Kumbhaghonam Edition in Odia/Oriya Script
16. ଆଶ୍ରମବାସିକପର୍ବ
ଆଶ୍ରମବାସିକପର୍ବ - ଅଧ୍ଯାଯ 001
॥ ଶ୍ରୀଃ ॥
16.1. ଅଧ୍ଯାଯଃ 001
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ଯୁଧିଷ୍ଠିରେଣ ରାଜ୍ଯପରିପାଲନମ୍॥ 1 ॥ କୁନ୍ତୀଦ୍ରୌପଦ୍ଯାଦିଭିର୍ଗାନ୍ଧାର୍ଯାଂ ଶ୍ବଶ୍ରୂବଦ୍ବର୍ତନମ୍॥ 2 ॥ ଭୀମବର୍ଜମର୍ଜୁନାଦିଭିର୍ଯୁଧିଷ୍ଠିରଶାସନେନ ବିଶେଷତୋ ଧୃତରାଷ୍ଟ୍ରାନୁବର୍ତନମ୍॥ 3 ॥Mahabharata - AshramaVasika Parva - Chapter Text
ଶ୍ରୀବେଦବ୍ଯାସାଯ ନମଃ।
ନାରାଯଣଂ ନମସ୍କୃତ୍ଯ ନରଂ ଚୈବ ନରୋତ୍ତମମ୍।
ଦେବୀଂ ସରସ୍ବତୀଂ ବ୍ଯାସଂ ତତୋ ଜଯମୁଦୀରଯେତ୍॥ 16-1-1 (97215)
ଜନମେଜଯ ଉବାଚ। 16-1-1x (8029)
ପ୍ରାପ୍ଯ ପୈତାମହଂ ରାଜ୍ଯଂ ମମ ପୂର୍ବପିତାମହାଃ।
କଥମାସନ୍ମହାରାଜେ ଧୃତରାଷ୍ଟ୍ରେ ମହାତ୍ମନି॥ 16-1-1 (97216)
ସ ତୁ ରାଜା ହତାମାତ୍ଯୋ ହତପୁତ୍ରୋ ନିରାଶ୍ରଯଃ।
କଥମାସୀଦ୍ଧତୈଶ୍ବର୍ଯୋ ଗାନ୍ଧାରୀ ଚ ତପସ୍ବିନୀ॥ 16-1-2 (97217)
କିଯନ୍ତଂ ଚୈବ କାଲଂ ତେ ମମ ପୂର୍ବପିତାମହାଃ।
ସ୍ଥିତା ରାଜ୍ଯେ ମହାତ୍ମାନସ୍ତନ୍ମେ ବ୍ଯାଖ୍ଯାତୁମର୍ହସି॥ 16-1-3 (97218)
ବୈଶମ୍ପାଯନ ଉବାଚ। 16-1-4x (8030)
ପ୍ରାପ୍ଯ ରାଜ୍ଯଂ ମହାତ୍ମାନଃ ପାଣ୍ଡବା ହତଶତ୍ରବଃ।
ଧୃତରାଷ୍ଟ୍ରଂ ପୁରସ୍କୃତ୍ଯ ପୃଥିବୀଂ ପର୍ଯପାଲଯନ୍॥ 16-1-4 (97219)
ଧୃତରାଷ୍ଟ୍ରମୁପାତିଷ୍ଠଦ୍ବିଦୁରଃ ସଂଜଯସ୍ତଥା।
ବୈଶ୍ଯାପୁତ୍ରଶ୍ଚ ମେଧାବୀ ଯୁଯୁତ୍ସୁଃ କୁରୁସତ୍ତମ॥ 16-1-5 (97220)
ପାଣ୍ଡବାଃ ସର୍ବକାର୍ଯେଷୁ ପର୍ଯପୃଚ୍ଚନ୍ତ ତଂ ନୃପମ୍।
ଚକ୍ରୁସ୍ତେନାଭ୍ଯନୁଜ୍ଞାତା ବର୍ଷାଣି ଦଶ ପଞ୍ଚ ଚ॥ 16-1-6 (97221)
ସଦାଽଭିଗମ୍ଯ ତେ ବୀରାଃ ପର୍ଯୁପାସନ୍ତ ତଂ ନୃପମ୍।
ପାଦାଭିବାଦନଂ କୃତ୍ବା ଧର୍ମିରାଜମତେ ସ୍ଥିତାଃ॥ 16-1-7 (97222)
ତେ ମୂର୍ଧ୍ନି ସମୁପାଘ୍ରାତାଃ ସର୍ବକାର୍ଯାଣି ଚକ୍ରିରେ।
କୁନ୍ତିଭୋଜସୁତା ଚୈବ ଗାନ୍ଧାରୀମନ୍ବବର୍ତତ॥ 16-1-8 (97223)
ଦ୍ରୌପଦୀ ଚ ସୁଭଦ୍ରା ଚ ଯାଶ୍ଚାନ୍ଯାଃ ପାଣ୍ଡବସ୍ତ୍ରିଯଃ।
ସମାଂ ବୃତ୍ତିମବର୍ତନ୍ତ ତଯୋଃ ଶ୍ବଶ୍ର୍ବୋର୍ଯଥାବିଧି॥ 16-1-9 (97224)
ଶଯନାନି ମହାର୍ହାଣି ବାସାଂସ୍ଯାଭରଣାନି ଚ।
ରାଜାର୍ହାଣି ଚ ସର୍ବାଣି ଭକ୍ଷ୍ଯଭୋଜ୍ଯାନ୍ଯନେକଶଃ॥ 16-1-10 (97225)
ଯୁଧିଷ୍ଠିରୋ ମହାରାଜ ଧୃତରାଷ୍ଟ୍ରେଽଭ୍ଯୁପାହରତ୍।
ତଥୈବ କୁନ୍ତୀ ଗାନ୍ଧାର୍ଯାଂ ଗୁରୁବୃତ୍ତିମବର୍ତତ॥ 16-1-11 (97226)
ବିଦୁରଃ ସଂଜଯଶ୍ଚୈବ ଯୁଯୁତ୍ସୁଶ୍ଚୈବ କୌରବ।
ଉପାସତେ ସ୍ମ ତଂ ବୃଦ୍ଧଂ ହତପୁତ୍ରଂ ଜନାଧିପମ୍॥ 16-1-12 (97227)
ଶ୍ଯାଲୋ ଦ୍ରୋଣସ୍ଯ ଯଶ୍ଚାସୀଦ୍ଦଯିତୋ ବ୍ରାହ୍ମମୋ ମହାନ୍।
ସ ଚ ତସ୍ମିନ୍ମହେଷ୍ବାସଃ କୃପଃ ସମଭବତ୍ତଦା॥ 16-1-13 (97228)
ବ୍ଯାସଶ୍ଚ ଭଗବାନ୍ନିତ୍ଯମାସାଂଚକ୍ରେ ନୃପେଣ ହ।
କଥାଃ କୁର୍ବନ୍ପୁରାଣର୍ଷିର୍ଦେବର୍ଷିପିତୃରକ୍ଷସାମ୍॥ 16-1-14 (97229)
ଧର୍ମଯୁକ୍ତାନି କାର୍ଯାଣି ବ୍ଯବହାରାନ୍ବିତାନି ଚ।
ଧୃତରାଷ୍ଟ୍ରାଭ୍ଯନୁଜ୍ଞାତୋ ବିଦୁରସ୍ତାନ୍ଯକାରଯତ୍॥ 16-1-15 (97230)
ସାମନ୍ତେଭ୍ଯଃ ପ୍ରିଯାଣ୍ଯସ୍ଯ କାର୍ଯାଣି ସୁବହୂନ୍ଯପି।
ପ୍ରାପ୍ଯନ୍ତେଽର୍ଥେଃ ସୁଲଘୁଭିଃ ସୁନଯାଦ୍ବିଦୁରସ୍ଯ ବୈ॥ 16-1-16 (97231)
ଅକରୋଦ୍ବନ୍ଧମୋକ୍ଷଂ ଚ ବଧ୍ଯାନାଂ ମୋକ୍ଷଣଂ ତଥା।
ନ ଚ ଧର୍ମସୁତୋ ରାଜା କଦାଚିତ୍କିଞ୍ଚିଦବ୍ରବୀତ୍॥ 16-1-17 (97232)
ବିହାରଯାତ୍ରାସୁ ପୁନଃ କୁରୁରାଜୋ ଯୁଧିଷ୍ଠିରଃ।
ସର୍ବାନ୍କାମାନୁପସ୍ଥାପ୍ଯ ଧୃତରାଷ୍ଟ୍ରେ ନ୍ଯବେଦଯତ୍॥ 16-1-18 (97233)
ଆରାଲିକାଃ ସୂପକାରା ରାଗଷାଡବିକାସ୍ତଥା।
ଉପାତିଷ୍ଠନ୍ତ ରାଜାନଂ ଧୃତରାଷ୍ଟ୍ରଂ ଯଥାପୁରମ୍॥ 16-1-19 (97234)
ବାସାଂସି ଚ ମହାର୍ହାଣି ମାଲ୍ଯାନି ବିବିଧାନି ଚ।
ଉପାଜହ୍ରୁର୍ଯଥାକାଲଂ ଧୃତରାଷ୍ଟ୍ରସ୍ଯ ପାଣ୍ଡବାଃ॥ 16-1-20 (97235)
ମୈରେଯମଧୁମାଂସାନି ପାନକାନି ଲଘୂନି ଚ।
ଚିତ୍ରାନ୍ଭକ୍ଷ୍ଯବିକାରାଂଶ୍ଚ ଚକ୍ରୁସ୍ତସ୍ଯ ଯଥା ପୁରା॥ 16-1-21 (97236)
ଯେ ଚାପି ପୃଥିବୀପାଲାଃ ସମାଜଗ୍ମୁସ୍ତତସ୍ତତଃ।
ଉପାତିଷ୍ଠନ୍ତ ତେ ସର୍ବେ କୌରବେନ୍ଦ୍ରଂ ଯଥାପୁରା॥ 16-1-22 (97237)
କୁନ୍ତୀ ଚ ଦ୍ରୌପଦୀ ଚୈବ ସାତ୍ବତୀ ଚ ଯଶସ୍ବିନୀ।
ଉଲୂପୀ ନାଗକନ୍ଯା ଚ ଦେବୀ ଚିତ୍ରାଙ୍ଗଦା ତଥା॥ 16-1-23 (97238)
ଧୃଷ୍ଟକେତୋଶ୍ଚ ଭଗିନୀ ଜରାସନ୍ଧସୁତା ତଥା।
ଏତାଶ୍ଚାନ୍ଯାଶ୍ଚ ବହ୍ବ୍ଯୋ ବୈ ଯୋଷିତଃ ପୁରୁଷର୍ଷଭ।
କିଂକରାଃ ପର୍ଯୁପାତିଷ୍ଠନ୍ସର୍ବାଃ ସୁବଲଜାଂ ତଥା॥ 16-1-24 (97239)
ଯଥା ପୁତ୍ରବିଯୁକ୍ତୋଽଯଂ ନ କିଞ୍ଚିଦ୍ଦୁଃଖମାପ୍ନୁଯାତ୍।
ଇତି ତାନନ୍ବଶାଦ୍ଭାତୄନ୍ନିତ୍ଯମେବ ଯୁଧିଷ୍ଠିରଃ॥ 16-1-25 (97240)
ଏବଂ ତେ ଧର୍ମରାଜସ୍ଯ ଶ୍ରୁତ୍ବା ବଚନମର୍ଥବତ୍।
ସବିଶେଷମବର୍ତନ୍ତି ଭୀମମେକଂ ତଦା ବିନା॥ 16-1-26 (97241)
ନ ହି ତତ୍ତସ୍ଯ ବୀରସ୍ଯ ହୃଦଯାଦପସର୍ପତି।
ଧୃତରାଷ୍ଟ୍ରସ୍ଯ ଦୁର୍ବୁଦ୍ଧ୍ଯା ଯଦ୍ବୃତ୍ତଂ ଦ୍ଯୂତମଣ୍ଡଲେ॥ ॥ 16-1-27 (97242)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ପ୍ରଥମୋଽଧ୍ଯାଯଃ॥ 1 ॥
Mahabharata - AshramaVasika Parva - Chapter Footnotes
7-1-2 ଗାନ୍ଧାରୀ ଚ ଯଶସ୍ବିନୀତି ଝ.ଥ.ପାଠଃ॥ 7-1-5 ଉପାତିଷ୍ଠଦାରାଧିତବାନ୍॥ 7-1-9 ସତାଂ ବୃତ୍ତିମବର୍ତନ୍ତେତି ଥ.ପାଠଃ॥ 7-1-13 ତସ୍ମିନ୍ଧୃତରାଷ୍ଟ୍ରେ ସମଭବତ୍ତନ୍ନିକଟେ ଅଭବତ୍॥ 7-1-14 ବାସଂ ଚକ୍ରେ ନୃପେଣ ହେତି କ.ଥ.ପାଠଃ॥ 7-1-16 ପ୍ରଭାବାଦ୍ବିଦୁରସ୍ଯ ବୈ ଇତି କ.ଥ.ପାଠଃ॥ 7-1-19 ଅରଯା ଶସ୍ତ୍ରବିଶେଷେଣ ଲୂନଂ ଛିନ୍ନଂ ଶାକାଦି ଅରାଲୁ ତତ୍ସଂସ୍କୁର୍ବନ୍ତି ତେ ଆରାଲିକାଃ ଶାକବିଶେଷକର୍ତାରଃ ରାଗଖାଣ୍ଡବିକାସ୍ତଥେତି ଝ.ପାଠଃ। ରାଗଷାଡବଂ ପିପ୍ପଲୀଶୁଠୀଶର୍କରୋପେତୋ ମୁଦ୍ଗଯୂଷସ୍ତତ୍କର୍ତାରୋ ରାଗଷାଡବିକାଃ॥ଆଶ୍ରମବାସିକପର୍ବ - ଅଧ୍ଯାଯ 002
॥ ଶ୍ରୀଃ ॥
16.2. ଅଧ୍ଯାଯଃ 002
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ଯୁଧିଷ୍ଠିରେଣ ନାଗରାଣାଂ ଧୃତରାଷ୍ଟ୍ରାନୁଶାସନପୂର୍ବକଂ ସହଭ୍ରାତୃଭିରପ୍ରମାଦେନ ତତ୍ପରିତୋଷଣମ୍॥ 1 ॥Mahabharata - AshramaVasika Parva - Chapter Text
ବୈଶମ୍ପାଯନ ଉବାଚ।
ଏବଂ ସମ୍ପୂଜିତୋ ରାଜା ପାଣ୍ଡବୈରଂବିକାସୁତଃ।
ବିଜହାର ଯଥାପୂର୍ବମୃଷିଭିଃ ପର୍ଯୁପସ୍ଥିତଃ॥ 16-2-1 (97243)
ବ୍ରହ୍ମଦେଯାଗ୍ରହାରାଂଶ୍ଚ ପ୍ରଦଦୌ ସ କୁରୂଦ୍ବହଃ।
ତଚ୍ଚ କୁନ୍ତୀସୁତୋ ରାଜା ସର୍ବମେବାନ୍ବମୋଦତ॥ 16-2-2 (97244)
ଆନୃଶଂସ୍ଯପରୋ ରାଜା ପ୍ରୀଯମାଣୋ ଯୁଧିଷ୍ଠିରଃ।
ଉବାଚ ସ ତଦା ଭ୍ରାତୄନମାତ୍ଯାଂଶ୍ଚ ମହୀପତିଃ।
ମଯା ଚୈବ ଭବଦ୍ଭିଶ୍ଚ ମାନ୍ଯ ଏଷ ନରାଧିପଃ॥ 16-2-3 (97245)
ନିଦେଶେ ଧୃତରାଷ୍ଟ୍ରସ୍ଯ ଯସ୍ତିଷ୍ଠତି ସ ମେ ସୁହୃତ୍।
ବିପରୀତଶ୍ଚ ମେ ଶତ୍ରୁର୍ନିଯମ୍ଯଶ୍ଚ ଭବେନ୍ନରଃ॥ 16-2-4 (97246)
ପରିବୃତ୍ତେଷୁ ଚାହଃସୁ ପୁତ୍ରାଣାଂ ଶ୍ରାଦ୍ଧକର୍ମଣି।
ଦଦୌ ଚ ରାଜା ବିତ୍ତାନି ଯାବଦସ୍ଯ ଚିକୀର୍ଷିତମ୍॥ 16-2-5 (97247)
ତତଃ ସ ରାଜା କୌରବ୍ଯୋ ଧୃତରାଷ୍ଟ୍ରୋ ମହାମନାଃ।
ବ୍ରାହ୍ମଣେଭ୍ଯୋ ଯଥାର୍ହେଭ୍ଯୋ ଦଦୌ ବିତ୍ତାନ୍ଯନେକଶଃ॥ 16-2-6 (97248)
ଧର୍ମିରାଜଶ୍ଚ ଭୀମଶ୍ଚ ସବ୍ଯସାଚୀ ଯମାବପି।
ତତ୍ସର୍ବମନ୍ବବର୍ତନ୍ତ ଧୃତରାଷ୍ଟ୍ରବ୍ଯପେକ୍ଷଯା॥ 16-2-7 (97249)
କଥଂ ନୁ ରାଜା ବୃଦ୍ଧଃ ସ ପୁତ୍ରପୌତ୍ରବଧାର୍ଦିତଃ।
ଶୋକମସ୍ମତ୍କୃତଂ ପ୍ରାପ୍ଯି ନ ମ୍ରିଯେତେତି ଚିନ୍ତ୍ଯ ତେ॥ 16-2-8 (97250)
ଯାବଦ୍ଧି କୁରୁବୀରସ୍ଯ ଜୀବତ୍ପୁତ୍ରସ୍ଯ ବୈ ସୁଖମ୍।
ତାବତ୍ସୁଖମବାପ୍ନୋତି ଭୋଗାଂଶ୍ଚୈବ ବ୍ଯବସ୍ଥିତାନ୍॥ 16-2-9 (97251)
ତତସ୍ତେ ସହିତାଃ ପଞ୍ଚ ଭ୍ରାତରଃ ପାଣ୍ଡୁନନ୍ଦନାଃ।
ତଥାଶୀଲାଃ ସମାତସ୍ଥୁର୍ଧୃତରାଷ୍ଟ୍ରସ୍ଯ ଶାସନେ॥ 16-2-10 (97252)
ଧୃତରାଷ୍ଟ୍ରଶ୍ଚ ତାନ୍ସର୍ବାନ୍ବିନୀତାନ୍ନିଯମେ ସ୍ଥିତାନ୍।
ଶିଷ୍ଯବୃତ୍ତିଂ ସମାପନ୍ନାନ୍ଗୁରୁବତ୍ପ୍ରତ୍ଯପଦ୍ଯତ॥ 16-2-11 (97253)
ଗାନ୍ଧାରୀ ଚୈବ ପୁତ୍ରାଣାଂ ବିବିଧୈଃ ଶ୍ରାଦ୍ଧକର୍ମଭିଃ।
ଆନୃଣ୍ଯମଗମତ୍କାମାନ୍ବିପ୍ରେଭ୍ଯଃ ପ୍ରତିପାଦ୍ଯ ସା॥ 16-2-12 (97254)
ଏବଂ ଧର୍ମଭୃତାଂଶ୍ରେଷ୍ଠୋ ଧର୍ମରାଜୋ ଯୁଧିଷ୍ଠିରଃ।
ଭ୍ରାତୃଭିଃ ସହିତୋ ଧୀମାନ୍ପୂଜଯାମାସଂ ତଂ ନୃପମ୍॥ 16-2-13 (97255)
ସ ରାଜା ସୁମହାତେଜା ବୃଦ୍ଧଃ କୁରୁକୁଲୋଦ୍ବହଃ।
ନ ଦଦର୍ଶ ତଦା କିଞ୍ଚିଦପ୍ରିଯଂ ପାଣ୍ଡୁନନ୍ଦନେ॥ 16-2-14 (97256)
ବର୍ତମାନେଷୁ ସଦ୍ବୃତ୍ତିଂ ପାଣ୍ଡବେଷୁ ମହାତ୍ମସୁ।
ପ୍ରୀତିମାନଭବଦ୍ରାଜା ଧୃତରାଷ୍ଟ୍ରୋଂଽବିକାସୁତିଃ॥ 16-2-15 (97257)
ସୌବଲେଯୀ ଚ ଗାନ୍ଧାରୀ ପୁତ୍ରଶୋକମପାସ୍ଯ ତମ୍।
ସଦୈବ ପ୍ରୀତିମତ୍ଯାସୀତ୍ତନଯେଷୁ ନିଜେଷ୍ବିବ॥ 16-2-16 (97258)
ପ୍ରିଯାଣ୍ଯେବ ତୁ କୌରବ୍ଯୋ ନାପ୍ରିଯାଣି କୁରୂଦ୍ବହଃ।
ବୈଚିତ୍ରବୀର୍ଯ ନୃପତୌ ସମାଚରତ ସର୍ବଦା॥ 16-2-17 (97259)
ଯଦ୍ଯଦ୍ବ୍ରୂତେ ଚ କିଞ୍ଚିତ୍ସ ଧୃତରାଷ୍ଟ୍ରୋ ଜନାଧିପଃ।
ଗୁରୁ ବା ଲଘୁ ବା କାର୍ଯଂ ଗାନ୍ଧାରୀ ଚ ତପସ୍ବିନୀ॥ 16-2-18 (97260)
ତଂ ସ ରାଜା ମହାରାଜ ପାଣ୍ଡବାନାଂ ଧୁରଂଧରଃ।
ପୂଜଯିତ୍ବା ବଚସ୍ତତ୍ତଦକାର୍ଷୀତ୍ପରବୀରହା॥ 16-2-19 (97261)
ତେନ ତସ୍ଯାଭବତ୍ପ୍ରୀତୋ ବୃତ୍ତେନ ସ ନରାଧିପଃ।
ଅନ୍ବତପ୍ଯତ ସଂସ୍ମୃତ୍ଯ ପୁତ୍ରଂ ତଂ ମନ୍ଦଚେତସମ୍॥ 16-2-20 (97262)
ସଦା ଚ ପ୍ରାତରୁତ୍ଥାଯ କୃତଜପ୍ଯଃ ଶୁଚିର୍ନୃପଃ।
ଆଶାସ୍ତେ ପାଣ୍ଡୁପୁତ୍ରାଣାଂ ସମରେଷ୍ବପରାଜଯମ୍॥ 16-2-21 (97263)
ବ୍ରାହ୍ମଣାନ୍ସ୍ବସ୍ତିବାଚ୍ଯାଥ ହୁତ୍ବା ଚୈବ ହୁତାଶନମ୍।
ଆଯୂଂଷି ପାଣ୍ଡୁପୁତ୍ରାଣାମାଶଂସତ ନରାଧିପଃ॥ 16-2-22 (97264)
ନ ତାଂ ପ୍ରୀତିଂ ପରାମାପ ପୁତ୍ରେଭ୍ଯଃ ସ ତଦା ପୁରା।
ଯାଂ ପ୍ରୀତିଂ ପାଣ୍ଡୁପୁତ୍ରେଭ୍ଯଃ ସଦାଽବାପ ନରାଧିପଃ। 16-2-23 (97265)
ବ୍ରାହ୍ମଣାନାଂ ଯଥା ବୃତ୍ତଃ କ୍ଷତ୍ରିଯାଣାଂ ଯଥାବିଧଃ।
ତଥା ବିଟ୍ଶୂଦ୍ରସଙ୍ଘାନାମଭବତ୍ସ ପ୍ରିଯସ୍ତଦା॥ 16-2-24 (97266)
ଯଚ୍ଚ କିଞ୍ଚିତ୍ତଦା ପାପଂ ଧୃତରାଷ୍ଟ୍ରସୁତୈଃ କୃତମ୍।
ଅକୃତ୍ବା ହୃଦି ତତ୍ପାପଂ ତଂ ନୃପଂ ସୋନ୍ବବର୍ତତ॥ 16-2-25 (97267)
ଯଃ କଶ୍ଚିଦପି ଯତ୍କିଞ୍ଚିତ୍ପ୍ରମାଦାଦଂବିକାସୁତେ।
କୁରୁତେ ଦ୍ବେଷ୍ଯତାମେତି ସ କୌନ୍ତେଯସ୍ଯ ଧୀମତଃ॥ 16-2-26 (97268)
ନ ରାଜ୍ଞୋ ଧୃତରାଷ୍ଟ୍ରସ୍ଯ ନ ଚ ଦୁର୍ଯୋଧନସ୍ଯ ବୈ।
ଉବାଚ ଦୁଷ୍କୃତଂ କଶ୍ଚିଦ୍ଯୁଧିଷ୍ଠିରଭଯାନ୍ନରଃ॥ 16-2-27 (97269)
ଧୃତ୍ଯା ତୁଷ୍ଟୋ ନରେନ୍ଦ୍ରଃ ସ ଗାନ୍ଧାରୀ ବିଦୁରସ୍ତଥା।
ଅଜାତଶତ୍ରୋର୍ବୃତ୍ତେନ ନ ତୁ ଭୀମସ୍ଯ ପାର୍ଥିବଃ॥ 16-2-28 (97270)
ଅନ୍ବବର୍ତତ ଭୀମୋପି ନିଶ୍ଚିତୋ ଧର୍ମଜଂ ନୃପମ୍।
ଧୃତରାଷ୍ଟ୍ରଂ ଚ ସମ୍ପ୍ରେକ୍ଷ୍ଯ ସଦା ଭବତି ଦୁର୍ମନାଃ॥ 16-2-29 (97271)
ରାଜାନମନୁବର୍ତନ୍ତ ଧର୍ମପୁତ୍ରମମିତ୍ରହା।
ଅନ୍ବବର୍ତତ ସଂକ୍ରୁଦ୍ଧୋ ହୃଦଯେନ ପରାଙ୍ମୁଖଃ॥ ॥ 16-2-30 (97272)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ଦ୍ବିତୀଯୋଽଧ୍ଯାଯଃ॥। 2 ॥
Mahabharata - AshramaVasika Parva - Chapter Footnotes
7-2-4 ନିରସ୍ଯଶ୍ଚ ଭବେନ୍ନର ଇତି କ.ଥ.ପାଠଃ॥ଆଶ୍ରମବାସିକପର୍ବ - ଅଧ୍ଯାଯ 003
॥ ଶ୍ରୀଃ ॥
16.3. ଅଧ୍ଯାଯଃ 003
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ଭୀମସେନପରୁଷଭାଷଣଶ୍ରବଣାନ୍ନିର୍ବେଦମୁପଗତବତା ଧୃତରାଷ୍ଟ୍ରେଣି ସହଗାନ୍ଧାର୍ଯା ବନଗମନାଧ୍ଯବସାଯଃ॥ 1 ॥ ତଥା ସକଲପୌରାନଯନେନ ତେଷୁ ସ୍ବାଧ୍ଯବସାଯନିବେଦନମ୍॥ 2 ॥Mahabharata - AshramaVasika Parva - Chapter Text
ବୈଶମ୍ପାଯନ ଉବାଚ।
ଯୁଧିଷ୍ଠିରସ୍ଯ ନୃପତେର୍ଦୁର୍ଯୋଧନପିତୁସ୍ତଦା।
ନାନ୍ତରଂ ଦଦ୍ଦଶୂ ରାଜ୍ଯେ ପୁରୁଷାଃ ପ୍ରଣଯଂ ପ୍ରତି॥ 16-3-1 (97273)
ଯଦା ତୁ କୌରବୋ ରାଜା ପୁତ୍ରଂ ସସ୍ମାର ବାଲିଶମ୍।
ତଦା ଭୀମଂ ହୃଦା ରାଜନ୍ନପଧ୍ଯାତି ସ ପାର୍ଥିବଃ॥ 16-3-2 (97274)
କୌରବଶ୍ଚୈବ ଭୀମଶ୍ଚ ହୃଦାଽନ୍ଯୋନ୍ଯମବର୍ତତାମ୍।
ଧ୍ଯାଯନ୍ତୌ ଶ୍ଲକ୍ଷ୍ଣଯା ବାଚା ତ୍ବନ୍ଯୋନ୍ଯମଭିତିଷ୍ଟିତାଂ 16-3-3 (97275)
ଅପ୍ରକାଶଂ ବ୍ଯଲୀକାନି ଚକାରାସ୍ଯ ବୃକୋଦରଃ।
ଆଜ୍ଞାଂ ପ୍ରତ୍ଯହରଚ୍ଚାପି କୃତକୈଃ ପୁରୁଷୈଃ ସଦା॥ 16-3-4 (97276)
ସ୍ମରନ୍ଦୁର୍ମନ୍ତ୍ରିତଂ ତସ୍ଯ ବୃତ୍ତାନ୍ଯପ୍ଯସ୍ଯ କାନିଚିତ୍।
`ଅସକୃଚ୍ଚାପ୍ଯୁବାଚେଦଂ ହତାସ୍ତେ ମନ୍ଦଚେତସଃ॥' 16-3-5 (97277)
ଅଥ ଭୀମଃ ସୁହୃନ୍ମଧ୍ଯେ ବାହୁଶବ୍ଦଂ ତଥାଽକରୋତ୍।
ସଂଶ୍ରବେ ଧୃତରାଷ୍ଟ୍ରସ୍ଯ ଗାନ୍ଧାର୍ଯାଶ୍ଚାପ୍ଯମର୍ଷଣଃ॥ 16-3-6 (97278)
ସ୍ମୃତ୍ବା ଦୁର୍ଯୋଧନଂ ଶତ୍ରୁଂ କର୍ଣଦୁଃଖାସନାବପି।
ପ୍ରୋବାଚେଦଂ ସୁସଂରବ୍ଧୋ ଭୀମଃ ସପରୁଷଂ ବଚଃ॥ 16-3-7 (97279)
ଅନ୍ଧସ୍ଯ ନୃପତେଃ ପୁତ୍ରା ମଯା ପରିଘବାହୁନା।
ନୀତା ଲୋକମମୁଂ ସର୍ବେ ନାନାଶସ୍ତ୍ରାସ୍ତ୍ରଯୋଧିନଃ॥ 16-3-8 (97280)
ଇମୌ ତୌ ପରିଘପ୍ରଖ୍ଯୌ ଭୁଜୌ ମମ ଦୁରାସଦୌ।
ଯଯୋରନ୍ତରମାସାଦ୍ଯ ଧାର୍ତରାଷ୍ଟ୍ରାଃ କ୍ଷଯଂ ଗତାଃ॥ 16-3-9 (97281)
ତାବିମୌ ଚନ୍ଦନେନାକୌ ବନ୍ଦନୀଯୌ ଚ ମେ ଭୁଜୌ।
ଯାଭ୍ଯାଂ ଦୁର୍ଯୋଧନୋ ନୀତଃ କ୍ଷଯଂ ସସୁତବାନ୍ଧବଃ॥ 16-3-10 (97282)
ଏତାସ୍ଚାନ୍ଯାଶ୍ଚ ବିବିଧାଃ ଶଲ୍ଯଭୁତା ନରାଧିପଃ।
ବୃକୋଦରସ୍ଯ ତା ବାଚଃ ଶ୍ରୁତ୍ବା ନିର୍ବେଦମାଗମତ୍॥ 16-3-11 (97283)
ସା ଚ ବୁଦ୍ଧିମତୀ ଦେବୀ କାଲପର୍ଯାଯବେଦିନୀ।
ଗାନ୍ଧାରୀ ସର୍ବଧର୍ମଜ୍ଞା ତାନ୍ଯଲୀକାନି ଶୁଶ୍ରୁବେ।
`କୁନ୍ତୀଂ ବର୍ଯା ତୁ ସଂବୀକ୍ଷ୍ଯ ଶାପେ ନାସ୍ଯାକରୋନ୍ମତି' 16-3-12 (97284)
ତତଃ ପଞ୍ଚଦଶେ ବର୍ଷେ ସମତୀତେ ନରାଧିପଃ।
ରାଜା ନିର୍ବେଦମାପେଦେ ଭୀମବାଗ୍ବାଣପୀଡିତଃ॥ 16-3-13 (97285)
`ସୁଖାସକ୍ତଂ କୃଚ୍ଛ୍ରପରଂ ଜ୍ଞାତ୍ବା ଚୈବ ଯୁଧିଷ୍ଠିରମ୍।
ତପୋଯୋଗାତ୍ତପସ୍ତପ୍ତୁଂ ମନଶ୍ଚକ୍ରେ ମହାମତିଃ॥' 16-3-14 (97286)
ନାନ୍ବବୁଧ୍ଯତ ତଦ୍ରାଜା କୁନ୍ତୀପୁତ୍ରୋ ଯୁଧିଷ୍ଠିରଃ।
ଶ୍ବେତାଶ୍ବୋବାଽଥକୁନ୍ତୀ ବା ଦ୍ରୌପଦୀ ବା ଯଶସ୍ବିନୀ॥ 16-3-15 (97287)
ମାଦ୍ରୀପୁତ୍ରୌ ଚ ଭୀମସ୍ଯ ମତଂ ତାବନ୍ବବର୍ତତାମ୍।
ରାଜ୍ଞସ୍ତୁ ଚିତ୍ତଂ ରକ୍ଷନ୍ତୌ ନୋଚତୁଃ ସ୍ବଯମପ୍ରିଯମ୍॥ 16-3-16 (97288)
ତତଃ ସମାନଯାମାସ ଧୃତରାଷ୍ଟ୍ରଃ ସୁହୃଜ୍ଜନମ୍।
ବାଷ୍ପସଂଦିଗ୍ଧମତ୍ଯର୍ଥମିଦମାହ ଚ ତାନ୍ଭୃଶମ୍॥ 16-3-17 (97289)
ବିଦିତଂ ଭବତାମେତଦ୍ଯଥା ବୃତ୍ତଃ କୁରୁକ୍ଷଯଃ।
ମମାପରାଧାତ୍ତତ୍ସର୍ବମିତି ଜ୍ଞେଯଂ ତୁ କୌରବାଃ॥ 16-3-18 (97290)
ଯୋଽହଂ ଦୁଷ୍ଟମତିଂ ମନ୍ଦୋ ଜ୍ଞାତୀନାଂ ଭଯବର୍ଧନମ୍।
ଦୁର୍ଯୋଧନଂ କୌରବାଣାମାଧଇପତ୍ଯେଽଭ୍ଯଷେଚଯମ୍।
ଯଚ୍ଚାହଂ ବାସୁଦେବସ୍ଯ ନାଶ୍ରୌଷଂ ବାକ୍ଯମର୍ଥବତ୍॥ 16-3-19 (97291)
ବଧ୍ଯତାଂ ସାଧ୍ବଯଂ ପାପଃ ସାମାତ୍ଯ ଇତି ଦୁର୍ମତିଃ।
ପୁତ୍ରସ୍ନେହାଭିଭୂତସ୍ତୁ ହିତମୁକ୍ତୋ ମନୀଷିଭିଃ॥ 16-3-20 (97292)
ବିଦୁରେଣାଥ ଭୀଷ୍ମେଣ ଦ୍ରୋଣେନ ଚ କୃପେଣ ଚ।
ପଦେପଦେ ଭଗବତା ବ୍ଯାସେନ ଚ ମହାତ୍ମନା।
ସଂଜଯେନାଥ ଗାନ୍ଧାର୍ଯା ତଦିଦଂ ତପ୍ଯତେ ମଯା॥ 16-3-21 (97293)
ଯଚ୍ଚାହଂ ପାଣ୍ଡୁପୁତ୍ରେଷୁ ଗୁଣବତ୍ସୁ ମହାତ୍ମସୁ।
ନ ନ୍ଯସ୍ତବାଞ୍ଶ୍ରିଯଂ ଦୀପ୍ତାଂ ପିତୃପୈତାମହୀମିମାମ୍॥ 16-3-22 (97294)
ବିନାଶଂ ପଶ୍ଯମାନୋ ହି ସର୍ବରାଜ୍ଞାଂ ଗଦାଗ୍ରଜଃ।
ଏତଚ୍ଛ୍ରେଯସ୍ତୁ ପରମମମନ୍ଯତ ଜନାର୍ଦନଃ॥ 16-3-23 (97295)
ସୋହମେତାନ୍ଯଲୀକାନି ଦୁର୍ବୃତ୍ତାନ୍ଯାତ୍ମନସ୍ତଦା।
ହୃଦଯେ ଶଲ୍ଯଭୂତାନି ଧାରଯାମି ସହସ୍ରଶଃ॥ 16-3-24 (97296)
ବିଶେଷତସ୍ତୁ ଦହ୍ଯାମି ବର୍ଷେ ପଞ୍ଚଦଶେଽଦ୍ଯ ବୈ।
ଅସ୍ଯ ପାପସ୍ଯ ଶୁଦ୍ଧ୍ଯର୍ଥଂ ନିଯତୋସ୍ମି ସୁଦୁର୍ମତିଃ॥ 16-3-25 (97297)
ଚତୁର୍ଥେ ନିଯତେ କାଲେ କଦାଚିଦପି ଚାଷ୍ଟମେ।
ତୃଷ୍ଣାବିନଯନଂ ଭୁଞ୍ଜେ ଗାନ୍ଧାରୀ ବେଦ ତନ୍ମମ॥ 16-3-26 (97298)
କରୋତ୍ଯାହାରମିତି ମାଂ ସର୍ବଃ ପରିଜନଃ ସଦା।
ଯୁଧିଷ୍ଠିରଭଯାଦେତି ଭୃଶଂ ତପ୍ଯତି ପାଣ୍ଡବଃ॥ 16-3-27 (97299)
ଭୂମୌ ଶଯେ ଜପ୍ଯପରୋ ଦର୍ଭଷ୍ବଜିନସଂବୃତଃ।
ନିଯମବ୍ଯପଦେଶେନ ଗାନ୍ଧାରୀ ଚ ଯଶସ୍ବିନୀ॥ 16-3-28 (97300)
ଅହଂ ପୁତ୍ରଶତଂ ବୀରଂ ସଙ୍ଗ୍ରାମେଷ୍ବପଲାଯିନମ୍।
ନାନୁତପ୍ଯେ ହତଂ ତତ୍ର କ୍ଷତ୍ରଧର୍ମଂ ହି ତଂ ବିଦୁଃ॥ 16-3-29 (97301)
ଇତ୍ଯୁକ୍ତ୍ବା ଧର୍ମରାଜାନମଭ୍ଯଭାଷତ କୌରବଃ।
ଭଦ୍ରଂ ତେ ଯାଦବୀମାତର୍ବଚଶ୍ଚେଦଂ ନିବୋଧ ମେ॥ 16-3-30 (97302)
ସୁଖମଧ୍ଯୁଷିତଃ ପୁତ୍ର ତ୍ବଯା ସୁପରିପାଲିତଃ।
ମଯା ଦାନାନି ଦତ୍ତାନି ଶ୍ରାଦ୍ଧାନି ଚ ପୁନଃପୁନଃ॥ 16-3-31 (97303)
ପ୍ରକୃଷ୍ଟଂ ଚ ମଯା ପୁତ୍ର ପୁଣ୍ଯଂ ଚୀର୍ଣଂ ଯଥାବଲମ୍।
ଗାନ୍ଧାରୀ ହତପୁତ୍ରେଯଂ ଧୈର୍ଯେଣୋଦୀକ୍ଷତେ ଚ ମାମ୍॥ 16-3-32 (97304)
ଦ୍ରୌପଦ୍ଯା ହ୍ଯପକର୍ତାରସ୍ତବ ଚୈଶ୍ବର୍ଯହାରିଣଃ।
ସମତୀତା ନୃଶଂସାସ୍ତେ ସ୍ବଧର୍ମେଣ ହତା ଯୁଧି॥ 16-3-33 (97305)
ନ ତେଷୁ ପ୍ରତିକର୍ତବ୍ଯଂ ପଶ୍ଯାମି କୁରୁନନ୍ଦନ।
ସର୍ବେ ଶସ୍ତ୍ରଜିତାଁଲ୍ଲୋକାନ୍ଗତାସ୍ତେଽଭିମୁଖଂ ହତାଃ॥ 16-3-34 (97306)
ଆତ୍ମନସ୍ତୁ ହିତଂ ପୁଣ୍ଯଂ ପ୍ରତିକର୍ତବ୍ଯମଦ୍ଯ ତେ।
ଗାନ୍ଧାର୍ଯାଶ୍ଚୈବ ରାଜେନ୍ଦ୍ର ତଦନୁଜ୍ଞାତୁମର୍ହସି॥ 16-3-35 (97307)
ତ୍ବଂ ତୁ ଶସ୍ତ୍ରଭୃତାଂ ଶ୍ରେଷ୍ଠଃ ସତତଂ ଧର୍ମବତ୍ସଲଃ।
ରାଜା ଗୁରୁଃ ପ୍ରାଣଭୃତାଂ ତସ୍ମାଦେତଦ୍ବ୍ରବୀମ୍ଯହମ୍॥ 16-3-36 (97308)
ଅନୁଜ୍ଞାତସ୍ତ୍ବଯା ବୀର ସଂଶ୍ରଯେଯଂ ବନାନ୍ଯହମ୍।
ଚୀରବଲ୍କଲଭୃଦ୍ରାଜନ୍ଗାନ୍ଧାର୍ଯା ସହିତୋଽନଯା॥ 16-3-37 (97309)
ତବାଶିଷଃ ପ୍ରଯୁଞ୍ଜାନୋ ଭବିଷ୍ଯାମି ବନେଚରଃ।
ଉଚିତଂ ନଃ କୁଲେ ତାତ ସର୍ବେଷାଂ ଭରତର୍ଷଭ।
ପୁତ୍ରେଷ୍ବୈଶ୍ଚର୍ଯମାଧାଯ ବଯସୋନ୍ତେ ବନଂ ନୃପ॥ 16-3-38 (97310)
ତତ୍ରାହଂ ବାଯୁଭକ୍ଷୋ ବା ନିରାହାରୋପି ବା ବସନ୍।
ପତ୍ନ୍ଯା ସହାନଯା ବୀର ଚରିଷ୍ଯାମି ତପଃ ପରମ୍॥ 16-3-39 (97311)
ତ୍ବଂ ଚାପି ଫଲଭାକ୍ତାତ ତପସଃ ପାର୍ଥିବୋ ହ୍ଯସି।
ଫଲଭାଜୋ ହି ରାଜାନଃ କଲ୍ଯାଣସ୍ଯେତରସ୍ଯ ବା॥ ॥ 16-3-40 (97312)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ତୃତୀଯୋଽଧ୍ଯାଯଃ॥ 3 ॥
Mahabharata - AshramaVasika Parva - Chapter Footnotes
7-3-3 ତଥୈବ ଭୀମସେନୋଽପି ଧୃତରାଷ୍ଟ୍ରଂ ଜନାଧିପମ୍। ନାମର୍ଷଯତ ରାଜେନ୍ଦ୍ରି ସଦୈବ ଦୁଷ୍ଟବଦ୍ଧୃଦେତି ଝ.ପାଠଃ॥ 7-3-24 ସୋହମେତାନ୍ଯତୀତାନୀତି କ.ପାଠଃ॥ 7-3-26 ତୃଷ୍ଣବିନଯନଂ ତୃଷାମାତ୍ରାପହଂ ମଣ୍ଡଦି ନତୁ କ୍ଷୁଦ୍ବ୍ଯାଧିହରମ୍॥ଆଶ୍ରମବାସିକପର୍ବ - ଅଧ୍ଯାଯ 004
॥ ଶ୍ରୀଃ ॥
16.4. ଅଧ୍ଯାଯଃ 004
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ଧୁତରାଷ୍ଟ୍ରେଣ ଯୁଧିଷ୍ଠିରଂପ୍ରତି ସ୍ବସ୍ଯ ବନଗମନାଭ୍ଯନୁଜ୍ଞାନପ୍ରାର୍ଥନା॥ 1 ॥ ଯୁଧିଷ୍ଠିରେଣ ଧୃତରାଷ୍ଟ୍ରାନୁଶୋଚନପୂର୍ବକଂ ତତ୍ପ୍ରତିଷେଧନେ ବ୍ଯାସେନ ଯୁଧିଷ୍ଠିରଚୋଦନାଯ ତତ୍ରାଗମନମ୍॥ 2 ॥Mahabharata - AshramaVasika Parva - Chapter Text
ଯୁଧିଷ୍ଠିର ଉବାଚ।
ନ ମାଂ ପ୍ରୀଣଯତେ ରାଜ୍ଯଂ ତ୍ବଯ୍ଯେବଂ ଦୁଃଖିତେ ନୃପ।
ଦିଙ୍ମାମସ୍ତୁ ସୁଦୁର୍ବୁଦ୍ଧିଂ ରାଜ୍ଯସକ୍ତଂ ପ୍ରମାଦିନମ୍॥ 16-4-1 (97313)
ଗୃହେ ବସନ୍ତଂ ଦୁଃଖାର୍ତମୁପବାସକୃଶଂ ଭୃଶମ୍।
ଯତାହାରଂ କ୍ଷିତିଶଯଂ ନାବିଦଂ ଭ୍ରାତୃଭିଃ ସହ॥ 16-4-2 (97314)
ଅହୋସ୍ମି ବଞ୍ଚିତୋ ମୂଢୋ ଭବତା ଗୂଢବୁଦ୍ଧିନା।
ବିସ୍ବାସଯିତ୍ବା ପୂର୍ବଂ ମାଂ ଯଦିଦଂ ଦୁଃଖମଶ୍ନୁଥା॥ 16-4-3 (97315)
କିଂ ମେ ରାଜ୍ଯେନ ଭୋଗୈର୍ବା କିଂ ଯଜ୍ଞୈଃ କିଂ ସୁଖେନ ବା।
ଯସ୍ଯ ମେ ତ୍ବଂ ମହୀପାଲ ଦୁଖାନ୍ଯେତାନ୍ଯବାପ୍ତବାନ୍॥ 16-4-4 (97316)
ପୀଡିତଂ ଚାପି ଜାନାମି ରାଜ୍ଯମାତ୍ମାନମେବ ଚ।
ଅନେନ ବଚସା ତେଽଦ୍ଯ ଦୁଃଖିତସ୍ଯ ଜନେଶ୍ବରଃ॥ 16-4-5 (97317)
ଭବାନ୍ପିତା ଭବାନ୍ମାତା ଭବାନ୍ନଃ ପରମୋ ଗୁରୁଃ।
ଭବତା ବିପ୍ରହୀଣା ବୈ କ୍ବନୁ ତିଷ୍ଠାମହେ ବଯମ୍॥ 16-4-6 (97318)
ଔରସୋ ଭବତଃ ପୁତ୍ରୋ ଯୁଯୁତ୍ସୁର୍ନୃପସତ୍ତମ।
ଅସ୍ତୁ ରାଜା ମହାରାଜ ଯମନ୍ଯଂ ମନ୍ଯତେ ଭବାନ୍॥ 16-4-7 (97319)
ଅହଂ ବନଂ ଗମିଷ୍ଯାମି ଭବାନ୍ରାଜା ପ୍ରଶାସ୍ତ୍ବିଦମ୍।
ନମାମଯଶସା ଦଗ୍ଧଂ ଭୂଯସ୍ତ୍ବଂ ଦଗ୍ଧୁମର୍ହସି॥ 16-4-8 (97320)
ନାହଂ ରାଜା ଭବାନ୍ରାଜା ଭବତା ପରବାନହମ୍।
କଥଂ ଗୁରୁଂ ତ୍ବାଂ ଧର୍ମଜ୍ଞମନୁଜ୍ଞାତୁମିହୋତ୍ସହେ॥ 16-4-9 (97321)
ନ ମନ୍ଯୁର୍ହୃଦି ନଃ କଶ୍ଚିତ୍ସୁଯୋଧନକୃତେଽନଘ।
ଭବିତବ୍ଯଂ ତଥା ତଦ୍ଧି ବଯଂ ଚାନ୍ଯେ ଚ ମୋହିତାଃ॥ 16-4-10 (97322)
ବଯଂ ପୁତ୍ରା ହି ଭବୋତ ଯଥା ଦୁର୍ଯୋଧନାଦଯଃ।
ଗାନ୍ଧାରୀ ଚୈବ କୁନ୍ତୀ ଚ ନିର୍ବିଶେଷେ ମତେ ମମ॥ 16-4-11 (97323)
ସ ମାଂ ତ୍ବଂ ଯଦି ରାଜେନ୍ଦ୍ର ପରିତ୍ଯଜ୍ଯ ଗମିଷ୍ଯସି।
ପୃଷ୍ଠତସ୍ତ୍ବନୁଯାସ୍ଯାମି ସତ୍ଯମାତ୍ମାନମାଲଭେ॥ 16-4-12 (97324)
ଇଯଂ ହି ବସୁସଂପୂର୍ଣା ମହୀ ସାଗରମେଖଲା।
ଭବତା ବିପ୍ରହୀଣସ୍ଯ ନ ମେ ପ୍ରୀତିକରୀ ଭବେତ୍॥ 16-4-13 (97325)
ଭବଦୀଯମିଦଂ ସର୍ବଂ ଶିରସା ତ୍ବାଂ ପ୍ରସାଦଯେ।
ତ୍ବଦଧୀନାଃ ସ୍ମ ରାଜେନ୍ଦ୍ର ବ୍ଯେତୁ ତେ ମାନସୋ ଜ୍ବରଃ॥ 16-4-14 (97326)
ଭବିତବ୍ଯମନୁପ୍ରାପ୍ତୋ ମନ୍ଯେ ତ୍ବଂ ବସୁଧାଧିପ।
ଦିଷ୍ଟ୍ଯା ଶୁଶ୍ରୂଷମାଣସ୍ତ୍ବାଂ ମୋକ୍ଷିଷ୍ଯେ ମନସୋ ଜ୍ବରଂ॥ 16-4-15 (97327)
ଧୃତରାଷ୍ଟ୍ର ଉବାଚ। 16-4-16x (8031)
ତାପସ୍ଯେ ମେ ମନସ୍ତାତ ବର୍ତତେ କୁରୁନନ୍ଦନ।
ଉଚିତଂ ଚ କୁଲେଽସ୍ମାକମରଣ୍ଯଗମନଂ ପ୍ରଭୋ॥ 16-4-16 (97328)
ଚିରମଧ୍ଯୁଷିତଃ ପୁତ୍ର ଚିରଂ ଶୁଶ୍ରୂଷିତସ୍ତ୍ବଯା।
ବୃଦ୍ଧଂ ମାମପ୍ଯନୁଜ୍ଞାତୁମର୍ହସି ତ୍ବଂ ନରାଧିପ॥ 16-4-17 (97329)
ବୈଶମ୍ପାଯନ ଉବାଚ। 16-4-18x (8032)
ଇତ୍ଯୁକ୍ତ୍ବା ଧର୍ମରାଜାନଂ ବେପମାନଂ କୃତାଞ୍ଜଲିମ୍।
ଉବାଚ ବିଦୁରଂ ରାଜା ଧୃତରାଷ୍ଟ୍ରୋଂଽବିକାସୁତଃ॥ 16-4-18 (97330)
ସଂଜଯଂ ଚ ମହାତ୍ମାନଂ କୃପଂ ଚାପି ମହାରଥମ୍।
ଅନୁନେତୁମିହେଚ୍ଛାମି ଭବଦ୍ଭିର୍ବସୁଧାଧିପମ୍॥ 16-4-19 (97331)
ମ୍ଲାଯତେ ମେ ମନୋ ହୀଦଂ ମୁଖଂ ଚ ପରିଶୁଷ୍ଯତି।
ବଯସା ଚ ପ୍ରକୃଷ୍ଟେନ ବାଗ୍ବ୍ଯାଯାମେନ ଚୈବ ହ॥ 16-4-20 (97332)
ଇତ୍ଯୁକ୍ତ୍ବା ସ ତୁ ଧର୍ମାତ୍ମା ବୃଦ୍ଧୋ ରାଜା କୁରୂଦ୍ବହଃ।
ଗାନ୍ଧାରୀଂ ଶିଶ୍ରିଯେ ଧୀମାନ୍ସହସୈବ ଗତାସୁବତ୍॥ 16-4-21 (97333)
ତଂ ତୁ ଦୃଷ୍ଟ୍ବା ସମାସୀନଂ ବିସଂଜ୍ଞମିବ କୌରବମ୍।
ଆର୍ତିଂ ରାଜାଽଗମତ୍ତୀବ୍ରାଂ କୌନ୍ତେଯଃ ପରବୀରହା॥ 16-4-22 (97334)
ଯୁଧିଷ୍ଠିର ଉବାଚ। 16-4-23x (8033)
ଯସ୍ଯ ନାଗସହସ୍ରେଣ ଶତସଙ୍ଖ୍ଯେନ ବୈ ବଲମ୍।
ସୋଯଂ ନାରୀଂ ବ୍ଯପାଶ୍ରିତ୍ଯ ଶେତେ ରାଜା ଗତାସୁବତ୍॥ 16-4-23 (97335)
ଆଯସୀ ପ୍ରତିମା ଯେନ ଭୀମସେନସ୍ଯ ସା ପୁରା।
ଚୂର୍ଣୀକୃତା ବଲବତା ସୋବଲାମାଶ୍ରିତଃ ସ୍ତ୍ରିଯମ୍॥ 16-4-24 (97336)
ଧିଗସ୍ତୁ ମାମଧର୍ମଜ୍ଞଂ ଧିଗ୍ବୁଦ୍ଧିଂ ଧିକ୍ଚ ମେ ଶ୍ରୁତମ୍।
ଯତ୍କୃତେ ପୃଥିବୀପାଲଃ ଶେତେଽଯମତଥୋଚିତଃ॥ 16-4-25 (97337)
ଅହମପ୍ଯୁପବତ୍ସ୍ଯାମି ଯଥୈବାଯଂ ଗୁରୁର୍ମମ।
ଯଦି ରାଜା ନ ଭୁଙ୍କ୍ତେଽଯଂ ଗାନ୍ଧାରୀ ଚ ଯଶସ୍ବିନୀ॥ 16-4-26 (97338)
ବୈଶମ୍ପାଯନ ଉବାଚ। 16-4-27x (8034)
ତତୋସ୍ଯ ପାଣିନା ରାଜଞ୍ଜଲଶୀତେନ ପାଣ୍ଡବଃ।
ଉରୋ ମୁଖଂ ଚ ଶନକୈଃ ପର୍ଯମାର୍ଜତ ଧର୍ମବିତ୍॥ 16-4-27 (97339)
ତେନ ରତ୍ନୌଷଧିମତା ପୁଣ୍ଯେନ ଚ ସୁଗନ୍ଧିନା।
ପାଣିସ୍ପର୍ଶେନ ରାଜ୍ଞଃ ସ ରାଜା ସଂଜ୍ଞାମବାପ ହ॥ 16-4-28 (97340)
ସ୍ପୃଶନ୍ତଂ ପାଣିନା ଭୂଯଃ ପରିଷ୍ଯଜ୍ଯ ଚ ପାଣ୍ଡବମ୍।
`ଉବାଚ ରାଜା ଧର୍ମଜ୍ଞୋ ଧୃତରାଷ୍ଟ୍ରଃ ଶୁଭଂ ବଚଃ॥' 16-4-29 (97341)
ଜୀବାମୀବାତିସଂସ୍ପର୍ଶାତ୍ତବ ରାଜୀବଲୋଚନ।
ମୂର୍ଧାନଂ ଚ ତବାଘ୍ରାତୁମିଚ୍ଛାମି ମନୁଜାଧିପ।
ପାଣିଭ୍ଯାଂ ହି ପରିସ୍ପ୍ରଷ୍ଟୁଂ ପ୍ରାଣାନାଂ ହିତମାତ୍ମନି॥ 16-4-30 (97342)
ଅଷ୍ଟମୋ ହ୍ଯଦ୍ଯ କାଲୋଽଯମାହାରସ୍ଯ କୃତସ୍ଯ ମେ।
ଯେନାହଂ କୁରୁଶାର୍ଦୂଲ ଶକ୍ନୋମି ନ ବିଚେଷ୍ଟିତୁମ୍॥ 16-4-31 (97343)
ବ୍ଯାଯାମଶ୍ଚାଯମତ୍ଯର୍ଥଂ କୃତସ୍ତ୍ବାମଭିଯାଚତା।
ତତୋ ଗ୍ଲାନମନାସ୍ତାନ ନଷ୍ଟସଂଜ୍ଞ ଇବାଭବମ୍॥ 16-4-32 (97344)
ତବାମୃତସୁଖସ୍ପର୍ଶଂ ହସ୍ତସ୍ପର୍ଶମିମଂ ପ୍ରଭୋ।
ଲବ୍ଧ୍ବା ସଂଜୀବିତୋସ୍ମୀତି ମନ୍ଯେ କୁରୁକୁଲୋଦ୍ବହ॥ 16-4-33 (97345)
ବୈଶମ୍ପାଯନ ଉବାଚ। 16-4-34x (8035)
ଏବମୁକ୍ତସ୍ତୁ କୌନ୍ତେଯଃ ପିତ୍ରା ଜ୍ଯେଷ୍ଠେନ ଭାରତ।
ପସ୍ପର୍ଶ ସର୍ବଗାତ୍ରେଷୁ ସ୍ନେହାର୍ଦ୍ରସ୍ତଂ ଶନୈସ୍ତଦା॥ 16-4-34 (97346)
ଉପଲଭ୍ଯ ତତଃ ପ୍ରାଣାନ୍ଧୃତରାଷ୍ଟ୍ରୋ ମହୀପତିଃ।
ବାହୁଭ୍ଯାଂ ସମ୍ପରିଷ୍ବଜ୍ଯ ମୂର୍ଧ୍ନ୍ଯାଜିଘ୍ରତ ପାଣ୍ଡବମ୍॥ 16-4-35 (97347)
ବିଦୁରାଦଯଶ୍ଚ ତେ ସର୍ବେ ରୁରୁଦୁର୍ଦୁଃଖିତା ଭୃଶମ୍।
ଅତିଦୁଃଖାତ୍ତୁ ରାଜାନଂ ନୋଚୁଃ କିଞ୍ଚନ ପାଣ୍ଡବମ୍॥ 16-4-36 (97348)
ଗାନ୍ଧାରୀ ତ୍ବେବ ଧର୍ମଜ୍ଞା ମନସୋଦ୍ବହତୀ ଭୃଶମ୍।
ଦୁଃଖାନ୍ଯଧାରଯଦ୍ରାଜନ୍ମୈବମିତ୍ଯେବ ଚାବ୍ରବୀତ୍॥ 16-4-37 (97349)
ଇତରାସ୍ତୁ ସ୍ତ୍ରିଯଃ ସର୍ବାଃ କୁନ୍ତ୍ଯା ସହ ସୁଦଃଖିତାଃ।
ନେତ୍ରୈରାଗତବିକ୍ଲେଦୈଃ ପରିବାର୍ଯ ସ୍ଥିତାଽଭବନ୍॥ 16-4-38 (97350)
ଅଥାବ୍ରବୀତ୍ପୁନର୍ବାକ୍ଯଂ ଧୃତରାଷ୍ଟ୍ରୋ ଯୁଧିଷ୍ଠିରମ୍।
ଅନୁଜାନୀହି ମାଂ ରାଜଂସ୍ତାପସ୍ଯେ ଭରତର୍ଷଭ॥ 16-4-39 (97351)
ଗ୍ଲାଯତେ ମେ ମନସ୍ତାତ ଭୂଯୋଭୂଯଃ ପ୍ରଜଲ୍ପତଃ।
ନ ମାମତଃ ପରଂ ପୁତ୍ର ପରିକ୍ଲେଷ୍ଟୁମିହାର୍ହସି॥ 16-4-40 (97352)
ତସ୍ମିଂସ୍ତୁ କୌରବେନ୍ଦ୍ରେ ତଂ ତଥା ବ୍ରୁବତି ପାଣ୍ଡବମ୍।
ସର୍ବେଷାମବରୋଧାନାମାର୍ତନାଦୋ ମହାନଭୂତ୍॥ 16-4-41 (97353)
ଦୃଷ୍ଟ୍ବା କୃଶଂ ବିବର୍ଣଂ ଚ ରାଜାନମତଥୋଚିତମ୍॥
ଉପବାସପରିଶ୍ରାନ୍ତଂ ତ୍ବଗସ୍ଥିପରିବାରିତମ୍॥ 16-4-42 (97354)
ଧର୍ମପୁତ୍ରଃ ସ୍ବପିତରଂ ପରିଷ୍ବଜ୍ଯ ମହାପ୍ରଭୁମ୍।
ଶୋକଜଂ ବାଷ୍ପମୁତ୍ସୃଜ୍ଯି ପୁନର୍ବଚନମବ୍ରବୀତ୍॥ 16-4-43 (97355)
ନ କାମଯେ ନରଶ୍ରେଷ୍ଠ ଜୀବିତଂ ପୃଥିବୀଂ ତଥା।
ଯଥା ତବ ପ୍ରିଯଂ ରାଜଂଶ୍ଚିକୀର୍ଷାମି ପରଂତପ॥ 16-4-44 (97356)
ଯଦି ଚାହମନୁଗ୍ରାହ୍ଯୋ ଭବତୋ ଦଯିତୋଽପି ବା।
କ୍ରିଯତାଂ ତାବଦାହାରସ୍ତତୋ ବେତ୍ସ୍ଯାମ୍ଯହଂ ପରମ୍॥ 16-4-45 (97357)
ତତୋଽବ୍ରବୀନ୍ମହାତେଜା ଧୃତରାଷ୍ଟ୍ରୋ ଯୁଧିଷ୍ଠିରମ୍।
ଅନୁଜ୍ଞାତସ୍ତ୍ବଯା ପୁତ୍ର ଭୁଞ୍ଜୀଯାମିତି କାମଯେ॥ 16-4-46 (97358)
