॥ 10-8-114 (64385) ନାମୁଚ୍ଯତ ତଯୋଃ କଶ୍ଚିନ୍ନିଷ୍କ୍ରାନ୍ତଃ ଶିବିରାଦ୍ବହିଃ॥ କୃପଶ୍ଚୈବ ମହାରାଜ ହାର୍ଦିକ୍ଯଶ୍ଚୈବ ଦୁର୍ମତିଃ। 10-8-115 (64386) ଭୂଯଶ୍ଚୈବ ଚିକୀର୍ଷନ୍ତୌ ଦ୍ରୌଣପୁତ୍ରସ୍ଯ ତୌ ପ୍ରିଯମ୍। ତ୍ରିଷୁ ଦେଶେଷୁ ଦଦତୁଃ ଶିବିରସ୍ଯ ହୁତାଶନମ୍॥ 10-8-116 (64387) ତତଃ ପ୍ରକାଶେ ଶିବିରେ ଖଙ୍ଗେନ ପିତୃନନ୍ଦନଃ। ଅଶ୍ବତ୍ଥାମା ମହାରାଜ ବ୍ଯଚରତ୍କୃତହସ୍ତବତ୍॥ 10-8-117 (64388) କାଂଶ୍ଚିଦାପତତୋ ବୀରାନପରାଂଶ୍ଚୈବ ଧାବତଃ। ବ୍ଯଯୋଜଯତ ଖଙ୍ଗେନ ପ୍ରାଣୈର୍ଦ୍ବିଜବରୋତ୍ତମଃ॥ 10-8-118 (64389) କାଂଶ୍ଚିଦ୍ଯୋଧାନ୍ସ ଖଙ୍ଗେନ ମଧ୍ଯେ ସଞ୍ଛିଦ୍ଯ ବୀର୍ଯବାନ୍। ଅଶାତଯଦ୍ଦ୍ରୋଣପୁତ୍ରଃ ସଂରବ୍ଧସ୍ତିଲକାଣ୍ଡବତ୍॥ 10-8-119 (64390) ନିନଦଦ୍ଭିର୍ଭୃଶାଯସ୍ତୈର୍ନରାଶ୍ବଦ୍ବିରଦୋତ୍ତମୈଃ। ପତିତୈରଭବତ୍କୀର୍ଣା ମେଦିନୀ ଭରତର୍ଷଭ॥ 10-8-120 (64391) ମାନୁଷାଣାଂ ସହସ୍ରେଷୁ ହତେଷୁ ପତିତେଷୁ ଚ। ଉଦତିଷ୍ଠନ୍କବନ୍ଧାନି ବହୂନ୍ଯୁତ୍ଥାଯ ଚାପତନ୍॥ 10-8-121 (64392) ସାଯୁଧାନ୍ସାଙ୍ଗଦାନ୍ବାହୂନ୍ବିଚକର୍ତ ଶିରାଂସି ଚ। ହସ୍ତିହସ୍ତୋପମାନୂରୂନ୍ହସ୍ତାନ୍ପାଦାଂଶ୍ଚ ଭାରତ॥ 10-8-122 (64393) ପୃଷ୍ଠଚ୍ଛିନ୍ନାନ୍ପାର୍ଶ୍ବଚ୍ଛିନ୍ନାଞ୍ଶିରଶ୍ଛିନ୍ନାଂସ୍ତଥାପରାନ୍। ସ ମହାତ୍ମାକରୋଦ୍ଦ୍ରୌଣିଃ କାଂଶ୍ଚିଚ୍ଚାପି ପରାଙ୍ମୁଖାନ୍॥ 10-8-123 (64394) ମଧ୍ଯଦେଶେ ନରାନନ୍ଯାଂଶ୍ଚିଚ୍ଛେଦାନ୍ଯାଂଶ୍ଚ କର୍ଣତଃ। ଅଂସଦେଶେ ନିହତ୍ଯାନ୍ଯାନ୍କାଯେ ପ୍ରାବେଶଯଚ୍ଛିରଃ॥ 10-8-124 (64395) ଏବଂ ହି ବହୁଭିଃ ଶସ୍ତ୍ରୈର୍ଘ୍ନତୋଽପି ବଲବତ୍ତରାନ୍। ତମସା ରଜନୀ ଘୋରା ବଭୌ ଦାରୁଣଦର୍ଶନା॥ 10-8-125 (64396) କିଞ୍ଚିତ୍ପ୍ରାଣୈଶ୍ଚ ପୁରୁଷୈର୍ହତୈଶ୍ଚାନ୍ଯୈଃ ସହସ୍ରଶଃ। ବହୁନା ଚ ଗଜାଶ୍ବେନ ଭୂତଭୂଦ୍ଭୀମଦର୍ଶନା॥ 10-8-126 (64397) ଯକ୍ଷରକ୍ଷଃସମାକୀର୍ଣେ ରଥାଶ୍ବଦ୍ବିପଦାରୁଣେ। କ୍ରୁଦ୍ଧେନ ଦ୍ରୋଣପୁତ୍ରେଣ ସଞ୍ଛିନ୍ନାଃ ପ୍ରାପତନ୍ଭୁବି। ଭ୍ରାତୄନନ୍ଯେ ପିତୄନନ୍ଯେ ପୁତ୍ରାନନ୍ଯେ ବିଚୁକ୍ରୁଶୁଃ॥ 10-8-127 (64398) କେଚିଦୂଚୁର୍ନ ତତ୍କ୍ରୁଦ୍ଧୈର୍ଧାର୍ତରାଷ୍ଟ୍ରୈଃ କୃତଂ ରଣେ। ଯତ୍କୃତଂ ନଃ ପ୍ରସୁପ୍ତାନାଂ ରକ୍ଷୋଭିଃ କ୍ରୂଗ୍କର୍ମଭିଃ। ଅସାନ୍ନିଧ୍ଯାଦ୍ବି ପାର୍ଥାନାମିଦଂ ବଃ କଦନଂ କୃତମ୍॥ 10-8-128 (64399) ନ ଚାସୁରୈର୍ନ ଗନ୍ଧର୍ବୈର୍ନ ଯକ୍ଷୈର୍ନ ଚ ରାକ୍ଷସୈଃ। ଶକ୍ଯୋ ବିଜେତୁଂ କୌନ୍ତେଯୋ ନେତା ଯସ୍ଯ ଜନାର୍ଦନଃ। ବ୍ରହ୍ମଣ୍ଯଃ ମତ୍ଯବାଗ୍ଦାନ୍ତଃ ସର୍ବଭୂତାନୁକମ୍ପକଃ॥ 10-8-129 (64400) ନ ଚ ସୁପ୍ତଂ ପ୍ରମତ୍ତଂ ବା ନ୍ଯସ୍ତଶସ୍ତ୍ରଂ କୃତାଞ୍ଜଲିମ୍। ଧାବନ୍ତଂ ମୁକ୍ତକେଶଂ ବା ହନ୍ତି ପାର୍ଥୋ ଧନଞ୍ଜଯଃ॥ 10-8-130 (64401) ତଦିଦଂ ନଃ କୃତଂ ଘୋରଂ ରକ୍ଷୋଭିଃ କ୍ରୂରକର୍ମଭିଃ। ଇତି ଲାଲପ୍ଯମାନାଃ ସ୍ମ ଶେରତେ ବହବୋ ଜନାଃ॥ 10-8-131 (64402) ସ୍ତନତାଂ ଚ ମନୁଷ୍ଯାଣାମପରେଷାଂ ଚ କୂଜତାମ୍। ତତୋ ମୁହୂର୍ତାତ୍ପ୍ରାଶାମ୍ଯତ୍ସ ଶବ୍ଦସ୍ତୁମୁଲୋ ମହାନ୍॥ 10-8-132 (64403) ଶୋଣିତବ୍ଯତିଷିକ୍ତାଯାଂ ବସୁଧାଯାଂ ଚ ଭୂମିପ। ତଦ୍ରଜସ୍ତୁମୁଲଂ ଘୋରଂ କ୍ଷଣେନାନ୍ତରଧୀଯତ॥ 10-8-133 (64404) ସ ଚେଷ୍ଟମାନାନୁଦ୍ବିଗ୍ନାନ୍ନିରୁତ୍ସାହାନ୍ସହସ୍ରଶଃ। ନ୍ଯପାତଯନ୍ନରାନ୍କ୍ରୁଦ୍ବଃ ପଶୂନ୍ପଶୁପତିର୍ଯଥା॥ 10-8-134 (64405) ଅନ୍ଯୋନ୍ଯଂ ସମ୍ପରିଷ୍ବଜ୍ଯ ଶଯାନାଞ୍ଜୀବତୋଽପରାନ୍। ସଂଲୀନାନ୍ଯୁଧ୍ଯମାନାଂଶ୍ଚ ସର୍ବାନ୍ଦ୍ରୌଣିରପୋଥଯତ୍॥ 10-8-135 (64406) ବ୍ରହ୍ମମାନା ହୁତାଶେନ ବଧ୍ଯମାନାଶ୍ଚ ତେନ ତେ। ପରସ୍ପରଂ ତଦା ଯୋଧାନନଯଦ୍ଯମସାଦନମ୍॥ 10-8-136 (64407) ତସ୍ଯା ରଜନ୍ଯାସ୍ତ୍ବର୍ଧେନ ପାଣ୍ଡବାନାଂ ମହଦ୍ବଲମ୍। ଗମଯାମାସ ରାଜେନ୍ଦ୍ର ଦ୍ରୌଣିର୍ଯମନିବେଶନମ୍॥ 10-8-137 (64408) ନିଶାଚରାଣାଂ ସତ୍ବାନାଂ ରାତ୍ରିଃ ସା ହର୍ଷବର୍ଧିନୀ। ଆସୀନ୍ନରଗଜାଶ୍ବାନାଂ ରୌଦ୍ରୀ କ୍ଷଯକରୀ ଭୃଶମ୍॥ 10-8-138 (64409) ତତ୍ରାଦୃଶ୍ଯନ୍ତ ରକ୍ଷାଂସି ପିଶାଚାଶ୍ଚ ପୃଥଗ୍ବିଧାଃ। ଖାଦନ୍ତୋ ନରମାଂସାନି ପିବନ୍ତଃ ଶୋଣିତାନି ଚ॥ 10-8-139 (64410) କରାଲାଃ ପିଙ୍ଗଲା ରୌଦ୍ରାଃ ଶୈଲଦନ୍ତା ରଜସ୍ବଲାଃ। ଜଟିଲା ଭୀମବକ୍ତ୍ରାଶ୍ଚ ପଞ୍ଚପାଦା ମହୋଦରାଃ॥ 10-8-140 (64411) ପଞ୍ଚାଦଙ୍ଗୁଲଯୋ ରୂକ୍ଷା ବିରୂପା ଭୈରବସ୍ବନାଃ। ଗଜାନନାଶ୍ଚ ହସ୍ବାଶ୍ଚ ନୀଲବର୍ଣା ବିଭୀଷଣାଃ॥ 10-8-141 (64412) ସପୁତ୍ରଦାରାଃ ସୁକ୍ରୂରାଃ ସୁଦୁର୍ଦର୍ଶାଃ ସୁନିର୍ଘୃଣାଃ। ବିବିଧାନି ଚ ରୂପାଣି ତତ୍ରାଦୃଶ୍ଯନ୍ତ ରକ୍ଷସାମ୍॥ 10-8-142 (64413) ପୀତ୍ବା ଚ ଶୋଣିତଂ ହୃଷ୍ଟାଃ ପ୍ରାନୃତ୍ଯନ୍ଗଣଶୋଽପରେ। ଇଦଂ ପରମିଦଂ ମେଧ୍ଯମିଦଂ ସ୍ବାଦ୍ବିତି ଚାବ୍ରୁବନ୍॥ 10-8-143 (64414) ମେଦୋମଜ୍ଜାସ୍ଥିରକ୍ତାନାଂ ମାଂସାନାଂ ଚ ଭୃଶାଶିତାଃ। ପରେ ମାଂସାନି ଖାଦନ୍ତଃ କ୍ରବ୍ଯାଦା ମାଂସଜୀବିନଃ॥ 10-8-144 (64415) ବସାଶ୍ଚୈବାପରେ ପୀତ୍ବା ପର୍ଯଧାବନ୍ବିକୁକ୍ଷିକାଃ। ନାନାବକ୍ତ୍ରାସ୍ତଥା ରୌଦ୍ରାଃ କ୍ରବ୍ଯାଦାଃ ପିଶିତାଶନାଃ॥ 10-8-145 (64416) ଅଯୁତାନି ଚ ତତ୍ରାସନ୍ପ୍ରଯୁତାନ୍ଯର୍ବୁଦାନି ଚ। ରକ୍ଷସାଂ ଘୋରରୂପାଣାଂ ମହତାଂ କ୍ରୁରକର୍ମଣାମ୍॥ 