%@@1
% File name             : mbhK09.itx
%--------------------------------------------
% Text title            : 9 shalyaparva
% Author                : Veda Vyasa
% Language              : sanskrit
% Subject               : /hindu/philosohphy/religion
% Description/comments  : Mahabharata - Southern Recension - Kumbhaghonam Edition
% Based on the `Southern Recension' of the MahAbhArata, edited by Krishnacharya
% 1906-1914
% Transliterated by     : Prof. Shrinivasa Varakhedi >worked on this with the
% support of his research team members, Prof. K. V. Ramakrishnamacharyulu, Prof.
% Amba Kulakarni, Prof. Prahladachar,  members of MSP Bangalore and many others
% Proofread by          : 
% Latest update         : October 13, 2013
% Send corrections to   : sanskrit at cheerful dot c om
%
% Special Instructions  : i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.3
% Site access           : http://sanskritdocuments.org/
%-----------------------------------------------------
% The text is prepared by volunteers and is to be used for personal study
% and research.  The file is not to be copied or reposted for promotion of 
% any website or individuals or for commercial purpose without permission.
%        Please help to maintain respect for volunteer spirit.
%@@1
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=50pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. 9. shalyaparva Kumbhaghonam Edition ..}##
\itxtitle{.. 9\. shalyaparva ..}##\endtitles ##


\medskip\hrule\medskip
shalyaparva \- adhyAya 001
.. shrIH ..
9\.1\. adhyAyaH 1

##Mahabharata - Shalya Parva - Chapter Topics##
duryodhanena shalyasya sainApatye.abhiShechanapUrvakaM punaryuddhAya
niryANam .. 1 ..
sa~njayAchChalyaduryodhanAdivadhashravaNena mUrchChitasya
dhR^itarAShTrasya vidureNa samAshvAsanam .. 2 ..

##Mahabharata - Shalya Parva - Chapter Text##

9\-1\-0 (60111)
shrIvedavyAsAya namaH .. 9\-1\-0x (5079)
nArAyaNaM namaskR^itya naraM chaiva narottamam .
devIM sarasvatIM (vyAsaM) chaiva tato jayamudIrayet .. 9\-1\-1 (60112)
janamejaya uvAcha. 9\-1\-2x (5080)
evaM nipAtite karNe samare savyasAchinA .
alpAvashiShTAH kuravaH kimakurvata vai dvija .. 9\-1\-2 (60113)
vidIryamANaM cha balaM dR^iShTvA rAjA suyodhanaH .
pANDavaiH prAptakAlaM cha kiM prApadyata kauravaH .. 9\-1\-3 (60114)
etadichChAmyahaM shrotuM tadAchakShva dvijottama .
na hi tR^ipyAmi pUrveShAM shR^iNvAnashcharitaM mahat .. 9\-1\-4 (60115)
vaishampAyana uvAcha. 9\-1\-5x (5081)
tataH karNe hate rAjandhArtarAShTraH suyodhanaH .
bhR^ishaM shokArNave magno nirAshaH sarvato.abhavat .. 9\-1\-5 (60116)
hAkarNa hAkarNa iti shochamAno muhurmuhuH .
kR^ichChrAtsvashibiraM prAyAdvatashiShTairnR^ipaiH saha .. 9\-1\-6 (60117)
sa samAshvAsyamAno.api hetubhiH shAstranishchitaiH .
rAjanvibhUtimichChadbhiH sUtaputramanusmaran .. 9\-1\-7 (60118)
sa daivaM balavanmatvA prabhAte vimale sati .
sa~NgrAme nishchayaM kR^itvA punaryudvAya niryayau .. 9\-1\-8 (60119)
shalyaM senApatiM kR^itvA vidhivadrAjasattamam .
raNAya niryayau rAjA hatashiShTairnR^ipaiH saha .. 9\-1\-9 (60120)
tataH sutumulaM yuddhaM kurupANDavasenayoH .
babhUva bharatashreShTha devAsuraraNopamam .. 9\-1\-10 (60121)
tataH shalyo mahArAja kR^itvA kadanamAhave .
pANDusainye.atha madhyAhne dharmarAjena pAtitaH .. 9\-1\-11 (60122)
tato duryodhano rAjA hatabandhU raNAjirAt .
apasR^itya hadaM ghoraM vivesha ripujAdbhuyAt .. 9\-1\-12 (60123)
athAparAhNe tasyAhnaH parivArya mahArathaiH .
hadAdAhUya yudvAya bhImasenena pAtitaH .. 9\-1\-13 (60124)
tasmiMstu nihate vIre maheShvAsAstrayo raNe .
kR^itavarmA kR^ipo drauNirjaghnuH pANDavasainikAn .. 9\-1\-14 (60125)
tataH pUrvAhNasamaye shibirAdetya sa~njayaH .
pravivesha purIM dIno duHkhashokasamanvitaH .. 9\-1\-15 (60126)
sa pravishya purIM sUto bhUjAvuchChritya duHkhitaH .
vepamAnastato rAj~naH pravipresha niveshanam .. 9\-1\-16 (60127)
dhAvatashchApyapashya##xxx## tatratyAnpuruSharShabhAn .
naShTachittAnivonmattA~nshokena bhR^ishaduHkhitAn .. 9\-1\-17 (60128)
dR^iShTvaiva cha narA~nshIghraM vyAjahArAtiduHkhitaH .
aho bata vipanno.asmi nidhanena mahAtmanaH .. 9\-1\-18 (60129)
aho subalavAnkAlo gatishcha paramA tathA .
shukratulyabalAH sarve yatrAhanyanta pArthivAH .. 9\-1\-19 (60130)
taM dR^iShTvaiva pure rAja~njanaH sarvaH sma sa~njayam .
praruroda bhayodvigno hA rAjanniti susvaram .. 9\-1\-20 (60131)
AkumAraM naravyAghra tatpuraM vai samantataH .
ArtanAdaM mahachchakre shrutvA vinihataM nR^ipam .. 9\-1\-21 (60132)
tathA sa vihvalaH sUtaH pravishya nR^ipatikShayam .
dadarsha nR^ipatishreShThaM praj~nAchakShuShamIshvaram .. 9\-1\-22 (60133)
dR^iShTvA chAsInamanaghaM samantAtparivAritam .
snuShAmirbharatashreShTha gAndhAryA vidureNa cha .
tathA.anyaishcha suhR^idbhishcha j~nAtimishcha hitaiShibhiH ..  9\-1\-23 (60134)
tameva chArthaM dhyAyantaM karNasya nidhanaM prati .
rudannevAbravIdvAkyaM rAjAnaM janamejaya .. 9\-1\-24 (60135)
nAtihR^iShTamanAH sUto bAShpasandigdhayA girA .
sa~njayo.ahaM naravyAghra namaste bharatarShabha .. 9\-1\-25 (60136)
madrAdhipo hataH shalyaH shakuniH saubalastathA .
ulUkaH puruShavyAghra kaitavyo dR^iDhavikramaH .. 9\-1\-26 (60137)
saMshaptakA hatAH sarve kAmbhojAshcha shakaiH saha .
mlechChAshcha pArvatIyAshcha yavanAshcha nipAtitAH .. 9\-1\-27 (60138)
prAchyA hatA mahArAja dAkShiNAtyAshcha sarvashaH .
udIchyAshcha hatAH sarve pratIchyAshcha narottamAH .
rAjAno rAjaputrAshcha sarve vinihatA nR^ipa ..  9\-1\-28 (60139)
karNaputro hataH shUraH satyaseno mahAbalaH ..  9\-1\-29 (60140)
duryodhano hato rAjA yayoktaM pANDavena ha .
##xxxxxx## mahArAja shete pAMsuShu rUShitaH .. 9\-1\-30 (60141)
##xxxxxx## hato xxx ja~nshikhaNDI chAparAjitaH .
uttamauja yudhAmanyustathA sarve prabhadrakAH .. 9\-1\-31 (60142)
pA~nchAlashcha naravyAghra chedayashcha niShUditAH .
tava putrA hatAH sarve draupadeyAshcha bhArata .. 9\-1\-32 (60143)
narA vinihatAH sarve gajAshcha vinipAtitAH .
rathinatra naravyAghra hayAshcha nihatA yudhi .. 9\-1\-33 (60144)
ni##xxxx## shibiraM rAvaMjAvakAnAM kR^itaM prabho .
pANDavAnAM cha shUrANAM samAsAdya parasparam .. 9\-1\-34 (60145)
##xxxx## srIsheShamabhavajjagatkAlena mohitam .
sapta pANDavataH shiShTA dhArtarAShTrAstrayorathAH .. 9\-1\-35 (60146)
te chaiva bhrAtaraH pa~ncha vAsudevo.atha sAtyakiH .
kR^ipashcha kR^itavarmA cha drauNishcha jayatAM varaH .. 9\-1\-36 (60147)
ete sheShA mahArAja rathino nR^ipasattama .
akShauhiNInAmaShTAnAM dashAnAM cha na saMshayaH .. 9\-1\-37 (60148)
ete sheShA mahArAja sarve.anye nidhanaM gatAH .
kAlena nihataM sarvaM jagadvai bharatarShabha .
duryodhanaM vai purataH kR^itvA sarve narA hatAH ..  9\-1\-38 (60149)
vaishampAyana uvAcha. 9\-1\-39x (5082)
etachChrutvA vachaH krUraM dhR^itarAShTro janeshvaraH .
nipapAta sa rAjendro gatasatvo mahItale .. 9\-1\-39 (60150)
tasminnipatite vIre viduro.api mahAyashAH .
nipapAta mahArAja shokavyasanakarshitaH .. 9\-1\-40 (60151)
gAndhArI cha mahAbhAgA sarvAshcha kuruyoShitaH .
patitAH sahasA bhUmau shrutvA ghorataraM vachaH .. 9\-1\-41 (60152)
niHsaMj~naM patitaM bhUmau tadA.a.asIdrAjamaNDalam .
vilApamuktopahataM chitraM nyastaM paTe yathA .. 9\-1\-42 (60153)
kR^ichChreNa tu tato rAjA dhR^itarAShTro mahIpatiH .
shanairalabhata prANAnputravyasanakarshitaH .. 9\-1\-43 (60154)
labdhvA tu sa nR^ipaH prANAnvepamAnaH suduHkhitaH .
nirIkShya cha dishaH sarvAH kShattAraM vAkyamabravIt .. 9\-1\-44 (60155)
viddhi kShattarmahAprAj~na tvaM gatirbharatarShabha .
mamAnAthasya subhR^ishaM putrairhInasya sarvashaH .
evamuktvA tato bhUyo visaMj~no nipapAta ha ..  9\-1\-45 (60156)
taM tathA patitaM dR^iShTvA bAndhavA ye.asya kechana .
shItaiste siShichustoyairvivyajurvyajanairapi .. 9\-1\-46 (60157)
sa tu dIrgheNa kAlena pratyAshvasto narAdhipaH .
tUShNImAsInmahIpAlaH putravyasanakarshitaH .. 9\-1\-47 (60158)
niHshvasa~njihmaga iva kumbhakShipto.abhavannR^ipaH ..  9\-1\-48 (60159)
sa~njayo.apyarudattatra dR^iShTvA rAjAnamAturam .
tathA sarvAH striyashchaiva gAndhArI cha yashasvinI .. 9\-1\-49 (60160)
tato dIrgheNa kAlena viduraM vAkyamabravIt .
dhR^itarAShTro narashreShTha muhyamAno muhurmuhuH .. 9\-1\-50 (60161)
gachChantu yoShitaH sarvA gAndhArI cha yashasvinI .
tatheme suhR^idaH sarve muhyate me mano bhR^isham .. 9\-1\-51 (60162)
evamuktastataH kShattA tAH striyo bharatarShabha .
visarjayAmAsa shanairmuhyamAnaH punaHpunaH .. 9\-1\-52 (60163)
nishchakramustataH sarvAH striyo bharatasattama .
suhR^idashcha tathA sarve dR^iShTvA rAjAnamAturam .. 9\-1\-53 (60164)
tato narapatistatra labdhvA saMj~nAM parantapaH .
gatirme ko bhavedadya iti chintAsamAkulaH .
apR^ichChatsa~njayaM tatra rodamAnaM bhR^ishAturam ..  9\-1\-54 (60165)
prA~njaliM sa~njayaM dR^iShTvA rodamAnaM muhurmuhuH .
j~nAtInstriyo.atha niryApya pravishya viduraHpunaH .. 9\-1\-55 (60166)
rAjAnaM shochamAnastu taM shochantaM muhurmuhuH .
samAshvAsayata kShattA vachasA madhureNa cha .. .. 9\-1\-56 (60167)

iti shrImanmahAbhArate karNaparvaNi shalyavadhaparvaNi prathamo.adhyAyaH .. 1 ..
##Mahabharata - Shalya Parva - Chapter Footnotes##

9\-1\-12 aparAhe aparArdhe ..
9\-1\-41 vilApavuktopahataM iti ~Na.pAThaH . vilApayuktaM sumahat iti
gha. pAThaH ..
9\-1\-1 prathamo.adhyAyaH ..

\medskip\hrule\medskip
shalyaparva \- adhyAya 002
.. shrIH ..
9\.2\. adhyAyaH 2

##Mahabharata - Shalya Parva - Chapter Topics##
dhR^itarAShTreNa sa~njayasya purato duryodhanavachanAnusmaraNena vilApaH .. 1 ..

##Mahabharata - Shalya Parva - Chapter Text##

9\-2\-0 (60168)
vaishampAyana uvAcha. 9\-2\-0x (5083)
visR^iShTAsvatha nArIShu dhR^itarAShTro.ambikAsutaH .
vilalApa mahArAja duHkhAdduHkhataraM gataH .. 9\-2\-1 (60169)
sadhUmamiva niHshvasya karau dhunvanpunaHpunaH .
bahu sa~nchintayitvA tu sa~njayaM vAkyamabravIt .. 9\-2\-2 (60170)
dhR^itarAShTra uvAcha. 9\-2\-3x (5084)
aho bata mahadduHkhaM yadahaM pANDavAnraNe .
kShemiNashchAvyayAMshchaiva tvattaH sUta shR^iNomi vai .. 9\-2\-3 (60171)
vajrasAramayaM nUnaM hR^idayaM sudR^iDhaM mama .
yachChrutvA nihatAnputrAndIryate na sahasradhA .. 9\-2\-4 (60172)
chintayitvA vachasteShAM bAlakrIDAM cha sa~njaya .
adya chaiva hatA~nshrutvA dIryate me bhR^ishaM manaH .. 9\-2\-5 (60173)
andhatvAdyadi putrANAM na me rUpinidarshanam .
putrasnehakR^itA prItirnityameteShu dhAritA .. 9\-2\-6 (60174)
bAlabhAvamatikramya yauvanasthAMshcha tAnaham .
shriyaM prAptAMshcha tA~nshrutvA hR^iShTa AsaM tadA.anagha .. 9\-2\-7 (60175)
tAnadya nihatA~nshrutvA hataishvaryAnhataujasaH .
na labheyaM kvachichChAntiM putrAdhibhirabhiplutaH .. 9\-2\-8 (60176)
ehyehi vatsa rAjendra mamAnAthasya putraka .
tvayA hIno mahAbAho kAM nu yAsyAmyahaM gatim .. 9\-2\-9 (60177)
kathaM tvaM pR^ithivIpAlAMstyaktvA tAta samAgatAn .
sheShe vinihato bhUmau prAkR^itaH kunR^ipo yathA .. 9\-2\-10 (60178)
gatirbhUtvA mahArAja j~nAtInAM suhR^idAM tathA .
andhaM vR^idvaM cha mAM vIra vihAya kva nu yAsyasi .. 9\-2\-11 (60179)
sA kR^ipA sA cha te prItiH sA cha rAjasu mAnitA .
kathaM tvaM nihataH pArthaiH saMyugeShvaparAjitaH .. 9\-2\-12 (60180)
ko nu mAmutthitaH kAle tAtatAteti vakShyati .
mahArAjeti satataM lokanAtheti chAsakR^it .. 9\-2\-13 (60181)
pariShvajya cha kaM kaNThe snehena klinnalochanaH .
anushAstA.asmi kauravya tatsAdhu vadame vachaH .. 9\-2\-14 (60182)
nanu nAmAhamashrauShaM vachanaM tava putraka .
bhUyasI mama pR^ithvIyaM tAta pArthasya no tathA .. 9\-2\-15 (60183)
bhagadattaH kR^ipaH shalya Avantyo.atha jayadrathaH .
bhUrishravAH somadatto mahArAjashcha bAhlikaH .. 9\-2\-16 (60184)
ashvatthAmA cha bhojashcha mAgadhashcha mahAbalaH .
bR^ihadbalashcha krAthashcha shakunishchApi saubalaH .. 9\-2\-17 (60185)
mlechChAshcha shatasAhasrAH shakAshcha yavanaiH saha .
sudakShiNashcha kAmbhojastrigartAdhipatistathA .. 9\-2\-18 (60186)
bhIShmaH pitAmahashchaiva bhAradvAjo.atha gautamaH .
shrutAyushchAshrutAyushcha shatAyushchApi vIryavAn .. 9\-2\-19 (60187)
jalasandho.athArShyashR^i~NgI rAkShasashchApyalAyudhaH .
alambuso vIrabAhuH subAhushcha mahArathaH .. 9\-2\-20 (60188)
ete chAnye cha bahavo rAjAno rAjasattama .
madarthaM prahariShyanti prANAMstyaktvA dhanAni cha .. 9\-2\-21 (60189)
teShAM madhye sthito yuddhe bhrAtR^ibhiH parivAritaH .
yodhayiShyAmyahaM pArthAnpA~nchAlAMshchaiva sarvashaH .. 9\-2\-22 (60190)
chedIMshcha nR^ipashArdUla draupadeyAMshcha saMyuge .
sAtyakiM kuntibhojaM cha rAkShasaM cha ghaTotkacham .. 9\-2\-23 (60191)
eko.apyeShAM mahArAja samarthaH sannivAraNe .
samare pANDaveyAnAM sa~Nkruddho hyabhidhAvatAm .. 9\-2\-24 (60192)
kiM punaH sahitA vIrAH kR^itavairAshcha pANDavaiH .
athavA sarva evaite pANDavasyAnuyAyibhiH .. 9\-2\-25 (60193)
yotsyante saha rAjendra haniShyanti cha tAnmR^idhe .
karNa eko mayA sArdhaM nihaniShyati pANDavAn .. 9\-2\-26 (60194)
te vai nR^ipatayo vIrAH sthAsyanti mama shAsane ..  9\-2\-27 (60195)
yashcha teShAM praNetA vai vAsudevo mahAbalaH .
na sa sannahyate rAjanniti mAmabravIdvachaH .. 9\-2\-28 (60196)
evaM cha vadataH sUta bahusho mama sannidhau .
yuktito hyanupashyAmi nihatAnpANDavAnraNe .. 9\-2\-29 (60197)
teShAM madhye sthitA yatra hanyante mama putrakAH .
vyAyachChamAnAH samare kimanyadbhAgadheyataH .. 9\-2\-30 (60198)
bhIShmashcha nihato yatra lokanAthaH pratApavAn .
shikhaNDinaM samAsAdya mR^igendra iva jambukam .. 9\-2\-31 (60199)
droNashcha brAhmaNo yatra sarvashastrAstrapAragaH .
nihataH pANDavaiH sa~Nkhye kimanyadbhAgadheyataH .. 9\-2\-32 (60200)
karNashcha nihataH sa~Nkhye divyAstraj~no mahAbalaH .
bhUrishravA hato patra somadattashcha saMyuge .
bAhlikashcha mahArAja kimanyadbhAgadheyataH ..  9\-2\-33 (60201)
bhagadatto hato yatra gajayuddhavishAradaH .
jayadrathashcha nihataH kimanyadbhAgadheyataH .. 9\-2\-34 (60202)
sudakShiNo hato yatra jalasandhashcha pauravaH .
shrutAyushchAshrutAyushcha kimanyadbhAgadheyataH .. 9\-2\-35 (60203)
mahAbalastathA pANDyaH sarvashastrabhR^itAM varaH .
nihataH pANDavaiH sa~Nkhye kimanyadbhAgadheyataH .. 9\-2\-36 (60204)
bR^ihadbalo hato yatra mAgadhashcha mahAbalaH .
ugrAyudhashcha vikrAntaH pratimAnaM dhanuShmatAm .. 9\-2\-37 (60205)
Avantyo nihato yatra traigartashcha janAdhipaH .
saMshaptakAshcha nihatAH kimanyadbhAgadheyataH .. 9\-2\-38 (60206)
alambusastathA rAjanrAkShasashchApyalAyudhaH .
ArShyashR^i~Ngishcha nihataH kimanyadbhAgadheyataH .. 9\-2\-39 (60207)
nArAyaNA hatA yatra gopAlA yuddhadurmadAH .
mlechChAshcha bahusAhasrAH kimanyadbhAgadheyataH .. 9\-2\-40 (60208)
shakuniH saubalo yatra kaitavyashcha mahAbalaH .
nihataH sabalo vIraH kimanyadbhAgadheyataH .. 9\-2\-41 (60209)
ete chAnye cha bahavaH kR^itAstrA yuddhadurmadAH .
rAjAno rAjaputrAshcha shUrAH parighabAhavaH .
nihatA bahavo yatra kimanyadbhAgadheyataH ..  9\-2\-42 (60210)
yatra shUrA maheShvAsAH kR^itAstrA yudvadurmadAH .
bahavo nihatAH sUta mahendrasamavikramAH .. 9\-2\-43 (60211)
nAnAdeshasamAvR^ittAH kShatriyA yatra sa~njaya .
nihatAH samare sarve kimanyadbhAgadheyataH .. 9\-2\-44 (60212)
putrAshcha me vinihatAH pautrAshchaiva mahAbalAH .
vayasyA bhrAtarashchaiva kimanyadbhAgadheyataH .. 9\-2\-45 (60213)
bhAgadheyasamAyukto dhruvamutpadyate naraH .
yastu bhAgyasamAyuktaH sa shubhaM prApnuyAnnaraH .. 9\-2\-46 (60214)
ahaM viyuktastairbhAgyaiH putraishchaiveha sa~njaya .
kathamadya bhaviShyAmi vR^iddhaH shatruvashaM gataH .. 9\-2\-47 (60215)
nAnyadatra paraM manye vanavAsAdR^ite prabho .
so.ahaM vanaM gamiShyAmi nirbandhurj~nAtisaMkShaye .. 9\-2\-48 (60216)
na hi me.anyadbhavechChreyo vanAbhyupagamAdR^ite .
imAmavasthAM prAptasya lUnapakShasya sa~njaya .. 9\-2\-49 (60217)
duryodhano hato yatra shalyashcha nihato yudhi .
duHshAsano viviMshashcha vikarNashcha mahAbalaH .. 9\-2\-50 (60218)
kathaM hi bhImasenasya shroShye.ahaM shabdamuttamam .
ekena samare yena hataM putrashataM mama .. 9\-2\-51 (60219)
asakR^idvadatastasya duryodhanavadhena cha .
duHkhashokAbhisantapto na shroShye paruShA giraH .. 9\-2\-52 (60220)
vaishampAyana uvAcha. 9\-2\-53x (5085)
evaM sa shokasantaptaH pArthivo hatabAndhavaH .
muhurmuhurmuhyamAnaH putrAdhibhirabhiplutaH .. 9\-2\-53 (60221)
vilapya suchiraM kAlaM dhR^itarAShTro.ambikAsutaH .
dIrghamuShNaM sa niHshvasya chintayitvA parAbhavam .. 9\-2\-54 (60222)
duHkhena mahatA rAjansantapto bharatarShabhaH .
punargAvalgaNiM sUtaM paryapR^ichChadyathAtatham .. 9\-2\-55 (60223)
dhR^itarAShTra uvAcha. 9\-2\-56x (5086)
bhIShmadroNau hatau shrutvA sUtaputraM cha pAtitam .
senApatiM praNetAraM kamakurvata mAmakAH .. 9\-2\-56 (60224)
yaM yaM senApraNetAraM yudhi kurvanti mAmakAH .
achireNaiva kAlena taM taM nighnanti pANDavAH .. 9\-2\-57 (60225)
raNamUrdhni hato bhIShmaH pashyatAM vaH kirITinA .
evameva hato droNaH sarveShAmeva pashyatAm .. 9\-2\-58 (60226)
evameva hataH karNaH sUtaputraH pratApavAn .
sarAjakAnAM sarveShAM pashyatAM vaH kirITinA .. 9\-2\-59 (60227)
pUrvamevAhamukto vai vidureNa mahAtmanA .
duryodhanAparAdhena prajeyaM vinashiShyati .. 9\-2\-60 (60228)
kechinna samyakpashyanti mUDhAH samyagavekShya cha .
tadidaM mama mUDhasya tathAbhUtaM vachaH sma tat .. 9\-2\-61 (60229)
yadabravItsa dharmAtmA viduro dIrghadarshivAn .
tattathA samanuprAptaM vachanaM satyavAdinAH .. 9\-2\-62 (60230)
daivopahatachittena yanmayA.anuShThitaM purA .
anayasya phalaM tasya brUhi gAvalgaNe punaH .. 9\-2\-63 (60231)
ko vA mukhamanIkAnAmAsItkarNo nipAtite .
arjunaM vAsudevaM cha ko vA pratyudyayau rathI .. 9\-2\-64 (60232)
ke.arakShandakShiNaM chakraM madrarAjasya saMyuge .
vAmaM cha yodvukAmasya ke vA vIrasya pR^iShThataH .. 9\-2\-65 (60233)
kathaM cha vaH sametAnAM madrarAjo mahArathaH .
nihataH pANDavaiH sa~Nkhye putro vA mama sa~njaya .. 9\-2\-66 (60234)
brUhi sarvaM yathAtattvaM bharatAnAM mahAkShayam .
yathA cha nihataH sa~Nkhye putro duryodhano mama .. 9\-2\-67 (60235)
pA~nchAlAshcha yathA sarve nihatAH sapadAnugAH .
dhR^iShTadyumnaH shikhaNDI cha draupadyAH pa~ncha chAtmajAH .. 9\-2\-68 (60236)
pANDavAshcha yathA muktAstathobhau mAdhavau yudhi .
kR^ipashcha kR^itavarmA cha bhAradvAjasya chAtmajaH .. 9\-2\-69 (60237)
yadyathA yAdR^ishaM chaiva yuddhaM vR^ittaM cha sAmpratam .
akhilaM shrotumichChAmi kushalo hyasi sa~njaya .. .. 9\-2\-70 (60238)

iti shrImanmahAbhArate karNaparvaNi shalyavadhaparvaNi dvitIyo.adhyAyaH*
.. 2 ..* etadanantaraM jha.pAThe eko.adhyAyo.adhiko dR^ishyate .
##Mahabharata - Shalya Parva - Chapter Topics##
pArthena nihate karNe pANDavabhayAtpalAyamAnAM senAM nivartya
duryodhanasya punaryuddhodyamaH .. 1 ..

##Mahabharata - Shalya Parva - Chapter Text##

9\-2\-0 (60239)
[sa~njaya uvAcha. 9\-2\-0x (5087)
shR^iNu rAjannavahito yathAvR^itto mahAnkShayaH .
kurUNAM pANDavAnAM cha samAsAdya parasparam .. 9\-2\-1 (60240)
nihate sUtaputre tu pANDavena mahAtmanA .
vidruteShu cha sainyeShu samAnIteShu chAsakR^it .. 9\-2\-2 (60241)
ghore manuShyadehAnAmAjau naravarakShaye .
yattatkarNe hate pArthaH kasiMhanAdamathAkarot .. 9\-2\-3 (60242)
tadA tava sutAnrAjanprAvishatsumahadbhayam ..  9\-2\-4 (60243)
na sandhAtumanIkAni na chaivAtha parAkrame .
AsIdbuddhirhate karNe tava yodhasya kasyachit .. 9\-2\-5 (60244)
vaNijo nAvi bhinnAyAmagAdhe vipluvA iva .
apAre pAramichChanto hate dvIpe kirITinA .. 9\-2\-6 (60245)
sUtaputro hate rAjanvitrastAH sharavikShatAH .
anAthA nAthamichChanto mR^igAH siMhArditA iva .. 9\-2\-7 (60246)
bhagnashR^i~NgA iva vR^iShA shIrNadaMShTrA ivoragAH .
pratyupAyAma sAyAhne nirjitAH savyasAchinA .. 9\-2\-8 (60247)
hatapravIrA vidhvastA nikR^ittA nishitaiH sharaiH .
sUtaputre hate rAjanputrAste prAdravaMstataH .. 9\-2\-9 (60248)
vidhvastakavachanAH sarve kAndishIkA vichetasaH .
anyonyamabhinighnanto vIkShamANA bhayAddishaH .. 9\-2\-10 (60249)
mAmeva nUnaM bIbhatsurmAmeva cha vR^ikodaraH .
abhiyAtIti manvAnAH peturmamlushcha bhArata .. 9\-2\-11 (60250)
ashvAnanye gajAnanye rathAnanye mahArathAH .
Aruhya javasampannAH pAdAtAnprajahurbhayAt .. 9\-2\-12 (60251)
ku~njaraiH syandanA bhagnAH sAdinashcha mahArathaiH .
padAtisa~NghAshchAshvaughaiH palAyadbhirbhR^ishaM hatAH .. 9\-2\-13 (60252)
vyAlataskarasa~NkIrNe sArthahInA yathA vane .
tathA tvadIyA nihate sUtaputre padA.abhavan .. 9\-2\-14 (60253)
hatArohAstathA nAgAshChinnahastAstathA.apare .
sarvaM pArthamayaM lokamapashyanvai bhayArditAH .. 9\-2\-15 (60254)
tAnprekShya dravataH sarvAnbhImasenabhayArditAn .
duryodhano.atha svaM sUtaM hAhAkR^itvaivamabravIt .. 9\-2\-16 (60255)
nAtikramiShyate pArtho dhanuShpANimavasthitam .
jaghane yudhyamAnaM mAM tUrNamashvAnprachodaya .. 9\-2\-17 (60256)
samare yudhyamAnaM hi kaunteyo mAM dhana~njayaH .
notsahetApyatikrAntuM velAmiva mahArNavaH .. 9\-2\-18 (60257)
adyArjunaM sagovindaM mAninaM cha vR^ikodaram .
nihatya shiShTA~nshatrUMshcha karNasyAnR^iNyamApnuyAm .. 9\-2\-19 (60258)
tachChrutvA kururAjasya shUrAryasadR^ishaM vachaH .
sUto hemaparichChannA~nshanairashvAnachodayat .. 9\-2\-20 (60259)
gajAshvarathahInAstu pAdAtAshchaiva mAriSha .
pa~nchaviMshatisAhasrAH prAdrava~nshanakairiva .. 9\-2\-21 (60260)
tAnbhImasenaH sa~Nkruddho dhR^iShTadyumnashcha pArShataH .
balena chatura~NgeNa parikShipyAhanachCharaiH .. 9\-2\-22 (60261)
pratyayudhyaMstu te sarve bhImasenaM sapArShatam .
pArthapArShatayoshchAnye jagR^ihustatra nAmanI .. 9\-2\-23 (60262)
akrudhyata raNe bhImastairmR^idhe pratyavasthitaiH .
so.avatIrya rathAttUrNaM gadApANirayudhyata .. 9\-2\-24 (60263)
na tAnrathastho bhUmiShThAndharmApekShI vR^ikodaraH .
yodhayAmAsa kaunteyo bhujavIryamupAshritaH .. 9\-2\-25 (60264)
jAtarUpaparichChannAM pragR^ihya mahatIM gadAm .
nyavadhIttAvakAnsarvAndaNDapANirivAntakaH .. 9\-2\-26 (60265)
padAtayo hi saMrabdhAstyaktajIvitabAndhavAH .
bhImamabhyadravansa~Nkhye pata~NgA iva pAvakam .. 9\-2\-27 (60266)
AsAdya bhImasenaM te saMrabdhA yuddhadurmadAH .
vineduH sahasA dR^iShTvA bhUtagrAmA ivAntakam .. 9\-2\-28 (60267)
shyenavadvyacharadbhImaH kha~Ngena gadayA tathA .
pa~nchaviMshatisAhasrAMstAvakAnAM vyapothayat .. 9\-2\-29 (60268)
hatvA tatpuruShAnIkaM bhImaH satyaparAkramaH .
dhR^iShTadyumnaM puraskR^itya punastasthau mahAbalaH .. 9\-2\-30 (60269)
dhana~njayo rathAnIkamanvapadyata vIryavAn ..  9\-2\-31 (60270)
mAdrIputrau cha shakuniM sAtyakishcha mahAbalaH .
javenAbhyapatanhR^iShTA ghnanto dauryodhanaM balam .. 9\-2\-32 (60271)
tasyAshvavAhAnsubahUMste nihatya shitaiH sharaiH .
tamanvadhAvaMstvaritAstatra yuddhamavartata .. 9\-2\-33 (60272)
tato dhana~njayo rAjanrathAnIkamagAhata .
vishrutaM triShu lokeShu gANDIvaM vyAkShipandhanuH .. 9\-2\-34 (60273)
kR^iShNasArathimAyAntaM dR^iShTvA shvetahayaM ratham .
arjunaM chApi yodvAraM tvadIyAH prAdrAvanbhayAt .. 9\-2\-35 (60274)
viprahInarathAshvAshcha sharaishcha parivAritAH .
pa~nchaviMshatisAhasrAH pArthamArchChanpadAtayaH .. 9\-2\-36 (60275)
hatvA tatpuruShAnIkaM pA~nchAlAnAM mahArathaH .
bhImasenaM puraskR^itya na chirAtpratyadR^ishyata .. 9\-2\-37 (60276)
mahAdhanurdharaH shrImAnamitragaNamardanaH .
putraH pA~nchAlarAjasya dhR^iShTadyumno mahAyashAH .. 9\-2\-38 (60277)
pArAvatasavarNAshvaM kovidAravaradhvajam .
dhR^iShTadyumnaM raNe dR^iShTvA tvadIyAH prAdravanbhayAt .. 9\-2\-39 (60278)
gAndhArarAjaM shrIghrAstramanusR^itya yashasvinau .
achirAtpratyadR^ishyetAM mAdrIputrau sasAtyakI .. 9\-2\-40 (60279)
chekitAnaH shikhaNDI cha draupadeyAshcha mAriSha .
hatvA tvadIyaM sumahatsainyaM sha~NkhAnathAdhaman .. 9\-2\-41 (60280)
te sarve tAvakAnprekShya dravato vai parA~NmukhAn .
abhyadhAvanta nighnanto vR^iShA~nchitvA vR^iShA iva .. 9\-2\-42 (60281)
senAvasheShaM taM dR^iShTvA tava putrasya pANDavaH .
avasthitaM savyasAchI chukrodha balavannR^ipa .. 9\-2\-43 (60282)
tata enaM sharai rAjansahasA samavAkirat .
rajasA chodgatenAtha na sma ki~nchana dR^ishyate .. 9\-2\-44 (60283)
andhakArIkR^ite loke sharIbhUte mahItale .
dishaH sarvA mahArAja tAvakAH prAdravanbhayAt .. 9\-2\-45 (60284)
bhajyamAneShu sarveShu kururAjo vishAmpate .
pareShAmAtmanashchaiva sainye te samupAdravat .. 9\-2\-46 (60285)
tato duryodhanaH sarvAnAjuhAvAtha pANDavAn .
yuddhAya bharatashreShTha devAniva purA baliH .. 9\-2\-47 (60286)
ta enamabhigarjantaM sahitAH samupAdravan .
nAnAshastrasR^ijaH kruddhA bhartsayanto muhurmuhuH .. 9\-2\-48 (60287)
duryodhano.apyasambhrAntastAnarInvyadhamachCharaiH ..  9\-2\-49 (60288)
tatrAdbhutamaparashyAma tava putrasya pauruSham .
yadenaM pANDavAH sarve na shekurativartitum .. 9\-2\-50 (60289)
nAtidUrApayAtaM cha kR^itabuddhi palAyane .
duryodhanaH svakaM sainyamapashyakadbhR^ishavikShatam .. 9\-2\-51 (60290)
tato.avasthApya rAjendra kR^itabuddhistavAtmajaH .
harShayanniva tAnyodhAMstato vachanamabravIt .. 9\-2\-52 (60291)
na taM deshaM prapashyAmi pR^ithivyAM parvateShu cha .
yatra yAtAnna vo hanyuH pANDavAH kiM sR^itena vaH .. 9\-2\-53 (60292)
svalpaM chaiva balaM teShAM kR^iShNau cha bhR^ishavikShatau .
yadi sarve.api tiShThAmo dhruvaM no vijayo bhavet .. 9\-2\-54 (60293)
viplayAtAMstu vo bhinnAnpANDavAH kR^itakilpiShAn .
anusR^itya haniShyanti shreyoH na samare vadhaH .. 9\-2\-55 (60294)
sukhaH sA~NgrAmiko mR^ityuH kShatradharmeNa yudhyatAm .
mR^ito duHkhaM na jAnIte pretya chAnantyamashnute .. 9\-2\-56 (60295)
shR^iNvantu kShatriyAH sarve yAvanto.atra samAgatAH .
dviShato bhImasenasya vashameShyatha vidrutAH .. 9\-2\-57 (60296)
pitAmahairAcharitaM na dharmaM hAtumarhatha .
nAnyatkarmAsti pApIyaH kShatriyasya palAyanAt .. 9\-2\-58 (60297)
na yudvadharmAchChreyAnhi panthAH svargasya kauravAH .
suchireNArjitA.NlokAnsadyo yuddhAtsamashnute .. 9\-2\-59 (60298)
tasya tadvachanaM rAj~naH pUjayitvA mahArathAH .
punarevAbhyavartanta kShatriyAH pANDavAnprati .
parAjayamamR^iShyanta kR^itachittAshcha vikrame ..  9\-2\-60 (60299)
tataH pravavR^ite yuddhaM punareva sudAruNam .
tAvakAnAM pareShAM cha devAsuraraNopamam .. 9\-2\-61 (60300)
yudhiShThirapurogAMshcha sarvasainyena pANDavAn .
anvadhAvanmahArAja putro duryodhanastava ..] ..  9\-2\-62 (60301)

iti shrImanmahAbhArate shalyaparvaNi shalyavadhaparvaNi adhyAyaH ..
##Mahabharata - Shalya Parva - Chapter Footnotes##

9\-2\-2 sadhUmamiva atyuShNityarthaH ..
9\-2\-14 pariShvajya cha mAM kaNThe snehena klinnalochanaH . anushAdhIti
kauravya tatsAdhu vada me vachaH iti jha.pAThaH ..
9\-2\-37 pratimAnaM ketubhUtaH ..
9\-2\-61 kechitsamyakprapashyanti mUDhAstu na tathA pare iti kha.pAThaH
. samyagavekShya nipuNaM vibhAvyApi mUDhAstathAbhUtaM tadvachaH kechinna
pashyantIti sambandhaH. tathAbhUtaM yathArtham ..
9\-2\-2 dvitIyo.adhyAyaH ..

\medskip\hrule\medskip
shalyaparva \- adhyAya 003
.. shrIH ..
9\.3\. adhyAyaH 3

##Mahabharata - Shalya Parva - Chapter Topics##
kR^ipeNa karNavadhaduHkhitaM duryodhanaM prati
svaparakShayordaurbalyaprAbalyAbhidhAnapUrvakamupAyaM pradarshya
sandhividhAnam .. 1 ..

##Mahabharata - Shalya Parva - Chapter Text##

9\-16\-0 (60302)
sa~njaya uvAcha. 9\-16\-0x (5088)
shR^iNu rAjannavahito yathAvR^itto mahAnkShayaH .
kurUNAM pANDavAnAM cha samAsAdya parasparam .. 9\-16\-1 (60303)
nihate sUtaputre cha phalgunena mahAtmanA .
vidruteShu cha sainyeShu samAnIteShu chAsakR^it .. 9\-16\-2 (60304)
vimukhe tava putre cha shokopahatachetasi .
bhR^ishodvigneShu sainyeShu dR^iShTvA pArthasya vikramam .. 9\-16\-3 (60305)
dhyAyamAneShu yodheShu duR^ikhaM prApteShu bhArata .
balAnAM matyamAnAnAM shrutvA ninadamuttamam .. 9\-16\-4 (60306)
abhij~nAnaM narendrANAM vikR^itaM prekShya saMyuge .
patitAnavanIpAlAndhavajAMshchaiva mahAtmanAm .
raNe vinihatAnnAgAndR^iShTvA pattIMshcha bhArata ..  9\-16\-5 (60307)
AyodhanaM mahAghoraM rudrasyAkrIDasannibham .
aprakhyAtiM gatAnAM tu rAj~nAM shatasahasrashaH .. 9\-16\-6 (60308)
kR^ipAviShTaH kR^ipo dR^iShTvA vayaH shIlasamanvitaH .
abravIttatra tejasvI so.abhisR^itya janAdhipam .
duryodhanamanukroshAdvAkyaM vAkyavishAradaH ..  9\-16\-7 (60309)
duryodhana nibodheyaM yattvAM vakShyAmi kaurava .
shrutvA kuru mahArAja yadi te rochate.anagha .. 9\-16\-8 (60310)
na yuddhadharmAchChreyAnvai panthA rAjendra vidyate .
yaM samAshritya yudhyante kShatriyAH kShatriyarShabha .. 9\-16\-9 (60311)
putro bhrAtA pitA chaiva svasrIyo mAtulastathA .
sambandhibAndhavAshchaiva yodvavyAH kShatrajIvina .. 9\-16\-10 (60312)
vadhe chaiva paro dharmastathA.adharmaH palAyane .
te sma ghorAM samApannA jIvikAM jIvitArthinaH .
tadatra prativakShyAmi ki~nchideva hitaM vachaH ..  9\-16\-11 (60313)
hate bhIShme cha droNe cha karNe chaiva mahArathe .
jayadrathe cha nihate tava bhrAtR^iShu chAnagha .
lakShmaNe tava putre cha kiM sheShaM paryupAsmahe ..  9\-16\-12 (60314)
yeShu bhAraM samAsajya rAjye matimakurmahi .
te santyajya tanUryAtAH shUrA brahmavidAM gatim .. 9\-16\-13 (60315)
vayaM tviha vinAbhUtA guNavadbhirmahArathaiH .
kR^ipaNaM vartayiShyAmaH pAtayitvA nR^ipAnbahUn .. 9\-16\-14 (60316)
sarvairatha cha jIvadbhirbIbhatsuraparAjitaH .
kR^iShNanetro mahAbAhurdevairapi durAsadaH .. 9\-16\-15 (60317)
indrakArmukavajrAbhamindraketumivochChritam .
vAnaraM ketumAsAdya sa~nchachAla mahAchamUH .. 9\-16\-16 (60318)
siMhanAdena bhImasya pA~nchajanyasvanena cha .
gANDIvasya cha nirghoShAtsammuhyante manAMsi naH .. 9\-16\-17 (60319)
sphurantIva mahAvidyunmuShNantI nayanaprabhAm .
alAtamiva chAvidvaM gANDavIM samadR^ishyata .. 9\-16\-18 (60320)
jAmbUnadavichitraM cha dhUyamAnaM mahaddhanuH .
dR^ishyate dikShu sravAsu vidyudabhraghaneShviva .. 9\-16\-19 (60321)
uhyamAnashcha kR^iShNena vAyuneva balAhakaH .
tAvakaM tadbalaM rAjannarjuno.astravishAradaH .
gahanaM shishirApAye dadAhAgnirivolbaNaH ..  9\-16\-20 (60322)
gAhamAnamanIkAni mahendrasadR^ishaprabham .
vikShobhayantaM senAM vai trAsayantaM cha pArthivAn .
dhana~njayamapashyAma nalinImiva ku~njaram ..  9\-16\-21 (60323)
trAsayantaM tathA yodhAndhanurghoSheNa pAMNDavam .
bhUya enamapashyAma siMhaM mR^igagaNAniva .. 9\-16\-22 (60324)
sarvalokamaheShvAso vR^iShabhau sarvadhanvinAm .
Amuktakavachau kR^iShNau lokamadhye virejatuH .. 9\-16\-23 (60325)
adya saptadashAhAni vartamAnasya bhArata .
sa~NgrAmasyAtighorasya yudhyatAM chAbhito yudhi .. 9\-16\-24 (60326)
vAyuneva vidhUtAni eva sainyAni gachChatA .
sharadambhodajAlAni vishIryante samantataH .. 9\-16\-25 (60327)
tAM nAvamiva paryastAM majjamAnAM mahArNave .
tava senAM mahArAja savyasAchI vyakampayat .. 9\-16\-26 (60328)
kvanu te sUtaputro.abhUtkvanu droNaH sahAtmajaH .
ahaM kva cha kva chAtmA te hArdikyashcha tathA kvanu .. 9\-16\-27 (60329)
duHshAsanashcha te bhrAtA bhrAtR^ibhiH sahitaH kvanu ..  9\-16\-28 (60330)
vANagocharasamprAptaM yudhyamAnaM jayadratham .
sambandhinaste bhrAtR^IMshcha sAhayAnmAtulAMstathA .
sarvAnvikramya mipato lokamAkramya mUrdhani ..  9\-16\-29 (60331)
jayadratho hato rAjankinnu sheShamupAsmahe .
ko veha sa pumAnAste yo vijeShyati pANDavam .. 9\-16\-30 (60332)
tasya chAstrANi divyAni viditAni mahAtmanaH .
gANDIvasya cha nirghoSho dhairyANi harate hi naH .. 9\-16\-31 (60333)
naShTachandrA yathA rAtriH seneyaM hatanAyakA .
nAgabhagnadrumA shuShkA nadIva pratibhAti me .. 9\-16\-32 (60334)
dhvajinyAM hatanetrAyAM yatheShTaM shvetavAhanaH .
chariShyati mahArAjaH kakSheShvagniriva jvalan .. 9\-16\-33 (60335)
sAtyakeshchaiva yo vego bhImasenasya chobhayoH .
dArayeta girInsarvA~nshoShayechchaiva sAgarAn .. 9\-16\-34 (60336)
uvAcha vAkyaM yadbhImaH sabhAmadhye vishAmpate .
kR^itaM tatsaphalaM sarvaM bhUyashchaiva kariShyati .. 9\-16\-35 (60337)
pramukhasthe tadA karNe balaM pANDavarakShitam .
durAsadaM tadA guptaM vyUDhaM gANDIvadhanvanA .. 9\-16\-36 (60338)
yuShmAbhistAni chIrNAni yAnyasAdhUni sAdhuShu .
akAraNakR^itAnyeva teShAM vaH phalamAgatam .. 9\-16\-37 (60339)
Atmano.arthe tvayA loke yatnataH sarva AhR^itaH .
sa te saMshayitastAta AtmA cha bharatarShabha .. 9\-16\-38 (60340)
rakSha duryodhanAtmAnamAtmA sarvasya bhAjanam .
bhinne hi bhAjane tAta disho gachChati tadgatam .. 9\-16\-39 (60341)
hIyamAnena vai sandhiH paryeShTavyaH samena vA .
vigraho vardhamAnena nItireShA bR^ihaspateH .. 9\-16\-40 (60342)
te vayaM pANDuputrebhyo hInAH sma balashaktitaH .
atra te pANDavaiH sArdhaM sandhiM manye kShamaM prabho .. 9\-16\-41 (60343)
na jAnIte hi yaH shreyaH shreyasashchAvamanyate .
sa kShipraM bhrashyate rAjyAnna cha shreyo.anuvindati .. 9\-16\-42 (60344)
aNipatya hi rAjAnaM rAjyaM yadi labhemahi .
shreyaH syAnna tu mauDhyena rAjangantuM parAbhavam .. 9\-16\-43 (60345)
vaichitravIryavachanAtkR^ipAshIlo yudhiShThiraH .
viniyu~njIta rAjye tvAM govindavachanena cha .. 9\-16\-44 (60346)
`ajAtashatruH kauravyo gurushushrUShaNe rataH .
dhR^itarAShTrasya vachanaM nAvamaMsyati dhArmikaH .. 9\-16\-45 (60347)
kurvanti bhrAtarashchAsya vachanaM nAtra saMshayaH ..  9\-16\-46 (60348)
yadbrUyAddhi hR^iShIkesho rAjAnamaparAjitam .
arjuno bhImasenashcha sarve kuryurasaMshayam .. 9\-16\-47 (60349)
nAtikramiShyate kR^iShNo vachanaM pANDavasya tu .
dhR^itarAShTrasya manye.ahaM nApi kR^iShNasya pANDavaH .. 9\-16\-48 (60350)
etatkShamamahaM manye tava pArthairavigraham .
na tvAM bravImi kArpaNyAnna prANaparirakShaNAt .. 9\-16\-49 (60351)
pathyaM rAjanbravImi tvAM tatparAsuH smariShyasi ..  9\-16\-50 (60352)
iti vR^iddho vilapyaitatkR^ipaH shAradvato vachaH .
dIrghamuShNaM cha niHshvasyashushocha cha mumoha cha .. .. 9\-16\-51 (60353)

iti shrImanmahAbhArate shalyaparvaNi shalyavadhaparvaNi tR^itIyo.adhyAyaH
.. 3 ..
##Mahabharata - Shalya Parva - Chapter Footnotes##

9\-16\-12 sheShAstvAM paryupAsmahe iti ~Na.pAThaH ..
9\-16\-15 kR^iShNo netraM netA yasya sa tathA ..
9\-16\-24 vartamAnasya sa~NgrAmasya abhito vadhyatAM vadhyamAnAnAM cha
adya saptadashAhAni jAtAnItyanvayaH . jAtAnIti sheShaH ..
9\-16\-47 arjunaM bhImasenaM cha iti jha . pAThaH. asaMshayaM
gatavairamityarthaH ..
9\-16\-48 vachanaM kauravasya tu iti jha . pAThaH ..
9\-16\-3 tR^itIyo.adhyAyaH ..

\medskip\hrule\medskip
shalyaparva \- adhyAya 004
.. shrIH ..
9\.4\. adhyAyaH 4

##Mahabharata - Shalya Parva - Chapter Topics##
duryodhanena kR^ipamprati kAraNakathanapUrvakaM sandhyana~NgIkaraNam .. 1 ..

##Mahabharata - Shalya Parva - Chapter Text##

9\-16\-0 (60354)
sa~njaya uvAcha. 9\-16\-0x (5089)
evamuktastato rAjA gautamena tapasvinA .
niHshvasya dIrghamuShNaM cha tUShNImAsIdvishAmpate .. 9\-16\-1 (60355)
tato muhUrtaM sa dhyAtvA tava putro mahAmanAH .
kR^ipaM shAradvataM vAkyamityuvAcha parantapaH .. 9\-16\-2 (60356)
yatki~nchitsuhR^idA vAchyaM tatsarvaM shrAvito hyaham .
kR^itaM cha bhavatA sarvaM prANAnsantyajya yudhyatA .. 9\-16\-3 (60357)
gAhamAnamanIkAni yudhyamAnaM mahArathaiH .
pANDavairatitejobhirlokastvAmanudR^iShTavAn .. 9\-16\-4 (60358)
suhR^idA yadidaM vAkyaM bhavatA shrAvito hyaham .
na mAM prINAti tatsarvaM mumUrShoriva bheShajam .. 9\-16\-5 (60359)
hetukAraNasaMyuktaM hitaM vachanamuttamam .
uchyamAnaM mahAbAho na me viprAgrya rochane .. 9\-16\-6 (60360)
rAjyAdvinikR^ito.asmAbhiHkathaM sosmAsu vishvaset ..  9\-16\-7 (60361)
akShadyUte cha nR^ipatirjito.asmAbhirmahAdhanaH .
sa kathaM mama vAkyAni shraddadhyAdbhUya eva tu .. 9\-16\-8 (60362)
tathA dUtyena samprAptaH kR^iShNaH pArthahite rataH .
pralabdhashcha hR^iShIkeshastachcha karmAvichAritam .
sa cha me vachanaM brahmankathamevAbhimanyate ..  9\-16\-9 (60363)
vilalApa cha yatkR^iShNA sabhAmadhye sameyuShI .
na tanmarShayate kR^iShNo na rAjyaharaNaM tathA .. 9\-16\-10 (60364)
ekaprANAvubhau kR^iShNAvanyonyamabhisaMshritau .
purA yachChrutamevAsIdadya pashyAmi tatprabho .. 9\-16\-11 (60365)
svasrIyaM nihataM dR^iShTvA duHkhaM svapiti keshavaH .
kR^itAgaso va yaM tasya hitaM me sa kathaM charet .. 9\-16\-12 (60366)
abhimanyorvinAshena na sharma labhate.arjunaH .
sa kathaM maddhite yatnaM prakariShyati yAchitaH .. 9\-16\-13 (60367)
madhyamaH pANDavastIkShNo bhImaseno mahAbalaH .
pratij~nAtaM cha tenograM bhajyetApi na sannamet .. 9\-16\-14 (60368)
ubhau tau baddhanistriMshAvubhau chAbaddhaka~NkaTau .
kR^itavairAvubhau vIrau yamAvapi yamopamau .. 9\-16\-15 (60369)
dhR^iShTadyumnaH shikhaNDI cha kR^itavairau mayA saha .
tau kathaM madvite yatnaM kuryAtAM dvijasattama .. 9\-16\-16 (60370)
duHshAsanena yatkR^iShNA ekavastrA rajasvalA .
parikliShTA sabhAmadhye sarvalokasya pashyataH .. 9\-16\-17 (60371)
tathA vivasanAM dInAM smarantyadyApi pANDavAH .
na nivArayituM shakyAH sa~NgrAmAtte parantapAH .. 9\-16\-18 (60372)
yadA cha draupadI kliShTA madvinAshAya duHkhitA .
ugraM tepe tapaH kR^iShNA bhartR^INAmarthasiddhaye .
sthaNDile nityadA shete yAvadvairasya yAtanam ..  9\-16\-19 (60373)
nikShipya mAnaM darpaM cha vAsudevasahodarA .
kR^iShNAyAH preShyavadbhUtvA shushrUShAM kurute sadA .. 9\-16\-20 (60374)
iti sarvaM samunnaddhaM na nirvAti katha~nchana .
abhimanyorvinAshena sa sandheyaH kathaM mayA .. 9\-16\-21 (60375)
kathaM cha rAjA bhuktvemAM pR^ithivIM sAgarAmbarAm .
pANDavAnAM prasAdena bhokShye rAjyamahaM katham .. 9\-16\-22 (60376)
uparyupari rAj~nAM vai jvalitvA bhAskaro yathA .
yudhiShThiraM kathaM pa~nchAdanuyAsyAmi dAsavat .. 9\-16\-23 (60377)
kathaM bhuktvA svayaM bhogAndattvA dAyAMshcha puShkalAn .
kR^ipaNaM vartayiShyAmi kR^ipaNaiH saha jIvikAm .. 9\-16\-24 (60378)
nAbhyasUyAmi te vAkyamuktaM snigdhaM hitaM tvayA ..
na tu sandhimahaM manye prAptakAlaM katha~nchana.  9\-16\-25 (60379)
sunItamanupashyAmi suyuddhena parantapa ..  9\-16\-26 (60380)
nAyaM klIbAyituM kAlaH saMyodvuM kAla eva naH ..  9\-16\-27 (60381)
iShTaM me bahubhirjaj~nairdattA vipreShu dakShiNAH .
prAptAH kAmAH shrutA vedAH shatrUNAM mUrdhni cha sthitam .. 9\-16\-28 (60382)
bhR^ityA me subhR^itAstAta dInashchAbhyudvR^ito janaH .
notsAhe.adya dvijashreShTha pANDavAnvaktumIdR^isham .. 9\-16\-29 (60383)
jitAni pararAShTrANi svarAShTramanupAlitam .
bhuktAshcha vividhA bhogAstrivargaH sevito mayA .. 9\-16\-30 (60384)
pitR^INAM gatamAnR^iNyaM kShatradharmasya chobhayoH .
na dhruvaM sukhamastIha kuto rAShTraM kuto yashaH .
iha kIrtirvichetavyA sA cha yudvena nAnyathA ..  9\-16\-31 (60385)
vR^ithA cha yatkShatriyasya nidhanaM tadvigarhitam .
adharmaH sumahAneSha yachChayyAmaraNaM gR^ihe .. 9\-16\-32 (60386)
araNye yo vimuchyeta sa~NgrAme vA tanuM nR^ipaH .
kratUnAhR^itya mahato mahimAnaM sa gachChati .. 9\-16\-33 (60387)
kR^ipaNaM vilapannArto jarayA.abhipariplutaH .
mriyate rudatAM madhye j~nAtInAM na sa pUruShaH .. 9\-16\-34 (60388)
tyaktvA tu vividhAnbhogAnprAptAnAM paramAM gatim .
apIdAnIM suyuddhena gachCheyaM yatsalokatAm .. 9\-16\-35 (60389)
shUrANAmAryavR^ittAnAM sa~NkrAmeShvanivartinAm .
dhImatAM satyasandhAnAM sarveShAM kratuyAjinAm .
shastrAvabhR^ithapUtAnAM dhruvo vAsastriviShTape ..  9\-16\-36 (60390)
mudA nUnaM prapashyanti yudve hyapsarasAM gaNAH ..  9\-16\-37 (60391)
pashyanti nUnaM pitaraH pUjitAnsurasaMsadi .
apsarobhiH parivR^itAnmodamAnAMstriviShTape .. 9\-16\-38 (60392)
panthAnamamarairyAntaM shUraishchaivAnivartibhiH .
api tatsa~NgataM mArgaM vayamadhyAruhemahi .. 9\-16\-39 (60393)
pitAmahena vR^idvena tathA.achAryeNa dhImatA .
jayadrathena karNena tathA duHshAsanena cha .. 9\-16\-40 (60394)
ghaTamAnA madarthe.asminhatAH shUrA janAdhipAH .
sherate lohitAktA~NgAH pR^ithivyAM sharavikShatAH .. 9\-16\-41 (60395)
uttamAstravidaH shUrA yathoktakratuyAjinaH .
tyaktvA prANAnyathAnyAyamindrasadmasu dhiShThitaH .. 9\-16\-42 (60396)
taiH svayaM rachito mArgo durgamo hi punarbhavet .
sampatadbhirmahAvegairito yAsyAmi sadgatim .. 9\-16\-43 (60397)
ye madarthe hatAH shUrAsteShAM kR^itamanusmaran .
R^iNaM tatpratiyu~njAno na rAjye mana Adadhe .. 9\-16\-44 (60398)
pAtayitvA vayasyAMshcha bhrAtR^inatha pitAmahAn .
jIvitaM yadi rakSheyaM loko mAM garhayedvruvam .. 9\-16\-45 (60399)
kIdR^ishaM cha bhavedrAjyaM mama hInasya bandhubhiH .
sakhibhishcha visheSheNa praNipatya cha pANDavam .. 9\-16\-46 (60400)
so.ahametAdR^ishaM kR^itvA jagato.asya parAbhavam .
suyuddhena hataH svargaM prApsAmi na tadanyathA .. 9\-16\-47 (60401)
sa~njaya uvAcha. 9\-16\-48x (5090)
eM duryodhanenokte sarve sampUjya tadvachaH .
sAdhusAdhviti rAjAnaM kShatriyAH sambabhAShire .. 9\-16\-48 (60402)
parAjayamashochantaH kR^itachittAshcha vikrame .
sarve sunishchitA yoddhumudagramanaso.abhavan .. 9\-16\-49 (60403)
tato vAhAnsamAshvAsya sarve yuddhAbhinandinaH .
Une dviyojane gatvA pratyatiShThanta kauravAH .. 9\-16\-50 (60404)
AkAshe vidrume puNye prasthe himavataH shubhe .
aruNAM sarasvatIM prApya papuH sasnushcha tejalam .. 9\-16\-51 (60405)
tava putrakR^itotsAhAH paryavartanta te tataH .
paryavasthApya chAtmAnamanyonyena punastadA .
sarve rAjannyavartanta kShatriyAH kAlachoditAH .. ..  9\-16\-52 (60406)

iti shrImanmahAbhArate shalyaparvaNi shalyavadhaparvaNi chaturtho.adhyAyaH
.. 4 ..
##Mahabharata - Shalya Parva - Chapter Footnotes##

9\-16\-11 purA yachChAntamevAsIt iti ka . pAThaH. purA yaH shantamo
nAsIdadya pashyAmi taM katham iti ~Na.pAThaH ..
9\-16\-15 urashChadaH ka~NkaTaka ityamaraH ..
9\-16\-32 vipravanmaraNaM gR^ihe iti ka.pAThaH . viNmUtramaraNaM gR^ihe
iti ~Na. pAThaH ..
9\-16\-4 chaturtho.adhyAyaH ..

\medskip\hrule\medskip
shalyaparva \- adhyAya 005
.. shrIH ..
9\.5\. adhyAyaH 5

##Mahabharata - Shalya Parva - Chapter Topics##
duryodhanena kR^ipamprati kAraNakathanapUrvakaM sandhyana~NgIkaraNam .. 1 ..

##Mahabharata - Shalya Parva - Chapter Text##

9\-16\-0 (60407)
sa~njaya uvAcha. 9\-16\-0x (5091)
evamuktastato rAjA gautamena tapasvinA .
niHshvasya dIrghamuShNaM cha tUShNImAsIdvishAmpate .. 9\-16\-1 (60408)
tato muhUrtaM sa dhyAtvA tava putro mahAmanAH .
kR^ipaM shAradvataM vAkyamityuvAcha parantapaH .. 9\-16\-2 (60409)
yatki~nchitsuhR^idA vAchyaM tatsarvaM shrAvito hyaham .
kR^itaM cha bhavatA sarvaM prANAnsantyajya yudhyatA .. 9\-16\-3 (60410)
gAhamAnamanIkAni yudhyamAnaM mahArathaiH .
pANDavairatitejobhirlokastvAmanudR^iShTavAn .. 9\-16\-4 (60411)
suhR^idA yadidaM vAkyaM bhavatA shrAvito hyaham .
na mAM prINAti tatsarvaM mumUrShoriva bheShajam .. 9\-16\-5 (60412)
hetukAraNasaMyuktaM hitaM vachanamuttamam .
uchyamAnaM mahAbAho na me viprAgrya rochane .. 9\-16\-6 (60413)
rAjyAdvinikR^ito.asmAbhiH kathaM sosmAsu vishvaset ..  9\-16\-7 (60414)
akShadyUte cha nR^ipatirjito.asmAbhirmahAdhanaH .
sa kathaM mama vAkyAni shraddadhyAdbhUya eva tu .. 9\-16\-8 (60415)
tathA dUtyena samprAptaH kR^iShNaH pArthahite rataH .
pralabdhashcha hR^iShIkeshastachcha karmAvichAritam .
sa cha me vachanaM brahmankathamevAbhimanyate ..  9\-16\-9 (60416)
vilalApa cha yatkR^iShNA sabhAmadhye sameyuShI .
na tanmarShayate kR^iShNo na rAjyaharaNaM tathA .. 9\-16\-10 (60417)
ekaprANAvubhau kR^iShNAvanyonyamabhisaMshritau .
purA yachChrutamevAsIdadya pashyAmi tatprabho .. 9\-16\-11 (60418)
svasrIyaM nihataM dR^iShTvA duHkhaM svapiti keshavaH .
kR^itAgaso vayaM tasya hitaM me sa kathaM charet .. 9\-16\-12 (60419)
abhimanyorvinAshena na sharma labhate.arjunaH .
sa kathaM maddhite yatnaM prakariShyati yAchitaH .. 9\-16\-13 (60420)
madhyamaH pANDavastIkShNo bhImaseno mahAbalaH .
pratij~nAtaM cha tenograM bhajyetApi na sannamet .. 9\-16\-14 (60421)
ubhau tau baddhanistriMshAvubhau chAbaddhaka~NkaTau .
kR^itavairAvubhau vIrau yamAvapi yamopamau .. 9\-16\-15 (60422)
dhR^iShTadyumnaH shikhaNDI cha kR^itavairau mayA saha .
tau kathaM maddhite yatnaM kuryAtAM dvijasattama .. 9\-16\-16 (60423)
duHshAsanena yatkR^iShNA ekavastrA rajasvalA .
parikliShTA sabhAmadhye sarvalokasya pashyataH .. 9\-16\-17 (60424)
kathA vivasanAM dInAM smarantyadyApi pANDavAH .
na nivArayituM shakyAH sa~NgrAmatte parantapAH .. 9\-16\-18 (60425)
yadA cha draupadI kliShTA madvinAshAya duHkhitA .
ugraM tepe tapaH kR^iShNA bhartR^INAmarthasiddhaye .
sthaNDile nityadA shete yAvadvairasya yAtanam ..  9\-16\-19 (60426)
nikShipya mAnaM darpaM cha vAsudevasahodarA .
kR^iShNAyAH preShyavadbhUtvA shushrUShAM kurute sadA .. 9\-16\-20 (60427)
iti sarvaM samunnaddhaM na nirvAti katha~nchana .
abhimanyorvinAshena sa sandheyaH kathaM mayA .. 9\-16\-21 (60428)
kathaM cha rAjA bhuktvemAM pR^ithivIM sAgarAmbarAm .
pANDavAnAM prasAdena bhokShye rAjyamahaM katham .. 9\-16\-22 (60429)
uparyupari rAj~nAM vai jvalitvA bhAskaro yathA .
yudhiShThiraM kathaM pa~nchAdanuyAsyAmi dAsavat .. 9\-16\-23 (60430)
kathaM bhuktvA svayaM bhogAndattvA dAyAMshcha puShkalAn .
kR^ipaNaM vartayiShyAmi kR^ipaNaiH saha jIvikAm .. 9\-16\-24 (60431)
nAbhyasUyAmi te vAkyamuktaM snigdhaM hitaM tvayA ..  9\-16\-25 (60432)
na tu sandhimahaM manye prAptakAlaM katha~nchana .
sunItamanupashyAmi suyuddhena parantapa .. 9\-16\-26 (60433)
nAyaM klIbAyituM kAlaH saMyoddhuM kAla eva naH ..  9\-16\-27 (60434)
iShTaM me bahubhiryaj~nairdattA vipreShu dakShiNAH .
prAptAH kAmAH shrutA vedAH shatrUNAM mUrdhniM cha sthitam .. 9\-16\-28 (60435)
bhR^ityA me subhR^itAstAta dInashchAbhyR^idbhR^ito janaH .
notsahe.adya dvijashreShTha pANDavAnvaktumIdR^isham .. 9\-16\-29 (60436)
jitAni pararAShTrANi svarAShTramanupAlitam .
bhuktAshcha vividhA bhogAstrivargaH sevito mayA .. == ..  9\-16\-30 (60437)

iti shrImanmahAbhArate
##Mahabharata - Shalya Parva - Chapter Footnotes##

9\-16\-1 9\-16\- 9\-16\- 9\-16\- 9\-16\- 9\-16\- 9\-16\- 9\-16\- 9\-16\-
9\-16\- 9\-16\-

\medskip\hrule\medskip
shalyaparva \- adhyAya 006
.. shrIH ..
9\.6\. adhyAyaH 6

##Mahabharata - Shalya Parva - Chapter Topics##
duryodhanena shalyasya sainApatye.amiShechanam .. 1 ..
kR^iShNena yudhiShThiramprati shalyavadhavidhAnam .. 2 ..

##Mahabharata - Shalya Parva - Chapter Text##

9\-6\-0 (60438)
sa~njaya uvAcha. 9\-6\-0x (5092)
etachChrutvA vacho rAj~no madrarAjaH pratApavAn .
duryodhanaM tadA rAjanvAkyametaduvAcha ha .. 9\-6\-1 (60439)
duryodhana mahAbAho shR^iNu vAkyavidAM vara .
yAvetau manyase kR^iShNau rathasthau rathinAMvarau .
na me tulyAvubhAvetau bAhuvIrye katha~nchana ..  9\-6\-2 (60440)
udyatAM pR^ithivIM sarvAM sasurAsuramAnavAm .
yodhayeyaM raNamukhe sa~NkruddhaH kimu pANDavAn .. 9\-6\-3 (60441)
vijeShyAmi raNe pArthAnsomakAMshcha samAgatAn .
ahaM senAprametA te bhaviShyAmi na saMshayaH .. 9\-6\-4 (60442)
taM cha vyUhaM vidhAsyAmi na ka (ta) riShyanti yaM pare .
iti satyaM bravImyeSha duryodhana na saMshayaH .. 9\-6\-5 (60443)
`adyaivAhaM raNe sarvAnpA~nchAlAnsaha pANDavaiH .
nihaniShyAmi vA rAjansvargaM yAsyAmi vA hataH .. 9\-6\-6 (60444)
adya pashyantu mAM lokA vicharantamabhItavat ..  9\-6\-7 (60445)
adya pANDusutAH sarve vAsudevaH sasAtyakiH .
pA~nchAlAshchedayashchaiva draupadeyAshcha sarvashaH .
dhR^iShTadyumnaH shikhaNDI cha sarve chApi prabhadrakAH ..  9\-6\-8 (60446)
vikramaM mama pashyantu dhanuShashcha mahadbalam .
lAghavaM chAstravIryaM cha bhujayoshcha balaM yudhi .. 9\-6\-9 (60447)
adya pashyantu me pArthAH siddhAshcha saha chAraNaiH .
yAdR^ishaM me balaM bAhvoH sampadastreShu yA cha me .. 9\-6\-10 (60448)
adya me vikramaM dR^iShTvA pANDavAnAM mahArathAH .
pratIkAraparA bhUtvA cheShTante vividhAH kriyAH .. 9\-6\-11 (60449)
adya sainyAni pANDUnAM drAvayiShye samantataH ..  9\-6\-12 (60450)
droNabhIShmAvati vimo sUtaputraM cha saMyuge .
vichariShye raNamukhe priyArthaM tava kaurava .. 9\-6\-13 (60451)
sa~njaya uvAcha. 9\-6\-14x (5093)
evamuktastato rAjA madrAdhipatima~njasA .
abhyaShi~nchata senAyA madhye bharatasattama .
vidhinA shAstradR^iShTena kliShTarUpo vishAmpate ..  9\-6\-14 (60452)
abhiShikte tatastasminsiMhanAdo mahAnabhUt .
tava sainye.abhyavAdyanta vAditrANi cha bhArata .. 9\-6\-15 (60453)
hR^iShTAshchAsaMstathA yodhA madrakAshcha mahArathAH .
tuShTuvushchaiva rAjAnaM shalyamAhavashobhinam .. 9\-6\-16 (60454)
jaya rAjaMshchiraM jIva jahi shatrUnsamAgatAn .
tava bAhubalaM prApya dhArtarAShTro mahAbalaH .
nikhilAM pR^ithivIM sarvAM prashAstu nihatadviSham ..  9\-6\-17 (60455)
tvaM hi shakto raNe jetuM sasurAsuramAnavAn .
martyadharmANa iha tu kimu sR^i~njayasomakAn .. 9\-6\-18 (60456)
evaM sampUjyamAnastu madrANAmadhipo balI .
harShaM prApa tadA vIro durApamakR^itAtmabhiH .. 9\-6\-19 (60457)
sa~njaya uvAcha. 9\-6\-20x (5094)
abhiShikte tathA shalye tava sainyeShu mAnada .
na karNavyasanaM ki~nchinmenire tatra bhArata .. 9\-6\-20 (60458)
hR^iShTAH sumanasashchaiva babhUvustatra sainikAH .
menire nihatAnpArthAnmadrarAjavasha~NgatAn .. 9\-6\-21 (60459)
praharShaM prApya senA tu tAvakI bharatarShabha .
tAM rAtriM sukhitA suptA harShachittA cha sAbhavat .. 9\-6\-22 (60460)
sainyasya tava taM shabdaM shrutvA rAjA yudhiShThiraH .
vArShNeyamabravIdvAkyaM sarvakShatrasya pashyataH .. 9\-6\-23 (60461)
madrarAjaH kR^itaH shalyo dhArtarAShTreNa mAghava .
senApatirmaheShvAsaH sarvasainyeShu pUjitaH .. 9\-6\-24 (60462)
etajj~nAtvA yathAbhUtaM kuru mAdhava yatkShamam .
bhavAnnetA cha goptA cha vidhatsva yadanantaram .. 9\-6\-25 (60463)
tamabravInmahArAja vAsudevo janAdhipam .
ArtAyanimahaM jAne yathAtattvena bhArata .. 9\-6\-26 (60464)
vIryavAMshcha mahAtejA mahAtmA cha visheShataH .
kR^itI cha chitrayodhI cha saMyukto lAghavena cha .. 9\-6\-27 (60465)
yAdR^igbhIShmastathA droNo yAdR^ikkarNashcha saMyuge .
tAdR^ishR^istadvishiShTo vA madrarAjo mato mama .. 9\-6\-28 (60466)
yudhyamAnasya tasyAhaM chintayAnashcha bhArata .
yoddhAraM nAdhigachChAmi tulyarUpaM janAdhipa .. 9\-6\-29 (60467)
shikhaNDyarjunabhImAnAM sAtvatasya cha bhArata .
dhR^iShTadyumnasya cha tathA balenAbhyadhiko raNe .. 9\-6\-30 (60468)
madrarAjo mahArAjaH siMhadviradavikramaH .
vichariShyatyabhIH kAle kAlaH kruddhaH prajAsviva .. 9\-6\-31 (60469)
tasyAdya na prapashyAmi pratiyoddhAramAhane .
tvAmR^ite puruShavyAghra shArdUlasamavikramam .. 9\-6\-32 (60470)
sa tvameko hi loke.asminnAnyastvattaH pumAnbhavet .
madrarAjaM raNe kruddhaM yo hanyAtkurunandana .. 9\-6\-33 (60471)
ahanyahani yudhyantaM kShobhayantaM balaM tava .
tasmAjjahi raNe shalyaM maghavAniva shambaram .. 9\-6\-34 (60472)
sauteH pashchAdasau vIro dhArtarAShTreNa satkR^itaH .
tavaiva hi jayo nUnaM hate madreshvare yudhi.  9\-6\-35 (60473)
tasminhate hataM sarvaM dhArtarAShTrabalaM mahat ..
etachChrutvA mahArAja vachanaM mama sAmpratam.  9\-6\-36 (60474)
pratyudyAhi raNe pArtha madrarAjaM mahAratham ..
jahi chainaM mahAbAho vAsavo namuchiM yathA .. 9\-6\-37 (60475)
na chaivAtra dayA kAryA mAtulo.ayaM mameti vai .
kShatravarma puraskR^itya jahi madrajaneshvaram .. 9\-6\-38 (60476)
droNabhIShmArNavaM tIrtvA karNapAtAlasambhavam .
mA nimajjasva sagaNaH shalyamAsAdya goShpadam.  9\-6\-39 (60477)
yachcha te tapaso vIryaM yachcha kShAtraM balaM tava .
taddarshaya raNe sarvaM jahi chainaM mahAratham .. 9\-6\-40 (60478)
sa~njaya uvAcha. 9\-6\-41x (5095)
etAvaduktvA vachanaM keshavaH paravIrahA .
jagAma shibiraM sAyaM pUjyamAno.atha pANDavaiH .. 9\-6\-41 (60479)
keshave tu tadA yAte dharmaputro yudhiShThiraH .
visR^ijya sarvAnbhrAtR^IMshcha pA~nchAlAnatha somakAn .
suShvApa rajanIM tAM tu vishalya iva ku~njaraH ..  9\-6\-42 (60480)
te cha sarve maheShvAsAH pA~nchAlAH pANDavAstathA .
karNasya nidhane hR^iShTAH suShupustAM nishAM tadA .. 9\-6\-43 (60481)
gatajvaraM maheShvAsaM tIrNapAraM mahAratham .
babhUva pANDaveyAnAM sainyaM cha muditaM nishi .
sUtaputrasya nidhanAjjayaM labdhvA cha mAriSha .. ..  9\-6\-44 (60482)

iti shrImanmahAbhArate karNaparvaNi shalyavadhaparvaNi ShaShTho.adhyAyaH .. 6 ..
##Mahabharata - Shalya Parva - Chapter Footnotes##

9\-6\-14 kliShTarUpaH parAjayanishchayAt ..
9\-6\-18 martyadharmANaH martyadharmaNaH ..
9\-6\-6 ShaShTho.adhyAyaH ..

\medskip\hrule\medskip
shalyaparva \- adhyAya 007
.. shrIH ..
9\.7\. adhyAyaH 7

##Mahabharata - Shalya Parva - Chapter Topics##
ubhayasainyAnAM vyUharachanApUrvakaM dvandvIbhUya yuddhAya nirgamanam .. 1 ..

##Mahabharata - Shalya Parva - Chapter Text##

9\-7\-0 (60483)
sa~njaya uvAcha. 9\-7\-0x (5096)
vyatItAyAM rajanyAM tu rAjA duryodhanastadA .
abravIttAvakAnsarvAnsannahyantAM mahArathAH .. 9\-7\-1 (60484)
rAj~nashcha matamAj~nAya samanahyata sA chamUH .
ayojayanrathAMstUrNaM paryadhAvaMstathA pare .. 9\-7\-2 (60485)
akalpyanta cha mAta~NgAH samanahyanta pattayaH .
hayAnAstaraNopetAMshchakruranye sahasrashaH .. 9\-7\-3 (60486)
vAditrANAM cha ninadaH prAdurAsIdvishAmpate .
yodhAnAM sainyamukhyAnAmanyonyaM pratigarjatAm .. 9\-7\-4 (60487)
tato balAni sarvANi hatashiShTAni bhArata .
sannaddhAni vyadR^ishyanta mR^ityuM kR^itvA nivartanam .. 9\-7\-5 (60488)
shalyaM senApatiM kR^itvA madrarAjaM mahArathAH .
pravibhajya balaM sarvamanIkeShu vyavasthitAH .. 9\-7\-6 (60489)
tataH sarve samAgamya putreNa tava sainikAH .
kR^ipashcha kR^itavarmA cha drauNiH shalyo.atha saubalaH .
anye cha pArthivAH sheShAH samayaM chakrurAdR^itAH ..  9\-7\-7 (60490)
`adyAchAryasuto drauNirnaiko yudhyeta shatrubhiH'.
na na ekena yoddhavyaM katha~nchidapi pANDavaiH ..  9\-7\-8 (60491)
yo hyekaH pANDavairyudhyedyo vA yudhyantamutsR^ijet .
sa pa~nchabhirbhavedyuktaH pAtakaishchopapAtakaiH .
anyonyaM parirakShadbhiryoddhavyaM sahitaishcha naH ..  9\-7\-9 (60492)
evaM te samayaM kR^itvA sarve tatra mahArathAH .
madrarAjaM puraskR^itya tUrNamabhyadravanparAn .. 9\-7\-10 (60493)
tathaiva pANDavA rAjanvyUhya sainyaM mahAraNe .
abhyayuH kauravAnyuddhe yotsyamAnAH samantataH .. 9\-7\-11 (60494)
tato balaM samabhavatkShubdhArNavasamasvanam .
samudbhUtArNavAkAramudIrNarathaku~njaram .. 9\-7\-12 (60495)
dhR^itarAShTra uvAcha. 9\-7\-13x (5097)
droNasya chaiva bhIShmasya rAdheyasya cha me shrutam .
pAtanaM shaMsa me bhUyaH shalyasyAtha sutasya me .. 9\-7\-13 (60496)
kathaM raNe hataH shalyo dharmarAjena sa~njaya .
bhImena cha mahAbAhuH putro duryodhano mama .. 9\-7\-14 (60497)
sa~njaya uvAcha. 9\-7\-15x (5098)
kShayaM manuShyadehAnAM tathA nAgAshvasa~NkShayam .
shR^iNu rAjansthiro bhUtvA sa~NgrAmaM shaMsato mama .. 9\-7\-15 (60498)
AshA balavatI rAjanputrANAM te.abhavattadA ..  9\-7\-16 (60499)
hate droNe cha bhIShme cha sUtaputre cha pAtite .
shalyaH pArthAnraNe sarvAnnihaniShyati mAriSha .. 9\-7\-17 (60500)
tAmAshAM hR^idaye kR^itvA samAshvasya cha bhArata .
madrarAjaM cha samare samAshritya mahAratham .
nAthavantaM tadA.a.atmAnamamanyata sutastava ..  9\-7\-18 (60501)
yadA karNe hate pArthAH siMhanAdaM prachakrire .
tadA rAjandhArtarAShTrAnpravivesha mahadbhayam .. 9\-7\-19 (60502)
tAnsamAshvAsya tu tadA madrarAjaH pratApavAn .
vyUhya vyUhaM mahArAja sarvatobhadramR^iddhimat .. 9\-7\-20 (60503)
pratyudyayau raNe pArthAnmadrarAjaH pratApavAn .
vidhUnvankArmukaM chitraM bhAraghnaM vegavattaram .
rathapravaramAsthAya saindhavAshvaM mahArathaH ..  9\-7\-21 (60504)
tasya sUto mahArAja rathastho.ashobhayadratham .
sa tena saMvR^ito vIro rathenAmitrakarshanaH .
tasthau shUro mahArAja putrANAM te bhayapraNut ..  9\-7\-22 (60505)
prayANe madrarAjo.abhUnmukhaM vyUhasya daMshitaH .
madrakaiH sahito vIraiH karNaputraishcha durjayaiH .. 9\-7\-23 (60506)
savye.abhUtkR^itavarmA cha trigartaiH parivAritaH .
gautamo dakShiNe pArshve shakaishcha yavanaiH saha .. 9\-7\-24 (60507)
ashvatthAmA pR^iShThato.abhUtkAmbhojaiH parivAritaH .
duryodhano.abhavanmadhye rakShitaH kurupu~NgavaiH .. 9\-7\-25 (60508)
hayAnIkena mahatA saubalashchApi saMvR^itaH .
prayayau sarvasainyena kaitavyashcha mahArathaH .. 9\-7\-26 (60509)
pANDavAshcha maheShvAsA vyUhya sainyamarindamAH .
tridhAbhUtA mahArAja tava sainyamupAdravan .. 9\-7\-27 (60510)
dhR^iShTadyumnaH shikhaNDI cha sAtyakischa mahArathaH .
shalyasya vAhinIM hantumabhidudruvurAhave .. 9\-7\-28 (60511)
tato yudhiShThiro rAjA svenAnIkena saMvR^itaH .
shalyamevAbhidudrAva jighAMsurbharatarShabhaH .. 9\-7\-29 (60512)
hArdikyaM cha maheShvAsamarjunaH shatrupUgahA .
saMshaptakagaNAMshchaiva vegito.abhividudruve .. 9\-7\-30 (60513)
gautamaM bhImaseno vai somakAshcha mahArathAH .
abhyadravanta rAjenadra jighAMsantaH parAnyudhi .. 9\-7\-31 (60514)
mAdrIputrau tu shakunimulUkaM cha mahAratham .
sasainyau sahasainyau tAvupatasthaturAhave .. 9\-7\-32 (60515)
tathaivAyutasho yodhAstAvakAH pANDavAnraNe .
abhyavartanta sa~NkruddhA vividhAyudhapANayaH .. 9\-7\-33 (60516)
dhR^itarAShTra uvAcha. 9\-7\-34x (5099)
hate bhIShme hameShvAse droNe karNe jayadrathe .
kuruShvalpAvashiShTeShu pANDaveShu cha saMyuge .. 9\-7\-34 (60517)
saMrabdheShu cha pArtheShu parAkrAnteShu sa~njaya .
mAmakAnAM pareShAM cha kiM shiShTamabhavadbalam .. 9\-7\-35 (60518)
sa~njaya uvAcha. 9\-7\-36x (5100)
yathA vayaM pare rAjanyuddhAya samupasthitAH .
yAvachchAsIdbalaM shiShTaM sa~NgrAme tannibodha me .. 9\-7\-36 (60519)
ekAdasha sahasrANi rathAnAM bharatarShabha .
dasha dantisahasrANi sapta chaiva shatAni cha .. 9\-7\-37 (60520)
pUrNe shatasahasre dve hayAnAM tatra bhArata .
pattikoTyastathA tisro balametattavAbhavat .. 9\-7\-38 (60521)
rathAnAM ShaTsahasrANi ShaTsahasrAshcha ku~njarAH .
dasha chAshvasahasrANi pattikoTI cha bhArata .. 9\-7\-39 (60522)
etadbalaM pANDavAnAmabhavachCheShamAhave .
eta eva samAjagmuryudvAya bharatarShabha .. 9\-7\-40 (60523)
evaM vibhajya rAjendra madrarAjamate sthitAH .
pANDavAnpratyudIyAma jayagR^iddhAH pramanyavaH .. 9\-7\-41 (60524)
tathaiva pANDavAH shUrAH samare jitakAshinaH .
upayAtA naravyAghrAH pA~nchAlAshcha yashasvinaH .. 9\-7\-42 (60525)
evamete balaughena parasparavadhaiShiNaH .
upayAtA naravyAghrAH pUrvAM sandhyAM prati prabho .. 9\-7\-43 (60526)
tataH pravavR^ite yuddhaM ghorarUpaM bhayAnakam .
tAvakAnAM pareShAM cha nighnatAmitaretaram .. .. 9\-7\-44 (60527)

iti shrImanmahAbhArate shalyaparvaNi shalyavadhaparvaNi saptamo.adhyAyaH .. 7 ..
##Mahabharata - Shalya Parva - Chapter Footnotes##

9\-7\-39 pattikoTI iti dvivachanam ..
9\-7\-7 saptamo.adhyAyaH ..

\medskip\hrule\medskip
shalyaparva \- adhyAya 008
.. shrIH ..
9\.8\. adhyAyaH 8

##Mahabharata - Shalya Parva - Chapter Topics##
aShTAdashadivasayuddhArabhyaH .. 1 ..
sa~Nkulayuddham .. 2 ..

##Mahabharata - Shalya Parva - Chapter Text##

9\-8\-0 (60528)
sa~njaya uvAcha. 9\-8\-0x (5101)
tataH pravavR^ite yuddhaM kurUNAM bhayavardhanam .
sR^i~njayaiH saha rAjendra ghoraM devAsuropamam .. 9\-8\-1 (60529)
narA rathA gajaughAshcha vAjinashcha sahasrashaH .
vAjinashcha parAkrAntAH samAjagmuH parasparam .. 9\-8\-2 (60530)
gajAnAM bhImarUpANAM dravatAM niHsvano mahAn .
ashrUyata yathA kAle jaladAnAM nabhastale .. 9\-8\-3 (60531)
nAgairabhyAhatAH kechitsarathA rathino.apatan .
vyadravanta raNe bhItA drAvyamANA madotkaTaiH .. 9\-8\-4 (60532)
hayaughAnpAdarakShAMshcha rathinastatra shikShitAH .
sharaiH sampreShayAmAsuH paralokAya bhArata .. 9\-8\-5 (60533)
sAdinaH shikShitA rAjanparivArya mahArathAn .
vicharanto raNe.abhyaghnanprAsashaktyR^iShTibhistathA .. 9\-8\-6 (60534)
dhanvinaH puruShAH kechitparivArya mahArathAn .
ekaM bahava AsAdya praiShayanyamasAdanam .. 9\-8\-7 (60535)
nAgAnrathavarAMshchAnye parivArya mahArathAH .
sottarA yudhi nirjaghnurdravamANaM mahAratham .. 9\-8\-8 (60536)
tathA cha rathinaM kruddhaM vikirantaM sharAnbahUn .
nAgA jaghnurmahArAja parivArya samantataH .. 9\-8\-9 (60537)
nAgA nAgamabhidrutya rathI cha rathinaM raNe .
shaktitomaranArAchairnijaghnustatra bhArata .. 9\-8\-10 (60538)
pAdAtAnavamR^idganto rathavAraNavAjinaH .
raNamadhye vyadR^ishyanta kurvanto mahadAkulam .. 9\-8\-11 (60539)
hayAshcha paryadhAvanta chAmarairupashobhitAH .
haMsA himavataH prasthe pibanta iva medinIm .. 9\-8\-12 (60540)
teShAM tu vAjinAM bhUmiH khuraishchitrA vishAmpate .
ashobhata yathA nArI karajaiH kShatavikShatA .. 9\-8\-13 (60541)
vAjinAM khurashabdena rathanemisvanena cha .
pattInAM chApi shabdena nAgAnAM bR^iMhitena cha .. 9\-8\-14 (60542)
vAditrANAM cha ghoSheNa sha~NkhAnAM ninadena cha .
abhavannAditA bhUmirnirghAtairiva bhArata .. 9\-8\-15 (60543)
dhanuShAM kUjamAnAnAM shastraughAnAM cha pAtyatAm .
kavachAnAM prabhAbhishcha na prAj~nAyata ki~nchana .. 9\-8\-16 (60544)
bahavo bAhavashChinnA nAgarAjakaropamAH .
udveShTante vicheShTante vegaM kurvanti dAruNam .. 9\-8\-17 (60545)
shirasAM cha mahArAja patatAM dharaNItale .
chyutAnAmiva tAlebhyaH phalAnAM shrUyate svanaH .. 9\-8\-18 (60546)
shirobhiH patitairbhAti rudhirArdrairvasundharA .
tapanIyanibhaiH kAle nalinairiva bhArata .. 9\-8\-19 (60547)
udvR^ittanayanaistaistu gatasatvaiH suvikShataiH .
vyabhrAjata mahI rAjanpuNDarIkairivAvR^itA .. 9\-8\-20 (60548)
bAhubhishchandanAdigdhaiH sakeyUrairmahAradhanaiH .
patitairbhAti rAjendra mahAshakradhvajairiva .. 9\-8\-21 (60549)
Urubhishcha narendrANAM vinikR^ittairmahAhave .
hastihastopamairjaj~ne saMvR^itaM tadraNA~NkaNam .. 9\-8\-22 (60550)
kabandhaMshatasa~NkIrNaM ChatrachAmarasa~Nkulam .
senAvanaM tachChushubhe vanaM puShpAchitaM yathA .. 9\-8\-23 (60551)
tatra yodhA mahArAja vicharanto hyabhItavat .
dR^ishyante rudhirAktA~NgAH puShpitA iva kiMshukAH .. 9\-8\-24 (60552)
mAta~NgAshchApyadR^ishyanta sharatomarapIDitAH .
patantastatra tavaiva ChinnAbhrAsadR^ishA raNe .. 9\-8\-25 (60553)
gajAnIkaM mahArAja vadhyamAnaM mahAtmabhiH .
vyadIryata dishaH sarvA vAtanunnA dhanA iva .. 9\-8\-26 (60554)
te gajA dhanasa~NkAshAH petururvyAM samantataH .
vajranunnA iva babhuH parvatA yugasa~NkShaye .. 9\-8\-27 (60555)
hayAnAM sAdibhiH sArdhaM patitAnAM mahItale .
rAshayaH sma pradR^ishyante girimAtrAMstatastataH .. 9\-8\-28 (60556)
sa~njaj~ne raNabhUmau tu paralokavahA nadI .
shoNitodA rathAvartA dhvajavR^ikShAsthisharkarA .. 9\-8\-29 (60557)
bhujanakrA dhanuHsrotA hastishailA hayopalA .
medomajjAkardaminI ChatrahaMsA gadoDupA .. 9\-8\-30 (60558)
kavachoShNIShasa~nChannA patAkAruchiradrumA .
chakrachakrAvalIjuShTA triveNUragasaMvR^itA .. 9\-8\-31 (60559)
shUrANAM harShajananI bhIrUNAM bhayavardhanI .
prAvartata nadI raudrA kurusR^i~njayasa~Ngame .. 9\-8\-32 (60560)
tAM nadIM paralokAya vahantImatibhairavAm .
terurvAhananaubhiste shUrAH parighabAhavaH .. 9\-8\-33 (60561)
vartamAne tadA yuddhe nirmaryAde vishAmpate .
chatura~NgakShaye ghore yuddhe devAsuropame .. 9\-8\-34 (60562)
vyAkroshanbAndhavAnanye tatra tatra parantapa .
kroshadbhirdayitairanye bhayArtA na nivartire .. 9\-8\-35 (60563)
nirmaryAde tathA yuddhe vartamAne bhayAnake .
arjuno bhImasenashcha mohayA~nchakratuH parAn .. 9\-8\-36 (60564)
sA vadhyamAnA mahatI senA tava narAdhipa .
amuhyattatra tatraiva yoShinmadavashAdiva .. 9\-8\-37 (60565)
mohayitvA cha tAM senAM bhImasenadhana~njayau .
dadhmaturvArijau tatra siMhanAdAMshcha chakratuH .. 9\-8\-38 (60566)
shrutvaiva tu mahAshabdaM dhR^iShTadyumnashikhaNDinau .
dharmarAjaM puraskR^itya madrarAjamabhidrutau .. 9\-8\-39 (60567)
tatrAshcharyamapashyAma ghorarUpaM mahadbhayam .
shalyena sa~NgatAH shUrA yadayudhyanta bhAgashaH .. 9\-8\-40 (60568)
mAdrIputrau tu rabhasau kR^itAstrau yuddhadurmadau .
abhyayAtAM tvarAyuktau jigIShantau balaM tava .. 9\-8\-41 (60569)
tato.abhyAvartata balaM tAvakaM bharatarShabha .
sharaiH praNunnaM bahudhA pANDavairjitakAshibhiH .. 9\-8\-42 (60570)
vadhyamAnA chamUH sA tu putrANAM prekShatAM tava .
bheje dasha disho rAjanpraNunnA sharavR^iShTibhiH .. 9\-8\-43 (60571)
hAhAkAro mahA~njaj~ne yodhAnAM tatra bhArata .
tiShThatiShTheti chApyAsIddrAvitAnAM mahAtmanAm .. 9\-8\-44 (60572)
kShatriyANAM tathA.anyonyaM saMyuge jayamichChatAm .
prAdravanneva sambhagnAH pANDavaistava sainikAH .. 9\-8\-45 (60573)
tyaktvA yuddhe priyAnputrAnbhrAtR^Inatha pitAmahAn .
mAtulAnbhAgineyAMshcha vayasyAnapi bhArata .. 9\-8\-46 (60574)
hayAndvipAMstvarayanto yodhA jagmuH samantataH .
AtmatrANakR^itotsAhAstAvakA bharatarShabha .. .. 9\-8\-47 (60575)

iti shrImanmahAbhArate shalyaparvaNi shalyavadhaparvaNi
aShTAdashadivasayuddhe aShTamo.adhyAyaH .. 8 ..
##Mahabharata - Shalya Parva - Chapter Footnotes##

9\-8\-35 na nivartire na nivartitAH ..
9\-8\-8 aShTamo.adhyAyaH ..

\medskip\hrule\medskip
shalyaparva \- adhyAya 009
.. shrIH ..
9\.9\. adhyAyaH 9

##Mahabharata - Shalya Parva - Chapter Topics##
nakukena karNaputrANAM trayANAM mAraNam .. 1 ..

