%@@1
% File name             : mbhK15.itx
%--------------------------------------------
% Text title            : 15 AshramavAsikaparva
% Author                : Veda Vyasa
% Language              : sanskrit
% Subject               : /hindu/philosohphy/religion
% Description/comments  : Mahabharata - Southern Recension - Kumbhaghonam Edition
% Based on the `Southern Recension' of the MahAbhArata, edited by Krishnacharya
% 1906-1914
% Transliterated by     : Prof. Shrinivasa Varakhedi >worked on this with the
% support of his research team members, Prof. K. V. Ramakrishnamacharyulu, Prof.
% Amba Kulakarni, Prof. Prahladachar,  members of MSP Bangalore and many others
% Proofread by          : 
% Latest update         : October 13, 2013
% Send corrections to   : sanskrit at cheerful dot c om
%
% Special Instructions  : i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.3
% Site access           : http://sanskritdocuments.org/
%-----------------------------------------------------
% The text is prepared by volunteers and is to be used for personal study
% and research.  The file is not to be copied or reposted for promotion of 
% any website or individuals or for commercial purpose without permission.
%        Please help to maintain respect for volunteer spirit.
%@@1
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=50pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. 15. mausalaparva Kumbhaghonam Edition ..}##
\itxtitle{.. 15\. mausalaparva ..}##\endtitles ##


\medskip\hrule\medskip
mausalaparva \- adhyAya 001
.. shrIH ..
15\.1\. adhyAyaH 1

##Mahabharata - Mausala Parva - Chapter Topics##
prajApAlanena nijanagare bhrAtR^ibhiH saha sukhanivAsinA yudhiShThireNa
kadAchanAshubhasUchakotpAtadarshanam .. 1 ..
tataH kAlantare sabalakR^iShNAnAM sarvayAdavAnAM parasparaM
mausalaprahAreNi nishsheShanidhanashravaNam .. 2 ..

##Mahabharata - Mausala Parva - Chapter Text##

shrIvedavyAsAya namaH .
nArAyaNaM namaskR^itya naraM chaiva narottamam .
devIM sarasvatIM vyAsaM tato jayamudIrayet .. 15\-1\-1 (96913)
vaishampAyana uvAcha. 15\-1\-1x (8021)
ShaTtriMshe tvath saMprApte varShe kauravandanaH .
dadarsha viparItAni nimittAni yudhiShThiraH .. 15\-1\-1 (96914)
vavurvAtAshcha nirghAtA rUkShAH sharkaravarShiNaH .
apasavyAni shakunA maNDalAni prachakrire .. 15\-1\-2 (96915)
pratyagUhurmahAnadyo disho nIhArasaMvR^itAH .
ulkAshchA~NgAravarShiNyaH prApatangaganAdbhuvi .. 15\-1\-3 (96916)
Adityo rajasA rAjansamavachChannaganAdbhuvi ..
virashmirudaye nityaM kabandhaiH samala~NkR^itaH .. 15\-1\-4 (96917)
pariveShAshcha dR^ishyante dAruNAshcha drasUryayoH .
trivarNAH shyAmarukShAntAstathA bhasmAruNaprabhAH .. 15\-1\-5 (96918)
ete chAnye cha bahava utpAtA bhayasaMsinaH .
dR^ishyante jagato nAtha divamAroDhumichChati .. 15\-1\-6 (96919)
`yasya prasAdAddharmo.ayaM kR^ite yadvatkalAvapi .
pANDavAshcha mahAbhAga yuktAstu yashasA.anagha ..'  15\-1\-7 (96920)
kasya chittvatha kAlasya kururAjo visha~NkitaH .
shushrAva vR^iShNichakrasya musalotsAdanaM kR^itam .. 15\-1\-8 (96921)
vimuktaM vAsudevaM cha shrutvA rAmaM cha pANDavaH .
samAnIyAbravIdbhrAtR^inki kariShyAma ityuta .. 15\-1\-9 (96922)
parasparaM samAsAdya brahmadaNDabalAtkR^itAn .
vR^iShNinvinaShTAste shrutvA vyathitAH pANDavA bhR^isham .. 15\-1\-10 (96923)
nidhanaM vAsudevasya samudrasyeva shoShaNam .
vIrA na shraddadhustasya vinAshaM shAr~NgadhanvanaH .. 15\-1\-11 (96924)
mausalaM te samAshritya duHkhashokasamanvitAH .
viShNNA hatasaMkalpAHki pANDavAH samupAvishan .. .. 15\-1\-12 (96925)

iti shrImanmahAbhArate mausalaparvaNi prathamo.adhyAyaH .. 1 ..
##Mahabharata - Mausala Parva - Chapter Footnotes##

7\-1\-12 mausalaM musalakR^itaM kadanaM samAshritya manasi dhR^itvA ..

\medskip\hrule\medskip
mausalaparva \- adhyAya 002
.. shrIH ..
15\.2\. adhyAyaH 2

##Mahabharata - Mausala Parva - Chapter Topics##
vaishampAyanena janamejayaMpati yAdavAnAM mausalena
nidhanaprakArakathanArambhaH .. 1 ..
kadAchana vishvAmitrAkadimaharShiShu dvArakaH mAgateShu kaishchana
yAdavaiH sAMbasya strIveShaparikalpanena munInprati garbhiNIyaM
kiMrUpamapatyaM prasaviShyatIti prashnaH .. 2 ..
tato ruShTairmaharShibhiH svakulavinAshakamAyasaM musalaM prasaviShyatIti
shApadAnam .. 3 ..
tataH parethuH sAMvena musale prasUte bhItaistai rAjAj~nayA tasya
chUrNakaraNena samudra prakShepaNam .. 4 ..

##Mahabharata - Mausala Parva - Chapter Text##

janamejaya uvAcha .
kathaM vinaShTA bhagavannandhakA vR^iShNibhiH saha .
pashyato vAsudevasya bhojashchaivaka mahArathAH .. 15\-2\-1 (96926)
vaishampAyana uvAcha. 15\-2\-2x (8022)
ShaTtriMshe.atha tato varShe vR^iShNInAmanayo mahAn .
anyonyaM musalaiste tu nijaghnuH kAlachoditAH .. 15\-2\-2 (96927)
janamejaya uvAcha. 15\-2\-3x (8023)
kenAnushaptAste vIrAH kShayaM vR^iShNyandhakA gatAH .
bhojAshcha dvijavarya tvaM vistareNa vadasva me .. 15\-2\-3 (96928)
vaishampAyana uvAcha. 15\-2\-4x (8024)
vishvAmitraM cha kaNvaM cha nAradaM cha tapodhanam .
sAraNapramukhA vIrA dadR^ishurdvArakAM gatAn .. 15\-2\-4 (96929)
te vai sAMbaM puraskR^itya bhUShayitvA striyaM yathA .
abruvannupasa~Ngamy daivadaNDinipIDitAH .. 15\-2\-5 (96930)
iyaM strI putrakAmasya babhroramitatejasaH .
R^iShayaH sAdhu jAnIta kimiyaM janayiShyati .. 15\-2\-6 (96931)
ityuktAste tadA rAjanvipralambhapradharShitAH .
pratyabuvaMstAnmunayo yattachChR^iNu narAdhipa .. 15\-2\-7 (96932)
vR^iShNyandhakavinAshAya musalaM ghoramAyasam .
vAsudevasya dAyAdaH sAMbo.ayaM janayiShyati .. 15\-2\-8 (96933)
yena yUyaM sudurvR^ittA nR^ishaMsA jAtamanyavaH .
uchChettAraH kulaM kR^itsnamR^ite rAmajanArdanau .. 15\-2\-9 (96934)
samudraM yAsyati shrImAMstyaktvA dehaM halAyudhaH .
jaraHkR^iShNaM mahAtmAnaM shayAnaM bhuvi bhetsyati .. 15\-2\-10 (96935)
ityabruvaMstato rAjanpralabdhAstairdurAtmabhiH .
munayaH krodharaktAkShAH samIkShyAtha parasparam .
tathoktvA munayaste tu yathAgatamatho yayuH ..  15\-2\-11 (96936)
athAbravIttadA vR^iShNI~nshrutvaitanmadhusUdanaH .
antaj~no matimAMstasya bhavitavyaM tatheti tAn .. 15\-2\-12 (96937)
evamuktvA hR^iShIkeshaH pravivesha puraM tadA .
kR^itAntamanyathA naichChatkartuM sa jagataH prabhuH .. 15\-2\-13 (96938)
shvobhUte.atha tataH sAMbo musalaM tadasUkata vai .
yena vR^iShNandhakakule puruShA bhasmasAtkR^itAH .. 15\-2\-14 (96939)
vR^iShNyandhakavinAshAya kiMkarapratimaM mahat .
asUta sApajaM ghoraM tachcha rAj~ne nyavedayan .. 15\-2\-15 (96940)
viShaNNarUpastadrAjA sUkShmaM chUrNamakArayat .
tachchUrNaM sAgare chApi prAkShipanpuruShA nR^ipa .. 15\-2\-16 (96941)
aghoShayaMshcha nagare vachanAdAhukasya te .
janArdanasya rAmasya babhroshchaiva mahAtmanaH .. 15\-2\-17 (96942)
adyaprabhR^iti sarveShu vR^iShNyandhakakuleShviha .
surAsavo na kartavyaH, sarvairnagaravAsibhiH .. 15\-2\-18 (96943)
yashcha no viditaM kuryAtpeyaM kashchinnaraH kvachit .
jIvansa shUlamArohetsvayaM kR^itvA sabAndhavaH .. 15\-2\-19 (96944)
tato rAjabhayAtsarve niyamaM chakrire tadA .
narAH sAsanamAj~nAya tasya rAj~no mahAtmanaH .. .. 15\-2\-20 (96945)

iti shrImanmahAbhArate mausalaparvaNi dvitIyo.adhyAyaH .. 2 ..
##Mahabharata - Mausala Parva - Chapter Footnotes##

7\-2\-2 musalairerakAlagnairmusalakaNaiH ..
7\-2\-10 jarA kR^iShNamiti jha.pAThaH . jarAnAmA kashchitkaivartaH ..
7\-2\-15 ki~Nkaro yamadUtastattutyam ..
7\-2\-19 khayaMkR^itvA svayaMkartA ..