10-8-146 (64417) ମୁଦିତାନାଂ ବିତୃପ୍ତାନାଂ ତସ୍ମିନ୍ମହତି ବୈଶସେ। ସମେତାନି ବହୂନ୍ଯାସନ୍ଭୂତାନି ଚ ଜନାଧିପ। 10-8-147 (64418) ଏବଂବିଧା ହି ସା ରାତ୍ରିଃ ସୋମକାନାଂ ଜନକ୍ଷଯେ। ପ୍ରସୁପ୍ତାନାଂ ପ୍ରମତ୍ତାନାମାସୀତ୍ସୁଭୃଶଦାରୁଣା॥ 10-8-148 (64419) ଅସଂଶଯଂ ହି କାଲସ୍ଯ ପର୍ଯାଯୋ ଦୁରତିକ୍ରମଃ। ତାଦୃଶା ନିହତା ଯତ୍ର କୃତ୍ବାଽସ୍ମାକଂ ଜନକ୍ଷଯମ୍॥ 10-8-149 (64420) ଧୃତରାଷ୍ଟ୍ର ଉବାଚ। 10-8-150x (5277) ପ୍ରାଗେବ ସୁମହତ୍କର୍ମ ଦ୍ରୌଣିରେତନ୍ମହାରଥଃ। ନାକରୋଦୀଦୃଶଂ କସ୍ମାନ୍ମତ୍ପୁତ୍ରବିଜଯେ ଧୃତଃ॥ 10-8-150 (64421) ଅଥ କସ୍ମାଦ୍ବତେ କ୍ଷତ୍ରେ କର୍ମେଦଂ କୃତବାନସୌ। ଦ୍ରୋଣପୁତ୍ରୋ ମହାତ୍ମା ସ ତନ୍ମେ ଶଂସିତୁମର୍ହସି॥ 10-8-151 (64422) ସଞ୍ଜଯ ଉବାଚ। 10-8-152x (5278) ତେଷାଂ ନୂନଂ ଭଯାନ୍ନାସୌ କୃତବାନ୍କୁରୁନନ୍ଦନ। ଅସାନ୍ନିଧ୍ଯାଦ୍ଧି ପାର୍ଥାନାଂ କେଶବସ୍ଯ ଚ ଧୀମତଃ। ସାତ୍ଯକେଶ୍ଚାପି କର୍ମେଦଂ ଦ୍ରୋମପୁତ୍ରେଣ ସାଧିତମ୍॥ 10-8-152 (64423) କୋ ହି ତେଷାଂ ସମକ୍ଷଂ ତାନ୍ହନ୍ଯାଦପି ମରୁତ୍ପତିଃ। ଏତଦୀଦୃଶକଂ ବୃତ୍ତଂ ରାଜନ୍ସୁପ୍ତଜନେ ବିଭୋ॥ 10-8-153 (64424) ତତୋ ଜନକ୍ଷଯଂ କୃତ୍ବା ପାଣ୍ଡବାନାଂ ମହାତ୍ଯଯମ୍। ପ୍ରତ୍ଯୂଷକାଲେ ଶିବିରାତ୍ପ୍ରତିଗନ୍ତୁମିଯେଷ ସଃ॥ 10-8-154 (64425) ନୃଶୋଣିତାବସିକ୍ତସ୍ଯ ଦ୍ରୌଣେରାସୀଦସିତ୍ସରୁଃ। ପାଣିନା ସହ ସଂଶ୍ଲିଷ୍ଟ ଏକୀଭୂତ ଇବ ପ୍ରଭୋ॥ 10-8-155 (64426) ସ ନିଃଶେଷାନରୀନ୍କୃତ୍ବା ବିରରାମ ନିଶାକ୍ଷଯେ। ଯୁଗାନ୍ତେ ସର୍ବଭୂତାନି ଭସ୍ମ କୃତ୍ବେବ ପାବକଃ॥ 10-8-156 (64427) ଯଥାପ୍ରତିଜ୍ଞଂ ତତ୍କର୍ମ କୃତ୍ବା ଦ୍ରୌଣାଯନିଃ ପ୍ରଭୋ। ଦୁର୍ଗମାଂ ପଦବୀଂ ଗଚ୍ଛନ୍ପିତୁରାସୀଦ୍ଗତଜ୍ବରଃ॥ 10-8-157 (64428) ଯଥୈବ ସଂସୁପ୍ତଜନେ ଶିବିରେ ପ୍ରାବିଶନ୍ନିଶି। ତଥୈବ ହତ୍ବା ନିଃଶବ୍ଦୋ ନିଶ୍ଚକ୍ରାମ ନରର୍ଷଭଃ॥ 10-8-158 (64429) ନିଷ୍କ୍ରମ୍ଯ ଶିବିରାତ୍ତସ୍ମାତ୍ତାଭ୍ଯାଂ ସଙ୍ଗମ୍ଯ ବୀର୍ଯବାନ୍। ଆଚଖ୍ଯୌ କର୍ମ ତତ୍ସର୍ବଂ ହୃଷ୍ଟଃ ସଂହର୍ଷଯନ୍ବିଭୋ॥ 10-8-159 (64430) ତାବଥାଚଖ୍ଯତୁସ୍ତସ୍ମୈ ପ୍ରିଯଂ ପ୍ରିଯକରୌ ତଦା। ପାଞ୍ଚାଲାନ୍ସୃଞ୍ଜଯାଂଶ୍ଚୈବ ବିନିକୃତ୍ତାନ୍ସହସ୍ରଶଃ॥ 10-8-160 (64431) ପ୍ରୀତ୍ଯା ଚୋଚ୍ଚୈରୁଦ୍ରକ୍ରୋଶଂସ୍ତଥୈବାସ୍ଫୋଟଯଂସ୍ତଲାନ୍। ଦିଷ୍ଟ୍ଯାଦିଷ୍ଟ୍ଯେତି ଚାନ୍ଯୋନ୍ଯଂ ସମେତ୍ଯୋଚୁର୍ମହାରଥାଃ॥ 10-8-161 (64432) ପର୍ଯଷ୍ବଜତ୍ତତୋ ଦ୍ରୌଣିସ୍ତାଭ୍ଯାଂ ସମ୍ପ୍ରତିନନ୍ଦିତଃ। ଇଦଂ ହର୍ଷାତ୍ତୁ ସୁମହଦାଦଦେ ବାକ୍ଯମୁତ୍ତମମ୍॥ 10-8-162 (64433) ପାଞ୍ଚାଲା ନିହତାଃ ସର୍ବେ ଦ୍ରୌପଦେଯାଶ୍ଚ ସର୍ବଶଃ। ସୋମକା ମତ୍ସ୍ଯଶେଷାଶ୍ଚ ସର୍ବେ ବିନିହତା ମଯା॥ 10-8-163 (64434) ଇଦାନୀଂ କୃତକୃତ୍ଯାଃ ସ୍ମ ଯାମ ତତ୍ରୈବ ମା ଚିରମ୍। ଯଦି ଜୀବତି ନୋ ରାଜା ତସ୍ମୈ ଶଂସାମହେ ପ୍ରିଯମ୍॥ ॥ 10-8-164 (64435) ଇତି ଶ୍ରୀମନ୍ମହାଭାରତେ ସୌପ୍ତିକପର୍ବଣି ଅଷ୍ଟମୋଽଧ୍ଯାଯଃ॥ 8 ॥

10-9-0 (64436) ସଞ୍ଜଯ ଉବାଚ। 10-9-0x (5279) ତେ ହତ୍ବା ସର୍ବପାଞ୍ଚାଲାନ୍ଦ୍ରୌପଦେଯାଂଶ୍ଚ ସର୍ବଶଃ। ଆଗଚ୍ଛନ୍ସହିତାସ୍ତତ୍ର ଯତ୍ର ଦୁର୍ଯୋଧନୋ ହତଃ॥ 10-9-1 (64437) ଗତ୍ବା ଚୈନମପଶ୍ଯନ୍ତ କିଞ୍ଚିତ୍ପ୍ରାଣଂ ଜନାଧିପମ୍। ତତୋ ରଥେଭ୍ଯଃ ପ୍ରସ୍କନ୍ଦ୍ଯ ପରିବବ୍ରୁସ୍ତବାତ୍ମଜମ୍॥ 10-9-2 (64438) ତଂ ଭଗ୍ରସକ୍ଥଂ ରାଜେନ୍ଦ୍ର କୃଚ୍ଛ୍ରପ୍ରାଣମଚେତସମ୍। ବମନ୍ତଂ ରୁଧିରଂ ବକ୍ତ୍ରାଦପଶ୍ଯନ୍ବସୁଧାତଲେ॥ 10-9-3 (64439) ବୃତଂ ସମନ୍ତାଦ୍ବହୁଭିଃ ଶ୍ବାପଦୈର୍ଘୋରଦର୍ଶନୈଃ। ସାଲାବୃକଗଣୈଶ୍ଚୈବ ଭକ୍ଷଯିଷ୍ଯଦ୍ଭିରନ୍ତିକାତ୍॥ 10-9-4 (64440) ନିରାଯନ୍ତଂ କୃଚ୍ଛ୍ରାତ୍ତାଞ୍ଶ୍ବାପଦାଂଶ୍ଚ ଚିଖାଦିଷୂନ୍। ବିବେଷ୍ଟମାନମୁରୁଭ୍ଯାଂ ସୁଭୃଶଂ ଗାଢବେଦନମ୍॥ 10-9-5 (64441) ତଂ ଶଯାନଂ ତଥା ଦୃଷ୍ଟ୍ବା ଭୂମୌ ସୁରୁଧିରୋକ୍ଷିତମ୍। ହତଶିଷ୍ଟାସ୍ତ୍ରଯୋ ବୀରାଃ ଶୋକାର୍ତାଃ ପର୍ଯଦେବଯନ୍। ଅଶ୍ବତ୍ଥାମା କୃପଶ୍ଚୈବ କୃତବର୍ମା ଚ ସାତ୍ବତଃ॥ 10-9-6 (64442) ତୈସ୍ତ୍ରିଭିଃ ଶୋଣିତାଦିଗ୍ଧୌର୍ନିଃ ଶ୍ବସଦ୍ଭିର୍ମହାରଥୈଃ। ଶୁଶୁଭେ ସ ବୃତୋ ରାଜା ବେଦୀ ତ୍ରିଭିରିବାଗ୍ନିଭିଃ॥ 10-9-7 (64443) ତେ ତଂ ଶଯାନଂ ସମ୍ପ୍ରେକ୍ଷ୍ଯ ରାଜାନମତଥୋଚିତମ୍। ଅବିଷହ୍ଯେନ ଦୁଃଖେନ ତତସ୍ତେ ରୁରୁଦୁସ୍ତ୍ରଯଃ॥ 10-9-8 (64444) ତତସ୍ତୁ ରୁଧିରଂ ହସ୍ତୈର୍ମୁଖାନ୍ନିର୍ମୃଜ୍ଯ ତସ୍ଯ ହି। ରଣେ ରାଜ୍ଞଃ ଶଯାନସ୍ଯ କୃପଃ ସମ୍ପର୍ଯଦେବଯତ୍॥ 10-9-9 (64445) କୃପ ଉବାଚ। 10-9-10x (5280) ନ ଦୈବସ୍ଯାତିଭାରୋଽସ୍ତି ଯଦଯଂ ରୁଧିରୋକ୍ଷିତଃ। ଏକାଦଶଚମୂଭର୍ତା ଶେତେ ଦୁର୍ଯୋଧନୋ ହତଃ॥ 10-9-10 (64446) ପଶ୍ଯ ଚାମୀକରାଭସ୍ଯ ଚାମୀକରବିଭୂଷିତାମ୍। ଗଦାଂ ଗଦାପ୍ରିଯସ୍ଯେମାଂ ସମୀପେ ପତିତାଂ ଭୁବି॥ 10-9-11 (64447) ଇଯମେନଂ ଗଦା ଶୂରଂ ନ ଜହାତି ରଣେରଣେ। ସ୍ବର୍ଗାଯାପି ବ୍ରଜନ୍ତଂ ହି ନ ଜହାତି ଯଶସ୍ବିନମ୍॥ 10-9-12 (64448) ପଶ୍ଯେମାଂ ସହ ବୀରେଣ ଜାମ୍ବୂନଦବିଭୂଷିତାମ୍। ଶଯାନାଂ ଶଯନେ ହର୍ମ୍ଯେ ଭାର୍ଯାଂ ପ୍ରୀତିମତୀମିବ॥ 10-9-13 (64449) ଯୋଽଯଂ ମୂର୍ଧାଭିଷିକ୍ତାନାମଗ୍ରେ ଯାତି ପରନ୍ତପଃ। ସ ହତୋ ଗ୍ରସତେ ପାଂସୂନ୍ପଶ୍ଯ କାଲସଯ ପର୍ଯଯମ୍॥ 