##Mahabharata - Shalya Parva - Chapter Text##

9\-9\-0 (60576)
sa~njaya uvAcha. 9\-9\-0x (5102)
tatprabhagnaM balaM dR^iShTvA madrarAjaH pratApavAn .
uvAcha sArathiM tUrNaM chodayAshvAnmahAjavAn .. 9\-9\-1 (60577)
eSha tiShThati vai rAjA pANDuputro yudhiShThiraH .
ChatreNa dhriyamANena pANDureNa virAjatA .. 9\-9\-2 (60578)
atra mAM prApaya kShipraM pashya me sArathe balam .
na samarthA hi me pArthAH sthAtumadya puro yudhi .. 9\-9\-3 (60579)
evamuktastataH prAyAnmadrarAjasya sArathiH .
yatrA rAjA satyasandho dharmaputro yudhiShThiraH .. 9\-9\-4 (60580)
ApatantaM cha sahasA pANDavAnAM mahadbalam .
dadhAraiko raNe shalyo velodvR^ittamivArNavam .. 9\-9\-5 (60581)
pANDavAnAM balaughastu shalyamAsAdya mAriSha .
vyatiShThata tadA yudve sindhorvega ivAchalam .. 9\-9\-6 (60582)
madrarAjaM tu samare dR^iShTvA yuddhAya dhiShThitam .
kuravaH sannyavartanta mR^ityuM kR^itvA nivartanam .. 9\-9\-7 (60583)
teShu rAjannivR^itteShu vyUDhAnIkeShu sarvashaH .
prAvartata mahAraudraH sa~NgrAmaH shoNitodakaH .. 9\-9\-8 (60584)
samArchChachchitrasenaM tu nakulo yuddhadurmadaH .
tau parasparamAsAdya chitrakArmukadhAriNau .. 9\-9\-9 (60585)
meghAviva yathodvR^ittau dakShiNottaravarShiNau .
sharatoyaiH siShichatustau parasparamAhave .. 9\-9\-10 (60586)
nAntaraM tatra pashyAmaH pANDavasyetarasya cha .
ubhau kR^itAstrau balinau rathacharyAvishAradau .
parasparavadhe yattau ChidrAnveShaNatatparau ..  9\-9\-11 (60587)
chitrasenastu bhallena pItena nishitena cha .
nakulasya mahArAja muShTideshe.achChinaddhanuH .. 9\-9\-12 (60588)
athainaM ChinnadhanvAnaM rukmapu~NkhaiH shilAshitaiH .
tribhiH sharairasambhrAnto lalATe vai samArpayat .. 9\-9\-13 (60589)
hayAMshchAsya sharaistIkShNaiH preShayAmAsa mR^ityave .
tathA dhvajaM sArathiM cha tribhistribhirapAtayat .. 9\-9\-14 (60590)
sa shatrubhujanirmuktairlalATasthaistribhiH sharaiH .
nakulaH shushubhe rAjaMstrishR^i~Nga iva parvataH .. 9\-9\-15 (60591)
sa chChinnadhanvA virathaH kha~NgamAdAya charma cha .
rathAdavAtaradvIraH shailAgrAdiva kesarI .. 9\-9\-16 (60592)
padmAmApatatastasya shasvR^iShTiM samAsR^ijat .
nakulo.apyagrasattAM vai charmaNA laghuvikramaH .. 9\-9\-17 (60593)
chitrasenarathaM prApya chitrayodhI jitashramaH .
Aruroha mahAbAhuH sarvasainyasya pashyataH .. 9\-9\-18 (60594)
sakuNDalaM samukuTaM sunasaM svAyatekShaNam .
chitrasenashiraH kAyAdapAharata pANDavaH .. 9\-9\-19 (60595)
sa papAta rathAttasmAddivAkarasamadyutiH ..  9\-9\-20 (60596)
chitrasenashirastattu dR^iShTvA tatra mahArathAH .
sAdhuvAdasvanAMshchakruH siMhanAdAMshcha puShkalAn .. 9\-9\-21 (60597)
vishastaM bhrAtaraM dR^iShTvA karNaputrau mahArathau .
susharmA satyasenashcha mu~nchantau vividhA~nsharAn .. 9\-9\-22 (60598)
tato.abhyadhAvatAM tUrNaM pANDavaM rathinAM varam .
jighAMsantau yathA nAgaM vyAghrau rAjanmahAvane .. 9\-9\-23 (60599)
tAvabhyetya mahAbAhU dvAvapyatimahArathau .
sharauShAnsamyagasyantau jImUtau salilaM yathA .. 9\-9\-24 (60600)
sa sharaiH sarvato viddhaH prahR^iShTa iva pANDavaH .
anyatkArmukamAdAya rathamAruhya vegavAn .
atiShThata raNe vIraH kruddharUpa ivAntakaH ..  9\-9\-25 (60601)
tasya tau bhrAtarau rAja~nsharaiH sannataparvabhiH .
rathaM vishakalIkartuM samArabdhau vishAmpate .. 9\-9\-26 (60602)
tataH prahasya nakulashchaturbhishchaturo raNe .
jaghAna nishitairbANaiH satyasenasya vAjinaH .. 9\-9\-27 (60603)
tataH sandhAya nArachaM rukmapu~NkhaM shilAshitam .
dhanushchichCheda rAjendra satyasenasya pANDavaH .. 9\-9\-28 (60604)
athAnyaM rathamAsthAya dhanurAdAya chAparam .
satyasenaH susharmA cha pANDavaM paryadhAvatAm .. 9\-9\-29 (60605)
avidhyattAvasambhrAntau mAdrIputraH pratApavAn .
dvAbhyAM dvAbhyAM mahArAja sharAbhyAM raNamUrdhani .. 9\-9\-30 (60606)
susharmA tu tataH kruddhaH pANDavasya mahaddhanuH .
chichCheda prahasanyuddhe kShurapreNa mahArathaH .. 9\-9\-31 (60607)
athAnyaddhanurAdAya nakulaH krodhamUchChitaH .
susharmANaM pa~nchabhirviddhvA dhvajamekena chichChide .. 9\-9\-32 (60608)
satyasenasya sa dhanurhastAvapaM cha mAriSha .
chichCheda tarasA yuddhe tata uchchukrushurjanAH .. 9\-9\-33 (60609)
athAnyaddhanurAdAya vegaghnaM bhArasAdhanam .
sharaiH sa~nChAdayAmAsa samantAtpANDunandanam .. 9\-9\-34 (60610)
sannivArya tu tAnbANAnnakulaH paravIrahA .
satyasenasusharmANau dvAbhyAM dvAbhyAmavidhyata .. 9\-9\-35 (60611)
tAvenaM pratyavidhyetAM pR^ithakpR^ithagajihmagaiH .
sArathiM chAsya rAjendra shitairvivyadhatuH sharaiH .. 9\-9\-36 (60612)
satyaseno ratheShAM tu nakulasya dhanustathA .
pR^ithak sharAbhyAM chichCheda kR^itahastaH pratApavAn .. 9\-9\-37 (60613)
sa rathe.atirathastiShThanrathashaktiM parAmR^ishat ..
svarNadaNDAmakuNThAgrAM tailadhautAM sunirmalAm.  9\-9\-38 (60614)
lelihAnAmiva vimo nAgakanyAM mahAviShAm ..  9\-9\-39 (60615)
samudyamya cha chikShepa satyasenasya saMyuge ..  9\-9\-40 (60616)
sA tasya hR^idayaM gatyA vibheda shatadhA nR^ipa .
sa pavAta rathAdbhUmiM yatasatvo.alpattetanaH .. 9\-9\-41 (60617)
bhrAtaraM nihataM dR^iShTvA susharmA krodhamUrchChitaH .
abhyavarShachCharaistUrNaM pAdAtaM pANDunandanam .. 9\-9\-42 (60618)
chaturbhishchaturo vAhAndhvajaM ChittvA cha pa~nchabhiH .
tribhirvai sArathiM hatvA karNaputro nanAda ha .. 9\-9\-43 (60619)
nakulaM virathaM dR^iShTvA draupadeyo mahAratham .
sutasomo.abhidudrAva parIpsanpitaraM raNe .. 9\-9\-44 (60620)
tato.adhiruhya nakulaH sutasomasya taM ratham .
shushubhe bharatashreShTho girisya iva kesarI .. 9\-9\-45 (60621)
anyatkArmukamAdAya susharmANamayodhayat ..  9\-9\-46 (60622)
tatra tau sharavarShAbhyAM samAsAdya parasparam .
parasparavadhe yatnaM chakratuH sumahArathau .. 9\-9\-47 (60623)
susharmA tu taH kruddhaH pANDavaM vishikhaistribhiH .
sutasomaM tu viMshatyA vAhvorurasi chArpayat .. 9\-9\-48 (60624)
tataH kruddho mahArAja nakulaH paravIrahA .
sharaistasya dishaH sarvAshChAdayAmAsa vIryavAn .. 9\-9\-49 (60625)
tato gR^ihItvA tIkShNAgramardhachandraM sutejanam .
AkarNapUrNaM chikShepa karNaputrAya saMyuge .. 9\-9\-50 (60626)
tasya tena shiraH kAyAjjahAra nR^ipasattama .
pashyatAM sarvasainyAnAM tadadbhutamivAbhavat .. 9\-9\-51 (60627)
sa hataH prApatadrAjannakulena mahAtmanA .
nadIpe##xxxxxxx##NastIrajaH pAdapo mahAn .. 9\-9\-52 (60628)
karNaputravachaM dR^iShTvA nakulasya cha vikramam .
pradudrAva bhavAtsenA tAvakI bharatarvabha .. 9\-9\-53 (60629)
tAM tu senAM mahArAj~na madrarAjaH pratApavAn .
##xxxxxx## shUraH senApatirarindamaH .. 9\-9\-54 (60630)
##xxxxxx## vyavasyApya cha vAhinIm .
##xxxxxxx## bhUshaM kR^itvA dhanuHshabdaM cha dAruNam .. 9\-9\-55 (60631)
##xxxxxx## sagare rAjanrAMkShetA dR^iDhadhanvanA .
pratyudyayushcha tAMste tu samantAdvigatavyathAH .. 9\-9\-56 (60632)
madrarAjaM maheShvAsaM parivArya samantataH .
sthitA rAjanmahAsenA yodvukAmA samantataH .. 9\-9\-57 (60633)
sAtyakirbhImasenashcha mAdrIputrau cha pANDavau .
yudhiShThiraM puraskR^itya hIniShevamarindamam .. 9\-9\-58 (60634)
parivArya raNe vIrAH siMhanAdaM prachakrire .
bANasha~NkharavAMstIvrAnkShvelAshcha vividhA dadhuH .. 9\-9\-59 (60635)
tathaiva tAvakAH sarve madrAdhipatima~njasA .
parivArya susaMrabdhAH punaryuddhamarochayan .. 9\-9\-60 (60636)
tataH pravavR^ite yuddhaM bhIrUNAM bhayavardhanam .
tAvakAnAM pareShAM cha mR^ityuM kR^itvA nibartanam .. 9\-9\-61 (60637)
yathA devAsuraM yuddhaM pUrvamAsIdvishAmpate .
abhItAnAM tathA.a.asIttadyamarAShTravivardhanam .. 9\-9\-62 (60638)
tataH kapidhvajo rAjanhatvA saMshaptakAnraNe .
abhyadravata tAM senAM kauravIM pANDunandanaH .. 9\-9\-63 (60639)
tathaiva pANDavAH sarve dhR^iShTadyumnapurogamAH .
abhyadhAvantatAM senAM visR^ijantaH shitA~nsharAn .. 9\-9\-64 (60640)
pANDavairavakIrNAnAM sammohaH samajAyata .
na cha jaj~nustvanIkAni disho vA vidishastathA .. 9\-9\-65 (60641)
ApUryamANA nishitaiH sharaiH pANDavachoditaiH .
hatapravIrA vidhvastA vAryamANA samantataH .
kauravyavadhyata chamUH pANDuputrairmahArathaiH ..  9\-9\-66 (60642)
tathaiva pANDavaM sainyaM sharai rAjansamantataH .
raNe.ahanyata putraiste shatasho.atha sahasrashaH .. 9\-9\-67 (60643)
te sene bhR^ishasantapte vadhyamAne parasparam .
vyAkule samapadyetAM varShAsu saritAviva .. 9\-9\-68 (60644)
Avivesha tatastIvraM tAvakAnAM mahadbhayam .
pANDavAnAM cha rAjendra tathAbhUte mahAhave .. .. 9\-9\-69 (60645)

iti shrImanmahAbhArateyathA shalyaparvaNi shalyavadhaparvaNi
aShTAdashadivasayuddhe navamo.adhyAyaH .. 9 ..
##Mahabharata - Shalya Parva - Chapter Footnotes##

9\-9\-9 chitrasenaH karNaputraH ..
9\-9\-9 navamo.adhyAyaH ..
9 ..

\medskip\hrule\medskip
shalyaparva \- adhyAya 010
.. shrIH ..
9\.10\. adhyAyaH 10

##Mahabharata - Shalya Parva - Chapter Topics##
sa~Nkulayuddham .. 1 ..

##Mahabharata - Shalya Parva - Chapter Text##

9\-10\-0 (60646)
sa~njaya uvAcha. 9\-10\-0x (5103)
tasminvilulite sainye vadhyamAne parasparam .
dravamANeShu yodheShu vidravatsu cha dantiShu .. 9\-10\-1 (60647)
kUjatAM stanatAM chaiva padAtInAM mahAhave .
nihateShu mahArAja hayeShu bahudhA tadA .. 9\-10\-2 (60648)
prakShaye dAruNe ghore saMhAre sarvadehinAm .
nAnAshastrasamAvApe vyatiShaktarathadvipe .. 9\-10\-3 (60649)
harShaNe yuddhashauNDAnAM bhIrUNAM bhayavardhane .
gAhamAneShu yodheShu parasparavadhaiShiShu .. 9\-10\-4 (60650)
prANAdAne mahAghore vartamAne durodare .
sa~NgrAme ghorarUpe tu yamarAShTravivardhane .. 9\-10\-5 (60651)
pANDavAstAvakaM sainyaM vyadhamannishitaiH sharaiH .
tathaiva tAvakA yodhA jaghnuH pANDavasainikAn .. 9\-10\-6 (60652)
tasmiMstathA vartamAne yuddhe bhIrubhayAvahe .
pUrvAhNe chApi samprApte bhAskarodayanaM prati .. 9\-10\-7 (60653)
labdhalakShAH pare rAjanrakShitAstu mahAtmanA .
ayodhayaMstava balaM mR^ityuM kR^itvA nivartanam .. 9\-10\-8 (60654)
balibhiH pANDavairdR^iptairlaibdhalakShaiH prahAribhiH .
kauravyasIdatpR^itanA mR^igIvAgnibayAkulA .. 9\-10\-9 (60655)
tAM dR^iShTvA sIdatIM senAM pa~Nke gAmiva durbalAm .
ujjihIrShustadA shalyaH prAyAtpANDusutAnprati .. 9\-10\-10 (60656)
madrarAjaH susa~Nkruddho gR^ihItvA dhanuruttamam .
abhyadravata sa~NgrAme pANDavAnAtatAyinaH .. 9\-10\-11 (60657)
pANDavA api bhUpAla samare jitakAshinaH .
madrarAjaM samAsAdya bibhidurnishitaiH sharaiH .. 9\-10\-12 (60658)
tataH sharashataistIkShNairmadrarAjo mahArathaH .
ardayAmAsa tAM senAM dharmarAjasya pashyataH .. 9\-10\-13 (60659)
prAdurAsannimittAni nAnArUpANyanekashaH .
chachAla shabdaM kurvANA mahI chApi saparvatA .. 9\-10\-14 (60660)
[sadaNDashUlA dIptAgrA dIryamANAH samantataH.]
ulkA bhUmiM divaH peturAhatya ravimaNDalam ..  9\-10\-15 (60661)
mR^igAshcha mahiShAshchApi pakShiNashcha vishAmpate .
apasavyaM tadA chakruH senAM te bahusho nR^ipa .. 9\-10\-16 (60662)
[bhR^igusUnudharAputrau shashijena samanvitau .
charamaM pANDuputrANAM purastAtsarvabhUbhujAm .. 9\-10\-17 (60663)
shastrAgreShvabhavajjvAlA netrANyAhatya varShatI .
shiraH svalIyanta bhR^ishaM kAkolUkAshcha ketuShu] .. 9\-10\-18 (60664)
tatastadyuddhamatyugramabhavatsahachAriNAm .
tathA sarvANyanIkAni sannipatya janAdhipa .. 9\-10\-19 (60665)
abhyaghnatkauravo rAjA pANDavAnAmanIkinIm .
shalyastu sharavarSheNa varShanniva sahasradR^ik .. 9\-10\-20 (60666)
abhyavarShata dharmAtmA kuntIputraM yudhiShThiram .
bhImasenaM sharaishchApi rukmapu~NkhaiH shilAshitaiH .. 9\-10\-21 (60667)
draupadeyAMstathA sarvAnmAdrIputrau cha pANDavau .
dhR^iShTadyumnaM cha shaineyaM shikhaNDinamathApi cha .. 9\-10\-22 (60668)
ekaikaM dashabhirbANairvivyAdha sa mahAbalaH .
tato.asR^ijadbANavarShaM gharmAnte maghavAniva .. 9\-10\-23 (60669)
tataH prabhadrakA rAjansomakAshcha sahasrashaH .
patitAH pAtyamAnAshcha dR^ishyante shalyasAyakaiH .. 9\-10\-24 (60670)
bhramarANAmiva vrAtAH shalabhAnAmiva vrajAH .
hAdinya iva meghebhyaH shalyasya nyapata~nsharAH .. 9\-10\-25 (60671)
dviradAsturagAshchArtAH pattayo rathinastathA .
shalyasya bANairapatanbabhramurvyanadaMstathA .. 9\-10\-26 (60672)
AviShTa iva madresho manyunA pauruSheNa cha .
prAchChAdayadarInsa~Nkhye kAlasR^iShTa ivAntakaH .
vinardamAno madresho meghahAdo mahAbalaH ..  9\-10\-27 (60673)
sA vadhyamAnA shalyena pANDavAnAmanIkinI .
ajAtashatruM kaunteyamabhyadhAvadyudhiShThiram .. 9\-10\-28 (60674)
tAM sammardya shataiH sa~Nkhye laghuhastaH shitaiH sharaiH .
bANavarSheNa mahatA yudhiShThiramatADayat .. 9\-10\-29 (60675)
tamApatantaM jAtyashvaiH kruddho rAjA yudhiShThiraH .
avArayachCharaistIkShNairmahAdvipamivA~NkushaiH .. 9\-10\-30 (60676)
tasya shalyaH sharaM ghoraM mumochAshIviShopamam .
so.abhyavidhyanmahAtmAnaM vegenAbhyapatachcha gAm .. 9\-10\-31 (60677)
tato vR^ikodaraH kruddhaH shalyaM vivyAdha saptabhiH .
pa~nchabhiH sahadevastu nakulo dashabhiH sharaiH .. 9\-10\-32 (60678)
draupadeyAshcha shatrughnaM shUramArtAyaniM sharaiH .
abhyavarShanmahArAja meghA iva mahIdhasm .. 9\-10\-33 (60679)
tato dR^iShTvA vAryamANaM shalyaM pArthaiH samantataH .
kR^itavarmA kR^ipashchaiva sa~NkruddhAvabhyadhAvatAm .. 9\-10\-34 (60680)
ulUkashcha mahAvIryaH shakuniMshchApi saubalaH .
samAgamyAtha shanakairashvatthAmA mahAbalaH .
tava putrAshcha kArtsnyena jugupuH shalyamAhave ..  9\-10\-35 (60681)
bhImasenaM tribhirviddhA kR^itavarmA shilImukhaiH .
bANavarSheNa mahatA kruddharUpamavArayat .
dhR^iShTadyumnaM tataH kruddho bANavarShairapIDayat ..  9\-10\-36 (60682)
draupadeyAMshcha shakuniryamau cha drauNirabhyayAt ..  9\-10\-37 (60683)
duryodhano yudhAMshreShTha Ahave keshavArjunau .
samabhyayAdugratejAH sharaishchApyahanadbalI .. 9\-10\-38 (60684)
evaM dvandvashatAnyAsaMstvadIyAnAM paraiH saha .
ghorarUpANi chitrANi tatratatra vishAmpate .. 9\-10\-39 (60685)
R^ikShavarNA~njaghAnAshvAnbhojo bhImasya saMyuge .
so.avatIrya rathopasthAddhatAshvAtpANDunandanaH .
kAlo daNDamivodyamya gadApANirayudhyata ..  9\-10\-40 (60686)
pramukhe sahadevasya jaghAnAshvAnsa madrarAT .
tataH shalyasya tanayaM sahadevo.asinAvadhIt .. 9\-10\-41 (60687)
gautamaH punarAchAryo dhR^iShTadyumnamayodhayat .
asambhrAntamasambhrAnto yatnavAnyatnavattaram .. 9\-10\-42 (60688)
draupadeyAMstathA vIrAnekaikaM dashabhiH sharaiH .
aviddhyadAchAryasuto nAtikruddho hasanniva .. 9\-10\-43 (60689)
[punashcha bhImasenasya jaghAnAshvAMstathA.a.ahave .
so.avatIrya rathAttUrNaM hatAshvaH pANDunandanaH .. 9\-10\-44 (60690)
kAlo daNDamivodyamya gadAM kruddho mahAbalaH .
pothayAmAsa turagAnrathaM cha kR^itavarmaNaH .
kR^itavarmA tvavaplutya rathAttasmAdapAkramat ..]  9\-10\-45 (60691)
shalyo.api rAjansa~Nkruddho nighnansomakapANDavAn .
punareva shitairbANairyudhiShThiramapIDayat .. 9\-10\-46 (60692)
tasya bhImo raNe kruddhaH sandashya dashanachChadam .
vinAshAyAbhisandhAya gadAmAdAya vIryavAn .. 9\-10\-47 (60693)
yamadaNDapratIkAshAM kAlarAtrimivodyatAm .
gajavAjimanuShyANAM dehAntakaraNImati .. 9\-10\-48 (60694)
hemapaTTaparikShiptAmulkAM prajvalitAmiva .
shaikyAM vyAlImivAtyugrAM vajrakalpAmayomayIm .. 9\-10\-49 (60695)
chandanAgurupa~NkAktAM pramadAmIpsitAmiva .
vasAmedopadigdhA~NgIM jihvAM vaivasvatImiva .. 9\-10\-50 (60696)
paTughaNTAshataravAM vAsavImashanImiva .
nirmuktAshIviShAkArAM pR^iktAM gajamadairapi .. 9\-10\-51 (60697)
trAsanIM sarvabhUtAnAM svasainyapariharShiNIm .
manuShyaloke vikhyAtAM girishR^i~NgavidAraNIm .. 9\-10\-52 (60698)
yayA kailAsabhavane maheshvarasakhaM balI .
AhvayAmAsa kaunteyaH sa~NkruddhamalakAdhipam .. 9\-10\-53 (60699)
yayA mAyAmayAndR^iptAnsubahUndhanadAlaye .
jaghAna guhyakAnkruddho mandArArthe mahAbalaH .
nivAryamANo bahubhirdraupadyAH priyamAsthitaH ..  9\-10\-54 (60700)
tAM vajramaNiratnaughakalmAShAM vajragauravAm .
samudyamya mahAbAhuH shalyamabhyapatadraNe .. 9\-10\-55 (60701)
gadayA yuddhakushalastayA dAruNanAdayA .
pothayAmAsa shalyasya chaturo.ashvAnmahAjavAn .. 9\-10\-56 (60702)
tataH shalyo raNe kruddhaH pIne vakShasi tomaram .
nichakhAna nadanvIrovarma bhittvA cha sobhyayAt .. 9\-10\-57 (60703)
vR^ikodarastvasambhrAntastamevoddhR^itya tomaram .
yantAraM madrarAjasya nirbibheda tadA hR^idi .. 9\-10\-58 (60704)
sa bhinnavarmA rudhiraM vamanvitrastamAnasaH .
papAtAbhimukho bhImaM madrarAjastvapAkramat .. 9\-10\-59 (60705)
kR^itapratikR^itaM dR^iShTvA shalyo vismitamAnasaH .
gadAmAshritya dharmAtmA pratyamitramavaikShata .. 9\-10\-60 (60706)
tataH sumanasaH pArthA bhImasenamapUjayan .
te dR^iShTvA karma sa~NgrAme ghoramakliShTakarmaNaH .. .. 9\-10\-61 (60707)

iti shrImanmahAbhArate shalyaparvaNi shalyavadhaparvaNi
aShTAdashadivasayuddhe dashamo.adhyAyaH .. 10 ..
##Mahabharata - Shalya Parva - Chapter Footnotes##

9\-10\-17 bhR^igviti . sarvabhUbhujAM kR^itsnapR^ithvIpatInAM
pANDuputrANAM pANDavAnAM charamaM vilomagaNanayA prathamaM
yudhiShThiramabhilakShya shakrabhaumabudhAH saptamasthAne balAvahAH
Asan. etachcha sarvabhUbhujAmiti phalasya janakamityarthaH ..
9\-10\-18 Ahatya spR^iShTvA . varShatI bhuvi patantI ..
9\-10\-49 parikShiptAM parichChannAm ..
9\-10\-51 vAsavImaindrIm . rAsanImiti pAThe shabdavatIm ..
9\-10\-53 maheshvarasakhaM kuberam ..
9\-10\-10 dashamo.adhyAyaH ..

\medskip\hrule\medskip
shalyaparva \- adhyAya 011
.. shrIH ..
9\.11\. adhyAyaH 11

##Mahabharata - Shalya Parva - Chapter Topics##
shalyabhImayorgadAyuddham .. 1 ..

##Mahabharata - Shalya Parva - Chapter Text##

9\-11\-0 (60708)
sa~njaya uvAcha. 9\-11\-0x (5104)
patitaM prekShya yantAraM shalyaH shaikyAyasIM gadAm .
AdAya tarasA rAjaMstasthau giririvAchalaH .. 9\-11\-1 (60709)
taM dIptamiva kAlAgniM pAshahastamivAntakam .
sashR^i~Ngamiva kailAsaM savajramiva vAsavam .. 9\-11\-2 (60710)
sashUlamiva haryakShaM sachakramiva chakriNam .
sashaktimiva senAnyaM vane mattamiva dvipam .
javenAbhyapatadbhImaH pragR^ihya mahatIM gadAm ..  9\-11\-3 (60711)
tataH sha~NkhapraNAdashcha tUryANAM cha sahasrashaH .
siMhanAdashcha sa~njaj~ne shUrANAM harShavardhanaH .. 9\-11\-4 (60712)
praikShanta sarvatastau hi yodhA mattAviva dvipau .
tAvakAshchApare chaiva sAdhusAdhvityapUjayan .. 9\-11\-5 (60713)
na hi madrAdhipAdanyo rAmAdvA yadunandanAt .
soDhumutsahate vegaM bhImasenasya saMyuge .. 9\-11\-6 (60714)
tathA madrAdhipasyApi gadAvegaM mahAtmanaH .
soDhumutsahate nAnyaH pumAnyudhi vR^ikodarAt .. 9\-11\-7 (60715)
tau vR^iShAviva nardantau maNDalAni vicheratuH .
Avartitau gadAhastau madrarAjavR^ikodarau .. 9\-11\-8 (60716)
maNDalAvartamArgeShu gadAviharaNeShu cha .
nirvisheShamabhUdyuddhaM tayoH puruShasiMhayoH .. 9\-11\-9 (60717)
taptahemamayaiH shubhrairbabhUva bhayavardhinI .
agnijvAlairivAbaddhA paTTaiH shalyasya sA gadA .. 9\-11\-10 (60718)
tathaiva charato mArgAnmaNDaleShu mahAtmanaH .
vidyudabhragratIkAshA bhImasya shushubhe gadA .. 9\-11\-11 (60719)
tADitA madrarAjena bhImasya gadayA gadA .
dahyamAneva khe rAjansA.asR^ijatpAvakArchiShaH .. 9\-11\-12 (60720)
tathA bhImena shalyasya tADitA gadayA gadA .
a~NgAravarShaM mumuche tadadbhutamivAbhavat .. 9\-11\-13 (60721)
dantairiva mahAnAgau shR^i~Ngairiva maharShabhau .
tau virejaturanyonyaM gadAgrAbhyAM parikShatau .. 9\-11\-14 (60722)
tau gadAbhihatairgAtraiH kShaNena rudhirokShitau .
prekShaNIyatarAvAstAM puShpitAviva kiMshukau .. 9\-11\-15 (60723)
gadayA madrarAjasya savyadakShiNamAhataH .
bhImaseno mahAbAhurna chachAlAchalo yathA .. 9\-11\-16 (60724)
tathA bhImagadAvegaistADyamAno muhurmuhuH .
shalyo na vivyathe rAjandantineva mahAgiriH .. 9\-11\-17 (60725)
shushruve dikShu sarvAsu tayoH puruShasiMhayoH .
gadAnipAtasaMhAdo vajrayoriva niHsvanaH .. 9\-11\-18 (60726)
nivR^itya tu mahAvIryau samuchChritamahAgadau .
punarantaramArgasthau paNDalAni vicheratuH .. 9\-11\-19 (60727)
athAbhyetya padAnyaShTau sannipAto.abhavattayoH .
udyamya lohadaNDAbhyAmatimAnuShakarmaNoH .. 9\-11\-20 (60728)
pothayantau tadA.anyonyaM maNDalAni vicheratuH .
kriyAvisheShaM kR^itinau darshayAmAsatustadA .. 9\-11\-21 (60729)
abhyudyatagadau vIrau sashR^i~NgAviva parvatau .
tAvAjaghnaturanyonyaM maNDalAni vicheratuH .. 9\-11\-22 (60730)
kriyAvisheShakR^itinau raNabhUmitale.achalau .
tau parasparasaMrambhAdgadAbhyAM subhR^ishAhatau .. 9\-11\-23 (60731)
yugapatpetaturvIrAvubhAvindrabalI iva .
ubhayaH senayoryodhAstadA hAhAkR^itAbhavan .. 9\-11\-24 (60732)
bhR^ishaM marmasvabhihatAvubhAvAstAM suvihvalau ..  9\-11\-25 (60733)
tataH svarathamAropya madrANAmR^iShabhaM raNe .
apovAha kR^ipaH shalyaM tUrNamAyodhanAdatha .. 9\-11\-26 (60734)
kShIbavadvihvalatvAttu nimeShAtpunarutthitaH .
bhImaseno gadApANiH samAhvayata madrapam .. 9\-11\-27 (60735)
tatastu tAvakAH shUrA nAnAshastrasamAyutAH .
nAnAvAditrashabdena pANDusenAmayodhayan .. 9\-11\-28 (60736)
bhujAvuchChritya shastraM cha shabdena mahatA tataH .
abhyadravanmahArAja duryodhanapurogamAH .. 9\-11\-29 (60737)
tadanIkamabhiprekShya tataste pANDunandanAH .
prayayuH siMhanAdena duryodhanavadhepsayA .. 9\-11\-30 (60738)
teShAmApatatAM tUrNaM putraste bharatarShabha .
prAptena chekitAnaM vai vivyAdha hR^idaye bhR^isham .. 9\-11\-31 (60739)
papAta rathopasthe tava putreNa pAtitaH .
rudhiraughapariklinnaH pravishya vipulaM tamaH .. 9\-11\-32 (60740)
chekitAnaM hataM dR^iShTvA pANDaveyA mahArathAH .
asaktamabhyavarShanta sharavarShANi bhAgashaH .. 9\-11\-33 (60741)
tAvakAnAmanIkeShu pANDavA jitakAshinaH .
vyacharanta mahArAja prekShaNIyAH samantataH .. 9\-11\-34 (60742)
kR^ipashcha kR^itavarmA cha saubalashcha mahArathaH .
ayodhayandharmarAjaM madrarAjapuraskR^itAH .. 9\-11\-35 (60743)
bhAradvAjasya hantAraM bhUrivIryaparAkramam .
duryodhano mahArAja dhR^iShTadyumnamayodhayat .. 9\-11\-36 (60744)
trisAhasrAstathA rAjaMstava putreNa choditAH .
ayodhayanta vijayaM jaigartAnAM mahArathAH .. 9\-11\-37 (60745)
vijaye dhR^itasa~NkalpAH samare tyaktajIvitAH .
prAvishaMstAvakA rAjanhaMsA iva mahatsaraH .. 9\-11\-38 (60746)
tato yuddhamabhUddhoraM parasparavadhaiShiNAm .
anyonyavadhasaMyuktamanyonyaprItivardhanam .. 9\-11\-39 (60747)
tasminpravR^itte sa~NgrAme rAjanvIravarakShaye .
anileneritaM ghoramuttasthau pArthivaM rajaH .. 9\-11\-40 (60748)
shravaNAnnAmadheyAnAM pArthivAnAM cha kIrtanAt .
parasparaM vijAnImastadAyudhyannabhItavat .. 9\-11\-41 (60749)
tadrajaH puruShavyAghra shoNitena prashAmitam .
dishashcha vimalA jAtAstasminrajasi nAshite .. 9\-11\-42 (60750)
tathA pravR^itte sa~NgrAme ghorarUpe bhayAnake .
tAvakAnAM pareShAM cha nAsItkashchitparA~NmukhaH .. 9\-11\-43 (60751)
brahmalokaparA bhUtvA prArthayanto jayaM yudhi .
suyuddhena parAkrAntA narAH svargamabhIpsavaH .. 9\-11\-44 (60752)
bhartR^ipiNDavimokShArthaM bhartR^ikAryavinishchitAH .
svargasaMsaktamanaso yodhA yuyudhire tadA .. 9\-11\-45 (60753)
nAnArUpANi shastrANi visR^ijanto mahArathAH .
anyonyamabhigarjantaH praharantaH parasparam .. 9\-11\-46 (60754)
hata vidhyata gR^ihNIta praharadhvaM nikR^intata .
iti sma vAchaH shrUyante tavateShAM cha vai bale .. 9\-11\-47 (60755)
tataH shalyo mahArAja dharmaputraM yudhiShThiram .
vivyAdha nishitairbANairhantukAmo mahAratham .. 9\-11\-48 (60756)
tasya pArtho mahArAja nArAchAnvai chaturdasha .
marmANyuddishya marmaj~no nichakhAna hasanniva .. 9\-11\-49 (60757)
AvArya pANDavaM bANairhantukAmo mahAbalaH .
vivyAdha samare kruddho bahubhiH ka~NkapatribhiH .. 9\-11\-50 (60758)
atha madro mahArAja shareNAnataparvaNA .
yudhiShThiraM samAjaghne sarvasainyasya pashyataH .. 9\-11\-51 (60759)
dharmarAjo.api sa~Nkruddho madrarAjaM mahAbalaH .
vivyAdha nishitairbANaiH ka~NkabarhiNavAjitaiH .. 9\-11\-52 (60760)
chandrasenaM cha saptatyA sUtaM cha navabhiH sharaiH .
drumasenaM chatuHShaShTyA nijaghAna mahArathaH .. 9\-11\-53 (60761)
chakrarakShe hate shalyaH pANDavena mahAtmanA .
nijaghAna tato rAjaMshchedInvai pa~nchaviMshatim .. 9\-11\-54 (60762)
sAtyakiM pa~nchaviMshatyA bhImasenaM cha pa~nchabhiH .
mAdrIputrau shatenAjau vivyAdha nishitaiH sharaiH .. 9\-11\-55 (60763)
evaM vicharatastasya sa~NgrAme rAjasattama .
sampraiShayachChitAnpArthaH sharAnAshIviShopamAn .. 9\-11\-56 (60764)
dhvajAghraM chAsya samare kuntIputro yudhiShThiraH .
pramukhe vartamAnasya bhallenApAharadrathAt .. 9\-11\-57 (60765)
pANDuputreNa vai tasya ketuM ChinnaM mahAtmanA .
nipatantamapashyAma girishR^i~NgamivAhatam .. 9\-11\-58 (60766)
dhvajaM nipatitaM dR^iShTvA pANDavaM cha vyavasthitam .
sa~Nkruddho madrarAjo.abhUchCharavarShaM mumocha ha .. 9\-11\-59 (60767)
shalyaH sAyakavarSheNa parjanya iva vR^iShTimAn .
abhyavarShadameyAtmA kShatriyAnkShatriyarShabhaH .. 9\-11\-60 (60768)
sAtyakiM bhImasenaM cha mAdrIputrau cha pANDavau .
ekaikaM pa~nchabhirviddhvA yudhiShThiramapIDayat .. 9\-11\-61 (60769)
tato bANamayaM jAlaM vitataM pANDavorasi .
apashyAma mahArAja meghajAlamivodgatam .. 9\-11\-62 (60770)
tasya shalyo raNe kruddhaH sharaiH sannataparvabhiH .
dishaH sa~nChAdayAmAsa pradishashcha mahArathaH .. 9\-11\-63 (60771)
tato yudhiShThiro rAjA bANajAlena pIDitaH .
babhUva hR^itavikrAnto jambho vR^itrahaNA yathA .. .. 9\-11\-64 (60772)

iti shrImanmahAbhArate shalyaparvaNi shalyavadhaparvaNi
aShTAdashadivasayuddhe ekAdasho.adhyAyaH .. 11 ..
##Mahabharata - Shalya Parva - Chapter Footnotes##

9\-11\-3 haryakShaM rudram ..
9\-11\-10 shubhraidIMptimaddhiH ..
9\-11\-11 ekAdasho.adhyAyaH ..

\medskip\hrule\medskip
shalyaparva \- adhyAya 012
.. shrIH ..
9\.12\. adhyAyaH 12

##Mahabharata - Shalya Parva - Chapter Topics##
shalyaparAkramavarNanam .. 1 ..

##Mahabharata - Shalya Parva - Chapter Text##

9\-12\-0 (60773)
sa~njaya uvAcha. 9\-12\-0x (5105)
pIDite dharmarAje tu madrarAjena mAriSha .
sAtyakirbhImasenashcha mAdrIputrau cha pANDavau .
parivArya rathaiH shalyaM pIDayAmAsurAhave ..  9\-12\-1 (60774)
tamekaM bahubhirdR^iShTvA pIDyamAnaM mahArathaiH .
sAdhuvAdo mahA~njaj~ne siddhAshchAsanpraharShitAH .. 9\-12\-2 (60775)
AshcharyamityabhAShanta munayashchApi sa~NgatAH ..  9\-12\-3 (60776)
bhImaseno raNe shalyaM shalyabhUtaM parAkrame .
ekena viddhvA bANena punarvivyAdha saptabhiH .. 9\-12\-4 (60777)
sAtyakishcha shatenainaM dharmaputraparIpsayA .
madreshvaramavAkIrya siMhanAdamathAnadat .. 9\-12\-5 (60778)
nakulaH pa~nchabhishchainaM sahadevashcha pa~nchabhiH .
viddhvA taM tu punastUrNaM tato vivyAdha saptabhiH .. 9\-12\-6 (60779)
sa tu shUro raNe yattaH pIDitastairmahArathaiH .
vikR^iShya kArmukaM ghoraM bhAraghnaM vegavattaram .. 9\-12\-7 (60780)
sAtyakiM pa~nchaviMshatyA shalyo vivyAdha mAriSha .
bhImasenaM tu saptatyA nakulaM saptabhistathA .. 9\-12\-8 (60781)
tataH sa vishikhaM chApaM sahadevasya dhanvinaH .
ChittvA bhallena samare vivyAdhainaM trisaptabhiH .. 9\-12\-9 (60782)
sahadevastu samare mAtulaM bhUrivarchasam .
sajyamanyaddhanuH kR^itvA pa~nchabhiH samatADayat .
sharairAshIviShAkArairjvalajjvalanasannibhaiH ..  9\-12\-10 (60783)
sArathiM chAsya samare shareNAnataparvaNA .
vivyAdha bhR^ishasa~NkruddhastaM vai bhUyastribhiH sharaiH .. 9\-12\-11 (60784)
bhImasenastu saptatyA sAtyakirnavabhiH sharaiH .
dharmarAjastathA ShaShTyA gAtre shalyaM samArpayat .. 9\-12\-12 (60785)
tataH shalyo mahArAja nirviddhastairmahArathaiH .
susrAva rudhiraM gAtrairgairikaM parvato yathA .. 9\-12\-13 (60786)
tAMshcha sarvAnmaheShvAsAnpa~nchabhiH pa~nchabhiH sharaiH .
vivyAdha tarasA rAjaMstadadbhutamivAbhavat .. 9\-12\-14 (60787)
tato.apareNa bhallena dharmaputrasya mAriSha .
dhanushchichCheda samare sajjayaM sa sumahArathaH .. 9\-12\-15 (60788)
athAnyaddhanurAdAya dharmaputro yudhiShThiraH .
sAshvasUtadhvajarathaM shalyaM prAchChAdayachCharaiH .. 9\-12\-16 (60789)
sa chChAdyamAnaH samare dharmaputrasya sAyakaiH .
yudhiShThiramathAvidhyaddashabhirnishitaiH sharaiH .. 9\-12\-17 (60790)
sAtyakistu tataH kruddho dharmaputre sharArdite .
madrANAmadhipaM shUraM sharairvivyAdha pa~nchabhiH .. 9\-12\-18 (60791)
sa sAtyakeH prachichCheda kShurapreNa mahaddhanuH .
bhImasenamukhAMstAMshcha tribhistribhiratADayat .. 9\-12\-19 (60792)
tasya kruddho mahArAja sAtyakiH satyavikramaH .
tomaraM preShayAmAsa svarNadaNDaM mahAraNe .. 9\-12\-20 (60793)
bhImaseno.atha nArAchaM jvalantamiva pannagam .
nakulaH samare shaktiM sahadevo gadAM shubhAm .
dharmarAjaH shataghnIM cha jighAMsuH shalyamAhave ..  9\-12\-21 (60794)
tAnApatata evAshu pa~nchAnAM vai bhujachyutAn .
vArayAmAsa samare shastrasa~NghaiH sa madrarAT .. 9\-12\-22 (60795)
sAtyakiprahitaM shalyo bhallaishchichCheda tomaram .
prahitaM bhImasenena sharaM kanakabhUShaNam .. 9\-12\-23 (60796)
dvidhA chichCheda samare kR^itahastaH pratApavAn .
nakulapreShitAM shaktiM hemadaNDAM bhayAvahAm .. 9\-12\-24 (60797)
gadAM cha sahadevena sharaughaiH samavArayat .
sharAbhyAM cha shataghnIM tAM rAj~nashchichCheda bhArata .. 9\-12\-25 (60798)
pashyatAM pANDuputrANAM siMhanAdaM nanAda cha .
nAmR^iShyattatra shaineyaH shatrorvijayamAhave .. 9\-12\-26 (60799)
athAnyaddhanurAdAya sAtyakiH krodhamUrchChitaH .
dvAbhyAM madreshvaraM vidvA sArathiM cha tribhiH sharaiH .. 9\-12\-27 (60800)
tataH shalyo raNe rAjansarvAMstAndashabhiH sharaiH .
vivyAdha bhR^ishasa~Nkruddhastotrairiva mahAdvipAn .. 9\-12\-28 (60801)
te vAryamANAH samare madrarAj~nA mahArathAH .
na shekuH sammukhe sthAtuM tasya shatruniShUdanAH .. 9\-12\-29 (60802)
tato duryodhano rAjA dR^iShTvA shalyasya vikramam .
nihatAnpANDavAnmene pA~nchAlAnatha sR^i~njayAn.  9\-12\-30 (60803)
`tathAvidhaM mahArAja madrarAjasya vikramam .
asahyaM mAnavairyuddhe tadbabhUva nararShabha ..'  9\-12\-31 (60804)
tato rAjanmahAbAhurbhImasenaH pratApavAn .
santyajya manasA prANAnmadrAdhipamayodhayat .. 9\-12\-32 (60805)
nakulaH sahadevashcha sAtyakishcha mahArathaH .
parivArya tadA shalyaM samantAdvyakira~nsharaiH .. 9\-12\-33 (60806)
sa chaturbhirmaheShvAsaiH pANDavAnAM mahArathaH .
vR^itastAnyodhayAmAsa madrarAjaH pratApavAn .. 9\-12\-34 (60807)
tasya dharmasuto rAjankShurapreNa mahAhave .
chakrarakShaM jaghAnAshu madrarAjasya pArthivaH .. 9\-12\-35 (60808)
tasmiMstu nihate shUre chakrarakShe mahArathe .
madrarAjo.api balavAnsainikAnAvR^iNochCharaiH .. 9\-12\-36 (60809)
samAvR^itAMstatastAMstu rAjanvIkShya svasainikAn .
chintayAmAsa samare dharmaputro yudhiShThiraH .. 9\-12\-37 (60810)
kathaM nu na bhavetsatyaM tanmAdhavavacho mahat .
api kruddho raNe rAjankShapayeta balaM mama .. 9\-12\-38 (60811)
`ahaM maddhAtarashchaiva sAtyakishcha mahArathaH .
pA~nchAlAH sR^i~njayAshchaiva na shaktAsma hi madrapam .. 9\-12\-39 (60812)
nihaniShyati chaivAdya mAtulo.asmAnmahAbalaH .
govindavachanaM satyaM kathaM bhavati kintvidam .. 9\-12\-40 (60813)
tataH sarathanAgAshvA pANDavAH pANDupUrvaja .
madrarAjaM samAseduH pIDayantaH samantataH .. 9\-12\-41 (60814)
nAnAshastraughabahulAM shastravR^iShTiM samudyatAm .
vyadhamatsamare rAjA mahAbhrANIva mArutaH .. 9\-12\-42 (60815)
tataH kanakapu~NkhAM tAM shalyakShiptAM viyadgatAm .
sharavR^iShTimapashyAma shalabhAnAmivAyatim .. 9\-12\-43 (60816)
te sharA madrarAjena preShitA raNamUrdhani .
sampatantaH sma dR^ishyante shalabhAnAM vrajA iva .. 9\-12\-44 (60817)
madrarAjadhanurmuktaiH sharaiH kanakabhUShaNaiH .
nirantaramivAkAshaM sambabhUva janAdhipa .. 9\-12\-45 (60818)
na pANDavAnAM nAsmAkaM tatra ki~nchidvyadR^ishyata .
bANAndhakAre mahati kR^ite tatra mahAhave .. 9\-12\-46 (60819)
madrarAjena balinA lAghavAchCharavR^iShTibhiH .
chAlyamAnaM tu taM dR^iShTvA pANDavAnAM balArNavam .
vismayaM paramaM jagmurdevagandharvadAnavAH ..  9\-12\-47 (60820)
sa tu tAnsarvato yattA~nsharaiH sa~nChAdya mAriSha .
dharmarAjamavachChAdya siMhavadvyanadanmuhuH .. 9\-12\-48 (60821)
te chChannAH samare tena pANDavAnAM mahArathAH .
nAshaknuvaMstadA yuddhe pratyudyAtuM mahAratham .. 9\-12\-49 (60822)
dharmarAjapurogAstu bhImasenamukhA rathAH .
nijaghnuH samare shUraMshalyamAhavashobhinam .. .. 9\-12\-50 (60823)

iti shrImanmahAbhArate shalyaparvaNi shalyavadhaparvaNi
aShTAdashadivasayuddhe dvAdasho.adhyAyaH .. 12 ..
##Mahabharata - Shalya Parva - Chapter Footnotes##

9\-12\-25 sahadevena preShitAmiti pUrvasmAtsambadhyate ..
9\-12\-27 sArathiM cha vivyAdhetyuttarasmAdapakR^iShyate ..
9\-12\-38 kathannu samare shakyaM\-\-nahi kruddho raNe iti jha.pAThaH ..
9\-12\-12 dvAdasho.adhyAyaH ..

\medskip\hrule\medskip
shalyaparva \- adhyAya 013
.. shrIH ..
9\.13\. adhyAyaH 13

##Mahabharata - Shalya Parva - Chapter Topics##
sa~Nkulayuddham .. 1 ..

##Mahabharata - Shalya Parva - Chapter Text##

9\-13\-0 (60824)
sa~njaya uvAcha. 9\-13\-0x (5106)
arjuno drauNinA viddho yuddhe bahubhirAyasaiH .
tasya chAnucharaiH shUraistrigartAnAM mahArathaiH .. 9\-13\-1 (60825)
drauNiM vivyAdha samare tribhireva shilImukhaiH .
tathetarAnmaheShvAsAndvAbhyAM dvAbhyAM dhana~njayaH .
bhUyashchaiva mahArAja sharavarShairavAkirat ..  9\-13\-2 (60826)
sharakaNTakitAste tu tAvakA bharatarShabha .
na jahuH pArthamAsAdya tADyamAnAH shitaiH sharaiH .. 9\-13\-3 (60827)
arjunaM rathavaMshena droNaputrapurogamAH .
parivArya mudA yuktA yodhayantashchakAshire .. 9\-13\-4 (60828)
taistu kShiptAH sharA rAjankArtasvaravibhUShitAH .
arjunasya rathopasthaM pUrayAmAsura~njasA .. 9\-13\-5 (60829)
tathA kR^iShNau maheShvAsau vR^iShabhau sarvadhanvinAm .
vivyadhushcha sharairghoraiH prahR^iShTA yuddhadurmadAH .. 9\-13\-6 (60830)
kUbaraM rathachakrANi IShA yoktrANi vA vibho .
yugaM chaivAnukarShaM cha sharabhUtamabhUttadA .. 9\-13\-7 (60831)
naitAdR^ishaM dR^iShTapUrvaM rAjanneva cha naH shrutam .
yAdR^ishaM tatra pArthasya tAvakAH samprachakrire .. 9\-13\-8 (60832)
sa rathaH sarvato bhAti chitrapu~NkhaiH shitaiH sharaiH .
ulkAshataiH sampradIptaM vimAnamiva bhUtale .. 9\-13\-9 (60833)
tato.arjuno mahArAja sharaiH sannataparvabhiH .
avAkirattAM pR^itanAM megho dhR^iShTyeva parvatam .. 9\-13\-10 (60834)
te vadhyamAnAH samare pArthanAmA~NkitaiH sharaiH .
pArthabhUtamamanyanta prekShamANAstathAvidham .. 9\-13\-11 (60835)
kopoddhUtasharajvAlo dhanuHshabdAnilo mahAn .
sainyendhanaM dadAhAshu tAvakaM pArthapAvakaH .. 9\-13\-12 (60836)
chakrANAM patatAM chApi yugAnAM cha dharAtale .
tUNIrANAM patAkAnAM dhvajAnAM cha rathaiH saha .. 9\-13\-13 (60837)
IShANAmanukarShANAM triveNUnAM cha bhArata .
akShANAmatha yoktrANAM pratodAnAM cha rAshayaH .. 9\-13\-14 (60838)
shirasAM patatAM chApi kuNDaloShNIShadhAriNAm .
bhujAnAM cha mahAbhAga skandhAnAM cha samantataH .. 9\-13\-15 (60839)
ChatrANAM vyajanaiH sArdhaM makuTAnAM cha rAshayaH .
samadR^ishyanta pArthasya rathamArgeShu bhArata .. 9\-13\-16 (60840)
agamyarUpA pR^ithivI mAMsashoNitakardamA .
bhIrUNAM trAsajananI shUrANAM harShavardhinI .
babhUva bharatashreShTha rudrasyAkrIDanaM yathA ..  9\-13\-17 (60841)
hatvA tu samare pArthaH sahasre dve parantapaH .
rathAnAM savarUthAnaM vidhUmo.agniriva jvalan .. 9\-13\-18 (60842)
yathA hi bhagavAnagnirjagaddagdhvA charAcharam .
vidhUmo dR^ishyate rAjaMstathA pArtho dhana~njayaH .. 9\-13\-19 (60843)
drauNistu samare dR^iShTvA pANDavasya parAkramam .
rathenAtipatAkena pANDavaM pratyavArayat .. 9\-13\-20 (60844)
tAvubhau puruShavyAghrau shvetAshvau dhanvinAM varau .
samIyatustadA.anyonyaM parasparavadhaiShiNau .. 9\-13\-21 (60845)
tayorAsInmahArAja bANavarShaM sudAruNam .
jImUtayoryathA vR^iShTistapAnte bharatarShabha .. 9\-13\-22 (60846)
anyonyaspardhinau tau tu sharaiH sannataparvabhiH .
tatakShatustadA.anyonyaM shR^i~NgAbhyAM vR^iShabhAviva .. 9\-13\-23 (60847)
tayoryuddhaM mahArAja chiraM samamivAbhavat .
shastrANAM sa~Ngamashchaiva ghorastatrAbhavatpunaH .. 9\-13\-24 (60848)
tato.arjunaM dvAdashabhI rukmapu~NkhaiH sutejanaiH .
vAsudevaM cha dashabhirdrauNirvivyAdha bhArata .. 9\-13\-25 (60849)
tataH prahasya bIbhatsurvyAkShipadgANDivaM dhanuH .
mAnayitvA muhUrtaM tu guruputraM mahAhave .. 9\-13\-26 (60850)
vyashvasUtarathaM chakre savyasAchI parantapaH .
mR^idupUrvaM tatashchainaM punaHpunaratADayat .. 9\-13\-27 (60851)
hatAshve tu rathe tiShThandroNaputrastvayasmayam .
musalaM pANDuputrAya chikShepa parighopamam .. 9\-13\-28 (60852)
tamApatantaM sahasA hemapaTTavibhUShitam .
chichCheda saptadhA vIraH pArthaH shatrunibarhaNaH .. 9\-13\-29 (60853)
sa chChinnaM musalaM dR^iShTvA drauNiH paramakopanaH .
Adade parighaM ghoraM nagendrashikharopamam .
chikShepa chaiva pArthAya drauNiryuddhavishAradaH ..  9\-13\-30 (60854)
tamantakamiva kruddaM parighaM prekShya pANDavaH .
arjunastvarito jaghne pa~nchabhiH sAyakottamaiH .. 9\-13\-31 (60855)
sa chChinnaH patito bhUmau pArthabANairmahAhave .
dArayanpR^ithivIndrANAM manaH sabdena bhArata .. 9\-13\-32 (60856)
tato.aparaistribhirbhallairdrauNiM vivyAdha pANDavaH ..  9\-13\-33 (60857)
so.atividdho balavatA pArthena sumahAtmanA .
nAkampata tadA drauNiH pauruSheShu vyavasthitaH .. 9\-13\-34 (60858)
surathaM cha tato rAjanbhAradvAjo mahAratham .
avAkirachCharavrAtaiH sarvakShatrasya pashyataH .. 9\-13\-35 (60859)
tatastu suratho.apyAjau pA~nchAlAnAM mahArathaH .
rathena meghaghoSheNa drauNimevAbhyadhAvata .. 9\-13\-36 (60860)
vikarShanvai dhanuHshreShThaM sarvabhArasahaM dR^iDham .
jvalanAshIviShanibhaiH sharaishchainamavAkirat .. 9\-13\-37 (60861)
surathaM taM tataH kruddhamApatantaM mahAratham .
chukopa samare drauNirdaNDAhata ivoragaH .. 9\-13\-38 (60862)
trishikhAM bhrukuTIM kR^itvA sR^ikviNI parisaMlihan .
udvIkShya surathaM roShAddhanurjyAmavamR^ijya cha .
mumocha tIkShNaM nArAchaM yamadaNDopamadyutim ..  9\-13\-39 (60863)
sa tasya hR^idayaM bhittvA praviveshAtivegitaH .
shaktAshanirivotsR^iShTo vidArya dharaNItalam .. 9\-13\-40 (60864)
tataH sa patito bhUmau nArAchena samAhataH .
vajreNa cha yathA shR^i~NgaM parvatasyeva dIryataH .. 9\-13\-41 (60865)
tasminvinihate vIre droNaputraH pratApavAn .
Aruroha rathaM tUrNaM tameva rathinAM varaH .. 9\-13\-42 (60866)
tataH sajjo mahArAja drauNirAhavadurmadaH .
arjunaM yodhayAmAsa saMshaptakavR^ito raNe .. 9\-13\-43 (60867)
tatra yuddhaM mahachchAsIdarjunasya paraiH saha .
madhyandinagate sUrye yamarAShTravivardhanam .. 9\-13\-44 (60868)
tatrAshcharyamapashyAma dR^iShTvA teShAM parAkramam .
yadeko yugapadvIrAnsamayodhayadarjunaH .. 9\-13\-45 (60869)
vimardaH sumahAnAsIdarjunasya paraiH saha .
shatakratoryathApUrvaM mahatyA daityasenayA .. .. 9\-13\-46 (60870)

iti shrImanmahAbhArate shalyaparvaNi shalyavadhaparvaNi
aShTAdashadivasayuddhe trayodasho.adhyAyaH .. 13 ..

\medskip\hrule\medskip
shalyaparva \- adhyAya 014
.. shrIH ..
9\.14\. adhyAyaH 14

##Mahabharata - Shalya Parva - Chapter Topics##
sa~Nkulayuddham .. 1 ..

##Mahabharata - Shalya Parva - Chapter Text##

9\-14\-0 (60871)
sa~njaya uvAcha. 9\-14\-0x (5107)
duryodhano mahArAja dhR^iShTadyumnashcha pArShataH .
chakratuH sumahadyuddhaM sharashaktisamAkulam .. 9\-14\-1 (60872)
tato rAjansamApetuH sharadhArAH sahasrashaH .
ambudAnAM yathA kAle jaladhArAH samantataH .. 9\-14\-2 (60873)
rAjA cha pArShataM viddhvA sharaiH pa~nchabhirAshugaiH .
droNahantAramugreShuM punarvivyAdha saptabhiH .. 9\-14\-3 (60874)
dhR^iShTadyumnastu samare balavAndR^iDhavikramaH .
saptatyA vishikhAnAM vai duryodhanamapIDayat .. 9\-14\-4 (60875)
pIDitaM vIkShya rAjAnaM sodaryA bharatarShabha .
mahatyA senayA sArdhaM parivavruH sma pArShatam .. 9\-14\-5 (60876)
sa taiH parivR^itaH shUraH sarvato.atirathai rbhR^isham .
vyacharatsamare rAjandarshayannastralAghavam .. 9\-14\-6 (60877)
shikhaNDI kR^itavarmANaM gautamaM cha mahAratham ..
prabhadrakaiH samAyukto yodhayAmAsa dhanvinau .. 9\-14\-7 (60878)
tatrApi sumahadyuddhaM ghorarUpaM vishAmpate .
prANAnsantajatAM yuddhe prANadyUtAbhidevane .. 9\-14\-8 (60879)
shalyaH sAyakavarShANi vimu~njansarvatodisham .
pANDavAnpIDayAmAsa sasAtyakivR^ikodarAn .. 9\-14\-9 (60880)
tathA tau tu yamau yamatulyaparAkramau .
yodhayAmAsa rAjendra vIryeNAstrabalena cha .. 9\-14\-10 (60881)
shalyasAyakanunnAnAM pANDavAnAM mahAmR^idhe .
trAtAraM nAdhyagachChanta kechittatra mahArathAH .. 9\-14\-11 (60882)
tatastu nakulaH shUro dharmarAje prapIDite .
abhidudrAva vegena mAtulaM mAdrinandanaH .. 9\-14\-12 (60883)
sa~nChAdya samare vIraM nakulaH paravIrahA .
vivyAdha chainaM dashabhiH smayamAnaH stanAntare .. 9\-14\-13 (60884)
sarvapArasavairbANaiH karmAraparimArjitaiH .
svarNapu~NkhaiH shilAdhautairdhanuryantraprachoditaiH .. 9\-14\-14 (60885)
shalyastu pIDitastena svasrIyeNa hi mAtulaH .
nakulaM pIDayAmAsa patribhirnataparvabhiH .. 9\-14\-15 (60886)
tato yudhiShThiro rAjA bhImaseno.atha sAtyakiH .
sahadevashcha mAdreNo madrarAjamupAdravan .. 9\-14\-16 (60887)
tAnApatata evAshu pUrayANAnrathasvanaiH .
dishashcha vidishashchaiva kampayAnAMshcha medinIm .
pratijagrAha samare senApatiramitrajit ..  9\-14\-17 (60888)
yudhiShThiraM tribhirviddhvA bhImasenaM cha pa~nchabhiH .
sAtyakiM cha shatenAjau sahadevaM tribhiH sharaiH .. 9\-14\-18 (60889)
tatastu sasharaM chApaM nakulasya mahAtmanaH .
madreshvaraH kShurapreNa madhye chichCheda mAriSha .. 9\-14\-19 (60890)
tadapAsya dhanushChinnaM tataH shalyasya sAyakaiH .
athAnyaddhanurAdAya mAdrIputro mahArathaH .
madrarAjarathaM tUrNaM pUrayAmAsa patribhiH ..  9\-14\-20 (60891)
yudhiShThirastu madreshaM sahadevashcha mAriSha .
dashabhirdashabhirbANairurasyenamavidhyatAm .. 9\-14\-21 (60892)
bhImasenastu taM ShaShTyA sAtyakirdashabhiH sharaiH .
madrarAjamabhidrutya jaghnatuH xx~NkapatribhiH .. 9\-14\-22 (60893)
madrarAjastataH kruddhaH sAtyakiM navabhiH sharaiH .
vivyAdha bhUyaH saptatyA sharANAM nataparvaNAm .. 9\-14\-23 (60894)
athAsya sasharaM chApaM muShTau chichCheda mAriSha .
hayAMshcha chaturaH sa~Nkhye preShayAmAsa mR^ityave .. 9\-14\-24 (60895)
virathaM sAtyakiM kR^itvA madrarAjo mahArathaH .
vishikhAnAM shatenainamAjaghAna samantataH .. 9\-14\-25 (60896)
mAdrIputraM cha saMrabdho bhImasenaM cha pANDavam .
yudhiShThiraM cha kauravya vivyAdha dashabhiH sharaiH .. 9\-14\-26 (60897)
tatrAdbhutamapashyAma madrarAjasya pauruSham .
yadenaM sahitAH pArthA nAbhyavartanta saMyuge .. 9\-14\-27 (60898)
athAnyaM rathamAsthAya sAtyakiH satyavikramaH .
pIDitAnpANDavAndR^iShTvA madrarAjavashaM gatAn .
abhidudrAva vegena madrANAmadhipaM balAt ..  9\-14\-28 (60899)
ApatantaM rathaM tasya shalyaH samitishobhanaH .
pratyudyayau rathenaiva matto mattamiva dvipam .. 9\-14\-29 (60900)
sa sannipAtastumulo babhUvAdbhutadarshanaH .
sAtyakeshchaiva shUrasya madrANAmadhipasya cha .
yAdR^isho vai purA vR^ittaH shambarAmararAjayoH ..  9\-14\-30 (60901)
sAtyakiH prekShya samare madrarAjamavasthitam .
vivyAdha dashabhirbANaistiShThatiShTheti chAbravIt .. 9\-14\-31 (60902)
madrarAjastu subhR^ishaM viddhastena mahAtmanA .
sAtyakiM prativivyAdha chitrapu~NkhaiH shitaiH sharaiH .. 9\-14\-32 (60903)
tataH pArthA maheShvAsAH sAtvatA.abhisR^itaM nR^ipam .
abhyavartanrathaistUrNaM mAtulaM vadhakA~NkShayA .. 9\-14\-33 (60904)
tata AsItparAmardastumulaH shoNitodakaH .
shUrANAM yudhyamAnAnAM siMhAnAmiva nardatAm .. 9\-14\-34 (60905)
teShAmAsInmahArAja vyadhikShepaH parasparam .
siMhAnAmAmiShepsUnAM kUjatAmiva saMyuge .. 9\-14\-35 (60906)
teShAM bANasahasraughairAkIrNA vasudhA.abhavat .
antarikShaM cha sahasA bANabhUtamabhUttadA .. 9\-14\-36 (60907)
sharAndhakAraM sahasA kR^itaM tena samantataH .
abhrachChAyeva sa~njaj~ne sharairmuktairmahAtmabhiH .. 9\-14\-37 (60908)
tatra rAja~nsharairmuktairnirmuktairiva pannaigaH .
svarNapu~NkhaiH prakAshadbhirvyarochanta dishastadA .. 9\-14\-38 (60909)
tatrAdbhutaM paraM chakre shalyaH shatrunibarhaNaH .
yadekaH samare shUro yodhayAmAsa vai bahUn .. 9\-14\-39 (60910)
madrarAjabhujotsR^iShTaiH ka~NkabarhiNavAjitaiH .
sampatadbhiH sharairghorairavAkIryata medinI .. 9\-14\-40 (60911)
tatra shalyarathaM rAjanvicharantaM mahAhave .
apashyAma yathApUrvaM shakrasyAsurasaMkShaye .. .. 9\-14\-41 (60912)

iti shrImanmahAbhArate shalyaparvaNi shalyavadhaparvaNi
aShTAdashadivasayuddhe chaturdasho.adhyAyaH .. 14 ..

\medskip\hrule\medskip
shalyaparva \- adhyAya 015
.. shrIH ..
9\.15\. adhyAyaH 15

##Mahabharata - Shalya Parva - Chapter Topics##
shalyayudhiShThirayoryuddham .. 1 ..

##Mahabharata - Shalya Parva - Chapter Text##

9\-15\-0 (60913)
sa~njaya uvAcha. 9\-15\-0x (5108)
tataH senA tava vibho madrarAjapuraskR^itA .
punarabhyadravatpArthAnvegena mahatA raNe .. 9\-15\-1 (60914)
pIDitAstAvakAH sarve pradhAvanto raNotkaTAH .
kShaNena chaiva pArthAMste bahutvAtsamaloDayan .. 9\-15\-2 (60915)
te vadhyamAnAH samare pANDavA nAvatasthire .
kShaNenaiva mahArAja pashyatoH kR^iShNapArthayoH .. 9\-15\-3 (60916)
tato dhana~njayaH kruddhaH kR^ipaM saha padAnugaiH .
avAkirachCharaugheNa kR^itavarmANameva cha .. 9\-15\-4 (60917)
shakuniM sahadevastu sahasainyamavAkirat .
nakulaH pArshvataH sthitvA madrarAjamayodhayat .. 9\-15\-5 (60918)
draupadeyA narendrAshcha bhUyiShThAnsamavArayan .
droNaputraM cha pA~nchAlyaH shikhaNDI samavArayat .. 9\-15\-6 (60919)
bhImasenastu rAjAnaM gadApANiravArayat .
shalyaM tu saha sainyena kuntIputro yudhiShThiraH .. 9\-15\-7 (60920)
tataH samabhavadyuddhaM saMsaktaM tatratatra ha .
tAvakAnAM pareShAM cha sa~NgrAmeShvanivartinAm .. 9\-15\-8 (60921)
tatra pashyAmahe karma shalyasyAtimahadraNe .
yadekaH sarvasainyAni pANDavAnAmayodhayat .. 9\-15\-9 (60922)
vyadR^ishyata tadA shalyo yudhiShThirasamIpataH .
krUrashchandramaso.abhyAshe shanaishchara iva grahaH .. 9\-15\-10 (60923)
pIDayitvA tu rAjAnaM sharairAshIviShopamaiH .
abhyadhAvatpunarbhImaM sharavarShairavAkirat .. 9\-15\-11 (60924)
tasya tallAghavaM dR^iShTvA tathaiva cha kR^itAstratAm .
apUjayannanIkAni pareShAM tAvakAni cha .. 9\-15\-12 (60925)
pIDyamAnAstu shalyena pANDavA bhR^ishAvikShatAH .
prAdravanta raNaM hitvA kroshamAne yudhiShThire .. 9\-15\-13 (60926)
vadhyamAneShvanIkeShu madrarAjena pANDavaH .
amarShavashamApanno dharmarAjo yudhiShThiraH .. 9\-15\-14 (60927)
tataH pauruShamAsthAya madrarAjamatADayat .
jayo vA.astu vadho veti kR^itabuddhirmahArathaH .. 9\-15\-15 (60928)
samAhUyAbravItsarvAnbhrAtR^InkR^iShNaM cha pANDavaH ..  9\-15\-16 (60929)
bhIShmo droNashcha karNashcha ye chAnye pR^ithivIkShitaH .
kauravArthe parAkrAntAH sa~NgrAme nidhanaM gatAH .
yathAbhAgaM yathotsAhaM bhavantaH kR^itapauruShAH ..  9\-15\-17 (60930)
bhAgo.avashiShTa eko.ayaM mama shalyo mahArathaH .
so.ahamadya yudhA jetumAshaMse madrakAdhipam .. 9\-15\-18 (60931)
tatra yanmAnasaM mahyaM tatsarvaM nigadAmi vaH .
chakrarakShAvimau vIrau mama mAdravatIsutau .. 9\-15\-19 (60932)
ajeyau vAsavenApi samare shUrasammatau .
sAdhvimau mAtulaM yuddhe kShatradharmapuraskR^itau .. 9\-15\-20 (60933)
madarthe pratiyudhyetAM mAnArhau satyasa~Ngarau .
mAM vA shalyo raNe hantA taM vA.ahaM bhadramastu vaH .
iti satyAmimAM vANIM lokavIrA nibodhata ..  9\-15\-21 (60934)
yotsye.ahaM mAtulenAdya kShAtradharmeNa pArthivAH .
svamaMshamabhisandhAya vijayAyetarAya vA .. 9\-15\-22 (60935)
tasya me.apyadhikaM shastraM sarvopakaraNAni cha .
saMyujyantAM rathe kShipraM shAstravadrathayojakaiH .. 9\-15\-23 (60936)
shaineyo dakShiNaM chakraM dhR^iShTadyumnastathottaram .
pR^iShThagopo bhavatvadya mama pArtho dhana~njayaH .. 9\-15\-24 (60937)
puraHsaro mamAdyAstu bhImaH shastrabhR^itAM varaH .
evamabhyadhikaH shalyAdbhaviShyAmi mahAmR^idhe .. 9\-15\-25 (60938)
evamuktAstathA chakrustadA rAj~naH priyaiShiNaH ..  9\-15\-26 (60939)
tataH praharShaH saivyAnAM punarAsIttadAH mR^idhe .
pA~nchAlAnAM somakAnAM mAtsyAnAM cha visheShataH .. 9\-15\-27 (60940)
pratij~nAtaM cha sa~NgrAme dharmarAjasya pUjayan .
tataH sha~NkhAMshcha bherIshcha shatashashchaiva puShkarAn .
avAdayanta pA~nchAlAH siMhanAdAMshcha nedire ..  9\-15\-28 (60941)
te.abhyadhAvanta saMrabdhA madrarAjaM tarasvinam .
mahatA harShajenAtha nAdena kurupu~NgavAH .. 9\-15\-29 (60942)
hAdena gajaghaNTAnAM sha~NkhAnAM ninadena cha .
tUryashabdena mahatA nAdayantashcha medinIm .. 9\-15\-30 (60943)
tAnpratyagR^ihNAtputraste madrarAjashcha vIryavAn .
mahAmeghAniva bahU~nshailAvastodayAvubhau .. 9\-15\-31 (60944)
shalyastu samarashlAghI dharmarAjamarindamam .
vavarSha sharavarSheNa shambaraM maghavA iva .. 9\-15\-32 (60945)
tathaiva kururAjo.api pragR^ihya ruchiraM dhanuH .
droNopadeshAnvividhAndarshayAno mahAmanAH .
vavarSha sharavarShANi chitraM laghu cha suShThu cha ..  9\-15\-33 (60946)
na chAsya vivaraM kashchiddadarsha charato raNe ..  9\-15\-34 (60947)
tAvubhau vividhairbANaistatakShAte parasparam .
shArdUlAvAmiShaprepsU parAkrAntAvivAhave .. 9\-15\-35 (60948)
bhImastu tava putreNa yuddhashauNDena sa~NgataH ..  9\-15\-36 (60949)
pA~nchAlyaH sAtyakishchaiva mAdrIputrau cha pANDavau .
shakunipramukhAnvIrAnpratyagR^ihNansamantataH .. 9\-15\-37 (60950)
tadAsIttumulaM yuddhaM punareva jayaiShiNAm .
tAvakAnAM pareShAM cha rAjandurmantrite tava .. 9\-15\-38 (60951)
duryodhanastu bhImasya shareNAnataparvaNA .
chichChedAdishya sa~NgrAme dhvajaM hemapariShkR^itam .. 9\-15\-39 (60952)
sa ki~NkiNIkajAlena mahatA chArudarshanaH .
papAta ruchiraH siMho bhImasenasya pashyataH .. 9\-15\-40 (60953)
punashchAsya dhanushchitraM gajarAjakaropamam .
kShureNa shitadhAreNa prachakarta narAdhipaH .. 9\-15\-41 (60954)
sa chChinnadhanvA tejasvI rathashaktyA sutaM tava .
bibhedorasi vikramya sa rathopastha Avishat .. 9\-15\-42 (60955)
tasminmohamanuprApte punareva vR^ikodaraH .
yantureva shiraH kAyAtkShurapreNAharattadA .. 9\-15\-43 (60956)
hatasUtA hayAstasya rathamAdAya bhArata .
vyadravanta disho rAjanhAhAkArastadA.abhavat .. 9\-15\-44 (60957)
tamabhyadhAvaMstrANArthaM droNaputro mahArathaH .
kR^ipashcha kR^itavarmAM cha putraM te hi parIpsavaH .. 9\-15\-45 (60958)
tasminvilulite sainye trastAMstasya padAnugAn .
gANDIvadhanvA visphArya dhanustAnahanachCharaiH .. 9\-15\-46 (60959)
yudhiShThirastu madreshamabhyadhAvadamarShitaH .
svayaM sannodayannashvAndantavarNAnmanojavAn .. 9\-15\-47 (60960)
tatrAshcharyapamashyAma kuntIputre yudhiShThire .
purA bhUtvA mR^idurdAnto yattadA dAruNo.abhavat .. 9\-15\-48 (60961)
vivR^itAkShashcha kaunteyo vepamAnashcha manyunA .
chichCheda yodhAnnishitaiH sharaiH shatasahasrashaH .. 9\-15\-49 (60962)
yAMyAM pratyudyayau senAM tAMtAM jyeShThaH sa pANDavaH .
sharairapAtayadrAjangirInvajrairivottamaiH .. 9\-15\-50 (60963)
sAshvasUtadhvajarathAnrathinaH pAtayanbahUn .
akrIDadeko balavAnpavanastoyadAniva .. 9\-15\-51 (60964)
sAshvArohAMshcha turagAnpattIMshchaiva sahasradhA .
vyapothayata sa~NgrAme kruddho rudraH pashUniva .. 9\-15\-52 (60965)
shUnyamAyodhanaM kR^itvA sharavarShaiH samantataH .
abhyadravata madreshaM tiShThatiShTheti chAbravIt .. 9\-15\-53 (60966)
tasya tachcharitaM dR^iShTvA saMgrAme bhImakarmaNaH .
vitresustAvakAH sarve shalyastvenaM samabhyayAt .. 9\-15\-54 (60967)
tatastau bhR^ishasa~Nkruddhau pradhmAya salilodbhavau .
samAhUya tadA.anyonyaM bhartsayantau samIyatuH .. 9\-15\-55 (60968)
shalyastu sharavarSheNa pIDayAmAsa pANDavam .
madrarAjaM tu kaunteyaH sharavarShairavAkirat .. 9\-15\-56 (60969)
adR^ishyetAM tadA rAjanka~NkapatribhirAchitau .
udbhinnarudhirau shUrau madrarAjayudhiShThirau .
puShpitAviva rejAte vane shAlmalikiMshukau ..  9\-15\-57 (60970)
dIvyamAnau mahAtmAnau prANadyUtena durmadau .
dR^iShTvA sarvANi sainyAni nAdhyavasyaMstayorjayam .. 9\-15\-58 (60971)
hatvA madrAdhipaM pArtho bhokShyate.adya vasundharAm .
shalyo vA pANDavaM hatvA dadyAdduryodhanAya gAm .. 9\-15\-59 (60972)
itIva nishchayo nAbhUdyodhAnAM tatra bhArata .
pradakShiNamabhUtsarvaM dharmarAjasya yudhyataH .. 9\-15\-60 (60973)
tataH sharashataM shalyo mumochAshu yudhiShThire .
dhanushchAsya shitAgreNa bANena nirukR^intata .. 9\-15\-61 (60974)
so.anyatkArmukamAdAya shalyaM sharashataistribhiH .
avidhyatkArmukaM chAsya kShureNa nirakR^intata .. 9\-15\-62 (60975)
athAsya nijaghAnAshvAMshchaturo nataparvabhiH .
dvAbhyAmatishitAgrAbhyAmubhau tatpArShNisArathI .. 9\-15\-63 (60976)
tato.asya dIpyamAnena pItena nishitena cha .
pramukhe vartamAnasya bhallenApAharadvR^ijam .. 9\-15\-64 (60977)
tataH prabhagnaM tatsainyaM dauryodhanamarindama ..  9\-15\-65 (60978)
tato madrAdhipaM drauNirabhyadhAvattathA kR^itam .
Aropya chainaM svarathaM tvaramANaH pradudruve .. 9\-15\-66 (60979)
muhUrtamiva tau gatvA nardamAne yudhiShThire .
gatvA tato madrapatiranyaM syandanamAsthitaH .. 9\-15\-67 (60980)
vidhivatkalpitaM shubhraM mahAmbudaninAdinam .
sajjayantropakaraNaM dviShatAM romaharShaNam .. 9\-15\-68 (60981)
tathAnyaddhanurAdAya balavAnvegavattaram ..
yudhiShThiraM madrapatirbhittvA siMha ivAnadat .. 9\-15\-69 (60982)
tataH sa sharavarSheNa parjanya iva vR^iShTimAn .
abhyavarShadameyAtmA kShatriyAnkShatriyarShabhaH .. 9\-15\-70 (60983)
sAtyakiM dashabhirviddhvA bhImasenaM tribhiH sharaiH .
sahadevaM tribhirviddhA yudhiShThiramapIDayat .. 9\-15\-71 (60984)
tAMstAnanyAnmaheShvAsAnsAshvAnsarathakUbarAn .
ardayAmAsa vishikhairulkAbhiriva ku~njarAn .. 9\-15\-72 (60985)
ku~njarAnku~njarArohAnashvaprayAyinaH .
rathAMshcha rathibhiH sArdhaM jaghAna rathinAM varaH .. 9\-15\-73 (60986)
bAhUMshchichCheda tarasA sAyudhAnketanAni cha .
chakAra cha mahIM yodhaiH stIrNAM vedIM kushairiva .. 9\-15\-74 (60987)
tathA tamarisainyAni ghnantaM mR^ityumivAntakam .
parivavrurbhR^ishaM kruddhAH pANDupA~nchAlasomakAH .. .. 9\-15\-75 (60988)

iti shrImanmahAbhArate shalyaparvaNi shalyavadhaparvaNi
aShTAdashadivasayuddhe pa~nchadasho.adhyAyaH .. 15 ..
##Mahabharata - Shalya Parva - Chapter Footnotes##

9\-15\-42 rathashaktyA rathasthayA shaktyA ..
9\-15\-50 yAM yAmabhyagamatsenAM tAM tAM vyanInashat . nyapAtayata
kaunteyo girInvajra ivottamAn. iti ka.kha.pAThaH ..
9\-15\-67 muhUrtamiva tAnhatvA nardamIne yudhiShThire iti ka.kha.pAThaH ..
9\-15\-15 pa~nchadasho.adhyAyaH ..

\medskip\hrule\medskip
shalyaparva \- adhyAya 016
.. shrIH ..
9\.16\. adhyAyaH 16

##Mahabharata - Shalya Parva - Chapter Topics##
yudhiShThireNa shalyashalyAnujayorvadhaH .. 1 ..

##Mahabharata - Shalya Parva - Chapter Text##

9\-16\-0 (60989)
sa~njaya uvAcha. 9\-16\-0x (5109)
taM bhImasenashcha shineshcha naptA
mAdyAshcha putrau puruShapravIrau .
samAgataM bhImabalena rAj~nA
paryApuranyonyamathAhvayanta ..  9\-16\-1 (60990)
tatastu shUrAH samare narendra
nareshvaraM prApya yudhAM variShTham .
AvArya chainaM samare nR^ivIrA
jaghnuH shitaiH patribhirugravegaiH ..  9\-16\-2 (60991)
saMrakShito bhImasenena rAjA
mAdrIsutAbhyAmatha mAdhavena .
madrAdhipaM patribhirugravegaiH
stanAntare dharmasuto nijaghne ..  9\-16\-3 (60992)
tato raNe tAvakAnAM rathaughAH
samIkShya madrAdhipatiM sharArtam .
paryAvavruH pravarAH sarvayodhA
duryodhanasyAnumate purastAt ..  9\-16\-4 (60993)
tato drutaM madrajanAdhipo raNe
yudhiShThiraM saptabhirabhyavidvyat .
taM chApi pArthau navabhiH pR^iShatkai\-\-
rvivyAdha rAjaMstumule mahAtmA ..  9\-16\-5 (60994)
AkarNapUrNAyatasamprayuktaiH
sharaistadA saMyati tailadhautaiH .
anyonyamAchChAdayatAM mahArathau
madrAdhipashchApi yudhiShThirashcha ..  9\-16\-6 (60995)
tatastu tUrNaM samare mahArathau
parasparasyAntaramIkShamANau .
sharairbhR^ishaM vivyadhaturnR^ipottamau
mahabalau shatrubhirapradhR^iShyau ..  9\-16\-7 (60996)
tayordhanurjyAtalaniHsvano mahA\-\-
nmahendravajrAshanitulyaniH svanaH .
parasparaM bANagaNairmahAtmanoH
pravarShatormadrapapANDuvIrayoH ..  9\-16\-8 (60997)
tau cheraturvyAghrashishuprakAshau
mahAvaneShvAmiShagR^idvinAviva .
viShANinau nAgavarAvivobhau
tatakShatuH saMyati jAtadarpau ..  9\-16\-9 (60998)
tatastu madrAdhipatirmahAtmA
yudhiShThiraM bhImabalaM prasahya .
vivyAdha vIraM hR^idaye.ativegaM
shareNa sUryAgnisamaprabheNa ..  9\-16\-10 (60999)
tato.atividdho.atha yudhiShThiro.api
susamprayuktena shareNa rAjan .
jaghAna madrAdhipatiM mahAtmA
mudaM cha lebhe vR^iShabhaH kurUNAm ..  9\-16\-11 (61000)
tato muhUrtAdiva pArthivendro
labdhvA saMj~nAM krodhasaMraktanetraH .
shareNa pArthaM tvarito jaghAna
sahasranetrapratimaprabhAvaH ..  9\-16\-12 (61001)
tvaraMstato dharmasuto mahAtmA
shalyasya kopAnnavabhiH pR^iShatkaiH .
bhittvA hyurastapanIyaM cha varma
jaghAna ShaDbhistvaparaiH pR^iShatkaiH ..  9\-16\-13 (61002)
tatastu madrAdhipatiH prakR^iShTaM
dhanurvikR^iShya vyasR^ijatpR^iShatkAn .
dvAbhyAM sharAbhyAM cha tathaiva rAj~na\-\-
shchichCheda chApaM kurupu~Ngavasya ..  9\-16\-14 (61003)
navaM tato.anyatsamare pragR^ihya
rAjA dhanurdhorataraM mahAtmA .
shalyaM tu vivyAdha sharaiH samantA\-\-
dyathA mahendro namuchiM shitAgraiH ..  9\-16\-15 (61004)
tatastu shalyo navabhiH pR^iShatkai\-\-
rbhImasya rAj~nashcha yudhiShThirasya .
nikR^itya raukme paTuvarmaNI tayo\-\-
rvidAsyAmAsa bhujau mahAtmA ..  9\-16\-16 (61005)
tato.apareNa jvalanArkatejasA
kShureNa rAj~no dhanurunmamAtha .
kR^ipashcha tasyaiva jaghAna sUtaM
ShaDbhiH sharaiH so.abhimukhaH papAta ..  9\-16\-17 (61006)
madrAdhipashchApi yudhiShThirasya
sharaishchaturbhirnijaghAna vAhAn .
vAhAMshcha hatvA vyakaronmahAtmA
yodhakShayaM dharmasutasya rAj~naH ..  9\-16\-18 (61007)
`yadadbhutaM karma na shakyamanyaiH
suduHsahaM tatkR^itavantamekam .
shalyo narendraH saviShaNNabhAvA\-\-
dvichintayAmAsa mR^ida~NgaketuH ..  9\-16\-19 (61008)
kimetadindrAvarajasya vAkyaM
moghaM bhavatyadya vidherbalena .
jahIti shalyaM hyavadattadA.a.ajau
na lokanAthasya vacho.anyathA syAt ..'  9\-16\-20 (61009)
tathA kR^ite rAjani bhImaseno
madrAdhipasyAtha tato mahAtmA .
ChittvA dhanurvegavatA shareNa
dvAbhyAmavidhyatsubhR^ishaM narendram ..  9\-16\-21 (61010)
tathApareNAsya jahAra yantuH
kAyAchChiraH saMhananIyamadhyAt .
jaghAna chAshvAMshchaturaH sushIghraM
tathA bhR^ishaM kupito bhImasenaH ..  9\-16\-22 (61011)
tamagraNIH sarvadhanurdharANA\-\-
mekaM charantaM samare.ativegam .
bhImaH shatena vyakirachCharANAM
mAdrIputraH sahadevastathaiva ..  9\-16\-23 (61012)
taiH sAyakairmohitaM vIkShya shalyaM
bhImaH sharairasya chakarta varma .
sa bhImasenena nikR^ittavarmA
madrAdhipashcharma sahasratAram ..  9\-16\-24 (61013)
pragR^ihya kha~NgaM cha rathAnmahAtmA
praskandya kuntIsutamabhyadhAvat .
ChittvA ratheShAM nakulasya so.atha
yudhiShThiraM bhImabalo.abhyadhAvat ..  9\-16\-25 (61014)
taM chApi rAjAnamathotpatantaM
kruddhaM yathaivAntakamApatantam .
dhR^iShTadyumno draupadeyAH shikhaNDI
shineshcha naptA sahasA parIyuH ..  9\-16\-26 (61015)
athAsya charmApratimaM nyakR^inta\-\-
dbhImo mahAtmA navabhiH pR^iShatkaiH .
kha~NgaM cha bhallairnichakarta muShTau
nadanprahR^iShTastava sainyamadhye ..  9\-16\-27 (61016)
tatkarma bhImasya samIkShya hR^iShTA\-\-
ste pANDavAnAM pravarA rathaughAH .
nAdaM cha chakrurbhR^ishamutsmayantaH
sha~NkhAMshcha dadhmuH shashisannikAshAn ..  9\-16\-28 (61017)
tenAtha shabdena vibhIShaNena
tathA.abhitaptaM balamapradhR^iShyam .
svedAbhibhUtaM rudhirokShitA~NgaM
visa~nj~nakalpaM cha tadA viShaNNam ..  9\-16\-29 (61018)
sa madrarAjaH sahasA vikIrNo
bhImAgragaiH pANDavayodhamukhyaiH .
yudhiShThirasyAbhimukhaM javena
siMho yathA mR^igahetoH prayAtaH ..  9\-16\-30 (61019)
sa dharmarAjo nihatAshvasUtaH
krodhena dIpto jvalanaprakAshaH .
dR^iShTvA cha madrAdhipatiM sma tUrNaM
samabhyadhAvattamariM balena ..  9\-16\-31 (61020)
govindavAkyaM tvaritaM vichintya
dadhre matiM shalyavinAshanAya .
sa dharmarAjo nihatAshvasUto
rathe tiShTha~nshaktimathAnvakarShat ..  9\-16\-32 (61021)
tachchaxx shalyasya nishAmya karma
tamAtmano bhAgamathAvashiShTam .
kR^itvA manaH shalyavadhe mahAtmA
yathoktamindrAvarajasya chakre ..  9\-16\-33 (61022)
sa dharmarAjo maNihemadaNDAM
jagrAha shaktiM kanakaprakAshAm .
netre cha dIpte sahasA vivR^itya
madrAdhipaM kruddhamanA niraikShat ..  9\-16\-34 (61023)
nirIkShito dharmasutena rAj~nA
ShUtAtmanA nirhR^itakalmaSheNa .
AsInna yadbhasmasAnmadrarAja\-\-
stadadbhutaM me pratibhAti rAjan ..  9\-16\-35 (61024)
tatastu shaktiM rachirogradaNDAM
maNipravekojjvalitAM pradIptAm .
chikShepa vegAtsubhR^ishaM mahAtmA
madrAdhipAya pravaraH kurUNAm ..  9\-16\-36 (61025)
dIptAmathainAM prahitAM balena
savisphuli~NgAM sahasApatantIm .
praikShanta sarve kuravaH sametA
divo yugAnte mahatImivolkAm ..  9\-16\-37 (61026)
tAM kAlarAtrImiva pAshahastAM
yamasya dhAtrImiva chograrUpAm .
sa brahmadaNDapratimAmamodhAM
sasarja yatto yudhi dharmarAjaH ..  9\-16\-38 (61027)
gandhasragagryAsanapAnabhojanai\-\-
rabhyarchitAM pANDusutaiH prayatnAt .
sAMvartakAgnipratimAM jvalantIM
kR^ityAmatharvA~NgirasImivogrAm ..  9\-16\-39 (61028)
IshAnahetoH pratinirmitAM tAM
tvaShTrA ripUNAmasudehabhakShyAm .
bhUmyantarikShadyujalAshrayANi
prasahya bhUtAni nihantumIshAm ..  9\-16\-40 (61029)
ghaNTApatAkAM maNivajrabhUShAM
vaidUryachitrAM tapanIyadaNDAm .
tvaShTrA prayatnAnniyamena klR^iptAM
brahmadviShAmantakarImamAghAm ..  9\-16\-41 (61030)
balaprayatnAdanirodhavegAM
mantraishcha ghorairapi pUrayitvA .
sasarja mArgeNa cha tAM khagAnAM
vadhAya madrAdhipatestadAnIm ..  9\-16\-42 (61031)
hato hyasAvityabhigarjamAno
rudro.andhakAyAntakaraM yatheShum .
prasArya bAhuM sudR^iDhaM supANiM
krodhena nR^ityanniva dharmarAjaH ..  9\-16\-43 (61032)
`sphuratprabhAmaNDalinoMshujAlai\-\-
rdharmAtmano madravinAshakAle .
puratrayaprotsaraNe purastA\-\-
nmAheshvaraM rUpamabhUttadAnIm ..  9\-16\-44 (61033)
AvartanAku~nchitabAhudaNDaH
sandhyAvihArI tanuvR^ittamadhyaH .
vishAlavakShA bhagavAnharo yathA
sudurnirIkShyo.abhavadarjunAgrajaH'..  9\-16\-45 (61034)
tAM sarvashaktyA prahitAM sushaktiM
yudhiShThireNAprativAryavIryAm .
pratigrahAyAbhinananda shalyaH
samyagghutAmagnirivAjyadhArAm ..  9\-16\-46 (61035)
sA tasya varmAbhividArya shubhra\-\-
muro vishAlaM cha tathaiva bhittvA .
vivesha gAM toyamivAprasaktA
yasho vishAlaM nR^ipaterharantI ..  9\-16\-47 (61036)
nAsAkShikarNAsyaviniH sR^itena
prasyandatA cha vraNasambhavena .
saMsiktagAtro rudhireNa so.abhU\-\-
tkrau~ncho yathA skandahato mahAdriH ..  9\-16\-48 (61037)
prasArya bAhU cha rathAdgato gAM
sa~nChinnavarmA kurunandanena .
mahendravAhapratimo mahAtmA
vajrAhataM shR^i~NgamivAchalasya ..  9\-16\-49 (61038)
tato nipatitaH so.abhUdindradhvaja ivochChritaH .
bAhU prasAryAbhimukho dharmarAjasya madrarAT .
sa tathA bhinnasarvA~Ngo rudhireNa samukShitaH ..  9\-16\-50 (61039)
pratyudgata iva premNA bhUmyA sa narapu~NgavaH .
priyayA kAntayA kAntaH patamAna ivorasi .. 9\-16\-51 (61040)
chiraM bhuktvA vasumatIM priyAM kAntAmiva prabhuH .
sarvaira~NgaiH samAshliShya prasupta iva chAbhavat .. 9\-16\-52 (61041)
dharmye dharmAtmanA yudve nihato dharmasUnunA .
samyaksphIta ivotsR^iShTaH prashAnto.agnirivAdhvare .. 9\-16\-53 (61042)
shaktyA vibhinnahR^idayaM vipraviddhAyudhadhvajam .
saMshAntamapi madreshaM lakShmIrnaiva vimu~nchati .. 9\-16\-54 (61043)
tato yudhiShThirashchApamAdAyendradhanuShprabham .
vyadhamaddviShataH sa~Nkhye khagarADiva pannagAn .
dehAnsunishitairbhallai ripUNAM nAshayankShaNAt ..  9\-16\-55 (61044)
tataH pArthasya bANaughairAvR^itAH sainikAstava .
nimIlitAkShAH kShiNvanti bhR^ishamanyonyakarshitAH .
kSharanto rudhiraM dehairvishastrAyudhajIvitAH ..  9\-16\-56 (61045)
tataH shalye nipatite madrarAjAnujo yuvA .
bhrAtustulyo guNaiH sarvai rathI pANDavamabhyayAt .. 9\-16\-57 (61046)
vivyAdha cha narashreShTho nArAchairbahubhistvaran .
hatasyApachitiM bhrAtushchikIShuryuddhadurmadaH .. 9\-16\-58 (61047)
taM vivyAdhAshugaiH ShaDbhirdharmarAjastvaranniva .
kArmukaM chAsya chichCheda kShurAbhyAM dhvajameva cha .. 9\-16\-59 (61048)
tato.asya dIpyamAnena sudR^iDhena shitena cha .
pramukhe vartamAnasya bhallenApAharachChiraH .. 9\-16\-60 (61049)
sakuNDalaM taddadR^ishe patamAnaM shiro rathAt .
puNyakShayamanuprApya patansvargAdiva chyutaH .. 9\-16\-61 (61050)
tasyApakR^ittashIrShaM tu sharIraM patitaM rathAt .
rudhireNAvasiktA~NgaM dR^iShTvA sainyamabhajyata .. 9\-16\-62 (61051)
vichitrakavache tasminhate madranR^ipAnuje .
hAhAkAraM prakurvANAH kuravo.abhipradudruvuH .. 9\-16\-63 (61052)
shalyAnujaM hataM dR^iShTvA tAvakAstyaktajIvitAH .
vitresuH pANDavabhayAtpravidhvastAstadA bhR^isham .. 9\-16\-64 (61053)
tAMstathA bhajyamAnAMstu kauravAnbharatarShabha .
shinernaptA.akiranbANairabhyavartata sAtyakiH .. 9\-16\-65 (61054)
tamAyAntaM maheShvAsaM duShprasahyaM durAsadam .
hArdikyastvarito rAjanpratyagR^ihNAdabhItavat .. 9\-16\-66 (61055)
tau sametau mahAtmAnau vArShNeyau varavAjinau .
hArdikyaH sAtyakishchaiva siMhAviva balotkaTau .. 9\-16\-67 (61056)
iShubhirvimalAbhAsaishChAdayantau parasparam .
archirbhiriva sUryasya divAkarasamaprabhau .. 9\-16\-68 (61057)
chApamArgabalodvUtAnmArgaNAnvR^iShNisiMhayoH .
AkAshagAnapashyAma pata~NgAniva shIghragAn .. 9\-16\-69 (61058)
sAtyakiM dashabhirviddhvA hayAMshchAsya tribhiH sharaiH .
chApamekena chichCheda hArdikyo nataparvaNA .. 9\-16\-70 (61059)
tannikR^ittaM dhanuHshreShThamapAsya shinipu~NgavaH .
anyadAdatta vegena dhanurjaladaniHsvanam .. 9\-16\-71 (61060)
tadAdAya dhanuHshreShThaM variShThaH sarvadhanvinAm .
hArdikyaM dashabhirbANaiH pratyavidhyatstanAntare .. 9\-16\-72 (61061)
tato yugaM ratheShAM cha chChittvA bhallaiH susaMyataiH .
ashvAMstasyAvadhIttUrNamubhau cha pArShNisArathI .. 9\-16\-73 (61062)
hArdikyaM virathaM dR^iShTvA kR^ipaH shAradvataH prabho .
apovAha tataH kShipraM rathamAropya vIryavAn .. 9\-16\-74 (61063)
madrarAje hate rAjanvirathe kR^itavarmaNi .
duryodhanabalaM sarvaM punarAsItparA~Nmukham .. 9\-16\-75 (61064)
sva pare nAnvabudhyanta sainyena rajasA vR^ite .
balaM tu hatabhUyiShThaM trastamAsItparA~Nmukham .. 9\-16\-76 (61065)
tato muhUrtAtte.apashyanrajo bhaumaM samutthitam .
vividhaiH shoNitasrAvaiH prashAntaM puruSharShabha .. 9\-16\-77 (61066)
tato duryodhano dR^iShTvA bhagnaM svabalamantikAt .
javenApatataH pArthAnekaH sarvAnavArayat .. 9\-16\-78 (61067)
pANDavAnsarathAndR^iShTvA dhR^iShTadyumnaM cha pArShatam .
AnarttaM cha durAdharShaM shitairbANairavArayat .. 9\-16\-79 (61068)
taM pare nAbhyavartanta martyA mR^ityumivAgatam .
athAnyaM rathamAsthAya hArdikyo.api nyavartata .. 9\-16\-80 (61069)
tato yudhiShThiro rAjA tvaramANo mahArathaH .
chaturbhirnijaghAnAshvAnpatribhiH kR^itavarmaNaH .
vivyAdha gautamaM chApi ShaDbhirbhallaiH sutejanaiH ..  9\-16\-81 (61070)
ashvatthAmAH tato rAj~nA hatAshvaM virathIkR^itam .
tamapovAha hArdikyaM svarathena yudhiShThirAt .. 9\-16\-82 (61071)
tataH shAradvataH ShaDbhiH pratyavidhyadyudhiShThiram .
vivyAdha chAshvAnnishitaistasyAShTAbhiH shilImukhaiH .. 9\-16\-83 (61072)
evametanmahArAja yuddhasheShamavartata .
tava durmantrite rAjansahaputrasya bhArata .. 9\-16\-84 (61073)
tasminmaheShvAsadhare vishaste
sa~NgrAmamadhye kurupu~Ngavena .
pArthAH sametAH paramaprahR^iShTAH
sha~NkhAnpradadhmurhatamIkShya shalyam ..  9\-16\-85 (61074)
yudhiShThiraM cha prashashaMsurAjau
purA surA vR^itravadhe yathendram .
chakrushcha nAnAvidhavAdyashabdA\-\-
nninAdayanto vasudhAM samantAt .. ..  9\-16\-86 (61075)

iti shrImanmahAbhArate shalyaparvaNi shalyavadhaparvaNi
aShTAdashadivasayuddhe ShoDasho.adhyAyaH .. 16 ..
##Mahabharata - Shalya Parva - Chapter Footnotes##

9\-16\-22 saMhananIyo dR^iDhasandhiko madhyo yasya tasmAtkAyAt ..
9\-16\-47 toyamiva supraveshA~NgAm . aprasaktaH apratihatA. nR^ipateH
shalyasya ..
9\-16\-16 ShoDasho.adhyAyaH ..

