Kumbhaghonam Edition in Odia/Oriya Script
11. ସ୍ତ୍ରୀପର୍ବ
ସ୍ତ୍ରୀପର୍ବ - ଅଧ୍ଯାଯ 001
॥ ଶ୍ରୀଃ ॥
11.1. ଅଧ୍ଯାଯଃ 001
Mahabharata - Strii Parva - Chapter Topics
ସଞ୍ଜଯେନ ପୁତ୍ରାଦୀନ୍ପ୍ରତି ଶୋଚତୋ ଧୃତରାଷ୍ଟ୍ରସ୍ଯ ସମାଶ୍ବାସନମ୍॥ 1 ॥Mahabharata - Strii Parva - Chapter Text
11-1-0 (64780)
ଶ୍ରୀବେଦବ୍ଯାସାଯ ନମଃ। 11-1-0x (5307)
ନାରାଯଣଂ ନମସ୍କୃତ୍ଯ ନରଂ ଚୈବ ନରୋତ୍ତମମ୍।
ଦେବୀଂ ସରସ୍ବତୀଂ ବ୍ଯାସଂ ତତୋ ଜଯମୁଦୀରଯେତ୍॥ 11-1-1 (64781)
ଜନମେଜଯ ଉବାଚ। 11-1-1x (5308)
ହତେ ଦୁର୍ଯୋଧନେ ଚୈବ ହତେ ସୈନ୍ଯେ ଚ ସର୍ବଶଃ।
ଧୃତରାଷ୍ଟ୍ରୋ ମହାରାଜ ଶ୍ରୁତ୍ବା କିମକରୋନ୍ମୁନେ॥ 11-1-1 (64782)
ତଥୈବ କୌରବୋ ରାଜା ଧର୍ମପୁତ୍ରୋ ମହାମନାଃ।
କୃପପ୍ରଭୃତଯଶ୍ଚୈବ କିମକୁର୍ବତ ତେ ତ୍ରଯଃ॥ 11-1-2 (64783)
ଅଶ୍ବତ୍ଥାମ୍ନଃ କୃତଂ କର୍ମ ଶାପଶ୍ଚାନ୍ଯୋନ୍ଯକାରିତଃ।
ବୃତ୍ତାନ୍ମୁତ୍ରଂ ବ୍ରୂହି ଯଦଭାଷତ ସଞ୍ଜଯଃ॥ 11-1-3 (64784)
ବୈଶମ୍ପାଯନ ଉବାଚ। 11-1-4x (5309)
ହତେ ପୁତ୍ରଶତେ ଦୀନଂ ଛିନ୍ନଶାଖମିବ ଦ୍ରୁମମ୍।
ପୁତ୍ରଶୋକାଭିସନ୍ପ୍ତଂ ଧୃତରାଷ୍ଟ୍ରଂ ମହୀପତିମ୍॥ 11-1-4 (64785)
ଧ୍ଯାନମୂକତ୍ବମାପନ୍ନଂ ଚିନ୍ତଯା ସମଭିପ୍ଲୁତମ୍।
ସଞ୍ଜଯୋ ଜଯତାଂ ଶ୍ରେଷ୍ଠ ରାଜାନଂ ବାକ୍ଯମବ୍ରବୀତ୍॥ 11-1-5 (64786)
କିଂ ଶୋଚସି ମହାରାଜ ନାସ୍ତି ଶୋକେ ସହାଯତା।
ଅକ୍ଷୌହିଣ୍ଯୋ ହତାଶ୍ଚାଷ୍ଟୌ ଦଶ ଚୈବ ବିଶାମ୍ପତେ।
ନିର୍ଜିତେଯଂ ବସୁମତୀ ଶୂନ୍ଯା ସ୍ଥାସ୍ଯତି କେବଲମ୍॥ 11-1-6 (64787)
ନାନାଦିଗ୍ଭ୍ଯଃ ସମାଗମ୍ଯ ନାନାଜାତ୍ଯା ନରାଧିପାଃ।
ସହିତାସ୍ବ ପୁତ୍ରେଣ ସର୍ବେ ବୈ ନିଧନଂ ଗତାଃ॥ 11-1-7 (64788)
ପିତୄଣାଂ ପୁତ୍ରପୌତ୍ରାଣାଂ ଜ୍ଞାତୀନାଂ ସୁହୃଦାଂ ତଥା।
ଗୁରୂଣାଂ ଚାନୁପୂର୍ବ୍ଯେଣ ଯେ ଚାନ୍ଯେଽନୁଚରା ହତାଃ।
ପ୍ରେତକାର୍ଯାଣି ସର୍ବାଣି କାରଯସ୍ବ ନରାଧିପ॥ 11-1-8 (64789)
ବୈଶମ୍ପାଯନ ଉବାଚ। 11-1-9x (5310)
ତଚ୍ଛ୍ରୁତ୍ବା କରୁଣଂ ପୁତ୍ରପୌତ୍ରବଧାର୍ଦିତଃ।
ପପାତ ଭୁବି ଦୁର୍ଧର୍ଷୋ ବାତାହତ ଇବ ଦ୍ରୁମଃ॥ 11-1-9 (64790)
ଧୃତରାଷ୍ଟ୍ର ଉବାଚ। 11-1-10x (5311)
ହତପୁତ୍ରୋ ହତାମାତ୍ଯୋ ହତସର୍ବସୁହୃଜ୍ଜନଃ।
ଦୁଃଖଂ ନୂନଂ ଗମିଷ୍ଯାମି ବିଚରନ୍ପୃଥିବୀମିମାମ୍॥ 11-1-10 (64791)
କିନ୍ନୁ ବନ୍ଧୁବିହୀନସ୍ଯ ଜୀବିତେନ ମମାଦ୍ଯ ବୈ।
ଲୂନପକ୍ଷସ୍ଯ ଇବ ମେ ବୈନତେଯସ୍ଯ ସଞ୍ଜଯ॥ 11-1-11 (64792)
ହୃତରାଜ୍ଯୋ ହତସୁହୃଦ୍ବତପୁତ୍ରଶ୍ଚ ବୈ ତଥା।
ନ ଭ୍ରାଜିଷ୍ଯେ ମହାପ୍ରାଜ୍ଞ କ୍ଷୀଣରଶ୍ମିରିବାଂଶୁମାନ୍॥ 11-1-12 (64793)
ନ କୃତଂ ସୁହୃଦାଂ ବାକ୍ଯଂ ଜାମଦ୍ଗ୍ନ୍ଯସ୍ଯ ଚ॥
ସଭାମଧ୍ଯେ ତୁ କୃଷ୍ଣେନ ଯଚ୍ଛ୍ରେଯୋଽଭିହିତଂ ମମ। 11-1-13 (64794)
ଅଲଂ ବୈରେଣ ତେ ରାଜନ୍ପୁତ୍ରଃ ସଂଗୃଦ୍ଯତାମିତି।
ତଚ୍ଚ ବାକ୍ଯମକୃତ୍ବାଽହଂ ଭୃଶଂ ତପ୍ଯାମି ଦୁର୍ମତିଃ॥ 11-1-14 (64795)
ନ ହି ଶ୍ରୋତାଽସ୍ମି ଭୀଷ୍ମସ୍ଯ ଶର୍ମଯୁକ୍ତଂ ପ୍ରଭାଷିତମ୍॥ 11-1-15 (64796)
ଦୁର୍ଯୋଧନସ୍ଯ ଚ ତଥା ବୃଷଭସ୍ଯେବ ନର୍ଦତଃ।
ଦୁଃଶାସନବଧଂ ଶ୍ରୁତ୍ବା କର୍ଣସ୍ଯ ଚ ବିପର୍ଯଯମ୍।
ଦ୍ରୋଣସୂର୍ଯୋପରାଗଂ ଚ ହୃଦଯଂ ମେ ବିଦୀର୍ଯତେ॥ 11-1-16 (64797)
ନ ସ୍ମରାମ୍ଯାତ୍ମନଃ କିଞ୍ଚିତ୍ପୁରା ସଞ୍ଜଯ ଦୁଷ୍କୃତମ୍।
ଯସ୍ଯେଦଂ ଫଲମଦ୍ଯେହ ମଯା ମୂଢେନ ଭୁଜ୍ଯତେ॥ 11-1-17 (64798)
ନୂନଂ ବ୍ଯପକୃତଂ କିଞ୍ଚିନ୍ମଯା ପୂର୍ବେଷୁ ଜନ୍ମସୁ।
ଯେନ ମାଂ ଦୁଃଖଭାଗେଷୁ ଧାତା କର୍ମସୁ ଯୁକ୍ତବାନ୍॥ 11-1-18 (64799)
ପରିଣାମଶ୍ଚ ବଯସଃ ସର୍ବବନ୍ଧୁକ୍ଷଯଶ୍ଚ ମେ।
ସୁହୃନ୍ମିତ୍ରବିନାଶଶ୍ଚ ଦୈବଯୋଗାଦୁପାଗତଃ॥ 11-1-19 (64800)
କୋନ୍ବସ୍ତି ଦୁଃଖିତତରୋ ମତ୍ତୋଽନ୍ଯୋ ହି ପୁମାନ୍ଭୁବି॥ 11-1-20 (64801)
ତନ୍ମାମଦ୍ଯୈବ ପଶ୍ଯନ୍ତୁ ପାଣ୍ଡବାଃ ସଂଶିତବ୍ରତାଃ।
ବିବୃତଂ ବ୍ରହ୍ମଲୋକସ୍ଯ ଦୀର୍ଘମଧ୍ବାନମାସ୍ଥିତମ୍॥ 11-1-21 (64802)
ବୈଶମ୍ପାଯନ ଉବାଚ। 11-1-22x (5312)
ତସ୍ଯ ଲାଲପ୍ଯମାନସ୍ଯ ବହୁ ଶୋକଂ ବିଚିନ୍ବତଃ।
ଶୋକାପହଂ ନରେନ୍ଦ୍ରସ୍ଯ ସଞ୍ଜଯୋ ବାକ୍ଯମବ୍ରବୀତ୍॥ 11-1-22 (64803)
ଶୋକଂ ରାଜନ୍ବ୍ଯପନୁଦ ଶ୍ରୁତାସ୍ତେ ବେଦନିଶ୍ଚଯାଃ।
ଶାସ୍ତ୍ରାଗମାଶ୍ଚ ବିବିଧା ବୃଦ୍ଧେଭ୍ଯୋ ନୃପସତ୍ତମ॥ 11-1-23 (64804)
ସୃଞ୍ଜଯେ ପୁତ୍ରଶୋକାର୍ତେ ଯଦୂର୍ଚୁର୍ମୁନଯଃ ପୁରା।
ଯଥା ଯୌବନଜଂ ଦର୍ପମାସ୍ଥିତେ ତେ ସୁତେ ନୃପ॥ 11-1-24 (64805)
ନ ତ୍ବଯା ସୁହୃଦାଂ ବାକ୍ଯଂ ବ୍ରୁବତାମବଧାରିତମ୍।
ସ୍ବାର୍ଥଶ୍ଚ ନ କୃତଃ କଶ୍ଚିଲ୍ଲୁବ୍ଧେନ ଫଲଗୃଦ୍ଧିନା॥ 11-1-25 (64806)
ଅସିନୈବୈକଧାରେଣ ସ୍ବବୁଦ୍ଧ୍ଯା ତୁ ବିଚେଷ୍ଟିତମ୍।
ପ୍ରାଯଶୋଽବୃତ୍ତସମ୍ପନ୍ନାଃ ସତତଂ ପର୍ଯୁପାସିତାଃ॥ 11-1-26 (64807)
ଯସ୍ଯ ଦୁଃଶାସନୋ ମନ୍ତ୍ରୀ ରାଧେଯଶ୍ଚ ଦୁରାତ୍ମବାନ୍।
ଶକୁନିଶ୍ଚୈବ ଦୁଷ୍ଟାତ୍ମା ଚିତ୍ରସେନଶ୍ଚ ଦୁର୍ମତିଃ॥ 11-1-27 (64808)
ଅନଲ୍ପଂ ଯେନ ବୈ ସର୍ବଂ ଶଲ୍ଯଭୂତଂ କୃତଂ ଜଗତ୍।
କୁରୁବୃଦ୍ଧସ୍ଯ ଭୀଷ୍ମସ୍ଯ ଗାନ୍ଧାର୍ଯା ବିଦୁରସ୍ଯ ଚ॥ 11-1-28 (64809)
ଦ୍ରୋଣସ୍ଯ ଚ ମହାରାଜ କୃପସ୍ଯ ଚ ଶରଦ୍ବତଃ।
କୃଷ୍ଣସ୍ଯ ଚ ମହାବାହୋ ନାରଦସ୍ଯ ଚ ଧୀମତଃ॥ 11-1-29 (64810)
ଋଷୀଣାଂ ଚ ତଥାଽନ୍ଯେଷାଂ ବ୍ଯାସସ୍ଯାମିତତେଜସଃ।
ନ କୃତଂ ତେନ ବଚନଂ ତବ ପୁତ୍ରେଣ ଭାରତ।
କ୍ଷପିତାଃ କ୍ଷତ୍ରିଯାଃ ସର୍ବେ ଶତ୍ରୂଣାଂ ବର୍ଧିତଂ ଯଶଃ॥ 11-1-30 (64811)
ଅଧର୍ମସଂଯୁତଂ କିଞ୍ଚିନ୍ନିତ୍ଯଂ ଯୁଦ୍ଧମିତି ବ୍ରୁବନ୍।
ମଧ୍ଯସ୍ଥୋ ହି ତ୍ବମପ୍ଯାସୀର୍ନ କ୍ଷମଂ କିଞ୍ଚିଦୁକ୍ତବାନ୍॥ 11-1-31 (64812)
ଧୂର୍ଧରେଣ ତ୍ବଯା ଭାରସ୍ତୁଲଯା ନ ସମଂ ଧୃତଃ॥ 11-1-32 (64813)
ଆଦାବେବ ମନୁଷ୍ଯେଣ ବର୍ତିତବ୍ଯଂ ଯଥାକ୍ରମମ୍।
ଯଥା ନାତୀତମର୍ଥଂ ବୈ ପଶ୍ଚାତ୍ତାପେନ ଯୁଜ୍ଯତେ॥ 11-1-33 (64814)
ପୁତ୍ରଗୃଦ୍ଧ୍ଯା ତ୍ବଯା ରାଜନ୍ପ୍ରିଯଂ ତସ୍ଯ ଚିକୀର୍ଷିତମ୍।
ପଶ୍ଚାତ୍ତାପମିମଂ ପ୍ରାପ୍ତୋ ନ ତ୍ବଂ ଶୋଚିତୁମର୍ହସି॥ 11-1-34 (64815)
ମଧୁ ଯଃ କେବଲଂ ଦୃଷ୍ଟ୍ବା ପ୍ରପାତଂ ନାନୁପଶ୍ଯତି।
ସ ଭ୍ରଷ୍ଟୋମଧୁଲୋଭେନ ଶୋଚତ୍ଯେବ ଯଥା ଭବାନ୍॥ 11-1-35 (64816)
ଅର୍ଥାନ୍ନ ଶୋଚନ୍ପ୍ରାପ୍ନୋତି ନ ଶୋଚନ୍ବିନ୍ଦତେ ସୁଖମ୍।
ନ ଶୋଚଞ୍ଶ୍ରିଯମାପ୍ନୋତି ନ ଶୋଚନ୍ବିନ୍ଦତେ ଜଯମ୍॥ 11-1-36 (64817)
ସ୍ବଯମୁତ୍ପାଦଯିତ୍ବାଽଗ୍ନିଂ ପରୀତସ୍ତେନ ଯୋଽଗ୍ନିନା।
ଦହ୍ଯମାନଃ ପୁନସ୍ତାପଂ ଭଜତେ ନ ସ ପଣ୍ଡିତଃ॥ 11-1-37 (64818)
ତ୍ବଯୈବ ସସୁତେନାଯଂ ବାକ୍ଯବାଯୁସମୀରିତଃ।
ଲୋଭାଜ୍ଯେନ ଚ ସଂସିକ୍ତୋ ଜ୍ବଲିତଃ ପାର୍ଥପାବକଃ॥ 11-1-38 (64819)
ତସ୍ମିନ୍ସମିଦ୍ଧେ ପତିତାଃ ଶଲଭା ଇବ ତେ ସୁତାଃ।
ତାନ୍କେଶବାଗ୍ନିନିର୍ଦଗ୍ଧାନ୍ନ ତ୍ବଂ ଶୋଚିତୁମର୍ହସି॥ 11-1-39 (64820)
ଯଚ୍ଚାଶ୍ରୁପାତକଲିଲଂ ବଦନଂ ବହସେ ନୃପ।
ଅଶାସ୍ତ୍ରଦୃଷ୍ଟମେତଦ୍ଧି ନ ପ୍ରଶଂସନ୍ତି ପଣ୍ଡିତାଃ॥ 11-1-40 (64821)
ବିସ୍ଫୁଲିଙ୍ଗା ଇବ ହ୍ଯେତାନ୍ଦହନ୍ତି କିଲ ମାନବାନ୍।
ଜହୀହି ମନ୍ଯୁଂ ବୁଦ୍ଧ୍ଯା ବୈ ଧାସ୍ଯାତ୍ମାନମାତ୍ମନା॥ 41 ॥ 11-1-41 (64822)
ବୈଶମ୍ପାଯନ ଉବାଚ। 11-1-42x (5313)
ଏବମାଶ୍ବାସିତଂ ତେନ ସଞ୍ଜଯେନ ମହାତ୍ମନା।
ବିଦୁରୋ ଭୂଯ ଏବାହ ବୁଦ୍ଧିପୂର୍ବଂ ପରନ୍ତପ॥ ॥ 11-1-42 (64823)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ଜଲପ୍ରଦାନିକପର୍ବଣି ପ୍ରଥମୋଽଧ୍ଯାଯଃ॥ 1 ॥
Mahabharata - Strii Parva - Chapter Footnotes
11-1-3 ଅଶ୍ବତ୍ଥାମ୍ନଃ ଶ୍ରୁତଂ କର୍ମ ଶାପଶ୍ଚାନ୍ଯୋନ୍ଯକାରିତ ଇତି କ.ପାଠଃ। ଅଶ୍ବତ୍ଥାନ୍ନଃ ଶ୍ରୁତଂ କର୍ମ ଶାପାଦନ୍ଯୋନ୍ଯକରିତାଦିତି ଝ.ପାଠଃ। ତତ୍ର ଅନ୍ଯୋନ୍ଯଂ କାରିତାତ୍ପାଣ୍ଡବାନାଂ ଗର୍ଭେ ବ୍ରହ୍ମଶିରୋସ୍ତ୍ରଂ ପତତ୍ବିତ୍ଯଶ୍ବତ୍ଥାନ୍ନା ଶାପୋ ଦତ୍ତଃ। ସହସ୍ରବର୍ଷାଣି ଗଲତ୍କୁଷ୍ଠୋ ଭବିଷ୍ଯସୀତ୍ଯଶ୍ବତ୍ଥାମ୍ନଃ କୃଷ୍ଣେନ ଶାପୋ ଦତ୍ତ ଇତ୍ଯର୍ଥଃ॥ 11-1-6 ଶୂନ୍ଯା ରାଜଭିର୍ହୀନା ॥ 11-1-8 ଗୁରୂଣାଂ ଚାନୁପୂର୍ବ୍ଯେଣ ପ୍ରେତକାର୍ଯାଣି କାରଯେତି ଝ.ପାଠଃ। ତତ୍ର ଆନୁପୂର୍ବ୍ଯେଣେତି। ଆଦୌ ହତାନାମାଦାବେବ ପଶ୍ଚାଦ୍ଧତାନାଂ ପଶ୍ଚାଦେବେତି ପୌର୍ବାପର୍ଯେଣ ପ୍ରେତାନାଂ ପରେତାନାଂ କାର୍ଯାଣି ପାରଲୌକିକାନି କର୍ମାଣୀତ୍ଯର୍ଥଃ॥ 11-1-15 ଶ୍ରୋତାସ୍ମି ଶ୍ରୁତବାନସ୍ମି॥ 11-1-16 ବିପର୍ଯଯଂ ବିନାଶମ୍॥ 11-1-21 ତନ୍ମାମିତି। ଅଦ୍ଯୈବ ପ୍ରାଣତ୍ଯାଗଂ କରିଷ୍ଯାମୀତ୍ଯର୍ଥଃ॥ 11-1-22 ଶୋକଂ ବିତନ୍ବତ ଇତି ଝ.ପାଠଃ। ତତ୍ର ବିତନ୍ବତଃ ବିରଚଯତ ଇତ୍ଯର୍ଥଃ॥ 11-1-23 ଅବୃତ୍ତେତି ଚ୍ଛେଦଃ॥ 11-1-28 ଶଲ୍ଯଶ୍ଚ ଯେନ ବୈ ସର୍ବଂ ଇତି ଝ.ପାଠଃ। ତତ୍ର ଶଲ୍ଯଶ୍ଚ ମନ୍ତ୍ରୀତି ପୂର୍ବେଣାନ୍ବଯଃ॥ 11-1-31 ନ ଧର୍ମଃ ସ କୃତଃ କଶ୍ଚିନ୍ନିତ୍ଯଂ ଯୁଦ୍ଧମଭୀପ୍ସତା। ଅଲ୍ପବୁଦ୍ଧିରହକାରୀ ନିତ୍ଯଂ ଯୁଦ୍ଧମିତି ବ୍ରୁବନ୍। କ୍ରୂରୋ ଦୁର୍ମର୍ଷଣୋ ନିତ୍ଯମସନ୍ତୁଷ୍ଟଶ୍ଚ ବୀର୍ଯବାନ୍। ଶ୍ରୁତବାନସି ମେଧାବୀ ସତ୍ଯବାଂଶ୍ଚୈବ ନିତ୍ଯଦା। ନ ମୁହ୍ଯାନ୍ତୀଦୃଶାଃ ସନ୍ତୋ ବୁଦ୍ଧିମନ୍ତୋ ଭବାଦୃଶାଃ। ନ ଧର୍ମଃ ସତ୍କୃତଃ କଶ୍ଚିତ୍ତବ ପୁତ୍ରେଣ ମାରିଷ। ଇତି ଝ.ପାଠଃ। ଅତ୍ର ବ୍ରୁବନ୍ ଦୁର୍ଯୋଧନଂ ଆସୀଦିତି ଶେଷଃ॥ 11-1-32 ଦୁର୍ଧରେଣେତି ଝ.ଟ.ପାଠଃ॥ 11-1-35 ପ୍ରପାତଂ ପର୍ବତାଗ୍ରାଦ୍ଭ୍ରଂଶମ୍॥ 11-1-41 ଜହି ମନ୍ଯଂ ସ୍ବବୁଦ୍ଧ୍ଯା ବୈ ଇତି କ.ଛ.ଟ.ପାଠଃ। ଦହନ୍ତି ଶୋକା ଇତ୍ଯର୍ଥାତ୍। ମନ୍ଯୁଂ ଦୈନ୍ଯମ୍। ମନ୍ଯୁର୍ଦୈନ୍ଯେ କ୍ରତୌ କ୍ରୁଧି ଇତ୍ଯମରଃ। ଆତ୍ମାନଂ ଚିତ୍ତଂ ଆତ୍ମନା ଧୈର୍ଯେଣ ଧାରଯ। ପ୍ରାଣାନ୍ମାତ୍ଯାକ୍ଷୀରିତ୍ଯର୍ଥଃ॥ 11-1-1 ପ୍ରଥମୋଽଧ୍ଯାଯଃ॥ସ୍ତ୍ରୀପର୍ବ - ଅଧ୍ଯାଯ 002
॥ ଶ୍ରୀଃ ॥
11.2. ଅଧ୍ଯାଯଃ 002
Mahabharata - Strii Parva - Chapter Topics
ବିଦୁରେଣ ଶାସ୍ତ୍ରାର୍ଥକଥନେନ ଧୃତରାଷ୍ଟ୍ରସ୍ଯ ଶୋକାପନୋଦନମ୍॥ 1 ॥Mahabharata - Strii Parva - Chapter Text
11-2-0 (64824)
ବୈଶମ୍ପାଯନ ଉବାଚ। 11-2-0x (5314)
ତତୋଽମୃତରସୈର୍ବାକ୍ଯୈର୍ହ୍ଲାଦଯନ୍ପୁରୁଷର୍ଷଭମ୍।
ବୈଚିତ୍ରବୀର୍ଯଂ ବିଦୁରୋ ଯଦୁବାଚ ନିବୋଧ ତତ୍॥ 11-2-1 (64825)
ବିଦୁର ଉବାଚ। 11-2-2x (5315)
ଉତ୍ତିଷ୍ଠ ରାଜନ୍କିଂ ଶେଷେ ଧାରଯାତ୍ମାନମାତ୍ମନା।
ଏଷା ବୈ ସର୍ବସତ୍ବାନାଂ ଲୋକେଶ୍ବର ପରା ଗତିଃ॥ 11-2-2 (64826)
ସର୍ବେ କ୍ଷଯାନ୍ତା ନିଚଯାଃ ପତନାନ୍ତାଃ ସମୁଚ୍ଛ୍ରଯାଃ।
ସଂଯୋଗା ବିପ୍ରଯୋଗାନ୍ତା ମରଣାନ୍ତଂ ଚ ଜୀବିତମ୍॥ 11-2-3 (64827)
ଯଦା ଶୂରଂ ଚ ଭୀରୁଂ ଚ ଯମଃ କର୍ଷତି ଭାରତ।
ତତ୍କିଂ ନ ଯୋତ୍ସ୍ଯନ୍ତି ହି ତେ କ୍ଷତ୍ରିଯାଃ କ୍ଷତ୍ରିଯର୍ଷଭ॥ 11-2-4 (64828)
ଅଯୁଧ୍ଯମାନୋ ମ୍ରିଯତେ ଯୁଧ୍ଯମାନଶ୍ଚ ଜୀବତି।
କାଲଂ ପ୍ରାପ୍ଯ ମହାରାଜ ନ କଶ୍ଚିଦତିବର୍ତତେ॥ 11-2-5 (64829)
ଅଭାବାଦୀନି ଭୂତାନି ଭାବମଧ୍ଯାନି ଭାରତ।
ଅଭାବନିଧନାନ୍ଯେବ ତତ୍ର କା ପରିଦେବନା॥ 11-2-6 (64830)
ନ ଶୋଚନ୍ମୃତମନ୍ବେତି ନ ଶୋଚନ୍ମ୍ରିଯତେ ନରଃ।
ଏବଂ ସାଂସିଦ୍ଧିକେ ଲୋକେ କିମର୍ଥମନୁଶୋଚସି॥ 11-2-7 (64831)
କାଲଃ କର୍ଷତି ଭୂତାନି ସର୍ବାଣି ବିବିଧାନ୍ଯୁତ।
ନ କାଲସ୍ଯ ପ୍ରିଯଃ କଶ୍ଚିନ୍ନ ଦ୍ବେଷ୍ଯଃ କୁରୁସତ୍ତମ॥ 11-2-8 (64832)
ଯଥା ବାଯୁସ୍ତୃଣାଗ୍ରାଣି ସଂବର୍ତଯତି ସର୍ବଶଃ।
ତଥା କାଲବଶଂ ଯାନ୍ତି ଭୂତାନି ଭରତର୍ଷଭ॥ 11-2-9 (64833)
ଏକସାର୍ଥପ୍ରଯାତାନାଂ ସର୍ବେଷାଂ ତତ୍ର ଗାମିନାମ୍।
ଯସ୍ଯ କାଲଃ ସ ଯାତ୍ଯଗ୍ରେ ତତ୍ର କା ପରିଦେବନା॥ 11-2-10 (64834)
ନ ଚାପ୍ଯେତାନ୍ହତାନ୍ଯୁଦ୍ଧେ ରାଜଞ୍ଶୋଚିତୁମର୍ହସି।
ପ୍ରମାଣଂ ଯଦି ଶାସ୍ତ୍ରାଣି ଗତାସ୍ତେ ପରମାଂ ଗତିମ୍॥ 11-2-11 (64835)
ସର୍ବେ ସ୍ବାଧ୍ଯାଯବନ୍ତୋ ହି ସର୍ବେ ଚ ଚରିତବ୍ରତାଃ।
ସର୍ବେ ଚାଭିମୁଖାଃ କ୍ଷୀଣାସ୍ତତ୍ର କା ପରିଦେବନା॥ 11-2-12 (64836)
ଅଦର୍ଶନାଦାପତିତାଃ ପୁନଶ୍ଚାଦର୍ଶନଂ ଗତାଃ।
ନୈତେ ତବ ନ ତେଷାଂ ତ୍ବଂ ତତ୍ର କା ପରିଦେବନା॥ 11-2-13 (64837)
ହତୋ ହି ଲଭତେ ସ୍ବର୍ଗଂ ଜିତ୍ବା ଚ ଲଭତେ ଯଶଃ।
ଉଭଯଂ ନୋ ବହୁଗୁଣଂ ନାସ୍ତି ନିଷ୍ଫଲତା ରଣେ॥ 11-2-14 (64838)
ତେଷାଂ କାମଦୁଘାଁଲ୍ଲୋକାନିନ୍ଦ୍ରଃ ସଙ୍କଲ୍ପଯିଷ୍ଯତି।
ଇନ୍ଦ୍ରସ୍ଯାତିଥଯୋ ହ୍ଯେତେ ଭବନ୍ତି ଭରତର୍ଷଭ॥ 11-2-15 (64839)
ନ ଯଜ୍ଞୈର୍ଦକ୍ଷିଣାବଦ୍ଭିର୍ନ ତପୋଭିର୍ନ ବିଦ୍ଯଯା।
ସ୍ବର୍ଗଂ ଯାନ୍ତି ତଥା ମର୍ତ୍ଯା ଯଥା ଶୂରା ରଣେ ହତାଃ॥ 11-2-16 (64840)
ଶରୀରାଗ୍ନିଷୁ ଶୂରାଣାଂ ଜୁହୁବୁସ୍ତେ ଶରାହୁତୀଃ।
ହୂଯମାନାଞ୍ଶରାଂଶ୍ଚୈବ ସେହୁସ୍ତେଜସ୍ବିନୋ ମିଥଃ॥ 11-2-17 (64841)
ଏବଂ ରାଜଂସ୍ତବାଚକ୍ଷେ ସ୍ବର୍ଗ୍ଯଂ ପନ୍ଥାନମୁତ୍ତମମ୍।
ନ ଯୁଦ୍ଧାଦଧିକଂ କିଞ୍ଚିତ୍କ୍ଷତ୍ରିଯସ୍ଯେହ ବିଦ୍ଯତେ॥ 11-2-18 (64842)
କ୍ଷତ୍ରିଯାସ୍ତେ ମହାତ୍ମାନଃ ଶୂରାଃ ସମିତିଶୋଭନାଃ।
ଆଶିଷଃ ପରମାଃ ପ୍ରାପ୍ତା ନ ଶୋଚ୍ଯାଃ ସର୍ବ ଏବ ହି॥ 11-2-19 (64843)
ଆତ୍ମାନମାତ୍ମନାଽଽଶ୍ବାସ୍ଯ ମା ଶୁଚଃ ପୁରୁଷର୍ଷଭ।
ନାଦ୍ଯ ଶୋକାଭିଭୂତସ୍ତ୍ବଂ କାଯମୁତ୍ସ୍ରଷ୍ଟୁମର୍ହସି॥ 11-2-20 (64844)
ମାତାପିତୃସହସ୍ରାଣି ପୁତ୍ରଦାରଶତାନି ଚ।
ସଂସାରେଷ୍ବନୁଭୂତାନି କସ୍ଯ ତେ କସ୍ଯ ବା ବଯମ୍॥ 11-2-21 (64845)
ଶୋକସ୍ଥାନସହସାଣି ଭଯସ୍ଥାନଶତାନି ଚ।
ଦିବସେଦିବସେ ମୂଢମାବିଶନ୍ତି ନ ପଣ଼୍ଡିତମ୍॥ 11-2-22 (64846)
ନ କାଲସ୍ଯ ପ୍ରିଯଃ କଶ୍ଚିନ୍ନ ଦ୍ବେଷ୍ଯଃ କୁରୁସତ୍ତମ।
ନ ମଧ୍ଯସ୍ଥଃ କ୍ବଚିତ୍କାଲଃ ସର୍ବଂ କାଲଃ ପ୍ରକର୍ଷତି॥ 11-2-23 (64847)
କାଲଃ ପଚତି ଭୂତାନି କାଲଃ ସଂହରତେ ପ୍ରଜାଃ।
କାଲଃ ସୁପ୍ତେଷୁ ଜାଗର୍ତି କାଲୋ ହି ଦୁରତିକ୍ରମଃ॥ 11-2-24 (64848)
ଅନିତ୍ଯଂ ଯୌବନଂ ରୂପଂ ଜୀବିତଂ ଦ୍ରବ୍ଯସଞ୍ଚଯଃ।
ଆରୋଗ୍ଯଂ ପ୍ରିଯସଂବାସୋ ଗୃଦ୍ଧ୍ଯେଦେଷୁ ନ ପଣ୍ଡିତଃ॥ 11-2-25 (64849)
ନ ଜାନପଦିକଂ ଦୁଃଖମେକଃ ଶୋଚିତୁମର୍ହସି।
ଅପ୍ଯଭାବେନ ଯୁଜ୍ଯେତ ତଚ୍ଚାସ୍ଯ ନ ନିବର୍ତତେ॥ 11-2-26 (64850)
ଅଶୋଚନ୍ପ୍ରତିକୁର୍ବୀତ ଯଦି ପଶ୍ଯେତ୍ପରାକ୍ରମମ୍।
ଭୈଷଜ୍ଯମେତଦ୍ଦୁଃଖସ୍ଯ ଯଦେତନ୍ନାନୁଚିନ୍ତଯେତ୍॥ 11-2-27 (64851)
ଚିନ୍ତ୍ଯମାନଂ ହି ନ ବ୍ଯେତି ଭୂଯଶ୍ଚାପି ପ୍ରବର୍ଧତେ॥
ଅନିଷ୍ଟସମ୍ପ୍ରଯୋଗାଚ୍ଚ ବିପ୍ରଯୋଗାତ୍ପ୍ରିଯସ୍ଯ ଚ। 11-2-28 (64852)
ମାନୁଷା ମାନସୈର୍ଦୁଃଖୈର୍ଯୁଜ୍ଯନ୍ତେ ଯେଽଲ୍ପବୁଦ୍ଧଯଃ॥
ନାର୍ଥୋ ନ ଧର୍ମୋ ନ ସୁଖଂ ଯଦେତଦନୁଶୋଚତି। 11-2-29 (64853)
ତଚ୍ଚ ନାପ୍ନୋତି କାର୍ଯାର୍ଥଂ ତ୍ରିବର୍ଗାଚ୍ଚୈବ ଭ୍ରଶ୍ଯତେ॥
ଅନ୍ଯୋନ୍ଯବାଧନାବସ୍ଥାଂ ପ୍ରାପ୍ଯ ବୈଷଯିକୀଂ ନରାଃ। 11-2-30 (64854)
ଅସନ୍ତୁଷ୍ଟାଃ ପ୍ରମୁହ୍ଯନ୍ତି ସନ୍ତୋଷଂ ଯାନ୍ତି ପଣ୍ଡିତାଃ॥
ପ୍ରଜ୍ଞଯା ମାନସଂ ଦୁଃଖଂ ହନ୍ଯାଚ୍ଛାରୀରମୌଷଧୈଃ। 11-2-31 (64855)
ଏତଦ୍ବିଜ୍ଞାନସାମର୍ଥ୍ଯଂ ନ ବାଲୈଃ ସମତାମିଯାତ୍॥
ଶଯାନଂ ଚାନୁଶେତେ ହି ତିଷ୍ଠନ୍ତଂ ଚାନୁତିଷ୍ଠତି। 11-2-32 (64856)
ଅନୁଧାବତି ଧାବନ୍ତଂ କର୍ମ ପୂର୍ବକୃତଂ ନରମ୍॥
ଯସ୍ଯାଂଯସ୍ଯାମବସ୍ଥାଯାଂ ଯତ୍କରୋତି ଶୁଭାଶୁଭମ୍। 11-2-33 (64857)
ତସ୍ଯାଂତସ୍ଯାମବସ୍ଥାଯାଂ ତତ୍ତତ୍ଫଲମବାପ୍ନୁତେ॥
[ଯେନଯେନ ଶରୀରେଣ ଯଦ୍ଯତ୍କର୍ମ କରୋତି ଯଃ। 11-2-34 (64858)
ତେନତେନ ଶରୀରେଣ ତତ୍ଫଲଂ ସମୁପାଶ୍ନୁତେ॥
ଆତ୍ମୈବ ହ୍ଯାତ୍ମନଃ ସାକ୍ଷୀ କୃତସ୍ଯାପକୃତସ୍ଯ ଚ॥ 11-2-35 (64859)
ଶୁଭେନ କର୍ମଣା ସୌଖ୍ଯଂ ଦୁଃଖଂ ପାପେନ କର୍ମଣା।
କୃତଂ ଭବତି ସର୍ବତ୍ର ନାକୃତଂ ବିଦ୍ଯତେ କ୍ବଚିତ୍॥ 11-2-36 (64860)
ନ ହି ଜ୍ଞାନବିରୁଦ୍ଧେଷୁ ବହ୍ବପାଯେଷୁ କର୍ମସୁ।
ମୂଲଘାତିଷୁ ସଜ୍ଜନ୍ତେ ବୁଦ୍ଧିମନ୍ତୋ ଭବଦ୍ବିଘାଃ॥] ॥ 11-2-37 (64861)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ଜଲପ୍ରଦାନିକପର୍ବଣି ଦ୍ବିତୀଯୋଽଧ୍ଯାଯଃ॥ 2 ॥
Mahabharata - Strii Parva - Chapter Footnotes
11-2-2 ଏଷା ମରଣାନ୍ତା। ଅତ ଉତ୍ତିଷ୍ଠ ଶୋକଂ ତ୍ଯଜ॥ 11-2-6 ଅଭାବାଦୀନି ଦୁଃଖାନି ଦୁଃଖମଧ୍ଯାନି ଭାରତେତି ଛ.ପାଠଃ॥ 11-2-8 ସାଂସିଦ୍ଧିକେ ସ୍ବଭାବସିଦ୍ଧେ॥ 11-2-9 ସଂବର୍ତଯତି ସ୍ବବଶଂ ନଯତି॥ 11-2-10 ତତ୍ର ଗାମିନାଂ ପରତ୍ର ଗମନଶୀଲାନାଂ ଯସ୍ଯ କାଲ ଉପସ୍ଥିତଃ ସୋଽଗ୍ରେ ପ୍ରଯାତି॥ 11-2-13 ଅଦର୍ଶନାଦଜ୍ଞାନାତ୍॥ 11-2-14 ନୋଽସ୍ମାକଂ କ୍ଷତ୍ରିଯାଣାମ୍॥ 11-2-18 ଆଚକ୍ଷେ କଥଯାମି॥ 11-2-26 ଅତପଦିକଂ ସର୍ବସାଧାରଣମ୍। ଅଭାବେନ ମରଣେନ। ତଚ୍ଚ ଦୁଃଖଂ ଚ॥ 11-2-30 ନଚ ନାପୈତି କାର୍ଯାର୍ଥାତ୍ତ୍ରିବର୍ଗାଚ୍ଚୈବ ହୀଯତେ ଇତି ଝ.ପାଠଃ। ତତ୍ର କାର୍ଯାର୍ଥାନ୍ନାପୈତୀତିନାପିତ୍ବପୈତ୍ଯେବେତ୍ଯର୍ଥଃ॥ 11-2-31 ଅନ୍ଯାମନ୍ଯାଂ ପନାବସ୍ଥାଂ ପ୍ରାପ୍ଯ ବୈଶେଷିକୀଂ ନରାଃ। ଇତି ଝ.ପାଠଃ॥ 11-2-34 ଅବସ୍ଥାଯାଂ ଯୌବନାଦିରୂପାଯାମ୍॥ 11-2-35 ଯେନେତି। ସ୍ଥୂଲେନ ଦେହେନ କୃତେ ତତ୍ତେନୈବ ଭୁଜ୍ଯତେ। ମନଃକୃତ୍ତଂ ଚେତ୍ତେନୈବ ଭୁଜ୍ଯତେ ସ୍ବପ୍ନାଦୌ॥ 11-2-2 ଦ୍ବିତୀଯୋଽଧ୍ଯାଯଃ॥ସ୍ତ୍ରୀପର୍ବ - ଅଧ୍ଯାଯ 003
॥ ଶ୍ରୀଃ ॥
11.3. ଅଧ୍ଯାଯଃ 003
Mahabharata - Strii Parva - Chapter Topics
ବିଦୁରେଣ ଧୃତରାଷ୍ଟ୍ରକାପନୋଦନାଯ ଶାସ୍ତ୍ରାର୍ଥକଥନମ୍॥ 1 ॥Mahabharata - Strii Parva - Chapter Text
11-3-0 (64862)
ବୃତରାଷ୍ଟ୍ର ଉବାଚ। 11-3-0x (5316)
ସୁମାଷିତଂ ମହାପ୍ରାଜ୍ଞ ଶୋକୋଽଯଂ ବିଗତୋ ମମ।
ଭୂଯ ଏବ ତୁ ବାକ୍ଯାନି ଶ୍ରୋତୁମିଚ୍ଛାମି ତତ୍ତ୍ବତଃ॥ 11-3-1 (64863)
ଅନିଷ୍ଟାନାଂ ଚ ସଂସର୍ଗାଦିଷ୍ଟାନାଂ ଚ ନିବର୍ତନାତ୍।
କଥଂ ହି ମାନସଂ ଦୁଃଖଂ ବିପ୍ରଯୁଜ୍ଯନ୍ତି ପଣ୍ଡିତାଃ॥ 11-3-2 (64864)
ବିଦୁର ଉବାଚ। 11-3-3x (5317)
ବତୋଯତୋ ମନୋ ଦୁଃଖାତ୍ସୁଖାଦ୍ର ବିପ୍ରମୁଚ୍ଯତେ।
ତବତ୍ତସଃ ଶଗଂ ଲବ୍ଧ୍ବା ସୁଗତିଂ ବିନ୍ଦତେ ବୁଧଃ॥ 11-3-3 (64865)
ଅଶାଧତମିଦଂ ସର୍ବଂ ଚିନ୍ତ୍ଯମାନଂ ନରର୍ଷଭ।
କଦଲୀସନ୍ନିଭୋ ଲୋକଃ ସାରୋ ହ୍ଯସ୍ଯ ନ ବିଦ୍ଯତେ॥ 11-3-4 (64866)
[ଯଦା ପ୍ରାଜ୍ଞାଶ୍ଚ ମୂଢାଶ୍ଚ ଧନବନ୍ତୋଽଥ ନିର୍ଧନାଃ।
ସର୍ବେ ପିତୃବନଂ ପ୍ରାପ୍ଯ ସ୍ବପନ୍ତି ବିଗତଜ୍ବରାଃ॥ 11-3-5 (64867)
ନିର୍ମାଂସୈରସ୍ଥିଭୂଯିଷ୍ଠୈର୍ଗାତ୍ରୈଃ ସ୍ନାଯୁନିବନ୍ଧିଭିଃ।
କିଂ ବିଶେଷଂ ପ୍ରପଶ୍ଯନ୍ତି ତତ୍ର ତେଷାଂ ପରେ ଜନାଃ॥ 11-3-6 (64868)
ଯେନ ପ୍ରତ୍ଯବଗଚ୍ଛେଯୁଃ କୁଲରୂପବିଶେଷଣମ୍।
କସ୍ମାଦନ୍ଯୋନ୍ଯମିଚ୍ଛନ୍ତି ବିପ୍ରଲବ୍ଧଧିଯୋ ନରାଃ॥] 11-3-7 (64869)
ଗୃହାଣ୍ଯେବ ହି ମର୍ତ୍ଯାନାମାହୁର୍ଦେହାନି ପଣ୍ଡିତାଃ।
କାଲେନ ବିନିଯୁଜ୍ଯନ୍ତେ ସତ୍ବମେକଂ ତୁ ଶୋଭନମ୍॥ 11-3-8 (64870)
ଯଥା ଜୀର୍ଣମଜୀର୍ଣଂ ବା ବସ୍ତ୍ରଂ ତ୍ଯକ୍ତ୍ବା ତୁ ପୂରୁଷଃ।
ଅନ୍ଯଦ୍ରୋଚଯତେ ବସ୍ତ୍ରମେବଂ ଦେହାଃ ଶରୀରିଣାମ୍॥ 11-3-9 (64871)
ବୈଚିତ୍ରବୀର୍ଯ ସତ୍ଯଂ ହି ଦୁଃଖଂ ବା ଯଦି ବା ସୁଖମ୍।
ପ୍ରାପ୍ନୁବନ୍ତୀହ ଭୂତାନି ସ୍ବକୃତେନୈବ କର୍ମଣା॥ 11-3-10 (64872)
କର୍ମଣା ପ୍ରାପ୍ଯତେ ସ୍ବର୍ଗଃ ସୁଖଂ ଦୁଃଖଂ ଚ ଭାରତ।
ତତୋ ବହତି ତଂ ଭାରମବଶଃ ସ୍ବବଶୋଽପି ବା॥ 11-3-11 (64873)
ଯଥା ଚ ମୃନ୍ମଯଂ ଭାଣ୍ଡଂ ଚକ୍ରାରୂଢଂ ବିପଦ୍ଯତେ।
କିଞ୍ଚିତ୍ପ୍ରକ୍ରିଯମାଣଂ ବା କୃତମାତ୍ରମଥାପି ବା॥ 11-3-12 (64874)
ହୀନଂ ବାଽପ୍ଯବରୋପ୍ଯଂ ବା ଅବତୀର୍ଣମଥାପି ବା।
ଆର୍ଦ୍ରଂ ବାଽପ୍ଯଥବା ଶୁଷ୍କଂ ପଚ୍ଯମାନମଥାପି ବା॥ 11-3-13 (64875)
ଅବତାର୍ଯନ୍ତମାପାଙ୍କାଦୁଦ୍ଧୃତଂ ଚାପି ଭାରତ।
ଅଥବା ପରିଭୁଜ୍ଜନ୍ତମେବଂ ଦେହାଃ ଶରୀରିଣାମ୍॥ 11-3-14 (64876)
ଗର୍ଭସ୍ଥୋ ବା ପ୍ରସୂତୋ ବାଽପ୍ଯଥବା ଦଶରାତ୍ରିକଃ।
ଅର୍ଧମାସଗତୋ ବାଽପି ମାସମାତ୍ରଗତୋଽପି ବା॥ 11-3-15 (64877)
ସଂବତ୍ସରଗତୋ ବାପି ଦ୍ବିସଂବତ୍ସର ଏବ ବା।
ଯୌବନସ୍ଥୋଽଥ ମଧ୍ଯସ୍ଥୋ ବୃଦ୍ଧୋ ବାପି ବିପଦ୍ଯତେ॥ 11-3-16 (64878)
