%@@1
% File name             : mbhK16.itx
%--------------------------------------------
% Text title            : 16 mausalaparva
% Author                : Veda Vyasa
% Language              : sanskrit
% Subject               : /hindu/philosohphy/religion
% Description/comments  : Mahabharata - Southern Recension - Kumbhaghonam Edition
% Based on the `Southern Recension' of the MahAbhArata, edited by Krishnacharya
% 1906-1914
% Transliterated by     : Prof. Shrinivasa Varakhedi >worked on this with the
% support of his research team members, Prof. K. V. Ramakrishnamacharyulu, Prof.
% Amba Kulakarni, Prof. Prahladachar,  members of MSP Bangalore and many others
% Proofread by          : 
% Latest update         : October 13, 2013
% Send corrections to   : sanskrit at cheerful dot c om
%
% Special Instructions  : i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.3
% Site access           : http://sanskritdocuments.org/
%-----------------------------------------------------
% The text is prepared by volunteers and is to be used for personal study
% and research.  The file is not to be copied or reposted for promotion of 
% any website or individuals or for commercial purpose without permission.
%        Please help to maintain respect for volunteer spirit.
%@@1
%--------------------------------------------------------

\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=50pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. 16. AshramavAsikaparva Kumbhaghonam Edition ..}##
\itxtitle{.. 16\. AshramavAsikaparva ..}##\endtitles ##


\medskip\hrule\medskip
AshramavAsikaparva \- adhyAya 001
.. shrIH ..
16\.1\. adhyAyaH 1

athAshramavAsaparva  .. 1 ..
##Mahabharata - AshramaVasika Parva - Chapter Topics##
yudhiShThireNa rAjyaparipAlanam .. 1 ..
kuntIdraupadyAdibhirgAndhAryAM shvashrUvadvartanam .. 2 ..
bhImavarjamarjunAdibhiryudhiShThirashAsanena visheShato
dhR^itarAShTrAnuvartanam .. 3 ..

##Mahabharata - AshramaVasika Parva - Chapter Text##

shrIvedavyAsAya namaH .
nArAyaNaM namaskR^itya naraM chaiva narottamam .
devIM sarasvatIM vyAsaM tato jayamudIrayet .. 16\-1\-1 (97215)
janamejaya uvAcha. 16\-1\-1x (8029)
prApya paitAmahaM rAjyaM mama pUrvapitAmahAH .
kathamAsanmahArAje dhR^itarAShTre mahAtmani .. 16\-1\-1 (97216)
sa tu rAjA hatAmAtyo hataputro nirAshrayaH .
kathamAsIddhataishvaryo gAndhArI cha tapasvinI .. 16\-1\-2 (97217)
kiyantaM chaiva kAlaM te mama pUrvapitAmahAH .
sthitA rAjye mahAtmAnastanme vyAkhyAtumarhasi .. 16\-1\-3 (97218)
vaishampAyana uvAcha. 16\-1\-4x (8030)
prApya rAjyaM mahAtmAnaH pANDavA hatashatravaH .
dhR^itarAShTraM puraskR^itya pR^ithivIM paryapAlayan .. 16\-1\-4 (97219)
dhR^itarAShTramupAtiShThadviduraH saMjayastathA .
vaishyAputrashcha medhAvI yuyutsuH kurusattama .. 16\-1\-5 (97220)
pANDavAH sarvakAryeShu paryapR^ichchanta taM nR^ipam .
chakrustenAbhyanuj~nAtA varShANi dasha pa~ncha cha .. 16\-1\-6 (97221)
sadA.abhigamya te vIrAH paryupAsanta taM nR^ipam .
pAdAbhivAdanaM kR^itvA dharmirAjamate sthitAH .. 16\-1\-7 (97222)
te mUrdhni samupAghrAtAH sarvakAryANi chakrire .
kuntibhojasutA chaiva gAndhArImanvavartata .. 16\-1\-8 (97223)
draupadI cha subhadrA cha yAshchAnyAH pANDavastriyaH .
samAM vR^ittimavartanta tayoH shvashrvoryathAvidhi .. 16\-1\-9 (97224)
shayanAni mahArhANi vAsAMsyAbharaNAni cha .
rAjArhANi cha sarvANi bhakShyabhojyAnyanekashaH .. 16\-1\-10 (97225)
yudhiShThiro mahArAja dhR^itarAShTre.abhyupAharat .
tathaiva kuntI gAndhAryAM guruvR^ittimavartata .. 16\-1\-11 (97226)
viduraH saMjayashchaiva yuyutsushchaiva kaurava .
upAsate sma taM vR^iddhaM hataputraM janAdhipam .. 16\-1\-12 (97227)
shyAlo droNasya yashchAsIddayito brAhmamo mahAn .
sa cha tasminmaheShvAsaH kR^ipaH samabhavattadA .. 16\-1\-13 (97228)
vyAsashcha bhagavAnnityamAsAMchakre nR^ipeNa ha .
kathAH kurvanpurANarShirdevarShipitR^irakShasAm .. 16\-1\-14 (97229)
dharmayuktAni kAryANi vyavahArAnvitAni cha .
dhR^itarAShTrAbhyanuj~nAto vidurastAnyakArayat .. 16\-1\-15 (97230)
sAmantebhyaH priyANyasya kAryANi subahUnyapi .
prApyante.artheH sulaghubhiH sunayAdvidurasya vai .. 16\-1\-16 (97231)
akarodbandhamokShaM cha vadhyAnAM mokShaNaM tathA .
na cha dharmasuto rAjA kadAchitki~nchidabravIt .. 16\-1\-17 (97232)
vihArayAtrAsu punaH kururAjo yudhiShThiraH .
sarvAnkAmAnupasthApya dhR^itarAShTre nyavedayat .. 16\-1\-18 (97233)
ArAlikAH sUpakArA rAgaShADavikAstathA .
upAtiShThanta rAjAnaM dhR^itarAShTraM yathApuram .. 16\-1\-19 (97234)
vAsAMsi cha mahArhANi mAlyAni vividhAni cha .
upAjahruryathAkAlaM dhR^itarAShTrasya pANDavAH .. 16\-1\-20 (97235)
maireyamadhumAMsAni pAnakAni laghUni cha .
chitrAnbhakShyavikArAMshcha chakrustasya yathA purA .. 16\-1\-21 (97236)
ye chApi pR^ithivIpAlAH samAjagmustatastataH .
upAtiShThanta te sarve kauravendraM yathApurA .. 16\-1\-22 (97237)
kuntI cha draupadI chaiva sAtvatI cha yashasvinI .
ulUpI nAgakanyA cha devI chitrA~NgadA tathA .. 16\-1\-23 (97238)
dhR^iShTaketoshcha bhaginI jarAsandhasutA tathA .
etAshchAnyAshcha bahvyo vai yoShitaH puruSharShabha .
kiMkarAH paryupAtiShThansarvAH subalajAM tathA ..  16\-1\-24 (97239)
yathA putraviyukto.ayaM na ki~nchidduHkhamApnuyAt .
iti tAnanvashAdbhAtR^Innityameva yudhiShThiraH .. 16\-1\-25 (97240)
evaM te dharmarAjasya shrutvA vachanamarthavat .
savisheShamavartanti bhImamekaM tadA vinA .. 16\-1\-26 (97241)
na hi tattasya vIrasya hR^idayAdapasarpati .
dhR^itarAShTrasya durbuddhyA yadvR^ittaM dyUtamaNDale .. .. 16\-1\-27 (97242)

iti shrImanmahAbhArate AshramavAsikaparvaNi AshramavAsaparvaNi
prathamo.adhyAyaH .. 1 ..
##Mahabharata - AshramaVasika Parva - Chapter Footnotes##

7\-1\-2 gAndhArI cha yashasvinIti jha.tha.pAThaH ..
7\-1\-5 upAtiShThadArAdhitavAn ..
7\-1\-9 satAM vR^ittimavartanteti tha.pAThaH ..
7\-1\-13 tasmindhR^itarAShTre samabhavattannikaTe abhavat ..
7\-1\-14 vAsaM chakre nR^ipeNa heti ka.tha.pAThaH ..
7\-1\-16 prabhAvAdvidurasya vai iti ka.tha.pAThaH ..
7\-1\-19 arayA shastravisheSheNa lUnaM ChinnaM shAkAdi arAlu
tatsaMskurvanti te ArAlikAH shAkavisheShakartAraH rAgakhANDavikAstatheti
jha.pAThaH . rAgaShADavaM pippalIshuThIsharkaropeto mudgayUShastatkartAro
rAgaShADavikAH ..

\medskip\hrule\medskip
AshramavAsikaparva \- adhyAya 002
.. shrIH ..
16\.2\. adhyAyaH 2

athAshramavAsaparva  .. 1 ..
##Mahabharata - AshramaVasika Parva - Chapter Topics##
yudhiShThireNa nAgarANAM dhR^itarAShTrAnushAsanapUrvakaM
sahabhrAtR^ibhirapramAdena tatparitoShaNam .. 1 ..

##Mahabharata - AshramaVasika Parva - Chapter Text##

vaishampAyana uvAcha .
evaM sampUjito rAjA pANDavairaMbikAsutaH .
vijahAra yathApUrvamR^iShibhiH paryupasthitaH .. 16\-2\-1 (97243)
brahmadeyAgrahArAMshcha pradadau sa kurUdvahaH .
tachcha kuntIsuto rAjA sarvamevAnvamodata .. 16\-2\-2 (97244)
AnR^ishaMsyaparo rAjA prIyamANo yudhiShThiraH .
uvAcha sa tadA bhrAtR^InamAtyAMshcha mahIpatiH .
mayA chaiva bhavadbhishcha mAnya eSha narAdhipaH ..  16\-2\-3 (97245)
nideshe dhR^itarAShTrasya yastiShThati sa me suhR^it .
viparItashcha me shatrurniyamyashcha bhavennaraH .. 16\-2\-4 (97246)
parivR^itteShu chAhaHsu putrANAM shrAddhakarmaNi .
dadau cha rAjA vittAni yAvadasya chikIrShitam .. 16\-2\-5 (97247)
tataH sa rAjA kauravyo dhR^itarAShTro mahAmanAH .
brAhmaNebhyo yathArhebhyo dadau vittAnyanekashaH .. 16\-2\-6 (97248)
dharmirAjashcha bhImashcha savyasAchI yamAvapi .
tatsarvamanvavartanta dhR^itarAShTravyapekShayA .. 16\-2\-7 (97249)
kathaM nu rAjA vR^iddhaH sa putrapautravadhArditaH .
shokamasmatkR^itaM prApyi na mriyeteti chintya te .. 16\-2\-8 (97250)
yAvaddhi kuruvIrasya jIvatputrasya vai sukham .
tAvatsukhamavApnoti bhogAMshchaiva vyavasthitAn .. 16\-2\-9 (97251)
tataste sahitAH pa~ncha bhrAtaraH pANDunandanAH .
tathAshIlAH samAtasthurdhR^itarAShTrasya shAsane .. 16\-2\-10 (97252)
dhR^itarAShTrashcha tAnsarvAnvinItAnniyame sthitAn .
shiShyavR^ittiM samApannAnguruvatpratyapadyata .. 16\-2\-11 (97253)
gAndhArI chaiva putrANAM vividhaiH shrAddhakarmabhiH .
AnR^iNyamagamatkAmAnviprebhyaH pratipAdya sA .. 16\-2\-12 (97254)
evaM dharmabhR^itAMshreShTho dharmarAjo yudhiShThiraH .
bhrAtR^ibhiH sahito dhImAnpUjayAmAsaM taM nR^ipam .. 16\-2\-13 (97255)
sa rAjA sumahAtejA vR^iddhaH kurukulodvahaH .
na dadarsha tadA ki~nchidapriyaM pANDunandane .. 16\-2\-14 (97256)
vartamAneShu sadvR^ittiM pANDaveShu mahAtmasu .
prItimAnabhavadrAjA dhR^itarAShTroM.abikAsutiH .. 16\-2\-15 (97257)
saubaleyI cha gAndhArI putrashokamapAsya tam .
sadaiva prItimatyAsIttanayeShu nijeShviva .. 16\-2\-16 (97258)
priyANyeva tu kauravyo nApriyANi kurUdvahaH .
vaichitravIrya nR^ipatau samAcharata sarvadA .. 16\-2\-17 (97259)
yadyadbrUte cha ki~nchitsa dhR^itarAShTro janAdhipaH .
guru vA laghu vA kAryaM gAndhArI cha tapasvinI .. 16\-2\-18 (97260)
taM sa rAjA mahArAja pANDavAnAM dhuraMdharaH .
pUjayitvA vachastattadakArShItparavIrahA .. 16\-2\-19 (97261)
tena tasyAbhavatprIto vR^ittena sa narAdhipaH .
anvatapyata saMsmR^itya putraM taM mandachetasam .. 16\-2\-20 (97262)
sadA cha prAtarutthAya kR^itajapyaH shuchirnR^ipaH .
AshAste pANDuputrANAM samareShvaparAjayam .. 16\-2\-21 (97263)
brAhmaNAnsvastivAchyAtha hutvA chaiva hutAshanam .
AyUMShi pANDuputrANAmAshaMsata narAdhipaH .. 16\-2\-22 (97264)
na tAM prItiM parAmApa putrebhyaH sa tadA purA .
yAM prItiM pANDuputrebhyaH sadA.avApa narAdhipaH.  16\-2\-23 (97265)
brAhmaNAnAM yathA vR^ittaH kShatriyANAM yathAvidhaH .
tathA viTshUdrasa~NghAnAmabhavatsa priyastadA .. 16\-2\-24 (97266)
yachcha ki~nchittadA pApaM dhR^itarAShTrasutaiH kR^itam .
akR^itvA hR^idi tatpApaM taM nR^ipaM sonvavartata .. 16\-2\-25 (97267)
yaH kashchidapi yatki~nchitpramAdAdaMbikAsute .
kurute dveShyatAmeti sa kaunteyasya dhImataH .. 16\-2\-26 (97268)
na rAj~no dhR^itarAShTrasya na cha duryodhanasya vai .
uvAcha duShkR^itaM kashchidyudhiShThirabhayAnnaraH .. 16\-2\-27 (97269)
dhR^ityA tuShTo narendraH sa gAndhArI vidurastathA .
ajAtashatrorvR^ittena na tu bhImasya pArthivaH .. 16\-2\-28 (97270)
anvavartata bhImopi nishchito dharmajaM nR^ipam .
dhR^itarAShTraM cha samprekShya sadA bhavati durmanAH .. 16\-2\-29 (97271)
rAjAnamanuvartanta dharmaputramamitrahA .
anvavartata saMkruddho hR^idayena parA~NmukhaH .. .. 16\-2\-30 (97272)

iti shrImanmahAbhArate AshramavAsikaparvaNi AshramavAsaparvaNi
dvitIyo.adhyAyaH ... 2 ..
##Mahabharata - AshramaVasika Parva - Chapter Footnotes##

7\-2\-4 nirasyashcha bhavennara iti ka.tha.pAThaH ..

\medskip\hrule\medskip
AshramavAsikaparva \- adhyAya 003
.. shrIH ..
16\.3\. adhyAyaH 3

athAshramavAsaparva  .. 1 ..
##Mahabharata - AshramaVasika Parva - Chapter Topics##
bhImasenaparuShabhAShaNashravaNAnnirvedamupagatavatA dhR^itarAShTreNi
sahagAndhAryA vanagamanAdhyavasAyaH .. 1 ..
tathA sakalapaurAnayanena teShu svAdhyavasAyanivedanam .. 2 ..

##Mahabharata - AshramaVasika Parva - Chapter Text##

vaishampAyana uvAcha .
yudhiShThirasya nR^ipaterduryodhanapitustadA .
nAntaraM daddashU rAjye puruShAH praNayaM prati .. 16\-3\-1 (97273)
yadA tu kauravo rAjA putraM sasmAra bAlisham .
tadA bhImaM hR^idA rAjannapadhyAti sa pArthivaH .. 16\-3\-2 (97274)
kauravashchaiva bhImashcha hR^idA.anyonyamavartatAm .
dhyAyantau shlakShNayA vAchA tvanyonyamabhitiShTitAM  16\-3\-3 (97275)
aprakAshaM vyalIkAni chakArAsya vR^ikodaraH .
Aj~nAM pratyaharachchApi kR^itakaiH puruShaiH sadA .. 16\-3\-4 (97276)
smarandurmantritaM tasya vR^ittAnyapyasya kAnichit .
`asakR^ichchApyuvAchedaM hatAste mandachetasaH ..'  16\-3\-5 (97277)
atha bhImaH suhR^inmadhye bAhushabdaM tathA.akarot .
saMshrave dhR^itarAShTrasya gAndhAryAshchApyamarShaNaH .. 16\-3\-6 (97278)
smR^itvA duryodhanaM shatruM karNaduHkhAsanAvapi .
provAchedaM susaMrabdho bhImaH saparuShaM vachaH .. 16\-3\-7 (97279)
andhasya nR^ipateH putrA mayA parighavAhunA .
nItA lokamamuM sarve nAnAshastrAstrayodhinaH .. 16\-3\-8 (97280)
imau tau parighaprakhyau bhujau mama durAsadau .
yayorantaramAsAdya dhArtarAShTrAH kShayaM gatAH .. 16\-3\-9 (97281)
tAvimau chandanenAkau vandanIyau cha me bhujau .
yAbhyAM duryodhano nItaH kShayaM sasutabAndhavaH .. 16\-3\-10 (97282)
etAschAnyAshcha vividhAH shalyabhutA narAdhipaH .
vR^ikodarasya tA vAchaH shrutvA nirvedamAgamat .. 16\-3\-11 (97283)
sA cha buddhimatI devI kAlaparyAyavedinI .
gAndhArI sarvadharmaj~nA tAnyalIkAni shushruve .
`kuntIM varyA tu saMvIkShya shApe nAsyAkaronmati'  16\-3\-12 (97284)
tataH pa~nchadashe varShe samatIte narAdhipaH .
rAjA nirvedamApede bhImavAgbANapIDitaH .. 16\-3\-13 (97285)
`sukhAsaktaM kR^ichChraparaM j~nAtvA chaiva yudhiShThiram .
tapoyogAttapastaptuM manashchakre mahAmatiH ..'  16\-3\-14 (97286)
nAnvabudhyata tadrAjA kuntIputro yudhiShThiraH .
shvetAshvovA.athakuntI vA draupadI vA yashasvinI .. 16\-3\-15 (97287)
mAdrIputrau cha bhImasya mataM tAvanvavartatAm .
rAj~nastu chittaM rakShantau nochatuH svayamapriyam .. 16\-3\-16 (97288)
tataH samAnayAmAsa dhR^itarAShTraH suhR^ijjanam .
bAShpasaMdigdhamatyarthamidamAha cha tAnbhR^isham .. 16\-3\-17 (97289)
viditaM bhavatAmetadyathA vR^ittaH kurukShayaH .
mamAparAdhAttatsarvamiti j~neyaM tu kauravAH .. 16\-3\-18 (97290)
yo.ahaM duShTamatiM mando j~nAtInAM bhayavardhanam .
duryodhanaM kauravANAmAdha_ipatye.abhyaShechayam .
yachchAhaM vAsudevasya nAshrauShaM vAkyamarthavat ..  16\-3\-19 (97291)
vadhyatAM sAdhvayaM pApaH sAmAtya iti durmatiH .
putrasnehAbhibhUtastu hitamukto manIShibhiH .. 16\-3\-20 (97292)
vidureNAtha bhIShmeNa droNena cha kR^ipeNa cha .
padepade bhagavatA vyAsena cha mahAtmanA .
saMjayenAtha gAndhAryA tadidaM tapyate mayA ..  16\-3\-21 (97293)
yachchAhaM pANDuputreShu guNavatsu mahAtmasu .
na nyastavA~nshriyaM dIptAM pitR^ipaitAmahImimAm .. 16\-3\-22 (97294)
vinAshaM pashyamAno hi sarvarAj~nAM gadAgrajaH .
etachChreyastu paramamamanyata janArdanaH .. 16\-3\-23 (97295)
sohametAnyalIkAni durvR^ittAnyAtmanastadA .
hR^idaye shalyabhUtAni dhArayAmi sahasrashaH .. 16\-3\-24 (97296)
visheShatastu dahyAmi varShe pa~nchadashe.adya vai .
asya pApasya shuddhyarthaM niyatosmi sudurmatiH .. 16\-3\-25 (97297)
chaturthe niyate kAle kadAchidapi chAShTame .
tR^iShNAvinayanaM bhu~nje gAndhArI veda tanmama .. 16\-3\-26 (97298)
karotyAhAramiti mAM sarvaH parijanaH sadA .
yudhiShThirabhayAdeti bhR^ishaM tapyati pANDavaH .. 16\-3\-27 (97299)
bhUmau shaye japyaparo darbhaShvajinasaMvR^itaH .
niyamavyapadeshena gAndhArI cha yashasvinI .. 16\-3\-28 (97300)
ahaM putrashataM vIraM sa~NgrAmeShvapalAyinam .
nAnutapye hataM tatra kShatradharmaM hi taM viduH .. 16\-3\-29 (97301)
ityuktvA dharmarAjAnamabhyabhAShata kauravaH .
bhadraM te yAdavImAtarvachashchedaM nibodha me .. 16\-3\-30 (97302)
sukhamadhyuShitaH putra tvayA suparipAlitaH .
mayA dAnAni dattAni shrAddhAni cha punaHpunaH .. 16\-3\-31 (97303)
prakR^iShTaM cha mayA putra puNyaM chIrNaM yathAbalam .
gAndhArI hataputreyaM dhairyeNodIkShate cha mAm .. 16\-3\-32 (97304)
draupadyA hyapakartArastava chaishvaryahAriNaH .
samatItA nR^ishaMsAste svadharmeNa hatA yudhi .. 16\-3\-33 (97305)
na teShu pratikartavyaM pashyAmi kurunandana .
sarve shastrajitA.NllokAngatAste.abhimukhaM hatAH .. 16\-3\-34 (97306)
Atmanastu hitaM puNyaM pratikartavyamadya te .
gAndhAryAshchaiva rAjendra tadanuj~nAtumarhasi .. 16\-3\-35 (97307)
tvaM tu shastrabhR^itAM shreShThaH satataM dharmavatsalaH .
rAjA guruH prANabhR^itAM tasmAdetadbravImyaham .. 16\-3\-36 (97308)
anuj~nAtastvayA vIra saMshrayeyaM vanAnyaham .
chIravalkalabhR^idrAjangAndhAryA sahito.anayA .. 16\-3\-37 (97309)
tavAshiShaH prayu~njAno bhaviShyAmi vanecharaH .
uchitaM naH kule tAta sarveShAM bharatarShabha .
putreShvaishcharyamAdhAya vayasonte vanaM nR^ipa ..  16\-3\-38 (97310)
tatrAhaM vAyubhakSho vA nirAhAropi vA vasan .
patnyA sahAnayA vIra chariShyAmi tapaH param .. 16\-3\-39 (97311)
tvaM chApi phalabhAktAta tapasaH pArthivo hyasi .
phalabhAjo hi rAjAnaH kalyANasyetarasya vA .. .. 16\-3\-40 (97312)

