%@@1
% File name             : mbhK02.itx
%--------------------------------------------
% Text title            : 2 sabhAparva
% Author                : Veda Vyasa
% Language              : sanskrit
% Subject               : /hindu/philosohphy/religion
% Description/comments  : Mahabharata - Southern Recension - Kumbhaghonam Edition
% Based on the `Southern Recension' of the MahAbhArata, edited by Krishnacharya
% 1906-1914
% Transliterated by     : Prof. Shrinivasa Varakhedi >worked on this with the
% support of his research team members, Prof. K. V. Ramakrishnamacharyulu, Prof.
% Amba Kulakarni, Prof. Prahladachar,  members of MSP Bangalore and many others
% Proofread by          : 
% Latest update         : October 13, 2013
% Send corrections to   : sanskrit at cheerful dot c om
%
% Special Instructions  : i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.3
% Site access           : http://sanskritdocuments.org/
%-----------------------------------------------------
% The text is prepared by volunteers and is to be used for personal study
% and research.  The file is not to be copied or reposted for promotion of 
% any website or individuals or for commercial purpose without permission.
%        Please help to maintain respect for volunteer spirit.
%@@1
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=50pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. 2. sabhAparva Kumbhaghonam Edition ..}##
\itxtitle{.. 2\. sabhAparva ..}##\endtitles ##


\medskip\hrule\medskip
sabhAparva \- adhyAya 001
.. shrIH ..
2\.1\. adhyAyaH 1 

##Mahabharata - Sabha Parva - Chapter Topics##
mayasyArjunamprati pratyupakAraprArthanA .. 1\.. kR^iShNe upakR^ite ahamupakR^ita mayamprati arjunasyoktiH .. 2\.. kR^iShNAj~naya mayena sabhAnirmANArambhaH .. 3\..

##Mahabharata - Sabha Parva - Chapter Text##

2\-1\-0 (11255) 
.. shrIvedavyAsAya namaH .. 2\-1\-0x (1373) 
`nArAyaNaM namaskR^itya naraM chaiva narottamam.
devIM sarasvatIM chaiva (vyAsaM)tato jayamudIrayet .. 2\-1\-1 (11256) 
janamejaya uvAcha. 2\-1\-2x (1374) 
arjuno jayatAM shreShTho mochayitvA mayaM tadA.
kiM chakAra mahAtejAstanme brUhi dvijottama .. 2\-1\-2 (11257) 
vaishampAyana uvAcha. 2\-1\-3x (1375) 
shR^iNu rAjannavahitashcharitaM pUrvakasya te.
mokShayitvA mayaM tatra pArthaH shastrabhR^itAM varaH .. 2\-1\-3 (11258) 
gANDivaM kArmukashreShThaM tUNI chAkShayasAyakau.
divyAnyastrANi rAjendra durlabhAni nR^ipairbhuvi .. 2\-1\-4 (11259) 
rathadhvajapatAkAshcha shvetAshvAMshcha sa vIryavAn.
etAni pAvakAtprApya mudA paramayA yutaH. 
tasthau pArtho mahAvIryastadA saha mayena saH'..  2\-1\-5 (11260) 
tato.abravInmayaH pArthaM vAsudevasya sannidhau.
`pANDavena paritrAtastatkR^itaM pratyanusmaran'.. 2\-1\-6 (11261) 
prA~njaliH shlakShNayA vAchA pUjayitvA punaH punaH.  2\-1\-7 (11262) 
maya uvAcha.
asmAchcha kR^iShNAtsa~NkruddhAtpAvakAchcha didhakShataH ..  2\-1\-7x (1376) 
tvayA trAto.asmi kaunteya brUhi kiM karavANi te.
`ahaM hi vishvakarmA vai asurANAM parantapa .. 2\-1\-8 (11263) 
tasmAtte vismayaM ki~nchitkuryAmanyaiH suduShkaram ..  2\-1\-9 (11264) 
vaishampAyana uvAcha. 2\-1\-10x (1377) 
evamukto mahAvIryaH pArtho mAyAvidaM mayam.
dhyAtvA muhUrtaM kaunteyaH prahasanvAkyamabravIt'.. 2\-1\-10 (11265) 
kR^itameva tvayA sarvaM svasti gachCha mahA.asura.
prItimAnbhava me nityaM prItimanto vayaM cha te .. 2\-1\-11 (11266) 
propakArAdarthaM hi nAdAsyAmIti me vratam'.  2\-1\-12 (11267) 
uvAcha.
yuktametattvayi vibho yadAttha puruSharShabha ..  2\-1\-12x (1378) 
prItipUrvamahaM ki~nchitkartumichChAmi te.arjuna.
ahaM hi vishvakarmA vai dAnavAnAM mahAkaviH .. 2\-1\-13 (11268) 
`so.ahaM vai tvatkR^ite ki~nchitkartumichChAmi pANDava.
`dAnavAnAM purA pArtha prAsAdA hi mayA kR^itAH .. 2\-1\-14 (11269) 
ramyANi sukhagarbhANi bhogADhyAni sahasrashaH.
udyAnAni cha ramyANi sarAMsi vividhAni cha .. 2\-1\-15 (11270) 
vichitrANi cha vastrANi kAmagAni rathAni cha.
nagarANi vishAlAni sATTaprAkAravanti cha .. 2\-1\-16 (11271) 
vAhanAni cha mukhyAni vichitrANi sahasrashaH.
bilAni ramaNIyAni sukhayuktAni vai bhR^isham. 
ete kR^itA mayA tasmAdichChAmi phalguna'..  2\-1\-17 (11272) 
arjuna uvAcha. 2\-1\-18x (1379) 
prANakR^ichChrAdvinirmuktamAtmAnaM manyase mayA.
evaM gate na shakShyAmi ki~nchitkArayituM tvayA .. 2\-1\-18 (11273) 
na chApi tava sa~NkalpaM moghamichChAmi dAnava.
kR^iShNasya kriyatAM ki~nchittathA pratikR^itaM mayi .. 2\-1\-19 (11274) 
vaishampAyana uvAcha. 2\-1\-20x (1380) 
chodito vAsudevastu mayaM prati nararShabha.
muhUrtamiva sandadhyau kimayaM chodyatAmiti .. 2\-1\-20 (11275) 
tato vichintya manasA lokanAthaH prajApitaH.
chodayAmAsa taM kR^iShNaH sabhA vai kriyatAmiti .. 2\-1\-21 (11276) 
yadi tvaM kartukAmo.asi priyaM shilpavatAM vara.
dharmarAjasya dayitAM yAdR^ishImiha manyase .. 2\-1\-22 (11277) 
yAM kriyAM nAnukuryuste mAnavAH prekShya viShThitAH.
manuShyaloke sakale tAdR^ishIM kuru vai sabhAm .. 2\-1\-23 (11278) 
yatra dvivyAnabhiprAyAnpashyema vihitAMstvayA.
AsurAnmAnupAMshchaiva tAdR^ishIM kuru vai sabhAm .. 2\-1\-24 (11279) 
vaishampAyana uvAcha. 2\-1\-25x (1381) 
pratigR^ihya tu tadvAkyaM samprahR^iShTo mayastadA.
vimAnapratimAM chakre pANDavasya shubhAM sabhAm .. 2\-1\-25 (11280) 
tataH kR^iShNashcha pArthashcha dharmarAje yudhiShThire.
sarvametatsamAvedya darshayAmAsaturmayam .. 2\-1\-26 (11281) 
tasmai yudhiShThiraH pUjAM yathArhamakarottadA.
sa tu tAM pratijagrAha mayaH satkR^itya bhArata .. 2\-1\-27 (11282) 
sa pUrvadevacharitaM tadA tatra vishAmpate.
kathayAmAsa daiteyaH pANDuputreShu bhArata .. 2\-1\-28 (11283) 
sa kAlaM ka~nchidAshvasya vishvakarmA vichintya tu.
sabhAM prachakame kartuM pANDavAnAM mahAtmanAm .. 2\-1\-29 (11284) 
abhiprAyeNa pArthAnAM kR^iShNasya cha mahAtmanaH.
puNye.ahani mahAtejAH kR^itakautukama~NgalaH .. 2\-1\-30 (11285) 
tarpayitvA dvijashreShThAnpAyasena sahasrashaH.
dhanaM bahuvidhaM dattvA tebhya eva cha vIryavAn .. 2\-1\-31 (11286) 
sarvartuguNasampannAM divyarUpAM manoramAm.
dashakiShkusahasrAM tAM mApayAmAsa sarvataH .. .. 2\-1\-31 (11287) 

iti shrImanmahAbhArate sabhAparvaNi mantraparvaNi prathamo.adhyAyaH .. 1\..

##Mahabharata - Sabha Parva - Chapter Footnotes##

2\-1\-1 sabhAo 2\-1\-28 pUrvadevo vR^iShaparvA dAnavastasya charitaM bindusarasi yaj~nakaraNAdi ..


\medskip\hrule\medskip
sabhAparva \- adhyAya 002
.. shrIH ..
2\.2\. adhyAyaH 2 

##Mahabharata - Sabha Parva - Chapter Topics##
dvArakAM gachChataH shrIkR^iShNasya yudhiShTharAdibhiH sAratyAdikaraNam .. 1\.. ardhayojanaparyantaM gatAnAM kR^iShNapANDavAnAM parasparAnuj~nayA svasvapuragamanam ..2\..

##Mahabharata - Sabha Parva - Chapter Text##

vaishampAyana uvAcha.

uShitvA khANDavaprasthe sukhavAsaM janArdanaH.
pArthaiH prItisamAyuktaiH pUjanArho.abhipUjitaH .. 2\-2\-1 (11288) 
gamanAya matiM chakre piturdarshanalAlasaH.
dharmarAjamathAmantrya pR^ithAM cha pR^ithulochanaH .. 2\-2\-2 (11289) 
vavande charaNau mUrdhnA jagadvandyaH pitR^iShvasuH.
sa tayA mUrdhnyupAghrAtaH pariShvaktashcha keshavaH .. 2\-2\-3 (11290) 
dadarshAnantaraM kR^iShNo bhaginIM svAM mahAyashAH.
tAmupetya hR^iShIkeshaH prItyA bAShpasamanvitaH .. 2\-2\-4 (11291) 
arthyaM tathyaM hitaM vAkyaM laghu yuktamanuttaram.
uvAcha bhagavAnbhadrAM subhadrAM bhadrabhAShiNIm .. 2\-2\-5 (11292) 
tayA svajanagAmIni shrAvito vachanAni saH.
sampUjitashchApyasakR^ichChirasA chAbhivAditaH .. 2\-2\-6 (11293) 
tAmanuj~nAya vArShNeyaH pratinandya cha bhAminIm.
dadarshAnantaraM kR^iShNAM dhaumyaM chApi janArdanaH .. 2\-2\-7 (11294) 
vavande cha yathAnyAyaM dhaumyaM puruShasattamaH.
draupadIM sAntvayitvA cha subhadrAM paridAya cha .. 2\-2\-8 (11295) 
bhrAtR^inabhyagamadvidvAnpArthena sahito balI.
bhrAtR^ibhiH pa~nchabhiH kR^iShNo vR^itaH shakra ivAmaraiH .. 2\-2\-9 (11296) 
yAtrAkAlasya yogyAni karmANi garuDadhvajaH.
kartukAmaH shuchirbhUtvA snAtavAnsamala~NkR^itaH .. 2\-2\-10 (11297) 
archayAmAsa devAMshcha dvijAMshcha yadupu~NgavaH.
mAlyajApyanamaskArairgandhairuchchAvachairapi .. 2\-2\-11 (11298) 
sa kR^itvA sarvakAryANi pratasthe tasthupAM varaH.
upetya sa yadushreShTho bAhyakakShAdvinirgataH .. 2\-2\-12 (11299) 
svasti vAchyArhato viprAndadhipAtraphalAkShataiH.
vasu pradAya cha tataH pradakShiNamathAkarot .. 2\-2\-13 (11300) 
kA~nchanaM rathamAsthAya tArkShyaketanamAshugam.
gadAchakrAsishAr~NgAdyairAyudhairAvR^itaM shubham .. 2\-2\-14 (11301) 
sutithAvatha nakShatre muhUrte cha guNAnvite.
prayayau puNDarIkAkShaH shaibyasugrIvavAhanaH .. 2\-2\-15 (11302) 
anvAruroha chApyenaM premNA rAjA yudhiShThiraH.
apAsya chAsya yantAraM dArukaM yantR^isattamam .. 2\-2\-16 (11303) 
abhIShUnsamprajagrAha svayaM kurupatistadA.
upAruhyArjunashchA.api chAmaravyajanaM sitam .. 2\-2\-17 (11304) 
rukmadaNDaM bR^ihadbAhurvidudhAva pradakShiNam.
tathaiva bhImaseno.api rathamAruhya vIryavAn .. 2\-2\-18 (11305) 
`ChatraM shatashalAkaM cha divyamAlyopashobhitam.
vaiDUryamaNidaNDaM cha chAmIkaravibhUShitam.  2\-2\-19 (11306) 
dadhAra tarasA bhImaH muchChatraM shAr~Ngadhanvane.
bhImasenArjunau chApi yamAvariniShUdanau'.. 2\-2\-20 (11307) 
pR^iShThato.anuyayuH kR^iShNamR^itvikpaurajanairvR^itA.
sa tathA bhrAtR^ibhiH sarvaiH keshavaH paravIrahA .. 2\-2\-21 (11308) 
anvIyamAnaH shushubhe shiShyairiva guruH priyaiH.
`abhimanyuM cha saubhadraM vR^iddhaiH parivR^itastathA .. 2\-2\-22 (11309) 
rathamAropya niryAto dhaumyo brAhmaNapu~NgavaH.
indraprasthamatikramya kroshamAtraM mahAdyutiH'. 
pArthamAmantrya govindaH pariShvajya supIDitam ..  2\-2\-23 (11310) 
yudhiShTharaM pUjayitvA bhImasenaM yamau tathA.
pariShvakto bhR^ishaM taistu yamAbhyAmabhivAditaH .. 2\-2\-24 (11311) 
yojanArdhamatho gatvA kR^iShNaH parapura~njayaH.
yudhiShThiraM samAmantrya nivartasveti bhArata .. 2\-2\-25 (11312) 
tato.abhivAdya govindaH pAdau jagrAha dharmavit.
utthApya dharmarAjastu mUrdhnyupAghrAya keshavam .. 2\-2\-26 (11313) 
pANDavo yAdavashreShThaM kR^iShNaM kamalalochanam.
gamyatAmityanuj~nApya dharmarAjo yudhiShThiraH .. 2\-2\-27 (11314) 
tatastaiH saMvidaM kR^itvA yathAvanmadhusUdanaH.
nivartya cha tathA kR^ichChrAtpANDavAnsapadAnugAn .. 2\-2\-28 (11315) 
svAM purIM prayayau hR^iShTo yathA shakro.amarAvatIm ..
lochanairanujagmuste tamAdR^iShTipathAttadA .. 2\-2\-29 (11316) 
manobhiranujagmuste kR^iShNaM prItisamanvayAt.
atR^iptamanasAmeva teShAM keshavadarshane .. 2\-2\-30 (11317) 
kShipramantardadhe shaurishchakShuShAM priyadarshanaH.
akAmA eva pArthAste govindagamAnasAH .. 2\-2\-31 (11318) 
nivR^ityopayayustUrNaM svaM puraM puruSharShabhAH.
syandanenAtha kR^iShNo.api tvaritaM dvArakAmagAt .. 2\-2\-32 (11319) 
sAtvatena cha vIreNa pR^iShThato yAyinA tadA.
dArukeNa cha sUtena sahito devakIsutaH. 
sa gato dvArakAM viShNurgarutmAniva vegavAn ..  2\-2\-33 (11320) 
vaishampAyana uvAcha. 2\-2\-34x (1382) 
nivR^itya dharmarAjastu saha bhrAtR^ibhirachyutaH.
suhR^itparivR^ito rAjA pravivesha purottamam .. 2\-2\-34 (11321) 
visR^ijya suhR^idaH sarvAnbhrAtR^InputrAMshcha dharmarAT.
mumoda puruShavyAghro draupadyA sahito nR^ipa .. 2\-2\-35 (11322) 
keshavopi mudA yuktaH pravivesha purottamam.
pUjyamAno yadushreShThairugrasenamukhaistathA .. 2\-2\-36 (11323) 
AhukaM pitaraM vR^iddhaM mAtaraM cha yashasvinIm.
abhivAdya balaM chaiva sthitaH kamalalochanaH .. 2\-2\-37 (11324) 
pradyumnasAmbanishaThAMshcharudeShNaM gadaM tathA.
aniruddhaM cha bhAnuM cha pariShvajya janArdanaH .. 2\-2\-38 (11325) 
sa vR^iddhairabhyanuj~nAto rukmiNyA bhavanaM yayau.
`sa tatra bhavane divye pramumoda sukhI sukham .. 2\-2\-39 (11326) 
etasminnantare rAjanmayo daityAdhipastadA.
vidhivatkalpayAmAsa sabhAM dharmasutAya vai .. .. 2\-2\-40 (11327) 

iti shrImanmahAbhArate sabhAparvaNi mantraparvaNi dvitIyo.adhyAyaH .. 2\..



\medskip\hrule\medskip
sabhAparva \- adhyAya 003
.. shrIH ..
2\.3\. adhyAyaH 3 

##Mahabharata - Sabha Parva - Chapter Topics##
sabhAnirmANasAmagryAnayanAya bindusaraH prati mayasya gamanam ..1\.. gadAsha~NkhAbhyAM saha sAmagrIM gR^ihItvA mayasya khANDavaprasthAgamanam .. 2\.. bhImArjunayoH gadAsha~NkhadAnaM sabhAnirmANaM cha .. 3\..

##Mahabharata - Sabha Parva - Chapter Text##

vaishampAyana uvAcha.

athAbravInmayaH pArthamaryunaM jayatAM varam.
ApR^ichChe tvAM gamiShyAmi punareShyAmi chApyaham .. 2\-3\-1 (11328) 
`vishrutAM triShu lokeShu pArtha divyAM sabhAM tava.
prANinAM vismayakarIM tava priyavivardhinIm. 
pANDavAnAM cha sarveShAM kariShyAmi dhana~njaya'..  2\-3\-2 (11329) 
uttareNa tu kailAsaM mainAkaM parvataM prati.
yiyakShamANeShu purA dAnaveShu mayA kR^itam .. 2\-3\-3 (11330) 
chitraM maNimayaM bhANDaM ramyaM bindusAraH prati.
sabhAyAM satyasandhasya yadAsIdvR^iShaparvaNaH .. 2\-3\-4 (11331) 
AgamiShyAmi tadgR^ihya yadi tiShThati bhArata.
tataH sabhAM kariShyAmi pANDavasya yashasvinIm .. 2\-3\-5 (11332) 
manaH prahlAdinIM chitrAM sarvaratnavibhUShitAm.
asti bindusArasyugrA gadA cha kurunandana .. 2\-3\-6 (11333) 
nihitA yauvanAshvena rAj~nA hatvA raNe ripUn.
suvarNabindubhishchitrA gurvI bhArasahA dR^iDhA .. 2\-3\-7 (11334) 
sA vai shatasahasrasya sammitA shatrughAtinI.
anurUpA cha bhImasya gANDIvaM bhavato yathA .. 2\-3\-8 (11335) 
vAruNashcha mahAsha~Nkho devadattaH sughoShavAn.
sarvametatpradAsyAmi bhavate nAtra saMshayaH .. 2\-3\-9 (11336) 
vaishampAyana uvAcha. 2\-3\-10x (1383) 
ityuktvA so.asuraH pArthaM prAgudIchIM dishaM gataH.
athottareNa kailAsAnmainAkaM parvataM prati .. 2\-3\-10 (11337) 
hiraNyashR^i~NgaH sumahAnmahAmaNimayo giriH.
ramyaM bindusaro nAma yatra rAjA bhagIrathaH .. 2\-3\-11 (11338) 
druShTuM bhAgIrathIM ga~NgAmuvAsa bahulAH samAH.
yatreShTaM sarvabhUtAnAmIshvareNa mahAtmanA .. 2\-3\-12 (11339) 
AhR^itAH kratavo mukhyAH shataM bharatasattama.
yatra yUpA maNimayAshchaityAshchApi hiraNmayAH .. 2\-3\-13 (11340) 
shobhArthaM vihitAstatra na tu dR^iShTAntataH kR^itAH.
yatreShTvA sa gataH siddhiM sahasrAkShaH shachIpatiH .. 2\-3\-14 (11341) 
yatra bhUtapatiH sR^iShTvA sarvA.NllokAnsanAtanaH.
apasyate tigmatejAH sthito bhUtaiH sahasrashaH .. 2\-3\-15 (11342) 
naranArAyaNau brahmA yamaH sthANushcha pa~nchamaH.
upAsate yatra paraM sahasrayugaparyaye .. 2\-3\-16 (11343) 
yatreShTaM vAsudevena sattrairvarShagaNAnbahUn.
shraddadhAnena satataM dharmasampratipattaye .. 2\-3\-17 (11344) 
suvarNamAlino yUpAshchaityAshchApyatibhAsvarAH.
dadau yatra sahasrANi prayutAni cha keshavaH .. 2\-3\-18 (11345) 
tatra gatvA sa jagrAha gadAM sha~NkhaM cha bhArata.
`tasmAdgirerupAdAya shilAH suruchirAvahAH'. 
sphATikaM cha sabhAdravyaM yadAsIdvR^iShaparvaNaH ..  2\-3\-19 (11346) 
ki~NkaraiH saha rakShobhiryadarakShanmahaddhanam.
tadagR^ihNAnmayastatra gatvA sarvaM mahA.asuraH .. 2\-3\-20 (11347) 
tadAhR^itya cha tAM chakre so.asuro.apratimAM sabhAm.
vishrutAM triShu lokeShu divyAM maNimayIM shubhAm .. 2\-3\-21 (11348) 
gadAM cha bhImasenAya pravarAM pradadau tadA.
devadattaM chArjunAya sha~Nkhapravaramuttamam .. 2\-3\-22 (11349) 
yasya sha~Nkhasya nAdena bhUtAni prachakampire.
`sa kAlaM ka~nchidAshvasya vishvakarmA vichintya cha .. 2\-3\-23 (11350) 
sabhAM prachakrame kartuM pANDavAnAM mahAtmanAm.
abhiprAyeNa pArthAnAM kR^iShNasya cha mahAtmanaH .. 2\-3\-24 (11351) 
sarvartuguNasampannAM divyarUpAmala~NkR^itAm.
tarpayitvA dvijashreShThAnpAyasena sahasrashaH. 
sabhA cha sA mahArAja shAtakumbhamayadrumA ..  2\-3\-25 (11352) 
dashakiShkusahasrANi samantAdAyatAbhavat.
yathA vahneryathArkasya somasya cha yathA sabhA .. 2\-3\-26 (11353) 
bhrAjamAnA tathA.atyarthaM dadhAra paramaM vapuH.
abhighnatIva prabhayA prabhAmarkasya bhAsvarAm .. 2\-3\-27 (11354) 
prababhau jvalamAneva divyA divyena varchasA.
navameghapratIkAshA divamAkR^itya viShThitA. 
AyatA vipulA ramyA vipApmA vigataklamA ..  2\-3\-28 (11355) 
uttamadravyasampannA ratnaprAkAratoraNA.
bahuchitrA bahudhanA sukR^itA vishvakarmaNA .. 2\-3\-29 (11356) 
na dAshArhI sudharmA vA brahmaNo vAtha tAdR^ishI.
sabhA rUpeNa sampannA yAM chakre matimAnmayaH .. 2\-3\-30 (11357) 
tAM sma tatra mayenoktA rakShanti cha vahanti cha.
sabhAmaShTau sahasrANi ki~NkarA nAma rAkShasAH .. 2\-3\-31 (11358) 
antarikShacharA ghorA mahAkAyA mahAbalAH.
raktAkShAH pi~NgalAkShAshcha shuktikarNAH prahAriNaH .. 2\-3\-32 (11359) 
tasyAM sabhAyAM nalinIM chakArApratimAM mayaH.
vaidUryapatravitatAM maNinAlamayAmbujAm .. 2\-3\-33 (11360) 
padmasaugandhikavatIM nAnAdvijagaNAyutAm.
puShpitaiH pa~NkajaishchitrAM kUrmairmatsyaishcha kA~nchanaiH. 
chitrasphaTikasopAnAM niShpa~NkasalilAM shubhAm ..  2\-3\-34 (11361) 
mandAnilasamuddhUtAM muktAbindubhirAchitAm.
mahAmaNishilApaTTabaddhaparyantavedikAm .. 2\-3\-35 (11362) 
maNiratnachitAM tAM tu kechidabhyetya pArthivAH.
dR^iShTvApi nAbhyajAnanta te.aj~nAnAtprapatantyuta .. 2\-3\-36 (11363) 
tAM sabhAmabhito nityaM puShpavanto mahAdrumAH.
AsannAnAvidhA lolAH shItachChAyA manoramAH .. 2\-3\-37 (11364) 
kAnanAni sugandhIni puShkariNyashcha sarvashaH.
haMsakAraNDavopetAshchakravAkopashobhitAH .. 2\-3\-38 (11365) 
jalajAnAM cha padmAnAM sthalajAnAM cha sarvashaH.
mAruto gandhamAdAya pANDavAnsma niShevate .. 2\-3\-39 (11366) 
IdR^ishIM tAM sabhAM kR^itvA mAsaiH parichaturdashaiH.
niShThitAM dharmarAjAya mayo rAjannyavedayat .. .. 2\-3\-40 (11367) 

iti shrImanmahAbhArate sabhAparvaNi tR^itIyo.adhyAyaH .. 3\..



\medskip\hrule\medskip
sabhAparva \- adhyAya 004
.. shrIH ..
2\.4\. adhyAyaH 4 

##Mahabharata - Sabha Parva - Chapter Topics##
brAhmaNAnbhojayitvA yudhiShThirasya sabhApraveshaH ..1\.. R^iShINAM kShatriyANAM devagandharvAdInAM cha tatropaveshanam .. 2\..

##Mahabharata - Sabha Parva - Chapter Text##

vaishampAyana uvAcha ..

`tAM tu kR^itvA sabhAM shreShThAM mayashchArjunamabravIt.
bhUtAnAM cha mahAvIryo dhvajAgre ki~Nkaro gaNaH .. 2\-4\-1 (11368) 
tava viShphAraghoSheNa meghavanninadiShyati.
ayaM hi sUryasa~NkAsho jvalanasya ratho mahAn .. 2\.. 2\-4\-2 (11369) 
ime cha divijAH shvetA vIryavanto hayottamAH.
mAyAmayaH kR^ito hyeSha dhvajo vAnaralakShaNaH .. 2\-4\-3 (11370) 
asajjamAno vR^ikSheShu dhUmaketurivochChritaH.
bahuvarNaM hi lakShyeta dhvajaM vAnaralakShaNam .. 2\-4\-4 (11371) 
dhvajotkaTaM hyanavamaM yuddhe drakShyasi viShThitam.
eva vIraH savyasAchindhvajasyAnte bhaviShyati .. 2\-4\-5 (11372) 
vaishampAyana uvAcha. 2\-4\-6x (1384) 
ityuktvA.a.ali~Ngya vIbhatsuM visR^iShTaH prayayau mayaH'.  2\-4\-6 (11373) 
tataH praveshanaM tasyAM chakre rAjA yudhiShThiraH.
ayutaM bhojayitvA tu brAhmaNAnAM narAdhipaH .. 2\-4\-7 (11374) 
sAjyena pAyasenaiva madhunA mishritena cha.
bhakShyairmUlaiH phalaishchaiva mAMsairvArAhahAriNaiH. 
kR^isareNAtha jIvantyA haviShyeNa cha sarvashaH ..  2\-4\-8 (11375) 
mAMsaprakArairvividhaiH khAdyaishchApi tathA nR^ipa.
choShyaishcha vividhai rAjanpeyaishcha bahuvistaraiH .. 2\-4\-9 (11376) 
ahataishchaiva vAsobhirmAlyairuchchAvachairapi.
tarpayAmAsa viprendrAnnAnAdigbhyaH samAgatAn .. 2\-4\-10 (11377) 
dadau tebhyaH sahasrANi gavAM pratyekashaH punaH.
puNyAhaghoShastatrAsIddivaspR^igiva bhArata .. 2\-4\-11 (11378) 
vAditrairvividhairdivyairgandhairuchchAvachairapi.
pUjayitvA kurushreShTho devatAni niveshya cha .. 2\-4\-12 (11379) 
tatra mallA naTA jhallAH sUtA vaitAlikAstathA.
upatasthurmahAtmAnaM dharmaputraM yudhiShThiram .. 2\-4\-13 (11380) 
tathA sa kR^itvA pUjAM tAM bhrAtR^ibhiH saha pANDavaH.
tasyAM sabhAyAM ramyAyAM reme shakro yathA divi .. 2\-4\-14 (11381) 
sabhAyAmR^iShayastasyAM pANDavaiH saha Asate.
AsA~nchakrurnarendrAshcha nAnAdeshasamAgatAH .. 2\-4\-15 (11382) 
asito devalaH satyaH sarpirmAlI mahAshirAH.
arvA vasuH sumitrashcha maitreyaH shunako baliH .. 2\-4\-16 (11383) 
bako dAlbhyaH sthUlashirAH kR^iShNadvaipAyanaH shukaH.
sumanturjaiminiH pailo vyAsashiShyAstathA vayam .. 2\-4\-17 (11384) 
tittiriryAj~navalkyashcha sasuto romaharShaNaH.
apsuhomyashcha dhaumyashcha aNImANDavyakaushikau .. 2\-4\-18 (11385) 
dAmoShNIpastraibalIshcha parNAdo ghaTajAnukaH.
mau~njAyano vAyubhakShaH pArAsharyashcha sArikaH .. 2\-4\-19 (11386) 
balivAkaH sinIvAkaH saptapAlaH kR^itashramaH.
jAtUkarNaH shikhAvAMshcha AlambaH pArijAtakaH .. 2\-4\-20 (11387) 
parvatashcha mahAbhAgo mArkaNDeyo mahAmuniH.
pavitrapANiH sAvarNo bhAlukirgAlavastathA .. 2\-4\-21 (11388) 
ja~NghAbandhushcha raibhyashcha kopavegastathA bhR^iguH.
haribabhrushcha kauNDinyo babhrumAlI sanAtanaH .. 2\-4\-22 (11389) 
kAkShIvAnaushijashchaiva nAchiketo.atha gautamaH.
pai~Ngyo varAhaH shunakaH shANDilyashcha mahAtapAH .. 2\-4\-23 (11390) 
kukkuro veNuja~Ngho.atha kAlApaH kaTha eva cha.
munayo dharmavidvAMso dhR^itAtmAno jitendriyAH .. 2\-4\-24 (11391) 
ete chAnye cha bahavo vedavedA~NgapAragAH.
upAsate mahAtmAnaM sabhAyAmR^iShisattamAH .. 2\-4\-25 (11392) 
kathayantaH kathAH puNyA dharmaj~nAH shuchayo.amalAH.
tathaiva kShatriyashreShThA dharmarAjamupAsate .. 2\-4\-26 (11393) 
shrImAnmahAtmA dharmAtmA mu~njaketurvivardhanaH.
sa~NgrAmajiddurmukhashcha ugrasenashcha vIryavAn.  2\-4\-27 (11394) 
kakShasenaH kShitipatiH kShemakashchAparAjitaH.
kambojarAjaH kamaThaH kampanashcha mahAbalaH .. 2\-4\-28 (11395) 
satataM kampayAmAsa yavanAneka eva yaH.
balapauruShasampannAnkR^itAstrAnamitaujasaH. 
yathA.asurAnkAlakeyAndevo vajradharastathA ..  2\-4\-29 (11396) 
jaTAsuro madrakAnAM cha rAjA
kuntiH pulindashcha kirAtarAjaH. 
tathA~NgavA~Ngau sahapuNDrakeNa
pANDyoDrarAjau cha sahAndhrakeNa ..  2\-4\-30 (11397) 
a~Ngo va~NgaH sumitrashcha shaibyashchAmitrakarshanaH.
kirAtarAjaH sumanA yavanAdhipatistathA .. 2\-4\-31 (11398) 
chANUro devarAtashcha bhojo bhImarathashcha yaH.
shrutAyudhashcha kAli~Ngo jayasenashcha mAgadhaH .. 2\-4\-32 (11399) 
sukarmA chekitAnashcha purushchAmitrakarshanaH.
ketumAnvasudAnashcha vaideho.atha kR^itakShaNaH .. 2\-4\-33 (11400) 
sudharmA chAniruddhashcha shrutAyushcha mahAbalaH.
anUparAjo durdharpaH kramajichcha sudarshanaH .. 2\-4\-34 (11401) 
shishupAlaH sahasutaH karUpAdhipatistathA.
vR^iShNInAM chaiva durdharpAH kumArA devarUpiNaH .. 2\-4\-35 (11402) 
Ahuko vipR^ithushchaiva gadaH sAraNa eva cha.
akrUraH kR^itavarmA cha satyakashcha shineH sutaH .. 2\-4\-36 (11403) 
bhIShmako.athAkR^itishchaiva dyumatsenashcha vIryavAn.
kekayAshcha maheShvAsA yaj~nasenashcha somakiH .. 2\-4\-37 (11404) 
ketumAnvasumAMshchaiva kR^itAstrashcha mahAbalaH.
ete chAnye cha bahavaH kShatriyA mukhyasaMmatAH.  2\-4\-38 (11405) 
upAsate sabhAyAM sma kuntIputraM yudhiShThiram.
arjunaM ye va saMshritya rAjaputrA mahAbalAH .. 2\-4\-39 (11406) 
ashikShanta dhanurvedaM rauravAjinavAsasaH.
tatraiva shikShitA rAjankumArA vR^iShNinandanAH.  2\-4\-40 (11407) 
raukmiNeyashcha sAmbashcha yuyudhAnashcha sAtyakiH.
sudharmA chAniruddhashcha shaivyashcha narapu~NgavaH .. 2\-4\-41 (11408) 
ete chAnye cha bahavo rAjAnaH pR^ithivIpate.
dhana~njayasakhA chAtra nityamAste sma tumburuH .. 2\-4\-42 (11409) 
upAsate mahAtmAnamAsInaM saptaviMshatiH.
chitrasenaH sahAmAtyo gandharvApsarasastathA .. 2\-4\-43 (11410) 
gItavAditrakushalAH sAmyatAlavishAradAH.
pramANo.atha laye sthAne kinnarAH kR^itanishramAH .. 2\-4\-44 (11411) 
sa~nchoditAstumburuNA gandharvasahitAstadA.
gAyanti divyatAnaiste yathAnyAyaM manasvinaH .. 2\-4\-45 (11412) 
pANDuputrAnR^iShIMshchaiva ramayanta upAsate.
tasyAM sabhAyAmAsInAH suvratAH satyasa~NgarAH .. 2\-4\-46 (11413) 
divIva devA brahmANaM yudhiShThiramupAsate .. ..  2\-4\-47 (11414) 

iti shrImanmahAbhArate sabhAparvaNi mantraparvaNi chaturtho.adhyAyaH .. 4\..

##Mahabharata - Sabha Parva - Chapter Footnotes##

2\-4\-29 kAlakeyAH kAlakAyA apatyAnyasurAH ..


\medskip\hrule\medskip
sabhAparva \- adhyAya 005
.. shrIH ..
2\.5\. adhyAyaH 5 

##Mahabharata - Sabha Parva - Chapter Topics##
tatrAgatena yudhiShThirapUjitena nAradena kushalaprashnavyAjena rAjanItikathanam .. 1\..

##Mahabharata - Sabha Parva - Chapter Text##

vaishampAyana uvAcha.

atha tatropaviShTeShu pANDaveShu mahAtmasu.
mahatsu chopaviShTeShu gandharveShu cha bhArata .. 2\-5\-1 (11415) 
vedopaniShadAM vettA R^iShiH suragaNArchitaH.
itihAsapurANaj~naH kriyAkalpavisheShavit .. 2\-5\-2 (11416) 
`stutastomagrahastobhapadakramavibhAgavit.
shikShAkSharavibhAgaj~naH purAkalpavisheShavit .. 2\-5\-3 (11417) 
AdikalpArthavettA cha kalpasUtrArthatattvavit.
brahmacharyavratapara UhApohavishAradaH .. 2\-5\-4 (11418) 
nR^ittagAndharvasevI cha sarvatrApratimastathA.
aShTAdashAnAM vidyAnAM koshabhUto mahAdyutiH'.. 2\-5\-5 (11419) 
nyAyaviddharmatattvaj~naH ShaDa~NgavidanuttamaH.
aikyasaMyoganAnAtvasamavAyavishAradaH .. 2\-5\-6 (11420) 
vaktA pragalbho medhAvI smR^itimAnnayavitkaviH.
parAparavibhAgaj~naH pramANakR^itanishchayaH .. 2\-5\-7 (11421) 
pa~nchAvayavayuktasya vAkyasya guNadoShavit.
uttarottaravaktA cha vadatopi bR^ihaspateH .. 2\-5\-8 (11422) 
dharmakAmArthamokSheShu yathAvatkR^itanishchayaH.
tathA bhuvanakoshasya sarvasyAsya mahAmatiH .. 2\-5\-9 (11423) 
pratyakShadarshI lokasya tiryagUrdhvamadhastathA.
sA~NkhyayogavibhAgaj~no nirvivitsuH surAsurAn .. 2\-5\-10 (11424) 
sandhivigrahatattvaj~nastvanumAnavibhAgavit.
ShA~NguNyavidhiyuktashcha sarvashAstravishAradaH .. 2\-5\-11 (11425) 
yuddhagAndharvasevI cha sarvatrApratighastathA.
etaishchAnyaishcha bahubhiryukto guNagaNairmuniH .. 2\-5\-12 (11426) 
lokAnanucharansarvAnAgamattAM sabhAM nR^ipa.
nAradaH sumahAtejA R^iShibhiH sahitastadA .. 2\-5\-13 (11427) 
pArijAtena rAjendra parvatena cha dhImatA.
sumukhena cha saumyena devarShiramitadyutiH .. 2\-5\-14 (11428) 
sabhAsthAnpANDavAndraShTuM prIyamANo manojavaH.
jayAshIrbhistu taM vipro dharmarAjAnamArchayat .. 2\-5\-15 (11429) 
tamAgatamR^iShiM dR^iShTvA nAradaM sarvadharmavit.
sahasA pANDavashreShThaH pratyutthAyAnujaiH saha .. 2\-5\-16 (11430) 
abhyavAdayata prItyA vinayAvanatastadA.
tadarhamAsanaM tasmai sampradAya yathAvidhi .. 2\-5\-17 (11431) 
gAM chaiva madhuparkaM cha sampradAyArghyameva cha.
archayAmAsa ratnaishcha sarvakAmaishcha dharmavit .. 2\-5\-18 (11432) 
tutoSha cha yathAvachcha pUjAM prApya yudhiShThirAt.
so.architaH pANDavaiH sarvairmaharShirvedapAragaH. 
dharmakAmArthasaMyuktaM paprachChedaM yudhiShThiram ..  2\-5\-19 (11433) 
nArada uvAcha. 2\-5\-20x (1385) 
kachchidarthAshcha kalpante dharme cha ramate manaH.
sukhAni chAnubhUyante manashcha na vihanyate .. 2\-5\-20 (11434) 
kachchidAcharitAM pUrvairnaradevapitAmahaiH.
vartase vR^ittimakShudrAM dharmArthasahitAM triShu .. 2\-5\-21 (11435) 
kachchidarthena vA dharmaM dharmeNArthamathApi vA.
ubhau vA prItisAreNa na kAmena prabAdhase .. 2\-5\-22 (11436) 
kachchidarthaM cha dharmaM cha kAmaM cha jayatAM vara.
vibhajya kAle kAlaj~naH sadA varada sevase .. 2\-5\-23 (11437) 
kachchidrAjaguNaiH ShaDbhiH saptopAyAMstathA.anagha.
balAbalaM tathA samyakvaturdasha parIkShase .. 2\-5\-24 (11438) 
kachchidAtsAnamarnvAkShya parAMshcha jayatAM vara.
tathA sandhAya karmANi aShTau bhArata sevase .. 2\-5\-25 (11439) 
kachchitprakR^itayaH sapta na luptA bharatarShabha.
ADhyAstathA vyasaninaH svanuraktAshcha sarvashaH .. 2\-5\-26 (11440) 
kachchinna kR^itakairdUtairye chApyaparisha~NkitAH.
tvatto vA tava chAmAtyairbhidyate mantritaM tathA .. 2\-5\-27 (11441) 
mitrodAsInashatrUNAM kachchidvetsi chikIrShitam.
kachchitsandhiM yathAkAlaM vigrahaM chopasevase .. 2\-5\-28 (11442) 
kachchidvR^ittimudAsIne madhyame chAnumanyase.
kachchidAtmasamA vR^iddhAH shuddhAH sambodhanakShamAH .. 2\-5\-29 (11443) 
kulInAshchAnuraktAshcha kR^itAste vIramantriNaH.
vijayo mantramUlo hi rAj~no bhavati bhArata .. 2\-5\-30 (11444) 
kachchitsaMvR^itamantraiste amAtyaiH shAstrakovidaiH.
rAShTraM surakShitaM tAta shatrubhirna vilupyate .. 2\-5\-31 (11445) 
kachchinnidrAvashaM naiShi kachchitkAle vibuddhyase.
kachchichchApararAtreShu chintayasyarthamarthavit .. 2\-5\-32 (11446) 
kachchinmantrayase naikaH kachchinna bahubhiH saha.
kachchitte mantrito mantro na rAShTraM paridhAvati .. 2\-5\-33 (11447) 
kachchidarthAnvinishchitya laghumUlAnmahodayAn.
kShipramArabhase kartuM na vighnayasi tAdR^ishAn .. 2\-5\-34 (11448) 
kachchinna srave karmAntAH parokShAste visha~NkitAH.
sarve vA punarutsR^iShTAH saMsR^iShTaM chAtra kAraNam .. 2\-5\-35 (11449) 
AptairalubdhaiH kramikaiste cha kachchidanuShThitAH.
kachchidrAjankR^itAnyeva kR^itaprAyANi vA punaH .. 2\-5\-36 (11450) 
viduste vIra karmANi nAnavAptAni kAnichit.
kachchitkAraNikA dharme sarvashAstreShu kovidAH. 
kArayanti kumArAMshcha yodhamukhyAMshcha sarvashaH ..  2\-5\-37 (11451) 
kachchitsahasrairmUrkhANAmekaM krINAsi paNDitam.
paNDito hyarthakR^ichChreShu kuryAnnaH shreyasaM param .. 2\-5\-38 (11452) 
kachchiddurgANi sarvANi dhanadhAnyAyudhodakaiH.
yantraishcha paripUrNAni tathA shilpidhanurdharaiH .. 2\-5\-39 (11453) 
ekopyamAtyo medhAvI shUro dAnto vichakShaNaH.
rAjAnaM rAjaputraM vA prApayenmahatIM shriyam .. 2\-5\-40 (11454) 
kachchidaShTAdashAnyeShu svapakShe dasha pa~ncha cha.
tribhistribhiravij~nAtairvetsi tIrthAni chArakaiH .. 2\-5\-41 (11455) 
kachchiddviShAmaviditaH pratipannashcha saravadA.
nityayukto ripUnsarvAnvIkShase ripusUdana .. 2\-5\-42 (11456) 
kachchidvinayasampannaH kulaputro bahushrutaH.
anasUyuranupraShTA satkR^itaste purohitaH .. 2\-5\-43 (11457) 
kachchidagniShu te yukto vidhij~no matimAnR^ijuH.
hutaM cha hoShyamANaM cha kAle vedayate sadA .. 2\-5\-44 (11458) 
kachchida~NgeShu niShNAto jyotipaH pratipAdakaH.
utpAteShu cha sarveShu daivaj~naH kushalastava .. 2\-5\-45 (11459) 
kachchinmukhyA mahatsveva madhyameShu cha madhyamAH.
jaghanyAshcha jaghanyeShu bhR^ityAH karmasu yojitAH .. 2\-5\-46 (11460) 
amAtyAnupadhAtItAnpitR^ipaitAmahA~nshuchIn.
shreShThA~nshreShTheShu kachchittvaM niyojayasi karmasu .. 2\-5\-47 (11461) 
kachchinnogreNa daNDena bhR^ishamudvijase prajAH.
rAShTraM tavAnushAsanti mantriNo bharatarShabha .. 2\-5\-48 (11462) 
kachchittvAM nAvajAnanti yAjakAH patitaM yathA.
ugrapratigrahItAraM kAmayAnamiva striyaH .. 2\-5\-49 (11463) 
kachchiddhR^iShTashcha shUrashcha matimAndhR^itimA~nshuchiH.
kulInashchAnuraktashcha dakShaH senApatistathA.  2\-5\-50 (11464) 
kachchidbalasya te mukhyAH sarvayuddhavishAradAH.
dhR^iShTAvadAtA vikrAntAstvayA satkR^itya mAnitAH .. 2\-5\-51 (11465) 
kachchidvalasya bhaktaM cha vetanaM cha yathochitam.
samprAptakAle dAtavyaM dadAsi na vikarShasi .. 2\-5\-52 (11466) 
kAlAtikramaNAdete bhaktavetanayorbhR^itAH.
bhartuH kupyanti daurgatyAtso.anarthaH sumahAnsmR^itaH .. 2\-5\-53 (11467) 
kachchitsarve.anuraktAstvAM kulaputrAH pradhAnataH.
kachchitprANAMstavArtheShu santyajanti sadA yudhi .. 2\-5\-54 (11468) 
kachchinnaiko bahUnarthAnsarvashaH sAmparAyikAn.
anushAsti yathAkAmaM kAmAtmA shAsanAtigaH .. 2\-5\-55 (11469) 
kachchitpuruShakAreNa puruShaH karma shobhayan.
labhate mAnamadhikaM bhUyo vA bhaktavetanam .. 2\-5\-56 (11470) 
kachchidvidyAvinItAMshcha narA~nj~nAnavishAradAn.
yathArhaM guNatashchaiva dAnenAbhyupapadyase .. 2\-5\-57 (11471) 
kachchiddArAnmanuShyANAM tavArthe mR^ityumIyuShAm.
vyasanaM chAbhyupetAnAM bibharShi bharatarShabha .. 2\-5\-58 (11472) 
kachchidbhayAdupagataM kShINaM vA ripumAgatam.
yuddhe vA vijitaM pArtha putravatparirakShasi .. 2\-5\-59 (11473) 
kachchittvameva sarvasyAH pR^ithivyAH pR^ithivIpate.
samashchAnabhisha~Nkyashcha yathA mAtA yathA pitA .. 2\-5\-60 (11474) 
kachchidvyasaninaM shatruM nishamya bharatarShabha.
abhiyAsi javenaiva samIkShya trividhaM balam .. 2\-5\-61 (11475) 
yAtrAmArabhase diShTyA prAptakAlamarindama.
pArShNimUlaM cha vij~nAya vyavasAyaM parAjayam .. 2\-5\-62 (11476) 
balasya cha mahArAja dattvA vetanamagrataH.
kachchichcha balamukhyebhyaH pararAShTre parantapa. 
upachChannAni ratnAni prayachChasi yathArhataH ..  2\-5\-63 (11477) 
kachchidAtmAnamevAgre vijitya vijitendriyaH.
pAra~njigIShase pArtha pramattAnajitendriyAn .. 2\-5\-64 (11478) 
kachchitte yAsyataH shatrUnparvaM yAnti svanuShThitAH.
sAma dAnaM cha bhedashcha daNDashcha vidhivadguNAH .. 2\-5\-65 (11479) 
tAMshcha vikramase jetuM jitvA cha parirakShasi ..
kachchidaShTA~NgasaMyuktA chaturvidhabalA chamUH.  2\-5\-66 (11480) 
balamukhyaiH sunItA te dviShatAM prativardhinI ..
kachchillavaM cha muShTiM cha pararAShTre parantapa.  2\-5\-67 (11481) 
avihAya mahArAja nihaMsi samare ripUn ..
kachchitsvapararAShTreShu bahavo.adhikR^itAstava.  2\-5\-68 (11482) 
arthAnsamadhitiShThanti rakShanti cha parasparam ..  2\-5\-69 (11483) 
kachchidabhyavahAryANi gAtrasaMsparshanAni cha.
ghreyANi cha mahArAja rakShantyanumatAstava.  2\-5\-70 (11484) 
kachchitkoshashcha koShThaM cha vAhanaM dvAramAyudham ..
Ayashcha kR^itakalyANaistava bhaktairanuShThitaH .. 2\-5\-71 (11485) 
kachchidAbhyantarebhyashcha bAhyebhyashcha vishAmpate ..
rakShasyAtmAnamevAgre tAMshcha svebhyo mithashcha tAn.  2\-5\-72 (11486) 
kachchinna pAne dyUte vA krIDAsu pramadAsu cha.
pratijAnanti pUrvAhNe vyayaM vyasanajaM tava .. 2\-5\-73 (11487) 
kachchidAyasya chArdhena chaturbhAgena vA punaH.
pAdabhAgaistribhirvApi vyayaH saMshuddhyate tava .. 2\-5\-74 (11488) 
kachchijj~nAtIngurUnvR^iddhA\-
nvaNijaH shilpinaH shritAn. 
abhIkShNamanugR^ihANisi
dhanadhAnyena durgatAn ..  2\-5\-75 (11489) 
kachchichchAyavyaye yuktAH sarve gaNakalekhakAH.
anutiShThanti pUrvAhNe nityamAyaM vyayaM tava .. 2\-5\-76 (11490) 
kachchidartheShu samprauDhAnhitakAmAnanupriyAn.
nApakarShasi karmabhyaH pUrvamaprApya kilbiSham .. 2\-5\-77 (11491) 
kachchidviditvA puruShAnuttamAdhamamadhyamAn.
tvaM karmasvanurUpeShu niyojayasi bhArata .. 2\-5\-78 (11492) 
kachchinna lubdhAshchaurA vA vairiNo vA vishAmpate.
aprAptavyavahArA vA tava karmasvanuShThitAH .. 2\-5\-79 (11493) 
kachchinna chaurairlubdhairvA kumAraiH strIbalena vA.
tvayA vA pIDyate rAShTraM kachchittuShTAH kR^iShIvalAH  2\-5\-80 (11494) 
kachchidrAShTre taTAkAni pUrNAni cha bR^ihanti cha.
bhAgasho viniviShTAni na kR^iShirdevamAtR^ikA .. 2\-5\-81 (11495) 
kachchinnaM bhaktaM bIjaM cha karShakasyAvasIdati.
pratyekaM cha shataM vR^iddhyA dadAsyR^iNamanugraham .. 2\-5\-82 (11496) 
kachchitsvanuShThitA tAta vArtA te sAdhubhirjanaiH.
vArtAyAM saMshritastAta loko.ayaM sukhamedhate .. 2\-5\-83 (11497) 
kachchichChUrAH kR^itapraj~nAH pa~nchapa~ncha svanuShThitAH.
kShemaM kurvanti saMhatya rAja~njanapade tava .. 2\-5\-84 (11498) 
kachchinnagaraguptyarthaM grAmA nagaravatkR^itAH.
grAmavachcha kR^itAH prAntAste cha sarve tvadarpaNAH .. 2\-5\-85 (11499) 
kachchidbalenAnugatAH samAni viShamANi cha.
purANi chaurAnnighnantashcharanti viShaye tava .. 2\-5\-86 (11500) 
kachchitsriyaH sAntvayasi kachchittAshcha surakShitAH.
kachchinna shraddadhAsyAsAM kachchidguhyaM na bhAShase .. 2\-5\-87 (11501) 
kachchidAtyayikaM shrutvA tadarthamanuchintya cha.
priyANyanubhava~nsheShe na tvamantaH pure nR^ipa .. 2\-5\-88 (11502) 
kachchiddvau prathamau yAmau rAtreH suptvA vishAmpate.
sa~nchintayasi dharmArthau yAma utthAya pashchime .. 2\-5\-89 (11503) 
kachchiddarshayase nityaM manuShyAnsamala~NkR^itaH.
utthAya kAle kAlaj~naiH saha pANDava mantribhiH .. 2\-5\-90 (11504) 
kachchidraktAmbaradharAH khaDgahastAH svala~NkR^itAH.
upAsate tvAmabhito rakShaNArthamarindama .. 2\-5\-91 (11505) 
kachchiddaNDyeShu yamavatpUjyeShu cha vishAmpate.
parIkShya vartase samyagapriyeShu priyeShu cha .. 2\-5\-92 (11506) 
kachchichChArIramAbAdhamauShadhairniyamena vA.
mAnasaM vR^iddhasevAbhiH sadA pArthApakarShasi .. 2\-5\-93 (11507) 
kachchidvaidyAshchikitsAyAmaShTA~NgAyAM vishAradAH.
suhR^idashchAnuraktAshcha sharIre te hitAH sadA .. 2\-5\-94 (11508) 
kachchinna lobhAnmohAdvA mAnAdvApi vishAmpate.
arthipratyarthinaH prAptAnnApAsyasi katha~nchana .. 2\-5\-95 (11509) 
kachchinna lobhAnmohAdvA vishrambhAtpraNayena vA.
AshritAnAM manuShyANAM vR^ittiM tvaM saMruNAtsi vai .. 2\-5\-96 (11510) 
kachchitpaurA na sahitA ye cha te rAShTravAsinaH.
tvayA saha virudhyante paraiH krItAH katha~nchana .. 2\-5\-97 (11511) 
kachchinna durbalaH shatrurbalena paripIDitaH.
mantreNa balavAnkashchidubhAbhyAM cha katha~nchana .. 2\-5\-98 (11512) 
kachchitsarve.anuraktAstvAM bhUmipAlAH pradhAnataH.
kachchitprANAMstvadartheShu santyajanti tvayA hR^itAH .. 2\-5\-99 (11513) 
kachchitte sarvavidyAsu guNato.archA pravartate.
brAhmaNAnAM cha sAdhUnAM tava naiH shreyasI shubhA. 
dakShiNAstvaM dadAsyeShAM nityaM svargApavargadAH ..  2\-5\-100 (11514) 
kachchiddharme trayImUle pUrvairAcharite janaiH.
yatamAnastathA kartuM tasminkarmaNi vartase .. 2\-5\-101 (11515) 
kachchittava gR^ihe.annAni svAdUnyashranti vai dvijAH.
guNavanti guNopetAstavAdhyakShaM sadakShiNam .. 2\-5\-102 (11516) 
kachchitkratUnekachitto vAjapeyAMshcha sarvashaH.
pauNDarIkAMshcha kArtsnyena yatase kartumAtmavAn .. 2\-5\-103 (11517) 
kachchijj~nAtIngurUnvR^iddhAndaivatAMstApasAnapi.
chaityAMshcha vR^ikShAnkalyANAnbrAhmaNAMshcha namasyasi .. 2\-5\-104 (11518) 
kachchichChoko na manyurvA tvayA protpAdyate.anagha.
api ma~Ngalahastashcha janaH pArshve na tiShThati .. 2\-5\-105 (11519) 
kachchideShA cha te buddhirvR^ittireShA cha te.anagha.
AyuShyA cha yashasyA cha dharmakAmArthadarshinI .. 2\-5\-106 (11520) 
etayA vartamAnasya buddhyA rAShTraM na sIdati.
vijitya cha mahIM rAjA sotyantaM sukhamedhate .. 2\-5\-107 (11521) 
kachchidAryo vishuddhAtmA kShAritashchaurakarmaNi.
adR^iShTashAstrakushalairna lobhAdvadhyate shuchi .. 2\-5\-108 (11522) 
duShTo gR^ihItastatkAritajj~nairdR^iShTaH sakAraNaH.
kachchinna muchyate steno dravyalobhAnnararShabha .. 2\-5\-109 (11523) 
utpannAnakachchidADhyasya daridrasya cha bhArata.
arthAnna mithyA pashyanti tavAmAtyA hR^itA dhanaiH .. 2\-5\-110 (11524) 
nAstikyamanR^itaM krodhaM pramAdaM dIrghasUtratAm.
adarshanaM j~nAnavatAmAlasyaM pa~nchavR^ittitAm. 
ekachintanamarthAnAmanarthaj~naishcha chintanam ..  2\-5\-111 (11525) 
nishchitAnAmanArambhaM mantrasyAparirakShaNam.
ma~NgalAdyaprayogaM cha pratyutthAnaM cha sarvataH .. 2\-5\-112 (11526) 
kachchittvaM varjayasyetAnrAjadoShAMshchaturdasha.
prAyashoyairvinashyanti kR^itamUlApi pArthivaH .. 2\-5\-113 (11527) 
kachchitte saphalA vedAH kachchitte saphaLaM dhanam.
kachchitte saphalA dArAH kachchitte saphalaM shrutam .. 2\-5\-114 (11528) 
yudhiShThira uvAcha . 2\-5\-115x (1386) 
kathaM vai saphalA vedAH kathaM vai saphalaM dhanam.
kathaM vai saphalA dArAH kathaM vai saphalaM shrutam .. 2\-5\-115 (11529) 
nArada uvAcha. 2\-5\-116x (1387) 
agnihotraphalA vedA dattabhuktaphalaM dhanam.
ratiputraphalA dArAH shIlavR^ittaphalaM shrutam .. 2\-5\-116 (11530) 
vaishampAyana uvAcha. 2\-5\-117x (1388) 
etadAkhyAya sa munirnArado vai mahAtapAH.
paprachChAnantaramidaM dharmAtmAnaM yudhiShThiram .. 2\-5\-117 (11531) 
nArada uvAcha. 2\-5\-118x (1389) 
kachchidabhyAgatA dUrAdvaNijo lAbhakAraNAt.
yathoktamavahAryante shulkaM shulkopajIvibhiH .. 2\-5\-118 (11532) 
kachchitte puruShA rAjanpure rAShTre cha mAnitAH.
upAnayanti paNyAni upAdhAbhirava~nchitAH .. 2\-5\-119 (11533) 
kachchichChR^iNoShi vR^iddhAnAM dharmArthasahitA giraH.
nityamarthavidAM tAta yathAdharmArthadarshinAm .. 2\-5\-120 (11534) 
kachchitte kR^iShitantreShu goShu puShpaphaleShu cha.
dharmArthaM cha dvijAtibhyo dIyete madhusarpiShI .. 2\-5\-121 (11535) 
dravyopakaraNaM ki~nchitsarvadA sarvashilpinAm.
chAturmAsyAvaraM samya~NniyataM samprayachChasi .. 2\-5\-122 (11536) 
kachchitkR^itaM vijAnIShe kartAraM cha prashaMsasi.
satAM madhye mahArAja satkaroShi cha pUjayan .. 2\-5\-123 (11537) 
kachchitsUtrANi sarvANi gR^ihNAsi bharatarShabha.
hastisUtrAshvasUtrANi rathasUtrANi vA vibho .. 2\-5\-124 (11538) 
kachchidabhyasyate samyaggR^ihe te bharatarShabha.
dhanurvedasya sUtraM vai yantrasUtraM cha nAgaram .. 2\-5\-125 (11539) 
kachchidastrANi sarvANi brahmadaNDashcha te.anagha.
viShayogAstathA sarve viditAH shatrunAshanAH .. 2\-5\-126 (11540) 
kachchidagnibhayAchchaiva sarvaM vyAlabhayAttathA.
rogarakShobhayAchchaiva rAShTraM svaM parirakShashi .. 2\-5\-127 (11541) 
kachchidandhAMshcha mUkAMshcha pa~NgUnvya~NgAnabAndhavAn.
piteva pAsi dharmaj~na tathA pravrajitAnapi .. 2\-5\-128 (11542) 
ShaDavarthA mahArAja kachchitte pR^iShThataH kR^itAH.
nidrA.a.alasyaM bhayaM krodho mArdavaM dIrghasUtratA .. 2\-5\-129 (11543) 
vaishampAyana uvAcha. 2\-5\-130x (1390) 
tataH kurUNAmR^iShabho mahAtmA
shrutvA giro brAhmaNasattamasya. 
praNamya pAdAvabhivAdya tuShTo
rAjA.abravInnAradaM devarUpam ..  2\-5\-130 (11544) 
evaM kariShyAmi yathA tvayoktaM
praj~nA hi me bhUya evAbhivR^iddhA. 
uktvA tathA chaiva chakAra rAjA
lebhe mahIM sAgaramekhalAM cha ..  2\-5\-131 (11545) 
nArada uvAcha. 2\-5\-132x (1391) 
evaM yo vartate rAjA chAturvarNyasya rakShaNe.
sa vihR^ityeha susukhI shukrasyaiti salokatAm .. .. 2\-5\-132 (11546) 

iti shrImanmahAbhArate sabhAparvaNi pa~nchamo.adhyAyaH .. 5\..

##Mahabharata - Sabha Parva - Chapter Footnotes##

2\-5\-24 ShaDguNAH sandhivigrahAdayaH . saptopAyAH mantrauShadhendrajAlasahitAH sAmAdayaH. sa vaparapakShabalAvalasahitA etaeva chaturdasha ..
2\-5\-25 aShTau karmANi\- kR^iShirvaNikpato durga setuH ku~njarabandhanam . khanyAkarakarAdAnaM shUnyAnAM cha niveshanamityuktAni ..
2\-5\-26 saptaprakR^itayaH svAmyamAtyasuhR^itkosharAShTradurgabalAkhyAH ..
2\-5\-27 kachchinna tarkairdUtairvA iti kha\-pAThaH ..
2\-5\-28 shuchayo jIvitakShamAH iti kha\-pAThaH ..
2\-5\-35 karmAntAH kR^iShyAdayaH ..
2\-5\-37 kAraNikAH yuddhopakaraNayuktAH ..
2\-5\-41 mantrI purohitashchaiva yuvarAjashchamUpatiH . pa~nchamo dvArapAlashcha ShaShTho.antarvesha ikastathA 1, kArAgArAdhikArI cha dravyasa~nchayakR^ittathA. kR^ityAkR^ityeShu chArthAnAM navamo viniyojakaH 2, predeShTA nagarAdhyakShaH kAryAnirmANakR^ittathA. dharmAdhya kShaH sabhAdhyakSho daNDapAlastripa~nchamaH 3, ShoDasho durgapAlashcha tathA rAShTrAnta pAlakaH aTavIpAlakAntAni tIrthAnyaShTAdashaiva tu 4, chArAnvichArayettIrtheShvAta manashcha parasya cha . pAkhaNDAdInavij~nAtAnanyonyamitareShvapi 5, mantriNaM yuvarA jaM cha hitvA sveShu purohitamiti ..
2\-5\-67 aShTA~NgasaMyuktA\-rathA nAgA hayA yodhAH pattayaH karmakArakAH . chArA daishikamukhyAsha cha dhvajinyaShTA~NgikA matA. chaturvidhabalA maulamaitramR^ityATavikairbalairyuktA. balamukhyaiH senApatibhiH prativardhinI prAtikUlyena chChedinI ..
2\-5\-68 lavaH sasyachChedanakAlaH . muShTiH sasyAnAM gopanakAlaH ..
2\-5\-71 koShThaM dhAnyasthAnam ..
2\-5\-73 kachchinneti pAnAdivyasanajaM vyayaM tava pUrvAhNe dharmAcharaNakAle bhR^ityA na prata ijAnanti nAvedayanti ..
2\-5\-76 anutiShThanti nivedayanti ..
2\-5\-79 aprAptavyavahArA aprauDhAH ..
2\-5\-84 pratigrAmaM pa~nchapa~ncheti . techa\-prashAstA samAhartA saMvidhAtA lekhakaH sAkShI che ti ..
2\-5\-88 AtyayikamakalyANam ..
2\-5\-93 AbAdhaM duHkham . niyamena pathyAshanAdinA ..
2\-5\-94 nidAnaM pUrvali~NgAni rUpANyupashayastathA . samprAptirauShadhI rogI parichAraka evaM chetyaShTA~NgAni ..
2\-5\-102 tavAdhyakShaM tvatsamakShaN ..
2\-5\-108 kShAritaH mithyApavAdaiH pAtitaH ..
2\-5\-113 kR^itamUlAH apIti ChedaH ..
2\-5\-126 brahmadaNDaH abhichAraH ..


\medskip\hrule\medskip
sabhAparva \- adhyAya 006
.. shrIH ..
2\.6\. adhyAyaH 6 

##Mahabharata - Sabha Parva - Chapter Topics##
uttamasabhAlAbhagarvitena yudhiShThireNa sabhAviShayakaprashne nAradasya indrAdisabhAvarNa napratij~nAnam .. 1\..

##Mahabharata - Sabha Parva - Chapter Text##

vaishamApAyana uvAcha.

sampUjyAthAbhyanuj~nAto maharShervachanAtparam.
pratyuvAchAnupUrvyeNa dharmarAjo yudhiShThiraH .. 2\-6\-1 (11547) 
bhagavatyAyyamAhaitaM yathAvaddharmanishchayam.
yathAshakti yathAnyAyaM kriyate.ayaM vidhirmayA .. 2\-6\-2 (11548) 
rAjabhiryadyathA kAryaM, purA vai tanna saMshayaH.
yathAnyAyopanItArthaM kR^itaM hetumadarthavat .. 2\-6\-3 (11549) 
vayaM tu satpathaM teShAM yAtumichChAmahe prabho.
na tu shakyaM tathA gantuM yathA tairniyatAtmabhiH .. 2\-6\-4 (11550) 
vaishampAyana uvAcha. 2\-6\-5x (1392) 
ekamuktvA sa dharmAtmA vAkyaM tadabhipUjya cha.
` taM tu vishrAntamAsInaM devarShimamitadyutim'..
muhUrtAtprAptakAlaM cha dR^iShTvA lokacharaM munim ..  2\-6\-5 (11551) 
nAdaradaM susthamAsInamupAsIno yudhiShThiraH.
apR^ichChatpANDavastatra rAjamadhye mAhadyutiH .. 2\-6\-6 (11552) 
bhavAtsa~ncharate lokAnsadA nAnAvidhAnbahUn.
brahmaNA nirmitAnpUrvaM prekShamANo manojavaH.  2\-6\-7 (11553) 
IdR^ishI bhavitA kAchiddR^iShTapUrvA sabhA kvachit.
ito vA shreyasI brahmaMstanmamAchakShva pR^ichChataH .. 2\-6\-8 (11554) 
vaishampAyana uvAcha. 2\-6\-9x (1393) 
tachChrutvA nAradastasya dharmarAjasya bhAShitam.
pANDavaM pratyuvAchedaM smayanmadhurayA girA .. 2\-6\-9 (11555) 
nArada uvAcha. 2\-6\-10x (1394) 
mAnuSheShu na me tAta dR^iShTapUrvA na cha shrutA.
sabhA maNimayI rAjanyatheyaM tava bhArata .. 2\-6\-10 (11556) 
sabhAM tu pitR^irAjasya varuNasya cha dhImataH.
kathayiShye tathendrasya kailAsanilayasya cha .. 2\-6\-11 (11557) 
brahmaNashcha sabhAM divyAM kathayiShye gataklamAm.
divyAdivyairabhiprAyairupetAM vishvarUpiNIm .. 2\-6\-12 (11558) 
devaiH pitR^igaNaiH sAdhyairyajvabhirniyatAtmabhiH.
juShTAM munigaNaiH shAntairvedayaj~naiH sadakShiNaiH ..
yadi te shravaNe buddhirvartate bharatarShabha ..  2\-6\-13 (11559) 
nAradenaivamuktastu dharmarAjo yudhiShThiraH.
prA~njalirbhrAtR^ibhiH sArdhaM taishcha sarvairdvijottamaiH .. 2\-6\-14 (11560) 
nAradaM pratyavAchedaM dharmarAjo mahAmanAH.
sabhAH kathaya tAH sarvAH shrotumichChAmahe vayam .. 2\-6\-15 (11561) 
kindravyAstAH sabhA brahmankiMvistArAH kimAyatAH.
pitAmahaM cha ke tasyAM sabhAyAM paryupAsate .. 2\-6\-16 (11562) 
vAsavaM devarAjaM cha yamaM vaivasvataM cha ke.
varuNaM cha kuberaM cha sabhAyAM paryupAsate .. 2\-6\-17 (11563) 
etatsarvaM yathAnyAyaM brahmarShe vadatastava.
shrotumichChAma sahitAH paraM kautUhalaM hi naH .. 2\-6\-18 (11564) 
evamuktaH pANDavena nAradaH pratyabhAShata.
krameNa rAjandivyAstAH shrUyantAmiha naH sabhAH .. .. 2\-6\-19 (11565) 

iti shrImanmahAbhArate sabhAparvaNi mantraparvaNi ShaShTho.adhyAyaH .. 6\..

##Mahabharata - Sabha Parva - Chapter Footnotes##

2\-6\-11 kailAsanilayasya kuberasya ..


\medskip\hrule\medskip
sabhAparva \- adhyAya 007
.. shrIH ..
2\.7\. adhyAyaH 7 

##Mahabharata - Sabha Parva - Chapter Topics##
indrasabhAvarNanam .. 1\..

##Mahabharata - Sabha Parva - Chapter Text##

nArada uvAcha ..

shakrasya tu sabhA divyA bhAsvarA karmanirmitA.
svayaM shakreNa kauravya nirjitArkasamaprabhA .. 2\-7\-1 (11566) 
vistIrNA yojanashataM shatamadhyardhamAyatA.
vaihAyasI kAmagamA pa~nchayojanamuchChritA.  2\-7\-2 (11567) 
jarAshokaklamApetA nirAta~NkA shivA shubhA.
veshmAsanavatI ramyA divyapAdapashobhitA .. 2\-7\-3 (11568) 
tasyAM deveshvaraH pArtha sabhAyAM paramAsane.
Aste shachyA mahendrANyA shriyA lakShmyA cha bhArata.  2\-7\-4 (11569) 
bibhradvapuranirdeshyaM kirITI lohitA~NgadaH.
virajombarashchitramAlyo hrIkIrtidyutibhiH saha .. 2\-7\-5 (11570) 
tasyAmupAsate nityaM mahAtmAnaM shatakratum.
marutaH sarvasho rAjansarve cha gR^ihamedhinaH .. 2\-7\-6 (11571) 
siddhA devarShayashchaiva sAdhyA devagaNAstathA.
maruttvantashcha sahitA bhAsvanto hemamAlinaH .. 2\-7\-7 (11572) 
ete sAnucharAH sarve divyarUpAH svala~NkR^itAH.
upAsate mahAtmAna devarAjamarindamam .. 2\-7\-8 (11573) 
tathA devarShayaH sarve pArte shakramupAsate.
amalA dhUtapApmAno dIpyamAnA ivAgnayaH .. 2\-7\-9 (11574) 
tejasvinaH somasuto vishokA vigatajvarAH.
parAsharaH parvatashcha tathA sAvarNigAlavau .. 2\-7\-10 (11575) 
`ekatashcha dvitashchaiva tritashchaiva mahAmatiH'.
sha~Nkhashcha likhitashchaiva tathA gaurashirA muniH. 
durvAsAH krodhanaH shyenastathA dIrghatamA muniH ..  2\-7\-11 (11576) 
pavitrapANiH sAvarNiryAj~navalkyo.atha bhAlukiH.
uddAlakaH shvetaketustANDo bhANDAyanistathA .. 2\-7\-12 (11577) 
haviShmAMshcha gariShThashcha harishchandrashcha pArthivaH ..
hR^idyashchodarashANDilyaH pArAsharyaH kR^iShIvalaH .. 2\-7\-13 (11578) 
vAtaskandho vishAkhashcha vidhAtA kAla eva cha.
karAladantastvaShTA cha vishvakarmA cha tumburuH .. 2\-7\-14 (11579) 
ayonijA yonijAshcha vAyubhakShA hutAshinaH.
IshAnaM sarvalokasya vajriNaM samupAsate .. 2\-7\-15 (11580) 
sahadevaH sunIthashcha vAlmIkishcha mahAtapAH.
samIkaH satyavAkchaiva prachetAH satyasa~NgaraH .. 2\-7\-16 (11581) 
medhAtithirvAmadevaH pulastyaH pulahaH kratuH.
maruttashcha marIchishcha sthANushchAtra mahAtapAH .. 2\-7\-17 (11582) 
kakShIvAngautamastArkShyastathA vaishvAnaro muniH.
muniH kAlakavR^ikShIya AshrAvyo.atha hiraNmayaH .. 2\-7\-18 (11583) 
saMvarto devahavyashcha viShvaksenashcha vIryavAn.
divyA ApastathauShadhyaH shraddhA medhA sarasvatI .. 2\-7\-19 (11584) 
artho dharmashcha kAmashcha vidyutashchaiva pANDava.
jalavAhAstathA meghA vAyavaH stanayitnavaH .. 2\-7\-20 (11585) 
prAchIdigyaj~navAhAshcha pAvakAH saptaviMshatiH.
agnIShomau tathendrAgnI mitrashcha savitA.aryamA .. 2\-7\-21 (11586) 
bhago vishve sAdhyAshcha guruH shukrastathaiva cha.
vishvAvasushchitrasenaH sumanastaruNastathA .. 2\-7\-22 (11587) 
yaj~nAshcha dakShiNAshchaivaM grahAstobhAshcha bhArata.
yaj~navAhAshcha ye mantrAH sarve tatra samAsate .. 2\-7\-23 (11588) 
tathaivApsaraso rAjan `rambhorvashyatha menakA.
ghR^itAchI pa~nchachUDA cha viprachittipurogamAH .. 2\-7\-24 (11589) 
vidyAdharAshcha rAjendra' gandharvAshcha manoramAH.
nR^ityavAditragItaishcha hAsyaishcha vividhairapi .. 2\-7\-25 (11590) 
ramayanti sma nR^ipate devarAjaM shatakratum.
stutibhirma~Ngalaishchaiva vastuvantaH karmabhistathA .. 2\-7\-26 (11591) 
vikramaishcha mahAtmAnaM balavR^itraniShUdanam.
brahmarAjarShayashchaiva sarve devarShayastathA .. 2\-7\-27 (11592) 
vimAnairvividhairdivyairdIpyamAnA ivAgnayaH.
sragviNo bhUShitAH sarve yAnti chAyAnti chApare .. 2\-7\-28 (11593) 
bR^ihaspatishcha shukrashcha nityamAstAM hi tatra vai ..
ete chAnye cha bahavo mahAtmAno yatavratAH .. 2\-7\-29 (11594) 
vimAnaishchandrasa~NkAshaiH somavatpriyadarshanAH.
brahmaNo vachanAdrAjanbhR^iguH saptarShayastathA .. 2\-7\-30 (11595) 
eShA sabhA mayA rAjandR^iShTA puShkaramAlinI.
shatakratormahAbAho yAmyAmapi sabhAM shR^iNu .. .. 2\-7\-31 (11596) 

iti shrImanmahAbhArate sabhAparvaNi mantraparvaNi saptamo.adhyAyaH .. 7\..

##Mahabharata - Sabha Parva - Chapter Footnotes##

2\-7\-13 pArAsharyaH kapiShThala iti gha . pAThaH ..
2\-7\-21 brahmaNo~NgAtprasUto.agnira~NgirA iti vishrutaH . dakShiNAgnirgArhapatyA havanIyAviti trayI. nirmanthyo vaidyutaH shUraH saMvarto laukikastathA. 2\-7\-31 puShkaramAlinI nAmataH ..


\medskip\hrule\medskip
sabhAparva \- adhyAya 008
.. shrIH ..
2\.8\. adhyAyaH 8 

##Mahabharata - Sabha Parva - Chapter Topics##
yamasabhAvarNamam .. 1\..

##Mahabharata - Sabha Parva - Chapter Text##

nArada uvAcha.

kathayiShye sabhAM yAmyAM yudhiShThira nibodha tAm.
vaivasvatasya yAM pArtha vishvakarmA chakAra ha .. 2\-8\-1 (11597) 
taijasI sA sabhA rAjanbabhUva shatayojanA.
vistArAyAmasampannA bhUyasI chApi pANDava .. 2\-8\-2 (11598) 
arkaprakAshA bhrAjiShNuH sarvataH kAmarUpiNI.
nAtishItA cha chAtyuShNA manasashcha praharShiNI .. 2\-8\-3 (11599) 
na shoko na jarA tasyAM kShutpipAse na chApriyam.
na cha dainyaM klamo vA.api pratikUlaM na chApyuta .. 2\-8\-4 (11600) 
sarve kAmAH sthitAstasyAM ye divyA ye cha mAnuShAH.
rasavachcha prabhUtaM cha bhakShyaM bhojyamarindama .. 2\-8\-5 (11601) 
lehyaM chopyaM cha peyaM cha hR^idyaM svAdu manoharam.
puNyagandhAH srajastasya nityaM kAmaphalA drumAH .. 2\-8\-6 (11602) 
rasavanti cha toyAni shItAnyuShNAni chaiva hi.
tasyAM rAjarShayaH puNyAstathA brahmarShayo.amalAH .. 2\-8\-7 (11603) 
yamaM vaivasvataM tAta prahR^iShTAH paryupAsate.
yayAtirnahuShaH pururmAndhAtA somako nugaH .. 2\-8\-8 (11604) 
trasadasyushcha rAjarShiH kR^itavIryaH shrutashravAH.
ariShTanemiH siddhashcha kR^itavegaH kR^itirnimiH .. 2\-8\-9 (11605) 
pratardanaH shibirmatsyaH pR^ithulAkSho bR^ihadrathaH.
vArto maruttaH kuShikaH sA~NkAshyaH sA~NkR^itirdhruvaH .. 2\-8\-10 (11606) 
chaturashchaH sadasyormiH kArtavIryashcha pArthivaH.
bharataH surathashchaiva sunItho nishaTho.analaH .. 2\-8\-11 (11607) 
divodAsashcha sumanA ambarISho bhagIrathaH.
vyashvaH sadashvo vAghryashvaH pR^ithuvegaH pR^ithushravAH .. 2\-8\-12 (11608) 
pR^ipadashvo vasumanAH kShupashcha sumahAbalaH.
ruShadrurvR^iShasenashcha purukutso dhvajI rathI .. 2\-8\-13 (11609) 
ArShTiSheNo dilIpashcha mahAtmA chApyushInaraH.
aushInariH puNDarIkaH sharyAtiH sharabhaH shuchiH .. 2\-8\-14 (11610) 
a~Ngo riShTashcha venashcha duShyantaH sR^i~njayo jayaH.
bhA~NgAsuriH sunIthashcha niShadho.atha vahInaraH .. 2\-8\-15 (11611) 
karandhamo bAhlikashcha sudyumno balavAnmadhuH.
ailo maruttashcha tathA balavAnpR^ithivIpatiH .. 2\-8\-16 (11612) 
kapotaromA tR^iNakaH sahadevArjunau tathA.
vyashvaH sAshvaH kR^ishAshvashcha shashabindushcha pArthivaH .. 2\-8\-17 (11613) 
rAmo dAsharathishchaiva lakShmaNo.atha pratardanaH.
alarkaH kakShasenashcha gayo gaurAoshva eva cha .. 2\-8\-18 (11614) 
jAmadagnyashcha rAmashcha nAbhAgasagarau tathA.
bhUridyumno mahAshvashcha pR^ithAshaavo janakastathA .. 2\-8\-19 (11615) 
rAjA vainyo vArisenaH purijijjanamejayaH.
brahmadattastrigartishcha rAjoparicharastathA .. 2\-8\-20 (11616) 
indradyumno bhImajAnurgaurapR^iShTho.anagho layaH.
padmo.atha muchukundashcha bhUridyumnaH prasenajit .. 2\-8\-21 (11617) 
ariShTanemiH sudyumnaH pR^ithulAshvo.aShTakastathA.
shataM matsyA nR^ipatayaH shataM nIpAH shataM hayAH .. 2\-8\-22 (11618) 
dhR^itarAShTrAshchaikashatamashItirjanamejayAH.
shataM cha brahmadattAnAM vIriNAmIriNAM shatam .. 2\-8\-23 (11619) 
bhIShNANAM dve shate.apyatra bhImAnAM tu tathA shatam.
shataM cha prativindhyAnAM shataM nAgAH shataM hayAH .. 2\-8\-24 (11620) 
palAshAnAM shataM j~neyaM shataM kAshakushAdayaH.
shAntanushchaiva rAjendra pANDushchaiva pitA tava .. 2\-8\-25 (11621) 
usha~NgavaH shataratho devarAjo jayadrathaH.
vR^iShadarbhashcha rAjarShirbuddhimAnsahamantribhiH .. 2\-8\-26 (11622) 
athApare sahasrANi ye gatAH shasabindavaH.
iShTvA.ashvamedhairbahubhirmahadbhirbhUridakShiNaiH .. 2\-8\-27 (11623) 
ete rAjarShayaH puNyAH kIrtimanto bahushrutAH.
tasyAM sabhAyAM rAjendra vaivasvatamupAsate .. 2\-8\-28 (11624) 
agastyo.atha mata~Ngashcha kAlo mR^ityustathaiva cha.
yajvAnashchaiva siddhAshcha ye na yogasharIriNaH .. 2\-8\-29 (11625) 
agniShvAttAshcha pitaraH phenapAshvoShmapAshcha ye.
sudhAvanto barhiShado mUrtimantastathA.apare .. 2\-8\-30 (11626) 
kAlachakraM cha sAkShAchcha bhagavAnhavyavAhanaH.
narA duShkR^itakarmANo dakShiNAyanamR^ityavaH .. 2\-8\-31 (11627) 
kAlasya nayane yuktA yamasya purupAshcha ye.
tasyAM shiMshupapAlAshAstathA kAshakushAdayaH .. 2\-8\-32 (11628) 
upAsate dharmarAjaM mUrtimanto janAdhipa.
ete chAnye cha bahavaH pitR^irAjasabhAsadaH. 
na shakyAH parisa~NkhyAtuM nAmabhiH karmabhistathA .  2\-8\-33 (11629) 
asambAdhA hi sA pArtha ramyA kAmagamA sabhA.
dIrghakAlaM tapastaptvA nirmitA vishvakarmaNA.  2\-8\-34 (11630) 
jvalantI bhAsamAnA cha tejasA svena bhArata.
tAmugratapaso yAnti suvratAH satyavAdinaH .. 2\-8\-35 (11631) 
shAntAH sanyAsinaH shuddhAH pUtAH puNyena karmaNA.
sarve bhAsvaradehAshcha sarve cha virajombarAH .. 2\-8\-36 (11632) 
chitrA~NgadAshchitramAlyAH sarve jvalitakuNDalAH.
sukR^itaiH karmabhiH puNyaiH pAribarhaishcha bhUShitAH .. 2\-8\-37 (11633) 
gandharvAshcha mahAtmAnaH sa~NghashashchApsarogaNAH.
vAditraM nR^ittagItaM cha hAsyaM lAsyaM cha sarvashaH .. 2\-8\-38 (11634) 
puNyAshcha gandhAH shabdAshcha tasyAM pArtha samantataH.
divyAni chaiva mAlyAni upatiShThanti nityashaH .. 2\-8\-39 (11635) 
shataM shatasahasrANi dharmiNAM taM prajeshvaram.
upAsate mahAtmAnaM rUpayuktA manasvinaH .. 2\-8\-40 (11636) 
IdR^ishI sA sabhA rAjanpitR^irAj~no mahAtmanaH.
varuNasyApi vakShyAmi sabhAM puShkaramAlinIm .. .. 2\-8\-41 (11637) 

iti shrImanmahAbhArate sabhAparvaNi mantraparvaNi aShTamo.adhyAyaH .. 8\..

##Mahabharata - Sabha Parva - Chapter Footnotes##

2\-8\-18 rAma_iti rAmalakShmaNayorviShNusheSharUpeNa svasthAnasthayorapi rUpAntareNa upAsakAnu grahArthamatrAvasthAnam ..
2\-8\-23 dhR^itarAShTAshchaikashatamiti purANeShu prAyeNAdhikAriNAmeva kIrtanAtteShAM cha prati kalpaM samAnanAmarUpakarmatvAdanekakalpaM dharmasabhAvAsinAM teShAM bahutvaM yuktam . evamanyeShAmapi ..
2\-8\-31 duShkR^itakarmANo vidyAvihInakarmamAtraniShTAH ..


\medskip\hrule\medskip
sabhAparva \- adhyAya 009
.. shrIH ..
2\.9\. adhyAyaH 9 

##Mahabharata - Sabha Parva - Chapter Topics##
varuNasabhAvarNanam .. 1\..

##Mahabharata - Sabha Parva - Chapter Text##

nArada uvAcha ..

yudhiShThira sabhA divyA varuNasyAmitaprabhA.
pramANena yathA yAmyA shubhaprAkAratoraNA .. 2\-9\-1 (11638) 
antaH salilamAsthAya vihitA vishvakarmaNA.
divyai ratnamayairvR^ikShaiH phalapuShpapradairyutA .. 2\-9\-2 (11639) 
nIlapItaiH sitAH shyAmaiH sitairlohitakairapi.
avatAnaistathA gulmairma~njarIjAladhAribhiH .. 2\-9\-3 (11640) 
tathA shakunayastasyAM vichitrA madhurasvarAH.
anirdeshyA vapuShmantaH shatasho.atha sahasrashaH .. 2\-9\-4 (11641) 
sA sabhA sukhasaMsparshA na shItA na cha dharmadA.
veshmAsanavatI ramyA sitA varuNapAlitA .. 2\-9\-5 (11642) 
yasyAmAste sa varuNo vAruNyA cha samanvitaH.
divyaratnAmbaradharo divyAbharaNabhUShitaH .. 2\-9\-6 (11643) 
`dvitIyena tu nAmnA vai gaurIti bhuvi vishrutA.
patnyA savaruNo devaH pramodati sukhI sukham'.. 2\-9\-7 (11644) 
sragviNo divyagandhAshcha divyagandhAnulepanAH.
AdityAstatra varuNaM jaleshvaramupAsate .. 2\-9\-8 (11645) 
vAsukistakShakashchaiva nAgashchairAvatastathA.
kR^iShNashcha lohitashchaiva padmashchitrashcha vIryavAn .. 2\-9\-9 (11646) 
kambalAshvatarau nAgau dhR^itarAShTrabalAhakau.
maNimAnkuNDadhArashcha karkoTakadhana~njayau .. 2\-9\-10 (11647) 
pANimAnkuNDadhArashcha balavAnpR^ithivIpate.
prahrAdo muShikAdashcha tathaiva janamejayaH .. 2\-9\-11 (11648) 
patAkino maNDalinaH phaNavantashcha sarvashaH.
` artho dharmashcha kAmashcha vasuH kapila eva cha .. 2\-9\-12 (11649) 
anantashcha mahAnAgo yaM dR^iShTvA jalajeshvaraH.
abhyarchayati satkArairAsanena cha taM vibhuH .. 2\-9\-13 (11650) 
vAsukipramukhAshchaiva sarve prA~njalayaH sthitAH.
anuj~nAtAshcha sheSheNa yathArhamupavishya cha .. 2\-9\-14 (11651) 
ete chAnye cha bahavaH sarpAstasyAM yudhiShThira.
`vainateyashcha garuDo ye chAsya parichAriNaH'. 
upAsate mahAtmAnaM varuNaM vigataklamAH ..  2\-9\-15 (11652) 
balirvairochano rAjA narakaH pR^ithivI~njayaH.
saMhrAdo viprachittishcha kAlakha~njAshcha dAnavAH .. 2\-9\-16 (11653) 
suhanurdurmukhaH sha~NkhaH sumanAH sumatistataH.
ghaTodaro mahApArshvaH krathanaH piTharastathA .. 2\-9\-17 (11654) 
vishvarUpaH svarUpashcha virUpo.atha mahAshirAH.
dashagrIvashcha vAlI cha meghavAsA dashAvaraH .. 2\-9\-18 (11655) 
TiTTibho viTabhUtashcha saMhrAdashchendratApanaH.
daityadAnavasa~NghAshcha sarve ruchirakuNDalAH .. 2\-9\-19 (11656) 
sragviNo maulinashchaiva tathA divyaparichChadAH.
sarve labdhavarAH shUrAH sarve vigatamR^ityavaH .. 2\-9\-20 (11657) 
te tasyAM varuNaM devaM dharmapAshadharaM sadA.
upAsate mahAtmAnaM sarve sucharitavratAH .. 2\-9\-21 (11658) 
tathA samudrAshchatvAro nadI bhAgIrathI cha sA.
kAlindI vidishA veNA nardamA vegavAhinI .. 2\-9\-22 (11659) 
vipAshA cha shatadrushcha chandrabhAgA sarasvatI.
irAvatI vitastA cha sindhurdevanadI tathA .. 2\-9\-23 (11660) 
godAvarI kR^iShNaveNI kAverI cha saridvarA.
kimpunA cha vishalyA cha tathA vaitaraNI nadI .. 2\-9\-24 (11661) 
tR^itIyA jyeShThilA chaiva shoNashchApi mahAnadaH.
charmaNvatI tathA chaiva parNAshA cha mahAnadI .. 2\-9\-25 (11662) 
sarayUrvAravatyA.atha lA~NgalI cha saridvarA.
karatoyA tathA.a.atreyI lauhityashcha mahAnadaH .. 2\-9\-26 (11663) 
la~NghatI gomatI chaiva sandhyA trisrotasI tathA.
etAshchanyAshcha rAjendra sutIrthA lokavishrutAH .. 2\-9\-27 (11664) 
saritaH sarvatashchAnyAstIrthAni cha sarAMsi cha.
kUpAshcha saprasravaNA dehavanto yudhiShThira.  2\-9\-28 (11665) 
palvalAni taTAkAni dehavantyatha bhArata.
dishastathA mahI chaiva tathA sarve mahIdharAH .. 2\-9\-29 (11666) 
upAsate mahAtmAnaM sarve jalacharAstathA.
gItavAditravantashcha gandharvApsarasAM gaNAH .. 2\-9\-30 (11667) 
stuvanto varuNaM tasyAM sarva eva samAsate.
mahIdharA ratnavanto rasA ye cha pratiShThitAH .. 2\-9\-31 (11668) 
kathayantaH sumadhurAH kathAstatra samAsate.
vAruNashcha tathA mantrI sunAbhaH paryupAsate .. 2\-9\-32 (11669) 
putrapautraiH parivR^ito gonAmnA puShkareNa cha.
sarve vigrahavantaste tamIshvaramupAsate .. 2\-9\-33 (11670) 
eShA mayA sampatatA vAruNI bharatarShabha.
dR^iShTapUrvA sabhA ramyA kuberasya sabhAM shR^iNu .. .. 2\-9\-34 (11671) 

iti shrImanmahAbhArate sabhAparvaNi mantraparvaNi navamo.adhyAyaH .. 9\..

##Mahabharata - Sabha Parva - Chapter Footnotes##

2\-9\-34 sampatatA samAgachChatA ..


\medskip\hrule\medskip
sabhAparva \- adhyAya 010
.. shrIH ..
2\.10\. adhyAyaH 10 

##Mahabharata - Sabha Parva - Chapter Topics##
kuberasabhAvarNanam .. 1\..

##Mahabharata - Sabha Parva - Chapter Text##

nArada uvAcha.

sabhA vaishravaNI rAja~nshatayojanamAyatA.
vistIrNA saptatishchaiva yojanAni sitaprabhA .. 2\-10\-1 (11672) 
tapasA nirjitA rAjansvayaM vaishravaNena sA.
shashiprabhA prAvaraNA kailAsashikharopamA .. 2\-10\-2 (11673) 
guhyakairuhyamAnA sA khe viShakteva shobhate.
divyA hemamayairuchchaiH prAsAdairupashobhitA .. 2\-10\-3 (11674) 
mahAratnavatI chitrA divyagandhA manoramA.
sitAbhrashikharAkArA plavamAneva dR^ishyate.  2\-10\-4 (11675) 
divyA hemamayai ra~Ngairvidyudbhiriva chitritA.
tasyAM vaishravaNo rAjA vichitrAbharaNAmbaraH .. 2\-10\-5 (11676) 
strIsahasrairvR^itaH shrImAnAste jvalitakuNDalaH.
`saha patnyA mahArAja R^iddhyA saha virAjate.  2\-10\-6 (11677) 
sarvAbharaNabhUShiNyA vapuShmatyA dhaneshvaraH'.
divAkaranibhe puNye divyAstaraNasaMvR^ite. 
divyapAdopadhAne cha niShaNNaH paramAsane ..  2\-10\-7 (11678) 
mandArANAmudArANAM vanAni pariloDayan.
saugandhIkavanAnAM cha gandhaM gandhavaho vahan .. 2\-10\-8 (11679) 
nalinyAshchAlakAkhyAyA nandanasya vanasya cha.
shIto hR^idayasaMhlAdI vAyustamupasevate .. 2\-10\-9 (11680) 
tatra devAH sagandharvA gaNairapsarasAM vR^itAH.
divyatAnairmahArAja gAyantisma sabhAgatAH .. 2\-10\-10 (11681) 
mishrakeshI cha rambhA cha chitrasenA shuchismitA.
chArunetrA ghR^itAchI cha menakA pu~njikasthalA .. 2\-10\-11 (11682) 
vishvAchI sahajanyA cha pramlochA urvashI ..  2\-10\-12 (11683) 
vargA cha saurabheyI cha samIchI budbudA latA.
etAH sahasrashashchAnyA nR^ittagItavishAradAH .. 2\-10\-13 (11684) 
upatiShThanti dhanadaM gandharvApsarasAM gaNAH.
anishaM divyavAditrairnR^ittagItaishcha sa sabhA .. 2\-10\-14 (11685) 
ashUnyA ruchirA bhAti gandharvApsarasAM gaNaiH.
kinnarA nAma gandharvA narA nAma tathA.apare .. 2\-10\-15 (11686) 
mANibhadro.atha dhanadaH shvetabhadrashcha guhyakaH.
kasherako gaNDakaNDUH pradyotashcha mahAbalaH .. 2\-10\-16 (11687) 
kustambaruH pishAchashcha gajakarNo vishAlakaH.
varAhakarNastAmrauShThaH phalakakShaH phalodakaH .. 2\-10\-17 (11688) 
haMsachUDaH sha_ikhAvarto hemanetro vibhIShaNaH.
puShpAnanaH pi~NgalakaH shoNitodaH pravAlakaH .. 2\-10\-18 (11689) 
vR^ikShavAsyaniketashcha chIravAsAshcha bhArata.
ete chAnye cha bahavo yakShAH shatasahasrashaH .. 2\-10\-19 (11690) 
sadA bhagavatI lakShmIstatraiva nalakUbaraH.
ahaM cha bahushastasyAM bhavantyanye cha madvidhAH .. 2\-10\-20 (11691) 
brahmarShayo bhavantyatra tathA devarShayo.apare.
kravyAdAshcha tathaivAnye gandharvAshcha mahAbalAH .. 2\-10\-21 (11692) 
upAsate mahAtmAnaM tasyAM dhanadamIshvaram.
bhagavAnbhUtasa~Nghaishcha vR^itaH shatasahasrashaH .. 2\-10\-22 (11693) 
umApatiH pashupatiH shUlabhR^idbhaganetrahA.
tryambako rAjashArdUla devI cha vigataklamA .. 2\-10\-23 (11694) 
vAmanairvikaTaiH kubjaiH kShatajAkShairmahAravaiH.
medomAMsAshanairugrairugradhanvA mahAbalaH .. 2\-10\-24 (11695) 
nAnApraharaNairugrairvAtairiva mahAjavaiH.
vR^itaH sakhAyamanvAste sadaiva dhanadaM nR^ipa .. 2\-10\-25 (11696) 
prahR^iShTAH shatashashchAnye bahushaH saparichChadAH.
gandharvANAM cha patayo vishvAvasurhahA huhUH .. 2\-10\-26 (11697) 
tumburuH pravatashchaiva shailUShashcha tathA.aparaH.
chitrasenashcha gItaj~nastathA chitrarathopi cha .. 2\-10\-27 (11698) 
ete chAnye cha gandharvA dhaneshvaramupAsate.
vidyAdharAdhipashchaiva chakradharmA sahAnujaiH .. 2\-10\-28 (11699) 
upAcharati tatra sma dhanAnAmIshvaraM prabhum.
kinnarAH shatashastatra dhanAnAmIshvaraM prabhum .. 2\-10\-29 (11700) 
Asate chApi rAjAno bhagadattapurogamAH.
drumaH kimpuruSheshashcha upAste dhanadeshvaram .. 2\-10\-30 (11701) 
rAkShasAdhipatishchaiva mahendro gandhamAdanaH.
saha yakShaiH sagandharvaiH saha sarvairnishAcharaiH .. 2\-10\-31 (11702) 
vibhIShaNashcha dharmiShTha upAste bhrAtaraM prabhum.
himavAnpAriyAtrashcha vindhyakailAsamandarAH .. 2\-10\-32 (11703) 
malayo dardurashchaiva mahendro gandhamAdanaH.
indrakIlaH sunAbhashcha tathA divyau cha parvatau .. 2\-10\-33 (11704) 
ete chAnye cha bahavaH sarve merupurogamAH.
upAsate mahAtmAnaM dhanAnAmIshvaraM prabhum .. 2\-10\-34 (11705) 
ndIshvarashcha bhagavAnmahAkAlastathaiva cha.
sha~NkukarNamukhAH sarve divyAH pAriShadAstathA .. 2\-10\-35 (11706) 
kAShThaH kuTI mukho dantI vijayashcha tapodhikaH.
shvetashcha vR^iShabhastatra nardannAste mahAbalaH .. 2\-10\-36 (11707) 
dhanadaM rAkShasAshchAnye pishAchAshcha upAsate.
pAriShadaiH parivR^itamupAyAntaM maheshvaram .. 2\-10\-37 (11708) 
sadA hi devadeveshaM shivaM trailokyabhAvanam.
praNamya mUrdhnA paulastyo bahurUpamumApatim .. 2\-10\-38 (11709) 
tato.abhyanuj~nAM samprApya mahAdevAddhaneshvaraH.
Aste kadAchidbhagavAnbhavo dhanapateH sakhA .. 2\-10\-39 (11710) 
nidhipravaramukhyau cha sha~Nkhapadmau dhaneshvarau.
sarvAnnidhInpragR^ihyAtha upAstAM vai dhaneshvaram .. 2\-10\-40 (11711) 
sA sabhA tAdR^ishI ramyA mayA dR^iShTAntarikShagA.
pitAmahasabhAM rAjankIrtayiShye nibodha tAm .. .. 2\-10\-41 (11712) 

iti shrImanmahAbhArate sabhAparvaNi mantraparvaNi dashamo.adhyAyaH .. 10\..

##Mahabharata - Sabha Parva - Chapter Footnotes##

2\-10\-5 ra~NgairitichChedaH ..
2\-10\-39 Aste ityAvR^ittyA yojanIyam . yadA bhavaH kadAchitkuberasabhAmadhyAste tadA kubero.api bhavAdanuj~nAM prApya tannikaTe Aste upavishati ..


\medskip\hrule\medskip
sabhAparva \- adhyAya 011
.. shrIH ..
2\.11\. adhyAyaH 11 

##Mahabharata - Sabha Parva - Chapter Topics##
brahmasabhAvarNanam ..1\..

##Mahabharata - Sabha Parva - Chapter Text##

nArada uvAcha ..

pitAmahasabhAM tAta kathyamAnAM nibodha me.
shakyate yA na nirdeShTumevaMrUpeti bhArata .. 2\-11\-1 (11713) 
purA devayuge rAjannAdityo bhagavAndivaH.
AgachChanmAnuShaM lokaM didR^ikShurvigataklamaH .. 2\-11\-2 (11714) 
charanmAnuSharUpeNa sabhAM dR^iShTvA svayambhuvaH.
sa tAmakathayanmahyaM dR^iShTvA tattvena pANDava .. 2\-11\-3 (11715) 
aprameyAM sabhAM divyAM mAnasIM bharatarShabha.
anirdeshyAM prabhAveNa sarvabhUtamanoramAm .. 2\-11\-4 (11716) 
shrutvA guNAnahaM tasyAH sabhAyAH pANDavarShabha.
darshanepsustathA rAjannAdityamidamabruvam.  2\-11\-5 (11717) 
bhagavandraShTumichChAmi pitAmahasabhAM shubhAm.
yena vA tapasA shakyA karmaNA vA.api gopate .. 2\-11\-6 (11718) 
auShadhairyA tathA yuktairuttamA pApanAshinI.
tanmamAchakShva bhagavanpashyeyaM tAM sabhAM yathA .. 2\-11\-7 (11719) 
sa tanmama vachaH shrutvA sahasrAMshurdivAkaraH.
provAcha bhAratashreShTha vrataM varShasahasrakam .. 2\-11\-8 (11720) 
brahmavratamupAssva tvaM prayatenAntarAtmanA.
tato.ahaM himavatpR^iShThe samArabdo mahAvratam .. 2\-11\-9 (11721) 
tataH sa bhagavAnsUryo mAmupAdAya vIryavAn.
AgachChattAM sabhAM brAhmIM vipApmA vigataklamaH ?  2\-11\-10 (11722) 
evaMrUpeti sA shakyA na nirdeShTuM narAdhipa.
kShaNena hi bibhartyanyadanirdeshyaM vapustathA .. 2\-11\-11 (11723) 
na veda parimANaM vA saMsthAnaM chApi bhArata.
na cha rUpaM mayA tAdR^ik dR^iShTapUrvaM kadAchana .. 2\-11\-12 (11724) 
susukhA sA sadA rAjanna shItA na cha gharmadA.
na kShutpipAse na glAniM prApyatAM prAptuvantyuta .. 2\-11\-13 (11725) 
nAnArUpairiva kR^itA maNibhiH sA subhAsvaraiH.
stambhairna cha dhR^itA sA tu shAshvatI na cha sA kSharA .. 2\-11\-14 (11726) 
divyairnAnAvidhairbhAvairbhAsadbhiramitaprabhaiH ..  2\-11\-15 (11727) 
ati chandraM cha sUryaM cha shikhinaM cha svayamprabhA.
dIpyate nAkapR^iShThasthA bhartsayanvIva bhAskaram .. 2\-11\-16 (11728) 
tasyAM sa bhagavAnAste vidadhaddevamAyayA.
svayameko.anishaM rAjansarvalokapitAmahaH .. 2\-11\-17 (11729) 
upatiShThanti chApyenaM prajAnAM patayaH prabhum.
dakShaH prachetAH pulaho marIchiH kashyapaH prabhuH .. 2\-11\-18 (11730) 
bhR^iguratrirvasiShThashcha gautamo.atha tathA~NgirAH.
pulastyashcha katushchaiva prahlAdaH kardamastathA.  2\-11\-19 (11731) 
atharvA~Ngirasashchaiva vAlakhilyA sarIchipAH.
mano.antarikShaM vidyAshcha vAyustejo jalaM mahI .. 2\-11\-20 (11732) 
shabdasparshau tathA rUpaM raso gandhashcha bhArata.
prakR^itishcha vikArashcha yachchAnyatkAraNaM bhuvaH .. 2\-11\-21 (11733) 
agastyashcha mahAtejA mArkaNDeyashcha vIryavAn.
jamadagnirbharadvAjaH saMvartashchyavanastathA .. 2\-11\-22 (11734) 
durvAsAshcha mahAbhAga R^iShNashR^i~Ngashcha dhArmikaH.
sanatkumAro bhagavAnyogAchAryo mahAtapAH .. 2\-11\-23 (11735) 
asito devalashchaiva jaigIShavyashcha tattvavit.
R^iShabho jitashatrushcha mahAvIryastathA maNiH .. 2\-11\-24 (11736) 
AyurvedastathA.aShTA~Ngo dehavAMstatra bhArata.
chandramAH saha nakShatrairAdityashcha gabhastimAn .. 2\-11\-25 (11737) 
vAyavaH kratavashchaiva sa~NkalpaH prANa eva cha.
mUrtimanto mahAtmAno mahAvrataparAyaNAH .. 2\-11\-26 (11738) 
ete chAnye cha bahavo brahmANaM samupasthitAH.
artho dharmashcha kAmashcha harSho dveShastapo damaH .. 2\-11\-27 (11739) 
AyAnti tasyAM sahitA gandharvApsarasAM gaNAH.
viMshatiH sapta chaivAnye lokapAlAshcha sarvashaH .. 2\-11\-28 (11740) 
shukro bR^ihaspatishchaiva budho.a~NkAraka eva cha.
shanaishcharashcha rAhushcha grahAH sarve tathaiva cha .. 2\-11\-29 (11741) 
mantro rathantaraM chaiva harimAnvasumAnapi.
AdityAH sAdhirAjAno nAmadvandvairudAhR^itAH .. 2\-11\-30 (11742) 
maruto vishvakarmA cha vasavashchaiva bhArata.
tathA pitR^igaNAH sarve sarvANi cha havIMShyatha .. 2\-11\-31 (11743) 
R^igvedaH sAmavedashcha yajurvedashcha pANDava.
atharvavedashcha tathA sarvashAstrANi chaiva ha .. 2\-11\-32 (11744) 
itihAsopavedAshcha vedA~NgAni cha sarvashaH.
grahA yaj~nAshcha somashcha devatAshchApi sarvashaH .. 2\-11\-33 (11745) 
sAvitrI durgataraNI vANI saptavidhA tathA.
medhA dhR^itiH shrutishchaiva praj~nA buddhiryashaH kShamA .. 2\-11\-34 (11746) 
sAmAni stutishastrANi gAthAshcha vividhAstathA.
bhAShyANi tarkayuktAni dehavanti vishAmpate .. 2\-11\-35 (11747) 
nATakA vividhAH kAvyAH kathAkhyAyikArikAH .
tatratiShThanti te puNyA ye chAnye gurupUjakAH .. 2\-11\-36 (11748) 
kShaNA lavA muhUrtAshcha divA rAtristathaiva cha.
ardhamAsAshcha mAsAshcha R^itavaH ShaT cha bhArata .. 2\-11\-37 (11749) 
saMvatsarAH pa~nyayugamahorAtrashchaturvidhaH.
kAlachakraM cha taddivyaM nityamakShayamavyayam .. 2\-11\-38 (11750) 
dharmachakraM tathA chApi nityamAste yudhiShThira.
aditirditirdanushchaiva surasA vinatA irA .. 2\-11\-39 (11751) 
kAlikA surabhI devI saramA chAtha gautamI ..  2\-11\-40 (11752) 
prabhA kadrUshcha vai devyau devatAnAM cha mAtaraH.
rudrANI shrIshcha lakShmIshcha bhadrA ShaShThI tathA.aparA .. 2\-11\-41 (11753) 
pR^ithivI gAM gatA devI hrIH svAhA kIrtireva cha.
surA devI shachI chaiva tathA puShTirarundhatI .. 2\-11\-42 (11754) 
saMvR^ittirAshA niyatiH sR^iShTirdevI ratistathA.
etAshchAnyAshchavai devya upatasthuH prajApatim .. 2\-11\-43 (11755) 
AdityA vasavo rudrA marutashchAsvinAvapi.
vishvedevAshcha sAdhyAshcha pitarashcha manojavAH .. 2\-11\-44 (11756) 
pitR^iNAM cha gaNAnviddhi saptaiva puruSharShabha.
mUrtimanto vai chatvArastrayashchApi sharIriNaH .. 2\-11\-45 (11757) 
vairAjashcha mahAbhAgA agniShvAttAshcha bhArata.
gArhapatyA nAkacharAH pitaro lokavishrutAH .. 2\-11\-46 (11758) 
somapA ekashR^i~NgAshcha chaturvedAH kalAstathA.
ete chaturShu varNeShu pUjyante pitaro nR^ipa .. 2\-11\-47 (11759) 
etairApyAyitaiH purvaM somashchApyAyyate punaH.
ta ete pitaraH sarve prajApatimupasthitAH .. 2\-11\-48 (11760) 
upAsate cha saMhR^iShTA brahmANamamitaujasam.
rAkShasAshcha pishAchAshcha dAnavA guhyakAstathA .. 2\-11\-49 (11761) 
nAgAH suparNAH pashavaH pitAmahamupAsate.
sthAvarA ja~NgamAshchaiva mahAbhUtAstathA.apare .. 2\-11\-50 (11762) 
purandarashcha devendro varuNo dhanado yamaH.
mahAdevaH sahomo.atra sadA gachChati sarvashaH .. 2\-11\-51 (11763) 
mahAsenashcha rAjendra sadopAste pitAmaham.
devo nArAyaNastasyAM tathA devarShayashcha ye .. 2\-11\-52 (11764) 
R^iShayo vAlakhilyAshcha yonijAyonijAstathA.
yachcha ki~nchitriloke.asmindR^ishyate sthANu ja~Ngamam. 
sarvaM tasyAM mayA dR^iShTamiti viddhi narAdhipa ..  2\-11\-53 (11765) 
aShTAshItisahasrANi R^iShINAmUrdhvaretasAm.
prajAvatAM cha pa~nchAshadR^iShINAmapi pANDava .. 2\-11\-54 (11766) 
te sma tatra yathAkAmaM dR^iShTvA sarve divaukasaH.
praNamya shirasA tasmai sarve yAnti yathAgamam .. 2\-11\-55 (11767) 
atithInAgatAndevAndaityAnnAgAMstathA dvijAn.
yakShAnmuparNAnkAleyAngandharvApsarasastathA .. 2\-11\-56 (11768) 
mahAbhAgAnamitadhIrbrahmA lokapitAmahaH.
dayAvAnsarvabhUteShu yathArhaM pratipadyate .. 2\-11\-57 (11769) 
pratigR^ihya tu vishvAtmA svayaM svayambhUramitadyutiH.
sAntvamAnArthasambhogairyunakti manujAdhipa .. 2\-11\-58 (11770) 
tathA tairupayAtaishcha pratiyadbhishcha bhArata.
AkulA sA sabhAtAta bhavati sma sukhapradA .. 2\-11\-59 (11771) 
sarvatejomayI divyA brahmarShigaNasevitA.
brAhayA shriyA dIpyamAnA shushubhe vigataklamA .. 2\-11\-60 (11772) 
sA sabhA tAdR^ishI dR^iShTA mayA lokeShu durlabhA.
sabheyaM rAjashArdUla manuShyeShu yathA tava .. 2\-11\-61 (11773) 
etA mayA dR^iShTapUrvAH sabhA deveShu bhArata.
sabheyaM mAnuShe loke sarvashreShThatamA tava .. .. 2\-11\-62 (11774) 

iti shrImanmahAbhArate sabhAparvaNi mantraparvaNi ekAdasho.adhyAyaH .. 11\..

##Mahabharata - Sabha Parva - Chapter Footnotes##

2\-11\-2 devayuge kR^itayuge ..
2\-11\-30 mAmadvandvairagnIShomendrAbhyAdibhiH ..
2\-11\-38 saMvatsarAH ShaShTiH prabhavAdayaH . techa pa~nchapa~ncha ekaikaM yugam. chaturvidho mAnuSho.a horAtraH ShaShTighaTikAbhiH. paitro mAsena. daivo vatsareNa. brAhmaH kalpeneti. kAlachakraM dvAdasharAshyAtmakam ..


\medskip\hrule\medskip
sabhAparva \- adhyAya 012
.. shrIH ..
2\.12\. adhyAyaH 12 

##Mahabharata - Sabha Parva - Chapter Topics##
indrasabhAsthaharishchandracharite yudhiShThireNa pR^iShTe tatkathAprasa~Ngena nAradakR^itA rAjasUyaprashaMsA .. 1\.. yudhiShTharamprati pANDusandeshakathanapUrvakaM nAradasya gamanam .. 2\..

##Mahabharata - Sabha Parva - Chapter Text##

yudhiShThira uvAcha ..

prAyasho rAjalokaste kathito vadatAM vara.
vaivasvatasabhAyAM tu yathA vadasi me prabho .. 2\-12\-1 (11775) 
varuNasya sabhAyAM tu nAgAste kathitA vibho.
daityendrAshchApi bhUyiShThAH saritaH sAgarAstathA .. 2\-12\-2 (11776) 
tathA dhanapateryakShA guhyakA rAkShasAstathA.
gandharvApsarasashchaiva bhagavAMshcha vR^iShadhvajaH .. 2\-12\-3 (11777) 
pitAmahasabhAyAM tu kathitAste maharShabhaH.
sarve devanikAyAshcha sarvashAstrANi vaiva ha .. 2\-12\-4 (11778) 
shakrasya tu sabhAyAM tu devAH sa~NkIrtitA mune.
uddeshatashcha gandharvA vividhAshcha maharShayaH .. 2\-12\-5 (11779) 
eka eva tu rAjarShirharishchandro mahAmune.
kathitaste sabhAyAM vai devendrasya mahAtmanaH .. 2\-12\-6 (11780) 
kiM karma tenAcharitaM tapo vA niyatavrata.
yenAsau saha shakreNa spardhade sumahAyashAH .. 2\-12\-7 (11781) 
pitR^ilokagatashchaiva tvayA vipra pitA mama.
dR^iShTaH pANDurmahAbhAgaH kathaM vA.api samAgataH .. 2\-12\-8 (11782) 
kimuktavAMshcha bhagavaMstanmamAchakShva suvrata.
tvattaH shrotuM sarvamidaM paraM kautUhalaM hi me .. 2\-12\-9 (11783) 
nArada uvAcha. 2\-12\-10x (1395) 
yanmAM pR^ichChasi rAjendra harishchandraM prati prabho.
tatte.ahaM sampravakShyAmi mAhAtmyaM tasya dhImataH .. 2\-12\-10 (11784) 
` ikShvAkUNAM kule jAtastrisha~NkurnAma pArthivaH.
ayodhyAdhipatirvIro vishvAmitreNa saMsthitaH .. 2\-12\-11 (11785) 
tasya satyavatI nAma patnI kekayavaMshajA.
tasyAM garbhaH samabhavaddharmeNa kurunandana .. 2\-12\-12 (11786) 
sA cha kAle mahAbhAgA rAjanmAsaM pravishya cha.
kumAraM janayAmAsa harishchandramakalmaSham. 
sa vai rAjA harishchandrastraisha~Nkava iti smR^itaH'..  2\-12\-13 (11787) 
sa rAjA balavAnAsItsamrAT sarvamahIkShitAm.
tasya sarve mahIpAlAH shAsanAvanatAH sthitAH .. 2\-12\-14 (11788) 
tenaikaM rathamAsthAya jaitraM hemavibhUShitam.
shastrapratApena jitA dvIpAH sapta janeshvara .. 2\-12\-15 (11789) 
sa nirjitya mahIM kR^itsnAM sashailavanakAnanAm.
AjahAra mahArAja rAjasUyaM mahAkratum .. 2\-12\-16 (11790) 
tasya sarve mahIpAlA dhanAnyAjahrurAj~nayA.
dvijAnAM pariveShTArastasminyaj~ne cha te.abhavan .. 2\-12\-17 (11791) 
`samAptayaj~no vidhivaddharishchandraH pratApavAn.
abhiShiktashcha shushubhe sAmrAjyena narAdhipaH .. 2\-12\-18 (11792) 
rAjasUye.abhiShiktashcha samAptavaradakShiNe'..  2\-12\-19 (11793) 
prAdAchcha draviNaM prItyA yAchakAnAM nareshvaraH.
yathoktavantaste tasmiMstataH pa~nchaguNAdhikam .. 2\-12\-20 (11794) 
atarpayachcha vividhairvasubhirbrAhmaNAMstadA.
prasarpakAle samprApte nAnAdigbhyaH samAgatAn .. 2\-12\-21 (11795) 
bhakShyabhojyaishcha vividhairyathAkAmapuraskR^itaiH.
ratnaughatarpitaistuShTairdvijaishcha samudAhR^itam. 
tejasvI cha yashasvI cha nR^ipebhyo.abhyadhiko.abhavat .  2\-12\-22 (11796) 
etasmAtkAraNAdrAjanharishchandro virAjate.
tebhyo rAjasahasrebhyastadvidvi bharatarShabha .. 2\-12\-23 (11797) 
samApya cha harishchandro mahAyaj~naM pratApavAn.
abhiShiktashcha shushubhe sAmrAjyena narAdhipa .. 2\-12\-24 (11798) 
ye chAnye cha mahIpAlA rAjasUyaM mahAkratum.
yajante te sahendreNa modante bharatarShabha.  2\-12\-25 (11799) 
ye chApi ni naM prAptAH sa~NgrAmeShvapalAyinaH.
te tatsadanam tAdya mondate bharatarShabha .. 2\-12\-26 (11800) 
tapasA ye cha tIvreNa tyajantIha kalevaram.
te tatsthAnaM samAsAdya shrImanto bhAnti nityashaH .. 2\-12\-27 (11801) 
pitA cha tvA.a.aha kaunteya pANDuH kauravanandana.
harishchandre shriyaM dR^iShTvA nR^ipatau jAtavismayaH .. 2\-12\-28 (11802) 
vij~nAya mAnuShaM lokamAyAntaM mAM narAdhipa.
provAcha praNato bhUtvA vadethAstvaM yudhiShThiram .. 2\-12\-29 (11803) 
samartho.asi mahIM jetuM bhrAtaraste sthitA vashe.
rAjasUyaM kratushreShThamahArasveti bhArata .. 2\-12\-30 (11804) 
tvayIShTavati putre.ahaM harishchandravadAshu vai.
modiShye bahulAH shashvatsamAH shakrasya saMsadi .. 2\-12\-31 (11805) 
evaM bhavatu vakShye.ahaM tava putraM narAdhipam.
bhUlokaM yadi gachCheyamiti pANDumathAbruvam .. 2\-12\-32 (11806) 
tasya tvaM puruShavyAghra sa~NkalpaM kuru pANDava.
gantAsitvaM mahendrasya pUrvaiH saha salokatAm .. 2\-12\-33 (11807) 
bahuvighnashcha nR^ipate kratureSha smR^ito mahAn.
ChidrANyasya vA~nChanti yaj~naghnA brahmarAkShasAH .. 2\-12\-34 (11808) 
yuddhaM cha kShatrashamanaM pR^ithivIkShayakAraNam.
ki~nchideva nimittaM cha bhavatyatra kShayAvaham .. 2\-12\-35 (11809) 
etatsa~nchintya rAjendra yatkShamaM tatsamAchara.
apramattotthito nityaM chAturvarNyasya rakShaNe .. 2\-12\-36 (11810) 
bhava edhasva modasva dhanaistarpaya cha dvijAn.
etatte vistareNoktaM yanmAM tvaM paripR^ichChasi. 
ApR^ichChe tvAM gamiShyAmi dAshArhanagarIM prati ..  2\-12\-37 (11811) 
vaishampAyana uvAcha. 2\-12\-38x (1396) 
evamAkhyAya pArthebhyo nArado janamejaya.
jagAma tairvR^ito rAjannR^iShibhiryaiH samAgataH .. 2\-12\-38 (11812) 
gate tu nArade pArtho bhrAtR^ibhiH saha kauravaH.
rAjasUyaM kratushreShThaM chintayAmAsa pArthivaH .. .. 2\-12\-39 (11813) 

iti shrImanmahAbhArate sabhAparvaNi mantraparvaNi dvAdasho.adhyAyaH .. 12\..