ପ୍ରାକ୍କର୍ମଭିସ୍ତୁ ଭୂତାନି ଭବନ୍ତି ନଭବନ୍ତି ଚ।
ଏବଂ ସଂବର୍ଧିତେ ଲୋକେ କିମର୍ଥମନୁତପ୍ଯସେ॥ 11-3-17 (64879)
ଯଥା ତୁ ସଲିଲଂ ରାଜନ୍କ୍ରୀଡାର୍ଥମନୁସଞ୍ଚରନ୍।
ଉନ୍ମଜ୍ଜେଚ୍ଚ ନିମଜ୍ଜେଚ୍ଚ ଚେଷ୍ଟତେ ଚ ନରାଧିପ॥ 11-3-18 (64880)
ଏବଂ ସଂସାରଗହନେ ଉନ୍ମଜ୍ଜନନିମଜ୍ଜନେ।
କର୍ମଯୋଗେନ ବଧ୍ଯନ୍ତେ କ୍ଲିଶ୍ଯନ୍ତେ ଚାଲ୍ପବୁଦ୍ଧଯଃ॥ 11-3-19 (64881)
ଯେ ତୁ ପ୍ରାଜ୍ଞାଃ ସ୍ଥିତା ମଧ୍ଯେ ସଂସାରାନ୍ତଗତୈଷିଣଃ।
ସମାଗମଜ୍ଞା ଭୂତାନାଂ ତେ ଯାନ୍ତି ପରମାଂ ଗତିମ୍॥ ॥ 11-3-20 (64882)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ଜଲପ୍ରଦାନିକପର୍ବଣି ତୃତୀଯୋଽଧ୍ଯାଯଃ॥ 3 ॥
Mahabharata - Strii Parva - Chapter Footnotes
11-3-1 ସୁଭାଷିତୈରିତି ଝ.ପାଠଃ॥ 11-3-5 ପିତୃବନଂ ମୃତ୍ଯୁମ୍॥ 11-3-8 ସଲ୍ବମେକଂ ତୁ ଶାସ୍ବତମିତି ଝ.ପାଠଃ। ତତ୍ର ସତ୍ବଂ ଲିଙ୍ଗଶରୀରମ୍। ଶାଶ୍ବତଂ ମୋକ୍ଷପର୍ଯନ୍ତଂ ସ୍ଥାଯିତ୍ବାତ୍ ଇତ୍ଯର୍ଥଃ॥ 11-3-13 ଅବରୋପ୍ଯନ୍ତମିତିପାଠେ ଅବରୋପ୍ଯମାଣମ୍॥ 11-3-14 ଆପାକାତ୍ କୁଲାଲକୃତାତ୍ ପାତ୍ରପାକକୂଟାତ୍। ଅଥବା ପରିଭୃଜ୍ଜନ୍ତମିତି ଝ.ପାଠଃ॥ 11-3-19 ଏବଂ ସଂସାରଗହନାଦୁନ୍ମଜ୍ଜନନିମଜ୍ଜନାତ୍ ଇତି କ.ଛ.ଟ.ପାଠଃ॥ 11-3-3 ତୃତୀଯୋଽଧ୍ଯାଯଃ॥ସ୍ତ୍ରୀପର୍ବ - ଅଧ୍ଯାଯ 004
॥ ଶ୍ରୀଃ ॥
11.4. ଅଧ୍ଯାଯଃ 004
Mahabharata - Strii Parva - Chapter Topics
ବିଦୁରେଣ ଧୃତରାଷ୍ଟ୍ରଂପ୍ରତି ଜୀବସ୍ଯ ଗର୍ଭବାସପ୍ରକାରକଥନମ୍॥ 1 ॥Mahabharata - Strii Parva - Chapter Text
11-4-0 (64883)
ଧୃତରାଷ୍ଟ୍ର ଉବାଚ। 11-4-0x (5318)
କଥଂ ସଂସାରଗହନଂ ବିଜ୍ଞେଯଂ ବଦତାଂ ବର।
ଏତଦିଚ୍ଛାମ୍ଯହଂ ଶ୍ରୋତୁଂ ତତ୍ତ୍ବମାଖ୍ଯାହି ପୃଚ୍ଛତଃ॥ 11-4-1 (64884)
ବିଦୁର ଉବାଚ। 11-4-2x (5319)
ଜନ୍ମପ୍ରଭୃତି ଭୂତାନାଂ କ୍ରିଯାଃ ସର୍ବାସ୍ତୁ ଲକ୍ଷଯନ୍।
ପୂର୍ବମେବେହ କଲିଲେ ବସତେ କିଞ୍ଚିଦନ୍ତରମ୍॥ 11-4-2 (64885)
ତତଃ ସ ପଞ୍ଚମେଽତୀତେ ମାସେ ମାଂସମକଲ୍ପଯତ୍।
ତତଃ ସର୍ବାଙ୍ଗସମ୍ପୂର୍ଣୋ ଗର୍ଭୋ ମାସେ ତୁ ଜାଯତେ॥ 11-4-3 (64886)
ଅମେଧ୍ଯମଧ୍ଯେ ବସତି ମାଂସଶୋଣିତଲେପନେ।
ତତସ୍ତୁ ବାଯୁବେଗେନ ଊର୍ଧ୍ବପାଦୋ ହ୍ଯଧୋମୁଖଃ॥ 11-4-4 (64887)
ଯୋନିଦ୍ବାରମୁପାଗମ୍ଯ ବହୂନ୍କ୍ଲେଶାନ୍ସମୃଚ୍ଛତି।
ଯୋନିସଂପୀଡନାଚ୍ଚୈବ ପୂର୍ବକର୍ମଭିରନ୍ବିତଃ॥ 11-4-5 (64888)
ତସ୍ମାନ୍ମୁକ୍ତଃ ସ ସଂସାରାଦନ୍ଯାନ୍ପଶ୍ଯତ୍ଯୁପଦ୍ରବାନ୍।
ଗ୍ରହାସ୍ତମନୁଚ୍ଛନ୍ତି ସାରମେଯା ଇବାମିଷମ୍॥ 11-4-6 (64889)
ତତଃ କାଲାନ୍ତରେ ପ୍ରାପ୍ତେ ବ୍ଯାଧଯଶ୍ଚାପି ତଂ ତଥା।
ଉପସର୍ପନ୍ତି ଜୀବନ୍ତଂ ବଧ୍ଯମାନଂ ସ୍ବକର୍ମଭିଃ॥ 11-4-7 (64890)
ବଦ୍ଧମିନ୍ଦ୍ରିଯପାଶୈସ୍ତଂ ସଙ୍ଗକାମୁକମାତୁରମ୍।
ବ୍ଯସନାନ୍ଯନୁବର୍ତନ୍ତେ ବିବିଧାନି ନରାଧିପ॥ 11-4-8 (64891)
ବାଧ୍ଯମାନଶ୍ଚ ତୈର୍ଭୂଯୋ ନୈବ ତୃପ୍ତିମୁପୈତି ସଃ।
[ତଦା ନାବୈତି ଚୈବାଯଂ ପ୍ରକୁର୍ବନ୍ସାଧ୍ବସାଧୁ ବା॥] 11-4-9 (64892)
ତତ୍ରୈନଂ ପରିପଶ୍ଯନ୍ତି ଯେ ଧ୍ଯାନପରିନିଷ୍ଠିତାଃ।
ଅଯଂ ନ ବୁଧ୍ଯତେ ତାବଦ୍ଯମଲୋକାଦିହାଗମେ॥ 11-4-10 (64893)
ଯମଦୂତୈର୍ବିକୃଷ୍ଯଂଶ୍ଚ ମୃତ୍ଯୁଂ କାଲେନ ଗଚ୍ଛତି।
ବାଗ୍ଘୀନସ୍ଯ ଚ ଯା ମାତ୍ରା ଇଷ୍ଟାନିଷ୍ଟକୃତାଽସ୍ଯ ବୈ।
ଭୂଯ ଏବାତ୍ମନାଽଽତ୍ମାନଂ ବଧ୍ଯମାନମୁପୈତି ସଃ॥ 11-4-11 (64894)
ଅହୋ ବିନିକୃତୋ ଲୋକୋ ଲୋଭେନ ଚ ବଶୀକୃତଃ।
ଲୋଭକ୍ରୋଧମଦୋନ୍ମତ୍ତୋ ନାତ୍ମାନମବବୁଧ୍ଯତେ॥ 11-4-12 (64895)
କୁଲୀନତ୍ବେ ଚ ରମତେ ଦୁଷ୍କୁଲୀନାନ୍ବିକୁତ୍ସଯନ୍।
ଧନଦର୍ପେଣ ଦୃପ୍ତଶ୍ଚ ଦରିଦ୍ରାନ୍ପରିକୁତ୍ସଯନ୍॥ 11-4-13 (64896)
ମୂର୍ଖାନିତି ପରାନାହ ନାତ୍ମାନଂ ସମବେକ୍ଷତେ।
ଦୋଷାନ୍କ୍ଷିପତି ଚାନ୍ଯେଷାଂ ନାତ୍ମାନଂ ଶାସ୍ତୁମିଚ୍ଛତି॥ 11-4-14 (64897)
ଯଦା ପ୍ରାଜ୍ଞାଶ୍ଚ ମୂର୍ଖାଶ୍ଚ ଧନବନ୍ତଶ୍ଚ ନିର୍ଧନାଃ।
କୁଲୀନାଶ୍ଚାକୁଲୀନାଶ୍ଚ ମାନିନୋଽଥାପ୍ଯମାନିନଃ॥ 11-4-15 (64898)
ସର୍ବେ ପିତୃବନଂ ପ୍ରାପ୍ତାଃ ସ୍ବପନ୍ତି ବିଗତତ୍ବଚଃ।
ନିର୍ମାଂସୈରସ୍ଥିଭୂଯିଷ୍ଠୈର୍ଗାତ୍ରୈଃ ସ୍ନାଯୁନିବନ୍ଧନୈଃ॥ 11-4-16 (64899)
କିଂ ବିଶେଷଂ ପ୍ରପଶ୍ଯନ୍ତି ତତ୍ର ତେଷାଂ ପରେ ଜନାଃ।
ଯେନ ପ୍ରତ୍ଯବଗଚ୍ଛେଯୁଃ କୁଲରୂପବିଶେଷଣମ୍॥ 11-4-17 (64900)
ଯଦା ସର୍ବେ ସମଂ ନ୍ଯସ୍ତାଃ ସ୍ବପନ୍ତି ଧରଣୀତଲେ।
କସ୍ମାଦନ୍ଯୋନ୍ଯମିଚ୍ଛନ୍ତି ବିପ୍ରଲବ୍ଧୁମିହାବୁଧାଃ॥ 11-4-18 (64901)
ପ୍ରତ୍ଯକ୍ଷଂ ଚ ପରୋକ୍ଷଂ ଚ ଯୋ ନିଶମ୍ଯ ଶ୍ରୁତିଂ ତ୍ବିମାମ୍।
[ଅଧ୍ରୁବେ ଜୀବଲୋକେଽସ୍ମିନ୍ଯୋ ଧର୍ମମନୁପାଲଯନ୍।]
ଜନ୍ମପ୍ରଭୃତି ବର୍ତେତ ପ୍ରାପ୍ନୁଯାତ୍ପରମାଂ ଗତିମ୍॥ 11-4-19 (64902)
ଏବଂ ସର୍ବଂ ବିଦିତ୍ବା ବୈ ଯସ୍ତତ୍ତ୍ବମନୁବର୍ତତେ।
ସ ପ୍ରମୋକ୍ଷଯତେ ଚୈବ ପନ୍ଥାନଂ ମନୁଜେଶ୍ବର॥ ॥ 11-4-20 (64903)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ଜଲପ୍ରଦାନିକପର୍ବଣି ଚତୁର୍ଥୋଽଧ୍ଯାଯଃ॥ 4 ॥
Mahabharata - Strii Parva - Chapter Footnotes
11-4-2 କଲିଲଂ ଶୁକଶୋଣିତସଂଯୋଗଃ। ଏକରାତ୍ରୋଷିତଂ କଲିଲଂ ଭବତି ପଞ୍ଚରାତ୍ରାଦ୍ବୁଦ୍ବୁଦ ଇତ୍ଯାଦିଶାସ୍ତ୍ରାଦ୍ରମ୍ଯତେ। ତତ୍ର କଲିଲେ ବସତେ ଜୀବ ଇତି ଶେଷଃ। କିଞ୍ଚିଦନ୍ତରଂ ପୂର୍ବଦିନାପେକ୍ଷଯା ବୃଦ୍ଧ୍ଯବସ୍ଥାଭେଦେନ ଅଲ୍ପେନ ପରିମାଣାନ୍ତରେଣ॥ 11-4-5 ପୂର୍ବକର୍ମାପଦାନତ ଇତି କ.ପାଠଃ॥ 11-4-6 ମୃଗଯନ୍ପର୍ଯଟନ୍ନିତ୍ଯଂ ସାରମେଯା ଇତି ଟ.ପାଠଃ॥ 11-4-4 ଚତୁର୍ଥୋଽଧ୍ଯାଯଃ॥ସ୍ତ୍ରୀପର୍ବ - ଅଧ୍ଯାଯ 005
॥ ଶ୍ରୀଃ ॥
11.5. ଅଧ୍ଯାଯଃ 005
Mahabharata - Strii Parva - Chapter Topics
ବିଦୁରେଣ ଧୃତରାଷ୍ଟ୍ରଂ ପ୍ରତି ଉତ୍ତରାଧ୍ଯାଯେ ବକ୍ଷ୍ଯମାଣସଂସାରାଦୀନାଂ କାନ୍ତାରାଦିତ୍ବେନ ରୂପଣମ୍॥ 1 ॥Mahabharata - Strii Parva - Chapter Text
11-5-0 (64904)
ଧୃତରାଷ୍ଟ୍ର ଉବାଚ। 11-5-0x (5320)
ଯଦିଦଂ ଧର୍ମଗହନଂ ବୁଦ୍ଧ୍ଯା ସମନୁବୁଧ୍ଯତେ।
ଏତଦ୍ବିସ୍ତରତଃ ସର୍ବଂ ବୁଦ୍ଧିମାର୍ଗଂ ପ୍ରଶଂସ ମେ॥ 11-5-1 (64905)
ବିଦୁର ଉବାଚ। 11-5-2x (5321)
ଅତ୍ର ତେ ସର୍ବଯିଷ୍ଯାମି ନମସ୍କୃତ୍ବା ସ୍ବଯମ୍ଭୁବେ।
ଯଥା ସଂସାରଗହନଂ ବଦନ୍ତି ପରମର୍ଷଯଃ॥ 11-5-2 (64906)
କଶ୍ଚିନ୍ମହତି କାନ୍ତାରେ ବର୍ତମାନୋ ଦ୍ବିଜଃ କିଲ॥
ମହଦ୍ଦୁର୍ଗମନୁପ୍ରାପ୍ତୋ ବନଂ କ୍ରବ୍ଯାଦସଙ୍କୁଲମ୍॥ 11-5-3 (64907)
ସିଂହବ୍ଯାଘ୍ରଗଜର୍କ୍ଷୌଘୈରତିଘୋରମହାସ୍ବନୈଃ।
ପିଶିତାଦୈରତିଭଯୈର୍ମହୋଗ୍ରାକୃତିଭିସ୍ତଥା॥ 11-5-4 (64908)
ସମନ୍ତାତ୍ସମ୍ପରିକ୍ଷିପ୍ତଂ ଯସ୍ମାଦ୍ଦ୍ରଷ୍ଟୁର୍ମହଦ୍ଭଯମ୍।
ତଦସ୍ଯ ଦୃଷ୍ଟ୍ବା ହୃଦଯମୁଦ୍ବେଗମଗମତ୍ପରମ୍॥ 11-5-5 (64909)
ଅଭ୍ଯୁଚ୍ଛ୍ରଯନ୍ତି ରମାଣି ବିକ୍ରିଯାଶ୍ଚ ପରନ୍ତପ।
ସ ତଦ୍ବନଂ ବ୍ଯନୁସରନ୍ସମ୍ପ୍ରଧାବନ୍ନିତସ୍ତତଃ॥ 11-5-6 (64910)
ବୀକ୍ଷମାଣୋ ଦିଶଃ ସର୍ବାଃ ଶରଣଂ କ୍ବ ଭବେଦିତି।
ସ ତେଷାଂ ନାଶମନ୍ବିଚ୍ଛନ୍ପ୍ରଦ୍ରୁତୋ ଭଯପୀଡିତଃ।
ନ ଚ ନିର୍ଯାତି ବୈ ଦୂରଂ ନ ବା ତୈର୍ବିପ୍ରଯୁଜ୍ଯତେ॥ 11-5-7 (64911)
ଅଥାପଶ୍ଯଦ୍ବନଂ ଗୂଢଂ ସମନ୍ତାଦ୍ବାଗୁରାବୃତମ୍।
ବାହୁଭ୍ଯାଂ ସମ୍ପରିଷ୍ବକ୍ତଃ ସ୍ତ୍ରିଯା ପରମଘୋରଯା॥ 11-5-8 (64912)
ପଞ୍ଚଶୀର୍ଷଧରୈର୍ନାଗୈଃ ଶୈଲୈରିବ ସମୁନ୍ନତୈଃ।
ନଭଃସ୍ପୃଶୈର୍ମହାବୃକ୍ଷୈଃ ପରିକ୍ଷିପ୍ତଂ ମହାବନମ୍॥ 11-5-9 (64913)
ବନମଧ୍ଯେ ଚ ତତ୍ରାଭୂଦୁଦପାନଃ ସମାବୃତଃ।
ବଲ୍ଲୀଭିସ୍ତୃଣନଦ୍ଧାଭିର୍ଗୂଢାଭିରଭିସଂବୃତଃ॥ 11-5-10 (64914)
ପପାତ ସ ଦ୍ବିଜସ୍ତତ୍ର ନିଗୂଢେ ସଲିଲାଶଯେ।
ବିଲଗ୍ନଶ୍ଚାଭବତ୍ତସ୍ମିଁଲ୍ଲତାସନ୍ତାନସଙ୍କୁଲେ॥ 11-5-11 (64915)
ପନସସ୍ଯ ଯଥା ଜାତଂ ବୃନ୍ତବଦ୍ଧଂ ମହାଫଲମ୍।
ସ ତଥା ଲମ୍ବତେ ତତ୍ର ହ୍ଯୂର୍ଧ୍ବପାଦୋ ହ୍ଯଧଃ ଶିରାଃ॥ 11-5-12 (64916)
ଅଥ ତତ୍ରାପି ଚାନ୍ଯୋଽସ୍ଯ ଭୂଯୋ ଜାତ ଉପଦ୍ରବଃ।
କୂପମଧ୍ଯେ ମହାନାଗମପଶ୍ଯତ ମହାବଲମ୍॥ 11-5-13 (64917)
କୂପପୀନାହବେଲାଯାମପଶ୍ଯତ୍ ମହାଗଜମ୍॥ 11-5-14 (64918)
ଷଡ୍ବକ୍ତ୍ରଂ କୃଷ୍ଣଶବଲଂ ଦ୍ବିଷଟ୍କପଦଚାରିଣମ୍।
କ୍ରମେଣ ପରିସର୍ପନ୍ତଂ ବଲ୍ଲୀବୃକ୍ଷସମାବୃତମ୍॥ 11-5-15 (64919)
ତସ୍ଯ ଶାଖାପ୍ରଶାଖାସୁ ବୃକ୍ଷଶାଖାବଲମ୍ବିନଃ।
ନାନାରୂପା ମଧୁକରା ଘୋରରୂପା ଭଯାବହାଃ॥ 11-5-16 (64920)
ଆସତେ ମଧୁ ସଂବୃତ୍ଯ ପୂର୍ବମେବ ନିକେତଜାଃ।
ଭୂଯୋଭୂଯଃ ସମୀହନ୍ତେ ମଧୂନି ଭରତର୍ଷଭ॥ 11-5-17 (64921)
ସ୍ବାଦନୀଯାନି ଭୂତାନାଂ ଯୈର୍ବାଲୋ ନ ବିତୃପ୍ଯତେ।
ତେଷାଂ ମଧୂନାଂ ବହୁଧା ଧାରା ପ୍ରସ୍ରବତେ ତଦା॥ 11-5-18 (64922)
ଆଲମ୍ବମାନଃ ସ ପୁମାନ୍ଧାରାଂ ପିବତି ସର୍ବଦା।
ନ ଚାସ୍ଯ ତୃଷ୍ଣା ବିରତା ପିବମାନସ୍ଯ ସଙ୍କଟେ॥ 11-5-19 (64923)
ଅଭୀପ୍ସତି ଚ ତାଂ ନିତ୍ଯମତୃପ୍ତଃ ସ ପୁନଃ ପୁନଃ।
ନ ଚାସ୍ଯ ଜୀବିତେ ରାଜନ୍ନିର୍ବେଦଃ ସମଜାଯତ॥ 11-5-20 (64924)
ତତ୍ରୈବ ଚ ମନୁଷ୍ଯସ୍ଯ ଜୀବିତାଶା ପ୍ରତିଷ୍ଠିତା।
କୃଷ୍ଣାଃ ଶ୍ବେତାଶ୍ଚ ତଂ ବୃକ୍ଷଂ ନିକୃନ୍ତନ୍ତି ସ୍ମ ମୂଷିକାଃ॥ 11-5-21 (64925)
ବ୍ଯାଲୈଶ୍ଚ ତଦ୍ବନଂ ଦୁର୍ଗଂ ସ୍ତ୍ରିଯା ଚ ପରମୋଗ୍ରଯା।
କୂପାଧସ୍ତାଚ୍ଚ ନାଗେନ ପୀନାହେ କୁଞ୍ଜରେଣ ଚ॥ 11-5-22 (64926)
ବୃକ୍ଷପ୍ରପାତାଚ୍ଚ ଭଯଂ ମୂଷିକେଭ୍ଯଶ୍ଚ ପଞ୍ଚମମ୍।
ମଧୁଲୋଭାନ୍ମଧୁକରୈଃ ଷଷ୍ଠମାହୁର୍ମହଦ୍ଭଯମ୍॥ 11-5-23 (64927)
ଏବଂ ସ ବସତେ ତତ୍ର କ୍ଷିପ୍ତଃ ସଂସାରସାଗରେ।
ନ ଚୈବ ଜୀବିତାଶାଯାଂ ନିର୍ବେଦମୁପଗଚ୍ଛତି॥ ॥ 11-5-24 (64928)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ଜଲପ୍ରଦାନିକପର୍ବଣି ପଞ୍ଚମୋଽଧ୍ଯାଯଃ॥ 5 ॥
ସ୍ତ୍ରୀପର୍ବ - ଅଧ୍ଯାଯ 006
॥ ଶ୍ରୀଃ ॥
11.6. ଅଧ୍ଯାଯଃ 006
Mahabharata - Strii Parva - Chapter Topics
ପୂର୍ବାଧ୍ଯାଯେ କାନ୍ତାରାଦିତ୍ବେନ ରୂପିତାନାଂ ସଂସାରାଦୀନାଂ ସ୍ବସ୍ବଶବ୍ଦୈଃ ପ୍ରତିପାଦନମ୍॥ 1 ॥Mahabharata - Strii Parva - Chapter Text
11-6-0 (64929)
ଧୃତରାଷ୍ଟ୍ର ଉବାଚ। 11-6-0x (5322)
ଅହୋ ଖଲୁ ମହଦ୍ଦୁଃଖଂ କୃଚ୍ଛ୍ରବାସଂ ବସତ୍ଯସୌ।
କଥଂ ତସ୍ଯ ରତିସ୍ତତ୍ର ତୁଷ୍ଟିର୍ବା ବଦତାଂ ବର॥ 11-6-1 (64930)
ସ ଦେଶଃ କ୍ବନୁ ଯତ୍ରାସୌ ବସତେ ଧର୍ମସଙ୍କଟେ।
କଥଂ ବା ସ ବିମୁଚ୍ଯେତ ନରସ୍ତସ୍ମାନ୍ମହାଭଯାତ୍॥ 11-6-2 (64931)
ଏତନ୍ମେ ସର୍ବମାଚକ୍ଷ୍ବ ସାଧୁ ଚେଷ୍ଟାମହେ ତଦା।
କୃପା ମେ ମହତୀ ଜାତା ତସ୍ଯାଭ୍ଯୁଦ୍ଧରଣେନ ହି॥ 11-6-3 (64932)
ବିଦୁର ଉବାଚ। 11-6-4x (5323)
ଉପାଖ୍ଯାନମିଦଂ ରାଜନ୍ମୋକ୍ଷବିଦ୍ଭିରୁଦାହୃତମ୍।
ସୁଗତିଂ ବିନ୍ଦତେ ଯେନ ପରଲୋକେଷୁ ମାନବଃ॥ 11-6-4 (64933)
ଉଚ୍ଯତେ ଯତ୍ତୁ କାନ୍ତାରଂ ମହାସଂସାର ଏବ ସଃ।
ବନଂ ଦୁର୍ଗଂ ହି ଯଚ୍ଚୈତତ୍ସଂସାରଗହନଂ ହି ତତ୍॥ 11-6-5 (64934)
ଯେ ଚ ତେ କଥିତା ବ୍ଯାଲା ବ୍ଯାଧଯସ୍ତେ ପ୍ରକୀର୍ତିତାଃ॥ 11-6-6 (64935)
ଯା ସା ନାରୀ ବୃହତ୍କାଯା ଅଧ୍ଯତିଷ୍ଠତ ତତ୍ର ବୈ।
ତାମାହୁସ୍ତୁ ଜରାଂ ପ୍ରାଜ୍ଞା ରୂପବର୍ଣବିନାଶିନୀମ୍॥ 11-6-7 (64936)
ସ ଯସ୍ତୁ କୂପୋ ନୃପତେ ସ ତୁ ଦେହଃ ଶରୀରିଣାମ୍।
ଯସ୍ତତ୍ର ବସତେଽଧସ୍ତାନ୍ମହାହିଃ କାଲ ଏବ ସଃ।
ଅନ୍ତକଃ ସର୍ବଭୂତାନାଂ ଦେହିନାଂ ପ୍ରାଣାହାର୍ଯସୌ॥ 11-6-8 (64937)
କୂପମଧ୍ଯେ ଚ ଯା ଜାତା ବଲ୍ଲୀ ଯତ୍ର ସ ମାନବଃ।
ପ୍ରୋତୋ ଯଯାଽଭବଲ୍ଲଗ୍ନୋ ଜୀବିତାଶା ଶରୀରିଣାମ୍॥ 11-6-9 (64938)
ସ ଯସ୍ତୁ କୂପପୀନାହେ ତଂ ବୃକ୍ଷଂ ପରିସର୍ପତି।
ଷଡ୍ବକ୍ତ୍ରଃ କୁଞ୍ଜରୋ ରାଜନ୍ସ ତୁ ସଂବତ୍ସରଃ ସ୍ମୃତଃ॥ 11-6-10 (64939)
ମୁଖାନି ଋତବୋ ମାସାଃ ପାଦା ଦ୍ବାଦଶା କୀର୍ତିତାଃ।
ଯେ ତୁ ବୃଂକ୍ଷଂ ନିକୃନ୍ତନ୍ତି ମୂଷିକାଃ ପନ୍ନଗାସ୍ତଥା॥ 11-6-11 (64940)
ରାତ୍ର୍ଯହାନି ତୁ ତାନ୍ଯାହୁର୍ଭୂତାନାଂ ପରିଚିନ୍ତକାଃ।
ଯେ ତେ ମଧୁକରାସ୍ତତ୍ର କାମାସ୍ତେ ପରିକୀର୍ତିତାଃ॥ 11-6-12 (64941)
ଯାସ୍ତୁ ତା ବହୁଶୋ ଧାରାଃ ସ୍ରବନ୍ତି ମଧୁନିସ୍ରବମ୍।
ତାଂସ୍ତୁ କାମରସାନ୍ବିନ୍ଦ୍ଯାଦ୍ଯତ୍ର ସଜ୍ଜନ୍ତି ମାନବାଃ॥ 11-6-13 (64942)
ଏବଂ ସଂସାରଚକ୍ରସ୍ଯ ପରିବୃତ୍ତିଂ ବିଦୁର୍ବୁଧାଃ।
ଯେନ ସଂସାରଚକ୍ରସ୍ଯ ପାଶାଂଶ୍ଛିନ୍ଦନ୍ତି ସର୍ବଥା॥ ॥ 11-6-14 (64943)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ଜଲପ୍ରଦାନିକପର୍ବଣି ପଞ୍ଚମୋଽଧ୍ଯାଯଃ॥ 5 ॥
Mahabharata - Strii Parva - Chapter Footnotes
11-6-4 ଉପମାନମିଦଂ ରାଜନ୍ନିତି ଝ.ପାଠଃ॥ 11-6-6 ଷଷ୍ଠୋଽଧ୍ଯାଯଃ॥ସ୍ତ୍ରୀପର୍ବ - ଅଧ୍ଯାଯ 007
॥ ଶ୍ରୀଃ ॥
11.7. ଅଧ୍ଯାଯଃ 007
Mahabharata - Strii Parva - Chapter Topics
ବିଦୁରେଣ ଧୃତରାଷ୍ଟ୍ରମ୍ପ୍ରତି ତତ୍ତ୍ବକଥନମ୍॥ 1 ॥Mahabharata - Strii Parva - Chapter Text
11-7-0 (64944)
ଧୃତରାଷ୍ଟ୍ର ଉବାଚ। 11-7-0x (5324)
ଅହୋଽଭିହିତମାଖ୍ଯାନ ଭବତା ତତ୍ତ୍ବଦର୍ଶିନା।
ଭୂଯ ଏବ ତୁ ମେ ହର୍ଷଃ ଶ୍ରୋତୁଂ ବାଗମୃତଂ ତବ॥ 11-7-1 (64945)
ବିଦୁର ଉବାଚ। 11-7-2x (5325)
ଶୃଣୁ ଭୂଯଃ ପ୍ରବକ୍ଷ୍ଯାମି ମାର୍ଗସ୍ଯୈତସ୍ଯ ବିସ୍ତରମ୍।
ଯଚ୍ଛ୍ରୁତ୍ବା ବିପ୍ରମୁଚ୍ଯନ୍ତେ ସଂସାରାଦ୍ବି ବିଚକ୍ଷଣାଃ॥ 11-7-2 (64946)
ଯଥା ତୁ ପୁରୁଷୋ ରାଜନ୍ଦୀର୍ଘମଧ୍ବାନମାସ୍ଥିତଃ।
କ୍ବଚିତ୍କ୍ବଚିଚ୍ଛ୍ରମସ୍ଥାନଂ କୁରୁତେ ବାସମେବ ବା॥ 11-7-3 (64947)
ଏବଂ ସଂସାରପର୍ଯାଯେ ଗର୍ଭବାସେଷୁ ଭାରତ।
କୁର୍ବନ୍ତି ଦୁର୍ବୁଧା ବାସଂ ମୁଚ୍ଯନ୍ତେ ତତ୍ର ପଣ୍ଡିତାଃ॥ 11-7-4 (64948)
ତସ୍ମାଦଧ୍ବାନମେବୈତମାହୁଃ ଶାସ୍ତ୍ରବିଦୋ ଜନାଃ।
ଯତ୍ତତ୍ସଂସାରଗହନଂ ବନମାହୁର୍ମନୀଷିଣଃ॥ 11-7-5 (64949)
ସୋଯଂ ଲୋକସମାବର୍ତୋ ମର୍ତ୍ଯାନାଂ ଭରତର୍ଷଭ।
ଚରାଣାଂ ସ୍ଥାବରାଣାଂ ଚ ନ ଗୃଧ୍ଯେତ୍ତତ୍ର ପାଣ୍ଡିତଃ॥ 11-7-6 (64950)
ଶାରୀରା ମାନସାଶ୍ଚୈବ ମର୍ତ୍ଯାନାଂ ବ୍ଯାଧଯଶ୍ଚ ଯେ।
ପ୍ରତ୍ଯକ୍ଷାଶ୍ଚ ପରୋକ୍ଷାଶ୍ଚ ତେ ବ୍ଯାଲାଃ କଥିତା ବୁଧୈଃ॥ 11-7-7 (64951)
କ୍ଲିଶ୍ଯମାନାଶ୍ଚ ତୈର୍ନିତ୍ଯଂ ମାର୍ଯମାଣାଶ୍ଚ ଭାରତ।
ସ୍ବକର୍ମଭିର୍ମହାବ୍ଯାଲୈର୍ନୋଦ୍ବିଜନ୍ତ୍ଯଲ୍ପବୁଦ୍ଧଯଃ॥ 11-7-8 (64952)
ଅଥାପି ତୈର୍ବିମୁଚ୍ଯେତ ବ୍ଯାଧିଭିଃ ପୁରୁଷୋ ନୃପ।
ଆବୃଣୋତ୍ଯେବ ତଂ ପଶ୍ଚାଜ୍ଜରା ରୂପବିନାଶିନୀ॥ 11-7-9 (64953)
ଶବ୍ଦରୂପରସସ୍ପର୍ଶଗନ୍ଧୈଶ୍ଚ ବିବିଧୈରପି।
ମଜ୍ଜମାନଂ ମହାପଙ୍କେ ନିରାଲମ୍ବେ ସମନ୍ତତଃ॥ 11-7-10 (64954)
ସଂବତ୍ସରର୍ତବୋ ମାସାଃ ପକ୍ଷାହୋରାତ୍ରସନ୍ଧଯଃ।
କ୍ରମେଣାସ୍ଯ ପ୍ରବୃଜ୍ଜନ୍ତି ରୂପମାଯୁସ୍ତଥୈବ ଚ॥ 11-7-11 (64955)
ଏତେ କାଲସ୍ଯ ବିଧଯୋ ନୈତାଞ୍ଜାନାନ୍ତି ଦୁର୍ବୁଧାଃ।
ଧାତ୍ରାଽଭିଲିଖିତାନ୍ଯାହୁଃ ସର୍ବଭୂତାନି କର୍ମଣା॥ 11-7-12 (64956)
ରଥଃ ଶରୀରଂ ଭୂତାନାଂ ସତ୍ବମାହୁସ୍ତୁ ସାରଥିମ୍।
ଇନ୍ଦ୍ରିଯାଣି ହଯାନାହୁଃ କର୍ମବୁଦ୍ବିସ୍ତୁ ରଶ୍ମଯଃ॥ 11-7-13 (64957)
ତେଷାଂ ହଯାନାଂ ଯୋ ବେଗଂ ଧାବତାମନୁ ଧାବତି।
ସତୁ ସଂସାରଚକ୍ରେଽସ୍ମିଂଶ୍ଚକ୍ରବତ୍ପରିବର୍ତତେ॥ 11-7-14 (64958)
ଯସ୍ତାନ୍ସଂଯମତେ ବୁଦ୍ଧ୍ଯା ସଂଯତୋ ନ ନିବର୍ତତେ।
ଯସ୍ତୁ ସଂସାରଚକ୍ରେଽସ୍ମିଂଶ୍ଚକ୍ରବତ୍ପରିବର୍ତତେ॥ 11-7-15 (64959)
[ଭ୍ରମମାଣା ନ ମୁହ୍ଯନ୍ତି ସଂସାରେ ନ ଭ୍ରମନ୍ତି ତେ।
ସଂସାରେ ଭ୍ରମତାଂ ରାଜନ୍ଦୁଃଖମେତଦ୍ଧି ଜାଯତେ॥ 11-7-16 (64960)
ତସ୍ପାଦସ୍ଯ ନିବୃତ୍ତ୍ଯର୍ଥଂ ଯତ୍ନମେବାଚରେଦ୍ବୁଧଃ।
ଉପେକ୍ଷା ନାତ୍ର କର୍ତବ୍ଯା ଶତଶାଖଃ ପ୍ରବର୍ଧତେ॥ 11-7-17 (64961)
ଯତେନ୍ଦ୍ରିଯୋ ନରୋ ରାଜନ୍କ୍ରୋଧଲୋଭନିରାକୃତଃ।
ସନ୍ତୁଷ୍ଟଃ ସତ୍ଯବାଦୀ ଯଃ ସ ଶାନ୍ତିମଧିଗଚ୍ଛତି॥] 11-7-18 (64962)
ଯାମ୍ଯମାହୂ ରଥଂ ହ୍ଯେନଂ ମୁହ୍ଯନ୍ତେ ଯେନ ଦୁର୍ବୁଧାଃ।
ସ ଚୈତତ୍ପ୍ରାପ୍ନୁଯାଦ୍ରାଜନ୍ଯତ୍ତ୍ବଂ ପ୍ରାପ୍ତୋ ନରାଧିପ॥ 11-7-19 (64963)
ଅନୁତର୍ଷୁଲମେବୈତଦ୍ଦୁଃଖଂ ଭବତି ମାରିଷ।
ରାଜ୍ଯନାଶଃ ସୁହୃନ୍ନାଶଃ ସୁତନାଶଶ୍ଚ ଭାରତ।
ସାଧୁଃ ପରମଦୁଃଖାନାଂ ଦୁଃଖଭୈଷଜ୍ଯମାରଭେତ୍॥ 11-7-20 (64964)
ଜ୍ଞାନୌଷଧମବାପ୍ଯେହ ଦୂରପାରଂ ମହୌଷଧମ୍।
ଛିନ୍ଦ୍ଯାଦ୍ଦୁଃଖମହାବ୍ଯାଧିଂ ନରଃ ସଂଯତମାନସଃ॥ 11-7-21 (64965)
ନ ବିକ୍ରମୋ ନ ଚାପ୍ଯର୍ଥୋ ନ ମିତ୍ରଂ ନ ସୁହୃଜ୍ଜନଃ।
ତସ୍ମାନ୍ମୋଚଯତେ ଦୁଃଖାଦ୍ଯଥାତ୍ମା ସ୍ଥିରନିଶ୍ଚଯଃ॥ 11-7-22 (64966)
ତସ୍ମାନ୍ମୈତ୍ରଂ ସମାସ୍ଥାଯ ଶୀଲମାପଦି ଭାରତ।
ଦମସ୍ତ୍ଯାଗୋଽପ୍ରମାଦଶ୍ଚ ତେ ତ୍ରଯୋ ବ୍ରହ୍ମଣୋ ହଯାଃ॥ 11-7-23 (64967)
ଶୀଲରଶ୍ମିସମାଯୁକ୍ତେ ସ୍ଥିତୋ ଯୋ ମାନସେ ରଥେ।
ତ୍ଯକ୍ତ୍ବା ମୃତ୍ଯୁଭଯଂ ରାଜନ୍ବ୍ରହ୍ମଲୋକଂ ସ ଗଚ୍ଛତି॥ 11-7-24 (64968)
ଅଭଯଂ ସର୍ବଭୂତେଭ୍ଯୋ ଯୋ ଦଦାତି ମହୀପତେ।
ସ ଗଚ୍ଛତି ପରଂ ସ୍ଥାନଂ ବିଷ୍ଣୋଃ ପଦମନାମଯମ୍॥ 11-7-25 (64969)
ନ ତତ୍କ୍ରତୁସହସ୍ରେଣ ନୋପବାସୈଶ୍ଚ ନିତ୍ଯଶଃ।
ଅଭଯସ୍ଯ ଚ ଦାନେନ ଯତ୍ଫଲଂ ପ୍ରାପ୍ନୁଯାନ୍ନରଃ॥ 11-7-26 (64970)
ନ ହ୍ଯାତ୍ମନଃ ପ୍ରିଯତରଂ କିଞ୍ଚିଦ୍ଭୂତେଷୁ ନିଶ୍ଚିତମ୍।
ଅନିଷ୍ଟଂ ସର୍ବଭୂତାନାଂ ମରଣଂ ନାମ ଭାରତ॥ 11-7-27 (64971)
ତସ୍ମାତ୍ସର୍ବେଷୁ ଭୂତେଷୁ ଦଯା କାର୍ଯା ବିପଶ୍ଚିତା॥ 11-7-28 (64972)
ନାନାଯୋଗସମାଯୁକ୍ତା ବୁଦ୍ଧିଜାଲେନ ସଂବୃତାଃ।
ଅସୂକ୍ଷ୍ମଦୃଷ୍ଟଯୋ ମନ୍ଦା ଭ୍ରାମ୍ଯନ୍ତେ ତତ୍ରତତ୍ର ହ।
ସୁସୂକ୍ଷ୍ମଦୃଷ୍ଟଯୋ ରାଜନ୍ବ୍ରଜନ୍ତି ବ୍ରହ୍ମସାମ୍ଯତାମ୍॥ 11-7-29 (64973)
ଏବଂ ଜ୍ଞାତ୍ବା ମହାପ୍ରାଜ୍ଞ ସ ତେଷାମୌର୍ଧ୍ବଦୈହିକମ୍।
କର୍ତୁମର୍ହତି ତେନୈବ ଫଲ ପ୍ରାପ୍ସ୍ଯତି ବୈ ଭବାନ୍॥ ॥ 11-7-30 (64974)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ଜଲପ୍ରଦାନିକପର୍ବଣି ସପ୍ତମୋଽଧ୍ଯାଯଃ॥ 7 ॥
Mahabharata - Strii Parva - Chapter Footnotes
11-7-3 ଶ୍ରମାଚ୍ଛ୍ରାନ୍ତ ଇତି ଝ.ପାଠଃ॥ 11-7-8 ବାର୍ଯମାଣାଶ୍ଚ ଭାରତେତି ଝ.ପାଠଃ॥ 11-7-9 ଅଥାପି ତୈର୍ନ ମୁଚ୍ଯେତେତି କ.ପାଠଃ॥ 11-7-10 ମଜ୍ଜମାଂସମହାପଙ୍କେ ଇତି ଝ.ପାଠଃ॥ 11-7-17 ଯେ ତୁ ସଂସାରଚକ୍ରେଽସ୍ମିନ୍ନିତି ଝ.ପାଠଃ॥ 11-7-15 ଶତଶାସ୍ବଃ ସଂସାରବୃକ୍ଷଃ॥ 11-7-17 କ୍ରୋଧଲୋଭୌ ନିରାକୃତୌ ଯେନ ସଃ॥ 11-7-18 ଯାମ୍ଯଂ ଯୋମଲୋକପ୍ରାପକଂ ସଂସାରଗହନମ୍॥ 11-7-19 ଅନୁତର୍ଷୁଲଂ ତୃଷ୍ଣାଶୀଲଂ ଲକ୍ଷୀକୃତ୍ଯ। ଅନୁକର୍ଷଣମେନୈତଦ୍ଦୁଃଖଂ ନ ଭବତି ଭାରତେତି କ.ଛ.ପାଠଃ॥ 11-7-20 ଦୂରପାରଂ ବ୍ରହ୍ମଜ୍ଞାନମ୍॥ 11-7-23 ବ୍ରହ୍ମଣଃ ବ୍ରହ୍ମଲୋକସ୍ଯ ପ୍ରାପକା ଇତି ଶେଷଃ॥ 11-7-7 ସପ୍ତମୋଽଧ୍ଯାଯଃ॥ସ୍ତ୍ରୀପର୍ବ - ଅଧ୍ଯାଯ 008
॥ ଶ୍ରୀଃ ॥
11.8. ଅଧ୍ଯାଯଃ 008
Mahabharata - Strii Parva - Chapter Topics
ବ୍ଯାସେନ ଧୃତରାଷ୍ଟ୍ରସ୍ଯ ଶୋକାପନୋଦନମ୍॥ 1 ॥Mahabharata - Strii Parva - Chapter Text
11-8-0 (64975)
ବୈଶମ୍ପାଯନ ଉବାଚ। 11-8-0x (5326)
ବିଦୁରସ୍ଯ ତୁ ତଦ୍ବାକ୍ଯଂ ନିଶମ୍ଯ କୁରୁସତ୍ତମଃ।
ପୁତ୍ରଶୋକାଭିସନ୍ତପ୍ତଃ ପପାତ ଭୁବି ମୂର୍ଛିତଃ॥ 11-8-1 (64976)
ତଂ ତଥା ପତିତଂ ଭୂମୌ ନିଃସଂଜ୍ଞଂ ପ୍ରେକ୍ଷ୍ଯ ବାନ୍ଧବାଃ।
କୃଷ୍ଣଦ୍ବୈପାଯନଶ୍ଚୈବ କ୍ଷତ୍ତା ଚ ବିଦୁରସ୍ତଥା॥ 11-8-2 (64977)
ସଞ୍ଜଯଃ ସୁହୃଦଶ୍ଚାନ୍ଯେ ଦ୍ବାସ୍ଥା ଯେ ଚାସ୍ଯ ସମ୍ମତାଃ।
ଜଲେନ ସୁଖଶୀତେନ ତାଲବୃନ୍ତୈଶ୍ଚ ଭାରତ॥ 11-8-3 (64978)
ପସ୍ପର୍ଶୁଶ୍ଚ କରୈର୍ଗାତ୍ରଂ ବୀଜମାନାଶ୍ଚ ଯତ୍ନତଃ।
ଅନ୍ବାସତ ଚିରଂ କାଲଂ ଧୃତରାଷ୍ଟ୍ରଂ ତଥାବିଧମ୍॥ 11-8-4 (64979)
ଅଥ ଦୀର୍ଘସ୍ଯ କାଲସ୍ଯ ଲବ୍ଧସ଼ଞ୍ଜ୍ଞୋ ମହୀପତିଃ।
ବିଲଲାପ ଚିରଂ କାଲଂ ପୁତ୍ରାଧିଭିରଭିପ୍ଲୁତଃ॥ 11-8-5 (64980)
ଧିଗସ୍ତୁ ଖଲୁ ମାନୁଷ୍ଯଂ ମାନୁଷ୍ଯେ ଚ ପରିଗ୍ରହମ୍।
ଯତୋମୂଲାନି ଦୁଃଖାନି ସମ୍ଭବନ୍ତି ପୁନଃପୁନଃ॥ 11-8-6 (64981)
ମିତ୍ରନାଶେଽର୍ଥନାଶେ ଚ ଜ୍ଞାତିସମ୍ବନ୍ଧିନାମପି।