iti shrImanmahAbhArate AshramavAsikaparvaNi AshramavAsaparvaNi
tR^itIyo.adhyAyaH .. 3 ..
##Mahabharata - AshramaVasika Parva - Chapter Footnotes##

7\-3\-3 tathaiva bhImaseno.api dhR^itarAShTraM janAdhipam . nAmarShayata
rAjendri sadaiva duShTavaddhR^ideti jha.pAThaH ..
7\-3\-24 sohametAnyatItAnIti ka.pAThaH ..
7\-3\-26 tR^iShNavinayanaM tR^iShAmAtrApahaM maNDadi natu kShudvyAdhiharam ..

\medskip\hrule\medskip
AshramavAsikaparva \- adhyAya 004
.. shrIH ..
16\.4\. adhyAyaH 4

athAshramavAsaparva  .. 1 ..
##Mahabharata - AshramaVasika Parva - Chapter Topics##
dhutarAShTreNa yudhiShThiraMprati svasya vanagamanAbhyanuj~nAnaprArthanA .. 1 ..
yudhiShThireNa dhR^itarAShTrAnushochanapUrvakaM tatpratiShedhane vyAsena
yudhiShThirachodanAya tatrAgamanam .. 2 ..

##Mahabharata - AshramaVasika Parva - Chapter Text##

yudhiShThira uvAcha .
na mAM prINayate rAjyaM tvayyevaM duHkhite nR^ipa .
di~NmAmastu sudurbuddhiM rAjyasaktaM pramAdinam .. 16\-4\-1 (97313)
gR^ihe vasantaM duHkhArtamupavAsakR^ishaM bhR^isham .
yatAhAraM kShitishayaM nAvidaM bhrAtR^ibhiH saha .. 16\-4\-2 (97314)
ahosmi va~nchito mUDho bhavatA gUDhabuddhinA .
visvAsayitvA pUrvaM mAM yadidaM duHkhamashnuthA .. 16\-4\-3 (97315)
kiM me rAjyena bhogairvA kiM yaj~naiH kiM sukhena vA .
yasya me tvaM mahIpAla dukhAnyetAnyavAptavAn .. 16\-4\-4 (97316)
pIDitaM chApi jAnAmi rAjyamAtmAnameva cha .
anena vachasA te.adya duHkhitasya janeshvaraH .. 16\-4\-5 (97317)
bhavAnpitA bhavAnmAtA bhavAnnaH paramo guruH .
bhavatA viprahINA vai kvanu tiShThAmahe vayam .. 16\-4\-6 (97318)
auraso bhavataH putro yuyutsurnR^ipasattama .
astu rAjA mahArAja yamanyaM manyate bhavAn .. 16\-4\-7 (97319)
ahaM vanaM gamiShyAmi bhavAnrAjA prashAstvidam .
namAmayashasA dagdhaM bhUyastvaM dagdhumarhasi .. 16\-4\-8 (97320)
nAhaM rAjA bhavAnrAjA bhavatA paravAnaham .
kathaM guruM tvAM dharmaj~namanuj~nAtumihotsahe .. 16\-4\-9 (97321)
na manyurhR^idi naH kashchitsuyodhanakR^ite.anagha .
bhavitavyaM tathA taddhi vayaM chAnye cha mohitAH .. 16\-4\-10 (97322)
vayaM putrA hi bhavota yathA duryodhanAdayaH .
gAndhArI chaiva kuntI cha nirvisheShe mate mama .. 16\-4\-11 (97323)
sa mAM tvaM yadi rAjendra parityajya gamiShyasi .
pR^iShThatastvanuyAsyAmi satyamAtmAnamAlabhe .. 16\-4\-12 (97324)
iyaM hi vasusaMpUrNA mahI sAgaramekhalA .
bhavatA viprahINasya na me prItikarI bhavet .. 16\-4\-13 (97325)
bhavadIyamidaM sarvaM shirasA tvAM prasAdaye .
tvadadhInAH sma rAjendra vyetu te mAnaso jvaraH .. 16\-4\-14 (97326)
bhavitavyamanuprApto manye tvaM vasudhAdhipa .
diShTyA shushrUShamANastvAM mokShiShye manaso jvaraM .. 16\-4\-15 (97327)
dhR^itarAShTra uvAcha. 16\-4\-16x (8031)
tApasye me manastAta vartate kurunandana .
uchitaM cha kule.asmAkamaraNyagamanaM prabho .. 16\-4\-16 (97328)
chiramadhyuShitaH putra chiraM shushrUShitastvayA .
vR^iddhaM mAmapyanuj~nAtumarhasi tvaM narAdhipa .. 16\-4\-17 (97329)
vaishampAyana uvAcha. 16\-4\-18x (8032)
ityuktvA dharmarAjAnaM vepamAnaM kR^itA~njalim .
uvAcha viduraM rAjA dhR^itarAShTroM.abikAsutaH .. 16\-4\-18 (97330)
saMjayaM cha mahAtmAnaM kR^ipaM chApi mahAratham .
anunetumihechChAmi bhavadbhirvasudhAdhipam .. 16\-4\-19 (97331)
mlAyate me mano hIdaM mukhaM cha parishuShyati .
vayasA cha prakR^iShTena vAgvyAyAmena chaiva ha .. 16\-4\-20 (97332)
ityuktvA sa tu dharmAtmA vR^iddho rAjA kurUdvahaH .
gAndhArIM shishriye dhImAnsahasaiva gatAsuvat .. 16\-4\-21 (97333)
taM tu dR^iShTvA samAsInaM visaMj~namiva kauravam .
ArtiM rAjA.agamattIvrAM kaunteyaH paravIrahA .. 16\-4\-22 (97334)
yudhiShThira uvAcha. 16\-4\-23x (8033)
yasya nAgasahasreNa shatasa~Nkhyena vai balam .
soyaM nArIM vyapAshritya shete rAjA gatAsuvat .. 16\-4\-23 (97335)
AyasI pratimA yena bhImasenasya sA purA .
chUrNIkR^itA balavatA sobalAmAshritaH striyam .. 16\-4\-24 (97336)
dhigastu mAmadharmaj~naM dhigbuddhiM dhikcha me shrutam .
yatkR^ite pR^ithivIpAlaH shete.ayamatathochitaH .. 16\-4\-25 (97337)
ahamapyupavatsyAmi yathaivAyaM gururmama .
yadi rAjA na bhu~Nkte.ayaM gAndhArI cha yashasvinI .. 16\-4\-26 (97338)
vaishampAyana uvAcha. 16\-4\-27x (8034)
tatosya pANinA rAja~njalashItena pANDavaH .
uro mukhaM cha shanakaiH paryamArjata dharmavit .. 16\-4\-27 (97339)
tena ratnauShadhimatA puNyena cha sugandhinA .
pANisparshena rAj~naH sa rAjA saMj~nAmavApa ha .. 16\-4\-28 (97340)
spR^ishantaM pANinA bhUyaH pariShyajya cha pANDavam .
`uvAcha rAjA dharmaj~no dhR^itarAShTraH shubhaM vachaH ..'  16\-4\-29 (97341)
jIvAmIvAtisaMsparshAttava rAjIvalochana .
mUrdhAnaM cha tavAghrAtumichChAmi manujAdhipa .
pANibhyAM hi parispraShTuM prANAnAM hitamAtmani ..  16\-4\-30 (97342)
aShTamo hyadya kAlo.ayamAhArasya kR^itasya me .
yenAhaM kurushArdUla shaknomi na vicheShTitum .. 16\-4\-31 (97343)
vyAyAmashchAyamatyarthaM kR^itastvAmabhiyAchatA .
tato glAnamanAstAna naShTasaMj~na ivAbhavam .. 16\-4\-32 (97344)
tavAmR^itasukhasparshaM hastasparshamimaM prabho .
labdhvA saMjIvitosmIti manye kurukulodvaha .. 16\-4\-33 (97345)
vaishampAyana uvAcha. 16\-4\-34x (8035)
evamuktastu kaunteyaH pitrA jyeShThena bhArata .
pasparsha sarvagAtreShu snehArdrastaM shanaistadA .. 16\-4\-34 (97346)
upalabhya tataH prANAndhR^itarAShTro mahIpatiH .
bAhubhyAM sampariShvajya mUrdhnyAjighrata pANDavam .. 16\-4\-35 (97347)
vidurAdayashcha te sarve rurudurduHkhitA bhR^isham .
atiduHkhAttu rAjAnaM nochuH ki~nchana pANDavam .. 16\-4\-36 (97348)
gAndhArI tveva dharmaj~nA manasodvahatI bhR^isham .
duHkhAnyadhArayadrAjanmaivamityeva chAbravIt .. 16\-4\-37 (97349)
itarAstu striyaH sarvAH kuntyA saha sudaHkhitAH .
netrairAgatavikledaiH parivArya sthitA.abhavan .. 16\-4\-38 (97350)
athAbravItpunarvAkyaM dhR^itarAShTro yudhiShThiram .
anujAnIhi mAM rAjaMstApasye bharatarShabha .. 16\-4\-39 (97351)
glAyate me manastAta bhUyobhUyaH prajalpataH .
na mAmataH paraM putra parikleShTumihArhasi .. 16\-4\-40 (97352)
tasmiMstu kauravendre taM tathA bruvati pANDavam .
sarveShAmavarodhAnAmArtanAdo mahAnabhUt .. 16\-4\-41 (97353)
dR^iShTvA kR^ishaM vivarNaM cha rAjAnamatathochitam ..
upavAsaparishrAntaM tvagasthiparivAritam .. 16\-4\-42 (97354)
dharmaputraH svapitaraM pariShvajya mahAprabhum .
shokajaM bAShpamutsR^ijyi punarvachanamabravIt .. 16\-4\-43 (97355)
na kAmaye narashreShTha jIvitaM pR^ithivIM tathA .
yathA tava priyaM rAjaMshchikIrShAmi paraMtapa .. 16\-4\-44 (97356)
yadi chAhamanugrAhyo bhavato dayito.api vA .
kriyatAM tAvadAhArastato vetsyAmyahaM param .. 16\-4\-45 (97357)
tato.abravInmahAtejA dhR^itarAShTro yudhiShThiram .
anuj~nAtastvayA putra bhu~njIyAmiti kAmaye .. 16\-4\-46 (97358)
iti bruvati rAjendre dhR^itarAShTre yudhiShThiram .
R^iShiH satyavatIputro vyAso.abhyotya vacho.abravIt .. .. 16\-4\-47 (97359)

iti shrImanmahAbhArate AshramavAsikaparvaNi AshramivAsaparvaNi
chaturtho.adhyAyaH .. 4 ..

\medskip\hrule\medskip
AshramavAsikaparva \- adhyAya 005
.. shrIH ..
16\.5\. adhyAyaH 5

athAshramavAsaparva  .. 1 ..
##Mahabharata - AshramaVasika Parva - Chapter Topics##
vyAsena yudhiShThiraMprati sahetUpanyAsaM dhR^itarAShTrasya
dhR^itarAShTrasya vanagamanAbhyanuj~nAnachodanApUrvakaM svAshramagamanam
.. 1 ..
yudhiShThireNi dhR^itarAShTraMprati kR^ichChreNa
tadabhyanuj~nAnA~NgIkaraNam .. 2 ..

##Mahabharata - AshramaVasika Parva - Chapter Text##

vyAsa uvAcha .
yudhiShThira mahAbAho ********** kurunandanaH .
dhR^itarAShTro mahAtejAstatkuruShvAvichArayan .. 16\-5\-1 (97360)
ayaM hi vR^iddho nR^ipatirhataputro visheShataH .
nedaM kR^ichChraM chirataraM sahediti matirmama .. 16\-5\-2 (97361)
gAndhArI cha mahAbhAgA prAj~nA karuNavedinI .
putrashokaM mahArAja dhairyeNodvahate bhR^isham .. 16\-5\-3 (97362)
ahamapyetadeva tvAM bravImi kuru me vachaH .
anuj~nAM labhatAM rAjA mAM vR^itheha mariShyati .. 16\-5\-4 (97363)
`svastho bhavatvayaM dhImAnvaneShu madhugandhiShu.'
rAjarShINAM purANAnAmanuyAtu gatiM nR^ipaH . rAjarShINAM hi sarveShAmante
vanamupAshrayaH ..  16\-5\-5 (97364)
vaishampAyana uvAcha. 16\-5\-6x (8036)
ityuktaH sa tadA rAjA vyAsenAdbhutakarmaNA .
pratyuvAcha mahAtejA dharmarAjo mahAmunim .. 16\-5\-6 (97365)
bhagavAneva no mAnyo bhagavAneva no guruH .
bhagavAnasya rAjyasya kulasya cha parAyaNam .. 16\-5\-7 (97366)
ahaM tu putro bhagavanpitA rAjA gurushcha me .
nideshavatI cha pituH putro bhavati dharmataH .. 16\-5\-8 (97367)
vaishampAyana uvAcha. 16\-5\-9x (8037)
ityuktaH sa tu taM prAha vyAso vedavidAMvaraH .
yudhiShThiraM mahAtejAH punareva mahAkaviH .. 16\-5\-9 (97368)
evametanmahAbhAga yathA vadasiM bhArata .
rAjA.ayaM vR^iddhatAM prAptaH pramANe parame sthitaH .. 16\-5\-10 (97369)
soyaM mayA.abhyanuj~nAtastvathA cha pR^ithivIpatiH .
karotu svamabhiprAyaM mA sma vighnakaro bhava .. 16\-5\-11 (97370)
eSha eva paro dharmo rAjarShINAM yudhiShThira .
samare vA bhavenmR^ityurvane vA vidhipUrvakam .. 16\-5\-12 (97371)
pitrA tu tava rAjendra pANDunA pR^ithivIkShitA .
shiShyabhUtena rAjA.ayaM guruvatparyupAsitaH .. 16\-5\-13 (97372)
kratubhirdakShiNAvadbhI ratnaparvatashobhitaiH .
mahadbhiriShTaM gaurbhuktA prajAshcha paripAlitAH .. 16\-5\-14 (97373)
putrasaMsyaM cha vipulaM rAjyaM viproShite tvayi .
trayodashasamA bhuktaM dattaM cha vividhaM vasu .. 16\-5\-15 (97374)
tvayA chAyaM naravyAghra gurushushrUShayA.anagha .
ArAdhitaH sa bhR^ityena gAndhArI cha yashasvinI .. 16\-5\-16 (97375)
anujAnIhi pitaraM samayo.asma tapovidhau .
na manyurvidyate chAsya susUkShmo.api yudhiShThira .. 16\-5\-17 (97376)
vaishampAyana uvAcha. 16\-5\-18x (8038)
etAvaduktvA vachanamanumAnya cha pArthivam .
tathA.astviti cha tenoktaH kauteyena yayau vanam .. 16\-5\-18 (97377)
gate bhagavati vyAse rAjA pANDusutastadA .
provAcha pitaraM vR^iddhaM mandaMmandamivAnataH .. 16\-5\-19 (97378)
yadAha bhagavAnvyAso yachchApi bhavato matam .
yathA.a.aha cha maheShvAsaH kR^ipo vidura eva cha .. 16\-5\-20 (97379)
yuyutsuH saMjayashchaiva tatkartAsmyahama~njasA .
sarva eva hi mAnyA me kulasya hi hitaiShiNaH .. 16\-5\-21 (97380)
idaM tu yAche nR^ipate tvAmahaM shirasA nataH .
kriyatAM tAvadAhArastato gachChAshramaM prati .. .. 16\-5\-22 (97381)

iti shrImanmahAbhArate AshramavAsikaparvaNi AshramavAsaparvaNi
pa~nchamo.adhyAyaH .. 5 ..
##Mahabharata - AshramaVasika Parva - Chapter Footnotes##

7\-5\-17 tapovidhau tapaHkaraNe ..
18 ..

\medskip\hrule\medskip
AshramavAsikaparva \- adhyAya 006
.. shrIH ..
16\.6\. adhyAyaH 6

athAshramavAsaparva  .. 1 ..
##Mahabharata - AshramaVasika Parva - Chapter Topics##
vanaM yiyAsunA dhR^itarAShTreNa yudhiShThirAya rAjanItyupadeshaH .. 1 ..