\medskip\hrule\medskip
sabhAparva \- adhyAya 013
.. shrIH ..
2\.13\. adhyAyaH 13 

##Mahabharata - Sabha Parva - Chapter Topics##
mantribhiH saha saMmantrya kR^itarAjasUyakaraNanishchayasya yudhiShThirasya shrIkR^iShNampa rati dUtapreShaNam .. 1\.. dUtena saha indraprasthamAgataM shrIkR^iShNamprati yudhiShThirokti .. 2\..

##Mahabharata - Sabha Parva - Chapter Text##

vaishampAyana uvAcha ..

R^iShestadvachanaM shrutvA nishashvAsa yudhiShThiraH.
chintayanrAjasUyeShTiM na lebhe sharma bhArata .. 2\-13\-1 (11814) 
rAjarShINAM cha taM shrutvA mahimAnaM mahAtmanAm.
yajvanAM karmabhiH puNyairlokaprAptiM samIkShya cha .. 2\-13\-2 (11815) 
harishchandraM cha rAjarShi rojamAnaM visheShataH.
yajvAnaM yaj~namAhartuM rAjasUyamiyeSha saH .. 2\-13\-3 (11816) 
yudhiShThirastataH sarvAnarchayitvA sabhAsadaH.
pratyarchitashcha taiH sarvairyaj~nAyaiva mano dadhe .. 2\-13\-4 (11817) 
sa rAjasUyaM rAjendra kurUNAmR^iShabhastadA.
AhartuM pravaNaM chakre manaH sa~nchintya chAsakR^it .. 2\-13\-5 (11818) 
bhUyashchAdbhutavIryaujA dharmamevAnuchintayan.
kiM hitaM sarvalokAnAM bhavediti mano dadhe .. 2\-13\-6 (11819) 
anugR^ihNanprajAH sarvAH sarvadharmabhR^itAM varaH.
avisheSheNa sarveShAM hitaM chakre yudhiShThiraH .. 2\-13\-7 (11820) 
sarveShAM dIyatAM deyaM muShNankopamadAvubhau.
sAdhu dharmeti dharmeti nAnyachChrUyeta bhAShitam .. 2\-13\-8 (11821) 
evaM gate tatastasminpitarIvAshvasa~njanAH.
na tasya vidyate dreShTA tato.asyAjAtashatrutA .. 2\-13\-9 (11822) 
parigrahAnnarendrasya bhImasya paripAlanAt.
shatrUNAM kShapaNAchchaiva bIbhatsoH savyasAchinaH .. 2\-13\-10 (11823) 
`balInAM samyagutthAnAnnakulasya yashasvinaH'.
dhImataH sahadevasya dharmANAmanushAsanAt .. 2\-13\-11 (11824) 
vainatyAtsarvatashchaiva nakulasya svabhAvataH.
avigrahA vItabhayAH svakarmaniratAH sadA .. 2\-13\-12 (11825) 
nikAmavarShAH sphItAshcha Asa~njanapadAstathA.
vArdhuShI yaj~nasatvAni gorakShaM karShaNaM vaNik .. 2\-13\-13 (11826) 
visheShAtsarvamevaitatsa~njaj~ne rAjakarmaNA.
anukarShaM cha niShkarShaM vyAdhipAvakamUrChanam .. 2\-13\-14 (11827) 
sarvameva na tatrAsIddharmanitye yudhiShThire.
dasyubhyo va~nchakebhyashcha rAj~naH prati parasparam .. 2\-13\-15 (11828) 
rAjavallabhatashchaiva nAshrUyata mR^iShAkR^itam.
priyaM kartumupasthAtuM balikarma svakarmajam .. 2\-13\-16 (11829) 
abhihartuM nR^ipAH ShaTsu pR^ithakjAtyaishcha naigamaiH.
vavR^idhe viShayastatra dharmanitye yudhiShThire .. 2\-13\-17 (11830) 
kAmato.apyupayu~njAnai rAjasairlobhajairjanaiH.
sarvavyApI sarvaguNI sarvasAhaH sa sarvarAT .. 2\-13\-18 (11831) 
yasminnadhikR^itaH samrAD bhrAjamAno mahAyashAH.
yatra rAjandasha dishaH pitR^ito mAtR^itastathA. 
anuraktAH prajA AsannAgopAlA dvijAtayaH ..  2\-13\-19 (11832) 
sa mantriNaH samAnAyya bhrAtR^iMshcha vadatAM varaH.
rAjasUyaM prati tadA punaH punarapR^ichChata .. 2\-13\-20 (11833) 
te pR^ichChyamAnAH sahitA vacho.arthyaM mantriNastadA.
yudhiShThiraM mahAprAj~naM yiyakShumidamabruvan .. 2\-13\-21 (11834) 
yenAbhiShikto nR^ipatirvAruNaM guNamR^ichChati.
tena rAjA.api taM kutsnaM samrADguNamabhIpsR^iti .. 2\-13\-22 (11835) 
tasya samrADguNArhasya bhavataH kurunandana.
rAjasUyasya samayaM manyante suhR^idastava .. 2\-13\-23 (11836) 
tasya yaj~nasya samayaH svAdhInaH kShatrasampadA.
sAmnA ShaDagnayo yasmiMshchIyante shaMsitavrataiH .. 2\-13\-24 (11837) 
darvIhomAnupAdAya sarvAnyaH prApnute kratUn.
abhiShekaM cha yaj~nAnte sarvajittena chochyate .. 2\-13\-25 (11838) 
samartho.asi mahAbAho sarve te vashagA vayam.
achirAttvaM mahArAja rAjasUyamavApsyasi .. 2\-13\-26 (11839) 
avichArya mahArAja rAjasUye manaH kuru.
ityevaM suhR^idaH sarve pR^ithakcha saha chAbruvan .. 2\-13\-27 (11840) 
sa dharmyaM pANDavasteShAM vachaH shrutvA vishAmpate.
dhR^iShTamiShTaM variShTaM cha jagrAha manasA.arihA .. 2\-13\-28 (11841) 
shrutvA suhR^idvachastachcha jAnaMshchApyAtmanaH kShamam.
`sa prashastakriyArambhaH parIkShAmupachakrame .. 2\-13\-29 (11842) 
vaishampAyana uvAcha .. 2\-13\-30x (1397) 
chaturbhirbhImasenAdyairbhrAtR^ibhiH sahito hitam.
evamuktastathA pArtho dharma eva mano dadhe .. 2\-13\-30 (11843) 
sa rAjasUyaM rAjendraH kurUNAmR^iShabhaH kratum.
jagAma manasA sadya AhariShyanyudhiShThiraH .. 2\-13\-31 (11844) 
bhUyastvadbhutavIryopi dharmamevAnupAlayan '.
punaH punarmano dadhre rAjasUyAya bhArata .. 2\-13\-32 (11845) 
sa bhrAtR^ibhiH punardhImAnR^itvignishcha mahAtmabhiH.
mantribhishchApi sahito dharmarAjo yudhiShThiraH .. 2\-13\-33 (11846) 
dhaumyadvaipAyanAdyaishcha mantrayAmAsa mantravit.
`virATadrupadAbhyAM cha sAtyakena cha dhImatA .. 2\-13\-34 (11847) 
yudhAmanyUttamaujobhyAM saubhadreNa cha dhImatA.
draupadeyaiH paraM shUrairmantrayAmAsa saMvR^itaH .. 2\-13\-35 (11848) 
yudhiShThira uvAcha'.. 2\-13\-36x (1398) 
bhavanto rAjasUyasya samrADarhasya sukratoH.
shraddadhAnasya vadata mamAvAptiH kathaM bhavet .. 2\-13\-36 (11849) 
vaishampAyana uvAcha. 2\-13\-37x (1399) 
evamuktAstu te tena rAj~nA rAjIvalochana.
idamUchurvachaH kAle dharmarAjaM yudhiShThiram .. 2\-13\-37 (11850) 
arhastvamasi dharmaj~na rAjasUyaM mahAkratum.
athaivamukte nR^ipatAvR^itvigbhirR^iShibhistathA .. 2\-13\-38 (11851) 
mantriNo bhrAtarashchAsya tadvachaH pratyapUjayan.
sa tu rAjA mahAprAj~naH punarevAtmanA.a.atmavAn .. 2\-13\-39 (11852) 
bhUyo vimamR^ishe pArtho lokAnAM hitakAmyayA.
sAmarthyayogaM samprekShya deshakAlau vyayAgamau .. 2\-13\-40 (11853) 
vimR^ishya samyak cha dhiyA kurvanprAj~no na sIdati.
nahi yaj~nasamArambhaH kevalAtmavinishchayAt .. 2\-13\-41 (11854) 
bhavatIti samAj~nAya yatnataH kAryamudvahan.
sa nishchayArthaM kAryasya kR^iShNameva janArdanam .. 2\-13\-42 (11855) 
sarvalokAtparaM matvA jagAma manasA harim.
aprameyaM mahAbAhuM kAmA~njAtamajaM nR^iShu .. 2\-13\-43 (11856) 
pANDavastarkayAmAsa karmabhirdevasaMmataiH.
nAsya ki~nchidavij~nAtaM nAsya ki~nchidakarmajam .. 2\-13\-44 (11857) 
na sa ki~nchinna viShahediti kR^iShNamamanyata.
sa tu tAM naiShThikIM buddhiM kR^itvA pArtho yudhiShThiraH .. 2\-13\-45 (11858) 
guruvadbhUtagurave prAhiNoddUtama~njasA.
shIghragena rathenAshu sa dUtaH prApya yAdavAn .. 2\-13\-46 (11859) 
dvArakAvAsinaM kR^iShNaM dvAravatyAM samAsadat.
` sa prabhuM prA~njalirbhUtvA vyaj~nApayata mAdhavam .. 2\-13\-47 (11860) 
dUta uvAcha .. 2\-13\-48x (1400) 
dharmarAjo hR^iShIkesha dhaumyavyAsAdibhiH saha.
pA~nchAlamAtsyasahitairbhrAtR^ibhishchaiva sarvashaH .. 2\-13\-48 (11861) 
tvaddarshanaM mahAbAho kA~NkShate sa yudhiShThiraH ..  2\-13\-49 (11862) 
vaishampAyana uvAcha .. 2\-13\-50x (1401) 
indrasenavachaH shrutvA yAdavapravaro balI'.
darshanAkA~NkShiNaM pArthaM darshanAkA~NkShayAchyutaH .. 2\-13\-50 (11863) 
`Amantrya rAjansuhR^ido vasudevaM cha mAdhavaH'.
indrasenena sahita indraprasthamagAttadA. 
vyatItya vividhAndeshAMstvarAvAnkShipravAhanavaH ..  2\-13\-51 (11864) 
indraprasthagataM pArthamabhyagachChajjanArdanaH.
sa gR^ihe pitR^ivaddhAtrA dharmarAjena pUjitaH .. 2\-13\-52 (11865) 
bhImena cha tato.apashyatsvasAraM prItimAnpituH.
prItaH prItena suhR^idA reme sa sahitastadA .. 2\-13\-53 (11866) 
arjunena yamAbhyAM cha guruvatparyupAsitaH.
taM vishrAntaM shubhe deshe kShaNinaM kalpamachyutam. 
dharmarAjaH samAgamya j~nApayatsvaprayojanam ..  2\-13\-54 (11867) 
yudhiShThira uvAcha .. 2\-13\-5x (1402) 
prArthito rAjasUyo me na chAsau kevalepsayA.
prApyate yena tatte hi viditaM kR^iShNa sarvashaH .. 2\-13\-55 (11868) 
yasminsarvaM sambhavati yashcha sarvatra pUjyate.
yashcha sarveshvaro rAjA rAjasUyaM sa vindati .. 2\-13\-56 (11869) 
taM rAjasUyaM suhR^idaH kAryamAhuH sametya me.
tatra me nishchitatamaM tava kR^iShNa girA bhavet .. 2\-13\-57 (11870) 
kechiddhi sauhR^idA deve na doShaM parichakShate.
svArthahetostathaivAnye priyameva vadantyuta .. 2\-13\-58 (11871) 
priyameva parIpsante kechidAtmani yaddhitam.
evamprAyAshcha dR^ishyante janavAdAH prayojane .. 2\-13\-59 (11872) 
tvaM tu hetUnatItyaitAnkAmakrodhau vyudasya cha.
paramaM yatkShamaM loke yathAvadvaktumarhasi .. .. 2\-13\-60 (11873) 

iti shrImanmahAbhArate sabhAparvaNi mantraparvaNi trayodasho.adhyAyaH .. 13\..

##Mahabharata - Sabha Parva - Chapter Footnotes##

2\-13\-13 vArdhuShI vR^iddhyupajIvikA . yaj~nasatvAni katUnA sAmarthyAni sadyaH puShkalaphalap radatvAdiviShayANi ..
2\-13\-14 anukarSha dAridryAdrAjakIyadravyasyAtItavarShasya R^iNatvena dhAraNam . niShkarSha karArthaM prajApIDanam. avarShaNaM chAtivarShaM iti ka. pAThaH. mUrChanaM vR^iddhiH ..
2\-13\-17 naigamairvaNigbhiH saha Asanniti shevaH . itare nR^ipA viNigvadyena karadIkR^itA ityar thaH. tatra tasmin viShayodeshaH ..
2\-13\-18 lobhajairvimohotthairAjasarairvR^ittivisheShaistR^iShNAdibhistAdR^ishairapi vavR^idhe vR^iddha imAnabhUt ..
2\-13\-22 yena kAreNa vAruNaM guNaM vR^iddhiM . tena kAraNenA ..
2\-13\-52 bhrAtrA pitR^iShvasR^ijena ..
2\-13\-54 kShaNinaM sAvasaram . kalpaM samartham ..


\medskip\hrule\medskip
sabhAparva \- adhyAya 014
.. shrIH ..
2\.14\. adhyAyaH 14 

##Mahabharata - Sabha Parva - Chapter Topics##
jarAsandhashauryakathanAdirUpaM shrIkR^iShNavAkyam ..

##Mahabharata - Sabha Parva - Chapter Text##

kR^iShNa uvAcha ..

sarvairguNairmahArAja rAjasUyaM tvamarhasi.
jAnatastveva te sarvaM ki~nchidvakShyAmi bhArata .. 2\-14\-1 (11874) 
jAmadagnyena rAmeNa kShatraM yadavasheShitam.
tasmAdavarajaM loke yadidaM kShatrasaMj~nitam .. 2\-14\-2 (11875) 
kR^ito.ayaM kalusa~NkalpaH kShatriyairvasudhAdhipa.
nideshavAgbhistatteha viditaM bharatarShabha .. 2\-14\-3 (11876) 
ailasyekShvAkuvaMshasya prakR^itiM parichakShate.
rAjAnaH shreNibaddhAshcha tathA.anye kShatriyA bhuvi .. 2\-14\-4 (11877) 
ailavaMshyAshcha ye rAjaMstathaivekShvAkavo nR^ipAH.
tAni chaikashataM viddhi kulAni bharatarShabha .. 2\-14\-5 (11878) 
yayAtestveva bhojAnAM vistaro guNato mahAn.
bhajate.adya mahArAja vistaraM sachaturdisham .. 2\-14\-6 (11879) 
teShAM tathaiva tAM lakShmIM sarvakShatramupAsate.
idAnImeva vai rAja~njarAsandho mahIpatiH .. 2\-14\-7 (11880) 
abhibhUya shriyaM teShAM kulAnAmabhiShechitaH.
sthito mUrdhni narendrANAmojasA.a.akramya sarvashaH .. 2\-14\-8 (11881) 
so.avanIM madhyamAM bhuktvA mitho bhedamamanyata.
prabhuryastu paro rAjA yasminnekavashe jagat .. 2\-14\-9 (11882) 
sa sAmrAjyaM mahArAja prApto bhavati yogataH.
taM sa rAjA jarAsandhaM saMshritya kila sarvashaH .. 2\-14\-10 (11883) 
rAjansenApatirjAtaH shishupAlaH pratApavAn.
tameva cha mahArAja shiShyavatsamupasthitaH .. 2\-14\-11 (11884) 
vakraH karUShAdhipatirmAyAyodhI mahAbalaH ..
aparau cha mahAvIryau mahAtmAnau samAshritau .. 2\-14\-12 (11885) 
jarAsandhaM mahAvIryaM tau hiMsaDimbikAvubhau.
vakradantaH karUShasya karabho meghavAhanaH. 
mUrdhnA divyaM maNiM bibhradyamadbhutamaNiM viduH ..  2\-14\-13 (11886) 
maruM cha narakaM chaiva shAsti yo yavanAdhipaH.
aparyantabalo rAjA pratIchyAM varuNo yathA .. 2\-14\-14 (11887) 
bhagadatto mahArAja vR^iddhastava pituH sakhA.
sa vAchA praNatastasya karmaNA cha visheShataH .. 2\-14\-15 (11888) 
snehabaddhashcha manasA pitR^ivadbhaktimAMstvayi.
pratIchyAM dakShiNaM chAntaM pR^ithivyAH prati yo nR^ipaH .. 2\-14\-16 (11889) 
mAtulo bhavataH shUraH purujitkuntivardhanaH.
sa te sannitimAnekaH snehataH shatrusUdanaH .. 2\-14\-17 (11890) 
jarAsandhaM gatastveva purA yo na mayA hataH.
puruShottamavij~nAto yosau chediShu durmatiH .. 2\-14\-18 (11891) 
AtmAnaM pratijAnAti loke.asminpuruShottamam.
Adatte satataM mohAdyaH sa chihnaM cha mAmakam .. 2\-14\-19 (11892) 
va~NgapuNDrakirAteShu rAjA balasamanvitaH.
pauNDrako vAsudeveti yosau loke.abhivishrutaH .. 2\-14\-20 (11893) 
chaturthabhA~NmahArAja bhoja indrasakho balI.
vidyAbalAdyo vyajayatsa pANDyakrathakaishikAn .. 2\-14\-21 (11894) 
bhrAtA tasyAkR^itiH shUro jAmadagnyasamo.abhavat.
sa bhakto mAgadhaM rAjA bhIShmakaH paravIrahA .. 2\-14\-22 (11895) 
priyANyAcharataH prahvAnsadA sambandhinastataH.
bhajato na bhajatyasmAnapriyeShu vyavasthitaH .. 2\-14\-23 (11896) 
na kulaM sabalaM rAjannabhyajAnAttathA.a.atmanaH.
pashyamAno yasho dIptaM jarAsandhamupasthitaH .. 2\-14\-24 (11897) 
udIchyAshcha tathA bhojAH kulAnyaShTAdasha prabho.
jarAsandhabhayAdeva pratIchIM dishamAsthitAH .. 2\-14\-25 (11898) 
shUrasenA bhadrakArA bodhAH shAlvAH paTachcharAH.
susthalAshcha sukuTTAshcha kulindAH kuntibhiH saha .. 2\-14\-26 (11899) 
shAlvAyanAshcha rAjAnaH sodaryAnucharaiH saha.
dakShiNA ye cha pa~nchAlAH pUrvAH kuntiShu kosalAH .. 2\-14\-27 (11900) 
tathottarAM dishaM chApi parityajya bhayArditAH.
matsyAH sannyastapAdAshcha dakShiNAM dishamAshritAH .. 2\-14\-28 (11901) 
tathaiva sarvapa~nchAlA jarAsandhabhAyarditAH.
svarAjyaM samparityajya vidrutAH sarvatodisham .. 2\-14\-29 (11902) 
` agrato hyasya pA~nchAlAstatrAnIke mahAtmanaH.
anirgate sArabale mAgadhebhyo girivrajAt .. 2\-14\-30 (11903) 
ugrasenasutaH kaMsaH purA nirjitya bAndhavAn'.
bArhadrathasute devyAvupAgachChadvR^ithAmatiH .. 2\-14\-31 (11904) 
astiH prAstishcha nAmnA te sahadevAnuje.abale.
balena tena svaj~nAtInabhibhUya vR^ithAmatiH .. 2\-14\-32 (11905) 
shraiShThyaM prAptaH sa tasyAsIdatIvApanayo mahAn.
bhojarAjanyavR^iddhaishcha pIDyamAnairdurAtmanA .. 2\-14\-33 (11906) 
j~nAtitrANamabhIpsadbhirasmatsambhAvanA kR^itA.
datvA.a.akrUrAya sutanuM tAmAhukasutAM tadA .. 2\-14\-34 (11907) 
sa~NkarShaNadvitIyena j~nAtikAryaM mayA kR^itam.
hatau kaMsasunAmAnau mayA rAmeNa chApyuta .. 2\-14\-35 (11908) 
`hatvA kaMsaM tathaivAdau jarAsandhasya bibhyataH.
mayA rAmeNa chAnyatra j~nAtayaH paripAlitaH'.. 2\-14\-36 (11909) 
bhaye tu samatikrAnte jarAsandhe samudyate.
mantro.ayaM mantrito rAjankulairaShTAdashAvaraiH .. 2\-14\-37 (11910) 
anAramanto nighnanto mahAstraiH shatrughAtibhiH.
na hanyAmo vayaM tasya tribhirvarShashatairbalam .. 2\-14\-38 (11911) 
tasya hyamarasa~NkAshau balena balinAM varau.
nAmabhyAM haMsaDibikAvashastranidhanAvubhau .. 2\-14\-39 (11912) 
tAvubhau sahitau vIrau jarAsandhashcha vIryavAn.
trayastrayANAM lokAnAM paryAptA iti me matiH .. 2\-14\-40 (11913) 
na hi kevalamasmAkaM yAvanto.anye cha pArthivAH.
tathaiva teShAmAsIchcha buddhirbuddhimatAM vara .. 2\-14\-41 (11914) 
`aShTAdasha mayA tasya sa~NgrAmA romaharShaNAH.
dattA na cha hato rAja~njarAsandho mahAbalaH'.. 2\-14\-42 (11915) 
atha haMsa iti khyAtaH kashchidAsInmahAnnR^ipaH.
rAmeNa sa hatastatra sa~NgrAme.aShTAdashAvare .. 2\-14\-43 (11916) 
hato haMsa iti proktasya kenApi bhArata.
tachChrutvA Dibiko rAjanyamunAmbhasyamajjata .. 2\-14\-44 (11917) 
vinA hasena loke.asminnAhaM jIvitumutsahe.
ityetAM matimAsthAya Dibiko nidhanaM gataH .. 2\-14\-45 (11918) 
tathA tu DibikaM shrutvA haMsaH parupura~njayaH.
prapede yamunAmeva sopi tasyAM nyamajjata .. 2\-14\-46 (11919) 
tau sa rAjA jarAjandhaH shrutvA cha nidhanaM gatau.
puraM shUnyena manasA prayayau bharatarShabha .. 2\-14\-47 (11920) 
tato vayamitraghna tasminpratigate nR^ipe.
punarAndinaH sarve madhurAyAM vasAmahe .. 2\-14\-48 (11921) 
yadA tvabhyetya pitaraM sA vai rAjIvalochanA.
kaMsabhAryA jarAsandhaM duhitA mAgadhaM nR^ipam. 
chodayatyeva rAjendra pativyasanaduHkhitA ..  2\-14\-49 (11922) 
patighnaM me jahItyevaM punaH punararindama.
tato vayaM mahArAja taM mantraM pUrvamantritam .. 2\-14\-50 (11923) 
saMsmaranto vimanaso vyapayAtA narAdhipa.
pR^ithaktvena mahArAja sa~NkShipya mahatIM shriyam .. 2\-14\-51 (11924) 
palAyAmo bhayAttasya sasutaj~nAtibAndhavAH.
iti sa~nchintya sarve sma pratIchIM dishamAshritAH .. 2\-14\-52 (11925) 
kushasthalIM purIM ramyAM raivatenopashobhitAm.
tato niveshaM tasyAM cha kR^itavanto vayaM nR^ipa .. 2\-14\-53 (11926) 
tathaiva durgasaMskAraM devairapi durAsadam.
striyo.api yasyAM yudhyeyuH kimu vR^iShNimahArathAH .. 2\-14\-54 (11927) 
tasyAM vayamamitraghna nivasAmo.akutobhayAH.
Alochya girimukhyaM taM mAgadhaM tIrNameva cha .. 2\-14\-55 (11928) 
mAdhavAH kurushArdUla parAM mudamavApnuvan.
evaM vayaM jarAsandhAdabhitaH kR^itakilbiShAH .. 2\-14\-56 (11929) 
sAmarthyavantaH sambandhAdgomantaM samupAshritAH.
triyojanAyataM sadma triskandhaM yojanAvadhi .. 2\-14\-57 (11930) 
yojanAnte shatadvAraM vIravikramatoraNam.
aShTAdashAvarairnaddhaM kShatriyairyuddhadurmadaiH .. 2\-14\-58 (11931) 
aShTAdasha sahasrANi bhrAtR^iNAM santi naH kale.
Ahukasya shataM putrA ekaikastridashAvaraH .. 2\-14\-59 (11932) 
chArudeShNaH saha bhrAtrA chakradevo.atha sAtyakiH.
ahaM cha rohiNeyashcha sAmbaH pradyumna eva cha .. 2\-14\-60 (11933) 
evamete rathAH sapta rAjannanyAnnibodha me.
kR^itavarmA hyanAdhR^iShTiH samIkaH samirtijayaH .. 2\-14\-61 (11934) 
ka~NkaH sha~Nkushcha kuntishcha saptaite vai mahArathAH.
`pradyumnashchAniruddhashcha bhAnurakrUrasAraNau .. 2\-14\-62 (11935) 
nishaThashcha gadashchaiva sapta chaite mahArathAH.
vikamo jhillibabhrU cha uddhavo.atha vidUrathaH .. 2\-14\-63 (11936) 
vasudevograsenau cha saptaite mantripu~NgavAH.
prasenajichcha yamalo rAjarAjaguNAnvitaH .. 2\-14\-64 (11937) 
syamantako maNiryasya rukmaM nisruvate bahu.
putrau chAndhakabhojasya vR^iddho rAjA cha te dasha .. 2\-14\-65 (11938) 
vajrasaMhananA vIrI vIryavanto mahAbalAH.
smaranto madhyamaM deshaM vR^iShNivIrA gatajvarAH .. 2\-14\-66 (11939) 
pANDavaishchApi satataM nAthavanto vayaM nR^ipa.
sarvasampadguNaiH siddhe tasminnevaM vyavasthite .. 2\-14\-67 (11940) 
kShatre samrAjamAtmAnaM kartumarhasi bhArata.
duryodhanaM shAntanavaM droNaM drauNAyaniM kR^ipam .. 2\-14\-68 (11941) 
karNaM cha shishupAlaM cha rukmiNaM cha dhanurdharam.
ekalavyaM drumaM shvetaM shaibyaM shakunimeva cha .. 2\-14\-69 (11942) 
etAnajitvA sa~NgrAme kathaM shaknoShi taM kratum.
tathaite gauraveNaiva na yotsyanti narAdhipAH .. 2\-14\-70 (11943) 
ekastatra balonmattaH karNo vaikartano vR^iShA.
yotsyate sa parAmarShI divyAsrabalagarvitaH'.. 2\-14\-71 (11944) 
na tu shakyaM jarAsandhe jIvamAne mahAbala
rAjasUyastvayA.avAptumeShA rAjanmatirmama ..  2\-14\-72 (11945) 
tena ruddhA hi rAjAnaH sarve jitvA girivraje.
kandare parvatendrasya siMheneva mahAdvipAH .. 2\-14\-73 (11946) 
sa hi rAjA jarAsandho yiyakShurvasudhAdhipaiH.
`abhiShiktaH sa rAjanyaiH sahasrairuta chAShTabhiH'. 
mahAdevaM mahAtmAnamumApatimarindama ..  2\-14\-74 (11947) 
ArAdhya tapasogreNa nirjitAstena pArthivAH.
pratij~nAyAshcha pAraM sa gataH pArthivasattama .. 2\-14\-75 (11948) 
sa hi nirjitya nirjitya pArthivAnpR^itanAgatAn.
puramAnIya baddhvA cha chakAra puruShavrajam .. 2\-14\-76 (11949) 
vayaM chaiva mahArAja jarAsandhabhayAttadA.
madhurA samparityajya gatA dvAravatIM purIm .. 2\-14\-77 (11950) 
yadi tvenaM mahArAja yaj~naM prAptumabhIpsasi.
yatasva teShAM mokShAya jarAsandhavadhAya cha .. 2\-14\-78 (11951) 
samArambho na shakyo.ayamanyathA kurunandana.
rAjasUyasya kArtsnyena kartuM matimatAM vara .. 2\-14\-79 (11952) 
ityeShA me matI rAjanyathA vA manyase.anagha.
evaM gate mamAchakShva svayaM nishchitya hetubhiH .. .. 2\-14\-80 (11953) 

iti shrImanmahAbhArate sabhAparvaNi mantraparvaNi chaturdasho.adhyAyaH .. 14\..

##Mahabharata - Sabha Parva - Chapter Footnotes##

2\-14\-4 bhuvi ye shreNibaddhA rAjAnaH yechAnye kShatriyAH tAn ikShvAkuvaMshasya prakR^i ti prajAM parichakShate ..
2\-14\-56 mAdhavAH madhuvashyAH ..


\medskip\hrule\medskip
sabhAparva \- adhyAya 015
.. shrIH ..
2\.15\. adhyAyaH 15 

##Mahabharata - Sabha Parva - Chapter Topics##
rAjasUyaviShaye shrIkR^iShNayudhiShThirabhImAnAM saMvAdaH .. 1\..

##Mahabharata - Sabha Parva - Chapter Text##

yudhiShThira uvAcha.

uktaM tvayA buddhimatA yannAnyo vaktumarhati.
saMshayAnAM hi nirmoktA tvannAnyo vidyate bhuvi .. 2\-15\-1 (11954) 
gR^ihe gR^ihe hi rAjAnaH svasya svasya priya~NkarAH.
na cha sAmrAjyamAptAste samrAdashabdo hi kR^ichChrabhAk.  2\-15\-2 (11955) 
kathaM parAnubhAvaj~naH svaM prashaMsitumarhati.
pareNa samavetastu yaH prashasyaH sa pUjyate .. 2\-15\-3 (11956) 
vishAlA bahulA bhUmirbahuratnasamAchitA.
dUraM gatvA vijAnAti shreyo vR^iShNikulodvaha .. 2\-15\-4 (11957) 
shamameva paraM manye shamAtkShemaM bhavenmama.
Arambhe pArameShThyaM tu na prApyamiti me matiH .. 2\-15\-5 (11958) 
evamete hi jAnanti kule jAtA manasvinaH.
kashchitkadAchideteShAM bhavechChreShTho janArdana.  2\-15\-6 (11959) 
vayaM yaiva mahAbhAga jarAsandhabhayAttadA.
sha~NkitAH sma mahAbhAga dvaurAtmyAttasya chAnagha .. 2\-15\-7 (11960) 
ahaM hi tava durdharSha bhujavIryAshrayaH prabho.
nAtmAnaM balinaM manye tvayi tasmAdvisha~Nkite .. 2\-15\-8 (11961) 
tvatsakAshAchcha rAmAchcha bhImasenAchcha mAdhava.
arjunAdvA mahAbAho hantuM shakyo naveti vai. 
evaM jAnanhi vArShNeya vimR^ishAmi punaH punaH ..  2\-15\-9 (11962) 
tvaM me pramANabhUto.asi sarvakAryeShu keshava.
tachChrutvA chAbravIdbhImo vAkyaM vAkyavishAradaH .. 2\-15\-10 (11963) 
bhIma uvAcha .. 2\-15\-11x (1403) 
anArambhaparo rAjA valmIka iva sIdati.
durbalashchAnupAyena balinaM yo.adhitiShThati .. 2\-15\-11 (11964) 
atandritashcha prAyeNa durbalo balinaM ripum.
jayetsamyakprayogeNa nItyA.arthAnAtmano hitAn .. 2\-15\-12 (11965) 
kR^iShNe nayo mayi balaM jayaH pArthe dhana~njaye.
mAgadhaM sAdhayiShyAma iShTiM traya ivAgrayaH .. 2\-15\-13 (11966) 
`tvadbuddhibalamAshritya sarvaM prApsyati dharmarAda.
jayo.asmAkaM hi govinda yeShAM nAtho bhavAnsadA'.. 2\-15\-14 (11967) 
kR^iShNa uvAcha. 2\-15\-15x (1404) 
arthAnArabhate bAlo nAnubandhamavekShate.
tasmAdariM na mR^iShyanti bAlamarthaparAyaNam .. 2\-15\-15 (11968) 
jitvA jayyAnyauvanAshviH pAlanAchcha bhagIrathaH.
kArtavIryastapovIryAdbalAttu bharato vibhuH .. 2\-15\-16 (11969) 
R^iddhyA maruttastAnpashcha samrAjastvanushushruma.
`sarvAnvaMshyAnanumR^ishannaite santi yuge yuge'.. 2\-15\-17 (11970) 
sAmrAjyamichChataste tu sarvAkAraM yudhiShThira.
nigrAhyalakShaNaM prAptirdharmArthanayalakShaNaiH .. 2\-15\-18 (11971) 
bArhadratho narAsandhastadviddhi bharatarShabha.
na chainaM pratyatyuddhyanta kulAnyekashataM nR^ipAH .. 2\-15\-19 (11972) 
tasmAdiha balAdeva sAmrAjyaM kurute hi saH ..  2\-15\-20 (11973) 
ratnabhAjo hi rAjAno jarAsandhamupAsate.
na cha tuShyati tenApi bAlyAdanayamAsthitaH .. 2\-15\-21 (11974) 
mUrdhAbhiShiktaM nR^ipatiM pradhAnapuruSho balAt.
Adatte na cha no dR^iShTo.abhAgaH puruShataH kvachit .. 2\-15\-22 (11975) 
evaM sarvAnvashe chakre jarAsandhaH shatAvarAn.
taM durbalataro rAjA kathaM pArtha upaiShyati .. 2\-15\-23 (11976) 
`taNDulaprasthake rAjA kapardinamupAsate'.
prokShitAnAM pramR^iShTAnAM rAj~nAM pashupatergR^ihe. 
pashUnAmiva pramR^iShTAnAM rAj~nAM pashupatergR^ihe.  2\-15\-24 (11977) 
kShatriyaH shastramaraNo yadA bhavati satkR^itaH.
tataH sma mAgadhaM sa~Nkhye pratibAdhema yadvayam .. 2\-15\-25 (11978) 
ShaDashItiH samAnItAH sheShA rAjaMshchaturdasha.
jarAsandhena rAjAnastataH krUraM pravartsyate .. 2\-15\-26 (11979) 
prApnuyAtsa yasho dIptaM tatra yo vighnamAcharet.
jayedyashcha jarAsandhaM sa samrANNiyataM bhavet .. .. 2\-15\-27 (11980) 

iti shrImanmahAbhArate sabhAparvaNi mantraparvaNi pa~nchadasho.adhyAyaH .. 25\..

##Mahabharata - Sabha Parva - Chapter Footnotes##

2\-15\-18 yudhiShThira dharmArthanayalakShaNaiH sahitA prAptiH pAlanaM nigrAhyalakShaNaM sAmrA jyaM cha te.asti ..
2\-15\-19 bArhadrathaM jarAsandhaM taM viddhi iti ka . gha.pAThaH ..
2\-15\-22 balAtpradhAnapuruShaH jarAsandhaH puruShataH puruSheShu abhAgaH asvIkR^itaH ..


\medskip\hrule\medskip
sabhAparva \- adhyAya 016
.. shrIH ..
2\.16\. adhyAyaH 16 

##Mahabharata - Sabha Parva - Chapter Topics##
yudhiShThirjunayorbhAShaNam .. 1\..

##Mahabharata - Sabha Parva - Chapter Text##

yudhiShThira uvAcha ..

samrADguNamabhIpsanvai yuShmAnsvArthaparAyaNaH.
kathaM prahiNuyAM kR^iShNa so.ahaM kevalasAhasAt .. 2\-16\-1 (11981) 
bhImArjunAvubhau netre mano manye janArdanam.
manashchakShurvihInasya kIdR^ishaM jIvitaM bhavet .. 2\-16\-2 (11982) 
jarAsandhabalaM prApya duShpAraM bhImavikramam.
yamopi na vijetA.a.ajau tatra vaH kiM vicheShTitam .. 2\-16\-3 (11983) 
asmiMstvarthAntare yuktamanarthaH pratipadyate.
tasmAnna pratipattistu kAryA yuktA matA mama .. 2\-16\-4 (11984) 
yathA.ahaM vimR^ishAmyekastattAvachChrUyatAM mama.
saMnyAsaM rochaye sAdhu kAryasyAsya janArdana. 
pratihanti mano me.adya rAjasUyo dUrAharaH ..  2\-16\-5 (11985) 
vaishampAyana uvAcha .. 2\-16\-6x (1405) 
pArthaH prApya dhanuH shreShThamakShayyau cha maheShudhI.
rathaM dhvajaM hayAMshchaiva yudhiShThiramabhAShata .. 2\-16\-6 (11986) 
arjuna uvAcha. 2\-16\-7x (1406) 
dhanuH shastraM sharA vIryaM pakSho bhUmiryasho balam.
prAptametanmaya rAjanduShprApaM yadabhIpsitam.  2\-16\-7 (11987) 
kule janma prashaMsanti vaidyAH sAdhu suniShThitAH.
balena sadR^ishaM nAsti vIryaM tu mama rochate.  2\-16\-8 (11988) 
kR^itavIryakule jAto nirvIryaH kiM kariShyati.
nirvIrye tu kule jAto vIryavAMstu vishiShyate .. 2\-16\-9 (11989) 
kShatriyaH sarvasho rAjanyasya vR^ittirdviShajjaye.
sarvaiguNairvihIno.api vIryavAnhi tarendripUn .. 2\-16\-10 (11990) 
sarvairapi guNairyukto nirvIryaH kiM kariShyati.
jayasya hetuH siddhirhi karma daivaM cha saMshritam .. 2\-16\-11 (11991) 
saMyukto hi balaiH kashchitpramAdAnnopayujyate ..  2\-16\-12 (11992) 
tena dvAreNa shatrubhyaH kShIyate sabalo ripuH ..  2\-16\-13 (11993) 
dainyaM yathA balavati tathA moho balAnvite.
tAvubhau nAshakau hetU rAj~nA tyAjyau jayArthinA .. 2\-16\-14 (11994) 
jarAsandhivinAshaM cha rAj~nAM cha parirakShaNam.
yadi kuryAm yaj~nArthaM kiM tataH paramaM bhavet .. 2\-16\-15 (11995) 
anArambhe hi niyato bhavedaguNanishchayaH.
guNAnniH saMshayAdrAjannairguNyaM manyase katham .. 2\-16\-16 (11996) 
kAShAyaM sulabhaM pashchAnmunInAM shamamichChatAm.
sAmrAjyaM tu bhavechChakyaM vayaM yotsyAmahe parAn .. .. 2\-16\-17 (11997) 

iti shrImanmahAbhArate sabhAparvaNi ShoDasho.adhyAyaH .. 16\..



\medskip\hrule\medskip
sabhAparva \- adhyAya 017
.. shrIH ..
2\.17\. adhyAyaH 17 

##Mahabharata - Sabha Parva - Chapter Topics##
yudhiShThireNa jarAsandhaprabhAvaprashne shrIkR^iShNena tadupodghAtatayA bR^ihadratharAjopA khyAnakathanArambhaH .. 1\.. aputrasya bR^ihathasya patnIbhyAM saha tapovanagamanam .. 2\.. tatra chaNDakaushikamuninA bR^ihadrathAya putrIyAmraphaladAnam .. 3\.. pravibhaktatatphalabhojanena sa~njAtagarbhayostadbhAryayoH pR^ithagekaikasharIrakhaNDasambhavaH ..4\.. tatpatnIbhyAM dAsIdvArA bahistyAjitayoH khaNDayoH jarAnAmnyA rAkShasyA sa ndhAnAjarAsandhasambhavaH .. 5\.. bAlakaM gR^ihItvA AgatayA jarayA saha bR^ihadrathasya saMvAdaH .. 6\..

##Mahabharata - Sabha Parva - Chapter Text##

vAsudeva uvAcha ..

jAtasya bhArate vaMshe tathA kuntyAH sutasya cha.
yA vai yuktA matiH seyamarjunena pradarshitA .. 2\-17\-1 (11998) 
na sma mR^ityuM vayaM vidma rAtrau vA yadi vA divA.
na chApi ka~nchidamaramayuddhenAnushushruma .. 2\-17\-2 (11999) 
etAvadeva puruShaiH kAryaM hR^idayatoShaNam.
nayena vidhidR^iShTena yadupakramate parAn .. 2\-17\-3 (12000) 
sunayasyAnapAyasya saMyoge paramaH kramaH.
sa~NgatyA jAyate.asAmyaM sAmyaM cha na bhaveddvayoH .. 2\-17\-4 (12001) 
anayasyAnupAyasya saMyuge paramaH kShayaTaH.
saMshayo jAyate sAmyAjjayashcha na bhaveddvayoH .. 2\-17\-5 (12002) 
te vayaM nayamAsthAya shatrudeshasamIpagAH.
kathamantaM na gachChema vR^ikShasyeva nadIrayAH ..
pararandhre parAkrAntAH svarandhrAvaraNe sthitAH ..  2\-17\-6 (12003) 
vyUDhAnIkairatibalairna yudvyedaribhiH saha.
iti buddhimatAM nItistanmamApIha rochate .. 2\-17\-7 (12004) 
anavadyA hyasambuddhAH praviShTAH shatrusadma tat.
shatrudeshamupAkramya taM kAmaM prApnuyAmahe .. 2\-17\-8 (12005) 
eko hyeva shriyaM nityaM bibharti puruSharShabhaH.
antarAtmeva bhUtAnAM tatkShayaM naiva lakShaye .. 2\-17\-9 (12006) 
athavainaM nihatyAjau sheSheNApi samAhatAH.
prApnuyAma tataH svargaM j~nAtitrANaparAyaNAH .. 2\-17\-10 (12007) 
yudhiShThira uvAcha .. 2\-17\-11x (1407) 
kR^iShNa ko.ayaM jarAsandhaH kiMvIryaH kimparAkramaH.
yastvAM spR^iShTvA.agnisadR^ishaM na dagdhaH shalabho yathA .. 2\-17\-11 (12008) 
kR^iShNa uvAcha .. 2\-17\-12x (1408) 
shR^iNu rAja~njarAsandho yadvIryo yatparAkramaH.
yathA chopekShito.asmAbhirbahushaH kR^itavipriyaH .. 2\-17\-12 (12009) 
akShauhiNInAM tisR^iNAM patiH samaradarpitaH.
rAjA bR^ihadratho nAma magadhAdhipatirbalI .. 2\-17\-13 (12010) 
rUpavAnvIryasampannaH shrImAnatulavikramaH.
nityaM dIkShA~NkitatanuH shatakraturivAparaH .. 2\-17\-14 (12011) 
tejasA sUryasa~NkAshaH kShamayA pR^ithivIsamaH.
yashchAntakasamaH krodhe shriyA vaishravaNopamaH .. 2\-17\-15 (12012) 
`svarAjyaM kArayAmAsa magadheShu girivraje'.
tasyAbhijanasaMyuktairgaNairbharatasattama. 
vyApteyaM pR^ithivI sarvA sUryasyeva gabhastibhiH ..  2\-17\-16 (12013) 
sa kAshirAjasya sute yamaje bharatarShabhaH.
upayeme mahAvIryo rUpadraviNasaMyute. 2\-17\-17ctayoshchakAra samayaM mithaH sa puruSharShabhaH ..  2\-17\-17 (12014) 
nAtivartiShya ityevaM patnIbhyAM sannidhau tadA.
sa tAbhyAM shushubhe rAjA patnIbhyAM vasudhAdhipaH .. 2\-17\-18 (12015) 
priyAmbhAmanurUpAbhyAM kareNubhyAmiva dvipaH.
tayormadhyagatashchApi rarAja vasudhAdhipaH .. 2\-17\-19 (12016) 
ga~NgAyamunayormadhye mUrtimAniva sAgaraH.
viShayeShu nimagrasya tasya yauvanamatyagAt .. 2\-17\-20 (12017) 
na cha vaMshakaraH putrastasyAjAyata kashchana.
ma~NgalairbabhirhomaiH putrakAmAbhiriShTibhiH .. 2\-17\-21 (12018) 
nAsasAda nR^ipashreShThaH putraM kulavivardhanam.
sa bhAryAbhyAM cha sahito nirvedamagamaddhR^isham .. 2\-17\-22 (12019) 
`rAjyaM chApi parityajya tapovanamathAshrayat. '
vAryamANaH prakR^itibhirnR^ipabhaktyA vishAmpate'..  2\-17\-23 (12020) 
atha kAkShIvataH putraM gautamasya mahAtmanaH ..
shushrAva tapasi shreShThamudAraM chaNDakaushikam .. 2\-17\-24 (12021) 
yadR^ichChayA.a.agataM taM tu vR^ikShamUlamupAshritam.
patnIbhyAM sahito rAjA sarvayatnairatoShayat .. 2\-17\-25 (12022) 
`bR^ihadrathaM cha sa R^iShiryathAvachchAbhyanandata. '
upaviShTaH sa tenAtha anuj~nAto mahAtmanA ..  2\-17\-26 (12023) 
tamapR^ichChattadA vipraH kimAgamanamityatha.
viprairanugatasyaiva patnIbhyAM sahitasya cha .. 2\-17\-27 (12024) 
sa uvAcha muniM rAjA bhagavannAsti me sutaH.
aputrasya tu rAjyena vR^iddhatve kiM prayojanam .. 2\-17\-28 (12025) 
so.ahaM tapashchariShyAmi patnIbhyAM sahito vane.
nAprajasya mune kirtiH svadhA chaivAkShayA bhavet. 
evamuktaH sa rAj~nA tu muniH kAruNyamAgataH ..  2\-17\-29 (12026) 
tamabravItsatyadhR^itiH satyavAgR^iShisattamaH.
parituShTo.asmi rAjendra varaM varaya suvrata .. 2\-17\-30 (12027) 
tataH sabhAryaH praNatastamuvAcha bR^ihadrathaH.
putradarshananairAshyAdbAShpasandigdhayA girA .. 2\-17\-31 (12028) 
rAjovAcha .. 2\-17\-32x (1409) 
bhagavan rAjyamutsR^ijya prasthitasya tapovanam.
kiM vareNAlpabhAgyasya kiM rAjyenAprajasya me .. 2\-17\-32 (12029) 
kR^iShNa uvAcha. 2\-17\-33x (1410) 
etachChrutvA munirdhyAnamagamankShubhitendriyaH.
tasyaiva chAmravR^ikShasya ChAyAyAM samupAvishata .. 2\-17\-33 (12030) 
tasyopaviShTasya munerutsa~Nge nipapAta ha.
avAnamashukAdaShTamekamAmraphalaM kila .. 2\-17\-34 (12031) 
tatpragR^ihya munishreShTho hR^idayenAbhimantrya cha.
rAj~ne dadAvapratimaM putrasamprAptikAraNam .. 2\-17\-35 (12032) 
uvAcha cha mahAprAj~nastaM rAjAnaM mahAmuniH.
gachCha rAjankR^itArtho.asi nivartasva narAdhipa .. 2\-17\-36 (12033) 
`eSha te tanayo rAjanmA tapeha tapovane.
prajAH pAlaya dharmeNa eva dharmo mahIkShitAm .. 2\-17\-37 (12034) 
yajasva vividhairyaj~nairindraM tarpaya chendunA.
putraM rAjye pratiShThApya tata AshramamAvraja .. 2\-17\-38 (12035) 
aShTau varAnprayachChAmi tava putrasya pArthiva.
brahmaNyatvamajeyatvaM yuddheShu cha tathA matiH .. 2\-17\-39 (12036) 
priyAtitheyatAM chaiva dInAnAmanvavekShaNam.
tathA balaM cha subhahalloke kIrti cha shAshvatIm .. 2\-17\-40 (12037) 
anurAgaM prajAnAM chetyevamaShTau varAnnR^ipa.
gachCha tvaM kR^itakR^ityo.asi nivartasva janAdhipa'.. 2\-17\-41 (12038) 
anuj~nAtaH sa R^iShiNA patnIbhyAM sahito nR^ipaH.
paurairanugatashchApi vivesha svapuraM tataH .. 2\-17\-42 (12039) 
yathAsamayamAj~nAya tadA sa nR^ipasattamaH.
dvAbhyAmekaM phalaM prAdAtpatnIbhyAM bharatarShabha .. 2\-17\-43 (12040) 
muneshcha bahumAnena kAlasya cha viparyayAt.
te tadAmraM dvidhA kR^itvA bhakShayAmAsatuH shubhe.  2\-17\-44 (12041) 
tayoH samabhavadgarbhaH phalaprAshanasambhavaH.
te cha dR^iShTvA sa nR^ipatiH parAM mudamavApa ha .. 2\-17\-45 (12042) 
atha kAle mahAprAj~na yathAsamayamAgate.
prajAyetAmubhe rAja~nsharIrashakale tadA .. 2\-17\-46 (12043) 
ekAkShibAhucharaNe ardhodaramukhasphiche.
dR^iShTvA sharIrashakale pravepaturubhe bhR^isham .. 2\-17\-47 (12044) 
udvigre saha saMmantrya te bhagityau tadA.abale.
sajIve prANishakale tatyajAte suduHkhite .. 2\-17\-48 (12045) 
tayordhAtryau susaMvIte kR^itvA te garbhasamplave.
nirgamyAntaH puradvArAtsamutsR^ijyAbhijagmatuH .. 2\-17\-49 (12046) 
`dukUlAbhyAM susa~nChanne pANDarAbhyAmubhe tadA.
aj~nAte kasyachitte tu jahatuste chatuShpathe .. 2\-17\-50 (12047) 
tato vivishaturdhAtryau punarantaH puraM tadA.
kathayAmAsaturubhe devIbhyAM tu pR^ithakpR^ithak'.. 2\-17\-51 (12048) 
te chatuShpathanikShipte jarA nAmAtha rAkShasI.
jagrAha manujavyAghra mAMsashoNitabhojanA .. 2\-17\-52 (12049) 
kartukAmA sukhavahe shakale sA tu rAkShasI.
saMyojayAmAsa tadA vidhAnabalachoditA .. 2\-17\-53 (12050) 
te samAnItamAtre tu shakale puruSharShabha.
ekamUrtidharo vIraH kumAraH samapadyata .. 2\-17\-54 (12051) 
tataH sA rAkShasI rAjanvismayotphullalochanA.
na shashAka samudvoduM vajrasAramayaM shishum .. 2\-17\-55 (12052) 
bAlastAmratalaM muShTiM kR^itvA chAsye nidhAya saH.
prAkroshadatisaMrabdhaH satoya iva toyadaH .. 2\-17\-56 (12053) 
tena shabdena sambhrAntaH sahasA.antaH pure janaH.
nirjagAma naravyAghra rAj~nA saha parantapa .. 2\-17\-57 (12054) 
te chAbale parimlAne payaH pUrNapayodhare.
nirAshe putralAbhAya sahasaivAbyagachChatAm .. 2\-17\-58 (12055) 
te cha dR^iShTvA tathAbhUte rAjAnaM cheShTasaMtatim.
taM cha bAlaM subalinaM chintayAmAsa rAkShasI .. 2\-17\-59 (12056) 
nArhAmi viShaye rAj~no vasantI putragR^iddhinaH.
bAlaM putramimaM hantuM dhArmikasya mahAtmanaH .. 2\-17\-60 (12057) 
sA taM bAlamupAdAya meghalekhena bhAskaram.
kR^itvA cha mAnuShaM rUpamuvAcha vasudhAdhipam .. 2\-17\-61 (12058) 
bR^ihadratha sutaste.ayaM mayA dattaH pragR^ihyatAm.
tava patnIdvaye jAto dvijAtivarashAsanAt. 
dhAtrIjanaparityakto mayA.ayaM parirakShitaH ..  2\-17\-62 (12059) 
kR^iShNa uvAcha. 2\-17\-63x (1411) 
tataste bharatashreShTha kAshirAjasute shubhe.
taM bAlamabhipadyAshu prasravairabhyaShi~njatAm .. 2\-17\-63 (12060) 
tataH sa rAjA saMhR^iShTaH sarvaM tadupalabhya cha.
apR^ichChaddhemagarbhAbhAM rAkShasIM tAmarAkShasIm .. 2\-17\-64 (12061) 
kAtvaM kamalagarbhAbhe mama putrapradAyinI.
kAmaM mA brUhi kalyANi devatA pratibhAsi me .. .. 2\-17\-65 (12062) 

iti shrImanmahAbhArate sabhAparvaNi mantraparvaNi saptadasho.adhyAyaH .. 17\..

##Mahabharata - Sabha Parva - Chapter Footnotes##

2\-17\-4 kramaH upakramaH ..
2\-17\-9 tatkShaye balakShayaH iti pAThaH ..
2\-17\-34 avAnamashuShkaM sarasamiti yAvat . amArutamanAviddhaM iti gha.pAThaH ..
2\-17\-46 prajAyetAM suShuvatuH ..
2\-17\-47 sphik kaTyA adhobhAgaH ..
2\-17\-53 sukhavahe ekIkR^itayorvahanaM hi sukhena bhavatIti prasiddham ..
2\-17\-54 samAnItamAtre saMyojitamAtre ..
2\-17\-64 arAkShasI veShataH ..



\medskip\hrule\medskip
sabhAparva \- adhyAya 018
.. shrIH ..
2\.18\. adhyAyaH 18 

##Mahabharata - Sabha Parva - Chapter Topics##
rAjAnamprati svasvarUpamabhidhAya jarAyA antardhAnam .. 1\..

##Mahabharata - Sabha Parva - Chapter Text##

rAkShasyuvAcha ..

jarA nAmAsmi bhadraM te rAkShasI kAmarUpiNI.
tava veshmani rAjendra pUjitA nyavasaM sukham .. 2\-18\-1 (12063) 
gR^ihe gR^ihe manuShyANAM nityaM tiShThAmi rAkShasI.
gR^ihadevIti nAmnA vai purA sR^iShTA svayaMmbhuvA .. 2\-18\-2 (12064) 
dAnavAnAM vinAshAya sthApitA divyarUpiNI.
yo mAM bhaktyA likhetkuDye saputrAM yauvanAnvitAm .. 2\-18\-3 (12065) 
gR^ihe tasya bhavedvR^iddhiranyathA kShayamApnuyAt.
tvadgR^ihe tiShThamAnA.ahaM pUjitA.ahaM sadA vibho .. 2\-18\-4 (12066) 
likhitA chaiva kuDyeShu putrairbahubhirAvR^itA.
gandhapuShpaistathA dhUpairbhakShyabhojyaiH supUjitA .. 2\-18\-5 (12067) 
sA.ahaM pratyupakArArthaM chintayantyanishaM nR^ipa.
taveme putrashakale dR^iShTavatyasmi dhArmikA.  2\-18\-6 (12068) 
saMshliShite mayA daivAtkumAraH samapadyata.
tava bhAgyAnmahArAja hetumAtramahaM tviha .. 2\-18\-7 (12069) 
meruM vA khAdituM shaktA kiM punastava bAlakam.
gR^ihasampUjanAttuShTyA mayA pratyarpitastava .. 2\-18\-8 (12070) 
mama nAmnA cha loke.asminkhyAta eva bhaviShyati.  2\-18\-9 (12071) 
kR^iShNa uvAcha.
evamuktvA tu sA rAjaMstatraivAntaradhIyata. 
sa sa~NgR^ihya kumAraM taM pravivesha gR^ihaM nR^ipaH ..  2\-18\-9x (1412) 
tasya bAlasya yatkR^ityaM tachchakAra nR^ipastadA.
Aj~nApayachcha rAkShasyA magadheShu mahotsavam .. 2\-18\-10 (12072) 
tasya nAmAkarochchaiva pitAmahasamaH pitA.
jarayA sandhito yasmAjjarAsandho bhavatvayam .. 2\-18\-11 (12073) 
so.avardhata mahAtejA mAgadhAdhipateH sutaH.
pramANabalasampanno hutAhutirivAnalaH .. 2\-18\-12 (12074) 
`evaM sa vavR^idhe rAjankumAraH puShkarekShaNaH.
kAlena mahatA chApi yauvanastho babhUva ha'..
mAtApitrornandakaraH shuklapakShe yathA shashI .. ..  2\-18\-13 (12075) 

iti shrImanmahAbhArate sabhAparvaNi mantraparvaNi aShTAdasho.adhyAyaH .. 18\..



\medskip\hrule\medskip
sabhAparva \- adhyAya 019
.. shrIH ..
2\.19\. adhyAyaH 19 

##Mahabharata - Sabha Parva - Chapter Topics##
punaryadR^ichChAgatena chaNDakaushikena jarAsandhaparAkramAdau kathite jarAsandhaM rAjye.abha iShichya tapovanagatasya sabhAryasya bR^ihadrathasya svargagamanam .. 1\.. kR^iShNena kaMsavadhAt jarAsandhasya svasminvairodayakathanam .. 2\..

##Mahabharata - Sabha Parva - Chapter Text##

kR^iShNa uvAcha ..

kasyachittvatha kAlasya punareva mahAtapAH.
magadheShupajakrAma bhagavAMshchaNDakaushikaH .. 2\-19\-1 (12076) 
tasyA.a.agamanasaMhR^iShTaH sAmAtyaH sapuraH saraH.
sabhAryaH saha putreNa nirjagAma bR^ihadrathaH .. 2\-19\-2 (12077) 
pAdyArghyAchamanIyaistamarchayAmAsa bhArata.
sa nR^ipo rAjyasahitaM putraM tasmai nyavedayat .. 2\-19\-3 (12078) 
pratigR^ihya cha tAM pUjAM pArthivAdbhagavAnR^iShiH.
uvAcha mAgadhaM rAjanprahR^iShTenAntarAtmanA .. 2\-19\-4 (12079) 
sarvametanmayA j~nAtaM rAjandivyena chakShuShA.
putrastu shR^iNu rAjendra yAdR^isho.ayaM bhaviShyati .. 2\-19\-5 (12080) 
asya rUpaM cha satvaM cha balamUrjitameva cha.
eSha shriyA samuditaH putrastava na saMshayaH .. 2\-19\-6 (12081) 
prApayiShyati tatsarvaM vikrameNa samanvitaH.
asya vIryavato vIryaM nAnuyAsyanti pArthivAH .. 2\-19\-7 (12082) 
patato vainateyasya gatimanye yathA khagAH.
vinAshamupayAsyanti ye chAsya paripanthinaH .. 2\-19\-8 (12083) 
devairapi visR^iShTAni shastrANyasya mahIpate.
na rujaM janayiShyanti gireriva nadIrayAH .. 2\-19\-9 (12084) 
sarvamUrdhAbhiShiktAnAmeva mUrdhni jvaliShyati.
prabhAharo.ayaM sarveShAM jyotiShAmiva bhAskaraH .. 2\-19\-10 (12085) 
enamAsAdya rAjAnaH samR^iddhabalavAhanAH.
vinAshamupayAsyanti shalabhA iva pAvakam .. 2\-19\-11 (12086) 
eSha shriyaH samuditAH sarvarAj~nAM grahIShyati.
varShAsvivodIrNajalA nadIrnadanadIpatiH .. 2\-19\-12 (12087) 
eSha dhArayita samyakchAturvarNyaM mahAbalaH.
shubhAM shubhavatIM sphItAM sarvasasyadharAM dharAm .. 2\-19\-13 (12088) 
asyAj~nAvashagAH sarve bhaviShyanti narAdhipAH.
sarvabhUtAtmabhUtasya vAyoriva sharIriNaH .. 2\-19\-14 (12089) 
eSha rudraM mahAdevaM tripurAntakaraM haram.
sarvalokeShvatibalaH sAkShAddrakShyati mAgadhaH .. 2\-19\-15 (12090) 
evaM bruvanneva muniH svakAryamiva chintayan.
visarjayAmAsa nR^ipaM bR^ihadrathamathArihan .. 2\-19\-16 (12091) 
pravishya nagarIM chApi j~nAtisambandhibhirvR^itaH.
abhiShichya jarAsandhaM magadhAdhipatistadA .. 2\-19\-17 (12092) 
bR^ihadratho narapatiH parAM nirvR^itimAyayau.
abhiShikte jarAsandhe tadA rAjA bR^ihadrathaH. 
patnIdvayenAnugatastapovanacharo.abhavat ..  2\-19\-18 (12093) 
tato vanasthe pitari mAtR^ibhyAM saha bhArata.
jarAsandhaH svavIryeNa pArthivAnakarodvashe .. 2\-19\-19 (12094) 
atha dIrghasya kAlasya tapovanacharo nR^ipaH.
sabhAryaH svargamagamattapastaptvA bR^ihadrathaH .. 2\-19\-20 (12095) 
jarAsandho.api nR^ipatiryathoktaM kaushikena tat.
varapradAnamakhilaM prApya rAjyamapAlayat .. 2\-19\-21 (12096) 
hate chaiva mayA kaMse sahaMsaDibhike tadA.
jarAsandhasya duhitA rodate pArshvataH pituH. 
jAto vai vairanirbandho mayAsIttatra bhArata ..  2\-19\-22 (12097) 
bhrAmayitvA shataguNamekonaM yena bhArata.
gadA kShiptA balavatA mAgadhena girivrajAt .. 2\-19\-23 (12098) 
tiShThato mathurAyAM vai kutsnasyAdbhutakarmaNaH.
ekonayojanashate sA papAta gadA shubhA .. 2\-19\-24 (12099) 
dR^iShTvA pauraistadA samyaggadA chaiva niveditA.
gadAvasAnaM tatkhyAtaM mathurAyAH samIpataH .. 2\-19\-25 (12100) 
tasyAstAM haMsaDibhikAvashastranidhanAvubhau.
mantre matimatAM shreShThau nItishAstre vishAradau .. 2\-19\-26 (12101) 
yau tau mayA te kathitau pUrvameva mahAbalau.
trayastrayANAM lokAnAM paryAptA iti me matiH .. 2\-19\-27 (12102) 
evameSha tadA vIra balibhiH kukurAndhakaiH.
vR^iShNibhishcha mahArAja nItihetorupekShitaH .. .. 2\-19\-28 (12103) 

iti shrImanmahAbhArate sabhAparvaNi mantraparvaNi ekonaviMsho.adhyAyaH .. 19\..

##Mahabharata - Sabha Parva - Chapter Footnotes##

2\-19\-16 AhnikAya mahAtapAH iti gha . pAThaH ..


\medskip\hrule\medskip
sabhAparva \- adhyAya 020
.. shrIH ..
2\.20\. adhyAyaH 20 

##Mahabharata - Sabha Parva - Chapter Topics##
kR^iShNayudhiShThirasaMvAdAnantaraM bhImArjunAbhyAMsaha kR^iShNasya mAgadhapuraprasthAnam .. 1\..

##Mahabharata - Sabha Parva - Chapter Text##

vAsudeva uvAcha ..

patitau haMsaDibhikau kaMsashcha sagaNo hataH.
jarAsandhasya nidhane kAlo.ayaM samupAgataH .. 2\-20\-1 (12104) 
na shakyo.asau raNe jetuM sarvairapi surAsuraiH.
prANayuddhena jetavyaH sa ityupalabhAmahe .. 2\-20\-2 (12105) 
mayi nItirbalaM bhIme rakShitA chAvayorjayaH.
mAgadhaM sAdhayiShyAma iShTiM traya ivAgnayaH .. 2\-20\-3 (12106) 
tribhirAsAdito.asmAbhirvijane sa narAdhipaH.
na sandeho yathA yuddhamekenApyupayAsyati .. 2\-20\-4 (12107) 
avamAnAchcha lobhAchcha bAhuvIryAchcha darpitaH.
bhImasenena yuddhAya dhruvamapyupayAsyati .. 2\-20\-5 (12108) 
alaM tasya mahAbAhurbhImaseno mahAbalaH.
lokasya samudIrNasya nidhanAyAntako yathA .. 2\-20\-6 (12109) 
yadi bhImabalaM vetsi yadi te pratyayo mayi.
bhImasenArjunau shIghraM nyAsabhUtau prayachCha me .. 2\-20\-7 (12110) 
vaishampAyana uvAcha .. 2\-20\-8x (1413) 
evamukto bhagavatA pratyuvAcha yudhiShThiraH.
bhImArjunau samAlokya samprahR^iShTamukhau sthitau .. 2\-20\-8 (12111) 
yudhiShThara uvAcha. 2\-20\-9x (1414) 
achyutAchyuta mAmaivaM vyAharAmitrakarshana.
pANDavAnAM bhavAnnAtho bhavantaM chAshritA vayam .. 2\-20\-9 (12112) 
yathA vadasi govinda sarvaM tadupapadyate.
nahi tvamagratasteShAM yeShAM lakShmIH parA~NmukhI .. 2\-20\-10 (12113) 
`yeShAmabhimukhI lakShmIsteShAM kR^iShNa tvamagrataH'.
nihatashcha jarAsandho mokShitAshcha mahIkShitaH. 2\-2\-\-11c rAjasUyashcha me labdho nideshe tva tiShThataH ..  2\-20\-11 (12114) 
kShiprameva yathA tvetatkAryaM samupapadyate.
apramatto jagannAtha tathA kuru samupapadyate.  2\-20\-12 (12115) 
tribhirbhavadbhirhi vinA nAhaM jIvitumutsahe.
dharmakAmArtharahito rogArta iva duHkhitaH .. 2\-20\-13 (12116) 
na shauriNA vinA pArtho na shauriH pANDavaM vinA.
nAjeyostyanayo.arloke kR^iShNayoriti me matiH .. 2\-20\-14 (12117) 
ayaM cha balinAM shreShThaH shrImAnapi vR^ikodaraH.
yuvAbhyAM sahito vIra kiM na kuryAnmahAyashAH .. 2\-20\-15 (12118) 
supraNIto balaugho hi kurute kAryamuttamam.
andhaM balaM jaDaM prAhuH praNetavyaM vichakShaNaiH .. 2\-20\-16 (12119) 
yato hi nimnaM bhavati nayanti hi tato jalam.
yatashChidraM tatashchApi nayante dhIvarA jalam .. 2\-20\-17 (12120) 
tasmAnnayavidhAnaj~naM puruShaM lokavishrutam.
vayamAshritya govindaM yatAmaH kAryasiddhaye .. 2\-20\-18 (12121) 
evaM praj~nAnayabalaM kriyopAyasamanvitam.
puraskR^irvIta kAryeShu kR^iShNakAryArthasiddhaye .. 2\-20\-19 (12122) 
evameva yadushreShTha yAvatkAryAthisiddhaye.
arjunaH kR^iShNamanvetu bhImo.anvetu dhana~njayam. 
nayo jayo balaM chaiva vikrame siddhimeShyati ..  2\-20\-20 (12123) 
vaishampAyana uvAcha. 2\-20\-21x (1415) 
evamuktAstataH sarve bhrAtaro vipulaujasaH.
vArShNeyaH pANDaveyau cha pratasthurmAgadhaM prati .. 2\-20\-21 (12124) 
varchasvinAM brAhmaNAnAM snAtakAnAM parichChadaiH.
AchChAdya suhR^idAM vAkyairmanoj~nairabhinanditAH .. 2\-20\-22 (12125) 
`mAdhavaH pANDaveyau cha pratasthurvratadhAriNaH'.
amarShAdabhitaptAnAM j~nAtyarthaM mukhyatejasAm. 
ravisomAgnivapuShAM dIptamAsIttadA vapuH ..  2\-20\-23 (12126) 
itaM mene jarAsandhaM dR^iShTvA bhImapurogamau.
ekakAryasamudyantau kR^iShNau yuddhe.aparAjitau .. 2\-20\-24 (12127) 
Ishau hitau mahAtmAnau sarvakAryapravartinau.
dharmakAmArthalokAnAM kAryANAM cha pravartakau .. 2\-20\-25 (12128) 
kurubhyaH prasthitAste tu madhyena kurujA~Ngalam.
ramyaM padmasaro gatvA kAlakUDamatItya cha .. 2\-20\-26 (12129) 
gaNDakIM cha mahAshoNaM sadAnIrAM tathaiva cha.
ekaparvatake nadyaH krameNaityAvrajanta te .. 2\-20\-27 (12130) 
uttIrya sarayUM ramyAM dR^iShTvA pUrvAMshcha kosalAn.
atItya jagmurmithilAM mAlAM charmaNvatIM nadIm .. 2\-20\-28 (12131) 
atItya ga~NgAM shoNaM cha trayaste prA~NmukhAstadA.
kushachIrachChadA jagmurmAgadhaM kShetramachyutAH .. 2\-20\-29 (12132) 
te shashvadgodhanAkIrNamambumantaM shubhadrumam.
gorathaM girimAsAdya dadR^ishurmAgadhaM puram .. .. 2\-20\-30 (12133) 

iti shrImanmahAbhArate sabhAparvaNi jarAsandhavadhaparvaNi viMsho.adhyAyaH .. 20\..

##Mahabharata - Sabha Parva - Chapter Footnotes##

2\-20\-3 jayo.arjunaH ..


\medskip\hrule\medskip
sabhAparva \- adhyAya 021
.. shrIH ..
2\.21\. adhyAyaH 21 

##Mahabharata - Sabha Parva - Chapter Topics##
jarAsandhasamIpaM gatAnAM shrIkR^iShNabhImArjunAnAM jarAsandhena saha vivAdaH .. 1\..

##Mahabharata - Sabha Parva - Chapter Text##

vAsudeva uvAcha ..

eSha pArtha mahAnbhAti pashumAnnityamambumAn.
nirAmayaH suveshmADhyo nivesho mAgadhaH shubhaH .. 2\-21\-1 (12134) 
vaihAro vipulaH shailo vArAho vR^iShabhastathA.
tathA R^iShigiristAta shubhAshchaityakapa~nchamAH .. 2\-21\-2 (12135) 
ete pa~nchamahAshR^i~NgAH parvatAH shItaladrumAH.
rakShantIvAbhisaMhatya saMhatA~NgA girivrajam .. 2\-21\-3 (12136) 
puShpaveShTitashAkhAgrairgandhavadbhirmanoharaiH.
nigUDhA iva lodhrANAM vanaiH kAmijanapriyaiH .. 2\-21\-4 (12137) 
`yatra dIrghatamA nAma R^iShiH paramantritaH'.
shUdrAyAM gautamo yatra mahAtmA saMshitavrataH. 
aushInaryAmajanayatkAkShIvAdyAnsutAnmuniH ..  2\-21\-5 (12138) 
gautamaH praNayAttasmAdyathA.asau tatra sadmani.
bhajate mAgadhaM vaMshaM sa nR^ipANAmanugrahaH.  2\-21\-6 (12139) 
a~Ngava~NgAdayashchaiva rAjAnaH sumahAbalAH.
gautamakShayamabhyetya ramante sma purArjuna .. 2\-21\-7 (12140) 
vanarAjIstu pashyemAH piplAnAM manoramAH.
loghrANAM cha shubhAH pArtha gautamaukaH samIpajAH .. 2\-21\-8 (12141) 
arbudaH shakravApI cha pannagau shatrutApanau.
svastikasyAlayashchAtra maNinAgasya chottamaH .. 2\-21\-9 (12142) 
apArihAryA meghAnAM mAgadhA manunA kR^itAH.
kaushiko maNimAMshchaiva chakrAte chApyanugraham .. 2\-21\-10 (12143) 
`pANDare vipule chaiva tathA vArAhake.api cha.
chaityake chaja girishreShThe mAda~Nge cha shilochchaye .. 2\-21\-11 (12144) 
eteShu parvatendreShu sarvasiddhasamAlayAH.
yatInAmAshramAshchaiva munInAM cha mahAtmanAm .. 2\-21\-12 (12145) 
vR^iShabhasya tamAlasya mahAvIryasya vai tathA.
gandharvarakShasAM chaiva nAgAnAM cha tathA.a.alayAH .. 2\-21\-13 (12146) 
kakShIvatastapovIryAttapodA iti vishrutAH.
puNyatIrthAshcha te sarve siddhAnAM chaiva kIrtitAH. 
maNeshcha darshanAdeva bhadraM shivamavApnuyAt'..  2\-21\-14 (12147) 
evaM prApya puraM ramyaM durAdharpaM samantataH ..
arthasiddhiM tvanupamAM jarAsandho.abhimanyate .. 2\-21\-15 (12148) 
vayamAsAdane tasya darpamadya harema hi.  2\-21\-16 (12149) 
vaishampAyana uvAcha.
evamuktvA tataH sarve bhrAtaro vipulaujasaH ..  2\-21\-16x (1416) 
vArShNeyaH pANDavau chaiva pratasthurmAgadhaM puram.
hR^iShTapuShTajanopetaM chAturvarNyasamAkulam .. 2\-21\-17 (12150) 
sphItotsavamanAdhR^iShyamAsedushcha girivrajatam.
tato dvAramanAsAdya purasya girimuchChritam .. 2\-21\-18 (12151) 
bArhadrathaiH pUjyamAnaM tathA nagaravAsibhiH.
mAgadhAnAM tu ruchiraM chaityakAntaramAdravan .. 2\-21\-19 (12152) 
yatra mAMsAdamR^iShabhamAsasAda bR^ihadrathaH.
taM hatvA mAsatAlAbhistisro bherIkArayat .. 2\-21\-20 (12153) 
svapure sthApayAmAsa tena chAnahya charmaNA.
yatra tAH prANadanbheryo divyapuShpAvachUrNitAH .. 2\-21\-21 (12154) 
bha~NktvA bherItrayaM te.api chaityaprAkAramAdravan.
dvArato.abhimukhAH sarve yayurnAnAyudhAstadhA .. 2\-21\-22 (12155) 
mAgadhAnAM suruchiraM chaityakaM taM samAdravan.
shirasIva samAghnanto jarAsandhaM jighAMsvaH .. 2\-21\-23 (12156) 
sthiraM suvipulaM shR^i~NgaM sumahattatpurAtanam.
architaM gandhamAlyaishcha satataM supratiShThitam .. 2\-21\-24 (12157) 
vipulairbAhubhirvIraste.abhihatyAbhyapAtayan.
tataste mAgadhaM hR^iShTAH puraM pravivishustadA .. 2\-21\-25 (12158) 
etasminneva kAle tu brAhmaNA vedapAragAH.
dR^iShTvA tu durnimittAni jarAsandhamadarshayan .. 2\-21\-26 (12159) 
paryugnyakurvaMshcha nR^ipaM dviradasthaM purohitAH.
tatastachChAntaye rAjA jarAsandhaH pratApavAn. 
dIkShito niyamastho.asAvupavAsaparo.abhavat ..  2\-21\-27 (12160) 
snAtakavratinaste tu bAhushastrA nirAyudhAH.
yuyutsavaH pravivishurjarAsandhena bhArata .. 2\-21\-28 (12161) 
bhakShyamAlyApaNAnAM cha dadR^ishuH shriyamuttamAm.
sphItAM sarvaguNopetAM sarvakAmasamR^iddhinAm .. 2\-21\-29 (12162) 
tAM tu dR^iShTvA samR^iddhiM te vIthyAM tasyAM narottamAH.
rAjamArgeNa gachChantaH kR^iShNabhImadhana~njayAH. 
balAdgR^ihItvA mAlyAni mAlAkArAnmahAbalAH ..  2\-21\-30 (12163) 
`karpUrashR^i~NgaM koShThaM cha saphalaM chAntarApaNe.
vaishyAdbalAdgR^ihItvA te vihR^itya cha mahArathAH'.. 2\-21\-31 (12164) 
virAgavasanAH sarve sragviNo mR^iShTakuNDalAH.
niveshanamathAjagmurjarAsandhasya dhImataH .. 2\-21\-32 (12165) 
govAsamiva vIkShantaH siMhA haimavatA yathA.
shAlastambhanibhAsteShAM chandanAgururUShitAH .. 2\-21\-33 (12166) 
ashobhanta mahArAja bAhavo yuddhashAlinAm.
tAndR^iShTvA dviradaprakhyA~nshAlaskandAnivodgatAn .. 2\-21\-34 (12167) 
vyUDhoraskAnmAgadhAnAM vismayaH samapadyata.
`advAreNAbhyavaskandya vivishurmAgadhAlayam'.. 2\-21\-35 (12168) 
te tvatItya janAkIrNAH kakShAstisro nararShabhAH.
aha~NkAreNa rAjAnamupatasthurgatavyathAH .. 2\-21\-36 (12169) 
`bho shabdenaiva rAjAnamuchuste tu mahArathAH'.
tAnpAdyamadhuparkArhAngavArhAnsatkR^itiM gatAn. 
pratyutthAya jarAsandha upatasthe yathAvidhi ..  2\-21\-37 (12170) 
uvAcha chaitAnrAjA.asau svAgataM vostviti prabhuH.
maunamAsIttadA pArthabhImayorjanamejaya .. 2\-21\-38 (12171) 
teShAM madhye mahAbuddhiH kR^iShNo vachanamabravIt.
vaktuM nAyAti rAjendra etayorniyamasthayoH .. 2\-21\-39 (12172) 
arvA~NnishIthAtparatastvAyA sArdhaM vadiShyataH.
yaj~nAgAre sthApayitvA rAjA rAjagR^ihaM vadiShyataH.  2\-21\-40 (12173) 
tato.ardharAtre samprApte yAto yatra sthitA dvijAH.
tasya hyetadvrataM rAjanbabhUva bhuvi vishrutam .. 2\-21\-41 (12174) 
snAtakAnbrAhmaNAnprAptA~nshrutvA sa samiti~njayaH.
apyardharAtre nR^ipatiH pratyudgachChati bhArata .. 2\-21\-42 (12175) 
tAMstvapUrveNa veSheNa dR^iShTvA sa nR^ipasattamaH.
upatasthe jarAndho vismitashchAbhavattadA .. 2\-21\-43 (12176) 
te tu dR^iShTvaiva rAjAnaM jarAsandhaM nararShabhAH.
idamUchuramitraghnAH sarve bharatasattama .. 2\-21\-44 (12177) 
svastyastu kushalaM rAjanniti tatra vyavasthitAH.
taM nR^ipaM nR^ipashArdUla prekShamANAH parasparam .. 2\-21\-45 (12178) 
tAnabravI~njarAsandhastathA pANDavayAdavAn.
AsyatAmiti rAjendra brAhmaNachChadmasaMvR^itAn .. 2\-21\-46 (12179) 
athopavivishuH sarve trayaste puruSharShabhAH.
sampradIptAstrayo lakShmyA mahAdhvara ivAgnayaH .. 2\-21\-47 (12180) 
tAnuvAcha jarAsandhaH satyasandho narAdhipaH.
vigarhamANaH kauravya veShagrahaNavaikR^itAn ..
na snAtakavratA viprA vahirmAlyAnulepanAH ..  2\-21\-48 (12181) 
bhavantIti nR^iloke.asminviditaM mama sarvashaH.
ke yUyaM puShpavantashcha bhujairjyAkR^italakShaNaiH .. 2\-21\-49 (12182) 
bibhrataH kShAtramojashcha brAhmaNyaM pratijAnatha.
evaM virAgavasanA bahirmAlyAnulepanAH .. 2\-21\-50 (12183) 
` kShatriyA eva loke.asminviditA mama sarvashaH'..
satyaM vadata ke yUyaM satyaM rAjasu shobhate .. 2\-21\-51 (12184) 
chaityakasya gireH shR^i~NgaM bhittvA kimiha sadmani.
advAreNa praviShTAH stha nirbhayA rAjakilviShAt .. 2\-21\-52 (12185) 
vadadhvaM vAchi vIryaM cha brAhmaNasya visheShataH.
karma chaitadvili~NgasthaM kiM vo.adya prasamIkShitam .. 2\-21\-53 (12186) 
evaM cha mAmupAsthAya kasmAchcha vidhirnAhaNAm.
praNItAM nAnugR^ihNIta kAryaM kiM vA.asmadAgame .. 2\-21\-54 (12187) 
vaishampAyana uvAcha. 2\-21\-55x (1417) 
evamukte tataH kR^iShNaH pratyuvAcha mahAmanAH.
snigdhagamabhIrayA vAchA vAkyaM vAkyavishAradaH .. 2\-21\-55 (12188) 
kR^iShNa uvAcha. 2\-21\-56x (1418) 
snAtakAnbrAhmaNAnrAjanviddhyasmAMstvaM narAdhipa.
snAtakavratino rAjanbrAhmaNAH kShatriyA vishaH .. 2\-21\-56 (12189) 
visheShaniyamAshchaiShAmavisheShAshcha santyuta.
visheShavAMshcha satataM kShatriyaH shriyamR^ichChati .. 2\-21\-57 (12190) 
puShpavatsu dhruvA shrIshcha puShpavantastato vayam.
kShatriyo bAhuvIryastu na tathA vAkyavIryavAn ..
ampragalbhaM vachastasya tasmAdbArhadratheritam ..  2\-21\-58 (12191) 
svavIryaM kShatriyANAM tu bAhvordhAtA nyaveshayat.
taddidR^ikShasi chedrAjandraShTAsyadya na saMshayaTaH .. 2\-21\-59 (12192) 
advAreNa rimporgehaM dvAreNa suhR^ido gR^ihAn.
pravishanti narA dhIrA dvArANyetAni dharmataH .. 2\-21\-60 (12193) 
kAryavanto gR^ihAnetya shatruto nArhaNAM vayam.
pratigR^ihNIm tadvidvi etannaH shAshvataM vratam .. .. 2\-21\-61 (12194) 

iti shrImanmahAbhArate sabhAparvaNi jarAsandhavadhaparvaNi ekaviMsho.adhyAyaH .. 21\..



\medskip\hrule\medskip
sabhAparva \- adhyAya 022
.. shrIH ..
2\.22\. adhyAyaH 22 

##Mahabharata - Sabha Parva - Chapter Topics##
kR^iShNajarAsandhayorvivAdAnantaraM jarAsandhasya yuddhodyamaH .. 1\..

##Mahabharata - Sabha Parva - Chapter Text##

jarAsandha uvAcha.

na smarAmi kadA vairaM kR^itaM yuShmAbhirityuta.
chintayaMshcha na pashyAmi bhavatAM prati vaikR^itam .. 2\-22\-1 (12195) 
vaikR^ite vA sati kathaM manyadhvaM mAmanAgasam.
ariM vai brUta he viprAH satAM samaya eSha hi .. 2\-22\-2 (12196) 
arthadharmopaghAtAddhi manaH samupatapyate.
yo.anAgasi prasajati kShatriyo hi na saMshayaTaH .. 2\-22\-3 (12197) 
ato.anyathA chara.Nlloke dharmaj~naH sanmahArathaH.
vR^ijinAM gatimApnoti shreyaso.apyupahanti cha .. 2\-22\-4 (12198) 
trailokye kShatradharmo hi shreyAnvai sAdhuchAriNAm.
nAnyaM dharmaM prashaMsanti ye cha dharmavido janAH .. 2\-22\-5 (12199) 
tasya me.adya sthitasyeha svadharme niyatAtmanaH.
anAgasaM prajAnAM cha pramAdAdiva jalpatha .. 2\-22\-6 (12200) 
kR^iShNa uvAcha. 2\-22\-7x (1419) 
kulakAryaM mahAbAho kashchidekaH kulodvahaH.
vahate yastanniyogAdvayamabhyudyatAstvayi .. 2\-22\-7 (12201) 
tvayA chopahR^itA rAjankShatriyA lokavAsinaH.
tadAgaH krUramutpAdya manyase kimanAgasam .. 2\-22\-8 (12202) 
rAjA rAj~naH kathaM sAdhUnhiMsyAnnR^ipatisattama.
tadrAj~naH sannigR^ihya tvaM rudrAyopajihIrShasi .. 2\-22\-9 (12203) 
asmAMstadenopagachChetkR^itaM bArhadratha tvayA.
vayaM hiM shaktA dharmasya rakShaNe dharmachAriNaH .. 2\-22\-10 (12204) 
`tasmAdadyopagachChAmastava bArhadrathAntikam'.
manuShyANAM samAlambho na cha dR^iShTaH kadAchana. 
sa kathaM mAnuShairdevaM yaShTumichChasi sha~Nkaram ..  2\-22\-11 (12205) 
savarNo hi savarNAnAM pashusa~nj~nAM kariShyasi.
ko.anyaM evaM yathA hi tvaM jarAsandha vR^ithAmatiH .. 2\-22\-12 (12206) 
yasyAM yasyAmavasthAyAM yadyatkarma karoti yaH.
tasyAM tasyAmavasthAyAM tatphalaM samavApnuyAt .. 2\-22\-13 (12207) 
te tvAM j~nAtikShayakaraM yamamArtAnusAriNaH.
j~nAtivR^iddhinimittArthaM vinihantumihAgatAH .. 2\-22\-14 (12208) 
nAsti loke pumAnanyaH kShatriyoShviti chaiva tat.
manyase sa cha te rAjansumahAnbuddhiviplavaH .. 2\-22\-15 (12209) 
ko hi jAnannabhijanamAtmavAnkShatriyo nR^ipa.
nAvishetsvargamatulaM raNAnantaramavyayam .. 2\-22\-16 (12210) 
svargaM hyeva samAsthAya raNayaj~neShu dIkShitAH.
jayanti kShatriyA lokAMstadviddhi manujarShabha .. 2\-22\-17 (12211) 
svargayonirmahadbrahma svargayonirmahadyashaH.
svargaM yonistapo yuddhe mR^ityuH so.avyabhichAravAn .. 2\-22\-18 (12212) 
eSha hyaindro vaijayanto guNairnityaM samAhitaH.
yenAsurAnparAjitya jagatpAti shatakratuH .. 2\-22\-19 (12213) 
svargamArgAya kasya syAdvigraho vai yathA tava.
mAgadhairvipulaiH sainyairbAhulyabaladarpitaH .. 2\-22\-20 (12214) 
mA.avamaMsthAH parAnrAjannAsti vIryaM nare nare.
samaM chejastvayA chaiva vishiShTaM vA nareshvara .. 2\-22\-21 (12215) 
yAvadetadasambuddhaM tAvadeva bhavettava.
viShahyametadasmAkamato rAjanbravImi te .. 2\-22\-22 (12216) 
jahi tvaM sadR^isheShveva mAnaM darpaM cha mAgadha.
mA gamaH sasutAmAtyaH sabalashcha yamakShayam .. 2\-22\-23 (12217) 
dambhodbhavaH kArtavIrya uttarashcha bR^ihadrathaH.
shreyaso hyavamatyeha vineshuH sabalA nR^ipAH .. 2\-22\-24 (12218) 
yuyukShamANAstvatto hi na vayaM brAhmaNA dhruvam.
shaurirasmi hR^iShIkesho nR^ivIrau pANDavAvimau. 
anayormAtuleyaM cha kR^iShNaM mAM viddhi te ripum ..  2\-22\-25 (12219) 
tvAmAhvayAmahe rAjansthiro yudhvasva mAgadha.
muchCha vA nR^ipatInsarvAn gachCha vA tvaM yamakShayam .. 2\-22\-26 (12220) 
` vaishampAyana uvAcha .. 2\-22\-27x (1420) 
etachChrutvA jarAsandhaH kruddho vachanamabravIt ..  2\-22\-27 (12221) 
nAhaM kaMsaH pralambo vA na bANo na cha muShTikaH.
narako nendratapano na keshI na cha pUtanA .. 2\-22\-28 (12222) 
na kAlayavano vA.api ye tvayA nihatA yudhi.
tvaM tu gopakulotpanno jAtiM vai paurvikIM smara .. 2\-22\-29 (12223) 
yo.asmadbhayAdatikramya sAgarAnUpamAshritaH.
janmabhUmiM parityajya madhurAM prAkR^ito yathA .. 2\-22\-30 (12224) 
so.adhunA katthase shaure sharadIva yathA ghanaH.
adyAnR^iNyaM kariShyAmi bhojarAjasya dhImataH .. 2\-22\-31 (12225) 
jAmAturaugrasenasya tvAM nihatyAdya mAdhava.
chirakA~NkShito me sa~NgrAmastvAM hantuM samuhR^idguNam .. 2\-22\-32 (12226) 
diShTyA me saphalo yatnaH kR^ito devaiH savAsavaiH.
klIbAvimau cha govinda bhImasenArjunAvubhau .. 2\-22\-33 (12227) 
hiMsyAsi yudhi vikramya siMhaH kShudramR^igAviva.  2\-22\-34 (12228) 
vaishampAyana uvAcha ..
tasya roShAbhibhUtasya jarAsandhasya garjataH ..  2\-22\-34x (1421) 
sarvabhUtAni vitremuShe tatrAsansamAgatAH.  2\-22\-35 (12229) 
shrIbhagavAnuvAcha ..
kiM garjasi jarAsandha karmaNA tatsamAchara ..  2\-22\-35x (1422) 
mama nirdeshakartR^ibhyAM pANDavAbhyAM nR^ipAdhama.
samAtyaM sasutaM chAdya ghAtayiShyAmyahaM raNe. 
na katha~nchana jIvanvai pravekShyasi purottamam'..  2\-22\-36 (12230) 
jarAsandha uvAcha. 2\-22\-37x (1423) 
nAjitAnvai narapatInahamAdadmi kAshchana.
ajitaH paryavasthAtA ko.atra yo na mayA jitaH .. 2\-22\-37 (12231) 
kShatriyasyaitadevAhurdharmyaM kR^iShNopajIvanam.
vikramya vashamAnIya kAmato yatsamAcharet .. 2\-22\-38 (12232) 
devAtArthamupAhR^itya rAj~naH kR^iShNa kathaM bhayAt.
ahamadya vimuchyeyaM kShAtraM vratamanusmaran .. 2\-22\-39 (12233) 
sainyaM sainyena vyUDhena eka ekena vA punaH.
dvAbhyAM tribhirvA yotsye.ahaM yugatpR^ithageva vA .. 2\-22\-40 (12234) 
vaishampAya uvAcha. 2\-22\-41x (1424) 
evamuktvA jarAsandhaH sahadevAbhiShechanam.
aj~nApayattadA rAjA yayutsurbhImakarmabhiH .. 2\-22\-41 (12235) 
sa tu senApatiM rAjA sasmAra bharatarShabha.
kaushikaM chitrasenaM cha tasminyuddha upasthite .. 2\-22\-42 (12236) 
yayoste nAmanI rAjanhaMseti Dibiketi cha.
pUrvaM sa~Nkathite pumbhirnR^iloke lokasatkR^ite .. 2\-22\-43 (12237) 
taM tu rAjanvibhuH shaurI rAjAnaM balinAM varam.
smR^itvA puruShashArdUlaH shArdUlasamavikramam .. 2\-22\-44 (12238) 
satyasandho jarAsandhaM bhuvi bhImaparAkramam.
bhAgamanyasya nirdiShTamavadhyaM madhurbhirmR^idheH .. 2\-22\-45 (12239) 
nAtmanA.a.atmavatAM mukhya iyeSha madhusUdanaH.
brAhmImAj~nAM puraskR^itya hantuM haladharAnujaH .. .. 2\-22\-46 (12240) 

iti shrImanmahAbhArate sabhAparvaNi jarAsandhavadhaparvaNi dvAviMsho.adhyAyaH .. 2\..

##Mahabharata - Sabha Parva - Chapter Footnotes##

2\-22\-45 madhubhiryAdavaiH . ShTaM vadhya matvA tadAchyutaH iti pAThaH ..


\medskip\hrule\medskip
sabhAparva \- adhyAya 023
.. shrIH ..
2\.23\. adhyAyaH 23 

##Mahabharata - Sabha Parva - Chapter Topics##
kR^iShNajarAsandhayordveShakAraNakathanam .. 1\..

##Mahabharata - Sabha Parva - Chapter Text##

janamejaya uvAcha.

kimarthaM vairiNAvAstAmubhau tau kR^iShNamAgadhau.
kathaM cha nirjitaH sa~Nkhye jarAsandhena mAdhavaH .. 2\-23\-1 (12241) 
kashcha kaMso mAgadhasya yasya hetoH sa vairavAn.
etadAchakShva me sarvaM vaishampAyana tatvataH .. 2\-23\-2 (12242) 
vaishampAyana uvAcha .. 2\-23\-3x (1425) 
yAdavAnAmanvavAye vasudevo mahAmatiH.
udapadyata vArShNeyo hyugrasenasya mantrabhR^it .. 2\-23\-3 (12243) 
ugrasenasya kaMsastu babhUva balavAnsutaH.
jyeShTho bahUnAM kauravya sarvashastravishAradaH .. 2\-23\-4 (12244) 
jarAsandhasya duhitA tasya bhAryA.ativishrutA.
rAjyashuklena dattA sA jarAsandhena dhImatA .. 2\-23\-5 (12245) 
tadarthamugrasenasya madhurAyAM sutastadA.
abhiShiktastadA.amAtyaiH sa vai tIvraparAkramaH .. 2\-23\-6 (12246) 
aishvaryabalamattastu sa tadA balamohitaH.
nigR^ihya pitaraM bhu~Nkte tadrAjyaM mantribhiH saha .. 2\-23\-7 (12247) 
vasudevasya tatkR^ityaM na shR^iNoti sa mandadhIH.
ta tena saha tadrAjyaM dharmataH paryapAlayat .. 2\-23\-8 (12248) 
prItimAnsa tu daityendro vasudevasya devakIm.
uvAha bhAryA sa tadA duhitA devakasya yA .. 2\-23\-9 (12249) 
tasyAmudvAhyamAnAyAM rathena janamejaya.
upAruroha vArShNeyaM kaMso bhUmipatistadA .. 2\-23\-10 (12250) 
tato.antarikShe vAgAsIddevadUtasya kasyachit.
vasudevashcha shushrAva tAM vAchaM pArthivashcha saH .. 2\-23\-11 (12251) 
yAmetAM vahamAno.adya kaMsodvahasi devakIm.
asyA yashchAShTamo garbhaH sa te mR^ityurbhaviShyati .. 2\-23\-12 (12252) 
so.avatIrya tato rAjA khaDgamuddhR^itya nirmalam.
iyeSha tasyA mUrdhAnaM ChettuM paramadurmatiH .. 2\-23\-13 (12253) 
sAntvayansa tadA kaMsaM hasankodhavashAnugam.
rAjannanunayAmAsa vasudevo mahAmatiH .. 2\-23\-14 (12254) 
ahiMsyAM pramadAmAhuH sarvadharmeShu pArthiva.
akasmAdabalAM nArIM hantAsImAmanAgasIm .. 2\-23\-15 (12255) 
yachcha te.atra bhayaM rAja~nshakyate bAdhituM tvayA.
iyaM shakyA pAlayituM samayaM chaiva rakShitum .. 2\-23\-16 (12256) 
asyAstvamaShTamaM garbhaM jAtamAtraM mahIpate.
vidhvaMsaya tadA prAptamevaM parihR^itaM bhavet .. 2\-23\-17 (12257) 
evaM sa rAjA kathito vasudevena bhArata.
tasya tadvachanaM chake shUrasenapatistadA .. 2\-23\-18 (12258) 
tatastasyAM sambabhUvuH kumArAH sUryavarchasaH.
jAtA~nchAtAMstu tAnsarvA~njaghAna madhureshvaraH .. 2\-23\-19 (12259) 
atha tasyAM samabhavadbaladevastu sattamaH.
yAmyatA mAyayA taM tu yamo rAjA vishAmpate .. 2\-23\-20 (12260) 
devakyA garbhamatulaM rohiNyA jaThare.akShipat.
AkR^iShya karShaNAtsamyaksa~NkarShaNaM iti smR^itaH .. 2\-23\-21 (12261) 
balashreShThatayA tasya baladeva iti smR^itaH.
punastasyAM samabhavadaShTamo madhumUdanaH .. 2\-23\-22 (12262) 
tasya garbhasya rakShAM tu sa chakre.abhyadhikaM nR^ipaH.
tataH kAle rakShaNArthaM vasudevasya tatvataH .. 2\-23\-23 (12263) 
ugraH prayuktaH kaMsena sachivaH krUrakarmakR^it ..  2\-23\-24 (12264) 
jAtamAtraM vAsudevamathAkR^iShya pitA tataH.
upajahre parikrItAM sutAM gopasya kasyachit .. 2\-23\-25 (12265) 
amR^iShyamANastaM shabdaM devadUtasya pArthivaH.
vAsudevaM mahAtmAnamarpayAmAsa gokule .. 2\-23\-26 (12266) 
vAsudevopi gopeShu vavR^idhe.abjamivAmbhasi.
aj~nAyamAnaH kaMsena gUDho.agniriva dAruShu .. 2\-23\-27 (12267) 
viprachake tadA sarvAnballavAnmadhureshvaraH.
vardhamAno mahAbAhustejobalasamanvitaH .. 2\-23\-28 (12268) 
tataste klishyamAnAstu puNDarIkAkShamachyutam.
bhayena kAmAdapare gaNashaH paryavArayan .. 2\-23\-29 (12269) 
sa tu labdhvA balaM rAjannugrasenasya saMmataH.
vasudevAtmajaH sarvairbhrAtR^ibhiH sahitaM punaH .. 2\-23\-30 (12270) 
nirjitya yudhi bhojendraM hatvA kaMsaM mahAbalaH.
abhyaShi~nchattato rAjya ugrasenaM vishAmpate .. 2\-23\-31 (12271) 
tataH shrutvA jarAsandho mAdhavena hataM yudhi.
shUrasenAdhipaM chakre kaMsaputraM tadA nR^ipa .. 2\-23\-32 (12272) 
sasainyaM mahadutthApya vAsudevaM tadA nR^ipa.
abhyaShi~nchatsutaM tatra sutAyA janamejaya .. 2\-23\-33 (12273) 
ugrasenaM cha vR^iShNIMshcha mahAbalasamanvitaH.
sa tatra viprakurute jarAsandhaH pratApavAn .. 2\-23\-34 (12274) 
etadvairaM kauraveya jarAsandhasya mAdhave.
AshAsitArthe rAjendra saMrurodha vinirjitAn .. 2\-23\-35 (12275) 
pArthivaistairnR^ipatibhiryakShyamANaH samR^iddhimAn.
devashreShThaM mahAdevaM kR^ittivAsaM triyambakam .. 2\-23\-36 (12276) 
etatsarvaM yathAvR^ittaM kathitaM bharatarShabha.
yathA tu sa hato rAjA bhImasenena tachChR^iNu .. .. 2\-23\-37 (12277) 

iti shrImanmahAbhArate sabhAparvaNi jarAsandhavadhaparvaNi trayorviMsho.adhyAyaH .. 23\..



\medskip\hrule\medskip
sabhAparva \- adhyAya 024
.. shrIH ..
2\.24\. adhyAyaH 24 

##Mahabharata - Sabha Parva - Chapter Topics##
bhImajarAsandhayoH svastyayanapUrvakaM yuddhArambhaH .. 1\.. shrIkR^iShNaprotsAhitasya bhImasya jarAsandhavadhodyamaH .. 2\..

##Mahabharata - Sabha Parva - Chapter Text##

tatastaM nishchitAtmAnaM yuddhAya yadunandanaH.
uvAcha vAgmI rAjAnaM jarAsandhamadhokShajaH .. 2\-24\-1 (12278) 
trayANAM kena te rAjanyoddhumutsahate manaH.
asmadanyatameneha sajjIbhavatu ko yudhi .. 2\-24\-2 (12279) 
evamuktaH sa nR^ipatiryuddhaM vavre mahAdyutiH.
jarAsandhastato rAjA bhImasenena mAgadhaH .. 2\-24\-3 (12280) 
`dhArayantaM gadAM divyAM balaM shrutvA cha nirvR^itaH.
arjuna vAsudevaM cha vajaryitvA sa mAgadhaH .. 2\-24\-4 (12281) 
matvA devaM gopa iti bAlo.arjuna iti sma ha'.
AdAya rojanAM mAlyaM ma~NgalyAnyaparANi cha .. 2\-24\-5 (12282) 
dhArayannagadAnmukhyAnnirvR^itIrvedanAni cha.
upatasthe jarAsandhaM yuyutsuM vai purohitaH .. 2\-24\-6 (12283) 
kR^itasvastyayano rAjA brAhmaNena yashasvinA.
samanahyajjarAsandhaH kShAtraM dharmamanusmaran .. 2\-24\-7 (12284) 
avamuchya kirITaM sa keshAnsamanumR^ijya cha.
udatiShThajjarAsandho velAtiga ivArNavaH .. 2\-24\-8 (12285) 
uvAcha matimAnrAjA bhImaM bhImaparAkramaH.
bhIma yotsye tvayA sArdhaM shreyasA nirjitaM varam .. 2\-24\-9 (12286) 
evamuktvA jarAsandho bhImasenamarindamaH.
pratyudyayau mahAtejAH shakraM bala ivAsuraH .. 2\-24\-10 (12287) 
tataH saMmantrya kR^iShNena kR^itasvastyayano balI.
bhImaseno jarAsandhamAsasAda yuyutsayA .. 2\-24\-11 (12288) 
tatastau narashArdUlau bAhushastrau samIyatuH.
vIrau paramasaMhR^iShTAvanyonyajayakA~NkShiNau .. 2\-24\-12 (12289) 
karagrahaNapUrvaM tu kR^itvA pAdAbhivandanam.
kakShaiH kakShAM vidhunvAnAvAsphoTaM tatra chakratuH .. 2\-24\-13 (12290) 
skandhe dorbhyAM samAhatya nihatya cha muhurmuhuH.
a~Ngama~NgaiH samAshliShya punarAsphAlanaM cha chakratuH.  2\-24\-14 (12291) 
chitrahastAdikaM kR^itvA sasphuli~Ngena chAshanim ..
galagaNDAbhighAtena sasphuli~Ngena chAshanim .. 2\-24\-15 (12292) 
bAhupAshAdikaM kR^itvA pAdAhatashirAvubhau.
urohastaM tatashchakre pUrNakumbhau prayujya tau .. 2\-24\-16 (12293) 
karasampIDanaM kR^itvA garjantau vAraNAviva.
nardantau meghasa~NkAshau bAhupraharaNAvubhau .. 2\-24\-17 (12294) 
talenAhanyamAnau tu anyonyaM kR^itavIkShaNau.
siMhAviva susaM~NkruddhAvAkR^iShyAkR^iShya yudhyatAm .. 2\-24\-18 (12295) 
a~NgenA~NgaM samApIDya bAhubhyAmubhayorapi.
AvR^itya bAhubhishchApi udaraM cha prachakratuH .. 2\-24\-19 (12296) 
ubhau kaTyAM supArshve tu takShavantau cha shikShitau.
adho hastaM svakaNThe tUdarasyorasi chAkShipat .. 2\-24\-20 (12297) 
sarvAtikrAntamaryAdaM pR^iShThabha~NgaM cha chakratuH.
sampUrNamUrchChAM bAhubhyAM pUrNakumbhaM prachakratuH .. 2\-24\-21 (12298) 
tR^iNapIDaM yathAkAmaM pUrNayogaM samuShTikam.
evamAdIni yuddhAni prakurvantau parasparam .. 2\-24\-22 (12299) 
tayoryuddhaM tato draShTuM sametAH puravAsinAH.
brAhmaNA vaNijashchaiva kShatriyAshcha sahasrashaH .. 2\-24\-23 (12300) 
shUdrAshcha narashArdUla striyo vR^iddhAshcha sarvashaH.
nirantaramabhUttatra janaughairabhisaMvR^itam .. 2\-24\-24 (12301) 
tayoratha bhujAghAtAnnigrahapragrahAttathA.
AsItsubhImasampAto vajraparvatayoriva .. 2\-24\-25 (12302) 
ubhau paramasaMhR^iShTau balena balinAM varau.
anyonyasyAntaraM prepsU parasparajayaiShiNau .. 2\-24\-26 (12303) 
` shirobhiriva tau meShau vR^ikShairiva nishAcharau.
padairiva shubhAvashvau tuNDAbhyAM tittirI iva'.. 2\-24\-27 (12304) 
tadbhImamutsArya janaM yuddhamAsIdupaplave.
balinoH saMyuge rAjanvR^itravAsavayoriva .. 2\-24\-28 (12305) 
prakarShaNAkarShaNAbhyAmanukarShavikarShaNaiH.
AchakarShaturanyonyaM jAnubhishchAvajaghnatuH .. 2\-24\-29 (12306) 
tataH shabdena mahatA bhartsayantau parasparam.
pAShANasa~NghAtanibhaiH prahArairabhijaghnatuH .. 2\-24\-30 (12307) 
`tato bhImaM jarAsandho jaghAnorasi muShTinA.
bhImoShi taM jarAsandhaM vakShasyabhijaghAna ha'.. 2\-24\-31 (12308) 
vyUDhoraskau dIrghabhujau niyuddhakushalAvubhau.
bAhubhiH samasajjotAmAyasaiH parighairiva .. 2\-24\-32 (12309) 
kArtikasya tu mAsasya pravR^ittaM prathame.ahani.
tadA tadyuddhamabhavaddinAni dasha pa~ncha cha. 
anAhAraM divArAtramavishrAntamavartata ..  2\-24\-33 (12310) 
tadvR^ittaM tu trayodashyAM samavetaM mahAtmanoH.
chaturdashyAM nishAyAM tu nivR^itto mAgadhaH klamAt .. 2\-24\-34 (12311) 
taM rAjAnaM tathA klAntaM dR^iShTvA rAja~njanArdanaH.
uvAcha bhImakarmANaM bhImaM sambodhayanniva .. 2\-24\-35 (12312) 
klAntaH shatrurhi kaunteya shakyaH pIDayituM raNe.
pIDyamAno hi kArtsnyena jahyAjjIvitamAtmanaH .. 2\-24\-36 (12313) 
tasmAtte.adyaiva kaunteya pIDanIyo janAdhipaH.
samametena yudhyasva bAhubhyAM bharatarShabha .. 2\-24\-37 (12314) 
vaishampAyana uvAcha. 2\-24\-38x (1426) 
evamuktaHsa kR^iShNena pANDavaH paravIrahA.
jarAsandasya tadrandhraM j~nAtvA chakre matiM vadhe .. 2\-24\-38 (12315) 
tatastamajitaM jetuM jarAsandaM vR^ikodaraH.
saMrambhAdbalinAM shreShTho jagrAha kurunandanaH .. .. 2\-24\-39 (12316) 

iti shrImanmahAbhArate sabhAparvaNi jarAsandhavadhaparvaNi chaturvisho.adhyAyaH .. 24\..

##Mahabharata - Sabha Parva - Chapter Footnotes##

2\-24\-6 nirvR^itIrvedanAni cha duHkhamUrChayoH kAle sukhasa~nj~nAkarANi ..
2\-24\-13 kakShaiH dormUlaiH ..
2\-24\-16 grathitA~NgulibhyAM hastAbhyAM parashirasaH pIDane pUrNakumbhaH ..
2\-24\-20 takShavantau grAtrasa~Nkochavantau ..


\medskip\hrule\medskip
sabhAparva \- adhyAya 025
.. shrIH ..
2\.25\. adhyAyaH 25 

##Mahabharata - Sabha Parva - Chapter Topics##
jarAsandhavadhaH .. 1\.. jarAsandhena bandhIkR^itAnAM rAj~nAM kR^iShNena mochanam ..2\.. mochitai rAjabhiH kR^iShNAya ratnAdidAnam ..3\.. kR^iShNAnuj~nayA jarAsandhaputreNa sahadevena pituraurdhvadaihikakaraNam ..4\.. sahadevaM rAjye.abhiShichya shrIkR^iShNabhImArjunAnAmindraprasthagamanam .. 5\.. jarAsandhavadhashravaNahR^iShTena yudhiShThireNa pUjitasya kR^iShNasya dvArakAgamanam .. 6\..