ପ୍ରାପ୍ଯତେ ସୁମହଦ୍ଦୁଃଖଂ ବିଷାଗ୍ନିପ୍ରତିମଂ ବିଭୋ॥ 11-8-7 (64982)
ଯେନ ଦହ୍ଯନ୍ତି ଗାତ୍ରାଣି ଯେନ ପ୍ରଜ୍ଞା ବିନଶ୍ଯତି।
ଯେନାଭିଭୂତଃ ପୁରୁଷୋ ମରଣଂ ପ୍ରତିପଦ୍ଯତେ॥ 11-8-8 (64983)
ତଦିଦଂ ମରଣଂ ପ୍ରାପ୍ତଂ ମଯା ଭାଗ୍ଯବିପର୍ଯଯାତ୍।
[ତସ୍ଯାନ୍ତଂ ନାଧିଗଚ୍ଛାମି ଋତେ ପ୍ରାଣବିମୋକ୍ଷଣାତ୍] 11-8-9 (64984)
ତଚ୍ଚୈବାହଂ କରିଷ୍ଯାମି ଅଦ୍ଯୈବ ଦ୍ବିଜସତ୍ତମ।
ଇତ୍ଯୁକ୍ତ୍ବା ତୁ ମହାତ୍ମାନଂ ପିତରଂ ବ୍ରହ୍ମବିତ୍ତମମ୍॥ 11-8-10 (64985)
ଧୃତରାଷ୍ଟ୍ରୋଽଭବନ୍ମୂଢଃ ସ ଶୋକଂ ପରମଂ ଗତଃ।
ଅଭୂଚ୍ଚ ତୂଷ୍ଣୀଂ ରାଜାଽସୌ ଧ୍ଯାଯମାନୋ ମହୀପତିଃ॥ 11-8-11 (64986)
ତସ୍ଯ ତଦ୍ବଚନଂ ଶ୍ରୁତ୍ବା କୃଷ୍ଣଦ୍ବୈପାଯନଃ ପ୍ରଭୁଃ।
ପୁତ୍ରଶୋକାଭିସନ୍ତପ୍ତଂ ପୁତ୍ରଂ ବଚନମବ୍ରବୀତ୍॥ 11-8-12 (64987)
ବ୍ଯାସ ଉବାଚ। 11-8-13x (5327)
ଧୃତରାଷ୍ଟ୍ର ମହାବାହୋ ଶୃଣୁ ବକ୍ଷ୍ଯାମି ପୁତ୍ରକ।
ଶ୍ରୁତବାନସି ମେଧାବୀ ଧର୍ମାର୍ଥକୁଶଲଃ ପ୍ରଭୋ॥ 11-8-13 (64988)
ନ ତେଽସ୍ତ୍ଯବିଦିତଂ କିଞ୍ଚିଦ୍ବେଦିତବ୍ଯଂ ପରନ୍ତପ।
ଅନିତ୍ଯତାଂ ହି ଭୂତାନାଂ ବିଜାନାସି ନ ସଂଶଯଃ॥ 11-8-14 (64989)
ଅଧ୍ରୁବେ ଜୀବଲୋକେ ଚ ସ୍ଥାନେ ବା ଶାଶ୍ବତେ ସତି।
ଜୀବିତେ ମରଣାନ୍ତେ ଚ କସ୍ମାଚ୍ଛୋଚସି ପୁତ୍ରକ॥ 11-8-15 (64990)
ପ୍ରତ୍ଯକ୍ଷଂ ତବ ରାଜେନ୍ଦ୍ର ବୈରସ୍ଯାସ୍ଯ ସମୁଦ୍ଭବଃ।
ପୁତ୍ରଂ ତେ କାରଣଂ କୃତ୍ବା କାଲଯୋଗେନ ନିର୍ମିତଃ॥ 11-8-16 (64991)
ଅବଶ୍ଯଂ ଭବିତବ୍ଯେ ଚ କୁରୂଣାଂ ସଙ୍କ୍ଷଯେ ନୃପ।
କସ୍ମାଚ୍ଛୋଚସି ତାଞ୍ଶୂରାନ୍ଗତାନ୍ପରମିକାଂ ଗତିମ୍॥ 11-8-17 (64992)
ଜାନତା ଚ ମହାବାହୋ ବିଦୁରେଣ ମହାତ୍ମନା।
ଯତିତଂ ସର୍ବଯତ୍ନେନ ଶମଂ ପ୍ରତି ଜନେଶ୍ବର॥ 11-8-18 (64993)
ନ ଚ ଦୈବକୃତୋ ମାର୍ଗଃ ଶକ୍ଯୋ ଭୂତେନ କେନଚିତ୍।
ଘଟତାଽପି ଚିରଂ କାଲଂ ନିଯନ୍ତୁମିତି ମେ ମତିଃ॥ 11-8-19 (64994)
ଦେବତାନାଂ ହି ଯତ୍କାର୍ଯଂ ମଯା ପ୍ରତ୍ଯକ୍ଷତଃ ଶ୍ରୁତମ୍।
ତତ୍ତେଽହଂ ସମ୍ପ୍ରବକ୍ଷ୍ଯାମି ଯଥା ସ୍ଥୈର୍ଯଂ ଭବେତ୍ତବ॥ 11-8-20 (64995)
ପୁରାଽହଂ ପରିତୋ ଯାତଃ ସଭାମୈନ୍ଦ୍ରୀଂ ଜିତକ୍ଲମଃ।
ଅପଶ୍ଯଂ ତତ୍ର ଚ ସଦା ସମବେତାନ୍ଦିବୌକସଃ॥ 11-8-21 (64996)
ନାରଦପ୍ରମୁଖାଂଶ୍ଚାପି ସର୍ବାନ୍ଦେବର୍ଷିସତ୍ତମାନ୍।
ତତ୍ର ଚାପି ମଯା ଦୃଷ୍ଟା ପୃଥିବୀ ପୃଥିବୀପତେ॥ 11-8-22 (64997)
କାର୍ଯାର୍ଥମୁପସମ୍ପନ୍ନା ଦେବତାନାଂ ସମୀପତଃ।
ଉପଗମ୍ଯ ତଦା ଧାତ୍ରୀ ଦେବାନାହ ସମାଗତାନ୍॥ 11-8-23 (64998)
ଯତ୍କାର୍ଯଂ ମମ ଯୁଷ୍ମାଭିର୍ବ୍ରହ୍ମଣଃ ସଦନେ ତଦା।
ପ୍ରତିଜ୍ଞାତଂ ମହାଭାଗାସ୍ତଚ୍ଛୀଘ୍ରଂ ସଂବିଧୀଯତାମ୍॥ 11-8-24 (64999)
ତସ୍ଯାସ୍ତଦ୍ବଚନଂ ଶ୍ରୁତ୍ବା ବିଷ୍ଣୁର୍ଲୋକନମସ୍କୃତଃ।
ଉବାଚ ବାକ୍ଯଂ ପ୍ରହସନ୍ପ୍ରଭୁସ୍ତାଂ ଦେବସଂସଦି॥ 11-8-25 (65000)
ଧୃତରାଷ୍ଟ୍ରସ୍ଯ ପୁତ୍ରାଣାଂ ଯସ୍ତୁ ଜ୍ଯେଷ୍ଠଃ ଶତସ୍ଯ ବୈ।
ଦୁର୍ଯୋଧନ ଇତି ଖ୍ଯାତଃ ସ ତେ କାର୍ଯଂ କରିଷ୍ଯତି॥ 11-8-26 (65001)
ତଂ ଚ ପ୍ରାପ୍ଯ ମହୀପାଲଂ କୃତକୃତ୍ଯା ଭବିଷ୍ଯସି।
ତସ୍ଯାର୍ଥେ ପୃଥିବୀପାଲାଃ କୁରୁକ୍ଷେତ୍ରଂ ସମାଗତାଃ॥ 11-8-27 (65002)
ଅନ୍ଯୋନ୍ଯଂ ଘାତଯିଷ୍ଯନ୍ତି ଦୃଢୈଃ ଶସ୍ତ୍ରୈଃ ପ୍ରହାରିଣଃ।
ତତସ୍ତେ ଭବିତା ଦେବି ଭାରସ୍ଯ ଯୁଧି ନାଶନମ୍॥ 11-8-28 (65003)
ଗଚ୍ଛ ଶୀଘ୍ରଂ ସ୍ବକଂ ସ୍ଥାନଂ ଲୋକାନ୍ଧାରଯ ଶୋଭନେ।
ସ ଏଷ ତେ ସୁତୋ ରାଜଁଲ୍ଲୋକସଂହାରକାରଣାତ୍॥ 11-8-29 (65004)
କଲେରଂଶଃ ସମୁତ୍ପନ୍ନୋ ଗାନ୍ଧାର୍ଯା ଜଠରେ ନୃପ।
ଅମର୍ଷୀ ବଲବାଞ୍ଶୂରଃ କ୍ରୋଧନୋ ଦୁଷ୍ପ୍ରସାଧନଃ॥ 11-8-30 (65005)
ଦୈବଯୋଗାତ୍ସମୁତ୍ପନ୍ନା ଭ୍ରାତରସ୍ତସ୍ଯ ତାଦୃଶାଃ।
ଶକୁନିର୍ମାତୁଲଶ୍ଚୈବ କର୍ଣଶ୍ଚ ପରମଃ ସଖା॥ 11-8-31 (65006)
ସମୁତ୍ପନ୍ନା ବିନାଶାର୍ଥଂ ପୃଥିବ୍ଯାଂ ସହିତା ନୃପାଃ।
[ଯାଦୃଶୋ ଜାଯତେ ରାଜା ତାଦୃଶୋଽସ୍ଯ ଜନୋ ଭବେତ୍॥ 11-8-32 (65007)
ଅଧର୍ମୋ ଧର୍ମତାଂ ଯାତି ସ୍ବାମୀ ଚେଦ୍ଧାର୍ମିକୋ ଭବେତ୍।
ସ୍ବାମିନୋ ଗୁଣଦୋଷାଭ୍ଯାଂ ଭୃତ୍ଯାଃ ସ୍ଯୁର୍ନାତ୍ର ସଂଶଯଃ॥ 11-8-33 (65008)
ଦୁଷ୍ଟଂ ରାଜାନମାସାଦ୍ଯ ଗତାସ୍ତେ ତନଯା ନୃପ।]
ଏତମର୍ଥଂ ମହାବାହୋ ନାରଦୋ ବେଦ ତତ୍ତ୍ବବିତ୍॥ 11-8-34 (65009)
ଆତ୍ମାପରାଧାତ୍ପୁତ୍ରାସ୍ତେ ବିନଷ୍ଟାଃ ପୃଥିବୀପତେ।
ମା ତାଞ୍ଶୋଚସ୍ବ ରାଜେନ୍ଦ୍ର ନ ହି ଶୋକେଽସ୍ତି କାରଣମ୍॥ 11-8-35 (65010)
ନ ହି ତେ ପାଣ୍ଡବାଃ ସ୍ବଲ୍ପମପରାଧ୍ଯନ୍ତି ଭାରତ।
ପୁତ୍ରାସ୍ତବ ଦୁରାତ୍ମାନୋ ଯୈରିଯଂ ଘାତିତା ମହୀ॥ 11-8-36 (65011)
ନାରଦେନ ଚ ଭଦ୍ରଂ ତେ ପୂର୍ବମେବ ନ ସଂଶଯଃ।
ଯୁଧିଷ୍ଠିରସ୍ଯ ସମିତୌ ରାଜସୂଯେ ନିବେଦିତମ୍॥ 11-8-37 (65012)
ପାଣ୍ଡବାଃ କୌରବାଃ ସର୍ବେ ସମାସାଦ୍ଯ ପରସ୍ପରମ୍।
ନଭବିଷ୍ଯନ୍ତି କୌନ୍ତେଯ ଯତ୍ତେ କୃତ୍ଯଂ ତଦାଚର॥ 11-8-38 (65013)
ନାରଦସ୍ଯ ବଚଃ ଶ୍ରୁତ୍ବା ତଥାଽକୁର୍ବତ ପାଣ୍ଡବାଃ।
ଏତତ୍ତେ ସର୍ବମାଖ୍ଯାତଂ ଦେବଗୁହ୍ଯଂ ସନାତନମ୍॥ 11-8-39 (65014)
କଥଂ ତେ ଶୋକନାଶଃ ସ୍ଯାତ୍ପ୍ରାଣେଷୁ ଚ ଦଯା ପ୍ରଭୋ।
ସ୍ନେହଶ୍ଚ ପାଣ୍ଡୁପୁତ୍ରେଷୁ ଜ୍ଞାତ୍ବା ଦୈବକୃତଂ ବିଧିମ୍॥ 11-8-40 (65015)
ଏଷ ଚାର୍ଥୋ ମହାବାହୋ ପୂର୍ବମେବ ମଯା ଶ୍ରୁତଃ।
କଥିତୋ ଧର୍ମରାଜସ୍ଯ ରାଜସୂଯେ କୁରୂତ୍ତମ॥ 11-8-41 (65016)
ଯତିତଂ ଧର୍ମପୁତ୍ରେଣ ମଯା ଗୁହ୍ଯେ ନିବେଦିତେ।
ଅବିଗ୍ରହେ କୌରବାଣାଂ ଦୈବଂ ତୁ ବଲବତ୍ତରମ୍॥ 11-8-42 (65017)
ଅନତିକ୍ରମଣୀଯୋ ହି ବିଧୀ ରାଜନ୍କଥଞ୍ଚନ।
କୃତାନ୍ତସ୍ଯ ତୁ ଭୂତେନ ସ୍ଥାବରେଣ ଚରେଣ ଚ॥ 11-8-43 (65018)
ଭବାନ୍ଧର୍ମପରୋ ଯତ୍ର ବୁଦ୍ଧିଶ୍ରେଷ୍ଠଶ୍ଚ ଭାରତ।
ମୁହ୍ଯତେ ପ୍ରାଣିନାଂ ଜ୍ଞାତ୍ବା ଗତିଂ ଚାଗତିମେବ ଚ॥ 11-8-44 (65019)
ତ୍ବାଂ ତୁ ଶୋକେନ ସନ୍ତପ୍ତଂ ମୁହ୍ଯମାନଂ ମୁହୁର୍ମୁହୁଃ।
ଜ୍ଞାତ୍ବା ଯୁଧିଷ୍ଠିରୋ ରାଜା ପ୍ରାଣାନପି ପରିତ୍ଯଜେତ୍॥ 11-8-45 (65020)
କୃପାଲୁର୍ନିତ୍ଯଶୋ ବୀରସ୍ତିର୍ଯଗ୍ଯୋନିଗତେଷ୍ବପି।
ସ କଥଂ ତ୍ବଯି ରାଜେନ୍ଦ୍ର କୃପାଂ ନୈବ କରିଷ୍ଯତି॥ 11-8-46 (65021)
ମମ ଚୈବ ନିଯୋଗେନ ବିଧେଶ୍ଚାପ୍ଯନିବର୍ତନାମ୍।
ପାଣ୍ଡବାନାଂ ଚ କାରୁଣ୍ଯାତ୍ପ୍ରାଣାନ୍ଧାରଯ ଭାରତ॥ 11-8-47 (65022)
ଏବଂ ତେ ବର୍ତମାନସ୍ଯ ଲୋକେ କୀର୍ତିର୍ଭବିଷ୍ଯତି।
ଧର୍ମାର୍ଥଃ ସୁମହାଂସ୍ତାତ ତପ୍ତଂ ସ୍ଯାଚ୍ଚ ତପଶ୍ଚିରାତ୍॥ 11-8-48 (65023)
ପୁତ୍ରଶୋକଂ ସମୁତ୍ପନ୍ନଂ ହୁତାଶଂ ଜ୍ବଲିତଂ ଯଥା।
ପ୍ରଜ୍ଞାମ୍ଭସା ମହାରାଜ ନିର୍ବାପଯ ସଦା ସତା॥ 11-8-49 (65024)
ବୈଶମ୍ପାଯନ ଉବାଚ। 11-8-50x (5328)
ତଚ୍ଛ୍ରୁତ୍ବା ତସ୍ଯ ବଚନଂ ବ୍ଯାସସ୍ଯାମିତତେଜସଃ।
ମୁହୂର୍ତଂ ସମନୁଧ୍ଯାଯନ୍ଧୃତରାଷ୍ଟ୍ରୋଽଭ୍ଯଭାଷତ॥ 11-8-50 (65025)
ମହତା ଶୋକଜାଲେନ ପ୍ରଣୁନ୍ନୋଽସ୍ମି ଦ୍ବିଜୋତ୍ତମ।
ନାତ୍ମାନମବବୁଧ୍ଯାମି ମୁହ୍ଯମାନୋ ମୁହୁର୍ମୁହୁଃ॥ 11-8-51 (65026)
ଇଦଂ ତୁ ବଚନଂ ଶ୍ରୁତ୍ବା ତବ ଦେବନିଯୋଗଜମ୍।
ଧାରଯିଷ୍ଯାମ୍ଯହଂ ପ୍ରାଣାନ୍ଯତିଷ୍ଯେ ଚ ନ ଶୋଚିତୁଂ॥ 11-8-52 (65027)
ଏତଚ୍ଛ୍ରୁତ୍ବା ତୁ ବଚନଂ ବ୍ଯାସଃ ସତ୍ଯବତୀସୁତଃ।
ଧୃତରାଷ୍ଟ୍ରସ୍ଯ ରାଜେନ୍ଦ୍ର ତତ୍ରୈବାନ୍ତରଧୀଯତ॥ ॥ 11-8-53 (65028)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ଜଲପ୍ରଦାନିକପର୍ବଣି ଅଷ୍ଟମୋଽଧ୍ଯାଯଃ॥ 8 ॥*
Mahabharata - Strii Parva - Chapter Text
11-8-0 (65029)
[ଜନମେଜଯ ଉବାଚ। 11-8-0x (5329)
ଗତେ ଭଗବତି ବ୍ଯାସେ ଧୃତରାଷ୍ଟ୍ରୋ ମହୀପତିଃ।
କିମଚେଷ୍ଟତ ବିପ୍ରର୍ଷେ ତନ୍ମେ ବ୍ଯାଖ୍ଯାତୁମର୍ହସି॥ 11-8-1 (65030)
ତଥୈବ କୌରବୋ ରାଜା ଧର୍ମପୁତ୍ରୋ ମହାମନାଃ।
କୃପପ୍ରଭୃତଯଶ୍ଚୈବ କିମକୁର୍ବତ ତେ ତ୍ରଯଃ॥ 11-8-2 (65031)
ଅଶ୍ବତ୍ଥାମ୍ନଃ ଶ୍ରୁତଂ କର୍ମ ଶାପଶ୍ଚାନ୍ଯୋନ୍ଯକାରିତଃ।
ବୃତ୍ତାନ୍ତମୁତ୍ତରଂ ବ୍ରୂହି ଯଦଭାଷତ ସଞ୍ଜଯଃ॥ 11-8-3 (65032)
ବୈଶମ୍ପାଯନ ଉବାଚ। 11-8-4x (5330)
ହତେ ଦୁର୍ଯୋଧନେ ଚୈବ ହତେ ସୈନ୍ଯେ ଚ ସର୍ବଶଃ।
ସଞ୍ଜଯୋ ବିଗତପ୍ରଜ୍ଞୋ ଧୃତରାଷ୍ଟ୍ରମୁପସ୍ଥିତଃ॥ 11-8-4 (65033)
ସଞ୍ଜଯ ଉବାଚ। 11-8-5x (5331)
ଆଗମ୍ଯ ନାନାଦେଶେଭ୍ଯୋ ନାନାଜନପଦେଶ୍ବରାଃ।
ପିତୃଲୋକଂ ଗତା ରାଜନ୍ସର୍ବେ ତବ ସୁତୈଃ ସହ॥ 11-8-5 (65034)
ଯାଚ୍ଯମାନେନ ସତତଂ ତବ ପୁତ୍ରେଣ ଭାରତ।
ଘାତିତା ପୃଥିବୀ ସର୍ବା ବୈରସ୍ଯାନ୍ତଂ ବିଧିତ୍ସତା॥ 11-8-6 (65035)
ପୁତ୍ରାଣାମଥ ପୌତ୍ରାଣାଂ ପିତୄଣାଂ ଚ ମହୀପତେ।
ଆନୁପୂର୍ବ୍ଯେଣ ସର୍ବେଷାଂ ପ୍ରେତକାର୍ଯାଣି କାରଯ॥ 11-8-7 (65036)
ବୈଶମ୍ପାଯନ ଉବାଚ। 11-8-8x (5332)
ତଚ୍ଛ୍ରୁତ୍ବା ବଚନଂ ଘୋରଂ ସଞ୍ଜଯସ୍ଯ ମହୀପତିଃ।
ଗତାସୁରିବ ନିଶ୍ଚେଷ୍ଟୋ ନ୍ଯପତତ୍ପୃଥିବୀତଲେ॥ 11-8-8 (65037)
ତଂ ଶଯାନମୁପାଗମ୍ଯ ପୃଥିବ୍ଯାଂ ପୃଥିବୀପତିମ୍।
ବିଦୁରଃ ସର୍ବଧର୍ମଜ୍ଞ ଇଦଂ ବଚନମବ୍ରବୀତ୍॥ 11-8-9 (65038)
ଉତ୍ତିଷ୍ଠ ରାଜନ୍କିଂ ଶେଷେ ମା ଶୁଚୋ ଭରତର୍ଷଭ।
ଏଷା ବୈ ସର୍ବସତ୍ବାନାଂ ଲୋକେଶ୍ବର ପରା ଗତିଃ॥ 11-8-10 (65039)
ଅଭାବାଦୀନି ଭୂତାନି ଭାବମଧ୍ଯାନି ଭାରତ।
ଅଭାବନିଧନାନ୍ଯେବ ତତ୍ର କା ପରିଦେବନା॥ 11-8-11 (65040)
ନ ଶୋଚନ୍ମୃତମନ୍ବେତି ନ ଶୋଚନ୍ମ୍ରିଯତେ ନରଃ।
ଏବଂ ସାଂସିଦ୍ଧିକେ ଲୋକେ କିମର୍ଥମନୁଶୋଚସି॥ 11-8-12 (65041)
ଅଯୁଧ୍ଯମାନୋ ମ୍ରିଯତେ ଯୁଧ୍ଯମାନସ୍ତୁ ଜୀବତି।
କାଲଂ ପ୍ରାପ୍ଯ ମହାରାଜ ନ କଶ୍ଚିଦତିବର୍ତତେ॥ 11-8-13 (65042)
କାଲଃ କର୍ଷତି ଭୂତାନି ସର୍ବାଣି ବିବିଧାନି ଚ।
ନ କାଲସ୍ଯ ପ୍ରିଯଃ କଶ୍ଚିନ୍ନ ଦ୍ବେଷ୍ଯଃ କୁରୁସତ୍ତମ॥ 11-8-14 (65043)
ଯଥା ବାଯୁସ୍ତୃଣାଗ୍ରାଣି ସଂବର୍ତପତି ସର୍ବତଃ।
ତଥା କାଲବଶଂ ଯାନ୍ତି ଭୂତାନି ଭରତର୍ଷଭ॥ 11-8-15 (65044)
ଏକସାର୍ଥପ୍ରଯାତାନାଂ ସର୍ବେଷାଂ ତତ୍ର ଗାମିନାମ୍।
ଯସ୍ଯ କାଲଃ ପ୍ରଯାତ୍ଯଗ୍ରେ ତତ୍ର କା ପରିଦେବନା॥ 11-8-16 (65045)
ଯାଂଶ୍ଚାପି ନିହତାନ୍ଯୁଦ୍ଧେ ରାଜଂସ୍ତ୍ବମନୁଶୋଚସି।
ନ ଶୋଚ୍ଯା ହି ମାହତ୍ମାନଃ ସର୍ବେ ତେ ତ୍ରିଦିବଂ ଗତାଃ॥ 11-8-17 (65046)
ନ ଯଜ୍ଞୈର୍ଦକ୍ଷିଣାବଦ୍ଭିର୍ନ ତପୋଭିର୍ନ ବିଦ୍ଯଯା।
ତଥା ସ୍ବର୍ଗମୁପାଯାନ୍ତି ଯଥା ଶୂରାସ୍ତନୁତ୍ଯଜଃ॥ 11-8-18 (65047)
ସର୍ବେ ବେଦବିଦଃ ଶୂରାଃ ସର୍ବେ ସୁଚରିତବ୍ରତାଃ।
ସର୍ବେ ଚାଭିମୁଖାଃ କ୍ଷୀଣାସ୍ତତ୍ର କା ପରିଦେବନା॥ 11-8-19 (65048)
ଶରୀରାଗ୍ନିଷୁ ଶୂରାଣାଂ ଜୁହୁବୁସ୍ତେ ଶରାହୁତୀଃ।
ହୂଯମାନାଞ୍ଶରାଂଶ୍ଚୈବ ସେହୁରୁତ୍ତମପୂରଷାଃ॥ 11-8-20 (65049)
ଏବଂ ରାଜଂସ୍ତବାଚକ୍ଷେ ସ୍ବର୍ଗ୍ଯଂ ପନ୍ଥାନମୁତ୍ତମମ୍।
ନ ଯୁଦ୍ଧାଦଧିକଂ କିଞ୍ଚିତ୍କ୍ଷତ୍ରିଯସ୍ଯେହ ବିଦ୍ଯତେ॥ 11-8-21 (65050)
କ୍ଷତ୍ରିଯାସ୍ତେ ମହାତ୍ମାନଃ ଶୂରାଃ ସମିତିଶୋଭନାଃ।
ଆଶିଷଂ ପରମାଂ ପ୍ରାପ୍ତା ନ ଶୋଚ୍ଯାଃ ସର୍ବ ଏବ ହି॥ 11-8-22 (65051)
ଆତ୍ମନାଽଽତ୍ମାନମାଶ୍ବାସ୍ଯ ମା ଶୁଚଃ ପୁରୁଷର୍ଷଭ।
ନାଦ୍ଯ ଶୋକାଭିଭୂତସ୍ତ୍ବଂ କାର୍ଯମୁତ୍ସ୍ନଷ୍ଟୁମର୍ହସି॥ ॥ 11-8-23 (65052)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ଜଲପ୍ରଦାନିକପର୍ବଣି ଅଧ୍ଯାଯଃ॥
Mahabharata - Strii Parva - Chapter Footnotes
11-8-29 କାଲଃ ସଂହାରକାରଣାଦିତି କ.ଛ.ଠ.ପାଠଃ॥ 11-8-37 ନାରଦେନ ସମାଖ୍ଯାତମିତି କ.ଛ.ଠ.ପାଠଃ॥ 11-8-39 ତଦାଽଶୋଚନ୍ତ ପାଣ୍ଡବା ଇତି ଝ.ପାଠଃ॥ 11-8-48 ଧର୍ମଶ୍ଚ ସୁମହାସ୍ତାତ ତପ୍ତସ୍ଯ ତପସଶ୍ଚିରାଦିତି କ.ଛ.ଠ.ପାଠଃ॥ 11-8-8 ଅଷ୍ଟମୋଽଧ୍ଯାଯଃ॥ସ୍ତ୍ରୀପର୍ବ - ଅଧ୍ଯାଯ 009
॥ ଶ୍ରୀଃ ॥
11.9. ଅଧ୍ଯାଯଃ 009
Mahabharata - Strii Parva - Chapter Topics
ଧୃତରାଷ୍ଟ୍ରେଣ ଗାନ୍ଧରୀପ୍ରଭୃତିଭିଃ ସ୍ତ୍ରୀଭିଃ ସହ ମୃତଜନାବଲୋକନାଯ ରଣାଙ୍କଣମ୍ପ୍ରତି ପ୍ରଯାଣମ୍॥ 1 ॥Mahabharata - Strii Parva - Chapter Text
11-9-0 (65053)
`ଜନମେଜଯ ଉବାଚ। 11-9-0x (5333)
ଗତେ ବ୍ଯାସେ ତୁ ଧର୍ମାତ୍ମା ଧୃତରାଷ୍ଟ୍ରୋ ମହୀପତିଃ।
କିମଚେଷ୍ଟତ ବିପ୍ରର୍ଷେ ତନ୍ମେ ବ୍ଯାଖ୍ଯାତୁମର୍ହସି॥ 11-9-1 (65054)
ବୈଶମ୍ପାଯନ ଉବାଚ। 11-9-2x (5334)
ଏତଚ୍ଛ୍ରୁତ୍ବା ନରଶ୍ରେଷ୍ଠଶ୍ଚିରଂ ଧ୍ଯାତ୍ବା ତ୍ବଚେତନଃ।
ସଞ୍ଜଯଂ ଯୋଜଯେତ୍ଯୁକ୍ତ୍ବା ବିଦୁରଂ ପ୍ରତ୍ଯଭାଷତ॥ 11-9-2 (65055)
କ୍ଷିପ୍ରମାନଯ ଗାନ୍ଧାରୀଂ ସର୍ବାଶ୍ଚ ଭରତସ୍ତ୍ରିଯଃ।
କୁନ୍ତୀଂ ଚୈବ ତଥା କ୍ଷତ୍ତଃ ସମାନଯ ମମାଽନ୍ତିକମ୍'॥ 11-9-3 (65056)
ଏବମୁକ୍ତ୍ବା ସ ଧର୍ମାତ୍ମା ବିଦୁରଂ ଧର୍ମବିତ୍ତମମ୍।
ଶୋକବିପ୍ରହତଜ୍ଞାନୋ ଯାନମେବାନ୍ବରୋହତ॥ 11-9-4 (65057)
ଗାନ୍ଧାରୀ ପୁତ୍ରଶୋକାର୍ତା ଭର୍ତୁର୍ବଚନନୋଦିତା।
ସହ କୁନ୍ତ୍ଯା ଯତୋ ରାଜା ସହ ସ୍ତ୍ରୀଭିରୁପାଦ୍ରବତ୍॥ 11-9-5 (65058)
ତାଃ ସମାସାଦ୍ଯ ରାଜାନଂ ଭୃଶଂ ଶୋକସମନ୍ବିତାଃ।
ଆମନ୍ତ୍ର୍ଯାନ୍ଯୋନ୍ଯମାଯସ୍ତା ଭୃଶମୁଚ୍ଚୁକ୍ରୁଶୁସ୍ତତଃ॥ 11-9-6 (65059)
ତାଃ ସମାଶ୍ବାସଯତ୍କ୍ଷତ୍ତା ତାଭ୍ଯଶ୍ଚାର୍ତତରଃ ସ୍ବଯମ୍।
ଅଶ୍ରୁକଣ୍ଠୀଃ ସମାରୋପ୍ଯ ତତୋଽସୌ ନିର୍ଯଯୌ ପୁରାତ୍॥ 11-9-7 (65060)
ତତଃ ପ୍ରଣାଦଃ ସଞ୍ଜଜ୍ଞେ ସର୍ବେଷୁ କୁରୁବେଶ୍ମସୁ।
ଆକୁମାରଂ ପୁରଂ ସର୍ବମଭବଚ୍ଛୋକକର୍ଶିତମ୍॥ 11-9-8 (65061)
ଅଦୃଷ୍ଟପୂର୍ବା ଯା ନାର୍ଯଃ ପୁରା ଦେବଗଣୈରପି।
ପୃଥଗ୍ଜନେନ ଦୃଶ୍ଯନ୍ତେ ତାସ୍ତଦା ନିହତେଶ୍ବରାଃ॥ 11-9-9 (65062)
ପ୍ରକୀର୍ଯ କେଶାନ୍ସୁଶୁଭାନ୍ଭୂଷଣାନ୍ଯବମୁଚ୍ଯ ଚ।
ଏକବସ୍ତ୍ରଧରା ନାର୍ଯଃ ପରିପେତୁରନାଥବତ୍॥ 11-9-10 (65063)
ଶ୍ବତେପର୍ବତରୂପେଭ୍ଯୋ ଗୃହେଭ୍ଯସ୍ତା ନିରାକ୍ରମନ୍।
ଗୁହାଭ୍ଯ ଇବ ଶୈଲାନାଂ ପୃଷତ୍ଯୋ ହତଯୂଥପାଃ॥ 11-9-11 (65064)
ତାନ୍ଯୁଦୀର୍ଣାନି ନାରୀଣାଂ ତଦା ବୃନ୍ଦାନ୍ଯନେକଶଃ।
ଶୋକାର୍ତାନ୍ଯଦ୍ରବନ୍ରାଜନ୍କିଶୋରୀଣାମିବାଙ୍ଗଣେ॥ 11-9-12 (65065)
ପ୍ରଗୃହ୍ଯ ବାହୂନ୍କ୍ରୋଶନ୍ତ୍ଯଃ ପୁତ୍ରାନ୍ଭ୍ରାତୄନ୍ପିତୄନପି।
ଦର୍ଶଯନ୍ତି ହତା ହି ସ୍ମ ଯୁଗାନ୍ତେ ଲୋକସଙ୍କ୍ଷଯମ୍॥ 11-9-13 (65066)
ବିଲପନ୍ତ୍ଯୋ ରୁଦନ୍ତ୍ଯଶ୍ଚ ଧାବମାନାସ୍ତତସ୍ତତଃ।
ଶୋକେନୋପହତଜ୍ଞାତାଃ କର୍ତବ୍ଯଂ ନ ପ୍ରଜଜ୍ଞିରେ॥ 11-9-14 (65067)
ବ୍ରୀଡାଂ ଜଗ୍ମୁଃ ପୁରା ଯାଃ ସ୍ମ ସଖୀନାମପି ଯୋଷିତଃ।
ତା ଏକବସ୍ତ୍ରା ନିର୍ଲଜ୍ଜାଃ ଶ୍ବଶ୍ରୂଣାଂ ପୁରତୋଽଭବନ୍॥ 11-9-15 (65068)
ପରସ୍ପରଂ ସୁସୂକ୍ଷ୍ମେଷୁ ଶୋକେଷ୍ବାଶ୍ବାସଯନ୍ତି ଯାଃ।
ତାଃ ଶୋକବିହ୍ବଲା ରାଜନ୍ନବୈକ୍ଷନ୍ତ ପରସ୍ପରମ୍॥ 11-9-16 (65069)
ତାଭିଃ ପରିବୃତୋ ରାଜା ରୁଦତୀଭିଃ ସହସ୍ରଶଃ।
ନିର୍ଯଯୌ ନଗରାଦ୍ଦୀନସ୍ତୂର୍ଣମାଯୋଧନଂ ପ୍ରତି॥ 11-9-17 (65070)
ଶିଲ୍ପିନୋ ବଣିଜୋ ବୈଶ୍ଯାଃ ସର୍ବେ କର୍ମୋପଜୀବିନଃ।
ତେ ପାର୍ଥିବଂ ପୁରସ୍କୃତ୍ଯ ନିର୍ଯଯୁର୍ନଗରାଦ୍ବହିଃ॥ 11-9-18 (65071)
ତେଷାଂ ବିକ୍ରୋଶମାନାନାମାର୍ତାନାଂ କୁରୁସଙ୍କ୍ଷଯେ।
ପ୍ରାଦୁରାସୀନ୍ମହାଞ୍ଶବ୍ଦୋ ବ୍ଯଥଯନ୍ଭୁବନାନ୍ଯୁତ॥ 11-9-19 (65072)
ଯୁଗାନ୍ତକାଲେ ସମ୍ପ୍ରାପ୍ତେ ଭୂତାନାଂ ଦହ୍ଯତାମିବ।
ଅଭାବସ୍ଯୋଦଯଃ ପ୍ରାପ୍ତ ଇତି ଭୂତାନି ମେନିରେ॥ 11-9-20 (65073)
ଭୃଶମୁଦ୍ବିଗ୍ନମନସସ୍ତେ ପୌରାଃ କୁରୁସଙ୍କ୍ଷଯେ।
ପ୍ରାକ୍ରୋଶନ୍ତ ମହାରାଜ ସ୍ବନୁରକ୍ତାସ୍ତଦା ଭୃଶମ୍॥ ॥ 11-9-21 (65074)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ଜଲପ୍ରଦାନିକପର୍ବଣି ନବମୋଽଧ୍ଯାଯଃ॥ 9 ॥
Mahabharata - Strii Parva - Chapter Text
11-9-0 (65075)
ବୈଶମ୍ପାଯନ ଉବାଚ। 11-9-0x (5335)
ବିଦୁରସ୍ଯ ତୁ ତଦ୍ବାକ୍ଯଂ ଶ୍ରୁତ୍ବା ତୁ ପୁରୁଷର୍ଷଭଃ।
ଯୁଜ୍ଯତାଂ ଯାନମିତ୍ଯୁକ୍ତ୍ବା ପୁନର୍ବଚନମବ୍ରବୀତ୍॥ 11-9-1 (65076)
ଧୃତରାଷ୍ଟ୍ର ଉବାଚ। 11-9-2x (5336)
11-9-2 (65077)
ଶୀଘ୍ରମାନଯ ଗାନ୍ଧାରୀଂ ସର୍ବାଶ୍ଚ ଭରତସ୍ତ୍ରିଯଃ।
ବଧୂଂ କୁନ୍ତୀମୁପାଦାଯ ଯାଶ୍ଚାନ୍ଯାସ୍ତତ୍ର ଯୋଷିତଃ॥
Mahabharata - Strii Parva - Chapter Footnotes
11-9-4 ବିଗତା ପ୍ରଜ୍ଞା ବ୍ଯାସଦତ୍ତଂ ଦିବ୍ଯଜ୍ଞାନଂ ଯସ୍ଯ ସ ବିଗତପ୍ରଜ୍ଞଃ॥ 11-9-7 ସମାରୋପ୍ଯ ବାହନେଷ୍ବିତି ଶେଷଃ॥ 11-9-11 ଶୋକସ୍ଯାତିଗାଢତ୍ବାତ୍ପୁନର୍ବିଦୁରେଣୋକ୍ତଂ ଅଭାବଦୀନୀତ୍ଯାଦି॥ 11-9-15 ସଂବର୍ତଯତି ବର୍ତୁଲଯତି କମ୍ପଯତି ବା॥ 11-9-21 ଆଚକ୍ଷେ କଥଯାମି॥ 11-9-23 କାର୍ଯଂ ଅବଶ୍ଯକର୍ତବ୍ଯମୁଦକଦାନାଦି॥ 11-9-11 ପୃଷତ୍ଯଶ୍ଚିତ୍ରହରିଣ୍ଯଃ॥ 11-9-12 ଅଙ୍ଗମେ ନୃତ୍ଯଶିକ୍ଷାଭୂମୌ॥ 11-9-9 ନବମୋଽଧ୍ଯାଯଃ॥ସ୍ତ୍ରୀପର୍ବ - ଅଧ୍ଯାଯ 010
॥ ଶ୍ରୀଃ ॥
11.10. ଅଧ୍ଯାଯଃ 010
Mahabharata - Strii Parva - Chapter Topics
ମୃତବନ୍ଧୁଦିଦୃକ୍ଷଯା ସମରଭୂମିଂ ଗଚ୍ଛତୋ ଧୃତରାଷ୍ଟ୍ରସ୍ଯ ମଧ୍ଯେମାର୍ଗଂ କୃପକୃତବର୍ମଦ୍ରୌଣିଭିଃ ସମାଗମଃ॥ 1 ॥ ତେଷାଂ ତ୍ରଯାଣାଂ ଧୃତରାଷ୍ଟ୍ରାଶ୍ବାସନପୂର୍ବକଂସ୍ବାଭିମତଦେଶଗମନମ୍॥ 2 ॥Mahabharata - Strii Parva - Chapter Text
11-10-0 (65078)
ବୈଶମ୍ପାଯନ ଉବାଚ। 11-10-0x (5337)
କ୍ରୋଶମାତ୍ରଂ ତତୋ ଗତ୍ବା ଦଦୃଶୁସ୍ତାନ୍ମହାରଥାନ୍।
ଶାରଦ୍ବତଂ କୃପଂ ଦ୍ରୌଣିଂ କୃତବର୍ମାଣମେବ ଚ॥ 11-10-1 (65079)
ତେ ତୁ ଦୃଷ୍ଟ୍ବୈବ ରାଜାନଂ ପ୍ରଜ୍ଞାଚକ୍ଷୁଷମୀଶ୍ବରମ୍।
ଅଶ୍ରୁକଣ୍ଠା ବିନିଃଶ୍ବସ୍ଯ ରୁଦନ୍ତମିଦମବ୍ରୁବନ୍॥ 11-10-2 (65080)
ପୁତ୍ରସ୍ତବ ମହାରାଜ କୃତ୍ବା କର୍ମ ସୁଦୁଷ୍କରମ୍।
ଗତଃ ସାନୁଚରୋ ରାଜଞ୍ଶକ୍ରଲୋକଂ ମହୀପତେ॥ 11-10-3 (65081)
ଦୁର୍ଯୋଧନବଲାନ୍ମୁକ୍ତା ବଯମେବ ତ୍ରଯୋ ରଥାଃ।
ସର୍ବମନ୍ଯତ୍ପରିକ୍ଷୀଣଂ ସୈନ୍ଯଂ ତେ ଭରତର୍ଷଭ॥ 11-10-4 (65082)
ଇତ୍ଯେବମୁକ୍ତ୍ବା ରାଜାନଂ କୃପଃ ଶାରଦ୍ବତସ୍ତତଃ।
ଗାନ୍ଧାରୀଂ ପୁତ୍ରଶୋକାର୍ତାମିଦଂ ବଚନମବ୍ରବୀତ୍॥ 11-10-5 (65083)
ଅଭୀତା ଯୁଧ୍ଯମାନାସ୍ତେ ଘ୍ନନ୍ତଃ ଶତ୍ରୁଗଣାନ୍ବହୂନ୍।
ବୀରକର୍ମାଣି କୁର୍ବାଣାଃ ପୁତ୍ରାସ୍ତେ ନିଧନଂ ଗତାଃ॥ 11-10-6 (65084)
ଧ୍ରବଂ ସମ୍ପ୍ରାପ୍ଯ ଲୋକାଂସ୍ତେ ନିର୍ମଲାଞ୍ଶସ୍ତ୍ରନିର୍ଜିତାନ୍।
ଭାସ୍ବରଂ ଦେହମାସ୍ଥାଯ ବିହରନ୍ତ୍ଯମରା ଇବ॥ 11-10-7 (65085)
ସର୍ବେ ହ୍ଯଭିମୁଖା ରାଜ୍ଞି ଯୁଧ୍ଯମାନା ହତା ଯୁଧି।
ନ ହି କଶ୍ଚିଦ୍ଧି ଶୂରାଣାଂ ଯୁଧ୍ଯମାନଃ ପରାଙ୍ମୁଖଃ।
ଶସ୍ତ୍ରେଣ ନିଧନଂ ପ୍ରାପ୍ତୋ ନ ଚ କଶ୍ଚିତ୍କୃତାଞ୍ଜଲିଃ॥ 11-10-8 (65086)
ଏତାଂ ତାଂ କ୍ଷତ୍ରିଯସ୍ଯାହୁଃ ପୁରାଣାଃ ପରମାଂ ଗତିମ୍।
ଶସ୍ତ୍ରେଣ ନିଧନଂ ସଙ୍ଖ୍ଯେ ତାନ୍ନ ଶୋଚିତୁମର୍ହସି॥ 11-10-9 (65087)
ନ ଚାପି ଶତ୍ରବସ୍ତେଷାଂ ମୁଚ୍ଯନ୍ତେ ରାଜ୍ଞି ପାଣ୍ଡବାଃ।
ଶୃଣୁ ଯତ୍କୃତମସ୍ମାଭିରଶ୍ବତ୍ଥାମପୁରୋଗମୈଃ॥ 11-10-10 (65088)
ଅଧର୍ମେଣ ହତଂ ଶ୍ରୁତ୍ବା ଭୀମସେନେନ ତେ ସୁତମ୍।
ସୁପ୍ତଂ ଶିବିରମାସାଦ୍ଯ ପାଣ୍ଡୂନାଂ କଦନଂ କୃତମ୍॥ 11-10-11 (65089)
ପାଞ୍ଚାଲା ନିହତାଃ ସର୍ବେ ଧୃଷ୍ଟଦ୍ଯୁମ୍ନପୁରୋଗମାଃ।
ଦ୍ରୁପଦସ୍ଯାତ୍ମଜାଶ୍ଚୈବ ଦ୍ରୌପଦେଯାଶ୍ଚ ପାତିତାଃ॥ 11-10-12 (65090)
ତଥା ବିଶସନଂ କୃତ୍ବା ପୁତ୍ରଶତ୍ରୁଗଣସ୍ଯ ତେ।
ପ୍ରାଦ୍ରବାମ ରଣେ ସ୍ଥାତୁଂ ନ ହି ଶକ୍ଷ୍ଯାମହେ ତ୍ରଯଃ॥ 11-10-13 (65091)
ତେ ହି ଶୂରା ମହେଷ୍ବାସାଃ କ୍ଷିପ୍ରମେଷ୍ଯନ୍ତି ପାଣ୍ଡବାଃ।
ଅମର୍ଷବଶମାପନ୍ନା ବୈରଂ ପ୍ରତିଜିହୀର୍ଷବଃ॥ 11-10-14 (65092)
ତେ ହତାନାତ୍ମଜାଞ୍ଶ୍ରୁତ୍ବା ପ୍ରମତ୍ତାଃ ପୁରୁଷର୍ଷଭାଃ।
ଅନ୍ବିଷ୍ଯନ୍ତଃ ପଦଂ ଶୂରାଃ କ୍ଷିପ୍ରମେଷ୍ଯନ୍ତି ପାଣ୍ଡବାଃ॥ 11-10-15 (65093)
ତେଷାଂ ତୁ କିଲ୍ବିଷଂ କୃତ୍ବା ସଂସ୍ଥାତୁଂ ନୋତ୍ସହାମହେ।
ଅନୁଜାନୀହି ନୋ ରାଜ୍ଞି ମା ଚ ଶୋକେ ମନଃ କୃଥାଃ॥ 11-10-16 (65094)
ରାଜଂସ୍ତ୍ବମନୁଜାନୀହି ଧୈର୍ଯମାତିଷ୍ଠ ଚୋତ୍ତମମ୍।
ଦିଷ୍ଟାନ୍ତଂ ପଶ୍ଯ ଚାପି ତ୍ବଂ କ୍ଷାତ୍ରଂ ଧର୍ମଂ ଚ କେବଲମ୍॥ 11-10-17 (65095)
ଇତ୍ଯେବମୁକ୍ତ୍ବା ରାଜାନଂ କୃତ୍ବା ଚାଭିପ୍ରଦକ୍ଷିଣମ୍।