##Mahabharata - AshramaVasika Parva - Chapter Text##

vaishampAyana uvAcha .
tato rAj~nA.abhyanuj~nAto dhR^itarAShTro mahAmanAH .
yayau svabhavanaM rAjA gAndhAryA.anugatastadA .. 16\-6\-1 (97382)
mandaprANagatirdhAmAnkR^ichChrAdiva samudvahan .
padAni sa mahIpAlo jIrNo gajapatiryathA .. 16\-6\-2 (97383)
tamanvagachChadviduro vidvAnsUtashcha saMjayaH .
sa chApi parameShvAsaH kR^ipaH sAradvatastathA .. 16\-6\-3 (97384)
sa pravishya gR^ihaM rAjA kR^itapUrvAhNikakriyaH .
tarpayitvA dvijashreShThAnAhAramakarottadA .. 16\-6\-4 (97385)
gAndhArI chaiva dharmaj~nA kuntyA saha manasvinI .
vadhUbhirupachAreNi pUjitA.abhu~Nkta bhArata .. 16\-6\-5 (97386)
kR^itAhAraM kR^itAhArAH sarve te vidurAdayaH .
pANDavAshcha kurushreShThamupAtiShThanta taM nR^ipam .. 16\-6\-6 (97387)
tato.abravInmahArAjaH kuntIputramupahvare .
niShaNNaM pANinA pR^iShThe saMspR^ishannaMbikAsutaH .. 16\-6\-7 (97388)
apramAdastvayA kAryaH sarvathA kurunandana .
aShTA~Nge rAjashArdUla rAjye dharmapuraskR^ite .. 16\-6\-8 (97389)
tattu shakyaM mahArAja rakShituM pANDunandana .
rAjyaM dharmeNa kaunteya vidvAnasi nibodha tat .. 16\-6\-9 (97390)
vidyAvR^iddhAnsadaiva tvamupAsIthA yudhiShThira .
shR^iNuyAste cha yadbrUyuH kuryAshchaivAvichArayan .. 16\-6\-10 (97391)
prAtarusthAya tAnrAjanpUjayitvA yathAvidhi .
kR^ityakAle samutpanne pR^ichChethAH kAryamAtmanaH .. 16\-6\-11 (97392)
te tu sammAnitA rAjaMstvayA lokahitArthinA .
pravakShyanti hitaM tAta sarvathA tava bhArata .. 16\-6\-12 (97393)
indriyANi cha sarvANi vAjivatparipAlaya .
hitAyaiva bhaviShyanti rakShitaM draviNaM yathA .. 16\-6\-13 (97394)
amAtyAnupadhAtItAnpitR^ipaitAmahA~nshuchIn .
dAntAnkarmasu sarveShu mukhyAnmukhyeShu yojayeH .. 16\-6\-14 (97395)
chArayethAshcha satataM chArairaviditaH paraiH .
parIkShitairbahuvidhaiH svarAShTreShu pareShu cha .. 16\-6\-15 (97396)
puraM cha te suguptaM syAddR^iDhaprAkAratoraNam .
aTTATTAlakasambAdhaM ShaTpadaM sarvato disham .. 16\-6\-16 (97397)
tasya dvArANi sarvANi paryAptAni bR^ihanti cha .
sarvataH suvibhaktAni yantrairArakShitAni cha .. 16\-6\-17 (97398)
puruShairalamarthaste viditaiH kulashIlataH .
AtmA cha rakShyaH satataM bhojanAdiShu bhArata .
vihArAhArakAleShu mAlyashayyAsaneShu cha ..  16\-6\-18 (97399)
striyashcha te suguptAH syurvR^iddhairAptairadhiShThitAH .
shIlavadbhiH kulInaishcha vidvadbhishcha yudhiShThira .. 16\-6\-19 (97400)
mantriNishchaiva kurvIthA dvijAnvidyAvishAradAn .
vinItAMshcha kulInAMshcha dharmArthakushalAnR^ijUn .. 16\-6\-20 (97401)
taiH sArdhaM mantrayethAstvaM nAtyarthaM bahubhiHka saha .
samastairapi cha vyastairvyapadeshena kenachit .. 16\-6\-21 (97402)
susaMvR^itaM mantragR^ihaM sthalaM chAruhya mantrayeH .
araNye niHshalAke vA na cha rAtrau katha~nchana .. 16\-6\-22 (97403)
vAnarAH pakShiNashchaiva ye manuShyAnukAriNaH .
sarve mantragR^ihe varjyA ye chApi jaDapa~NgavaH .. 16\-6\-23 (97404)
mantrabhede hi ye doShA bhanti pR^ithivIkShitAm .
na te shakyAH samAdhAtuM katha~nchiditi me matiH .. 16\-6\-24 (97405)
doShAMshcha mantrabhedasya brUyAstvaM mantrimaNDale .
abhede cha guNA rAjanpunaHpunarariMdama .. 16\-6\-25 (97406)
paurajAnapadAnAM cha shauchashauche yudhiShThira .
yathA syAdviditaM rAjaMstathA kAryaM kurUdvaha .. 16\-6\-26 (97407)
vyavahArashcha te rAjannityamAptairadhiShThitaH .
yojyastuShTairhitai rAjannityaM chArairanuShThitaH .. 16\-6\-27 (97408)
parimANaM viditvA cha daNDaM daNDyeShu bhArata .
praNayeyuryathAnyAyaM puruShAste yudhiShThira .. 16\-6\-28 (97409)
AdAnaruchayashchaiva paradArAbhimarshinaH .
ugradaNDipradhAnAshcha mithyAvyAhAriNastathA .. 16\-6\-29 (97410)
AkroShTArashcha lubdhAshcha hartAraH sAhasapriyAH .
sabhAvihArabhettAro varNAnAM cha pradUShakAH .
hiraNyadaNDyA vadhyAshcha kartavyA deshakAlataH ..  16\-6\-30 (97411)
`avarodhabhUmau bhR^ityaishcha pAnaM saha vivarjayet .
AkroshantyanumattAste kalatraM vA.api gR^ihNate .. 16\-6\-31 (97412)
jighAMsantyapi shastreNa naShTAH krIDanti chotkaTAH .
nAnAkShepA vyAharanti gamyAgamyaM na jAnate .. 16\-6\-32 (97413)
atipAneni rAjA.api sarvaM koshaM vinAshayet .
vitaredgAyakebhyashcha vR^ithA cha dravyasa~nchayam .. 16\-6\-33 (97414)
shabdamAtmani doShAMshcha pibedekashcha jAyayA .
yuktyA prakAshamayati suvIryasyi vivR^iddhaye ..'  16\-6\-34 (97415)
prAtareva hi pashyathA ye kuryuH priyakarma te .
ala~NkAramatho bhojyamata UrdhvaM samAchareH .. 16\-6\-35 (97416)
pashyethAshchi tato yodhAnsadA tvaM pratiharShayan .
dUtAnAM cha charANAM cha pradoShaste sadA bhavet .. 16\-6\-36 (97417)
sadA chApararAtrAnte bhavetkAryArthanirNayaH .
madhyarAtre vihAraste madhyAhne cha sadA bhavet .. 16\-6\-37 (97418)
sarve tvaupayikAH kAlAH kAryANAM bharatarShabha .
tathaivAla~NkR^itaH kAle tiShThithA bhUridakShiNaH .. 16\-6\-38 (97419)
`na vidrAvya cha tiShTheta parihArya vibhUShaNam .
prayojyaM sarvadaiveha ma~NgalyaM pApanAshanam ..'  16\-6\-39 (97420)
chakravattAta kAryANAM paryAyo dR^ishyate sadA .
koshasya nichaye yatnaM kurvIthA nyAyataH sadA .
vividhasya mahArAja viparItaM vivarjayeH ..  16\-6\-40 (97421)
chArairviditvA shatrUMshcha ye rAj~nAmantaraiShiNaH .
tAnAptaiH puruShairdUrAddhAtayethA narAdhipa .. 16\-6\-41 (97422)
karma dR^iShTvA.atha bhR^ityAMstvaM varayethAH kurUdvaha .
kArayethAshcha karmANi yuktAyuktairadhiShThitaiH .. 16\-6\-42 (97423)
senAprANetA cha bhavettava tAta dR^iDhavrataH .
shUraH kleshasahashchaiva hito bhaktashcha pUruShaH .. 16\-6\-43 (97424)
sarve janapadAshchaiva tava karmANi pANDava .
govadrAsabhavachchaiva kuryurye vyavahAriNaH .. 16\-6\-44 (97425)
svarandhraM pararandhraM cha sveShu chaiva pareShu cha .
upalakShayitavyaM te nityameva yudhiShThira .. 16\-6\-45 (97426)
deshajAshchaiva puruShA vikrAntAH sveShu karmasu .
yAtrAbhiranurUpAbhiranugrAhyA hitAstvayA .. 16\-6\-46 (97427)
guNArthinAM guNaH kAryo viduShA vai janAdhipa .
avichAryAshcha te te syurachalA iva nityashaH .. .. 16\-6\-47 (97428)

iti shrImanmahAbhArate AshramavAsikaparvaNi AshramavAsaparvaNi
ShaShTho.adhyAyaH .. 6 ..
##Mahabharata - AshramaVasika Parva - Chapter Footnotes##

7\-6\-5 abhu~Nkta bhuktavatI ..
7\-6\-8 aShTA~Nge svAmyamAtyAdiyute ..
7\-6\-13 rAjyavatparipAlayeti ka.tha.pAThaH ..
7\-6\-16 aShTA durgoparibhAge sa~nchArasthAnAni . ShaTpadaM ShaDbhiH
padaiH padanIyaiH sthAnairyuktam. tena saptaprAkAramiti gamyate. tatra
saptamasyAntaHpuratvAt ShaDevAnyeShAM padanIyAni sthAnAni ..
7\-6\-22 niHshalAke atR^iNe . satR^iNe hyAsannaH parachAro j~nAtumashakya iti ..
7\-6\-29 AdAnaruchayaH utkochopajIvinaH ..
7\-6\-36 pradoSho rajanImukhaM dUtAdInAM darshanakAlaH . pradeyaste sadA
bhavediti ka.tha.pAThaH ..
7\-6\-44 gavAdivat AhAramAtravetanAH . vyavahAriNaH kArushilpiprabhR^itayaH ..

\medskip\hrule\medskip
AshramavAsikaparva \- adhyAya 007
.. shrIH ..
16\.7\. adhyAyaH 7

athAshramavAsaparva  .. 1 ..
##Mahabharata - AshramaVasika Parva - Chapter Topics##
dhR^itarAShTreNa yudhiShThiraMprati rAjanItikathanam .. 1 ..

##Mahabharata - AshramaVasika Parva - Chapter Text##

dhR^itarAShTra uvAcha .
maNDalAni cha budhyethAH pareShAmAtmanastathA .
udAsInaguNAnAM cha madhyasthAnAM cha bhArata .. 16\-7\-1 (97429)
chaturNAM shatrujAtAnAM sarveShAmAtatAyinAm .
mitraM chAmitramitraM cha boddhavyaM te.arikarshana .. 16\-7\-2 (97430)
atha nAnAjanapadA durgANi vividhAni cha .
balAni cha kurushreShTha bhavatyeShAM yathechChakam .. 16\-7\-3 (97431)
te cha dvAdasha kaunteya rAjAno vividhAtmakAH .
mantripradhAnAshcha guNAH ShaShTirdvAdasha cha prabho .. 16\-7\-4 (97432)
etanmaNDalamityAhurAchAryA nItikovidAH .
atra ShADguNyamAchattaM yudhiShThira nibodha tat .. 16\-7\-5 (97433)
vR^iddhikShayau cha vij~neyau sthAnaM cha kurusattama .
dvisaptatyAM mahAbAho tataH ShADguNyajA guNAH .. 16\-7\-6 (97434)
yathA svapakSho balavAnparapakShastathA balaH .
vigR^ihya shatrUnkaunteya yAyAtkShitipatistadA .. 16\-7\-7 (97435)
yadA pare cha balinaH svapakShashchaiva durbalaH .
sArdhaM vidvAMstadA kShINaH paraiH sandhiM masAshrayet .. 16\-7\-8 (97436)
dravyANAM sa~nchayashchaiva kartavyaH sumahAMstathA .
yadA samarthA yAnAya nachireNaiva bhArata .. 16\-7\-9 (97437)
tadA sarvaM vidheyaM syAtsthAnena cha vichArayet .
bhUmiralpaphalA deyA viparItasya bhArata .. 16\-7\-10 (97438)
hiraNyarUpyabhUyiShThaM mitraM kShINamakoshabhR^it .
viparItaM nigR^ihNIyAtsvayaM sandhivishAradaH .. 16\-7\-11 (97439)
sandhyarthaM rAjaputraM vA lipsethA bharatarShabha .
viparItaM na tachChreyaH putra kasyAMchidApadi .. 16\-7\-12 (97440)
tasyAH pramokShe yatnaM cha kuryAH sopAyamantravit .
prakR^itInAM cha rAjendra rAjA dInAnvibhAvayet .. 16\-7\-13 (97441)
krameNi yugapadbudhvA vyasanAnAM balAbalam .
pIDanaM staMbhanaM chaiva koshabha~Ngastathaiva cha .. 16\-7\-14 (97442)
kAryaM yatnena shatrUNAM svarAjyaM rakShatA svayam .
na cha hiMsyo.abhyupagataH sAmanto vR^iddhimichChatA .. 16\-7\-15 (97443)
kaunteya taddhitaM te syAtpR^ithivIM vijigIShataH .
guNAnAM bhedane yogamIpsethAH saha mantribhiH .. 16\-7\-16 (97444)
sAdhusa~NgrahaNAchchaiva pApanigrahaNAttathA .
AtmasAtkaraNe nityaM pAlanAni gR^ihe tathA .
durbalAshchaiva satataM nAnveShTavyA balIyasA ..  16\-7\-17 (97445)
tiShThethA rAjashArdUla vaitasIM vR^ittimAsthitaH .
yadyenamabhiyAyAchcha balavAndurbala nR^ipaH.  16\-7\-18 (97446)
sAmAdibhirupAyaistaM krameNi vinivartayeH .
ashaknuvaMshcha yuddhAya niShpatetsaha mantribhiH .. 16\-7\-19 (97447)
koshena paurairdaNDena ye chAsya priyakAriNaH .
asambhave tu sarvasya yathA mukhyena niShpatet .
krameNAnena mokShaH syAchCharIraM prati kevalam .. ..  16\-7\-20 (97448)

iti shrImanmahAbhArate AshramavAsikaparvaNi AshramavAsaparvaNi
saptamo.adhyAyaH .. 7 ..
##Mahabharata - AshramaVasika Parva - Chapter Footnotes##

7\-7\-1 maNDalAni arirmitramityAdIni ..
7\-7\-3 yathechChakaM parairbhedyatvamabhedyatvaM cha bhavati
tasmAdavahitastiShThet . tathAmAtyA janapadA iti jha.pAThaH. bhavatyeShAM
svakaM paramiti tha.pAThaH ..
7\-7\-4 dvAdasha chatvAraH shatrujAtAH . ShaT AtatAyinaH. mitraM
amitramitraM cheti ShaShTirguNAH. kR^iShyAdInyaShTau
saMdhAnakarmANi. bAlAdayo viMshatirasaMdheyA. nAstikyAdayashchaturdasha
doShAH. mantrAdInyaShTAdasha tIrthAnIti. eteShu kechit hAnArthaM
j~nAtavyAH kechidupAdAnArtham ..
7\-7\-5 tataH ShA~NguNyachAriNa iti ka.tha.pAThaH ..
7\-7\-6 dravyANAM sa~nchaye chaiva yatnaH kAryaH sadA bhavet iti ka.pAThaH ..
7\-7\-9 dInAn andhavadhirAdIn vibhAvayetpUjayet ..
7\-7\-13 enaM tvAm

\medskip\hrule\medskip
AshramavAsikaparva \- adhyAya 008
.. shrIH ..
16\.8\. adhyAyaH 8

athAshramavAsaparva  .. 1 ..
##Mahabharata - AshramaVasika Parva - Chapter Topics##
dhR^itarAShTreNa yudhiShTharaMprati rAjanItikathanam .. 1 ..

##Mahabharata - AshramaVasika Parva - Chapter Text##

dhR^itarAShTra uvAcha .
sandhivigrahamapyatra pashyethA rAjasattama .
dviyoniM vividhopAyaM bahukalpaM yudhiShThira .. 16\-8\-1 (97449)
kauravya paryupAsIthAH sthitvA dvaividhyamAtmanaH .
tuShTapuShTajanaH shatrurarthavAniti cha smaret .. 16\-8\-2 (97450)
paryupAsanakAle tu viparItaM vidhIyate .
AmardakAle rAjendra vyavasAyastato.aparaH .. 16\-8\-3 (97451)
vyasanaM bhedanaM chaiva shatrUNAM kArayettataH .
karShaNaM bhIShaNaM chaiva yuddhe chaiva bahukShayam .. 16\-8\-4 (97452)
prayAsyamAno nR^ipatistrividhaM parichintayet .
Atmanashchaiva shatroshcha shaktiM shAstravishAradaH .. 16\-8\-5 (97453)
utsAhaprabhushaktibhyAM mantrashaktyA cha bhArata .
upapanno nR^ipo yAyAdviparItaM cha varjayet .. 16\-8\-6 (97454)
AdadIta balaM rAjA maulaM mitrabalaM tathA .
aTavIbalaM bhR^itaM chaiva tatA shreNIbalaM prabho .. 16\-8\-7 (97455)
`mitrAmitrabalaM rAjannyAyAdvR^iddhyudaye dhR^itaH.'
tatra mitrabalaM rAjanmaulaM chaiva vishiShyate .
shreNIbalaM bhR^itaM chaiva tulye eveti me matiH ..  16\-8\-8 (97456)
tathA.a.achArabalaM chaiva parasparasamaM nR^ipa .
vij~neyaM balakAleShu rAj~nA kAla upasthite .. 16\-8\-9 (97457)
ApadashchApi boddhavyA bahurUpA narAdhipa .
bhavanti rAj~nA kauravya yAstAH pR^ithagataH shR^iNu .. 16\-8\-10 (97458)
vikalpA bahudhA rAjannApadAM pANDunandana .
sAmAdibhirupanyasya gamayettAnnR^ipaH sadA .. 16\-8\-11 (97459)
yAtrAM gachChedbalairyukto rAjA ShaDbhiH paraMtapa .
yuktashcha deshakAlAbhyAM balairAtmaguNaistathA .. 16\-8\-12 (97460)
hR^iShTapuShTabalo gachChedrAjA vR^iddhyudaye rataH .
akR^ishashchApyatho yAyAdanR^itAvapi pANDava .. 16\-8\-13 (97461)
tUNAshmAnaM vAjirathapravAhAM
dhvajadrumaiH saMvR^itakUlarodhasam .
padAtinAgairbahukardamAM nadIM
sapatnAnAshe nR^ipatiH prayojayet ..  16\-8\-14 (97462)
athopapattyA shakaTaM padmavajraM cha bhArata .
ushanA veda yachChAstraM tatraitadvihitaM vibho .. 16\-8\-15 (97463)
chArayitvA parabalaM kR^itvA svabaladarshanam .
svabhUmau yojayedyuddhaM parabhUmau tathaiva cha .. 16\-8\-16 (97464)
balaM prasAdayedrAjA nikShipedbalano narAn .
j~nAtvA svaviShayaM tatra sAmAdibhirupakramet .. 16\-8\-17 (97465)
sarvathaiva mahArAja sharIraM dhArayediha .
pretya cheha cha kartavyamAtmaniHshreyasaM param .. 16\-8\-18 (97466)
evaM kurva~nshubhA vAcho loke.asmi~nshR^iNu te nR^ipa .
pretya svargamavApnoti prajA dharmeNi pAlayan .. 16\-8\-19 (97467)
evaM tvayA kurushreShTha vartitavyaM prajAsu vai .
ubhayorlokayostAta prAptaye nityameva hi .. 16\-8\-20 (97468)
bhIShmeNa sarvamuktosi kR^iShNena vidureNa cha .
mayA.apyavashyaM vaktavyaM prItyA te nR^ipasattama .. 16\-8\-21 (97469)
etatsarvaM yathAnyAyaM kurvIthA bhUridakShiNa .
priyastathA prajAnAM tvaM svarge sukhamavApsyasi .. 16\-8\-22 (97470)
ashvamedhasahasreNa yo yajetpR^ithivIpatiH .
pAlayedvA.api dharmeNi prajAstulyaM phalaM labhet .. .. 16\-8\-23 (97471)

iti shrImanmahAbhArate AshramavAsikaparvaNi AshramavAsaparvaNi
aShTamo.adhyAyaH .. 8 ..
##Mahabharata - AshramaVasika Parva - Chapter Footnotes##

7\-8\-1 prabalapratiyogikau durbalapratiyogikau cheti dviyonI saMdhivigrahau ..
7\-8\-2 sthitvA sthiro bhUtvA . dvaividhyaM balAbalaM j~nAtvA
shatruM paryupAssveti bhAvaH. smarejjayopAyaM vichArayenna
tvakasmAtprayAyAt. jitvA dvividhamAtmaneti ka.pAThaH ..
7\-8\-3 viparItamatuShTapuShTabalaM prayAyAdityarthaH ..
7\-8\-4 gamanaM vedanaM chaiveti tha.pAThaH ..
7\-8\-7 maulaM dhanabalam ..
7\-8\-13 anR^itau akAle.api shishirAdau ..
7\-8\-15 shakaTAdayo vyUhavisheShAH ..
7\-8\-16 sAdhayitvA parabalaM kR^itvA cha balamarShaNam iti ka.tha.pAThaH ..