ଇତି ବ୍ରୁବତି ରାଜେନ୍ଦ୍ରେ ଧୃତରାଷ୍ଟ୍ରେ ଯୁଧିଷ୍ଠିରମ୍।
ଋଷିଃ ସତ୍ଯବତୀପୁତ୍ରୋ ବ୍ଯାସୋଽଭ୍ଯୋତ୍ଯ ବଚୋଽବ୍ରବୀତ୍॥ ॥ 16-4-47 (97359)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମିବାସପର୍ବଣି ଚତୁର୍ଥୋଽଧ୍ଯାଯଃ॥ 4 ॥
ଆଶ୍ରମବାସିକପର୍ବ - ଅଧ୍ଯାଯ 005
॥ ଶ୍ରୀଃ ॥
16.5. ଅଧ୍ଯାଯଃ 005
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ବ୍ଯାସେନ ଯୁଧିଷ୍ଠିରଂପ୍ରତି ସହେତୂପନ୍ଯାସଂ ଧୃତରାଷ୍ଟ୍ରସ୍ଯ ଧୃତରାଷ୍ଟ୍ରସ୍ଯ ବନଗମନାଭ୍ଯନୁଜ୍ଞାନଚୋଦନାପୂର୍ବକଂ ସ୍ବାଶ୍ରମଗମନମ୍॥ 1 ॥ ଯୁଧିଷ୍ଠିରେଣି ଧୃତରାଷ୍ଟ୍ରଂପ୍ରତି କୃଚ୍ଛ୍ରେଣ ତଦଭ୍ଯନୁଜ୍ଞାନାଙ୍ଗୀକରଣମ୍॥ 2 ॥Mahabharata - AshramaVasika Parva - Chapter Text
ବ୍ଯାସ ଉବାଚ।
ଯୁଧିଷ୍ଠିର ମହାବାହୋ ********** କୁରୁନନ୍ଦନଃ।
ଧୃତରାଷ୍ଟ୍ରୋ ମହାତେଜାସ୍ତତ୍କୁରୁଷ୍ବାବିଚାରଯନ୍॥ 16-5-1 (97360)
ଅଯଂ ହି ବୃଦ୍ଧୋ ନୃପତିର୍ହତପୁତ୍ରୋ ବିଶେଷତଃ।
ନେଦଂ କୃଚ୍ଛ୍ରଂ ଚିରତରଂ ସହେଦିତି ମତିର୍ମମ॥ 16-5-2 (97361)
ଗାନ୍ଧାରୀ ଚ ମହାଭାଗା ପ୍ରାଜ୍ଞା କରୁଣବେଦିନୀ।
ପୁତ୍ରଶୋକଂ ମହାରାଜ ଧୈର୍ଯେଣୋଦ୍ବହତେ ଭୃଶମ୍॥ 16-5-3 (97362)
ଅହମପ୍ଯେତଦେବ ତ୍ବାଂ ବ୍ରବୀମି କୁରୁ ମେ ବଚଃ।
ଅନୁଜ୍ଞାଂ ଲଭତାଂ ରାଜା ମାଂ ବୃଥେହ ମରିଷ୍ଯତି॥ 16-5-4 (97363)
`ସ୍ବସ୍ଥୋ ଭବତ୍ବଯଂ ଧୀମାନ୍ବନେଷୁ ମଧୁଗନ୍ଧିଷୁ।'
ରାଜର୍ଷୀଣାଂ ପୁରାଣାନାମନୁଯାତୁ ଗତିଂ ନୃପଃ। ରାଜର୍ଷୀଣାଂ ହି ସର୍ବେଷାମନ୍ତେ ବନମୁପାଶ୍ରଯଃ॥ 16-5-5 (97364)
ବୈଶମ୍ପାଯନ ଉବାଚ। 16-5-6x (8036)
ଇତ୍ଯୁକ୍ତଃ ସ ତଦା ରାଜା ବ୍ଯାସେନାଦ୍ଭୁତକର୍ମଣା।
ପ୍ରତ୍ଯୁବାଚ ମହାତେଜା ଧର୍ମରାଜୋ ମହାମୁନିମ୍॥ 16-5-6 (97365)
ଭଗବାନେବ ନୋ ମାନ୍ଯୋ ଭଗବାନେବ ନୋ ଗୁରୁଃ।
ଭଗବାନସ୍ଯ ରାଜ୍ଯସ୍ଯ କୁଲସ୍ଯ ଚ ପରାଯଣମ୍॥ 16-5-7 (97366)
ଅହଂ ତୁ ପୁତ୍ରୋ ଭଗବନ୍ପିତା ରାଜା ଗୁରୁଶ୍ଚ ମେ।
ନିଦେଶବତୀ ଚ ପିତୁଃ ପୁତ୍ରୋ ଭବତି ଧର୍ମତଃ॥ 16-5-8 (97367)
ବୈଶମ୍ପାଯନ ଉବାଚ। 16-5-9x (8037)
ଇତ୍ଯୁକ୍ତଃ ସ ତୁ ତଂ ପ୍ରାହ ବ୍ଯାସୋ ବେଦବିଦାଂବରଃ।
ଯୁଧିଷ୍ଠିରଂ ମହାତେଜାଃ ପୁନରେବ ମହାକବିଃ॥ 16-5-9 (97368)
ଏବମେତନ୍ମହାଭାଗ ଯଥା ବଦସିଂ ଭାରତ।
ରାଜାଽଯଂ ବୃଦ୍ଧତାଂ ପ୍ରାପ୍ତଃ ପ୍ରମାଣେ ପରମେ ସ୍ଥିତଃ॥ 16-5-10 (97369)
ସୋଯଂ ମଯାଽଭ୍ଯନୁଜ୍ଞାତସ୍ତ୍ବଥା ଚ ପୃଥିବୀପତିଃ।
କରୋତୁ ସ୍ବମଭିପ୍ରାଯଂ ମା ସ୍ମ ବିଘ୍ନକରୋ ଭବ॥ 16-5-11 (97370)
ଏଷ ଏବ ପରୋ ଧର୍ମୋ ରାଜର୍ଷୀଣାଂ ଯୁଧିଷ୍ଠିର।
ସମରେ ବା ଭବେନ୍ମୃତ୍ଯୁର୍ବନେ ବା ବିଧିପୂର୍ବକମ୍॥ 16-5-12 (97371)
ପିତ୍ରା ତୁ ତବ ରାଜେନ୍ଦ୍ର ପାଣ୍ଡୁନା ପୃଥିବୀକ୍ଷିତା।
ଶିଷ୍ଯଭୂତେନ ରାଜାଽଯଂ ଗୁରୁବତ୍ପର୍ଯୁପାସିତଃ॥ 16-5-13 (97372)
କ୍ରତୁଭିର୍ଦକ୍ଷିଣାବଦ୍ଭୀ ରତ୍ନପର୍ବତଶୋଭିତୈଃ।
ମହଦ୍ଭିରିଷ୍ଟଂ ଗୌର୍ଭୁକ୍ତା ପ୍ରଜାଶ୍ଚ ପରିପାଲିତାଃ॥ 16-5-14 (97373)
ପୁତ୍ରସଂସ୍ଯଂ ଚ ବିପୁଲଂ ରାଜ୍ଯଂ ବିପ୍ରୋଷିତେ ତ୍ବଯି।
ତ୍ରଯୋଦଶସମା ଭୁକ୍ତଂ ଦତ୍ତଂ ଚ ବିବିଧଂ ବସୁ॥ 16-5-15 (97374)
ତ୍ବଯା ଚାଯଂ ନରବ୍ଯାଘ୍ର ଗୁରୁଶୁଶ୍ରୂଷଯାଽନଘ।
ଆରାଧିତଃ ସ ଭୃତ୍ଯେନ ଗାନ୍ଧାରୀ ଚ ଯଶସ୍ବିନୀ॥ 16-5-16 (97375)
ଅନୁଜାନୀହି ପିତରଂ ସମଯୋଽସ୍ମ ତପୋବିଧୌ।
ନ ମନ୍ଯୁର୍ବିଦ୍ଯତେ ଚାସ୍ଯ ସୁସୂକ୍ଷ୍ମୋଽପି ଯୁଧିଷ୍ଠିର॥ 16-5-17 (97376)
ବୈଶମ୍ପାଯନ ଉବାଚ। 16-5-18x (8038)
ଏତାବଦୁକ୍ତ୍ବା ବଚନମନୁମାନ୍ଯ ଚ ପାର୍ଥିବମ୍।
ତଥାଽସ୍ତ୍ବିତି ଚ ତେନୋକ୍ତଃ କୌତେଯେନ ଯଯୌ ବନମ୍॥ 16-5-18 (97377)
ଗତେ ଭଗବତି ବ୍ଯାସେ ରାଜା ପାଣ୍ଡୁସୁତସ୍ତଦା।
ପ୍ରୋବାଚ ପିତରଂ ବୃଦ୍ଧଂ ମନ୍ଦଂମନ୍ଦମିବାନତଃ॥ 16-5-19 (97378)
ଯଦାହ ଭଗବାନ୍ବ୍ଯାସୋ ଯଚ୍ଚାପି ଭବତୋ ମତମ୍।
ଯଥାଽଽହ ଚ ମହେଷ୍ବାସଃ କୃପୋ ବିଦୁର ଏବ ଚ॥ 16-5-20 (97379)
ଯୁଯୁତ୍ସୁଃ ସଂଜଯଶ୍ଚୈବ ତତ୍କର୍ତାସ୍ମ୍ଯହମଞ୍ଜସା।
ସର୍ବ ଏବ ହି ମାନ୍ଯା ମେ କୁଲସ୍ଯ ହି ହିତୈଷିଣଃ॥ 16-5-21 (97380)
ଇଦଂ ତୁ ଯାଚେ ନୃପତେ ତ୍ବାମହଂ ଶିରସା ନତଃ।
କ୍ରିଯତାଂ ତାବଦାହାରସ୍ତତୋ ଗଚ୍ଛାଶ୍ରମଂ ପ୍ରତି॥ ॥ 16-5-22 (97381)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ପଞ୍ଚମୋଽଧ୍ଯାଯଃ॥ 5 ॥
Mahabharata - AshramaVasika Parva - Chapter Footnotes
7-5-17 ତପୋବିଧୌ ତପଃକରଣେ॥ 18 ॥ଆଶ୍ରମବାସିକପର୍ବ - ଅଧ୍ଯାଯ 006
॥ ଶ୍ରୀଃ ॥
16.6. ଅଧ୍ଯାଯଃ 006
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ବନଂ ଯିଯାସୁନା ଧୃତରାଷ୍ଟ୍ରେଣ ଯୁଧିଷ୍ଠିରାଯ ରାଜନୀତ୍ଯୁପଦେଶଃ॥ 1 ॥Mahabharata - AshramaVasika Parva - Chapter Text
ବୈଶମ୍ପାଯନ ଉବାଚ।
ତତୋ ରାଜ୍ଞାଽଭ୍ଯନୁଜ୍ଞାତୋ ଧୃତରାଷ୍ଟ୍ରୋ ମହାମନାଃ।
ଯଯୌ ସ୍ବଭବନଂ ରାଜା ଗାନ୍ଧାର୍ଯାଽନୁଗତସ୍ତଦା॥ 16-6-1 (97382)
ମନ୍ଦପ୍ରାଣଗତିର୍ଧାମାନ୍କୃଚ୍ଛ୍ରାଦିବ ସମୁଦ୍ବହନ୍।
ପଦାନି ସ ମହୀପାଲୋ ଜୀର୍ଣୋ ଗଜପତିର୍ଯଥା॥ 16-6-2 (97383)
ତମନ୍ବଗଚ୍ଛଦ୍ବିଦୁରୋ ବିଦ୍ବାନ୍ସୂତଶ୍ଚ ସଂଜଯଃ।
ସ ଚାପି ପରମେଷ୍ବାସଃ କୃପଃ ସାରଦ୍ବତସ୍ତଥା॥ 16-6-3 (97384)
ସ ପ୍ରବିଶ୍ଯ ଗୃହଂ ରାଜା କୃତପୂର୍ବାହ୍ଣିକକ୍ରିଯଃ।
ତର୍ପଯିତ୍ବା ଦ୍ବିଜଶ୍ରେଷ୍ଠାନାହାରମକରୋତ୍ତଦା॥ 16-6-4 (97385)
ଗାନ୍ଧାରୀ ଚୈବ ଧର୍ମଜ୍ଞା କୁନ୍ତ୍ଯା ସହ ମନସ୍ବିନୀ।
ବଧୂଭିରୁପଚାରେଣି ପୂଜିତାଽଭୁଙ୍କ୍ତ ଭାରତ॥ 16-6-5 (97386)
କୃତାହାରଂ କୃତାହାରାଃ ସର୍ବେ ତେ ବିଦୁରାଦଯଃ।
ପାଣ୍ଡବାଶ୍ଚ କୁରୁଶ୍ରେଷ୍ଠମୁପାତିଷ୍ଠନ୍ତ ତଂ ନୃପମ୍॥ 16-6-6 (97387)
ତତୋଽବ୍ରବୀନ୍ମହାରାଜଃ କୁନ୍ତୀପୁତ୍ରମୁପହ୍ବରେ।
ନିଷଣ୍ଣଂ ପାଣିନା ପୃଷ୍ଠେ ସଂସ୍ପୃଶନ୍ନଂବିକାସୁତଃ॥ 16-6-7 (97388)
ଅପ୍ରମାଦସ୍ତ୍ବଯା କାର୍ଯଃ ସର୍ବଥା କୁରୁନନ୍ଦନ।
ଅଷ୍ଟାଙ୍ଗେ ରାଜଶାର୍ଦୂଲ ରାଜ୍ଯେ ଧର୍ମପୁରସ୍କୃତେ॥ 16-6-8 (97389)
ତତ୍ତୁ ଶକ୍ଯଂ ମହାରାଜ ରକ୍ଷିତୁଂ ପାଣ୍ଡୁନନ୍ଦନ।
ରାଜ୍ଯଂ ଧର୍ମେଣ କୌନ୍ତେଯ ବିଦ୍ବାନସି ନିବୋଧ ତତ୍॥ 16-6-9 (97390)
ବିଦ୍ଯାବୃଦ୍ଧାନ୍ସଦୈବ ତ୍ବମୁପାସୀଥା ଯୁଧିଷ୍ଠିର।
ଶୃଣୁଯାସ୍ତେ ଚ ଯଦ୍ବ୍ରୂଯୁଃ କୁର୍ଯାଶ୍ଚୈବାବିଚାରଯନ୍॥ 16-6-10 (97391)
ପ୍ରାତରୁସ୍ଥାଯ ତାନ୍ରାଜନ୍ପୂଜଯିତ୍ବା ଯଥାବିଧି।
କୃତ୍ଯକାଲେ ସମୁତ୍ପନ୍ନେ ପୃଚ୍ଛେଥାଃ କାର୍ଯମାତ୍ମନଃ॥ 16-6-11 (97392)
ତେ ତୁ ସମ୍ମାନିତା ରାଜଂସ୍ତ୍ବଯା ଲୋକହିତାର୍ଥିନା।
ପ୍ରବକ୍ଷ୍ଯନ୍ତି ହିତଂ ତାତ ସର୍ବଥା ତବ ଭାରତ॥ 16-6-12 (97393)
ଇନ୍ଦ୍ରିଯାଣି ଚ ସର୍ବାଣି ବାଜିବତ୍ପରିପାଲଯ।
ହିତାଯୈବ ଭବିଷ୍ଯନ୍ତି ରକ୍ଷିତଂ ଦ୍ରବିଣଂ ଯଥା॥ 16-6-13 (97394)
ଅମାତ୍ଯାନୁପଧାତୀତାନ୍ପିତୃପୈତାମହାଞ୍ଶୁଚୀନ୍।
ଦାନ୍ତାନ୍କର୍ମସୁ ସର୍ବେଷୁ ମୁଖ୍ଯାନ୍ମୁଖ୍ଯେଷୁ ଯୋଜଯେଃ॥ 16-6-14 (97395)
ଚାରଯେଥାଶ୍ଚ ସତତଂ ଚାରୈରବିଦିତଃ ପରୈଃ।
ପରୀକ୍ଷିତୈର୍ବହୁବିଧୈଃ ସ୍ବରାଷ୍ଟ୍ରେଷୁ ପରେଷୁ ଚ॥ 16-6-15 (97396)
ପୁରଂ ଚ ତେ ସୁଗୁପ୍ତଂ ସ୍ଯାଦ୍ଦୃଢପ୍ରାକାରତୋରଣମ୍।
ଅଟ୍ଟାଟ୍ଟାଲକସମ୍ବାଧଂ ଷଟ୍ପଦଂ ସର୍ବତୋ ଦିଶମ୍॥ 16-6-16 (97397)
ତସ୍ଯ ଦ୍ବାରାଣି ସର୍ବାଣି ପର୍ଯାପ୍ତାନି ବୃହନ୍ତି ଚ।
ସର୍ବତଃ ସୁବିଭକ୍ତାନି ଯନ୍ତ୍ରୈରାରକ୍ଷିତାନି ଚ॥ 16-6-17 (97398)
ପୁରୁଷୈରଲମର୍ଥସ୍ତେ ବିଦିତୈଃ କୁଲଶୀଲତଃ।
ଆତ୍ମା ଚ ରକ୍ଷ୍ଯଃ ସତତଂ ଭୋଜନାଦିଷୁ ଭାରତ।
ବିହାରାହାରକାଲେଷୁ ମାଲ୍ଯଶଯ୍ଯାସନେଷୁ ଚ॥ 16-6-18 (97399)
ସ୍ତ୍ରିଯଶ୍ଚ ତେ ସୁଗୁପ୍ତାଃ ସ୍ଯୁର୍ବୃଦ୍ଧୈରାପ୍ତୈରଧିଷ୍ଠିତାଃ।
ଶୀଲବଦ୍ଭିଃ କୁଲୀନୈଶ୍ଚ ବିଦ୍ବଦ୍ଭିଶ୍ଚ ଯୁଧିଷ୍ଠିର॥ 16-6-19 (97400)
ମନ୍ତ୍ରିଣିଶ୍ଚୈବ କୁର୍ବୀଥା ଦ୍ବିଜାନ୍ବିଦ୍ଯାବିଶାରଦାନ୍।
ବିନୀତାଂଶ୍ଚ କୁଲୀନାଂଶ୍ଚ ଧର୍ମାର୍ଥକୁଶଲାନୃଜୂନ୍॥ 16-6-20 (97401)
ତୈଃ ସାର୍ଧଂ ମନ୍ତ୍ରଯେଥାସ୍ତ୍ବଂ ନାତ୍ଯର୍ଥଂ ବହୁଭିଃକ ସହ।
ସମସ୍ତୈରପି ଚ ବ୍ଯସ୍ତୈର୍ବ୍ଯପଦେଶେନ କେନଚିତ୍॥ 16-6-21 (97402)
ସୁସଂବୃତଂ ମନ୍ତ୍ରଗୃହଂ ସ୍ଥଲଂ ଚାରୁହ୍ଯ ମନ୍ତ୍ରଯେଃ।
ଅରଣ୍ଯେ ନିଃଶଲାକେ ବା ନ ଚ ରାତ୍ରୌ କଥଞ୍ଚନ॥ 16-6-22 (97403)
ବାନରାଃ ପକ୍ଷିଣଶ୍ଚୈବ ଯେ ମନୁଷ୍ଯାନୁକାରିଣଃ।
ସର୍ବେ ମନ୍ତ୍ରଗୃହେ ବର୍ଜ୍ଯା ଯେ ଚାପି ଜଡପଙ୍ଗବଃ॥ 16-6-23 (97404)
ମନ୍ତ୍ରଭେଦେ ହି ଯେ ଦୋଷା ଭନ୍ତି ପୃଥିବୀକ୍ଷିତାମ୍।
ନ ତେ ଶକ୍ଯାଃ ସମାଧାତୁଂ କଥଞ୍ଚିଦିତି ମେ ମତିଃ॥ 16-6-24 (97405)
ଦୋଷାଂଶ୍ଚ ମନ୍ତ୍ରଭେଦସ୍ଯ ବ୍ରୂଯାସ୍ତ୍ବଂ ମନ୍ତ୍ରିମଣ୍ଡଲେ।
ଅଭେଦେ ଚ ଗୁଣା ରାଜନ୍ପୁନଃପୁନରରିଂଦମ॥ 16-6-25 (97406)
ପୌରଜାନପଦାନାଂ ଚ ଶୌଚଶୌଚେ ଯୁଧିଷ୍ଠିର।
ଯଥା ସ୍ଯାଦ୍ବିଦିତଂ ରାଜଂସ୍ତଥା କାର୍ଯଂ କୁରୂଦ୍ବହ॥ 16-6-26 (97407)
ବ୍ଯବହାରଶ୍ଚ ତେ ରାଜନ୍ନିତ୍ଯମାପ୍ତୈରଧିଷ୍ଠିତଃ।
ଯୋଜ୍ଯସ୍ତୁଷ୍ଟୈର୍ହିତୈ ରାଜନ୍ନିତ୍ଯଂ ଚାରୈରନୁଷ୍ଠିତଃ॥ 16-6-27 (97408)
ପରିମାଣଂ ବିଦିତ୍ବା ଚ ଦଣ୍ଡଂ ଦଣ୍ଡ୍ଯେଷୁ ଭାରତ।
ପ୍ରଣଯେଯୁର୍ଯଥାନ୍ଯାଯଂ ପୁରୁଷାସ୍ତେ ଯୁଧିଷ୍ଠିର॥ 16-6-28 (97409)
ଆଦାନରୁଚଯଶ୍ଚୈବ ପରଦାରାଭିମର୍ଶିନଃ।
ଉଗ୍ରଦଣ୍ଡିପ୍ରଧାନାଶ୍ଚ ମିଥ୍ଯାବ୍ଯାହାରିଣସ୍ତଥା॥ 16-6-29 (97410)
ଆକ୍ରୋଷ୍ଟାରଶ୍ଚ ଲୁବ୍ଧାଶ୍ଚ ହର୍ତାରଃ ସାହସପ୍ରିଯାଃ।
ସଭାବିହାରଭେତ୍ତାରୋ ବର୍ଣାନାଂ ଚ ପ୍ରଦୂଷକାଃ।
ହିରଣ୍ଯଦଣ୍ଡ୍ଯା ବଧ୍ଯାଶ୍ଚ କର୍ତବ୍ଯା ଦେଶକାଲତଃ॥ 16-6-30 (97411)
`ଅବରୋଧଭୂମୌ ଭୃତ୍ଯୈଶ୍ଚ ପାନଂ ସହ ବିବର୍ଜଯେତ୍।
ଆକ୍ରୋଶନ୍ତ୍ଯନୁମତ୍ତାସ୍ତେ କଲତ୍ରଂ ବାଽପି ଗୃହ୍ଣତେ॥ 16-6-31 (97412)
ଜିଘାଂସନ୍ତ୍ଯପି ଶସ୍ତ୍ରେଣ ନଷ୍ଟାଃ କ୍ରୀଡନ୍ତି ଚୋତ୍କଟାଃ।
ନାନାକ୍ଷେପା ବ୍ଯାହରନ୍ତି ଗମ୍ଯାଗମ୍ଯଂ ନ ଜାନତେ॥ 16-6-32 (97413)
ଅତିପାନେନି ରାଜାଽପି ସର୍ବଂ କୋଶଂ ବିନାଶଯେତ୍।
ବିତରେଦ୍ଗାଯକେଭ୍ଯଶ୍ଚ ବୃଥା ଚ ଦ୍ରବ୍ଯସଞ୍ଚଯମ୍॥ 16-6-33 (97414)
ଶବ୍ଦମାତ୍ମନି ଦୋଷାଂଶ୍ଚ ପିବେଦେକଶ୍ଚ ଜାଯଯା।
ଯୁକ୍ତ୍ଯା ପ୍ରକାଶମଯତି ସୁବୀର୍ଯସ୍ଯି ବିବୃଦ୍ଧଯେ॥' 16-6-34 (97415)
ପ୍ରାତରେବ ହି ପଶ୍ଯଥା ଯେ କୁର୍ଯୁଃ ପ୍ରିଯକର୍ମ ତେ।
ଅଲଙ୍କାରମଥୋ ଭୋଜ୍ଯମତ ଊର୍ଧ୍ବଂ ସମାଚରେଃ॥ 16-6-35 (97416)
ପଶ୍ଯେଥାଶ୍ଚି ତତୋ ଯୋଧାନ୍ସଦା ତ୍ବଂ ପ୍ରତିହର୍ଷଯନ୍।
ଦୂତାନାଂ ଚ ଚରାଣାଂ ଚ ପ୍ରଦୋଷସ୍ତେ ସଦା ଭବେତ୍॥ 16-6-36 (97417)
ସଦା ଚାପରରାତ୍ରାନ୍ତେ ଭବେତ୍କାର୍ଯାର୍ଥନିର୍ଣଯଃ।
ମଧ୍ଯରାତ୍ରେ ବିହାରସ୍ତେ ମଧ୍ଯାହ୍ନେ ଚ ସଦା ଭବେତ୍॥ 16-6-37 (97418)
ସର୍ବେ ତ୍ବୌପଯିକାଃ କାଲାଃ କାର୍ଯାଣାଂ ଭରତର୍ଷଭ।
ତଥୈବାଲଙ୍କୃତଃ କାଲେ ତିଷ୍ଠିଥା ଭୂରିଦକ୍ଷିଣଃ॥ 16-6-38 (97419)
`ନ ବିଦ୍ରାବ୍ଯ ଚ ତିଷ୍ଠେତ ପରିହାର୍ଯ ବିଭୂଷଣମ୍।
ପ୍ରଯୋଜ୍ଯଂ ସର୍ବଦୈବେହ ମଙ୍ଗଲ୍ଯଂ ପାପନାଶନମ୍॥' 16-6-39 (97420)
ଚକ୍ରବତ୍ତାତ କାର୍ଯାଣାଂ ପର୍ଯାଯୋ ଦୃଶ୍ଯତେ ସଦା।
କୋଶସ୍ଯ ନିଚଯେ ଯତ୍ନଂ କୁର୍ବୀଥା ନ୍ଯାଯତଃ ସଦା।
ବିବିଧସ୍ଯ ମହାରାଜ ବିପରୀତଂ ବିବର୍ଜଯେଃ॥ 16-6-40 (97421)
ଚାରୈର୍ବିଦିତ୍ବା ଶତ୍ରୂଂଶ୍ଚ ଯେ ରାଜ୍ଞାମନ୍ତରୈଷିଣଃ।
ତାନାପ୍ତୈଃ ପୁରୁଷୈର୍ଦୂରାଦ୍ଧାତଯେଥା ନରାଧିପ॥ 16-6-41 (97422)
କର୍ମ ଦୃଷ୍ଟ୍ବାଽଥ ଭୃତ୍ଯାଂସ୍ତ୍ବଂ ବରଯେଥାଃ କୁରୂଦ୍ବହ।
କାରଯେଥାଶ୍ଚ କର୍ମାଣି ଯୁକ୍ତାଯୁକ୍ତୈରଧିଷ୍ଠିତୈଃ॥ 16-6-42 (97423)
ସେନାପ୍ରାଣେତା ଚ ଭବେତ୍ତବ ତାତ ଦୃଢବ୍ରତଃ।
ଶୂରଃ କ୍ଲେଶସହଶ୍ଚୈବ ହିତୋ ଭକ୍ତଶ୍ଚ ପୂରୁଷଃ॥ 16-6-43 (97424)
ସର୍ବେ ଜନପଦାଶ୍ଚୈବ ତବ କର୍ମାଣି ପାଣ୍ଡବ।
ଗୋବଦ୍ରାସଭବଚ୍ଚୈବ କୁର୍ଯୁର୍ଯେ ବ୍ଯବହାରିଣଃ॥ 16-6-44 (97425)
ସ୍ବରନ୍ଧ୍ରଂ ପରରନ୍ଧ୍ରଂ ଚ ସ୍ବେଷୁ ଚୈବ ପରେଷୁ ଚ।
ଉପଲକ୍ଷଯିତବ୍ଯଂ ତେ ନିତ୍ଯମେବ ଯୁଧିଷ୍ଠିର॥ 16-6-45 (97426)
ଦେଶଜାଶ୍ଚୈବ ପୁରୁଷା ବିକ୍ରାନ୍ତାଃ ସ୍ବେଷୁ କର୍ମସୁ।
ଯାତ୍ରାଭିରନୁରୂପାଭିରନୁଗ୍ରାହ୍ଯା ହିତାସ୍ତ୍ବଯା॥ 16-6-46 (97427)
ଗୁଣାର୍ଥିନାଂ ଗୁଣଃ କାର୍ଯୋ ବିଦୁଷା ବୈ ଜନାଧିପ।
ଅବିଚାର୍ଯାଶ୍ଚ ତେ ତେ ସ୍ଯୁରଚଲା ଇବ ନିତ୍ଯଶଃ॥ ॥ 16-6-47 (97428)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ଷଷ୍ଠୋଽଧ୍ଯାଯଃ॥ 6 ॥
Mahabharata - AshramaVasika Parva - Chapter Footnotes
7-6-5 ଅଭୁଙ୍କ୍ତ ଭୁକ୍ତବତୀ॥ 7-6-8 ଅଷ୍ଟାଙ୍ଗେ ସ୍ବାମ୍ଯମାତ୍ଯାଦିଯୁତେ॥ 7-6-13 ରାଜ୍ଯବତ୍ପରିପାଲଯେତି କ.ଥ.ପାଠଃ॥ 7-6-16 ଅଷ୍ଟା ଦୁର୍ଗୋପରିଭାଗେ ସଞ୍ଚାରସ୍ଥାନାନି। ଷଟ୍ପଦଂ ଷଡ୍ଭିଃ ପଦୈଃ ପଦନୀଯୈଃ ସ୍ଥାନୈର୍ଯୁକ୍ତମ୍। ତେନ ସପ୍ତପ୍ରାକାରମିତି ଗମ୍ଯତେ। ତତ୍ର ସପ୍ତମସ୍ଯାନ୍ତଃପୁରତ୍ବାତ୍ ଷଡେବାନ୍ଯେଷାଂ ପଦନୀଯାନି ସ୍ଥାନାନି॥ 7-6-22 ନିଃଶଲାକେ ଅତୃଣେ। ସତୃଣେ ହ୍ଯାସନ୍ନଃ ପରଚାରୋ ଜ୍ଞାତୁମଶକ୍ଯ ଇତି॥ 7-6-29 ଆଦାନରୁଚଯଃ ଉତ୍କୋଚୋପଜୀବିନଃ॥ 7-6-36 ପ୍ରଦୋଷୋ ରଜନୀମୁଖଂ ଦୂତାଦୀନାଂ ଦର୍ଶନକାଲଃ। ପ୍ରଦେଯସ୍ତେ ସଦା ଭବେଦିତି କ.ଥ.ପାଠଃ॥ 7-6-44 ଗବାଦିବତ୍ ଆହାରମାତ୍ରବେତନାଃ। ବ୍ଯବହାରିଣଃ କାରୁଶିଲ୍ପିପ୍ରଭୃତଯଃ॥ଆଶ୍ରମବାସିକପର୍ବ - ଅଧ୍ଯାଯ 007
॥ ଶ୍ରୀଃ ॥
16.7. ଅଧ୍ଯାଯଃ 007
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ଧୃତରାଷ୍ଟ୍ରେଣ ଯୁଧିଷ୍ଠିରଂପ୍ରତି ରାଜନୀତିକଥନମ୍॥ 1 ॥Mahabharata - AshramaVasika Parva - Chapter Text
ଧୃତରାଷ୍ଟ୍ର ଉବାଚ।
ମଣ୍ଡଲାନି ଚ ବୁଧ୍ଯେଥାଃ ପରେଷାମାତ୍ମନସ୍ତଥା।
ଉଦାସୀନଗୁଣାନାଂ ଚ ମଧ୍ଯସ୍ଥାନାଂ ଚ ଭାରତ॥ 16-7-1 (97429)
ଚତୁର୍ଣାଂ ଶତ୍ରୁଜାତାନାଂ ସର୍ବେଷାମାତତାଯିନାମ୍।
ମିତ୍ରଂ ଚାମିତ୍ରମିତ୍ରଂ ଚ ବୋଦ୍ଧବ୍ଯଂ ତେଽରିକର୍ଶନ॥ 16-7-2 (97430)
ଅଥ ନାନାଜନପଦା ଦୁର୍ଗାଣି ବିବିଧାନି ଚ।
ବଲାନି ଚ କୁରୁଶ୍ରେଷ୍ଠ ଭବତ୍ଯେଷାଂ ଯଥେଚ୍ଛକମ୍॥ 16-7-3 (97431)
ତେ ଚ ଦ୍ବାଦଶ କୌନ୍ତେଯ ରାଜାନୋ ବିବିଧାତ୍ମକାଃ।
ମନ୍ତ୍ରିପ୍ରଧାନାଶ୍ଚ ଗୁଣାଃ ଷଷ୍ଟିର୍ଦ୍ବାଦଶ ଚ ପ୍ରଭୋ॥ 16-7-4 (97432)
ଏତନ୍ମଣ୍ଡଲମିତ୍ଯାହୁରାଚାର୍ଯା ନୀତିକୋବିଦାଃ।
ଅତ୍ର ଷାଡ୍ଗୁଣ୍ଯମାଚତ୍ତଂ ଯୁଧିଷ୍ଠିର ନିବୋଧ ତତ୍॥ 16-7-5 (97433)
ବୃଦ୍ଧିକ୍ଷଯୌ ଚ ବିଜ୍ଞେଯୌ ସ୍ଥାନଂ ଚ କୁରୁସତ୍ତମ।
ଦ୍ବିସପ୍ତତ୍ଯାଂ ମହାବାହୋ ତତଃ ଷାଡ୍ଗୁଣ୍ଯଜା ଗୁଣାଃ॥ 16-7-6 (97434)
ଯଥା ସ୍ବପକ୍ଷୋ ବଲବାନ୍ପରପକ୍ଷସ୍ତଥା ବଲଃ।
ବିଗୃହ୍ଯ ଶତ୍ରୂନ୍କୌନ୍ତେଯ ଯାଯାତ୍କ୍ଷିତିପତିସ୍ତଦା॥ 16-7-7 (97435)
ଯଦା ପରେ ଚ ବଲିନଃ ସ୍ବପକ୍ଷଶ୍ଚୈବ ଦୁର୍ବଲଃ।
ସାର୍ଧଂ ବିଦ୍ବାଂସ୍ତଦା କ୍ଷୀଣଃ ପରୈଃ ସନ୍ଧିଂ ମସାଶ୍ରଯେତ୍॥ 16-7-8 (97436)
ଦ୍ରବ୍ଯାଣାଂ ସଞ୍ଚଯଶ୍ଚୈବ କର୍ତବ୍ଯଃ ସୁମହାଂସ୍ତଥା।
ଯଦା ସମର୍ଥା ଯାନାଯ ନଚିରେଣୈବ ଭାରତ॥ 16-7-9 (97437)
ତଦା ସର୍ବଂ ବିଧେଯଂ ସ୍ଯାତ୍ସ୍ଥାନେନ ଚ ବିଚାରଯେତ୍।
ଭୂମିରଲ୍ପଫଲା ଦେଯା ବିପରୀତସ୍ଯ ଭାରତ॥ 16-7-10 (97438)
ହିରଣ୍ଯରୂପ୍ଯଭୂଯିଷ୍ଠଂ ମିତ୍ରଂ କ୍ଷୀଣମକୋଶଭୃତ୍।
ବିପରୀତଂ ନିଗୃହ୍ଣୀଯାତ୍ସ୍ବଯଂ ସନ୍ଧିବିଶାରଦଃ॥ 16-7-11 (97439)
ସନ୍ଧ୍ଯର୍ଥଂ ରାଜପୁତ୍ରଂ ବା ଲିପ୍ସେଥା ଭରତର୍ଷଭ।
ବିପରୀତଂ ନ ତଚ୍ଛ୍ରେଯଃ ପୁତ୍ର କସ୍ଯାଂଚିଦାପଦି॥ 16-7-12 (97440)
ତସ୍ଯାଃ ପ୍ରମୋକ୍ଷେ ଯତ୍ନଂ ଚ କୁର୍ଯାଃ ସୋପାଯମନ୍ତ୍ରବିତ୍।
ପ୍ରକୃତୀନାଂ ଚ ରାଜେନ୍ଦ୍ର ରାଜା ଦୀନାନ୍ବିଭାବଯେତ୍॥ 16-7-13 (97441)
କ୍ରମେଣି ଯୁଗପଦ୍ବୁଧ୍ବା ବ୍ଯସନାନାଂ ବଲାବଲମ୍।
ପୀଡନଂ ସ୍ତଂଭନଂ ଚୈବ କୋଶଭଙ୍ଗସ୍ତଥୈବ ଚ॥ 16-7-14 (97442)
କାର୍ଯଂ ଯତ୍ନେନ ଶତ୍ରୂଣାଂ ସ୍ବରାଜ୍ଯଂ ରକ୍ଷତା ସ୍ବଯମ୍।
ନ ଚ ହିଂସ୍ଯୋଽଭ୍ଯୁପଗତଃ ସାମନ୍ତୋ ବୃଦ୍ଧିମିଚ୍ଛତା॥ 16-7-15 (97443)
କୌନ୍ତେଯ ତଦ୍ଧିତଂ ତେ ସ୍ଯାତ୍ପୃଥିବୀଂ ବିଜିଗୀଷତଃ।
ଗୁଣାନାଂ ଭେଦନେ ଯୋଗମୀପ୍ସେଥାଃ ସହ ମନ୍ତ୍ରିଭିଃ॥ 16-7-16 (97444)
ସାଧୁସଙ୍ଗ୍ରହଣାଚ୍ଚୈବ ପାପନିଗ୍ରହଣାତ୍ତଥା।
ଆତ୍ମସାତ୍କରଣେ ନିତ୍ଯଂ ପାଲନାନି ଗୃହେ ତଥା।
ଦୁର୍ବଲାଶ୍ଚୈବ ସତତଂ ନାନ୍ବେଷ୍ଟବ୍ଯା ବଲୀଯସା॥ 16-7-17 (97445)
ତିଷ୍ଠେଥା ରାଜଶାର୍ଦୂଲ ବୈତସୀଂ ବୃତ୍ତିମାସ୍ଥିତଃ।
ଯଦ୍ଯେନମଭିଯାଯାଚ୍ଚ ବଲବାନ୍ଦୁର୍ବଲ ନୃପଃ। 16-7-18 (97446)
ସାମାଦିଭିରୁପାଯୈସ୍ତଂ କ୍ରମେଣି ବିନିବର୍ତଯେଃ।
ଅଶକ୍ନୁବଂଶ୍ଚ ଯୁଦ୍ଧାଯ ନିଷ୍ପତେତ୍ସହ ମନ୍ତ୍ରିଭିଃ॥ 16-7-19 (97447)
କୋଶେନ ପୌରୈର୍ଦଣ୍ଡେନ ଯେ ଚାସ୍ଯ ପ୍ରିଯକାରିଣଃ।
ଅସମ୍ଭବେ ତୁ ସର୍ବସ୍ଯ ଯଥା ମୁଖ୍ଯେନ ନିଷ୍ପତେତ୍।
କ୍ରମେଣାନେନ ମୋକ୍ଷଃ ସ୍ଯାଚ୍ଛରୀରଂ ପ୍ରତି କେବଲମ୍॥ ॥ 16-7-20 (97448)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ସପ୍ତମୋଽଧ୍ଯାଯଃ॥ 7 ॥
Mahabharata - AshramaVasika Parva - Chapter Footnotes
7-7-1 ମଣ୍ଡଲାନି ଅରିର୍ମିତ୍ରମିତ୍ଯାଦୀନି॥ 7-7-3 ଯଥେଚ୍ଛକଂ ପରୈର୍ଭେଦ୍ଯତ୍ବମଭେଦ୍ଯତ୍ବଂ ଚ ଭବତି ତସ୍ମାଦବହିତସ୍ତିଷ୍ଠେତ୍। ତଥାମାତ୍ଯା ଜନପଦା ଇତି ଝ.ପାଠଃ। ଭବତ୍ଯେଷାଂ ସ୍ବକଂ ପରମିତି ଥ.ପାଠଃ॥ 7-7-4 ଦ୍ବାଦଶ ଚତ୍ବାରଃ ଶତ୍ରୁଜାତାଃ। ଷଟ୍ ଆତତାଯିନଃ। ମିତ୍ରଂ ଅମିତ୍ରମିତ୍ରଂ ଚେତି ଷଷ୍ଟିର୍ଗୁଣାଃ। କୃଷ୍ଯାଦୀନ୍ଯଷ୍ଟୌ ସଂଧାନକର୍ମାଣି। ବାଲାଦଯୋ ବିଂଶତିରସଂଧେଯା। ନାସ୍ତିକ୍ଯାଦଯଶ୍ଚତୁର୍ଦଶ ଦୋଷାଃ। ମନ୍ତ୍ରାଦୀନ୍ଯଷ୍ଟାଦଶ ତୀର୍ଥାନୀତି। ଏତେଷୁ କେଚିତ୍ ହାନାର୍ଥଂ ଜ୍ଞାତବ୍ଯାଃ କେଚିଦୁପାଦାନାର୍ଥମ୍॥ 7-7-5 ତତଃ ଷାଙ୍ଗୁଣ୍ଯଚାରିଣ ଇତି କ.ଥ.ପାଠଃ॥ 7-7-6 ଦ୍ରବ୍ଯାଣାଂ ସଞ୍ଚଯେ ଚୈବ ଯତ୍ନଃ କାର୍ଯଃ ସଦା ଭବେତ୍ ଇତି କ.ପାଠଃ॥ 7-7-9 ଦୀନାନ୍ ଅନ୍ଧବଧିରାଦୀନ୍ ବିଭାବଯେତ୍ପୂଜଯେତ୍॥ 7-7-13 ଏନଂ ତ୍ବାମ୍ଆଶ୍ରମବାସିକପର୍ବ - ଅଧ୍ଯାଯ 008
॥ ଶ୍ରୀଃ ॥
16.8. ଅଧ୍ଯାଯଃ 008
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ଧୃତରାଷ୍ଟ୍ରେଣ ଯୁଧିଷ୍ଠରଂପ୍ରତି ରାଜନୀତିକଥନମ୍॥ 1 ॥Mahabharata - AshramaVasika Parva - Chapter Text
ଧୃତରାଷ୍ଟ୍ର ଉବାଚ।
ସନ୍ଧିବିଗ୍ରହମପ୍ଯତ୍ର ପଶ୍ଯେଥା ରାଜସତ୍ତମ।
ଦ୍ବିଯୋନିଂ ବିବିଧୋପାଯଂ ବହୁକଲ୍ପଂ ଯୁଧିଷ୍ଠିର॥ 16-8-1 (97449)
କୌରବ୍ଯ ପର୍ଯୁପାସୀଥାଃ ସ୍ଥିତ୍ବା ଦ୍ବୈବିଧ୍ଯମାତ୍ମନଃ।
ତୁଷ୍ଟପୁଷ୍ଟଜନଃ ଶତ୍ରୁରର୍ଥବାନିତି ଚ ସ୍ମରେତ୍॥ 16-8-2 (97450)
ପର୍ଯୁପାସନକାଲେ ତୁ ବିପରୀତଂ ବିଧୀଯତେ।
ଆମର୍ଦକାଲେ ରାଜେନ୍ଦ୍ର ବ୍ଯବସାଯସ୍ତତୋଽପରଃ॥ 16-8-3 (97451)
ବ୍ଯସନଂ ଭେଦନଂ ଚୈବ ଶତ୍ରୂଣାଂ କାରଯେତ୍ତତଃ।
କର୍ଷଣଂ ଭୀଷଣଂ ଚୈବ ଯୁଦ୍ଧେ ଚୈବ ବହୁକ୍ଷଯମ୍॥ 16-8-4 (97452)
ପ୍ରଯାସ୍ଯମାନୋ ନୃପତିସ୍ତ୍ରିବିଧଂ ପରିଚିନ୍ତଯେତ୍।
ଆତ୍ମନଶ୍ଚୈବ ଶତ୍ରୋଶ୍ଚ ଶକ୍ତିଂ ଶାସ୍ତ୍ରବିଶାରଦଃ॥ 16-8-5 (97453)
ଉତ୍ସାହପ୍ରଭୁଶକ୍ତିଭ୍ଯାଂ ମନ୍ତ୍ରଶକ୍ତ୍ଯା ଚ ଭାରତ।
ଉପପନ୍ନୋ ନୃପୋ ଯାଯାଦ୍ବିପରୀତଂ ଚ ବର୍ଜଯେତ୍॥ 16-8-6 (97454)
ଆଦଦୀତ ବଲଂ ରାଜା ମୌଲଂ ମିତ୍ରବଲଂ ତଥା।
ଅଟବୀବଲଂ ଭୃତଂ ଚୈବ ତତା ଶ୍ରେଣୀବଲଂ ପ୍ରଭୋ॥ 16-8-7 (97455)
`ମିତ୍ରାମିତ୍ରବଲଂ ରାଜନ୍ନ୍ଯାଯାଦ୍ବୃଦ୍ଧ୍ଯୁଦଯେ ଧୃତଃ।'
ତତ୍ର ମିତ୍ରବଲଂ ରାଜନ୍ମୌଲଂ ଚୈବ ବିଶିଷ୍ଯତେ।
ଶ୍ରେଣୀବଲଂ ଭୃତଂ ଚୈବ ତୁଲ୍ଯେ ଏବେତି ମେ ମତିଃ॥ 16-8-8 (97456)
ତଥାଽଽଚାରବଲଂ ଚୈବ ପରସ୍ପରସମଂ ନୃପ।
ବିଜ୍ଞେଯଂ ବଲକାଲେଷୁ ରାଜ୍ଞା କାଲ ଉପସ୍ଥିତେ॥ 16-8-9 (97457)
ଆପଦଶ୍ଚାପି ବୋଦ୍ଧବ୍ଯା ବହୁରୂପା ନରାଧିପ।
ଭବନ୍ତି ରାଜ୍ଞା କୌରବ୍ଯ ଯାସ୍ତାଃ ପୃଥଗତଃ ଶୃଣୁ॥ 16-8-10 (97458)
ବିକଲ୍ପା ବହୁଧା ରାଜନ୍ନାପଦାଂ ପାଣ୍ଡୁନନ୍ଦନ।
ସାମାଦିଭିରୁପନ୍ଯସ୍ଯ ଗମଯେତ୍ତାନ୍ନୃପଃ ସଦା॥ 16-8-11 (97459)
ଯାତ୍ରାଂ ଗଚ୍ଛେଦ୍ବଲୈର୍ଯୁକ୍ତୋ ରାଜା ଷଡ୍ଭିଃ ପରଂତପ।
ଯୁକ୍ତଶ୍ଚ ଦେଶକାଲାଭ୍ଯାଂ ବଲୈରାତ୍ମଗୁଣୈସ୍ତଥା॥ 16-8-12 (97460)
ହୃଷ୍ଟପୁଷ୍ଟବଲୋ ଗଚ୍ଛେଦ୍ରାଜା ବୃଦ୍ଧ୍ଯୁଦଯେ ରତଃ।
ଅକୃଶଶ୍ଚାପ୍ଯଥୋ ଯାଯାଦନୃତାବପି ପାଣ୍ଡବ॥ 16-8-13 (97461)
ତୂଣାଶ୍ମାନଂ ବାଜିରଥପ୍ରବାହାଂ
ଧ୍ବଜଦ୍ରୁମୈଃ ସଂବୃତକୂଲରୋଧସମ୍।
ପଦାତିନାଗୈର୍ବହୁକର୍ଦମାଂ ନଦୀଂ
ସପତ୍ନାନାଶେ ନୃପତିଃ ପ୍ରଯୋଜଯେତ୍॥ 16-8-14 (97462)
ଅଥୋପପତ୍ତ୍ଯା ଶକଟଂ ପଦ୍ମବଜ୍ରଂ ଚ ଭାରତ।
ଉଶନା ବେଦ ଯଚ୍ଛାସ୍ତ୍ରଂ ତତ୍ରୈତଦ୍ବିହିତଂ ବିଭୋ॥ 16-8-15 (97463)
ଚାରଯିତ୍ବା ପରବଲଂ କୃତ୍ବା ସ୍ବବଲଦର୍ଶନମ୍।
ସ୍ବଭୂମୌ ଯୋଜଯେଦ୍ଯୁଦ୍ଧଂ ପରଭୂମୌ ତଥୈବ ଚ॥ 16-8-16 (97464)
ବଲଂ ପ୍ରସାଦଯେଦ୍ରାଜା ନିକ୍ଷିପେଦ୍ବଲନୋ ନରାନ୍।
ଜ୍ଞାତ୍ବା ସ୍ବବିଷଯଂ ତତ୍ର ସାମାଦିଭିରୁପକ୍ରମେତ୍॥ 16-8-17 (97465)
ସର୍ବଥୈବ ମହାରାଜ ଶରୀରଂ ଧାରଯେଦିହ।
ପ୍ରେତ୍ଯ ଚେହ ଚ କର୍ତବ୍ଯମାତ୍ମନିଃଶ୍ରେଯସଂ ପରମ୍॥ 16-8-18 (97466)
ଏବଂ କୁର୍ବଞ୍ଶୁଭା ବାଚୋ ଲୋକେଽସ୍ମିଞ୍ଶୃଣୁ ତେ ନୃପ।
ପ୍ରେତ୍ଯ ସ୍ବର୍ଗମବାପ୍ନୋତି ପ୍ରଜା ଧର୍ମେଣି ପାଲଯନ୍॥ 16-8-19 (97467)
ଏବଂ ତ୍ବଯା କୁରୁଶ୍ରେଷ୍ଠ ବର୍ତିତବ୍ଯଂ ପ୍ରଜାସୁ ବୈ।
ଉଭଯୋର୍ଲୋକଯୋସ୍ତାତ ପ୍ରାପ୍ତଯେ ନିତ୍ଯମେବ ହି॥ 16-8-20 (97468)
ଭୀଷ୍ମେଣ ସର୍ବମୁକ୍ତୋସି କୃଷ୍ଣେନ ବିଦୁରେଣ ଚ।
ମଯାଽପ୍ଯବଶ୍ଯଂ ବକ୍ତବ୍ଯଂ ପ୍ରୀତ୍ଯା ତେ ନୃପସତ୍ତମ॥ 16-8-21 (97469)
ଏତତ୍ସର୍ବଂ ଯଥାନ୍ଯାଯଂ କୁର୍ବୀଥା ଭୂରିଦକ୍ଷିଣ।
ପ୍ରିଯସ୍ତଥା ପ୍ରଜାନାଂ ତ୍ବଂ ସ୍ବର୍ଗେ ସୁଖମବାପ୍ସ୍ଯସି॥ 16-8-22 (97470)
ଅଶ୍ବମେଧସହସ୍ରେଣ ଯୋ ଯଜେତ୍ପୃଥିବୀପତିଃ।
ପାଲଯେଦ୍ବାଽପି ଧର୍ମେଣି ପ୍ରଜାସ୍ତୁଲ୍ଯଂ ଫଲଂ ଲଭେତ୍॥ ॥ 16-8-23 (97471)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ଅଷ୍ଟମୋଽଧ୍ଯାଯଃ॥ 8 ॥
Mahabharata - AshramaVasika Parva - Chapter Footnotes
7-8-1 ପ୍ରବଲପ୍ରତିଯୋଗିକୌ ଦୁର୍ବଲପ୍ରତିଯୋଗିକୌ ଚେତି ଦ୍ବିଯୋନୀ ସଂଧିବିଗ୍ରହୌ॥ 7-8-2 ସ୍ଥିତ୍ବା ସ୍ଥିରୋ ଭୂତ୍ବା। ଦ୍ବୈବିଧ୍ଯଂ ବଲାବଲଂ ଜ୍ଞାତ୍ବା ଶତ୍ରୁଂ ପର୍ଯୁପାସ୍ସ୍ବେତି ଭାବଃ। ସ୍ମରେଜ୍ଜଯୋପାଯଂ ବିଚାରଯେନ୍ନ ତ୍ବକସ୍ମାତ୍ପ୍ରଯାଯାତ୍। ଜିତ୍ବା ଦ୍ବିବିଧମାତ୍ମନେତି କ.ପାଠଃ॥ 7-8-3 ବିପରୀତମତୁଷ୍ଟପୁଷ୍ଟବଲଂ ପ୍ରଯାଯାଦିତ୍ଯର୍ଥଃ॥ 7-8-4 ଗମନଂ ବେଦନଂ ଚୈବେତି ଥ.ପାଠଃ॥ 7-8-7 ମୌଲଂ ଧନବଲମ୍॥ 7-8-13 ଅନୃତୌ ଅକାଲେଽପି ଶିଶିରାଦୌ॥ 7-8-15 ଶକଟାଦଯୋ ବ୍ଯୂହବିଶେଷାଃ॥ 7-8-16 ସାଧଯିତ୍ବା ପରବଲଂ କୃତ୍ବା ଚ ବଲମର୍ଷଣମ୍ ଇତି କ.ଥ.ପାଠଃ॥ଆଶ୍ରମବାସିକପର୍ବ - ଅଧ୍ଯାଯ 009
॥ ଶ୍ରୀଃ ॥
16.9. ଅଧ୍ଯାଯଃ 009
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ଧୃତରାଷ୍ଟେଣ ଯୁଧିଷ୍ଠିରାତ୍ସକଲପୌରଜନାନଯନେନ ସ୍ବସ୍ଯ ବନଜିଗମିଷାନିବେଦନପୂର୍ବକଂ ତାନ୍ପ୍ରାତ ତଦଭ୍ଯନୁଜ୍ଞାନପ୍ରାର୍ଥନା॥ 1 ॥Mahabharata - AshramaVasika Parva - Chapter Text
ଯୁଧିଷ୍ଠିର ଉବାଚ।
ଏବମେତତ୍କରିଷ୍ଯାମି ଯଥାଽଽତ୍ଥ ପୃଥିବୀପତେ।
ଭୂଯଶ୍ଚୈବାନୁଶାସ୍ଯୋଽହଂ ଭବତା ପାର୍ଥିବର୍ଷଭ॥ 16-9-1 (97472)
ଭୀଷ୍ମେ ସ୍ବର୍ଗମନୁପ୍ରାପ୍ତୋ ଗତେ ଚ ମଧୁସୂଦନେ।
ବିଦୁରେ ସଂଜଯେ ଚୈବ କୋଽନ୍ଯୋ ମାଂ ବକ୍ତୁମର୍ହତି॥ 16-9-2 (97473)
ଯତ୍ତୁ ମାମନୁଶାସ୍ତୀହ ଭବାନଦ୍ଯ ହିତେ ସ୍ଥିତଃ।
କର୍ତାସ୍ମି ତନ୍ମହୀପାଲ ନିର୍ବୃତୋ ଭବ ପାର୍ଥିବ॥ 16-9-3 (97474)
ବୈଶମ୍ପାଯନ ଉବାଚ। 16-9-4x (8039)
ଏବମୁକ୍ତଃ ସ ରାଜର୍ଷିର୍ଧର୍ମରାଜେନ ଧୀମତା।
କୌନ୍ତେଯଂ ସମନୁଜ୍ଞାତୁମିଯେଷ ଭରତର୍ଷଭ॥ 16-9-4 (97475)
ପୁତ୍ର ବିଶ୍ରାମ୍ଯତାଂ ତାବନ୍ମମାପି ବଲବାଞ୍ଶ୍ରମଃ।
ଇତ୍ଯୁକ୍ତ୍ବା ପ୍ରାବିଶଦ୍ରାଜା ଗାନ୍ଧାର୍ଯା ଭବନଂ ତଦା॥ 16-9-5 (97476)
ତମାସନଗତଂ ଦେବୀ ଗାନ୍ଧାରୀ ଧର୍ମଚାରିଣୀ।
ଉବାଚ କାଲେ କାଲଜ୍ଞା ପ୍ରଜାପତିସମଂ ପତିମ୍॥ 16-9-6 (97477)
ଅନୁଜ୍ଞାତଃ ସ୍ବଯଂ ତେନ ବ୍ଯାସେନି ତ୍ବଂ ମହର୍ଷିଣା।
ଯୁଧିଷ୍ଠିରସ୍ଯାନୁମତେ କଦାଽରଣ୍ଯଂ ଗମିଷ୍ଯସି॥ 16-9-7 (97478)
ଧୃତରାଷ୍ଟ୍ର ଉବାଚ। 16-9-8x (8040)
ଗାନ୍ଧାର୍ଯହମନୁଜ୍ଞାତଃ ସ୍ବଯଂ ପିତ୍ରା ମହାତ୍ମନା।
ଯୁଧିଷ୍ଠିରସ୍ଯାନୁମତେ ଗନ୍ତାସ୍ମି ନଚିରାଦ୍ବନମ୍॥ 16-9-8 (97479)
ଅହଂ ହି ତାବତ୍ସର୍ବେଷାଂ ତେଷାଂ ଦୁର୍ଦ୍ଯୂତଦେବିନାମ୍।
ପୁତ୍ରାଣାଂ ଦାତୁମିଚ୍ଛାମି ପ୍ରେତ୍ଯଭାବାନୁଗଂ ବସୁ।
ସର୍ବପ୍ରକୃତିତିସାନ୍ନିଧ୍ଯଂ କାରଯିତ୍ବା ସ୍ବବେଶ୍ମନି॥ 16-9-9 (97480)
ବୈଶମ୍ପାଯନ ଉବାଚ। 16-9-10x (8041)
ଇତ୍ଯୁକ୍ତ୍ବା ଧର୍ମରାଜାଯ ପ୍ରେଷଯାମାସ ବୈ ତଦା।
ସ ଚ ତଦ୍ବଚନାତ୍ସର୍ବଂ ସମାନିନ୍ଯେ ମହୀପତିଃ॥ 16-9-10 (97481)
ତତଃ ପ୍ରତୀତମନସୋ ବ୍ରାହ୍ମଣାଃ କୁରୁଜାଙ୍ଗଲାଃ।
କ୍ଷତ୍ରିଯାଶ୍ଚୈବ ବୈଶ୍ଯାଶ୍ଚ ଶୂଦ୍ରାଶ୍ଚୈବ ସମାଯଯୁଃ॥ 16-9-11 (97482)
ତତୋ ନିଷ୍କ୍ରମ୍ଯ ନୃପତିସ୍ତସ୍ମାଦନ୍ତଃକପୁରାତ୍ତଦା।
ଦଦ୍ଦଶେ ତଂ ଜନଂ ସର୍ବଂ ସର୍ବାଶ୍ଚ ପ୍ରକୃତୀସ୍ତଥା॥ 16-9-12 (97483)
ସମବେତାଂଶ୍ଚ ତାନ୍ସର୍ବାନ୍ପୌରାଞ୍ଜାନପଦାଂସ୍ତଥା।
ତାନାଗତାନଭିପ୍ରେକ୍ଷ୍ଯ ସମସ୍ତଂ ଚ ସୁହୃଞ୍ଜନମ୍॥ 16-9-13 (97484)
ବ୍ରାହ୍ମଣାଂଶ୍ଚ ମହୀପାଲ ନାନାଦେଶସମାଗତାନ୍।
ଉବାଚ ମତିମାନ୍ରାଜା ଧୃତରାଷ୍ଟ୍ରୋଽମ୍ବିକାସୁତଃ॥ 16-9-14 (97485)
ଭବନ୍ତଃ କୁରୁବଶ୍ଚୈବ ଚିରକାଲଂ ସହୋଷିତାଃ।
ପରସ୍ପରସ୍ଯ ସୁହୃଦଃ ପରସ୍ପରହିତେ ରତାଃ॥ 16-9-15 (97486)
ଯଦିଦାନୀମହଂ ବ୍ରୂଯାମସ୍ମିନ୍କାଲ ଉପସ୍ଥିତେ।
ତଥା ଭବଦ୍ଭିଃ କର୍ତବ୍ଯମବିଚାର୍ଯ ବଚୋ ମମ॥ 16-9-16 (97487)
ଅରଣ୍ଯଗମନେ ବୁଦ୍ଧିର୍ଗାନ୍ଧାରୀସହିତସ୍ଯ ମେ।
ବ୍ଯାସସ୍ଯାନୁମତେ ରାଜ୍ଞସ୍ତଥା କୁନ୍ତୀସୁତସ୍ଯ ମେ॥ 16-9-17 (97488)
ଭବନ୍ତୋପ୍ଯନୁଜାନନ୍ତୁ ମାନ୍ଯା ବୋଽଭୂଦ୍ବିଚାରଣା॥ 16-9-18 (97489)
ଅସ୍ମାକଂ ଭବତାଂ ଚୈବ ଯେଯଂ ପ୍ରୀତିର୍ହି ଶାଶ୍ବତୀ।
ନ ଚ ସାଽନ୍ଯେଷୁ ଦେଶେଷୁ ରାଜ୍ଞାମିତି ମତିର୍ମମ॥ 16-9-19 (97490)
ଶାନ୍ତୋସ୍ମି ବଯସାଽନେନ ତଥା ପୁତ୍ରବିନାକୃତଃ।
ଉପବାସକୃଶଶ୍ଚାସ୍ମି ଗାନ୍ଧାରୀସହିତୋଽନଘାଃ॥ 16-9-20 (97491)