କୃପଶ୍ଚ କୃତବର୍ମା ଚ ଦ୍ରୋମପୁତ୍ରଶ୍ଚ ଭାରତ॥ 11-10-18 (65096)
ଅବେକ୍ଷମାଣା ରାଜାନଂ ଧୃତରାଷ୍ଟ୍ରଂ ମନୀଷିଣମ୍।
ଗଙ୍ଗାମନୁ ମହାରାଜ ତୂର୍ଣମଶ୍ବାନଚୋଦଯନ୍॥ 11-10-19 (65097)
ଅପକ୍ରମ୍ଯ ତୁ ତେ ରାଜନ୍ସର୍ବ ଏବ ମହାରଥାଃ।
ଆମନ୍ତ୍ର୍ଯାନ୍ଯୋନ୍ଯମୁଦ୍ବିଗ୍ନାସ୍ତ୍ରିଧା ତେ ପ୍ରଯଯୁସ୍ତଦା॥ 11-10-20 (65098)
ଜଗାମ ହାସ୍ତିନପୁରଂ କୃପଃ ଶାରଦ୍ବତସ୍ତଦା।
ସ୍ବମେବ ରାଷ୍ଟ୍ରଂ ହାର୍ଦିକ୍ଯୋ ଦ୍ରୌଣିର୍ବ୍ଯାସାଶ୍ରମଂ ଯଯୌ॥ 11-10-21 (65099)
ଏବଂ ତେ ପ୍ରଯଯୁର୍ବୀରା ବୀକ୍ଷମାଣାଃ ପରସ୍ପରମ୍।
ଭଯାର୍ତାଃ ପାଣ୍ଡୁପୁତ୍ରାଣାମାଗସ୍କୃତ୍ବା ମହାତ୍ମନାମ୍॥ 11-10-22 (65100)
ସମେତ୍ଯ ବୀରା ରାଜାନଂ ତଦା ତ୍ବନୁଦିତେ ରଷୌ।
ବିପ୍ରଜଗ୍ମୁର୍ମହାତ୍ମାନୋ ଯଥେଷ୍ଟକମରିନ୍ଦମାଃ॥ 11-10-23 (65101)
[ସମାସାଦ୍ଯାଥ ବୈ ଦ୍ରୌଣିଂ ପାଣ୍ଡୁପୁତ୍ରା ମହାରଥାଃ।
ବ୍ଯଜଯଂସ୍ତେ ରଣେ ରାଜନ୍ବିକ୍ରମ୍ଯ ତଦନନ୍ତରମ୍॥] ॥ 11-10-24 (65102)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ଜଲପ୍ରଦାନିକପର୍ବଣି ଦଶମୋଽଧ୍ଯାଯଃ॥ 10 ॥
Mahabharata - Strii Parva - Chapter Footnotes
11-10-14 ବୈରଂ ପ୍ରତିଚିକୀର୍ଷବ ଇତି କ.ପାଠଃ॥ 11-10-17 ଦିଷ୍ଟାନ୍ତଂ ମରଣମ୍॥ 11-10-24 ତଦନନ୍ତରଂ କୃପାଚାର୍ଯକୃତବର୍ମଭ୍ଯାଂ ବିଯୋଗାନନ୍ତରମ୍॥ 11-10-10 ଦଶମୋଽଧ୍ଯାଯଃ॥ସ୍ତ୍ରୀପର୍ବ - ଅଧ୍ଯାଯ 011
॥ ଶ୍ରୀଃ ॥
11.11. ଅଧ୍ଯାଯଃ 011
Mahabharata - Strii Parva - Chapter Topics
ଯୁଧିଷ୍ଠିରେଣ କୃଷ୍ଣାଦିଭିଃ ସହ ଧୃତରାଷ୍ଟ୍ରସମୀପମେତ୍ଯାଭିବାଦନମ୍॥ 1 ॥ ଧୃତରାଷ୍ଟ୍ରେଣ ଯୁଧିଷ୍ଠିରଂ ମୃଦୁଲମାଲିଙ୍ଘ୍ଯ ପଶ୍ଚାଦ୍ଭାବଜ୍ଞେନ କୃଷ୍ଣେନ ପୁରତଃ ସ୍ଥାପିତଲୋହଭୀମସ୍ଯ ଦୃଢାଲିଙ୍ଗନେନ ଭଞ୍ଜନମ୍॥ 2 ॥Mahabharata - Strii Parva - Chapter Text
11-11-0 (65103)
ବୈଶମ୍ପାଯନ ଉବାଚ। 11-11-0x (5338)
ହତେଷୁ ସର୍ବେସୈନ୍ଯେଷୁ ଧର୍ମରାଜୋ ଯୁଧିଷ୍ଠିରଃ।
ଶୁଶ୍ରୁବେ ପିତରଂ ବୃଦ୍ଧଂ ନିର୍ଯାନ୍ତଂ ଗଜସାହ୍ବଯାତ୍॥ 11-11-1 (65104)
ସୋଽଭ୍ଯଯାତ୍ପୁତ୍ରଶୋକାର୍ତଂ ପୁତ୍ରଶୋକପରିପ୍ଲୁତଃ।
ଶୋଚମାନୋ ମହାରାଜ ଭ୍ରାତୃଭିଃ ସହିତସ୍ତଦା॥ 11-11-2 (65105)
ଅନ୍ବୀଯମାନୋ ବୀରେଣ ଦାଶାର୍ହେଣ ମହାତ୍ମନା।
ଯୁଯୁଧାନେନ ଚ ତଥା ତଥୈବ ଚ ଯୁଯୁତ୍ସୁନା॥ 11-11-3 (65106)
ତମନ୍ବଗାତ୍ସୁଦୁଃଖାର୍ତା ଦ୍ରୌପଦୀଶୋକକର୍ଶିତା।
ସହ ପାଞ୍ଚାଲଯୋଷିଦ୍ଭିର୍ଯାସ୍ତତ୍ରାସନ୍ସମାଗତାଃ॥ 11-11-4 (65107)
ସଙ୍ଗ୍ରାମମନୁ ବୃନ୍ଦାନି ସ୍ତ୍ରୀଣାଂ ଭରତସତ୍ତମ୍।
କୁରରୀଣାମିବାର୍ତାନାଂ କ୍ରୋଶନ୍ତୀନାଂ ଦଦର୍ଶ ହ॥ 11-11-5 (65108)
ତାଭିଃ ପରିବୃତୋ ରାଜା କ୍ରୋଶନ୍ତୀଭିଃ ସହସ୍ରଶଃ।
ଊର୍ଧ୍ବବାହୁଭିରାର୍ତାଭୀ ରୁଦତୀଭିଃ ପ୍ରିଯାପ୍ରିଯୈଃ॥ 11-11-6 (65109)
କ ନୁ ଧର୍ମଜ୍ଞତା ରାଜ୍ଞଃ କ୍ବ ନୁ ସାଦ୍ଯାନୃଶଂସତା।
ଯଚ୍ଚାବଧୀତ୍ପିତୄନ୍ଭ୍ରାତୄନ୍ଗୁରୁପୁତ୍ରାନ୍ସଖୀନପି॥ 11-11-7 (65110)
ଘାତଯିତ୍ବା କଥଂ ଦ୍ରୋଣଂ ଭୀଷ୍ମଂ ଚାପି ପିତାମହମ୍।
ମନସ୍ତେଽଭୂନ୍ମହାବାହୋ ହତ୍ବା ଚାପି ଜଯଦ୍ରଥମ୍॥ 11-11-8 (65111)
କିଂ ନୁ ରାଜ୍ଯେନ ତେ କାର୍ଯଂ ପିତୄନ୍ଭ୍ରାତୄନପଶ୍ଯତଃ।
ଅଭିମନ୍ଯୁଂ ଚ ଦୁର୍ଧର୍ଷଂ ଦ୍ରୌପଦେଯାଂଶ୍ଚ ଭାରତ॥ 11-11-9 (65112)
ବୈଶମ୍ପାଯନ ଉବାଚ। 11-11-10x (5339)
ଅତୀତ୍ଯ ତା ମହାବାହୁଃ କ୍ରୋଶନ୍ତୀଃ କୁରରୀରିବ।
ବବନ୍ଦେ ପିତରଂ ଜ୍ଯେଷ୍ଠଂ ଧର୍ମରାଜୋ ଯୁଧିଷ୍ଠିରଃ॥ 11-11-10 (65113)
ତତୋଽଭିବାଦ୍ଯ ପିତରଂ କ୍ରମେଣାମିତ୍ରକର୍ଶନାଃ।
ନ୍ଯବେଦଯନ୍ତ ନାମାନି ପାଣ୍ଡବାସ୍ତେଽପି ସର୍ବଶଃ॥ 11-11-11 (65114)
ତମାତ୍ମଜାନ୍ତକରଣଂ ପିତା ପୁତ୍ରବଧାର୍ଦିତଃ।
ଅପ୍ରୀଯମାଣଃ ଶୋକାର୍ତଃ ପାଣ୍ଡବଂ ପରିଷସ୍ବଜେ॥ 11-11-12 (65115)
ଧର୍ମରାଜଂ ପରିଷ୍ବଜ୍ଯ ସାନ୍ତ୍ବଯିତ୍ବା ଚ ଭାରତ।
ଦୁଷ୍ଟାତ୍ମା ଭୀମମନ୍ବୈଚ୍ଛଦ୍ଦିଧକ୍ଷୁରିବ ପାବକଃ॥ 11-11-13 (65116)
ସ କୋପପାବକସ୍ତସ୍ଯ ଶୋକବାଯୁସମୀରିତଃ।
ଭୀମସେନମଯଂ ଦାବଂ ଦିଧକ୍ଷୁରିବ ଦୃଶ୍ଯତେ॥ 11-11-14 (65117)
ତସ୍ଯ ସଂକଲ୍ପମାଜ୍ଞାଯ ଭୀମଂ ପ୍ରତ୍ଯଶୁଭଂ ହରିଃ।
ଭୀମମାକ୍ଷିପ୍ଯ ପାଣିଭ୍ଯାଂ ପ୍ରଦଦୌ ଭୀମମାଯସମ୍॥ 11-11-15 (65118)
ପ୍ରାଗେବ ତୁ ମହାବୁଦ୍ଧିର୍ବୁଦ୍ଧ୍ବା ତସ୍ଯେଙ୍ଗିତଂ ହରିଃ।
ସଂବିଧାନଂ ମହାପ୍ରାଜ୍ଞସ୍ତତ୍ର ଚକ୍ରେ ଜନାର୍ଦନଃ॥ 11-11-16 (65119)
ଉପଗୁହ୍ଯୈବ ପାଣିଭ୍ଯାଂ ଭୀମସେନମଯସ୍ମଯମ୍।
ବଭଞ୍ଜ ବଲବାନ୍ରାଜା ମନ୍ଯମାନୋ ବୃକୋଦରମ୍॥ 11-11-17 (65120)
ନାଗାଯୁତସମପ୍ରାଣଃ ସ ରାଜା ଭୀମମାଯସମ୍।
ଭଙ୍କ୍ତତ୍ବା ବିମଥିତୋରସ୍କଃ ସୁସ୍ରାବ ରୁଧିରଂ ମୁଖାତ୍॥ 11-11-18 (65121)
ତତଃ ପପାତ ମେଦିନ୍ଯାଂ ତଥୈବ ରୁଧିରୋକ୍ଷିତଃ।
ପ୍ରପୁଷ୍ପିତାଗ୍ରଶିଖରଃ ପାରିଜାତ ଇବ ଦ୍ରୁମଃ॥ 11-11-19 (65122)
ପ୍ରତ୍ଯଗୃହ୍ଣାଚ୍ଚ ତଂ ବିଦ୍ବାନ୍ସୂତୋ ଗାବଲ୍ଗଣିସ୍ତଦା।
ମୈବମିତ୍ଯବ୍ରବୀଚ୍ଚୈନଂ ଶମଯନ୍ସାନ୍ତ୍ବଯନ୍ନିବ॥ 11-11-20 (65123)
ହତୋ ଭୀମ ଇତି ଜ୍ଞାତ୍ବା ଗତମନ୍ଯୁର୍ମହାମନାଃ।
ହାହାଭୀମେତି ଚୁକ୍ରୋଶ ନୃପଃ ଶୋକସମନ୍ବିତଃ॥ 11-11-21 (65124)
ତଂ ବିଦିତ୍ବା ଗତକ୍ରୋଧଂ ଭୀମସେନବଧାର୍ଦିତମ୍।
ବାସୁଦେବୋ ବରଃ ପୁଂସାମିଦଂ ବଚନମବ୍ରବୀତ୍॥ 11-11-22 (65125)
ମା ଶୁଚୋ ଧୃତରାଷ୍ଟ୍ର ତ୍ବଂ ନୈବ ଭୀମସ୍ତ୍ବଯା ହତଃ।
ଆଯସୀ ପ୍ରତିମା ହ୍ଯେଷା ତ୍ବଯା ନିଷ୍ପାତିତା ବିଭୋ॥ 11-11-23 (65126)
ତ୍ବାଂ କ୍ରୋଧବଶମାପନ୍ନଂ ବିଦିତ୍ବା ଭରତର୍ଷଭ।
ମଯାଽପକୃଷ୍ଟଃ କୌନ୍ତେଯୋ ମୃତ୍ଯୋର୍ଦଂଷ୍ଟ୍ରାନ୍ତରଂ ଗତଃ॥ 11-11-24 (65127)
ନ ହି ତେ ରାଜଶାର୍ଦୂଲ ବଲେ ତୁଲ୍ଯୋଽସ୍ତି କଶ୍ଚନ।
କଃ ସହେତ ମହାବାହୋ ବାହ୍ବୋର୍ବିଗ୍ରହଣଂ ନରଃ॥ 11-11-25 (65128)
ଯଥାନ୍ତକମନୁପ୍ରାପ୍ଯ ଜୀବନ୍କଶ୍ଚିନ୍ନ ମୁଚ୍ଯତେ।
ଏବଂ ବାହ୍ବନ୍ତରଂ ପ୍ରାପ୍ଯ ତବ ଜୀବେନ୍ନ କଶ୍ଚନ॥ 11-11-26 (65129)
ତସ୍ମାତ୍ପୁତ୍ରେଣ ଯା ତେଽସୌ ପ୍ରତିମା କାରିତାଽଽଯସୀ।
ଭୀମସ୍ଯ ସେଯଂ କୌରବ୍ଯ ତବୈବୋପହୃତା ମଯା॥ 11-11-27 (65130)
ପୁତ୍ରଶୋକାଭିସନ୍ତପ୍ତଂ ଧର୍ମାଦପକୃତଂ ମନଃ।
ତବ ରାଜେନ୍ଦ୍ର ତେନ ତ୍ବଂ ଭୀମସେନଂ ଜିଘାଂସସି॥ 11-11-28 (65131)
ନ ତ୍ବେତତ୍ତେ କ୍ଷମଂ ରାଜନ୍ହନ୍ଯାସ୍ତ୍ବଂ ଯଦ୍ବୃକୋଦରମ୍।
ନ ହି ପୁତ୍ରା ମହାରାଜ ଜୀବେଯୁସ୍ତେ କଥଞ୍ଚନ॥ 11-11-29 (65132)
ତସ୍ମାଦ୍ଯତ୍କୃତମସ୍ମାଭିର୍ମନ୍ଯମାନୈଃ ଶମଂ ପ୍ରତି।
ଅନୁମନ୍ଯସ୍ବ ତତ୍ସର୍ବଂ ମା ଚ ଶୋକେ ମନଃ କୃଥାଃ॥ ॥ 11-11-30 (65133)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ଜଲପ୍ରଦାନିକପର୍ବଣି ଏକାଦଶୋଽଧ୍ଯାଯଃ॥ 11 ॥
Mahabharata - Strii Parva - Chapter Footnotes
11-11-5 ସ ଗଙ୍ଗାମନ୍ବିତି ଝ.ପାଠଃ॥ 11-11-6 ପ୍ରିଯାପ୍ରିଯୈଃ ପାଣ୍ଡବାନାଂ ପ୍ରିଯାଃ ଅଭିମନ୍ଯୁପ୍ରଭୃତଯଃ ଅପ୍ରିଯାଃ ଦୁର୍ଯୋଧନାଦଯଃ ତୈର୍ହେତୁଭିଃ କ୍ରୋଶନ୍ତୀଭିରିତି ସମ୍ବନ୍ଧଃ॥ 11-11-15 ଆକ୍ଷିପ୍ଯ ନିବାର୍ଯ। ଆଯସଂ ଲୋହମଯମ୍॥ 11-11-21 ସ ତୁ କୋପଂ ସମୁତ୍ସୃଜ୍ଯେତି ଝ.ପାଠଃ॥ 11-11-28 ପୁତ୍ରେତି ଧର୍ମାଦପକୃତମାଲିଙ୍ଗନଚ୍ଛଲେନ ଭୀମବଧଃ କର୍ତବ୍ଯ ଇତ୍ଯାଶଯା॥ 11-11-11 ଏକାଦଶୋଽଧ୍ଯାଯଃ॥ସ୍ତ୍ରୀପର୍ବ - ଅଧ୍ଯାଯ 012
॥ ଶ୍ରୀଃ ॥
11.12. ଅଧ୍ଯାଯଃ 012
Mahabharata - Strii Parva - Chapter Topics
କୃଷ୍ଣବାକ୍ଯାଦ୍ରତମନ୍ଯୁନା ଧୃତରାଷ୍ଟ୍ରେଣ ଭୀମାଦୀନାମାଲିଙ୍ଗନମ୍॥ 1 ॥Mahabharata - Strii Parva - Chapter Text
11-12-0 (65134)
ବୈଶମ୍ପାଯନ ଉବାଚ। 11-12-0x (5340)
ତତ ଏନମୁପାତିଷ୍ଠଞ୍ଶୌଚାର୍ଥଂ ପରିଚାରକାଃ।
କୃତଶୌଚଂ ପୁନଶ୍ଚୈନଂ ଓବାଚ ମଧୁସୂଦନଃ॥ 11-12-1 (65135)
ରାଜନ୍ନଧୀତା ବେଦାସ୍ତେ ଶାସ୍ତ୍ରାଣି ବିବିଧାନି ଚ।
ଶ୍ରୁତାନି ଚ ପୁରାଣାନି ରାଜଧର୍ମାଶ୍ଚ କେବଲାଃ॥ 11-12-2 (65136)
ଏବଂ ବିଦ୍ବାନ୍ମହାପ୍ରାଜ୍ଞଃ ସମର୍ଥଃ ସନ୍ବଲାବଲେ।
ଆତ୍ମାପରାଧାତ୍କସ୍ମାତ୍ତ୍ବଂ କୁରୁଷେ କୋପମୀଦୃଶମ୍॥ 11-12-3 (65137)
ଉକ୍ତବାଂସ୍ତ୍ବାଂ ତଦୈବାହଂ ଭୀଷ୍ମଦ୍ରୋଣୌ ଚ ଭାରତ।
ବିଦୁରଃ ସଞ୍ଜଯଶ୍ଚୈବ ବାକ୍ଯଂ ରାଜନ୍ନ ତତ୍କୃଥାଃ॥ 11-12-4 (65138)
ସ ବାର୍ଯମାଣୋ ନାସ୍ମାକମକାର୍ଷୀର୍ବଚନଂ ତଦା।
ପାଣ୍ଡବାନଧିକାଞ୍ଚାନନ୍ବଲେ ଶୌର୍ଯେ ଚ କୌରବ॥ 11-12-5 (65139)
ରାଜା ହି ଯଃ ସ୍ଥିରପ୍ରଜ୍ଞଃ ସ୍ବଯଂ ଦୋଷାନବେକ୍ଷତେ।
ଦେଶକାଲବିଭାଗଂ ଚ ପରଂ ଶ୍ରଯେଃ ସ ବିନ୍ଦତି॥ 11-12-6 (65140)
ଉଚ୍ଯମାନସ୍ତୁ ଯଃ ଶ୍ରେଯୋ ଗୃହ୍ଣୀତେ ନୋ ହିତାହିତେ।
ଆପଦଃ ସମନୁପ୍ରାପ୍ଯ ସୋଽଭ୍ଯେତି ବିଲଯଂ କିଲ॥ 11-12-7 (65141)
ତତୋଽନ୍ଯବୃତ୍ତମାତ୍ମାନଂ ସମବେକ୍ଷସ୍ବ ଭାରତ।
ରାଜଂସ୍ତ୍ବଂ ହ୍ଯବିଧେଯାତ୍ମା ଦୁର୍ଯୋଧନବଶେ ସ୍ଥିତଃ॥ 11-12-8 (65142)
ଆତ୍ମାପରାଧାଦାପନ୍ନସ୍ତତ୍କିଂ ଭୀମଂ ଜିଘାଂସସି।
ତସ୍ମାତ୍ସଂଯଚ୍ଛ କୋପଂ ତ୍ବଂ ସ୍ବମନୁସ୍ମୃତ୍ଯ ଦୁଷ୍କୃତମ୍॥ 11-12-9 (65143)
ଯସ୍ତୁ ତାଂ ସ୍ପର୍ଧଯା କ୍ଷୁଦ୍ରଃ ପାଞ୍ଚାଲୀମାନଯତ୍ସମାମ୍।
ସ ହତୋ ଭୀମସେନେନ ବୈରଂ ପ୍ରତିଜିହୀର୍ଷତା॥ 11-12-10 (65144)
ଆତ୍ମନୋଽତିକ୍ରମଂ ପଶ୍ଯ ପୁଂତ୍ରସ୍ଯ ଚ ଦୁରାତ୍ମନଃ।
ଯଦନାଗସି ପାଣ୍ଡୂନାଂ ପରିତ୍ଯାଗସ୍ତ୍ବଯା କୃତଃ॥ 11-12-11 (65145)
ବୈଶମ୍ପାଯନ ଉବାଚ। 11-12-12x (5341)
ଏବମୁକ୍ତଃ ସ କୃଷ୍ଣେନ ସର୍ବଂ ସତ୍ଯଂ ଜନାଧିପ।
ଉବାଚ ଦେବକୀପୁତ୍ରଂ ଧୃତରାଷ୍ଟ୍ରୋ ମହୀପତିଃ॥ 11-12-12 (65146)
ଏବମେତନ୍ମହାବାହୋ ଯଥା ବଦସି ମାଧବ।
ପୁତ୍ରସ୍ନେହସ୍ତୁ ବଲବାନ୍ଧର୍ମାନ୍ମାଂ ସମଚାଲଯତ୍॥ 11-12-13 (65147)
ଦିଷ୍ଟ୍ଯା ତୁ ପୁରୁଷବ୍ଯାଘ୍ରୋ ବଲବାନ୍ସତ୍ଯକ୍ତ୍ରିମଃ।
ତ୍ବଦ୍ଗୁପ୍ତୋ ନାଗମତ୍କୃଷ୍ଣ ଭୀମୋ ବାହ୍ବନ୍ତରଂ ମମ॥ 11-12-14 (65148)
ଇଦାନୀଂ ତ୍ବହମବ୍ଯଗ୍ରୋ ଗତମନ୍ଯୁର୍ଗତଜ୍ବରଃ।
ମଧ୍ଯମଂ ପାଣ୍ଡବଂ ବୀରଂ ସ୍ପଷ୍ଟୁମିଚ୍ଛାମି ମାଧବ॥ 11-12-15 (65149)
ହତେଷୁ ପାରଥିବେନ୍ଦ୍ରେଷୁ ପୁତ୍ରେଷୁ ନିହତେଷୁ ଚ।
ପାଣ୍ଡୁପୁତ୍ରେଷୁ ମେ ଧର୍ମଃ ପ୍ରୀତିଶ୍ଚାପ୍ଯବତିଷ୍ଠତେ॥ 11-12-16 (65150)
ତତଃ ସ ଭୀମଂ ଚ ଧନଞ୍ଜଯଂ ଚ
ମାଦ୍ଯାଶ୍ଚ ପୁତ୍ରୌ ପୁରୁଷପ୍ରବୀରୌ।
ପସ୍ପର୍ଶ ଗାତ୍ରୈଃ ପ୍ରରୁଦନ୍ସୁଗାତ୍ରା--
ନାଶ୍ବାସ୍ଯ କଲ୍ଯାଣମୁବାଚ ଚୈନାନ୍॥ ॥ 11-12-17 (65151)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ଜଲପ୍ରଦାନିକପର୍ବଣି ଦ୍ବାଦଶୋଽଧ୍ଯାଯଃ॥ 12 ॥
Mahabharata - Strii Parva - Chapter Footnotes
11-12-4 ନ ତତ୍କୃଥାଃ ତତନ୍ନ କୃତବାନରୀ। ଅଡଭାବ ଆର୍ଷଃ॥ 11-12-7 ଶ୍ରେଯୋ ହିତାହିତେ ଉଚ୍ଯମାନୋ ନ ଗୃହୀତ ଇତ୍ଯନ୍ବଯଃ॥ 11-12-10 ବୈରଂ ପ୍ରତିଚିକୀର୍ଷତେତି କ.ପାଠଃ॥ 11-12-11 ଅନାଗସି ଅପରାଧାଭାବେ। ପରିତ୍ଯାଗୋ ରାଜ୍ଯାପ୍ରଦାନେନ ତିରସ୍କାରଃ॥ 11-12-12 ଦ୍ବାଦଶୋଽଧ୍ଯାଯଃ॥ସ୍ତ୍ରୀପର୍ବ - ଅଧ୍ଯାଯ 013
॥ ଶ୍ରୀଃ ॥
11.13. ଅଧ୍ଯାଯଃ 013
Mahabharata - Strii Parva - Chapter Topics
କୃଷ୍ଣଯୁଧିଷ୍ଠିରାଦିଭିର୍ଗାନ୍ଧାରୀସମୀପଗମନମ୍॥ 1 ॥ ଗାନ୍ଧାରୀଂ ଯୁଧିଷ୍ଠିରଂଶପ୍ତୁକାମାଂ ବିଜ୍ଞାଯ ପୂର୍ବମେବାଗତେନ ବ୍ଯାସେନ ଗାନ୍ଧାର୍ଯାଃ କୋପାପନୋଦନମ୍॥ 2 ॥Mahabharata - Strii Parva - Chapter Text
11-13-0 (65152)
ବୈଶମ୍ପାଯନ ଉବାଚ। 11-13-0x (5342)
ଧୃତରାଷ୍ଟ୍ରାଭ୍ଯନୁଜ୍ଞାତାସ୍ତତସ୍ତେ କୁରୁପୁଙ୍ଗବାଃ।
ଅଭ୍ଯଯୁର୍ଭ୍ରାତରଃ ସର୍ବେ ଗାନ୍ଧାରୀଂ ସହକେଶବାଃ॥ 11-13-1 (65153)
ତତୋ ଜ୍ଞାତ୍ବା ହତାମିତ୍ରଂ ଧର୍ମରାଜଂ ଯୁଧିଷ୍ଠିରମ୍।
ଗାନ୍ଧାରୀ ପୁତ୍ରଶୋକାର୍ତା ଶପ୍ତୁମୈଚ୍ଛଦନିନ୍ଦିତା॥ 11-13-2 (65154)
ତସ୍ଯାଃ ପାପମଭିପ୍ରାଯଂ ବିଦିତ୍ବା ପାଣ୍ଡବାନ୍ପ୍ରତି।
ଋଷିର୍ଗନ୍ଧବତୀପୁତ୍ରଃ ପ୍ରାଗେବ ସମବୁଧ୍ଯତ॥ 11-13-3 (65155)
ସ ଗଙ୍ଗାଯାମୁପସ୍ପୃଶ୍ଯ ବ୍ରହ୍ମର୍ଷିଃ ପ୍ରଯତଃ ଶୁଚିଃ।
ତଂ ଦେଶମୁପସଂପେଦେ ପାରାଶର୍ଯୋ ମନୋଜବଃ॥ 11-13-4 (65156)
ଦିବ୍ଯେନ ଚକ୍ଷୁଷା ଜ୍ଞାତ୍ବା ମନସାଽନୁଦ୍ଧତେନ ଚ।
ସର୍ବପ୍ରାଣଭୃତାଂ ଭାବଂ ସତତଂ ସ ତୁ ବୃଧ୍ଯତି॥ 11-13-5 (65157)
ସ ସ୍ନୁଷାମବ୍ରବୀତ୍କାଲେ କଲ୍ଯାଣାନି ମହାତପାଃ।
ଶାପକାଲମବାକ୍ଷିପ୍ଯ ଶମକାଲମୁଦୀରଯନ୍॥ 11-13-6 (65158)
ନ କୋପଃ ପାଣ୍ଡବେ କାର୍ଯୋ ଗାନ୍ଧାରି ଶମମାପ୍ନୁହି।
ରଜୋ ନିଗୃହ୍ଯତାଂ ଚୈବ ଶୃଣୁ ଚେଦଂ ବଚୋ ମମ॥ 11-13-7 (65159)
ପୁରୋକ୍ତା ଯୁଦ୍ଧକାଲେ ତ୍ବଂ ପୁତ୍ରେଣ ଜଯମିଚ୍ଛତା।
ଜଯମାଶାସ୍ବ ମେ ମାତର୍ଯୁଧ୍ଯମାନସ୍ଯ ଶତ୍ରୁଭିଃ॥ 11-13-8 (65160)
ସା ତଥା ଯାଚ୍ଯମାନା ତ୍ବଂ ଯୁଦ୍ଧକାଲେ ଜଯୈଷିଣା।
ଉକ୍ତବତ୍ଯସି କଲ୍ଯାଣି ଯତୋ ଧର୍ମସ୍ତତୋ ଜଯଃ॥ 11-13-9 (65161)
ବାଚାଽପ୍ଯତୀତେ ମା କ୍ରୋଧେ ମନଃ କୁରୁ ଯଶସ୍ବିନି।
ସ୍ମରାମି ଭାଷମାଣାଂ ହି ତ୍ବାମହଂ ସତ୍ଯବାଦିନୀମ୍॥ 11-13-10 (65162)
ବିଗ୍ରହେ ତୁମୁଲେ ରାଜ୍ଞାଂ ଗତ୍ବା ପରମସଂଶଯମ୍।
ଜିତଂ ପାଣ୍ଡୁସୁତୈର୍ଯୁଦ୍ଧେ ନୂନଂ ଧର୍ମସ୍ତତୋଽଧିକଃ॥ 11-13-11 (65163)
କ୍ଷମାଶୀଲା ପୁରା ଭୂତ୍ବା ସାଽଦ୍ଯ ନ କ୍ଷମସେ କଥମ୍।
ଅଧର୍ମେ ଜହି ଧର୍ମଜ୍ଞେ ଯତୋ ଧର୍ମସ୍ତତୋ ଜଯଃ॥ 11-13-12 (65164)
ସା ତ୍ବଂ ଧର୍ମଂ ପରିସ୍ମୃତ୍ଯ ବାଚଂ ଚୋକ୍ତାଂ ମନସ୍ବିନୀ।
କୋପଂ ସଂଯଚ୍ଛ ଗାନ୍ଧାରି ପାଣ୍ଡବେଷୁ ସୁତେଷୁ ତେ॥ 11-13-13 (65165)
ଗାନ୍ଧାର୍ଯୁବାଚ। 11-13-14x (5343)
ଭଗବନ୍ନାଭ୍ଯସୂଯାମି ନୈତାନିଚ୍ଛାମି ନଶ୍ଯତଃ।
ପୁତ୍ରଶୋକେନ ତୁ ବଲାନ୍ମନୋ ବିହ୍ବଲତୀବ ମେ॥ 11-13-14 (65166)
ଯଥୈବ କୁନ୍ତ୍ଯା କୌନ୍ତେଯା ରକ୍ଷିତବ୍ଯାସ୍ତଥା ମଯା।
ତଥୈବ ଧୃତରାଷ୍ଟ୍ରେଣ ରକ୍ଷିତବ୍ଯା ଯଥା ତ୍ବଯା॥ 11-13-15 (65167)
ଦୁଃଶାସନାପରାଧେନ ଶକୁନେଃ ସୌବଲସ୍ଯ ଚ।
କର୍ଣଦୁର୍ଯୋଧନାଭ୍ଯାଂ ଚ କୃତୋଽଯଂ କୃରୁସଂକ୍ଷଯଃ॥ 11-13-16 (65168)
ନାପରାଧ୍ଯତି ବୀଭତ୍ସୁର୍ନ ଚ ପାର୍ଥୋ ବୃକୋଦରଃ।
ନକୁଲଃ ସଦେବଶ୍ଚ ନୈବ ରାଜା ଯୁଧିଷ୍ଠିରଃ॥ 11-13-17 (65169)
ଯୁଧ୍ଯମାନା ହି କୌରବ୍ଯାଃ କୃତମାମାଃ ପରସ୍ପରମ୍।
ନିହତାଃ ସହିତାଶ୍ଚାନ୍ଯୈସ୍ତତ୍ର ନାସ୍ତ୍ଯପ୍ରିଯଂ ମମ॥ 11-13-18 (65170)
କିଂ ତୁ କର୍ମାକରୋଦ୍ଭୀମୋ ବାସୁଦେବସ୍ଯ ପଶ୍ଯତଃ।
ଦୁର୍ଯୋଧନଂ ସମାହୂଯ ଗଦାଯୁର୍ଦ୍ଧ ମହାମନାଃ॥ 11-13-19 (65171)
ଶିକ୍ଷଯାଽଭ୍ଯଧିକଂ ଜ୍ଞାତ୍ବା ଚରନ୍ତଂ ବହୁଧା ରଣେ।
ଅଧୋ ନାଭ୍ଯାଃ ପ୍ରହୃତବାଂସ୍ତନ୍ମେ କୋପମବର୍ଧଯତ୍॥ 11-13-20 (65172)
କଥଂ ନୁ ଧର୍ମଂ ଧର୍ମଜ୍ଞାଃ ସମୁଦ୍ଦିଷ୍ଟଂ ମହାତ୍ମଭିଃ।
ତ୍ଯଜେଯୁରାହବେ ଶୂରାଃ ପ୍ରାଣହେତୋଃ କଥଞ୍ଚନଃ॥ ॥ 11-13-21 (65173)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ଜଲପ୍ରଦାନିକପର୍ବଣି ତ୍ରଯୋଦଶୋଽଧ୍ଯାଯଃ॥ 13 ॥
Mahabharata - Strii Parva - Chapter Footnotes
11-13-10 ନ ଚାପ୍ଯତୀତାଂ ଗାନ୍ଧାରି ବାଚଂ ତେ ବିତଥାମହମ୍। ସ୍ମରାମିତୋଷମାଣାଯାସ୍ତଥା ପ୍ରଣିହିତା ହ୍ଯସି ଇତି ଝ.ପାଠେ ଅସ୍ଯ ଏନଂ ଦୁର୍ଯୋଧନଂ ତୋଷମାଣାଯା ଆଶୀର୍ବଚନେନ ତୋଷଯନ୍ତ୍ଯାସ୍ତେ ତବ ତାଂ ତାଂ ବାଚଂ ବିତଥାଂ ନ ସ୍ମରାମୀତ୍ଯନ୍ବଯଃ॥ 11-13-13 ସା ତ୍ବଂ ଧର୍ମ ପରିତ୍ଯଜ୍ଯ ବାଚା ଚୋକ୍ତ୍ବା ମନସ୍ବିନି। ଇଚି ଛ.ଟ.ପାଠଃ॥ 11-13-18 କୃତମାନାଃ କୃତାହକାରାଃ॥ 11-13-13 ତ୍ରଯୋଦଶୋଽଧ୍ଯାଯଃ॥ସ୍ତ୍ରୀପର୍ବ - ଅଧ୍ଯାଯ 014
॥ ଶ୍ରୀଃ ॥
11.14. ଅଧ୍ଯାଯଃ 014
Mahabharata - Strii Parva - Chapter Topics
ଭୀମଗାନ୍ଧାରୀସଂବାଦଃ॥ 1 ॥Mahabharata - Strii Parva - Chapter Text
11-14-0 (65174)
ବୈଶମ୍ପାଯନ ଉବାଚ। 11-14-0x (5344)
ତଚ୍ଛ୍ରୁତ୍ବା ବଚନଂ ତସ୍ଯା ଭୀମସେନୋଽଥ ଭୀତବତ୍।
ଗାନ୍ଧାରୀଂ ପ୍ରତ୍ଯୁବାଚେଦଂ ବଚଃ ସାନୁନଯଂ ତଦା॥ 11-14-1 (65175)
ଅଧର୍ମୋ ଯଦି ବା ଧର୍ମସ୍ତ୍ରାସାତ୍ତତ୍ର ମଯା କୃତଃ।
ଆତ୍ମାନଂ ତ୍ରାତୁକାମେନ ତନ୍ମେ ତ୍ବଂ କ୍ଷନ୍ତୁମର୍ହସି॥ 11-14-2 (65176)
ନ ହି ଯୁଦ୍ଧେନ ପୁତ୍ରସ୍ତେ ଧର୍ମେଣ ସ ମହାବଲଃ।
ଦୁଃଶକ୍ଯଃ କେନଚିଦ୍ଧର୍ତୁମତୋ ବିଷମମାଚରମ୍॥ 11-14-3 (65177)
ଅଧର୍ମେଣ ଜିତଃ ପୂର୍ବଂ ତେନ ଚାପି ଯୁଧିଷ୍ଠିରଃ।
ନିକୃତାଶ୍ଚ ସଦୈବ ସ୍ମ ତୋ ବିଷମମାଚରମ୍॥ 11-14-4 (65178)
ସୈନ୍ଯସ୍ଯୈକୋଽବଶିଷ୍ଟୋଽଯଂ ଗଦାଯୁଦ୍ଧେ ଚ ବୀର୍ଯବାନ୍।
ନ ତ୍ଯକ୍ଷ୍ଯତି ହୃତଂ ରାଜ୍ଯମିତି ବୈ ତତ୍କୃତଂ ମଯା॥ 11-14-5 (65179)
ଏକପତ୍ନୀଂ ଚ ପାଶ୍ଚାଲୀମେକବସ୍ତ୍ରାଂ ରଜସ୍ବଲାମ୍।
ଭବତ୍ଯା ବିଦିତଂ ସର୍ବମୁକ୍ତବାନ୍ଯତ୍ସୁତସ୍ତବ॥ 11-14-6 (65180)
ସୁଯୋଧନଂ ତ୍ବସଂହୃତ୍ଯ ନ ଶକ୍ଯା ଭୂଃ ସସାଗରା।
କେବଲା ଭୋକ୍ତୁମସ୍ମାଭିରତଶ୍ଚୈତତ୍କୃତଂ ମଯା॥ 11-14-7 (65181)
ତଚ୍ଚାପ୍ଯପ୍ରିଯମସ୍ମାକଂ ପୁତ୍ରସ୍ତେ ସମୁପାଚରତ୍।
ଦ୍ରୌପଦ୍ଯା ଯତ୍ସଭାମଧ୍ଯେ ସବ୍ଯମୂରୁମଦର୍ଶଯତ୍॥ 11-14-8 (65182)
ତତ୍ରୈବ ବଧ୍ଯଃ ସୋଽସ୍ମାକଂ ଦୁରାଚାରୋଽପ୍ବ ତେ ସୁତଃ।
ଧର୍ମରାଜାଜ୍ଞଯା ଚୈବ ସ୍ଥିତାଃ ସ୍ମ ସମଯେ ପୁରା॥ 11-14-9 (65183)
ବୈରମୁଦ୍ଦୀପିତଂ ରାଜ୍ଞି ପୁତ୍ରେଣ ତବ ଯନ୍ମହତ୍।
କ୍ଲେଶିତାଶ୍ଚ ବନେ ନିତ୍ଯଂ ତତ ଏତତ୍କୃତଂ ମଯା॥ 11-14-10 (65184)
ବୈରସ୍ଯାସ୍ଯ ଗତାଃ ପାରଂ ହତ୍ବା ଦୁର୍ଯୋଧନଂ ରଣେ।
ରାଜ୍ଯଂ ଯୁଧିଷ୍ଠିରେ ପ୍ରାପ୍ତେ ବଯଂ ଚ ଗତମନ୍ଯବଃ॥ 11-14-11 (65185)
ଗାନ୍ଧାର୍ଯୁବାଚ। 11-14-12x (5345)
ନ ତସ୍ଯୈବଂ ବଧସ୍ତାତ ଯଂ ପ୍ରଶଂସସି ମେ ସୁତମ୍।
କୃତବାଂଶ୍ଚାପି ତତ୍ସର୍ବଂ ଯଦିଦଂ ଭାଷସେ ମଯି॥ 11-14-12 (65186)
ହତାଶ୍ବେ ନକୁଲେ ଯତ୍ତୁ ବୃଷସେନେନ ଭାରତ।
ଅପିବଃ ଶୋଣିତଂ ସଙ୍ଖ୍ଯେ ଦୁଃଶାସନଶରୀରଜମ୍॥ 11-14-13 (65187)
ସଦ୍ଭିର୍ବିଗର୍ହିତଂ ଘୋରମନାର୍ଯଜନସେବିତମ୍।
କ୍ରୂରଂ କର୍ମାକୃଥାସ୍ତସ୍ମାତ୍ତଦଯୁକ୍ତଂ ବୃକୋଦର॥ 11-14-14 (65188)
ଭୀମ ଉବାଚ। 11-14-15x (5346)
ହତାଶ୍ବଂ ନକୁଲଂ ଦୃଷ୍ଟ୍ବା ବୃଷସେନେନ ସଂଯୁଗେ।
ଶତ୍ରୂଣାଂ ତୁ ପ୍ରହୃଷ୍ଟାନାଂ ତ୍ରାସଃ ସଞ୍ଜନିତୋ ମଯା॥ 11-14-15 (65189)
`ସ ପ୍ରତିଜ୍ଞାମକରବଂ ପିବାମ୍ଯସୃଗରେରିତି'।
ରୁଧିରଂ ନାତିଚକ୍ରାମ ଦନ୍ତୋଷ୍ଠାଦମ୍ବ ମା ଶୁଚଃ॥ 11-14-16 (65190)
[ଅନ୍ଯସ୍ଯାପି ନ ପାତବ୍ଯଂ ରୁଧିରଂ କିଂପୁନଃ ସ୍ବକମ୍।
ଯଥୈବାତ୍ମା ତଥା ଭ୍ରାତା ବିଶେଷୋ ନାସ୍ତି କଶ୍ଚନ॥ 11-14-17 (65191)
ବୈବସ୍ତିତୋ ହି ତଦ୍ବେଦ ଯଥାବତ୍କୁଲନନ୍ଦିନି।
ମା କୃଥା ହୃଦି ତନ୍ମାତର୍ନ ତତ୍ପୀତଂ ମଯାଽନଧେ॥ 11-14-18 (65192)
କେଶପକ୍ଷପରାମର୍ଶେ ଦ୍ରୌପଦ୍ଯା ଦ୍ଯୂତକାରିତେ।
କ୍ରୋଧାଦ୍ଯଦବ୍ରବଂ ଚାହଂ ତଚ୍ଚ ମେ ହୃଦି ବର୍ତତେ॥ 11-14-19 (65193)
କ୍ଷତ୍ରଧର୍ମାଚ୍ଚ୍ଯୁତୋ ରାଜ୍ଞି ଭବେଯଂ ଶାଶ୍ବତୀଃ ସମାଃ।
ପ୍ରତିଜ୍ଞାଂ ତାମନିସ୍ତୀର୍ଯ ତତସ୍ତତ୍କୃତବାନହମ୍॥ 11-14-20 (65194)
ଅନିଗୃହ୍ଯ ପୁରା ପୁତ୍ରାନସ୍ମସ୍ବନପକାରିଷୁ।
ନ ମମାର୍ହସି କଲ୍ଯାଣି ଦୋଷେଣ ପରିଶଙ୍କିତୁମ୍॥ 11-14-21 (65195)
ଗାନ୍ଧାର୍ଯୁବାଚ। 11-14-22x (5347)
ବୃଦ୍ଧସ୍ଯାସ୍ଯ ଶତଂ ପୁତ୍ରାନ୍ନିଘ୍ନଂସ୍ତ୍ବମପରାଜିତଃ।
କସ୍ମାନାଶେଷଯଃ କଞ୍ଚିଦ୍ଯେନାଲ୍ପମପରାଧିତମ୍॥ 11-14-22 (65196)
ସନ୍ତାନମାବଯୋସ୍ତାତ ବୃଦ୍ଧଯୋର୍ହୃତରାଜ୍ଯଯୋଃ।
ନାଶେଷଯଃ କଥଂ ଯଷ୍ଟିମେକାଂ ବୃଦ୍ଧଯୁଗସ୍ଯ ବୈ॥ 11-14-23 (65197)
ଶେଷେ ହ୍ଯବସ୍ଥିତେ ତାତ ପୁତ୍ରାଣାମଲ୍ପକେଽପି ଚ।
ମନ୍ଦଦୁଃଖଂ ଭବେଦଦ୍ଯ ଯଦି ତ୍ବଂ ଧର୍ମମାଚରେଃ॥ ॥ 11-14-24 (65198)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ଜଲପ୍ରଦାନିକପର୍ବଣି ଚତୁର୍ଦଶୋଽଧ୍ଯାଯଃ॥ 14 ॥
Mahabharata - Strii Parva - Chapter Footnotes