10-9-14 (64450) ଯେନାଜୌ ନିହତା ଭୂମୌ ଶେରତେ କ୍ଷତ୍ରିଯର୍ଷଭାଃ। ସ ଭୂମୌ ନିହତଃ ଶେତେ କୁରୁରାଜଃ ପରୈରଯମ୍॥ 10-9-15 (64451) ଭଯାନ୍ନମନ୍ତି ରାଜାନୋ ଯସ୍ଯ ସ୍ମ ଶତସଙ୍ଘଶଃ। ସ ବୀରଶଯନେ ଶେତେ କ୍ରବ୍ଯାଦ୍ଭିଃ ପରିବାରିତଃ॥ 10-9-16 (64452) ଯମୁପାସନ୍ନୃପାଃ ପୂର୍ବମର୍ଥହେତୋର୍ମହୀପତିମ୍। ଉପାତ୍ପତେ ଚ ତଂ ହ୍ଯଦ୍ଯ କ୍ରବ୍ଯାଦା ମାଂସଗୃଦ୍ଧିନଃ॥ 10-9-17 (64453) ସଞ୍ଜଯ ଉବାଚ। 10-9-18x (5281) ତଂ ଶଯାନଂ କୁରୁଶ୍ରେଷ୍ଠଂ ତତୋ ଭରତସତ୍ତମମ୍। ଅଶ୍ବତ୍ଥାମା ସମାଲିଙ୍ଗ୍ଯ କରୁଣଂ ପର୍ଯଦେବଯତ୍॥ 10-9-18 (64454) ଆହୁସ୍ତ୍ବାଂ ରାଜଶାର୍ଦୂଲ ମୁଖ୍ଯଂ ସର୍ବଧନୁଷ୍ମତାମ୍। ଧନାଧ୍ଯକ୍ଷୋପମଂ ଯୁଦ୍ଧେ ଶିଷ୍ଯଂ ସଙ୍କର୍ଷଣସ୍ଯ ଚ॥ 10-9-19 (64455) କଥଂ ବିବରମଦ୍ରାକ୍ଷୀଦ୍ଭୀମସେନସ୍ତବାନଘ। ବଲିନଂ କୃତିନୋ ନିତ୍ଯଂ ସୂଦଃ ପାପାତ୍ମବାନ୍ନୃପ॥ 10-9-20 (64456) କାଲୋ ନୂନଂ ମହାରାଜ ଲୋକେଽସ୍ମିନ୍ବଲବତ୍ତରଃ। ପଶ୍ଯାମୋ ନିହତଂ ତ୍ବାଂ ଚ ଭୀମସେନେନ ସଂଯୁଗେ॥ 10-9-21 (64457) କଥଂ ତ୍ବାଂ ସର୍ବଧର୍ମଜ୍ଞଂ କ୍ଷୁଦ୍ରଃ ପାପୋ ବୃକୋଦରଃ। ନିକୃତ୍ଯା ହତବାନ୍ମନ୍ଦୋ ନୂନ କାଲୋ ଦୁରତ୍ଯଯଃ॥ 10-9-22 (64458) ଦ୍ବନ୍ଦ୍ବଯୁଦ୍ଧେ ହ୍ଯଧର୍ମେଣ ସମାହୂଯୌଜସା ମୃଧେ। ଗଦଯା ଭୀମସେନେନ ନିର୍ଭଗ୍ନେ ସକ୍ଥିନୀ ତବ॥ 10-9-23 (64459) ଅଧର୍ମେଣ ହତସ୍ଯାଜୌ ମୃଦ୍ଯମାନଂ ପଦା ଶିରଃ। ଯ ଉପେକ୍ଷିତବାନ୍କ୍ଷୁଦ୍ରଂ ଧିକ୍ତମସ୍ତୁ--ଯୁଧିଷ୍ଠିରମ୍॥ 10-9-24 (64460) ଯୁଦ୍ଧେଷ୍ବପବଦିଷ୍ଯନ୍ତି ଯୋଧା ନୂନଂ ବୃକୋଦରମ୍। ଯାବତ୍ସ୍ଥାସ୍ଯନ୍ତି ଭୂତାନି ନିକୃତ୍ଯା ହ୍ଯସି ପାତିତଃ॥ 10-9-25 (64461) ନନୁ ରାମୋଽବ୍ରବୀଦ୍ରାଜଂସ୍ତ୍ବାଂ ସଦା ଯଦୁନନ୍ଦନଃ। ଦୁର୍ଯୋଧନସମୋ ନାସ୍ତି ଗଦାଯାମିତି ବୀର୍ଯବାନ୍॥ 10-9-26 (64462) ଶ୍ଲାଘତେ ତ୍ବାଂ ହି ବାର୍ଷ୍ଣେଯୋ ରାଜନ୍ସଂସତ୍ସୁ ଭାରତ। ସ ଶିଷ୍ଯୋ ମମ କୌରବ୍ଯୋ ଗଦାଯୁଦ୍ଧ ଇତି ପ୍ରଭୋ॥ 10-9-27 (64463) ଯାଂ ଗତିଂ କ୍ଷତ୍ରିଯସ୍ଯାହୁଃ ପ୍ରଶସ୍ତାଂ ପରମର୍ଷଯଃ। ହତସ୍ଯାଭିମୁଖସ୍ଯାଜୌ ପ୍ରାପ୍ତସ୍ତ୍ବମସି ତାଂ ଗତିମ୍॥ 10-9-28 (64464) ଦୁର୍ଯୋଧନ ନ ଶୋଚାମି ତ୍ବାମହଂ ପୁରୁଷର୍ଷଭ। ହତପୁତ୍ରୌ ତୁ ଶୋଚାମି ଗାନ୍ଧାରୀଂ ପିରଂ ଚ ତେ॥ 10-9-29 (64465) ଦ୍ବାବନାଥୌ କୃତୌ ବୀର ତ୍ବଯା ନାଥେନ ବର୍ଧିତୌ। ଭିକ୍ଷୁକୌ ବିଚରିଷ୍ଯେତେ ଶୋଚନ୍ତୌ ପୃଥିବୀମିମାମ୍॥ 10-9-30 (64466) ଘିଗସ୍ତୁ କୃଷ୍ଣଂ ବାର୍ଷ୍ଣେଯମର୍ଜୁନଂ ଚାପି ଦୁର୍ମତିମ୍। ଧର୍ମଜ୍ଞମାନିମୌ ଯୌ ତ୍ବାଂ ବଧ୍ଯମାନମୁପେକ୍ଷତାମ୍॥ 10-9-31 (64467) ପାଣ୍ଡବାଶ୍ଚାପି ତେ ସର୍ବେ କିଂ ବକ୍ଷ୍ଯନ୍ତି ନରାଧିପ। କଥଂ ଦୁର୍ଯୋଧନୋଽସ୍ମାଭିର୍ହତ ଇତ୍ଯନପତ୍ରପାଃ॥ 10-9-32 (64468) ଧନ୍ଯସ୍ତ୍ବମସି ଗାନ୍ଧାରେ ଯସ୍ବମାଯୋଧନେ ହତଃ। ପ୍ରଯାତୋଽଭିମୁଖଃ ଶତ୍ରୂନ୍ଧର୍ମେଣ ପୁରୁଷର୍ଷଭ॥ 10-9-33 (64469) ହତପୁତ୍ରା ହି ଗାନ୍ଧାରୀ ନିହତଜ୍ଞାତିବାନ୍ଧବା। ପ୍ରଜ୍ଞାଚକ୍ଷୁଶ୍ଚ ଦୁର୍ଧର୍ଷଃ କାଂ ଦଶାଂ ପ୍ରତିପତ୍ସ୍ଯତେ॥ 10-9-34 (64470) ଧିଗସ୍ତୁ କୃତବର୍ମାଣଂ ମାଂ କୃପଂ ଚ ମହାରଥମ୍। ଯେ ବଯଂ ନ ଗତାଃ ସ୍ବର୍ଗଂ ତ୍ବାଂ ପୁରସ୍କୃତ୍ଯ ପାର୍ଥିବମ୍॥ 10-9-35 (64471) ଦାତାରଂ ସର୍ବକାମାନାଂ ରକ୍ଷିତାରଂ ପ୍ରଜାହିତମ୍। ଯଦ୍ବଯଂ ନାନୁଗଚ୍ଛାମ ତ୍ବାଂ ଧିଗସ୍ମାନ୍ନରାଧମାନ୍॥ 10-9-36 (64472) କୃପସ୍ଯ ତବ ବୀର୍ଯେଣ ମମ ଚୈବ ପିତୁଶ୍ଚ ମେ। ସଭୃତ୍ଯାନାଂ ନରବ୍ଯାଘ୍ର ରତ୍ନବନ୍ତି ଗୃହାଣି ଚ॥ 10-9-37 (64473) ତବ ପ୍ରସାଦାଦସ୍ମାଭିଃ ସମିତ୍ରୈଃ ସହ ବାନ୍ଧବୈଃ। ଅବାପ୍ତାଃ କ୍ରତବୋ ମୁଖ୍ଯା ବହବୋ ଭୂରିଦକ୍ଷିଣାଃ॥ 10-9-38 (64474) କୁତଶ୍ଚାପୀଦୃଶଂ ପାପାଃ ପ୍ରବର୍ତିଷ୍ଯାମହେ ବଯମ୍। ଯାଦୃଶେନ ପୁରସ୍କୃତ୍ଯ ତ୍ବଂ ଗତଃ ସର୍ବପାର୍ଥିବାନ୍॥ 10-9-39 (64475) ବଯମେବ ତ୍ରଯୋ ରାଜନ୍ଗଚ୍ଛନ୍ତଂ ପରମାଂ ଗତିମ୍। ଯଦ୍ବୈ ତ୍ବାଂ ନାନୁଗଚ୍ଛାଭସ୍ତେନ ତପ୍ସ୍ଯାମହେ ବଯମ୍। 10-9-40 (64476) ତତ୍ସ୍ବର୍ଗହୀନା ହୀନାର୍ଥାଃ ସ୍ମରନ୍ତଃ ସୁକୃତସ୍ଯ ତେ। କିଂ ନାମ ତଦ୍ଭବେତ୍କର୍ମ ଯେନ ତ୍ବାଂ ନ ବ୍ରଜାମ ବୈ॥ 10-9-41 (64477) ଦୁଃଖଂ ନୂନ କୁରୁଶ୍ରେଷ୍ଠ ଚରିଷ୍ଯାମ ମହୀମିମାମ୍। ହୀନାନାଂ ନସ୍ତ୍ବଯା ରାଜନ୍କୁତଃ ଶାନ୍ତିଃ କୁତଃ ସୁଖଂ॥ 10-9-42 (64478) ଗତ୍ବୈବ ତୁ ମହାରାଜ ସମେତ୍ଯ ଚ ମହାରଥାନ୍। ଯଥାଜ୍ଯେଷ୍ଠଂ ଯଥାଶ୍ରେଷ୍ଠଂ ପୂଜଯେର୍ବଚନାନ୍ମମ॥ 10-9-43 (64479) ଆଚାର୍ଯଂ ପୂଜଯିତ୍ବା ଚ କେତୁଂ ସର୍ବଧନୁଷ୍ମତାମ୍। ହତଂ ମଯାଽଦ୍ଯ ଶଂଶେଥା ଦୃଷ୍ଟଦ୍ଯୁମ୍ନଂ ନରାଧିପ॥ 10-9-44 (64480) ପରିଷ୍ବଜେଥା ରାଜାନଂ ବାହ୍ଲିକଂ ସୁମହାରଥମ୍। ସୈନ୍ଧବଂ ସୋମଦତ୍ତଂ ଚ ଭୂରିଶ୍ରବସମେବ ଚ॥ 10-9-45 (64481) ତଥା ପୂର୍ବଗତାନନ୍ଯାନ୍ସ୍ବର୍ଗେ ପାର୍ଥିବସତ୍ମାନ୍। ଅସ୍ମଦ୍ବାକ୍ଯାତ୍ପରିଷ୍ବଜ୍ଯ ସମ୍ପୃଚ୍ଛେସ୍ବମନାମଯମ୍॥ 10-9-46 (64482) ସଞ୍ଜଯ ଉବାଚ। 10-9-47x (5282) ଇତ୍ଯେବମୁକ୍ବା ରାଜାନଂ ଭଗ୍ନସକ୍ଥମଚେତସମ୍। ଅଶ୍ବତ୍ଥାମା ଲଘୁପ୍ରାଣଂ ପୁନର୍ବଚନମବ୍ରବୀତ୍॥ 