\medskip\hrule\medskip
mausalaparva \- adhyAya 003
.. shrIH ..
15\.3\. adhyAyaH 3

##Mahabharata - Mausala Parva - Chapter Topics##
dvArakAyAM nAnotpAtaprAdurbhAvaH .. 1 ..
tattaddarshanAtkR^iShNena gAndhArIshApadAnAnusmareNa tasya
satyatAchikIrShayA bhaTaiH sarvavR^iShNyAdInAM tIrthayAtroddhoShaNam
.. 2 ..

##Mahabharata - Mausala Parva - Chapter Text##

vaishaMpAya uvAcha .
evaM prayatamAnAnAM vR^iShNInAmandhakaiH saha .
kAlo gR^ihANi sarveShAM parichakrAma nityashaH .. 15\-3\-1 (96946)
karAlo vikaTo muNDaH puruShaH kR^iShNapi~NgalaH .
gR^ihANyAvekShya vR^iShNInAM nAdR^ishyataM punaH kvachit .. 15\-3\-2 (96947)
tamaghnanta maheShvAsAH sharaiH shatasahasrashaH .
na chAshakyata veddhuM sa sarvabhUtAtyayastadA .. 15\-3\-3 (96948)
utpedire mahAvAtA dAruNAshcha dinedine .
vR^iShNyandhakavinAshAya bahavo romaharShaNAH .. 15\-3\-4 (96949)
vivR^iddhamUShikA rathyA vibhinnamaNikAstathA .
keshA nakhAshcha suptAnAmadyante mUShikairnishi .. 15\-3\-5 (96950)
chIchIkUchIti vAshanti shArikA vR^iShNiveshmasu .
nopashAmyati shabdasya sadivArAtrameva hi .. 15\-3\-6 (96951)
anvakurvannulUkAnAM sArasA virutaM tathA .
ajAH shivAnAM virutamanvakurvata bhArata .. 15\-3\-7 (96952)
pANDurA raktapAdAshcha vihagAH kAlachoditAH .
vR^iShNyandhakAnAM geheShu kapotA vyacharaMstadA .. 15\-3\-8 (96953)
vyajAyanta kharA goShu karabhAshvatarIShu cha .
shunIShvapi biDAlAshcha mUShikA nakulIShu cha .. 15\-3\-9 (96954)
nApatrapanta pApAni kurvanto vR^iShNayastadA .
prArdayanbrAhmaNAMshchApi pitR^IndevAMstathaiva cha .. 15\-3\-10 (96955)
gurUMshchApyavamanyante na tu rAmajanArdanau .
patnyaH patInuchcharanti patnIshchaka patayastathA .. 15\-3\-11 (96956)
vibhAvasuH prajvalito vAmaM viparivartate .
nIlalohitama~njiShThA visR^ijannarchiShaH pR^ithak .. 15\-3\-12 (96957)
udayAstamaye nityaM puryAM tasyAM divAkaraH .
vyadR^ishyatAsakR^itpuMbhiH kabandhaiH parivAritaH .. 15\-3\-13 (96958)
mahAnaseShu siddheShu saMskR^ite.atIvi bhArata .
AhAryamANe kR^imayo vyadR^ishyanta sahasrashaH .. 15\-3\-14 (96959)
puNyAhe vAchyamAne tu japatsu cha mahAtmasu .
abhidhAvantaH shrUyante na chAdR^ishyata kashchana .. 15\-3\-15 (96960)
parasparaM cha nakShatraM hanyamAnaM punaHpunaH ..
grahairapashyansarve te nAtmanastu katha~nchana .. 15\-3\-16 (96961)
nadantaM pA~nchijanyaM cha vR^iShNandhakaniveshane .
samantAtparyavAshanta rAsabhA dAruNasvarAH .. 15\-3\-17 (96962)
evaM pashyanhR^iShikeshaH saMprAptaM kAlaparyayam .
trayodashyAmamAvAsyAM tAndR^iShTvA prAbravIdidam .. 15\-3\-18 (96963)
chaturdashI pa~nchadashI kR^iteyaM rAhuNA punaH .
prApte vai bhArate yuddhe prAptA chAdya kShaMyAya naH .. 15\-3\-19 (96964)
vimR^ishanneva kAlaM taM parichintya janArdanaH .
mene prAptaM sa ShaTtriMshaM varShaM vai keshisUdanaH .. 15\-3\-20 (96965)
putrashokAbhisaMtaptA gAndhArI hatabAndhavA .
yadanuvyAjahArArtA tadidaM samupAgamat .. 15\-3\-21 (96966)
idaM cha tadanuprAptamabravIdyadyudhiShThiraH .
purA vyUDheShvanIkeShu dR^iShTvetpAtAnsudAruNAn .. 15\-3\-22 (96967)
ityuktvA vAsudevastu chikIrShuH satyameva tat .
Aj~nApayAmAsa tadA tIrthayAtrAmariMdamaH .. 15\-3\-23 (96968)
aghoShayanta puruShAstatra keshavashAsanAt .
tIrthayAtrA samudre vaH kAryeti puruSharShabhAH .. .. 15\-3\-24 (96969)

iti shrImanmahAbhArate mausalaparvaNi tR^itIyo.adhyAyaH ..
##Mahabharata - Mausala Parva - Chapter Footnotes##

7\-3\-1 kAlaH kapotolUkAdirUpeNa ..
7\-3\-2 sa eva kvachitkarAlAdirUpo.adR^isyata kvachinna . AvekShya
parikrAmanniti sheShaH ..
7\-3\-3 sarvabhUtAnAM atyayo nAsho yasmAt ..
7\-3\-5 maNikA mR^itpAtrANi ..
7\-3\-11 uchcharanti va~nchayanti ..
7\-3\-14 AhAryamANe anne. 7\-3\-16 svanakShatrAdarshanamapi
svamR^ityusUchakamityarthaH. .
7\-3\-18 evamiti . trayodashadivasaH kR^iShNapakSho.abhUdityarthaH ..
7\-3\-19 evaM satyagrimapakShae vR^iddhyA bhAvyaM tanna jAtaM
pratyutaikAtithiH kShINA tatra grahaNaM rchaM jAtamityAha chaturdashIti ..

\medskip\hrule\medskip
mausalaparva \- adhyAya 004
.. shrIH ..
15\.4\. adhyAyaH 4

##Mahabharata - Mausala Parva - Chapter Topics##
dvArakAyAM vR^iShNyantakAdibhiranarthasUchakadussvapnAnubhavaH .. 1 ..
tataH kR^iShNAj~nAyA sastrIbAlavR^iddhaiH prabhAsakShetragamanam .. 2 ..
tatra nR^ittagAnAdimahotsavAnubhavapUrvakaM madyAdipAnam .. 3 ..
tatra sabhAyAM sAtyakinA syamantakamaNiharaNAdimarmoddhATanapUrvakaM
kR^itavarmagarhaNam .. 4 ..
maNivR^ittAntashravaNakhi***satyabhAmAmanaHprasAdanAya sAtyakinA khaDgena
kR^itavarmaNaH sirashChedanam .. 5 ..
tataH kR^itavarmasAtyakipakShIyairmausakatR^ichaiH parasparaprahAreNa
parasparamAraNam .. 6 ..