\medskip\hrule\medskip
shalyaparva \- adhyAya 017
.. shrIH ..
9\.17\. adhyAyaH 17

##Mahabharata - Shalya Parva - Chapter Topics##
sa~Nkulayuddham .. 1 ..

##Mahabharata - Shalya Parva - Chapter Text##

9\-17\-0 (61076)
sa~njaya uvAcha. 9\-17\-0x (5110)
shalye.atha nihate rAjanmadrarAjapadAnugAH .
rathAH saptashatA vIrA dudruvurmahato balAt .. 9\-17\-1 (61077)
duryodhanastu dviradamAruhyAchalasannibham .
ChatreNa dhriyamANena vIjyamAnashcha chAmaraiH .
na gantavyaM na gantavyamiti madrAnavArayat ..  9\-17\-2 (61078)
duryodhanena te vIrA vAryamANAH punaH punaH .
yudhiShThiraM jighAMsantaH pANDUnAM prAvishanbalam .. 9\-17\-3 (61079)
te tu shUrA mahArAja kR^itachittAshcha yodhane .
dhanuHshabdaM mahatkR^itvA sahAyudhyanta pANDavaiH .. 9\-17\-4 (61080)
shrutvA cha nihataM shalyaM dharmaputraM cha pIDitam .
madrarAjapriye yuktairmadrakANAM mahArathaiH .. 9\-17\-5 (61081)
AjagAma tataH pArtho gANDIvaM vikShipandhanuH .
pUrayanrathaghoSheNa dishaH sarvA mahArathaH .. 9\-17\-6 (61082)
tato.arjunashcha bhImashcha mAdrIputrau cha pANDavau .
sAtyakishcha naravyAghro draupadeyAshcha sarvashaH .. 9\-17\-7 (61083)
dhR^iShTadyumnaH shikhaNDI cha pA~nchAlAH saha somakaiH .
yudhiShThiraM parIpsantaH samantAtparyavArayan .. 9\-17\-8 (61084)
te samantAtparivR^itAH pANDavaiH puruSharShabhaiH .
kShobhayanti sma tAM senAM makarAH sAgaraM yathA .
vR^ikShAniva mahAvAtAH kampayanti sma tAvakAH ..  9\-17\-9 (61085)
purovAtena ga~Ngeva\-\-kShobhyamANA mahAnadI .
akShobhyata tadA rAjanpANDUnAM dhvajinI tataH .. 9\-17\-10 (61086)
praskandya senAM mahatIM mahAtmAno mahArathAH .
bahavashchukrushustatra kva sa rAjA yudhiShThiraH .
bhrAtaro vA.asya te shUrA dR^ishyante neha kechana ..  9\-17\-11 (61087)
dhR^iShTadyumno.atha shaineyo draupadeyAshcha sarvashaH .
pA~nchAlAshcha mahAvIryAH shikhaNDI cha mahArathaH .. 9\-17\-12 (61088)
evaM tAnvAdinaH shUrAndraupadeyA mahArathAH .
abhyaghnanyuyudhAnashcha madrarAjapadAnugAn .. 9\-17\-13 (61089)
chakrairvimathitaiH kechitkechichChinnairmahAdhvajaiH .
sampradR^ishyanta samare tAvakA nihatAH paraiH .. 9\-17\-14 (61090)
Alokya pANDavAnyuddhe yodhA rAjansamantataH .
vAryamANA yayurvegAtputreNa tava bhArata .. 9\-17\-15 (61091)
duryodhanashcha tAnvIrAnvArayAmAsa sAntvayan .
na chAsya shAsanaM kechittatra chakrurmahArathAH .. 9\-17\-16 (61092)
tato gAndhArarAjasya putraH shakunirabravIt .
duryodhanaM mahArAja vachanaM vachanakShamam .. 9\-17\-17 (61093)
kiM naH samprekShamANAnAM madrANAM hanyate balam .
na yuktametatsamare tvayi tiShThati bhArata .. 9\-17\-18 (61094)
sahitairnAma yoddhavyamityeSha samayaH kR^itaH .
atha kasmAtsmaranneva ghnato marShayase nR^ipa .. 9\-17\-19 (61095)
duryodhana uvAcha. 9\-17\-20x (5111)
vAryamANA mayA pUrvaM naite chakrurvacho mama .
ete vinihatAH sarve praskannAH pANDuvAhinIm .. 9\-17\-20 (61096)
shakuniruvAcha. 9\-17\-21x (5112)
na bhartuH shAsanaM vIrA raNe kurvantyamarShitAH .
alaM krodvumathaiteShAM nAyaM kAla upekShitum .. 9\-17\-21 (61097)
yAmaH sarve.atra sambhUya savAjirathaku~njarAH .
paritrAtuM maheShvAsAnmadrarAjapadAnugAn .. 9\-17\-22 (61098)
anyonyaM parirakShAmo yatnena mahatA nR^ipa .
evaM sarve.anusa~nchintya prayayuryatra sainikAH .. 9\-17\-23 (61099)
sa~njaya uvAcha. 9\-17\-24x (5113)
evamuktastadA rAjA balena mahatA vR^itaH .
prayayau siMhanAdena kampayanniva medinIm .. 9\-17\-24 (61100)
hata vidhyata gR^ihNIta praharadhvaM nikR^intata .
ityAsIttumulaH shabdastava sainyasya bhArata .. 9\-17\-25 (61101)
pANDavAstu raNe dR^iShTvA madrarAjapadAnugAn .
sahitAnabhyavartantaM gulmamAsthAya madhyamam .. 9\-17\-26 (61102)
te muhUrtAdraNe vIrA hastAhasti vishAmpate .
nihatAH pratyadR^ishyanta madrarAjapadAnugAH .. 9\-17\-27 (61103)
tato naH samprayAtAnAM hatA madrAstarasvinaH .
hR^iShTAH kilakilAshabdamakurvansahitAH pare .. 9\-17\-28 (61104)
athotthitAni ruNDAni samadR^ishyanta sarvashaH .
papAta mahatI cholkA madhyenAdityamaNDalam .. 9\-17\-29 (61105)
rathairbhagnayugAkShaishcha nihataishcha mahArathaiH .
ashvairnipAtitaishchaiva sa~nChannA.abhUdvasundharA .. 9\-17\-30 (61106)
vAtAyamAnaisturagairyugAsaktaistatastataH .
akR^iShyanta mahArAja yodhAstatra raNAjire .. 9\-17\-31 (61107)
bhagnachakrAnrathAnkechidaharaMsturagA raNe .
rathArdhaM kechidAdAya disho dasha vibabhramuH .
tatratatra vyadR^ishyanta yoktraiH shliShTAH sma vAjinaH ..  9\-17\-32 (61108)
rathinaH patamAnAshcha dR^ishyante sma narottamAH .
gaganAtprachyutAH siddhAH puNyAnAmiva sa~NkShaye .. 9\-17\-33 (61109)
nihateShu cha shUreShu madrarAjAnugeShu vai .
asmAnApatatashchApi dR^iShTvA pArthA mahArathAH .. 9\-17\-34 (61110)
abhyavartanta vegena jayagR^iddhAH prahAriNaH .
bANashabdaravAnkR^itvA vimishrA~nsha~NkhaniHsvanaiH .. 9\-17\-35 (61111)
asmAMstu punarAsAdya labdhalakShAH prahAriNaH .
sharAsanAni dhunvAnAH siMhanAdAnprachukrushuH .. 9\-17\-36 (61112)
tato hatamabhiprekShya madrarAjabalaM mahat .
madrarAjaM cha samare dR^iShTvA shUraM nipAtitam .
duryodhanabalaM sarvaM punarAsItparA~Nmukham ..  9\-17\-37 (61113)
vadhyamAnaM mahArAja pANDavairjitakAshibhiH .
disho bheje.atha sambhrAntaM trAsitaM dR^iDhadhanvibhiH .. .. 9\-17\-38 (61114)

iti shrImanmahAbhArate shalyavaparvaNi shalyavadhaparvaNi
aShTAdashadivasayuddhe saptadasho.adhyAyaH .. 17 ..
##Mahabharata - Shalya Parva - Chapter Footnotes##

9\-17\-20 praskannAH prapannAH ..
9\-17\-17 saptadasho.adhyAyaH ..

\medskip\hrule\medskip
shalyaparva \- adhyAya 018
.. shrIH ..
9\.18\. adhyAyaH 18

##Mahabharata - Shalya Parva - Chapter Topics##
sa~Nkulayuddham .. 1 ..

##Mahabharata - Shalya Parva - Chapter Text##

9\-18\-0 (61115)
sa~njaya uvAcha. 9\-18\-0x (5114)
pAtite yudhi durdharShe madrarAje mahArathe .
tAvakAstava putrAshcha prAyasho vimukhA.abhavan .. 9\-18\-1 (61116)
vaNijo nAvi bhinnAyAM yathAgAdhe mahArNave .
apAre pAramichChanto hate shUre mahAtmani .. 9\-18\-2 (61117)
madrarAje mahArAja vitrastAH sharavikShatAH .
anAthA nAthamichChanto mR^igAH siMhArditA iva .. 9\-18\-3 (61118)
vR^iShA yathA bhagnashR^i~NgAH shIrNadantA yathA gajAH .
madhyAhne pratyapAyAma nirjitA.ajAtashatruNA .. 9\-18\-4 (61119)
na saMsthAtumanIkAni na cha rAjanparAkrame .
AsIdbuddhirhate shalye tava yodhasya kasyachit .. 9\-18\-5 (61120)
bhIShme droNe cha nihate sUtaputre cha pAtite .
yadduHkhaM tava yodhAnAM bhayaM chAsIdvishAmpate .. 9\-18\-6 (61121)
tadbhayaM sa cha naH shoko bhUya evAbhyavartata .
nirAshAshcha jaye rAjanhate shalye mahArathe .. 9\-18\-7 (61122)
hatapravIrA vidhvastA nikR^ittAshcha shitaiH sharaiH .
madrarAje hate rAjanyodhAste prAdravanbhayAt .. 9\-18\-8 (61123)
ashvAnanye gajAnanye rathAnanye mahArathAH .
Aruhya javasampannA pAdAtAH prAdravaMstathA .. 9\-18\-9 (61124)
dvisAhasrAshcha mahAta~NgA girirUpAH prahAriNaH .
xxprAdravanhate shalye a~NkushA~NguShThanoditAH .. 9\-18\-10 (61125)
te raNAdbharatashreShTha tAvakAH prAdravandishaH .
dhAvatashchApyapashyAma shvasamAnA~nsharAhatAn .. 9\-18\-11 (61126)
tAnprabhagnAnhatAndR^iShTvA hatotsAhAnparAjitAn .
abhyavartanta pA~nchAlAH pANDavAshcha jayaiShiNaH .. 9\-18\-12 (61127)
bANashabdaravAshchApi siMhanAdAshcha puShkalAH .
sha~Nkhashabdashcha shUrANAM dAruNaH samapadyata .. 9\-18\-13 (61128)
dR^iShTvA tu kauravaM sainyaM bhayatrastaM pravidrutam .
anyonyaM samabhAShanta pA~nchAlAH pANDavaiH saha .. 9\-18\-14 (61129)
adya rAjA satyadhR^itirhatAmitro yudhiShThiraH .
adya duryodhano hIno dIptayA nR^ipatishriyA .. 9\-18\-15 (61130)
adya shrutvA hataM putraM dhR^itarAShTro janeshvaraH .
niHsaMj~naH patito bhUmau kilbiShaM pratipatsyate .. 9\-18\-16 (61131)
adya jAnAti bIbhatsuM samarthaM svadhanvinAm .
adyAtmAnaM cha durmedhA garhayiShyati pApakR^it .. 9\-18\-17 (61132)
adya kShatturvachaH satyaM smaratAM bruvato hitam .
adyaprabhR^iti pArthaM cha preShyabhUta ivAcharan .
vijAnAtu nR^ipo duHkhaM yatprAptaM pANDunandanaiH ..  9\-18\-18 (61133)
adya kR^iShNasya mAhAtmyaM vijAnAtu mahIpatiH .
adyArjunadhanurghoShaM ghoraM jAnAtu saMyuge .. 9\-18\-19 (61134)
attrANAM cha balaM sarvaM bAhvoshcha balamAhave .
`putrANAM cha vadhaM ghoraM bhImena shroShyate nR^ipaH'.. 9\-18\-20 (61135)
adya j~nAsyati bhImasya balaM ghoraM mahAtmanaH .
hate duryodhane yuddhe shakreNeva tu shambare .. 9\-18\-21 (61136)
yatkR^itaM bhImasenena duHshAsanavadhe tadA .
ko.anyaH kartA.asti talloke R^ite bhImAnmahAbalAt.  9\-18\-22 (61137)
adya jyeShThasya jAnItAM pANDavasya parAkramam .
madrarAjaM hataM shrutvA devairapi suduHsaham .. 9\-18\-23 (61138)
adya j~nAsyati sa~NgrAme mAdrIputrau suduHsahau .
nihate saubale vIre gAndhAreShu cha sarvashaH .. 9\-18\-24 (61139)
##xxxx## na teShAM syAdyeShAM yoddhA dhana~njayaH .
##xxxxx## dhR^iShTadyumnashcha pArShataH .. 9\-18\-25 (61140)
##xxxx## pa~ncha mAdrIputrau cha pANDavau .
shikhaNDI cha maheShvAso rAjA chaiva yudhiShThiraH .. 9\-18\-26 (61141)
yeShAM cha jagato nAtho nAthaH kR^iShNo janArdanaH .
kathaM teShAM jayo na syAdyeShAM dharmo vyapAshrayaH .. 9\-18\-27 (61142)
`lAbhasteShAM jayasteShAM kutasteShAM parAbhavaH .
yeShAM nAtho hR^iShIkeshaH sarvalokavibhurhariH'.. 9\-18\-28 (61143)
bhIShmaM droNaM cha karNaM cha madrarAjAnameva cha .
tathA.anyAnnR^ipatInvIrA~nshatasho.atha sahasrashaH .. 9\-18\-29 (61144)
ko.anyaH shakto raNe jetumR^ite pArthAdyudhiShThirAt .
yasya nAtho hR^iShIkeshaH sadA satyayashonidhiH .. 9\-18\-30 (61145)
ityevaM vadamAnAste harSheNa mahatA yutAH .
prabhagnAMstAvakAnyodhAnsaMhR^iShTAH pR^iShThato.anvayuH .. 9\-18\-31 (61146)
dhana~njayo rathAnIkamabhyavartata vIryavAn .
mAdrIputrau cha shakuniM sAtyakishcha mahArathaH .. 9\-18\-32 (61147)
tAnprekShya dravataH sarvAnbhImasenabhayArditAn .
duryodhanastadA sUtamabravIdvismayanniva .. 9\-18\-33 (61148)
mAmatikramate pArtho dhanuShpANimavasthitam .
jaghane sarvasainyAnAM shanairashvAnprachodaya .. 9\-18\-34 (61149)
jaghane yudhyamAnaM hi kaunteyo mAM na saMshayaH .
notsahedabhyatikrAntuM velAmiva mahodadhiH .. 9\-18\-35 (61150)
pashya sainyaM mahatsUta pANDavaiH samabhidrutam .
sainyareNuM samudbhUtaM pashya chainaM samantataH .. 9\-18\-36 (61151)
siMhanAdAMshcha samudbhUtaM pashya chainaM samantataH ..
tasmAdyAhi shanaiH sUta jaghanaM paripAlaya .. 9\-18\-37 (61152)
mayi sthite cha samare niruddheShu cha pANDuShu .
punarAvartate tUrNaM mAmakaM balamojasA .. 9\-18\-38 (61153)
tachChrutvA tava putrasya shUrasya sadR^ishaM vachaH .
sArathirhemasa~nChannA~nsharairashvAnachodayat .. 9\-18\-39 (61154)
gajAshvarathibhirhInAstyaktAtmAnaH padAtayaH .
ekaviMshatisAhasrAH saMyugAyAvatasthire .. 9\-18\-40 (61155)
nAnAdeshasamudbhUtA nAnAra~njitavAsasaH .
avasthitAstadA yodhAH prArthayanto mahadyashaH .. 9\-18\-41 (61156)
teShAmApatatAM tatra saMhR^iShTAnAM parasparam .
sammardaH sumahA~nchaj~ne ghorarUpo bhayAnakaH .. 9\-18\-42 (61157)
bhImasenaM tadA rAjandhR^iShTadyumnaM cha pArShatam .
balena chatura~NgeNa nAnAdeshyAnavArayat .. 9\-18\-43 (61158)
bhImamevAbhyavartanta raNe.anye tu padAtayaH .
prakShveDyAsphoTya saMhR^iShTA vIralokaM yiyAsavaH .. 9\-18\-44 (61159)
AsAdya bhImasenaM tu saMrabdhA yuddhadurmadAH .
dhArtarAShTrA vinedurhi nAnyAmakathanayankathAm .
parivArya raNe bhImaM nijaghnuste samantataH ..  9\-18\-45 (61160)
sa vadhyamAnaH samare padAtigaNasaMvR^itaH .
na chachAla tataH sthAnAnmainAka iva parvataH .. 9\-18\-46 (61161)
te tu kruddhA mahArAja pANDavasya mahAratham .
nigrahItuM pravR^ittA hi yodhAMshchAnyAnavArayan .. 9\-18\-47 (61162)
akrudhyata raNe bhImastaistadA paryavasthitaiH .
so.avatIrya rathAttUrNaM padAtiH samavasthitaH .. 9\-18\-48 (61163)
jAtarUpapratichChannAM pragR^ihya mahatIM gadAm .
avadhIttAvakAnyodhAndaNDapANirivAntakaH .. 9\-18\-49 (61164)
rathAshvaviprahINAMstu tAnbhImo gadayA balI .
ekaviMshatisAhasrAnpadAtInsamapothayat .. 9\-18\-50 (61165)
hatvA tatpuruShAnIkaM bhImaH satyaparAkramaH .
dhR^iShTadyumnaM puraskR^itya na chirAtpratyadR^ishyata .. 9\-18\-51 (61166)
pAdAtA nihatA bhUmau shishyire rudhirokShitaH .
sambhagnA iva vAtena karNikArAH supuShpitAH .. 9\-18\-52 (61167)
nAnAshastrasamAyuktA nAnAkuNDaladhAriNaH .
nAnAjAtyA hatAstatra nAdeshasamAgatAH .. 9\-18\-53 (61168)
patAkAdhvajasa~nChannaM padAtInAM mahadbalam .
nikR^ittaM vibabhau raudraM ghorarUpaM bhayAvaham .. 9\-18\-54 (61169)
yudhiShThirapurogAshcha sahasainyA mahArathAH .
abhyadhAvanmahAtmAnaM putraM duryodhanaM tava .. 9\-18\-55 (61170)
te sarve tAvakAndR^iShTvA maheShvAsAnparA~NmukhAn .
nAbhyavartanta te putraM velAmiva mahormayaH .. 9\-18\-56 (61171)
tadadbhutamapashyAma tava putrasya pauruSham .
yadekaM sahitAH pArthA na shekurativartitum .. 9\-18\-57 (61172)
nAtidUrApayAtaM tu kR^itabudvi palAyane .
duryodhanaH svakaM sainyamabravIdbhR^ishavikShatam .. 9\-18\-58 (61173)
na taM deshaM prapashyAmi pR^ithivyAM parvateShu cha .
yatra yAtAnna vA hanyuH pANDavAH kiM sR^itena vaH .. 9\-18\-59 (61174)
alpaM cha balameteShAM kR^iShNau cha bhR^ishavikShatau .
yadi sarve.atra tiShThAmo dhruvaM no vijayo bhavet .. 9\-18\-60 (61175)
viprayAtAMstu vo bhinnAnpANDavAH kR^itavipriyAH .
anuyAya haniShyanti shreyAnnaH samare vadhaH .. 9\-18\-61 (61176)
shR^iNvantu kShatriyAH sarve yAvanto.atra samAgatAH .
yadA shUraM cha bhIruM cha mArayatyantakaH sadA .. 9\-18\-62 (61177)
ko nu mUDho na yudhyeta puruShaH kShatriyo dhruvam .
shreyAnno bhImasenasya kruddhasyAbhimukhe sthitaH .. 9\-18\-63 (61178)
sukhaH sA~NgrAmiko mR^ityurduHkho vyAdhijarAdibhiH .
martyenAvashyamartavyaM gR^iheShvapi kadAchana .. 9\-18\-64 (61179)
yudhyataH kShatradharmeNa mR^ityureSha sanAtanaH .
hatveha sukhamApnoti hataH pretya mahatphalam .. 9\-18\-65 (61180)
na yuddhadharmAchChreyAnvai panthAH svargasya kauravAH .
achireNaiva tA.NllokAnhato yuddhe samashnute .. 9\-18\-66 (61181)
shrutvA tadvachanaM tasya pUjayitvA cha pArthivAH .
punarevAbhyavartanta pANDavAnAtatAyinaH .. 9\-18\-67 (61182)
tAnApatata evAshu vyUDhAnIkAH prahAriNaH .
pratyudyayustadA pArthA jayagR^iddhAH pramanyavaH .. 9\-18\-68 (61183)
dhana~njayo rathenAjAvabhyavartata vIryavAn .
vishrutaM triShu lokeShu vyAkShipangANDivaM dhanuH .. 9\-18\-69 (61184)
mAdrIputrau cha shakuniM sAtyakishcha mahAbalaH .
javenAbhyapatanhR^iShTA yattA vai tAvakaM balam .. .. 9\-18\-70 (61185)

iti shrImanmahAbhArate shalyaparvaNi shalyavadhaparvaNi
aShTAdashadivasayuddhe aShTAdasho.adhyAyaH .. 18 ..
##Mahabharata - Shalya Parva - Chapter Footnotes##

9\-18\-34 na mAtekramate pAthaH iti ~Na . pAThaH. na mAnasasyate iti
ka.pAThaH ..
9\-18\-18 aShTAdasho.adhyAyaH ..

\medskip\hrule\medskip
shalyaparva \- adhyAya 019
.. shrIH ..
9\.19\. adhyAyaH 19

##Mahabharata - Shalya Parva - Chapter Topics##
sAtyakinA sAlvavadhaH .. 1 ..

##Mahabharata - Shalya Parva - Chapter Text##

9\-19\-0 (61186)
sa~njarA uvAcha. 9\-19\-0x (5115)
sannivR^itteShu sainyeShu sAlvo mlechChagaNAdhipaH .
abhyadravatsusa~NkruddhaH pANDavAnAM mahadbalam .. 9\-19\-1 (61187)
AsthAya sumahAnAgaM prabhinnaM parvatopamam .
saptamairAvataprakhyamamitragaNamardanam .. 9\-19\-2 (61188)
yo.asau mahAnbhadrakulaprasUtaH
supUjito dhArtarAShTreNa nityam .
sukalpitaH shAstravinishchayaj~naiH
sadaupavAhyaH samareShu rAjan ..  9\-19\-3 (61189)
airAvataM daityagaNAnvimR^idra\-\-
~nshakro yathA sa~njanayanbhayAni .
tamAsthito rAjavaro babhUva
yathodayasthaH savitA kShapAnte ..  9\-19\-4 (61190)
sa tena nAgapravareNa rAja\-\-
nnabhyudyayau pANDusutAnsametAn .
shitaiH pR^iShatkairvidadAra vegai\-\-
rmahendravajrapratimaiH sughoraiH ..  9\-19\-5 (61191)
tataH sharAnvai sR^ijato mahAraNe
yodhAMshcha rAjannayato yamAlayam .
nAsyAnatraM dadR^ishuH sve pare vA
yathA purA vajradharasya daityAH ..  9\-19\-6 (61192)
te pANDavAH somakAH sR^i~njayAshcha
tamekanAgaM dadR^ishuH samantAt .
sahasrasho vai vicharantamekaM
yathA mahendrasya gajaM samIpe ..  9\-19\-7 (61193)
sandrAvyamANaM tu balaM pareShAM
paretakalpaM vibabhau samantataH .
naivAvatasthe samare bhR^ishaM bhayA\-\-
dvimR^idyamAnaM tu parasparaM tadA ..  9\-19\-8 (61194)
tataH prabhagnA sahasA mahAchamUH
sA pANDavI tena narAdhipena .
dishashchatasraH sahasA vidhAvitA
gajendravegaM tamapArayantI ..  9\-19\-9 (61195)
dR^iShTvA cha tAM vegavatA prabhagnAM
sarve tvadIyA yudhi yodhamukhyAH .
apUjayaMste tu narAdhipaM taM
dadhmushcha sha~NkhA~nshashisannikAshAn ..  9\-19\-10 (61196)
shrutvA ninAdaM tvatha kauravANAM
harShAdvimuktaM saha sha~NkhashabdaiH .
senApatiH pANDavasR^i~njayAnAM
pA~nchAlaputro mamR^iShe na kopAt ..  9\-19\-11 (61197)
tatastu taM vai dviradaM mahAtmA
pratyudyayau tvaramANo jayAya .
jambho yathA shakrasamAgame vai
nAgendramairAvaNamindravAhyam ..  9\-19\-12 (61198)
tamApatantaM sahasA tu dR^iShTvA
pA~nchAlaputraM yudhi rAjasiMhaH .
taM vai dvipaM preShayAmAsa tUrNaM
vadhAya rAjandrupadAtmajasya ..  9\-19\-13 (61199)
sa taM dvipendraM sahasApatanta\-\-
mavidhyadagnipratimaiH pR^iShatkaiH .
karmAradhautairnishitairjvaladbhi\-\-
rnArAchamukhyaistribhirugravegaiH ..  9\-19\-14 (61200)
tato.aparAnpa~nchashatAnmahAtmA
nArAchamukhyAnvisasarja kumbhe .
sa taistu viddhaH paramadvipo raNe
tadA parAvR^itya bhR^ishaM pradudruve ..  9\-19\-15 (61201)
taM nAgarAjaM sahasA praNunnaM
vidrAvyamANaM vinivartya sAlvaH .
totrA~NkushaiH preShayAmAsa tUrNaM
pA~nchAlarAjasya sutaM pradishya ..  9\-19\-16 (61202)
dR^iShTvA patantaM sahasA tu nAgaM
dhR^iShTadyumnaH svarathAchChIghrameva .
gadAM pragR^ihyograjavena vIro
bhUmiM prapanno bhayavihvalA~NgaH ..  9\-19\-17 (61203)
sa taM rathaM hemavibhUShitA~NgaM
sAshvaM sasUtaM sahasA vimR^idya .
utkShipya hastena nadanmahAdvipo
vipothayAmAsa vasundharAtale ..  9\-19\-18 (61204)
pA~nchAlarAjasya sutaM cha dR^iShTvA
tadArditaM nAgavareNa tena .
tamabhyadhAvatsahasA javena
bhImaH shikhaNDI cha shineshcha naptA ..  9\-19\-19 (61205)
sharaishcha vegaM sahasA nigR^ihya
tasyAbhito vyApatato gajasya .
sa sa~NgR^ihIto rathibhirgajo vai
chachAla tairvAryamANashcha sa~Nkhye ..  9\-19\-20 (61206)
tataH pR^iShatkAnpravavarSha rAjA
sUryo yathA rashmijAlaM samantAt .
tairAshugairvadhyamAnA rathaughAH
pradudruvuH sahitAstatratatra ..  9\-19\-21 (61207)
tatkarma sAlvasya samIkShya sarve
pA~nchAlaputrA nR^ipa sR^i~njayAshcha .
hAhAkArairnAdayanti sma yuddhe
dvipaM samantAdrurudhurnarAgryAH ..  9\-19\-22 (61208)
pA~nchAlaputrastvaritastu shUro
gadAM pragR^ihyAchalashR^i~NgakalpAm .
sasambhramaM bhArata shatrughAtI
javena vIro.anusasAra nAgam ..  9\-19\-23 (61209)
tatastu nAgaM dharaNIdharAbhaM
madaM sravantaM jaladaprakAsham .
gadAM samAtidhya bhR^ishaM jaghAna
pA~nchAlarAjasya sutastarasvI ..  9\-19\-24 (61210)
sa bhinnakumbhaH sahasA vinadya
mukhAtprabhUtaM kShatajaM vimu~nchan .
papAta nAgo dharamIdharAbhaH
kShitiprakampAchchalito yathA.adriH ..  9\-19\-25 (61211)
nipAtyamAne tu tadA gajendre
hAhAkR^ite tava putrasya sainye .
sa sAlvarAjasya shinipravIro
jahAra bhallena shiraH shitena ..  9\-19\-26 (61212)
hR^itottamA~Ngo yudhi sAtvatena
papAta bhUmau saha nAgarAj~nA .
yathA.adrishR^i~NgaM sumahatpraNunnaM
vajreNa devAdhipachoditena .. ..  9\-19\-27 (61213)

iti shrImanmahAbhArate shalyavadhaparvaNi shalyavadhaparvaNi
aShTAdashadivasayuddhe ekonaviMsho.adhyAyaH .. 19 ..

\medskip\hrule\medskip
shalyaparva \- adhyAya 020
.. shrIH ..
9\.20\. adhyAyaH 20

##Mahabharata - Shalya Parva - Chapter Topics##
sAtyakinA kR^itavarmaparAjayaH .. 1 ..

##Mahabharata - Shalya Parva - Chapter Text##

9\-20\-0 (61214)
sa~njaya uvAcha. 9\-20\-0x (5116)
tasmiMstu nihate shUre sAlve samitishobhane .
tavAbhajyadbalaM vegAdvAteneva mahAdrumaH .. 9\-20\-1 (61215)
tatprabhagnaM balaM dR^iShTvA kR^itavarmA mahArathaH .
dadhAra samare shUraH shatrusainyaM mahAbalaH .. 9\-20\-2 (61216)
sannivR^ittAstu te shUrA dR^iShTvA sAtvatamAhave .
shailopamaM sthiraM rAjankIryamANaM sharairyudhi .. 9\-20\-3 (61217)
tataH pravavR^ite yuddhaM kurUNAM pANDavaiH saha .
nivR^ittAnAM mahArAja mR^ityuM kR^itvA nivartanam .. 9\-20\-4 (61218)
tatrAshcharyamabhUdyudvaM sAtvatasya paraiH saha .
yadeko vArayAmAsa pANDusenAM durAsadAm .. 9\-20\-5 (61219)
teShAmanyonyasuhR^idAM kR^ite karmaNi duShkare .
siMhanAdaH prahR^iShTAnAM divispR^iksumahAnabhUt .. 9\-20\-6 (61220)
tena shabdena vitrastAnpA~nchAlAnbharatarShabha .
shinernaptA mahAbAhuranvapadyata sAtyakiH .. 9\-20\-7 (61221)
sa samAsAdya rAjAnaM kShemadhUrtiM mahAbalam .
saptabhirnishitairbANairanayadyamasAdanam .. 9\-20\-8 (61222)
tamAyAntaM mahAbAhuM pravapantaM shitA~nsharAn .
javenAbhyapatadvImAnhArdikyaH shinipu~Ngavam .. 9\-20\-9 (61223)
tau siMhAviva nardantau dhanvinau rathinAM varau .
anyonyamabhidhAvantau shastrapravaradhAriNau .. 9\-20\-10 (61224)
pANDavAH sahapA~nchAlA yodhAshchAnye nR^ipottamAH .
prekShakAH samapadyanta tayoH puruShasiMhayoH .. 9\-20\-11 (61225)
nArAchairvatsadantaishcha vR^iShNyandhakamahArathau .
abhijaghnaturanyonyaM prahR^iShTAviva ku~ncharau .. 9\-20\-12 (61226)
charantau vividhAnmArgAnhArdikyashinipu~Ngavau .
muhurantardadhAte tau bANavR^iShTyA parasparam .. 9\-20\-13 (61227)
chApavegabalodvUtAnmArgaNAnvR^iShNisiMhayoH .
AkAshe samapashyAma pata~NgAniva shIghragAn .. 9\-20\-14 (61228)
tamekaM satyakarmANamAsAdya hR^idikAtmajaH .
avidhyannishitairbANaishchaturbhishchaturo hayAn .. 9\-20\-15 (61229)
sa dIrghabAhuH sa~NkruddhastotrArdita iva dvipaH .
aShTabhiH kR^itavarmANamavidhyatparameShubhiH .. 9\-20\-16 (61230)
tataH pUrNAyatotsR^iShTaiH kR^itavarmA shilAshitaiH .
sAtyakiM tribhirAhatya dhanurekena chichChide .. 9\-20\-17 (61231)
nikR^ittaM taddhanuHshreShThamapAsya shinipu~NgavaH .
anyadAdatta vegena shaineyaH sasharaM dhanuH .. 9\-20\-18 (61232)
tadAdAya dhanuHshreShThaM variShThaH sarvadhanvinAm .
Aropya cha dhanuH shIghraM mahAvIryo mahAbalaH .. 9\-20\-19 (61233)
amR^iShyamANo dhanuShashChedanaM kR^itavarmaNA .
kupito.atirathaH shIghraM kR^itavarmANamabhyayAt .. 9\-20\-20 (61234)
tataH sunishitairbANairdashabhiH shinipu~NgavaH .
jaghAna sUtaM chAshvAMshcha dhvajaM cha kR^itavarmaNaH .. 9\-20\-21 (61235)
tato rAjanmaheShvAsaH kR^itavarmA mahArathaH .
hatAshvasUtaM samprekShya rathaM hemapariShkR^itam .. 9\-20\-22 (61236)
roSheNa mahatA.a.aviShTaH shUlamudyamya mAriSha .
chikShepa bhujavegena jighAMsuH shini pu~Ngavam .. 9\-20\-23 (61237)
tachChUlaM sAtvato hyAjau nirbhidya nishitaiH sharaiH .
chUrNitaM pAtayAmAsa mohayanniva mAdhavam .
tato.apareNa bhallena hR^idyenaM samatADayat ..  9\-20\-24 (61238)
suyudve yuyudhAnena hatAshvo hatasArathiH .
kR^itavarmA kR^itAstreNa dharamImanvapadyata .. 9\-20\-25 (61239)
tasminsAtyakinA vIre dvairathe virathIkR^ite .
samapadyata sarveShAM sainyAnAM sumahadbhayam .. 9\-20\-26 (61240)
putrANAM tava chAtyarthaM viShAdaH samajAyata .
hatasUte hatAshve tu virathe kR^itavarmaNi .. 9\-20\-27 (61241)
hatAshvaM cha samAlakShya hatasUtamarindama .
abhyadhAvatkR^ipo rAja~njighAMsuH shinipu~Ngavam .. 9\-20\-28 (61242)
tamAropya rathopasthe miShatAM sarvadhanvinAm .
apovAha mahAbAhuM tUrNamAyodhanAdapi .. 9\-20\-29 (61243)
shaineye.adhiShThite rAjanvirathe kR^itavarmaNi .
duryodhanabalaM sarvaM punarAsItparA~Nmukham .. 9\-20\-30 (61244)
tatpare nAnvabudhyanta sainyena rajasA vR^itAH .
tAvakAH pradrutA rAjanduryodhanamR^ite nR^ipam .. 9\-20\-31 (61245)
duryodhanastu samprekShya bhagnaM svabalamantikAt .
javenAbhyapatattUrNaM sarvAMshchaiko nyavArayat .. 9\-20\-32 (61246)
pANDUMshcha sarvAnsa~Nkruddho dhR^iShTadyumnaM cha pArShatam .
shikhaNDinaM draupadeyAnpA~nchAlAnAM cha ye gaNAH .. 9\-20\-33 (61247)
kekayAnsomakAMshchaiva sR^i~njayAMshchaiva mAriSha .
asambhramaM durAdharShaH shitairbANairavAkirat .. 9\-20\-34 (61248)
atiShThadAhave yattaH putrastava mahAbalaH .
yathA yaj~ne mahAnagnirmantrapUtaH prakAshate .
tathA duryodhano rAjA sa~NgrAme sarvato.abhavat ..  9\-20\-35 (61249)
taM pare nAbhyavartanta martyA mR^ityumivAhave .
athAnyaM rathamAsthAya hArdikyaH samapadyata .. .. 9\-20\-36 (61250)

iti shrImanmahAbhArate shalyaparvami shalyavadhaparvaNi
aShTAdashadivasayuddhe viMsho.adhyAyaH .. 20 ..
##Mahabharata - Shalya Parva - Chapter Footnotes##

9\-20\-3 sAtvataM kR^itavarmANam ..
9\-20\-20 viMsho.adhyAyaH ..

\medskip\hrule\medskip
shalyaparva \- adhyAya 021
.. shrIH ..
9\.21\. adhyAyaH 21

##Mahabharata - Shalya Parva - Chapter Topics##
sa~Nkulayuddham .. 1 ..

##Mahabharata - Shalya Parva - Chapter Text##

9\-21\-0 (61251)
sa~njaya uvAcha. 9\-21\-0x (5117)
putrastu te mahArAja rathastho rathinAM varaH .
durutsaho babhau yuddhe yathA rudraH pratApavAn .. 9\-21\-1 (61252)
tasya bANasahasraistu prachChannA hyabhavanmahI .
parAMshcha siShiche bANairdhArAbhiriva parvatAn .. 9\-21\-2 (61253)
na cha so.asti pumAnkashchitpANDavAnAM balArNave .
hayo gajo ratho vA.api yaH syAdbANairavikShataH .. 9\-21\-3 (61254)
yaM yaM hi samare yodhaM prapashyAmi vishAmpate .
sa sa bANaishchito.abhUdvai putreNa tava bhArata .. 9\-21\-4 (61255)
yathA sainyena rajasA samudbhUtena vAhinI .
pratyadR^ishyata sa~nChannA tathA bANairmahAtmanaH .. 9\-21\-5 (61256)
bANabhUtAmapashyAma pR^ithivIM pR^ithivIpate .
duryodhanena prakR^itAM kShiprahastena dhanvinA .. 9\-21\-6 (61257)
teShu yodhasahasreShu tAvakeShu pareShu cha .
nAsti duryodhanasamaH pumAniti matirmama .. 9\-21\-7 (61258)
tatrAdbhutamapashyAma tava putrasya vikramam .
yadekaM sahitAH pArthA nAbhyavartanta bhArata .. 9\-21\-8 (61259)
yudhiShThiraM shatenAjau vivyAdha bharatarShabha .
bhImasenaM cha saptatyA sahadevaM cha pa~nchabhiH .. 9\-21\-9 (61260)
nakulaM cha chatuHShaShTyA dhR^iShTadyumnaM cha pa~nchabhiH .
pa~nchabhirdraupadeyAMshcha tribhirvivyAdha sAtyakim .. 9\-21\-10 (61261)
dhanushchichCheda bhallena sahadevasya mAriSha .
tadapAsya dhanushChinnaM mAdrIputraH pratApavAn .. 9\-21\-11 (61262)
abhyadravata rAjAnaM pragR^ihyAnyanmahaddhanuH .
tato duryodhanaM sa~Nkhye vivyAdha dashabhiH sharaiH .. 9\-21\-12 (61263)
nakulastu tato vIro rAjAnaM navabhiH sharaiH .
ghorarUpairmaheShvAso vivyAdha cha nanAda cha .. 9\-21\-13 (61264)
sAtyakishchaiva rAjAnaM shareNAnataparvaNA .
draupadeyAstrisaptatyA dharmarAjashcha pa~nchabhiH .
ashItyA bhImasenashcha sharai rAjAnamArpayan ..  9\-21\-14 (61265)
samantAtkIryamANastu bANasa~NghairmahAtmabhiH .
na chachAla mahArAja sarvasainyasya pashyataH .. 9\-21\-15 (61266)
lAghavAtsauShThavAchchApi vIryAchchApi mahAtmanaH .
ati sarvANi bhUtAni dadR^ishuH sarvapArthivAH .. 9\-21\-16 (61267)
dhArtarAShTrA hi rAjendra yodhAstu svalpamantaram .
apashyamAnA rAjAnaM paryavartanta daMshitAH .. 9\-21\-17 (61268)
teShAmApatatAM ghorastumulaH samapadyata .
kShubdhasya hi samudrasya prAvR^iTkAle yathA svanaH .. 9\-21\-18 (61269)
samAsAdya raNe te tu rAjAnamaparAjitam .
pratyudyayurmaheShvAsAH pANDavAnAtatAyinaH .. 9\-21\-19 (61270)
bhImasenaM raNe kruddho droNaputro nyavArayat .
tayorbANairmahArAja pramuktaiH sarvatodisham .
nAj~nAyanta raNe vIrA na dishaH pradishastathA ..  9\-21\-20 (61271)
tAvubhau krUrakarmANAvubhau bhArataduHsahau .
ghorarUpamayudhyetAM kR^itapratikR^itaiShiNau .. 9\-21\-21 (61272)
trAsayantau dishaH sarvA jyAkShepakaThinatvachau .
shakunistu raNe vIro yudhiShThiramapIDayat .. 9\-21\-22 (61273)
tasyAshvAMshchaturo hatvA subalasya suto vibho .
nAdaM chakAra balavatsarvasainyAni kampayan .. 9\-21\-23 (61274)
etasminnantare vIraM rAjAnamaparAjitam .
apovAha rathenAjau sahadevaH pratApavAn .. 9\-21\-24 (61275)
athAnyaM rathamAsthAya dharmaputro yudhiShThiraH .
shakuniM navabhirviddhvA punarvivyAdha pa~nchabhiH .
nanAda cha mahAnAdaM pravaraH sarvadhanvinAm ..  9\-21\-25 (61276)
tadyuddhamabhavachchitraM ghorarUpaM cha mAriSha .
prekShatAM prItijananaM siddhachAraNasevitam .. 9\-21\-26 (61277)
ulUkastu maheShvAsaM nakulaM yuddhadurmadam .
abhyavarShadameyAtmA sharavarShaiH samantataH .. 9\-21\-27 (61278)
tathaiva nakulaH shUraH saubalasya sutaM raNe .
sharavarSheNa mahatA samantAtparyavArayat .. 9\-21\-28 (61279)
tau tatra samare vIrau kulaputrau mahArathau .
yodhayantAvapashyetAM kR^itapratikR^itaiShiNau .. 9\-21\-29 (61280)
tathaiva kR^itavarmANaM shaineyaH shatrutApanaH .
yodhaya~nshushubhe rAjanbaliM shakra ivAhave .. 9\-21\-30 (61281)
duryodhano dhanushChittvA dhR^iShTadyumnasya saMyuge .
athainaM ChinnadhanvAnaM vivyAdha nishitaiH sharaiH .. 9\-21\-31 (61282)
dhR^iShTadyumno.api samare pragR^ihya paramAyudham .
rAjAnaM yodhayAmAsa pashyatAM sarvadhanvinAm .. 9\-21\-32 (61283)
tayoryuddhaM mahachchAsItsa~NgrAme bharatarShabha .
prabhinnayoryathA saktaM mattayorvanahastinoH .. 9\-21\-33 (61284)
gautamastu raNe kruddho draupadeyAnmahAbAlAn .
vivyAdha bahubhiH shUraH sharaiH sannataparvabhiH .. 9\-21\-34 (61285)
tasya tairabhavadyuddhamindriyairiva dehinaH .
ghorarUpamasaMvAryaM nirmaryAdamavartata .. 9\-21\-35 (61286)
te cha sampIDayAmAsurindriyANIva bAlisham .
sa cha tAnpratisaMrabdhaH pratyayodhayadAhave .. 9\-21\-36 (61287)
evaM chitramabhUdyuddhaM tasya taiH saha bhArata .
utthAyotthAya hi yathA dehinAmindriyairvibho .. 9\-21\-37 (61288)
narAshchaiva naraiH sArdhaM dantino dantibhistathA .
hayA hayaiH samAsaktA rathino rathibhiH saha .. 9\-21\-38 (61289)
sa~NkulaM chAbhavadbhUyo ghorarUpaM vishAmpate ..  9\-21\-39 (61290)
idaM chitramidaM ghoramidaM raudramiti prabho .
yuddhAnyAsanmahArAja ghorAMNi cha bahUni cha .. 9\-21\-40 (61291)
te samAsAdya samare parasparamarindamAH .
vyanadaMshchaiva jaghnushcha samAtAdya mahAhave .. 9\-21\-41 (61292)
teShAM patrasamudbhUtaM rajastIvramadR^ishyata .
vAtena choddhataM rAjandhAvadbhishchAshvasAdibhiH .. 9\-21\-42 (61293)
rathanemisamudbhUtaM niHshvAsaishchApi dantinAm .
rajaH sandhyAbhrakalilaM divAkarapathaM yayau .. 9\-21\-43 (61294)
rajasA tena sampR^ikto bhAskaro niShprabhaH kR^itaH .
sa~nChAditA.abhavadbhUmiste cha shUrA mahArathAH .. 9\-21\-44 (61295)
muhUrtAdiva saMvR^ittaM nIrajaskaM samantataH .
vIrashoNitasiktAyAM bhUmau bharatasattama .. 9\-21\-45 (61296)
upAshAmyattatastIvraM tadrajo ghoradarshanam ..  9\-21\-46 (61297)
tato.apashyamahaM bhUyo dvandvayuddhAni bhArata .
yathAprANaM yathAshreShThaM madhyAhne vai sudAruNam .. 9\-21\-47 (61298)
varmaNAM tatra rAjendra vyadR^ishyantojjvalAH prabhAH .
shabdashcha tumulaH sa~Nkhye sharANAM patatAmabhUt
mahAveNuvanasyeva dahyamAnasya parvate .. ..  9\-21\-48 (61299)

iti shrImanmahAbhArate shalyaparvaNi shalyavadhaparvaNi
aShTAdashadivasayuddhe ekaviMsho.adhyAyaH .. 21 ..
##Mahabharata - Shalya Parva - Chapter Footnotes##

9\-21\-42 patraM vAhanam ..
9\-21\-21 ekaviMsho.adhyAyaH ..

\medskip\hrule\medskip
shalyaparva \- adhyAya 022
.. shrIH ..
9\.22\. adhyAyaH 22

##Mahabharata - Shalya Parva - Chapter Topics##
sa~Nkulayuddham .. 1 ..

##Mahabharata - Shalya Parva - Chapter Text##

9\-22\-0 (61300)
sa~njaya uvAcha. 9\-22\-0x (5118)
vartamAne tadA yuddhe ghorarUpe bhayAnake .
abhajyata balaM tatra tava putrasya pANDavaiH .. 9\-22\-1 (61301)
tAMstu sarvAnayantena sannivArya mahArathAH .
putrAste yodhayAmAsuH pANDavAnAmanIkinIm .. 9\-22\-2 (61302)
nivR^ittAH sahasA yodhAstava putrajayaipiNaH .
sannivR^itteShu teShvevaM yuddhamAsItsudAruNam .
tAvakAnAM pareShAM cha devAsuraraNopabham ..  9\-22\-3 (61303)
pareShAM tAvakAnAM cha nAsItkashchitparA~NmukhaH ..  9\-22\-4 (61304)
anumAnena yudhyante sa~nj~nAbhishcha parasparam .
teShAM kShayo mahAnAsIdyudhyatAmitaretaram .. 9\-22\-5 (61305)
tato yudhiShThiro rAjA krodhena mahatA yutaH .
jigIShamANaH sa~NgrAme dhArtarAShTrAnsarAjakAn .. 9\-22\-6 (61306)
tribhiH shAradvataM vidvvA rukmapu~NkhaiH shilAshitaiH .
chaturbhirnijaghAnAshvAnkalyANAnkR^itavarmaNaH .. 9\-22\-7 (61307)
ashvatthAmA tu hArdikyamapovAha yashasvinam .
atha shAradvato.aShTAbhiH pratyavidhyadyudhiShThiram .. 9\-22\-8 (61308)
tato duryodhano rAjA rathAnsaptashatAnraNe .
praiShayadyatra rAjA.asau dharmaputro yudhiShThiraH .. 9\-22\-9 (61309)
te rathA rathibhiryuktA manomArutaraMhasaH .
abhyadravanta sa~NgrAme kaunteyasya rathaM prati .. 9\-22\-10 (61310)
te samantAnmahArAja parivArya yudhiShThiram .
adR^ishyaM sAyakaishchakrurmeghA iva divAkaram .. 9\-22\-11 (61311)
taM dR^iShTvA dharmarAjAnaM kauraveyaistathAvR^itam .
nAmR^iShyanta susaMrabdhAH shikhaNDipramukhA rathAH .. 9\-22\-12 (61312)
rathairashvavarairyuktaiH ki~NkiNIjAlasaMvR^itaiH .
Ajagmuratha rakShantaH kuntIputraM yudhiShThiram .. 9\-22\-13 (61313)
tataH pravavR^ite raudraH sa~NgrAmaH shoNitodakaH .
pANDavAnAM kurUNAM cha yamarAShTravivardhanaH .. 9\-22\-14 (61314)
rathAnsaptashatAnhatvA kurUNAmAtatAyinAm .
pANDavAH saha pA~nchAlaiH punarevAbhyavArayan .. 9\-22\-15 (61315)
tatra yuddhaM mahachchAsIttava putrasya pANDavaiH .
na cha tattAdR^ishaM dR^iShTaM naiva chApi parishrutam .. 9\-22\-16 (61316)
vartamAne tadA yuddhe nirmaryAde samantataH .
vadhyamAneShu yodheShu tAvakeShvitareShu cha .. 9\-22\-17 (61317)
vinadatsu cha yodheShu sha~Nkhavaryaishcha pUritaiH .
utkruShTaiH siMhanAdaishcha garjitaishchaiva dhanvinAm .. 9\-22\-18 (61318)
atipravR^itte yuddhe cha ChidyamAneShu marmasu .
dhAvamAneShu yodheShu jayagR^iddhiShu mAriSha .. 9\-22\-19 (61319)
saMhAre sarvato jAte pR^ithivyAM shokasambhave .
vahnInAmuttamastrINAM sImantoddharaNe kR^ite .. 9\-22\-20 (61320)
nirmaryAde mahAyuddhe vartamAne sudAruNe .
prAdurAsanvinAshAya tadotpAtAH sudAruNAH .. 9\-22\-21 (61321)
chachAla shabdaM kurvANA saparvatavanA mahI .
sadaNDAH solmukA rAjankIryamANAH samantataH .. 9\-22\-22 (61322)
ulkAH peturdivo bhUmAvAhatya ravimaNDalam .
viShvagvAtAH prAdurAsannIchaiH sharkaravarShiNaH .. 9\-22\-23 (61323)
ashrUNi mumuchurnAgA vepathuM chAspR^ishanbhR^isham .
etAndhorAnanAdR^itya samutpAtAnsudAruNAn .. 9\-22\-24 (61324)
punaryuddhAya saMyattAH kShatriyAstasthuravyathAH .
ramaNIye kurukShetre puNye svargaM yiyAsavaH .. 9\-22\-25 (61325)
tato gAndhArarAjasya putraH shakunirabravIt .
yudhyadhvamagrato yAvatpR^iShThato hanmi pANDavAn .. 9\-22\-26 (61326)
tato naH samprAyAtAnAM madrayodhAstarasvinaH .
hR^iShTAH kilAkilAshabdamakurvata pare tathA .. 9\-22\-27 (61327)
asmAMstu punarAsAdya labdhalakShA durAsadAH .
sharAsanAni dhunvantaH sharavarShairavAkiran .. 9\-22\-28 (61328)
tato hataM paraistatra madrarAjabalaM tadA .
duryodhanabalaM dR^iShTvA punarAsItparA~Nmukham .. 9\-22\-29 (61329)
gAndhArarAjastu punarvAkyamAha tato balI .
nivartadhvamadharmaj~nA yudhyadhvaM kiM sR^itena vaH .. 9\-22\-30 (61330)
anIkaM dashasAhasramashvAnAM bharatarShabha .
AsIdgAndhArarAjasya vishAlaprAsayodhinAm .. 9\-22\-31 (61331)
balena tena vikramya vartamAne janakShaye .
pR^iShThataH pANDavAnIkamabhyaghnannishitaiH sharaiH .. 9\-22\-32 (61332)
tadabhramiva vAtena kShipyamANaM samantataH .
abhajyata mahArAja pANDUnAM sumahadbalam .. 9\-22\-33 (61333)
tato yudhiShThiraH prekShya bhagnaM svabalamantikAt .
abhyanodayadavyagraH sahadevaM mahAbalam .. 9\-22\-34 (61334)
asau subalaputro no jaghanaM pIDya daMshitaH .
sainyAni sUdayatyeSha pashya pANDava durmatiH .. 9\-22\-35 (61335)
gachCha tvaM draupadeyaishcha shakuniM saubalaM jahi .
rathAnIkamahaM dhakShye pA~nchAlasahito.anagha .. 9\-22\-36 (61336)
gachChantu ku~njarAH sarve vAjinashcha saha tvayA .
pAdAtAshcha trisAhasrAH shakuniM tairvR^ito jahi .. 9\-22\-37 (61337)
tato gajAH saptashatAshchApapANibhirAsthitAH .
pa~ncha chAshvasahasrANi sahadevashcha vIryavAn .. 9\-22\-38 (61338)
pAdAtAshcha trisAhasrA draupadeyAshcha sarvashaH .
raNe hyabhyadravaMste tu shakuniM yuddhadurmadam .. 9\-22\-39 (61339)
tatastu saubalo rAjannabhyatikramya pANDavAn .
jaghAna pR^iShThataH senAM jayagR^idvaH pratApavAn .. 9\-22\-40 (61340)
ashvArohAstu saMrabdhAH pANDavAnAM tarasvinAm .
prAvishansaubalAnIkamabhyatikramya tAnrathAn .. 9\-22\-41 (61341)
te tatra sAdinaH shUrAH saubalasya mahadbalam .
raNamadhye vyatiShThanta sharavarShairavAkiran .. 9\-22\-42 (61342)
tadudyatagadAprAsamakApuruShasevitam .
prAvartata mahadyuddhaM rAjandurmantrite tava .. 9\-22\-43 (61343)
upAramanta jyAshabdAH prekShakA rathino.abhavan .
na hi sveShAM pareShAM vA visheShaH pratyadR^ishyata .. 9\-22\-44 (61344)
shUrabAhuvisR^iShTAnAM shaktInAM bharatarShabha .
jyotiShAmiva sampAtamapashyankurupANDavAH .. 9\-22\-45 (61345)
R^iShTibhirvimalAbhishcha tatratatra vishAmpate .
sampatantIbhirAkAshamAvR^itaM bahvashobhata .. 9\-22\-46 (61346)
prAsAnAM patatAM rAjanrUpamAsItsamantataH .
shalabhAnAmivAkAshe tadA bharatasattama .. 9\-22\-47 (61347)
rudhirokShitasarvA~NgA vipraviddhairniyantR^ibhiH .
hayAH paripatantisma shatasho.atha sahasrashaH .. 9\-22\-48 (61348)
anyonyaM paripiShTAshcha samAsAdya parasparam .
suvikShatAH sma dR^ishyante vamanto rudhiraM mukhaiH .. 9\-22\-49 (61349)
tato.abhavattamo ghoraM sainyena rajasA vR^itam .
tAnapAkramato.adrAkShaM tasmAddeshAdarindama .. 9\-22\-50 (61350)
ashvAnrAjanmanuShyAMshcha rajasA saMvR^ite sati .
bhUmau nipatitAshchAnye vamanto rudhiraM bahu .. 9\-22\-51 (61351)
keshAkeshi samAlagnA na shekushcheShTituM narAH .
anyonyamashvapR^iShThebhyo vikarShanto mahAbalAH .. 9\-22\-52 (61352)
mallA iva samAsAdya nijaghnuritaretaram .
ashvaishcha vyapakR^iShyanta bahavo.atra gatAsavaH .. 9\-22\-53 (61353)
bhUmau nipatitAshchAnye bahavo vijayaiShiNaH .
tatratatra vyadR^ishyanta puruShAH shUramAninaH .. 9\-22\-54 (61354)
raktokShitaishChinnabhujairavakR^iShTashiroruhaiH .
vyadR^ishyata mahI kIrNA shatasho.atha sahasrashaH .. 9\-22\-55 (61355)
dUraM na shakyaM tatrAsIdgantumashvena kenachit .
sAshvArohairhatairashvairAvR^ite vasudhAtale .. 9\-22\-56 (61356)
rudhirokShitasannAhairAttashastrairudAyudhaiH .
nAnApraharaNairghoraiH parasparavadhaiShibhiH .
susannikR^iShTe sa~NgrAme hatabhUyiShThasainike ..  9\-22\-57 (61357)
sa muhUrtaM tato yuddhvA saubalo.atha vishAmpate .
ShaTsAhasrairhayaiH shiShTerapAyAchChakunistataH .. 9\-22\-58 (61358)
tathaiva pANDavAnIkaM rudhireNa samukShitam .
ShaTsAhasrairhayaiH shiShTerapAyAchChrAntavAhanam .. 9\-22\-59 (61359)
ashvArohAshcha pANDUnAmabruvanrudhirokShitAH .
susannikR^iShTe sa~NgrAme bhUyiShThe tyaktajIvitAH .. 9\-22\-60 (61360)
na hi shakyaM rathairyoddhuM kuta eva mahAgajaiH .
rathAneva rathA yAntu ku~njarAH ku~njarAnapi .. 9\-22\-61 (61361)
pratiyAto hi shakuniH svamanIkamavasthitaH .
na punaH saubalo rAjA yoddhumabhyAgamiShyati .. 9\-22\-62 (61362)
tatastu draupadeyAshcha te cha mattA mahAdvipAH .
prayayuryatra pA~nchAlyo dhR^iShTadyumno mahArathaH .. 9\-22\-63 (61363)
sahadevo.api kauravya rajomeghe samutthite .
ekAkI prayayau tatra yatra rAjA yudhiShThiraH .. 9\-22\-64 (61364)
tatasteShu prayAteShu shakuniH saubalaH punaH .
pArshvato.abhyahanatkruddho dhR^iShTadyumnasya vAhinIm .. 9\-22\-65 (61365)
tatpunastumulaM yuddhaM prANAMstyaktvA.abhyavartata .
tAvakAnAM pareShAM cha parasparavadhaiShiNAm .. 9\-22\-66 (61366)
te chAnyonyamavaikShanta tasminvIrasamAgame .
yodhAH paryapatanrAja~nshatasho.atha sahasrashaH .. 9\-22\-67 (61367)
asibhishChidyamAnAnAM shirasAM lokasaMkShaye .
prAdurAsInmahA~nshabdastAlAnAM patatAmiva .. 9\-22\-68 (61368)
vimuktAnAM sharIrANAM ChinnAnAM patatAM bhuvi .
sAyudhAnAM cha bAhUnAmUrUNAM cha vishAmpate .
AsItkaTakaTAshabdaH sumahAnromaharShaNaH ..  9\-22\-69 (61369)
nighnanto nishitaiH shastrairbhrAtR^InputrAnsakhInapi .
yodhAH paripatanti sma yathA.a.amiShakR^ite khagAH .. 9\-22\-70 (61370)
anyonyaM pratisaMrabdhAH samAsAdya parasparam .
ahampUrvamahampUrvamiti nighnansahasrashaH .. 9\-22\-71 (61371)
saMyAtenAsanabhraShTairashvArohairgatAsubhiH .
hayAH paripatanti sma shatasho.atha sahasrashaH .. 9\-22\-72 (61372)
sphuratAM pratipiShTAnAmashvAnAM shIghragAminAm .
stanatAM cha manuShyANAM sannaddhAnAM vishAmpate .. 9\-22\-73 (61373)
shaktyR^iShTiprAsashabdashcha tumulaH samapadyata .
bhindatAM paramarmANi rAjandurmantrite tava .. 9\-22\-74 (61374)
shramAbhibhUtAH saMrabdhA shrAntavAhAH pipAsavaH .
vikShatAshcha shitaiH shastrairabhyavarntata tAvakAH .. 9\-22\-75 (61375)
mattA rudhiragandhena bahavo.atra vichetasaH .
jaghnuH parAnsvakAMshchaiva prAptAnprAptAnanantarAn .. 9\-22\-76 (61376)
bahavashcha gataprANAH kShatriyA jayagR^idvinaH .
bhUmAvabhyapatanrAja~nsharavR^iShTibhirAvR^itAH .. 9\-22\-77 (61377)
vR^ikagR^idhrashR^igAlAnAM tumule modane.ahani .
AsIdbalakShayo ghorastava putrasya pashyataH .. 9\-22\-78 (61378)
narAshvakAyaiH sa~nChannA bhUmirAsIdvishAmpate .
rudhirodakachitrA cha bhIrUNAM bhayavardhinI .. 9\-22\-79 (61379)
asibhiH paTTasaiH shUlaistakShamANAH punaHpunaH .
tAvakAH pANveyAshcha na nyavartanta bhArata .. 9\-22\-80 (61380)
praharanto yathAshakti yAvatprANasya dhAraNam .
yodhAH paripatanti sma vamanto rudhiraM mukhaiH .. 9\-22\-81 (61381)
shiro gR^ihItvA kesheShu kabandhaH sa pradR^ishyate .
udyamya cha shitaM kha~NgaM rudhireNa pariplutam .. 9\-22\-82 (61382)
tathotthiteShu bahuShu kabandheShu narAdhipa .
tathA rudhiragandhena yodhAH kashmalamAvishan .. 9\-22\-83 (61383)
mandIbhUte tataH shabde pANDavAnAM mahadbalam .
alpAvashiShTaisturagairabhyavartata saubalaH .. 9\-22\-84 (61384)
tato.abhyadhAvaMstvaritAH pANDavA jayagR^idvinaH .
padAtayashcha nAgAshcha sAdinashchodyatAyudhAH .. 9\-22\-85 (61385)
koShThakIkR^itya chApyenaM parikShipya cha sarvashaH .
shastrairnAnAvidhairjaghnuryudvapAraM titIrShavaH .. 9\-22\-86 (61386)
tvadIyAstAMstu samprekShya sarvataH samabhidrutAn .
rathAshvapattidviradAH pANDavAnabhidudruvuH .. 9\-22\-87 (61387)
kechitpadAtayaH padbhirmuShTibhishcha parasparam .
nijaghnuH samare shUrAH kShINashastrAstato.apatan .. 9\-22\-88 (61388)
rathebhyo rathinaH peturdvipebhyo hastisAdinaH .
vimAnebhyo divo bhraShTAH sidvAH puNyakShayAdiva .. 9\-22\-89 (61389)
evamanyonyamAyattA yodhA jaghnurmahAhave .
pitR^InbhrAtR^InvayasyAMshcha putrAnapi tathA pare .. 9\-22\-90 (61390)
evamAsIdamaryAdaM yudvaM bharatasattama .
prAsAsibANakalilaM vartamAne sudAruNe .. .. 9\-22\-91 (61391)

iti shrImanmahAbhArate shalyaparvaNi shalyavadhaparvaNi
aShTAdashadivasayuddhe dvAviMsho.adhyAyaH .. 22 ..

\medskip\hrule\medskip
shalyaparva \- adhyAya 023
.. shrIH ..
9\.23\. adhyAyaH 23

##Mahabharata - Shalya Parva - Chapter Topics##
arjunena duryodhanAgarhaNapUrvakaM tatsenAnibarhaNam .. 1 ..

##Mahabharata - Shalya Parva - Chapter Text##

9\-23\-0 (61392)
sa~njaya uvAcha. 9\-23\-0x (5119)
alpAvashiShTe sainye tu pANDavairnihate bale .
ashvaiH saptasahasraistu upAvartata saubalaH .. 9\-23\-1 (61393)
sa yAtvA vAhinIM tUrNaM chodayAnaH svakAnyudhi .
yudhyadhvamiti saMhR^iShTAH punaHpunararindamAH .. 9\-23\-2 (61394)
apR^ichChatkShatriyAMstatra kva nu rAjA mahAbalaH .
shakunestadvachaH shrutvA tamUchurbharatarShabha .. 9\-23\-3 (61395)
asau tiShThati kauravyo raNamadhye mahAbalaH .
yatraitatsumahachChatraM pUrNachandrasamaprabham .. 9\-23\-4 (61396)
yatra te satanutrANA rathAstiShThanti daMshitAH .
yatraiSha tumulaH shabdaH parjanyaninadopamaH .. 9\-23\-5 (61397)
tatra gachCha drutaM rAjaMstato drakShyasi kauravam .
evamuktastu tairyodhaiH shakuniH saubalastadA .. 9\-23\-6 (61398)
prayayau tatra yatrAste putrastava narAdhipa .
sarvataH saMvR^ito vIraiH samare chitrayodhibhiH .. 9\-23\-7 (61399)
tato duryodhanaM dR^iShTvA rathAnIke vyavasthitam .
sa rathAMstAvakAnsarvAnharShaya~nshakunistataH .. 9\-23\-8 (61400)
duryodhanamidaM vAkyaM hR^iShTarUpo vishAmpate .
kR^itakAryamivAtmAnaM manyamAno.abravInnR^ipam .. 9\-23\-9 (61401)
jahi rAjanrathAnIkamashvAH sarve jitA mayA .
nAtyaktvA jIvitaM sa~Nkhye shakyo jetuM yudhiShThiraH .. 9\-23\-10 (61402)
hate tasminrathAnIke pANDavenAbhipAlite .
gajAnetAnhaniShyAmaH padAtIMshchetarAMstathA .. 9\-23\-11 (61403)
shrutvA tu vachanaM tasya tAvakA jayagR^idvinaH .
javenAbhyapatanhR^iShTAH pANDavAnAmanIkinIm .. 9\-23\-12 (61404)
badvanistriMshahastAshcha pragR^ihItasharAsanAH .
sharAsanAni dhUnvAnAH siMhanAdAnprachakrire .. 9\-23\-13 (61405)
tato jyAtalanirdhoShaH punarAsIdvishAmpate .
prAdurAsIchCharANAM cha sumuktAnAM sudAruNaH .. 9\-23\-14 (61406)
tAnsamIpagatAndR^iShTvA janAnudyatakArmukAn .
uvAcha devakIputraM kuntIputro dhana~njayaH .. 9\-23\-15 (61407)
chodayAshvAnasambhrAntaH pravishaitadbalArNavam .
antamadya gamiShyAmi shatrUNAM nishitaiH sharaiH .. 9\-23\-16 (61408)
aShTAdasha dinAnyadya yuddhasyAsya janArdana .
vartamAnasya mahataH samAsAdya parasparam .. 9\-23\-17 (61409)
anantakalpA dhvajinI bhUtvA hyeShAM mahAtmanAm .
kShayamadya gatA yuddhe pashya daivaM yathAvidham .. 9\-23\-18 (61410)
samudrakalpaM cha balaM dhArtarAShTrasya mAdhava .
asmanAsAdya sa~njAtaM goShpadopamamachyuta .. 9\-23\-19 (61411)
hate bhIShme dhIrmamAsIchChamaH syAditi mAdhava .
na cha tatkR^itavAnmUDho dhArtarAShTraH subAlishaH .. 9\-23\-20 (61412)
uktaM bhIShmeNa yadvAkyaM hitaM tathyaM cha mAdhava .
tachchApi nAsau kR^itavAnvItabuddhiH suyodhanaH .. 9\-23\-21 (61413)
tasmiMstu nihate bhIShme prachyute pR^ithivIpatau .
na jAne kAraNaM kintu yena yuddhamavartata .. 9\-23\-22 (61414)
mUDhAMstu sarvathA manye dhArtarAShTrAnsubAlishAn .
patite shantanoH putre ye.akAryuH saMyugaM punaH .. 9\-23\-23 (61415)
anantaraM cha nihate droNe brahmavidAM vare .
rAdheye cha vikarNe cha naiva shAmyati vaishasam .. 9\-23\-24 (61416)
alpAvashiShTe sainye.asminsUtaputre cha pAtite .
saputre vai naravyAghre naiva shAmyati vaishasam .. 9\-23\-25 (61417)
shrutAyuShi hate vIre jalasandhe cha mAgadhe .
shrutAyudhe cha nR^ipatau naiva shAmyati vaishasam .. 9\-23\-26 (61418)
bhUrishravasi shalye cha sAlye chaiva janArdana .
AvantyeShu cha vIreShu naiva shAmyati vaishasam .. 9\-23\-27 (61419)
jayadrathe cha nihate rAkShase chApyalAyudhe .
bAhlike somadatte cha naiva shAmyati vaishasam .. 9\-23\-28 (61420)
bhagadatte hate shUre kAmbhoje cha sudAruNe .
duHshAsane cha nihate naiva shAmyati vaishasam .. 9\-23\-29 (61421)
dR^iShTvA vinihatA~nshUrAnpR^itha~NmANDalikAnnR^ipAn .
balinashcha raNe kR^iShNa naiva shAmyati vaishasam .. 9\-23\-30 (61422)
akShauhiNIpatIndR^iShTvA bhImasenanipAtitAn .
mohAdvA yadi vA lobhAnnaiva shAmyati vaishasam .. 9\-23\-31 (61423)
`hatapravIrAM vidhvastAM dR^iShTvA chemAM chamUM raNe .
alambale cha nihate naiva shAmyati vaishasam .. 9\-23\-32 (61424)
bhrAtR^InvinihatAndR^iShTvA vayasyAnmAtulAnapi .
putrAnvinihatAndR^iShTvA naiva shAmyati vaishasam'.. 9\-23\-33 (61425)
ko nu rAjakule jAtaH kauraveShu visheShataH .
nirarthakaM mahadvairaM kuryAdanyaH suyodhanAt .. 9\-23\-34 (61426)
guNato.abhyadhikA~nj~nAtvA balataH shauryatopi vA .
amUDhaH ko nu yudhyeta jAnanprAj~no hitAhitam .. 9\-23\-35 (61427)
kinnu tasya mano hyAsIttvayoktasya hitaM vachaH .
prashame pANDavaiH sArdhaM sonyasya shR^iNuyAtkatham .. 9\-23\-36 (61428)
yena shAntanavo bhIShmo droNo vidura eva cha .
pratyAkhyAtAH shaMmasyArthe kinnu tasyAdya bheShajam .. 9\-23\-37 (61429)
maurkhyAdyena pitA vR^idvaH pratyAkhyAto janArdana .
tathA mAtA hitaM vAkyaM bhAShamANA hitaiShiNI .. 9\-23\-38 (61430)
pratyAkhyAtA hyasatkR^itya sa kasmai rochayedvachaH .
kulAntakaraNo vyaktaM jAta eSha janArdana .. 9\-23\-39 (61431)
tathAsya dR^ishyate cheShTA nItishchaiva vishAmpate .
naiSha dAsyati no rAjyamiti me matirachyuta .. 9\-23\-40 (61432)
ukto.ahaM bahushastAta vidureNa mahAtmanA .
na jIvandAsyate bhAgaM dhArtarAShTraH suyodhanaH .. 9\-23\-41 (61433)
yAvatprANA dhariShyanti dhArtarAShTrasya durmateH .
tAvadyuShmAsvapApeShu prachariShyati pApakam .. 9\-23\-42 (61434)
na cha yukto.anyathA jetumR^ite yuddhena mAdhava .
ityabravItsadA mAM hi viduraH satyadarshanaH .. 9\-23\-43 (61435)
tatsarvamadya jAnAmi vyavasAyaM durAtmanaH .
yaduktaM vachanaM tena vidureNa mahAtmanA .. 9\-23\-44 (61436)
yo hi shrutvA vachaH pathyaM jAmadagnyAdyathAtatham .
avAmanyata durbuddhirdhruvaM nAshamukhe sthitaH .. 9\-23\-45 (61437)
uktaM hi bahubhiH siddhairjAtamAtre suyodhane .
enaM prApya durAtmAnaM kShayaM kShatraM gamiShyati .. 9\-23\-46 (61438)
tadidaM vachanaM teShAM niruktaM vai janArdana .
kShayaM yAtA hi rAjAno duryodhanakR^ite bhR^isham .. 9\-23\-47 (61439)
so.adya sarvAnraNe yodhAnnihaniShyAmi mAdhava ..  9\-23\-48 (61440)
kShatriyeShu hateShvAshu shUnye cha shibire kR^ite .
vadhAya chAtmano.asmAbhiH saMyugaM rochayiShyati .. 9\-23\-49 (61441)
tadantaM hi bhavedvairamanumAnena mAdhava .
evaM pashyAmi vArShNeya chintayanpraj~nayA svayA .
vidurasya cha vAkyena cheShTayA cha durAtmanaH ..  9\-23\-50 (61442)
tasmAdyAhi chamUM vIra yAvadvanmi shitaiH sharaiH .
duryodhanaM mahAbAho vAhinIM chAsya saMyuge .. 9\-23\-51 (61443)
kShemamadya kariShyAmi dharmarAjasya mAdhava .
hatvaitaddurbalaM sainyaM dhArtarAShTrasya pashyataH .. 9\-23\-52 (61444)
sa~njaya uvAcha. 9\-23\-53x (5120)
abhIshuhasto dAshArhastathoktaH savyasAchinA .
tadbalaughamamitrANAmabhItaH prAvishadbalAt .. 9\-23\-53 (61445)
sharAsanavanaM ghoraM shaktikaNTakasa~Nkulam .
gadAparighapAShANaM rathanAgamahAdrumam .. 9\-23\-54 (61446)
hayapattilatAkIrNaM gAhamAno mahAyashAH .
vyacharattatra govindo rathenAtipatAkinA .. 9\-23\-55 (61447)
te hayAH pANDurA rAjanvahanto.arjunamAhave .
dikShu sarvAsvadR^ishyanta dAshArheNa prachoditAH .. 9\-23\-56 (61448)
tataH prAyAdrathenAjau savyasAchI parantapaH .
kira~nsharashatAMstIkShNAnvAridhArA ghano yathA .. 9\-23\-57 (61449)
prAdurAsInmahA~nshabdaH sharANAM nataparvaNAm .
iShubhishChAdyamAnAnAM samare savyasAchinA .. 9\-23\-58 (61450)
asajjantastanutreShu sharaughAH prApatanbhuvi .
indrAshanisamasparshA gANDIvapreShitAH sharAH .. 9\-23\-59 (61451)
narAnnAgAnsamAhatya hayAMshchApi vishAmpate .
apatanta raNe bANAH pata~NgA iva ghoShiNaH .. 9\-23\-60 (61452)
AsItsarvamavachChannaM gANDIvapreShitaiH sharaiH .
na prAj~nAyanta samare disho vA pradishopi vA .. 9\-23\-61 (61453)
sarvamAsIjjagatpUrNaM pArthanAmA~NkitaiH sharaiH .
rukmapu~NkhaistailadhautaiH karmAraparimArjitaiH .. 9\-23\-62 (61454)
te dahyamAnAH pArthena pAvakeneva ku~njarAH .
pArthaM na prAjahurghArA vadhyamAnAH shitaiH sharaiH .. 9\-23\-63 (61455)
sharachApadharaH pArthaH prajvalanniva bhAskaraH .
dadAha samare yodhAnkakShamagniriva jvalan .. 9\-23\-64 (61456)
yathA vanAnte vanapairvisR^iShTaH
kakShaM dahetkR^iShNagatiH sughoShaH .
bhUridrumaM shuShkalatAvitAnaM
bhR^ishaM samR^iddho jvalanaH pratApI ..  9\-23\-65 (61457)
evaM sa nArAchagaNampratApI
sharArchiruchchAvachatigmatejAH .
dadAha sarvAM tava putrasenA\-\-
mamR^iShyamANastarasA tarasvI ..  9\-23\-66 (61458)
tasyeShavaH prANaharAH sumuktA
nAsajjanvai varmasu rukmapu~NkhAH .
na cha dvitIyaM pramumocha bANaM
nare haye vA paramadvipe vA ..  9\-23\-67 (61459)
anekarUpAkR^itibhirhi bANai\-\-
rmahArathAnIkamanupravishya .
sa eva ekastava putrasya senAM
jaghAna daityAniva vajrapANiH .. ..  9\-23\-68 (61460)

iti shrImanmahAbhArate shalyaparvaNi shalyavadhaparvaNi
aShTAdashadivasayuddhe trayoviMsho.adhyAyaH .. 23 ..
##Mahabharata - Shalya Parva - Chapter Footnotes##

9\-23\-42 pApakaM prachariShyati AchariShyati dhArtarAShTra iti sheShaH ..
9\-23\-23 trayoviMsho.adhyAyaH ..

\medskip\hrule\medskip
shalyaparva \- adhyAya 024
.. shrIH ..
9\.24\. adhyAyaH 24

##Mahabharata - Shalya Parva - Chapter Topics##
dhR^iShTadyumnaparAjitena duryodhanenAshvArohaNena palAyanam .. 1 ..
ashvatthAmAdibhistadanveShaNam .. 2 ..

##Mahabharata - Shalya Parva - Chapter Text##

9\-24\-0 (61461)
sa~njaya uvAcha. 9\-24\-0x (5121)
yudhyatAM yatamAnAnAM shUrANAmanivartanAm .
sa~NkalpamakaronmoghaM gANDIvena dhana~njayaH .. 9\-24\-1 (61462)
indrAshanisamasparshAnaviShahyAnmahaujasaH .
visR^ijandR^ishyate bANAndhArA mu~nchannivAmbudaH .. 9\-24\-2 (61463)
tatsainyaM bharatashreShTha vadhyamAnaM kirITinA .
sampradudrAva sa~NgrAmAttava putrasya pashyataH .. 9\-24\-3 (61464)
pitR^InbhrAtR^Inparityajya vayasyAnapi chApare ..  9\-24\-4 (61465)
hatadhuryA rathAH kechiddhatasUtAstathA pare .
bhagnAkShayugachakreShAH kechidAsanvishAmpate .. 9\-24\-5 (61466)
anyeShAM sAyakAH kShINAstathA.anye bANapIDitAH .
akShatA yugapatkechitprAdravanbhayapIDitAH .. 9\-24\-6 (61467)
kechitputrAnupAdAya hatabhUyiShThabAndhavAH .
vichukrushuH pitR^IMstvanye sahAyAnapare punaH .. 9\-24\-7 (61468)
bAndhavAMshcha naravyAghra bhrAtR^InsambandhinastathA .
dudruvuH kechidutsR^ijya tatratatra vishAmpate .. 9\-24\-8 (61469)
bahavo.atra bhR^ishaM viddhA muhyamAnA mahArathAH .
niHshvasanti sma dR^ishyante pArthabANahatA narAH .. 9\-24\-9 (61470)
tAnanye rathamAropya hyAshvAsya cha muhUrtakam .
vishrAntAshcha vitR^iShNAshcha punaryuddhAya jagmire .. 9\-24\-10 (61471)
tAnapAsya gatAH kechitpunareva yuyutsavaH .
kurvantastava putrasya shAsanaM yuddhadurmadAH .. 9\-24\-11 (61472)
pAnIyamapare pItvA paryAshvAsya cha vAhanam .
varmANi cha samAropya kechidbharatasattama .. 9\-24\-12 (61473)
samAshvAsyApare bhrAtR^InnikShipya shibire.api cha .
putrAnanye pitR^Inanye punaryuddhamarochayan .. 9\-24\-13 (61474)
sajjayitvA rathAnkechidyathAmukhyaM vishAmpate .
AvR^itya pANDavAnIkaM punaryuddhamarochayan .. 9\-24\-14 (61475)
te shUrAH ki~NkiNIjAlaiH samAchChannA babhAsire .
trailokyavijaye yuktA yathA daiteyadAnavAH .. 9\-24\-15 (61476)
Agamya sahasA kechidrathaiH svarNavibhUShitaiH .
pANDavAnAmanIkeShu dhR^iShTadyumnamayodhayan .. 9\-24\-16 (61477)
dhR^iShTadyumno.api pA~nchAlyaH shikhaNDI cha mahArathaH .
nAkulistu shatAnIko rathAnIkamayodhayan .. 9\-24\-17 (61478)
pA~nchAlyastu tataH kruddhaH sainyena mahatA vR^itaH .
abhyadravatsusa~NkruddhastAvakAnhantumudyataH .. 9\-24\-18 (61479)
tatastvApatatastasya tava putro janAdhipa .
bANasa~NghAnanekAnvai preShayAmAsa bhArata .. 9\-24\-19 (61480)
dhR^iShTadyumnastato rAjaMstava putreNa dhanvinA .
nArAchairardhanArAchairbahubhiH kShiprakAribhiH .. 9\-24\-20 (61481)
vatsadantaishcha bANaishcha karmAraparimArjitaiH .
ashvAMshcha chaturo hatvA bAhvorurasi chArpitaH .. 9\-24\-21 (61482)
so.atividdho maheShvAsastotrArdita iva dvipaH .
tasyAshvAMshchaturo bANaiH preShayAmAsa mR^ityave .
sAratheshchAsya bhallena shiraH kAyAdapAharat ..  9\-24\-22 (61483)
tato duryodhano rAjA pR^iShThamAruhya vAjinaH .
apAkrAmadvataratho nAtidUramarindamaH .. 9\-24\-23 (61484)
dR^iShTA tu hatavikrAntaM svamanIkaM mahAbalaH .
tava putro mahArAja prayayau yatra saubalaH .. 9\-24\-24 (61485)
tato ratheShu bhagneShu trisAhasrA mahAdvipAH .
pANDavAnrathinaH sarvAnsamantAtparyavArayan .. 9\-24\-25 (61486)
te vR^itAH samare pa~ncha gajAnIkena bhArata .
ashobhanta mahArAja grahAstArAgaNairiva .. 9\-24\-26 (61487)
tato.arjuno mahArAja labdhalakShau mahAbhujaH .
viniryayau rathenaiva shvetAshvaH kR^iShNasArathiH .. 9\-24\-27 (61488)
taiH samantAtparivR^itaH ku~njaraiH parvatopamaiH .
nArAchairvimalaistIkShNairgajAnIkamayodhayat .. 9\-24\-28 (61489)
tatraikabANanihatAnapashyAma mahAgajAn .
patitAnpAtyamAnAMshcha nirbhinnAnsavyasAchinA .. 9\-24\-29 (61490)
bhImasenastu tAndR^iShTvA nAgAnmattagajopamaH .
kareNAdAya mahatIM gadAmabhyapatadbalI .
athAplutya rathAttUrNaM daNDapANirivAntakaH ..  9\-24\-30 (61491)
tamudyatagadaM dR^iShTvA pANDavAnAM mahAratham .
vitresustAvakAH sainyAH shakR^inmUtraM cha susruvuH .. 9\-24\-31 (61492)
AvignaM cha balaM sarvaM gadAhaste vR^ikodare ..  9\-24\-32 (61493)
gadayA bhImasenena bhinnakumbhAnnipAtitAn .
dhAvamAnAnapashyAma ku~njarAnparvatopamAn .. 9\-24\-33 (61494)
prAdravanku~njarAste tu bhImasenagadAhatAH .
peturArtasvaraM kR^itvA ChinnapakShA ivAdrayaH .. 9\-24\-34 (61495)
prabhinnakumbhAMstu bahUndravamANAnitastataH .
patamAnAMshcha samprekShya vitresustava sainikAH .. 9\-24\-35 (61496)
yudhiShThiro.api sa~Nkruddho mAdrIputrau cha pANDavau .
gArdhrapatraiH shitairbANairjaghnurvai gajayodhinaH .. 9\-24\-36 (61497)
dhR^iShTadyumnastu samare pArajitya narAdhipam .
apakrAnte tava sute hayapR^iShThe samAshrite .. 9\-24\-37 (61498)
dR^iShTvA cha pANDavAnsarvAnku~ncharaiH parivAritAn .
dhR^iShTadyumno mahArAja sahasA samupAdravat .. 9\-24\-38 (61499)
putraH pA~nchAlarAjasya jighAMsuH ku~njarAnyayau .
adR^iShTvA tu rathAnIke duryodhanamarindamam .. 9\-24\-39 (61500)
ashvatthAmA kR^ipashchaiva kR^itavarmA cha sAtvataH .
apR^ichChankShatriyAMstatra kva nu duryodhano gataH .. 9\-24\-40 (61501)
te.apashyamAnA rAjAnaM vartamAne janakShaye .
manvAnA nihataM tatra tava putraM mahArathAH .
vivarNavadanA bhUtvA paryapR^ichChanta te sutam ..  9\-24\-41 (61502)
AhuH kechidvate sUte prayAto yatra saubalaH .
hitvA pA~nchAlarAjasya tadanIkaM durutsaham .. 9\-24\-42 (61503)
apare tvabruvaMstatra kShatriyA bhR^ishavikShatAH .
duryodhanena kiM kAryaM drakShyadhvaM yadi jIvati .
yudhyadhvaM sahitAH sarve kiM vo rAjA kariShyati ..  9\-24\-43 (61504)
te kShatriyAH kShatairgAtrairhatabhUyiShThavAhanAH .
sharaiH sampIDyamAnAstu nAtivyaktamathAbruvan .. 9\-24\-44 (61505)
idaM sarvaM balaM hanmo yena sma parivAritAH .
ete sarve gajAnhatvA upayAnti sma pANDavAH .. 9\-24\-45 (61506)
shrutvA tu vachanaM teShAmashvatthAmA mahAbalaH .
bhittvA pA~nchAlarAjasya tadanIkaM durutsaham .. 9\-24\-46 (61507)
kR^ipashcha kR^itavarmA cha prayayau yatra saubalaH .
rathAnIkaM parityajya shUrAH sudR^iDhadhanvinaH .. 9\-24\-47 (61508)
tatasteShu prayAteShu dhR^iShTadyumnapuraskR^itAH .
AyayuH pANDavA rAjanvinighnantaH sma tAvakAn .. 9\-24\-48 (61509)
dR^iShTvA tu tAnApatataH samprahR^iShTAnmahArathAn .
parAkrAntAstato vIrA nirAshA jIvite tadA .. 9\-24\-49 (61510)
vivarNamukhabhUyiShThamabhavattAvakaM balam .
parikShINAyudhAndR^iShTvA tAnahaM parivAritAn .. 9\-24\-50 (61511)
rAjanbalena trya~Ngena tyaktvA jIvitamAtmanaH .
AtmanA pa~nchamo.ayudhyaM pA~nchAlasya balena ha .. 9\-24\-51 (61512)
tasmindeshe vyavasthAya yatra shAradvataH sthitaH .
sampradrutA vayaM pa~ncha kirITisharapIDitAH .. 9\-24\-52 (61513)
dhR^iShTadyumnaM mahAraudraM tatra nAbhUdraNo mahAn .
jitAstena vayaM sarve vyapayAma raNAttataH .. 9\-24\-53 (61514)
athApashyaM sAtyakiM tamupAyAtaM mahAratham .
rathaishchatuH shatairvIro mAmabhyadravadAhave .. 9\-24\-54 (61515)
dhR^iShTadyumnAdahaM muktaH ka~nChiChrAntavAhanAt .
patito mAdhavAnIkaM duShkR^itI narakaM yathA .. 9\-24\-55 (61516)
tatra yuddhamabhUddhoraM muhUrtamatidAruNam ..  9\-24\-56 (61517)
sAtyakistu mahAbAhurmama hatvA parichChadam .
jIvagrAhamagR^ihNAnmAM mUrchChitaM patitaM bhuvi .. 9\-24\-57 (61518)
tato muhUrtAdiva tadgajAnIkamavidhyata .
gadayA bhImasenena nArAchairarjunena cha .. 9\-24\-58 (61519)
abhipiShTairmahAnAgaiH samantAtparvatopamaiH .
nAtiprasiddhaiva gatiH pANDavAnAmajAyata .. 9\-24\-59 (61520)
rathamArgaM tatashchakre bhImaseno mahAbalaH .
pANDavAnAM mahArAja vyapAkarShanmahAgajAn .. 9\-24\-60 (61521)
ashvatthAmA kR^ipashchaiva kR^itavarmA cha sAtvataH .
apashyanto rathAnIke duryodhanasamarindamam .
rAjAnaM mR^igayAmAsustava putraM mahAratham ..  9\-24\-61 (61522)
parityajya cha pA~nchAlyaM prayAtA yatra saubalaH .
rAj~no.adarshanasaMvignA vartamAno janakShaye .. .. 9\-24\-62 (61523)

iti shrImanmahAbhArate shalyaparvaNi shalyavadhaparvaNi
aShTAdashadivasayuddhe chaturviMsho.adhyAyaH .. 24 ..
##Mahabharata - Shalya Parva - Chapter Footnotes##

9\-24\-4 sampradudrAveti pUrvasthaM sampradudruvuriti vipariNAmena
sambadhyate ..
9\-24\-24 chaturviMsho.adhyAyaH ..

\medskip\hrule\medskip
shalyaparva \- adhyAya 025
.. shrIH ..
9\.25\. adhyAyaH 25

##Mahabharata - Shalya Parva - Chapter Topics##
bhImenAvashiShTAnAM duryodhanAnujAnAM vadhaH .. 1 ..