\medskip\hrule\medskip
AshramavAsikaparva \- adhyAya 009
.. shrIH ..
16\.9\. adhyAyaH 9

athAshramavAsaparva  .. 1 ..
##Mahabharata - AshramaVasika Parva - Chapter Topics##
dhR^itarAShTeNa yudhiShThirAtsakalapaurajanAnayanena svasya
vanajigamiShAnivedanapUrvakaM tAnprAta tadabhyanuj~nAnaprArthanA .. 1 ..

##Mahabharata - AshramaVasika Parva - Chapter Text##

yudhiShThira uvAcha .
evametatkariShyAmi yathA.a.attha pR^ithivIpate .
bhUyashchaivAnushAsyo.ahaM bhavatA pArthivarShabha .. 16\-9\-1 (97472)
bhIShme svargamanuprApto gate cha madhusUdane .
vidure saMjaye chaiva ko.anyo mAM vaktumarhati .. 16\-9\-2 (97473)
yattu mAmanushAstIha bhavAnadya hite sthitaH .
kartAsmi tanmahIpAla nirvR^ito bhava pArthiva .. 16\-9\-3 (97474)
vaishampAyana uvAcha. 16\-9\-4x (8039)
evamuktaH sa rAjarShirdharmarAjena dhImatA .
kaunteyaM samanuj~nAtumiyeSha bharatarShabha .. 16\-9\-4 (97475)
putra vishrAmyatAM tAvanmamApi balavA~nshramaH .
ityuktvA prAvishadrAjA gAndhAryA bhavanaM tadA .. 16\-9\-5 (97476)
tamAsanagataM devI gAndhArI dharmachAriNI .
uvAcha kAle kAlaj~nA prajApatisamaM patim .. 16\-9\-6 (97477)
anuj~nAtaH svayaM tena vyAseni tvaM maharShiNA .
yudhiShThirasyAnumate kadA.araNyaM gamiShyasi .. 16\-9\-7 (97478)
dhR^itarAShTra uvAcha. 16\-9\-8x (8040)
gAndhAryahamanuj~nAtaH svayaM pitrA mahAtmanA .
yudhiShThirasyAnumate gantAsmi nachirAdvanam .. 16\-9\-8 (97479)
ahaM hi tAvatsarveShAM teShAM durdyUtadevinAm .
putrANAM dAtumichChAmi pretyabhAvAnugaM vasu .
sarvaprakR^ititisAnnidhyaM kArayitvA svaveshmani ..  16\-9\-9 (97480)
vaishampAyana uvAcha. 16\-9\-10x (8041)
ityuktvA dharmarAjAya preShayAmAsa vai tadA .
sa cha tadvachanAtsarvaM samAninye mahIpatiH .. 16\-9\-10 (97481)
tataH pratItamanaso brAhmaNAH kurujA~NgalAH .
kShatriyAshchaiva vaishyAshcha shUdrAshchaiva samAyayuH .. 16\-9\-11 (97482)
tato niShkramya nR^ipatistasmAdantaHkapurAttadA .
daddashe taM janaM sarvaM sarvAshcha prakR^itIstathA .. 16\-9\-12 (97483)
samavetAMshcha tAnsarvAnpaurA~njAnapadAMstathA .
tAnAgatAnabhiprekShya samastaM cha suhR^i~njanam ..  16\-9\-13 (97484)
brAhmaNAMshcha mahIpAla nAnAdeshasamAgatAn .
uvAcha matimAnrAjA dhR^itarAShTro.ambikAsutaH .. 16\-9\-14 (97485)
bhavantaH kuruvashchaiva chirakAlaM sahoShitAH .
parasparasya suhR^idaH parasparahite ratAH .. 16\-9\-15 (97486)
yadidAnImahaM brUyAmasminkAla upasthite .
tathA bhavadbhiH kartavyamavichArya vacho mama .. 16\-9\-16 (97487)
araNyagamane buddhirgAndhArIsahitasya me .
vyAsasyAnumate rAj~nastathA kuntIsutasya me .. 16\-9\-17 (97488)
bhavantopyanujAnantu mAnyA vo.abhUdvichAraNA ..  16\-9\-18 (97489)
asmAkaM bhavatAM chaiva yeyaM prItirhi shAshvatI .
na cha sA.anyeShu desheShu rAj~nAmiti matirmama .. 16\-9\-19 (97490)
shAntosmi vayasA.anena tathA putravinAkR^itaH .
upavAsakR^ishashchAsmi gAndhArIsahito.anaghAH .. 16\-9\-20 (97491)
yudhiShThiragate rAjye prAptashchAsmi sukhaM mahat .
manye duryodhanaishvaryAdvishiShTaM bahubhirguNaiH .. 16\-9\-21 (97492)
mama chAndhasya vR^iddhasya hataputrasya kA gatiH .
R^ite vanaM mahAbhAgAstanmA.anuj~nAtumarhatha .. 16\-9\-22 (97493)
tasya tadvachanaM shrutvA sarve te kurujA~NgalAH .
bAppasaMdigdhayA vAchA rurudurbharatarShabha .. 16\-9\-23 (97494)
tAnavibruvataH ki~nchitsarvA~nshokaparAyaNAn .
punareva mahAtejA dhR^itarAShTro.abravIdidam .. .. 16\-9\-24 (97495)

iti shrImanmahAbhArate AshramavAsikaparvaNi AshramavAsaparvaNi
navamo.adhyAyaH .. 9 ..

\medskip\hrule\medskip
AshramavAsikaparva \- adhyAya 010
.. shrIH ..
16\.10\. adhyAyaH 10

athAshramavAsaparva  .. 1 ..
##Mahabharata - AshramaVasika Parva - Chapter Topics##
dhR^itarAShTreNa paurAnprati duryodhanapakShapAtena
svakR^itApanayakShamApanam .. 1 ..

##Mahabharata - AshramaVasika Parva - Chapter Text##

dhR^itarAShTra uvAcha .
shAntanuH pAlayAmAsa yathAvadvasudhAmimAm .
tathA vichitravIryashcha bhIShmeNa paripAlitaH .
pAlayAmAsa nastAto viditaM vo na saMshayaH ..  16\-10\-1 (97496)
yathA cha pANDurbhAtA me dayito bhavatAmabhUt .
sa chApi pAlayAmAsa yathAvattachcha vettha ha .. 16\-10\-2 (97497)
`anantaraM hi pitaramanuj~nAto yudhiShThiraH .
nAtra ki~nchinmR^iShA jAtu bhAShateti matirmama ..'  16\-10\-3 (97498)
mayA cha bhavatAM samyak shushrUShA yA kR^itA.anaghAH .
asamyagvA mahAbhAgAstatkShantavyamatandritaiH .. 16\-10\-4 (97499)
yadA duryodhanenedaM bhuktaM rAjyamakaNTakam .
api tatra na vo mando durbuddhiraparAddhavAn .. 16\-10\-5 (97500)
tasyAparAdhAddurbuddherabhimAnAnmahIkShitAm .
vimardaH sumahAnAsIdanayAtsvakR^itAdatha .
`ghAtitAH kauraveyAshcha pR^ithivI cha vinAshitA ..'  16\-10\-6 (97501)
tanmayA sAdhu vA.apIdaM yadi vA.asAdhu vai kR^itam .
tadvo hR^idi na kartavyaM mayA baddho.ayama~njaliH .. 16\-10\-7 (97502)
vR^iddho.ayaM hataputro.ayaM duHkhito.ayaM narAdhipaH .
pUrvarAj~nAM cha putro.ayamiti kR^itvA.anujAnatha .. 16\-10\-8 (97503)
iyaM cha kR^ipaNA vR^iddhA hataputrA tapasvinI .
gAndhArI putrashokArtA tulyaM yAchati vo mayA .. 16\-10\-9 (97504)
hataputrAvimau vR^iddhau viditvA duHkhitau tathA .
anujAnIta bhadraM vo vrajAva sharaNaM cha vaH .. 16\-10\-10 (97505)
ayaM cha kauravo rAjA kuntIputro yudhiShThiraH .
sarvairbhavadbhirdravyaH sameShu viShameShu cha .
na jAtu viShamaM chaiva gamiShyati kadAchana ..  16\-10\-11 (97506)
chatvAraH sachivA yasya bhrAtaro vipulaujasaH .
lokakapAlasamA hyete sarvadharmArthadarshinaH .. 16\-10\-12 (97507)
`chaturNAM lokapAlAnAM madhye viparivartate.'
brahmeva bhagavAneSha sarvabhUtajagatpatiH ..  16\-10\-13 (97508)
`evameva mahAbAhurbhImArjunayamairvR^itaH.'
yudhiShThiro mahAtejA bhavataH pAlayiShyati ..  16\-10\-14 (97509)
avashyameva vaktavyamiti kR^itvA bravImi vaH .
eSha nyAso mayA dattaH sarveShAM vo yudhiShThiraH .
bhavanto.asya cha vIrasya nyAsabhUtAH kR^itA mayA ..  16\-10\-15 (97510)
yadeva taiH kR^itaM ki~nchidvyalIkaM vaH sutairmama .
yadanyeni madIyena tadanuj~nAtumarhatha .. 16\-10\-16 (97511)
bhavadbhirna hi me manyuH kR^itapUrvaH katha~nchana .
atyantagurubhaktAnAmeSho.a~njaliridaM namaH .. 16\-10\-17 (97512)
teShAmasthirabuddhInAM lubdhAnAM kAmachAriNAm .
kR^ite yAche.adya vaH sarvAngAndhArIsahito.anaghAH .. 16\-10\-18 (97513)
ityuktAMstena te sarve paurajAnapadA janAH .
nochurbAShpakalAH ki~nchidvIkShAMchakruH parasparam .. .. 16\-10\-19 (97514)

iti shrImanmahAbhArate AshramavAsikaparvaNi AshramavAsaparvaNi
dashamo.adhyAyaH .. 10 ..
##Mahabharata - AshramaVasika Parva - Chapter Footnotes##

7\-10\-7 na kartavyamanuj~nAtumihArhatheti ka.Ta.tha.pAThaH ..
7\-10\-16 anyena bhR^ityena . anuj~nAtuM kShantum ..

\medskip\hrule\medskip
AshramavAsikaparva \- adhyAya 011
.. shrIH ..
16\.11\. adhyAyaH 11

athAshramavAsaparva  .. 1 ..
##Mahabharata - AshramaVasika Parva - Chapter Topics##
paurajanairbrAhmaNamukhena dhR^itarAShTraMprati samAshvAsanapUrvakaM
kR^ichChreNi vanagamanAbhyanuj~nAnam .. 1 ..

##Mahabharata - AshramaVasika Parva - Chapter Text##

vaishampAyana uvAcha .
evamuktAstu te tena paurajAnapadA janAH .
vR^iddhena rAj~nA kauravya naShTasaMj~nA ivAbhavan .. 16\-11\-1 (97515)
tUShNIMbhUtAMstatastAMstu vAShpakaNThAnmahIpatiH .
dhR^itarAShTro mahIpAlaH punarevAbhyabhAShata .. 16\-11\-2 (97516)
vR^iddhaM cha hataputraM cha dharmapatnyA sahAnayA .
vilapantaM bahuvidhaM kR^ipaNaM chaiva sattamAH .. 16\-11\-3 (97517)
pitrA svayamanuj~nAtaM kR^iShNadvaipAyanena vai .
vanavAsAya dharmaj~nA dharmajena nR^ipeNa ha .. 16\-11\-4 (97518)
sohaM punaHpunaryAche shirasA.avanato.anaghAH .
gAndhAryA sahitaM tanmAM samanuj~nAtumarhatha .. 16\-11\-5 (97519)
vaishampAyana uvAcha. 16\-11\-6x (8042)
tachChrutvA kururAjasya vAkyAni karuNAni te .
ruruduH sarvasho rAjansametAH kurujA~NgalAH .. 16\-11\-6 (97520)
uttarIyaiH karaishchApi saMChAdya vadanAni te .
ruruduH shokasaMtaptA muhUrtaM pitR^imAtR^ivat .. 16\-11\-7 (97521)
hR^idayaiH shUnyabhUtaiste dhR^itarAShTrapravAsajam .
duHkhaM saMdhArayanto hi naShTasaMj~nA havAbhavan .. 16\-11\-8 (97522)
te vinIya tamAyAsaM dhR^itarAShTraviyogajam .
shanaiH shanaistadA.anyonyamabruvansvamatAnyuta .. 16\-11\-9 (97523)
tataH sa~nchintya te sarve vAkyAnyatha samAsataH .
ekasminbrAhmaNe kAryamAvesyochurnarAdhipam .. 16\-11\-10 (97524)
tataH svAcharaNo vipraH sammato.arthavishAradaH .
sambhAvyo bahvR^icho rAjanvaktuM samupachakrame .. 16\-11\-11 (97525)
anumAnya mahArAjaM sadaH samanubhAShya cha .
vipraH pragalbho medhAvI sa rAjAnamuvAcha ha .. 16\-11\-12 (97526)
rAjanvAkyaM janasyAsya mayi sarvaM samarpitam .
vakShyAmi tadahaM vIra tajjuShasva napAdhipa .. 16\-11\-13 (97527)
yathA vadasi rAjendra sarvametattathA vibho .
nAtra mithyA vachaH ki~nchitsuhR^ittvaM naH parasparam .. 16\-11\-14 (97528)
na jAtvasya cha vaMshasya rAj~nAM kashchitkadAchana .
rAjA.a.asIdyaH prajApAlaH prajAnAmapriyo.abhavat .. 16\-11\-15 (97529)
pitR^ivanmAtR^ivachchaiva bhavantaH pAlayanti naH .
na cha duryodhanaH ki~nchidayuktaM kR^itavAnnR^ipaH .. 16\-11\-16 (97530)
`priyANi kurvansarveShAmanuvR^ittyarthamudyataH.'
yathA bravIti dharmAtmA muniH satyavatIsutaH .
tathA kuru mahArAja sa hi naH paramo guruH ..  16\-11\-17 (97531)
tyaktA vayaM tu bhavatA duHkhashokaparAyaNAH .
bhaviShyAmashchiraM rAjanbhavadguNashatairhR^itAH .. 16\-11\-18 (97532)
yathA shantanunA guptA rAj~nA chitrA~Ngadena cha .
bhIShmavIryopagUDhena pitrA tava cha pArthiva .
bhavadbuddhiyujA chaivi pANDunA pR^ithivIkShitA ..  16\-11\-19 (97533)
tathA duryodhanenApi rAj~nA suparipAlitAH .
na svalpamapi putraste vyalIkaM kR^itavAnnR^ipa.  16\-11\-20 (97534)
pitarIva suvishvastAstasminnapi narAdhipe .
vayasA sma yathA samyagbhavato viditaM tathA .. 16\-11\-21 (97535)
tathA varShasahasrANi kuntIputreNa dhImatA .
pAlyamAnA dhR^itimatA sukhaM vindAmahe nR^ipa .. 16\-11\-22 (97536)
rAjarShINAM purANAnAM bhavatAM puNyakarmaNAm .
kurusaMvaraNAdInAM bharatasya cha dhImataH .. 16\-11\-23 (97537)
vR^ittaM samanuyAtyeSha dharmAtmA bhUridakShiNaH .
nAtra vAchyaM mahArAja susUkShmamapi vidyate .. 16\-11\-24 (97538)
uShitAH sma sukhaM nityaM bhavatA paripAlitAH .
susUkShmaM cha vyalIkaM te saputrasya na vidyate .. 16\-11\-25 (97539)
yattu j~nAtivimarde.asminnAttha duryodhanaM prati .
bhantamanuneShyAmi tatrApi kurunandana .. 16\-11\-26 (97540)
na tadduryodhanakR^itaM na cha tadbhavatA kR^itam .
na karNasaubalAbhyAM cha kuravo yatkShayaM gatAH .. 16\-11\-27 (97541)
daivaM tattu vijAnImo yanna shakyaM prabAdhitum .
daivaM puruShakAreNi na shakyamapi bAdhitum .. 16\-11\-28 (97542)
akShauhiNyo mahArAja dashAShTau cha samAgatAH .
aShTAdashAhena hatAH kurubhiryodhapu~NgavaiH .. 16\-11\-29 (97543)
bhIShmadroNakR^ipAdyaishcha karNena cha mahAtmanA .
yuyudhAnena vIreNa dhR^iShTadyumnena chAhave .. 16\-11\-30 (97544)
chaturbhiH pANDuputraishcha bhImArjunayamaistathA .
na cha kShayo.ayaM nR^ipate krate daivabalAdabhUt .. 16\-11\-31 (97545)
avashyameva sa~NgrAme kShatriyeNa visheShataH .
kartavyaM nidhanaM kAle martavyaM kShatrabandhunA .. 16\-11\-32 (97546)
tairiyaM puruShavyAghrairvidyAbAhubalAnvitaiH .
pR^ithivI nihatA sarvA sahayA sarathadvipA .. 16\-11\-33 (97547)
na sa rAj~nAM vadhe sUnuH kAraNaM te mahAtmanAm .
na bhavAnna cha te bhR^ityA na karNo na cha saubalaH .. 16\-11\-34 (97548)
yadvishastAH kurushreShTha rAjAnashcha sahasrashaH .
sarvaM daivakR^itaM viddhi kotra kiM vaktumarhati .. 16\-11\-35 (97549)
gururmato bhavAnasya kR^itsnasya jagataH prabhuH .
dharmAtmAnamatastubhyamanujAnImahe sutam .. 16\-11\-36 (97550)
labhatAM vIralokaM sa sasahAyo narAdhipaH .
dvijAgryaiH samanuj~nAtastridive modatAM sukham.  16\-11\-37 (97551)
prApsyate cha bhavAnpuNyaM dharme cha satataM sthitaH .
veda dharmaM mahAbAho laukyaM vaidikameva cha .. 16\-11\-38 (97552)
dR^iShTApadAnAshchAsmAbhiH pANDavAH puruSharShabhAH .
samarthAstridivasyApi pAlane kiM punaH kShiteH .. 16\-11\-39 (97553)
anuvartsyanti vA dhImansameShu viShameShu cha .
prajAH kurukulashreShTha pANDavA~nshIlabhUShaNAn .. 16\-11\-40 (97554)
brahmadeyAgrahArAMshcha pAribarhAMshcha pArthivaH .
pUrvarAjAtisargAMshcha pAlayatyeva pANDavaH .. 16\-11\-41 (97555)
dIrghadarshIM mR^idurdAntaH sadA vaishravaNo yathA .
akShudrasachivashchAyaM kuntIputro mahAmanAH .. 16\-11\-42 (97556)
apyamitre dayAvAMshcha shuchishcha bharatarShabhaH .
R^iju pashyati medhAvI putravatpAti naH sadA .. 16\-11\-43 (97557)
vipriyaM cha janasyAsya saMsargAddharmajasya vai .
na kariShyanti rAjarShe tathA bhImArjunAdayaH .. 16\-11\-44 (97558)
mandA mR^iduShu kauravya tIkShNeShvAshIviShopamAH .
vIryavanto mahAtmAnaH paurANAM cha hite ratAH .. 16\-11\-45 (97559)
na kuntI na cha pA~nchAlI na cholUpI na sAtvatI .
asmi~njane kariShyanti pratikUlAni karhichit .. 16\-11\-46 (97560)
bhavatkR^itamimaM snehaM yudhiShThiravivardhitam .
na pR^iShThataH kariShyanti paurA jAnapadA janAH .. 16\-11\-47 (97561)
adharmiShThAnapi sataH kuntIputrA mahArathAH .
mAnavAnpAlayiShyanti bhUtvA dharmaparAyaNAH .. 16\-11\-48 (97562)
sa rAjanmAnasaM duHkhamapanIya yudhiShThirAt .
kuru kAryANi dharmyANi namaste puruSharShabha .. 16\-11\-49 (97563)
vaishampAyana uvAcha. 16\-11\-50x (8043)
tasya tadvachanaM dharmyamanumAnya guNottaram .
sAdhusAdhviti sarvaH sa janaH pratigR^ihItavAn .. 16\-11\-50 (97564)
dhR^itarAShTrAshcha tadvAkyamabhipUjya punaHpunaH .
visarjayAmAsa tadA prakR^itIstu shanaiHshanaiH .. 16\-11\-51 (97565)
sa taiH sampUjito rAjA shivenAvekShitastathA .
prA~njaliH pUjayAmAsa taM janaM bharatarShabha .. 16\-11\-52 (97566)
tato vivesha bhavanaM gAndhAryA sahito nijam .
AgatAyAM cha sharvaryAM sukhaM shete narAdhipaH .. .. 16\-11\-53 (97567)

iti shrImanmahAbhArate AmashravAsikaparvaNi AshramavAsaparvaNi
ekAdasho.adhyAyaH .. 11 ..