ଯୁଧିଷ୍ଠିରଗତେ ରାଜ୍ଯେ ପ୍ରାପ୍ତଶ୍ଚାସ୍ମି ସୁଖଂ ମହତ୍।
ମନ୍ଯେ ଦୁର୍ଯୋଧନୈଶ୍ବର୍ଯାଦ୍ବିଶିଷ୍ଟଂ ବହୁଭିର୍ଗୁଣୈଃ॥ 16-9-21 (97492)
ମମ ଚାନ୍ଧସ୍ଯ ବୃଦ୍ଧସ୍ଯ ହତପୁତ୍ରସ୍ଯ କା ଗତିଃ।
ଋତେ ବନଂ ମହାଭାଗାସ୍ତନ୍ମାଽନୁଜ୍ଞାତୁମର୍ହଥ॥ 16-9-22 (97493)
ତସ୍ଯ ତଦ୍ବଚନଂ ଶ୍ରୁତ୍ବା ସର୍ବେ ତେ କୁରୁଜାଙ୍ଗଲାଃ।
ବାପ୍ପସଂଦିଗ୍ଧଯା ବାଚା ରୁରୁଦୁର୍ଭରତର୍ଷଭ॥ 16-9-23 (97494)
ତାନବିବ୍ରୁବତଃ କିଞ୍ଚିତ୍ସର୍ବାଞ୍ଶୋକପରାଯଣାନ୍।
ପୁନରେବ ମହାତେଜା ଧୃତରାଷ୍ଟ୍ରୋଽବ୍ରବୀଦିଦମ୍॥ ॥ 16-9-24 (97495)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ନବମୋଽଧ୍ଯାଯଃ॥ 9 ॥
ଆଶ୍ରମବାସିକପର୍ବ - ଅଧ୍ଯାଯ 010
॥ ଶ୍ରୀଃ ॥
16.10. ଅଧ୍ଯାଯଃ 010
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ଧୃତରାଷ୍ଟ୍ରେଣ ପୌରାନ୍ପ୍ରତି ଦୁର୍ଯୋଧନପକ୍ଷପାତେନ ସ୍ବକୃତାପନଯକ୍ଷମାପନମ୍॥ 1 ॥Mahabharata - AshramaVasika Parva - Chapter Text
ଧୃତରାଷ୍ଟ୍ର ଉବାଚ।
ଶାନ୍ତନୁଃ ପାଲଯାମାସ ଯଥାବଦ୍ବସୁଧାମିମାମ୍।
ତଥା ବିଚିତ୍ରବୀର୍ଯଶ୍ଚ ଭୀଷ୍ମେଣ ପରିପାଲିତଃ।
ପାଲଯାମାସ ନସ୍ତାତୋ ବିଦିତଂ ବୋ ନ ସଂଶଯଃ॥ 16-10-1 (97496)
ଯଥା ଚ ପାଣ୍ଡୁର୍ଭାତା ମେ ଦଯିତୋ ଭବତାମଭୂତ୍।
ସ ଚାପି ପାଲଯାମାସ ଯଥାବତ୍ତଚ୍ଚ ବେତ୍ଥ ହ॥ 16-10-2 (97497)
`ଅନନ୍ତରଂ ହି ପିତରମନୁଜ୍ଞାତୋ ଯୁଧିଷ୍ଠିରଃ।
ନାତ୍ର କିଞ୍ଚିନ୍ମୃଷା ଜାତୁ ଭାଷତେତି ମତିର୍ମମ॥' 16-10-3 (97498)
ମଯା ଚ ଭବତାଂ ସମ୍ଯକ୍ ଶୁଶ୍ରୂଷା ଯା କୃତାଽନଘାଃ।
ଅସମ୍ଯଗ୍ବା ମହାଭାଗାସ୍ତତ୍କ୍ଷନ୍ତବ୍ଯମତନ୍ଦ୍ରିତୈଃ॥ 16-10-4 (97499)
ଯଦା ଦୁର୍ଯୋଧନେନେଦଂ ଭୁକ୍ତଂ ରାଜ୍ଯମକଣ୍ଟକମ୍।
ଅପି ତତ୍ର ନ ବୋ ମନ୍ଦୋ ଦୁର୍ବୁଦ୍ଧିରପରାଦ୍ଧବାନ୍॥ 16-10-5 (97500)
ତସ୍ଯାପରାଧାଦ୍ଦୁର୍ବୁଦ୍ଧେରଭିମାନାନ୍ମହୀକ୍ଷିତାମ୍।
ବିମର୍ଦଃ ସୁମହାନାସୀଦନଯାତ୍ସ୍ବକୃତାଦଥ।
`ଘାତିତାଃ କୌରବେଯାଶ୍ଚ ପୃଥିବୀ ଚ ବିନାଶିତା॥' 16-10-6 (97501)
ତନ୍ମଯା ସାଧୁ ବାଽପୀଦଂ ଯଦି ବାଽସାଧୁ ବୈ କୃତମ୍।
ତଦ୍ବୋ ହୃଦି ନ କର୍ତବ୍ଯଂ ମଯା ବଦ୍ଧୋଽଯମଞ୍ଜଲିଃ॥ 16-10-7 (97502)
ବୃଦ୍ଧୋଽଯଂ ହତପୁତ୍ରୋଽଯଂ ଦୁଃଖିତୋଽଯଂ ନରାଧିପଃ।
ପୂର୍ବରାଜ୍ଞାଂ ଚ ପୁତ୍ରୋଽଯମିତି କୃତ୍ବାଽନୁଜାନଥ॥ 16-10-8 (97503)
ଇଯଂ ଚ କୃପଣା ବୃଦ୍ଧା ହତପୁତ୍ରା ତପସ୍ବିନୀ।
ଗାନ୍ଧାରୀ ପୁତ୍ରଶୋକାର୍ତା ତୁଲ୍ଯଂ ଯାଚତି ବୋ ମଯା॥ 16-10-9 (97504)
ହତପୁତ୍ରାବିମୌ ବୃଦ୍ଧୌ ବିଦିତ୍ବା ଦୁଃଖିତୌ ତଥା।
ଅନୁଜାନୀତ ଭଦ୍ରଂ ବୋ ବ୍ରଜାବ ଶରଣଂ ଚ ବଃ॥ 16-10-10 (97505)
ଅଯଂ ଚ କୌରବୋ ରାଜା କୁନ୍ତୀପୁତ୍ରୋ ଯୁଧିଷ୍ଠିରଃ।
ସର୍ବୈର୍ଭବଦ୍ଭିର୍ଦ୍ରବ୍ଯଃ ସମେଷୁ ବିଷମେଷୁ ଚ।
ନ ଜାତୁ ବିଷମଂ ଚୈବ ଗମିଷ୍ଯତି କଦାଚନ॥ 16-10-11 (97506)
ଚତ୍ବାରଃ ସଚିବା ଯସ୍ଯ ଭ୍ରାତରୋ ବିପୁଲୌଜସଃ।
ଲୋକକପାଲସମା ହ୍ଯେତେ ସର୍ବଧର୍ମାର୍ଥଦର୍ଶିନଃ॥ 16-10-12 (97507)
`ଚତୁର୍ଣାଂ ଲୋକପାଲାନାଂ ମଧ୍ଯେ ବିପରିବର୍ତତେ।'
ବ୍ରହ୍ମେବ ଭଗବାନେଷ ସର୍ବଭୂତଜଗତ୍ପତିଃ॥ 16-10-13 (97508)
`ଏବମେବ ମହାବାହୁର୍ଭୀମାର୍ଜୁନଯମୈର୍ବୃତଃ।'
ଯୁଧିଷ୍ଠିରୋ ମହାତେଜା ଭବତଃ ପାଲଯିଷ୍ଯତି॥ 16-10-14 (97509)
ଅବଶ୍ଯମେବ ବକ୍ତବ୍ଯମିତି କୃତ୍ବା ବ୍ରବୀମି ବଃ।
ଏଷ ନ୍ଯାସୋ ମଯା ଦତ୍ତଃ ସର୍ବେଷାଂ ବୋ ଯୁଧିଷ୍ଠିରଃ।
ଭବନ୍ତୋଽସ୍ଯ ଚ ବୀରସ୍ଯ ନ୍ଯାସଭୂତାଃ କୃତା ମଯା॥ 16-10-15 (97510)
ଯଦେବ ତୈଃ କୃତଂ କିଞ୍ଚିଦ୍ବ୍ଯଲୀକଂ ବଃ ସୁତୈର୍ମମ।
ଯଦନ୍ଯେନି ମଦୀଯେନ ତଦନୁଜ୍ଞାତୁମର୍ହଥ॥ 16-10-16 (97511)
ଭବଦ୍ଭିର୍ନ ହି ମେ ମନ୍ଯୁଃ କୃତପୂର୍ବଃ କଥଞ୍ଚନ।
ଅତ୍ଯନ୍ତଗୁରୁଭକ୍ତାନାମେଷୋଽଞ୍ଜଲିରିଦଂ ନମଃ॥ 16-10-17 (97512)
ତେଷାମସ୍ଥିରବୁଦ୍ଧୀନାଂ ଲୁବ୍ଧାନାଂ କାମଚାରିଣାମ୍।
କୃତେ ଯାଚେଽଦ୍ଯ ବଃ ସର୍ବାନ୍ଗାନ୍ଧାରୀସହିତୋଽନଘାଃ॥ 16-10-18 (97513)
ଇତ୍ଯୁକ୍ତାଂସ୍ତେନ ତେ ସର୍ବେ ପୌରଜାନପଦା ଜନାଃ।
ନୋଚୁର୍ବାଷ୍ପକଲାଃ କିଞ୍ଚିଦ୍ବୀକ୍ଷାଂଚକ୍ରୁଃ ପରସ୍ପରମ୍॥ ॥ 16-10-19 (97514)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ଦଶମୋଽଧ୍ଯାଯଃ॥ 10 ॥
Mahabharata - AshramaVasika Parva - Chapter Footnotes
7-10-7 ନ କର୍ତବ୍ଯମନୁଜ୍ଞାତୁମିହାର୍ହଥେତି କ.ଟ.ଥ.ପାଠଃ॥ 7-10-16 ଅନ୍ଯେନ ଭୃତ୍ଯେନ। ଅନୁଜ୍ଞାତୁଂ କ୍ଷନ୍ତୁମ୍॥ଆଶ୍ରମବାସିକପର୍ବ - ଅଧ୍ଯାଯ 011
॥ ଶ୍ରୀଃ ॥
16.11. ଅଧ୍ଯାଯଃ 011
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ପୌରଜନୈର୍ବ୍ରାହ୍ମଣମୁଖେନ ଧୃତରାଷ୍ଟ୍ରଂପ୍ରତି ସମାଶ୍ବାସନପୂର୍ବକଂ କୃଚ୍ଛ୍ରେଣି ବନଗମନାଭ୍ଯନୁଜ୍ଞାନମ୍॥ 1 ॥Mahabharata - AshramaVasika Parva - Chapter Text
ବୈଶମ୍ପାଯନ ଉବାଚ।
ଏବମୁକ୍ତାସ୍ତୁ ତେ ତେନ ପୌରଜାନପଦା ଜନାଃ।
ବୃଦ୍ଧେନ ରାଜ୍ଞା କୌରବ୍ଯ ନଷ୍ଟସଂଜ୍ଞା ଇବାଭବନ୍॥ 16-11-1 (97515)
ତୂଷ୍ଣୀଂଭୂତାଂସ୍ତତସ୍ତାଂସ୍ତୁ ବାଷ୍ପକଣ୍ଠାନ୍ମହୀପତିଃ।
ଧୃତରାଷ୍ଟ୍ରୋ ମହୀପାଲଃ ପୁନରେବାଭ୍ଯଭାଷତ॥ 16-11-2 (97516)
ବୃଦ୍ଧଂ ଚ ହତପୁତ୍ରଂ ଚ ଧର୍ମପତ୍ନ୍ଯା ସହାନଯା।
ବିଲପନ୍ତଂ ବହୁବିଧଂ କୃପଣଂ ଚୈବ ସତ୍ତମାଃ॥ 16-11-3 (97517)
ପିତ୍ରା ସ୍ବଯମନୁଜ୍ଞାତଂ କୃଷ୍ଣଦ୍ବୈପାଯନେନ ବୈ।
ବନବାସାଯ ଧର୍ମଜ୍ଞା ଧର୍ମଜେନ ନୃପେଣ ହ॥ 16-11-4 (97518)
ସୋହଂ ପୁନଃପୁନର୍ଯାଚେ ଶିରସାଽବନତୋଽନଘାଃ।
ଗାନ୍ଧାର୍ଯା ସହିତଂ ତନ୍ମାଂ ସମନୁଜ୍ଞାତୁମର୍ହଥ॥ 16-11-5 (97519)
ବୈଶମ୍ପାଯନ ଉବାଚ। 16-11-6x (8042)
ତଚ୍ଛ୍ରୁତ୍ବା କୁରୁରାଜସ୍ଯ ବାକ୍ଯାନି କରୁଣାନି ତେ।
ରୁରୁଦୁଃ ସର୍ବଶୋ ରାଜନ୍ସମେତାଃ କୁରୁଜାଙ୍ଗଲାଃ॥ 16-11-6 (97520)
ଉତ୍ତରୀଯୈଃ କରୈଶ୍ଚାପି ସଂଛାଦ୍ଯ ବଦନାନି ତେ।
ରୁରୁଦୁଃ ଶୋକସଂତପ୍ତା ମୁହୂର୍ତଂ ପିତୃମାତୃବତ୍॥ 16-11-7 (97521)
ହୃଦଯୈଃ ଶୂନ୍ଯଭୂତୈସ୍ତେ ଧୃତରାଷ୍ଟ୍ରପ୍ରବାସଜମ୍।
ଦୁଃଖଂ ସଂଧାରଯନ୍ତୋ ହି ନଷ୍ଟସଂଜ୍ଞା ହବାଭବନ୍॥ 16-11-8 (97522)
ତେ ବିନୀଯ ତମାଯାସଂ ଧୃତରାଷ୍ଟ୍ରବିଯୋଗଜମ୍।
ଶନୈଃ ଶନୈସ୍ତଦାଽନ୍ଯୋନ୍ଯମବ୍ରୁବନ୍ସ୍ବମତାନ୍ଯୁତ॥ 16-11-9 (97523)
ତତଃ ସଞ୍ଚିନ୍ତ୍ଯ ତେ ସର୍ବେ ବାକ୍ଯାନ୍ଯଥ ସମାସତଃ।
ଏକସ୍ମିନ୍ବ୍ରାହ୍ମଣେ କାର୍ଯମାବେସ୍ଯୋଚୁର୍ନରାଧିପମ୍॥ 16-11-10 (97524)
ତତଃ ସ୍ବାଚରଣୋ ବିପ୍ରଃ ସମ୍ମତୋଽର୍ଥବିଶାରଦଃ।
ସମ୍ଭାବ୍ଯୋ ବହ୍ବୃଚୋ ରାଜନ୍ବକ୍ତୁଂ ସମୁପଚକ୍ରମେ॥ 16-11-11 (97525)
ଅନୁମାନ୍ଯ ମହାରାଜଂ ସଦଃ ସମନୁଭାଷ୍ଯ ଚ।
ବିପ୍ରଃ ପ୍ରଗଲ୍ଭୋ ମେଧାବୀ ସ ରାଜାନମୁବାଚ ହ॥ 16-11-12 (97526)
ରାଜନ୍ବାକ୍ଯଂ ଜନସ୍ଯାସ୍ଯ ମଯି ସର୍ବଂ ସମର୍ପିତମ୍।
ବକ୍ଷ୍ଯାମି ତଦହଂ ବୀର ତଜ୍ଜୁଷସ୍ବ ନପାଧିପ॥ 16-11-13 (97527)
ଯଥା ବଦସି ରାଜେନ୍ଦ୍ର ସର୍ବମେତତ୍ତଥା ବିଭୋ।
ନାତ୍ର ମିଥ୍ଯା ବଚଃ କିଞ୍ଚିତ୍ସୁହୃତ୍ତ୍ବଂ ନଃ ପରସ୍ପରମ୍॥ 16-11-14 (97528)
ନ ଜାତ୍ବସ୍ଯ ଚ ବଂଶସ୍ଯ ରାଜ୍ଞାଂ କଶ୍ଚିତ୍କଦାଚନ।
ରାଜାଽଽସୀଦ୍ଯଃ ପ୍ରଜାପାଲଃ ପ୍ରଜାନାମପ୍ରିଯୋଽଭବତ୍॥ 16-11-15 (97529)
ପିତୃବନ୍ମାତୃବଚ୍ଚୈବ ଭବନ୍ତଃ ପାଲଯନ୍ତି ନଃ।
ନ ଚ ଦୁର୍ଯୋଧନଃ କିଞ୍ଚିଦଯୁକ୍ତଂ କୃତବାନ୍ନୃପଃ॥ 16-11-16 (97530)
`ପ୍ରିଯାଣି କୁର୍ବନ୍ସର୍ବେଷାମନୁବୃତ୍ତ୍ଯର୍ଥମୁଦ୍ଯତଃ।'
ଯଥା ବ୍ରବୀତି ଧର୍ମାତ୍ମା ମୁନିଃ ସତ୍ଯବତୀସୁତଃ।
ତଥା କୁରୁ ମହାରାଜ ସ ହି ନଃ ପରମୋ ଗୁରୁଃ॥ 16-11-17 (97531)
ତ୍ଯକ୍ତା ବଯଂ ତୁ ଭବତା ଦୁଃଖଶୋକପରାଯଣାଃ।
ଭବିଷ୍ଯାମଶ୍ଚିରଂ ରାଜନ୍ଭବଦ୍ଗୁଣଶତୈର୍ହୃତାଃ॥ 16-11-18 (97532)
ଯଥା ଶନ୍ତନୁନା ଗୁପ୍ତା ରାଜ୍ଞା ଚିତ୍ରାଙ୍ଗଦେନ ଚ।
ଭୀଷ୍ମବୀର୍ଯୋପଗୂଢେନ ପିତ୍ରା ତବ ଚ ପାର୍ଥିବ।
ଭବଦ୍ବୁଦ୍ଧିଯୁଜା ଚୈବି ପାଣ୍ଡୁନା ପୃଥିବୀକ୍ଷିତା॥ 16-11-19 (97533)
ତଥା ଦୁର୍ଯୋଧନେନାପି ରାଜ୍ଞା ସୁପରିପାଲିତାଃ।
ନ ସ୍ବଲ୍ପମପି ପୁତ୍ରସ୍ତେ ବ୍ଯଲୀକଂ କୃତବାନ୍ନୃପ। 16-11-20 (97534)
ପିତରୀବ ସୁବିଶ୍ବସ୍ତାସ୍ତସ୍ମିନ୍ନପି ନରାଧିପେ।
ବଯସା ସ୍ମ ଯଥା ସମ୍ଯଗ୍ଭବତୋ ବିଦିତଂ ତଥା॥ 16-11-21 (97535)
ତଥା ବର୍ଷସହସ୍ରାଣି କୁନ୍ତୀପୁତ୍ରେଣ ଧୀମତା।
ପାଲ୍ଯମାନା ଧୃତିମତା ସୁଖଂ ବିନ୍ଦାମହେ ନୃପ॥ 16-11-22 (97536)
ରାଜର୍ଷୀଣାଂ ପୁରାଣାନାଂ ଭବତାଂ ପୁଣ୍ଯକର୍ମଣାମ୍।
କୁରୁସଂବରଣାଦୀନାଂ ଭରତସ୍ଯ ଚ ଧୀମତଃ॥ 16-11-23 (97537)
ବୃତ୍ତଂ ସମନୁଯାତ୍ଯେଷ ଧର୍ମାତ୍ମା ଭୂରିଦକ୍ଷିଣଃ।
ନାତ୍ର ବାଚ୍ଯଂ ମହାରାଜ ସୁସୂକ୍ଷ୍ମମପି ବିଦ୍ଯତେ॥ 16-11-24 (97538)
ଉଷିତାଃ ସ୍ମ ସୁଖଂ ନିତ୍ଯଂ ଭବତା ପରିପାଲିତାଃ।
ସୁସୂକ୍ଷ୍ମଂ ଚ ବ୍ଯଲୀକଂ ତେ ସପୁତ୍ରସ୍ଯ ନ ବିଦ୍ଯତେ॥ 16-11-25 (97539)
ଯତ୍ତୁ ଜ୍ଞାତିବିମର୍ଦେଽସ୍ମିନ୍ନାତ୍ଥ ଦୁର୍ଯୋଧନଂ ପ୍ରତି।
ଭନ୍ତମନୁନେଷ୍ଯାମି ତତ୍ରାପି କୁରୁନନ୍ଦନ॥ 16-11-26 (97540)
ନ ତଦ୍ଦୁର୍ଯୋଧନକୃତଂ ନ ଚ ତଦ୍ଭବତା କୃତମ୍।
ନ କର୍ଣସୌବଲାଭ୍ଯାଂ ଚ କୁରବୋ ଯତ୍କ୍ଷଯଂ ଗତାଃ॥ 16-11-27 (97541)
ଦୈବଂ ତତ୍ତୁ ବିଜାନୀମୋ ଯନ୍ନ ଶକ୍ଯଂ ପ୍ରବାଧିତୁମ୍।
ଦୈବଂ ପୁରୁଷକାରେଣି ନ ଶକ୍ଯମପି ବାଧିତୁମ୍॥ 16-11-28 (97542)
ଅକ୍ଷୌହିଣ୍ଯୋ ମହାରାଜ ଦଶାଷ୍ଟୌ ଚ ସମାଗତାଃ।
ଅଷ୍ଟାଦଶାହେନ ହତାଃ କୁରୁଭିର୍ଯୋଧପୁଙ୍ଗବୈଃ॥ 16-11-29 (97543)
ଭୀଷ୍ମଦ୍ରୋଣକୃପାଦ୍ଯୈଶ୍ଚ କର୍ଣେନ ଚ ମହାତ୍ମନା।
ଯୁଯୁଧାନେନ ବୀରେଣ ଧୃଷ୍ଟଦ୍ଯୁମ୍ନେନ ଚାହବେ॥ 16-11-30 (97544)
ଚତୁର୍ଭିଃ ପାଣ୍ଡୁପୁତ୍ରୈଶ୍ଚ ଭୀମାର୍ଜୁନଯମୈସ୍ତଥା।
ନ ଚ କ୍ଷଯୋଽଯଂ ନୃପତେ କ୍ରତେ ଦୈବବଲାଦଭୂତ୍॥ 16-11-31 (97545)
ଅବଶ୍ଯମେବ ସଙ୍ଗ୍ରାମେ କ୍ଷତ୍ରିଯେଣ ବିଶେଷତଃ।
କର୍ତବ୍ଯଂ ନିଧନଂ କାଲେ ମର୍ତବ୍ଯଂ କ୍ଷତ୍ରବନ୍ଧୁନା॥ 16-11-32 (97546)
ତୈରିଯଂ ପୁରୁଷବ୍ଯାଘ୍ରୈର୍ବିଦ୍ଯାବାହୁବଲାନ୍ବିତୈଃ।
ପୃଥିବୀ ନିହତା ସର୍ବା ସହଯା ସରଥଦ୍ବିପା॥ 16-11-33 (97547)
ନ ସ ରାଜ୍ଞାଂ ବଧେ ସୂନୁଃ କାରଣଂ ତେ ମହାତ୍ମନାମ୍।
ନ ଭବାନ୍ନ ଚ ତେ ଭୃତ୍ଯା ନ କର୍ଣୋ ନ ଚ ସୌବଲଃ॥ 16-11-34 (97548)
ଯଦ୍ବିଶସ୍ତାଃ କୁରୁଶ୍ରେଷ୍ଠ ରାଜାନଶ୍ଚ ସହସ୍ରଶଃ।
ସର୍ବଂ ଦୈବକୃତଂ ବିଦ୍ଧି କୋତ୍ର କିଂ ବକ୍ତୁମର୍ହତି॥ 16-11-35 (97549)
ଗୁରୁର୍ମତୋ ଭବାନସ୍ଯ କୃତ୍ସ୍ନସ୍ଯ ଜଗତଃ ପ୍ରଭୁଃ।
ଧର୍ମାତ୍ମାନମତସ୍ତୁଭ୍ଯମନୁଜାନୀମହେ ସୁତମ୍॥ 16-11-36 (97550)
ଲଭତାଂ ବୀରଲୋକଂ ସ ସସହାଯୋ ନରାଧିପଃ।
ଦ୍ବିଜାଗ୍ର୍ଯୈଃ ସମନୁଜ୍ଞାତସ୍ତ୍ରିଦିବେ ମୋଦତାଂ ସୁଖମ୍। 16-11-37 (97551)
ପ୍ରାପ୍ସ୍ଯତେ ଚ ଭବାନ୍ପୁଣ୍ଯଂ ଧର୍ମେ ଚ ସତତଂ ସ୍ଥିତଃ।
ବେଦ ଧର୍ମଂ ମହାବାହୋ ଲୌକ୍ଯଂ ବୈଦିକମେବ ଚ॥ 16-11-38 (97552)
ଦୃଷ୍ଟାପଦାନାଶ୍ଚାସ୍ମାଭିଃ ପାଣ୍ଡବାଃ ପୁରୁଷର୍ଷଭାଃ।
ସମର୍ଥାସ୍ତ୍ରିଦିବସ୍ଯାପି ପାଲନେ କିଂ ପୁନଃ କ୍ଷିତେଃ॥ 16-11-39 (97553)
ଅନୁବର୍ତ୍ସ୍ଯନ୍ତି ବା ଧୀମନ୍ସମେଷୁ ବିଷମେଷୁ ଚ।
ପ୍ରଜାଃ କୁରୁକୁଲଶ୍ରେଷ୍ଠ ପାଣ୍ଡବାଞ୍ଶୀଲଭୂଷଣାନ୍॥ 16-11-40 (97554)
ବ୍ରହ୍ମଦେଯାଗ୍ରହାରାଂଶ୍ଚ ପାରିବର୍ହାଂଶ୍ଚ ପାର୍ଥିବଃ।
ପୂର୍ବରାଜାତିସର୍ଗାଂଶ୍ଚ ପାଲଯତ୍ଯେବ ପାଣ୍ଡବଃ॥ 16-11-41 (97555)
ଦୀର୍ଘଦର୍ଶୀଂ ମୃଦୁର୍ଦାନ୍ତଃ ସଦା ବୈଶ୍ରବଣୋ ଯଥା।
ଅକ୍ଷୁଦ୍ରସଚିବଶ୍ଚାଯଂ କୁନ୍ତୀପୁତ୍ରୋ ମହାମନାଃ॥ 16-11-42 (97556)
ଅପ୍ଯମିତ୍ରେ ଦଯାବାଂଶ୍ଚ ଶୁଚିଶ୍ଚ ଭରତର୍ଷଭଃ।
ଋଜୁ ପଶ୍ଯତି ମେଧାବୀ ପୁତ୍ରବତ୍ପାତି ନଃ ସଦା॥ 16-11-43 (97557)
ବିପ୍ରିଯଂ ଚ ଜନସ୍ଯାସ୍ଯ ସଂସର୍ଗାଦ୍ଧର୍ମଜସ୍ଯ ବୈ।
ନ କରିଷ୍ଯନ୍ତି ରାଜର୍ଷେ ତଥା ଭୀମାର୍ଜୁନାଦଯଃ॥ 16-11-44 (97558)
ମନ୍ଦା ମୃଦୁଷୁ କୌରବ୍ଯ ତୀକ୍ଷ୍ଣେଷ୍ବାଶୀବିଷୋପମାଃ।
ବୀର୍ଯବନ୍ତୋ ମହାତ୍ମାନଃ ପୌରାଣାଂ ଚ ହିତେ ରତାଃ॥ 16-11-45 (97559)
ନ କୁନ୍ତୀ ନ ଚ ପାଞ୍ଚାଲୀ ନ ଚୋଲୂପୀ ନ ସାତ୍ବତୀ।
ଅସ୍ମିଞ୍ଜନେ କରିଷ୍ଯନ୍ତି ପ୍ରତିକୂଲାନି କର୍ହିଚିତ୍॥ 16-11-46 (97560)
ଭବତ୍କୃତମିମଂ ସ୍ନେହଂ ଯୁଧିଷ୍ଠିରବିବର୍ଧିତମ୍।
ନ ପୃଷ୍ଠତଃ କରିଷ୍ଯନ୍ତି ପୌରା ଜାନପଦା ଜନାଃ॥ 16-11-47 (97561)
ଅଧର୍ମିଷ୍ଠାନପି ସତଃ କୁନ୍ତୀପୁତ୍ରା ମହାରଥାଃ।
ମାନବାନ୍ପାଲଯିଷ୍ଯନ୍ତି ଭୂତ୍ବା ଧର୍ମପରାଯଣାଃ॥ 16-11-48 (97562)
ସ ରାଜନ୍ମାନସଂ ଦୁଃଖମପନୀଯ ଯୁଧିଷ୍ଠିରାତ୍।
କୁରୁ କାର୍ଯାଣି ଧର୍ମ୍ଯାଣି ନମସ୍ତେ ପୁରୁଷର୍ଷଭ॥ 16-11-49 (97563)
ବୈଶମ୍ପାଯନ ଉବାଚ। 16-11-50x (8043)
ତସ୍ଯ ତଦ୍ବଚନଂ ଧର୍ମ୍ଯମନୁମାନ୍ଯ ଗୁଣୋତ୍ତରମ୍।
ସାଧୁସାଧ୍ବିତି ସର୍ବଃ ସ ଜନଃ ପ୍ରତିଗୃହୀତବାନ୍॥ 16-11-50 (97564)
ଧୃତରାଷ୍ଟ୍ରାଶ୍ଚ ତଦ୍ବାକ୍ଯମଭିପୂଜ୍ଯ ପୁନଃପୁନଃ।
ବିସର୍ଜଯାମାସ ତଦା ପ୍ରକୃତୀସ୍ତୁ ଶନୈଃଶନୈଃ॥ 16-11-51 (97565)
ସ ତୈଃ ସମ୍ପୂଜିତୋ ରାଜା ଶିବେନାବେକ୍ଷିତସ୍ତଥା।
ପ୍ରାଞ୍ଜଲିଃ ପୂଜଯାମାସ ତଂ ଜନଂ ଭରତର୍ଷଭ॥ 16-11-52 (97566)
ତତୋ ବିବେଶ ଭବନଂ ଗାନ୍ଧାର୍ଯା ସହିତୋ ନିଜମ୍।
ଆଗତାଯାଂ ଚ ଶର୍ବର୍ଯାଂ ସୁଖଂ ଶେତେ ନରାଧିପଃ॥ ॥ 16-11-53 (97567)
ଇତି ଶ୍ରୀମନ୍ମହାଭାରତେ ଆମଶ୍ରବାସିକପର୍ବଣି ଆଶ୍ରମବାସପର୍ବଣି ଏକାଦଶୋଽଧ୍ଯାଯଃ॥ 11 ॥
ଆଶ୍ରମବାସିକପର୍ବ - ଅଧ୍ଯାଯ 012
॥ ଶ୍ରୀଃ ॥
16.12. ଅଧ୍ଯାଯଃ 012
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ଧୃତରାଷ୍ଟ୍ରେଣ ଭୀଷ୍ମଦୁର୍ଯୋଧନାଦୀନାଂ ଶ୍ରାଦ୍ଧଦାନାଯ ବିଦୁରମୁଖାଦ୍ଯୁଧିଷ୍ଠିରଂପ୍ରତି ଦ୍ରବ୍ଯଯାଚନମ୍॥ 1 ॥ ତଚ୍ଛ୍ରବଣେନ ବିମନାଯମାଭୀମେ ତଦ୍ଭାଦଜ୍ଞେନାର୍ଜୁନେନ ତମ୍ପ୍ରତି ଦ୍ରବ୍ଯଯାଚନେ ଭୀମେନ ଧୃତରାଷ୍ଟ୍ରାପନଯାନୁସ୍ମାରଣପୂର୍ବକଂ ତଦନଙ୍ଗୀକରଣମ୍॥ 2 ॥Mahabharata - AshramaVasika Parva - Chapter Text
ବୈଶମ୍ପାଯନ ଉବାଚ।
ତତୋ ରଜନ୍ଯାଂ ବ୍ଯୁଷ୍ଟାଯାଂ ଧୃତରାଷ୍ଟ୍ରୋଂଽବିକାସୁତଃ।
ବିଦୁରଂ ପ୍ରେଷଯାମାସ ଯୁଧିଷ୍ଠିରନିବେଶନମ୍॥ 16-12-1 (97568)
ସ ଗତ୍ବା ରାଜବଚନାଦୁବାଚାଚ୍ଯୁତମୀଶ୍ବରମ୍।
ଯୁଧିଷ୍ଠି ମହାତେଜାଃ ସର୍ବବୁଦ୍ଧିମତାଂବରଃ॥ 16-12-2 (97569)
ଧୃତରାଷ୍ଟ୍ରୋ ମହାରାଜୋ ବନବାସାଯ ଦୀକ୍ଷିତଃ।
ଗମିଷ୍ଯତି ବନଂ ରାଜନ୍ନାଗତାଂ କାର୍ତିକୀମିମାମ୍॥ 16-12-3 (97570)
ସ ତ୍ବାଂ କୁରୁକୁଲଶ୍ରେଷ୍ଠ କିଞ୍ଚିର୍ଥମଭୀପ୍ସତି।
ଶ୍ରାଦ୍ଧମିଚ୍ଛତି ଦାତୁଂ ସ ଗାଙ୍ଗେଯସ୍ଯ ମହାତ୍ମନଃ॥ 16-12-4 (97571)
ଦ୍ରୋଣସ୍ଯ ସୋମଦତ୍ତସ୍ଯ ବାହ୍ଲୀକସ୍ଯ ଚ ଧୀମତଃ।
ପୁତ୍ରାଣାଂ ଚୈବ ସର୍ବେଷାଂ ଯେ ଚାନ୍ଯେ ସୁହୃଦୋ ହତାଃ।
ଯଦି ଚାପ୍ଯନୁଜାନୀଷେ ସୈନ୍ଧବାପଶଦସ୍ଯ ଚ॥ 16-12-5 (97572)
ଏତଚ୍ଛ୍ରୁତ୍ବା ତୁ ବଚନଂ ବିଦୁରସ୍ଯ ଯୁଧିଷ୍ଠିରଃ।
ହୃଷ୍ଟଃକ ସମ୍ପୂଜଯାମାସ ଗୁଡୋକେଶଶ୍ଚ ପାଣ୍ଡବଃ॥ 16-12-6 (97573)
ନ ଚ ଭୀମୋ ଦ୍ଦଢକ୍ରୋଧସ୍ତଦ୍ବଚୋ ଜଗୃହେ ତଦା।
ବିଦୁରସ୍ଯ ମହାତେଜା ଦୁର୍ଯୋଧନକୃତଂ ସ୍ମରନ୍॥ 16-12-7 (97574)
ଅଭିପ୍ରାଯଂ ବିଦିତ୍ବା ତୁ ଭୀମତସେନସ୍ଯ ଫଲ୍ଗୁନଃ।
କିରୀଟୀ କିଞ୍ଚିଦାନମ୍ଯ ତମୁବାଚ ନରର୍ଷଭମ୍॥ 16-12-8 (97575)
ଭୀମ ରାଜା ପିତା ବୃଦ୍ଧୋ ବନବାସାଯ ଦୀକ୍ଷିତଃ।
ଦାତୁମିଚ୍ଛତି ସର୍ବେଷାଂ ସୁହୃଦାମୌର୍ଧ୍ବଦେହିକମ୍॥ 16-12-9 (97576)
ଭବତା ନିର୍ଜିତଂ ବିତ୍ତଂ ଦାତୁମିଚ୍ଛତି କୌରବଃ।
ଭୀଷ୍ମାଦୀନାଂ ମହାବାହୋ ତଦନୁଜ୍ଞାତୁମର୍ହସି॥ 16-12-10 (97577)
ଦିଷ୍ଟ୍ଯା ତ୍ବଦ୍ଯ ମହାବାହୋ ଧୃତରାଷ୍ଟ୍ରଃ ପ୍ରଯାଚତେ।
ଯାଚିତୋ ଯଃ ପୁରାଽସ୍ମାଭିଃ ପଶ୍ଯ କାଲସ୍ଯ ପର୍ଯଯମ୍॥ 16-12-11 (97578)
ଯୋସୌ ପୃଥିବ୍ଯାଃ କୃତ୍ସ୍ନାଯା ଭର୍ତା ଭୂତ୍ବା ନରାଧିପଃ।
ପରୈର୍ବିନିହତାମାତ୍ଯୋ ବନଂ ଗନ୍ତୁମଭୀପ୍ସତି॥ 16-12-12 (97579)
ମା ତେଽନ୍ଯତ୍ପୁରୁଷବ୍ଯାଘ୍ର ଦାନାଦ୍ଭବତୁ ଦର୍ଶନମ୍।
ଅଯଶସ୍ଯମତୋଽନ୍ଯତ୍ସ୍ଯାଦଧର୍ମଶ୍ଚ ମହାଭୁଜଃ॥ 16-12-13 (97580)
ରାଜାନମୁପତିଷ୍ଠସ୍ବ ଜ୍ଯେଷ୍ଠଂ ଭ୍ରାତରମୀଶ୍ବରମ୍।
ଅର୍ହସ୍ତ୍ବମସି ଦାତୁଂ ବୈ ନାଦାତୁଂ ଭରତର୍ଷଭ॥ 16-12-14 (97581)
ଏବଂ ବ୍ରୁବାଣଂ ବୀଭତ୍ସୁଂ ଧର୍ମରାଜୋଽପ୍ଯପୂଜଯତ୍।
ଭୀମସେନସ୍ତୁ ସକ୍ରୋଧମୁବାଚ ବିଜଯଂ ତଦା॥ 16-12-15 (97582)
ବଯଂ ଭୀଷ୍ମସ୍ଯ ଦାସ୍ଯାମଃ ପ୍ରେତକାର୍ଯଂ ତୁ ଫଲ୍ଗୁନ।
ସୋମଦତ୍ତସ୍ଯ ନୃପତେର୍ଭୂରିଶ୍ରବସ ଏବ ଚ॥ 16-12-16 (97583)
ବାହ୍ଲୀକସ୍ଯ ଚ ରାଜର୍ଷେର୍ଦ୍ରୋଣସ୍ଯ ଚ ମହାତ୍ମନଃ।
ଅନ୍ଯେଷାଂ ଚୈବ ସୁହୃଦାଂ କୁନ୍ତୀ କର୍ଣାଯ ଦାସ୍ଯତି॥ 16-12-17 (97584)
ଶ୍ରାଦ୍ଧାନି ପୁରୁଷବ୍ଯାଘ୍ର ମା ପ୍ରଦାତ୍କୌରବୋ ନୃପଃ।
ଇତି ମେ ବର୍ତତେ ବୁଦ୍ଧିର୍ମା ବୋ ନନ୍ଦନ୍ତୁ ଶତ୍ରବଃ॥ 16-12-18 (97585)
କଷ୍ଟାତ୍କଷ୍ଟତରଂ ଯାନ୍ତୁ ସର୍ବେ ଦୁର୍ଯୋଧନାଦଯଃ।
ଯୈରିଯଂ ପୃଥିବୀ କୃତ୍ସ୍ନା ଘାତିତା କୁଲପାଂସନୈଃ॥ 16-12-19 (97586)
କୁତସ୍ତ୍ବମଦ୍ଯ ବିସ୍ମୃତ୍ଯ ବୈରଂ ଦ୍ବାଦଶବାର୍ଷିକମ୍।
ଅଜ୍ଞାତବାସଗମନଂ ଦ୍ରୌପଦୀଶୋକବର୍ଧନମ୍॥ 16-12-20 (97587)
କ୍ବ ତଦା ଧୃତରାଷ୍ଟ୍ରସ୍ଯ ସ୍ନେହୋଽସ୍ମଦ୍ଗୋଚରୋ ଗତଃ।
କୃଷ୍ଣାଜିନୋପସଂବୀତୋ ହୃତାଭରଣଭୂଷଣଃ।
ସାର୍ଧଂ ପାଞ୍ଚାଲପୁତ୍ର୍ଯା ତ୍ବଂ ରାଜାନମୁପଜଗ୍ମିବାନ୍॥ 16-12-21 (97588)
କ୍ବ ତଦା ଦ୍ରୋଣଭିଷ୍ମୌ ତୌ ସୋମଦତ୍ତୋପି ବାଽଭବତ୍।
ଯତ୍ର ଦ୍ବାଦଶ ବର୍ଷାଣି ବନେ ବନ୍ଯେନ ଜୀବଥ।
ନ ତଦା ତ୍ବାଂ ପିତା ଜ୍ଯେଷ୍ଠଃ ପିତୃତ୍ବେନାଭିବୀକ୍ଷତେ॥ 16-12-22 (97589)
କିଂ ତେ ତଦ୍ବିସ୍ମୃତଂ ପାର୍ଥକ ଯଦେଷ କୁଲପାଂସନଃ।
ଦୁର୍ବୁଦ୍ଧିର୍ବିଦୁରଂ ପ୍ରାହ ଦ୍ଯୂତେ କିଂ ଜିତମିତ୍ଯୁତ॥ 16-12-23 (97590)
ତମେବଂବାଦିନଂ ରାଜା କୁନ୍ତୀପୁତ୍ରୋ ଯୁଧିଷ୍ଠିରଃ।
ଉବାଚ ବଚନଂ ଧୀମାଞ୍ଜୋଷମାସ୍ସ୍ବେତି ଭର୍ତ୍ସଯନ୍॥ ॥ 16-12-24 (97591)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ଦ୍ବାଦଶୋଽଧ୍ଯାଯଃ॥ 12 ॥
Mahabharata - AshramaVasika Parva - Chapter Footnotes
7-12-4 କିଞ୍ଚିଦର୍ଥଂ କିଞ୍ଚିତ୍କାର୍ଯଂ କର୍ତୁଂ ତ୍ବାମଭୀପ୍ସତି ଦ୍ରଷ୍ଟୁମିତି ଶେଷଃ॥ 7-12-8 କିଞ୍ଚିଦାଗମ୍ଯ ଭୀମଂ ବଚନମବ୍ରବୀଦିତି କ.ଥ.ପାଠଃ॥ଆଶ୍ରମବାସିକପର୍ବ - ଅଧ୍ଯାଯ 013
॥ ଶ୍ରୀଃ ॥
16.13. ଅଧ୍ଯାଯଃ 013
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ଭୀମେ ଦୁର୍ଯୋଧନାଦିଭ୍ଯଃ ଶ୍ରାଦ୍ଧଦାନାଯ ଧନଦାନମରୋଚଯତି ସତି ଯୁଧିଷ୍ଠିରେଣ ବିଦୁରଂପ୍ରତି ଧୃତରାଷ୍ଟ୍ରେ ନିଜଗୃହକୋଶାଦ୍ଧନଦାନନିବେଦନକଥନମ୍॥ 1 ॥Mahabharata - AshramaVasika Parva - Chapter Text
ଅର୍ଜୁନ ଉବାଚ।
ଭୀମ ଜ୍ଯେଷ୍ଠୋ ଗୁରୁର୍ମେ ତ୍ବଂ ନାତୋଽନ୍ଯଦ୍ବମୁକ୍ତୁମୁତ୍ସହେ।
ଧୃତାରାଷ୍ଟ୍ରସ୍ତୁ ରାଜର୍ଷିଃ ସର୍ବଥା ମାନମର୍ହତି॥ 16-13-1 (97592)
ନ ସ୍ମରନ୍ତ୍ଯପରାଦ୍ଧାନି ସ୍ମରନ୍ତି ସୁକୃତାନ୍ଯପି।
ଅସଂଭିନ୍ନାର୍ଥମର୍ଯାଦାଃ ସାଧବଃ ପୁରୁଷୋତ୍ତମାଃ॥ 16-13-2 (97593)
ଇତି ତସ୍ଯ ବଚଃ ଶ୍ରୁତ୍ବା ଫଲ୍ଗୁନସ୍ଯ ମହାତ୍ମନଃ।
ବିଦୁରଂ ପ୍ରାହ ଧର୍ମାତ୍ମା କୁନ୍ତୀପୁତ୍ରୋ ଯୁଧିଷ୍ଠିରଃ॥ 16-13-3 (97594)
ଇଦଂ ମଦ୍ବଚନାତ୍କ୍ଷତ୍ତଃ କୌରବଂ ବ୍ରୂହି ପାର୍ଥିବମ୍।
ଯାବଦିଚ୍ଛତି ପୁତ୍ରାଣାଂ ଦାତୁଂ ତାବଦ୍ଦଦାମ୍ଯହମ୍॥ 16-13-4 (97595)
ଭୀଷ୍ମାଦୀନାଂ ଚ ସର୍ବେଷାଂ ସୁହୃଦାମୁପକାରିଣାମ୍।
ମମ କୋଶାଦିତି ବିଭୋ ମା ଭୂଦ୍ଭୀମଃ ସୁଦୁର୍ମନାଃ॥ 16-13-5 (97596)
ବୈଶମ୍ପାଯନ ଉବାଚ। 16-13-6x (8044)
ଇତ୍ଯୁକ୍ତ୍ବା ଧର୍ମରାଜସ୍ତମର୍ଜୁନଂ ପ୍ରତ୍ଯପୂଜଯତ୍।
ଭୀମସେନଃ କଟାକ୍ଷେଣ ବୀକ୍ଷାଂଚକ୍ରେ ଧନଂଜଯମ୍॥ 16-13-6 (97597)
ତତଃ ସ ବିଦୁରଂ ଧୀମାନ୍ବାକ୍ଯମାହ ଯୁଧିଷ୍ଠିରଃ।
ନ ଭୀମସେନ କୋପଂ ସ ନୃପତିଃ କର୍ତୁମର୍ହତି॥ 16-13-7 (97598)
ପରିକ୍ଲିଷ୍ଟୋ ହି ଭୀମସ୍ତୁ ହିମବୃଷ୍ଟ୍ଯାତପାଦିଭିଃ।
ଦୁଃଖୈର୍ବହୁବିଧୈର୍ଧୀମାନରଣ୍ଯେ ବିଦିତଂ ତବ॥ 16-13-8 (97599)
କିଂତୁ ମଦ୍ବଚନାଦ୍ବ୍ରୂହି ରାଜାନଂ ଭରତର୍ଷଭମ୍॥
ଯଦ୍ଯଦିଚ୍ଛସି ଯାବଚ୍ଚ ଗୃହ୍ଯତାଂ ମଦ୍ଗୃହାଦିତି॥ 16-13-9 (97600)
ଯନ୍ମାତ୍ସର୍ଯମଯଂ ଭୀମଃ କରୋତି ଭୃଶଦୁଃଖିତଃ।
ନ ତନ୍ମନସି କର୍ତବ୍ଯମିତି ବାଚ୍ଯଃ ସ ପାର୍ଥିବଃ॥ 16-13-10 (97601)
ଯନ୍ମମାସ୍ତି ଧନଂ କିଞ୍ଚିଦର୍ଜୁନସ୍ଯ ଚ ବେଶ୍ମନି।
ତସ୍ଯ ସ୍ବାମୀ ମହାରାଜ ଇତି ବାଚ୍ଯଃ ସ ପାର୍ଥିବଃ॥ 16-13-11 (97602)
ଦଦାତୁ ରାଜା ବିପ୍ରେଭ୍ଯୋ ଯଥେଷ୍ଟଂ କ୍ରିଯତାଂ ବ୍ଯଯଃ।
ପୁତ୍ରାଣାଂ ସୁହୃଦାଂ ଚୈବ ଗଚ୍ଛତ୍ବାନୃଣ୍ଯମଦ୍ଯ ସଃ॥ 16-13-12 (97603)
ଇଦଂ ଚାପି ଶରୀରଂ ମେ ତବାଯତ୍ତଂ ଜନାଧିପ।
ଧନାନି ଚେତି ବିଦ୍ଧି ତ୍ବଂ କ୍ଷତ୍ତର୍ନାସ୍ତ୍ଯତ୍ର ସଂଶଯଃ॥ ॥ 16-13-13 (97604)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ତ୍ରଯୋଦଶୋଽଧ୍ଯାଯଃ॥। 13 ॥
ଆଶ୍ରମବାସିକପର୍ବ - ଅଧ୍ଯାଯ 014
॥ ଶ୍ରୀଃ ॥
16.14. ଅଧ୍ଯାଯଃ 014
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ବିଦୁରେଣ ଧୃତରାଷ୍ଟ୍ରଂପ୍ରତି ଯୁଧିଷ୍ଠିରେଣ ଭୀଷ୍ମାଦୀନାଂ ଶ୍ରାଦ୍ଧଦାନାଯ ଧନଦାନାଙ୍ଗୀକରଣନିବେଦନମ୍॥ 1 ॥Mahabharata - AshramaVasika Parva - Chapter Text
ବୈଶମ୍ପାଯନ ଉବାଚ।
ଏବମୁକ୍ତସ୍ତୁ ରାଜ୍ଞା ସ ବିଦୁରୋ ବୁଦ୍ଧିସତ୍ତମଃ।
ଧୃତରାଷ୍ଟ୍ରମୁପେତ୍ଯୈବ ବାକ୍ଯମାହ ମହାର୍ଥବତ୍॥ 16-14-1 (97605)
ଉକ୍ତୋ ଯୁଧିଷ୍ଠିରୋ ରାଜା ଭବଦ୍ବଚନମାଦିତଃ।
ସ ଚ ସଂଶ୍ରୁତ୍ଯ ବାକ୍ଯଂ ତେ ପ୍ରଶଶଂସ ମହାଦ୍ଯୁତିଃ॥ 16-14-2 (97606)
ବୀଭତ୍ସୁଶ୍ଚ ମହାତେଜା ନିବେଦଯତି ତେ ଗୃହାନ୍।
ବସୁ ତସ୍ଯ ଗୃହେ ଯଚ୍ଚ ପ୍ରାଣାନପି ଚ କେବଲାନ୍॥ 16-14-3 (97607)
ଧର୍ମରାଜଶ୍ଚ ପୁତ୍ରସ୍ତେ ରାଜ୍ଯଂ ପ୍ରାଣାନ୍ଧନାନି ଚ।
ଅନୁଜାନାତି ରାଜର୍ଷେ ଯଚ୍ଚାନ୍ଯଦପି କିଞ୍ଚନ॥ 16-14-4 (97608)
ଭୀମସ୍ତୁ ସର୍ବଦୁଃଖାନି ସଂସ୍ମୃତ୍ଯ ବହୁଲାନ୍ଯୁତ।
କୃଚ୍ଛ୍ରାଦିବ ମହାବାହୁରନୁଜଜ୍ଞେ ବିନିଃଶ୍ବସନ୍॥ 16-14-5 (97609)
ର ରାଜନ୍ଧର୍ମଶୀଲେନ ରାଜ୍ଞା ବୀଭତ୍ସୁନା ତଥା।
ଅନୁନୀତୋ ମହାବାହୁଃ ସୌହୃଦେ ସ୍ଥାପିତୋପି ଚ॥ 16-14-6 (97610)
ନ ଚ ମନ୍ଯୁସ୍ତ୍ବଯା କାର୍ଯ ଇତି ତ୍ବାଂ ପ୍ରାହ ଧର୍ମରାଟ୍।
ସଂସ୍ମୃତ୍ଯ ଭୀମସ୍ତଦ୍ବୈରଂ ଯଦନ୍ଯାଯବଦାଚରତ୍॥ 16-14-7 (97611)
ଏବଂପ୍ରାଯୋ ହି ଧର୍ମୋଽଯଂ କ୍ଷତ୍ରିଯାଣାଂ ନରାଧିପ।
ଶୁଦ୍ଧେ କ୍ଷତ୍ରିଯଧର୍ମେ ନ ନିରତୋଽଯଂ ବୃକୋଦରଃ॥ 16-14-8 (97612)
ବୃକୋଦରକୃତେ ଚାହମର୍ଜୁନଶ୍ଚ ପୁନଃ ପୁନଃ।
ପ୍ରସୀଦ ଯାଚେ ନୃପତେ ଭବାନ୍ପ୍ରଭୁରିହାସ୍ତି ଯତ୍॥ 16-14-9 (97613)
ତଦ୍ଦଦାତୁ ଭବାନ୍ବିତ୍ତଂ ଯାବଦିଚ୍ଛସି ପାର୍ଥିବଃ।
ତ୍ବମୀଶ୍ବରୋ ନୋ ରାଜ୍ଯସ୍ଯ ପ୍ରାଣାନାମପି ଭାରତ॥ 16-14-10 (97614)
ବ୍ରହ୍ମଦେଯାଗ୍ରହାରାଂଶ୍ଚ ପୁତ୍ରାଣାମୌର୍ଧ୍ବଦେହିକମ୍।
ଇତୋ ରତ୍ନାନି ଗାଶ୍ଚୈବ ଦାସୀଦାସମଜାବିକମ୍॥ 16-14-11 (97615)
ଅର୍ଚଯିତ୍ବା କୁରୁଶ୍ରେଷ୍ଠୋ ବ୍ରାହ୍ମଣେଭ୍ଯଃ ପ୍ରଯଚ୍ଛତୁ।
ଦୀନାନ୍ଧକୃପଣେଭ୍ଯଶ୍ଚ ତତ୍ରତତ୍ର ନୃପାଜ୍ଞଯା॥ 16-14-12 (97616)
ବହ୍ବନ୍ନରସପାନାଢ୍ଯାଃ ସଭା ବିଦୁର କାରଯ।
ଗବାଂ ନିପାନାନ୍ଯନ୍ଯଚ୍ଚ ବିବିଧଂ ପୁଣ୍ଯକଂ କୁରୁ॥ 16-14-13 (97617)
ଇତି ମାମବ୍ରବୀଦ୍ରାଜା ପାର୍ଥଶ୍ଚୈବ ଧନଂଜଯଃ।
ଯଦତ୍ରାନନ୍ତରଂ କାର୍ଯଂ ତଦ୍ଭବମ୍ବବକ୍ତୁମର୍ହତି॥ 16-14-14 (97618)
ଇତ୍ଯୁକ୍ତେ ବିଦୁରେଣାଥ ଧୃତରାଷ୍ଟ୍ରୋଽଭିନନ୍ଦ୍ଯ ତାନ୍।
ମନଶ୍ଚକ୍ରେ ମହାଦାନେ କାର୍ତିକ୍ଯାଂ ଜନମେଜଯ॥ 16-14-15 (97619)
॥ ଇତୀ ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ଚତୁର୍ଦଶୋଽଧ୍ଯାଯଃ॥ 14 ॥
ଆଶ୍ରମବାସିକପର୍ବ - ଅଧ୍ଯାଯ 015
॥ ଶ୍ରୀଃ ॥
16.15. ଅଧ୍ଯାଯଃ 015
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ଧୃତରାଷ୍ଟ୍ରେଣ ଭୀଷ୍ମଦୁର୍ଯୋଧନାଦ୍ଯୁଦ୍ଦେଶ୍ଯକଶ୍ରାଦ୍ଧେ ଧନବସ୍ରାନ୍ନାଦିନା ବ୍ରାହ୍ମଣାଦିସଂତର୍ପଣମ୍॥ 1 ॥Mahabharata - AshramaVasika Parva - Chapter Text
ବୈଶମ୍ପାଯନ ଉବାଚ।
ବିଦୁରେଣୈବମୁକ୍ତସ୍ତୁ ଧୃତରାଷ୍ଟ୍ରୋ ଜନାଧିପଃ।
ପ୍ରୀତିମାନଭବଦ୍ରାଜନ୍ରାଜ୍ଞୋ ଜିଷ୍ଣୋଶ୍ଚ କର୍ମଣା॥ 16-15-1 (97620)
ତତୋଽଭିରୂପାନ୍ଭୀଷ୍ମାଯ ବ୍ରାହ୍ମଣାନୃଷିସତ୍ତମାନ୍।
ପୁତ୍ରାର୍ଥେ ସୁହୃଦାଂ ଚୈବ ସ ସମୀକ୍ଷ୍ଯ ସହସ୍ରଶଃ॥ 16-15-2 (97621)
କାରଯିତ୍ବାଽନ୍ନପାନାନି ଯାନାନ୍ଯାଚ୍ଛାଦନାନି ଚ।
ସୁବର୍ଣମଣିରତ୍ନାନି ଦାସୀଦାସପରିଚ୍ଛଦାନ୍॥ 16-15-3 (97622)
କଂବଲାନି ଚ ରତ୍ନାନି ଗ୍ରାମାନ୍କ୍ଷେତ୍ରଂ ତଥା ଧନମ୍।
ସାଲଙ୍କାରାନ୍ଗଜାନଶ୍ବାନ୍କନ୍ଯାଶ୍ଚୈବ ବରସ୍ତ୍ରିଯଃ॥ 16-15-4 (97623)
ଆଦିଶ୍ଯାଦିଶ୍ଯ ସର୍ବେଭ୍ଯୋ ଦଦୌ ସ ନୃପସତ୍ତମଃ।
ଦ୍ରୋଣଂ ସଂକୀର୍ତ୍ଯ ଭୀଷ୍ମଂ ଚ ସୋମଦତ୍ତଂ ଚ ବାହ୍ଲିକମ୍॥ 16-15-5 (97624)
ଦୁର୍ଯୋଧନଂ ଚ ରାଜାନଂ ପୁତ୍ରାଂଶ୍ଚୈବ ପୃଥକ୍ପୃଥକ୍।
ଜଯଦ୍ରଥପୁରୋଗାଂଶ୍ଚ ସୁହୃଦଶ୍ଚାପି ସର୍ବଶଃ॥ 16-15-6 (97625)
ସ ଶ୍ରାଦ୍ଧଯଜ୍ଞୋ ବବୃତେ ବହୁଗୋଧନଦକ୍ଷିଣଃ।
ଅନେକଧନରତ୍ନୌଘୋ ଯୁଧିଷ୍ଠିରମତେ ତଦା॥ 16-15-7 (97626)
ଅନିଶଂ ଯତ୍ର ପୁରୁଷା ଗଣକା ଲେଖକାସ୍ତଦା।
ଯୁଧିଷ୍ଠିରସ୍ଯ ବଚନାଦପୃଚ୍ଛନ୍ତ ସ୍ମ ତଂ ନୃପମ୍॥ 16-15-8 (97627)
ଆଜ୍ଞାପଯ କିମେତେଭ୍ଯଃ ପ୍ରଦେଯଂ ଦୀଯତାମିତି।
ତଦୁପସ୍ଥିତମେବାତ୍ର ବଚନାନ୍ତେ ଦଦୁସ୍ତଦା॥ 16-15-9 (97628)
ଶତେ ଦେଯେ ଦଶଶତଂ ସହସ୍ରଂ ଚାଯୁତଂ ତଥା।
ଦୀଯତେ ବଚନାଦ୍ରାଜ୍ଞଃ କୁନ୍ତୀପୁତ୍ରସ୍ଯ ଧୀମତଃ॥ 16-15-10 (97629)
ଏବଂ ସ ବସୁଧାରାଭିର୍ବର୍ଷମାଣୋ ନୃପାଂବୁଦଃ।
ତପ୍ରଯାମାସ ବିପ୍ରାଂସ୍ତାନ୍ବର୍ଷନ୍ଭୂମିମିବାଂବୁଦଃ॥ 16-15-11 (97630)
ତତୋଽନ୍ତନ୍ତରମେବାତ୍ର ସର୍ବବର୍ଣାନ୍ମହାମତେ।
ଅନ୍ନପାନରସୌଘେଣ ପ୍ଲାବଯାମାସ ପାର୍ଥିବଃ॥ 16-15-12 (97631)
ସବସ୍ତ୍ରଧନରତ୍ନୌଘୋ ମୃଦଙ୍ଗନିନଦସ୍ବନଃ।
ଗବାଶ୍ବମକରାବର୍ତୋ ନାନାରତ୍ନମହାକରଃ॥ 16-15-13 (97632)
ଗ୍ରାମାଗ୍ରହାରଦ୍ବୀପାଢ୍ଯୋ ମଣିହେମଜଲାର୍ଣବଃ।
ଜଗତ୍ସଂପ୍ଲାବଯାମାସ ଧୃତରାଷ୍ଟ୍ରୋଡୁପୋଦ୍ଧତଃ॥ 16-15-14 (97633)
ଏବଂ ସ ପୁତ୍ରପୌତ୍ରାଣାଂ ପିତୄଣାମାତ୍ମନସ୍ତଥା।
ଗାନ୍ଧାର୍ଯାଶ୍ଚ ମହାରାଜ ପ୍ରଦଦାବୌର୍ଦ୍ବଦେହିକମ୍॥ 16-15-15 (97634)