##Mahabharata - Sabha Parva - Chapter Text##

vaishampAyana uvAcha.

bhImasenastataH kR^iShNamuvAcha yadunandanam.
buddhimAsthAya vipulAM jarAsandhavadhopsayA .. 2\-25\-1 (12317) 
nAyaM pApo mayA kR^iShNa yuktaH syAdanurodhitum.
prAyeNa yadushArdUla bAndhavakShayakR^ittava .. 2\-25\-2 (12318) 
evamuktastataH kR^iShNaH pratyuvAcha vR^ikodaram.
tvarayanpuruShavyAghro jarAsandhavadhepsayA .. 2\-25\-3 (12319) 
yatte daivaM paraM satvaM yachcha te mAtarishvanaH.
balaM bhImaM jarAsandhe darshayAshu tadadya vai .. 2\-25\-4 (12320) 
`tavaiSha vadhyo durbuddhirjarAsandho mahArathaH.
ityantarikShe tvashrauShaM yadA vAyuravApyate .. 2\-25\-5 (12321) 
gomante parvatashreShThe yenaiSha parimokShitaH.
baladevabalaM prApya ko.anyo jIvettu mAgadhAt .. 2\-25\-6 (12322) 
tadasya mR^ityurvihitastvadR^ite na mahAbala.
vAyuM chintya mahAbAho jahImaM magadhAdhipam .. 2\-25\-7 (12323) 
vaishampAyana uvAcha. 2\-25\-8x (1427) 
evamuktastato bhImo manasA.a.achintya mArutam.
janArdanaM namaskR^itya pariShvajya cha phalgunam'.. 2\-25\-8 (12324) 
prabha~njanabalAviShTo jarAsandhamarindamaH.
utkShipya bhrAmayAmAsa balavantaM mahAbalaH .. 2\-25\-9 (12325) 
bhrAmayitvA shataguNaM jAnubhyAM bharatarShabha.
babha~nja pR^iShTaM sa~NkShipya niShpiShya vinanAda cha .. 2\-25\-10 (12326) 
kare gR^ihItvA charaNaM dvidhA chakre mahAbalaH.
tasya niShpiShyamANasya pANDavasya cha garjataH .. 2\-25\-11 (12327) 
abhavattumulo nAdaH sarvaprANibhaya~NkaraH.
vitresurmAgadhAH sarve strINAM garbhAshcha susruvuH .. 2\-25\-12 (12328) 
bhImasenasya nAdena jarAsandhasya chaiva ha.
kiM nu syAddhimavAnbhinnaH kiMnusviddIryate mahI .. 2\-25\-13 (12329) 
iti vai mAgadhA jaj~nurbhImasenasya nikhanAt.
`tatastu bhagavAnkR^iShNo jarAsandhajighAMsayA .. 2\-25\-14 (12330) 
bhImasenaM samAlokya nalaM jagrAha pANinA.
dvidhA chichCheda vai tattu jarAsandhavadhaM prati .. 2\-25\-15 (12331) 
tatastvAj~nAya tasyaiva pAdamutkShipya mArutiH.
dvidhA babha~nja tadgAtraM prAkShipadvinanAda cha .. 2\-25\-16 (12332) 
punaH sandhAya tu tadA jarAndhaH pratApavAn.
bhImena cha samAgamya bAhuyuddhaM chakAra ha .. 2\-25\-17 (12333) 
tayoH samabhavadyuddhaM tumulaM romaharShaNam.
sarvalokakShayakaraM sarvabhUtabhayAvaham .. 2\-25\-18 (12334) 
punaH kR^iShNastamiriNaM dvidhA vichChidya mAdhavaH.
vyatyasya prAkShipattattu jarAsandhavadhepsayA .. 2\-25\-19 (12335) 
bhImasenastadA j~nAtvA nirbibheda cha mAgadham.
dvidhA vyatyasya pAdena prAkShipachcha nanAda ha .. 2\-25\-20 (12336) 
shuShkamAMsAsthimedastvagbhinnamastiShkapiNDakaTaH.
shavabhUtastadA rAjanpiNDIkR^ita ivAbabau'.. 2\-25\-21 (12337) 
tato rAj~naH kuladvAri prasuptamiva taM nR^ipam.
rAtrau gatAsumutsR^ijya nishchakramurarindamAH .. 2\-25\-22 (12338) 
jarAsandharathaM kR^iShNo yojayitvA patAkinam.
Aropya bhrAtarau chaiva mokShayAmAsa bAndhavAn .. 2\-25\-23 (12339) 
te vai ratnubhujaM kR^iShNaM ratnArhaM pR^ithivIshvarAH.
rAjAnaM chakrarAsAdya mokShitA mahato bhayAt .. 2\-25\-24 (12340) 
akShataH shastrasampanno jitAriH saha rAjabhiH.
rathamAsthAya taM divyaM nirjagAma girivrajAt .. 2\-25\-25 (12341) 
yaH sa sodaryavAnnAma dviyodhI kR^iShNasArathiH.
abhyAsaghAtI sandR^ishyo durjayaH sarvarAjabhiH .. 2\-25\-26 (12342) 
bhImArjunAbhyAM yodhAbhyAmAsthitaH kR^iShNasArathiH.
shushubhe rathavaryo.asau durjayaH sarvadhanvibhiH .. 2\-25\-27 (12343) 
shakraviShNU hi sa~NgrAme cheratustArakAmaye.
rathena tena vai kR^iShNa upAruhya yayau tadA .. 2\-25\-28 (12344) 
`evametau mahAbAhU tadA duShkarakAriNau.
kR^iShNapraNItau loke.asminnathe ko draShTumarhati .. 2\-25\-29 (12345) 
ityavochanvrajantaM taM jarAsandhapurAlayAH.
vAsudevaM narashreShThaM yuktaM vAtajavairhayaiH'.. 2\-25\-30 (12346) 
taptachAmIkarAbheNa ki~NkiNIjAlamAlinA.
meghanirghoShanAdena jaitreNAmitraghAtinA .. 2\-25\-31 (12347) 
yena shakro dAnavAnAM jaghAna navatIrnava.
taM prApya samahR^iShyanta rathaM te puruSharthabhAH .. 2\-25\-32 (12348) 
tataH kR^iShNaM mahAbAhuM bhrAtR^ibhyAM sahitaM tadA.
rathasthaM mAgadhA dR^iShTvA samapadyanta vismitAH .. 2\-25\-33 (12349) 
hayairdivyaiH samAyukto ratho vAyusamo jave.
adhiShThitaH sa shushubhe kR^iShNenAtIva bhArata .. 2\-25\-34 (12350) 
asa~Ngo devavihitastasminrathavare dhvajaH.
yojanAddadR^ishe shrImAnindrAyudhasamaprabhaH .. 2\-25\-35 (12351) 
chintayAmAsa kR^iShNo.atha garutmantaM sa chAbhyayAt.
kShaNe tasminsa tenAsIchchaityavR^ikSha ivotthitaH .. 2\-25\-36 (12352) 
vyAditAsyairmahAnAdaiH saha bhUtairdhvajAlayaiH.
tasminrathavare tasthau gurutmAnpannagAshanaH .. 2\-25\-37 (12353) 
durnirIkShyo hi bhUtAnAM tejasA.a.abhyAdhikaM babhau.
Aditya iva madhyAhne sahasrakiraNAvR^itaH .. 2\-25\-38 (12354) 
na sajjati vR^ikSheShu shastraishchApi na riShyate.
divyo dhvajavaro rAjandR^ishyate cheha mAnuShaiH .. 2\-25\-39 (12355) 
tamAsthAya rathaM divyaM parjanyasamaniH svanam.
niryayau puruShavyAghraH pANDavAbhyAM sahAchyutaH .. 2\-25\-40 (12356) 
yaM lebhe vAsavAdrAjA vasustasmAdbR^ihadrathaH.
bR^ihadrathAtkrameNaiva prApto bArhadratho ratham .. 2\-25\-41 (12357) 
sa niryAya mahAbAhuH puNDarIkekShaNastataH.
girivrajAdbahistasthau samadeshe mahAyashAH .. 2\-25\-42 (12358) 
tatrainaM nAgarAH sarve satkAreNAbhyayustadA.
brAhmaNapramukhA rAjanvidhidR^iShTena karmaNA .. 2\-25\-43 (12359) 
bandhanAdvipramuktAshcha rAjAno madhusUdanam.
pUjayAmAsurUchushcha stutipUrvamidaM vachaH .. 2\-25\-44 (12360) 
naitachchitraM mahAbAho tvayi devakinandane.
bhImArjunabalopete dharmasya pratipAlanam .. 2\-25\-45 (12361) 
jarAsandhahrade ghore duHkhapa~Nke nimajjatAm.
rAj~nAM samabhyuddharamaM yadidaM kR^itamadya vai .. 2\-25\-46 (12362) 
viShNo samavasannAnAM giridurge sudAruNe.
diShTyA mokShAdyasho dIptamAptaM te yadunandana .. 2\-25\-47 (12363) 
kiM karmaH puruShavyAghra shAdhi naH praNatisthitAn.
kR^itamityeva tadvidvi nR^ipairyayadyapi duShkaram .. 2\-25\-48 (12364) 
vaishampAyana uvAcha .. 2\-25\-49x (1428) 
tAnuvAcha hR^impIkeshaH samAshchAsya mahAmanAH.
yidhiShThiro rAjasUyaM kratumArhatumichChati .. 2\-25\-49 (12365) 
tasya dharmapravR^ittasya pArthivatvaM chikIrShataH.
sarvairbhavadbhirvij~nAya sAhAyyaM kriyatAmiti .. 2\-25\-50 (12366) 
tataH suprItamanasaste nR^ipA nR^ipasattama.
tathetyevAbruvansarve pratigR^ihyAsya tAM giram .. 2\-25\-51 (12367) 
ratnabhAjaM cha dAshArhaM chakruste pR^ithivIshvarAH.
kR^ichChrA~njagrAha govindasteShAM tadanukampayA .. 2\-25\-52 (12368) 
jarAsandhAtmajashchaiva sahadevo mahAmanAH.
niryayau sajanAmAtyaH puraskR^itya purohitam .. 2\-25\-53 (12369) 
sa nIchaiH praNato bhUtvA bahuratnapurogamaH.
sahadevo nR^iNAM devaM vAsudevamupasthitaH .. 2\-25\-54 (12370) 
bhayArtAya tatastasmai kR^iShNo dattvA.abhayaM tadA.
Adade.asya mahArhANi ratnAni puruShottamaH .. 2\-25\-55 (12371) 
`sadadeva uvAcha. 2\-25\-56x (1429) 
yatkR^itaM puruShavyAghra mama pitrA janArdana.
tatte hR^idi mahAbAho na kAryaM puruShottama .. 2\-25\-56 (12372) 
tvAM prapanno.asmi govinda prAsadaM kuru me prabho.
piturichChAmi saMskAraM kartuM devakinandana .. 2\-25\-57 (12373) 
tvatto.abhyanuj~nAM samprApya bhImasenAttathArjunAt.
nirbhayo vichariShyAmi yathAkAmaM yathAsukham .. 2\-25\-58 (12374) 
vaishampAyana uvAcha. 2\-25\-59x (1430) 
evaM vij~nApyamAnasya sahadevasya mAriSha.
prahR^iShTo devakIputraH pANDavai cha mahArathau .. 2\-25\-59 (12375) 
kriyatAM saMskriyA rAjanpitusta iti chAbruvan.
tachChrutvA vAsudevasya pArthayoshcha sa mAgadhaH .. 2\-25\-60 (12376) 
pravishya nagaraM tUrNaM saha mantribhirapyuta.
chitAM chandanakAShThaishcha kAleyasaralaistathA .. 2\-25\-61 (12377) 
kAlAgarusunagandhaishcha tailaishcha vividhairapi.
ghR^itadhArAshataishchaiva sumanobhishcha bhArata .. 2\-25\-62 (12378) 
samantAdeva kIryanto.adahanta magadhAdhipam.
udakaM tasya chakre.atha sahadevaH sahAnujaH .. 2\-25\-63 (12379) 
kR^itvA pituH svargagatiM niryayau yatra keshavaH.
pANDavau cha mahAbhAgau bhImasenArjunAvubhau .. 2\-25\-64 (12380) 
sa prahvaH prA~njalirbhUtvA vyaj~nApayata mAdhavam.  2\-25\-65 (12381) 
sahadeva uvAcha.
ime ratnAni bhUriNI gojAvimahiShAdayaH ..  2\-25\-65x (1431) 
hastino.ashvAshcha govinda vAsAMsi vividhAni cha.
dIyatAM dharmarAjAya yathA vA manyate bhavAn .. 2\-25\-66 (12382) 
vaishampAyana uvAcha. 2\-25\-67x (1432) 
bhayArtAya tatastasmai kR^itvA kR^iShNo.abhayaM tadA.
abhyaShi~nchata rAjAnaM sahadevaM janArdanaH .. 2\-25\-67 (12383) 
mAgadhAnAM mahIpAlaM jarAsandhAtmajaM tadA.
Adade cha mahArhANi ratnAni puruShottamaH .. 2\-25\-68 (12384) 
gatvaikatvaM sa kR^iShNena pArthAbhyAM chApi satkR^itaH.
vivesha matimAntrAjA punarbArhadrathaM puram .. 2\-25\-69 (12385) 
pArthAbhAyaM sahitaH kR^iShNaH sarvaishcha vasudhAdhipaiH.
yathAvayaH samAgamya visasarja narAdhipAn .. 2\-25\-70 (12386) 
visR^ijya sarvAnnR^ipatInrAjasUye mahAtmabhiH.
AgantavyaM bhavadbhishcha dharmarAjapriyepsubhiH.  2\-25\-71 (12387) 
evamuktA mAdhavena sarve te vasudhAdhipAH.
evamastviti chApyuktvA sametAH parayA mudA .. 2\-25\-72 (12388) 
bhImArjunahR^iShIkeshaiH prahR^iShTAH prayayustadA.
ratnAnyAdAya bhUrINI jvalanto ripusUdanAH'.. 2\-25\-73 (12389) 
kR^iShNastu saha pArthAbhyAM shriyA paramayA yutaH.
ratnAnyAdAya bhUriNI prayayau puruSharShabhaH .. 2\-25\-74 (12390) 
indraprasthamupAgamya pANDavAbhyAM sahAchyutaH.
sametya dharmarAjAnaM prIyamANo.abhyabhAShata .. 2\-25\-75 (12391) 
diShTyA bhImena balavA~njarAsandho nipAtitaH.
rAjAno mokShitAshcheme bandhanAnnR^ipasattama .. 2\-25\-76 (12392) 
diShTyA kushalinau chemau bhImasenadhana~njayau.
punaH svanagaraM prAptAvakShatAviti bhArata .. 2\-25\-77 (12393) 
tato yudhiShThiraH kR^iShNaM pUjayitvA yathArhataH.
bhImasenArjunau chaiva prahR^iShTaH pariShasvaje .. 2\-25\-78 (12394) 
tataH kShINe jarAsandhe bhrAtR^ibhyAM vihitaM jayam.
ajAtashatrurAsAdya mumude bhrAtR^ibhiH saha .. 2\-25\-79 (12395) 
`hR^iShTashcha dharmarADvAkyaM janArdanamabhAShata.
tvAM prApya puruShavyAghra bhImasenena pAtitaH .. 2\-25\-80 (12396) 
mAgadho.asau balonmatto jarAsandhaH pratApavAn.
rAjasUyaM kratushreShThaM prApsyAmi vigatajvaraH .. 2\-25\-81 (12397) 
tvadbuddhibalamAshritya yAgArho.asmi janArdana.
pItaM pR^ithivyAH kruddhena yashaste puruShottama .. 2\-25\-82 (12398) 
jarAsandhavadhenaiva prAptAste vipulAH shriyaH ..  2\-25\-83 (12399) 
vaishampAyana uvAcha.
evaM sambhAShya kaunteyaH prAdAdrathavaraM prabhoH ..  2\-25\-83x (1433) 
pratigR^ihya tu govindo jarAsandhasya taM ratham ..  2\-25\-84 (12400) 
prahR^iShTastasya mumude phalgunena janArdanaH.
prItimAnabhavadrAjandharmarAjapuraskR^itaH'.. 2\-25\-85 (12401) 
yathAvayaH samAgamya bhrAtR^ibhiH saha pANDavaH.
satkR^itya pUjayitvA cha visasarja narAdhipAn .. 2\-25\-86 (12402) 
yudhiShThirAbhyanuj~nAtAste nR^ipA hR^iShTamAnasAH.
jagmuH svadeshAMstvaritA yAnairuchchAvachaistataH .. 2\-25\-87 (12403) 
evaM puruShashArdUlo mahAbuddhirjanArdanaH.
pANDavairghAtayAmAsa jarAsandhamariM tadA .. 2\-25\-88 (12404) 
ghAtayitvA jarAsandhaM buddhipUrvamarindamaH.
dharmarAjamanuj~nApya pR^ithAM kR^iShNAM cha bhArata .. 2\-25\-89 (12405) 
subhadrAM bhImasenaM cha phAlgunaM yamajau tathA.
dhaumyamAmantrayitvA cha prayayau svAM purIM prati .. 2\-25\-90 (12406) 
`pANDavairanudhAvadbhiryudhiShThirapurogamaiH.
harSheNa mahatA yuktaH prApya chAnuttamaM yashaH. 
jagAma hR^iShTaH kR^iShNastu punardvAravatIM purIm'..  2\-25\-91 (12407) 
tenaiva rathamukhyena manasastulyagAminA.
dharmarAjavisR^iShTena divyenAnAdayandishaH .. 2\-25\-92 (12408) 
tato yudhiShThiramukhAH pANDavA bharatarShabha.
pradakShiNamakurvanta kR^iShNamakliShTakAriNam .. 2\-25\-93 (12409) 
tato gate bhagavati kR^iShNe devakinandane.
jayaM labdhvA suvipulaM rAj~nAM dattvA.abhayaM tadA .. 2\-25\-94 (12410) 
saMvardhitaM yasho bhUyaH karmaNA tena bhArata.
draupadyAH pANDavA rAjanparAM prItimavardhayan .. 2\-25\-95 (12411) 
tasminkAle tu yadyuktaM dharmakAmArthasaMhitam.
tadrAjA dharmatashchakre prajApAlanakIrtanam .. .. 2\-25\-96 (12412) 

iti shrImanmahAbhArate sabhAparvaNi jarAsandhavadhaparvaNi pa~nchaviMsho.adhyAyaH .. 25\..

##Mahabharata - Sabha Parva - Chapter Footnotes##

2\-25\-5 avApyate prAptaH ..
2\-25\-8 evamuktastadA bhIbho jarAsandhamiti jha . pAThaH ..
2\-25\-15 nalaM iriNanAmakaM tR^iNavisheSham ..
2\-25\-22 kuladvAri gR^ihadvAri ..
2\-25\-35 asa~Ngo rathasparshahInaH ..


\medskip\hrule\medskip
sabhAparva \- adhyAya 026
.. shrIH ..
2\.26\. adhyAyaH 26 

##Mahabharata - Sabha Parva - Chapter Topics##
yudhiShThirAj~nayA digvijayArthaM nirgatAnAmarjunAdInAM sa~NkShepeNa digvijayaka thanam ..

##Mahabharata - Sabha Parva - Chapter Text##

vaishampAyana uvAcha.

`R^iShestadvachanaM smR^itvA nishashvAsa yudhiShThiraH.
dharma dharmabhR^itAM shreShThaH kartumichChanparantapaH.  2\-26\-1 (12413) 
tasye~Ngitaj~no bIbhatsuH sarvashastrabhR^itAM varaH.
saMvivartayiShuH kAmaM pAvakAtpAkashAsaniH'.. 2\-26\-2 (12414) 
prAptaM prApya dhanuH shreShThamakShayyau cha maheShudhI.
rathaM dhvajaM sabhAM chaiva yudhiShThiramabhAShata .. 2\-26\-3 (12415) 
arjuna uvAcha. 2\-26\-4x (1434) 
dhanurastraM sharA vIryaM pakSho bhUmiryasho balam.
prAptametanmayA rAjanduShprApaM yadabhIpsitam .. 2\-26\-4 (12416) 
tasya kR^ityamahaM manye koshasya parivardhanam.
karamAhArayiShyAmi rAj~naH sarvAnnR^ipottama .. 2\-26\-5 (12417) 
vijayAya prayAsyAmi dishaM dhanadapAlitAm.
tithAvatha muhUrte cha nakShatre chAbhipUjite .. 2\-26\-6 (12418) 
vaishampAyana uvAcha. 2\-26\-7x (1435) 
dhana~njayavachaH shrutvA dharmarAjo yudhiShThiraH
snigdhagambhIranAdinyAM taM girA pratyabhAShata ..  2\-26\-7 (12419) 
svasti vAchyArhato viprAnprayAhi bharatarShabha.
durhR^idAmapraharShAya suhR^idAM nandanAya cha .. 2\-26\-8 (12420) 
vijayaste dhruvaM pArtha priyaM kAmamavApsyasi.
ityuktaH prayayau pArthaH sainyena mahatA vR^itaH .. 2\-26\-9 (12421) 
agnidattena divyena rathenAdbhutakarmaNA.
tathaiva bhImaseno.api yamau cha puruSharShabhau .. 2\-26\-10 (12422) 
sasainyAH prayayuH sarve dharmarAjena pUjitAH.
dishaM dhanapateriShTAmajayatpAkashAsaniH .. 2\-26\-11 (12423) 
bhImasenastathA prAchIM sahadevastu dakShiNAm.
pratIchIM nakulo rAjandishaM vyajayatAstravit .. 2\-26\-12 (12424) 
khANDavaprasthamadhyastho dharmarAjo yudhiShThiraH.
AsItparamayA lakShmyA suhR^idgaNavR^itaH prabhuH .. .. 2\-26\-13 (12425) 

iti shrImanmahAbhArate sabhAparvaNi digvijayaparvaNi ShaDviMsho.adhyAyaH .. 26\..

##Mahabharata - Sabha Parva - Chapter Footnotes##

2\-26\-13 khANDavaprasthaM khANDavadAhena khyApitasthAnam ..
13\..


\medskip\hrule\medskip
sabhAparva \- adhyAya 027
.. shrIH ..
2\.27\. adhyAyaH 27 

##Mahabharata - Sabha Parva - Chapter Topics##
arjunadigvajaye bhagadattAdijayaH .. 1\..

##Mahabharata - Sabha Parva - Chapter Text##

janamejaya uvAcha ..

dishAmabhijayaM brahmanvistareNAnukIrtaya.
na hi tR^ipyAmi pUrveShAM shR^iNvAnashcharitaM mahat .. 2\-27\-1 (12426) 
vaishampAyana uvAcha. 2\-27\-2x (1436) 
dhana~njayasya vakShyAmi vijayaM pUrvameva te.
yaugapadyena pArthairhi nirjiteyaM vasundharA .. 2\-27\-2 (12427) 
`avApya rAjA rAjyArdhaM kuntIputro yudhiShThiraH.
mahattve rAjashabdasya manashchakre mahAmanAH .. 2\-27\-3 (12428) 
tadA kShAtraM viditvA.asya pR^ithivIvijayaM prati.
amarShAtpArthivendrANAM taM sameyAya vArayat .. 2\-27\-4 (12429) 
tatsametya bhuvaH kShAtraM rathanAgAshvapattimat.
abhyayAtpArthivaM jiShNuM moghaM kartuM janAdhipa .. 2\-27\-5 (12430) 
tatpArthaH pArthivaM kShAtraM yuyutsuM paramAhave.
pratyudyayau mahAbAhustarasA pAkashAsaniH .. 2\-27\-6 (12431) 
tadbhagraM pArthivaM kShAtraM pArthenAkliShTakarmaNA.
vAyuneva ghanAnIkaM tUlIbhUtaM yayau dishaH .. 2\-27\-7 (12432) 
tajjitvA pArthivaM kShAtraM samare paravIrahA.
yayau tadA vashe kartumudIchIM pANDunandanaH'.. 2\-27\-8 (12433) 
pUrvaM kuli~NgaviShaye vashe chakre mahIpatim.
dhana~njayo mahAbAhurnAtitIvreNa karmaNA .. 2\-27\-9 (12434) 
`tenaiva sahitaH prAyAjjiShNuH sAlvapuraM prati.
sa sAlvapuramAsAdya sAlvarAjaM dhana~njayaTaH .. 2\-27\-10 (12435) 
vikrameNogradhanvAnaM vashe chakre mahAmanAH.
taM pArthaH sahasA jitvA dyumatsenaM mahIshvaram .. 2\-27\-11 (12436) 
kR^itvA sa sainikaM prAyAtkaTadeshamarindamaH.
tatra pArtho raNe jiShNuH sunAbhaM vasudhAdhipam .. 2\-27\-12 (12437) 
vikrameNa vashe kR^itvA kR^itavAnanusainikam.
etena sahito rAjansavyasAchI parantapaH'.. 2\-27\-13 (12438) 
vijigye shAkaladvIpe prativindhyaM cha pArthivam.
shAkaladvIpavAsAshcha saptadvIpeShu ye nR^ipAH .. 2\-27\-14 (12439) 
arjunasya cha sainyasthairvigrahastumulo.abhavat.
tAnsarvAnajayatpArto dharmarAjapriyepsayA .. 2\-27\-15 (12440) 
taireva sahitaH sarvaiH pragjyotiShamupAdravat ..  2\-27\-16 (12441) 
tatra rAjA mahAnAsIdbhagadatto vishAmpate.
tenAsItsumahadyuddhaM pANDavasya mahAtmanaH .. 2\-27\-17 (12442) 
sa kirAtaishcha chInaishcha vR^itaH prAgjyotiSho.abhavat.
anyaishcha bahubhiryodhaiH sAgarAnupavAsibhiH .. 2\-27\-18 (12443) 
tataH sa divasAnaShTau yodhayitvA dhana~njayam.
prahasannabravIdrAjA sa~NgrAmavigatakramam .. 2\-27\-19 (12444) 
upapannaM mahAbAho tvayi kauravanandana.
pAkashAsanadAyAde vIryamAhavashobhini .. 2\-27\-20 (12445) 
ahaM sakhA mahendrasya shakrAdanavaro raNe.
na shakShyAmi cha te tAta sthAtuM pramukhato yudhi .. 2\-27\-21 (12446) 
tvamIpsitaM pANDaveyaM brUhi kiM karavANi te.
yadvakShyasi mahAbAho tatkariShyAmi putraka .. 2\-27\-22 (12447) 
arjuna uvAcha .. 2\-27\-23x (1437) 
kurUNAmR^iShabho rAjA dharmaputro yudhiShThiraH.
dharmaj~naH satyasandhashcha yajvA vipuladakShiNaH .. 2\-27\-23 (12448) 
tasya pArthivatAmIpse karastasmai pradIyatAm.
bhavAnpitR^isakhashchaiva prIyamANo mayApi cha. 
tato nAj~nApayAmi tvAM prItipUrvaM pradIyatAm ..  2\-27\-24 (12449) 
bhagadatta uvAcha. 2\-27\-25x (1438) 
kuntImAtaryathA me tvaM tathA rAjA yudhiShThiraH.
sarvametatkariShyAmi kiM chAnyatkaravANi te .. .. 2\-27\-25 (12450) 

iti shrImanmahAbhArate sabhAparvaNi digvijayaparvaNi saptaviMsho.adhyAyaH .. 27\..



\medskip\hrule\medskip
sabhAparva \- adhyAya 028
.. shrIH ..
2\.28\. adhyAyaH 28 

##Mahabharata - Sabha Parva - Chapter Topics##
arjunena uttaradigvijaye nAnAdeshajayaH .. 1\..

##Mahabharata - Sabha Parva - Chapter Text##

vaishampAyana uvAcha.

evamuktaH pratyuvAcha bhagadattaM dhana~njayaH.
anenaiva kR^itaM sarvaM bhaviShyatyanujAnatA .. 2\-28\-1 (12451) 
taM vijitya mahAbAhuH kuntIputro dhana~njayaH.
prayayAvuttarAM tasmAddishaM dhanadapAlitAm .. 2\-28\-2 (12452) 
antargiriM cha kaunteyastathaiva cha bahirgirim.
tathaivopagiraM chaiva vijigye puruSharShabhaH .. 2\-28\-3 (12453) 
vijitya parvatAnsarvAnye cha tatra narAdhipAH.
tAnvashe sthApayitvA sa dhanAnyAdAya sarvashaH .. 2\-28\-4 (12454) 
taireva sahitaH sarvairanurajya cha tAnnupAn.
ulUkavAsinaM rAjanbR^ihantamupajagmivAn .. 2\-28\-5 (12455) 
mR^ida~NgavaranAdena rathanemisvanena cha.
hastinAM cha ninAdena kampayanvasudhAmimAm .. 2\-28\-6 (12456) 
tato bR^ihantastvarito balena chatura~NgiNA.
niShkramya nagarAttasmAdyodhayAmAsa phAlgunam .. 2\-28\-7 (12457) 
sumahAnsannipAto.abhUddhana~njayabR^ihantayoH.
na shashAka bR^ihantastu soDhuM pANDavavikramam .. 2\-28\-8 (12458) 
so.aviShahyatamaM matvA kaunteyaM parvateshvaraH.
upAvartata durdharSho ratnAnyAdAya sarvashaH .. 2\-28\-9 (12459) 
sa tadrAjyamavasthApya ulUkasahito yayau.
senAbindumatho rAjanrAjyAdAshu samAkShipat .. 2\-28\-10 (12460) 
modApuraM vAmavedaM sudAmAnaM susa~Nkulam.
ulUkAnuttarAMshchaiva tAMshcha rAj~naH samAnayat .. 2\-28\-11 (12461) 
tatrasthaH puruShaireva dharmarAjasya shAsanAt.
kirITI jitavAnrAjandeshAnpa~nchagaNAMstataH .. 2\-28\-12 (12462) 
sa devaprasthamAsAdya senAbindoH puraM prati.
balena chatura~NgeNa niveshamakarotprabhuH .. 2\-28\-13 (12463) 
sa taiH parivR^itaH sarvairviShvagashvaM narAdhipam ..
abhyagachChanmahAtejAH pauravaM puruSharShabha .. 2\-28\-14 (12464) 
vijitya chAhave shUrAnpArvatIyAnmahArathAn.
jigAya senayA rAjanpuraM pauravarakShitam .. 2\-28\-15 (12465) 
pauravaM yudhi nirjitya dasyUnparvatavAsinaH.
gaNAnutsavasa~NketAnajayatsapta pANDavaH .. 2\-28\-16 (12466) 
tataH kAshmIrakAnvIrAnkShatriyAnkShatriyarShabhaH.
vyajayallohitaM chaiva maNDalairdashabhiH saha .. 2\-28\-17 (12467) 
tatastrigartAH kaunteyaM dArvAH kokanadAstathA.
kShatriyA bahavo rAjannupAvartanta sarvashaH .. 2\-28\-18 (12468) 
abhisArIM tato ramyAM vijigye kurunandanaH.
uragAvAsinaM ramyaM rochamAnaM raNe.ajayat .. 2\-28\-19 (12469) 
tataH siMhapuraM ramyaM chitrAyudhasurakShitam.
prAdhamadbalamAsthAya pAkashAsanirAhave .. 2\-28\-20 (12470) 
tataH suhyAMshcha cholAMshcha kirITI pANDavarShabhaH.
sahitaH sarvasainyena prAmathatkurunandanaH .. 2\-28\-21 (12471) 
tataH paramavikrAnto bAhlIkAnpAkashAsaniH.
mahatA parimardena vashe chakre durAsadAn .. 2\-28\-22 (12472) 
gR^ihItvA tu balaM sAraM phalgunaH pANDunandanaH.
daradAnsahakAmbhojairajayatpAkashAsaniH .. 2\-28\-23 (12473) 
prAguttaraM dishaM ye cha vasantyAshritya dasyavaH.
nivasanti vane ye cha tAnsarvAnajayatprabhuH .. 2\-28\-24 (12474) 
lohAnparamakAmbhojAnR^iShikAnuttarAnapi.
sahitAMstAnmahArAja vyajayatpAkashAsaniH .. 2\-28\-25 (12475) 
R^iShikeShvapi sa~NgrAme babhUvAtibhaya~NkaraH.
tArakAmayasa~NkAshaH parastvR^iShikapArthayoH .. 2\-28\-26 (12476) 
sa vijitya tato rAjannR^iShikAnraNamUrdhani.
shukodarasamAMstatra hayAnaShTau samAnayat .. 2\-28\-27 (12477) 
mayUrasadR^ishAnanyAnuttarAnaparAnapi.
javanAnAshugAMshchaiva karArthaM samupAnayat .. 2\-28\-28 (12478) 
sa vinirjitya sa~NgrAme himavantaM saniShkR^iTam.
shvetaparvatamAsAdya nyavishatpuruSharShabhaH .. .. 2\-28\-29 (12479) 

iti shrImanmahAbhArate sabhAparvaNi digvijayaparvaNi aShTAviMshodhyAyaH .. 28\..



\medskip\hrule\medskip
sabhAparva \- adhyAya 029
.. shrIH ..
2\.29\. adhyAyaH 29 

##Mahabharata - Sabha Parva - Chapter Topics##
arjunena uttaradigvijaye kimpuruShAdikhaNDajayaH .. 1\.. arjunasya khANDavaprasthaM prati pratyAgamanam .. 2\..

##Mahabharata - Sabha Parva - Chapter Text##

vaishampAyana ivAcha ..

sa shvetaparvataM vIraH samatikramya vIryavAn.
deshaM kimpuruShAvAsaM drumaputreNa rakShitam .. 2\-29\-1 (12480) 
mahatA sannipAtena kShatriyAntakareNa ha.
ajayatpANDavashreShThaH kare chainaM nyaveshayat .. 2\-29\-2 (12481) 
taM jitvA hATakaM nAma deshaM guhyakarakShitam.
pAkashAsaniravyagraH sahasainyaH samAsadat .. 2\-29\-3 (12482) 
tAMstu sAntvena nirjitya mAnasaM sara uttamam.
R^iShikulyAstathA sarvA dadarsha kurunandanaH .. 2\-29\-4 (12483) 
saro mAnasamAsAdya hATakAnabhitaH prabhuH.
gandharvarakShitaM deshamajayatpANDavastataH .. 2\-29\-5 (12484) 
tatra tittirikalmAShAnmaNDUkAkhyAnhayottamAn.
lebhe sa karasamatyantaM gandharvanagarAttadA .. 2\-29\-6 (12485) 
`hemakUTamathAsAdya nyavasatphalgunastadA.
taM hemakUTaM rAjendra samatikramya pANDavaH .. 2\-29\-7 (12486) 
harivarShaM viveshAtha sainyena mahatA vR^itaH.
tatra pArtho dadarshAtha bahUniha manoramAn .. 2\-29\-8 (12487) 
nagarAnsavanAMshchaiva nadIshcha vimalodakAH.
puruShAndevakalpAMshcha nArIshcha priyadarshanAH .. 2\-29\-9 (12488) 
tAnsarvAstatra dR^iShTvA.atha mudA yukto dhana~njayaTaH.
vashe chakre sa ratnAni lebhe cha subahUni cha .. 2\-29\-10 (12489) 
tato niShadhamAsAdya giristhAnajayatprabhuH.
atha rAjannatikramya niShadhaM shailamAyatam .. 2\-29\-11 (12490) 
vivesha madhyamaM varShaM pArtho divyamilAvR^itam.
tatra divyopamAndivyAnpuruShAndevadarshanAn .. 2\-29\-12 (12491) 
adR^iShTapUrvAnsubhagAnsa dadarsha dhana~njayaH.
sadanAni cha shubhrANi nArIshchApsarasaMnibhAH .. 2\-29\-13 (12492) 
dR^iShTvA tAnajayadramyAnsa taishcha dadR^ishe tadA.
jitvA cha tAnmahAbhAgAnkare cha viniveshya cha .. 2\-29\-14 (12493) 
ratnAnyAdAya divyAni bhUShaNAnyAsanaiH saha.
udIchImatha rAjendra yayau pArtho mudA.anvitaH .. 2\-29\-15 (12494) 
sa dadarsha tato meruM shikharINAM prabhuM mahat.
taM kA~nchanamayaM divyaM chaturvaNaM durAsadam .. 2\-29\-16 (12495) 
unnataM shatasAhasraM yojanAnAM tu susthitam.
jvalantamachalaM meruM tejorAshimanuttamam .. 2\-29\-17 (12496) 
AkShipantaM prabhAM bhAnoH svashR^i~NgaiH kA~nchanojjvalaiH.
kA~nchanAbharaNaM divyadevagandharvasevitam .. 2\-29\-18 (12497) 
aprameyamanAdhR^iShyamadharmabahulairjanaiH.
vyAlairAcharitaM dhorairdivyauShadhividIpitam .. 2\-29\-19 (12498) 
svargamAvR^itya tiShThantamuchChrAyeNa mahAgirim.
agamyaM manasApyanyairnadIvR^ikShasamanvitam .. 2\-29\-20 (12499) 
nAnAvihagasa~Nghaishcha nAditaM sumanoharaiH.
taM dR^iShTA phalguno meruM prItimAnabhavattadA .. 2\-29\-21 (12500) 
merorilAvR^itaM divyaM sarvataH parimaNDitam.
merostu dakShiNe pArshve jambUrnAma vanaspatiH .. 2\-29\-22 (12501) 
nityapuShpaphalopevaH siddhachAraNasevitaH.
AsvargamuchChritA rAjaMstasya shAkhA vanaspateH .. 2\-29\-23 (12502) 
yasya nAmnA tvidaM dvIpaM janbUdvIpamiti smR^itam.
tAM cha jambUM dadarshAtha savyasAchI parantapaH .. 2\-29\-24 (12503) 
tau dR^iShTvA.apratimau loke jambUM meruM cha saMsthitau.
pratImAnabhavadrAjansarvataH sa vilokayan .. 2\-29\-25 (12504) 
tatra lebhe tato jiShNuH siddhairdivyaishcha chAraNaiH.
ratnAni bahusAhasraM dattAnyAbharaNAni cha .. 2\-29\-26 (12505) 
vAsAMsi cha mahArhANi tatra labdhvA.arjunastadA.
AmantrayitvA tAnsarvAnyaj~namuddishya vai guroH .. 2\-29\-27 (12506) 
athAdAya bahUnratnAngamanAyayopachakrame.
meruM pradakShiNIkR^itya pravatapravaraM prabhuH .. 2\-29\-28 (12507) 
yayau jambUnadItIre nadIM shreShThAM vilokayan.
sa tAM manoramAM divyAM jambUsvAdurasAvahAm .. 2\-29\-29 (12508) 
haimapakShigaNairjuShTAM sauvarNajalajAkulAm.
haimapa~NkAM haimajalAM sauvarNojjvalavAlukAm .. 2\-29\-30 (12509) 
kvachitmupiShpitaiH pUrNAM sauvarNakusumotpalaiH.
kvachittIraruhaiH kIrNAM haimapuShpaiH supuShpitaiH .. 2\-29\-31 (12510) 
tIrthaishcha rukmasopAnaiH sarvataH samala~NkutAm.
vimalairmaNijAlaishcha nR^ittagItaravairyutAm .. 2\-29\-32 (12511) 
dIptairhemavitAnaishcha samantAchChobhitAM shubhAm.
tathAvidhAM nadIM dR^iShTvA pArthastAM prashashaMsa ha .. 2\-29\-33 (12512) 
adR^iShTapUrvAM rAjendra dR^iShTvA harShamavApa cha.
darshanIyAM nadItIre puruShAnsumanoharAn .. 2\-29\-34 (12513) 
tAnnadIsalilAhArAnsadArAnamaropamAn.
nityaM sukhamudA yuktAnsarvAla~NkArashobhitAn .. 2\-29\-35 (12514) 
tebhyo bahUni ratnAni tadA lebhe dhana~njayaH.
divyajambUphalaM haimaM bhUShaNAni cha peshalam .. 2\-29\-36 (12515) 
labdhvA tAndurlabhAnpArthaH pratIchIM prayayau disham.
nAgAnAM rakShitaM deshamajayashcha punastataH .. 2\-29\-37 (12516) 
tato ganvA mahArAja vAruNIM pAkashAsaniH.
gandhamAdanamAsAdya tatastAnajayatprabhuH .. 2\-29\-38 (12517) 
taM gandhamAdanaM rAjannatikramya tato.arjunaH.
ketumAlaM dadarshAtha varShaM ratnasamanvitam .. 2\-29\-39 (12518) 
sevitaM devakalpaishcha nArIbhiH priyadarshanaiH.
taM jitvA chArjuno rAjankare cha viniveshya cha .. 2\-29\-40 (12519) 
AhR^itya tatra ratnAni durlabhAni tathArjunaH.
punashcha parivR^ityAtha mAdhyaM deshamilAvR^itam .. 2\-29\-41 (12520) 
gatvA prAchIM dishaM rAjansavyasAchI dhana~njayaH.
merumandarayormadhye shailodAmabhito nadIm .. 2\-29\-42 (12521) 
ye te kIchakaveNUnAM ChAyAM ramyAmupAsate.
kaShAnjhaShAMshcha nadyau tAnpraghasAndIptaveNipAn .. 2\-29\-43 (12522) 
pashupAMshcha kulindAMshcha ta~NkaNAnparata~NkaNAn.
etAnsamastA~njitvA cha kare cha viniveshya cha .. 2\-29\-44 (12523) 
ratnAnyAdAya sarvebhyo mAlyavantaM tato yayau.
taM mAlyavantaM shailendraM samatikramya pANDavaH .. 2\-29\-45 (12524) 
bhadrAshvaM praviveshAtha varShaM svargopamaM shuchim.
tatra devopamAndivyAnpuruShA~nshubhasaMyutAn .. 2\-29\-46 (12525) 
jitvA tAnsvavashe kR^itvA kare cha viniveshya cha.
AhR^itya sarvato ratnAnyasa~NkhyAni tatastataH .. 2\-29\-47 (12526) 
nIlaM nAma giriM gatvA tatrasthAnajayatprabhuH.
tato jiShNuratikramya parvataM nIlamAyatam .. 2\-29\-48 (12527) 
vivesha ramyakaM varShaM sa~NkIrNaM mithunaiH shubhaiH.
taM deshamatha jitvA sa kare cha viniveshya cha .. 2\-29\-49 (12528) 
ajayachchApi bIbhatsurdeshaM guhyakarakShitam.
tatra lebhe cha rAjendra sauvarNAnmR^igapakShiNaH .. 2\-29\-50 (12529) 
agR^ihNAdyaj~nabhUtyarthaM ramaNIyAnmanoharAn.
anyAMshcha labdhvA ratnAni pANDavo.atha mahAbalaH .. 2\-29\-51 (12530) 
gandharvarakShitaM deshamajayatsagaNaM tadA.
tatra ratnAni divyAni labdhvA rAjannathArjunaH .. 2\-29\-52 (12531) 
varShaM hiraNvataM nAma viveshAtha mahIpate.
sa tu desheShu ramyeShu gantuM tatropachakrame .. 2\-29\-53 (12532) 
madhye prAsAdavR^indeShu nakShatrANAM shashI yathA.
mahApatheShu rAjaindra sarvato yAntamarjunam .. 2\-29\-54 (12533) 
prAsAdavarashR^i~NgasthAH parayA vIryashobhayA.
dadR^ishustaM sriyaH sarvAH pArthamAtmayashaskaram .. 2\-29\-55 (12534) 
taM kalApadharaM shUraM sarathaM sadhanuH karam.
savarmaM sakirITaM vai saMnaddhaM saparichChadam .. 2\-29\-56 (12535) 
sukumAraM mahAsatvaM tejorAshimanuttamam.
shakropamamamitraghnaM paravAraNavAraNam .. 2\-29\-57 (12536) 
pashyantaH strIgaNAstatra shaktipANiM sma menire.
ayaM sa puruShavyAghro raNe.adbhutaparAkramaH .. 2\-29\-58 (12537) 
asya bAhubalaM prApya na bhavantyasuhR^idgaNAH.
iti vAcho bruvantyastAH striyaH premNA dhana~njayam .. 2\-29\-59 (12538) 
tuShTuvuH puShpavR^iShTiM cha sasR^ijustasya mUrdhani.
dR^iShTvA te tu mudA yuktAH kautUhalasamanvitaH .. 2\-29\-60 (12539) 
ratnairvibhUShaNaishchaiva abhyavarShaMshcha pANDavam.
atha jitvA samastAMstAnkare cha viniveshya cha .. 2\-29\-61 (12540) 
maNihemaprabAlAni shastrANyAbharaNAni cha.
etAni labdhvA pArtho.atha shR^i~NgavantaM giriM yayau .. 2\-29\-62 (12541) 
shR^i~NgavantaM cha kauravyaH samatikramya phalgunaH.
uttaraM harivarShaM tu sa samAsAdya pANDavaH .. 2\-29\-63 (12542) 
vidyAdharagaNAMshchaiva yakShendrAMshcha vinirjayan.
tatra lebhe mahAtmA vai vAso divyamanuttamam .. 2\-29\-64 (12543) 
kinnaradrumapatrAMshcha tatra kR^iShNAjinAnbahUn.
yAj~nIyAMstAMstadA divyAMstatra lebhe dhana~njaya'.. 2\-29\-65 (12544) 
uttaraM harivarShaM tu sa samAsAdya pANDavaH.
iyeSha jetuM taM deshaM pAkashAsanandanaH .. 2\-29\-66 (12545) 
tata enaM mahAvIryaM mahAkAyA mahAbalAH.
dvArapAlAH samAsAdya hR^iShTA vachanamabruvan .. 2\-29\-67 (12546) 
pArtha nedaM tvayA shakyaM puraM jetuM katha~njana.
upAvartasva kalyANa paryAptamidamachyuta .. 2\-29\-68 (12547) 
idaM puraM yaH pravishedghruvaM na sa bhavennaraH.
prIyAmahe tvayA vIra paryApto vijayastavai .. 2\-29\-69 (12548) 
na chAtra ki~nchijjetavyamarjunAtra pradR^ishyate.
uttarAH kuruvo hyete nAtra yuddhaM pravartate .. 2\-29\-70 (12549) 
praviShTo.api hi kaunteya neha drakShyasi ki~nchana.
na hi mAnuShadehena shakyamatrAbhivIkShitum .. 2\-29\-71 (12550) 
atheha puruShavyAghra ki~nchidanyachchikIrShasi.
tatprabrUhi kariShyAmo vachanAttava bhArata .. 2\-29\-72 (12551) 
tatastAnabravIdrAjannarjunaH prahasanniva.
pArthivatvaM chikIrShAmi dharmarAjasya dhImataH .. 2\-29\-73 (12552) 
na pravekShyAmi vo deshaM viruddhaM yadi mAnuShaiH.
yudhiShThirAya yatki~nchitkarapaNyaM pradIyatAm .. 2\-29\-74 (12553) 
`no chetkR^iShNena sahito yodhayiShyAmi sAyakaiH'.
tato divyAni vastrANi divyAnyAbharaNAni cha. 
kShaumAjinAni divyAni tasya te pradaduH karam ..  2\-29\-75 (12554) 
evaM sa puruShavyAghro vijitya dishamuttarAm.
sa~NgrAmAnsubahUnkR^itvA kShatriyairdasyubhistathA .. 2\-29\-76 (12555) 
sa vinirjitya rAj~nastAnkare cha viniveshya tu.
dhanAnyAdAya sarvebhyo ratnAni vividhAni cha .. 2\-29\-77 (12556) 
hayAMstittirikalmAShA~nshukapatranibhAnapi.
mayUrasadR^ishAnyAnsarvAnanilaraMhasaH .. 2\-29\-78 (12557) 
vR^itaH sumahatA rAjanbalena chatura~NgiNA.
AjagAma punarvIraH shakraprasthaM purottamam .. 2\-29\-79 (12558) 
dharmarAjAya tatpArtho dhanaM sarvaM savAhanam.
nyavedayadanuj~nAtastena rAj~nA gR^ihAnyayau .. .. 2\-29\-80 (12559) 

iti shrImanmahAbhArate sabhAparvaNi digvijayaparvaNi ekonatriMsho.adhyAyaH .. 29\..



\medskip\hrule\medskip
sabhAparva \- adhyAya 030
.. shrIH ..
2\.30\. adhyAyaH 30 

##Mahabharata - Sabha Parva - Chapter Topics##
bhImena prAchIdigvijaye pA~nchAladeshagamanam ..

##Mahabharata - Sabha Parva - Chapter Text##

vaishampAyana uvAcha.

etasminneva kAle tu bhImaseno.api vIryavAn.
dharmarAjamanuj~nApya yayau prAchIM dishaM prati .. 5  2\-30\-1 (12560) 
mahatA balachakreNa pararAShTrAvamardinA.
hastyashvarathapUrNena daMshitena pratApavAn.  2\-30\-2 (12561) 
vR^ito bharatashArdUlo dviShachChokavivardhanaH.
sa gatvA narashArdUlaH pa~nchAlAnAM puraM mahat .. 2\-30\-3 (12562) 
pa~nchAlAnvividhopAyaiH sAntvayAmAsa pANDavaH.
`ki~nchitkaraM samAdAya videhAnAM puraM yayau'..
tataH sa gaNDakA~nshUro videhAnbharatarShabhaH ..  2\-30\-4 (12563) 
vijityAlpena kAlena dashArNAnajayatprabhuH.
tatra dAshArNako rAjA sudharmA romaharShaNam. 
kR^itavAnbhImasenema mahadyuddhaM nirAyudham.  2\-30\-5 (12564) 
bhImasenastu taddR^iShTvA tasya karma mahAtmanaH.
adhisenApatiM chakre sudharmANaM mahAbalam .. 2\-30\-6 (12565) 
tataH prAchIM dishaM bhImo yayau bhImaparAkramaH.
sainyena mahatA rAjankampayanniva medinIm .. 2\-30\-7 (12566) 
so.ashvamedheshvaraM rAjanrochamAnaM sahAnugam.
jigAya samare vIro balena balinAM varaH .. 2\-30\-8 (12567) 
sa taM nirjitya kaunteyo nAtitIvreNa karmaNA.
pUrvadeshaM mahAvIryaM vijigye kuranandanaH .. 2\-30\-9 (12568) 
tato dakShiNamAgamya pulindanagaraM mahat.
sukumAraM vashe chakre sumitraM cha narAdhipam .. 2\-30\-10 (12569) 
tatastu dharmarAjasya shAsanAdbharatarShabhaH.
shishupAlaM mahAvIryamabhyagAjjanamejaya .. 2\-30\-11 (12570) 
chedirAjo.api tachChrutvA pANDavasya chikIrShitam.
upaniShkamya nagarAtpratyagR^ihNAtparantapa .. 2\-30\-12 (12571) 
tau sametya mahArAja kuruchedivR^iShau tadA.
ubhayorAtmakulayoH kaushalaM paryapR^ichChatAm .. 2\-30\-13 (12572) 
tato nivedya tadrAShTraM chedirAjo vishAmpate.
uvAcha bhImaM prahasankimidaM kuruShe.anagha.  2\-30\-14 (12573) 
tasya bhImastadAchakhyau dharmarAjachikIrShitam.
sa cha taM pratigR^ihyaiva tathA chakre narAdhipaH .. 2\-30\-15 (12574) 
tato bhImastatra rAjanniShitvA tridashAH kShapAH.
satkR^itaH shishupAlena yayau sabalavAhanaH .. .. 2\-30\-16 (12575) 

iti shrImanmahAbhArate sabhAparvaNi digvijayaparvaNi triMsho.adhyAyaH .. 30\..



\medskip\hrule\medskip
sabhAparva \- adhyAya 031
.. shrIH ..
2\.31\. adhyAyaH 31 

##Mahabharata - Sabha Parva - Chapter Topics##
prAchIM dishaM nirjitya bhImasya pratinivartanam ..1\..

##Mahabharata - Sabha Parva - Chapter Text##

vaishampAyana uvAcha.

tataH kumAraviShaye shreNimantamathAjayat.
kosalAdhipatiM chaiva bR^ihadbalamarindamaH .. 2\-31\-1 (12576) 
ayodhyAyAM tu dharmaj~naM dIrghayaj~naM mahAbalam.
ajayatNaNDavashreShTho nAtitIvreNa karmaNA .. 2\-31\-2 (12577) 
tato gopAlakakShaM cha sottarAnapi kosalAn.
mallAnAmadhipaM chaiva pArthivaM chAjayatprabhuH .. 2\-31\-3 (12578) 
tato himavataH pArshvaM samabhyetya jalodbhavam.
sarvamalpena kAlena deshaM chakre vashaM balI .. 2\-31\-4 (12579) 
evaM bahuvidhAndeshAnvijigye bharatarShabhaH.
bhallATamabhito jigye shuktimantaM cha parvatam .. 2\-31\-5 (12580) 
pANDavaH sumahAvIryo balena balinAM varaH.
sa kAshirAjaM samare subAhumanivartinam .. 2\-31\-6 (12581) 
vashe chakre mahAbAhurbhImo bhImaparAkramaH.
tataH supArshvamabhitastathA rAjapatiM kratham .. 2\-31\-7 (12582) 
yudhyamAnaM bAlatsa~Nkhye vijigye pANDavarShabhaH.
tato matsyAnmahAtejA maladAMshcha mahAbalAn .. 2\-31\-8 (12583) 
anaghAnabhayAMshchaiva pashubhUmiM cha sarvashaH.
nivR^itya cha mahAbAhurmadadhAraM mahIdharam .. 2\-31\-9 (12584) 
somadheyAMshcha nirjitya pratyayAvuttarAmukhaH.
vatsabhUmiM cha kaunteyo vijigye balavAnbalAt .. 2\-31\-10 (12585) 
bhargANAmadhipaM chaiva niShAdAdhipatiM tathA.
vijigye bhUmipAlAMshcha mamimatpramukhAnbahUn .. 2\-31\-11 (12586) 
tato dakShiNamallAMshcha bhogavantaM cha parvatam.
tarasaivAjayadbhImo nAtitIvreNa karmaNA .. 2\-31\-12 (12587) 
sharmakAnvarmakAMshchaiva vyajayatsAntvapUrvakam.
vaidehakaM cha rAjAnaM janakaM jagatIpatim .. 2\-31\-13 (12588) 
vijigye puruShavyAghro nAtitIvreNa karmaNA.
shakAMshcha barbarAshchaiva ajayachChadmapUrvakam .. 2\-31\-14 (12589) 
vaidehasthastu kaunteya indraparvatamantikAt.
kirAtAnAmadhipatInajayatsapta pANDavaH .. 2\-31\-15 (12590) 
tataH suhyAnprasuhyAMshcha sapakShAnativIryavAn.
vijitya yudhi kaunteyo mAgadhAnabhyadhAdbalI .. 2\-31\-16 (12591) 
daNDaM cha daNDadhAraM cha vijitya pR^ithivIpatIn.
taireva sahitaiH sarvairgirivrajamupAdravat .. 2\-31\-17 (12592) 
jArAsandhiM sAntvayitvA kare cha viniveshya ha.
taireva sahitaiH sarvaiH karNamabyadravadbalI .. 2\-31\-18 (12593) 
sa kampayanniva mahIM balena chatu~NgiNA.
yuyudhe pANDavashreShThaH karNenAmitraghAtinA .. 2\-31\-19 (12594) 
sa karNaM yudhi nirjitya vashe kR^itvA cha bhArata.
tato vijigye balavAnrAj~naH parvatavAsinaH .. 2\-31\-20 (12595) 
atha modAgirau chaiva rAjAnaM balavattaram.
pANDavo bAhuvIryeNa nijaghAna mahAmR^idhe .. 2\-31\-21 (12596) 
tataH puNDrAdhipaM vIraM vAsudevaM samAyayau.
`idAnIM vR^iShNivIreNa na yotsyAmIti pauNDrakaH .. 2\-31\-22 (12597) 
kR^iShNasya bhujasaMtrAsAtkaramAshu dadau nR^ipaH'.
kaushikIkachChanilayaM rAjAnaM cha mahaujasam .. 2\-31\-23 (12598) 
ubhau balabhR^itau vIrAvumau tIvraparAkramau.
nirjityAjau mahArAja va~NgarAjamupAdravat .. 2\-31\-24 (12599) 
samudrasena nirjitya chandrasenaM cha pArthivam.
tAmraliptaM cha rAjAnaM karvaTAdhipatiM tathA .. 2\-31\-25 (12600) 
suhyAnAmadhipaM chaiva ye cha sAgaravAsinaH.
sarvAnmlechChagaNAMshchaiva vijigye bharatarShabhaH .. 2\-31\-26 (12601) 
evaM bahuvidhAndeshAnvijitya pavanAtmajaH.
vasu tebhya upAdAya lauhityamagadbalI .. 2\-31\-27 (12602) 
sa sarvAnmlechChanR^ipatInsAgarAnUpavAsinaH.
karamAhArayAmAsa ratnAni vividhAni cha .. 2\-31\-28 (12603) 
chandanAguruvastrANi maNimauktikakambalam.
kA~nchanaM rajataM chaiva vidrumaM cha mahAdhanam .. 2\-31\-29 (12604) 
te koTIshatasa~Nkhyena kaunteyaM mahatA tadA.
abhyavarShanmahAtmAnaM dhanavarSheNa pANDavam .. 2\-31\-30 (12605) 
indraprasthamupAgamya bhImo bhImaparAkramaH.
nivedayAmAsa tadA dharmarAjAya taddhanam .. .. 2\-31\-31 (12606) 

iti shrImanmahAbhArate sabhAparvaNi digvijayaparvaNi ekatriMsho.adhyAyaH .. 32\..

##Mahabharata - Sabha Parva - Chapter Footnotes##

2\-31\-16 suhyA rADhAH mAgadhAnabhyadhAdbalI karaM prayachChatetyuktavAn . pUrvameva parAkAn tatvAt ..


\medskip\hrule\medskip
sabhAparva \- adhyAya 032
.. shrIH ..
2\.32\. adhyAyaH 32 

##Mahabharata - Sabha Parva - Chapter Topics##
dakShiNadigvijaye shUrasenAdI~njitavataH sahadevasya mAhiShmatyAM nIlena saha yuddham .. 1\.. nolasya agnisAhAyyakaraNakAraNakathanam .. 2\.. sahadevastutyA tuShTasyAgnerAj~nayA nIlenArchitasya sahadevasya vibhIShaNAtkarag rahaNArthaM ghaTotkachapreShaNam .. 3\..

##Mahabharata - Sabha Parva - Chapter Text##

vaishampAya uvAcha ..

tathaiva sahadevo.api dharmarAjena pUjitaH.
mahatyA senayA rAjanprayayau dakShiNAM disham .. 2\-32\-1 (12607) 
sa shUrasenAnkArtsnyena pUrvamevAjayatprabhuH.
matsyarAjaM cha kauravyo vashe chakre balAdbalI .. 2\-32\-2 (12608) 
adhirAjAdhipaM chaiva dantavakraM mahAbalam.
jigAya karadaM chaiva kR^itvA rAjye nyaveshayat .. 2\-32\-3 (12609) 
sukumAraM vashe chakre sumitraM cha narAdhipam.
tathaivAparamatsyAMshcha vyajayatsa paTachcharAn .. 2\-32\-4 (12610) 
niShAdabhUmiM goshR^i~NgaM parvatapravaraM tathA.
tarasaivAjayaddhImA~nshreNimantaM cha pArthivam .. 2\-32\-5 (12611) 
nararAShTraM cha nirjitya kuntibhojamupAdravat.
prItipUrvaM cha tasyAsau pratijagrAha shAsanam .. 2\-32\-6 (12612) 
tatashcharmaNvatIkUle jambhakasyAtmajaM nR^ipam.
dadarsha vAsudevena sheShitaM pUrvavairiNA .. 2\-32\-7 (12613) 
chakre tena sa sa~NgrAmaM sahadevena bhArata.
sa tamAjau vinirjitya dakShiNAbhimukho yayau .. 2\-32\-8 (12614) 
sekAnaparasekAMshcha ratnAni vividhAni cha ..
tatastenaiva sahito narmadAmabhito yayau. 2\-32\-10a`bhagadattaM mahAbAhuM kShatriyaM narakAtmajam.
arjunAya karaM dattaM shrutvA tatra nyavartata'..  2\-32\-9 (12615) 
vindAnuvindAvAvantyau sainyena mahatAvR^itau.
jigAya samare vIrAvAshvineyaH pratApavAn .. 2\-32\-11 (12616) 
tato ratnAnyupAdAya puraM bhojakaTaM yayau.
tatra yuddhamabhUdrAjandivasadvayamachyuta .. 2\-32\-12 (12617) 
sa vijitya durAdharShaM bhIShmakaM mAdrinandanaH.
kosalAdhipatiM chaiva tathA veNAtaTAdhipam .. 2\-32\-13 (12618) 
kAntArakAMshcha samara tathA prAkoTakAnnR^ipAn.
nATakeyAMshcha samare tathA herambakAnyudhi .. 2\-32\-14 (12619) 
mArudhaM cha vinirjitya ramyagrAmamatho balAt.
nAchInAnarbukAMshchaiva rAjAnashcha mahAbalaH .. 2\-32\-15 (12620) 
tAMstAnATavikAnsarvAnajayatpANDunandanaH.
nAtAdhipaM cha nR^ipatiM vashe chakre mahAbalaH .. 2\-32\-16 (12621) 
pulindAMshcha raNe jitvA yayau dakShiNataH puraH.
yuyudhe pANDyarAjena divasaM nakulAnujaH .. 2\-32\-17 (12622) 
taM jitvA sa mahAbAhuH prayayau dakShiNApatham.
guhAmAsAdayAmAsa kiShkindhAM lokavishrutAm .. 2\-32\-18 (12623) 
`purA vAnararAjena vAlinA chAbhirakShitAm.
tataH kosalarAjasya rAmasyaivAnugena cha. 
sugrIveNAbhiguptAM tAM praviShTastamathAhvayat'..  2\-32\-19 (12624) 
tatra vAnararAjAbhyAM maindena dvividena cha.
yuyudhe divasAnsapta na cha tau vikR^itiM gatau .. 2\-32\-20 (12625) 
tatastuShTau mahAtmAnau sahadevAya vAnarau.
Uchatushchaiva saMhR^iShTau prItipUrvamidaM vachaH .. 2\-32\-21 (12626) 
gachCha pANDavashArdUla ratnAnyAdAya sarvashaH.
avighnamasta kAryAya dharmarAjAya dhImate .. 2\-32\-22 (12627) 
tato ratnAnyupAdAya purIM mAhiShmatIM yayau ..
tatra nIlena rAj~nA sa chakre yuddhaM nararShabhaH .. 2\-32\-23 (12628) 
pANDavaH paravIraghnaH sahadevaH pratApavAn ..
tato.asya sumahadyuddhamAsIdbhIrubhaya~Nkaram .. 2\-32\-24 (12629) 
sainyakShayakaraM chaiva prANAnAM saMshayAvaham.
chakre tasya hi sAhAyyaM bhagavAnhavyavAhanaH .. 2\-32\-25 (12630) 
tato rathA hayA nAgAH puruShAH kavachAni cha.
pratIptAni vyadR^ishyanta sahadevabale tadA .. 2\-32\-26 (12631) 
tataH susaMbhrAntamanA babhUva kurunandanaH.
nottaraM prativaktuM cha shakto.abhUjjanamejaya .. 2\-32\-27 (12632) 
janamejaya uvAcha. 2\-32\-28x (1439) 
kimarthaM bhagavAnvahniH pratyamitro.abhavadyudhi.
sahadevasya yaj~nArthaM ghaTamAnasya vai dvija .. 2\-32\-28 (12633) 
vaishampAyana uvAcha. 2\-32\-29x (1440) 
tatra mAhiShmatIvAsI bhagavAnhavyavAhanaH.
shrUyate hi gR^ihIto vai purastAtpAradArikaH .. 2\-32\-29 (12634) 
nIlasya rAj~no duhitA babhUvatAtIva shobhanA.
sA.agnihotramupAtiShThadbodhanAya pituH sadA .. 2\-32\-30 (12635) 
vyajanairdhUyamAno.api tAvatprajvalate na saH ..
yAvachchArupuTauShThena vAyunA na vidhUyate .. 2\-32\-31 (12636) 
tataH sa bhagavAnagnishchakame tAM sudarshanAm.
nIlasya rAj~naH sarveShAmupanItashcha so.abhavat .. 2\-32\-32 (12637) 
tato brahmaNarUpeNa ramamANo yadR^ichChayA ..
chakame tAM varArohAM kanyAmutpalalochanAm ..
taM tu rAjA yathAshAstramashAsaddhArmikastadA ..  2\-32\-33 (12638) 
prajajvAla tataH kopAdbhagavAnhavyavAhanaH.
taM dR^iShTvA vismito rAjA jagAma shirasA.avanim .. 2\-32\-34 (12639) 
tataH kAlena tAM kanyAM tathaiva hi tadA nR^ipaH.
pradadau viprarUpAya vahraye shirasA nataH .. 2\-32\-35 (12640) 
pratigR^ihya cha tAM subhruM nIlarAj~naH sutAM tadA.
chakre prasAdaM bhagavAMstasya rAj~no vibhAvasuH .. 2\-32\-36 (12641) 
vareNa chChandayAmAsa taM nR^ipaM sviShTakR^ittamaH.
abhayaM cha sa jagrAha svasainye vai mahIpatiH .. 2\-32\-37 (12642) 
tataH prabhR^iti ye kechidaj~nAnAttAM purIM nR^ipAH.
jigIShanti balAdrAjaMste dahyante sma vahninA .. 2\-32\-38 (12643) 
tasyAM puryAM tadA chaiva mAhiShmatyAM kurUdvaha.
babhUvuranatigrAhya yoShitashChandataH kila .. 2\-32\-39 (12644) 
evamagnirvaraM prAdAtstrINAmaprativAraNe.
svairiNyastatra cha rAjAnastatpuraM bharatarShabha.  2\-32\-40 (12645) 
varjayanti cha rAjAnastatpuraM bharatarShabha.
bhayAdagnermahArAja tadAprabhR^iti sarvadA .. 2\-32\-41 (12646) 
sahadevastu dharmAtmA sainyaM dR^iShTvA bhayArditam.
parItamagninA rAjannAkampata yathA.achalaH. 
upaspR^ishya shuchirbhUtvA so.abravItpAvakaM tataH ..  2\-32\-42 (12647) 
sahadeva uvAcha. 2\-32\-43x (1441) 
tvadartho.ayaM samArambhaH kR^iShNavartmannamostu te.
mukhaM tvamasi devAnAM yaj~nastvamasi pAvaka .. 2\-32\-43 (12648) 
pAvanAtpAvakashchAsi vahanAddhavyavAhanaH.
vedAstvadarthaM jAtA vai jAtavedAstato hyasi .. 2\-32\-44 (12649) 
chitrabhAnuH sureshashcha analastvaM vibhAvaso.
svargadvAraspR^ishashchAsi hutAsho jvalanaH shikhI .. 2\-32\-45 (12650) 
vaishvAnarastvaM pi~NgeshaH plava~Ngo bhUritejasaH.
kumArasUstvaM bhagavAnrudragarbho hiraNyakR^it .. 2\-32\-46 (12651) 
agnirdadAtu me tejo vAyuH prANaM dadAtu me.
pR^ithivI balamAdadhyAchChivaM chApo dishantu me .. 2\-32\-47 (12652) 
apAM garbha mahAsatva jAtavedaH sureshvara.
devAnAM mukhamagne tvaM satyena vipunIhi mAm .. 2\-32\-48 (12653) 
R^iShibhirbrAhmaNaishchaiva daivatairasurairapi.
nityaM suhuta yaj~neShu satyena vipunIhi mAm .. 2\-32\-49 (12654) 
dhUmaketuH shikhI cha tvaM pApahA.anisambhavaH.
sarvaprANiShu nityasthaH satyena vipunIhi mAm .. 2\-32\-50 (12655) 
evaM stuto.asi bhagavanprItena shichinA mayA.
tuShTiM puShTiM shrutaM chaiva prIti chAgne prayachCha me .. 2\-32\-51 (12656) 
vaishampAyana uvAcha. 2\-32\-52x (1442) 
ityevaM mantramAgneyaM paThanyo juhuyAdvibhum.
R^iddhimAnsatataM dAntaH sarvapApaiH pramuchyate .. 2\-32\-52 (12657) 
sahadeva uvAcha. 2\-32\-53x (1443) 
yaj~navighnamimaM kartuM nArhastvaM yaj~navAhana.
evamuktvA tu mAdreyaH kushairAstIrya medinIm .. 2\-32\-53 (12658) 
vidhivatpuruShavyAghraH pAvakaM pratyupAvishat.
pramukhe tasya sainyasya bhItodvigrasya bhArata .. 2\-32\-54 (12659) 
na chainamatyagAdvahniruvAcha mahodadhiH.
tamupetya shanairvahniruvAcha kurunandanam .. 2\-32\-55 (12660) 
sahadevaM nR^iNAM devaM sAntvapUrvamidaM vachaH.
uttiShThottiShTha kauravya jij~nAseyaM kR^itA mayA .. 2\-32\-56 (12661) 
vedmi sarvamabhiprAyaM tava dharmasutasya cha.
mayA tu rakShitavyA pUriyaM bharatasattama .. 2\-32\-57 (12662) 
yAvadrAj~no hi nIlasya kule vaMshadharA iti.
IpsitaM tu kariShyAmi manasastava pANDava .. 2\-32\-58 (12663) 
tata utthAya hR^iShTAtmA prA~njaliH shirasA nataH.
pUjayAmAsa mAdreyaTaH pAvakaM bharatarShabha .. 2\-32\-59 (12664) 
pAvake vinivR^itte tu nIlo rAjA.abhyagAttadA.
pAvakasyAj~nayA chainamarchayAmAsa pArthivaH .. 2\-32\-60 (12665) 
satkAreNa naravyAghraM sahadevaM yudhAM patim.
pratigR^ihya cha tAM pUjAM kare cha viniveshya cha .. 2\-32\-61 (12666) 
mAdrIsutastataH prAyAdvijayI dakShiNAM disham.
traipuraM sa vashe kR^itvA rAjAnamamitaujasam .. 2\-32\-62 (12667) 
nijagrAha mahAbAhustarasA pauraveshvaram.
AkR^itiM kaushikAchAryaM yatne mahatA tataH .. 2\-32\-63 (12668) 
vashe chakre mahAbAhuH surAShTrAdhipatiM tadA.
surAShTraviShayasthashcha preShayAmAsa rukmiNe .. 2\-32\-64 (12669) 
rAj~ne bhojakaTasthAya mahAmAtrAya dhImate.
bhIShmakAyasa dharmAtmA sAkShAdindrasakhAya vai .. 2\-32\-65 (12670) 
cha chAsya pratijagrAha sasutaH shAsanaM tadA.
prItipUrvaM mahArAja vAsudevamavekShya cha .. 2\-32\-66 (12671) 
tataH sa ratnAnyAdAya punaH prAyAdyudhAM patiH.
tataH shUrpArakaM chaiva tAlAkaTamathApi cha .. 2\-32\-67 (12672) 
vashe chakre mahAtejA daNDakAMshcha mahAbalaH.
sAgaradvIpavAsAMshcha nR^ipatInmlechChayonijAn .. 2\-32\-68 (12673) 
niShAdAnpuruShAdAMshcha karNaprAvaraNAnapi.
ye cha kAlamukhA nAma nararAkShasayonayaH .. 2\-32\-69 (12674) 
kR^itsnaM kolagiriM chaiva surabhIpaTTanaM tathA.
dvIpaM tAmrAhvayaM chaiva parvataM rAmakaM tathA .. 2\-32\-70 (12675) 
timi~NgilaM cha sa nR^ipaM vashe kR^itvA mahAmatiH.
ekapAdAMshcha puruShAnkeralAnvanavAsinaH .. 2\-32\-71 (12676) 
nagarIM sa~njayantIM cha pAShaNDaM karahATakam.
dUtaireva vashe chakre karaM chainAnadApayat .. 2\-32\-72 (12677) 
pANDyAMshcha draviDAMshchaiva sahitAMshchoDrakeralaiH.
andhrAMstAvanAMshchaiva kali~NgAnuShTrakarNikAn .. 2\-32\-73 (12678) 
ATavIM cha purIM ramyAM yavanAnAM puraM tathA.
dUtaireva vashe chakre karaM chainAnadApayat .. 2\-32\-74 (12679) 
`tAtraparNI tato gatvA kanyAtIrthamatItya cha.
dakShiNAM cha dishaM sarvA vijitya kurunandanaH .. 2\-32\-75 (12680) 
uttaraM tIramAsAdya sAgarasyormimAlinaH.
chintayAmAsa kaunteyo bhrAtuH putraM ghaTotkacham .. 2\-32\-76 (12681) 
tatashchintitamAtrastu rAkShasaH pratyadR^ishyata.
taM merushikharAkAramAgataM pANDunandanaH .. 2\-32\-77 (12682) 
bhR^igukachChAttato dhImAnsAmnaivAmitrakarshanaH.
AgamyatAmiti prAha dharmarAjasya shasanAH .. 2\-32\-78 (12683) 
sa rAkShasaparIvArastaM praNamyAshu saMsthitaH.
ghaTotkachaM mahAtmAnaM rAkShasaM ghoradarshanam .. 2\-32\-79 (12684) 
tatrasthaH preShayAmAsa paulastyAya mahAtmane'.
bibhIShaNAya dharmAtmA prItipUrvamarindamaH .. 2\-32\-80 (12685) 
sa chAsya pratijagrAha shAsanaM prItipUrvakam.
tachcha kR^iShNakR^itaM dhImAnabhyamanyata sa prabhuH .. 2\-32\-81 (12686) 
tataH sampreShayAmAsa ratnAni vividhAni cha.
chandanAgurukAShThAni divyAnyAbharaNAni cha .. 2\-32\-82 (12687) 
vAsAMsi cha mahArhANi maNIMshchaiva mahAdhanAn .. .. 2\-32\-82x (1444) 

iti shrImanmahAbhArate sabhAparvaNi digvijayaparvaNi dvAtriMsho.adhyAyaH .. 32\..



\medskip\hrule\medskip
sabhAparva \- adhyAya 033
.. shrIH ..
2\.33\. adhyAyaH 33 

##Mahabharata - Sabha Parva - Chapter Topics##
janamejayaprashnAnurodhena sahadevasya drAviDapANDyadeshagamanakathanam .. 1\..

##Mahabharata - Sabha Parva - Chapter Text##

`janamejaya uvAcha ..

ichChAmyAgamanaM shrotuM haiDimbasya dvijottama.
la~NkAyAM cha gatiM brahmanpaulastyasya cha darshanam .. 2\-33\-1 (12688) 
kAverIdarshanaM chaiva AnupUrvyA vadasva me.  2\-33\-2 (12689) 
vaishampAyana uvAcha.
shR^iNu rAjanyathA vR^ittaM sahedavasya sAhasam ..  2\-33\-2x (1445) 
kAlanadvIpagAMshchaiva tarasA.ajitya chAhave.
dakShiNAM cha dishaM jitvA cholasya viShayaM yayau .. 2\-33\-3 (12690) 
dadarsha puNyatoyAM vai kAverIM saritAM varAm.
nAjApakShigaNairjuShTAM tApasairupashobhitAm .. 2\-33\-4 (12691) 

kadambaiH saptaparNaishcha kashmaryAmalakairvR^itAm .. 2\-33\-5 (12692) 
nyagrodhaishcha mahAshAkhaiH plakShairaudumbarairapi.
shamIpalAshavR^ikShaishcha ashvatthaiH khadirairvR^itAm .. 2\-33\-6 (12693) 
badarIbhishcha sa~nChannAmashvakarNaishcha shobhitAm.
bUtaiH puNDrakapatraishcha kadalIvanasaMvR^itAm .. 2\-33\-7 (12694) 
chakravAkagaNaiH kIrNaM plavaishcha jalavAyasaiH.
samudrakAkaiH krau~nchaishcha nAditAM jalakukkuTaiH .. 2\-33\-8 (12695) 
evaM khagaishcha bahubhiH sa~NghuShTAM jalavAsibhiH.
AshramairbahubhiH saktAM chaityavR^ikShaishcha shobhitAm .. 2\-33\-9 (12696) 
shobhitAM brAhmaNaiH shubhrairvedavedA~NgapAragaiH.
kvachittIraruhairvR^ikShairmAlAbhiriva shobhitAm .. 2\-33\-10 (12697) 
kvachitsupuShpitairvR^ikShaiH kvachitsaugandhikotpalaiH.
kahlArakumudotphullaiH kamalairupashobhitAm .. 2\-33\-11 (12698) 
kAverIM tAdR^ishIM dR^iShTvA prItimAnpANDavastadA.
asmadrAShTre yathA ga~NgA kAverI cha tathA shubhA .. 2\-33\-12 (12699) 
sahadevastu tAM tIrtvA nadImanucharaiH saha.
dakShiNaM tIrabhAsAdya gamanAyopachakrame .. 2\-33\-13 (12700) 
AgataM pANDavaM tatra shrutvA viShayavAsinaH.
darshanArthaM yayuste tu kautUhalasamanvitAH .. 2\-33\-14 (12701) 
dramiDAH puruShA rAjansriyachashcha priyadarshanAH.
gatvA pANDusutaM tatra dadR^ishuste mudA.anvitAH .. 2\-33\-15 (12702) 
sukumAraM vishAlAkShaM vrajantaM tridashopamam.
darshanIyatamaM loke netrairanimiShairiva .. 2\-33\-16 (12703) 
AshcharyabhUtaM dadR^ishurdramiDAste samAgatAH.
mahAsenopamaM dR^iShTvA pUjAM chakrushcha tasya vai .. 2\-33\-17 (12704) 
ratnaishcha vividhairiShTairbhogairanyaishcha saMmataiH.
gatima~NgalayuktArbhiH stuvanto nakulAnujam .. 2\-33\-18 (12705) 
sahadevastu tAndR^iShTvA dramilAnAgatAnmudA.
visR^ijya tAnmahAbAhuH prasthito dakShiNAM disham .. 2\-33\-19 (12706) 
dUtena tarasA cholaM vijitya dramiDeshvaram.
tato ratnAnyupAdAya pANDasya viShayaM yayau .. 2\-33\-20 (12707) 
darshane sahadevasya na cha tR^iptA narAH pare.
gachChantamanugachChantaH prAptAH kautUhalAnvitAH .. 2\-33\-21 (12708) 
tato mAdrIsutoM rAjanmR^igasa~NghAnvilokayan.
gajAnvanacharAnanyAnvyAghrAnkuShNamR^igAnbahUn .. 2\-33\-22 (12709) 
shukAnmayUrAndR^iShTvA tu gR^idhrAnAraNyakukkuTAn.
tato deshaM samAsAdya shvashurasya mahIpateH .. 2\-33\-23 (12710) 
preShayAmAsa mAdreyo dUtAnpANDyAya vai tadA.
pratijagrAha tasyAj~nAM samprItyA malayadhvajaH .. 2\-33\-24 (12711) 
bhAryA rUpavatI jiShNoH pANDyasya tanayA shubhA.
chitrA~Ngadeti vikhyAtA dramiDI yoShitAM varA .. 2\-33\-25 (12712) 
AgataM sahadevaM tu sA shrutvA.antaH pure pituH.
preShayAmAsa samprItyA pUjAratnaM cha vai bahu .. 2\-33\-26 (12713) 
pANDyo.api bahuratnAni dUtaiH saha mumocha ha.
maNimuktApravAlAni sahadevAya kIrtimAn .. 2\-33\-27 (12714) 
tAM dR^iShTvA.apratimAM pUjAM pANDavo.api mudA nR^ipa.
bhrAtuH putre bahUnratnAndatvA vai babhrUvAhane .. 2\-33\-28 (12715) 
pANDyaM dramiDarAjAnaM shvashuraM malayadhvajam.
sa dUtaistaM vashe kR^itvA maNalUreshvaraM tadA .. 2\-33\-29 (12716) 
tato ratnAnyupAdAya dramiDairAvR^ito yayau.
agastyasyAlayaM divyaM devalokasamaM girim .. 2\-33\-30 (12717) 
sa taM pradakShimaM kR^itvA malayaM bharatarShabha.
la~NghayitvA tu mAdreyastAmrapaNIM nadIM shubhAm .. 2\-33\-31 (12718) 
prasannasalilAM divyAM sushItAM cha manoharAm.
samudratIramAsAdya nyavishatpANDunandanaH .. .. 2\-33\-32 (12719) 

iti shrImanmahAbhArate sabhAparvaNi digvijayaparvaNi trayastriMsho.adhyAyaH .. 33\..



\medskip\hrule\medskip
sabhAparva \- adhyAya 034
.. shrIH ..
2\.34\. adhyAyaH 34 

##Mahabharata - Sabha Parva - Chapter Topics##
smR^itimAtrAgataghaTotkachala~NkApreShaNavR^ittAntasya vistareNa kathanam ..1\.. kR^iShNagauraveNa vibhIShaNena karadAnam .. 2\.. vibhIShaNAtkaraNAhR^itavatA ghaTotkachena saha sahadevasya pratinivartanam .. 3\..

##Mahabharata - Sabha Parva - Chapter Text##

vaishampAyana uvAcha ..

sahadevastato rAjA mantribhiH saha bhArata.
sampradhArya mahAbAhuH sachivairbuddhimattaraiH .. 2\-34\-1 (12720) 
sa vichArya tadA rAjansahadevastvarAnvitaH.
chintayAmAsa rAjendra bhrAtuH putraM ghaTotkacham .. 2\-34\-2 (12721) 
tatashchintitamAtre tu rAkShasaH pratyadR^ishyata.
atidIrgho mahAbAhu sarvAbharaNabhUShitaH .. 2\-34\-3 (12722) 
nIlajImUtasa~NkAshastaptakA~nchanakuNDalaH.
vichitrahArakeyUraH ki~NkiNImaNibhUShitaH .. 2\-34\-4 (12723) 
hemamAlI mahAdaMShTraH kirITI kukShibandhanaH.
tAmrakesho harishmashrurbhImA~NgaH kaTakA~NgadaH .. 2\-34\-5 (12724) 
raktachandanadigdhA~NgaH sUkShmAmbaradharo balI.
balena sa yayau tatra chAlayanniva medinIm .. 2\-34\-6 (12725) 
tato dR^iShTvA janA rAjannAyAntaM parvatopamam.
bhayAddhi dudruvuH sarve siMhAtkShudramR^igA yathA .. 2\-34\-7 (12726) 
AsasAda cha mAdreyaM pulastyaM rAvaNo yathA.
abhivAdya tato rAjansahadevaM ghaTotkachaH .. 2\-34\-8 (12727) 
prahvaH kR^itA~njalistasthau kiM kAryamiti chAbravIt.
taM pariShvajya bAhubhyAM mUrdhnyupAghrAya pANDavaH .. 2\-34\-9 (12728) 
taM merushikharAkAramAgataM pANDunandanaH.
pUjayitvA sahAmAtyaH prIto vAkyamuvAcha ha .. 2\-34\-10 (12729) 
gachCha la~NkAM purIM vatsa karArthaM mama shAsanAt. ..
tatra dR^iShTvA mahAtmAnaM rAkShasendraM bibhIShaNam .. 2\-34\-11 (12730) 
ratnAni rAjasUyArthaM vividhAni bahUni cha.
upAdAya cha sarvANi pratyAgachCha mahAbala .. 2\-34\-12 (12731) 
vaishampAyana uvAcha. 2\-34\-13x (1446) 
pANDavenaivamuktastu mudA yukto ghaTotkachaH.
tathetyuktvA mahArAja pratasye dakShiNAM disham .. 2\-34\-13 (12732) 
prayayau dakShiNaM kR^itvA sahadevaM ghaTotkachaH.
la~NkAmabhimuko rAjansamudraM sa vyalokayat .. 2\-34\-14 (12733) 
kUrmagrAhajhaShAkIrNaM mInanakraistathA.a.akulam.
shuktivrAtasamAkIrNaM sha~NkAnAM nichayAkulam .. 2\-34\-15 (12734) 
sa dR^iShTvA rAmasetuM cha chintayanrAmavikramam ..
gatvA pAraM samudrasya dakShiNaM sa ghaTotkachaH .. 2\-34\-16 (12735) 
dadarsha la~NkAM rAjendra nAkapR^iShThopamAM shubhAm.
prAkAreNAvR^itAM ramyAM shubhadvAraishcha shobhitAm .. 2\-34\-17 (12736) 
prAsAdairbahusAhasraiH shvetaraktaishcha sa~NkulAm.
divyadundubhinirhrAdAmudyAnavanashobhitAm .. 2\-34\-18 (12737) 
sarvakAlaphalairvR^ikShaiH puShpitairupashobhitAm.
puShpagandhaishcha sa~NkIrNAM ramaNIyamahArathAm .. 2\-34\-19 (12738) 
nAnAratnaishcha sampUrNAmindrasyevAmarAvatIm.
vivesha sa purIM la~NkAM rAkShasaishcha niShevitAm .. 2\-34\-20 (12739) 
dadarsha sa purIM la~NkAM rAkShasaishcha niShevitAm ..
nAnAveShadharAndakShAnnArIshcha priyadarshanAH .. 2\-34\-21 (12740) 
divyamAlyAmbaradharA divyabhUShaNabhUShitAH.
madaraktAntanayanAH pInashroNipayodharAH .. 2\-34\-22 (12741) 
bhaimaseniM tato dR^iShTvA hR^iShTAste vismayaM gatAH.
AsasAda gR^ihaM rAj~na indrasya sadanopamam .. 2\-34\-23 (12742) 
sa dvArapAlamAsAdya vAkyametaduvAcha ha.  2\-34\-24 (12743) 
ghaTotkacha uvAcha ..
kurUNAmR^iShTabo rAjA pANDurnAma mahAbalaH ..  2\-34\-24x (1447) 
kanIyAMstasya dAyAdaH sahadeva iti shrutaH.
tenAhaM preShito dUtaH karArthaM kauravasya cha .. 2\-34\-25 (12744) 
draShTumichChAmi rAjenadraM tvaM kShipraM mAM nivedaya.  2\-34\-26 (12745) 
vaishampAyana uvAcha ..
tasya tadvachanaM shrutvA dvArapAlo mahIpate ..  2\-34\-26x (1448) 
tathetyuktvA viveshAtha bhavanaM sa nivedakaH.
prA~njaliH sravamAchaShTa sravAM dUtagiraM tadA .. 2\-34\-27 (12746) 
dvArapAlavachaH shrutvA rAkShasendro vibhIShaNaH.
uvAcha vAkyaM dharmAtmA samIpaM me praveshyatAm .. 2\-34\-28 (12747) 
evamuktastu rAj~nA sa dharmaj~nena mahAtmanA.
athaniShkamya sambhrAnto dvArsthohaiDimbamabravIt .. 2\-34\-29 (12748) 
ehi dUta nR^ipaM draShTuM kShipraM pravisha cha svayam.
dvArapAlavachaH shrutvA pravivesha ghaTotkachaH .. 2\-34\-30 (12749) 
sa pravishya dadarshAtha rAkShasendrasya mandiram.
tataH kailAsasa~NkAshaM tatpakA~nchanatoraNam .. 2\-34\-31 (12750) 
prAkAreNa parikShiptaM gopuraishchApi shobhitam.
harmyaprAsAdasambAdhaM nAnAratnopashobhitam .. 2\-34\-32 (12751) 
kA~nchanaistApanIyaishcha sphATikai rAjatairapi.
vajravaiDUryajuShTaishcha stambhaishcha sumanoharaiH .. 2\-34\-33 (12752) 
nAnAdhvajapatAkAbhiryuktaM maNivichitritam.
chitramAlyAvR^itaM ramyaM taptakA~nchanavedikam .. 2\-34\-34 (12753) 
sa dR^iShTvA tatra sarvaM cha bhaimasenirmanoharam.
pravishanneva haiDimbaH shushrAva madhurasvaram .. 2\-34\-35 (12754) 
tantrIgItasamAkIrNaM samatAlamitAkSharam.
divyadundubhinirhrAdaM vAditrasatataM shubham .. 2\-34\-36 (12755) 
sa shrutvA madhuraM shabdaM prItimAnabhavattadA.
tato vigAhya haiDimbo bahukakShyAM manoramAm .. 2\-34\-37 (12756) 
sa dadarsha mahAtmAnaM dvArsthena saha bhArata.
taM vibhIShaNamAsInaM kA~nchane paramAsane .. 2\-34\-38 (12757) 
divi bhAskarasa~NkAshaM muktAmaNivibhUShitam.
divyAbharaNachitrA~NgaM divyarUpadharaM vibhum .. 2\-34\-39 (12758) 
divyamAlyAmbaradharaM divyagandhokShitaM shubham.
vibhrAjamAnaM vapuShA sUryavaishvAnaraprabham .. 2\-34\-40 (12759) 
upopaviShTaM sachivairdevairiva shatakratum.
yakShairmahAtmabhirdivyanArIbhirhR^idyakAntibhiH .. 2\-34\-41 (12760) 
gItairma~Ngalayuktaishcha pUjyamAnaM yathA divi.
chAmare vyajane chAgrye hemadaNDe mahAdhane .. 2\-34\-42 (12761) 
gR^ihIte varanArIbhyAM dhUyamAne cha mUrdhani.
archiShmantaM shriyA juShTaM kuberavaruNopamam .. 2\-34\-43 (12762) 
dharme chaiva sthitaM nityamadbhutaM rAkShasesvaram.
rAmamikShvAkunAthaM vai smarantaM manasA sadA .. 2\-34\-44 (12763) 
dR^iShTvA ghaTotkacho rAjanvavande taM kR^itA~njaliH.
prahvastasthau mahAvIryaH shakraM chitraratho yathA .. 2\-34\-45 (12764) 
taM dUtamAgataM dR^iShTvA rAkShasendro vibhIShaNaH.
pUjayitvA yathAnyAyaM sAntvapUrvaM vacho.abravIt .. 2\-34\-46 (12765) 
vibhIShaNa uvAcha .. 2\-34\-47x (1449) 
kasya vaMshe sa sa~njAtaH karamichChanmahIpatiH.
tasyAnujAnsamastAMshcha puraM deshaM cha tasya vai .. 2\-34\-47 (12766) 
tvAM cha kAryaM cha tatsarvaM shrotumichChAmi tatvataH.
vistareNa mama brUhi sarvAnetAnpR^ithakpR^ithak .. 2\-34\-48 (12767) 
vaishampAyana uvAcha. 2\-34\-49x (1450) 
evamuktastu haiDimbaH paulastyena mahAtmanA.
kR^itA~njaliruvAchAtha samarthamidamuttaram .. 2\-34\-49 (12768) 
ghaTotkacha uvAcha. 2\-34\-50x (1451) 
somavaMshodbhavo rAjA pANDurnAma mahAbalaH.
pANDoshcha putrAH pa~nchAsa~nChakratulyaparAkramAH .. 2\-34\-50 (12769) 
teShAM jyeShThastu nAmnA vai yudhiShThira iti shrutaH.
ajAtashatrurdharmAtmA dharmo vigrahavAniva .. 2\-34\-51 (12770) 
tato yudhiShThiro rAjA prApya rAjyamakArayat.
ga~NgAyA dakShiNe tIre nagare nAgasAhvaye .. 2\-34\-52 (12771) 
taddatvA dhR^itarAShTrAya shakraprasthaM yayau tataH.
bhrAtR^ibhiH saha rAjendra shakraprasthe.anvamodata .. 2\-34\-53 (12772) 
ga~NgAyamunayormadhye te ubhe nagarottame.
nityaM dharme sthito rAjA shakraprasthe prashAsti naH .. 2\-34\-54 (12773) 
tasyAnujo mahAbAhurbhImasena iti shrutaH.
mahAtejA mahAkIrtiH shakratulyaparAkramaH .. 2\-34\-55 (12774) 
dashanAgasahasrANAM bale tulyaH sa pANDavaH.
tasyAnujo.arjuno nAma mahAbalaparAkramaH .. 2\-34\-56 (12775) 
sukumAro mahAsatvo loke vIryeNa vishrutaH.
kArtavIryasamo vIrye sAgarapratimo bale .. 2\-34\-57 (12776) 
jAmadagnyasamashchAstre sa~Nkhye rAmasamo.arjunaH.
rUpe shakrasamaH pArthastejasA bhAskaropamaH .. 2\-34\-58 (12777) 
devadAnavagandharvaiH pishAchoragarAkShasaiH.
mAnuShaishcha samastaistu ajeyaH phalguno raNe .. 2\-34\-59 (12778) 
tena tatkhaNDavaM dAvaM tarpitaM jAtavedase.
vijitya tarasA shakraM yudhi devagaNaiH saha .. 2\-34\-60 (12779) 
labdhAnyastrANi divyAni tarpayitvA hutAshanam.
tena labdhA mahArAja durlabhA daivatairapi .. 2\-34\-61 (12780) 
vAsudevasya bhaginI subhadrA nAma vishrutA.
arjunasyAnujo rAjannakulashcheti vishrutaH .. 2\-34\-62 (12781) 
darshanIyatamo loke mUrtimAniva manmathaH.
tasyAnujo mahAtejAH sahadeva iti shrutaH .. 2\-34\-63 (12782) 
tenAhaM preShito rAjankumAreNa samo raNe.
ahaM ghaTotkacho nAma bhImasenasuto balI .. 2\-34\-64 (12783) 
mama mAtA mahAbhAgA hiDimbA nAma rAkShasI.
pArthAnAmupakArArthaM charAmi pR^ithivImimAm .. 2\-34\-65 (12784) 
AsItpR^ithivyAH sarvasyA mahIpAlo yudhiShThiraH.
rAjasUyaM kratushreShThamAhartumupachakrame .. 2\-34\-66 (12785) 
sandidesha cha sa bhrAtR^inkarArthaM sarvatodisham.
vR^iShNivIreNa sahitaH sandideshAnujAnnR^ipaH .. 2\-34\-67 (12786) 
udIchImarjunastUrNaM gatvA merorathottamaH.
gatvA shatasahasrANi yojanAni mahAbalaH .. 2\-34\-68 (12787) 
jitvA sarvAnnR^ipAnyuddhe hatvA cha tarasA vashI.
svargadvAramupAgamya ratnAnyAdAya vai bhR^isham .. 2\-34\-69 (12788) 
ashvAMshcha vividhAndivyAnsarvAnAdAya phalgunaH.
dhanaM bahuvidhaM rAjandharmaputrAya vai dadau .. 2\-34\-70 (12789) 
bhImaseno hi rAjendra jitvA prAchIM dishaM balAt.
vashe kR^itvA mahIpAlAnpANDavAya dhanaM dadau .. 2\-34\-71 (12790) 
dishaM pratIchIM nakulaH karArthaM prayayau tathA.
sahadevo dishaM yAmyAM jitvA sarvAnmahIkShitaH .. 2\-34\-72 (12791) 
mAM sandidesha rAjendra karArthamiha satkR^itaH.
pArthAnAM charitaM tubhyaM sa~NkShepAtsamudAhR^itam .. 2\-34\-73 (12792) 
tamavekShya mahArAja dharmarAjaM yudhiShThiram.
pAvanaM rAjasUyaM cha bhagavantaM hariM prabhum. 
etAnavekShya dharmaj~na karaM dAtumihArhasi ..  2\-34\-74 (12793) 
vaishampAyana uvAcha .. 2\-34\-75x (1452) 
tena tadbhAShitaM shrutvA rAkShasendro bibhIShaNaH.
shAsanaM pratijagrAha dharmAtmA rAkShasaiH saha .. 2\-34\-75 (12794) 
tachcha kR^iShNakR^itaM dhImAnityamanyata sa prabhuH.
tato dadau vichitrANi kambalAni kuthAni cha .. 2\-34\-76 (12795) 
dAntakA~nchanaparya~NkAnmaNihemavichitritAn.
bhUShaNAni mahArhANi pravAlAni maNIMshcha saH .. 2\-34\-77 (12796) 
kA~nchanAni cha bhANDani kalashAni ghaTAni cha.
kaTAhAni vichitrAni droNyashchaiva sahasrashaH .. 2\-34\-78 (12797) 
rAjatAni cha bhANDAni ratnagarbhAMshcha kuNDalAn.
hemapuShpAni chAnyAni rukmamukhyAni chAparAn.  2\-34\-79 (12798) 
sha~NkhAMshcha chandrasa~NkAshAMshchitrAvartavichitritAn.
yaj~nasya toraNe yuktAndadau tAlAMshchaturdasha .. 2\-34\-80 (12799) 
rukmapa~NkajapuShpANi shibikA maNibhUShitAH.
mukuTAni mahArhANi ratnagarbhAMshcha ka~NkaNAn .. 2\-34\-81 (12800) 
chandanAni cha mukhyAni vAsAMsi vividhAni cha.
sa dadau sahadevAya tadA rAjA vibhIShaNAH .. 2\-34\-82 (12801) 
tAni sarvANi ratnAni Ajahruste nishAcharAH.
aShTAshItisahasrANi samadA raktalochanAH .. 2\-34\-83 (12802) 
ratnAnyAdAya sarvANi pratasthe sa ghaTotkachaH.
vibhIShaNaM cha rAjAnamabhivAdya kR^itA~njaliH .. 2\-34\-84 (12803) 
pradakShiNaM parItyaiva nirjagAma ghaTotkachaH.
tato ratnAnyupAdAya haiDimbo rAkShasaiH saha .. 2\-34\-85 (12804) 
jagAma tUrNaM la~NkAyAH sahadevapadaM prati.
AseduH pANDavaM sarve la~NghayitvA mahodadhim .. 2\-34\-86 (12805) 
sahadevo dadarshAtha ratnAhArAnnishAcharAn.
AgatAnbhImasa~NkAshAnhaiDimbaM cha tathA nR^ipa .. 2\-34\-87 (12806) 
dramilA naiR^itAndR^iShTvA dudruvuste bhayArditAH.
bhaimasenistato gatvA mArdeyaM prA~njaliH sthitaH .. 2\-34\-88 (12807) 
prItimAnabhavaddR^iShTvA ratnaudhaM taM cha pANDavaH.
taM pariShvajya pANibhyAM dR^iShTvA tAnprItimAnabhUt .. 2\-34\-89 (12808) 
visR^ijya draviDAnsarvAngamanAyopachakrame.
nyavartama tato dhImAnsahadevo narAdhipaH .. 2\-34\-90 (12809) 
evaM vijitya tarasA sAntvena vijayena cha.
karadAnpArthivAnkR^itvA pratyAgachChadarindamaH .. 2\-34\-91 (12810) 
ratnasAlamupAdAya yayau sahanishAcharaH.
indraprasthaM viveshAtha kampayanniva medinIm .. 2\-34\-92 (12811) 
dR^iShTvA yudhiShThiraM rAjansahadevaH kR^itA~njaliH.
prahvo.abhivAdya tasthau sa pUjitashchApi tena vai .. 2\-34\-93 (12812) 
la~NkAprAptAndhanaughAMshcha dR^iShTvA tAndurlabhAnbahUn.
prItimAnabhavadrAjA vismayaM paramaM yayau .. 2\-34\-94 (12813) 
dharmarAjAya tatsarvaM nivedya bharatarShabha.
koTIsahasramadhikaM hiraNyasya mahAtmane .. 2\-34\-95 (12814) 
vividhAni cha ratnAni gojAvimahiShAMstathA.
kR^itakarmA sukhaM rAjannuvAsa janamejaya .. .. 2\-34\-96 (12815) 

iti shrImanmahAbhArate sabhAparvaNi digvijayaparvaNi chatustriMso.adhyAyaH .. 34\.. ..



\medskip\hrule\medskip
sabhAparva \- adhyAya 035
.. shrIH ..
2\.35\. adhyAyaH 35 

##Mahabharata - Sabha Parva - Chapter Topics##
nakulasya pashchimadigvijayaH .. 1\..

##Mahabharata - Sabha Parva - Chapter Text##

vaishampAyana uvAcha ..

nakulasya tu vakShyAmi karmANi vijayaM tathA.
vAsudevajitAmAshAM yathA.asAvajayatprabhuH .. 2\-35\-1 (12816) 
niryAya khANDavaprasthAtpratIchImabhito disham.
uddishya matimAnprAyAnmahatyA senayA saha .. 2\-35\-2 (12817) 
siMhanAdena mahatA yodhAnAM garjitena cha.
rathanemininAdaishcha kampayanvasudhAmimAm .. 2\-35\-3 (12818) 
tato bahu dhanaM ramyaM gAvADhyaM dhanadhAnyavat.
kArtikeyasya dayitaM rohItakupAdravat .. 2\-35\-4 (12819) 
tatra yuddhaM mahachchAsIchChUrairmattamayUrakaiH.
marubhUmiM sa kArtsnyena tathaiva bahudhAnyakam .. 2\-35\-5 (12820) 
shairIShakaM mahetthaM cha vashe chakre mahAdyutiH.
AkroshaM chaiva rAjarShi tena yuddhamabhUnmahat .. 2\-35\-6 (12821) 
tAndashArNAnsa jitvA cha pratasthe pANDunandanaH.
shibIMstrigartAnambaShThAnmAlavAnpa~ncha karpaTAn .. 2\-35\-7 (12822) 
tathA madhyamakeyAMshcha vATadhAnAndvijAnatha.
punashcha parivR^ityAtha puShkarAraNyavAsinaH .. 2\-35\-8 (12823) 
gaNAnutsavasa~NketAnvyajayatpuruSharShabhaH.
sindhukUlAshritA ye cha grAmaNIyA mahAbalAH .. 2\-35\-9 (12824) 
shUdrAbhIragaNAshchaiva ye chAshritya sarasvatIm.
vartayanti cha ye matsyairye cha parvatavAsinaH .. 2\-35\-10 (12825) 
katsnaM pa~nchanandaM chaiva tathaivAmaraparvatam.
uttarajyotiShaM chaiva tathA divyakaTaM puram .. 2\-35\-11 (12826) 
dvArapAlaM cha tarasA vashe chakre mahAdyutiH.
rAmaThAnhArahUNAMshcha pratIchyAshchaiva ye nR^ipAH .. 2\-35\-12 (12827) 
tAnsarvAnsa vashe chakre shAsanAdeva pANDavaH.
tatrasthaH preShayAmAsa vAsudevAya bhArata .. 2\-35\-13 (12828) 
sa chAsya gatabhI rAjanpratijagrAha shAsanam.
tataH shAkalamabhyetya madrANAM puTabhedanam .. 2\-35\-14 (12829) 
mAtulaM prItipUrveNa shalyaM chakre vashe balI.
sa tena satkR^ito rAj~nA satkArArho vishAmpate .. 2\-35\-15 (12830) 
ratnAni bhUrINyAdAya sampratasthe yudhAM patiH.
tataH sAgarakukShisthAnmlechChAnparamadAruNAn .. 2\-35\-16 (12831) 
pahlavAnvarbarAMshchaiva kirAtAnyavanA~nshakAn.
tato ratnAnyapAdAya vashe kR^itvA cha pArthivAn. 
nyavartata kurushreShTho nakulashchitramArgavit ..  2\-35\-17 (12832) 
karamANAM sahasrANi koshaM tasya mahAtmanaH.
Uhardasha mahArAja kR^ichChrAdiva mahAdhanam .. 2\-35\-18 (12833) 
indraprasthagataM vIramabhyetya sa yudhiShThiram.
tato mAdrIsutaH shrImAndhanaM tasmai nyavedayat .. 2\-35\-19 (12834) 
evaM vijitya nakulo dishaM varuNapAlitAm.
pratIchIM vAsudevena nirjitAM bharatarShabha .. .. 2\-35\-20 (12835) 

iti shrImanmahAbhArate sabhAparvaNi digvijayaparvaNi pa~nchatriMsho.adhyAyaH .. 35\..



\medskip\hrule\medskip
sabhAparva \- adhyAya 036
.. shrIH ..
2\.36\. adhyAyaH 36 

##Mahabharata - Sabha Parva - Chapter Topics##
dvArakAtaH Agatasya shrIkR^iShNasyAj~nayA yaj~nasAmagrIsampAdanopakramaH .. 1\.. dvaipAyanena R^itvigAnayanam .. 2\.. brAhmaNakShatriyAdInAmAmantraNAya dUtapreShaNam .. 3\.. dhR^itarAShTrAdyamantraNAya nakulagamanam .. 4\... dIkShA .. 5\..

##Mahabharata - Sabha Parva - Chapter Text##

vaishampAyana uvAcha ..

rakShaNAddharmarAjasya satyasya paripAlanAt.
shatrUNAM kShapaNAchchaiva svakarmaniratAH prajAH .. 2\-36\-1 (12836) 
balInAM samyagAdAnAddharmatashchAnushAsanAt.
nikAmavarShI parjanyaH sphIto janapado.abhavat .. 2\-36\-2 (12837) 
sarvArambhAH supravR^ittA gorakShA karShaNaM vaNik.
visheShAtsarvamevaitatsa~njaj~ne rAjakarmaNaH .. 2\-36\-3 (12838) 
dasyubhyo va~nchakebhyo vA rAjanprati parasparam.
rAjavallabhatashchaiva nAshrUyanta mR^iShAgiraH .. 2\-36\-4 (12839) 
avarShaM chAtivarShaM cha vyAdhipAvakamUrChanam.
sarvametattadA nAsIddharmanitye yudhiShThire .. 2\-36\-5 (12840) 
priyaM kartumupasthAtuM balikarma svabhAvajam.
abhihartuM nR^ipA jagmurnAnyaiH kAryaiH katha~nchanaH .. 2\-36\-6 (12841) 
dharmairdhanAgamaistasya vavadhe nichayo mahAn.
kartuM yasya na shakyena kShayo varShashatairapi .. 2\-36\-7 (12842) 
svakoShThasya parImANaM koshasya cha mahIpatiH.
vij~nAya rAjA kaunteyo yaj~nAyaiva mano dadhe .. 2\-36\-8 (12843) 
suhR^idashchaiva ye sarve pR^ithakcha sahachAbruvan.
yaj~nakAlastava vibho kriyatAmatra sAmpratam .. 2\-36\-9 (12844) 
athaivaM bruvatAmeva teShAmabhyAyayau hariH.
R^iShiH purANo vedAtmA dR^ishyashchaiva vijAnatAm .. 2\-36\-10 (12845) 
jagatastasthuShAM shreShThaH prabhavashchApyayashcha ha.
bhUtabhavyabhavannAthaH keshavaH keshisUdanaH .. 2\-36\-11 (12846) 
prAkAraH sarvavR^iShNInAmApatsvabhayado.arihA.
balAdhikAre nikShipya samyagAnakadundubhim .. 2\-36\-12 (12847) 
uchchAvachamupAdAya dharmarAjAya mAdhavaH.
dhanaughaM puruShavyAghro balena mahatA vR^itaH .. 2\-36\-13 (12848) 
taM dhanaughamaparyantaM ratnasAgaramakShayam.
nAdayanrathaghoSheNa pravishesha purottamam .. 2\-36\-14 (12849) 
pUrNamApUrayaMsteShAM dviShachChokAvaho.abhavat.
asUryamiva sUryeNa nivAtamiva vAyunA. 
kR^iShNena samupetena jahR^iShe bhArataM puram ..  2\-36\-15 (12850) 
taM mudA.abhisamAgamya satkR^itya cha yathAvidhi.
sa pR^iShTvA kushalaM chaiva sukhAsInaM yudhiShThiraH .. 2\-36\-16 (12851) 
dhaumyadvaipAyanamukhairR^itvigbhiH puruSharShabhaH.
bhImArjunayamaishchaiva sahitaH kR^iShNamabravIt .. 2\-36\-17 (12852) 
yudhiShThira uvAcha .. 2\-36\-18x (1453) 
tvatkR^ite pR^ithivI sarvA madvashe kR^iShNa vartate.
dhanaM cha bahu vArShNeya tvatprasAdAdupArjitam .. 2\-36\-18 (12853) 
so.ahamichChAmi tatsarvaM vidhivaddevakIsuta.
upayoktuM dvijAgryebhyo havyavAhe cha mAdhava .. 2\-36\-19 (12854) 
tadahaM yaShTumichChAmi dAshArha sahitastvayA.
anujaishcha mahAbAho tanmA.anuj~nAtumarhasi .. 2\-36\-20 (12855) 
taddIkShApaya govinda tvamAtmAnaM mahAbhuja.
tvayIShTavati dAshArha vipApmA bhavitA hyaham .. 2\-36\-21 (12856) 
mAM vApyabhyanujAnIha sahaibhiranujairvibho.
anuj~nAtastvayA kR^iShNa prApnuyAM kratumuttamam .. 2\-36\-22 (12857) 
vaishampAyana uvAcha. 2\-36\-23x (1454) 
taM kR^iShNaHsa pratyuvAchedaM bahUktvA guNavistaram.
tvameva rAjashArdUla ramrADarho mahAkratum. 
samprApnuhi tvayA prApte kR^itakR^ityAstato vayam ..  2\-36\-23 (12858) 
yadasvAbhIpsitaM yaj~naM mayi shreyasyavasthite.
niyu~NkShva tvaM cha mAM kR^itye sarvaM kartAsmi te vachaH .. 2\-36\-24 (12859) 
yudhiShThira uvAcha. 2\-36\-25x (1455) 
saphalaH kR^iShNa sa~NkalpaH siddhishcha niyatA mama.
yasyame tvaM hR^iShIkesha yathepsitamupasthitaH .. 2\-36\-25 (12860) 
vaishampAyana uvAcha. 2\-36\-26x (1456) 
anuj~nAtastu kR^iShNena pANDavo bhrAtR^ibhiH saha.
IjituM rAjasUyena sAdhanAnyupachakrame .. 2\-36\-26 (12861) 
tatastvAj~nApayAmAsa pANDavo.arinibarhaNaH.
sahadevaM yudhAM shreShThaM mantriNashchaiva sarvashaH .. 2\-36\-27 (12862) 
asminkratau yathoktAni yaj~nA~NgAni dvjAtibhiH.
yathopakaraNaM sarvaM ma~NgalAni cha sarvashaH .. 2\-36\-28 (12863) 
adhiyaj~nAMshcha sambhArAndaumyoktAnkShiprameva hi.
samAnayantu puruShA yathAyogaM yathAkramam .. 2\-36\-29 (12864) 
indraseno vishokashcha pUrashchArjunasArathiH.
annAdyAharaNe yuktAH santu matpriyakAmyayA .. 2\-36\-30 (12865) 
sarvakAmAshcha kAryantAM rasagandhasamanvitAH.
manorathaprItikarA dvijAnAM kurusattama .. 2\-36\-31 (12866) 
vaishampAyana uvAcha .. 2\-36\-32x (1457) 
tadvAkyasamakAlaM cha kR^itaM sarvaM nyavedayat.
sahadevo yudhAM shreShTho dharmarAjo yudhiShThire .. 2\-36\-32 (12867) 
tato dvaipAyano rAjannR^itvijaH samupAnayat.
vedAniva mahAbhAgAnsAkShAnmUrtimato dvijAn .. 2\-36\-33 (12868) 
svayaM brahmatvamakarottasya satyavatIsutaH.
dhana~njayAnAmR^iShabhaH susAmA sAmago.abhavat .. 2\-36\-34 (12869) 
yAj~navalkyo babhUvAtha brahmiShTho.adhvaryusattamaH.
pailo hotA vasoH putro dhaumyena sahito.abhavat .. 2\-36\-35 (12870) 
eteShAM putravargAshcha shiShyAshcha bharatarShabha.
babhUvurhotragAH sarve vedavedA~NgapAragAH .. 2\-36\-36 (12871) 
te vAchayitvA puNyAhamUhayitvA cha taM vidhim.
shAstroktaM pUjayAmAsustaddevayajanaM mahat .. 2\-36\-37 (12872) 
tatra chakruranuj~nAtAH sharaNAnyuta shilpinaH.
gandhavanti vishAlAni veshmAnIva divaukasAm .. 2\-36\-38 (12873) 
tata Aj~nApayAmAsa sa rAjA rAjasattamaH.
sahadevaM tadA sadyo mantriNaM puruSharShabhaH .. 2\-36\-39 (12874) 
AmantraNArthaM dUtAMstvaM preShayasvAshugAndrutam.
upashrutya vacho rAj~naH sa dUtAnprAhiNottadA .. 2\-36\-40 (12875) 
AmantrayadhvaM rAShTreShu brAhmaNAnbhUmipAnatha.
vinAshcha mAnyA~nshUdrAMshcha sarvAnAnayateti cha .. 2\-36\-41 (12876) 
vaishampAyana uvAcha .. 2\-36\-42x (1458) 
te sarvAnpR^ithivIpAlAnpANDaveyasya shAsanAt.
AmantrayAmbabhUvuste preShayAmAsa chAparAn .. 2\-36\-42 (12877) 
dUtAshcha vAhanairjagbhU rAShTrANi subahUnyapi.
tato yudhiShThiro rAjA preShayAmAsa pANDavam .. 2\-36\-43 (12878) 
nakulaM hAstinapuraM bhIShmAya bharatarShabha.
droNAya dhR^itarAShTrAya vidurAya kR^ipAya cha. 
bhrAtR^iNAM chaiva sarveNAM ye.anuraktA yudhiShThire ..  2\-36\-44 (12879) 
tataste tu yathAkAlaM kuntIputraM yudhiShThiram.
dIkShayA~nchakrire viprA rAjasUyAya bhArata .. 2\-36\-45 (12880) 
` jyeShThAmUle amAvAsyAM mR^igAjinasamAvR^itaH.
rauravAjinasaMvIto navanItAktadehavAn'.. 2\-36\-46 (12881) 
dIkShitaH sa tu dharmAtmA dharmarAjo yudhiShThiraH.
jagAma yaj~nAyatanaM vR^ito vipraiH sahasrashaH .. 2\-36\-47 (12882) 
bhAtR^ibhirj~nAtibhishchaiva suhR^idbhiH sachivaiH saha.
kShatriyaishcha manuShyendrairnAnAdeshasamAgataiH .. 2\-36\-48 (12883) 
amAtyaishcha narashreShTho dharmo vigrahavAniva.
AjagmurbrAhmaNAstatra viShayebhyastatastataH .. 2\-36\-49 (12884) 
sarvavidyAsu niShNAtA vedavedA~NgapAragAH.
teShAmAvasathAMshchakrurdharmarAjasya shAsanAt .. 2\-36\-50 (12885) 
bahvannAchChAdanairyuktAnsagaNAnAM pR^ithak pR^ithak.
sarvartuguNasampannA~nshilpino.atha sahasrashaH .. 2\-36\-51 (12886) 
teShu te nyavasanrAjanbrAhmaNA nR^ipasatkR^itAH.
kathayantaH kathA bahvIH pashyanto naTanartakAn .. 2\-36\-52 (12887) 
bhu~njatAM chaiva viprANAM vadatAM cha mahAsvanaH.
anishaM shrUyate tatra muditAnAM mahAtmanAm .. 2\-36\-53 (12888) 
dIyatAM dIyatAmeShAM bhujyatAM bhujyatAmiti.
evamprakArAH sa~njalpAH shrUyantesmAtra nityashaH .. 2\-36\-54 (12889) 
gavAM shatasahasrANi shayanAnAM cha bhArata.
rukmasya yoShitAM chaiva dharmarAjaH pR^ithak dadau .. 2\-36\-55 (12890) 
prAvartataiva yaj~naH sa pANDavasya mahAtmanaH.
pR^ithivyAmekavIrasya shakrasyeva triviShTape .. .. 2\-36\-56 (12891) 

iti shrImanmahAbhArate sabhAparvaNi digvijayaparvaNi ShaTtriMsho.adhyAyaH .. 36\..

##Mahabharata - Sabha Parva - Chapter Footnotes##

2\-36\-5 mUrChanaM pradIpanam ..
2\-36\-7 nichayo bhANDAgAram ..
2\-36\-34 dhana~njayAnAM dhana~njayagotrANAM madhye shreShThaH susAmAnAma A~NgirasaH ..


\medskip\hrule\medskip
sabhAparva \- adhyAya 037
.. shrIH ..
2\.37\. adhyAyaH 37 

##Mahabharata - Sabha Parva - Chapter Topics##
AmantritAnAM sarveShAM Agamanam .. 1\..

##Mahabharata - Sabha Parva - Chapter Text##

vaishampAyana uvAcha ..

tata AmantritA rAjanrAjAnaH satkR^itAstadA.
purebhyaH prayayustebhyo vimAnebhya ivAmarAH .. 2\-37\-1 (12892) 
te vai digbhyaH samApetuH pArthivAstatra bhArata.
samAdAya mahArhANi ratnAni vividhAni cha .. 2\-37\-2 (12893) 
tachChrutvA dharmarAjasya yaj~ne yaj~navidastadA.
rAjAnaH shatashastuShTairmanobhirmanurShabha .. 2\-37\-3 (12894) 
bahu vittaM samAdAya vividhaM pArthivA yayuH.
draShTukAmAH sabhAM chaiva dharmarAjaM cha pANDavam .. 2\-37\-4 (12895) 
sa gatvA hAstinapuraM nakulaH samiti~njayaH.
bhIShmamAmantrayA~nchakre dhR^itarAShTraM cha pANDavaH .. 2\-37\-5 (12896) 
prayataH prA~njalirbhUtvA bhAratAnAnayattadA.
dhR^itarAShTraM cha bhIShmaM cha viduraM cha mahAmatim .. 2\-37\-6 (12897) 
duryodhanamukhAMshchaiva bhrAtR^InsarvAnathAnayat ..  2\-37\-7 (12898) 
satkR^ityAmantritAH sarve hyAchAryapramukhAstataH.
prayayuH prItamanaso yaj~naM brahmapurassarAH .. 2\-37\-8 (12899) 
dhR^itarAShTrashcha bhIShmashcha vidurascha mahAmatiH.
duryodhanapurogAshcha bhrAtaraH sarva eva te. 
gAndhArarAjaH subalaH shakunishcha mahAbalaH ..  2\-37\-9 (12900) 
achalo vR^iShakashchaiva karNashcha rathinAM varaH.
tathA shalyashcha balavAnbAhlikashcha mahAbalaH .. 2\-37\-10 (12901) 
somadatto.atha kauravyo bhUrirbhUrishravAH shalaH.
ashvatthAmA kR^ipo droNaH saindhavashcha jayadrathaH .. 2\-37\-11 (12902) 
yaj~nasenaH saputrashcha sAlvashcha vasudhAdhipaH.
prAgjyotiShashcha nR^ipatirbhagadatto mahArathaH .. 2\-37\-12 (12903) 
sa tu sarvaiH saha mlechChaiH sAgarAnUpavAsibhiH.
pArvatIyAshcha rAjAno rAjA chaiva bR^ihadbalaH .. 2\-37\-13 (12904) 
pauNDrako vAsudevashcha va~NgaH kAli~NgakastathA.
AkarShAH kuntalAshchaiva gAlavAshchAndhrakAstathA .. 2\-37\-14 (12905) 
drAviDAH siMhalAshchaiva rAjA kAshmIrakastathA.
kuntibhojo mahAtejAH pArthivo gauravAhanaH .. 2\-37\-15 (12906) 
bAhlikAshchApare shUrA rAjAnaH sarva eva te.
virATaH saha putrAbhyAM mAvellashcha mahAbalaH .. 2\-37\-16 (12907) 
rAjAno rAjaputrAshcha nAnAjanapadeshvarAH.
shishupAlo mahAvIryaH saha putreNa bhArata .. 2\-37\-17 (12908) 
AgachChatpANDaveyasya yaj~naM samaradurmadaH.
rAmashchaivAniruddhashcha ka~Nkashcha sahasAraNaH .. 2\-37\-18 (12909) 
gadapradyumnasAmbAshcha chArudeShNashcha vIryavAn.
ulmuko nishaThashchaiva vIrashchA~NgAvahastathA .. 2\-37\-19 (12910) 
vR^iShNayo nikhilAshchAnye samAjagmurmahArathAH.
ete chAnye cha bahavo rAjAno madhyadeshajAH .. 2\-37\-20 (12911) 
AjagmuH pANDuputrasya rAjasUyaM mahAkratum.
dadusteShAmAvasathAndharmarAjasya shAsanAt .. 2\-37\-21 (12912) 
bahubhakShyAnvitAnrAjandIrghikAvR^ikShashobhitAn.
tathA dharmAtmajaH pUjAM chakre teShAM mahAtmanAm .. 2\-37\-22 (12913) 
satkR^itAshcha yathoddiShTA~njagmurAvasathAnnR^ipAH.
kailAsashikharaprakhyAnmanoj~nAndravyabhUShitAn .. 2\-37\-23 (12914) 
sarvataH saMvR^itAnuchchaiH prAkAraiH sukR^itaiH sitaiH.
suvarNajAlasaMvItAnmaNikuTTimabhUShitAn .. 2\-37\-24 (12915) 
sukhArohaNasopAnAnmahAsanaparichChadAn.
snagdAmasamavachChannAnuttamAgurugandhinaH .. 2\-37\-25 (12916) 
haMsenduvarNasadR^ishAnAyojanasudarshanAn.
asambAdhAnsamadvArAnyutAnuchchAvachairguNaiH .. 2\-37\-26 (12917) 
bahudhAtunibaddhA~NgAnhimavachChikharAniva.
vishrAntAste tato.apashyanbhUmipA bhUridakShiNam .. 2\-37\-27 (12918) 
vR^itaM sadasyairbahubhirdharmarAjaM yudhiShThiram.
tatsadaH pArthivaiH kIrNaM brAhmaNaishcha maharShibhiH. 
bhrAjate sma tadA rAjannAkapR^iShThaM yathA.amaraiH .. ..  2\-37\-28 (12919) 

iti shrImanmahAbhArate sabhAparvaNi digvijayaparvaNi saptatriMsho.adhyAyaH .. 37\..

##Mahabharata - Sabha Parva - Chapter Footnotes##

2\-37\-8 brahmapurassarAH brAhmaNapurassarAH ..


\medskip\hrule\medskip
sabhAparva \- adhyAya 038
.. shrIH ..
2\.38\. adhyAyaH 38 

##Mahabharata - Sabha Parva - Chapter Topics##
AgatAnbhIShNAdInsamAnya tattadadhikAreShu teShAMteShAM niyamanam .. 1\.. rAjasUyayAgaH .. 2\..