##Mahabharata - Mausala Parva - Chapter Text##

vaishampAyana uvAcha .
kAlI strI pANDurairdantaiH pravishya hasatI nishi .
striyaH svapneShu muShNantI dvArakAM paridhAvati .. 15\-4\-1 (96970)
agnihotraniketeShu vAstumadhyeShu veshmasu .
vR^iShNyandhakAnakhAdanta svapne gR^idhrA bhayAnakAH .. 15\-4\-2 (96971)
ala~NkArAshcha chChatraM cha dhvajAshcha kavachAni cha .
hriyamANAnyadR^ishyanta rakShobhiH subhayAnakaiH .. 15\-4\-3 (96972)
tachchAgnidattaM kR^iShNasya vajranAbhamayomayam .
divamAchakrame chakraM vR^iShNInAM pashyatAM tadA .. 15\-4\-4 (96973)
yuktaM rathaM divyamAdityavarNaM
hayA.aharanpashyato dArukasya .
te sAgarasyopariShTAdagachCha\-
nmanojavAshchaturo vAjimukhyAH ..  15\-4\-5 (96974)
tAlaH suparNashcha mahAdhvajau tau
supUjitau rAmajanArdhanAbhyAm .
uchchairjahrurapsarasashcha divyA
devA UchurgamyatAM tIrthayAtrAH ..  15\-4\-6 (96975)
`bhagavaddarshanasparshasnehairvitatabhoginaH .
divaH praveshAnArthaM te vimAnairdivamAyayuH ..'  15\-4\-7 (96976)
tato jigamiShantaste vR^iShNyandhakamahArathAH .
sAntaHpurAstadA tIrthayAtrAmaichChannararShabhAH .. 15\-4\-8 (96977)
tato manoharA hR^iShTAHka peyaM mAMsaM madhUni cha .
bahu nAnAvidhaM chakrustvaritAH kAlachoditAH .. 15\-4\-9 (96978)
tataH sIdhuShu saktAshcha niryayurnagarAdbahiH .
yAnairashvairgajaishchaiva shrImantastigmatejasaH .. 15\-4\-10 (96979)
tataH prabhAse nyavasanyathoddiShTaM yathAgR^iham .
prabhUtabhakShyapeyAste sadArA yAdavAstadA .. 15\-4\-11 (96980)
niviShTAMstAnnishAmyAtha samudrAnte sa yogavit .
jagAmAmantrya tAnvIrAnuddhavo.arthavishAradaH .. 15\-4\-12 (96981)
taM prasthitaM mahAtmAnamabhivAdya kR^itA~njalim .
jAnanvinAshaM vR^iShNInAM naichChadvArayituM hariH .. 15\-4\-13 (96982)
tataH kAlaparItAste vR^iShNyandhakamahArathAH .
apashyannuddhavaM yAntaM tejasA.a.avR^itya rodasI .. 15\-4\-14 (96983)
brAhmaNArtheShu yatsiddhamannaM teShAM mahAtmanAm .
tadvAnarebhyaH pradaduH surAgandhasamanvitam .. 15\-4\-15 (96984)
tatastUryashatAkIrNaM naTanartakasaMkulam .
avartata mahApAnaM prabhAse tigmatejasAm .. 15\-4\-16 (96985)
kR^iShNasya sannidhau rAmaH sahitaH kR^itavarmaNA .
apibadyuyudhAnashcha gado babhrustathaiva cha .. 15\-4\-17 (96986)
tataH pariShado madhye yuyudhAno madotkaTaH .
abravItkR^itavarmANamavahAsyAvamatya cha .. 15\-4\-18 (96987)
kaH kShatriyo hanyamAnaH suptAnhanyAnmR^itAniva .
tanna mR^iShyanti hArdikya yAdavA yattvayA kR^itam .. 15\-4\-19 (96988)
ityukte yuyudhAnena pUjayAmAsa tadvachaH .
pradyumno rathinAMshreShTho hArdikyamavamatya va .. 15\-4\-20 (96989)
tataH paramasaMkruddhaH kR^itavarmA tamabravIt .
nirdishanniva sAvaj~naM tadA savyena pANinA .. 15\-4\-21 (96990)
bhUrishravAshChinnabAhuryurddhe prAyagatastvayA .
vadhena sunR^ishaMsena kathaM vIreNa pAtitaH .. 15\-4\-22 (96991)
iti tasya vachaH shrutvA keshavaH paravIrahA .
tiryaksaroShayA dR^iShTyA vIkShAMchakre sa manyumAn .. 15\-4\-23 (96992)
maNiH syamantakashchaiva yaH sa satrAjito.abhavat .
tAM kathAM shrAvayAmAsa sAtyakirmadhusUdanam .. 15\-4\-24 (96993)
tachChrutvA keshavasyA~NkamagamadrudatI tadA .
satyabhAmA prakupitA kopayantI janArdanam .. 15\-4\-25 (96994)
tata utthAya sakrodhaH sAtyakirvAkyamabravIt.  15\-4\-26 (96995)
pa~nchAnAM draupadeyAnAM dhR^iShTadyumnashikhaNDinoH .
eSha gachChAmi padavIM satyena cha tathA shape .. 15\-4\-27 (96996)
sauptike ye cha nihatAH suptA yena durAtmanA .
droNaputrasahAyena pApena kR^itavarmaNA .. 15\-4\-28 (96997)
samAptamAyurasyAdya yashashchaiva sumadhyate .
ityevamuktvA kha~Ngena keshavasya samIpataH .
abhidrutya shiraH kruddhashchichCheda kR^itavarmaNaH ..  15\-4\-29 (96998)
tathA.anyAnapi nighnantaM yuyudhAnaM samantataH .
abhyadhAvaddhR^iShIkesho vinivArayituM tadA .. 15\-4\-30 (96999)
ekIbhUtAstataH sarve kAlaparyAyachoditAH .
bhojAndhakA mahArAja shaineyaM paryavArayan .. 15\-4\-31 (97000)
tAndR^iShTvA patatastUrNamabhikruddhA~njanArdanaH .
na chukrodha mahAtejA jAnankAlasya paryayam .. 15\-4\-32 (97001)
te tu pAnamadAviShTAshchoditAH kAladharmaNA .
yuyudhAnamathAbhyaghnannuchChiShTairbhAjanaistadA .. 15\-4\-33 (97002)
hanyamAne tu shaineye kruddho rukmiNinandanaH .
tadanantaramAgachChanmochayiShya~nshineH sutam .. 15\-4\-34 (97003)
sa bhojaiH saha saMyuktaH sAtyakishchAndhakaiH saha .
vyAyachChamAnau tau vIrau bAhudraviNashAlinau .
bahutvAnnihatau tatra ubhau kuShNasya pashyataH ..  15\-4\-35 (97004)
hataM dR^iShTvA cha shaineyaM putraM cha yadunandanaH .
erakANAM tato muShTiM kopAjjagrAha keshavaH .. 15\-4\-36 (97005)
tadabhUnmusalaM ghoraM vajrakalpamayomayam .
jaghAna kuShNastAMsteni yeye pramukhato.abhavan .. 15\-4\-37 (97006)
tato.andhakAshcha bhojAshcha shaineyA vR^iShNayastathA .
jaghnuranyonyamAkrande musalaiH kAlachoditAH .. 15\-4\-38 (97007)
yasteShAmerakAM kashchijjagrAha kupito nR^ipaH .
vajrabhUteva sA rAjannadR^ishyata tadA vibho .. 15\-4\-39 (97008)
tR^iNaM cha musalIbhUtamapi tatra vyadR^ishyata .
brahmadaNDakR^itaM sarvamiti tadvidvi pArthiva .. 15\-4\-40 (97009)
AvidhyAvidhya te rAjanpraharanti sma taistR^iNaiH .
tadvajrabhUtaM musalaM vyadR^ishyata tadA dR^iDham .. 15\-4\-41 (97010)
avadhItpitaraM putraH pitA putraM cha bhArata .
mattAH paripatanti sma yodhayantaH parasparam .. 15\-4\-42 (97011)
pata~NgA iva chAgnau te nipetuH kukurAndhakAH .
nAsItpalAyane buddhirvadhaayamAnasya kasyachit .. 15\-4\-43 (97012)
tatrApashyanmahAbAhurjAnankAlasya paryayam .
musalaM samavaShTabhya tasthau sa madhusUdanaH .. 15\-4\-44 (97013)
sAMbaM cha nihataM dR^iShTvA chArudeShNaM cha mAdhavaH .
pradyumnaM chAniruddhaM cha tatashchukrodha bhArata .. 15\-4\-45 (97014)
gadaM vIkShya shayAnaM cha bhR^ishaM kopasamanvitaH .
sa niHsheShaM tadA chakre shAr~NgachakragaMdAdharaH .. 15\-4\-46 (97015)
taM nighnantaM mahAtejA babhruH parapuraMjayaH .
dArukashchaiva dAshArhamUvaturyannibodha tat .. 15\-4\-47 (97016)
bhagavannihatAH sarve tvayA bhUyiShThasho narAH .
rAmasya padamanvichCha tatra gachChAma yatra saH .. .. 15\-4\-48 (97017)

iti shrImanmahAbhArate mausalaparvaNi chaturtho.adhyAyaH ..
##Mahabharata - Mausala Parva - Chapter Footnotes##

7\-4\-1 muShNantI strINAM ma~NgalasUtrAdikaM chorayantI ..
7\-4\-12 nishmamya dR^iShTvA . arthavishAradaH mokShapaNDitaH ..
7\-4\-15 brAhmaNArthadravyasyAnyatra viniyojanamAyuHkShayakaramityarthaH ..
7\-4\-41 Avidhya viddhvA ..
7\-4\-44 tatra yanmusalamapasyattadevAvaShTabhya tasthAvityanvayaH ..

\medskip\hrule\medskip
mausalaparva \- adhyAya 005
.. shrIH ..
15\.5\. adhyAyaH 5

##Mahabharata - Mausala Parva - Chapter Topics##
sarvayAdaveShu nihateShu babhrudArukAbhyAM saha balabhadramanveShasANena
kR^iShNena vane vR^ikShAshritasya tasya darshanam .. 1 ..
tataH kR^iShNena pANDivAnprati dArukapreShaNam .. 2 ..
balabhadreNa yogAtsarpasharIrasvIkAreNa samudrapraveshaH .. 3 ..
kR^iShNena sharIratyAgAya yogena shayanam .. 4 ..
vyAdhena mR^igabuddhyA kR^iShNasya pAdatale sAyakena gADhavedhanam .. 5 ..
kR^iShNena pashchAtsamIpa metya pashchAttApena praNamato vyAdhasya devaiH
svargaprApaNam .. 6 ..
tataH sharIratyAgapUrvakaM divaM gatena kR^iShNena devaiH puShpavarShaNa
pUrvakaM stutyA pratyudgamyamAneni satA nijaparadhAmapraveshaH .. 7 ..