ପରିଶ୍ରାନ୍ତୋ ଯଦାସୀତ୍ସ ଦଦଦ୍ଦାନାନ୍ଯନେକଶଃ।
ନିବର୍ତଯାମାସ ତଦା ଦାନଯଜ୍ଞଂ ନରାଧିପଃ॥ 16-15-16 (97635)
ଏବଂ ସ ରାଜା କୌରବ୍ଯଶ୍ଚକ୍ରେ ଦାନମହାକ୍ରତୁମ୍।
ନଟନର୍ତକଲାସ୍ଯାଢ୍ଯଂ ବହ୍ବନ୍ନରସଦକ୍ଷିଣମ୍॥ 16-15-17 (97636)
ଦଶାହମେବଂ ଦାନାନି ଦତ୍ତ୍ବା ରାଜାଂଽବିକାସୁତଃ।
ବଭୂବ ପୁତ୍ରପୌତ୍ରାଣାମନୃଣୋ ଭରତର୍ଷଭ॥ ॥ 16-15-18 (97637)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ପଞ୍ଚଦଶୋଽଧ୍ଯାଯଃ॥ 15 ॥
Mahabharata - AshramaVasika Parva - Chapter Footnotes
7-15-13 ସବସ୍ତ୍ରଫେନରତୌଘ ଇତି କ.ଥ.ପାଠଃ॥ଆଶ୍ରମବାସିକପର୍ବ - ଅଧ୍ଯାଯ 016
॥ ଶ୍ରୀଃ ॥
16.16. ଅଧ୍ଯାଯଃ 016
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ଧୃତରାଷ୍ଟ୍ରେଣ କୁନ୍ତୀସ୍କନ୍ଧାବସକ୍ତହସ୍ତାଯା ଗାନ୍ଧାର୍ଯା ଅଂସାବଲମ୍ବନେନ ସଶୋକୈଃ ପୌରୈର୍ଯୁଧିଷ୍ଠିରାଦିଭିଶ୍ଚାନୁଗମ୍ଯମାନେନ ସତା ବନଂ ପ୍ରତି ପ୍ରସ୍ଥାନମ୍॥ 1 ॥Mahabharata - AshramaVasika Parva - Chapter Text
ବୈଶମ୍ପାଯନ ଉବାଚ।
ତତଃ ପ୍ରଭାତେ ରାଜା ସ ଧୃତରାଷ୍ଟ୍ରୋଂଽବିକାସୁତଃ।
ଆନାଯ୍ଯ ପାଣ୍ଡବାନ୍ବୀରାନ୍ବନଷାସେ କୃତକ୍ଷଣଃ॥ 16-16-1 (97638)
ଗାନ୍ଧାରୀସହିତୋ ଧୀମାନଭ୍ଯନନ୍ଦଦ୍ଯଥାବିଧି।
କାର୍ତିକ୍ଯାଂ କାରଯିତ୍ବେଷ୍ଟିଂ ବ୍ରାହ୍ମଣୈର୍ବେଦପାରଗୈଃ॥ 16-16-2 (97639)
ଅଗ୍ନିହୋତ୍ରଂ ପୁରସ୍କୃତ୍ଯ ବଲ୍କଲାଜିନସଂବୃତଃ।
ବଧୂଜନବୃତୋ ରାଜା ନିର୍ଯଯୌ ଭବନାତ୍ତତଃ॥ 16-16-3 (97640)
ତତଃ ସ୍ତ୍ରିଯଃ କୌରବପାଣ୍ଡବାନାଂ
ଯାଞ୍ଚାପରାଃ କୌରବରାଜବଂଶ୍ଯାଃ।
ତାସାଂ ନାଦଃ ପ୍ରାଦୁରାସୀତ୍ତଦାନୀଂ
ବୈଚିତ୍ରିବୀର୍ଯେ ନୃପତୌ ପ୍ରଯାତେ॥ 16-16-4 (97641)
ତତୋ ଲାଜୈଃ ସୁମନୋଭିଶ୍ଚ ରାଜା
ବିଚିତ୍ରାଭିସ୍ତଦ୍ଗୃହଂ ପୂଜଯିତ୍ବା।
ସଂଯୋଜ୍ଯାଶ୍ବୈର୍ଭୃତ୍ଯବର୍ଗଂ ଚ ସର୍ବଂ
ତତଃ ସମୁତ୍ସୃଜ୍ଯ ଯଯୌ ନରେନ୍ଦ୍ରଃ॥ 16-16-5 (97642)
ତତୋ ରାଜା ପ୍ରାଞ୍ଜଲିର୍ବେପମାନୋ
ଯୁଧିଷ୍ଠିରଃ ସସ୍ବରଂ ବାଷ୍ପକଣ୍ଠଃ।
ବିନଦ୍ଯୋଚ୍ଚୈର୍ଗାଂ ମହାରାଜ ସାଧୋ
କ୍ବ ଯାସ୍ଯସୀତ୍ଯପତତ୍ତାତି ଭୂମୌ॥ 16-16-6 (97643)
ତଥାଽର୍ଜୁନସ୍ତୀବ୍ରଦୁଃଖାଭିତପ୍ତୋ
ମୁହୁର୍ମୁହୁର୍ନିଃ ଶ୍ବସନ୍ଭାରତାଗ୍ର୍ଯଃ।
ଯୁଧିଷ୍ଠିରଂ ମୈବମିତ୍ଯେବମୁକ୍ତ୍ବା
ନିଗୃହ୍ଯାଥୋ ଦୀନତରୋ ବଭୂବ॥ 16-16-7 (97644)
ବୃକୋଦରଃ ଫଲ୍ଗୁନଶ୍ଚୈବ ବୀରୌ
ମାଦ୍ରୀପୁତ୍ରୌ ବିଦୁରଃ ସଂଜଯଶ୍ଚ।
ବୈଶ୍ଯାପୁତ୍ରଃ ସହିତୋ ଗୌତମେନ
ଧୌମ୍ଯୋ ବିପ୍ରାଶ୍ଚାନ୍ବଯୁର୍ବାଷ୍ପକଣ୍ଠାଃ॥ 16-16-8 (97645)
କୁନ୍ତୀ ଗାନ୍ଧାରୀଂ ବଦ୍ଧନେତ୍ରାଂ ବ୍ରଜନ୍ତୀଂ
ସ୍କନ୍ଧାସକ୍ତଂ ହସ୍ତମଥୋଦ୍ବହନ୍ତୀ।
ରାଜା ଗାନ୍ଧାର୍ଯାଃ ସ୍କନ୍ଧଦେଶେଽବସଜ୍ଯ
ପାଣିଂ ଯଯୌ ଧୃତରାଷ୍ଟ୍ରଃ ପ୍ରତୀତଃ॥ 16-16-9 (97646)
ତଥା କୃଷ୍ଣା ଦ୍ରୌପଦୀ ଯାଦବୀ ଚ
ବାଲାପତ୍ଯା ଚୋତ୍ତରା କୌରବୀ ଚ।
ଚିତ୍ରାଙ୍ଗଦା ଯାଶ୍ଚ କାଶ୍ଚିତ୍ସ୍ତ୍ରିଯୋଽନ୍ଯାଃ
ସାର୍ଧଂ ରାଜ୍ଞା ପ୍ରସ୍ଥିତାସ୍ତା ବଧୂଭିଃ॥ 16-16-10 (97647)
ତାସାଂ ନାଦୋ ରୁଦତୀନାଂ ତଦାଽଽସୀ-
ଦ୍ରାଜନ୍ଦୁଃଖାତ୍କୁରରୀଣାମିବୋଚ୍ଚୈଃ।
ତତୋ ନିଷ୍ପେତୁର୍ବ୍ରାହ୍ମଣକ୍ଷତ୍ରିଯାଣାଂ
ବିଟ୍ଶୂଦ୍ରାଣାଂ ଚୈବ ଭାର୍ଯାଃ ସମନ୍ତାତ୍॥ 16-16-11 (97648)
ତନ୍ନିର୍ଯାଣେ ଦୁଃଖିତଃ ପୌରବର୍ଗୋ
ଗଜାହ୍ବଯେ ଚୈବ ବଭୂବ ରାଜନ୍।
ଯଥାପୂର୍ବଂ ଗଚ୍ଛତାଂ ପାଣ୍ଡବାନାଂ
ଦ୍ଯୂତେ ରାଜନ୍କୌରବାଣାଂ ସଭାଯାମ୍॥ 16-16-12 (97649)
ଯା ନାପଶ୍ଯଚ୍ଚନ୍ଦ୍ରମା ନୈବ ସୂର୍ଯୋ
ରାମାଃ କାଶ୍ଚିତ୍ତାଃ ସ୍ମ ତସ୍ମିନ୍ନରେନ୍ଦ୍ରେ।
ମହାବନଂ ଗଚ୍ଛତି କୌରବେନ୍ଦ୍ରେ
ଶୋକେନାର୍ତା ରାଜମାର୍ଗଂ ପ୍ରପେଦୁଃ॥ ॥ 16-16-13 (97650)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ଷୋଡଶୋଽଧ୍ଯାଯଃ॥ 16 ॥
Mahabharata - AshramaVasika Parva - Chapter Footnotes
7-16-9 କୁନ୍ତୀ ଗାନ୍ଧାରୀଂ ଅନଯଦିତି ଶେଷଃ। କିଂଭୂତା। ଅର୍ଥାଦ୍ଗାନ୍ଧାର୍ଯା ହସ୍ତଂ ସ୍କନ୍ଧାସକ୍ତଂ ଉଦ୍ବହନ୍ତୀ। କୁନ୍ତୀ ଗାନ୍ଧାରୀମନୁଭର୍ତୃ ବ୍ରଜନ୍ତୀମିତି କ.ଥ.ପାଠଃ॥ଆଶ୍ରମବାସିକପର୍ବ - ଅଧ୍ଯାଯ 017
॥ ଶ୍ରୀଃ ॥
16.17. ଅଧ୍ଯାଯଃ 017
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ଧୃତରାଷ୍ଟ୍ରସ୍ଯ ବନପ୍ରସ୍ଥାନସମଯେ ବିଦୁରସଂଜଯାଭ୍ଯାମପି ବନବାସାଯ ତେନ ସହ ପ୍ରସ୍ଥାନମ୍॥ 1 ॥ ତଥା କୁନ୍ତ୍ଯାପି ଯୁଧିଷ୍ଠିରାଦିଭିର୍ବହୁଧା ପ୍ରାର୍ଥନାଭିଃ ପ୍ରତିଷେଧନେପି ତତ୍ସମାଶ୍ବାସନପୂର୍ବକଂ ଗାନ୍ଧାର୍ଯା ସହ ବନଂପ୍ରତି ପ୍ରସ୍ଥାନମ୍॥ 2 ॥Mahabharata - AshramaVasika Parva - Chapter Text
ଧୃତରାଷ୍ଟ୍ରସ୍ଯ ବନପ୍ରସ୍ଥାନସମଯେ ବିଦୁରସଂଜଯାଭ୍ଯାମପି ବନବାସାଯ ତେନ ସହ ପ୍ରସ୍ଥାନମ୍ ॥ 1 ॥ ତଥା କୁନ୍ତ୍ଯାପି ଯୁଧିଷ୍ଠିରାଦିଭିର୍ବହୁଧା ପ୍ରାର୍ଥନାଭିଃ ପ୍ରତିଷେଧନେପି ତତ୍ସମାଶ୍ବାସନପୂର୍ବକଂ ଗାନ୍ଧାର୍ଯା ସହ ବନଂପ୍ରତି ପ୍ରସ୍ଥାନମ୍॥ 2 ॥
16-17-0 (97651)
ବୈଶମ୍ପାଯନ ଉବାଚ। 16-17-0x (8045)
ତତଃ ପ୍ରାସାଦହର୍ମ୍ଯେଷୁ ବସୁଧାଯାଂ ଚ ପାର୍ଥିବ।
ନାରୀଣାଂ ଚ ନରାଣାଂ ଚ ନିଃସ୍ବନଃ ସୁମହାନଭୂତ୍॥ 16-17-1 (97652)
ସ ରାଜା ରାଜମାର୍ଗେଣ ନୃନାରୀସଂକୁଲେନ ଚ।
କଥଞ୍ଚିନ୍ନିର୍ଯଯୌ ଧୀମାନ୍ବେପମାନଃ କୃତାଞ୍ଜଲିଃ॥ 16-17-2 (97653)
ସ ବର୍ଧମାନଦ୍ବାରେଣି ନିର୍ଯଯୌ ଗଜସାହ୍ବଯାତ୍।
ବିସର୍ଜଯାମାସ ଚ ତଂ ଜନୌଘଂ ସ ମୁହୁର୍ମୁହୁଃ॥ 16-17-3 (97654)
ବନଂ ଗନ୍ତୁଂ ଚ ବିଦୁରୋ ରାଜ୍ଞା ସହ କୃତକ୍ଷଣଃ।
ସଂଜଯଶ୍ଚ ମହାମାତ୍ରଃ ସୂତୋ ଗାବଲ୍ଗଣିସ୍ତଥା॥ 16-17-4 (97655)
କକୃପଂ ନିବର୍ତଯାମାସ ଯୁଯୁତ୍ସୁଂ ଚ ମହାରଥମ୍।
ଧୃତାରାଷ୍ଟ୍ରୋ ମହୀପାଲଃ ପରିଦାପ୍ଯ ଯୁଧିଷ୍ଠିରେ॥ 16-17-5 (97656)
ନିବୃତ୍ତେ ପୌରବର୍ଗେ ଚ ରାଜା ସାନ୍ତଃପୁରସ୍ତଦା।
ଧୃତରାଷ୍ଟ୍ରାଭ୍ଯନୁଜ୍ଞାତୋ ନିବର୍ତିତୁମିଯେଷ ହ॥ 16-17-6 (97657)
ସୋବ୍ରବୀନ୍ମାତରଂ କୁନ୍ତୀମୁପେତ୍ଯ ଭରତର୍ଷଭ॥
ଅହଂ ରାଜାନମନ୍ବିଷ୍ଯେ ଭବତୀ ବିନିବର୍ତତାମ୍॥ 16-17-7 (97658)
ବଧୂପରିବୃତା ରାଜ୍ଞି ନଗରଂ ଗନ୍ତୁମର୍ହସି।
ରାଜା ଯାତ୍ବେଷ ଧର୍ମାତ୍ମା ତପସେ କୃତନିଶ୍ଚଯଃ॥ 16-17-8 (97659)
ଇତ୍ଯୁକ୍ତା ଧର୍ମରାଜେନି ବାଷ୍ପବ୍ଯାକୁଲଲୋଚନା।
ଜଗାମୈବ ତଦା କୁନ୍ତୀ ଗାନ୍ଧାରୀଂ ପରିଗୃହ୍ଯ ହ॥ 16-17-9 (97660)
କୁନ୍ତ୍ଯୁବାଚ। 16-17-10x (8046)
ସହଦେବେ ମହାରାଜ ମାଽପ୍ରସାଦଂ କୃଥାଃ କ୍ବଚିତ୍।
ଏଷ ମାମନୁରକ୍ତୋ ହି ରାଜଂସ୍ତ୍ବାଂ ଚୈବ ସର୍ବଦା॥ 16-17-10 (97661)
କର୍ଣଂ ସ୍ମରେଥାଃ ସତତଂ ସଙ୍ଗ୍ରାମେଷ୍ବପଲାଯିନମ୍।
ଅବକୀର୍ଣୋ ହି ସ ମଯା ବୀରୋ ଦୁଷ୍ପ୍ରଜ୍ଞଯା ତଦା॥ 16-17-11 (97662)
ଆଯସଂ ହୃଦଯଂ ନୂନଂ ମନ୍ଦାଯା ମମ ପୁତ୍ରକ।
ଯତ୍ସୂର୍ଯଜମପଶ୍ଯନ୍ତ୍ଯାଃ ଶତଧା ନ ବିଦୀର୍ଯତେ॥ 16-17-12 (97663)
ଏବଂ ଗତେ ତୁ କିଂ ଶକ୍ଯଂ ମଯା କର୍ତୁମରିଂଦମ।
ମମ ଦୋଷୋଽଯମତ୍ଯର୍ଥଂ ଖ୍ଯାପିତୋ ଯନ୍ନ ସୂର୍ଯଜଃ॥ 16-17-13 (97664)
ତନ୍ନିମିତ୍ତଂ ମହାବାହୋ ଦାନଂ ଦଦ୍ଯାସ୍ତ୍ବମୁତ୍ତମମ୍।
ସଦୈବ ଭ୍ରାତୃଭିଃ ସାର୍ଧଂ ସୂର୍ଯଜସ୍ଯାରିମର୍ଦନ॥ 16-17-14 (97665)
ଦ୍ରୌପଦ୍ଯାଶ୍ଚ ପ୍ରିଯେ ନିତ୍ଯଂ ସ୍ଥାତବ୍ଯମରିକର୍ଶନ।
ଭୀମସେନୋଽର୍ଜୁନଶ୍ଚୈବ ନକୁଲଶ୍ଚ କୁରୂଦ୍ବହ॥ 16-17-15 (97666)
ସମାଧେଯାସ୍ତ୍ବଯା ରାଜଂସ୍ତ୍ବଯ୍ଯଦ୍ଯ କୁଲଧୂର୍ଗତା।
ଶ୍ବଶ୍ରୂଶ୍ବଶୁରଯୋଃ ପାଦାଞ୍ଶୁଶ୍ରୂଷନ୍ତୀ ବନେ ତ୍ବହମ୍।
ଗାନ୍ଧାରୀସହିତା ବତ୍ସ୍ଯେ ତାପସୀ ମଲପଙ୍କିନୀ॥ 16-17-16 (97667)
ବୈଶମ୍ପାଯନ ଉବାଚ। 16-17-17x (8047)
ଏବମୁକ୍ତଃ ସ ଧର୍ମାତ୍ମା ଭ୍ରାତୃଭିଃ ସହିତୋ ବଶୀ।
ବିଷାଦମଗମଦ୍ଧୀମାନ୍ନ ଚ କିଞ୍ଚିଦୁବାଚ ହ॥ 16-17-17 (97668)
ମୁହୂର୍ତମିବ ତୁ ଧ୍ଯାତ୍ବା ଧର୍ମରାଜୋ ଯୁଧିଷ୍ଠିରଃ।
ଉବାଚ ମତାରଂ ଦୀନଶ୍ଚିନ୍ତାଶୋକପରାଯଣଃ॥ 16-17-18 (97669)
କିମିଦଂ ତେ ବ୍ଯବସିତଂ ନୈବଂ ତ୍ବଂ ବକ୍ତୁମର୍ହସି।
ନ ତ୍ବାମଭ୍ଯନୁଜାନାମି ପ୍ରସାଦଂ କର୍ତୁମର୍ହସି॥ 16-17-19 (97670)
ବ୍ଯଚୋଦଯଃ ପୁରାଽସ୍ମାକମୁତ୍ସାହଂ ଶୁଭଦର୍ଶନେ।
ବିଦୁଲାଯା ବଚୋଭିସ୍ତ୍ବଂ ନାସ୍ମାନ୍ସଂତ୍ଯକ୍ତୁମର୍ହସି॥ 16-17-20 (97671)
ନିହତ୍ଯ ପୃଥିବୀପାଲାନ୍ରାଜ୍ଯଂ ପ୍ରାପ୍ତମିଦଂ ମଯା।
ତବ ପ୍ରଜ୍ଞାମୁପଶ୍ରୁତ୍ଯ ବାସୁଦେବାନ୍ନରର୍ଷଭାତ୍॥ 16-17-21 (97672)
କ୍ବ ସା ବୁଦ୍ଧିରିଯଂ ଚାଦ୍ଯ ଭବତ୍ଯା ଯା ଶ୍ରୁତା ମଯା।
କ୍ଷତ୍ରଧର୍ମେ ସ୍ଥିତଂ ତ୍ଯକ୍ତ୍ବା ନ ପ୍ରଯାତୁମିହାର୍ହସି॥ 16-17-22 (97673)
ଅସ୍ମାନୁତ୍ସୃଜ୍ଯ ରାଜ୍ଯଂ ଚ ସ୍ନୁଷାହୀନା ଯଶସ୍ବିନି।
କଥଂ ବତ୍ସ୍ଯସି ଦୁର୍ଗେଷୁ ବନେଷ୍ବଦ୍ଯ ପ୍ରସୀଦ ମେ॥ 16-17-23 (97674)
ଇତି ବାଷ୍ପକଲା ବାଚଃ କୁନ୍ତୀ ପୁତ୍ରସ୍ଯ ଶୃଣ୍ବତୀ।
ଜଗାମୈବାଶ୍ରୁପୂର୍ଣାକ୍ଷୀ ଭୀମସ୍ତାମିଦମବ୍ରବୀତ୍॥ 16-17-24 (97675)
ଯଦା ରାଜ୍ଯମିଦଂ କୁନ୍ତି ଭୋକ୍ତବ୍ଯଂ ପୁତ୍ରନିର୍ଜିତମ୍।
ପ୍ରାପ୍ତବ୍ଯା ରାଜଧର୍ମାଶ୍ଚ ତଦେଯଂ ତେ କୁତୋ ମତିଃ॥ 16-17-25 (97676)
କିଂ ବଯଂ କାରିତାଃ ପୂର୍ବଂ ଭବତ୍ଯା ପୃଥିବୀକ୍ଷଯମ୍।
କସ୍ଯ ହେତୋଃ ପରିତ୍ଯଜ୍ଯ ବନଂ ଗନ୍ତୁମଭୀପ୍ସସି॥ 16-17-26 (97677)
ବନାଚ୍ଚାପି କିମାନୀତା ଭବତ୍ଯା ବାଲକା ବଯମ୍।
ଦୁଃଖଶୋକସମାବିଷ୍ଟୌ ମାଦ୍ରୀପୁତ୍ରାବିମୌ ତଥା॥ 16-17-27 (97678)
ପ୍ରସୀଦ ମାତର୍ମା ଗାସ୍ତ୍ବଂ ବନମଦ୍ଯ ଯଶସ୍ବିନି।
ଶ୍ରିଯଂ ଯୌଧିଷ୍ଠିରୀଂ ମାତର୍ଭୁଙ୍କ୍ଷ୍ବ ପାର୍ଥବଲାର୍ଜିତାମ୍॥ 16-17-28 (97679)
ଇତି ସା ନିଶ୍ଚିତୈବାଶୁ ବନବାସକୃତତକ୍ଷଣା।
ଲାଲପ୍ଯତାଂ ବହୁବିଧଂ ପୁତ୍ରାଣାଂ ନାକରୋଦ୍ବଚଃ॥ 16-17-29 (97680)
ଦ୍ରୌପଦୀ ଚାନ୍ବଯାଚ୍ଛ୍ବଶ୍ରୂଂ ବିଷଷ୍ଣବଦନା ତଦା।
ବନବାସାଯ ଗଚ୍ଛନ୍ତୀଂ ରୁଦତୀ ଭଦ୍ରଯା ସହ॥ 16-17-30 (97681)
ସା ପୁତ୍ରାନ୍ରୁଦତଃ ସର୍ବାନ୍ମୁହୁର୍ମୁହୁରବେକ୍ଷତୀ।
ଜଗାମୈବ ମହାପ୍ରାଜ୍ଞା ବନାଯ କୃତନିଶ୍ଚଯା॥ 16-17-31 (97682)
ଅନ୍ବଯୁଃ ପାଣ୍ଡବାସ୍ତାଂ ତୁ ସଭୃତ୍ଯାନ୍ତଃପୁରାସ୍ତଥା।
ତତଃ ପ୍ରମୃଜ୍ଯ ସାଽଶ୍ରୂଣି ପୁତ୍ରାନ୍ବଚନମବ୍ରବୀତ୍॥ ॥ 16-17-32 (97683)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ସପ୍ତଦଶୋଽଧ୍ଯାଯଃ॥ 17 ॥
Mahabharata - AshramaVasika Parva - Chapter Footnotes
7-17-10 ମା ପ୍ରମାଦଂ କୃଥା ଇତି କ.ଥ.ପାଠଃ॥ 7-17-16 ଶ୍ବଶ୍ରୂଶ୍ବଶୁରଯୋଃ। ଜ୍ଯେଷ୍ଠତ୍ବାଦ୍ଧୃତରାଷ୍ଟ୍ରଃ ପାଣ୍ଡୋଃ ପିତୃସମସ୍ତେନ କୁନ୍ତ୍ଯାଃ ସ ଶ୍ବଶୁର ଇତି॥ 7-17-22 କ୍ଷତ୍ରଧର୍ମେ ସ୍ଥିତିଂ ହ୍ଯୁକ୍ତ୍ବା ନ ପ୍ରତ୍ଯାଖ୍ଯାତୁମର୍ହସି ଇତି ଥ.ପାଠଃ। ସ୍ଥିତିଂ ଚୋକ୍ତ୍ବା ତସ୍ଯାଶ୍ଚ୍ଯବିତୁମିଚ୍ଛସି ଇତି ଝ.ପାଠଃ॥ 7-17-30 ଭଦ୍ରଯା ସୁଭଦ୍ରଯା॥ଆଶ୍ରମବାସିକପର୍ବ - ଅଧ୍ଯାଯ 018
॥ ଶ୍ରୀଃ ॥
16.18. ଅଧ୍ଯାଯଃ 018
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
କୁନ୍ତ୍ଯା ସ୍ବସ୍ଯ ବନଗମନାଧ୍ଯବସାଯେନ ବିଷୀଦତୋ ଯୁଧିଷ୍ଠିରାଦୀନ୍ପ୍ରତି ସହେତୂପନ୍ଯାସଂ ସମାଶ୍ବାସନମ୍॥ 1 ॥Mahabharata - AshramaVasika Parva - Chapter Text
କୁନ୍ତ୍ଯୁବାଚ।
ଏବମେତନ୍ମହାବାହୋ ଯଥା ବଦସି ପାଣ୍ଡବଃ।
କୃତମୁଦ୍ଧରଣଂ ପୂର୍ବଂ ମଯା ବଃ ସୀଦତାଂ ନୃପାଃ॥ 16-18-1 (97684)
ଦ୍ଯୂତାପହୃତରାଜ୍ଯାନାଂ ପତିତାନାଂ ସୁଖାଦପି।
ଜ୍ଞାତିଭିଃ ପରିଭୂତାନାଂ କୃତମୁଦ୍ଧରଣଂ ମଯା॥ 16-18-2 (97685)
କଥଂ ପାଣ୍ଡୋର୍ନ ନଶ୍ଯେତ ସଂତତିଃ ପୁରୁଷର୍ଷଭାଃ।
ଯଶଶ୍ଚ ବୋ ନ ନଶ୍ଯେତ ଇତି ଚୋଦ୍ଧରଣଂ କୃତମ୍॥ 16-18-3 (97686)
ଯୂଯମିନ୍ଦ୍ରସମାଃ ସର୍ବେ ଦେବତୁଲ୍ଯପରାକ୍ରମାଃ।
ମା ପରେଷାଂ ମୁଖପ୍ରେକ୍ଷାଃ ସ୍ଥେତ୍ଯେବଂ ତତ୍କୃତଂ ମଯା॥ 16-18-4 (97687)
କଥଂ ଧର୍ମଭୃତାଂ ଶ୍ରେଷ୍ଠୋ ରାଜା ତ୍ବଂ ବାସବୋପମଃ।
ପୁନର୍ବନେ ନ ଦୁଃଖୀ ସ୍ଯା ଇତି ଚୋଦ୍ଧରଣଂ କୃତମ୍॥ 16-18-5 (97688)
ନାଗାଯୁତସମପ୍ରାଣଃ ଖ୍ଯାତବିକ୍ରମପୌରୁଷଃ।
ନାଯଂ ଭୀମୋତ୍ଯଯଂ ଗଚ୍ଛେଦିତି ଚୋଦ୍ଧରଣଂ କୃତମ୍॥ 16-18-6 (97689)
ଭୀମସେନାଦବରଜସ୍ତଥାଽଯଂ ବାସବୋପମଃ।
ବିଜଯୋ ନାବସୀଦେତ ଇତି ଚୋଦ୍ଧରଣଂ କୃତମ୍॥ 16-18-7 (97690)
ନକୁଲଃ ସହଦେବଶ୍ଚ ତଥେମୌ ଗୁରୁବର୍ତିନୌ।
କ୍ଷୁଧା କଥଂ ନ ସୀଦେତାମିତି ଚୋଦ୍ଧରଣଂ କୃତମ୍॥ 16-18-8 (97691)
ଇଯଂ ଚ ବୃହତୀ ଶ୍ଯାମା ତଥାଽତ୍ଯାଯତଲୋଚନା।
ବୃଥା ସଭାତଲେ କ୍ଲିଷ୍ଟା ମା ଭୂଦିତି ଚ ତତ୍କୃତଂ॥ 16-18-9 (97692)
ଅପେକ୍ଷତାମେବ ବୋ ଭୀମ ବେପନ୍ତୀଂ କଦଲୀମିବ।
ସ୍ତ୍ରୀଧର୍ମିଣୀମରିଷ୍ଟାଙ୍ଗୀଂ ତଥା ଦ୍ଯୂତପରାଜିତାମ୍॥ 16-18-10 (97693)
ଦୁଃଶାସନୋ ଯଦା ମୌର୍ଖ୍ଯାଦ୍ଦାସୀବତ୍ପର୍ଯକର୍ଷତ।
ତଦୈବ ବିଦିତଂ ମହ୍ଯଂ ପରାଭୂତମିଦଂ କୁଲମ୍॥ 16-18-11 (97694)
ନିଷଣ୍ଣାଃ କୁରବଶ୍ଚୈବ ତଦା ମେ ଶ୍ବଶୁରାଦଯଃ।
ସା ଦୈବଂ ନାଥମିଚ୍ଛନ୍ତୀ ବ୍ଯଲପତ୍କୁରରୀ ଯଥା॥ 16-18-12 (97695)
କେଶପକ୍ଷେ ପରାମୃଷ୍ଟା ପାପେନ୍ ହତବୁଦ୍ଧିନା।
ଯଦା ଦୁଃଶାସନେନୈଷା ତଦା ମୁହ୍ଯାମ୍ଯହଂ ନୃପାଃ॥ 16-18-13 (97696)
ଯୁଷ୍ମତ୍ତେଜୋବିବୃଦ୍ଧ୍ଯର୍ତଂ ମଯା ହ୍ଯୁଦ୍ଧରଣଂ କୃତମ୍।
ତଦାନୀଂ ବିଦୁଲାବାକ୍ଯୈରିତି ତଦ୍ବିତ୍ତ ପୁତ୍ରକାଃ॥ 16-18-14 (97697)
କଥଂ ନ ରାଜବଂଶୋଽଯଂ ନଶ୍ଯେତ୍ପ୍ରାପ୍ଯ ସୁତାନ୍ମମ।
ପାଣ୍ଡୋରିତି ମଯା ପୁତ୍ରସ୍ତସ୍ମାଦୁଦ୍ଧରଣଂ କୃତମ୍॥ 16-18-15 (97698)
ନ ତସ୍ଯ ପୁତ୍ରାଃ ପୌତ୍ରା ବା କ୍ଷତବଂଶସ୍ଯ ପାର୍ଥିବ।
ଲଭ୍ତେ ସୁକୃତାଁଲ୍ଲୋକାନ୍ଯସ୍ମାଦ୍ବଂଶଃ ପ୍ରଣଶ୍ଯତି॥ 16-18-16 (97699)
ଭୁକ୍ତଂ ରାଜ୍ଯଫଲଂ ପୁତ୍ରା ଭର୍ତୁର୍ମେ ବିପୁଲଂ ପୁରା।
ମହାଦାନାନି ଦତ୍ତାନି ପୀତଃ ସୋମୋ ଯଥାବିଧି॥ 16-18-17 (97700)
ନାହମାତ୍ମଫଲାର୍ଥଂ ବୈ ବାସୁଦେବମଚୂଚୁଦମ୍।
ବିଦୁଲାଯାଃ ପ୍ରଲାପୈସ୍ତୈଃ ପାଲନାର୍ଥଂ ଚ ତତ୍କୃତମ୍॥ 16-18-18 (97701)
ନାହଂ ରାଜ୍ଯଫଲଂ ପୁତ୍ରାଃ କାମଯେ ପୁତ୍ରନିର୍ଜିତମ୍।
ପତିଲୋକାନହଂ ପୁଣ୍ଯାନ୍କାମଯେ ତପସା ପିଭୋ॥ 16-18-19 (97702)
ଶ୍ବଶ୍ରୂଶ୍ବଶୁରଯୋଃ କୃତ୍ବା ଶୁଶ୍ରୂଷାଂ ବନବାସିନୋଃ।
ତପସା ଶୋଷଯିଷ୍ଯାମି ଯୁଧିଷ୍ଠିର କଲେବରମ୍॥ 16-18-20 (97703)
ନିବର୍ତସ୍ବ କୁରୁଶ୍ରେଷ୍ଠ ଭୀମସେନାଦିଭିଃ ସହ।
ଧର୍ମେ ତେ ଧୀଯତାଂ ବୁଦ୍ଧିର୍ମନସ୍ତୁ ମହଦସ୍ତୁ ଚ॥ ॥ 16-18-21 (97704)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ଅଷ୍ଟାଦଶୋଽଧ୍ଯାଯଃ॥ 18 ॥
Mahabharata - AshramaVasika Parva - Chapter Footnotes
7-18-10 ପଶ୍ଯନ୍ତ୍ଯା ମେ ତଥା ଭୀତାଂ ବେପନ୍ତୀମିତି କ.ଥ.ପାଠଃ॥ଆଶ୍ରମବାସିକପର୍ବ - ଅଧ୍ଯାଯ 019
॥ ଶ୍ରୀଃ ॥
16.19. ଅଧ୍ଯାଯଃ 019
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
କୁନ୍ତ୍ଯା କୃଚ୍ଛ୍ରେଣ ପ୍ରତିନିବର୍ତିତୈର୍ଯୁଧିଷ୍ଠିରାଦିଭିଃ କୃଚ୍ଛ୍ରାତ୍ପୁନର୍ନଗରଂ ପ୍ରତ୍ଯାଗମନମ୍॥ 1 ॥ ଧୃତାଷ୍ଟ୍ରେଣ ବିଦୁରାଦିଭିଃ ସହ ବନମେତ୍ଯ ଗଙ୍ଗାତୀରେ ସନ୍ଧ୍ଯୋପାସ୍ତ୍ଯାଦିନା ରାତ୍ରିଯାପନମ୍॥ 2 ॥Mahabharata - AshramaVasika Parva - Chapter Text
ବୈଶମ୍ପାଯନ ଉବାଚ।
କୁନ୍ତ୍ଯାସ୍ତୁ ବଚନଂ ଶ୍ରୁତ୍ବା ପାଣ୍ଡବା ରାଜସତ୍ତମ।
ବ୍ରୀଡିତାଃ ସଂନ୍ଯବର୍ତନ୍ତ ପାଞ୍ଚାଲ୍ଯା ସହ ଭାରତ॥ 16-19-1 (97705)
ତତଃ ଶବ୍ଦୋ ମହାନେବ ସର୍ବେଷାମଭବତ୍ତଦା।
ଅନ୍ତଃପୁରାଣାଂ ରୁଦତାଂ ଦୃଷ୍ଟ୍ବା କୁନ୍ତୀଂ ତଥା ଗତାମ୍॥ 16-19-2 (97706)
ପ୍ରଦକ୍ଷିଣମଥାବୃତ୍ତ୍ଯ ରାଜାନଂ ପାଣ୍ଡବାସ୍ତଦା।
ଅଭିବାଦ୍ଯ ନ୍ଯବର୍ତନ୍ତ ପୃଥାଂ ତାମନିବର୍ତ୍ଯ ବୈ॥ 16-19-3 (97707)
ତତୋଽବ୍ରବୀନ୍ମହାତେଜା ଧୃତରାଷ୍ଟ୍ରୋଂଽବିକାସୁତଃ।
ଗାନ୍ଧାରୀଂ ବିଦୁରଂ ଚୈବ ସମାଭାଷ୍ଯାବଗୃହ୍ଯ ଚ॥ 16-19-4 (97708)
ଯୁଧିଷ୍ଠିରସ୍ଯ ଜନନୀ ଦେବୀ ସାଧୁ ନିବର୍ତ୍ଯତାମ୍।
ଯଥା ଯୁଧିଷ୍ଠିରଃ ପ୍ରାହ ତତ୍ସର୍ବଂ ସତ୍ଯମେବ ହି॥ 16-19-5 (97709)
ପୁତ୍ରୈଶ୍ବର୍ଯଂ ମହଦିଦମପାସ୍ଯ ଚ ମହାଫଲମ୍।
କାଽନୁଗଚ୍ଛେଦ୍ବନଂ ଦୁର୍ଗଂ ପୁତ୍ରାନୁତ୍ସୃଜ୍ଯ ମୂଢବତ୍॥ 16-19-6 (97710)
ରାଜ୍ଯସ୍ଥଯା ତପସ୍ତପ୍ତୁଂ କର୍ତୁଂ ଦାନବ୍ରତଂ ମହତ୍।
ଅନଯା ଶକ୍ଯମେବାଦ୍ଯ ଶ୍ରୂଯତାଂ ଚ ବଚୋ ମମ॥ 16-19-7 (97711)
ଗାନ୍ଧାରି ପରିତୁଷ୍ଟୋସ୍ମି ବଧ୍ବାଃ ଶୁଶ୍ରୂଷଣେନ ବୈ।
ତସ୍ମାତ୍ତ୍ବମେନାଂ ଧର୍ମଜ୍ଞେ ସମନୁଜ୍ଞାତୁମର୍ହସି॥ 16-19-8 (97712)
ଇତ୍ଯୁକ୍ତା ସୌବଲେଯୀ ତୁ ରାଜ୍ଞା କୁନ୍ତୀମୁବାଚ ହ।
ତତ୍ସର୍ବଂ ରାଜବଚନଂ ସ୍ବଂ ଚ ବାକ୍ଯଂ ବିଶେଷବତ୍॥ 16-19-9 (97713)
ନ ଚ ସା ବନବାସାଯ ଦେବୀ କୃତମତିଂ ତଦା।
ଶକ୍ନୋତ୍ଯୁପାବର୍ତଯିତୁଂ କୁନ୍ତୀଂ ଧର୍ମପରାଂ ସତୀମ୍॥ 16-19-10 (97714)
ତସ୍ଯାସ୍ତାଂ ତୁ ସ୍ଥିତିଂ ଜ୍ଞାତ୍ବା ବ୍ଯବସାଯଂ କୁରୁସ୍ତ୍ରିଯଃ।
ନିବୃତ୍ତାଂଶ୍ଚ କୁରୁଶ୍ରେଷ୍ଠାନ୍ଦୃଷ୍ଟ୍ବା ପ୍ରରୁରୁଦୁସ୍ତଦା॥ 16-19-11 (97715)
ଉପାବୃତ୍ତେଷୁ ପାର୍ଥେଷୁ ସର୍ବାସ୍ବେବ ବଧୂଷୁ ଚ।
ଯଯୌ ରାଜା ମହାପ୍ରାଜ୍ଞୋ ଧୃତରାଷ୍ଟ୍ରୋ ବନଂ ତଦା॥ 16-19-12 (97716)
ପାଣ୍ଡବାଶ୍ଚାତିଦୀନାସ୍ତେ ଦୁଃଖଶୋକପରାଯଣାଃ।
ଯାନୈଃ ସ୍ତ୍ରୀସହିତାଃ ସର୍ବେ ପୁରଂ ପ୍ରବିବିଶୁସ୍ତଦା॥ 16-19-13 (97717)
ତଦହୃଷ୍ଟମନାନନ୍ଦଂ ଗତୋତ୍ସବମିବାଭବତ୍।
ନଗରଂ ହାସ୍ତିନପୁରଂ ସସ୍ତ୍ରୀବୃଦ୍ଧକୁମାରକମ୍॥ 16-19-14 (97718)
ସର୍ବେ ଚାସନ୍ନିରୁତ୍ସାହାଃ ପାଣ୍ଡବା ଜାତମନ୍ଯବଃ।
କୁନ୍ତ୍ଯା ହୀନାଃ ସୁଦୁଃଖାର୍ତା ବତ୍ସା ଇବ ବିନାକୃତାଃ॥ 16-19-15 (97719)
ଧୃତରାଷ୍ଟ୍ରସ୍ତୁ ତେନାହ୍ନା ଗତ୍ବା ସୁମହଦନ୍ତରମ୍।
ତତୋ ଭାଗୀରଥୀତୀରେ ନିବାସମକରୋତ୍ପ୍ରଭୁଃ॥ 16-19-16 (97720)
ପ୍ରାଦୁଷ୍କୃତା ଯଥାନ୍ଯାଯମଗ୍ନଯୋ ବେଦପାରଗୈଃ।
ବ୍ଯରାଜନ୍ତ ଦ୍ବିଜଶ୍ରେଷ୍ଠୈସ୍ତତ୍ରତତ୍ର ତପୋବନେ।
ପ୍ରାଦୁଷ୍କୃତାଗ୍ନିରଭବତ୍ସ ଚ ବୃଦ୍ଧୋ ନରାଧିପଃ॥ 16-19-17 (97721)
ସ ରାଜାଽଗ୍ନୀନ୍ପର୍ଯୁପାସ୍ଯ ହୁତ୍ବା ଚ ବିଧିବତ୍ତଦା।
ସନ୍ଧ୍ଯାଗତଂ ସହସ୍ରାଂଶୁମୁପାତିଷ୍ଠତ ଭାରତ॥ 16-19-18 (97722)
ବିଦୁରଃ ସଂଜଯଶ୍ଚୈବ ରାଜ୍ଞଃ ଶଯ୍ଯାଂ କୁଶୈସ୍ତତଃ।
ଚକ୍ରତୁଃ କୁରୁବୀରସ୍ଯ ଗାନ୍ଧାର୍ଯାଶ୍ଚାବିଦୂରତଃ॥ 16-19-19 (97723)
ଗାନ୍ଧାର୍ଯାଃ ସନ୍ନିକର୍ଷେ ତୁ ନିଷସାଦ କୁଶେ ସୁଖମ୍।
ଯୁଧିଷ୍ଠିରସ୍ଯ ଜନନୀ କୁନ୍ତୀ ସାଧୁବ୍ରତେ ସ୍ଥିତା॥ 16-19-20 (97724)
ତେଷାଂ ସଂଶ୍ରବଣେ ଚାପି ନିଷେଦୁର୍ବିଦୁରାଦଯଃ।
ଯାଜକାଶ୍ଚ ଯଥୋଦ୍ଦେଶଂ ଦ୍ବିଜା ଯେ ଚାନୁଯାଯିନଃ॥ 16-19-21 (97725)
ପ୍ରାଧୀତଦ୍ବିଜମୁଖ୍ଯା ସା ସଂପ୍ରଜ୍ବଲିତପାବକା।
ବଭୂବ ତେଷାଂ ରଜନୀ ବ୍ରାହ୍ମୀବ ପ୍ରୀତିବର୍ଧିନୀ॥ 16-19-22 (97726)
ତତୋ ରାତ୍ର୍ଯାଂ ବ୍ଯତୀତାଯାଂ କୃତପୂର୍ବାହ୍ଣିକକ୍ରିଯାଃ।
ହୁତ୍ବାଽଗ୍ନିଂ ବିଧିବତ୍ସର୍ବେ ପ୍ରଯଯୁସ୍ତେ ଯଥାକ୍ରମମ୍।
ଉଦଙ୍ମୁଖା ନିରୀକ୍ଷନ୍ତ ଉପବାସପରାଯଣାଃ॥ 16-19-23 (97727)
ସ ତେଷାମତିଦୁଃଖୋଽଭୂନ୍ନିବାସଃ ପ୍ରଥମେଽହନି।
ଶୋଚତାଂ ବଦତାଂ ଚାପି ପୌରଜାନପଦୈର୍ଜନୈଃ॥ ॥ 16-19-24 (97728)
ଇତି ଶ୍ରୀମନ୍ମହାଭାରତେ ଆଶ୍ରମବାସିକର୍ବଣି ଆଶ୍ରମବାସପର୍ବଣି ଏକୋନବିଂଶୋଽଧ୍ଯାଯଃ॥ 19 ॥
ଆଶ୍ରମବାସିକପର୍ବ - ଅଧ୍ଯାଯ 020
॥ ଶ୍ରୀଃ ॥
16.20. ଅଧ୍ଯାଯଃ 020
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ଧୃତରାଷ୍ଟ୍ରେଣ ବିଦୁରାଦିଭିଃ ସହ ଗଙ୍ଗାତୀରାତ୍କୁରୁକ୍ଷେତ୍ରମେତ୍ଯ ତତ୍ର ଶତଯୂପାଶ୍ରମେ ବ୍ଯାସାଜ୍ଞଯା ତଦୁପଦିଷ୍ଟବିଧିନା ତୀବ୍ରତପଶ୍ଚରଣମ୍॥ 1 ॥Mahabharata - AshramaVasika Parva - Chapter Text
ବୈଶମ୍ପାଯନ ଉବାଚ।
ତତୋ ଭାଗୀରଥୀତୀରେ ମେଧ୍ଯେ ପୁଣ୍ଯଜନୋଚିତେ।
ନିବାସମକରୋଦ୍ରାଜା ବିଦୁରସ୍ଯ ମତେ ସ୍ଥିତଃ॥ 16-20-1 (97729)
ତତ୍ରୈନଂ ପର୍ଯୁପାତିଷ୍ଠନ୍ବ୍ରାହ୍ମଣା ବନବାସିନଃ।
କ୍ଷତ୍ରବିଟ୍ଶୂଦ୍ରସଙ୍ଖାଶ୍ଚ ବହବୋ ଭରତର୍ଷଭ॥ 16-20-2 (97730)
ସ ତୈଃ ପରିବୃତୋ ରାଜା କଥାଭିଃ ପରିନନ୍ଦ୍ଯ ତାନ୍।
ଅନୁଜଜ୍ଞେ ସ ଶିଷ୍ଯାନ୍ବୈ ବିଧିବତ୍ପ୍ରତିପୂଜ୍ଯ ଚ॥ 16-20-3 (97731)
ସାଯାହ୍ନେ ସ ମହୀପାଲସ୍ତତୋ ଗଙ୍ଗାମୁପେତ୍ଯ ଚ।
ଚକାର ବିଧିବଚ୍ଛୌଚଂ ଗାନ୍ଧାରୀ ଚ ଯଶସ୍ବିନୀ॥ 16-20-4 (97732)
ତେ ଚୈବାନ୍ଯେ ପୃଥକ୍ ସର୍ବେ ତୀର୍ଥେଷ୍ବାପ୍ଲୁତ୍ଯ ଭାରତ।
ଚକ୍ରୁଃ ସର୍ବାଃ କ୍ରିଯାସ୍ତତ୍ର ପୁରୁଷା ବିଦୁରାଦଯଃ॥ 16-20-5 (97733)
କୃତଶୌଚଂ ତତୋ ବୃଦ୍ଧଂ ଶ୍ବଶୁରଂ କୁନ୍ତିଭୋଜଜା।
ଗାନ୍ଧାରୀଂ ଚ ପୃଥା ରାଜନ୍ଗଙ୍ଗାତୀର୍ଥମୁପାନଯତ୍॥ 16-20-6 (97734)
ରାଜ୍ଞସ୍ତୁ ଯାଜକୈସ୍ତତ୍ର କୃତୋ ବେଦୀପରିସ୍ତରଃ।
ଜୁହାବ ତତ୍ର ବହ୍ନିଂ ସ ନୃପତିଃ ସତ୍ଯସଙ୍ଗରଃ॥ 16-20-7 (97735)
ତତୋ ଭାଗୀରଥୀତୀରାତ୍କୁରୁକ୍ଷେତ୍ରଂ ଜଗାମ ସଃ।
ସାନୁଗୋ ନୃପତିର୍ବୃଦ୍ଧୋ ନିଯତଃ ସଂଯତେନ୍ଦ୍ରିଯଃ॥ 16-20-8 (97736)
ତତ୍ରାଶ୍ରମପଦଂ ଧୀମାନଭିଗମ୍ଯ ସ ପାର୍ଥିବଃ।
ଆସସାଦାଥ ରାଜର୍ଷିଂ ଶତଯୂପଂ ମନୀଷିଣମ୍॥ 16-20-9 (97737)
ସ ହି ରାଜା ମହାନାସୀତ୍କେକଯେଷୁ ପରଂପତଃ।
ସ୍ବପୁତ୍ରଂ ମନୁଜୈଶ୍ବର୍ଯେ ନିବେଶ୍ଯ ବନମାବିଶତ୍॥ 16-20-10 (97738)
ତେନାସୌ ସହିତୋ ରାଜା ଯଯୌ ବ୍ଯାସାଶ୍ରମଂ ପ୍ରତି।
ତତ୍ରୈନଂ ବିଧିବଦ୍ରାଜନ୍ପ୍ରତ୍ଯଗୃହ୍ଣାତ୍କୁରୂଦ୍ବହମ୍॥ 16-20-11 (97739)
ସ ଦୀକ୍ଷାଂ ତତ୍ର ସଂପ୍ରାପ୍ଯ ରାଜା କୌରବନନ୍ଦନଃ।
ଶତଯୂପାଶ୍ରମେ ତସ୍ମିନ୍ନିବାସମକରୋତ୍ତଦା॥ 16-20-12 (97740)
ତସ୍ମୈ ସର୍ବଂ ବିଧିଂ ରାଜ୍ଞେ ରାଜାଽଽଚଖ୍ଯୌ ମହାମତିଃ।
ଆରଣ୍ଯକଂ ମହାରାଜ ବ୍ଯାସସ୍ଯାନୁମତେ ତଦା॥ 16-20-13 (97741)
ଏବଂ ଚ ତପସା ରାଜନ୍ଧୃତରାଷ୍ଟ୍ରୋ ମହାମନାଃ।
ଯୋଜଯାମାସ ଚାତ୍ମାନଂ ତାଂଶ୍ଚାପ୍ଯନୁଚରାଂସ୍ତଦା॥ 16-20-14 (97742)
ତଥୈବ ଦେବୀ ଗାନ୍ଧାରୀ ବଲ୍କଲାଜିନଧାରିଣୀ।
କୁନ୍ତ୍ଯା ସହ ମହାରାଜି ସମାନବ୍ରତଚାରିଣୀ॥ 16-20-15 (97743)
କର୍ମଣା ମନସା ବାଚା ଚକ୍ଷୁଷା ଚୈବ ତେ ନୃପ।
ସନ୍ନିଯମ୍ଯେନ୍ଦ୍ରିଯଗ୍ରାମମାସ୍ଥିତାଃ ପରମଂ ତପଃ॥ 16-20-16 (97744)
ତ୍ବଗସ୍ଥିଭୂତଃ ପରିଶୁଷ୍କମାଂସୋ
ଜଟାଜିନୀ ବଲ୍କଲସଂବୃତାଙ୍ଗଃ।
ସ ପାର୍ତିବସ୍ତତ୍ର ତପଶ୍ଚଚାର
ମହର୍ଷିବତ୍ତୀବ୍ରମପେତମୋହଃ॥ 16-20-17 (97745)
କ୍ଷତ୍ତା ଚ ଧର୍ମାର୍ଥବିଦଗ୍ର୍ଯବୁଦ୍ଧିଃ
ସସଂଜଯସ୍ତଂ ନୃପତିଂ ସଦାରମ୍।
ଉପାଚରଦ୍ଧୋରତପୋର୍ଜିତାତ୍ମା
ତଦା କୃଶୋ ବଲ୍କଲଚୀରବାସାଃ॥ ॥ 16-20-18 (97746)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ବିଂଶୋଽଧ୍ଯାଯଃ॥ 20 ॥
ଆଶ୍ରମବାସିକପର୍ବ - ଅଧ୍ଯାଯ 021
॥ ଶ୍ରୀଃ ॥
16.21. ଅଧ୍ଯାଯଃ 021
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ନାରପର୍ବତାଦିଭିର୍ଧୃତରାଷ୍ଟ୍ରାଦିଦିଦୃକ୍ଷ୍ଯା ଶତଯୂପାଶ୍ରମଂ ପ୍ରତ୍ଯାଗମନମ୍॥ 1 ॥ ନାରଦେନ ଧୃତାରାଷ୍ଟ୍ରଂପ୍ରତି ତତ୍ତପୋବନସ୍ଯି ସହସ୍ରଚି ତ୍ଯାଦିରାଜର୍ଷୀଣାଂ ସ୍ବର୍ଗପ୍ରାପକତ୍ବମହିମୋକ୍ତିପୂର୍ବକଂ ବିଦୁରାଦିଭିଃ ସହ ତସ୍ଯାପି ଭବିଷ୍ଯତ୍ସିଦ୍ଧିପ୍ରଦତ୍ବକଥନମ୍॥ 2 ॥Mahabharata - AshramaVasika Parva - Chapter Text
ବୈଶମ୍ପାଯନ ଉବାଚ।
ତତସ୍ତତ୍ର ମୁନିଶ୍ରେଷ୍ଠା ରାଜାନଂ ଦ୍ରଷ୍ଟୁମଭ୍ଯଯୁଃ।
ନାରଦଃ ପର୍ବତଶ୍ଚୈବ ଦେବଲଶ୍ଚ ମହାତପାଃ॥ 16-21-1 (97747)
ଦ୍ବୈପାଯନଃ ସଶିଷ୍ଯଶ୍ଚ ସିଦ୍ଧାଶ୍ଚାନ୍ଯେ ମନୀଷିଣଃ।
ଶତଯୂପଶ୍ଚ ରାଜର୍ଷିର୍ବୃଦ୍ଧଃ ପରମଧାର୍ମିକଃ॥ 16-21-2 (97748)
ତେଷାଂ କୁନ୍ତୀ ମହାରାଜ ପୂଜାଂ ଚକ୍ରେ ଯଥାବିଧି।
ତେ ଚାପି ତୁତୁଷୁସ୍ତସ୍ଯାସ୍ତାପସାଃ ପରିଚର୍ଯଯା॥ 16-21-3 (97749)
ତତ୍ର ଧର୍ମ୍ଯାଃ କଥାସ୍ତାତ ଚକ୍ରୁସ୍ତେ ପରମର୍ଷଯଃ।
ରମଯନ୍ତୋ ମହାତ୍ମାନଂ ଧୃତରାଷ୍ଟ୍ରଂ ଜନାଧିପମ୍॥ 16-21-4 (97750)
କଥାନ୍ତରେ ତୁ କସ୍ମିଂଶ୍ଚିଦ୍ଦେବର୍ଷିର୍ନାରଦସ୍ତତଃ।
କଥାମିମାମକଥଯତ୍ସର୍ବପ୍ରତ୍ଯକ୍ଷଦର୍ଶିବାନ୍॥ 16-21-5 (97751)
ନାରଦ ଉବାଚ। 16-21-6x (8048)
ପୁରା ପ୍ରଜାପତିସମୋ ରାଜାଽଽସୀଦକୁତୋଭଯଃ।
ସହସ୍ରଚିତ୍ଯି ଇତ୍ଯୁକ୍ତଃ ଶତଯୂପପିତାମହଃ॥ 16-21-6 (97752)
ସ ପୁତ୍ରେ ରାଜ୍ଯମାସଜ୍ଜ୍ଯି ଜ୍ଯେଷ୍ଠେ ପରମଧାର୍ମିକେ।
ସହସ୍ରଚିତ୍ଯୋ ଧର୍ମାତ୍ମା ପ୍ରବିବେଶ ବନଂ ନୃପଃ॥ 16-21-7 (97753)
ସ ଗତ୍ବା ତପସଃ ପାରଂ ଦୀପ୍ତସ୍ଯ ବସୁଧାଧିପଃ।
ପୁରଂଦରସ୍ଯ ସଂସ୍ଥାନଂ ପ୍ରତିପେଦେ ମହାଦ୍ଯୁତିଃ॥ 16-21-8 (97754)
ଦୃଷ୍ଟପୂର୍ବଃ ସ ବହୁଶୋ ରାଜନ୍ସମ୍ପତତା ମଯା।
ମହେନ୍ଦ୍ରସଦନେ ରାଜା ତପସା ଦଗ୍ଧକିଲ୍ବିଷଃ॥ 16-21-9 (97755)
ତଥା ଶୈଲାଲଯୋ ରାଜା ଭଗତ୍ତପିତାମହଃ।
ତପୋବଲେନୈବ ନୃପୋ ମହେନ୍ଦ୍ରସଦନଂ ଗତଃ॥ 16-21-10 (97756)
ତଥା ପୃଷଧ୍ରୋ ରାଜାଽଽସୀଦ୍ରାଜନ୍ବଜ୍ରଧରୋପମଃ।
ସ ଚାପି ତପସା ଲେଭେ ନାକପୃଷ୍ଠମିତୋ ଗତଃ॥ 16-21-11 (97757)
ଅସ୍ମିନ୍ନରଣ୍ଯେ ନୃପତେ ମାଂଧାତୁରପି ଚାତ୍ମଜଃ।
ପୁରୁକୁତ୍ସୋ ନୃପଃ ସିଦ୍ଧିଂ ମହତୀଂ ସମବାପ୍ତବାନ୍॥ 16-21-12 (97758)
ଭାର୍ଯା ସମଭବଦ୍ଯସ୍ଯ ନର୍ମଦା ସରିତାଂ ବରା।
ସୋସ୍ମିନ୍ନରଣ୍ଯେ ନୃପତିସ୍ତପସ୍ତପ୍ତ୍ବା ଦିବଂ ଗତଃ॥ 16-21-13 (97759)
ଶଶଲୋମା ଚ ରାଜାଽଽସୀଦ୍ରାଜନ୍ପରମଧାର୍ମିକଃ।
ସମ୍ଯଗସ୍ମିନ୍ବନେ ତପ୍ତ୍ବା ତତୋ ଦିବମବାପ୍ତବାନ୍॥ 16-21-14 (97760)
ଦ୍ବୈପାଯନପ୍ରସାଦାଚ୍ଚ ତ୍ବମପୀଦଂ ତପୋବନମ୍।
ରାଜନ୍ନବାପ୍ଯ ଦୁଷ୍ପ୍ରାପାଂ ସିଦ୍ଧିମଗ୍ର୍ଯାଂ ଗମିଷ୍ଯସି॥ 16-21-15 (97761)
ତ୍ବଂ ଚାପି ରାଜଶାର୍ଦୂଲ ତପସୋନ୍ତେ ଶ୍ରିଯା ବୃତଃ।
ଗାନ୍ଧାରୀସହିତୋ ଗନ୍ତା ଗତିଂ ତେଷାଂ ମହାତ୍ମନାଂ 16-21-16 (97762)
ପାଣ୍ଡୁଃ ସ୍ମରତି ତେ ନିତ୍ଯଂ ବଲହନ୍ତୁଃ ସମୀପଗଃ।
ତ୍ବାଂ ସଦୈବ ମହାରାଜ ଶ୍ରେଯସା ସ ଚ ଯୋକ୍ଷ୍ଯତି॥ 16-21-17 (97763)
ତବ ଶୁଶ୍ରୂଷଯା ଚୈବ ଗାନ୍ଧାର୍ଯାଶ୍ଚ ଯଶସ୍ବିନୀ।
ଭର୍ତୁଃ ସଲୋକତାଂ କୁନ୍ତୀ ଗମିଷ୍ଯତି ବଧୂସ୍ତବ॥ 16-21-18 (97764)
ଯୁଧିଷ୍ଠିରସ୍ଯ ଜନନୀ ସ ହି ଧର୍ମଃ ସନାତନଃ।
ବଯମେତତ୍ପ୍ରପଶ୍ଯାମୋ ନୃପତେ ଦିବ୍ଯବକ୍ଷୁଷାଃ॥ 16-21-19 (97765)
ପ୍ରବେକ୍ଷ୍ଯତି ମହାତ୍ମାନଂ ବିଦୁରଶ୍ଚ ଯୁଧିଷ୍ଠିରମ୍।
ସଂଜଯସ୍ତଦନୁଧ୍ଯାନାଦିତଃ ସ୍ବର୍ଗମବାପ୍ସ୍ଯତି॥ 16-21-20 (97766)
ବୈଶମ୍ପାଯନ ଉବାଚ। 16-21-21x (8049)
ଏତଚ୍ଛ୍ରୁତ୍ବା କୌରବେନ୍ଦ୍ରୋ ମହାତ୍ମା