##Mahabharata - Sabha Parva - Chapter Text##

vaishampAyana uvAcha ..

pitAmahaM guruM chaiva pratyudgamya yudhiShThiraH.
abhivAdya tato rAjannidaM vachanamabravIt .. 2\-38\-1 (12920) 
bhIShmaM droNaM kR^ipaM drauNiM duryodhanaviviMshatI.
asminyaj~ne bhavanto mAmanugR^ihNantu sarvashaH .. 2\-38\-2 (12921) 
idaM vaH sumahachchaiva yadihAsti dhanaM mama.
praNayantu bhavanto mAM yatheShTamabhimantritaH .. 2\-38\-3 (12922) 
evamuktvA sa tAnsarvAndIkShitaH pANDavAgrajaH.
yuyoja sa yathAyogamadhikAreShvanantaram .. 2\-38\-4 (12923) 
`pa~NktyAropaNakArye cha uchChiShTApanaye punaH.
bhojanAvekShaNe chaiva yuyutsuM samayojayat'.. 2\-38\-5 (12924) 
bhakShyabhojyAdhikAreShu duHshAsanamayojayat.
parigrahe brAhmaNAnAmashvatthAmAnamuktavAn.  2\-38\-6 (12925) 
rAj~nAM tu pratipUjArthaM sa~njayaM nyayojayat.
kR^itAkR^itaparij~nAne bhIShNadroNau mahAmatI .. 2\-38\-7 (12926) 
hiraNyasya suvarNasya ratnAnAM chAnvavekShaNe.
dakShiNAnAM cha vai dAne kR^ipaM rAjA nyayojayat .. 2\-38\-8 (12927) 
tathA.a.anyAnpuruShavyAghrAMstasmiMstasminnyayojayat.
bAhliko dhR^itarAShTrashcha somadatto jayadrathaH. 
nakulena samAnItAH svAmivattatra remire ..  2\-38\-9 (12928) 
kShattA vyayakarastvAsIdviduraH sarvadharmavit.
duryodhanastvarhaNAni pratijagrAha sarvashaH .. 2\-38\-10 (12929) 
`kuntI sAdhvI cha gAndhArI strINAM kurvanti chArchanam ..
anyAH sarvAH snuShAstAsAM sandeshaM yAntu mAchiram. 
tiShThetkR^iShNAntike soyamarjunaH kAryasiddhaye'..  2\-38\-11 (12930) 
charaNakShAlane kR^iShNo brAhmaNAnAM svayaM hyabhUt.
sarvalokasamAvR^ittaH piprIShuH phalamuttamam .. 2\-38\-12 (12931) 
draShTukAmaH sabhAM chaiva dharmarAjaM yadhiShThiram.
na kashchidAharattatra sahasrAvaramarhaNam .. 2\-38\-13 (12932) 
ratnaishcha bahubhistatra dharmarAjamavardhayat.
kathaM tu mama kauravyo ratnadAnaiH samApnuyAt .. 2\-38\-14 (12933) 
yaj~namityeva rAjAnaH spardhamAnA dadurdhanam.
bhavanaiH savimAnAgraiH sodarkairbalasaMvR^itaiH .. 2\-38\-15 (12934) 
lokarAjavimAnaishcha brAhmaNAvasathaiH saha.
kR^itairAvasathairdivyairvimAnapratimaistathA .. 2\-38\-16 (12935) 
vichitrai ratvavadbhishcha R^iddhyA paramayA yutaiH.
rAjabhishcha samAvR^ittairatIva shrIsamR^iddhibhiH. 
ashobhata sado rAjankaunteyasya mahAtmanaH ..  2\-38\-17 (12936) 
R^iddhyA tu varuNaM devaM spardhamAno yudhiShThiraH.
ShaDagninAtha yaj~nena so.ayajaddakShiNAvatA .. 2\-38\-18 (12937) 
sarvA~njanAnsarvakAmaiH samR^iddhaiH samatarpayat.
annavAnbahubhakShyashcha bhuktavajjanasaMvR^itaH. 
ratnopahArasampanno babhUva sa samAgamaH ..  2\-38\-19 (12938) 
iDAjyahomAhutibhirmantrashikShAvishAradaiH.
tasminhi tatR^ipurdevAstate yaj~ne maharShibhiH .. 2\-38\-20 (12939) 
yathA devAstathA viprA dakShiNAnnamahAdhanaiH.
tatR^ipuH sarvavarNAshcha tasminyaj~ne mudA.anvitAH .. .. 2\-38\-21 (12940) 

iti shrImanmahAbhArate sabhAparvaNi digvijayaparvaNi aShTatriMsho.adhyAyaH .. 38 .. .. samAptaM cha rAjasUyaparva..



\medskip\hrule\medskip
sabhAparva \- adhyAya 039
.. shrIH ..
2\.39\. adhyAyaH 39 

##Mahabharata - Sabha Parva - Chapter Topics##
abhiShechanadine brAhmaNAdInAmantarvedipraveshaH .. 1\.. bhUbhArakShapaNe nAradachintanam .. 2\.. pUrvaM sa~NkShipyoktAyAH kR^iShNAgamanakathAyAH ki~nchidvistareNa kathanam .. 3\.. sahadevena shrIkR^iShNasyAgrapUjAkaraNam .. 4\.. shishupAlena shrIkR^iShNasyAgrapUjA.asahanam .. 5\..

##Mahabharata - Sabha Parva - Chapter Text##

vaishampAyana uvAcha ..

tato.abhiShechanIye.ahni brAhmaNA rAjabhiH saha.
antarvedIM pravivishuH satkArArhA maharShayaH .. 2\-39\-1 (12941) 
nAradapramukhAstasyAmantarvedyAM mahAtmanaH.
samAsInAH shushubhire saharAjarShibhistadA .. 2\-39\-2 (12942) 
sametA brahmabhavane devA devarShayastathA.
karmAntaramupAsanto jajalpuramitaujasaH .. 2\-39\-3 (12943) 
evametanna chApyevamevaM chaitanna chAnyathA.
ityUchurbahavastatra vitaNDAM vai parasparam .. 2\-39\-4 (12944) 
kR^ishAnarthAMstataH kechidakR^ishAMstatra kurvate.
akR^ishAMshcha kR^ishAMshchakrurhetubhiH shAstranishchayaiH .. 2\-39\-5 (12945) 
tatra medhAvinaH kechidarthamanyairudIritam.
vichikShipuryathA shyenA nabhogatamivAmiSham .. 2\-39\-6 (12946) 
kechiddharmArthakushalAH kechittatra mahAvratAH.
remire kathayantashcha sarvabhAShyavidAM varAH .. 2\-39\-7 (12947) 
sA vedirvedasampannairdevadvijamaharShibhiH.
AbabhAse samAkIrNA nakShatrairdyaurivAyatA .. 2\-39\-8 (12948) 
na tasyAM sannidhau shUdraH kashchidAsInna chAvratI.
antarvedyAM tadA rAjanyudhiShThiraniveshane .. 2\-39\-9 (12949) 
tAM tu lakShmIvato lakShmIM tadA yaj~navidhAnajAm.
tutoSha nAradaH pashyandharmarAjasya dhImataH .. 2\-39\-10 (12950) 
atha chintAM samApede sa munirmanujAdhipa.
nAradastu tadA pashyansarvakShatrasamAgamam .. 2\-39\-11 (12951) 
sasmAra cha purAvR^ittAM kathAM tAM puruSharShabha.
aMshAvataraNe yA.asau brahmaNo bhavane.abhavat .. 2\-39\-12 (12952) 
devAnAM sa~NgamaM taM tu vij~nAya kurunandana.
nAradaH puNDarIkAkShaM sasmAra manasA harim .. 2\-39\-13 (12953) 
sAkShAtsa vibudhArighnaH kShatre nArAyaNo vibhuH.
pratij~nAM pAlayaMshchemAM jAtaH parapura~njayaH .. 2\-39\-14 (12954) 
sandidesha purA yo.asau vibudhAnbhUtakR^itsvayam.
anyonyamabhinighnantaH punarlokAnavApsyatha .. 2\-39\-15 (12955) 
iti nArAyaNaH shambhurbhagavAnbhUtabhAvanaH.
Adishya vibudhAnsarvAnajAyata yadukShaye .. 2\-39\-16 (12956) 
kShitAvandhakavR^iShNInAM vaMshe vaMshabhR^itAM varaH.
parayA shushubhe lakShmyA nakShatrANAmivoDurAT .. 2\-39\-17 (12957) 
yasya bAhubalaM sendrAH surAH sarva upAsate.
soyaM mAnuShavannAma harirAste.arimardanaH .. 2\-39\-18 (12958) 
aho bata mahadbhUtaM svayambhUryadidaM svayam.
AdAsyati punaH kShatramevaM balasamanvitam .. 2\-39\-19 (12959) 
ityetAM nAradashchintAM chintayAmAsa sarvavit.
hariM nArAyaNaM j~nAtvA yaj~nairIjyaM tamIshvaram .. 2\-39\-20 (12960) 
tasmindharmavidAM shreShTho dharmarAjasya dhImataH.
mahAdhvare mahAbuddhistasthau sa bahumAnataH .. 2\-39\-21 (12961) 
`tataH samuditA mukhyairguNairguNavatAM varAH.
bahavo bhAvitAtmAnaH pR^ithakpR^ithagarindamAH .. 2\-39\-22 (12962) 
AtmakR^ityamiti j~nAtvA pA~nchAlAstatra sarvashaH.
samIyurvR^iShNayashchaiva tadA.anIkAgrahAriNaH .. 2\-39\-23 (12963) 
sadArAH sajanAmAtyA vahanto ratnasa~nchayAn.
vikR^iShTatvAchcha deshasya gurubhAratayA cha te .. 2\-39\-24 (12964) 
yayuH pramuditAH pashchAdbhagavantaM samanvayuH.
balasheShaM samuditaM parigR^ihya samantataH .. 2\-39\-25 (12965) 
ajashchakrAyudhaH shauriramitragaNamardanaH.
balAdhikAre nikShipya saMmAnyAnakadundubhim .. 2\-39\-26 (12966) 
samprAyAdyAdavashreShTho jayamAne yudhiShThire.
uchchAvachamupAdAya dharmarAjAya mAdhavaH .. 2\-39\-27 (12967) 
dhanaughaM purataH kR^itvA khANDavaprasthamAyayau.
tatra yaj~nagatAnpashyaMshchaidyavargasamAgatAn .. 2\-39\-28 (12968) 
bhUmipAlagaNAnsarvAnsaprabhAniva toyadAn.
meghakAyAnnivasato yUthapAniva yUthapaH .. 2\-39\-29 (12969) 
balinaH siMhasa~NkAshAnmahImAvR^itya tiShThataH.
tato janaughasambAdhaM rAjasAgaramavyayam .. 2\-39\-30 (12970) 
nAdayanrathaghoSheNa hyupAyAnmadhusUdanaH.
asUryamiva sUryeNa nivAtamiva vAyunA .. 2\-39\-31 (12971) 
kR^iShNena samupetena jaharShe bhArataM puram.
brAhmaNakShatriyANAM tu pUjArthaM hyarthadharmavit .. 2\-39\-32 (12972) 
sahadevo visheShaj~no mAdrIputraH kR^ito.abhavat.
bhagavantaM tu bhUtAnAM bhAsvantamiva tejasA .. 2\-39\-33 (12973) 
vishantaM yaj~nabhUmiM tAM sitasyAvarajaM prabhum.
tejorAshimR^iShiM vipramadR^ishyaM vai vijAnatAm .. 2\-39\-34 (12974) 
vayodhikAnAM vR^iddhAnAM mArgamAtmani tiShThatAm.
jagatastasthuShashchaiva prabhavApyayamachyutam .. 2\-39\-35 (12975) 
anantamantaM shatrUNAmamitragaNamardanam.
prabhavaM sarvabhUtAnAmApatsvabhayamachyutam .. 2\-39\-36 (12976) 
bhaviShyaM bhAvanaM bhUtaM dvAravatyAmarindamam.
sa dR^iShTvA kR^iShNamAyAntaM pratipUjyAmitaujasam .. 2\-39\-37 (12977) 
yathArhaM keshave vR^ittiM pratyapadyata pANDavaH.
jyaiShThyakAniShThyasaMyogaM sampradhArya guNAguNaiH .. 2\-39\-38 (12978) 
ArirAdhayiShurdharmaH pUjayitvA dvijottamAn.
mahadAdityasa~NkAshamAsanaM cha jagatpateH. 
dadau nAsAditaM kaishchittasminnupavivesha saH'..  2\-39\-39 (12979) 
tato bhIShmo.abravIdrAjandharmarAjaM yudhiShThiram.
kriyatAmarhaNaM rAj~nAM yathArhamiti bhArata .. 2\-39\-40 (12980) 
AchAryamR^itvijaM chaiva saMyujaM cha yudhiShThira.
snAtakaM cha priyaM prAhuH ShaDarghArhAnnR^ipaM tathA .. 2\-39\-41 (12981) 
etAnarghyAnabhigatAnAhuH saMvatsaroShitAn.
ta ime kAlapUgasya mahato.asmAnupAgatAH .. 2\-39\-42 (12982) 
eShAmekaikasho rAjannargha AnIyatAmiti.
atha taiShAM variShThAya samarthAyopanIyatAm .. 2\-39\-43 (12983) 
yudhiShThira uvAcha .. 2\-39\-44x (1459) 
kasmai bhavAnmanyate.arghamekasmai kurunandana.
upanIyamAnaM yuktaM cha tanme brUhi pitAmaha .. 2\-39\-44 (12984) 
vaishampAyana uvAcha .. 2\-39\-45x (1460) 
tato bhIShmaH shAntanavo buddhyA nishchitya vIryavAn.
vArShNeyaM manyate kR^iShNamarhaNIyatamaM bhuvi .. 2\-39\-45 (12985) 
bhIShNa uvAcha .. 2\-39\-46x (1461) 
eSha hyeShAM samastAnAM tejobalaparAkramaiH.
madhye tapannivAbhAti jyotiShAmiva bhAskaraH .. 2\-39\-46 (12986) 
asUryamiva sUryeNa nirvAtamiva vAyunA.
bhAsitaM hlAditaM chaiva kR^iShNenedaM sado hi naH .. 2\-39\-47 (12987) 
tasmai bhIShmAbhyanuj~nAtaH sahadevaH pratApavAn.
upajahre.atha vidhivadvArShNeyAyArghyamuttamam .. 2\-39\-48 (12988) 
`gAmarghyaM madhuparkaM cha hyAnIyopAharattadA.
etasminnantare rAjannidamAsIttadA.adbhutam .. 2\-39\-49 (12989) 
tAM dR^iShTvA kShatriyAH sarve pUjAM kR^iShNasya bhUyasIm.
samprekShyAnyonyamAsInA hR^idayaistAmadhArayan'.. 2\-39\-50 (12990) 
pratijagrAha tAM kR^iShNaH shAstradR^iShTena karmaNA.
shishupAlastu tAM pUjAM vAsudeve na chakShame .. 2\-39\-51 (12991) 
upAlabhya sa bhIShmaM cha dharmarAjaM cha saMsadi.
avAkShipadvAsudevaM chedirAjo mahAbalaH .. 2\-39\-52 (12992) 
`teShAmAkArabhAvaj~naH sahadevo na chakShame.
mAninAM balinAM rAj~nAM puruH sandarshite pade .. 2\-39\-53 (12993) 
puShpavR^iShTirmahatyAsItsahadevasya mUrdhani.
janmaprabhR^iti vR^iShNInA sunIthaH shatrurabravIt .. 2\-39\-54 (12994) 
praShTA viyonijo rAjA prativaktA nadIsutaH.
pratigrahItA gopAlaH pradAtA cha viyonijaH .. 2\-39\-55 (12995) 
sadasyA mUkavatsarve Asate.atra kimuchyate.
ityuktvA sa vihasyAshu pANDuM punarabravIt .. 2\-39\-56 (12996) 
atipashyasi vA sarvAnna vA pashyasi pANDava.
tiShThatsvanyeShu pUjyeShu gopamarchitavAnasi .. 2\-39\-57 (12997) 
ete chaivobhaye tAta kAryasya tu vinAshake.
atidR^iShTiradR^iShTirvA tayoH kiM tvaM samAsthitaH'.. .. 2\-39\-58 (12998) 

iti shrImanmahAbhArate sabhAparvaNi digvijayaparvaNi ekonachatvAriMsho.adhyAyaH ..39\..

##Mahabharata - Sabha Parva - Chapter Footnotes##

2\-39\-41 saMyujaM sambandhinaM shvashurAdim . priyaM mitram ..
2\-39\-52 avAkShipaddUShitavAn ..


\medskip\hrule\medskip
sabhAparva \- adhyAya 040
.. shrIH ..
2\.40\. adhyAyaH 40 

##Mahabharata - Sabha Parva - Chapter Topics##
shishupAlena anekadhA kR^iShNopAlambhanapUrvakaM sabhAto nirgamanam .. 1\..

##Mahabharata - Sabha Parva - Chapter Text##

shishupAla uvAcha.

nAyamarhati vArShNeyastiShThatsviha mahAtmasu.
mahIpatiShu kauravya rAjavatpArthivArhaNam .. 2\-40\-1 (12999) 
nAyaM yuktaH samAchAraH pANDaveShu mahAtmasu.
yatkAmAddevakIputraM pANDavArchitavAnasi .. 2\-40\-2 (13000) 
bAlA yUyaM na jAnIdhvaM dharmaH sUkShmo hi pANDavAH.
ayaM tatrAbhyatikrAnto hyApageyo.alpadarshanaH .. 2\-40\-3 (13001) 
tvAdR^isho dharmayukto hi kurvANaH priyakAmyayA.
bhavatyabhyadhikaM bhIShmo lokeShvavamataH satAm .. 2\-40\-4 (13002) 
kathaM hyarAjA dAshArho madhye sarvamahIkShitAm.
arhaNAmarhati tathA yathA yuShmAbhirarchitaH .. 2\-40\-5 (13003) 
athavA manyase kR^iShNaM sthaviraM kurupu~NgavaH.
vasudeve sthite vR^iddhe kathamarhati tatsutaH .. 2\-40\-6 (13004) 
athavA vAsudevo.api priyakAmo.anuvR^ittavAn.
drupade tiShThati kathaM mAdhavo.arhati pUjanam .. 2\-40\-7 (13005) 
AchAryaM manyase kR^iShNamathavA kurunandana.
droNe tiShThati vArShNeyaM kasmAdarchitavAnasi .. 2\-40\-8 (13006) 
R^itvijaM manyase kR^iShNamathavA kurunandana.
dvaupAyane sthite vR^iddhe kathaM kR^iShNo.architastvayA .. 2\-40\-9 (13007) 
bhIShme shAntanave rAjansthite puruShasattame.
svachChandamR^ityuke rAjankathaM kR^iShNo.architastvayA .. 2\-40\-10 (13008) 
ashvatthAmni sthite vIre sarvashAstravishArade.
kathaM kR^iShNastvayA rAjannarchitaH kurunandana .. 2\-40\-11 (13009) 
duryodhane cha rAjendre sthite puruShasattame.
kR^ipe cha bhAratAchArye kathaM kR^iShNastvayA.architaH .. 2\-40\-12 (13010) 
drumaM kampuruShAchAryamatikramya tathA.architaH.
bhIShmake chaiva durdharShe pANDuvatkR^italakShaNe .. 2\-40\-13 (13011) 
nR^ipe cha rukmiNi shreShThe ekalavye tathaiva cha.
shalye madrAdhipe chaiva kathaM kR^iShNastvayArchitaH .. 2\-40\-14 (13012) 
ayaM cha sarvarAj~nAM vai balashlAghI mahAbalaH.
jAmadagnyasya dayitaH shiShyo viprasya bhArata .. 2\-40\-15 (13013) 
yenAtmabalamAshritya rAjAno yudhi nirjitAH.
taM cha karNamatikramya kathaM kR^iShNastvayArchitaH .. 2\-40\-16 (13014) 
naivartvi~Nnaiva chAchAryo na rAjA madhusUdanaH.
architashcha kurushreShTha kimanyatpriyakAmyayA .. 2\-40\-17 (13015) 
athavA.abhyarchanIyo.ayaM yuShmAkaM madhusUdanaH.
kiM rAjabhirihAnItairavamAnAya bhArata .. 2\-40\-18 (13016) 
vayaM tu na bhayAdasya kaunteyasya mahAtmanaH.
prayachChAmaH karAnsarve na lobhAnna cha sAntvanAt .. 2\-40\-19 (13017) 
asya dharmapravR^ittasya pArthivatvaM chikIrShataH.
karAnasmai prayachChAmaH so.ayamasmAnna manyate .. 2\-40\-20 (13018) 
kimanyadavamanAnAddhe yadenaM rAjasaMsadi.
aprAptalakShaNaM kR^iShNamarghyeNArchitavAnasi .. 2\-40\-21 (13019) 
akasmAddharmaputrasya dharmAtmeti yasho gatam.
ko hi dharmachyute pUjAmevaM yuktAM niyojayet .. 2\-40\-22 (13020) 
yoyaM vR^iShNikule jAto rAjAnaM hatavAnpurA.
jarAsandhaM mahAtmAnamanyAyena durAtmavAn .. 2\-40\-23 (13021) 
adya dharmAtmatA chaiva vyapakR^iShTA yudhiShThirAt.
darshitaM kR^ipaNatvaM cha kR^iShNe.arghyasya nivedanAt .. 2\-40\-24 (13022) 
yadi bhItAshcha kaunteyAH kR^ipaNAshcha tapasvinaH.
nanu tvayA.api boddhavyaM yAM pUjAM mAdhavArhasi .. 2\-40\-25 (13023) 
athavA kR^ipaNairetAmupanItAM janArdana.
pUjAmanarhaH kasmAttvamabhyanuj~nAtavAnasi .. 2\-40\-26 (13024) 
ayuktAmAtmanaH pUjAM tvaM punarbahumanyase.
haviShaH prApya niShyandaM prAshitA shveva nirjane .. 2\-40\-27 (13025) 
na tvaM pArthivendrANAmapamAnaH prayujyate.
tvAmeva kuravo vyaktaM pralambhante janArdana .. 2\-40\-28 (13026) 
klIbe dArakriyA yAdR^igandhe vA rUpadarshanam.
arAj~no rAjavatpUjA tathA te madhusUdana .. 2\-40\-29 (13027) 
dR^iShTo yudhiShThiro rAjA dR^iShTo bhIShmashcha yAdR^ishaH.
vAsudevo.apyayaM dR^iShTaH sarvametadyathAtatham .. 2\-40\-30 (13028) 
ityuktvA shishupAlastAnutthAya paramAsanAt.
niryayau sadasastasmAtsahito rAjabhistadA .. .. 2\-40\-31 (13029) 

iti shrImanmahAbhArate sabhAparvaNi digvijayaparvaNi chatvAriMsho.adhyAyaH .. 40\..



\medskip\hrule\medskip
sabhAparva \- adhyAya 041
.. shrIH ..
2\.41\. adhyAyaH 41 

##Mahabharata - Sabha Parva - Chapter Topics##
shishupAlaM sAntvayantaM yudhiShThiraM nivArya bhIShNeNa shrIkR^iShNamAhAtmyakathanam .. 1\..

##Mahabharata - Sabha Parva - Chapter Text##

vaishampAyana uvAcha.

tato yudhiShThiro rAjA shishupAlamupAdravat.
uvAcha chainaM madhuraM sAntvapUrvamidaM vachaH .. 2\-41\-1 (13030) 
nedaM yuktaM mahIpAla yAdR^ishaM vai tvamuktavAn.
adharmashcha paro rAjanpAruShyaM cha nirarthakam .. 2\-41\-2 (13031) 
na hi dharmaM paraM jAtu nAvabudhyeta pArthivaH.
bhIShmaH shAntanavastvenaM mAvamaMsthAstvamanyathA .. 2\-41\-3 (13032) 
pashya chaitAnmahIpAlAMstvatto vR^iddhatarAnbahUn.
mR^iShyante chArhaNAM kR^iShNe tadvatvaM kShantumarhasi .. 2\-41\-4 (13033) 
veda tattvena kR^iShNaM hi bhIShNashchedipate bhR^isham.
na hyenaM tvaM tathA yathainaM veda kauravaH .. 2\-41\-5 (13034) 
bhIShma uvAcha. 2\-41\-6x (1462) 
nAsmai deyo hyanunayo nAyamarhati sAntvanam.
lokavR^iddhatame kR^iShNe yo.arhaNAM nAbhimanyate .. 2\-41\-6 (13035) 
kShatriyaH kShatriyaM jitvA raNe raNakR^itAM varaH.
yo mu~nchati vashe kR^itvA gururbhavati tasya saH .. 2\-41\-7 (13036) 
asyAM hi samitau rAj~nAmekamapyajitaM yudhi.
na pashyAmi mahIpAlaM sAtvatIputratejasA .. 2\-41\-8 (13037) 
na hi kevalamasmAkamayamarchyatamo.achyutaH.
trayANAmapi lokAnAmarchanIyo mahAbhujaH .. 2\-41\-9 (13038) 
kR^iShNena hi jitA yuddhe bahavaH kShatriyarShabhAH.
jagatsarvaM cha vArShNeye nikhilena pratiShThitam .. 2\-41\-10 (13039) 
tasmAtsatsvapi vR^iddheShu kR^iShNamarchAma netarAn.
evaM vaktuM na chArhastvaM mA te.abhUdbuddhirIdR^ishI .. 2\-41\-11 (13040) 
j~nAnavR^iddhA mayA rAjanbahavaH paryupAsitAH.
`yasya rAjanprabhAvaj~nAH purA sarve cha rakShitAH'. 
teShAM kathayatAM shaurerahaM guNavato guNAn ..  2\-41\-12 (13041) 
samAgatAnAmashrauShaM bahUnbahumatAnsatAm.
karmANyapi cha yAnyasya janmaprabhR^iti dhImataH .. 2\-41\-13 (13042) 
bahR^ishaH kathyamAnAni narairbhUyaH shrutAni me.
na kevalaM vayaM kAmAchchedigaja janArdanam .. 2\-41\-14 (13043) 
na sambandhaM puraskR^itya kR^itArthaM vA katha~nchana.
archAmahe.architaM sadbhirbhuvi bhUtasukhAvaham .. 2\-41\-15 (13044) 
yashaH shauryaM jayaM chAsya vij~nAyArchAM prayu~njmahe
na cha kashchidihAsmAbhiH suvAlopyaparIkShitaH ..  2\-41\-16 (13045) 
guNairvR^iddhAnatikramya harirarchyatamo mataH.
j~nAnavR^iddho dvijAtInAM kShatriyANAM balAdhikaH .. 2\-41\-17 (13046) 
vaishyAnAM dhAnyadhanavA~nshUdrANAmeva janmataH.
pUjyatAyAM cha govinde hetU dvAvapi saMsthitau .. 2\-41\-18 (13047) 
vedavedA~Ngavij~nAnaM balaM chAbhyadhikaM tathA.
nR^iNAM loke hi ko.anyosti vishiShTaH keshavAdR^ite .. 2\-41\-19 (13048) 
dAnaM dAkShyaM shrutaM shauryaM hrIH kIrtirbuddhiruttamA.
saMnatiH shrIrdhR^itistuShTiH puShTishcha niyatA.achyute .. 2\-41\-20 (13049) 
tamimaM lokasampannamAchAryaM pitaraM gurum.
arghyamarchitamarchAmaH sarve sa~NkShantumarhatha .. 2\-41\-21 (13050) 
R^itviggururvivAhyashcha snAtako nR^ipatiH priyaH.
sarvametaddhR^iShIkeshastasmAdabhyarchito.achyutaH .. 2\-41\-22 (13051) 
kR^iShNa eva hi lokAnAmutpattirapi chApyayaH.
kR^iShNasya hi kR^ite vishvamidaM bhUtaM charAcharam .. 2\-41\-23 (13052) 
eSha prakR^itiravyaktA kartA chaiva sanAtanaH.
parashcha sarvabhUtebhyastasmAtpUjyatamo.achyutaH .. 2\-41\-24 (13053) 
buddhirmano mahadvAyustejo.abhaH khaM mahI cha yA.
chaturvidhaM cha yadbhUtaM sarvaM kR^iShNe pratiShThitam .. 2\-41\-25 (13054) 
AdityashchandramAshchaiva nakShatrANi grahAshcha ye.
dishashcha vidishashchaiva sarvaM kR^iShNe pratiShThitam .. 2\-41\-26 (13055) 
` eSha rudrashcha sarvAtmA brahmA chaiva sanAtanaH.
akSharaM kShararUpeNa mAnuShatvamupAgataH'.. 2\-41\-27 (13056) 
agnihotramukhA vedA gAyatrI chChandasAM mukham.
rAjA mukhaM manuShyANAM nadInAM sAgaro mukham .. 2\-41\-28 (13057) 
nakShatrANAM mukhaM chandra AdityastejasAM mukham.
parvatAnAM mukhaM merurgaruDaH patatAM mukham .. 2\-41\-29 (13058) 
UrdhvaM tiryagadhashchaiva yAvatI jagato gatiH.
sadevakeShu lokeShu bhagavAnkeshavo mukham .. 2\-41\-30 (13059) 
ayaM tu puruSho bAlaH shishupAlo na budhyate.
sarvatra sarvadA kR^iShNaM tasmAdevaM prabhAShate .. 2\-41\-31 (13060) 
yo hi dharmaM vichinuyAdutkR^iShTaM matimAnnaraH.
sa vai pashyedyathA dharmaM na tathA chedirADayam .. 2\-41\-32 (13061) 
savR^iddhabAleShvathavA pArthiveShu mahAtmasu.
ko nArhaM manyate kR^iShNaM ko vApyenaM na pUjayet .. 2\-41\-33 (13062) 
athainAM duShkR^itAM pUjAM shishupAlo vyavasyati.
duShkR^itAyAM yathAnyAyaM tathA.ayaM kartumarhati .. .. 2\-41\-34 (13063) 

iti shrImanmahAbhArate sabhAparvaNi arghAharaNaparvaNi ekachatvAriMsho.adhyAyaH .. 41 ..

##Mahabharata - Sabha Parva - Chapter Footnotes##

2\-41\-25 chaturvidhaM jarAyujAdi bhautikam ..


\medskip\hrule\medskip
sabhAparva \- adhyAya 042
.. shrIH ..
2\.42\. adhyAyaH 42 

##Mahabharata - Sabha Parva - Chapter Topics##
shrIkR^iShNasyAgrapUjAmasahamAnAnAM shirasi padamAhitamiti sahadevavachanashravaNena shishupAla sya kopodayaH .. 1\..

##Mahabharata - Sabha Parva - Chapter Text##

`vaishampAyana uvAcha ..

gA~Ngeyenaivamuktastu shishupAlashchukopa tam.
kruddhaM sunIthaM dR^iShTvA.atha sahadevo.abravIttadA .. 2\-42\-1 (13064) 
matipUrvamidaM sarvaM chedirAja mayA kR^itam.
tanme nigadatastattvaM kAraNAdatra me shR^iNu .. 2\-42\-2 (13065) 
sa pArthivAnAM sarveShAM guruH kR^iShNo.aparo na hi.
tasmAdabhyarchito.asmAbhiH sarve saMmantumarhatha .. 2\-42\-3 (13066) 
yo vA sahate kashchidrAj~nAM sabalavAhanaH.
kShipraM yuddhAya niryAtu tasya mUrdhnyAhitaM padam .. 2\-42\-4 (13067) 
evamukto mayA heturuttaraM prabravItu me.  2\-42\-5 (13068) 
vaishampAyana uvAcha ..
tato na vyAjahAraiShAM kashchidbuddhimatAM satAm ..  2\-42\-5x (1463) 
mAninAM balinAM rAj~nAM madhye sandarshite pade.
evamukte sunIthasya sahadevena keshave .. 2\-42\-6 (13069) 
svabhAvarakte nayane kopAdraktatare kR^ite.
tasya kopaM samudbhUtaM j~nAtvA bhIShmaH pratApavAn .. 2\-42\-7 (13070) 
AchachakShe punastasmai kR^iShNasyaivottarAnguNAn.
sa sunIthaM samAmantrya tAMshcha sarvAnmahIkShitaH .. 2\-42\-8 (13071) 
uvAcha vadatAM shreShThaM idaM matimatAM varaH.
sahadevena rAjAno yaduktaM keshavaM prati. 
tattatheti vijAnIdhvaM bhUyashchAtra vibodhata .. ..  2\-42\-9 (13072) 

iti shrImanmahAbhArate sabhAparvaNi arghAharaNaparvaNi dvichatvAriMsho.adhyAyaH .. 42 ..



\medskip\hrule\medskip
sabhAparva \- adhyAya 043
.. shrIH ..
2\.43\. adhyAyaH 43 

##Mahabharata - Sabha Parva - Chapter Topics##
shrIkR^iShNamahimno vistareNa kathanAya bhIShmamprati yudhiShThiraprArthanA .. 1\.. bhIShNeNa viShNorjagatsR^iShTikathAkathanam .. 2\..

##Mahabharata - Sabha Parva - Chapter Text##

vaishampAyana uvAcha.

tato bhIShmasya tachChrutvA vachaH kAle yudhiShThiraH.
j~nApanArthAya sarveShAM bhIShmaM punarathAbravIt .. 2\-43\-1 (13073) 
vistareNAsya devasya karmANIchChAmi sarvashaH.
shrotuM bhagavatastAni prabravIhi pitAmaha .. 2\-43\-2 (13074) 
karmaNAmAnupUrvA cha prAdurbhAvAshcha ye vibhoH.
yathA cha prakR^itiH kR^iShNe tanme brUhi pitAmaha .. 2\-43\-3 (13075) 
evamuktastadA bhIShmaH provAcha bharatarShabha.
yudhiShThiramamitraghnaM tasmintrAjasamAgame .. 2\-43\-4 (13076) 
samakShaM vAsudevasya devasyeva shatakratoH.
karmANyasukarANyanyairAchachakShe janAdhipa .. 2\-43\-5 (13077) 
shR^iNvatAM pArthivAnAM cha dharmarAjasya chAntike.
idaM matimatAM shreShThaH kR^iShNaM prati vishAmpate .. 2\-43\-6 (13078) 
nAmnaivAmantrya rAjendra chedirAjamarindamam.
bhImakarmA tato bhIShNo bhUyaH sa itamabravIt .. 2\-43\-7 (13079) 
karUNAmapi rAjAnaM yudhiShThiramabhAShata.  2\-43\-8 (13080) 
bhIShNa uvAcha.
vartamAnAmatItAM cha shR^iNu rAjanyudhiShThira ..  2\-43\-8x (1464) 
IshvarasyottamasyainAM karmaNAM gahanAM gatim.
avyakto vyaktali~Ngastho ya eSha bhagavAnprabhuH .. 2\-43\-9 (13081) 
purA nArAyaNo devaH svayambhUH prapitAmahaH.
sahasrashIrShaH puruSho dhravo.anantaH sanAtanaH .. 2\-43\-10 (13082) 
sahasrAsyaH sahasrAshchaH sahasracharaNo vibhuH.
sahasravAhuH sarvaj~no devo nAmasahasravAn .. 2\-43\-11 (13083) 
sahasramukuTo devo vishvarUpo mahAdyutiH.
anekavarNo devAdiravyaktAdvai pare sthitaH .. 2\-43\-12 (13084) 
asR^ijatsalilaM pUrvaM sa cha nArAyaNaH prabhuH.
tatastu bhagavAMstoye brahmANamasR^ijatsvayam .. 2\-43\-13 (13085) 
brahmA chaturmukho lokAnsarvAMstAnasR^ijatsvayam.
AdikAle purA hyevaM sarvalokasya chodbhavaH. 
purA yaH pralaye prApte naShTe sthAvaraja~Ngame ..  2\-43\-14 (13086) 
brahmAdiShu pralIneShu naShTe loke charAchare.
AbhUtasamplave prApte pralIne prakR^itau mahAn .. 2\-43\-15 (13087) 
ekasmiShThati sarvAtmA sa tu nArAyaNaH prabhuH.
nArAyaNasya chA~NgAni sarvadaivAni bhArata .. 2\-43\-16 (13088) 
shirastasya divaM rAjannAbhiH khaM charaNau mahI.
ashvinau karNayordevau chakShuShI shashibhAskarau .. 2\-43\-17 (13089) 
indravaishvAnarau devau mukhaM tasya mahAtmanaH.
anyAni sarvadaivAni sarvA~NgAni mahAtmanaH .. 2\-43\-18 (13090) 
sarvaM chApi harau saMsthaM sUtre maNigaNA iva.
AbhUtasamplavAnte.atha dR^iShTvA sarvaM tamonvitam .. 2\-43\-19 (13091) 
nArAyaNo mahAyogI sarvaj~naH paramAtmavAn.
brahmabhUtastadAtmAnaM brahmaNamasR^ijatsvayam .. 2\-43\-20 (13092) 
so.adhyakShaH sarvabhUtAnAM prabhUtaprabhavo.achyutaH.
sanatkumAraM rudraM cha saptarShIshcha tapodhanAt .. 2\-43\-21 (13093) 
sarvamevAsR^ijadbrahmA tathA lokAMstathA prajAH.
te cha tadvyasR^ijaMstatra prAptakAle yudhiShThira .. 2\-43\-22 (13094) 
tebhyo.abhavanmahAtmabhyo bahudhA brahma shAshvatam.
kalpAnAM bahukoTyashchasamatItAstu bhArata .. 2\-43\-23 (13095) 
AbhUtasamplavAshchaiva bahudhA.addhA.apachakramuH.
manvantarayugA rAjansa~Nkalpo bhUtasamplavAH .. 2\-43\-24 (13096) 
chakravatparivartante sarvaM viShamukhaM jagat.
sR^iShTvA chaturmukhaM devaM devo nArAyaNaH prabhuH .. 2\-43\-25 (13097) 
sa lokAnAM hitArthAya kShIrode vasati prabhuH.
brahmA cha sarvalokAnAM lokasya cha pitAmahaH .. 2\-43\-26 (13098) 
tato nArAyaNo devaH sarvasya prapitAmahaH. ..  2\-43\-27 (13099) 

iti shrImanmahAbhArate sabhAparvaNi arghAharaNaparvaNi trichatvAriMsho.adhyAyaH .. 43 ..

##Mahabharata - Sabha Parva - Chapter Footnotes##

2\-43\-25 viShamukhaM jalAdikam ..


\medskip\hrule\medskip
sabhAparva \- adhyAya 044
.. shrIH ..
2\.44\. adhyAyaH 44 

##Mahabharata - Sabha Parva - Chapter Topics##
madhukaiTabhavadhakathanam .. 1\..

##Mahabharata - Sabha Parva - Chapter Text##

bhIShma uvAcha.

avyakto vyaktali~Ngastho ya eva bhagavAnprabhuH.
naranArAyaNo bhUtvA harirAsIdyudhiShThira .. 2\-44\-1 (13100) 
brahmA cha shakraH sUryashcha dharmashchaiva sanAtanaH.
bahushaH sarvabhUtAtmA prAdurbhavati kAryataH. 
prAdurbhAvAMstu vakShyAmi divyAndevagaNairyutAn.  2\-44\-2 (13101) 
suptvA yugasahasraM sa prAdurbhavati kAryavAn.
anekabahusAhasrairdevadevo jagatpatiH .. 2\-44\-3 (13102) 
brahmANaM kapilaM chaiva parameShThiM tathaiva cha.
devAnsaptarShibhishchaiva sha~NkaraM cha mahAyashAH .. 2\-44\-4 (13103) 
sanatkumAraM bhagavAnmanuM chaiva prajApatim.
purA chakre cha devAdiH pradIptAgnisamaprabhaH .. 2\-44\-5 (13104) 
yena chArNavamadhyasthau naShTesthAvaraja~Ngame.
naShTadevAsuravare pranaShToragarAkShase .. 2\-44\-6 (13105) 
yoddhukAmau sudurdharShau bhrAtarau madhukaiThabhau.
hatau bhagavatA tena tato dattvA varaM param .. 2\-44\-7 (13106) 
bhUmiM baddhvA kR^itau pUrvAvajeyau dvau mahA.asurau.
tau karNamalasaMbhUtau viShNostasya mahAtmanaH .. 2\-44\-8 (13107) 
mahArNave prasvapataH shailarAjasamau sthitau.
tau vivesha svayaM vAyurbrahmaNA sAdhu choditaH .. 2\-44\-9 (13108) 
tau divaM ChAdayitvA tu vavR^idhAte mahA.asurau.
vAyupramANau tau dR^iShTvA brahmA paryamR^ishachChanaiH .. 2\-44\-10 (13109) 
ekaM mR^idutaraM vetti kaThinaM vetti chAparam.
nAmanI tu tayoshchake savitA salilodbhavaH .. 2\-44\-11 (13110) 
mR^idustvayaM madhurnAma kaThinaH kaiThabhaH svayam.
tau daityau kR^itanAmAnau cheraturbalagarvitau .. 2\-44\-12 (13111) 
tau purA.atha divaM sarvAM prAptau rAjanmahAsurau.
prachChAdyAtha divaM sarvAM cheraturmadhukaiThabhau .. 2\-44\-13 (13112) 
sarvamekArNavaM lokaM yoddhukAmau sunirbhayau.
tau gatAvasurau dR^iShTvA brahmA lokapitAmahaH .. 2\-44\-14 (13113) 
ekArNavAmbunichaye tatraivAntaradhIyata.
sa padmAtpadmanAbhasya nAbhideshAtsamutthitAt .. 2\-44\-15 (13114) 
AsasAda svayaM janma tatpa~Nkajamapa~Nkajam.
pUjayAmAsa vasatiM brahmA lokapitAmahaH .. 2\-44\-16 (13115) 
tAvubhau jalagarbhasthau nArAyaNachaturmukhau.
bahUnvarShAyutAnapsu shayAnau na cha kampitau .. 2\-44\-17 (13116) 
atha dIrghasya kAlasya tAvubhau madhukaiThabhau.
Ajagmatustau taM deshaM yatra brahmA vyavasthitaH .. 2\-44\-18 (13117) 
tau dR^iShTvA lokanAthastu roShAtsaMraktalochanaH.
utpapAtAtha shayanAtpadmanAbho mahAdyutiH .. 2\-44\-19 (13118) 
tadyuddhamabhavadghoraM tayostasya cha bhArata.
ekArNave tadA ghore trailokye jalatAM gate .. 2\-44\-20 (13119) 
tadabhUttumulaM yuddhaM varShasa~NkhyAsahasrashaH.
na cha tAvasurau yuddhe tadA shramamavApatuH .. 2\-44\-21 (13120) 
atha dIrghasya kAlasya tau daityau yuddhadurmadau.
UchatuH prItamanasau devaM nArAyaNaM prabhum .. 2\-44\-22 (13121) 
prItau svastava yuddhena shlAghyastvaM mR^ityurAvayoH.
AvAM jahi na yatrorvA salilena piraplutA .. 2\-44\-23 (13122) 
hatau cha tava putratvaM prApnuyAva surottama.
yo hyAnAM yudhi nirjetA tasyAvAM vihitau sutau .. 2\-44\-24 (13123) 
tayostu vachanaM shrutvA tadA nArAyaNaH prabhuH.
tau prahasya mR^idhe daityau dorbhyAM cha samapIDayam .. 2\-44\-25 (13124) 
UrubhyAM nidhanaM chakre tAvubhau madhukaiThabau.
tau hatau chAplutau toye vapurbhyAmekatAM gatau .. 2\-44\-26 (13125) 
medo mumuchaturdaityau majjamAnau jalormibhiH.
medasA tajjalaM vyAptaM tAbhyAmantardadhe tadA .. 2\-44\-27 (13126) 
nArAyaNashcha bhagavAnasR^ijadvividhAH prajAH.
daityayormedasA ChannA sarvA rAjanvasundharA .. 2\-44\-28 (13127) 
tadAprabhR^iti kaunteya medinIti smR^itA mahI.
prabhAvAtpadmanAbhasya shAshvatI cha kR^itA nR^iNAm .. .. 2\-44\-29 (13128) 

iti shrImanmahAbhArate sabhAparvaNi arghAharaNaparvaNi chatushchatvAriMsho.adhyAyaH .. 44\..



\medskip\hrule\medskip
sabhAparva \- adhyAya 045
.. shrIH ..
2\.45\. adhyAyaH 45 

##Mahabharata - Sabha Parva - Chapter Topics##
varAhAvatArakathanam .. 1\..

##Mahabharata - Sabha Parva - Chapter Text##

bhIShma uvAcha ..

prAdurbhAvasahasrANi samatItAnyanekashaH.
yathAshakti tu vakShyAmi shR^iNu tAnkurunandana .. 2\-45\-1 (13129) 
purA kamalanAbhasya svapataH sAgarAmbhasi.
puShkare yatra sambhUtA devA R^iShigaNaiH saha .. 2\-45\-2 (13130) 
eSha pauShkariko nAma prAdurbhAvaH prakIrtitaH.
purANaiH kathyate yatra vedashrutisamAhitaH .. 2\-45\-3 (13131) 
vArAhastu shrutisukhaH prAdurbhAvo mahAtmanaH.
yatra viShNuH surashreShTho vArAhaM rUpamAsthitaH .. 2\-45\-4 (13132) 
ujjahAra mahIM toyAtsashailavanakAnanAm.
vedapAdo yUpadaMShTraH kraturdantashchitImukhaH .. 2\-45\-5 (13133) 
agnijihvo darbharomA brahmashIrSho mahAtapAH.
ahorAtrekShaNo divyo vedA~NgaH shrutibhUShaNaH .. 2\-45\-6 (13134) 
AjyanAsaH sruvaM tuNDaM sAmaghoShasvano mahAn.
dharmasatyamayaH shrImAnkarmavikramasatkR^itaH .. 2\-45\-7 (13135) 
prAyashchittamukho dhIraH pashujAnurmahAvR^iShaH.
audgAtrahomali~Ngo.asau pashubIjamahauShadhiH .. 2\-45\-8 (13136) 
bAhyantarAtmA mantrAsthivikR^itaH saumyadarshanaH.
vediskandho havirgandho havyakavyAbhivegavAn .. 2\-45\-9 (13137) 
prAgvaMshakAyo dyutimAnnAnAdIkShAbhirUrjitaH.
dakShiNAhR^idayo yogI mahAshAstramayo mahAn .. 2\-45\-10 (13138) 
upAkarmoShTharuchakaH prAvargyAvartabhUShaNaH.
shAlApatnIsahAyo vai maNishR^i~NgasamuchChritaH .. 2\-45\-11 (13139) 
evaM yaj~navarAho vai bhUtvA viShNuH sanAtanaH.
mahIM sAgaraparyantAM sashailavanakAnanAm .. 2\-45\-12 (13140) 
ekArNavajale bhraShTAmekArNavagataH prabhuH.
majjantIM salile tasminsvadevIM pR^ithivIM tadA .. 2\-45\-13 (13141) 
ujjahAra viShANena mArgaNDeyasya pashyataH.
shR^i~NgeNa yaH samuddhR^itya lokAnAM hitakAmyayA .. 2\-45\-14 (13142) 
sahasrashIrSho devesho nirmame jagatIM prabhuH.
evaM yaj~navarAheNa bhUtabhavyabhAtmanA .. 2\-45\-15 (13143) 
uddhR^itA pR^ithivI devI pUjyA vai sAgarAmbarA.
nihatA dAnavAH sarve devadevena viShNunA .. 2\-45\-16 (13144) 
vArAhaH kathito hyeSha nArasiMhamato shR^iNu.
yatra bhUtvA mR^igendreNa hiraNyakashipurhataH .. .. 2\-45\-17 (13145) 

iti shrImanmahAbhArate sabhAparvaNi arghAharaNaparvaNi pa~nchachatvAriMsho.adhyAyaH .. 45 ..



\medskip\hrule\medskip
sabhAparva \- adhyAya 046
.. shrIH ..
2\.46\. adhyAyaH 46 

##Mahabharata - Sabha Parva - Chapter Topics##
hiraNyakashipunA samudre tapashraraNam .. 1\.. tapaH prasannena brahmaNA tasmai varadAnam ..2\.. tasya varaprAptyA bhItAnAM devAnAM brahmaNA parisAntvanam .. 3\.. hiraNyakasha_ipunA trailokyapIDane AtmAnaM sharaNaM gatAnAM devAnAM shrIhariNA.abhayap radAnam .. 4\.. nR^isiMharUpiNA hariNA hiraNyakashipuhananam .. 5\..

##Mahabharata - Sabha Parva - Chapter Text##

bhIShma uvAcha.

daityendro balavAntrAjansurArirbalagarvitaH.
hiraNyakashipurnAma AsItrailokyakaNTakaH .. 2\-46\-1 (13146) 
daityAnAmAdipuruSho vIryeNApratimo balI.
pravishya jaladhaM rAjaMshchakAra tapa uttamam .. 2\-46\-2 (13147) 
dashavarShasahasrANi shatAni dasha pa~ncha cha.
vratopavAsatastasthau syANumaunavrato dR^iDhaH .. 2\-46\-3 (13148) 
tataH shamadamAbhyAM cha brahmacharyeNa chAnagha.
brahmA prItamanAstasya tapasA niyamena cha .. 2\-46\-4 (13149) 
tataH svayambhUrbhagavAnsvayamAgamya bhUpate.
vimAnenArkavarNena haMsayuktena bhAsvatA .. 2\-46\-5 (13150) 
AdityairvasubhiH sAdhyairmarudbhirdaivataistathA.
rudrairvishvasahAyaishcha yakSharAkShasakinnaraiH .. 2\-46\-6 (13151) 
dishAbhirvidishAbhishcha nadIbhiH sAgaraiH saha.
nakShatraishcha muhUrtaishcha khecharaishchAparairgrahaiH .. 2\-46\-7 (13152) 
devarShibhistapoyuktaiH siddhaiH saptarShibhistadA.
rAjarShibhiH puNyatamairgandharvairapsarogaNaiH .. 2\-46\-8 (13153) 
charAcharaguruH shrImAnvR^itaH sarvasuraistathA.
brahmA brahmavidAM shreShTho daityamAgamya chAbravIt .. 2\-46\-9 (13154) 
prIto.asmi tava bhaktasya tapasA.anena suvrata.
varaM varaya bhadraM te yatheShTaM kAmamApnuhi .. 2\-46\-10 (13155) 
hiraNyakashipuruvAcha. 2\-46\-11x (1465) 
na devA na cha gandharvA na yakShoragarAkShasAH.
na mAnuShAH pishAchAshcha hanyurmAM devasattama .. 2\-46\-11 (13156) 
R^iShayo vA na mAM shApaiH kruddhA lokapitAmaha.
shapeyustapasA yuktA vara eSha vR^ito mayA .. 2\-46\-12 (13157) 
na shastreNa nachAstreNa giriNA pAdapena cha.
na shuShkeNa na chArdeNa syAnna vA.anyena me vadhaH .. 2\-46\-13 (13158) 
nAkAshe nAtha bhUmau vA rAtrau vA divasepi vA.
nAntarvA na bahirvApi syAdvadho me pitAmaha .. 2\-46\-14 (13159) 
pashubhirvA mR^igairna syAtpakShibhirvA sarIsR^ipaiH.
dadAsi chedvarAnetandevadeva vR^iNomyaham ..  2\-46\-15 (13160) 
brahmovAcha. 2\-46\-16x (1466) 
ete divyA varAstAta mayA dattAstavAdbhutAH.
sarvakAmavarAMstAta prApsyasi tvamasaMshayam .. 2\-46\-16 (13161) 
evamuktvA sa bhagavA~njagAmAkAshameva hi.
rarAja brahmaloke hi brahmarShigaNasevitaH .. 2\-46\-17 (13162) 
tato devAshcha nAgAshcha gandharvA munayastathA.
varapradAnaM shrutvaiva te brahmANamupasthitaH .. 2\-46\-18 (13163) 
devA UchuH. 2\-46\-19x (1467) 
vareNAne bhagavanbAdhiShyati sa no.asuraH.
tatprasIdasva bhagavanvadhopAyo.asya chintyatAm .. 2\-46\-19 (13164) 
bhIShma uvAcha .. 2\-46\-20x (1468) 
tato lokahitaM vAkyaM shrutvA devaH prajApatiH.
provAcha bhagavAnvAkyaM sarvadevagaNAMstadA .. 2\-46\-20 (13165) 
avashyaM tridashAstena prAptavyaM tapasaH phalam.
tapaso.ante.asya bhagavAnvadhaM kR^iShNaH kariShyati .. 2\-46\-21 (13166) 
etachChrutvA surAH sarve brahmaNA tasya vai vadham.
svAni sthAnAni divyAni jagmuste vai mudAnvitAH .. 2\-46\-22 (13167) 
labdhamAtre vare chApi sarvAstA bAdhate prajAH.
hiraNyakashipurdaityo varadAnena darpitaH .. 2\-46\-23 (13168) 
rAjyaM chakAra daityendro daityasa~NghaiH samAvR^itaH.
saptadvIpAnvashechake lokAlokAntaraM balAt .. 2\-46\-24 (13169) 
divyabhogAnsamastAnvai loke sarvAnavApa saH.
devAMstribhuvanasthAMstu parAjitya mahAsuraH .. 2\-46\-25 (13170) 
trailokyaM vashamAnIya svarge vasati dAnavaH.
yadA varamadonmatto nyavasaddAnavo divi .. 2\-46\-26 (13171) 
atha lokAnsagastAMshcha vijitya sa mahAbalaH.
bhaveyamahamevendraH somo.agnirmAruto raviH .. 2\-46\-27 (13172) 
salilaM chAntarikShaM cha nakShatrANi disho dasha.
ahaM krodhashcha kAmashcha varuNo vasavo.aryamA .. 2\-46\-28 (13173) 
dhanadashcha dhanAdhyakSho yakShakimpuruShAdhipaH.
ete bhaveyamityuktvA svayaM bhUtvA balAtsa cha .. 2\-46\-29 (13174) 
eShAM gR^ihItvA sthAnAni teShAM kAryANyavApa saH.
ijyashchAsInmakhavarairdevakinnarasattamaiH .. 2\-46\-30 (13175) 
narakasthAnsamAnIya svargasthAMshcha chakAra saH.
evamAdIni karmANi kR^itvA daityapatirbalI .. 2\-46\-31 (13176) 
AshrameShu mahAbhAgAnmunInvai shaMsitavratAn.
satyadharmaparAndAntAnpurA dharShitavAMstu saH .. 2\-46\-32 (13177) 
yAj~nIyAnkR^itabAndaityanyAjakAMshchaiva devatAH.
yatrayatra surA jagmustatratatra vrajatyuta .. 2\-46\-33 (13178) 
sthAnAni devatAnAM tu hR^itvA rAjyamakArayat.
pa~nchakoTyashcha varShANi ayutAnyekaShaShTi cha .. 2\-46\-34 (13179) 
ShaShTishchaiva sahasrANAM jagmustasya durAtmanaH.
etadvarShaM sa daityendro bhogaishcharyamavApa saH .. 2\-46\-35 (13180) 
tenAtibAdhyamAnAste daityendreNa balIyasA.
brahmalokaM surA jagmuH sharvashakrapurogamAH .. 2\-46\-36 (13181) 
pitAmahaM samAsAdya khinnAH prA~njalayo.abruvan ..  2\-46\-37 (13182) 
devA UchuH. 2\-46\-38x (1469) 
bhagavanbhUtabhavyesha nastrAyasva ihAgatAn.
bhayaM ditisutAdghorAdbhavatyadya divAnisham .. 2\-46\-38 (13183) 
bhagavansarvadaityAnAM svayambhUrAdikR^itprabhuH.
sraShTA tvaM havyakavyAnAmavyaktaH prakR^itirdhruvaH .. 2\-46\-39 (13184) 
brahmovAcha. 2\-46\-40x (1470) 
shrUyatAmApadevaM hi durvij~neyA mayApi cha.
nArAyaNastu puruSho vishvarUpo mahAdyutiH .. 2\-46\-40 (13185) 
avyaktaH sarvabhUtAnAmachintyo vibhuravyayaH.
mamApi sa tu yuShmAkaM vyasane paramA gatiH .. 2\-46\-41 (13186) 
nArAyaNaH paro.avyaktAdahamavyaktasambhavaH.
matto jaj~nuH prajA lokAH sarve devAsurAshcha te .. 2\-46\-42 (13187) 
devA yathAhaM yuShmAkaM tathA nArAyaNo mama.
pitAmaho.ahaM sarvasya sa viShNuH prapitAmahaH .. 2\-46\-43 (13188) 
nishchitaM viShudhA daityaM sa viShNustaM haniShyati.
tasya nAsti na shakyaM cha tasmAdvrajata mAchiram .. 2\-46\-44 (13189) 
bhIShma uvAcha .. 2\-46\-45x (1471) 
pitAmahavachaH shrutvA sarve te bharatarShabha.
vibudhA brahmaNA sArdhaM jagmuH kShIrodadhiM prati .. 2\-46\-45 (13190) 
AdityA vasavaH sAdhyA vishve cha marutastathA.
rudrA maharShayashchaiva ashvinau cha surUpiNau .. 2\-46\-46 (13191) 
anye cha divyA ye rAjaMste sarve sagaNAH surAH.
chaturmukhaM puraskR^itya shvetadvIpamupAgatAH .. 2\-46\-47 (13192) 
devA UchuH. 2\-46\-48x (1472) 
trAyasva no.adya devesha hiraNyakashiporvadhAt.
tvaM hi naH paramo dhAtA brahmAdInAM surottama .. 2\-46\-48 (13193) 
utphullAmbujapatrAkSha shatrupakShabhaya~Nkara.
kShayAya ditivaMshasya sharaNaM tvaM bhaviShyasi .. 2\-46\-49 (13194) 
bhIShNa uvAcha .. 2\-46\-50x (1473) 
taddevAnAM vachaH shrutvA tadA viShNuH shuchishravAH.
adR^ishyaH sarvabhUtAtmA vaktumevopachakrame .. 2\-46\-50 (13195) 
viShNuruvAcha .. 2\-46\-51x (1474) 
bhayaM tyajadhvamamarA abhayaM vo dadAmyaham.
tadeva tridivaM devAH pratipadyata mAchiram .. 2\-46\-51 (13196) 
eSho.ahaM sagaNaM daityaM varadAnena darpitam.
avadhyamamarendrANAM dAnavendraM nihanmyaham .. 2\-46\-53 brahmovAcha..  2\-46\-52 (13197) 
bhahavandevadevesha khinnA ete bhR^ishaM surAH.
tasmAttvaM jahi daityendraM kShipraM kAlo.asya mAchiram. 
eSha tvaM sagaNaM daityaM varadAnena darpitam ..  2\-46\-53 (13198) 
viShNuruvAcha .. 2\-46\-54x (1475) 
kShiprameva kariShyAmi tvarayA daityanAshanam.
tasmAttvaM vibudhAshchaiva pratipadyata vai divam .. 2\-46\-54 (13199) 
bhIShma uvAcha .. 2\-46\-55x (1476) 
evamuktvA tu bhagavAnvisR^ijya tridiveshvarAn.
narasyArdhatanurbhUtvA siMhasyArdhatanuH punaH .. 2\-46\-55 (13200) 
nArasiMhena vapuShA pANiM saMspR^ishya pANinA.
bhImarUpo mahAtejA vyAditAsya ivAntakaH .. 2\-46\-56 (13201) 
hiraNyakashipuM rAja~njagAma harirIshvaraH.
daityAstamAgataM dR^iShTvA nArasiMhaM mahAbalam .. 2\-46\-57 (13202) 
vavarShuH shastravarShaiste susa~NkruddhAstadA harim.
taiH sR^iShTasarvashastrANi bhakShayAmAsa vai hariH .. 2\-46\-58 (13203) 
jaghAna na raNe daityAnsahasrANi bahUni cha.
tAnnihatya cha daiteyAnsarvAnkruddhAnmahAbalAn .. 2\-46\-59 (13204) 
abhyadhAvatsusa~Nkruddho daityendraM balagarvitam.
jImUtaghanasa~NkAsho jImUtaghananisvanaH .. 2\-46\-60 (13205) 
jImUta iva dIptaujA jImUta iva vegavAn.
daityaM so.atibalaM dR^iptaM dR^iptashArdUlavikramam .. 2\-46\-61 (13206) 
dR^iptairdaityagaNairguptaM kharairnakhamukairuta.
tataH kR^itvA tu yuddhaM vai tena daityena vai hariH .. 2\-46\-62 (13207) 
sandhyAkAle mahAtejA bhavanAnte tvarAnvitaH.
Urau nidhAya daityendraM nirbibheda nakhaistadA .. 2\-46\-63 (13208) 
mahAbalaM mahAvIryaM varadAnena garvitam.
daityashreShThaM surashreShTho jaghAna tarasA hariH .. 2\-46\-64 (13209) 
hiraNyakashipuM hatvA sarvadaityAMshcha vai tadA.
vibudhAnAM prajAnAM cha hitaM kR^itvA mahAdyutiH .. 2\-46\-65 (13210) 
pramumoda harirdevaH prApya dharmaM tadA bhuvi.
eSha te nArasiMho.atra kathitaH pANDunandana.  2\-46\-66 (13211) 
shR^iNu tvaM vAmanaM nAma prAdurbhAvaM mahAtmanaH .. ..  2\-46\-67 (13212) 

iti shrImanmahAbhArate sabhAparvaNi arghAharaNaparvaNi ShaTchatvAriMsho.adhyAyaH .. 46\..



\medskip\hrule\medskip
sabhAparva \- adhyAya 047
.. shrIH ..
2\.47\. adhyAyaH 47 

##Mahabharata - Sabha Parva - Chapter Topics##
balinipIDitairindrAdibhiH prArdhitena hariNA adityAM vAmanatvenAvatIrya bali mprati yAchanam .. 1\.. trivikramarUpiNo hareH pAdA~NguShThanakhanirbhiNNordhvANDAdga~NgAyAH prAdu rbhAvo balinigrahashcha .. 2\..

##Mahabharata - Sabha Parva - Chapter Text##

bhIShma uvAcha ..

purA tretAyuge rAjanbalirvairojano.abhavat.
daityAnAM pArthivo vIro balenApratimo balI .. 2\-47\-1 (13213) 
tadA balirmahArAja daityasa~NghaiH samAvR^itaH.
vijetuM tarasA shakramindrasthAnamavApa saH .. 2\-47\-2 (13214) 
tena vitrAsitA devA balinA.a.akhaNDalAdayaH.
brahmANaM tu puraskR^itya gatvA kShIrodadhiM tadA .. 2\-47\-3 (13215) 
tuShTuvuH sahitAH sarve devaM nArAyaNaM prabhum.
sa teShAM darshanaM chakre vibudhAnAM haristadA .. 2\-47\-4 (13216) 
prasAdajaM tasya vibhoradityAM janma uchyate.
aditerapi putratvametya yAdavanandanaH .. 2\-47\-5 (13217) 
eSha viShNuriti khyAta indrasyAvarajo.abhavat.
tasminneva cha kAle tu daityendro balavIryavAn .. 2\-47\-6 (13218) 
ashvamedhaM kratushreShThamAhartumupachakrame.
vartamAne tadA yaj~ne daityendrasya yudhiShThira .. 2\-47\-7 (13219) 
sa viShNurmAnavo bhUtvA prachChanno brahmasaMvR^itaH.
muNDo yatropavItI cha kR^iShNAjinadharaH shikhI .. 2\-47\-8 (13220) 
pAlAshadaNDaM sa~NgR^ihya vAmano.adbhutadarshanaH.
pravishya sa baleryaj~ne vartamAno cha dakShiNAm .. 2\-47\-9 (13221) 
dehItyuvAcha daityendraM vikramAMstrInihaiva ha.
dIyatAM tripadImAtramityayAchanmahAsuram .. 2\-47\-10 (13222) 
sa tatheti pratishrutya pradadau viShNave tadA.
tena labdhvA hirarbhUmiM jR^imbhayAmAsa vai bhR^isham .. 2\-47\-11 (13223) 
sa shishuH sadivaM khaM cha pR^ithivIM vacha vishAmpate.
tribhirvikramaNaishchaiva sarvamAkramatAbhibhUH .. 2\-47\-12 (13224) 
balerbalavato yaj~ne balinA viShNunA purA.
vikramaistribhirakShobhyAH kShobhitAste mahAsurAH .. 2\-47\-13 (13225) 
viprachittimukhAH kruddhAH sarvasa~NghA mahAsurAH.
nAnAvakrA mahAkAyA nAnAveShadharA nR^ipa .. 2\-47\-14 (13226) 
nAnApraharaNA raudrA nAnAmAlyAnulepanAH.
svAnyAyudhAni sa~NgR^ihya pradIptA iva tejasA .. 2\-47\-15 (13227) 
kramamANaM hari tatra upAvartanta bhArata.
pramathya sarvAndaiteyAnpAdahastatalaistu tAn .. 2\-47\-16 (13228) 
rUpaM kR^itvA mahAbhImaM jahArAshu sa medinIm.
samprApya divamAkAshamAdityasadane sthitaH .. 2\-47\-17 (13229) 
atyarochata bhUtAtmA Adityasyaiva tejasA.
prakAshayandishaH sarvAH pradishashcha mahAyashAH .. 2\-47\-18 (13230) 
shushubhe sa mahAbAhuH sarvalokAnprakAshayan.
tasya vikramato bhUmiM chandrAdityau stanAntare .. 2\-47\-19 (13231) 
nabhastu kramamANasya nAbhyAM kila tadA sthitau.
paramAkramamANasya nAnubhyAM tau vyavasthitau .. 2\-47\-20 (13232) 
viShNoramitavIryasya vadantyevaM dvijAtayaH.
athAsya pAdAkramaNAtpaphAlANDo yudhiShThiraH .. 2\-47\-21 (13233) 
tachChidrAtsyandinI tasya pAdabhraShTA tu nimnagA.
sasAra sAgaraM sA tu pAvanI sAgaraMgamA .. 2\-47\-22 (13234) 
jahAra medinIM sarvAM hatvA dAnavapu~NgavAn.
AsurI shriyamAhR^itya trIllokAnsa janArdana .. 2\-47\-23 (13235) 
saputradArAnasurAnpAtAle saMnyaveshayat.
namuchiH shambarashchaiva prahlAdashcha mahAmanAH .. 2\-47\-24 (13236) 
mahAbhUtAni bhUtAtmA savisheShAni vai hariH.
kAlaM cha sakalaM rAjangAtrabhUtAnyadarshayat .. 2\-47\-25 (13237) 
tasya gAtre jagatsarvamAnItamadhipashyati.
na ki~nchidasti lokeShu yadanAptaM mahAtmanA .. 2\-47\-26 (13238) 
taddhi rUpamupendrasya devadAnavamAnavAH.
dR^iShTvA saMmumuhuH sarve viShNutejo.abhipIDitAH .. 2\-47\-27 (13239) 
balirbaddho.abhimAnI cha yaj~navATe mahAtmanA.
virochanakulaM sarvaM pAtAle viniveshitam .. 2\-47\-28 (13240) 
evaMvidhAni karmANi kR^itvA garuDAvAhanaH.
na vismayamupAgachChatpArameShThyena tejasA .. 2\-47\-29 (13241) 
sa sarvamasuraishvaryaM sampradAya shachIpateH.
trailokyaM cha dadau shakre viShNurdAnavasUdanaH .. 2\-47\-30 (13242) 
eSha te vAmano nAma prAdurbhAvo mahAtmanaH.
vedavidbhirdvijairetachChrUyate vaiShNavaM yashaH. 
mAnuSheShu tato viShNoH prAdurbhAvAMstathA shR^iNu .. ..  2\-47\-31 (13243) 

iti shrImanmahAbhArate sabhAparvaNi arghAharaNaparvaNi saptachatvAriMsho.adhyAyaH .. 47 ..



\medskip\hrule\medskip
sabhAparva \- adhyAya 048
.. shrIH ..
2\.48\. adhyAyaH 48 

##Mahabharata - Sabha Parva - Chapter Topics##
dattAtreyanAmnA.avatIrNasya hareH kArtavIryArjunasya varadAnAdikam .. 1\..

##Mahabharata - Sabha Parva - Chapter Text##

bhIShNa uvAcha ..

viShNoH punarmahAbhAgaH prAdurbhAvo mahAtmanaH.
dattAtreya iti khyAta R^iShirAsInmahAyashAH .. 2\-48\-1 (13244) 
tena naShTeShu vedeShu kriyAsu cha makheShu cha.
chAturvarNye cha sa~NkIrNe dharme shithilatAM gate .. 2\-48\-2 (13245) 
abhavardhati chAdharme satye naShTe sthite.anR^ite.
prajAsu kShIyamANAsu dharme chAmUlatAM pate .. 2\-48\-3 (13246) 
sayaj~nAH sakriyA vedAH pratyAnItA hi tena vai.
chAturvarNyamasa~NkIrNaM kR^itaM tena mahAtmanA .. 2\-48\-4 (13247) 
sa eva vai yadA prAdAddhaihayAdhipatervaram.
taM haihayAnAmadhipastvarjuno.abhiprasAdayan .. 2\-48\-5 (13248) 
vanaM paryacharansamyakChushrUShuranusUyakaH.
nirmamo niraha~NkAro dIrghakAlamatoShayat .. 2\-48\-6 (13249) 
ArAdhya dattAtreyaM hi agR^i~NNAtsa varAnimAn.
AptAdAptatarAnviprAdvidvAnvidvanniShevitAt .. 2\-48\-7 (13250) 
R^ite.amaratvaM vipreNa dattAtreyeNa dhImatA.
varaishchaturbhiH pravR^ita imAnvavre varAnnR^ipaH .. 2\-48\-8 (13251) 
shrImAnmanasvI balavAnsatyavAganasUyakaH.
sahasrabAhurbhUyAsameShu me prathamo varaH .. 2\-48\-9 (13252) 
jarAyujANDajaM sarvaM sarvaM chaiva charAcharam.
shAstumichChAmi dharmeNa dvitIyastveSha me varaH .. 2\-48\-10 (13253) 
pitR^indevAnR^iShInviprAnyajeyaM vipulairmakhaiH.
amitrAMshcha shitairbANaistR^itIyo vrara eSha me .. 2\-48\-11 (13254) 
yasya nAsInna bhavitA na chAsti sadR^ishaH pumAn.
iha vA divi vA loke sa me hantA bhavediti .. 2\-48\-12 (13255) 
so.arjunaH kR^itavIryasya varaH putro.abhavadyudhi.
sa sahasraM sahasrANAM mAhiShmatyAmavardhata .. 2\-48\-13 (13256) 
sa bhUmimakhilAM jitvA dvIpAMshchApi samudriNaH.
nabhasIvAjvalatsUryaH puNyaiH karmabhirjunaH .. 2\-48\-14 (13257) 
indradvIpaM kasheruM cha kAmadvIpaM gabhastitam.
gandharvavaruNadvIpaM sauhR^iShTamamitaprabhaH .. 2\-48\-15 (13258) 
pUrvairajitapUrvAMshcha dvIpanajayadarjunaH.
idaM tu kArtavIryasya babhUvAsadR^ishaM janaiH .. 2\-48\-16 (13259) 
na pUrve nApare tasya gamiShyanti gatiM nR^ipAH.
yadarNave prayAtasya vastraM na pariShichyate .. 2\-48\-17 (13260) 
sauvarNaM sarvamapyAsIdvimAnavaramuttamam.
chaturdhA vyabhajadrAShTraM tadvibhajyAnvapAlayat .. 2\-48\-18 (13261) 
ekAMshenAharatsenAmekAMshenAvasadgR^ihAn.
yastu tasya tR^itIyAMsho rAj~no.abhUjjanasa~Ngrahe .. 2\-48\-19 (13262) 
AptaH paramakalyANastena yaj~nAnakalpayat.
ye dasyavo grAmacharA aramye cha vasanti ye .. 2\-48\-20 (13263) 
chaturthena tu soM.ashena tAnsarvAnpratyaShedhayat.
dvArANi nApidhIyante pureShu nagareShu cha .. 2\-48\-21 (13264) 
sa eva rAShTrapAlo.abhUtsrIpAlo.abhavadarjunaH.
sa evAsIdjApAlaH saH gopAlo vishAmpate .. 2\-48\-22 (13265) 
shataM varShasahasrANAmanushiShyArjuno mahIm.
dattAtreyaprasAdena evaM rAjyaM chakAra saH .. 2\-48\-23 (13266) 
evaM bahUni karmANi chakre lokahitAya saH ..
dattAtreya iti khyAtaH prAdurbhAvo hyayaM hareH. 
kathito bharatashreShTa shR^iNu bhUyo mahAtmanaH .. ..  2\-48\-24 (13267) 

iti shrImanmahAbhArate sabhAparvaNi arghAharaNaparvaNi aShTachatatvAriMsho.adhyAyaH .. 48 ..



\medskip\hrule\medskip
sabhAparva \- adhyAya 049
.. shrIH ..
2\.49\. adhyAyaH 49 

##Mahabharata - Sabha Parva - Chapter Topics##
shrIharerjamadagnigR^ihe rAmanAmnA.avataraNam .. 1\.. parashurAmeNa kArtavIryArjunahananam .. 2\... trissaptakR^itvaH kShatriyAnnihatya tadraktajalaiH svapitR^INAM tarpaNam ..3\.. kAshyapAyAkhaNDabhUmaNDalaM dattvA sAlvenAyodhane kumArINAM vANyA taM visR^ijya shastranyAsapUrvakaM tapashcharaNam .. 4\..

##Mahabharata - Sabha Parva - Chapter Text##

bhIShma uvAcha ..

tathA bhR^igukule janma yadarthaM cha mahAtmanaH.
jAmadagnya iti khyAtaH prAdurbhAvashcha vaiShNavaH .. 2\-49\-1 (13268) 
jamadagnisuto rAjantrAmo nAma sa vIryavAn.
hehayAntakaro rAjansa rAmo balinAM varaH .. 2\-49\-2 (13269) 
kArtAvIryo mahAvIryo balenApratimastadA.
rAmeNa jAmadagnyena hato viShamamAcharan .. 2\-49\-3 (13270) 
taM kArtavIryaM rAjAnaM hehayAnAmarindamam.
rathasthaM pArthivaM rAmaH pAtayitvA.avadhIdraNe .. 2\-49\-4 (13271) 
jambhasya yaj~naM hatvA sa R^itvijashchaiva saMstare.
jambhasya mUrdhni bhettA cha hantA cha shatadundubheH .. 2\-49\-5 (13272) 
sa eSha kR^iShNo govindo jAto bhR^iguShu vIryavAn.
sahasrabAhumuddhartuM sahasrajitamAhave .. 2\-49\-6 (13273) 
kShatriyANAM chatuShpaShTimayutAni mahAyashAH.
sarasvatyAM sametAni eSha vai dhanuShA.ajayat .. 2\-49\-7 (13274) 
brahmadviShAM dhe tasminmahasrANi chaturdasha.
punarjaghAna shUrANAmatikrUro ratharShabhaH .. 2\-49\-8 (13275) 
tato rAj~nAM sahasraM sa bha~NktA pUrvamarindamaH.
sahasraM musalenAhansahasramudakR^intata .. 2\-49\-9 (13276) 
chaturdashasahasrANi kR^iNadUmamapAyayat.
shiShTAnbrahmadviSho jitvA tato.asnAyata bhArgavaH  2\-49\-10 (13277) 
rAmarAmetyamikruShTo brAhmaNaiH kShatriyArditaiH.
nighna~nshatasahasrANi rAmaH parashunAbhibhUH .. 2\-49\-11 (13278) 
na hyamR^iShyata tAM vAchamArtairbhR^ishamudIritAm.
bhR^igo rAmAbhidhAveti yadA.akrandandvijAtayaH .. 2\-49\-12 (13279) 
kAshmIrAndaradAnkuntInkShudrakAnmAlavA~nChavAn.
chedikAshikarUshAMshcha R^iShikAnkrathakaishikAn .. 2\-49\-13 (13280) 
a~NgAnva~NgAnkali~NgAMshcha mAgadhAnkAshikosalAn.
rAtrAyaNAnvItihotrAnkirAtAnkArtikAvatAn .. 2\-49\-14 (13281) 
etAnanyAMshcha rAjanyAndeshedeshe sahasrashaH.
nikR^itya nishitairbANaiH sampradAya vivasvate .. 2\-49\-15 (13282) 
kIrNA kShatriyakoTIbhirmerumandarabhUShaNA.
triH saptakR^itvaH pR^ithivI tena niHkShatriyA kR^itA .. 2\-49\-16 (13283) 
kR^itvA niHkShatriyAM chaiva bhArgavaH sa mahAyashAH.
indragopakavarNasya jIva~njIvanibhasya cha .. 2\-49\-17 (13284) 
pUrayitvA cha saritaH kShatajasya sarAMsi cha.
chakAra tarpaNaM vIraH pitR^INAM tAsu teShu cha .. 2\-49\-18 (13285) 
sarvAnaShTAdasha dvIpAnvashamAnIya bhArgavaH.
so.ashvamedhasahasrANi naramedhashatAni cha .. 2\-49\-19 (13286) 
iShTvA sAgaraparyantAM kAshyapAya mahIM dadau.
tasyAgreNAnuparyeti bhUmiM kR^itvA vipAMsulAm .. 2\-49\-20 (13287) 
tataH kAlakR^itAM satyAM bhArgavAya mahAtmane.
gAdhAmapyatra gAyanti ye purANavido janAH .. 2\-49\-21 (13288) 
vedimaShTAdashotsedhAM hiraNyasyAtipauruShIm.
rAmeNa jAmadagnyena pratijagrAha kAshyapaH .. 2\-49\-22 (13289) 
evamiShTvA mahAbAhuH kratubhirbhUridakShiNaiH.
anyadvarShashataM rAmaH saubhe sAlvamayodhayat .. 2\-49\-23 (13290) 
tataH sa bhR^igushArdUlastaM saubhaM yodhayanprabhuH.
subandhuraM rathaM rAjannAsthAya bharatarShabha .. 2\-49\-24 (13291) 
nagnikAnAM kumArINAM gAyantInAmupAshR^iNot.
rAmarAma mahAbAho bhR^igUNAM kIrtivardhana .. 2\-49\-25 (13292) 
tyaja shastrANi sarvANi na tvaM saubhaM vadhiShyasi.
sha~NkhachakragadApANirdevAnAmabhaya~NgaraH .. 2\-49\-26 (13293) 
yudhi pradyumnasAmbAbhyAM kR^iShNaH saubhaM vadhiShyati.
tachChrutvA puruShavyAghrastata eva vanaM yayau .. 2\-49\-27 (13294) 
nyasya sarvANi shastrANi kAlakA~NkShI mahAyashAH.
rathaM sarvAyudhaM chaiva sharAnparashumeva cha .. 2\-49\-28 (13295) 
dhanUMShyapsu pratiShThApya rAmastepe paraM tapaH.
hriyaM praj~nAM shriyaM kIrtiM lakShmIM chAmitrakarshanaH .. 2\-49\-29 (13296) 
pa~nchAdhiShThAya dharmAtmA taM rathaM visasarja ha.
AdikAle pravR^ittaM tu vyabhajatkaramIshvaraH .. 2\-49\-30 (13297) 
nAghnataM shraddhayA saubhaM na hyashakto mahAyashAH.
jAmadagnya iti khyAto yastvayaM bhagavAnupiH.  2\-49\-31 (13298) 
so.asya bhAgastapastepe bhArgavo lokavishrutaH .. ..  2\-49\-32 (13299) 

iti shrImanmahAbhArate sabhAparvaNi arghAharaNaparvaNi ekonapa~nchAsho.adhyAyaH .. 49\..



\medskip\hrule\medskip
sabhAparva \- adhyAya 050
.. shrIH ..
2\.50\. adhyAyaH 50 

##Mahabharata - Sabha Parva - Chapter Topics##
shrIviShNordasharathagR^ihe rAmatvenAvatAraH .. 1\.. vishvAmitreNa svAshramaM nItena salakShmaNena rAmeNa subAhvAdihananam .. 2\.. sItAmudUhya nijanagarametya pitR^inideshena sItAlakShmaNAbhyAM saha vanaM gatena rAmeNa svaradUShaNAdihananam .. 3\.. sItAviyoginaH sugrIveNa sakhyametya vAlinaM saMhR^itavato rAmasya hanumadvachanena la~Nka Agamanam .. 4\.. rAvaNAdInnihatya sItApramukhaiH sahAyodhyAM gatena rAmeNa lavaNAsuraM shatrughnena gha AtayitvA prajApAlanam .. 5\.. sa~NgraheNa shrIkR^iShNacharitranirUpaNaM kalkyavatArakathanaM cha .. 6\..

##Mahabharata - Sabha Parva - Chapter Text##

bhIShma uvAcha ..

shR^iNu rAjaMstato viShNoH prAdurbhAvaM mahAtmanaH.
aShTAviMshe yuge chApi mArkaNDeyapuraH saraH .. 2\-50\-1 (13300) 
tithau nAvamike jaj~ne tathA dasharathAdapi.
kR^itvA.a.atmAnaM mahAbAhushchaturdhA viShNuravyayaH .. 2\-50\-2 (13301) 
loke rAma iti khyAtastejasA bhAskaropamaH.
prasAdanArthaM lokasya viShNustatra sanAtanaH .. 2\-50\-3 (13302) 
dharmArthameva kaunteya jaj~ne tatra mahAyashAH.
tamapyAhurmanuShyendraM sarvabhUtapatestanum .. 2\-50\-4 (13303) 
yaj~navighnakarastatra vishvAmitrasya bhArata.
subAhurnihatastena mArIchastADito bhR^isham .. 2\-50\-5 (13304) 
tasmai dattAni chAsrANi vishvamitreNa dhImatA.
vadhArthaM sarvashatrUNAM durvArANi surairapi .. 2\-50\-6 (13305) 
vartamAne mahAyaj~ne janakasya mahAtmanaH.
bhagnaM mAheshvaraM chApaM krIDatA lIlayA bhR^isham .. 2\-50\-7 (13306) 
tatastu sItAM jagrAha bhAryArthe jAnakIM vibhuH.
nagarIM punarAsAdya mumude tatra sItayA .. 2\-50\-8 (13307) 
kasyachittvatha kAlasya pitrA tatrAbhichoditaH.
kaikeyyAH priyamanvichChanvanamabhyavapadyata .. 2\-50\-9 (13308) 
yaH samAH sarvadharmaj~nashchaturdasha vane vasana.
lakShmaNAnucharo rAmaH sarvabhUtahite rataH .. 2\-50\-10 (13309) 
chaturdasha vane tIrtvA tadA varShANi bhArata.
rUpiNI yasya pArshvasthA sItetyabhihitA janaiH .. 2\-50\-11 (13310) 
pUrvochitatvAtsA lakShmIrbhartAramanushochati.
janasthAne vasankAryaM tridashAnAM chakAra saH .. 2\-50\-12 (13311) 
mArIchaM dUShaNaM hutvA kharaM trishirasaM tathA.
chaturdasha sahasrANi rakShasAM ghorakarmaNAm .. 2\-50\-13 (13312) 
jaghAna rAmo dharmAtmA prajAnAM hitakAmyaya.
virAdhaM cha kabandhaM cha rAkShasau ghorakarmiNau .. 2\-50\-14 (13313) 
jaghAna cha tadA rAmo gandharvau shAShavikShatau.
sa rAvaNasya bhaginInAsAchChedamakArayat .. 2\-50\-15 (13314) 
bhAryAviyogaM taM prApya mR^igayanvyacharadvanam.
sa tasmAdR^ishyamUkaM tu gatvA pampAmatItya cha .. 2\-50\-16 (13315) 
sugrIvaM mArutiM dR^iShTvA chakre maitrIM tayoH sa vai.
atha gatvA sa kiShkindhAM sugrIveNa tadA saha .. 2\-50\-17 (13316) 
nihatya vAlinaM yuddhe vAnaredraM mahAbalam.
abhyapi~nchattadA rAmaH sugrIvaM vAnareshvaram .. 2\-50\-18 (13317) 
tataH sa vIryavAnrAjaMstvarayA vai samutsukaH.
vichitya vAyuputreNa la~NkAdeshaM niveditaH .. 2\-50\-19 (13318) 
metuM vaddhvA samudrasya vAnaraiH sa samutsukaH.
sItAyAH padamanvichChanrAmo la~NkAM vivesha vai .. 2\-50\-20 (13319) 
devoragagaNAnAM hi yakSharAkShasapakShiNAm.
tatrAvadyaM rAkShasendraM rAvaNaM yudhi durjayam .. 2\-50\-21 (13320) 
yuktaM rAkShasakoTIbhirbhinnA~njanachayopamam.
durnirIkShyaM suragaNairvaradAnena darpitam .. 2\-50\-22 (13321) 
jaghAna sachivaiH sArdhaM sAnvayaM rAvaNaM raNe ..  2\-50\-23 (13322) 
trailokyakaNTakaM vIraM mahAkAyaM mahAbalam.
rAvamaM sagaNaM hatvA rAmo bhUtapatiH purA .. 2\-50\-24 (13323) 
la~NkAyAM taM mahAtmAnaM rAkShasendraM vibhIShaNam.
abhiShichya tato rAma amaratvaM dadau tadA .. 2\-50\-25 (13324) 
Aruhya puShpakaM rAmaH sItAmAdAya pANDava.
sabalaM svapuraM gatvA dharmarAjyamapAlayat .. 2\-50\-26 (13325) 
dAnavo lavaNo nAma madhoH putro mahAbalaH.
shatrughnena hato rAjaMstadA rAmasya shAsanAt .. 2\-50\-27 (13326) 
evaM bahUni karmANi kR^itvA lokahitAya saH.
rAjaM chakAra vidhivadrAmo dharmabhR^itAM varaH .. 2\-50\-28 (13327) 
shatAshvamedhAnAjahre jyotirukthyAnnirargalAn.
nAshrUyantAshubhA vAcho nAtyayaH prANinAM tadA.  2\-50\-29 (13328) 
na dasyujaM bhayaM chAsIdrAme rAjyaM prashasati.
R^iShINAM devatAnAM cha manuShyANAM tathaiva cha .. 2\-50\-30 (13329) 
pR^ithivyAM dhArmikAH sarve rAme rAjyaM prashAsati.
nAdharmiShTho naraH kashchidbabhUva prANinAM kvachit .. 2\-50\-31 (13330) 
prANApAnau samau hyAstAM rAme rAjyaM prashAsati.
gAdhAmapyatra gAyanti ye purANavido janAH .. 2\-50\-32 (13331) 
shyAmo yuvA lohitAkSho mAta~NgAnAmivarShabhaH.
AjAnubAhuH sumukhaH siMhaskandho mahAbalaH .. 2\-50\-33 (13332) 
dashavarShasahasrANi dashavarShashatAni cha.
rAjyaM bhogaM cha samprApya shashAsa pR^ithivImimAm .. 2\-50\-34 (13333) 
rAmo rAmo rAma iti prAjAnAmabhavankathAH.
rAmabhUtaM jagadidaM rAme rAjyaM prashAsati .. 2\-50\-35 (13334) 
R^igyajuH sAmahInAshcha na tadA.asandvijAyaH.
uShitvA daNDake kAryaM tridashAnAM chakAra saH .. 2\-50\-36 (13335) 
pUrvApakAriNaM taM tu paulastyaM manujarShabham.
devagandharvanAgAnAmariM sa nijaghAnaha .. 2\-50\-37 (13336) 
satvavAnguNasampanno dIpyamAnaH svatejasA.
evameva mahAbAhurikShvAkukulavardhanaH .. 2\-50\-38 (13337) 
rAvaNaM sagaNaM hatvA divamAkramatAbhibhUH.
iti dAsharatheH khyAtaH prAdurbhAvo mahAtmanaH .. 2\-50\-39 (13338) 
tataH kR^iShNo mahAbAhurbhItAnAmabhaya~NkaraH.
aShTAviMshe yuge rAja~njaj~ne shrIvatsalakShaNaH .. 2\-50\-40 (13339) 
peshalashcha vadAnyashchaloke bahumato nR^iShu.
smR^itimAndeshakAlaj~naH sha~NkhachakragadAsibhR^it .. 2\-50\-41 (13340) 
vAsudeva iti khyAto lokAnAM hitakR^itsadA.
vR^iShNInAM cha kule jAto bhUmeH priyachikIrShayA .. 2\-50\-42 (13341) 
shatrUNAM bhayakR^iddAtA madhuheti sa vishrutaH.
shakaTArjunarAmANAM kIlasthAnAnyasUdayat .. 2\-50\-43 (13342) 
kaMsAdInnijaghAnAjau daityAnmAnuShavigrahAn.
ayaM lokahitArthAya prAdurbhAvo mahAtmanaH .. 2\-50\-44 (13343) 
kalkI viShNuyashA nAma bhUyashchotpatsyate hariH.
leryugAnte samprApte dharme shithilatAM gate .. 2\-50\-45 (13344) 
pAShaNDinAM gaNAnAM hi vadhArthaM bharatarShabha.
dharmasya cha vivR^iddhyarthaM viprANAM hitakAmyayA .. 2\-50\-46 (13345) 
ete chAnye cha bahavo viShNordevagaNairyutAH.
prAdurbhAvAH purANeShu gIyante brahmavAdibhiH .. .. 2\-50\-47 (13346) 

iti shrImanmahAbhArate sabhAparvaNi arghAharaNaparvaNi pa~nchAsho.adhyAyaH .. 50\..



\medskip\hrule\medskip
sabhAparva \- adhyAya 051
.. shrIH ..
2\.51\. adhyAyaH 51 

##Mahabharata - Sabha Parva - Chapter Topics##
yudhiShThireNa bhIShmamprati vistareNa kR^iShNakathAkathanaprArthanA .. 1\.. devAsurayuddhe parAjitAnAM devAnAM smaraNamAtrasaMnihitena hariNA daityAnAM parA jayaH .. 2\.. bhUmyA svabhArAvataraNaM prArthite.asya viShNoH bhUmAvavatAranirdhAraNam .. 3\..

##Mahabharata - Sabha Parva - Chapter Text##

vaishampAyana uvAcha ..

evamukte tu kaunteyastataH kauravanandanaH.
AbabhAShe punarbhIShNe dharmarAjo yudhiShThiraH .. 2\-51\-1 (13347) 
bhUya eva manuShyendra upendrasya yashasvinaH.
janma vR^iShNiShu vij~nAtumichChAmi vadatAM vara .. 2\-51\-2 (13348) 
yathaiva bhagavA~njAtaH kShitAviha janArdanaH.
mAdhaveShu mahAbuddhistanme brUhi pitAmaha .. 2\-51\-3 (13349) 
vaishampAyana uvAcha. 2\-51\-4x (1477) 
evamuktastato bhIShmaH keshavasya mahAtmanaH.
mAdhaveShu tathA janma kathayAmAsa vIryavAn .. 2\-51\-4 (13350) 
hanta te kathayiShyAmi yudhiShThira yathAtatham.
yato nArAyaNasyeha janma vR^iShNiShu kaurava .. 2\-51\-5 (13351) 
purA loke mahArAja vartamAne kR^ite yuge.
AsItrailokyavikhyAtaH sa~NgrAmastArakAmayaH .. 2\-51\-6 (13352) 
virochano mayastAro varAhaH shveta eva cha.
viprachittiH pralambashcha vR^itrajambhabalAdayaH .. 2\-51\-7 (13353) 
namuchiH kAlanemishcha prahlAda iti vishrutaH.
lambaH kishoraH svarbhAnurariShTo rAkShaseshvaraH .. 2\-51\-8 (13354) 
ete chAnye cha bahavo daityasa~NghAH sahasrashaH.
nAnAshastradharA rAjannAnAbhUShaNavAhanAH .. 2\-51\-9 (13355) 
devatAnAmabhimukhAstasthurdaiteyadAnavAH.
devAstu yudhyamAnAste dAnavAnabhyayU raNe .. 2\-51\-10 (13356) 
AdityA vasavo rudrAH sAdhyA vishve marudgaNAH.
indro yamashcha varuNashchandrashchaiva dhaneshvaraH .. 2\-51\-11 (13357) 
ashvinau cha mahAvIryau ye chAnye devatAgaNAH.
chakruryuddhaM mahAghoraM dAnavaishcha yathAkramam .. 2\-51\-12 (13358) 
yudhyamAnAH sameyushcha devA daiteyadAnavaiH.
tadyuddhamabhavadghoraM devadAnavasa~Nkulam .. 2\-51\-13 (13359) 
tAbhyAM balAbhyAM sa~njaj~ne tumulo vigrahastadA.
tIkShNashastraiH kiranto.atha abhyayurdevadAnavAH .. 2\-51\-14 (13360) 
ghranti devAnsagandharvAnsayakShoragachAraNAn.
te vadhyamAnA daiteyairdevasa~NghAstadA raNe .. 2\-51\-15 (13361) 
trAtAraM manasA jagmurdevaM nArAyamaM prabhum.
etasminnantare tatra jagAma harirIshvaraH .. 2\-51\-16 (13362) 
dIpaya~njyotiShA bhUmiM sha~NkhachakragadAdharaH.
tamAgataM suparNasthaM viShNuM lokanamaskR^itam .. 2\-51\-17 (13363) 
dR^iShTvA mudA yutAH sarve bhayaM tyaktvA rame surAH.
chakruryuddhaM punaH sarve devA daiteyadAnavaiH .. 2\-51\-18 (13364) 
tadyuddhamabhavadghoramachintyaM romaharShaNam.
jaghrurdaityAntraNe ghorAH sarve shakrapurogamAH .. 2\-51\-19 (13365) 
te bAdhyamAnA bibudhairdudruvudaityadAnavAH ..  2\-51\-20 (13366) 
vidrutAndAnavAndR^iShTvA tadA bhArata saMyuge.
kAlanemiriti khyAto dAnavaH pratyadR^ishyatA .. 2\-51\-21 (13367) 
shatrupraharaNe ghoraH shatabAhuH shatAnanaH.
shatashIrShaH sthitaH shrImA~nChatashR^i~NgaM ivAchalaH .. 2\-51\-22 (13368) 
bhAskarAkAramukuTaH shi~njitAbharaNA~NgadaH.
dhUmraketurharishmashrurnirdaShToShThapuTAnanaH .. 2\-51\-23 (13369) 
trailokyAntaravistAraM dhArayanvipulaM vapuH.
tarjayanvai raNe devA~nChAdayanvai disho dasha .. 2\-51\-24 (13370) 
abhyadhAvatsusa~Nkruddho vyAditAsya ivAntakaH.
tatra shastrapratAnaishcha devAndharShitavAntraNe .. 2\-51\-25 (13371) 
abhyAyayuH surAnsarvAnpunaste daityadAnavAH.
ApIDayantraNe kruddhAstato devAnyudhiShThira .. 2\-51\-26 (13372) 
te vadhyamAnA vibudhAH samare kAlaneminA.
daityaishchaiva mahArAja dudruvuste disho dasha .. 2\-51\-27 (13373) 
vibudhAnvidrutAndR^iShTvA kAlanemirmahA.~nasuraH.
indraM yamaM cha varuNaM vAyuM cha dhanadaM ravim .. 2\-51\-28 (13374) 
etAMshchAnyAnbalA~njitvA teShAM kAryANyavApa saH.
tAnsarvAnsahasA jitvA kAlanemirmahAsuraH .. 2\-51\-29 (13375) 
dadarsha gagane viShNuM suparNasthaM mahAdyutim.
taM dR^iShTvA krodhatAmrAkShastarjayannabhyayAttadA .. 2\-51\-30 (13376) 
sa bAhushatamudyamya sarvAstragrahaNaM raNe.
roShAdbhArata daityendro viShNorurasi pAtayat .. 2\-51\-31 (13377) 
daityAshcha dAnavAshchaiva sarve mayapurogamAH.
svAnyAyudhAni sa~NgR^ihya sarve viShNumupAdravan .. 2\-51\-32 (13378) 
sa tADyamAno.~natibalairdaityaiH sarvAyughodyataiH.
na chachAla hariryuddhe.akampamAna ivAchalaH .. 2\-51\-33 (13379) 
punarudyamya sa~NkruddhaH kAlanemirdR^iDhAM gadAm.
jaghAna gadayA rAjaMstaM viShNuM garuDaM cha vai .. 2\-51\-34 (13380) 
taM dR^iShTvA guraDaM shrAntaM chakramudyasya vai hariH.
shataM shirAMsi bAhUMshcha sochChinatkAlaneminaH .. 2\-51\-35 (13381) 
jaghAnAnyAMscha tAnsarvAnsamare daityadAnavAn.
vibudhAnAmR^iShINAM cha svAni sthAnAni vai dadau .. 2\-51\-36 (13382) 
dattvA surANAM sugrIto yogyakarmANi bhArata.
jagAma brahmaNA sArdhaM brahmalokaM tadA hariH .. 2\-51\-37 (13383) 
brahmalokaM pravishyAshcha prApya nArAyaNaH prabhuH.
paurANaM brahmasadanaM divyaM nArAyaNAshrayam .. 2\-51\-38 (13384) 
sa pravishya tadA devaH stUyamAno maharShibhiH.
sahasrashIrShA bhUtvA cha shayanAyopachakrame .. 2\-51\-39 (13385) 
AdidevaH purANAtmA nidrAvashamupAgataH.
shete sukhaM sadA viShNurmohaya~njagadavyayaH .. 2\-51\-40 (13386) 
jagmustasyAtha varShANi shayAnasya mahAtmanaH.
ShaTtriMshachChatasAhasraM mAnuSheNeha sa~NkhyayA .. 2\-51\-41 (13387) 
jagmuH kR^itayugatretAdvAparAnte bubodha ha.
brahmAdibhiH stUyamAnaH suraishchApi saharShibhiH .. 2\-51\-42 (13388) 
utpatya shayanAdviShNurbrahmaNA vibudhaiH saha.
devAnAM cha hitArthAya yayau devasabhAM prati .. 2\-51\-43 (13389) 
meroH shirasi vinyastAM jvalantIM tAM shubhAM sabhAm.
vivishuste surAH sarve brahmaNA saha bhArata .. 2\-51\-44 (13390) 
jagmustatra niSheduste sA niHshabdA hyabhUttadA.
tatra bhUmiruvAchAtha khedAtkaruNabhAShiNI .. 2\-51\-45 (13391) 
rAj~nAM balairbalavatAM khinnAsmi bhR^ishapIDitA.
nityaM bhAraparishrAntA duHkhaM jIvAmyahaM surAH .. 2\-51\-46 (13392) 
pure pure cha nR^ipatiH koTisa~NkhyairbalairvR^itaH.
rAShTre rAShTre cha shatasho grAmAH kulasahasriNaH .. 2\-51\-47 (13393) 
bhUmipAnAM sahasraishcha teShAM cha bilanAM balaiH.
grAmAyutaiH purai rAShTrairahaM nirvivarIkR^itA .. 2\-51\-48 (13394) 
tasmAddhArayituM shaktyA na kShamAsi janAnaham.
daityaishcha bAdhyamAnAstAH prAja nityaM durAtmabhiH .. 2\-51\-49 (13395) 
bhIShNa uvAcha. 2\-51\-50x (1478) 
bhUmestu vachanaM shrutvA devo nArAyaNastadA.
vyAdishya tAnsurAnsarvAnkShitau vastuM mano dadhe .. .. 2\-51\-50 (13396) 

iti shrImanmahAbhArate sabhAparvaNi arghAharaNaparvaNi ekapa~nchAsho.adhyAyaH .. 51\..

##Mahabharata - Sabha Parva - Chapter Footnotes##

2\-51\-42 kR^itayugatretAdvAparAH anta iti ChedaH ..


\medskip\hrule\medskip
sabhAparva \- adhyAya 052
.. shrIH ..
2\.52\. adhyAyaH 52 

##Mahabharata - Sabha Parva - Chapter Topics##
viShNunA devAnAM bhUmAvutpattaye Aj~nApanam . . 1\.. avatIrNe kR^iShNe svargAdAgatAnAmindrAdInAM shrIkR^iShNaM stutvA punaH sva lokagamanam .. 2\.. shrIkR^iShNena shakaTAsuravadhaH. arjunatarubha~njanam. bR^indAvaM gatvA vane viharaNam .. 3\..

##Mahabharata - Sabha Parva - Chapter Text##

bhIShNa uvAcha.

yachchake bhagavAnviShNurvasudevasutastadA.
tatte.ahaM sampravakShyAmi shR^iNu sravamasheShataH .. 2\-52\-1 (13397) 
vAsudevasya mahAtmyaM charitaM cha mahAtmanaH.
hitArthaM surasartyAnAM lokAnAM cha hitAya cha .. 2\-52\-2 (13398) 
yadA divi vibhustAta na reme bhagavAnasau.
tato vyAdishaya bhUtAni vibhurbhUmisukhAvahaH .. 2\-52\-3 (13399) 
nigrahArthAya daityAnAM chodayAmAsa vai tadA.
murutashcha vasUMshchaiva sUryAchandramasAvubhau .. 2\-52\-4 (13400) 
gandharvApsarasashchaiva rudrAdityAMstathA.ashvinau.
jAyadhvaM mAnuShe loke sarvalokamaheshvarAH .. 2\-52\-5 (13401) 
ja~NgamAni vishAlAkSho hyAtmArthamasR^ijatprabhuH.
jAyantAmiti govindastiryagyonigataiH saha .. 2\-52\-6 (13402) 
tAni sarvANi sarvaj~no vyajAyata yadoH kule.
AtmAnamAtmanA tAta kR^itvA bahuvidhaM hariH. 
ratyarthamiha gAstatra rarakSha puruShottamaH.  2\-52\-7 (13403) 
ajAtashatro jAtastu yatheShTa bhuvi bhUmipa.
kIrtyamAnaM mayA tAta nibodha bharatarShabha .. 2\-52\-8 (13404) 
sAgarAH samakampanta mudA chelushcha parvatAH.
jajvalushchAgnayaH shAntA jAyamAne janArdane .. 2\-52\-9 (13405) 
shivAH sampravavurvAtAH prashAntamabhavadrajaH.
jyotIMShi samprakAshanta jAyamAne janArdane .. 2\-52\-10 (13406) 
devadundubhayashchApi sasvanurbhR^ishamambare.
abhyavarShaMstadA.a.agamya devatAH puShpavR^iShTibhiH .. 2\-52\-11 (13407) 
gIrbhirma~NgalayuktAbhiH stuvanvai madhusadanam.
upatasthustadA prItAH prAdurbhAve maharShayaH .. 2\-52\-12 (13408) 
tatastAnabhisamprekShya nAradapramukhAnR^iShIn.
upAnR^ityannupajagurgandharvApsarasAM gaNAH .. 2\-52\-13 (13409) 
upatasthe cha govindaM sahasrAkShaH shachIpatiH.
abhyabhAShata tejasvI maharShInpUjayaMstadA .. 2\-52\-14 (13410) 
kR^itvA cha devakAryANi kR^itvA devahitAni cha.
khaM lokaM lokakR^iddevaH punargachChati tejasA .. 2\-52\-15 (13411) 
ityuktvA R^iShibhiH sArghaM jagAma tridivaM punaH.
abhyanuj~nAya tAnsarvA~nChAdayanprakR^itiM parAm .. 2\-52\-16 (13412) 
nandagopakule kR^iShNa uvAsa bahulAH samAH.
tataH kadAchitsuptaM taM shakaTasya tvadhaH shishum .. 2\-52\-17 (13413) 
yashodA samparityajya jagAma yamunAM nadIm.
shishulIlAM tataH kurvansvahastacharaNau kShipan .. 2\-52\-18 (13414) 
ruroda madhuraM kR^iShNaH pAdAvUrdhvaM prasArayan.
pAdA~NguShThena shakaTaM dArayannatha keshavaH .. 2\-52\-19 (13415) 
tatra ekena pAdena pAtayitvA tathA shishuH.
nyubjaM payodharAkA~NkShI sasAra cha ruroda cha .. 2\-52\-20 (13416) 
pATitaM shakaTaM dR^iShTvA bhinnabhANDapuTIkaTam.
janAste shishunA tena vismayaM paramaM yayuH .. 2\-52\-21 (13417) 
pratyakShaM shUrasenAnAM dR^ishyate mahadadbhutam.
shayAnena hataH kaMsapakShavAMstigmatejasA .. 2\-52\-22 (13418) 
pUtanA chApi nihatA mahAkAyA mahAstanI.
tataH kAle mahArAja saMsaktau rAmakeshavau .. 2\-52\-23 (13419) 
kR^iShNaH sa~NkarShaNashchobhau ri~NkhiNau cha babhUvatuH.
anyonyakiraNAkrAntau chandrasUryAvivAmbare .. 2\-52\-24 (13420) 
visarpantau cha sarvatra mahAsarpabhujau tadA.
rejatuH pAMsudigdhA~Ngau rAmakR^iShNau tadA nR^ipa .. 2\-52\-25 (13421) 
kvachichcha jAnubhiH spR^iShTau krIDamAnau kvachidvane.
pibantau dadhikulyAMshcha mathyamAne cha bhArata .. 2\-52\-26 (13422) 
tataH sa bAlo govindo navanItaM tadA kShayam.
grAsamAnastu tatrAyaM gopIbhirdadR^ishe tathA .. 2\-52\-27 (13423) 
dAmnA.atholUkhale kR^iShNo gopIbhishcha nibandhitaH.
tattathA shishunA tena karShatA chArjunAvR^ibhau .. 2\-52\-28 (13424) 
samUlaviTapau bhagnau tadadbhutamivAbhavat.
tatastau bAlyamuttIrNau kR^iShNasa~NkarShaNAvubhau .. 2\-52\-29 (13425) 
tasminneva vrajasthAne saptavarShai babhUvatuH.
nIlapItAmbaradharau pItashvetAnulepanau .. 2\-52\-30 (13426) 
babhuvaturvatsapAlau kAkapakShadharAvubhau.
parNavAdyaM shrutisukhaM vAdayantau varAnanau .. 2\-52\-31 (13427) 
shushubhAte vanagatau trishIrShAviva pannagau.
mayUrA~NgajakarNau tau pallavApIDadhAriNau .. 2\-52\-32 (13428) 
vanamAlAparikShiptau sAlapotAvivodgatau.
aravindakR^itApIDau rajjuyaj~nopavItinau .. 2\-52\-33 (13429) 
sashikyatumburukarau gopaveNupravAdakau.
kvachidvasantAvanyonyaM kraDamAnau kvachidvane .. 2\-52\-34 (13430) 
parNashayyAsu tau suptau kvachinnidrAntaraiShiNau.
tau vatsAnpAlayantau hi shobhayantau mahadvanam .. 2\-52\-35 (13431) 
cha~nchUryantau ramantau cha rAjannevaM tadA shubham.
tato bR^indAvanaM gatvA vasudevasutAvubhau. 
gokulaM tatra kaunyeya chArayantau vijahratuH .. ..  2\-52\-36 (13432) 

iti shrImanmahAbhArate sabhAparvaNi arghAharaNaparvaNi dvipa~nchAsho.adhyAyaH .. 52\..



\medskip\hrule\medskip
sabhAparva \- adhyAya 053
.. shrIH ..
2\.53\. adhyAyaH 53 

##Mahabharata - Sabha Parva - Chapter Topics##
kR^iShNena bAlakaiH saha vihR^itya kAliyamardanam .. 1\.. balarAmeNa dhenukAsurahananam .. 2\.. kR^iShNena govardhanoddharaNam .. 3\.. ariShTAsurAdihananam .. 4\.. madhurAyAM kaMsaM hatvA pitroH pAdAbhivandanam .. 5\.

##Mahabharata - Sabha Parva - Chapter Text##

bhIShNa uvAcha.

tataH kadachidgovindo jyeShThaM sa~NkarShaNaM vinA.
chachAra tadvanaM ramyaM susvarUpo varAnanaH .. 2\-53\-1 (13433) 
kAkapakShadharaH shrImA~nChyAmaH padmanibhekShaNaH.
shrIvatsenorasA yuktaH shashA~Nka iva lakShmaNA .. 2\-53\-2 (13434) 
rajjuyaj~nopavItI sa pItAmbaradharo yuvA.
shvetachandranaliprA~Ngo nIlaku~nchitamUrdhajaH .. 2\-53\-3 (13435) 
rAjatA barhipatreNa mandamArutakampinA.
kvachidgAyankva~nchitkrIDankvachinnR^ityankvachiddhasan .. 2\-53\-4 (13436) 
gopaveNuM sumadhuraM kAmaM tadapi vAdayan.
prahlAdanArthaM cha gavAM ka kvachidvanagato yuvA .. 2\-53\-5 (13437) 
gokule meghakAle tu chachAra dyutimAnprabhuH.
bahuramyeShu desheShu vanasya vanarAjipu .. 2\-53\-6 (13438) 
tAsu kR^iShNo mudA yuktaH krIDayanbharatarShabha.
sa kadAchidvane tasmingobhiH saha parivrajan .. 2\-53\-7 (13439) 
bhANDIraM nAma dR^iShTvA.atha nyagrodhaM keshavo mahAn.
tachChAyAyAM matiM chakre nivAsAya tadA prabhuH .. 2\-53\-8 (13440) 
sa tatra vayasA tulyairbatsapAlaistadA.anagha.
reme sa divasaM kR^iShNaH purA svargagato yathA .. 2\-53\-9 (13441) 
taM krIDamAnaM gopAlAH kR^iShNaM bhANDIravAsinaH.
ramayanti sma bahavo mAnyaiH krIDanakaistadA .. 2\-53\-10 (13442) 
anye sma parigAyanti gopA muditamAnasAH.
gopAlakR^iShNamevAnye gAyanti sma vanapriyAH .. 2\-53\-11 (13443) 
teShAM sa~NgAyatAmeva vAdayAmAsa keshavaH.
parNavAdyAntare veNuM tumbavINAM cha tatra vai .. 2\-53\-12 (13444) 
evaM krIDAntaraiH kR^iShNo gopAlairvijahAra saH.
tena bAlena kaunteya kR^itaM lokahitaM tadA .. 2\-53\-13 (13445) 
pashyatAM sarvabhUtAnAM vAsudevena bhArata.
hrade nipAtatA tatra krIDitaM nAgamUrdhani .. 2\-53\-14 (13446) 
shAsayitvA tu kAlIyaM sarvalokasya pashyataH.
vijahAra tataH kR^iShNo baledavasahAyavAn .. 2\-53\-15 (13447) 
dhenuko dAruNo rAjandaityo rAsabhavigrahaH.
tadA tAlavane rAjanbaladevena vai hataH .. 2\-53\-16 (13448) 
tataH kadAchitkaunteya rAmakR^iShNau vanaM gatau.
chArayantau pravR^iddhAni godhanAni shubhAnanau .. 2\-53\-17 (13449) 
viharantau mudA yuktau vIkShamANau vanAni vai.
shvelayantau pragAyantau vichinvantau cha pAdapAn .. 2\-53\-18 (13450) 
nAmabhirvyAharantau cha vatsAngAshcha parantapau.
cheraturlokasiddhAbhiH krIDAbhiraparAjitau .. 2\-53\-19 (13451) 
tau devau mAnuShIM dIkShAM vahantau surapUjitau.
tajjAtiguNayuktAbhiH krIDAbhishcheraturvanam .. 2\-53\-20 (13452) 
evaM bAlye.api gopAlaiH krIDAbhishcha vijahratuH ..  2\-53\-21 (13453) 
tataH kR^iShNo mahAtejAstadA gatvA tu govrajam.
giriyaj~naM tamevaiSha pravR^ittaM gopadArakaiH .. 2\-53\-22 (13454) 
bubhuje pAyasaM shaurirIshvaraH sarvabhUtakR^it.
taM dR^iShTvA gopakAH sarve kR^iShNameva samarchayan .. 2\-53\-23 (13455) 
pUjyamAnastadA devairdivyaM vapuradhArayat.
dhR^ito govardhano nAma saptAhaM parvato dhR^itaH .. 2\-53\-24 (13456) 
shishunA vAsudevena gavArthamarimardana.
krIDamAnastadA kR^iShNaH kR^itavAnkarma duShkaram .. 2\-53\-25 (13457) 
tadadbhutamatIvAsItsarvalokasya bhArata.
devadevaH kShitaM gatvA kR^iShNaM natvA mudAnvitaH.  2\-53\-26 (13458) 
govinda iti taM hyuktvA hyabhyaShi~nchatpurandaraH.
ityuktvAshliShya govindaM puruhUtobhyayAddivam .. 2\-53\-27 (13459) 
athAriShTa iti khyAtaM daityaM vR^iShabhavigraham.
jaghAna tarasA kR^iShNaH pashUnAM hitakAmyayA .. 2\-53\-28 (13460) 
keshinAmA tato daityo rAjaMsturagavigrahaH.
tathA vanagataM pArtha gajAyutabalaM hayam .. 2\-53\-29 (13461) 
karAmbhoruhavajreNa jaghAna madhusUdanaH.
atha mallaM tu chANUraM nijaghAna mahA.asuram .. 2\-53\-30 (13462) 
sudAmAnamamitraghna sarvasainyapuraskR^itam.
bAlarUpeNa govindo nijaghAna cha bhArata .. 2\-53\-31 (13463) 
baladevena chAyatnAtsamAje muShTiko hataH.
tADitashcha sahAmAtyaH kaMsaH kR^iShNena bhArata .. 2\-53\-32 (13464) 
hatvA kaMsamamitraghnaH sarveShAM pashyatAM tadA.
abhiShichyograsenaM taM pitroH pAdamavandata.  2\-53\-33 (13465) 
evamAdIni karmANi kR^itavAnvai janArdanaH .. ..  2\-53\-34 (13466) 

iti shrImanmahAbhArate sabhAparvaNi arghAharaNaparvaNi tripa~nchAsho.adhyAyaH ..53 ..



\medskip\hrule\medskip
sabhAparva \- adhyAya 054
.. shrIH ..
2\.54\. adhyAyaH 54 

##Mahabharata - Sabha Parva - Chapter Topics##
rAmakR^iShNayoH vidyAbhyAsArthaM sAndIrpinyAchAryasamIpagamanam .. 1\.. sAndIpininA gurudakShiNAtvena mR^itaputrAnayanaM choditena kR^iShNena svenojjIvi tasya putrasya samarpaNam ..2\.. kaMsaparAkramAdivarNanam .. 3\.. kR^iShNena jarAsandhaparAjayaH .. 4\..