\medskip\hrule\medskip
AshramavAsikaparva \- adhyAya 012
.. shrIH ..
16\.12\. adhyAyaH 12

athAshramavAsaparva  .. 1 ..
##Mahabharata - AshramaVasika Parva - Chapter Topics##
dhR^itarAShTreNa bhIShmaduryodhanAdInAM shrAddhadAnAya
viduramukhAdyudhiShThiraMprati dravyayAchanam .. 1 ..
tachChravaNena vimanAyamAbhIme tadbhAdaj~nenArjunena tamprati
dravyayAchane bhImena dhR^itarAShTrApanayAnusmAraNapUrvakaM
tadana~NgIkaraNam .. 2 ..

##Mahabharata - AshramaVasika Parva - Chapter Text##

vaishampAyana uvAcha .
tato rajanyAM vyuShTAyAM dhR^itarAShTroM.abikAsutaH .
viduraM preShayAmAsa yudhiShThiraniveshanam .. 16\-12\-1 (97568)
sa gatvA rAjavachanAduvAchAchyutamIshvaram .
yudhiShThi mahAtejAH sarvabuddhimatAMvaraH .. 16\-12\-2 (97569)
dhR^itarAShTro mahArAjo vanavAsAya dIkShitaH .
gamiShyati vanaM rAjannAgatAM kArtikImimAm .. 16\-12\-3 (97570)
sa tvAM kurukulashreShTha ki~nchirthamabhIpsati .
shrAddhamichChati dAtuM sa gA~Ngeyasya mahAtmanaH .. 16\-12\-4 (97571)
droNasya somadattasya bAhlIkasya cha dhImataH .
putrANAM chaiva sarveShAM ye chAnye suhR^ido hatAH .
yadi chApyanujAnIShe saindhavApashadasya cha ..  16\-12\-5 (97572)
etachChrutvA tu vachanaM vidurasya yudhiShThiraH .
hR^iShTaHka sampUjayAmAsa guDokeshashcha pANDavaH .. 16\-12\-6 (97573)
na cha bhImo ddaDhakrodhastadvacho jagR^ihe tadA .
vidurasya mahAtejA duryodhanakR^itaM smaran .. 16\-12\-7 (97574)
abhiprAyaM viditvA tu bhImatasenasya phalgunaH .
kirITI ki~nchidAnamya tamuvAcha nararShabham .. 16\-12\-8 (97575)
bhIma rAjA pitA vR^iddho vanavAsAya dIkShitaH .
dAtumichChati sarveShAM suhR^idAmaurdhvadehikam .. 16\-12\-9 (97576)
bhavatA nirjitaM vittaM dAtumichChati kauravaH .
bhIShmAdInAM mahAbAho tadanuj~nAtumarhasi .. 16\-12\-10 (97577)
diShTyA tvadya mahAbAho dhR^itarAShTraH prayAchate .
yAchito yaH purA.asmAbhiH pashya kAlasya paryayam .. 16\-12\-11 (97578)
yosau pR^ithivyAH kR^itsnAyA bhartA bhUtvA narAdhipaH .
parairvinihatAmAtyo vanaM gantumabhIpsati .. 16\-12\-12 (97579)
mA te.anyatpuruShavyAghra dAnAdbhavatu darshanam .
ayashasyamato.anyatsyAdadharmashcha mahAbhujaH .. 16\-12\-13 (97580)
rAjAnamupatiShThasva jyeShThaM bhrAtaramIshvaram .
arhastvamasi dAtuM vai nAdAtuM bharatarShabha .. 16\-12\-14 (97581)
evaM bruvANaM bIbhatsuM dharmarAjo.apyapUjayat .
bhImasenastu sakrodhamuvAcha vijayaM tadA .. 16\-12\-15 (97582)
vayaM bhIShmasya dAsyAmaH pretakAryaM tu phalguna .
somadattasya nR^ipaterbhUrishravasa eva cha .. 16\-12\-16 (97583)
bAhlIkasya cha rAjarSherdroNasya cha mahAtmanaH .
anyeShAM chaiva suhR^idAM kuntI karNAya dAsyati .. 16\-12\-17 (97584)
shrAddhAni puruShavyAghra mA pradAtkauravo nR^ipaH .
iti me vartate buddhirmA vo nandantu shatravaH .. 16\-12\-18 (97585)
kaShTAtkaShTataraM yAntu sarve duryodhanAdayaH .
yairiyaM pR^ithivI kR^itsnA ghAtitA kulapAMsanaiH .. 16\-12\-19 (97586)
kutastvamadya vismR^itya vairaM dvAdashavArShikam .
aj~nAtavAsagamanaM draupadIshokavardhanam .. 16\-12\-20 (97587)
kva tadA dhR^itarAShTrasya sneho.asmadgocharo gataH .
kR^iShNAjinopasaMvIto hR^itAbharaNabhUShaNaH .
sArdhaM pA~nchAlaputryA tvaM rAjAnamupajagmivAn ..  16\-12\-21 (97588)
kva tadA droNabhiShmau tau somadattopi vA.abhavat .
yatra dvAdasha varShANi vane vanyena jIvatha .
na tadA tvAM pitA jyeShThaH pitR^itvenAbhivIkShate ..  16\-12\-22 (97589)
kiM te tadvismR^itaM pArthaka yadeSha kulapAMsanaH .
durbuddhirviduraM prAha dyUte kiM jitamityuta .. 16\-12\-23 (97590)
tamevaMvAdinaM rAjA kuntIputro yudhiShThiraH .
uvAcha vachanaM dhImA~njoShamAssveti bhartsayan .. .. 16\-12\-24 (97591)

iti shrImanmahAbhArate AshramavAsikaparvaNi AshramavAsaparvaNi
dvAdasho.adhyAyaH .. 12 ..
##Mahabharata - AshramaVasika Parva - Chapter Footnotes##

7\-12\-4 ki~nchidarthaM ki~nchitkAryaM kartuM tvAmabhIpsati draShTumiti
sheShaH ..
7\-12\-8 ki~nchidAgamya bhImaM vachanamabravIditi ka.tha.pAThaH ..


\medskip\hrule\medskip
AshramavAsikaparva \- adhyAya 013
.. shrIH ..
16\.13\. adhyAyaH 13

athAshramavAsaparva  .. 1 ..
##Mahabharata - AshramaVasika Parva - Chapter Topics##
bhIme duryodhanAdibhyaH shrAddhadAnAya dhanadAnamarochayati
sati yudhiShThireNa viduraMprati dhR^itarAShTre
nijagR^ihakoshAddhanadAnanivedanakathanam .. 1 ..

##Mahabharata - AshramaVasika Parva - Chapter Text##

arjuna uvAcha .
bhIma jyeShTho gururme tvaM nAto.anyadvamuktumutsahe .
dhR^itArAShTrastu rAjarShiH sarvathA mAnamarhati .. 16\-13\-1 (97592)
na smarantyaparAddhAni smaranti sukR^itAnyapi .
asaMbhinnArthamaryAdAH sAdhavaH puruShottamAH .. 16\-13\-2 (97593)
iti tasya vachaH shrutvA phalgunasya mahAtmanaH .
viduraM prAha dharmAtmA kuntIputro yudhiShThiraH .. 16\-13\-3 (97594)
idaM madvachanAtkShattaH kauravaM brUhi pArthivam .
yAvadichChati putrANAM dAtuM tAvaddadAmyaham .. 16\-13\-4 (97595)
bhIShmAdInAM cha sarveShAM suhR^idAmupakAriNAm .
mama koshAditi vibho mA bhUdbhImaH sudurmanAH .. 16\-13\-5 (97596)
vaishampAyana uvAcha. 16\-13\-6x (8044)
ityuktvA dharmarAjastamarjunaM pratyapUjayat .
bhImasenaH kaTAkSheNa vIkShAMchakre dhanaMjayam .. 16\-13\-6 (97597)
tataH sa viduraM dhImAnvAkyamAha yudhiShThiraH .
na bhImasena kopaM sa nR^ipatiH kartumarhati .. 16\-13\-7 (97598)
parikliShTo hi bhImastu himavR^iShTyAtapAdibhiH .
duHkhairbahuvidhairdhImAnaraNye viditaM tava .. 16\-13\-8 (97599)
kiMtu madvachanAdbrUhi rAjAnaM bharatarShabham ..
yadyadichChasi yAvachcha gR^ihyatAM madgR^ihAditi .. 16\-13\-9 (97600)
yanmAtsaryamayaM bhImaH karoti bhR^ishaduHkhitaH .
na tanmanasi kartavyamiti vAchyaH sa pArthivaH .. 16\-13\-10 (97601)
yanmamAsti dhanaM ki~nchidarjunasya cha veshmani .
tasya svAmI mahArAja iti vAchyaH sa pArthivaH .. 16\-13\-11 (97602)
dadAtu rAjA viprebhyo yatheShTaM kriyatAM vyayaH .
putrANAM suhR^idAM chaiva gachChatvAnR^iNyamadya saH .. 16\-13\-12 (97603)
idaM chApi sharIraM me tavAyattaM janAdhipa .
dhanAni cheti viddhi tvaM kShattarnAstyatra saMshayaH .. .. 16\-13\-13 (97604)

iti shrImanmahAbhArate AshramavAsikaparvaNi AshramavAsaparvaNi
trayodasho.adhyAyaH ... 13 ..

\medskip\hrule\medskip
AshramavAsikaparva \- adhyAya 014
.. shrIH ..
16\.14\. adhyAyaH 14

athAshramavAsaparva  .. 1 ..
##Mahabharata - AshramaVasika Parva - Chapter Topics##
vidureNa dhR^itarAShTraMprati yudhiShThireNa bhIShmAdInAM shrAddhadAnAya
dhanadAnA~NgIkaraNanivedanam .. 1 ..

##Mahabharata - AshramaVasika Parva - Chapter Text##

vaishampAyana uvAcha .
evamuktastu rAj~nA sa viduro buddhisattamaH .
dhR^itarAShTramupetyaiva vAkyamAha mahArthavat .. 16\-14\-1 (97605)
ukto yudhiShThiro rAjA bhavadvachanamAditaH .
sa cha saMshrutya vAkyaM te prashashaMsa mahAdyutiH .. 16\-14\-2 (97606)
bIbhatsushcha mahAtejA nivedayati te gR^ihAn .
vasu tasya gR^ihe yachcha prANAnapi cha kevalAn .. 16\-14\-3 (97607)
dharmarAjashcha putraste rAjyaM prANAndhanAni cha .
anujAnAti rAjarShe yachchAnyadapi ki~nchana .. 16\-14\-4 (97608)
bhImastu sarvaduHkhAni saMsmR^itya bahulAnyuta .
kR^ichChrAdiva mahAbAhuranujaj~ne viniHshvasan .. 16\-14\-5 (97609)
ra rAjandharmashIlena rAj~nA bIbhatsunA tathA .
anunIto mahAbAhuH sauhR^ide sthApitopi cha .. 16\-14\-6 (97610)
na cha manyustvayA kArya iti tvAM prAha dharmarAT .
saMsmR^itya bhImastadvairaM yadanyAyavadAcharat .. 16\-14\-7 (97611)
evaMprAyo hi dharmo.ayaM kShatriyANAM narAdhipa .
shuddhe kShatriyadharme na nirato.ayaM vR^ikodaraH .. 16\-14\-8 (97612)
vR^ikodarakR^ite chAhamarjunashcha punaH punaH .
prasIda yAche nR^ipate bhavAnprabhurihAsti yat .. 16\-14\-9 (97613)
taddadAtu bhavAnvittaM yAvadichChasi pArthivaH .
tvamIshvaro no rAjyasya prANAnAmapi bhArata .. 16\-14\-10 (97614)
brahmadeyAgrahArAMshcha putrANAmaurdhvadehikam .
ito ratnAni gAshchaiva dAsIdAsamajAvikam .. 16\-14\-11 (97615)
archayitvA kurushreShTho brAhmaNebhyaH prayachChatu .
dInAndhakR^ipaNebhyashcha tatratatra nR^ipAj~nayA .. 16\-14\-12 (97616)
bahvannarasapAnADhyAH sabhA vidura kAraya .
gavAM nipAnAnyanyachcha vividhaM puNyakaM kuru .. 16\-14\-13 (97617)
iti mAmabravIdrAjA pArthashchaiva dhanaMjayaH .
yadatrAnantaraM kAryaM tadbhavamvavaktumarhati .. 16\-14\-14 (97618)
ityukte vidureNAtha dhR^itarAShTro.abhinandya tAn .
manashchakre mahAdAne kArtikyAM janamejaya .. 16\-14\-15 (97619)
.. itI shrImanmahAbhArate AshramavAsikaparvaNi AshramavAsaparvaNi
chaturdasho.adhyAyaH .. 14 ..

\medskip\hrule\medskip
AshramavAsikaparva \- adhyAya 015
.. shrIH ..
16\.15\. adhyAyaH 15

athAshramavAsaparva  .. 1 ..
##Mahabharata - AshramaVasika Parva - Chapter Topics##
dhR^itarAShTreNa bhIShmaduryodhanAdyuddeshyakashrAddhe dhanavasrAnnAdinA
brAhmaNAdisaMtarpaNam .. 1 ..

##Mahabharata - AshramaVasika Parva - Chapter Text##

vaishampAyana uvAcha .
vidureNaivamuktastu dhR^itarAShTro janAdhipaH .
prItimAnabhavadrAjanrAj~no jiShNoshcha karmaNA .. 16\-15\-1 (97620)
tato.abhirUpAnbhIShmAya brAhmaNAnR^iShisattamAn .
putrArthe suhR^idAM chaiva sa samIkShya sahasrashaH .. 16\-15\-2 (97621)
kArayitvA.annapAnAni yAnAnyAchChAdanAni cha .
suvarNamaNiratnAni dAsIdAsaparichChadAn .. 16\-15\-3 (97622)
kaMbalAni cha ratnAni grAmAnkShetraM tathA dhanam .
sAla~NkArAngajAnashvAnkanyAshchaiva varastriyaH .. 16\-15\-4 (97623)
AdishyAdishya sarvebhyo dadau sa nR^ipasattamaH .
droNaM saMkIrtya bhIShmaM cha somadattaM cha bAhlikam .. 16\-15\-5 (97624)
duryodhanaM cha rAjAnaM putrAMshchaiva pR^ithakpR^ithak .
jayadrathapurogAMshcha suhR^idashchApi sarvashaH .. 16\-15\-6 (97625)
sa shrAddhayaj~no vavR^ite bahugodhanadakShiNaH .
anekadhanaratnaugho yudhiShThiramate tadA .. 16\-15\-7 (97626)
anishaM yatra puruShA gaNakA lekhakAstadA .
yudhiShThirasya vachanAdapR^ichChanta sma taM nR^ipam .. 16\-15\-8 (97627)
Aj~nApaya kimetebhyaH pradeyaM dIyatAmiti .
tadupasthitamevAtra vachanAnte dadustadA .. 16\-15\-9 (97628)
shate deye dashashataM sahasraM chAyutaM tathA .
dIyate vachanAdrAj~naH kuntIputrasya dhImataH .. 16\-15\-10 (97629)
evaM sa vasudhArAbhirvarShamANo nR^ipAMbudaH .
taprayAmAsa viprAMstAnvarShanbhUmimivAMbudaH .. 16\-15\-11 (97630)
tato.antantaramevAtra sarvavarNAnmahAmate .
annapAnarasaugheNa plAvayAmAsa pArthivaH .. 16\-15\-12 (97631)
savastradhanaratnaugho mR^ida~NganinadasvanaH .
gavAshvamakarAvarto nAnAratnamahAkaraH .. 16\-15\-13 (97632)
grAmAgrahAradvIpADhyo maNihemajalArNavaH .
jagatsaMplAvayAmAsa dhR^itarAShTroDupoddhataH .. 16\-15\-14 (97633)
evaM sa putrapautrANAM pitR^INAmAtmanastathA .
gAndhAryAshcha mahArAja pradadAvaurdvadehikam .. 16\-15\-15 (97634)
parishrAnto yadAsItsa dadaddAnAnyanekashaH .
nivartayAmAsa tadA dAnayaj~naM narAdhipaH .. 16\-15\-16 (97635)
evaM sa rAjA kauravyashchakre dAnamahAkratum .
naTanartakalAsyADhyaM bahvannarasadakShiNam .. 16\-15\-17 (97636)
dashAhamevaM dAnAni dattvA rAjAM.abikAsutaH .
babhUva putrapautrANAmanR^iNo bharatarShabha .. .. 16\-15\-18 (97637)

iti shrImanmahAbhArate AshramavAsikaparvaNi AshramavAsaparvaNi
pa~nchadasho.adhyAyaH .. 15 ..
##Mahabharata - AshramaVasika Parva - Chapter Footnotes##

7\-15\-13 savastraphenarataugha iti ka.tha.pAThaH ..


\medskip\hrule\medskip
AshramavAsikaparva \- adhyAya 016
.. shrIH ..
16\.16\. adhyAyaH 16

athAshramavAsaparva  .. 1 ..
##Mahabharata - AshramaVasika Parva - Chapter Topics##
dhR^itarAShTreNa kuntIskandhAvasaktahastAyA gAndhAryA aMsAvalambanena
sashokaiH paurairyudhiShThirAdibhishchAnugamyamAnena satA vanaM prati
prasthAnam .. 1 ..