ସାର୍ଧଂ ପତ୍ନ୍ଯା ପ୍ରୀତିମାନ୍ସମ୍ବଭୂବ।
ବିଦ୍ବାନ୍ବାକ୍ଯଂ ନାରଦସ୍ଯ ପ୍ରଶସ୍ଯ
ଚକ୍ରେ ପୂଜାଂ ଚାତୁଲାଂ ନାରଦାଯ॥ 16-21-21 (97767)
ତତଃ ସର୍ବେ ନାରଦଂ ବିପ୍ରସଙ୍ଘାଃ
ସମ୍ପୂଜଯାମାସୁରତୀବ ରାଜନ୍।
ରାଜ୍ଞଃ ପ୍ରୀତ୍ଯା ଧୃତରାଷ୍ଟ୍ରସ୍ଯ ତେ ବୈ
ପୁନଃପୁନଃ ସମ୍ପ୍ରହୃଷ୍ଟାସ୍ତଦାନୀମ୍॥ ॥ 16-21-22 (97768)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ଏକବିଂଶୋଽଧ୍ଯାଯଃ॥ 21 ॥
Mahabharata - AshramaVasika Parva - Chapter Footnotes
7-21-11 ତଦା ପ୍ରବୃଦ୍ଧୋ ରାଜସୀଦିତି କ.ଥ.ପାଠଃ॥ଆଶ୍ରମବାସିକପର୍ବ - ଅଧ୍ଯାଯ 022
॥ ଶ୍ରୀଃ ॥
16.22. ଅଧ୍ଯାଯଃ 022
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ଶତଯୂପପୃଷ୍ଟେନ ନାରଦେନ ତଂପ୍ରତି ଧୃତରାଷ୍ଟ୍ରସ୍ଯ ବର୍ଷତ୍ରଯାଦୂର୍ଧ୍ବଂ ଗାନ୍ଧାର୍ଯା ସହ କୁବେରଲୋକପ୍ରାପ୍ତିକଥନମ୍॥ 1 ॥Mahabharata - AshramaVasika Parva - Chapter Text
ବୈଶମ୍ପାଯନ ଉବାଚ।
ନାରଦସ୍ଯ ତୁ ତଦ୍ବାକ୍ଯଂ ଶଶଂସୁର୍ଦ୍ବିଜସତ୍ତମାଃ।
ଶତଯୂପସ୍ତୁ ରାଜର୍ଷିର୍ନାରଦଂ ବାକ୍ଯମବ୍ରବୀତ୍॥ 16-22-1 (97769)
ଅହୋ ଭଗବତା ଶ୍ରଦ୍ଧା କୁରୁରାଜସ୍ଯ ବର୍ଧିତା।
ସର୍ବସ୍ଯ ଚ ଜନସ୍ଯାସ୍ଯ ମମ ଚୈବ ମହାଦ୍ଯୁତେ॥ 16-22-2 (97770)
ଅସ୍ତି କାଚିଦ୍ବିବକ୍ଷା ତୁ ତାଂ ମେ ନିଗଦତଃ ଶୃଣୁ।
ଧୃତରାଷ୍ଟ୍ରଂ ପ୍ରତି ନୃପଂ ଦେବର୍ଷେ ଲୋକପୂଜିତ॥ 16-22-3 (97771)
ସର୍ବବୃତ୍ତାନ୍ତତତ୍ତ୍ବଜ୍ଞୋ ଭବାନ୍ଦିବ୍ଯେନ ଚକ୍ଷୁଷା।
ଯୁକ୍ତଃ ପଶ୍ଯସି ବିପ୍ରର୍ଷେ ଗତଯୋ ବିବିଧା ନୃଣାମ୍॥ 16-22-4 (97772)
ଉକ୍ତବାନ୍ନୃପତୀନାଂ ତ୍ବଂ ମହେନ୍ଦ୍ରସ୍ଯ ସଲୋକତାମ୍।
ନ ତ୍ବସ୍ଯ ନୃପତେର୍ଲୋକାଃ କଥିତାସ୍ତେ ମହାମୁନେ॥ 16-22-5 (97773)
ସ୍ଥାନମପ୍ଯସ୍ଯ ନୃପତେଃ ଶ୍ରୋତୁମିଚ୍ଛାମ୍ଯହଂ ବିଭୋ।
ତ୍ବତ୍ତଃ କୀଦୃକ୍କଦା ଚେତି ତନ୍ମମାଖ୍ଯାହି ତତ୍ତ୍ବତଃ॥ 16-22-6 (97774)
ଇତ୍ଯୁକ୍ତୋ ନାରଦସ୍ତେନ ବାକ୍ଯଂ ସର୍ବମନୋନୁଗମ୍।
ବ୍ଯାଜହାର ସଭାମଧ୍ଯେ ଦିବ୍ଯଦର୍ଶୀ ମହାତପାଃ॥ 16-22-7 (97775)
ନାରଦ ଉବାଚ। 16-22-8x (8050)
ଯଦୃଚ୍ଛଯା ଶକ୍ରସଦୋ ଗତ୍ବା ଶକ୍ରଂ ଶଚୀପତିମ୍।
ଦୃଷ୍ଟବାନସ୍ମି ରାଜର୍ଷେ ତତ୍ର ପାଣ୍ଡୁଂ ନରାଧିପମ୍॥ 16-22-8 (97776)
ତତ୍ରେଯଂ ଧୃତରାଷ୍ଟ୍ରସ୍ଯ କଥା ସମଭବନ୍ନପ।
ତପସୋ ଦୁଷ୍କରସ୍ଯାସ୍ଯ ଯଦଯଂ ତପତେ ନୃପଃ॥ 16-22-9 (97777)
ତତ୍ରାହମିଦମଶ୍ରୌଷଂ ଶକ୍ରସ୍ଯ ବଦତଃ ସ୍ବଯମ୍।
ବର୍ଷାଣି ତ୍ରୀଣି ଶିଷ୍ଟାନି ରାଜ୍ଞୋସ୍ଯ ପରମାଯୁଷଃ॥ 16-22-10 (97778)
ତତଃ କୁବେରଭବନଂ ଗାନ୍ଧାରୀସହିତୋ ନୃପଃ।
ପ୍ରଯାତା ଧୃତରାଷ୍ଟ୍ରୋଽଯଂ ରାଜରାଜାଭିସତ୍କୃତଃ॥ 16-22-11 (97779)
କାମଗେନ ବିମାନେନ ଦିବ୍ଯାଭରଣଭୂଷିତଃ।
ଋଷିପୁତ୍ରୋ ମହାଭାଗସ୍ତପସା ଦଗ୍ଧକିଲ୍ବିଷଃ॥ 16-22-12 (97780)
ସଞ୍ଚରିଷ୍ଯତି ଲୋକାଂଶ୍ଚ ଦେବଗନ୍ଧର୍ବରକ୍ଷସାମ୍।
ସ୍ବଚ୍ଛନ୍ଦେନେତି ଧର୍ମାତ୍ମା ବ୍ଯାସସ୍ଯ ତୁ ତପୋବଲାତ୍॥ 16-22-13 (97781)
ଦେବଗୁହ୍ଯମିଦଂ ପ୍ରୀତ୍ଯା ମଯା ବଃ କଥିତଂ ମହତ୍।
ଭବନ୍ତୋ ହି ଶ୍ରୁତଧନାସ୍ତପସା ଦଗ୍ଧକିଲ୍ବିଷାଃ॥ 16-22-14 (97782)
ବୈଶମ୍ପାଯନ ଉବାଚ। 16-22-15x (8051)
ଇତି ତେ ତସ୍ଯ ତଚ୍ଛ୍ରୁତ୍ବା ଦେବର୍ଷେର୍ମଧୁରଂ ବଚଃ।
ସର୍ବେ ସୁମନସଃ ପ୍ରୀତା ବଭୂବୁଃ ସ ଚ ପାର୍ଥିବଃ॥ 16-22-15 (97783)
ଏବଂ କଥାଭିରନ୍ବାସ୍ଯ ଧୃତରାଷ୍ଟ୍ରଂ ମନୀଷିଣଃ।
ବିପ୍ରଜଗ୍ମୁର୍ଯଥାକାମଂ ତେ ସିଦ୍ଧଗତିମାସ୍ଥିତାଃ॥ ॥ 16-22-16 (97784)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ଦ୍ବାବିଂଶୋଽଧ୍ଯାଯଃ॥ 22 ॥
Mahabharata - AshramaVasika Parva - Chapter Footnotes
7-22-12 ଋଷିପୁତ୍ରୋ ବ୍ଯାସପୁତ୍ରଃ॥ଆଶ୍ରମବାସିକପର୍ବ - ଅଧ୍ଯାଯ 023
॥ ଶ୍ରୀଃ ॥
16.23. ଅଧ୍ଯାଯଃ 023
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ଯୁଧିଷ୍ଠିରାଦିଭିଃ କୁନ୍ତୀଧୃତରାଷ୍ଟ୍ରାଦୀନାଂ ପ୍ରବ୍ରଜନଶୋକେନାଭିମନ୍ଯୁପ୍ରଭୃତିବନ୍ଧୁଜନାନୁସ୍ମରଣଜଶୋକେନ ସ୍ବସ୍ବବ୍ଯାପାରେଷ୍ବପ୍ଯନାଦରଣମ୍॥ 1 ॥Mahabharata - AshramaVasika Parva - Chapter Text
ବୈଶମ୍ପାଯନ ଉବାଚ।
ବନଂ ଗତେ କୌରବେନ୍ଦ୍ରେ ଦୁଃଖଶୋକସମନ୍ବିତାଃ।
ବଭୂବୁଃ ପାଣ୍ଡବା ରାଜନ୍ମାତୃଶୋକେନି ଚାନ୍ବିତାଃ॥ 16-23-1 (97785)
ତଥା ପୌରଜନଃ ସର୍ବଃ ଶୋଚନ୍ନାସ୍ତେ ଜନାଧିପମ୍।
କୁର୍ବାଣାଶ୍ଚ କଥାସ୍ତତ୍ର ବ୍ରାହ୍ମଣା ନୃପତିଂ ପ୍ରତି॥ 16-23-2 (97786)
କଥଂ ନ ରାଜା ବୃଦ୍ଧଃ ସ ବନେ ବସତି ନିର୍ଜନେ।
ଗାନ୍ଧାରୀ ଚ ମହାଭାଗା ସା ଚ କୁନ୍ତୀ ପୃଥା କଥମ୍॥ 16-23-3 (97787)
ସୁଖାର୍ହଃ ସ ହି ରାଜର୍ଷିରସୁଖୀ ତଦ୍ବନଂ ମହତ୍।
କିମବସ୍ଥଃ ସମାସାଦ୍ଯ ପ୍ରଜ୍ଞାଚକ୍ଷୁର୍ମହାମନାଃ॥ 16-23-4 (97788)
ସୁଦୁଷ୍କରଂ କୃତବତୀ କୁନ୍ତୀ ପୁତ୍ରାନପାସ୍ଯ ସା।
ରାଜ୍ଯଶ୍ରିଯଂ ପରିତ୍ଯଜ୍ଯ ବନଂ ସା ସମରୋଚଯତ୍॥ 16-23-5 (97789)
ବିଦୁରଃ କିମବସ୍ଥଶ୍ଚ ଭ୍ରାତୃଶୁଶ୍ରୂଷୁରାତ୍ମବାନ୍।
ସ ଚ ଗାବଲ୍ଗଣିର୍ଧୀମାନ୍ଭର୍ତୃପିଣ୍ଡାନୁପାଲକଃ॥ 16-23-6 (97790)
ଆକୁମାରଂ ଚ ପୌରାସ୍ତେ ଚିନ୍ତାଶୋକସମାହତାଃ।
ତତ୍ରତତ୍ର କଥାଶ୍ଚକ୍ରୁଃ ସମାସାଦ୍ଯ ପରସ୍ପରମ୍॥ 16-23-7 (97791)
ପାଣ୍ଡବାଶ୍ଚୈବ ତେ ସର୍ବେ ଭୃଶଂ ଶୋକପରାଯଣାଃ।
ଶୋଚନ୍ତୋ ମାତରଂ ବୃଦ୍ଧାମୂଷୁର୍ନାତିଚିରଂ ପୁରେ॥ 16-23-8 (97792)
ତଥୈବ ବୃଦ୍ଧଂ ପିତରଂ ହତପୁତ୍ରଂ ଜନେଶ୍ବରମ୍।
ଗାନ୍ଧାରୀଂ ଚ ମହାଭାଗାଂ ବିଦୁରଂ ଚ ମହାମତିମ୍॥ 16-23-9 (97793)
ନୈଷାଂ ବଭୂବ ସମ୍ପ୍ରୀତିସ୍ତାନ୍ବିଚିନ୍ତଯତାଂ ତଦା।
ନ ରାଜ୍ଯେ ନ ଚ ନାରୀଷୁ ନ ବେଦାଧ୍ଯଯନେଷୁ ଚ॥ 16-23-10 (97794)
ପରଂ ନିର୍ବେଦମଗମଂଶ୍ଚିନ୍ତଯନ୍ତା ନରାଧିପମ୍।
ତଂ ଚ ଜ୍ଞାତିବଧଂ ଘୋରଂ ସଂସ୍ମରନ୍ତଃ ପୁନଃପୁନଃ॥ 16-23-11 (97795)
ଅଭିମନ୍ଯୋଶ୍ଚ ବାଲସ୍ଯ ବିନାଶଂ ରଣମୂର୍ଧନି।
କର୍ଣସ୍ଯ ଚ ମହାବାହୋଃ ସଙ୍ଗ୍ରାମେଷ୍ବପଲାଯିନଃ॥ 16-23-12 (97796)
ତଥୈବ ଦ୍ରୌପଦେଯାନାମନ୍ଯେଷାଂ ସୁହୃଦାମପି।
ବଧଂ ସଂସ୍ମୃତ୍ଯ ତେ ବୀରା ନାତିପ୍ରମନସୋଽଭବନ୍॥ 16-23-13 (97797)
ହତପ୍ରବୀରାଂ ପୃଥିବୀଂ ହୃତରତ୍ନାଂ ଚ ଭାରତ।
ସଦୈବ ଚିନ୍ତଯନ୍ତସ୍ତେ ନ ଶମଂ ଚୋପଲେଭିରେ॥ 16-23-14 (97798)
ଦ୍ରୌପଦୀ ହତପୁତ୍ରା ଚ ସୁଭଦ୍ରା ଚୈବ ଭାମିନୀ।
ନାତିପ୍ରୀତିଯୁତେ ଦେବ୍ଯୌ ତଦାସ୍ତାମପ୍ରହୃଷ୍ଟବତ୍॥ 16-23-15 (97799)
ବୈରାଟ୍ଯାସ୍ତନଯଂ ଦୃଷ୍ଟ୍ବା ପିତରଂ ତେ ପରିକ୍ଷିତମ୍।
ଧାରଯନ୍ତି ସ୍ମ ତେ ପ୍ରାଣାଂସ୍ତବ ପୂର୍ବପିତାମହାଃ॥ ॥ 16-23-16 (97800)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ତ୍ରଯୋବିଂଶୋଽଧ୍ଯାଯଃ॥ 23 ॥
ଆଶ୍ରମବାସିକପର୍ବ - ଅଧ୍ଯାଯ 024
॥ ଶ୍ରୀଃ ॥
16.24. ଅଧ୍ଯାଯଃ 024
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ଯୁଧିଷ୍ଠିରେଣ ବନସ୍ଥକୁନ୍ତୀଧୃତରାଷ୍ଟ୍ରାଦିଦିଦୃକ୍ଷଯା ଦ୍ରୌପଦ୍ଯାଦିଭିଃ ପୌରୈର୍ଭ୍ରାତୃଭିଶ୍ଚ ସହ ବନଂପ୍ରତି ପ୍ରସ୍ଥାନମ୍॥ 1 ॥Mahabharata - AshramaVasika Parva - Chapter Text
ଯୁଧିଷ୍ଠିରେଣ ବନସ୍ଥକୁନ୍ତୀଧୃତରାଷ୍ଟ୍ରାଦିଦିଦୃକ୍ଷ୍ଯା ଦ୍ରୌପଦ୍ଯାଦିଭିଃ ପୌରୈର୍ଭ୍ରାତୃଭିଶ୍ଚ ସହ ବନଂପ୍ରତି ପ୍ରସ୍ଥାନମ୍॥ 1 ॥
16-24-0 (97801)
ବୈଶମ୍ପାଯନ ଉବାଚ। 16-24-0x (8052)
ଏବଂ ତେ ପୁରୁଷବ୍ଯାଘ୍ରାଃ ପାଣ୍ଡବା ମାତୃନନ୍ଦନାଃ।
ସ୍ମରନ୍ତୋ ମାତରଂ ବୀରା ବଭୂବୁର୍ଭଶଦୁଃଖିତାଃ॥ 16-24-1 (97802)
ଯେ ରାଜକାର୍ଯେଷୁ ପୁରା ବ୍ଯାସକ୍ତା ନିତ୍ଯଶୋଽଭବନ୍।
ତେ ରାଜକାର୍ଯାଣି ତଦା ନାକାର୍ଷୁଃ ସର୍ବତଃ ପୁରେ॥ 16-24-2 (97803)
ପ୍ରବିଷ୍ଟା ଇବ ଶୋକେନ ନାଭ୍ଯନନ୍ଦନ୍ତ କିଞ୍ଚନ।
ସମ୍ଭାଷ୍ଯମାଣା ଅପି ତେ ନ କିଞ୍ଚିତ୍ପ୍ରତ୍ଯପୂଜଯନ୍॥ 16-24-3 (97804)
ତେ ସ୍ମ ବୀରା ଦୁରାଧର୍ଷା ଗାଂଭୀର୍ଯେ ସାଗରୋପମାଃ।
ଶୋକୋପହତବିଜ୍ଞାନା ନଷ୍ଟସଂଜ୍ଞା ଇବାଭବନ୍॥ 16-24-4 (97805)
ଅଚିନ୍ତଯଂଶ୍ଚ ଜନନୀଂ ତତସ୍ତେ ପାଣ୍ଡୁନନ୍ଦନାଃ।
କଥଂ ନୁ ବୃଦ୍ଧମିଥୁନଂ ବହତ୍ଯତିକୃଶା ପୃଥା॥ 16-24-5 (97806)
କଥଂ ଚ ସ ମହୀପାଲୋ ହତପୁତ୍ରୋ ନିରାଶ୍ରଯଃ।
ପତ୍ନ୍ଯା ସହ ବସତ୍ଯେକୋ ବନେ ଶ୍ବାପଦସେବିତେ॥ 16-24-6 (97807)
ସା ଚ ଦେବୀ ମହାଭାଗା ଗାନ୍ଧାରୀ ହତବାନ୍ଧବା।
ପତିମନ୍ଧଂ କଥଂ ବୃଦ୍ଧମନ୍ବେତି ବିଜନେ ବନେ॥ 16-24-7 (97808)
ଏବଂ ତେଷାଂ କଥଯତାମୌତ୍ସୁକ୍ଯମଭବତ୍ତଦା।
ଗମନେ ଚାଭବଦ୍ବୁଦ୍ଧିର୍ଧୃତରାଷ୍ଟ୍ରଦିଦୃକ୍ଷଯା॥ 16-24-8 (97809)
ସହଦେବସ୍ତୁ ରାଜାନଂ ପ୍ରଣିପତ୍ଯେଦମବ୍ରବୀତ୍।
ଅହୋ ମେ ଭବତୋ ଦୃଷ୍ଟଂ ହୃଦଯଂ ଗମନଂ ପ୍ରତି। 16-24-9 (97810)
ନ ହି ତ୍ବାଂ ଗୌରବେଣାହମଶକଂ ବକ୍ତୁମଞ୍ଜସା।
ଗମନଂ ପ୍ରତି ରାଜେନ୍ଦ୍ର ତଦିଦଂ ସମୁପସ୍ଥିତମ୍॥ 16-24-10 (97811)
ଦିଷ୍ଟ୍ଯା ଦ୍ରକ୍ଷ୍ଯାମି ତାଂ କୁନ୍ତୀଂ ବର୍ତଯନ୍ତୀଂ ତପସ୍ବିନୀମ୍।
ଜଟିଲାଂ ତାପସୀଂ ବୃଦ୍ଧାଂ କୁଶକାଶପରିକ୍ଷତାମ୍॥ 16-24-11 (97812)
ପ୍ରାସାଦହର୍ମ୍ଯସଂବୃଦ୍ଧାମତ୍ଯନ୍ତସୁଖଭାଗିନୀମ୍।
କଦାନୁଜନନୀଂ ଶ୍ରାନ୍ତାଂ ଦ୍ରକ୍ଷ୍ଯାମି ଭୃଶଦୁଃଖିତାମ୍॥ 16-24-12 (97813)
ଅନିତ୍ଯାଃ ଖଲୁ ମର୍ତ୍ଯାନାଂ ଗତଯୋ ଭରତର୍ଷଭ।
କୁନ୍ତୀ ରାଜସୁତା ଯତ୍ର ବସତ୍ଯସୁଖିତା ବନେ॥ 16-24-13 (97814)
ସହଦେବବଚଃ ଶ୍ରୁତ୍ବା ଦ୍ରୌପଦୀ ଯୋଷିତାଂ ବରା।
ଉବାଚ ଦେବୀ ରାଜାନମଭିପୂଜ୍ଯାଭିନନ୍ଦ୍ଯ ଚ। 16-24-14 (97815)
କଦା ଦ୍ରକ୍ଷ୍ଯାମି ତାଂ ଦେବୀଂ ଯଦି ଜୀବତି ସା ପୃଥା।
ଜୀବନ୍ତ୍ଯା ହ୍ଯଦ୍ଯ ମେ ପ୍ରୀତିର୍ଭବିଷ୍ଯତି ଜନାଧିପ॥ 16-24-15 (97816)
ଏଷା ତେଽସ୍ତୁ ମତିର୍ନିତ୍ଯଂ ଧର୍ମେ ତେ ରମତାଂ ମନଃ।
ଯୋଽଦ୍ଯ ତ୍ବମସ୍ମାନ୍ରାଜେନ୍ଦ୍ର ଶ୍ରେଯସା ଯୋଜଯିଷ୍ଯସି॥ 16-24-16 (97817)
ଅଗ୍ରପାଦସ୍ଥିତଂ ଚେମଂ ବିଦ୍ଧି ରାଜନ୍ବଧୂଜନମ୍।
କାଙ୍କ୍ଷନ୍ତଂ ଦର୍ଶନଂ କୁନ୍ତ୍ଯା ଗାନ୍ଧାର୍ଯାଃ ଶ୍ବସୁରସ୍ଚ ଚ॥ 16-24-17 (97818)
ଇତ୍ଯୁକ୍ତଃ ସ ନୃପୋ ଦେବ୍ଯା ଦ୍ରୌପଦ୍ଯା ଭରତର୍ଷଭ।
ସେନାଧ୍ଯକ୍ଷାନ୍ସମାନାଯ୍ଯ ସର୍ବାନିଦମୁବାଚ ହ॥ 16-24-18 (97819)
ନିର୍ଯାତଯତ ମେ ସେନାଂ ପ୍ରଭୂତରଥକୁଞ୍ଜରାମ୍।
ଦ୍ରକ୍ଷ୍ଯାମି ବନସଂସ୍ଥଂ ଚ ଧୃତାଷ୍ଟ୍ରଂ ମହୀପତିମ୍॥ 16-24-19 (97820)
ସ୍ତ୍ର୍ଯଧ୍ଯକ୍ଷାଂଶ୍ଚାବ୍ରବୀଦ୍ରାଜା ଯାନାନି ବିବିଧାନି ମେ।
ସଜ୍ଜୀକ୍ରିଯନ୍ତାଂ ସର୍ବାଣି ଶିବିକାଶ୍ଚ ସହସ୍ରଶଃ॥ 16-24-20 (97821)
ଶକଟାପଣବେଶାଶ୍ଚ କୋଶଃ ଶିଲ୍ପିନ ଏବ ଚ।
ନିର୍ଯାନ୍ତୁ କୋଶପାଲାଶ୍ଚ କୁରୁକ୍ଷେତ୍ରାଶ୍ରମଂ ପ୍ରତି॥ 16-24-21 (97822)
ଯଶ୍ଚ ପୌରଜନଃ କଶ୍ଚିଦ୍ଦ୍ରଷ୍ଟୁମିଚ୍ଛତି ପାର୍ଥିବମ୍।
ଅନାବୃତଃ ସୁବିହିତଃ ସ ଚ ଯାତୁ ସୁରକ୍ଷିତଃ॥ 16-24-22 (97823)
ସୂଦାଃ ପୌରୋଗବାଶ୍ଚୈବ ସର୍ବଂ ଚୈବ ମହାନସମ୍।
ବିବିଧଂ ଭକ୍ଷ୍ଯଭୋଜ୍ଯଂ ଚ ଶକଟୈରୁହ୍ଯତାଂ ମମ॥ 16-24-23 (97824)
ପ୍ରଯାଣଂ ଘୁଷ୍ଯତାଂ ଚୈବ ଶ୍ବୋଭୂତ ଇତି ମାଚିରମ୍।
କ୍ରିଯତାଂ ପଥି ଚାପ୍ଯଦ୍ଯ ବେଶ୍ମାନି ବିବିଧାନି ଚ। 16-24-24 (97825)
ଏବମାଜ୍ଞାପ୍ଯ ରାଜା ସ ଭ୍ରାତୃଭିଃ ସହ ପାଣ୍ଡବଃ।
ଶ୍ବୋଭୂତେ ନିର୍ଯଯୌ ରାଜନ୍ସସ୍ତ୍ରୀବୃଦ୍ଧପୁରଃସରଃ॥ 16-24-25 (97826)
ସ ବହିର୍ଦିବସାନେବ ଜନୌଘଂ ପରିପାଲଯନ୍।
ନ୍ଯବସନ୍ନୃପତିଃ ପଞ୍ଚ ତତୋଽଗଚ୍ଛଦ୍ବନଂ ପ୍ରତି॥ ॥ 16-24-26 (97827)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ଚତୁର୍ବିଂଶୋଽଧ୍ଯାଯଃ॥ 24 ॥
Mahabharata - AshramaVasika Parva - Chapter Footnotes
7-24-17 ଅପ୍ରପାଦସ୍ଥିତଂ ପ୍ରଯାଣାର୍ଥଂ ପୁରସ୍କୃତେନୈବ ପାଦେନ ସ୍ଥିତମ୍। ଅତ୍ଯନ୍ତମୁତ୍ସୁକମିତ୍ଯର୍ଥଃ॥ଆଶ୍ରମବାସିକପର୍ବ - ଅଧ୍ଯାଯ 025
॥ ଶ୍ରୀଃ ॥
16.25. ଅଧ୍ଯାଯଃ 025
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ଯୁଧିଷ୍ଠିରେଣ ନାନାଯାନାରୂଢୈଃ ପୌରୈର୍ଭ୍ରାତୃଭିଶ୍ଚ ସହ ଧୃତରାଷ୍ଟ୍ରାଦିଦିଦୃକ୍ଷଯା ଶତଯୂପାଶ୍ରମବନପ୍ରବେଶଃ॥ 1 ॥Mahabharata - AshramaVasika Parva - Chapter Text
ବୈଶମ୍ପାଯନ ଉବାଚ।
ଆଜ୍ଞାପଯାମାସ ତତଃ ସେନାଂ ଭରତସତ୍ତମଃ।
ଅର୍ଜୁନପ୍ରମୁଖୈର୍ଗୁପ୍ତାଂ ଲୋକପାଲୋପମୈର୍ନରୈଃ॥ 16-25-1 (97828)
ଯୋଗୋଯୋଗ ଇତି ପ୍ରୀତ୍ଯା ତତଃ ଶବ୍ଦୋ ମହାନଭୂତ୍।
କ୍ରୋଶତାଂ ସାଦିନାଂ ତତ୍ର ଯୁଜ୍ଯତାଂ ଯୁଜ୍ଯତାମିତି॥ 16-25-2 (97829)
କେଚିଦ୍ଯାନୈର୍ନରା ଜଗ୍ମୁଃ କେଚିଦଶ୍ବୈର୍ମହାଜବୈଃ।
କାଞ୍ଚନୈଶ୍ଚ ରଥୈଃ କେଚିଜ୍ଜ୍ବଲିତଜ୍ବଲନୋପମୈଃ॥ 16-25-3 (97830)
ଗଜେନ୍ଦ୍ରୈଶ୍ଚ ତଥୈବାନ୍ଯେ କେଚିଦୁଷ୍ଟ୍ରୈର୍ନରାଧିପ।
ପଦାତଯସ୍ତଥୈବାନ୍ଯେ ନଖରପ୍ରାସଯୋଧିନଃ॥ 16-25-4 (97831)
ପୌରଜାନପଦାଶ୍ଚୈବ ଯାନୈର୍ବହୁବିଧୈସ୍ତଥା।
ଅନ୍ବଯୁଃ କୁରୁରାଜାନଂ ଧୃତରାଷ୍ଟ୍ରଂ ଦିଦକ୍ଷବଃ॥ 16-25-5 (97832)
ସ ଚାପି ରାଜବଚନାଦାଚାର୍ଯୋ ଗୌତମଃ କୃପଃ।
ସେନାମାଦାଯ ସେନାନୀଃ ପ୍ରଯଯାବାଶ୍ରମଂ ପ୍ରତି॥ 16-25-6 (97833)
ତତୋ ଦ୍ବିଜୈଃ ପରିବୃତଃ କୁରୁରାଜୋ ଯୁଧିଷ୍ଠିରଃ।
ସଂସ୍ତୂଯମାନୋ ବହୁଭିଃ ସୂତମାଗଧବନ୍ଦିଭିଃ॥ 16-25-7 (97834)
ପାଣ୍ଡୁରେଣାତପତ୍ରେଣ ଧ୍ରିଯମାଣେନ ମୂର୍ଧନି।
ରତାନୀକେନ ମହତା ନିର୍ଜଗାମ କୁରୂଦ୍ବହଃ॥ 16-25-8 (97835)
ଗଜୈଶ୍ଚାଚଲସଂକାଶୈର୍ଭୀମକର୍ମା ବୃକୋଦରଃ।
ସଜ୍ଜଯନ୍ତ୍ରାଯୁଧୋପେତୈଃ ପ୍ରଯଯୌ ପବନାତ୍ମଜଃ॥ 16-25-9 (97836)
ମାଦ୍ରୀପୁତ୍ରାବପି ତଥା ହଯାରୋହୌ ସୁସଂବୃତୌ।
ଜଗ୍ମତୁଃ ଶୀଘ୍ରଗମନୌ ସନ୍ନଦ୍ଧକବଚଧ୍ବଜୌ॥ 16-25-10 (97837)
ଅର୍ଜୁନଶ୍ଚ ମହାତେଜା ରଥେନାଦିତ୍ଯବର୍ଚସା।
ବଶୀ ଶ୍ବେତୈର୍ହଯୈର୍ଯୁକ୍ତୈର୍ଦିବ୍ଯେନାନ୍ବଗମନ୍ନୃପମ୍॥ 16-25-11 (97838)
ଦ୍ରୌପଦୀପ୍ରମୁଖାଶ୍ଚାପି ସ୍ତ୍ରୀସଙ୍ଘାଃ ଶିବିକାଗତାଃ।
ସ୍ତ୍ର୍ଯଧ୍ଯକ୍ଷଗୁପ୍ତାଃ ପ୍ରଯଯୁର୍ବିସୃଜନ୍ତୋଽମିତଂ ବସୁ॥ 16-25-12 (97839)
ସମୃଦ୍ଧରଥହସ୍ତ୍ଯଶ୍ବଂ ବେଣୁବୀଣାନୁନାଦିତମ୍।
ଶୁଶୁଭେ ପାଣ୍ଡବଂ ସୈନ୍ଯଂ ତତ୍ତଦା ଭରତର୍ଷଭ॥ 16-25-13 (97840)
ନଦୀତୀରେଷୁ ରମ୍ଯେଷୁ ସରଃସୁ ଚ ବିଶାମ୍ପତେ।
ବାସାନ୍କୃତ୍ବା କ୍ରମେଣାଥ ଜଗ୍ମୁସ୍ତେ କୁରୁପୁଙ୍ଗବାଃ॥ 16-25-14 (97841)
ଯୁଯୁତ୍ସୁଶ୍ଚ ମହାତେଜା ଧୌମ୍ଯଶ୍ଚୈବି ପୁରୋହିତଃ।
ଯୁଧିଷ୍ଠିରସ୍ଯ ବଚନାତ୍ପୁରଗୁପ୍ତିଂ ପ୍ରଚକ୍ରତୁଃ॥ 16-25-15 (97842)
ତତୋ ଯୁଧିଷ୍ଠିରୋ ରାଜା କୁରୁକ୍ଷେତ୍ରମବାତରତ୍।
କ୍ରମୋଣୋତ୍ତୀର୍ଯ ଯମୁନାଂ ନଦୀଂ ପରମପାବିନୀମ୍॥ 16-25-16 (97843)
ସ ଦଦର୍ଶାଶ୍ରମଂ ଦୂରାଦ୍ରାଜର୍ଷେସ୍ତସ୍ଯ ଧୀମତଃ।
ଶତଯୂପସ୍ଯ କୌରବ୍ଯ ଧୃତରାଷ୍ଟ୍ରସ୍ଯ ଚୈବ ହ॥ 16-25-17 (97844)
ତତଃ ପ୍ରମୁଦିତଃ ସର୍ବୋ ଜନସ୍ତଦ୍ବନମଞ୍ଜସା।
ବିବେଶ ସୁମହାନାଦୈରାପୂର୍ଯ ଭରତର୍ଷଭ॥ ॥ 16-25-18 (97845)
ଇତି ଶ୍ରୀମନ୍ମହାଭାରତେ ଆଶ୍ରମିବାସିକପର୍ବଣି ଆଶ୍ରମିବାସପର୍ବଣି ପଞ୍ଚବିଂଶୋଽଧ୍ଯାଯଃ॥ 25 ॥
Mahabharata - AshramaVasika Parva - Chapter Footnotes
7-25-3 ଯାନୈମନୁଷ୍ଯବାହ୍ଯଃ॥ 7-25-4 ନଖରପ୍ରାସଃ ବ୍ଯାଘ୍ରନଖବତ୍ପରାଚୀନଫଲକକୁକ୍ଷିର୍ଯଃ॥ଆଶ୍ରମବାସିକପର୍ବ - ଅଧ୍ଯାଯ 026
॥ ଶ୍ରୀଃ ॥
16.26. ଅଧ୍ଯାଯଃ 026
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ଯୁଧିଷ୍ଠିରାଦିଭିଃ ଶତଯୂପାଶ୍ରମେ ଧୃତରାଷ୍ଟ୍ରାଦୀନୁପେତ୍ଯ ସ୍ବସ୍ବନାମକୀର୍ତନପୂର୍ବକଂ ତତ୍ପାଦାଭିବାଦନମ୍॥ 1 ॥ ଧୃତରାଷ୍ଟ୍ରେଣ ସ୍ବାବା ସ୍ଯାଦର୍ଶନେନ ଶୋଚତାଂ ତେଷାଂ ସମାଶ୍ବାସନମ୍॥ 2 ॥Mahabharata - AshramaVasika Parva - Chapter Text
ବୈଶମ୍ପାଯନ ଉବାଚ।
ତତସ୍ତେ ପାଣ୍ଡବା ଦୂରାଦବତୀର୍ଯ ପଦାତଯଃ।
ଅଭିଜଗ୍ମୁର୍ନରପତେରାଶ୍ରମଂ ବିନଯାନତାଃ॥ 16-26-1 (97846)
ସ ଚ ଯୋଧଜନଃ ସର୍ବୋ ଯେ ଚ ରାଷ୍ଟ୍ରନିବାସିନଃ।
ସ୍ତ୍ରିଯଶ୍ଚ କୁରୁମୁଖ୍ଯାନାଂ ପଦ୍ଭିରେବାନ୍ବଯୁସ୍ତଦା॥ 16-26-2 (97847)
ଆଶ୍ରମଂ ତେ ତତୋ ଜଗ୍ମୁର୍ଧୃତରାଷ୍ଟ୍ରସ୍ଯ ପାଣ୍ଡବାଃ।
ଶୂନ୍ଯଂ ମୃଗଗଣାକୀର୍ଣଂ କଦଲୀବନଶୋଭିତମ୍॥ 16-26-3 (97848)
ତତସ୍ତତ୍ର ସମାଜଗ୍ମୁସ୍ତାପସା ନିଯତବ୍ରତାଃ।
ପାଣ୍ଡବାନାଗତାନ୍ଦ୍ରଷ୍ଟୁଂ କୌତୂହଲସମନ୍ବିତାଃ॥ 16-26-4 (97849)
ତାନପୃଚ୍ଛତ୍ତତୋ ରାଜା କ୍ବାସୌ କୌରବବଂଶଭୃତ୍।
ପିତା ଜ୍ଯେଷ୍ଠୋ ଗତୋଽସ୍ମାକମିତି ବାଷ୍ପପରିପ୍ଲୁତଃ॥ 16-26-5 (97850)
ତେ ତମୂଚୁସ୍ତତୋ ବାକ୍ଯଂ ଯମୁନାମବଗାହିତୁମ୍।
ପୁଷ୍ପାଣାମୁଦକୁଂଭସ୍ଯ ଚାର୍ଥେ ଗତ ଇତି ପ୍ରଭୋ॥ 16-26-6 (97851)
ତୈରାଖ୍ଯାତେନ ମାର୍ଗେଣ ତତସ୍ତେ ଜଗ୍ମୁରଞ୍ଜସା।
ଦଦୃଶୁଶ୍ଚାବିଦୂରେ ତାନ୍ସର୍ବାନଥ ପଦାତଯଃ॥ 16-26-7 (97852)
ତତସ୍ତେ ସତ୍ବରା ଜଗ୍ମୁଃ ବିତୁର୍ଦର୍ଶନକାଙ୍କ୍ଷିଣଃ।
ସହଦେବସ୍ତୁ ବେଗେନ ପ୍ରାଧାବଦ୍ଯତ୍ର ସା ପୃଥା॥ 16-26-8 (97853)
ସୁସ୍ବରଂ ରୁରୁଦେ ଧୀମାନ୍ମାତୁଃ ପାଦାବୁପସ୍ପୃଶନ୍।
ସା ଚ ବାଷ୍ପାକୁଲମୁଖୀ ଦଦର୍ଶକ ଦଯିତଂ ସୁତମ୍॥ 16-26-9 (97854)
ବାହୁଭ୍ଯାଂ ସମ୍ପରିଷ୍ବଜ୍ଯ ସମୁନ୍ନାମ୍ଯ ଚ ପୁତ୍ରକମ୍।
ଗାନ୍ଧାର୍ଯାଃ କଥଯାମାସ ସହଦ୍ରେବମୁପସ୍ଥିତମ୍॥ 16-26-10 (97855)
ଅନନ୍ତରଂ ଚ ରାଜାନଂ ଭୀମସେନମଥାର୍ଜୁନମ୍।
ନକୁଲଂ ଚ ପୃଥା ଦୃଷ୍ଟ୍ବା ତ୍ବରମାଣୋପଚକ୍ରମେ॥ 16-26-11 (97856)
ସା ହ୍ଯଗ୍ରେ ଗଚ୍ଛତି ତଯୋର୍ଦପତ୍ଯୋର୍ହତପୁତ୍ରଯୋଃ।
କର୍ଷନ୍ତୀ ତୌ ତତସ୍ତେ ତାଂ ଦୃଷ୍ଟ୍ବା ସଂନ୍ଯପତନ୍ଭୁବି।
`ତଯୋସ୍ତୁ ପାଦଯୋ ରାଜନ୍ନ୍ଯପତନ୍ହତପୁତ୍ରଯୋଃ॥' 16-26-12 (97857)
ରାଜା ତାନ୍ସ୍ବରଯୋଗେନ ସ୍ପର୍ଶେନ ଚ ମହାମନାଃ।
ପ୍ରତ୍ଯଭିଜ୍ଞାଯ ମେଧାବୀ ସମାଶ୍ବାସଯତ ପ୍ରଭୁଃ॥ 16-26-13 (97858)
ତତସ୍ତେ ବାଷ୍ପମୁତ୍ସୃଜ୍ଯ ଗାନ୍ଧାରୀସହିତଂ ନୃପମ୍।
ଉପତସ୍ଥୁର୍ମହାତ୍ମାନୋ ମାତରଂ ଚ ଯଥାବିଧି॥ 16-26-14 (97859)
ସର୍ବେଷାଂ ତୋଯକଲଶାଞ୍ଜଗୃହୁସ୍ତେ ସ୍ବଯଂ ତଦା।
ପାଣ୍ଡବା ଲବ୍ଧସଂଜ୍ଞାସ୍ତେ ମାତ୍ରା ଚାଶ୍ବାସିତାଃ ପୁନଃ॥ 16-26-15 (97860)
ତଥା ନାର୍ଯୋ ନୃସିଂହାନାଂ ସୋଽବରୋଧଜନସ୍ତଦା।
ପୌରଜାନପଦାଶ୍ଚୈବ ଦଦୃଶୁସ୍ତଂ ଜନାଧିପମ୍॥ 16-26-16 (97861)
ନିବେଦଯାମାସ ତଦା ଜନଂ ତନ୍ନାମଗୋତ୍ରତଃ।
ଯୁଧିଷ୍ଠିରୋ ନରପତିଃ ସ ଚୈନଂ ପ୍ରତ୍ଯପୂଜଯତ୍॥ 16-26-17 (97862)
ସ ତୈଃ ପରିବୃତୋ ମେନେ ହର୍ଷବାଷ୍ପାବିଲେକ୍ଷଣଃ।
ରାଜାଽଽତ୍ମାନଂ ଗୃହଗତଂ ପୁରେବି ଗଜସାହ୍ବଯେ॥ 16-26-18 (97863)
ଅଭିବାଦିତୋ ବଧୂଭିଶ୍ଚ କୃଷ୍ଣାଦ୍ଯାଭିଃ ସ ପାର୍ଥିବଃ।
ଗାନ୍ଧାର୍ଯା ସହିତୋ ଧୀମାନ୍କୁନ୍ତ୍ଯା ଚ ପ୍ରତ୍ଯନନ୍ଦତ॥ 16-26-19 (97864)
ତତଶ୍ଚାଶ୍ରମମାଗଚ୍ଛତ୍ସିଦ୍ଧଚାରଣସେବିତମ୍।
ଦିଦୃକ୍ଷୁଭିଃ ସମାକୀର୍ଣଂ ନଭସ୍ତାରାଗଣୈରିବ॥ ॥ 16-26-20 (97865)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ଷଡ୍ବିଂଶୋଽଧ୍ଯାଯଃ॥ 26 ॥
ଆଶ୍ରମବାସିକପର୍ବ - ଅଧ୍ଯାଯ 027
॥ ଶ୍ରୀଃ ॥
16.27. ଅଧ୍ଯାଯଃ 027
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ସଞ୍ଜଯେନ ତାପସାନ୍ପ୍ରତି ଯୁଧିଷ୍ଠିରାଦୀନାଂ ଦ୍ରୌପଦ୍ଯାଦିସ୍ତ୍ରୀଣାଂ ଚାଙ୍ଗୁଲିନିର୍ଦେଶେନ ନାମନିର୍ଦେଶଃ॥ 1 ॥Mahabharata - AshramaVasika Parva - Chapter Text
ବୈଶମ୍ପାଯନ ଉବାଚ।
ସ ତୈଃ ସହ ନରବ୍ଯାଧ୍ରୈର୍ଭ୍ରାତୃଭିର୍ଭରତର୍ଷଭ।
ରାଜା ରୁଚିରପଦ୍ମାକ୍ଷୈରାସାଂଚକ୍ରେ ତଦାଶ୍ରମେ॥ 16-27-1 (97866)
ତାପସୈଶ୍ଚ ମହାଭାଗୈର୍ନାନାଦେଶସମାଗତୈଃ।
ଦ୍ରଷ୍ଟୁଂ କୁରୁପତେଃ ପୁତ୍ରାନ୍ପାଣ୍ଡବାନ୍ପୃଥୁବକ୍ଷସଃ॥ 16-27-2 (97867)
ତେ ବ୍ରୁବଞ୍ଜ୍ଞାତୁମିଚ୍ଛାମଃ କତମୋଽତ୍ର ଯୁଧିଷ୍ଠିରଃ।
ଭୀମାର୍ଜୁନୌ ଯମୌ ଚୈବ ଦ୍ରୌପଦୀ ଚ ଯଶସ୍ବିନୀ॥ 16-27-3 (97868)
ତାନାଚଖ୍ଯୌ ତଦା ସୂତସ୍ତେଷାଂ ନାମ ପ୍ରଧାନତଃ।
ସଂଜଯୋ ଦ୍ରୌପଦୀଂ ଚୈବ ସର୍ବାଶ୍ଚାନ୍ଯା କୁରୁସ୍ତ୍ରିଯଃ॥ 16-27-4 (97869)
ସଞ୍ଜଯ ଉବାଚ। 16-27-5x (8053)
ଯ ଏଷ ଜାଂବୂନଦଶୁଦ୍ଧଗୌର-
ସ୍ତନୁର୍ମହାସିଂହ ଇବ ପ୍ରବୃଦ୍ଧଃ।
ପ୍ରଚଣ୍ଡଘୋଣଃ ପୃଥୁଦୀର୍ଘନେତ୍ର-
ସ୍ତାମ୍ରାଯତାକ୍ଷଃ କୁରୁରାଜ ଏଷଃ॥ 16-27-5 (97870)
ଅଯଂ ପୁନର୍ମତ୍ତଗଜେନ୍ଦ୍ରଗାମୀ
ପ୍ରତପ୍ତଚାମୀକରଶୁଦ୍ଧଗୌରଃ।
ପୃଥ୍ବାଯତାଂସଃ ପୃଥୁଦୀର୍ଘବାହୁ-
ର୍ବୃକୋଦରଃ ପଶ୍ଯତ ପଶ୍ଯତେମମ୍॥ 16-27-6 (97871)
ଯସ୍ତ୍ବେଷ ପାର୍ଶ୍ବେଽସ୍ଯ ମହାଧନୁଷ୍ମା-
ଞ୍ଶ୍ଯାମୋ ଯୁବା ବାରଣଯୂଥପାଭଃ।
ସିଂହୋନ୍ନତାଂସୋ ଗଜଖେଲଗାମୀ
ପଦ୍ମାଯତାକ୍ଷୋଽର୍ଜୁନ ଏଷ ବୀରଃ॥ 16-27-7 (97872)
କୁନ୍ତୀସମୀପେ ପୁରୁଷୋତ୍ତମୌ ତୁ
ଯମାବିମୌ ବିଷ୍ଣୁମହେନ୍ଦ୍ରକଲ୍ପୌ।
ମନୁଷ୍ଯଲୋକେ ସକଲେ ସମୋସ୍ତି
ଯଯୋର୍ନ ରୂପେ ନ ବଲେ ନ ଶୀଲେ॥ 16-27-8 (97873)
ଇଯଂ ପୁନଃ ପଦ୍ମଦଲାଯତାକ୍ଷୀ
ମଧ୍ଯଂ ବଯଃ କିଞ୍ଚିଦିବ ସ୍ପଶନ୍ତୀ।
ନୀଲୋତ୍ପଲାଭା ପୁରଦେବତେବ
କୃଷ୍ଣା ସ୍ଥିତା ମୂର୍ତିମତୀବ ଲକ୍ଷ୍ମୀଃ॥ 16-27-9 (97874)
ଅସ୍ଯାସ୍ତୁ ପାର୍ଶ୍ବେ କନକୋପମତ୍ବ-
ଗେଷା ସ୍ଥିତା ମୂର୍ତିମତୀବ ଗୌରୀ।
ସତ୍ଯେ ସ୍ଥିତା ସା ଭଗିନୀ ଦ୍ବିଜାଗ୍ର୍ଯା-
ଶ୍ଚକ୍ରାଯୁଧସ୍ଯାପ୍ରତିମସ୍ଯ ତସ୍ଯ॥ 16-27-10 (97875)
ଇଯଂ ଚ ଜାଂବୂନଦଶୁଦ୍ଧଗୌରୀ
ପାର୍ଥସ୍ଯ ଭାର୍ଯା ଭୁଜଗେନ୍ଦ୍ରକନ୍ଯା।
ଚିତ୍ରାଙ୍ଗଦା ଚୈବ ନରେନ୍ଦ୍ରକନ୍ଯା
ଯୈଷା ସବର୍ଣାର୍ଦ୍ରମଧୂକପୁଷ୍ପୈଃ॥ 16-27-11 (97876)
ଇଯଂ ସ୍ବସା ରାଜଚମୂପତେଶ୍ଚ
ପ୍ରବୃଦ୍ଧନୀଲୋତ୍ପଲଦାମବର୍ଣା।
ପସ୍ପର୍ଧ କୃଷ୍ଣେନ ସଦା ନୃପୋ ଯୋ
ବୃକୋଦରସ୍ଯୈଷ ପରିଗ୍ରହୋଽଗ୍ର୍ଯଃ॥ 16-27-12 (97877)
ଇଯଂ ଚ ରାଜ୍ଞୋ ମଗଧାଧିପସ୍ଯ
ସୁତା ଜରାସଂଧ ଇତି ଶ୍ରୁତସ୍ଯ।
ଯବୀଯସୋ ମାଦ୍ରବତୀସୁତସ୍ଯ
ଭାର୍ଯା ମତା ଚମ୍ପକଦାମଗୌରୀ॥ 16-27-13 (97878)
ଇନ୍ଦୀବରଶ୍ଯାମତନୁଃ ସ୍ଥିତା ତୁ
ଯୈଷା ପରାଽଽସନ୍ନତରୋର୍ଲତେବ।
ଭାର୍ଯା ମତା ମାଦ୍ରବତୀସୁତସ୍ଯ
ଜ୍ଯେଷ୍ଠସ୍ଯ ସେଯଂ କମଲାଯତାକ୍ଷୀ॥ 16-27-14 (97879)
ଇଯଂ ତୁ ନିଷ୍ଟପ୍ତସୁବର୍ଣଗୌରୀ
ରାଜ୍ଞୋ ବିରାଟସ୍ଯ ସୁତା ସପୁତ୍ରା।
ଭାର୍ଯାଽଭିମନ୍ଯୋର୍ନିହତୋ ରଣେ ଯୋ
ଦ୍ରୋଣାଦିଭିସ୍ତୈର୍ବିରଥୋ ରଥସ୍ଥୈଃ॥ 16-27-15 (97880)
ଏତାସ୍ତୁ ସୀମନ୍ତଶିରୋରୁହା ଯାଃ
ଶୁକ୍ଲୋତ୍ତରୀଯା ନରରାଜପତ୍ନ୍ଯଃ।
ରାଜ୍ଞୋସ୍ଯ ବୃଦ୍ଧସ୍ଯ ପରଂଶତାଖ୍ଯାଃ
ସ୍ନୁଷା ନୃବୀରାହତପୁତ୍ରନାଥାଃ॥ 16-27-16 (97881)
ଏକତା ଯଥାମୁଖ୍ଯମୁଦାହୃତା ବୋ
ବ୍ରାହ୍ମଣ୍ଯଭାବାଦୃଜୁବୁଦ୍ଧିସତ୍ବାତ୍।
ସର୍ବା ଭବଦ୍ଭିଃ ପରିପୃଚ୍ଛ୍ଯମାନା
ନରେନ୍ଦ୍ରପତ୍ନ୍ଯଃ ସୁବିଶୁଦ୍ଧସତ୍ବାଃ।
`ସର୍ବେ ଭବନ୍ତୋପି ତପୋବଲାଗ୍ର୍ଯାଃ
କ୍ଷାନ୍ତାଶ୍ଚ ଦାନ୍ତାଶ୍ଚ କୁଲୋଦ୍ଭବାଶ୍ଚ॥' 16-27-17 (97882)
ବୈଶମ୍ପାଯନ ଉବାଚ। 16-27-18x (8054)
ଏବଂ ସ ରାଜା କୁରୁବୃଦ୍ଧବର୍ଯଃ
ସମାଗତସ୍ତୈର୍ନରଦେବପୁତ୍ରୈଃ।
ପପ୍ରଚ୍ଛ ସର୍ବଂ କୁଶଲଂ ତଦାନୀଂ
ଗତେଷୁ ସର୍ବେଷ୍ବଥ ତାପସେଷୁ॥ 16-27-18 (97883)
ଯୋଧେଷୁ ଚାପ୍ଯାଶ୍ରମମଣ୍ଡଲଂ ତ-
ନ୍ମତ୍ବା ନିବିଷ୍ଟେଷୁ ବିମୁଚ୍ଯ ପତ୍ରମ୍।
ସ୍ତ୍ରୀବୃଦ୍ଧବାଲେ ଚ ସୁସଂନିବିଷ୍ଟେ
ଯଥାର୍ହତସ୍ତାନ୍କୁଶଲାନ୍ଯପୃଚ୍ଛତ୍॥ ॥ 16-27-19 (97884)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ସପ୍ତବିଂଶୋଽଧ୍ଯାଯଃ॥ 27 ॥
Mahabharata - AshramaVasika Parva - Chapter Footnotes
7-27-12 ପରିଗ୍ରହୋ ଭାର୍ଯା॥ 7-27-14 ଯାସୌ ବିଶୁଦ୍ଧାଂବୁଜପଦ୍ମନେତ୍ରା ଇତି କ.ଥ.ପାଠଃ॥ 7-27-16 ଭୀମନ୍ତମାତ୍ରେଣ ଉପଲକ୍ଷିତା। ନତ୍ବଲଙ୍କାରାଦିନା ତାଦୃଶାଃ ଶିରୋରୁହାଃ କେଶା ଯାସାଂ ତାଃ ସୀମନ୍ତଶିରୋରୁହାଃ। ଅସୀମନ୍ତେତି ପାଠୋ ଯୁକ୍ତଃ। ଶୁକ୍ଲୋତ୍ତରୀଯା ନରରାଜକନ୍ଯା ଇତି କ.ଥ.ପାଠଃ॥ 7-27-19 ପତ୍ରଂ ବାହନମ୍॥ଆଶ୍ରମବାସିକପର୍ବ - ଅଧ୍ଯାଯ 028
॥ ଶ୍ରୀଃ ॥
16.28. ଅଧ୍ଯାଯଃ 028
ଅଥାଶ୍ରମବାସପର୍ବ ॥ 1 ॥
Mahabharata - AshramaVasika Parva - Chapter Topics
ଧୃତରାଷ୍ଟ୍ରଯୁଧିଷ୍ଠିରାଭ୍ଯାଂ ପରସ୍ପରକୁଶଲପ୍ରଶ୍ନାଦିପୂର୍ବକଂ ସଁଲ୍ଲାପଃ॥ 1 ॥ ଯୁଧିଷ୍ଠିରେଣ ଧୃତରାଷ୍ଟ୍ରଂପ୍ରତି ବିଦୁରଃ କ୍ବେତି ପ୍ରଶ୍ନେ ତତ୍ରତ୍ଯେନ କେନଚିଦ୍ଯଦୃଚ୍ଛଯା ଧୃତରାଷ୍ଟ୍ରମୁପସର୍ପତୋ ଜନାବଲୋକନେନ ପ୍ରତିନିବର୍ତମାନସ୍ଯ ଚ ତସ୍ଯ ପ୍ରଦର୍ଶନମ୍॥ 2 ॥ ତତୋ ଯୁଧିଷ୍ଠିରେଣାନୁଧାବନେନ ତତ୍ସମୀପଗମନମ୍॥ 3 ॥ ତତୋ ବିଦୁରେ ଯୋଗାତ୍ସ୍ବଶରୀରତ୍ଯାଗେନ ତଚ୍ଛରୀରପ୍ରବେଶଃ॥ 4 ॥ ଯୁଧିଷ୍ଠିରେଣ ଧୃତରାଷ୍ଟ୍ରାଦିଷୁ ତଦଦ୍ଭୁତନିବେଦନମ୍॥ 5 ॥Mahabharata - AshramaVasika Parva - Chapter Text
ଧୃତରାଷ୍ଟ୍ର ଉବାଚ।
ଯୁଧିଷ୍ଠିର ମହାବାହୋ କଚ୍ଚିତ୍ବଂ କୁଶଲୀ ହ୍ଯସି।
ସହିତୋ ଭ୍ରାତୃଭିଃ ସର୍ବୈଃ ପୌରଜାନପଦୈସ୍ତଥା॥ 16-28-1 (97885)
ଯେ ଚ ତ୍ବାମନୁଜୀବନ୍ତି କଚ୍ଚିତ୍ତେଽପି ନିରାମଯାଃ।
ସଚିବା ଭୃତ୍ଯବର୍ଗାଶ୍ଚ ଗୁରବଶ୍ଚୈବ ତେ ନୃପ॥ 16-28-2 (97886)
କଚ୍ଚିତ୍ତେଽପି ନିରାତଙ୍କା ବସନ୍ତି ବିଷଯେ ତବ।
କଚ୍ଚିଦ୍ବର୍ତସି ପୌରାଣୀଂ ବୃତ୍ତିଂ ରାଜର୍ଷିସେବିତାମ୍॥ 16-28-3 (97887)
କଚ୍ଚିନ୍ନ୍ଯାଯାନନୁଚ୍ଛିଦ୍ଯ କୋଶସ୍ତେଽଭିପ୍ରପୂର୍ଯତେ।
ଅରିମଧ୍ଯସ୍ଥମିତ୍ରେଷୁ ବର୍ତସେ ଚାନୁରୂପତଃ।
ବ୍ରାହ୍ମଣାନଗ୍ରହାରୈର୍ବା ଯଥାବଦନୁପଶ୍ଯସି॥ 16-28-4 (97888)
କଚ୍ଚିତ୍ତେ ପରିତୁଷ୍ଯନ୍ତି ଶୀଲେନି ଭରତର୍ଷଭ।
ଶତ୍ରବୋପି କୁତଃ ପୌରା ଭୃତ୍ଯା ବା ସ୍ବଜନୋପି ବା॥ 16-28-5 (97889)
କଚ୍ଚିଦ୍ଯଜସକି ରାଜେନ୍ଦ୍ର ଶ୍ରଦ୍ଧାବାନ୍ପିତୃଦେବତାଃ।
ଅତିଥୀନନ୍ନପାନେନି କଚ୍ଚିଦର୍ଚସି ଭାରତ॥ 16-28-6 (97890)
କଚ୍ଚିନ୍ନଯପଥେ ବିପ୍ରାଃ ସ୍ବକର୍ମନିରତାସ୍ତବ।
କ୍ଷତ୍ରିଯା ବୈଶ୍ଯବର୍ଣା ବା ଶୂଦ୍ରା ବାଽପି କୁଟୁମ୍ବିନଃ॥ 16-28-7 (97891)
କଚ୍ଚିତ୍ସ୍ତ୍ରୀବାଲବୃଦ୍ଧଂ ତେ ନ ଶୋଚତି ନ ଯାଚତେ।
ଜାମଯଃ ପୂଜିତାଃ କଚ୍ଚିତ୍ତବ ଗେହେ ନରର୍ଷଭ॥ 16-28-8 (97892)
କଚ୍ଚିଦ୍ରାଜର୍ଷିବଂଶୋଽଯଂ ତ୍ବାମାସାଦ୍ଯ ମହୀପତିମ୍।
ଯଥୋଚିତଂ ମହାରାଜ ଯଶସା ନାବସୀଦତି॥ 16-28-9 (97893)
ବୈଶଣ୍ପାଯନ ଉବାଚ। 16-28-10x (8055)
ଇତ୍ଯେବାଦିନଂ ତଂ ସ ନ୍ଯାଯବିତ୍ପ୍ରତ୍ଯଭାଷତ।
କୁଶଲପ୍ରଶ୍ନସଂଯୁକ୍ତଂ କୁଶଲୋ ବାକ୍ଯମବ୍ରବୀତ୍॥ 16-28-10 (97894)
ଯୁଧିଷ୍ଠିର ଉବାଚ। 16-28-11x (8056)
ଅପି ତେ ବର୍ଧତେ ରାଜଂସ୍ପପୋ ମନ୍ଦଃ ଶ୍ରମଶ୍ଚ ତେ ॥ 16-28-11 (97895)