##Mahabharata - Sabha Parva - Chapter Text##

bhIShma uvAcha ..

tatastau jagmatustatra guruM sAndIpiniM punaH.
gurushushrUShaNAyuktau dharmaj~nau dharmachAriNau .. 2\-54\-1 (13467) 
vratamugraM mahAtmAnau vicharantAvavantiShu.
ahorAtraishchatuShpaShTyA sA~NgAnvedAnavApatuH .. 2\-54\-2 (13468) 
lekhyaM cha gaNitaM chobhau prApnutAM yadunandanau.
gAndharvavedaM vaidyaM cha sakalaM samAvApatuH .. 2\-54\-3 (13469) 
hastishikShAmashvishikShAM dvAdashAhena chApnutAm.
tAvubhau jagmaturvIrau guruM sAndIpiniM punaH .. 2\-54\-4 (13470) 
dhanurvedachikIrShArthaM dharmaj~nau dharmachAriNau.
tAviShvAsavarAchAryamabhigamya praNamya cha .. 2\-54\-5 (13471) 
tena vai satkR^itau rAjaMshcharantau tAvavantiShu.
pa~nchAshadbhirahorAtrairdashA~NgaM supratiShThitam .. 2\-54\-6 (13472) 
sarahasyaM dhanurvedaM sakalaM tAvavApatuH.
dR^iShTvA kR^itArtho viprendro gurvarthe tAvachodayat .. 2\-54\-7 (13473) 
ayAchatArthaM govindaM tadA sAndIpinirvibhum.
mama putraH samudre.asmiMstiminA chApavAhitaH .. 2\-54\-8 (13474) 
putramAnaya bhadraM te bhakShitaM timinA mama.
ArtAya gurave tatra pratishushrAva duShkaram .. 2\-54\-9 (13475) 
ashakyaM sarvabhUteShu kartumanyena kenachit.
yashcha sAndIpineH putraM jahAra bharatarShabha .. 2\-54\-10 (13476) 
so.asuraH samare tAbhyAM samudre vinipAtitaH.
tataH sAndIpineH putraH prasAdAdamitaujasaH .. 2\-54\-11 (13477) 
dIrghakAlaM kR^itaH pretaH punarAsIchCharIravAn.
tadashakyamachintyaM cha dR^iShTvA sumahadadbhutam .. 2\-54\-12 (13478) 
sarveShAmeva bhUtAnAM vismayaH samajAyata.
AsanAni cha sarvANi gavAshvaM cha dhanAdikam .. 2\-54\-13 (13479) 
sarvaM tadupajahAte gurave rAmakeshavau.
gadAparighayuddhe cha sarvAstreShu cha keshavaH .. 2\-54\-14 (13480) 
paramAM mukhyatAM prAptaH sarvalokeShu vishrutaH.
kashcha nArAyaNAdanyaH sarvaratnavibhUShitam .. 2\-54\-15 (13481) 
rathamAdityasa~NkAshamAtiShTheta shachIpateH.
kasya chApratimo yantA vajrapANeH priyaH sakhA .. 2\-54\-16 (13482) 
mAtaliH sa~NgR^ihItA syAdanyatra puruShottamAt.
bhojarAjAtmajo vApi kaMsastAta yudhiShThira .. 2\-54\-17 (13483) 
astrajAte bale vIrye kArtavIryasamo.abhavat.
tasya bhojapateH putrAdbhojarAjanyavardhanAt .. 2\-54\-18 (13484) 
udvijante sma rAjAnaH suparNAdiva pannagAH.
chitrakArmukanistriMshavimalaprAsayodhinaH .. 2\-54\-19 (13485) 
shataM shatasahasrANi pAdAtAstasya bhArata.
aShTau shatasahasrANi shUrANAmanivartinAm .. 2\-54\-20 (13486) 
abhavanbhojarAjasya jAmbUnadamayA dhvajAH.
rukmakA~nchanakakShyAstu rathAstasya yudhiShThi .. 2\-54\-21 (13487) 
abhavanbhojaputrasya dvipAstAvaddhi tadbalam.
chitrakArmukanistriMshavimalaprAsayodhinAm .. 2\-54\-22 (13488) 
ShoDashAshvasahasrANi kiMshukAbhAni tasya vai.
aparastu mahAvyUhaH kishoraNAM yudhiShThira .. 2\-54\-23 (13489) 
Arohavarasampanno durdharShaH kenachidbalAn.
sa cha ShoDashasAhasraH kaMsabhrAtR^ipuraH saraH .. 2\-54\-24 (13490) 
sunAmA sarvatastvenaM sa kaMsaM paryapAlayat.
sagaNo mishrako nAma ShaShTimasAhasra uchyate .. 2\-54\-25 (13491) 
kaMsaroShamahAvegAM vaivasvatavashAnugAm ..
mattadvipamahAgrAhAM vaivasvatavashAnugAm .. 2\-54\-26 (13492) 
shasrajAlamahAphenAM sAdivegamahAjalAm.
gadAparighapAThInAM nAnAkavachashaivalAm .. 2\-54\-27 (13493) 
rathanAgamahAvartAM nAnArudhirakardamAm.
chitrakArmukakallolAM rathAshvakalilahradAm .. 2\-54\-28 (13494) 
mahAmR^idhanadIM ghorAM yodhAvartananisvanAm.
ko.anyo nArAyaNAdetya kaMsahantA yudhiShThira .. 2\-54\-29 (13495) 
eSha shakrarathe tiShThaMstAnyanIkAni bhArata.
vyadhamadbhojaputrasya mahAbhrANIva mArutaH .. 2\-54\-30 (13496) 
taM sabhAsthaM sahAmAtyaM hatvA kaMsaM sahAnvayam.
AnayAmAsa mAnArhAM devakIM samuhR^idgaNAm .. 2\-54\-31 (13497) 
yashodAM rohiNIM chaiva abhivAdya punaH punaH.
ugrasenaM cha rAjAnamabhiShichya janArdanaH .. 2\-54\-32 (13498) 
archito yadumukhyaishcha bhagavAnvAsavAnujaH.
tataH pArthivamAyAntaM sahitaM sarvarAjabhiH. 
sarasvatyAM jarAsandhamajayatpuruShottamaH .. ..  2\-54\-33 (13499) 

iti shrImanmahAbhArate sabhAparvaNi arghAharaNaparvaNi chatuH pa~nchAsho.adhyAyaH .. 54\..



\medskip\hrule\medskip
sabhAparva \- adhyAya 055
.. shrIH ..
2\.55\. adhyAyaH 55 

##Mahabharata - Sabha Parva - Chapter Topics##
kR^iShNasya madhurAM tyaktvA dvArakAgamanam ..1\.. narakAsurapratApavarNanam .. 2\.. indreNa dvArakAmetya kR^iShNaM prati narakavadhaprArthanam .. 3\.. garuDamAruhya prAgjyotichaM gatena kR^iShNena nihate dharaNyA tasmai kuNDalArpaNam .. 4\..

##Mahabharata - Sabha Parva - Chapter Text##

bhIShNa uvAcha ..

shUrasenapuraM tyaktvA tato yAdavanandanaH.
dvArakAM bhagavAnkR^iShNaH pratyapadyata bhArata .. 2\-55\-1 (13500) 
tato mahAtmA yAnAni ratnAni vividhAni cha.
yathArhaM puNDarIkAkSho nairR^itAtpratyapadyata .. 2\-55\-2 (13501) 
tatra vighnaM charanti sma daiteyAH sahadAnavaiH.
tA~njaghAna mahAbAhurvaramattAnmahAsurAn .. 2\-55\-3 (13502) 
sa vighnamakarottatra narako nAma nairR^itaH.
aditiM dharShayAmAsa kuNDalArthaM yudhiShThira .. 2\-55\-4 (13503) 
na chAsuragaNaiH sarvaiH sahitaiH karma tatpurA.
kR^itapUrvaM mahAghoraM yadakArShInmahAsuraH .. 2\-55\-5 (13504) 
yaM mahI suShuve devI yasya prAgjyotiShaM puram.
viShayAntapAlAshchatvAro yasyAsanyuddhadurmadAH .. 2\-55\-6 (13505) 
AdevayAnamAvR^itya panthAnaM paryavasthitAH.
trAsanAH surasa~NghAnAM virUpai rAkShasaiH saha .. 2\-55\-7 (13506) 
hayagrIvo nikumbhashcha ghoraH pa~nchajanastadA.
muraH putrasahasraishcha varamatto mahAsuraH .. 2\-55\-8 (13507) 
tadvadhArthaM mahAbAhureSha chakragadAsibhR^it.
jAto vR^iShNiShu devakyAM vAsudevo janArdanaH .. 2\-55\-9 (13508) 
tasyAsya puruShendrasyalokaprathitatejasaH.
nivAso dvArakAyAM tu vidito vaH pradhAnataH .. 2\-55\-10 (13509) 
atIva hi purI ramyA dvArakA vAsavakShayAt.
ativairAjamapyaddhA pratyakShaste yudhiShThira .. 2\-55\-11 (13510) 
tasmindevapuraprakhye sA sabhA vR^iShNyupAshrayA.
sudharmeti cha vikhyAtA yojanAyatavistR^itA .. 2\-55\-12 (13511) 
tatra vR^iShNyandakAH sarve rAmakR^iShNapurogamAH.
lokayAtrAmimAM kR^itsnAM parirakShanta Asate .. 2\-55\-13 (13512) 
tatrAsIneShu sarveShu kadAchidbharatarShabha.
divyagandhA vavurvAtAH kusumAnAM cha vR^iShTayaH .. 2\-55\-14 (13513) 
tataH sUryasahasrAbhastejorAshirmahAdbhutaH.
madhye tu tejasastasya pANDaraM gajamAsthitaH.  2\-55\-15 (13514) 
vR^ito devagaNaiH sarvairvAsavaH pratyadR^ishyata ..
rAmakR^iShNau cha rAjA cha vR^iShNyandhakagaNaiH saha.  2\-55\-16 (13515) 
utpatya sahasA deve namaskAramakurvata ..
so.avatIrya gajAttUrNaM pariShvajya janArdanam.  2\-55\-17 (13516) 
sasvaje baladevaM cha rAjAnaM cha tamAhukam ..
vAsudevoddhavau chaiva vikadruM cha mahAmatim.  2\-55\-18 (13517) 
pradyumnasAmbanishaThAnaniruddhaM cha sAtyakim ..
gadaM sAraNamakrUraM bhAnujhalliviDUrathAn.  2\-55\-19 (13518) 
tathaiva kR^itavarNANAM chArudeShNaM mahAbalam ..
devakalpAnmahArAja tAndAshArhapurogamAn.  2\-55\-20 (13519) 
piriShvajya cha dR^iShTvA cha bhagavAnbhUtabhAvanaH ..
vR^iShNyandhakamahAmAtrAnpariShvajyAtha vAsavaH.  2\-55\-21 (13520) 
pragR^ihya pUjAM tairdattAM bhagavAnpAkashAsanaH ..
so.aditervachanAttAta kuNDalArthe janArdanam.  2\-55\-22 (13521) 
uvAcha paramaprIto jahi bhaumaM nareshva ..  2\-55\-23 (13522) 
bhIShNa uvAcha.
nihatya narakaM bhaumamAhariShyAmi kuNDale.  2\-55\-23x (1479) 
evamuktvA.atha govindo rAmamevAbhyabhAShata ..
pradyumnamaniruddhaM cha sAmbaM chApratimaM bale.  2\-55\-24 (13523) 
etAMshchochtkA tathA tatra vAsudevo mahAyashAH ..
athAruhya suparNaM vai sha~NkhachakragadAsibhR^it.  2\-55\-25 (13524) 
yayau tadA hR^iShIkesho devAnAM hitakAmyayA ..
taM prayAntamamitraghnaM devAH sahapurandarAH.  2\-55\-26 (13525) 
pR^iShThato.anuyayuH prItyA stuvanto viShNumachyutam.
ugrAntrakShogaNAnhatvA narakasya mahAsurAn.  2\-55\-27 (13526) 
kShurAntAnmauravAnpAshAnShaTsahasraM dadarsha saH ..
sa~nChidya pAshAchChastreNa muraM hatvA sahAnvayam.  2\-55\-28 (13527) 
shailasa~NghAnatikramya nishumbhaM cha vyapothayat ..  2\-55\-29 (13528) 
yaH sahasrasahastvekaH sarvAndevAnapothayat.
taM jaghAna mahAvIryaM hayagrIvaM mahAbalam .. 2\-55\-30 (13529) 
apAratejA durdharShaH sarvayAdavanandanaH ..
madhye lohitaga~NgAyAM bhagavAndevakIsutaH .. 2\-55\-31 (13530) 
audakAyAM virUpAkShaM jaghAna madhusUdanaH.
tataH prAgjyotiShaM nAma dIpyamAnamiva shriyA. 
puramAsAdayAmAsa tatra yuddhamavartata ..  2\-55\-32 (13531) 
tadyuddhamabhavadghoraM tena bhaumena bhArata.
kuNDalArthe sureshasya narakeNa mahAtmanA .. 2\-55\-33 (13532) 
muhUrtaM lAlayitvA tu narakaM madhUsUdanaH.
pravR^ittachakraM chakreNa pramamAtha balAdbalI .. 2\-55\-34 (13533) 
chakrapramathitaM tasya papAta sahasA bhuvi.
uttamA~NgaM hatA~Ngasya vR^itre vajrahate yathA .. 2\-55\-35 (13534) 
bhUmistu patitaM dR^iShTvA prAyachChatkuNDale sutam.
pradAya cha mahAbAhumidaM vachanamabravIt .. 2\-55\-36 (13535) 
sR^iShTastvayaiva madhuhaMstvayaiva vinipAtitaH.
yathechChasi tathA krIDA prajAstasyAnupAlaya .. 2\-55\-37 (13536) 
shrIvAsudeva uvAcha. 2\-55\-38x (1480) 
devAnAM cha munInAM cha pitR^INAM cha mahAtmanAm.
udvejanIyo bhUtAnAM brahmadvid puruShAdhamaH .. 2\-55\-38 (13537) 
lokadviShTaH sutaste tu devArirlokakaNTakaH.
sarvalokanamaskAryAmaditaM bAdhayadvalI .. 2\-55\-39 (13538) 
kuNDale hR^itavAndarpAttataste nihataH sutaH.
naiva manyustvayA kAryo yatkR^itaM mayi bhAmini .. 2\-55\-40 (13539) 
tvatprabhAvAchcha te putro labdhavAngatimuttamAm.
tasmAdgachCha mahAbhAge bhArAvataraNaM kR^itam .. .. 2\-55\-41 (13540) 

iti shrImanmahAbhArate sabhAparvaNi arghAharaNaparvaNi pa~nchapa~nchAsho.adhyAyaH ..55 ..



\medskip\hrule\medskip
sabhAparva \- adhyAya 056
.. shrIH ..
2\.56\. adhyAyaH 56 

##Mahabharata - Sabha Parva - Chapter Topics##
kR^iShNasya narakaM nihatya tadIyadhanaratnAdikaM shatottaraShoDashasahasrastrIsahitaM maNiparva taM cha garuDamAropya svargalokagamanam .. 1\.. rAmakR^iShNayoH adityai kuNDalAdikaM dattvA aditishachIbhyAM satkR^itayA satyabhAmayA saha dvArakAM pratyAgamanam .. 2\..

##Mahabharata - Sabha Parva - Chapter Text##

bhIShNa uvAcha ..

nihatya narakaM bhaumaM satyabhAmAsahAyavAn.
sahito lokapAlaishcha dadarsha narakAlayam .. 2\-56\-1 (13541) 
athAsya gR^ihamAsAdya nArakasya mahAtmanaH.
dadarsha dhanamakShayyaM ratnAni vividhAni cha.  2\-56\-2 (13542) 
maNimuktApravAlAni vaiDUryavikR^itAni cha.
vistArAlpAMshchArkamaNInvipulAnsphATikAnapi .. 2\-56\-3 (13543) 
jAmbUnadamayAnyeva shAtakumbhamayAni cha.
pradIptajvalanAbhAni shItarashmiprabhANi cha .. 2\-56\-4 (13544) 
hiraNyavarNaM ruchiraM shvetamabhyantaraM gR^iham.
tadakShayyaM gR^ihe dR^iShTaM narakasya dhanaM bahu .. 2\-56\-5 (13545) 
na hi rAj~naH kuberasya tAvaddhanasamuchChrayaH.
dR^iShTapUrvaH purA sAkShAnmahendrabhavaneShvapi .. 2\-56\-6 (13546) 
hate bhaume nishumbhe cha vAsavaH sagaNo.abravIt.
dAshArhapatimAsInamAhR^itya maNikuNDale .. 2\-56\-7 (13547) 
hemasUtrA mahAkakShyAstomarairvIryashAlinaH.
vimalAni patAkAni vAsAMsi vividhAni cha .. 2\-56\-8 (13548) 
bhImarUpAshcha mAta~NgAH pravAlavikR^itAH kuthAH.
te cha viMshatisAhasrA dvAstAvatyaH kareNavaH .. 2\-56\-9 (13549) 
aShTau shatasahasrANi deshajAshchottamA hayAH.
gobhishchAvikR^itairyAvatkAmAttava janArdana .. 2\-56\-10 (13550) 
etatte prApayiShyANi vR^iShNyAvAsamarindama.
vasu yatriShu lokeShu dharmeNAvarjitaM tvayA .. 2\-56\-11 (13551) 
bhIShma uvAcha. 2\-56\-12x (1481) 
devagandharvaratnAni daiteyAsurajAni cha.
yAni santi hiraNyAni narakasya niveshane .. 2\-56\-12 (13552) 
etattu garuDe sarvaM kShipramAropya vAsavaH.
dArshArhapatinA sArdhamupAyAnmaNiparvatam .. 2\-56\-13 (13553) 
chitragrathitameghAbhaH prababhau maNiparvataH.
hemachitravitAnaishcha prAsAdairupashobhitaH .. 2\-56\-14 (13554) 
harmyANi cha vishAlAni maNisopAnavanti cha.
tatrasthA varavarNinyo dadR^ishurmadhusUdanam .. 2\-56\-15 (13555) 
gandharvasuramukhyAnAM priyA duhitarastadA.
triviShTapasame deshe tiShThantamaparAjitam .. 2\-56\-16 (13556) 
parivavrurmahAbAhumekaveNIdharAH striyaH.
parvAH kAShAyavAsinyaH sarvAshcha niyatendriyAH .. 2\-56\-17 (13557) 
vratasantApajaH shoke nAtra kashchidapIDayat.
arajAMsi cha vAsAMsi bibhratyaH kaushikAnyapi .. 2\-56\-18 (13558) 
sametya yadusiMhasya chakrurasyA~njaliM striyaH.
UchushchainaM hR^iShIkeshaM sarvAstAH kamalekShaNAH .. 2\-56\-19 (13559) 
nAradena samAkhyAtamasmAkaM puruShottama.
AgamiShyati govindaH surakAryArthasiddhaye .. 2\-56\-20 (13560) 
so.asuraM narakaM hatvA nishumbhaM murameva cha.
bhaumaM cha saparIvAraM hayagrIvaM cha dAnavam .. 2\-56\-21 (13561) 
tathA pa~nchajanaM chaiva prApsyate dhanamakShayam.
so.achireNaiva kAlena yuShmanmoktA bhaviShyati .. 2\-56\-22 (13562) 
evamuktvAgamaddhIro devarShirnAradastathA.
tvAM chintayAnAH satataM tapo ghoramupAsmahe .. 2\-56\-23 (13563) 
kAle.atIte mahAbAhuM kadA drakShyAma mAdhavam.
ityevaM hR^idi sa~NkalpaM kR^itvA puruShasattama. 
tapashcharAma satataM rakShyamANA hi dAnavaiH ..  2\-56\-24 (13564) 
tato.asmatpriyakAmArthaM bhagavAnmAruto.abravIt.
yathoktaM nAradenAtha na chirAttadbhaviShyati .. 2\-56\-25 (13565) 
bhIShNa uvAcha .. 2\-56\-26x (1482) 
tAsAM paramanArINAmR^iShabhAkShaM puraH sthitam.
dadR^ishurdevagandharvA gR^iShTInAmiva gopatim .. 2\-56\-26 (13566) 
tasya chandropamaM vaktramudIkShya muditendriyAH.
samprahR^iShTA mahAbAhumidaM vachanamabruvan.  2\-56\-27 (13567) 
satyavrata purA vAyuridamasmAnihAbravIt.
sarvabhUtahitaj~nashcha maharShirapi nAradaH .. 2\-56\-28 (13568) 
viShNurnArAyaNo devaH sha~NkhachakragadAsibhR^it.
sa bhaumaM narakaM hatvA bhartA vo bhavitA dhruvam .. 2\-56\-29 (13569) 
diShTyA tasyarShimukhyasya nAradasya mahAtmanaH.
vachanAdeva satyaM no bhartA bhavitumarhasi .. 2\-56\-30 (13570) 
yatpriyaM bata pashyAma shrutaM priyamarindama.
darshanena kR^itArthAH smo vayamasya mahAtmanaH .. 2\-56\-31 (13571) 
uvAcha hi yadushreShThaH sarvAstA jAtamanmathAH.
yathA brUta vishAlAkShyastatsarvaM vo bhaviShyati .. 2\-56\-32 (13572) 
tatastA garuDe sarvAH saratnadhanasa~nchayAH.
kShipramAropayA~nchakre bhagavAndevakIsutaH .. 2\-56\-33 (13573) 
sapakShigaNamAta~NgaM savyAlamR^igapannagam.
shAkhAmR^igagaNairjuShTaM saprastarashilAtalam .. 2\-56\-34 (13574) 
nya~Nkubhishcha varAhaishcha rurubhishcha niShevitam.
saprapAtamahAsAnuM vichitrashikhisa~Nkulam .. 2\-56\-35 (13575) 
sa mahendrAnujaH shaurishchakAra guruDopari.
pashyatAM sarvabhUtAnAmutpATya maNiparvatam .. 2\-56\-36 (13576) 
upendraM baladevaM cha vAsavaM cha mahAbalam.
svapakShabalavikShepairmahAdrishikharopamaH .. 2\-56\-37 (13577) 
dikShu sarvAsu saMrAvaM sa chakre garuDo vahan.
ArujanparvatAgrANi pAdapAMshcha samutkShipan .. 2\-56\-38 (13578) 
sa~njahAra mahAbhrANi vaishvAnarapathaM gataH.
grahanakShatratArANAM saptarShINAM svatejasA .. 2\-56\-39 (13579) 
prabhAjAlamatikramya chAshvinoshcha parantapa.
prApya puNyatamaM sthAnaM devalokamarindamaH .. 2\-56\-40 (13580) 
shakrasadma samAsAdya chAvaruhya janArdanaH.
so.abhivAdyAditeH pAdAvarchitaH sarvadaivataiH. 
brahmadakShapurogaishcha prajApatibhireva cha ..  2\-56\-41 (13581) 
aditeH kuNDale divye dadAvatha tadA vibhuH.
ratnAna cha parArghyANi rAmeNa saha keshavaH .. 2\-56\-42 (13582) 
pratigR^ihya cha tatsarvamaditirvAsavAnujam.
pUjayAmAsa dAshArhaM rAmaM cha vigatajvarA .. 2\-56\-43 (13583) 
shachI mahendramahiShI kR^iShNasya mahiShIM tadA.
satyabhAmAM tu sa~NgR^ihya adityai sA nyavedayat .. 2\-56\-44 (13584) 
sA tasyAH satyabhAmAyAH kR^iShNApriyachikIrShayA.
varaM prAdAddevamAtA satyAyai vigatajvarA .. 2\-56\-45 (13585) 
jarAM na yAsyasi shubhe yAvatkR^iShNo.asti bhUtale.
sarvagandhaguNopetA bhaviShyasi varAnane .. 2\-56\-46 (13586) 
visR^ijya satyabhAmA vai paulomIM cha sumadhyamA.
shachyApi samanuj~nAtA yayau kR^iShNaniveshanam .. 2\-56\-47 (13587) 
sampUjyamAnastridashairmaharShigaNasevitaH.
dvArakAM prayayau kR^iShNo devalokAdarindamaH .. 2\-56\-48 (13588) 
shIghrAdetya mahAbAhurdIrghamadhvAnamachyutaH.
varghamAnapuradvAramAsasAda surottamaH .. .. 2\-56\-49 (13589) 

iti shrImanmahAbhArate sabhAparvaNi arghAharaNaparvaNi ShaTpa~nchAsho.adhyAyaH .. 56\..



\medskip\hrule\medskip
sabhAparva \- adhyAya 057
.. shrIH ..
2\.57\. adhyAyaH 57 

##Mahabharata - Sabha Parva - Chapter Topics##
dvArakAvarNanam .. 1\.. rukmiNIsatyabhAmAdigR^ihavarNanam ..2\.. kR^iShNena svargAdAnItasva pArijAtasya pratiShThApanamudyAna varNanaM cha .. 3\..

##Mahabharata - Sabha Parva - Chapter Text##

bhIShNa uvAcha ..

tAM purI dvArakIM dR^iShTvA vibhurnArAyaNo hariH.
hR^iShTaH sarvArthasampannaH praveShTumupachakrame .. 2\-57\-1 (13590) 
so.apashyadvR^ikShaShaNDAMshcha ramyAnnAnAjanAnvahUn.
samantato dvAravatyAM nAnApuShpaphalAnvitAn .. 2\-57\-2 (13591) 
arkachandrapratIkAshairmerukUTanibhairgR^ihaiH.
dvArakAmAvR^itAM ramyAM sukR^itAM vishvakarmaNA .. 2\-57\-3 (13592) 
padmaShaNDAkulAbhishcha haMsasevitavAribhiH.
ga~NgAsindhuprakAshAbhiH parighAbhirala~NkR^itAm .. 2\-57\-4 (13593) 
prAkAreNArkavarNena pANDareNa virAjitAm.
viyanmUrdhni niviShTena dyAmivAbhraparichChadAm .. 2\-57\-5 (13594) 
nandanapratimaishvApi mishrakapratimairvanaiH.
tatra sA vihitA sAkShAnnagarI vishvakarmaNA .. 2\-57\-6 (13595) 
kA~nchanairmaNisopAnairupetA janaharShiNI.
gItaghoShamahAghoShaiH prasAdapravaraiH shubhA .. 2\-57\-7 (13596) 
tasminpuravArashreShThe dAshArhANAM yashasvinAm.
neshmAni jahR^iShe dR^iShTvA bhagavAnpAkashAsanaH .. 2\-57\-8 (13597) 
samuchChritapatAkAni pAriplavanibhAni cha.
kA~nchanAbhAni bhAkhanti merukUTanibhAni cha .. 2\-57\-9 (13598) 
sudhApANDarashR^i~Ngaishcha shAtakumbhaparichChadaiH.
ratnasAnumahAshR^i~NgaiH sarvaratnasamanvitaiH?  2\-57\-10 (13599) 
saharmyaiH sArdhachandraishcha saniryUhaiH sapa~njaraiH.
sayantragR^ihasaMbAdhaiH sadhAtubhirivAdribhiH .. 2\-57\-11
maNikA~nchanabhomeshcha sudhAmR^iShTatalaistathA.
jAmbUnadamayadvArairvaiDUryavikR^itArgalaiH ..  2\-57\-11 (13600) 
sarvartusukhasaMsyarshairmahAdhanaparichChadaiH.
ramyasAnugR^ihaiH shR^i~Ngairvichitrairiva parvataiH .. 2\-57\-13 (13601) 
pa~nchavarNasavarNaishcha puShpavR^iShTisamaprabhaiH.
tulyaiH parjanyanirghoShairhrAdairbhogavatI yathA .. 2\-57\-14 (13602) 
kR^iShNadhvajopavAhyaishcha dAshArhAyudharohitaiH.
vR^iShNivIramayUraishcha strIsahasraprajAkulaiH .. 2\-57\-15 (13603) 
vAsudevaindraparjanyairgR^ihameghairala~NkR^itA.
dadR^ishe dvArakA.atIva meghairdyairiva saMvR^itA .. 2\-57\-16 (13604) 
sAkShAdbhagavato veshma vihitaM vishvakarmaNA.
dadR^ishurvAsudevasya chaturyojanamAyatam .. 2\-57\-17 (13605) 
tAvadeva suvistIrNaM susampUrNaM mahAdhanaiH.
prAsAdavarasampannaM yuktaM jagati parvataiH .. 2\-57\-18 (13606) 
yaM chakAra mahAbhAgastvaShTA vAsavachoditaH.
prAsAdaM hemanAbhasya sarvato yojanAyatam .. 2\-57\-19 (13607) 
meroriva gireH shR^i~NgamuchChritaM kA~nchanAlayam.
rukmiNyAH pravaro vAso nirmitaH sumahAtmanA .. 2\-57\-20 (13608) 
satyabhAmA punarveshma sadA vasati pANDaram.
vichitramaNisopAnaM yaM viduH shItavAniti .. 2\-57\-21 (13609) 
vimalAdityavarNAbhiH patAkAbhirala~NkR^itam.
vyaktabaddhaM yathoddeshe chaturdashamahAdhvajam .. 2\-57\-22 (13610) 
sarvaprAsAdamukhyo.atra jAmbavatyA vibhUShitaH.
prabhAyA jR^imbhaNaishchitraistrailokyamiva bhAsayan .. 2\-57\-23 (13611) 
yastu pANDaravarNAbhastayorantaramAshritaH.
vishvakarmAkarodenaM kailAsashikharopamam .. 2\-57\-24 (13612) 
jAmbUnadapradIptAgraH pradIptajvalanopamaH.
sAgarapratimo.atiShThanmerurityabhivishrutaH .. 2\-57\-25 (13613) 
tasmingAndhArarAjasya duhitA kulashAlinI.
sukeshI nAma vikhyAtA keshavena niveshitA .. 2\-57\-26 (13614) 
padmakUTa iti khyAtaH padmavarNo mahAprabhaH.
suprabhAyA mahAbAho vAsaH sa paramochChritaH .. 2\-57\-27 (13615) 
yastu sUryaprabho nAma prAsAdavara uchyate.
lakShaNAyAH kurushreShTha sa dattaH shAr~NgadhanvanA .. 2\-57\-28 (13616) 
vaiDUryavaravarNAbhaH prAsAdo haritaprabhaH.
shvetajAlA hi yatraiva yatraiva cha niveshitA .. 2\-57\-29 (13617) 
yaM viduH sarvabhUtAni harirityeva bhArata.
sumitravijayAvAso devarShigaNapUjitaH .. 2\-57\-30 (13618) 
mahiShyA vAsudevasya bhUShaNaM sarvaveshmanAm.
yastu prAsAdamukhyo.atra vihitaH sarvashilpibhiH .. 2\-57\-31 (13619) 
mahiShyA vAsudevasya ketumAniti vishrutaH.
prasAdo virajo nAma virajasko mahAtmanaH .. 2\-57\-32 (13620) 
upasthAnagR^ihaM tAta keshavasya mahAtmanaH.
yastu prAsAdamukhyo.atra yaM tvaShTA vyadadhAtsvayam .. 2\-57\-33 (13621) 
yojanAyataviShkambhaM sarvaratnamayaM vibhoH.
teShAM tu vihitAH sarve rukmadaNDAH patAkinaH .. 2\-57\-34 (13622) 
sadane vAsudevasya mArgasa~njananA dhvajAH.
ghaNTAjAlAni tatraiva sarveShAM niveshane .. 2\-57\-35 (13623) 
AhR^itya yadusiMhena vaijayantachChalo mahAt.
haMsakUTasya yachChra~Ngamindradyumnasaro mahat .. 2\-57\-36 (13624) 
ShaShTitAlasamutsedhamardhayojanavistR^itam.
sakinnaramahAnAdaM tadapyamitatejasaH .. 2\-57\-37 (13625) 
pashyatAM sarvabhUtAnAM triShu lokeShu vishrutam.
AdityapathagaM yattanmeroH shikharamuttamam .. 2\-57\-38 (13626) 
jAmbUnadamayaM divyaM triShu lokeShu vishrutam.
tadapyutpATya kuchChreNa svaM niveshanamAhR^itam .. 2\-57\-39 (13627) 
bhrAjamAnaM purA tatra sarvauShadhividIpitam.
yamindrabhavanAchChaurirAjahAra parantapaH .. 2\-57\-40 (13628) 
pArijAtaH sa tatraiva keshavena niveshitaH.
lepahastashatairjuShTo vimAnaishcha hiraNmayaiH .. 2\-57\-41 (13629) 
vihitA vAsudevena tatraiva cha mahAdrumAH.
padmAkulajalopetA raktasaugandhikotpalAH .. 2\-57\-42 (13630) 
maNimauktikavAlUkAH puShkariNyaH sarAMsi cha.
tAsAM paramakUli shobhayanti mahAdrumAH .. 2\-57\-43 (13631) 
sAlatAlAshvakarNAshcha shatashAkhAshcha rohiNaH.
bhallAtakakapitthAshcha indravR^ikShAshcha champakAH .. 2\-57\-44 (13632) 
khAdirA mR^itakAshchaiva samantAtpariropitAH.
ye cha haimavatA vR^ikShA ye cha nandanajAstathA .. 2\-57\-45 (13633) 
AhR^itya yadusiMhena te.api tatra niveshitAH.
ratnapItAruNaprakhyAH sitapuShpAshcha pAdapAH .. 2\-57\-46 (13634) 
sarvartuphalapUrNoste te cha kAnanasindhuShu.
sahasrapatrapadmAshcha mandarAshcha sahasrashaH .. 2\-57\-47 (13635) 
ashokAH karNikArAshcha tilakA nAga mallikAH.
kurakA nAgapuShpAshcha champakAstR^iNapullikAH .. 2\-57\-48 (13636) 
saptavarNAH kabandhAshcha nIpAH kuravakAstathA.
ketakAH kesarAshchaiva hinatAlatalatATakAH .. 2\-57\-49 (13637) 
tAlAH pralambA vakulAH piNDikA bIjapUrakAH.
drutAmalakakharjUrA mahitA jambukAstathA .. 2\-57\-50 (13638) 
AmrAH panasavR^ikShAshcha champakAstilatindukAH.
likuchAmR^itAshchaiva kShIrikA karNikA tathA .. 2\-57\-51 (13639) 
nAlikere~NgudAshchaiva utkroshakavanAni cha.
kadalI jAtamallI cha pATalI kumudotpalAH .. 2\-57\-52 (13640) 
nIlotpalakapUrNAshcha vApyaH kUpAH sahasrashaH.
phullAshAkakapitthAshcha taistIrtvA bandhujIvakAH .. 2\-57\-53 (13641) 
priyAlAshokavAdiryAH prAchInAshchApi sarvashaH.
priya~NgubadarIbhishcha yavaiH syandanachandanaiH .. 2\-57\-54 (13642) 
shachIpIlupalAshchaishcha palAshavadhapiplaiH.
udumbaraishcha bilvaishcha pAlAshaiH pAribhadrakaiH .. 2\-57\-55 (13643) 
indravR^ikShArjunaishchaiva ashvatthaishchirabilvakaiH.
bhaumaga~njanavR^ikShaishcha bhallAbhairashvasAhvayaiH .. 2\-57\-56 (13644) 
sajjaistAmbUlavallIbhirlava~NgaiH kramukaistathA.
vaMshaishcha vividhaistatra samantAtpariropitaiH .. 2\-57\-57 (13645) 
ye cha nandanajA vR^ikShA ye cha chaitrarathe vane.
sarve te yadunAthena samantAtpariropitAH .. 2\-57\-58 (13646) 
samAhitA mahAnadyaH pItalohitavAlukAH.
tasmingR^ihavare ramye maNishakrasavAlukAH .. 2\-57\-59 (13647) 
mattabarhiNanAdAshcha kokilAshcha madAvahAH.
babhUvuH paramopetAH sarve jagati parvatAH .. 2\-57\-60 (13648) 
tatraiva gajayUthAni tatra gomahiShAstathA.
nivAsAshcha kR^itAstatra varAhA mR^igapakShiNAm .. 2\-57\-61 (13649) 
vishvakarmakR^itaH shailaH prAkArastatra veshmani.
vyaktakiShkushatodyAmaH sudhArasasamaprabhaH .. 2\-57\-62 (13650) 
tena te cha mahAshailAH saritashcha sarAMsi cha.
parikShiptAni vai tasya vanAnyupavanAni cha .. .. 2\-57\-63 (13651) 

iti shrImanmahAbhArate sabhAparvaNa arghAharaNaparvaNi saptapa~nchAsho.adhyAyaH .. 57\..



\medskip\hrule\medskip
sabhAparva \- adhyAya 058
.. shrIH ..
2\.58\. adhyAyaH 58 

##Mahabharata - Sabha Parva - Chapter Topics##
kR^iShNadarshanAya vasudevAdInAmAgamanam ..1\.. rAmakR^iShNAbhyAM pitrAdivandanapUrvakaM bandhubhyo ratnAdivitaraNam .. 2\.. indrasya kR^iShNacharitaprashaMsanapUrvakaM svalokagamanam .. 3\..

##Mahabharata - Sabha Parva - Chapter Text##

bhIShma uvAcha.

evamAlokayA~nchakrurdvArakAmR^iShabhAstrayaH.
upendrabaladevau cha vAsavashcha mahAyashAH .. 2\-58\-1 (13652) 
tatastaM pANDaraM shaurirmUrdhni tiShThangarutmataH.
prItaH sha~NkhamupAdhmAsIddviShatAM romaharShaNam .. 2\-58\-2 (13653) 
tasya sha~Nkhasya shabdena sArashchukShubhe bhR^isham.
rarAsa cha nabhaH sarvaM tachchitramabhavattadA .. 2\-58\-3 (13654) 
pA~nchajanyasya nirghoShaM nishamya kukurAndakAH.
prIyamANAH samAjagmurAlokya madhusUdanam .. 2\-58\-4 (13655) 
vasudevaM puraskR^itya veNusha~NkharavaiH saha.
ugraseno yayau rAjA vAsudevaniveshanam .. 2\-58\-5 (13656) 
AnandituM paryachansveShu veshmasu devakI.
rohiNI cha yayau deshamAhukasya cha yAH striyaH .. 2\-58\-6 (13657) 
hatA brahmadviShaH sarve jayantyandhakavR^iShNayaTaH.
evamuktaH saha strIbhirakShatairmadhusUdanaH .. 2\-58\-7 (13658) 
tataH shauriH suparNena svaM niveshanamabhyayAt.
chakArAtha yathoddeshamIshvaro maNiparvatam .. 2\-58\-8 (13659) 
tato dhanAni ratnAni sabhAyAM madhusUdanaH.
nidhAya puNDarIkAkShaH piturdarshanalAlasaH .. 2\-58\-9 (13660) 
tataH sAndIpiniM pUrvaM brAhmaNaM chApi bhArata.
yathAnyAyaM vAsudeva upaspR^iShTvA mahAyashAH .. 2\-58\-10 (13661) 
vavande pR^ithutAmrAkShaH prIyamANo mahAyashAH.
tathA.ashruparipUrNAkShamAnandabhR^itachetasam .. 2\-58\-11 (13662) 
vavande saha rAmeNa pitaraM vAsavAnujaH.
tAbhyAM cha mUrdhnyupAghrAtaH keshavaH paravIrahA .. 2\-58\-12 (13663) 
yathAshreShThamupAgamya sAtvatAnyadunandanaH.
sarveShAM nAma jagrAha dAshArhANAmadhokShajaH .. 2\-58\-13 (13664) 
tataH sarvANi vittAni sarvaratnamayAni cha.
vyabhajattAni tebhyo.atha sarvebhyo yadunandanaH .. 2\-58\-14 (13665) 
sA keshavamahAmAtrairmahendrapratimaiH sabhA.
shushubhe vR^iShNishArdUlaiH siMhairiva girerguhA .. 2\-58\-15 (13666) 
athAsanagatAnsarvAnuvAcha vibudhAdhipaH.
shubhayA harShayanvAchA mahendrastAnmahAyashAH. 
kukurAndhakamukhyAMshcha taM cha rAjAnamAhukam ..  2\-58\-16 (13667) 
indra uvAcha. 2\-58\-17x (1483) 
yadarthaM janma kR^iShNasya mAnuSheShu mahAtmanaH.
yatkR^itaM vAsudevena tadvakShyAmi samAsataH .. 2\-58\-17 (13668) 
ayaM shatasahasrANi dAnavAnAmarindamaH.
nihay puNDarIkAkShaH pAtAlavivaraM yayau .. 2\-58\-18 (13669) 
yachcha nAdhigataM pUrvaiH prahlAdabalishambaraiH.
tadidaM shauriNA vittaM prApitaM bhavatAmiha .. 2\-58\-19 (13670) 
sapAshaM muramAkramay pA~nchajanyaM cha dhImatA.
shilAsa~NghAnatikramya nishumbhaH sagaNo hataH .. 2\-58\-20 (13671) 
hayagrIvashcha vikrAnto dAnavo nihato balI.
mathitashcha mR^idhe bhaumaH kuNDale chAhR^ite punaH .. 2\-58\-21 (13672) 
punarbANavadhe shaurimAdityA vasubhiH saha.
manmukhA AgamiShyanti sAdhyAshcha madhusUdanam .. 2\-58\-22 (13673) 
evamuktvA tataH sarvAnAmantrya kukurAndhakAn.
sasvaje rAmakR^iShNau cha vasudevaM cha vAsavaH .. 2\-58\-23 (13674) 
pradyumnasAmbapramukhAnanirUddhaM cha sAraNam.
babhruM jhalliM gadaM bhAnuM chArudeShNaM cha vR^itrahA .. 2\-58\-24 (13675) 
satkR^itya sAraNAkrUrau punarAbhAShya sAtyakim.
sasvaje vR^iShNirAjAnamAhukaM kukurAdhipam. 
bhojaM cha kR^itavarNANamanyAMshchAndakavR^iShNiShu ..  2\-58\-25 (13676) 
Amantrya devapravarairvAsavo vAsavAnujam.
tataH shvetAchalaprakhyaM gajamairAvataM prabhuH .. 2\-58\-26 (13677) 
pashyatAM sarvabhAtAnAmAruroha shachIpatiH.
pR^ithivIM chAntarikShaM cha divaM cha varavAraNam .. 2\-58\-27 (13678) 
mukhADambaranirghoShaiH pUrayantamivAsakR^it.
haimayantramahAkakShyaM hiraNmayaviShANinam .. 2\-58\-28 (13679) 
manoharakuthAstIrNaM sarvaratnavibhUShitam.
nityasrutamadasrAvaM kSharantamiva toyadam .. 2\-58\-29 (13680) 
dishAgajaM mahAmAtraM kA~nchanasrajamAsthitaH.
prababhau mandarAgrasthaH pratapanbhAnumAniva .. 2\-58\-30 (13681) 
tato vajmayaM bhImaM pragR^ihya parAmA~Nkusham.
yayau balavatA sArdhaM pAvakena shachIpatiH .. 2\-58\-31 (13682) 
taM kareNugajavrAtairvimAnaishcha marudgaNAH.
pR^iShThato.anuyayuH prItAH kuberavaruNagrahAH .. 2\-58\-32 (13683) 
sa vAyupakShamAsthAya vaishvAnarapathaM gataH.
prApya sUryapathaM devastatraivAntaradhIyata .. .. 2\-58\-33 (13684) 

iti shrImanmahAbhArate sabhAparvaNi arghAharaNaparvaNi aShTapa~nchAsho.adhyAyaH .. 58\..



\medskip\hrule\medskip
sabhAparva \- adhyAya 059
.. shrIH ..
2\.59\. adhyAyaH 59 

##Mahabharata - Sabha Parva - Chapter Topics##
kR^iShNenAhR^itavibhUtivilokanAya devakIrukmiNyAdistrINAmAgamanam ..1\.. sabhAmAgatAyAH yashodAsutAyAH rAmakR^iShNAbhyAM satkAraH .. 2\.. sarveShAM svasvabhavanagamanam .. 3\..

##Mahabharata - Sabha Parva - Chapter Text##

bhIShma uvAcha ..

tataH sarvadashArhANAmAhukasya cha yAH striyaH.
nandagopasya mahiShI yashodA lokavishrutA .. 2\-59\-1 (13685) 
revatI cha mahAbhAgA rukmiNI cha patrivratA.
satyA jAmbavatI chobhe gAndhArI shiMshumApi cha .. 2\-59\-2 (13686) 
vishokA lakShaNA chApi sumitrA ketumA tathA.
vAsudevamahiShyo.anyAH shriyA sArdhaM yayustadA .. 2\-59\-3 (13687) 
vibhUtiM draShTumanasaH keshavasya mahAtmanaH.
prIyamANAH sabhAM jagmurAlokayitumachyutam .. 2\-59\-4 (13688) 
devakI sarvadevInAM rohiNI cha puraskR^itA.
dadR^ishurdevamAsInaM kR^iShNaM halabhR^itA saha .. 2\-59\-5 (13689) 
tau tu pUrvamatikramya rohiNImabhivAdya cha.
abhyavAdayatAM devau devakIM rAmakeshavau .. 2\-59\-6 (13690) 
sA tAbhyAmR^iShabhAkShAbhyAM putrAbhyAM shushubhe.adhikam.
devakI devamAteva mitreNa varuNena cha .. 2\-59\-7 (13691) 
tataH prAptA yashodAyA duhitA vai kShaNena hi.
jAjvalyamAnA vapuShA prabhayA.atIva bhArata .. 2\-59\-8 (13692) 
ekAna~Ngeti yAmAhuH kanyAM vai kAmarUpiNIm.
yatkR^ite sagaNaM kaMsaM jaghAna puruShottamaH .. 2\-59\-9 (13693) 
tataH sa bhagavAnrAmastAmupAkramya bhAminAm.
mUrdhnyupAghrAya savyena parijagrAha pANinA .. 2\-59\-10 (13694) 
tAM cha tatropasamprApya priyAmiva sakhImimAm.
dakShiNena karAgreNa pirajagrAha mAdhavaH .. 2\-59\-11 (13695) 
dadR^ishustAM sabhAmadhye bhaginIM rAmakR^iShNayoH.
rukmapadmashAM padmashrImivottamanAbhayoH .. 2\-59\-12 (13696) 
athAkShatamahAvaShTyA lAjapuShpaghR^itairapi.
vR^iShNayo.avAkiranprItAH sa~NkarShaNajanArdanau .. 2\-59\-13 (13697) 
sabAlAH sahavR^iddhAshcha ye j~nAtikulabAndhavAH.
upopavivishuH prItA vR^iShNayo madhusUdanam .. 2\-59\-14 (13698) 
pUjyamAno mahAbAhuH paurANAM rativardhanaH.
vivesha puruShavyAghraH svaveshma madhusUdanaH .. 2\-59\-15 (13699) 
rukmiNyA sahito devyA pramumoda sukhI sukham.
anantaraM cha satyAyA jAmbavatyAshcha bhArata .. 2\-59\-16 (13700) 
sarvAsAM cha yadushreShTho gehe gehe vihAravAn.
jagAma cha hR^iShIkesho rukmiNyAH sadanaM punaH .. 2\-59\-17 (13701) 
eSha tAta mahAbAho vijayaH shAr~NgadhanvanaH.
etadarthaM cha janmAhurmAnuSheShu mahAtmanaH .. .. 2\-59\-18 (13702) 

iti shrImanmahAbhArate sabhAparvaNi arghAharaNaparvaNi ekonaShaShTitamo.adhyAyaH .. 59 ..



\medskip\hrule\medskip
sabhAparva \- adhyAya 060
.. shrIH ..
2\.60\. adhyAyaH 60 

##Mahabharata - Sabha Parva - Chapter Topics##
sharvavaragarvitena bANAsureNa svatanayayA uShayA saha gUDhaM ramamANasya anirudghasya kArA gR^ihaprAShaNam ..1\.. nAradAdviditapautravR^ittena kR^iShNena sarAmapradyumnena bANaM nirjitya uShayA saha anirudghAnayanam .. 2\..

##Mahabharata - Sabha Parva - Chapter Text##

bhIShma uvAcha ..

dvArakAyAM tataH kR^iShNaH svadAreShu divAnisham.
sukhaM labdhvA mahArAja pramumoda mahAyashAH .. 2\-60\-1 (13703) 
pautrasya kAraNAchchakre vibudhAnAM priyaM tadA.
sAvasavaiH suraiH sarvairduShkaraM bharatarShabha .. 2\-60\-2 (13704) 
bANo nAmA.abhavadrAjA balerjyeShThasuto balI.
vIryavAnbharatashreShTha sa cha bAhusahasravAn .. 2\-60\-3 (13705) 
tatastepe tapastIvraM satvena manasA nR^ipa.
rudramArAdhayAmAsa sa cha bANaH samA bahu .. 2\-60\-4 (13706) 
tasmai bahuvarA dattAH sha~NkareNa mahAtmanA.
tAMshcha labdhvA varAnbANo durlabhAnasurairbhuvi .. 2\-60\-5 (13707) 
sa shoNitapure rAjyaM chakArApratimo balI.
trAsitAshcha surAH sarve tena bANena pANDava .. 2\-60\-6 (13708) 
vijitya vibudhAnsendrAnbANaH saMvatsarAnbahUn.
ashAsata mahadrAjyaM kubera iva bhArata .. 2\-60\-7 (13709) 
tato rAjannuShA nAma bANasya duhitA yathA.
yenopAyena kaunteya aniruddho mahAdyutiH .. 2\-60\-8 (13710) 
prAdyumnistAmuShAM prApya prachChannaH pramumoda ha.
atha bANo mahAtejAstadA tatra yudhiShThira .. 2\-60\-9 (13711) 
taM gR^ihyanilayaM j~nAtvA prAdyumniM sutayA tadA.
gR^ihItvA kArayAmAsa vastuM kArAgR^ihe balAt .. 2\-60\-10 (13712) 
sa kumAraH sukhArho.atha tadA duHkhasamanvitaH.
bAmena ghAtito rAjannaniruddho mumoha cha .. 2\-60\-11 (13713) 
etasminneva kAle tu nArado munipu~NgavaH.
dvArakAM prApya kaunteya kR^iShNaM dR^iShTvA vacho.abravIt .. 2\-60\-12 (13714) 
kR^iShNa kR^iShNa mahAbAho yadUnAM kIrtivardhana.
pautraste bAdhyamAno.atra bANenAmitatejasA .. 2\-60\-13 (13715) 
kR^ichChraM prApto.aniruddho vai shete kArAgR^ihe sadA.
etaduktvA surarShirvai bANasyAtha puraM yayau .. 2\-60\-14 (13716) 
nAradasya vachaH shrutvA tato rAja~njanArdanaH.
jAhUya baladevaM hi pradyumnaM cha mahAdyutim .. 2\-60\-15 (13717) 
Aruroha garutmantaM tAbhyAM saha janArdanaH.
tataH suparNamAruhya jayAya bharatarShabha .. 2\-60\-16 (13718) 
jagmuH krudhA mahAvIryA bANasya nagaraM prati.
athAsAdya mahArAja tatpuraM dadR^ishushcha te .. 2\-60\-17 (13719) 
tAmraprAkArasa~NguptAM hemaprAsAdasa~NkulAm.
dR^iShTvA mudA yutAH sarve vismayaM paramaM yayuH .. 2\-60\-18 (13720) 
tathA bANapurasyAsandvArasthA devatAH sadA.
maheshvaro guhashchaiva bhadrakAlI vinAyakaH .. 2\-60\-19 (13721) 
atha kR^iShNo balAjjitvA dvArapAlAnyudhiShThira.
susa~Nkruddho mahAtejAH sha~NkhachakragadAsibhR^it .. 2\-60\-20 (13722) 
AsasAdottaradvAraM sha~NkareNAbhirakShitam.
tatra tasthau mahAtejAH shUlapANirmaheshvaraH .. 2\-60\-21 (13723) 
pinAkaM sasharaM gR^ihya bANasya hitakAmyayA.
j~nAtvA tamAgataM kR^iShNaM vyAditAsyamivAntakam .. 2\-60\-22 (13724) 
tatastau chakraturyuddhaM vAsudevamaheshvarau.
tadyuddhamabhavadghoramachintyaM romaharShaNam .. 2\-60\-23 (13725) 
anyonyaM tau tatakShAte anyonyajayakA~NkShiNau.
divyAnyastrANi tau devau kruddhau mumuchatustadA .. 2\-60\-24 (13726) 
tataH kR^iShNo raNaM kR^itvA muhUrtaM shUlapANinA.
vijitya taM mahAdevaM tato yuddhe shUlapANinA. 
anyAMshcha jitvA dvArasthAnpravivesha purottamam ..  2\-60\-25 (13727) 
pravishya bANamAsAdya sa tatrAtha janArdanaH.
chakre yuddhaM mahAkruddhastena bANena bharatarShabha.  2\-60\-26 (13728) 
bANo.api sarvashastrANi shitAni bharatarShabha.
susa~NkruddhastadA yuddhe pAtayAmAsa keshave .. 2\-60\-27 (13729) 
punarudyamya shastrANi sahasraM sarvabAhubhiH.
mumocha bANaH sa~NkruddhaH kR^iShNaM prati raNAjire .. 2\-60\-28 (13730) 
tataH kR^iShNastadA kR^ittvA tAni sarvANi bhArata.
kR^ittvA muhUrtaM bANena yuddhaM rAjannagokShajaH .. 2\-60\-29 (13731) 
chakramudyamya roShAdvai divyaM shastrottamaM tataH.
sahasrabAhUMshchichCheda bANasyAmitatejasaH .. 2\-60\-30 (13732) 
tato bANo mahArAja kR^iShNena bhR^ishapIDitaH.
bhinnabAhuH papAtAshu vishAkha iva pAdapaH .. 2\-60\-31 (13733) 
sa pAtayitvA bANaistaM bANaM kR^iShNastvarAnvitaH.
prAdyumniM mochayAmAsa kShipraM rAjagR^ihAttadA .. 2\-60\-32 (13734) 
mokShayitvA.atha govindaH prAdyumniM saha bhAryayA.
bANasya sarvaratnAni asa~NkhyAni jahAra saH .. 2\-60\-33 (13735) 
godhanAni cha sarvasvaM sa bANasyAlaye balAt.
jahAra cha hR^iShIkesho yadUnAM kulavardhanaH .. 2\-60\-34 (13736) 
tataH sa sarvaratnAni chAhR^itya madhusUdanaH.
kShipramAropayA~nchakre sarvasvaM garuDopari .. 2\-60\-35 (13737) 
tvarayA.atha sa kaunteya baladevaM mahAbalam.
prAdumniM cha mahAvIryamaniruddhaM mahAdyutim .. 2\-60\-36 (13738) 
uShAM cha sundarIM rAjanbhR^ityadAragaNaiH saha.
sarvAnetAnsamAropya garuDopari vIryavAn .. 2\-60\-37 (13739) 
mudA yukto mahAtejAH pItAmbaradharo balI.
divyAbharamachitrA~NgaH sha~NkachakragadAsibhR^it. 2\-60\-38ca Aruroha garutmantamudayaM bhAskaro yathA .. ..  2\-60\-38 (13740) 

iti shrImanmahAbhArate sabhAparvaNi arghAharaNaparvaNi ShaShTitamo.adhyAyaH .. 60\..



\medskip\hrule\medskip
sabhAparva \- adhyAya 061
.. shrIH ..
2\.61\. adhyAyaH 61 

##Mahabharata - Sabha Parva - Chapter Topics##
bhIShmeNa narakabANAsurapramukhaduShTanigrahAdirUpAtItAnAgatakR^iShNacharitranirUpaNam .. 1\...

##Mahabharata - Sabha Parva - Chapter Text##

bhIShNa uvAcha ..

sUditA dvArapAlAshcha nishumbhanarakau hatau.
kR^itakShemaH punaH panthAH puraM prAgjyotiShaM prati .. 2\-61\-1 (13741) 
shauriNA pR^ithivIpAlAstrAsitA bharatarShabha.
dhanuShashcha praNAdena pA~nchajanyasvanena cha .. 2\-61\-2 (13742) 
meghaprakhyairanekaishcha dAkShiNAtyAbhisaMvR^itam.
rukmiNaM trAsayAmAsa keshavo bharatarShabha .. 2\-61\-3 (13743) 
tataH parjanyaghoSheNa rathenAdityavarchasA.
uvAha mahiShIM bhojyAmeSha chakragadAdharaH .. 2\-61\-4 (13744) 
jArUthya AhR^itakrodhaH shishupAlashcha nirjitaH.
vakrashcha sa hataH sa~Nkhye shatadhanvA cha kShatriyaH .. 2\-61\-5 (13745) 
indradyumno hataH kopAdyavanashcha kasherukaH.
hataH saubhapatishchaiva sAlvashcha kR^itadhanvanA .. 2\-61\-6 (13746) 
parvatAnAM sahasraM cha chakreNa puruShottamaH.
vibhajya puNDarIkAkSho dyumatsenamapothayat .. 2\-61\-7 (13747) 
mahendrashikhare chaiva nimeShAntarachAriNau.
jagrAha bharatashreShTha vAnarAvabhitashcharau .. 2\-61\-8 (13748) 
irAvatyAM mahAbhojo vahnisUryasamo bale.
gopatistAlaketushcha nihatau shAr~NgadhanvanA .. 2\-61\-9 (13749) 
akShaprapattane rAjannavahelanatatparau.
ubhau tAvapi kR^iShNena svarAShTre vinipAtitau .. 2\-61\-10 (13750) 
dagdhA vArANasI tAta keshavena mahAtmanA.
pANDyaM pauNDraM cha mAtsyaM cha kali~NgaM cha janArdanaH .. 2\-61\-11 (13751) 
jaghAna sahitAnsarvAna~NgarAjaM cha mAdhavaH ..  2\-61\-12 (13752) 
eSha chaiva shataM hatvA rathena kShatrapu~NgavAn.
gAndhArImavahatkR^iShNo mahiShIM yAdavarShabhaH .. 2\-61\-13 (13753) 
atha gANDIvadhanvAnaM krIDArthaM madhusUdanaH.
jigAya bharatashreShTha kuntyAshcha pramukhe vibhuH .. 2\-61\-14 (13754) 
drauNiM kR^ipaM cha karNaM cha bhImasenaM suyodhanam.
yuddhAya sahitAntrAja~njigAya bharatarShabha .. 2\-61\-15 (13755) 
babhroshcha priyamanvichChanneSha chakragadAdharaH.
veNudArivR^itAM bhAryAM pramamAtha yudhiShThira .. 2\-61\-16 (13756) 
paryAptAM pR^ithivIM sarvAM sAshvAM sarathaku~njarAm.
veNudArivashe yuktAM jigAya madhusUdanaH .. 2\-61\-17 (13757) 
avApya tapasA vIryaM balamojashcha bhArata.
trAsitAH sagaNAH sarve bANena vibudhAdhipAH .. 2\-61\-18 (13758) 
vajrAshanigadAbAmaistADayadbhiranekashaH.
tasya nAsIdraNe mR^ityurdevairapi savAsavaiH .. 2\-61\-19 (13759) 
so.abhibhUtashcha kR^iShNena na hatashcha magAtmanA.
ChitvA bAhusahasraM tu govindena mahAtmanA .. 2\-61\-20 (13760) 
eSho.apIDanmahAbAhuH kaMsaM cha madhusUdanaH.
avAptaM tapasA vIryaM balamojashcha bhArata. 
kaiTabhaM chAtilomAni nijaghAna janArdanaH ..  2\-61\-21 (13761) 
jambumairAvataM chaiva virUpaM cha mahAyashAH. 2\-61\-22bjaghAna bharatashreShTha shambaraM chArimardanam ..  2\-61\-22 (13762) 
eSha bhogavatIM gatvA vAsukiM bharatarShabha.
nirjitya puNDarIkAkSho raukmiNeyamamochayat .. 2\-61\-23 (13763) 
evaM bahUni karmANi shishureva janArdanaH.
kR^itavAnpuNDarIkAkShaH sa~NkarShaNasahAyavAn .. 2\-61\-24 (13764) 
evameSho.asurANAM chasurANAmapi sarvashaH.
bhayAmayakaraH kR^iShNaH sarvalokeshvaraH prabhuH .. 2\-61\-25 (13765) 
evameva mahAbAhuH shAstA sarvadurAtmanAm.
kR^itvA devArthamamitaM svasthAnaM prApsyate punaH .. 2\-61\-26 (13766) 
eSha bhogavatIM puNyAM ravikAntiM mahAyashAH.
dvArakAmAtmasAtkR^itvA sAgaraM plAvayiShyati .. 2\-61\-27 (13767) 
surAsuramanuShyeShu nAbhUnna bhavitA kvachit.
yastAmadhyavasadrAjA nAnyatra madhusUdanAt .. 2\-61\-28 (13768) 
bhrAjamAnAstu vai sarve vR^iShNyandhakamahArathAH.
tejiShThaM pratipatsyante nAkapR^iShTaM gatAsavaH .. 2\-61\-29 (13769) 
evameva dashArhANAM vidhAya vidhinA vidhim.
viShNurnArAyaNaH sAkShAtsvasthAnaM prApsyate dhruvam .. 2\-61\-30 (13770) 
aprameyo.aniyojyashcha yatra kAmagamo vashI. 2\-61\-32ab modate bhagavAnprIto vAlaH krIDAnakairiva ..  2\-61\-31 (13771) 
naiSha garbhatvamApede na yonyAmAvasatprabhuH.
AtmanastejasA kR^iShNaH sarveShAM kurute gatim .. 2\-61\-32 (13772) 
yathA budbuda utthAya tatraiva pravilIyate.
charAcharANi bhUtAni tathA nArAyaNe sadA .. 2\-61\-33 (13773) 
na pramAtuM mahAbAhuH shakyo bhArata keshavaH.
paraM hi paratastasmAdvishvarUpAnna vidyate .. .. 2\-61\-34 (13774) 

iti shrImanmahAbhArate sabhAparvaNi arghAharaNaparvaNi ekaShaShTitamo.adhyAyaH .. 61\..



\medskip\hrule\medskip
sabhAparva \- adhyAya 062
.. shrIH ..
2\.62\. adhyAyaH 62 

##Mahabharata - Sabha Parva - Chapter Topics##
bhIShmavAkyoparame sahadevena kR^iShNapUjAviruddhabhAShiNo vadhe pratij~nAte rAj~nAM ta UShNImbhAvaH . . 1\.. sahadevamUrdhni puShpavR^iShTiH. asharIravANIcha .. 2\.. nAdaradena kR^iShNAnarchakasya nindanam .. 3\.. sahadevena sabhyaShUjanapUrvakaM karmasamApanam .. 4\.. shishupAlena yaj~navighAtAya rAj~nAM protsAhanam .. 5\..

##Mahabharata - Sabha Parva - Chapter Text##

vaishampAyana uvAcha ..

evamuktvA tato bhIShNo virarAma mahAbalaH.
vyAjahArottaraM tatra sahadevo.arthavadvachaH .. 2\-62\-1 (13775) 
keshavaM keshihantAramaprameyaparAkramam.
pUjyamAnaM mayA yo vaH kR^iShNaM na sahate nR^ipAH .. 2\-62\-2 (13776) 
sarveShAM balinAM mUrdhni mayedaM nihitaM padam.
evamukte mayA samyaguttaraM prabravItu saH .. 2\-62\-3 (13777) 
sa eva hi mayA vadhyo bhaviShyati na saMshayaH.
matimantashcha ye kechidAchAryaM pitaraM gurum .. 2\-62\-4 (13778) 
archyamarchitamarghArhamanujAnantu te nR^ipAH.
tato na vyAjahAraiShAM kashchidbuddhimatAM satAm .. 2\-62\-5 (13779) 
mAninAM balinAM rAj~nAM madhye vai darshite pade.
tato.apatatpuShpavR^iShTiH sahadevasya mUrdhani .. 2\-62\-6 (13780) 
adR^ishyarUpA vAchashchApyabruvansAdhusAdhviti.
avidhyadajinaM kR^iShNaM bhaviShyadbhUtajalpanaH .. 2\-62\-7 (13781) 
sarvasaMshayanirmoktA nAradaH sarvalokavit.
uvAchAkhilabhUtAnAM madhye spaShTataraM vachaH .. 2\-62\-8 (13782) 
kR^iShNaM kamalapatrAkShaM nArchayiShyanti ye narAH.
jIvanmR^itAstu te j~neyA na sabhAShyAH kadAchanA .. 2\-62\-9 (13783) 
vaishampAyana uvAcha. 2\-62\-10x (1484) 
pUjayitvA cha pUjArhAnbrahmakShatravisheShavit.
sahadevo nR^iNAM devaH samApayata karma tat .. 2\-62\-10 (13784) 
tasminnabhyarchite kR^iShNe sunIthaH shatrukarShaNaH.
atitAmrekShaNaH kopAduvAcha manujAdhipAn .. 2\-62\-11 (13785) 
sthitaH senApatiryo.ahaM manvadhvaM kiM tu sAmpratam.
yudhi tiShThAma sannahya sametAnvR^iShNipANDavAn .. 2\-62\-12 (13786) 
iti sarvAnsamutsAdya rAj~nastAMshaachedipu~NgavaH.
yaj~nopaghAtAya tataH so.amantrataya rAjabhiH .. 2\-62\-13 (13787) 
tatrAhUtAgatAH sarve sunIthapramukhA gaNAH.
samadR^ishyanta sa~NkruddhA vivarNavadanAstathA ..  2\-62\-14 (13788) 
yudhiShThirAbhiShekaM cha vAsudevasya chArhaNam.
na syAdyathA tathA kAryamevaM sarve tadA.abruvan .. 2\-62\-15 (13789) 
niShkarShAnnishchayAtsarve rAjAnaH krodhamUrChitAH.
abruvaMstatra rAjAno nirvedAdAtmanishchayAt .. 2\-62\-16 (13790) 
suhR^idbhirvAryamANAnAM teShAM hi vapurAbabhau.
AmiShAdapakR^iShTAnAM sihAnAmiva garjatAm .. 2\-62\-17 (13791) 
taM balaughamaparyantaM rAjasAgAramakShayam.
kurvANaM samayaM kR^iShNo yuddhAya bubudhe tadA .. .. 2\-62\-18 (13792) 

iti shrImanmahAbhArate sabhAparvaNi arghAharaNaparvaNi dviShaShTitamo.adhyAyaH .. 62\..



\medskip\hrule\medskip
sabhAparva \- adhyAya 063
.. shrIH ..
2\.63\. adhyAyaH 63 

##Mahabharata - Sabha Parva - Chapter Topics##
rAj~nAM raNodyamAdvibhyato yudhiShThirasya bhIShNeNa samAshvAsanam .. 1\..

##Mahabharata - Sabha Parva - Chapter Text##

vaishampAyana uvAcha ..

tataH sAgarasa~NkAshaM dR^iShTvA nR^ipatimaNDalam.
saMvartavAtAbhihataM bhImaM kShubdhamivArNavam.  2\-63\-1 (13793) 
roShAtprachalitaM sarvamidamAha yudhiShThiraH.
bhIShmaM matimatAM mukhyaM vR^iddhaM kurupitAmaham. 
bR^ihaspatiM bR^ihattejAH puruhUta ivArihA.  2\-63\-2 (13794) 
asau roShAtprachalito mahAnnR^ipatisAgaraH.
atra yatpratipattavyaM tanme brUhi pitAmaha .. 2\-63\-3 (13795) 
yaj~nasya cha na vighnaH syAtprajAnAM cha hitaM bhavet.
yathA sarvatra tatsarvaM brUhi me.adya pitAmaha .. 2\-63\-4 (13796) 
ityuktavati dharmaj~ne dharmarAje yudhiShThire.
uvAchedaM vacho bhIShmastataH kurupitAmahaH .. 2\-63\-5 (13797) 
mA bhaistvaM kurushArdUla shvA siMhaM hantumarhati.
shivaH panthAH sunIto.atra mayA pUrvataraM vR^itaH .. 2\-63\-6 (13798) 
prasupte hi yathA siMhe shvAnastAta samAgatAH.
bhaSheyuH sahitAH sarve tatheme vasudhAdhipAH .. 2\-63\-7 (13799) 
vR^iShNisiMhasya suptasya tathA.amI pramuke sthitAH.
bhaShante tAta sa~NkruddhAH shvAnaH siMhasya sannidhau .. 2\-63\-8 (13800) 
na hi sambudhyate yAvatsuptaH siMha ivAchyutaH.
` tadidaM j~nAtapUrvaM hi tava saMstotumichChasi'. 
tena siMhIkarotyetAnasiMhashchedipu~NgavaH ..  2\-63\-9 (13801) 
pArthivAnpArthivashreShTha shishupAlo.alpachetanaH.
sarvAnsarvAtmanA tAta netukAmo yamakShayam .. 2\-63\-10 (13802) 
nUnametatsamAdAtuM punarichChatyadhokShajaH.
yadasya shishupAlasya tejastiShThati bhArata .. 2\-63\-11 (13803) 
viplutA chAsya bhadraM te buddhirbuddhimatAM vara.
chedirAjasya kaunteya sarveShAM cha mahIkShitam .. 2\-63\-12 (13804) 
AdAtuM cha naravyAghro yaM yamichChatyayaM tadA.
tasya viplavate buddhirevaM chedipateryathA .. 2\-63\-13 (13805) 
chaturvidhAnAM bhUtAnAM triShu lokeShu mAdhavaH.
prabhavashchaiva sarveShAM nidhanaM cha yudhiShThira .. 2\-63\-14 (13806) 
vaishampAyana uvAcha. 2\-63\-15x (1485) 
iti tasya vachaH shrutvA tatashchedipatirnR^ipaH.
bhIShmaM rUkShAkSharA vAchaH shrAvayAmAsa bhArata .. .. 2\-63\-15 (13807) 

iti shrImanmahAbhArate sabhAparvaNi shishupAlavadhaparvaNi triShaShTitamo.adhyAyaH .. 63\..

##Mahabharata - Sabha Parva - Chapter Footnotes##

2\-63\-7 bhaShaNaM shvaravaH ..


\medskip\hrule\medskip
sabhAparva \- adhyAya 064
.. shrIH ..
2\.64\. adhyAyaH 64 

##Mahabharata - Sabha Parva - Chapter Topics##
shishupAlena bhIShmastR^itakR^iShNacharitrApahasanapUrvakaM bhIShmopAlambhanam ..

##Mahabharata - Sabha Parva - Chapter Text##

shishupAla uvAcha.

bibhIShikAbhirbahvIbhirbhIShayanbhIShma pArthivAn.
na vyapatrapase kasmAdvR^iddhaH sankulapAMsanaH .. 2\-64\-1 (13808) 
yuktametattR^itIyAyAM prakR^itau vartatA tvayA.
vaktuM dharmAdapetArthaM tvaM hi sarvakurUttamaH .. 2\-64\-2 (13809) 
nAvi nauriva sambaddhA yathAndho vAndhamanviyAt.
tathAbhUtA hi kauravyA yeShAM bhIShma tvamagraNIH .. 2\-64\-3 (13810) 
pUtanAghAtapUrvANi karmANyasya visheShataH.
tvayA kIrtayatA.asmAkaM bhUyaH pravyathitaM manaH .. 2\-64\-4 (13811) 
avaliptasya mUrshasya keshavaM stotumichChataH.
kathaM bhIShma na te jihvA shatadheyaM vidIryate .. 2\-64\-5 (13812) 
yatra kutsA prayoktavyA bhIShma bAlatarairnaraiH.
tamimaM j~nAnavR^iddhaH sangopaM saMstotumichChasi .. 2\-64\-6 (13813) 
yadyanena hatA bAlye shakunishchitramatra kim.
tau vA.ashvavR^iShabhau bhIShNa yau na yuddhavishAradau .. 2\-64\-7 (13814) 
chetanArahitaM kAShThaM yadyanena nipAtitam.
pAdena shakaTaM bhIShNa tatra kiM kR^itamadbhutam .. 2\-64\-8 (13815) 
`arkapramANau tau vR^ikShau yadyanena nipAtitau. '
nAgashcha damito.anena tatra ko vismayaH kR^itaH'..  2\-64\-9 (13816) 
valmIkamAtraH saptAhaM yadyanena dhR^ito.achalaH.
tadA govardhano bhIShma na tachchitraM mataM mama .. 2\-64\-10 (13817) 
bhuktametena bahvannaM krIDatA nagamUrdhani.
iti te bhIShNa shR^iNvAnAH pare vismayamAgatAH .. 2\-64\-11 (13818) 
yasya chAnena dharmaj~na bhuktamannaM balIyasaH.
sa chAnena hataH kaMsa ityetattu balIyasaH.  2\-64\-12 (13819) 
sa chAnena hataH kaMsa ityetattu mahAdbhutam ..
na te shrutamidaM bhIShma nUnaM kathayatAM satAm.  2\-64\-13 (13820) 
yadvakShye tvAmadharmaj~naM vAkyaM kurukulAdhama ..
strIShu goShu na shastrANi pAtayedbrAhmaNeShu cha.  2\-64\-14 (13821) 
iti santo.anushAsanti sa~njanA dharmiNaH sadA.
bhIShma loke hi tatsarvaM vitathaM tvayi dR^ishyate .. 2\-64\-15 (13822) 
j~nAnavR^iddhaM cha vR^iddhaM cha bhUyAMsaM keshavaM mama.
ajAnata ivAkhyAsi saMstuvankauravAdhama .. 2\-64\-16 (13823) 
goghraH strIghnashcha sanbhIShma tvadvAkyAdyadi pUjyate.
evambhUtashcha yo bhIShma kathaM saMstavamarhati .. 2\-64\-17 (13824) 
asau matimatAM shreShTho ya eSha jagataH prabhuH.
sambhAvayati chApyevaM tvadvAkyAchcha janArdanaH. 
evametatsarvamiti tatsarvaM vitathaM dhruvam ..  2\-64\-18 (13825) 
AtmAnamAtmanA.a.adhAtuM yadi shakto janArdanaH.
akAmayantaM taM bhIShma kathaM sAdhviva pashyasi .. 2\-64\-19 (13826) 
na gAthA gAthinaM shAsti bahuchedapi gAyati.
prakR^itiM yAnti bhUtAni kuli~NgashakuniryathA .. 2\-64\-20 (13827) 
nUnaM prakR^itireShA te jaghanyA nAtra saMshayaTaH.
`nadIsutatvAtte chittaM cha~nchalaM na sthiraM smR^itam' .. 2\-64\-21 (13828) 
ataH pApIyasI chaiShAM pANDavAnAmapIShyate.
yeShAmarchyatamaH kR^iShNastvaM cha yeShAM pradarshakaH .. 2\-64\-22 (13829) 
dharmavAMstvamadharmaj~naH satAM mArgAdavaplutaH.
ko hi dharmiNamAtmAnaM jAna~nj~nAnavidAM varaH .. 2\-64\-23 (13830) 
kuryAdyathA tvayA bhIShama kR^itaM dharmamavekShatA.
chettvaM dharmaM vijAnAsi yadi prAj~nA matistava .. 2\-64\-24 (13831) 
anyakAmA hi dharmaj~nA kanyakA prAj~namAninA.
ambA nAmeti bhadraM te kathaM sA.apahR^itA tvayA .. 2\-64\-25 (13832) 
tAM tvayA.apahR^itAM bhIShma kanyAM naiShitavAnnR^ipaH.
bhrAtA vichitravIryaste satAM mArgamanusmaran .. 2\-64\-26 (13833) 
bhAryayoryasya chAnyena miShataH prAj~namAninaH.
tava jAtAnyapatyAni sajjanAcharite pathi .. 2\-64\-27 (13834) 
ko hi dharmo.asti te bhIShama brahmacharyamidaM vR^ithA.
yaddhArayasi mohAdvA klIbatvAdvA na saMshayaH .. 2\-64\-28 (13835) 
na tvaM tava dharmaj~na pashyAmyupacharaM kvachit.
na hi te sevitA vR^iddhA ya evaM dharmamabravIH .. 2\-64\-29 (13836) 
iShTaM dattamadhItaM cha yaj~nAshcha bahudakShiNAH.
sarvametadapatyasya kalAM nArhanti ShoDashIm .. 2\-64\-30 (13837) 
vratopavAsairbahubhiH kR^itaM bhavati bhIShma yat.
sarvaM tadanapatyasya moghaM bhavati nishchayAt .. 2\-64\-31 (13838) 
so.anapatyashcha vR^iddhashcha mithyAdharmAnushAsanAt.
haMsavattvamapIdAnIM j~nAtibhyaH prApnuyA vadham .. 2\-64\-32 (13839) 
evaM hi kathayantyanye narA j~nAnavidaH purA.
bhIShma yattadahaM samyagvakShyAmi tava shR^iNvataH .. 2\-64\-33 (13840) 
vR^iddhaH kila samudrAnte kashchiddhaMso.abhavatpurA.
dharmavAganyathAvR^ittaH pakShiNaH so.anushAsti cha .. 2\-64\-34 (13841) 
dharma charata mA.adharmamiti tasya vachaH kila.
pakShiNaH shushruvurbhIShma satataM dharmavAdinaH .. 2\-64\-35 (13842) 
haMsasya tu vachaH shrutvA muditAH sarvapakShiNaH.
Uchushchaiva svagA haMsaM parivArya cha sarvashaH .. 2\-64\-36 (13843) 
kathayasva bhavAnsarvaM pakShiNAM tu samAsataH.
ko hi nAma dvijashreShTha brUhi no dharma uttamaH .. 2\-64\-37 (13844) 
haMsa uvAcha .. 2\-64\-38x (1486) 
prajAsvahiMsA dharmo vai hiMsA.adharmaH khagavrajAH.
etadevAnuboddhavyaM dharmAdharmaH samAsataH .. 2\-64\-38 (13845) 
shishupAla uvAcha .. 2\-64\-39x (1487) 
vR^iddhahaMsavachaH shrutvA pakShiNaste susaMhitAH.
Uchushcha dharmalubdhAste smayamAnA ivANDajAH .. 2\-64\-39 (13846) 
dharmaM yaH kurute nityaM loke dhIrataro.aNDajaH.
sa yatra gachCheddharmAtmA tanme brUhIha tattvataH .. 2\-64\-40 (13847) 
haMsa uvAcha .. 2\-64\-41x (1488) 
bAlA yUyaM na jAnIdhvaM dharmasUkShmaM viha~NgamAH.
dharmaM yaH kurute loke satataM shubhabuddhinA. 
na chAyuSho.ante svaM dehaM tyaktvA svargaM sa gachChati ..  2\-64\-41 (13848) 
tathA.ahamapi cha tyaktvA kAle dehamimaM dvijAH.
svargalokaM gamiShyAmi iyaM dharmasya vai gatiH .. 2\-64\-42 (13849) 
evaM dharmakathAM chakre sa haMsaH pakShiNAM bhR^isham.
pakShiNaH shushruvurbhIShma satataM dharmameva te .. 2\-64\-43 (13850) 
athAsya bhakShyamAjahruH samudrajalachAriNaH.
aNDajA bhIShma tasyAnye dharmArthamiti shushruma .. 2\-64\-44 (13851) 
te cha tasya samabhyAshe nikShipyANDAni sarvashaH.
samudrAmbhasyamodanta charanto bhIShma pakShiNaH .. 2\-64\-45 (13852) 
teShAmaNDAni sarveShAM bhakShayAmAsa pApakR^it.
sa haMsaH sampramattAnAmapramattaH svakarmaNi .. 2\-64\-46 (13853) 
tataH prakShIyamANeShu teShu teShvaNDajo.aparaH.
asha~Nkata mahAprAj~naH sa kadAchiddadarsha ha .. 2\-64\-47 (13854) 
tataH sa~NkathayAmAsa dR^iShTvA haMsasya kilbiSham.
teShAM paramaduHkhArtaH sa pakShI sarvapakShiNAm .. 2\-64\-48 (13855) 
tataH pratyakShato dR^iShTvA pakShiNaste samIpagAH.
nijaghnastaM tadA haMsaM mithyAvR^ittaM kurUdvaha .. 2\-64\-49 (13856) 
evaM tvAM haMsadharmANamapIme vasudhAdhipAH.
nihanyurbhIShma sa~NkruddhAH pakShiNastaM yathANDajam .. 2\-64\-50 (13857) 
gAthAmapyatra gAyanti ye purANavido janAH.
bhIShma yAM tAM cha te samyakvathayiShyAmi bhArata .. 2\-64\-51 (13858) 
antarAtmanyabhihate rauShi patrarathAshuchi.
aNDabhakShaNakarmaitattava vAchamatIyate .. .. 2\-64\-52 (13859) 

iti shrImanmahAbhArate sabhAparvaNi shishupAlavadhaparvaNi chatuHShaShTito.adhyAyaH .. 64 ..

##Mahabharata - Sabha Parva - Chapter Footnotes##

2\-64\-2 tR^itIyAyAM prakR^itau napuMsakatve ..
2\-64\-20 kuligonAma bhUshAyI pakShI mAsAhasamityanishaM vadannapi siMhadaMShTAntarasthaM mAMsamA datte svayaM sAhasamatishayitaM karoti ..


\medskip\hrule\medskip
sabhAparva \- adhyAya 065
.. shrIH ..
2\.65\. adhyAyaH 65 

##Mahabharata - Sabha Parva - Chapter Topics##
kR^iShNanindAshravaNena shishupAlajighAMsayA utpatato bhImasya bhIShmeNa vinivartanam .. 1\..

##Mahabharata - Sabha Parva - Chapter Text##

shishupAla uvAcha.

sa me bahumato rAjA jarAsandho mahAbalaH.
yo.anena yuddhaM neyeSha dAkSho.ayamiti saMyuge .. 2\-65\-1 (13860) 
keshavena kR^itaM karma jarAsandhavadhe tadA.
bhImasenArjunAbhyAM cha kastatsAdhviti manyate .. 2\-65\-2 (13861) 
udvAreNa praviShTena ChadmanA brahmavAdinA.
dR^iShTaH prabhAvaH kR^iShNena jarAsandhasya bhUpateH .. 2\-65\-3 (13862) 
yena dharmAtmanA.a.atmAnaM brahmaNyamabhijAnatA.
preShitaM pAdyamasmai taddAtumagre dUrAtmane .. 2\-65\-4 (13863) 
bhujyatAmiti tenoktAH kR^iShNabImadhana~njayATaH.
jarAsandhena kauravya kR^iShNena vikR^itaM kR^itam .. 2\-65\-5 (13864) 
yadyayaM jagataH kartA yathainaM mUrkha manyase.
kasmAnna brAhmaNaM samyagAtmAnamavagachChati .. 2\-65\-6 (13865) 
idaM tvAshcharyabhUtaM me yadibhe pANDavAstvayA.
apakR^iShTAH satAM mArgAnmanyante tachcha sAdhviti .. 2\-65\-7 (13866) 
athavA naitadAshcharyaM yeShAM tvamasi bhArata.
strIsadharmA cha vR^iddhashcha sarvArthAnAM pradarshakaH .. 2\-65\-8 (13867) 
vaishampAyana uvAcha .. 2\-65\-9x (1489) 
tasya tadvachanaM shrutvA rUkShaM rUkShAkSharaM bahu.
chakopa balinAM shreShTho bhImasenaH pratApavAn .. 2\-65\-9 (13868) 
tathA padmapratIkAshe svabhAvAyatavistR^ite.
bhUyaH krodhAbhitAmrAkShe rakte netre babhUvatuH .. 2\-65\-10 (13869) 
trishikhAM bhrakuTIM chAsya dadR^ishuH sarvapArthivAH.
lalATasthAM trikUTasthAM ga~NgAM tripathagAmiva .. 2\-65\-11 (13870) 
dantAnsandashatastasya kopAddadR^ishurAnanam.
yugAnte sarvabhUtAni kAlasyeva jighatsataH .. 2\-65\-12 (13871) 
utpatantaM tu vegena jagrAhainaM manasvin.
bhIShma eva mahAbAhurmahAsenamiveshvaraH .. 2\-65\-13 (13872) 
tasva bhImasya bhIShmeNa vAryamANasya bhArata.
guruNA vividhairvAkyaiH krodhaH prashamamAgataH .. 2\-65\-14 (13873) 
nAtichakrAma bhIShmasya sa hi vAkyamarindamaH.
samudvR^itto ghanApAye velAmiva mahodadhiH .. 2\-65\-15 (13874) 
shishupAlastu sa~Nkruddhe bhImasene janAdhipa.
nAkampata tadA vIraH pauruShe vyavasthitaH .. 2\-65\-16 (13875) 
utpatantaM tu vegena punaH punararindamaH.
na sa taM chintayAmAsa siMhaH kruddho mR^igaM yathA .. 2\-65\-17 (13876) 
prahasaMshchAbravIdvAkyaM chedirAjaH pratApavAn.
bhImasenamabhikruddhaM dR^iShTvA bhImaparAkramam .. 2\-65\-18 (13877) 
mu~nchainaM bhIShma pashyantu yAvadenaM narAdhipaH.
matprabhAvavinirdagdhaM pata~Ngamiva vahninA .. 2\-65\-19 (13878) 
tatashchedipatervAkyaM shrutvA tatkurusattamaH.
bhImasenamuvAchedaM bhIShme matimatAM varaH .. 2\-65\-20 (13879) 
`naiShA chedipaterbuddhiryattvAmAhvayate.achyutam.
bhImasena mahAbAho kR^iShNasyaiva vinishchayaH'.. .. 2\-65\-21 (13880) 

iti shrImanmahAbhArate sabhAparvaNi shishupAlavadhaparvaNi pa~nchaShaShTitamo.adhyAyaH ..65\..

##Mahabharata - Sabha Parva - Chapter Footnotes##

2\-65\-13 mahAsena kArtikayam ..


\medskip\hrule\medskip
sabhAparva \- adhyAya 066
.. shrIH ..
2\.66\. adhyAyaH 66 

##Mahabharata - Sabha Parva - Chapter Topics##
bhIShmeNa shishupAlavR^ittAntakathanapUrvakaM svena bhImaniShedhane svAbhiprAyAviShkaraNam .. 1\..

##Mahabharata - Sabha Parva - Chapter Text##

bhIShma uvAcha ..

chedirAjakule jAtakhyakSha eSha chaturbhujaH.
rAsabhArAvasadR^ishaM rarAsa cha nanAda cha .. 2\-66\-1 (13881) 
tenAsya mAtApitarau tresatustau sabAndhavau.
vaikR^itaM tasyata tau dR^iShTvA tyAgAyAkurutAM matim .. 2\-66\-2 (13882) 
tataH sabhAryaM nR^ipatiM sAmAtyaM sapurohitam.
chintAsaMmUDhahR^idayaM vAguvAchAsharIreNI .. 2\-66\-3 (13883) 
eSha te nR^ipate putraH shrImA~njAto balAdhikaH.
tasmAdasmAnna bhetavyamavyagraH pAhi vai shishum .. 2\-66\-4 (13884) 
na cha vai tasya mR^ityustvaM na kAlaH pratyupasthitaH.
yashcha shastreNa hantA.asya sa chotpanno narAdhipa .. 2\-66\-5 (13885) 
saMshrutyodAhR^itaM vAkyaM bhUtamantarhitaM tataH.
putrasnehAbhisantaptA jananI vAkyamabravIt .. 2\-66\-6 (13886) 
yenedamIritaM vAkyaM mamaitaM tanayaM prati.
prA~njalistaM namasyAmi bravItu sa punarvachaH .. 2\-66\-7 (13887) 
yAthAtathyena bhagavAndevo vA yadi vetaraH.
shrotumichChAmi putrasya ko.asya mR^ityurbhaviShyati .. 2\-66\-8 (13888) 
antarbhUtaM tato bhUtamuvAchedaM punarvachaH.
yasyotsa~Nge gR^ihItasya bhujAvabhyadhikAvubhau .. 2\-66\-9 (13889) 
patiShyataH kShititale pa~nchashIrShAvivoragau.
tR^itIyametadbAlasya lalATasthaM tu lochanam .. 2\-66\-10 (13890) 
nimajjiShyati yaM dR^iShTvA so.asya mR^ityurbhaviShyati.
tryakShaM chaturbhujaM shrutvA tathA cha samudAhR^itam .. 2\-66\-11 (13891) 
pR^ithivyAM pArthivAH sarve abhyAgachChandidR^ikShavaH.
tAnpUjayitvA samprAptAnyathArhaM sa mahIpatiH .. 2\-66\-12 (13892) 
ekaikasya nR^ipasyA~Nke putramAropayattadA.
evaM rAjasahasrANA pR^ithaktvena yathAkramam .. 2\-66\-13 (13893) 
shishura~Nke samArUDho na tatprAya nidarshanam.
etadeva tu saMshrutya dvAravatyAM mahAbalau .. 2\-66\-14 (13894) 
tatashchedipuraM prAptau sa~NkarShaNajanArdanau.
yAdavau yAdavIM druShTuM svasAraM tau pitustadA .. 2\-66\-15 (13895) 
abhivAdya yathAnyAyaM yathAshreShThaM nR^ipaM cha tAm.
kushalAnAmayaM pR^iShTvA niShaNNau rAmakeshavau .. 2\-66\-16 (13896) 
sA.abhyarchya tau tadA vIrau prItyA chAbhyadhikaM tataH.
putraM dAmodarotsa~Nge devI saMnyadadhAtsvayam .. 2\-66\-17 (13897) 
nyastamAtrasya tasyA~Nke bhujAvabhyadhikAvubhau.
petatustachcha nayanaM nyamajjata lalATajam .. 2\-66\-18 (13898) 
taddR^iShTvA vyathitA trastA varaM kR^iShNamayAchata.
dadasva me varaM kR^iShNa bhayArtAyA mahAbhuja .. 2\-66\-19 (13899) 
tvaM hyArtAnAM samAshvAso bhItAnAmabhayapradaH.
evamuktastataH kR^iShNaH so.abravIdyadunandanaH .. 2\-66\-20 (13900) 
mA bhaistvaM devi dharmaj~ne na matto.asti bhayaM tava.
dadAmi kaM varaM kiM cha karavANi pitR^iShvasaH .. 2\-66\-21 (13901) 
shakyaM vA yadi vA.ashakyaM kariShyANi vachastava.
evamuktA tataH kR^iShNamabravIdyadunandanam .. 2\-66\-22 (13902) 
shishupAlasyAparAdhAnkShamethAstvaM mahAbala.
matkR^ite yadushArdUla viddhyenaM me varaM prabho .. 2\-66\-23 (13903) 
kR^iShNa uvAcha. 2\-66\-24x (1490) 
aparAdhashataM kShAmyaM mayA hyasya pitR^iShvasaH.
putrasya te vadhArhasya mA tvaM shoke manaH kR^ithAH .. 2\-66\-24 (13904) 
bhIShma uvAcha. 2\-66\-25x (1491) 
`sa jAnannAtmano mR^ityuM kR^iShNaM yadusukhAvaham'.
evameSha nR^ipaH pApaH shishupAH sumandadhIH. 
tvAM samAhvayate vIra govindavaradarpitaH .. ..  2\-66\-25 (13905) 

iti shrImanmahAbhArate sabhAparvaNi shishupAlavadhaparvaNi ShaTShaShTitamo.adhyAyaH .. 66 ..



\medskip\hrule\medskip
sabhAparva \- adhyAya 067
.. shrIH ..
2\.67\. adhyAyaH 67 

##Mahabharata - Sabha Parva - Chapter Topics##
shishupAlena rAj~nAM prashaMsanapUrvakaM garhitena bhIShmeNa rAj~nAM tiraskaraNAdikam .. 1\..

##Mahabharata - Sabha Parva - Chapter Text##

bhIShma uvAcha ..

naiShA chedipaterbuddhiryayA tvAhvayate.achyutam.
nUnameva jagadbhartuH kR^iShNasyaiva vinishchayaH.  2\-67\-1 (13906) 
ko hi mAM bhImasenAdya kShitAvarhati pArthivaH.
kSheptuM kAlaparItAtmA yathaiSha kulapAMsanaH .. 2\-67\-2 (13907) 
eSha hyasya mahAbAhusterjoshashcha harerdhruvam.
tameva punarAdAtuM kurute.atra matiM hariH .. 2\-67\-3 (13908) 
yenaiSha kurushArdUla shArdUla iva chedirAT.
garjatyatIva durbuddhiH sarvAnasmAnachintayan .. 2\-67\-4 (13909) 
vaishampAyana uvAcha .. 2\-67\-5x (1492) 
tato na mamR^iShe chaidyastadbhIShmavachanaM tadA.
uvAcha chaina sa~NkruddhaH punarbhIShmamathottaram .. 2\-67\-5 (13910) 
shishupAla uvAcha .. 2\-67\-6x (1493) 
dviShatAM no.astu bhIShmaiSha prabhAvaH keshavasya yaH.
yasya saMstavavaktA tvaM bandivatsatatotthitaH .. 2\-67\-6 (13911) 
saMstave chamano bhIShma pareShAM ramate yadi.
tadA saMstuhi rAj~nastvamimaM hitvA janArdanam .. 2\-67\-7 (13912) 
daradaM stuhi bAhlIkamimaM pArthivasattamam.
jAyamAnena yeneyabhavaddAritA mahI .. 2\-67\-8 (13913) 
va~NgA~NgaviShayAdhyakShaM sahasrAkShasamaM bale.
stuhi karNamimaM bhIShma mahAchApavikarShaNam .. 2\-67\-9 (13914) 
yasyeme kuNDale divye sahaje devanirmite.
kavachaM cha mahAbAho bAlArkasadR^ishaprabham .. 2\-67\-10 (13915) 
vAsavapratimo yena jarAsandho.atidurjayaH.
vijito bAhuyuddhena dehabhedaM cha lambhitaH .. 2\-67\-11 (13916) 
droNaM drauNiM cha sAdhu tvaM pitAputrau mahArathau.
stuhi stutyAvubhau bhIShma satataM dvijasattamau .. 2\-67\-12 (13917) 
yayoranyataro bhIShma sa~NkruddhaH sacharAcharAm.
imAM vasumatIM kuryAnniH sheShAmiti me matiH .. 2\-67\-13 (13918) 
droNasya hi samaM yuddhe na pashyAmi narAdhipam.
nAshvatthAmnaH samaM bhIShma na cha tau stotumichChasi .. 2\-67\-14 (13919) 
pR^ithivyAM sAgarAntAyAM yo vaipratisamo bhavet.
duryodhanaM tvaM rAjendramatikramya mahAbhujam .. 2\-67\-15 (13920) 
jayadrathaM cha rAjAnaM kR^itAstraM dR^iDhavikramam.
drumaM kimpuruShAchAryaM loke prathitavikramam. 
atikramya mahAvIryaM kiM prashaMsasi keshavam ..  2\-67\-16 (13921) 
vR^iddhaM cha bharatAchAryaM tathA shAradvataM kR^ipam.
atikramya mahAvIryaM kiM prashaMsasi keshavam .. 2\-67\-17 (13922) 
dhanurdharANAM pravaraM rukmiNaM puruShottamam.
atikramya mahAvIryaM kiM prashaMsasi keshavam .. 2\-67\-18 (13923) 
bhIShmakaM cha mahAvIryaM dantavaktraM cha bhUmipam.
bhagadattaM yUpakethu jayatsenaM cha mAgadham .. 2\-67\-19 (13924) 
virATadrupadau chobhau shakuniM cha bahadbalam.
vindAnuvindAvAvantyau pANDyaM shvetamathottamam .. 2\-67\-20 (13925) 
sha~NkhaM cha sumahAbhAgaM vR^iShasenaM cha mAninam.
ekalavyaM cha vikrAntaM kAli~NgaM cha mahAratham .. 2\-67\-21 (13926) 
atikramya mahAvIryaM kiM prashaMsati keshavam.
shalyAdInapi kasmAttvaM na stauShi vasudhAdhipAn. 
stavAya yadi te buddhirvartate bhIShma vasudhAdhipAn.  2\-67\-22 (13927) 
kiM hi shakyaM mayA kartuM yadvR^iddhAnAM tvayA nR^ipa.
purA kathayatAM nUnaM na shrutaM dharmavAdinAm .. 2\-67\-23 (13928) 
AtmanindAtmapUjA cha paranindA parastavaH.
anAcharitamAryANAmiti te bhIShma na shrutam .. 2\-67\-24 (13929) 
yadastavyamimaM shashvanmohAtsaMstauShi bhaktitaH.
keshavaM tachcha te bhIShma na kashchidanumanyate .. 2\-67\-25 (13930) 
kathaM bhojasya puruShe vatsapAle durAtmani.
samAveshayase sarvaM jagatkevalakAmyayA .. 2\-67\-26 (13931) 
atha chaiShA na te buddhiH prakR^itiM yAti bhArata.
mayaiva kathitaM pUrvaM kuli~NgashakuniryathA .. 2\-67\-27 (13932) 
kuli~NgashakunirnAma pArshve himavataH pare.
bhIShma tasyAH sadA vAchaH shrUyante.arthavigarhitAH .. 2\-67\-28 (13933) 
mA sAhasamitIdaM sA satataM vAshate kila.
sAhasaM chAtmanAtIva charantI nAvabudhyate .. 2\-67\-29 (13934) 
sA hi mAMsArgalaM bhIShma mukhAtsiMhasya khAdataH.
dantAntaravilagnaM yattadAdatte.alpachetanA .. 2\-67\-30 (13935) 
ichChataH sA hi siMhasya bhIShma jIvatyasaMshayam.
tadvattvamapyadharmiShTha sadA vAchaH prabhAShase .. 2\-67\-31 (13936) 
ichChatAM bhUmipAlAnAM bhIShma jIvasyasaMshayam.
lokavidviShTakarmA hi nAnyo.asti bhavatA samaH .. 2\-67\-32 (13937) 
vaishampAyana uvAcha .. 2\-67\-33x (1494) 
tatashchedipateH shrutvA bhIShmaH sa kaTukaM vachaH.
uvAchedaM vacho rAjaMshchedirAjasya shR^iNvataH .. 2\-67\-33 (13938) 
ichChatAM kila nAmAhaM jIvAmyeShAM mahIkShitAm.
so.ahaM na gaNayAmyetAMstR^iNenApi narAdhipAn .. 2\-67\-34 (13939) 
evamukte tu bhIShmeNa tataH sa~nchukrushurnR^ipAH.
kechijjahR^iShire tatra kechidbhIShmaM jagarhire .. 2\-67\-35 (13940) 
kechidUchurmaheShvAsAH shrutvA bhIShmasya yadvachaH.
pApo.avalipto vR^iddhashcha nAyaM bhIShmo.arhati kShamAm .. 2\-67\-36 (13941) 
hanyatAM durmatirbhIShmaH pashuvatsAdhvayaM nR^ipAH.
sarvaiH sametya saMrabdhairdahyatAM vA kaTAgninA .. 2\-67\-37 (13942) 
iti teShAM vachaH shrutvA tataH kurupitAmahaH.
uvAcha matimAnbhIShmastAneva vasudhAdhipAn .. 2\-67\-38 (13943) 
uktasyoktasya nehAntamahaM samupalakShaye.
yattu vakShyAmi tatsarvaM shR^iNudhvaM vasudhAdhipAH .. 2\-67\-39 (13944) 
pashuvadghAtanaM vA me dahanaM vA kaTAgninA.
kriyatAM mUrdhni vo nyastaM mayedaM sakalaM padam .. 2\-67\-40 (13945) 
eSha tiShThati govindaH pUjito.asmAbhirachyutaH.
yasya vastvarate buddhirmaraNAya sa mAdhavam .. 2\-67\-41 (13946) 
kR^iShNamAhvayatAmadya yuddhe chakragadAdharam.
yAdavasyaiva devasya dehaM vishatu pAtitaH .. .. 2\-67\-42 (13947) 

iti shrImanmahAbhArate sabhAparvaNi shishupAlavadhaparvaNi saptaShaShTitamo.adhyAyaH .. 67 ..

##Mahabharata - Sabha Parva - Chapter Footnotes##

2\-67\-15 vaipratisamaH vigataH pratisamo yasya sa tathA . svArthe taddhitaH. atula ityarthaH ..
2\-67\-27 kuli~Ngashakuniriti strIpakShivisheShaH ..
2\-67\-37 kaTAgninA kakShAgninA ..


\medskip\hrule\medskip
sabhAparva \- adhyAya 068
.. shrIH ..
2\.68\. adhyAyaH 68 

##Mahabharata - Sabha Parva - Chapter Topics##
bhIShmavAkyAtkupitena shashupAlena rAj~naH saj~nAhya yuyutsayA kR^iShNasyAhvAnam .. 1\.. kR^iShNena svasmin shishupAlakR^itAparAdhAnvishrAvya vibhIShitAnAM rAj~nAM palAyanama .. 2\.. apagateShu rAjasu shishupAlasya ekAkinaH kR^iShNaM prati yuddhAya gamanam .. 3\..

##Mahabharata - Sabha Parva - Chapter Text##

vaishampAyana uvAcha ..

vachaH shrutvaiva bhIShmasya chedirADuruvikramaH.
yuyutsurvAsudevena vAsudevamuvAcha ha .. 2\-68\-1 (13948) 
Ahvaye tvAM raNaM gachCha mayA sArdhaM janArdana.
yAvadadya nihanmi tvAM sahitaM sarvapANDavaiH .. 2\-68\-2 (13949) 
saha tvayA hi me vadhyAH sarvathA kR^iShNa pANDavAH.
nR^ipatInsamatikramya yairarAjA tvamarchitaH .. 2\-68\-3 (13950) 
ye tvAM dAsamarAjAnaM bAlyAdarchanti durmatim.
anarhamarhavatkR^iShNa vadhyAsta iti me matiH .. 2\-68\-4 (13951) 
ityuktvA rAjashArdUla `shArdUla iva nAdayan.
pashyatAM sarvabhUtAnAM shishupAlaH pratApavAn .. 2\-68\-5 (13952) 
sa raNAyaiva sa~NkruddhaH sannaddhaH sarvarAjabhiH.
sunIthaH prayayau kShipraM pArthayaj~najighAMsayA .. 2\-68\-6 (13953) 
tatashchakragadApANiH keshavaH keshihA hariH.
sadhvajaM rathamAsthAya dArukeNa susatkR^itam. 
bhIShmeNa dattahasto.asAvAruhoha rathottamam ..  2\-68\-7 (13954) 
tena pApasvabhAvena kopitAnsarvapArthivAn.
AsasAda raNe kR^iShNaH sajjitaikarathaH sthitaH .. 2\-68\-8 (13955) 
tataH puShkarapatrAkShaM tArkShyadhvajarathe sthitam.
divAkaramivodyantaM dadR^ishuH sarvapArthivAH .. 2\-68\-9 (13956) 
AropayantaM jyAM kR^iShNaM pratapantamivaujasA.
sthitaM puShparathe divye puShpaketumivAparam .. 2\-68\-10 (13957) 
dR^iShTvA kR^iShNaM tathA yAntaM pratapantamivaujasA.
yathArhaM keshave vR^ittimavashAH pratipedire .. 2\-68\-11 (13958) 
tAnuvAcha mahAbAhurmahA.asuranibarhaNaH.
vR^iShNivIrastadA rAjansAntvayanparavIrahA .. 2\-68\-12 (13959) 
shrIbhagavAnuvAcha .. 2\-68\-13x (1495) 
apeta sabalAH sarva AsvastA mama shAsanAt.
mA dR^iShTo dUShayetpApa eSha vaH sarvapArthipAH .. 2\-68\-13 (13960) 
eSha naH shatruratyantameSha vR^iShNivimardanaH.
sAtvatAM sAtvatIputro vairaM charati shAshvatam'.. 2\-68\-14 (13961) 
prAgjyotiShapuraM yAtAnasmA~nj~nAtvA nR^ishaMsakR^it.
adahaddvArakAmeSha svastrIyaH sannarAdhipAH .. 2\-68\-15 (13962) 
krIDato bhojarAjasya eva raivatake girau.
hatvA badhvA cha tAnsArvAnupAyAtsvapuraM purA .. 2\-68\-16 (13963) 
ashvamedhe hayaM medhyamutsR^iShTaM rakShibhirvR^itam.
piturme yaj~navighnArthamaharatpApanishchayaH .. 2\-68\-17 (13964) 
sauvIrAnpratiyAtAM cha babhroreSha tapasvinaH.
bhAryAmabhyaharanmohAdakAmAM tAmito gatAm .. 2\-68\-18 (13965) 
eSha mAyApratichChannaH kArUshArthe tapasvinIm.
jahAra bhadrAM vaishAlIM mAtulasya nR^ishaMsakR^it .. 2\-68\-19 (13966) 
vR^iShNidArAnvilApyaiva hatvA cha kukurAndhakAn.
pApAbuddhirupAtiShThatsa pravishya sasambhramam .. 2\-68\-20 (13967) 
vishAlarAj~no duhitAM mama pitrA vR^itAM satIm.
anena kR^itvA sandhAnaM karUshena jigIShayA .. 2\-68\-21 (13968) 
jarAsandhaM samAshritya kR^itavAnvipriyANi me.
tAni sarvANi sa~NkhyAtuM na shaknomi narAdhipAH .. 2\-68\-22 (13969) 
evametadaparyantameSha vR^iShNiShu kilbiShI.
asmAkamayamArambhAMshchakAra parabhAnR^ijuH .. 2\-68\-23 (13970) 
shataM kShantavyamasmAbhirvadhArhANAM kilAgasAm.
baddho.asmi samayairghorairmAturasyaiva sa~Ngare .. 2\-68\-24 (13971) 
tattathA shatamasmAkaM kShAntaM kShayakaraM mayA.
dvau tu me vadhakAle.asminna kShantavyau katha~nchana .. 2\-68\-25 (13972) 
yaj~navighnakaraM hanyAM pANDavAnAM cha durhR^idam.
iti me vartate bhAvastamatIyAM kathaM nvaham .. 2\-68\-26 (13973) 
pitR^iShvasuH kR^ite duHkhaM sumahanmarShayAmyaham.
diShTyA hIdaM sarvarAj~nAM sannidhAvadya vartate .. 2\-68\-27 (13974) 
pashyanti hi bhavanto.adya mayyatIva vyatikramam.
kR^itAni tu parokShaM me yAni tAni nibodhata .. 2\-68\-28 (13975) 
imaM tvasya na shakShyAmi kShantumadya vyatikramam.
avalepAdvadhArhasya samagre rAjamaNDale .. 2\-68\-29 (13976) 
rukmiNyAmasya mUDhasya prArthanA.a.asInmumUrShataH.
na cha tAM prAptavAnmUDhaH shUdro vedashrutImiva .. 2\-68\-30 (13977) 
vaishampAyana uvAcha .. 2\-68\-31x (1496) 
evamAdi tataH sarve sahitAste narAdhipAH.
garhaNaM shishupAlasya vAsudevena vishrutaH .. 2\-68\-31 (13978) 
vAsudevavachaH shrutvA chedirAjaM vyagarhayan.
rathopasthe dhanuShmantaM sharAnsandadhataM ruShA .. 2\-68\-32 (13979) 
shrutvA.api cha vilokyAshu dudruvuH sarvapArthivAH.
vihAya paramodvignAshchedirAjaM chamUmukhe .. 2\-68\-33 (13980) 
tasya tadvachanaM shrutvA shishupAlaH pratApavAn.
jahAsa svanavaddhAsaM vAkyaM chedamuvAcha ha .. 2\-68\-34 (13981) 
matpUrvAM rukmiNIM kR^iShNa saMsatsu parikIrtayan.
visheShataH pArthiveShu vrIDAM na kuruShe katham .. 2\-68\-35 (13982) 
manyamAno hi kaH satsu puruShaH parikIrtayet.
anyapUrvA striyaM jAtu tvadanyo madhUsUdana .. 2\-68\-36 (13983) 
kShamA vA yadi te shraddhA mA vA kR^iShNa mama kShama.
kruddhAdvApi prasannAdvA kiM me tvatto bhaviShyate .. 2\-68\-37 (13984) 
`vaishampAyana uvAcha .. 2\-68\-38x (1497) 
sa tAMstu vidrutAnsarvAnsAshvapattirathadvipAn.
kR^iShNatejohatAnsarvAnsamIkShya vasudhAdhipAn .. 2\-68\-38 (13985) 
shishupAlo rathenaikaH pratyupAyAtsa keshavam.
ruShA tAmrekShaNo rAja~nChalabhaH pAvakaM yathA .. .. 2\-68\-39 (13986) 

iti shrImanmahAbhArate sabhAparvaNi shishupAlavadhaparvaNi aShTaShaShTitamo.adhyAyaH .. 68\..

##Mahabharata - Sabha Parva - Chapter Footnotes##

2\-68\-31 vishrutAH shrAvitAH ..


\medskip\hrule\medskip
sabhAparva \- adhyAya 069
.. shrIH ..
2\.69\. adhyAyaH 69 

##Mahabharata - Sabha Parva - Chapter Topics##
shishupAle sannaddhe sati utpAtadarshanena yudhiShThirasya prashne nAradena tattaduta pAtAnAM vishiShya phalakathanam .. 1\..

##Mahabharata - Sabha Parva - Chapter Text##

vaishampAyana uvAcha ..

tato yuddhAya saMnaddhaM chedirAjaM yudhiShThiraH.
dR^iShTvA matimatAM shreShTho nAradaM samuvAcha ha .. 2\-69\-1 (13987) 
yudhiShThira uvAcha .. 2\-69\-2x (1498) 
antarikShe cha bhUmau cha te.astyaviditaM kvachit.
yAni rAjavinAshAya bhaumAni cha khagAni cha .. 2\-69\-2 (13988) 
nimittAnIha jAyante utpAtAshcha pR^ithagvidhAH.
etaditChAmi kArtsnyena shrotuM tvatto mahAmune .. 2\-69\-3 (13989) 
vaishampAyana uvAcha. 2\-69\-4x (1499) 
ityevaM mitamAnvipraH kururAjasya dhImataH.
pR^ichChataH sarvamavyagramAchachakShe mahAyashAH .. 2\-69\-4 (13990) 
nArada uvAcha .. 2\-69\-5x (1500) 
parAkramaM cha mArgaM cha saMnipAtaM samuchChrayam.
ArohaNaM kurushreShTha anyonyaM pratisarpaNam .. 2\-69\-5 (13991) 
pashmInAM vyatisaMsargaM vyAyAmaM vR^ittipIDanam.
darshanAdarshanaM chaiva adR^ishyAnAM cha darshanam .. 2\-69\-6 (13992) 
hAniM vR^iddhiM cha hrAsaM cha varNasthAnaM balAbalam.
sarvametatparIkSheta grahANAM grahakovidaH .. 2\-69\-7 (13993) 
bhaumAH pUrvaM pravartante khecharAshcha tataH param.
utpadyante cha loke.asminnutpAtA devanirmitAH .. 2\-69\-8 (13994) 
yadA tu sarvabhUtAnAM ChAyA na parivartate.
apareNa gate sUrye tatparAbhavalakShaNam .. 2\-69\-9 (13995) 
achChAye vimalachChAyA pratichChAyeva dR^ishyate.
yatra chaityakavR^ikShANAM tatra vidyAnmahadbhayam .. 2\-69\-10 (13996) 
shIrNaparNapravAlAshcha shuShkaparNAshcha chaityakAH.
apabhraShTapravAlAshcha tatrAbhAvaM vinirdishet .. 2\-69\-11 (13997) 
snigdhaparNapravAlAshcha dR^ishyante yatra chaityakAH.
IhamAnAshcha vR^ikShAshcha bhAvastatra na saMshayaTaH .. 2\-69\-12 (13998) 
puShpe puShpaM prajAyeta phale vA phalamAshritam.
rAjA vA rAjamAtro vA maraNAyopapadyate .. 2\-69\-13 (13999) 
prAvR^iTCharadi hemante vasante vApi sarvashaH.
AkAlikaM puShpaphalaM rAShTrakShobhaM vinirdishet .. 2\-69\-14 (14000) 
nadInAM strotaso.akAle dyotayanti mahAbhayam.
vanaspatiH pUjyamAnaH pUjito.apUjito.api vA .. 2\-69\-15 (14001) 
yadA bhajyeta vAtena bhidyate namito.api vA.
agnivAyubhayaM vidyAchChreShTho vApi vinashyati .. 2\-69\-16 (14002) 
dishaH sarvAshcha dIpyante jAyante rAjavibhramAH.
bhidyamAno yadA vR^ikSho ninadechchApi pAtitaH. 
saha rAShTraM cha patitaM nataM vR^ikShaM prapAtayet ..  2\-69\-17 (14003) 
athainaM Chedayetkashchitpratikruddho vanaspatiH.
ChettA bhettA patishchaiva kShiprameva nashiShyati .. 2\-69\-18 (14004) 
devatAnAM cha patanaM maShTapAnAM cha pAtanam.
achalAnAM prakampashcha tatparAbhavalakShaNam .. 2\-69\-19 (14005) 
nishi chendradhanurdR^iShTaM tatopi cha mahadbhayam.
taddraShTareva bhItiH syAnnAnyeShAM bharatarShabha .. 2\-69\-20 (14006) 
rAtrAvindradhanurdR^iShTvA tadrAShTraM parivarjayet ..  2\-69\-21 (14007) 
archA yatra pranR^ityanta nadanti cha hasanti cha.
unmIlanti nimIlanti rAShTrakShobhaM vinirdishet .. 2\-69\-22 (14008) 
shilA yadi prasi~nchanti snehAMshchodakasambhavAn.
anyadvA vikR^itaM ki~nchittadbhayasya nidarshanam .. 2\-69\-23 (14009) 
mriyante vA mahAmAtrA rAjA saparivArakaH.
purasya yA bhavedvyAdhI rAShTre deshe cha vibhramAH .. 2\-69\-24 (14010) 
devatAnAM yadA.a.avAse rAj~nAM vA yatra veshmani.
bhANDAgArAyudhAgAre nivisheta yadA madhu .. 2\-69\-25 (14011) 
sarvaM tadA bhavetsthAnaM hanyamAnaM balIyasA.
AgantukaM bhayaM tatra bhavedityeva nirdishet .. 2\-69\-26 (14012) 
pAdapashchaiva yo yatra raktaM sravati shoNitam.
dantAgrAtku~njaro vApi shR^i~NgAdvA vR^iShabhastathA .. 2\-69\-27 (14013) 
pAdapAdrAShTrivibhraMshaH ku~njarAdrAjavibhramaH.
gobrAhmaNavinAshaH syAdvR^ivabhasyeti nirdishet .. 2\-69\-28 (14014) 
ChatraM narapateryatra nipatetpR^ithivItale.
sarAShTro nR^ipatI rAjankShiprameva vinashyati .. 2\-69\-29 (14015) 
devAgAreShu vA yatra rAj~no vA yatra veshmani.
vikR^itaM yadi dR^ishyeta nAgAvAseShu vA punaH .. 2\-69\-30 (14016) 
tasya deshasya pIDA syAdrAj~no janapadasya vA.
anAvR^iShTibhayaM ghoramatidurbhikShamAdishet .. 2\-69\-31 (14017) 
archAyA bAhubha~Ngena gR^ihasthAnAM bhayaM bhavet.
bhagne praharaNe vidyAtsenApativinAshanam .. 2\-69\-32 (14018) 
AgantukA tu pratimA sthAnaM yatra na vindati.
jabhyantareNa ShaNmAsAdrAjA tyajati tatpuram .. 2\-69\-33 (14019) 
pradIryate mahI yatra vinadatyapi pAtyate.
mriyate tatra rAjA cha tatra rAShTraM vinashyati .. 2\-69\-34 (14020) 
eNIpadAnvA sarpAnvA DuNDubhAnatha dIpyakAn.
maNDUko grasate yatra tatra rAjA vinashyati .. 2\-69\-35 (14021) 
abhinnaM vApyapakvaM vA yatrAnnamupachIyate.
jIryante vA mriyante vA tadannaM nopabhu~njate .. 2\-69\-36 (14022) 
udapAne cha yatrApo vivardhante yudhiShThira.
sthAvareShu pravartante nirgachChenna punastataH .. 2\-69\-37 (14023) 
apAdaM vA tripAdaM vA dvishIrShaM vA chaturbhujam.
striyo yatra prasUyante brUyAttatra parAbhavam .. 2\-69\-38 (14024) 
ajaiDakAH striyo gAvo ye chAnye cha viyonayaH.
vikR^itAni prajAyante tatra tatra parAbhavaH .. 2\-69\-39 (14025) 
nadI yatra pratisrotA AvahetkaluShodakam.
dishashcha na prakAshante tatparAbhavalakShaNam .. 2\-69\-40 (14026) 
etAni cha nimittAni yAni chAnyAni bhArata.
keshavAdeva jAyante bhaumAni cha khagAni cha .. 2\-69\-41 (14027) 
chandrAdityau grahAshchaiva nakShatrANi cha bhArata.
vAyuragnistathA chApaH pR^ithivI cha janArdanAt .. 2\-69\-42 (14028) 
yasya deshasya hAniM vA vR^iddhiM vA kartumichChati.
tasmindeshe nimittAni tAni tAni karotyayam .. 2\-69\-43 (14029) 
sosau chedipatestAta vinAshaM samupasthitam.
nivedayati govindaH svairupAyairna saMshayaH .. 2\-69\-44 (14030) 
iyaM prachalitA bhUmirashivA vAnti mArutAH.
rAhushchApyapatatsomamaparvaNi vishAmpate .. 2\-69\-45 (14031) 
sanirghAtAH patantyulkAstamaH sa~njAyate bhR^isham.
chedirAjavinAshAya harireSha vijR^imbhate .. 2\-69\-46 (14032) 
vaishampAyana uvAcha .. 2\-69\-47x (1501) 
evamuktvA tu devarShirnArado virarAma ha.
tAbhyAM puruShasiMhAbhyAM tasminyuddha upasthite.  2\-69\-47 (14033) 
dadR^ishurbhUmipAlAste ghorAnautpAtikAnbahUn ..
tatra vai dR^ishyamAnAnAM dikShu sarvAsu bhArata.  2\-69\-48 (14034) 
ashrUyanta tadA rAja~nChivAnAmashivA ravAH ..
rarAsa cha mahI kR^itsnA savR^ikShavanaparvatA.  2\-69\-49 (14035) 
aparvaNi cha madhyAhne mUryaM svarbhAnuragrasat ..
dhvajAgre chedirAjasya sarvaratnapariShkR^ite.  2\-69\-50 (14036) 
apatatkhAchchyuto gR^idhrastIkShNatuNDaH parantapa ..
AraNyaiH sahasA hR^iShTA grAmyAshcha mR^igapakShiNaH.  2\-69\-51 (14037) 
chukrushurbhairavaM tatra tasminyuddha upasthite ..
evamAdini ghorANi bhaumAni cha svagAni cha.  2\-69\-52 (14038) 
autpAtikAnyadR^ishyanta sa~Nkruddhe shAr~Ngadhanvani .. ..  2\-69\-53 (14039) 

iti shrImanmahAbhArate sabhAparvaNi shishupAlavadhaparvaNi ekonasaptatitamo.adhyAyaH .. 69 ..



\medskip\hrule\medskip
sabhAparva \- adhyAya 070
.. shrIH ..
2\.70\. adhyAyaH 70 

##Mahabharata - Sabha Parva - Chapter Topics##
kR^iShNashishupAlayoryuddhavarNanam .. 1\.. shishupAlavadhaH .. 2\..