10-9-47 (64483) ଦୁର୍ଯୋଧନ ଜୀବସି ଚେଦ୍ବାକ୍ଯଂ ଶ୍ରୋତ୍ରମୁଖଂ ଶୃଣୁ। ସପ୍ ପାଣ୍ଡବତଃ ଶିଷ୍ଟା ଧାର୍ତରାଷ୍ଟ୍ରାସ୍ତ୍ରଯୋ ବଯମ୍॥ 10-9-48 (64484) ତେ ଚୈବ ଭ୍ରାତରଃ ପଞ୍ଚ ବାସୁଦେବୋଽଥ ସାତ୍ଯକିଃ। ଅହଂ ଚ କୃତବର୍ମା ଚ କୃପଃ ଶାରଦ୍ବତସ୍ତଥା॥ 10-9-49 (64485) ଦ୍ରୌପଦେଯା ହତାଃ ସର୍ବେ ଧୃଷ୍ଟଦ୍ଯୁମ୍ନସ୍ଯ ଚାତ୍ମଜାଃ। ପଞ୍ଚାଲା ନିହତାଃ ସର୍ବେ ମତ୍ସ୍ଯଶେଷଂ ଚ ଭାରତ॥ 10-9-50 (64486) କୃତେ ପ୍ରତିକୃତଂ ପଶ୍ଯ ହତପୁତ୍ରା ହି ପାଣ୍ଡବାଃ। ସୌପ୍ତିକେ ଶିବିରଂ ତେଷାଂ ହତଂ ସନରବାହନମ୍॥ 10-9-51 (64487) ମଯା ଚ ପାପକର୍ମାଽସୌ ଧୃଷ୍ଟଦ୍ଯୁମ୍ନୋ ମହୀପତେ। ପ୍ରବିଶ୍ଯ ଶିବିରଂ ରାତ୍ରୌ ପଶୁମାରେଣ ମାରିତଃ॥ 10-9-52 (64488) ଦୁର୍ଯୋଧନସ୍ତୁ ତାଂ ବାଚଂ ନିଶମ୍ଯ ମନସଃ ପ୍ରିଯାମ୍। ପ୍ରତିଲଭ୍ଯ ପୁନଶ୍ଚେତ ଇଦଂ ବଚନମବ୍ରବୀତ୍॥ 10-9-53 (64489) ନ ମେଽକରୋତ୍ଦ୍ଗାଙ୍ଗେଯୋ ନ କର୍ଣୋ ନ ଚ ତେ ପିତା। ଯତ୍ତ୍ବଯା କୃପଭୋଜାଭ୍ଯାଂ ସହିତେନାଦ୍ଯ ମେ କୃତମ୍॥ 10-9-54 (64490) ସ ଚ ସେନାପତିଃ କ୍ଷୁଦ୍ରୋ ହତଃ ସାର୍ଧଂ ଶିଖଣ୍ଡିନା। ତେନ ମନ୍ଯେ ମଘବତା ସମମାତ୍ମାନମଦ୍ଯ ବୈ॥ 10-9-55 (64491) ସ୍ବସ୍ତି ପ୍ରାପ୍ନୁତ ଭଦ୍ରଂ ବଃ ସ୍ବର୍ଗେ ନଃ ସଙ୍ଗମଃ ପୁନଃ। ଇତ୍ଯେବମୁକ୍ତ୍ବା ପୁତ୍ରସ୍ତେ କୁରୁରାଜୋ ମହାମନାଃ॥ 10-9-56 (64492) ପ୍ରାଣାନୁପାସୃଜଦ୍ବୀରଃ ସୁହୃଦାଂ ଦୁଃଖମାଦଧତ୍। ଅପାକ୍ରାମଦ୍ଦିବଂ ପୁଣ୍ଯାଂ ଶରୀରଂ କ୍ଷିତିମାବିଶତ୍॥ 10-9-57 (64493) ଏବଂ ତେ ନିଧନଂ ଯାତଃ ପୁତ୍ରୋ ଦୁର୍ଯୋଧନୋ ନୃପ। ଅଗ୍ରେ ଯାତ୍ବା ରଣେ ଶୂରଃ ପଶ୍ରାଦ୍ବିନିହତଃ ପରୈଃ॥ 10-9-58 (64494) ତଥୈବ ତେ ପରିଷ୍ବକ୍ତାଃ ପରିଷ୍ବଜ୍ଯ ଚ ତେ ନୃପମ୍। ପୁନଃ ପୁନଃ ପ୍ରେକ୍ଷମାଣାଃ ସ୍ବକାନାରୁରୁହୂ ରଥାନ୍॥ 10-9-59 (64495) ଇତ୍ଯେବଂ ଦ୍ରୋଣପୁତ୍ରସ୍ଯ ନିଶମ୍ଯ କରୁଣାଂ ଗିରମ୍। ପ୍ରତ୍ଯୂଷକାଲେ ଶୋକାର୍ତାଃ ପ୍ରାଦ୍ରବନ୍ନଗରଂ ପ୍ରତି॥ 10-9-60 (64496) ଏବମେଷ କ୍ଷଯୋ ବୃତ୍ତଃ କୁରୁପାଣ୍ଡବସେନଯୋଃ। ଘୋରୋ ବିଶସନୋ ରୌଦ୍ରୋ ରାଜନ୍ଦୁର୍ମନ୍ତ୍ରିତେ ତବ॥ 10-9-61 (64497) ତବ ପୁତ୍ରେ ଗତେ ସ୍ବର୍ଗଂ ଶୋକାର୍ସ୍ଯ ମମାନଘ। ଋଷିଦତ୍ତଂ ପ୍ରନଷ୍ଟଂ ତଦ୍ଦିବ୍ଯଦର୍ଶିତ୍ବମଦ୍ଯ ବୈ॥ 10-9-62 (64498) ବୈଶମ୍ପାଯନ ଉବାଚ। 10-9-63x (5283) ଇତି ଶ୍ରୁତ୍ବା ସ ନୃପତିର୍ଜ୍ଞାତିପୁତ୍ରବଧଂ ତଦା। ନିଃଶ୍ବସ୍ଯ ଦୀର୍ଘମୁଷ୍ଣଂ ଚ ତତଶ୍ଚିନ୍ତାପରୋଽଭବତ୍॥ ॥ 10-9-63 (64499) ଇତି ଶ୍ରୀମନ୍ମହାଭାରତେ ସୌପ୍ତିକପର୍ବଣି ନବମୋଽଧ୍ଯାଯଃ॥ 9 ॥

10-10-0 (64500) ବୈଶମ୍ପାଯନ ଉବାଚ। 10-10-0x (5284) ତସ୍ଯାଂ ରାତ୍ର୍ଯାଂ ବ୍ଯତୀତାଯାଂ ଧୃଷ୍ଟଦ୍ଯୁମ୍ନସ୍ଯ ସାରଥିଃ। ଗତ୍ବା ଶଶଂସ ପାଣ୍ଡୁଭ୍ଯଃ ସୌପ୍ତିକେ କଦନଂ କୃତମ୍॥ 10-10-1 (64501) ସୂତ ଉବାଚ। 10-10-2x (5285) ଦ୍ରୌପଦେଯା ହତା ରାଜନ୍ଦ୍ରୁପଦସ୍ବାତ୍ମଜୈଃ ସହ। ପ୍ରମତ୍ତା ନିଶି ବିଶ୍ବସ୍ତାଃ ସ୍ବପନ୍ତଃ ଶିବିରେ ସ୍ବକେ॥ 10-10-2 (64502) ଗୌତମେନ ନୃଶଂସେନ ଭୋଜେନ କୃତବର୍ମଣା। ଅଶ୍ବତ୍ଥାନ୍ନା ଚ ପାପେନ ହତଂ ବଃ ଶିବିରଂ ନିଶି॥ 10-10-3 (64503) ଏତୈର୍ନରଗଜାଶ୍ବାନାଂ ପ୍ରାସଶକ୍ତିପରଶ୍ବଯୈଃ। ସହସ୍ରାମି ବିକୃନ୍ଦ୍ଭିର୍ନିଃ ଶେଷଂ ଶିବିରଂ କୃତମ୍॥ 10-10-4 (64504) `xxxxxxବିହଗଫଲଭାରନତସ୍ଯ ହ।' xxxxxxxମହତୋ ବନସ୍ଯେବ ପରଶ୍ବଥୈଃ। xxxxxxxx ସୁମହାଞ୍ଶବ୍ଦୋ ବଲସ୍ଯ ତବ ଭାରତ॥ 10-10-5 (64505) ମହମେକୋଽବଶିଷ୍ଟସ୍ତୁ ତସ୍ମାତ୍ସୈନ୍ଯାମହୀପତେ। ମୁକ୍ତଃ କଥଞ୍ଚିଦ୍ଧର୍ମାତ୍ମନ୍ବ୍ଯଗ୍ରାଚ୍ଚ କୃତବର୍ମଣଃ॥ 10-10-6 (64506) ତଚ୍ଛ୍ରୁତ୍ବା ବାକ୍ଯମଶିବଂ କୁନ୍ତୀପୁତ୍ରୋ ଯୁଧିଷ୍ଠିରଃ। ପପାତ ମହ୍ଯାଂ ଧର୍ମାତ୍ମା ପୁତ୍ରଶୋକସମନ୍ବିତଃ॥ 10-10-7 (64507) ପତନ୍ତଂ ତମତିକ୍ରମ୍ଯ ପରିଜଗ୍ରାହ ସାତ୍ଯକିଃ। ଭୀମସେନୋଽର୍ଜୁନଶ୍ଚୈବ ମାଦ୍ରୀପୁତ୍ରୌ ଚ ପାଣ୍ଡବୌ॥ 10-10-8 (64508) ଲବ୍ଧଚେତାସ୍ତୁ କୌନ୍ତେଯଃ ଶୋକବିହ୍ବଲଯା ଗିରା। ଜିତ୍ବା ଶତ୍ରୂଞ୍ଜିତଃ ପଶ୍ଚାତ୍ପର୍ଯଦେବଯଦାର୍ତବତ୍॥ 10-10-9 (64509) `ଅଗମ୍ଯା ଗତିରର୍ଥାନାଂ କର୍ମଣାମୀଶ୍ବରସ୍ଯ ଚ'। ଦୁର୍ବିଦା ଗତିରର୍ଥାନାମପି ଯେ ଦିବ୍ଯଚକ୍ଷୁଷଃ। ଜୀଯମାନା ଜଯନ୍ତ୍ଯନ୍ଯେ ଜଯମାନା ବଯଂ ଜିତାଃ॥ 10-10-10 (64510) ହତ୍ବା ଭ୍ରାତୄନ୍ବଯସ୍ଯାଂଶ୍ଚ ପିତୄନ୍ପୁତ୍ରାନ୍ସୁହୃଦ୍ଗଣାନ୍। ବନ୍ଧୂନମାତ୍ଯାନ୍ପୌତ୍ରାଂଶ୍ଚ ଜିତ୍ବା ସର୍ବାଞ୍ଜିତା ବଯମ୍॥ 10-10-11 (64511) ଅନର୍ଥୋ ହ୍ଯର୍ଥସଙ୍କାଶସ୍ତଥାଽନର୍ଥୋଽର୍ଥଦର୍ଶନଃ। ଜଯୋଽଯମଜଯାକାରୋ ଜଯସ୍ତସ୍ମାତ୍ପରାଜଯଃ॥ 10-10-12 (64512) ଯଜ୍ଜିତ୍ବା ତପ୍ଯତେ ପଶ୍ଚାଦାପନ୍ନ ଇବ ଦୁର୍ମତିଃ। କଥଂ ମନ୍ଯେତ ବିଜଯଂ ତତୋ ଜିତତରଃ ପରୈଃ॥ 10-10-13 (64513) ଯେଷାମର୍ଥାଯ ପାପଂ ସ୍ଯାଦ୍ବିଜଯସ୍ଯ ସୁହୃଦ୍ବଧୈଃ। ନିର୍ଜିତୈରପ୍ରମତ୍ତୈର୍ହି ବିଜିତା ଜିତକାଶିନଃ॥ 10-10-14 (64514) କର୍ଣିନାଲୀକଦଂଷ୍ଟ୍ରସ୍ଯ ସ୍ବଙ୍ଗଜିହ୍ବସ୍ଯ ସଂଯୁଗେ। ଚାପବ୍ଯାତ୍ତାସ୍ଯରୌଦ୍ରସ୍ଯ ଜ୍ଯାତଲସ୍ବନନାଦିନଃ॥ 10-10-15 (64515) କ୍ରୁଦ୍ଧସ୍ଯ ନରସିଂହସ୍ଯ ସଙ୍ଗ୍ରାମେଷ୍ବପଲାଯିନଃ। ଯେ ବ୍ଯମୁଞ୍ଚନ୍ତ କର୍ଣସ୍ଯ ପ୍ରମାଦାତ୍ତ ଇମେ ହତାଃ॥ 