ଅପି ମେ ଜନନୀ ଚେଯଂ ଶୁଶ୍ରୂଷୁର୍ବିଗତକ୍ଲମା।
ଅଥାସ୍ଯାଃ ସଫଲୋ ରାଜନ୍ବନବାସୋ ଭବିଷ୍ଯତି॥ 16-28-12 (97896)
ଇଯଂ ଚ ମାତା ଜ୍ଯେଷ୍ଠା ମେ ଶୀତବାତାଧ୍ବକର୍ଶିତା।
ଘୋରେଣ ତପସା ଯୁକ୍ତା ଦେବୀ କଚ୍ଚିନ୍ନ ଶୋଚତି॥ 16-28-13 (97897)
ହତାନ୍ପୁତ୍ରାନ୍ମହାବୀର୍ଯାନ୍କ୍ଷତ୍ରଧର୍ମପରାଯଣାନ୍।
ନାପଧ୍ଯାଯତି ବା କଚ୍ଚିଦସ୍ମାନ୍ପାପକୃତଃ ସଦା॥ 16-28-14 (97898)
କ୍ବ ଚାସୌ ବିଦୁରୋ ରାଜନ୍ନେମଂ ପଶ୍ଯାମହେ ବଯମ୍।
ସଂଜଯଃ କୁଶଲୀ ଚାଯଂ କଚ୍ଚିନ୍ନୁ ତପସି ସ୍ଥିରଃ॥ 16-28-15 (97899)
ବୈଶମ୍ପାଯନ ଉବାଚ। 16-28-16x (8057)
ଇତ୍ଯୁକ୍ତଃ ପ୍ରତ୍ଯୁବାଚୈନଂ ଧୃତରାଷ୍ଟ୍ରୋ ଜନାଧିପମ୍।
କୁଶଲୀ ବିଦୁରଃ ପୁତ୍ର ତପୋ ଘୋରଂ ସମାଶ୍ରିତଃ॥ 16-28-16 (97900)
ବାଯୁଭକ୍ଷୋ ନିରାହାରଃ କୃଶୋ ଧମନିସଂତତଃ।
କଜାଚିଦ୍ଦୃଶ୍ଯତେ ବିପ୍ରୈଃ ଶୂନ୍ଯେଽସ୍ମିନ୍କାନନେ କ୍ବଚିତ୍॥ 16-28-17 (97901)
ଇତ୍ଯେବଂ ବ୍ରୁବତସ୍ତସ୍ଯ ଜଟୀ ବୀଟାମୁଖଃ କୃଶଃ।
ଦିଗ୍ବାସା ମଲଦିଗ୍ଧାଙ୍ଗୋ ବନରେଣୁସମୁକ୍ଷିତଃ॥ 16-28-18 (97902)
ଦୂରାଦାଲକ୍ଷିତଃ କ୍ଷତ୍ତା ତତ୍ରାଖ୍ଯାତୋ ମହୀପତେଃ।
`କବିଦୁରସ୍ତ୍ବେଷ ଧର୍ମାତ୍ମା ଜନଂ ଦୃଷ୍ଟ୍ବା ନିବର୍ତତେ॥' 16-28-19 (97903)
ନିବର୍ତମାନଂ ସହସା ଜନଂ ଦୃଷ୍ଟ୍ବାଽଽଶ୍ରମଂ ପ୍ରତି।
ତମନ୍ବଧାବନ୍ନୃପତିରେକ ଏବ ଯୁଧିଷ୍ଠିରଃ।
ପ୍ରବିଶନ୍ତଂ ବନଂ ଘୋରଂ ଲକ୍ଷ୍ଯାଲକ୍ଷ୍ଯଂ କ୍ବଚିତ୍କ୍ବଚିତ୍॥ 16-28-20 (97904)
ଭୋଭୋ ବିଦୁର ରାଜାଽହଂ ଦଯିତସ୍ତେ ଯୁଧିଷ୍ଠିରଃ।
ଇତି ବ୍ରୁବନ୍ନରପତିସ୍ତଂ ଯତ୍ନାଦଭ୍ଯଧାବତ॥ 16-28-21 (97905)
ତତୋ ବିବିକ୍ତ ଏକାନ୍ତେ ତସ୍ଥୌ ବୁଦ୍ଧିମତାଂ ବରଃ।
ବିଦୁରୋ ବୃକ୍ଷମାଶ୍ରିତ୍ଯ କଞ୍ଚିତ୍ତତ୍ର ବନାନ୍ତରେ॥ 16-28-22 (97906)
ତଂ ରାଜା କ୍ଷୀଣଭୂଯିଷ୍ଠମାକୃତୀମାତ୍ରସୂଚିତମ୍।
ଅଭିଜଜ୍ଞେ ମହାବୁଦ୍ଧିଂ ମହାବୁଦ୍ଧିର୍ଯୁଧିଷ୍ଠିରଃ॥ 16-28-23 (97907)
ଯୁଧିଷ୍ଠିରୋଽହମସ୍ମୀତି ବାକ୍ଯମୁକ୍ତ୍ବାଽଗ୍ରତଃ ସ୍ଥିତଃ।
ବିଦୁରସ୍ଯାଶ୍ରମେ ରାଜା ସ ଚ ପ୍ରତ୍ଯାହ ସଂଜ୍ଞଯା॥ 16-28-24 (97908)
ତତଃ ସୋଽନିମିଷୋ ଭୂତ୍ବା ରାଜାନଂ ତମୁଦୈକ୍ଷତ।
ସଂଯୋଜ୍ଯ ବିଦୁରସ୍ତସ୍ମିନ୍ଦୃଷ୍ଟିଂ ଦୃଷ୍ଟ୍ଯା ସମାହିତଃ॥ 16-28-25 (97909)
ବିବେଶ ବିଦୁରୋ ଧୀମାନ୍ଗାତ୍ରୈର୍ଗାତ୍ରାଣି ଚୈବ ହ।
ପ୍ରାଣାନ୍ପ୍ରାଣେଷୁ ଚ ଦଧଦିନ୍ଦ୍ରିଯାଣୀନ୍ଦ୍ରିଯେଷୁ ଚ॥ 16-28-26 (97910)
ସ ଯୋଗବଲମାସ୍ଥାଯ ବିବେଶ ନୃପତେସ୍ତନୁମ୍।
ବିଦୁରୋ ଧର୍ମରାଜସ୍ଯ ତେଜସା ପ୍ରଜ୍ବଲନ୍ନିବ॥ 16-28-27 (97911)
ବିଦୁରସ୍ଯ ଶରୀରଂ ତୁ ତଥୈବ ସ୍ତବ୍ଧଲୋଚନମ୍।
ବୃକ୍ଷାଶ୍ରିତଂ ତଦା ରାଜା ଦଦର୍ଶ ଗତଚେତନମ୍॥ 16-28-28 (97912)
ବଲବନ୍ତଂ ତଥାଽଽତ୍ମାନଂ ମେନେ ବହୁଗୁଣଂ ତଦା।
ଧର୍ମରାଜୋ ମହାତେଜାସ୍ତଚ୍ଚ ସସ୍ମାର ପାଣ୍ଡବଃ॥ 16-28-29 (97913)
ପୌରାଣମାତ୍ମନଃ ସର୍ବଂ ଭବିଷ୍ଯଂ ଚ ବିଶାମ୍ପତେ।
ଯୋଗଧର୍ମଂ ମହାତେଜା ବ୍ଯାସେନ କଥିନଂ ଯଥା॥ 16-28-30 (97914)
ଧର୍ମରାଜଶ୍ଚ ତତ୍ରୈନଂ ସଞ୍ଚସ୍କାରଯିଷୁସ୍ତଦା।
ଦଗ୍ଧୁକାମୋଽଭବଦ୍ବିଦ୍ବାନଥ ବାଗଭ୍ଯଭାଷତ॥ 16-28-31 (97915)
ଭୋଭୋ ରାଜନ୍ନ ଦଗ୍ଧବ୍ଯମେତଦ୍ବିଦୁରସଂଜ୍ଞକମ୍।
କଲେବରମିହୈବଂ ତେ ଧର୍ମ ଏଷ ସନାତନଃ॥ 16-28-32 (97916)
ଲୋକୋ ବୈକର୍ତନୋ ନାମ ଭବିଷ୍ଯତ୍ଯସ୍ଯ ଭାରତ।
ଯତିଧର୍ମମବାପ୍ତୋସୌ ନୈଷ ଶୋଚ୍ଯଃ ପରଂତପ॥ 16-28-33 (97917)
ଇତ୍ଯୁକ୍ତୋ ଧର୍ମରାଜଃ ସ ବିନିବୃତ୍ଯ ତତଃ ପୁନଃ।
ରାଜ୍ଞୋ ବୈଚିତ୍ରବୀର୍ଯସ୍ଯ ତତ୍ସର୍ବଂ ପ୍ରତ୍ଯବେଦଯତ୍॥ 16-28-34 (97918)
ତତଃ ସ ରାଜା ଧୃତିମାନ୍ସ ଚ ସର୍ବୋ ଜନସ୍ତଦା।
ଭୀମସେନାଦଯଶ୍ଚୈବ ପରଂ ବିସ୍ମିଯମାଗତାଃ॥ 16-28-35 (97919)
ତଚ୍ଛ୍ରୁତ୍ବା ପ୍ରୀତିମାନ୍ରାଜା ଭୂତ୍ବା ଧର୍ମଜମବ୍ରବୀତ୍।
ଆପୋ ମୂଲଂ ଫଲଂ ଚୈବ ମମେଦଂ ପ୍ରତିଗୃହ୍ଯତାମ୍॥ 16-28-36 (97920)
ଯଦନ୍ନୋ ହି ନରୋ ରାଜଂସ୍ତଦନ୍ନୋଽସ୍ଯାତିଥିଃ ସ୍ମୃତଃ।
ଇତ୍ଯୁକ୍ତଃ ସ ତଥେତ୍ଯେବଂ ପ୍ରାହ ଧର୍ମାତ୍ମଜୋ ନୃପମ୍॥ 16-28-37 (97921)
ଫଲଂ ମୂଲଂ ଚ ବୁଭୁଜେ ରାଜ୍ଞା ଦତ୍ତଂ ସହାନୁଜଃ।
ତତସ୍ତେ ବୃକ୍ଷମୂଲେଷୁ କୃତବାସପରିଗ୍ରହାଃ।
ତାଂ ରାତ୍ରିମବସନ୍ସର୍ବେ ଫଲମୂଲଜଲାଶନାଃ॥ ॥ 16-28-38 (97922)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ଅଷ୍ଟାବିଂଶୋଽଧ୍ଯାଯଃ॥ 28 ॥
Mahabharata - AshramaVasika Parva - Chapter Footnotes
7-28-4 କଚ୍ଚିଦାଯାନନୁଚ୍ଛିଦ୍ଯେତି କ.ପାଠଃ॥ 7-28-8 ଜାମଯଃ ସୌଭାଗ୍ଯବତ୍ଯଃ॥ 7-28-18 ବୀଟା ପାଷାଣକବଲଃ। ବନଦିଗ୍ଧାଙ୍ଗୋ ବାନରୈରୁପଲକ୍ଷିତ ଇତି ଥ.ପାଠଃ॥ 7-28-29 ତଚ୍ଚ ସ୍ବସ୍ଯ ବିଦୁରସ୍ଯ ଚ ଏକସ୍ଯୈବ ଧର୍ମସ୍ଯାଂଶାଜ୍ଜାତତ୍ବଂ ସସ୍ମାର॥ 7-28-30 ଯୋଗଧର୍ମଂ ସସ୍ମାରେତ୍ଯନୁଷଜ୍ଯତେ॥ 7-28-31 ସଂଚସ୍କାରଯିଷୁଃ ସଂସ୍କାରଂ ଲମ୍ଭଯିତୁମିଚ୍ଛୁଃ॥ 7-28-33 ଲୋକାସ୍ସାନ୍ତାନିକାନାମ ଭବିଷ୍ଯନ୍ତ୍ଯସ୍ଯେତି ଝ.ପାଠଃ। ଯତିଧର୍ମୋ ଦାହାଦ୍ଯଯୋଗ୍ଯତ୍ବମ୍॥ଆଶ୍ରମବାସିକପର୍ବ - ଅଧ୍ଯାଯ 029
॥ ଶ୍ରୀଃ ॥
16.29. ଅଧ୍ଯାଯଃ 029
Mahabharata - AshramaVasika Parva - Chapter Topics
ଯୁଧିଷ୍ଠିରେଣ ଧୃରାଷ୍ଟ୍ରାଭ୍ଯନୁଜ୍ଞଯା ଭ୍ରାତ୍ରାଦିଭିଃ ସହ ମହର୍ଷିଣାମାଶ୍ରମଦର୍ଶନମ୍॥ 1 ॥ ଶତଯୂପାଦିଭିଃ ସଶିଷ୍ଯେଣ ବ୍ଯାସେନ ଚ ଯୁଧିଷ୍ଠିରାଦିଭିଃ ପରିବୃତସ୍ଯ ଧୃତରାଷ୍ଟ୍ରସ୍ଯାଶ୍ରମଂପ୍ରତ୍ଯାଗମନମ୍॥ 2 ॥Mahabharata - AshramaVasika Parva - Chapter Text
ବୈଶମ୍ପାଯନ ଉବାଚ।
ତତସ୍ତୁ ରାଜନ୍ନେତେଷାମାଶ୍ରମେ ପୁଣ୍ଯକର୍ମଣାମ୍।
ଶିବା ନକ୍ଷତ୍ରସମ୍ପନ୍ନା ସା ବ୍ଯତୀଯାଯ ଶର୍ବରୀ॥ 16-29-1 (97923)
ତତସ୍ତତ୍ର କଥାଶ୍ଚାସଂସ୍ତେଷାଂ ଧର୍ମାର୍ଥଲକ୍ଷଣାଃ।
ବିଚିତ୍ରପଦସଞ୍ଚାରା ନାନାଶ୍ରୁତିଭିରନ୍ବିତାଃ॥ 16-29-2 (97924)
ପାଣ୍ଡବାସ୍ତ୍ବଭିତୋ ମାତୁର୍ଧରଣ୍ଯାଂ ସୁଷୁପୁସ୍ତଦା।
ଉତ୍ସୃଜ୍ଯ ତୁ ମହାର୍ହାଣି ଶଯନାନି ନରାଧିପ॥ 16-29-3 (97925)
ଯଦାହାରୋଽଭକବଦ୍ରାଜା ଧୃତରାଷ୍ଟ୍ରୋ ମହାମନାଃ।
ତଦାହାରା ନୃବୀଂରାସ୍ତେ ନ୍ଯବସଂସ୍ତାଂ ନିଶାଂ ତଦା॥ 16-29-4 (97926)
ବ୍ଯତୀତାଯାଂ ତୁ ଶର୍ବର୍ଯାଂ କୃତପୌର୍ବାହ୍ଣିକକ୍ରିଯଃ।
ଭ୍ରାତୃଭିଃ ସହିତୋ ରାଜା ଦଦର୍ଶାଶ୍ରମମଣ୍ଡଲମ୍॥ 16-29-5 (97927)
ସାନ୍ତଃ ପୁରପରୀବାରଃ ସଭୃତ୍ଯଃ ସପୁରୋହିତଃ।
ଯଥାସୁଖଂ ଯଥୋଦ୍ଦେଶଂ ଧୃତରାଷ୍ଟ୍ରାଭ୍ଯନୁଜ୍ଞଯା॥ 16-29-6 (97928)
ଦଦର୍ଶ ତତ୍ର ବେଦୀଶ୍ଚ ସମ୍ପ୍ରଜ୍ବଲିତପାବକାଃ।
କୃତାଭିଷେକୈର୍ମୁନିଭିର୍ହୁତାଗ୍ନିଭିରୁପସ୍ଥିତାଃ॥ 16-29-7 (97929)
ବାନେଯପୁଷ୍ପନିକରୈରାଜ୍ଯଧୂମୋଦ୍ଗମୈରପି।
ବ୍ରାହ୍ମେଣ ବପୁଷା ଯୁକ୍ତା ଯୁକ୍ତା ମୁନିଗଣସ୍ଯ ତାଃ॥ 16-29-8 (97930)
ମୃଗଯୂଥୈରନୁଦ୍ବିଗ୍ନୈସ୍ତତ୍ରତତ୍ର ସମାଶ୍ରିତୈଃ।
ଅଶଙ୍କିତୈଃ ପକ୍ଷିଗଣୈଃ ପ୍ରଗୀତୈରିବ ଚ ପ୍ରଭୋ॥ 16-29-9 (97931)
କେକାଭିର୍ନୀଲକଣ୍ଠାନାଂ ଦାତ୍ଯୂହାନାଂ ଚ କୂଜିତୈଃ।
କୋକିଲାନାଂ କୁହୁରବୈଃ ସୁଖୈଃ ଶ୍ରୁତିମନୋହରୈଃ॥ 16-29-10 (97932)
ପ୍ରାଧୀତଦ୍ବିଜଘୋଷୈଶ୍ଚ କ୍ବଚିତ୍କ୍ବଚିଦଲଙ୍କୃତମ୍।
ଫଲମୂଲସମାହାରୈର୍ମହଦ୍ଭିଶ୍ଚୋପଶୋଭିତମ୍॥ 16-29-11 (97933)
ତତଃ ସ ରାଜା ପ୍ରଦଦୌ ତାପସାର୍ଥମୁପାହୃତାନ୍।
କଲଶାନ୍କାଞ୍ଚନାନ୍ରାଜଂସ୍ତଥୈବୌଦୁମ୍ବରାନପି॥ 16-29-12 (97934)
ଅଜିନାନି ପ୍ରବେଣୀଶ୍ଚ ସ୍ରୁକ୍ସ୍ରୁବଂ ଚ ମହୀପତିଃ।
କମଣ୍ଡଲୂଂଶ୍ଚି ସ୍ଥାଲୀଶ୍ଚ ପିଠରାଣି ଚ ଭାରତ॥ 16-29-13 (97935)
ଭାଜନାନି ଚ ଲୌହାନି ପାତ୍ରୀଶ୍ଚ ବିବିଧା ନୃପ।
ଯଦ୍ଯଦିଚ୍ଛତି ଯାବଚ୍ଚ ଯଦନ୍ଯଦପି କାଙ୍କ୍ଷିତମ୍॥ 16-29-14 (97936)
ଏବଂ ସ ରାଜା ଧର୍ମାତ୍ମା ପରୀତ୍ଯାଶ୍ରମମଣ୍ଡଲମ୍।
ବସୁ ବିଶ୍ରାଣ୍ଯ ତତ୍ସର୍ବଂ ପୁନରାଯାନ୍ମହୀପତିଃ॥ 16-29-15 (97937)
କୃତାହ୍ନିକଂ ଚ ରାଜାନଂ ଧୃତରାଷ୍ଟ୍ରଂ ମହୀପତିମ୍।
ଦଦର୍ଶାସୀନମବ୍ଯଗ୍ରଂ ଗାନ୍ଧାରୀସହିତଂ ତଦା॥ 16-29-16 (97938)
ମାତରଂ ଚାବିଦୂରସ୍ଥାଂ ଶିଷ୍ଯବତ୍ପ୍ରଣତାଂ ସ୍ଥିତାମ୍।
କୁନ୍ତୀଂ ଦଦର୍ଶ ଧର୍ମାତ୍ମା ଶିଷ୍ଟାଚାରସମନ୍ବିତାମ୍॥ 16-29-17 (97939)
ସ ତମଭ୍ଯର୍ଚ୍ଯ ରାଜାନଂ ନାମ ସଂଶ୍ରାବ୍ଯ ଚାତ୍ମନଃ।
ନିଷୀଦେତ୍ଯଭ୍ଯନୁଜ୍ଞାତୋ ବୃସ୍ଯାମୁପବିବେଶ ହ॥ 16-29-18 (97940)
ଭୀମସେନାଦଯଶ୍ଚୈବ ପାଣ୍ଡବ ଭରତର୍ଷଭ।
ଅଭିବାଦ୍ଯୋପସଙ୍ଗୃହ୍ଯ ନିଷେଦୁଃ ପାର୍ଥିବାଜ୍ଞଯା॥ 16-29-19 (97941)
ସ ତୈଃ ପରିବୃତୋ ରାଜା ଶୁଶୁଭେଽତୀବ କୌରବଃ।
ବିଭ୍ରଦ୍ବ୍ରାହ୍ମୀଂ ଶ୍ରିଯଂ ଦୀପ୍ତାଂ ଦେବୈରିବ ବୃହସ୍ପତିଃ॥ 16-29-20 (97942)
ତଥା ତେଷୂପବିଷ୍ଟେଷୁ ସମାଜଗ୍ମୁର୍ମହର୍ଷଯଃ।
ଶତଯୂପପ୍ରଭୃତଯଃ କୁରୁକ୍ଷେତ୍ରନିବାସିନଃ॥ 16-29-21 (97943)
ବ୍ଯାସଶ୍ଚ ଭଗବାନ୍ବିପ୍ରୋ ଦେବର୍ଷିଗଣସେବିତଃ।
ବୃତଃ ଶିଷ୍ଯୈର୍ମହାତେଜା ଦର୍ଶଯାମାସ ପାର୍ଥିବମ୍॥ 16-29-22 (97944)
ତତଃ ସ ରାଜା କୌରବ୍ଯଃ କୁନ୍ତୀପୁତ୍ରଶ୍ଚ ଧର୍ମରାଟ୍।
ଭୀମସେନାଦଯଶ୍ଚୈବ ପ୍ରତ୍ଯୁତ୍ଥାଯାଭ୍ଯବାଦଯନ୍॥ 16-29-23 (97945)
ସମାଗତସ୍ତତୋ ବ୍ଯାସଃ ଶତଯୂପାଦିଭିର୍ବୃତଃ।
ଧୃତରାଷ୍ଟ୍ରଂ ମହୀପାଲମାସ୍ଯତାମିତ୍ଯଭାଷତ॥ 16-29-24 (97946)
ବରଂ ତୁ ବିଷ୍ଟରଂ କୌଶ୍ଯଂ କୃଷ୍ଣାଜିନକୁଶୋତ୍ତରମ୍।
ପ୍ରତିପେଦେ ତଦା ବ୍ଯାସସ୍ତଦର୍ଥମୁପକଲ୍ପିତମ୍॥ 16-29-25 (97947)
ତେ ଚ ସର୍ବେ ଦ୍ବିଜଶ୍ରେଷ୍ଠା ବିଷ୍ଟରେଷୁ ସମନ୍ତତଃ।
ଦ୍ବୈପାଯନାଭ୍ଯନୁଜ୍ଞାତା ନିଷେଦୁର୍ବିପୁଲୌଜସଃ॥ ॥ 16-29-26 (97948)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ଏକୋନତ୍ରିଂଶୋଽଧ୍ଯାଯଃ॥ 29 ॥
Mahabharata - AshramaVasika Parva - Chapter Footnotes
7-29-8 ମୁନିଗଣସ୍ଯ ମୁନିଗଣେନ। ତା ବୈଦିକ୍ଯୋ ଲୌକିକ୍ଯଶ୍ଚ॥ 7-29-9 ମୃଗଯୂଥାଦିଭିରଲଙ୍କୃତମାଶ୍ରମମ୍॥ 7-29-12 ଔଦୁମ୍ବରାନ୍ କଲଶାନ୍॥ 7-29-13 ପ୍ରବେଣୀଃ କୁଥାଃ॥ଆଶ୍ରମବାସିକପର୍ବ - ଅଧ୍ଯାଯ 030
॥ ଶ୍ରୀଃ ॥
16.30. ଅଧ୍ଯାଯଃ 030
Mahabharata - AshramaVasika Parva - Chapter Topics
ବ୍ଯାସନ ଧୃତରାଷ୍ଟ୍ରଂପ୍ରତି କୁଶଲାଦିପ୍ରଶ୍ନପୂର୍ବକଂ ବିଦୁରସ୍ଯ ନିଜସ୍ବରୂପାଦିପ୍ରତିପାଦନମ୍॥ 1 ॥ ତଥା ଇତରମହର୍ଷିଦୁଷ୍କରତଦଭୀଷ୍ଟାଶ୍ଚର୍ଯକର୍ମକରଣପ୍ରତିଜ୍ଞାନମ୍॥ 2 ॥Mahabharata - AshramaVasika Parva - Chapter Text
ବୈଶମ୍ପାଯନ ଉବାଚ।
ତତଃ ସମୁପବିଷ୍ଟେଷୁ ପାଣ୍ଡବେଷୁ ମହାତ୍ମସୁ।
ବ୍ଯାସଃ ସତ୍ଯବତୀପୁତ୍ରଃ ପ୍ରୋବାଚାମନ୍ତ୍ର୍ଯ ପାର୍ଥିବମ୍॥ 16-30-1 (97949)
ଧୃତରାଷ୍ଟ୍ର ମହାବାହୋ କଚ୍ଚିତ୍ତେ ବର୍ତତେ ତପଃ।
କଚ୍ଚିନ୍ମନସ୍ତେ ପ୍ରୀଣାତି ବନବାସେ ନରାଧିପ॥ 16-30-2 (97950)
କଚ୍ଚିଦ୍ଧୃଦି ନ ତେ ଶୋକୋ ରାଜନ୍ପୁତ୍ରବିନାଶଜଃ।
କଚ୍ଚିଜ୍ଜ୍ଞାନାନି ସର୍ବାଣି ସୁପ୍ରସନ୍ନାନି ତେଽନଘ॥ 16-30-3 (97951)
କଚ୍ଚିଦ୍ବୁଦ୍ଧିଂ ଦୃଢାଂ କୃତ୍ବା ଚରସ୍ଯାରଣ୍ଯକଂ ବିଧିମ୍।
କଚ୍ଚିଦ୍ବଧୂଶ୍ଚ ଗାନ୍ଧାରୀ ନ ଶୋକେନାଭିଭୂଯତେ॥ 16-30-4 (97952)
ମହାପ୍ରଜ୍ଞା ବୁଦ୍ଧିମତୀ ଦେବୀ ଧର୍ମାର୍ଥଦର୍ଶିନୀ।
ଆଗମାପାଯତତ୍ତ୍ବଜ୍ଞା କଚ୍ଚିଦେଷା ନ ଶୋଚତି॥ 16-30-5 (97953)
କଚ୍ଚିତ୍କୁନ୍ତୀ ଚ ରାଜଂସ୍ତ୍ବାଂ ଶୁଶ୍ରୂଷତ୍ଯନହଙ୍କୃତା।
ଯା ପରିତ୍ଯଜ୍ଯ ସ୍ବଂ ପୁତ୍ରଂ ଗୁରୁଶୁଶ୍ରୂଷଣେ ରତା॥ 16-30-6 (97954)
କଚ୍ଚିଦ୍ଧର୍ମସୁତୋ ରାଜା ତ୍ବଯା ପ୍ରତ୍ଯଭିନନ୍ଦିତଃ।
ଭୀମାର୍ଜୁନଯମାଶ୍ଚୈବ କଚ୍ଚିଦେତେଽପି ସାନ୍ତିତାଃ॥ 16-30-7 (97955)
କଚ୍ଚିନ୍ନନ୍ଦସି ଦୃଷ୍ଟ୍ରୈତାନ୍କଚ୍ଚିତେ ନିର୍ମଲଂ ମନଃ।
କଚ୍ଚିଚ୍ଚ ଶୁଦ୍ଧଭାବୋସି ଜାତଜ୍ଞାନୋ ନରାଧିପ॥ 16-30-8 (97956)
ଏତଦ୍ଧି ତ୍ରିତଯଂ ଶ୍ରେଷ୍ଠଂ ସର୍ବଭୂତେଷୁ ଭାରତ।
ନିର୍ବୈରତା ମହାରାଜ ସତ୍ଯମକ୍ରୋଧ ଏବ ଚ॥ 16-30-9 (97957)
କଚ୍ଚିତ୍ତେ ନ ଚ ମୋହୋସ୍ତି ବନବାସେନ ଭାରତ।
ସ୍ବଦତ୍ତେ ବନ୍ଯମନ୍ନଂ ବା ଉପବାସୋପି ବା ଭବେତ୍॥ 16-30-10 (97958)
ବିଦିତଂ ଚାପି ରାଜେନ୍ଦ୍ର ବିଦୁରସ୍ଯ ମହାତ୍ମନଃ।
ଗମନଂ ବିଧିନାଽନେନ ଧର୍ମସ୍ଯ ସୁମହାତ୍ମନଃ॥ 16-30-11 (97959)
ମାଣ୍ଡବ୍ଯଶାପାଦ୍ଧି ସ ବୈ ଧର୍ମୋ ବିଦୁରତାଂ ଗତଃ।
ମହାବୁଦ୍ଧିର୍ମହାଯୋଗୀ ମହାତ୍ମା ସୁମହାମନାଃ॥ 16-30-12 (97960)
ବୃହସ୍ପତିର୍ବା ଦେବେଷୁ ଶୁକ୍ରୋ ବାଽପ୍ଯସୁରେଷୁ ଚ।
ନ ତଥା ବୁଦ୍ଧିସମ୍ପନ୍ନୋ ଯଥା ସ ପୁରୁଷର୍ଷଭଃ॥ 16-30-13 (97961)
ତପୋବଲବ୍ଯଯଂ କୃତ୍ବା ସୁଚିରାତ୍ସମ୍ଭୃତଂ ତଦା।
ମାଣ୍ଡବ୍ଯେନର୍ଷିଣା ଧର୍ମୋ ହ୍ଯଭିଭୂତଃ ସନାତନଃ॥ 16-30-14 (97962)
ନିଯୋଗାଦ୍ବ୍ରହ୍ମଣଃ ପୂର୍ବଂ ମଯା ସ୍ବେନ ବଲେନ ଚ।
ବୈଚିତ୍ରବୀର୍ଯକେ କ୍ଷେତ୍ରେ ଜାତଃ ସ ସୁମହାମତିଃ॥ 16-30-15 (97963)
ଭ୍ରାତା ତବ ମହାରାଜ ଦେବଦେବଃ ସନାତନଃ।
ଧାରଣାନ୍ମନସା ଧ୍ଯାନାଦ୍ଯ ଧର୍ମ କବଯୋ ବିଦୁଃ॥ 16-30-16 (97964)
ସତ୍ଯେନ ସଂବର୍ଧଯତି ଯୋ ଦମେନ ଶମେନ ଚ।
ଅହିଂସଯା ଚ ଦାନେନ ତପସା ଚ ସନାତନଃ॥ 16-30-17 (97965)
ଯେନ ଯୋଗବଲାଜ୍ଜାତଃ କୁରୁରାଜୋ ଯୁଧିଷ୍ଠିରଃ।
ଧର୍ମ ଇତ୍ଯେଷ ନୃପତେ ପ୍ରାଜ୍ଞେନାମିତବୁଦ୍ଧିନା॥ 16-30-18 (97966)
ଯଥା ବହ୍ନିର୍ଯଥା ବାଯୁର୍ଯଥାଽଽପଃ ପୃଥିବୀ ଯଥା।
ଯଥାଽଽକାଶଂ ତଥା ଧର୍ମ ଇହ ଚାମୁତ୍ର ଚ ସ୍ଥିତଃ॥ 16-30-19 (97967)
ସର୍ବଗଶ୍ଚୈବ ରାଜେନ୍ଦ୍ର ସର୍ବଂ ବ୍ଯାପ୍ଯ ଚରାଚରମ୍।
ଦୃଶ୍ଯତେ ଦେବଦେବୈଃ ସ ସିଦ୍ଧୈର୍ନିର୍ମୁକ୍ତକଲ୍ମଷୈଃ॥ 16-30-20 (97968)
ଯୋ ହି ଧର୍ମଃ ସ ବିଦୁରୋ ବିଦୁରୋ ଯଃ ସ ପାଣ୍ଡବଃ।
ସ ଏଷ ରାଜନ୍ଦୃଶ୍ଯସ୍ତେ ମାଣ୍ଡବଃ ପ୍ରେଷ୍ଯବତ୍ସ୍ଥିତଃ॥ 16-30-21 (97969)
ପ୍ରବିଷ୍ଟଃ ସ ମହାତ୍ମାନଂ ଭ୍ରାତା ତେ ବୁଦ୍ଧିସମ୍ମତଃ।
ଦୃଷ୍ଟ୍ବା ମହାତ୍ମା କୌନ୍ତେଯଂ ମହାଯୋଗବଲାନ୍ବିତଃ॥ 16-30-22 (97970)
ତ୍ବାଂ ଚାପି ଶ୍ରେଯସା ଯୋକ୍ଷ୍ଯେ ନଚିରାଦ୍ଭରତର୍ଷଭ।
ସଂଶଯଚ୍ଛେଦନାର୍ଥାଯ ପ୍ରାପ୍ତଂ ମାଂ ବିଦ୍ଧି ପୁତ୍ରକ॥ 16-30-23 (97971)
ନ କୃତଂ ଯୈଃ ପୁରା କୈଶ୍ଚିତ୍କର୍ମ ଲୋକେ ମହର୍ଷିଭିଃ।
ଆଶ୍ଚର୍ଯଭୂତଂ ତପସଃ ଫଲଂ ତଦ୍ଦର୍ଶଯାମି ବଃ॥ 16-30-24 (97972)
କିମିଚ୍ଛସି ମହୀପାଲ ମତ୍ତଃ ପ୍ରାପ୍ତୁମଭୀପ୍ସିତମ୍।
ଦ୍ରଷ୍ଟ୍ରୁଂ ସ୍ପ୍ରଷ୍ଟୁମଥ ଶ୍ରୋତୁଂ ତତ୍କର୍ତାସ୍ମି ତବାନଘ॥ ॥ 16-30-25 (97973)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ଆଶ୍ରମବାସପର୍ବଣି ତ୍ରିଂଶୋଽଧ୍ଯାଯଃ॥ 30 ॥
Mahabharata - AshramaVasika Parva - Chapter Footnotes
7-30-6 ଯା ପରିତ୍ଯବ୍ଯ ରାଜ୍ଯଂ ସ୍ବମିତି କ.ଥ.ପାଠଃ॥ଆଶ୍ରମବାସିକପର୍ବ - ଅଧ୍ଯାଯ 031
॥ ଶ୍ରୀଃ ॥
16.31. ଅଧ୍ଯାଯଃ 031
ଅଥ ପୁତ୍ରଦର୍ଶନପର୍ବ ॥ 2 ॥Mahabharata - AshramaVasika Parva - Chapter Topics
ଧୃତରାଷ୍ଟ୍ରାଶ୍ରମେ ଭ୍ରାତ୍ରାଦିଭିଃ ସୈନ୍ଯେନ ଚ ସହ ମାସମେକଂ ନିବସତି ଯୁଧିଷ୍ଠିରେ କଦାଚନ ବ୍ଯାସଧୃତରାଷ୍ଟ୍ରୌ ପରିବାର୍ଯ ନାରାଦାଦିଭିର୍ଗାନ୍ଧାର୍ଯାଦିଭିଃ ପାଣ୍ଡବୈଶ୍ଚ ସମୁପବେଶନମ୍॥ 1 ॥ ତତ୍ର ଗାନ୍ଧାର୍ଯା ବ୍ଯାସମ୍ପ୍ରତି ଧୃତରାଷ୍ଟ୍ରସ୍ଯ ପୁତ୍ରଦିଦୃକ୍ଷାନିବେଦନେ ବ୍ଯାସେନ କୁନ୍ତୀଂପ୍ରତି ତଦଭୀଷ୍ଟନିବେଦନଚୋଦନା॥ 2 ॥Mahabharata - AshramaVasika Parva - Chapter Text
ଜନମେଜଯ ଉବାଚ।
ବନବାସଂ ଗତେ ବିପ୍ର ଧୃତରାଷ୍ଟ୍ରେ ମହୀପତୌ।
ସଭାର୍ଯେ ନୃପଶାର୍ଦୂଲେ ବଧ୍ବା କୁନ୍ତ୍ଯା ସମନ୍ବିତେ॥ 16-31-1 (97974)
ବିଦୁରେ ଚାପି ଧର୍ମଜ୍ଞେ ଧର୍ମରାଜଂ ବ୍ଯପଶ୍ରିତେ।
ବସତ୍ସୁ ପାଣ୍ଡୁପୁତ୍ରେଷୁ ସର୍ବେଷ୍ବାଶ୍ରମମଣ୍ଡଲେ॥ 16-31-2 (97975)
ଯତ୍ତଦାଶ୍ଚର୍ଯମିତି ବୈ କରିଷ୍ଯାମୀତ୍ଯୁବାଚ ହ।
ବ୍ଯାସଃ ପରମତେଜସ୍ବୀ ମହର୍ଷିସ୍ତଦ୍ବଦସ୍ବ ମେ॥ 16-31-3 (97976)
ବନବାସେ ଚ କୌରବ୍ଯାଃ କିଯନ୍ତଂ କାଲମଚ୍ଯୁତଃ।
ଯୁଧିଷ୍ଠିରୋ ନରପତିର୍ନ୍ଯବସତ୍ସଜନସ୍ତଦା॥ 16-31-4 (97977)
କିମାହାରାଶ୍ଚ ତେ ତତ୍ର ସସୈନ୍ଯା ନ୍ଯବସନ୍ପ୍ରଭୋ।
ସାନ୍ତଃପୁରା ମହାତ୍ମାନ ଏତଦିଚ୍ଛାମି ବେଦିତୁମ୍॥ 16-31-5 (97978)
ବୈଶମ୍ପାଯନ ଉବାଚ। 16-31-6x (8058)
`ବନବାସଗତଂ ରାଜନ୍ଧୃତରାଷ୍ଟ୍ରଂ ମହୀପତିମ୍।
ଯୁଧିଷ୍ଠିରୋଽଭ୍ଯଯାଦ୍ଦ୍ରଷ୍ଟୁଂ ସସୈନ୍ଯୋ ଭ୍ରାତୃଭିଃ ସହ॥ 16-31-6 (97979)
ପ୍ରଥମେ ଦିବସେ ଚୈଷାମାପୋ ମୂଲଂ ଫଲଂ ତଥା।
ଭୋଜନଂ ଭୂମିଶଯ୍ଯା ଚ ତତ୍ରାସୀଦ୍ଭରତର୍ଷଭ॥ 16-31-7 (97980)
ତେଽନୁଜ୍ଞାତାସ୍ତଦା ରାଜନ୍କୁରୁରାଜେନ ପାଣ୍ଡବାଃ।
ବିବିଧାନ୍ଯନ୍ନପାନାନି ଶଯ୍ଯାଶ୍ଚୈବାଭଜନ୍ବନେ॥ 16-31-8 (97981)
ମାସମେକଂ ବିଜହ୍ରୁସ୍ତେ ସସୈନ୍ଯାନ୍ତଃପୁରୋ ବନେ।
ଅଥ ତତ୍ରାଗମଦ୍ବ୍ଯାସୋ ଯଥୋକ୍ତଂ ତେ ମଯାଽନଘ॥ 16-31-9 (97982)
ତଥା ଚ ତେଷାଂ ସର୍ବେଷାଂ କଥାଭିର୍ନୃପସନ୍ନିଧୌ।
ବ୍ଯାସନ୍ବାସ୍ଯ ତଂ ରାଜନ୍ନାଜଗ୍ମୁର୍ମୁନଯୋଽପରେ॥ 16-31-10 (97983)
ନାରଦଃ ପର୍ବତଶ୍ଚୈବ ଦେବଲଶ୍ଚ ମହାତପାଃ।
ବିଶ୍ବାବସୁସ୍ତୁଂବୁରୁଶ୍ଚ ଚିତ୍ରସେନଶ୍ଚ ଭାରତ॥ 16-31-11 (97984)
ତେଷାମପି ଯଥାନ୍ଯାଯଂ ପୂଜାଂ ଚକ୍ରେ ମହାତପାଃ।
ଧୃତରାଷ୍ଟ୍ରାଭ୍ଯନୁଜ୍ଞାତଃ କୁରରାଜୋ ଯୁଧିଷ୍ଠିରଃ॥ 16-31-12 (97985)
ନିଷେଦୁସ୍ତେ ତତଃ ସର୍ବେ ପୂଜାଂ ପ୍ରାପ୍ଯ ଯୁଧିଷ୍ଠିରାତ୍।
ଆସନେଷୁ ଚ ପୁଣ୍ଯେଷୁ ବର୍ହିଣେଷୁ ବରେଷଉ ଚ॥ 16-31-13 (97986)
ତେଷୁ ତତ୍ରୋପବିଷ୍ଟେଷୁ ସ ତୁ ରାଜା ମହାମତିଃ।
ପାଣ୍ଡୁପୁତ୍ରୈଃ ପରିବୃତୋ ନିଷସାଦ କୁରୂଦ୍ବହ॥ 16-31-14 (97987)
ଗାନ୍ଧାରୀ ଚୈବ କୁନ୍ତୀ ଚ ଦ୍ରୌପଦୀ ସାତ୍ବତୀ ତଥା।
ସ୍ତ୍ରିଯଶ୍ଚାନ୍ଯାସ୍ତଥାଽନ୍ଯାଭିଃ ସହୋପବିବିଶୁସ୍ତତଃ॥ 16-31-15 (97988)
ତେଷାଂ ତତ୍ର କଥା ଦିବ୍ଯା ଧର୍ମିଷ୍ଠାଶ୍ଚାଭବନ୍ନୃପ।
ରାଜର୍ଷୀଣାଂ ପୁରାଣାନାଂ ଦେବାସୁରବିଭିଶ୍ରିତାଃ॥ 16-31-16 (97989)
ତତଃ କଥାନ୍ତେ ବ୍ଯାସସ୍ତଂ ପ୍ରଜ୍ଞାଚକ୍ଷୁଷମୀଶ୍ବରମ୍।
ପ୍ରୋବାଚ ବଦତାଂଶ୍ରେଷ୍ଠଃ ପୁନରେବ ସ ତଦ୍ବଚଃ॥ 16-31-17 (97990)
ପ୍ରୀଯମାଣୋ ମହାତେଜାଃ ସର୍ବବେଦବିଦାଂବରଃ।
ବିଦିତଂ ମମ ରାଜେନ୍ଦ୍ର ଯତ୍ତେ ହୃଦି ବିବକ୍ଷିତମ୍॥ 16-31-18 (97991)
ଦହ୍ଯମାନସ୍ଯ ଶୋକେନ ତବ ପୁତ୍ରକୃତେନ ବୈ।
ଗାନ୍ଧାର୍ଯାଶ୍ଚୈବ ଯଦ୍ଦୁଃଖଂ ହୃଦି ତିଷ୍ଟତି ନିତ୍ଯଦା॥ 16-31-19 (97992)
କୁନ୍ତ୍ଯାଶ୍ଚ ଯନ୍ମହାରାଜ ଦ୍ରୌପଦ୍ଯାଶ୍ଚ ହୃଦି ସ୍ଥିତମ୍।
ଯଚ୍ଚ ଧାରଯତେ ତୀବ୍ରଂ ଦୁଃଖଂ ପୁତ୍ରବିନାଶଜମ୍।
ସୁଭଦ୍ରା କୃଷ୍ଣଭଗିନୀ ତଚ୍ଚାପି ବିଦିତଂ ମମ॥ 16-31-20 (97993)
ଶ୍ରୁତ୍ବା ସମାଗମମିମଂ ସର୍ବେଷାଂ ବସ୍ତତୋ ନୃପ।
ସଂଶଯଚ୍ଛେଦନାର୍ଥାଯ ପ୍ରାପ୍ତଃ କୌରବନନ୍ଦନ॥ 16-31-21 (97994)
ଇମେ ଚ ଦେବଗନ୍ଧର୍ବାଃ ସର୍ବେ ଚେମେ ମହର୍ଷଯଃ।
ପଶ୍ଯନ୍ତୁ ତପସୋ ବୀର୍ଯମଦ୍ଯ ମେ ଚିରସମ୍ଭୃତମ୍॥ 16-31-22 (97995)
ତଦୁଚ୍ଯତାଂ ମହାପ୍ରାଜ୍ଞ କଂ କାମଂ ପ୍ରଦଦାମି ତେ।
ପ୍ରବଣୋସ୍ମି ବରଂ ଦାତୁଂ ପଶ୍ଯ ମେ ତପସୋ ବଲମ୍॥ 16-31-23 (97996)
ଏବମୁକ୍ତଃ ସ ରାଜେନ୍ଦ୍ରୋ ବ୍ଯାସେନାମିତବୁଦ୍ଧିନା।
ମୁହୂର୍ତମିବ ସଂଚିନ୍ତ୍ଯ ବଚନାଯୋପଚକ୍ରମେ॥ 16-31-24 (97997)
ଧନ୍ଯୋସ୍ମ୍ଯନୁଗୃହୀତଶ୍ଚ ସଫଲଂ ଜୀବିତଂ ଚ ମେ।
ଯନ୍ମେ ସମାଗମୋଽଦ୍ଯେହ ଭବଦ୍ଭିଃ ସହ ସାଧୁଭିଃ॥ 16-31-25 (97998)
ଅଦ୍ଯ ଚାପ୍ଯବଗଚ୍ଛାମି ଗତିମିଷ୍ଟାମିହାତ୍ମନଃ।
ବ୍ରହ୍ମକଲ୍ପୈର୍ଭବଦ୍ଭିର୍ଯତ୍ସମେତୋଽହଂ ତପୋଧନାଃ॥ 16-31-26 (97999)
ଦର୍ଶନାଦେବ ଭବତାଂ ପୂତୋଽହଂ ନାତ୍ର ସଂଶଯଃ।
ବିଦ୍ଯତେ ନ ଭଯଂ ଚାପି ପରଲୋକେ ମମାନଘାଃ॥ 16-31-27 (98000)
କିଂତୁ ତସ୍ଯ ସୁଦୁର୍ବୁଦ୍ଧେର୍ମନ୍ଦସ୍ଯାପନଯୈର୍ଭୃଶମ୍।
ଦୂଯତେ ମେ ମନୋ ନିତ୍ଯଂ ସ୍ମରତଃ ପୁତ୍ରଗୃଦ୍ଧିନଃ॥ 16-31-28 (98001)
ଅପାପାଃ ପାଣ୍ଡବା ଯେନ ନିକୃତାଃ ପାପବୁଦ୍ଧିନା।
ଘାତିତା ପୃଥିବୀ ଯେନ ସହଯା ସନରଦ୍ବିପା॥ 16-31-29 (98002)
ରାଜାନଶ୍ଚ ମହାତ୍ମାନୋ ନାନାଜନପଦେଶ୍ବରାଃ।
ଆଗମ୍ଯ ମମ ପୁତ୍ରାର୍ଥେ ସର୍ବେ ମୃତ୍ଯୁବଶଂ ଗତାଃ॥ 16-31-30 (98003)
ଯେ ତେ ପିତୄଶ୍ଚଂ ଦାରାଂଶ୍ଚ ପ୍ରାଣାଂଶ୍ଚ ମନସଃ ପ୍ରିଯାନ୍।
ପରିତ୍ଯଜ୍ଯ ଗତାଃ ଶୂରାଃ ପ୍ରେତରାଜନିବେଶନମ୍॥ 16-31-31 (98004)
କା ନୁ ତେଷାଂ ଗତିର୍ବ୍ରହ୍ମନ୍ମିତ୍ରାର୍ଥେ ଯେ ହତା ମୃଧେ।
ତଥୈବ ପୁତ୍ରପୌତ୍ରାଣାଂ ମମ ଯେ ନିହତା ଯୁଧି॥ 16-31-32 (98005)
ଦୂଯତେ ମେ ମନୋଽଭୀକ୍ଷ୍ଣଂ ଘାତଯିତ୍ବା ମହାବଲମ୍।
ଭୀଷ୍ମଂ ଶାନ୍ତନବଂ ବୃଦ୍ଧଂ ଦ୍ରୋଣଂ ଚ ଦ୍ବିଜସତ୍ତମମ୍॥ 16-31-33 (98006)
ମମ ପୁତ୍ରେଣ ମୂଢେନ ପାପେନାକୃତବୁଦ୍ଧିନା।
କ୍ଷଯଂ ନୀତଂ କୁଲଂ ଦୀପ୍ତଂ ପୃଥିବୀରାଜ୍ଯମିଚ୍ଛତା॥ 16-31-34 (98007)
`ଏତେ ମଦର୍ଥେ ପୁତ୍ରାଂଶ୍ଚ ଦାରାଂଶ୍ଚ ମନସଃ ପ୍ରିଯାନ୍।
ଭୋଗାଂଶ୍ଚ ବିବିଧାଂସ୍ତାତ ଇଷ୍ଟାପୁର୍ତାଂସ୍ତଥୈବ ଚ।
ପରିତ୍ଯଜ୍ଯ ଗତାଃ ଶୂରାଃ ପ୍ରେତରାଜନିବେଶନମ୍॥' 16-31-35 (98008)
ଏତତ୍ସର୍ବମନୁସ୍ମୃତ୍ଯ ଦହ୍ଯମାନୋ ଦିବାନିଶମ୍।
ନ ଶାନ୍ତିମଧିଗଚ୍ଛାମି ଦୁଃଖଶୋକସମାହତଃ॥ 16-31-36 (98009)
ଇତି ମେ ଚିନ୍ତଯାନସ୍ଯ ପିତଃ ଶାନ୍ତିର୍ନ ବିଦ୍ଯତେ॥ 16-31-37 (98010)
ବୈଶମ୍ପାଯନ ଉବାଚ। 16-31-38x (8059)
ତଚ୍ଛ୍ରୁତ୍ବା ବିବିଧଂ ତସ୍ଯ ରାଜର୍ଷେଃ ପରିଦେବିତମ୍।
ପୁନର୍ନବୀକୃତଃ ଶୋକୋ ଗାନ୍ଧାର୍ଯା ଜନମେଜଯ॥ 16-31-38 (98011)
କୁନ୍ତ୍ଯା ଦ୍ରୁପଦପୁତ୍ର୍ଯାଶ୍ଚ ସୁଭଦ୍ରାଯାସ୍ତଥୈବ ଚ।
ତାସାଂ ଚ ବରନାରୀଣାଂ ବଧୂନାଂ କୌରବସ୍ଯ ହ॥ 16-31-39 (98012)
ପୁତ୍ରଶୋକସମାବିଷ୍ଟା ଗାନ୍ଧାରୀ ତ୍ବିଦମବ୍ରବୀତ୍।
ଶ୍ବଶୁରଂ ବଦ୍ଧନଯନା ଦେବୀ ପ୍ରାଞ୍ଜଲିରୁତ୍ଥିତା॥ 16-31-40 (98013)
`ଲୋକାନ୍ତରଗତାନ୍ପୁତ୍ରାନଯଂ କାଙ୍କ୍ଷତି ମାନଦ।
ତଚ୍ଚାସ୍ଯ ମାସଂ ଜ୍ଞାତଂ ଭଗବଂସ୍ତପସା ତ୍ବଯା॥' 16-31-41 (98014)
ଷୋଡଶେମାନି ବର୍ଷାଣି ଗତାନି ମୁନିପୁଙ୍ଗବ।
ଅସ୍ଯ ରାଜ୍ଞୋହତାନ୍ପୁତ୍ରାଞ୍ଶୋଚତୋ ନ ଶମୋ ବିଭୋ॥ 16-31-42 (98015)
ପୁତ୍ରଶୋକସମାବିଷ୍ଟୋ ନିଃଶ୍ବସନ୍ହ୍ଯେଷ ଭୂମିପଃ।
ନ ଶେତେ ବସତୀଃ ସର୍ବା ଧୃତରାଷ୍ଟ୍ରୋ ମହାମୁନେ॥ 16-31-43 (98016)
ଲୋକାନନ୍ଯାନ୍ସମର୍ଥୋସି ସ୍ରଷ୍ଟୁଂ ସର୍ବାଂସ୍ତପୋବଲାତ୍।
କିମୁ ଲୋକାନ୍ତରଗତାନ୍ରାଜ୍ଞୋ ଦର୍ଶଯିତୁଂ ସୁତାନ୍॥ 16-31-44 (98017)
ଇଯଂ ଚ ଦ୍ରୌପଦୀ କୃଷ୍ଣା ହତଜ୍ଞାତିସୁତା ଭୃଶମ୍।
ଶୋଚତ୍ଯତୀବ ସର୍ବାସାଂ ସ୍ନୁଷାଣାଂ ଦଯିତା ସ୍ନୁଷା॥ 16-31-45 (98018)
ତଥା କୃଷ୍ଣସ୍ଯ ଭଗିନୀ ସୁଭଦ୍ରା ଭଦ୍ରଭାଷିଣୀ।
ସୌଭଦ୍ରକବଧସଂତପ୍ତା ଭୃଶଂ ଶୋଚତି ଭାମିନୀ॥ 16-31-46 (98019)
ଇଯଂ ଚ ଭୂରିଶ୍ରବସୋ ଭାର୍ଯା ପରମସମ୍ମତା।
ଭର୍ତୃବ୍ଯସନଶୋକାର୍ତା ଭୃଶଂ ଶୋଚତି ଭାମିନୀ॥ 16-31-47 (98020)
ଯସ୍ଯାସ୍ତୁ ଶ୍ବଶୁରୋ ଧୀମାନ୍ବାହ୍ଲିକଃ ସ କୁରୂଦ୍ବହଃ।
ନିହତଃ ସୋମଦତ୍ତଶ୍ଚ ପିତ୍ରା ସହ ମହାରଣେ॥ 16-31-48 (98021)
ଶ୍ରୀମତୋସ୍ଯ ମହାବୁଦ୍ଧେଃ ସଙ୍ଗ୍ରାମେଷ୍ବପଲାଯିନଃ।
ପୁତ୍ରସ୍ଯ ତେ ପୁତ୍ରଶତଂ ନିହତଂ ଯଦ୍ରଣାଜିରେ॥ 16-31-49 (98022)
ତସ୍ଯ ଭାର୍ଯାଶତମିଦଂ ଦୁଃଖଶୋକସମାହତମ୍।
ପୁନଃପୁନର୍ବର୍ଧଯାନଂ ଶୋକଂ ରୋଜ୍ଞୋ ମମୈବ ଚ।
ହତାହାରେଣ ମହତା ମାମୁପାସ୍ତେ ମହାମୁନେ॥ 16-31-50 (98023)
ଯେ ଚ ଶୂରା ମହାତ୍ମାନଃ ଶ୍ବଶୁରା ମେ ମହାରଥାଃ।
ସୋମଦତ୍ତପ୍ରଭୃତଯଃ କା ନୁ ତେଷାଂ ଗତିଃ ପ୍ରଭୋ॥ 16-31-51 (98024)
ତବ ପ୍ରସାଦାଦ୍ଭଗବନ୍ବିଶୋକୋଽଯଂ ମହୀପତିଃ।
କୁର୍ଯାତ୍କାଲମହଂ ଚେଯଂ ବଧୂସ୍ତବ ମହାମୁନେ॥ 16-31-52 (98025)
ଇତ୍ଯୁକ୍ତବତ୍ଯାଂ ଗାନ୍ଧାର୍ଯାଂ କୁନ୍ତୀ ବ୍ରତକୃଶାନନା।
ପ୍ରଚ୍ଚନ୍ନଜାତଂ ପୁତ୍ରଂ ତୁ ସସ୍ମାରାଦିତ୍ଯସନ୍ନିଭମ୍॥ 16-31-53 (98026)
ତାମୃଷିର୍ବରଦୋ ବ୍ଯାସୋ ଦୂରଶ୍ରବଣଦର୍ଶନଃ।
ଅପଶ୍ଯଦ୍ଦୁଃଖିତାଂ ଦେବୀଂ ମାତରଂ ସବ୍ଯସାଚିନଃ॥ 16-31-54 (98027)
ତାମୁବାଚ ତତୋ ବ୍ଯାସୋ ଯତ୍ତେ କାର୍ଯଂ ବିବକ୍ଷିତମ୍।
ତଦ୍ବୂହି ତ୍ବଂ ମହାଭାଗେ ଯତ୍ତେ ମନସି ବର୍ତତେ॥ 16-31-55 (98028)
ଶ୍ବଶୁରାଯ ତତ କୁନ୍ତୀ ପ୍ରଣମ୍ଯ ଶିରସା ତଦା।
ଉବାଚ ବାକ୍ଯଂ ସବ୍ରୀଡା ବିବୃଣ୍ବାନା ପୁରାତନମ୍॥ ॥ 16-31-56 (98029)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ପୁତ୍ରଦର୍ଶନପର୍ବଣି ଏକତ୍ରିଂଶୋଽଧ୍ଯାଯଃ॥ 31 ॥
Mahabharata - AshramaVasika Parva - Chapter Footnotes
7-31-13 ବର୍ହିଣେଷୁ ପକ୍ଷିବର୍ହଜତୂଲିକାମଯେଷୁ॥ 7-31-50 ମାମୁପାସ୍ତେ ଭାର୍ଯାଶତଂ ରୋଦନଂ କୁର୍ବତ୍ ମାମେବ ପରିବାର୍ଯ ତିଷ୍ଠତୀତ୍ଯର୍ଥଃଆଶ୍ରମବାସିକପର୍ବ - ଅଧ୍ଯାଯ 032
॥ ଶ୍ରୀଃ ॥
16.32. ଅଧ୍ଯାଯଃ 032
ଅଥ ପୁତ୍ରଦର୍ଶନପର୍ବ ॥ 2 ॥Mahabharata - AshramaVasika Parva - Chapter Topics
କୁନ୍ତ୍ଯା ବ୍ଯାସଂପ୍ରତି ସ୍ବସ୍ମିନ୍ଦୁର୍ବାସଃପ୍ରସାଦେନ ସୂର୍ଯାତ୍କର୍ଣସ୍ଯୋତ୍ପତ୍ତିକଥନପୂର୍ବକଂ ସ୍ବସ୍ଯ ତଦ୍ଦିଦୃକ୍ଷାନିବେଦନମ୍॥ 1 ॥ ବ୍ଯାସେନ କୁନ୍ତୀଂପ୍ରତି ହେତୂପନ୍ଯାସେନ ତତ୍ପ୍ରଯୁକ୍ତଦୋଷଶଙ୍କାନିରସନମ୍॥ 2 ॥Mahabharata - AshramaVasika Parva - Chapter Text
କୁନ୍ତ୍ଯୁବାଚ।
ଭଗବଞ୍ଶ୍ବଶୁରୋ ମେଽସି ଦୈବତସ୍ଯାପି ଦୈବତମ୍।
ସ ମେ ଦେବାତିଦେବସ୍ତ୍ବଂ ଶୃଣୁ ସତ୍ଯାଂ ଗିରଂ ମମ॥ 16-32-1 (98030)
ତପସ୍ବୀ କୋପନୋ ବିପ୍ରୋ ଦୁର୍ବାସା ନାମ ମେ ପିତୁଃ।
ଭିକ୍ଷାମୁପାଗତୋ ଭୋକ୍ତୁଂ ତମହଂ ପର୍ଯତୋଷଯମ୍॥ 16-32-2 (98031)
ଶୌଚନେ ତ୍ବାଗସସ୍ତ୍ଯାଗୈଃ ଶୁଦ୍ଧେନ ମନସା ତଥା।
କୋପସ୍ଥାନେଷ୍ବପି ମହତ୍ସ୍ବକୁପ୍ଯନ୍ନ କଦାଚନ॥ 16-32-3 (98032)
ସ ପ୍ରୀତୋ ବରଦୋ ମେଽଭୂତ୍କୃତକୃତ୍ଯୋ ମହାମୁନିଃ।
ଅବଶ୍ଯଂ ତେ ଗ୍ରହୀତବ୍ଯମିତି ମାଂ ସୋବ୍ରବୀଦ୍ବଚଃ॥ 16-32-4 (98033)
ତତଃ ଶାପଭଯାଦ୍ବିପ୍ରମବୋଚଂ ପୁନରେବ ତମ୍।
ଏବମସ୍ତ୍ବିତି ଚ ପ୍ରାହ ପୁନରେବ ସ ମେ ଦ୍ବିଜଃ॥ 16-32-5 (98034)
ଧର୍ମସ୍ଯ ଜନନୀ ଭଦ୍ରେ ଭବିତ୍ରୀ ତ୍ବଂ ଶୁଭାନନେ।
ବଶେ ସ୍ଥାସ୍ଯନ୍ତି ତେ ଦେବା ଯାଂସ୍ତ୍ବମାବାହଯିଷ୍ଯସି॥ 16-32-6 (98035)
ଇତ୍ଯୁକ୍ତ୍ବାଽନ୍ତର୍ହିତୋ ବିପ୍ରସ୍ତତୋଽହଂ ବିସ୍ମିତାଽଭବମ୍।
ନ ଚ ସର୍ବାସ୍ବବସ୍ଥାସୁ ସ୍ମୃତିର୍ମେ ବିପ୍ରଣଶ୍ଯତି॥ 16-32-7 (98036)
ଅଥ ହର୍ମ୍ଯତଲସ୍ଥାଽହଂ ରବିମୁଦ୍ଯନ୍ତମୀକ୍ଷତୀ।
ସଂସ୍ମୃତ୍ଯ ତଦୃଷେର୍ବାକ୍ଯଂ ସ୍ପୃହଯନ୍ତୀ ଦିବାକରମ୍॥ 16-32-8 (98037)
ସ୍ଥିତାଽହଂ ବାଲଭାବେନ ତତ୍ର ଦୋଷମବୁଦ୍ଧ୍ଯତୀ।