##Mahabharata - Sabha Parva - Chapter Text##

vaishampAyana uvAcha ..

tato viShphArayanrAjA mahachchaidipatirdhanuH.
abhiyAsyanhR^iShIkeshamuvAcha madhusUdanam .. 2\-70\-1 (14040) 
ekastvamasi me shatrustattvAM hatvA.adya mAdhava.
tataH sAgaraparyantAM pAlayiShyAmi medinIm .. 2\-70\-2 (14041) 
dvairathaM kA~NkShitaM yadvai tadidaM paryupasthitam.
chirasya vata me diShTyA vAsudeva saha tvayA. 
adya tvAM nihaniShyAmi bhIShmaM cha saha pANDavaiH ..  2\-70\-3 (14042) 
vaishampAyana uvAcha. 2\-70\-4x (1502) 
evamuktvA sa taM bANairnishitairattatejanaiH.
vivyAdha yudhi tIkShNAgraishchedirADyapu~Ngavam? 2\-70\-4 (14043) 
ka~NkapatrachChadA bANAshchedirAjadhanushchyutAH.
vivishuste tadA kR^iShNaM bhuja~NgA iva parvatam?  2\-70\-5 (14044) 
nAdadAnasya chaidyasya sharAnatyasyatopi vA.
dadhR^ishurvivaraM kechidgatiM vAyorivAmbare?  2\-70\-6 (14045) 
chedirAjamahAmedhaH sharajAlAmbumAMstadA.
abhyavarShaddhR^iShIkeshaM payoda iva parvatam?  2\-70\-7 (14046) 
tataH shAr~NgamamitraghnaH kR^itvA sasharamachyutaH.
AbabhAShe mahabAhuH sunIthaM paravIrahA ..  2\-70\-8 (14047) 
ayaM tvaM bhAmakastIkShNashchedirAja mahAsharaH.
bhettumarhati vegena mahAshanirivAchalam .. 2\-70\-9 (14048) 
vaishampAyana uvAcha. 2\-70\-10x (1503) 
evaM bruvati govinde tatashchedipatiH punaH.
mumocha nishitAnanyAnkR^iShNaM prati sharAnbahUn .. 2\-70\-10 (14049) 
atha bANArditaH kR^iShNaH shAr~NgamAyamya dIptimAn.
mumocha nishitAnbANA~nChatashotha sahasrashaH .. 2\-70\-11 (14050) 
tA~nCharAMstu sa chichCheda sharavarShaistu chedirAT.
ShaDbhishchAnyairjaghAnAshu keshavaM chedipu~NgavaH .. 2\-70\-12 (14051) 
tato.asraM sahasA kR^iShNaH pramumocha jagadguruH.
astreNa tanmahAbAhurvArayAmAsa chedirAT .. 2\-70\-13 (14052) 
tataH shatasahasreNa sharANAM nataparvaNAm.
sarvataH samavAkIrya shauriM dAmodaraM tadA .. 2\-70\-14 (14053) 
nanAda balavAnkruddhaH shishupAlaH pratApavAn.
idaM chovAcha saMrabdhaH keshavaM paravIrahA .. 2\-70\-15 (14054) 
shishupAla uvAcha .. 2\-70\-16x (1504) 
adyA~NgaM mAmakA bANA bhetsyanti tava saMyuge.
hatvA tvAM samutAmAtyaM pANDavAMshcha tarasvinaH .. 2\-70\-16 (14055) 
anR^iNyamadyaya yAsyAmi jarAsandhasya dhImataH.
kaMsasya keshinashchaiva narakasya tathaiva ha .. 2\-70\-17 (14056) 
vaishampAyana uvAcha .. 2\-70\-18x (1505) 
ityuktvA krodhatAmrAkShaH shishupAlo janArdanam.
adR^ishyaM sharavarSheNa sarvataH sa chakAra ha .. 2\-70\-18 (14057) 
tato.astreNaiva chAnyonyaM nikR^itya cha sharAnbahUn.
sharavarShaistadA chaidyamantardhAtuM prachakrame .. 2\-70\-19 (14058) 
antardhAnagatau vIrau shushubhAte mahArathau.
tau dR^iShTvA sarvabhUtAni sAdhusAdhvityapUjayan .. 2\-70\-20 (14059) 
na dR^iShTapUrvamasmAbhiryuddhamIdR^ishakaM purA.
tataH kR^iShNaM jaghAnAshu shushupAlastribhiH sharaiH .. 2\-70\-21 (14060) 
kR^iShNo.api bANairvivyAdha sunIthaM pa~nchabhiryudhi.
tataH sunIthaM saptatyA nArAchairdayadbalI.  2\-70\-22 (14061) 
tato.atividdhaH kR^iShNena sunIthaH krodhamUrChitaH.
vivyAdha nishitairbANairvAsudevaM stanAntare .. 2\-70\-23 (14062) 
punaH kR^iShNaM tribhirviddhvA nanAdAvasare nR^ipaH.
tato.atidAruNaM yuddhaM sahasA chakratustadA .. 2\-70\-24 (14063) 
nau nakhairiva shArdUlau dantairiva mahAgajau.
daMShTrAbhiriva pa~nchAsyau charaNairiva kukkuTau .. 2\-70\-25 (14064) 
dArayetAM sharaistIkShNairanyonyaM yudhi tAvubhau.
tato mumuchatuH kruddhau sharavarShamanuttamam .. 2\-70\-26 (14065) 
sharaireva sharA~nChitvA tAvubhau puruSharShabhau.
chakrAte.astramayaM yuddhaM ghoraM tadatimAnuSham .. 2\-70\-27 (14066) 
AgneyamastraM mumuche shishupAlaH pratApavAn.
vAruNAstreNa tachChrIghraM nAshayAmAsa keshavaH .. 2\-70\-28 (14067) 
kauberamastraM sahasA chedirAT pramumocha ha. 2\-70\-29 kauberaNaiva sahasA.anAshayattaM jagatprabhuH ..  2\-70\-29 (14068) 
yAmyamastraM tataH kruddho mumuche kAlamohitaH.
yAmyenaivAstrayogena yAmyamastraM vyanAshayat .. 2\-70\-30 (14069) 
gAndharveNa cha gAndharvaM mAnavaM mAnavena cha.
vAyavyena cha vAyavyaM raudraM raudreNa chAbhibhUH .. 2\-70\-31 (14070) 
aindramaindreNa bhagavAnvaiShNavena cha vaiShNavam.
evamastrANi kurvANau yuyudhAte mahAbalau .. 2\-70\-32 (14071) 
tato mAyAM vikurvANo damagoShasuto balI.
gadAmusalasaMyuktA~nChaktitomarasAyakAn .. 2\-70\-33 (14072) 
parashvathamusaNDIshcha vavarSha yudhi keshavam.
amoghAstreNa bhagavAnnAshayAmAsa keshihA .. 2\-70\-34 (14073) 
shilAvarShaM mahAghoraM vavarSha yudhi chedirAT.
vajrAstreNAbhisa~NkruddhashchUrNaM tadakarotprabhuH .. 2\-70\-35 (14074) 
jalavarShaM tato ghoraM vyasajachchedipu~NgavaH.
vAyavyAstreNa bhagavAnvyAkShipachChatasho hi tat .. 2\-70\-36 (14075) 
nihatya sarvamAyAM vai sunItasya janArdanaH.
sa muhUrtaM chakArAshu dvandvayuddhaM mahArathaH .. 2\-70\-37 (14076) 
sa bANayuddhaM kurvANo bhartsayAmAsa chedirAT.
damaghoShasuto dhR^iShTamuvAcha yadupu~Ngavam .. 2\-70\-38 (14077) 
adya kR^iShNamakR^iShNaM tu kurvantu mama sAyakAH.
ityevamuktvA duShTAtmA sharavarShaM janArdane .. 2\-70\-39 (14078) 
mumocha puruShavyAghro ghoraM vai chedipu~NgavaH.
sharasaM~NkR^ittagAtrastu kShaNena yadunandanaH .. 2\-70\-40 (14079) 
rudhiraM parisusrAva madaM matta iva dvipaH.
na yantA na ratho vApi na chAshvAH parvatopamAH .. 2\-70\-41 (14080) 
dR^ishyante sharasa~nChannAH keshavasya mahAtmanaH.
keshavaM tadavasthaM tu dR^iShTvA bhUtAni chakrushuH .. 2\-70\-42 (14081) 
dArukastu tadA prAha kR^iShNaM yAdavanandanam.
nedR^isho dR^iShTapUrvo hi sa~NgrAmo vai purA mayA .. 2\-70\-43 (14082) 
sthAtavyamiti tiShThAmi tvatprabhAveNa mAdhava.
anyathA na cha me prANA dharAyeyurjanArdana .. 2\-70\-44 (14083) 
ataH sa~nchintya govinda kShipramasya vadhaM kuru.
evamuktastu sUtena keshavo vAkyamabravIt .. 2\-70\-45 (14084) 
eSha hyatibalo daityo hiraNyakashipuH purA.
ripuH surANAmabhavadvaradAnena garvitaH .. 2\-70\-46 (14085) 
tathA.a.asIdrAvaNo nAma rAkShaso hyativIryavAn.
tenaiva balavIryeNa balaM nAgaNayanmama .. 2\-70\-47 (14086) 
ahaM mR^ityushcha bhavitA kAle kAle durAtmanaH.
na bhetavyaM tathA sUta naiSha kashchinmayi sthite .. 2\-70\-48 (14087) 
ityevamuktvA bhagavAnnanarda garuDadhvajaH.
pA~nchajanyaM mahAsha~NkhaM pUrayAmAsa keshavaH .. 2\-70\-49 (14088) 
saMmohayitvA bhagavAMshchakraM divyaM samAdade.
chichCheda cha sunIthasya shirashchakreNa saMyuge'.. 2\-70\-50 (14089) 
sa papAta mahAbAhurvajrAhata ivAchalaH.
tatashchedipaterdehAttejo.agryaM dadR^ishurnR^ipAH .. 2\-70\-51 (14090) 
utpatantaM mahArAja gaganAdiva bhAskaram.
tataH kamalapatrAkShaM kR^iShNaM lokanamaskR^itam. 
vavande tattadA tejo vivesha cha narAdhipa ..  2\-70\-52 (14091) 
tadadbhutamamanyanta dR^iShTvA sarve mahIkShitaH.
yadvivesha mahAbAhuM tattejaH puruShottamam .. 2\-70\-53 (14092) 
anabhre pravavarSha dyauH papAta jvalitAshaniH.
kR^iShNena nihate chaidye chachAla na vasundharA .. 2\-70\-54 (14093) 
tataH kechinmahIpAlA nAbruvaMstatra ki~nchana.
atItavAkpathe kAle prekShamANA janArdanam .. 2\-70\-55 (14094) 
hastairhastAgramapare pratyapiMShannamarShitAH.
apare dashanairoShThAnadashankrodhamUrChitAH .. 2\-70\-56 (14095) 
rahashcha kechidvArShNeyaM prashashaMsurnarAdhipAH.
kechideva susaMrabdhA madhyasthAstvapare.abhavan .. 2\-70\-57 (14096) 
prahR^iShTAH keshavaM jagmuH saMstuvanto maharShayaH.
brAhmaNAshcha mahAtmAnaH pArthivAshcha mahAbalAH. 
shashaMsurnirvR^itAH sarve dR^iShTvA kR^iShNasya vikramam ..  2\-70\-58 (14097) 
`sadevagandharvagaNA rAjAno bhuvi vishrutAH.
praNAmaM hi hR^iShIkeshe prAkurvata mahAtmani .. 2\-70\-59 (14098) 
ye tvAsuragaNAH pakShAH sambhUtAH kShatriyA iha.
te nindanti hR^iShIkeshaM durAtmAno gatAyuShaH .. 2\-70\-60 (14099) 
prajApatigaNA ye tu madhyasthAshcha mahAtmani.
brahmarShayashcha siddhAshcha gandharvoragachAraNAH .. 2\-70\-61 (14100) 
te vai stuvanti govindaM divyairma~NgalasaMyutaiH.
parasparaM cha nR^ityanti gItena vividhena cha. 
upatiShThanti govindaM prItiyuktA mahAtmani ..  2\-70\-62 (14101) 
prahR^iShTAH keshavaM jagmuH saMstuvanto maharShayaH.
brAhmaNAshchApi suprItAH pANDavAshcha mahAbalAH .. 2\-70\-63 (14102) 
pANDavastvabravIdbhAtR^InsatkAreNa mahIpatim.
damaghoShAtmajaM shUraM saMskArayata mA chiram .. 2\-70\-64 (14103) 
kururAjavachaH shrutvA bhrAtaraste tvarAnvitAH.
tathA cha kR^itavantaste bhrAturvai shAsanaM tadA .. 2\-70\-65 (14104) 
chedInAmAdhipatye cha putraM tasyAj~nayA hareH.
abhyaShi~nchata taM pArthaH sahitairvasudhAdhipaiH .. .. 2\-70\-66 (14105) 

iti shrImanmahAbhArate sabhAparvaNi shishupAlavadhaparvaNi saptatitamo.adhyAyaH .. 70\..



\medskip\hrule\medskip
sabhAparva \- adhyAya 071
.. shrIH ..
2\.71\. adhyAyaH 71 

##Mahabharata - Sabha Parva - Chapter Topics##
vistareNa rAjasUyavarNanam .. 1\..

##Mahabharata - Sabha Parva - Chapter Text##

vaishampAyana uvAcha ..

tataH pravavR^ite yaj~no dharmarAjasya dhImataH.
shAntavighnArhaNakShobho maharShigaNasa~NkulaH .. 2\-71\-1 (14106) 
taM tu yaj~naM mahAbAhurAsamApterjanArdanaH.
rarakSha bhagavA~nChauriH shAr~NgachakragadAdharaH .. 2\-71\-2 (14107) 
tasminyaj~ne pravR^itte tu vAgmino hetuvAdinaH.
hetuvAdAnbahUnprAhuH parapakShajigIShavaH .. 2\-71\-3 (14108) 
dadR^ishuste nR^ipatayo yaj~nasya vidhimuttamam.
upendrasyeva vihitaM sahadevena bhArata .. 2\-71\-4 (14109) 
tadyaj~ne nyavasanrAjanbrAhmaNA bhR^ishamutsukAH.
kathayantaH kathAH puNyAH pashyanto naTanartakAn .. 2\-71\-5 (14110) 
dadR^ishustoraNAnyatra hematAlamayAni cha.
dIptabhAskaratulyAni pradIptAnIva tejasA .. 2\-71\-6 (14111) 
sa yaj~nastoraNaistatra grahairdyoriva sambabhau.
shayyAsanavihArAMshcha subahUnratnasaMvR^itAn .. 2\-71\-7 (14112) 
ghaTAnpAtrIkaTAhAni kalashAni samantataH.
na te ki~nchidasauvarNamapashyaMstatra pArthivAH .. 2\-71\-8 (14113) 
bhu~njAnAnAM cha viprANAM svAdubhojyaiH pR^ithagvidhaiH.
anishaM shrUyate tatra muditAnAM mahAtmanAm .. 2\-71\-9 (14114) 
dIyatAM dIyatAmeShAM bhujyatAM bhujyatAmiti.
evamprakArAH sa~njalpAH shrUyante tatra nityashaH .. 2\-71\-10 (14115) 
odanAnAM vikArANi svAdUni cha bahUni cha.
vividhaAni cha bhakShyANi peyAni madhurANi cha .. 2\-71\-11 (14116) 
dadurdvijAnAM satataM rAjapreShyA mahAdhvare.
pUrNe shatasahasre tu viprANAM bhu~njatAM tadA .. 2\-71\-12 (14117) 
sthApitastatra sa~nj~nArthaM sha~Nkho.adhmAyata nityashaH.
muhurmuhuH praNAdastu tasya sha~Nkhasya bhArata .. 2\-71\-13 (14118) 
uttamaH shrUyate shabdaH shrutvA vismayamAgaman.
evaM pravR^itte yaj~ne tu tuShTapuShTajanAyute .. 2\-71\-14 (14119) 
annasya bahusho rAjannutsedhAH parvatopamAH.
dadhikulyAshcha dadR^ishuH sarpiShashcha hradA~njanAH .. 2\-71\-15 (14120) 
jambUdvIpo hi sakalo nAnAjanapadAyutaH.
rAjannadR^ishyataikastho rAj~nastasminmahAkratau .. 2\-71\-16 (14121) 
tatra rAjasahasrANi puruShANAM tatastataH.
gR^ihItvA dhanamAjagmustasya rAj~no mahAkratau .. 2\-71\-17 (14122) 
rAjAnaH sragviNashchaiva saMmR^iShTamaNikuNDalAH.
tAnparIviviShurviprA~nChatasho.atha sahasrashaH .. 2\-71\-18 (14123) 
vividhAnyannapAnAni lehyAni vividhAni cha.
teShAM nR^ipopabhogyAni brAhmaNebhyo daduH sma te .. 2\-71\-19 (14124) 
nAnAvidhAni bhakShyANi svAdupuShpaphalAni cha.
gulAni svAdukShaudrANi daduste brAhmaNeShu vai .. 2\-71\-20 (14125) 
etAni satataM bhuktvA tasminyaj~ne dvijAtayaH.
parAM prItiM yayuH sarve modamAnAstatastataH .. 2\-71\-21 (14126) 
evaM pramuditaM sarvaM bahusho dhanadhAnyavat.
yaj~navATaM nR^ipA dR^iShTvA vismayaM paramaM yayuH .. 2\-71\-22 (14127) 
yathAbaddhUyamAnAgniM rAjasUyaM mahAkratum.
pANDavasya yathAshAstraM juhuvuH sarvayAjakAH .. 2\-71\-23 (14128) 
vyAsadhaumyAdayaH sarve vidhivatShoDashartvijaH.
svasvakarmANi chakruste pANDavasya mahAkratau .. 2\-71\-24 (14129) 
nAShaDa~NgavidatrAsItsadasyo nAbahushrutaH.
nAvrato nAnupAdhyAyo na pApo nAkShamo dvijaH .. 2\-71\-25 (14130) 
na tatra kR^ipaNaH kashchiddaridro na babhUva ha.
kShudhito duHkhito vApi prAkR^ito vApi mAnuShaH .. 2\-71\-26 (14131) 
bhojanaM bhojanArthibhyo dApayAmAsa sarvadA.
sahadevo mahAtejAH satataM rAjashAsanAt .. 2\-71\-27 (14132) 
saMstare kushalAshchApi sarvakarmANi yAjakAH.
divasa divase chakruryathAshAstrArthachakShuShaH .. 2\-71\-28 (14133) 
brAhmaNA devashAstraj~naH kathAshchakrushcha sarvataH.
remire cha kathAnte tu sarve tasminmahAkratau .. 2\-71\-29 (14134) 
sA vedirvedasampannairdevadvijamaharShibhiH.
AbabhAse tadA kIrNA nakShatrairdyaurivAmalA .. 2\-71\-30 (14135) 
pANDityadarshanArthAya kechana dvijasattamAH.
tarkArthamAgatAH kechitkechidvidyAbhimAninaH .. 2\-71\-31 (14136) 
kechiddidR^ikShayA kechidbhItyA rAj~naH pratApinaH.
sarve.apyavabhR^ithasnAtA yAjakAH kechana dvijAH .. 2\-71\-32 (14137) 
tato vai hemayUpAMshcha sarvaratnasamAchitAn.
shobhArthaM kArayAmAsa sahadevo mahAdyutiH .. 2\-71\-33 (14138) 
dadR^ishustoraNAnyatra hematAlamayAni cha.
sa yaj~nastoraNaistaishcha grahairdyoriva sambabhau .. 2\-71\-34 (14139) 
tAlAnAM toraNairhaimairdAntairiva dishAgajaiH.
dikShu sarvAsu vinyastaistejobhirbhAskarairyathA .. 2\-71\-35 (14140) 
sakirITairnR^ipaishchaiva shushubhe tatsadastadA.
devairdivyaishcha yakShaishcha uragairdivyamAnuShaiH .. 2\-71\-36 (14141) 
vidyAdharagaNaiH kIrNaH pANDavasya mahAtmanaH.
sa rAjasUyaH shushubhe dharmarAjasya dhImataH .. 2\-71\-37 (14142) 
gandharvagaNasa~NkIrNaH shobhito.apsarasAM gaNaiH.
devairmunigaNairyakShairdevaloka ivAparaH .. 2\-71\-38 (14143) 
sa kimpuruShagItaishcha kinnarairupashobhitaH.
nAradashcha jagau tatra tumburushcha mahAdyutiH .. 2\-71\-39 (14144) 
vishvAsushchitrasenastathA.anye gItakovidAH.
ramayanti sma tAnsarvAnyaj~nakarmAntareShvatha .. 2\-71\-40 (14145) 
tatra chApsarasaH sarvAH sundaryaH priyadarshanAH.
nanR^itushcha jagushchAtra nityaM karmAntareShvatha .. 2\-71\-41 (14146) 
itihAsapurANAni AkhyAnAni cha sarvashaH.
Uchurvai shabdashAstraj~nA nityaM karmAntareShvatha .. 2\-71\-42 (14147) 
bheryashcha murajAshchaiva maDDukA gomukhAshcha ye.
shR^i~NgavaMshAmbujA vINAH shrUyante sma sahasrashaH .. 2\-71\-43 (14148) 
loke.asminsarvaviprAshcha vaishyAH shUdrA nR^ipAdayaH.
sarve mlechChAH sarvagaNAstvAdimadhyAntajAstathA.  2\-71\-44 (14149) 
nAnAdeshasamudbhUtairnAnAjAtibhirAgataiH.
paryApta iva loko.ayaM yudhiShThiraniveshane .. 2\-71\-45 (14150) 
bhIShmadroNAdayaH sarve kuravaH sasuyodhanAH.
vR^iShNayashcha samagrAshcha pA~nchAlAshchApi sarvashaH .. 2\-71\-46 (14151) 
yaj~ne.asminsarvakarmANi chakrurdAsA iva kratau.
evaM pravR^itto yaj~naH sa dharmarAjasya dhImataH .. 2\-71\-47 (14152) 
shushubhe cha mahAbAho somasyeva kraturyathA.
vastrANi kambalAMshchaiva prAvArAMshchaiva sarvadA .. 2\-71\-48 (14153) 
niShkahemajabhANDAni bhUShaNAni cha sarvashaH.
pradadau tatra viprANAM dharmarAjo yudhiShThiraH .. 2\-71\-49 (14154) 
yAni tatra mahIpAlairlabdhavAnbharatarShabhaH.
tAni sarvANi ratnAni brAhmaNAnAM dadau tadA'.. .. 2\-71\-50 (14155) 

iti shrImanmahAbhArate sabhAparvaNi shishupAlavadhaparvaNi ekasaptatitamo.adhyAyaH ..71 ..



\medskip\hrule\medskip
sabhAparva \- adhyAya 072
.. shrIH ..
2\.72\. adhyAyaH 72 

##Mahabharata - Sabha Parva - Chapter Topics##
yudhiShThireNa vyAsAdInAM pUjanam .. 1\.. rAj~nAM yudhiShThiramAmantrya svasvadeshagamanam .. 2\.. shrIkR^iShNasya yudhiShThirAdInAmantrya dvArakAM prati gamanam .. 3\..

##Mahabharata - Sabha Parva - Chapter Text##

vaishampAyana uvAcha ..

tataH sa kururAjasya sarvakarmasamR^iddhimAn.
yaj~naH prItikaro rAjansaMbabhau vipulotsavaH .. 2\-72\-1 (14156) 
shAntavighnaH sukhArambhaH prabhUtadhanadhAnyavAn.
annavAnbahubhakShyashcha keshavena surakShitaH .. 2\-72\-2 (14157) 
samApayAmAsa cha taM rAjasUyaM mahAkratum.
`koTisahasraM pradadau brAhmaNAnAM mahAtmanAm .. 2\-72\-3 (14158) 
na kariShyati taM loke kashchidanyo mahIpatiH.
yAjakAH sarvakAmaishcha satataM tatR^ipurdhanaiH .. 2\-72\-4 (14159) 
tatashchAvabhR^ithasnAtaH sa rAjA pANDunandanaH.
vyAsaM dhaumyaM vasiShThaM cha nAradaM cha mahAmunim .. 2\-72\-5 (14160) 
sumantu jaiminiM pailaM vaishampAyanameva cha.
yAj~navalkyaM cha kapilaM kapAlaM kaushikaM tathA. 
sarvAMshcha R^itvikpravarAnpUjayAmAsa satkR^itAn ..  2\-72\-6 (14161) 
yudhiShThira uvAcha .. 2\-72\-7x (1506) 
yuShmatprasAdAtprApto.ayaM rAjasUyo mahAkratuH.
janArdanaprasAdAddhi sampUrNo me manorathaH .. 2\-72\-7 (14162) 
vaishampAyana uvAcha .. 2\-72\-8x (1507) 
atha yaj~naM samApyAnte pUjayAmAsa mAdhavam.
baladeva cha deveshaM bhIShmAdyAMshcha kurUdvahAn'.. 2\-72\-8 (14163) 
tatastvavabhR^ithasnAtaM dharmAtmAnaM yudhiShThiram.
samastaM pArthivaM kShatramupagamyedamabravIt .. 2\-72\-9 (14164) 
diShTyA vardhasi dharmaj~na sAmrAjyaM prAptavAnasi.
AjamIDhAjamIDhAnAM yashaH saMvardhitaM tvayA .. 2\-72\-10 (14165) 
karmaNaitena rAjendra dharmashcha sumahAnkR^itaH.
ApR^ichChAmo naravyAghra sarvakAmaiH sUpUjitAH .. 2\-72\-11 (14166) 
svarAShTrANi gamiShyAmastadanuj~nAtumarhasi.
shrutvA tu vachanaM rAj~nAM dharmarAjo yudhiShThiraH .. 2\-72\-12 (14167) 
yathArhaM pUjya nR^ipatInbhrAtR^InsarvAnuvAcha ha.
rAjAnaH sarva evaite prItyA.asmAnptamupAgatAH .. 2\-72\-13 (14168) 
prasthitAH svAni rAShTrANi mAmApR^ichChaya parantapAH.
anuvrajata bhadraM vo viShayAntaM nR^ipottamAn .. 2\-72\-14 (14169) 
bhrAturvachanamAj~nAya pANDavA dharmachAriNaH.
yathArhaM nR^ipatInsarvAnekaikaM samanuvrajan .. 2\-72\-15 (14170) 
virAyaTamanvAyAttUrNaM dhR^iShTahyumnaH pratApavAn.
dhana~njayo yaj~nasenaM mahAtmAnaM mahAratham .. 2\-72\-16 (14171) 
bhIShmaM cha dhR^itarAShTraM cha bhImaseno mahAbalaH.
droNaM tu sasutaM vIraM sahadevo yudhAM patiH .. 2\-72\-17 (14172) 
nakulaH subalaM rAjansahaputraM samanvayAt.
draupadeyAH sasaubhadrAH pArvatIyAnmahArathAn .. 2\-72\-18 (14173) 
anvagachChaMstathaivAnyAnkShatriyAnkShatriyarShabhAH.
evaM supUjitAH sarve jagmurviprAH sahasrashaH .. 2\-72\-19 (14174) 
gateShu pArthivendreShu sarveShu brAhmaNeShu cha.
yudhiShThiramuvAchedaM vAsudevaH pratApavAn .. 2\-72\-20 (14175) 
ApR^ichChe tvAM gamiShyAmi dvArakAM kurunandana.
rAjasUyaM kratushreShThaM diShTyA tvaM prAptavAnasi .. 2\-72\-21 (14176) 
tamuvAchaivamuktastu dharmarAjo janArdanam.
tava prasAdAdgovinda prAptaH kratuvaro mayA .. 2\-72\-22 (14177) 
kShatraM samagramapi cha tvatprasAdAdvashe sthitam.
upAdAya baliM mukhyaM mAmeva samupasthitam .. 2\-72\-23 (14178) 
kathaM tvadgamanArthaM me vANI vitarate.anagha ..  2\-72\-24 (14179) 
na hyahaM tvAmR^ite vIraM ratiM prApnomi karhachit.
avashyaM chaiva gantavyA bhavatA dvArakA purI .. 2\-72\-25 (14180) 
vaishampAyana uvAcha .. 2\-72\-26x (1508) 
evamuktaH sa dharmAtmA yudhiShThirasahAyavAn.
abhigamyAbravItprItaH pR^ithAM pR^ithuyashA hariH .. 2\-72\-26 (14181) 
sAmrAjyaM samanuprAptAH putrAste.adya pitR^iShvasaH.
siddhArthA vasumantashcha sA tvaM prItimavApnuhi .. 2\-72\-27 (14182) 
anuj~nAtastvayA chAhaM dvArakAM gantumutsahe.
subhadrAM draupadIM chaiva sabhAjayata keshavaH .. 2\-72\-28 (14183) 
niShkramyAntaH purAttasmAdyudhiShThirasahAyavAn.
snAtashcha kR^itajapyashcha brAhmaNAnsvasti vAchya cha .. 2\-72\-29 (14184) 
tato meghavapuH pragvyaM syandanaM cha sukalpitam.
yojayitvA mahAbAhurdArukaH samupasthitaH .. 2\-72\-30 (14185) 
upasthitaM rathaM dR^iShTvA tArkShyapravaraketanam.
pradakShiNamupAvR^itya samAruhya mahAmanAH .. 2\-72\-31 (14186) 
prayayau puNDarIkAkShastato dvAravatIM purIm ..  2\-72\-32 (14187) 
taM padbhyAmanuvavrAja dharmarAjo yudhiShThiraH.
bhrAtR^ibhiH sahitaH shrImAnvAsudevaM mahAbalam .. 2\-72\-33 (14188) 
tato muhUrtaM sa~NgR^ihya syandanapravaraM hariH.
abravItpuNDarIkAkShaH kuntIputraM yudhiShThiram .. 2\-72\-34 (14189) 
apramattaH sthito nityaM prajAH pAhi vishAmpate.
parjanyamiva bhUtAni mahAdrumamiva dvijAH .. 2\-72\-35 (14190) 
bAndhavAstvopajIvantu sahasrAkShamivAmarAH.
kR^itvA paraspareNaiva saMvAdaM kR^iShNapANDavau .. 2\-72\-36 (14191) 
anyonyaM samanuj~nApya jagmatuH svagR^ihAnprati.
gate dvAravatIM kR^iShNe sAtvatapravare nR^ipa .. 2\-72\-37 (14192) 
mahAduryodhano rAjA shakunishchApi saubalaH.
`sUtaputrashcha gadheyaH saha duHshAsanAdibhiH .. 2\-72\-38 (14193) 
sarvakAmaguNopetairarchyamAnAstu bhArata'.
tasyAM sabhAyAM divyAyAmavasaMstatra pANDavaiH .. .. 2\-72\-39 (14194) 

iti shrImanmahAbhArate sabhAparvaNi shishupAlavadhaparvaNi dvisaptatitamo.adhyAyaH ..72 ..

##Mahabharata - Sabha Parva - Chapter Footnotes##

2\-72\-28 sabhAjayata prINitavAn ..


\medskip\hrule\medskip
sabhAparva \- adhyAya 073
.. shrIH ..
2\.73\. adhyAyaH 73 

##Mahabharata - Sabha Parva - Chapter Topics##
vyAsamprati yudhiShThireNa utpAtaphalaprashne vyAsena tatkathanapUrvakaM kailAsagamanama .. 1\.. vyAsoktaM bhrAtR^iShu nivedya shochato yudhiShThirasya arjunena samAshvAsanam .. 2\. . yidhiShThireNa samayakaraNam .. 3\..

##Mahabharata - Sabha Parva - Chapter Text##

vaishampAyana uvAcha ..

`anusaMsArya nR^ipatInpANDavAH pANDavAgrajam.
abhijagmurmaheShvAsA dharmarAjaM yudhiShThiram .. 2\-73\-1 (14195) 
so.anumene mahAbAhurbhAtR^IMshcha suhR^idastathA'.
shiShyaiH parivR^ito vyAsaH purastAtsamapadyata .. 2\-73\-2 (14196) 
so.abhyayAdAsanAttUrNaM bhrAtR^ibhiH parivAritaH.
pAdyenAsanadAnena pitAmahamapUjayat .. 2\-73\-3 (14197) 
athopavishya bhagavAnkA~nchane paramAsane.
AsyatAmiti chovAcha dharmarAjaM yudhiShThiram .. 2\-73\-4 (14198) 
athopaviShTaM rAjAnaM bhrAtR^ibhiH parivAritam.
uvAcha bhagavAnvyAsastattadvAkyavishAradaH .. 2\-73\-5 (14199) 
diShTyA vardhasi kaunteya sAmrAjyaM prApya durlabham.
vardhitAH kuravaH sarve tvayA kurukulodvaha .. 2\-73\-6 (14200) 
ApR^ichChe tvAM gamiShyAmi pUjito.asmi vishAmpate.
evamuktaH sa kR^iShNena dharmarAjo yudhiShThiraH .. 2\-73\-7 (14201) 
abhivAdyopasa~NgR^ihya pitAmahamathAbravIt ..  2\-73\-8 (14202) 
yudhiShThira uvAcha. 2\-73\-8x (1509) 
saMshayo dvipadAM shreShTha mamotpannaH sudurlabhaH.
tasya nAnyo.asti vaktA vai tvAmR^ite dvijapu~Ngava .. 2\-73\-9 (14203) 
utpAtAMstrividhAnprAha nArado bhagavAnR^iShiH.
divyAMshchaivAntarikShAMshcha pArthivAMshcha pitAmaha .. 2\-73\-10 (14204) 
`sumahachcha phalaM teShAM bhaviteti na saMshayaH'.
api chaidyasya patanAchChAntamautpAtikaM mahat .. 2\-73\-11 (14205) 
vaishampAyana uvAcha .. 2\-73\-12x (1510) 
rAj~nastu vachanaM shrutvA parAsharasutaH prabhuH.
kR^iShNadvaipAyano vyAsa idaM vachanamabravIt .. 2\-73\-12 (14206) 
trayodasha samA rAjannutpAtAnAM phalaM mahat.
sarvakShatravinAshAya bhaviShyati vishAmpate .. 2\-73\-13 (14207) 
tvAmekaM kAraNaM kR^itvA kAlena bharatarShabha.
sametaM pArthivaM kShatraM kShayaM yAsyati bhArata. 
duryodhanAparAdhena bhImArjunabalena cha ..  2\-73\-14 (14208) 
svapnaM drakShyasi rAjendra tasminkAla upasthite.
tatte.ahaM sampravakShyAmi tannibodha yudhiShThira .. 2\-73\-15 (14209) 
yAntaM drakShyasi rAjendra kShapAnte tvaM vR^iShadhvajam.
nIlakaNThaM bhavaM sthANuM kapAliM tripurAntakam .. 2\-73\-16 (14210) 
ugraM rudraM pashupatiM mahAdevamumApatim.
haraM sharvaM vR^iShaM shUlaM pinAkiM kR^ittivAsasam .. 2\-73\-17 (14211) 
kailAsakUDapratime vR^iShabhe.avasthitaM shivam.
nirIkShamANaM satataM pitR^irAjAshritAM disham .. 2\-73\-18 (14212) 
evamIdR^ishakaM svapnaM drakShyasi tvaM vishAmpate.
mA tatkR^ite hyanudhyAhi kAlo hi duratikramaH .. 2\-73\-19 (14213) 
svasti te.astu gamiShyAmi kailAsaM parvataM prati.
apramattaH sthito dAntaH pR^ithivIM paripAlaya .. 2\-73\-20 (14214) 
vaishampAyana uvAcha .. 2\-73\-21x (1511) 
evamuktvA sa bhagavAnkailAsaM parvataM yayau.
kR^iShNadvaipAyano vyAsaH saha shiShyaiH sahAnugaiH .. 2\-73\-21 (14215) 
gate pitAmahe rAjA chintAshokasamanvitaH.
niH shvasannuShNamasakR^ittamevArthaM vichintayan .. 2\-73\-22 (14216) 
kathaM tu daivaM shakyeta pauruSheNa prabAdhitum.
avashyameva bhavitA yaduktaM paramarShiNA .. 2\-73\-23 (14217) 
tato.abravInmahAtejAH sarvAnbhrAtR^InyudhiShThiraH.
shrutaM vai puruShavyAghrA yanmAM dvaipAyano.abravIt .. 2\-73\-24 (14218) 
tadA tadvachanaM shrutvA maraNe nishchitA matiH.
sarvakShatrasya nidhane yadyahaM heturIpsitaH .. 2\-73\-25 (14219) 
kAlena nirmitastAta ko mamArtho.asti jIvataH.
evaM bruvantaM rAjAnaM phAlgunaH pratyabhAShata .. 2\-73\-26 (14220) 
mA rAjankashmalaM ghoraM pravisho buddhinAshanam.
sampradhArya mahArAja yatkShamaM tatsamAchara .. 2\-73\-27 (14221) 
vaishampAyana uvAcha .. 2\-73\-28x (1512) 
tato.abravItsatyadhR^itirbhrAtR^InsarvAnyudhiShThiraH.
dvaipAyanasya vachanaM tatraiva samachintayat .. 2\-73\-28 (14222) 
adyaprabhR^iti bhadraM vaH pratij~nAM me nibodhata.
trayodasha samAstAta ko mamArtho .asti jIvataH .. 2\-73\-29 (14223) 
na pravakShyAmi paruShaM bhrAtR^InanyAMshcha pArthivAn.
sthito nideshe j~nAtInAM yokShye tatsumudAharan .. 2\-73\-30 (14224) 
evaM me vartamAnasya svasute.aShvitareShu cha.
bhedo na bhavitA loke bhedamUlo hi vigrahaH .. 2\-73\-31 (14225) 
vigrahaM dUrato rakShanpriyANyeva samAcharan.
vAchyatAM na gamiShyAmi lokeShu manujarShabhAH .. 2\-73\-32 (14226) 
bhrAtR^irjyeShThasya vachanaM pANDavAH saMnishamya tata.
tameva samavartanta dharmarAjahite ratAH .. 2\-73\-33 (14227) 
saMsatsu samayaM kR^itvA dharmarADbhrAtR^ibhiH saha.
pitR^IMstarpya yathAnyAyaM devatAshcha vishAmpate .. 2\-73\-34 (14228) 
kR^itama~NgalakalyAmo bhrAtR^ibhiH piravAritaH.
gateShu kShatriyendreShu sarveShu bharatarShabha .. 2\-73\-35 (14229) 
yudhiShThiraH sahAmAtyaH pravivesha purottamam.
duryodhano mahArAja shakunishchApi saubalaH. 
sabhAyAM samaNIyAyAM tatraivAste narAdhipa .. ..  2\-73\-36 (14230) 

iti shrImanmahAbhArate sabhAparvaNi dyUtaparvaNi trisaptatitamo.adhyAyaH .. 73 ..



\medskip\hrule\medskip
sabhAparva \- adhyAya 074
.. shrIH ..
2\.74\. adhyAyaH 74 

##Mahabharata - Sabha Parva - Chapter Topics##
yudhiShThirasabhAyAM duryodhane nirjaladeshe jalabhrameNa paridhAnamutkarShati sati tathA sa jaladeshe sthalabhrAntyA bhavanadhAnagamanena jale patati cha sati bhImAdibhirupahAsaH .. 1\.. chintAtAntaM duryodhanaM prati shakuninA chintAhetuprashne duryodhanena tatkathana pUrvakaM dhR^itarAShTre svaduH shanivedanAya shakunimprati chodanam .. 2\..

##Mahabharata - Sabha Parva - Chapter Text##

vaishampAyana uvAcha ..

vasanduryodhanastasyAM sabhAyAM puruSharShabha.
shanairdadarsha tAM sarvAM sabhAM shakuninA saha .. 2\-74\-1 (14231) 
tasyAM divyAnabhiprAyAndadarsha kurunandanaH.
na dR^iShTapUrvA ye tena nagare nAgasAhvaye .. 2\-74\-2 (14232) 
sa kadAchitsabhAmadhye dhArtarAShTro mahIpatiH.
sphATikaM sthalamAsAdya jalamityabhisha~NkayA .. 2\-74\-3 (14233) 
svavastrotkarShaNaM rAjA kR^itavAnbuddhimohitaH.
durmanA vimukhashchaiva parichakrAma tAM sabhAm .. 2\-74\-4 (14234) 
tataH sthale nipatito durmanA vrIDito nR^ipaH.
niH shvasanvimukhashchApi parichakrAma tAM sabhAm .. 2\-74\-5 (14235) 
tataH sphATikatoyAM vai sphATikAmbujashobhitAm.
vApIM matvA sthalamiva savAsAH prApata~njale .. 2\-74\-6 (14236) 
jale nipatitaM dR^iShTvA bhImaseno mahAbalaH.
jahAsa jahasushchaiva ki~NkarAshcha suyodhanam .. 2\-74\-7 (14237) 
vAsAMsi cha shubhAnyasmai pradadU rAjashAsanAt.
tathAgataM tu taM dR^iShTvA bhImaseno mahAbalaH .. 2\-74\-8 (14238) 
arjunashcha yamau chobhau sarve te prAhasaMstadA.
nAmarShayattatasteShAmavahAsamamarShaNaH .. 2\-74\-9 (14239) 
AkAraM rakShamANastu na sa tAnsamudaikShata.
punarvasanamutkShipya pratiriShyanniva sthalam .. 2\-74\-10 (14240) 
Aruroha tataH sarve jahasushcha punarjanAH.
dvAraM tu pihitAkAraM sphATikaM prekShya bhUmipaH. 
pravishannAhato mUrdhni vyAghUrNita iva sthitaH ..  2\-74\-11 (14241) 
tAdR^ishaM cha paraM dvAraM sphATikorukavATakam.
vighaTTayankarAbhyAM tu niShkramyAgre papAta hA .. 2\-74\-12 (14242) 
dvAraM tu vitatAkAraM samApede punashcha saH.
tadvR^ittaM cheti manvAno dvArasthAnAdupAramat .. 2\-74\-13 (14243) 
evaM pralambhAnvividhAnprApya tatra vishAmpate.
pANDaveyAbhyanuj~nAtastato duryodhano nR^ipaH .. 2\-74\-14 (14244) 
apahR^iShTena manasA rAjasUye mahAkratau.
prekShya tAmadbhutAmR^iddhiM jagAma gajasAhvayam .. 2\-74\-15 (14245) 
pANDavashrIprataptasya dhyAyamAnasya gachChataH.
duryodhanasya nR^ipateH pApA matirajAyata .. 2\-74\-16 (14246) 
pArthAnsumanaso dR^iShTvA pArthivAMshcha vashAnugAn.
kR^itsnaM chApi hitaM lokamAkumAraM kurUdvaha .. 2\-74\-17 (14247) 
mahimAnaM paraM chApi pANDavAnAM mahAtmanAm.
dUryodhano dhArtarAShTro vivarNaH samapadyata .. 2\-74\-18 (14248) 
sa tu gachChannanekAgnaH sabhAmeko.anvachintayat.
shriyaM cha tAmanupamAM dharmarAjasya dhImataH .. 2\-74\-19 (14249) 
pramatto dhR^itarAShTrasya putro duryodhanastadA.
nAbhyabhAShatsubalajaM bhAShamANaM punaH punaH .. 2\-74\-20 (14250) 
anekAgraM tu taM dR^iShTvA shakuniH pratyabhAShata.
duryodhana kR^itomUlaM niHshvasanniva gachChasi .. 2\-74\-21 (14251) 
duryodhana uvAcha .. 2\-74\-22x (1513) 
dR^iShTvemAM pR^ithivIM kR^itsnAM yudhiShThiravashAnugAm.
jitAmastrapratApena shvetAshvasya mahAtmanaH .. 2\-74\-22 (14252) 
taM cha yaj~naM tathAbhUtaM dR^iShTvA pArthasya mAtula.
yathA shakrasya deveShu tathAbhUtaM mahAdyuteH .. 2\-74\-23 (14253) 
amarSheNa tu sampUrNo dahyamAno divAnisham.
shuchishukrAgame kAle shuShye toyamivAlpakam .. 2\-74\-24 (14254) 
pashya sAtvatamukhyena shishupAlo nipAtitaH.
na cha tatra pumAnAsItkashchittasya padAnugaH .. 2\-74\-25 (14255) 
dahyamAnA hi rAjAnaH pANDavotthena vahninA.
kShAntavanto.aparAdhaM te ko hi tatkShantumarhati .. 2\-74\-26 (14256) 
vAsudevena tatkarma yathA.ayuktaM mahatkR^itam.
siddhaM cha pANDuputrANAM pratApena mahAtmanAm .. 2\-74\-27 (14257) 
tathAhi ratnanyAdAya vividhAni nR^ipA nR^ipam.
upAtiShThanta kaunyeyaM vaishyA iva karapradAH .. 2\-74\-28 (14258) 
shriyaM tathAgataM dR^iShTvA jvalantImiva pANDave.
amarShavashamApanno dahyAmi na tathochitaH .. 2\-74\-29 (14259) 
vahnimeva pravekShyAmi bhakShayiShyAmi vA viSham.
apo vApi pravekShyAmina hi shakShyAmi jIvitum .. 2\-74\-30 (14260) 
ko hi nAma pumAMlloke marShayiShyati satvavAn.
sapatnAnR^iddhyato dR^iShTvA hInamAtmAnameva cha .. 2\-74\-31 (14261) 
so.ahaM na strI na chApyastrI na pumAnnApumAnapi.
yo.ahaM tAM marShayAmyadya tAdR^ishIM shriyamAgatAm .. 2\-74\-32 (14262) 
IshvaratvaM pR^ithivyAshcha vasumattAM cha tAdR^ishIm.
yaj~naM cha tAdR^ishaM dR^iShTvA mAdR^ishaH ko na saM~njvaret .. 2\-74\-33 (14263) 
ashaktashchaika evAhaM tAmAhartuM nR^ipashriyam.
sahAyAMshcha na pashyAmi tena mR^ityuM vichintaye .. 2\-74\-34 (14264) 
daivameva paraM manye pauruShaM cha nirarthakam.
dR^iShTvA kuntIsute shuddhAM shriyaM tAmahatAM tathA .. 2\-74\-35 (14265) 
kR^ito yatno mayA pUrvaM vinAshe tasya saubala.
tachcha sarvamatikramya saMvR^iddho.apsviva pa~Ngajam .. 2\-74\-36 (14266) 
tena daivaM paraM manye pauruShaM cha nirarthakam.
dhArtarAShTrAshcha hIyante pArthA vardhanti nityashaH. 2\-74\-38c`kR^iShNastu sumanAsteShAM vivardhayati sampadaH'..  2\-74\-37 (14267) 
so.ahaM shriyaM cha tAM dR^iShTvA sabhAM tAM cha tathAvidhAm.
rakShibhishchAvahAsaM taM paritapye yathA.agninA .. 2\-74\-38 (14268) 
amarShaM cha samAviShTaM dhR^itarAShTre nivedaya .. ..  2\-74\-39 (14269) 

iti shrImanmahAbhArate sabhAparvaNi dyUtaparvaNi chatuHsaptatitamo.adhyAyaH .. 74\..



\medskip\hrule\medskip
sabhAparva \- adhyAya 075
.. shrIH ..
2\.75\. adhyAyaH 75 

##Mahabharata - Sabha Parva - Chapter Topics##
shakuninA duryodhanamprati pANDavAnAM pauruSheNAjayyatvakathanapUrvakaM dyUtena jeSha yAmIti samAshvAsanAdikam .. 1\..

##Mahabharata - Sabha Parva - Chapter Text##

shakuniruvAcha ..

duryodhana na te.amarShaH kAryaH prati yudhiShThiram.
bhAgadheyAni hi svAni pANDavA bhu~njate sadA .. 2\-75\-1 (14270) 
vidhAnaM vividhAkAraM paraM teShAM vidhAnataH.
anekairabhyupAyaishcha tvayA na shakitAH purA .. 2\-75\-2 (14271) 
ArabdhA hi mahArAja punaH punararindama.
vimuktAshcha naravyAghrA bhagadheyapuraskR^itAH. 
`utsAhavantaH puruShA nAvasIdanti karmasu'..  2\-75\-3 (14272) 
tairlabdhA draupadI bhAryA drupadashcha sutaiH saha.
sahAyAH pR^ithivIpAlA vAsudevashcha vIryavAn .. 2\-75\-4 (14273) 
labdhashchAnabhibhUtArthaiH pitryoMshaH pR^ithivIpate.
vivR^iddhastejasA teShAM tatra kA paridevanA .. 2\-75\-5 (14274) 
dhana~njayena gANDIvamakShayyau cha maheShudhI.
labdhAnyastrANi divyAni toShayitvA hutAshanam .. 2\-75\-6 (14275) 
tena kArmukamukhyena bAhuvIryeNa chAtmanaH.
kR^itA vashe mahIpAlAstatra kA paridevanA .. 2\-75\-7 (14276) 
agnidAhAnmayaM chApi mokShayitvA sa dAnavam.
sabhAM tAM kArayAmAsa savyasAchI parantapaH .. 2\-75\-8 (14277) 
tena chaiva mayenoktAH ki~NkarA nAma rAkShasAH.
vahanti tAM sabhAM bhImAstatra kA paridevanA .. 2\-75\-9 (14278) 
yachchAsahAyatAM rAjannuktavAnasi bhArata.
tanmithyA bhrAtaro hIme tava sarve vashAnugAH .. 2\-75\-10 (14279) 
droNastava maheShvAsaH saha putreNa vIryavAn.
mUtaputrashcha rAdheyo dR^iDhadhanvA mahArathaH .. 2\-75\-11 (14280) 
`sa ekaH samare sarvAnpANDavAnsahasomakAn.
vijeShyati mahAbAho kiM sahAyaiH kariShyasi .. 2\-75\-12 (14281) 
bhIShmashcha puruShavyAghro gautamashcha mahArathaH.
jayadrathashcha balAvAnsomadattastathaiva cha'.. 2\-75\-13 (14282) 
ahaM cha saha sodaryaiH saumadattishcha pArthivaH.
etaistvaM sahitaH sarvairjaya kR^itsnaM vasundarAm .. 2\-75\-14 (14283) 
duryodhana uvAcha. 2\-75\-15x (1514) 
tvayA cha sahito rAjannetaishchAnyairmahArathaiH.
etAnahaM vijeShyAmi yadi tvamanumanyase .. 2\-75\-15 (14284) 
eteShu vijiteShvadya bhaviShyati mahI mama.
sarve cha pR^ithivIpAlAH sabhA sA cha mahAdhanA .. 2\-75\-16 (14285) 
shakuniruvAcha .. 2\-75\-17x (1515) 
dhana~njayo vAsudevo bhImaseno yudhiShThiraH.
nakulaH sahadevashcha drupadashcha sahAtmajaiH .. 2\-75\-17 (14286) 
naite yudhi parAjetuM shakyA devagaNairapi.
mahArathA maheShvAsAH kR^itAstrA yuddhadurmadAH .. 2\-75\-18 (14287) 
ahaM tu tadvijAnAmi vijetuM yena shakyate.
yudhiShThiraM svayaM rAjaMstannibodha juShasva cha .. 2\-75\-19 (14288) 
duryodhana uvAcha .. 2\-75\-20x (1516) 
apramAdena suhR^idAmanyeShAM cha mahAtmanAm.
yadi shakyA vijetuM te tanmamAchakShva mAtula .. 2\-75\-20 (14289) 
shakuniruvAcha. 2\-75\-21x (1517) 
dyUtapriyashcha kaunteyo na sa jAnAti devitum.
samAhUtashcha rAjendro na shakShyati tivartitum .. 2\-75\-21 (14290) 
devane kushalashchAhaM na me.asti sadR^isho bhuvi.
triShu lokeShu kauravya taM tvaM dyUte samAhvaya .. 2\-75\-22 (14291) 
tasyAkShakushalo rAjannAdAsye.ahamasaMshayam.
rAjyaM shriyaM cha tAM dIptAM tvadarthaM puruSharShabha .. 2\-75\-23 (14292) 
idaM tu sarvaM tvaM rAj~ne duryodhana nivedaya.
anuj~nAtastu te pitrA vijeShye tAnna saMshayaH .. 2\-75\-24 (14293) 
duryodhana uvAcha. 2\-75\-25x (1518) 
tvameva karumukhyAya dhR^itarAShTrAya saubala.
nivedaya yathAnyAyaM nAhaM shakShye niveditum .. .. 2\-75\-25 (14294) 

iti shrImanmahAbhArate sabhAparvaNi dyUtaparvaNi pa~nchasaptatitamo.adhyAyaH ..75 ..



\medskip\hrule\medskip
sabhAparva \- adhyAya 076
.. shrIH ..
2\.76\. adhyAyaH 76 

##Mahabharata - Sabha Parva - Chapter Topics##
shakuninA duryodhanasya chintayA kArshyAdikaM bodhitena dhR^itarAShTreNa duryodhanam prati chintAkAraNaprashnaH .. 1\.. duryodhanena tatkathanapurvakaM dhR^itarAShTraM prati dyUtAbhyanuj~nAnaprArthanam .. 2\.. dhR^itarAShTreNa dyUtasabhAnirmANAj~nApanapUrvakaM pANDavAnayanAya viduraM prati choda nam .. 3\..

##Mahabharata - Sabha Parva - Chapter Text##

vaishampAyana uvAcha ..

anubhUya tu rAj~nastaM rAjasUyaM sudurmatiH.
`yudhiShThirasya shakunirduryodhasusaMyutaH .. 2\-76\-1 (14295) 
vivesha hAstinapuraM duryodhanamatena saH.
vADhamityeva shakunirdR^iDhaM hR^idi chakAra ha .. 2\-76\-2 (14296) 
asvasthatAM chatAM dR^iShTvA dhArtarAShTrasya pApakR^it.
bhAratAnAM cha duShTAtmA kShayAya hi nR^ipakShayaH'.. 2\-76\-3 (14297) 
priyakR^inmatamAj~nAya pUrvaM duryodhanasya tat.
praj~nAchakShuShamAsInaM shakuniH saubalastadA .. 2\-76\-4 (14298) 
duryodhanavachaH shrutvA dhR^itarAShTraM janAdhipam.
upagamya mahAprAj~naM shakunirvAkyamabravIt .. 2\-76\-5 (14299) 
shakuniruvAcha. 2\-76\-6x (1519) 
duryodhano mahArAja vivarNo hariNaH kR^ishaH.
dInashchintAparashchaiva taM viddhi manujAdhipa .. 2\-76\-6 (14300) 
na vai parIkShase samyagasahyaM shatrusaMbhavam.
jyeShThaputrasya hR^ichChokaM kimarthaM nAvabudhyase .. 2\-76\-7 (14301) 
`evamuktaH shakuninA dhR^itarAShTro janeshvaraH.
duryodhanaM samAhUyaM idaM vachanamabravIt'.. 2\-76\-8 (14302) 
dhR^itarAShTra uvAcha. 2\-76\-9x (1520) 
duryodhana kR^itomUlaM bhR^ishamArto.asi putraka.
shrotavyashchenmayA so.artho brUhi me kurunandana .. 2\-76\-9 (14303) 
ayaM tvAM shakuniH prAha vivarNaM harimaM kR^isham.
chintayaMshcha na pashyAmi shokasya tava sambhavam .. 2\-76\-10 (14304) 
aishvaryaM hi mahatputra tvayi sarvaM pratiShThitam.
bhrAtaraH suhR^idashchaiva nAcharanti tavApriyam .. 2\-76\-11 (14305) 
AchChAdayasi prAvArAnashnAsi pishitaudanam.
AjAneyA vahantyashvAH kenAsi hariNaH kR^ishaH .. 2\-76\-12 (14306) 
shayanAni mahArhANi yoShitashcha manoramAH.
guNavanti cha veshmAni vihArAshcha yathAsukham .. 2\-76\-13 (14307) 
devanAmiva te sarvaM vAchi baddhaM na saMshayaH.
sa dIna iva durdharSha kasmAchChochasi putraka .. 2\-76\-14 (14308) 
`mAtrA pitrA cha putrasya yadvai kAryaM paraM smR^itam.
prAptastvamasi tattAta nikhilAM naH kulashriyam .. 2\-76\-15 (14309) 
upasthitaH sarvakAmaistridive vAsavo yathA.
vividhairannapAnaishcha pravaraiH kiM nu shochasi .. 2\-76\-16 (14310) 
niruktaM nigamaM ChandaH ShaDa~NgAnyastrashAstravAn.
adhItI kR^itavidyastvaM dashavyAkaraNaiH kR^ipAt .. 2\-76\-17 (14311) 
halAyudhAtkR^ipAddroNAdastravidyAmadhItavAn.
bhrAtAjyeShThaH sthito rAjye kimu shochasi putraka .. 2\-76\-18 (14312) 
pR^ithagjanairalabhyaM yadashanAchChAdanaM bahu.
prabhuH sanbhu~njase putra saMstutaH sUtamAgadhaiH .. 2\-76\-19 (14313) 
tasya te viditapraj~na shokamUlamidaM katham.
lokesmi~njyeShThabhAganyastanmamAchakShva pR^ichChataH .. 2\-76\-20 (14314) 
vaishampAyana uvAcha .. 2\-76\-21x (1521) 
tasya tadvachanaM shrutvA mandaH krodhavashAnugaH.
pitaraM pratyuvAchedaM svamatiM samprakAshayan '.. 2\-76\-21 (14315) 
duryodhana uvAcha .. 2\-76\-22x (1522) 
ashnAmyAchChAdaye chAhaM yathA kupuruShastathA.
amarShaM dhAraye chograM ninIShuH kAlaparyayam .. 2\-76\-22 (14316) 
amarShaNaH svAH prakR^itIrabhibhUya paraM sthitaH.
kleshAnmumukShuH parajAnsa vai puruSha uchyate .. 2\-76\-23 (14317) 
santoSho vai shriyaM hanti hyabhimAnaM cha bhArata.
anukroshabhaye chobhe yairvR^ito nAshnute mahat .. 2\-76\-24 (14318) 
na mAM prINAti madbhuktaM shriyaM dR^iShTvA yudhiShThere.
atijvalantIM kaunteye vivarNakaraNIM mama .. 2\-76\-25 (14319) 
sapatnAnR^idvyatotmAnaM hIyamAnaM nishAmya cha.
adR^ishyAmapi kaunteya shriyaM pashyannivodyatAm .. 2\-76\-26 (14320) 
tasmAdahaM vivarNashcha dInashcha harimaH kR^ishaH.
aShTAshItisahasrANi snAtakA gR^ihamedhinaH .. 2\-76\-27 (14321) 
triMshaddAsIka ekaiko yAnbibharti yudhiShThiraH.
dashAnyAni sahasrANi yatInAmUrdhvaretasAm. 
bhu~njate rukmapAtrIbhiryudhiShThiraniveshane ..  2\-76\-28 (14322) 
kadalImR^igamokAni kR^iShNashyAmAruNAni cha.
kAmbhojaH prAhiNottasmai parArdhyAnapi kambalAn. 
gajayoShidgavAshvasya shatasho.atha sahasrashaH ..  2\-76\-29 (14323) 
trishataM choShTravAmInAM shatAni vicharantyuta.
rAjanyA balimAdAya sametA hi nR^ipakShaye .. 2\-76\-30 (14324) 
pR^ithagvidhAni ratnAna pArthivAH pR^ithivIpate.
Aharankratumukhye.asminkuntIputrAya bhUrishaH .. 2\-76\-31 (14325) 
na kvachiddhi mayA tAdR^igdR^iShTapUrvo na cha shrutaH.
yAdR^igdhanAgamo yaj~ne pANDuputrasya dhImataH .. 2\-76\-32 (14326) 
`asatyaM chedidaM sarvaM sa~njayaM praShTumarhasi'.
aparyantaM dhanaughaM taM dR^iShTvA shatrorahaM nR^ipa. 
sharma naivAbhigachChAmi chintayAno vishAmpate ..  2\-76\-33 (14327) 
brahmaNA vATadhAnAshcha gomantaH shatasa~NghashaH.
trikharvaM balimAdAya dvAri tiShThanti vAritAH .. 2\-76\-34 (14328) 
kamaNDalUnupAdAya jAtarUpamayA~nshubhAn.
traikharvAH prativedyAsmai lebhire.atha praveshanam .. 2\-76\-35 (14329) 
yathaiva madhu shakrAya dhArayantyamarastriyaTaH.
tadasmai kAMsyamAhArShIdvAruNaM kalashodadhiH .. 2\-76\-36 (14330) 
sha~NkhapravaramAdAya vAsudevo.abhiShiktavAn.
shakyaM rukmasahasrasya bahuratnavibhUShitam .. 2\-76\-37 (14331) 
dR^iShTvA cha mama tatsarvaM jvararUpamivAbhavat.
gR^ihItvA tattu gachChanti samudrau pUrvadakShiNau .. 2\-76\-38 (14332) 
tathaiva pashchimaM yAnti gR^ihItvA bharatarShabha.
uttaraM tu na gachChanti vinA tAta patatriNaH. 
tatra gatvA.arjuno daNDamAjahArAmitaM dhanam ..  2\-76\-39 (14333) 
`kR^itAM baindusarai ratnairmayena sphATikachChadAm.
apashyaM nalinIM pUrNAmudakasyeva bhArata .. 2\-76\-40 (14334) 
utkarShantaM cha vAsashcha prAhasanmAM vR^ikodaraH.
ki~NkarAshcha sabhApAlA jahasurbharatarShabha .. 2\-76\-41 (14335) 
pitrorarthe visheSheNa prAvR^iNvaM tatra jIvitam.
tatra tma yadi shaktaH syAM ghAtayeyaM vR^ikodaram .. 2\-76\-42 (14336) 
sapatnenApahAso hi sa mAM dahati bhArata ..  2\-76\-43 (14337) 
tatra sphATikatoyAM hi sphATikAmbujashobhitAm.
sabhAM puShkariNIM matvA patito.asmi narAdhipa .. 2\-76\-44 (14338) 
tatra mAmahasadbhImaH saha pArthena sasvaram.
draupadI chasaha strIbhiH pAtayantI mano mama .. 2\-76\-45 (14339) 
klinnavastrasya cha jale ki~NkarA rAjachoditAH.
dadurvAsAMsi me.anyAni tachcha duHkhataraM mama .. 2\-76\-46 (14340) 
astambhA iva tiShThanti stambhA iva sahasrashaH.
sohaM tatrAhato rAjansphaTikAbhyantare vibho .. 2\-76\-47 (14341) 
advAreNa vinirgachChandvArasaMsthAnarUpiNA.
abhihatya shilAM bhUyo lalATenAsmi vikShataH .. 2\-76\-48 (14342) 
AmR^ishanniva tAM dR^iShTvA mArgAntaramupAvisham.
idaM dvAramidaM rAjannadvAramiti mAM prati. 
adbhutaM prahasanvAkyaM babhAShe sa vR^ikodaraH ..  2\-76\-49 (14343) 
striyashcha tatra mAM dR^iShTvA jahasustAdR^ishaM nR^ipa.
sarvaM hAsakaraM teShAM sadasyAnAM nararShabha .. 2\-76\-50 (14344) 
na shrutAni na dR^iShTAni yAni ratnAna me kvachit.
tAni me tatra dR^iShTAni tena taptosmi duHkhitaH .. 2\-76\-51 (14345) 
hutAshanaM pravekShyAmi pravekShyAmi mahodadhim.
sambhAvitasya chAkIrtirmaraNAdatirichyate'.. 2\-76\-52 (14346) 
idaM chAdbhutamatrAsIttanme nigadataH shR^iNu ..  2\-76\-53 (14347) 
pUrNe shatasahasre tu viprANAM bhu~njatAM sadA.
sthApitastatra sa~nj~nArthaM sha~Nkho dhmAyati nityasaH .. 2\-76\-54 (14348) 
muhurmuhuH praNadatastasya sha~Nkhasya bhArata.
anishaM shabdamashrauShaM tato romANi me.ahR^iShan .. 2\-76\-55 (14349) 
pArthivairbahubhiH kIrNamupasthAnaM didR^ikShubhiH.
ashobhata mahArAja nakShatrairdyairivAmalA .. 2\-76\-56 (14350) 
sarvaratnAnyupAdAya pArthivA vai janeshvara.
yaj~ne tasya mahArAja pANDuputrasya dhImataH .. 2\-76\-57 (14351) 
vaishyA iva mahIpAlA dvijAtipariveShakAH.
na sA shrIrdevarAjasya yamasya varuNasya cha. 
guhyakAdhipatervApi yA shrI rAjanyudhiShThire ..  2\-76\-58 (14352) 
tAM dR^iShTvA pANDuputrasya shriyaM paramikrAmaham.
shAntiM na parigachChAmi dahyamAnena chetasA .. 2\-76\-59 (14353) 
`aprApya pANDavaishvaryaM shamo mama na vidyate.
arInbANaiH shAyayiShye shayiShye vA hataH paraiH .. 2\-76\-60 (14354) 
etAdR^ishasya me kiM tu jIvitena parantapa.
vardhante pANDavA rAjanvayaM hi sthitavR^iddhayaH'.. 2\-76\-61 (14355) 
shakuniruvAcha .. 2\-76\-62x (1523) 
yAmetAmatulAM lakShmIM dR^iShTavAnasi pANDave.
tasyATaH prAptAvupAyaM me shR^iNu satyaparAkrama .. 2\-76\-62 (14356) 
ahamakSheShvabhij~no.asmi pR^ithivyAmapi bhArata.
hR^idayaj~naH paNaj~nashcha visheShaj~nashcha devane .. 2\-76\-63 (14357) 
dyUtapriyashcha kaunteyo na cha jAnAti devitum.
AhUtashchaiShyati vyaktaM nityamevAhvayatsvayam .. 2\-76\-64 (14358) 
niyataM taM vijeShyAmi kR^itvA tu kapaTaM vibho.
AnayAmi samR^iddhiM tAM divyAM chopAhvayasva tam .. 2\-76\-65 (14359) 
vaishampAyana uvAcha .. 2\-76\-66x (1524) 
evamuktaH shakuninA rAjA duryodhanastataH.
dhR^itarAShTramidaM vAkyamapadAntaramabravIt .. 2\-76\-66 (14360) 
ayamutsahate rAja~nshriyamAhartumakShavit.
dyUtena pANDuputrasya tadanuj~nAtumarhasi .. 2\-76\-67 (14361) 
dhR^itarAShTra uvAcha .. 2\-76\-68x (1525) 
kShattA mantrI mahAprAj~naH sthito yasyAsmi shAsane.
tena sa~Ngamya vetsyAmi kAryasyAsya vinishchayam .. 2\-76\-68 (14362) 
sa hi dharmaM puraskR^itya dIrghadarshI paraM hitam.
ubhayoTaH pakShayoryuktaM vakShyatyarthavinishchayam .. 2\-76\-69 (14363) 
duryodhana uvAcha. 2\-76\-70x (1526) 
nivartayiShyati tvA.asau yadi kShattA sameShyati.
nivR^itte tvayi rAjendra mariShye.ahamasaMshayam .. 2\-76\-70 (14364) 
sa tvaM mayi mR^ite rAjanvidureNa sukhI bhava.
bhokShyase pR^ithivIM kR^itsnAM kiM mayA tvaM kariShyasi .. 2\-76\-71 (14365) 
vaishampAyana uvAcha .. 2\-7\-72x (1527) 
ArtavAkyaM tu tattasya praNayoktaM nishamya saH.
dhR^itarAShTro.abravItpreShyanduryodhanamate sthitaH .. 2\-76\-72 (14366) 
sthUNAsahasrairbR^ihatIM shatadvArAM sabhAM mama.
manoramAM darshanIyAmAshu kurvantuM shilpinaH .. 2\-76\-73 (14367) 
tataH saMstIrya ratnaistAM takShNa AnAyya sarvashaH.
sukR^itAM supraveshAM cha nivedayata me.ashanaiH .. 2\-76\-74 (14368) 
dUryodhanasya shAntyarthamiti nishchitya bhUmipaH.
dhR^itarAShTro mahArAja prAhiNodvidurAya vai .. 2\-76\-75 (14369) 
apR^iShTvA viduraM svasyana nAsItkashchidvinishchayaH.
dyUte doShAMshcha jAnansa putrasnehAdakR^iShyata .. 2\-76\-76 (14370) 
tachChrutvA viduro dhImAnkalidvAramupasthitam.
vinAshamukhamutpannaM dhR^itarAShTramupAdravat .. 2\-76\-77 (14371) 
so.abhigamya mahAtmAnaM bhrAtA bhrAtaramagrajam.
mUrdhnA praNamya charaNAvidaM vachanamabravIt .. 2\-76\-78 (14372) 
vidura uvAcha. 2\-76\-79x (1528) 
nAbhinandAmi te rAjanvyavasAyamimaM prabho.
putrairbhedo yathA na sthAddyUtahetostathA kuru .. 2\-76\-79 (14373) 
dhR^itarAShTra uvAcha. 2\-76\-80x (1529) 
kShattaH putreShu putrairme kalaho na bhaviShyati.
yadi devAH prasAdaM naH kariShyanti na saMshayaH .. 2\-76\-80 (14374) 
ashubhaM vA shubhaM vApi hitaM vA yadi vA.ahitam.  2\-76\-81 (14375) 
mayi sannihite droNe bhIShme tvayi cha bhArata.
anayo daivavihito na katha~nchidbhaviShyati .. 2\-76\-82 (14376) 
gachCha tvaM rathamAsthAya hayairvAtasamairjave.
khANDavaprasthamadyaiva samAnaya yudhiShThiram .. 2\-76\-83 (14377) 
na vAchyo vyavasAyo me viduraitadbravImi te.
daivameva paraM manye yenaitadupapadyate .. 2\-76\-84 (14378) 
ityukto viduro dhImAnnedamastIti chintayan.
ApageyaM mahAprAj~namabhyagachChatsuduH khitaH .. .. 2\-76\-85 (14379) 

iti shrImanmahAbhArate sabhAparvaNi dyUtaparvaNi ShaTsaptatitamo.adhyAyaH .. 76 ..

##Mahabharata - Sabha Parva - Chapter Footnotes##

2\-76\-9 kutomUlaM kiMmulam . kuta_iti prathamArthe tasiH ..
2\-76\-29 kadalImR^igA hariNavisheShAsteShAM mokAnyajinAni tAnyeva kR^iShNashyAmAruNAni chitra varNAnItyarthaH ..
2\-76\-34 vATAH kShetrAdivR^ittayastAsAM dhAnA abhinavodbhedo yeShAM te sasyAdisampannaka ShetrAdivR^ittimanta ityarthaH ..
2\-76\-37 shaikyaM varatrAmayaM pAtrAdhArabhUtaM shikyaM kAvaDIti prasiddhaM tatra sthitaM pAt raM shaikyam . etena sAmudraya Apa uktAH ..


\medskip\hrule\medskip
sabhAparva \- adhyAya 077
.. shrIH ..
2\.77\. adhyAyaH 77 

##Mahabharata - Sabha Parva - Chapter Topics##
janamejayena vistareNa dyUtavR^ittAntakathanaprArthanam .. 1\.. dhR^itarAShTreNa duryodhanamprati dyUtaniShedhanam .. 2\.. duryodhanena dhR^itarAShTramprati bhImAdikR^itasvApahasanAdikathanam .. 3\..

##Mahabharata - Sabha Parva - Chapter Text##

janamejaya uvAcha ..

kathaM samabhavaddyUtaM bhrAtR^INAM tanmahAtyayam.
yatra tadvyasanaM prAptaM pANDavairme pitAmahaiH .. 2\-77\-1 (14380) 
ke cha tatra samAstArA rAjAno brahmavittama.
ke chainamanvamodanta ke chainaM pratyaShedhayan .. 2\-77\-2 (14381) 
vistareNaitadichChAmi kathyamAnaM tvayA dvija.
mUlaM hyetadvinAshasya pR^ithivyA dvijasattama .. 2\-77\-3 (14382) 
sautiruvAcha. 2\-77\-4x (1530) 
evamuktastato rAj~nA vyAsashiShyaH pratApavAn.
AchachakShe.atha yadvR^ittaM tatsarvaM vedatattvavid .. 2\-77\-4 (14383) 
vaishampAyana uvAcha .. 2\-77\-5x (1531) 
evamuktastato rAj~nA vyAsashiShyaH pratApavAn.
AchachakShe.atha yadvR^ittaM tatsarvaM vedatattvavit .. 2\-77\-5 (14384) 
vidurasya matiM j~nAtvA dhR^itarAShTro.ambikAsutaH.
duryodhanamidaM vAkyamuvAcha vijane punaH .. 2\-77\-6 (14385) 
alaM dyUtena gAndhAre viduro na prashaMsati.
na hyasau sumahAbuddhirahitaM no vadiShyati .. 2\-77\-7 (14386) 
hitaM hi paramaM manye viduro yatprabhAShate.
kriyatAM putra tatsarvametanmanye hitaM tava .. 2\-77\-8 (14387) 
devarShirvAsavAgururdevarAjAya dhImate.
yatprAha shAstraM bhagavAnbR^ihaspatirudAradhIH. 
tadde viduraH sarvaM sarahasyaM mahAkaviH ..  2\-77\-9 (14388) 
sthitastu vachane tasya sadA.ahamapi putraka.
viduro vApi medhAvI kurUNAM pravaro mataH .. 2\-77\-10 (14389) 
uddhavo vA mahAbuddhirvR^iShNInAmarchito nR^ipa.
tadalaM putra dyUtena dyUte bhedo hi dR^ishyate .. 2\-77\-11 (14390) 
bhede vinAsho rAjyasya tatputra parivarjaya ..  2\-77\-12 (14391) 
pitrA mAtrA cha putrasya yadvai kAryaM paraM smR^itam.
prAptastvamasi tannAma pitR^ipaitAmahaM padam .. 2\-77\-13 (14392) 
adhItavAnkR^itI shAstre lAlitaH satataM gR^ihe.
bhrAtR^ijyeShThaH sthito rAjye vindasare kiM na shobhanam .. 2\-77\-14 (14393) 
pR^ithagjanairalabhyaM yadbhojanAchChAdanaM param.
tatprAptosi mahAbAho kasmAchChonasi putraka .. 2\-77\-15 (14394) 
sphItaM rAShTraM mahAbAho pitR^ipaitAmahaM mahat.
nityamAj~nApayanbhAsi divi deveshvaro yathA .. 2\-77\-16 (14395) 
`yAdR^ishaM cha tavaishvaryaM tadanyeShAM sudurlabham.
ye chopabhogAste rAjanmayA te parikIrtitAH'.. 2\-77\-17 (14396) 
tasya te viditapraj~na shokamUlamidaM katham.
samutthitaM duHkhakaraM tanme shaMsitumarhasi .. 2\-77\-18 (14397) 
duryodhana uvAcha .. 2\-77\-19x (1532) 
ashnAmyAchChAdayAmIti prapashyanhInapauruShaH.
nAmarShaM kurute yastu puruShaH so.adhamaH smR^itaH .. 2\-77\-19 (14398) 
na mAM prINAti rAjendra lakShmIH sAdhAraNI vibho.
jvalitAmeva kaunyeye shriyaM dR^iShTvA cha vivyathe .. 2\-77\-20 (14399) 
sarvAM cha pR^ithivIM chaiva yudhiShThiravashAnugAm.
sthiro.asmi yo.ahaM jIvAmi duHkhAdetadbravImi te.  2\-77\-21 (14400) 
AvarjitA ivAbhAnti nIpAshchitrakakaukurAH.
kAraskArA lohaja~NghA yudhiShThiraniveshane .. 2\-77\-22 (14401) 
himavatsAgarAnupAH sarve ratnAkarAstathA.
antyAH sarve paryudastA yudhiShThiraniveshane .. 2\-77\-23 (14402) 
jyeShTho.ayamiti mAM matvA shreShThashcheti vishAmpate.
yudhiShThireNa satkR^itya yukto ratnaparigrahe .. 2\-77\-24 (14403) 
upasthitAnAM ratnAnAM shreShThAnAmarghahAriNAm.
nAdR^ishyata paraH pAro nAparastatra bhArata .. 2\-77\-25 (14404) 
na me hastaH samabhavadvasu tatpratigR^ihNataH.
atiShThanta mayi shrAnte gR^igya dUrAhR^itaM vasu .. 2\-77\-26 (14405) 
kR^itAM bindusaroratnairmayena sphATikachChadAm.
apashyaM nalinIM pUrNAmudakasyeva bhArata .. 2\-77\-27 (14406) 
vastramutkarShati mayi prAhasatsa vR^ikodaraH.
shatrorR^iddhivisheSheNa vimUDha rattavarjitam .. 2\-77\-28 (14407) 
tatra sma yadi shaktaH syaM pAtaye.ahaM vR^ikodaram.
yadi kuryAM samArambhaM bhImaM hantuM narAdhipa .. 2\-77\-29 (14408) 
shishupAla ivAsmAkaM gatiH syAnnAtra saMshayaH.
sapatnenAvahAso me sa mAM dahati bhArata .. 2\-77\-30 (14409) 
punashcha tAdR^ishImeva vApIM jalajashAlinIm.
matvA shilAsamAM toye patito.asmi narAdhipa .. 2\-77\-31 (14410) 
tatra mAM prAhasatkR^iShNaH pArthena saha susvaram.
draupadI cha saha strIbhirvyathayantI mano mama .. 2\-77\-32 (14411) 
klinnavastrasya tu jale ki~NkarA rAjanoditAH.
dadurvAsAMsi me.anyAni tachcha duHkhaM paraM mama .. 2\-77\-33 (14412) 
pralambhaM cha shR^iNuShvAnyadvadato me narAdhipa.
advAreNa vinirgachChandvArasaMsthAnarUpiNA. 
abhihatya shilAM bhUyo lalATenAsmi vikShataH ..  2\-77\-34 (14413) 
tatra mAM yamajau dUrAdAlokyAbhihataM tadA.
bAhubhiH parigR^ihNItAM shochantau sahitAvubhau .. 2\-77\-35 (14414) 
uvAcha sahadevastu tatra mAM vismayanniva.
ida dvAraM dhArtarAShTra mA gachCheti punaH punaH .. 2\-77\-36 (14415) 
bhImasenena tatrokto dhR^itarAShTrAtmajeti cha.
sambodhya prahasitvA cha ito dvAraM narAdhipa .. 2\-77\-37 (14416) 
nAmadheyAni ratnAnAM purastAnna shrutAni me.
yAni dR^iShTAni me tasyAM manastapati tachcha me .. .. 2\-77\-38 (14417) 

iti shrImanmahAbhArate sabhAparvaNi dyUtaparvaNi saptasaptatitamo.adhyAyaH .. 77 ..

##Mahabharata - Sabha Parva - Chapter Footnotes##

2\-77\-22 nIpAdayo rAjAnaH . AvarjitA dAsavadvashagAH ..
2\-77\-23 paryudastA dUrakShiptAH ..
2\-77\-26 na samabhavat samartho nAbhavat ..


\medskip\hrule\medskip
sabhAparva \- adhyAya 078
.. shrIH ..
2\.78\. adhyAyaH 78 

##Mahabharata - Sabha Parva - Chapter Topics##
duryodhanena dhR^itarAShTrasamIpe yudhiShThirAya nAnAdeshIyarAjopAhR^itopAyanavarNanam .. 1\..

##Mahabharata - Sabha Parva - Chapter Text##

duryodhana uvAcha ..

yanmayA pANDavoyAnAM dR^iShTaM tachChR^iNu bhArata.
AhR^itaM bhUmipAlairhi vasu mukhyaM tatastataH .. 2\-78\-1 (14418) 
nAvidaM mUDhamAtmAnaM dR^iShTvAhaM tadarerdhanam.
phalato bhUmito vA.api pratipadyasva bhArata .. 2\-78\-2 (14419) 
aurNAnbailAnvArShadaMshAn jAtarUpapariShkR^itAn.
prAvArAjinamukhyAMshcha kAmbhojaH pradadau bahUn .. 2\-78\-3 (14420) 
ashvAMstittirikalmAShAMstrishataM shukanAsikAn.
aShTravAmIstrigartAshcha puShTAH pIlushamI~NgudaiH .. 2\-78\-4 (14421) 
gopAH svIyena sahitAstadAdAya chatuShpadam.
vasAtayo.anyaddravyaM dvAri tasyAvatasthire .. 2\-78\-5 (14422) 
kamaNDalUnupAdAya jAtarUpamaya~nChivAn.
ratnAni cha hiraNyaM cha suvarNaM chaiva kevalam.  2\-78\-6 (14423) 
prIyamANaH prasannAtmA svayaM svajanasaMvR^itaH.
traikharvo rathamukhyeshaH pANDavAya nyavedayat .. 2\-78\-7 (14424) 
yashcha sa dvijamukhyena rAj~naH sha~Nkho niveditaH.
prItyA dattaH kuvindena dharmarAjAya dhImate .. 2\-78\-8 (14425) 
taM sarve bhrAtaro bhrAtre daduH sha~NkhaM kirITine.
taM pratyagR^ihNAdbIbhatsustoyajaM hemamAlinam .. 2\-78\-9 (14426) 
chitraM niShkasahasreNa bhrAjamAnaM svatejasA.
ruchiraM darshanIyaM cha pUjitaM vishvakarmaNA .. 2\-78\-10 (14427) 
adhArayachcha dharmashcha taM namasya punaH punaH.
yo.anAdane.api nadati sa nanAdAdhikaM tadA .. 2\-78\-11 (14428) 
praNAdAdbhUmipAstasya peturhInAH khatejasA.
dhR^iShTadyumnaH pANDavAshcha sAtyakiH keshavo.aShTamaH .. 2\-78\-12 (14429) 
satvena svena sampannA anyonyapriyakAriNaH.
visa~nj~nAnbhUmipAndR^iShTvA mAM cha te prAhasaMstadA .. 2\-78\-13 (14430) 
tataH prahR^iShTo bIbhatsuradadAddhemashR^i~NgiNaH.
shatAnanaDuhAnpa~ncha dvijamukhyAya bhArata .. 2\-78\-14 (14431) 
sumukhena balirmukhyaH preShito.ajAtashatrave.
kuvindena hiraNyaM cha vAsAMsi vividhAni cha .. 2\-78\-15 (14432) 
kAshmIrarAjo mArdvIkaM shuddhaM cha sarasaM madhu.
baliM cha kutsnamAdAya pANDavAyAbhyuTapAgamat .. 2\-78\-16 (14433) 
yavanA hayAnupAdAya pArvatIyAnmanojavAn.
AsanAni mahArhANi kambalAMshcha mahAdhanAn .. 2\-78\-17 (14434) 
navAnsUkShmAMshcha hR^idyAMshcha parArthyAnsupradarshanAn.
anyachcha vividhaM ratnaM dvAri te nyavatasthire .. 2\-78\-18 (14435) 
shrutAyurapi kAli~Ngo maNiratnamanuttamam.
a~NgaH striyo darshanIyA jAtarUpavibhUShitAH .. 2\-78\-19 (14436) 
va~Ngo jAmbUnadamayAnparya~NgA~nChatasho nR^ipa.
dakShiNAtsAgarAbhyAshAtprAvArAMshcha parashshatam .. 2\-78\-20 (14437) 
audakAni saratnAni baliM chAdAya bhArata.
anyebhyo bhUmipAlebhyaH pANDavAya nyavedayat .. 2\-78\-21 (14438) 
dArduraM chandanaM mukhyaM bhAraM ShaNNavati drutam.
pANDavAya dadau pANDyaH sha~NkhAMstAvata eva cha .. 2\-78\-22 (14439) 
chandanAgaru chAnantaM muktAvaiDUryachitritAH.
cholashcha keralashchomau dadatuH pANDavAya vai .. 2\-78\-23 (14440) 
ashmako hemashR^i~NgIshcha dogdhrIrhemavibhUShitaH.
savatsAH kumbhadohAshcha sahasrANyadadAddasha .. 2\-78\-24 (14441) 
saindhavAnAM sahasrANi hayAnAM pa~nchaviMshatim.
adadAtsaindhavo rAjA hemamAlyairala~NkR^itAn .. 2\-78\-25 (14442) 
sauvIro hastibhiryuktAnrathAMshcha trishataM parAn.
jAtarUpapariShkArAnmaNiratnavibhUShitAn .. 2\-78\-26 (14443) 
madhyandinArkapratimAMstejasA jvalitAniva.
baliM cha kR^itsnamAdAya pANDavAya nyavedayat .. 2\-78\-27 (14444) 
avantirAjo ratnAni vividhAni sahasrashaH.
hArA~NgadAMshcha mukhyAnvai vividhaM cha vibhUShaNam .. 2\-78\-28 (14445) 
dAsInAmayutaM chApi balimAdAya bhArata.
sabhAdvAri narashreShTha didR^ikShuravatiShThate .. 2\-78\-29 (14446) 
dashArNashchedirAjashcha shUrasenashcha vIryavAn.
vastrANi mukhyAnyAdAya ratnAni vividhAni cha. 
baliM cha kR^itsnamAdAya pANDavAya nyavedayat ..  2\-78\-30 (14447) 
kAshirAjena hR^iShTena balI rAj~ni niveditaH.
ashItigosahasrANi shatAnyaShTau cha dantinAm .. 2\-78\-31 (14448) 
ayutaM cha nadIjAnAM hayAnAM hemamAlinAm.
vividhAni cha ratnAni kAshirAjo baliM dadau .. 2\-78\-32 (14449) 
kR^itakShaNashcha vaidehaH kausalashcha bR^ihadbalaH.
dadaturvAjimukhyAMshcha sahasrANi chaturdasha .. 2\-78\-33 (14450) 
shaibyo vasAdibhiH sArdhaM trigarto mAlavaiH saha.
tebhyo ratnAni dadaturekaiko bhUmipo.amitam .. 2\-78\-34 (14451) 
hArAnmukhyAnparArdhyAMshcha vividhaM cha vibhUShaNam.
shataM dAsIsahasrANi kArpAsikanivAsinAm .. 2\-78\-35 (14452) 
shyAmAstanvIrdIrghakeshIrhemAbharaNabhUShitAH.
baliM cha kR^itsnamAdAya bhArukachCho nararShabha .. 2\-78\-36 (14453) 
shuddhAnviprottamArhAMshcha kambalapravarAndadau.
te sarve pANDuputrasya dvAryatiShThandidR^ikShavaH .. 2\-78\-37 (14454) 
upAyanaM yadA dadyustadA dvAramalabhyata.
indrakR^iShTairvardhayanti dhAnyairnadamukhaistu ye .. 2\-78\-38 (14455) 
samudranikaTe jAtAH parisindhunivAsinaH.
te vai drumAH pAradAshcha kAshyakairAtakaiH saha .. 2\-78\-39 (14456) 
baliM vividhamAdAya ratnAni vividhAni cha.
ajAvikaM gohiraNyaM kharoShTraM phalavanmadhu .. 2\-78\-40 (14457) 
kambalAnvividhAMshchaiva dvAri tiShThanti vAritAH.
prAgjyotiShapatiH shUro mlechChAnAmadhipo balI .. 2\-78\-41 (14458) 
yavanaiH sahito rAjA bhagadatto mahAbalaH.
AjAneyAnhayA~nChIghramAdAyAnilaraMhasaH .. 2\-78\-42 (14459) 
baliM cha kR^itsnamAdAya dvAri tiShThati vAritaH.
ashvasAramayAnbhANDA~nChubhAndantatsarUnasIn .. 2\-78\-43 (14460) 
prAgjyotiShAdhipo dattvA bhagadatto.avrajattadA.
vyakShA~NkhyakShAMllalATAkShAnnAnAdigbhyaH samAgatAn .. 2\-78\-44 (14461) 
auShNIShaAnahayAMshchaiva bAhukAnpuruShAdakAn.
ekapAdAMshcha tatrAhamapashyaM dvAri vAritAn .. 2\-78\-45 (14462) 
balyarthaM dadatastasya hiraNyaM rajataM vasu.
indragopakasa~NkAshA~nChukavarNAnmanojavAn .. 2\-78\-46 (14463) 
tathaivendrAyudhanibhAnsandhyAbhrasadR^ishAnapi.
anekavarNAnAraNyAngR^ihItvAshvAMstathA bahUn .. 2\-78\-47 (14464) 
jAtarUpamanarghyaM cha dadustasyaikapAdakAH.
siMhalashcha tadA rAjA parigR^ihya dhanaM bahu .. 2\-78\-48 (14465) 
goshIrShaM haritashyAmaM chandanapravaraM mahat.
bhArANAM shatamekaM tu dvAri tiShThati vAritaH .. 2\-78\-49 (14466) 
ye nagnaviShayA rAjanbarbareyAshcha vishrutAH.
shataM dAsIsahasrANAM kambalAMshcha sahasrashaH. 
parigR^ihya mahArAja dvAri tiShThanti vAritAH ..  2\-78\-50 (14467) 
pauNDrAshcha dAmaliptAshcha yathAkAmakR^ito nR^ipAH.
kAleyakaM cha rUpyaM cha parigR^ihya parichChadAn .. 2\-78\-51 (14468) 
agarUnsphATikAMshchaiva dantA~njAtIphalAni cha.
takkolAMshcha lava~NgAshcha karpUrAMshcha mahAbala .. 2\-78\-52 (14469) 
anyAMshcha vividhAndravyAnparigR^ihyopatasthire.
ete sarve mahAtmAno dvAri tiShThanti vAritAH .. 2\-78\-53 (14470) 
shaileyashcha tato rAjA patrorNAnparigR^ihya saH.
dvAri tiShThanmahArAja dvArapAlairnivAritaH .. 2\-78\-54 (14471) 
chInA hUNAH kaShAH kAchAH parvatAntaravAsinaH.
AhArShurdashasAhasrAnvinnItAndikShu viMshrutAn .. 2\-78\-55 (14472) 
auShNIkaM kambalaM chaiva kITajaM maNijaM tathA.
pramANarAgasparshADhyaM bAhvIchInasamudbhavam .. 2\-78\-56 (14473) 
rasAn gandhAnprashaMsantastato dvAramalabhyata.
kharvaTAstomarAshchaiva shUrA vardhanakAstathA .. 2\-78\-57 (14474) 
chelAnbahuvidhAngR^ihya dvAri tiShThanti vAritAH.
prAkkoTA nATakeyAshcha nandInagarakAstathA .. 2\-78\-58 (14475) 
nApitAstraipurAshchaiva pa~nchameyAH sahorujAH.
tathA chATavikAH sarve nAnAdravyaparichChadAn .. 2\-78\-59 (14476) 
parigR^ihya mahArAja dvAri tiShThanti vAritAH.
shakAstuShArAH kauravya romakAH shR^i~NgiNoshmakAH .. 2\-78\-60 (14477) 
balAdUrugamA rAjangaNitaM chArbudaM mayA.
kUTIkR^itaM suvarNaM cha padmaki~njalkasaMnibham .. 2\-78\-61 (14478) 
shitAndIrghAnasInanyAnyaShTishaktiparashvathAn.
shlakShNaM vastramakArpasamAvikaM mR^idu chAjinam .. 2\-78\-62 (14479) 
balaM mattaM samAdAya dvAri tiShThanti vAritAH.
AsanAni mahArhANi yAnAni shayanAni cha .. 2\-78\-63 (14480) 
maNikA~nchanachitrANi gajadantamayAni cha.
rathAMshcha vividhAkArA~njAmbUnadapariShkR^itAn .. 2\-78\-64 (14481) 
hayairvinItaiH sampannAnvaiyAghraparivAritAn.
vichitrAnsaparistomAMshchApAni vividhAni cha.  2\-78\-65 (14482) 
nArAchAnarghanArAchA~nChastrANi vividhAni cha.
etaddravyaM mahadgR^ihya pUrvadeshAdhipo nR^ipaH .. 2\-78\-66 (14483) 
praviShTo yaj~nasadanaM pANDavasya mahAtmanaH.
jantuchelAndvisAhasrAndukUlAnyayutAni cha .. 2\-78\-67 (14484) 
kAMsyAni chaiva bhANDAni mahArhANi kuthAni cha.
etAnyanyAni ratnAni dadau pArthasya vai mudA .. 2\-78\-68 (14485) 
anyAnbahuvidhAnrAjannaraH sAgaramAshritAH.
ratnAni vividhAngR^ihya daduste pANDavAya tu .. 2\-78\-69 (14486) 
mAlavAshcha tato rAjanratnAni vividhAni cha.
godhUmAnAM cha rAjendra droNAnAM koTisaMmitam .. 2\-78\-70 (14487) 
anyAMshcha vividhAndhAnyAnparigR^ihya mahAbalaH.
pANDavAya dadau prItyA pravivesha mahAdhvaram .. 2\-78\-71 (14488) 
nAnAratnAnbahUngR^ihya surAShTrAdhipatirnR^ipaH.
tailakumbhAnmahArAja droNAnAmayutAni cha .. 2\-78\-72 (14489) 
guDAnapi sa tAnsvAdUnsahasrashakaTairnR^ipaH.
etAni sarvANyAdAya dadau kuntIsutAya saH .. 2\-78\-73 (14490) 
anye cha pArthivA rAjannAnAdeshasamAgatAH.
ratnAni vividhAngR^ihya daduste kauravAya tu .. 2\-78\-74 (14491) 
jambUdvIpe samaste tu sarAShTravanaparvate.
karaM tu na prayachCheta nAsti pArthasya pArthivaH .. 2\-78\-75 (14492) 
naraH saptasu varShesu tadyaj~ne nAsti nAgataH.
kraturnAnAgaNaiH kIrNo babhau shakrasado yathA .. 2\-78\-76 (14493) 
imAMshcha dAyAnvividhAnnibodha mama pArthiva.
yaj~nApthe rAjabhirdattAnmahato dhanasa~nchayAn .. 2\-78\-77 (14494) 
merumandarayormadhye shailodAmabhito nadIm.
ye te kIchakaveNUnAM ChAyAM ramyAmupAsate .. 2\-78\-78 (14495) 
khaShA ekAsanAdyarhAH pradarA dIrghaveNavaH.
pAradAshcha kulindAshcha ta~NkaNAH parata~NkaNAH .. 2\-78\-79 (14496) 
tadvai pipIlikaM nAma uddhR^itaM yatpipIlikaiH.
jAtarUpaM droNameyamahArShuH ku~njasho narAH .. 2\-78\-80 (14497) 
kR^iShNavAlAMshcha chamarA~nChuklavAlAMstathA parAn.
himavatpuShpajaM chaiva svAdukShaudrarasaM bahu .. 2\-78\-81 (14498) 
uttarebhyaH kurubhyashcha vyUDhamAlyairmahAtmabhiH.
uttarAdapi kailAsAdoShadhIH sumahAbalAH .. 2\-78\-82 (14499) 
pArvatIyAshcharAjAna AhR^itya praNatAH sthitAH.
ajAtashatrave rAjandvAri tiShThanti vAritAH .. 2\-78\-83 (14500) 
ye parArghyA himavataH sUryodayagireranu.
evaMrUpAH samudrAnte lauhityamabhitashcha ye .. 2\-78\-84 (14501) 
phalamUlAshanA ye cha kirAtAshcharmavAsasaH.
chandnAgarumukhyAni mahArhAnkambalAni cha ..  2\-78\-85 (14502) 
charmaratnasuvarNAni gandhAnuchchAvachAni cha.
kairAtakInAmayutaM dAsInAM cha vishaMpate ..  2\-78\-86 (14503) 
AhR^itya ramaNIyArthAndUragAnmR^igapakShiNaH.
nichitaM parvatebhyashcha hiraNyaMbhUrivarchasam ..  2\-78\-87 (14504) 
baliM cha kR^itstramAdAya dvAri tiShTanti vAritAH.
kApavyA daradA darvAH shUrA vai yamakAstathA ..  2\-78\-88 (14505) 
audumbarA durvibhAgA dvAri tiShTanti vAritAH.
kAshmIrAshcha kumArAshcha gaurakA haMsakAstathA ..  2\-78\-89 (14506) 
shibitraigartayaudheyA rAjanyA madrakaiH saha.
vasuteyAH samauleyA dAhakShudrakamAlavaiH .. 2\-78\-90 (14507) 
chauNDikAshchaudakAshchaiva sAlvAshchaiva vishampate.
a~Nkava~NkAshcha yavanA anavadyA gayaiH saha .. 2\-78\-91 (14508) 
sujAtayaH shreNimantaH shreyAMsaH shastradhAriNaH.
AhArShuH kShatriyA vittaM shatasho.ajAtashatravai .. 2\-78\-92 (14509) 
va~NkAH kali~NgA magadhAstAmraliptAH sapuNDrakAH.
dukUlaM kaushikaM chaiva patrorNaM chaiva bhArata .. 2\-78\-93 (14510) 
upAvR^ittA nR^ipAstasya daduH prItiM na chAgaman.
uchyante tatra hi dvArsthairbalimAdAya viShThitAH .. 2\-78\-94 (14511) 
IShAdantAnhemakakShyAnpadmavarNAnkuthAvR^itAn.
shailAbhAnnityamattAMshchApyabhitaH kAmyakaM saraH .. 2\-78\-95 (14512) 
kShamAvataH kulInAMshcha ku~njarAnsaparichChadAn.
dattvaikaiko dashashatAndvAreNa pravishantviti .. 2\-78\-96 (14513) 
vaidehakAshcha puNDrAshcha gauleyAstAmraliptakAH.
marukAH kAshikA dardA bhaumeyA naTanATakAH .. 2\-78\-97 (14514) 
karNATAH kAMsyakuTTAshcha padmajAlAH satInarAH.
dAkShiNAtyAH pulindAshcha shaverAsta~NkaNAH shaShAH .. 2\-78\-98 (14515) 
barbarA yavanAshchaiva gargarAbhIrakAstathA.
pallavAH shakakArUshAstumbakAH kAshikAstadA .. 2\-78\-99 (14516) 
ete chAnye cha bahavo nAnAdigabhyaH samAgatAH.
anyaishchopahR^itAnyatra ratnAni hi mahAtmabhiH .. 2\-78\-100 (14517) 
samudrasAravaiDUryAnmuktAH sha~NkhAstathaiva cha.
shubhAvartA~nChubhA~nChuktIH siMhalAH samupAharan .. 2\-78\-101 (14518) 
sambhR^itAnmaNichIraishcha shyAmAMstAmrAntalochanAn.
rAjA chitraratho nAma gandharvo vAsavAnugaH. 
shatAni chatvAryadadaddhayAnAM vAtaraMhasAm ..  2\-78\-102 (14519) 
tumburustu pramudito gandharvo vAjinAM shatam.
AmrapatrasavarNAnAmadadaddhemamAlinAm .. 2\-78\-103 (14520) 
kR^itI rAjA cha kauravya shUkarANAM vishAmpate.
adadadgajaratnAnAM shatAni subahUnyatha .. 2\-78\-104 (14521) 
virATena tu matsyena balyarthaM hemamAlinAm.
ku~njarANAM sahasre dve mattAnAM samupAhR^ite .. 2\-78\-105 (14522) 
pAMsurAShTrAdvamudAno rAjA ShaDviMshatiM gajAn.
ashvAnAM chasahasre dve rAjankA~nchanamAlinAm .. 2\-78\-106 (14523) 
javasatvopapannAnAM vayasthAnAM narAdhipa.
baliM cha kR^itsnamAdAya pANDavebhyo nyavedayat .. 2\-78\-107 (14524) 
yaj~nasenena dAsInAM sahasrANi chaturdasha.
dAsAnAmayutaM chaiva sadArANAM vishAmpate .. 2\-78\-108 (14525) 
gajayuktA mahArAja rathAH ShaDviMshatistathA.
rAjyaM cha kR^itsnaM pArthebhyo yaj~nArthaM vai niveditam .. 2\-78\-109 (14526) 
vAsudevo.api vArShNeyo mAnaM kurvankirITinaH.
adadadgajamukhyAnAM sahasrANi chaturdasha .. 2\-78\-110 (14527) 
AtmA hi kR^iShNaH pArthasya kR^iShNasyAtmA dhana~njayaH.
yadbrUyAdarjunaH kR^iShNaM sarvaM kuryAdasaMshayam .. 2\-78\-111 (14528) 
kR^iShNo dhana~njayasyArthe svargalokamapi tyajet.
tathaiva pArthaH kR^iShNArthe prANAnapi parityajet .. 2\-78\-112 (14529) 
surabhIMshchandanarasAnhemakumbhasamAsthitAn.
malayAddardurAchchaiva chandanAgurusa~nchayAn .. 2\-78\-113 (14530) 
maNiratnAni bhAsvanti kA~nchanaM sUkShmavastrakam.
cholapANDyAvapi dvAraM na lebhAte hyupasthitau .. 2\-78\-114 (14531) 
samudrasAraM vaidUryaM muktAsa~NghAMstathaiva cha.
shatashashcha kuthAMstatra siMhalAH samupAharan .. 2\-78\-115 (14532) 
saMvR^itA maNichIraistu shyAmAstAmrAntalochanAH.
tA gR^ihItvA narAstatra dvAri tiShThanti vAritAH .. 2\-78\-116 (14533) 
prItyarthaM brAhmaNashchaiva kShatriyAshcha vinirjitAH.
upAjahrurvishashchaiva shUdrAH shushrUShavastathA .. 2\-78\-117 (14534) 
prItyA cha bahumAnAchchApyupAgachChanyudhiShThiram.
sarve mlechChAH sarvavarNA AdimadhyAntajAstathA .. 2\-78\-118 (14535) 
nAnAdeshasamutthaishchana nAnAjitibhireva cha.
paryasta iva loko.ayaM yudhiShThiraniveshane .. 2\-78\-119 (14536) 
uchchAvachAnupagrAhAnrAjabhiH prApitAnbahUn.
shatrUNAM pashyato duHkhAnmumUrShA me vyajAyata .. 2\-78\-120 (14537) 
bhR^ityAstu ye pANDavAnAM tAMste vakShyAmi pArthiva.
yeShAmAmaM cha pakvaM cha saMvidhatte yudhiShThiraH .. 2\-78\-121 (14538) 
ayutaM trINi padmAni gajArohAH sasAdinaH.
rathAnAmarbudaM chApi pAdAtA bahavastathA .. 2\-78\-122 (14539) 
pramIyamANamAM cha pachyamAnaM tathaiva cha.
visR^ijyamAnaM chAnyatra puNyAhasvana eva cha .. 2\-78\-123 (14540) 
nAbhuktavantaM nApItaM nAla~NkR^itamasatkR^itam.
apashyaM sarvavarNAnAM yudhiShThiraniveshane .. 2\-78\-124 (14541) 
aShTAshItisahasrANi snAtakA gR^ihamedhinaH.
triMshaddAsIka ekaiko yAnbibharti yudhiShThiraH. 
suprItAH paritR^iShTAshcha te hyAshaMsattyarikShayam ..  2\-78\-125 (14542) 
dashAnyAni sahasrANi yatInAmUrdhvaretasAm.
bhu~njate rukmapAtrIbhiryudhiShThiraniveshane .. 2\-78\-126 (14543) 
abhuktaM bhuktavadvApi sarvamAkubjavAmanam.
abhu~njAnA yAj~nasenI pratyavaikShadvishAmpate .. 2\-78\-127 (14544) 
dvau karau na prayachChetAM kuntIputrAya bhArata.
sAmbandhikenapA~nchAlAH sakhyenAndhakavR^iShNayaH .. .. 2\-78\-128 (14545) 

iti shrImanmahAbhArate sabhAparvaNi dyUtaparvaNi aShTasaptatitamo.adhyAyaH ..78\..

##Mahabharata - Sabha Parva - Chapter Footnotes##

2\-78\-2 nAvidamiti sambandhaH . api tathApi mukhyato vakShyamANaM dhanaM pratipadyasvetyartha H. phalato jAtaM vastrAdi. bhUmito jAtaM hIrAdi ..
2\-78\-5 vastrANi dhAnyadravyaM cha gha.pAThaH ..
2\-78\-104


\medskip\hrule\medskip
sabhAparva \- adhyAya 079
.. shrIH ..
2\.79\. adhyAyaH 79 

##Mahabharata - Sabha Parva - Chapter Topics##
duryodhanena dhR^itarAShTrasamIpe rAjasUyavarNanAdi .. 1\..

##Mahabharata - Sabha Parva - Chapter Text##

duryodhana uvAcha ..

AryAstu ye vai rAjAnaH satyasandhA mahAvratAH.
paryAptavidyA vaktAro vedAntAvabhR^ithaplutAH .. 2\-79\-1 (14546) 
dhR^itimanto hrIniShevA dharmAtmAno nAshasvinaH.
mUrdhAbhiShiktAste chainaM rAjAnaH paryupAMsate .. 2\-79\-2 (14547) 
dakShiNArthaM samAnIta rAjabhiH kAMsyadohanAH.
AraNyA bahusAhasrA apashyaMstatratatra gAH .. 2\-79\-3 (14548) 
Ajahrastatra satkR^itya svayamudyamya bhArata.
abhiShekArthamavyagrA bhANDamuchchAvachaM nR^ipAH .. 2\-79\-4 (14549) 
bAhlIko rathamAhArShIjjAmbUnadavibhUShitam.
sudakShiNastu yuyuje shvetaiH kAmbhojajairhayaiH .. 2\-79\-5 (14550) 
sunIthaH prItimAMshchaiva hyanukarShaM mahAbalaH.
dhvajaM chedipatishchaivamahArShItsvayamudyatam .. 2\-79\-6 (14551) 
dAkShiNAtyaH sannahanaM sraguShNIShe cha mAgadhaH.
vasudAno maheShvAso gajendraM ShaShTihAyanam .. 2\-79\-7 (14552) 
matsyastvakShAnhemanaddhAnekalavya upAnahau.
AvantyastvabhiShekArthamapo bahuvidhAstathA .. 2\-79\-8 (14553) 
chekitAna upAsa~NgaM dhanuH kAshya upAharat.
asiM cha sutsaruM shalyaH shaikyaM kA~nchanabhUShaNam .. 2\-79\-9 (14554) 
abhyapi~nchattato dhaumyo vyAsashcha samuhAtapAH.
nAradaM cha puraskR^itya devalaM chAsitaM munim .. 2\-79\-10 (14555) 
prItimanta upAtiShThannabhiShekaM maharShayaH.
jAmadagnyena sahitAstathAnye vedapAragAH .. 2\-79\-11 (14556) 
abhijagmarmahAtmAno mantravadbhUridakShiNam.
mahendramiva devendraM divi saptarShayo yathA .. 2\-79\-12 (14557) 
adhArayachChatramasya sAtyakiH satyavikramaH.
dhana~njayashcha vyajane bhImasenashcha pANDavaH .. 2\-79\-13 (14558) 
chAmare chApi shuddhe dve yamau jagR^ihatustathA.
upAgR^ihNAdyamindrAya purAkalpe prajApatiH .. 2\-79\-14 (14559) 
tamasmai sha~NkhamAhArShIdvAruNaM kalashodadhiH.
shaikyaM niShkasahasreNa sukR^itaM vishvakarmaNA .. 2\-79\-15 (14560) 
tenAbhiShiktaH kR^iShNena tatra me kashmalo.abhavat.
gachChanti pUrvAdaparaM samudraM chApi dakShiNam .. 2\-79\-16 (14561) 
uttaraM tu gachChanti vinA tAta patatrribhiH.
tatra sma dadhmuH shatashaH sha~NkhAnma~NgalakArakAn .. 2\-79\-17 (14562) 
prANadanta samAdhmAtAstato romANi me.ahR^iShan.
prApatanbhUmipAlAshcha ye tu hInAH svatejasA .. 2\-79\-18 (14563) 
dhR^iShTadyumnaH pANDavAshcha sAtyakiH keshavo.aShTamaH.
satvasthA vIryasampannA hyanyonyapriyadarshanAH .. 2\-79\-19 (14564) 
visa~nj~nAnbhUmipAndR^iShTvA mAM cha te prAhasaMstadA.
tataH prahR^iShTo bIbhatsuH prAdAddhemaviShANinAm .. 2\-79\-20 (14565) 
shatAnyanaDuhAM pa~ncha dvijamukhyeShu bhArata.
na rantidevo nAbhAgo yauvanAshvo manurna cha .. 2\-79\-21 (14566) 
na cha rAjA pR^ithurvainyo na chApyAsIdbhagIrathaH.
yayAtirnahuSho vApi yathA rAjA yudhiShThiraH .. 2\-79\-22 (14567) 
yathA.atimAtraM kaunteyaH shriyA paramayA yutaH.
rAjasUyamavApyaivaM harishchandra iva prabhuH .. 2\-79\-23 (14568) 
etAM dR^iShTA shriyaM pArthe harishchandre yathA vibho.
kathaM tu jIvitaM shreyo mama pashyasi bhArata .. 2\-79\-24 (14569) 
andheneva yugaM naddhaM viparyastaM narAdhipa.
kanIyAMso vivardhante jyeShThA hIyanta eva cha .. 2\-79\-25 (14570) 
evaM dR^iShTvA nAbhivindAmi sharma
samIkShamANo.api kurupravIra. 
tenAhamevaM kR^ishatAM gatashcha
vivarNatAM chaiva sashokatAM cha .. ..  2\-79\-26 (14571) 

iti shrImanmahAbhArate sabhAparvaNi dyUtaparvaNi UnAshItitamo.adhyAyaH ..79 ..

##Mahabharata - Sabha Parva - Chapter Footnotes##

2\-79\-2 hIniShevA lajjAvantaH ..


\medskip\hrule\medskip
sabhAparva \- adhyAya 080
.. shrIH ..
2\.80\. adhyAyaH 80 

##Mahabharata - Sabha Parva - Chapter Topics##
duryodhanamprati dhR^itarAShTreNa pANDaveShu dveShaniShedhanam .. 1\..

##Mahabharata - Sabha Parva - Chapter Text##

dhR^itarAShTra uvAcha.

tvaM vai jyeShTho jyaiShThineyaH putra mA pANDavAndviShaH.
dveShA hyasukhamAdatte yathaiva nighanaM tathA .. 2\-80\-1 (14572) 
avyutpannaM samAnArthaM tulyamitraM yudhiShThiram.
adviShantaM kathaM dviShyAttvAdR^isho bharatarShabha .. 2\-80\-2 (14573) 
tulyAbhijanavIryashcha kathaM bhrAtuH shriyaM nR^ipa.
putra kAmayase mohAnmaivaM bhUH shAmya mA shuchaH .. 2\-80\-3 (14574) 
atha yaj~navibhUtiM tAM kA~NkShase bharatarShabha.
R^itvijastava tanvantu saptatantuM mahAdhvaram .. 2\-80\-4 (14575) 
AhariShyanti rAjAnastavApi vipulaM dhanam.
prItyA cha bahumAnAchcha ratnAnyAbharaNAni cha .. 2\-80\-5 (14576) 
anAryAcharitaM tAta parasvaspR^ihaNaM bhR^isham.
svasantuShTaH svadharmastho yaH sa vai sukhamedhate .. 2\-80\-6 (14577) 
`mahI kAmadughA sA hi vIrapatnIti chochyate.
tathA vIrasya bhAryA shrIste ime hi kalatravat .. 2\-80\-7 (14578) 
tavApyasti he chedvIryaM bhokShyase hi mahImimAm ..  2\-80\-8 (14579) 
ayuktamidametattu parasvaharaNaM bhR^isham.
ubhayorlokayorduHkhaM suhR^idAM kA~NkShato.anayam .. 2\-80\-9 (14580) 
avyApAraH parArteShu nityodyogaH svakarmasu.
rakShaNaM samupAttAnAmetadvaibhavalakShaNam .. 2\-80\-10 (14581) 
vipattiShvavyatho dakSho nityamutthAnavAnnaraH.
apramatto vinItAtmA nityaM bhadrANi pashyati .. 2\-80\-11 (14582) 
bAhUnivaitAnmA chChetsIH pANDuputrAstathaiva te.
bhrAtR^iNAM taddhanArthaM vai mitradrohaM cha mA kuru .. 2\-80\-12 (14583) 
pANDoH putrAnmA dviShasveha rAjaM\-
stathaiva te bhrAtR^idhanaM samagram. 
mitradrohe tAta mahAnagharmaH
pitAmahA ye tava te.api teShAm ..  2\-80\-13 (14584) 
antarvedyAM dadadvittaM kAmAnanubhavanpriyAn.
krIDanstrIbhirnirAta~NkaH prashAmya bharatarShabha .. .. 2\-80\-14 (14585) 

iti shrImanmahAbhArate sabhAparvaNi dyUtaparvaNi ashItitamo.adhyAyaH ..80 ..

##Mahabharata - Sabha Parva - Chapter Footnotes##

2\-80\-1 jyeShThAyA apatyaM jyaiShThineyaH ..
2\-80\-2 avyutpannaM parakapaTAnabhij~nam . samAnArthaM tulyadhanam. tulyamitraM tvanmitrA drohiNam adviShantaM cha tvAmapIti sheShaH ..


\medskip\hrule\medskip
sabhAparva \- adhyAya 081
.. shrIH ..
2\.81\. adhyAyaH 81 

##Mahabharata - Sabha Parva - Chapter Topics##
duryodhanena dhR^itarAShTroktipratikUlabhAShaNam .. 1\..

##Mahabharata - Sabha Parva - Chapter Text##

duryodhana uvAcha ..

yasya nAsti nijA praj~nA kevalaM tu bahushrutaH.
na sa jAnAti shAstrArthaM darvI sUparasAniva .. 2\-81\-1 (14586) 
jAnanvai mohayati mAM nAvi nauriva saMyatA.
svArthe kiM nAvadhAnaM te utAho dveShTi mAM bhavAn .. 2\-81\-2 (14587) 
na santIme dhArtarAShTrA yeShAM tvamanushAsitA.
bhaviShyamarthamAkhyAsi sarvadA kR^ityamAtmanaH .. 2\-81\-3 (14588) 
paraneyo.agraNIryasya sa mArgAnpratimuhyati.
panthAnamanugachCheyuH kathaM tasya padAnugAH .. 2\-81\-4 (14589) 
rAjanpariNatapraj~no vR^iddhasevI jitendriyaH.
pratipannAnsvakAryeShu saMmohayasi no bhR^isham .. 2\-81\-5 (14590) 
lokavR^ittAdrAjavR^ittamanyadAha bR^ihaspatiH.
tasmAdrAj~nA.apramattena svArthashchintyaH sadaiva hi .. 2\-81\-6 (14591) 
kShatriyasya mahArAja jaye vR^ittiH samAhitA.
sa vai dharmastvadharmo vA svavR^ittau kA parIkShaNA .. 2\-81\-7 (14592) 
prakAlayeddishaH sarvAH pratodeneva sArathiH.
pratyamitrashriyaM dIptAM jighR^ikShurbharatarShabha .. 2\-81\-8 (14593) 
prachChanno vA prakAsho vA yogo yo.ariM prabAdhate.
tadvai shastraM shastravidAM na shastraM ChedanaM smR^itam .. 2\-81\-9 (14594) 
shatrushchaiva hi mitraM cha na lekhyaM na cha mAtR^ikA.
yo vai santApayati yaM sa shatruH prochyate nR^ipa .. 2\-81\-10 (14595) 
asantoShaH shriyo mUlaM tasmAttaM kAmayAmyaham.
samuchChraye yo yatate sa rAjanparamo nayaH .. 2\-81\-11 (14596) 
mamatvaM hi na kartavyamaishvarye vA dhane.api vA.
pUrvAvAptaM harantyanye rAjadhramaM hi taM viduH .. 2\-81\-12 (14597) 
adrohasamaMya kR^itvA chichCheda namucheH shiraH.
shakraH sA.abhimatA tasya ripau vR^ittiH sanAtanI .. 2\-81\-13 (14598) 
dvAvetau grasate bhUmiH sarpo bilashayAniva.
rAjAnaM chAviroddhAraM brAhmaNaM chApravAsinam .. 2\-81\-14 (14599) 
nAsti vai jAtitaH shatruH puruShasya vishAmpate.
yena sAdhAraNI vR^ittiH sa shatrurnetaro janaH .. 2\-81\-15 (14600) 
shatrupakShaM samR^idhyantaM yo mohAtsamupekShate.
vyAdhirApyAyita iva tasya mUlaM Chinatti saH .. 2\-81\-16 (14601) 
alpo.api hyariratyarthaM vardhamAnaH parAkramaiH.
valmIko mUlaja iva grasate vR^ikShamantikAt .. 2\-81\-17 (14602) 
AjamIDha riporlakShmIrmA te rochiShTa bhArata.
eSha bhAraH satvavatAM na yaH shirasi dhiShThitaH .. 2\-81\-18 (14603) 
janmavR^iddhimivArthAnAM yo vR^iddhimAbhikA~NkShate.
edhate j~nAtiShu sa vai sadyo vR^iddhirhi vikramaH .. 2\-81\-19 (14604) 
nAprApya pANDavaishvaryaM saMshayo me bhaviShyati.
avApsye vA shriyaM tAM hi shayiShye vA hato yudhi .. 2\-81\-20 (14605) 
etAdR^ishasya kiM me.adya jIvitena vishAmpate.
vardhante pANDavA nityaM vayaM svasthiravR^iddhayaH .. .. 2\-81\-21 (14606) 

iti shrImanmahAbhArate sabhAparvaNi dyUtaparvaNi ekAshItitamo.adhyAyaH ..81 ..