##Mahabharata - Shalya Parva - Chapter Text##

9\-25\-0 (61524)
sa~njaya uvAcha. 9\-25\-0x (5122)
gajAnIke hate tasminpANDuputreNa bhArata .
vadhyamAne bale chaiva bhImasenena saMyuge .. 9\-25\-1 (61525)
charantaM cha prapashyAmo bhImasenamarindamam .
daNDahastaM yathA krudvamantakaM prANahAriNam .. 9\-25\-2 (61526)
sametya samare rAjanhatasheShAH sutAstava .
adR^ishyamAne kauravye putre duryodhane tava .
sodaryAH sahitA bhUtvA bhImasenamupAdravan ..  9\-25\-3 (61527)
shrutarvA sa~njayashchaiva jayatsenaH shrutAntakaH .
durvimochanakashchaiva tathA durviShaho balI .. 9\-25\-4 (61528)
durmarShaNaH sujAtashcha jaitro bhUribalo raviH .
ityete sahitA bhUtvA tava putrAH samantataH .
bhImasenamabhidrutya rurudhuH sarvato disham ..  9\-25\-5 (61529)
tato bhImo mahArAja svarathaM punarAsthitaH .
mumocha nishitAnbANAnputrANAM tava marmasu .. 9\-25\-6 (61530)
te kIryamANA bhImena putrAstava mahAraNe .
bhImasenamupAseduH pravAtA iva ku~njaram .. 9\-25\-7 (61531)
tataH kruddho raNe bhImaH shiro durmarShaNasya ha .
kShurapreNa pramathyAshu pAtayAmAsa bhUtale .. 9\-25\-8 (61532)
tato.apareNa bhallena sarvAvaraNabhedinA .
shrutAntamavadhIdbImastava putraM mahArathaH .. 9\-25\-9 (61533)
jayatsenaM tato vidvA nArAchena hasanniva .
pAtayAmAsa kauravyaM rathopasthAdarindamaH .
sa papAta rathAdrAjanbhUmau tUrNaM mamAra cha ..  9\-25\-10 (61534)
shrutarvA tu tato bhImaM kruddho vivyAdha mAriSha .
shatena gR^ighravAjAnAM sharANAM nataparvaNAm .. 9\-25\-11 (61535)
tataH kruddho raNe bhImo jaitraM bhUribalaM ravim .
trInetAMstribhirAnarchChadviShAgnipratimaiH sharaiH .. 9\-25\-12 (61536)
te hatA nyapatanbhUmau syandanebhyo mahArathAH .
vasante puShpashabalA nikR^ittA iva kiMshukAH .. 9\-25\-13 (61537)
tato.apareNa bhallena tIkShNena cha parantapaH .
durvimochanamAhatya preShayAmAsa mR^ityave .. 9\-25\-14 (61538)
sa hataH prApatadbhUmau svarathAdrathinAM varaH .
girestu kUTajo bhagno mAruteneva pAdapaH .. 9\-25\-15 (61539)
duShpradharShaM tatashchaiva sujAtaM cha sutaM tava .
ekaikaM nyahanatsa~Nkhye dvAbhyAMdvAbhyAM chamUmukhe .
tau shilImukhaviddhA~Ngau petatU rathasattamau ..  9\-25\-16 (61540)
tataH patantaM samare abhivIkShya sutaM tava .
bhallena pAtayAmAsa bhImo durvipahaM raNe .. 9\-25\-17 (61541)
sa papAta hato bAhAtpashyatAM sarvadhanvinAm ..  9\-25\-18 (61542)
dR^iShTvA tu nihatAnbhrAtR^InvahUnekena saMyuge .
amarShadhashamApasaH shrutarvA bhImamabhyayAt .. 9\-25\-19 (61543)
vikShipansumahachchApaM kArtakharavibhUShitam .
vimR^ijansAyakAMshchaiva viShAgnipratimAnvahUn .. 9\-25\-20 (61544)
sa tu rAjandhanushChittvA pANDavasya mahAmR^idhe .
athainaM ChinnadhanvAnaM viMshatyA samavAkirat .. 9\-25\-21 (61545)
tato.anyaddhanurAdAya bhImaseno mahAbalaH .
avAkirattava sutaM tiShThatiShTheti chAbravIt .. 9\-25\-22 (61546)
mahadAsIttayoryuddhaM chitrarUpaM bhayAnakam .
bAdR^ishaM samare pUrvaM tambhavAsavayoryudhi .. 9\-25\-23 (61547)
tayostatra shitairguktairyamadaNDanibhaiH sharaiH .
samAchChakAdhArA sarvA tvaM disho vidishastathA .. 9\-25\-24 (61548)
ataH shrutarvA sa~Nkruddho dhanurAdAya sAyakaiH .
bhImasenaM raNe rAjanbAhvorurasi chArpayat .. 9\-25\-25 (61549)
so.atividdho mahArAja tava putreNa dhanvinA .
bhImaH sa~nchukShubhe kruddhaH parvaNIva mahodadhiH .. 9\-25\-26 (61550)
tato bhImo ruShAviShTaH putrasya tava mAriSha .
sArathiM chaturashchAshvA~nsharairninye yamakShayam .. 9\-25\-27 (61551)
virathaM taM samAlakShya vishikhairlomavAhibhiH .
avAkiradameyAtmA darshayanpANilAghavam .. 9\-25\-28 (61552)
shrutarvA viratho rAjannAdade kha~NgacharmaNI .
athAsyAdadataH khahgaM shatachandraM cha bhAnumat .
kShurapreNaM shiraH kAyAtpAtayAmAsa pANDavaH ..  9\-25\-29 (61553)
ChinnottamA~Ngasya tataH kShurapreNa mahAtmanA .
papAta kAyaH svarathAdvasudhAmanunAdayan .. 9\-25\-30 (61554)
tasminnipatite vIre tAvakA bhayamohitAH .
abhyadravanta sa~NgrAme bhImasenaM yuyutsavaH .. 9\-25\-31 (61555)
tAnApatata evAshu hatasheShAdbalArNavAt .
daMshitAnpratijagrAha bhImasenaH pratApavAn .. 9\-25\-32 (61556)
te tu taM vai samAsAdya parivavruH samantataH ..  9\-25\-33 (61557)
tatastu saMvR^ito bhImastAvakAnnishitaiH sharaiH .
pIDayAmAsa tAnsarvAnsahasrAkSha ivAsurAn .. 9\-25\-34 (61558)
tataH pa~nchashatAnhatvA savarUthAnmahArathAn .
jaghAna ku~njarAnIkaM punaH saptashataM yudhi .. 9\-25\-35 (61559)
hatvA shatasahasrANi pattInAM parameShubhiH .
vAjinAM cha shatAnyaShTau pANDavaH sma virAjate .. 9\-25\-36 (61560)
bhImasenastu kaunteyo hatvA yuddhe sutAMstava .
mene kR^itArthamAtmAnaM saphalaM janma cha prabho .. 9\-25\-37 (61561)
taM tathA yudhyamAnaM cha vinighnantaM cha tAvakAn .
IkShituM notsahante sma tava sainyA narAdhipa .. 9\-25\-38 (61562)
vidrAvya cha kurUnsarvAMstAMshcha hatvA padAnugAn .
dorbhyAM shabdaM tatashchakre trAsayAno mahAdvipAn .. 9\-25\-39 (61563)
hatabhUyiShThayodhA tu tava senA vishAmampate .
ki~nchichCheShA mahArAja kR^ipaNaM samapadyata .. .. 9\-25\-40 (61564)

iti shrImanmahAbhArate shalyaparvaNi shalyavadhaparvaNi
aShTAdashadivasayuddhe pa~nchaviMsho.adhyAyaH .. 25 ..
##Mahabharata - Shalya Parva - Chapter Footnotes##

9\-25\-7 pravaNAdiva ku~njaramiti jha.pAThaH ..
9\-25\-25 pa~nchaviMsho.adhyAyaH ..

\medskip\hrule\medskip
shalyaparva \- adhyAya 026
.. shrIH ..
9\.26\. adhyAyaH 26

##Mahabharata - Shalya Parva - Chapter Topics##
kR^iShNArjunayoH saMvAdaH .. 1 ..
sa~Nkulayuddham .. 2 ..
bhImena sudarshananAmno duryodhanAnujasya vadhaH .. 3 ..

##Mahabharata - Shalya Parva - Chapter Text##

9\-26\-0 (61565)
sa~njaya uvAcha. 9\-26\-0x (5123)
duryodhano mahArAja sudarshashchApi te sutaH .
hatasheShau tadA sa~Nkhye vAjimadhye vyavasthitau .. 9\-26\-1 (61566)
tato duryodhanaM dR^iShTvA vAjimadhye vyavasthitam .
uvAcha devakIputraH kuntIputraM dhana~njayam .. 9\-26\-2 (61567)
shatravo hatabhUyiShThA j~nAtayaH paripAlitAH .
gR^ihItvA sa~njayaM chAsau nivR^ittaH shinipu~NgavaH .. 9\-26\-3 (61568)
parishrAntashcha nakulaH sahadevashcha bhArata .
yodhayitvA raNe pApAndhArtarAShTrAnsahAnugAn .. 9\-26\-4 (61569)
duryodhanamatikramya traya ete vyavasthintAH .
kR^ipashcha kR^itavarmA cha drauNishchaiva mahArathaH .. 9\-26\-5 (61570)
asau tiShThati pA~nchAlyaH shriyA paramayA yutaH .
duryodhanabalaM hatvA saha sarvaiH prabhadrakaiH .. 9\-26\-6 (61571)
asau duryodhanaH pArtha vAjimadhye vyavasthitaH .
ChatreNa dhriyAmaNena prekShamANo muhurmuhuH .. 9\-26\-7 (61572)
prativyUhya balaM sarvaM raNamadhye vyavasthitaH .
enaM hatvA shitairbANaiH kR^itakR^ityo bhaviShyasi .. 9\-26\-8 (61573)
gajAnIkaM hataM dR^iShTvA tvAM cha prAptamarindama .
yAvanna vidravantyete tAvajjahi suyodhansam .. 9\-26\-9 (61574)
yAtu kashchittuM pA~nchAlyaM kShipramAgamyatAmiti .
parishrAntabalastAta naiSha muchyeta kilbiShI .. 9\-26\-10 (61575)
hatvA tava balaM sarvaM sa~Ngrame dhR^itarAShTrajaH .
jitAnpANDusutAnpratvA rUpaM dhArayate mahat .. 9\-26\-11 (61576)
nihataM svabalaM dR^iShTvA pIDitaM chApi pANDavaiH .
dhruvameShyati sa~Ngrame vadhAyaivAtmano nR^ipaH .. 9\-26\-12 (61577)
evamuktaH phalgunastu kR^iShNaM vachanamabravIt .
dhR^itarAShTrasutAH sarve hatA bhImena mAdhava .
yAvetAvAsthitau kR^iShNa tAvadya nabhaviShyataH ..  9\-26\-13 (61578)
hato bhIShmo hato droNaH karNo vaikartano hataH .
madrarAjo hataH shalyo hataH kR^iShNa jayadrathaH .. 9\-26\-14 (61579)
hayAH pa~nchashatAH shiShTAH shakuneH saubalasya cha .
rathAnAM tu shate shiShTe dve eva tu janArdana .
dantinAM cha shataM sAgraM trisAhasrAH padAtayaH ..  9\-26\-15 (61580)
ashvatthAmA kR^ipashchaiva trigartAdhipatistathA .
ulUkaH shakunishchaiva kR^itavarmA cha sAtvataH .. 9\-26\-16 (61581)
etadbalamabhUchCheShaM dhArtarAShTrasya mAdhava .
mokSho na nUnaM kAlAttu vidyate bhuvi kasyachit .. 9\-26\-17 (61582)
tathA vinihate sainye pashya duryodhanaM sthitam .
adyAhnA hi mahArAjo hatAmitro bhaviShyati .
na hi me mokShyate kashchitpareShAmiha chintaye ..  9\-26\-18 (61583)
ye tvadya samaraM kR^iShNa na hAsyanti madotkaTAH .
tAnvai sarvAnhaniShyAmi yadyapi syuramAnuShAH .. 9\-26\-19 (61584)
adya yuddhe samutpannaM dIrghaM rAj~naH prajAgaram .
apaneShyAmi gAndhAriM ghAtayitvA shitaiH sharaiH .. 9\-26\-20 (61585)
nikR^ityA vai durAchAro yAni ratnAni saubalaH .
sabhAyAmaharaddyUte punastAnyAharAmyaham .. 9\-26\-21 (61586)
adya vetsyanti machChaktiM sarvA nAgapure striyaH .
shrutvA patIMshcha putrAMshcha pANDavairnihatAnyudhi .. 9\-26\-22 (61587)
samAptamadya vai karma sarvaM kR^iShNa bhaviShyati .
adya duryodhano dIptAM shriyaM prANAMshcha mokShyati .. 9\-26\-23 (61588)
nApayAti bhayAtkR^iShNa sa~NgrAmAdyadi chenmama .
nihataM viddhi vArShNeya dhArtarAShTraM subAlisham .. 9\-26\-24 (61589)
mama hyetadaparyAptaM vAjibR^indamarindama .
soDhuM jyAtalanirghoShaM yAhi yAvannihanmyaham .. 9\-26\-25 (61590)
sa~njaya uvAcha. 9\-26\-26x (5124)
evamuktastu dAshArhaH pANDavena yashasvinA .
achodayaddhAyanrAjanduryodhanabalaM prati .. 9\-26\-26 (61591)
tadanIkamabhiprekShya trayaH sajjA mahArathAH .
bhImaseno.akarjunashchaiva sahadevashcha mAriSha .
prayayuH siMhanAdena duryodhanajighAMsayA ..  9\-26\-27 (61592)
tAnprekShya sahitAnsarvA~njavenodyatakArmukAn .
saubalo.abhyadravadyuddhe pANDavAnAtatAyinaH .. 9\-26\-28 (61593)
sudarshanastva mato bhImasenaM samabhyayAt .
susharmA shakunishchaiva yuyudhAte kirITinA .. 9\-26\-29 (61594)
sahadevaM tava suto hayapR^iShThagato.abhyayAt ..  9\-26\-30 (61595)
tato hi yatnataH kShipraM tavaM putro janAdhipa .
prAsena sahadevasya shirasi prAharadbhR^isham .. 9\-26\-31 (61596)
sopAvishadrathopasthe tava sutreNa tADitaH .
rudhirAplutasarvA~Nga AshIviSha iva shvasan .. 9\-26\-32 (61597)
pratilabhya tataH sa~nj~nAM sahadevo vishAmpate .
duryodhanaM sharaistIkShNaiH sa~NkruddhaH samavAkirat .. 9\-26\-33 (61598)
pArtho.api yudhi vikramya kuntIputro dhana~njayaH .
shUrANAmashvapR^iShThebhyaH shirAMsi nichakarta ha .. 9\-26\-34 (61599)
tadanIkaM tadA pArtho vyadhamadbahubhiH sharaiH .
pAtayitvA hayAnsarvAMstrigartAnAM rathAnyayau .. 9\-26\-35 (61600)
tataste sahitA bhUtvA trigartAnAM mahArathAH .
arjunaM vAsudevaM cha sharavarShairavAkiran .. 9\-26\-36 (61601)
satyakarmANamAkShipya kShurapreNa mahAyashAH .
tato.asya syandanasyeShAM chichChide pANDunandanaH .. 9\-26\-37 (61602)
shilAshitena cha vibho kShurapreNa mahAyashAH .
shirashchichCheda sahasA taptakuNDalabhUShaNam .. 9\-26\-38 (61603)
satyeShumatha chAdatta yodhAnAM miShatAM tataH .
yathA siMho vane rAjanmR^igaM pari bubhukShitaH .. 9\-26\-39 (61604)
taM nihatya tataH pArthaH susharmANaM tribhiH sharaiH .
viddhvA tAnahanatsarvAnrathAnrukmavibhUoShitAn .. 9\-26\-40 (61605)
tataH prAyAttvaranpArtho dIrghakAlaM susaMvR^itam .
mu~njankrodhaviShaM tIkShNaM prasthalAdhipatiM prati .. 9\-26\-41 (61606)
tamarjunaH pR^iShatkAnAM shatena bharatarShabha .
pUrayitvA tato vAhAnprAharattasya dhanvinaH .. 9\-26\-42 (61607)
tataH sharaM samAdAya yamadaNDopamaM tadA .
susharmANaM samuddishya chikShepAshu hasanniva .. 9\-26\-43 (61608)
sa sharaH preShitastena krodhadIptena dhanvinA .
susharmANaM samAsAdya bibheda hR^idayaM raNe .. 9\-26\-44 (61609)
sa gatAsurmahArAja papAta dharaNItale .
nandayanpANDavAnsarvAnvyathayaMshchApi tAvakAn .. 9\-26\-45 (61610)
susharmANaM raNe hatvA putrAnasya mahArathAn .
sapta chAShTau cha triMshachcha sAyakairanayatkShayam .. 9\-26\-46 (61611)
tato.asya nishitairbANaiH sarvAnhatvA padAnugAn .
abhyagAdbhAratIM senAM hatasheShAM mahArathaH .. 9\-26\-47 (61612)
bhImastu samare kruddhaH putraM tava janAdhipa .
sudarshanamadR^ishyantaM sharaishchakre hasanniva .. 9\-26\-48 (61613)
tato.asya prahasankruddhaH shiraH kAyAdapAharat .
kShurapreNa sutIkShNena sa hataH prApatadbhuvi .. 9\-26\-49 (61614)
tasmiMstu nihate vIre tatastasya padAnugAH .
parivavrU rame bhImaM kiranto vividhA~nsharAn .. 9\-26\-50 (61615)
tatastu nishitairbANaistavAnIkaM vR^ikodaraH .
indrAshanisamasparshaiH samantAtparyavAkirat .. 9\-26\-51 (61616)
tataH kShaNena tadbhImo nyahanadbharatarShabha ..  9\-26\-52 (61617)
teShu tUtsAdyamAneShu senAdhyakShA mahArathAH .
bhImasenaM samAsAdya tato.ayudhyanta bhArata .. 9\-26\-53 (61618)
sa tAnsarvA~nsharairghorairavAkirata pANDavaH .
tathaiva tAvakA rAjanpANDaveyAnmahArathAn .
sharavarSheNa mahatA samantAtparyavArayan ..  9\-26\-54 (61619)
vyAkulaM tadabhUtsarvaM pANDavAnAM paraiH saha .
tAvakAnAM cha samare pANDaveMyairyuyutsatAm .. 9\-26\-55 (61620)
tatra yodhAstadA petuH parasparasamAhatAH .
ubhayoH senayo rAjansaMshochantaH sma bAndhavAn .. .. 9\-26\-56 (61621)

iti shrImanmahAbhArate shalyaparvaNi shalyavadhaparvaNi
aShTAdashadivasayuddhe ShaDviMsho.adhyAyaH .. 26 ..
##Mahabharata - Shalya Parva - Chapter Footnotes##

9\-26\-17 mokSho nUnaM kAlasR^iShTaH iti ka.pAThaH ..
9\-26\-26 ShaDviMsho.adhyAyaH ..

\medskip\hrule\medskip
shalyaparva \- adhyAya 027
.. shrIH ..
9\.27\. adhyAyaH 27

##Mahabharata - Shalya Parva - Chapter Topics##
sahadevena shakunyulUkayorvadhaH .. 1 ..

##Mahabharata - Shalya Parva - Chapter Text##

9\-27\-0 (61622)
sa~njaya uvAcha. 9\-27\-0x (5125)
tasminpravR^itte sa~NgrAme gajavAjinarashro
shakuniH saubalo rAjansahadevaM ##xxxxxx##yAt ..  9\-27\-1 (61623)
tato.asyApatatastUrNaM sahadevaH patApavAn .
sharaughAnpreShayAmAsa pata~NgAniva shIghragAn .
ulUkaM cha raNe rAjanvivyAdha dashabhiH sharaiH ..  9\-27\-2 (61624)
shakR^inishcha mahArAja bhImaM viddhvA tribhiH sharaiH .
navatyA nishitairbANaiH sahadevamavAkirat .. 9\-27\-3 (61625)
te shUrAH samare rAjansamAsAdya parasparam .
vivyadhurnishitairbANaiH ka~NkabarhiNavAjitaiH .
svarNapu~NkhaiH shiladhautairAkarNaprahitaiH sharaiH ..  9\-27\-4 (61626)
teShAM chApaguNotsR^iShTA sharavR^iShTirvishAmpate .
AchChAdayaddishaH sarvA dhArAbhiriva toyadaH .. 9\-27\-5 (61627)
tataH kruddho raNe bhImaH sahadevashcha bhArata .
cheratuH kadanaM sa~Nkhye kurvantau sumahAbalau .. 9\-27\-6 (61628)
tAbhyAM sharashataishChanaM tadbalaM tava bhArata .
sAndhakAramivAkAshamabhavattatratatra ha .. 9\-27\-7 (61629)
ashvairviparidhAvadbhiH sharachChannairvishAmpate .
tatratatra kR^ito mArgo vikarShadbhirhatAnbahUn .. 9\-27\-8 (61630)
nihatAnAM hayAnAM cha sahaiva hayasAdibhiH .
varmabhirvinikR^ittaishcha prAsaishChinnaishcha mAriSha .. 9\-27\-9 (61631)
R^iShTibhiH shaktibhishchaiva sAsiprAsaparashvathaiH .
sa~nChannA pR^ithivI jaj~ne kusumaiH shabalA iva .. 9\-27\-10 (61632)
yodhAstatra mahArAja samAsAdya parasparam .
vyacharanta raNe kruddhA vinighnantaH parasparam .. 9\-27\-11 (61633)
udvR^ittanayanai roShAtsandaShTauShThapuTairmukhaiH .
sakuNDalairmahI chChannA padmaki~nchalkasannibhaiH .. 9\-27\-12 (61634)
bhujaishChinnairmahArAja nAgarAjakaropamaiH .
sA~NgadaiH satanutraishcha sAsiprAsaparashvathaiH .. 9\-27\-13 (61635)
kabandhairutthitaishChinnairnR^ityadbhishchAparairyudhi .
kravyAdagaNasa~nChannA ghorA.abhUtpR^ithivI vibho .. 9\-27\-14 (61636)
alpAvashiShTe sainye tu kauraveyAnmahAhave .
prahR^iShTAH pANDavA bhUtvA ninyire yamasAdanam .. 9\-27\-15 (61637)
etasminnantare shUraH saubaleyaH pratApavAn .
prAsena sahadevasya shirasi prAharadbhR^isham .. 9\-27\-16 (61638)
sa vihvalo mahArAja rathopastha upAvishat ..  9\-27\-17 (61639)
sahadevaM tathA dR^iShTvA bhImasenaH pratApavAn .
sarvasainyAni sa~Nkruddho vArayAmAsa bhArata .. 9\-27\-18 (61640)
nirbibheda cha nArAchaiH shatasho.atha sahasrashaH .
sa nirbhidyAkarochchaiva siMhanAdamarindamaH .. 9\-27\-19 (61641)
tena shabhdena vitrastAH sarve sahayavAraNAH .
prAdravansahasA bhItAH shakuneshcha padAnugAH .. 9\-27\-20 (61642)
prabhagnAnatha tAndR^iShTvA rAjA duryodhano.abravIt .
nivartadhvamadharmaj~nA yudhyadhvaM kiM sR^itena vaH .. 9\-27\-21 (61643)
iha kIrti samAdhAya pretya lokAnsamashnute .
prANA~njahAti yo dhIro yuddhe pR^iShThamadarshayan .. 9\-27\-22 (61644)
evamuktAstu te rAj~nA saubalasya padAnugAH .
pANDavAnabhyavartanta mR^ityuM kR^itvA nivartanam .. 9\-27\-23 (61645)
dravadbhistatra rAjendra kR^itaH shabdo.atidAruNaH .
kShubdhasAgarasa~NkAshaH kShubhitaiH sarvato disham .. 9\-27\-24 (61646)
tAMstataH purato dR^iShTvA saubalasya padAnugAn .
pratyudyayurmahArAja pANDavA vijayodyatAH .. 9\-27\-25 (61647)
pratyAshvasya cha durdharShaH sahadevo vishAmpate .
shakuniM dashabhirviddhvA hayAMshchAsya tribhiH sharaiH .
dhanushchichCheda cha sharaiH saubalasya hasanniva ..  9\-27\-26 (61648)
athAnyaddhanurAdAya shakuniryuddhadurmadaH .
vivyAdha nakulaM ShaShTyA bhImasenaM cha saptAbhiH .. 9\-27\-27 (61649)
ulUko.api mahArAja bhImaM vivyAdha saptabhiH .
sahadevaM cha saptatyA parIpsanpitaraM raNe .. 9\-27\-28 (61650)
taM bhImasenaH samare vivyAdha navabhiH sharaiH .
shakuniM cha chatuHShaShTyA pArshvasthAMshcha tribhistribhiH .. 9\-27\-29
(61651)
te hanyamAnA bhImena nArAchaistailapAyitaiH .
sahadevaM raNe kruddhAshChAdaya~nsharavR^iShTibhiH .
parvataM vAridhArAbhiH savidyuta ivAmbudAH ..  9\-27\-30 (61652)
tato.asyApatataH shUraH sahadevaH pratApavAn .
ulUkasya mahArAja bhallenApAharachChiraH .. 9\-27\-31 (61653)
sa jagAma rathAdbhUmiM sahadevena pAtitaH .
rudhirAplutasarvA~Ngo nandayanpANDavAnyudhi .. 9\-27\-32 (61654)
putraM tu nihataM dR^iShTvA shakunistatra bhArata .
sAshrukaNTho viniHshvasya kShatturvAkyamanusmaran .. 9\-27\-33 (61655)
chintayitvA muhUrtaM sa bAShpapUrNekShaNaH shvasan .
sahadevaM samAsAdya tribhirvivyAdha sAyakaiH .. 9\-27\-34 (61656)
tAnapAsya sharAnmuktA~nsharasa~NghaiH pratAmpavAn .
sahadevo mahArAja dhanushchichCheda saMyuge .. 9\-27\-35 (61657)
Chinne dhanuShi rAjendra shakuniH saubalastadA .
pragR^ihya vipulaM kha~NgaM sahadevAya prAhiNot .. 9\-27\-36 (61658)
tamApatantaM sahasA ghorarUpaM vishAmpate .
dvidhA chichCheda samare saubalasya hasanniva .. 9\-27\-37 (61659)
asiM dR^iShTvA dvidhA chChinnaM pragR^ihya mahatIM gadAm .
prAhiNotsahadevAya sA moghA nyapatadbhuvi .. 9\-27\-38 (61660)
tataH shaktiM mahAghorAM kAlarAtrImivodyatAm .
preShayAmAsa sakruddhaH pANDavaM prati saubalaH .. 9\-27\-39 (61661)
tAmApatantIM sahasA sharaiH kanakabhUShaNaiH .
tridhA chichCheda samare sahadevo hasanniva .. 9\-27\-40 (61662)
sA papAta tridhA chChinnA bhUmau kanakabhUShaNA .
shIryamANA yathA dIptA gaganAdvai shatahadA .. 9\-27\-41 (61663)
shaktiM vinihatAM dR^iShTvA saubalaM cha bhayArditam .
dudruvustAvakAH sarve bhaye jAte sasaubalAH .. 9\-27\-42 (61664)
athotkruShTaM mahachchAsItpANDavairjitakAshibhiH .
dhArtarAShTrAstataH sarve prAyasho vimukhA.abhavan .. 9\-27\-43 (61665)
tAnvai vimanaso dR^iShTvA mAdrIputraH pratApavAn .
sharairanekasAhasrairvArayAmAsa saMyuge .. 9\-27\-44 (61666)
tato gAndhArakairguptaM puShTairashvairjaye dhR^itam .
AsasAda rame yAntaM sahadevo.atha saubalam .. 9\-27\-45 (61667)
svamaMshamavashiShTaM taM saMsmR^itya shakuniM nR^ipa .
rathena kA~nchanA~Ngena sahadevaH samabhyayAt .. 9\-27\-46 (61668)
adhijyaM balavatkR^itvA vyAkShipansumahaddhanuH .
sa saubalamabhidrutya gArdhrapatraiH shilAshitaiH .. 9\-27\-47 (61669)
bhR^ishamabhyahantkuddhastotrairiva mahAdvipam .
uvAcha chainaM medhAvI vigR^ihya smArayanniva .. 9\-27\-48 (61670)
kShatradharme sthiro bhUtvA yudhyasva puruSho bhava .
yattadA bhAShase mUDha gR^ihNannakShAnsabhAtale .
phalamadya prapadyasva karmaNastasya durmate ..  9\-27\-49 (61671)
nihatAste durAtmAno ye.asmAnavahasanpurA .
duryodhanaH kulA~NgAraH shiShTastvaM chAsya mAtulaH .. 9\-27\-50 (61672)
adya te nihaniShyAmi kShureNonmathitaM shiraH .
vR^ikShAtphalamivAvidvaM laguDena pramAthinA .. 9\-27\-51 (61673)
evamuktvA mahArAja sahadevo mahAbalaH .
sa~Nkruddho raNashArdUlo vegenAbhijagAma tam .. 9\-27\-52 (61674)
abhigamya sudurdharShaH sahadevo yudhAM patiH .
vikR^iShya balavachchApaM krodhena prajvalanniva .. 9\-27\-53 (61675)
shakuniM dashabhirviddhvA chaturbhishchAsya vAjinaH .
ChatraM dhvajaM dhanushchAsya chChittvA siMha ivAnadat .. 9\-27\-54 (61676)
ChinnadhvajadhanushChatraH sahadevena saubalaH .
kR^ito viddhashcha bahubhiH sarvamarmasu sAyakaiH .. 9\-27\-55 (61677)
tato bhUyo mahArAja sahadevaH pratApavAn .
shakuneH preShayAnmAsa sharavR^iShTiM durAsadAm .. 9\-27\-56 (61678)
tatastu kruddhaH subalasya putro
mAdrIsutaM sahadevaM vimarde .
prAsena jAmbUnadabhUShaNena
jighAMsureko.abhipapAta shIghram ..  9\-27\-57 (61679)
mAdrIsutastasya samudyataM taM
prAsaM suvR^ittau cha bhujau raNAgre .
bhallaistribhiryugapatsa~nchakarta
nanAda chochchaistarasA.a.ajimadhye ..  9\-27\-58 (61680)
tasyAshukArI susamAhitena
suvarNapu~Nkhena dR^iDhAyasena .
bhallena sarvAvaraNAtigena
shiraH sharIrAtpramamAtha bhUyaH ..  9\-27\-59 (61681)
shareNa kArtasvarabhUShitena
divAkarAbheNa susaMhitena .
hR^itottamA~Ngo yudhi pANDavena
papAta bhUmau subalasya putraH ..  9\-27\-60 (61682)
sa tachChiro vegavatA shareNa
suvarNapu~Nkhena shilAshitena .
prAverayatkupitaH pANDuputro
yattatkurUNAmanayasya mUlam ..  9\-27\-61 (61683)
bhujau suvR^ittau prachakarta vIraH
pashchAtkabandhaM rudhirAvasiktam .
vispandamAnaM nipapAta ghoraM
rathottamAtpArthiva pArthivasya ..  9\-27\-62 (61684)
hR^itottamA~NgaM shakuniM samIkShya
bhUmau shayAnaM rudhirArdragAtram .
yodhAstvadIyA bhayanaShTasatvA
dishaH prajagmuH pragR^ihItashastrAH ..  9\-27\-63 (61685)
pravidrutAH shuShkamukhA visa~nj~nA
gANDIvaghoSheNa samAhatAshcha .
bhayArditA bhagnarathAshvanAgAH
padAtayashchaiva sadhArtarAShTrAH ..  9\-27\-64 (61686)
tato rathAchChakuniM pAtayitvA
mudAnvitA bhArata pANDaveyAH
sha~NkAnpradadhyuH samare.atihR^iShTAH
sakeshavAH sainikAnharShayantaH ..  9\-27\-65 (61687)
taM chApi sarve pratipUjayanto
dR^iShTvA bruvANAH sahadevamAjau .
diShTyA hato naikR^itiko mahAtmA
sahAtmajo vIra raNe tvayeti .. ..  9\-27\-66 (61688)

iti shrImanmahAbhArate shalyaparvaNi shalyavadhaparvaNi
aShTAdashadivasayuddhe saptaviMsho.adhyAyaH .. 27 ..
##Mahabharata - Shalya Parva - Chapter Footnotes##

9\-27\-7 ala~NkR^itamivAkAshaM iti ka.pAThaH ..
9\-27\-49 yattadA hR^iShyase mR^iDha glahannakShaiH iti jha.pAThaH ..
9\-27\-27 saptaviMsho.adhyAyaH ..

\medskip\hrule\medskip
shalyaparva \- adhyAya 028
.. shrIH ..
9\.28\. adhyAyaH 28

##Mahabharata - Shalya Parva - Chapter Topics##
hatAvashiShTe bale pANDavairnihate duryodhanena palAyane nirdhAraNam .. 1 ..

##Mahabharata - Shalya Parva - Chapter Text##

9\-28\-0 (61689)
sa~njaya uvAcha. 9\-28\-0x (5126)
tataH kruddhA mahArAja saubalasya padAnugAH .
tyaktvA jIvitamAkrande pANDavAnparyavArayan .. 9\-28\-1 (61690)
tAnarjunaH pratyagR^ihNAtsahadevajaye dhR^itaH .
bhImasenashcha tejasvI kruddhAshIviShadarshanaH .. 9\-28\-2 (61691)
shaktyR^i\-ShTiprAsahastAnAM sahadevaM jighAMsatAm .
sa~NkalpamakaronmoghaM gANDIvena dhana~njayaH .. 9\-28\-3 (61692)
sa~NgR^ihItAyudhAnbAhUnyodhAnAmabhidhAvatAm .
bhallaishchichCheda bIbhatsuH shirAMsyapi hayAnapi .. 9\-28\-4 (61693)
te hayAH pratyapadyanta vasudhAM vigatAsavaH .
charatA lokavIreNa prahatAH savyasAchinA .. 9\-28\-5 (61694)
tato duryodhano rAjA dR^iShTvA svabalasa~NkShayam .
hatasheShAnsamAnIya kruddho rathagaNAnbahUn .. 9\-28\-6 (61695)
ku~njarAMshcha hayAMshchaiva pAdAtAMshcha samantataH .
uvAcha duHkhitAnsarvAndhArtarAShTra idaM vachaH .. 9\-28\-7 (61696)
samAsAdya raNe sarvAnpANDavAnsasuhR^idgaNAn .
pA~nchAlyaM chApi sabalaM hatvA shIghraM nyavartata .. 9\-28\-8 (61697)
tasya te shirasA gR^ihya vachanaM yuddhadurmadAH .
abhyudyayU raNe pArthAMstava putrasya shAsanAt .. 9\-28\-9 (61698)
tAnabhyApatataH shIghraM hatasheShAnmahAraNe .
sharairAshIviShAkAraiH pANDavAH samavAkiran .. 9\-28\-10 (61699)
tatsainyaM bharatashreShTha muhUrtena mahAtmabhiH .
avadhyata raNaM prApya trAtAraM nAbhyavindata .. 9\-28\-11 (61700)
palAyamAnaM tu bhayAnnAvatiShThati daMshitam .
ashvairviparidhAvadbhiH sainyena rajasA vR^ite .. 9\-28\-12 (61701)
na prAj~nAyanta samare dishaH sapradishastathA .
tatastu pANDavAnIkAnniHsR^itya bahavo janAH .. 9\-28\-13 (61702)
abhyaghnaMstAvakAnyuddhe muhUrtAdiva bhArata .
tato niHsheShamabhavattatsanyaM tava bhArata .. 9\-28\-14 (61703)
akShauhiNyaH sametAstu tava putrasya bhArata .
ekAdasha hatA yuddhe tAH prabho pANDusR^i~njayaiH .. 9\-28\-15 (61704)
teShu rAjasahasreShu tAvakeShu mahAtmasu .
eko duryodhano rAjannadR^ishyata bhR^ishaM kShataH .. 9\-28\-16 (61705)
tato vIkShya dishaH sarvA dR^iShTvA shUnyAM cha medinIm .
vihInaH sarvayodhaishcha pANDavAnvIkShyaM saMyuge .. 9\-28\-17 (61706)
muditAnsarvataH siddhAnnardamAnAnsamantataH .
bANashabdaravAMshchaiva shrutvA teShAM mahAtmanAm .. 9\-28\-18 (61707)
duryodhano mahArAja kashmalenAbhisaMvR^itaH .
apayo manashchakre vihInabalavAhanaH .. .. 9\-28\-19 (61708)

iti shrImanmahAbhArate shalyaparvaNi hradapraveshaparvaNi
aShTAdashadivasayuddhe aShTAviMsho.adhyAyaH .. 28 ..

\medskip\hrule\medskip
shalyaparva \- adhyAya 029
.. shrIH ..
9\.29\. adhyAyaH 29

##Mahabharata - Shalya Parva - Chapter Topics##
pANDavairnihatasahAyasya duryodhanasya gadAmAdAya hadaM prati prasthAnam .. 1 ..
sa~njayasaMhArAyAsimudyachChatA sAtyakinA vyAsavachanAttadvimochanam .. 2 ..
hAstinapuraM gachChataH sa~njayasya madhyemArgaM duryodhanadarshanam .. 3 ..
tena tasmindhR^itarAShTrAya svavR^ittAntanivedanachodanapUrvakaM hadaM
pravishya mAyayA jalastambhanam .. 4 ..
tatrAgatairdrauNikR^ipakR^itavarmabhiH sa~njayAdduryodhanasya
hadapraveshaM vij~nAya vilapya punaH shibiragamanam .. 5 ..
tato vR^iddhaparijanairyuyutsunA cha rAjadArANAM nagaraprApaNam .. 6 ..

##Mahabharata - Shalya Parva - Chapter Text##

9\-29\-0 (61709)
dhR^itarAShTra uvAcha. 9\-29\-0x (5127)
nihate mAmake sainye niHsheShe shibire kR^ite .
pANDavAnAM bale sUta kinnu sheShamabhUttadA .. 9\-29\-1 (61710)
etanme pR^ichChato brUhi kushalo hyasi sa~njaya .
yachcha duryodhano mAnI kR^itavAMstanayo mama .
valakShayaM tathA dR^iShTvA sa ekaH pR^ithivIpatiH ..  9\-29\-2 (61711)
sa~njaya uvAcha. 9\-29\-3x (5128)
rathAnAM dve sahasre tu sapta nAgashatAni cha .
pa~ncha chAshvasahasrANi pattInAmayutAni cha .. 9\-29\-3 (61712)
etachCheShamabhUdrAjanpANDavAnAM mahadbalam .
parigR^ihya hi yadyuddhe dhR^iShTadyumno vyavasthitaH .. 9\-29\-4 (61713)
ekAkI bharatashreShTha tato duryodhano nR^ipaH .
nApashyatsamare ka~nchitsahAyaM rathinAM varaH .. 9\-29\-5 (61714)
nardamAnAnparAndR^iShTvA svabalasya cha sa~NkShayam .
dR^iShTvA bharatashArdUlaH kashmalenAbhisaMvR^itaH .
hataM svahayamutsR^ijya prA~NmukhaH prAdrAvadbhayAt ..  9\-29\-6 (61715)
ekAdashachamUbhartA putro duryodhanastava .
gadAmAdAya tejasvI padAtiH prasthito hadam .. 9\-29\-7 (61716)
nAtidUraM tato gatvA padbhyAmeva narAdhipaH .
sasmAra vachanaM kShatrurdharmashIlasya dhImataH .. 9\-29\-8 (61717)
idaM nUnaM mahAprAj~no viduro dR^iShTvAnpurA .
mahadvsanamasmAkaM kShatriyANAM cha sarvashaH .. 9\-29\-9 (61718)
evaM vichintayAnastu pravivikShurhadaM nR^ipaH .
duHkhasantaptahR^idayo dR^iShTvA rAjanbalakShayam .. 9\-29\-10 (61719)
`dashaikAkShauhiNIbhartA tadA duryodhano.api san .
prAptavAnvyasanaM tIvraM daivaM hi balavattaram'.. 9\-29\-11 (61720)
pANDavAstu mahArAja dhR^iShTadyumnapurogamAH .
abhyadravanta sa~NkruddhAstava rAjanbalaM prati .. 9\-29\-12 (61721)
shaktyR^iShTiprAsahastAnAM balAnAmabhigarjatAm .
sa~NkalpamakaronmoghaM gANDIvena dhana~njayaH .. 9\-29\-13 (61722)
tAnhatvA nishitairvANaiH sAmAtyAnsaha bandhubhiH .
rathe shvetahaye tiShThannarjuno bahvashobhata .. 9\-29\-14 (61723)
subalasya hate putre savAjirathaku~njare .
mahAvanamiva chChinnamabhavattAvakaM balam .. 9\-29\-15 (61724)
anekashatasAhasre bale duryodhanasya ha .
nAnyo mahAratho rAja~njIvamAno vyadR^ishyata .. 9\-29\-16 (61725)
droNaputrAdR^ite vIrAttathaiva kR^itavarmaNaH .
kR^ipAchcha gautamAdrAjanpArthivAchcha tavAtmajAt .. 9\-29\-17 (61726)
dhR^iShTadyumnastu mAM dR^iShTvA hasansAtyakimabravIt .
kimanena gR^ihItena nAnenArtho.asti jIvatA .. 9\-29\-18 (61727)
dhR^iShTadyumnavachaH shrutvA shinernaptA mahArathaH .
udyamya nishitaM kha~NgaM hantuM mAmudyatastadA .. 9\-29\-19 (61728)
tamAgamya mahAprAj~naH kR^iShNadvaipAyano.abravIt .
muchyatAM sa~njayo jIvanna hantavyaH katha~nchana .. 9\-29\-20 (61729)
dvaipAyanavachaH shrutvA shinernaptA kR^itA~njaliH .
tato mAmabravInmuktvA svasti sa~njaya sAdhaya .. 9\-29\-21 (61730)
anuj~nAtastvahaM tena nyastavarmA nirAyudhaH .
prAtiShThaM yena nagaraM sAyAhne rudhirokShitaH .. 9\-29\-22 (61731)
kroshamAtramapakrAntaM gadApANimavasthitam .
ekaM duryodhanaM rAjannapashyaM bhR^ishavikShatam .. 9\-29\-23 (61732)
sa tu mAmashrupUrNAkSho nAshaknodabhivIkShitum .
upapraikShata mAM dR^iShTvA tathA dInamavasthitam .. 9\-29\-24 (61733)
taM chAhamapi shochantaM dR^iShTvaikAkinamAhave .
muhUrtaM nAshakaM vaktumatiduHkhapariplutaH .. 9\-29\-25 (61734)
`yasya mUrdhAbhiShiktAnAM sahasramaNimaulinAm .
AhR^itya cha karaM sarvaM svasya veshma samAgatam .. 9\-29\-26 (61735)
chatuHsAgaraparyantA pR^ithivI ratnabhUShitA .
karNenaikena yasyArthe karamAhAritA purA .. 9\-29\-27 (61736)
yasyAj~nA pararAShTreShu karNenaiva prasAritA .
nAbhavadyasya shastreShu khedo rAj~naH prashAsataH .. 9\-29\-28 (61737)
AsIno hAstinapure kShemaM rAjyamakaNTakam .
anvapAlayadaishvaryAtkuberamapi nAsmarat .. 9\-29\-29 (61738)
bhavanAdbhavanaM rAjanprayAtuM pR^ithivIpate .
devAlayapradeshe cha panthA yasya hiraNmayaH .. 9\-29\-30 (61739)
patAkAvR^itasUryAMshutoraNochChritashobhitAH .
prayANe pR^ithivIbharturdhanyAnAmabhavangR^ihAH .. 9\-29\-31 (61740)
AruhyairAvataprakhyaM nAgamindrasamo balI .
vibhUtyA sumahatyA yaH prayAti pR^ithivIpate .. 9\-29\-32 (61741)
taM bhR^ishakShatasarvA~NgaM paddhyAmeva dharAtale .
tiShThantamekaM dR^iShTvA tu mamAbhUtklesha uttamaH .. 9\-29\-33 (61742)
tasya chaivaMvidhasyAdya jagannAthasya bhUpate .
ApadapratimaivAbhUdbalIyAnvidhireva hi'.. 9\-29\-34 (61743)
tato.asmai tadahaM sarvamuktavAngrahaNaM tadA .
dvaipAyanaprasAdAchcha jIvato mokShamAhave .. 9\-29\-35 (61744)
sa muhUrtamiva dhyAtvA pratilabhya cha chetanAm .
bhrAtR^IMshcha sarvasainyAni paryapR^ichChata mAM tataH .. 9\-29\-36 (61745)
tasmai tadahamAchakShe sarvaM pratyakShadarshivAn .
bhrAtR^Ishcha nihatAnsarvAnsainyaM cha vinipAtitam .. 9\-29\-37 (61746)
trayaH kila rathAH shiShTAstAvakAnAM narAdhipa .
iti prasthAnakAle mAM kR^iShNadvaipAyano.abravIt .. 9\-29\-38 (61747)
sa dIrghamiva niHshvasya pratyavekShya punaH punaH .
asau mAM pANinA spR^iShTvA putraste paryabhAShata .. 9\-29\-39 (61748)
tvadanyo neha sa~NgrAme kashchijjIvati sa~njaya .
dvitIyaM neha pashyAmi sasahAyAshcha pANDavAH .. 9\-29\-40 (61749)
brUyAH sa~njaya rAjAnaM paj~nAchakShuShamIshvaram .
duryodhanastava sutaH praviShTo hadamityuta .. 9\-29\-41 (61750)
suhR^idbhistAdR^ishairhInaH putrairbhrAtR^ibhireva cha .
pANDavaishcha hR^ite rAjye ko nu jIveta mAdR^ishaH .. 9\-29\-42 (61751)
AchakShIthAH sarvamidaM mAM cha muktaM mahAhavAt .
AsmiMstoyahade guptaM jIvantaM bhR^ishavikShatam .. 9\-29\-43 (61752)
evamuktvA mahArAja prAvishattaM mahAhadam .
astambhayata toyaM cha mAyayA manujAdhipaH .. 9\-29\-44 (61753)
tasminhadaM praviShTe tu trInrathA~nshrAntavAhanAn .
apashyaM sahitAnekastaM deshaM samupeyuShaH .. 9\-29\-45 (61754)
kR^ipaM shAradvataM vIraM drauNiM cha rathinAM varam .
bhojaM cha kR^itavarmANaM sahitA~nsharavikShatAn .. 9\-29\-46 (61755)
te sarvaM mAmabhiprekShya tUrNamashvAnanodayan .
upayAya tu mAmUchurdiShTyA jIvasi sa~njaya .. 9\-29\-47 (61756)
apR^ichChaMshchaiva mAM sarve putraM tava janAdhipam .
kachchidduryodhano rAjA sa no jIvati sa~njaya .. 9\-29\-48 (61757)
AkhyAtavAnahaM tebhyastadA kushalinaM nR^ipam .
tachchaiva sarvamAchakShaM yanmAM duryodhano.abravIt .. 9\-29\-49 (61758)
hadaM chaivAhamAchakShaM yaM praviShTo narAdhipaH .
ashvatthAmA tu tadrAjannishamya vachanaM mama .. 9\-29\-50 (61759)
taM hadaM vipulaM prekShya karuNaM paryadevayat .
aho dhiksa na jAnAti jIvato.asmAnnarAdhipa .
paryAptA hi vayaM tena saha yodhayituM parAn ..  9\-29\-51 (61760)
te tu tatra chiraM kAlaM vilapya cha mahArathAH .
prAdravanrathinAM shreShThA dR^iShTvA pANDusutAnraNe .. 9\-29\-52 (61761)
te tu mAM rathamAropya kR^ipasya supariShkR^itam .
senAniveshamAjagmurhatasheShAstrayo rathAH .. 9\-29\-53 (61762)
tatra gulmAH parikShiptAH sUrye chAstamite sati .
sarve vichukrushuH shrutvA putrANAM tava saMkShayam .. 9\-29\-54 (61763)
tato vR^iddhA mahArAja yoShitAM rakShiNo narAH .
rAjadArAnupAdAya payayurnagaraM prati .. 9\-29\-55 (61764)
tatra vikroshamAnAnAM rudatInAM cha sarvashaH .
prAdurAsInmahA~nshabdaH shrutvA tadbalasa~NkShayam .. 9\-29\-56 (61765)
tatastA yoShito rAjanrudantyo vai muhurmuhuH .
kurarya iva shabdena nAdayantyo mahItalam .. 9\-29\-57 (61766)
AjaghnuH karajaishchApi pANibhishcha shirAMsyuta .
luluchushcha tadA keshAnkroshantyastatratatra ha .. 9\-29\-58 (61767)
hAhAkAravinAdinyo vinighnantya urAMsi cha .
shochantyastatra ruruduH krandamAnA vishAmpate .. 9\-29\-59 (61768)
tato duryodhanAmAtyAH sAshrukaNThA bhR^ishAturAH .
rAjadArAnupAmantrya prayayurnagaraM prati .. 9\-29\-60 (61769)
vetravyAsaktahastAshcha dvArAdhyakShA vishAmpate .
shayanIyAni shubhrANi spardhyAstaraNavanti cha .
samAdAya yayustUrNaM nagaraM dArarakShiNaH ..  9\-29\-61 (61770)
AsthAyAshvatarIyuktAnsyandanAnapare punaH .
svAnsvAndArAnupAdAya prayayurnagaraM prati .. 9\-29\-62 (61771)
adR^iShTapUrvA yA nAryo bhAskareNApi veshmasu .
dadR^ishustA mahArAja janA yAtAH puraM prati .. 9\-29\-63 (61772)
tAH striyo bharatashreShTha saukumAryasamanvitAH .
prayayurnagaraM tUrNaM hatasvapatibAndhavAH .. 9\-29\-64 (61773)
AgopAlAvipAlebhyo dravanto nagaraM prati .
yayurmanuShyAH sambhrAntA bhImasenabhayArditAH .. 9\-29\-65 (61774)
apichaiShAM bhayaM tIvraM pArthebhyo.abhUtsudAruNam .
prekShamANAstadA.anyonyamAdhAvannagaraM prati .. 9\-29\-66 (61775)
tasmiMstathA vartamAne vidrave bhR^ishadAruNe .
yuyutsuH shokasammUDhaH prAptakAlamachintayat .. 9\-29\-67 (61776)
jito duryodhanaH sa~Nkhye pANDavairbhImavikramaiH .
ekAdashachamUbhartA bhrAtarashchAsya sUditAH .. 9\-29\-68 (61777)
hatAshcha kuravaH sarve bhIShmadroNapuraH sarAH .
ahameko vimuktastu bhAgyayogAdyadR^ichChayA .. 9\-29\-69 (61778)
vidrutAni cha sarvANi shibirAdvai samantataH .
[itastataH palAyante hatanAthA hataujasaH .. 9\-29\-70 (61779)
adR^iShTapUrvA duHkhArtA bhayavyAkulalochanAH .
hariNA iva vitrastA vIkShamANA disho dasha] .. 9\-29\-71 (61780)
duryodhanasya sachivA ye kechidavasheShitAH .
rAjadArAnupAdAya prayayurnagaraM prati .
prAptakAlamahaM manye praveshaM taiH saha prabho ..  9\-29\-72 (61781)
yudhiShThiramanuj~nAya vAsUdevaM tathaiva cha .
etamarthaM mahAbAhurubhayoH sannyavedayat .. 9\-29\-73 (61782)
tasya prIto.abhavadrAjA nityaM karuNaveditA .
pariShvajya mahAbAhurvaishyAputraM vyasarjayat .. 9\-29\-74 (61783)
tataH sa rathamAsthAya drutamashvAnachodayat .
saMvAhayitavAMshchApi rAjadArAnpuraM prati .. 9\-29\-75 (61784)
taishchaiva sahitaH kShipramastaM gachChati bhAskare .
praviShTo hAstinapuraM bAShpakaNTho.ashrulochanaH .. 9\-29\-76 (61785)
apashyata mahAprAj~naM viduraM sAshrulochanam .
rAj~naH samIpAnniShkrAntaM shokopahatachetasam .. 9\-29\-77 (61786)
tamabravItsatyadhR^itiH praNataM tvagrataH sthitam ..  9\-29\-78 (61787)
vidura uvAcha. 9\-29\-79x (5129)
diShTyA kurukShaye vR^itte asmiMstvaM putra jIvasi .
vinA rAj~naH parveshArdvai kimasi tvamihAgataH .
etadvai kAraNaM sarvaM vistareNa nivedaya ..  9\-29\-79 (61788)
yuyutsuruvAcha. 9\-29\-80x (5130)
nihate shakunau tatra saj~nAtisutabAndhave .
hatasheShaparIvAro rAjA duryodhanastataH .
svakaM sa hayamutsR^ijya prA~NmukhaH prAdravadbhayAt ..  9\-29\-80 (61789)
apakrAnte tu nR^ipatau skandhAvAraniveshanAt .
bhayavyAkulitaM sarvaM prAdrAvannagaraM prati .. 9\-29\-81 (61790)
tato rAj~naH kalatrANi bhrAtR^INAM chAsya sarvataH .
vAhaneShu samAropya adhyakShAH prAdrAvanbhayAt .. 9\-29\-82 (61791)
tato.ahaM samanuj~nApya rAjAnaM sahakeshavam .
praviShTo hAstinapuraM rakShanlokasya vAchyatAm .. 9\-29\-83 (61792)
sa~njaya uvAcha. 9\-29\-84x (5131)
etachChrutvA tu vachanaM vaishyAputreNa bhAShitam .
prAptakAlamiti j~nAtvA viduraH sarvadharmavit .
apUjayadameyAtmA yuyutsuM vAkyamabravIt ..  9\-29\-84 (61793)
prAptakAlamidaM sarvaM bruvatA bharatakShaye .
[rakShitaH kuladharmashcha sAnukroshatayA tvayA .. 9\-29\-85 (61794)
diShThyA tvAmiha sa~NgrAma dasmAdvIrakShayAtpuram .
samAgatamapashyAma hyaMshumantamiva prajAH .. 9\-29\-86 (61795)
andhasyaM nR^ipateryaShTirlubdhasyAdIrghadarshinaH .
bahusho yAchyamAnasya daivopahatachetasaH .
tvameko vyasanArtasya dhriyase putra sarvathA] ..  9\-29\-87 (61796)
adya tvamiha vishrAntaH shvo.abhigantA yudhiShThiram .
etAvaduktvA vachanaM viduraH sAshrulochanaH .
yuyutsuM samanuj~nApya pravivesha nR^ipakShayam ..  9\-29\-88 (61797)
[paurajAnapadairduHkhAddhAheti bhR^ishanAditam .
nirAnandaM gatashrIkaM hR^itArAmamivAshayam .
shUnyarUpamapadhvastaM duHkhAdduHkhataro.abhavat ..  9\-29\-89 (61798)
viduraH sarvadharmaj~no viklavenAntarAtmanA .
vivesha nagare rAjannishashvAsa shanaiH shanaiH .. 9\-29\-90 (61799)
yuyutsurapi tAM rAtriM svagR^ihe nyavasattadA .
vandyamAnaH svakaishchApi nAbhyanandatsuduHkhitaH .
chintayAnaH kShayaM tIvraM bharatAnAM parasparam .. ..  9\-29\-91 (61800)

iti shrImanmahAbhArate shalyaparvaNi hradapraveshaparvaNi
aShTAdashadivasayuddhe ekonatriMsho.adhyAyaH .. 29 ..
##Mahabharata - Shalya Parva - Chapter Footnotes##

9\-29\-38 hato duryodhana iti ka.pAThaH ..
9\-29\-39 ahameko.avashiShTastu iti ka.pAThaH ..
9\-29\-29 ekonatriMsho.adhyAyaH ..

\medskip\hrule\medskip
shalyaparva \- adhyAya 030
.. shrIH ..
9\.30\. adhyAyaH 30

##Mahabharata - Shalya Parva - Chapter Topics##
kR^ipadgauNikR^itavarmasu hR^idametya duryodhanena bhApamANeShu tatra
yadR^ichChopAgatairvyAdhaistaddarshanam .. 1 ..
vyAdhanivedanena saparivAraiH pANDavairhradaM pratyAgamanam .. 2 ..
taddarshanena kR^ipAdibhirduryodhanAbhyanuj~nAnena
dUrasthanyagnodhatarumetya tanmUle upaveshanam .. 3 ..
duryodhanena punarjalastambhanena hradapraveshanam .. 4 ..

##Mahabharata - Shalya Parva - Chapter Text##

9\-30\-0 (61902)
`sa~njaya uvAcha. 9\-30\-0x (5133)
muhUrtAdiva rAjendra sarvaM shUnyamadR^ishyata .
mattavAraNasaMghuShTaM shibiraM vidrute bale .. 9\-30\-1 (61903)
yatra shabdena mahatA nAnvabudhyanmahArathAH .
tatra shabdaM na shR^iNumo manuShyasyApi kasyachit'.. 9\-30\-2 (61904)
dhR^itarAShTra uvAcha. 9\-30\-3x (5134)
hateShu sarvasainyeShu pANDuputrai raNAjire .
mAmakAshchAvashiShTAste kimakurvata sa~njaya .. 9\-30\-3 (61905)
kR^itavarmA kR^ipashchaiva droNaputrashcha vIryavAn .
duryodhanashcha mandAtmA rAjA kimakarottadA .. 9\-30\-4 (61906)
sa~njaya uvAcha. 9\-30\-5x (5135)
samprAdruvatsu dAreShu kShatriyANAM mahAtmanAm .
vidrute shibire shUnye bhR^ishodvignAstrayo rathAH .. 9\-30\-5 (61907)
nishamya pANDuputrANAM tadA vaijayinAM svanam .
vidrutaM shibiraM dR^iShTvA sAyAhne rAjagR^idvinaH .
sthAnaM nArochayaMstatra tataste hadamabhyayuH ..  9\-30\-6 (61908)
yudhiShThiro.api dharmAtmA bhrAtR^ibhiH sahito raNe .
hR^iShTaH paryapatadrAjanduryodhanavadhepsayA .. 9\-30\-7 (61909)
mArgamANAstu sa~NkruddhAstava putraM jayaiShiNaH .
yatnato.anveShamANAste naivApashya~njanAdhipam .. 9\-30\-8 (61910)
yadA duryodhano yuddhaM tyaktvA padbhyAM parAkramamat .
taM hadaM prAvishachchApi viShTabhyApaH svamAyayA .. 9\-30\-9 (61911)
yadA tu pANDavAH sarve suparishrAntavAhanAH .
tataH svashibiraM prApya vyatiShThanta sasainikAH .. 9\-30\-10 (61912)
tataH kR^ipashcha drauNishcha kR^itavarmA cha sAtvataH .
sanniviShTeShu pArtheShu prayayustaM hadaM shanaiH .. 9\-30\-11 (61913)
te taM hadaM samAsAdya yatra shete janAdhipaH .
abhyabhAShanta durdharShaM rAjAnaM suptamambhasi .. 9\-30\-12 (61914)
rAjannuttiShTha yudhyasva sahAsmAbhiryudhiShThiram .
jitvA vA pR^ithivIM bhu~NkShva hato vA svargamApnuhi .. 9\-30\-13 (61915)
teShAmapi balaM sarvaM hataM duryodhana tvayA .
pratividdhAshcha bhUyiShThaM ye shiShTAstatra sainikAH .. 9\-30\-14 (61916)
na te vegaM viShahituM shaktAstava vishAmpate .
asmAbhirapi guptasya tasmAduttiShTha bhArata .. 9\-30\-15 (61917)
duryodhana uvAcha. 9\-30\-16x (5136)
diShTyA pashyAmi vo muktAnIdR^ishAtpuruShakShayAt .
pANDukauravasammardAjjIvamAnAnnararShabhAn .. 9\-30\-16 (61918)
vijeShyAmo vayaM sarve vishrAntA vigataklamAH .
bhavantashcha parishrAntA vayaM cha bhR^ishavikShatAH .
udIrNaM cha balaM teShAM tena yuddhaM na rochaye ..  9\-30\-17 (61919)
na tvetadadbhutaM vIrA yadvo mahadidaM manaH .
asmAsu cha parA shaktirna tu kAlaH parAkrame .. 9\-30\-18 (61920)
vishramyaikAM nishAmadya bhavadbhiH sahito raNe .
pratiyotsyAmyahaM shatrU~nshvo na syAchcha shramo mama .. 9\-28\-19 (61921)
sa~njaya uvAcha. 9\-28\-20x (5137)
evamukto.abravIddrauNI rAjAnaM yuddhadurmadam .
uttiShTha rAjanbhadraM te vijeShyAmo vayaM parAn .. 9\-28\-20 (61922)
iShTApUrtena dAnena satyena cha japena cha .
shape rAjanyathA hyadya nihaniShyAmi somakAn .. 9\-28\-21 (61923)
mA sma yaj~nakR^itAM prItimApnuyAM sajjanochitAm .
yadImAM rajanIM vyuShTAM na hi hanmi parAnraNe .. 9\-30\-22 (61924)
nAhatvA sarvapA~nchAlAnvimokShye kavachaM vibho .
uttiShTha tvaM bravImyetattanme shR^iNu janAdhipa .. 9\-30\-23 (61925)
teShu sambAShamANeShu vyAdhAstaM deshamAyayuH .
mAMsabhAraparishrAntAH pAnIyArthaM yadR^ichChayA .. 9\-30\-24 (61926)
te hi nityaM mahArAja bhImasenasya lubdhakAH .
mAMsabhArAnupAjahnurbhaktyA paramayA vibho .. 9\-30\-25 (61927)
te tatra dhiShThitAsteShAM sarvaM tadvachanaM rahaH .
duryodhanavachashchaiva shushruvuH sa~NgatA mithaH .. 9\-30\-26 (61928)
te.api sarve maheShvAsA ayuddhArthini kaurave .
nirbandhaM paramaM chakrustadA vai yuddhakA~NkShiNaH .. 9\-30\-27 (61929)
tAMstathA samudIkShyAtha kauravANAM mahArathAn .
ayuddhamanasaM chaiva rAjAnaM sthitamambhasi .. 9\-30\-28 (61930)
teShAM shrutvA cha saMvAdaM rAj~nashcha salile sataH .
vyAdhA hyajAnanrAjendra salilasthaM suyodhanam .. 9\-30\-29 (61931)
te pUrvaM pANDuputreNa pR^iShTA hyAsansutaM tava .
yadR^ichChopagatAstatra rAjAnaM parimArgatA .. 9\-30\-30 (61932)
tataste pANDuputrasya smR^itvA tadbhAShitaM tadA .
anyonyamabruvanrAjanmR^igavyAdhAH shanairiva .. 9\-30\-31 (61933)
duryodhanaM khyApayAmo dhanaM dAsyati pANDavaH .
suvyaktamiha naH khyAto hade duryodhanonR^ipaH .. 9\-30\-32 (61934)
tasmAdgachChAmahe sarve yatra rAjA yudhiShThiraH .
AkhyAtuM salile suptaM duryodhanamamarShaNam .. 9\-30\-33 (61935)
dhR^itarAShTrAtmajaM tasmai bhImasenAya dhImate .
shayAnaM salile sarve kathayAmo dhanurbhR^ite .. 9\-30\-34 (61936)
sa no dAsyati suprIto dhanAni bahulAnyuta .
kiM no mAMsena shuShkeNa parikliShTena shoShiNA .. 9\-30\-35 (61937)
evamuktvA tu te vyAdhAH samprahR^iShTA dhanArthinaH .
mAMsabhArAnupAdAya prayayuH shibiraM prati .. 9\-30\-36 (61938)
pANDavAshcha mahArAja labdhalakShAH prahAriNaH .
apashyamAnAH samare duryodhanamavasthitam .. 9\-30\-37 (61939)
nikR^itij~nasya pApasya tasyAbhigamanepsayA .
chArAnsampreShayAmAsuH samantAttadraNAjire .. 9\-30\-38 (61940)
Agamya tu tataH sarve naShTaM duryodhanaM nR^ipam .
nyavedayanta sahitA dharmarAjasya sainikAH .. 9\-30\-39 (61941)
teShAM tadvachanaM shrutvA chArANAM bharatarShabha .
chintAmabhyagamattIvrAM nishashvAsa cha pArthivaH .. 9\-30\-40 (61942)
`arisheShe jIvati tu sandigdho vijayo bhavet .
rAjyaM labhe kathaM tadvi pUjitaM vijayAdibhiH'.. 9\-30\-41 (61943)
atha sthitAnAM pANDUnAM dInAnAM bharatarShabha .
tasmAddeshAdapakramya tvaritA lubdhakA vibho .. 9\-30\-42 (61944)
AjagmuH shibiraM hR^iShTA dR^iShTvA duryodhanaM nR^ipam .
vAryamANAH praviShTAshcha bhImasenasya pashyataH .. 9\-30\-43 (61945)
te tu pANDavamAsAdya bhImasenaM mahAbalam .
tasmai tatsarvamAchakhyuryadvR^ittaM yachcha vai shrutam .. 9\-30\-44 (61946)
tato vR^ikodaro rAjandattvA teShAM dhanaM bahu .
dharmarAjAya tatsarvamAchachakShe parantapaH .. 9\-30\-45 (61947)
asau duryodhano rAjanvij~nAto mama lubdhakaiH .
saMstabhya salilaM shete yasyArthe paritapyase .. 9\-30\-46 (61948)
tadvacho bhImasenasya priyaM shrutvA vishAmpate .
ajAtashatruH kaunteyo hR^iShTo.abhUtsaha sodaraiH .. 9\-30\-47 (61949)
taM cha shrutvA maheShvAsaM praviShTaM salilahade .
kShiprameva tato.agachChanpuraskR^itya janArdanam .. 9\-30\-48 (61950)
tataH kilakilAshabdaH prAdurAsIdvishAmpate .
pANDavAnAM prahR^iShTAnAM pA~nchAlAnAM cha sarvashaH .. 9\-30\-49 (61951)
siMhanAdAMstatashchakruH kShveDAshcha bharatarShabha .
tvaritAH kShatriyA rAjannudakroshanparasparam .. 9\-30\-50 (61952)
j~nAtaH pApo dhArtarAShTro dR^iShTashchetyasakR^idraNe .
prAkroshansomakAstatra hR^iShTarUpAH samantataH .. 9\-30\-51 (61953)
teShAmAshu prayAtAnAM rathAnAM tatra veginAm .
vabhUva tumulaH shabdo divaspR^ik pR^ithivIpate .. 9\-30\-52 (61954)
duryodhanaM parIpsantastatratatra yudhiShThiram .
anvayustvaritAste vai rAjAnaM shrAntavAhanAH .. 9\-30\-53 (61955)
arjuno bhImasenashcha mAdrIputrau cha pANDavau .
dhR^iShTadyumnashcha pA~nchAlyaH shikhaNDI chAparAjitaH .. 9\-30\-54 (61956)
uttamaujA yudhAmanyuH sAtyakishcha mahArathaH .
pA~nchAlAnAM cha ye shiShTA draupadeyAshcha bhArata .
hayAshcha sarve nAgAshcha shatashashcha padAtayaH ..  9\-30\-55 (61957)
tataH prApto mahArAja dharmarAjaH pratApavAn .
dvaipAyanahadaM ghoraM yatra duryodhano.abhavat .. 9\-30\-56 (61958)
shItAmalajalaM hR^idyaM dvitIyamiva sAgaram .
mAyayA salilaM stabhya yatrAbhUtte sthitaH sutaH .. 9\-30\-57 (61959)
atyadbhutena vidhinA daivayogena bhArata .
salilAntargataH shete durdarshaH kasyachitprabho.  9\-30\-58 (61960)
mAnuShasya manuShyendra gadAhasto janAdhipaH ..  9\-30\-59 (61961)
tato duryodhano rAjA salilAntargato vasan .
shushruve tumulaM shabdaM jaladopamaniHsvanam .. 9\-30\-59 (61962)
yudhiShThirashcha rAjendra taM hadaM saha sodaraiH .
AjagAma mahArAja tava putravadhAya vai .. 9\-30\-60 (61963)
mahatA sha~NkhanAdena rathanemisvanena cha .
UrdhvaM dhunvanmahAreNuM kampayaMshchApi medinIm .. 9\-30\-61 (61964)
yaudhiShThirasya sainyasya shrutvA shabdaM mahArathAH .
kR^itavarmA kR^ipo drauNI rAjAnamidamabruvan .. 9\-30\-62 (61965)
ime hyAyAnti saMhR^iShTAH pANDavA jitakAshinaH .
apayAsyAmahe tAvadanujAnAtu no bhavAn .. 9\-30\-63 (61966)
duryodhanastu tachChrutvA teShAM tatra tarasvinAm .
tathetyuktvA hadaM taM vai mAyayA.astambhayatprabho .. 9\-30\-64 (61967)
te tvanuj~nApya rAjAnaM bhR^ishaM shokaparAyaNAH .
jagmurdUre mahArAja kR^ipaprabhR^itayo rathAH .. 9\-30\-65 (61968)
te gatvA dUramadhvAnaM nyagrodhaM prekShya mAriSha .
nyavishanta bhR^ishaM shrAntAshchintayanto nR^ipaM prati .. 9\-30\-66 (61969)
viShTabhya salilaM supto dhArtarAShTro mahAbalaH .
pANDavAshchApi samprAptAstaM deshaM yuddhamIpsavaH .. 9\-30\-67 (61970)
kathaM nu yuddhaM bhavitA kathaM rAjA bhaviShyati .
kathaM nu pANDavA rAjanpratipatsyanti kauravam .. 9\-30\-68 (61971)
ityevaM chintayAnAstu rathebhyo.ashvAnvimuchya te .
tatrAsA~nchakrire rAjankR^ipaprabhR^itayo rathAH .. .. 9\-30\-69 (61972)

iti shrImanmahAbhArate shalyaparvaNi hradapraveshaparvaNi
aShTAdashadivasayuddhe triMsho.adhyAyaH .. 30 ..
##Mahabharata - Shalya Parva - Chapter Footnotes##

9\-30\-18 asmAsu cha parA bhaktirdarshitA kAryagauravAt . iti ~Na. pAThaH ..
9\-30\-22 yaj~nakR^itAM prIti yaj~nAdijasya puNyasya phalam ..
9\-30\-39 naShTaM adR^ishyatvaM gataM lInamityarthaH ..
9\-30\-30 triMsho.adhyAyaH ..

\medskip\hrule\medskip
shalyaparva \- adhyAya 031
.. shrIH ..
9\.31\. adhyAyaH 31

##Mahabharata - Shalya Parva - Chapter Topics##
yudhiShThireNa hadasthaM duryodhanaM prati niShThuroktibhiH santarjanam .. 1 ..
yudhiShThiraduryodhanayoH saMvAdaH .. 2 ..

##Mahabharata - Shalya Parva - Chapter Text##

9\-31\-0 (61973)
sa~njaya uvAcha. 9\-31\-0x (5138)
tatasteShvapayAteShu ratheShu triShu pANDavAH .
taM hadaM pratyapadyanta yatra duryodhano.abhavat .. 9\-31\-1 (61974)
AsAdya cha kurushreShTha tadA dvaipAyanaM hadam .
stambhitaM dhArtarAShTreNa dR^iShTvA taM salilAshayam .. 9\-31\-2 (61975)
vAsudevamidaM vAkyamabravItkurunandanaH .
pashyemAM dhArtarAShTreNa mAyAmapsu prayojitAm .. 9\-31\-3 (61976)
viShTabhya salilaM shete nAsya mAnuShato bhayam .
daivIM mAyAmimAM kR^itvA salilAntargato hyayam .. 9\-31\-4 (61977)
nikR^ityA nikR^itipraj~no na me jIvanvimokShyate .
yadyasya samare sAhyaM kurute vajrabhR^itsvayam .
tathApyenaM hataM yuddhe lokA drakShyanti mAdhava ..  9\-31\-5 (61978)
vAsudeva uvAcha. 9\-31\-6x (5139)
mAyAvina imAM mAyAM mAyayA jahi bhArata .
mAyAvI mAyayA vadhyaH satyametadyudhiShThira .. 9\-31\-6 (61979)
kriyAbhyupAyairbahubhirbhAyAmapsu prayojya cha .
jahi tvaM bharatashreShTha mAyAtmAnaM suyodhanam .. 9\-31\-7 (61980)
kriyAbhyupAyairindreNa nihatA daityadAnavAH .
kriyAbhyupAyairbalibhirbalirbaddho mahAtmanA .. 9\-31\-8 (61981)
kriyAbhyupAyapUrvaM vai hiraNyAkSho mahAsuraH .
hiraNyakashipushchaiva kriyayaiva niShUditau .. 9\-31\-9 (61982)
vR^itrashcha nihato rAjankriyayaiva mahAbalaH .
tathA paulastyatanayo rAvaNo nAma rAkShasaH .
rAmeNa nihato rAjansAnubandhaH sahAnugaH ..  9\-31\-10 (61983)
kriyayA yogamAsthAya tathA tvamapi vikrama ..  9\-31\-11 (61984)
kriyAbhyupAyairnihatau mayA rAjanpurAtanau .
tArakashcha mahAdaityo viprachittishcha vIryavAn .. 9\-31\-12 (61985)
vAtApirilvalashchaiva trishirAshcha tathA vibho .
sundopasundAvasurau kriyayaiva niShUditau .. 9\-31\-13 (61986)
kriyAbhyupAyairindreNa tridivaM bhujyate vibho .
kriyA balavatI rAjannAnyatkiMchidyudhiShThira .. 9\-31\-14 (61987)
daityAshcha dAnavAshchaiva rAkShasAH pArthivAstathA .
kriyAbhyupAyairnihatAH kriyAM tasmAtsamAchara .. 9\-31\-15 (61988)
sa~njaya uvAcha. 9\-31\-16x (5140)
ityukto vAsudevena pANDavaH saMshitavrataH .
jalasthaM taM mahArAja tava putraM mahAbalam .
abhyabhAShata kaunteyaH prahasanniva bhArata ..  9\-31\-16 (61989)
suyodhana kimartho.ayamArambho.apsu kR^itastvayA .
sarvaM kShatraM ghAtayitvA svakulaM cha vishAmpate .. 9\-31\-17 (61990)
jalAshayaM praviShTo.adya vA~nCha~njIvitamAtmanaH .
uttiShTha rAjanyudhyasva sahAsmAbhiH suyodhana .. 9\-31\-18 (61991)
sa te darpo narashreShTha sa cha mAnaH kva te gataH .
yastvaM saMstabhya salilaM bhIto rAjanvyavasthitaH .. 9\-31\-19 (61992)
sarve tvAM shUra ityevaM janA jalpanti saMsadi .
vyarthaM tadbhavato manye shauryaM salilashAyinaH .. 9\-31\-20 (61993)
uttiShTha rAjanyudhyasva kShatriyo.asi kulodbhavaH .
kauraveyo visheSheNa kulaM janma cha saMsmara .. 9\-31\-21 (61994)
sa kathaM kaurave vaMshe prashaMsa~njanma chAtmanaH .
yudvAttrastatarastoyaM pravishya pratitiShThasi .. 9\-31\-22 (61995)
ayuddhena vyavasthAnaM naiSha dharmaH sanAtanaH ..  9\-31\-23 (61996)
anAryajuShTamasvargyaM raNe rAjanpalAyanam .
kathaM pAramagatvA hi yuddhe tvaM vai jijIviShuH .. 9\-31\-24 (61997)
imAnnipatitAndR^iShTvA putrAnbhrAtR^InpitR^IMstathA .
sambandhino vayasyAMshcha mAtulAnbAndhavAMstathA .
ghAtayitvA kathaM tAta hade tiShThati sAmpratam ..  9\-31\-25 (61998)
shUramAnI na shUrastvaM mR^iShA vadasi bhArata .
shUro.ahamiti durbuddhe sarvalokasya shR^iNvataH .. 9\-31\-26 (61999)
na hi shUrAH palAyante shatrUndR^iShTvA katha~nchana .
brUhi vA tvaM yayA vR^ittyA shUra tyajasi sa~Ngaram .. 9\-31\-27 (62000)
sa tvamuttiShTha yudhyasva vihAya bhayamAtmanaH .
ghAtayitvA sarvasainyaM bhrAtR^IMshchaiva suyodhana .. 9\-31\-28 (62001)
nedAnIM jIvite buddhiH kAryA dharmachikIrShayA .
kShatradharmamupAshritya tvadvidhena suyodhana .. 9\-31\-29 (62002)
yattu karNamupAshritya shakuniM chApi saubalam .
duHshAsanaM cha mohAttvamAtmAnaM nAvabuddhavAn .. 9\-31\-30 (62003)
tatpApaM sumahatkR^itvA pratiyudhyasva bhArata .
kathaM hi tvadvidho mohAdrochayeta palAyanam .. 9\-31\-31 (62004)
kva te tatpauruShaM yAtaM kva cha mAnaH suyodhana .
kva cha vikrAntatA yAtA kva cha visphUrjitaM mahat .. 9\-31\-32 (62005)
kva te kR^itAstratA yAtA kiM nu sheShe jalAshaye .
sa tvamuttiShTha yudhyasva kShatradharmeNa bhArata .. 9\-31\-33 (62006)
asmAMstu vA parAjitya prashAdhi pR^ithivImimAm .
athavA nihatosmAbhirbhUmau svapsyasi bhArata .. 9\-31\-34 (62007)
eSha te paramo dharmaH sR^iShTo dhAtrA mahAtmanA .
taM kuruShva yathAtathyaM pauruShe sva vyavasthitaH .. 9\-31\-35 (62008)
sa~njaya uvAcha. 9\-31\-36x (5141)
evamukto mahArAja dharmaputreNa dhImatA .
salilasthastava suta idaM vachanamabravIt .. 9\-31\-36 (62009)
naitachchitraM mahArAja yadbhIH prANinamAvishet .
na cha prANabhayAdbhIto vyapayAto.asmi bhArata .. 9\-31\-37 (62010)
arathashchAniSha~NgI cha nihataH pArShNisArathiH .
ekashchApyagaNaH sa~Nkhye pratyAshvAsamarochayam .. 9\-31\-38 (62011)
na prANahetorna bhayAshcha viShAdAdvishAmpate .
idamambhaH praviShTo.asmi shramAttvidamanuShThitam .. 9\-31\-39 (62012)
tvaM chAshvasihi kaunteya ye chApyanugatAstava .
ahamutthAya vaH sarvAnpratiyotsyAmi saMyuge .. 9\-31\-40 (62013)
yudhiShThira uvAcha. 9\-31\-41x (5142)
AshvastA eva sarve sma chiraM tvAM mR^igayAmahe .
tadidAnIM samuttiShTha yudhyasveha suyodhana .. 9\-31\-41 (62014)
hatvA vA samare pArthAnsphItaM rAjyamavApnuhi .
nihato vA raNe.asmAbhirvIralokamavApsyasi .. 9\-31\-42 (62015)
duryodhana uvAcha. 9\-31\-43x (5143)
yadarthaM rAjyamichChAmi kurUNAM kurunandana .
ta ime nihatAH sarve bhrAtaro me janeshvara .. 9\-31\-43 (62016)
kShINaratnAM cha pR^ithivIM hatakShatriyapu~NgavAm .
na hyutsahAmyahaM bhoktuM vidhavAmiva yoShitam .. 9\-31\-44 (62017)
adyApi tvahamAshaMse tvAM vijetuM yudhiShThira .
bha~NktvA pA~nchAlapANDUnAmutsAhaM bharatarShabha .. 9\-31\-45 (62018)
na tvidAnImahaM manye kAryaM yuddhena karhichit .
droNe karNe cha saMshAnte nihate cha pitAmahe .. 9\-31\-46 (62019)
astvidAnImiyaM rAjankevalA pR^ithivI tava .
asahAyo hi ko rAjA rAjyamichChetprashAsitum .. 9\-31\-47 (62020)
suhR^idastAdR^ishAnhatvA putrAnbhrAtR^InpitR^Inapi .
bhavadbhishcha hR^ite rAjye ko nu jIveta mAdR^ishaH .. 9\-31\-48 (62021)
ahaM vanaM gamiShyAmi hyajinaiH prativAsitaH .
ratirhi nAsti me rAjye hatapakShasya bhArata .. 9\-31\-49 (62022)
hatabAndhavabhUyiShThA hatAshvA hataku~njarA .
eShA te pR^ithivI rAjanbhu~NkShainAM vigatajvaraH .. 9\-31\-50 (62023)
vanameva gamiShyAmi vasAno mR^igacharmaNI .
na hi me nirjanasyAsti jIvite.adya spR^ihA vibho .. 9\-31\-51 (62024)
gachCha tvaM bhu~NkSha rAjendra pR^ithivIM nihateshvarAm .
hatayodhAM naShTaratnAM shIrNakShatrAM yathAsukham .. 9\-31\-52 (62025)
[sa~njaya uvAcha. 9\-31\-53x (5144)
duryodhanaM tava sutaM salilasthaM mahAyashAH .
shrutvA tu karuNaM vAkyamabhAShata yudhiShThiraH ..]  9\-31\-53 (62026)
yudhiShThira uvAcha. 9\-31\-54x (5145)
ArtapralApAnmA tAta salilasthaH prabhAShathAH .
naitanmanasi me rAjanvAshitaM shakuneriva .. 9\-31\-54 (62027)
yadi vApi samarthaH syAstvaM dAnAya suyodhana .
nAhamichCheyamavaniM tvayA dattAM prashAsitum .. 9\-31\-55 (62028)
adharmeNa na gR^ihNIyAM tvayA dattAM mahImimAm .
na hi dharmaH smR^ito rAjankShatriyasya pratigrahaH .. 9\-31\-56 (62029)
tvayA dattAM na chechCheyaM pR^ithivImakhilAmaham .
tvAM tu yuddhe vinirjitya bhoktA.asmi vasudhAmimAm .. 9\-31\-57 (62030)
anIshvarashcha pR^ithivIM kathaM tvaM dAtumichChasi .
tvayeyaM pR^ithivI rAjankiM na dattA tadaiva hi .. 9\-31\-58 (62031)
dharmato yAchamAnAnAM prashamArthaM kulasya naH .
vArShNeyaM prathamaM rAjanpratyAkhyAya mahAbAlam .. 9\-31\-59 (62032)
kimidAnIM dadAsi tvaM ko hi te jittavibhramaH .
abhiyuktastu ko rAjA dAtumichCheddhi medinIM .. 9\-31\-60 (62033)
na tvamadya mahIM dAtumIshaH kauravanandana .
AchChettuM vA balAdrAjansa kathaM dAtumichChasi .. 9\-31\-61 (62034)
mAM tu nirjitya sa~NgrAme pAlayemAM vasundharAm .
sUchyagreNApi yadbhUmerapi bhidyeta bhArata .. 9\-31\-62 (62035)
tanmAtramapi tanmahyaM na dadAti purA bhavAn .
sa kathaM pR^ithivImetAM pradadAsi vishAmpate .. 9\-31\-63 (62036)
sUchyagraM nAtyajaH pUrvaM sa kathaM tyajasi kShitim ..  9\-31\-64 (62037)
evamaishvaryamAsAdya prashAsya pR^ithivImimAm .
ko hi mUDho vyavasyeta shatrordAtuM vasundharAm .. 9\-31\-65 (62038)
tvaM tu kevalamaurkhyeNa vimUDho nAvabudhyase .
pR^ithivIM dAtukAmo.api jIvaMstvaM naiva mokShyase .. 9\-31\-66 (62039)
asmAnvA tvaM parAjitya prashAdhi pR^ithivImimAm .
athavA nihato.asmAbhirvraja lokAnanuttamAn .. 9\-31\-67 (62040)
AvayorjIvato rAjanmayi cha tvayi cha dhruvam .
saMshayaH sarvabhUtAnAM vijaye nau bhaviShyati .. 9\-31\-68 (62041)
jIvitaM tvayi duShprApaM mayi yatparivartate .
jIvayeyamahaM kAmaM na tu tvaM jIvituM kShamaH .. 9\-31\-69 (62042)
dahane hi kR^ito yatnastvayA.asmAsu visheShataH .
AshIviShairviShaishchApi jale jApi praveshanaiH .
tvayA vinikR^itA rAjanrAjyasya haraNena cha ..  9\-31\-70 (62043)
apriyANAM cha vachanairdraupadyAH karShaNena cha .
etasmAtkAraNAtpApa jIvitaM na vidyate .. 9\-31\-71 (62044)
uttiShThottiShTha yudhyasva yuddhe shreyo bhaviShyati ..  9\-31\-72 (62045)
evaM tu vividhA vAcho jayayuktAH punaHpunaH .
kIrtayanti sma te vIrAstatratatra janAdhipa .. .. 9\-31\-73 (62046)

iti shrImanmahAbhArate shalyaparvaNi hradapraveshaparvaNi
aShTAdashadivasayuddhe ekatriMsho.adhyAyaH .. 31 ..
##Mahabharata - Shalya Parva - Chapter Footnotes##

9\-31\-7 kiyAbhyupAyaiH shatrukiyAnurUpaiH
pratIkArairgharmyairadharmyairvetyarthaH . etetu chChalakAriNashChalaireva
hantavyA iti bhAvaH. mAyayaiva suyodhanaM iti ka.pAThaH ..
9\-31\-11 vikrama vikramaM kuruShva kriyayA yogamAsthAya hatastvAShTro.api
vikramAt iti ka.pAThaH ..
9\-31\-12 kriyAbhyupAyairnihato mayo nAma mahAsaraH . iti ka.pAThaH ..
9\-31\-27 he shUreti sAdhikShepasambodhanam . yayA vR^ittyA
nimittabhUtayA. vAnaprasthatvena vA nyastashastratvena vA klIbatvena
vA tvaM sa~NgaraM tyajasi tAM vR^ittiM brUhi. na tvaM vAnaprastho.asi
rAjyArthivAt. nApi nyastashastro gadAdhAritvAt. parisheShAta klIbo.asmIti
mA bhAShasva. yuddhaM kurviti bhAvaH ..
9\-31\-32 pauruShaM yatnaH . vikrAntatA shauryam. visphUrjitaM garjanam ..
9\-31\-49 hatApatyasya bhArata iti ka.pAThaH ..
9\-31\-52 nihatatviShamiti ka.~Na.pAThaH ..
9\-31\-31 ekatriMsho.adhyAyaH ..

\medskip\hrule\medskip
shalyaparva \- adhyAya 032
.. shrIH ..
9\.32\. adhyAyaH 32

##Mahabharata - Shalya Parva - Chapter Topics##
yudhiShThirakaTubhAShaNaruShTena suyodhanena gadayAsaha hadAdutthAnam .. 1 ..
yudhiShThiraduryodhanayoH saMvAdaH .. 2 ..

##Mahabharata - Shalya Parva - Chapter Text##

9\-32\-0 (62047)
dhR^itarAShTra uvAcha. 9\-32\-0x (5146)
evaM santarjyamAnastu mama putro mahIpatiH .
prakR^ityA manyumAnvIraH kathamAsItparantapaH .. 9\-32\-1 (62048)
na hi santarjanA tena shrutapUrvA katha~nchana .
rAjabhAvena mAnyashcha sarvalokasya so.abhavat .. 9\-32\-2 (62049)
[yasyAtapatrachChAyApi svakA bhAnostathA prabhA .
khedAyaivAbhimAnitvAtsahetsaivaM kathaM gariH ..]  9\-32\-3 (62050)
iyaM cha pR^ithivI sarvA samlechChATavikA bhR^isham .
prasAdAdbhriyate yasya pratyakShaM tava sa~njaya .. 9\-32\-4 (62051)
sa tathA tarjyamAnastu pANDuputrairvisheShataH .
vihInashcha svakairbhR^ityairnirjite chAvR^ito bhR^isham .. 9\-32\-5 (62052)
sa shrutvA kaTukA vAcho jayayuktAH punaHpunaH .
kimabravItpANDaveyAMstanmamAchakShva sa~njaya .. 9\-32\-6 (62053)
sa~njaya uvAcha. 9\-32\-7x (5147)
tarjyamAnastadA rAjannudakasthastavAtmajaH .
yudhiShThireNa rAjendra bhrAtR^ibhiH sahitena ha .. 9\-32\-7 (62054)
shrutvA sa kaTukA vAcho viShamastho narAdhipaH .
dIrghamuShNaM cha niHshvasya salilasthaH punaHpunaH .. 9\-32\-8 (62055)
salilAntargato rAjA dhunvanhastau punaHpunaH .
manashchakAra yuddhAya rAjAnaM chAbhyabhAShata .. 9\-32\-9 (62056)
yUyaM sasuhR^idaH pArthAH sarve sarathavAhanAH .
ahamekaH paridyUno viratho hatavAhanaH .. 9\-32\-10 (62057)
Attashastrai rathopetairbahubhiH parivAstiH .
kathamekaH padAtiH sannashastro yoddhumutsaha .. 9\-32\-11 (62058)
ekaikashashcha mAM yUyaM yodhayadhvaM yudhiShThira .
na hyeko bahubhirvIrairnyAyyo yodhayituM yudhi .. 9\-32\-12 (62059)
visheShato vikavachaH shrAntashchApatsamAshritaH .
bhR^ishaM vikShatagAtrashcha shrAntavAhanasainikaH .. 9\-32\-13 (62060)
na me tvatto bhayaM rAjanna cha pArthAdvR^ikodarAt .
phalgunAdvAsudevAdvA pA~nchAlebhyo.athavA punaH .. 9\-32\-14 (62061)
yamAbhyAM yuyudhAnAdvA ye chAnye tava sainikAH .
ekaH sarvAnahaM kruddho vArayiShye yudhi sthitaH .. 9\-32\-15 (62062)
dharmamUlA satAM kIrtirmanuShyANAM janAdhipa .
dharmaM chaiveha kIrtiM cha pAlayanprabravImyaham .. 9\-32\-16 (62063)
ahamutthAya sarvAnvai pratiyotsyAmi saMyuge .
anvabhyAshaM gatAnsarvAnnihaniShyAmi bhArata .. 9\-32\-17 (62064)
adya vaH sarathAnsAshvAnashastro viratho.api san .
nakShatrANIva sarvANi savitA rAtrisaMkShaye .. 9\-32\-18 (62065)
tejasA nAshayiShyAmi sthirIbhavata pANDavAH .
adyAnR^iNyaM gamiShyAmi kShatriyANAM yashasvinAM .. 9\-32\-19 (62066)
bAhlIkadroNabhIShmANAM karNasya cha mahAtmanaH .
jayadrathasya shUrasya bhagadattasya chobhayoH .. 9\-32\-20 (62067)
madrarAjasya shalyasya bhUrishravasa eva cha .
putrANAM bharatashreShTha shakuneH saubalasya cha .. 9\-32\-21 (62068)
metrANAM suhR^idAM chaiva bAndhavAnAM tathaiva cha .
prAnR^iNyamadya gachChAmi hatvA tvAM bhrAtR^ibhiH saha .. 9\-32\-22 (62069)
sa~njaya uvAcha. 9\-32\-23x (5148)
etAvaduktvA vachanaM virarAma janAdhipaH .
`salilAntargataH shrImAnputro duryodhanastava ..'  9\-32\-23 (62070)
yudhiShThira uvAcha. 9\-32\-24x (5149)
diShTyA tvamapi jAnIShe kShatradharmaM suyodhana .
diShTyA te vartate buddhiryuddhAyaiva mahAbhuja .. 9\-32\-24 (62071)
diShTyA shUro.asi gAndhAre diShTyA jAnAsi sa~Ngaram .
yastvameko hi naH sarvAnsa~Ngare yodbhumichChasi .. 9\-32\-25 (62072)
eka ekena sa~Ngamya yatte sammatamAyudham .
tattvamAdAya yudhyasva prekShakAste vayaM sthitAH .. 9\-32\-26 (62073)
ayamiShTaM cha te kAmaM vIra bhUyo dadAmyaham .
hatvaikaM bhava no rAjA hato vA svargamApnuhi .. 9\-32\-27 (62074)
duryodhana uvAcha. 9\-32\-28x (5150)
ekashchedyodbhumAkrande varo.adya mama dIyatAm .
AyudhAnAmiyaM chApi matA me sataM gadA .. 9\-32\-28 (62075)
bhrAtaNAM bhavatAmekaH shakyaM mAM yo.abhimanyate .
padAtirgadayA sa~Nkhye sa yudhyatu mayA saha .. 9\-32\-29 (62076)
vR^ittAni rathayuddhAni vichitrAmi padepade .
idamekaM gadAyuddhaM bhavatvadyAdbhutaM mahat .. 9\-32\-30 (62077)
annAnAmapi paryAyaM kartumichChanti mAnavAH .
yuddhAnAmapi paryAyo bhavatvanumate tava .. 9\-32\-31 (62078)
gadayA tvAM mahAbAho vijeShyAmi sahAnujam .
pA~nchAlAnsR^i~njayAMshchaiva ye chAnye tava sainikAH .
na hi me sambhrAmo jAtu shakrAdapi yudhiShThira ..  9\-32\-32 (62079)
yudhiShThira uvAcha. 9\-32\-33x (5151)
uttiShThottiShTha gAndhAre mAM yodhaya suyodhana .
eka ekena sa~Ngamya saMyuge gadayA balI .. 9\-32\-33 (62080)
puruSho bhava gAndhAre yudhyasva susamAhitaH .
adya te jIvitaM nAsti yadIndropi tavAshrayaH .. 9\-32\-34 (62081)
sa~njaya uvAcha. 9\-32\-35x (5152)
etatsa narashArdUlo nAmR^iShyata tavAtmajaH .
salilAntargataH shvabhre mahAnAga iva shvasan .. 9\-32\-35 (62082)
tathA.asau vAkpratodena tudyamAnaH punaHpunaH .
vacho na mamR^iShe rAjannuttamAshvaH kashAmiva .. 9\-32\-36 (62083)
sa~NkShobhya salilaM vegAdgadAmAdAya vIryavAn .
adrisAramayIM gurvIM kA~nchanA~NgadabhUShaNAm .
antarjalAtsamuttasthau nAgendra iva niHshvasan ..  9\-32\-37 (62084)
sa bhittvA stambhitaM toyaM skandhe kR^itvAyasIM gadAm .
udatiShThata putraste pratapanrashmivAniva .. 9\-32\-38 (62085)
tataH shaikyAyasIM gurvI jAtarUpapariShkR^itAm .
gadAM parAmR^ishaddhImAndhArtarAShTro mahAbalaH .. 9\-32\-39 (62086)
gadAhastaM tu taM dR^iShTvA sashR^i~Ngamiva parvatam .
prajAnAmiva sa~NkruddhaM shUlapANimiva sthitam .. 9\-32\-40 (62087)
*sagado bhArato bhAti pratapanbhAskaro yathA*..  9\-32\-41 (62088)
tamuttIrNaM mahAbAhuM gadAhastamarindamam .
menire sarvabhUtAni daNDapANimivAntakam .. 9\-32\-42 (62089)
vajrahastaM yathA shakraM shUlahastaM yathA haram .
dadR^ishuH sharvapA~nchAlAH putraM tava janAdhipa .. 9\-32\-43 (62090)
tamuttIrNaM tu samprekShya samahR^iShyanta sarvashaH .
pA~nchAlAH pANDaveyAshcha te.anyonyasya talAndaduH .. 9\-32\-44 (62091)
avahAsaM tu taM matvA putro duryodhanastava .
udvR^itya nayane kruddho didhakShuriva pANDavAn .. 9\-32\-45 (62092)
trishikhAM bhrukuTIM kR^itvA sandaShTadashanachChadaH .
pratyuvAcha tatastAnvai pANDavAnsaha keshavAn .. 9\-32\-46 (62093)
duryodhana uvAcha. 9\-32\-47x (5153)
asyAvahAsasya phalaM pratimokShyatha pANDavAH .
gamiShyatha hatAH sadyaH sapA~nchAlA yamakShayam .. 9\-32\-47 (62094)
utthintashcha jalAttasmAtputro duryodhanastava .
atiShThata gadApANI rudhireNa samukShitaH .. 9\-32\-48 (62095)
tasya shoNitadigdhasya salilena samukShitam .
sharIraM sma tadA bhAti sravanniva mahIdhAraH .. 9\-32\-49 (62096)
tamudyatagadaM vIraM menire tatra pANDavAH .
vaivasvatamiva kruddhaM shUlapANimiva sthitam .. 9\-32\-50 (62097)
sa meghaninado harShAnnardanniva cha govR^iShaH .
AjuhAva tataH pArthAngadayA yudhi vIryavAn .. 9\-32\-51 (62098)
duryodhana uvAcha. 9\-32\-52x (5154)
ekaikena cha mAM yUyamAsIdata yudhiShThira .
na hyeko bahubhirnyAyyo vIro yodhayituM yudhi .. 9\-32\-52 (62099)
nyastavarmA visheSheNa shrAntashchApsu pariplutaH .
bhR^ishaM vikShatagAtrashcha hatavAhanasainikaH .. 9\-32\-53 (62100)
[avashyameva yodvavyaM sarvaireva mayA saha .
yuktaM tvayuktamityetadvetsi tvaM chaiva sarvadA] .. 9\-32\-54 (62101)
yudhiShThira uvAcha. 9\-32\-55x (5155)
mA bhUdiyaM tava praj~nA kathamekaM suyodhana .
yadA.abhimanyuM bahavo jaghnuryudhi mahArathAH .. 9\-32\-55 (62102)
[kShatradharmaM bhR^ishaM krUraM nirapekShaM sunirghR^iNam .
anyathA tu kathaM hanyurabhimanyuM tathAgatam .. 9\-32\-56 (62103)
sarve bhavanto dharmaj~nAH sarve shUrAstanutyajaH .
nyAyena yudhyatAM proktA shakralokagatiH parA .. 9\-32\-57 (62104)
yadyekastu na hantavyo bahubhirdharma eva tu .
tadA.abhimanyuM bahavo nijaghnustvanmate katham .. 9\-32\-58 (62105)
sarvo vimR^ishate jantuH kR^ichChrastho dharmadarshanam .
padasthaH pihitaM dvAraM paralokasya pashyati ..]  9\-32\-59 (62106)
Amu~ncha kavachaM vIra mUrdhajAnyamayasva cha .
yachchAnyadapi te nAsti tadapyAdatsva bhArata .. 9\-32\-60 (62107)
imamekaM cha te kAmaM vIra bhUyo dadAmyaham .
pa~nchAnAM pANDaveyAnAM yena tvaM yoddhumichChasi .. 9\-32\-61 (62108)
taM hatvA vai bhavArAjA hato vA svargamApnuhi .
R^ite cha jIvitAdvIra yuddhe kiM kurma te priyam .. 9\-32\-62 (62109)
sa~njaya uvAcha. 9\-32\-63x (5156)
tatastava suto rAjanvarma jagrAha kA~nchanam .
vichitraM cha shirastrANaM jAmbUnadapariShkR^itam .. 9\-32\-63 (62110)
so.avabadvashirastrANaH shubhakA~nchanavarmabhR^it .
rarAja rAjanputraste kA~nchanaH shailarADiva .. 9\-32\-64 (62111)
sannaddhaH sagato rAjansajjaH sa~NgrAmamUrdhani .
abravItpANDavAnsarvAnputro duryodhanastava .. 9\-32\-65 (62112)
bhrAtR^INAM bhavatAmeko yudhyatAM gadayA mayA .
sahadevena vA yotsye bhImena nakulena vA .. 9\-32\-66 (62113)
athavA phalgunenAdya tvayA vA bharatarShabha .
yotsye.ahaM sa~NgaraM prApya vijeShye cha raNAjire .. 9\-32\-67 (62114)
ahamadya gamiShyAmi vairasyAntaM sudurgamam .
gadayA puruShavyAghra hemapaTTanibaddhayA .. 9\-32\-68 (62115)
gadAyuddhe na me kashchitsadR^isho.astIti chintaye .
gadayA vo haniShyAmi sarvAneva samAgatAn .. 9\-32\-69 (62116)
na me samarthAH sarve vai yoddhuM nyAyena kechana .
na yuktamAtmanA vaktumevaM garvoddhataM vachaH .
athavA saphalaM hyetatkariShye bhavatAM puraH ..  9\-32\-70 (62117)
asminmahUrte satyaM vA mithyA vai tadbhaviShyati.]
gR^ihNAtu cha gadAM yo vai yotsyate.adya mayA saha .. ..  9\-32\-71 (62118)

iti shrImanmahAbhArate shalyaparvaNi dvAtriMsho.adhyAyaH .. 32 ..
##Mahabharata - Shalya Parva - Chapter Footnotes##

9\-32\-3 AtapatreNa duryodhanaH sUryAdrakShita ityeSha pravAdo.api yasya
na sa iti bhAvaH ..
9\-32\-10 paridyUnaH parishrAntaH ..
9\-32\-27 naH asmAkaM pa~nchAnAM madhye ekamapi hatvA tvaM rAjA
bhavetyanvayaH ..
9\-32\-34 adya te jIvitaM nAsti yadyapi tvaM manojavaH iti ka.~Na.pAThaH ..
9\-32\-56 kShatradharmaM astIti sheShaH . dharmo.astrI puNyaAchAre iti medinI ..
9\-32\-32 dvAtriMsho.adhyAyaH ..