ଅଥ ଦେବଃ ସହସ୍ରାଂଶୁର୍ମତ୍ସମୀପଗତୋଽଭବତ୍॥ 16-32-9 (98038)
ଦ୍ବିଧା କୃତ୍ବାଽଽତ୍ମନୋ ଦେହଂ ଭୂମୌ ଚ ଗଗନେଽପି ଚ।
ତତାପ ଲୋକାନେକେନ ଦ୍ବିତୀଯେନାଗମତ୍ସ ମାମ୍॥ 16-32-10 (98039)
ସ ମାମୁବାଚ ବେପନ୍ତୀଂ ବରଂ ମତ୍ତୋ ବୃଣୀଷ୍ବ ହ।
ଗମ୍ଯତାମିତି ତଂ ଚାହଂ ପ୍ରଣମ୍ଯ ସିରସାଽବଦମ୍॥ 16-32-11 (98040)
ସ ମାମୁବାଚ ତିଗ୍ମାଂଶୁର୍ବୃଥାଽଽହ୍ବାନଂ ନ ମେ କ୍ଷମମ୍।
ଧକ୍ଷ୍ଯାମି ତ୍ବାଂ ଚ ବିପ୍ରଂ ଚ ଯେନ ଦତ୍ତୋ ବରସ୍ତବ॥ 16-32-12 (98041)
ତମହଂ ରକ୍ଷତୀ ବିପ୍ରଂ ଶାପାଦନପକାରିଣମ୍।
ପୁତ୍ରୋ ମେ ତ୍ବତ୍ସମୋ ଦେବ ଭବେଦିତି ତତୋଽବ୍ରବମ୍॥ 16-32-13 (98042)
ତତୋ ମାଂ ତେଜସାଽଽବିଶ୍ଯ ମୋହଯିତ୍ବା ଚ ଭାନୁମାନ୍।
ଉବାଚ ଭବିତା ପୁତ୍ରସ୍ତବେତ୍ଯଭ୍ଯଗମଦ୍ଦିବମ୍॥ 16-32-14 (98043)
ତତୋଽହମନ୍ତର୍ଭବନେ ପିତୁଶ୍ଚିତ୍ତାନୁରକ୍ଷିଣୀ।
ଗୂଢୋତ୍ପନ୍ନଂ ସୁତଂ ବାଲଂ ଜଲେ କର୍ଣମବାସୃଜମ୍॥ 16-32-15 (98044)
ନୂନଂ ତସ୍ଯୈବ ଦେବସ୍ଯ ପ୍ରସାଦାତ୍ପୁନରେବ ତୁ।
କନ୍ଯାଽହମଭବଂ ବିପ୍ର ଯଥା ପ୍ରାହ ସ ମାମୃଷିଃ॥ 16-32-16 (98045)
ସ ମଯା ସୂଢଯା ପୁତ୍ରୋ ଜ୍ଞାଯମାନୋଽପ୍ଯୁପେକ୍ଷିତଃ।
ତନ୍ମାଂ ଦହତି ବିପ୍ରର୍ଷେ ଯଥା ସୁବିଦିତଂ ତବ॥ 16-32-17 (98046)
ଯଦି ପାପମପାପଂ ବା ଯଦେତଦ୍ବିବୃତଂ ମଯା।
ତଂ ଦ୍ରଷ୍ଟୁମିଚ୍ଛାମି ଭଗବନ୍ବ୍ଯପନେତୁଂ ତ୍ବମର୍ହସି॥ 16-32-18 (98047)
ଯଚ୍ଚାସ୍ଯ ରାଜ୍ଞୋ ବିଦିତଂ ହୃଦିସ୍ଥଂ ଭବତୋଽନଘ।
ତଂ ଚାଯଂ ଲଭତାଂ କାମମଦ୍ଯୈବ ମୁନିସତ୍ତମ॥ 16-32-19 (98048)
ଇତ୍ଯୁକ୍ତଃ ପ୍ରତ୍ଯୁବାଚେଦଂ ବ୍ଯାସୋ ବେଦବିଦାଂବରଃ।
ସାଧୁ ସର୍ବମିଦଂ ଭାବ୍ଯମେବମେତଦ୍ଯଥାଽଽତ୍ଥ ମାମ୍॥ 16-32-20 (98049)
ଅପରାଧଶ୍ଚ ତେ ନାସ୍ତି କନ୍ଯାଭାବଂ ଗତା ହ୍ଯସି।
ଦେବାଶ୍ଚୈଶ୍ବର୍ଯବନ୍ତୋ ବୈ ଶରୀରାଣ୍ଯାବିଶନ୍ତି ବୈ॥ 16-32-21 (98050)
ସନ୍ତି ଦେବନିକାଯାଶ୍ଚ ସଂକଲ୍ପାଜ୍ଜନଯନ୍ତି ଯେ।
ବାଚା ଦୃଷ୍ଟ୍ଯା ତଥା ସ୍ପର୍ଶାତ୍ସଂଘର୍ଷେଣେତି ପଞ୍ଚଧା॥ 16-32-22 (98051)
ମନୁଷ୍ଯଧର୍ମୋ ଦୈବେନ ଧର୍ମେଣ ହି ନ ଦୁଷ୍ଯତି।
ଇତି କୁନ୍ତି ବିଜାନୀହି ବ୍ଯେତୁ ତେ ମାନସୋ ଜ୍ବରଃ॥ 16-32-23 (98052)
ସର୍ବଂ ବଲବତାଂ ପଥ୍ଯଂ ସର୍ବଂ ବଲବତାଂ ଶୁଚି।
ସର୍ବଂ ବଲବତାଂ ଧର୍ମଃ ସର୍ବଂ ବଲବତାଂ ସ୍ବକମ୍॥ ॥ 16-32-24 (98053)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ପୁତ୍ରଦର୍ଶନପର୍ବଣି ଦ୍ବାତ୍ରିଂଶୋଽଧ୍ଯାଯଃ॥ 32 ॥
Mahabharata - AshramaVasika Parva - Chapter Footnotes
7-32-3 ଆଗସସ୍ତ୍ଯାଗୈରପରାଧତ୍ଯାଗୈଃ॥ 7-32-22 ସଘର୍ଷେଣ ରତ୍ଯା॥ଆଶ୍ରମବାସିକପର୍ବ - ଅଧ୍ଯାଯ 033
॥ ଶ୍ରୀଃ ॥
16.33. ଅଧ୍ଯାଯଃ 033
ଅଥ ପୁତ୍ରଦର୍ଶନପର୍ବ ॥ 2 ॥Mahabharata - AshramaVasika Parva - Chapter Topics
ବ୍ଯାସେନ ଗାନ୍ଧାରୀଂପ୍ରତି ସମରହତାନାଂ ଦୁର୍ଯୋଧନାଦୀନାଂ ସର୍ବେଷାଂ ରାତ୍ରୌ ପ୍ରଦର୍ଶନପ୍ରତିଜ୍ଞାନପୂର୍ବକଂ ଧୃତରାଷ୍ଟ୍ରାଦୀନାଂ ବିଶିଷ୍ଯ ଗନ୍ଧର୍ବାଦ୍ଯଂଶତ୍ବକଥନମ୍॥ 1 ॥ ଧୃତରାଷ୍ଟ୍ରାଦିଭିର୍ବ୍ଯାସବଚନାଦ୍ଗଙ୍ଗାତୀରମେତ୍ଯ ବନ୍ଧୁଦର୍ଶନୌତ୍କଣ୍ଠ୍ଯେନ କୃଚ୍ଛ୍ରାଦହର୍ଯାପନମ୍। 2 ॥Mahabharata - AshramaVasika Parva - Chapter Text
ବ୍ଯାସ ଉବାଚ।
ଭଦ୍ରେ ଦ୍ରକ୍ଷ୍ଯସି ଗାନ୍ଧାରି ପୁତ୍ରାନ୍ଭ୍ରାତୄନ୍ସ୍ବକାନ୍ଗଣାନ୍।
ବଧୂଶ୍ଚ ପତିଭିଃ ସାର୍ଧଂ ନିଶି ସୁପ୍ତୋସ୍ଥିତା ଇବ॥ 16-33-1 (98054)
କର୍ଣଂ ଦ୍ରକ୍ଷ୍ଯତି କୁନ୍ତୀ ଚ ସୌଭଦ୍ରଂ ଚାପି ଯାଦବୀ।
ଦ୍ରୌପଦୀ ପଞ୍ଚପୁତ୍ରାଂଶ୍ଚ ପିତୄନ୍ଭ୍ରାତୄଂସ୍ତଥୈବ ଚ॥ 16-33-2 (98055)
ପୂର୍ବମେବୈଷ ହୃଦଯେ ବ୍ଯବସାଯୋଽଭକବନ୍ମମ।
ଯଦାଽସ୍ମି ଚୋଦିତୋ ରାଜ୍ଞା ଭବତ୍ଯା ପୃଥଯୈବ ଚ॥ 16-33-3 (98056)
ନ ତେ ଶୋଚ୍ଯା ମହାତ୍ମାନଃ ସର୍ବ ଏବ ନରର୍ଷଭାଃ।
କ୍ଷତ୍ରଧର୍ମପରାଃ ସନ୍ତସ୍ତଥା ହି ନିଧନଂ ଗତାଃ॥ 16-33-4 (98057)
ଭବିତବ୍ଯମବଶ୍ଯଂ ତତ୍ସୁରକାର୍ଯମନିନ୍ଦିତେ।
ଅବତେରୁସ୍ତତଃ ସର୍ବେ ଦେବା ଭାଗୈର୍ମହୀତଲମ୍॥ 16-33-5 (98058)
ଗନ୍ଧର୍ବାପ୍ସରସଶ୍ଚୈବ ପିଶାଚା ଗୁହ୍ଯରାକ୍ଷସାଃ।
ତଥା ପୁଣ୍ଯଜନାଶ୍ଚୈବ ସିଦ୍ଧା ଦେବର୍ଷଯୋପି ଚ॥ 16-33-6 (98059)
ଦେବାଶ୍ଚ ଦାନବାଶ୍ଚୈବ ତଥା ଦେବର୍ଷଯୋଽମଲାଃ।
ତେ ଏତେ ନିଧନଂ ପ୍ରାପ୍ତାଃ କୁରୁକ୍ଷେତ୍ରେ ରଣାଜିରେ॥ 16-33-7 (98060)
ଗନ୍ଧର୍ବରାଜୋ ଯୋ ଧୀମାନ୍ଧୃତରାଷ୍ଟ୍ର ଇତି ଶ୍ରୁତଃ।
ସ ଏବ ମାନୁଷେ ଲୋକେ ଧୃତରାଷ୍ଟ୍ରଃ ପତିସ୍ତବ॥ 16-33-8 (98061)
ପାଣ୍ଡୁଂ ମରୁଦ୍ଗଣାଦ୍ବିଦ୍ଧି ବିଶିଷ୍ଟତମମଚ୍ଯୁତମ୍।
ଧର୍ମସ୍ଯାଂଶୋଽଭବତ୍କ୍ଷତ୍ତା ରାଜା ଚୈବ ଯୁଧିଷ୍ଠିରଃ॥ 16-33-9 (98062)
କଲିଂ ଦୁର୍ଯୋଧନଂ ବିଦ୍ଧି ଶକୁନିଂ ଦ୍ବାପରଂ ନୃପମ୍।
ଦୁଃଶାସନାଦୀନ୍ବିଦ୍ଧି ତ୍ବଂ ରାକ୍ଷସାନ୍ଶୁଭଦର୍ଶନେ॥ 16-33-10 (98063)
ମରୁଦ୍ଗଣାଦ୍ଭୀମସେନଂ ବଲବନ୍ତମରିଂଦମମ୍।
ବିଦ୍ଧିଂ ତ୍ବଂ ତୁ ନରମୃଷିମିମଂ ପାର୍ଥଂ ଧନଂଜଯମ୍।
ନାରାଯଣଂ ହୃଷୀକେଶମଶ୍ବିନୌ ଯମଜୌ ତଥା॥ 16-33-11 (98064)
ଦ୍ବିଧା କୃତ୍ବାଽଽତ୍ମନୋ ଦେହମାଦିତ୍ଯଂ ତପତାଂ ବରମ୍।
ଲୋକାଂଶ୍ଚ ତାପଯାନଂ ବୈ କର୍ଣଂ ବିଦ୍ଧି ପୃଥାସୁତମ୍॥ 16-33-12 (98065)
ଯଃ ସ ବୈରାର୍ଥମୁଦ୍ଭୂତଃ ସଂଘର୍ଷଜନନସ୍କତଥା।
ତଂ କର୍ଣଂ ବିଦ୍ଧି କଲ୍ଯାଣି ଭାସ୍କରଂ ଶୁଭଦର୍ଶନେ॥ 16-33-13 (98066)
ଯଶ୍ଚ ପାଣ୍ଡବଦାଯାଦୋ ହତଃ ଷଙ୍ମିର୍ମହାରଥୈଃ।
ସ ସୋମ ଇହ ସୌଭଦ୍ରୋ ଯୋଗାଦେବାଭବଦ୍ଦ୍ବିଧା॥ 16-33-14 (98067)
ଦ୍ରୌପଦ୍ଯା ସହ ସଂଭୂତଂ ଧୃଷ୍ଟଦ୍ଯୁମ୍ନଂ ଚ ପାବକାତ୍।
ଅଗ୍ରେର୍ଭାଗଂ ଶୁଭଂ ବିଦ୍ଧି ରାକ୍ଷସଂ ତୁ ଶିଖଣ୍ଡିନମ୍॥ 16-33-15 (98068)
ଦ୍ରୋଣଂ ବୃହସ୍ପତେର୍ଭାଗଂ ବିଦ୍ଧି ଦ୍ରୌଣିଂ ଚ ରୁଦ୍ରଜମ୍।
ଗାଙ୍ଗେଯୋ ବସୁବୀର୍ଯେଣ ଦେବୋ ମାନୁଷତାଂ ଗତଃ॥ 16-33-16 (98069)
ଏବମେତେ ମହାପ୍ରଜ୍ଞେ ଦେବା ମାନୁଷ୍ଯମେତ୍ଯ ହି।
ତତଃ ପୁନର୍ଗତାଃ ସ୍ବର୍ଗଂ କୃତେ କର୍ମଣି ଶୋଭନେ॥ 16-33-17 (98070)
ଯଚ୍ଚ ବୈ ହୃଦି ସର୍ବେଷାଂ ଦୁଃଖମେତଚ୍ଚିରଂ ସ୍ଥିତମ୍।
ତଦଦ୍ଯ ବ୍ଯପନେଷ୍ଯାମି ପରଲୋକକୃତାଦ୍ଭଯାତ୍॥ 16-33-18 (98071)
ସର୍ବେ ଭବନ୍ତୋ ଗଚ୍ଛନ୍ତୁ ନଦୀଂ ଭାଗୀରଥୀଂ ପ୍ରତି।
ତତ୍ର ଦ୍ରକ୍ଷ୍ଯଥ ତାନ୍ସର୍ବାନ୍ଯେ ହତାସ୍ତତ୍ର ସଂଯୁଗେ॥ 16-33-19 (98072)
ବୈଶମ୍ପାଯନ ଉବାଚ। 16-33-20x (8060)
ଇତି ବ୍ଯାସସ୍ଯ ବଚନଂ ଶ୍ରୁତ୍ବା ସର୍ବା ଜନସ୍ତଦା।
ମହତା ସିଂହନାଦେନ ଗଙ୍ଗାମଭିମୁଖୋ ଯଯୌ॥ 16-33-20 (98073)
ଧୃତରାଷ୍ଟ୍ରଶ୍ଚ ସାମାତ୍ଯଃ ପ୍ରଯଯୌ ସହ ପାଣ୍ଡବୈଃ।
ସହିତୋ ମୁନିଶାର୍ଦୂଲୈର୍ଗନ୍ଧର୍ବୈଶ୍ଚ ସମାଗତୈଃ॥ 16-33-21 (98074)
ତତୋ ଗଙ୍ଗାଂ ସମାସାଦ୍ଯ କ୍ରମେଣ ସ ଜନାର୍ଣବଃ।
ନିବାସମକରୋତ୍ସର୍ବୋ ଯଥାପ୍ରୀତି ଯଥାସୁଖମ୍॥ 16-33-22 (98075)
ରାଜା ଚ ପାଣ୍ଡବୈଃ ସାର୍ଧମିଷ୍ଟେ ଦେଶେ ସହାନୁଗଃ।
ନିବାସମକରୋଦ୍ଧୀମାନ୍ସସ୍ତ୍ରୀବୃଦ୍ଧପୁରଃସରଃ॥ 16-33-23 (98076)
ଜଗାମ ତଦହସ୍ଚାପି ତେଷାଂ ବର୍ଷଶତଂ ଯଥା।
ନିଶାଂ ପ୍ରତୀକ୍ଷମାଣାନାଂ ଦିଦୃକ୍ଷୂଣାଂ ମୃତାନ୍ନୃପାନ୍॥ 16-33-24 (98077)
ଅଥ ପୁଣ୍ଯଂ ଗିରିବରମସ୍ତମଭ୍ଯଗମଦ୍ରବିଃ।
ତତଃ କୃତାଭିଷେକାସ୍ତେ ନୈଶଂ କର୍ମ ସମାଚରନ୍॥ ॥ 16-33-25 (98078)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ପୁତ୍ରଦର୍ଶନପର୍ବଣି ତ୍ରଯସ୍ତ୍ରିଂଶୋଽଧ୍ଯାଯଃ॥ 33 ॥
ଆଶ୍ରମବାସିକପର୍ବ - ଅଧ୍ଯାଯ 034
॥ ଶ୍ରୀଃ ॥
16.34. ଅଧ୍ଯାଯଃ 034
ଅଥ ପୁତ୍ରଦର୍ଶନପର୍ବ ॥ 2 ॥Mahabharata - AshramaVasika Parva - Chapter Topics
ବ୍ଯାସେନ ନିଶାଯାଂ ଗଙ୍ଗାଜଲାବଗାହନେନ ସମାହ୍ନାନେ ପୁରା ସମରନିହତୈଃ କୁରୁପାଣ୍ଡବୋଭଯପକ୍ଷୀଯୈଃ ସର୍ବୈଃ ସ୍ବସ୍ବାଭରଣାଯୁଧବାହନାଦିଭିଃ ସହ ସଲିଲାଦୁଦ୍ଗମ୍ଯ ତୀରୋତ୍ତରଣମ୍॥ 1 ॥ ଧୃତରାଷ୍ଟ୍ରେଣ ବ୍ଯାସପ୍ରସାଦଲବ୍ଧଦିବ୍ଯଚକ୍ଷୁଷା ଦୁର୍ଯୋଧନାଦୀନାଂ ସର୍ବେଷାମବଲୋକନମ୍॥ 2 ॥Mahabharata - AshramaVasika Parva - Chapter Text
ବୈଶମ୍ପାଯନ ଉବାଚ।
ତତୋ ନିଶାଯାଂ ପ୍ରାପ୍ତାଯାଂ କୃତସାଯାହ୍ନିକକ୍ରିଯାଃ।
ବ୍ଯାସମଭ୍ଯଗମନ୍ସର୍ବେ ଯେ ତତ୍ରାସନ୍ସମାଗତାଃ॥ 16-34-1 (98079)
ଧୃତରାଷ୍ଟ୍ରସ୍ତୁ ଧର୍ମାତ୍ମା ପାଣ୍ଡବୈଃ ସହିତସ୍ତଦା।
ଶୁଚିରେକମନାଃ ସାର୍ଧମୃଷିଭିସ୍ତୈରୁପାବିଶତ୍॥ 16-34-2 (98080)
ଗାନ୍ଧାର୍ଯା ସହ ନାର୍ଯସ୍ତୁ ସହିତାଃ ସମୁପାବିଶନ୍।
ପୌରଜାନପଦଶ୍ଚାପି ଜନଃ ସର୍ବୋ ଯଥା ବଯଃ॥ 16-34-3 (98081)
ତତୋ ବ୍ଯାସୋ ମହାତେଜାଃ ପୁଣ୍ଯଂ ଭାଗୀରଥୀଜଲମ୍।
ଅବତୀର୍ଯାଜୁହାବାଥ ସଁର୍ବାଲ୍ଲୋକାନ୍ମହାମୁନିଃ॥ 16-34-4 (98082)
ପାଣ୍ଡବାନାଂ ଚ ଯେ ଯୋଧାଃ କୌରବାଣାଂ ଚ ସର୍ବଶଃ।
ରାଜାନଶ୍ଚ ମହାଭାଗା ନାନାଦେଶନିବାସିନଃ।
`ପ୍ରତୀକ୍ଷ୍ଯ ତସ୍ଥୁସ୍ତେ ସର୍ବେ ତେଷାମାଗମନଂ ପ୍ରତି॥' 16-34-5 (98083)
ତତଃ ସୁତୁମୁଲଃ ଶବ୍ଦୋ ଜଲାନ୍ତେ ଜନମେଜଯ।
ପ୍ରାଦୁରାସୀଦ୍ଯଥାଯୋଗଂ କୁରୁପାଣ୍ଡବସେନଯୋଃ॥ 16-34-6 (98084)
ତତସ୍ତେ ପାର୍ଥିବାଃ ସର୍ବେ ଭୀଷ୍ମଦ୍ରୋଣପୁରୋଗମାଃ।
ସସୈନ୍ଯାଃ ସଲିଲାତ୍ତସ୍ମାତ୍ସମୁତ୍ତସ୍ଥୁଃ ସହସ୍ରଶଃ॥ 16-34-7 (98085)
ବିରାଟଦ୍ରୁପଦୌ ଚୈବ ସହପୁତ୍ରୌ ସସୈନିକୌ।
ଦ୍ରୌପଦେଯାଶ୍ଚ ସୌଭଦ୍ରୋ ରାକ୍ଷସଶ୍ଚ ଘଟୋତ୍କଚଃ॥ 16-34-8 (98086)
କର୍ଣଦୁର୍ଯୋଧନୌ ଚୈବ ଶକୁନିଶ୍ଚ ମହାରଥଃ।
ଦୁଃଶାସନାଦଯଶ୍ଚୈବ ଧାର୍ତରାଷ୍ଟ୍ରା ମହାବଲାଃ॥ 16-34-9 (98087)
ଜାରାସନ୍ଧିର୍ଭଗଦତ୍ତୋ ଜଲସନ୍ଧଶ୍ଚ ବୀର୍ଯବାନ୍।
ଭୂରିଶ୍ରବାଃ ଶଲଃ ଶଲ୍ଯୋ ବୃଷସେନଶ୍ଚ ସାନୁଜଃ॥ 16-34-10 (98088)
ଲକ୍ଷ୍ମଣୋ ରାଜପୁତ୍ରଶ୍ଚ ଧୃଷ୍ଟଦ୍ଯୁମ୍ନସ୍ସହାତ୍ମଜଃ।
ଶିଖଣ୍ଡିପୁତ୍ରାଃ ସର୍ବେ ଚ ଧୃଷ୍ଟକେତୁଶ୍ଚ ସାନୁଜ॥ 16-34-11 (98089)
ଅଚଲୋ ବୃଷକଶ୍ଚୈବ ରାକ୍ଷସଶ୍ଚାପ୍ଯଲାଯୁଧଃ।
ବାହ୍ଲିକଃ ସୋମଦତ୍ତଶ୍ଚ ଚେକିତାନଶ୍ଚ ପାର୍ଥିବଃ॥ 16-34-12 (98090)
ଏତେ ଚାନ୍ଯେ ଚ ବହବୋ ବହୁତ୍ବାଦ୍ଯେ ନ କୀର୍ତିତାଃ।
ସର୍ବେ ଭାସୁରଦେହାସ୍ତେ ସମୁତ୍ତସ୍ଥୁର୍ଜଲାତ୍ତତଃ॥ 16-34-13 (98091)
ଯସ୍ଯ୍ ବୀରସ୍ଯ ଯୋ ବେଷୋ ଯୋ ଧ୍ବଜୋ ଯଚ୍ଚ ବାହନମ୍।
ଯଦ୍ବର୍ମ ଯତ୍ପ୍ରହରଣଂ ତେନ ତେନ ସ ଦୃଶ୍ଯତେ॥ 16-34-14 (98092)
ଦିବ୍ଯାଂବରଧରାଃ ସର୍ବେ ସର୍ବେ ଭ୍ରାଜିଷ୍ଣୁକୁଣ୍ଡଲାଃ।
ନିର୍ବୈରା ନିରହଙ୍କାରା ବିଗତକ୍ରୋଧମତ୍ସରାଃ॥ 16-34-15 (98093)
ଗନ୍ଧର୍ବୈରୁପଗୀଯନ୍ତଃ ସ୍ତୂଯମାନାଶ୍ଚ ବନ୍ଦିଭିଃ।
ଦିବ୍ଯମାଲ୍ଯସ୍ରଜୋପେତାସ୍ତଥା ଦିବ୍ଯାପ୍ସରୋବୃତାଃ॥ 16-34-16 (98094)
ଧୃତରାଷ୍ଟ୍ରସ୍ଯ ଚ ତଦା ଦିବ୍ଯଂ ଚକ୍ଷୁର୍ନରାଧିପ।
ମୁନିଃ ସତ୍ଯବତୀପୁତ୍ରଃ ପ୍ରୀତଃ ପ୍ରାଦାତ୍ତପୋବଲାତ୍॥ 16-34-17 (98095)
ଦିବ୍ଯଜ୍ଞାନବଲୋପେତା ଗାନ୍ଧାରୀ ଚ ଯଶସ୍ବିନୀ।
ଦଦର୍ଶ ପୁତ୍ରାଂସ୍ତାନ୍ସର୍ବାନ୍ଯେ ଚାନ୍ଯେଽପି ମୃଘେ ହତାଃ॥ 16-34-18 (98096)
ତଦଦ୍ଭୁତମଚିନ୍ତ୍ଯଂ ଚ ସୁମହଦ୍ରୋମହର୍ଷମମ୍।
ବିସ୍ମିତଃ ସ ଜନଃ ସର୍ବୋ ଦଦର୍ଶାନିମିଷେକ୍ଷଣଃ॥ 16-34-19 (98097)
ତଦୁତ୍ସବମହୋଦଗ୍ରଂ ହୃଷ୍ଟନାରୀନରାକୁଲମ୍।
ଆଶ୍ଚର୍ଯଭୂତଂ ଦଦୃଶେ ଚିତ୍ରଂ ପଟଗତଂ ଯଥା॥ 16-34-20 (98098)
ଧୃତରାଷ୍ଟ୍ରସ୍ତୁ ତାନ୍ସର୍ବାନ୍ପଶ୍ଯନ୍ଦିବ୍ଯେନ ଚକ୍ଷୁଷା।
ମୁମୁଦେ ଭରତଶ୍ରେଷ୍ଠ ପ୍ରସାଦାତ୍ତସ୍ଯ ବୈ ମୁନେଃ॥ ॥ 16-34-21 (98099)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ପୁତ୍ରଦର୍ଶନପର୍ବଣି ଚତୁସ୍ତ୍ରିଂଶୋଽଧ୍ଯାଯଃ॥ 34 ॥
ଆଶ୍ରମବାସିକପର୍ବ - ଅଧ୍ଯାଯ 035
॥ ଶ୍ରୀଃ ॥
16.35. ଅଧ୍ଯାଯଃ 035
ଅଥ ପୁତ୍ରଦର୍ଶନପର୍ବ ॥ 2 ॥Mahabharata - AshramaVasika Parva - Chapter Topics
ଧୃତରାଷ୍ଟ୍ରଧିଷ୍ଠିରାଦିଭିର୍ଷ୍ଯାସପ୍ରସାଦୋଜ୍ଜୀବିତୈର୍ହତପୂର୍ବବନ୍ଧୁଭିଃ ସହ ସଁଲ୍ଲାପାଦିନା ଯାବଦ୍ରାତ୍ରିସୁଖବିହରଣମ୍॥ 1 ॥Mahabharata - AshramaVasika Parva - Chapter Text
ବୈଶମ୍ପାଯନ ଉବାଚ।
ତତସ୍ତେ ପୁରଷଶ୍ରେଷ୍ଠାଃ ସମାଜଗ୍ମୁଃ ପରସ୍ପରମ୍।
ବିଗତକ୍ରୋଧମାତ୍ସର୍ଯାଃ ସର୍ବେ ବିଗତକଲ୍ମଷାଃ॥ 16-35-1 (98100)
ବିଧିଂ ପରମମାସ୍ଥାଯ ବ୍ରହ୍ମର୍ଷିବିହିତଂ ଶୁଭମ୍।
ସଂହୃଷ୍ଟମନସଃ ସର୍ବେ ଦେବଲୋକ ଇବାମରାଃ॥ 16-35-2 (98101)
ପୁତ୍ରଃ ପିତ୍ରା ଚ ମାତ୍ରା ଚ ଭାର୍ଯାଶ୍ଚ ପତିଭିଃ ସହ।
ଭ୍ରାତ୍ରା ଭ୍ରାତା ସଖା ଚୈବ ସଖ୍ଯା ରାଜନ୍ସମାଗତାଃ॥ 16-35-3 (98102)
ପାଣ୍ଡବାସ୍ତୁ ମହେଷ୍ବାସଂ କର୍ଣଂ ସୌଭଦ୍ରମେବ ଚ।
ସମ୍ପ୍ରହର୍ଷାତ୍ସମାଜଗ୍ମୁର୍ଦ୍ରୌପଦେଯାଂଶ୍ଚକ ସର୍ବଶଃ॥ 16-35-4 (98103)
ତତସ୍ତେ ପ୍ରୀଯମାଣା ବୈ କର୍ଣେନ ସହ ପାଣ୍ଡବାଃ।
ସମେତ୍ଯ ପୃଥିବୀପାଲ ସୌହୃଦେ ଚ ସ୍ଥିତାଽଭବନ୍॥ 16-35-5 (98104)
ପରସ୍ପରଂ ସମାଗମ୍ଯ ଯୋଧାସ୍ତେ ଭରତର୍ଷଭ।
ମୁନେଃ ପ୍ରସାଦାତ୍ତେ ହ୍ଯେବଂ କ୍ଷତ୍ରିଯା ନଷ୍ଟମନ୍ଯବଃ॥ 16-35-6 (98105)
ଅସୌହୃଦଂ ପରିତ୍ଯଜ୍ଯ ସୌହୃଦେ ପର୍ଯବସ୍ଥିତାଃ।
ଏବଂ ସମାଗତାଃ ସର୍ବେ ଗୁରୁଭିର୍ବାନ୍ଧବୈଃ ସହ॥ 16-35-7 (98106)
ପୁତ୍ରୈଶ୍ଚ ପୁରୁଷବ୍ଯାଘ୍ରାଃ କୁରବୋଽନ୍ଯେ ଚ ପାର୍ଥିବାଃ।
ତାଂ ରାତ୍ରିମକିଲାମେବଂ ବିହୃତ୍ଯ ପ୍ରୀତମାନସାଃ॥ 16-35-8 (98107)
ମେନିରେ ପରିତୋଷେଣ ନୃପାଃ ସ୍ବର୍ଗସଦୋ ଯଥା।
ନାତ୍ର ଶୋକୋ ଭଯଂ ତ୍ରାସୋ ନାରତିର୍ନାଯଶୋଽଭବତ୍॥ 16-35-9 (98108)
ପରସ୍ପରଂ ସମାଗମ୍ଯ ଯୋଧାନାଂ ଭରତର୍ଷଭ।
ସମାଗତାସ୍ତାଃ ପିତୃଭିର୍ଭ୍ରାତୃଭିଃ ପତିଭିଃ ସୁତୈଃ।
ମୁଦଂ ପରମିକାଂ ପ୍ରାପ୍ଯ ନାର୍ଯୋ ଦୁଃଖମଥାତ୍ଯଜନ୍॥ 16-35-10 (98109)
`ଦେବଲୋକଂ ଗତା ଯେ ଚ ଯେ ଚ ବ୍ରହ୍ମସଦୋ ଗତାଃ।
ଯେ ଚାପି ବାରୁଣଂ ଲୋକଂ ଯେ ଚ ଗୋଲୋକମାଶ୍ରିତାଃ॥ 16-35-11 (98110)
ତଥା ବୈବସ୍ବତଂ ଲୋକଂ ଯେ ଚ ଯକ୍ଷାନୁପାଗତାଃ।
ରାକ୍ଷସାଂଶ୍ଚ ପିଶାଚାଂଶ୍ଚ କୁରୂଂଶ୍ଚାପି ତଥୋତ୍ତରାନ୍॥ 16-35-12 (98111)
ବିଚିତ୍ରାଶ୍ଚ ଗତୀରନ୍ଯେ ଯେ ପ୍ରାପ୍ତାଃ କର୍ମଭିର୍ନରାଃ।
ସର୍ବେ ତେ ତଦ୍ବଯୋରୂପବେଷାସ୍ତତ୍ର ସମଭ୍ଯଯୁଃ॥' 16-35-13 (98112)
ଏକାଂ ରାତ୍ରିଂ ବିହୃତ୍ଯୈବଂ ତେ ବୀରାସ୍ତାଶ୍ଚ ଯୋଷିତଃ।
ଆମନ୍ତ୍ର୍ଯାନ୍ଯୋନ୍ଯମାଶ୍ଲିଷ୍ଯ ତତୋ ଜଗ୍ମୁର୍ଯଥାଗତଂ॥ 16-35-14 (98113)
ତତୋ ବିସର୍ଜଯାମାସ ଲୋକାଂସ୍ତାନ୍ମୁନିପୁଙ୍ଗବଃ।
କ୍ଷଣେନାନ୍ତର୍ହିତାଶ୍ଚୈବ ପ୍ରେକ୍ଷତାମେବ ତେଽଭବନ୍॥ 16-35-15 (98114)
ଅବଗାହ୍ଯ ମହାତ୍ମାନଃ ପୁଣ୍ଯାଂ ଭାଗୀରଥୀଂ ନଦୀମ୍।
ସରଥାଃ ସଧ୍ବଜାଶ୍ଚୈବ ସ୍ବାନି ବେଶ୍ମାନି ଭେଜିରେ॥ 16-35-16 (98115)
ଦେବଲୋକଂ ଯଯୁଃ କେଚିତ୍କେଚିଦ୍ବ୍ରହ୍ମସଦସ୍ତଥା।
କେଚିଚ୍ଚ ବାରୁଣଂ ଲୋକଂ କେଚିତ୍କୌବେରମାପ୍ନୁବନ୍॥ 16-35-17 (98116)
ତତୋ ବୈବସ୍ବତଂ ଲୋକଂ କେଚିଚ୍ଚୈବାପ୍ନୁବନ୍ନୃପାଃ।
ରାକ୍ଷସାନାଂ ପିଶାଚାନାଂ କେଚିଚ୍ଚାପ୍ଯୁତ୍ତରାନ୍କୁରୂନ୍॥ 16-35-18 (98117)
ବିଚିତ୍ରଗତଯଃ ସର୍ବେ ଯାନବାପ୍ଯାମରୈଃ ସହ।
ଆଜଗ୍ମୁସ୍ତେ ମହାତ୍ମାନଃ ସବାହାଃ ସପଦାନୁଗାଃ॥ 16-35-19 (98118)
ଗତେଷୁ ତେଷୁ ସର୍ବେଷୁ ସଲିଲସ୍ଥୋ ମହାମୁନିଃ।
ଧର୍ମସୀଲୋ ମହାତେଜାଃ କୁରୂଣାଂ ହିତକୃତଦା।
ତତଃ ପ୍ରୋବାଚ ତାଃ ସର୍ବାଃ କ୍ଷତ୍ରିଯା ନିହତେଶ୍ବରାଃ। 16-35-20 (98119)
ଯାଯାଃ ପତିକୃତାଁଲ୍ଲୋକାନିଚ୍ଛନତି ପରମସ୍ତ୍ରିଯଃ।
ତା ଜାହ୍ନବୀଜଲଂ କ୍ଷିପ୍ରମବଗାହନ୍ତ୍ବତନ୍ଦ୍ରିତାଃ॥ 16-35-21 (98120)
ତତସ୍ତସ୍ଯ ବଚଃ ଶ୍ରୁତ୍ବା ଶ୍ରଦ୍ଦଧାନା ବରାଙ୍ଗନାଃ।
ଶ୍ବଶୁରଂ ସମନୁଜ୍ଞାପ୍ଯ ବିବିଶୁର୍ଜାହ୍ନବୀଜଲମ୍॥ 16-35-22 (98121)
ବିମୁକ୍ତା ମାନୁଷୈର୍ଦେହୈସ୍ତତସ୍ତା ଭର୍ତୃଭିଃ ସହ।
ସମାଜଗ୍ମୁସ୍ତଦା ସାଧ୍ବ୍ଯଃ ସର୍ବା ଏବଂ ବିଶାମ୍ପତେ॥ 16-35-23 (98122)
ଏବଂ କ୍ରମେଣି ସର୍ବାସ୍ତାଃ ଶୀଲବତ୍ଯଃ ପତିବ୍ରତାଃ।
ପ୍ରବିଶ୍ଯ ତୋଯଂ ନିର୍ମୁକ୍ତା ଜଗ୍ମୁର୍ଭର୍ତୃସଲୋକତାମ୍॥ 16-35-24 (98123)
ଦିବ୍ଯରୂପସମାଯୁକ୍ତା ଦିବ୍ଯାଭରଣଭୂଷିତାଃ।
ଦିବ୍ଯମାଲ୍ଯାଂବରଧରା ଯଥାଽଽସାଂ ପତଯସ୍ତଥା॥ 16-35-25 (98124)
ତାଃ ଶୀଲଗୁଣସମ୍ପନ୍ନା ବିମାନସ୍ଥା ଗତକ୍ଲୁମାଃ।
ସର୍ବାଃ ସର୍ବଗୁଣୋପେତାଃ ସ୍ବସ୍ଥାନଂ ପ୍ରତିପେଦିରେ॥ 16-35-26 (98125)
ଯସ୍ଯ ଯସ୍ଯ ତୁ ଯଃ କାମସ୍ତସ୍ମିନ୍କାଲେ ବଭୂବ ହ।
ତଂତଂ ବିସୃଷ୍ଟବାନ୍ବ୍ଯାସୋ ବରଦୋ ଧର୍ମବତ୍ସଲଃ॥ 16-35-27 (98126)
ତଚ୍ଛ୍ରୁତ୍ବା ନରଦେବାନାଂ ପୁନରାଗମନଂ ନରାଃ।
ଜହୃଷୁର୍ମୁଦିତାଶ୍ଚାସନ୍ନାନାଦେଶଗତା ଅପି॥ 16-35-28 (98127)
`ତେ ନଷ୍ଟଭଯସଙ୍କଲ୍ପା ନରା ବିଗତକଲ୍ମଷାଃ।
ବଭୂବୁଃ ପୌରବାଃସର୍ବେ ତଦ୍ଦୃଷ୍ଟ୍ବାଽଽଶ୍ଚର୍ଯମୁତ୍ତମମ୍॥' 16-35-29 (98128)
ପ୍ରିଯୈଃ ସମାଗମଂ ତେଷାଂ ଯଃ ସମ୍ଯକ୍ ଶୃଣୁଯାନ୍ନରଃ।
ପ୍ରିଯାଣି ଲଭତେ ନିତ୍ଯମିହ ଚ ପ୍ରେତ୍ଯ ଚୈବ ସଃ।
ଇଷ୍ଟବାନ୍ଧବସଂଯୋଗମନାଯାସମନାମଯମ୍॥ 16-35-30 (98129)
ଯଶ୍ଚୈତଚ୍ଛ୍ରାବଯେଦ୍ବିଦ୍ବାନ୍ବିଦୁଷୋ ଧର୍ମବିତ୍ତମଃ।
ସ ଯଶଃ ପ୍ରାପ୍ନୁଯାଲ୍ଲୋକେ ପରତ୍ର ଚ ଶୁଭାଂ ଗତିମ୍॥ 16-35-31 (98130)
ସ୍ବାଧ୍ଯାଯଯୁକ୍ତା ମନୁଜାସ୍ତପୋଯୁକ୍ତାଶ୍ଚ ଭାରତ।
ସାଧ୍ବାଚାରା ଦମୋପେତା ଦାନନିର୍ଧୂତକଲ୍ମଷାଃ॥ 16-35-32 (98131)
ଋଜବଃ ଶୁଚଯଃ ଶାନ୍ତା ହିଂସାନୃତବିବର୍ଜିତାଃ।
ଆସ୍ତିକାଃ ଶ୍ରଦ୍ଦଧାନାଶ୍ଚ ଧୃତିମନ୍ତଶ୍ଚ ମାନବାଃ।
ଶ୍ରୁତ୍ବାଽଽଶ୍ଚର୍ଯମିଦଂ ପର୍ବ ହ୍ଯବାପ୍ସ୍ଯନ୍ତି ପରାଂ ଗତିମ୍॥ 16-35-33 (98132)
`ପୁନସ୍ତେ ଦର୍ଶନଂ ପ୍ରାପ୍ତାଃ ପୁନଶ୍ଚ ପରିକୀର୍ତିତାଃ।
ପୁନଃପୁନଃ ପ୍ରଯଚ୍ଛନ୍ତି ଶୃଣ୍ବତାମଭଯଂ ସଦା॥' ॥ 16-35-34 (98133)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ପୁତ୍ରଦର୍ଶନପର୍ବଣି ପଞ୍ଚତ୍ରିଂଶୋଽଧ୍ଯାଯଃ॥ 35 ॥
ଆଶ୍ରମବାସିକପର୍ବ - ଅଧ୍ଯାଯ 036
॥ ଶ୍ରୀଃ ॥
16.36. ଅଧ୍ଯାଯଃ 036
ଅଥ ପୁତ୍ରଦର୍ଶନପର୍ବ ॥ 2 ॥Mahabharata - AshramaVasika Parva - Chapter Topics
ତ୍ଯକ୍ତଦେହାନାମପି କୁରୁପାଣ୍ଡବପକ୍ଷୀଯାଣାଂ କଥଂ ପୁନରାଗମନମିତି ଜନମେଜଯପ୍ରଶ୍ନସ୍ଯ ସୋପପତ୍ତିକମୁତ୍ତରଦାନମ୍॥ 1 ॥Mahabharata - AshramaVasika Parva - Chapter Text
ସୌତିରୁବାଚ।
ଏତଚ୍ଛ୍ରୁତ୍ବା ନୃପୋ ବିଦ୍ବାନ୍ହୃଷ୍ଟୋଽଭୂଜ୍ଜନମେଜଯଃ।
ପିତାମହାନାଂ ସର୍ବେଷାଂ ଗମନାଗମନଂ ତଦା॥ 16-36-1 (98134)
ଅବ୍ରବୀଚ୍ଚ ମୁଦା ଯୁକ୍ତଃ ପୁନରାଗମନଂ ପ୍ରତି।
କଥଂ ନ ତ୍ଯକ୍ତଦେହାନାଂ ପୁନସ୍ତଦ୍ରୂପଦର୍ଶନମ୍॥ 16-36-2 (98135)
ଇତ୍ଯୁକ୍ତଃ ସ ଦ୍ବିଜଶ୍ରେଷ୍ଠୋ ବ୍ଯାସଶିଷ୍ଯଃ ପ୍ରତାପବାନ୍।
ପ୍ରୋବାଚ ବଦତାଂଶ୍ରେଷ୍ଠସ୍ତଂ ନୃପଂ ଜନମେଜଯମ୍॥ 16-36-3 (98136)
ବୈଶମ୍ପାଯନ ଉବାଚ। 16-36-4x (8061)
ଅବିପ୍ରଣାଶଃ ସର୍ବେଷାଂ କର୍ମଣାମିତି ନିଶ୍ଚଯଃ।
କର୍ମଜାନି ଶରୀରାଣି ଶରୀରାକୃତଯସ୍ତଥା॥ 16-36-4 (98137)
ମହାଭୂତାନି ନିତ୍ଯାନି ଭୂତାଧିପତିସଂଶ୍ରଯାତ୍।
ତେଷାଂ ଚ ନିତ୍ଯସଂବାସୋ ନ ବିନାଶୋ ବିଯୁଜ୍ଯତାମ୍॥ 16-36-5 (98138)
ଅନାଶଯା କୃତଂ କର୍ମ ତସ୍ଯ ଚେଷ୍ଟଃ ଫଲାଗମଃ।
ଆତ୍ମା ଚୈଭିଃ ସମାଯୁକ୍ତଃ ସୁଖଦୁଃଖମୁପାଶ୍ନୁତେ॥ 16-36-6 (98139)
ଅବିନାଶ୍ଯସ୍ତଥା ନିତ୍ଯଂ କ୍ଷେତ୍ରଜ୍ଞ ଇତି ନିଶ୍ଚଯଃ।
ଭୂତାନାମାତ୍ମଭାବୋ ଯୋ ଧ୍ରୁବୋସୌ ସଂବିଜାନତାମ୍॥ 16-36-7 (98140)
ଯାବନ୍ନ କ୍ଷୀଯତେ କର୍ମ ତାବତ୍ତସ୍ଯ ସ୍ବରୂପତା।
କ୍ଷୀଣକର୍ମା ନରୋ ଲୋକେ ରୂପାନ୍ଯତ୍ବମୁପାଶ୍ନୁତେ॥ 16-36-8 (98141)
ନାନାଭୂତାସ୍ତଥୈକତ୍ବଂ ଶରୀରଂ ପ୍ରାପ୍ଯ ସଂହତାଃ।
ଭବନ୍ତି ତେ ତଥା ନିତ୍ଯାଃ ପୃଥଗ୍ଭାବଂ ବିଜାନତାମ୍॥ 16-36-9 (98142)
ଅଶ୍ବମେଧଶ୍ରୁତିଶ୍ଚେଯମଶ୍ବସଂଜ୍ଞପନଂ ପ୍ରତି।
ଲୋକାନ୍ତରଗତା ନିତ୍ଯଂ ପ୍ରାଣା ନିତ୍ଯା ହି ବାଜିନଃ॥ 16-36-10 (98143)
ଅହଂ ହିତଂ ବଦାମ୍ଯେତତ୍ପ୍ରିଯଂ ଚେତ୍ତବ ପାର୍ଥିବ।
ଦେବଯାନା ହି ପନ୍ଥାନଃ ଶ୍ରୁତାସ୍ତେ ଯଜ୍ଞସଂସ୍ତରେ॥ 16-36-11 (98144)
ସୁକୃତୋ ଯତ୍ର ଯଜ୍ଞସ୍ତେ ତତ୍ର ଦେବା ହିତାସ୍ତବ।
ଯଦା ସମନ୍ବିତା ଦେବାଃ ପଶୂନାଂ ଗମନେଶ୍ବରାଃ॥ 16-36-12 (98145)
ଗମିମନ୍ତଶ୍ଚ ତେନେଷ୍ଟ୍ବା ନାନ୍ଯେ ନିତ୍ଯା ଭବନ୍ତ୍ଯୁତ।
ନିତ୍ଯେଽସ୍ମିନ୍ପଞ୍ଚକେ ବର୍ଗେ ନିତ୍ଯେ ଚାତ୍ମନି ପୂରୁଷଃ॥ 16-36-13 (98146)
ଅସ୍ଯ ନାଶଂ ସମାଯୋଗଂ ଯଃ ପଶ୍ଯତି ବୃଥାମତିଃ।
ବିଯୋଗେ ଶୋଚତେଽତ୍ଯର୍ଥଂ ସ ବାଲ ଇତି ମେ ମତିଃ॥ 16-36-14 (98147)
ବିଯୋଗେ ଦୋଷଦର୍ଶୀ ଯଃ ସଂଯୋଗଂ ସ ବିସର୍ଜଯେତ୍।
ଅସଙ୍ଗେ ସଙ୍ଗମୋ ନାସ୍ତି ଦୁଃଖଂ ଭାବି ବିଯୋଗଜମ॥ 16-36-15 (98148)
ପରାପରଜ୍ଞସ୍ତ୍ବପରୋ ନାଭିମାନାଦୁଦୀକ୍ଷିତଃ।
ଅପରଜ୍ଞଃ ପରାଂ ବୁଦ୍ଧିଂ ସ୍ପୃଷ୍ଟ୍ବା ମୋହାଦ୍ବିମୁଚ୍ଯତେ॥ 16-36-16 (98149)
ଅଦର୍ଶନାଦାପତିତଃ ପୁନଶ୍ଚାଦର୍ଶନଂ ଗତଃ।
ନାହଂ ତଂ ବେଦ୍ମି ନାସୌ ମାଂ ନ ଚ ମେଽସ୍ତି ବିରାଗତା॥ 16-36-17 (98150)
ଯେନଯେନ ଶରୀରେଣି କରୋତ୍ଯଯମନୀଶ୍ବରଃ।
ତେନତେନ ଶରୀରେଣ ତଦବଶ୍ଯମୁପାଶ୍ନୁତେ।
ମାନସଂ ମନସାଽଽପ୍ନୋତି ଶରୀରଂ ଚ ଶରୀରବାନ୍॥ ॥ 16-36-18 (98151)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ପୁତ୍ରଦର୍ଶନପର୍ବଣି ଷଟ୍ତ୍ରିଂଶୋଽଧ୍ଯାଯଃ॥ 36 ॥
Mahabharata - AshramaVasika Parva - Chapter Footnotes
7-36-10 ସଂଜ୍ଞପନଂ ମାରଣମ୍॥ 7-36-11 ନାସୌ ମାନାଦହଙ୍କାରାନ୍ନ ଚ ବେତି ବିରାଗତାମିତି କ.ପାଠଃ॥ଆଶ୍ରମବାସିକପର୍ବ - ଅଧ୍ଯାଯ 037
॥ ଶ୍ରୀଃ ॥
16.37. ଅଧ୍ଯାଯଃ 037
ଅଥ ପୁତ୍ରଦର୍ଶନପର୍ବ ॥ 2 ॥Mahabharata - AshramaVasika Parva - Chapter Topics
ଜନମେଜଯେନ ପରିକ୍ଷିତ୍ପ୍ରଦର୍ଶନେ ପ୍ରାର୍ଥିତେ ବ୍ଯାସେନ ପରିକ୍ଷିତଃ ଶମୀକମହର୍ଷଃ ଶୃଙ୍ଗୀଣଶ୍ଚ ପ୍ରଦର୍ଶନମ୍॥ 1 ॥ ଜନମେଜଯେନାବଭୃଥସ୍ନାନାନନ୍ତରମାସ୍ତିକପୂଜନପୂର୍ବକଂ ବୈଶମ୍ପାଯନଂପ୍ରତି କଥାବଶେଷକଥନପ୍ରାର୍ଥନା॥ 2 ॥Mahabharata - AshramaVasika Parva - Chapter Text
ବୈଶମ୍ପାଯନ ଉବାଚ।
ଅଦୃଷ୍ଟ୍ବା ତୁ ନୃପଃ ପୁତ୍ରାନ୍ଦର୍ଶନଂ ପ୍ରତିଲବ୍ଧବାନ୍।
ଋଷେଃ ପ୍ରସାଦାତ୍ପୁତ୍ରାଣାଂ ସ୍ବରୂପାଣାଂ କୁରୂଦ୍ବହ॥ 16-37-1 (98152)
ସ ରାଜା ରାଜଧର୍ମାଂଶ୍ଚ ବ୍ରହ୍ମୋପନିଷଦଂ ତଥା।
ଅବାପ୍ତବାନ୍ନରଶ୍ରେଷ୍ଠୋ ବୁଦ୍ଧିନିଶ୍ଚଯମେବ ଚ। 16-37-2 (98153)
ବିଦୁରଶ୍ଚ ମହାପ୍ରାଜ୍ଞୋ ଯଯୌ ସିଦ୍ଧିଂ ତପୋବଲାତ୍।
ଧୃତରାଷ୍ଟ୍ରଃ ସମାସାଦ୍ଯ ବ୍ଯାସଂ ଚୈବ ତପସ୍ବିନମ୍॥ 16-37-3 (98154)
ଜନମେଜଯ ଉବାଚ। 16-37-4x (8062)
ମମାପି ବରଦୋ ବ୍ଯାସୋ ଦର୍ଶଯେତ୍ପିତରଂ ଯଦି।
ତଦ୍ରୂପବେଷବଯସଂ ଶ୍ରଦ୍ଦଧ୍ଯାଂ ସର୍ବମେବ ତତ୍॥ 16-37-4 (98155)
ପ୍ରିଯଂ ମେ ସ୍ଯାତ୍କୃତାର୍ଥଶ୍ଚ ସ୍ଯାମହଂ କୃତନିଶ୍ଚଯଃ।
ପ୍ରସାଦାଦୃଷିମୁଖ୍ଯସ୍ଯ ମମ କାମଃ ସମୃଦ୍ଧ୍ଯତାମ୍॥ 16-37-5 (98156)
ସୌତିରୁବାଚ। 16-37-6x (8063)
ଇତ୍ଯୁକ୍ତବଚନେ ତସ୍ମିନ୍ନୃପେ ବ୍ଯାସଃ ପ୍ରତାପବାନ୍।
ପ୍ରସାଦମକରୋଦ୍ଧୀମାନାନଯଚ୍ଚ ପରିକ୍ଷିତମ୍॥ 16-37-6 (98157)
ତତସ୍ତଦ୍ରୂପବଯସମାଗତଂ ନୃପତିଂ ଦିବଃ।
ଶ୍ରୀମନ୍ତଂ ପିତରଂ ରାଜା ଦଦର୍ଶ ସ ପରୀକ୍ଷିତମ୍॥ 16-37-7 (98158)
ଶମୀକଂ ଚ ମହାତ୍ମାନଂ ପୁତ୍ରଂ ତଂ ଚାସ୍ଯ ଶୃଙ୍ଗିଣମ୍।
ଅମାତ୍ଯା ଯେ ଚ ନିହତା ରାଜ୍ଞସ୍ତାଂଶ୍ଚ ଦଦର୍ଶ ହ॥ 16-37-8 (98159)
ତତଃ ସୋବଭୃଥେ ରାଜା ମୁଦିତୋ ଜନମେଜଯଃ।
ପିତରଂ ସ୍ନାପଯାମାସ ସ୍ବଯଂ ସସ୍ନୌ ଚ ପାର୍ଥିବଃ॥ 16-37-9 (98160)
`ପରୀକ୍ଷିଦପି ତତ୍ରୈବ ବଭୂବ ସ ତିରୋହିତଃ।'
ସ୍ନାତ୍ବା ସ ନୃପତିର୍ବିପ୍ରମାସ୍ତୀକମିଦମବ୍ରବୀତ୍।
ଯାଯାବରକୁଲୋତ୍ପନ୍ନଂ ଜରତ୍କାରୁସୁତଂ ତଦା॥ 16-37-10 (98161)
ଆସ୍ତୀକ ବିବିଧାଶ୍ଚର୍ଯୋ ଯଜ୍ଞେଽଯମିତି ମେ ମତିଃ।
ଯଦଦ୍ଯାଯଂ ପିତା ପ୍ରାପ୍ତୋ ମମ ଶୋକପ୍ରଣାଶନଃ॥ 16-37-11 (98162)
ଆସ୍ତୀକ ଉବାଚ। 16-37-12x (8064)
ଋଷିର୍ଦ୍ବୈପାଯନୋ ଯତ୍ର ପୁରାଣସ୍ତପସୋ ନିଧିଃ।
ଯଜ୍ଞେ କୁରୁକୁଲଶ୍ରେଷ୍ଠ ତସ୍ଯ ଲୋକାବୁଭୌ ଜିତୌ॥ 16-37-12 (98163)
ଶ୍ରୁତଂ ବିଚିତ୍ରମାଖ୍ଯାନଂ ତ୍ବଯା ପାଣ୍ଡବନନ୍ଦନ।
ସର୍ପାଶ୍ଚ ଭସ୍ମସାନ୍ନୀତା ଗତାଶ୍ଚ ପଦବୀଂ ପିତୁଃ॥ 16-37-13 (98164)
କଥଂଚିତ୍ତକ୍ଷକୋ ମୁକ୍ତଃ ସତ୍ଯତ୍ବାତ୍ତବ ପାର୍ଥିବ।
ଋଷଯଃ ପୂଜିତାଃ ସର୍ବେ ଗତିର୍ଦୃଷ୍ଟା ମହାତ୍ମନଃ॥ 16-37-14 (98165)
ପ୍ରାପ୍ତଃ ସୁବିପୁଲୋ ଧର୍ମଃ ଶ୍ରୁତ୍ବା ପାପବିନାଶନମ୍।
ବିମୁକ୍ତୋ ହୃଦଯଗ୍ରନ୍ଥିରୁଦାରଜନଦର୍ଶନାତ୍॥ 16-37-15 (98166)
ଯେ ଚ ପକ୍ଷଧରା ଧର୍ମେ ସଦ୍ବୃତ୍ତରୁଚଯଶ୍ଚ ଯେ।
ଯାନ୍ଦୃଷ୍ଟ୍ବା ହୀଯତେ ପାପଂ ତେଭ୍ଯଃ କାର୍ଯା ନମସ୍କ୍ରିଯା॥ 16-37-16 (98167)
ସୌତିରୁବାଚ। 16-37-17x (8065)
ଏତଚ୍ଛ୍ରୁତ୍ବା ଦ୍ବିଜଶ୍ରେଷ୍ଠାତ୍ସ ରାଜା ଜନମେଜଯଃ।
ପୂଜଯାମାସ ତମୃଷିମନୁମାନ୍ଯ ପୁନଃପୁନଃ॥ 16-37-17 (98168)
ପପ୍ରଚ୍ଛ ତମୃଷି ଚାପି ବୈଶମ୍ପାଯନମଚ୍ଯୁତମ୍।
କଥାବଶେଷଂ ଧର୍ମଜ୍ଞୋ ବନବାସସ୍ଯ ସତ୍ତମ॥ ॥ 16-37-18 (98169)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ପୁତ୍ରଦର୍ଶନପର୍ବଣି ସପ୍ତତ୍ରିଂଶୋଽଧ୍ଯାଯଃ॥ 37 ॥
Mahabharata - AshramaVasika Parva - Chapter Footnotes
7-37-2 ସ ଧୃତରାଷ୍ଟ୍ରୋ ରାଜା ବିଦୁରଶ୍ଚ ସିଦ୍ଧିଂ ଯଯୌ ଇତି ଦ୍ବଯୋଃ ସମ୍ବନ୍ଧଃ। ତତ୍ରାପି ବିଦୁରସ୍ତପୋବଲାତ୍। ଧୃତରାଷ୍ଟ୍ରୋ ବ୍ଯାସଂ ସମାସାଦ୍ଯେତି ସମ୍ବନ୍ଧଃ॥ 7-37-15 ପାପବିନାଶଂ ଇତିହାସମିତି ଶେଷଃ॥ 7-37-16 ପକ୍ଷଧରାଃ ପକ୍ଷସ୍ଥାପକାଃ॥ଆଶ୍ରମବାସିକପର୍ବ - ଅଧ୍ଯାଯ 038
॥ ଶ୍ରୀଃ ॥
16.38. ଅଧ୍ଯାଯଃ 038
ଅଥ ପୁତ୍ରଦର୍ଶନପର୍ବ ॥ 2 ॥Mahabharata - AshramaVasika Parva - Chapter Topics
ଧୃତରାଷ୍ଟ୍ରେଣ ପୁତ୍ରଦର୍ଶନାନନ୍ତରଂ ଯୁଧିଷ୍ଠିରାଦିଭିଃ ସହ ପୁନଃ ସ୍ବାଶ୍ରମଂପ୍ରତ୍ଯାଗମନମ୍॥ 1 ॥ ବ୍ଯାସେନ ଧୃତାଷ୍ଟ୍ରଂପ୍ରତି ଯୁଧିଷ୍ଠିରାଦୀନାଂ ନଗରପ୍ରସ୍ଥାପନଚୋଦନା॥ 2 ॥ ନଗରଂପ୍ରତି ପୁନରାଗମନମନିଚ୍ଛତାପି ଯୁଧିଷ୍ଠିରେଣ ଧୃତରାଷ୍ଟ୍ରସ୍ଯ କୁନ୍ତୀଗାନ୍ଧାର୍ଯୋଶ୍ଚ ନିଦେଶନିର୍ବନ୍ଧେନ ପୁନଃ ସର୍ବୈଃସହ ହାସ୍ତିନପୁରଂ ପ୍ରତ୍ଯାଗମନମ୍॥ 3 ॥Mahabharata - AshramaVasika Parva - Chapter Text
ଜନମେଜଯ ଉବାଚ।
ଦୃଷ୍ଟ୍ବା ପୁତ୍ରାଂସ୍ତଥା ପୌତ୍ରାନ୍ସାନୁବନ୍ଧାଞ୍ଜନାଧିପଃ।
ଧୃତରାଷ୍ଟ୍ରଃ କିମକରୋଦ୍ରାଜା ଚୈବ ଯୁଧିଷ୍ଠିରଃ॥ 16-38-1 (98170)