11-14-6 ଉକ୍ତବାନ୍ ନହି ତେ ପତଯଃ ସନ୍ତୀତ୍ଯାଦି। ରାଜପୁତ୍ରୀଂ ଚ ପାଞ୍ଚଲୀମିତି ଝ.ପାଠଃ॥ 11-14-14 ଚତୁର୍ଦଶୋଽଧ୍ଯାଯଃ॥ସ୍ତ୍ରୀପର୍ବ - ଅଧ୍ଯାଯ 015
॥ ଶ୍ରୀଃ ॥
11.15. ଅଧ୍ଯାଯଃ 015
Mahabharata - Strii Parva - Chapter Topics
ଯୁଧିଷ୍ଠିରାଦିଭିର୍ଗାନ୍ଧାରୀକୁନ୍ତ୍ଯୋରଭିବାଦନମ୍॥ 1 ॥ ସକୁନ୍ତ୍ଯା ଗାନ୍ଧାର୍ଯା ଦ୍ରୌପଦୀସମାଶ୍ବାସନମ୍॥ 2 ॥Mahabharata - Strii Parva - Chapter Text
11-15-0 (65199)
ବୈଶମ୍ପାଯନ ଉବାଚ। 11-15-0x (5348)
ତମେବମୁକ୍ତ୍ବା ଗାନ୍ଧାରୀ ଯୁଧିଷ୍ଠିରମପୃଚ୍ଛତ।
କ୍ବ ସ ରାଜେତି ସକ୍ରୋଧା ପୁତ୍ରପୌତ୍ରବଧାର୍ଦିତା॥ 11-15-1 (65200)
ତାମଭ୍ଯଗଚ୍ଛତ୍କୌନ୍ତେଯୋ ବେପମାନଃ କୃତାଞ୍ଜଲିଃ।
ଯୁଧିଷ୍ଠିରସ୍ତୁ ଗାନ୍ଧାରୀଂ ମଧୁରଂ ବାକ୍ଯମବ୍ରବୀତ୍॥ 11-15-2 (65201)
ପୁତ୍ରହନ୍ତା ନୃଶଂସୋଽହଂ ତବ ଦେବି ଯୁଧିଷ୍ଠିରଃ।
ଶାପାର୍ହଃ ପୃଥିବୀନାଶେ ହେତୁଭୂତଃ ଶପସ୍ବ ମାମ୍॥ 11-15-3 (65202)
ନହି ମେ ଜୀବିତେନାର୍ଥୋ ନ ରାଜ୍ଯେନ ସୁଖେନ ବା।
ତାଦୃଶାନ୍ସୁହୃଦୋ ହତ୍ବା ପ୍ରମୂଢସ୍ଯ ସୁହୃଦ୍ଦ୍ରୁହଃ॥ 11-15-4 (65203)
ତମେବଂବାଦିନଂ ଭୀତଂ ସନ୍ନିକର୍ଷାଗତଂ ତଦା।
ନୋବାଚ କିଞ୍ଚିଦ୍ଗାନ୍ଧାରୀ ନିଃଶ୍ବାସପରମା ନୃପ॥ 11-15-5 (65204)
ତସ୍ମାବନତଦେହସ୍ଯ ପାଦଯୋର୍ନିପତିଷ୍ଯତଃ।
ଯୁଧିଷ୍ଠିରସ୍ଯ ନୃପତେର୍ଧର୍ମଜ୍ଞା ଦୀର୍ଘଦର୍ଶିନୀ॥ 11-15-6 (65205)
ଅଙ୍ଗୁଲ୍ଯଗ୍ରାଣି ଦଦୃଶେ ଦେବୀ ପଟ୍ଟାନ୍ତରେଣ ସା।
ତତଃ ସ କୁନଖୀଭୂତୋ ଦର୍ଶନୀଯନଖୋ ନୃପଃ॥ 11-15-7 (65206)
ତଂ ଦୃଷ୍ଟ୍ବା ଚାର୍ଜୁନୋଽଗଚ୍ଛଦ୍ବାସୁଦେବସ୍ଯ ପୃଷ୍ଠତଃ॥ 11-15-8 (65207)
ଏବଂ ସଞ୍ଚେଷ୍ଟମାନାଂସ୍ତାନିତଶ୍ଚେତଶ୍ଚ ଭାରତ।
ଗାନ୍ଧାରୀ ବିଗତକ୍ରୋଧା ସାଂତ୍ବଯାମାସ ମାତୃବତ୍॥ 11-15-9 (65208)
ତେ ପାଣ୍ଡବା ଅନୁଜ୍ଞାତା ମାତରଂ ବୀତମତ୍ସରାଃ।
ଅଭ୍ଯଗଚ୍ଛନ୍ତ ସହିତାଃ ପୃଥାଂ ପୃଥୁବଲକ୍ଷସଃ॥ 11-15-10 (65209)
ଚିରସ୍ଯ ଦୃଷ୍ଟ୍ବା ପୁତ୍ରାନ୍ସା ପୁତ୍ରାଧିଭିରଭିପ୍ଲୁତା।
ବାଷ୍ପମାହାରଯଦ୍ଦେବୀ ବସ୍ତ୍ରେଣାବୃତ୍ଯ ବୈ ମୁଖମ୍॥ 11-15-11 (65210)
ତତୋ ବାଷ୍ପଂ ସମୁତ୍ସୃଜ୍ଯ ସହ ପୁତ୍ରୈସ୍ତଦା ପୃଥା।
ଅପଶ୍ଯଦେନାଞ୍ଶସ୍ତ୍ରୌଘୈର୍ବହୁଧା ପରିବିକ୍ଷତାନ୍॥ 11-15-12 (65211)
ସା ତାନେକୈକଶଃ ପୁତ୍ରାନ୍ସଂସ୍ପୃଶନ୍ତୀ ପୁନଃପୁନଃ।
ଅନ୍ବଶୋଚତ ଦୁଃଖାର୍ତା ଦ୍ରୌପଦୀଂ ନିହତାତ୍ମଜାମ୍।
ରୁଦନ୍ତୀମଥ ପାଞ୍ଚାଲୀଂ ଦଦର୍ଶ ପତିତାଂ ଭୁବି॥ 11-15-13 (65212)
ଦ୍ରୌପଦ୍ଯୁବାଚ। 11-15-14x (5349)
ଆର୍ଯେ ପୌତ୍ରାସ୍ତୁ ତେ ସର୍ବେ ସୌଭଦ୍ରସହିତା ଗତାଃ।
ନ ତ୍ବାଂ ତେଽଦ୍ଯାଭିଗଚ୍ଛନ୍ତି ଚିରଂ ଦୃଷ୍ଟ୍ବା ଅନିନ୍ଦିତେ।
କିନ୍ନୁ ରାଜ୍ଯେନ ମେ କାର୍ଯଂ ବିହୀନାଯାଃ ସୁତୈର୍ବରୈଃ॥ 11-15-14 (65213)
ତାଂ ସମାଶ୍ବାସଯାମାସ ପୃଥା ପୃଥଲଲୋଚନା।
ଉତ୍ଥାପ୍ଯାଙ୍କେନ ସୁଦତୀଂ ରୁଦତୀଂ ଶୋକକର୍ଶିତାମ୍॥ 11-15-15 (65214)
ତଯୈବ ସହିତା ଚାପି ପୁତ୍ରୈରନୁଗତା ପୃଥା।
ଅଭ୍ଯଗଚ୍ଛତ ଗାନ୍ଧାରୀମାର୍ତାମାର୍ତତରା ସ୍ବଯମ୍॥ 11-15-16 (65215)
ବୈଶମ୍ପାଯନ ଉବାଚ। 11-15-17x (5350)
ତାମୁବାଚାଥ ଗାନ୍ଧାରୀ ସହ କୁନ୍ତ୍ଯା ଯଶସ୍ବିନୀମ୍।
ମୈବଂ ପୁତ୍ରୀତି ଶୋକାର୍ତା ପଶ୍ଯ ମାମପି ଦୁଃଖିତାଂ॥ 11-15-17 (65216)
ମନ୍ଯେ ଲୋକବିନାଶୋଽଯଂ କାଲପର୍ଯାଯନୋଦିତଃ।
ଅବଶ୍ଯଭାବୀ ସମ୍ପ୍ରାପ୍ତଃ ସ୍ବଭାବାଦ୍ରୋମହର୍ଷଣଃ॥ 11-15-18 (65217)
ଇଦଂ ତତ୍ସମନୁପ୍ରାପ୍ତଂ ବିଦୁରସ୍ଯ ବଚୋ ମହତ୍।
ଅସିଦ୍ଧାନୁନଯେ କୃଷ୍ଣେ ଯଦୁବାଚ ମହାମତିଃ॥ 11-15-19 (65218)
ତସ୍ମିନ୍ନପରିହାର୍ଯେଽର୍ଥେ ବ୍ଯତୀତେ ଚ ବିଶେଷତଃ।
ମା ଶୁଚୋ ନ ହି ଶୋଚ୍ଯାସ୍ତେ ସଙ୍ଗ୍ରାମେ ନିଧନଂ ଗତାଃ॥ 11-15-20 (65219)
ଯଥୈବାହଂ ତଥୈବ ତ୍ବଂ କୋ ବାମାଶ୍ବାସଯିଷ୍ଯତି।
ମମୈବ ହ୍ଯପରାଧେନ କୁଲମଗ୍ର୍ଯଂ ବିନାଶିତମ୍॥ ॥ 11-15-21 (65220)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ଜଲପ୍ରଦାନିକପର୍ବଣି ପଞ୍ଚଦଶୋଽଧ୍ଯାଯଃ॥ 15 ॥
Mahabharata - Strii Parva - Chapter Footnotes
11-15-7 କୁନଖୀଭୂତୋ ହସ୍ତଦେଶ ଇତି ଶେଷଃ॥ 11-15-14 ଆର୍ଯେ ପୌତ୍ରା ହତାଃ ସର୍ବେ ଇତି କ.ଛ.ପାଠଃ॥ 11-15-21 ବାଂ ଆବାମ୍॥ 11-15-15 ପଞ୍ଚଦଶୋଽଧ୍ଯାଯଃ॥ସ୍ତ୍ରୀପର୍ବ - ଅଧ୍ଯାଯ 016
॥ ଶ୍ରୀଃ ॥
11.16. ଅଧ୍ଯାଯଃ 016
Mahabharata - Strii Parva - Chapter Topics
ଗାନ୍ଧାର୍ଯା ବ୍ଯାସପ୍ରସାଦଲବ୍ଧଦିବ୍ଯଚକ୍ଷୁଷା ରଣାଙ୍କଣଦର୍ଶଂନମ୍॥ 1 ॥ ଧୃତରାଷ୍ଟ୍ରଯୁଧିଷ୍ଠିରାଦୀନାଂ ସ୍ତ୍ରୀଭିଃ ସହ ରଣଭୂମିପ୍ରବେଶଃ॥ 2 ॥ ସ୍ତ୍ରୀଣାଂ ବିଲାପଃ॥ 3 ॥ ଗାନ୍ଧାର୍ଯା କୃଷ୍ଣାଯ ବିଲପତ୍ସ୍ନୁଷାଦିପ୍ରଦର୍ଶନମ୍॥ 4 ॥Mahabharata - Strii Parva - Chapter Text
11-16-0 (65221)
ବୈଶମ୍ପାଯନ ଉବାଚ। 11-16-0x (5351)
ଏବମୁକ୍ତ୍ବା ତୁ ଗାନ୍ଧାରୀ କୁରୂଣାମବକର୍ତନମ୍।
ଅପଶ୍ଯତ୍ତତ୍ର ତିଷ୍ଠନ୍ତୀ ସର୍ବଂ ତତ୍ର ଯଥାସ୍ଥିତମ୍॥ 11-16-1 (65222)
ପତିବ୍ରତା ମହାଭାଗା ସମାନବ୍ରତଚାରିଣୀ।
ଉଗ୍ରେଣ ତପସା ଯୁକ୍ତା ସତତଂ ସତ୍ଯବାଦିନୀ॥ 11-16-2 (65223)
ବରଦାନେନ କୃଷ୍ଣସ୍ଯ ମହର୍ଷେଃ ପୁଣ୍ଯକର୍ମଣଃ।
ଦିବ୍ଯଜ୍ଞାନବଲୋପେତା ବିବିଧଂ ପର୍ଯଦେବଯତ୍॥ 11-16-3 (65224)
ଦଦର୍ଶ ସା ବୁଦ୍ଧିମତୀ ଦୂରାଦପି ଯଥାଽନ୍ତିକେ।
ରଣାଜିରଂ ତଦ୍ବୀରାଣାମଦ୍ଭୁତଂ ରୋମହର୍ଷଣମ୍॥ 11-16-4 (65225)
ଅସ୍ଥିକେଶବସାକୀର୍ଣଂ ଶୋଣିତୌଘପରିପ୍ଲୁତମ୍।
ଶରୀରୈର୍ବହୁସାହସ୍ରୈର୍ବିନିକୀର୍ଣଂ ସମନ୍ତତଃ॥ 11-16-5 (65226)
ଗଜାଶ୍ବରଥଯୋଧାନାମାବୃତଂ ରୁଧିରାବିଲୈଃ।
ଶରୀରୈରଶିରସ୍କୈଶ୍ଚ ବିଦେହୈଶ୍ଚ ଶିରୋଗଣୈଃ॥ 11-16-6 (65227)
ଗଜାଶ୍ବନରବୀରାଣାଂ ନିଃସତ୍ବୈରଭିସଂବୃତମ୍।
ସୃଗାଲବଲଗୋମାଯୁକଙ୍କକାକନିଷେବିତମ୍॥ 11-16-7 (65228)
ରକ୍ଷସାଂ ପୁରୁଷାଦାନା ମୋଦନଂ କୁରରାକୁଲମ୍।
ଅଶିବାଭିଃ ଶିବାଭିଶ୍ଚ ନାଦିତଂ ଗୃଧ୍ରସେବିତମ୍॥ 11-16-8 (65229)
ତତୋ ବ୍ଯାସାଭ୍ଯନୁଜ୍ଞାତୋ ଧୃତରାଷ୍ଟ୍ରୋ ମହୀପତିଃ।
ପାଣ୍ଡୁପୁତ୍ରାଶ୍ଚ ତେ ସର୍ବେ ଯୁଧିଷ୍ଠିରପୁରୋଗମାଃ॥ 11-16-9 (65230)
ବାସୁଦେବଂ ପୁରସ୍କୃତ୍ଯ ହତବନ୍ଧୁଂ ଚ ପାର୍ଥିବମ୍।
କୁରୁସ୍ତ୍ରିଯଃ ସମାଦାଯ ଜଗ୍ମୁରାଯୋଧନଂ ପ୍ରତି॥ 11-16-10 (65231)
ସମାସାଦ୍ଯ କୁରୁକ୍ଷେତ୍ରଂ ତାଃ ସ୍ତ୍ରିଯୋ ନିହତେଶ୍ବରାଃ।
ଅପଶ୍ଯନ୍ତ ହତାଂସ୍ତତ୍ର ପୁତ୍ରାନ୍ଭ୍ରାତୄନ୍ପିତୄନ୍ପତୀନ୍॥ 11-16-11 (65232)
କ୍ରବ୍ଯାଦୈର୍ଭକ୍ଷ୍ଯମାଣାଂଶ୍ଚ ଗୋମାଯୁବଲବାଯସୈଃ।
ଭୂତୈଃ ପିଶାଚୈ ରକ୍ଷୋଭିର୍ବିବିଧୈଶ୍ଚ ନିଶାଚରୈଃ॥ 11-16-12 (65233)
ରୁଦ୍ରାକ୍ରୀଡନିଭଂ ଦୃଷ୍ଟ୍ବା ତଦା ବିଶସନଂ ସ୍ତ୍ରିଯଃ।
କୁରର୍ଯ ଇବ ଶୋକାର୍ତା ବିକ୍ରୋଶନ୍ତ୍ଯୋ ନିପେତିରେ॥ 11-16-13 (65234)
ଅଦୃଷ୍ଟପୂର୍ବଂ ପଶନ୍ତ୍ଯୋ ଦୁଃଖାର୍ତା ଭରତସ୍ତ୍ରିଯଃ।
ଶରୀରେଷୁ ସ୍ଖଲନ୍ତ୍ଯଶ୍ଚ ନ୍ଯପତଂଶ୍ଚ ପରାସୁବତ୍॥ 11-16-14 (65235)
ଶ୍ରାନ୍ତାନାଂ ଚାପ୍ଯନାଥାନାଂ କ୍ରନ୍ଦନ୍ତୀନାଂ ଭୃଶଂ ତଦା।
ପାଞ୍ଚାଲକୁରୁଯୋଷାଣାଂ କୃପଣଂ ତଦଭୂନ୍ମହତ୍॥ 11-16-15 (65236)
ଦୁଃଖୋପହତଚିତ୍ତାଭିଃ ସମନ୍ତାଦନୁନାଦିତମ୍।
ଦୃଷ୍ଟ୍ବାଽଽଯୋଧନମତ୍ଯୁଗ୍ରଂ ଧର୍ମଜ୍ଞା ସୁବଲାତ୍ମଜା॥ 11-16-16 (65237)
ତତଃ ସା ପୁଣ୍ଡରୀକାକ୍ଷମାମନ୍ତ୍ର୍ଯ ପୁରୁଷୋତ୍ତମମ୍।
କୁରୂଣାଂ ବୈଶମଂ ଦୃଷ୍ଟ୍ବା ଇଦଂ ବଚନମବ୍ରବୀତ୍॥ 11-16-17 (65238)
ପଶ୍ଯୈତାଃ ପୁଣ୍ଡରୀକାକ୍ଷ ସ୍ନୁଷା ମେ ନିହତେଶ୍ବରାଃ।
ପ୍ରକୀର୍ଣକେଶାଃ କ୍ରୋଶନ୍ତୀଃ କୁରରୀରିବ ମାଧବ॥ 11-16-18 (65239)
ଅମୂସ୍ତ୍ବଭିସମାଗମ୍ଯ ସ୍ମରନ୍ତ୍ଯୋ ଭରତର୍ଷଭାନ୍।
ପୃଥଗେବାନୁପଦ୍ଯନ୍ତେ ପୁତ୍ରାନ୍ଭ୍ରାତୄନ୍ପିତୄନ୍ପତୀନ୍॥ 11-16-19 (65240)
ବୀରସୂଭିର୍ମହାବାହୋ ହତପୁତ୍ରାଭିରାବୃତମ୍।
କ୍ବଚିଚ୍ଚ ବୀରପତ୍ନୀଭିର୍ହତବୀରାଭିରାବୃତମ୍॥ 11-16-20 (65241)
ଶୋଭିତଂ ପୁରୁଷବ୍ଯାଘ୍ରୈଃ କର୍ଣଭୀଷ୍ମାଭିମନ୍ଯୁଭିଃ।
ଦ୍ରୋଣଦ୍ରୁପଦଶଲ୍ଯୈଶ୍ଚ ଜ୍ବଲଦ୍ଭିରିବ ପାବକୈଃ॥ 11-16-21 (65242)
କାଞ୍ଚନୈଃ କବଚୈର୍ନିଷ୍କୈର୍ମଣିଭିଶ୍ଚ ମହାଧନୈଃ।
ଅଦ୍ଭୁତୈର୍ହସ୍ତକେଯୂରୈଃ ସ୍ରଗ୍ଭିଶ୍ଚ ସମଲଂକୃତମ୍॥ 11-16-22 (65243)
ବୀରବାହୁବିସୃଷ୍ଟାଭିଃ ଶକ୍ତିଭିଃ ପରିଘୈରପି।
ଖଙ୍ଗୈଶ୍ଚ ବିବିଧୈସ୍ତୀକ୍ଷ୍ଣୈଃ ସଶରୈଶ୍ଚ ଶରାସନୈଃ॥ 11-16-23 (65244)
କ୍ରବ୍ଯାଦସଙ୍ଘୈର୍ମୁଦିତୈସ୍ତିଷ୍ଠଦ୍ଭିଃ ସହିତୈଃ କ୍ବଚିତ୍।
କ୍ବଚିଦାକ୍ରୀଡମାନୈଶ୍ଚ ଶଯାନୈଶ୍ଚାପରୈଃ କ୍ବଚିତ୍॥ 11-16-24 (65245)
ଏତଦେବଂବିଧଂ ବୀର ସମ୍ପଶ୍ଯାଯୋଧନଂ ବିଭୋ।
`ତ୍ବଯା ତୁ ଶ୍ରାବିତଂ କର୍ମ ପୁଷ୍କରାକ୍ଷ ମହାଦ୍ଯୁତେ'।
ପଶ୍ଯମାନା ହି ଦହ୍ଯାମି ଶୋକେନାହଂ ଜନାର୍ଦନ॥ 11-16-25 (65246)
ପାଞ୍ଚାଲାନାଂ କୁରୂଣାଂ ଚ ବିନାଶଂ ମଧୁସୂଦନ।
ପଞ୍ଚାନାମପି ଭୂତାନାମହଂ ବଧମଚିନ୍ତଯମ୍॥ 11-16-26 (65247)
ତାନ୍ସୁପର୍ଣାଶ୍ଚ ଗୃଧ୍ରାଶ୍ଚ କର୍ଷଯନ୍ତ୍ଯସୃଗୁକ୍ଷିତାନ୍।
ବିଗୃହ୍ଯ ଚରଣୈର୍ଗୃଧ୍ରା ଭକ୍ଷଯନ୍ତି ସହସ୍ରଶଃ॥ 11-16-27 (65248)
ଜଯଦ୍ରଥସ୍ଯ କର୍ଣସ୍ଯ ତଥୈବ ଦ୍ରୋମଭୀଷ୍ମଯୋଃ।
ଅଭିମନ୍ଯୋର୍ବିନାଶଂ ଚ କଶ୍ଚିନ୍ତଯିତୁମର୍ହତି॥ 11-16-28 (65249)
ଅବଧ୍ଯକଲ୍ପାନ୍ନିହତାନ୍ଗତସତ୍ବାନଚେତସଃ।
ଗୃଧ୍ରକଙ୍କବଲଶ୍ଯେନଶ୍ବସୃଗାଲସମାବୃତାନ୍॥ 11-16-29 (65250)
ଅମର୍ଷବଶମାପନ୍ନାନ୍ଦୁର୍ଯୋଧନବଶେ ସ୍ଥିତାନ୍।
ପଶ୍ଯେମାନ୍ପୁରୁଷବ୍ଯାଘ୍ରାନ୍ସଂଶାନ୍ତାନ୍ପାବକାନିବ ॥ 11-16-30 (65251)
ଶଯନାନ୍ଯୁଚିତାଃ ସର୍ବେ ମୃଦୂନି ବିମଲାନି ଚ।
ବିପନ୍ନାସ୍ତେଽଦ୍ଯ ବସୁଧାଂ ବିବୃତାମଧିଶେରତେ॥ 11-16-31 (65252)
ବନ୍ଦିଭିଃ ସତତଂ କାଲେ ସ୍ତୁବଦ୍ଭିରଭିନନ୍ଦିତାଃ।
ଶିବାନାମଶିବା ଘୋରାଃ ଶୃଣ୍ବନ୍ତି ବିବିଧା ଗିରଃ॥ 11-16-32 (65253)
ଯେ ପୁରା ଶେରତେ ବୀରାଃ ଶଯନେଷୁ ଯଶସ୍ବିନଃ।
ଚନ୍ଦନାଗୁରୁଦିଗ୍ଧାଙ୍ଗାସ୍ତେଽଦ୍ଯ ପାଂସୁଷୁ ଶେରତେ॥ 11-16-33 (65254)
ତେଷାମାଭରଣାନ୍ଯେତେ ଗୃଘ୍ରଗୋମାଯୁବାଯସାଃ।
ଆକ୍ଷିପନ୍ତି ଶିବା ଘୋରା ବିନଦନ୍ତ୍ଯଃ ପୁନଃ ପୁନଃ॥ 11-16-34 (65255)
ବାଣାନ୍ବନିନିଶିତାନ୍ପୀତାନ୍ନିସ୍ତ୍ରିଂଶାନ୍ବିମଲା ଗଦାଃ।
ଯୁଦ୍ଧାଭିମାନିନଃ ସର୍ବେ ଜୀବନ୍ତ ଇବ ବିଭ୍ରତି॥ 11-16-35 (65256)
ସୁରୂପବର୍ଣା ବହବଃ କ୍ରବ୍ଯାଦୈରବଘଟ୍ଟିତାଃ।
ଋଷଭପ୍ରତିରୂପାକ୍ଷାଃ ଶେରତେ ଚ ସହସ୍ରଶଃ॥ 11-16-36 (65257)
ଅପରେ ପୁନରାଲିଙ୍ଗ୍ଯ ଗଦାଃ ପରିଘବାହବଃ।
ଶେରତେଽଭିମୁଖାଃ ଶୂରା ଦଯିତା ଇବ ଯୋଷିତଃ॥ 11-16-37 (65258)
ବିଭ୍ରତଃ କବଚାନ୍ଯନ୍ଯେ ବିମଲାନ୍ଯାଯୁଧାନି ଚ।
ନ ଧର୍ଷଯନ୍ତି କ୍ରବ୍ଯାଦା ଜୀବନ୍ତୀତି ଜନାର୍ଦନ॥ 11-16-38 (65259)
କ୍ରବ୍ଯାଦୈଃ କୃଷ୍ଯମାଣାନାମପରେଷାଂ ମହାତ୍ମନାମ୍।
ଶାତକୌମ୍ଭ୍ଯଃ ସ୍ରଜଶ୍ଚିତ୍ରା ବିପ୍ରକୀର୍ଣାଃ ସମନ୍ତତଃ॥ 11-16-39 (65260)
ଏତେ ଗୋମାଯବୋ ଭୀମା ନିହତାନାଂ ଯଶସ୍ବିନାମ୍।
କଣ୍ଠାନ୍ତରଗତାନ୍ହାରାନାକ୍ଷିପନ୍ତି ସହସ୍ରଶଃ॥ 11-16-40 (65261)
ସର୍ବେଷ୍ବପରରାତ୍ରେଷୁ ଯାନବନ୍ଦନ୍ତ ବନ୍ଦିନଃ।
ସ୍ତୁତିଭିଶ୍ଚ ପରାର୍ଧ୍ଯାଭିରୁପଚାରୈଶ୍ଚ ଶିକ୍ଷିତାଃ॥ 11-16-41 (65262)
ତାନଦ୍ଯ ପରିଦେବନ୍ତି ଦୁଃଖାର୍ତା ପରମାଙ୍ଗନାଃ।
କୃପଣା ବୃଷ୍ଣିଶାର୍ଦୂଲ ଦୁଃଖଶୋକାର୍ଦିତା ଭୃଶମ୍॥ 11-16-42 (65263)
ରକ୍ତୋତ୍ପଲବନାନୀବ ବିଭାନ୍ତି ରୁଚିରାଣି ଚ।
ମୁଖାନି ପରମସ୍ତ୍ରୀଣାଂ ପରିଶୁଷ୍କାଣି କେଶବ॥ 11-16-43 (65264)
ରୁଦିତ୍ବା ବିରତା ହ୍ଯେତା ଧ୍ଯାଯନ୍ତ୍ଯଃ ସପରିକ୍ଲମାଃ।
କୁରୁସ୍ତ୍ରିଯୋଽଭିଗଚ୍ଛନ୍ତି ତେନ ତେନୈବ ଦୁଃଖିତାଃ॥ 11-16-44 (65265)
ଏତାନ୍ଯାଦିତ୍ଯବର୍ଣାନି ତପମୀଯନିଭାନି ଚ।
ପଶ୍ଯ ରୋଦନତାମ୍ରାଣି ବକ୍ତ୍ରାଣି କୁରୁଯୋଷିତାମ୍॥ 11-16-45 (65266)
ଶ୍ଯାମାନାଂ ବରବର୍ଣାନାଂ ଗୌରୀଣାମେକବାସସାମ୍।
ଦୁର୍ଯୋଧନବରସ୍ତ୍ରୀଣାଂ ପଶ୍ଯ ବୃନ୍ଦାନି କେଶବ॥ 11-16-46 (65267)
ଆସାମପରିପୂର୍ଣାର୍ଥଂ ନିଶମ୍ଯ ପରିଦେବିତମ୍।
ଇତରେରସଙ୍କ୍ରନ୍ଦାନ୍ନ ବିଜାନନ୍ତି ଯୋଷିତଃ॥ 11-16-47 (65268)
ଏତା ଦୀର୍ଘମିବୋଚ୍ଛ୍ବସ୍ଯ ବିକ୍ରୁଶ୍ଯ ଚ ବିଲପ୍ଯ ଚ।
ବିସ୍ପନ୍ଦମାନା ଦୁଃଖେନ ବୀରା ଜହତି ଜୀବିତମ୍॥ 11-16-48 (65269)
ବହ୍ବ୍ଯୋ ଦୃଷ୍ଟ୍ବ ଶରୀରାଣି କ୍ରୋଶନ୍ତି ବିଲପନ୍ତି ଚ।
ପାଣିଭିଶ୍ଚାପରା ଘ୍ନନ୍ତି ଶିରାଂସି ମୃଦୁପାଣଯଃ॥ 11-16-49 (65270)
ଶିରୋଭିଃ ପତିତୈର୍ହସ୍ତୈଃ ସର୍ବାଙ୍ଗୈଃ ଖଣ୍ଡଶଃ କୃତୈଃ।
ଇତରେତସମ୍ପୃକ୍ତୈରାକୀର୍ଣା ଭାତି ମେଦିନୀ॥ 11-16-50 (65271)
ବିଶିରସ୍କାନଥୋ କାଯାନ୍ଦୃଷ୍ଟ୍ବା ହ୍ଯେତାନନିନ୍ଦିତାନ୍।
ମୁହ୍ଯନ୍ତ୍ଯନୁଚିତା ନାର୍ଯୋ ବିଦେହାନି ଶିରାଂସି ଚ॥ 11-16-51 (65272)
ଶିରଃ କାଯେନ ସନ୍ଧାଯ ପ୍ରେକ୍ଷମାଣା ବିଚେତସଃ।
ଅପଶ୍ଯନ୍ତ୍ଯୋଽପରଂ ତତ୍ର ନେଦମସ୍ଯେଽତି ଦୁଃଖିତାଃ॥ 11-16-52 (65273)
ବାହୂରୁଚରଣାନନ୍ଯାନ୍ବିଶିଖୋନ୍ମଥିତାନ୍ପୃଥକ୍।
ସନ୍ଦଧତ୍ଯୋଽସୁଖାବିଷ୍ଟା ମୂର୍ଛନ୍ତ୍ଯେତାଃ ପୁନଃପୁନଃ॥ 11-16-53 (65274)
ଉତ୍କୃତ୍ତଶିରସଶ୍ଚାନ୍ଯାନ୍ବିଜଗ୍ଧାନ୍ମୃଗପକ୍ଷିଭିଃ।
ଦୃଷ୍ଟ୍ବା କାଶ୍ଚିନ୍ନ ଜାନନ୍ତି ଭର୍ତୄନ୍ଭରତଯୋଷିତଃ॥ 11-16-54 (65275)
ପାଣିଭିଶ୍ଚାପରା ଘ୍ନନ୍ତି ଶିରାଂସି ମଧୁସୂଦନ।
ପ୍ରେକ୍ଷ୍ଯ ଭ୍ରାତୄନ୍ପିତୄନ୍ପୁତ୍ରାନ୍ପତୀଂଶ୍ଚ ନିହତାନ୍ପରୈଃ॥ 11-16-55 (65276)
ବାହୁଭିଶ୍ଚ ସଖଙ୍ଗୈଶ୍ଚ ଶିରୋଭିଶ୍ଚ ସକୁଣ୍ଡଲୈଃ।
ଅଗମ୍ଯକଲ୍ପା ପୃଥିବୀ ମାଂସଶୋଣିତକର୍ଦମା।
ବଭୂବ ଭରତଶ୍ରେଷ୍ଠ ପ୍ରାଣିଭିର୍ଗତଜୀବିତୈଃ॥ 11-16-56 (65277)
ନ ଦୁଃଖେଷୂଚିତାଃ ପୂର୍ବଂ ଦୁଃଖଂ ଗାହନ୍ତ୍ଯନିନ୍ଦିତାଃ।
ଭ୍ରାତୃଭିଃ ପତିଭିଃ ପୁତ୍ରୈରୁପାକୀର୍ଣାଂ ବସୁନ୍ଧରାମ୍॥ 11-16-57 (65278)
ଯୂଥାନୀବ କିଶୋରୀଣାଂ ସୁକେଶୀନାଂ ଜନାର୍ଦନ।
ସ୍ନୁଷାଣାଂ ଧୃତରାଷ୍ଟ୍ରସ୍ଯ ପଶ୍ଯ ବୃନ୍ଦାନ୍ଯନେକଶଃ॥ 11-16-58 (65279)
ଇତୋ ଦୁଃଖତରଂ କିନ୍ନୁ କେଶବ ପ୍ରତିଭାତି ମେ।
ଯଦିମାଃ କୁର୍ବତେ ସର୍ବା ରବମୁଚ୍ଚାବଚଂ ସ୍ତ୍ରିଯଃ॥ 11-16-59 (65280)
ନୂନମାଚରିତଂ ପାପଂ ମଯା ପୂର୍ବେଷୁ ଜନ୍ମସୁ।
ଯା ପଶ୍ଯାମି ହତାନ୍ପୁତ୍ରାନ୍ପୌତ୍ରାନ୍ଭ୍ରାତୃଂଶ୍ଚ ମାଧବ॥ 11-16-60 (65281)
ଏବମାର୍ତା ବିଲପତୀ ସମାଭାଷ୍ଯ ଜନାର୍ଦନମ୍।
ଗାନ୍ଧାରୀ ପୁତ୍ରଶୋକାର୍ତା ଦ୍ବଦର୍ଶ ନିହତଂ ସୁତମ୍॥ ॥ 11-16-61 (65282)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ସ୍ତ୍ରୀବିଲାପପର୍ବଣି ଷୋଡଶୋଽଧ୍ଯାଯଃ॥ 16 ॥
Mahabharata - Strii Parva - Chapter Footnotes
11-16-1 ଅବକର୍ତନଂ ଯୁଦ୍ଧସ୍ଥାନମ୍। ସର୍ବଂ ଦିବ୍ଯେନ ଚକ୍ଷୁଷେତି ଝ.ପାଠଃ॥ 11-16-26 ପଞ୍ଚାନାଂ ଭୂତାନାଂ ପୃଥିବ୍ଯାଦୀନାମ୍। କୁରୁପାଞ୍ଚାଲବଧାତ୍କୃତ୍ସ୍ନଂ ପାଞ୍ଚଭୌତିକଂ ଜଗନ୍ନଷ୍ଟମିତି ଭାବଃ॥ 11-16-31 xxxxxxର୍ଯେତି ଶେଷଃ॥ 11-16-48 ଏତାଃ ଶୋଚନ୍ତୀରଭିଲକ୍ଷ୍ଯେତି ଶେଷଃ॥ 11-16-54 ବିଜଗ୍ଧାନ୍ଭକ୍ଷିତାନ୍॥ 11-16-16 ଷୋଡଶୋଽଧ୍ଯାଯଃ॥ସ୍ତ୍ରୀପର୍ବ - ଅଧ୍ଯାଯ 017
॥ ଶ୍ରୀଃ ॥
11.17. ଅଧ୍ଯାଯଃ 017
Mahabharata - Strii Parva - Chapter Topics
ଗାନ୍ଧାର୍ଯା ଦୁର୍ଯୋଧନମାଲିଙ୍ଗ୍ଯ ପରିଦେବନମ୍॥ 1 ॥Mahabharata - Strii Parva - Chapter Text
11-17-0 (65283)
ବୈଶମ୍ପାଯନ ଉବାଚ। 11-17-0x (5352)
ଦୁର୍ଯୋଧନଂ ହତଂ ଦୃଷ୍ଟ୍ବା ଗାନ୍ଧାରୀ ଶୋକକର୍ଶିତା।
ସହସା ନ୍ଯପତଦ୍ଭୂମୌ ଛିନ୍ନେବ କଦଲୀ ବନେ॥ 11-17-1 (65284)
ସା ତୁ ଲବ୍ଧ୍ବା ପୁନଃ ସଂଜ୍ଞାଂ ବିକ୍ରୁଶ୍ଯ ଚ ବିଲପ୍ଯ ଚ।
ଦୁର୍ଯୋଧନମଭିପ୍ରେକ୍ଷ୍ଯ ଶଯାନଂ ରୁଧିରୋକ୍ଷିତମ୍॥ 11-17-2 (65285)
ପରିଷ୍ବଜ୍ଯାଥ ଗାନ୍ଧାରୀ କୃପଣଂ ପର୍ଯଦେବଯତ୍।
ହାହାପୁତ୍ରେତି ଶୋକାର୍ତା ବିଲଲାପାକୁଲେନ୍ଦ୍ରିଯା॥ 11-17-3 (65286)
ସୁଗୂଢଜତ୍ରୁ ବିପୁଲଂ ହାରନିଷ୍କବିଭୂଷିତମ୍।
ବାରିଣା ନେତ୍ରଜେନୋରଃ ସିଞ୍ଚନ୍ତୀ ଶୋକତାପିତା॥ 11-17-4 (65287)
ସମୀପସ୍ଥଂ ହୃଷୀକେଶମିଦ ବଚନମବ୍ରବୀତ୍।
ଉପସ୍ଥିତେଽସ୍ମିନ୍ସଙ୍ଗ୍ରାମେ ଜ୍ଞାତୀନାଂ ସଂକ୍ଷଯେ ବିଭୋ॥ 11-17-5 (65288)
ମାମଯଂ ପ୍ରାହ ବାର୍ଷ୍ଣେଯ ପ୍ରାଞ୍ଚଲିର୍ନୃପସତ୍ତମଃ।
ଅସ୍ମିଞ୍ଜ୍ଞାତିସମୁଦ୍ଧର୍ଷେ ଜଯମମ୍ବା ବ୍ରବୀତୁ ମେ॥ 11-17-6 (65289)
ଇତ୍ଯୁକ୍ତେ ଜାନତୀ ସର୍ବମହଂ ସ୍ବବ୍ଯସନାଗମମ୍।
ଅବ୍ରୁବଂ ପୁରୁଷବ୍ଯାଘ୍ର ଯତୋ ଧର୍ମସ୍ତତୋ ଜଯଃ॥ 11-17-7 (65290)
ତଥା ତୁ ଯୁବ୍ଯମାନସ୍ତ୍ବଂ ସମ୍ପ୍ରଗୃହ୍ଯ ସୁପୁତ୍ରକ।
ଧ୍ରୁବଂ ଶଖଜିତାଁଲ୍ଲୋକାନ୍ପ୍ରାପ୍ସ୍ଯସ୍ଯମରବତ୍ପ୍ରଭୋ॥ 11-17-8 (65291)
ଇତ୍ଯେବxxx ପୂର୍ବଂ ନୈବଂ ଶୋଚାମି ବୈ ପ୍ରଭୋ।
ଧୃତରାଷ୍ଟ୍ରଂ ତୁ ଶୋଚାମି କୃପଣଂ ହତବାନ୍ଧବମ୍॥ 11-17-9 (65292)
ଅମର୍ବଣଂ ଯୁଧାଂ ଶ୍ରେଷ୍ଠଂ କୃତାସ୍ତ୍ରଂ ଯୁଦ୍ଧଦୁର୍ମଦମ୍।
ଶଯାନଂ ବୀରଶଯନେ ପଶ୍ଯ ମାଧବ ମେ ସୁତମ୍॥ 11-17-10 (65293)
ବୋଽଯଂ ମୂର୍ଧାବସିକ୍ତାନାଯେ ଯାତି ପରନ୍ତପଃ।
ସୋଽବଂ ପାଂସୁଷୁ ଶେତେଽଦ୍ଯ ପଞ୍ଚ କାଲସ୍ଯ ପର୍ଯଯମ୍॥ 11-17-11 (65294)
ଦୁବଂ ଦୁର୍ଯୋଧନୋ ବୀରୋ ଗତିଂ ନ ସୁଲଭାଂ ଗତଃ।
ତଥା ହ୍ଯଭିxxxx ଶେତେ ଶଯନେ ବୀରସେବିତେ॥ 11-17-12 (65295)
ଯଂ ପୁରା ପର୍ଯୁପାସୀନା ସମଯନ୍ତି ବରସ୍ତ୍ରିଯଃ।
ସଂ ବୀରଶଯନେ ସୁପ୍ତଂ ରମଯନ୍ତ୍ଯଶିବାଃ ଶିବାଃ॥ 11-17-13 (65296)
ଯଂ ପୁରା ପର୍ଯୁପାସୀନା ରମଯନ୍ତି ମହୀକ୍ଷିତଃ।
ମହୀତଲସ୍ଯଂ ନିହତଂ ଗୃଧ୍ରାସ୍ତଂ ପର୍ଯୁପାସତେ॥ 11-17-14 (65297)
ଯଂ ପୁରା ବ୍ଯଜନୈରମ୍ଯୈରୁପବୀଜନ୍ତି ଯୋଷିତଃ।
ତମଦ୍ଯ ପକ୍ଷବ୍ଯଜନୈ ରୁପବୀଜନ୍ତି ପକ୍ଷିଣଃ॥ 11-17-15 (65298)
ଏଷ ଶେତେ ମହାବାହୁର୍ବଲବାନ୍ସତ୍ଯବିକ୍ରମଃ।
ସିଂହେନେବ ଦ୍ବିପଃ ସଙ୍ଖ୍ଯେ ଭୀମସେନେନ ପାତିତଃ॥ 11-17-16 (65299)
ପଶ୍ଯ ଦୁର୍ଯୋଧନଂ କୃଷ୍ଣ ଶଯାନଂ ରୁଧିରୋକ୍ଷିତମ୍।
ନିହତଂ ଭୀମସେନେନ ଗଦାଂ ସମ୍ମୃଜ୍ଯ ଭାରତ॥ 11-17-17 (65300)
ଅକ୍ଷୌହିଣୀର୍ମହାବାହୁର୍ଦଶ ଚୈକାଂ ଚ କେଶବ।
ଆନଯଦ୍ଯଃ ପୁରା ସଙ୍ଖ୍ଯେ ସୋଽନଯାନ୍ନିଧନଂ ଗତଃ॥ 11-17-18 (65301)
ଏଷ ଦୁର୍ଯୋଧନଃ ଶେତେ ମହେଷ୍ବାସୋ ମହାବଲଃ।
ଶାର୍ଦୂଲ ଇବ ସିଂହେନ ଭୀମସେନେନ ପାତିତଃ॥ 11-17-19 (65302)
ବିଦୁରଂ ହ୍ଯବମତ୍ଯୈଷ ପିତରଂ ଚୈବ ମନ୍ଦଭାକ୍।
ବାଲୋ ବୃଦ୍ଧାବମାନେନ ମନ୍ଦୋ ମୃତ୍ଯୁବଶଂ ଗତଃ॥ 11-17-20 (65303)
ନିଃସପତ୍ନା ମହୀ ଯସ୍ଯ ତ୍ରଯୋଦଶସମାଃ ସ୍ଥିତା।
ସ ଶେତେ ନିହତୋ ଭୂମୌ ପୁତ୍ରୋ ମେ ପୃଥିବୀପତିଃ॥ 11-17-21 (65304)
ଅପଶ୍ଯଂ କୃଷ୍ଣ ପୃଥିବୀଂ ଧାର୍ତରାଷ୍ଟ୍ରାନୁଶାସିତାମ୍।
ପୂର୍ଣାଂ ହସ୍ତିଗବାଶ୍ବୈଶ୍ଚ ବାର୍ଷ୍ଣେଯ ନ ତୁ ତଚ୍ଚିରମ୍॥ 11-17-22 (65305)
ତାମେବାଦ୍ଯ ମହାବାହୋ ପଶ୍ଯାମ୍ଯନ୍ଯାନୁଶାସିତାମ୍।
ହୀନାଂ ହସ୍ତିଗବାଶ୍ବେନ କିନ୍ନୁ ଜୀବାମି ମାଧବ॥ 11-17-23 (65306)
ଇଦଂ କଷ୍ଟତରଂ ପଶ୍ଯ ପୁତ୍ରସ୍ଯାପି ବଧାନ୍ମମ।
ଯା ଇମାଃ ପର୍ଯୁପାସନ୍ତେ ହତାଞ୍ଶୂରାନ୍ରଣେ ସ୍ତ୍ରିଯଃ॥ 11-17-24 (65307)
ପ୍ରକୀର୍ଣକେଶାଂ ସୁଶ୍ରୋଣୀଂ ଦୁର୍ଯୋଧନଭୂଜାଙ୍କଗାମ୍।
ରୁକ୍ମବେଦିନିଭାଂ ପଶ୍ଯ କୃଷ୍ଣ ଲକ୍ଷ୍ମଣମାତରମ୍॥ 11-17-25 (65308)
ନୂନମେଷା ପୁରା ବାଲା ଜୀବମାନେ ମହାଭୁଜେ।
ଭୁଜାବାଶ୍ରିତ୍ଯ ରମତେ ସୁଭୁଜସ୍ଯ ମନସ୍ବିନୀ॥ 11-17-26 (65309)
କଥଂ ତୁ ଶତଧା ନେଦଂ ହୃଦଯଂ ମମ ଦୀର୍ଯତେ।
ପଶ୍ଯନ୍ତ୍ଯା ନିହତଂ ପୁତ୍ରଂ ପୌତ୍ରେଣ ସହିତଂ ରଣେ॥ 11-17-27 (65310)
ପୁତ୍ରଂ ରୁଧିରସଂସିକ୍ତମୁପଜିଘ୍ରତ୍ଯନିନ୍ଦିତା।
ଦୁର୍ଯୋଧନଂ ତୁ ବାମୋରୂଃ ପାଣିନା ପରିମାର୍ଜତୀ॥ 11-17-28 (65311)
କିନ୍ନୁ ଶୋଚତି ଭର୍ତାରଂ ହତପୁତ୍ରଂ ମନସ୍ବିନୀ।
ତଥା ହ୍ଯବସ୍ଥିତା ଭାତି ପୁତ୍ରଂ ଚାପ୍ଯଭିବୀକ୍ଷ୍ଯ ସା॥ 11-17-29 (65312)
ସ୍ବଶିରଃ ପଞ୍ଚଶାଖାଭ୍ଯାମଭିହତ୍ଯାଯତେକ୍ଷଣା।
ପତତ୍ଯୁରସି ବୀରସ୍ଯ କୁରୁରାଜସ୍ଯ ମାଧବ॥ 11-17-30 (65313)