\medskip\hrule\medskip
shalyaparva \- adhyAya 033
.. shrIH ..
9\.33\. adhyAyaH 33

##Mahabharata - Shalya Parva - Chapter Topics##
yudhiShThireNa duryodhanamprati sveShvanyatamaparAjayenApi tasya
rAjyaprAptivachane kR^iShNena tamprati sakopaM bhImenApi duryodhanapa
rAjaye svasya saMshayoktiH .. 1 ..
bhImena kR^iShNamprati svasAmarthyaprakathanapUrvakaM svena
duryodhanavadhasya sukaratve kathite kR^iShNAdibhistatprashaMsanam .. 2 ..
bhImaduryodhanayorvIravAdapurvakaM yuddhodyamaH .. 3 ..

##Mahabharata - Shalya Parva - Chapter Text##

9\-33\-0 (62119)
sa~njaya uvAcha. 9\-33\-0x (5157)
evaM duryodhane rAjangarjamAne muhurmuhuH .
yudhiShThirasya sa~Nkruddho vAsudevo.abravIdidam .. 9\-33\-1 (62120)
yadI nAma hyayaM yUddhe varayettvAM yudhiShThira .
arjunaM nakulaM chaiva sahadevamathApi vA .. 9\-33\-2 (62121)
kimidaM sAhasaM rAjaMstvayA vyAhR^itamIdR^isham .
ekameva nihatyAjau bhava rAjA kuruShviti .. 9\-33\-3 (62122)
etena hi kR^itA yogyA varShANIha trayodasha .
Ayase puruShe rAjanbhImasenajighAMsayA .. 9\-33\-4 (62123)
kathaM nAma bhavetkAryamasmAdvi bharatarShabha .
sAhasaM kR^itavAMstvaM tu hyanukroshAnnR^ipottama .. 9\-33\-5 (62124)
nAnyamasyAnupashyAmi pratiyoddhAramAhave .
R^ite vR^ikodarAtpArthAtsa cha nAtikR^itashramaH .. 9\-33\-6 (62125)
tadidaM dyUtamArabdhaM punareva yathA purA .
viShamaM shakuneshchaiva tava chaiva visheShataH .. 9\-33\-7 (62126)
balI bhImaH samarthashcha kR^itI rAjA suyodhanaH .
balavAnvA kR^itI veti kR^itI rAjanvishiShyate .. 9\-33\-8 (62127)
so.ayaM rAjaMstvayA shatruH same pathi niveshitaH .
nyastashchAtmA suviShame kR^ichChramApAditA vayam .. 9\-33\-9 (62128)
ko.anu sarvAnvinirjitya shatrUnekena vairiNA .
[kR^ichChraprAptena cha tathA hArayedrAjyamAgatam.]
pAtitashchaikabANena shochayedevamAhave ..  9\-33\-10 (62129)
na hi pashyAmi taM loke yo.adya duryodhanaM raNe .
gadAhastaM vijetuM vai shaktaH syAdamaropi hi .. 9\-33\-11 (62130)
phalguno vA bhavAnvAtha mAdrIputrAvathApi vA .
na samarthAnahaM manye gadAhastasya saMyuge .. 9\-33\-12 (62131)
na tvaM bhImo na nakulaH sahadevo.atha phalgunaH .
jetuM nyAyena shakto vai kR^itI rAjA suyodhanaH .. 9\-33\-13 (62132)
sa kathaM vadase shatruM yudhyasva gadayeti hi .
ekaM cha no nihatyAjau bhava rAjeti bhArata .. 9\-33\-14 (62133)
vR^ikodaraM samAsAdya saMshayo vai jaye hi naH .
nyAyato yudhyamAnAnAM kR^itI hyeSha mahAbalaH .. 9\-33\-15 (62134)
[nUnaM na rAjyabhAgeShA pANDoH kuntyAshcha santatiH .
atyantavanavAsAya sR^iShTA bhaikShyAya vA punaH ..]  9\-33\-16 (62135)
bhImasena uvAcha. 9\-33\-17x (5158)
madhusUdana mAkArShIviShAdaM yadunandana .
adya pAraM gamiShyAmi vairasya bhR^ishadurgamam .. 9\-33\-17 (62136)
ahaM suyodhanaM sa~Nkhye haniShyAmi na saMshayaH .
vijayo vai dhruvaH kR^iShNa dharmarAjasya dR^ishyate .. 9\-33\-18 (62137)
adhyardhena guNeneyaM gadA gurutarI mama .
na tathA dhArtarAShTrasya mAkArShIrmAdhava vyathAm .. 9\-33\-19 (62138)
anayA gadayAnAhaM saMyuge yoddhumutsahe .
bhavantaH prekShakAH sarve mama santu janArdana .. 9\-33\-20 (62139)
sAmarAnapi lokAMstrInnAnAshastradharAnyudhi .
yodhayeyaM raNe kR^iShNa kimutAdya suyodhanam .. 9\-33\-21 (62140)
sa~njaya uvAcha. 9\-33\-22x (5159)
tathA sambhAShamANaM tu vAsudevo vR^ikodaram .
hR^iShTaH sampUjayAmAsa vachanaM chedamabravIt .. 9\-33\-22 (62141)
tvAmAshritya mahAbAho dharmarAjo yudhiShThiraH .
nihatAriH svakAM dIptAM shriyaM prApnotyasaMshayam .. 9\-33\-23 (62142)
tvayA vinihatAH sarve dhR^itarAShTrasutA raNe .
rAjAno rAjaputrAshcha nAgAshcha vinipAtitAH .. 9\-33\-24 (62143)
kali~NgA mAgadhAH prAchyA gAndhArAH kuravastathA .
tvAmAsAdya mahAyuddhe nihatAH pANDunandana .. 9\-33\-25 (62144)
hatvA duryodhanaM chApi prayachChorvIM sasAgarAm .
dharmarAjAya kaunteya yathA viShNuH shachIpateH .. 9\-33\-26 (62145)
tvAM cha prApya raNe pApo dhArtarAShTro vina~NkShyati .
tvamasya sakthinI bhaMktvA pratij~nAM pAlayiShyasi .. 9\-33\-27 (62146)
yatnena ha tvayA pApo yoddhavyo dhR^itarAShTrajaH .
kR^itI cha balavAMshchaiva yuddhashauNDashcha nityadA .. 9\-33\-28 (62147)
tatastu sAtyakI rAjanpUjayAmAsa pANDavam .
vividhAbhishcha taM vAgbhirbhimasenaM janeshvara .. 9\-33\-29 (62148)
pA~nchAlAH pANDaveyAshcha dharmarAjapurogamAH .
tadvacho bhImasenasya sarva evAbhyapUjayan .. 9\-33\-30 (62149)
tato bhImabalo bhImo yudhiShThiramathAbravIt .
sR^i~njayaiH saha tiShThantaM tapantamiva bhAskaram .. 9\-33\-31 (62150)
ahametena sa~Ngamya saMyuge yoddhumutsahe .
na hi shakto raNe jetuM mAmeSha puruShAdhamaH .. 9\-33\-32 (62151)
adya krodhaM vimokShyAmi nihitaM hR^idaye bhR^isham .
suyodhane dhArtarAShTre khANDave.agnimivArjunaH .. 9\-33\-33 (62152)
shalyamadyoddhariShyAmi tava pANDava hR^ichChayam .
nihate gadayA pApe adya rAjansukhI bhava .. 9\-33\-34 (62153)
adya kIrtimayIM mAlAM pritamokShye tavAnagha .
prANA~nshriyaM cha rAjyaM cha mokShyate.adya suyodhanaH .. 9\-33\-35 (62154)
rAjA cha dhR^itarAShTro.adya shrutvA putraM mayA hatam .
smariShyatyashubhaM karma yattachChakunibuddhijam .. 9\-33\-36 (62155)
ityuktvA bharatashreShTho gadAmudyamya vIryavAn .
udatiShThata yuddhAya shakro vR^itramivAhvayan .. 9\-33\-37 (62156)
[tadAhvAnamamR^iShyanvai tava putro.ativIryavAn .
pratyupasthita evAshu matto mattamiva dvipam .. 9\-33\-38 (62157)
gadAhastaM tava sutaM yuddhAya samupasthitam .
dadR^ishuH pANDavAH sarve kailAsamiva shR^i~NgiNam] .. 9\-33\-39 (62158)
tamekAkinamAsAdya dhArtarAShTraM mahAbalam .
viyUthamiva mAta~NgaM samahR^iShyanta pANDavAH .. 9\-33\-40 (62159)
[na sambhramo na cha bhayaM na cha glAnirna cha vyathA .
AsIdduryodhanasyApi sthitaH siMha ivAhave] .. 9\-33\-41 (62160)
samudyatagadaM dR^iShTvA kailAsamiva shR^i~NgiyAm .
bhImasenastadA rAjanduryodhanamathAbravIt .. 9\-33\-42 (62161)
rAj~nApi dhR^itarAShTreNa tvayA chAsmAsu yatkR^itam .
smara tadduShkR^itaM karmaM yadbhUtaM vAraNAvate.  9\-33\-43 (62162)
draupadI cha parAmR^iShTA samAmadhye rajasvalA .
dyUte cha va~nchito rAjA shakUnerbuddhilAghavAt .. 9\-33\-44 (62163)
yAni chAnyAni duShTAtmanpApAni kR^itavAnasi .
anAgAsu cha pArtheShu tasya pashya mahatphalam .. 9\-33\-45 (62164)
tvatkR^ite nihataH shete sharatalpe mahAyashAH .
yA~Ngeyo bharatashreShThaH sarveShAM naH pitAmahaH .. 9\-33\-46 (62165)
hato droNashcha karNashcha itaH shalyaH pratApavAn .
vairAgnerAdikartA cha shakunirnihato raNe .. 9\-33\-47 (62166)
bhrAtaraste hatAH shUrAH putrAshcha sahasainikAH .
rAjAnashcha hatAH shUrAH samareShvanivartinaH .. 9\-33\-48 (62167)
ete chAnye cha nihatA bahavaH kShatriyarShabhAH .
prAtikAmI tathA pApo draupadyAH kleshakR^iddhataH .. 9\-33\-49 (62168)
avashiShTastvamevaikaH kulaghno.adhamapUruShaH .
tvAmapyadya haniShyAmi gadayA nAtra saMshayaH .. 9\-33\-50 (62169)
adya te.ahaM raNe darpaM sarvaM nAshayitA nR^ipa .
rAjyAshAM vipulAM chApi pANDaveShu cha duShkR^itam .. 9\-33\-51 (62170)
duryodhana uvAcha. 9\-33\-52x (5160)
kiM katthitena bahunA yudhyasvAdya mayA saha .
adya te.ahaM vineShyAmi yuddhashraddhAM vR^ikodara .. 9\-33\-52 (62171)
kiM na pashyasi mAM pApa gadAyuddhe vyavasthitam .
himavachChikharAkArAM pragR^ihya mahatIM gadAm .. 9\-33\-53 (62172)
gadinaM ko.adya mAM pApa hantumutsahate ripuH .
nyAyato yudhyamAnashcha deveShvapi purandaraH .. 9\-33\-54 (62173)
mA vR^ithA garja kaunteya shAradAbhramivAjalam .
darshayasva balaM yuddhe yAvannAsUnnihanmi te .. 9\-33\-55 (62174)
tasya tadvachanaM shrutvA pANDavAH sahasR^i~njayAH .
sarve sampUjayAmAsustadvacho vijigIShavaH .. 9\-33\-56 (62175)
unmattamiva mAta~NgaM talashabdena mAnavAH .
bhUyaH saMharShayAmAsU rAjanduryodhanaM dviShaH .. 9\-33\-57 (62176)
bR^iMhanti ku~njarAstatra hayA heShanti chAsakR^it .
shastrANi sampradIpyante pANDavAnAM jayaiShiNAm .. .. 9\-33\-58 (62177)

iti shrImanmahAbhArate shalyaparvaNi hradapraveshaparvaNi
trayastriMsho.adhyAyaH .. 33 ..
##Mahabharata - Shalya Parva - Chapter Footnotes##

9\-33\-4 yogyA abhyAsaH . yogyaH pravINetyAdyupakramya
stryabhyAsArkayoShitoriti medinI ..
9\-33\-7 shakuneshcha tava cha yathApurA tathaivedamiti sambandhaH ..
9\-33\-10 paNitvA chaikapANena rochayedeva mAhavam iti jha.pAThaH ..
9\-33\-33 trayastriMsho.adhyAyaH ..

\medskip\hrule\medskip
shalyaparva \- adhyAya 034
.. shrIH ..
9\.34\. adhyAyaH 34

##Mahabharata - Shalya Parva - Chapter Topics##
##xxxxxxxxxx## .. 1 ..
tasminpANDhavAdibhirarchitopaviShTe punargadAyuddhArambhaH .. 2 ..

##Mahabharata - Shalya Parva - Chapter Text##

9\-16\-0 (62178)
sa~njaya uvAcha. 9\-16\-0x (5161)
##xxxxxxxxxxx##susaMvR^itte sudAruNe .
##xxxxxxxxxxx## pANDaveShu mahAtmasu .. 9\-16\-1 (62179)
tatastAladhvajake rAmastayoryuddha upasthite .
shrutvA tachChiShyayo rAjannAjagAma halAyudhaH .. 9\-16\-2 (62180)
taM dR^iShTvA paramaprItAH pANDavAH sahakeshavAH .
upagamyopasa~NgR^ihya vidhivatpratyapUjayan .. 9\-16\-3 (62181)
pUjayitvA tataH pashchAdidaM vachanamabruvan .
shiShyayoH kaushalaM yuddhe pashya rAmeti pArthiva .. 9\-16\-4 (62182)
abravIchcha tadA rAmo dR^iShTvA kR^iShNaM sapANDavam .
duryodhanaM cha kauravyaM gadApANimavasthitam .. 9\-16\-5 (62183)
rAma uvAcha. 9\-16\-6x (5162)
chatvAriMshadahAnyadya dve cha me niHsR^itasya vai .
puShyeNa samprayAto.asmi shravaNe punarAgataH .
shiShyayorvai gadAyuddhaM druShTukAmo.asmi mAdhava ..  9\-16\-6 (62184)
tato yudhiShThiro rAjA pariShvajya halAyudham .
svAgataM kushalaM chAsmai paryapR^ichChadyathAtatham .. 9\-16\-7 (62185)
kR^iShNau chApi maheShvAsAvabhivAdya halAyudham .
sasvajAte pariprItau prIyamANau yashasvinau .. 9\-16\-8 (62186)
mAdrIputrau tathA shUrau draupadyAH pa~ncha chAtmajAH .
abhivAdya sthitA rAjanrauhiNeyaM mahAbalam .. 9\-16\-9 (62187)
bhImaseno.atha balavAnputrastava janAdhipa .
tathaiva chodyatagadau pUjayAmAsaturbalam .. 9\-16\-10 (62188)
svAgatena cha te tatra pratipUjya punaHpunaH .
pashya yuddhaM mahAbAho iti te rAmamabruvan .. 9\-16\-11 (62189)
evamuchurmahAtmAnaM rauhiNeyaM narAdhipAH ..  9\-16\-12 (62190)
pariShvajya tadA rAmaH pANDavAnsaha sR^i~njayAn .
apR^ichChatkushalaM sarvAnpArthivAMshchAmitaujasaH .
tathaiva te samAsAdya paprachChustamanAmayam ..  9\-16\-13 (62191)
pratyabhyarchya halI sarvAnkShatriyAMshcha mahAtmanaH .
kR^itvA kushalasamprashnaM saMvidaM cha yathAvayaH .. 9\-16\-14 (62192)
janArdanaM sAtyakiM cha premNA sampariShasvaje .
mUrdhni chaitAvupAghrAya kushalaM paryapR^ichChata .. 9\-16\-15 (62193)
tau cha taM vidhivadrAjanpUjayAmAsaturgurum .
brahmANAmiva deveshamindropendrau mudAnvitau .. 9\-16\-16 (62194)
tato.abravIddharmasuto rauhiNeyamarindamam .
idaM bhrAtrormahAyuddhaM pashya rAmeti bhArata .. 9\-16\-17 (62195)
teShAM madhye mahAbAhuH shrImAnkeshavapUrvajaH .
nyavishatparamaprItaH pUjyamAno mahArathaiH .. 9\-16\-18 (62196)
sa babhau rAjamadhyastho nIlavAsAH sitaprabhaH .
divIva nakShatragaNaiH parivIto nishAkaraH .. 9\-16\-19 (62197)
tatastayoH sannipAtastumulo romaharShaNaH .
AsIdantakaro rAjanvairasyAntaM vidhitsatoH .. .. 9\-16\-20 (62198)

iti shrImanmahAbhArate shalyaparvaNi hradapravashaparvaNi
aShTAdashadivasayuddhe chatustriMsho.adhyAyaH .. 34 ..

\medskip\hrule\medskip
shalyaparva \- adhyAya 035
.. shrIH ..
9\.35\. adhyAyaH 35

##Mahabharata - Shalya Parva - Chapter Topics##
janamejayena vaishampAyanamprati balarAmasya tIrthayAtrAprakAraprashnaH .. 1 ..
tena tamprati tatkathanamupakramya prabhAsatIrthasya tatpadavAchyatve
hetukathanam .. 2 ..

##Mahabharata - Shalya Parva - Chapter Text##

9\-35\-0 (62199)
janamejaya uvAcha. 9\-35\-0x (5163)
pUrvameva yadA rAmastasminyuddha upasthite .
Amantrya keshavaM yAto vR^iShNibhiH sahitaH prabhuH .. 9\-35\-1 (62200)
sAhAyyaM dhArtarAShTrasya na cha kartA.asmi keshava .
na chaiva pANDuputrANAM gamiShyAmi yathAgatam .. 9\-35\-2 (62201)
evamuktvA tadA rAmo yAtaH shatrunibarhaNaH .
tasya chAgamanaM bhUyo brahma~nshaM situmarhasi .. 9\-35\-3 (62202)
AkhyAhi me vistarashaH kathaM rAma upasthitaH .
kathaM cha dR^iShTavAnyuddhaM kushalo hyasi sattama .. 9\-35\-4 (62203)
vaishampAyana uvAcha. 9\-35\-5x (5164)
upaplAvye niviShTeShu pANDaveShu mahAtmasu .
preShito dhR^itarAShTrasya samIpaM madhusUdanaH .. 9\-35\-5 (62204)
shamaM prati mahAbAho hitArthaM sarvadehinAm ..
sa gatvA hAstinapuraM dhR^itarAShTraM sametya cha.  9\-35\-6 (62205)
uktavAnvachanaM pathyaM hitaM chaiva visheShataH ..  9\-35\-7 (62206)
na cha tatkR^itavAnrAjA yathA.akhyAtaM hi tatpurA ..  9\-35\-8 (62207)
anavApya shamaM tatra kR^iShNaH puruShasattamaH .
AgachChata mahAbAhurupaplAvyaM janAdhipa .. 9\-35\-9 (62208)
tataH pratyAgataH kR^iShNo dhArtarAShTravisarjitaH .
AjagAma naravyAghraH pANDavAnAmanIkinIm .
yathoktaM cha yathAvR^ittaM gatvA pANDavamabravIt ..  9\-35\-10 (62209)
na kurvanti vacho mahyaM kuravaH kAlanoditAH .
nirgachChadhva pANDaveyAH puShyeNa sahitA mayA .. 9\-35\-11 (62210)
tato vibhajyamAneShu baleShu balinAM varaH .
provAcha bhrAtaraM kR^iShNaM rauhiNeyo mahAmanAH .. 9\-35\-12 (62211)
teShAmapi mahAbAho sAhAyyaM madhusUdana .
kriyatAmiti tatkR^iShNo nAsya chakre vachastadA .. 9\-35\-13 (62212)
tato manyuparItAtmA jagAma yadunandanaH .
tIrthayAtrAM haladharaH sarasvatyAM mahAyashAH .
maitranakShatrayoge sma sahitaH sarvayAdavaiH ..  9\-35\-14 (62213)
AshrayAmAsa bhojastu duryodhanamarindamaH .
yuyudhAnena sahito vAsudevastu pANDavAn .. 9\-35\-15 (62214)
rauhiNeye gate shUre puShyeNa madhusUdanaH .
pANDaveyAnpuraskR^itya yayAvabhimukhaH kUrUn .. 9\-35\-16 (62215)
gachChanneva pathisthastu rAmaH preShyAnuvAcha ha .
sambhArAMstIrthayAtrAyAM sarvopakaraNAni cha .. 9\-35\-17 (62216)
AnayadhvaM dvArakAyA agnInvai yAjakAMstathA .
suvarNarajanaM chaiva dhainUrvAsAMsi vAjinaH .. 9\-35\-18 (62217)
ku~njarAMshcha rathAMshchaiva kharoShTraM vAhanAni cha .
kShipramAnIyatAM sarvaM tIrthahetoH parichChadam .. 9\-35\-19 (62218)
pratisrotaH sarasvatyA gachChadhvaM shIghragAminaH .
R^itvijashchAnayadhvaM vai shatashashcha dvijarShabhAn .. 9\-35\-20 (62219)
evaM sandishya tu preShyAnbaladevo mahAbalaH .
tIrthayAtrAM yayau rAjankurUNAM vaishase tadA .. 9\-35\-21 (62220)
sarasvatyAH pratisrotaH samudrAdabhijagmivAna .
rAmo yadUttamaH shrImAMstIrthayAtrAmanusmaran .. 9\-35\-22 (62221)
R^itvigbhishcha suhR^idbhishcha yathA.anyairdvijasattamaiH .
rathairgajaistathA.ashvaishcha preShyaishcha bharatarShabha .
gokharoShTraprayuktaishcha yAnaishcha bahubhirvR^itaH ..  9\-35\-23 (62222)
shrAntAnAM klAntabapuShAM shishUnAM vipulAyuShAm .
deshedeshe tu deyAni dAnAni vividhAni cha .. 9\-35\-24 (62223)
archAyai chArthinAM rAjanklR^iptAni bahushastathA .
tAni yAnIha desheShu pratIkShanti sma bhArata .. 9\-35\-25 (62224)
bubhukShitAnAmarthAya klR^iptamannaM samantataH ..  9\-35\-26 (62225)
yoyo yatra dvijo bhojyaM bhoktuM kAmayate tadA .
tasyatasya tu tatraivamupajahrustadA nR^iSha .. 9\-35\-27 (62226)
tatratatra sthitA rAjanrauhiNeyasya shAsanAt .
bhakShyapeyasya kurvanti rAshIMstatra samantataH .. 9\-35\-28 (62227)
vAsAMsi cha mahArhANi parya~NkAstaraNAni cha .
pUjArthaM tatra klR^iptAni viprANAM sukhamichChatAm .. 9\-35\-29 (62228)
yatra yaH svapate vipro yo vA jAgarti bhArata .
tatratatraiva sarvasya klR^iptaM sarvamapashyata .. 9\-35\-30 (62229)
yathAsukhaM janaH sarvo yAti tiShThati vai tadA .
yAtukAmasya yAnAni pAnAni tR^iShitasya cha .. 9\-35\-31 (62230)
bubhukShitasya chAnnAni svAdUni bharatarShabha .
upajahrurnarAstatra vastrANyAbharaNAni cha .. 9\-35\-32 (62231)
sa panthAH prababhau rAjansarvasyaiva sukhAvahaH .
svargopamastadA vIra narANAM tatra gachChatAm .. 9\-35\-33 (62232)
nityapramuditopetaH svAdubhakShyo jalAnvitaH .
vipaNyApaNapaNyAnaM nAnAjanashatairvR^itaH .
nAnAdrumalatopeto nAnAratnavibhUShitaH ..  9\-35\-34 (62233)
tato mahAtmA niyato manasvinAM
puNyeShu tIrtheShu vasUni rAjan .
dadau dvijebhyaH kratudakShiNAshcha
yadupravIro halabhR^itpratItaH ..  9\-35\-35 (62234)
dogdhrIshcha dhenUshcha sahasrasho vai
suvAsasaH kA~nchanabaddhashR^i~NgIH .
hayAMshcha nAnAvidhadeshajAtAn
yAnAni dAsAMshcha shubhAndvijebhyaH ..  9\-35\-36 (62235)
ratnAni muktAmaNividrumaM chA\-\-
pyagryaM suvarNaM rajataM sushundvam .
ayasmayaM tAmramayaM cha bhANDaM
dadau dvijAtipravareShu rAmaH ..  9\-35\-37 (62236)
evaM sa vittaM pradadau mahAtmA
sarasvatItIrthagateShu bhUri .
yayau krameNApratimaprabhAva\-\-
stataH kurukShetramudAravR^ittaH ..  9\-35\-38 (62237)
janamejaya uvAcha. 9\-35\-39x (5165)
sArasvatAnAM tIrthAnAM guNotpattiM vadasva me .
phalaM cha dvipadAM shreShTha karma nirvR^ittimeva cha .. 9\-35\-39 (62238)
yathAkrameNa bhagavaMstIrthAnAmanupUrvashaH .
brUhi brahmavidAM shreShTha paraM kautUhalaM hi me .. 9\-35\-40 (62239)
vaishampAyana uvAcha. 9\-35\-41x (5166)
tIrthAnAM cha phalaM rAjanguNotpattiM chaM sarvashaH .
mayochyamAnaM vai puNyaM shR^iNu rAjendra kR^itsnashaH .. 9\-35\-41 (62240)
pUrvaM mahArAja yadupravIra
R^itviksuhR^idvipragaNaishcha sArdham .
puNyaM prabhAsaM samupAjagAma
yatroDurADhyakShmaNA kShIyamANaH ..  9\-35\-42 (62241)
vimuktashApaH punarApya tejaH
sarvaM jagadbhAsayate narendra .
etattu tIrthapravaraM pR^ithivyAM
prabhAsanAttasya tataH prabhAsaH .. ..  9\-35\-43 (62242)

iti shrImanmahAbhArate shalyaparvaNi hradapraveshaparvaNi
aShTadashadivasayuddhe pa~nchatriMsho.adhyAyaH .. 35 ..
##Mahabharata - Shalya Parva - Chapter Footnotes##

9\-35\-14 maitranakShatrayoge anurAdhAyAM ..
9\-35\-15 bhojaH kR^itavarmA ..
9\-35\-16 puShyeNa hi pANDavebhyaH prayANaM anurAdhAtastIrthayAtrArthamiti
vivekaH ..
9\-35\-34 vipaNiH pANyavIthikA . ApaNA haTTAH. paNyAni vikreyadravyANi ..
9\-35\-35 kR^itadakShiNAshcheti ka.~Na.pAThaH ..
9\-35\-39 guNAn ramaNIyatvAdIn . utpattiM sambhavam. karmanirvR^ittiM
tIrthayAtrAvidisiddham. nivR^ittimapi karmaNAm iti ka.~Na.pAThaH ..
9\-35\-40 yathAkameNa tIrthakamApekShayA anupUrvashaH
guNotpattyAdikramApekShayA ..
9\-35\-43 prabhAsaH prabhAsatvam ..
9\-35\-35 pa~nchatriMsho.adhyAyaH ..

\medskip\hrule\medskip
shalyaparva \- adhyAya 036
.. shrIH ..
9\.36\. adhyAyaH 36

##Mahabharata - Shalya Parva - Chapter Topics##
chandre svabhAryAsvashvinyAdidaMkShaputrIShu itaropekShaNena
rohiNyAmevAsakte dakSheNa roShAchchandre yakShmaprakShepaH .. 1 ..
devai prasAditadakShavachanAchchandreNa prabhAsatIrthanimajjanena
kShayarogapariharaNam .. 2 ..
balabhadreNa tattIrthe majjanAdi .. 3 ..

##Mahabharata - Shalya Parva - Chapter Text##

9\-36\-0 (62243)
janamejaya uvAcha. 9\-36\-0x (5167)
kimarthaM bhagavAnsomo yakShmaNA samagR^ihyata .
kathaM cha tIrthapravare tasmiMshchandro nyamajjata .. 9\-36\-1 (62244)
kathamAplutya tasmiMstu punarApyAyitaH shashI .
etanme sarvamAchakShva vistareNa mahAmune .. 9\-36\-2 (62245)
vaishampAyana uvAcha. 9\-36\-3x (5168)
dakShasya tanayAstAta prAdurAsanvishAmpate .
sa saptaviMshatiM kanyA dakSha somAya vai dadau .. 9\-36\-3 (62246)
nakShatrayoganiratAH sa~NkhyAnArthaM cha tAbhavan .
patnyo vai tasya rAjendra somasya shubhakarmaNaH .. 9\-36\-4 (62247)
tAstu sarvA vishAlAkShyo rUpeNApratimA.abhavan .
atyarichyata tAsAM tu rohiNI rupasampadA .. 9\-36\-5 (62248)
tatastasyAM sa bhagavAnprItiM chakre nishAkaraH .
sA.asya hR^idyA babhUvAtha tasmAttAM bubhuje sadA .. 9\-36\-6 (62249)
tatastAH kupitAH sarvA nakShatrAkhyA mahAtmanaH .
tA gatvA pitaraM prAhuH prajApatimatandritAH .. 9\-36\-7 (62250)
somo vasati nAsmAsu rohiNIM bhajate sadA .
tA vayaM sahitAH sarvAstvatsakAshe prajeshvara .
vatsyAmo niyatAhArAstapashcharaNatatparAH ..  9\-36\-8 (62251)
shrutvA tAsAM tu vachanaM dakShaH somamathAbravIt .
samaM vartasva sarvAsu mA tvA.adharmo mahAnspR^ishet .. 9\-36\-9 (62252)
tAstu sarvA.abravIddakSho gachChadhvaM shashinontikam .
samaM vatsyati sarvAsu chandramA mama shAsanAt .. 9\-36\-10 (62253)
visR^iShTAstAstathA jagmuH shItAshorbhavanaM shubhAH .
tathA.api somo bhagavAnpunareva mahIpate .
rohiNyA sArdhamavasatprIyamANo muhurmuhuH ..  9\-36\-11 (62254)
tatastAH sahitAH sarvA bhUyaH pitaramabruvan ..  9\-36\-12 (62255)
somo vasati nAsmAsu nAkarodvachanaM tava .
tava shushrUShaNe yuktA vatsyAmo hi tavAntike .. 9\-36\-13 (62256)
tAsAM tadvachanaM shrutvA dakShaH somamathAbravIt .
samaM vartasva sarvAsu mA tvAM shapsye virochana .. 9\-36\-14 (62257)
anAdR^itya tu tadvAkyaM dakShasya bhagavA~nshashI .
rohiNyA sArdhamavasattatastAH kupitAH punaH .. 9\-36\-15 (62258)
gatvA cha pitaraM prAhuH praNamya shirasA tadA .
somo vasati nAsmAsu tasmAnnaH sharaNaM bhava .. 9\-36\-16 (62259)
rohiNyAmeva bhagavAnsadA vasati chandramAH .
na tvadvacho gaNayati nAsmAsu snehamichChati .. 9\-36\-17 (62260)
tasmAnnastrAhi sarvA vai yathA naH soma Avishet .
tachChrutvA bhagavAnkruddho yakShmANaM pR^ithivIpate .. 9\-36\-18 (62261)
sasarja roShAtsomAya sa choDupatimAvishat .
sa yakShmaNA.abhibhUtAtmAkShIyatAharahaH shashI .. 9\-36\-19 (62262)
yatnaM chApyakarodrAjanmokShArthaM tasya yakShmaNaH .
iShTveShTibhirmahArAja vividhAbhirnishAkaraH .. 9\-36\-20 (62263)
na chAmuchyata shApAdvai kShayaM chaivAdhigachChati .
kShIyamANe tataH some oShadhyo na prajaj~nire .. 9\-36\-21 (62264)
nirAsvAdarasAH sarvA hatavIryAshcha sarvashaH .
oShadhInAM kShaye jAte prANinAmapi sa~NkShayaH .. 9\-36\-22 (62265)
kR^ishAshchAsanprajAH sarvAH kShIyamANe nishAkare .
tato devAH samAgamya somamUchurmahIpate .. 9\-36\-23 (62266)
kimidaM bhavato rUpamIdR^ishaM samprakAshate .
kAraNaM brUhi naH sarvaM yenedaM te mahadbhayam .. 9\-36\-24 (62267)
shrutvA tu kAraNaM tvatto vidhAsyAmastato vayam .
evamuktaH pratyuvAcha sarvAMstA~nshashalakShaNaH .. 9\-36\-25 (62268)
shApasya kAramaM chaiva yakShmANaM cha tathA.a.atmanaH .
devAstasya vachaH shrutvA gatvA dakShamathA.abruvan .. 9\-36\-26 (62269)
prasIda bhagavansome shApo.ayaM vinivartyatAm .
asau hi chandramAH kShINaH ki~nchichCheSho hi lakShyate .. 9\-36\-27 (62270)
kShayAchchaivAsya devesha prajAshchaiva gatAH kShayam .
vIrudoShadhayashchaiva bIjAni vividhAni cha .
tathA narA lokaguro prasAdaM kartumarhasi ..  9\-36\-28 (62271)
evamuktastato devAnprAha vAkyaM prajApatiH .
naitachChakyaM mama vacho vyAvartayituma~njasA .. 9\-36\-29 (62272)
hetunA tu mahAbhAgA nivartiShyati kenachit .
samaM vartatu sarvAsu shashI bhAryAsu nityashaH .. 9\-36\-30 (62273)
sarasvatyA vare tIrthe nimajja~nshashalakShaNaH .
punarvardhiShyate devAstadvai satyaM vacho mama .. 9\-36\-31 (62274)
mAsArdhaM cha kShayaM somo nityameva gamiShyati .
mAsArdhaM tu punarvR^idviM satyametadvacho mama .. 9\-36\-32 (62275)
samudraM pashchimaM gatvA sarasvatyabdhisa~Ngamam .
ArAdhayatu deveshaM tataH kAntimavApsyati .. 9\-36\-33 (62276)
sarasvatIM tataH somaH sa jagAmarShishAsanAt .
prabhAsaM prathamaM tIrthaM sarasvatyA jagAma ha .. 9\-36\-34 (62277)
amAvAsyAM mahAtejAstatrAmajjanmahAdyutiH .
lokAnprabhAsayAmAsa shItAMshutvamavApa cha .. 9\-36\-35 (62278)
devAstu sarve rAjendra prasAdaM prApya puShkalam .
somena sahitA bhUtvA dakShasya pramukhe.abhavan .. 9\-36\-36 (62279)
tataH prajApatiH sarvA visasarjAtha devatAH .
somaM cha bhagavAnprIto bhUyo vachanamabravIt .. 9\-36\-37 (62280)
mAvamaMsthAH striyaH putra mA cha viprAnkadAchana .
gachCha yuktaH sadA bhUtvA kuru vai shAsanaM mama .. 9\-36\-38 (62281)
sa visR^iShTo mahArAja jagAmAtha svamAlayam .
prajAshcha muditA bhUtvA Ijire cha yathA purA .. 9\-36\-39 (62282)
evaM te sarvamAkhyAtaM yathA shapto nishAkaraH .
prabhAsaM cha yathA tIrthaM tIrthAnAM pravaraM mahat .. 9\-36\-40 (62283)
amAvAsyAM mahArAja nityashaH shashalakShaNaH .
snAtvAhyApyAyate shrImAnprabhAse tIrtha_uttame .. 9\-36\-41 (62284)
atashchaitatprajAnanti prabhAsamiti bhUmipa .
prabhAM hi paramAM lebhe tasmiMshchAmajjya chandramAH .. 9\-36\-42 (62285)
`lokAnprabhAsayAmAsa pupoSha cha vapustathA .
tatra snAtvA halIrAmo datvA prIto.atha dakShiNAH'.. 9\-36\-43 (62286)
tatastu chamasodbhedamabhItastvagamadbalI .
chamasodbheda ityevaM yaM janAH kathayantyuta .. 9\-36\-44 (62287)
tatra dattvA cha dAnAni vishiShTAni halAyudhaH .
uShitvA rajanImekAM snAtvA cha vidhivattadA .. 9\-36\-45 (62288)
udapAnamathAgachChattvarAvAnkeshavAgrajaH .
AdyaM svastyayanaM chaiva tatrAvApya mahAbalaH .. 9\-36\-46 (62289)
snigdhatvAdoShadhInAM cha bhUmeshcha janamejaya .
jAnanti siddhA rAjendra nigUDhAM tAM sarasvatIm .. .. 9\-36\-47 (62290)

iti shrImanmahAbhArate shalyaparvaNi hradapraveshaparvaNi
aShTAdashadivasayuddhe ShaTtriMsho.adhyAyaH .. 36 ..
##Mahabharata - Shalya Parva - Chapter Footnotes##

9\-36\-9 tvA tvAM adharmaH mA smR^ishet ..
9\-36\-14 virochana he visheSheNa rochamAna . tvAM mAshapsye. tava
rochanAM shApena na harAmi tathA yatasvetyarthaH ..
9\-36\-38 gachChayataH iti ka.pAThaH ..
9\-36\-36 ShaTatriMsho.adhyAyaH ..

\medskip\hrule\medskip
shalyaparva \- adhyAya 037
.. shrIH ..
9\.37\. adhyAyaH 37

##Mahabharata - Shalya Parva - Chapter Topics##
ekatadvitatritanAmakAnAM viprANAM kathA .. 1 ..

##Mahabharata - Shalya Parva - Chapter Text##

9\-37\-0 (62291)
vaishampAyana uvAcha. 9\-37\-0x (5169)
tasmAnnadIgataM chApi hyudapAnaM yashasvinaH .
tritasya cha mahArAja jagAmAtha halAyudhaH .. 9\-37\-1 (62292)
tatra dattvA bahudravyaM pUjayitvA tathA dvijAn .
upaspR^ishya cha tatraiva prahR^iShTo musalAyudhaH .. 9\-37\-2 (62293)
tatra dharmaparo hyAsIttritaH sa sumahAtapAH .
kUpe cha vasatA tena somaH pIto mahAtmanA .. 9\-37\-3 (62294)
tatra chainaM samutsR^ijya bhrAtarau jagmaturgR^ihAn .
tatastau vai shashApAtha trito brAhmaNasattamaH .. 9\-37\-4 (62295)
janamejaya uvAcha. 9\-37\-5x (5170)
udapAnaM kathaM brahmankathaM cha sumahAtapAH .
patitaH kiM cha santyakto bhrAtR^ibhyAM dvijasattama .. 9\-37\-5 (62296)
kUpe kathaM cha hitvainaM bhrAtarau jagmaturgR^ihAn .
kathaM cha yAjayAmAsa papau somaM cha vai katham .
etadAchakShva me brahmanshrotavyaM yadi manyase ..  9\-37\-6 (62297)
vaishampAyana uvAcha. 9\-37\-7x (5171)
AsanpUrvayuge rAjanmunayo bhrAtarastrayaH .
ekatashcha dvitashchaiva tritashchAdityasannibhAH .. 9\-37\-7 (62298)
sarve prajApatisamAH prajAvantastathaiva cha .
brahmalokajitAH sarve tapasA brahmavAdinaH .. 9\-37\-8 (62299)
teShAM tu tapasA prIto niyamena damena cha .
abhavadgautamo nityaM pitA dharmarataH sadA .. 9\-37\-9 (62300)
sa tu dIrgheNa kAlena teShAM prItimavApya cha .
jagAma bhagavAnsthAnamanurUpamivAtmanaH .. 9\-37\-10 (62301)
rAjAnastasya ye hyAsanyAjyA rAjanmahAtmanaH .
te sarve svargate tasmiMstasya putrAnapUjayan .. 9\-37\-11 (62302)
teShAM tu karmaNA rAjaMstathA chAdhyayanena cha .
tritaH sa shreShThatAM prApa yathaivAsya pitA tathA .. 9\-37\-12 (62303)
tathA sarve mahAbhAgA munayaH puNyalakShaNAH .
apUjayanmahAbhAgaM yathAsya pitaraM tathA .. 9\-37\-13 (62304)
kadAchidvi tato rAjanbhrAtarAvekatadvitau .
yaj~nArthaM chakratushchintAM tathA vittArthameva cha .. 9\-37\-14 (62305)
tayorbuddhiH samabhavattritaM gR^ihya parantapa .
yAjyAnsarvAnupAdAya pratigR^ihya pashUMstataH .
somaM pAsyAmahe hR^iShTAH prApya yaj~naM mahAphalam ..  9\-37\-15 (62306)
chakrushchaivaM tathA rAjanbhrAtarastraya eva cha .
yathA te tu parikramya yAjyAnsarvAnpashUnprati .
yAjayitvA tato yAjyA.NllabdhvA tu subahUnpashUn ..  9\-37\-16 (62307)
yAjyena karmaNA tena pratigR^ihya vidhAnataH .
prAchIM dishaM mahAtmAna Ajagmuste maharShayaH .. 9\-37\-17 (62308)
tritasteShAM mahArAja purastAdyAti hR^iShTavat .
ekatashcha dvitashchaiva pR^iShThataH kAlayanpashUn .. 9\-37\-18 (62309)
tayoshchintA samabhavadekatasya dvitasya cha .
kathaM cha syurimA gAva AvAbhyAM hi vinA tritam .. 9\-37\-19 (62310)
tAvanyonyaM samAbhAShya ekatashcha dvitashcha ha .
yadUchaturmithaH pApau tannibodha janeshvara .. 9\-37\-20 (62311)
trito yaj~neShu kushalastathA vedeShu niShThitaH .
tatastrito bahutaraM gAvaH samupalapsyate .. 9\-37\-21 (62312)
tadAvAM sahitau bhUtvA gAH prakAlya vrajAvahe .
trito.api gachChatAM kAmamAvAbhyAM vai vinAkR^itAH .. 9\-37\-22 (62313)
vaishampAyana uvAcha. 9\-37\-23x (5172)
teShAmAgachChatAM rAtrau pathisthAnAM vR^iko.abhavat .
tatra kUpo vidUre.abhUtsarasvatyAstaTe mahAn .. 9\-37\-23 (62314)
athaM trito vR^ikaM dR^iShTvA pathi tiShThantamagrataH .
tadbhyAdapasarpanvai tasminkUpe papAta ha .
agAdhe sumahAghore sarvabhUtabhaya~Nkare ..  9\-37\-24 (62315)
tritastato mahArAja kUpastho munisattamaH .
ArtanAdaM tatashchakre tau tu shushruvaturmunI .. 9\-37\-25 (62316)
ta j~nAtvA patitaM kUpe bhrAtarAvekatadvitau .
vR^ikatrAsAchcha lobhAchcha samutsR^ijya prajagmatuH .. 9\-37\-26 (62317)
bhrAtR^ibhyAM pashulubdhAbhyAmutsR^iShTaH sa mahAtapAH .
udapAne tadA rAjannirjale pAMsupaMvR^ite .. 9\-37\-27 (62318)
trita AtmAnamAlakShya kUpe vIruttR^iNAvR^ite .
nimagnaM bharatashreShTha narake duShkR^itI yathA .. 9\-37\-28 (62319)
tato hyachintayatprAj~no mR^itabhUto hyasomapaH .
somaH kathaM tu pAtavya ihasthena mayA bhavet .. 9\-37\-29 (62320)
sa evamabhisa~nchintya tasminkUpe mahAtapAH .
dadarsha vIrudhaM tatra lambamAnAM yadR^ichChayA .. 9\-37\-30 (62321)
pAMsugraste tataH kUpe nyakhanatsalilaM muniH .
agnInsa~NkalpayAmAsa hotR^InAtmAnameva cha .. 9\-37\-31 (62322)
tatastAM vIrudhaM somaM sa~Nkalpa sumahAtapAH .
R^icho jayUMShi sAmAni manasA chintayanmuniH .. 9\-37\-32 (62323)
grAvANaH sharkarAH kR^itvA prachakre.abhiShavaM nR^ipa .
AjyaM cha salilaM chakre bhAgAMshcha tridivaukasAm .. 9\-37\-33 (62324)
somasyAbhiShavasyAgre pravR^ittastumulo dhvaniH .
sa chAvishaddivaM rAjansvarashchaiva tritasta vai .. 9\-37\-34 (62325)
samavApa cha taM yaj~nAM yathoktaM brahmavAdibhiH ..  9\-37\-35 (62326)
vartamAne mahAyaj~ne tritasya sumahAtmanaH .
AvignaM tridivaM sarvaM kAramaM cha na budhyate .. 9\-37\-36 (62327)
tataH sutumulaM shabdaM shushrAvAtha bR^ihaspatiH .
shrutvA chaivAbravItsarvAndevAndevapurohitaH .. 9\-37\-37 (62328)
tritasya vartate yaj~nastatra gachChAmahe surAH .
sa hi kruddhaH sR^ijedanyAndevAnapi mahAtapAH .. 9\-37\-38 (62329)
tachChrutvA vachanaM tasya sahitAH sarvadevatAH .
prayayustatra yatrAste tritayaj~nashcha vartate .. 9\-37\-39 (62330)
te tatra gatvA vibudhAstaM kUpaM yatra sa tritaH .
dadR^ishustaM mahAtmAnaM dIkShitaM yaj~nakarmasu .. 9\-37\-40 (62331)
dR^iShTvA chainaM mahAtmAnaM shriyA paramayA yutam .
UchushchainaM mahAbhAgaM prAptA bhAgArthino vayam .. 9\-37\-41 (62332)
athAbravIdR^iShirdevAnpashyadhvaM mAM divaukasaH .
asminpratibhaye kUpe nimagnaM naShTachetasam .. 9\-37\-42 (62333)
tatastrito mahArAja bhAgAMsteShAM yathAvidhi .
mantrayuktAnsamadadAttena prItAstadA.abhavan .. 9\-37\-43 (62334)
tato yathAvidhi prAptAnbhAgAnprApya divaukasaH .
prItAtmAno dadustasmai varAnyAnmanasechChati .. 9\-37\-44 (62335)
sa tu vavre lavaraM devAMstrAtumarhatha mAmitaH .
yashchAmbhopaspR^ishetkUpe sa somapagatiM labhet .. 9\-37\-45 (62336)
tatra chormimatI rAjannutpapAta sarasvatI .
tayotkShiptastritastasthau pUjayaMstridivaukasaH .. 9\-37\-46 (62337)
tatheti choktvA vibudhA jagmU rAjanyathA.a.agatAH .
tritashchAbhyAgamatprItaH svameva nilayaM tadA .. 9\-37\-47 (62338)
kruddhastu sa samAsAdya tAvR^iShI bhrAtarau tadA .
uvAcha paruShaM vAkyaM shashApa cha mahAtapAH .. 9\-37\-48 (62339)
pashulubdhau yuvAM yasmAnmAmutsR^ijya pradhAvitau .
tasmAdvR^ikAkR^itI raudrau daMShTriNAvabhitashcharau .. 9\-37\-49 (62340)
bhavitArau mayA shaptau pApenAnena karmaNA .
prasavashchaiva yuvayorgolA~NgUlarkShavAnarAH .. 9\-37\-50 (62341)
ityuktena tadA tena kShaNAdeva vishAmpate .
tathAbhUtAvadR^ishyetAM vachanAtsatyavAdinaH .. 9\-37\-51 (62342)
tatrApyamitavikrAntaH spR^iShTvA toyaM halAyudhaH .
dattvAcha vividhAndeyAnpUjayitvA cha vai dvijAn .. 9\-37\-52 (62343)
udapAnaM cha taM vIkShya prashasya cha punaHpunaH .
nadIgatamadInAtmA prApto vinashanaM tadA .. .. 9\-37\-53 (62344)

iti shrImanmahAbhArate shalyaparvaNi hradapraveshaparvaNi
saptatriMsho.adhyAyaH .. 37 ..
##Mahabharata - Shalya Parva - Chapter Footnotes##

9\-37\-6 yAjayAmAsa svArthe Nich yAgaM kR^itavAn ..
9\-37\-8 sarve prajApatisutAH prajApataya eva cha iti ka.pAThaH ..
9\-37\-16 pashUnpratipashvartham . dakShiNArthA gAH prAptumityarthaH ..
9\-37\-18 tritashchAkAlayanpashUn iti ka.pAThaH ..
9\-37\-23 pathisthAne vR^iko.abhavaditi ka.~Na.pAThaH ..
9\-37\-45 yashchehopaspR^ishediti jha.pAThaH ..
9\-37\-37 saptatriMsho.adhyAyaH ..

\medskip\hrule\medskip
shalyaparva \- adhyAya 038
.. shrIH ..
9\.38\. adhyAyaH 38

##Mahabharata - Shalya Parva - Chapter Topics##
balabhadrasya sarasvatItIrasthAnAnAtIrthayAtrAprakAravarNanam .. 1 ..
tattattIrthamahimAnuvarNanaM cha .. 2 ..

##Mahabharata - Shalya Parva - Chapter Text##

9\-38\-0 (62345)
vaishampAyana uvAcha. 9\-38\-0x (5173)
tato vinashanaM rAjannAjagAma halAyudhaH .
shUdrAbhIrAnprati dveShAdyatra naShTA sarasvatI .
tasmAttAmR^iShayo nityaM prAhurvinashaneti cha ..  9\-38\-1 (62346)
tatrApyupaspR^ishya balaH sarasvatyAM mahAbalaH .
subhUmikaM tato.agachChatsarasvatyAstaTe vare .. 9\-38\-2 (62347)
tatra chApsarasaH shubhrA nityakAlamatandritAH .
krIDAbhirvimalAbhishcha krIDanti vimalAnanAH .. 9\-38\-3 (62348)
tatra devAH sagandharvA mAsimAsi janeshvara .
abhigachChanti tattIrthaM puNyaM brAhmaNasevitam .. 9\-38\-4 (62349)
tatra nR^ityanti gandharvAstathaivApsarasAM gaNAH .
sametya sahitA rAjanyathAprAptaM yathAsukham .. 9\-38\-5 (62350)
tatra modanti devAshcha pitarashcha savIrudhaH .
puNyaiH puShpaiH sadA divyaiH kIryamANAH punaH punaH .. 9\-38\-6 (62351)
AkrIDabhUmiH sA rAjaMstAsAmapsarasAM shubhA .
subhUmiketi vikhyAtA sarasvatyAstaTe vare .. 9\-38\-7 (62352)
tatra snAtvA cha dattvA cha vasu vipreShu mAdhavaH .
shrutvA gItaM cha taddivyaM vAditrANAM cha niHsvanam .. 9\-38\-8 (62353)
shayyAshcha vipulA dR^iShTvA devagandharvarakShasAm .
gandharvANAM tatastIrthamAgachChadrohiNIsutaH .. 9\-38\-9 (62354)
vishvAvasumukhAstatra gandharvApsarasAM gaNAH .
nR^ittavAditragItaM cha kurnvati sumanoramam .. 9\-38\-10 (62355)
tatra dattvA haladharo viprebhyo vividhaM vasu .
ajAvikaM gokharoShTraM suvarNaM rajataM tathA .. 9\-38\-11 (62356)
bhojayitvA dvijAnkAmaiH santarpya cha mahAdhanaiH .
prayayau sahito vipraiH stUyamAnashcha mAdhavaH .. 9\-38\-12 (62357)
tasmAdgandharvatIrthAchcha mahAbAhurarindamaH .
gargasroto mahAtIrthamAjagAmaikakuNDalI .. 9\-38\-13 (62358)
tatra gargeNa vR^iddhena tapasA bhAvitAtmanA .
kAlaj~nAnagatishchaiva jyotiShAM cha vyatikramaH .. 9\-38\-14 (62359)
utpAtA dAruNAshchaika shubhAshcha janamejaya .
sarasvatyAH shubhe tIrthe viditA vai mahAtmanA .. 9\-38\-15 (62360)
tasya nAmnA cha tattIrthaM gargasrota iti smR^itam ..  9\-38\-16 (62361)
tatra gargaM mahAbhAgamR^iShayaH suvratA nR^ipa .
upAsA~nchakrire nityaM kAlaj~nAnaM prati prabho .. 9\-38\-17 (62362)
tatra gatvA mahArAja balaH shvetAnulepanaH .
vidhivadvi dhanaM dattvA munInAM bhAvitAtmanAm .. 9\-38\-18 (62363)
uchchAvachAMstathA bhakShyAnviprebhyo vipradAya saH .
nIlavAsAstadA.agachChachCha~NghatIrthaM mahAyashAH .. 9\-38\-19 (62364)
tatrApashyanmahAsha~NkhaM mahAmerumivochChritam .
shvetaparvatasa~NkAshamR^iShisa~NghairniShevitam .
sarasvatyAstaTe jAtaM nagaM tAladhvajo balI ..  9\-38\-20 (62365)
yakShA vidyAdharAshchaiva rAkShasAshchAmitaujasaH .
pishAchAshchAmitabalA yatra siddhAH sahasrashaH .. 9\-38\-21 (62366)
te sarve hyashanaM tyaktvA phalaM tasya vanaspateH .
vrataishcha niyamaishchaiva kAlekAle sma bhu~njate .. 9\-38\-22 (62367)
prAptaishcha niyamaistaistairvicharantaH pR^ithakpR^ithak .
adR^ishyamAnA manujairvyacharanpuruSharShabha .. 9\-38\-23 (62368)
evaM khyAto naravyAghra loke.asminsa vanaspatiH .
tatra tIrthaM sarasvatyAH pAvanaM lokavishrutam .. 9\-38\-24 (62369)
tasmiMshcha yadushArdUlo dattvA tIrthe payasvinIH .
tAmrAyasAni bhANDAni vastrANi vividhAni cha .. 9\-38\-25 (62370)
pUjayitvA dvijAMshchaiva pUjitashcha tapodhanaiH .
puNyaM naisargikaM rAjannAjagAma halAyudhaH .. 9\-38\-26 (62371)
tatra gatvA munIndR^iShTvA nAnAveShadharAnbalaH .
Aplutya salile chApi pUjayAmAsa vai dvijAn .. 9\-38\-27 (62372)
tathaiva dattvA viprebhyaH paribhogAnsupuShkalAn .
tataH prAyAdbalo rAjandakShiNena sarasvatIm .. 9\-38\-28 (62373)
gatvA chaivaM mahAbAhurnAtidUre mahAyashAH .
dharmAtmA nAgadhanvAnaM tIrthamAgamadachyutaH .. 9\-38\-29 (62374)
yatra pannagarAjasya vAsukeH sanniveshanam .
mahAdyutermahArAja bahubhiH pannagairvR^itam .. 9\-38\-30 (62375)
R^iShiNAM hi sahasrANi tatra nityaM chaturdasha .
yatra devAH samAgamya vAsukiM pannagottamam .
sarvapannagarAjAnamabhyaShi~nchanyathAvidhi ..  9\-38\-31 (62376)
pannagebhyo bhayaM tatra vidyate na sma paurava ..  9\-38\-32 (62377)
tatrApi vidhivaddatvA viprebhyo ratnasa~nchayAn .
prAyAtprAchIM dishaM rAjaMstatra tIrthAnyanekashaH .. 9\-38\-33 (62378)
sahasrashatasa~NkhyAni prathitAni padepade .
Aplutya tatra tIrtheShu yathoktaM tatra charShibhiH .. 9\-38\-34 (62379)
dattvA vasu dvijAgryebhyo nirjagAma mahAbalaH .
tatrasthAnR^iShisa~NghAMstAnabhivAdya halAyudhaH .. 9\-38\-35 (62380)
tato rAmo.agamattIrthamR^iShibhiH sektiM mahat .
yatra bhUyo nivavR^ite prA~NmukhA vai sarasvatI .. 9\-38\-36 (62381)
R^iShINAM naimiSheyANAvamekShArthaM mahAtmanAm .
nivR^ittAM tAM sarichChreShThAM tatra dR^iShTvA tu lA~NgalI .
vabhUva vismito rAjanbalaH shvetAnulepanaH ..  9\-38\-37 (62382)
janamejaya uvAcha. 9\-38\-38x (5174)
kasmAtsarasvatI brahmannivR^ittA kaprA~NmukhI bhavat .
vyAkhyAtametadichChAmi sarvamadhvaryusattama .. 9\-38\-38 (62383)
kasmiMshchitkAraNe tatra vismito yadunandanaH .
nivR^ittA hetunA kena kathameva saridvarA .. 9\-38\-39 (62384)
vaishampAyana uvAcha. 9\-38\-40x (5175)
pUrvaM kR^itayuge rAjannaimiSheyAstapasvinaH .
vartamAne suvipule satre dvAdashavArShike .. 9\-38\-40 (62385)
R^iShayo bahavo rAjaMstatsatramabhipedire .
uShitvA cha mahAbhAgAstasminsatre yathAvidhi .. 9\-38\-41 (62386)
nivR^itte naimiShe ye vai satre dvAdashavArShike .
AjagmurR^iShayastatra bahavastIrthakAraNAt .. 9\-38\-42 (62387)
R^iShINAM bahulatvAttu sarasvatyA vishAmpate .
tIrthAni nagarAyante kUle vai dakShiNottare .. 9\-38\-43 (62388)
samantapa~nchakaM yAvattAvatte dvijasattamAH .
tIrthalobhAnnaravyAghra nadyAstIraM samAshritAH .. 9\-38\-44 (62389)
juhvatAM tatra teShAM tu munInAM bhAvitAtmanAm .
svAdhyAyenAtimahatA babhUvuH pUritA dishaH .. 9\-38\-45 (62390)
agnihotraistatasteShAM hUyamAnairmahAtmanAm .
ashobhata sarichChreShThA dIpyamAnaiH samantataH .. 9\-38\-46 (62391)
vAlakhilyA mahArAja ashmakuTTAshcha tApasAH .
dantolUkhalinashchAnye samprakShAlAstathA pare .. 9\-38\-47 (62392)
vAyubhakShA jalAhArAH parNabhakShAshcha tApasAH .
nAnAniyamayuktAshcha tathA sthaNDilashAyinaH .. 9\-38\-48 (62393)
Asanvai munayastavatra sarasvatyAH samIpataH .
shobhayantaH sarichChreShThAM ga~NgAmiva divaukasaH .. 9\-38\-49 (62394)
shatashashcha samApeturR^iShayaH satrayAjinaH .
te.avakAshaM na dadR^ishuH sarasvatyA mahAvratAH .
te.avakAshaM cha dadR^ishuH kurukShetraM (tre) mahAvratAH ..  9\-38\-50 (62395)
tato yaj~nopavItaiH svaistatra kR^itvA sarasvatIm .
juhuvushchAgnihotrAMshcha chakrushcha vividhAH kriyAH .. 9\-38\-51 (62396)
tatastamR^ipisa~NghAtaM nirAshaM chintayAnvitam .
darshayAmAsa rAjendra teShAmarthe sarasvatI .. 9\-38\-52 (62397)
tataH ku~njAnbahUnkR^itvA sannivR^ittA sarasvatI .
R^iShINAM puNyatapasAM kAruNyAjjanamejaya .. 9\-38\-53 (62398)
tato nivR^ittya rAjendra teShAmarthe sarasvatI .
bhUyaH pratIchyabhimukhI prasusrAva saridvarA .. 9\-38\-54 (62399)
amoghA gamanaM kR^itvA teShAM bhUyo jagAma ha .
atyadbhutaM mahachchakre tadA rAjanmahAnadI .. 9\-38\-55 (62400)
evaM sa ku~njo rAjanvai naimiShIya iti smR^itaH .
kurushreShTha kurukShetre kuruShva mahatIM kriyAm .. 9\-38\-56 (62401)
tatra ku~njAnbahUndR^iShTvA nivR^ittAM cha sarasvatIm .
babhUva vismayastatra rAmasyAtha mahAtmanaH .. 9\-38\-57 (62402)
upaspR^ishya tu tatrApi vidhivadyadunandanaH .
dattvA deyAndvijAtibhyo bhANDAni vividhAni cha .. 9\-38\-58 (62403)
bhakShyaM bhojyaM kacha vividhaM brAhmaNebhyaH pradAya cha .
tataH prAyAdbalo rAjanpUjyamAno dvijAtibhiH .. 9\-38\-59 (62404)
sarasvatItIrthavaraM nAnAdvijagaNAyutam .
badare~NgudashyAmAkAplukShAshvatthabibhItakaiH .. 9\-38\-60 (62405)
ka~Nkolaishcha palAshchaishcha karIraiH pIlubhistathA .
sarasvatItIrtharuhaistarubhirvividhaistathA .. 9\-38\-61 (62406)
karuShakavaraishchaiva bilvairAmrAtakaistathA .
atimuktakaShaNDaishcha pArijAtaishcha shobhitam .. 9\-38\-62 (62407)
kadalIvanabhUyiShThaM dR^iShTikAntaM manoharam .
vAyvambuphalaparNAdairdantolUkhalikairapi .. 9\-38\-63 (62408)
tathA.ashmakuTTairvAteyairmunibhirbahubhirvR^itam .
svAdhyAyaghoShasa~NghuShTaM mR^igayUthashatAkulam .. 9\-38\-64 (62409)
ahiMsrairdharmaparamairnR^ibhiratyartharovitam .
saptasArasvataM tIrthamAjagAma halAyudhaH .
yatra ma~NkaNakaH siddhastapastepe mahAmuniH .. ..  9\-38\-65 (62410)

iti shrImanmahAbhArate shalyaparvaNi hradapraveshaparvaNi
aShTaviMsho.adhyAyaH .. 38 ..
##Mahabharata - Shalya Parva - Chapter Footnotes##

9\-38\-1 shUdrAbhIrAndviShTamAnA\-\-\-iti ka.pAThaH ..
9\-38\-3 shubhrAH shuchayaH ..
9\-38\-9 ChAyAshcha vipulA iti ~Na.pAThaH ..
9\-38\-10 gandharvApsarasAnviMtAH iti ~Na.pAThaH ..
9\-38\-17 kAlaj~nAnArtham ..
9\-38\-20 sha~NkhaM sha~NkhanAmAnam . nagaM vR^ikSham ..
9\-38\-26 puNyaM draitavanaM iti jha.pAThaH ..
9\-38\-37 avekShAryamiShTasiddhyartham ..
9\-38\-38 ichChAmi shrotumiti sheShaH ..
9\-38\-51 yaj~nopavItaiH yaj~nasUtraiH nirAshaM sarasvatIjalalAbhe ityarthaH ..
9\-38\-53 kujjAn Atmano vAsasthAnAni tirthavisheShAnityarthaH ..
9\-38\-38 aShTatriMsho.adhyAyaH ..

\medskip\hrule\medskip
shalyaparva \- adhyAya 039
.. shrIH ..
9\.39\. adhyAyaH 39

##Mahabharata - Shalya Parva - Chapter Topics##
sarasvatyAH saptadhAvibhAge kAraNAbhidhAnam .. 1 ..
saptabhAgAnAM kasmiMshchittIrthe ekIbhavanAttattIrthasya
saptasArasvatanAmaprAptiH .. 2 ..
ma~NkaNamunicharitapratipAdanam .. 3 ..

##Mahabharata - Shalya Parva - Chapter Text##

9\-39\-0 (62411)
janamejaya uvAcha. 9\-39\-0x (5176)
saptasArasvataM kasmAtkashcha ma~NkaNako muniH .
kathaM siddhaH sa bhagavAnkashchAsya niyamo.abhavat .. 9\-39\-1 (62412)
kasya vaMshe samutpannaH kiM chAdhItaM dvijottama .
etanme sarvamAchakShva yathAtattvaM mahAmune .. 9\-39\-2 (62413)
vaishampAyana uvAcha. 9\-39\-3x (5177)
saptanadyaH sarasvatyA yAbhirvyAptamidaM jagat .
AhUtA balavadbhirhi tatratatra sarasvatI .. 9\-39\-3 (62414)
suprabhA kA~nchanAkShI cha vishAlA cha manoramA .
sarasvatI chaughavatI sureNurvimalodakA .. 9\-39\-4 (62415)
pitAmahasya mahato vartamAne mahAmakhe .
vitate yaj~navATe cha saMsiddheShu dvijAtiShu .. 9\-39\-5 (62416)
puNyAhaghoShairvimalairvedAnAM ninadaistathA .
deveShu chaiva vyagreShu tasminyaj~navidhau tadA .. 9\-39\-6 (62417)
tatra chaiva mahArAja dIkShite prapitAmahe .
yajatastasya satreNa sarvakAmasamR^idvinA .. 9\-39\-7 (62418)
manasA chintitA hyarthA dharmArthakushalaistadA .
upatiShThanti rAjendra dvijAtIMstatratatra ha .. 9\-39\-8 (62419)
jagushcha tatra gandharvA nanR^itushchApsarogaNAH .
vAditrANi cha divyAni vAdayAmAsura~njasA .. 9\-39\-9 (62420)
tasya yaj~nasya sampattyA tutuShurdevatAgaNAH .
vismayaM paramaM jagmuH kimu mAnuShayonayaH .. 9\-39\-10 (62421)
vartamAne yathA yaj~ne puShkarasthe pitAmahe .
abruvannR^iShayo rAjannAyaM yaj~no mahAguNaH .. 9\-39\-11 (62422)
na dR^ishyate sarichChreShThA yasmAdiha sarasvatI .
tachChrutvA bhagavAnprItaH sasmArAtha sarasvatIm .. 9\-39\-12 (62423)
pitAmahena yajatA AhUtA puShkareShu vai .
suprabhA nAma rAjendra nAmnA tatra sarasvatI .. 9\-39\-13 (62424)
tAM dR^iShTvA munayastuShTAstvarAyuktAM sarasvatIm .
pitAmahaM mAnayantIM kratuM te bahumenire .. 9\-39\-14 (62425)
evameShA sarichChreShThA puShkareShu sarasvatI .
pitAmahArthaM sambhUtA tuShTyarthaM cha manIShiNAm .. 9\-39\-15 (62426)
naimiShe munayo rAjansamAgamya samAsate .
tatra chitrAH kathA hyAsanvedaM prati janeshvara .. 9\-39\-16 (62427)
yatra te munayo hyAsannAnAsvAdhyAyavedinaH .
te samAgamya munayaH sasmArurvai sarasvatIm .. 9\-39\-17 (62428)
sA tu dhyAtA mahArAja munibhiH satrayAjibhiH .
samAgatAnAM rAjendra sAhAyyArthaM mahAtmanAm .
AjagAma mahAbhAgA tatra puNyA sarasvatI ..  9\-39\-18 (62429)
naimiShe kA~nchanAkShI tu munInAM satrAyAji##xxx##m .
AgatA saritAM shreShThA tatra bhArata pUjita .. 9\-39\-19 (62430)
gayasya yajamAnasya gayeShveva mahAkratum .
AhUtA saritAM shreShThA gayayaj~ne sarasvatI .. 9\-39\-20 (62431)
gayasya yajamAnasya gayeShveva mahAkratum .
vishAlAM tu gayasyAhurR^iShayaH saMshitavratA .. 9\-39\-21 (62432)
saritsA himavatpArshvAtprasrutA shIghragAminI .
auddAlakestathA yaj~ne yajatastasya bhArata .. 9\-39\-22 (62433)
samete sarvataH sphIte munInAM maNDale tadA .
uttare kosalAbhAge puNye rAjanmahAtmanaH .. 9\-39\-23 (62434)
auddAlakena yajatA pUrvaM dhyAtA sarasvatI .
AjagAma sarichCheShThA taM deshaM munikAraNAt .. 9\-39\-24 (62435)
pUjyamAnA munigaNairvalkalAjinasaMvR^itaiH .
manohareti vikhyAtA sA hi tairmanasA vR^itA .. 9\-39\-25 (62436)
[suraNuR^iShabhe dvIpe puNye rAjarShisevite.]
kuroshcha yajamAnasya kurukShetre mahAtmanaH .
AjagAma mahAbhAgA sarichChreShThA sarasvatI ..  9\-39\-26 (62437)
oghavatyapi rAjendra vasiShThena mahAtmanA .
samAhUtA kurukShetre divyatoyA sarasvatI .. 9\-39\-27 (62438)
dakSheNa yajatA chApi ga~NgAdvAre sarasvatI .
suveNiriti vikhyAtA prasrutA shIghragAminI .. 9\-39\-28 (62439)
vimalodA bhagavatI brahmaNA yajatA punaH .
samAhUtA yayau tatra puNye haimavate girau .. 9\-39\-29 (62440)
ekIbhUtAstatastAstu tasmiMstIrthe samAgatAH .
saptasArasvataM tIrthaM tatastu prathitaM bhuvi .. 9\-39\-30 (62441)
iti saptasarasvatyo nAmataH parikIrtitAH .
saptasArasvataM chaiva tIrthaM puNyaM tathA smR^itam .. 9\-39\-31 (62442)
shR^iNu ma~NkaNakasyApi kaumArabrahmachAriNaH .
ApagAmavagADhasya rAjanprakrIDitaM mahat .. 9\-39\-32 (62443)
dR^iShTvA yadR^ichChayA tatra striyamambhasi bhArata .
snAyantIM ruchirApA~NgIM digvAsasamaninditAm.  9\-39\-33 (62444)
sarasvatyAM mahArAja chaskande vIryamambhasi ..
tadretaH sa tu jagrAha kalashe vai mahAtapAH.  9\-39\-34 (62445)
`R^iShiH paramadharmAtmA tadA puruShasattama'..
saptadhA pravibhAgaM tu kalashasthaM jagAma ha.  9\-39\-35 (62446)
tatrarShayaH sapta jAtA jaj~nire marutAM gaNAH ..
vAyuvego vAyubalo vAyuhA vAyumaNDalaH.  9\-39\-36 (62447)
vAyujvAlo vAyuretA vAyuchakrashcha vIryavAn .
maharSheshcharitaM yAdR^ik triShu lokeShu vishrutam ..  9\-39\-37 (62448)
purA ma~NkaNakaH sidbhaH kushAgreNeti naH shrutam .
kShataH kila kare rAjaMstasya shAkaraso.asravat .. 9\-39\-38 (62449)
sa vai shAkarasaM dR^iShTvA harShAviShTaH pranR^ittavAn ..  9\-39\-39 (62450)
tatastasminpranR^itte vai sthAvaraM ja~NgamaM cha yat .
pranR^ittamubhayaM vIra sejasA tasya mohitam .. 9\-39\-40 (62451)
brahmAdibhiH surai rAjannR^iShibhishcha tapodhanaiH .
vij~napto vai mahAdeva R^iSherarthe narAdhipa .
nAyaM nR^ityedyathA deva tathA tvaM kartumarhasi ..  9\-39\-41 (62452)
tato devo muniM dR^iShTvA harShAviShTamatIva ha .
sugaNAM hitakAmArthaM mahAdevo.abhyabhAShata .. 9\-39\-42 (62453)
bhobho brAhmaNa dharmaj~na kimarthaM nR^ityate bhavAn .
harShasthAnaM kimarthaM cha tavedamadhikaM mune .
tapasvino dharmapathe sthitasya dvijasattama ..  9\-39\-43 (62454)
R^iShiruvAcha. 9\-39\-44x (5178)
kiM na pashyasi me brahmankarAchChAkarasaM srutam .
yaM dR^iShTvA sampranR^itto vai harSheNa mahatA vibho .. 9\-39\-44 (62455)
taM prahasyAbravIddevo muniM rAgeNa mohitam .
ahaM na vismayaM vipra gachChAmIti prapashya mAm .. 9\-39\-45 (62456)
evamuktvA munishreShThaM mahAdevena dhImatA .
a~NgulyagreNa rAjendrasvA~NguShThastADito.abhavat .. 9\-39\-46 (62457)
tato bhasma kShatAdrAjannirgataM himasannibham ..  9\-39\-47 (62458)
taddR^iShTvA vrIDito rAjansa muniH pAdayorgataH .
mene devaM mahAdevamidaM chovAcha vismitaH .. 9\-39\-48 (62459)
nAnyaM devAdahaM manye rudrAtparataraM mahat .
surAsurasya jagato gatistvamasi shUladhR^ik .. 9\-39\-49 (62460)
tvayA sR^iShTamidaM vishvaM vadantIha manIShiNaH .
tvAmeva sarvaM vishati punareva yugakShaye .. 9\-39\-50 (62461)
devairapi na shakyastvaM parij~nAtuM kuto mayA .
tvayi sarve sma dR^ishyante bhAvA ye jagati sthitAH .. 9\-39\-51 (62462)
tvAmupAsanta varadaM devA brahmAdayo.anagha .
sarvastvamasi devAnAM kartA kArayitA cha ha .. 9\-39\-52 (62463)
tvatprasAdAtsurAH sarve modantIhAkutobhayAH .
`tvaM prabhuH paramaishvaryAdadhikaM bhAsi sha~NkaraH .. 9\-39\-53 (62464)
tvayi brahmA cha viShNushcha lokAnsandhAya tiShThataH .
tvanmUlaM cha jagatsarvaM bhUtasthAvaraja~Ngamam .. 9\-39\-54 (62465)
svargaM cha paramaM sthAnaM nR^iNAmabhyudayArthinAm .
dadAsi cha prasannastvaM bhaktAnAM parameshvara .. 9\-39\-55 (62466)
anAvR^ittipadaM nR^INAM nityaM nishreyasArthinAm .
dadAsi karmiNAM karma bhAvayandhyAnayogataH .. 9\-39\-56 (62467)
na vR^ithA.asti mahAdeva prasAdaste maheshvara .
yasmAttvayopakaraNAtkaromi kamalekShaNa .. 9\-39\-57 (62468)
prapadye sharaNaM shaMbhuM sarvadA sarvataH sthitam .
karmaNA manasA vAchA tamevAbhibhajAmyaham .. 9\-39\-58 (62469)
janamejaya uvAcha.' 9\-39\-59x (5179)
evaM stutvA mahAdevaM sa R^iShiH praNato.abhavat ..  9\-39\-59 (62470)
yadidaM chApalaM deva kR^itametatsmayAdikam .
tataH prasAdayami tvAM tapo me na kSharediti .. 9\-39\-60 (62471)
tato devaH prItamanAstamR^iShiM punarabravIt .
tapaste vardhatAM vipra matprasAdAtsahasradhA .. 9\-39\-61 (62472)
Ashrame cheha vatsyAmi tvayA sArdhamahaM sadA .
saptasArasvate chAsminyo mAmarchiShyate naraH .. 9\-39\-62 (62473)
na tasya durlabhaM ki~nchiddhaviteha paratra vA .
sArasvataM cha te lokaM gamiShyanti na saMshayaH .. 9\-39\-63 (62474)
etanma~NkaNakasyApi charitaM bhUritejasaH .
sa hi putraH sukanyAyAmutpanno mAtarishvanA .. .. 9\-39\-64 (62475)

iti shrImanmahAbhArate shalyaparvaNi hradapraveshaparvaNi
ekonachatvAriMsho.adhyAyaH .. 39 ..
##Mahabharata - Shalya Parva - Chapter Footnotes##

9\-39\-4 vishAlA sutanustathA . sarasvatyoghamAlA cha suveNI nirmalodakA
iti ~Na.pAThaH. sarasvatyUrmimAlA cha suveNI vimalodakA iti ka.pAThaH ..
9\-39\-17 sasmaruH smR^itavantaH ..
9\-39\-20 gayeShu gayadesheShu ..
9\-39\-25 manorameti vikhyAtA sA hi tairmanasA kR^itA iti jha.pAThaH ..
9\-39\-28 sureNuriti jha.pAThaH ..
9\-39\-32 rAjanprajapitaM mahat iti ka.pAThaH ..
9\-39\-33 snAyantIM snAntIm ..
9\-39\-36 marutAM prANavAyUnAM ekonapa~nchAshatAm . eteShAM tapasA maruto
dityAmutpannA iti kalpAntaraviShayo.ayamarthaH ..
9\-39\-60 smayAdikaM gardAdikam ..
9\-39\-39 ekonachatvAriMsho.adhyAyaH ..

\medskip\hrule\medskip
shalyaparva \- adhyAya 040
.. shrIH ..
9\.40\. adhyAyaH 40

##Mahabharata - Shalya Parva - Chapter Topics##
balarAmasyaushanasatIrthagamanam .. 1 ..
tattIrthasya kapAlamochananAmaprAptihetUktiH .. 2 ..
balasya ushaMgvAshramagamanam .. 3 ..
usha~NgucharitrakathanaM balasya pR^ithUdakatIrthe snAnadAnAdi .. 4 ..

##Mahabharata - Shalya Parva - Chapter Text##

9\-40\-0 (62476)
vaishampAyana uvAcha. 9\-40\-0x (5180)
uShitvA tatra rAmastu sampUjyAshramavAsinaH .
tathA ma~NkaNake prItiM shubhAM chakre halAyudhaH .. 9\-40\-1 (62477)
dattvA dAnaM dvijAtibhyo rajanIM tAmupoShya cha .
pUjito munisa~Nkhaishcha prAtarutthAya lA~NgalI .. 9\-40\-2 (62478)
anuj~nApya munInsarvAnspR^iShTvA toyaM cha bhArata .
prayayau tvarito rAmastIrthahetormahAbalaH .. 9\-40\-3 (62479)
tatastvaushanasaM tIrthamAjagAma halAyudhaH .
kapAlamochanaM nAma yatra mukto mahAmuniH .. 9\-40\-4 (62480)
mahatA shirasA rAjangrastaja~Ngho mahodaraH .
rAkShasasya mahArAja rAmakShiptasya vai purA .. 9\-40\-5 (62481)
tatra pUrvaM tapastaptaM kAvyena sumahAtmanA .
yatrAsya nItirakhilA prAdurbhUtA mahAtmanaH .
yatrasthashchintayAmAsa daityadAnavavigraham ..  9\-40\-6 (62482)
tatprApya cha balo rAjaMstIrthapravaramuttamam .
vidhivadvai dadau vittaM brAhmaNAnAM mahAtmanAm .. 9\-40\-7 (62483)
janamejaya uvAcha. 9\-40\-8x (5181)
kapAlamochanaM brahmankathaM yatra mahAmuniH .
muktaH kathaM chAsya shiro lagnaM kena cha hetunA .. 9\-40\-8 (62484)
vaishampAyana uvAcha. 9\-40\-9x (5182)
purA vai daNDakAraNye rAghaveNa mahAtmanA .
vasatA rAjashArdUla rAkShasA~nshamayiShyatA .. 9\-40\-9 (62485)
janasthAne shirashChinnaM rAkShasasya durAtmanaH .
kShureNa shitadhAreNa tatpaNAta mahAvane .. 9\-40\-10 (62486)
mahodarasya tallagnaM ja~NghAyAM vai yadR^ichChayA .
vane vicharato rAjannasthi bhittvA.asphurattadA .. 9\-40\-11 (62487)
sa tena lagnena tadA dvijAtirna shashAka ha .
abhigantuM mahAprAj~nastIrthAnyAyatanAni cha .. 9\-40\-12 (62488)
sa pUtinA visravatA vedanArto mahAmuniH .
jagAm sarvatIrthAni pR^ithivyAM cheti naH shrutam .. 9\-40\-13 (62489)
sa gatvA saritaH sarvAH samudrAMshcha mahAtapAH .
kathayAmAsa tatsarvamR^iShINAM bhAvitAtmanAm .. 9\-40\-14 (62490)
Aplutya sarvatIrtheShu na cha mokShamavAptavAn .
sa tu shushrAva viprendro munInAM vachanaM mahat .. 9\-40\-15 (62491)
sarasvatyAstIrthavaraM khyAtamaushanasaM tadA .
sarvapApaprashamanaM siddhikShetramanuttamam .. 9\-40\-16 (62492)
sa tu gatvA tatastatra tIrthamaushanasaM dvijaH ..  9\-40\-17 (62493)
tata aushanase tIrthe tasyopaspR^ishatastadA .
##xxx## chCharashcharaNaM muktvA papAtAntarjale tadA .. 9\-40\-18 (62494)
vimuktastena shirasA paraM sukhamavApa ha .
sa chApyantarjale mUrdhA jagAmAdarshanaM vibho .. 9\-40\-19 (62495)
tataH sa virujo rAjanpUtAtmA vItakalmaShaH .
AjagAmAshramaM prItaH kR^itakR^ityo mahodaraH .. 9\-40\-20 (62496)
so.atha gatvA.a.ashramaM puNyaM vipramukto mahAtapAH .
kathayAmAsa tatsarvamR^iShINAM bhAvitAtmanAm .. 9\-40\-21 (62497)
te shrutvA vachanaM tasya tatastIrthasya mAnada .
kapAlamochanamiti nAma chakruH samAgatAH .. 9\-40\-22 (62498)
sa chApi tIrthapravaraM punargatvA mahAnR^iShiH .
pItvA payaHsuvipulaM siddhimAyAttadA muniH .. 9\-40\-23 (62499)
tatra dattvA bahUndeyAnviprAnsampUjya mAdhavaH .
jagAma tatra rAjendra usha~NgorAshramaM tadA .. 9\-40\-24 (62500)
yatra taptaM tapo ghoramArShTiSheNena bhArata .
brAhmaNyaM labdhavAnyatra vishvAmitro mahAmuniH .. 9\-40\-25 (62501)
sarvakAmasamR^iddhaM cha tadAshramapadaM mahat .
munibhirbrAhmaNaishchaiva sevitaM sarvadA vibho .. 9\-40\-26 (62502)
tato haladharaH shrImAnbrAhmaNaiH parivAritaH .
jagAma tatra rAjendra usha~Ngustanumatyajat .. 9\-40\-27 (62503)
usha~NgurbrAhmaNo vR^iddhastaponityashcha bhArata .
dehanyAse kR^itamanA vichintya bahudhA tadA .. 9\-40\-28 (62504)
tataH sarvAnupAdAya tanayAnvai mahAtapAH .
usha~NgurabravIttatra nayadhvaM mAM pR^ithUdakam .. 9\-40\-29 (62505)
vij~nAyAtItavayasamusha~NguM te tapodhanAH .
taM cha tIrthamapAninyuH sarasvatyAstapodhanam .. 9\-40\-30 (62506)
sa taiH putraistadA dhImAnAnIto vai sarasvatIm .
puNyAM tIrthashatopetAM viprasa~NghairniShevitAm .. 9\-40\-31 (62507)
sa tatra vidhinA rAjannAplutya sumahAtapAH .
j~nAtvA tIrthaguNAMshchaiva prAhedamR^iShisattamaH .
suprItaH puruShavyAghra sarvAnputrAnupAsataH ..  9\-40\-32 (62508)
sarasvatyuttare tIre yastyajedAtmanastanum .
pR^ithUdake japyaparo nainaM shvo maraNaM tapet .. 9\-40\-33 (62509)
`ityuktvA svAM tanuM tyaktvA prapede vaiShNavaM padam'.
tatrAplutya sa dharmAtmA upaspR^ishya halAyudhaH .
dattvA chaiva bUhUndeyAnviprANAM vipravatsalaH ..  9\-40\-34 (62510)
sasarja yatra bhagavA.NllokA.NllokapitAmahaH ..  9\-40\-35 (62511)
yatrArShTiSheNaH kauravya brAhmaNyaM saMshitavrataH .
tapasA mahatA rAjanprAptavAnR^iShisattamaH .. 9\-40\-36 (62512)
sindhudvIpashcha rAjarShirdevApishcha mahAtapAH .
brAhmaNyaM labdhavAnyatra vishvAmitrastathA muniH .. 9\-40\-37 (62513)
mahAtapasvIM bhagavAnugratejA mahAtapAH .
tatrAjagAma balavAnbalabhadraH pratApavAn .. .. 9\-40\-38 (62514)

iti shrImanmahAbhArate shalyaparvaNi hradapraveshaparvaNi
chatvAriMsho.adhyAyaH .. 40 ..
##Mahabharata - Shalya Parva - Chapter Footnotes##

9\-40\-17 tIrthamupAspR^ishaditi sheShaH ..
9\-40\-24 trisha~NkhorAshramaM tadA iti ka.pAThaH . rusha~NgorAshramaM
tadA iti jhaM. pAThaH ..
9\-40\-33 akShayaM svargamApnotItyarthaH ..
9\-40\-36 brAhmaNaM brahmasanghAto vedasamUha iti yAvat . tataH svArthe
Shya~n. brAhmaNaM brahmasa~NghAte iti medinI ..
9\-40\-40 chatvAriMsho.adhyAyaH ..

\medskip\hrule\medskip
shalyaparva \- adhyAya 041
.. shrIH ..
9\.41\. adhyAyaH 41

##Mahabharata - Shalya Parva - Chapter Topics##
ArShTiSheNena pR^ithUdakatIrthe tapashcharyavA kR^itsnavedAdhigamaH .. 1 ..
vishvAmitrAdInAM tattattIrthe tapashcharyayA brAhmaNyAdhigama
.. balabhadrasya tatra snAnAdipUrvakaM bakAshramamprati gamanam .. 3 ..

##Mahabharata - Shalya Parva - Chapter Text##

9\-41\-0 (62515)
janamejaya uvAcha. 9\-41\-0x (5183)
ArShTiSheNastathA brahmanvipulaM taptavAMstapaH .
sindhudvIpaH kathaM chApi brAhmaNyaM labdhavAMstadA .. 9\-41\-1 (62516)
devApishcha kathaM brahmanvishvAmitrashcha sattama .
tanmamAchakShva bhagavanparaM kautUhalaM hi me .. 9\-41\-2 (62517)
vaishampAyana uvAcha. 9\-41\-3x (5184)
purA kR^itayuge rAjannArShTiSheNo dvijottamaH .
vasangurukule nityaM nityamadhyayane rataH .. 9\-41\-3 (62518)
tasya rAjangurukule vasato nityameva cha .
samAptiM nAgamadvidyA nApi vedA vishAmpate .. 9\-41\-4 (62519)
sa nirviNNastato rAjaMstapastepe mahAtapAH .
tato vai tapasA tena prApya vedAnanuttamAn .. 9\-41\-5 (62520)
sa vidvAnvedayuktashcha siddhashchApyR^iShisattamaH .
tatra tIrthe varAnprAdAttrIneva sumahAtapAH .. 9\-41\-6 (62521)
asmiMstIrthe mahAnadyA adyaprabhR^iti mAnavaH .
Apluto vAjimedhasya phalaM prApsyati puShkalam .. 9\-41\-7 (62522)
adyaprabhR^iti naivAtra bhayaM vyAlAdbhaviShyati .
api chAlpena kAlena phalaM prApsyati puShkalam .. 9\-41\-8 (62523)
evamuktvA mahAtejA jagAma tridivaM muniH .
evaM sidvaH sa bhagavAnArShTiSheNaH pratApavAn .. 9\-41\-9 (62524)
tasminneva tadA tIrthe sindhudvIpaH pratApavAn .
devApishcha mahArAja brAhmaNyaM prApaturmahat .. 9\-41\-10 (62525)
tathAcha kaushikastAta taponityo jitendriyaH .
tapasA vai sutaptena brAhmaNatvamavAptavAn .. 9\-41\-11 (62526)
gAdhirnAma mahAnAsItkShatriyaH prathito bhuvi .
tasya putro.abhavadrAjanvishvAmitraH pratApavAn .. 9\-41\-12 (62527)
sa rAjA kaushikastAta mahAyogyabhavatkila .
sa putramabhiShichyAtha vishvAmitraM mahAtapAH .. 9\-41\-13 (62528)
dehanyAse manashchakre tamUchuH praNatAH prajAH .
na gantavyaM mahAprAj~na trAhi chAsmAnmahAbhayAt .. 9\-41\-14 (62529)
evamuktaH pratyuvAcha tato gAdhiH prajAstataH .
vishvasya jagato goptA bhaviShyati suto mama .. 9\-41\-15 (62530)
ityuktvA tu tato gAdhirvishvAmitraM niveshya cha .
jagAma tridivaM rAjanvishvAmitro.abhavannR^ipaH .. 9\-41\-16 (62531)
na sa shaknoti pR^ithivIM yatnavAnapi rakShitum .
tataH shushrAva rAjA sa rAkShasebhyo mahAbhayam .. 9\-41\-17 (62532)
niryayau nagarAchchApi chatura~NgabalAnvitaH .
sa gatvA dUramadhvAnaM vasiShThAshramamabhyayAt .. 9\-41\-18 (62533)
tasya te sainikA rAjaMshchakrustatrAnayAnbahUn .
tatastu bhagavAnvipro vasiShTho shramamabhyayAt .
dadR^ishe.atha tataH sarvaM bhajyamAnaM mahAvranam ..  9\-41\-19 (62534)
tasya kruddho mahArAja vasiShTho munisattamaH .
sR^ijasva shabarAnghorAniti svAM gAmuvAcha ha .. 9\-41\-20 (62535)
tathoktA sA.asR^ijaddhenuH puruShAnghoradarshanAn .
te tu tadbalamAsAdya babha~njuH sarvatodisham .. 9\-41\-21 (62536)
tachChrutvA vidrutaM sainyaM vishvAmitrastu gAdhijaH .
tapaH paraM manyamAnastapasyeva mano dadhe .. 9\-41\-22 (62537)
so.asmiMstIrthavare rAjansarasvatyAH samAhitaH .
niyamaishchopavAsaishcha karshayandehamAtmanaH .. 9\-41\-23 (62538)
jalAhAro vAyubhakShaH parNAhArashcha so.abhavat .
tathA sthaNDilashAyI cha ye chAnye niyamAHpR^ithak .. 9\-41\-24 (62539)
asakR^ittasya devAstu vratavighnaM prachakrire .
na chAsya niyamAdbuddhirapayAti mahAtmanaH .. 9\-41\-25 (62540)
tataH pareNa yatnena taptvA bahuvidhaM tapaH .
tejasA bhAskarAkAro gAdhijaH samapadyata .. 9\-41\-26 (62541)
tapasA tu tathAyuktaM vishvAmitraM pitAmahaH .
amanyata mahAtejA varado.adarshayattadA .. 9\-41\-27 (62542)
sa tu vavre varaM rAjansyAmahaM brAhmaNastviti .
tatheti chAbravIdbrahmA sarvalokapitAmahaH .. 9\-41\-28 (62543)
sa labdhvA tapasogreNa brAhmaNatvaM mahAyashAH .
vichachAra mahIM kR^itsnAM kR^itakAmaH suropamaH .. 9\-41\-29 (62544)
tasmiMstIrthavare rAmaH pradAya vividhaM vasu .
payasvinIstathA dhenUryAnAni shayanAni cha .. 9\-41\-30 (62545)
atha vastrANyala~NkAraM bhakShyaM peyaM cha shobhanam .
adadanmudito rAjanpUjayitvA dvijottamAn .. 9\-41\-31 (62546)
yayau rAjaMstato rAmo bakasyAshramamantikAt .
yatra tepe tapastIvraM dAlbhyo baka iti shrutiH .. .. 9\-41\-32 (62547)

iti shrImanmahAbhArate shalyaparvaNi hradapraveshaparvaNi
ekachatvAriMsho.adhyAyaH .. 41 ..