10-10-16 (64516) ରଥହଦଂ ଶରବର୍ଷୋର୍ମିମନ୍ତଂ ରତ୍ନାଚିତଂ ବାହନଯୋଧବୃନ୍ଦମ୍। ଶକ୍ତ୍ଯୃଷ୍ଟିମୀନଧ୍ବଜନାଗନକ୍ରଂ ଶରାସନାବର୍ତମହେଷୁଫେନମ୍॥ 10-10-17 (64517) ସଙ୍ଗ୍ରାମଚନ୍ଦ୍ରୋଦଯବେଗବେଲଂ ଦ୍ରୋଣାର୍ଣବଂ ଜ୍ଯାତଲନେମିଘୋଷମ୍। ଯେ ତେରୁରୁଚ୍ଚାବଚଶସ୍ତ୍ରନୌଭି-- ସ୍ତେ ରାଜପୁତ୍ରା ନିହତାଃ ପ୍ରମାଦାତ୍॥ 10-10-18 (64518) ନ ହି ପ୍ରମାଦାତ୍ପରମସ୍ତି କଶ୍ଚ-- ଦ୍ବଧୋ ନରାଣାମିହ ଜୀବଲୋକେ। ପ୍ରମତ୍ତମର୍ଥା ହି ନରଂ ସମନ୍ତା-- ତ୍ତ୍ଯଜନ୍ତ୍ଯନର୍ଥାଶ୍ଚ ସମାବିଶନ୍ତି॥ 10-10-19 (64519) ଧ୍ବଜୋତ୍ତମାଗ୍ରୋଚ୍ଛ୍ରିତଧୂମକେତୁଂ ଶରାର୍ଚିଷଂ ଦୀପ୍ତମହାପତାକମ୍। ମହାଧନୁର୍ଜ୍ଯାତଲନେମିଘୋଷଂ ତନୁତ୍ରନାନାବିଧଶସ୍ତ୍ରହୋମମ୍॥ 10-10-20 (64520) ମହାଚମୂକକ୍ଷଦବାଭିପନ୍ନଂ ମହାହବେ ଭୀଷ୍ମମହାଦବାଗ୍ନିମ୍। ଯେ ତେରୁରୁଚ୍ଚାବଚଶସ୍ତ୍ରବେଗୈ-- ସ୍ତେ ରାଜପୁତ୍ରା ନିହତାଃ ପ୍ରମାଦାତ୍॥ 10-10-21 (64521) ନ ହି ପ୍ରମତ୍ତେନ ନରେଣ ଶକ୍ଯ-- ମାପ୍ତୁଂ ବସୁ ଶ୍ରୀର୍ବିପୁଲଂ ଯଶୋ ବା। ପଶ୍ଯାପ୍ରମାଦେନ ନିହତ୍ଯ ଶତ୍ରୂ-- ନ୍ସର୍ବାନ୍ମହେନ୍ଦ୍ରଂ ସୁଖମେଧମାନମ୍॥ 10-10-22 (64522) ଇନ୍ଦ୍ରୋପମାନ୍ପାର୍ଥିବପୁତ୍ରପୌତ୍ରା-- ନ୍ପଶ୍ଯାବିଶେଷେଣ ହତାନ୍ପ୍ରମାଦାତ୍। ତୀର୍ତ୍ବା ସମୁଦ୍ରଂ ଜଣିଜଃ ସମୃଦ୍ବା। ମଗ୍ନାଃ କୁନଦ୍ଯାମିବ ସୀଦମାନାଃ॥ 10-10-23 (64523) ଅମର୍ଷିତୈର୍ଯେ ନିହତା ନରେନ୍ଦ୍ରା ନିଃସଂଶଯଂ ତେ ତ୍ରିଦିବଂ ପ୍ରପନ୍ନାଃ। କୃଷ୍ଣାଂ ତୁ ଶୋଚାମି କଥଂ ନୁ ସାଧ୍ବୀ ଶୋକାର୍ଣବଂ ସା ବିଷହିଷ୍ଯତୀତି॥ 10-10-24 (64524) ଭାତୃଂଶ୍ଚ ପୁତ୍ରାଂଶ୍ଚ ହତାନ୍ନିଶମ୍ଯ ପାଞ୍ଚାଲସରାଜଂ ପିତରଂ ଚ ବୃଦ୍ବମ୍। ଧ୍ରୁବଂ ବିସଞ୍ଜ୍ଞା ପତିତା ପୃଥିବ୍ଯାଂ ସା ଶୋଷ୍ଯତେ ଶୋକକୃଶାଙ୍ଗଯଷ୍ଟିଃ॥ 10-10-25 (64525) ତଚ୍ଛୋକଜଂ ଦୁଃଖମପାରଯନ୍ତୀ କଥଂ ଭବିଷ୍ଯତ୍ଯୁଚିତା ସୁଖାନାମ୍। ରୋରୂଯତେ ଜ୍ଞାତିବଧାଭିତପ୍ତା ପ୍ରଦହ୍ବମାନେବ ହୁତାଶନେନ॥ 10-10-26 (64526) ଇତ୍ଯେବମାର୍ତଃ ପରିଦେବଯନ୍ସ ରାଜାଜ କୁରୂଣାଂ ନକୁଲଂ ବଭାଷେ। ଗଚ୍ଛାନ୍ଯୈନାମିହ ମନ୍ଦଭାଗ୍ଯାଂ ସମାତୃପକ୍ଷାମିତି ରାଜପୁତ୍ରୀମ୍॥ 10-10-27 (64527) ମାଦ୍ରୀସୁତସ୍ତତ୍ପରିଗୃହ୍ଯ ବାକ୍ଯଂ ଧର୍ମେଣ ଧର୍ମପ୍ରଥମସ୍ଯ ରାଜ୍ଞଃ। ଯଯୌ ରଥେନାଲଯମାଶୁଦେବ୍ଯାଃ ପାଞ୍ଚାଲରାଜସ୍ଯ ଚ ଯତ୍ର ଦାରାଃ॥ 10-10-28 (64528) ପ୍ରସ୍ଥାପ୍ଯ ମାଦ୍ରୀସୁତମାଜମୀଢଃ ଶୋକାର୍ଦିତସ୍ତୈଃ ସହିତଃ ସୁହୃଦ୍ଭିଃ। ରୋରୂଯମାଣଃ ପ୍ରଯଯୌ ସୁତାନା-- ମାଯୋଧନଂ ଭୂତଗଣାନୁକୀର୍ଣମ୍॥ 10-10-29 (64529) ସ ତତ୍ପ୍ରବିଶ୍ଯାଶିବମୁଗ୍ରରୂପଂ ଦଦର୍ଶ ପୁତ୍ରାନ୍ସୁହୃଦଃ ସଖୀଂଶ୍ଚ। ଭୂମୌ ଶଯାନାନ୍ରୁଧିରାର୍ଦ୍ରଗାତ୍ରା-- ନ୍ବିଭିନ୍ନଦେହାନ୍ପ୍ରହୃତୋତ୍ତମାଙ୍ଗାନ୍॥ 10-10-30 (64530) ସ ତାଂସ୍ତୁ ଦୃଷ୍ଟ୍ବା ଭୃଶମାର୍ତରୂପୋ ଯୁଧିଷ୍ଠିରୋ ଧର୍ମଭୃତାଂ ବରିଷ୍ଠଃ। ଉଚ୍ଚୈଃ ପ୍ରଚୁକ୍ରୋଶ ଚ କୌରବାଗ୍ର୍ଯଃ ପପାତ ଚୋର୍ବ୍ଯାଂ ସଗଣୋ ବିସଂଜ୍ଞଃ॥ ॥ 10-10-31 (64531) ଇତି ଶ୍ରୀମନ୍ମହାଭାରତେ ସୌପ୍ତିକପର୍ବଣି ଐଷୀକପର୍ବଣି ଦଶମୋଽଧ୍ଯାଯଃ॥ 10 ॥

10-11-0 (64532) ବୈଶମ୍ପାଯନ ଉବାଚ। 10-11-0x (5286) ସ ଦୃଷ୍ଟ୍ବା ନିହତାନ୍ସଙ୍ଖ୍ଯେ ପୁତ୍ରାନ୍ପାତ୍ରୌନ୍ସଖୀଂସ୍ତଥା। ମହାଦୁଃଖପରୀତାତ୍ମା ବଭୂବ ଜନମେଜଯ॥ 10-11-1 (64533) ତତସ୍ତସ୍ଯ ମହାଞ୍ଶୋକଃ ପ୍ରାଦୁରାସୀନ୍ମହାତ୍ମନଃ। ସ୍ମରତଃ ପୁତ୍ରପୌତ୍ରାଂସ୍ତାନ୍ଭ୍ରାତୄନ୍ସୁହୃଦ ଏବ ଚ॥ 10-11-2 (64534) ତମଶ୍ରୁପରିପୂର୍ଣାକ୍ଷଂ ବେପମାନମଚେତସମ୍। ସୁହୃଦୋ ଭୃଶସଂବିଗ୍ନାଃ ସାଂତ୍ବଯାଞ୍ଚକ୍ରିରେ ତଦା॥ 10-11-3 (64535) `କୃତ୍ବା ତୁ ବିଧିବତ୍ତେଷାଂ ପୁତ୍ରାଣାମମିତୌଜସାମ୍। ପ୍ରେତକାର୍ଯାଣି ସର୍ବେଷାଂ ବଭୂବ ଭୃଶଦୁଃଖିତଃ'॥ 10-11-4 (64536) ତସ୍ମିନ୍ମୁହୂର୍ତେ ଜବନୈର୍ବାଜିଭିର୍ହେମମାଲିଭିଃ। ନକୁଲଃ କୃଷ୍ଣଯା ସାର୍ଧମୁପାଯାତ୍ପରମାର୍ତଯା॥ 10-11-5 (64537) ଉପପ୍ଲାବ୍ଯଂ ଗତା ସା ତୁ ଶ୍ରୁତ୍ବା ସୁମହଦପ୍ରିଯମ୍। ତଦା ବିନାଶଂ ସର୍ବେଷାଂ ପୁତ୍ରାଣାଂ ବ୍ଯଥିତେନ୍ଦ୍ରିଯା॥ 10-11-6 (64538) କମ୍ପମାନେବ କଦଲୀ ବାତେନାଭିସମୀରିତା। କୃଷ୍ଣା ରାଜାନମାସାଦ୍ଯ ଶୋକାର୍ତା ନ୍ଯପତଦ୍ଭୁବି॥ 10-11-7 (64539) ନ ବଭୌ ବଦନଂ ତସ୍ଯା ରୁଦନ୍ତ୍ଯାଃ ଶୋକକର୍ଶିତମ୍। ଫୁଲ୍ଲପଦ୍ମପଲାଶାକ୍ଷ୍ଯା ମେଘାବୃତ ଇବୋଡୁରାଟ୍॥ 10-11-8 (64540) ତତସ୍ତାଂ ପତିତାଂ ଦୃଷ୍ଟ୍ବା ସଂରମ୍ଭୀ ସତ୍ଯବିକ୍ରମଃ। ବାହୁଭ୍ଯାଂ ପରିଜଗ୍ରାହ ସମୁତ୍ପତ୍ଯ ବୃକୋଦରଃ॥ 10-11-9 (64541) ସା ସମାଶ୍ବାସିତା ତେନ ଭୀମସେନେନ ଭାମିନୀ। ରୁଦତୀ ପାଣ୍ଡବଜ୍ଯେଷ୍ଠମିଦଂ ବଚନମବ୍ରବୀତ୍॥ 10-11-10 (64542) ଦିଷ୍ଟ୍ଯା ରାଜନ୍ନବାପ୍ଯେମାମଖିଲାଂ ଭୋକ୍ଷ୍ଯସେ ମହୀମ୍। ଆତ୍ମଜାନ୍କ୍ଷତ୍ରଧର୍ମେଣ ସମ୍ପ୍ରଦାଯ ଯମାଯ ବୈ॥ 10-11-11 (64543) ଦିଷ୍ଟ୍ଯା ସର୍ବାସ୍ତ୍ରକୁଶଲଂ ମତ୍ତମାତଙ୍ଗାମିନମ୍। ଅବାପ୍ଯ ପୃଥିବୀଂ କୃତ୍ସ୍ନାଂ ସୌଭଦ୍ରଂ ନ ସ୍ମରିଷ୍ଯସି॥ 10-11-12 (64544) ଆତ୍ମଜାନ୍କ୍ଷତ୍ରଧର୍ମେଣ ଶ୍ରୁତ୍ବା ଶୂରାନ୍ନିପାତିତାନ୍। ସ୍ଥିତୋ ରାଜ୍ଯେ ମଯା ସାର୍ଧଂ ବିହରନ୍ନ ସ୍ମରିଷ୍ଯସି॥ 