##Mahabharata - Sabha Parva - Chapter Footnotes##

2\-81\-3 kR^ityaM idAnIM kartavyam ..
2\-81\-14 apravAsinaM tIrthATanAdirahitam ..
2\-81\-15 sAdhAraNI tulyA vR^ittirjIvikA . ekAmiShatvamityarthaH ..


\medskip\hrule\medskip
sabhAparva \- adhyAya 082
.. shrIH ..
2\.82\. adhyAyaH 82 

##Mahabharata - Sabha Parva - Chapter Topics##
duryodhanamprati shakuninA dyUtAya protsAhanam .. 1\.. dhR^itarAShTrAj~nayA shilpibhiH sabhAnirmANam .. 2\.. dhR^itarAShTreNa pANDavAnayanAya vidurapreShaNam .. 3\..

##Mahabharata - Sabha Parva - Chapter Text##

shakuniruvAcha ..

yAM tvametAM shriyaM pANDuputre yudhiShThire.
tapyase tAM hariShyAmi dyUtena jayatAM vara .. 2\-82\-1 (14607) 
AhUyatAM paraM rAjankuntIputro yudhiShThiraH.
agatvA saMshayamahamayuddhvA cha chamUmukhe .. 2\-82\-2 (14608) 
akShAnkShipannakShataH sanvidvAnaviduSho jaye.
glahAndhanUMShi me viddhi sharAnakShAMshcha bhArata .. 2\-82\-3 (14609) 
akShANAM hR^idayaM me jyAM rathaM viddhi mamAsphuram ..  2\-82\-4 (14610) 
duryodhana uvAcha. 2\-82\-5x (1533) 
ayamutsahate rAjachChriyamAhartumakShavit.
dyUtena pANDuputrebhyastadanuj~nAtumarhasi .. 2\-82\-5 (14611) 
dhR^itarAShTra uvAcha. 2\-82\-6x (1534) 
sthito.asmi shAsane bhrAturvidurasya mahAtmanaH.
tena sa~Ngamya vetsyAmi kAryasyAsya vinishchayam .. 2\-82\-6 (14612) 
duryodhana uvAcha .. 2\-82\-7x (1535) 
`kR^iShNAdabhyAdhikaH so.api kShattA boddhA vishAmpate.
kevalaM dharmamevAha na tadvijayasAdhakam .. 2\-82\-7 (14613) 
jayashcha dharmatopetastathaiva bharatarShabha.
tasmAdvinayato jetA tAvubhau cha virodhinau'.. 2\-82\-8 (14614) 
vyapaneShyati te buddhiM viduro muktasaMshayaH.
pANDavAnAM hite yukto na tathA mama kaurava .. 2\-82\-9 (14615) 
nArabhetAnyasAmarthyAtpuruShaH kAryamAtmanaH.
matisAmyaM dvayornAsti kAryeShu kurunandana .. 2\-82\-10 (14616) 
bhayaM pariharanmatta AtmAnaM paripAlayan.
varShAsu klinnavaTavattiShThannaivAvasIdati .. 2\-82\-11 (14617) 
na vyAdhayo nApi yamaH prAptuM shreyaH pratIkShate.
yAvadeva bhavetkalpastAvachChreyaH samAcharet .. 2\-82\-12 (14618) 
dhR^itarAShTra uvAcha .. 2\-82\-13x (1536) 
sarvathA putra balibhirvigraho me rochate.
vairaM vikAraM sR^ijati tadvai shastramanAyasam .. 2\-82\-13 (14619) 
anarthamarthaM manyase rAjaputra
sa~NgranthanaM kalahasyAtiyAti. 
tadvai pravR^ittaM tu yathAkatha~nchit
sR^ijedasInnishitAnsAyakAMshcha ..  2\-82\-14 (14620) 
duryodhana uvAcha .. 2\-82\-15x (1537) 
dyUte purANairvyavahAraH praNIta\-
statrAtyayo nAsti na samprahAraH. 
tadrochatAM shakunervAkyamadya
sabhAM kShipraM tvamihAj~nApayasva ..  2\-82\-15 (14621) 
svargadvAraM dIvyatAM no vishiShTaM
tadvartinAM chApi tathaiva yuktam. 
bhavedevaM hyAtmanA tulyameva
durodaraM pANDavaistvaM kuruShva ..  2\-82\-16 (14622) 
dhR^itarAShTra uvAcha. 2\-82\-17x (1538) 
vAkyaM na me rochate yattvayoktaM
yatte priyaM tatkriyatAM narendra. 
pashchAttapsyase tadupAkramya vAkyaM
na hIdR^ishaM bhAvi vacho hi dharmyam ..  2\-82\-17 (14623) 
dR^iShTaM hyetadvidureNai sarvaM
vipashchitA buddhividyAnugena. 
tadevaitadavashasyAbhyupaiti
mahadbhayaM kShatriyajIvaghAti ..  2\-82\-18 (14624) 
vaishampAyana uvAcha .. 2\-82\-19x (1539) 
evamuktvA dhR^itarAShTro manIShI
daivaM matvA paramaM dustaraM cha. 
shashAsochchaiH puruShAnputravAkye
sthito rAjA daivasaMmUDhachetAH ..  2\-82\-19 (14625) 
sahasrastambhAM hemavaidUryachitrAM
shatadvArAM toraNasphATikADhyAm. 
sabhAmagryAM kroshamAtrAyatAM me
tadvistArAmAshu kurvantu yuktAH ..  2\-82\-20 (14626) 
shrutvA tasya tvaritA nirvisha~NkAH
prAj~nA dakShAstAM tadA chakrurAshu. 
sarvadravyANyupajahruH sabhAyAM
sahasrashaH shilpinashchaiva yuktAH ..  2\-82\-21 (14627) 
kAlenAlpenAtha niShThAM gatAM tAM
sabhAM ramyAM bahuratnAM vichitrAm. 
chitrairhaimairAsanairabhyupetA\-
mAchakhyuste tasya rAj~naH pratItAH ..  2\-82\-22 (14628) 
tato vidvAnviduraM mantrimukhya\-
muvAchedaM dhR^itarAShTro narendraH. 
yudhiShThiraM rAjaputraM cha gatvA
madvAkyena kShipramihAnayasva ..  2\-82\-23 (14629) 
sabheyaM me bahuratnA vichitrA
shayyAsanairupapannA mahArhaiH. 
sA dR^ishyatAM bhrAtR^ibhiH sArdhametya
muhR^iddyUtaM vartatAmatra cheti ..  2\-82\-24 (14630) 
vaishampAyana uvAcha .. 2\-82\-25x (1540) 
matamAj~nAya putrasya dhR^itarAShTro narAdhipaH.
matvA cha dustaraM daivametadrAjaMshchakAra ha .. 2\-82\-25 (14631) 
anyAyena tathoktastu viduro viduShAM varaH.
nAbhyanandadvacho bhrAturvachanaM chedamabravIt .. 2\-82\-26 (14632) 
vidura uvAcha .. 2\-82\-27x (1541) 
nAbhinande nR^ipate praiShametaM
maivaM kR^ithAH kulanAshAdbibhemi. 
putrairbhinnaH kalahaste dhruvaM syA\-
detachCha~Nke dyUtakR^ite narendra ..  2\-82\-27 (14633) 
dhR^itarAShTra uvAcha. 2\-82\-28x (1542) 
neha kShattaH kalahastapsyate mAM
na cheddaivaM pratilomaM bhaviShyat. 
ChAtrA tu diShTasya vashe kiledaM
sarvaM jagachcheShTati na svatantram ..  2\-82\-28 (14634) 
tadadya vidura prApya rAjAnaM mama shAsanAt.
kShipramAnaya durdharShaM kuntIputraM yudhiShThiram .. .. 2\-82\-29 (14635) 

iti shrImanmahAbhArate sabhAparvaNi dyUtaparvaNi dvyashItitamo.adhyAyaH .. 82 ..

##Mahabharata - Sabha Parva - Chapter Footnotes##

2\-82\-3 glahAn paNAn ..
2\-82\-4 AsphuramakShavinyAsapAtanAdisthAnam ..
2\-82\-8 vinayataH anayAt ..
2\-82\-16 durodaraM dyUtam ..


\medskip\hrule\medskip
sabhAparva \- adhyAya 083
.. shrIH ..
2\.83\. adhyAyaH 83 

##Mahabharata - Sabha Parva - Chapter Topics##
vidurasya indraprasthagamanam .. 1\.. pANDavAnAM dyUtasabhApraveshaH .. 2\..

##Mahabharata - Sabha Parva - Chapter Text##

vaishampAyana uvAcha ..

tataH prAyAdviduro.ashvairudArai\-
rmahAjavairbalibhiH sAdhu dAntaiH. 
balAnniyukto dhR^itarAShTreNa rAj~nA
manIShiNAM pANDavAnAM sakAshe ..  2\-83\-1 (14636) 
so.abhipatya tadadhvAnamAsAdya nR^ipateH puram.
pravivesha mahAbuddhiH pUjyamAno dvijAtibhiH .. 2\-83\-2 (14637) 
sa rAjagR^ihamAsAdya kuberabhavanopamam.
abhyAgachChata dharmAtmA dharmaputraM yudhiShThiram .. 2\-83\-3 (14638) 
taM vai rAjA satyadhR^itirmahAtmA
ajAtashatrurviduraM yathAvat. 
pUjApUrvaM pratigR^ihyAjamIDha\-
stato.apR^ichChaddhR^itarAShTraM saputram ..  2\-83\-4 (14639) 
yudhiShThira uvAcha .. 2\-83\-5x (1543) 
vij~nAyate te manaso.apraharShaH
kachchitkShattaH kushalenAgato.asi. 
kachchitputrAH sthavirasyAnulomA
vashAnugAshchApi visho.atha kachchit ..  2\-83\-5 (14640) 
vidura uvAcha .. 2\-83\-6x (1544) 
rAjA mahAtmA kushalI saputra
Aste vR^ito j~nAtibhirindrakalpaH. 
prIto rAjanputraguNairvinIto
vishoka evAtmaratirmahAtmA ..  2\-83\-6 (14641) 
idaM tu tvAM kururAjo.abhyuvAcha
pUrvaM pR^iShTvA kushalaM chAvyayaM cha. 
iyaM sabhA tvatsabhAtulyarUpA
bhrAtR^INAM te dR^isyatAmetya putra ..  2\-83\-7 (14642) 
samAgamya bhrAtR^ibhiH pArtha tasyAM
suhR^iddyUtaM kriyatAM ramyatAM cha. 
prIyAmahe bhavatAM sa~Ngamena
samAgatAH kuravashchApi sarve ..  2\-83\-8 (14643) 
durodarA vihitA ye tu tatra
mahAtmanA dhR^itarAShTreNa rAj~nA. 
tAndrakShyase kitavAnsanniviShTA\-
nityAgato.ahaM nR^ipate tajjuShasva ..  2\-83\-9 (14644) 
yudhiShThara uvAcha .. 2\-83\-10x (1545) 
dyUte kShattaH kalaho vidyate naH
ko vai rochatane budhyamAnaH. 
kiM vA bhavAnmanyate yuktarUpaM
bhavadvAkye sarva eva sthitAH smaH ..  2\-83\-10 (14645) 
vidura uvAcha .. 2\-83\-11x (1546) 
jAnAmyahaM dyUtamanarthamUlaM
kR^itashcha yatno.asya mayA nivAraNe. 
rAjA cha mAM prAhimottvatsakAshaM
shrutvA vidva~nshreya ihAcharasva ..  2\-83\-11 (14646) 
yudhiShThira uvAcha .. 2\-83\-12x (1547) 
ke tatrAnye kitavA dIvyamAnA
vinA rAj~no dhR^itarAShTrasya putraiH. 
pR^ichChAmi tvAM vidura brUhi nastAn
yairdIvyAmaH shatashaH sannipatya ..  2\-83\-12 (14647) 
vidura uvAcha .. 2\-83\-13x (1548) 
gandhArarAjaH shakunirvishAmpate
rAjA.atidevI kR^itahasto matAkShaH. 
viniMshatishchitrasenashcha rAjA
satyavrataH purumitro jayashcha ..  2\-83\-13 (14648) 
yudhiShThira uvAcha .. 2\-83\-14x (1549) 
mahAbhayAH kitavAH sanniviShTA
mAyopadhA devitAro.atra santi. 
dhAtrA tu diShTasya vashe kiledaM
sarvaM jagattiShThati na svatantram ..  2\-83\-14 (14649) 
nAhaM rAj~no dhR^itarAShTrasya shAsanA\-
nna gantumichChAmi kave durodaram. 
iShTo hi putrasya pitA sadaiva
tadasmi kartA vidurAttha mAM yathA ..  2\-83\-15 (14650) 
na chAkAmaH shakuninA devitAhaM
na chenmAM jiShNurAhvayitA sabhAyAm. 
AhUto.ahaM na nivarte kadAchit
tadAhitaM shAshvataM vai vrataM me ..  2\-83\-16 (14651) 
vaishampAyana uvAcha .. 2\-83\-17x (1550) 
evamuktvA viduraM dharmarAjaH
prAyAtrikaM sarvamAj~nApya tUrNam. 
prAyAchChvobhUte sagaNaH sAnuyAtraH
saha strIbhirdaupadAmAdi kR^itvA ..  2\-83\-17 (14652) 
daivaM hi praj~nAM muShNAti chakShusteja ivApatat.
dhAtushcha vashamanveti pAshairiva naraH sitaH .. 2\-83\-18 (14653) 
ityuktvA prayayau rAjA saha kShatrrA yudhiShThiraH.
amR^iShyamANastasyAtha samAhvAnamarindamaH .. 2\-83\-19 (14654) 
bAhlikena rathaM yattamAsthAya paravIrahA.
parichChanno yayau pArtho bhrAtR^ibhiH saha pANDavaH. 
rAjashriyA dIpyamAno yayau brahmapuraH saraH ..  2\-83\-20 (14655) 
`sandidesha tataH preShyAnAgatAnnagaraM prati.
tataste nR^ipashArdUla chakrurvai nR^ipashAsanam .. 2\-83\-21 (14656) 
tato rAjA mahAtejAH saMyamya saparichChadam.
brAhmaNaiH svasti vAchyAtha prayayau mandirAdbahiH  2\-83\-22 (14657) 
brAhmaNebhyo dhanaM dattvA gatyarthaM sa yathAvidhi.
anyebhyaH sa tu dattvA cha gantumevopachakrame .. 2\-83\-23 (14658) 
sarvalakShaNasampannaM rAjahaMsaparichChadam.
tamAruhya mahArAjo gajendraM ShaShTihAyanam .. 2\-83\-24 (14659) 
hArI kirITI hemAbhaH sarvAbharaNabhUShitaH.
rarAja rAjanpArtho vai parayA nR^ipashobhayA .. 2\-83\-25 (14660) 
rukmavedigataH prAjyo jvalanniva hutAshanaH.
tato jagAma rAjA sa prahR^iShTanaravAhanaH .. 2\-83\-26 (14661) 
rathaghoSheNa mahatA pUrayanvai nabhaH sthalam.
saMstUyamAnaH stutibhiH sUtamAgadhabandibhiH .. 2\-83\-27 (14662) 
mahAsainyena sahito yathAdityaH svarashmibhiH.
pANDureNAtapatreNa dhriyamANena mUrdhani .. 2\-83\-28 (14663) 
babhau yudhiShThiro rAjA paurNamAsyAmivoDurAT.
chAmarairhemadaNDaishcha dhUyamAnaH samantataH .. 2\-83\-29 (14664) 
jayAshiShaH prahR^iShTAnAM narANAM pathi pANDavaH.
pratyagR^ihNAdyathAnyAyaM yathaAvadbharatarShabhaH .. 2\-83\-30 (14665) 
tathaiva sainikA rAjanrAjAnamanuyAnti ye.
teShAM halahalAshabdo divaM stabdhaH pratiShThitaH .. 2\-83\-31 (14666) 
nR^ipasyAgne yayau rAjanbhImaseno rathI balI.
ubhau pArshvagatau rAj~naH satalpau vai sukalpitau .. 2\-83\-32 (14667) 
adhirUDhau yamau chApi jagmaturbharatarShabha.
shobhayantau mahAsainyaM tAvubhau rUpashAlinau .. 2\-83\-33 (14668) 
pR^iShThato.anuyayau jiShNurvIraH shastrabhR^itAM varaH.
shvetAshvo gANDivaM gR^ihya agnidattaM rathaM gataH .. 2\-83\-34 (14669) 
sainyamadhye yayau rAjankururAjo yudhiShThiraH.
draupadIpramukhA nAryaH sAnugAH saparichChadAH .. 2\-83\-35 (14670) 
Aruhya tA vichitrA~Ngyo yAnAni vividhAni cha.
mahatyA senayA rAjannagre yAnAni vividhAni cha.  2\-83\-36 (14671) 
samR^iddhanaranAgAshvaM sapatAkarathadhvajam.
saMnaddhavaranistriMshaM pathi nirghoShaniH svanam .. 2\-83\-37 (14672) 
sha~NkhadundubhitAlAnAM veNuvINAnuvanAditam.
shushubhe pANDavaM sainyaM prayAsyattattadA nR^ipa .. 2\-83\-38 (14673) 
yathA kubero la~NkAyAM purA chAtyantashobhayA.
mahatyA senayA sArdhaM gurumindraM sa gachChati .. 2\-83\-39 (14674) 
tathA yayau sa pArtho.api asa~NkhyeyavibhUtinA.
susamR^iddhena sainyena yathA vaishravaNastathA .. 2\-83\-40 (14675) 
sa sarAMsi nadIshchaiva vanAnyupavanAni cha.
atyakrAmanmahArAja purIM chAbhyavapadyata .. 2\-83\-41 (14676) 
sa hAstinasamIpe tu kururAjo yudhiShThiraH.
chakre niveshanaM tatra tataH sa sahasainikAH .. 2\-83\-42 (14677) 
shive deshe same chaiva nyavasatpANDavastadA.
tatorAjansamAhUya shokavihvalayA girA .. 2\-83\-43 (14678) 
etadvAkyaM cha sarvasvaM dhR^itarAShTrachikIrShitam.
AchachakShe yathAvR^ittaM viduro.atha nR^ipasya ha .. 2\-83\-44 (14679) 
tachChrutvA bhAShitaM tena dharmarAjo.abravIdidam.
na marShayAmyahaM kShattaH samAhvAnaM vrataM hi me. 
svastyastu loke viprANAM prajAnAM chaiva sarvadA ..  2\-83\-45 (14680) 
vaishampAyana uvAcha .. 2\-83\-46x (1551) 
pravivesha tato rAjA nagaraM nAgasAhvayam.
dhR^itarAShTreNa chAhUtaH kAlasya samayena cha'.. 2\-83\-46 (14681) 
sa hAstinapuraM gatvA dhR^itarAShTragR^ihaM yayau.
samiyAya cha dharmAtmA dhR^itarAShTreNa pANDavaH .. 2\-83\-47 (14682) 
tathA bhIShmeNa droNena karNena cha kR^ipeNa cha.
samiyAya yathAnyAyaM drauNinA cha vibhuH saha  2\-83\-48 (14683) 
sametya cha mahAbAhuH somadattena chaiva ha.
dUryodhanena sabhrAtrA saubalena cha vIryavAn .. 2\-83\-49 (14684) 
ye chAnye tatra rAjAnaH pUrvameva samAgatAH.
duHshAsanena vIreNa sarvairbhrAtR^ibhireva cha .. 2\-83\-50 (14685) 
jayadrathena cha tathA kurubhishchApi sarvashaH.
tataH sarvairmahAbAhurbhrAtR^ibhiH piravAritaH .. 2\-83\-51 (14686) 
pravivesha gR^ihaM rAj~no dhR^itarAShTrasya dhImataH.
dadarsha tatra gAndhArIM devIM patimanuvratAm .. 2\-83\-52 (14687) 
snuShAbhiH saMvR^itAM shashvattArAbhiriva rohiNIm.
abhivAdya sa gAndhArIM tayA cha pratinanditaH .. 2\-83\-53 (14688) 
dadarsha pitaraM vR^iddhaM praj~nAchakShuShamIshvaram ..  2\-83\-54 (14689) 
rAj~nA mUrdhanyupAghrAtAste cha kauravanandanAH.
chatvAraH pANDavA rAjanbhImasenapurogamAH .. 2\-83\-55 (14690) 
tato harShaH samabhavatkauravANAM vishAmpate.
tAndR^iShTvA puruShavyAghrAnpANDavAnpriyadarshanAn .. 2\-83\-56 (14691) 
vivishuste.abhyanuj~nAtA ratnavanti gR^ihANi cha.
dadR^ishushchopayAtAro dropadIpramukhAH striyaH .. 2\-83\-57 (14692) 
yAj~nasenyAH parAmR^iddhiM dR^iShTvA prajvalitAmiva.
snuShAstA dhR^itarAShTrasya nAtipramanaso.abhavan .. 2\-83\-58 (14693) 
tataste puruShavyAghrA gtavA strIbhistu saMvidam.
kR^itvA vyAyAmapUrvANi kR^ityAni pratikarma cha .. 2\-83\-59 (14694) 
tataH kR^itAhnikAH sarve divyachandanabhUShitAH.
kalyANamanasashchaiva brAhmaNAnsvasti vAchya cha .. 2\-83\-60 (14695) 
manoj~namashanaM bhuktvA vivishuH sharaNAnyatha.
upagIyamAnA nArIbhirasvapankurupu~NgavAH .. 2\-83\-61 (14696) 
jagAma teShAM sA rAtriH puNyA rativihAriNAm.
stUyamAnAshcha vishrAntAH kAle nidrAmathAtyajan .. 2\-83\-62 (14697) 
mukhoShitAste rajanIM prAtaH sarve kR^itAhnikAH.
sabhAM ramyAM pravivishuH kitavairabhinanditAH .. .. 2\-83\-63 (14698) 

iti shrImanmahAbhArate sabhAparvaNi dyUtaparvaNi vyashItitamo.adhyAyaH ..83 ..

##Mahabharata - Sabha Parva - Chapter Footnotes##

2\-83\-2 dvijAtibhistraivarNikaiH ..
2\-83\-6 AtmaratiH AtmanaH svasyotkarSha eva ratiryasya natu dharmamanvIkShate iti bhAvaH ..
2\-83\-7 avyayaM dhanAderavinAsham ..
2\-83\-9 durodarA dyUtakarAH ..
2\-83\-17 Adi avibhaktikanirdeshaH ..
2\-83\-57 yAtAraH yAtaraH ..
2\-83\-59 saMvidaM mithaH kathAm . vyAyAmaH shramAnodanavyApAraH pUrvo yeShAM tAni. pratikara ma keshaprasAdhanAdipariShkAram ..


\medskip\hrule\medskip
sabhAparva \- adhyAya 084
.. shrIH ..
2\.84\. adhyAyaH 84 

##Mahabharata - Sabha Parva - Chapter Topics##
shakuniyudhiShThirayoH saMvAdaH .. 1\.. dyUtanirdhAraNam ..2\..

##Mahabharata - Sabha Parva - Chapter Text##

vaishampAyana uvAcha ..

pravishya tAM sabhAM pArthA yudhiShThirapurogamAH.
sametya pArthivAnsarvAnpUjArhAnabhipUjya cha .. 2\-84\-1 (14699) 
yathAvayaH sameyAnA upaviShTA yathArhataH.
AsaneShu vichitreShu sparddhyAstaraNavatsu cha .. 2\-84\-2 (14700) 
teShu tatropaviShTeShu sarveShvatha nR^ipeShu cha.
shakuniH saubalastatra yudhiShThiramabhAShata .. 2\-84\-3 (14701) 
shakuniruvAcha .. 2\-84\-4x (1552) 
upastIrNA sabhA rAjansarve tvayi kR^itakShaNAH.
akShAnuptvA devanasya samayo.astu yudhiShThira .. 2\-84\-4 (14702) 
yudhiShThira uvAcha. 2\-84\-5x (1553) 
nitirdevanaM pApaM na kShAtro.atra parAkramaH.
na cha nItirdhruvA rAjankiM tvaM dyUtaM prashaMsasi .. 2\-84\-5 (14703) 
na hi mAnaM prashaMsanti nikR^itau kitavasya hi.
shakune maivaM no.ajaiShIramArgeNa nR^ishaMsavat .. 2\-84\-6 (14704) 
shakuniruvAcha. 2\-84\-7x (1554) 
yo vetti sa~NkhyA nikR^itau vidhij~na\-
shcheShTAsvakhinnaH kitavo.akShajAsu. 
mahAmatiryashcha jAnAti dyUtaM
sa vai sarvaM sahate prakriyAsu ..  2\-84\-7 (14705) 
akShaglahaH so.abhibhavetparaM na\-
stenaiva doSho bhavatIha pArtha. 
dIvyAmahe pArthiva mA visha~NkAM
kuruShva pANaM cha chiraM cha mA kR^ithAH ..  2\-84\-8 (14706) 
yudhiShThira uvAcha. 2\-84\-9x (1555) 
evamAhAyamasito devalo munisattamaH.
imAni lokadvArANi yo vai bhrAmyati sarvadA .. 2\-84\-9 (14707) 
idaM vai devanaM pApaM nikR^ityA kitavaiH saha.
dharmeNa tu jayo yuddhe tatparaM na tu devanam .. 2\-84\-10 (14708) 
nAryA mlechChanti bhAShAbhirmAyayA na charantyuta.
ajihyamashaThaM yuddhametatsatpuruShavratam .. 2\-84\-11 (14709) 
shaktito brAhmaNArthAya shikShituM prayatAmahe.
tadvai vittaM mAtidevIrmAjaiShIH shakune parAn .. 2\-84\-12 (14710) 
nikR^ityA kAmaye nAhaM sukhAnyuta dhanAni vA.
kitavasyeha kR^itino vR^ittametanna pUjyate .. 2\-84\-13 (14711) 
shakuniruvAcha. 2\-84\-14x (1556) 
shrotriyaH shrotriyAneti nikR^ityaiva yudhiShThira.
vidvAnaviduSho.abhyeti nAhustAM nikR^itiM janAH .. 2\-84\-14 (14712) 
akShairhi shikShito.abhyeti nikR^ityaiva yudhiShThira.
vidvAnaviduSho.abhyeti nAhustAM nikR^itiM janAH .. 2\-84\-15 (14713) 
akR^itAstraM kR^itAsrashcha durbalaM balavattaraH.
evaM karmasu sarveShu nikR^ityaiva yudhiShThiraH. 
vidvAnaviduShobhyeti nAhustAM nikR^itiM janAH ..  2\-84\-16 (14714) 
evaM tvaM mAmihAbhyetya nikR^itiM yadi manyase.
devanAdvinivartasva yadi te vidyate bhayam .. 2\-84\-17 (14715) 
yudhiShThira uvAcha .. 2\-84\-18x (1557) 
AhUto na nivarteyamiti me vratamAhitam.
vidhishcha balavAnrAjandiShTasyAsmi vashe sthitaH .. 2\-84\-18 (14716) 
asminsamAgame kena devanaM me bhaviShyati.
pratipANashcha ko.anyosti tato dyUtaM pravartatAm .. 2\-84\-19 (14717) 
duryodhana uvAcha. 2\-84\-20x (1558) 
ahaM dAtAsmi ratnAnAM dhanAnAM cha vishAmpate.
madarthe devitA chAyaM shakunirmAtulo mama .. 2\-84\-20 (14718) 
yudhiShThira uvAcha .. 2\-84\-21x (1559) 
anyenAnyasya vai dyUtaM viShamaM pratibhAti me.
etadvidvinnupAdatsva kAmamevaM pravartatam .. .. 2\-84\-21 (14719) 

iti shrImanmahAbhArate sabhAparvaNi dyUtaparvaNi chaturashItitamo.adhyAyaH ..84 ..

##Mahabharata - Sabha Parva - Chapter Footnotes##

2\-84\-5 pApaM pApahetuH ..
2\-84\-8 pANaM paNanIyadravyam ..


\medskip\hrule\medskip
sabhAparva \- adhyAya 085
.. shrIH ..
2\.85\. adhyAyaH 85 

##Mahabharata - Sabha Parva - Chapter Topics##
bhIShamadroNAdInAM dyUtasabhApraveshaH .. 1\.. dyUtIpakramaH .. 2\.. yudhiShThireNa paNIkR^itAnAM sarvavastUnAM shakuninA apahAraH .. 3\..

##Mahabharata - Sabha Parva - Chapter Text##

vaishampAyana uvAcha ..

upohyamAne dyUte tu rAjAnaH sarva eva te.
dhR^itarAShTraM puraskR^itya vivishustAM sabhAM tataH .. 2\-85\-1 (14720) 
bhIShmo droNaH kR^ipashchaiva vidurashcha mahAmatiH.
nAtiprItena manasA te.anvavartanta bhArata .. 2\-85\-2 (14721) 
te dvandvashaH pR^ithachkaiva siMhagrIvA mahaujasaH.
siMhAsanAni bhUriNI vichitrANi cha bhejire .. 2\-85\-3 (14722) 
shushubhe sA sabhA rAjanrAjabhistaiH samAgataiH.
devairiva mahAbhAgaiH samavetaistriviShTapam .. 2\-85\-4 (14723) 
sarve vedavidaH shUrAH sarve bhAsvaramUrtayaH.
pravartata mahArAja suhR^iddyUtamanantaram .. 2\-85\-5 (14724) 
yudhiShThira uvAcha .. 2\-85\-6x (1560) 
ayaM buhadhano rAjansAgarAvartasambhavaH.
maNirhArottaraH shrImAnkanakottamabhUShaNaH .. 2\-85\-6 (14725) 
etadrAjanmama dhanaM pratipANo.asti kastava.
yena mAM tvaM mahArAja dhanena pratidIvyase .. 2\-85\-7 (14726) 
duryodhana uvAcha .. 2\-85\-8x (1561) 
santi me maNayashchaiva dhanAni subahUni cha.
matsarashcha na me.artheShu jayasvainaM durodaram .. 2\-85\-8 (14727) 
vaishampAyana uvAcha .. 2\-85\-9x (1562) 
tato jagrAha shakunistAnakShAnakShatattvavit.
jitamityeva shakuniryudhiShThiramabhAShata .. 2\-85\-9 (14728) 
yudhiShThira uvAcha .. 2\-85\-10x (1563) 
matta kaitakenaiva yajjito.asmi durodare.
shakune hanta dIvyAmo glahamAnAH parasparam .. 2\-85\-10 (14729) 
santi niShkasahasrasya bhANDinyo bharitAH shubhAH.
kosho hiraNyamakShayyaM jAtarUpamanekashaH. 
etadrAjanmama dhanaM tena dIvyAmyahaM tvayA ..  2\-85\-11 (14730) 
vaishampAyana uvAcha .. 2\-85\-12x (1564) 
kauravANAM kulakaraM jyeShThaM pANDavamachyutam.
ityuktaH shakuniH prAha jitamityeva taM nR^ipam .. 2\-85\-12 (14731) 
yudhiShThira uvAcha .. 2\-85\-13x (1565) 
ayaM sahasrasamito vaiyAghraH supratiShThitaH.
suchakropaskaraH shrImAnki~NkiNIjAlamaNDitaH .. 2\-85\-13 (14732) 
saMhrAdano rAjaratho ya ihAsmAnupAvahat.
jautro rathavaraH puNyo meghasAgaraniH svanaH .. 2\-85\-14 (14733) 
aShTau yaM kurarachChAyAH sadashvA rAShTrasaMmatAH.
vahanti naiShAM muchyeta padAdbhUmimupaspR^ishan. 
etadrAjandhanaM mahyaM tena dIvyAmyahaM tvayA ..  2\-85\-15 (14734) 
vaishampAyana uvAcha .. 2\-85\-16x (1566) 
evaM shrutvA vyavasito nikR^itiM samupAshritaH.
jitamityeva shakuniryudhiShThiramabhAShata .. 2\-85\-16 (14735) 
yudhiShThira uvAcha .. 2\-85\-17x (1567) 
shataM dAsIsahasrANi taruNyo hemabhadrikAH.
kambukeyUradhAriNyo niShkakaNThyaH svala~NkR^itAH .. 2\-85\-17 (14736) 
mahArhamAlyAbharaNAH suvastrAshchandanokShitAH.
maNInhema cha bibhratyashchatuHShaShTivishAradAH .. 2\-85\-18 (14737) 
anusevAM charantImAH kushalA nR^ittasAmasu.
snAtakAnAmamAtyAnAM rAj~nAM cha mama shAsanAt. 
etadrAjanmama dhanaM tena dIvyAmyahaM tvayA ..  2\-85\-19 (14738) 
vaishampAyana uvAcha .. 2\-85\-20x (1568) 
etachChutvA vyavasito nikR^itiM samupAshritaH.
jitamityeva shakuniryudhiShThiramabhAShata .. 2\-85\-20 (14739) 
yudhiShThira uvAcha. 2\-85\-21x (1569) 
etAvanti cha dAsAnAM sahasrANyuta santi me.
pradakShiNAnulomAshcha prAvAravasanAH sadA .. 2\-85\-21 (14740) 
prAj~nA medhAvino dAntA yuvAno mR^iShTakuNDalAH.
pAtrIhastA divArAtramatithInbhojayantyuta. 
etadrAjanmama dhanaM tena dIvyAmyahaM tvayA ..  2\-85\-22 (14741) 
vaishampAyana uvAcha .. 2\-85\-23x (1570) 
etachChrutvA vyavasito nikR^itiM samupAshritaH.
jitamityeva shakuniryudhiShThirabhAShata .. 2\-85\-23 (14742) 
yudhiShThira uvAcha .. 2\-85\-24x (1571) 
sahasrasa~NkhyA nagA me mattAstiShThanti saubala.
hemakakShAH kR^itApIDAH padmino hemamAlinaH .. 2\-85\-24 (14743) 
sudAntA rAjavahanAH sarvashabdakShamA yudhi.
IShAdantA mahAkAyAH sarve chAShTakareNavaH .. 2\-85\-25 (14744) 
sarve cha purabhettAro navameghanibhA gajAH.
etadrAjanmama dhanaM tena dIvyAmyahaM tvayA .. 2\-85\-26 (14745) 
vaishampAyana uvAcha .. 2\-85\-27x (1572) 
ityevaMvAdinaM pArthaM prahasanniva saubalaH.
jitamityeva shakuniryudhiShThiramabhAShata .. 2\-85\-27 (14746) 
yudhiShThira uvAcha .. 2\-85\-28x (1573) 
rathAstAvanta eveme hemadaNDAH patAkinaH.
hayairvinItaiH sampannA rathibhishchitrayodhibhiH .. 2\-85\-28 (14747) 
ekaiko hyatra labhate sahasraparamAM bhR^itim.
yudhyato.ayudhyato vApi vetanaM mAsakAlikam. 
etadrAjanma dhanaM tena dIvyAmyahaM tvayA ..  2\-85\-29 (14748) 
vaishampAyana uvAcha .. 2\-85\-30x (1574) 
ityevamukte vachane kR^itavairo durAtmavAn.
jitamityeva shakuniryudhiShThiramabhAShata .. 2\-85\-30 (14749) 
yudhiShThira uvAcha .. 2\-85\-31x (1575) 
ashvAMstittirikalmAShAngAndharvAnhemamAlinaH.
dadau chitrarathastuShTo yAMstAngANDIvadhanvane .. 2\-85\-31 (14750) 
yuddhe jitaH parAbhUtaH prItipUrvamarindamaH.
etadrAjanmama dhanaM tena dIvyAmyahaM tvayA .. 2\-85\-32 (14751) 
vaishampAyana uvAcha .. 2\-85\-33x (1576) 
etachChrutvA vyavasito nikR^itiM samupAshritaH.
jitamityeva shakuniryudhiShThiramabhAShata .. 2\-85\-33 (14752) 
yudhiShThira uvAcha .. 2\-85\-34x (1577) 
rathAnAM shakaTAnAM cha shreShThAnAM chAyutAni me.
yuktAnyeva hi tiShThanti vAhairuchchAvachaistathA .. 2\-85\-34 (14753) 
evaM varNasya varNasya samuchchIya sahasrashaH.
yathA samuditA vIrAH sarve vIraparAkramAH .. 2\-85\-35 (14754) 
kShIraM pibantastiShThanti bhu~njAnAH shAlitaNDulAn.
ShaShTistAni sahasrANi sarve vipulavakShasaH. 
etadrAjanmama dhanaM tena dIvyAmyahaM tvayA ..  2\-85\-36 (14755) 
vaishampAyana uvAcha .. 2\-85\-37x (1578) 
etachChratvA vyavasito nikR^iti samupAshritaH.
jitamityeva shakuniryudhiShThiramabhAShata .. 2\-85\-37 (14756) 
yudhiShThira uvAcha. 2\-85\-38x (1579) 
tAmralohaiH parivR^itA nidhayo ye chatuH shatAH.
pa~nchadrauNika ekaikaH suvarNasyAhatasya vai .. 2\-85\-38 (14757) 
jAtarUpasya mukhyasya nArgho yasya hi bhArata.
etadrAjanmama dhanaM tena dIvyAmyahaM tvayA .. 2\-85\-39 (14758) 
vaishampAyana uvAcha .. 2\-85\-40x (1580) 
etachChrutvA vyavasito nikR^itiM samupAshritaH.
jitamityeva shakuniryudhiShThiramabhApataH .. .. 2\-85\-40 (14759) 

iti shrImanmahAbhArate sabhAparvaNi dyUtaparvaNi pa~nchAshItitamo.adhyAyaH ..85 ..

##Mahabharata - Sabha Parva - Chapter Footnotes##

2\-85\-8 durodaraM paNam ..
2\-85\-11 bhANDinyo ma~njaShAH ..
2\-85\-17 kambavaH sha~NkhavalayAni . niShpo vakShobhUShaNam ..
2\-85\-18 chatuShShaShTikalAsu vishAradAH ..
2\-85\-19 nR^ittasAmasu nartane gItivisheSheShu cha ..
2\-85\-24 kR^itapIDAH kR^itabhUShaNAH ..
2\-85\-25 IShA lA~NgaladaNDaH . aShTakareNavaH, aShTahastinIkAH ..


\medskip\hrule\medskip
sabhAparva \- adhyAya 086
.. shrIH ..
2\.86\. adhyAyaH 86 

##Mahabharata - Sabha Parva - Chapter Topics##
vidureNa dhR^itarAShTraM prati duryodhananindApUrvakaM dyUtoparamachodanam ..1\..

##Mahabharata - Sabha Parva - Chapter Text##

vaishampAyana uvAcha ..

evaM pravartite dyUte ghore sarvApahAriNi.
sarvasaMshayanirmoktA viduro vAkyamabravIt .. 2\-86\-1 (14760) 
mahArAja vijAnIhi yattvAM vakShyAmi bhArata.
mumUrShorauShadhamiva na rochetApi te shrutam .. 2\-86\-2 (14761) 
yadvai purA jAtamAtro rurAva
gomAyuvadvisvaraM pApachetAH. 
duryodhano bhAratAnAM kulaghnaH
so.ayaM yukto bhavatAM kAlahetuH ..  2\-86\-3 (14762) 
gR^ihe vasantaM gomAyuM tvaM vai mohAnna budhyase.
duryodhanasya rUpeNa shR^iNu kAvyAM giraM mama .. 2\-86\-4 (14763) 
madhu vai mAdhviko labdhvA prapAtaM naiva budhyate.
Aruhya taM majjati vA patanaM chAdhigachChati .. 2\-86\-5 (14764) 
so.ayaM matto.akShadyUtena madhuvanna pIrakShate.
prapAtaM budhyate naiva vairaM kR^itvA mahArathaiH .. 2\-86\-6 (14765) 
viditaM me mahAprAj~na bhojeShvevAsama~njasam.
putraM saMtyaktavAnpUrvaM paurANAM hitakAmyayA .. 2\-86\-7 (14766) 
andhakA yAdavA bhojAH sametAH kaMsamatyajan.
niyogAttu hate tasminkR^iShNenAmitraghAtinA .. 2\-86\-8 (14767) 
evaM te j~nAtayaH sarve modamAnAH shataM samAH.
tvanniyuktaH savyasAchI nigR^ihNAtu suyodhanam .. 2\-86\-9 (14768) 
nigrahAdasya pAdasya modantAM kuravaH sukham.
kAkenemAMshchitravarhA~nshArdUlAnkroShTukena cha. 
krINIShva pANDavAnrAjanmA majjIH shokasAgare ..  2\-86\-10 (14769) 
tyajetkulArthe puruShaM grAmasyArthe kulaM tyajet.
grAmaM janapadasyArthe AtmArthe pR^ithivIM tyajet .. 2\-86\-11 (14770) 
sarvaj~naH sarvabhAvaj~naH sarvashatrubhaya~NkaraH.
iti sma bhAShate kAvyo jambhatyAge mahA.asurAn .. 2\-86\-12 (14771) 
hiraNyaShThIvinaH kAMshchitpakShiNo vanagocharAn.
gR^ihe kila kR^itAvAsA.NllobhAdrAjA nyapIDayat. 
sa chopabhogalobhAndho hiraNyArthI parantapa ..  2\-86\-13 (14772) 
AyatiM cha tadAtvaM cha ubhe sadyo vyanAshayat.
tadarthakAmastadvattvaM mAdruhaH pANDavAnnR^ipa .. 2\-86\-14 (14773) 
mohAtmA tapsyase pashchAtpatrihA puruSho yathA.
jAta~njAtaM pANDavebhyaH puShpamAdatsva bhArata .. 2\-86\-15 (14774) 
mAlAkAra ivArAme snehaM kurvanpunaH punaH.
vR^ikShAna~NgArakArIva mainAdyAkShIH samUlakAn. 
mA gamaH samutAmAtyaH sabalashcha yamakShayam ..  2\-86\-16 (14775) 
samavetAnhi kaH pArthAnpratiyudhyeta bhArata.
marudbhiH sahito rAjannapi sAkShAnmarutpatiH .. 2\-86\-17 (14776) 
dyUtaM mUlaM kalahasyAbhyupaiti
mitho bhedaM mahate dAruNAya. 
tadA sthito.ayaM dhR^itarAShTrasya putro
duryodhanaH sR^ijate vairamugram ..  2\-86\-18 (14777) 
prAtipeyAH shAntanavA bhImasenAH sabAhnikAH.
duryodhanAparAdhena kR^ichChraM prApsyanti sarvashaH .. 2\-86\-19 (14778) 
duryodhano madenaiva kShemaM vyapohati.
viShANaM gauriva madAtsvayamArujatetmanaH .. 2\-86\-20 (14779) 
yashchittamanveti parasya rAjan
vIraH kaviH svAmavamatya dR^iShTim. 
nAvaM samudra iva bAlanetrA\-
mAruhya ghore vyasane nimajjet ..  2\-86\-21 (14780) 
duryodhano glahate pANDavena
prIyAyase tvaM jayatIti tachcha. 
atinarmA jAyate saMprahAro
yato vinAshaH samupaiti puMsAm ..  2\-86\-22 (14781) 
AkarShaste.avAkphalaH supraNIto
hR^idi prauDho mantrapadaH samAdhiH. 
yudhiShThireNa kalahastavAya\-
machintito.abhimataH svabandhunA ..  2\-86\-23 (14782) 
prAtipeyAH shAntanavAH shR^iNudhvaM
kAvyAM vAchaM saMsadi kauravANAm. 
vaishvAnaraM prajvalitaM sughoraM
mA yAsyadhvaM mandamanuprapannaH ..  2\-86\-24 (14783) 
yadA manyuM pANDavo.ajAtashatru\-
rna saMyachChedakShamadAbhibhUtaH. 
vR^ikodaraH savyasAchI yamau cha
ko.atra dvIpaH syAttumule vastadAnIm ..  2\-86\-25 (14784) 
mahArAja prabhavastvaM dhanAnAM
purA dyUtAnmanasA yAvadichCheH. 
bahuvittAnpANDavAMshchejjayastvaM
kiM te tatsyAdvasu vindeha pArthAn ..  2\-86\-26 (14785) 
jAnImahe devitaM saubalasya
veda dyUte nikR^itiM pArvatIyaH. 
yataH prAptaH shakunistatra yAtu
mA yUyudho bhArata pANDaveyAn .. ..  2\-86\-27 (14786) 

iti shrImanmahAbhArate sabhAparvaNi dyUtaparvaNi ShaDashItitamo.adhyAyaH .. 86\..

##Mahabharata - Sabha Parva - Chapter Footnotes##

2\-86\-4 kAvyaM kavinA shukreNoktAM nItigiram ..
2\-86\-5 mAdhviko madhupaNyavAn . prapAtaM bhR^igum ..
2\-86\-8 niyogAddaivayogAt ..
2\-86\-10 chitravarhAn mayUrAn ..
2\-86\-14 AyatimuttarakAlam . tadAtvaM sAMpratam. tattasmAt. arthakAmo dhanakAmaH ..
2\-86\-15 patrihA pakShihA ..
2\-86\-21 bAlanetrAmavyutpannanetR^ikAm ..
2\-86\-22 glahate paNaM karoti . prIyAyase atishayena prIyase ..
2\-86\-23 AkarSho dyUtam ..
2\-86\-26 jayaH ajayaH ..


\medskip\hrule\medskip
sabhAparva \- adhyAya 087
.. shrIH ..
2\.87\. adhyAyaH 87 

##Mahabharata - Sabha Parva - Chapter Topics##
duryodhanena viduropAlambhaH .. 1\.. vidureNa dhR^itarAShTrasya hitopadeshaH .. 2\..

##Mahabharata - Sabha Parva - Chapter Text##

duryodhana uvAcha ..

pareShAmeva yashasA shloghase tvaM
sadA kShattaH kutsayandhArtarAShTrAn. 
jAnImahe vidura yatpriyastvaM
bAlAnivAsmAnavamanyase nityameva ..  2\-87\-1 (14787) 
sa vij~neyaH puruSho.anyatrakAmo
nindAprashaMse hi tathA yunakti. 
jihvA.a.atmano hR^idayasthaM vyanakti
jAnImahe tvanmanasaH prAtikUlyam ..  2\-87\-2 (14788) 
utsa~Nge cha vyAla ivAhito.asi
mArjaravatpoShakaM chopahaMsi. 
bhartR^ighnaM tvAM na hi pApIya Ahu\-
stasmAtkShattaH kiM na bibheShi pApAt ..  2\-87\-3 (14789) 
jitvA shatrUnphalamAptaM mahadvai
mA.asmAnkShattaH paruShAmIha vochaH. 
dviShadbhistvaM samprayogAbhinandI
muhurdeShaM yAsi naH samprayogAt ..  2\-87\-4 (14790) 
amitratAM yAti naro.akShamaM bruva\-
nnigUhate guhyamamitrasaMstave. 
tadAshrito.apatrapa kiM nu bAdhase
yadichChasi tvaM tadihAbhibhAShatase ..  2\-87\-5 (14791) 
mA no.avamaMsthA vidya mAnastavedaM
shikShasva buddhiM sthavirANAM sakAshAt. 
yasho rakShasva vidura sampraNItaM
mA vyApR^itaH parakAryeshu bhUstvam ..  2\-87\-6 (14792) 
ahaM karteti vidUra mA cha maMsthA
mA no nityaM paruShANIha vochaH. 
na tvAM pR^ichChAmi vidura yaddhitaM me
svasti kShattarmA titikShUn kShiN tvam ..  2\-87\-7 (14793) 
ekaH shAstA na dvitIyo.asti shAstA
garbhe shayAnaM puruShaM shAsti shAstA. 
tenAnushiShTaH pravaNAdivAmbho
yathA niyukto.asti tathA bhavAmi ..  2\-87\-8 (14794) 
bhinatti shirasA shailamahiM bhojayate cha yaH.
dhIreva kurute tasya kAryANAmanushAsanam. 
yo balAdanushAstIha so.amitraM tena vindati ..  2\-87\-9 (14795) 
mitratAmanuvR^ittaM tu samupekShatyapaNDitaH.
dIpya yaH pradIptAgniM prAchkiraM nAbhidhAvati. 
bhasmApi na sa vindeta shiShTaM kvachana bhArata ..  2\-87\-10 (14796) 
na vAsayetpAravargyaM dviShantaM
visheShataH kShattarahitaM manupyam. 
sa yatrechChasi vidura tatra gachCha
susAntvitA hyasatI strI jahAti ..  2\-87\-11 (14797) 
vidura uvAcha .. 2\-87\-12x (1581) 
etAvatA puruShaM ye tyajanti
teShAM sakhyamantavadbrUhi rAjan. 
rAj~nAM hi chittAni pariplutAni
sAntvaM datvA musalairghAtayanti ..  2\-87\-12 (14798) 
abAlatvaM manyase rAjaputra
bAlo.ahamityeva sumandabuddhe. 
yaH sauhR^ide puruShaM sthApayitvA
pashchAdenaM dUShayate sa bAlaH ..  2\-87\-13 (14799) 
na shreyase nIyate mandabuddhiH
strI shrotriyasyeva gR^ihe praduShTA. 
dhruvaM na rochedbharatarShabhasya
patiH kumAryA iva ShaShTivarShaH ..  2\-87\-14 (14800) 
ataH priyaM chedanukA~NkShase tvaM
sarveShu kAryeShu hitAhiteShu 
striyashcha rAja~njaDapa~NgukAMshcha
pR^ichCha tvaM vai tAdR^ishAMshchaiva sarvAn ..  2\-87\-15 (14801) 
labhyate khalu pApIyAnnaro.anu priyavAgiha.
apriyasya hi pathyasya vaktA shrotA cha durlabhaH  2\-87\-16 (14802) 
yastu dharmaparashcha syAddhitvA bhartuH priyApriye.
apriyANyAha pathyAni tena rAjA sahAyavAn .. 2\-87\-17 (14803) 
avyAdha_ijaM kaTujaM tIkShNamuShNaM
yashomuShaM paruShaM pUtigandhim. 
satAM peyaM yanna pibantyasanto
manyuM mahArAja piba prashAmya ..  2\-87\-18 (14804) 
vaichitravIryasya yasho dhanaM cha
vA~nChAmyahaM sahaputrasya shashvat. 
yathA tathA te.astu namashchate.astu
mamApi cha svasti dishantu viprAH ..  2\-87\-19 (14805) 
AshIviShAnnetraviShAnkopayenna cha paNDitaH.
evaM te.ahaM vadAmIdaM prayataH kurunandana .. .. 2\-87\-20 (14806) 

iti shrImanmahAbhArate sabhAparvaNi dyUtaparvaNi saptAshItitamo.adhyAyaH .. 87 ..

##Mahabharata - Sabha Parva - Chapter Footnotes##

2\-87\-3 pApIyaH pApIyAMsam ..
2\-87\-11 pAravargyaM shatrupakShajAtam ..


\medskip\hrule\medskip
sabhAparva \- adhyAya 088
.. shrIH ..
2\.88\. adhyAyaH 88 

##Mahabharata - Sabha Parva - Chapter Topics##
sapatnIbhrAtR^ikasya yudhiShThirasya shakuninA parAjayaH .. 1\..

##Mahabharata - Sabha Parva - Chapter Text##

shakuniruvAcha ..

bahuvittaM parAjaiShIH pANDavAnAM yudhiShThira.
AchakShva vittaM kaunteya yadi te.astyaparAjitam .. 2\-88\-1 (14807) 
yudhiShThira uvAcha .. 2\-88\-2x (1582) 
mama vittamasa~NkhyeyaM yadahaM veda saubala.
atha tvaM shakune kasmAdvittaM samanupR^ichChasi .. 2\-88\-2 (14808) 
ayutaM prayutaM chaiva sha~NkuM padmaM tathArbudam.
kharvaM sha~NkhaM nikharvaM cha mahApadmaM cha koTayaH .. 2\-88\-3 (14809) 
madhyaM chaiva parArdhaM cha saparaM chAtra paNyatAm.
etanmama dhanaM rAjaMstena dIvyAmyahaM tvayA .. 2\-88\-4 (14810) 
vaishampAyana uvAcha .. 2\-88\-5x (1583) 
etachChutvA vyavasito nikR^itiM samupAshritaH.
jitamityeva shakuniryudhiShThiramabhAShata .. 2\-88\-5 (14811) 
yudhiShThira uvAcha .. 2\-88\-6x (1584) 
gavAshvaM bahudhenUkamasa~NkhyeyamajAvikam.
yatki~nchidanu parNAshAM prAk sindhorapi saubala. 
etanmama dhanaM sarvaM tena dIvyAmyahaM tvayA ..  2\-88\-6 (14812) 
vaishampAyana uvAcha .. 2\-88\-7x (1585) 
etachChutvA vyavasito nikR^itiM samupAshritaH.
jitamityeva shakuniryudhiShThiramabhAShata .. 2\-88\-7 (14813) 
yudhiShThira uvAcha .. 2\-88\-8x (1586) 
puraM janapado bhUmirabrAhmaNadhanaiH saha.
abrAhmaNAshcha puruShA rAja~nshiShTaM dhanaM mama. 
etadrAjanmama dhanaM tena dIvyAmyahaM tvayA ..  2\-88\-8 (14814) 
vaishampAyana uvAcha .. 2\-88\-9x (1587) 
etachChrutvA vyavasito nikR^itiM samupAshritaH.
jitamityeva shakuniryudhiShThiramabhAShata .. 2\-88\-9 (14815) 
yudhiShThira uvAcha .. 2\-88\-10x (1588) 
rAjaputrA ime rAja~nChomante yairvibhUShitAH.
kumDalAni cha niShkAshcha sarvaM rAjavibhUShaNam. 
etanmama dhanaM rAjaMstena dIvyAmyahaM tvayA ..  2\-88\-10 (14816) 
vaishampAyana uvAcha .. 2\-88\-11x (1589) 
etachChrutvA vyavasito nikR^itiM samupAshritaH.
jitamityeva shakuniryudhiShThiramabhAShata .. 2\-88\-11 (14817) 
yudhiShThira uvAcha .. 2\-88\-12x (1590) 
shyAmo yuvA lohitAkShaH siMhaskandho mahAbhujaH.
nakulo glaha evaikI viddhyetanmama taddhanam .. 2\-88\-12 (14818) 
shakuniruvAcha. 2\-88\-13x (1591) 
priyaste nakulo rAjanrAjaputro yudhiShThira.
asmAkaM vashatAM prApto bhUyaH keneha dIvyase .. 2\-88\-13 (14819) 
vaishampAyana uvAcha .. 2\-88\-14x (1592) 
evamuktvA tu tAnakShA~nshakuniH pratyadIvyata.
jitamityeva shakuniryudhiShThiramabhAShata .. 2\-88\-14 (14820) 
yudhiShThira uvAcha .. 2\-88\-15x (1593) 
ayaM dharmAnsahadevo.anushAsti
loke hyasminpaNDitAkhyAM gatashcha. 
anarhatA rAjaputreNa tena
dIvyAmyahaM chApriyavatpriyeNa ..  2\-88\-15 (14821) 
vaishampAyana uvAcha .. 2\-88\-16x (1594) 
etachChrutvA vyavasito nikR^itiM samupAshritaH.
jitamityeva shakuniryudhiShThiramabhAShata .. 2\-88\-16 (14822) 
shakuniruvAcha .. 2\-88\-17x (1595) 
mAdrIputrau priyau rAjaMstavemau vijitau mayA.
garIyAMsau tu manye bhImasenadhana~njayau .. 2\-88\-17 (14823) 
yudhiShThira uvAcha. 2\-88\-18x (1596) 
adharmaM charase nUnaM yo nAvekShasi vai nayam.
yo naH sumanasAM mUDha vibhedaM kartumichChasi .. 2\-88\-18 (14824) 
shakuniruvAcha .. 2\-88\-19x (1597) 
garte mattaH prapatate pramattaH sthANumR^ichChati.
jyeShTho rAjanvrariShTho.asi namaste bharatarShabha .. 2\-88\-19 (14825) 
svapne tAni na dR^ishyante jAgrato vA yudhiShThira.
kitavA yAni dIvyantaH pralapantyutkaTA iva .. 2\-88\-20 (14826) 
yudhiShThira uvAcha .. 2\-88\-21x (1598) 
yo naH sa~Nkhye nauriva pAranetA
jetA ripUNAM rAjaputrastarasvI. 
anarhatA lokavIreNa tena
dIvyAmyahaM shakune phAlgunena ..  2\-88\-21 (14827) 
vaishampAyana uvAcha .. 2\-88\-22x (1599) 
etachChrutvA vyavasito nikR^itiM samupAshritaH.
jitamityeva shakuniryudhiShThiramabhAShata .. 2\-88\-22 (14828) 
shakuniruvAcha. 2\-88\-23x (1600) 
ayaM mayA pANDavAnAM dhanirdharaH
parAjitaH pANDavaH savyasAchI. 
bhImena rAjandayitena dIvya
yatkaitavaM pANDava te.avashiShTam ..  2\-88\-23 (14829) 
yudhiShThira uvAcha .. 2\-88\-24x (1601) 
yo no netA yo yudhi naH praNetA
yathA vajrI dAnavashatrurekaH. 
tiryakprekShI sannatabhrUrmahAtmA
siMhaskandho yashcha sadA.atyamarShI ..  2\-88\-24 (14830) 
balena tulyo yasyapa pumAnna vidyate
gadAbhR^itAmagrya ihArimardanaH. 
anarhatA rAjaputreNa tena 
dIvyAmyahaM bhImasenena rAjan ..  2\-88\-25 (14831) 
vaishampAyana uvAcha .. 2\-88\-26x (1602) 
etachChrutvA vyavasito nikR^itiM samupAshritaH.
jitamityeva shakuniryudhiShThiramabhAShata .. 2\-88\-26 (14832) 
shakuniruvAcha. 2\-88\-27x (1603) 
bahuvittaM parAjaiShIrbhrAtR^IMshcha sahayadvipAn.
AchakShva vittaM kaunteya yadi te.astyaparAjitam .. 2\-88\-27 (14833) 
yudhiShThira uvAcha .. 2\-88\-28x (1604) 
ahaM vishiShTaH sarveShAM bhrAtR^INAM dayitastathA.
kuryAmahaM jitaH karma svayamAtmanyupalpute .. 2\-88\-28 (14834) 
vaishampAyana uvAcha .. 2\-88\-29x (1605) 
etachChrutvA vyavasito nikR^itiM samupAshritaH.
jitamityeva shakuniryudhiShThiramabhAShata .. 2\-88\-29 (14835) 
shakuniruvAcha. 2\-88\-30x (1606) 
etatpApiShThamakaroryadAtmAnaM parAjayeH.
shiShTe sati dhane rAjanpApa AtmaparAjayaH .. 2\-88\-30 (14836) 
vaishampAyana uvAcha .. 2\-88\-31x (1607) 
evamuktvA matAkShastAn glahe sarvAnavasthitAn.
parAjayallokavIrAnuktvA rAj~nAM pR^ithak pR^ithak .. 2\-88\-31 (14837) 
shakuniruvAcha .. 2\-88\-32x (1608) 
asti te vai priyA rAjan glaha eko.aparAjitaH.
paNasva kR^iShNAM pA~nchAlIM tayAtmAnaM punarjaya .. 2\-88\-32 (14838) 
yudhiShThira uvAcha .. 2\-88\-33x (1609) 
naiva hrasvA na mahatI na kR^ishA nAtirohiNI.
nIlaku~nchitakashI cha tayA dIvyAmyahaM tvayA .. 2\-88\-33 (14839) 
shAradotpalapatrAkShyA shAradotpalagandhayA.
shAradotpalasevinyA rUpeNa shrIsamAnayA .. 2\-88\-34 (14840) 
tathaiva syAdAnushaMsyAttatha syAdrUpasampadA.
tathA syAchChIlasampattyA yAmichChetpuruShaH striyam .. 2\-88\-35 (14841) 
sarvairguNairhi sampannAmanukUlAM priyaMvadAm.
yAdR^ishIM dharmakAmArthasiddhimichChennaraH striyam .. 2\-88\-36 (14842) 
charamaM saMvishati yA prathamaM pratibudhyate.
AgopAlAvipAlebhyaH sarvaM veda kR^itAkR^itam .. 2\-88\-37 (14843) 
AbhAti padmavadvaktraM sasvedaM mallikeva cha.
vedImadhyA dIrghakeshI tAmrAsyA nAtilomashA .. 2\-88\-38 (14844) 
tayaivaMvidhayA rAjanpA~nchAlyAhaM sumadhyamA.
glahaM dIvyAmi chArva~NgyA draupadyA hanta saubala .. 2\-88\-39 (14845) 
vaishampAyana uvAcha .. 2\-88\-40x (1610) 
evamukte tu vachane dharmarAjena dhImatA.
dhigdhigityeva vR^iddhAnAM sabhyAnAM niH sR^itA giraH .. 2\-88\-40 (14846) 
chukShubhe sA sabhA rAjanrAj~nAM sa~njatrire shuchaH.
bhIShmadroNakR^ipAdInAM svedashcha samajAyata .. 2\-88\-41 (14847) 
shiro gR^ihItvA viduro gatasatva ivAbhavat.
Aste dhyAyannadhovaktro niH shvasanniva pannagaH .. 2\-88\-42 (14848) 
`bAhlIkaH somadattashcha prAtipeyashcha sa~njayaH.
drauNirbhUrishravAshchaiva yuyutsurdhR^itarAShTrajaH. 
AsurvIkShya tvadhovaktrA nishvasanta ivoragAH'..  2\-88\-43 (14849) 
dhR^itarAShTrastu saMhR^iShTaH paryapR^ichChatpunaH punaH.
kiM jitaM kiM jitamiti hyAkAraM nAbhyarakShata .. 2\-88\-44 (14850) 
jaharSha karNo.atibhR^ishaM saha duHshAsanAdibhiH.
itareShAM tu sabhyAnAM netrebhyaH prApata~njalam .. 2\-88\-45 (14851) 
saubalastvabhighAyaiva jitakAshI madotkaTaH.
jitamityeva tAnakShAnpurarevAnvapadyata .. .. 2\-88\-46 (14852) 

iti shrImanmahAbhArate sabhAparvaNi dyUtaparvaNi aShTAshItitamo.adhyAyaH ..88\..

##Mahabharata - Sabha Parva - Chapter Footnotes##

2\-88\-6 parNAshA nadI ..
2\-88\-23 kaitava kitavebhya AhartavyaM dhanam ..
2\-88\-46 jitakAshI jayashobhI ..


\medskip\hrule\medskip
sabhAparva \- adhyAya 089
.. shrIH ..
2\.89\. adhyAyaH 89 

##Mahabharata - Sabha Parva - Chapter Topics##
dushshAsanena draupadyAH sabhAM pratyAnayanam .. 1\.. draupadyA sabhyAnprati prashnaH .. 2\..

##Mahabharata - Sabha Parva - Chapter Text##

duryodhana uvAcha ..

ehi kShattardraupadImAnasva
priyAM bhAryAM saMmatAM pANDavAnAm. 
saMmArjatAM veshma paraitu shIghraM
tatrAstu dAsIbhirapuNyashIlA ..  2\-89\-1 (14853) 
vidura uvAcha .. 2\-89\-2x (1611) 
darvibhAShaM bhAShitaM tvAdR^ishena
na manda sambuddhyasi pAshabaddhaH. 
prapAte tvaM lambamAno na vetsi
vyAghrAnmR^igaH kopayase.ativelam ..  2\-89\-2 (14854) 
AshIviShAste shirasi pUrNakopA mahAviShAH.
mA kopiShThAH sumandAtmanmA gamastvaM yamakShayam .. 2\-89\-3 (14855) 
na hi dAsItvamApannA kR^iShNA bhavitumarhati.
janIshena hi rAj~naiShA paNe nyasteti me matiH .. 2\-89\-4 (14856) 
ayaM datte veNurivAtmaghAtI
phalaM rAjA dhR^itarAShTrasya putraH. 
dyUtaM hi vairAya mahAbhayAya
matto na budhyatyayamantakAlam ..  2\-89\-5 (14857) 
nAruntudaH syAnna nR^ishaMsavAdI
na hInatAH paramabhyAdadIta. 
yayAsya vAchA para udvijeta
na tAM vadedushatI pApalokyAm ..  2\-89\-6 (14858) 
samuchcharantyativAdAshcha vaktrA\-
dhyaurAhataH shauchati rAtryahAni. 
parasya nAmarmasu te patanti
tAnpaNDito nAvasR^ijetpareShu ..  2\-89\-7 (14859) 
ajo hi shastramagilatkilaikaH
shastre vipanne shirasAsya bhUmau. 
nikR^intanaM svasya kaNThasya ghoraM
tadvadveraM mA kR^ithAH pANDuputraiH ..  2\-89\-8 (14860) 
na ki~nchiditthaM pravadanti pArthA
vanecharaM vA gR^ihamedhinaM vA. 
tapasvinaM vA paripUrNavidyaM
bhaShanti haivaM shvanarAH sadaiva ..  2\-89\-9 (14861) 
dvAraM sughoraM narakasya jihyaM
na budhyate dhR^itarAShTrasya putraH. 
tamanvetAro bahavaH kurUNAM
dyUtodaye saha duHshAsanena ..  2\-89\-10 (14862) 
majjantyalAbUni shilAH plavante
muhyanti nAvombhasi shashvadeva. 
mUDho rAjA dhR^itarAShTrasya putro
na me vAchaH pathyarUpAH shR^iNoti ..  2\-89\-11 (14863) 
anto nUM bhavitAyaM karUNAM
sudAruNaH sarvaharo vinAshaH. 
vAchaH kAvyAH suhR^idAM pathyarUpA
na shrUyante vardhate lobha eva ..  2\-89\-12 (14864) 
vaishampAyana uvAcha .. 2\-89\-13x (1612) 
dhigastu kShattAramiti bruvANo
darpeNa matto dhR^itarAShTrasya putraH. 
avaikShata prAtikAmIM sabhAyA\-
muvAcha chainaM paramAryamadhye ..  2\-89\-13 (14865) 
duryodhana uvAcha .. 2\-89\-14x (1613) 
tvaM prAtikAmindraupadImAnayasva
na te bhayaM vidyate pANDavebhyaH. 
kShattA hyayaM vivadatyeva bhIto
na chAsmAkaM vR^iddhikAmaH sadaiva ..  2\-89\-14 (14866) 
vaishampAyana uvAcha .. 2\-89\-15x (1614) 
evamuktaH prAtikAmI sa sUtaH
prAyAchChIghraM rAjavacho nishamya. 
pravishya cha shveva hi siMhageShThaM
samAsadanmahiShIM pANDavAnAm ..  2\-89\-15 (14867) 
prAtikAmyuvAcha. 2\-89\-16x (1615) 
yudhiShThiro dyUtamadena matto
duryodhano draupadi tvAmajaiShIt. 
sA tvaM prapadyasva dhR^itarAShTrasya veshma
nayAmi tvAM karmaNi yAj~naseni ..  2\-89\-16 (14868) 
draupadyuvAcha .. 2\-89\-17x (1616) 
kathaM tvevaM vadasi prAtikAmi\-
ko hi dIvyedbhAryayA rAjaputraH. 
mUDo rAjA dyUtamadena matto
hyabhUnnAnyatkaitavamasya ki~nchit ..  2\-89\-17 (14869) 
prAtikAmyuvAcha .. 2\-89\-18x (1617) 
yadA nAbhUtkaitavamanyadasya
tadA.adevItpANDavo.ajAtashatruH. 
nyastAH pUrvaM bhrAtarastena rAj~nA
svayaM chAtmA tvamatho rAjaputri ..  2\-89\-18 (14870) 
draupadyuvAcha .. 2\-89\-19x (1618) 
gachCha tvaM kitavaM gatvA sabhAyAM pR^ichCha sUtaja.
kiM tu pUrvaM parAjaiShIrAtmAnamathavA nu mAm .. 2\-89\-19 (14871) 
etajj~nAtvA samAgachCha tato mAM nayaM sUtaja.
j~nAtvA chikIrShitamahaM rAj~no yAsyAmi duHkhitA .. 2\-89\-20 (14872) 
vaishampAyana uvAcha .. 2\-89\-21x (1619) 
sabhAM gatvA sa chovAcha draupadyastadvachastadA.
yudhiShThiraM narenadrANAM madhye sthitamidaM vachaH .. 2\-89\-21 (14873) 
kasyesho naH parAjaiShIriti tvAmAha draupadI.
kiM nu pUrvaM parAjaiShIrAtmAnamathavApi mAm .. 2\-89\-22 (14874) 
vaishampAyana uvAcha .. 2\-89\-23x (1620) 
yudhiShThirastu nishchetA gatasatva ivAbhavat.
na taM sUtaM pratyuvAcha vachanaM sAdhvasAdhu vA .. 2\-89\-23 (14875) 
duryodhana uvAcha .. 2\-89\-24x (1621) 
ihaivAgatya pA~nchAlI prashnamenaM prabhAShatAm.
ihaiva sarve shR^iNvantu tasyAshchaitasya yadvachaH .. 2\-89\-24 (14876) 
vaishampAyana uvAcha .. 2\-89\-25x (1622) 
sa gatvA rAjabhavanaM duryodhanavashAnugaH.
uvAcha draupadIM sUtaH prAtikAmI vyathanniva .. 2\-89\-25 (14877) 
sabhyAstvamI rAjaputryAhvayanti
manye prAptaH saMshayaH kauravANAm. 
na vai samR^iddiM pAlayate laghIyAn
yastvAM sabhAM neShyati rAjaputri ..  2\-89\-26 (14878) 
draupadyuvAcha .. 2\-89\-27x (1623) 
evaM nUnaM vyadadhAtsaMvidhAtA
sparshAvubhau spR^ishato vR^iddhabAlau. 
dharmaM tvekaM paramaM prAha loke
sa naH shamaM dhAsyati gopyamAnaH ..  2\-89\-27 (14879) 
so.ayaM dharmo mA tyagAtkauravAnvai
sabhyAngatvA pR^ichCha dharmyaM vacho me. 
te mAM brUyurnishchitaM tatkariShye
dharmAtmAno nItimanto variShThAH ..  2\-89\-28 (14880) 
vaishampAyana uvAcha .. 2\-89\-29x (1624) 
shrutvA sUtastadvacho yAj~nasenyAH
sabhAM gatvA prAha vAkyaM tadAnIm. 
adhomukhAste na cha ki~nchidUchu\-
rnirbandhaM taM dhArtarAShTrasya buddhvA ..  2\-89\-29 (14881) 
yudhiShThirastu tachChrutvA duryodhanachikIrShitam.
draupadyAH saMmataM dUtaM prAhiNodbharatarShabha .. 2\-89\-30 (14882) 
ekavastra tvadhonIvo rodamAnA rajasvalA.
sabhAmAgamya pA~nchAli shvashurasyAgrato bhava .. 2\-89\-31 (14883) 
atha tvAmAgatAM dR^iShTvA rAjaputrIM sabhAM tadA.
sabhyAH sarve vininderanmanorbhirdhR^itarAShTrajam .. 2\-89\-32 (14884) 
vaishampAyana uvAcha .. 2\-89\-33x (1625) 
sa gatvA tvaritaM dUtaH kR^iShNAyA bhavanaM nR^ipa.
nyavedayanmataM dhImAndharmarAjasya nishchitam .. 2\-89\-33 (14885) 
pANDavAshcha mahAtmAno dInA duHkhasamanvitAH.
satyenAtiparItA~NgA nodIkShante sma ki~nchana .. 2\-89\-34 (14886) 
tatastveShAM mukhamAlokya rAjA
duryodhanaH sUtamuvAcha hR^iShTaH. 
ihaivaitAmAnaya prAtikAmin
pratyakShamasyAH kuravo bruvantaH ..  2\-89\-35 (14887) 
tataH sUtastasya vashAnugAmI
bhItashcha kopAddrupadAtmajAyAH. 
vihAya mAnaM punareva sabhyA\-
nuvAcha kR^iShNAM kimahaM bravImi ..  2\-89\-36 (14888) 
dUryodhana uvAcha. 2\-89\-37x (1626) 
duHshAsanaiSha mama sUtaputro
vR^ikodarAdudvijate.alpachetAH. 
svayaM pragR^ihyAnaya yAj~nasenIM
kiM te kariShyantyavashAH sapatnAH ..  2\-89\-37 (14889) 
vaishampAyana uvAcha .. 2\-89\-38x (1627) 
tataH samutthAya sa rAjaputraH
shrutvA bhrAtuH shAsanaM raktadR^iShTiH. 
pravishya tadveshma mahArathAnA\-
mityabravIddraupadIM rAjaputrIm ..  2\-89\-38 (14890) 
ehyehi pA~nchAli rAjaputrIm.
duryodhanaM pashya vimuktalajjA. 
kurUnbhajasvAyatapatranetre
dharmeNa labdhA.asi sabhAM paraihi ..  2\-89\-39 (14891) 
tataH samutthAya sudUrmanAH sA
vivarNamAmR^ijya mukhaM kareNa. 
ArtA pradudrAva yataH striyastA
vR^iddhasya rAj~naH kurupu~Ngavasya ..  2\-89\-40 (14892) 
tato javenAbhisasAra roShA\-
dduHshAsanastAmabhigarjamAnaH. 
dIrgheShu nIleShvatha chormimatsu
jagrAha kesheShu narendrapatnIm ..  2\-89\-41 (14893) 
ye rAjasUyAvabhR^ithe jalena
mahAkratau mantrapUtena siktAH. 
te pANDavAnAM paribhUya vIryaM
balAtpramR^iShTA dhR^itarAShTrajena ..  2\-89\-42 (14894) 
sa tAM parAkR^iShya sabhAsamIpa\-
mAnIya kR^iShNAmatidIrghakeshIm. 
duHshAsano nAthavatImanAthava\-
chchakarSha vAyuH kadalImivArtAm ..  2\-89\-43 (14895) 
sA kR^iShNamANA namitA~NgayaShTiH
shanairuvAchAtha rajasvalA.asmi. 
ekaM cha vAso mama mandabuddhe
sabhAM netuM nArhasi mAmanArya ..  2\-89\-44 (14896) 
tato.abravIttAM prasabhaM nigR^ihya
kesheshu kR^iShNeShu tadA sa kR^iShNAm. 
kR^iShNaM cha jiShNuM cha hariM naraM cha
trAyAya vikroshati yAj~naseni ..  2\-89\-45 (14897) 
rajasvalA vA bhava yAj~naseni
ekAmbarA vApyathavA vivastrA. 
dyUte jitA chAsi kR^itA.asi dAsI
dAsIShu vAsashcha yathopajoSham ..  2\-89\-46 (14898) 
vaishampAyana uvAcha. 2\-89\-47x (1628) 
prakIrNakeshI patitArdhavastrA
duHshAsanena vyavadhUyamAnA. 
hImatyamarSheNa cha dahyamAnA
shanairidaM vAkyamuvAcha kR^iShNA ..  2\-89\-47 (14899) 
draupadyuvAcha. 2\-89\-48x (1629) 
ime samAyAmupanItashAstrAH
kriyAvantaH sarva evendrakalpAH. 
gurusthAnA guravashchaiva sarve
teShAmagre notsahe sthAtumevam ..  2\-89\-48 (14900) 
nashaMsakarmaMstvamanAryavR^ita
mA mA vivastrAM kuru mA vikArShIH. 
na marShayeyustava rAjaputrAH
sendrApi devA yadi te sahAyAH ..  2\-89\-49 (14901) 
dharme sthito dharmasuto mahAtmA
dharmashcha sUkShmo nipuNopalakShyaH. 
vAchApi bhartuH paramANumAtra\-
michChAmi doShaM na guNAnvisR^ijya ..  2\-89\-50 (14902) 
idaM tvakAryaM kuruvIramadhye
rajasvalAM yatparikarShase mAm. 
na chApi kashchitkurute.atra kutsAM
dhruvaM tavedaM matamabhyupetaH ..  2\-89\-51 (14903) 
dhigastu naShTaH khalu bhAratAnAM
dharmastathA kShatravidAM cha vR^ittam. 
yatra hyatItAM kurudharmavelAM
prekShanti sarve kuravaH sabhAyAm ..  2\-89\-52 (14904) 
droNasya bhIShmasya cha nAsti sattvaM
kShattustathaivAsya chanAsti sattvaM 
kShattustathaivAsya mahAtmanopi.
na lakShayanti kuruvR^iddhamukhyAH ..  2\-89\-53 (14905) 
vaishampAyana uvAcha .. 2\-89\-54x (1630) 
tathA bruvantI karuNaM sumadhyamA
bhartR^InkaTAkShaiH kupitAnapashyat. 
sA pANDavAnkopaparItadehA\-
nsandIpayAmAsa kaTAkShapAtaiH ..  2\-89\-54 (14906) 
hR^itena rAjyena tathA dhanena
ratnaishcha mukhyairna tathA babhUva. 
yathA trapAkopasamIritena
kR^iShNAkaTAkSheNa babhUva duHkham ..  2\-89\-55 (14907) 
duHshAsanashchApi samIkShya kR^iShNA\-
mavekShamANAM kR^ipaNAnpatIMstAn. 
AdhUya vegena visa~nj~nakalpA\-
muvAcha dAsIti hasansashabdam ..  2\-89\-56 (14908) 
karNastu tadvAkyamatIva hR^iShTaH
sampUjayAmAsa hasansashabdam. 
gAndhArarAjaH subalasya putra\-
stathaiva duHshAsanamabhyanandat ..  2\-89\-57 (14909) 
sabhyAstu ye tatra babhUvuranye
tAbhyAmR^ite dhArtarAShTreNa chaiva. 
teShAmabhUdduH khamatIva kR^iShNAM
dR^iShTvA sabhAyAM parikR^iShyamANAm ..  2\-89\-58 (14910) 
bhIShma uvAcha. 2\-89\-59x (1631) 
na dharmasaukShmyAtsubhage vivektuM
shakromi te prashnamimaM yathAvat. 
asvAmyashaktaH paNituM parasvaM
striyAshcha bharturvashatAM samIkShya ..  2\-89\-59 (14911) 
tyajeta sarvAM pR^ithivIM samR^iddhAM
yudhiShThiro dharmamatho na jahyAt. 
uktaM jito.asmIti cha pANDavena
tasmAnna shaknomi vivektumetat ..  2\-89\-60 (14912) 
dvyUte.advitIyaH shakunirnareShu
kuntIsutastena nisR^iShTakAmaH. 
na manyate tAM nikR^itiM yudhiShThira\-
stasmAn te prashnamimaM bravImi ..  2\-89\-61 (14913) 
draupadyuvAcha. 2\-89\-61x (1632) 
AhUya rAjA kushalairanAryai\-
rduShTAtmabhirnaikR^itikaiH sabhAyAm. 
dyUtapriyairnAtikR^itaprayatnaH
kasmAdayaM nAma nisR^iShTakAmaH ..  2\-89\-62 (14914) 
ashuddhabhAvairnikR^itipravR^ittai\-
rabudhyamAnaH kurupANDavAgryaH. 
sambhUya sarvaishcha jito.api yasmA\-
tpashchAdayaM kaitavamabhyupetaH ..  2\-89\-63 (14915) 
tiShThanti cheme kuravaH sabhAyA\-
mIshAH sutAnAM cha tathA snupANAm. 
samIkShya sarve mama chApi vAkyaM
vibrUta me prashnamimaM yathAvat ..  2\-89\-64 (14916) 
na sA sabhA yatra na santi vR^iddhA
na te vR^iddhA ye na vadanti dharmam. 
nAsau dharmo yatra na satyamasti
na tatsatyaM yachChalenAnuviddham ..  2\-89\-65 (14917) 
vaishampAyana uvAcha .. 2\-89\-66x (1633) 
tathA bruvantIM karuNaM rudantI\-
mavekShamANAM kR^ipaNAnpatIMstAn. 
duHshAsanaH paruShANyapriyANi
vAkyAnyuvAchAmadhurANi chaiva ..  2\-89\-66 (14918) 
tAM kR^iShyamANAM cha rajasvalAM cha
srastottarIyAmatadarhamANAm. 
vR^ikodaraH prekShya yudhiShThiraM cha
chakAra kopaM paramArtarUpaH .. ..  2\-89\-67 (14919) 

iti shrImanmahAbhArate sabhAparvaNi dyUtaparvaNi ekonanavatitamo.adhyAyaH .. 89\..

##Mahabharata - Sabha Parva - Chapter Footnotes##

2\-89\-17 kaitavaM kitavebhyo deyaM dhanam ..
2\-89\-27 sparsho sukhaduHkhe vR^iddhabAlau spR^ishataH prApnutaH . shamaM svAsthyam ..
2\-89\-41 Urmimatsu pravahannadIjalavannimnonnateShu ..
2\-89\-49 sendrapi sendrA api ..
2\-89\-64 vibrUta vispaShTa brUta natu bhaIShmavatsandigdhamiti bhAvaH ..


\medskip\hrule\medskip
sabhAparva \- adhyAya 090
.. shrIH ..
2\.90\. adhyAyaH 90 

##Mahabharata - Sabha Parva - Chapter Topics##
bhaumavachanam .. 1\.. vikarNavachanam .. 2\.. duHshAsanena draupadIvastrApahAraH ..3\.. shrIkR^iShNaprasAdAt draupadyaH vastrarAshiprAdurbhAvaH .. 4\.. viduravachanam .. 5\..

##Mahabharata - Sabha Parva - Chapter Text##

bhIma uvAcha.

bhavanti gehe bandhakyaH kitavAnAM yudhiShThira.
bhavanti dIvyanti dayA chaivAsti tAvasvapi .. 2\-90\-1 (14920) 
kAshyo yaddhanamAhArShIddravyaM yachchAnyaduttamam.
tathA.anye pR^ithivIpAlA yAni ratnAnyupAharan .. 2\-90\-2 (14921) 
vAhanAni dhanaM chaiva kavachAnyAyudhAni cha.
rAjyamAtmA vayaM chaiva kaitavena hR^itaM paraiH .. 2\-90\-3 (14922) 
na cha me tatra kopo.abhUtsarvasyesho hi no bhavAn.
imaM tvatikramaM manyo draupadI yatra paNyate .. 2\-90\-4 (14923) 
eShA hyanarhatI bAlA pANDavAnprApya kauravaiH.
tvatkR^ite klishyate kShudrairnR^ishaMsairakR^itAtmabhiH .. 2\-90\-5 (14924) 
asyAH kR^ite manyurayaM tvayi rAjannipAtyate.
bAhU te sampradhakShyAmi sahadevAgnimAnayaH .. 2\-90\-6 (14925) 
arjuna uvAcha. 2\-90\-7x (1634) 
na purA bhImasena tvamIdR^ishIrvaditA giraH.
paraiste nAshitaM nUnaM nR^ishaMsairdharmagauravam .. 2\-90\-7 (14926) 
na sakAmAH paro kAryA dharmamevAcharottamam.
bhrAtaraM dhArmikaM jyeShThaM ko.ativartitumarhati .. 2\-90\-8 (14927) 
AhUto hi parai rAjA kShAtraM vratamanusmaran.
dIvyate parakAmena tannaH kIrtikaraM mahat .. 2\-90\-9 (14928) 
bhImasena uvAcha .. 2\-90\-10x (1635) 
evamasminkR^itaM vidyAM yadi nAhaM dhana~njaya.
dIpte.agnau sahitau bAhU nirdaheyaM balAdiva .. 2\-90\-10 (14929) 
vaishampAyana uvAcha .. 2\-90\-11x (1636) 
tathA tAnduH khitAndR^iShTvA pANDavAndhR^itarAShTrajaH.
kR^iShyamANAM cha pA~nchAlIM vikarNa idamabravIt .. 2\-90\-11 (14930) 
yAj~nasenyA yaduktaM tadvAkyaM vibrUta pArthivAH.
avivekena vAkyasya narakaH sadya eva naH .. 2\-90\-12 (14931) 
bhIShmashcha dhR^itarAShTrashcha kuruvR^iddhatamAvubhau.
sametya nAhatuH ki~nchidvidurashcha mahAmatiH .. 2\-90\-13 (14932) 
bhAradvAjashcha sarveShAmAchAryaH kR^ipa eva cha.
kuta etAvapi prashnaM nAhaturdvijasattamau .. 2\-90\-14 (14933) 
ye tvanye pR^ithivIpAlAH sametAH sarvatodisham.
kAmakrodhau samutsR^ijya te bruvantu yathAmati .. 2\-90\-15 (14934) 
yaditaM draupadI vAkyamuktavatyasakR^ichChubhA.
vimR^ishya kasya kaH pakShaH pArthivA vadatottaram .. 2\-90\-16 (14935) 
vAshampAyana uvAcha .. 2\-90\-17x (1637) 
evaM sa bahushaH sarvAnuktavAMstAnsabhAsadaH.
na cha te pR^ithivIpAlAstamUchuH sAdhvasAdhu vA .. 2\-90\-17 (14936) 
uktvA.asakR^ittathA sarvAnvikarNaH pR^ithivIpatIn.
pANau pANiM viniShpiShya niHshvasannidamabravIt .. 2\-90\-18 (14937) 
vibrUta pR^ithivIpAlA vAkyaM mA vA katha~nchani.
manye nyAyyaM yadatrAhaM tadvi vakShyAmi kauravAH .. 2\-90\-19 (14938) 
chatvAryAhurnashreShThA vyasanAni mahIkShitAm.
mR^igayAM pAnamakShAMshcha grAmye chaivAtiraktatAm .. 2\-90\-20 (14939) 
eteShu hi naraH sakto dharmamutsR^ijya vartate.
yathA.ayuktena cha kR^itAM kriyAM loko na manyate .. 2\-90\-21 (14940) 
tatheyaM pANDuputreNa vyasane vartatA bhR^isham.
samAhUtena kitavairAsthito draupadIpaNaH .. 2\-90\-22 (14941) 
sAdhAraNI cha sarveShAM pANDavAnAmaninditA.
jitena pUrvaM chAnena pANDavena kR^itaH paNaH .. 2\-90\-23 (14942) 
iyaM cha kIrtitA kR^iShNA saubalena paNArthinA.
etatsarvaM vichAryAhaM manye na vijitAmimAm .. 2\-90\-24 (14943) 
vaishampAyana uvAcha .. 2\-90\-25x (1638) 
etachChrutvA mahAnnAdaH sabhyAnAmudatiShThata.
vikarNaM shaMsamAnAnAM saubalaM chApi nindatAm .. 2\-90\-25 (14944) 
tasminnuparate shabde rAdheyaH krodhamUrChitaH.
pragR^ihya ruchiraM bAhumidaM vachanamabravIt .. 2\-90\-26 (14945) 
karNa uvAcha .. 2\-90\-27x (1639) 
dR^ishyante vai vikarNeha vaikR^itAni bahUnyapi.
tajjAtastadvinAshAya yathA.agniraraNiprajaH .. 2\-90\-27 (14946) 
ete na ki~nchidapyAhushchoditA hyapi kR^iShNayA.
dharmeNa vijitAmetAM manyante drapadAtmajAm .. 2\-90\-28 (14947) 
tvaM tu kevalabAlyena dhArtarAShTra vidIryase.
yadbravIShi sabhAmdhye bAlaH sthavirabhAShitam .. 2\-90\-29 (14948) 
na cha dharma yathAvattvaM kR^iShNAM cha jiteti sumandadhIH.
yadbravIShi jitAM kR^iShNAM na jiteti sumandadhIH .. 2\-90\-30 (14949) 
kathaM hyavijitAM kR^iShNAM manyase dhR^itarAShTraja.
yadA sabhAyAM sarvasvaM nyastavAnpANDavAgrajaH .. 2\-90\-31 (14950) 
abhyantara cha sarvasve draupadI bharatarShabha.
evaM dharmajitAM kR^iShNAM manyase na jitAM katham .. 2\-90\-32 (14951) 
kIrtitA draupadI vAchA anuj~nAtA cha pANDavaiH.
bhavatyavijitA kena hetunaiShA matA tava .. 2\-90\-33 (14952) 
manyase vA sabhAmetAmAnItAmekavAsasam.
adharmeNeti tatrApi shR^iNu me vAkyamuttamam .. 2\-90\-34 (14953) 
eko bhartA striyA devairvihitaH kurunandana.
iyaM tvanekavashagA bandhakIti vinishchitA .. 2\-90\-35 (14954) 
asyAH sabhAmAnayanaM na chitramiti me matiH.
ekAmbaradharatvaM vA.apyathavA.api vivastratA .. 2\-90\-36 (14955) 
yachchaiShAM draviNaM ki~nchidya chaiShA ye cha pANDavAH.
saubaleneha tatsarvaM dharmeNa vijitaM vasu .. 2\-90\-37 (14956) 
duHshAsana subAlo.ayaM vikarNaH prAj~navAdikaH.
pANDavAnAM cha vAsAMsi draupadyAshchApyupAhara .. 2\-90\-38 (14957) 
vaishampAyana uvAcha .. 2\-90\-39x (1640) 
tachChrutvA pANDavAH sarve svAni vAsAMsi bhArata.
avakIryottarIyANi sabhAyAM samupAvishan .. 2\-90\-39 (14958) 
tato duHshAsano rAjandraupadyA vasanaM balAt.
sabhAmadhye sabhAkShipya vyapAkraShTuM prachakrame .. 2\-90\-40 (14959) 
`AkR^iShyamANe vasane vilalApa suduHkhitA.
j~nAtaM mayA visiShThena purA gItaM mahAtmanA .. 2\-90\-41 (14960) 
mahatyApadi samprApte smartavyo bhagavAnhariH.
iti nishchitya manasA sharaNAgatavatsalam. 
AkR^iShyamANe vasane draupadI kR^iShNamastarat ..  2\-90\-42 (14961) 
sha~NkhachakragadApANe dvArakAnilayAchyuta.
govinda puNDarIkAkSha rakSha mAM sharaNAgatAm .. 2\-90\-43 (14962) 
hA kR^iShNa dvArakAvAsinkvAsi yAdavandana.
imAmavasthAM samprAptAmanAthAM kimupekShase .. 2\-90\-44 (14963) 
govinda dvArakAvAsinkR^iShNa gopIjanapriya.
kauravaiH paribhUtAM mAM kiM na jAnAsi keshava'.. 2\-90\-45 (14964) 
he nAtha he ramAnAtha vrajanAthArtinAshana.
kauravArNavagnAM mAmuddharasva janArdana .. 2\-90\-46 (14965) 
kR^iShNakR^iShNa mahAyoginvishvAtmanvishvbhAvana.
prapannAM pAhi govinda kuramadhye.avasIdatIm .. 2\-90\-47 (14966) 
ityanusmR^itya kR^iShNaM sA hariM tribhuvaneshvaram.
prArudadduH khitA rAjanmukhamAchChAdya bhAminI .. 2\-90\-48 (14967) 
tasya prasAddraupadyAH kR^iShNamANe.ambare tadA.
tadrUpamapare vastraM prAdurAsIdanekashaH .. 2\-90\-49 (14968) 
nAnArAgavirAgANi vasanAnyatha vai prabho.
prAdurbhavanti shatasho dharmasya paripAlanAt .. 2\-90\-50 (14969) 
tato halahalAshabdastatrAsIdghoradarshanaH.
tadadbhutatamaM loke vIkShya sarve mahIbhR^itaH .. 2\-90\-51 (14970) 
shashaMsurdraupadIM tatra kutsanto dhR^itarAShTrajam.
`dhigdhigityashivAM vAchamutsR^ijankauravAnprati'.. 2\-90\-52 (14971) 
yadA tu vAsasAM rAshiH sabhAmadhye samAchitaH'.
tadA duHshAsanaH shrAnto vrIDitaH samupAvishat  2\-90\-53 (14972) 
shashApa tatra bhImastu rAjamadhye bR^ihatsvanaH.
krodhAdvisphuramANauShTho viniShpiShya kare karam .. 2\-90\-54 (14973) 
bhIma uvAcha .. 2\-90\-55x (1641) 
idaM me vAkyamAdadhvaM kShatriyA lokavAsinaH.
noktapUrvaM narairanyairna chAnyo yadvadiShyati .. 2\-90\-55 (14974) 
yadyetadevamuktvA.ahaM na kuryAM pR^ithivIshvarAH.
pitAmahAnAM pUrveShAM nAhaM gatimavApnuyAm .. 2\-90\-56 (14975) 
asya pApasya durbuddherbhAratApasadasya cha.
na pibeyaM balAdvakSho bhittvA chedrudhiraM yudhi .. 2\-90\-57 (14976) 
vaishampAyana uvAcha .. 2\-90\-58x (1642) 
tasya te tadvachaH shrutvA raudraM lomapraharShaNam ..
prachakrurbahulAM pUjAM kusanto dhR^itarAShTrajam .. 2\-90\-58 (14977) 
na vibruvanti kauravyAH prashnametamiti sma ha.
sujanaH kroshati smAtra dhR^itarAShTraM vigarhayan .. 2\-90\-59 (14978) 
vidura uvAcha.
draupadI prashnamuktvaivaM roravIti tvanAthavat.  2\-90\-60 (14979) 
vaishampAyana uvAcha .. 2\-90\-61x (1643) 
tasya te tadvachaH shrutvA raudraM lomapraharShaNam.
na cha vibrUta taM prashnaM sabhyA dharmo.atra pIDyate .. 2\-90\-61 (14980) 
sabhAM prapadyate prashnaH prajvalanniva havyavAd.
taM vai satyena dharmeNa sabhyAH prashamayantyuta .. 2\-90\-62 (14981) 
dharmyaM prashnamato brUyAdAryaH satyena mAnavaH.
vibrUyustatra taM prashnaM kAmakrodhabalAtigAH .. 2\-90\-63 (14982) 
vikarNena yathApraj~namuktaH prashno narAdhipAH.
bhavanto.api hi taM prashnaM vibruvantu yathAmati .. 2\-90\-64 (14983) 
yo hi prashnaM na vibrUyAddharmadarshI sabhAM gataH.
anR^ite yA phalAvAptistasyAH so.ardhaM samashnute .. 2\-90\-65 (14984) 
yaH punarvitathaM brUyAddharmadashIM sabhAM gataH.
anR^itasya phalaM kR^itsnaM sa prApnotIti nishchayaH .. 2\-90\-66 (14985) 
atrApyudAharantImamitihAsaM purAtanam.
prahlAdasya cha saMvAdaM munerA~Ngirasasya cha .. 2\-90\-67 (14986) 
prahlAdo nAma daityendrastasya putro virochanaH.
kanyAhetorA~NgirasaM sudhanvAnamupAdravat .. 2\-90\-68 (14987) 
ahaM jyAyAnahaM jyAyAniti kanyepsayA tadA.
tayordevanamatrAsItprANayoriti naH shrutam .. 2\-90\-69 (14988) 
tayoH prashnavivAdo.abhUtprahlAdaM tAvapR^ichChatAm.
jyAyAnka AvayorekaH prashnaM prabrUhi mA mR^iShA .. 2\-90\-70 (14989) 
sa vai vivadanAdbhItaH sudhanvAnaM vilokayan.
taM sudhanvAbravItkruddho brahmadamDa iva jvalan .. 2\-90\-71 (14990) 
yadi vai vakShyasi mR^iShA prahlAdAtha na vakShyasi ..
shataghA te shiro vajrI vajreNa prahariShyati .. 2\-90\-72 (14991) 
sudhanvanA tathoktaH sanvyathito.ashvatthaparNavat.
jagAma kashyapaM daityaH paripraShTuM mahaujasam .. 2\-90\-73 (14992) 
prahlAda uvAcha .. 2\-90\-74x (1644) 
tvaM vai dharmasya vij~nAtA daivasyehAsurasya cha.
brAhmaNasya mahAbhAga dharmakR^ichChramidaM shR^iNu .. 2\-90\-74 (14993) 
yo vai prashnaM na vibrUyAdvitathaM chaiva nirdishet.
ke vai tasya pare lokAstanmamAchakShva pR^ichChataH .. 2\-90\-75 (14994) 
kashyapa uvAcha .. 2\-90\-76x (1645) 
jAnannavibruvanprashnAnkAmAtkrodhAdbhayAttathA.
sahasraM vAruNAnpAshAnAtmani pratimu~nchati .. 2\-90\-76 (14995) 
sAkShI vA vibruvansAkShyaM gokarNashithilashvaran.
sahasraM vAruNAnpAshAnAtmani pratimu~njati .. 2\-90\-77 (14996) 
tasya saMvatsare pUrNe pAsha ekaH pramuchyate.
tasmAtsatyaM tu vaktavyaM jAnatA satyamu~njasA .. 2\-90\-78 (14997) 
viddho dharmo hyadharmeNa sabhAM yatropapadyate.
na chAsya shalyaM kR^intanti viddhAstatra sabhAsadaH .. 2\-90\-79 (14998) 
ardhaM harati vai shreShThaH pAdo bhavati kartR^iShu.
pAdashchaiva sabhAsatsu ye na nindanti ninditam .. 2\-90\-80 (14999) 
anenA bhavati shreShTho muchyante cha sabhAsadaH.
eno gachChati kartAraM nindArho yatra nindyate .. 2\-90\-81 (15000) 
vitathaM tu vadeyurye dharmaM prahlAda pR^ichChate.
iShTApUrtaM cha te ghnti saptasapta parAvarAn .. 2\-90\-82 (15001) 
hR^itasvasya hi yadduHkhaM hataputrasya chaiva yat.
R^iNinaH prati yachchaiva svArthAddhaShTasya chaiva yat .. 2\-90\-83 (15002) 
striyAH patyA vihInAyA rAj~nA grastasya chaiva yat.
aputrAyAshcha yadduHkhaM vyAghrAghrAtasya chaiva yat .. 2\-90\-84 (15003) 
adhyUDhAyAshcha yadduHkhaM vyAghrAghrAtasya chaiva yat ..
etAni vai samAnyAhurduHkhAni tridiveshvarAH .. 2\-90\-85 (15004) 
tAni sarvANi duHkhAni prApnoti vitathaM bruvan.
samakShadarshanAtsAkShI shravaNAchcheti dhAraNAt .. 2\-90\-86 (15005) 
tasmAtsatyaM bruvatsAkShI dharmArthAbhyAM na hIyate.
kashyapasya vachaH shrutvA prahlAdaH putramabravIt .. 2\-90\-87 (15006) 
shreyAnsudhanvA tvatto vai mattaH shreyAMstathA~NgirAH.
mAtA sudhanvA.ayaM prANAnAmIshvarastava ..
virochana sudhanvA.ayaM prANAnAmIshvarastava ..  2\-90\-88 (15007) 
sudhanvovAcha. 2\-90\-89x (1646) 
putrasnehaM piratyajya yastvaM dharme vyavasthitaH.
anujAnAmi te putraM jIvatveva shataM samAH .. 2\-90\-89 (15008) 
vidura uvAcha. 2\-90\-90x (1647) 
evaM vai paramaM dharmaM shrutvA sarve sabhAsadaH.
yathAprashnaM tu kR^iShNAyA manyadhvaM tatra kiM param .. 2\-90\-90 (15009) 
vaishampAyana uvAcha .. 2\-90\-91x (1648) 
vidurasya vachaH shrutvA nochuH ki~nchana pArthivAH.
karNo duHshAsanaM tvAha kR^iShNaM dAsIM gR^ihAnnaya .. 2\-90\-91 (15010) 
tAM vepamAnAM savrIDAM pralapantIM sma pANDavAn.
duHshAsanaH sabhAmadhye vichakarSha tapasvinIm .. .. 2\-90\-92 (15011) 

iti shrImanmahAbhArate sabhAparvaNi dyUtaparvaNi navatitamo.adhyAyaH .. 90\..

##Mahabharata - Sabha Parva - Chapter Footnotes##

2\-90\-20 grAmye strIbhogI ..
2\-90\-41 AkR^iShyamANe vasane draupadyA chintito hariH . govinda dvArakAnvAsinkR^iShNa go pIjanapriya. kauravaiH paribhUtAM mAM kiM ja jAnAsi keshava. iti jha.pAThaH ..
2\-90\-77 gokarNashithila ubhayakShasparshI ..


\medskip\hrule\medskip
sabhAparva \- adhyAya 091
.. shrIH ..
2\.91\. adhyAyaH 91 

##Mahabharata - Sabha Parva - Chapter Topics##
draupadIvachanam .. 1\.. yudhiShThireNaiva draupadIprashnasyottaraM vaktavyamiti bhIShmavachanam .. 2\..

##Mahabharata - Sabha Parva - Chapter Text##

draupadyuvAcha ..

purastAtkaraNIyaM me na kR^itaM kAryamuttaram.
vihvalA.asmi kR^itA.anena karShatA balinA balAt .. 2\-91\-1 (15012) 
abhivAdaM karomyeShAM kurUNAM kurusaMsadi.
na me syAdaparAdho.ayaM tadidaM na kR^itaM mayA ..
vaishampAyana uvAcha ..  2\-91\-2 (15013) 
sA tena cha samAdhUtA duHkhena cha tapasvinI.
patitA vilalApedaM sabhAyAmatathochitA .. 2\-91\-3 (15014) 
draupadyuvAcha. 2\-91\-4x (1649) 
svayaMvare yAsmi nR^ipaidR^iShTA ra~Nge samAgataiH.
na dR^iShTapUrvA chAnyatra sA.ahamadya sabhAM gatA .. 2\-91\-4 (15015) 
yAM na vAyurna chAdityo dR^iShTavantau purA gR^ihe.
sA.ahamadya sabhAmadhye dR^iShTAsmi janasaMsadi .. 2\-91\-5 (15016) 
yAM na mR^iShyanti vAtena spR^ishyamAnAM gR^ihe purA.
spR^ishyamAnAM sahante.adya pANDavAstAM dUrAtmanA .. 2\-91\-6 (15017) 
mR^iShyanti kuravashcheme manye kAlasya paryayam.
snuShAM duhitaraM chaiva klishyamAnAmanarhatIm .. 2\-91\-7 (15018) 
kiMnvataH kR^ipaNaM bhUyo yadahaM strI satI shubhA.
sabhAmadhyaM vigAhe.adya kva nu dharmo mahIkShitAm .. 2\-91\-8 (15019) 
dharmyaM striyaM sabhAM pUrve na nayantIti naH shrutam.
sa naShTaH kauraveyeShu pUrvo dharmaH sanAtanaH .. 2\-91\-9 (15020) 
kathaM hi bhAryA pANDunAM pArShatasya svasA satI.
vAsudevasya cha sakhI pArthivAnAM sabhAmiyAm .. 2\-91\-10 (15021) 
tAmimAM dharmarAjasya bhAryAM sadR^ishavarNajAm.
brUta dAsImadAsIM vA tatkariShyAmi kauravAH.  2\-91\-11 (15022) 
ayaM mAM sudR^iDhaM kShudraH kauravANAM yashoharaH.
klishnAti nAhaM tatsoDhuM kShudraH kauravANAM yashoharaH.  2\-91\-12 (15023) 
jitAM vA.apyajitAM vApi manyadhvaM mAM yathA nR^ipAH.
tathA pratyuktamichChAmi tatkariShyAmi kauravAH .. 2\-91\-13 (15024) 
bhIShma uvAcha .. 2\-91\-14x (1650) 
uktavAnasmi kalyANi dharmasya paramA gatiH.
loke na shakyate j~nAtumapi vij~nairmahAtmabhiH .. 2\-91\-14 (15025) 
balavAMshcha yathA dharmaM loke pashyati puruShaH ..
sa dharmo dharmavelAyAM bhavatyabhihataH paraH .. 2\-91\-15 (15026) 
na vivektuM cha te prashnamimaM shaknomi nishchayAt.
sUkShmatvAdgahanatvAchcha kAryasyAsya cha gauravAt .. 2\-91\-16 (15027) 
nUnamantaH kulasyAsya bhavitA na chirAdiva.
tathA hi kuravaH sarve lobhamohaparAyaNAH .. 2\-91\-17 (15028) 
kuleShu jAtAH kalyANi vyasanairAhatA bhR^isham.
dharmyAnmArgAnna chyavante yeShAM nastvaM badhUH sthitA .. 2\-91\-18 (15029) 
upapannaM cha pA~nchAli tavedaM vR^ittamIdR^isham.
yatkR^ichChramapi samprAptA dharmamevAnvavekShase .. 2\-91\-19 (15030) 
ete droNAdayashchaiva vR^iddhA dharmavido janAH.
shUnyaiH sharIraistiShThanti gatAsava ivAnatAH .. 2\-91\-20 (15031) 
yudhiShThirastu prashno.asminpramANamiti me matiH.
ajitAM vA jitAM veti svayaM vyAkhyAtumarhati .. .. 2\-91\-21 (15032) 

iti shrImanmahAbhArate sabhAparvaNi dyUtaparvaNi ekanavatitamo.adhyAyaH ..91 ..



\medskip\hrule\medskip
sabhAparva \- adhyAya 092
.. shrIH ..
2\.92\. adhyAyaH 92 

##Mahabharata - Sabha Parva - Chapter Topics##
duryodhanavachanam .. 1\.. duryodhanena draupadIM prati nijorau pradarshite bhImena tadbhedanapratij~nA ..2\.. arjunAdibhiH karNAdihananapratij~nA .. 3\.. draupadyA duryodhanAdInAM shApadAnasamaye antarikShAtpuShpavR^iShTiH .. 4\..

##Mahabharata - Sabha Parva - Chapter Text##

vaishampAyana uvAcha ..

tathA tu dR^iShTvA bahu tatra devIM
rorUyamANAM kurarImivArtAm. 
nochurvachaH sAdhvathavA.apyasAdhu
mahIkShito dhArtarAShTrasya bhItAH ..  2\-92\-1 (15033) 
dR^iShTvA tathA pArthivaputrapautrAM\-
stUShNIMbhUtAndhR^itarAShTrasya putraH. 
smayannivedaM vachanaM babhAShe
pA~nchAlarAjasya sutAM tadAnIm ..  2\-92\-2 (15034) 
duryodhana uvAcha .. 2\-92\-3x (1651) 
tiShThatvayaM prashna udArasatve
bhIme.arjune sahadeve tathaiva. 
patyau cha te nakule yAj~naseni
vadantvete vachanaM tvatprasUtam ..  2\-92\-3 (15035) 
anIshvaraM vibruvantvAryamadhye
yudhiShThiraM tava pA~nchAli hetoH. 
kurvantu sarve chAnR^itaM dharmarAjaM
pA~nchAli tvaM mokShyase dAsabhAvAt ..  2\-92\-4 (15036) 
dharme sthito dharmasuto mahAtmA
svayaM chedaM kathayatvindrakalpaH. 
Isho vA te hyanIsho.athavaiSha
vAkyAdasya kShipramekaM bhajasva ..  2\-92\-5 (15037) 
sarve hIme kauraveyAH sabhAyAM
duHkhAntare vartamAnAstavaiva. 
na vibruvantyAryasatvA yathAva\-
tpatIMshcha te samavekShyAlpabhAgyAn ..  2\-92\-6 (15038) 
vaishampAyana uvAcha .. 2\-92\-7x (1652) 
tataH sabhyAH kururAjasya tasya
vAkyaM sarve prashashaMsustathochchaiH. 
chelAvedhAMshchApi chakrurnadanto
hAhetyAsIdapi chaivArtanAdaH ..  2\-92\-7 (15039) 
shrutvA tuM tadvAkyamanoharaM ta\-
ddharShashchAsItkauravANAM sabhAyAm. 
sarve chAsanpArthivAH prItimantaH
kurushreShThaM dhArmikaM pUjayantaH ..  2\-92\-8 (15040) 
yudhiShThiraM cha te sarve samudaikShanta pArthivAH.
kiM nu vakShyati dharmaj~na iti sAchIkR^itAnanAH .. 2\-92\-9 (15041) 
kiM nu vakShyati bIbhatsurajito yudhi pANDavaH.
bhImaseno yamau chobhau bhR^ishaM kautUhalAnvitAH .. 2\-92\-10 (15042) 
tasminnuparate shabde bhImaseno.abravIdidam.
pragR^ihya ruchiraM divyaM bhujaM chandanacharchitam .. 2\-92\-11 (15043) 
yadyeSha gururasmAkaM dharmarAjo mahAmanAH.
na prabhuH syAtkulasyAsya na vayaM marShayemahi .. 2\-92\-12 (15044) 
Isho naH puNyatapasAM prANAnAmapi cheshvaraH.
manyate jitamAtmAnaM yadyeSha vijitA vayam .. 2\-92\-13 (15045) 
na hi muchyeta me jIvanpadA bhUmimupaspR^ishan.
martyadharmA parAmR^ishya pA~nchAlyA mUrdhajAnimAn .. 2\-92\-14 (15046) 
pashyadhvaM hyAyatau vR^ittau bhujau me parighAviva.
naitayorantaraM prApya muchyetApi shatakratuH .. 2\-92\-15 (15047) 
dharmapAshasitastvevamadhigachChAmi sa~NkaTam.
gauraveNa niruddhashcha nigrahAdarjunasya cha .. 2\-92\-16 (15048) 
dharmarAjanisR^iShTastu siMhaH kShudramR^igAniva.
dhArtarAShTArAnimAnpApAnniShpaSheyaM talAsibhiH .. 2\-92\-17 (15049) 
vaishampAyana uvAcha .. 2\-92\-18x (1653) 
tamuvAcha tadA bhIShmo droNo vidura eva cha.
kShamyatAmidamityevaM sarvaM sambhAvyate tvayi .. 2\-92\-18 (15050) 
karNa uvAcha .. 2\-92\-19x (1654) 
trayaH kileme hyadhanA bhavanti.
dAsaH putrashchAsvatantrA cha nArI. 
dAsasya patnI tvadhanasya bhadre
hInashvarA dAsadhanaM cha sarvam ..  2\-92\-19 (15051) 
pravishya rAj~naH parivAraM bhajasva
tatte kAryaM shiShTamAdishyate.atra. 
IshAstu sarve tava rAjaputri
bhavanti vai dhArtarAShTrA na pArthAH ..  2\-92\-20 (15052) 
anyaM vR^iNIShva patimAshu bhAmini
yasmAddAsyaM na labhasi devanena. 
avAchyA vai patiShu kAmavR^itti\-
rnityaM dAsye viditaM tattavAstu ..  2\-92\-21 (15053) 
parAjito nakulo bhImaseno
yudhiShTharaH sahadevArjunau cha. 
dAsIbhUtA tvaM hi vai yAj~naseni
parAjitAste patayo naiva santi ..  2\-92\-22 (15054) 
prayojanaM janmani kiM na manyate
parAkramaM pauruShaM chaiva pArthaTaH. 
pA~nchAlyasya drupadasyAtmajAmimAM
sabhAmadhye yo vyadevIdglaheShu ..  2\-92\-23 (15055) 
vaishampAyana uvAcha .. 2\-92\-24x (1655) 
tadvai shrutvA bhImaseno.atyamarShI
bhR^ishaM nishashvAsa tadA.artarUpaH. 
rAjAnugo dharmapAshAnubaddho
dahannivainaM krodhasaMraktadR^iShTiH ..  2\-92\-24 (15056) 
bhIma uvAcha .. 2\-92\-25x (1656) 
nAhaM kupye sUtaputrasya rAja\-
nneSha satyaM dAsadharmaH pradiShTaH. 
kiM vidviSho vai mAmevaM vyAhareyu\-
rnAdevIstvaM yadyanayA narendra ..  2\-92\-25 (15057) 
vaishampAyana uvAcha .. 2\-92\-26x (1657) 
bhImasenavachaH shrutvA rAjA duryodhanastadA.
yudhiShThiramuvAchedaM tUShNImbhUtamachetanam .. 2\-92\-26 (15058) 
bhImArjunau yamau chaiva sthitau te nR^ipa shAsane.
prashnaM brUhi cha kR^iShNAM tvamajitAM yadi manyase .. 2\-92\-27 (15059) 
evamuktvA tu kaunyeyamapohya vasanaM svakam.
smayannivekShya pA~nchAlImaishvaryamadamohitaH .. 2\-92\-28 (15060) 
kadalIdaNDasadR^ishaM sarvalakShaNasaMyutam.
gajahastapratIkAshaM vajrapratimagauravam .. 2\-92\-29 (15061) 
abhyutsmayitvA rAdheyaM bhImamAdharShayanniva.
draupadyAH prekShamANAyAH savyamUrumadarshayat .. 2\-92\-30 (15062) 
bhImasenastamAlokya netre utphAlya lohite.
provAcha rAjamadhye taM sabhAM vishrAvayanniva .. 2\-92\-31 (15063) 
pitR^ibhiH saha sAlokyaM mA sma gachChedvR^ikodaraH.
yadyetamUruM gadayA na bhindyAM te mahAhave .. 2\-92\-32 (15064) 
vaishampAyana uvAcha .. 2\-92\-33x (1658) 
kruddhasya tasya sarvebhyaH srotobhyaH pAvakArchiShaH.
vR^ikShasyeva vinishveruH koTarebhyaH pradahyataH .. 2\-92\-33 (15065) 
vidura uvAcha .. 2\-92\-34x (1659) 
paraM bhayaM pashyata bhImasenA\-
ttadbudhyadhvaM pArthivAH prAtipeyAH. 
daiverito nUnamayaM purastA\-
tparo.anayo bharateShUdapAdi ..  2\-92\-34 (15066) 
atidyUtaM kR^itamidaM dhArtarAShTra
yasmAtstriyaM vivadadhvaM sabhAyAm. 
yogakShemau nashyato vaH samagrau
pApAnmantrAnkuravo mantrayanti ..  2\-92\-35 (15067) 
imaM dharmaM kuravo jAnatAshu
dhvaste dharme pariShatsampraduShyet. 
imAM chetpUrvaM kitavo.aglahiShya\-
dIsho.abhaviShyadaparAjitAtmA ..  2\-92\-36 (15068) 
svapne yathaitadvijitaM dhanaM syA\-
devaM manye yasya dIvyatyanIshaH. 
gAndhArarAjasya vacho nishamya
dharmAdasmAtkuravo mA.apayAta ..  2\-92\-37 (15069) 
duryodhana uvAcha .. 2\-92\-38x (1660) 
bhImasya vAkye tadvadevArjunasya
sthito.ahaM vai yamayoshchaivameva. 
yudhiShThiraM te pravadantvanIsha\-
matho dAsyAnmokShase yAj~naseni ..  2\-92\-38 (15070) 
arjuna uvAcha .. 2\-92\-39x (1661) 
Isho rAjA pUrvamAsIdglahe naH
kuntIsuto dharmarAjo mahAtmA. 
IshastvayaM kasya parAjitAtmA
tajjAnIdhvaM kuravaH sarva eva ..  2\-92\-39 (15071) 
`karNa uvAcha .. 2\-92\-40x (1662) 
dushshAsana nibodhedaM vachanaM vai prabhAShitam.
kimanena chiraM vIra nayasva drapadAtmajAm. 
dAsIbhAvena bhu~NkShva tvaM yatheShTaM kurunandana ..  2\-92\-40 (15072) 
vaishampAyana uvAcha .. 2\-92\-41x (1663) 
tato gAndhArarAjasya putraH shakunirabravIt.
sAdhu karNa mahAbAho yatheShTaM kriyatAmiti .. 2\-92\-41 (15073) 
tato dushshAsanastUrNaM drupadasya sutAM balAt.
praveshayitumArabdhaH sa chakarSha durAtmavAn ..
tato vikroshati tadA pA~nchAlI varavarNinI ..  2\-92\-42 (15074) 
draupadyuvAcha. 2\-92\-44x (1664) 
paritrAyasva mAM bhIShNa droNa drauNe tathA kR^ipa.
paritrAyasva vidura dharmiShTho dharmavatsala .. 2\-92\-44 (15075) 
dhR^itarAShTra mahArAja paritrAyasva vai snuShAm.
gAndhAri tvaM mahAbhAge sarvaj~ne sarvadarshini. 
piratrAyasva mAM bhIruM suyodhanabhayArditAm ..  2\-92\-45 (15076) 
tvamArye vIrajanani kiM mAM pashyasi yAdavIm.
klishyamAnAmanAryeNa na trAyasiva vadhUM svakAm .. 2\-92\-46 (15077) 
yadi lAlapyamAnAM mAM na kashchitki~nchidabravIt.
hA hatA.asmi sumandAtmA suyodhanavashaM gatA .. 2\-92\-47 (15078) 
na vai pANDurnarapatirna dharmo na cha devarAT.
na chAyurnAshvinau vA.api paritrAyanti vai snuShAm ..
dhikkaShTaM yadi jIveyaM mandabhAgyA pativratA ..  2\-92\-48 (15079) 
vidura uvAcha .. 2\-92\-50x (1665) 
shR^iNomi vAkyaM tava rAjaputri
neme pArthAH ki~nchidapi bruvanti. 
sA tvaM priyArthaM shR^iNu vAkyameta\-
dyaduchyate pApamatiH kR^itaghnaH ..  2\-92\-50 (15080) 
suyodhanaH sAnucharaH suduShTaH
sahaiva rAjA nikR^itaH sUnunA cha 
yadyeSha vAchaM mahaduchyamAnAM
na shroShyate pApamatiH suduShTaH ..  2\-92\-51 (15081) 
vaishampAyana uvAcha .. 2\-92\-52x (1666) 
ityevamuktvA drupadasya putrIM
kShattA.abravIddhR^itarAShTrasya putram.  2\-92\-52 (15082) 
mA klishyatAM vai drupadasya putrIM
mA tvaM charIM drakShyasi rAjaputra ..  2\-92\-53 (15083) 
vidura uvAcha .. 2\-92\-54x (1667) 
yadyevaM tvaM mahArAja sa~Nkleshayasi draupadIm.
achireNaiva kAlena putraste saha mantribhiH. 
gamiShyati kShayaM pApaH pANDavakShayakAraNAt ..  2\-92\-54 (15084) 
bhImArjunAbhyAM kruddhAbhyAM mAdrIputradvayena cha.
tasmAnnivAraya sutaM mA vinAshaM vichintaya .. 2\-92\-55 (15085) 
vaishampAyana uvAcha .. 2\-92\-56x (1668) 
etachChutvA mandabuddhirnottaraM ki~nchidabravIt.
tato duryodhanastatra daivamohabalAtkR^itaH .. 2\-92\-56 (15086) 
achintya kShatturvachanaM harSheNAyatalochanaH.
UrU darshayate pApo draupadyA vai muhurmuhuH .. 2\-92\-57 (15087) 
Urau sandarshyamAne tu nirIkShya tu suyodhanam.
vR^ikodarastadAlokya netre cholphAlya lohite .. 2\-92\-58 (15088) 
etatsamIkShyAtmani chAvamAnaM
niyamya manyuM balanAnsa mAnI. 
rAjAnujaH saMsadi kauravANAM
viniShkramanvAkyamuvAcha bhImaH ..  2\-92\-59 (15089) 
ahaM duryodhanaM hantA karNaM hantA dhana~njayaH.
shakuniM chAkShakitavaM sahadevo haniShyati .. 2\-92\-60 (15090) 
idaM cha bhUyo vakShyAmi sabhAmadhye bR^ihadvachaH.
satyaM devAH kariShyanti yanno yuddhaM bhaviShyati .. 2\-92\-61 (15091) 
suyodhanamimaM pApaM hantA.asmi gadayA yudhi.
shiraH pAdena chAsyAhamadhiShThAsyAmi bhUtale .. 2\-92\-62 (15092) 
vakShaH shUrasya nirvAsya paruShasya durAtmanaH.
dushshAsanasya rudhiraM pAsyAmi mR^igarADiva .. 2\-92\-63 (15093) 
arjuna uvAcha .. 2\-92\-64x (1669) 
bhImasena na te santi yeShAM vairaM tvayA saha.
nandA gR^iheShu na buddhyante mahadbhayam .. 2\-92\-64 (15094) 
naiva vAchA vyavasitaM bhIma vij~nAyate satAm.
yadi sthAsyanti sa~NgrAme kShatradharmeNa vai saha .. 2\-92\-65 (15095) 
duryodhanasya karNasya shakuneshcha durAtmanaH.
dushshAsanachaturthAnAM bhUmiH pAsyati shoNitam .. 2\-92\-66 (15096) 
asUyitAraM vaktAraM prahR^iShTAnAM durAtmanAm.
bhImasena niyogAtte hantA.ahaM karNamAhave .. 2\-92\-67 (15097) 
karNaM karNAnugAMshchaiva raNe hantA.asmi patribhiH.
ye chAnye viprayotsyanti buddhimohena mAM nR^ipAH. 
tAnsma sarva~nChitairbANairnetA.asmi yamasAdanam ..  2\-92\-68 (15098) 
chaledvi himavAnsthAnAnniShprabhaH syAddivAkaraH.
shaityaM somAtpraNashyeta matsatyaM vichaledyadi .. 2\-92\-69 (15099) 
vaishampAyana uvAcha .. 2\-92\-70x (1670) 
utyuktavati pArthe tu shrImAnmAdravatIsutaH.
pragR^ihya vipulaM bAhuM sahadevaH pratApavAn .. 2\-92\-70 (15100) 
saubalasya vadhaprepsuridaM vachanamabravIt.
krodhasaMraktanayano nishvasya cha muhurmuhuH .. 2\-92\-71 (15101) 
sahadeva uvAcha .. 2\-92\-72x (1671) 
yAnakShAnmanyase mUDha gAndhArANAM yashohara.
naite hyakShAH shitA vANAstvayaite samare dhR^itAH .. 2\-92\-72 (15102) 
yathA chaivoktavAnbhImastvAmuddishya sabAndhavam.
kartA.ahaM karmaNA chAsya kurukAryANi sarvashaH. 
yadi sthasyAsi sa~NgrAme kShatradharmeNa saubala ..  2\-92\-73 (15103) 
vaishampAyana uvAcha .. 2\-92\-74x (1672) 
sahadevavachaH shrutvA nakulo.api vishAmpate.
darshanIyatamo nR^INAmidaM vachanamabravIt .. 2\-92\-74 (15104) 
nakula uvAcha .. 2\-92\-75x (1673) 
suteyaM yaj~nasenasya dyUte.asmindhR^itarAShTrajaiH.
yairvAchaH shrAvitA rUkShA dhUrtairduryodhanapriyaiH .. 2\-92\-75 (15105) 
dhArtarAShTrAnsudurvR^ittAnmumUrShUnkAlachoditAn.
darshayiShyAmi bhUyiShThamahaM vaivasvatakShayam .. 2\-92\-76 (15106) 
ulUkaM cha durAtmAnaM saubalasya priyaM sutam.
hantA.ahamasmi samare mama shatruM narAdhamam .. 2\-92\-77 (15107) 
nideshAddharmarAjasya draupadyAH padavIM charan.
nardhArtarAShTAM pR^ithivIM kartAsmi nachirAdivA .. 2\-92\-78 (15108) 
draupadyuvAcha .. 2\-92\-79x (1674) 
yasmAchchoruM darshayase yasmAchchoruM nirIkShase.
tasmAttava hyadharmiShTha Urau mR^ityurbhaviShyati .. 2\-92\-79 (15109) 
yasmAchchaivaM kleshayati bhrAtA te mAM durAtmavAn.
tasmAdudhiramevAsya pAsyate vai vR^ikodaraH .. 2\-92\-80 (15110) 
imaM cha pApiShThamatiM karNaM samutabAndhavam.
sAmAtyaM saparIvAraM haniShyati dhana~njayaH .. 2\-92\-81 (15111) 
kShudradharmaM naikR^itikaM shakuniM pApachetasam.
sahadevo raNe kruddho haniShyati sabAndhavam .. 2\-92\-82 (15112) 
vaishampAyana uvAcha .. 2\-92\-83x (1675) 
evamukte tu vachane draupadyA dharmashIlayA.
tato.antarikShAtsumahatpuShpavarShamavApatatam .. 2\-92\-83 (15113) 
teShAM tu vachanaM shrutvA nochustatra sabhAsadaH.
arjunasya bhayAdrAjannabhUnnishshabdamatra vai .. .. 2\-92\-84 (15114) 

iti shrImanmahAbhArate sabhAparvaNi dyUtaparvaNi dvinavatitamo.adhyAyaH ..92 ..