\medskip\hrule\medskip
shalyaparva \- adhyAya 042
.. shrIH ..
9\.42\. adhyAyaH 42

##Mahabharata - Shalya Parva - Chapter Topics##
baladevasyAvAkIrNatIrthagamanam .. 1 ..
bakamunicharitrakathanam .. 2 ..
baladevasya tato vasiShThApavAhatIrthagamanam .. 3 ..

##Mahabharata - Shalya Parva - Chapter Text##

9\-42\-0 (62548)
vaishampAyana uvAcha. 9\-42\-0x (5185)
brahmayonibhirAkIrNaM jagAma yadvunandanaH .
yatra dAlbhyo bako rAjanpashvartha sumahAtapAH .
juhAva dhR^itarAShTrasya rAShTraM kopasamanvitaH ..  9\-42\-1 (62549)
tapasA ghorarUpeNa karshayandehamAtmanaH .
krodhena mahatA.a.aviShTo dharmAtmA vai pratApavAn .. 9\-42\-2 (62550)
purA hi naimishIyAnAM satre dvAdashavArShike .
vR^itte vishvajito.ante vai pA~nchAlAnR^iShayo.agaman .. 9\-42\-3 (62551)
tatreshvaramayAchanta dakShiNArthaM manasvinaH .
`tatra te lebhire rAjanpA~nchAlebhyo maharShayaH.'
balAnvitAnvatsatarAnnirvyAdhInsaptaviMshatim ..  9\-42\-4 (62552)
tAnabravIdbalo dAlbhyo vibhajadhvaM pashUniti .
pashUnetAnahaM tyaktvA bhikShiShye rAjasattamam .. 9\-42\-5 (62553)
evamuktvA vako rAjannR^iShInsarvAMnpratApavAn .
jagAma dhR^itarAShTrasya bhavanaM brAhmaNottamaH .. 9\-42\-6 (62554)
sa samIpagato bhUtvA dhR^itarAShTraM janeshvaram .
ayAchata pashUndAlbhyaH sa chainaM ruShito.abravIt .. 9\-42\-7 (62555)
yadR^ichChayA mR^itA dR^iShTvA gAstadA nR^ipasattamaH .
etAnpashUnnaya kShipraM brahmabandho yadIchChasi .. 9\-42\-8 (62556)
R^iShistvatha bakaH kruddhashchintayAmAsa dharmavit .
aho vata nR^ishaMsaM vai vAkyamukto.asmi saMsadi .. 9\-42\-9 (62557)
chintayitvA muhUrtena roShAviShTo dvijottamaH .
matiM chakre vinAshAya dhR^itarAShTrasya bhUpateH .. 9\-42\-10 (62558)
sa tUtkR^itya mR^itAnAM vai mAMsAni munisattamaH .
juhAva dhR^itarAShTrasya rAShTraM narapateH purA .. 9\-42\-11 (62559)
avAkarNe sarasvatyAstIrthe prajvAlya pAvakam .
##xxxx## dAlbhyo mahArAja niyamaM paramaM sthitaH .. 9\-42\-12 (62560)
sa taireva juhAvAgnau rAShTraM mAMsairmahAtapaH ..  9\-42\-13 (62561)
tasmiMstu vidhivatsatre sampravR^itte sudAruNe .
akShIyata tato rAShTraM dhR^itarAShTrasya pArthiva .. 9\-42\-14 (62562)
Chi##xxx##mAnaM xxxxxx parashunA vibho
##xxxxxxxxxxxx## vyavakIrthamachetanam ..  9\-42\-15 (62563)
dR^iShTvA tathA.avakIrNaM tu rAShTraM cha manujAdhipaH .
babhUva durmanA rAjA chintayAmAsa cha prabhuH .. 9\-42\-16 (62564)
##xxxxxxxxx##radyatraM brAhmaNaiH sahitaH purA .
##xxxxx##gachChattu kShIyate rAShTrameva cha .. 9\-42\-17 (62565)
yadA sa pArthivaH khinnaste cha viprAstadA.anagha ..  9\-42\-18 (62566)
yadA chApi na shaknoti rAShTraM mokShayituM nR^ipaH .
atha viprAdikAMstatra paprachCha janamejaya .. 9\-42\-19 (62567)
tato viprAdikAH prAhuH pashuviprakR^itastvayA .
mAMsairabhijuhotIdaM tava rAShTraM munirbakaH .. 9\-42\-20 (62568)
tena te hUyamAnasya rAShTrasyAsya kShayo mahAn .
tasyaitattapasaH karma yena te.adya layo mahAn .. 9\-42\-21 (62569)
`yadIchChasi mahAbAho shAntiM rAShTrasya bhUmipa.'
apAM ku~nje sarasvatyAstaM prasAdaya pArthiva ..  9\-42\-22 (62570)
vaishampAyana uvAcha. 9\-42\-23x (5186)
sarasvatIM tato gatvA sa rAjA bakamabravIt .
nipatya shirasA bhUmau prA~njalirbharatarShabha .. 9\-42\-23 (62571)
prasAdaye tvAM bhagavannaparAdhaM kShamasva me .
mama dInasya lubdhasya maurkhyeNa hatachetasaH .
tvaM gatistvaM cha me nAthaH prasAdaM kartumarhasi ..  9\-42\-24 (62572)
taM tathA vilapantaM tu shokopahatachetasam .
dR^iShTvA tasya kR^ipA jaj~ne rAShTraM tasya vyamochayat .. 9\-42\-25 (62573)
R^iShiH prasannastasyAbhUtsaMrambhaM cha vihAya saH .
mokShArthaM tasya rAjyasya juhAva punarAhutim .. 9\-42\-26 (62574)
mokShayitvA tato rShTraM pratigR^ihya pashUnbahUn .
hR^iShTAtmA naimishAraNyaM jagAma punareva saH .. 9\-42\-27 (62575)
dhR^itarAShTro.api dharmAtmA svasthachetA mahAmanAH .
svameva nagaraM rAjanpratipede maharddhimat .. 9\-42\-28 (62576)
tatra tIrthe mahArAja bR^ihaspatirudAradhIH .
asurANAmabhAvAya bhavAya cha divaukasAm .. 9\-42\-29 (62577)
mAMsairabhijuhAveShTimakShIyanta tato.asurAH .
daivatairapi sambhagnA jitakAshibhirAhave .. 9\-42\-30 (62578)
tatrApi vidhivaddattvA brAhmaNebhyo mahAyashAH .
vAjinaH ku~njarAMshchaiva rathAMshchashvatarIyutAn .. 9\-42\-31 (62579)
ratnAni cha mahArhANi dhanaM dhAnyaM cha puShkalam .
yayau tIrthaM mahAbAhuryAyAtaM pR^ithivIpate .. 9\-42\-32 (62580)
tatra yaj~ne yayAteshcha mahArAja sarasvatI .
sarpiH payashcha susrAva nAhuShasya mahAtmanaH .. 9\-42\-33 (62581)
tatreShTvA puruShavyAghro yayAtiH pR^ithivIpatiH .
AkrAmadUrdhvaM pudito lebhe lokAMshcha puShkalAn .. 9\-42\-34 (62582)
punastatra cha rAj~nastu yayAteryajataH prabhoH .
audAryaM paramaM kR^itvA bhaktiM chAtmani shAshvatIm .
dadau kAmAnbrAhmaNebhyo vAnyAnyo manasechChati ..  9\-42\-35 (62583)
yo yatra sthita eveha AhUto yaj~nasaMstare .
tasyatasya sarichChreShThA gR^ihAdi shayanAdikam .
ShaDrasaM bhojanaM chaiva dAnaM nAnAvidhaM tathA ..  9\-42\-36 (62584)
te manyamAnA rAj~nastu sampradAnamanuttamam .
rAjAnaM tuShTuvuH prItA dattvA chaivAshiShaH shubhAH .. 9\-42\-37 (62585)
tatra devAH sagandharvAH prItA yaj~nasya sampadA .
vismitA mAnuShAshchAsandR^iShTvA tAM yaj~nasampadam .. 9\-42\-38 (62586)
tatastAlaketurmahAdharmaketu\-\-
rmahAtmA kR^itAtmA mahAdAnanityaH .
vasiShThApavAhaM mahAbhImavegaM
dhR^itAtmA jitAtmA samabhyAjagAma .. ..  9\-42\-39 (62587)

iti shrImanmahAbhArate shalyaparvaNi hradapraveshaparvaNi
dvichatvAriMsho.adhyAyaH .. 42 ..
##Mahabharata - Shalya Parva - Chapter Footnotes##

9\-42\-1 brahmayoneravAkIrNamiti jha.pAThaH . tatra brahmayoneH
brAhmaNyotpAdakAttIrthAdavAkIrNaM nAma dvAlbhyasevitaM tIrthaM
jagAmetyarthaH ..
9\-42\-3 pA~nchalAnvishvajito mahatmAnte agaman ..
9\-42\-4 IshvaraM pAshchAlasajam ..
9\-42\-5 ##xxxxxxxxxxx## khayaM tatra bhAgaM na gR^ihItavAnityarthaH ..
9\-42\-19 atha vai prAshnikAMstatreti jha pAThaH ..
9\-42\-42 dvichatvAriMsho.adhyAyaH ..

\medskip\hrule\medskip
shalyaparva \- adhyAya 043
.. shrIH ..
9\.43\. adhyAyaH 43

##Mahabharata - Shalya Parva - Chapter Topics##
vasiShThApavAhatIrthasya tannAmaprAptiprakArakathanam .. 1 ..

##Mahabharata - Shalya Parva - Chapter Text##

9\-43\-0 (62588)
janamejaya uvAcha. 9\-43\-0x (5187)
vasiShThApavAho brahmanvai bhImavegaH kathaM nu saH .
kimarthaM cha sarichChreShThA tamR^iShiM pratyavAhayat .. 9\-43\-1 (62589)
kathamasyAbhavadvairaM kAraNaM kiM cha tatprabho .
shaMsa pR^iShTo mahAprAj~na na hi tR^ipyAmi kathyati .. 9\-43\-2 (62590)
vaishampAyana uvAcha. 9\-43\-3x (5188)
vishvAmitrasya viprarShervasiShThasya cha bhArata .
bhR^ishaM vairamabhUdrAjaMstapaHspardhAkR^itaM mahat .. 9\-43\-3 (62591)
Ashramo vai vasiShThasya sthANutIrthe.abhavanmahAn .
pUrvataH pArshvatashchAsIdvishvAmitrasya dhImataH .. 9\-43\-4 (62592)
yatra sthANurmahArAja taptavAnparamaM tapaH .
tatrAsya karma taddhoraM pravadanti manIShiNaH .. 9\-43\-5 (62593)
yatreShTvA bhagavAnsthANuH pUjayitvA sarasvatIm .
sthApayAmAsa tattIrthaM sthANutIrthamiti prabho .. 9\-43\-6 (62594)
tatra tIrthe surAH skandamabhyaShi~nchannarAdhipa .
sainApatyena mahatA surArivinibarhaNam .. 9\-43\-7 (62595)
tasminsArasvate tIrthe vishvAmitro mahAmuniH .
vasiShThaM chAlayAmAsa tapasogreNa tachChR^iNu .. 9\-43\-8 (62596)
vishvAmitravasiShThau tAvahanyahani bhArata .
spardhAM tapaH kR^itAM tIvrAM chakratustau vatapodhanau .. 9\-43\-9 (62597)
tatrApyadhikasantapto vishvAmitro mahAmuniH .
dR^iShTvA tejo vasiShThasya chintAmabhijagAma ha .. 9\-43\-10 (62598)
tasya buddhiriyaM hyAsIddharmanityasya bhArata .
idaM sarasvatI tUrNaM matsamIpaM tapodhanam .. 9\-43\-11 (62599)
AnayiShyati vegena vasiShThaM japatAM varam .
ihAgataM dvijashreShThaM haniShyAmi na saMshayaH .. 9\-43\-12 (62600)
evaM nishchitya bhagavAnvishvAmitro mahAmuniH .
sasmAra saritAM shreShThAM krodhasaMraktalochanaH .. 9\-43\-13 (62601)
sA dhyAtA muninA tena vyAkulatvaM jagAma ha .
gatvA chainaM mahAvIryaM mahAkopaM cha bhAminI .. 9\-43\-14 (62602)
tadA taM vepamAnA~NgI vivarNA prA~njalirbhR^isham .
upatasthe munivaraM vishvAmitraM sarasvatI .. 9\-43\-15 (62603)
hatavIrA yathA nArI sA.abhavadduHkhitA bhR^isham .
brUhi kiM karavANIti provAcha munisattamam .. 9\-43\-16 (62604)
tAmuvAcha muniH kruddho vasiShThaM shIghramAnaya .
yAvadenaM nihanmyadya tachChrutvA vyathitA nadI .. 9\-43\-17 (62605)
sA~njaliM tu tataH kR^itvA puNDarIkanibhekShaNA .
prAkampata bhR^ishaM bhItA vAyunevAhatA latA .. 9\-43\-18 (62606)
tathArUpAM tu tAM dR^iShTvA munirAha mahAnadIm .
avichAraM vasiShThaM tvamAnayastvAntikaM mama .. 9\-43\-19 (62607)
sA tasya vachanaM shrutvA j~nAtvA pApaM chikIrShitam .
vasiShThasya prabhAvaM cha jAnantyapratimaM bhuvi .. 9\-43\-20 (62608)
sA.abhigamya vasiShThaM cha idamarthamachodayat .
yaduktA saritAMshreShThA vishvAmitreNa dhImatA .. 9\-43\-21 (62609)
ubhayoH shApayorbhItA vepamAnA punaHpunaH .
chintayitvA mahAshApamR^iShiviprAsitA bhR^isham .. 9\-43\-22 (62610)
tAM kR^ishAM cha vivarNAM cha dR^iShTvA chintAsamanvitAm .
uvAcha rAjandharmAtmA vasiShTho dvipadAM varaH .. 9\-43\-23 (62611)
pAhyAtmAnaM sarichCheShThe vaha mAM shIghragAminI .
vishvAmitraH shapedvi tvAM mA kR^ithAstvaM vichAraNAm .. 9\-43\-24 (62612)
tasya tadvachanaM shrutvA kR^ipAshIlasya sA sarit .
chintayAmAsa kauravya kiM kR^itvA sukR^itaM bhavet .. 9\-43\-25 (62613)
tasyAshchintA samutpannA vasiShTho mayyatIva hi .
kR^itavAnhi dayAM nityaM tasyA kAryaM hitaM mayA .. 9\-43\-26 (62614)
atha kUle svake rAja~njapantamR^iShisattamam .
juhvAnaM kaushikaM prekShya sarasvatyabhyachintayat .. 9\-43\-27 (62615)
idamantaramityevaM tataH sA saritAM varA .
kUlApahAramakarotsvena vegena sA sarit .. 9\-43\-28 (62616)
tena kUlApahAreNa maitrAvaruNirauhyata .
uhyamAnaH sa tuShTAva tadA rAjansarasvatIm .. 9\-43\-29 (62617)
pitAmahasya sarasaH pravR^ittA.asi sarasvati .
vyAptaM chedaM jagatsarvaM tavaivAmbhobhiruttamaiH .. 9\-43\-30 (62618)
tvamevAkAshagA devi megheShu sR^ijase payaH .
sarvAshchApastvameveti yathA vayamadhImahi .. 9\-43\-31 (62619)
puShTirdyutistathA kIrtiH siddhirbuddhiramA tathA .
tvameva vANI svAhA tvaM tavAyattamidaM jagat .
tvameva sarvabhUteShu vasasIha chaturvidhA ..  9\-43\-32 (62620)
vaishampAyana uvAcha. 9\-43\-33x (5189)
evaM sarasvatI rAjanstUyamAnA maharShiNA .
vegenovAha taM vipraM vishvAmitrAshramaM prati .. 9\-43\-33 (62621)
nyavedayata chAkShIkShNaM vishvAmitrAya taM munim ..  9\-43\-34 (62622)
tamAnItaM sarasvatyA dR^iShTvA kopasamanvitaH .
athAnveShatpraharaNaM vasiShThAntakaraM tadA .. 9\-43\-35 (62623)
taM tu kruddhamabhiprekShya brahmavadhyAbhayAnnadI .
apovAha vasiShThaM tu prAchIM dishamatandritA .
ubhayoH kurvatI vAkyaM va~nchayitvA cha gAdhijam ..  9\-43\-36 (62624)
tatopavAhitaM dR^iShTvA vasiShThamR^iShisattamam .
abravIttvatha sa~Nkruddho vishvAmitraH sarasvatIm .. 9\-43\-37 (62625)
yasmAnmAM tvaM sarichChreShThe va~nchayitvA punargatA .
shoNitaM vaha kalyANi rAkShasAnAM cha sammatam .. 9\-43\-38 (62626)
tataH sarasvatI shaptA vishvAmitreNa dhImatA .
avahachChoNitonmishraM toyaM saMvatsaraM tadA .. 9\-43\-39 (62627)
atharShayashcha devAshcha gandharvApsarasastadA .
sarasvatIM tathA dR^iShTvA babhUvurbhR^ishaduHkhitAH .. 9\-43\-40 (62628)
evaM vasiShThApavAho loke khyAto janAdhipa .
AgachChachcha punarmArgaM svameva saritAM varA .. .. 9\-43\-41 (62629)

iti shrImanmahAbhArate shalyaparvaNi hradapraveshaparvaNi
trichatvAriMsho.adhyAyaH .. 43 ..

\medskip\hrule\medskip
shalyaparva \- adhyAya 044
.. shrIH ..
9\.44\. adhyAyaH 44

##Mahabharata - Shalya Parva - Chapter Topics##
vishvAmitrashApAdrudhirajalAyAH sarasvatyA R^iShibhisvapasA shodhanam .. 1 ..
indreNa sarasvatyaruNAsa~Ngame yajanAdinA brahmahatyApariharaNam .. 2 ..
balarAmasya tatra snAnAdipUrvakaM tasmAtsomatIrthagamanam .. 3 ..

##Mahabharata - Shalya Parva - Chapter Text##

9\-44\-0 (62630)
vaishampAyana uvAcha. 9\-44\-0x (5190)
sa shaptA tena kruddhena vishvAmitreNa dhImatA .
tasmiMstIrthavare shubhraM shoNitaM samupAvahat .. 9\-44\-1 (62631)
athAjagmustato rAjanrAkShasAstatra bhArata .
tatra te shoNitaM sarve pibantaH sukhamAsate .. 9\-44\-2 (62632)
tR^iptAshcha subhR^ishaM tena sukhitA vigatajvarAH .
nR^ityantashcha hasantashcha yathA svargajitastathA .. 9\-44\-3 (62633)
kasyachittvatha kAlasya R^iShayaH sutapodhanAH .
tIrthayAtrAM samAjagmuH sarasvatyAM mahIpate .. 9\-44\-4 (62634)
teShu sarveShu tIrtheShu svAplutya munipu~NgavAH .
prApya prItiM parAM chApi tapolupdhA vishAradAH .. 9\-44\-5 (62635)
prayayurhi tato rAjanyena tIrthamasR^igvaham .
athAgamya mahAbhAgAstattIrthaM dAruNaM tadA .. 9\-44\-6 (62636)
dR^iShTvA toyaM sarasvatyAH shoNitena pariplutam .
pIyamAnaM cha rakShobhirbahubhirnR^ipasattama .. 9\-44\-7 (62637)
tAndR^iShTvA rAkShasAnrAjanmunayaH saMshitavratAH .
paritrANe sarasvatyAH paraM yatnaM prachakrire .. 9\-44\-8 (62638)
te tu sarve mahAbhAgAH samAgamya mahAvratAH .
AhUya saritAM shreShThAmidaM vachanamabruvan .. 9\-44\-9 (62639)
kAraNaM brUhi kalyANi kimarthaM te hR^ido hyayam .
evamagrAhyatAM yAtaH shrutvA.adhyAsyAmahe vayam .. 9\-44\-10 (62640)
tataH sA sarvamAchaShTa yathAvR^ittaM pravepatI .
duHkhitAmatha tAM dR^iShTvA Uchuste vai tapodhanAH .. 9\-44\-11 (62641)
kAraNaM shrutamasmAbhiH shApashchaiva shruto.anaghe .
kariShyanti tu yatprAptaM sarva eva tapodhanAH .. 9\-44\-12 (62642)
evamuktvA sarichChreShThAmUchuste.atha parasparam .
vimochayAmahe sarve shApAdetAM sarasvatIm .. 9\-44\-13 (62643)
te sarve brAhmaNA rAjaMstapobhirniyamaistathA .
upavAsaishcha vividhairyamaiH kaShTavrataistathA .. 9\-44\-14 (62644)
ArAdhya pashubhartAraM mahAdevaM jagatpatim .
mokShayAmAsustAM devIM sarichChreShThAM sarasvatIm .. 9\-44\-15 (62645)
teShAM tu sA prabhAveNa prakR^itisthA sarasvatI .
prasannasalilA jaj~ne yathA pUrvaM tathaiva hi .
nirmuktA cha sarichChreShThA vibabhau sA yathA purA ..  9\-44\-16 (62646)
dR^iShTvA toyaM sarasvatyA munibhistaistathA kR^itam .
tAneva sharaNaM jagmU rAkShasAH kShudhitAstathA .. 9\-44\-17 (62647)
kR^itvA~njaliM tato rAjanrAkShasAH kShudhayA.arditAH .
UchustAnvai munInsarvAnkR^ipAyuktAnpunaHpunaH .. 9\-44\-18 (62648)
vayaM cha kShudhitAshchaiva dharmAddhInAshcha shAshvatAt .
na cha naH kAmakAro.ayaM yadvayaM pApakAriNA .. 9\-44\-19 (62649)
yuShmAkaM chAprasAdena duShkR^itena cha karmaNA .
pakSho.ayaM vardhate.asmAkaM yataH smo brahmarAkShasAH .
yoShitAM chaiva pApena yonidoShakR^itena cha ..  9\-44\-20 (62650)
evaM hi vaishyashUdrANAM kShatriyANAM tathaiva cha .
ye brAhmaNAnpradviShanti te bhavantIha rAkShasAH .. 9\-44\-21 (62651)
`shaktimanto.api ye kechidAshritAnAM cha rakShaNam .
na kurvanti manuShyAste sambhavantIha rAkShasAH'.. 9\-44\-22 (62652)
AchAryamR^itvijaM chaiva guruM vR^idvajanaM tathA .
praNino ye.avamanyante te bhavantIha rAkShasAH .. 9\-44\-23 (62653)
tatkurudhvamihAsmAkaM tAraNaM dvijasattamAH .
shaktA bhavantaH sarveShAM lokAnAmapi tAraNe .. 9\-44\-24 (62654)
teShAM tu vachanaM shrutvA tuShTuvustAM mahAnadIm .
mokShArthaM rakShasAM teShAmUchuH prayatamAnasAH .. 9\-44\-25 (62655)
R^iShaya UchuH. 9\-44\-26x (5191)
kShutaM kITAvapannaM cha yachchochChiShTAchitaM bhavet .
sakeshamavadhUtaM cha ruditopahataM cha yat .. 9\-44\-26 (62656)
shvabhiH saMsR^iShTamannaM cha bhAgo.asau rakShasAmiha .
tasmAjj~nAtvA sadA vidvAnetAnyatnAdvivarjayet .
rAkShasAnnamasau bhu~Nkte yo bhu~Nkte hyannamIdR^isham ..  9\-44\-27 (62657)
shodhayitvA tatastIrthamR^iShayaste tapodhanAH .
mokShArthaM rAkShasAnAM cha nadIM tAM pratyachodayan .. 9\-44\-28 (62658)
maharShINAM mataM j~nAtvA tataH sA saritAM varA .
aruNAmAnayAmAsa svAM tanuM puruSharShabha .. 9\-44\-29 (62659)
tasyAnterAkShasAH snAtvA tanUstyaktvA divaM gatAH .
aruNAyAM mahArAja brahmavadhyApahA hi sA .. 9\-44\-30 (62660)
etamarthamabhij~nAya devarAjaH shatakratuH .
tasmiMstIrthe vare snAtvA vimuktaH pApmanA kila .. 9\-44\-31 (62661)
janamejaya uvAcha. 9\-44\-32x (5192)
kimarthaM bhagavA~nshakro brahmavadhyAmavAptavAn .
kathamasmiMshcha tIrthe vai AplutyAkalmaSho.abhavat .. 9\-44\-32 (62662)
vaishampAyana uvAcha. 9\-44\-33x (5193)
shR^iNuShvaitadupAkhyAnaM yathAvR^ittaM janeshvara .
yathA bibheda samayaM namuchervAsavaH purA .. 9\-44\-33 (62663)
jamuchirvAsavAdbhItaH sUryarashmiM samAvishat .
tenendraH sakhyamakarotsamayaM chedamabravIt .. 9\-44\-34 (62664)
na chArdreNa na shuShkeNa na rAtrau nApi chAhani .
vadhiShyAmyasurashreShTha sakhe satyena te shape .. 9\-44\-35 (62665)
evaM sa kR^itvA samayaM dR^iShTvA nIhAsmIshvaraH .
chichChedAsya shiro rAjannapAM phenena vAsavaH .. 9\-44\-36 (62666)
tachChiro namucheshChinnaM pR^iShThataH shakramanviyAt .
bhobho mitraha pApeti bruvANaM shakramantikAt .. 9\-44\-37 (62667)
evaM sa shirasA tena chodyamAnaH punaH punaH .
pitAmahAya santapta etamarthaM nyavedayat .. 9\-44\-38 (62668)
tamabravIllokagururaruNAyAM yathAvidhi .
iShTvopaspR^isha devendra tIrthe pApabhayApahe .. 9\-44\-39 (62669)
[eShA puNyajalA shakra kR^itA munibhireva tu .
nigUDhamasyAgamanamihAsItpUrvameva tu .. 9\-44\-40 (62670)
tato.abhyetyAruNAM devIM plAvayAmAsa vAriNA .
sarasvatyAruNAyAshcha puNyo.ayaM sa~Ngamo mahAn .. 9\-44\-41 (62671)
iha tvaM yaja devendra dada dAnAnyanekashaH .
atrAplutya sughorAttvaM pAtakAdvipramokShyase ..]  9\-44\-42 (62672)
ityuktaH sa sarasvatyAH ku~nje vai janamejaya .
iShTvA yathAvadbalabhidaruNAyAmupAspR^ishat .. 9\-44\-43 (62673)
sa muktaH pApmanA tena brahmavadhyAkR^itena cha .
jagAma saMhR^iShTamanAstridivaM tridasheshvaraH .. 9\-44\-44 (62674)
shirastachchApi namuchestatraivAplutya bhArata .
lokAnkAmadudhAtprAptamakShayAnrAjasattama .. 9\-44\-45 (62675)
vaishapAyana uvAcha. 9\-44\-46x (5194)
tatrApyupaspR^ishya balo mahAtmA
dattvA cha dAnAni pR^ithagvidhAni .
avApya dharmaM paramAryakarmA
jagAma somasya mahatsutIrtham ..  9\-44\-46 (62676)
yatrAyajadrAjasUyena somaH
sAkShAtpurA vidhivatpArthivendra .
atrirdhImAnbrahmaputro babhUva
hotA yasminkratumukhye mahAtmA ..  9\-44\-47 (62677)
yasyAnte.abhUtsumahaddAnavAnAM
daiteyAnAM rAkShasAnAM cha devaiH .
sa~NgrAmo vai tArakAkhyaH sutIvro
yatra skandastArakAkhyaM jaghAna ..  9\-44\-48 (62678)
sainApatyaM labdhavAndaivatAnAM
mahAseno yatra daityAntakartA .
sAkShAchchaivaM nyavasatkArtikeyaH
sadA kumAro yatra sa plukSharAjaH .. ..  9\-44\-49 (62679)

iti shrImanmahAbhArate shalyaparvaNi hradapraveshaparvaNi
chatushchatvAriMsho.adhyAyaH .. 44 ..
##Mahabharata - Shalya Parva - Chapter Footnotes##

9\-44\-10 adhyAsyAmahe adhyavasAyaM kariShyAmahe ..
9\-44\-49 sadA kumAro yatra nakShatradharmA iti ka.pAThaH . yatra
nakShatrakAmaH iti ~Na.pAThaH ..
9\-44\-44 chatushchatvAriMsho.adhyAyaH ..

\medskip\hrule\medskip
shalyaparva \- adhyAya 045
.. shrIH ..
9\.45\. adhyAyaH 45

##Mahabharata - Shalya Parva - Chapter Topics##
kumArotpattivarNanam .. 1 ..

##Mahabharata - Shalya Parva - Chapter Text##

9\-45\-0 (62680)
janamejaya uvAcha. 9\-45\-0x (5195)
sarasvatyAH prabhAvo.ayamuktaste dvijasattama .
kumArasyAbhiShekaM tu brahmannAkhyAtumarhasi .. 9\-45\-1 (62681)
yasmindeshe cha kAle cha yathA cha vadatAM vara .
yaishchAbhiShikto bhagavAnvidhinA yena cha prabhuH .. 9\-45\-2 (62682)
skando yathA cha daityAnAmakarotkadanaM mahat .
tathA me sarvamAchakShva paraM kautUhalaM hi me .. 9\-45\-3 (62683)
vaishampAyana uvAcha. 9\-45\-4x (5196)
kuruvaMshasya sadR^ishaM kautUhalamidaM tava .
harShamutpAdayatveva vacho me janamejaya .. 9\-45\-4 (62684)
hanta te kathayiShyAmi shR^iNvAnasya narAdhipa .
abhiShekaM kumArasya prabhAvaM cha mahAtmanaH .. 9\-45\-5 (62685)
tejo mAheshvaraM skannamagnau prapatitaM purA .
tatsarvaM bhagavAnagnirnAshakaddhartumakShayam .. 9\-45\-6 (62686)
tena sIdati tejasvI dIptimAnhavyavAhanaH .
na chaivaM dhArayAmAsa brahmaNe uktavAnprabhuH .. 9\-45\-7 (62687)
sa ga~NgAmupasagamya niyogAdbrahmaNaH prabhuH .
garbhamAhitavAndivyaM bhAskaropamatejasam .. 9\-45\-8 (62688)
atha ga~NgApi taM garbhamasahantI vidhAraNe
utsasarja girau ramye himavatyamarArchite ..  9\-45\-9 (62689)
sa tatra vavR^idhe lokAnAvR^itya jvalanAtmajaH .
dadR^ishurjvalanAkAraM taM garbhamatha kR^ittikAH .. 9\-45\-10 (62690)
sharastambe mahAtmAnamanalAtmajamIshvaram .
mamAyamiti tAH sarvAH putrArthinyo.abhichukrushuH .. 9\-45\-11 (62691)
tAsAM viditvA bhAvaM taM mAtR^INAM bhagavAnprabhuH .
prasnutAnAM payaH ShaDbhirvadanairapibattadA .. 9\-45\-12 (62692)
taM prabhAvaM samAlakShya tasya bAlasya kR^ittikAH .
paraM vismayamApannA devyo divyavapurdharAH .. 9\-45\-13 (62693)
yatrotsR^iShTashcha garbhaH sa ga~NgayA nirimUrdhani .
sa shailaH kA~nchanaH sarvaH sambabhau meruvattadA .. 9\-45\-14 (62694)
vardhatA chaiva garbheNa pR^ithivI tena ra~njitA .
atashcha sarve saMvR^ittA girayaH kA~nchanAtmakAH .. 9\-45\-15 (62695)
kumAraH sumahAvIryaH kArtikeya iti smR^itaH .
gA~NgeyaH pUrvamabhavanmahAkAyo balAnvitaH .. 9\-45\-16 (62696)
shamena tapasA chaiva vIryeNa cha samanvitaH .
vavR^idhe.atIva rAjendra chandravatpriyadarshanaH.  9\-45\-17 (62697)
sa tasminkA~nchane divye sharastambe shriyA vR^itaH .
stayamAnaH sadA shete gandharvairmunibhistathA .. 9\-45\-18 (62698)
tathainamanvanR^ityanta devakanyAH sahasrashaH .
divyavAditranR^ityaj~nAH stuvantyashchArudarshanAH .. 9\-45\-19 (62699)
anvayushchAgnayaH sarve ga~NgA cha saritAM varA .
dadhAra pR^ithivI chainaM bibhratI rUpamuttamam.  9\-45\-20 (62700)
jAtakarmAdikAstasya kriyAshchakre bR^ihaspatiH .
vedashchainaM chaturmUrtirapatasthe kR^itA~njaliH .. 9\-45\-21 (62701)
dhanurvedashchatuShpAdaH sAstragrAmaH sasa~NgrahaH .
tatrainaM samupAtiShThatsAkShAdvANI cha kevalA .. 9\-45\-22 (62702)
sa dadarsha mahAtmAnaM devadevamumApatiH .
shailaputryA samAgamyabhUtasa~NghashatairvR^itaH .. 9\-45\-23 (62703)
nikAyA bhUtasa~NghAnAM paramAdbhutadarshanAH .
vikR^itA vikR^itAkArA vikR^itAbharaNadhvajAH .. 9\-45\-24 (62704)
vyAghrasiMharkShavadanA biDAlamakarAnanAH .
vR^iShadaMshamukhAshchAnye gajoShTravadanAstathA .. 9\-45\-25 (62705)
ulUkavadanAH kechidgR^idhragomAyudarshanAH .
krau~nchapArAvatanibhairvadanai rA~Nkavairapi .. 9\-45\-26 (62706)
shvAvichChalyakagodhAnAmajaiDakagavAM tathA .
sadR^ishAni vapUMShyanye tatratatra vyadhArayan .. 9\-45\-27 (62707)
kechichChelAmbudaprakhyAshchakrAlAtagadAyudhAH .
kechida~njanapu~njAbhAH kechichChvetAchalaprabhAH .. 9\-45\-28 (62708)
saptamAtR^igaNAshchaiva samAjagmurvishAmpate .
sAdhyA vishve.atha maruto vasavaH pitarastathA .. 9\-45\-29 (62709)
rudrAdityAstathA siddhA bhujagA dAnavAH khagAH .
brahmA svayambhUrbhagavAnsaputraH sahaviShNunA .. 9\-45\-30 (62710)
shakrastathA.abhyayAddraShTuM kumAramamitaprabham .
nAradapramukhAshchApi devagandharvasattamAH .. 9\-45\-31 (62711)
devarShayashcha siddhAshcha bR^ihaspatipurogamAH .
pitaro jagataH shreShThA devAnAmapi devatAH .
te.api tatra samAjagmuryAmA dhAmAshcha sarvashaH ..  9\-45\-32 (62712)
sa tu bAlo.api balavAnmahAyogabalAnvitaH .
abhyAjagAma deveshaM shUlahastaM pinAkinam .. 9\-45\-33 (62713)
tamAvrajantamAlakShya shivasyAsInmanogatam .
yugapachChailaputryAshcha ga~NgAyAH pAvakasya cha .. 9\-45\-34 (62714)
kaM nu pUrvamayaM bAlo gauravAdabhyupaiShyati .
api mAmiti sarveShAM teShAmAsInmanogatam .. 9\-45\-35 (62715)
teShAmetamabhiprAyaM chaturNAmupalakShya saH .
yugapadyogamAsthAya sasarja vividhAstanUH .. 9\-45\-36 (62716)
tato.abhavachchaturmUrtiH kShaNena bhagavAnprabhuH .
tasya shAkho vishAkhashcha naigameyashcha pR^iShThataH .. 9\-45\-37 (62717)
evaM sa kR^itvA hyAtmAnaM chaturdhA bhagavAnprabhuH .
yato rudrastataH skando jagAmAdbhutadarshanaH .. 9\-45\-38 (62718)
vishAkhastu yayau devIM tato girivarAtmajAm .
shAkho yayau sa bhagavAndivyamUrtirvibhAvasum .. 9\-45\-39 (62719)
naigameyo.agamadga~NgAM kumAraH pAvakaprabhaH ..  9\-45\-40 (62720)
sarve bhAsuradehAste chatvAraH samarUpiNaH .
tAnsamabhyayuravyagrAstadadbhutamivAbhavat .. 9\-45\-41 (62721)
hAhAkAro mahAnAsIddevadAnavarakShasAm .
taddR^iShTvA mahadAshcharyamadbhutaM romaharShaNam .. 9\-45\-42 (62722)
tato rudrashcha devI cha pAvakashcha pitAmaham .
ga~NgayA sahitAH sarve praNipeturjagatpatim .. 9\-45\-43 (62723)
praNipatya tataste tu vidhivadrAjapu~Ngava .
idamUchurvacho rAjankArtikeyapriyepsayA .. 9\-45\-44 (62724)
asya bAlasya bhagavannAdhipatya yathepsitam .
asmatpriyArthaM devesha sadR^ishaM dAtumarhasi .. 9\-45\-45 (62725)
tataH sa bhagavAndhImAnsarvalokapitAmahaH .
manasA chintayAmAsa kimayaM labhatAmiti .. 9\-45\-46 (62726)
aishvaryANi cha sarvANi devagandharvarakShasAm .
bhUtayakShaviha~NgAnAM pannagAnAM cha sarvashaH .. 9\-45\-47 (62727)
sarvamevAdideshAsau kauraveya mahAtmanaH .
samarthaM cha tamaishvarye mahAmatiramanyata .. 9\-45\-48 (62728)
tato muhUrtaM sa dhyAtvA devAnAM sreyasi sthitaH .
sainApatyaM dadau tasmai sarva bhUteShu bhArata .. 9\-45\-49 (62729)
sarvadevanikAyAnAM ye rAjAnaH parishrutAH .
tAnsarvAnvyAdideshAsmai sarvabhUtapitAmahaH .. 9\-45\-50 (62730)
tataH kumAramAdAya devA brahmapurogamAH .
abhiShekArthamAjagmuH shailendraM sahitAstataH .. 9\-45\-51 (62731)
puNyAM haimavatIM devIM sarichChreShThAM sarasvatIm .
samantapa~nchake yA vai triShu lokeShu vishrutA .. 9\-45\-52 (62732)
tatra tIre sarasvatyAH puNye sarvaguNAnvite .
niShedurdevagandharvAH sarve sampUrNamAnasAH .. .. 9\-45\-53 (62733)

iti shrImanmahAbhArate shalyaparvaNi hradapraveshaparvaNi
pa~nchachatvAriMsho.adhyAyaH .. 45 ..
##Mahabharata - Shalya Parva - Chapter Footnotes##

9\-45\-6 tatsarvabhakSho bhagavAnnAshakaddagdhumakShayamiti jha.pAThaH ..
9\-45\-7 tenAsIdati tejasvI iti jha.~Na.pAThaH ..
9\-45\-25 biDAlavR^iShadaMshau mArjArajAtibhedau tatsadR^ishAnanau ..
9\-45\-27 shvAnashalyakagodhAnAmiti ka.pAThaH ..
9\-45\-37 tasya skandasya pR^iShThataH pashchAt shAkhavishAkhanaigameyAH
Asan . te skandena saha chatvAraH ..
9\-45\-39 vAyumUrtirvibhAvasumiti jha.pAThaH ..
9\-45\-42 adbhutamadR^iShTapUvam ..
9\-45\-45 pa~nchachatvAriMsho.adhyAyaH ..

\medskip\hrule\medskip
shalyaparva \- adhyAya 046
.. shrIH ..
9\.46\. adhyAyaH 46

##Mahabharata - Shalya Parva - Chapter Topics##
bR^ihaspatyAdibhiH skandasya sainApatye.abhiShechanam .. 1 ..
brahmAdibhiH skandAya svasvapAriShadAnAM dAnam .. 2 ..

##Mahabharata - Shalya Parva - Chapter Text##

9\-46\-0 (62734)
vaishampAyana uvAcha. 9\-46\-0x (5197)
tato.abhiShekasambhArAnsarvAnsambhR^itya shAstrataH .
bR^ihaspatiH samiddhe.agnau juhAvAgniM yathAvidhi .. 9\-46\-1 (62735)
tato himavatA datte maNipravarashobhite .
divyaratnAchite puNye niShaNNaM paramAsane .. 9\-46\-2 (62736)
sarvama~NgalasambhArairvidhimantrapuraskR^itam .
AbhiShechanikaM dravyaM gR^ihItvA devatAgaNAH .. 9\-46\-3 (62737)
indrAviShNU mahAvIryau sUryochandramasau tathA .
dhAtA chaiva vidhAtA cha tathA chaivAnilAnalau .. 9\-46\-4 (62738)
pUShNA bhagenAryamNA cha aMshena cha vivasvatAM .
rudrashcha sahito dhImAnmitreNa varuNena cha .. 9\-46\-5 (62739)
rudrairvasubhirAdityairashvibhyAM cha vR^itaH prabhuH .
vishvairdevairmarudbhishcha sAdhyaishcha pitR^ibhiH saha .. 9\-46\-6 (62740)
gandharvairapsarobhishcha yakSharAkShasapannagaiH .
devarShibhirasa~NkhyAtaistathA brahmarShibhistathA .. 9\-46\-7 (62741)
vaikhAnasairvAlakhilyairvAyvAhArairmarIchipaiH .
bhR^igubhishchA~Ngirobhishcha yatibhishcha mahAtmabhiH .. 9\-46\-8 (62742)
sarvairvidyAdharaiH puNyairyogasiddhaistathA vR^itaH .
pitAmahaH pulastyashcha pulahashcha mahAtapAH .. 9\-46\-9 (62743)
a~NgirAH kashyapo.atrishcha marIchirbhR^igureva cha .
kraturhariH prachetAshcha manurdakShastathaiva cha .. 9\-46\-10 (62744)
R^itavashcha grahAshchaiva jyotIMShi cha vishAmpate .
mUrtimatyashcha sarito vedAshchaiva sanAtanAH .. 9\-46\-11 (62745)
samudrAshcha hadAshchaiva tIrthAni vividhAni cha .
pR^ithivI dyaurdishashchaiva pAdapAshcha janAdhipa .. 9\-46\-12 (62746)
aditirdevamAtA cha hIH shrIH svAhA sarasvatI .
umA shachI sinIvAlI tathaivAnumatiH kuhUH .. 9\-46\-13 (62747)
rAkA cha dhiShaNA chaiva patnyashchAnyA divaukasAm .
himavAMshchaiva vindhyashcha merushchAnekashR^i~NgavAn .. 9\-46\-14 (62748)
airAvataH sAnucharaH kalAH kAShThAstathaiva cha .
mAsArdhamAsA R^itavastathA rAtryahanI nR^ipa .. 9\-46\-15 (62749)
uchchaiH shravA hayashreShTho nAgarAjashcha vAsukiH .
aruNo garuDashchaiva vR^ikShAshchauShadhibhiH saha .. 9\-46\-16 (62750)
dharmashcha bhagavAndevaH samAjagmurhi sa~NgatAH .
kAlo yamashcha mR^ityushcha yamasyAnucharAshcha ye .. 9\-46\-17 (62751)
bahulatvAchcha noktA ye vividhA devatAgaNAH .
te kumArAbhiShekArShaM samAjagmustatastataH .. 9\-46\-18 (62752)
jagR^ihuste tadA rAjansarvaM eva divaukasaH .
AbhiShechanikaM bhANDaM ma~NgalAni cha sarvashaH .. 9\-46\-19 (62753)
divyasambhArasaMyuktaiH kalashaiH kA~nchanairnR^ipa .
sArasvatAbhiH puNyAbhiradbhistAbhirala~NkR^itam .. 9\-46\-20 (62754)
abhyaShi~nchankumAraM vai samprahR^iShTA divaukasaH .
sainApatye mahAtmAnamasurANAM bhaya~Nkaram .. 9\-46\-21 (62755)
purA yathA mahArAja varuNaM vai jaleshvaram .
tathA.abhyaShi~nchadbhagavAnsarvalokapitAmahaH .. 9\-46\-22 (62756)
kashyapashcha mahAtejA ye chAnye sokakIrtitAH .
tasmai brahmA dadau prIto balino vAtaraMhasaH .. 9\-46\-23 (62757)
kAmavIryadharAnsiddhAnmahApAriShadAnprabhuH .
nandisenaM lohitAkShaM ghaNTAkArNaM cha sammatam .. 9\-46\-24 (62758)
chaturthamasyAnucharaM khyAtaM kumudamAlinam .
tatra sthANurmahAtejA mahApAriShadaM prabhuH .. 9\-46\-25 (62759)
mAyAshatadharaM kAmaM kAmavIryabalAnvitam .
dadau skandAya rAjendra surArivinibarhaNam .. 9\-46\-26 (62760)
sahi devAsure yuddhe daityAnAM bhImakarmaNAm .
jaghAna dorbhyAM sa~NkruddhaH prayutAni chaturdasha .. 9\-46\-27 (62761)
tathA devA dadustasmai senAM nairR^itasa~NkulAm .
devashatrukShayakarImajayyAM vishvarUpiNIm .. 9\-46\-28 (62762)
jayashabdaM tathA chakrurdevAH sarve savAsavAH .
gandharvA yakSharakShAMsi munayaH pitarastathA .. 9\-46\-29 (62763)
tataH prAdAdanucharau yamaH kAlopamAvubhau .
unmAthaM cha pramAthaM cha mahAvIryau mahAdyutI .. 9\-46\-30 (62764)
subhrAjo bhAsvarashchaiva yau tau sUryAnuyAyinau .
tau sUryaH kArtikeyAya dadau prItaH pratApavAn .. 9\-46\-31 (62765)
kailAsashR^i~Ngasa~NkAshau shvetamAlyAnulepanau .
somo.apyanucharau prAdAnmaNiM sumaNimeva cha .. 9\-46\-32 (62766)
jvAlAjihvaM tathA jyotirAtmajAya hutAshanaH .
dadAvanucharau shUrau parasainyapramAthinau .. 9\-46\-33 (62767)
paridhaM cha vaTaM chaiva bhImaM cha sumahAbalam .
dahatiM dahanaM chaiva prachaNDau vIryasammatau .. 9\-46\-34 (62768)
aMsho.apyanucharAnpa~ncha dadau skandAya dhImate .
utkroshaM satkaraM chaiva vajradaNDadharAvubhau .. 9\-46\-35 (62769)
dadAvanalaputrAya vAsavaH paravIrahA .
tau hi shatrUnmahendrAsya jaghnatuH samare bahUn .. 9\-46\-36 (62770)
chakraM vikramakaM chaiva sa~NkramaM cha mahAbalam .
skandAya trInanucharAndadau viShNurmahAyashAH .. 9\-46\-37 (62771)
vardhanaM nandanaM chaiva sarvavidyAvishAradau .
skandAya dadatuH prItAvashvinau bhiShajAM varau .. 9\-46\-38 (62772)
kinduM cha kusumaM chaiva kumudaM cha mahAyashAH .
DambarADambarau chaiva dadau dhAtA mahAtmane .. 9\-46\-39 (62773)
vakrAnuvakrau balinau meShavaktrau balotkaTau .
dadau tvaShTA mahAmAyau skandAyAnucharAvubhau .. 9\-46\-40 (62774)
suvrataM satyasandhaM cha dadau mitro mahAtmane .
kumArAya mahAtmAnau tapovidyAdharau prabhuH .. 9\-46\-41 (62775)
sudarshanIyau varadau triShu lokeShu vishrutau .
suvrataM cha mahAtmAnaM shubhakarmANameva cha .. 9\-46\-42 (62776)
kArtikeyAya samprAdAdvidhAtA lokavishrutau .
pANItakaM kAlikaM cha mahAmAyAvinAvubhau .. 9\-46\-43 (62777)
pUShA cha pArShadau prAdAtkArtikeyAya bhArata .
balaM chAtibalaM chaiva mahAvaktrau mahAbalau .. 9\-46\-44 (62778)
pradadau kArtikeyAya vAyurbharatasattama .
yamaM chAtiyamaM chaiva timivaktrau mahAbalau .. 9\-46\-45 (62779)
pradadau kArtikeyAya varuNaH satyasa~NgaraH .
suvarchasaM mahAtmAnaM tathaivApyativarchasam .. 9\-46\-46 (62780)
himavAnpradadau rAjanhutAshanasutAya vai .
kA~nchanaM cha mahAtmAnaM meghamAlinameva cha .. 9\-46\-47 (62781)
dadAvanucharau meruragniputrAya bhArata .
sthiraM chAtisthiraM chaiva merurevAparau dadau .. 9\-46\-48 (62782)
mahAtmA tvagniputrAya mahAbalaparAkramau .
uchChR^i~NgaM chAtishR^i~NgaM cha mahApAShANayodhinau .. 9\-46\-49 (62783)
pradadAvagniputrAya vindhyaH pAriShadAvubhau .
sa~NgrahaM vigrahaM chaiva samudro.ami gadAdharau .. 9\-46\-50 (62784)
pradadAvagniputrAya mahApAriShadAvubhau .
unmAdaM sha~NkukarNaM cha puShpadantaM tathaiva cha .. 9\-46\-51 (62785)
pradadAvagniputrAya pArvatI shubhadarshanA .
jayaM mahAjayaM chaiva ga~NgA jvalanasUnave .. 9\-46\-52 (62786)
pradadau puruShavyAghra vAsukiH pannageshvaraH .
evaM sAdhyAshcha rudrAshcha vasavaH pitarastathA .. 9\-46\-53 (62787)
sAgarAH saritashchaiva girayashcha mahAbalAH .
daduH senAgaNAdhyakShA~nshUlapaTTasadhAriNaH .. 9\-46\-54 (62788)
divyapraharaNopetAnnAnAveShavibhUShitAn .
shR^iNu nAmAni chApyeShAM ye.anye skandasya sainikAH .. 9\-46\-55 (62789)
vividhAyudhasampannAshchitrAbharaNabhUShitAH .
sha~NkukarNo nikumbhashcha padmaH kumuda eva cha .. 9\-46\-56 (62790)
ananto dvAdashabhujastathA kR^iShNopakR^iShNakau .
ghrANashravAH kapiskandhaH kA~nchanAkSho jalandhamaH .. 9\-46\-57 (62791)
akShaH santarjano rAjankunadIkastamontakR^it .
ekAkSho dvAshAkShashcha tathaivaikajaTaH prabhuH .. 9\-46\-58 (62792)
sahasrabAhurvikaTo vyAghrAkShaH kShitikampanaH .
puNyanAmA sunAmA cha suchakraH priyadarshanaH .. 9\-46\-59 (62793)
parishrutaH kokanadaH priyamAlyAnulepanaH .
ajodaro gajashirAH skandhAkShaH shatalochanaH .. 9\-46\-60 (62794)
jvAlAjihvaH karAlAkShaH shitikesho jaTI hariH .
parishrutaH kokanadaH kR^iShNakesho jaTAdharaH .. 9\-46\-61 (62795)
chaturdaMShTro.aShTajihvashcha meghanAdaH pR^ithushravAH .
vidyutAkSho dhanurvaktro jATharo mArutAshanaH .. 9\-46\-62 (62796)
udArAkSho rathAkShashcha vajranAbho vasuprabhaH .
samudravego rAjendra shailakampI tathaiva cha .. 9\-46\-63 (62797)
vR^iSho meShaH pravAhashcha tathA nandopanandakau .
dhUmraH shvetaH kali~Ngashcha siddhArtho varadastathA .. 9\-46\-64 (62798)
priyakashchaiva nandashcha gonandashcha pratapavAn .
Anandashcha pramodashcha svastiko dhruvakastathA .. 9\-46\-65 (62799)
kShemavAhaH suvAhashcha siddhapAtrashcha bhArata .
govrajaH kanakApIDo mahApAriShadeshvaraH .. 9\-46\-66 (62800)
gAyano hasanashchaiva bANaH kha~Ngashcha vIryavAn .
vaitAlI gatitAlI cha tathA kathakavAtikau .. 9\-46\-67 (62801)
haMsajaH pa~NkadigdhA~NgaH samudronmAdanashcha ha .
raNotkaTaH prahAsashcha shvetasiddhashcha nandanaH .. 9\-46\-68 (62802)
kAlakaNThaH prabhAsashcha tathA kumbhANDakodaraH .
kAlakakShaH sitashchaiva bhUtAnAM mathanastathA .. 9\-46\-69 (62803)
yaj~navAhaH suvAhashcha devayAjI cha somapaH .
majjAnashcha mahAtejAH krathakrAthau cha bhArata .. 9\-46\-70 (62804)
tuharashcha tuhArashcha chitradevashcha vIryavAn .
madhuraH suprasAdashcha kirITI cha mahAbalaH .. 9\-46\-71 (62805)
vatsalo madhuvarNashcha kalashodara eva cha .
dharmado manmathakaraH sUchIvaktrashcha vIryavAn .. 9\-46\-72 (62806)
shvetavaktraH suvaktrashcha chAruvaktrashcha pANDuraH .
daNDabAhuH subAhushcha rajaH kokilakastathA .. 9\-46\-73 (62807)
achalaH kanakAkShashcha bAlAnAmapi yaH prabhuH .
sa~nchArakaH kokanado gR^idhrapatrashcha jambukaH .. 9\-46\-74 (62808)
lohAjavaktro javanaH kumbhavaktrashcha kumbhakaH .
svarNagrIvashcha kR^iShNaujA haMsavaktrashcha chandrabhaH .. 9\-46\-75 (62809)
pANikUrchAshcha shambUkaH pa~nchavaktrashcha shikShakaH .
chAShavaktrakSha jambUkaH shAkavaktrashcha ku~njalaH .. 9\-46\-76 (62810)
yogayoktA mahAtmAnaH satataM brAhmaNapriyAH .
paitAmahA mahAtmAno mahApAriShadAshcha ye .. 9\-46\-77 (62811)
yauvanasthAshcha bAlAshcha vR^iddhAshcha janamejaya .
sahasrashaH pAriShadAH kumAramupatasthire .. 9\-46\-78 (62812)
vaktrairnAnAvidhairye tu shR^iNu tA~nchanamejaya .
kUrmakukkuTavaktrAshcha shasholUkamukhAstathA .. 9\-46\-79 (62813)
kharoShTravadanAshchAnye varAhavadanAstathA .
mArjArashashavaktAshcha dIrghavaktrAshcha bhArata .. 9\-46\-80 (62814)
nakulolUkavaktrAshcha kAkavaktrAstathA pare .
AkhubabhrukavaktrAshcha mayUravadanAstathA .. 9\-46\-81 (62815)
matsyameShAnanAshchAnye ajAvimahiShAnanAH .
R^ikShashArdUlavaktrAshcha dvItisiMhAnanAstathA .. 9\-46\-82 (62816)
bhImA gajAnanAshchaiva tathA nakramukhAshcha ye .
garuDAnanAH ka~NkumukhA vR^ikakAkamukhAstathA .. 9\-46\-83 (62817)
gokharoShTramukhAshchAnye vR^iShadaMshamukhAstathA .
mahAjaTharapAdA~NgAstArakAkShAshcha bhArata .. 9\-46\-84 (62818)
pArAvatamukhAshchAnye tathA vR^iShamukhAH pare .
kokilAbhAnanAshchAnye shyenatittirikAnanAH .. 9\-46\-85 (62819)
kR^ikalAsamukhAshchaiva virajombaradhAriNaH .
vyAlavaktrAH shUlamukhAshchaNDavaktrAH shubhAnanAH .. 9\-46\-86 (62820)
AshIviShAshchIradharA gonAsAvadanAstathA .
sthUlodarAH kR^ishA~NgAshcha sthUlA~NgAshcha kR^ishodarAH .. 9\-46\-87 (62821)
hasvagrIvA mahAkarNA nAnAvyAlavibhUShaNAH .
gajendracharmavasanAstathA kR^iShNAjinAmbarAH .. 9\-46\-88 (62822)
skandhemukhA mahArAja tathApyudaratomukhAH .
pR^iShThemukhA hanumukhAstathA ja~NghAmukhA api .. 9\-46\-89 (62823)
pArshvAnanAshcha bahavo nAnAdeshamukhAstathA .
tathA kITapata~NgAnAM sadR^ishAsyA gaNeshvarAH .. 9\-46\-90 (62824)
nAnAvyAlamukhAshchAnye bahubAhushirodharAH .
nAnAvR^ikShabhujAH kechitkaTishIrShAstathA pare .. 9\-46\-91 (62825)
bhuja~NgabhogavadanA nAnAgulmanivAsinaH .
chIrasaMvR^itagAtrAshcha nAnAkanakavAsasaH .. 9\-46\-92 (62826)
nAnAveShadharAshchaiva nAnAmAlyAnulepanAH .
nAnAvastradharAshchaiva charmavAsasa eva cha .. 9\-46\-93 (62827)
uShNIShiNo mukuTinaH sugrIvAshcha suvarchasaH .
kirITinaH pa~nchashikhAstathA kA~nchanamUrdhajAH .. 9\-46\-94 (62828)
trishikhA dvishikhAshchaiva tathA saptashikhAH pare .
shikhaNDino mukuTino muNDAshcha jaTilAstathA .. 9\-46\-95 (62829)
chitramAlAdharAH kechitkechidromAnanAstathA .
vigrahaikarasA nityamajetAH surasattamaiH .. 9\-46\-96 (62830)
kR^iShNA nirmAMsavaktrAshcha dIrghapR^iShThAstanUdarAH .
sthUlapR^iShThA hasvapR^iShThAH pralambodaramehanAH .. 9\-46\-97 (62831)
mahAbhujA hasvabhujA hasvagAtrAshcha vAmanAH .
kubjAshcha hasvaja~NghAshcha hastikarNashirodharAH .. 9\-46\-98 (62832)
hastinAsAH kUrmanAsA vR^ikanAsAstathA pare .
dIrghochChvAsA dIrghaja~NghA vikarAlA hyadhomukhAH .. 9\-46\-99 (62833)
mahAdaMShTrA hasvadaMShTrAshchaturdaMShTrAstathA pare .
vAramendranibhAshchAnye bhImA rAjansahasrashaH .. 9\-46\-100 (62834)
suvibhaktasharIrAshcha dIptimantaH svala~NkR^itAH .
pi~NgAkShAH sha~NkukarNAshcha raktanAsAshcha bhArata .. 9\-46\-101 (62835)
pR^ithudaMShTrA mahAdaMShTrAH sthUlauShThA harimUrdhajAH .
nAnApAdauShThadaMShTrAshcha nAnAhastashirodharAH .. 9\-46\-102 (62836)
nAnAcharmabhirAchChannA nAnAbhAShAshcha bhArata .
kushalA deshabhAShAsu jalpanto.anyonyamIshvarAH .. 9\-46\-103 (62837)
hR^iShTAH paripatanti sma mahApAriShadAstathA .
dIrghagrIvA dIrghanakhA dIrghapAdashirobhujAH .. 9\-46\-104 (62838)
pi~NgAkShA nIlakaNThAshcha lambakarNAshcha bhArata .
vR^ikodaranibhAshchaiva kechida~njanasannibhAH .. 9\-46\-105 (62839)
shvetAkShA lohitagrIvAH pi~NgAkShAshcha tathA pare .
kalmAShA bahavo rAjaMshchitravarNAshcha bhArata .. 9\-46\-106 (62840)
chAmarApIDakanibhAH shvetalohitarAjayaH .
nAnAvarNAH savarNAshcha mayUrasadR^ishaprabhAH .. 9\-46\-107 (62841)
punaH praharaNAnyeShAM kIrtyamAnAni me shR^iNu .
sheShaiH kR^itaH pAriShadairAyudhAnAM parigrahaH .. 9\-46\-108 (62842)
pAshodyatakarAH kechidvyAditAsyAH kharAnanAH .
pR^iShThAkShA nIlakaNThAshcha tathA parighabAhavaH .. 9\-46\-109 (62843)
shataghnIchakrahastAshcha tathA musalapANayaH .
asimudgrarahastAshcha daNDahastAshcha bhArata .. 9\-46\-110 (62844)
gadAbhushuNDihastAshcha tathA tomarapANayaH .
AyudhairvividhairghorairmahAtmAno mahAjavAH .. 9\-46\-111 (62845)
mahAbalA mahAvegA mahApAriShadAstathA .
abhiShekaM kumArasya dR^iShTvA hR^iShTA raNapriyAH .. 9\-46\-112 (62846)
ghaNTAjAlapinaddhA~NgA nanR^ituste mahaujasaH .
ete chAnye cha bahavo mahApAriShadA nR^ipa .. 9\-46\-113 (62847)
upatasthurmahAtmAnaM kArtikeyaM yashasvinam .
divyAshchApyAntarikShAshcha pArthivAshchAnilopamAH .. 9\-46\-114 (62848)
vyAdiShTA daivataiH shUrAH skandasyAnucharA.abhavan .
tAdR^ishAnAM sahasrANi prayutAnyarbudAni cha .
abhiShiktaM mahAtmAnaM parivAryopatasthire .. ..  9\-46\-115 (62849)

iti shrImanmahAbhArate shalyaparvaNi hradapraveshaparvaNi
ShaTchatvAriMsho.adhyAyaH .. 46 ..
##Mahabharata - Shalya Parva - Chapter Footnotes##

9\-46\-13 nAgarAjashcha vAmana iti kha.pAThaH ..
9\-46\-45 ghasaM tvAtighasaM chaiveti kha.pAThaH ..
9\-46\-46 ShaTchatvAriMsho.adhyAyaH ..

\medskip\hrule\medskip
shalyaparva \- adhyAya 047
.. shrIH ..
9\.47\. adhyAyaH 47

##Mahabharata - Shalya Parva - Chapter Topics##
kumAramAtR^igaNasya nAmakIrtanam .. 1 ..
kumAreNa tArakAsuravadhaH krau~nchaparvatabhedanaM cha .. 2 ..

##Mahabharata - Shalya Parva - Chapter Text##

9\-47\-0 (62850)
vaishampAyana uvAcha. 9\-47\-0x (5198)
shR^iNu mAtR^igaNAnrAjankumArAnucharAnimAn .
kIrtyamAnAnmayA vIra sapatnagaNasUdanAn .. 9\-47\-1 (62851)
yashasvinInAM mAtR^INAM shR^iNu nAmAni bhArata
yAbhirvAyaptAstrayolokAH kalyANIbhishcha bhAgashaH ..  9\-47\-2 (62852)
prabhAvatI vishAlAkShI pAlitA gostAnI tathA .
shrImatI bahulA chaiva tathaiva bahuputrikA .. 9\-47\-3 (62853)
apsujAtA cha gopAlI bR^ihadambAlikA tathA .
jayAvatI mAlatikA dhruvaratnA bhaya~NkarI .. 9\-47\-4 (62854)
vasudAmA cha dAmA cha vishokA nandinI tathA .
ekachUDA mahAchUDA chakranemishcha bhArata .. 9\-47\-5 (62855)
uttejanI jayatsenA kamalAkShyatha shobhanA .
shatru~njayA tathA chaiva krodhanA shalabhI kharI .. 9\-47\-6 (62856)
mAdhavI shubhavaktrA cha tIrthasenishcha bhArata .
gItapriyA cha kalyANI rudraromA.amitAshanA .. 9\-47\-7 (62857)
meghasvanA bhogavatI subhrUshcha kanakAvatI .
alAtAkShI vIryavatI vidyujjihvA cha bhArata .. 9\-47\-8 (62858)
punnAvatI sunakShatrA kandarA bahuyojanA .
santAnikA cha kauravya kamalA cha mahAbalA .. 9\-47\-9 (62859)
sudAmA bahudAmA cha suprabhA cha yashasvinI .
nR^ityapriyA cha rAjendra shatolUkhalamekhalA .. 9\-47\-10 (62860)
shataghaNTA shatAnandA bhaganandA cha bhAvinI .
vapuShmatI chandrashItA bhadrakAlI cha bhArata .. 9\-47\-11 (62861)
R^ikShAmbikA niShkuTikA vAmA chatvaravAsinI .
suma~NgalA svastimatI buddhikAmA jayapriyA .. 9\-47\-12 (62862)
dhanadA suprasAdA cha bhavadA cha jaleshvarI .
eDI bheDI sameDI cha vetAlajananI tathA .. 9\-47\-13 (62863)
kaNDUtiH kAlikA chaiva devamitrA cha bhArata .
vasushrIH koTarA chaiva chitrasenA tathA.achalA .. 9\-47\-14 (62864)
kukkuTikA sha~NkhalikA tathA shakunikA nR^ipa .
kuNDArikA kaukulikA kumbhikA.atha shatodarI .. 9\-47\-15 (62865)
utkrAthinI jalelA cha mahAvegA cha ka~NkaNA .
manojavA kaNTakinI praghasA pUtanA tathA .. 9\-47\-16 (62866)
keshayantrI truTirvAmA kroshanA.atha taDitprabhA .
mandodarI cha muNDI cha koTarA meghavAhinI .. 9\-47\-17 (62867)
subhagA lambinI lambA tAmrachUDA vikAshinI .
UrdhvaveNIdharA chaiva pi~NgAkShI lohamekhalA .. 9\-47\-18 (62868)
pR^ithuvastrA madhulikA madhukumbhA tathaiva cha .
pakShAlikA matkulikA jarAyurjarjarAnanA .. 9\-47\-19 (62869)
khyAtA dahadahA chaiva tathA dhamadhamA nR^ipa .
khaNDakhaNDA cha rAjendra pUShaNA maNikuTTikA .. 9\-47\-20 (62870)
amoghA chaiva kauravya tathA lambapayodharA .
veNuvINAdharA chaiva pi~NgAkShI lohamekhalA .. 9\-47\-21 (62871)
shashokUlamukhI kR^iShNA kharaja~NghA mahAjavA .
shishumAramukhI shvetA lohitAkShI vibhIShaNA .. 9\-47\-22 (62872)
jaTAlikA kAmacharI dIrghajihvA balotkaTA .
kAlehikA vAmanikA mukuTA chaiva bhArata .. 9\-47\-23 (62873)
lohitAkShI mahAkAyA haripiNDA cha bhUmipa .
ekatvachA sukusumA kR^iShNakarNI cha bhArata .. 9\-47\-24 (62874)
kShurakarNI chatuShkarNI karNaprAvaraNA tathA .
chatuShpathaniketA cha gokarNI mahiShAnanA .. 9\-47\-25 (62875)
kharakarNI mahAkarNI bherIsvanamahAsvanA .
sha~NkhakumbhashravAshchaiva bhagadA cha mahAbalA .. 9\-47\-26 (62876)
gaNA cha sugaNA chaiva tathA bhItyatha kAmadA .
chatuShpatharatA chaiva bhUtitIrthAnyagocharI .. 9\-47\-27 (62877)
pashudA vittadA chaiva sukhadA cha mahAyashAH .
payodA gomahiShadA savishAlA cha bhArata .. 9\-47\-28 (62878)
pratiShThA supratiShThA cha rochamAnA surochanA .
naukarNI mukhakarNI cha vishirA manthinI tathA .. 9\-47\-29 (62879)
ekachandrA meghakarNA meghamAlA virochanA .
etAshchAnyAshcha bahavo mAtaro bharatarShabha .. 9\-47\-30 (62880)
kArtikeyAnuyAyinyo nAnArUpAH sahasrashaH .
dIrghanakhyo dIrghadantyo dIrghatuNDshcha bhArata .. 9\-47\-31 (62881)
sabalA madhurAshchaiva yauvanasthAH svala~NkR^itAH .
mAhAtmyena cha saMyuktAH kAmarUpadharAstathA .. 9\-47\-32 (62882)
nirmAsagAtryaH shvetAshcha tathA kA~nchanasannibhAH .
kR^iShNameghanibhAshchAnyA dhUmnAshcha bharatarShabha .. 9\-47\-33 (62883)
aruNAbhA mahAbhogA dIrghakeshyaH sitAmbarAH .
UrdhvaveNIdharAshchaiva pi~NgAkShyo lambamekhalAH .. 9\-47\-34 (62884)
lambodaryo lambakarNAstathA lambapayodharAH .
tAmrAkShyastAmravarNAshcha haryakShyashcha tathA.aparAH .. 9\-47\-35 (62885)
varadAH kAmachAriNyo nityaM pramuditAstathA .
yAmyA raudrAstathA saumyAH kauberyo.atha mahAbalAH .. 9\-47\-36 (62886)
vAruNyo.atha cha mAhendyastathA.a.agneyyaH parantapa .
vAyavyashchAtha kaumAryo brAhmashcha bharatarShabha .. 9\-47\-37 (62887)
vaiShNavyashcha tathA sauryo vArAhyashcha mahAbalAH .
rUpeNApsarasAM tulyA manohAryo manoramAH .. 9\-47\-38 (62888)
parapuShTopamA vAkye tatharddhyA dhanadopamAH .
shakravIryopamA yuddhe dIptA vahnisamAstathA .. 9\-47\-39 (62889)
shatruNAM vigrahe nityaM bhayadAstA bhavantyuta .
kAmarUpadharAshchaiva jave vAyusamAstathA .. 9\-47\-40 (62890)
achintyabalavIryAshcha tathA.achintyaparAkramAH .
vR^ikShachatvaravAsinyashchatuShpathaniketanAH .. 9\-47\-41 (62891)
guhAshmashAnavAsinyaH shailaprasravaNAlayAH .
nAnAbharaNadhAriNyo nAnAmAlyAmbarAstathA .. 9\-47\-42 (62892)
nAnAvichitraveShAshcha nAnAbhAShAstathaiva cha .
ete chAnye cha mAtR^INAM gaNAH shatrubhaya~NkarAH .. 9\-47\-43 (62893)
anujagmurmahAtmAnaM tridashendrasya sammate .
tataH shaktyastramadadadbhagavAnpAkashAsanaH .. 9\-47\-44 (62894)
guhAya rAjashArdUla vinAshAya suradviShAm .
mahAsvanAM mahAghaNTAM dyotamAnAM sitaprabhAm .. 9\-47\-45 (62895)
aruNAdityavarNAM cha patAkAM bharatarShabha .
dadau pashupatistasmai sarvabhUtamahAchamUm .. 9\-47\-46 (62896)
ugrAM nAnApraharaNAM tapovIryabalAnvitAm .
ajeyAM svagaNairyuktAM nAmnA senAM dhana~njayAm .. 9\-47\-47 (62897)
rudratulyabalairyuktAM yodhAnAmayutaistribhiH .
na sA vijAnAti raNAtkadAchidvinivartitum .. 9\-47\-48 (62898)
viShNurdadau vaijayantIM mAlAM balavivardhinIm .
umA dadau virajasI vAsasI ravisaprabhe .. 9\-47\-49 (62899)
ga~NgA kamaNDaluM divyamamR^itodbhavamuttamam .
dadau prItyA kumArAya daNDaM chaiva bR^ihaspatiH .. 9\-47\-50 (62900)
garuDo dayitaM putraM mayaraM chitrabarhiNam .
aruNastAmrachUDaM cha pradadau charaNAyudham .. 9\-47\-51 (62901)
ChAgaM tu varuNo rAjA balavIryasamanvitam .
kR^iShNAjinaM tato brahmA brahmaNyAya dadau prabhuH .
samareShu jayaM chaiva pradadau lokabhAvanaH ..  9\-47\-52 (62902)
sainApatyamanuprApya skando devagaNasya ha .
shushubhe jvalitorchiShmAndvitIya iva pAvakaH .. 9\-47\-53 (62903)
tataH pAriShadaishchaiva mAtR^ibhishcha samanvitaH .
yayau detyavinAshAya hlAdayansurapu~NgavAn .. 9\-47\-54 (62904)
sA senA nairR^itI bhImA saghaNTochChritaketanA .
sabherIsha~NkhamurajA sAyudhA sapatAkinI .. 9\-47\-55 (62905)
shAradI dyaurivAbhAti jyotirbhiriva shobhitA ..  9\-47\-56 (62906)
tato devanikAyAste nAnAbhUtagaNAstathA .
vAdayAmAsuravyAgrA bherIH sha~NkhAMshcha puShkalAn .. 9\-47\-57 (62907)
paTahAnjharjharAMshchaiva krakachAngoviShANikAn .
ADambarAngomukhAMshcha DiNDimAMshcha mahAsvanAn .. 9\-47\-58 (62908)
tuShTuvuste kumAraM tu sarve devAH savAsavAH .
jagushcha devagandharvA nanR^itushchApsarogaNAH .. 9\-47\-59 (62909)
tataH prIto mahAsenastridashebhyo varaM dadau .
ripUndantA.asmi samare ye vo vadhachikIrShavaH .. 9\-47\-60 (62910)
pratigR^ihya varaM devAstasmAdvibudhasattamAt .
prItAtmAno mahAtmAno menire nihatAnripUn .. 9\-47\-61 (62911)
sarveShAM bhUtasa~NghAnAM harShAnnAdaH samutthitaH .
apUrayata lokAMstrInvare datte mahAtmanA .. 9\-47\-62 (62912)
sa niryayau mahAseno mahatyA senayA vR^itaH .
vadhAya yudhi daityAnAM rakShArthaM cha divokasAm .. 9\-47\-63 (62913)
vyavasAyo jayo dharmaH siddhirlakShmIrdhR^itiH smR^itiH .
mahAsenasya sainyAnAmagre jagmurnarAdhipa .. 9\-47\-64 (62914)
sa tayA bhImayA devaH shulamudgarahastayA .
jvalitAlAtadhAriNyA chitrAbharaNavarmayA .. 9\-47\-65 (62915)
gadAmusalanArAchashaktitomaraharatayA .
dR^iptasiMhaninAdinyA vinadya prayayau guhaH .. 9\-47\-66 (62916)
`taM daShTvA sarvadaiteyA rAkShasA dAnavAstathA .
vyadravanta dishaH sarvA bhayodvignAH samantataH .. 9\-47\-67 (62917)
abhyadravanta devAstAnvividhAyudhapANayaH .
dR^iShTvA cha sa tataH kruddhaH skandastejobalAnvitaH .. 9\-47\-68 (62918)
shaktyastraM bhagavAnbhImaM punaHpunaravAkirat .
AdadhachchAtmanastejo haviSheddha ivAnalaH .. 9\-47\-69 (62919)
abhyasyamAne shaktyastre skandenAmitatejasA .
ulkAjvAlA mahArAja papAta vasudhAtale .. 9\-47\-70 (62920)
saMhAdayantashcha tathA nirghAtAshchApatankShipau .
yathAntakAlasamaye sughorAH syustathA nR^ipa .. 9\-47\-71 (62921)
kShiptA hyekA yadA shaktiH sughorA.analasUnunA .
tataH koTyo viniShpetuH shaktInAM bharatarShabha .. 9\-47\-72 (62922)
tataH prIto mahAseno jaghAna bhagavAnprabhuH .
daityendraM tArakaM nAma mahAbalaparAkramam .. 9\-47\-73 (62923)
vR^itaM daityAyutairvIrairbalibhirdashabhirnR^ipa .
mahiShaM chAShTabhiH padmairvR^itaM sa~Nkhye nijaghnivAn .. 9\-47\-74 (62924)
tripAdaM chAyutashatairjaghAna dashabhirvR^itam .
hadodaraM nikharvaishcha vR^itaM dashabhirIshvaraH .. 9\-47\-75 (62925)
jaghAnAnucharaiH sArdhaM vividhAyudhapANibhiH .
tathA.akurvanta vipulaM nAdaM vadhyatsu shatruShu .. 9\-47\-76 (62926)
kumArAnucharA rAjanpUrayanto disho dasha .
nanR^itushcha vavalgushcha jahasushcha mudAnvitAH .. 9\-47\-77 (62927)
shaktyastrasya tu rAjendra tato.archirbhiH samantataH .
trailokyaM trAsitaM sarvaM jR^imbhamANAbhireva cha .. 9\-47\-78 (62928)
dagdhAH sahasrasho daityA nAdaiH skandasya chApare .
patAkayAvadhUtAshcha hatAH kechitsuradviShaH .. 9\-47\-79 (62929)
kechiddhaNTAravatrastA niShedurvasudhAtale .
kechitpraharaNaishChinnA viniShpeturgatAyuShaH .. 9\-47\-80 (62930)
evaM suradviSho.anekAnbalavAnAtatAyinaH .
jaghAna samare vIraH kArtikeyo mahAbalaH .. 9\-47\-81 (62931)
bANo nAmAtha daiteyo baleH putro mahAbalaH .
krau~nchaM parvatamAshritya devasa~NghAnabAdhata .. 9\-47\-82 (62932)
tamabhyayAnmahAsenaH surashatrumudAradhIH .
sa kArtikeyasya bhayAtkrau~nchaM sharaNamIyivAn .. 9\-47\-83 (62933)
tataH krau~nchaM mahAmanyuH krau~nchanAdaninAditam .
shaktyA bibheda bhagavAnkArtikeyo.agnidattayA .. 9\-47\-84 (62934)
sasAlaskandhashabalaM trastavAnaravAraNam .
pro~NkInoddhAntavihagaM viniShpatitapannagam .. 9\-47\-85 (62935)
golA~NgUlarkShasa~Nghaishcha dravadbhiranunAditam .
kura~NgamavinirghoShaninAditavanAntaram .. 9\-47\-86 (62936)
viniShpatadbhiH sharabhaiH siMhaishcha sahasA drutaiH .
shochyAmapi dashAM prApto rarAjeva saparvataH .. 9\-47\-87 (62937)
vidyAdharAH samutpetustasya shR^i~NganivAsinaH .
kinnarAshcha samudvignAH shaktipAtaravoddhatAH .. 9\-47\-88 (62938)
tato daityA viniShpetuH shatasho.atha sahasrashaH .
pradIptAtparvatashreShThAdvichitrAbharaNasrajaH .. 9\-47\-89 (62939)
tAnnijaghnuratikramya kumArAjucharA mR^idhe .
sa chaiva bhagavAnkruddho daityendrasya sutaM tadA .. 9\-47\-90 (62940)
sahAnujaM jaghAnAshu vR^itraM devapatiryathA .
bibheda krau~nchaM shaktyA cha pAvakiH paravIrahA .. 9\-47\-91 (62941)
bahudhA chaikadhA chaiva kR^itvA.a.atmAnaM mahAbalaH .
shaktiH kShiptA raNe tasya pANimeti punaH punaH .. 9\-47\-92 (62942)
evamprabhAvo bhagavAMste bhUyashcha pAvakiH .
shauryAddviguNayogena tejasA yashasA shriyA .. 9\-47\-93 (62943)
krau~nchaste vinirbhinno daityAshcha shatasho hatAH ..  9\-47\-94 (62944)
tataH sa bhagavAndevo nihatya vibudhadviShaH .
sabhAjyamAno vibudhaiH paraM harShamavApa ha .. 9\-47\-95 (62945)
tato dundubhayo rAjanneduH sha~NkhAshcha bhArata .
mumuchurdevayoShAshcha puShpavarShamanuttamam .
yoginAmIshvaraM devaM shatasho.atha sahasrashaH ..  9\-47\-96 (62946)
divyagandhamupAdAya vavau puNyashcha mArutaH .
gandharvAstuShTuvushchainaM yajvAnashcha maharShayaH .. 9\-47\-97 (62947)
kechidanaM vyavasyAnti pitAmahasutaM prabhum .
sanatkumAraM sarveShAM brahmayoniM tamagrajam .. 9\-47\-98 (62948)
kechinmaheshvarasutaM kechitputraM vibhAvasoH .
umAyAH kR^ittikAnAM cha ga~NgAyAshcha vadantyuta .. 9\-47\-99 (62949)
ekadhA cha dvidhA chaiva chaturdhA cha mahAbalam .
yoginAmIshvaraM devaM shatasho.atha sahasrashaH .. 9\-47\-100 (62950)
etatte kathitaM rAjankArtikeyAbhiShechanam .
shR^iNu chaiva sarasvatyAstIrthavaMshasya puNyatAm .. 9\-47\-1 (62951)
babhUva tIrthapravaraM hateShu surashatruShu .
kumAreNa mahArAja triviShTapamivAparam .. 9\-47\-2 (62952)
aishvaryANi cha tatrastho dadAvIshaH pR^ithakpR^ithak .
dadau nairR^itamukhyebhyastrailokyaM pAvakAtmajaH .. 9\-47\-3 (62953)
evaM sa bhagavAMstasmiMstIrthe daityakulAntakaH .
abhiShikto mahArAja devasenApatiH suraiH .. 9\-47\-4 (62954)
aushanaM nAma tattIrthaM yatra pUrvamapAmpatiH .
abhiShiktaH suragaNairvaruNo bharatarShabha .. 9\-47\-5 (62955)
asmiMstIrthavare snAtvA skandaM chAbhyarchya lA~NgalI .
brAhmaNebhyodadau rukmaM vAsAMsyAbharaNAni cha .. 9\-47\-6 (62956)
uShitvA rajanIM tatra mAdhavaH paravIrahA .
pUjyatIrthavaraM tachcha spR^iShTvA toyaM cha lA~NgalI .. 9\-47\-7 (62957)
hR^iShTaH prItamanAshchaiva hyabhavanmAdhavottamaH .
etatte sarvamAkhyAtaM yanmAM tvaM paripR^ichChasi .. 9\-47\-8 (62958)
yathA.abhiShikto bhagavAnskando devaiH samAgataiH .
`senAnIshcha kR^ito rAjanbAla eva mahAbalaH'.. .. 9\-47\-9 (62959)

iti shrImanmahAbhArate shalyaparvaNi hradapraveshaparvaNi
saptachatvAriMsho.adhyAyaH .. 47 ..

\medskip\hrule\medskip
shalyaparva \- adhyAya 048
.. shrIH ..
9\.48\. adhyAyaH 48

##Mahabharata - Shalya Parva - Chapter Topics##
devairvaruNasya jalAdhipatye.abhiShechanam .. 1 ..
balabhadrasyAgnitIrthakauberatIrthagamanaM tanmahimAnuvarNanaM cha .. 2 ..

##Mahabharata - Shalya Parva - Chapter Text##

9\-16\-0 (62960)
janamejaya uvAcha. 9\-16\-0x (5199)
atyadbhutamidaM brahma~nshrutavAnasmi tattvataH .
abhiShekaM kumArasya vistareNa yathAvidhi .. 9\-16\-1 (62961)
yachChrutvA pUtamAtmAnaM vijAnAmi tapodhana .
prahR^iShTAni cha romANi prasannaM cha mano mama .. 9\-16\-2 (62962)
abhiShekaM kumArasya daityAnAM cha vadhaM tathA .
shrutvA me paramA prItirbhUyaH kautUhalaM hi me .. 9\-16\-3 (62963)
apAmpatiH kathaM hyasminnabhiShiktaH purA suraiH .
tanme brUhi mahApraj~na kushalo hyasi sattama .. 9\-16\-4 (62964)
vaishampAyana uvAcha. 9\-16\-5x (5200)
shR^iNu rAjannidaM chitraM pUrvakAle yathA.abhavat ..  9\-16\-5 (62965)
Adau kR^itayuge rAjanvartamAne yathAvidhi .
varuNaM devatAH sarvAH sametyedamathAbruvan .. 9\-16\-6 (62966)
yathA.asmAnsurarAT shakro bhayebhyaH pAti sarvadA .
tathA tvamapi sarvAsAM saritAM vai patirbhava .. 9\-16\-7 (62967)
vAsashcha te sadA deva sAgare makarAlaye .
samudro.ayaM tava vashe bhaviShyati nadIpatiH .. 9\-16\-8 (62968)
somena sArdhaM cha tava hAnivR^idvI bhaviShyataH .
evamastviti tAndevAnvaruNo vAkyamabravIt .. 9\-16\-9 (62969)
samAgamya tataH sarve varuNaM sAgarAlayam .
apAmpatiM prachakrurhi vidhidR^iShTena karmaNA .. 9\-16\-10 (62970)
abhiShichya tato devA varuNaM yAdasAmpatim .
jagmuH svAnyeva sthAnAni pUjayitvA jaleshvaram .. 9\-16\-11 (62971)
abhiShiktastato devairvaruNo.api mahAyashAH .
saritaH sAgarAMshchaiva nadAMshchApi sarAMsi cha .
pAlayAmAsa vidhinA yathA devA~nshatakratuH ..  9\-16\-12 (62972)
tatastratrApyupaspR^ishya dattvA cha vividhaM vasu .
agnitIrthaM mahAprAj~no jagAmAtha pralambahA .
naShTo na dR^ishyate yatra shamIgarbhe dutAshanaH ..  9\-16\-13 (62973)
lokAlokavinAshe cha prAdurbhUte tadA.anagha .
upatasthuH surA yatra sarvalokapitAmaham .. 9\-16\-14 (62974)
agniH pranaShTo bhagavAnkAraNaM cha na vidmahe .
sarvabhUtakShayo rAjansampAdaya vibho.analam .. 9\-16\-15 (62975)
janamejaya uvAcha. 9\-16\-16x (5201)
kimarthaM bhagavAnagniH pranaShTo lokabhAvanAH .
vij~nAtashcha kathaM devaistanmamAchakShva tattvataH .. 9\-16\-16 (62976)
vaishampAyana uvAcha. 9\-16\-17x (5202)
bhR^igoH shApAdbhR^ishaM bhIto jAtavedAH pratApavAn .
shamIgarbhamathAsAdya nanAsha bhagavAMstataH .. 9\-16\-17 (62977)
pranaShTe tu tadA vahnau devAH sarve savAsavAH .
anvaiShanta tadA naShTaM jvalanaM bhR^ishaduHkhitAH .. 9\-16\-18 (62978)
tato.agnitIrthamAsAdya shamIgarbhasthameva hi .
dadR^ishurjvalanaM tatra vasamAnaM yathAvidhi .. 9\-16\-19 (62979)
devAH sarve naravyAghra bR^ihaspatipurogamAH .
jvalanaM taM samAsAdya prItA.abhUvansavAsavAH .. 9\-16\-20 (62980)
punaryathAgataM jagmuH sarvabhakShashcha so.abhavat .
bhR^igoH shApAnmahAbhAga yaduktaM brahmavAdinA .. 9\-16\-21 (62981)
tatrApyAplutya matimAnbrahmashApAnmumocha ha ..  9\-16\-22 (62982)
tatrAplutya tato brahmA saha devaiH prabhuH purA .
sasarja chAnnAni tathA devatAnAM yathAvidhi .. 9\-16\-23 (62983)
tatra snAtvA cha dattvA cha vasUni vividhAni cha .
kauberaM prayayau tIrthaM yatra taptvA mahattapaH .. 9\-16\-24 (62984)
dhanAdhipatyaM samprApto rAjannailabilaH prabhuH ..  9\-16\-25 (62985)
tatrasthameva taM rAjandhanAni nidhayastathA .
upataddhaturnarashreShTha tattIrthaM lA~NgalI balaH .. 9\-16\-26 (62986)
gatvA snAtvA cha vidhivadbrAhmaNebhyo dhanaM dadau .
dadR^ishe tatra tatsthAnaM kaubere kAnanottame .. 9\-16\-27 (62987)
purA yatra tapastaptaM vipulaM sumahAtmanA .
yakSharAj~nA kubereNa varA labdhAshcha puShkalAH .. 9\-16\-28 (62988)
dhanAdhipatyaM sakhyaM cha rudreNAmitatejasA .
suratvaM lokapAlatvaM putraM cha nalakUbaram .. 9\-16\-29 (62989)
yatra lebhe mahAbAho dhanAdhipatira~njasA .
abhiShiktashcha tatraiva samAgamya marudgaNaiH .. 9\-16\-30 (62990)
vAhanaM chAsya taddattaM haMsayuktaM manojavam .
vimAnaM puShpakaM divyaM nairR^itaishvaryameva cha .. 9\-16\-31 (62991)
tatrAplutya balo rAjandattvA dAyAMshcha puShkalAn .
jagAma tvarito rAmastIrthaM svetAnulepanaH .. 9\-16\-32 (62992)
niShevitaM sarvasatvairnAmnA badarapAchanam .
nAnartukavanopetaM sadA puShpaphalaM shubham .. .. 9\-16\-33 (62993)

iti shrImanmahAbhArate shalyaparvaNi hradapraveshaparvaNi
aShTachatvAriMsho.adhyAyaH .. 48 ..
##Mahabharata - Shalya Parva - Chapter Footnotes##

9\-16\-25 ailabilaH kuberaH ..
9\-16\-48 aShTachatvAriMsho.adhyAyaH ..

\medskip\hrule\medskip
shalyaparva \- adhyAya 049
.. shrIH ..
9\.49\. adhyAyaH 49

##Mahabharata - Shalya Parva - Chapter Topics##
balarAmasya badarapAchanatIrthagamanam .. 1 ..
shrutAvatyarundhatyormahimAnuvarNanam .. 2 ..

##Mahabharata - Shalya Parva - Chapter Text##

9\-49\-0 (62994)
vaishampAyana uvAcha. 9\-49\-0x (5203)
tatastIrthavaraM rAmo yayau badarapAchanAm .
tapasvisiddhacharitaM yatra kanyA dhR^itavratA .. 9\-49\-1 (62995)
bharadvAjasya duhitA rupeNApratimA bhuvi .
shrutAvatI nAma vibho kumArI brahmachAriNI .. 9\-49\-2 (62996)
tapashchachAra sAtyugraM niyamairbahubhirvR^itA .
bhartA me devarAjaH syAditi nishchitya bhAminI .. 9\-49\-3 (62997)
samAstasyA vyatikrAntA bahvyaH kurukulodvaha .
charantyA niyamAMstAMstAMstrIbhistIvrAnsudushcharAn .. 9\-49\-4 (62998)
tasyAstu tena vR^ittena tapasA cha vishAmpate .
bhaktyA cha bhagavAnprItaH parayA pAkashAsanaH .. 9\-49\-5 (62999)
AjagAmAshramaM tasyAstridashAdhipatiH prabhuH .
AsthAya rUpaM viprarShervasiShThasya mahAtmanaH .. 9\-49\-6 (63000)
sA taM dR^iShTvogratapasaM vasiShThaM tapatAM varam .
AchArairmunibhirdR^iShTaiH pUjayAmAsa bhArata .. 9\-49\-7 (63001)
uvAcha niyamaj~nA cha kalyANI sA priyaMvadA .
bhagavanmunishArdUla kimAj~nApayasi prabho .. 9\-49\-8 (63002)
sarvamadya yathAshakti tava dAsyAmi suvrata .
shaktrabhaktyA cha te pANiM na dAsyAmi katha~nchana .. 9\-49\-9 (63003)
vrataishcha niyamaishchaiva tapasA cha tapodhana .
shakrastoShayitavyo vai mayA tribhuvaneshvaraH .. 9\-49\-10 (63004)
ityukto bhagavAndevaH smayanniva nirIkShya tAm .
uvAcha niyamaM j~nAtvA sAMtvayanniva bhArata .. 9\-49\-11 (63005)
ugraM tapashcharasi vai viditA me.asi suvrate .
yadarthamayamArambhastava kalyANi hR^idgataH .. 9\-49\-12 (63006)
tachcha sarvaM yathAbhUtaM bhaviShyati varAnane .
tapasA labhyate sarvaM yathAbhUtaM bhaviShyati .. 9\-49\-13 (63007)
yathA sthAnAni divyAni vibudhAnAM shubhAnane .
tapasA tAni prApyANi tapomUlaM mahAtsukham .. 9\-49\-14 (63008)
iti kR^itvA tapo ghoraM dehaM sannyasya mAnavAH .
devatvaM yAnti kalyANi shR^iNuShvaikaM vacho mama .. 9\-49\-15 (63009)
pa~ncha chaitAni subhage badarANi shubhavrate .
pachetyuktvA tu bhagavA~njagAma balasUdanaH .. 9\-49\-16 (63010)
Amantrya tAM tu kalyANIM tato japyaM jajApa saH .
avidUre tatastasmAdAshramAttIrthamuttamam .. 9\-49\-17 (63011)
tachcha tIrthaM mahArAja yatra japyaM jajApa saH .
indratIrthetivikhyAtaM triShu lokeShu mAnada .. 9\-49\-18 (63012)
tasya jij~nAsanArthaM sa bhagavAnpAkashAsanaH .
badarANAmapachanaM chakAra vibudhAdhipaH .. 9\-49\-19 (63013)
tataH prataptA sA rAjanvAgyatA vigataklamA .
tatparA shuchisaMvItA pAvake samadhishrayat .
apachadrAjashArdUla badarANi mahAvratA ..  9\-49\-20 (63014)
tasyAH pachantyAH sumahAnkAlo.agAtpuruSharShabha .
na cha sma tAnyapachyanta dinaM cha kShayamabhyagAt .. 9\-49\-21 (63015)
hutAshanena dagdhashcha yastasyAH kAShThasa~nchayaH .
akAShThamagniM sA dR^iShTvA svasharIramathAdahat .. 9\-49\-22 (63016)
pAdau prakShipya sA pUrvaM pAvake chArudarshanA .
dagdhau dagdhau punaH pAdAvupAvartayatAnagha .. 9\-49\-23 (63017)
charaNe dahyamAne cha nAchintayadaninditA .
duHkhaM kamalapatrAkShI maharShipriyakAmyayA .. 9\-49\-24 (63018)
na vaimanasyaM tasyAstu mukhabhedo.athavA.abhavat .
sharIramagninA dIpya jalamadhye yathA sthitA .. 9\-49\-25 (63019)
tachchAsyAH pachane yatnaM na nyavartata bhArata .
sarvathA badarANyeva paktavyAnIti kanyakA .. 9\-49\-26 (63020)
sA tanmanasi kR^itvaiva maharShervachanaM shubhA .
apachadbadarANyeva na chApachyanta bhArata .. 9\-49\-27 (63021)
tasyAstu charaNau vahnirdadAha bhagavAnsvayam .
na cha tasyA manoduHkhaM svalpamapyabhavattadA .. 9\-49\-28 (63022)
atha tatkarma dR^iShTvA.asyAH prItastribhuvaneshvaraH .
tataH sandarshayAmAsa kanyAyai rUpamAtmanaH .. 9\-49\-29 (63023)
uvAcha cha surashreShThastAM kanyAM sudR^iDhavratAm .
prIto.asmi te shubhe bhaktyA tapasA niyamena cha .. 9\-49\-30 (63024)
tasmAdyo.abhimataH kAmaH sa te sampatsyate shubhe .
dehaM tyaktvA mahAbhAge tridive mayi vatsyasi .. 9\-49\-31 (63025)
idaM cha te tIrthavaraM sthiraM loke bhaviShyati .
sarvapApApahaM subhru nAmnA badarapAchanam .
vikhyAtaM triShu lokeShu brahmarShibhirabhiplutam ..  9\-49\-32 (63026)
asminkhalu mahAbhAge shubhe tIrthavare.anaghe .
tyaktvA saptarShayo jagmurhimavantamarundhatIm .. 9\-49\-33 (63027)
tataste vai mahAbhAgA gatvA tatra susaMshitAH .
vR^ittyarthaM phalamUlAni samAhartuM yayuH kila .. 9\-49\-34 (63028)
teShAM vR^ittyarthinAM tatra vasatAM himavadvane .
anAvR^iShTiranuprAptA tadA dvAdashavArShikI .. 9\-49\-35 (63029)
te kR^itvA chAshramaM tatra nyavasanta tapasvinaH .
arundhatyapi kalyANI taponityA.abhavattadA .. 9\-49\-36 (63030)
arundhatIM tato dR^iShTvA tIvraM niyamamAsthitAm .
athAgamattrinayanaH suprIto varadastadA .. 9\-49\-37 (63031)
brAhmaM rUpaM tataH kR^itvA mahAdevo mahAyashAH .
tAmabhyetyAbravIddevo bhikShAmichChAmyahaM shubhe .. 9\-49\-38 (63032)
pratyuvAcha tataH sA taM brAhmaNaM chArudarshanA .
kShINo.annasa~nchayo vipra badarANIha bhakShaya .. 9\-49\-39 (63033)
tato.abravInmahAdevaH pachasvaitAni suvrate .
ityuktA sA.apachattAni brAhmaNapriyakAmyayA .
adhishritya samiddhe.agnau badarANi yashasvinI ..  9\-49\-40 (63034)
divyA manoramAH puNyAH kathAH shushrAva sA tadA .
atItA sA tvanAvR^iShTirghorA dvAdashavArShikI .. 9\-49\-41 (63035)
anashnantyAH pachantyAshcha shR^iNvantyAshcha kathAH shubhAH .
dinopamaH sa tasyAtha kAlo.atItaH sudAruNaH .. 9\-49\-42 (63036)
tatastu munayaH prAptAH phalAnyAdAya parvatAt .
tataH sa bhagavAnprItaH provAchArundhatIM tataH .. 9\-49\-43 (63037)
upasarpasva dharmaj~ne yathApUrvamimAnR^iShIn .
prIto.asmi tava dharmaj~ne tapasA niyamena cha .. 9\-49\-44 (63038)
tataH sandarshayAmAsa svarUpaM bhagavAnharaH .
tato.abravIttadA tebhyastasyAshcha charitaM mahat .. 9\-49\-45 (63039)
bhavadbhirhimavatpR^iShThe yattapaH samupArjitam .
asyAscha yattapo viprA na samaM tanmataM mama .. 9\-49\-46 (63040)
anayA hi tapasvinyA tapastaptaM sudushcharam .
anashnantyA pachantyA cha samA dvAdasha pAritAH .. 9\-49\-47 (63041)
tataH provAcha bhagavAMstAmevArundhatIM punaH .
varaM vR^iNIShva kalyANi yatte.abhilaShitaM hR^idi .. 9\-49\-48 (63042)
sA.abravItpR^ithutAmrAkShI devaM saptarShisaMsadi .
bhagavAnyadi me prItastIrthaM syAdidamadbhutam .. 9\-49\-49 (63043)
siddhadevarShidayitaM nAmnA badarapAchanam .
tathA.asmindevadevesha trirAtramuShitaH shuchiH .. 9\-49\-50 (63044)
prApnuyAdupavAsena phalaM dvAdashavArShikam .
evamastviti tAM devaH pratyuvAcha tapasvinIm .. 9\-49\-51 (63045)
saptarShibhiH stuto devastato lokaM yayau tadA .
R^iShayo vismayaM jagmustAM dR^iShTvA chApyarundhatIm .
ashrAntAM chAvivarNAM cha kShutpipAsA.asamAyutAm ..  9\-49\-52 (63046)
evaM siddhiH parA prAptA arundhatyA vishuddhayA .
yathA tvayA mahAbhAge madarthe saMshitavrate .. 9\-49\-53 (63047)
visheSho hi tvayA bhadre vrate hyasminsamarpitaH .
tathA chedaM dadAmyadya niyamena sutoShitaH .
visheShaM tava kalyANi prayachChAmi varaM vare ..  9\-49\-54 (63048)
arundhatyA varastasyA yo datto vai mahAtmanA .
tasya chAhaM prabhAvena tava kalyANi tejasA .
pravakShyAmi paraM bhUyo varamatra yathAvidhi ..  9\-49\-55 (63049)
yastvekAM rajanIM tIrthe vatsyate susamAhitaH .
sasnAtvA prApsyate lokAndehanyAsAtsudurlabhAn .. 9\-49\-56 (63050)
ityuktvA bhagavAndevaH sahasrAkShaH pratApavAn .
shrutAvatIM tataH puNyAM jagAma tridivaM punaH .. 9\-49\-57 (63051)
gate vajradhare rAjaMstatra varShaM papAta ha .
puShpANAM bharatashreShTha divyAnAM puNyagandhinAm .. 9\-49\-58 (63052)
davadundubhayashchApi nedustatra mahAsvanAH .
mArutashcha vavau puNyaH puNyagandho vishAmpate .. 9\-49\-59 (63053)
utsR^ijya tu shubhA dehaM jagAmAsya cha bhAryatAm .
tapasogreNa taM labdhvA tena reme sahAchyuta .. 9\-49\-60 (63054)
janamejaya uvAcha. 9\-49\-61x (5204)
kA tasyA bhagavanmAtA kva saMvR^iddhA cha shobhanA .
shrotumichChAmyahaM vipra paraM kautUhalaM hi me .. 9\-49\-61 (63055)
vaishampAyana uvAcha. 9\-49\-62x (5205)
bharadvAjasya viprarSheH skannaM reto mahAtmanaH .
dR^iShTvA.apsarasamAyAntI ghR^itAchIM pR^ithalochanAm .. 9\-49\-62 (63056)
sa tu jagrAha tadretaH kareNa japatAM varaH .
tadA.apatatparNapuTe tatra sA sambhavatsutA .. 9\-49\-63 (63057)
tasyAstu jAtakarmAdi kR^itvA sarvaM tapodhanaH .
nAma chAsyAH sa kR^itavAnbharadvAjo mahAmuniH .. 9\-49\-64 (63058)
shrutAvatIti dharmAtmA devarShigaNasaMsadi .
sve cha tAmAshrame nyasya jagAma himavadvanam .. 9\-49\-65 (63059)
tatrApyupaspR^ishya mahAnubhAvo
vasUni dattvA cha mahAdvijebhyaH .
jagAma tIrthaM susamAhitAtmA
shakrasya vR^iShNipravarastadAnIm .. ..  9\-49\-66 (63060)

iti shrImanmahAbhArate shalyaparvaNi hradapraveshaparvaNi
ekonapa~nchAsho.adhyAyaH .. 49 ..
##Mahabharata - Shalya Parva - Chapter Footnotes##

9\-49\-23 upAvartayata agre.agre prasAritavatI ..
9\-49\-26 tachchAsyA vachanaM nityamavartadvR^idi bhArata iti jha.pAThaH ..
9\-49\-49 ekonapa~nchAsho.adhyAyaH ..