##Mahabharata - AshramaVasika Parva - Chapter Text##

vaishampAyana uvAcha .
tataH prabhAte rAjA sa dhR^itarAShTroM.abikAsutaH .
AnAyya pANDavAnvIrAnvanaShAse kR^itakShaNaH .. 16\-16\-1 (97638)
gAndhArIsahito dhImAnabhyanandadyathAvidhi .
kArtikyAM kArayitveShTiM brAhmaNairvedapAragaiH .. 16\-16\-2 (97639)
agnihotraM puraskR^itya valkalAjinasaMvR^itaH .
vadhUjanavR^ito rAjA niryayau bhavanAttataH .. 16\-16\-3 (97640)
tataH striyaH kauravapANDavAnAM
yA~nchAparAH kauravarAjavaMshyAH .
tAsAM nAdaH prAdurAsIttadAnIM
vaichitrivIrye nR^ipatau prayAte ..  16\-16\-4 (97641)
tato lAjaiH sumanobhishcha rAjA
vichitrAbhistadgR^ihaM pUjayitvA .
saMyojyAshvairbhR^ityavargaM cha sarvaM
tataH samutsR^ijya yayau narendraH ..  16\-16\-5 (97642)
tato rAjA prA~njalirvepamAno
yudhiShThiraH sasvaraM bAShpakaNThaH .
vinadyochchairgAM mahArAja sAdho
kva yAsyasItyapatattAti bhUmau ..  16\-16\-6 (97643)
tathA.arjunastIvraduHkhAbhitapto
muhurmuhurniH shvasanbhAratAgryaH .
yudhiShThiraM maivamityevamuktvA
nigR^ihyAtho dInataro babhUva ..  16\-16\-7 (97644)
vR^ikodaraH phalgunashchaiva vIrau
mAdrIputrau viduraH saMjayashcha .
vaishyAputraH sahito gautamena
dhaumyo viprAshchAnvayurbAShpakaNThAH ..  16\-16\-8 (97645)
kuntI gAndhArIM baddhanetrAM vrajantIM
skandhAsaktaM hastamathodvahantI .
rAjA gAndhAryAH skandhadeshe.avasajya
pANiM yayau dhR^itarAShTraH pratItaH ..  16\-16\-9 (97646)
tathA kR^iShNA draupadI yAdavI cha
bAlApatyA chottarA kauravI cha .
chitrA~NgadA yAshcha kAshchitstriyo.anyAH
sArdhaM rAj~nA prasthitAstA vadhUbhiH ..  16\-16\-10 (97647)
tAsAM nAdo rudatInAM tadA.a.asI\-
drAjanduHkhAtkurarINAmivochchaiH .
tato niShpeturbrAhmaNakShatriyANAM
viTshUdrANAM chaiva bhAryAH samantAt ..  16\-16\-11 (97648)
tanniryANe duHkhitaH pauravargo
gajAhvaye chaiva babhUva rAjan .
yathApUrvaM gachChatAM pANDavAnAM
dyUte rAjankauravANAM sabhAyAm ..  16\-16\-12 (97649)
yA nApashyachchandramA naiva sUryo
rAmAH kAshchittAH sma tasminnarendre .
mahAvanaM gachChati kauravendre
shokenArtA rAjamArgaM prapeduH .. ..  16\-16\-13 (97650)

iti shrImanmahAbhArate AshramavAsikaparvaNi AshramavAsaparvaNi
ShoDasho.adhyAyaH .. 16 ..
##Mahabharata - AshramaVasika Parva - Chapter Footnotes##

7\-16\-9 kuntI gAndhArIM anayaditi sheShaH . kiMbhUtA. arthAdgAndhAryA
hastaM skandhAsaktaM udvahantI. kuntI gAndhArImanubhartR^i vrajantImiti
ka.tha.pAThaH ..


\medskip\hrule\medskip
AshramavAsikaparva \- adhyAya 017
.. shrIH ..
16\.17\. adhyAyaH 17

athAshramavAsaparva  .. 1 ..
##Mahabharata - AshramaVasika Parva - Chapter Topics##
dhR^itarAShTrasya vanaprasthAnasamaye vidurasaMjayAbhyAmapi vanavAsAya
tena saha prasthAnam .. 1 ..
tathA kuntyApi yudhiShThirAdibhirbahudhA prArthanAbhiH pratiShedhanepi
tatsamAshvAsanapUrvakaM gAndhAryA saha vanaMprati prasthAnam .. 2 ..

##Mahabharata - AshramaVasika Parva - Chapter Text##

dhR^itarAShTrasya vanaprasthAnasamaye vidurasaMjayAbhyAmapi vanavAsAya
tena saha prasthAnam .. 1 .. tathA kuntyApi yudhiShThirAdibhirbahudhA
prArthanAbhiH pratiShedhanepi tatsamAshvAsanapUrvakaM gAndhAryA saha
vanaMprati prasthAnam .. 2 ..
16\-17\-0 (97651)
vaishampAyana uvAcha. 16\-17\-0x (8045)
tataH prAsAdaharmyeShu vasudhAyAM cha pArthiva .
nArINAM cha narANAM cha niHsvanaH sumahAnabhUt .. 16\-17\-1 (97652)
sa rAjA rAjamArgeNa nR^inArIsaMkulena cha .
katha~nchinniryayau dhImAnvepamAnaH kR^itA~njaliH .. 16\-17\-2 (97653)
sa vardhamAnadvAreNi niryayau gajasAhvayAt .
visarjayAmAsa cha taM janaughaM sa muhurmuhuH .. 16\-17\-3 (97654)
vanaM gantuM cha viduro rAj~nA saha kR^itakShaNaH .
saMjayashcha mahAmAtraH sUto gAvalgaNistathA .. 16\-17\-4 (97655)
kakR^ipaM nivartayAmAsa yuyutsuM cha mahAratham .
dhR^itArAShTro mahIpAlaH paridApya yudhiShThire .. 16\-17\-5 (97656)
nivR^itte pauravarge cha rAjA sAntaHpurastadA .
dhR^itarAShTrAbhyanuj~nAto nivartitumiyeSha ha .. 16\-17\-6 (97657)
sobravInmAtaraM kuntImupetya bharatarShabha ..
ahaM rAjAnamanviShye bhavatI vinivartatAm .. 16\-17\-7 (97658)
vadhUparivR^itA rAj~ni nagaraM gantumarhasi .
rAjA yAtveSha dharmAtmA tapase kR^itanishchayaH .. 16\-17\-8 (97659)
ityuktA dharmarAjeni bAShpavyAkulalochanA .
jagAmaiva tadA kuntI gAndhArIM parigR^ihya ha .. 16\-17\-9 (97660)
kuntyuvAcha. 16\-17\-10x (8046)
sahadeve mahArAja mA.aprasAdaM kR^ithAH kvachit .
eSha mAmanurakto hi rAjaMstvAM chaiva sarvadA .. 16\-17\-10 (97661)
karNaM smarethAH satataM sa~NgrAmeShvapalAyinam .
avakIrNo hi sa mayA vIro duShpraj~nayA tadA .. 16\-17\-11 (97662)
AyasaM hR^idayaM nUnaM mandAyA mama putraka .
yatsUryajamapashyantyAH shatadhA na vidIryate .. 16\-17\-12 (97663)
evaM gate tu kiM shakyaM mayA kartumariMdama .
mama doSho.ayamatyarthaM khyApito yanna sUryajaH .. 16\-17\-13 (97664)
tannimittaM mahAbAho dAnaM dadyAstvamuttamam .
sadaiva bhrAtR^ibhiH sArdhaM sUryajasyArimardana .. 16\-17\-14 (97665)
draupadyAshcha priye nityaM sthAtavyamarikarshana .
bhImaseno.arjunashchaiva nakulashcha kurUdvaha .. 16\-17\-15 (97666)
samAdheyAstvayA rAjaMstvayyadya kuladhUrgatA .
shvashrUshvashurayoH pAdA~nshushrUShantI vane tvaham .
gAndhArIsahitA vatsye tApasI malapa~NkinI ..  16\-17\-16 (97667)
vaishampAyana uvAcha. 16\-17\-17x (8047)
evamuktaH sa dharmAtmA bhrAtR^ibhiH sahito vashI .
viShAdamagamaddhImAnna cha ki~nchiduvAcha ha .. 16\-17\-17 (97668)
muhUrtamiva tu dhyAtvA dharmarAjo yudhiShThiraH .
uvAcha matAraM dInashchintAshokaparAyaNaH .. 16\-17\-18 (97669)
kimidaM te vyavasitaM naivaM tvaM vaktumarhasi .
na tvAmabhyanujAnAmi prasAdaM kartumarhasi .. 16\-17\-19 (97670)
vyachodayaH purA.asmAkamutsAhaM shubhadarshane .
vidulAyA vachobhistvaM nAsmAnsaMtyaktumarhasi .. 16\-17\-20 (97671)
nihatya pR^ithivIpAlAnrAjyaM prAptamidaM mayA .
tava praj~nAmupashrutya vAsudevAnnararShabhAt .. 16\-17\-21 (97672)
kva sA buddhiriyaM chAdya bhavatyA yA shrutA mayA .
kShatradharme sthitaM tyaktvA na prayAtumihArhasi .. 16\-17\-22 (97673)
asmAnutsR^ijya rAjyaM cha snuShAhInA yashasvini .
kathaM vatsyasi durgeShu vaneShvadya prasIda me .. 16\-17\-23 (97674)
iti bAShpakalA vAchaH kuntI putrasya shR^iNvatI .
jagAmaivAshrupUrNAkShI bhImastAmidamabravIt .. 16\-17\-24 (97675)
yadA rAjyamidaM kunti bhoktavyaM putranirjitam .
prAptavyA rAjadharmAshcha tadeyaM te kuto matiH .. 16\-17\-25 (97676)
kiM vayaM kAritAH pUrvaM bhavatyA pR^ithivIkShayam .
kasya hetoH parityajya vanaM gantumabhIpsasi .. 16\-17\-26 (97677)
vanAchchApi kimAnItA bhavatyA bAlakA vayam .
duHkhashokasamAviShTau mAdrIputrAvimau tathA .. 16\-17\-27 (97678)
prasIda mAtarmA gAstvaM vanamadya yashasvini .
shriyaM yaudhiShThirIM mAtarbhu~NkShva pArthabalArjitAm .. 16\-17\-28 (97679)
iti sA nishchitaivAshu vanavAsakR^itatakShaNA .
lAlapyatAM bahuvidhaM putrANAM nAkarodvachaH .. 16\-17\-29 (97680)
draupadI chAnvayAchChvashrUM viShaShNavadanA tadA .
vanavAsAya gachChantIM rudatI bhadrayA saha .. 16\-17\-30 (97681)
sA putrAnrudataH sarvAnmuhurmuhuravekShatI .
jagAmaiva mahAprAj~nA vanAya kR^itanishchayA .. 16\-17\-31 (97682)
anvayuH pANDavAstAM tu sabhR^ityAntaHpurAstathA .
tataH pramR^ijya sA.ashrUNi putrAnvachanamabravIt .. .. 16\-17\-32 (97683)

iti shrImanmahAbhArate AshramavAsikaparvaNi AshramavAsaparvaNi
saptadasho.adhyAyaH .. 17 ..
##Mahabharata - AshramaVasika Parva - Chapter Footnotes##

7\-17\-10 mA pramAdaM kR^ithA iti ka.tha.pAThaH ..
7\-17\-16 shvashrUshvashurayoH . jyeShThatvAddhR^itarAShTraH pANDoH
pitR^isamastena kuntyAH sa shvashura iti ..
7\-17\-22 kShatradharme sthitiM hyuktvA na pratyAkhyAtumarhasi iti
tha.pAThaH . sthitiM choktvA tasyAshchyavitumichChasi iti jha.pAThaH ..
7\-17\-30 bhadrayA subhadrayA ..


\medskip\hrule\medskip
AshramavAsikaparva \- adhyAya 018
.. shrIH ..
16\.18\. adhyAyaH 18

athAshramavAsaparva  .. 1 ..
##Mahabharata - AshramaVasika Parva - Chapter Topics##
kuntyA svasya vanagamanAdhyavasAyena viShIdato yudhiShThirAdInprati
sahetUpanyAsaM samAshvAsanam .. 1 ..

##Mahabharata - AshramaVasika Parva - Chapter Text##

kuntyuvAcha .
evametanmahAbAho yathA vadasi pANDavaH .
kR^itamuddharaNaM pUrvaM mayA vaH sIdatAM nR^ipAH .. 16\-18\-1 (97684)
dyUtApahR^itarAjyAnAM patitAnAM sukhAdapi .
j~nAtibhiH paribhUtAnAM kR^itamuddharaNaM mayA .. 16\-18\-2 (97685)
kathaM pANDorna nashyeta saMtatiH puruSharShabhAH .
yashashcha vo na nashyeta iti choddharaNaM kR^itam .. 16\-18\-3 (97686)
yUyamindrasamAH sarve devatulyaparAkramAH .
mA pareShAM mukhaprekShAH sthetyevaM tatkR^itaM mayA .. 16\-18\-4 (97687)
kathaM dharmabhR^itAM shreShTho rAjA tvaM vAsavopamaH .
punarvane na duHkhI syA iti choddharaNaM kR^itam .. 16\-18\-5 (97688)
nAgAyutasamaprANaH khyAtavikramapauruShaH .
nAyaM bhImotyayaM gachChediti choddharaNaM kR^itam .. 16\-18\-6 (97689)
bhImasenAdavarajastathA.ayaM vAsavopamaH .
vijayo nAvasIdeta iti choddharaNaM kR^itam .. 16\-18\-7 (97690)
nakulaH sahadevashcha tathemau guruvartinau .
kShudhA kathaM na sIdetAmiti choddharaNaM kR^itam .. 16\-18\-8 (97691)
iyaM cha bR^ihatI shyAmA tathA.atyAyatalochanA .
vR^ithA sabhAtale kliShTA mA bhUditi cha tatkR^itaM .. 16\-18\-9 (97692)
apekShatAmeva vo bhIma vepantIM kadalImiva .
strIdharmiNImariShTA~NgIM tathA dyUtaparAjitAm .. 16\-18\-10 (97693)
duHshAsano yadA maurkhyAddAsIvatparyakarShata .
tadaiva viditaM mahyaM parAbhUtamidaM kulam .. 16\-18\-11 (97694)
niShaNNAH kuravashchaiva tadA me shvashurAdayaH .
sA daivaM nAthamichChantI vyalapatkurarI yathA .. 16\-18\-12 (97695)
keshapakShe parAmR^iShTA pApen hatabuddhinA .
yadA duHshAsanenaiShA tadA muhyAmyahaM nR^ipAH .. 16\-18\-13 (97696)
yuShmattejovivR^iddhyartaM mayA hyuddharaNaM kR^itam .
tadAnIM vidulAvAkyairiti tadvitta putrakAH .. 16\-18\-14 (97697)
kathaM na rAjavaMsho.ayaM nashyetprApya sutAnmama .
pANDoriti mayA putrastasmAduddharaNaM kR^itam .. 16\-18\-15 (97698)
na tasya putrAH pautrA vA kShatavaMshasya pArthiva .
labhte sukR^itA.NllokAnyasmAdvaMshaH praNashyati .. 16\-18\-16 (97699)
bhuktaM rAjyaphalaM putrA bharturme vipulaM purA .
mahAdAnAni dattAni pItaH somo yathAvidhi .. 16\-18\-17 (97700)
nAhamAtmaphalArthaM vai vAsudevamachUchudam .
vidulAyAH pralApaistaiH pAlanArthaM cha tatkR^itam .. 16\-18\-18 (97701)
nAhaM rAjyaphalaM putrAH kAmaye putranirjitam .
patilokAnahaM puNyAnkAmaye tapasA pibho .. 16\-18\-19 (97702)
shvashrUshvashurayoH kR^itvA shushrUShAM vanavAsinoH .
tapasA shoShayiShyAmi yudhiShThira kalevaram .. 16\-18\-20 (97703)
nivartasva kurushreShTha bhImasenAdibhiH saha .
dharme te dhIyatAM buddhirmanastu mahadastu cha .. .. 16\-18\-21 (97704)

iti shrImanmahAbhArate AshramavAsikaparvaNi AshramavAsaparvaNi
aShTAdasho.adhyAyaH .. 18 ..
##Mahabharata - AshramaVasika Parva - Chapter Footnotes##

7\-18\-10 pashyantyA me tathA bhItAM vepantImiti ka.tha.pAThaH ..


\medskip\hrule\medskip
AshramavAsikaparva \- adhyAya 019
.. shrIH ..
16\.19\. adhyAyaH 19

athAshramavAsaparva  .. 1 ..
##Mahabharata - AshramaVasika Parva - Chapter Topics##
kuntyA kR^ichChreNa pratinivartitairyudhiShThirAdibhiH
kR^ichChrAtpunarnagaraM pratyAgamanam .. 1 ..
dhR^itAShTreNa vidurAdibhiH saha vanametya ga~NgAtIre sandhyopAstyAdinA
rAtriyApanam .. 2 ..

##Mahabharata - AshramaVasika Parva - Chapter Text##

vaishampAyana uvAcha .
kuntyAstu vachanaM shrutvA pANDavA rAjasattama .
vrIDitAH saMnyavartanta pA~nchAlyA saha bhArata .. 16\-19\-1 (97705)
tataH shabdo mahAneva sarveShAmabhavattadA .
antaHpurANAM rudatAM dR^iShTvA kuntIM tathA gatAm .. 16\-19\-2 (97706)
pradakShiNamathAvR^ittya rAjAnaM pANDavAstadA .
abhivAdya nyavartanta pR^ithAM tAmanivartya vai .. 16\-19\-3 (97707)
tato.abravInmahAtejA dhR^itarAShTroM.abikAsutaH .
gAndhArIM viduraM chaiva samAbhAShyAvagR^ihya cha .. 16\-19\-4 (97708)
yudhiShThirasya jananI devI sAdhu nivartyatAm .
yathA yudhiShThiraH prAha tatsarvaM satyameva hi .. 16\-19\-5 (97709)
putraishvaryaM mahadidamapAsya cha mahAphalam .
kA.anugachChedvanaM durgaM putrAnutsR^ijya mUDhavat .. 16\-19\-6 (97710)
rAjyasthayA tapastaptuM kartuM dAnavrataM mahat .
anayA shakyamevAdya shrUyatAM cha vacho mama .. 16\-19\-7 (97711)
gAndhAri parituShTosmi vadhvAH shushrUShaNena vai .
tasmAttvamenAM dharmaj~ne samanuj~nAtumarhasi .. 16\-19\-8 (97712)
ityuktA saubaleyI tu rAj~nA kuntImuvAcha ha .
tatsarvaM rAjavachanaM svaM cha vAkyaM visheShavat .. 16\-19\-9 (97713)
na cha sA vanavAsAya devI kR^itamatiM tadA .
shaknotyupAvartayituM kuntIM dharmaparAM satIm .. 16\-19\-10 (97714)
tasyAstAM tu sthitiM j~nAtvA vyavasAyaM kurustriyaH .
nivR^ittAMshcha kurushreShThAndR^iShTvA prarurudustadA .. 16\-19\-11 (97715)
upAvR^itteShu pArtheShu sarvAsveva vadhUShu cha .
yayau rAjA mahAprAj~no dhR^itarAShTro vanaM tadA .. 16\-19\-12 (97716)
pANDavAshchAtidInAste duHkhashokaparAyaNAH .
yAnaiH strIsahitAH sarve puraM pravivishustadA .. 16\-19\-13 (97717)
tadahR^iShTamanAnandaM gatotsavamivAbhavat .
nagaraM hAstinapuraM sastrIvR^iddhakumArakam .. 16\-19\-14 (97718)
sarve chAsannirutsAhAH pANDavA jAtamanyavaH .
kuntyA hInAH suduHkhArtA vatsA iva vinAkR^itAH .. 16\-19\-15 (97719)
dhR^itarAShTrastu tenAhnA gatvA sumahadantaram .
tato bhAgIrathItIre nivAsamakarotprabhuH .. 16\-19\-16 (97720)
prAduShkR^itA yathAnyAyamagnayo vedapAragaiH .
vyarAjanta dvijashreShThaistatratatra tapovane .
prAduShkR^itAgnirabhavatsa cha vR^iddho narAdhipaH ..  16\-19\-17 (97721)
sa rAjA.agnInparyupAsya hutvA cha vidhivattadA .
sandhyAgataM sahasrAMshumupAtiShThata bhArata ..  16\-19\-18 (97722)
viduraH saMjayashchaiva rAj~naH shayyAM kushaistataH .
chakratuH kuruvIrasya gAndhAryAshchAvidUrataH .. 16\-19\-19 (97723)
gAndhAryAH sannikarShe tu niShasAda kushe sukham .
yudhiShThirasya jananI kuntI sAdhuvrate sthitA .. 16\-19\-20 (97724)
teShAM saMshravaNe chApi niShedurvidurAdayaH .
yAjakAshcha yathoddeshaM dvijA ye chAnuyAyinaH .. 16\-19\-21 (97725)
prAdhItadvijamukhyA sA saMprajvalitapAvakA .
babhUva teShAM rajanI brAhmIva prItivardhinI .. 16\-19\-22 (97726)
tato rAtryAM vyatItAyAM kR^itapUrvAhNikakriyAH .
hutvA.agniM vidhivatsarve prayayuste yathAkramam .
uda~NmukhA nirIkShanta upavAsaparAyaNAH ..  16\-19\-23 (97727)
sa teShAmatiduHkho.abhUnnivAsaH prathame.ahani .
shochatAM vadatAM chApi paurajAnapadairjanaiH .. .. 16\-19\-24 (97728)

iti shrImanmahAbhArate AshramavAsikarvaNi AshramavAsaparvaNi
ekonaviMsho.adhyAyaH .. 19 ..