ପୁଣ୍ଡରୀକନିଭା ଭାତି ପୁଣ୍ଡରୀକାନ୍ତରପ୍ରଭା।
ମୁଖଂ ପ୍ରମୃଜ୍ଯ ପୁତ୍ରସ୍ଯ ଭର୍ତୁଶ୍ଚୈବ ତପସ୍ବିନୀ॥ 11-17-31 (65314)
ଯଦି ସତ୍ଯାଗମାଃ ସନ୍ତି ଯଦି ବୈ ଶ୍ରୁତଯସ୍ତଥା।
ଧ୍ରୁବଂ ଲୋକାନବାପ୍ତୋଽଯଂ ନୃପୋ ବାହୁବଲାର୍ଜିତାନ୍॥ ॥ 11-17-32 (65315)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ସ୍ତ୍ରୀବିଲାପପର୍ବଣି ସପ୍ତଦଶୋଽଧ୍ଯାଯଃ॥ 17 ॥
Mahabharata - Strii Parva - Chapter Footnotes
11-17-27 ପୁତ୍ରେଣ ସହିତଂ ରଣେ ଇତି ଝ.ପାଠଃ॥ 11-17-30 ପଞ୍ଚଶାଖାଭ୍ଯାଂ ପଞ୍ଚାଙ୍ଗୁଲିଭ୍ଯାଂ ପାଣିଭ୍ଯାମ୍॥ 11-17-17 ସପ୍ତଦଶୋଽଧ୍ଯାଯଃ॥ସ୍ତ୍ରୀପର୍ବ - ଅଧ୍ଯାଯ 018
॥ ଶ୍ରୀଃ ॥
11.18. ଅଧ୍ଯାଯଃ 018
Mahabharata - Strii Parva - Chapter Topics
କୃଷ୍ଣମ୍ପ୍ରତି ଗାନ୍ଧାରୀବଚନମ୍॥ 1 ॥Mahabharata - Strii Parva - Chapter Text
11-18-0 (65316)
ଗାନ୍ଧାର୍ଯୁବାଚ। 11-18-0x (5353)
ପଶ୍ଯ ମାଧବ ପୁତ୍ରାନ୍ମେ ଶତସଙ୍ଖ୍ଯାଞ୍ଜିତକ୍ଲମାନ୍।
ଗଦଯା ଭୀମସେନେନ ଭୂଯିଷ୍ଠଂ ନିହତାନ୍ରଣେ॥ 11-18-1 (65317)
ଇଦଂ ଦୁଃଖତରଂ ମେଽଦ୍ଯ ଯଦିମା ମୁକ୍ତମୂର୍ଧଜାଃ।
ହତପୁତ୍ରା ରଣେ ବାଲାଃ ପରିଧାବନ୍ତି ମେ ସ୍ନୁଷାଃ॥ 11-18-2 (65318)
ପ୍ରାସାଦତଲଚାରିଣ୍ଯଶ୍ଚରମୈର୍ଭୂଷଣାନ୍ବିତୈଃ।
କାଯେନାଦ୍ଯ ସ୍ପୃଶନ୍ତୀମାଂ ରୁଧିରାର୍ଦ୍ରାଂ ବସୁନ୍ଧରାମ୍॥ 11-18-3 (65319)
କୃଚ୍ଛ୍ରାଦୁତ୍ସାରଯନ୍ତି ସ୍ମ ଗୃଧ୍ରଗୋମାଯୁବାଯସାନ୍।
ଦୁଃଖେନାର୍ତା ବିଘୂର୍ଣନ୍ତ୍ଯୋ ମତ୍ତା ଇବ ଚରନ୍ତ୍ଯୁତ॥ 11-18-4 (65320)
ଏଷାଽନ୍ଯା ତ୍ବନବଦ୍ଯାଙ୍ଗୀ କରସମ୍ମିତମଧ୍ଯମା।
ଘୋରମାଯୋଧନଂ ଦୃଷ୍ଟ୍ବା ନିପତତ୍ଯତିଦୁଃଖିତା॥ 11-18-5 (65321)
ଦୃଷ୍ଟ୍ବା ମେ ପାର୍ଥିବସୁତାମେତାଂ ଲକ୍ଷ୍ମଣମାତରମ୍।
ରାଜପୁତ୍ରୀଂ ମହାବାହୋ ମନୋ ନ ହ୍ଯୁପଶାମ୍ଯତି॥ 11-18-6 (65322)
ଭ୍ରାତୄଂଶ୍ଚାନ୍ଯାଃ ପିତୄଂଶ୍ଚାନ୍ଯାଃ ପୁତ୍ରାଂଶ୍ଚ ନିହତାନ୍ଭୁବି।
ଦୃଷ୍ଟ୍ବା ପରିପତନ୍ତ୍ଯେଷାଃ ପ୍ରଗୃହ୍ଯ ସୁମହାଭୁଜାନ୍॥ 11-18-7 (65323)
ମଧ୍ଯମାନାଂ ତୁ ନାରୀଣାଂ ବୃଦ୍ଧାନାଂ ଚାପରାଜିତ।
ଆକ୍ରନ୍ଦଂ ହତବନ୍ଧୂନା ଦାରୁଣେ ବୈଶସେ ଶୃଣୁ॥ 11-18-8 (65324)
ରଥନୀଡାନି ଦେହାଂଶ୍ଚ ହତାନାଂ ଗଜବାଜିନାମ୍।
ଆଶ୍ରିତ୍ଯ ଶ୍ରମମୋହାର୍ତାଃ ସ୍ଥିତାଃ ପଶ୍ଯ ମହାଭୁଜ॥ 11-18-9 (65325)
ଅନ୍ଯା ଚାପହୃତଂ କାଯାଚ୍ଚାରୁକୁଣ୍ଡଲମୁନ୍ନସମ୍।
ସ୍ବସ୍ଯ ବନ୍ଧୋଃ ଶିରଃ କୃଷ୍ଣ ଗୃହୀତ୍ବା ପଶ୍ଯ ତିଷ୍ଠତି॥ 11-18-10 (65326)
ପୂର୍ବଜାତିକୃତଂ ପାପଂ ମନ୍ଯେ ନାଲ୍ପମିବାନଘ।
ଏତାଭିର୍ନିରବଦ୍ଯାଭିର୍ମଯା ଚୈବାଲ୍ପପୁଣ୍ଯଯା।
ଯଦିଦଂ ଧର୍ମରାଜେନ ଘାତିତଂ ନୋ ଜନାର୍ଦନ॥ 11-18-11 (65327)
ନ ହି ନାଶୋଽସ୍ତି ବାର୍ଷ୍ଣେଯ କର୍ମଣୋଃ ଶୁଭପାପଯୋଃ॥ 11-18-12 (65328)
ପ୍ରତ୍ଯଗ୍ରବଯସଃ ପଶ୍ଯ ଦର୍ଶନୀଯକୁଚାନନାଃ।
କୁଲେଷୁ ଜାତା ହୀମତ୍ଯଃ କୃଷ୍ଣପକ୍ଷ୍ମାକ୍ଷିମୂର୍ଧଜାଃ॥ 11-18-13 (65329)
ହଂସଗଦ୍ଗଦଭାଷିଣ୍ଯୋ ଦୁଃଖଶୋକପ୍ରମୋହିତାଃ।
ସାରସ୍ଯ ଇବ ବାଶନ୍ତ୍ଯଃ ପତିତାଃ ପଶ୍ଯ ମାଧବ॥ 11-18-14 (65330)
ଫୁଲ୍ଲୁପଦ୍ଯପ୍ରକାଶାନି ପୁଣ୍ଡରୀକାକ୍ଷ ଯୋଷିତାମ୍।
ଅନବଦ୍ଯାନି ବକ୍ତ୍ରାଣି ତାପଯତ୍ଯେଷ ରଶ୍ମିବାନ୍॥ 11-18-15 (65331)
ସେର୍ଷ୍ଯାଣାଂ ମମ ପୁତ୍ରାଣାଂ ବାସୁଦେବାବରୋଧନମ୍।
ମତ୍ତମାତଙ୍ଗଦର୍ପାଣାଂ ପଶ୍ଯନ୍ତ୍ଯଦ୍ଯ ପୃଥଗ୍ଜନାଃ॥ 11-18-16 (65332)
ଶତଚନ୍ଦ୍ରାଣି ଚର୍ମାଣି ଧ୍ବଜାଂଶ୍ଚାଦିତ୍ଯବର୍ଚସଃ।
ରୌକ୍ମାଣି ଚୈବ ବର୍ମାଣି ନିଷ୍କାନପି ଚ କାଞ୍ଚନାନ୍॥ 11-18-17 (65333)
ଶିରସ୍ତ୍ରାଣାନି ଚୈତାନି ପୁତ୍ରାଣାଂ ମେ ମହୀତଲେ।
ପଶ୍ଯ ଦୀପ୍ତାନି ଗୋବିନ୍ଦ ପାବକାନ୍ସୁହୁତାନିବ॥ 11-18-18 (65334)
ଏଷ ଦୁଃଶାସନଃ ଶେତେ ଶୂରେଣାମିତ୍ରଘାତିନା।
ପୀତଶୋଣିxx ସର୍ବାଙ୍ଗୋ ଯୁଧି ଭୀମେନ ପାତିତଃ॥ 11-18-19 (65335)
ଗଦଯା ଭୀମସେନେନ ପଶ୍ଯ ମାଧବ ମେ ସୁତମ୍।
ଦ୍ଯୂତକ୍ଲେଶାନନୁସ୍ମୃତ୍ଯ ଦ୍ରୌପଦୀଚୋଦିତେନ ଚ॥ 11-18-20 (65336)
ଉକ୍ତା ହ୍ଯନେନ ପାଞ୍ଚାଲୀ ସଭାଯାଂ ଦ୍ଯୂତନିର୍ଜିତା।
ପ୍ରିଯଂ ଚିକୀର୍ଷତା ଭ୍ରାତୁଃ କର୍ଣସ୍ଯ ଚ ଜନାର୍ଦନ॥ 11-18-21 (65337)
ସହୈବ ସହଦେବେନ ନକୁଲେନାର୍ଜୁନେନ ଚ।
ଦାସୀଭୂତାଽସି ପାଞ୍ଚାଲି କ୍ଷିପ୍ରଂ ପ୍ରବିଶ ନୋ ଗୃହାନ୍॥ 11-18-22 (65338)
ତତୋଽହମବ୍ରୁବଂ କୃଷ୍ଣ ତଦା ଦୁର୍ଯୋଧନଂ ନୃପମ୍।
ମୃତ୍ଯୁପାଶପରିକ୍ଷିପ୍ତାଂ ଦ୍ରୌପଦୀଂ ପୁତ୍ର ବର୍ଜଯ॥ 11-18-23 (65339)
ନିବୋଧୈନଂ ସୁଦୁର୍ବୁଦ୍ଧିଂ ମାତୁଲଂ କଲହପ୍ରିଯମ୍।
କ୍ଷିପ୍ରମେନଂ ପରିତ୍ଯଜ୍ଯ ପୁତ୍ର ସଂଶାମ୍ଯ ପାଣ୍ଡବୈଃ॥ 11-18-24 (65340)
ନ ବୁଦ୍ଧ୍ଯସେ ତ୍ବଂ ଦୁର୍ବୁଦ୍ଧେ ଭୀମସେନମମର୍ଷଣମ୍।
ବାଙ୍ଗରାଚୈସ୍ତୁଦଂସ୍ତୀକ୍ଷ୍ଣୈରୁଲ୍କାଭିରିବ କୁଞ୍ଜରମ୍॥ 11-18-25 (65341)
ତାନେବଂ ରହସି କ୍ରୁଦ୍ଧୋ ବାକ୍ଶଲ୍ଯାନବଧାରଯନ୍।
ଉତ୍ସସର୍ଜ ବିଷଂ ତେଷୁ ସର୍ପୋ ଗୋବୃଷଭେଷ୍ବିବ॥ 11-18-26 (65342)
ଏଷ ଦୁଃଶାସନଃ ଶେତେ ବିକ୍ଷିପ୍ଯ ବିପୁଲୌ ଭୁଜୌ।
ନିହତୋ ଭୀମସେନେନ ସିହେନେବ ମହାଗଜଃ॥ 11-18-27 (65343)
ଅତ୍ଯର୍ଥମକରୋଦ୍ରୌଦ୍ରଂ ଭୀମସେନୋଽତ୍ଯମର୍ଷଣଃ।
ଦୁଃଶାସନସ୍ଯ ଯତ୍କ୍ରୁଦ୍ଧୋଽପିବଚ୍ଛୋଣିତମାହବେ॥ ॥ 11-18-28 (65344)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ସ୍ତ୍ରୀବିଲାପପର୍ବଣି ଅଷ୍ଟାଦଶୋଽଧ୍ଯାଯଃ॥ 18 ॥
Mahabharata - Strii Parva - Chapter Footnotes
11-18-5 କରସମ୍ମିତମଧ୍ଯମା ମୁଷ୍ଟିପ୍ରମିତମଧ୍ଯା॥ 11-18-23 କ୍ଷିପ୍ତଂ ଶକୁନିଂ ପୁତ୍ର ବଜେଯେତି ଝ.ପାଠଃ॥ 11-18-18 ଅଷ୍ଟାଦଶୋଽଧ୍ଯାଯଃ॥ସ୍ତ୍ରୀପର୍ବ - ଅଧ୍ଯାଯ 019
॥ ଶ୍ରୀଃ ॥
11.19. ଅଧ୍ଯାଯଃ 019
Mahabharata - Strii Parva - Chapter Topics
କୃଷ୍ଣମ୍ପ୍ରତି ଗାନ୍ଧାରୀବଚନମ୍॥ 1 ॥Mahabharata - Strii Parva - Chapter Text
11-19-0 (65345)
ଗାନ୍ଧାର୍ଯୁବାଚ। 11-19-0x (5354)
ଏଷ ମାଧବ ପୁତ୍ରୋ ମେ ବିକର୍ଣଃ ପାଜ୍ଞସମ୍ମତଃ।
ଭୂମୌ ବିନିହତଃ ଶେତେ ଭୀମେନ ଶତଧା କୃତଃ॥ 11-19-1 (65346)
ଗଜମଧ୍ଯେ ହତଃ ଶେତେ ବିକର୍ଣୋ ମଧୁସୂଦନ।
ନୀଲମେଘପରିକ୍ଷିପ୍ତଃ ଶରଦୀବ ନିଶାକରଃ॥ 11-19-2 (65347)
ଅସ୍ଯ ଚାପଗ୍ରହେଣୈବ ପାଣିଃ କୃତକିଣୋ ମହାନ୍।
କଥଞ୍ଚିଚ୍ଛିଦ୍ଯତେ ଗୃଧ୍ରୈରତ୍ତୁକାମୈସ୍ତଲତ୍ରବାନ୍॥ 11-19-3 (65348)
ଅସ୍ଯ ଭାର୍ଯାଽଽମିଷପ୍ରେପ୍ସୂନ୍ଗୃଧ୍ରକାକାଂସ୍ତପସ୍ବିନୀ।
ବାରଯତ୍ଯନିଶଂ ବାଲା ନ ଚ ଶକ୍ନୋତି ମାଧବ॥ 11-19-4 (65349)
ଯୁବା ବୃନ୍ଦାରକସମୋ ବିକର୍ଣଃ ପୁରୁଷର୍ଷଭ।
ସୁଖୋଷିତଃ ସୁଖାର୍ହଶ୍ଚ ଶେତେ ପାଂସୁଷୁ ମାଧବ॥ 11-19-5 (65350)
କର୍ଣିନାଲୀକନାରାଚୈର୍ଭିନ୍ନମର୍ମାଣମାହବେ।
ଅଦ୍ଯାପି ନ ଜହାତ୍ଯେନଂ ଲକ୍ଷ୍ମୀର୍ଭରତସତ୍ତମମ୍॥ 11-19-6 (65351)
ଏଷ ସଙ୍ଗ୍ରାମଶୂରଣେ ପ୍ରତିଜ୍ଞାଂ ପାଲଯିଷ୍ଯତା।
ଦୁର୍ମୁଖୋଽଭିମୁଖଃ ଶେତେ ହତୋଽରିଗଣହା ରଣେ॥ 11-19-7 (65352)
ତସ୍ଯୈତଦ୍ବଦନଂ କୃଷ୍ଣ ଶ୍ବାପଦୈରର୍ଧଭକ୍ଷିତମ୍।
ବିଭାତ୍ଯଭ୍ଯଧିକଂ ତାତ ସପ୍ତମ୍ଯାମିବ ଚନ୍ଦ୍ରମାଃ॥ 11-19-8 (65353)
ଶୂରସ୍ଯ ହି ରଣେ କୃଷ୍ଣ ପଶ୍ଯାନନମଥେଦୃଶମ୍।
ସ କଥଂ ନିହତୋଽମିତ୍ରୈଃ ପାଂସୂନ୍ଗ୍ରସତି ମେ ସୁତଃ॥ 11-19-9 (65354)
ଯସ୍ଯାହବମୁଖେ ସୌମ୍ଯ ସ୍ଥାତା ନୈବୋପପଦ୍ଯତେ।
ସ କଥଂ ଦୁର୍ମୁଖୋଽମିତ୍ରୈର୍ହତୋ ବିବୁଧଲୋକଜିତ୍॥ 11-19-10 (65355)
ଚିତ୍ରସେନଂ ହତଂ ଭୂମୌ ଶଯାନଂ ମଧୁସୂଦନ।
ଧାର୍ତରାଷ୍ଟ୍ରମିମଂ ପଶ୍ଯ ପ୍ରତିମାନଂ ଧନୁଷ୍ମତାମ୍॥ 11-19-11 (65356)
ତଂ ଚିତ୍ରମାଲ୍ଯାଭରଣଂ ଯୁବତ୍ଯଃ ଶୋକକର୍ଶିତାଃ।
କ୍ରବ୍ଯାଦସଙ୍ଘୈଃ ସହିତା ରୁଦନ୍ତ୍ଯଃ ପର୍ଯୁପାସତେ॥ 11-19-12 (65357)
ସ୍ତ୍ରୀଣାଂ ରୁଦିତନିର୍ଘୋଷଃ ଶ୍ବାପଦାନାଂ ଚ ଗର୍ଜିତମ୍।
ଚିତ୍ରରୂପମିଦଂ କୃଷ୍ଣ ବିମୃଶ୍ଯ ପ୍ରତିଭାତି ମେ॥ 11-19-13 (65358)
ଯୁବା ବୃନ୍ଦାରକୋ ନିତ୍ଯଂ ପ୍ରବରସ୍ତ୍ରୀନିଷେବିତଃ।
ବିବିଂଶତିରସୌ ଶେତେ ଧ୍ବସ୍ତଃ ପାଂସୁଷୁ ମାଧବ॥ 11-19-14 (65359)
ଶରସଙ୍କୃତ୍ତବର୍ମାଣଂ ବୀରଂ ବିଶସନେ ହତମ୍।
ପରିବାର୍ଯାସତେ ଗୃଧ୍ରାଃ ପରିବିଂଶଂ ବିବିଂଶତିମ୍॥ 11-19-15 (65360)
ପ୍ରବିଶ୍ଯ ସମରେ ଶୂରଃ ପାଣ୍ଡବାନାମନୀକିନୀମ୍।
ସ ବୀରଶଯନେ ଶେତେ ପରଃ ସତ୍ପୁରୁଷୋଚିତେ॥ 11-19-16 (65361)
ସ୍ମିତୋପପନ୍ନଂ ସୁନସଂ ସୁଭ୍ରୁ ତାରାଧିପୋପମମ୍।
ଅତୀବ ସୌମ୍ଯବଦନଂ କୃଷ୍ଣ ପଶ୍ଯ ବିବିଂଶତେଃ॥ 11-19-17 (65362)
ଯଂ ସ୍ମ ତଂ ପର୍ଯୁପାସନ୍ତେ ବହୁଧା ବରଯୋଷିତଃ।
କ୍ରୀଡନ୍ତମିବ ଗନ୍ଧର୍ବଂ ଦେବକନ୍ଯାଃ ସହସ୍ରଶଃ॥ 11-19-18 (65363)
ହନ୍ତାରଂ ପରସୈନ୍ଯାନାଂ ଶୂରଂ ସମିତିଶୋଭନମ୍।
ନିବର୍ହଣମମିତ୍ରାଣାଂ ଦୁଃସହଂ ବିଷହେତ କଃ॥ 11-19-19 (65364)
ଦୁଃସହସ୍ଯୈତଦାଭାତି ଶରୀରଂ ସଂବୃତଂ ଶରୈଃ।
ଗିରିରାତ୍ମରୁହୈଃ ଫୁଲ୍ଲୈଃ କର୍ଣିକାରୈରିବାଚିତଃ॥ 11-19-20 (65365)
ଶାତକୌମ୍ଭ୍ଯା ସ୍ରଜା ଭାତି କବଚେନ ଚ ଭାସ୍ବତା।
ଅଗ୍ନିନେବ ଗିରିଃ ଶ୍ବେତୋ ଗତାସୁରପି ଦୁଃସହଃ॥ ॥ 11-19-21 (65366)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ସ୍ତ୍ରୀବିଲାପପର୍ବଣି ଏକୋନବିଂଶୋଽଧ୍ଯାଯଃ॥ 19 ॥
ସ୍ତ୍ରୀପର୍ବ - ଅଧ୍ଯାଯ 020
॥ ଶ୍ରୀଃ ॥
11.20. ଅଧ୍ଯାଯଃ 020
Mahabharata - Strii Parva - Chapter Topics
କୃଷ୍ଣଂପ୍ରତି ଗାନ୍ଧାର୍ଯା ରୁଦନ୍ତୀନାଂ ସ୍ତ୍ରୀଣାଂ ପ୍ରଦର୍ଶନମ୍॥ 1 ॥Mahabharata - Strii Parva - Chapter Text
11-20-0 (65367)
ଗାନ୍ଧାର୍ଯୁବାଚ। 11-20-0x (5355)
ଅଧ୍ଯର୍ଧଗୁଣମାହୁର୍ଯଂ ବଲେ ଶୌର୍ଯେ ଚ କେଶବ।
ପିତ୍ରା ତ୍ବଯା ଚ ଦାଶାର୍ହ ଦୃପ୍ତଂ ସିଂହମିବୋତ୍କଟମ୍॥ 11-20-1 (65368)
ଯୋ ବିଭେଦ ଚମୂମେକୋ ମମ ପୁତ୍ରସ୍ଯ ଦୁର୍ଭିଦାମ୍।
ସ ଭୂତ୍ବା ମୃତ୍ଯୁରନ୍ଯେଷାଂ ସ୍ବଯଂ ମୃତ୍ଯୁବଶଂ ଗତଃ॥ 11-20-2 (65369)
ତସ୍ଯୋପଲକ୍ଷଯେ କୃଷ୍ଣ କାର୍ଷ୍ଣେରମିତତେଜସଃ।
ଅଭିମନ୍ଯୋର୍ହତସ୍ଯାପି ପ୍ରଭା ନୈବୋପଶାମ୍ଯତି॥ 11-20-3 (65370)
ଏଷା ବିରାଟଦୁହିତା ସ୍ନୁଷା ଗାଣ୍ଡୀବଧନ୍ବନଃ।
ହତଂ ବାଲା ପତିଂ ବୀରଂ ଦୃଷ୍ଟ୍ବା ଶୋଚତ୍ଯନିନ୍ଦିତା॥ 11-20-4 (65371)
ତମେଷା ହି ସମାଗମ୍ଯ ଭାର୍ଯା ଭର୍ତାରମନ୍ତିକେ।
ବିରାଟଦୁହିତା କୃଷ୍ଣ ପାଣିନା ପରିମାର୍ଜତି॥ 11-20-5 (65372)
ତସ୍ଯ ବକ୍ତ୍ରମୁପାଘ୍ରାଯ ସୌଭଦ୍ରସ୍ଯ ମନସ୍ବିନୀ।
ବିବୁଦ୍ଧକମଲାକାରଂ କମ୍ବୁବୃତ୍ତଶିରୋଧରମ୍॥ 11-20-6 (65373)
କାମରୂପବତୀ ଚୈଷା ପରିଷ୍ବଜତି ଭାମିନୀ।
ଲଜ୍ଜମାନା ପୁରା ଚୈନଂ ମାଧ୍ବୀକମଦମୂର୍ଚ୍ଛିତା॥ 11-20-7 (65374)
ତସ୍ଯ କ୍ଷତଜସନ୍ଦିଗ୍ଧଂ ଜାତରୂପପରିଷ୍କୃତମ୍।
ବିମୁଚ୍ଯ କବଚଂ କୃଷ୍ଣ ଶୀରମଭିବୀକ୍ଷତେ॥ 11-20-8 (65375)
ଅବେକ୍ଷମାଣା ତଂ ବାଲା କୁଷ୍ଣ ତ୍ବାମଭିଭାଷତେ।
ଅଯଂ ତେ ପୁଣ୍ଡରୀକାକ୍ଷ କସଦୃଶାକ୍ଷୋ ନିପାତିତଃ॥ 11-20-9 (65376)
ବଲେ ବୀର୍ଯେ ଚ ସଦୃଶସ୍ତେଜସା ଚୈବ ତେଽନଘ।
ରୂପେଣ ଚ ତଥାଽତ୍ଯର୍ଥଂ ଶେତେ ଭୁବି ନିପାତିତଃ॥ 11-20-10 (65377)
ଅତ୍ଯନ୍ତଂ ସୁକୁମାରସ୍ଯ ରାଙ୍କବାଜିନଶାଯିନଃ।
କଚ୍ଚିଦଦ୍ଯ ଶରୀରଂ ତେ ଭୂମୌ ନ ପରିତପ୍ଯତେ॥ 11-20-11 (65378)
ମାତଙ୍ଗଭୁଜବର୍ଷ୍ଣାଣୌ ଜ୍ଯାକ୍ଷେପକଠିନତ୍ବଚୌ।
କାଞ୍ଚନାଙ୍ଗଦିନୌ ଶେତେ ନିକ୍ଷିପ୍ଯ ବିପୁଲୌ ଭୁଜୌ।
ବ୍ଯାଯମ୍ଯ ବହୁଧା ନୂନଂ ସୁଖସୁପ୍ତଃ ଶ୍ରମାଦିବ॥ 11-20-12 (65379)
ଏବଂ ବିଲପତୀମାର୍ତାଂ କିଂ ମାଂ ନ ପ୍ରତିଭାଷସେ।
ନ ସ୍ମରାମ୍ଯପରାଧଂ ତେ କିଂ ମାଂ ନ ପ୍ରତିଭାଷସେ॥ 11-20-13 (65380)
ନନୁ ମାଂ ତ୍ବଂ ପୁରା ଦୂରାଦଭିବୀକ୍ଷ୍ଯାଭିଭାଷସେ।
ନ ସ୍ମରାମ୍ଯପରାଧଂ ମେ କିଂ ମାଂ ନ ପ୍ରତିଭାଷସେ॥ 11-20-14 (65381)
ଆର୍ଯାମାର୍ଯ ସୁଭଦ୍ରାଂ ତବମିମାଂ ଶ୍ଚ ତ୍ରିଦଶୋପମାନ୍।
ପିତୄନ୍ମାଂ ଚୈବ ଦୁଃଖାର୍ତାଂ ବିହାଯ କ୍ବ ଗମିଷ୍ଯସି॥ 11-20-15 (65382)
ତସ୍ଯ ଶୋଣିତଦିଗ୍ଧାନ୍ବୈ କେଶାନୁନ୍ନମ୍ଯ ପାଣିନା।
ଉତ୍ସଙ୍ଗେ ବକ୍ତମାଧାଯ ଜୀବନ୍ତମିବ ପୃଚ୍ଛତି॥ 11-20-16 (65383)
ସ୍ବସ୍ରୀଯଂ ବାସୁଦେବସ୍ଯ ପୁତ୍ରଂ ଗାଣ୍ଡୀବଧନ୍ବନଃ।
କଥଂ ତ୍ବାଂ ରଣମଧ୍ଯସ୍ଥଂ ଜଘ୍ରୁରେତେ ମହାରଥାଃ॥ 11-20-17 (65384)
ଧିଗସ୍ତୁ କ୍ରୂରକର୍ତୄଂସ୍ତାନ୍କୃପକର୍ଣଜଯଦ୍ରଥାନ୍।
ଦ୍ରୋଣଦ୍ରୌଣାଯତନୀ ଚୋଭୌ ଯୈରହଂ ବିଧବା କୃତା॥ 11-20-18 (65385)
ରଥର୍ଷଭାଣାଂ ସର୍ବେଷାଂ କଥମାସୀତ୍ତଦା ମନଃ।
ବାଲଂ ତ୍ବାଂ ପିରବାର୍ଯୈକମନେକେଷାଂ ଚ ଜଘ୍ନତାମ୍॥ 11-20-19 (65386)
କଥଂ ନୁ ପାଣ୍ଡବାନାଂ ଚ ପାଞ୍ଚାଲାନାଂ ତୁ ପଶ୍ଯତାମ୍।
ତ୍ବଂ ବୀର ନିଧନଂ ପ୍ରାପ୍ତୋ ନାଥବାନ୍ସନ୍ନନାଥବତ୍॥ 11-20-20 (65387)
ଦୃଷ୍ଟ୍ବା ବହୁଭିରାକ୍ରନ୍ଦେ ନିହତଂ ତ୍ବାଂ ପିତା ତବ।
ବୀରଃ ପୁରୁଷଶାର୍ଦୂଲଃ କଥଂ ଜୀବତି ପାଣ୍ଡବଃ॥ 11-20-21 (65388)
ନ ରାଜ୍ଯଲାଭୋ ବିପୁଲଃ ଶତ୍ରୂଣାଂ ଚ ପରାଭବଃ।
ପ୍ରୀତିଂ ଧାସ୍ଯତି ପାର୍ଥାନାଂ ତ୍ବାମୃତେ ପୁଷ୍କରେକ୍ଷଣ॥ 11-20-22 (65389)
ତବ ଶସ୍ତ୍ରଜିତାଁଲ୍ଲୋକାନ୍ଧର୍ମେଣ ଚ ଦମେନ ଚ।
କ୍ଷିପ୍ରମନ୍ବାଗମିଷ୍ଯାମି ତତ୍ର ମାଂ ପ୍ରତିପାଲଯ॥ 11-20-23 (65390)
ଦୁର୍ମରଂ ପୁନରପ୍ରାପ୍ତେ କାଲେ ଭବତି କେନଚିତ୍।
ଯଦହଂ ତ୍ବାଂ ରଣେ ଦୃଷ୍ଟ୍ବା ହତଂ ଜୀବାମି ଦୁର୍ଭଗା॥ 11-20-24 (65391)
କାମିଦାନୀଂ ନରବ୍ଯାଘ୍ର ଶ୍ଲକ୍ଷ୍ଣଯା ସ୍ମିତଯା ଗିରା।
ପିତୃଲୋକେ ସମେତ୍ଯାନ୍ଯାଂ ମାମିବାମନ୍ତ୍ରଯିଷ୍ଯସି॥ 11-20-25 (65392)
ନୂନମପ୍ସରସାଂ ସ୍ବର୍ଗେ ମନାଂସି ପ୍ରମଥିଷ୍ଯସି।
ପରମେଣ ଚ ରୂପେଣ ଗିରା ଚ ସ୍ମିତପୂର୍ବଯା॥ 11-20-26 (65393)
ପ୍ରାପ୍ଯ ପୁଣ୍ଯକୃତାଁଲ୍ଲୋକାନପ୍ସରୋଭିଃ ସମେଯିବାନ୍।
ସୌଭଦ୍ର ବିହନ୍କାଲେ ସ୍ମରେଥାଃ ସୁକୃତାନି ମେ॥ 11-20-27 (65394)
ଏତାବାନିହ ସଂବାସୋ ବିହିତସ୍ତେ ମଯା ସହ।
ଷଣ୍ମାସାନ୍ସପ୍ତମେ ମାସି ତ୍ବଂ ବୀର ନିଧନଂ ଗତଃ॥ 11-20-28 (65395)
ଇତ୍ଯୁକ୍ତବଚନାମେନାମପକର୍ଷନ୍ତି ଦୁଃଖିତାମ୍।
ଉତ୍ତରାଂ ମୋଘସଙ୍କଲ୍ପାଂ ମତ୍ସ୍ଯରାଜକୁଲସ୍ତ୍ରିଯଃ॥ 11-20-29 (65396)
ଉତ୍ତରାମପକୃଷ୍ଯୈନାମାର୍ତାମାର୍ତତରାଃ ସ୍ବଯମ୍।
ବିରାଟଂ ନିହତଂ ଦୃଷ୍ଟ୍ବା କ୍ରୋଶନ୍ତି ବିଲପନ୍ତି ଚ॥ 11-20-30 (65397)
ଦ୍ରୋଣାସ୍ତ୍ରଶରସଙ୍କୃତ୍ତଂ ଶଯାନଂ ରୁଧିରୋକ୍ଷିତମ୍।
ବିରାଟଂ ବିତୁଦନ୍ତ୍ଯେତେ ଗୃଧ୍ରଗୋମାଯୁବାଯସାଃ॥ 11-20-31 (65398)
ବିତୁଦ୍ଯମାନଂ ବିହଗୈର୍ବିରାଟମସିତେକ୍ଷଣାଃ।
ନ ଶକ୍ନୁବନ୍ତି ବିହଗାନ୍ନିବାରଯିତୁମାତୁରାଃ॥ 11-20-32 (65399)
ଆସାମାତପତପ୍ତାନାମାଯାସେନ ଚ ଯୋଷିତାମ୍।
ଶ୍ରମେଣ ଚ ବିବର୍ଣାନାଂ ବକ୍ତ୍ରାଣାଂ ବିପ୍ଲୁତଂ ବପୁଃ॥ 11-20-33 (65400)
ଉତ୍ତରଂ ଚାଭିମନ୍ଯୁଂ ଚ କାମ୍ଭୋଜଂ ଚ ସୁଦକ୍ଷିଣମ୍।
କାର୍ଷ୍ଣିନାଽଭିହତଂ ପଶ୍ଯ ଲକ୍ଷ୍ମଣଂ ପ୍ରିଯଦର୍ଶନମ୍। 11-20-34 (65401)
ଆଯୋଧନଶିରୋମଧ୍ଯେ ଶଯାନଂ ପଶ୍ଯ ମାଧବ॥ ॥ 11-20-35 (65402)
ଇତି ଶ୍ରୀମନ୍ମହାଭାରତେ କର୍ଣପର୍ବଣି
Mahabharata - Strii Parva - Chapter Footnotes
11-20-1 ଅଧ୍ଯର୍ଧଗୁଣଂ ସାର୍ଧୁଗୁଣମ୍॥ 1 ॥ 11-20-24 ଦୁଷ୍କରଂ ପୁନରପ୍ରାପ୍ତଂ କାଲେ ଭବତି କେନଚିତ୍ ଇତି କ.ପାଠଃ। ଦୁଷ୍କରଂ ପ୍ରତି ନ ପ୍ରାପ୍ତମିତ୍ଯାଦି ଛ.ଟ. ପାଠଃ॥ 11-20-33 ବପୁଃ ଶସ୍ତାକୃତିଃ। ବପୁଃ କ୍ଲୀବଂ ତନୌ ଶସ୍ତାକୃତାବପୀତି ମେଦିନୀ॥ 11-20-20 ବିଂଶତିତମୋଽଧ୍ଯାଯଃ॥ସ୍ତ୍ରୀପର୍ବ - ଅଧ୍ଯାଯ 021
॥ ଶ୍ରୀଃ ॥
11.21. ଅଧ୍ଯାଯଃ 021
Mahabharata - Strii Parva - Chapter Topics
ଗାନ୍ଧାର୍ଯା କୃଷ୍ଣଂପ୍ରତି ବାହ୍ଲିକାଦୀନାଂ ତଥା ତତ୍ସ୍ତ୍ରୀଣାଂ ଚ ପ୍ରଦର୍ଶନମ୍॥ 1 ॥Mahabharata - Strii Parva - Chapter Text
11-21-0 (65403)
ଗାନ୍ଧାର୍ଯୁବାଚ। 11-21-0x (5356)
ଆବନ୍ତ୍ଯଂ ଭୀମସେନେନ ଭକ୍ଷଯନ୍ତି ନିପାତିତମ୍।
ଗୃଧ୍ରଗୋମାଯବଃ ଶୂରଂ ଦୂରବନ୍ଧୁମବନ୍ଧୁବତ୍॥ 11-21-1 (65404)
ତଂ ପଶ୍ଯ କଦନଂ କୃତ୍ବା ଶୂରଣାଂ ମଧୁସୂଦନ।
ଶଯାନଂ ବୀରଶଯନେ ରୁଧିରେଣ ସମୁକ୍ଷିତମ୍॥ 11-21-2 (65405)
ତଂ ସୃଗାଲାଶ୍ଚ କଙ୍କାଶ୍ଚ କ୍ରବ୍ଯାଦାଶ୍ଚ ପୃଥଗ୍ବିଧାଃ।
ତେନତେନ ବିକର୍ଷନ୍ତି ପଶ୍ଯ କାଲସ୍ଯ ପର୍ଯଯମ୍॥ 11-21-3 (65406)
ଶଯାନଂ ବୀରଶଯନେ ଶୂରମାକ୍ରନ୍ଦକାରିଣମ୍।
ଆବନ୍ତ୍ଯମଭିତୋ ନାର୍ଯୋ ରୁଦତ୍ଯଃ ପର୍ଯୁପାସତେ॥ 11-21-4 (65407)
ପ୍ରାତିପେଯଂ ମହେଷ୍ବାସଂ ହତ ଭୀମେନ ବାହ୍ଲିକମ୍।
ପ୍ରସୁପ୍ତମିବ ଶାର୍ଦୂଲଂ ପଶ୍ଯ କୃଷ୍ଣମନସ୍ବିନମ୍॥ 11-21-5 (65408)
ଅତୀବ ମୁଖବର୍ଣୋଽସ୍ଯ ନିହତସ୍ଯାପି ଶୋଭତେ।
ସୋମସ୍ଯବାଭିପୂର୍ଣସ୍ଯ ପୌର୍ଣମାସ୍ଯାଂ ସମୁଦ୍ଯତଃ॥ 11-21-6 (65409)
ପୁତ୍ରଶୋକାଭିତପ୍ତେନ ପ୍ରତିଜ୍ଞାଂ ଚାଭିରକ୍ଷତା।
ପାକଶାସନିନା ସଙ୍ଖ୍ଯେ ବାର୍ଧକ୍ଷତ୍ରିର୍ନିପାତିତଃ॥ 11-21-7 (65410)
ଏକାଦଶଚମୂର୍ଭିତ୍ତ୍ବା ରକ୍ଷ୍ଯମାଣଂ ମହାତ୍ମଭିଃ।
ସତ୍ଯଂ ଚିକୀର୍ଷତା ପଶ୍ଯ ହତମେନଂ ଜଯଦ୍ରଥମ୍॥ 11-21-8 (65411)
ସିନ୍ଧୁସୌବୀରଭର୍ତାରଂ ଦର୍ପପୂର୍ଣଂ ମନସ୍ବିନମ୍।
ଭକ୍ଷଯନ୍ତି ଶିବା ଗୃଧ୍ରା ଜନାର୍ଦନ ଜଯଦ୍ରଥମ୍॥ 11-21-9 (65412)
ସଂରକ୍ଷ୍ଯମାଣଂ ଭାର୍ଯାଭିରନୁରକ୍ତାଭିରଚ୍ଯୁତ।
ଭୀଷଯନ୍ତ୍ଯୋ ବିକର୍ଷନ୍ତି ଗହନଂ ନିମ୍ନମନ୍ତିକାତ୍॥ 11-21-10 (65413)
ତମେତାଃ ପର୍ଯୁପାସନ୍ତେ ବୀକ୍ଷମାଣା ମହାଭୁଜମ୍।
ସିନ୍ଧୁସୌବୀରକାମ୍ଭୋଜଗାନ୍ଧାରଯବନସ୍ତ୍ରିଯଃ॥ 11-21-11 (65414)
ଯଦା କୃଷ୍ଣାମୁପାଦାଯ ପ୍ରାଦ୍ରବତ୍କେକଯୈଃ ସହ।
ତଦୈବ ବଧ୍ଯଃ ପାଣ୍ଡୂନାଂ ଜନାର୍ଦନ ଜଯଦ୍ରଥଃ॥ 11-21-12 (65415)
ଦୁଃଶଲାଂ ମାନଯଦ୍ଭିସ୍ତୁ ତଦା ମୁକ୍ତୋ ଜଯଦ୍ରଥଃ।
କଥମଦ୍ଯ ନ ତାଂ କୃଷ୍ଣ ମାନଯନ୍ତି ସ୍ମ ତେ ପୁନଃ॥ 11-21-13 (65416)
ସୈନ୍ଧବଂ ମେ ସୁତା ବାଲା ପ୍ରସ୍ଖଲନ୍ତୀବ ଦୁଃଖିତା।
ପ୍ରମାପଯନ୍ତୀ ଚାତ୍ମାନମାକ୍ରୋଶନ୍ତୀବ ପାଣ୍ଡବାନ୍॥ 11-21-14 (65417)
କିନ୍ନୁ ଦୁଃଖତରଂ କୃଷ୍ଣ ପରଂ ମମ ଭବିଷ୍ଯତି।
ଯତ୍ସୁତା ବିଧବା ବାଲା ସ୍ନୁଷାଶ୍ଚ ନିହତେଶ୍ବରାଃ॥ 11-21-15 (65418)
ହାହା ଧିଗ୍ଧୁଃଶଲାଂ ପଶ୍ଯ ବୀତଶୋକଭଯାମିବ।
ଭର୍ତୁଃ ଶିର ଅପଶ୍ଯନ୍ତୀଂ ଧାବମାନାମିତସ୍ତତଃ॥ 11-21-16 (65419)
ବାରଯାମାସ ଯଃ ସର୍ବାନ୍ପାଣ୍ଡବାନ୍ପୁତ୍ରଗୃଦ୍ଧିନଃ।
ସ ହତ୍ବା ବିପୁଲାଃ ସେନାଃ ସ୍ବଯଂ ମୃତ୍ଯୁବଶଂ ଗତଃ॥ 11-21-17 (65420)
ତଂ ମତ୍ତମିବ ମାତଙ୍ଗଂ ବୀରଂ ପରମଦୁର୍ଜଯମ୍।
ପରିବାର୍ଯ ରୁଦନ୍ତ୍ଯେତାଃ ସ୍ତ୍ରିଯଶ୍ଚନ୍ଦ୍ରୋପମାନନାଃ॥ ॥ 11-21-18 (65421)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ସ୍ତ୍ରୀବିଲାପପର୍ବମି ଦ୍ବାବିଂଶୋଽଧ୍ଯାଯଃ॥ 22 ॥
Mahabharata - Strii Parva - Chapter Footnotes
11-21-13 କଲାବଶେଷୋ ହି ଇତି କ. ପାଠଃ॥ 11-21-14 ରୋରୂଯତେ ଦୁଃଖଚଯାଭିତପ୍ତା ଇତି କ.ଟ.ପାଠଃ॥ 11-21-21 ଏକବିଂଶତିତମୋଽଧ୍ଯାଯଃ॥ସ୍ତ୍ରୀପର୍ବ - ଅଧ୍ଯାଯ 022
॥ ଶ୍ରୀଃ ॥
11.22. ଅଧ୍ଯାଯଃ 022
Mahabharata - Strii Parva - Chapter Topics
ଗାନ୍ଧାର୍ଯା କୃଷ୍ଣମ୍ପ୍ରତି ବାହ୍ଲିକାଦୀନାଂ ତଥା ତତ୍ସ୍ତ୍ରୀଣାଂ ଚ ପ୍ରଦର୍ଶନମ୍॥ 1 ॥Mahabharata - Strii Parva - Chapter Text
11-22-0 (65422)
ଗାନ୍ଧାର୍ଯୁବାଚ। 11-22-0x (5357)
ଆବନତ୍ଯଂ ଭୀମସେନେନ ଭକ୍ଷଯନ୍ତି ନିପାତିତମ୍।
ଗୃଧ୍ରଗୋମାଯବଃ ଶୂରଂ ଦୂରବନ୍ଧୁମବନ୍ଧୁବତ୍॥ 11-22-1 (65423)
ତଂ ପଶ୍ଯ କଦନଂ କୃତ୍ବା ଶୂରାଣାଂ ମଧୁସୂଦନ।
ଶଯାନଂ ବୀରଶଯନେ ରୁଧିରେଣ ସମୁକ୍ଷିତମ୍॥ 11-22-2 (65424)
ତଂ ସୃଗାଲାଶ୍ଚ କଙ୍କାଶ୍ଚ କ୍ରବ୍ଯାଦାଶ୍ଚ ପୃଥଗ୍ବିଧାଃ।
ତେନତେନ ବିକର୍ଷନ୍ତି ପଶ୍ଯ କାଲସ୍ଯ ପର୍ଯଯମ୍॥ 11-22-3 (65425)
ଶଯାନଂ ବୀରଶଯନେ ଶୂରମାକ୍ରନ୍ଦକାରିଣମ୍।
ଆବନ୍ତ୍ଯମଭିତୋ ନାର୍ଯୋ ରୁଦତ୍ଯଃ ପର୍ଯୁପାସତେ॥ 11-22-4 (65426)