##Mahabharata - Sabha Parva - Chapter Footnotes##

2\-92\-13 draupadIpaNanAt prAgiti sheShaH . ato draupadI na dAsabhAvamApanneti bhAvaH ..
2\-92\-16 pashyasitaH pAshabaddhaH ..
2\-92\-33 srotobhyaH romakUpebhyaH ..


\medskip\hrule\medskip
sabhAparva \- adhyAya 093
.. shrIH ..
2\.93\. adhyAyaH 93 

##Mahabharata - Sabha Parva - Chapter Topics##
kupyato.arjunasya yudhiShThireNa parisAntvanam .. 1\.. dhR^itarAShTreNa varaM varayeti draupadImprati chodanam .. 2\.. tatprArthanayA dhR^itarAShTreNa yudhiShThirAdInAmadAsatvavaradAnam .. 3\..

##Mahabharata - Sabha Parva - Chapter Text##

vaishampAyana uvAcha ..

draupadyA vachanaM shrutvA chukopAtha dhana~njayaH.
sa tadA krodhatAmrAkSha idaM vachanamabravIt .. 2\-93\-1 (15115) 
ayaM tu mAM vArayate dharmarAjo yudhiShThiraH.
ityuktvA krodhatAmrAkSho dhanurAdAya vIryavAn .. 2\-93\-2 (15116) 
savyasAchI samutpatya tA~nChatrUnsamudaikShata.
udyataM phalgunaM tatra dadR^ishuH sarvapArthivAH .. 2\-93\-3 (15117) 
yugAnte sarvalokAMstu dahantamiva pAvakam.
vIkShamANaM dhanuShpAmiM hantukAmaM muhurmuhuH .. 2\-93\-4 (15118) 
hantukAmaM pashUnkruddhaM rudraM dakShakratau yathA.
tathAbhUtaM naraM dR^iShTvA viShedustatra mAnavAH .. 2\-93\-5 (15119) 
dhana~njayasyava vIryaj~nA nirAshA jIvite tadA.
mR^itabhUtA bhavansarve netrairanimiShairiva .. 2\-93\-6 (15120) 
arjunaM dharmaputraM cha samudaikShanta pArthivAH.
kruddhaM tadA.arjunaM dR^iShTvA pR^ithivI cha chachAla ha .. 2\-93\-7 (15121) 
khecharANi cha bhUtAni vitresurvai bhayArditAH.
nAdityo virarAjAtha nApi vAnti cha mArutAH.  2\-93\-8 (15122) 
na chandro na cha nakShatraM dyaurdishona na vibhAnti ha.
sarvamAviddhamabhavajjagatsthAvaraja~Ngamam .. 2\-93\-9 (15123) 
utpatansa vabhau pArto divAkara ivAmbare.  2\-93\-10 (15124) 
pArthaM dR^iShTvA kruddhaM kAlAntakayamopamam.
bhImaseno mudA yukto yuddhAyaiva mano dadhe .. 2\-93\-11 (15125) 
pA~nchAlI cha dadarshAtha susa~NkruddhaM dhana~njayam.
hantukAmaM ripUnmarvAnsuparNamiva pannagAn .. 2\-93\-12 (15126) 
duShprekShaH so.abhavatkruddho yugAntAgniriva jvalan.
taM dR^iShTvA tejasA yuktaM vivyadhuH puravAsinaH .. 2\-93\-13 (15127) 
utpatantaM tu vegena tato dR^iShTvA dhana~njayam.
jagrAha sa tadA rAjA puruhUto yathA harim .. 2\-93\-14 (15128) 
uvAcha sa ghR^iNI jyeShTho dharmarAjo yudhiShThiraH.
mA pArtha sAhasaM kArShIrmA vinAshaM gamedyashaH .. 2\-93\-15 (15129) 
ahametAnpApakR^ito dyUtaj~nAndagdhumutsahe.
kanttvasatyagatiM dR^iShTvA krodho nAshamupaiti me .. 2\-93\-16 (15130) 
tvamimaM jagato.arthe vai kopaM saMyachCha pANDava ..  2\-93\-17 (15131) 
vaishampAyana uvAcha .. 2\-93\-18x (1676) 
evamuktastadA rAj~nA pANDavo.atha dhana~njayaH.
krodhaM saMshamayanpArtho dhArtarAShTraM prati sthitaH .. 2\-93\-18 (15132) 
tasminvIre prashAnte tu pANDave phalgune punaH.
susamprahR^iShTamabhavajjagatsthAvaraja~Ngamam .. 2\-93\-19 (15133) 
vAritaM cha tathA dR^iShTvA bhrAtrA pArthaM vR^ikodaraH.
babhUva vimanA rAjannabhUnnishshabdamatra vai .. 2\-93\-20 (15134) 
tato rAj~no dhR^itarAShTrasya gehe
gomAyuruchchairvyAharadagnihotre. 
taM rAsabhAH pratyabhAShanta rAja\-
nsamantataH pakShiNashchaiva raudrAH ..  2\-93\-21 (15135) 
taM vai shabdaM vidurastattvavedI
shushrAva ghoraM subalAtmajA cha. 
bhIShmo droNo gautamashchApi vidvAn
svastisvastItyapi chaivAhuruchchaiH ..  2\-93\-22 (15136) 
tato gAndhArI vidurashchApi vidvAM\-
stamutpAtaM ghoramAlakShya rAj~ne. 
nivedayAmAsaturArtavattadA
tato rAjA vAkyamidaM babhAShe ..  2\-93\-23 (15137) 
dhR^itarAShTra uvAcha .. 2\-93\-24x (1677) 
hato.asi duryodhana mandabuddhe
yastvaM sabhAyAM kurupu~NgavAnAm. 
striyaM samAbhAShasi durvinIta
visheShato draupadIM dharmapatnIm ..  2\-93\-24 (15138) 
vaishampAyana uvAcha .. 2\-93\-25x (1678) 
evamuktvA dhR^itarAShTro manIShI
hitAnveShI bAndhavAnAmapAyAt.
kR^iShNAM pA~nchAlImabravItsAntvapUrvaM  2\-93\-25 (15139) 
vimR^ishyaitatpraj~nayA tattvabuddhiH ..  2\-93\-26 (15140) 
dhR^itarAShTa uvAcha ..
varaM vR^iNIShva pA~nchAli matto yadabhivA~nChasi.  2\-93\-26x (1679) 
vadhUnAM hi vishiShTA me tvaM dharmaparamA satI ..  2\-93\-27 (15141) 
draupadyuvAcha .. 2\-93\-27x (1680) 
dadAsi chedvaraM mahyaMvR^iNomi bharatarShabha.
sarvadharmAnugaH shrImAnadAso.astu yudhiShThiraH .. 2\-93\-27 (15142) 
manasvinamajAnanto maivaM brUyuH kumArakAH.
etaM vai dAsaputreti prativindhyaM mamAtmajam .. 2\-93\-28 (15143) 
rAjaputraH purA bhUtvA yathA nAnyaH pumAnkvachit.
lAlito dAsaputratvaM pashyannashyeddhi bhArata .. 2\-93\-29 (15144) 
dhR^itarAShTra uvAcha .. 2\-93\-30x (1681) 
evaM bhavatu kalyANi yathA tvamabhibhAShase.
dvitIyaM te varaM bhadre dadAni varayasva ha. 
mano hi me vitarati naikaM tvaM varamarhasi ..  2\-93\-30 (15145) 
draupadyuvAcha .. 2\-93\-31x (1682) 
sarathau saghanuShkau na bhImasenadhana~njayau.
yamau cha varaye rAjannadAsAnsvavashAnaham .. 2\-93\-31 (15146) 
dhR^itarAShTra uvAcha .. 2\-93\-32x (1683) 
tathA.astu te mahAbhAge yathA tvaM nandinIchChasi.
tR^itIyaM varayAsmatto nAsi dvAbhyAM susaMskR^itA.  2\-93\-32 (15147) 
tvaM hi sarvasnuShANAM me shreyasI dharmachAriNI ..  2\-93\-33 (15148) 
draupadyuvAcha. 2\-93\-33x (1684) 
lobho dharmasya nAshAya bhagavannAhamutsahe.
anarhA varamAdAtuM tR^itIyaM rAjasattama .. 2\-93\-33 (15149) 
ekAmAhurvaishyavaraM dvau tu kShatrastriyo varau.
trayastu rAj~no rAjendra brAhmaNasya shataM varAH .. 2\-93\-34 (15150) 
pApIyAMsa ime bhUtvA santIrNAH patayo mama.
vetsyanti chaiva bhadrANi rAjanpuNyena karmaNA .. .. 2\-93\-35 (15151) 

iti shrImanmahAbhArate sabhAparvaNi dyUtaparvaNi trinavatitamo.adhyAyaH ..93 ..

##Mahabharata - Sabha Parva - Chapter Footnotes##

2\-93\-21 agnihotre gR^ihyAgnisamIpe ..


\medskip\hrule\medskip
sabhAparva \- adhyAya 094
.. shrIH ..
2\.94\. adhyAyaH 94 

##Mahabharata - Sabha Parva - Chapter Topics##
karNapralapitam .. 1\.. kruddhaM bhImaM nivArya yudhiShThirasya dhR^itarAShTrasamIpagamanam .. 2\..

##Mahabharata - Sabha Parva - Chapter Text##

karNa uvAcha ..

yA naH shrutA manuShyeShu striyo rUpeNa saMmatAH.
tAsAmetAdR^ishaM karma na kasyAshchana shushruma .. 2\-94\-1 (15152) 
krodhAviShTeShu pArtheShu dhArtarAShTreShu chApyati.
draupadI pANDuputrANAM kR^iShNA shAntirihAbhavat .. 2\-94\-2 (15153) 
aplave.ambhasi magnAnAmapratiShThe nimajjatAm.
pA~nchAlI pANDuputrANAM naureShAM pAragA.abhavat .. 2\-94\-3 (15154) 
vaishampAyana uvAcha .. 2\-94\-4x (1685) 
tadvai shrutvA bhImasenaH kurumadhye.atyamarShaNaH.
strI gatiH pANDuputrANAmityuvAcha sudurmanAH .. 2\-94\-4 (15155) 
bhIma uvAcha .. 2\-94\-5x (1686) 
trINi jyotIMShi puruSha iti vai devalo.abravIt.
apatyaM karma vidyA cha yataH sR^iShTAH prajAstataH .. 2\-94\-5 (15156) 
amedhye vai gataprAme shUnye j~nAtibhirujjhite.
dehe tritayamevaitatpuruShasyopayujyate .. 2\-94\-6 (15157) 
tanno jyotirabhihataM dArANAmabhimarshanAt.
dhana~njaya kathaM svitsyAdapatyamabhimR^iShTajam .. 2\-94\-7 (15158) 
arjuna uvAcha .. 2\-94\-8x (1687) 
na chaivoktA na chAnuktA hInataH paruShA giraH.
bhArata pratijalpanti sadA tUttamapUruShAH .. 2\-94\-8 (15159) 
smaranti sukR^itAnyeva na vairANi kR^itAnyapi.
santaH prativijAnanto labdhasambhAvanAH svayam .. 2\-94\-9 (15160) 
bhIma uvAcha .. 2\-94\-10x (1688) 
ihaivaitAnahaM sarvAnhanmi shatrUnsamAgatAn.
atha niShkramya rAjendra samUlAnhanmi bhArata .. 2\-94\-10 (15161) 
kiM no vivaditeneha kimuktena cha bhArata.
adyaivaitAnnihanmIha prashAdhi pR^ithivImimAm .. 2\-94\-11 (15162) 
ityuktvA bhImasenastu kaniShThairbhrAtR^ibhiH saha.
mR^igamadhye yathA siMho muhurmuhurudaikShata .. 2\-94\-12 (15163) 
sAntvyamAno vIkShamANaH pArthenAkliShTakarmaNA.
khidyatyeva mahAbAhurantardAhena vIryavAn .. 2\-94\-13 (15164) 
kruddhasya tasya srotobhyaH karNAdibhyo narAdhipa.
sadhUmaH sasphuli~NgArchiH pAvakaH samajAyata .. 2\-94\-14 (15165) 
bhrukuTIkR^itaduShprekShyamabhavattasya tanmukham.
yugAntakAle samprApte kR^itAntasyeva rUpiNaH .. 2\-94\-15 (15166) 
yudhiShThirastamAvArya bAhunA bAhushAlinam.
maivamityabravIchchainaM joShamAsveti bhArata .. 2\-94\-16 (15167) 
nivArya cha mahAbAhuM kopasaMraktalochanam.
pitaraM samupAtiShThaddhR^itarAShTraM kR^itA~njaliH .. .. 2\-94\-17 (15168) 

iti shrImanmahAbhArate sabhAparvaNi dyUtaparvaNi chaturnavatitamo.adhyAyaH ..94 ..

##Mahabharata - Sabha Parva - Chapter Footnotes##

2\-94\-16 joShaM tUShNIm ..


\medskip\hrule\medskip
sabhAparva \- adhyAya 095
.. shrIH ..
2\.95\. adhyAyaH 95 

##Mahabharata - Sabha Parva - Chapter Topics##
dhR^itarAShTrAnuj~nayA sabhrAtR^ikasya yudhiShThirasya indraprasthagamanam .. 1\..

##Mahabharata - Sabha Parva - Chapter Text##

yudhiShThara uvAcha ..

rAjankiM karavAmaste prashAdhyasmAMstvamIshvaraH.
nityaM hi sthAtumichChAmastava bhArata shAsane .. 2\-95\-1 (15169) 
dhR^itarAShTra uvAcha .. 2\-95\-2x (1689) 
ajAtashatro bhadraM te ariShTaM svasti gachChata.
anuj~nAtAH sahadhanAH svarAjyamanushAsata .. 2\-95\-2 (15170) 
idaM chaivAvaboddhavyaM vR^iddhasya mama shAsanam.
mayA nigaditaM sarvaM pathyaM niHshreyasaM param .. 2\-95\-3 (15171) 
vettha tvaM tAta dharmANAM gatiM sUkShmAM yudhiShThira.
vinIto.asi mahAprAj~na vR^iddhAnAM paryupAsitA .. 2\-95\-4 (15172) 
yato buddhistataH shAntiH prashamaM gachCha bhArata.
nAdAruNi patechChastraM dAruNyetannipAtyate .. 2\-95\-5 (15173) 
na vairANyabhijAnanti guNAnpashyanti nAguNAn.
virodhaM nAdhigachChanti ye ta uttamapUruShAH .. 2\-95\-6 (15174) 
smaranti sukR^itAnyeva na vairANi kR^itAnyapi.
santaH parArthaM kurvANA nAvekShanti pratikriyAm .. 2\-95\-7 (15175) 
saMvAde paruShANyAhuryudhiShThira narAdhamAH.
pratyAhurmadhyamAstvete.anuktAH narAdhamAH.  2\-95\-8 (15176) 
na choktA naiva chAnuktAstvahitAH paruShA giraH.
pratijalpanti vai dhIrAH sadA tUttamapuruShAH .. 2\-95\-9 (15177) 
smaranti sukR^itAnyeva na vairANi kR^itAnyapi.
santaH prativijAnanto labdhvA pratyayamAtmanaH .. 2\-95\-10 (15178) 
asambhinnAryamaryAdAH sAdhavaH priyadarshanAH.
tathA charittaMmAryeNa tvayA.asminsatsamAgame .. 2\-95\-11 (15179) 
duryodhanasya pAruShyaM tattAta hR^idi mA kR^ithAH.
mAtaraM chaiva gAndhArIM mAM cha tvaM guNakA~NkShayA .. 2\-95\-12 (15180) 
upasthitaM vR^iddhamandhaM pitaraM pashya bhArata.
prekShApUrvaM mayA dyUtamidamAsIdupekShitam .. 2\-95\-13 (15181) 
mitrANi draShTukAmena putrANAM cha balAbalam.
ashochyAH kuravo rAjanyeShAM tvamanushAsitA .. 2\-95\-14 (15182) 
mantrI cha viduro dhImAnsarvashAstravishAradaH.
tvayi dharmo.arjune dhairyaM bhImasene parAkramaH .. 2\-95\-15 (15183) 
shuddhA cha gurushushrUShA yamayoH puruShAgryayoH.
ajAtashatro bhadraM te khANDavaprasthamAvisha. 
bhrAtR^ibhiste.astu saubhrAtraM dharme te dhIyatAma manaH ..  2\-95\-16 (15184) 
vaishampAyana uvAcha .. 2\-95\-17x (1690) 
ityukto bharatashreShTha dharmarAjo yudhiShThiraH.
kR^itvA.a.aryasamayaM sarvaM pratasthe bhrAtR^ibhiH saha .. 2\-95\-17 (15185) 
te rathAnmeghasa~NkAshAnAsthAya saha kR^iShNayA.
prayayurhR^iShTamanasa indraprasthaM purottamam .. .. 2\-95\-18 (15186) 

iti shrImanmahAbhArate sabhAparvaNi dyUtaparvaNi pa~nchanavatitamo.adhyAyaH ..95 ..



\medskip\hrule\medskip
sabhAparva \- adhyAya 096
.. shrIH ..
2\.96\. adhyAyaH 96 

##Mahabharata - Sabha Parva - Chapter Topics##
duryodhanena dhR^itarAShTrasamIpe kArtavIryArjunopAkhyAnakathanam .. 1\..

##Mahabharata - Sabha Parva - Chapter Text##

janamejaya uvAcha ..

anuj~nAtAMstAnviditvA saratnadhanasa~njayAn.
pANDavAndhArtarAShTrANAM kathamAsInmanastadA .. 2\-96\-1 (15187) 
vaishampAyana uvAcha .. 2\-96\-2x (1691) 
anuj~nAtAMstAnviditvA dhR^itarAShTreNa dhImatA.
rAjanduH shAsanaH kShipraM jagAma bhrAtaraM prati .. 2\-96\-2 (15188) 
duryodhanaM samAsAdya sAmAtyaM bharatarShabha.
duHkhArto bharatashreShTha idaM vachanamabravIt .. 2\-96\-3 (15189) 
duHshAsana uvAcha .. 2\-96\-4x (1692) 
duHkhenaitatsamAnItaM sthaviro nAshayatyasau.
shatrusAdgamayaddravyaM tadbudhyadhvaM mahArathAH .. 2\-96\-4 (15190) 
atha duryodhanaH karNaH shakunishchApi saubalaH.
mithaH sa~Ngamya sahitAH pANDavAnprati mAninaH .. 2\-96\-5 (15191) 
vaichitravIryaM rAjAnaM dhR^itarAShTraM manIShiNam.
abhigamya tvarAyuktAH shlakShNaM vachanamabruvan .. 2\-96\-6 (15192) 
duryodhana uvAcha .. 2\-96\-7x (1693) 
na tvayedaM shrutaM rAjanyajjagAda bR^ihaspatiH.
shakrasya nItiM pravadanvidvAndevapurohitaH .. 2\-96\-7 (15193) 
sarvopAyairnihantavyAH shatravaH shatrusUdana.
purA yuddhAdbalAdvApi prakurvanti tavAhitam .. 2\-96\-8 (15194) 
te vayaM pANDavadhanaiH sarvAnsampUjya pArthivAn.
yadi tAnyodhayiShyAmaH kiM vai niH parihAsyati .. 2\-96\-9 (15195) 
ahInAshIviShAnkruddhAnnAshAya samupasthitAn.
kR^itvA kaNThe cha pR^iShThe cha kaH samutsraShTumarhati .. 2\-96\-10 (15196) 
AttashastrA rathagatAH kupitAstAta pANDavAH.
niHsheShAnnaH kariShyanti kruddhA hyAshIviShA iva .. 2\-96\-11 (15197) 
sannaddho hyarjuno yAti vidhR^itya parameShudhI.
gANDIvaM muhurAdatte niHshvasaMshcha nirIkShate .. 2\-96\-12 (15198) 
gadAM gurvI samudyamya tvaritashcha vR^ikodaraH.
svarathaM yojayitvA.ashu niryAta iti naH shrutam .. 2\-96\-13 (15199) 
nakulaH khahgamAdAya charma chApyardhachandravat.
sahadevashcha rAjA cha chakrurAkArami~NgitaiH .. 2\-96\-14 (15200) 
te tvAsthAya rathAnsarve bahushastraparichChadAn.
abhighnAnto rathavrAtAnsenAyogAya niryayuH .. 2\-96\-15 (15201) 
na kShaMsyante tathA.asmAbhirjAtu viprakR^itA hi te.
draupadyAshcha parikleshaM kasteShAM kShantumarhati .. 2\-96\-16 (15202) 
` na pashyAmi raNe kraddhuM bIbhatsuM prativAraNam.
bhIShmo droNashcha karNashcha drauNishcha rathinAM varaH .. 2\-96\-17 (15203) 
kR^ipashcha vR^iShasenashcha vikarNashcha jayadrathaH.
vAhlIkaH somadattashcha bhUrirbhUrishravAH shalaH .. 2\-96\-18 (15204) 
shakuniH sasutashchaiva nR^ipAshchAnye cha kauravAH.
naite sarve raNodyuktAH pArthaM soDhumashaknuvan .. 2\-96\-19 (15205) 
arjunena samo loke nAsti vIrye dhanurdharaH.
yo.arjunenArjunastulyo dvibAhurbahubAhunA .. 2\-96\-20 (15206) 
dhR^itarAShTra uvAcha .. 2\-96\-21x (1694) 
kastvayoktaH pumAnvIro bIbhatsusamavikramaH.
taM ye vrUhi mahAvIryaM shrotumichChAmi putraka .. 2\-96\-21 (15207) 
duryodhana uvAcha .. 2\-96\-22x (1695) 
kArtavIryasya charitaM shR^iNu rAjanmahAtmanaH.
avyaktaprabhavo brahmA sarvalokapitAmahaH .. 2\-96\-22 (15208) 
brahmaNo.atriH suto vidvAnatreH putro nishAkaraH.
somasya tadu budhaH putro budhasya tu purUravAH .. 2\-96\-23 (15209) 
tasyApyadha suto.apyAyurAyostu nahuShaH sutaH.  2\-96\-24 (15210) 
sa chArjuno.atha tejasvI tapaH paramadushcharam.
dattamArAdhayAmAsa so.arjuno.atrisutaM munim .. 2\-96\-30 (15216) 
tasya datto varAnprAdAchchaturaH pArthivasya vai.
pUrvaM bAhusahasraM tu prArthitaH paramo varaH .. 2\-96\-31 (15217) 
adharme prIyamANasya sadbhistatra nivAraNam.
dharmeNa pR^ithivIM jitvA dharmeNaiva hi ra~njanam .. 2\-96\-32 (15218) 
sa~NgrAmAnsubahUnkR^itvA hatvA chArInsahasrashaH.
sa~NgrAme yatamAnasya vadhashchaivAdhikAdraNai .. 2\-96\-33 (15219) 
tasya bAhusahasraM tu yudhyataH kila bhArata.
ratho dhvajashcha sa~njaj~na ityevaM me shrutaM parA .. 2\-96\-34 (15220) 
tatheyaM pR^ithivI rAjantsaptadvIpA sapattanA.
sasamudrAkarA tAta vidhinogreNa vai jitA .. 2\-96\-35 (15221) 
chArjuno.atha tejasvI saptadvIpeshvaro.abhavat.
cha rAjA mahAyaj~nAnAjahAra mahAbalaH. 
prashashAsa mahAbAhurmahIM sa cha samA bahUH ..  2\-96\-36 (15222) 
tato.arjunaH kadAchidvai rAjanmAhiShmatIpatiH.
narmadAM bharatashreShThaM tAM tu dArairyayau saha .. 2\-96\-37 (15223) 
tatastAM sa nadIM gatvA pravishyantarjale tadA.
kartuM rAja~njalakrIDAM tato rAjopachakrame .. 2\-96\-38 (15224) 
tasminneva tataH kAle rAvamo rAkShasaiH saha.
la~NkAyA IshvarastAta taM deshaM prayayau balI .. 2\-96\-39 (15225) 
tatastamarjunaM dR^iShTvA narmadAyAM dashAnanaH.
nityaM krodhaparo dhIro varadAnena mohitaH .. 2\-96\-40 (15226) 
abhyaghAvatsusa~Nkruddho mahendraM shambaro yathA.
arjuno.apyatha taM dR^iShTvA rAvaNaM pratyavArayat .. 2\-96\-41 (15227) 
tatastau chakraturyuddhaM rAvaNashchArjunashcha vai.
tatastu durjayaM vIraM varadAnena darpitam .. 2\-96\-42 (15228) 
rAkShasendraM manuShyendro jitvA badhvA raNe balAt.
badhvA dhanurjyayA rAjanviveshAtha purIM svakAm .. 2\-96\-43 (15229) 
sa tu taM bandhitaM shrutvA pulastyo rAvaNaM tadA.
mokShayANAsa bandhAdvai pure dR^iShTvA.arjunaM tadA .. 2\-96\-44 (15230) 
tataH kadAchittejasvI kArtavIryorjuno balI.
samudratIraM gatvAtha virachandarpamohitaH .. 2\-96\-45 (15231) 
avAkirachChitasharaiH samudraM sa tu bhArata.
taM samudro namaskR^itya kR^itA~njalirabhAShata .. 2\-96\-46 (15232) 
AshugAnvIra mA mu~ncha brUhi kiM karavANi te.
madAshrayANi satvAni tvadvisR^iShTairmaheShubhiH. 
bAdhyante rAjashArdUla tebhyo dehyabhayaM vibho ..  2\-96\-47 (15233) 
arjuna uvAcha .. 2\-96\-48x (1696) 
dehi sindhupate yuddhamadyaiva tvarayA mama.
athavA pIDayAmi tvAM tasmAttvaM kuru mAchiram .. 2\-96\-48 (15234) 
samudra uvAcha .. 2\-96\-49x (1697) 
loke rAjanmahAvIryA bahavo nivasanti ye.
teShAmekena rAjendra kuru yuddhaM mahAbala .. 2\-96\-49 (15235) 
arjuna uvAcha .. 2\-96\-50x (1698) 
matsamo yadi sa~NgrAme varAyudhadharaH kvachit.
vidyate taM mamAchakShva yaH samAseta mA mR^idhe .. 2\-96\-50 (15236) 
samudra uvAcha .. 2\-96\-51x (1699) 
maharShirjamadagnistu yadi rAjanparishrutaH.
tasya putro raNaM dAtuM yathAvadvai tavArhati .. 2\-96\-51 (15237) 
duryodhana uvAcha .. 2\-96\-52x (1700) 
samudrasya vachaH shrutvA rAjA mAhiShmatIpatiH.
nAradasya cha vai pUrvaM krodhena mahatA vR^itaH .. 2\-96\-52 (15238) 
tataH pratiyayau shIghraM krodhena saha bhArata.
sa tamAshramamAgatya kAmamevAnvapadyata .. 2\-96\-53 (15239) 
sa kAmaM pratikUlAni chakAra saha bandhubhiH.
AyAsaM janayAmAsa rAmasya sa mahAtmanaH .. 2\-96\-54 (15240) 
tatastejaH prajajvAla rAmasyAmitatejasaH.
pradahanniva sainyAni rashmimAniva tejasA .. 2\-96\-55 (15241) 
atha tau chakraturyuddhaM vR^itravAsavayoriva ..  2\-96\-56 (15242) 
tataH parashumAdAya nR^ipaM bAhusahasriNam.
chichCheda sahasA rAmo bahushAkhamiva drumam .. 2\-96\-57 (15243) 
taM hataM patitaM dR^iShTvA sametAstasya bAndhavAH.
asInAdAya shaktIshcha rAmaM te pratyavArayan .. 2\-96\-58 (15244) 
rAmo.api rathamAsthAya dhanurAyamya satvaraH.
visR^ijanparamAstrANi vyadhamatpArthivAnbalI .. 2\-96\-59 (15245) 
tatastu kShatriyA rAja~njAmadagnyabhayArditAH.
vivishurgiridurgANi mR^igAH siMhabhayAdiva .. 2\-96\-60 (15246) 
teShAM svavihitaM karma tadbhayAnnAnutiShThati.
prajA vR^iShalatAM prAptA brAhmaNAnAmadarshanAt .. 2\-96\-61 (15247) 
tathA cha draviDAH kAchAH puNDAshcha shabaraiH saha.
vR^iShalatvaM parigatA vichChinnAH kShatradharmiNaH .. 2\-96\-62 (15248) 
tatastu hatavIrAsu kShatriyAsu punaH punaH.
dvijairabhyuditaM kShatraM tAni rAmo nihatya cha .. 2\-96\-63 (15249) 
tatastrismaptame yAte rAmaM vAgasharIriNI.
divyA provAcha madhurA sarvalokaparishrutA .. 2\-96\-64 (15250) 
rAmarAma nivartasva svaguNaM nAtra pashyasi.
kShatrabandhUnimAnprAmairviprayujya punaH punaH .. 2\-96\-65 (15251) 
tathaiva taM mahAtmAnamR^ichIkapramukhAstathA.
rAmarAma mahAvIrya nivartasvetyathAbruvan .. 2\-96\-66 (15252) 
piturvadhamasamR^iShyaMstu rAmaH provAcha tAnR^iShIn.
nArhA hanta bhavanto mAM nivArayitumityuta .. 2\-96\-67 (15253) 
pitara UchuH. 2\-96\-68x (1701) 
nArhasi kShatrabandhUMstvaM nihantuM jayatAM vara.
na hi yuktaM tvayA tAta brAhmaNenasatA nR^ipAn .. 2\-96\-68 (15254) 
duryodhana uvAcha .. 2\-96\-69x (1702) 
pitR^INAM vachanaM shrutvA krodhaM tyaktvA sa bhArgavaH.
ashvamedhasahasrANi naramedhashatAni cha .. 2\-96\-69 (15255) 
iShTvA sAgaraparyantAM kAshyapAya dadau mahIm.
tena rAmeNa sa~NgrAme tulyastAta daya~njayaH .. 2\-96\-70 (15256) 
kArtavIryeNa cha raNe tulyaH pArtho na saMshayaH.
raNe vikramya rAjendra pArthaM jetuM na shakyate .. .. 2\-96\-71 (15257) 

iti shrImanmahAbhArate sabhAparvaNi anudyUtaparvaNi ShaNNavatitamo.adhyAyaH ..96 ..

##Mahabharata - Sabha Parva - Chapter Footnotes##

2\-96\-4 gamayat agamayat ..
2\-96\-9 parihAsyati na~NkShyati ..


\medskip\hrule\medskip
sabhAparva \- adhyAya 097
.. shrIH ..
2\.97\. adhyAyaH 97 

##Mahabharata - Sabha Parva - Chapter Topics##
duryodhanena dhR^itarAShTrasamIpe arjunaprabhAvavarNanam .. 1\.. duryodhanadurbodhanena dhR^itarAShTrasya punardyUtAya pANDavAnayanAbhyanuj~nA .. 2\..

##Mahabharata - Sabha Parva - Chapter Text##

duryodhana uvAcha ..

shR^iNu rAjanpurA.achintyAnarjunasya cha sAhasAn.
arjuno dhanvinAM shreShTho duShkaraM kR^itavAnpurA .. 2\-97\-1 (15258) 
drupadasya pure rAjandraupadyAshcha svayaMvara ..
AbAlavR^iddhasa~NkShobhe sarvakShatrasamAgame. 
kShiprakArI jale matsyaM durnirIkShyaM sasarja ha ..  2\-97\-2 (15259) 
sarvairnR^ipairasAdhyaM tatkArmukapravaraM cha vai.
kShaNena sajyamakarotsarvakShatrasya pashyataH .. 2\-97\-3 (15260) 
tato yantramayaM vidhvA visAraM phalguno balI.
kR^iShNayA hemamAlyena skandhe sa pariveShTitaH .. 2\-97\-4 (15261) 
tatastayA vR^itaM pArthaM dR^iShTvA sarve nR^ipAstadA.
roShAtsarvAyudhAngR^ihya kruddhA vIrA mahaujasaH. 
vaikartanaM puraskR^itya sarve pArthamupAdravan ..  2\-97\-5 (15262) 
sa sarvAnpArthivAndR^iShTvA kruddhAnpArtho mahAbalaH.
vArayitvA sharaistIkShNairajayattatra sa svayam .. 2\-97\-6 (15263) 
jitvA tu tAnmahIpAlAnsarvAnkarNapurogamAn.
lebhe kR^iShNAM shubhAM pArtho yudhvA vIryabalAttadA .. 2\-97\-7 (15264) 
sarvakShatrasamUheShu ambAM bhIShmo yathA purA.
tataH kadAchidbIbhatsustIryayAtrAM yayau svayam .. 2\-97\-8 (15265) 
atholUpIM shubhAM tAta nAgarAjasatAM tadA.
nAgeShvApa varAgryeShu prArthito.atha yathA tathA .. 2\-97\-9 (15266) 
tato godAvarIM kR^iShNAM kAverIM chAvagAhata.
tatra pANDyaM samAsAdya tasya kanyAmavApa saH .. 2\-97\-10 (15267) 
labdhvA jiShNurmudaM tatra tato yAmyAM dishaM yayau ..  2\-97\-11 (15268) 
sa dakShiNaM samudrAntaM gatvA chApsarasAM cha vai.
kumAratIrthamAsAdya mokShayAmAsa chArjunaH .. 2\-97\-12 (15269) 
grAharUpAshcha tAH pa~ncha atishauryeNa vai balAt.
kanyAtIrthaM samabhyetya tato dvAravatIM yayau ... 2\-97\-13 (15270) 
tatra kR^iShNanideshAtsa subhadrAM prApya phalgunaH.
tAmAropya rathopasthe prayayau svapurIM prati .. 2\-97\-14 (15271) 
athAdAya gate pArthe te shrutvA sarvayAdavAH.
tamabhyadhAvantsa~NkruddhAH siMhavyAghragaNA iva .. 2\-97\-15 (15272) 
pradyumnaH kR^itavarmA cha gadaH sAraNasAtyakI.
Ahukashchaiva sAmbashcha chArudeShNo vidUrathaH .. 2\-97\-16 (15273) 
anye cha yAdavAH sarve baladevapurogamAH.
ekameva pare kR^iShNaM gajavAjirathairyutAH .. 2\-97\-17 (15274) 
athAsAdya vane yAntaM parivArya dhana~njayam.
chakruryuddhaM susa~NkruddhA bahukoTyashcha yAdavAH .. 2\-97\-18 (15275) 
eka eva tu pArthastairyuddhaM chakre sudAruNam.
tena teShAM samaM yuddhaM muhUrtaM prababhUva ha .. 2\-97\-19 (15276) 
tataH pArtho raNe sarvAnvArayitvA shitaiH sharaiH.
balAdvijitya rAjendra vIrastAnsarvayAdavAn. 
tAM subhadrAmathAdAya shakraprasthaM vivesha ha ..  2\-97\-20 (15277) 
bhUyaH shR^iNu mahArAja phalgunasya cha sAhasam.
dadau sa vahnerbibhatsuH prArthitaM khANDavaM vanam .. 2\-97\-21 (15278) 
labdhamAtre tu tenAtha bhagavAnhavyavAhanaH.
bhakShituM khANDavaM rAjaMstatrasthAnupachakrame .. 2\-97\-22 (15279) 
tatastaM bhakShayantaM vai savyasAchI vibhAvasum.
rathA dhanvI sharAngR^ihya sa kalApayutaH prabhuH. 
pAlayAmAsa rAjendra svavIryeNa mahAbalaH ..  2\-97\-23 (15280) 
tataH shrutvA mahenadrastu meghAMstAnsandidesha ha.
tenoktA meghasa~NghAste vavarShurativR^iShTibhiH .. 2\-97\-24 (15281) 
tato meghagANAnpArthaH sharavrAtaiH samAntataH.
khagamairvArayAmAsa tadAshcharyamivAbhavat .. 2\-97\-25 (15282) 
vAritAnmeghasa~NghAMshcha shrutvA kruddhaH purandaraH.
pANDaraM gajamAsthAya sarvadevagaNairvR^itaH. 
yayau pArthena saMyoddhuM rakShArthaM khANDavasya cha ..  2\-97\-26 (15283) 
rudrAshcha marutashchaiva vasavashchAshvinau tadA.
AdityAshchaiva sAdhyAshcha nishvedevAshcha bhArata. 
gandharvAshchaiva sahitA anye devagaNAshcha ye ..  2\-97\-27 (15284) 
te sarve shastrasampannA dIpyamAnAH svatejasA.
dhana~njayaM jighAMsantaH prapeturvibudhAdhipAH .. 2\-97\-28 (15285) 
yugAnte yAni dR^ishyante nimittAni mahAntyapi.
sarvANi tatra dR^ishyante nimittAni mahIpate .. 2\-97\-29 (15286) 
tato devagamAH sarve pArthaM samabhidudruvuH.
asambhrAntastu tAndR^iShTvA sa tAM devamayIM chamUm .. 2\-97\-30 (15287) 
tvaritaH phalguno gR^ihya tIkShNAMstAnAshugAMstadA.
indraM devAMshcha samprekShya tasthau kAla ivAtyaye .. 2\-97\-31 (15288) 
tato devagaNAH sarve bIbhatsuM sapurandarAH.
avAkira~nCharavrAtairmAnuShaM taM mahIpate .. 2\-97\-32 (15289) 
tataH pArtho mahAtejA gANDivaM gR^ihya satvaraH.
vArayAmAsa devAnAM sharavrAtaiH sharAMstadA .. 2\-97\-33 (15290) 
punaH kruddhAH surAH sarve martyaM taM subhahAbalAH.
nAnAshastrairvavarShustaM savyasAchI mahIpate .. 2\-97\-34 (15291) 
tAnpArthaH shastravarShAnvai visR^iShTAnvibudhaistadA.
dvidhA tridhA sa chichCheda sa eva nishitaiH sharaiH .. 2\-97\-35 (15292) 
punashcha pArthaH sa~Nkruddho maNDalIkR^itakArmukaH.
devasa~NghA~nCharaistIkShNairarpayanvai samantataH .. 2\-97\-36 (15293) 
tato devagaNAH sarve yudhvA pArthena vai muhuH.
raNe jetumashakyaM taM j~nAtvA te bharatarShabha .. 2\-97\-37 (15294) 
shAntAste vibudhAH sarve pArthabANAbhipIDitAH.
sadvipaM vAsavaM tyaktvA dudruvuH sarvato disham .. 2\-97\-38 (15295) 
prAchIM rudrAH sagandharvA dakShiNAM maruto yayuH.
dishaM pratIchIM bhItAste vasavashcha tathA.ashvinau .. 2\-97\-39 (15296) 
AdityAshchaiva vishve cha dudruvurvA uda~NmukhAH.
sAdhyAshchordhvamukhA bhItAshchintayanto.asya sAyakAn .. 2\-97\-40 (15297) 
evaM suragaNAH sarve prAdravantsarvato disham.
muhurmuhuH prekShamANAH pArthameva sakArmukam .. 2\-97\-41 (15298) 
vidrutAndevasa~NghAMstAnraNe dR^iShTvA purandaraH.
tataH kruddho mahAtejAH pArthaM bANairavAkirat .. 2\-97\-42 (15299) 
pArtho.api shakraM vivyAtha mAnuSho vibudhAdhipam ..  2\-97\-43 (15300) 
tataH so.ashmamayaM varShaM vyasR^ijadvibudhAdhipaH.
tachCharairarjuno varShaM pratijAghne.atyamarShaNaH .. 2\-97\-44 (15301) 
atha saMvardhayAmAsa tadvarShaM devarADapi.
bhUya eva mahAvIryaM jij~nAsuH savyasAchinaH .. 2\-97\-45 (15302) 
so.ashmavarShaM mahAvegamiShubhiH pANDavo.api cha.
vilayaM gamayAmAsa harShayanpAkashAsanam .. 2\-97\-46 (15303) 
upAdAya tu pANibhyAma~NgadaM nAma parvatam.
sadrumaM vyasR^ijachChakro jighAMsuH shvetavAhanam .. 2\-97\-47 (15304) 
tato.arjuno vegavadbhirjvalamAnairajihyagaiH.
bANairvidhvaMsayAmAsa girirAjaM sahasradhA .. 2\-97\-48 (15305) 
shakraM cha pAtayAmAsa sharaiH pArtho mahAnyudhi.
tataH shakro mahArAja raNe vIraM dhana~njayam .. 2\-97\-49 (15306) 
j~nAtvA jetumashakyaM taM tejobalasamanvitam.
parAM prIti yayau tatra putrashauryeNa vAsavaH .. 2\-97\-50 (15307) 
tadA tatra na tasyAsti divi kashchinmahAyashAH.
samartho nirjaye rAjannapi sAkShAtprajApatiH .. 2\-97\-51 (15308) 
tataH pArthaH sharairhatvA yakSharAkShasapannagAn.
dIpte chAgnau mahAtejAH pAtayAmAsa santatam .. 2\-97\-52 (15309) 
pratiShedhayituM pArthaM na shekustatra kechana.
dR^iShTvA nivAritaM shakraM divi devagaNaiH saha .. 2\-97\-53 (15310) 
yathA suparNaH somArthaM vibudhAnajayatpurA.
tathA jitvA surAnpArthastarpayAmAsa pAvakam .. 2\-97\-54 (15311) 
tato.arjunaH svavIryeNa tarpayitvA vibhAvasum.
rathaM dhvajaM cha sahayaM divyAnastrAMshcha pANDavaH .. 2\-97\-55 (15312) 
gANDIvaM cha dhanuH shreShThaM tUNI chAkShayasAyakau.
etAnyapi cha bIbhatsurlebhe kIrti cha bhArata .. 2\-97\-56 (15313) 
bhUyo.api shR^iNu rAjendra pArtho gatvottarAM disham.
vijitya navavarShAMshcha sapurAMshcha saparvatAn .. 2\-97\-57 (15314) 
jambudvIpaM vashe kR^itvA sarvaM tadbharatarShabha.
balAjjitvA nR^ipAnsarvAnkare chaviniveshya cha .. 2\-97\-58 (15315) 
ratnAnyAdAya sarvANi gatvA chaiva punaH purIm.
tato jyeShThaM mahAtmAnaM dharmarAjaM yudhiShThiram. 
rAjasUyaM kratushreShThaM kArayAmAsa bhArata ..  2\-97\-59 (15316) 
sa tAnyanyAni karmANi kR^itavAnarjunaH purA.
arjunena samo vIrye triShu lokeShu na kvachit .. 2\-97\-60 (15317) 
devadAnavayakShAshcha pishAchoragarAkShasAH.
bhIShmadroNAdayaH sarve kuravashcha mahArathAH .. 2\-97\-61 (15318) 
loke sarvanR^ipAshchaiva vIrAshchAnye dhanurdharAH.
ete pArthaM raNe yuktAH pratiyoddhuM na shaknuyuH .. 2\-97\-62 (15319) 
ahaM hi nityaM kauravya phalgunaM hR^idi saMsthitam.
apashyaM chintayitvA taM samudvigno.asmi tadbhayAt .. 2\-97\-63 (15320) 
gR^ihe gR^ihe cha pashyAmi tAta pArthamahaM sadA.
sharagANDIvasaMyuktaM pAshahastamivAntakam .. 2\-97\-64 (15321) 
api pArthasahasrANi bhItaH pashyAmi bhArata.
pArthabhUtamidaM sarvaM nagaraM pratibhAti me .. 2\-97\-65 (15322) 
pArthameva hi pashyAmi rahite tAta bhArata.
dR^iShTvA svapnagataM pArthamuddhamAmi vichetanaH .. 2\-97\-66 (15323) 
akArAdIni nAmAni arjunagrastachetasaH.
ashvAkSharAmbujAshchaiva trAsaM sa~njanayanti me .. 2\-97\-67 (15324) 
nAsti pArthAdR^ite tAta paravIrAdbhayaM mama.
prahlAdaM vA baliM vApi hanyAddhi vijayo raNe .. 2\-97\-68 (15325) 
tasmAttena mahArAja yuddhaM nastAta na kShamam.
ahaM tasya prabhAvaj~no nityaM duHkhaM vahAmi cha .. 2\-97\-69 (15326) 
purA hi daNDakAraNye mArIchasya yathA bhayam.
bhavedrAme mahAvIrye tathA pArthe bhayaM mama .. 2\-97\-70 (15327) 
dhR^itarAShTra uvAcha .. 2\-97\-71x (1703) 
jAnAmyeva mahadvIyaM jiShNoretaddurAsadam.
etadvIrasya pArthasya kArShIstvaM tu vipriyam .. 2\-97\-71 (15328) 
dyUtaM vA shastrayuddhaM vA duvAkyaM vA katha~nchana.
eteShvevaM kR^ite tasya vigrahashchaiva vo bhavet .. 2\-97\-72 (15329) 
tasmAttvaM putra pArthena nityaM snehena vartaya.
yashcha pArthena sambandho vartate chennaro bhuvi .. 2\-97\-73 (15330) 
tasya nAsti bhayaM ki~nchitriShu lokeShu bhArata.
tasmAttvaM jiShNunA vatsa nityaM snehena vartaya .. 2\-97\-74 (15331) 
duryodhana uvAcha .. 2\-97\-75x (1704) 
dyUte pArthasya kauravya mAyayA nikR^itiH kR^itA.
tasmAdvi no jayastAta anyopAyena no bhavet .. 2\-97\-75 (15332) 
dhR^itarAShTra uvAcha .. 2\-97\-76x (1705) 
upAyashcha na kartavyaH pANDavAnprati bhArata.
pArthAnprati purA vatsa bahUpAyAH kR^itAstvayA .. 2\-97\-76 (15333) 
tAnupAyAnhi kaunteyA bahusho vyatichakramuH.
tasmAdvitaM jIvitAya naH kulasya janasya cha .. 2\-97\-77 (15334) 
tvaM chikIrShasi chedvatsa samitraH sahabAndhavaH.
sabhrAtR^ikastvaM pArthena nityaM snehena vartaya .. 2\-97\-78 (15335) 
vaishampAyana uvAcha .. 2\-97\-79x (1706) 
dhR^itarAShTravachaH shrutvA rAjA duryodhanastadA.
chintayitvA muhUrtaM tu vidhinA chodito.abravIt'.. 2\-97\-79 (15336) 
punardIvyAma bhadraM te vanavAsAya pANDavaiH.
evametAnvashe kartuM shakShyAmaH puruSharShabha ..Sha  2\-97\-80 (15337) 
te vA dvAdasha varShANi vayaM vA dyUtanirjitAH.
pravishema mahAraNyamajinaiH prativAsitAH .. 2\-97\-81 (15338) 
trayodashaM cha svajanairaj~nAtAH parivatsaram.
j~nAtAshcha punaranyAni vane varShANi dvAdasha .. 2\-97\-82 (15339) 
nivasema vayaM te vA tathA dyUtaM pravartatAm.
akShAnuptvA punardyUtamidaM kurvantu pANDavaH .. 2\-97\-83 (15340) 
etatkR^ityatamaM rAjannasmAkaM bharatarShabha.
ayaM hi shakunirveda savidyAmakShasampadam .. 2\-97\-84 (15341) 
dR^iDhamUlaM vayaM rAjye mitrANi parigR^ihya cha.
sAravadvipulaM sainyaM satkR^itya cha durAsadam .. 2\-97\-85 (15342) 
te cha trayodashaM varShaM pArayiShyanti chedvratam.
jeShyAmastAnvayaM rAjatrochatAM te parantapa .. 2\-97\-86 (15343) 
dhR^itarAShTra uvAcha .. 2\-97\-87x (1707) 
tUrNaM pratyAnayasvaitAnkAmaM vyadhvagatAnapi.
AgachChantu punardyUtamidaM kurvantu pANDavaH .. 2\-97\-87 (15344) 
vaishampAyana uvAcha .. 2\-97\-88x (1708) 
tato droNaH somadatto bAhlIkashchaiva gautamaH.
viduro droNaputrashcha vaishyAputrashcha vIryavAn .. 2\-97\-88 (15345) 
bhUrishravAH shAntanavo vikarNashcha mahArathaH.
mA dyUtamityabhAShanta shamo.astviti cha sarvashaH .. 2\-97\-89 (15346) 
akAmAnAM cha sarveShAM suhR^idAmarthadarshinAm.
akarotpANDavAhvAnaM dhR^itarAShTraH sutapriyaH .. 2\-97\-90 (15347) 
athAbravInmahArAja dhR^itarAShTraM janeshvaram.
putrahArdAddharmayuktA gAndhArI shokakarshitA .. 2\-97\-91 (15348) 
jAte duryodhane kShattA mahAmatirabhAShata.
nIyatAM paralokAya sAdhvayaM kulapAMsanaH .. 2\-97\-92 (15349) 
vyanadajjAtamAtro hi gomAyuriva bhArata.
anto nUnaM kulasyAsya kuravastannibodhata .. 2\-97\-93 (15350) 
mA nimajjIH svadoSheNa mahApsu tvaM hi bhArata.
mA bAlAnAmashiShTAnAmabhimaMsthA matiM prabho .. 2\-97\-94 (15351) 
mA kulasya kShaye ghore kAraNaM tvaM bhaviShyasi.
baddhaM setuM ko nu bhindyAddhamechChAntaM cha pAvakam .. 2\-97\-95 (15352) 
shame sthitAnko nu pArthAnkopayedbharatarShabha.
smarantaM tvAmAjamIDhaM smArayiShyAmyahaM punaH .. 2\-97\-96 (15353) 
shAstraM na shAsti durbuddhiM shreyase chetarAya cha.
na vai vR^iddho bAlamatirbhavedrAjankatha~nchana .. 2\-97\-97 (15354) 
tvannetrAH santu te putrA mA tvAM dIrNAH prahAsiShuH.
tasmAdayaM madvachanAttyajyatAM kulapAMsanaH .. 2\-97\-98 (15355) 
tathA te na kR^itaM rAjanputrasnehAnnarAdhipa.
tasya prAptaM phalaM viddhi kulAntakaraNAya yat .. 2\-97\-99 (15356) 
shamena dharmeNa nayena yuktA
yA te buddhiH sA.astu te mA pramAdIH. 
pradhvaMsinI krUrasamAhitA shrI\-
rmR^iduprauDhA gachChati putrapautrAn ..  2\-97\-100 (15357) 
athAbravInmahArAjo gAndhArIM dharmadarshinIm.
antaH kAmaM kulasyAstu na shaknomi nivAritum .. 2\-97\-101 (15358) 
yathechChanti tathaivAstu pratyAgachChantu pANDavAH.
punardyUtaM cha kurvantu mAmakAH pANDavaiH saha .. .. 2\-97\-102 (15359) 

iti shrImanmahAbhArate sabhAparvaNi anudyUtaparvaNi saptanavatitamo.adhyAyaH ..97\..

##Mahabharata - Sabha Parva - Chapter Footnotes##

2\-97\-90 akAmAnAM dyUtamanichChatAM satAm ..
2\-97\-98 tvannetrAstvameva netA yeShAM te tvannetrAH . dIrNAstvatto bhinnarma yAdAH ..


\medskip\hrule\medskip
sabhAparva \- adhyAya 098
.. shrIH ..
2\.98\. adhyAyaH 98 

##Mahabharata - Sabha Parva - Chapter Topics##
nijanagaraM gachChato yudhiShThirasya madhyemArgaM dUtAhvAnena punarnivR^ittya dyUta sabhApraveshaH .. 1\.. anudyUtepi yudhiShThirasya shakuninA parAjayaH .. 2\..

##Mahabharata - Sabha Parva - Chapter Text##

vaishampAyana uvAcha ..

tato vyadhvagataM pArthaM prAtikAmI yudhiShThiram.
uvAcha vachanAdrAj~no dhR^itarAShTrasya dhImataH .. 2\-98\-1 (15360) 
upAstIrNA sabhA rAjannakShAnuptvA yudhiShThira.
ehi pANDava dIvyeti pitA tvAha narAdhipaH .. 2\-98\-2 (15361) 
yudhiShThira uvAcha .. 2\-98\-3x (1709) 
dhAturniyogAdbhUtAni prApnuvanti shubhAshubham.
na nivR^ittistayorasti devatavyaM punaryadi .. 2\-98\-3 (15362) 
akShadyUte samAhvAnaM niyogAtsthavirasya cha.
jAnannapi kShayakaraM nAtikramitumutsahe .. 2\-98\-4 (15363) 
vaishampAyana uvAcha .. 2\-98\-5x (1710) 
asambhavo hemamayasya janto\-
stathApi rAmo lulubhe mR^igAya. 
prAyaH samAsannaparAbhavANAM
dhiyo viparyastatarA bhavanti ..  2\-98\-5 (15364) 
iti bruvannivavR^ite bhrAtR^ibhiH saha pANDavaH.
jAnAMshcha shakunermAyAM pArtho dyUtamiyAtpunaH .. 2\-98\-6 (15365) 
vivishuste sabhAM tAM tu punareva mahArathAH.
vyathayanti sma chetAMsi muhR^idAM bharatarShabhAH .. 2\-98\-7 (15366) 
yathopajoShamAsInAH punardyUtapravR^ittaye.
sarvalokavinAshAya daivenopanipIDitAH .. 2\-98\-8 (15367) 
shakuniruvAcha .. 2\-98\-9x (1711) 
amu~nchatsthaviro yadvo dhanaM pUjitameva tat.
mahAdhanaM glahaM tvekaM shR^iNu bho bharatarShabha .. 2\-98\-9 (15368) 
vayaM vA dvAdashAbdAni yuShmAbhirdyUtanirjitAH.
pravishema mahAraNyaM rauravAjinavAsasaH .. 2\-98\-10 (15369) 
trayodashaM cha svajanairaj~nAtAH parivatsaram.
j~nAtAshcha punaranyAni vane varShANi dvAdasha .. 2\-98\-11 (15370) 
asmAbhirnirjitA yUyaM vane dvAdasha vatsarAn.
vasadhvaM kR^iShNayA sArdhamajinaiH prativAsitAH .. 2\-98\-12 (15371) 
trayodashaM cha svajanairaj~nAtAH piravatsaram.
j~nAtAshcha punaranyAni vane varShANi dvAdasha .. 2\-98\-13 (15372) 
trayodashe cha nirvR^itte punareva yathochitam.
svarAjyaM pratipattavyamitarairathavetaraiH .. 2\-98\-14 (15373) 
anena vyavasAyena sahAsmAbhiryudhiShThira.
akShAnuptvA punardyUtamehi dIvyasva bhArata .. 2\-98\-15 (15374) 
atha sabhyAH sabhAmadhye samuchChritakarAstadA.
UchurudvignamanasaH saMvegAtsarva eva hi .. 2\-98\-16 (15375) 
sabhyA UchuH. 2\-98\-17x (1712) 
aho dhigbAndhavA nainaM bodhayanti mahadbhayam.
buddhyA buddhyenna vA buddhyedayaM vai bharatarShabha .. 2\-98\-17 (15376) 
vaishampAyana uvAcha .. 2\-98\-18x (1713) 
janapravAdAnsubahU~nshR^iNvannapi narAdhipaH.
hriyA cha dharmasaMyogAtpArtho dyUtamiyAtpunaH .. 2\-98\-18 (15377) 
jAnannApi mahAbuddhiH punardyUtamavartayat.
apyAsanno vinAshaH syAtkurUNAmitichintayan .. 2\-98\-19 (15378) 
yudhiShThira uvAcha .. 2\-98\-20x (1714) 
kathaM vai madvidho rAjA svadharmamanupAlayan.
AhUto vinivarteta dIvyAmi shakune tvayA .. 2\-98\-20 (15379) 
shakuniruvAcha .. 2\-98\-21x (1715) 
gavAshvaM bahudhenukamaparyantamajAvikam.
gajAH kosho hiraNyaM cha dAsIdAsAshcha sarvashaH .. 2\-98\-21 (15380) 
hitvA no glaha evaiko vanavAsAya pANDavAH.
yUyaM vayaM vA vijitA vasema vanamAshritAH .. 2\-98\-22 (15381) 
trayodashaM cha vai varNamaj~nAtAH svajanaistathA.
anena vyavasAyena dIvyAma puruSharShabhAH.  2\-98\-23 (15382) 
samutkShepeNa chaikena vanavAsAya bhArata ..  2\-98\-24 (15383) 
` vaishampAyana uvAcha .. 2\-98\-24x (1716) 
evaM daivabalAviShTo dharmarAjo yudhiShThiraH.
bhIShmadroNA.a.avAryamANo vidureNa cha dhImatA .. 2\-98\-24 (15384) 
yuyutsunA kR^ipeNAtha sa~njayena cha bhArata.
gAndhAryA pR^ithayA chaiva bhImArjunayamaistathA .. 2\-98\-25 (15385) 
vikarNena cha vIreNa draupadyA drauNinA tathA.
somadattena cha tathA bAhlIkena cha dhImatA .. 2\-98\-26 (15386) 
vAryamANopi satataM na cha rAjanniyachChati.
evaM saMvAryamANopi kaunteyo hitakAmyayA .. 2\-98\-27 (15387) 
devakAryArthasiddhyarthaM muhUrtaM kalimAvishat.
aviShTaH kalinA rAja~nChakuniM pratyabhAShata .. 2\-98\-28 (15388) 
evaM bhavatviti tadA vanavAsAya dIvyati'.
pratijagrAha taM pArtho glahaM jagrAha saubalaH ..
jitamityeva shakuniryudhiShThiramabhAShata .. ..  2\-98\-29 (15389) 

iti shrImanmahAbhArate sabhAparvaNi anudyUtaparvaNi aShTanavatitamo.adhyAyaH .. 98 ..

##Mahabharata - Sabha Parva - Chapter Footnotes##

2\-98\-16 saMvegAdatishayAt ..


\medskip\hrule\medskip
sabhAparva \- adhyAya 099
.. shrIH ..
2\.99\. adhyAyaH 99 

##Mahabharata - Sabha Parva - Chapter Topics##
vanAya prasthitAnpANDavAnprati dushshAsanakR^itApahAsaH ..1\.. pANDavAnAM bahupratij~nAkaraNapUrvakaM dhR^itarAShTrasamIpagamanam .. 2\..

##Mahabharata - Sabha Parva - Chapter Text##

vaishampAyana uvAcha ..

tataH parAjitAH pArthA vanAvAsAya dIkShitAH.
ajinAnyuttarIyANi jagR^ihushcha yathAkramam .. 2\-99\-1 (15390) 
ajinaiH saMvR^itAndR^iShTvA hR^itarAjyAnarindamAn.
prasthitAnvanavAsAya tato duHshAsano.abravIt .. 2\-99\-2 (15391) 
pravR^ittaM dhArtarAShTrasya chakraM rAj~no mahAtmanaH.
parAjitAH pANDaveyA vipattiM paramAM gatAH .. 2\-99\-3 (15392) 
adya devAH samprayAtAH samairvartmabhirasthalaiH.
guNajyeShThAstathA shreShThAH shreyAMso yadvayaM paraiH .. 2\-99\-4 (15393) 
narakaM pAtitAH pArthA dIrghakAlamanantakam.
mukhAchcha hInA rAjyAchcha vinaShTAH shAshvatIH samAH .. 2\-99\-5 (15394) 
dhanena mattA ye te sma dhArtarAShTrAnprahAsiShuH.
te nirjitA hR^itadhanA vanameShyanti pANDavaH .. 2\-99\-6 (15395) 
chitrAnsannAhAnavamu~nchantu chaiShAM
vAsAMsi divyAni cha bhAnumanti .. 
vivAsyantAM rurucharmANi sarve
yathA glahaM saubalasyAbhyupetAH ..  2\-99\-7 (15396) 
na santi lokeShu pumAMsa IdR^ishA
ityeva ye bhAvitabuddhayaH sadA. 
j~nAsyanti tetmAnamime.adya pANDavA
viparyaye pANDhatilA ivAphalAH ..  2\-99\-8 (15397) 
idaM hi vAso yadi vedR^ishAnAM
manasvinAM rauravamAhaveShu .. 
AdIkShitAnAmajinAni yadva\-
dvalIyasAM pashyata pANDavAnAm ..  2\-99\-9 (15398) 
mahAprAj~naH saumakiryaj~nasenaH
kanyAM pA~nchAlIM pANDavebhyaH pradAya. 
akArShidvai sukR^itaM neha ki~nchit
klIbAH pArthAH patayo yAj~nasenyAH ..  2\-99\-10 (15399) 
sUkShmaprAvArAnajinottarIyAn
dR^iShTvA.araNye nirdhanAnapratiShThAn. 
kAM tvaM prItiM lapsyase yAj~naseni
patiM vR^iNIShveha yamanyamichChasi ..  2\-99\-11 (15400) 
ete hi sarve kuravaH sametAH
kShAntA dAntAH sudraviNopapannAH. 
eShAM vR^iNIShvaikatamaM patitve
na tvAM nayetkAlaviparyayo.ayam ..  2\-99\-12 (15401) 
yathA.aphalAH ShaNDhatilA yathA charmamayA mR^igAH.
tathaiva pANDavAH sarve yathA kAkayavA api .. 2\-99\-13 (15402) 
kiM pANDavAMste patitAnupAsya
moghaH shramaH ShaNDhatilAnupAsya. 
evaM nR^ishaMsaH paruShANi pArthA\-
nashrAvayaddhR^itarAShTrasya putraH ..  2\-99\-14 (15403) 
tadvai shrutvA bhImaseno.atyamarShI
nirbhartsyochchaiH sannigR^ihyaiva roShAt. 
uvAcha chainaM sahasaivopagamya
siMho yathA haimavataH shR^igAlam ..  2\-99\-15 (15404) 
bhImasena uvAcha .. 2\-99\-16x (1717) 
krUra pApajanairjuShTamakR^itArthaM prabhAShase.
gAndhAravidyayA hi tvaM rAjamadhye vikatthase .. 2\-99\-16 (15405) 
yathA tudasi marmANi vAkCharairiha no bhR^isham.
tathA smArayitA te.ahaM kR^intanmarmANi saMyuge .. 2\-99\-17 (15406) 
ye cha tvAmanuvartante krodhalobhavashAnugAH.
goptAraH sAnubandhAMstAnnetA.asmi yamasAdanam .. 2\-99\-18 (15407) 
vaishampAyana uvAcha .. 2\-99\-19x (1718) 
evaM bruvANamajinairvivAsitaM
duHshAsanastaM parinR^ityati sma. 
madhye kurUNAM dharmanibaddhamArgaM
gaurgauriti smAhvayanmuktalajjaH ..  2\-99\-19 (15408) 
bhImasena uvAcha .. 2\-99\-20x (1719) 
nR^ishaMsa paruShaM vaktuM duHshAsana tvayA.
nikR^ityA hi dhanaM labdhvA ko vikatthitumarhati .. 2\-99\-20 (15409) 
maiva sma sukR^itAM lokAngachChetpArtho vR^ikodaraH.
yadi vakSho hi te bhittvA na pibechChoNitaM raNe .. 2\-99\-21 (15410) 
dhArtarAShTrAnraNe hattvA miShatAM sarvadhanvinAm.
shamaM gantA.asmi nachirAtsatyametadbravImi te .. 2\-99\-22 (15411) 
vaishampAyana uvAcha .. 2\-99\-23x (1720) 
tasya rAjA siMhagateH sakhelaM
duryodhano bhImasenasya harShAt. 
gatiM svagatyA.anuchakAra mando
nirgachChatAM pANDavAnAM sabhAyAH ..  2\-99\-23 (15412) 
naitAvatA kR^itamityabravIttaM
vR^ikodaraH sannivR^ittArdhakAyaH. 
shIghraM hi tvAM nihataM sAnubandhaM
saMsmAryAhaM prativakShyAmi mUDha ..  2\-99\-24 (15413) 
evaM samIkShyAtmani chAvamAnaM
niyamya manyuM balavAnsa mAnI. 
rAjAnugaH saMsadi kauravANAM
viniShkAmanvAkyamuvAcha bhImaH ..  2\-99\-25 (15414) 
ahaM duryodhanaM hantA karNaM hantA dhana~njayaH.
shakuniM chAkShakitavaM sahadevo haniShyati .. 2\-99\-26 (15415) 
idaM cha bhUyo vakShyAmi sabhAmadhye bR^ihadvachaH.
satyaM devAH kariShyanti yanno yuddhaM bhaviShyati .. 2\-99\-27 (15416) 
suyodhanamimaM pApaM hantA.asmi gadayA yudhi.
shiraH pAdena chAsyAhamadhiShThAsyAmi bhUtale .. 2\-99\-28 (15417) 
vAkyashUrasya chaivAsya paruShasya durAtmanaH.
duHshAsanasya rudhiraM pAtA.asmi mR^igarADiva .. 2\-99\-29 (15418) 
arjuna uvAcha .. 2\-99\-30x (1721) 
`bhImasena na te santi yeShAM vairaM tvayA tviha.
mattA mR^igeShu sukhino na buddhyante mahadbhayam'.. 2\-99\-30 (15419) 
naivaM vAchA vyavasitaM bhIma vij~nAyate satAm.
itashchaturdashe varShe draShTAro yadbhaviShyati .. 2\-99\-31 (15420) 
bhImasena uvAcha .. 2\-99\-32x (1722) 
duryodhanasya karNasya shakuneshcha durAtmanaH.
duHshAsanachaturthAnAM bhUmiH pAsyati shoNitam .. 2\-99\-32 (15421) 
arjuna uvAcha .. 2\-99\-33x (1723) 
asUyitAraM draShTAraM pravaktAraM vikatthanam.
bhImasena niyogAtte hantAhaM karNamAhave .. 2\-99\-33 (15422) 
arjunaH pratijAnIte bhImasya priyakAmyayA.
karNaM karNAnugAMshchaiva raNe hantA.asmi patribhiH .. 2\-99\-34 (15423) 
ye chAnye pratiyotsyanti buddhimohena mAM nR^ipAH.
tAMshcha sarvAnahaM bANairnetA.asmi yamasAdanam .. 2\-99\-35 (15424) 
chaledvi himavAnsthAnAnniShprabhaH syAddivAkaraH.
shaityaM somAtpraNashyeta matsatyaM vichaledyadi .. 2\-99\-36 (15425) 
na pradAsyati chedrAjyamito varShe chaturdashe.
duryodhano.abhisatkR^itya satyametadbhaviShyati .. 2\-99\-37 (15426) 
vaishampAyana uvAcha .. 2\-99\-38x (1724) 
ityuktavati pArthe tu shrImAnmAdravatIsutaH.
pragR^ihya vipulaM bAhuM sahadevaH pratApavAn .. 2\-99\-38 (15427) 
saubalasya vadhaM prepsuridaM vachanamabravIt.
krodhasaMraktanayano niH shvasanniva pannagaH .. 2\-99\-39 (15428) 
sahadeva uvAcha .. 2\-99\-40x (1725) 
akShAnyAnmanyase mUDha gAndhArANAM yashohara.
naite.akShA nishitA bANAstvayaite samare vR^itAH .. 2\-99\-40 (15429) 
yathA chaivoktavAnbhImastvAmuddishya sabAndhavam.
kartAhaM karmaNastasya kuru kAryANi sarvashaH .. 2\-99\-41 (15430) 
hantA.asmi tarasA yuddhe tvAmevahe sabAndhavam.
yadi sthAsyasi sa~NgrAme kShatradharmeNa saubala .. 2\-99\-42 (15431) 
sahadevavachaH shrutvA nakulo.api vishAmpate.
darshanIyatamo nR^INAmidaM vachanamabravIt .. 2\-99\-43 (15432) 
suteyaM yaj~nasenasya dyUte.asmindhR^itarAShTrajaiH.
yairvAchaH shrAvitA rUkShAH sthitairduryodhanapriye .. 2\-99\-44 (15433) 
tAndhArtarAShTrAndurvR^ittAnmumUrShUnkAlanoditAn.
gamayiShyAmi bhUyiShThAnahaM vaivasvatakShayam .. 2\-99\-45 (15434) 
`ulUkaM cha durAtmAnaM saubalasya sutaM priyam.
krUraM hantA.asmi samare taM vai krUraM narAdhamam'.. 2\-99\-46 (15435) 
nideshAddharmarAjasya draupadyAH padavIM charan.
nirdhArtarAShTrAM pR^ithivIM kartA.asmi nachirAdiva .. 2\-99\-47 (15436) 
vaishampAyana uvAcha .. 2\-99\-48x (1726) 
evaM te puruShavyAghrAH sarve vyAyatabAhavaH.
pratij~nA bahulAH kR^itvA dhR^itarAShTramupAgaman .. .. 2\-99\-48 (15437) 

iti shrImanmahAbhArate sabhAparvaNi anudyUtaparvaNi ekonashatatamo.adhyAyaH .. 99 ..

##Mahabharata - Sabha Parva - Chapter Footnotes##

2\-99\-13 kAkayavA nistaNDulaM tR^iNadhAnyam ..
2\-99\-17 smarayitA smArayiShyAmi ..


\medskip\hrule\medskip
sabhAparva \- adhyAya 100
.. shrIH ..
2\.100\. adhyAyaH 100 

##Mahabharata - Sabha Parva - Chapter Topics##
yudhiShThireNa vanagamanAya bhIShmAdyAmantraNam .. 1\.. pANDavAnprati viduravachanam .. 2\..

##Mahabharata - Sabha Parva - Chapter Text##

yudhiShThira uvAcha ..

AmantrayAmi bharatAMstathA vR^iddhaM pitAmaham ..
rAjAnaM somadattaM cha mahArAjaM cha bAhlikam .. 2\-100\-1 (15438) 
droNaM kR^ipaM nR^ipAMshchAnyAnashvatthAmAnameva cha.
viduraM dhR^itarAShTraM cha dhArtarAShTrAMshcha sarvashaH .. 2\-100\-3a`saumadattiM mahAvIryaM vikarNaM cha mahAmatim'.
yuyutsuM sa~njayaM chaiva tathaivAnyAnsabhAsadaH .. 2\-100\-4a`gAndhArIM cha mahAbhAgAM mAtaraM cha tathA pR^ithAm'.
sarvAnAmantrya gachChAmi draShTA.asmi punaretya vaH ..  2\-100\-2 (15439) 
vaishampAyana uvAcha .. 2\-100\-5x (1727) 
na cha ki~nchidathochustaM hriyA.a.asannA yudhiShThiram.
manobhireva kalyANaM dadhyuste tasya dhImataH .. 2\-100\-5 (15440) 
vidura uvAcha .. 2\-100\-6x (1728) 
AryA pR^ithA rAjaputrI nAraNyaM gantumarhati.
sukumArI cha vR^iddhA cha nityaM chaiva sukhochitA .. 2\-100\-6 (15441) 
iha vatsyati kalyANI satkR^itA mama veshmani.
iti pArthA vijAnIdhvamagadaM vo.astu sarvashaH .. 2\-100\-7 (15442) 
pANDavA UchuH. 2\-100\-8x (1729) 
tathetyuktvA.abruvansarve yathA no vadase.anagha.
tvaM pitR^ivyaH pitR^isamo vayaM cha tvatparAyaNAH .. 2\-100\-8 (15443) 
yathA.a.aj~nApayase vidvaMstvaM hi naH paramo guruH.
yachchAnyadapi kartavyaM tadvidhatsva mahAmate .. 2\-100\-9 (15444) 
vidura uvAcha .. 2\-100\-10x (1730) 
yudhiShThira vijAnIhi mamedaM bharatarShabha.
nAdharmeNa jitaH kashchidvyathate vai parAjaye .. 2\-100\-10 (15445) 
tvaM vai dharmaM vijAnIShe yuddhe jetA dhana~njayaH.
hantA.arINAM bhImaseno nakulastvarthasa~NgrahI .. 2\-100\-11 (15446) 
saMyantA sahadevastu dhaumyo brahmaviduttamaH.
dharmArthakushalA chaiva draupadI dharmachAriNI .. 2\-100\-12 (15447) 
anyonyasya priyAH sarve tathaiva priyadarshanAH.
parairabhedyAH santuShTAH ko vona na spR^ihayediha .. 2\-100\-13 (15448) 
eSha vai sarvakalyANaH samAdhistava bhArata.
nainaM shatrurviShahate shakreNApi samo.apyuta .. 2\-100\-14 (15449) 
himavatyanushiShTo.asi merusAvarNinA purA.
dvaipAyanena kR^iShNena nagare vAraNAvate .. 2\-100\-15 (15450) 
bhR^igutu~Nge cha rAmeNa dR^iShTadvatyAM cha shambhunA.
ashrauShIrasi tasyApi maharShera~njanaM prati .. 2\-100\-16 (15451) 
kalmAShItIrasaMsthasya gatastvaM shiShyatAM bhR^igoH.
draShTA sadA nAradaste dhaumyaste.ayaM purohitaH .. 2\-100\-17 (15452) 
mAhAsIH sAmparAye tvaM buddhiM tAmR^iShipUjitAm.
purUravasamailaM tvaM buddhyA jayasi pANDava .. 2\-100\-18 (15453) 
shaktyA jayasi rAj~no.anyAnR^iShIndhargopasevayA.
aindre jaye dhR^itamanA yAmye kopavidhAraNe .. 2\-100\-19 (15454) 
tathA visarge kaubere vAruNe kopavidhAraNe ..
AtmapradAnaM saumyatvamadbhyashchaivopajIvanam .. 2\-100\-20 (15455) 
bhUmeH kShamA cha tejashcha samagraM sUryamaNDalAt.
vAyorbalaM prApnuhi tvaM bhUtebhyashchAtmasampadam .. 2\-100\-21 (15456) 
agadaM vo.astu bhadraM vo draShTA.asmi punarAgatAn.
ApaddharmArthakR^ichChreShu sarvakAryeShu vA punaH .. 2\-100\-22 (15457) 
yathAvatpratipadyethAH kAle kAle yudhiShThira.
ApR^iShTo.asIha kaunteya svasti prApnuhi bhArata .. 2\-100\-23 (15458) 
kR^itArthaM svasmimantaM tvAM drakShyAmaH punarAgatam.
na hi vo vR^ijinaM ki~nchidveda kashchitpurAkR^itam .. 2\-100\-24 (15459) 
vaishampAyana uvAcha .. 2\-100\-25x (1731) 
evamuktastathetyuktvA pANDavaH satyavikramaH.
bhIShmadroNau namaskR^itya prAtiShThata yudhiShThiraH .. .. 2\-100\-25 (15460) 

iti shrImanmahAbhArate sabhAparvaNi anudyAtaparvaNi shatatamo.adhyAyaH .. 100\..

##Mahabharata - Sabha Parva - Chapter Footnotes##

2\-100\-14 samAdhirmanaH svAsthyakaro niyamaH ..
2\-100\-19 vidhAraNe niyamane ..
2\-100\-20 visarge dAne . saMyame vashIkaraNe . upajIvanaM jIvanahetutvam ..


\medskip\hrule\medskip
sabhAparva \- adhyAya 101
.. shrIH ..
2\.101\. adhyAyaH 101 

##Mahabharata - Sabha Parva - Chapter Topics##
pANDavAnAM vanaprasthAnena khidyatAM paurANAM vachanAni .. 1\..

##Mahabharata - Sabha Parva - Chapter Text##

vaishampAyana uvAcha ..

tataH samprasthite tatra dharmarAje tadA nR^ipa.
janAH samantAddraShTuM taM samAruruhurAturAH .. 2\-101\-1 (15461) 
tataH prAsAdavaryANi vimAnashikharANi cha.
gopurANi cha sarvANi vR^ikShAnanyAMshcha sarvashaH .. 2\-101\-2 (15462) 
athAdhiruhya sastrIkA udAsInA vyalokayan.
na hi rathyAstadA shakyA gantuM tAshcha janAkulAH .. 2\-101\-3 (15463) 
Aruhya smAnatAstatra dInAH pashyanti pANDavAn.
padAtiM varjitachChatraM chelabhUShaNavarjitam .. 2\-101\-4 (15464) 
valkalAjinasaMvItaM pArthaM dR^iShTvA janAstadA.
UchurbahuvidhA vAcho bhR^ishopahatachetasaH .. 2\-101\-5 (15465) 
janA UchuH. 2\-101\-6x (1732) 
yaM yAntamanuyAti sma chatura~NgabalaM mahat.
tamekaM kR^iShNayA sArdhamanugachChanti pANDavAH .. 2\-101\-6 (15466) 
chatvAro bhrAtarashchaiva dhaumyashchaiva purohitaH.
bhImArjunau vArayitvA nikR^ityA baddhakArmukau .. 2\-101\-7 (15467) 
dharma evAsthito yena tyaktvA rAjyaM mahAtmanA.
yA na shakyA purA draShTuM bhUtairAkAshagairapi .. 2\-101\-8 (15468) 
tAmadya kR^iShNAM pashyanti rAjamArgagatA janAH.
a~NgarAgochitAM kR^iShNAM raktachandanasevinIm .. 2\-101\-9 (15469) 
varShamuShNaM cha shItaM cha neShyatyAshu vivarNatAm.
adya nUnaM pR^ithA devI satyamAvishya bhAShate .. 2\-101\-10 (15470) 
putrAnsnuShAM cha devI tu draShTumadyAtha nArhati.
nirguNasyApi putrasya kathaM syAhuH svadarshanam .. 2\-101\-11 (15471) 
kimpunaryasya loko.ayaM jito vR^ittena kevalam.
AnR^ishaMsyamanukrosho dhR^itiH shIlaM damaH shamaH .. 2\-101\-12 (15472) 
pANDavaM shobhayantyete ShaDguNAH puruShottamam.
tasmAdasyopaghAtena prajAH paramapIDitAH .. 2\-101\-13 (15473) 
audakAnIva satvAni grIShme salilasa~NkShayAt.
pIDayA pIDitaM sarvaM jagadasya jagatpateH .. 2\-101\-14 (15474) 
mUlasyaivopaghAtena vR^ikShaH puShpaphalopagaH.
mUlaM hyeSha manuShyANAM dharmarAjo mahAdyutiH .. 2\-101\-15 (15475) 
puShpaM phalaM cha patraM cha shAkhAstasyetare janAH.
te bhrAtara iva kShipraM saputrAH sahabAndhavAH .. 2\-101\-16 (15476) 
gachChantamanugachChAmo yena gachChati pANDavaH.
udyAnAni parityajya kShetrANi cha gR^ihANi cha .. 2\-101\-17 (15477) 
ekaduHkhasukhAH pArthamanuyAma sudhArmikam.
samuchChritapatAkAni paridhvastAjirANi cha .. 2\-101\-18 (15478) 
upAttadhanadhAnyAni hR^itasArANi sarvashaH.
rajasA.apyavakIrNAni parityaktAni daivataiH .. 2\-101\-19 (15479) 
mUShakaiH paridhAvadbhirudbalairAvR^itAni cha.
apetodakadhUmAni hInasaMmArjanAni cha .. 2\-101\-20 (15480) 
pranaShTabalikarmejyAmantrahomajapAni cha.
duShkAleneva bhagnAni bhinnabhAjanavanti cha .. 2\-101\-21 (15481) 
asmattyaktAni veshmAni saubalaH pratipadyatAm.
vanaM nagaramevAstu yena gachChanti pANDavAH .. 2\-101\-22 (15482) 
asmAbhishcha parityaktaM puraM sampadyatAM vanam.
bilAni daMShTriNaH sarve vAni mR^igapakShiNaH .. 2\-101\-23 (15483) 
tyajantvasmadbhayAdbhItA gajAH siMhA vanAnyapi.
anAkrAntaM prapadyantaH sevamAnaM tyajantu cha .. 2\-101\-24 (15484) 
tR^iNamAMsaphalAdAnAM deshAMstyaktvA mR^igadvijAH.
vayaM pArthairvane samyaksaha vatsyAma nirvR^itAH .. 2\-101\-25 (15485) 
ityevaM vividhA vAcho nAnAjanasamIritAH.
shushrAva pArthaH shrutvA cha na vichakre.asya mAnasam .. 2\-101\-26 (15486) 
tataH prAsAdasaMsthAstu samantAdvai gR^ihe gR^ihe.
brAhmaNakShatriyavishAM shUdrANAM chaiva yoShitaH .. 2\-101\-27 (15487) 
gatvA svagR^ihajAlAni utpATyAvaraNAni cha.
dadR^ishuH pANDavAndInAnvalkalAjinavAsasaH .. 2\-101\-28 (15488) 
kR^iShNAM tvadR^iShTapUrvAM tAM vrajantIM padbhireva cha.
ekavastrAM rudantIM tAM muktakeshIM rajasvalAm .. 2\-101\-29 (15489) 
dR^iShTvA tadA striyaH sarvA vivarNavadanA bhR^isham.
vilapya bahudhA mohAdduHkhashokena pIDitAH. 
hAhA dhigdhigdhigityuktvA netrairashrUNyavartayan ..  2\-101\-30 (15490) 
janasyAtha vajaH shrutvA sa rAjA bhrAtR^ibhiH saha.
uddishya vanAvAsAya pratasthe kR^itanishchayaH .. 2\-101\-31 (15491) 
vaishampAyana uvAcha .. 2\-101\-32x (1733) 
tasminsamprasthite kR^iShNA pR^ithAM prApya yashasvinIm.
apR^ichChadbhR^ishaduHkhArtA yAshchAnyAstatra yoShitaH .. 2\-101\-32 (15492) 
tato ninAdaH sumahAnpANDavAntaH pure.abhavat ..  2\-101\-33 (15493) 
kuntI cha bhR^ishashantaptA draupadIM prekShya gachChatIm.
shokavihvalayA vAchA kR^ichChrAdvachanamabravIt .. 2\-101\-34 (15494) 
vatse shoko na te kAryaH prApyedaM vyasanaM mahat.
strIdharmANAmabhij~nA.asi shIlAchAravatI tathA .. 2\-101\-35 (15495) 
na tvAM shandeShTumarhAmi bhartR^Inprati shuchismite.
sAdhvI guNasamApannA bhUShitaM te kuladvayam .. 2\-101\-36 (15496) 
sabhAgyAH kuravashcheme ye na dagdhAstvayA.anaghe.
ariShTaM vraja panthAnaM madanudhyAnabR^iMhitA .. 2\-101\-37 (15497) 
bhAvinyarthe hi satstrINAM vaikR^itaM nopajAyate.
gurudharmAbhiguptA cha shreyaH kShipramavapsyasi .. 2\-101\-38 (15498) 
sahadevashcha me putraH sadA.avekShyo vane vasan.
yathedaM vyasanaM prApya nAyaM sIdenmahAmatiH .. 2\-101\-39 (15499) 
vaishampAyana uvAcha .. 2\-101\-40x (1734) 
tathenyuktvA tu sA devI sravannetrajalAvilA.
shoNitAktaikavasanA muktakeshI viniryayau .. 2\-101\-40 (15500) 
tAM kroshantIM pR^ithA duHkhAdanuvavrAja gachChatIm.
athApashyansutAnsarvAnhR^itAbharaNavAsasaH .. 2\-101\-41 (15501) 
rurucharmAvR^itatanUnhriyA ki~nchidavAhmukhAn.
paraiH parItAnsaMhR^iShTaiH suhR^idbhishchAnushochitAn .. 2\-101\-42 (15502) 
tadavasthAnsutAnsarvAnupasR^ityAtivatsalA.
svajamAnA.avadachChekAttattadvilapatI bahu .. 2\-101\-43 (15503) 
kuntyuvAcha. 2\-101\-44x (1735) 
kathaM saddharmachAritrAnvR^ittasthitivibhUShitAn.
akShudrAndR^iDhabhaktAMshcha daivatejyAparAnsadA .. 2\-101\-44 (15504) 
vyasanaM vaH samabhyAgAtko.ayaM vidhiviparyayaH.
kasyApadhyAnajaM chedamAgaH pashyAmi vo dhiyA .. 2\-101\-45 (15505) 
syAttu madbhAgyadoSho.ayaM yA.ahaM yuShmAnajIjanam.
duHkhAyAsabhujo.atyarthaM yuktAnapyuttamairguNaiH .. 2\-101\-46 (15506) 
kathaM vatsyatha durgeShu vane R^iddhivinAkR^itAH.
vIryasatvabalotsAhatejobhirakR^ishAH kR^ishAH .. 2\-101\-47 (15507) 
yadyevamahamaj~nAsyaM vane vAsaM hi vo dhruvam.
shatashR^i~NgAnmR^ite pANDau nAgamiShyaM gajAhvayam .. 2\-101\-48 (15508) 
dhanyaM vaH pitaraM manye tapomedhAnvitaM tathA.
yaH putrAdhimasamprApya svargechChAmakarotpriyAm .. 2\-101\-49 (15509) 
dhanyAM chAtIndriyaj~nAnAmimAM prAptAM parAM gatim.
manye tu mAdrIM dharmaj~nAM kalyANIM sarvathaiva tu .. 2\-101\-50 (15510) 
ratyA matyA cha gatyA cha yayA.ahamabhisandhitA.
jIvitapriyatAM mahyaM dhi~NmAM sa~NkleshabhAginIm .. 2\-101\-51 (15511) 
putrakA na vihAsye vaH kR^ichChralabdhAnpriyAnsataH.
sA.ahaM yAsyAmi hi vanaM hA kR^iShNe kiM jahAsi mAm.  2\-101\-52 (15512) 
antavatyasudharme.asmindhAtrA kiM nu pramAdataH.
mamAnto naiva vihitastenAyurna jahAti mAm .. 2\-101\-53 (15513) 
hA kR^iShNa dvArakAvAsinkvAsi sa~NkarShaNAnuja.
kasmAnna trAyase duHkhAnmAM chemAMshcha narottamAn .. 2\-101\-54 (15514) 
anAdinidhanaM ye tvAmanudhyAyanti vai narAH.
tAMstvaM pAsItyayaM vAdaH sa gato vyarthatAM katham .. 2\-101\-55 (15515) 
ime saddharmamAhAtmyayashovIryAnuvartinaH.
nArhanti vyasanaM bhoktuM nanveShAM kriyatAM dayA .. 2\-101\-56 (15516) 
seyaM nItyarthavij~neShu kathamApadupAgatA ..
sthiteShu kulanAtheShu kathamApadupAgatA .. 2\-101\-57 (15517) 
hA pANDo hA mahArAja kvAsi kiM samupekShase.
putrAnvivAsyataH sAdhUnaribhirdyUtanirjitAn .. 2\-101\-58 (15518) 
sahadeva nivartasva nanu tvamasi me priyaH.
sharIrAdapi mAdreya mAM mA tyAkShIH kuputravat .. 2\-101\-59 (15519) 
vrajantu brAtaraste.amI yadi satyAbhisandhinaH.
matparitrANajaM dharmamihaiva tvamavApnuhi .. 2\-101\-60 (15520) 
vaishampAyana uvAcha .. 2\-101\-61x (1736) 
evaM vipalatIM kuntImabhivAdya praNamya cha.
pANDavA vigatAnandA vanAyaiva pravavrajuH .. 2\-101\-61 (15521) 
vidurashchApi tAmArtAM kuntImAshvAsya hetubhiH.
prAveshayadgR^ihaM kShattA svayamArtataraH shanaiH .. 2\-101\-62 (15522) 
dhArtarAShTrastristAshcha nikhilenopalabhya tat.
gamanaM parikarShaM cha kR^iShNAyA dyUtamaNDale .. 2\-101\-63 (15523) 
ruruduH susvanaM sarvA vinindantyaH kurUnbhR^isham.
dadhyushcha suchiraM kAlaM karAsaktamukhAmbujAH .. 2\-101\-64 (15524) 
rAjA cha dhR^itarAShTrastu putrANAmanayaM tadA.
dhyAyannudvignahR^idayo na shAntimadhijagmivAn .. 2\-101\-65 (15525) 
sa chintayannanekAgraH shokavyAkulachetanaH.
kShattuH sampreShayAmAsa shIghramAgamyatAmiti .. 2\-101\-66 (15526) 
tato jagAma viduro dhR^itarAShTraniveshanam.
taM paryapR^ichChatsaMvigno dhR^itarAShTro janAdhipaH .. .. 2\-101\-67 (15527) 

iti shrImanmahAbhArate sabhAparvaNi anudyUtaparvaNi ekottarashatatamo.adhyAyaH .. 101\..

##Mahabharata - Sabha Parva - Chapter Footnotes##

2\-101\-40 shoNitAktaikavasanA rajasvalA ..
2\-101\-51 mahyaM mama ..
2\-101\-53 asudharme prANadhAraNe . antavati vinAshavati ..


\medskip\hrule\medskip
sabhAparva \- adhyAya 102
.. shrIH ..
2\.102\. adhyAyaH 102 

##Mahabharata - Sabha Parva - Chapter Topics##
dhR^itarAShTreNa viduramprati pANDavAnAM vanaprasthAnasamaye cheShTavisheShaprashne tata tachcheShTAvisheShakathanapUrvakaM tattadabhiprAyAviShkaraNam .. 1\.. droNena duryodhanAya hitopadeshaH .. 2\..

##Mahabharata - Sabha Parva - Chapter Text##

vaishampAyana uvAcha ..

tamAgatamatho rAjA viduraM dIrghadarshinam.
sAsha~Nka iva prapachCha dhR^itarAShTo.ambikAsutaH .. 2\-102\-1 (15528) 
kathaM gachChati kaunteyo dharmaputro yudhiShThiraH.
bhImasenaH savyasAchI mAdrIputrI cha pANDavau .. 2\-102\-2 (15529) 
dhaumyashchaiva kathaM kShattardraupadI cha yashasvinI.
shrotumichChAmyahaM sarvaM teShAM shaMsa vicheShTitam .. 2\-102\-3 (15530) 
vidura uvAcha .. 2\-102\-4x (1737) 
vastreNa saMvR^itya mukhaM kuntIputro yudhiShThiraH.
bAhU vishAlau sampashyanbhImo gachChati pANDavaH .. 2\-102\-4 (15531) 
sikatA vapansavyasAchI rAjAnamanugachChati.
mAdrIputraH sahadevo mukhamAlipya gachChati .. 2\-102\-5 (15532) 
pAMsUpaliptasarvA~Ngo nakulashchittavihvalaH.
darshanIyatamo loke rAjAnamanugachChati .. 2\-102\-6 (15533) 
kR^iShNA tu keshaiH prachChAdya mukhamAyatalochanA.
darshanIyA prarudatI rAjAnamanugachChati .. 2\-102\-7 (15534) 
dhaumyo raudrANi sAmAni yAmyAni cha vishAmpate.
gAyangachChati mArgeShu kushAnAdAya pANinA .. 2\-102\-8 (15535) 
dhR^itarAShTra uvAcha .. 2\-102\-9x (1738) 
vividhAnIha rUpANi kR^itvA gachChanti pANDavAH.
tanmamAchakShva vidura kasmAdevaM vrajanti te .. 2\-102\-9 (15536) 
vidura uvAcha .. 2\-102\-10x (1739) 
nikR^itasyApi te putrairhR^ite rAjye dhaneShu cha.
na dharmAchchalate buddhirdharmarAjasya dhImataH .. 2\-102\-10 (15537) 
yo.asau rAjA ghR^iNI nityaM dhArtarAShTreShu bhArata.
nikR^ityA bhraMshitaH krodhAnnonmIlayati lochane .. 2\-102\-11 (15538) 
nAhaM janaM nirdaheyaM dR^iShTvA ghoreNa chakShuShA.
sa pidhAya mukhaM rAjA tasmAdgachChati pANDavaH .. 2\-102\-12 (15539) 
yathA cha bhImo vrajati nigadataH shR^iNu.
bAhvorbale nAsti samo mameti bharatarShabha .. 2\-102\-13 (15540) 
bAhU vishAlau kR^itvA.asau tena bhImopi gachChati.
bAhU vidarshayanrAjanbAhudraviNadarpitaH .. 2\-102\-14 (15541) 
chikIrShankarma shatrubhyo bAhudravyAnurUpataH.
pradisha~nsharasampAtAnkuntIputro.arjunastadA .. 2\-102\-15 (15542) 
sikatA vapansavyasAchI rAjAnamanugachChati.
asaktAH sikatAstasya yathA samprati bhArata. 
asaktaM sharavarShANi tathA mokShyati shatruShu ..  2\-102\-16 (15543) 
na me kashchidvijAnIyAnmukhamadyeti bhArata.
mukhamAlipya tenAsau sahadevo.api gachChati .. 2\-102\-17 (15544) 
nAhaM manAMsyAdadeyaM mArge strINAmiti prabho.
pAMsUpaliptasarvA~Ngo nakulastena gachChati .. 2\-102\-18 (15545) 
ekavastrA prarudatI muktakeshI rajasvalA.
shoNitenAktavasanA draupadI vAkyamabravIt .. 2\-102\-19 (15546) 
yatkR^ite.ahamidaM prAptA teShAM varShe chaturdashe.
hatapatyo hatasutA hatabandhujanapriyAH .. 2\-102\-20 (15547) 
bandhushoNitadigdhA~Ngyo muktakeshyo rajasvalAH.
evaM kR^itodakA bhAryAH pravekShyanti gajAhvayam .. 2\-102\-21 (15548) 
kR^itvA tu nairR^itAndarbhAndhIro dhaumyaH purohitaH.
sAmAni gAyanyAmyAni purato yAti bhArata .. 2\-102\-22 (15549) 
hateShu bharateShvAjau kurUNAM guravastadA.
evaM sAmAni \-\- ntItyuktvA dhaumyopi gachChati .  2\-102\-23 (15550) 
`prasthApya pANDavA~nsheShAnniH sheShaste bhaviShyati.
iti dhaumyo vyavasito raudrasAmAni gAyati .. 2\-102\-24 (15551) 
dhR^itarAShTra uvAcha .. 2\-102\-25x (1740) 
kimabruvannaikR^itikaH kiM vA nAgarikA janAH.
tathyena me samAchakShva kShattaH sarvamasheShataH .. 2\-102\-25 (15552) 
vidura uvAcha .. 2\-102\-26x (1741) 
brAhmaNAH kShatriyA vaishyAH shUdrA ye.anye vadantyatha.
tachChR^iNuShva mahArAja vakShyate cha mayA tava .. 2\-102\-26 (15553) 
prakR^itaya UchuH. 2\-102\-27x (1742) 
hAhA gachChanti no nAthAH samavekShadhvamIdR^isham.
aho dhikkuruvR^iddhAnAM bAlAnAmiva cheShTitam .. 2\-102\-27 (15554) 
rAShTrebhyaH pANDudAyAdA.NllobhAnnirvAsayanti ye.
anAthAH sma vayaM sarve viyuktAH pANDunandanaiH .. 2\-102\-28 (15555) 
durvinIteShu lubdheShu kA prItiH kauraveShu naH.
iti paurAH suduH khArtAH kroshanti sma punaH punaH .. 2\-102\-29 (15556) 
evamAkArali~Ngaiste vyavasAyaM manogatam.
kathayantashcha kaunteyA vanaM jagmurmanasvinaH .. 2\-102\-30 (15557) 
evaM teShu narAgryeShu niryatsu gajasAhvayAt.
anabhre vidyutashchAsanbhUmishcha samakampata .. 2\-102\-31 (15558) 
rAhuragrasadAdityamaparvaNi vishAmpate.
ulkA chApyapasavyena puraM kR^itvA vyashIryata .. 2\-102\-32 (15559) 
pratyAharanti kravyAdA gR^idhragomAyuvAyasAH.
devAyatanachaityeShu prAkArATTAlakeShu cha .. 2\-102\-33 (15560) 
evamete mahotpAtAH prAdurAsandurAsadAH.
bharatAnAmabhAvAya rAjandurmantrite tava .. 2\-102\-34 (15561) 
vaishampAyana uvAcha .. 2\-102\-35x (1743) 
evaM pravadatoreva tayostatra vishAmpate.
dhR^itarAShTrasya rAj~nashcha vidurasya cha dhImataH .. 2\-102\-35 (15562) 
nAradashcha sabhAmadhye kurUNAmagrataH sthitaH.
maharShibhiH parivR^ito raudraM vAkyamuvAcha ha .. 2\-102\-36 (15563) 
itashchaturdashe varShe vi~NkShyantIha kauravAH.
duryodhanAparAdhena bhImArjunabalena cha .. 2\-102\-37 (15564) 
ityuktvA divamAkramya kShipramantaradhIyata.
brAhmIM shriyaM suvipulAM bibhraddevarShisattamaH .. 2\-102\-38 (15565) 
tato duryodhanaH karNaH shakunishchApi saubalaH.
droNaM dvIpamamanyanta rAjyaM chAsmai nyavedayan .. 2\-102\-39 (15566) 
athAbravIttato droNo duryodhanamamarShaNam.
duHshAsanaM cha karNaM cha sarvAneva cha bhAratAn .. 2\-102\-40 (15567) 
avadhyAnpANDavAnprAhurdevaputrAndvijAtayaH.
ahaM chai sharaNaM prAptAnvartamAno yathAbalam .. 2\-102\-41 (15568) 
gantA sarvAtmanA bhaktyA dhArtarAShTrAnsarAjakAn.
notsaheyaM parityaktuM daivaM hi balavattaram .. 2\-102\-42 (15569) 
dharmataH pANDuputrA vai vanaM gachChanti nirjitAH.
te cha dvAdasha varShANi vane vatsyanti pANDavaH .. 2\-102\-43 (15570) 
charitabrahmacharyAshcha krodhAmarShavashAnugAH.
vairaM niryAtayiShyanti mahadduHkhAya pANDavAH .. 2\-102\-44 (15571) 
mayA cha bhraMshito rAjandrupadaH sakhivigrahe.
putrArthamayajadrAjA vadhAya mama bhArata .. 2\-102\-45 (15572) 
yAjopayAjatapasA putraM lebhe sa pAvakAt.
dhR^iShTadyumnaM draupadIM cha vedImadhyAtsumadhyamAm .. 2\-102\-46 (15573) 
dhR^iShTadyumnastu pArthAnAM syAlaH sambandhato mataH.
pANDavAnAM priyaratastasmAnmAM bhayamAvishat .. 2\-102\-47 (15574) 
jvAlAvarNo devadatto dhanuShmAnkavachI sharI.
martyadharmatayA tasmAdadya me sAdhvaso mahAn .. 2\-102\-48 (15575) 
gato hi pakShatAM teShAM pArShataH paravIrahA.
rathAtirathasa~NkhyAyAM yo.agraNIrarjuno yuvA .. 2\-102\-49 (15576) 
sR^iShTaprANo bhR^ishataraM tena chetsa~Ngamo mama.
kimanyadduHkhamadhikaM paramaM bhuvi kauravAH .. 2\-102\-50 (15577) 
dhR^iShTadyumno droNamR^ityuriti viprathitaM vachaH.
madvadhAyAshrito.apyeSha loke chApyativishrutaH .. 2\-102\-51 (15578) 
so.ayaM nUnamanuprAptastvatkR^ite kAlaparyayaH.
tvaritaM kuruta shreyo naitadetAvatA kR^itam .. 2\-102\-52 (15579) 
muhUrtaM sukhamevaitattAlachChAyeva haimanI.
jayadhvaM cha mahAyaj~nairbhogAnashnIta datta cha .. 2\-102\-53 (15580) 
itashchaturdashe varShe mahatprApsyatha vaishasam.
duryodhana nishamyaitatpratipadya yathechChasi .. 2\-102\-54 (15581) 
shamaM vA pANDuputreNa prayu~NkShva yadi manyase.  2\-102\-55 (15582) 
vaishampAyana uvAcha ..
droNasya \-\-chanaM shrutvA dhR^itarAShTro.abravIdidam ..  2\-102\-55x (1744) 
samyagAha guruH kShattarupAvartaya pANDavAn.
yadi te na nivartante satkR^itA yAntu pANDavAH.  2\-102\-56 (15583) 
sashastrarathapAdAtA bhogavantashcha putrakAH .. ..  2\-102\-57 (15584) 

iti shrImanmahAbhArate sabhAparvaNi anudyataparvaNi dvyadhikashatatamo.adhyAyaH .. 102\..

##Mahabharata - Sabha Parva - Chapter Footnotes##

2\-102\-16 asaktAH parasparamalagnAH ..
2\-102\-39 dvIpamAshrayam ..
2\-102\-48 devadatto devairdattaH ..
2\-102\-50 sa~NgamaH sa~NgrAme iti sheShaH ..
2\-102\-53 haimanI hemantasambandhinI ..
2\-102\-54 vaishasaM nAsham ..


\medskip\hrule\medskip
sabhAparva \- adhyAya 103
.. shrIH ..
2\.103\. adhyAyaH 103 

##Mahabharata - Sabha Parva - Chapter Topics##
dhR^itarAShTrasa~njayayoH saMvAdaH .. 1\..

##Mahabharata - Sabha Parva - Chapter Text##

vaishampAyana uvAcha ..

vanaM gateShu pArtheShu nirjiteShu durodare.
dhR^itarAShTraM mahArAja tadA chintA samAvishat .. 2\-103\-1 (15585) 
taM chintayAnamAsInaM dhR^itarAShTraM janeshvaram.
niH shvasantamanekAgramiti hovAcha sa~njayaH .. 2\-103\-2 (15586) 
avApya vasusampUrNAM vasudhAM vasudhAdhipa.
pravrAjya pANDavAnrAjyAdrAjankimanushochasi .. 2\-103\-3 (15587) 
dhR^itarAShTra uvAcha .. 2\-103\-4x (1745) 
ashochyatvaM kutasteShAM yeShAM vairaM bhaviShyati.
pANDavairyuddhashauNDairhi balavadbhirmahArathaiH .. 2\-103\-4 (15588) 
sa~njaya uvAcha .. 2\-103\-5x (1746) 
tavedaM sukR^itaM rAjanmahadvairamupasthitam.
vinAsho yena lokasya sAnubandho bhaviShyati .. 2\-103\-5 (15589) 
vAryamANo hi bhIShmeNa droNena vidureNa cha.
pANDavAnAM priyAM bhAryAM draupadIM dharmachAriNIm.  2\-103\-6 (15590) 
prAhiNodAnayeheti putro duryodhanastava.
sUtaputraM sumandAtmA nirlajjaH prAtikAminam .. 2\-103\-7 (15591) 
yasmai devAH prayachChanti puruShAya parAbhavam.
buddhiM tasyApakarShanti so.avAchInAni pashyati .. 2\-103\-8 (15592) 
buddhau kaluShabhUtAyAM vinAshe samupasthite.
anayo nayasa~NkAsho hR^idayAnnApasarpati .. 2\-103\-9 (15593) 
anarthAshchArtharUpeNa arthAshchAnartharUpiNaH.
uttiShThanti vinAshAya nUnaM tachchAsya rochate .. 2\-103\-10 (15594) 
na kAlo daNDamudyamya shiraH kR^intati kasyachit.
kAlasya balametArvAdvaparItArthadarshanam .. 2\-103\-11 (15595) 
AsAditamidaM ghoraM tumulaM romaharShaNam.
pA~nchAlImapakarShadbhiH sabhAmadhye tapasvinIm .. 2\-103\-12 (15596) 
ayonijAM rUpavatIM kule jAtAM vibhAvasoH.
ko nu tAM sarvadharmaj~nAM paribhUya yashasvinIm .. 2\-103\-13 (15597) 
paryAnayetsabhAmadhye vinA durdyUtadevinam.
strIdharmiNI varArohA shoNitena pariplutA .. 2\-103\-14 (15598) 
ekavastrAtha pA~nchAlI pANDavAnabhyavaikShata.
hR^itasvAnhR^itarAjyAMshcha hR^itavastrAnhR^itashriyaH .. 2\-103\-15 (15599) 
vihInAnsarvakAmebhyo dAsabhAvamupAgatAn.
dharmapAshaparikShiptAnashaktAniva vikrame .. 2\-103\-16 (15600) 
kruddhAM chAnarhatIM kR^iShNAM duHkhitAM kurusaMsadi.
duryodhanashcha karNashcha kaTukAnyabhyabhAShatAm .. 2\-103\-17 (15601) 
iti sarvamidaM rAjannAkulaM pratibhAti me.  2\-103\-18 (15602) 
dhR^itarAShTra uvAcha ..
tasyAH kR^ipaNachakShurbhyAM pradahyetApi medinI ..  2\-103\-18x (1747) 
api sheShaM bhavedadya putrANAM mama sa~njaya.
bharatAnAM striyaH sarvA gAndhAryA saha sa~NgatAH .. 2\-103\-19 (15603) 
prAkoshanbhairavaM tatra dR^iShTvA kR^iShNAM sabhAgatAm.
dharmiShTAM dharmapatnIM cha rUpayauvanashAlinIm .. 2\-103\-20 (15604) 
prajAbhiHsaha sa~Ngamya hyanushochanti nityashaH.
agnihotrANi sAyAhne cha chAhUyanta sarvashaH .. 2\-103\-21 (15605) 
brAhmaNAH kupitAshchAsandraupadyAH parikarShaNe.
AsInniShThAnako ghoro nirghAtashcha mahAnabhUt .. 2\-103\-22 (15606) 
diva ulkAshchApatanta rAhushchArkamupAgrasat.
aparvaNi mahAghoraM prajAnAM jayanbhayam .. 2\-103\-23 (15607) 
tathaiva rathashAlAsu prAdurAsIddhutAshanaH.
dhvajAshchApi vyashIryanta bharatAnAmabhUtaye .. 2\-103\-24 (15608) 
duryodhanasyAgnihotre prAkroshanbhairavaM shivAH.
tAstadA pratyabhAShanta rAsabhAH sarvato dishaH .. 2\-103\-25 (15609) 
prAtiShThata tato bhIShmo droNena saha sa~njaya.
kR^ipashcha somadattashcha bAhlIkashcha mahAmanAH .. 2\-103\-26 (15610) 
tato.ahamabruvaM tatra vidureNa prachoditaH.
varaM dadAni kR^iShNAyai kA~NkShitaM yadyadichChati .. 2\-103\-27 (15611) 
avR^iNottatra pA~nchAlI pANDavAnA \-\-satAm.
sarathAnsadhanuShkAMshchApyanuj~nAsiShamapyaham .. 2\-103\-28 (15612) 
athAbravInmahAprAj~no viduraH sarvadharmavit.
etadantAstu bharatA yadva\-kR^iShNA sabhAM gatA .. 2\-103\-29 (15613) 
yaiShA pA~nchAlarAjasya sutA sA shrIranuttamA.
pA~nchAlI pANDavAnetAndaivasR^iShTopasarpati .. 2\-103\-30 (15614) 
tasyAH pArthAH parikleshaM na kShaMsyante hyamarShaNAH.
vR^iShNayo vA maheShvAsAH pA~nchAlA vA mahArathAH .. 2\-103\-31 (15615) 
tena satyAbhisandhena vAsudevena rakShitAH.
AgamiShyati bIbhatsuH pa~nchAlaiH parivAritaH .. 2\-103\-32 (15616) 
teShAM madhye maheShvAso bhImaseno mahAbalaH.
AgamiShyati dhunvAno gadAM daNDamivAntakaH .. 2\-103\-33 (15617) 
tato gANDIvanirghoShaM shrutvA pArthasya dhImataH.
gadAvegaM cha bhImasya nAlaM soDhuM narAdhipAH .. 2\-103\-34 (15618) 
tatra me rochate nityaM pArthaiH sAma na vigrahaH.
kurubhyo hi sadA manye pANDavAnbalavattarAn .. 2\-103\-35 (15619) 
tathA hi balavAnrAjA jarAsandho mahAdyutiH.
bAhupraharaNenaiva bhImena nihato yudhi.  2\-103\-36 (15620) 
tasya te shama evAstu pANDavairbharatarShabha.
ubhayoH pakShayoryuktaM kriyatAmavisha~NkayA .. 2\-103\-37 (15621) 
evaM kR^ite mahArAja paraM shreyastvamApsyasi.
evaM gAvalgaNe kShattA dharmArthasahitaM vachaH .. 2\-103\-38 (15622) 
uktavAnna gR^ihItaM vai mayA putrahitaiShiNA .. ..  2\-103\-39 (15623) 

iti shrImanmahAbhArate shatasAhasrayAM saMhitAyAM vaiyAsikyAM sabhAparvaNi anudyUtaparvaNi vyadhikashatatamo.adhyAyaH. . 103\.. .. samAptamanudyUtaparva sabhAparva cha .. itaH paraM vanaparva bhaviShyati tasyAyamAdyaH shlokaH. janamejaya uvAcha.. evaM dyUtajitAH pArthAH kopitAshcha durAtmabhiH. dhArtarAShTraiH sahAmAtyairnikR^ityA dvijasattama.. 1\..

##Mahabharata - Sabha Parva - Chapter Footnotes##

2\-103\-22 niShThAnakaH chaNDavAta ityarthaH . nirghAto vajrashabdaH ..




##

\medskip\hrule\obeylines
\medskip
{\rm Please send corrections to sanskrit at cheerful dot c om}
{\rm Last updated \today}
{\rm http://sanskritdocuments.org}
\end{document}