10-11-13 (64545) ପ୍ରସୁପ୍ତାନାଂ ବଧଂ ଶ୍ରୁତ୍ବା ଦ୍ରୌଣିନା ପାପକର୍ମଣା। ଶୋକୋ ମାଂ ଦହତେ ଗାଢୋ ହୁତାଶନ ଇବାଶ୍ରଯମ୍॥ 10-11-14 (64546) ତସ୍ଯ ପାପକୃତୋ ଦ୍ରୌଣେର୍ନ ଚେଦଦ୍ଯ ଦୁରାତ୍ମନଃ। ହିଯତେ ସାନୁବନ୍ଧସ୍ଯ ଯୁଧି ବିକ୍ରମ୍ଯ ଜୀବିତମ୍॥ 10-11-15 (64547) ଇହୈବ ପ୍ରାଯମାସିଷ୍ଯେ ତନ୍ନିବୋଧତ ପାଣ୍ଡବାଃ। ନ ଚେତ୍ଫଲମବାପ୍ନୋତି ଦ୍ରୌଣିଃ ପାପସ୍ଯ କର୍ମଣଃ॥ 10-11-16 (64548) ଏବମକ୍ତ୍ବା ତତଃ କୃଷ୍ଣା ପାଣ୍ଡବଂ ପ୍ରତ୍ଯୁପାବିଶତ୍। ଯୁଧିଷ୍ଠିରଂ ଯାଜ୍ଞସେନୀ ଧର୍ମରାଜଂ ଯଶସ୍ବିନୀ॥ 10-11-17 (64549) ଦୃଷ୍ଟ୍ବୋପବିଷ୍ଟାଂ ରାଜା ତୁ ପାଣ୍ଡବୋ ମହିଷୀଂ ପ୍ରିଯାମ୍। ପ୍ରତ୍ଯୁବାଚ ସ ଧର୍ମାତ୍ମା ଦ୍ରୌପଦୀଂ ଚାରୁଦର୍ଶନାମ୍॥ 10-11-18 (64550) କ୍ଷତ୍ରଧର୍ମେଣ ଧର୍ମଜ୍ଞେ ପ୍ରାପ୍ତାସ୍ତେ ନିଧନଂ ଶୁଭେ। ପୁତ୍ରାସ୍ତେ ଭ୍ରାତରଶ୍ଚୈବ ତାନ୍ନ ଶୋଚିତୁମର୍ହସି॥ 10-11-19 (64551) ସ କଲ୍ଯାଣି ବନଂ ଦୁର୍ଗଂ ଦୂରଂ ଦ୍ରୌଣିରିତୋ ଗତଃ। ତସ୍ଯ ତ୍ବଂ ପାତନଂ ସଙ୍ଖ୍ଯେ କଥଂ ଜ୍ଞାସ୍ଯସି ଶୋଭନେ॥ 10-11-20 (64552) ଦ୍ରୌପଦ୍ଯୁବାଚ। 10-11-21x (5287) ଦ୍ରୋଣପୁତ୍ରସ୍ଯ ସହଜୋ ମଣିଃ ଶିରସି ମେ ଶ୍ରୁତଃ। ନିହତ୍ଯ ସଙ୍ଖ୍ଯେ ତଂ ପାପଂ ପଶ୍ଯେଯଂ ମଣିମାହୃତମ୍। ଦ୍ରୌଣେଃ ଶିରସ ଉତ୍କୃତ୍ଯ ଜୀବେଯମିତି ମେ ମତିଃ॥ 10-11-21 (64553) ଇତ୍ଯୁକ୍ତ୍ବା ପାଣ୍ଡବଂ କୃଷ୍ଣା ରାଜାନଂ ଚାରୁଦର୍ଶନା। ଭୀମସେନକରେ ସ୍ପୃଷ୍ଟ୍ବା କୁପିତା ବାକ୍ଯମବ୍ରବୀତ୍॥ 10-11-22 (64554) ତ୍ରାତୁମର୍ହସି ମାଂ ଭୀମ କ୍ଷତ୍ରଧର୍ମମନୁସ୍ମରନ୍। ଜହି ତଂ ପାପକର୍ମାଣଂ ଶମ୍ବରଂ ସଘବାନିବ॥ 10-11-23 (64555) ନ ହି ତେ ବିକ୍ରମେ ତୁଲ୍ଯଃ ପୁମାନସ୍ତୀହ କଶ୍ଚନ। ଶ୍ରୁତଂ ତତ୍ସର୍ବଲୋକେଷୁ ପରମବ୍ଯସନେ ତଥା॥ 10-11-24 (64556) ଦ୍ବୀପୋଽଭୂସ୍ତ୍ବଂ ହି ପାର୍ଥାନାଂ ନଗରେ ବାରଣାବତେ। ହିଡିମ୍ବଦର୍ଶନେ ଚୈବ ତଥାଂ ତ୍ବମଭବୋ ଗତିଃ॥ 10-11-25 (64557) ତଥା ବିରାଟନଗରେ କୀଚକେନ ଭୃଶାର୍ଦିତାମ୍। ମାମପ୍ଯୁଦ୍ବୃତବାନ୍କୃଚ୍ଛ୍ରାତ୍ପୌଲୋମୀଂ ମଘବାନିବ॥ 10-11-26 (64558) ଯଥୈତାନ୍ଯକୃଥାଃ ପାର୍ଥ ମହାକର୍ମାଣି ବୈ ପୁରା। ତଥା ଦ୍ରୌଣିମମିତ୍ରଘ୍ନ ବିନିହତ୍ଯ ସୁଖୀ ଭବ॥ 10-11-27 (64559) ବୈଶମ୍ପାଯନ ଉବାଚ। 10-11-28x (5288) ତସ୍ଯା ବହୁବିଧଂ ଦୁଃଖଂ ନିଶମ୍ଯ ପରିଦେବିତମ୍। ନ ଚାମର୍ଷତ କୌନ୍ତେଯୋ ଭୀମସେନୋ ମହାବଲଃ॥ 10-11-28 (64560) ସ କାଞ୍ଚନବିଚିତ୍ରାଙ୍ଗମାରୁରୋହ ମହାରଥମ୍। ଆଦାଯ ରୁଚିରଂ ଚିତ୍ରଂ ସମାର୍ଗଣଗୁଣଂ ଧନୁଃ॥ 10-11-29 (64561) ନକୁଲଂ ସାରଥିଂ କୃତ୍ବା ଦ୍ରୋଣପୁତ୍ରବଧେ ଧୃତଃ। ବିସ୍ଫାର୍ଯ ସଶରଂ ଚାପଂ ତୂର୍ଣମଶ୍ବାନଚୋଦଯତ୍॥ 10-11-30 (64562) ତେ ହଯାଃ ପୁରୁଷବ୍ଯାଘ୍ର ଦୀପ୍ଯମାନାଃ ସ୍ବତେଜସା। ବହନ୍ତଃ ସହସା ଜଗ୍ମୁର୍ହରଯଃ ଶୀଘ୍ରଗାମିନଃ॥ 10-11-31 (64563) ଶିବିରାତ୍ସ୍ବାଦ୍ଗୃହୀତ୍ବା ସ ରଥସ୍ଯ ପଦମଚ୍ଯୁତଃ। `ଦ୍ରୋଣପୁତ୍ରଗତେନାଶୁ ଯଯୌ ମାର୍ଗେଣ ଭାରତ'॥ ॥ 10-11-32 (64564) ଇତି ଶ୍ରୀମନ୍ମହାଭାରତେ ସୌପ୍ତିକପର୍ବଣି ଐଷୀକପର୍ବଣି ଏକାଦଶୋଽଧ୍ଯାଯଃ॥ 11 ॥

10-12-0 (64565) ବୈଶମ୍ପାଯନ ଉବାଚ। 10-12-0x (5289) ତସ୍ମିନ୍ପ୍ରଯାତେ ଦୁର୍ଧର୍ଷେ ଯଦୂନାମୃଷଭସ୍ତତଃ। ଅବ୍ରବୀତ୍ପୁଣ୍ଡରୀକାକ୍ଷଃ କୁନ୍ତୀପୁତ୍ରଂ ଯୁଧିଷ୍ଠିରମ୍॥ 10-12-1 (64566) ଏଷ ପାଣ଼୍ଡବେ ତେ ଭ୍ରାତା ପୁତ୍ରଶୋକପରାଯଣଃ। ଜିଘାଂସୁର୍ଦ୍ରୌଣିମାକ୍ରନ୍ଦେ ଏକ ଏବାଭିଧାବତି॥ 10-12-2 (64567) ଭୀମଃ ପ୍ରିଯସ୍ତେ ସର୍ବେଭ୍ଯୋ ଭ୍ରାତୃଭ୍ଯୋ ଭରତର୍ଷଭ। ତଂ କୃଚ୍ଛ୍ରଗତମଦ୍ଯ ତ୍ବଂ କସ୍ମାନ୍ନାଭ୍ଯୁପପଦ୍ଯସେ॥ 10-12-3 (64568) ଯତ୍ତଦାଚଷ୍ଟ ପୁତ୍ରାଯ ଦ୍ରୋଣଃ ପରପୁରଞ୍ଜଯଃ। ଅସ୍ତ୍ରଂ ବ୍ରହ୍ମଶିରୋ ନାମ ଦହେତ ପୃଥିବୀମପି॥ 10-12-4 (64569) ତନ୍ମହାତ୍ମା ମହାଭାଗଃ କେତୁଃ ସର୍ବଧନୁଷ୍ମତାମ୍। ପ୍ରତ୍ଯପାଯଦାଚାର୍ଯଃ ପ୍ରୀଯମାଣୋ ଧନଞ୍ଜଯମ୍॥ 10-12-5 (64570) ତଂ ପୁତ୍ରୋଽପ୍ଯେକ ଏବୈନମନ୍ବଯାଚଦମର୍ଷଣଃ। ତତଃ ପ୍ରୋବାଚ ପୁତ୍ରାଯ ନାତିହୃଷ୍ଟମନା ଇବ॥ 10-12-6 (64571) ବିଦିତଂ ଚାପଲଂ ହ୍ଯାସୀଦାତ୍ମଜସ୍ଯ ଦୁରାତ୍ମନଃ। ସର୍ବଧର୍ମବିଦାଚାର୍ଯଃ ସୋଽନ୍ବଶାସତ୍ସୁତଂ ତତଃ॥ 10-12-7 (64572) ପରମାପଦ୍ଗତେନାପି ନ ସ୍ମ ତାତ ତ୍ବଯା ରଣେ। ଇଦମସ୍ତ୍ରଂ ପ୍ରଯୋକ୍ତବ୍ଯଂ ମାନୁଷେଷୁ ବିଶେଷତଃ॥ 10-12-8 (64573) ଇତ୍ଯୁକ୍ତ୍ବାନ୍ଗୁରୁଃ ପୁତ୍ରଂ ଦ୍ରୋଣଃ ପଶ୍ଚାଥୋକ୍ତବାନ୍। ନ ତ୍ବଂ ଜାତୁ ସତାଂ ମାର୍ଗେ ସ୍ଥାତେତି ପୁରୁଷର୍ଷଭ॥ 10-12-9 (64574) ସ ତଦାଜ୍ଞାଯ ଦୁଷ୍ଟାତ୍ମା ପିତୁର୍ବଚନମପ୍ରିଯମ୍। ନିରାଶଃ ସର୍ବକଲ୍ଯାଣୈଃ ଶୋକାତ୍ପର୍ଯଚରନ୍ମହୀମ୍॥ 10-12-10 (64575) ତତସ୍ତଦା କୁରୁଶ୍ରେଷ୍ଠ ବନସ୍ଥେ ତ୍ବଯି ଭାରତ। ଅବସଦ୍ଦ୍ବାରକାମେତ୍ଯ ବୃଷ୍ଣିଭିଃ ପରମାର୍ଚିତଃ॥ 10-12-11 (64576) ସ କଦାଚିତ୍ସମୁଦ୍ରାନ୍ତେ ବସନ୍ଦ୍ବାରବତୀମନୁ। ଏକ ଏକଂ ସମାଗମ୍ଯ ମାମୁବାଚ ହସନ୍ନିବ॥ 10-12-12 (64577) ଯତ୍ତଦୁଗ୍ରଂ ତପଃ କୃଷ୍ଣ ଚରନ୍ନମିତବିକ୍ରମଃ। ଅଗସ୍ତ୍ଯାଦ୍ଭାରତାଚାର୍ଯଃ ପ୍ରତ୍ଯପଦ୍ଯତ ମେ ପିତା॥ 