\medskip\hrule\medskip
shalyaparva \- adhyAya 050
.. shrIH ..
9\.50\. adhyAyaH 50

##Mahabharata - Shalya Parva - Chapter Topics##
balabhadrasyeradratIrthAdigamanam .. 1 ..
tattattIrthamAhAtmyakathanam .. 2 ..

##Mahabharata - Shalya Parva - Chapter Text##

9\-50\-0 (63061)
vaishampAyana uvAcha. 9\-50\-0x (5206)
indratIrthaM tato gatvA yadUnAM pravaro balI .
viprebhyo dhanaratnAni dadau snAtvA yathAvidhi .. 9\-50\-1 (63062)
tatra hyamararAjo vai Ije kratushatena ha .
bR^ihaspateshcha deveshaH pradadau vipulaM dhanam .. 9\-50\-2 (63063)
anargalAnsajArUthyAnsarvAnvividhadakShiNAn .
Ajahara kratUMstatra yathoktaM vedapAragaiH .. 9\-50\-3 (63064)
tAnkratUnbharatashreShTha shatakR^itvo mahAdyutiH .
pUrayAmAsa vidhivattataH khyAtaH shatakratuH .. 9\-50\-4 (63065)
tasya nAmnA tu tattIrthaM shivaM puNyaM sanAtanam .
indratIrthamiti khyAtaM sarvapApapramochanam .. 9\-50\-5 (63066)
upaspR^ishya cha tatrApi vidhivanmusalAyudhaH .
brAhmaNAnpUjayitvA cha pAnAchChAdunabhojanaiH .. 9\-50\-6 (63067)
shubhaM tIrthavaraM tasmAdrAmatIrthaM jagAma ha .
yatra rAmo mahAbhAgo bhArgavaH sumahAtapAH .. 9\-50\-7 (63068)
asakR^itpR^ithivIM kR^itvA hatakShatriyapu~NgavAm .
upAdhyAyaM puraskR^itya kAshyapaM munisattamam .. 9\-50\-8 (63069)
ayajadvAjapeyena so.ashvamedhashatena cha .
pradadau dakShiNArthaM cha pR^ithivIM sAgarAmbarAm .. 9\-50\-9 (63070)
rAmo dattvA dhanaM tatra dvijebhyo janamejaya .
upaspR^ishya yathAnyAyaM pUjayitvA tathA dvijAn .. 9\-50\-10 (63071)
puNyatIrthe shubhe deshe vasu dattvA halAyudhaH .
munIMshchaivAbhivAdyAtha yamunAtIrthamAgamat .
yatrAnayAmAsa tadA rAjasUyamapAmpatiH ..  9\-50\-11 (63072)
diteH sutAnmahAbhAgo varuNo vai sitaprabhaH .
yatra nirjitya sa~NgrAme mAnuShAndAnavAMstathA .
gandharvAnrAkShasAMshchaiva varuNaH paravIrahA ..  9\-50\-12 (63073)
tasminkratuvare vR^itte sa~NgrAmaH samajAyata .
devAnAM dAnavAnAM cha trailokyasya bhayAvahaH .. 9\-50\-13 (63074)
rAjasUye kratushreShThe nivR^itte janamejaya .
jAyate sumahAghoraH saMkShayaH kShatriyAnprati .. 9\-50\-14 (63075)
halAyudhastadA rAmastasmiMstIrthavare shubhe .
tatrasnAtvA cha dattvA cha dvijebhyo vasu mAdhavaH .. 9\-50\-15 (63076)
vanamAlI tato hR^iShTaH stUyamAno dvijAtibhiH .
tasmAdAdityatIrthaM cha jagAma kamalekShaNaH .. 9\-50\-16 (63077)
yatreShTvA bhagavA~njyotirbhAskaro rAjasattama .
jyotiShAmAdhipatyaM cha prabhAvaM chAbhyapadyata .. 9\-50\-17 (63078)
tasyA nadyAstu tIre vai sarve devAH savAsavAH .
vishvedevAH samaruto gandharvApsarasashcha ha .. 9\-50\-18 (63079)
dvaipAyanaH shukashchaiva kR^iShNashcha madhusUdanaH .
yakShAshcha rAkShasAshchaiva pishAchAshcha vishAmpate .. 9\-50\-19 (63080)
ete chAnye cha bahavo yogasiddhAH sahasrashaH .
tasmiMstIrthe sarasvatyAH shive puNye parantapa .. 9\-50\-20 (63081)
tatra hatvA purA viShNurasurau madhukaiTabhau .
Aplutya bharatashreShTha tIrthapravara uttame .. 9\-50\-21 (63082)
dvaipAyanashcha dharmAtmA tatraivAplutya bhArata .
samprAptaH paramaM yogaM siddhiM cha paramAM gataH .. 9\-50\-22 (63083)
asito devalashchaiva tasminneva mahAtapAH .
paramaM yogamAsthAya R^iShiryogamavAptavAn .. .. 9\-50\-23 (63084)

iti shrImanmahAbhArate shalyaparvaNi hradapraveshaparvaNi
pa~nchAsho.adhyAyaH .. 50 ..
##Mahabharata - Shalya Parva - Chapter Footnotes##

9\-50\-1 AnayAmAsa munInityanuShajjyate . rAjasUyaM kartumiti sheShaH ..
9\-50\-50 pa~nchAshattamo.adhyAyaH ..

\medskip\hrule\medskip
shalyaparva \- adhyAya 051
.. shrIH ..
9\.51\. adhyAyaH 51

##Mahabharata - Shalya Parva - Chapter Topics##
devalajaigIShavyayoshcharitrakIrtanam .. 1 ..
balabhadrasyAdityatIrthAtsomatIrthagamanam .. 2 ..

##Mahabharata - Shalya Parva - Chapter Text##

9\-51\-0 (63085)
vaishampAyana uvAcha. 9\-51\-0x (5207)
tasminneva tu dharmAtmA vasati sma tapodhanaH .
gArhisthyaM dharmamAsthAya hyasito devalaH purA .. 9\-51\-1 (63086)
dharmanityaH shuchirdAnto yaj~nashIlo mahAtapAH .
karmaNA manasA vAchA samaH sarveShu jantuShu .. 9\-51\-2 (63087)
akrodhano mahArAja tulyanindAtmasaMstutiH .
priyApriye tulyavR^ittiryamavatsamadarshanaH .. 9\-51\-3 (63088)
kA~nchane loShThake chaiva samadarshI mahAtapAH .
devAnapUjayannityamatithIMshcha dvijaiH saha .
brahmacharyarato nityaM sadA dharmaparAyaNaH ..  9\-51\-4 (63089)
tato.abhyetya mahAbhAga yogamAsthAya bhikShukaH .
jaigIShavyo munirdhImAMstasmiMstIrthe samAhitaH .. 9\-51\-5 (63090)
devalasyAshrame rAjannyavasatsa mahAdyutiH .
yoganityo mahArAja siddhiM prApto mahAtapAH .. 9\-51\-6 (63091)
taM tatra vasamAnaM tu jaigIShavyaM mahAmunim .
devalo darshayanneva naivAyu~njata dharmataH .. 9\-51\-7 (63092)
evaM tayormahArAja dIrghakAlo vyatikramat ..  9\-51\-8 (63093)
jaigIShavyo munistaM tu dadarshAtha sa kevalam .
AhArakAle matimAnparivrAD jamejaya .. 9\-51\-9 (63094)
upAtiShThata dharmaj~no bhaikShakAle sa devalam .
gauravaM paramaM chakre prItiM cha vipulAM tathA .. 9\-51\-10 (63095)
devalastu yathAshakti pUjayAmAsa bhArata .
R^iShidR^iShTena vidhinA samA bahIH samAhitaH .. 9\-51\-11 (63096)
kadAchittasya nR^iyate devalasya mahAtmanaH .
chintA sumahatI jAtA muniM dR^iShTvA mahAdyutim .. 9\-51\-12 (63097)
samAstu samatikrAntA bahvyaH pUjayato mama .
na chAyamalaso bhikShurabhyabhAShata ki~nchana .. 9\-51\-13 (63098)
evaM vigaNayanneva sa jagAma mahodadhim .
antarikShacharaH shrImAnkalashaM gR^ihya devalaM .. 9\-51\-14 (63099)
gachChanneva sa dharmAtmA samudraM saritAM parim .
jaigIShavyaM tato.apashyadrataM prAgeva bhArata .. 9\-51\-15 (63100)
tataH savismayashchintAM jagAmAthAmitaprabhaH .
kathaM sikShurachaM prAptaH samudre snAta eva cha .. 9\-51\-16 (63101)
ityevaM chintayAmAsa maharShirasitastadA .
snAtvA sakhudre vidhivachChuchirjapyaM jajApa saH .. 9\-51\-17 (63102)
kR^itaja##xxxxx## shrImAnAshrayaM cha jagAma ha .
##xxxxxxxxxx## gR^ihItvA janamejaya .. 9\-51\-18 (63103)
tataH sa pravishanneva svamAshramapadaM muniH .
##xxxxxxxxx## tatra jaigIShavyamapashyata .. 9\-51\-19 (63104)
na vyAharati chaivenaM jaigIShavyaH katha~nchana .
##xxxxxxxx## vasati sma mahAtapAH .. 9\-51\-20 (63105)
taM dR^iShTvA chAplutaM toye sAmare sAgaropamam .
praviShTa##xxxxx## chApi pUrvameva dadarsha saH .. 9\-51\-21 (63106)
##xxxxx## devalo rAjaMshchintayAmAsa buddhimAn .
##xxxxxxx## tapaso jaigIShavyAsva yogajam .. 9\-51\-22 (63107)
chintayAmAsa rAjendra tadA sa munisattamaH .
mayA dR^iShTaH samudre cha Ashrame cha kathaMnvayam .. 9\-51\-23 (63108)
evaM vigaNayanneva sa munirmantrapAragaH .
utpapAtAshramAttasmAdantarikShaM vishAmpate .
jij~nAsArthaM tadA bhikShorjaigIShavyasya devalaH ..  9\-51\-24 (63109)
so.antarikShacharAnsiddhAnsamapashyatsamAhitAn .
jaigIShavyaM cha taiH siddhaiH pUjyamAnamapashyata .. 9\-51\-25 (63110)
tato.asitaH susaMrabdho vyavasAyI dR^iDhavrataH .
apashyadvai divaM yAtaM jaigIShavyaM sa devalaH .. 9\-51\-26 (63111)
tasmAchcha pitR^ilokaM taM vrajantaM so.anvapashyata .
pitR^ilokAchcha taM yAtaM yAmyaM lokamapashyata .. 9\-51\-27 (63112)
`tasmAdAdityalokaM cha vrajantaM so.anvapashyata.'
tasmAdapi samutpatya somalokamabhiShTutam .
vrajantamanvapashyatsa jaigIShavyaM sa devalaH ..  9\-51\-28 (63113)
lokAnsamutpatantaM tu shubhAnekAntayAjinAm .
tato.agnihotriNAM lokAMstatashchApyutpapAta ha .. 9\-51\-29 (63114)
darshaM cha paurNamAsaM cha ye yajanti tapodhanAH .
tebhyaH sa dadR^ishe dhImA.NllokebhyaH pashuyAjinAm .
vrajantaM lokamamalamapashyaddevapUjitam ..  9\-51\-30 (63115)
chAturmAsyairbahuvidhairyajante ye tapodhanAH .
teShAM sthAnaM tato yatAM tathA.agniShTomayAjinAm .. 9\-51\-31 (63116)
agniShTutena cha tathA ye yajanti tapodhanaH .
tatsthAnamanusamprAptamanvapashyata devalaH .. 9\-51\-32 (63117)
vAjapeyaM kratuvaraM tathA bahusuvarNakam .
Aharanti mahAprAj~nAsteShAM lokeShvapashyata .. 9\-51\-33 (63118)
yajante rAjasUyena puNDarIkeNa chaiva ye .
teShAM lokeShvapashyachcha jaigIShavyaM sa devalaH .. 9\-51\-34 (63119)
ashvamedhaM kratuvaraM naramedhaM tathaiva cha .
Aharanti narashreShThAsteShAM lokeShvapashyata .. 9\-51\-35 (63120)
sarvamedhaM cha duShprApaM tathA sautrAmaNiM cha ye .
teShAM lokeShvapashyachcha jaigIShavyaM sa devalaH .. 9\-51\-36 (63121)
dvAdashAhaishcha satraishcha yajante vividhairnR^ipa .
teShAM lokeShvapashyachcha jaigIShavyaM sa devalaH .. 9\-51\-37 (63122)
maitrAvaruNayorlokAnAdityAnAM tathaiva cha .
salokatAmanuprAptamapashyata tato.asitaH .. 9\-51\-38 (63123)
rudrANAM cha vasUnAM cha sthAnaM yachcha bR^ihaspateH .
tAniM sarvANyatItaM cha samapashyattato.asitaH .. 9\-51\-39 (63124)
Aruhya cha gavAM lokaM prayAntaM brahmasatriNAm .
lokAnapashyadgachChantaM jaigIShavyaM tato.asitaH .. 9\-51\-40 (63125)
trIllo.NkAnpravarAnvipramutpatantaM svatejasA .
pativratAnAM lokAMshcha vrajantaM so.anvapashyata .. 9\-51\-41 (63126)
tato munivaraM bhUyo jaigIShavyamathAsitaH .
nAnvapashyata lokasthamantarhitamarindama .. 9\-51\-42 (63127)
so.achintayanmahAbhAgo jaigIShavyasya devalaH .
prabhAvaM suvratatvaM cha siddhiM yogasya chAtulAm .. 9\-51\-43 (63128)
asito.apR^ichChata tadA siddhA.NllokeShu sattamAn .
prayataH prA~njalirbhUtvA dhIrastAnbrahmachAriNaH .. 9\-51\-44 (63129)
jaigIShavyaM na pashyAmi taM shaMsantu tapodhanAH .
etadichChAmyahaM shrotuM paraM kautUhalaM hi me .. 9\-51\-45 (63130)
siddhA UchuH. 9\-51\-46x (5208)
shR^iNu devala bhUtArthaM shaMsatAM no dR^iDhavrata .
jaigIShavyo gato lokaM shAshvataM brahmaNokShayam .. 9\-51\-46 (63131)
vaishampAyana uvAcha. 9\-51\-47x (5209)
sa shrutvA vachanaM teShAM siddhAnAM brahmachAriNAm .
asitA devalastUrNamutpapAta papAta cha .. 9\-51\-47 (63132)
tataH siddhAsta Uchurhi devalaM punareva ha .
na devalagatistatra tava gantuM tapodhana .
brahmaNaH sadane vipra jaigIShavyo yadAptavAn ..  9\-51\-48 (63133)
vaishampAyana uvAcha. 9\-51\-49x (5210)
teShAM tadvachanaM shrutvA siddhAnAM devalaH punaH .
AnupUrvyeNa lokAMstAnsarvAnavatatAra ha .. 9\-51\-49 (63134)
svamAshramapadaM puNyamAjagAma pata~Ngavat .
pravishanneva chApashyajjaigIShavyaM sa devalaH .. 9\-51\-50 (63135)
tato buddhyA vyagaNayaddevalo dharmayuktayA .
dR^iShTvA prabhAvaM tapaso jaigIShavyasya yogajam .. 9\-51\-51 (63136)
tato.abravinmahAtmAnaM jaigIShavyaM sa devalaH .
vinayAvanato rAjannupasarpya mahAmunim .
mokShadharmaM samAsthAtumichCheyaM bhagavannaham ..  9\-51\-52 (63137)
tasya tadvachanaM shrutvA upadeshaM chakAra saH .
vidhiM yogasya paramaM kAryAkAryasya shAstrataH .. 9\-51\-53 (63138)
sannAye kR^itabuddhiM taM tato dR^iShTvA mahAtapAH .
sarvAshchAsya kriyAshchakre vidhidR^iShTena karmaNA .. 9\-51\-54 (63139)
sannyAse kR^itabuddhiM taM bhUtAni pitR^ibhiH saha .
tato dR^iShTvA praruruduH ko.asmAnsaMvibhajiShyati .. 9\-51\-55 (63140)
devalastu vachaH shrutvA bhUtAnAM karuNaM tathA .
disho dasha vyAharatAM mokShaM tyaktuM mano dadhe .. 9\-51\-56 (63141)
tatastu phalamUlAni pavitrANi cha bhArata .
puShpANyoShadhayashchaiva rorUyante sahasrashaH .. 9\-51\-57 (63142)
punarno devalaH kShudro nUnaM Chetsyati durmatiH .
abhayaM sarvabhUtebhyo yo dattvA nAvabudhyate .. 9\-51\-58 (63143)
tato bhUyo vyagaNayatsvabuddhyA munisattamaH .
mokShe gArhasthyadharme vA kinnu shreyaskaraM bhavet .. 9\-51\-59 (63144)
iti nishchitya manasA devalo rAjasattama .
tyaktvA gArhasthyadharmaM sa mokShadharmamarochayat .. 9\-51\-60 (63145)
evamAdIni sa~nchintya devalo nishchayAnvitaH .
prAptavAnparamAM siddhiM paraM yogaM cha bhArata .. 9\-51\-61 (63146)
tato devAH samAgamya bR^ihaspatipurogamAH .
jaigIShavyaM tapashchAsya prashaMsanti tapasvinaH .. 9\-51\-62 (63147)
athAbravIdR^iShivaro devAnvai nAradastathA .
jaigIShavye tapo nAsti vismApayati yo.asitam .. 9\-51\-63 (63148)
tamevaMvAdinaM dhIraM pratyUchuste divaukasaH .
naivamityeva shaMsanto jaigIShavyaM mahAmunim .. 9\-51\-64 (63149)
nAtaH parataraM ki~nchittulyamasti prabhAvataH .
tejasastapasashchAsya yogasya cha mahAtmanaH .. 9\-51\-65 (63150)
evaM prabhAvo dharmAtmA jaigIShavyastathA.asitaH .
tayoridaM sthAnavaraM tIrthaM chaiva mahAtmanoH .. 9\-51\-66 (63151)
tatrApyupaspR^ishya tato mahAtmA
dattvA cha vittaM halabhR^iddvijebhyaH .
avApya dharmaM paramArthakarmA
jagAma somasya mahA##xxxxxx##rtham. ..  9\-51\-67 (63152)

iti shrImanmahAbhArate shalyaparvaNi hradapraveshaparvaNi
ekapa~nchAshattamo.adhyAyaH .. 51 ..
##Mahabharata - Shalya Parva - Chapter Footnotes##

9\-51\-7 naivApu~nchata dharmataH iti Cha.pAThaH ..
9\-51\-8 nyatikramat vyatyakrAmat ..
9\-51\-16 asitaprabha iti Cha.pAThaH ..
9\-51\-46 bhUtArthaM yathAbhUtArtham ..
9\-51\-47 utpapAta brahmalokaM gantumiti sheShaH . papAta cha gaganAt ..
9\-51\-54 sarvAH kriyA utsargeShThyAdayaH ..
9\-51\-56 mokShaM sannyAsaM tyaktuM mano dadhe . utsR^iShTA nAmagnInAM
punarAdhAnaM kartumaichChat ..
9\-51\-66 asito devala ..
9\-51\-51 ekapa~nchAshattato.adhyAyaH ..

\medskip\hrule\medskip
shalyaparva \- adhyAya 052
.. shrIH ..
9\.52\. adhyAyaH 52

##Mahabharata - Shalya Parva - Chapter Topics##
dadhIchisArasvatayoshcharitavarNanam .. 1 ..

##Mahabharata - Shalya Parva - Chapter Text##

9\-52\-0 (63153)
vaishampAyana uvAcha. 9\-52\-0x (5211)
yatrejivAnuDupatI rAjasUyena bhArata .
yasminvR^itte mahAnAsItsa~NgrAmastArakAmayaH .. 9\-52\-1 (63154)
tatrApyupaspR^ishya balo dattvA dAnAni chAtmavAn .
sArasvatasya dharmAtmA munestIrthaM jagAma ha .. 9\-52\-2 (63155)
yatra dvAdashavArShikyAmanAvR^iShTyAM dvijottamAn .
vedAnadhyApayAmAsa purA sArasvato muniH .. 9\-52\-3 (63156)
janamejaya uvAcha. 9\-52\-4x (5212)
kathaM dvAdashavArShikyAmanAvR^iShTyAM dvijottamAn .
vedAnadhyApayAmAsa purA sArasvato muniH .. 9\-52\-4 (63157)
vaishampAyana uvAcha. 9\-52\-5x (5213)
AsItpUrvaM mahArAja munirdhImAnmahAtapAH .
dadhIchiriti vikhyAto brahmachArI jitendriyaH .. 9\-52\-5 (63158)
tasyAtitapasaH shakro bibheti satataM vibho .
na sa lobhayituM shakyaH phalairbahuvidhairapi .. 9\-52\-6 (63159)
pralobhanArthaM tasyAtha prAhiNotpAkashAsanaH .
divyAmapsarasaM puNyAM darshanIyAmalambusAm .. 9\-52\-7 (63160)
tasya tarpayato devAnsarasvatyAM mahAtmanaH .
samIpato mahArAja sopAtiShThata bhAminI .. 9\-52\-8 (63161)
tAM divyavapuShaM dR^iShTvA tasyarSherbhAvitAtmanaH .
retaH skannaM sarasvatyAM tasmA jagrAha nimnagA .. 9\-52\-9 (63162)
kukShau chApyadadhadvR^iShTA tadretaH puruSharShabha .
sA dadhAra cha taM garbhaM putrahetormahAtmanaH ..tha  9\-52\-10 (63163)
suShuve chApi samaye putraM sArasvataM varam .
jagAma putramAdAya tamR^iShiM prati cha prabho .. 9\-52\-11 (63164)
R^iShisaMsadi taM dR^iShTvA sA nadI munisattamam .
tataH provAcha rAjendra dadatI putramasya tam .
brahmarShe tava putro.ayaM tvadbhaktyA dhArito mayA ..  9\-52\-12 (63165)
dR^iShTvA te.apsarasaM reto yatskannaM prAgalambusAm .
tatkukShiNA.ahaM brahmarShe tvadbhaktyA dhR^itavatyaham .. 9\-52\-13 (63166)
na vinAshamidaM gachChettvatteja iti nishchayAt .
pratigR^ihNIShva putraM svaM mayA dattamaninditam .. 9\-52\-14 (63167)
ityuktaH pratijagrAha prItiM chAvApa puShkalAm .
pitR^ivachchopajighrattaM mUrdhni premNA dvijottamaH .. 9\-52\-15 (63168)
pariShvajya chiraM kAlaM tadA bharatasattama .
sarasvatyai varaM prAdAtprIyamANo mahAmuniH .. 9\-52\-16 (63169)
vishvedevAH sapitaro gandharvApsarasAM gaNAH .
tR^iptiM yAsyanti subhage tarpyamANAstavAmbhasA .. 9\-52\-17 (63170)
ityuktvA sa tu tuShTAva vachobhirvai mahAnadIm .
prItaH paramahR^iShTAtmA yathAvachChR^iNu pArthiva .. 9\-52\-18 (63171)
dadhIchiruvAcha. 9\-52\-19x (5214)
prasrutA.asi mahAbhAge saraso brahmaNaH purA .
jAnanti tvAM sarichChreShThe munayaH saMshitavratAH .. 9\-52\-19 (63172)
mama priyakarI chApi satataM priyadarshane .
tasmAtsArasvataM putramadadhA varavarNini .. 9\-52\-20 (63173)
tavaiva nAmnA prathitaH putraste lokabhAvanaH .
sArasvata iti khyAto bhaviShyati mahAtapAH .. 9\-52\-21 (63174)
eSha dvAdashavArShikyAmanAvR^iShTyAM dvijarShabhAn .
sArasvato mahAbhAge vedAnadhyApayiShyati .. 9\-52\-22 (63175)
puNyAbhyashcha saridbhyastvaM sadA puNyatamA shubhe .
bhaviShyasi mahAbhAge matprasAdAtsarasvati .. 9\-52\-23 (63176)
evaM sta saMstutA tena varaM labdhvA mahAnadI .
putramAdAya muditA jagAma bharatarShabha .. 9\-52\-24 (63177)
etasminneva kAle tu virodhe devadAnavaiH .
shakraH praharaNAnviShI lokAMstrInvichachAra ha .. 9\-52\-25 (63178)
na chopalebhe bhagavA~nshakraH praharaNaM tadA .
yadvai teShAM bhavedyogyaM vadhAya vibudhadviShAm .. 9\-52\-26 (63179)
tato.abravItsurA~nshakro na me shakyAH surArayaH .
R^ite.asthibhirdadhIchasya nihantuM tridashadviShaH .. 9\-52\-27 (63180)
tasmAdyatnAdR^iShishreShTho yAchyatAM kAryasiddhaye .
dadhIchAsthIni dehIti tairvadhiShyAmahe ripUn .. 9\-52\-28 (63181)
sa cha tairyAchito.asthIni yatnAdR^iShivarastadA .
sAhAyyaM naH kuruShveti chakAraivAvichArayan .. 9\-52\-29 (63182)
sa lokAnakShayAnprApto devapriyakarastadA .
tasyAsthibhiratho shakraH samprahR^iShTamanAstadA .. 9\-52\-30 (63183)
kArayAmAsa divyAni nAnApraharaNAnyuta .
gadA vajrANi chakrANi gurUndaNDAMshcha puShkalAn .. 9\-52\-31 (63184)
sa hi tIvreNa tapasA sambhR^itaH paramarShiNA .
prajApatisutenAtha bhR^iguNA lokabhAvanaH .. 9\-52\-32 (63185)
atikAyaH sa tejasvI lokasAro vinirmitaH .
jaj~ne shailaguruH prAMshurmahimnA prathitaH prabhuH .. 9\-52\-33 (63186)
nityamudvijate chAsya tejasaH pAkashAsanaH ..  9\-52\-34 (63187)
tena vajreNa bhagavAnmantrayuktena bhArata .
bhR^ishaM krodhavisR^iShTena brahmatejodbhavena cha .
daityadAnavavIrANAM jaghAna navatIrnava ..  9\-52\-35 (63188)
atha kAle vyatikrAnte mahatyatibhaya~NkarI .
anAvR^iShTiranuprAptA rAjandvAdashavArShikI .. 9\-52\-36 (63189)
tasyAM dvAdashavArShikyAmanAvR^iShTyAM maharShayaH .
vR^ittyarthaM prAdravanrAjankShudhArtAH sarvatodisham .. 9\-52\-37 (63190)
digbhyastAnpradrutAndR^iShTvA muniH sArasvatastadA .
gamanAya matiM chakre taM provAcha sarasvatI .. 9\-52\-38 (63191)
na gantavyamitaH putra tavAhAramahaM sadA .
dAsyAmi matsyapravarAnuShyatAmiha bhArata .. 9\-52\-39 (63192)
ityuktastarpayAmAsa sa pitR^IndevatAstathA .
AhAramakaronnityaM prANAnvedAMshcha dhArayan .. 9\-52\-40 (63193)
atha tasyAmanAvR^iShTyAmatItAyAM maharShayaH .
anyonyaM paripaprachChuH punaH svAdhyAyakAraNAt .. 9\-52\-41 (63194)
teShAM kShudhAparItAnAM naShTA devA vidhAvatAm .
sarveShAmeva rAjendra na kichitpratibhAti ha .. 9\-52\-42 (63195)
atha kashchidR^iShisteShAM sArasvatamupeyivAn .
kurvANaM saMshitAtmAnaM svAdhyAyamR^iShisattamam .. 9\-52\-43 (63196)
sa gatvA.achaShTa tebhyashcha sArasvatamR^iShiM prabhum .
svAdhyAyamamaraprakhyaM kurvANaM vijane vane .. 9\-52\-44 (63197)
tataH sarve samAjagmustatra rAjanmaharShayaH .
sArasvataM munishreShThamidamUchuH samAgatAH .. 9\-52\-45 (63198)
asmAnadhyApayasveti tAnuvAcha tato muniH .
shiShyatvamupAgachChadhvaM vidhinA cha mametyuta .. 9\-52\-46 (63199)
tatrAbruvanmunigaNA bAlastvamasi putraka .
sa tAnAha na me dharmo nashyediti punarmunIn .. 9\-52\-47 (63200)
yo hyadharmeNa vai brUyAdgR^ihNIyAdyo.apyadharmataH .
mriyetAM tAvubhau kShipraM syAtAM vA vairiNAvubhau .. 9\-52\-48 (63201)
na hAyanairna palitairna vittena na bandhubhiH .
R^iShayashchakrire dharmaM yo.anUchAnaH sa no mahAn .. 9\-52\-49 (63202)
etachChrutvA vachastasya manuyaste vidhAnataH .
tasmAdvedAnanuprApya punardharmaM prachakrire .. 9\-52\-50 (63203)
ShaShTirmunisahasrANi shiShyatvaM pratipedire .
sArasvatasya viprarShervedasvAdhyAyakAraNAt .. 9\-52\-51 (63204)
muShTiM muShTiM tataH sarve darbhANAM te hyupAharan .
tasyAsanArthaM viprarSherbAlasyApi vashe sthitAH .. 9\-52\-52 (63205)
tatrApi dattvA vasu rauhiNeyo
mahAbalaH keshavapUrvajo.atha
jagAma tIrthaM muditaH krameNa
taM vR^iddhakanyAshramame va vIraH .. ..  9\-52\-53 (63206)

iti shrImanmahAbhArate shalyaparvaNi hradapraveshaparvaNi
dvipa~nchAshattamo.adhyAyaH .. 52 ..
##Mahabharata - Shalya Parva - Chapter Footnotes##

9\-52\-5 dadhIcha iti iti Cha.jha.pAThaH ..
9\-52\-12 R^iShisaMsAditaM dR^iShTveti ka.Cha.pAThaH . tatra saMsAditaM
parivAritamityarthaH ..
9\-52\-28 dadhIcho.asthInIti Cha.pAThaH ..
9\-52\-29 prANatyAgaM kurushreShTha chakAraivAvichArayaShiti jha.pAThaH ..
9\-52\-34 asya muneH ..
9\-52\-35 tena tadasthijena vajreNa navatIrnava dashAdhikAM aShTashatIma ..
9\-52\-52 dvipa~nchAshattamo.adhyAyaH ..

\medskip\hrule\medskip
shalyaparva \- adhyAya 053
.. shrIH ..
9\.53\. adhyAyaH 53

##Mahabharata - Shalya Parva - Chapter Topics##
vR^iddhakanyAcharitrakathanam .. 1 ..

##Mahabharata - Shalya Parva - Chapter Text##

9\-53\-0 (63207)
janamejaya uvAcha. 9\-53\-0x (5215)
kathaM kumArI bhagavaMstapoyuktA hyabhUtpurA .
kimarthaM cha tapastepe ko vA.asyA niyamo.abhavat .. 9\-53\-1 (63208)
suduShkaramidaM brahmaMstvattaH shrutamanuttamam .
AkhyAhi tattvamakhilaM yathA tapasi sA sthitA .. 9\-53\-2 (63209)
vaishampAyana uvAcha. 9\-53\-3x (5216)
R^iShirAsInmahAvIryaH kuNirgArgyo mahAyashAH .
sa taptvA vipulaM rAjaMstapo vai tapatAM varaH .
tapasA.atha sutAM subhrUM samutpAditavAnvibhuH ..  9\-53\-3 (63210)
tAM cha dR^iShTvA muniH prItaH kuNirgArgyo mahAyashAH .
jagAma tridivaM rAjansaMtyajyeha kalevaram .. 9\-53\-4 (63211)
subhrUH sA hyatha kalyANI puNDarIkanibhekShaNA .
mahatA tapasogreNa kR^itvAshramamaninditA .. 9\-53\-5 (63212)
upavAsaiH pUjayantI pitR^IndevAMshcha sA purA .
tasyAstu tapasogreNa mahAnkAlo.atyagAnnR^ipa .. 9\-53\-6 (63213)
sA pitrA dIyamAnApi patiM naichChadaninditA .
AtmanaH sadR^ishaM sA tu bhartAraM nAnvapashyata .. 9\-53\-7 (63214)
tataH sA tapasogreNa pIDayitvA.a.atmanastanum .
pitR^idevArchanaratA babhUva vijane vane .. 9\-53\-8 (63215)
sA.a.atmAnaM manyamAnA tu kR^itakR^ityaM shramAnvitA .
`jagAma vR^iddhabhAvaM tu kaumArabrahmachAriNI'.. 9\-53\-9 (63216)
vArdhakena cha rAjendra tapasA chaiva karshitA .
sA nAshakadyadA gantuM padAtpadamapi svayam .. 9\-53\-10 (63217)
chakAra gamane buddhiM paralokAya vai tadA .
moktukAmAM tu tAM dR^iShTvA sharIraM nArado.abravIt .. 9\-53\-11 (63218)
asaMskR^itAyAH kanyAyAH kuto lokAstavAnaghe .
evaM tu shrutamasmAbhirdevaloke mahAvrate .. 9\-53\-12 (63219)
tapaH paramakaM prAptaM na tu lokAstvayA jitAH .
tannAradavachaH shrutvA sA.abravIdR^iShisaMsadi .. 9\-53\-13 (63220)
tapaso.ardhaM prayachChAmi pANigrAhasya sattamAH .
ityukte.asyAstu jagrAha pANiM gAlavasambhavaH .. 9\-53\-14 (63221)
R^iShiH prAk shR^i~NgavAnnAma samayaM chemamabravIt .
samayena tavAdyAhaM pANiM sprakShyAmi shobhane .. 9\-53\-15 (63222)
yadyekarAtraM vastavyaM tvayA saha mayeti ha .
tatheti sA pratishrutya tasmai pANiM dadau tadA .. 9\-53\-16 (63223)
yathAdR^iShTena vidhinA hutvA chAgniM vidhAnataH .
chakre cha pANigrahaNaM tasyodvAhaM cha gAlaviH .. 9\-53\-17 (63224)
sA rAtrAvabhavadrAjaMstaruNI varavarNinI .
divyAbharaNavastrA cha divyagandhAnulepanA .. 9\-53\-18 (63225)
tAM dR^iShTvA gAlaviH prIto dIpayantImiva shriyA .
uvAsa cha kShapAmekAM prabhAte sA.abravIchcha tam .. 9\-53\-19 (63226)
yastvayA samayo vipra kR^ito me tapatAM vara .
tenoShitA.asmi bhadraM te svasti te.astu vrajAmyaham .. 9\-53\-20 (63227)
sA tu dhyAtvA.abravIdbhUyo yo.asmiMstIrthe samAhitaH .
vasate rajanImekAM tarpayitvA divaukasaH .. 9\-53\-21 (63228)
chatvAriMshatamaShTau cha dvau chAShTau samyagAcharet .
yo brahmacharyaM varShANi phalaM tasya labheta saH .. 9\-53\-22 (63229)
evamuktvA tataH sAdhvI dehaM tyaktvA divaM gatA .
R^iShirapyabhavaddInastasyA rUpaM vichintayan .. 9\-53\-23 (63230)
samayena tapo.ardhaM cha kR^ichChrAtpratigR^ihItavAn .
sAdhayitvA tadA.a.atmAnaM tasyAH sa gatimAptavAn .
duHkhito bharatashreShTha tasyA rUpabalAtkR^itaH ..  9\-53\-24 (63231)
etatte vR^idvakanyAyA vyAkhyAtaM charitaM mahat .
tathaiva brahmacharyaM cha svargasya cha gatiH shubhA .. 9\-53\-25 (63232)
tatrasthashchApi shushrAva hataM shalyaM halAyudhaH ..  9\-53\-26 (63233)
tatrApi dattvA dAnAni dvijAtibhyaH parantapaH .
shushocha shalyaM sa~NgrAme nihataM pANDavaistadA .. 9\-53\-27 (63234)
samantapa~nchakadvArAttato niShkramya mAdhavaH .
paprachCharShigaNArAmaH kurukShetrasya yatphalam .. 9\-53\-28 (63235)
te pR^iShTA yadusiMhena kurukShetraphalaM vibho
samAchakhyurmahAtmAnastasmai sarvaM yathAtatham .. ..  9\-53\-29 (63236)

iti shrImanmahAbhArate shalyaparvaNi hradapraveshaparvaNi
tripa~nchAshatamo.adhyAyaH .. 53 ..
##Mahabharata - Shalya Parva - Chapter Footnotes##

9\-53\-3 tapasA saMyutA subhrUH samutpanaH iti Cha . pAThaH ..
9\-53\-22 chatvAriMshatamaShTau cheti . prativedaM dvAdashavarShANIti
vedachatuShTayAdhyayanAyAShTAchatvAriMshadvarShANi. tato dvai vatsarau
snAtakena gurorAnR^iNyArthaM sevA kAryA. tato.aShTavArShikIM kanyAM
pariNIya tasyA yauvanAvadhyaShTavarShANItyaShTapa~nchAshadvarShANi
brahmacharyaM sarvasyeShTam ..
9\-53\-24 sa~NgatimanviyAt iti Cha . pAThaH ..
9\-53\-53 tripa~nchAsho.adhyAyaH ..

\medskip\hrule\medskip
shalyaparva \- adhyAya 054
.. shrIH ..
9\.54\. adhyAyaH 54

##Mahabharata - Shalya Parva - Chapter Topics##
dalabhadrAya maharShibhiH kurukShetramahimAnuvarNanam .. 1 ..

##Mahabharata - Shalya Parva - Chapter Text##

9\-54\-0 (63237)
R^iShaya UchuH. 9\-54\-0x (5217)
prajApateruttaravediruchyate
sanAtanaM rAma samantapa~nchakam .
samIjire yatra purA divaukaso
vareNa satreNa mahAvarapradAH ..  9\-54\-1 (63238)
purA cha rAjarShivareNa dhImatA
bahUni varShANyamitena tejasA .
prakR^iShTametatkuruNA mahAtmanA
tataH kurukShetramitIha paprathe ..  9\-54\-2 (63239)
rAma uvAcha. 9\-54\-3x (5218)
kimarthaM kuruNA kR^iShTaM kShetrametanmahAtmanA .
etadichChAmyahaM shrotuM kathyamAnaM tapodhanAH .. 9\-54\-3 (63240)
R^iShaya UchuH. 9\-54\-4x (5219)
purA kila kuruM rAma karShantaM satatotthitam .
abhyetya shakrastridivAtparyapR^ichChata kAraNam .. 9\-54\-4 (63241)
indra uvAcha. 9\-54\-5x (5220)
kimidaM vartate karma prayatnena pareNa cha .
rAjarShe kimabhipretya yeneyaM kR^iShyate kShitiH .. 9\-54\-5 (63242)
kururuvAcha. 9\-54\-6x (5221)
iha ye puruShAH kShetre janiShyanti shatakrato .
te gamiShyanti sukR^itAM lokAnpApavivarjitAn .. 9\-54\-6 (63243)
apahAsya tu taM shakro jagAma tridivaM punaH .
rAjarShirapyanirviNNaH karShatyeva vasundharAm .. 9\-54\-7 (63244)
AgamyAgamya chaivainaM bhUyobhUyo.apahAsya cha .
shatrakraturanirviNNaM pR^iShTvApR^iShTvA jagAma ha .. 9\-54\-8 (63245)
yadA tu tapasogreNa chakarSha vasudhAM nR^ipaH .
tataH shakro.abravIddevAnrAjarSheryachchikIrShitam .. 9\-54\-9 (63246)
etachChrutvA.abruvandevAH sahasrAkShamidaM vachaH .
vareNa chChandyatAM shakra rAjarShiryadi shakyate .. 9\-54\-10 (63247)
yadi hyatra prasUtA vai svargaM gachChanti mAnavAH .
asmAnaniShTvA kratubhirbhAgo no na bhaviShyati .. 9\-54\-11 (63248)
Agamya cha tataH shakrastadA rAjarShimabravIt .
alaM khedena bhavataH kriyatAM vachanaM mama .. 9\-54\-12 (63249)
mAnavA ye nirAhArA dehaM tyakShyantyatandritAH .
yudhi vA nihatAH samyagapi tiryaggatA nR^ipa .. 9\-54\-13 (63250)
te svargabhAjo rAjendra bhavantviha hatAstu ye .
tathAstviti tato rAjA kuruH shakramuvAcha ha .. 9\-54\-14 (63251)
tatastamabhyanuj~nApya prahR^iShTenAntarAtmanA .
jagAma tridivaM bhUyaH kShipraM balaniShUdanaH .. 9\-54\-15 (63252)
evametadyadushreShTha kR^iShTaM rAjarShiNA purA .
shakreNa chAbhyanuj~nAtaH puNye prANAnmumocha ha .. 9\-54\-16 (63253)
[shakreNa chAbhyanuj~nAtaM brAhmadyaishcha suraistathA .
nAtaH parataraM puNyaM bhUmeH sthAnaM bhaviShyati .. 9\-54\-17 (63254)
iha tapsyanti ye kechittapaH paramakaM narAH .
dehatyAgena te sarve yAsyanti brahmaNaH kShayam .. 9\-54\-18 (63255)
ye punaH puNyabhAjo vai dAnaM dAsyanti mAnavAH .
teShAM sahasraguNitaM bhaviShyatyachireNa vai .. 9\-54\-19 (63256)
ye cheha nityaM manujA nivatsyanti shubhaiShiNaH .
yamasya viShayaM te tu na drakShyanti kadAchana .. 9\-54\-20 (63257)
yakShyanti ye cha kratubhirmahadbhirmanujeshvarAH .
teShAM triviShTape vAso yAvadbhUmirdhariShyati ..]  9\-54\-21 (63258)
api chAtra svayaM shakro jagau gAthAM surAdhipaH .
kurukShetranibaddhAM vai tAM shR^iNuShva halAyudha .. 9\-54\-22 (63259)
pAMsavo.api kurukShetrAdvAyunA samudIritAH .
api duShkR^itakarmANaM nayanti paramAM gatim .. 9\-54\-23 (63260)
`kurukShetraM gamiShyAmi kurukShetre vasAmyaham .
ityevaM nishchito bhUtvA tena svargaM gamiShyati .. 9\-54\-24 (63261)
kurukShetraM gamiShyAmi kurukShetre vasAmyaham .
tathA sthAnaM cha maunaM cha vIrAsanamupAsmahe .. 9\-54\-25 (63262)
evaM pralapamAno.api chintayaMshcha muhurmuhuH .
dUrastho yadi vA tiShTha.NllabhetsvargaM sunishchitam'.. 9\-54\-26 (63263)
surarShabhA brAhmaNasattamAshcha
tathA nR^igAdyA naradevamukhyAH .
iShTvA mahArhaiH kratubhirnR^isiMha
santyajya dehAnsugatiM prapannAH ..  9\-54\-27 (63264)
taMrantukArantukayoryadantaraM
rAmahadAnAM cha machakrukasya cha .
etatkurukShetrasamantapa~nchakaM
prajApateruttaravediruchyate ..  9\-54\-28 (63265)
shivaM mahApuNyamidaM divaukasAM
susammataM svargaguNaiH samanvitam .
atashcha sarve nihatA nR^ipA raNe
yAsyanti puNyAM gatimakShayAM sadA ..  9\-54\-29 (63266)
[ityuvAcha svayaM shakraH saha brahmAdibhistadA .
tachchAnumoditaM sarvaM brahmaviShNumaheShvaraiH] .. .. 9\-54\-30 (63267)

iti shrImanmahAbhArate shalyaparvaNi hradapraveshaparvaNi
chatuHpa~nchAshattamo.adhyAyaH .. 54 ..
##Mahabharata - Shalya Parva - Chapter Footnotes##

9\-54\-2 paprathe prasiddhaM babhUva ..
9\-54\-3 pariShyanti shatakrato iti jha . pAThaH ..
9\-54\-11 pramItA vai iti jha.pAThaH ..
9\-54\-18 brahmaNaH kShayaM nivAsam ..
9\-54\-28 ArundukArundakayoryadantaraM rAmahradAnA cha samandukasya iti
ka.pAThaH . paramandukasyeti ~Na.Cha.pAThaH ..
9\-54\-54 chatuHpa~nchAshattamo.adhyAyaH ..

\medskip\hrule\medskip
shalyaparva \- adhyAya 055
.. shrIH ..
9\.55\. adhyAyaH 55

##Mahabharata - Shalya Parva - Chapter Topics##
mitrAvaruNAshrame nAradAdbhImaduryodhanayorgadAyuddhopakramashrAviNA
balarAmeNa taddidR^ikShayA kurukShetraM pratyAgamanam .. 1 ..

##Mahabharata - Shalya Parva - Chapter Text##

9\-55\-0 (63268)
vaishampAyana uvAcha. 9\-55\-0x (5222)
kurukShetraM tato dR^iShTvA dattvA deyAMshcha sAtvataH .
AshramaM sumahatpuNyamagamajjanamejaya .. 9\-55\-1 (63269)
madhUkAmravaNopetaM plukShanyagrodhasa~Nkulam .
chirabilvayutaM puNyaM panasArjunasa~Nkulam .. 9\-55\-2 (63270)
taM dR^iShTvA yAdavashreShThaH pravaraM puNyalakShaNam .
paprachCha tAnR^iShInsarvAnkasyAshramavarastvayam .. 9\-55\-3 (63271)
te tu sarve mahAtmAnamUchU rAjanhalAyudham .
shR^iNu vistarasho rAma yasyAyaM pUrvamAshramaH .. 9\-55\-4 (63272)
atra viShNuH purA devastaptavAMstapa uttamam .
atrAsya vidhivadyaj~nAH sarve vR^ittAH sanAtanAH .. 9\-55\-5 (63273)
atraiva brAhmaNI vR^idvA kaumArabrahmachAriNI .
yogayuktA divaM yAtA tapoyuktA vishAmpate .. 9\-55\-6 (63274)
babhUva shrImatI rAja~nshANDilyasya mahAtmanaH .
sutA dhR^itavratA sAdhvI niyatA brahmachAriNI .. 9\-55\-7 (63275)
sA.api prApya paraM yogaM gatA svargamanuttamam .
bhuktvA.ashrame.ashvamedhasya phalaM phalavataH shubham .. 9\-55\-8 (63276)
gatA svargaM mahArAja pUjitA cha mahAtmabhiH .
abhigamyAshramaM puNyaM sa dR^iShTvA yadunandanaH .. 9\-55\-9 (63277)
R^iShIMstAnabhivAdyAtha pArshve himavato.achyutaH .
sandhyAkAryANi sarvANi nirvartyAruruhe.achalam .. 9\-55\-10 (63278)
nAtidUraM tato gatvA nagaM tAladhvajo balI .
puNye tIrthavare snAtvA vismayaM paramaM gataH .. 9\-55\-11 (63279)
prabhavaM cha sarasvatyAH plakShaprasravaNaM balaH .
samprAptaH kArapachanaM tIrthapravaramuttamam .. 9\-55\-12 (63280)
halAyudhastu tatrApi dattvA dAnaM mahAbalaH .
AplutaH salile puNye sushIte vimale shuchau .
santarpayAmAsa pitR^IndevAMshcha raNadurmadaH ..  9\-55\-13 (63281)
tatroShyaikAM tu rajanIM yatibhirbrAhmaNaiH saha .
mitrAvaruNayoH puNyaM jagAmAshramamachyutaH .. 9\-55\-14 (63282)
indro.agniraryamA chaiva yatra prAk prItimApnuvam .
taM deshaM kArapachanAtsa tasmAdAjagAmaha .. 9\-55\-15 (63283)
snAtvA tatra cha dharmAtmA parAM prItimavApya cha .
R^iShibhishchaiva siddhaishcha sahito vai mahAbalaH .
upaviShTaH kathAH shubhrAH shushrAva yadupu~NgavaH ..  9\-55\-16 (63284)
tathA tu tiShThatAM teShAM nArado bhagavAnR^iShiH .
AjagAmAtha taM deshaM yatra rAmo vyavasthitaH .. 9\-55\-17 (63285)
jaTAmaNDalasaMvItaH kushachIrI mahAtapAH .
hemadaNDadharo rAjankamaNDaludharastathA .. 9\-55\-18 (63286)
mahatIM sukhashabdAM tAM gR^ihya vINAM manoramAm .
nR^itye gIte cha kushalo devabrAhmaNapUjitaH .. 9\-55\-19 (63287)
prabhavaH kalahAnaM cha nityaM cha kalahapriyaH .
taM deshamagamadyatra shrImAnrAmo vyavasthitaH .. 9\-55\-20 (63288)
pratyutthAya cha taM rAmaH pUjayitvA yatavratam .
devarShiM paryapR^ichChatsa yathAvR^ittaM kurUnprati .. 9\-55\-21 (63289)
tadA.asyAkathayadrAjannAradaH sarvavedavit .
sarvametadyathAvR^ittamatItaM kurusaMkShayam .. 9\-55\-22 (63290)
tato.abravIdrauhiNeyo nAradaM dInayA girA .
kimavasthaM tu tatkShatraM ye tu tatrAbhavannR^ipAH .. 9\-55\-23 (63291)
shrutametanmayA pUrvaM sarvameva tapodhana .
vistarashravaNe jAtaM kautUhalamatIva me .. 9\-55\-24 (63292)
nArada uvAcha. 9\-55\-25x (5223)
pUrvameva hato bhIShmo droNaH sindhupatistathA .
hato vaikartanaH karNaH putrAshchAsya mahArathAH .. 9\-55\-25 (63293)
bhUrishravA rauhiNeya madrarAjashcha vIryavAn .
ete chAnye cha bahavo hatAstatra mahAbalAH .. 9\-55\-26 (63294)
priyAnprANAnparityajya priyArthaM kauravasya vai .
rAjAno rAjaputrAshcha samareShvanivartinaH .. 9\-55\-27 (63295)
ahatAMstu mahAbAho shR^iNu me tatra mAdhava ..  9\-55\-28 (63296)
dhArtarAShTrabale sheShAstrayaH samitimardanAH .
kR^ipashcha kR^itavarmA cha droNaputrashcha vIryavAn .
te.api vai vidrutA rAma disho dasha bhayAttadA ..  9\-55\-29 (63297)
duryodhano hate sainye vidruteShu padAtiShu .
hadaM dvaipAyanaM nAma vivesha bhR^ishaduHkhitaH .. 9\-55\-30 (63298)
shayAnaM dhArtarAShTraM tu salile stambhite tadA .
pANDavAH saha kR^iShNena vAgbhirugrAbhirArdayan .. 9\-55\-31 (63299)
sa tudyamAno balavAnvAgbhI rAma samantataH .
utthitaH sa hadAdvIraH pragR^ihya mahatIM gadAm .. 9\-55\-32 (63300)
sa chApyupAgato yoddhuM bhImena saha sAmpratam .
bhaviShyati tayoradya yuddhaM rAma sudAruNam .. 9\-55\-33 (63301)
yadi kautUhalaM te.asti vraja mAdhava mA chiram .
pashya yuddhaM mahAghoraM shiShyayoryadi manyase .. 9\-55\-34 (63302)
vaishampAyana uvAcha. 9\-55\-35x (5224)
nAradasya vachaH shrutvA tAnabhyarchya dvijarShabhAn .
sarvAnvisarjayAmAsa ye tenAbhyAgatAH saha .
gamyatAM dvArakAM cheti so.anvashAdanuyAyinaH ..  9\-55\-35 (63303)
so.avatIryAchalashreShThAtplakShaprasravaNAchChubhAt .
tataH prItamanAH rAmaH shrutA tIrthaphalaM mahat .
viprANAM sannidhau shlokamagAyadimamachyutaH ..  9\-55\-36 (63304)
sarasvatIvAsasamA kuto ratiH
sarasvatIvAsasamAH kuto guNAH .
sarasvatIM prApya divaM gatA janAH
sadA smariShyanti nadIM sarasvatIm ..  9\-55\-37 (63305)
sarasvatI sarvanadIShu puNyA
sarasvatI lokashubhAvahA sadA .
sarasvatIM prApya janAH suduShkR^itaM
sadA na shochanti paratra cheha cha ..  9\-55\-38 (63306)
tato muhurmuhuH prItyA prekShamANaH sarasvatIm .
hayairyuktaM rathaM shubhramAruroha parantapaH .. 9\-55\-39 (63307)
sa shIghragAminA tena rathena yadupu~NgavaH .
didR^ikShurabhisamprAptaH shiShyayudvamupasthitam .. 9\-55\-40 (63308)
evaM tadabhavadyudvaM tumulaM janamejayaM .
yatra duHkhAnvito rAjA dhR^itarAShTro.abravIdidam .. 9\-55\-41 (63309)
dhR^itarAShTra uvAcha. 9\-55\-42x (5225)
rAma sannihitaM shrutvA gadAyuddha upasthite .
mama putraH kathaM bhImaM pratyayudhyata sa~njaya .. .. 9\-55\-42 (63310)

iti shrImanmahAbhArate shalyaparvaNi hradapraveshaparvaNi
pa~nchapa~nchAshattamo.adhyAyaH .. 55 .. samAptaM hadapraveshaparva
.. 2 ..
##Mahabharata - Shalya Parva - Chapter Footnotes##

9\-55\-10 skandhAvArANi sarvANIti ka.~Na.Cha.pAThaH ..
9\-55\-12 plakShaprasravaNaM vilamiti ka.pAThaH ..
9\-55\-19 kachChapIM sukhashabdAM tAmiti ka.Cha.jha.pAThaH ..
9\-55\-30 duryodhano hate shalye vidruteShu kR^ipAdiShu iti jha.pAThaH ..
9\-55\-38 sarasvatIM hInavideshavAsinaH sadA ramariShyanti iti ~Na.pAThaH
. sarasvatIhInavideshavAsinaH iti ka.pAThaH ..
9\-55\-55 pa~nchapa~nchAshattamo.adhyAyaH ..

\medskip\hrule\medskip
shalyaparva \- adhyAya 056
.. shrIH ..
9\.56\. adhyAyaH 56

##Mahabharata - Shalya Parva - Chapter Topics##
(atha gadAyuddhaparva  .. 3 ..
) gadAyuddhAya sannaddhayorbhImaduryodhanayorvarNanam .. 1 ..

##Mahabharata - Shalya Parva - Chapter Text##

9\-56\-0 (63311)
sa~njaya uvAcha. 9\-56\-0x (5226)
rAmasAnnidhyamAgamya putro duryodhanastava .
yoddhukAmo mahAbAhuH samahR^iShyata vIryavAn .. 9\-56\-1 (63312)
dR^iShTvA lA~NgalinaM rAjA pratyutthAya cha bhArata .
prItyA* paramayA yukto yudhiShThiramathAbravIt .. 9\-56\-2 (63313)
duryodhana uvAcha. 9\-56\-3x (5227)
samantapa~nchakaM puNyamito yAma vishAmpate .
prathitottaravedI sA devaloke prajApateH .. 9\-56\-3 (63314)
tasminmahApuNyatame trailokyasya sanAtane .
sa~NgrAme nidhanaM prApya dhruvaM svargaM gamiShyasi .. 9\-56\-4 (63315)
tathetyuktvA mahArAja kuntIputro yudhiShThiraH .
samantapa~nchakaM vIraH prAyAdabhimukhaH prabhuH .. 9\-56\-5 (63316)
tato duryodhano rAjA pragR^ihya mahatIM gadAm .
paddhyAmamarShI dyutimAnagachChatpANDavaiH saha .. 9\-56\-6 (63317)
tathA yAntaM gadAhastaM varmaNA chApi daMshitam .
antarikShacharA devAH sAdhusAdhvityapUjayan .. 9\-56\-7 (63318)
vAdakAshcha narAstatra dR^iShTvA te harShamAgatAH ..  9\-56\-8 (63319)
sa pANDavaiH parivR^itaH kururAjastavAtmajaH .
mattasyeva gajendrasya gatimAsthAya so.avrajat .. 9\-56\-9 (63320)
tataH sha~NkhaninAdaishcha bherINAM cha mahAsvanaiH .
siMhanAdaishcha shUrANAM dishaH sarvAH prapUritAH .. 9\-56\-10 (63321)
tataste tu kurukShetraM prAptA naravarottamAH .
pratIchyabhimukhaM deshaM yathoddiShTaM sutena te .
dakShiNena sarasvatyAH svayanaM tIrthamuttamam ..  9\-56\-11 (63322)
tasmindeshe tvaniriNe te tu yuddhamarochayan ..  9\-56\-12 (63323)
tato bhImo mahAkoTiM gadAM gR^ihyAtha varmabhR^it .
bibhradrUpaM mahArAja sadR^ishaM hi garutmataH .. 9\-56\-13 (63324)
avabaddhashirastrANaH shuddhakA~nchanavarmabhR^it .
rarAja rAjanputraste kA~nchanaH shailarADiva .. 9\-56\-14 (63325)
tau tathA sa~Ngatau vIrau bhImaduryodhanAvubhau .
saMyuge samprakAshete saMrabdhAviva ku~njarau .. 9\-56\-15 (63326)
rathamaNDalamadhyasthau bhrAtarau tau nararShabhau .
ashobhetAM mahArAja chandrasUryAvivoditau .. 9\-56\-16 (63327)
tAvanyonyaM nirIkShetAM kruddhAviva mahoragau .
dahantau lochanai rAjanparasparavadhaiShiNau .. 9\-56\-17 (63328)
saMprahR^iShTamanA rAjangadAmAdAya kauravaH .
sR^ikviNI saMlihanrAjankrodharaktekShaNaH shvasan .. 9\-56\-18 (63329)
tato duryodhano rAjangadAmAdAya vIryavAn .
bhImasenamabhiprekShya gajo gajamivAhvayat .. 9\-56\-19 (63330)
adrisAramayIM bhImastathaivAdAya vIryavAn .
AhvayAmAsa nR^ipatiM siMhaH siMhaM yathA vane .. 9\-56\-20 (63331)
tAvudyatagadApANI duryodhanavR^ikodarau .
saMyuge samprakAshetAM girI sashikharAviva .. 9\-56\-21 (63332)
tAvubhau samatikruddhAvubhau bhImaparAkramau .
ubhau shiShyau gadAyuddhe rauhiNeyasya dhImataH .. 9\-56\-22 (63333)
ubhau sadR^ishakarmANau varuNasya mahAbalau .
vAsudevasya rAmasya tathA vaishravaNasya cha .. 9\-56\-23 (63334)
sadR^ishau tau mahArAja madhukaiTabhayorapi .
ubhau sadR^ishakarmANau tathA sundopasundayoH .. 9\-56\-24 (63335)
[rAmarAvaNayoshchaiva vAlisugrIvayostathA] .
tathaiva kAlasya samau mR^ityoshchaiva parantapau .. 9\-56\-25 (63336)
anyonyamabhidhAvantau mattAviva mahAdvipau .
vAsitAsa~Ngame dR^iptau sharadIva madotkaTau .. 9\-56\-26 (63337)
ubhau krodhaviShaM dIptaM vamantAvuragAviva .
anyonyamabhisaMrabdhau prekShamANAvarindamau .. 9\-56\-27 (63338)
ubhau bharatashArdUlau vikrameNa samanvitau .
siMhAviva durAdharShau gadAyuddhavishAradau .. 9\-56\-28 (63339)
nakhadaMShTrAyudhau vIrau vyAghrAviva durutsahau .
prajAsaMharaNe kShubdhau samudrAviva dustarau .. 9\-56\-29 (63340)
lohitA~NgAviva kruddhau pratapantau mahArathau .
[pUrvapashchimajau meghau prekShamANAvarindamau .. 9\-56\-30 (63341)
garjamAnau suviShamaM kSharantau prAvR^iShIva hi .
rashmiyuktau mahAtmAnau dIptimantau mahAbalau .. 9\-56\-31 (63342)
dadR^ishAte kurushreShThau kAlasUryAvivoditau .
vyAghrAviva susaMrabdhau garjantAvivatoyadau .. 9\-56\-32 (63343)
jahR^iShAte mahAbAhu siMhakesariNAviva .
gajAviva susaMrabdhau jvalitAviva pAvakau .. 9\-56\-33 (63344)
dadR^ishAte mahAtmAnau sashR^i~NgAviva parvatau .
roShAtprasphuramANoShThau nirIkShantau parasparam .. 9\-56\-34 (63345)
tau sametau mahAtmAnau gadAhastau narottamau.]
ubhau paramasaMhR^iShTAvubhau paramasammatau ..  9\-56\-35 (63346)
sadashvAviva heShantau bR^iMhantAviva ku~njarau .
vR^iShabhAviva garjantau duryodhanavR^ikodarau .
daityAviva balonmattau rejatustau narottamau ..  9\-56\-36 (63347)
tato duryodhano rAjannidamAha yudhiShThiram .
sR^i~njayaiH saha tiShThantaM tapantamiva bhAskaram .. 9\-56\-37 (63348)
idaM vyavasitaM yuddhaM mama bhImasya chobhayoH .
upopaviShTAH pashyadhvaM vimardaM nR^ipasattamAH .. 9\-56\-38 (63349)
tataH samupaviShTaM tatsumahadrAjamaNDalam .
virAjamAnaM dadR^ishe divIvAdityamaNDalam .. 9\-56\-39 (63350)
teShAM madhye mahAbAhuH shrImAnkeshavapUrvajaH .
upaviShTo mahArAja pUjyamAnaH samantataH .. 9\-56\-40 (63351)
shushubhe rAjamadhyastho nIlavAsAH sitaprabhaH .
nakShatrairiva sampUrNo vR^ito nishi nishAkaraH .. 9\-56\-41 (63352)
tau tathA tu mahArAja gadAhastau suduHsahau .
anyonyaM vAgbhirugrAbhistakShamANau vyavasthitau .. 9\-56\-42 (63353)
apriyANi tato.anyonyamuktvA tau kurusattamau .
udIkShantau sthitau tatra vR^itrashakrau yathA.a.ahave .. .. 9\-56\-43 (63354)

iti shrImanmahAbhArate shalyaparvaNi gayAduddhaparvaNi
ShaTpa~nchAshattamo.adhyAyaH. . 56 .. *etachChlokasya sthAne jha.pustake
adholikhitAH pa~ncha shlokA vartante. te cha .
prItyA paramayA yuktAH samabhyarchya yathAvidhi .
AsanaM cha dadau tasmai paryapR^ichChadanAmayam .. 9\-56\-1 (63355)
tato yudhiShThiraM rAmo vAkyametaduvAcha ha .
madhuraM dharmasaMyuktaM shUrANAM hitameva cha .. 9\-56\-2 (63356)
mayA shrutaM kathayatAmR^iShINAM rAjasattama .
kurukShetraM paraM puNyaM pAvanaM svargyameva cha .. 9\-56\-3 (63357)
devatairR^iShibhirjuShTaM brAhmaNaishcha mahAtmabhiH .
tatra vai yotsyamAnA ye dehaM tyakShyanti mAnavAH .. 9\-56\-4 (63358)
9\-56\-5 (63359)
teShAM svarge dhruvo vAsaH shakreNa saha mAriSha .
tasmAtsamantapa~nchakamito yAma drutaM nR^ipa ..
##Mahabharata - Shalya Parva - Chapter Footnotes##

9\-56\-8 vAtikAshchAraNA ye tu iti jha.pAThaH . tatra vAtikAH vAtena
saha gachChanti te AkAshachAriNaH. chAraNAH siddhavisheShA ityarthaH ...
9\-56\-11 svayanaM sugatidam ..
9\-56\-12 aniriNe anUShare ..
9\-56\-26 vAsitAsa~Ngame ekakariNIsa~NgamArthe dR^iptau mohitau ..
9\-56\-30 lohitA~Ngau dvau kujAvivetyabhUtopamA ..
9\-56\-33 jahaShAte harShaM prApatuH ..
9\-56\-56 ShaTpa~nchAshattamo.adhyAyaH ..

\medskip\hrule\medskip
shalyaparva \- adhyAya 057
.. shrIH ..
9\.57\. adhyAyaH 57

##Mahabharata - Shalya Parva - Chapter Topics##
bhImaduryodhanayorvIravAdaH .. 1 ..

##Mahabharata - Shalya Parva - Chapter Text##

9\-57\-0 (63360)
vaishampAyana uvAcha. 9\-57\-0x (5228)
tato vAgyuddhamabhavattumulaM janamejaya .
yatra duHkhAnvito rAjA dhR^itarAShTro.abravIdidam .. 9\-57\-1 (63361)
dhigastu khalu mAnuShyaM yasya niShTheyamIdR^ishI .
ekAdashachamUbhartA yatra putro mamAnagha .. 9\-57\-2 (63362)
Aj~nApya sarvAnnR^ipatInbhuktvA chemAM vasundharAm .
gadAmAdAya chaikAkI padAtiH prasthito raNam .. 9\-57\-3 (63363)
bhUtvA hi jagato nAtho hyanAtha iva me sutaH .
gadAmudyamya yo yAti kimanyadbhAgadheyataH .. 9\-57\-4 (63364)
aho duHkhaM mahatprAptaM putreNa mama sa~njaya .
evamuktvA sa duHkhArto virarAma janAdhipaH .. 9\-57\-5 (63365)
sa~njaya uvAcha. 9\-57\-6x (5229)
sa meghaninado harShAnninadanniva govR^iShaH .
AjuhAva tadA pArthaM yuddhAya yudhi vIryavAn .. 9\-57\-6 (63366)
bhImamAhvayamAne tu kururAje mahAtmani .
prAdurAsansughorANi rUpANi vividhAnyuta .. 9\-57\-7 (63367)
vavurvAtAH sanirghAtAH pAMsuvarShaM papAta cha .
babhUvushcha dishaH sarvAstimireNa samAvR^itAH .. 9\-57\-8 (63368)
mahAsvanAH sunirvAtAstumulA romaharShaNAH .
petustatholkAH shatashaH sphoTayantyo nabhastalAt .. 9\-57\-9 (63369)
rAhushchAgrasadAdityamaparvaNi vishAmpate .
chakampe cha mahAkampaM pR^ithivI savanadrumA .. 9\-57\-10 (63370)
rUkShAshcha vAtAH pravavurnIchaiH sharkarakarShiNaH .
girINAM shikharANyeva nyapatanta mahItale .. 9\-57\-11 (63371)
mR^igA bahuvidhAkArAH sampatanti dIsho dasha .
dIptAH shivAshchApyanadanghorarUpAH sudAruNAH .. 9\-57\-12 (63372)
nirghAtAshcha mahAghorA babhUvU romaharShaNAH .
dIptAyAM dishi rAjendra mR^igAshchAshubhavAdinaH .. 9\-57\-13 (63373)
udapAnagatAshchApo vyavardhanta samantataH .
asharIrA mahAnAdAH shrUyante sma bhayAnakAH .. 9\-57\-14 (63374)
evamAdIni dR^iShTvA sa nimittAni vR^ikodaraH .
uvAcha bhrAtaraM jyeShThaM dharmarAjaM yudhiShThiram .. 9\-57\-15 (63375)
eSha shakyo mayA jetuM mandAtmA cha suyodhanaH ..  9\-57\-16 (63376)
adya krodhaM vimokShyAmi nigUDhaM hR^idayeshayam .
suyodhane kauravendre khANDave.agnimivArjunaH .. 9\-57\-17 (63377)
shalyamadyoddhariShyAmi tava pANDava hR^ichChayam .
nihatya gadayA pApamimaM kurukulAntakam .. 9\-57\-18 (63378)
adya kIrtimayIM mAlAM pratimokShyAmyahaM tvayi .
hatvemaM pApakarmANaM gadayA raNamUrdhani .. 9\-57\-19 (63379)
adyorugadayA rAjanbhettA.asmi samare.anayA .
nAyaM praveShTA nagaraM punarvAraNasAhvayam .. 9\-57\-20 (63380)
sarpotsargasya shayane viShadAnasya bhojane .
pramANakoTyAM pAtasya dAhasya jatuveshmani .. 9\-57\-21 (63381)
sabhAyAmavahAsasya sarvasvaharaNasya cha .
varShamaj~nAtavAsasya vanavAsasya chAnagha .. 9\-57\-22 (63382)
adyAntameShAM duHkhAnAM gantA.ahaM bharatarShabha .
ekAhnA vinihatyemaM bhaviShyAmyAtmano.anR^iNaH .. 9\-57\-23 (63383)
adyAyurdhArtarAShTrasya durmaterakR^itAtmanaH .
samAptaM bharatashreShTha mAtApitroshcha darshanam .. 9\-57\-24 (63384)
adya saukhyaM tu rAjendra kururAjasya durmateH .
samAptaM cha mahArAja nArINAM darshanaM punaH .. 9\-57\-25 (63385)
adyAyaM kururAjasya shantanoH kulapAMsanaH .
prANA~nshriyaM cha rAjyaM cha tyaktvA sheShyati bhUtale .. 9\-57\-26 (63386)
rAjA cha dhR^itarAShTro.adya shrutvA putraM nipAtitam .
smariShyatyashubhaM karma yattachChakunibuddhijam .. 9\-57\-27 (63387)
ityuktvA rAjashArdUla gadAmAdAya vIryavAn .
abhyatiShThata yuddhAya shakro vR^itramivAhvayan .. 9\-57\-28 (63388)
tamudyatagadaM dR^iShTvA kailAsamiva shR^i~NgiNam .
bhImasenaH punaH kruddho duryodhanamuvAcha ha .. 9\-57\-29 (63389)
rAj~nashcha dhR^itarAShTrasya tathA tvamapi chAtmanaH .
smara tadduShkR^itaM karma yadvR^ittaM vAraNAvate .. 9\-57\-30 (63390)
draupadI cha parikliShTA sabhAmadhye rajasvalA .
dyUte cha va~nchito rAjA yattvayA saubalena cha .. 9\-57\-31 (63391)
vane duHkhaM cha yatprAptamasmAbhistvatkR^itaM mahat .
virATanagare chaiva yonyantaragatairiva .
tatsarvaM pAtayAmyadya diShTyA dR^iShTo.asi durmate ..  9\-57\-32 (63392)
tvatkR^ite.asau hataH shete sharatalpe pitAmahaH .
gA~Ngeyo rathinAM shreShTho rathinA yAj~naseninA .. 9\-57\-33 (63393)
hato droNashcha karNashcha tathA shalyaH pratApavAn .
vairAgnerAdikartAsau shakuniH saubalo hataH .. 9\-57\-34 (63394)
prAtikAmI tathA pApo draupadyAH kleshakR^iddhataH .
bhrAtaraste hatAH sarve shUrA vikrAntayodhinaH .. 9\-57\-35 (63395)
ete chAnye cha bahavo nihatAstvatkR^ite nR^ipAH .
tvAmadya nihaniShyAmi gadayA nAtra saMshayaH .. 9\-57\-36 (63396)
ityevamuchchai rAjAnaM bhAShamANaM vR^ikodaram .
uvAcha gatabhI rAjanputraste satyavikramaH .. 9\-57\-37 (63397)
kiM katthanena bahunA yudhyasveha vR^ikodara .
adya te.ahaM vineShyAmi yuddhashraddhAM kulAdhama .. 9\-57\-38 (63398)
iti duryArdheno.akShudrastvayA kShudrabalena vai .
shakyasrAsayituM vAchA na chAnyaH prAkR^ito yathA .. 9\-57\-39 (63399)
chirakAlepsitaM diShTyA hR^idayasthamidaM mama .
tvayA saha gadAyuddhaM tridashairupapAditam .. 9\-57\-40 (63400)
kiM vAchA bahunoktena katthitena cha durmate .
vANI sa~NkochyatAmeShA karmaNA mA chiraM kR^ithAH .. 9\-57\-41 (63401)
tasya tadvachanaM shrutvA sarva evAbhyapUjayan .
rAjAnaH somakAshchaiva ye tatrAsansamAgatAH .. 9\-57\-42 (63402)
tataH sampUjitaH sarvaiH samprahR^iShTatanUruhaH .
bhUyo dhIrAM matiM chakre yuddhAya kurunandanaH .. 9\-57\-43 (63403)
taM mattamiva mAta~NgaM talashabdairnarAdhipAH .
bhUyaH saMharShayAMchakrurduryodhanamamarShaNam .. 9\-57\-44 (63404)
taM mahAtmA mahAtmAnaM gadAmudyamya pANDavaH .
abhidudrAva vegena dhArtarAShTraM vR^ikodaraH .. 9\-57\-45 (63405)
bR^iMhanti ku~ncharAstatra hayA heShanti chAsakR^it .
shastrANi chApyadIpyanta pANDavAnAM jayaiShiNAM ..  9\-57\-46 (63406)

iti shrImanmahAbhArate shalyaparvaNi kadAyuddhaparvaNi
saptapa~nchAshattamo.adhyAyaH .. 57 ..
##Mahabharata - Shalya Parva - Chapter Footnotes##

9\-57\-16 naiSha shakto raNe jetuM mandAtmA mAM suyodhana iti jha.pAThaH ..
9\-57\-41 vANI sampadyatAmiti jha.pAThaH ..
9\-57\-57 saptapa~nchAshattamo.adhyAyaH ..

\medskip\hrule\medskip
shalyaparva \- adhyAya 058
.. shrIH ..
9\.58\. adhyAyaH 58

##Mahabharata - Shalya Parva - Chapter Topics##
sa~njaya uvAcha .
##Mahabharata - Shalya Parva - Chapter Text##

9\-58\-0 (63407)
sa~njaya uvAcha. 9\-58\-0x (5230)
tato duryodhano dR^iShTvA bhImasenaM tathA.a.agatam .
pratyudyayAvadInAtmA vegena mahatA nadan .. 9\-58\-1 (63408)
samApetaturanyonyaM shR^i~NgiNau vR^iShabhAviva .
mahAnirghAtaghoShashcha prahArANAmajAyata .. 9\-58\-2 (63409)
abhavachcha tayoryudvaM tumulaM romaharShaNam .
jighR^ikShatoryathA.anyonyamindraprahlAdayoriva .. 9\-58\-3 (63410)
rudhirokShitasarvA~Ngau gadAhastau manasvinau .
dadR^ishAte mahAtmAnau puShpitAviva kiMshukau .. 9\-58\-4 (63411)
tathA tasminmahAyuddhe vartamAne sudAruNe .
khadyotasa~Nkhairiva khaM darshanIyaM vyarochata .. 9\-58\-5 (63412)
tathA tasminvartamAne sa~Nkule tumule bhR^isham .
ubhAvapi parishrAntau yudhyamAnAvarindamau .. 9\-58\-6 (63413)
tau muhUrtaM samAshvasya punareva parantapau .
samprahArayatAM chitre sampragR^ihya gade shubhe .. 9\-58\-7 (63414)
tau tu dR^iShTvA mahAvIryau samAshvastau nararShabhau .
balinau vAraNau yadvadvAsitArthe madotkaTau .. 9\-58\-8 (63415)
samAnavIryau samprekShya pragR^ihItagadAvubhau .
praharShaM paramaM jagmurdevagandharvadAnavAH .. 9\-58\-9 (63416)
pragR^ihItagadau dR^iShTvA duryodhanavR^ikodarau .
saMshayaH sarvabhUtAnAM vijaye samapadyata .. 9\-58\-10 (63417)
samAgamya tato bhUyo bhrAtarau balinAM varau .
anyonyasyAntaraprepsU prachakrAte.antaraM prati .. 9\-58\-11 (63418)
yamadaNDopamAM gurvImindrAshanimivodyatAm .
dadR^ishuH prekShakA rAjanraudrIM vishasanIM gadAm .. 9\-58\-12 (63419)
Aviddhyato gatAM tasya bhImasenasya saMyuge .
shabdaH sutumulo ghoro muhUrtaM samapadyata .. 9\-58\-13 (63420)
AviddhyantamariM prekShya dhArtarAShTro.atha pANDavam .
gadAmatulavegAM tAM vismitaH sambabhUva ha .. 9\-58\-14 (63421)
charaMshcha vividhAnmArgAnmaNDalAni cha bhArata .
ashobhata tadA vIro bhUya eva vR^ikodaraH .. 9\-58\-15 (63422)
tau parasparamAsAdya yattAvanyonyasUdane .
mArjArAviva bhakShArthe tatakShAte muhurmuhuH .. 9\-58\-16 (63423)
acharadbhImasenastu mArgAnbahuvidhAMstathA .
maNDalAni vichitrANi gatapratyAgatAni cha .. 9\-58\-17 (63424)
gomUtrikANi chitrANi sthAnAni vividhAni cha .
parimokShaM prahArANAM varjanaM paridhAvanam .. 9\-58\-18 (63425)
abhidravaNamAkShepamavasthAnaM savigraham .
matsyodvR^ittaM soruvR^ittamavaplutamupaplutam .. 9\-58\-19 (63426)
upanyastamapanyastaM gadAyuddhavishAradau .
evaM tau vicharantau tu nyaghnatAM vai parasparam .. 9\-58\-20 (63427)
va~nchayAnau punashchaiva cheratuH kurusattamau .
vikrIDantau subalinau maNDalAni vicheratuH .. 9\-58\-21 (63428)
[tau darshayantau samare yuddhakrIDAM samantataH .
gadAbhyAM sahasA.anyonyamAjaghnaturarindamau .. 9\-58\-22 (63429)
parasparaM samAsAdya daMShTrAbhyAM dviradau yathA .
ashobhetAM mahArAja shoNitena pariplutau .. 9\-58\-23 (63430)
evaM tadabhavadyuddhaM ghorarUpaM parantapa .
parivR^itte.ahani krUraM vR^itravAsavayoriva ..]  9\-58\-24 (63431)
gadAhastau tatastau tu maNDalAvasthitau balI .
dakShiNaM maNDalaM rAjandhArtarAShTro.abhyavartata .
savyaM tu maNDalaM tatra bhImaseno.abhyavartata ..  9\-58\-25 (63432)
tathA tu charatastasya bhImasya raNamUrdhani .
duryodhano mahArAja pArshvadeshe.abhyatADayat .. 9\-58\-26 (63433)
Ahatastu tato bhImaH putreNa tava bhArata .
Avidhyata gadAM guvIM prahAraM tamachintayan .. 9\-58\-27 (63434)
indrAshanisamAM ghorAM yamadaNDamivodyatAm .
dadR^ishuste mahArAja bhImasenasya tAM gadAm .. 9\-58\-28 (63435)
AvidhyantaM gadAM dR^iShTvA bhImasenaM tavAtmajaH .
samudyamya gadAM ghorAM pratyavidhyatparantapaH .. 9\-58\-29 (63436)
gadAmArutavegena tava putrasya bhArata .
shabda AsItsutumulastejashcha samajAyata .. 9\-58\-30 (63437)
sa charanvividhAnmArgAnmaNDalAni cha bhAgashaH .
samashobhata tejasvI bhUyo bhImAtsuyodhanaH .. 9\-58\-31 (63438)
AviddhA sarvavegena bhImena mahatI gadA .
sadhUmaM sArchiShaM chAgniM mumochogramahAsvanA .. 9\-58\-32 (63439)
AdhUtAM bhImasenena gadAM dR^iShTvA suyodhanaH .
adrisAramayIM gurvImAvidhyanbahvashobhata .. 9\-58\-33 (63440)
gadAmArutavegaM hi dR^iShTvA tasya mahAtmanaH .
bhayaM vivesha pANDUMstu sarvAneva sasAtyakIn .. 9\-58\-34 (63441)
tau darshayantau samare yuddhakrIDAM samantataH .
gadAbhyAM sahasA.anyonyamAjaghnaturarindamau .. 9\-58\-35 (63442)
tau parasparamAsAdya daMShTrAbhyAM dviradau yathA .
ashobhetAM mahArAja shoNitena pariplutau .. 9\-58\-36 (63443)
evaM tadabhavadyuddhaM ghorarUpamasaMvR^itam .
parivR^itte.ahani krUraM vR^itravAsavayoriva .. 9\-58\-37 (63444)
dR^iShTvA vyavasthitaM bhImaM tava putro mahAbalaH .
charaMshchitratarAnmA rgAnkaunteyamabhidudruve .. 9\-58\-38 (63445)
tasya bhImo mahAvegAM jAmbUnadapariShkR^itAm .
atikruddhasya kruddhastu tADayAmAsa tAM gadAm .. 9\-58\-39 (63446)
savisphuli~Ngo nirhAdastayostatrAbhighAtajaH .
prAdurAsInmahArAja ghR^iShTayorvajrayoriva .. 9\-58\-40 (63447)
vegavatyA tayA tatra bhImasenapramuktayA .
nipatantyA mahArAja pR^ithivI samakampata .. 9\-58\-41 (63448)
tAM nAmR^iShyata kauravyo gadAM pratihatAM raNe .
matto dvipa iva kruddhaH pratiku~njaradarshanAt .. 9\-58\-42 (63449)
sa savyaM maNDalaM rAjA uddhAmya kR^itanishchayaH .
Ajaghne mUrdhni kaunteyaM gadayA bhImavegayA .. 9\-58\-43 (63450)
tayA tvabhihato bhImaH putreNa tava pANDavaH .
nAkampata mahArAja tadadbhutamivAbhavat .. 9\-58\-44 (63451)
AshcharyaM chApi tadrAjansarvasainyAnyapUjayan .
yadgadAbhihato bhImo nAkampata padAtpadam .. 9\-58\-45 (63452)
tato gurutarAM dIptAM gadAM hemapariShkR^itAm .
duryodhanAya vyasR^ijadbhImo bhImaparAkramaH .. 9\-58\-46 (63453)
taM prahAramasambhrAnto lAghavena mahAbalaH .
moghaM duryodhanashchakre tatrAbhUdvismayo mahAn .. 9\-58\-47 (63454)
sA tu moghA gadA rAjanpatantI bhImachoditA .
chAlayAmAsa pR^ithivIM mahAnirghAtaniHsvanAH .. 9\-58\-48 (63455)
AsthAya kaushikAnmArgAnutpatansa punaH punaH .
gadAnipAtaM praj~nAya bhImasenaM cha va~nchitam .. 9\-58\-49 (63456)
va~nchayitvA tadA bhImaM gadayA kurusattamaH .
tADayAmAsa sa~Nkruddho vakShodeshe mahAbalaH .. 9\-58\-50 (63457)
gadayA nihato bhImo muhyamAno mahAraNe .
nAbhyamanyata kartavyaM putreNAbhyAhatastava .. 9\-58\-51 (63458)
tasmiMstathA vartamAne rAjansomakapANDavAH .
bhR^ishopahatasa~NkalpA nahR^iShTamanaso.abhavan .. 9\-58\-52 (63459)
sa tu tena prahAreNa mAta~Nga iva roShitaH .
hastivadvastisaMkAshamabhidudrAva te sutam .. 9\-58\-53 (63460)
tatastu tarasA bhImo gadayA tanayaM tava .
abhidudrAva vegena siMho vanagajaM yathA .. 9\-58\-54 (63461)
upasR^itya tu rAjAnaM gadAmokShavishAradaH .
Avidhyata gadAM rAjansamuddishya sutaM tava .. 9\-58\-55 (63462)
atADayadbhImasenaH pArshve duryodhanaM tadA .
sa vihvalaH prahAreNa jAnubhyAmagamanmahIm .. 9\-58\-56 (63463)
tasminkurukulashreShThe jAnubhyAmavanIM gate .
udatiShThattato nAdaH sR^i~njayAnAM jagatpate .. 9\-58\-57 (63464)
teShAM tu ninadaM shrutvA shR^i~njayAnAM nararShabhaH .
amarShAdbharatashreShTha putraste samakupyata .. 9\-58\-58 (63465)
utthAya tu mahAbAhurmahAnAga iva shvasan .
didhakShanniva netrAbhyAM bhImasenamavaikShata .. 9\-58\-59 (63466)
tataH sa bharatashreShTho gadApANirabhidravan .
pramathiShyanniva shiro bhImasenasya saMyuge .. 9\-58\-60 (63467)
sa mahAtmA mahAtmAnaM bhImaM bhImaparAkramaH .
atADayachCha~Nkhadeshe na chachAlAchalopamaH .. 9\-58\-61 (63468)
sa bhUyaH shushubhe pArthastADito gadayA raNe .
udbhinnarudhiro rAjanprabhinna iva ku~ncharaH .. 9\-58\-62 (63469)
tato gadAM vIrahaNImayomayIM
pragR^ihya vajrAshanitulyaniHsvanAm .
atADayachChatrumamitrakarshano
balena vikramya dhana~njayAgrajaH ..  9\-58\-63 (63470)
sa bhImasenAbhihatastavAtmajaH
papAta sa~NkampitadehabandhanaH .
supuShpito mArutavegatADito
vane mahAsAla ivAvaghUrNitaH ..  9\-58\-64 (63471)
tataH praNedurjahR^iShushcha pANDavAH
samIkShya putraM patitaM kShitau tava .
tataH sutaste pratilabhya chetanAM
samutpapAta dvirado yathA hadAt ..  9\-58\-65 (63472)
sa pArthivo nityamamarShitastadA
mahArathaH shikShitavatparibhraman .
atADayatpANDavamagrataH sthitaM
sa vihvalA~Ngo jagatImupAspR^ishat ..  9\-58\-66 (63473)
sa siMhanAdaM vinanAda kauravo
nipAtya bhUmau yudhi bhImamojasA .
bibheda chaivAshanitulyamojasA
gadAnipAtena sharIrarakShaNam ..  9\-58\-67 (63474)
tato.antarikShe ninado mahAnabhU\-\-
ddivaukasAmapsarasAM cha neduShAm .
papAta chochchairamarapraveritaM
vichitrapuShpotkaravarShamuttamam ..  9\-58\-68 (63475)
tataH parAnAvishaduttamaM bhayaM
samIkShya bhUmau patitaM narottamam .
ahIyamAnaM cha balena kauravaM
nishAmya bhedaM sudR^iDhasya varmaNaH ..  9\-58\-69 (63476)
tato muhUrtAdupalabhya chetanAM
pramR^ijya vaktraM rudhirAktamAtmanaH .
dhR^itiM samAlambya vivR^itya lochane
balena saMstabhya vR^ikodaraH sthitaH ..  9\-58\-70 (63477)
`tato yamau yamasadR^ishau parAkrame
sapArShataH shinitanayashcha vIryavAn .
samAhvayannahamahamityabhitvaraM\-\-
stavAtmajaM samabhiyayurvadhaiShiNaH ..  9\-58\-71 (63478)
nivartya tAnpunarapi pANDavo balI
tavAtmajaM svayamabhigamya kAlavat .
chachAra chApyapagatakhedavepathuH
sureshvaro namuchimivottamaM raNe'.. ..  9\-58\-72 (63479)

iti shrImanmahAbhArate shalyaparvaNi gadAyuddhaparvaNi
aShTapa~nchAshattamo.adhyAyaH .. 58 ..
##Mahabharata - Shalya Parva - Chapter Footnotes##

9\-58\-3 jigIShatoryatheti jha.pAThaH ..
9\-58\-49 AsthAyeti . kaushikAn kusha unmattastadAcharitAnmArgAnAsthAya
punaH punarutpatanena va~nchanena cha bhImamunmattIkR^itya gadayA
tADayAmAseti dvayoH sambandhaH ..
9\-58\-52 nahR^iShTamanasaH khinnachetasaH ..
9\-58\-61 sha~Nkhadeshe lalATaprAnta ..
9\-58\-69 neduShAM nAda kR^itavatInAm ..
9\-58\-58 aShTapa~nchAshattamo.adhyAyaH ..

\medskip\hrule\medskip
shalyaparva \- adhyAya 059
.. shrIH ..
9\.59\. adhyAyaH 59

##Mahabharata - Shalya Parva - Chapter Topics##
bhImasenena duryodhanasyorubhedanam .. 1 ..