\medskip\hrule\medskip
AshramavAsikaparva \- adhyAya 020
.. shrIH ..
16\.20\. adhyAyaH 20

athAshramavAsaparva  .. 1 ..
##Mahabharata - AshramaVasika Parva - Chapter Topics##
dhR^itarAShTreNa vidurAdibhiH saha ga~NgAtIrAtkurukShetrametya tatra
shatayUpAshrame vyAsAj~nayA tadupadiShTavidhinA tIvratapashcharaNam
.. 1 ..

##Mahabharata - AshramaVasika Parva - Chapter Text##

vaishampAyana uvAcha .
tato bhAgIrathItIre medhye puNyajanochite .
nivAsamakarodrAjA vidurasya mate sthitaH .. 16\-20\-1 (97729)
tatrainaM paryupAtiShThanbrAhmaNA vanavAsinaH .
kShatraviTshUdrasa~NkhAshcha bahavo bharatarShabha .. 16\-20\-2 (97730)
sa taiH parivR^ito rAjA kathAbhiH parinandya tAn .
anujaj~ne sa shiShyAnvai vidhivatpratipUjya cha .. 16\-20\-3 (97731)
sAyAhne sa mahIpAlastato ga~NgAmupetya cha .
chakAra vidhivachChauchaM gAndhArI cha yashasvinI .. 16\-20\-4 (97732)
te chaivAnye pR^ithak sarve tIrtheShvAplutya bhArata .
chakruH sarvAH kriyAstatra puruShA vidurAdayaH .. 16\-20\-5 (97733)
kR^itashauchaM tato vR^iddhaM shvashuraM kuntibhojajA .
gAndhArIM cha pR^ithA rAjanga~NgAtIrthamupAnayat .. 16\-20\-6 (97734)
rAj~nastu yAjakaistatra kR^ito vedIparistaraH .
juhAva tatra vahniM sa nR^ipatiH satyasa~NgaraH .. 16\-20\-7 (97735)
tato bhAgIrathItIrAtkurukShetraM jagAma saH .
sAnugo nR^ipatirvR^iddho niyataH saMyatendriyaH .. 16\-20\-8 (97736)
tatrAshramapadaM dhImAnabhigamya sa pArthivaH .
AsasAdAtha rAjarShiM shatayUpaM manIShiNam .. 16\-20\-9 (97737)
sa hi rAjA mahAnAsItkekayeShu paraMpataH .
svaputraM manujaishvarye niveshya vanamAvishat .. 16\-20\-10 (97738)
tenAsau sahito rAjA yayau vyAsAshramaM prati .
tatrainaM vidhivadrAjanpratyagR^ihNAtkurUdvaham .. 16\-20\-11 (97739)
sa dIkShAM tatra saMprApya rAjA kauravanandanaH .
shatayUpAshrame tasminnivAsamakarottadA .. 16\-20\-12 (97740)
tasmai sarvaM vidhiM rAj~ne rAjA.a.achakhyau mahAmatiH .
AraNyakaM mahArAja vyAsasyAnumate tadA .. 16\-20\-13 (97741)
evaM cha tapasA rAjandhR^itarAShTro mahAmanAH .
yojayAmAsa chAtmAnaM tAMshchApyanucharAMstadA .. 16\-20\-14 (97742)
tathaiva devI gAndhArI valkalAjinadhAriNI .
kuntyA saha mahArAji samAnavratachAriNI .. 16\-20\-15 (97743)
karmaNA manasA vAchA chakShuShA chaiva te nR^ipa .
sanniyamyendriyagrAmamAsthitAH paramaM tapaH .. 16\-20\-16 (97744)
tvagasthibhUtaH parishuShkamAMso
jaTAjinI valkalasaMvR^itA~NgaH .
sa pArtivastatra tapashchachAra
maharShivattIvramapetamohaH ..  16\-20\-17 (97745)
kShattA cha dharmArthavidagryabuddhiH
sasaMjayastaM nR^ipatiM sadAram .
upAcharaddhorataporjitAtmA
tadA kR^isho valkalachIravAsAH .. ..  16\-20\-18 (97746)

iti shrImanmahAbhArate AshramavAsikaparvaNi AshramavAsaparvaNi
viMsho.adhyAyaH .. 20 ..

\medskip\hrule\medskip
AshramavAsikaparva \- adhyAya 021
.. shrIH ..
16\.21\. adhyAyaH 21

athAshramavAsaparva  .. 1 ..
##Mahabharata - AshramaVasika Parva - Chapter Topics##
nAraparvatAdibhirdhR^itarAShTrAdididR^ikShyA shatayUpAshramaM
pratyAgamanam .. 1 ..
nAradena dhR^itArAShTraMprati tattapovanasyi sahasrachi tyAdirAjarShINAM
svargaprApakatvamahimoktipUrvakaM vidurAdibhiH saha tasyApi
bhaviShyatsiddhipradatvakathanam .. 2 ..

##Mahabharata - AshramaVasika Parva - Chapter Text##

vaishampAyana uvAcha .
tatastatra munishreShThA rAjAnaM draShTumabhyayuH .
nAradaH parvatashchaiva devalashcha mahAtapAH .. 16\-21\-1 (97747)
dvaipAyanaH sashiShyashcha siddhAshchAnye manIShiNaH .
shatayUpashcha rAjarShirvR^iddhaH paramadhArmikaH .. 16\-21\-2 (97748)
teShAM kuntI mahArAja pUjAM chakre yathAvidhi .
te chApi tutuShustasyAstApasAH paricharyayA .. 16\-21\-3 (97749)
tatra dharmyAH kathAstAta chakruste paramarShayaH .
ramayanto mahAtmAnaM dhR^itarAShTraM janAdhipam .. 16\-21\-4 (97750)
kathAntare tu kasmiMshchiddevarShirnAradastataH .
kathAmimAmakathayatsarvapratyakShadarshivAn .. 16\-21\-5 (97751)
nArada uvAcha. 16\-21\-6x (8048)
purA prajApatisamo rAjA.a.asIdakutobhayaH .
sahasrachityi ityuktaH shatayUpapitAmahaH .. 16\-21\-6 (97752)
sa putre rAjyamAsajjyi jyeShThe paramadhArmike .
sahasrachityo dharmAtmA pravivesha vanaM nR^ipaH .. 16\-21\-7 (97753)
sa gatvA tapasaH pAraM dIptasya vasudhAdhipaH .
puraMdarasya saMsthAnaM pratipede mahAdyutiH .. 16\-21\-8 (97754)
dR^iShTapUrvaH sa bahusho rAjansampatatA mayA .
mahendrasadane rAjA tapasA dagdhakilbiShaH .. 16\-21\-9 (97755)
tathA shailAlayo rAjA bhagattapitAmahaH .
tapobalenaiva nR^ipo mahendrasadanaM gataH .. 16\-21\-10 (97756)
tathA pR^iShadhro rAjA.a.asIdrAjanvajradharopamaH .
sa chApi tapasA lebhe nAkapR^iShThamito gataH .. 16\-21\-11 (97757)
asminnaraNye nR^ipate mAMdhAturapi chAtmajaH .
purukutso nR^ipaH siddhiM mahatIM samavAptavAn .. 16\-21\-12 (97758)
bhAryA samabhavadyasya narmadA saritAM varA .
sosminnaraNye nR^ipatistapastaptvA divaM gataH .. 16\-21\-13 (97759)
shashalomA cha rAjA.a.asIdrAjanparamadhArmikaH .
samyagasminvane taptvA tato divamavAptavAn .. 16\-21\-14 (97760)
dvaipAyanaprasAdAchcha tvamapIdaM tapovanam .
rAjannavApya duShprApAM siddhimagryAM gamiShyasi .. 16\-21\-15 (97761)
tvaM chApi rAjashArdUla tapasonte shriyA vR^itaH .
gAndhArIsahito gantA gatiM teShAM mahAtmanAM  16\-21\-16 (97762)
pANDuH smarati te nityaM balahantuH samIpagaH .
tvAM sadaiva mahArAja shreyasA sa cha yokShyati .. 16\-21\-17 (97763)
tava shushrUShayA chaiva gAndhAryAshcha yashasvinI .
bhartuH salokatAM kuntI gamiShyati vadhUstava .. 16\-21\-18 (97764)
yudhiShThirasya jananI sa hi dharmaH sanAtanaH .
vayametatprapashyAmo nR^ipate divyavakShuShAH .. 16\-21\-19 (97765)
pravekShyati mahAtmAnaM vidurashcha yudhiShThiram .
saMjayastadanudhyAnAditaH svargamavApsyati .. 16\-21\-20 (97766)
vaishampAyana uvAcha. 16\-21\-21x (8049)
etachChrutvA kauravendro mahAtmA
sArdhaM patnyA prItimAnsambabhUva .
vidvAnvAkyaM nAradasya prashasya
chakre pUjAM chAtulAM nAradAya ..  16\-21\-21 (97767)
tataH sarve nAradaM viprasa~NghAH
sampUjayAmAsuratIva rAjan .
rAj~naH prItyA dhR^itarAShTrasya te vai
punaHpunaH samprahR^iShTAstadAnIm .. ..  16\-21\-22 (97768)

iti shrImanmahAbhArate AshramavAsikaparvaNi AshramavAsaparvaNi
ekaviMsho.adhyAyaH .. 21 ..
##Mahabharata - AshramaVasika Parva - Chapter Footnotes##

7\-21\-11 tadA pravR^iddho rAjasIditi ka.tha.pAThaH ..

\medskip\hrule\medskip
AshramavAsikaparva \- adhyAya 022
.. shrIH ..
16\.22\. adhyAyaH 22

athAshramavAsaparva  .. 1 ..
##Mahabharata - AshramaVasika Parva - Chapter Topics##
shatayUpapR^iShTena nAradena taMprati dhR^itarAShTrasya
varShatrayAdUrdhvaM gAndhAryA saha kuberalokaprAptikathanam .. 1 ..

##Mahabharata - AshramaVasika Parva - Chapter Text##

vaishampAyana uvAcha .
nAradasya tu tadvAkyaM shashaMsurdvijasattamAH .
shatayUpastu rAjarShirnAradaM vAkyamabravIt .. 16\-22\-1 (97769)
aho bhagavatA shraddhA kururAjasya vardhitA .
sarvasya cha janasyAsya mama chaiva mahAdyute .. 16\-22\-2 (97770)
asti kAchidvivakShA tu tAM me nigadataH shR^iNu .
dhR^itarAShTraM prati nR^ipaM devarShe lokapUjita .. 16\-22\-3 (97771)
sarvavR^ittAntatattvaj~no bhavAndivyena chakShuShA .
yuktaH pashyasi viprarShe gatayo vividhA nR^iNAm .. 16\-22\-4 (97772)
uktavAnnR^ipatInAM tvaM mahendrasya salokatAm .
na tvasya nR^ipaterlokAH kathitAste mahAmune .. 16\-22\-5 (97773)
sthAnamapyasya nR^ipateH shrotumichChAmyahaM vibho .
tvattaH kIdR^ikkadA cheti tanmamAkhyAhi tattvataH .. 16\-22\-6 (97774)
ityukto nAradastena vAkyaM sarvamanonugam .
vyAjahAra sabhAmadhye divyadarshI mahAtapAH .. 16\-22\-7 (97775)
nArada uvAcha. 16\-22\-8x (8050)
yadR^ichChayA shakrasado gatvA shakraM shachIpatim .
dR^iShTavAnasmi rAjarShe tatra pANDuM narAdhipam .. 16\-22\-8 (97776)
tatreyaM dhR^itarAShTrasya kathA samabhavannapa .
tapaso duShkarasyAsya yadayaM tapate nR^ipaH .. 16\-22\-9 (97777)
tatrAhamidamashrauShaM shakrasya vadataH svayam .
varShANi trINi shiShTAni rAj~nosya paramAyuShaH .. 16\-22\-10 (97778)
tataH kuberabhavanaM gAndhArIsahito nR^ipaH .
prayAtA dhR^itarAShTro.ayaM rAjarAjAbhisatkR^itaH .. 16\-22\-11 (97779)
kAmagena vimAnena divyAbharaNabhUShitaH .
R^iShiputro mahAbhAgastapasA dagdhakilbiShaH .. 16\-22\-12 (97780)
sa~nchariShyati lokAMshcha devagandharvarakShasAm .
svachChandeneti dharmAtmA vyAsasya tu tapobalAt .. 16\-22\-13 (97781)
devaguhyamidaM prItyA mayA vaH kathitaM mahat .
bhavanto hi shrutadhanAstapasA dagdhakilbiShAH .. 16\-22\-14 (97782)
vaishampAyana uvAcha. 16\-22\-15x (8051)
iti te tasya tachChrutvA devarShermadhuraM vachaH .
sarve sumanasaH prItA babhUvuH sa cha pArthivaH .. 16\-22\-15 (97783)
evaM kathAbhiranvAsya dhR^itarAShTraM manIShiNaH .
viprajagmuryathAkAmaM te siddhagatimAsthitAH .. .. 16\-22\-16 (97784)

iti shrImanmahAbhArate AshramavAsikaparvaNi AshramavAsaparvaNi
dvAviMsho.adhyAyaH .. 22 ..
##Mahabharata - AshramaVasika Parva - Chapter Footnotes##

7\-22\-12 R^iShiputro vyAsaputraH ..

\medskip\hrule\medskip
AshramavAsikaparva \- adhyAya 023
.. shrIH ..
16\.23\. adhyAyaH 23

athAshramavAsaparva  .. 1 ..
##Mahabharata - AshramaVasika Parva - Chapter Topics##
yudhiShThirAdibhiH kuntIdhR^itarAShTrAdInAM
pravrajanashokenAbhimanyuprabhR^itibandhujanAnusmaraNajashokena
svasvavyApAreShvapyanAdaraNam .. 1 ..

##Mahabharata - AshramaVasika Parva - Chapter Text##

vaishampAyana uvAcha .
vanaM gate kauravendre duHkhashokasamanvitAH .
babhUvuH pANDavA rAjanmAtR^ishokeni chAnvitAH .. 16\-23\-1 (97785)
tathA paurajanaH sarvaH shochannAste janAdhipam .
kurvANAshcha kathAstatra brAhmaNA nR^ipatiM prati .. 16\-23\-2 (97786)
kathaM na rAjA vR^iddhaH sa vane vasati nirjane .
gAndhArI cha mahAbhAgA sA cha kuntI pR^ithA katham .. 16\-23\-3 (97787)
sukhArhaH sa hi rAjarShirasukhI tadvanaM mahat .
kimavasthaH samAsAdya praj~nAchakShurmahAmanAH .. 16\-23\-4 (97788)
suduShkaraM kR^itavatI kuntI putrAnapAsya sA .
rAjyashriyaM parityajya vanaM sA samarochayat .. 16\-23\-5 (97789)
viduraH kimavasthashcha bhrAtR^ishushrUShurAtmavAn .
sa cha gAvalgaNirdhImAnbhartR^ipiNDAnupAlakaH .. 16\-23\-6 (97790)
AkumAraM cha paurAste chintAshokasamAhatAH .
tatratatra kathAshchakruH samAsAdya parasparam .. 16\-23\-7 (97791)
pANDavAshchaiva te sarve bhR^ishaM shokaparAyaNAH .
shochanto mAtaraM vR^iddhAmUShurnAtichiraM pure .. 16\-23\-8 (97792)
tathaiva vR^iddhaM pitaraM hataputraM janeshvaram .
gAndhArIM cha mahAbhAgAM viduraM cha mahAmatim .. 16\-23\-9 (97793)
naiShAM babhUva samprItistAnvichintayatAM tadA .
na rAjye na cha nArIShu na vedAdhyayaneShu cha .. 16\-23\-10 (97794)
paraM nirvedamagamaMshchintayantA narAdhipam .
taM cha j~nAtivadhaM ghoraM saMsmarantaH punaHpunaH .. 16\-23\-11 (97795)
abhimanyoshcha bAlasya vinAshaM raNamUrdhani .
karNasya cha mahAbAhoH sa~NgrAmeShvapalAyinaH .. 16\-23\-12 (97796)
tathaiva draupadeyAnAmanyeShAM suhR^idAmapi .
vadhaM saMsmR^itya te vIrA nAtipramanaso.abhavan .. 16\-23\-13 (97797)
hatapravIrAM pR^ithivIM hR^itaratnAM cha bhArata .
sadaiva chintayantaste na shamaM chopalebhire .. 16\-23\-14 (97798)
draupadI hataputrA cha subhadrA chaiva bhAminI .
nAtiprItiyute devyau tadAstAmaprahR^iShTavat .. 16\-23\-15 (97799)
vairATyAstanayaM dR^iShTvA pitaraM te parikShitam .
dhArayanti sma te prANAMstava pUrvapitAmahAH .. .. 16\-23\-16 (97800)

iti shrImanmahAbhArate AshramavAsikaparvaNi AshramavAsaparvaNi
trayoviMsho.adhyAyaH .. 23 ..

\medskip\hrule\medskip
AshramavAsikaparva \- adhyAya 024
.. shrIH ..
16\.24\. adhyAyaH 24

athAshramavAsaparva  .. 1 ..
##Mahabharata - AshramaVasika Parva - Chapter Topics##
yudhiShThireNa vanasthakuntIdhR^itarAShTrAdididR^ikShayA draupadyAdibhiH
paurairbhrAtR^ibhishcha saha vanaMprati prasthAnam .. 1 ..