##Mahabharata - Mausala Parva - Chapter Text##

vaishampAyana uvAcha .
tato yayurdArukaH keshavashcha
babhrushcha rAmasya padaM patantaH .
athApashyanrAmamanantavIryaM
vR^ikShAshritaM chintayAnaM vivikte.  15\-5\-1 (97018)
tataH samAsAdya mahAnubhAvaH
kR^iShNastadA dArukamanvashAsat .
gatvA kurUnsarvamimaM mahAntaM
pArthAya shaMsasva vadhaM yadUnAm ..  15\-5\-2 (97019)
tato.arjunaH kShipramihopayAtu
shrutvA mR^itAnyAdavAnbrahmashApAt .
ityevamuktaH sa yayau rathena
kurUMstadA dAruko naShTachetAH ..  15\-5\-3 (97020)
tato gate dAruke keshavotha
dR^iShTvAntike babhrumuvAcha vAkyam .
striyo bhavAnrakShituM yAtu shIghraM
naitA hiMsyurdasyavo vittalobhAt ..  15\-5\-4 (97021)
sa prasthitaH keshavenAnushiShTo
madAturo j~nAtivadhArditashcha .
taM vai yAtaM sannidhau keshavasya
tvarantamekaM sahasaiva babhrUm .
brahmAnushaptamavadhInmahadvai
kUTe yuktaM musalaM lubdhakasya ..  15\-5\-5 (97022)
tato dR^iShTvA nihataM babhrumAha
kR^iShNe.agrajaM bhrAtaramugratejAH .
hahaiva tvaM mAM pratIkShasva rAma
yAvatstriyo j~nAtivashAH karomi ..  15\-5\-6 (97023)
tataH purIM dvAravatIM pavishya
janArdanaH pitaraM prAha vAkyam .
sarvaM bhavAnrakShatu naH samagraM
dhanaMjayasyAgamanaM pratIkShan ..  15\-5\-7 (97024)
rAmo vanAnte pratipAlayanmA\-
mAste.adyAhaM tena samAnamiShye .
dR^iShTaM mayedaM nidhanaM yadUnAM
rAj~nAM cha pUrvaM kurupu~NgavAnAm ..  15\-5\-8 (97025)
nAhaM vinA yadubhiryAdavAnAM
purImimAmashakaM draShTumadya .
tapashchariShyAmi nibodha tanme
rAmeNi sArdhaM vanamabhyupetya ..  15\-5\-9 (97026)
itIdamuktvA shirasA cha pAdau
saMspR^ishya kR^iShNastvarito jagAma .
tato mahAnninadaH prAdurAsI\-
tsastrIkumArasya purasya tasya ..  15\-5\-10 (97027)
athAbravItkeshavaH sannivartya
shabdaM shrutvA yoShitAM kroshatInAm .
purImimAmeShyati savyasAchI
sa vo duHkhAnmochayitA narAgryaH ..  15\-5\-11 (97028)
tato gatvA keshavastaM dadarsha
rAmaM vane sthitamekaM vivikte ..  15\-5\-12 (97029)
athApashyadyogayuktasya tasya
nAgaM mukhAnnissarantaM mahAntam .
shvetaM yayau satataH prekShamANo
mahArNavo yena mahAnubhAvaH .
sahasrashIrShaH parvatAbhogavarShmA
raktAnanaH svAM tanuM tAM vimuchya ..  15\-5\-13 (97030)
saMdR^ishyantaM sAgarAntaM vishantaM
samyaktadA sAgaraH pratyagR^ihNAt .
nAgA divyAH saritashchaiva puNyAH
karkoTako vAsukistakShakashcha ..  15\-5\-14 (97031)
pR^ithushravA aruNaH ku~njarashcha
mishrI sha~NkhaH kumudaH puNDarIkaH .
tathA nAgo dhR^itarAShTro mahAtmA
hrAdaH krAthaH shitipR^iShTho niketuH ..  15\-5\-15 (97032)
tathA nAgau chakramandAtiShaNDau
nAgashreShTho durmakhashchAMbarIShaH .
svayaM rAjA varuNashchApi rAja\-
npratyudgamya svAgatenAbhyanandan .
te.apUjayaMshchArghyapAdyakriyAbhiH
sa~NkarShaNaM bhUdharaM shuddhabuddhim ..  15\-5\-16 (97033)
tato gate bhrAtari vAsudevo
jAnansarvA gatayo divyadR^iShTiH .
vane shUnye vicharaMshchintayAno
bhUmau chAtha saMviveshAgryatejAH ..  15\-5\-17 (97034)
sarvaM tena prAktadA vittamAsI\-
dgAndhAryA yadvAkyamuktaM svadharmAt .
durvAsasA pArasochChiShTalipte
yachchApyuktaM tachcha sasmAra kR^iShNaH ..  15\-5\-18 (97035)
`kulastrINAM saMvR^itAnAM gavAM cha
dvijendrANAM balamAdAya dharme .
yonirdevAnAM varado brahmadevo
govindAkhyo vAsudevo.atha nityaH ..  15\-5\-19 (97036)
saMchintayannandhakavR^iShNinAshaM
kurukShayaM chaiva mahAnubhAvaH .
mene tataH saMkramaNasya kAlaM
tatashchakArendriyasannirodham ..  15\-5\-20 (97037)
yathA cha lokatrayapAlanArthaM
durvAsavAkyapratipAlanAya .
devopi sandehavimokShaheto\-
rnimittamaichChatsakalArthatattvavit ..  15\-5\-21 (97038)
sa sanniruddhendriyavA~NmanAstu
shishye mahAyogamupetya kR^iShNaH .
jarotha taM deshamupAjagAma
lubdhastadAnIM mR^igalipsurugraH ..  15\-5\-22 (97039)
sa keshavaM yogayuktaM shayAnaM
mR^igAsakto lubdhakaH sAyakena .
jaro.avidhyatpAdatale tvarAvAM\-
staM chAbhitastajjighR^ikShurjagAma ..  15\-5\-23 (97040)
athApashyatpuruShaM yogayuktaM
pItAMbaraM lubdhako.anekabAhum .
matvA.a.atmAnaM tvaparAddhaM sa tasya
pAdau jaro jagR^ihe sha~NkitAtmA ..  15\-5\-24 (97041)
AshvAsitaH puNyaphalena bhaktayA
tathA.anutApAtkarmaNo janmanashcha .
dR^iShTvA tathA devamanantavIryaM
devaissvargaM prAtitastyaktadehaH ..  15\-5\-25 (97042)
gaNairmunInAM pUjitasyatra kR^iShNo
gachChannUrddhvaM vyApya lokAnsa lakShmyA ..  15\-5\-26 (97043)
divaM prAptaM vAsavo.athAshvinau cha
rudrAdityA vasavashchAtha vishve .
pratyudyayurmunayashchApi siddhA
gandharvamukhyAshcha sahApsarobhiH ..  15\-5\-27 (97044)
tato rAjanbhagavAnugratejA
nArAyaNaH prabhavashchAvyayashcha .
yogAchAryo rodasI vyApya lakShmyA
sthAnaM prApa svaM mahAtmA.aprameyam ..  15\-5\-28 (97045)
tato devairR^iShibhishchApi kR^iShNaH
samAgatashchAraNaishchaiva rAjan .
gandharvAgryairapsarobhirvarAbhiH
siddhaiH sAdhyaishchAnataiH pUjyamAnaH ..  15\-5\-29 (97046)
taM vai devAH pratyanandanta rAja\-
nmunishreShThA R^igbhirAnarchurIsham .
taM gandharvAshchApi tasthuH stuvantaH
prItya chainaM puruhUto.abhyanandat ..  15\-5\-30 (97047)
`namonamaste bhagava~nshAr~Ngadhanva\-
ndharmasthityA prAdurAsIrdharAyAm .
kaMsAkhyAdIndevashatrUMshcha sarvA\-
nhatvA bhUmiH sthApitA bhArataptA ..  15\-5\-31 (97048)
divyaM sthAnamajaraM chAprameyaM
durvij~neyaM chAgamairgamyamagryam .
gachCha prabho rakSha chArtiM prapannA\-
nkalpekalpe jAyamAnAMshcha martyAn ..  15\-5\-32 (97049)
ityevamuktvA devasaMgho.anugamya
shriyA yuktaM puShpavR^iShTyA vavarSha .
vANI chAsItsaMshritA rUpiNI sA
bhAnormadhye pravisha tvaM tu rAjan ..  15\-5\-33 (97050)
bhujaishchaturbhiH samupetaM mamedaM
rUpaM vishiShTaM jIvitaM saMsthitaM cha .
bhUmau gataM pUjayatAprameyaM
sadA hi tasminnivasAmIti devAH ..  15\-5\-34 (97051)
devA nivR^ittAstatpadaM nApnuvanto
buddhyA devaM saMsmarantaH pratItAH .
brahmAdyAste tadguNAnkIrtayantaH
shubhA.NllokAnsvAnprapeduH surendrAH .. ..  15\-5\-35 (97052)

iti shrImanmahAbhArate mausalaparvaNi pa~nchamo.adhyAyaH .. 5 ..
##Mahabharata - Mausala Parva - Chapter Footnotes##

7\-5\-1 patantaH shIghraM gachChantaH ..
7\-5\-2 vadhaM madhUnAmiti ka.Ta . pAThaH ..
7\-5\-4 vittabhAvAt iti Ta.pAThaH ..
7\-5\-5 kUTe lohamudgare yukta baddha bhusalaM brAhmaNashaptaM babhruM
svayameva nipatyAvadhIt ..
7\-5\-7 striyo bhavAnrakShatviti jha.pAThaH ..
7\-5\-13 mahArNave yena iti ka.Ta.pAThaH ..