##Mahabharata - Shalya Parva - Chapter Text##

9\-59\-0 (63480)
sa~nchaya uvAcha. 9\-59\-0x (5231)
samudIrNaM tato dR^iShTvA sa~NgrAmaM kurumukhyayoH .
abravIdarjunastatra vAsudevaM yashasvinam .. 9\-59\-1 (63481)
anayorvIrayoryuddhe ko jyAyAnbhavato mataH .
kasya vA ko guNo jyAyAnetadvada janArdana .. 9\-59\-2 (63482)
vAsudeva uvAcha. 9\-59\-3x (5232)
upadesho.anayostulyo bhImastu balavattaraH .
kR^itI yatnaparastveSha dhArtarAShTro vR^ikodarAt .. 9\-59\-3 (63483)
bhImasenastu dharmeNa yudhyamAno na jeShyati .
anyAyena tu yudhyanvai hanyAdeva suyodhanam .. 9\-59\-4 (63484)
mAyayA nirjitA devairasurA iti naH shrutam .
virochanastu shakreNa mAyayA nirjitaH sa vai .. 9\-59\-5 (63485)
mAyayA chAkShipattejo vR^itrasya balasUdanaH .
tasmAnmAyAmayaM vIra AtiShThatu vR^ikodaraH .. 9\-59\-6 (63486)
pratij~nAtaM cha bhImena dyUtakAle dhana~njaya .
UrU bhetsyAmi te sa~Nkhye gadayeti suyodhanam .. 9\-59\-7 (63487)
so.ayaM pratij~nAM tAM chApi pArayatvarikarshanaH .
mAyAvinaM tu rAjAnaM mAyayaiva nikR^intatu .. 9\-59\-8 (63488)
yadyeSha balamAsthAya nyAyena prahariShyati .
viShamasthastato rAjA bhaviShyati yudhiShThiraH .. 9\-59\-9 (63489)
punareva tu vakShyAmi pANDaveya nibodha me .
dharmarAjAparAdhena bhayaM naH punarAgatam .. 9\-59\-10 (63490)
kR^itvA hi sumahatkarma hatvA bhIShmamukhAnkurUn .
jayaH prApto yashaH prAgryaM vairaM cha pratiyAtitam .
tadevaM vijayaH prAptaH punaH saMshayitaH kR^itaH ..  9\-59\-11 (63491)
abuddhireShAM mahatI dharmarAjasya pANDava .
yadekavijaye vIra paNitaM kR^itamIdR^isham .. 9\-59\-12 (63492)
suyodhanaH kR^itI vIra ekAyanagatastathA ..  9\-59\-13 (63493)
api choshanasA gItaH shrUyate.ayaM purAtanaH .
shlokastattvArthasahitastanme nigadataH shR^iNu .. 9\-59\-14 (63494)
punarAvartamAnAnAM bhagnAnAM jIvitaiShiNAm .
bhetavyamarisheShANAmekAyanagatA hi te .. 9\-59\-15 (63495)
[sAhasotpatitAnAM cha nirAshAnAM cha jIvite .
na shakyamagrataH sthAtuM shakreNApi dhana~njaya] .. 9\-59\-16 (63496)
suyodhanamimaM bhagnaM hatasainyaM hadaM gatam .
parAjitaM vanaprepsuM nirAshaM rAjyalambhane .
ko.anviShya saMyuge prAj~naH punardvandve samAhvayet ..  9\-59\-17 (63497)
api no nirjitaM rAjyaM na hareta suyodhanaH .
yastrayodashavarShANi gadayA kR^itanishramaH .
charatyUrdhvaM cha tiryakva bhImasenighAMsayA ..  9\-59\-18 (63498)
enaM chenna mahAbAhuranyAyena haniShyati .
eSha vaH kauravo rAjA dhArtarAShTro bhaviShyati .. 9\-59\-19 (63499)
sa~njaya uvAcha. 9\-59\-20x (5233)
dhana~njayastu shrutvaitatkeshavasya mahAtmanaH .
prekShato bhImasenasya savyamUrumatADayat .. 9\-59\-20 (63500)
gR^ihya saMj~nAM tato bhImo gadayA vyacharadraNe .
maNDalAni vichitrANi yamakAnItarANi cha .. 9\-59\-21 (63501)
dakShiNaM maNDalaM savyaM gomUtrikamathApi cha .
vyacharatpANDavo rAjannariM sammohayanniva .. 9\-59\-22 (63502)
tathaiva tava putro.api gadAmArgavishAradaH .
vyacharallaghu chitraM cha bhImasenajighAMsayA .. 9\-59\-23 (63503)
Adhunvantau gade ghore chandanAgarurUShite .
vairasyAntaM parIpsantau raNe kruddhAvivAntakau .. 9\-59\-24 (63504)
anyonyaM tau jighAMsantau pravIrau puruSharShabhau .
yuyudhAte garutmantau yathA nAgAmiShaiShiNau .. 9\-59\-25 (63505)
maNDalAni bichitrANi charatornR^ipabhImayoH .
gadAsampAtajAstatra prajaj~nuH pAvakArchiShaH .. 9\-59\-26 (63506)
samaM praharatostatra shUrayorbalinormR^idhe .
kShubdhayorvAyunA rAjandvayoriva samudrayoH .. 9\-59\-27 (63507)
tayoH praharatostulyaM mattaku~njarayoriva .
gadAnirghAtasaM hAdaH prahArANAmajAyata .. 9\-59\-28 (63508)
tasmiMstadA samprahAre dAruNe sa~Nkule bhR^isham .
ubhAvapi parishrAntau yudhyamAnAvarindamau .. 9\-59\-29 (63509)
tau muhUrte samAshvasya punareva parantapa .
abhyahArayatAM kruddhau pragR^ihya mahatI gade .. 9\-59\-30 (63510)
tayoH samabhavadyuddhaM ghorarUpamasaMvR^itam .
gadAnipAtai rAjendra takShatorvai parasparam .. 9\-59\-31 (63511)
samare pradrutau tau tu vR^iShabhAkShau tarasvinau .
anyonyaM jaghnaturvIrau pa~Nkasthau mahiShAviva .. 9\-59\-32 (63512)
jarjharIkR^itasarvA~Ngau rudhireNAbhisaMplutau .
dadR^ishAte himavati puShpitAviva kiMshukau .. 9\-59\-33 (63513)
duryodhanastu pArthena vivare sampradarshite .
IShadutsmayamAnastu sahasA prasasAra ha .. 9\-59\-34 (63514)
tamabhyAshagataM prAj~naH kShaNe prekShya vR^ikodaraH .
avAkShipadgadAM tasminvegena mahatA batI .. 9\-59\-35 (63515)
avakShepaM tu taM dR^iShTvA putrastava vishAmpate .
apAsarpattataH sthAnAtsA moghA nyapatadbhuvi .. 9\-59\-36 (63516)
mokShayitvA prahAraM taM sutastava susambhramAt .
bhImasenaM cha gadayA prAharatkurusattama .. 9\-59\-37 (63517)
tasya visyandamAnena rudhireNAmitaujasaH .
prahAragurupAtAcha mUrCheva samajAyata .. 9\-59\-38 (63518)
tannAvudhyata putraste pIDitaM pANDavaM raNe .
dhArayAmAsa bhImo.api sharIramatipIDitam .. 9\-59\-39 (63519)
amanyata sthitaM hyenaM prahariShyantamAhave .
ato na prAharattasmai punareva tavAtmajaH .. 9\-59\-40 (63520)
tato muhUrtanAshvasya duryodhanamupasthitam .
degenAbhyayatadrAjangadAmAdAya pANDavaH .. 9\-59\-41 (63521)
tamApatantaM samprekShya saMrabdhagamitaujasam .
modhamasya prahAraM taM chikIrShurbharatarShabha .. 9\-59\-42 (63522)
avasyAne matiM kR^itvA putrantava mahAmanAH .
iyeShotpatituM rAja~nChalayiShyanvR^ikodaram .. 9\-59\-43 (63523)
abudhyadbhImasenastu rAj~nastasya chikIrShitam .
achAsya samamidrutya samutpatya cha siMhavat .. 9\-59\-44 (63524)
satyA va~nchavato rAjanpunarevotpatiShyataH .
UrubhyAM prAhiNodrAjangadAM vegena pANDavaH .. 9\-59\-45 (63525)
sA vajraniShpeShasamA prahitA bhImakarmaNA .
UrU duryodhanasyAtha babha~nja priyadarshanau .. 9\-59\-46 (63526)
sa papAta naravyAghro vasudhAmanunAdayan .
bhagnorurbhImasenena putrastava mahIpate .. 9\-59\-47 (63527)
vavurvAtAH sanirghAtAH pAMsuvarShaM papAta cha .
chachAla pR^ithivI chApi savR^ikShakShupaparvatA .. 9\-59\-48 (63528)
tasminnipatite vIre patyau sarvamahIkShitAm .
mahAsvanA punardIptA sanirghAtA bhaya~NkarI .
papAta cholkA mahatI patite pR^ithivIpatau ..  9\-59\-49 (63529)
tathA shoNitavarShaM cha pAMsuvarShaM cha bhArata .
vavarSha maghavAMstatra tava putre nipAtite .. 9\-59\-50 (63530)
yakShANAM rAkShasAnAM cha pishAchAnAM tathaiva cha .
antarikShe mahAnnAdastatra bhArata shushruve .. 9\-59\-51 (63531)
tena shabdena ghoreNa mR^igANAmatha pakShiNAm .
jaj~ne ghorataraH shabdo bahUnAM sarvatodisham .. 9\-59\-52 (63532)
ye tatra vAjinaH sheShA gajAshcha manujaiH saha .
mumuchuste mahAnAdaM tava putre nipAtite .. 9\-59\-53 (63533)
berIsha~NkhamR^ida~NgAnAmabhavachcha svano mahAn .
antarbhUmigatashchaiva tava putre nipAtite .. 9\-59\-54 (63534)
[bahupAdairbahubhujaiH kabandhairghoradarshanaiH .
nR^ityadbhirbhayadairvyAptA dishastatrAbhavannR^ipa .. 9\-59\-55 (63535)
dhvajavanto.astravantashcha shastravantastathaiva cha .
prAkampanta tato rAjaMstava putre nipAtite] .. 9\-59\-56 (63536)
hadAH kUpAshcha rudhiramudvemurnR^ipasattama .
nadyashcha sumahAvegAH pratisrotovahA.abhavan .. 9\-59\-57 (63537)
pulli~NgA iva nAryastu strIli~NgAH puruShA.abhavan .
duryodhane tadA rAjanpatite tanaye tava .. 9\-59\-58 (63538)
dR^iShTvA tAnadbhutotpAtAnpA~nchAlAH pANDavaiH saha .
AvignamanasaH sarve babhUvurbharatarShabha .. 9\-59\-59 (63539)
yayurdevA yathAkAmaM gandharvApsarasastathA .
kathayanto.adbhutaM yuddhaM sutayostava bhArata .. 9\-59\-60 (63540)
tathaiva siddhA rAjendra tathA vAtikachAraNAH .
narasiMhau prashaMsantau viprajagmuryathAgatam .. .. 9\-59\-61 (63541)

iti shrImanmahAbhArate shalyaparvaNi gadAyuddhaparvaNi
ekonaShaShTitamo.adhyAyaH .. 59 ..
##Mahabharata - Shalya Parva - Chapter Footnotes##

9\-59\-15 arisheShANo pa~nchamyarthe ShaShThI ..
9\-59\-34 sahasaivAbhisArita iti ka.Cha.pAThaH ..
9\-59\-45 dhR^ityA va~nchayata iti ka.Cha.pAThaH ..
9\-59\-48 kShupaH kShudravR^ikShaH ..
9\-59\-59 ekonaShaShTitamo.adhyAyaH ..

\medskip\hrule\medskip
shalyaparva \- adhyAya 060
.. shrIH ..
9\.60\. adhyAyaH 60

##Mahabharata - Shalya Parva - Chapter Topics##
bhImasenena duryodhanApanayAnusmAraNapUrvakaM vAmapAdena tachChirastADanam
.. 1 ..
yudhiShThireNa duryodhanasamAshvAsanam .. 2 ..

##Mahabharata - Shalya Parva - Chapter Text##

9\-60\-0 (63542)
sa~njaya uvAcha. 9\-60\-0x (5234)
taM pAtitaM tato dR^iShTvA mahAsAlamivodgatam .
prahR^iShTamanasaH sarve babhUvustatra pANDavAH .. 9\-60\-1 (63543)
unmattamiva mAta~NgaM siMhena vinipAtitam .
dadR^ishurhR^iShTaromANaH sarve te chApi somakAH .. 9\-60\-2 (63544)
tato duryodhanaM hatvA bhImasenaH pratApavAn .
pAtitaM kauravendraM tamupagamyedamabravIt .. 9\-60\-3 (63545)
gaurgauriti purA manda draupadImekavAsasam .
yatsabhAyAM hasannasmAMstadA vadasi durmate .
tasyAvahAsasya phalamadya tvaM samavApnuhi ..  9\-60\-4 (63546)
evamuktvA sa vAmena padA maulimupAspR^ishat .
shirashcha rAjasiMhasya pAdena samaloDayat .. 9\-60\-5 (63547)
tathaiva krodhasaMrakto bhImaH parabalArdanaH .
punarevAbravIdvAkyaM yattachChR^iNu narAdhipa .. 9\-60\-6 (63548)
ye.asmAnpurA pranR^ityanti mUDhA gauriti gauriti .
tAnvayaM pratinR^ityAmaH punargauriti gauriti .. 9\-60\-7 (63549)
nAsmAkaM nikR^itirvahnirnAkShadyUtaM na va~nchanA .
svabAhubalamAshritya prabAdhAmo vayaM ripUn .. 9\-60\-8 (63550)
so.avApya vairasya chirasya pAraM
vR^ikodaraH prAha shanaiH prahasya .
yudhiShThiraM keshavasR^i~njayAMshcha
dhana~njayaM mAdravatIsutau cha ..  9\-60\-9 (63551)
rajasvalA draupadImAnayante
ye chApyakurvanta sadasyavastrAm. 9\-60\-10ctAnpashyadhvaM
pANDavairdhArtarAShTrAn
raNe hatAMstapasA yAj~nasenyAH ..  9\-60\-10 (63552)
ye naH purA ShaNDhatilAnavochan
krUrA rAj~no dhR^itarAShTrasya putrAH .
te no hatAH sagaNAH sAnubandhAH
kAmaM svargaM narakaM vA vrajAmaH ..  9\-60\-11 (63553)
punashcha rAj~naH patitasya bhUmau
sa tAM gadAM skandhagatAM pragR^ihya .
vAmena pAdena shiraH pramR^idya
duryodhanaM naikR^itiketyavochat ..  9\-60\-12 (63554)
hR^iShTena rAjankurupArthivasya
kShudrAtmanA bhImasenena pAdam .
dR^iShTvA kR^itaM mUrdhani nAbhyanandan
dharmAtmAnaH somakAnAM prabarhAH ..  9\-60\-13 (63555)
tava putraM tathA hatvA katthamAnaM vR^ikodaram .
nR^ityamAnaM cha bahusho dharmarAjo.abravIdidam .. 9\-60\-14 (63556)
gato.asi vairasyAnR^iNyaM pratij~nA pUritA tvayA .
shubhenAthAshubhenaiva karmaNA viramAdhunA .. 9\-60\-15 (63557)
mA shiro.asya padA.amardIrmA dharmaste.atigo bhavet .
rAjA j~nAtirhatashchAyaM naitannyAyyaM tavAnagha .. 9\-60\-16 (63558)
ekAdashachamUnAthaM kurUNAmadhipaM tathA .
mAsprAkShIrbhIma pAdena rAjAnaM j~nAtimeva cha .. 9\-60\-17 (63559)
hatabandhurhatAmAtyo bhraShTasainyo hato mR^idhe .
sarvAkAreNa shochyo.ayaM nAvahAsyo.ayamIshvaraH .. 9\-60\-18 (63560)
vidhvasto.ayaM hatAmAtyo hatabandhurhatAtmajaH .
utsannapiNDo bhrAtA cha naitannyAyyaM kR^itaM tvayA .. 9\-60\-19 (63561)
dhArmiko bhImaseno.asAvityAhustvAM purA janAH .
sa kasmAdbhImasena tvaM rAjAnamadhitiShThasi .. 9\-60\-20 (63562)
ityuktvA bhImasenaM tu sAshrukaNTho yudhiShThiraH .
upasR^ityAbravIddIno duryodhanamarindamam .. 9\-60\-21 (63563)
tAta manyurna te kAryo nAtmA shochyastvayA tathA .
nUnaM pUrvakR^itaM karma sughoramanubhUyate .. 9\-60\-22 (63564)
dhAtropadiShTaM viShamaM nUnaM phalamasaMskR^itam .
yadvayaM tvAM jighAMsAmastvaM chAsmAnkurusattama .. 9\-60\-23 (63565)
Atmano hyaparAdhena mahadvyasanamIhasham .
prAptavAnasi yallobhAnmadAdbAlyAchcha bhArata .. 9\-60\-24 (63566)
ghAtayitvA vayasyAMshcha bhrAtR^Inatha pitR^IMstathA .
putrAnpautrAMstathA chAnyAMstatosi nidhanaM gataH .. 9\-60\-25 (63567)
tavAparAdhAdasmAbhirbhrAtaraste nipAtitAH .
nihatA j~nAtayashchApi diShTaM manye duratyayam .. 9\-60\-26 (63568)
[AtmA na shochanIyaste shlAghyo mR^ityustavAnagha .
vayamevAdhunA shochyAH sarvAvasthAsu kaurava .. 9\-60\-27 (63569)
kR^ipaNaM vartayiShyAmastairhInA bandhubhiH priyaiH .
bhrAtR^INAM chaiva putrANAM tathA vai shokavihvalAH .. 9\-60\-28 (63570)
kathaM drakShyAmi vidhavA vadhUH shokapariplutAH .
tvamekaH susthito rAjansvarge te nilayo dhruvaH .
vayaM narakasaMj~naM vai duHkhaM prApsyAma dAruNam ..]  9\-60\-29 (63571)
snuShAshcha prasnuShAshchaiva dhR^itarAShTrasya vihvalAH .
garhayiShyanti no nUnaM vidhavAH shokakarshitAH .. 9\-60\-30 (63572)
sa~njaya uvAcha. 9\-60\-31x (5235)
evamuktvA suduHkhArto nishashvAsa sa pArthivaH .
vilalApa chiraM chApi dharmaputro yudhiShThiraH .. .. 9\-60\-31 (63573)

iti shrImanmahAbhArate shalyaparvaNi gadAyuddhaparvaNi
ShaShTitamo.adhyAyaH .. 60 ..

\medskip\hrule\medskip
shalyaparva \- adhyAya 061
.. shrIH ..
9\.61\. adhyAyaH 61

##Mahabharata - Shalya Parva - Chapter Topics##
bhIme apanayabuddhyA kruddhena balarAmeNa lA~Ngalamudyamya
tampratyabhigamanam .. 1 ..
kR^iShNena tatsAntvanaM tato balasya dvArakAgamanam .. 2 ..
yudhiShThirasya kR^iShNena bhImena cha saMlApaH .. 3 ..

##Mahabharata - Shalya Parva - Chapter Text##

9\-61\-0 (63574)
dhR^itarAShTrA uvAcha. 9\-61\-0x (5236)
adharmeNa hataM dR^iShTvA rAjAnaM mAdhavottamaH .
kimabravIttadA sUta baladevo mahAbalaH .. 9\-61\-1 (63575)
gadAyuddhavisheShaj~no gadAyuddhavishAradaH .
kR^itavAnrauhiNeyo yattanmamAchakShva sa~njaya .. 9\-61\-2 (63576)
sa~njaya uvAcha. 9\-61\-3x (5237)
shirasyabhihataM dR^iShTvA bhImasenena te sutam .
rAmaH praharatAM shreShThashchukrodha balavadbalI .. 9\-61\-3 (63577)
tato madhye narendrANAmUrdhvabAhurhalAyudhaH .
kurvannArtasvaraM ghoraM dhigdhigbhImetyuvAcha ha .. 9\-61\-4 (63578)
aho dhigyadadho nAbheH prahR^itaM dharmavigrahe .
naitaddR^iShTaM gadAyuddhe kR^itavAnyadvR^ikodaraH .. 9\-61\-5 (63579)
adho nAbhyA na hantavyamiti shAstrasya nishchayaH .
ayaM tu shAstramutsR^ijya svachChandAtsampravartate .. 9\-61\-6 (63580)
tasya tattadbruvANasya roShaH samabhavanmahAn .
[tato rAjAnamAlokya roShasaMraktalochanaH .
baladevo mahArAja tato vachanamabravIt ..  9\-61\-7 (63581)
na chaiSha patitaH kR^iShNa kevalaM matsamo.asamaH .
Ashritasya tu daurbalyAdAshrayaH paribhartsyate ..]  9\-61\-8 (63582)
tato lA~Ngalamudyamya bhImamabhyadravadbalI ..  9\-61\-9 (63583)
tasyordhvabAhoH sadR^ishaM rUpamAsInmahAtmanaH .
bahudhAtuvichitrasya shvetasyeva mahAgireH .. 9\-61\-10 (63584)
`bhrAtR^ibhiH sahito vIraiH sArjunairastrakovidaiH .
na vivyathe mahArAja dR^iShTvA haladharaM balI'.. 9\-61\-11 (63585)
atha rAmaM nijagrAha keshavo vinayAnvitaH .
bAhubhyAM pInavR^ittAbhyAM prayatnAdbalavadbalI .. 9\-61\-12 (63586)
sitAsitau yaduvarau shushubhAte.adhikaM tadA .
`sa~NgatAviva rAjendra kailAsA~njanaparvatau .
nabhogatau yathA rAjaMshchandrasUryau dinakShaye ..  9\-61\-13 (63587)
uvAcha chainaM saMrabdhaM shamayanniva keshavaH ..  9\-61\-14 (63588)
AtmavR^iddhirmitravR^iddhirmitramitrodayastathA .
viparItaM dviShatsvetatShaDvidhA vR^iddhirAtmanaH .. 9\-61\-15 (63589)
Atmanyapi cha mitre cha viparItaM yadA bhavet .
tadA vidyAnmanoglAnimAshu shAntikaro bhavet .. 9\-61\-16 (63590)
asmAkaM sahajaM mitraM pANDavAH shuddhapauruShAH .
svakAH pitR^iShvasuH putrAste parairnikR^itA bhR^isham .. 9\-61\-17 (63591)
pratij~nApAlanaM dharmaH kShatriyasyeti vettha tat ..  9\-61\-18 (63592)
suyodhanasya gadayA bhaktA.asmyUrU mahAhave .
iti pUrvaM pratij~nAtaM bhImena hi sabhAtale .. 9\-61\-19 (63593)
maitreyeNAbhishaptashcha pUrvameva mahArShiNA .
UrU te bhetsyate bhImo gadayeti parantapa .
ato doShaM na pashyAmi mA krudhyasva pralambahan ..  9\-61\-20 (63594)
yaunaH svaiH sukhahArdaishcha sambandhaH saha pANDavaiH .
teShAM vR^iddhyA hi vR^iddhirno mA krudhaH puruSharShabha .. 9\-61\-21 (63595)
vAsudevavachaH shrutvA sIrabhR^itprAha dharmavit ..  9\-61\-22 (63596)
dharmashcha dhAritaH sadbhiH sa cha dvAbhyAM niyachChati .
arthashchApyatilubdhasya kAmashchAtiprasa~NgiNaH .. 9\-61\-23 (63597)
dharmArthau dharmakAmau cha kAmArthau chApyapIDayan .
dharmArthakAmAnyo.abhyeti sotyantaM sukhamashnute .. 9\-61\-24 (63598)
tadidaM vyAkulaM sarvaM kR^itaM dharmasya pIDanAt .
bhImasenena govinda kAmaM tvaM tu yathA.a.attha mAm .. 9\-61\-25 (63599)
kR^iShNa uvAcha. 9\-61\-26x (5238)
aroShaNo hi dharmAtmA satataM dharmavatsalaH .
bhavAnprakhyAyate loke tasmAtsaMshAmya mA krudhaH .. 9\-61\-26 (63600)
prAptaM kaliyugaM vidvi pratij~nAM pANDavasya cha .
AnR^iNyaM yAtu vairasya pratij~nAyAshcha pANDavaH .
`tataH puruShashArdUlo hatvA naikR^itikaM raNe ..  9\-61\-27 (63601)
nikR^ityA nikR^itipraj~naM yo hanyAdvairiNaM raNe .
adharmo vidyate nAtra yadbhImo hatavAnripum .. 9\-61\-28 (63602)
yudhyamAnaM raNe vIraM kuruvR^iShNiyashaskaram .
anena karNaH sandiShTaH pR^iShThato dhanurachChinat .. 9\-61\-29 (63603)
tataH sa~nChinnadhanvAnaM virathaM pauruShe sthitam .
vyAyudhIkR^itya bahavaH saubhadramapalAyinam .. 9\-61\-30 (63604)
janmaprabhR^iti lubdhashcha pApAtmA chaiSha durmatiH .
nihato bhImasenena durbuddhiH kulapAMsanaH .. 9\-61\-31 (63605)
pratij~nAM bhImasenena trayodashasamArjitAm .
kimarthaM nAbhijAnAti yudhyamAno hi shatrubhiH .. 9\-61\-32 (63606)
UrdhvamAkramya vegena jighAMsantaM vR^ikodaraH .
bibheda gadayA chorU na sthAne na cha maNDale'.. 9\-61\-33 (63607)
sa~njaya uvAcha. 9\-61\-34x (5239)
dharmachChalamimaM shrutvA keshavAtsa vishAmpate .
naiva prItamAnA rAmo vachanaM prAha saMsadi .. 9\-61\-34 (63608)
hatvA.adharmeNa rAjAnaM dharmAtmAnaM suyodhanam .
jihmayodhIti loke.asminkhyAtiM yAsyati pANDavaH .. 9\-61\-35 (63609)
duryodhano.api dharmAtmA gatiM yAsyati shAshvatIm .
R^ijuyodhI hato rAjA dharmarAShTro narAdhipaH .. 9\-61\-36 (63610)
yuddhadIkShAM pravishyAjau raNayaj~naM vitatya cha .
hutvA.a.atmAnamamitrAgnau prApa chAvabhR^ithaM yashaH .
`svargaM gantA mahArAjaH sasuhR^ijj~nAtibAndhavaH'..  9\-61\-37 (63611)
ityuktvA rathamAsthAya rauhiNeyaH pratApavAn .
shvetAbhrashikharAkAraH prayayau dvArakAM prati .. 9\-61\-38 (63612)
pA~nchAlAshcha savArShNeyAH pANDavAshcha vishAmpate .
rAme dvAravatIM yAte nAtipramanaso.abhavan .. 9\-61\-39 (63613)
tato yudhiShThiraM dInaM chintAparamadhomukham .
shokopahatasa~NkalpaM vAsudevo.abravIdidam .. 9\-61\-40 (63614)
vAsudeva uvAcha. 9\-61\-41x (5240)
dharmarAja kimarthaM tvamadharmamanumanyase .
hatabandhoryadetasya patitasya vichetasaH .. 9\-61\-41 (63615)
duryodhanasya bhImena mR^idyamAnaM shiraH padA .
upaprekShasi kasmAttvaM dharmaj~naH sannarAdhipa .. 9\-61\-42 (63616)
yudhiShThira uvAcha. 9\-61\-43x (5241)
na mamaitatpriyaM kR^iShNa yadrAjAnaM vR^ikodaraH .
padA mUrdhnyaspR^ishatkrodhAnna cha hR^iShye kulakShaye .. 9\-61\-43 (63617)
nikR^ityA nikR^itA nityaM dhR^itarAShTrasutairvayam .
bahUni paruShANyuktvA vanaM prasthApitA vayam .. 9\-61\-44 (63618)
bhImasenasya tadduHkhamatIva hR^idi vartate .
iti sa~nchintya vArShNeya mayaitatsamupekShitam .. 9\-61\-45 (63619)
tasmAddhatvA.akR^itapraj~naM lubdhaM kAmavashAnugam .
labhatAM pANDavaH kAmaM dharmo.adharmo.athavA kR^itaH .. 9\-61\-46 (63620)
sa~njaya uvAcha. 9\-61\-47x (5242)
ityuktavati kaunteye dharmarAje yudhiShThire .
vAsudevo mahAbAhuryudhiShThiramabhAShata .
kAmamastvetaditi vai kR^ichChrAdyadukulodvahaH ..  9\-61\-47 (63621)
ityuktvA vAsudevo.api vAyuputrapriyepsayA .
anvamodata tatsarvaM yadbhImena kR^itaM yudhi .. 9\-61\-48 (63622)
`arjuno.api mahAbAhuraprItenAntarAtmanA .
novAcha ki~nchidvachanaM bhrAtaraM sAdhvasAdhu vA'.. 9\-61\-49 (63623)
bhImaseno.api hatvA.a.ajau tava putramamarShaNaH .
abhivAdyAgrataH sthitvA samprahR^iShTaH kR^itA~njaliH .. 9\-61\-50 (63624)
provAcha sumahAtejA dharmarAjaM yudhiShThiram .
harShAdutphullanayano jitakAshI vishAmpate .. 9\-61\-51 (63625)
tavAdya pR^ithivI sarvA kShemA nihatakaNTakA .
tAM prashAdhi mahArAja svadharmamanupAlaya .. 9\-61\-52 (63626)
yastu kartA.asya vairasya nikR^ityA nikR^itipriyaH .
so.ayaM vinihataH shete pR^ithivyaM pR^ithivIpate .. 9\-61\-53 (63627)
duHshAsanaprabhR^itayaH sarve te chogravAdinaH .
rAdheyaH shakunishchaiva hatAshcha tava shatravaH .. 9\-61\-54 (63628)
seyaM ratnasamAkIrNA mahI savanaparvatA .
upAvR^ittA mahArAja tvAmadya nihatadviSham .. 9\-61\-55 (63629)
yudhiShThira uvAcha. 9\-61\-56x (5243)
gato vairasya nidhanaM hato rAjA suyodhanaH .
kR^iShNasya matamAsthAya vijiteyaM vasundharA .. 9\-61\-56 (63630)
diShTyA gatastvamAnR^iNyaM mAtuH kopasya chobhayoH .
diShTyA jayasi durdharSha diShTyA shatrurnipAtitaH .. .. 9\-61\-57 (63631)

iti shrImanmahAbhArate shalyaparvaNi gadAyuddhaparvaNi
ekaShaShTitamo.adhyAyaH .. 61 ..
##Mahabharata - Shalya Parva - Chapter Footnotes##

9\-61\-15 AtmavR^iddhiH shatrukShayaH svamitrasya vR^iddhiH shatrumitrasya
kShayaH svamitramitrasya vR^iddhiH shatrumitramitrasya kShayaH evaM
ShaDvidhA Atmano vR^iddhiH ..
9\-61\-16 yadi chodAtmano glAnistadA shAntikara iti ka.pAThaH ..
9\-61\-19 bhaktA bha~NkShye ..
9\-61\-21 yaunaH yoninimittaH sambandhaH . asmAkaM pitAmahaH pANDavAnAM
mAtAmahashchaika iti yaunasambandhaH ..
9\-61\-22 sIrabhR^it rAmaH ..
9\-61\-23 dharma_iti . niyachChati niyamameti arthakAmAbhyAM dharmaH
sa~NkochametItsarthaH ..
9\-61\-24 dharmArthau kAme nApIDayan dharmakAvarthenApIDayan kAmArthau
dharmeNa chApIDayannityarthaH ..
9\-61\-25 kAmaM yatheShTaM tvaM mAM prati uktavAnasi natu dharmye ..
9\-61\-27 kaliyugArambhe etAvatpApaM nAtIva khedAvahamiti bhAvaH ..
9\-61\-41 adharmamanupashyasIti ka.Cha.pAThaH ..
9\-61\-46 dharmo.adharme cha vA kR^ite iti jha.pAThaH ..
9\-61\-62 ekaShaShTitamo.adhyAyaH ..

\medskip\hrule\medskip
shalyaparva \- adhyAya 062
.. shrIH ..
9\.62\. adhyAyaH 62

##Mahabharata - Shalya Parva - Chapter Topics##
pA~nchAlAdibhirbhImastutiH .. 1 ..
kR^iShNAduryodhanayoH parasparagarhaNam .. 2 ..
duryodhanenAtmastutau tanmUrdhi gandharvaiH puShpavarShaNam .. 3 ..
bhIShmAdimaraNena duHkhitAnAM pANDavAnAM kR^iShNena samAshvAsanam .. 4 ..

##Mahabharata - Shalya Parva - Chapter Text##

9\-62\-0 (63632)
dhR^itarAShTra uvAcha. 9\-62\-0x (5244)
hataM duryodhanaM dR^iShTvA bhImasenena saMyuge .
pANDavAH sR^i~njayAshchaiva kimakurvata sa~njaya .. 9\-62\-1 (63633)
sa~njaya uvAcha. 9\-62\-2x (5245)
hataM duryodhanaM dR^iShTvA bhImasenena saMyuge .
siMheneva mahArAja mattaM vanagajaM yathA .. 9\-62\-2 (63634)
prahR^iShTamanasastatra kR^iShNena saha pANDavAH .
pA~nchAlAH sR^i~njayAshchaiva nihate kurunandane .
AvidhyannuttarIyANi siMhanAdAMshcha nedire ..  9\-62\-3 (63635)
naitAnharShasamAviShTAniyaM sehe vasundharA ..  9\-62\-4 (63636)
dhanUMShyeke vyAkShipanta jyAshchApyanye tathA.akShipan .
dadhmuranye mahAsha~NkhAnanye jaghnushcha dundubhIn .. 9\-62\-5 (63637)
chikIDushcha tathaivAnye jahasushcha tavAhitAH .
abruvaMshchAsakR^idvIrA bhImasenamidaM vachaH .. 9\-62\-6 (63638)
duShkaraM bhavatA karma raNe.adya sumahatkR^itam .
kauraveyaM raNe hatvA gadayA.atikR^itashramam .. 9\-62\-7 (63639)
indreNeva hi vR^itrasya vadhaM paramasaMyuge .
tvayA kR^itamamanyanta shatrorvadhamimaM janAH .. 9\-62\-8 (63640)
charantaM vividhAnmArgAnmaNDalAni cha sarvashaH .
duryodhanamimaM shUraM ko.anyo hanyAdvR^ikodarAt .. 9\-62\-9 (63641)
vairasya cha gataH pAraM tvamihAnyaiH sudurgamam .
ashakyametadanyena sampAdayitumIdR^isham .. 9\-62\-10 (63642)
ku~njareNeva mattena vIrasa~NgrAmamUrdhani .
duryodhapashiro diShTyA pAdena mR^iditaM tvayA .. 9\-62\-11 (63643)
siMhena mahiShasyeva kR^itvA sa~Ngaramuttamam .
duHshAsanasya rudhiraM diShTyA pItaM tvayA.anagha .. 9\-62\-12 (63644)
ye viprakurvanrAjAnaM dharmAtmAnaM yudhiShThiram .
mUrdhni teShAM kR^itaH pAdo diShTyA te svena karmaNA .. 9\-62\-13 (63645)
amitrANAmadhiShThAnAdvadhAdduryodhanasya cha .
bhIma diShTyA pR^ithivyAM te prathitaM sumahadyashaH .. 9\-62\-14 (63646)
evaM nUnaM hate vR^itre shakraM nandanti bandinaH .
tathA tvAM nihatAmitraM vayaM nandAma bhArata .. 9\-62\-15 (63647)
duryodhanavadhe yAni romANi hR^iShitAni naH .
adyApi na vikR^iShyante tAni tadviddhi bhArata .
ityabrunbhImasenaM vAtikAstatra sa~NgatAH ..  9\-62\-16 (63648)
tAnhR^iShTAnpuruShavyAghrAnpA~nchAlAnpANDavaiH saha .
bruvato.asadR^ishaM tatra provAcha madhusUdanaH .. 9\-62\-17 (63649)
na nyAyyaM nihataM shatruM bhUyo hantuM narAdhipAH .
asakR^idvAgbhirugrAbhirnihato hyeSha mandadhIH .. 9\-62\-18 (63650)
tadaivaiSha hataH pApo yadaiva nirapatrapaH .
lubdhaH pApasahAyashcha suhR^idAM shAsanAtigaH .. 9\-62\-19 (63651)
bahusho viduradroNakR^ipagA~NgeyasR^i~njayaiH .
pANDubhyaH prArthyamAno.api pitryamaMshaM na dattavAn .. 9\-62\-20 (63652)
naiva tebhyo.adya mitraM vA shatrurvA puruShAdhamaH .
kimanena vitunnena vAgbhiH kAShThasadharmaNA .. 9\-62\-21 (63653)
ratheShvArohata kShipraM gachChAmo vasudhAdhipAH .
diShTyA hato.ayaM pApAtmA sAmAtyaj~nAtibAndhavaH .. 9\-62\-22 (63654)
iti shrutvA tvadhikShepaM kR^iShNAdduryodhano nR^ipaH .
amarShavashamApanna udatiShThadvishAmpate .. 9\-62\-23 (63655)
sphigdeshenopaviShTaH sa dorbhyAM viShTabhya medinIm .
dR^iShTiM bhrUsa~NkaTAM kR^itvA vAsudeve nyapAtayat .. 9\-62\-24 (63656)
ardhonnatasharIrasya rUpamAsInnR^ipasya tu .
kruddhasyAshIviShasyeva chChinnapuchChasya bhoginaH .. 9\-62\-25 (63657)
prANAntakariNIM ghorAM vedanAmapyachintayan .
duryodhano vAsudevaM vAgbhirugrAbhirArdayat .. 9\-62\-26 (63658)
kaMsadAsasya dAyAda na te lajjA.astyanena vai .
adharmeNa gadAyuddhe yadarhaM vinipAtitaH .
UrUbhindhIti bhImasya smR^itiM mithyAprayachChatA ..  9\-62\-27 (63659)
kiM na vij~nAtametanme yadarjunamavochathAH .
ghAtayitvA mahIpAlAnR^ijuyuddhAnsahasrashaH .
jihmairupAyairbahubhirna te lajjA na te ghR^iNA ..  9\-62\-28 (63660)
ahanyahani shUrANAM kurvANaH kadanaM mahat .
shikhaNDinaM puraskR^itya ghAtitaste pitAmahaH .. 9\-62\-29 (63661)
ashvatthAmnaH sanAmAnaM hatvA nAgaM sudurmate .
AchAryo nyAsitaH shastraM kiM tanna viditaM mayA .. 9\-62\-30 (63662)
sa chAnena nR^ishaMsena dhR^iShTadyumnena vIryavAn .
pAtyamAnastvayA dR^iShTo na chainaM tvamavArayaH .. 9\-62\-31 (63663)
vadhArthaM pANDuputrasya yAchitAM shaktimeva cha .
ghaTotkache vyaMsayataH kastvattaH pApakR^ittamaH .. 9\-62\-32 (63664)
ChinnahastaH prAyagatastathA bhUrishravA balI .
tvayA.abhisR^iShTena hataH shaineyena durAtmanA .. 9\-62\-33 (63665)
kurvANashchottamaM karma karNaH pArthajigIShayA .
vyaMsanenAshvasenasya pannagendrasya vai punaH .. 9\-62\-34 (63666)
punashcha patite chakre vyasanArtaH parAjitaH .
pApitaH samare karNashchakravyAgro.agraNIrnR^iNAm .. 9\-62\-35 (63667)
yadi mAM chApi karNaM cha bhIShmadroNau cha saMyuge .
R^ijunA pratiyudhyethA na te syAdvijayo dhruvam .. 9\-62\-36 (63668)
tvayA punaranAryeNa jihmamArgeNa pArthivAH .
svadharmamanutiShThanto vayaM chAnye cha ghAtitAH .. 9\-62\-37 (63669)
`tvayA mAyAvinA kR^iShNa mAyAM karmapramoShiNIm .
kR^itvA hataH sindhupatiH kiM tanna viditaM mama'.. 9\-62\-38 (63670)
vAsudeva uvAcha. 9\-62\-39x (5246)
hatastvamasi gAndhAre sabhrAtR^isutabAndhavaH .
sagaNaH sasuhR^ichchaiva pApaM mArgamanuShThitaH .. 9\-62\-39 (63671)
tavaiva duShkR^itairvIrau bhIShmadroNau nipAtitau .
karNashcha nihataH sa~Nkhye tava shIlAnuvartakaH .. 9\-62\-40 (63672)
yAchyamAnaM mayA mUDha pitryamaMshaM na ditsasi .
pANDavebhyaH svarAjyaM cha lobhAchChakuninishchayAt .. 9\-62\-41 (63673)
viShaM te bhImasenAya dattaM sarve cha pANDavAH .
pradIpitA jatugR^ihe mAtrA saha sudurmate .. 9\-62\-42 (63674)
sabhAyAM yAj~nasenI cha kR^iShTA dyUte rajasvalA .
tadaiva tAvadduShTAtmanvadhyastvaM nirapatrapa .. 9\-62\-43 (63675)
anakShaj~naM cha dharmaj~naM saubalenAkShavedinA .
nikR^ityA yatparAjaiShIstasmAdasi hato raNe .. 9\-62\-44 (63676)
jayadrathena pApena yatkR^iShNA kleshitA vane .
yAteShu mR^igayAM chaiva tR^iNabindorathAshramam .. 9\-62\-45 (63677)
abhimanyushcha yadbAla eko bahubhirAhave .
tvaddoShairnihataH pApa tasmAdasi hato raNe .. 9\-62\-46 (63678)
`kurvANaM karma samare pANDavAnarthakA~NkShiNam .
yachChikhaNDyavadhIdbhIShmaM mitrArthe na vyatikramaH .. 9\-62\-47 (63679)
svadharmaM pR^iShThataH kR^itvA AchAryastvatpriyepsayA .
pArShatena hataH sa~Nkhye vartamAno.asatAM pathi .. 9\-62\-48 (63680)
pratij~nAmAtmanaH satyAM chikIrShansamare nipum .
hatavAnsAtvato vidvAnsaumadattiM mahAratham .. 9\-62\-49 (63681)
arjunaH samare rAjanyudhyamAnaH kadAchana .
ninditaM puruShavyAghraH karoti na katha~nchana .. 9\-62\-50 (63682)
labdhvA.api bahudhA ChidraM vIravR^ittamanusmaran .
nijaghAna raNe karNaM maivaM vochaH sudurmate .. 9\-62\-51 (63683)
devAnAM matamAj~nAya teShAM priyahitepsayA .
arjunasya mahAnAgaM mayA vyaMsitamastrajam .. 9\-62\-52 (63684)
tvaM cha bhIShmashcha karNashcha droNo drauNAyanistathA .
virATanagare tasya hyAnR^ishaMsyena jIvitAH .. 9\-62\-53 (63685)
smara pArthasya vikrAntaM gandharveShu kR^itaM tathA .
adharmaM nAtra gAndhAre pANDavairyatkR^itaM tvayi .. 9\-62\-54 (63686)
svabAhubalamAsthAya svadharmeNa parantapAH .
jitavanto raNe vIrAH pAposi nidhanaM gataH'.. 9\-62\-55 (63687)
[yAnyakAryANi chAsmAkaM kR^itAniti prabhAShase .
vaiguNyena tavAtyarthaM sarvaM hi tadanuShThitam .. 9\-62\-56 (63688)
bR^ihaspaterushanaso nopadeshaH shrutastvayA .
vR^iddhA nopAsitAshchaiva hitaM vAkyaM na te shrutabh .. 9\-62\-57 (63689)
lobhenAtibalena tvaM tR^iShNayA cha vashIkR^itaH .
kR^itavAnasyakAryANi vipAkastasya bhujyatAm ..]  9\-62\-58 (63690)
duryodhana uvAcha. 9\-62\-59x (5247)
adhItaM vidhivaddattaM bhUH prabhuktA sasAgarA .
mUrdhni sthimamitrANAM ko nu svantataro mayA .. 9\-62\-59 (63691)
yadiShTaM kShatrabandhUnAM svadharmamanupashyatAm .
tadidaM nidhanaM prAptaM ko nu svantataro mayA .. 9\-62\-60 (63692)
devArhA mAnuShA bhogAH prAptA asulabhA nR^ipaiH .
aishvaryaM chottamaM prAptaM ko nu svantataro mayA .. 9\-62\-61 (63693)
sasuhR^itsAnubandhascha svargaM gantA.ahamachyuta .
yUyaM garhitasa~NkalpAH shochanto vartayiShyatha .. 9\-62\-62 (63694)
`na me viShAdo bhImena pAdena shira Ahatam .
kAkA vA ka~NkagR^idhrA vA nidhAsyanti padaM kShaNAt'.. 9\-62\-63 (63695)
sa~njaya uvAcha. 9\-62\-64x (5248)
asya vAkyasya nidhane kururAjasya dhImataH .
apatatsumahadvarShaM puShpANAM puNyagandhinAm .. 9\-62\-64 (63696)
avAdayanta gandharvA vAditraM sumanoharam ..  9\-62\-65 (63697)
jagushchApsaraso rAj~no yashaH sambaddhameva cha .
siddhAshcha mumuchurvAchaH sAdhusAdhviti pArthiva .. 9\-62\-66 (63698)
vavau cha surabhirvAyuH puNyagandho mR^iduHsukhaH .
vyarAjaMshcha dishaH sarvA nabho vaidUryasannibham .. 9\-62\-67 (63699)
atyadbhutAni te dR^iShTvA vAsudevapurogamAH .
duryodhanasya pUjAM tu dR^iShTvA vrIDAmupAgaman .. 9\-62\-68 (63700)
hatAMshchAdharmataH shrutvA shokArtAH shushuchurhi te .
bhIShmaM droNaM tathA karNaM bhUrishravasameva cha .. 9\-62\-69 (63701)
tAMstu chintAparAndR^iShTvA pANDavAndInachetasaH .
provAchedaM vachaH kR^iShNo meghadundubhinisvanaH .. 9\-62\-70 (63702)
naiSha shakyo.atishIghrAstraste cha sarve mahArathAH .
R^ijuyuddhena vikrAntA hantuM yuShmAbhirAhave .. 9\-62\-71 (63703)
upAyAnnihatA hyete mayA tasmAnnarAdhipAH .
anyathA pANDaveyAnAM nAbhaviShyajjayaH kvachit .. 9\-62\-72 (63704)
te hi sarve maheShvAsAshchatvAro.atirathA muvi .
ashakyA dharmato hantuM lokapAlairapi svayam .. 9\-62\-73 (63705)
tathaivAyaM gadApANirdhArtarAShTro gatashramaH .
ashakyo dharmato hantuM kAlenApi di daNDinA .. 9\-62\-74 (63706)
naitanmanasi kartavyaM yadayaM nihato nR^ipaH .
mithyAcharyAchChalopAyairbahavaH shatravo hatAH .. 9\-62\-75 (63707)
pUrvairanugato mArgo devairasuraghAtibhiH .
sadbhishchAnugataH panthAH sarvairanugamiShyate .. 9\-62\-76 (63708)
`evaM vidhAtrA vihitaM svayameShAM mahAtmanAm .
daivaM puruShakAreNa na shakyamativartitum .. 9\-62\-77 (63709)
bhUtaM bhavyaM bhaviShyachcha nimeShAdyo haniShyati .
kR^itAntamanyathA kartuM nechChetso.ayaM dhana~njaya ..'  9\-62\-78 (63710)
kR^itakR^ityAH sma sAyAhne nivAsaM rochayAmahe .
sAshvanAgarathAH sarve vishrAmyantu narAdhipAH .. 9\-62\-79 (63711)
vAsudevavachaH shrutvA tadAnIM pANDavaiH saha .
pA~nchAlA bhR^ishasaMhR^iShTA vineduH siMhasa~Nghavat .. 9\-62\-80 (63712)
tataH prAdhmApayachCha~NkhaM pA~nchajanyaM janArdanaH .
`devadattaM prahR^iShTAtmA sha~NkhapravaramarjunaH .. 9\-62\-81 (63713)
anantavijayaM rAjA kuntIputro yudhiShThiraH .
poNDraM dadhmau mahAsha~NkhaM bhImakarmA vR^ikodaraH .. 9\-62\-82 (63714)
nakulaH sahadevashcha sughoShamaNipuShpakau .
dhR^iShTadyumnastathA jaitraM sAtyakirnandivardhanam .. 9\-62\-83 (63715)
teShAM nAdena mahatA sha~NkhAnAM bharatarShabha .
ApupUre nabhaH sarvaM pR^ithivI cha chachAla ha .. 9\-62\-84 (63716)
tataH sha~NkhAshcha bheryashcha paNavAnakagomukhAH .
pANDusainyeShvavAdyanta sa shabdastumulo.abhavat .. 9\-62\-85 (63717)
astuvanpANDavAnanye nirbhIshcha stutima~NgalaiH'.
hR^iShTA duryodhanaM dR^iShTvA nihataM puruSharShabhAH .. .. 9\-62\-86 (63718)

iti shrImanmahAbhArate shalyaparvaNi gadAyuddhaparvaNi
dviShaShTitamo.adhyAyaH .. 62 ..
##Mahabharata - Shalya Parva - Chapter Footnotes##

9\-62\-21 naiSha yogyo.adya mitraM veti jha.pAThaH ..
9\-62\-62 dviShaShTitamo.adhyAyaH ..

\medskip\hrule\medskip
shalyaparva \- adhyAya 063
.. shrIH ..
9\.63\. adhyAyaH 63

##Mahabharata - Shalya Parva - Chapter Topics##
pA~nchAlAdiShu svasvashibirANyupagateShu pANDavairduryodhanashibirametya
svasvarathebhyo.avataraNam .. 1 ..
kR^iShNe rathAtprathamaM pArthamavatArtha pashchAtsvayamapyavatIrNe
agninA tadgrathasya bhasmIkaraNam .. 2 ..
kR^iShNenArjunamprati rathadAhasya kAraNakathanam .. 3 ..
kR^iShNachodanayA pANDavairoghavatItIre rAtrau nivasanam .. 4 ..
kR^iShNena yudhiShThirachodanayA gAndhAryAshvAsanAya hAstinapurAgamanam .. 5 ..

##Mahabharata - Shalya Parva - Chapter Text##

9\-63\-0 (63719)
sa~njaya uvAcha. 9\-63\-0x (5249)
tataste prayayuH sarve nivAsAya mahIkShitaH .
sha~NkhAnpradhmApayanto vai hR^iShTAH parighabAhavaH .. 9\-63\-1 (63720)
pANDavAngachChatashchApi shibiraM no vishAmpate .
maheShvAso.anvagAtpashchAdyuyutsuH sAtyakistathA .. 9\-63\-2 (63721)
dhR^iShTadyumnaH shikhaNDI cha draupadeyAshcha sarvashaH .
sarve chAnye maheShvAsA yayuH svashibirANyuta .. 9\-63\-3 (63722)
tataste prAvishanpArthA hatatviTkaM hateshvaram .
duryodhanasya shibiraM ra~NgavanniHsR^ite jane .. 9\-63\-4 (63723)
gatotsavaM puramiva hR^itanAgamiva hadam .
strIvarShavarabhUyiShThaM vR^iddhAmAtyairadhiShThitam .. 9\-63\-5 (63724)
tatraitAnparyupAtiShThanduryodhana puraHsarAH .
kR^itA~njalipuTA rAjankAShAyamalinAmbarAH .. 9\-63\-6 (63725)
shibiraM samanuprApya kururAjasya pANDavAH .
avaterurmahArAja rathebhyo rathasattamAH .. 9\-63\-7 (63726)
tato gANDIvadhanvAnamabhyabhAShata keshavaH .
sthitaH priyahite nityamatIva bharatarShabha .. 9\-63\-8 (63727)
avaropaya gANDIvamakShayau cha maheShudhI .
athAhamavarokShyAmi pashchAdbharatasattama .
svayaM chaivAvaroha tvametachChreyastavAnagha ..  9\-63\-9 (63728)
tachchAkarottathA vIraH pANDuputro dhana~njayaH ..  9\-63\-10 (63729)
atha pashchAttataH kR^iShNo rashmInutsR^ijya vAjinAm .
avArohata medhAvI rathAdgANDIvadhanvanaH .. 9\-63\-11 (63730)
athAvatIrNe bhUtAnAmIshvare sumahAtmani .
kapirapyAshvapAkrAmatsahadevairdhvajAlayaiH .. 9\-63\-12 (63731)
sa dagdho droNakarNAbhyAM divyairastrairmahArathaH .
atha dIpto.agninA hyAshu prajajvAla mahIpate .. 9\-63\-13 (63732)
sopAsa~NgaH sarashmishcha sAshvaH sayugabandhanaH .
bhasmIbhUto.apatadbhUmau ratho gANDIvadhanvanaH .. 9\-63\-14 (63733)
taM tathA bhasmabhUtaM tu dR^iShTvA pANDusutAH prabho .
abhavanvismitA rAjannarjunashchedamabravIt .. 9\-63\-15 (63734)
kR^itA~njaliH sapraNayaM praNipatyAbhivAdya ha .
govanda kasmAdbhagavanratho dagdho.ayamagninA .. 9\-63\-16 (63735)
kimetanmahadAshcharyamabhavadyadunandana .
tanme brUhi mahAbAho shrotavyaM yadi manyase .. 9\-63\-17 (63736)
vAsudeva uvAcha. 9\-63\-18x (5250)
droNakarNAstranirdagdhaH pUrvamevAyamarjuna .
madAsthitatvAtsamare na vishIrNaH parantapa .. 9\-63\-18 (63737)
idAnIM tu vishIrNo.ayaM dagdho brahmAstratejasA .
mayA vimuktaH kaunteya tvayyadya kR^itakarmaNi .. 9\-63\-19 (63738)
sa~njaya uvAcha. 9\-63\-20x (5251)
IShadutsmayamAnastu bhagavAnkeshavo.arihA .
pariShvajya cha rAjAnaM yudhiShThiramabhAShata .. 9\-63\-20 (63739)
diShTyA jayasi kaunteya diShTyA te shatravo jitAH .
diShTyA gANDIvadhanvA cha bhImasenashcha pANDavaH .. 9\-63\-21 (63740)
tvaM chApi kushalI rAjanmAdrIputrau cha pANDavau .
muktA vIrakShayAdismAtsa~NgrAmAnnihatadviShaH .
kShipramuttarakAlAni kuru kAryANi bhArata ..  9\-63\-22 (63741)
upayAtamupaplAvyaM saha gANDIvadhanvanA .
AnIya madhuparkaM mAM yatpurA tvamavochathAH .. 9\-63\-23 (63742)
eSha bhrAtA sakhA chaiva tava kR^iShNa dhana~njayaH .
rakShitavyo mahAbAho sarvAsvApatsviti prabho .. 9\-63\-24 (63743)
tava chaiva bruvANasya tathetyevAhamabruvam ..  9\-63\-25 (63744)
sa savyasAchI guptaste vijayI cha janeshvara.  9\-63\-26 (63745)
bhrAtR^ibhiH saha rAjendra shUraH satyaparAkramaH .
mukto vIrakShayAdasmAtsa~NgrAmAdromaharShaNAt ..  9\-63\-26 (63746)
evamuktastu kR^iShNena dharmarAjo yudhiShThiraH .
hR^iShTaromA mahArAja pratyuvAcha janArdanam .. 9\-63\-27 (63747)
yudhiShThira uvAcha. 9\-63\-28x (5252)
pramuktaM droNakarNAbhyAM brahmAstramarimardana .
kastvadanyaH sahetsAkShAdapi vajrI purandaraH .. 9\-63\-28 (63748)
bhavatastu prasAdena saMgrAme bahavo hatAH .
mahAraNagataH pArtho yachcha nAsItparA~NmukhaH .. 9\-63\-29 (63749)
tathA tava mahAbAho paryAyairbahubhirmayA .
karmaNaAmanusandhAnAttejasvI jagati shrutA .. 9\-63\-30 (63750)
upaplAvye maharShirme kR^iShNadvaipAyano.abravIt .
yato dharmastataH kR^iShNo yataH kR^iShNastato jayaH .. 9\-63\-31 (63751)
`evamuktastataH kR^iShNaH pratyuvAcha yudhiShThiram .
na tulyAshchArjunasyeha balena kurunandana .. 9\-63\-32 (63752)
sa eSha sarvANyastrANi divyAni prApya sha~NkarAt .
satsamo vA vishiShTo vA raNe tvamiti pANDavaH .
anuj~nAtaH pANDusutaH punaH pratyAgamanmahIm ..  9\-63\-33 (63753)
bhUtaM bhavyaM bhaviShyachcha anuj~nAtastvayA vibho .
nimeShArdhAnnaravyAghro nayediti matirmama .. 9\-63\-34 (63754)
droNaM bhIShmaM kR^ipaM karNaM droNaputraM jayadratham .
nihantuM shaknuyAtkruddho nimeShArdhAddhana~njayaH .. 9\-63\-35 (63755)
sadevAsuragandharvAnsayakShoragarAkShasAn .
trInvA lokAnvijetuM sa shaktaH kimiha mAnuShAn .. 9\-63\-36 (63756)
vidhinA vihitaM chAsau mayA sa~nchodito.api san .
na chakAra matiM hantuM tataste balavattarAH .. 9\-63\-37 (63757)
atra gItA mayA suShThu giraH satyA mahIpate .
darsitaM mayi sarvaM cha tenAsau jitavAnripUn .. 9\-63\-38 (63758)
arjuno.api mahAbAhurmayA tulyo mahIpate .
sa maheshvaralabdhAstraH kiM na kuryAdvibhuH prabho ..'  9\-63\-39 (63759)
ityevamukte te vIrAH shibiraM tava bhArata .
pravishya pratyapadyanta kosharatnardhisa~nchayAn .. 9\-63\-40 (63760)
rajataM jAtarUpaM cha maNInatha cha mauktikAn .
bhUShaNAnyatha mukhyAni kambalAnyajinAni cha .. 9\-63\-41 (63761)
`gajAnashvAnrathAMshchaiva mahAnti shayanAni cha'.
dAsIdAsamasaMkhyeyaM rAjyopakaraNAni cha .. 9\-63\-42 (63762)
te prApya dhanamakShayyaM tvadIyaM bharatarShabha .
udakroshanmahAbhAgA narendra vijitArayaH .. 9\-63\-43 (63763)
te tu vIrAH samAshvasya vAhanAnyavamuchya cha .
atiShThanta muhuH sarve pANDavA vigatajvarAH .. 9\-63\-44 (63764)
athAbravInmahArAja vAsudevo mahAyashAH .
asmAbhirma~NgalArthAya vastavyaM shibirAdbahiH .. 9\-63\-45 (63765)
tathetyuktvA hi te sarve pANDavAH sAtyakistathA .
vAsudevena sahitA ma~NgalArthaM bahiryayuH .. 9\-63\-46 (63766)
te samAsAdya saritaM puNyAmoghavatIM nR^ipa .
nyavasannatha tAM rAtriM pANDavA hatashatravaH .. 9\-63\-47 (63767)
yudhiShThirastato rAjA prAptakAlamachintayan ..  9\-63\-48 (63768)
tatra te gamanaM mAptaM rochate tava mAdhava .
gAndhAryAH krodhadIptAyAH prashamArthamarindama .. 9\-63\-49 (63769)
hetukAraNayuktaishcha vAkyaiH kAlasamIritaiH .
kShiprameva mahAbhAga gAndhArIM prashamiShyasi .
pitAmahashcha bhagavAnvyAsastatra bhaviShyati ..  9\-63\-50 (63770)
tataH sampreShayAmAsuryAdavaM nAgasAhvayam ..  9\-63\-51 (63771)
sa cha prAyAjjavenAshu vAsudevaH pratApavAn .
dArukaM rathamAropya yena rAjA.ambikAsutaH .. 9\-63\-52 (63772)
tamUchuH samprayAsyantaM shaibyasugrIvavAhanam .
pratyAshvAsaya gAndhArIM hataputrAM yashasvinIm .. 9\-63\-53 (63773)
sa prAyAtpANDavairuktastatpuraM sAtvatAM varaH .
AsasAda tataH kShipraM gAndhArIM nihatAtmajAm .. .. 9\-63\-54 (63774)

iti shrImanmahAbhArate shalyaparvaNi gadAyuddhaparvaNi
triShaShTitamo.adhyAyaH .. 63 ..
##Mahabharata - Shalya Parva - Chapter Footnotes##

9\-63\-5 varShavaraH ShaNDhaH ..
9\-63\-6 duryodhanasya purasarAH duryodhanapuraH sarAH ..
9\-63\-30 tejasvIti gatiH shrutA iti Cha.pAThaH . tathaiva cha mahAbAho
manusantAnaM tejasashcha gatIH shubhAH iti jha.pAThaH ..
9\-63\-63 triShaShTitamo.adhyAyaH ..

\medskip\hrule\medskip
shalyaparva \- adhyAya 064
.. shrIH ..
9\.64\. adhyAyaH 64

##Mahabharata - Shalya Parva - Chapter Topics##
janamejayena gAndhAryAshvAsanakAraNaprashne vaishampAyanena tatkathanam .. 1 ..
kR^iShNena gAndhArIdhR^itarAShTro samAshvAsya punaH pANDavasamIpAgamanam .. 2 ..

##Mahabharata - Shalya Parva - Chapter Text##

9\-64\-0 (63775)
janamejaya uvAcha. 9\-64\-0x (5253)
kimarthaM dvijashArdUla dharmarAjo yudhiShThiraH .
gAndhAryAH preShayAmAsa vAsudevaM parantapam .. 9\-64\-1 (63776)
yadA pUrvaM gataH kR^iShNaH shamArthaM kauravAnprati .
na cha taM labdhavAnkAmaM tato yuddhamabhUdidam .. 9\-64\-2 (63777)
nihateShu tu yodheShu hate duryodhane tadA .
pR^ithivyAM pANDaveyasya niHsapatne kR^ite yudhi .. 9\-64\-3 (63778)
vidrute shibire shUnye prApte yashasi chottame .
kiM tu tatkAraNaM brahmanyena kR^iShNo gataH punaH .. 9\-64\-4 (63779)
na chaitatkAraNaM brahmannalpaM vipratibhAti me .
yatrAgamadameyAtmA svayameva janArdanaH .. 9\-64\-5 (63780)
tattvato vai samAchakShva sarvamadhvaryusattama .
yachchAtra kAraNaM brahmankAryasyAsya vinishchaye .. 9\-64\-6 (63781)
vaishampAyana uvAcha. 9\-64\-7x (5254)
tvadyukto.ayamanuprashno yanmAM pR^ichChasi pArthiva .
tatte.ahaM saMpravakShyAmi yathAvadbharatarShabha .. 9\-64\-7 (63782)
hataM duryodhanaM dR^iShTvA bhImasenena saMyuge .
vyutkramya samayaM rAjandhArtarAShTraM mahAbalam .. 9\-64\-8 (63783)
anyAyena hataM dR^iShTvA gadAyuddhena bhArata .
yudhiShThiraM mahArAja mahadbhayamathAvishat .. 9\-64\-9 (63784)
so.achintayanmahAbhAgAM gAndhArIM tapasAnvitAm .
ghoreNa tapasA yuktAM trailokyamapi sA dahet .. 9\-64\-10 (63785)
tasya chintayamAnasya buddhiH samabhavattadA .
gAndhAryAH krodhadIptAyAH pUrvaM prashamanaM bhavet .. 9\-64\-11 (63786)
sA hi putravadhaM shrutvA kR^itamasmAbhirIdR^isham .
mAnasenAgninA kruddhA bhasmasAnnaH kariShyati .. 9\-64\-12 (63787)
kathaM duHkhamidaM tIvraM gAndhArI samprashakShyati .
shrutvA vinihataM putraM ChalenAjihmayodhinam .. 9\-64\-13 (63788)
evaM vichintya bahudhA bhayashokasamanvitaH .
vAsudevamidaM vAkyaM dharmarAjo.abhyabhAShata .. 9\-64\-14 (63789)
tava prasAdAdgovinda rAjyaM nihatakaNTakam .
aprApyaM manasA.apIdaM prAptamasmAbhirachyuta .. 9\-64\-15 (63790)
pratyakShaM me mahAbAho sa~NgrAme romaharShaNe .
vimardaH sumahAnprAptastvayA yAdavanandana .. 9\-64\-16 (63791)
tvayA devAsure yuddhe vadhArthamamaradviShAm .
yathA sAhyaM purA dattaM hatAshcha vibudhadviShaH .. 9\-64\-17 (63792)
sAhyaM tathA mahAbAho dattamasmAkamachyuta .
sArathyena cha vArShNeya bhavatA hi dhR^itA vayam .. 9\-64\-18 (63793)
yadi na tvaM bhavennAthaH phalgunasya mahAraNe .
kathaM shakyo raNe jetuM bhavedeSha balArNavaH .. 9\-64\-19 (63794)
gadAprahArA vipulAH parighaishchApi tADanam .
shaktibhirbhiNDipAlaishcha tomaraiH saparashvathaiH .. 9\-64\-20 (63795)
asmatkR^ite tvayA kR^iShNa vAchaH suparuShAH shrutAH .
shastrANAM cha nipAtA vai vajrasparshopamA raNe .. 9\-64\-21 (63796)
te cha te saphalA jAtA hate duryodhane.achyuta .
tatsarvaM na yathA nashyetpunaH kR^iShNa tathA kuru .. 9\-64\-22 (63797)
sandehaDolAM prAptaM nashchetaH kR^iShNa jaye sati .
gAndhAryA hi mahAbAho krodhaM shamaya mAdhava .. 9\-64\-23 (63798)
sA hi nityaM mahAbhAgA tapasogreNa karshitA .
putrapautravadhaM shrutvA dhruvaM naH sampradhakShyati .
tasyA prasAdanaM vIra prAptakAlaM mataM mama ..  9\-64\-24 (63799)
kashcha tAM krodhasandIptAM putravyasanakarshitAm .
vIkShituM puruShaH shaktastvAmR^ite puruShottama .. 9\-64\-25 (63800)
tatra me gamanaM prAptaM rochate tava mAdhava .
gAndhAryAH krodhadIptAyAH prashamArthamarindama .. 9\-64\-26 (63801)
tvaM hi kartA vikartA cha lokAnAM prabhavAvyayaH .
hetukAraNasaMyuktairvAkyaiH kAlasamIritaiH .. 9\-64\-27 (63802)
kShiprameva mahAbAho gAndhArIM shamayiShyasi .
pitAmahashcha bhagavAnkR^iShNastatra bhaviShyati .. 9\-64\-28 (63803)
sarvathA te mahAbAho gAndhAryAH krodhanAshanam .
kartavyaM sAtvatAM shreShTha pANDavAnAM hitArthinA .. 9\-64\-29 (63804)
dharmarAjasya vachanaM shrutvA yadukulodvahaH .
Amantrya dArukaM prAha rathaH sa~njo vidhIyatAm .. 9\-64\-30 (63805)
keshavasya vachaH shrutvA tvaramANo.atha dArukaH .
nyavedayadrathaM sajjaM keshavAya mahAtmane .. 9\-64\-31 (63806)
taM rathaM yAdavashreShThaH samAruhya parantapaH .
jagAma hAstinapuraM tvaritaH keshavo vibhuH .. 9\-64\-32 (63807)
tataH prAyAnmahArAja mAdhavo bhagavAnrathI .
nAgasAhvayamAsAdya pravivesha cha vIryavAn .. 9\-64\-33 (63808)
pravishya nagaraM vIro rathaghoSheNa nAdayan .
vidito dhR^itarAShTrasya so.avatIrya rathottamAt .
abhyagachChadadInAtmA dhR^itarAShTraniveshanam ..  9\-64\-34 (63809)
pUrvaM chAbhigataM tatra so.apashyadR^iShisattamam ..  9\-64\-35 (63810)
pAdau prapIDya kR^iShNasya rAj~nashchApi janArdanaH .
abhyavAdayadavyagro gAndhArIM chApi keshavaH .. 9\-64\-36 (63811)
tatastu yAdavashreShTho dhR^itarAShTramadhokShajaH .
pANimAlambya rAjendra susvaraM praruroda ha .. 9\-64\-37 (63812)
sa muhUrtAdivotsR^ijya bAShpaM shokasamudbhavam .
prakShAlya vAriNA netre hyAchamya cha yathAvidhi .
uvAcha prashritaM vAkyaM dhR^itarAShTramarindamaH ..  9\-64\-38 (63813)
na te.astyaviditaM ki~nchidbhUtaM bhavyaM cha bhArata .
kAlasya cha yathAvR^ittaM tatte suviditaM prabho .. 9\-64\-39 (63814)
yadidaM pANDavaiH sarvaistava chittAnurodhibhiH .
kathaM kulakShayo na syAttathA kShatrasya bhArata .. 9\-64\-40 (63815)
bhrAtR^ibhiH samayaM kR^itvA kShAntavAndharmavatsalaH .
dyUtachChalajitaiH shudvairvanavAso hyupAgataH .. 9\-64\-41 (63816)
aj~nAtavAsacharyA cha nAnAveShasamAvR^itaiH .
anye cha bahavaH kleshAstvashaktairiva sarvadA .. 9\-64\-42 (63817)
mayA cha svayamAgamya yuddhakAla upasthite .
sarvalokasya sAnnidhyegrAmAMstvaM pa~nchayAchitaH .. 9\-64\-43 (63818)
tvayA kAlopasR^iShTena lobhato nApavarjitAH .
tavAparAdhAnnR^ipate sarvaM kShatraM kShayaM gatam .. 9\-64\-44 (63819)
bhIShmeNa somadattena bAhlIkena kR^ipeNa cha .
droNena cha saputreNa vidureNa cha dhImatA .
yAchitastvaM shamaM nityaM na cha tatkR^itavAnasi ..  9\-64\-45 (63820)
kAlopahatachittA hi sarve muhyanti bhArata .
yathA mUDho bhavAnpUrvamasminnarthe samudyate .. 9\-64\-46 (63821)
kimanyatkAlayogAddhi dviShTameva parAyaNam .
mA cha doShAnmahAprAj~na pANDaveShu niveshaya .. 9\-64\-47 (63822)
alpopyatikramo nAsti pANDavAnAM mahAtmanAm .
dharmato nyAyatashchaiva snehatashcha parantapa .. 9\-64\-48 (63823)
etatsarvaM tu vij~nAya hyAtmadoShakR^itaM phalam .
tanmanyuM pANDuputreShu na bhavAnkartumarhati .. 9\-64\-49 (63824)
kulaM vaMshashcha piNDAshcha yachcha putrakR^ita phalam .
gAndhAryAstava vai nAtha pANDaveShu pratiShThitam .. 9\-64\-50 (63825)
tvaM chaiva kurushArdUla gAndhArI cha yashasvinI .
mA shucho narashArdUla pANDavAnpratikilbim .. 9\-64\-51 (63826)
etatsarvamanudhyAya Atmanashcha vyatikramam .
shivena pANDavAndhyAhi namaste bharatarShabha .. 9\-64\-52 (63827)
jAnAsi cha mahAbAho dharmarAjasya yA tvayi .
bhaktirbharatashArdUla snehashchApi svabhAvataH .. 9\-64\-53 (63828)
etachcha kadanaM kR^itvA shatrUNAmapakAriNAm .
dahyate sa divArAtrau na cha sharmAdhigachChati .. 9\-64\-54 (63829)
tvAM chaiva narashArdUla gAndhArIM cha yashasvinIm .
sa shochannarashArdUlaH shAntiM naivAdhigachChati .. 9\-64\-55 (63830)
hiyA cha parayA.aviShTo bhavantaM nAdhigachChati .
putrashokAbhisantaptaM buddhivyAkulitendriyam .. 9\-64\-56 (63831)
evamuktvA mahArAja dhR^itarAShTraM yadUttamaH .
uvAcha paramaM vAkyaM gAndhArIM shokakarshitAm .. 9\-64\-57 (63832)
saubaleyi nibodha tvaM yattvAM vakShyAmi suvrate .
tvatsamA nAsti loke.asminnadya sImantinI shubhe .. 9\-64\-58 (63833)
jAnAsi cha yathA rAj~ni sabhAyAM mama sannidhau .
dharmArthasahitaM vAkyamubhayoH pakShayorhitam .. 9\-64\-59 (63834)
uktavatyasi kalyANi na cha te tanayaiH kR^itam .
duryodhanastvayA chokto jayArthI paruShaM vachaH .. 9\-64\-60 (63835)
shR^iNu mUDha vacho mahyaM yato dharmastato jayaH .
tadidaM samanuprAptaM tava vAkyaM nR^ipAtmaje .. a6\-64\-61 (63836)
evaM viditvA kalyANi mA sma shoke manaH kR^ithAH .
pANDavAnAM vinAshAya mA te buddhiH kadAchana .. 9\-64\-62 (63837)
shaktA chAsi mahAbhAge pR^ithivIM sacharAcharAm .
chakShuShA krodhadIptena nirdagdhuM tapaso balAt .. 9\-64\-63 (63838)
vAsudevavachaH shrutvA gAndhArI vAkyamabravIt .
evametanmahAbAho yathA vadasi keshava .. 9\-64\-64 (63839)
AdhibhirdahyamAnAyA matiH sa~nchalitA mama .
sA me vyavasthitA shrutvA tava vAkyaM janArdana .. 9\-64\-65 (63840)
rAj~nastvandhasya vR^iddhasya hataputrasya keshava .
tvaM gatiH sahitairvIraiH pANDavairdipadA vara .. 9\-64\-66 (63841)
etAvaduktvA vachanaM mukhaM prachChAdya vAsasA .
putrashokAbhisantaptA gAndhArI praruroda ha .. 9\-64\-67 (63842)
tata enAM mahAbAhuH keshvaH shokakarshitAm .
hetukAraNasaMyuktairvAkyairAshvAsayatprabhuH .. 9\-64\-68 (63843)
samAshvAsya cha gAndhArIM dhR^itarAShTraM cha mAdhavaH .
drauNisa~NkalpitaM bhAvamanvabudhyata keshavaH .. 9\-64\-69 (63844)
tatastvarita utthAya pAdau mUrdhnA praNamya cha .
dvaipAyanasya rAjendra tataH kauravamabravIt .. 9\-64\-70 (63845)
ApR^ichChe tvAM kurushreShTha mA cha shoke manaH kR^ithAH .
drauNeH pApostyabhiprAyastenAsmi sahasotthitaH .. 9\-64\-71 (63846)
pANDavAnAM vadhe rAtrau buddhistena pradarshitA ..  9\-64\-72 (63847)
etachChrutvA tu vachanaM gAndhAryA sahito.abravIt .
dhR^itarAShTro mahAbAhuH keshavaM keshisUdanam .. 9\-64\-73 (63848)
shIghraM gachCha mahAbAho pANDavAnparipAlaya .
bhUyastvayA sameShyAmi kShiprameva janArdana .. 9\-64\-74 (63849)
prAyAttatastu tvarito dArukeNa sahAchyutaH ..  9\-64\-75 (63850)
vAsudeve gate rAjandhR^itarAShTraM janeshvaram .
AshvAsayadameyAtmA vyAso lokanamaskR^itaH .. 9\-64\-76 (63851)
vAsudevo.api dharmAtmA kR^itakR^ityo jagAma ha .
shibiraM hAstinapurAddidR^ikShuH pANDavAnnR^ipa .. 9\-64\-77 (63852)
Agamya shibiraM rAtrau so.abhyagachChata pANDavAn .
tachcha tebhyaH samAkhyAya sahitastaiH samAhitaH .. .. 9\-64\-78 (63853)

iti shrImanmahAbhArate shalyaparvaNi gadAyuddhaparvaNi
chatuHShaShTitamo.adhyAyaH .. 64 ..
##Mahabharata - Shalya Parva - Chapter Footnotes##

9\-64\-27 hetukAraNasaMyuktaiH hetavo dR^iShTA aparAdhAH . kAraNAni
adR^iShTAnyavashyaMbhAvIni tairyuktAni tairyuktAni taiH ..
9\-64\-33 prAyAdagachChat ..
9\-64\-34 viditaM dhR^itArAShTrasyeti jha.pAThaH ..
9\-64\-36 kR^iShNasya vyAsasya ..
9\-64\-49 asUyAM pANDuputroShviti jha.pAThaH ..
9\-64\-64 chatuHShaShTitamo.adhyAyaH ..

\medskip\hrule\medskip
shalyaparva \- adhyAya 065
.. shrIH ..
9\.65\. adhyAyaH 65

##Mahabharata - Shalya Parva - Chapter Topics##
sa~njayena dhR^itarAShTraMprati duryodhanavilApaprakArakathanam .. 1 ..
vAdikairashvatthAmni duryodhanapAtananivedanam .. 2 ..

##Mahabharata - Shalya Parva - Chapter Text##

9\-65\-0 (63854)
dhR^itarAShTra uvAcha. 9\-65\-0x (5255)
adhiShThitaH padA mUrdhni bhagnasaktho mahIM gataH .
shauTIryamAnI putro me kimabhAShata sa~njaya .. 9\-65\-1 (63855)
atyarthaM kopano rAjA jAvairashcha pANDuShu .
vyasanaM paramaM prAptaH kimAha paramAhave .. 9\-65\-2 (63856)
sa~njaya uvAcha. 9\-65\-3x (5256)
shR^iNu rAjanpravakShyAmi yathAvR^ittaM narAdhipa .
rAj~nA yaduktaM magnena tasminvyasanasAgare .. 9\-65\-3 (63857)
bhagnasaktho nR^ipo rAjanpAMsunA so.avakuNThitaH .
yamayanmUrdhajAMstatra vIkShya chaiva disho dasha .. 9\-65\-4 (63858)
keshAnniyasya yatnena niHshvasannurago yathA .
saMrambhAshruparItAbyAM netrAbhyAmabhivIkShya mAm .. 9\-65\-5 (63859)
bAhU dharaNyAM niShpiShya sudurmatta iva dvipaH .
prakIrNAnmUrdhajAndhunvandantairdantAnupaspR^ishan .
garhayanpANDavaM jyeShThaM niHshvasyedamathAbravIt ..  9\-65\-6 (63860)
bhIShme shAntanave nAthe karNe shastrabhR^itAM vare .
gautame shakunau chApi droNe chAstrabhR^itAM vare .. 9\-65\-7 (63861)
ashvatthAmni yathA shalye shUre cha kR^itavarmaNi .
anyeShvapi cha shUreShu nyastabhAro mahAtmasu .
imAmavasthAM prApto.asmi kAlo hi duratikramaH ..  9\-65\-8 (63862)
ekAdashachamUbhartA so.ahametAM dashAM gataH .
kAlaM prApya mahAbAho na kashchidativartate .. 9\-65\-9 (63863)
AkhyAtavyaM madIyAnAM ye.asmi~njIvanti saMyuge .
yathA.ahaM bhImasenena vyutkramya samayaM hataH .. 9\-65\-10 (63864)
bahUni sunR^ishaMsAni kR^itAni khalu pANDavaiH .
bhUrishravasi karNe cha bhIShme droNe cha dhImati .. 9\-65\-11 (63865)
idaM cha garhitaM karma nR^ishaMsaiH pANDavaiH kR^itam .
yena te vAchyatAM satsu gamiShyantIti me matiH .. 9\-65\-12 (63866)
kA prItiH satvayuktasya kR^itvopAdhikR^itaM jayam .
ko vA samayabhettAraM budhaH sammantumarhati .. 9\-65\-13 (63867)
adharmeNa jayaM labdhvA ko nu hR^iShyeta paNDitaH .
yathA saMhR^iShyate pApaH pANDuputro vR^ikodaraH .. 9\-65\-14 (63868)
kinnu chitramitastvadya bhagnasakthasya yanmama .
kruddhena bhImasenena pAdena mR^iditaM shiraH .. 9\-65\-15 (63869)
pratapantaM shriyA juShTaM vartamAnaM cha bandhuShu .
evaM kuryAnnaro yo hi sa vai sa~njaya pUruShaH .. 9\-65\-16 (63870)
abhij~nau yuddhadharmasya mama mAtA pitA cha yau .
tau hi sa~njaya duHkhArtau vij~nApyau vachanAdvi me .. 9\-65\-17 (63871)
iShTaM bhR^ityA bhR^itAH samyagbhUH prashAstA sasAgarA .
mUrdhni sthitamamitrANAM jIvatAmeva sa~njaya .. 9\-65\-18 (63872)
dattA dAyA yathAshakti mitrANAM cha priyaM kR^itam .
amitrA bAdhitAH sarve ko nu svantataro mayA .. 9\-65\-19 (63873)
mAnitA bAndhavAH sarve mAnyaH sampUjito janaH .
tritayaM sevitaM sarvaM ko nu svantataro mayA .. 9\-65\-20 (63874)
Aj~naptaM nR^ipamukhyeShu mAnaH prAptaH sudurlabhaH .
AjAneyaistathA yAtaM ko nu svantataro mayA .. 9\-65\-21 (63875)
yAtAni pararAShTrANi nR^ipA bhuktAshcha dAsavat .
priyebhyaH prakR^itaM sAdhu ko nu svantataro mayA .. 9\-65\-22 (63876)
adhItaM vidhivaddattaM prAptamAyurnirAmayam .
svadharmeNa jitA lokAH ko nu svantataro mayA .. 9\-65\-23 (63877)
diShTyA nAhaM jitaH sa~Nkhye parAnpreShyavadAshritaH .
diShTyA me vipulA lakShmIrmR^ite tvanyagatA vibho .. 9\-65\-24 (63878)
yadiShTaM kShatrabandhUnAM svadharmamanutiShThatAm .
nidhanaM tanmayA prAptaM ko nu svantataro mayA .. 9\-65\-25 (63879)
diShTyA nAhaM parAvR^itto vairAtprAkR^itava~njitaH .
diShTyA na vimatiM kA~nchidbhajitvA tu parAjitaH .. 9\-65\-26 (63880)
suptaM vA.atha pramattaM vA yathA hanyAdviSheNa vA .
evaM vyutkrAntadharmeNa vyutkramya samayaM hataH .. 9\-65\-27 (63881)
ashchatthAmA mahAbhAgaH kR^itavarmA cha sAtvataH .
kR^ipaH shAradvatashchaiva vaktavyA vachanAnmama .. 9\-65\-28 (63882)
adharmeNa pravR^ittAnAM pANDavAnAmanekashaH .
vishvAsaM samayaghnAnAM na yUyaM gantumarhatha .. 9\-65\-29 (63883)
vArtikAMshchAbravIdrAjA putraste satyavikramaH .
adharmAdbhImasenena nihato.ahaM yathA raNe .. 9\-65\-30 (63884)
so.ahaM droNaM svargagataM karNashalyAvubhau tathA .
vR^iShasenaM mahAvIryaM shakuniM chApi saubalam .. 9\-65\-31 (63885)
jalasandhaM mahAvIryaM bhagadattaM cha pArthivam .
somadattaM maheShvAsaM saindhavaM cha jayadratham .. 9\-65\-32 (63886)
duR^ishAsanapurogAMshcha bhrAtR^InAtmasamAMstathA .
dauHshAsaniM cha vikrAntaM lakShmaNaM chAtmajAvubhau .. 9\-65\-33 (63887)
etAMshchAnyAMshcha subahUnmadIyAMshcha sahasrashaH .
pR^iShThato.anugamiShyAmi sArthahIno yathA.adhvagaH .. 9\-65\-34 (63888)
kathaM bhrAtR^InhatA~nshrutvA bhartAraM cha svasA mama .
rorUyAmANA duHkhArtA duHshalA sA bhaviShyati .. 9\-65\-35 (63889)
snuShAbhiH prasnuShAbhishcha vR^iddho rAjA pitA mama .
gAndhArIsahitashchaiva kA gatiM pratipatsyati .. 9\-65\-36 (63890)
nUnaM lakShmaNamAtA.api hataputrA hateshvarA .
vinAshaM yAsyati kShipraM kalyANI pR^ithulochanA .. 9\-65\-37 (63891)
yadi jAnAti chArvAkaH parivrAdvAgvishAradaH .
kariShyati mahAbhAgo dhruvaM chApachitiM mama .. 9\-65\-38 (63892)
samantapa~nchake puNye triShu lokeShu vishrute .
ahaM nidhanamAsAdya lokAnprApsyAmi shAshvatAn .. 9\-65\-39 (63893)
tato janasahasrANi bAShpapUrNAni disho dasha ..
sasAgaravanA ghorA pR^ithivI sacharAcharA.  9\-65\-40 (63894)
chachAlAtha sanirhAdA dishashchaivAvilA.abhavan ..
te droNaputramAsAdya yathAvR^ittaM nyavedayan.  9\-65\-41 (63895)
vyavahAraM gadAyuddhe pArthivasya cha pAtanam ..
tadAkhyAya tataH sarve droNaputrasya bhArata.  9\-65\-42 (63896)
`vAdikA duHkhasantaptAH shokopahatachetasaH'.
dhyAtvA cha suchiraM kAlaM jagmurArtA yathAgatam .. .. 9\-65\-43 (63897)

iti shrImanmahAbhArate shalyaparvaNi gadAyuddhaparvaNi
pa~nchaShaShTitamo.adhyAyaH .. 65 ..
##Mahabharata - Shalya Parva - Chapter Footnotes##

9\-65\-1 shauTIraH shUraH sa eva shauTIryamAtmAnaM manyate shauTIryamAnI ..
9\-65\-16 sa vai sa~njayapUjita iti jha.pAThaH ..
9\-65\-20 mayA mattaH ..
9\-65\-30 vArtikAnvArtAhAriNaH ..
9\-65\-38 chArvAko brAhmaNaveShadhArI rAkShasaH . apachitiM pratIkAram ..
9\-65\-65 pa~nchaShaShTitamo.adhyAyaH ..

\medskip\hrule\medskip
shalyaparva \- adhyAya 066
.. shrIH ..
9\.66\. adhyAyaH 66

##Mahabharata - Shalya Parva - Chapter Topics##
drauNikR^itakR^itavarmabhirduryodhanasya bhUpatanadarshanena shochanam .. 1 ..
drauNiduryodhanayoH saMlApaH .. 2 ..
drauNinA rAtrau pANDavavadhapratij~nAnam .. 3 ..
duryodhanavachanAt kR^ipeNa drauNeH sainApatye.aphiShechanam .. 4 ..

##Mahabharata - Shalya Parva - Chapter Text##

9\-66\-0 (63898)
sa~njaya uvAcha. 9\-66\-0x (5257)
vAdikAnAM sakAshAttu shrutvA duryodhanaM hatam .
hatashiShTAstadA rAjankauravANAM mahArathAH .. 9\-66\-1 (63899)
vinirbhinnAH shitairbANairNadAtomarashaktibhiH .
ashvatthAmA kR^ipashchaiva kR^itavarmA cha sAtvataH .
tvaritA javanairashvairAyodhanamupAgaman ..  9\-66\-2 (63900)
tatrApashyanmahAtmAnaM dhArtarAShTraM nipAtitam .
prabhagnaM vAyuvegena mahAsAlaM yathA vane .. 9\-66\-3 (63901)
bhUmau viveShTamAnaM taM rudhireNa samukShitam .
mahAgarjAmevAraNye vyAdhena vinipAtitam .. 9\-66\-4 (63902)
vivartamAnaM bahusho rudhiraughapariplutam .
yadR^ichChayA nipatitaM chandramAdityagocharAt .. 9\-66\-5 (63903)
yugAntamAruteneva shoShitaM makarAlayam .
pUrNachandramiva vyomni tuShArAvR^itamaNDalam .. 9\-66\-6 (63904)
reNudhvastaM dIrghabhujaM mAta~Ngamiva vikrame .
vR^itaM bhUtagaNairghoraiH kravyAdaishcha samantataH .. 9\-66\-7 (63905)
yathA dhanaM lipsamAnairbhR^ityairnR^ipatisattamam .
bhrukuTIkR^itavaktrAntaM krodhAdudvR^ittachakShuSham .
sAmarShaM taM naravyAghraM bhaumaM nipatitaM tathA ..  9\-66\-8 (63906)
te taM dR^iShTvA maheShvAsaM bhUtale patitaM nR^ipam .
mohamabhyAgamansarve kR^ipaprabhR^itayo rathAH .. 9\-66\-9 (63907)
avatIrya rathebhyashcha prAdravanrAjasannidhau .
duryodhanaM cha samprApya sarve bhUmAvupAvishan .. 9\-66\-10 (63908)
tato drauNirmahArAja bAShpapUrNekShaNaH shvasan .
uvAcha bharatashreShThaM sarvalokeshvareshvaram .. 9\-66\-11 (63909)
na nUnaM vidyate puNyaM mAnuShe ki~nchideva hi .
yatra tvaM puruShavyAghra sheShe pAMsuShu rUShitaH .. 9\-66\-12 (63910)
bhUtvA hi nR^ipatiH pUrvaM samAj~nApya cha medinIm .
kathameko.adya rAjendra tiShThase nirjane vane .. 9\-66\-13 (63911)
duHshAsanaM na pashyAmi nApi karNaM mahAratham .
nApi tAnsuhR^idaH sarvAnkimidaM bharatarShabha .. 9\-66\-14 (63912)
duHkhaM nUnaM kR^itAntasya gatiM j~nAtuM katha~nchana .
lokanAtho bhavAnyatra sheShe pAMsuShu rUShitaH .. 9\-66\-15 (63913)
eSha mUrdhAbhiShiktAnAmagre gatvA parantapaH .
satR^iNaM grasate pAMsuM pashya kAlasya paryayam .. 9\-66\-16 (63914)
kva te tadamalaM ChatraM vyajanaM kva cha pArthiva .
sA cha te mahatI senA kva gatA pArthivottama .. 9\-66\-17 (63915)
durvij~neyA gatirnUnaM kAryANAM kAraNAntare .
yo vai lokagururnAtho bhavAnetAM dashAM gatAH .. 9\-66\-18 (63916)
adhruvA sarvamartyeShu dhruvaiva shrIrvichintyate .
bhavato vyasanaM dR^iShTvA shakravispardhino bhR^isham .. 9\-66\-19 (63917)
tasya tadvachanaM shrutvA duHkhitasya visheShataH .
uvAcha rAjanputraste prAptakAlamidaM vachaH .. 9\-66\-20 (63918)
vimR^ijya netre pANibhyAM shokajaM bAShpamutsR^ijan .
kR^ipAdInsa tadA vIrAnsarvAneva narAdhipaH .. 9\-66\-21 (63919)
IdR^isho lokadharmo.ayaM dhAtrA nirdiShTa uchyate .
vinAshaH sarvabhUtAnAM kAlaparyAyakAritaH .. 9\-66\-22 (63920)
so.ayaM mAM samanuprAptaH pratyakSho bhavatAM hi yaH .
pR^ithivIM pAlayitvA.ahametAM niShThAmupAgataH .. 9\-66\-23 (63921)
diShTyA nAhaM parAvR^itto yuddhe kasyAMchidApadi .
diShTyA.ahaM nihataH pApaishchalenaiva visheShataH .. 9\-66\-24 (63922)
utsAhashcha kR^ito nityaM mayA diShTyA yuyutsatA .
diShTyA chAsminhato yuddhe nihataj~nAtibAndhavaH .. 9\-66\-25 (63923)
diShTyA cha vo.ahaM pashyAmi muktAnasmAjjanakShayAt .
svastiyuktAMshcha kalyANAMstanme priyamanuttamam .. 9\-66\-26 (63924)
mA bhavanto.atra tapyantAM sauhR^idAnnidhanena me .
yadi vedAH pramANaM vo jitA lokA mayA.akShayAH .. 9\-66\-27 (63925)
jAnamAnaH prabhAvaM cha kR^iShNasyAmitatejasaH .
tena na chyAvitashchAhaM kShatradharmAtsvanuShThitAt .. 9\-66\-28 (63926)
sa mayA samanuprApto nAsmi shochyaH katha~nchana .
kR^itaM bhavadbhiH sadR^ishamanurUpamivAtmanaH .
yatitaM vijaye shaktyA daivaM tu duratikramam ..  9\-66\-29 (63927)
etAvaduktvA vachanaM bAShpavyAkulalochanaH .
tUShNIbabhUva rAjendra rujA.asau vihvalo bhR^isham .. 9\-66\-30 (63928)
tathA dR^iShTvA tu rAjAnaM bAShpashokasamanvitam .
drauNiH krodhena jajvAla yathA vahnirjagatkShaye .. 9\-66\-31 (63929)
sa cha krodhasamAviShTaH pANau pANiM nipIDya cha .
bAShpavihvalayA vAchA rAjAnamidamabravIt .. 9\-66\-32 (63930)
pitA me nihataH kShudraiH sunR^ishaMsena karmaNA .
na tathA tena tapyAmi tathA rAjaMstvayA.adya vai .. 9\-66\-33 (63931)
shR^iNu chedaM vacho mahyaM satyena vadataH prabho .
iShTApUrtena dAnena dharmeNa sukR^itena cha .. 9\-66\-34 (63932)
adyAhaM sarvapA~nchAlAnvAsudevasya pashyataH .
adya rAtrau mahArAja nihaniShyAmi pANDavAn .. 9\-66\-35 (63933)
anuj~nAM tu mahArAja bhavAnme dAtumarhati ..  9\-66\-36 (63934)
tachChrutvA vachanaM drauNerdhR^itarAShTra tavAtmajaH .
manasaH prItijananaM kR^ipaM vachanamabravIt.  9\-66\-37 (63935)
duryodhana uvAcha .
AchArya shIghraM kalashaM jalapUrNaM samAnaya ..  9\-66\-37x (5258)
sa tadvachanamAj~nAya rAj~no brAhmaNasattamaH .
kalashaM pUrNamAdAya rAj~no.antikamupAgamat .. 9\-66\-38 (63936)
tamabravInmahArAja putrastava vishAmpate .
mamAj~nayA dvijashreShTha droNaputro.abhiShichyatAm .
sainApatyena bhadraM te mama chedichChasi priyam ..  9\-66\-39 (63937)
rAj~no niyogAdyodvavyaM brAhmaNena visheShataH .
vartatA kShatradharmeNa hyevaM dharmavido viduH .. 9\-66\-40 (63938)
rAj~nastu vachanaM shrutvA kR^ipaH shAradvatastataH .
drauNiM rAj~no niyogena sainApatye.abhyaShechayat .. 9\-66\-41 (63939)
so.abhiShikto mahArAja pariShvajya nR^ipottamam .
prayayau siMhanAdena dishaH sarvA vinAdayan .. 9\-66\-42 (63940)
duryodhano.api rAjendra shoNitena pariplutaH .
tAM nishAM pratipede.atha sarvabhUtabhayAvahAm .. 9\-66\-43 (63941)
apakramya tu te tUrNaM tasmAdAyodhanAnnR^ipa .
shokasaMvignamanasashchintAmApedire bhR^isham .. .. 9\-66\-44 (63942)

iti shrImanmahAbhArate shatasAhastrikAyAM saMhitAyAM vaiyAsikyAM
shalyaparvaNi gadAyuddhaparvaNi ShaTShaShTitamo.adhyAyaH .. 66
.. .. samAptaM gadAyuddhaparva shalyaparva cha.. 9 ..

ataH paraM sauptikaM parva bhaviShyati . tasyAyamAdyaH shlokaH.
9\-66\-1 (63943)  9\-66\-1x (5259) sa~njaya uvAcha.  tataste sahitAH
sarve prayAtA dakShiNAmukhAH. upAstamayavelAyAM shibirAbhyAshamAgatAH ..
##Mahabharata - Shalya Parva - Chapter Footnotes##

9\-66\-5 AdityagocharAtgaganAt . chakrAmAdityagocharamiti jha.pAThaH
tatra chakramAdityagocharaM sUryamaNDalamiveti luptopamA ..
9\-66\-18 kAraNAntare adR^iShTarUpe sati . tena dR^iShTasAmagrIvaiyarthyaM
jAyata iti bhAvaH ..
9\-66\-66 ShaTShaShTitamo.adhyAyaH ..

##

\medskip\hrule\obeylines
\medskip
{\rm Please send corrections to sanskrit at cheerful dot c om}
{\rm Last updated \today}
{\rm http://sanskritdocuments.org}
\end{document}