10-12-13 (64578) ଅସ୍ତ୍ରଂ ବ୍ରହ୍ମଶିରୋ ନାମ ଦେବଗନ୍ଧର୍ବପୂଜିତମ୍। ତଦଦ୍ଯ ମଯି ଦାଶାର୍ହ ଯଥା ପିତରି ମେ ତଥା॥ 10-12-14 (64579) ଅସ୍ମତ୍ତସ୍ଦୁପାଦାଯ ଦିବ୍ଯମସ୍ତ୍ରଂ ଯଦୂତ୍ତମ। ମମାପ୍ଯସ୍ରଂ ପ୍ରଯଚ୍ଛ ତ୍ବଂ ଚକ୍ରଂ ରିପୁହଣଂ ରଣେ॥ 10-12-15 (64580) ସ ରାଜନ୍ପ୍ରୀଯମାଣେନ ମଯାପ୍ଯୁକ୍ତଃ କୃତାଞ୍ଜଲିଃ। ଯାଚମାନଃ ପ୍ରଯତ୍ନେନ ମତ୍ତୋଽସ୍ତ୍ରଂ ଭରତର୍ଷଭ॥ 10-12-16 (64581) ଦେବଦାନବଗନ୍ଧର୍ବମନୁଷ୍ଯପତଗୋରଗାଃ। ନ ସମା ମମ ବୀର୍ଯସ୍ଯ ଶତାଂଶେନାପି ପିଣ୍ଡିତାଃ॥ 10-12-17 (64582) ଇଦଂ ଧନୁରିଯଂ ଶକ୍ତିରିଦଂ ଚକ୍ରମିଯଂ ଗଦା। ଯଦ୍ଯଦିଚ୍ଛସି ଚେଦସ୍ରଂ ମତ୍ତସ୍ତତ୍ତଦ୍ଦଦାମି ତେ॥ 10-12-18 (64583) ଯଚ୍ଛକ୍ନୋଷି ସମୁଦ୍ଯନ୍ତୁଂ ପ୍ରଯୋକ୍ତୁମପି ବା ରଣେ। ତଦ୍ଗୃହାଣ ବିନାଽସ୍ତ୍ରେଣ ଯନ୍ମେ ଦାତୁମଭୀପ୍ସସି॥ 10-12-19 (64584) ସ ସୁନାଭଂ ସହସ୍ରାରଂ ବଜ୍ରନାଭମଯସ୍ମଯମ୍। ବବ୍ରେ ଚକ୍ରଂ ମହାଭାଗୋ ମତ୍ତଃ ସ୍ପର୍ଧନ୍ମଯା ସହ॥ 10-12-20 (64585) ଗୃହାଣ ଚକ୍ରମିତ୍ଯୁକ୍ତୋ ମଯା ତୁ ତଦନନ୍ତରମ୍। ଜଗ୍ରାହୋତ୍ପତ୍ଯ ସହସା ଚକ୍ରଂ ସବ୍ଯେନ ପାଣିନା॥ 10-12-21 (64586) ନ ଚୈନମଶକତ୍ସ୍ଥାନାତ୍ସଞ୍ଚାଲଯିତୁମପ୍ଯୁତ। ଅଥୈନଂ ଦକ୍ଷିଣେନାପି ଗ୍ରହୀତୁମୁପଚକ୍ରମେ॥ 10-12-22 (64587) ସର୍ବଯତ୍ନେନ ତେନାପି ଗୃହ୍ଯ ନୈନମକମ୍ପଯତ୍॥ 10-12-23 (64588) ତତଃ ସର୍ବବଲେନାପି ଯଦୈନଂ ନ ଶଶାକ ହ। ଉଦ୍ଯନ୍ତୁଂ ବା ଚାଲଯିତୁଂ ଦ୍ରୌଣିଃ ପରମଦୁର୍ମନାଃ। କୃତ୍ବା ଯତ୍ନଂ ପରିଶ୍ରାନ୍ତଃ ସ ନ୍ଯବର୍ତତ ଭାରତ॥ 10-12-24 (64589) ନିବୃତ୍ମନସଂ ତସ୍ମାଦଭିପ୍ରାଯାଦ୍ବିଚେତସମ୍। ଅହମାମନ୍ତ୍ର୍ଯ ସଂବିଗ୍ନମଶ୍ବତ୍ଥାମାନମବ୍ରୁବମ୍॥ 10-12-25 (64590) ଯଃ ସ ଦୈବମନୁଷ୍ଯେଷୁ ପ୍ରମାଣଂ ପରମଂ ଗତଃ। ଗାଣ୍ଡୀବଧନ୍ବା ଶ୍ବେତାଶ୍ଚଃ କପିପ୍ରବରକେତନଃ॥ 10-12-26 (64591) ଯଃ ସାକ୍ଷାଦ୍ଦେବଦେବେଶଂ ଶିତିକଣ୍ଠମୁମାପତିମ୍। ଦ୍ବନ୍ଦ୍ବଯୁଦ୍ଧେ ପୁରା ଜିଷ୍ଣୁସ୍ତୋଷଯାମାସ ଶଙ୍କରମ୍॥ 10-12-27 (64592) ଯସ୍ମାତ୍ପ୍ରିଯତରୋ ନାସ୍ତି ମମାନ୍ଯଃ ପୁରୁଷୋ ଭୁବି। ନାଦେଯଂ ଯସ୍ଯ ମେ କିଞ୍ଚିଦପି ପ୍ରାଣାନ୍ମହାତ୍ମନଃ॥ 10-12-28 (64593) ତେନାପି ସୁହୃଦା ବ୍ରହ୍ମନ୍ପାର୍ଥେନାକ୍ଲିଷ୍ଟକର୍ମଣା। ନୋକ୍ପୂର୍ବମିଦଂ ବାକ୍ଯଂ ଯସ୍ତ୍ବଂ ମାମଭିଭାଷସେ॥ 10-12-29 (64594) ବ୍ରହ୍ମଚର୍ଯଂ ମହଦ୍ଧୋରଂ ତୀର୍ବା ଦ୍ବାଦଶବାର୍ଷିକମ୍। ହିମବତ୍ପାର୍ଶ୍ବମାସ୍ଥାଯ ଯୋ ମଯା ତପସାଽଽର୍ଜିତଃ॥ 10-12-30 (64595) ସମାନବ୍ରତଚାରିଣ୍ଯାଂ ରୁକ୍ମିଣ୍ଯାଂ ଯୋଽନ୍ବଜାଯତ। ସନତ୍କୁମାରସ୍ତେଜସ୍ବୀ ପ୍ରଦ୍ଯୁମ୍ନୋ ନାମ ମେ ସୁତଃ॥ 10-12-31 (64596) ତେନାପ୍ଯେତନ୍ମହଦ୍ଦିବ୍ଯଂ ଚକ୍ରମପ୍ରତିମଂ ରଣେ। ନ ପ୍ରାର୍ଥିତମଭୂନ୍ମୂଢ ତଦିତଂ ପ୍ରାର୍ଥିତଂ ତ୍ବଯା॥ 10-12-32 (64597) ରାମେଣାତିବଲେନୈତନ୍ନୋକ୍ତପୂର୍ବଂ କଦାଚନ। ନ ଗଦେନ ସାମ୍ବେନ ଯଦିଦଂ ପ୍ରାର୍ଥିତଂ ତ୍ବଯା॥ 10-12-33 (64598) ଦ୍ବାରକାବାସିଭିଶ୍ଚାନ୍ଯୈର୍ବୃଷ୍ଣ୍ଯନ୍ଧକମହାରଥୈଃ। ନୋକ୍ତପୂର୍ବମିଦଂ କ୍ଷୁଦ୍ରଂ ତଦିଦଂ ପ୍ରାର୍ଥିତଂ ତ୍ବଯା॥ 10-12-34 (64599) ଭାରତାଚାର୍ଯପୁତ୍ରସ୍ତ୍ବଂ ମାନିତଃ ସର୍ବଯାଦବୈଃ। ଚକ୍ରେଣ ରଥିନାଂ ଶ୍ରେଷ୍ଠ କଂ ନୁ ତାତ ଯୁଯୁତ୍ସସେ॥ 10-12-35 (64600) ଏବମୁକ୍ତୋ ମଯା ଦ୍ରୌଣିର୍ମାମିଦଂ ପ୍ରତ୍ଯୁବାଚ ହ। ପ୍ରଯୁଜ୍ଯ ଭବତେ ପୂଜାଂ ଯୋତ୍ସ୍ଯେ କୃଷ୍ଣ ତ୍ବଯା ସହ॥ 10-12-36 (64601) ପ୍ରାର୍ଥିତଂ ତେ ମଯା ଚକ୍ରଂ ଦେବଦାନବପୂଜିତମ୍। ଅଜେଯଃ ସ୍ଯାମିତି ବିଭୋ ସତ୍ଯମେଦ୍ବ୍ରବୀମି ତେ॥ 10-12-37 (64602) ସୋଽହଂ ତଦ୍ଦୁର୍ଲଭଂ ଚକ୍ରମନବାପ୍ଯୈବ କେଶବ। ପ୍ରତିଯାସ୍ଯାମି ଗୋବିନ୍ଦ ଶିବେନାଭିବଦସ୍ବ ମାମ୍॥ 10-12-38 (64603) ଏତତ୍ସୁନାଭଂ ଭୋଜାନାମୃଷଭେଣ ତ୍ବଯା ଧୃତମ୍। ଚକ୍ରମପ୍ରତିଚକ୍ରେଣ ଭୁବି ନାନ୍ଯୋଽଭିପଦ୍ଯତେ॥ 10-12-39 (64604) ଏତାବଦୁକ୍ତ୍ବା ଦ୍ରୌଣିର୍ମାଂ ଯୁଗ୍ଯାନଶ୍ବାନ୍ଧନାନି ଚ। ଆଦାଯୋପଯଯୌ କାଲେ ରତ୍ନାନି ବବିଧାନି ଚ॥ 10-12-40 (64605) ସ ସଂରମ୍ଭୀ ଦୁରାତ୍ମା ଚ ଚପଲଃ କ୍ରୂର ଏବ ଚ। ବେଦ ଚାସ୍ରଂ ବ୍ରହ୍ମଶିରସ୍ତସ୍ମାଦ୍ରକ୍ଷ୍ଯୋ ବୃକୋଦରଃ॥ ॥ 10-12-41 (64606) ଇତି ଶ୍ରୀମନ୍ମହାଭାରତେ ସୌପ୍ତିକପର୍ବଣି ଐଷୀକପର୍ବଣି ଦ୍ବାଶୋଽଧ୍ଯାଯଃ॥ 12 ॥

10-13-0 (64607) ବୈଶମ୍ପାଯନ ଉବାଚ। 10-13-0x (5290) ଏବମୁକ୍ତ୍ବା କୁରୁଶ୍ରେଷ୍ଠଂ ସର୍ବଯାଦବନନ୍ଦନଃ। ସର୍ବାଯୁଧବରୋପେତମାରୁରୋହ ରଥୋତ୍ତମମ୍॥ 10-13-1 (64608) ଯୁକ୍ତଂ ପରମକାମ୍ଭୋଜୈସ୍ତୁରଗୈର୍ହେମମାଲିଭିଃ। ଉଦିତାଦିତ୍ଯସଙ୍କାଶଂ ସର୍ବରତ୍ନବିଭୂଷିତମ୍॥ 10-13-2 (64609) ଦକ୍ଷିଣେ ହ୍ଯାବହଚ୍ଛୈବ୍ଯଃ ସୁଗ୍ରୀବଃ ସବ୍ଯତୋ ଧୁରମ୍। ଣର୍ଷ୍ଣିବାହୌ ତୁ ତସ୍ଯାସ୍ତାଂ ମେଘପୁଷ୍ପବଲାହକୌ॥ 10-13-3 (64610) ବିଶ୍ବକର୍ମକୃତା ଦିବ୍ଯା ରତ୍ନଧାତୁବିଭୂଷିତା। ଉଚ୍ଛ୍ରିତା ଚ ରଥେ ତସ୍ମିନ୍ଧ୍ବଜଯଷ୍ଟିରଦୃଶ୍ଯତ॥ 10-13-4 (64611) ବୈନତେଯଃ ସ୍ଥିତସ୍ତସ୍ଯାଂ ପ୍ରଭାମଣ୍ଡଲରଶ୍ମିବାନ୍॥ ତସ୍ଯ ସତ୍ଯବତଃ କେତୁର୍ଭୁଜଗାରିରଦୃଶ୍ଯତ॥ 10-13-5 (64612) ଅଥାରୋହଦ୍ଧୃଷୀକେଶଃ କେତୁଃ ସର୍ବଧନୁଷ୍ମତାମ୍। ଅର୍ଜୁନଃ ସ ଚ ଧର୍ମାତ୍ମା କୁରୁରାଜୋ ଯୁଧିଷ୍ଠିରଃ॥ 