\medskip\hrule\medskip
mausalaparva \- adhyAya 006
.. shrIH ..
15\.6\. adhyAyaH 6

##Mahabharata - Mausala Parva - Chapter Topics##
dArukeNa hAstinapurametya pANDaveShu sarvayAdavakShayanivedanam .. 1 ..
arjunena dvArakAmetya rukmiNyAdiparisAntvanapUrvakaM vasudevagR^ihaMprati
gamanam .. 2 ..

##Mahabharata - Mausala Parva - Chapter Text##

vaishampAya uvAcha .
dArukopi kurUngatvA dR^iShTvA pArthAnmahArathAn .
AchaShTa mausale vR^iShNInanyonyenopasaMhR^itAn .. 15\-6\-1 (97053)
shrutvA vinaShTAnvArShNeyAnsabhojAndhakakaukurAn .
pANDavAH shokasaMtaptA vitrastamanaso.abhavan .. 15\-6\-2 (97054)
tato.arjunastAnAmantrya keshavasya priyaH sakhA .
prayayau mAtulaM draShTuM nedamastIti chAbravIt .. 15\-6\-3 (97055)
sa vR^iShNinilayaM gatvA dArukeNa saha prabho .
dadarsha dvArakAM vIro mR^itanAthAmiva striyam .. 15\-6\-4 (97056)
yAH sma tA lokanAthena nAthavatyaH purA.abhavan .
tAstvanAthAstadA nAthaM pArthaM dR^iShTvA vichukrushuH .. 15\-6\-5 (97057)
ShoDasha strIsahasrANi vAsudevaparigrahAH .
tAsAmAsInmahAnnAdo dR^iShTvaivArjunamAgatam .. 15\-6\-6 (97058)
tAstu dR^iShTvaiva kauravyo bAShpeNApihitekShaNaH .
hInAH kR^iShNena putraishcha nAshakatsobhivIkShitum .. 15\-6\-7 (97059)
sa tAM vR^iShNyandhakajalAM hayamInAM rathoDupAm .
vAditrarathaghoShaughAM veshmatIrthamahAgrahAm .. 15\-6\-8 (97060)
ratnashaivalasaMghAtAM vajraprAkAramAlinIm .
rathyAsrotojalAvartAM chatvarastimitahradAm .. 15\-6\-9 (97061)
rAmakR^iShNamahAgrAhAM dvArakAM saritaM tadA .
kAlapAshagrahAM bhImAM nadIM vaitaraNImiva .. 15\-6\-10 (97062)
dadarsha vAsavirdhImAnvihInAM vR^iShNipu~NgavaiH .
gatashriyaM virAnandAM padminIM shishire yathA.  15\-6\-11 (97063)
tAM dR^iShTvA dvArakAM pArthastAshcha kR^iShNasya yoShitaH .
sasvanaM bAShpamutsR^ijya nipAta mahItale .. 15\-6\-12 (97064)
sAtrAjitI tataH satyA rukmiNI cha vishAMpate .
abhipatya praruruduH parivArya dhanaMjayam .. 15\-6\-13 (97065)
tatastaM kA~nchane pIThe samuttApyopaveshya cha .
abhinandya mahAtmAnaM parivAryopatasthire .. 15\-6\-14 (97066)
tataH saMstUya govindaM kathayitvA cha pANDavaH .
AshvAsya tAH striyashchApi mAtulaM draShTumabhyagAt .. .. 15\-6\-15 (97067)

iti shrImanmahAbhArate mausalaparvaNi ShaShTho.adhyAyaH .. 6 ..
##Mahabharata - Mausala Parva - Chapter Footnotes##

7\-6\-14 abruvantyo mahAmAnamiti jha.pAThaH ..

\medskip\hrule\medskip
mausalaparva \- adhyAya 007
.. shrIH ..
15\.7\. adhyAyaH 7

##Mahabharata - Mausala Parva - Chapter Topics##
vasudevena svagR^ihamAgate.arjune yAdavakShayanidAnanivedanapUrvakaM
kR^iShNAdyanusmaraNena parishochanam .. 1 ..
tathA taMprati kR^iShNavachananivedanena rAjyastrIdhanAdisamarpaNapUrvakaM
svena svaprANatyajanapratij~nAnam .. 2 ..

##Mahabharata - Mausala Parva - Chapter Text##

vaishampAyana uvAcha .
taM praviShTaM mahAtmAnaM vIramAnakadundubhiH .
putrashokena saMtapto dadarsha kurupu~Ngavam .. 15\-7\-1 (97068)
tasyAshruparipUrNAkSho vyUDhorasko mahAbhujaH .
ArtasyArtataraH pArthaH pAdau jagrAha bhArata .. 15\-7\-2 (97069)
tasya mUrdhAnamAghrAtumiyeShAnakadundubhiH .
svasrIyasya mahAbAhurna shashAka cha shatruhan .. 15\-7\-3 (97070)
samAli~NgyArjunaM vR^iddhaH sa bhujAbhyAM mahAbhujaH .
rurodAtha smara~nshauriM vilalApa suvihvalaH .
bhrAtR^InputrAMshcha pautrAMshcha dauhitrAnsa sakhInapi ..  15\-7\-4 (97071)
vasudeva uvAcha. 15\-7\-5x (8025)
yairjitA bhUmipAlAshcha daityAshcha shatasho.arjuna .
tAnsarvAnneha pashyAmi jIvAmyarjuna durmaraH .. 15\-7\-5 (97072)
yo tAvarjunashiShyau te priyau bahumatau sadA .
tayorapanayAtpArtha vR^iShNayo nidhanaM gatAH .. 15\-7\-6 (97073)
yau tau vR^iShNipravIrANAM dvAvevAtirathau matau .
pradyumno yuyudhAnashchi kathanankatthase cha yau .. 15\-7\-7 (97074)
tau sadA kurushArdUla kR^iShNasya priyabhAjanau .
tAvubhau vR^iShNinAshasya mukhamAstAM dhanaMjaya .. 15\-7\-8 (97075)
na tu garhAmi shaineyaM hArdikyaM chAhamarjuna .
akrUraM raukmiNeyaM cha shApo hyevAtra kAraNam .. 15\-7\-9 (97076)
keshinaM yastu kaMsaM cha vikramyi hatavAnprabhuH .
videhamakarotpArthaM chaidyaM cha balagarvitam .. 15\-7\-10 (97077)
naiShAdimekalavyaM cha chakre kAli~NgamAgadhAn .
gAndhArAnkAshirAjaM cha marubhUmau cha pArthivAn .. 15\-7\-11 (97078)
prAchyAMshcha dAkShiNAtyAMshcha pArvatIyAMstathA nR^ipAn .
sobhyupekShitavAnevamanayAnmadhusUdanaH .. 15\-7\-12 (97079)
tvaM hi taM nAradashchaiva munayashcha sanAtanam .
govindamanaghaM devamabhijAnIdhvamachyutam .. 15\-7\-13 (97080)
pratyapashyachcha sa vibhurj~nAtikShayamadhokShajaH .
samupekShitavAnnityaM svayaM sa mama putrakaH .. 15\-7\-14 (97081)
gAndhAryA vachanaM yattadR^iShINAM cha paraMtapa .
tannUnamanyathA kartuM naichChatsa jagataH prabhuH .. 15\-7\-15 (97082)
pratyakShaM bhavatashchApi tava pautraH paraMtapa .
ashvatthAmnA hatashchApi jIvitastasya tejasA .
imAMstu naichChatsvAnj~nAtInrakShituM cha sakhA tava ..  15\-7\-16 (97083)
tataH putrAMshcha pautrAMshcha bhrAtR^Inatha sakhIMstathA .
shayAnAnnihatAndR^iShTvA kR^iShNo mAmabravIdidam .. 15\-7\-17 (97084)
samprApto.adyAyamasyAntaH kulasya bharatarShabha .
AgamiShyati bIbhatsurimAM dvAravatIM purIm .
AkhyeyaM tasya yadvR^ittaM vR^iShNInAM vaishasaM mahat ..  15\-7\-18 (97085)
sa tu shrutvA mahAtejA yadUnAM nidhanaM prabho .
AgantA kShiprameveha na me.atrAsti vichAraNA .. 15\-7\-19 (97086)
yo.ahaM tamarjunaM viddhi yo.arjunaH sohameva tu .
yadbrUyAttattathA kAryamiti buddhyasva bhArata .. 15\-7\-20 (97087)
sa strIShu prAptakAlAsu pANDavo bAlakeShu cha .
pratipatsyati bIbhatsurbhavatashchaurdhvadgehikam .. 15\-7\-21 (97088)
imAM cha nagarIM sadyaH pratiyAte dhanaMjaye .
prAkAraTTAlakopetAM samudraH plAvayiShyati .. 15\-7\-22 (97089)
ahaM deshe tu kasmiMshchitpuNye niyamamAsthitaH .
kAlaM kA~NkShe sadya eva rAmeNa sahito vane .. 15\-7\-23 (97090)
evamuktvA hR^iShIkesho mAmachintyaparAkramaH .
hitvA mAM bAlakaiH sArdhaM dishaM kAmapyagAtprabhuH .. 15\-7\-24 (97091)
sohaM tau cha mahAtmAnau chintayanrAmakeshavau .
ghoraM j~nAtivadhaM chaiva na bhu~nje shokakarshitaH .. 15\-7\-25 (97092)
na mokShyena cha jIviShye diShTyA prAptosi pANDava .
yaduktaM pArthaM kR^iShNena tatsarvamakhilaM kuru .. 15\-7\-26 (97093)
etatte pArtha rAjyaM cha striyo ratnAni chaiva hi .
iShTAnprANAnahaM hImAMstyakShyAmi ripusUdana .. .. 15\-7\-27 (97094)

iti shrImanmahAbhArate mausalaparvaNi saptamo.adhyAyaH .. 7 ..
##Mahabharata - Mausala Parva - Chapter Footnotes##

7\-7\-11 kAshirAjaM pauNDrakam ..