ବୈଶମ୍ପାଯନ ଉବାଚ। 16-38-2x (8066)
ତଦ୍ଦୃଷ୍ଟ୍ବା ମହଦାଶ୍ଚର୍ଯଂ ପୁତ୍ରାଣାଂ ଦର୍ଶନଂ ପୁନଃ।
ବୀତଶୋକଃ ସ ରାଜର୍ଷିଃ ପୁନରାଶ୍ରମମାଗମତ୍॥ 16-38-2 (98171)
ଇତରସ୍ତୁ ଜନଃ ସର୍ବସ୍ତେ ଚୈବ ପରମର୍ଷଯଃ।
ପ୍ରତିଜଗ୍ମୁର୍ଯଥାକାମଂ ଧୃତାରାଷ୍ଟ୍ରାଭ୍ଯନୁଜ୍ଞଯା॥ 16-38-3 (98172)
ପାଣ୍ଡବାସ୍ତୁ ମହାତ୍ମାନୋ ଲଘୁଭୂଯିଷ୍ଠସୈନିକାଃ।
ଅନୁଜଗ୍ମୁର୍ମହାତ୍ମାନଂ ସଦାରାସ୍ତଂ ମହୀପତିମ୍॥ 16-38-4 (98173)
ତମାଶ୍ରମଗତଂ ଧୀମାନ୍ବ୍ରହ୍ମର୍ଷିର୍ଲୋକପୂଜିତଃ।
ଦ୍ବୈପାଯନୋଽଭ୍ଯୁପାଗମ୍ଯ ରାଜାନମିଦମ୍ନବ୍ରବୀତ୍॥ 16-38-5 (98174)
ଧୃତାଷ୍ଟ୍ର ମହାବାହୋ ଶୃଣୁ କୌରବନନ୍ଦନ।
ଶ୍ରୁତାସ୍ତେ ଜ୍ଞାନବୃଦ୍ଧାନାମୃଷୀଣାଂ ପୁଣ୍ଯକର୍ମଣାମ୍॥ 16-38-6 (98175)
ଅଦ୍ଧାଭିଜନବୃଦ୍ଧାନାଂ ବେଦବେଦାଙ୍ଗବେଦିନାମ୍।
ଧର୍ମଜ୍ଞାନାଂ ପୁରାଣାନାଂ ବଦତାଂ ବିବିଧାଃ କଥାଃ॥ 16-38-7 (98176)
ମା ସ୍ମ ଶୋକେ ମନଃ କାର୍ଷୀର୍ଦିଷ୍ଟେ ନ ବ୍ଯଥତେ ବୁଧଃ।
ଶ୍ରୁତଂ ଦେବରହସ୍ଯଂ ତେ ନାରଦାଦ୍ଦେବଦର୍ଶନାତ୍॥ 16-38-8 (98177)
ଗତାସ୍ତେ କ୍ଷତ୍ରଧର୍ମେଣ ଶସ୍ତ୍ରପୂତାଂ ଗତିଂ ଶୁଭାମ୍।
ଯଥା ଦୃଷ୍ଟାସ୍ତ୍ବଯା ପୁତ୍ରାସ୍ତଥା କାମବିହାରିଣଃ॥ 16-38-9 (98178)
ଯୁଧିଷ୍ଠିରଃ ସ୍ବଯଂ ଧୀମାନ୍ଭବନ୍ତମନୁରୁଧ୍ଯତେ।
ସହିତୋ ଭ୍ରାତୃଭିଃ ସର୍ବୈଃଇ ସଦାରଃ ସସୁହୃଜ୍ଜନଃ॥ 16-38-10 (98179)
ବିସର୍ଜଯୈନଂ ଯାତ୍ବେଷ ସ୍ବରାଜ୍ଯମନୁଶାସତାମ୍।
ମାସଃ ସମଧିକସ୍ତେଷାମତୀତୋ ବସତାଂ ବନେ॥ 16-38-11 (98180)
ଏତଦ୍ଧି ନିତ୍ଯଂ ଯତ୍ନେନ ପଦଂ ରକ୍ଷ୍ଯଂ ନରାଧିପ।
ବହୁପ୍ରତ୍ଯର୍ଥିକଂ ହ୍ଯେତଦ୍ରାଜ୍ଯଂ ନାମ କୁରୂଦ୍ବହ॥ 16-38-12 (98181)
ଇତ୍ଯୁକ୍ତଃ କୌରବୋ ରାଜା ବ୍ଯାସେନାମିତବୁଦ୍ଧିନା।
ଯୁଧିଷ୍ଠିରମଥାହୂଯ ବାଗ୍ମୀ ବଚନମବ୍ରବୀତ୍॥ 16-38-13 (98182)
ଅଜାତଶତ୍ରୋ ଭଦ୍ରଂ ତେ ଶୃଣୁ ମେ ଭ୍ରାତୃଭିଃ ସହ।
ତ୍ବତ୍ପ୍ରସାଦାନ୍ମହୀପାଲ ଶୋକୋ ନାସ୍ମାନ୍ପ୍ରବାଧତେ॥ 16-38-14 (98183)
ରମେ ଚାହଂ ତ୍ବଯା ପୁତ୍ର ପୁରେବ ଗଜସାହଯେ।
ନାଥେନାନୁଗତୋ ବିଦ୍ବନ୍ପ୍ରିଯେଷୁ ପରିବର୍ତିନା॥ 16-38-15 (98184)
ପ୍ରାପ୍ତଂ ପୁତ୍ରଫଲଂ ତ୍ବତ୍ତଃ ପ୍ରୀତିର୍ମେ ପରମା ତ୍ବଯି।
ନ ମେ ମନ୍ଯୁର୍ମହାବାହୋ ଗମ୍ଯତାଂ ମା ଚିରଂ କୃଥାଃ॥ 16-38-16 (98185)
ଭବନ୍ତଂ ଚେହ ସଂପ୍ରେକ୍ଷ୍ଯ ତପୋ ମେ ପରିହୀଯତେ।
ଉପଯୁକ୍ତଂ ଶରୀରଂ ଚ ତ୍ବାଂ ଦୃଷ୍ଟ୍ବା ଧାରିତଂ ପୁନଃ॥ 16-38-17 (98186)
ମାତରୌ ତେ ତଥୈବେମେ ଶୀର୍ଣପର୍ଣକୃତାଶନେ।
ମମ ତୁଲ୍ଯବ୍ରତେ ପୁତ୍ର ନ ଚିରଂ ବର୍ତଯିଷ୍ଯତଃ॥ 16-38-18 (98187)
ଦୁର୍ଯୋଧନପ୍ରଭୃତଯୋ ଦୃଷ୍ଟା ଲୋକାନ୍ତରଂ ଗତାଃ।
ବ୍ଯାସସ୍ଯ ତପସୋ ବୀର୍ଯାଦ୍ଭବତଶ୍ଚ ସମାଗମାତ୍॥ 16-38-19 (98188)
ପ୍ରଯୋଜନଂ ଚିରଂ ବୃତ୍ତଂ ଜୀବିତସ୍ଯ ମମାନଘ।
ଉଗ୍ରଂ ତପଃ ସମାସ୍ଥାସ୍ଯେତ୍ବମନୁଜ୍ଞାତୁମର୍ହସି॥ 16-38-20 (98189)
ତ୍ବଯ୍ଯଦ୍ଯ ପିଣ୍ଡଃ କୀର୍ତିଶ୍ଚ କୁଲଂ ଚେଦଂ ପ୍ରତିଷ୍ଠିତମ୍।
ଶ୍ବୋବାଽଦ୍ଯ ବା ମହାବାହୋ ଗମ୍ଯତାଂ ମାଚିରଂ କୃଥାଃ॥ 16-38-21 (98190)
ରାଜନୀତିଃ ସୁବହୁଶଃ ଶ୍ରୁତା ତେ ଭରତର୍ଷଭ।
ସଂଦେଷ୍ଟବ୍ଯଂ ନ ପଶ୍ଯାମି କୃତମେତାବତା ବିଭୋ॥ 16-38-22 (98191)
ବୈଶମ୍ପାଯନ ଉବାଚ। 16-38-23x (8067)
ଇତ୍ଯୁକ୍ତବଚନଂ ତଂ ତୁ ନୃପୋ ରାଜାନମବ୍ରବୀତ୍।
ନ ମାମର୍ହସି ଧର୍ମଜ୍ଞ ପରିତ୍ଯକ୍ତୁମନାଗସମ୍॥ 16-38-23 (98192)
କାମଂ ଗଚ୍ଛନ୍ତୁ ମେ ସର୍ବେ ଭ୍ରାତରୋଽନୁଚରାସ୍ତଥା।
ଭବନ୍ତମହମନ୍ବିଷ୍ଯେ ମାତରୌ ଚ ଯତବ୍ରତଃ॥ 16-38-24 (98193)
ତମୁବାଚାଥ ଗାନ୍ଧାରୀ ମୈବଂ ପୁତ୍ର ଶୃଣୁଷ୍ବ ଚ।
ତ୍ବଯ୍ଯଧୀନଂ କୁରୁକୁଲଂ ପିଣ୍ଡଶ୍ଚ ଶ୍ବଶୁରସ୍ଯ ମେ॥ 16-38-25 (98194)
ଗମ୍ଯତାଂ ପୁତ୍ର ପର୍ଯାପ୍ତମେତାବତ୍ପୂଜିତା ବଯମ୍।
ରାଜା ଯଦାହ ତତ୍କାର୍ଯଂ ତ୍ବଯା ପୁତ୍ର ପିତୁର୍ବଚଃ॥ 16-38-26 (98195)
ବୈଶମ୍ପାଯନ ଉବାଚ। 16-38-27x (8068)
ଇତ୍ଯୁକ୍ତଃ ସ ତୁ ଗାନ୍ଧାର୍ଯା କୁନ୍ତୀମିଦମଭାଷତ।
ସ୍ନେହବାଷ୍ପାକୁଲେ ନେତ୍ରେ ପରିମୃଜ୍ଯ ବିନୀତବତ୍॥ 16-38-27 (98196)
ବିସର୍ଜଯତି ମାଂ ରାଜା ଗାନ୍ଧାରୀ ଚ ଯଶସ୍ବିନୀ।
ଭବତ୍ଯାଂ ବଦ୍ଧଚିତ୍ତସ୍ତୁ କଥଂ ଯାସ୍ଯାମି ଦୁଃଖିତଃ॥ 16-38-28 (98197)
ନ ଚୋତ୍ସହେ ତପୋବିଘ୍ନଂ କର୍ତୁଂ ତେ ଧର୍ମଚାରିଣି।
ତପସୋ ହି ପରଂ ନାସ୍ତି ତପସା ବିନ୍ଦତେ ମହତ୍॥ 16-38-29 (98198)
ମମାପି ନ ତଥା ରାଜ୍ଞି ରାଜ୍ଯେ ବୁଦ୍ଧିର୍ଯଥା ପୁରା।
ତପସ୍ଯେବାନୁରକ୍ତଂ ମେ ମନଃ ସର୍ବାତ୍ମନା ତଥା॥ 16-38-30 (98199)
ଶୂନ୍ଯେଯଂ ଚ ମହୀ କୃତ୍ସ୍ନା ନ ମେ ପ୍ରୀତିକରୀ ଶୁଭେ।
ବାନ୍ଧବା ନଃ ପରିକ୍ଷୀଣା ବଲଂ ନୋ ନ ଯଥା ପୁରା॥ 16-38-31 (98200)
ପାଞ୍ଚାଲାଃ ସୁଭୃଶଂ କ୍ଷୀଣାଃ କନ୍ଯାମାତ୍ରାବଶେଷିତାଃ।
ନ ତେଷାଂ କୁଲକର୍ତାରଂ କଞ୍ଚିତ୍ପଶ୍ଯାମ୍ଯହଂ ଶୁଭେ॥ 16-38-32 (98201)
ସର୍ବେ ହି ଭସ୍ମାସାନ୍ନୀତାସ୍ତେ ଦ୍ରୋଣେନ ରଣାଜିରେ।
ଅବଶିଷ୍ଟାଶ୍ଚ ନିହତା ଦ୍ରୋଣପୁତ୍ରେଣ ବୈ ନିଶି।
ଚେଦଯଶ୍ଚୈବ ମତ୍ସ୍ଯାଶ୍ଚ ଦୃଷ୍ଟପୂର୍ବାସ୍ତଥୈବ ନଃ॥ 16-38-33 (98202)
କେବଲଂ ବୃଷ୍ଣିଚକ୍ରଂ ଚ ବାସୁଦେବପରିଗ୍ରହାତ୍।
ଯଦ୍ଦୃଷ୍ଟ୍ବା ସ୍ଥାତୁମିଚ୍ଛାମି ଧର୍ମାର୍ଥଂ ନାର୍ଥହେତୁତଃ॥ 16-38-34 (98203)
ଶିବେନ ପଶ୍ଯ ନଃ ସର୍ବାନ୍ଦୁର୍ଲଭଂ ତବ ଦର୍ଶନମ୍।
ଭବିଷ୍ଯତ୍ଯଂବ ରାଜା ହି ତୀବ୍ରଂ ଚାରପ୍ସ୍ଯତେ ତପଃ॥ 16-38-35 (98204)
ଏତଚ୍ଛ୍ରୁତ୍ବା ମହାବାହୁଃ ସହଦେବୋ ଯୁଧାଂପତିଃ।
ଯୁଧିଷ୍ଠିରମୁବାଚେଦଂ ବାଷ୍ପବ୍ଯାକୁଲଲୋଚନଃ॥ 16-38-36 (98205)
ନୋତ୍ସହେଽହଂ ପରିତ୍ଯକ୍ତୁଂ ମାତରଂ ଭରତର୍ଷଭ।
ପ୍ରତିଯାତୁ ଭବାନ୍କ୍ଷିପ୍ରଂ ତପସ୍ତପ୍ସ୍ଯାମ୍ଯହଂ ବନେ॥ 16-38-37 (98206)
ଇହୈବ ଶୋଷଯିଷ୍ଯାମି ତପସେଦଂ କଲେବରମ୍।
ପାଦଶୁଶ୍ରୂଷଣେରକ୍ତୋ ରାଜ୍ଞୋ ମାତ୍ରୋସ୍ତଥାଽନଯୋଃ॥ 16-38-38 (98207)
ତମୁବାଚ ତତଃ କୁନ୍ତୀ ପରିଷ୍ବଜ୍ଯ ମହାଭୁଜମ୍।
ଗମ୍ଯତାଂ ପୁତ୍ର ମୈବଂ ତ୍ବଂ ବୋଚଃ କୁରୁ ବଚୋ ମମ॥ 16-38-39 (98208)
ଆଗମା ବଃ ଶିବାଃ ସନ୍ତୁ ସ୍ବସ୍ଥା ଭବତ ପୁତ୍ରକାଃ।
ଉପରୋଧୋ ଭବେଦେବମସ୍ମାକଂ ତପସଃ କୃତେ॥ 16-38-40 (98209)
ତ୍ବତ୍ସ୍ନେହପାଶବଦ୍ଧା ଚ ହୀଯେଯଂ ତପସଃ ପରାତ୍।
ତସ୍ମାତ୍ପୁତ୍ରକ ଗଚ୍ଛ ତ୍ବଂ ଶିଷ୍ଟମଲ୍ପଂ ଚ ନଃ ପ୍ରଭୋ॥ 16-38-41 (98210)
ଏବଂ ସଂସ୍ତଂଭିତଂ ବାକ୍ଯୈଃ କୁନ୍ତ୍ଯା ବହୁବିଧୈର୍ମନଃ।
ସହଦେବସ୍ଯ ରାଜେନ୍ଦ୍ର ରାଜ୍ଞଶ୍ଚୈବ ବିଶେଷତଃ॥ 16-38-42 (98211)
ତେ ମାତ୍ରା ସମନୁଜ୍ଞାତା ରାଜ୍ଞା ଚ କୁରୁପୁଙ୍ଗବାଃ।
ଅଭିବାଦ୍ଯ କୁରୁଶ୍ରେଷ୍ଠମାମନ୍ତ୍ରଯିତୁମାରଭନ୍॥ 16-38-43 (98212)
ଯୁଧିଷ୍ଠିର ଉବାଚ। 16-38-44x (8069)
ରାଜ୍ଯଂ ପ୍ରତି ଗମିଷ୍ଯାମଃ ଶିବେନ ପ୍ରତିନନ୍ଦିତଃ।
ଅନୁଜ୍ଞାତାସ୍ତ୍ବଯା ରାଜନ୍ଗମିଷ୍ଯାମୋ ବିକଲ୍ମଷାଃ॥ 16-38-44 (98213)
ଏବମୁକ୍ତଃ ସ ରାଜର୍ଷିର୍ଧର୍ମରାଜ୍ଞା ମହାତ୍ମନା।
ଅନୁଯଜ୍ଞେ ଜଯାଶୀର୍ଭିଃ ପୂଜଯିତ୍ବା ଯୁଧିଷ୍ଠିରମ୍॥ 16-38-45 (98214)
ଭୀମଂ ଚ ବଲିନାଂ ଶ୍ରେଷ୍ଠଂ ସାନ୍ତ୍ବଯାମାସ ପାର୍ଥିବଃ।
ସ ଚାସ୍ଯ ସମ୍ଯଙ୍ମେଧାବୀ ପ୍ରତ୍ଯପଦ୍ଯତ ବୀର୍ଯବାନ୍॥ 16-38-46 (98215)
ଅର୍ଜୁନଂ ଚ ସମାଶ୍ଲିଷ୍ଯ ଯଂମୌ ଚ ଭରତର୍ଷଭୌ।
ଅନୁଯଜ୍ଞେ ସ କୌରବ୍ଯଃ ପରିଷ୍ବଜ୍ଯାଭିନନ୍ଦ୍ଯ ଚ॥ 16-38-47 (98216)
ଗାନ୍ଧାର୍ଯା ଚାଭ୍ଯନୁଜ୍ଞାତାଃ କୃତପାଦାଭିବାଦନାଃ।
ଜନନ୍ଯା ସମୁପାଘ୍ରାତାଃ ପରିଷ୍ବକ୍ତାଶ୍ଚ ତେ ନୃପମ୍॥ 16-38-48 (98217)
ଚକ୍ରୁଃ ପ୍ରଦକ୍ଷିଣଂ ସର୍ବେ ବତ୍ସା ଇବ ନିବାରଣେ।
ପୁନଃ ପୁନର୍ନିରୀକ୍ଷନ୍ତଃ ପ୍ରଚକ୍ରୁସ୍ତେ ପ୍ରଦକ୍ଷିଣମ୍॥ 16-38-49 (98218)
ଦ୍ରୌପଦୀପ୍ରମୁଖାଶ୍ଚୈବ ସର୍ବାଃ କୌରବଯୋଷିତଃ।
ନ୍ଯାଯତଃ ଶ୍ବଶୁରେ ବୃତ୍ତିଂ ପ୍ରଯୁଜ୍ଯ ପ୍ରଯଯୁସ୍ତତଃ॥ 16-38-50 (98219)
ଶ୍ବଶ୍ରୂଭ୍ଯାଂ ସମନୁଜ୍ଞାତାଃ ପରିଷ୍ବଜ୍ଯାଭିନନ୍ଦିତାଃ॥
ସଂଦିଷ୍ଟାଶ୍ଚେତିକର୍ତବ୍ଯଂ ପ୍ରଯଯୁର୍ଭର୍ତୃଭିଃ ସହ॥ 16-38-51 (98220)
ତତଃ ପ୍ରଜଜ୍ଞେ ନିନଦଃ ସୂତାନାଂ ଯୁଜ୍ଯତାମିତି।
ଉଷ୍ଟ୍ରାଣାଂ କ୍ରୋଶତାଂ ଚାପି ହଯାନାଂ ହେଷତାମପି॥ 16-38-52 (98221)
ତତୋ ଯୁଧିଷ୍ଠିରୋ ରାଜା ସଦାରଃ ସହସୈନିକଃ।
ନଗରଂ ହାସ୍ତିନପୁରଂ ପୁନରାଯାତ୍ସବାନ୍ଧବଃ॥ ॥ 16-38-53 (98222)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ପୁତ୍ରଦର୍ଶନପର୍ବଣି ଅଷ୍ଟତ୍ରିଂଶୋଽଧ୍ଯାଯଃ॥ 38 ॥ ॥ ସମାପ୍ତଂ ଚେଦଂ ପୁତ୍ରଦର୍ଶନପର୍ବ ॥ 2 ॥
Mahabharata - AshramaVasika Parva - Chapter Footnotes
7-38-12 ବହବଃ ପ୍ରତ୍ଯର୍ଥିନଃ ପ୍ରାର୍ଥଯାନାଃ ଶତ୍ରବୋ ଯତ୍ର ତତ୍॥ 7-38-15 ନାଥେନ ତ୍ବଯା॥ 7-38-24 ଅନ୍ବିଷ୍ଯେ ସେବିଷ୍ଯେ॥ 7-38-32 କଥାମାତ୍ରାବଶେଷିତା ଇତି ଝ.ପାଠଃ॥ 7-38-35 ଅବିଷହ୍ଯଂ ଚ ରାଜା ହୀତି ଝ.ପାଠଃ॥ 7-38-41 ଶ୍ରେଯସଃ ପରାଦୀତି କ.ଟ.ପାଠଃ। ଶିଷ୍ଠମାଯୁରିତି ଶେଷଃ॥ 7-38-49 ନିବାରଣେ ସ୍ତନପାନାଦିତି ଶେଷଃ॥ 7-38-50 ତଥୈବ ଦ୍ରୌପଦୀ ଭଦ୍ରା ପାଣ୍ଡ୍ଯଜା ଭୁଜଗେନ୍ଦ୍ରଜେତି କ.ଠ.ଥ.ପାଠଃ॥ଆଶ୍ରମବାସିକପର୍ବ - ଅଧ୍ଯାଯ 039
॥ ଶ୍ରୀଃ ॥
16.39. ଅଧ୍ଯାଯଃ 039
ଅଥ ନାରଦାଗମନପର୍ବ ॥ 3 ॥Mahabharata - AshramaVasika Parva - Chapter Topics
କଦାଚନ ହାସ୍ତିନପୁରମୁପାଗତେନ ନାରଦେନ ପାଣ୍ଡବାନ୍ପ୍ରତି ଧୃତରାଷ୍ଟ୍ରାଦୀନାଂ ସ୍ବର୍ଗପ୍ରାପ୍ତିନିବେଦନମ୍॥ ଧୃତରାଷ୍ଟ୍ରେ ଗାନ୍ଧାରୀକୁନ୍ତୀସଞ୍ଜଯୈଃ ସହ ଗଙ୍ଗାଯାମାପ୍ଲୁତ୍ଯ ସ୍ବାଶ୍ରମମାଗଚ୍ଛତି ସତି ମଧ୍ଯେମାର୍ଗଂ ଦାବାଗ୍ନିନା ତତ୍ପରୀବେଷ୍ଟନମ୍॥ ଧୃରରାଷ୍ଟ୍ରେଣ ସଞ୍ଜଯ ପ୍ରତ୍ଯପ୍ନିତୋ ଦୂରାପସରଣପ୍ରେରଣାପୂର୍ବକଂ କୁନ୍ତୀଗାନ୍ଧାରୀଭ୍ଯାଂ ସହ ବନ୍ହୌ ପ୍ରବେଶନମ୍॥ 3 ॥ ତତଃ ସଞ୍ଜଯେନ ହିମବତ୍ପର୍ବତଂପ୍ରତି ଗମନମ୍॥ 4 ॥Mahabharata - AshramaVasika Parva - Chapter Text
ବୈଶମ୍ପାଯନ ଉବାଚ।
ତେଷୁ ଚୋପନିବୃତ୍ତେଷୁ ପାଣ୍ଡବେଷୁ ଯଦୃଚ୍ଛଯା।
ଦେବର୍ଷିର୍ନାରଦୋ ରାଜନ୍ନାଜଗାମ ଯୁଧିଷ୍ଠିରମ୍॥ 16-39-1 (98223)
ତମଭ୍ଯର୍ଚ୍ଯ ମହାବାହୁଃ କୁରୁରାଜୋ ଯୁଧିଷ୍ଠିରଃ।
ଆସୀନଂ ପରିବିଶ୍ବସ୍ତଂ ପ୍ରୋବାଚ ବଦତାଂବରଃ॥ 16-39-2 (98224)
ଚିରାତ୍ତୁ ନାନୁପଶ୍ଯାମି ଭଗବନ୍ତମୁପସ୍ଥିତମ୍।
କଚ୍ଚିତ୍ତେ କୁଶଲଂ ବିପ୍ର ଶୁଭଂ ବା ପ୍ରତ୍ଯୁପସ୍ଥିତମ୍॥ 16-39-3 (98225)
କେ ଦେଶାଃ ପରିଦୃଷ୍ଟାସ୍ତେ କିଂ ଚ କାର୍ଯଂ କରୋମି ତେ।
ତଦ୍ବ୍ରୂହି ଦ୍ବିଜମୁଖ୍ଯସ୍ତ୍ବଂ ହ୍ଯସ୍ମାକଂ ଚ ପ୍ରିଯୋଽତିଥିଃ। 16-39-4 (98226)
ନାରଦ ଉବାଚ। 16-39-5x (8070)
ଚିରଦୃଷ୍ଟୋସି ମେଽତ୍ଯେବମାଗତୋଽହଂ ତପୋବନାତ୍।
ପରିଦୃଷ୍ଟାନି ତୀର୍ଥାନି ଗଙ୍ଗା ଚୈବ ମଯା ନୃପ॥ 16-39-5 (98227)
ଯୁଧିଷ୍ଠିର ଉବାଚ। 16-39-6x (8071)
ବଦନ୍ତି ପୁରୁଷା ମେଽଦ୍ଯ ଗଙ୍ଗାତୀରନିବାସିନଃ।
ଧୃତରାଷ୍ଟ୍ରଂ ମହାତ୍ମାନମାସ୍ଥିତଂ ପରମଂ ତପଃ॥ 16-39-6 (98228)
ଅପି ଦୃଷ୍ଟସ୍ତ୍ବଯା ତତ୍ର କୁଶଲୀ ସ କୁରୂଦ୍ବହଃ।
ଗାନ୍ଧାରୀ ଚ ପୃଥା ଚୈବ ସୂତପୁତ୍ରଶ୍ଚ ସଂଜଯଃ॥ 16-39-7 (98229)
କଥଂ ଚ ବର୍ତତେ ଚାଦ୍ଯ ପିତା ମମ ସ ପାର୍ଥିବଃ।
ଶ୍ରୋତୁମିଚ୍ଛାମି ଭଗବନ୍ଯଦି ଦୃଷ୍ଟସ୍ତ୍ବଯା ନୃପଃ॥ 16-39-8 (98230)
ନାରଦ ଉବାଚ। 16-39-9x (8072)
ସ୍ଥିରୀଭୂଯ ମହାରାଜ ଶୃଣୁ ବୃତ୍ତଂ ଯଥାତଥମ୍।
ଯଥାଶ୍ରୁତଂ ଚ ଦୃଷ୍ଟଂ ଚ ମଯା ତସ୍ମିଂସ୍ତପୋବନେ॥ 16-39-9 (98231)
ବନବାସନିବୃତ୍ତେଷୁ ଭବତ୍ସୁ କୁରୁନନ୍ଦନ।
କୁରୁକ୍ଷେତ୍ରାତ୍ପିତା ତୁଭ୍ଯ ଗଙ୍ଗାଦ୍ବାରଂ ଯଯୌ ନୃପ॥ 16-39-10 (98232)
ଗାନ୍ଧାର୍ଯା ସହିତୋ ଧୀମାନ୍ବଧ୍ବା କୁନ୍ତ୍ଯା ସମନ୍ବିତଃ।
ସଂଜଯେନ ଚ ସୂତେନ ସାଗ୍ନିହୋତ୍ରଃ ସଯାଜକଃ॥ 16-39-11 (98233)
ଆତସ୍ଥେ ସ ତପସ୍ତୀବ୍ରଂ ପିତା ତବ ତପୋଧନଃ।
ଅଗ୍ନିଂ ମୁଖେ ସମାଧାଯ ବାଯୁଭକ୍ଷୋଽଭବନ୍ମୁନିଃ॥ 16-39-12 (98234)
ବନେ ସ ମୁନିଭିଃ ସର୍ବୈଃ ପୂଜ୍ଯମାନୋ ମହାତପାଃ।
ତ୍ବଗସ୍ଥିମାତ୍ରଶେଷଃ ସ ଷଣ୍ମାସାନଭବନ୍ନୃପଃ॥ 16-39-13 (98235)
ଗାନ୍ଧାରୀ ତୁ ଜଲାହାରୀ କୁନ୍ତୀ ମାସୋପବାସିନୀ।
ସଂଜଯଃ ଷଷ୍ଠଭୁକ୍ତେନ ବର୍ତଯାମାସ ଭାରତ॥ 16-39-14 (98236)
ଅଗ୍ନୀଂସ୍ତୁ ଯାଜକାସ୍ତତ୍ର ଜୁହୁବୁର୍ବିଧିବତ୍ପ୍ରଭୋ।
ଦୃଶ୍ଯତୋଽଦୃଶ୍ଯତଶ୍ଚୈବ ବନେ ତସ୍ମିନ୍ନୃପସ୍ଯ ବୈ॥ 16-39-15 (98237)
ଅନିକେତୋଥ ରାଜା ସ ବଭୂବ ବନଗୋଚରଃ।
ତେ ଚାପି ସହିତେ ଦେବ୍ଯୌ ସଂଜଯଶ୍ଚ ତମନ୍ବଯୁଃ॥ 16-39-16 (98238)
ସଂଜଯୋ ନୃପତେର୍ନେତା ସମେଷୁ ବିଷମେଷୁ ଚ।
ଗାନ୍ଧାର୍ଯାଶ୍ଚ ପୃଥା ଚୈବ ଚକ୍ଷୁରାସୀଦନିନ୍ଦିତା॥ 16-39-17 (98239)
ତତଃ କଦାଚିଦ୍ଗଙ୍ଗାଯାଃ କଚ୍ଛେ ସ ନୃପସତ୍ତମଃ।
ଗଙ୍ଗାଯାମାପ୍ଲୁତୋ ଧୀମାନାଶ୍ରମାଭିମୁଖୋ ଯଯୌ॥ 16-39-18 (98240)
ଅଥ ବାଯୁଃ ସମୁଦ୍ଭୁତୋ ଦାବାଗ୍ନିରଭବନ୍ମହାନ୍।
ଦଦାହ ତଦ୍ବନଂ ସର୍ବଂ ପରିଗୃହ୍ଯ ସମନ୍ତତଃ॥ 16-39-19 (98241)
ଦହ୍ଯତ୍ସୁ ମୃଗଯୂଥେଷୁ ଦ୍ବିଜିହ୍ବେଷୁ ସମନ୍ତତଃ।
ବରାହାଣାଂ ଚ ଯୂଥେଷୁ ସଂଶ୍ରଯତ୍ସୁ ଜଲାଶଯାନ୍॥ 16-39-20 (98242)
ସମ୍ପ୍ରଦୀପ୍ତେ ବନେ ତସ୍ମିନ୍ପ୍ରାପ୍ତେ ବ୍ଯସନ ଉତ୍ତମେ।
ନିରାହାରତଯା ରାଜା ମନ୍ଦପ୍ରାଣବିଚେଷ୍ଟିତଃ।
ଅସମର୍ଥୋଽପସରଣେ ସୁକୃଶେ ମାତରୌ ଚ ତେ॥ 16-39-21 (98243)
ତତଃ ସ ନୃପତିର୍ଦୃଷ୍ଟ୍ବା ବହ୍ନିମାଯାନ୍ତମନ୍ତିକାତ୍।
ଇଦମାହ ତତଃ ସୂତଂ ସଂଜଯଂ ଜଯତାଂବରଃ॥ 16-39-22 (98244)
ଗଚ୍ଛ ସଂଜଯ ଯତ୍ରାଗ୍ନିର୍ନ ତ୍ବାଂ ଦହତି କର୍ହିଚିତ୍।
ବଯମତ୍ରାଗ୍ନିନା ଯୁକ୍ତା ଗମିଷ୍ଯାମଃ ପରାଂ ଗତିମ୍॥ 16-39-23 (98245)
ତମୁବାଚ କିଲୋଦ୍ବିଗ୍ନଃ ସଂଜଯୋ ବଦତାଂବରଃ।
ରାଜନ୍ମୃତ୍ଯୁରନିଷ୍ଟୋଽଯଂ ଭବିତା ତେ ବୃଥାଽଗ୍ନିନା॥ 16-39-24 (98246)
ନ ଚୋପାଯଂ ପ୍ରପଶ୍ଯାମି ମୋକ୍ଷଣେ ଜାତବେଦସଃ।
ଯଦତ୍ରାନନ୍ତରଂ କାର୍ଯଂ ତଦ୍ଭବାନ୍ବକ୍ତୁମର୍ହତି॥ 16-39-25 (98247)
ଇତ୍ଯୁକ୍ତଃ ସଂଜଯେନେଦଂ ପୁନରାହ ସ ପାର୍ଥିବଃ।
ନୈଷ ମୃତ୍ଯୁରନିଷ୍ଟୋ ନୋ ନିଃସୃତାନାଂ ଗୃହାତ୍ସ୍ବଯମ୍॥ 16-39-26 (98248)
ଜଲମଗ୍ନିସ୍ତଥା ବାଯୁରଥବାଽପି ବିକର୍ଷଣମ୍।
ତାପସାନାଂ ପ୍ରଶସ୍ଯଂ ତେ ଗଚ୍ଚ ସଂଜଯ ମାଚିରମ୍॥ 16-39-27 (98249)
ଇତ୍ଯୁକ୍ତ୍ବା ସଂଜଯଂ ରାଜା ସମାଧାଯ ମନସ୍ତଥା।
ପ୍ରାଙ୍ମୁଖଃ ସହ ଗାନ୍ଧାର୍ଯା କୁନ୍ତ୍ଯା ଚୋପାବିଶତ୍ତଦା॥ 16-39-28 (98250)
ସଂଜଯସ୍ତଂ ତଥା ଦୃଷ୍ଟ୍ବା ପ୍ରଦକ୍ଷିଣମଥାକରୋତ୍।
ଉବାଚ ଚୈନଂ ମେଧାବୀ ଯୁଙ୍କ୍ଷ୍ବାତ୍ମାନମିତି ପ୍ରଭୋ॥ 16-39-29 (98251)
ଋଷିପୁତ୍ରୋ ମନୀଷୀ ସ ରାଜ ଚକ୍ରେଽସ୍ଯ ତଦ୍ବଚଃ।
ସନ୍ନିରୁଧ୍ଯେନ୍ଦ୍ରିଯଗ୍ରାମମାସୀତ୍କାଷ୍ଠୋପମସ୍ତଦା॥ 16-39-30 (98252)
ଗାନ୍ଧାରୀ ଚ ମହାଭାଗା ଜନନୀ ଚ ପୃଥା ତବ।
ଦାବାଗ୍ନିନା ସମାଯୁକ୍ତେ ସ ଚ ରାଜା ପିତା ତବ॥ 16-39-31 (98253)
ସଂଜଯସ୍ତୁ ମହାପ୍ରାଜ୍ଞସ୍ତସ୍ମାଦ୍ଦାବାଦମୁଚ୍ଯତ।
ଗଙ୍ଗାକୂଲେ ମଯା ଦୃଷ୍ଟସ୍ତାପସୈଃ ପରିବାରିତଃ॥ 16-39-32 (98254)
ସ ତାନାମନ୍ତ୍ର୍ଯ ତେଜସ୍ବୀ ନିବେଦ୍ଯୈତଚ୍ଚ ସର୍ବଶଃ।
ପ୍ରଯଯୌ ସଂଜଯୋ ଧୀମାନ୍ହିମବନ୍ତଂ ମହୀଧରମ୍॥ 16-39-33 (98255)
ଏବଂ ସ ନିଧନଂ ପ୍ରାପ୍ତଃ କୁରୁରାଜୋ ମହାମନାଃ।
ଗାନ୍ଧାରୀ ଚ ପୃଥା ଚୈବ ଜନନ୍ଯୌ ତେ ବିଶାମ୍ପତେ॥ 16-39-34 (98256)
ଯଦୃଚ୍ଛଯାଽନୁବ୍ରଜତା ମଯା ରାଜ୍ଞଃ କଲେବରମ୍।
ତଯୋଶ୍ଚ ଦେବ୍ଯୋରୁଭଯୋର୍ମଯା ଦୃଷ୍ଟାନି ଭାରତ॥ 16-39-35 (98257)
ତତସ୍ତପୋବନେ ତସ୍ମିନ୍ସମାଜଗ୍ମୁସ୍ତପୋଧନାଃ।
ଶ୍ରୁତ୍ବା ରାଜ୍ଞସ୍ତଦା ନିଷ୍ଠାଂ ନ ତ୍ବଶୋଚନ୍ଗତୀଶ୍ଚ ତେ॥ 16-39-36 (98258)
ତତ୍ରାଶ୍ରୌଷମହଂ ସର୍ବମେତତ୍ପୁରୁଷସତ୍ତମ।
ଯଥା ଚ ନୃପତିର୍ଦଗ୍ଧୋ ଦେବ୍ଯୌ ତେ ଚେତି ପାଣ୍ଡବ॥ 16-39-37 (98259)
ନ ଶୋଚିତବ୍ଯଂ ରାଜେନ୍ଦ୍ର ସ୍ବର୍ଗସ୍ଥଃ ପୃଥିବୀପତିଃ।
ପ୍ରାପ୍ତବାନଗ୍ନିସଂଯୋଗଂ ଗାନ୍ଧାରୀ ଜନନୀ ଚ ତେ॥ 16-39-38 (98260)
ବୈଶମ୍ପାଯନ ଉବାଚ। 16-39-39x (8073)
ଏତଚ୍ଛ୍ରୁତ୍ବା ଚ ସର୍ବେଷାଂ ପାଣ୍ଡବାନାଂ ମହାତ୍ମନାମ୍।
ନିର୍ଯାଣଂ ଧୃତରାଷ୍ଟ୍ରସ୍ଯ ଶୋକଃ ସମଭବନ୍ମହାନ୍॥ 16-39-39 (98261)
ଅନ୍ତଃପୁରାଣାଂ ଚ ତଦା ମହାନାର୍ତସ୍ବରୋଽଭବତ୍।
ପୌରାଣାଂ ଚ ମହାରାଜ ଶ୍ରୁତ୍ବା ରାଜ୍ଞସ୍ତଦା ଗତିମ୍॥ 16-39-40 (98262)
ଅହୋ ଧିଗିତି ରାଜା ତୁ ବିକ୍ରୁଶ୍ଯ ଭୃଶଦୁଃଖିତଃ।
ଊର୍ଧ୍ବବାହୁଃ ସ୍ମରନ୍ମାତୁଃ ପ୍ରରୁରୋଦ ଯୁଧିଷ୍ଠିରଃ॥ 16-39-41 (98263)
ଭୀମସେନପୁରୋଗାଶ୍ଚ ଭ୍ରାତରଃ ସର୍ବ ଏବ ତେ।
`ରୁରୁଦୁର୍ଦୁଃଖସଂତପ୍ତା ବର୍ଣଯନ୍ତଃ ପୃଥାଂ ତଦା॥ 16-39-42 (98264)
ଅନ୍ତଃପୁରେଷୁ ଚ ତଦା ସୁମହାନ୍ରୁଦିତସ୍ବନଃ।
ପ୍ରାଦୁରାସୀନ୍ମହାରାଜ ପୃଥାଂ ଶ୍ରୁତ୍ବା ତଥାଗତାମ୍॥ 16-39-43 (98265)
ତଂ ଚ ବୃଦ୍ଧଂ ତଥା ଦଗ୍ଧଂ ହତପୁତ୍ରଂ ନରାଧିପମ୍।
ଅନ୍ବଶୋଚନ୍ତ ତେ ସର୍ବେ ଗାନ୍ଧାରୀଂ ଚ ତପସ୍ବିନୀମ୍॥ 16-39-44 (98266)
ତସ୍ମିନ୍ନୁପରତେ ଶବ୍ଦେ ମୁହୂର୍ତାଦିବ ଭାରତ।
ନିଗୃହ୍ଯ ବାଷ୍ପଂ ଧୈର୍ଯେଣ ଧର୍ମରାଜୋଽବ୍ରବୀଦିଦମ୍॥ ॥ 16-39-45 (98267)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ନାରଦାଗମନପର୍ବଣି ଏକୋନଚତ୍ବାରିଂଶୋଽଧ୍ଯାଯଃ॥ 39 ॥
Mahabharata - AshramaVasika Parva - Chapter Footnotes
7-39-1 ଦ୍ବିବର୍ଷୋପନିବୃତ୍ତେଷ୍ବିତି ଝ.ପାଠଃ॥ 7-39-5 ମେ ମଯାଽତିଚିରଂ ଦୃଷ୍ଟୋଽସୀତ୍ଯର୍ଥଃ॥ 7-39-12 ମୁଖେ ପିଣ୍ଡାନ୍ସମାଧାଯେତି କ.ଟ.ପାଠଃ। ବୀଟାଂ ମୁଖେ ସମାଧାଯେତି ଝ.ପାଠଃ॥ 7-39-15 ଦୃଶ୍ଯତୋଽଦୃଶ୍ଯତ ଇତି। ପଶ୍ଯନ୍ତମପଶ୍ଯନ୍ତଂ ଚାନାଦୃତ୍ଯେତ୍ଯର୍ଥଃ। ନିଯମେନ ସାନ୍ନିଧ୍ଯା ଭାବାତ୍॥ 7-39-27 ବିକର୍ଷଣଂ ଅନଶନମ୍॥ 7-39-30 ଋଷିପୁତ୍ରୋ ବ୍ଯାସପୁତ୍ର ଇତି ଯୋଗସମାର୍ଥ୍ଯଂ ସୂଚିତମ୍॥ଆଶ୍ରମବାସିକପର୍ବ - ଅଧ୍ଯାଯ 040
॥ ଶ୍ରୀଃ ॥
16.40. ଅଧ୍ଯାଯଃ 040
ଅଥ ନାରଦାଗମନପର୍ବ ॥ 3 ॥Mahabharata - AshramaVasika Parva - Chapter Topics
ଯୁଧିଷ୍ଠିରେଣ ଧୃତରାଷ୍ଟ୍ରାଦିନିଧନଶ୍ରବଣେନ ଭ୍ରାତୃଭିଃ ସହ ସକରୁଣଂ ପରିଦେବନପୂର୍ବକଂ ସତିସଂସ୍କୃତାଗ୍ନୌ ତେଷାଂ ବୃଥାଗ୍ନିନା ଦାହଂ ପ୍ରତ୍ଯନୁଶୋଚନମ୍॥ 1 ॥Mahabharata - AshramaVasika Parva - Chapter Text
ଯୁଧିଷ୍ଠିର ଉବାଚ।
ତଥା ମହାତ୍ମନସ୍ତସ୍ଯ ତପସ୍ଯୁଗ୍ରେ ଚ ତସ୍ଥୁଷଃ।
ଅନାଥସ୍ଯେବ ନିଧନଂ ତିଷ୍ଠତ୍ସ୍ବସ୍ମାସୁ ବନ୍ଧୁଷୁ॥ 16-40-1 (98268)
ଦୁର୍ବିଜ୍ଞେଯା ଗତିର୍ବ୍ରହ୍ମନ୍ପୁରୁଷାଣାଂ ମତିର୍ମମ।
ଯତ୍ର ବୈଚିତ୍ରବୀର୍ଯୋସୌ ଦଗ୍ଧ ଏବଂ ବନାଗ୍ନିନା॥ 16-40-2 (98269)
ଯସ୍ଯ ପୁତ୍ରଶତଂ ଶ୍ରୀମଦଭବଦ୍ବାହୁଶାଲିନଃ।
ନାଗାଯୁତବଲୋ ରାଜା ସ ଦଗ୍ଧୋ ହି ଦବାଗ୍ନିନା॥ 16-40-3 (98270)
ଯଂ ପୁରା ପର୍ଯବୀଜନ୍ତ ତାଲବୃନ୍ତୈର୍ବରସ୍ତ୍ରିଯଃ।
ତଂ ଗୃଧ୍ରାଃ ପର୍ଯବୀଜନ୍ତ ଦାବାଗ୍ନିପରିକାଲିତମ୍॥ 16-40-4 (98271)
ସୂତମାଗଧସଙ୍ଘୈଶ୍ଚ ଶଯାନୋ ଯଃ ପ୍ରବୋଧ୍ଯତେ।
ଧରଣ୍ଯାଂ ସ ନୃପଃ ଶେତେ ବିକୃଷ୍ଟୋ ଗୃଧ୍ରବାଯସୈଃ॥ 16-40-5 (98272)
ନ ଚ ଶୋଚାମି ଗାନ୍ଧାରୀଂ ହତପୁତ୍ରାଂ ଯଶସ୍ବିନୀମ୍।
ପତିଲୋକମନୁପ୍ରାପ୍ତାଂ ତଥା ଭର୍ତୃବ୍ରତେ ସ୍ଥିତାମ୍॥ 16-40-6 (98273)
ପୃଥାମେବ ଚ ଶୋଚାମି ଯା ପୁତ୍ରୈଶ୍ବର୍ଯମୃଦ୍ଧିମତ୍।
ଉତ୍ସୃଜ୍ଯ୍ ସୁମହଦ୍ଦୀପ୍ତଂ ବନବାସମରୋଚଯତ୍॥ 16-40-7 (98274)
ଧିଗ୍ରାଜ୍ଯମିଦମସ୍ମାକଂ ଧିଗ୍ବଲଂ ଧିକ୍ପରାକ୍ରମମ୍।
କ୍ଷତ୍ରଧର୍ମଂ ଚ ଧିଗ୍ଯସ୍ମାନ୍ମୃତା ଜୀବାମହେ ବଯମ୍॥ 16-40-8 (98275)
ସୁସୂକ୍ଷ୍ମା କିଲ ଲୋକସ୍ଯ ଗତିର୍ଦ୍ବିଜବରୋତ୍ତମ।
ଯତ୍ସମୁତ୍ସୃଜ୍ଯ ରାଜ୍ଯଂ ସା ବନବାସମରୋଚଯତ୍॥ 16-40-9 (98276)
ଯୁଧିଷ୍ଠିରସ୍ଯ ଜନନୀ ଭୀମସ୍ଯ ବିଜଯସ୍ଯ ଚ।
ଅନାଥବତ୍କଥଂ ଦଗ୍ଧା ଇତି ମୁହ୍ଯାମି ଚିନ୍ତଯନ୍॥ 16-40-10 (98277)
ବୃଥା ସଂତର୍ପିତୋ ବହ୍ନିଃ ଖାଣ୍ଡବେ ସବ୍ଯସାଚିନା।
ଉପକାରମଜାନନ୍ସ କୃତଘ୍ନ ଇତି ମେ ମତିଃ॥ 16-40-11 (98278)
ଯତ୍ରାଦହତ୍ସ ଭଗବାନ୍ମାତରଂ ସବ୍ଯସାଚିନଃ।
କୃତ୍ବା ଯୋ ବ୍ରାହ୍ମଣଚ୍ଛଦ୍ମ ଭିକ୍ଷାର୍ଥୀ ସମୁପାଗତଃ॥ 16-40-12 (98279)
ଧିଗଗ୍ନିଂ ଧିକ୍ ଚ ପାର୍ଥସ୍ଯ ବିଶ୍ରୁତାଂ ସତ୍ଯସନ୍ଧତାମ୍।
ଇଦଂ କଷ୍ଟତରଂ ଚାନ୍ଯଦ୍ଭଗବନ୍ପ୍ରତିଭାତି ମେ॥ 16-40-13 (98280)
ବୃଥାଽଗ୍ନିନା ସମାଯୋଗୋ ଯଦଭୂତ୍ପୃଥିବୀପତେଃ।
ତଥା ତପସ୍ବିନସ୍ତସ୍ଯ ରାଜର୍ଷେଃ କୌରବସ୍ଯ ହ॥ 16-40-14 (98281)
କଥମେବଂବିଧୋ ମୃତ୍ଯୁଃ ପ୍ରଶାସ୍ଯ ପୃଥିବୀମିମାମ୍॥ 16-40-15 (98282)
ତିଷ୍ଠତ୍ସୁ ମନ୍ତ୍ରପୂତେଷୁ ତସ୍ଯାଗ୍ନିଷୁ ମହାବନେ।
ବୃଥାଽଗ୍ନିନା ସମାଯୁକ୍ତୋ ନିଷ୍ଠାଂ ପ୍ରାପ୍ତଃ ପିତା ମମ॥ 16-40-16 (98283)
ମନ୍ଯେ ପୃଥା ବେପମାନା କୃଶା ଧମନିସଂତତା।
ହା ତାତ ଧର୍ମରାଜେତି ମାମାକ୍ରନ୍ଦନ୍ମହାଭଯେ॥ 16-40-17 (98284)
ଭୀମ ପର୍ଯାପ୍ନୁହି ଭଯାଦିତି ଚୈବାଭିବାଶତୀ।
ସମନ୍ତତଃ ପରିକ୍ଷିପ୍ତା ମାତାଽଭୂନ୍ମେ ଦବାଗ୍ନିନା॥ 16-40-18 (98285)
ସହଦେବଃ ପ୍ରିଯସ୍ତସ୍ଯାଃ ପୁତ୍ରେଭ୍ଯୋଧିକ ଏବ ତୁ।
ନ ଚୈନାଂ ମୋକ୍ଷଯାମାସ ବୀରୋ ମାଦ୍ରବତୀସୁତଃ॥ 16-40-19 (98286)
ତଚ୍ଛ୍ରୁତ୍ବା ରୁରୁଦୁଃ ସର୍ବେ ସମାଲିଙ୍ଗ୍ଯ ପରସ୍ପରମ୍।
ପାଣ୍ଡବାଃକ ପଞ୍ଚ ଦୁଃଖାର୍ତା ଭୂତାନୀବ ଯୁଗକ୍ଷଯେ॥ 16-40-20 (98287)
ତେଷାଂ ତୁ ପୁରୁଷେନ୍ଦ୍ରାଣାଂ ରୁଦତାଂ ରୁଦିତସ୍ବନଃ।
ପ୍ରାସାଦାଭୋଗସଂରୁଦ୍ଧେ ଅନ୍ବରୌତ୍ସୀତ୍ସ ରୋଦସୀ॥ ॥ 16-40-21 (98288)
ଇତି ଶ୍ରୀମନ୍ମହାଭାରତେ ଆଶ୍ରମବାସିକପର୍ବଣି ନାରଦାଗମନପର୍ବଣି ଚତ୍ବାରିଂଶୋଽଧ୍ଯାଯଃ॥ 40 ॥
ଆଶ୍ରମବାସିକପର୍ବ - ଅଧ୍ଯାଯ 041
॥ ଶ୍ରୀଃ ॥
16.41. ଅଧ୍ଯାଯଃ 041
ଅଥ ନାରଦାଗମନପର୍ବ ॥ 3 ॥Mahabharata - AshramaVasika Parva - Chapter Topics
ନାରଦେନ ଯୁଧିଷ୍ଠିରଂପ୍ରତି ଦୃଥରାଷ୍ଟ୍ରାଦିଦାହକାଗ୍ନେର୍ମନ୍ତ୍ରପୂତତ୍ବକଥନମ୍॥ 1 ॥ ଯୁଧିଷ୍ଠିରେଣ ଯୁଯୁତ୍ସୁପୁରସ୍କାରେଣ ଗାନ୍ଧାରୀଧୃତରାଷ୍ଟ୍ରଯୋ ରୁଦକଦାନପୂର୍ବକଂ କୁନ୍ତ୍ଯାଶ୍ଚ ବିଧିବଚ୍ଛ୍ରାଦ୍ଧଦାନମ୍॥ 2 ॥ ତତୋ ନାରଦଗମନାନନ୍ତରଂ ପ୍ରଜାପାଲନେନ ନିଜନଗରେ ଭ୍ରାତ୍ରାଦିଭିଃ ସହ ସୁଖବିହାରଃ॥ 3 ॥Mahabharata - AshramaVasika Parva - Chapter Text
ନାରଦ ଉବାଚ।
ନାସୌ ବୃଥାଽଗ୍ନିନା ଦଗ୍ଧୋ ଯଥା ତତ୍ର ଶ୍ରୁତଂ ମଯା।
ବୈଚିତ୍ରବୀର୍ଯୋ ନୃପତିର୍ନ ତେ ଶୋଚ୍ଯୋ ନରାଧିପ॥ 16-41-1 (98289)
ବନଂ ପ୍ରବିଶତାନେନ ବାଯୁଭକ୍ଷେଣ ଧୀମତା।
ଅଗ୍ନଯଃ କାରଯିତ୍ବେଷ୍ଟିମୁତ୍ସୃଷ୍ଟା ଇତି ନଃ ଶ୍ରୁତମ୍॥ 16-41-2 (98290)
ଯାଜକାସ୍ତୁ ତତସ୍ତସ୍ଯ ତାନଗ୍ନୀନ୍ନିର୍ଜନେ ବନେ।
ସମୁତ୍ସୃଜ୍ଯ ଯଥାକାମଂ ଜଗ୍ମୁର୍ଭରତସତ୍ତମ॥ 16-41-3 (98291)
ସ ବିବୃଦ୍ଧସ୍ତଦା ବହ୍ନିର୍ବନେ ତସ୍ମିନ୍ନଭୂତ୍କିଲ।
ତେନ ତଦ୍ବନମାଦୀପ୍ତମିତି ତେ ତାପସାଽବ୍ରୁବନ୍॥ 16-41-4 (98292)
ସ ରାଜା ଜାହ୍ନବୀତୀରେ ଯଥା ତେ କଥିତଂ ମଯା।
ତେନାଗ୍ନିନା ସମାଯୁକ୍ତଃ ସ୍ବେନୈବ ଭରତର୍ଷଭ॥ 16-41-5 (98293)
ଏବମାବେଦଯାମାସୁର୍ମୁନଯସ୍ତେ ମମାନଘ।
ଯେ ତେ ଭାଗୀରଥୀତୀରେ ମଯା ଦୃଷ୍ଟା ଯୁଧିଷ୍ଠିର॥ 16-41-6 (98294)
ଏବଂ ସ୍ବେନାଗ୍ନିନା ରାଜା ସମାଯୁକ୍ତୋ ମହୀପତେ।
ମା ଶୋଚିଥାସ୍ତ୍ବଂ ନୃପତିଂ ଗତଃ ସ ପରମାଂ ଗତିମ୍॥ 16-41-7 (98295)
ଗୁରୁଶୁଶ୍ରୂଷଯା ଚୈବ ଜନନୀ ତେ ଜନାଧିପ।
ପ୍ରାପ୍ତା ସୁମହତୀଂ ସିଦ୍ଧିମିତି ମେ ନାତ୍ର ସଂଶଯଃ॥ 16-41-8 (98296)
କର୍ତୁମର୍ହସି ରାଜେନ୍ଦ୍ର ତେଷାଂ ତ୍ବମୁଦକକ୍ରିଯାମ୍।
ଭ୍ରାତୃଭିଃ ସହିତଃ ସର୍ବୈରେତଦତ୍ର ବିଧୀଯତାମ୍॥ 16-41-9 (98297)
ବୈଶମ୍ପାଯନ ଉବାଚ। 16-41-10x (8074)
ତତଃ ସ ପୃଥିବୀପାଲଃ ପାଣ୍ଡବାନାଂ ଧୁରଂଧରଃ।
ନିର୍ଯଯୌ ସହସୋଦର୍ଯଃ ସଦାରଶ୍ଚ ନରର୍ଷଭଃ॥ 16-41-10 (98298)
ପୌରଜାନପଦାଶ୍ଚୈବ ରାଜଭକ୍ତିପୁରସ୍କୃତାଃ।
ଗଙ୍ଗାଂ ପ୍ରଜଗ୍ମୁରଭିତୋ ବାସସୈକେନ ସଂବୃତାଃ॥ 16-41-11 (98299)
ତତୋଽବଗାହ୍ଯ ସଲିଲେ ସର୍ବେ ତୁ କୁରୁପୁଙ୍ଗବାଃ।
ଯୁଯୁତ୍ସୁମଗ୍ରତଃ କୃତ୍ବା ଦଦୁସ୍ତୋଯଂ ମହାତ୍ମନେ॥ 16-41-12 (98300)
ଗାନ୍ଧାର୍ଯାଶ୍ଚ ପୃଥାଯାଶ୍ଚ ବିଧିବନ୍ନାମଗୋତ୍ରତଃ।
ଶାଚଂ ନିବର୍ତଯନ୍ତସ୍ତେ ତତ୍ରୋଷୁର୍ନଗରାଦ୍ବହିଃ॥ 16-41-13 (98301)
ପ୍ରେଷଯାମାସ ସ ନରାନ୍ବିଧିଜ୍ଞାନାପ୍ତକାରିଣଃ।
ଗଙ୍ଗାଦ୍ବାରଂ କୁରୁଶ୍ରେଷ୍ଠୋ ଯତ୍ର ଦଗ୍ଧୋଽଭବନ୍ନୃପଃ। 16-41-14 (98302)
ତତ୍ରୈବ ତେଷାଂ ତୁଲ୍ଯାନି ଗଙ୍ଗାଦ୍ବାରେଽନ୍ବଶାତ୍ତଦା।
କର୍ତବ୍ଯାନୀତି ପୁରୁଷାନ୍ଦତ୍ତଦେଯାନ୍ମହୀପତିଃ॥ 16-41-15 (98303)
ଦ୍ବାଦଶେଽହନି ତେଭ୍ଯଃ ସ କୃତଶୌଚୋ ନରାଧିପଃ।
ଦଦୌ ଶ୍ରାଦ୍ଧାନି ବିଧିବଦ୍ଦକ୍ଷଇଣାବନ୍ତି ପାଣ୍ଡବଃ॥ 16-41-16 (98304)
ଧୃତରାଷ୍ଟ୍ରଂ ସମୁଦ୍ଦିଶ୍ଯ ଦଦୌ ସ ପୃଥିବୀପତିଃ।
ସୁବର୍ଣଂ ରଜତଂ ଗାଶ୍ଚ ଶଯ୍ଯାଶ୍ଚ ସୁମହାଧନାଃ॥ 16-41-17 (98305)
ଗାନ୍ଧାର୍ଯାଶ୍ଚୈବ ତେଜସ୍ବୀ ପୃଥାଯାଶ୍ଚ ପୃଥକ୍ପୃଥକ୍।
ସଙ୍କୀର୍ତ୍ଯ ନାମନୀ ରାଜା ଦଦୌ ଦାନମନୁତ୍ତମମ୍॥ 16-41-18 (98306)
ଯୋ ଯଦିଚ୍ଛତି ଯାବଚ୍ଚ ତାବତ୍ସ ଲଭତେ ଦ୍ବିଜଃ।
ଶଯନଂ ଭୋଜନଂ ଯାନଂ ମଣିରତ୍ନମଥୋ ଧନମ୍॥ 16-41-19 (98307)
ଯାନମାଚ୍ଛାଦନଂ ଭୋଗାନ୍ଦାସୀଶ୍ଚ ସମଲଙ୍କୃତାଃ।
ଦଦୌ ରାଜା ସମୁଦ୍ଦିଶ୍ଯ ତଯୋର୍ମାତ୍ରୋର୍ମହୀପତିଃ॥ 16-41-20 (98308)
ତତଃ ସ ପୃଥିବୀପାଲୋ ଦତ୍ତ୍ବା ଶ୍ରାଦ୍ଧାନ୍ଯନେକଶଃ।
ପ୍ରବିବେଶ ପୁନର୍ଧୀମାନ୍ନଗରଂ ବାରଣାହ୍ବଯମ୍॥ 16-41-21 (98309)
ତେ ଚାପି ରାଜବଚନାତ୍ପୁରୁଷା ଯେ ଗତାଽଭବନ୍।
ସଙ୍କଲ୍ପ୍ଯ ତେଷାଂ କୁଲ୍ଯାନି ପୁନଃ ପ୍ରତ୍ଯାଗମଂସ୍ତତଃ॥ 16-41-22 (98310)
ମାଲ୍ଯୈର୍ଗନ୍ଧୈଶ୍ଚ ବିବିଧୈରର୍ଚଯିତ୍ବା ଯଥାବିଧି।
କୁଲ୍ଯାନି ତେଷାଂ ସଂଯୋଜ୍ଯ ତଦାଚଖ୍ଯୁର୍ମହୀପତେଃ॥ 16-41-23 (98311)
ସମାଶ୍ବାସ୍ଯ ତୁ ରାଜାନଂ ଧର୍ମାତ୍ମାନଂ ଯୁଧିଷ୍ଠିରମ୍।
ନାରଦୋପ୍ଯଗମତ୍ପ୍ରୀତଃ ପରମର୍ଷିର୍ଯଥୋପ୍ସିତମ୍॥ 16-41-24 (98312)
ଏବଂ ବର୍ଷାଣ୍ଯତୀତାନି ଧୃତରାଷ୍ଟ୍ରସ୍ଯ ଧୀମତଃ।
ବନବାସେ ତଥା ତ୍ରୀଣି ନଗରେ ଦଶପଞ୍ଚ ଚ॥ 16-41-25 (98313)
ହତପୁତ୍ରସ୍ଯ ସଙ୍ଗ୍ରାମେ ଦାନାନି ଦଦତଃ ସଦା।
ଜ୍ଞାତିସମ୍ବନ୍ଧିମିତ୍ରାଣାଂ ଭ୍ରାତୄଣାଂ ସ୍ବଜନସ୍ଯ ଚ॥ 16-41-26 (98314)
ଯୁଧିଷ୍ଠିରସ୍ତୁ ନୃପତିର୍ନାତିପ୍ରୀତମନାସ୍ତଦା।
ଧାରଯାମାସ ତଦ୍ରାଜ୍ଯଂ ନିହତଜ୍ଞାତିବାନ୍ଧବଃ॥ ॥ 16-41-27 (98315)