10-13-6 (64613) ଅଶୋଭେତାଂ ମହାତ୍ମାନୌ ଦାଶାର୍ହମଭିତଃ ସ୍ଥିତୌ। ରଥସ୍ଥଂ ଶାର୍ଙ୍ଗଧନ୍ବାନମଶ୍ବିନାବିବ ବାସବମ୍॥ 10-13-7 (64614) ଉଭାବାରୋପ୍ଯ ଦାଶାର୍ହଃ ସ୍ଯନ୍ଦନଂ ଲୋକପୂଜିତମ୍। ପ୍ରତୋଦେନ ଜବୋପେତାନ୍ପରମାଶ୍ବାନଚୋଦଯତ୍॥ 10-13-8 (64615) ତେ ହଯାଃ ସହସୋତ୍ପେତୁର୍ଗୃହୀତ୍ବା ସ୍ଯନ୍ଦନୋତ୍ତମମ୍। ଆସ୍ଥିତଂ ପାଣ୍ଡବେଯାଭ୍ଯାଂ ଯଦୂନାମୃଷଭେଣ ଚ॥ 10-13-9 (64616) ବହତାଂ ଶାର୍ଙ୍ଗଧନ୍ବାନମଶ୍ବାନାଂ ଶୀଘ୍ରଗାମିନାମ୍। ପ୍ରାଦୁରାସୀନ୍ମହାଞ୍ଶବ୍ଦଃ ପକ୍ଷିଣାଂ ପତତାମିବ॥ 10-13-10 (64617) ତେ ସମର୍ଥା ମହାବାହୁଂ କ୍ଷଣେନ ଭରତର୍ଷଭ। ଭୀମସେନଂ ମହେଷ୍ବାସମନୁସସ୍ରୁଃ ସୁବେଗିତାଃ॥ 10-13-11 (64618) କ୍ରୋଧଦୀପ୍ତଂ ତୁ କୌନ୍ତେଯଂ ଦ୍ବିଷଦର୍ଥେ ସମୁଦ୍ଯତମ୍। ନାଶକ୍ନୁବନ୍ବାରଯିତୁଂ ସମେତ୍ଯାପି ମହାରଥାଃ॥ 10-13-12 (64619) ସ ତେଷାମଗ୍ରତଃ ଶୂରଃ ଶ୍ରୀମତାଂ ଦୃଢଧନ୍ବିନାମ୍। ଯଯୌ ଭାଗୀରଥୀତୀରଂ ହରିଭିର୍ଭୃଶବେଗିତୈଃ। ଯତ୍ର ସ ଶ୍ରୂଯତେ ଦ୍ରୌଣିଃ ପୁତ୍ରହନ୍ତା ଦୁରାତ୍ମବାନ୍॥ 10-13-13 (64620) ସ ଦଦର୍ଶ ମହାତ୍ମାନମୁଦକାନ୍ତେ ଯଶସ୍ବିନମ୍। କୃଷ୍ଣଦ୍ବୈପାଯନଂ ବ୍ଯାସମାସୀନମୃଷିଭିଃ ସହ॥ 10-13-14 (64621) ତଂ ଚୈବ କ୍ରୂରକର୍ମାଣଂ ଘୃତାକ୍ତଂ କୁଶଚୀରିଣମ୍। ରଜସା ଧ୍ବସ୍ତମାସୀନଂ ଦଦର୍ଶ ଦ୍ରୌଣିମନ୍ତିକେ॥ 10-13-15 (64622) ତମଭ୍ଯଧାବତ୍କୌନ୍ତେଯଃ ପ୍ରଗୃହ୍ଯ ସଶରଂ ଧନୁଃ। ଭୀମସେନୋ ମହାବାହୁସ୍ତିଷ୍ଠତିଷ୍ଠେତି ଚାବ୍ରବୀତ୍॥ 10-13-16 (64623) ତଂ ଦୃଷ୍ଟ୍ବା ଭୀମକର୍ମାଣଂ ପ୍ରଗୃହୀତଶରାସନମ୍। ଭ୍ରାତରୌ ପୃଷ୍ଠତଶ୍ଚାସ୍ଯ ଜନାର୍ଦନରଥେ ସ୍ଥିତୌ। ବ୍ଯଥିତାତ୍ମାଽଭବଦ୍ଦ୍ରୌଣିଃ ପ୍ରାପ୍ତଂ ଚେଦମମନ୍ଯତ॥ 10-13-17 (64624) ସ ତଦ୍ଦିବ୍ଯମଦୀନାତ୍ମା ପରମାସ୍ରମଚିନ୍ତଯତ୍। ଜଗ୍ରାହ ଚ ଶରୈଷୀକାଂ ଦ୍ରୌଣିଃ ସବ୍ଯେନ ପାଣିନା॥ 10-13-18 (64625) ସ ତାମାପଦମାସାଦ୍ଯ ଦିବ୍ଯମସ୍ତ୍ରମୁଦୈରଯତ୍। ଅମୃଷ୍ଯମାଣସ୍ତାଞ୍ଛୂରାନ୍ଦିବ୍ଯାଯୁଧଧରାନ୍ସ୍ଥିତାନ୍। ଅପାଣ୍ଡବାଯେତି ରୁଷା ବାଚମୁତ୍ସୃଜ୍ଯ ଦାରୁଣମ୍॥ 10-13-19 (64626) ଇତ୍ଯୁକ୍ତ୍ବା ରାଜଶାର୍ଦୂଲ ଦ୍ରୋଣପୁତ୍ରଃ ପ୍ରତାପବାନ୍। ସର୍ବଲୋକପ୍ରମୋହାର୍ଥଂ ତଦସ୍ରଂ ପ୍ରମୁମୋଚ ହ॥ 10-13-20 (64627) ତତସ୍ତସ୍ଯାମିଷୀକାଯାଂ ପାବକଃ ସମଜାଯତ। ପ୍ରଧକ୍ଷ୍ଯନ୍ନିବ ଲୋକାଂସ୍ତ୍ରୀନ୍କାଲାନ୍କଯମୋପମଃ॥ ॥ 10-13-21 (64628) ଇତି ଶ୍ରୀମନ୍ମହାଭାରତେ ସୌପ୍ତିକପର୍ବଣି ଐଷୀକପର୍ବଣି ତ୍ରଯୋଧଶୋଽଧ୍ଯାଯଃ॥ 13 ॥

10-14-0 (64629) ବୈଶମ୍ପାଯନ ଉବାଚ। 10-14-0x (5291) ଇଙ୍ଗିତେନୈବ ଦାଶାର୍ହସ୍ତସ୍ଯାଭିପ୍ରାଯମାଦିତଃ। ଦ୍ରୌଣେର୍ବୁଦ୍ଧା ମହାବାହୁରର୍ଜୁନଂ ପ୍ରତ୍ଯଭାଷତ॥ 10-14-1 (64630) ଅର୍ଜୁନାର୍ଜୁନ ଯଦ୍ଦିବ୍ଯମସ୍ତ୍ରଂ ତେ ହୃଦି ବର୍ତତେ। ଦ୍ରୋଣୋପଦିଷ୍ଟଂ ତସ୍ଯାଯଂ କାଲଃ ସମ୍ପ୍ରତି ପାଣ୍ଡବ॥ 10-14-2 (64631) ଭ୍ରାତୄଣାମାତ୍ମନଶ୍ଚୈବ ପରିତ୍ରାଣାଯ ଭାରତ। ବିସୃଜୈତତ୍ତ୍ବମପ୍ଯାଜାବସ୍ତ୍ରମସ୍ତ୍ରନିବାରଣମ୍॥ 10-14-3 (64632) କେଶବେନୈବମୁକ୍ତୋଽଥ ପାଣ୍ଡବଃ ପରବୀରହା। ଅବାତରଦ୍ରଥାତ୍ତୂର୍ଣଂ ପ୍ରଗୃହ୍ଯ ସଶରଂ ଧନୁଃ॥ 10-14-4 (64633) ପୂର୍ବମାଚାର୍ଯପୁତ୍ରାଯ ତତୋଽନନ୍ତରମାତ୍ମନେ। ଭ୍ରାତୃଭ୍ଯଶ୍ଚୈବ ସର୍ବେଭ୍ଯଃ ସ୍ବସ୍ତୀତ୍ଯୁକ୍ତ୍ବା ପରନ୍ତପଃ॥ 10-14-5 (64634) ଦେବତାଭ୍ଯୋ ନମସ୍କୃତ୍ଯ ଗୁରୁଭ୍ଯଶ୍ଚୈବ ସର୍ବଶଃ। ଉତ୍ସସର୍ଜ ଶିବଂ ଧ୍ଯାଯନ୍ନସ୍ତ୍ରମସ୍ତ୍ରେଣ ଶାମ୍ଯତାମ୍॥ 10-14-6 (64635) ତତସ୍ତଦସ୍ରଂ ସହସା ସୃଷ୍ଟଂ ଗାଣ୍ଡୀବଧନ୍ବନା। ପ୍ରଜଜ୍ବାଲ ମହାର୍ଚିଷ୍ମଦ୍ଯୁଗାନ୍ତାନଲସନ୍ନିଭମ୍॥ 10-14-7 (64636) ତଥୈବ ଦ୍ରୋଣପୁତ୍ରସ୍ଯ ତଦସ୍ତ୍ରଂ ତିଗ୍ମତେଜସଃ। ପ୍ରଜଜ୍ବାଲ ମହାଜ୍ବାଲଂ ତେଜୋମଣ୍ଡଲସଂବୃତମ୍॥ 10-14-8 (64637) ନିର୍ଘାତା ବହବଶ୍ଚାସନ୍ପେତୁରୁଲ୍କାଃ ସହସ୍ରଶଃ। ମହଦ୍ଭଯଂ ଚ ଭୂତାନାଂ ସର୍ବେଷାଂ ସମଜାଯତ॥ 10-14-9 (64638) ସଶବ୍ଦମଭବଦ୍ବ୍ଯୋମ ଜ୍ବାଲାମାଲାକୁଲଂ ଭୃଶମ୍। ଚଚାଲ ଚ ମହୀ କୃତ୍ସ୍ନା ସପର୍ବତବନଦ୍ରୁମା॥ 10-14-10 (64639) ତାବସ୍ତ୍ରତେଜସା ଲୋକାଂସ୍ତ୍ରାସଯନ୍ତୌ ତତଃ ସ୍ଥିତୌ। ମହର୍ଷୀ ସହିତୌ ତତ୍ର ଦର୍ଶଯାମାସତୁସ୍ତଦା॥ 10-14-11 (64640) ନାରଦଃ ସର୍ବଧର୍ମାତ୍ମା ଭରତାନାଂ ପିତାମହଃ। ଉଭୌ ଶମଯିତୁଂ ବୀରୌ ଭାରଦ୍ବାଜଧନଞ୍ଜଯୌ॥ 10-14-12 (64641) ତୌ ମୁନୀ ସର୍ବଧର୍ମଜ୍ଞୌ ସର୍ବଭୂତହିତୈପିଣୌ। ଦୀପ୍ତଯୋରସ୍ରଯୋର୍ମଧ୍ଯେ ସ୍ଥିତୌ ପରମତେଜସୌ॥ 10-14-13 (64642) ତଦନ୍ତରମନାଧୃଷ୍ଯାବୁପଗମ୍ଯ ଯଶସ୍ବିନୌ। ଆସ୍ତାମୃଷିବରୌ ତତ୍ର ଜ୍ବଲିତାବିବ ପାବକୌ॥ 10-14-14 (64643) ପ୍ରାଣଭୃଦ୍ଭିରନାଧୃଷ୍ଯୌ ଦେବଦାନବସମ୍ମତୌ। ଅସ୍ତ୍ରତେଜଃ ଶମଯିତୁଂ ଲୋକାନାଂ ହିତକାମ୍ଯଯା॥ 10-14-15 (64644) ଋଷୀ ଊଚତୁଃ। 10-14-16x (5292) ମହାସ୍ତ୍ରବିଦୁଷଃ ପୂର୍ବେ ଯେଽପ୍ଯତୀତା ମହାରଥାଃ। ନୈତଦସ୍ରଂ ମନୁଷ୍ଯେଷୁ ତୈଃ ପ୍ରଯୁକ୍ତଂ କଥଞ୍ଚନ। କିମିଦଂ ସାହସଂ ବୀରୌ କୃତବନ୍ତୌ ମହାତ୍ଯଯମ୍॥ ॥ 10-14-16 (64645) ଇତି ଶ୍ରୀମନ୍ମହାଭାରତେ ସୌପ୍ତିକପର୍ବଣି ଐଷୀକପର୍ବମି ଚତୁର୍ଦଶୋଽଧ୍ଯାଯଃ॥ 14 ॥