\medskip\hrule\medskip
mausalaparva \- adhyAya 008
.. shrIH ..
15\.8\. adhyAyaH 8

##Mahabharata - Mausala Parva - Chapter Topics##
arjunena vasudevasamAshvAsanapUrvakaM sakalapaurAnprati
nAtichirAdeva dvArakAyAH samudreNa samAplAvananivedanapUrvakaM
sarveShAmindraprasthaMprati prayANasaMnAhasaMchodanA .. 1 ..
tathA paredyuryogena sharIraMtyaktavato vasudevasya patnIbhiH saha
saMskaraNapUrvakaM rAmakR^iShNasharIrayordAhanam .. 2 ..
tato vajrArjunapuraskAreNa sakalapaurajane puraHpunaH prayAte samudreNa
pashchAdbhAge paurajanamuktatattadbhAgasya svajalena samAkramaNam .. 3 ..
arjunena madhyemArgaM chorApahR^itAvashiShTayAdavakalatrAdibhiH saha
svadeshametya yudhiShThirAj~nayA vajrasyendraprastharAjye.abhiShechanam
. tathA sAtyakisutAdInAM tatratatra rAjye.abhiShechanam .. 3 ..
rukmiNyAdibhiH kAbhishchidagnipraveshanam . satyabhAmAdibhiH kAbhishchana
tapase vanagamanam .. 4 ..

##Mahabharata - Mausala Parva - Chapter Text##

vaishampAyana uvAcha .
evamuktaH sa bIbhatsurmAtuleni paraMtapa .
durmanA dInavadano vasudevamuvAcha ha .. 15\-8\-1 (97095)
nAhaM vR^iShNipravIreNa bandhubhishchaiva mAtula .
vihInAM pR^ithivIM draShTuM shaktashchiramiha prabho .. 15\-8\-2 (97096)
rAjA cha bhImasenashcha sahadevashcha pANDavaH .
nakulo yAj~nasenI cha ShaDekamanaso vayam .. 15\-8\-3 (97097)
rAj~naH saMkramaNe chApi kAmo.ayaM nityameva hi .
tamimaM viddhi samprAptaM kAlaM kAlavidAMvara .. 15\-8\-4 (97098)
sarvathA vR^iShNidArAMstu bAlaM vR^iddhaM tathaiva cha .
nayiShye parigR^ihyAhamindraprasthamariMdama .. 15\-8\-5 (97099)
ityuktvA dArukamidaM vAkyamAha dhanaMjayaH .
amAtyAnvR^iShNivIrANAM draShTumichChAmi mAchiram .. 15\-8\-6 (97100)
ityevamuktvA vachanaM sudharmAM yAdavIM sabhAm .
praviveshArjunaH shUraH shochamAno mahAbhujaH .. 15\-8\-7 (97101)
tamAsanagataM tatra sarvAH prakR^itayastathA .
brAhmaNA nAgarAstatra parivAryopatasthire .. 15\-8\-8 (97102)
tAndInamanasaH sarvAnvimUDhAngatachetasaH .
uvAchedaM vachaH kAle pArtho dInatarastathA .. 15\-8\-9 (97103)
shakraprasthamahaM neShye pR^iShNandhakajanaM svayam .
idaM tu nagaraM sarvaM samudraH plAvayiShyati .. 15\-8\-10 (97104)
sajjIkuruta yAnAni ratnAni vividhAni cha .
vajro.ayaM bhavatAM rAjA shakraprasthe bhaviShyati .. 15\-8\-11 (97105)
saptame divase chaiva ravau vimala udgate .
bahirvatsyAmahe sarve sajjIbhAvata mAchiram .. 15\-8\-12 (97106)
ityuktAstena te sarve pArthenAkliShTakarmaNA .
sajjamAshu tatashchakruH svasiddhyarthaM samutsukAH .. 15\-8\-13 (97107)
tAM rAtrimavasatpArthaH keshavasya niveshane .
mahatA shokamohena sahasA.abhipariplutaH .. 15\-8\-14 (97108)
shvobhUte.atha tataH shaurirvasudevaH pratApavAn .
yuktvA.a.atmAnaM mahAtejA jagAma gatimuttamAM .. 15\-8\-15 (97109)
tataH shabdo mahAnAsIdvasudevaniveshane .
dAruNaH kroshatInAM cha rudatInAM cha yoShitAm .. 15\-8\-16 (97110)
prakIrNamUrdhajAH sarvA vimuktAbharaNasrajaH .
urAMsi pANibhirghnantyo vyalapantakaruNaM striyaH.  15\-8\-17 (97111)
taM devakI cha bhadrA cha rohiNI madirA tathA .
anvAroDhuM vyavasitA bhartAraM yoShitAM varAH .. 15\-8\-18 (97112)
tataH shauriM nR^iyuktena bahumUlyena bhArata .
yAnena mahatA pArtho bahirniShkrAmayattadA .. 15\-8\-19 (97113)
tamanvayustatratatraM duHkhasokasamanvitAH .
dvArakAvAsinaH sarve paurajAnapadA hitAH .. 15\-8\-20 (97114)
tasyAshvamedhikaM ChatraM dIpyamAnAshcha pAvakAH .
purastAttasya yAnasya yAjakAshcha tato yayuH .. 15\-8\-21 (97115)
anujagmushcha taM vIraM devyastA vai svala~NkR^itAH ..
strIsahasraiH parivR^itA vadhUbhishcha sahasrashaH .. 15\-8\-22 (97116)
yastu deshaH priyastasya jIvato.abhUnmahAtmanaH .
tatrainamupasaMkalpya vitR^imedhaM prachakrire .. 15\-8\-23 (97117)
taM chitAgnigataM vIraM shUraputraM varA~NganAH .
tatonvAruruhuH patnyashchatasraH patilokagAH .. 15\-8\-24 (97118)
taM vai chatasR^ibhiH strIbhiranvitaM pANDunandanaH .
adAhayachchandanaishcha gandhairuchchAvachairapi .. 15\-8\-25 (97119)
tataH prAdurabhUchChabdaH samiddhasya vibhAvasoH .
sAmagAnAM cha nirghoSho narANAM rudatAmapi .. 15\-8\-26 (97120)
tato vajrapradhAnAste vR^iShNyandhakakumArakAH .
sarve chaivodakaM chakruH striyashchaiva mahAtmanaH.  15\-8\-27 (97121)
aluptadharmastaM dharmaM kArayitvA sa phalgunaH .
jagAma vR^iShNayo yatra vinaShTA bharatarShabha .. 15\-8\-28 (97122)
sa tAndR^iShTvA nipatitAnkadane bhR^ishaduHkhitaH .
babhUvAtIva kauravyaH prAptakAlaM chakAra ha .. 15\-8\-29 (97123)
yathApradhAnatashchaiva chakre sarvAstathA kriyAH .
ye hatA brahmashApena musalairerakodbhavaiH .. 15\-8\-30 (97124)
`tato bhagavato dehaM dR^iShTvA shiShyaH pralapya cha .
smR^itvA tadvachanaM sarvaM mohashokopabR^iMhitaH ..'  15\-8\-31 (97125)
tataH sharIre rAmasya vAsudevasya chobhayoH .
anvIkShya dAhayAmAsa puruShairAptakAribhiH .. 15\-8\-32 (97126)
sa teShAM vidhivatkR^itvA pretakAryANi pANDavaH .
saptame divase prAyAdrathamAruhya satvaraH .. 15\-8\-33 (97127)
ashvayuktai rathaishchApi gokharoShTrayutairapi .
striyastA vR^iShNivIrANAM rudantyaH shokakarshitAH .. 15\-8\-34 (97128)
anujagmurmahAtmAnaM pANDuputraM dhanaMjayam .