ପ୍ରାତିପେଯଂ ମହେଷ୍ବାସଂ ହତଂ ଭୀମେନ ବାହ୍ଲିକମ୍।
ପ୍ରସୁପ୍ତମିବ ଶାର୍ଦୁଲଂ ପଶ୍ଯ କୃଷ୍ଣମନସ୍ବିନମ୍॥ 11-22-5 (65427)
ଅତୀବ ମୁଖବର୍ଣୋଽସ୍ଯ ନିହତସ୍ଯାପି ଶୋଭତେ।
ସୋମସ୍ଯବାଭିପୂର୍ଣସ୍ଯ ପୌର୍ଣମାସ୍ଯାଂ ସମୁଦ୍ଯତଃ॥ 11-22-6 (65428)
ପୁତ୍ରଶୋକାଭିତପ୍ତେନ ପ୍ରତିଜ୍ଞାଂ ଚାଭିରକ୍ଷତା।
ପାକଶାସନିନା ସଙ୍ଖ୍ଯେ ବାର୍ଧକ୍ଷତ୍ରିର୍ନିପାତିତଃ॥ 11-22-7 (65429)
ଏକାଦଶଚମୂର୍ଭିତ୍ତ୍ବା ରକ୍ଷ୍ଯମାଣଂ ମହାତ୍ମଭିଃ।
ସତ୍ଯଂ ଚିକୀର୍ଷତା ପଶ୍ଯ ହତମେନଂ ଜଯଦ୍ରଥମ୍॥ 11-22-8 (65430)
ସିନ୍ଧୁସୌବୀରଭର୍ତାରଂ ଦର୍ପପୂର୍ଣଂ ମନସ୍ବିନମ୍।
ଭକ୍ଷଯନ୍ତି ଶିବା ଗୃଧ୍ରା ଜନାର୍ଦନ ଜଯଦ୍ରଥମ୍॥ 11-22-9 (65431)
ସଂରକ୍ଷ୍ଯମାଣଂ ଭାର୍ଯାଭିରନୁରକ୍ତାଭିରଚ୍ଯୁତ।
ଭୀଷଯନ୍ତ୍ଯୋ ବିକର୍ଷନ୍ତି ଗହନଂ ନିମ୍ନମନ୍ତିକାତ୍॥ 11-22-10 (65432)
ତମେତାଃ ପର୍ଯପାସନ୍ତେ ବୀକ୍ଷମାଣା ମହାଭୁଜମ୍।
ସିନ୍ଧୁସୌବୀରକାମ୍ଭୋଜଗାନ୍ଧାରଯବନସ୍ତ୍ରିଯଃ॥ 11-22-11 (65433)
ଯଦା କୃଷ୍ଣାମୁପାଦାଯ ପ୍ରାଦ୍ରବତ୍କେକଯୈଃ ସହ।
ତଦୈବ ବଧ୍ଯଃ ପାଣ୍ଡୂନାଂ ଜନାର୍ଦନ ଜଯଦ୍ରଥଃ॥ 11-22-12 (65434)
ଦୁଃଶଲାଂ ମାନଯଦ୍ଭିସ୍ତୁ ତଦା ମୁକ୍ତୋ ଜଯଦ୍ରଥଃ।
କଥମଦ୍ଯ ନ ତାଂ କୃଷ୍ଣ ମାନଯନ୍ତି ସ୍ମ ତେ ପୁନଃ॥ 11-22-13 (65435)
ସୈନ୍ଧବଂ ମେ ସୁତା ବାଲା ପ୍ରସ୍ସ୍ବଲନ୍ତୀବ ଦୁଃଖିତା।
ପ୍ରମାପଯନ୍ତୀ ଚାତ୍ମାନମାକ୍ରୋଶନ୍ତୀବ ପାଣ୍ଡବାନ୍॥ 11-22-14 (65436)
କିନ୍ନୁ ଦୁଃଖତରଂ କୃଷ୍ଣ ପରଂ ମମ ଭବିଷ୍ଯତି।
ଯତ୍ସୁତା ବିଧବା ବାଲା ସ୍ନୁଷାଶ୍ଚ ନିହତେଶ୍ବରାଃ॥ 11-22-15 (65437)
ହାହା ଧିଗ୍ଧୁଃଶଲାଂ ପଶ୍ଯ ବୀତଶୋକଭଯାମିବ।
ଭର୍ତୁଃ ଶିର ଅପଶ୍ଯନ୍ତୀଂ ଧାବମାନାମିତସ୍ତତଃ॥ 11-22-16 (65438)
ବାରଯାମାସ ଯଃ ସର୍ବାନ୍ପାଣ୍ଡବାନ୍ପୁତ୍ରଗୃଦ୍ବିନଃ।
ସ ହତ୍ବା ବିପୁଲାଃ ସେନାଃ ସର୍ବଯଂ ମୃତ୍ଯୁବଶଂ ଗତଃ॥ 11-22-17 (65439)
ତଂ ମତ୍ତମିବ ମାତଙ୍ଗଂ ବୀରଂ ପରମଦୁର୍ଜଯମ୍।
ପରିବାର୍ଯ ରୁଦନ୍ତ୍ଯେତାଃ ସ୍ତ୍ରିଯଶ୍ଚନ୍ଦ୍ରୋପମାନନାଃ॥ ॥ 11-22-18 (65440)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ସ୍ତ୍ରୀବିଲାପପର୍ବଣି ଦ୍ବାବିଂଶୋଽଧ୍ଯାଯଃ॥ 22 ॥
Mahabharata - Strii Parva - Chapter Footnotes
11-22-7 ବାର୍ଧକ୍ଷତ୍ରିର୍ଜଯଦ୍ରଥଃ॥ 11-22-22 ଦ୍ବାବିଂଶୋଽଧ୍ଯାଯଃ॥ସ୍ତ୍ରୀପର୍ବ - ଅଧ୍ଯାଯ 023
॥ ଶ୍ରୀଃ ॥
11.23. ଅଧ୍ଯାଯଃ 023
Mahabharata - Strii Parva - Chapter Topics
କୃଷ୍ଣପ୍ରତି ଗାନ୍ଧାର୍ଯା ଭୀଷ୍ମଦ୍ରୋଣାଦିଗୁଣାନୁବର୍ଣନପୂର୍ବକଂ ତତ୍ତଚ୍ଛରୀରାଣାଂ ବିଲପନ୍ତୀନାଂ ତ୍ତତ୍ସ୍ତ୍ରୀଣାଂ ଚ ପ୍ରଦର୍ଶନମ୍॥ 1 ॥Mahabharata - Strii Parva - Chapter Text
11-23-0 (65441)
ଗାନ୍ଧାର୍ଯୁବାଚ। 11-23-0x (5358)
ଏଷ ଶଲ୍ଯୋ ହତଃ ଶେତେ ସାକ୍ଷାନ୍ନକୁଲମାତୁଲଃ।
ଧର୍ମଜ୍ଞେନ ହତସ୍ତାତ ଧର୍ମରାଜେନ ସଂଯୁଗେ॥ 11-23-1 (65442)
ଯସ୍ତ୍ବଯା ସ୍ପର୍ଧତେ ନିତ୍ଯଂ ସର୍ବତ୍ର ପୁରୁଷର୍ଷଭ।
ସ ଏଷ ନିହତଃ ଶେତେ ମଦ୍ରରାଜୋ ମହାବଲଃ॥ 11-23-2 (65443)
`ଜଯଦ୍ରଥେ ଯଦି ବ୍ରୂଯୁରୁପରୋଧଂ କଥଞ୍ଚନ।
ମଦ୍ରପୁତ୍ରେ କଥଂ ବ୍ରୂଯୁରୁପରୋଧଂ ବିବକ୍ଷବଃ॥' 11-23-3 (65444)
ଯେନ ସଙ୍ଗୃହ୍ଣତା ତାତ ରଥମାଧିରଥେର୍ଯୁଧି।
ଜଯାର୍ଥଂ ପାଣ୍ଡୁପୁତ୍ରାଣାଂ ତଦା ତେଜୋବଧଃ କୃତଃ॥ 11-23-4 (65445)
ଅହୋ ଧିକ୍ଫଶ୍ଯ ଶଲ୍ଯସ୍ଯ ପୂର୍ଣଚନ୍ଦ୍ରସୁଦର୍ଶନମ୍।
ମୁଖଂ ପ୍ଦ୍ମପଲାଶାକ୍ଷଂ କାକୈରାଦଷ୍ଟମବ୍ରଣମ୍॥ 11-23-5 (65446)
ଏଷା ଚାମୀକରାଭସ୍ଯ ତପ୍ତକାଞ୍ଚନସପ୍ରଭା।
ଆସ୍ଯାଦ୍ବିନିଃ ସୃତା ଜିହ୍ବା ଭକ୍ଷ୍ଯତେ କୃଷ୍ଣ ପକ୍ଷିଭିଃ॥ 11-23-6 (65447)
ଯୁଧିଷ୍ଠିରେଣ ନିହତଂ ଶଲ୍ଯଂ ସମିତିଶୋଭନମ୍।
ରୁଦନ୍ତ୍ଯଃ ପର୍ଯୁପାସନ୍ତେ ମଦ୍ରରାଜଂ କୁଲାଙ୍ଗନାଃ॥ 11-23-7 (65448)
ଏତାଃ ସୁସୂକ୍ଷ୍ମବସନା ମଦ୍ରରାଜଂ ନରର୍ଷଭମ୍।
କ୍ରୋଶନ୍ତ୍ଯୋଽଥ ସମାସାଦ୍ଯ କ୍ଷତ୍ରିଯାଃ କ୍ଷତ୍ରିଯର୍ଷଭମ୍॥ 11-23-8 (65449)
ଶଲ୍ଯଂ ନିପତିତଂ ନାର୍ଯଃ ପରିବାର୍ଯାଭିତଃ ସ୍ଥିତାଃ।
ବାସିତା ଗୃଷ୍ଟଯଃ ପଙ୍କେ ପରିମଗ୍ନମିବର୍ଷଭମ୍॥ 11-23-9 (65450)
ଶଲ୍ଯଂ ଶରଣଦଂ ଶୂରଂ ପଶ୍ଯେମଂ ବୃଷ୍ଣିନନ୍ଦନ।
ଶଯାନଂ ବୀରଶଯନେ ଶରୈର୍ବିଶକଲୀକୃତମ୍॥ 11-23-10 (65451)
ଏଷ ଶୈଲାଲଯୋ ରାଜା ଭଗଦତ୍ତଃ ପ୍ରତାପବାନ୍।
ଗଜାଙ୍କୁଶଧରଃ ଶ୍ରୀମାଞ୍ଶେତେ ଭୁବି ନିପାତିତଃ॥ 11-23-11 (65452)
ଯସ୍ଯ ରୁକ୍ମମଯୀ ମାଲା ଶିରସ୍ଯେଷା ବିରାଜତେ।
ଶ୍ବାପଦୈର୍ଭକ୍ଷ୍ଯମାଣସ୍ଯ ଶୋଭଯନ୍ତୀବ ମୂର୍ଧଜାନ୍॥ 11-23-12 (65453)
ଏତେନ କିଲ ପାର୍ଥସ୍ଯ ଯୁଦ୍ଧମାସୀତ୍ସୁଦାରୁଣମ୍।
ରୋମହର୍ଷଣମତ୍ଯୁଗ୍ରଂ ଶକ୍ରସ୍ଯ ତ୍ବହିନା ଯଥା॥ 11-23-13 (65454)
ଯୋଧଯିତ୍ବା ମାହାବାହୁରେଷ ପାର୍ଥଂ ଧନଞ୍ଜଯମ୍।
ସଂଶଯଂ ଗମଯିତ୍ବା ଚ କୁନ୍ତୀପୁତ୍ରେଣ ପାତିତଃ॥ 11-23-14 (65455)
ଯସ୍ଯ ନାସ୍ତି ସମୋ ଲୋକେ ଶୌର୍ଯେ ବୀର୍ଯେ ଚ କଶ୍ଚନ୍।
ସ ଏଷ ନିହତଃ ଶେତେ ଭୀଷ୍ମୋ ଭୀଷ୍ମକୃଦାହବେ॥ 11-23-15 (65456)
ପଶ୍ଯ ଶାନ୍ତନବଂ କୃଷ୍ଣ ଶଯାନଂ ସୂର୍ଯବର୍ଚସମ୍।
ଯୁଗାନ୍ତ ଇବ କାଲେନ ପାତିତଂ ସୂର୍ଯମମ୍ବରାତ୍॥ 11-23-16 (65457)
ଏଷ ତପ୍ତ୍ବା ରଣେ ଶତ୍ରୂଞ୍ଶସ୍ତ୍ରତାପେନ ବୀର୍ଯବାନ୍।
ନରସୂର୍ଯୋଽସ୍ତମଭ୍ଯେତି ସୂର୍ଯୋଽସ୍ତମିବ କେଶବ॥ 11-23-17 (65458)
ଶରତଲ୍ପଗତଂ ଭୀଷ୍ମମୂର୍ଧ୍ବରେତସମଚ୍ଯୁତମ୍।
ଶଯାନଂ ବୀରଶଯନେ ପଶ୍ଯ ଶୂରନିଷେବିତେ॥ 11-23-18 (65459)
କର୍ଣିନାଲୀକନାରାଚୈରାସ୍ତୀର୍ଯ ଶଯନୋତ୍ତମମ୍।
ଆବିଶ୍ଯ ଶେତେ ଭଗବାନ୍ସ୍କନ୍ଦଃ ଶରବଣଂ ଯଥା॥ 11-23-19 (65460)
ଅତୂଲପୂର୍ଣଂ ଗାଙ୍ଗେଯସ୍ତ୍ରିଭିର୍ବାଣୈଃ ସମନ୍ବିତମ୍।
ଉପଧାଯୋପଧାନାଗ୍ର୍ଯଂ ଦତ୍ତଂ ଗାଣ୍ଡୀବଧନ୍ବନା॥ 11-23-20 (65461)
ପାଲଯାନଃ ପିତୁଃ ଶାସ୍ତ୍ରମୂର୍ଧ୍ବରେତା ମହାଯଶାଃ।
ଏଷ ଶାନ୍ତନବଃ ଶେତେ ମାଧବାପ୍ରତିମୋ ଯୁଧି॥ 11-23-21 (65462)
ଧର୍ମାତ୍ମା ତାତ ସର୍ବଜ୍ଞଃ ପାରାବର୍ଯେଣ ନିର୍ଣଯେ।
ଅମର୍ତ୍ଯ ଇବ ମର୍ତ୍ଯଃ ସନ୍ନେଷ ପ୍ରାଣାନଧାରଯତ୍॥ 11-23-22 (65463)
ନାସ୍ତି ଯୁଦ୍ଧେ କୃତୀ କଶ୍ଚିନ୍ନ ବିଦ୍ବାନ୍ନ ପରାକ୍ରମୀ।
ଯତ୍ର ଶାନ୍ତନବୋ ଭୀଷ୍ମଃ ଶେତେଽଦ୍ଯ ନିହତଃ ପରୈଃ॥ 11-23-23 (65464)
ସ୍ବଯମେତେନ ଶୂରେଣ ପୃଚ୍ଛଯମାନେନ ପାଣ୍ଡବୈଃ।
ଧର୍ମଜ୍ଞେନାହବେ ମୃତ୍ଯୁରାଦିଷ୍ଟଃ ସତ୍ଯବାଦିନା॥ 11-23-24 (65465)
ପ୍ରନଷ୍ଟଃ କୁରୁବଂଶଶ୍ଚ ପୁନର୍ଯେନ ସମୁଦ୍ବୃତଃ।
ସ ଗତଃ କୁରୁଭିଃ ସାର୍ଧଂ ମହାବୁଦ୍ଧିଃ ପରାଭବମ୍॥ 11-23-25 (65466)
ଧର୍ମେଣ କୁରବଃ କେନ ପରିଦ୍ରକ୍ଷ୍ଯନ୍ତି ମାଧବ।
ହତେ ଦେବବ୍ରତେ ଭୀଷ୍ମେ ଦେବକଲ୍ପେ ନରର୍ଷଭେ॥ 11-23-26 (65467)
ଅର୍ଜୁନସ୍ଯ ବିନେତାରମାଚାର୍ଯଂ ସାତ୍ଯକେସ୍ତଥା।
ତଂ ପଶ୍ଯ ପତିତଂ ଦ୍ରୋଣଂ କୁରୂଣାଂ ଗୁରୁମୁତ୍ତମମ୍॥ 11-23-27 (65468)
ଅସ୍ତ୍ରଂ ଚତୁର୍ବିଧଂ ବେଦ ଯଥୈବ ତ୍ରିଦଶେଶ୍ବରଃ।
ଭାର୍ଗବୋ ବା ମହାବୀର୍ଯସ୍ତଥା ଦ୍ରୋଣୋଽପି ମାଧବ॥ 11-23-28 (65469)
ଯସ୍ଯ ପ୍ରସାଦାଦ୍ବୀଭତ୍ସୁଃ ପାଣ୍ଡବଃ କର୍ମ ଦୁଷ୍କରମ୍।
ଚକାର ସ ହତଃ ଶେତେ ନୈନମସ୍ତ୍ରାଣ୍ଯପାଲଯନ୍॥ 11-23-29 (65470)
ଯଂ ପୁରୋଧାଯ କୁରବ ଆହ୍ବଯନ୍ତି ସ୍ମ ପାଣ୍ଡବାନ୍।
ସୋଽଯଂ ଶସ୍ତ୍ରଭୃତାଂ ଶ୍ରେଷ୍ଠୋ ଦ୍ରୋଣଃ ଶସ୍ତ୍ରପୃଥକ୍କୃତଃ॥ 11-23-30 (65471)
ଯସ୍ଯ ନିର୍ଦହତଃ ସେନାଂ ଗତିରଗ୍ନରିବାଭବତ୍।
ସ ଭୂମୌ ନିହତଃ ଶେତେ ଶାନ୍ତାର୍ଚିରିବ ପାବକଃ॥ 11-23-31 (65472)
ଧନୁର୍ମୁଷ୍ଟିରଶୀର୍ଣଶ୍ଚ ହସ୍ତାବାପଶ୍ଚ ମାଧବ।
ଦ୍ରୋଣସ୍ଯ ନିହତସ୍ଯାପି ଦୃଶ୍ଯତେ ଜୀବତୋ ଯଥା॥ 11-23-32 (65473)
ବେଦା ଯସ୍ମାଚ୍ଚ ଚତ୍ବାରଃ ସର୍ବାଣ୍ଯସ୍ତ୍ରାଣି କେଶବ।
ଅନପେତାନି ବୈ ଶୂରାଦ୍ଯଥୈବାଦୌ ପ୍ରଜାପତେଃ॥ 11-23-33 (65474)
ଚନ୍ଦନାର୍ହାବିମୌ ତସ୍ଯ ବନ୍ଦିଭିର୍ବନ୍ଦିତୌ ଶୁଭୌ।
ଗୋମାଯବୋ ବିକର୍ଷନ୍ତି ପାଦୌ ଶିଷ୍ଯଶତାର୍ଚିତୌ॥ 11-23-34 (65475)
ଦ୍ରୋଣଂ ଦ୍ରୁପଦପୁତ୍ରେଣ ନିହତଂ ମଧୁସୂଦନ।
କୃପୀ କୃପଣମନ୍ବାସ୍ତେ ଦୁଃଖୋପହତଚେତନା॥ 11-23-35 (65476)
ତାଂ ପଶ୍ଯ ରୁଦତୀମାର୍ତାଂ ମୁକ୍ତକେଶୀମଧୋମୁଖୀମ୍।
ହତଂ ପତିମୁପାସନ୍ତୀଂ ଦ୍ରୋଣଂ ଶସ୍ତ୍ରଭୃତାଂ ବରମ୍॥ 11-23-36 (65477)
ବାଣୈର୍ଭିନ୍ନତନୁତ୍ରାଣଂ ଧୃଷ୍ଟଦ୍ଯୁମ୍ନେନ କେଶବ।
ଉପାସ୍ତେ ବୈ ମୃଧେ ଦ୍ରୋଣଂ ଜଟିଲା ବ୍ରହ୍ମଚାରିଣୀ॥ 11-23-37 (65478)
ପ୍ରେତକୃତ୍ଯେ ଚ ଯତତେ କୃପୀ କୃପଣମାତୁରା।
ହତସ୍ଯ ସମରେ ଭର୍ତୁଃ ସୁକୁମାରୀ ଯଶସ୍ବିନୀ॥ 11-23-38 (65479)
ଅଗ୍ନୀନାଧାଯ ବିବିଧବଚ୍ଚିତାଂ ପ୍ରଜ୍ବାଲ୍ଯ ସର୍ବତଃ।
ଦ୍ରୋଣମାଧାଯ ଗାଯନ୍ତି ତ୍ରୀଣି ସାମାନି ସାମଗାଃ॥ 11-23-39 (65480)
କୁର୍ବନ୍ତି ଚ ଚିତାମେତେ ଜଟିଲା ବ୍ରହ୍ମଚାରିଣଃ।
ଧନୁର୍ଭିଃ ଶକ୍ତିଭିଶ୍ଚୈବ ରଥନୀଡୈଶ୍ଚ ମାଧବ॥ 11-23-40 (65481)
ଶରୈଶ୍ଚ ବିବିଧୈରନ୍ଯୈର୍ଧକ୍ଷ୍ଯନ୍ତେ ଭୂରିତେଜସମ୍।
ତ ଏତେ ଦ୍ରୋଣମାଦାଯ ଗାଯନ୍ତି ଚ ରୁଦନ୍ତି ଚ॥ 11-23-41 (65482)
ସାମଭିସ୍ତ୍ରିଭିରନ୍ତସ୍ଥୈରନୁଶଂସନ୍ତି ଚାପରେ।
ଅଗ୍ନାବଗ୍ନିଂ ସମାଧାଯ ଦ୍ରୋଣଂ ହୁତ୍ବା ହୁତାଶନେ॥ 11-23-42 (65483)
ଗଚ୍ଛନ୍ତ୍ଯଭିମୁଖା ଗଙ୍ଗାଂ ଦ୍ରୋଣଶିଷ୍ଯା ଦ୍ବିଜାତଯଃ।
ଅପସବ୍ଯାଂ ଚିତିଂ କୃତ୍ବା ପୁରସ୍କୃତ୍ଯ କୃପୀଂ ତଥା॥ ॥ 11-23-43 (65484)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ସ୍ତ୍ରୀବିଲାପପର୍ବଣି ତ୍ରଯୋବିଂଶୋଽଧ୍ଯାଯଃ॥ 23 ॥
Mahabharata - Strii Parva - Chapter Footnotes
11-23-9 ପରିମଗ୍ନିମିବ ଦ୍ବିପମିତି ଝ.ପାଠଃ॥ 11-23-13 ଅହିନା ବୃତ୍ରାସୁରେଣ॥ 11-23-15 ଭୀଷ୍ମକୃତ୍ ଭଯଙ୍କରକର୍ମକୃତ୍॥ 11-23-21 ଶାସ୍ତ୍ରଂ ଆଜ୍ଞାମ୍॥ 11-23-22 ନିର୍ଣିଯେ ପାରାବର୍ଯେଣ । ପରାବରୌ ପରଲୋକେହଲୋକୌ ତଦ୍ବିଷଯେଣ ଜ୍ଞାନେନ। ତତ୍ତ୍ବଜ୍ଞାନବଲେନ ପ୍ରାଣାନଧାରଯଦିତ୍ଯର୍ଥଃ। ପାରପର୍ଯେଽଥ ନିର୍ଣଯ ଇତି ଛ.ପାଠଃ। ପାରାଶର୍ଯସ୍ଯ ନିର୍ଣଯେ ଇତି କ.ଟ.ପାଠଃ॥ 11-23-26 ଧର୍ମେଷୁ କୁରବଃ କଂ ନୁ ପରିପ୍ରକ୍ଷ୍ଯନ୍ତି ମାଧବ। ଗତେ ଦେବବ୍ରତେ ସ୍ବର୍ଗଂ ଦେବକଲ୍ପେ ନରର୍ଷଭେ ଇତି ଝ.ପାଠଃ॥ 11-23-34 ଶିଷ୍ଯଶରାର୍ଚିତାବିତି କ.ପାଠଃ॥ 11-23-23 ତ୍ରୋଯବିଂଶୋଽଧ୍ଯାଯଃ॥ସ୍ତ୍ରୀପର୍ବ - ଅଧ୍ଯାଯ 024
॥ ଶ୍ରୀଃ ॥
11.24. ଅଧ୍ଯାଯଃ 024
Mahabharata - Strii Parva - Chapter Topics
କୃଷ୍ଣମ୍ପ୍ରତି ଗାନ୍ଧାର୍ଯ ଭୂରିଶ୍ରବଃ ପ୍ରଭୃତିଶରୀରାଣାଂ ତତ୍ତସ୍ତ୍ରୀଣାଂ ଚ ପ୍ରଦର୍ଶନମ୍॥ 1 ॥Mahabharata - Strii Parva - Chapter Text
11-24-0 (65485)
ଗାନ୍ଧାର୍ଯୁବାଚ। 11-24-0x (5359)
ସୋମଦତ୍ତସୁତଂ ପଶ୍ଯ ଯୁଯୁଧାନେନ ପାତିତମ୍।
ବିତୁଦ୍ଯମାନଂ ବିହଗୈର୍ବହୁଭିର୍ମାଧବାନ୍ତିକେ॥ 11-24-1 (65486)
ପୁତ୍ରଶୋକାଭିସନ୍ତପ୍ତଃ ଶୋମଦତ୍ତୋ ଜନାର୍ଦନ।
ଯୁଯୁଧାନଂ ମହେଷ୍ବାସଂ ଗର୍ହଯନ୍ନିବ ଦୃଶ୍ଯତେ॥ 11-24-2 (65487)
ଅସୌ ହି ଭୂରିଶ୍ବସୋ ମାତା ଶୋକପରିପ୍ଲୁତା।
ଆଶ୍ବାସଯତି ଭର୍ତାରଂ ସୋମଦତ୍ତମନିନ୍ଦିତା॥ 11-24-3 (65488)
ଦିଷ୍ଟ୍ଯା ନୈନଂ ମହାରାଜ ଦାରୁଣଂ ଭରତକ୍ଷଯମ୍।
କୁରୁସଙ୍କ୍ରନ୍ଦନଂ ଘୋରଂ ଯୁଗାନ୍ତମନୁପଶ୍ଯସି॥ 11-24-4 (65489)
ଦିଷ୍ଟ୍ଯା ଯୂପଧ୍ବଜଂ ପୁତ୍ରଂ ବୀରଂ ଭୂରିସହସ୍ରଦମ୍।
ଅନେକକ୍ରତୁଯଜ୍ବାନଂ ନିହତଂ ନାନୁପଶ୍ଯସି॥ 11-24-5 (65490)
ଦିଷ୍ଟ୍ଯା ସ୍ନୁଷାଣାମାକ୍ରନ୍ଦେ ଘୋରଂ ବିଲପିତଂ ବହୁ।
ନ ଶୃଣୋଷି ମହାରାଜ ସାରସୀନାମିବାର୍ଣବେ॥ 11-24-6 (65491)
ଏକବସ୍ତ୍ରାସ୍ତୁ ପଞ୍ଚୈତାଃ ପ୍ରକୀର୍ଣାସିତମୂର୍ଧଜାଃ।
ସ୍ନୁଷାସ୍ତେ ପରିଧାବନ୍ତି ହତାପତ୍ଯା ହତେଶ୍ବରାଃ॥ 11-24-7 (65492)
ଶ୍ବାପଦୈର୍ଭକ୍ଷ୍ଯମାଣଂ ତ୍ବମହୋ ଦିଷ୍ଟ୍ଯା ନ ପଶ୍ଯସି।
ଛିନ୍ନବାହୁଂ ନରବ୍ଯାଘ୍ରମର୍ଜୁନେନ ନିପାତିତମ୍॥ 11-24-8 (65493)
ଶଲଂ ବିନିହତଂ ସଙ୍ଖ୍ଯେ ଭୂରିଶ୍ରବସମେବ ଚ।
ସ୍ନୁଷାଶ୍ଚ ବିବିଧାଃ ସର୍ବା ଦିଷ୍ଟ୍ଯା ନାଦ୍ଯେହ ପଶ୍ଯସି॥ 11-24-9 (65494)
ଦିଷ୍ଟ୍ଯା ତତ୍କାଞ୍ଚନଂ ଛତ୍ରଂ ଯୂପକେତୋର୍ମହାତ୍ମନଃ।
ବିନୀକୀର୍ଣଂ ରଥୋପସ୍ଥେ ସୌମଦତ୍ତେର୍ନ ପଶ୍ଯସି॥ 11-24-10 (65495)
ଅମୂସ୍ତୁ ଭୂରିଶ୍ରବସୋ ଭାର୍ଯାଃ ସାତ୍ଯକିନା ହତମ୍।
ପରିବାର୍ଯାନୁଶୋଚନ୍ତି ଭର୍ତାରମସିତେକ୍ଷଣାଃ॥ 11-24-11 (65496)
ଏତା ବିଲପ୍ଯ କରୁଣଂ ଭର୍ତୃଶୋକେନ କର୍ଶିତାଃ।
ପତନ୍ତ୍ଯଭିମୁଖା ଭୂମୌ କୃପଣଂ ବତ କେଶବ॥ 11-24-12 (65497)
ବୀଭତ୍ସୁରତିବୀଭତ୍ସଂ କର୍ମେଦମକରୋତ୍କଥମ୍।
ପ୍ରମତ୍ତସ୍ଯ ଯଦଚ୍ଛୈତ୍ସୀଦ୍ବାହୁଂ ଶୂରସ୍ଯ ଯଜ୍ବନଃ॥ 11-24-13 (65498)
ତତଃ ପାପତରଂ କର୍ମ କୃତବାନପି ସାତ୍ଯକିଃ।
ଯସ୍ମାତ୍ପ୍ରାଯୋପବିଷ୍ଟସ୍ଯ ପ୍ରାହାର୍ଷୀତ୍ସଂଶିତାତ୍ମନଃ॥ 11-24-14 (65499)
ଏକୋ ଦ୍ବାଭ୍ଯାଂ ହତଃ ଶେତେ କ୍ଷତ୍ରଧର୍ମେଣ ଧାର୍ମିକଃ।
କିନ୍ନୁ ବକ୍ଷ୍ଯତି ବୈ ସତ୍ସୁ ଗୋଷ୍ଠୀଷୁ ଚ ସଭାସୁ ଚ॥ 11-24-15 (65500)
ଅପୁଣ୍ଯମଯଶସ୍ଯଂ ଚ କର୍ମେଦଂ ସାତ୍ଯକିଃ ସ୍ବଯମ୍।
ଇତି ଯୂପଧ୍ବଜସ୍ଯୈତାଃ ସ୍ତ୍ରିଯଃ କ୍ରୋଶନ୍ତି ମାଧବ॥ 11-24-16 (65501)
ଭାର୍ଯା ଯୂପଧ୍ବଜସ୍ଯୈଷା କରସମ୍ମିତମଧ୍ଯମା।
କୃତ୍ବୋତ୍ସଙ୍ଗେ ଭୁଜଂ ଭର୍ତୁଃ କୃପଣଂ ପରିଦେବତି॥ 11-24-17 (65502)
ଅଯଂ ସ ହନ୍ତା ଶୂରାଣାଂ ମିତ୍ରାଣାମଭଯପ୍ରଦଃ।
ପ୍ରଦାତା ଗୋସହସ୍ରାଣାଂ କ୍ଷତ୍ରିଯାନ୍ତକରଃ କରଃ॥ 11-24-18 (65503)
ଅଯଂ ସ ରଶନୋତ୍କର୍ଷୀ ପୀନସ୍ତନବିମର୍ଦନଃ।
ନାଭ୍ଯୂରୁଜଘନସ୍ପର୍ଶୀ ନୀବୀବିସ୍ରଂସନଃ କରଃ॥ 11-24-19 (65504)
ବାସୁଦେବସ୍ଯ ସାନ୍ନିଧ୍ଯେ ପାର୍ଥେନାକ୍ଲିଷ୍ଟକର୍ମଣା।
ଯୁଧ୍ଯତଃ ସମରେଽନ୍ଯେନ ପ୍ରମତ୍ତସ୍ଯ ନିପାତିତଃ॥ 11-24-20 (65505)
କିନ୍ନୁ ବକ୍ଷ୍ଯସି ସଂସତ୍ସୁ କଥାସୁ ଚ ଜନାର୍ଦନ।
ଅର୍ଜୁନସ୍ଯ ମହତ୍କର୍ମ ସ୍ବଯଂ ବା ସ କିରୀଟଭୃତ୍॥ 11-24-21 (65506)
ଇତ୍ଯେବଂ ଗର୍ହଯିତ୍ବୈଷା ତୂଷ୍ଣୀମାସ୍ତେ ବରାଙ୍ଗନା।
ତାମେତାମନୁଶୋଚନ୍ତି ସପତ୍ନ୍ଯଃ ସ୍ବାମିବ ସ୍ନୁଷାମ୍॥ 11-24-22 (65507)
ଗାନ୍ଧାରରାଜଃ ଶକୁନିର୍ବଲବାନ୍ସତ୍ଯବିକ୍ରମଃ।
ନିହତଃ ସହଦେବେନ ଭାଗିନେମେନ ମାତୁଲଃ॥ 11-24-23 (65508)
ଯଃ ପୁରା ହେମଦଣ୍ଡାଭ୍ଯାଂ ବ୍ଯଜନାଭ୍ଯାଂ ସ୍ମ ବୀଜ୍ଯତେ।
ସ ଏଷ ପକ୍ଷିଭିଃ ପକ୍ଷୈଃ ଶଯାନ ଉପବୀଜ୍ଯତେ॥ 11-24-24 (65509)
ଯଃ ସ୍ବରୂପାଣି କୁରୁତେ ଶତଶୋଽଥ ସହସ୍ରଶଃ।
ତସ୍ଯ ମାଯାବିନୋ ମାଯା ଦଗ୍ଧାଃ ପାଣ୍ଡବତେଜସା॥ 11-24-25 (65510)
ମାଯଯା ନିକୃତିପ୍ରଜ୍ଞୋ ଜିତବାନ୍ଯୋ ଯୁଧିଷ୍ଠିରମ୍।
ସଭାଯାଂ ବିପୁଲଂ ରାଜ୍ଯଂ ସ ଜହୌ ଜୀବିତଂ କଥମ୍॥ 11-24-26 (65511)
ଶକୁନ୍ତାଃ ଶକୁନିଂ କୃଷ୍ଣ ସମନ୍ତାତ୍ପର୍ଯୁପାସତେ।
କିତବଂ ମମ ପୁତ୍ରାଣାଂ ବିନାଶାଯୋପଶିକ୍ଷିତମ୍॥ 11-24-27 (65512)
ଏତେନୈତନ୍ମହଦ୍ବୈରଂ ପ୍ରସକ୍ତଂ ପାଣ୍ଡବୈଃ ସହ।
ବଧାଯ ମମ ପୁତ୍ରାଣାମାତ୍ମନଃ ସଗଣସ୍ଯ ଚ॥ 11-24-28 (65513)
ଯଥୈବ ମମ ପୁତ୍ରାଣାଂ ଲୋକାଃ ଶସ୍ତ୍ରଜିତାଃ ପ୍ରଭୋ।
ଏବମସ୍ଯାପି ଦୁର୍ବୁଦ୍ଧେର୍ଲୋକାଃ ଶସ୍ତ୍ରେଣ ବୈ ଜିତାଃ॥ 11-24-29 (65514)
କଥଂ ଚ ନାଯଂ ତତ୍ରାପି ପୁତ୍ରାନ୍ମେ ଭ୍ରାତୃଭିଃ ସହ।
ବିରୋଧଯେଦୃଜୁପ୍ରଜ୍ଞାନନୃଜୁର୍ମଧୁସୂଦନ॥ ॥ 11-24-30 (65515)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ସ୍ତ୍ରୀବିଲାପପର୍ବଣି ଚତୁର୍ବିଂଶୋଽଧ୍ଯାଯଃ॥ 24 ॥
Mahabharata - Strii Parva - Chapter Footnotes
11-24-13 ବୀଭତ୍ସୁରତିନିର୍ମଲକର୍ମା। ଅତିବୀଭତ୍ସଂ ଅତିଗର୍ହିତମ୍॥ 11-24-15 ଅକୋ ଦ୍ବାଭ୍ଯାଂ ହତଃ ଶେଷେ ତ୍ବମଧର୍ମେଣ ଧାର୍ମିକ ଇତି ଝ.ପାଠଃ॥ 11-24-26 ସ ପୁନର୍ଜୀବିତଂ ଜିତ ଇତି ଝ.ପାଠଃ॥ 11-24-24 ଚତୁର୍ବିଂଶୋଽଧ୍ଯାଯଃ॥ସ୍ତ୍ରୀପର୍ବ - ଅଧ୍ଯାଯ 025
॥ ଶ୍ରୀଃ ॥
11.25. ଅଧ୍ଯାଯଃ 025
Mahabharata - Strii Parva - Chapter Topics
କୃଷ୍ଣମ୍ପ୍ରତି ଗାନ୍ଧାର୍ଯା କୁରୁପାଣ୍ଡବସଂକ୍ଷଯସ୍ଯ କୃଷ୍ଣୋପେକ୍ଷଣହେତୁକତ୍ବକଥନପୂର୍ବକଂ ସର୍ବବନ୍ଧୁସଂକ୍ଷଯାଯ ଶାପଦାନମ୍॥ 1 ॥Mahabharata - Strii Parva - Chapter Text
11-25-0 (65516)
ଗାନ୍ଧାର୍ଯୁବାଚ। 11-25-0x (5360)
କାମ୍ଭୋଜଂ ପଶ୍ଯ ଦୁର୍ଧର୍ଷଂ କାମ୍ଭୋଜାସ୍ତରଣୋଚିତମ୍।
ଶଯାନମୃଷଭସ୍କନ୍ଧଂ ହତଂ ପାଂସୁଷୁ ମାଧବ॥ 11-25-1 (65517)
ଅସ୍ଯ କ୍ଷତଜସନ୍ଦିଗ୍ଧୌ ବାହୂ ଚନ୍ଦନରୂଷିତୌ।
ଅବେକ୍ଷ୍ଯ କୃପଣଂ ଭାର୍ଯା ବିଲପତ୍ଯତିଦୁଃଖିତା॥ 11-25-2 (65518)
ଇମୌ ତୌ ପରିଘପ୍ରଖ୍ଯୌ ବାହୂ ଚନ୍ଦନରୂଷିତୌ।
ଯଯୋର୍ବିବରମାପନ୍ନାଂ ନ ରତିର୍ମାଂ ପୁରାଽଜହାତ୍॥ 11-25-3 (65519)
କାଂ ଗତିଂ ତୁ ଗମିଷ୍ଯାମି ତ୍ବଯା ହୀନା ଜନେଶ୍ବର।
ଦୂରବନ୍ଧୁରନାଥା ଚ ବେପନ୍ତୀ ମଧୁରସ୍ବରା॥ 11-25-4 (65520)
ଆତପେ କ୍ଲାମ୍ଯମାନାନାଂ ବିବିଧାନାମିବ ସ୍ରୁଜାମ୍।
କ୍ଲାନ୍ତାନାମପି ନାରୀଣାଂ ଜହାତି ଶ୍ରୀର୍ନ ବୈ ତନୂଃ॥ 11-25-5 (65521)
ଶଯାନମଭିତଃ ଶୂରଂ କାଲିଙ୍ଗଂ ମଧୁସୂଦନ।
ପଶ୍ଯ ଦୀପ୍ତାଙ୍ଗଦଯୁତଂ ପ୍ରତିମାନଂ ଧନୁଷ୍ମତାମ୍॥ 11-25-6 (65522)
ମାଗଧାନାମଧିପତିଂ ଜଯତ୍ସେନଂ ଜନାର୍ଦନ।
ପରିବାର୍ଯ ପ୍ରରୁଦିତା ମାଗଧ୍ଯଃ ପଶ୍ଯ ଯୋଷିତଃ॥ 11-25-7 (65523)
ହରିଣାଯତନେତ୍ରାଣାଂ ସୁସ୍ବରାଣାଂ ଜନାର୍ଦନ।
ମନଃ ଶ୍ରୁତିହରୋ ନାଦୋ ମନୋ ମୋହଯତୀବ ମେ॥ 11-25-8 (65524)
ପ୍ରକୀର୍ଣବସ୍ତ୍ରାଭରଣା ରୁଦତ୍ଯଃ ଶୋକକର୍ଶିତାଃ।
ସ୍ବାସ୍ତୀର୍ଣଶଯନୋପେତା ମାଗଧ୍ଯଃ ଶେରତେ ଭୁବି॥ 11-25-9 (65525)
କୋସଲାନାମଧିପତିଂ ରାଜପୁତ୍ରଂ ବୃହଦ୍ବଲମ୍।
ଭର୍ତାରଂ ପରିବାର୍ଯୈତାଃ ପୃଥକ୍ପ୍ରରୁଦିତାଃ ସ୍ତ୍ରିଯଃ॥ 11-25-10 (65526)
ଅସ୍ଯ ଗାତ୍ରଗତାନ୍ବାଣାନ୍କାର୍ଷ୍ଣିବାହୁବଲେରିତାନ୍।
ଉଦ୍ଧରନ୍ତ୍ଯସୁଖାବିଷ୍ଟା ମୂର୍ଚ୍ଛମାନାଃ ପୁନଃ ପୁନଃ॥ 11-25-11 (65527)
ଆସାଂ ସର୍ବାନବଦ୍ଯାନାମାତପେନ ପରିଶ୍ରମାତ୍।
ପ୍ରମ୍ଲାନନଲିନାଭାନି ଭାନ୍ତି ବକ୍ତ୍ରାଣି ମାଧବ॥ 11-25-12 (65528)
ଦ୍ରୋଣେନ ନିହତାଃ ଶୂରା ଶେରତେ ରୁଚିରାଙ୍ଗଦାଃ।
ଧୃଷ୍ଟଦ୍ଯୁମ୍ନସୁତାଃ ସର୍ବେ ଶିଶବୋ ହେମମାଲିନଃ॥ 11-25-13 (65529)
ରଥାଗ୍ନ୍ଯଗାରଂ ଚାପାର୍ଚିଂ ଶରଶକ୍ତିଗଦେନ୍ଧନମ୍।
ଦ୍ରୋଣମାସାଦ୍ଯ ନିର୍ଦଗ୍ଧାଃ ଶଲଭା ଇବ ପାବକମ୍॥ 11-25-14 (65530)
ତଥୈବ ନିହତାଃ ଶୂରାଃ ଶେରତେ ରୁଚିରାଙ୍ଗଦାଃ।
ଦ୍ରୋଣେନାଭିମୁଖାଃ ସଙ୍ଖ୍ଯେ ଭ୍ରାତରଃ ପଞ୍ଚ କେକଯାଃ॥ 11-25-15 (65531)
ତପ୍ତକାଞ୍ଚନବର୍ମାଣସ୍ତାଲଧ୍ବଜସ୍ଥବ୍ରଜାଃ।
ଭାସଯନ୍ତି ମହୀଂ ଭାସା ଜ୍ବଲିତା ଇବ ପାବକାଃ॥ 11-25-16 (65532)
ଦ୍ରୋଣେନ ଦ୍ରୁପଦଂ ସଙ୍ଖ୍ଯେ ପଶ୍ଯ ମାଧବ ପାତିତମ୍।
ମହାଦ୍ବିପମିବାରଣ୍ଯେ ସିଂହେନ ମହତା ହତମ୍॥ 11-25-17 (65533)
ପାଞ୍ଚାଲରାଜ୍ଞୋ ବିମଲଂ ପୁଣ୍ଡରୀକାକ୍ଷ ପାଣ୍ଡୁରମ୍।
ଆତପତ୍ରଂ ସମାଭାତି ଶରଦୀବ ନିଶାକରଃ॥ 11-25-18 (65534)
ଏତାସ୍ତୁ ଦ୍ରୁପଦଂ ବୃଦ୍ଧଂ ସ୍ନୁଷା ଭାର୍ଯାଶ୍ଚ ଦୁଃଖିତାଃ।
ଦଗ୍ଧ୍ବା ଗଚ୍ଛନ୍ତି ପାଞ୍ଚାଲରାଜାନମପସବ୍ଯତଃ॥ 11-25-19 (65535)
ଧୃଷ୍ଟକେତୁଂ ମହାତ୍ମାନଂ ଚେଦିପୁଙ୍ଗବମଙ୍ଗନାଃ।
ଦ୍ରୋଣେନ ନିହତଂ ଶୂରଂ ହରନ୍ତି ହୃତଚେତସଃ॥ 11-25-20 (65536)
ଦ୍ରୋଣାସ୍ତ୍ରମଭିହତ୍ଯୈଷ ବିମର୍ଦେ ମଧୁସୂଦନ।
ମହେଷ୍ବାସୋ ହତଃ ଶେତେ ବଜ୍ରାହତ ଇବ ଦ୍ରୁମଃ॥ 11-25-21 (65537)
ଏଷ ଚେଦିପତିଃ ଶୂରୋ ଧୃଷ୍ଟକେତୁର୍ମହାରଥଃ।
ଶେତେ ବିନିହତଃ ସଙ୍ଖ୍ଯେ ହତ୍ବା ଶତ୍ରୂନ୍ସହସ୍ରଶଃ॥ 11-25-22 (65538)
ବିତୁଦ୍ଯମାନଂ ବିହଗୈସ୍ତଂ ଭାର୍ଯାଃ ପର୍ଯୁପାଶ୍ରିତାଃ।
ଚେଦିରାଜଂ ହୃଷୀକେଶ ହତଂ ସବଲବାନ୍ଧବମ୍॥ 11-25-23 (65539)
ଦାଶାର୍ହପୁତ୍ରଜଂ ବୀରଂ ଶଯାନଂ ସତ୍ଯବିକ୍ରମମ୍।
ଆରୋପ୍ଯାଙ୍କେ ରୁଦନ୍ତ୍ଯେତାଶ୍ଚେଦିରାଜ ବରାଙ୍ଗନାଃ॥ 11-25-24 (65540)
ଅସ୍ଯ ପୁତ୍ରଂ ହୃଷୀକେଶ ସୁବକ୍ତ୍ରଂ ଚାରୁକୁଣ୍ଡଲମ୍।
ଦ୍ରୋଣେନ ସମରେ ପଶ୍ଯ ନିକୃତ୍ତଂ ବହୁଧା ଶରୈଃ॥ 11-25-25 (65541)
ପିତରଂ ନୂନମାଜିସ୍ଥଂ ଯୁଧ୍ଯମାନଂ ପରୈଃ ସହ।
ନାଜହାତ୍ପିତରଂ ବୀରମଦ୍ଯାପି ମଧୁସୂଦନ॥ 11-25-26 (65542)
ଏବଂ ମମାପି ପୁତ୍ରସ୍ଯ ପୁତ୍ରଃ ପିତରମନ୍ବଗାତ୍।
ଦୁର୍ଯୋଧନଂ ମହାବାହୋ ଲକ୍ଷ୍ମଣଃ ପରବୀରହା॥ 11-25-27 (65543)
ବିନ୍ଦାନୁବିନ୍ଦାବାବନ୍ତ୍ଯୌ ପତିତୌ ପଶ୍ଯ ମାଧବ।
ହିମାନ୍ତେ ପୁଷ୍ପିତୌ ଶାଲୌ ମରୁତା ଗଲିତାବିବ॥ 11-25-28 (65544)
କାଞ୍ଚନାଙ୍ଗଦବର୍ମାଣୌ ବାଣଖଙ୍ଗଧନୁର୍ଧରୌ।
ଋଷଭପ୍ରତିରୂପାକ୍ଷୌ ଶଯାନୌ ବିମଲସ୍ରଜୌ॥ 11-25-29 (65545)
ଅବଧ୍ଯାଃ ପାଣ୍ଡବାଃ କୃଷ୍ଣ ସର୍ବ ଏବ ତ୍ବଯା ସହ।
ଯେ ମୁକ୍ତା ଦ୍ରୋଣଭୀଷ୍ମାଭ୍ଯାଂ କର୍ଣାଦ୍ବୈକର୍ତନାତ୍କୃପାତ୍॥ 11-25-30 (65546)
ଦୁର୍ଯୋଧନାଦ୍ଦ୍ରୋଣସୁତାତ୍ସୈନ୍ଧବାଚ୍ଚ ଜଯଦ୍ରଥାତ୍।
ସୋମଦତ୍ତାଦ୍ବିକର୍ଣାଚ୍ଚ ଶୂରାଚ୍ଚ କୃତବର୍ମଣଃ॥ 11-25-31 (65547)
ଯେ ହନ୍ଯୁଃ ଶସ୍ତ୍ରବେଗେନ ଦେବାନପି ନରର୍ଷଭାଃ।
ତ ଇମେ ନିହତାଃ ସଙ୍ଖ୍ଯେ ପଶ୍ଯ କାଲସ୍ଯ ପର୍ଯଯମ୍॥ 11-25-32 (65548)
ନାତିଭାରୋଽସ୍ତି ଦୈବସ୍ଯ ଧ୍ରୁବଂ ମାଧବ କଶ୍ଚନ।
ଯଦିମେ ନିହତାଃ ଶୂରାଃ କ୍ଷତ୍ରିଯୈଃ କ୍ଷତ୍ରିଯର୍ଷଭାଃ।
`ଶୂରାଶ୍ଚ କୃତବିଦ୍ଯାଶ୍ଚ ମମ ପୁତ୍ରା ମନସ୍ବିନଃ'॥ 11-25-33 (65549)
ତଦୈବ ନିହତାଃ କୃଷ୍ଣ ମମ ପୁତ୍ରାସ୍ତରସ୍ବିନଃ।
ଯଦୈବାକୃତକାମସ୍ତ୍ବମୁପପ୍ଲାବ୍ଯଂ ଗତଃ ପୁନଃ॥ 11-25-34 (65550)
ଶନ୍ତନୋଶ୍ଚୈବ ପୁତ୍ରେଣ ପ୍ରାଜ୍ଞେନ ବିଦୁରେଣ ଚ।
ତଦୈବୋକ୍ତାସ୍ମି ମା ସ୍ନେହଂ କୁରୁଷ୍ବାତ୍ମସୁତେଷ୍ବିତି॥ 11-25-35 (65551)
ତଯୋର୍ହି ଦର୍ଶନଂ ନୈତନ୍ମିଥ୍ଯା ଭବିତୁମର୍ହତି।
ଅଚିରେଣୈବ ମେ ପୁତ୍ରା ଭସ୍ମୀଭୂତା ଜନାର୍ଦନ॥ 11-25-36 (65552)
ବୈଶମ୍ପାଯନ ଉବାଚ। 11-25-37x (5361)
ଇତ୍ଯୁକ୍ତ୍ବା ନ୍ଯପତଦ୍ଭୂମୌ ଗାନ୍ଧାରୀ ଶୋକମୂର୍ଚ୍ଛିତା।
ଦୁଃଖୋପହତବିଜ୍ଞାନା ଧୈର୍ଯମୁତ୍ସୃଜ୍ଯ ଭାରତ॥ 11-25-37 (65553)
ତତଃ କୋପପରୀତାଙ୍ଗୀ ପୁତ୍ରଶୋକପରିପ୍ଲୁତା।
ଜଗାଦ ଶୌରିଂ ଦୋଷେଣ ଗାନ୍ଧାରୀ ବ୍ଯଥିତେନ୍ଦ୍ରିଯା॥ 11-25-38 (65554)
ଗାନ୍ଧାର୍ଯୁବାଚ। 11-25-39x (5362)
ପାଣ୍ଡବାଃ ଧାର୍ତରାଷ୍ଟ୍ରାଶ୍ଚ କ୍ରୁଦ୍ଧାଃ କୃଷ୍ଣ ପରସ୍ପରମ୍।
ଉପେକ୍ଷିତା ବିନଶ୍ଯନ୍ତସ୍ତ୍ବଯା କସ୍ମାଜ୍ଜନାର୍ଦନ ॥ 11-25-39 (65555)
ଶକ୍ତେନ ବହୁଭୃତ୍ଯେନ ବିପୁଲେ ତିଷ୍ଠତା ବଲେ।
ଉଭଯତ୍ର ସମର୍ଥେନ ଶ୍ରୁତବାକ୍ଯେନ ଚୈବ ହ॥ 11-25-40 (65556)
ଇଚ୍ଛତୋପେକ୍ଷିତୋ ନାଶଃ କୁରୂଣାଂ ମଧୁସୂଦନ।
ଯସ୍ମାତ୍ତ୍ବଯା ମହାବାହୋ ଫଲଂ ତସ୍ମାଦବାପ୍ନୁହି॥ 11-25-41 (65557)
ପତିଶୁଶ୍ରୂଷଯା ଯନ୍ମେ ତପଃ କିଞ୍ଚିଦୁପାର୍ଜିତମ୍।
ତେନ ତ୍ବାଂ ଦୁରବାପେନ ଶପେ ଚକ୍ରଗଦାଧରମ୍॥ 11-25-42 (65558)
ଯସ୍ମାତ୍ପରସ୍ପରଂ ଘ୍ନନ୍ତୋ ଜ୍ଞାତଯଃ କୁରୁପାଣ୍ଡବାଃ।
ଉପେକ୍ଷିତାସ୍ତେ ଗୋବିନ୍ଦ ତସ୍ମାଜ୍ଜ୍ଞାତୀନ୍ବଧିଷ୍ଯସି॥ 11-25-43 (65559)
ତ୍ବମପ୍ଯୁପସ୍ଥିତେ ବର୍ଷେ ଷଟ୍ତ୍ରିଂଶେ ମଧୁସୂଦନ।
ହତଜ୍ଞାତିର୍ହତାମାତ୍ଯୋ ହତପୁତ୍ରୋ ବନେଚରଃ॥ 11-25-44 (65560)
ଅନାଥବଦବିଜ୍ଞାତୋ ଲୋକେଷ୍ବନଭିଲକ୍ଷିତଃ।
କୁତ୍ସିତେନାଭ୍ଯୁପାଯେନ ନିଧନଂ ସମବାପ୍ସ୍ଯସି॥ 11-25-45 (65561)
ତବାପ୍ଯେବଂ ହତସୁତା ନିହତଜ୍ଞାତିବାନ୍ଧବାଃ।
ସ୍ତ୍ରିଯଃ ପରିପତିଷ୍ଯନ୍ତି ଯଥୈତା ଭରତସ୍ତ୍ରିଯଃ॥ 11-25-46 (65562)
ବୈଶମ୍ପଯନ ଉବାଚ। 11-25-47x (5363)
ତଚ୍ଛ୍ରୁତ୍ବା ବଚନଂ ଘୋରଂ ବାସୁଦେବୋ ମହାମନାଃ।
ଉବାଚ ଦେବୀଂ ଗାନ୍ଧାରୀମୀଷଦଭ୍ଯୁତ୍ସ୍ମଯନ୍ନିବ॥ 11-25-47 (65563)
ଜାନେଽହମେତଦପ୍ଯେବଂ ଚୀର୍ଣଂ ଚରସି କ୍ଷତ୍ରିଯେ।
ଦୈବାଦେବ ବିନଶ୍ଯନ୍ତି ବୃଷ୍ଣଯୋ ନାତ୍ର ସଂଶଯଃ॥ 11-25-48 (65564)
ସଂହର୍ତା ବୃଷ୍ଣିଚକ୍ରସ୍ଯ ନାନ୍ଯୋ ମଦ୍ବିଦ୍ଯତେ ଶୁଭେ।
ଅବଧ୍ଯାସ୍ତେ ନରୈରନ୍ଯୈରପି ବା ଦେବଦାନବୈଃ॥ 11-25-49 (65565)
ପରସ୍ପରକୃତଂ ନାଶଂ ଯତଃ ପ୍ରାପ୍ସ୍ଯନ୍ତି ଯାଦବାଃ।
ଇତ୍ଯୁକ୍ତବତି ଦାଶାର୍ହେ ପାଣ୍ଡବାସ୍ତ୍ରସ୍ତଚେତସଃ।
ବଭୂବୁର୍ଭୃଶସଂବିଗ୍ନା ନିରାଶାଶ୍ଚାପି ଜୀବିତେ॥ ॥ 11-25-50 (65566)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ସ୍ତ୍ରୀବିଲାପପର୍ବଣି ପଞ୍ଚବିଂଶୋଽଧ୍ଯାଯଃ॥ 25 ॥
Mahabharata - Strii Parva - Chapter Footnotes
11-25-1 କାମ୍ଭୋଜାସ୍ତରଣଂ କମ୍ବଲବିଶେଷଃ॥ 11-25-3 ବାହୂ ଶୁଭତଲାଙ୍ଗୁଲୀ ଇତି ଝ.ପାଠଃ॥ 11-25-6 ଦୀପ୍ତାଙ୍ଗଦଯୁଗପ୍ରତିନଦ୍ଧମହାଭୁଜମିତି ଝ.ପାଠଃ॥ 11-25-24 ଦାଶାର୍ହପୁତ୍ରଜମିତ୍ଯତ୍ର ପୁତ୍ର୍ଯାମପି ପୁତ୍ରଶବ୍ଦଃ॥ 11-25-26 ପିତରମିତି ପିତୃପଦସ୍ଯାବୃତ୍ତିଃ ଶୋକାକୁଲତ୍ବାନ୍ନ ଦୋଷାଯ॥ 11-25-36 ତଯୋର୍ଭୀଷ୍ମବିଦୁରଯୋଃ ଦର୍ଶନଂ ଅନାଗତାବେକ୍ଷଣମ୍॥ 11-25-38 ଜଗାଦଶୌରିଂ ରୋଷଣେତି ଟ.ପାଠଃ॥ 11-25-47 ଅଭ୍ଯୁତ୍ସ୍ମଯନ୍ନୀଷଦ୍ଧ୍ବଂସଯନ୍॥ 11-25-48 ଚୀର୍ଣଂ ଚରସି ମଦନୁଷ୍ଟିତମେବାନୁତିଷ୍ଠସି। ସ୍ବତପୋନାଶାର୍ଥମିତି ଭାବଃ॥ 11-25-25 ପଞ୍ଚବିଂଶୋଽଧ୍ଯାଯଃ॥ସ୍ତ୍ରୀପର୍ବ - ଅଧ୍ଯାଯ 026
॥ ଶ୍ରୀଃ ॥
11.26. ଅଧ୍ଯାଯଃ 026
Mahabharata - Strii Parva - Chapter Topics
ଶୋକାଦ୍ଭୁବି ପତିତାଯା ଗାନ୍ଧାର୍ଯାଃ କୃଷ୍ଣେନାଶ୍ବାସନମ୍॥ 1 ॥ ଯୁଧିଷ୍ଠିରାଜ୍ଞଯା ବିଦୁରସଞ୍ଜଯାଦିଭିର୍ମୃତାନାଂ ଦାହକ୍ରିଯାକରଣମ୍॥ 2 ॥Mahabharata - Strii Parva - Chapter Text
11-26-0 (65567)
ଶ୍ରୀଭଗବାନୁବାଚ। 11-26-0x (5364)
ଉତ୍ତିଷ୍ଠୋତ୍ତିଷ୍ଠ ଗାନ୍ଧାରି ମା ଚ ଶୋକେ ମନଃ କୃଥାଃ।
ତବୈବ ହ୍ଯପରାଧେନ କୁରବୋ ନିଧନଂ ଗତାଃ॥ 11-26-1 (65568)
ଯତ୍ତ୍ବଂ ପୁତ୍ରଂ ଦୁରାତ୍ମାନମୀର୍ଷୁମତ୍ଯନ୍ତମାନିନମ୍।
ଦୁର୍ଯୋଧନଂ ପୁରସ୍କୃତ୍ଯ ଦୁଷ୍କୃତଂ ସାଧୁ ମନ୍ଯସେ॥ 11-26-2 (65569)
ନିଷ୍ଠୁରଂ ବୈରପୁରୁଷଂ ବୃଦ୍ଧାନାଂ ଶାସନାତିଗମ୍।
କଥମାତ୍ମକୃତଂ ଦୋଷଂ ମଯ୍ଯାଧାତୁମିହେଚ୍ଛସି॥ 11-26-3 (65570)
ମୃତଂ ବା ଯଦି ବା ନଷ୍ଟଂ ଯୋଽତୀତମନୁଶୋଚତି।
ଦୁଃଖେନ ଲଭତେ ଦୁଃଖଂ ଦ୍ବାବନର୍ଥୌ ପ୍ରପଦ୍ଯତେ॥ 11-26-4 (65571)
ତପୋର୍ଥୀଯଂ ବ୍ରାହ୍ମଣୀ ଧତ୍ତ ଗର୍ଭଂ
ଗୌର୍ବୋଢାରଂ ଧାବିତାରଂ ତୁରଙ୍ଗୀ।
ଶୂଦ୍ରା ଦାସଂ ପଶୁପାଲଂ ଚ ବୈଶ୍ଯା
ବଧାର୍ଥୀଯଂ ତ୍ବଦ୍ବିଧା ରାଜପୁତ୍ରୀ॥ 11-26-5 (65572)
ବୈଶମ୍ପାଯନ ଉବାଚ। 11-26-6x (5365)
ତଚ୍ଛ୍ରୁତ୍ବା ବାସୁଦେବସ୍ଯ ପୁନରୁକ୍ତଂ ବଚୋଽପ୍ରିଯମ୍।
ତୂଷ୍ଣୀଂ ବଭୂବ ଗାନ୍ଧାରୀ ଶୋକବ୍ଯାକୁଲଲୋଚନା॥ 11-26-6 (65573)
ଧୃତରାଷ୍ଟ୍ରସ୍ତୁ ରାଜର୍ଷିର୍ନିଗୃହ୍ଯାବୁଦ୍ଧିଜଂ ତମଃ।
ପର୍ଯପୃଚ୍ଛତ ଧର୍ମଜ୍ଞୋ ଧର୍ମରାଜଂ ଯୁଧିଷ୍ଠିରମ୍॥ 11-26-7 (65574)
ଜୀବତାଂ ପରିମାଣଜ୍ଞଃ ସୈନ୍ଯାନାମସି ପାଣ୍ଡବ।
ହତାନାଂ ଯଦି ଜାନୀଷେ ପରିମାଣଂ ବଦସ୍ବଂ ମେ॥ 11-26-8 (65575)
ଯୁଧିଷ୍ଠିର ଉବାଚ। 11-26-9x (5366)
ଦଶାଯୁତସହସ୍ରାଣି ସହସ୍ରାଣି ଚ ବିଂଶତିଃ।
କୋଟ୍ଯଃ ଷଷ୍ଟିଶ୍ଚ ଷଟ୍ ଚୈବ ହ୍ଯସ୍ମିନ୍ରାଜନ୍ମୃଧେ ହତାଃ॥ 11-26-9 (65576)
ଆଲକ୍ଷାଣାଂ ଚ ବୀରାଣାଂ ସହସ୍ରାଣି ଚତୁର୍ଦଶ।
ଦଶ ଚାନ୍ଯାନି ରାଜେନ୍ଦ୍ର ଶତଂ ଷଷ୍ଟିଶ୍ଚ ଭାରତ॥ 11-26-10 (65577)
ଧୃତରାଷ୍ଟ୍ର ଉବାଚ। 11-26-11x (5367)
ଯୁଧିଷ୍ଠିରଗତିଂ କାଂ ତେ ଗତାଃ ପୁରୁଷସତ୍ତମ।
ଆଚକ୍ଷ୍ବ ମେ ମହାବାହୋ ସର୍ବଜ୍ଞୋ ହ୍ଯସି ମେ ମତଃ॥ 11-26-11 (65578)
ଯୁଧିଷ୍ଠିର ଉବାଚ। 11-26-12x (5368)
ଯୈର୍ହୁତାନି ଶରୀରାଣି ହୃଷ୍ଟୈଃ ପରମସଂଯୁଗେ।
ଦେବରାଜସମାଁଲ୍ଲୋକାନ୍ଗତାସ୍ତେ ସତ୍ଯବିକ୍ରମାଃ॥ 11-26-12 (65579)
ଯେ ତ୍ବହୃଷ୍ଟେନ ମନସା ମର୍ତବ୍ଯମିତି ଭାରତ।
ଯୁଧ୍ଯମାନା ହତାଃ ସଙ୍ଖ୍ଯେ ଗନ୍ଧର୍ବୈଃ ସହ ସଙ୍ଗତାଃ॥ 11-26-13 (65580)
ଯେ ଚ ସଙ୍ଗ୍ରାମଭୂମିଷ୍ଠା ଯାଚମାନାଃ ପରାଙ୍ମୁଖାଃ।
ଶସ୍ତ୍ରେଣ ନିଧନଂ ପ୍ରାପ୍ତା ଗତାସ୍ତେ ଗୁହ୍ଯକାନ୍ପ୍ରତି॥ 11-26-14 (65581)
ପାତ୍ଯମାନାଃ ପରୈର୍ଯେ ତୁ ହୀଯମାନା ନିରାଯୁଧାଃ।
ହୀନିଷେବା ମହାତ୍ମାନଃ ପରାନଭିମୁଖା ରଣେ॥ 11-26-15 (65582)
ଛିଦ୍ଯମାନାଃ ଶିତୈଃ ଶସ୍ତ୍ରୈଃ କ୍ଷତ୍ରଧର୍ମପରାଯଣାଃ।
ହତାସ୍ତେ ବ୍ରହ୍ମସଦନଂ ଗତା ବୀରାଃ ସୁବର୍ଚସଃ॥ 11-26-16 (65583)
ଯେ ତ୍ବତ୍ର ନିହତା ରାଜନ୍ନନ୍ତରାଯୋଧନଂ ପ୍ରତି।
ଯଥାକଥଞ୍ଚିତ୍ପୁରୁଷାସ୍ତେ ଗତା ହ୍ଯୁତ୍ତରାଂ ଗତିମ୍॥ 11-26-17 (65584)
ଧୃତରାଷ୍ଟ୍ର ଉବାଚ। 11-26-18x (5369)
କେନ ଜ୍ଞାନବଲେନୈବ ପୁତ୍ର ପଶ୍ଯସି ସିଦ୍ଧବତ୍।
ତନ୍ମେ ବଦ ମହାବାହୋ ଶ୍ରୋତବ୍ଯଂ ଯଦି ବୈ ମଯା॥ 11-26-18 (65585)
ଯୁଧିଷ୍ଠିର ଉବାଚ। 11-26-19x (5370)
ନିଦେଶାଦ୍ଭବତଃ ପୂର୍ବଂ ବନେ ବିଚରତା ମଯା।
ତୀର୍ଥଯାତ୍ରାପ୍ରସଙ୍ଗେନ ସମ୍ପ୍ରାପ୍ତୋଽଯମନୁଗ୍ରହଃ॥ 11-26-19 (65586)
ଦେବର୍ଷିର୍ଲୋମଶୋ ଦୃଷ୍ଟସ୍ତତଃ ପ୍ରାପ୍ତୋଽସ୍ମ୍ଯନୁସ୍ମୃତିମ୍।
ଦିବ୍ଯଂ ଚକ୍ଷୁରପି ପ୍ରାପ୍ତଂ ଜ୍ଞାନଯୋଗେନ ବୈ ପୁରା॥ 11-26-20 (65587)
ଧୃତରାଷ୍ଟ୍ର ଉବାଚ। 11-26-21x (5371)
ଯେ ତ୍ବନାଥା ଜନାସ୍ତାତ ନାଥବନ୍ତଶ୍ଚ ପାଣ଼୍ଡବ।
କଚ୍ଚିତ୍ତେଷାଂ ଶରୀରାଣି ଧକ୍ଷ୍ଯନ୍ତି ବିଧିପୂର୍ବକମ୍॥ 11-26-21 (65588)
ଯୁଧିଷ୍ଠିର ଉବାଚ। 11-26-22x (5372)
ନ ଯେଷାଂ ଶାନ୍ତିକର୍ତାରୋ ନ ଚ ଯେଽତ୍ରାହିତାଗ୍ନଯଃ।
ବଯଂ ଚ ତେଷାଂ କୁର୍ଯାମୋ ବହୁତ୍ବାତ୍ତାତ କର୍ମଣାମ୍॥ 11-26-22 (65589)
ଯାନ୍ସୁପର୍ଣାଶ୍ଚ ଗୁଧ୍ରାଶ୍ଚ ବିକର୍ଷନ୍ତି ତତସ୍ତତଃ।
ତେଷାଂ ସଙ୍କର୍ଷଣା ଲୋକା ଭବିଷ୍ଯନ୍ତି ନ ସଂଶଯଃ॥ 11-26-23 (65590)
ବୈଶମ୍ପାଯନ ଉବାଚ। 11-26-24x (5373)
ଏବମୁକ୍ତ୍ବା ମହାରାଜ କୁନ୍ତୀପୁତ୍ରୋ ଯୁଧିଷ୍ଠିରଃ।
ଆଦିଦେଶ ସୁଧର୍ମାଣଂ ଧୌମ୍ଯଂ ସୂତଂ ଚ ସଞ୍ଜଯମ୍॥ 11-26-24 (65591)
ବିଦୁରଂ ଚ ମହାବୁଦ୍ଧିଂ ଯୁଯୁତ୍ସୁଂ ଚୈବ କୌରବମ୍।
ଇନ୍ଦ୍ରସେନମୁଖାନ୍ଭୃତ୍ଯାନ୍ସୂତାଂଶ୍ଚୈବ ସହସ୍ରଶଃ॥ 11-26-25 (65592)
ଭବନ୍ତଃ କାରଯନ୍ତ୍ବେଷାଂ ପ୍ରେତକାର୍ଯାଣ୍ଯଶେଷତଃ।
ଯଥା ନାଥବତାଂ କିଞ୍ଚିଚ୍ଛରୀରଂ ନ ବିନଶ୍ଯତି॥ 11-26-26 (65593)
ଶାସନାଦ୍ଧର୍ମରାଜସ୍ଯ କ୍ଷତ୍ତା ସୂତଶ୍ଚ ସଞ୍ଜଯଃ।
ସୁଧର୍ମା ଧୌମ୍ଯସହିତ ଇନ୍ଦ୍ରସେନାଦଯସ୍ତଥା॥ 11-26-27 (65594)
ଚନ୍ଦନାଗୁରୁକାଷ୍ଠାନି ତଥା କାଲୀଯକାନ୍ଯୁତ।
ଘୃତଂ ତୈଲଂ ଚ ଗନ୍ଧାଂଶ୍ଚ କ୍ଷୌମାଣି ବସନାନି ଚ॥ 11-26-28 (65595)
ସମାହୃତ୍ଯ ମହାର୍ହାଣି ଦାରୁଣାଂ ଚୈବ ସଞ୍ଚଯାନ୍।
ରଥାଂଶ୍ଚ ମୃଦିତାସ୍ତତ୍ର ନାନାପ୍ରହରଣାନି ଚ॥ 11-26-29 (65596)
ଚିତାଃ କୃତ୍ବା ପ୍ରଯତ୍ନେନ ଯଥାମୁଖ୍ଯାନ୍ନରାଧିପାନ୍।
ଦାହଯାମାସୁରବ୍ଯାଗ୍ରାଃ ଶାସ୍ତ୍ରଦୃଷ୍ଟେନ କର୍ମଣା॥ 11-26-30 (65597)
ଦୁର୍ଯୋଧନଂ ଚ ରାଜାନଂ ଭ୍ରାତୄଂଶ୍ଚାସ୍ଯ କର୍ମଣା॥
ଶଲ୍ଯଂ ଶଲଂ ଚ ରାଜାନଂ ଭୂରିଶ୍ରବସମେବ ଚ॥ 11-26-31 (65598)
ଜଯଦ୍ରଥଂ ଚ ରାଜାନମଭିମନ୍ଯୁଂ ଚ ଭାରତ।
ଦୌଃଶାସନିଂ ଲକ୍ଷ୍ମଣଂ ଚ ଧୃଷ୍ଟକେତୁଂ ଚ ପାର୍ଥିବମ୍॥ 11-26-32 (65599)
ବୃହଦ୍ବଲଂ ସୋମଦତ୍ତଂ ସୃଞ୍ଜଯଂ ଚ ମହାରଥମ୍।
ରାଜାନଂ କ୍ଷେମଧନ୍ବାନଂ ବିରାଟଦ୍ରୁପଦୌ ତଥା॥ 11-26-33 (65600)
ଶିଖଣ୍ଡିନଂ ଚ ପାଞ୍ଚାଲ୍ଯଂ ଧୃଷ୍ଟଦ୍ଯୁମ୍ନଂ ଚ ପାର୍ଷତମ୍।
ଯୁଧାମନ୍ଯୁଂ ଚ ବିକ୍ରାନ୍ତମୁତ୍ତମୌଜସମେବ ଚ॥ 11-26-34 (65601)
କୌସଲ୍ଯଂ ଦ୍ରୌପଦେଯାଂଶ୍ଚ ଶକୁନିଂ ଚାପି ସୌବଲମ୍।
ଅଚଲଂ ବୃଷକଂ ଚୈବ ଭଗଦତ୍ତେ ଚ ପାର୍ଥିବମ୍॥ 11-26-35 (65602)
କର୍ଣଂ ବୈକର୍ତନଂ ଚୈବ ସହପୁତ୍ରମମର୍ଷଣମ୍।
କେକଯାଂଶ୍ଚ ମହେଷ୍ବାସାଂସ୍ତ୍ରିଗର୍ତାଂଶ୍ଚ ମହାରଥାନ୍॥ 11-26-36 (65603)
ଘଟୋତ୍କଚଂ ରାକ୍ଷସେନ୍ଦ୍ରଂ ବକଭ୍ରାତରମେବ ଚ।
ଅଲମ୍ବୁସଂ ରାକ୍ଷସେନ୍ଦ୍ରଂ ଜଲସନ୍ଧଂ ଚ ପାର୍ଥିବମ୍॥ 11-26-37 (65604)
ଏତାଂଶ୍ଚାନ୍ଯାଂସ୍ଚ ସୁବହୂନ୍ପାର୍ଥିବାଂଶ୍ଚ ସହସ୍ରଶଃ।
ଧୃତଧାରାହୁତୈର୍ଦୀପ୍ତୈଃ ପାବକୈଃ ସମଦାହଯନ୍। 11-26-38 (65605)
ପିତୃମେଧାଶ୍ଚ କେଷାଞ୍ଚିତ୍ପ୍ରାବର୍ତନ୍ତ ମହାତ୍ମନାମ୍।
ସାମଭିଶ୍ଚାପ୍ଯଗାଯନ୍ତ ତେଽନ୍ବଶାସତ ଚାପରୈଃ॥ 11-26-39 (65606)
ସାମ୍ନାମୃଚାଂ ଚ ନାଦେନ ସ୍ତ୍ରୀଣାଂ ଚ ରୁଦିତସ୍ବନୈଃ।
କଶ୍ମଲଂ ସର୍ବଭୂତାନାଂ ନିଶାଯାଂ ସମପଦ୍ଯତ॥ 11-26-40 (65607)
ହୁତାଶ୍ଚ ତତ୍ପ୍ରଦୀପ୍ତାଶ୍ଚ ଦୀପ୍ଯମାନାଶ୍ଚ ପାବକାଃ।
ନଭସୀବାନ୍ବଦୃଶ୍ଯନ୍ତ ଗ୍ରହାସ୍ତନ୍ବଭ୍ରସଂବୃତାଃ॥ 11-26-41 (65608)
ଯେ ଚାପ୍ଯନାଥାସ୍ତତ୍ରାସନ୍ନାନାଦେଶସମାଗତାଃ।
ତାଂଶ୍ଚ ସର୍ବାନ୍ସମାନୀଯ ରାଶୀକୃତ୍ବା ସହସ୍ରଶଃ॥ 11-26-42 (65609)
ଚିତ୍ବା ଦାରୁଭିରବ୍ଯଗ୍ରୈଃ ପ୍ରଭୂତୈଃ ସ୍ନେହପାଚିତୈଃ।
ଦାହଯାମାସ ତାନ୍ସର୍ବାନ୍ବିଦୁରୋ ରାଜଶାସନାତ୍॥ 11-26-43 (65610)
କାରଯିତ୍ବା କ୍ରିଯାସ୍ତେଷାଂ କୁରୁରାଜୋ ଯୁଧିଷ୍ଠିରଃ।
ଧୃତରାଷ୍ଟ୍ରଂ ପୁରସ୍କୃତ୍ଯ ଗଙ୍ଗାମଭିମୁଖୋଽଗମତ୍॥ ॥ 11-26-44 (65611)
ଇତି ଶ୍ରୀମନ୍ମହାଭାରତେ ସ୍ତ୍ରୀପର୍ବଣି ଶ୍ରାଦ୍ଧପର୍ବଣି ଷଡ୍ବିଂଶୋଽଧ୍ଯାଯଃ॥ 26 ॥
Mahabharata - Strii Parva - Chapter Footnotes
11-26-2 ଦୁଷ୍କୃତଂ ଦୁରାଚରିତଂ ସ୍ବକୀଯମ୍॥ 11-26-3 ବୈରପ୍ରିଯଂ ପୁରୁଷଂ xxxxଷମ୍॥ 11-264- ଦ୍ବୌ ପୂର୍ବାପରଦୁଃଖଦ୍ବଯରୂପୌ॥ 11-26-5 ତପୋରୂପାଯାର୍ଥାଯ ଉତ୍ପନ୍ନଂ ତପୋର୍ଥୀଯମ୍। ତ୍ବଦ୍ବିଧା ବଧାର୍ଥୀଯମେବ ଗର୍ଭଂ ଧତ୍ତେ। ଅନ୍ଯା ତୁ ଜଯାର୍ଥୀଯଂ କୀର୍ତ୍ଯାଦ୍ଯର୍ଥୀଯମପୀତି ଭାବଃ। ତପୋର୍ଥିନଂ, ବଧାର୍ଥିନଂ ଇତି କ.ପାଠଃ॥ 11-26-17 ତେ ଗତାସ୍ତୂତ୍ତରାନ୍କୁରୂନିତି ଛ.ପାଠଃ। ତେ ଗତାସ୍ତୂତ୍ତମାଂ ଗତିମିତି ଟ.ପାଠଃ। ତେ ଗତା ହ୍ଯଧମାଂ ଗତିମିତି କ.ପାଠଃ॥ 11-26-24 ସୁଧର୍ମାଣଂ ଦୁର୍ଯୋଧନପୁରୋହିତମ୍॥ 11-26-43 ସ୍ନେହପାଚିତୈଃ ସ୍ନେହସଂଯୁକ୍ତୈଃ॥ 11-26-26 ଷଡ୍ବିଂଶୋଽଧ୍ଯାଯଃ॥ସ୍ତ୍ରୀପର୍ବ - ଅଧ୍ଯାଯ 027
॥ ଶ୍ରୀଃ ॥
11.27. ଅଧ୍ଯାଯଃ 027
Mahabharata - Strii Parva - Chapter Topics
ମୃତାନାମୁଦକଦାନାଯ ଧୃତରାଷ୍ଟ୍ରଯୁଧିଷ୍ଠିରାଦିଭିର୍ଗଙ୍ଗାତୀରଗମନମ୍॥ 1 ॥ ଉଦକଦାନାରମ୍ଭେ କୁନ୍ତ୍ଯା ଯୁଧିଷ୍ଠିରମ୍ପ୍ରତି କର୍ଣସ୍ଯ ସ୍ବପୁତ୍ରତ୍ବକଥନପୂର୍ବକଂ ତସ୍ଯା ଉଦକଦାନଚୋଦନା॥ 2 ॥ ଧୃତରାଷ୍ଟ୍ରଯୁଧିଷ୍ଠିରାଦିଭିର୍ବନ୍ଧୁଭ୍ଯୋ ଜଲଦାନମ୍॥ 3 ॥Mahabharata - Strii Parva - Chapter Text
11-27-0 (65612)
ବୈଶମ୍ପାଯନ ଉବାଚ। 11-27-0x (5374)
ତେ ସମାସାଦ୍ଯ ଗଙ୍ଗାଂ ତୁ ଶିବାଂ ପୁଣ୍ଯଜଲାନ୍ବିତାମ୍।
ହ୍ଲାଦିନୀଂ ଚ ପ୍ରସନ୍ନାଂ ଚ ମହାରୂପାଂ ମହାବନାମ୍॥ 11-27-1 (65613)
ଭୂଷଣାନ୍ଯୁତ୍ତରୀଯାଣି ବେଷ୍ଟନାନ୍ଯବମୁଚ୍ଯ ଚ।
`କବଚାନି ବିଚିତ୍ରାଣି ଗଙ୍ଗାମବଜଗାହିରେ'॥ 11-27-2 (65614)
ତତଃ ପିତୄଣାଂ ଭ୍ରାତୄଣାଂ ପୌତ୍ରାଣାଂ ସ୍ବଜନସ୍ଯ ଚ।
ପୁତ୍ରାଣାମାର୍ଯକାଣାଂ ଚ ପତୀନାଂ ଚ କୁରୁସ୍ତ୍ରିଯଃ॥ 11-27-3 (65615)
ଉଦକଂ ଚକ୍ରିରେ ସର୍ବା ରୁଦନ୍ତ୍ଯୋ ଭୃଶଦୁଃଖିତାଃ।
ସୁହୃଦାଂ ଚାପି ଧର୍ମଜ୍ଞାଃ ପ୍ରଚକ୍ରୁଃ ସଲିଲକ୍ରିଯାମ୍॥ 11-27-4 (65616)
ଉଦକେ କ୍ରିଯମାଣେ ତୁ ବୀରାଣାଂ ବିରପତ୍ନିଭିଃ।
ସୂପତୀର୍ଥାଽଭବଦ୍ଗଙ୍ଗା ଭୂଯୋ ବିପ୍ରସସାର ଚ॥ 11-27-5 (65617)
ତନ୍ମହୋଦଧିସଙ୍କାଶଂ ନିରାନନ୍ଦମନୁତ୍ସବମ୍।
ବୀରପତ୍ନୀଭିରାକୀର୍ଣଂ ଗଙ୍ଗାତୀରମଶୋଭତ॥ 11-27-6 (65618)
ତତଃ କୁନ୍ତୀ ମହାରାଜ ରୁଦନ୍ତୀ ଶୋକକର୍ଶିତା।
ବ୍ରୀଡଯା ମନ୍ଦଯା ବାଚା ପୁତ୍ରାନ୍ବଚନମବ୍ରବୀତ୍॥ 11-27-7 (65619)
ଯଃ ସ ବୀରୋ ମହେଷ୍ବାସୋ ରଥଯୂଥପଯୂଥପଃ।
ଅର୍ଜୁନେନ ହତଃ ସଙ୍ଖ୍ଯେ ବୀରଲକ୍ଷଣଲକ୍ଷିତଃ॥ 11-27-8 (65620)
ଯଂ ସୂତପୁତ୍ରଂ ମନ୍ଯଧ୍ବଂ ରାଧେଯମିତି ପାଣ୍ଡବାଃ।
ଯୋ ବ୍ଯରାଜଚ୍ଚମୂମଧ୍ଯେ ଦିବାକର ଇବ ପ୍ରଭୁଃ॥ 11-27-9 (65621)
ପ୍ରତ୍ଯଯୁଧ୍ଯତ ବଃ ସର୍ବାନ୍ପୁରା ଯଃ ସପଦାନୁଗାନ୍।
ଦୁର୍ଯୋଧନବଲଂ ସର୍ବଂ ଯଃ ପ୍ରକର୍ଷନ୍ବ୍ଯରୋଚତ॥ 11-27-10 (65622)
ଯସ୍ଯ ନାସ୍ତି ସମୋ ବୀର୍ଯେ ପୃଥିବ୍ଯାମପି କଶ୍ଚନ।
ଯୋ ବୃଣୀତ ଯଶଃ ଶୂରଃ ପ୍ରାଣୈରପି ସଦା ଭୁବି॥ 11-27-11 (65623)
କର୍ଣସ୍ଯ ସତ୍ଯସନ୍ଧସ୍ଯ ସଙ୍ଗ୍ରାମେଷ୍ବପଲାଯିନଃ।
କୁରୁଧ୍ବମୁଦକଂ ତସ୍ଯ ଭ୍ରାତୁରକ୍ଲିଷ୍ଟକର୍ମଣଃ॥ 11-27-12 (65624)
ସ ହି ବଃ ପୂର୍ବଜୋ ଭ୍ରାତା ଭାସ୍କରାନ୍ମଯ୍ଯଜାଯତ।
କୁଣ୍ଡଲୀ କବଚୀ ଶୂରୋ ଦିବାକରସମପ୍ରଭଃ॥ 11-27-13 (65625)
ଶ୍ରୁତ୍ବା ତୁ ପାଣ୍ଡବାଃ ସର୍ବେ ମାତୁର୍ବଚନମପ୍ରିଯମ୍।
କର୍ଣମେବାନୁଶୋଚନ୍ତୋ ଭୂଯଶ୍ଚାତ୍ଯାତୁରା ଭବନ୍॥ 11-27-14 (65626)
ତତଃ ସ ପୁରୁଷବ୍ଯାଘ୍ରଃ ରୁନ୍ତୀପୁତ୍ରୋ ଯୁଧିଷ୍ଠିରଃ।
ଉବାଚ ମାତରଂ ବୀରୋ ନିଃଶ୍ବସନ୍ନିବ ପନ୍ନଗଃ॥ 11-27-15 (65627)
ଯଃ ଶରୋର୍ମିର୍ଧ୍ବଜାବର୍ତୋ ମହାଭୁଜମହାଗ୍ରହଃ।
ତଲଶବ୍ଦପ୍ରଣୁଦିତୋ ମହାରଥମହାଗ୍ରହଃ॥ 11-27-16 (65628)
ଯସ୍ଯେଷୁପାତମାସାଦ୍ଯ କୋଽନ୍ଯସ୍ତିଷ୍ଠେଦ୍ଧନଞ୍ଜଯାତ୍।
କଥଂ ପୁତ୍ରୋ ଭବତ୍ଯାଃ ସ ଦେବଗର୍ଭଃ ପୁରାଽଭବତ୍।
`କୁଣ୍ଡଲୀ କବଚୀ ଶୂରୋ ଦିବାକରସମପ୍ରଭଃ॥ 11-27-17 (65629)
ଯସ୍ଯ ବାହୁପ୍ରତାପେନ ତାପିତାଃ ସର୍ବତୋ ବଯମ୍।
ତମଗ୍ନିମିବ ବସ୍ତ୍ରେଣ କଥଂ ଛାଦିତବତ୍ଯସି॥ 11-27-18 (65630)
ଯସ୍ଯ ବାହୁପ୍ରଭାବେନ ବୈରମସ୍ମାସ୍ବରୋଚଯତ୍।
ସୁଯୋଧନସ୍ତୁ ତଂ ଜ୍ଯେଷ୍ଠଂ କଥଂ ନୋଦିତବତ୍ଯସି॥ 11-27-19 (65631)
ତଥା କର୍ଣଂ ମହେଷ୍ବାସଂ ଧାର୍ତରାଷ୍ଟ୍ରୈରୁପାସିତମ୍।
ଉପାସିତଂ ଯଥାଽସ୍ମାଭିର୍ବଲଂ ଗାଣ୍ଡୀବଧନ୍ବନଃ॥ 11-27-20 (65632)
ଭୂମିପାନାଂ ଚ ସର୍ବେଷାଂ ବଲଂ ବଲବତାଂ ବରଃ।
ନାନ୍ଯଃ କୁନ୍ତୀସୁତାତ୍କର୍ଣାଦଗୃହ୍ଣାଦ୍ରଥିନୋ ରଥୀ॥ 11-27-21 (65633)
ସ ନଃ ପ୍ରଥମଜୋ ଭ୍ରାତା ସର୍ବଶସ୍ତ୍ରଭୃତାଂ ବରଃ।
ଅସୂତ ତଂ ଭବତ୍ଯଗ୍ରେ କଥମଦ୍ଭୁତବିକ୍ରମମ୍॥ 11-27-22 (65634)
ଅହୋ ଭବତ୍ଯା ମନ୍ତ୍ରସ୍ଯ ଗୂହନେନ ବଯଂ ହତାଃ।
ନିଧନେନ ହି କର୍ଣସ୍ଯ ପୀଡିତାସ୍ତୁ ସବାନ୍ଧବାଃ॥ 11-27-23 (65635)
ଅଭିମନ୍ଯୋର୍ବିନାଶେନ ଦ୍ରୌପଦେଯବଧେନ ଚ।
ପାଞ୍ଚାଲାନାଂ ବିନାଶେନ, କୁରୂଣାଂ ଘାତନାଦପି॥ 11-27-24 (65636)
ତତଃ ଶତଗୁଣଂ ଦୁଃଖମିଦମାପତିତଂ ମହତ୍।
କର୍ଣମେବାନୁଶୋଚାପି ଦହ୍ଯାମ୍ଯଗ୍ନାବିବାହିତଃ॥ 11-27-25 (65637)
ନେହ ସ୍ମ କିଞ୍ଚିଦପ୍ରାପ୍ଯ ଭବେଦପି ଦିବି ସ୍ଥିତମ୍।
ନ ଚେଦଂ ବୈଶସଂ ଘୋରକଂ କୌରବାନ୍ତକରଂ ଭବେତ୍॥ 11-27-26 (65638)
ଏବଂ ବିଲପ୍ଯ ବହୁଲଂ ଧର୍ମରାଜୋ ଯୁଧିଷ୍ଠିରଃ।
ବ୍ଯରୁଦଚ୍ଛନକୈଃ ରାଜଂଶ୍ଚକାରାସ୍ଯୋଦକଂ ପ୍ରଭୁଃ॥ 11-27-27 (65639)
ତତୋ ବିନେଦୁଃ ସହସା ସ୍ତ୍ରିଯସ୍ତାଃ ଖଲୁ ସର୍ବଶଃ।
ଅଭିତୋ ଯାଃ ସ୍ଥିତାସ୍ତତ୍ର ତସ୍ମିନ୍ନୁଦକକର୍ମଣି॥ 11-27-28 (65640)
ତତ ଆନାଯଯାମାସ କର୍ଣସ୍ଯ ସପରିଚ୍ଛଦାଃ।
ସ୍ତ୍ରିଯଃ କୁରୁପତିର୍ଧୀମାନ୍ଭ୍ରାତୁଃ ପ୍ରେମ୍ଣା ଯୁଧିଷ୍ଠିରଃ॥ 11-27-29 (65641)
ସ ତାଭିଃ ସହ ଧର୍ମାତ୍ମା ପ୍ରେତକୃତ୍ଯମନନ୍ତରମ୍।
`ସର୍ବଂ ଚକାର କର୍ଣସ୍ଯ ବିଧିବଦ୍ଭୂରିଦକ୍ଷିଣମ୍॥ 11-27-30 (65642)
ସ ରାଜା ଧୃତରାଷ୍ଟ୍ରଶ୍ଚ କୃତ୍ବା ଜଲମତନ୍ଦ୍ରିତଃ।
ସମୁତ୍ତତାର ଗଙ୍ଗାଯା ଭାର୍ଯଯା ସହ ଭାରତ॥' 11-27-31 (65643)
[ପାପେନାସୌ ମଯା ଶ୍ରେଷ୍ଠୋ ଭ୍ରାତା ଜ୍ଞାତିର୍ନିପାତିତଃ।
ଅତୋ ମନସି ଯଦ୍ଗୁହ୍ଯଂ ସ୍ତ୍ରୀଣାଂ ତନ୍ନ ଭବିଷ୍ଯତି॥ 11-27-32 (65644)
ଇତ୍ଯୁକ୍ତ୍ବା ସ ତୁ ଗଙ୍ଗାଯା ଉତ୍ତତାରାକୁଲେନ୍ଦ୍ରିଯଃ।
ଭ୍ରାତୃଭିଃ ସହିତଃ ସର୍ବୈର୍ଗଙ୍ଗାତୀରମୁପେଯିବାନ୍॥] ॥ 11-27-33 (65645)
ଇତି ଶ୍ରୀମନ୍ମହାଭାରତେ ଶତସାହସ୍ରିକାଯାଂ ସଂହିତାଯାଂ ବୈଯାସିକ୍ଯାଂ ସ୍ତ୍ରୀପର୍ବଣି ଶ୍ରାଦ୍ଧପର୍ବଣି ସପ୍ତବିଂଶୋଽଧ୍ଯାଯଃ॥ 27 ॥
ଅତଃ ପରଂଶାନ୍ତିପର୍ବ ଭବିଷ୍ଯତି ତସ୍ଯାଯମାଦ୍ଯଃ ଶ୍ଲୋକଃ। 11-27-1 (65646)
11-27-1x (5375)
ବୈଶମ୍ପାଯନ ଉବାଚ।
କୃତ୍ବୋଦକଂ ତେ ସୁହୃଦାଂ ସର୍ବେଷାଂ ପାଣ୍ଡୁନନ୍ଦନାଃ।
ବିଦୁରେ ଧୃତରାଷ୍ଟ୍ରଶ୍ଚ ସର୍ବାଶ୍ଚ ଭରତସ୍ତ୍ରିଯଃ॥