bhR^ityAshchAndhakavR^iShNInAM sAdino rathinashcha ye .. 15\-8\-35 (97129)
vIrahInA vR^iddhabAlAH paurajAnapadAstathA .
yayuste parivAryAtha kalatraM pArthashAsanAt .. 15\-8\-36 (97130)
ku~njaraishcha gajArohA yayuH shailanirbhastathA .
sapAdarakShaiH saMyuktAH sottarAyudhikA yayuH .. 15\-8\-37 (97131)
putrAshchAndhakavR^iShNInAM sarve pArthamanuvratAH .
brAhmaNAH kShatriyA vaishyAH shUdrAshchaiva mahAdhanAH .. 15\-8\-38 (97132)
dasha ShaT cha sahasrANi vAsudevAvarodhanam .
puraskR^itya yayurvajraM pautraM kR^iShNasya dhImataH .. 15\-8\-39 (97133)
bahUni cha sahasrANi prayutAnyarbudAni cha .
bhojavR^iShNyandhakastrINAM hatanAthAni niryayuH .. 15\-8\-40 (97134)
tatsAgarasamaprakhyaM vR^iShNichakraM maharddhimat .
uvAha rathinAMshreShThaH pArthaH parapuraMjayaH .. 15\-8\-41 (97135)
niryAte tu jane tasminsAgaro makarAlayaH .
dvArakAM ratnasaMpUrNAM jalenAplAvayattadA .. 15\-8\-42 (97136)
yadyaddhi puruShavyAghro bhUmestasyA vyamu~nchata .
tattatsaMplAvayAmAsa salilena sa sAgaraH .. 15\-8\-43 (97137)
tadadbhutamabhiprekShya dvArakAvAsino janAH .
tUrNAttUrNataraM jagmuraho daivamiti bruvan .. 15\-8\-44 (97138)
kAnaneShu cha ramyeShu parvateShu nadIShu cha .
nivasannAnayAmAsa vR^iShNidArAndhanaMjayaH .. 15\-8\-45 (97139)
sa pa~nchanadamAsAdya dhImAnatisamR^iddhimat .
deshe gopashudhAnyADhye nivAsamakarotprabhuH .. 15\-8\-46 (97140)
tato lobhaH samabhavaddasyUnAM nihateshvarAH .
dR^iShTvA striyo nIyamAnAH pArthenaikena bhArata .. 15\-8\-47 (97141)
tataste pApakarmANo lobhopahatachetasaH .
AbhIrA mantrayAmAsuH sametyAshubhadarshanAH .. 15\-8\-48 (97142)
ayameko.arjuno dhanvI vR^iddhabAlaM hateshvaram .
nayatyasmAnatikramy yodhAshcheme hataujasaH .. 15\-8\-49 (97143)
tato yaShTipraharaNA dasyavaste sahasrashaH .
abhyadhAvanta vR^iShNInAM taM janaM loptrahAriNaH .. 15\-8\-50 (97144)
mahatA siMhanAdena trAsayantaH pR^ithagjanam .
abhipeturdhanArthaM te kAlaparyAyachoditAH .. 15\-8\-51 (97145)
tato nivR^ittaH kaunteyaH sahasA sapadAnugaH .
uvAcha tAnmahAbAhurarjunaH prahasanniva .. 15\-8\-52 (97146)
nivartadhvamadharmaj~nA yadi jIvitumichChatha .
idAnIM sharanirbhinnAH shochadhvaM nihatA mayA .. 15\-8\-53 (97147)
tathoktAstena vIreNi kadartIkR^itya tadvachaH .
abhipeturjanaM mUDhA vAryamANAH punaHpunaH .. 15\-8\-54 (97148)
tato.arjuno dhanurdivyaM gANDIvamajaraM mahat .
kaAropayitumArebhe yatnAdiva katha~nchana .. 15\-8\-55 (97149)
chakAra sajyaM kR^ichChreNi sambhrame tumule sati .
chintayAmAsa shastrANi na cha sasmAra tAnyapi .. 15\-8\-56 (97150)
vaikR^itaM tanmahaddR^iShTvA bhujavIrya tathA yudhi .
divyAnAM cha mahAstrANAM vinAshAdvrIDito.abhavat .. 15\-8\-57 (97151)
vR^iShNiyodhAshcha te sarve gajAshvarathayodhinaH .
na shekurAvartayituM hriyamANaM svakaM dhanam .. 15\-8\-58 (97152)
kalatrasya bahutvAddhi sampatansu tatastataH .
prayatnamakarotpArtho janasya parirakShaNe .. 15\-8\-59 (97153)
miShatAM sarvayodhAnAM tatastAH pramadottamAH .
samantatovakR^iShyanta kAmAchchAnyAH pravavrajuH .. 15\-8\-60 (97154)
tato gANDIvanirmuktaiH sharaiH pArtho dhanaMjayaH .
jaghAna dasyUnsodvego vR^iShNibhR^ityaiH sahasrashaH .. 15\-8\-61 (97155)
kShaNena tasya te rAjankShayaM jagmurajihmagAH .
akShayA hi purA bhUtvA kShINAH kShatajabhojanAH .. 15\-8\-62 (97156)
sa sharakShayamAsAdya duHkhashokasamAhataH .
dhanuShkoTyA tadA dasyUnavadhItpAkashAsaniH .. 15\-8\-63 (97157)
[prekShatastveva pArthasya vR^iShNyandhakavarastriyaH .
jagmurAdAya te mlechChAH samantAjjanamejaya ..]  15\-8\-64 (97158)
dhanaMjayastu daivaM tanmanasA.achintayatprabhuH .
duHkhasokasamAviShTo niHshvAsaparamo.abhavat .. 15\-8\-65 (97159)
astrANAM cha praNAshena bAhuvIryasya cha kShayAt .
dhanuShashchAvidheyatvAchCharANAM saMkShayeNa cha .. 15\-8\-66 (97160)
babhUva vimanAH pArtho daivamityunuchintayan .
nyavartata tato rAjannedamastIti chintayan .. 15\-8\-67 (97161)
tataH sheShaM samAdAya kalatrasya mahAmatiH .
hR^itabhUyiShTharatnasya kurukShetramavAtarat .. 15\-8\-68 (97162)
yudhiShThirasyAnumate vaMshakartR^InkumArakAn .
nyaveshayata kauravyastatratatra dhanaMjayaH .. 15\-8\-69 (97163)
hArdikyatanayaM pArtho nagare mR^ittikAvate .
ashvapatiM khANDavAraNye rAjye tatra nyevashayat .
bhojarAjakalatraM cha hR^itasheShaM narottamaH ..  15\-8\-70 (97164)
tathA vR^iddhAMshcha bAlAMshcha striyashchAdAya pANDavaH .
vIrairvihInAnsarvAMstA~nshakraprasthe nyaveshayat .. 15\-8\-71 (97165)
yauyudhAniM sarasvatyAH putraM sAtyakinaH priyam .
nyaveshayata dharmAtmA vR^iddhabAlapuraskR^itam .. 15\-8\-72 (97166)
indraprasthe dadau rAjyaM vrajrAya paravIrahA .
vajreNAkrUradArAstu vAryamANAH pravavrajuH .. 15\-8\-73 (97167)
rukmiNI tvatha gAndhArI shaibdA haimavatItyapi .
devI jIMbavatI chaiva vivishurjAtavedasam .. 15\-8\-74 (97168)
satyabhAmA tathaivAnyA devyaH kR^iShNasya sammatAH .
vanaM pravivishU rAjaMstApasye kR^itanishchayAH .. 15\-8\-75 (97169)
dvArakAvAsino ye puruShAH pArthamabhyayuH .
yathArhaM saMvibhajyainAnvajre paryadadajjayaH .. 15\-8\-76 (97170)
sa tatkR^itvA prAptakAlaM bAShNeNApihito.arjunaH .
kR^iShNadvaipAyanaM vyAsaM dadarshAsInamAshrame .. .. 15\-8\-77 (97171)

iti shrImanmahAbhArate mausalaparvaNi aShTamo.adhyAyaH .. 8 ..
##Mahabharata - Mausala Parva - Chapter Footnotes##

7\-8\-32 anviShya dAhayAmAseti jha.pAThaH ..
7\-8\-44 bruvan abruvan ..

\medskip\hrule\medskip
mausalaparva \- adhyAya 009
.. shrIH ..
15\.9\. adhyAyaH 9

##Mahabharata - Mausala Parva - Chapter Topics##
arjunena vyAsAshrame taddarshanam .. 1 ..
tasmindvArakAvR^ittAntanivedanam .. 2 ..
vyAsenArjunaMprati yudhiShThirAdInAmapi svargagamanasUchanam .. 3 ..
tato.arjunena hAstinapurametya yudhiShThire dvArakAvR^ittAntAdinivedanam .. 4 ..

##Mahabharata - Mausala Parva - Chapter Text##

vaishampAyana uvAcha .
pravishya tvarjuno rAjannAshramaM satyavAdinaH .
dadarshAsInamekAnto muniM satyavatIsutam .. 15\-9\-1 (97172)
sa tamAsAdya dharmaj~namupatasthe mahAvratam .
arjunosmIti nAmAstai nivedyAbhyavadattataH .. 15\-9\-2 (97173)
svAgataM te.astviti prAha muniH satyavatIsutaH .
AsyatAmiti hovAcha prasannAtmA mahAmuniH .. 15\-9\-3 (97174)
tamapratItamanasaM niHshvasantaM punaHpunaH .
nirviShNamanasaM dR^iShTvA pArthaM vyAso.abravIdidam .. 15\-9\-4 (97175)
nakhakeshadashAkuMbhavAriNA kiM samukShitaH .
AvIrajAnugamanaM brAhmaNo vA hatastvayA .. 15\-9\-5 (97176)
yuddhe parAjito vA.asi datashrIriva lakShyase .
na tvAM prabhinnaM jAnAmi kimidaM bharatarShabha .
shrotavyaM chenmayA pArtha kShashripramAkhyAtumarhasi ..  15\-9\-6 (97177)
arjuna uvAcha. 15\-9\-7x (8026)
yaH sa meghavapuH shrImAnbR^ihatpa~NkajalochanaH .
sa kR^iShNaH saha rAmeNa tyaktvA dehaM divaM gataH .. 15\-9\-7 (97178)
`tadanusmR^itya saMmohaM tadA shokaM mahAmate .
prayAmi sarvadA mahyaM mumUrShA chopajAyate .. 15\-9\-8 (97179)
tadvAkyasparshanAlokasukhaM chAmR^itasannibham .
saMsmR^itya devadevasya pramuhyityamR^itAtmanaH ..'  15\-9\-9 (97180)
mausale vR^iShNivIrANAM vinAsho brahmashApajaH .
babhUva vIrAntakaraH prabhAse romaharShaNaH .. 15\-9\-10 (97181)
ete shUrA mahAtmAnaH siMhadarpA mahAbalAH .
bhojavR^iShNyandhakA brahmannanyonyaM tairhataM yudhi .. 15\-9\-11 (97182)
gadAparighashaktInAM sahAH parighabAhavaH .
ta erakAbhirnihatAH pashya kAlasya paryayam .. 15\-9\-12 (97183)
hataM pa~nchashataM teShAM sahasraM bAhushAlinAm .
nidhanaM samanuprAptaM samAsAdyetaretaram .. 15\-9\-13 (97184)
punaHpunarna mR^iShyAmi vinAshamamitaujasAm .
chintayAno yadUnAM cha kR^iShNasya cha yashasvinaH .. 15\-9\-14 (97185)
shoShaNaM sAgarasyeva mandarasyeva chAlanam .
nabhasaH patanaM chaiva shaityamagnestathaiva cha .. 15\-9\-15 (97186)
ashraddheyamahaM manye vinAshaM shAr~NgadhanvanaH .
na cheha sthAtumichChAmi loke kR^iShNavinAkR^itaH .. 15\-9\-16 (97187)
itaH kaShTataraM chAnyachChR^iNu tadvai tapodhana .
mano me dIryate yena chintayAnasya vai muhuH .. 15\-9\-17 (97188)
pashyato vR^iShNidArAshcha mama brahmansahasrashaH .
AbhIrairabhibhUyAjau hR^itAH pa~nchanadAlayaiH .. 15\-9\-18 (97189)
dhanurAdAya tatrAhaM nAshakaM tasya pUraNe .
yathApurA cha me vIryaM bhujayorna tathA.abhavat .. 15\-9\-19 (97190)
astrANi me pranaShTAni vividhAni mahAmune .
sharAshcha kShayamApannAH kShaNenaiva samantataH .. 15\-9\-20 (97191)
puruShaschAprameyAtmA sha~NkhachakragadAdharaH .
chaturbhujaH pItavAsAH shyAmaH padmadalekShaNaH .. 15\-9\-21 (97192)
yashcha yAti purastAnme rathasya sumahAdyutiH .
pradahanripusainyAni na pashyAmyahamadya tam .. 15\-9\-22 (97193)
yena pUrvaM pradagdhAni shatrusainyAni tejasA .
sharairgANDIvanirmuktairahaM pashchAdashAtayam .. 15\-9\-23 (97194)
tamapashyanviShIdAmi ghUrNAmIva cha sattama .
parinirviNNachetAshcha shAntiM nopalabhe.api cha .. 15\-9\-24 (97195)
`devakInandanaM devaM vAsudevamajaM prabhum.'
vinA janArdanaM vIraM nAhaM jIvitumutsahe ..  15\-9\-25 (97196)
shrutvaiva hi gataM viShNuM mamApi mumuhurdishaH .
pranaShTaj~nAtivIryasya shUnyasya paridhAvataH .. 15\-9\-26 (97197)
upadeShTuM mama shreyo bhavAnarhati sattama ..  15\-9\-27 (97198)
vyAsa uvAcha. 15\-9\-28x (8027)
`devAMshA devabhUtena sambhUtAste gatAssaha .
dharmavyavasthArakShArthaM devena samupekShitAH'.. 15\-9\-28 (97199)
brahmashApavinirdagdhA vR^iShNyandhakasamahArathAH .
vinaShTAH kurushArdUla na tA~nshochitumarhasi .. 15\-9\-29 (97200)
bhavitavyaM tathA tachcha diShTametanmahAtmanAm .
upekShitaM cha kR^iShNena shaktenApi vyapohitum .. 15\-9\-9 (97201)
trailokyamapi govindaH kR^itsnaM sthAvaraja~Ngamam .
prasahedanyathA kartuM kutaH shApaM mahAtmanAm .. 15\-9\-31 (97202)
`striyashcha tAH purA shaptAH prabhAse kupitena vai .
aShTAvakreNa muninA tadarthaM tvadbalakShayam ..'  15\-9\-32 (97203)
rathasya purato yAti yaH sa chakragadAdharaH .
tava snehAtpurANarShirvAsudevashchaturbhujaH .. 15\-9\-33 (97204)
kR^itvA bhArAvataraNaM pR^ithivyAH pR^ithulochanaH .
mokShayitvA tanuM prAptaH kR^iShNaH svasthAnamuttamam .. 15\-9\-34 (97205)
tvayA.apIha mahatkarma devAnAM puruSharShabha .
kR^itaM bhImasahAyena yamAbhyAM cha mahAbhuja .. 15\-9\-35 (97206)
kR^itakR^ityAMshcha vo manye saMsiddhAnkurupu~Ngava .
gamanaM prAptakAlaM va idaM shreyaskaraM vibho .. 15\-9\-36 (97207)
balaM buddhishcha tejashcha pratipattishcha bhArata .
bhavanti bhavakAleShu vipadyante viparyaye .. 15\-9\-37 (97208)
kAlamUlamidaM sarvaM jagadbIjaM dhanaMjaya .
kAla eva samAdatte punareva yadR^ichChayA .. 15\-9\-38 (97209)
sa eva balavAnbhUtvA punarbhavati durbalaH .
sa eveshashcha bhUtveha parairAj~nApyate punaH .. 15\-9\-39 (97210)
kR^itakR^ityAni chAstrANi gatAnyadya yathAgatam .
punareShyanti te hastaM yadA kAlo bhaviShyati .. 15\-9\-40 (97211)
kAlo gantuM gatiM mukhyAM bhavatAmapi bhArata .
etachChreyo hi vo manye paramaM bharatarShabha .. 15\-9\-41 (97212)
vaishampAyana uvAcha. 15\-9\-42x (8028)
etadvachanamAj~nAya vyAsasyAmitatejasaH .
anuj~nAto yayau pArtho nagaraM nAgasAhvayam .. 15\-9\-42 (97213)
pravishya cha purIM vIraH samAsAdya yudhiShThiram .
AchaShTa tadyathAvR^ittaM vR^iShNyandhakakulaM prati .. .. 15\-9\-43 (97214)

iti shrImanmahAbhArate shatasAhasrayAM saMhitAyAM vaiyAsikyAM
mausalaparvaNi navamodhyAyaH. . 9 .. .. mausalaparva samAptam
.. \-\-\-\-\-\-\-\- asyAnantaraM mahAprasthAnikaM parva bhaviShyati
tasyAyamAdyaH shlokaH. janamejaya uvAcha. evaM vR^iShNyandhakakule shrutvA
mausalamAhavam. pANDavAH kimakurvanta tathA kR^iShNe divaM gate .. 1
.. idaM mausalaparva kuMbhaghoNasthena ##TI.Ar##. kR^iShNAchAryeNa
TI. Ar. vyAsAchAryeNa cha mumbayyAM nirNayasAgaramudrAyantre
mudrApitam. shakAbdAH 1832 sana 1910\.
##Mahabharata - Mausala Parva - Chapter Footnotes##

15\-9\-5 nakhodakaM keshodakaM vastraprAnto dashA tadudakaM
kumbhamukhodakaM cha . AvIrajA nArI rajasvalA tasyA rajaHprasrabakAle
dinatrayAdarvAk anugamanaM tasyAM maithunaM brAhmaNasya vadho yuddhe
parAjayashcheti saptabhirnimitaiH puruSho bhraShTashrIrbhavati. api
rAjopaghAtaste brAhmaNo veti ka.Ta.pAThaH ..
15\-9\-6 prabhinnaM parAjitaM tvAM kadAchidapi na jAnAmi ..
15\-9\-11 hataM mR^itam . mAritavanta ityarthaH ..
15\-9\-13 pa~nchashataM sahasraM sahasraguNitaM pa~nchalakShAmItyarthaH ..
15\-9\-13 na kevalaM hataM tADitamapi tu nidhanaM prAptamityarthaH ..
15\-9\-18 pashyataH anAdare ShaShThI . mAM pashyantamanAdR^ityetyarthaH ..
15\-9\-37 vuddhirupasthitakAryAvadhAraNam . tejaH
prAgalbhyam. pratipattiranAgatAvekShaNam. bhavanti
utpadyante. bhavakAleShu aishvaryAvAptisamayeShu. viparyaye
vinAshakAle. vipadyante vinashyanti ..
15\-9\-38 kAlaH IshvaraH jagadbIjaM viyadAdipa~nchakaM . samAdatte
saMharati yadA bhUtAnAmapi saMhAro bhavati kiyAMstatra bhautikAnAM nAsha
iti tadarthaM shokonuchita iti bhAvaH. ya eva balavAnsa eva durbalo
bhavatyeva viparyayo.api kAlamUlo j~neyaH ..
15\-9\-40 punaryugAntare ..
15\-9\-41 mukhyAM gatiM svargaM gantum etatprasthAnaM shreyaH ..
##

\medskip\hrule\obeylines
\medskip
{\rm Please send corrections to sanskrit at cheerful dot c om}
{\rm Last updated \today}
{\rm http://sanskritdocuments.org}
\end{document}