##Mahabharata - AshramaVasika Parva - Chapter Text##

yudhiShThireNa vanasthakuntIdhR^itarAShTrAdididR^ikShyA draupadyAdibhiH
paurairbhrAtR^ibhishcha saha vanaMprati prasthAnam .. 1 ..
16\-24\-0 (97801)
vaishampAyana uvAcha. 16\-24\-0x (8052)
evaM te puruShavyAghrAH pANDavA mAtR^inandanAH .
smaranto mAtaraM vIrA babhUvurbhashaduHkhitAH .. 16\-24\-1 (97802)
ye rAjakAryeShu purA vyAsaktA nityasho.abhavan .
te rAjakAryANi tadA nAkArShuH sarvataH pure .. 16\-24\-2 (97803)
praviShTA iva shokena nAbhyanandanta ki~nchana .
sambhAShyamANA api te na ki~nchitpratyapUjayan .. 16\-24\-3 (97804)
te sma vIrA durAdharShA gAMbhIrye sAgaropamAH .
shokopahatavij~nAnA naShTasaMj~nA ivAbhavan .. 16\-24\-4 (97805)
achintayaMshcha jananIM tataste pANDunandanAH .
kathaM nu vR^iddhamithunaM vahatyatikR^ishA pR^ithA .. 16\-24\-5 (97806)
kathaM cha sa mahIpAlo hataputro nirAshrayaH .
patnyA saha vasatyeko vane shvApadasevite .. 16\-24\-6 (97807)
sA cha devI mahAbhAgA gAndhArI hatabAndhavA .
patimandhaM kathaM vR^iddhamanveti vijane vane .. 16\-24\-7 (97808)
evaM teShAM kathayatAmautsukyamabhavattadA .
gamane chAbhavadbuddhirdhR^itarAShTradidR^ikShayA .. 16\-24\-8 (97809)
sahadevastu rAjAnaM praNipatyedamabravIt .
aho me bhavato dR^iShTaM hR^idayaM gamanaM prati.  16\-24\-9 (97810)
na hi tvAM gauraveNAhamashakaM vaktuma~njasA .
gamanaM prati rAjendra tadidaM samupasthitam .. 16\-24\-10 (97811)
diShTyA drakShyAmi tAM kuntIM vartayantIM tapasvinIm .
jaTilAM tApasIM vR^iddhAM kushakAshaparikShatAm .. 16\-24\-11 (97812)
prAsAdaharmyasaMvR^iddhAmatyantasukhabhAginIm .
kadAnujananIM shrAntAM drakShyAmi bhR^ishaduHkhitAm .. 16\-24\-12 (97813)
anityAH khalu martyAnAM gatayo bharatarShabha .
kuntI rAjasutA yatra vasatyasukhitA vane .. 16\-24\-13 (97814)
sahadevavachaH shrutvA draupadI yoShitAM varA .
uvAcha devI rAjAnamabhipUjyAbhinandya cha.  16\-24\-14 (97815)
kadA drakShyAmi tAM devIM yadi jIvati sA pR^ithA .
jIvantyA hyadya me prItirbhaviShyati janAdhipa .. 16\-24\-15 (97816)
eShA te.astu matirnityaM dharme te ramatAM manaH .
yo.adya tvamasmAnrAjendra shreyasA yojayiShyasi .. 16\-24\-16 (97817)
agrapAdasthitaM chemaM viddhi rAjanvadhUjanam .
kA~NkShantaM darshanaM kuntyA gAndhAryAH shvasurascha cha .. 16\-24\-17 (97818)
ityuktaH sa nR^ipo devyA draupadyA bharatarShabha .
senAdhyakShAnsamAnAyya sarvAnidamuvAcha ha .. 16\-24\-18 (97819)
niryAtayata me senAM prabhUtarathaku~njarAm .
drakShyAmi vanasaMsthaM cha dhR^itAShTraM mahIpatim .. 16\-24\-19 (97820)
stryadhyakShAMshchAbravIdrAjA yAnAni vividhAni me .
sajjIkriyantAM sarvANi shibikAshcha sahasrashaH .. 16\-24\-20 (97821)
shakaTApaNaveshAshcha koshaH shilpina eva cha .
niryAntu koshapAlAshcha kurukShetrAshramaM prati .. 16\-24\-21 (97822)
yashcha paurajanaH kashchiddraShTumichChati pArthivam .
anAvR^itaH suvihitaH sa cha yAtu surakShitaH .. 16\-24\-22 (97823)
sUdAH paurogavAshchaiva sarvaM chaiva mahAnasam .
vividhaM bhakShyabhojyaM cha shakaTairuhyatAM mama .. 16\-24\-23 (97824)
prayANaM ghuShyatAM chaiva shvobhUta iti mAchiram .
kriyatAM pathi chApyadya veshmAni vividhAni cha.  16\-24\-24 (97825)
evamAj~nApya rAjA sa bhrAtR^ibhiH saha pANDavaH .
shvobhUte niryayau rAjansastrIvR^iddhapuraHsaraH .. 16\-24\-25 (97826)
sa bahirdivasAneva janaughaM paripAlayan .
nyavasannR^ipatiH pa~ncha tato.agachChadvanaM prati .. .. 16\-24\-26 (97827)

iti shrImanmahAbhArate AshramavAsikaparvaNi AshramavAsaparvaNi
chaturviMsho.adhyAyaH .. 24 ..
##Mahabharata - AshramaVasika Parva - Chapter Footnotes##

7\-24\-17 aprapAdasthitaM prayANArthaM puraskR^itenaiva pAdena sthitam
. atyantamutsukamityarthaH ..

\medskip\hrule\medskip
AshramavAsikaparva \- adhyAya 025
.. shrIH ..
16\.25\. adhyAyaH 25

athAshramavAsaparva  .. 1 ..
##Mahabharata - AshramaVasika Parva - Chapter Topics##
yudhiShThireNa nAnAyAnArUDhaiH paurairbhrAtR^ibhishcha saha
dhR^itarAShTrAdididR^ikShayA shatayUpAshramavanapraveshaH .. 1 ..

##Mahabharata - AshramaVasika Parva - Chapter Text##

vaishampAyana uvAcha .
Aj~nApayAmAsa tataH senAM bharatasattamaH .
arjunapramukhairguptAM lokapAlopamairnaraiH .. 16\-25\-1 (97828)
yogoyoga iti prItyA tataH shabdo mahAnabhUt .
kroshatAM sAdinAM tatra yujyatAM yujyatAmiti .. 16\-25\-2 (97829)
kechidyAnairnarA jagmuH kechidashvairmahAjavaiH .
kA~nchanaishcha rathaiH kechijjvalitajvalanopamaiH .. 16\-25\-3 (97830)
gajendraishcha tathaivAnye kechiduShTrairnarAdhipa .
padAtayastathaivAnye nakharaprAsayodhinaH .. 16\-25\-4 (97831)
paurajAnapadAshchaiva yAnairbahuvidhaistathA .
anvayuH kururAjAnaM dhR^itarAShTraM didakShavaH .. 16\-25\-5 (97832)
sa chApi rAjavachanAdAchAryo gautamaH kR^ipaH .
senAmAdAya senAnIH prayayAvAshramaM prati .. 16\-25\-6 (97833)
tato dvijaiH parivR^itaH kururAjo yudhiShThiraH .
saMstUyamAno bahubhiH sUtamAgadhabandibhiH .. 16\-25\-7 (97834)
pANDureNAtapatreNa dhriyamANena mUrdhani .
ratAnIkena mahatA nirjagAma kurUdvahaH .. 16\-25\-8 (97835)
gajaishchAchalasaMkAshairbhImakarmA vR^ikodaraH .
sajjayantrAyudhopetaiH prayayau pavanAtmajaH .. 16\-25\-9 (97836)
mAdrIputrAvapi tathA hayArohau susaMvR^itau .
jagmatuH shIghragamanau sannaddhakavachadhvajau .. 16\-25\-10 (97837)
arjunashcha mahAtejA rathenAdityavarchasA .
vashI shvetairhayairyuktairdivyenAnvagamannR^ipam .. 16\-25\-11 (97838)
draupadIpramukhAshchApi strIsa~NghAH shibikAgatAH .
stryadhyakShaguptAH prayayurvisR^ijanto.amitaM vasu .. 16\-25\-12 (97839)
samR^iddharathahastyashvaM veNuvINAnunAditam .
shushubhe pANDavaM sainyaM tattadA bharatarShabha .. 16\-25\-13 (97840)
nadItIreShu ramyeShu saraHsu cha vishAmpate .
vAsAnkR^itvA krameNAtha jagmuste kurupu~NgavAH .. 16\-25\-14 (97841)
yuyutsushcha mahAtejA dhaumyashchaivi purohitaH .
yudhiShThirasya vachanAtpuraguptiM prachakratuH .. 16\-25\-15 (97842)
tato yudhiShThiro rAjA kurukShetramavAtarat .
kramoNottIrya yamunAM nadIM paramapAvinIm .. 16\-25\-16 (97843)
sa dadarshAshramaM dUrAdrAjarShestasya dhImataH .
shatayUpasya kauravya dhR^itarAShTrasya chaiva ha .. 16\-25\-17 (97844)
tataH pramuditaH sarvo janastadvanama~njasA .
vivesha sumahAnAdairApUrya bharatarShabha .. .. 16\-25\-18 (97845)

iti shrImanmahAbhArate AshramivAsikaparvaNi AshramivAsaparvaNi
pa~nchaviMsho.adhyAyaH .. 25 ..
##Mahabharata - AshramaVasika Parva - Chapter Footnotes##

7\-25\-3 yAnaimanuShyavAhyaH ..
7\-25\-4 nakharaprAsaH vyAghranakhavatparAchInaphalakakukShiryaH ..

\medskip\hrule\medskip
AshramavAsikaparva \- adhyAya 026
.. shrIH ..
16\.26\. adhyAyaH 26

athAshramavAsaparva  .. 1 ..
##Mahabharata - AshramaVasika Parva - Chapter Topics##
yudhiShThirAdibhiH shatayUpAshrame dhR^itarAShTrAdInupetya
svasvanAmakIrtanapUrvakaM tatpAdAbhivAdanam .. 1 ..
dhR^itarAShTreNa svAvA syAdarshanena shochatAM teShAM samAshvAsanam .. 2 ..

##Mahabharata - AshramaVasika Parva - Chapter Text##

vaishampAyana uvAcha .
tataste pANDavA dUrAdavatIrya padAtayaH .
abhijagmurnarapaterAshramaM vinayAnatAH .. 16\-26\-1 (97846)
sa cha yodhajanaH sarvo ye cha rAShTranivAsinaH .
striyashcha kurumukhyAnAM padbhirevAnvayustadA .. 16\-26\-2 (97847)
AshramaM te tato jagmurdhR^itarAShTrasya pANDavAH .
shUnyaM mR^igagaNAkIrNaM kadalIvanashobhitam .. 16\-26\-3 (97848)
tatastatra samAjagmustApasA niyatavratAH .
pANDavAnAgatAndraShTuM kautUhalasamanvitAH .. 16\-26\-4 (97849)
tAnapR^ichChattato rAjA kvAsau kauravavaMshabhR^it .
pitA jyeShTho gato.asmAkamiti bAShpapariplutaH .. 16\-26\-5 (97850)
te tamUchustato vAkyaM yamunAmavagAhitum .
puShpANAmudakuMbhasya chArthe gata iti prabho .. 16\-26\-6 (97851)
tairAkhyAtena mArgeNa tataste jagmura~njasA .
dadR^ishushchAvidUre tAnsarvAnatha padAtayaH .. 16\-26\-7 (97852)
tataste satvarA jagmuH viturdarshanakA~NkShiNaH .
sahadevastu vegena prAdhAvadyatra sA pR^ithA .. 16\-26\-8 (97853)
susvaraM rurude dhImAnmAtuH pAdAvupaspR^ishan .
sA cha bAShpAkulamukhI dadarshaka dayitaM sutam .. 16\-26\-9 (97854)
bAhubhyAM sampariShvajya samunnAmya cha putrakam .
gAndhAryAH kathayAmAsa sahadrevamupasthitam .. 16\-26\-10 (97855)
anantaraM cha rAjAnaM bhImasenamathArjunam .
nakulaM cha pR^ithA dR^iShTvA tvaramANopachakrame .. 16\-26\-11 (97856)
sA hyagre gachChati tayordapatyorhataputrayoH .
karShantI tau tataste tAM dR^iShTvA saMnyapatanbhuvi .
`tayostu pAdayo rAjannyapatanhataputrayoH ..'  16\-26\-12 (97857)
rAjA tAnsvarayogena sparshena cha mahAmanAH .
pratyabhij~nAya medhAvI samAshvAsayata prabhuH .. 16\-26\-13 (97858)
tataste bAShpamutsR^ijya gAndhArIsahitaM nR^ipam .
upatasthurmahAtmAno mAtaraM cha yathAvidhi .. 16\-26\-14 (97859)
sarveShAM toyakalashA~njagR^ihuste svayaM tadA .
pANDavA labdhasaMj~nAste mAtrA chAshvAsitAH punaH .. 16\-26\-15 (97860)
tathA nAryo nR^isiMhAnAM so.avarodhajanastadA .
paurajAnapadAshchaiva dadR^ishustaM janAdhipam .. 16\-26\-16 (97861)
nivedayAmAsa tadA janaM tannAmagotrataH .
yudhiShThiro narapatiH sa chainaM pratyapUjayat .. 16\-26\-17 (97862)
sa taiH parivR^ito mene harShabAShpAvilekShaNaH .
rAjA.a.atmAnaM gR^ihagataM purevi gajasAhvaye .. 16\-26\-18 (97863)
abhivAdito vadhUbhishcha kR^iShNAdyAbhiH sa pArthivaH .
gAndhAryA sahito dhImAnkuntyA cha pratyanandata .. 16\-26\-19 (97864)
tatashchAshramamAgachChatsiddhachAraNasevitam .
didR^ikShubhiH samAkIrNaM nabhastArAgaNairiva .. .. 16\-26\-20 (97865)

iti shrImanmahAbhArate AshramavAsikaparvaNi AshramavAsaparvaNi
ShaDviMsho.adhyAyaH .. 26 ..

\medskip\hrule\medskip
AshramavAsikaparva \- adhyAya 027
.. shrIH ..
16\.27\. adhyAyaH 27

athAshramavAsaparva  .. 1 ..
##Mahabharata - AshramaVasika Parva - Chapter Topics##
sa~njayena tApasAnprati yudhiShThirAdInAM draupadyAdistrINAM
chA~Ngulinirdeshena nAmanirdeshaH .. 1 ..

##Mahabharata - AshramaVasika Parva - Chapter Text##

vaishampAyana uvAcha .
sa taiH saha naravyAdhrairbhrAtR^ibhirbharatarShabha .
rAjA ruchirapadmAkShairAsAMchakre tadAshrame .. 16\-27\-1 (97866)
tApasaishcha mahAbhAgairnAnAdeshasamAgataiH .
draShTuM kurupateH putrAnpANDavAnpR^ithuvakShasaH .. 16\-27\-2 (97867)
te bruva~nj~nAtumichChAmaH katamo.atra yudhiShThiraH .
bhImArjunau yamau chaiva draupadI cha yashasvinI .. 16\-27\-3 (97868)
tAnAchakhyau tadA sUtasteShAM nAma pradhAnataH .
saMjayo draupadIM chaiva sarvAshchAnyA kurustriyaH .. 16\-27\-4 (97869)
sa~njaya uvAcha. 16\-27\-5x (8053)
ya eSha jAMbUnadashuddhagaura\-
stanurmahAsiMha iva pravR^iddhaH .
prachaNDaghoNaH pR^ithudIrghanetra\-
stAmrAyatAkShaH kururAja eShaH ..  16\-27\-5 (97870)
ayaM punarmattagajendragAmI
prataptachAmIkarashuddhagauraH .
pR^ithvAyatAMsaH pR^ithudIrghabAhu\-
rvR^ikodaraH pashyata pashyatemam ..  16\-27\-6 (97871)
yastveSha pArshve.asya mahAdhanuShmA\-
~nshyAmo yuvA vAraNayUthapAbhaH .
siMhonnatAMso gajakhelagAmI
padmAyatAkSho.arjuna eSha vIraH ..  16\-27\-7 (97872)
kuntIsamIpe puruShottamau tu
yamAvimau viShNumahendrakalpau .
manuShyaloke sakale samosti
yayorna rUpe na bale na shIle ..  16\-27\-8 (97873)
iyaM punaH padmadalAyatAkShI
madhyaM vayaH ki~nchidiva spashantI .
nIlotpalAbhA puradevateva
kR^iShNA sthitA mUrtimatIva lakShmIH ..  16\-27\-9 (97874)
asyAstu pArshve kanakopamatva\-
geShA sthitA mUrtimatIva gaurI .
satye sthitA sA bhaginI dvijAgryA\-
shchakrAyudhasyApratimasya tasya ..  16\-27\-10 (97875)
iyaM cha jAMbUnadashuddhagaurI
pArthasya bhAryA bhujagendrakanyA .
chitrA~NgadA chaiva narendrakanyA
yaiShA savarNArdramadhUkapuShpaiH ..  16\-27\-11 (97876)
iyaM svasA rAjachamUpateshcha
pravR^iddhanIlotpaladAmavarNA .
paspardha kR^iShNena sadA nR^ipo yo
vR^ikodarasyaiSha parigraho.agryaH ..  16\-27\-12 (97877)
iyaM cha rAj~no magadhAdhipasya
sutA jarAsaMdha iti shrutasya .
yavIyaso mAdravatIsutasya
bhAryA matA champakadAmagaurI ..  16\-27\-13 (97878)
indIvarashyAmatanuH sthitA tu
yaiShA parA.a.asannatarorlateva .
bhAryA matA mAdravatIsutasya
jyeShThasya seyaM kamalAyatAkShI ..  16\-27\-14 (97879)
iyaM tu niShTaptasuvarNagaurI
rAj~no virATasya sutA saputrA .
bhAryA.abhimanyornihato raNe yo
droNAdibhistairviratho rathasthaiH ..  16\-27\-15 (97880)
etAstu sImantashiroruhA yAH
shuklottarIyA nararAjapatnyaH .
rAj~nosya vR^iddhasya paraMshatAkhyAH
snuShA nR^ivIrAhataputranAthAH ..  16\-27\-16 (97881)
ekatA yathAmukhyamudAhR^itA vo
brAhmaNyabhAvAdR^ijubuddhisatvAt .
sarvA bhavadbhiH paripR^ichChyamAnA
narendrapatnyaH suvishuddhasatvAH .
`sarve bhavantopi tapobalAgryAH
kShAntAshcha dAntAshcha kulodbhavAshcha ..'  16\-27\-17 (97882)
vaishampAyana uvAcha. 16\-27\-18x (8054)
evaM sa rAjA kuruvR^iddhavaryaH
samAgatastairnaradevaputraiH .
paprachCha sarvaM kushalaM tadAnIM
gateShu sarveShvatha tApaseShu ..  16\-27\-18 (97883)
yodheShu chApyAshramamaNDalaM ta\-
nmatvA niviShTeShu vimuchya patram .
strIvR^iddhabAle cha susaMniviShTe
yathArhatastAnkushalAnyapR^ichChat .. ..  16\-27\-19 (97884)

iti shrImanmahAbhArate AshramavAsikaparvaNi AshramavAsaparvaNi
saptaviMsho.adhyAyaH .. 27 ..
##Mahabharata - AshramaVasika Parva - Chapter Footnotes##

7\-27\-12 parigraho bhAryA ..
7\-27\-14 yAsau vishuddhAMbujapadmanetrA iti ka.tha.pAThaH ..
7\-27\-16 bhImantamAtreNa upalakShitA . natvala~NkArAdinA tAdR^ishAH
shiroruhAH keshA yAsAM tAH sImantashiroruhAH. asImanteti pATho
yuktaH. shuklottarIyA nararAjakanyA iti ka.tha.pAThaH ..
7\-27\-19 patraM vAhanam ..

\medskip\hrule\medskip
AshramavAsikaparva \- adhyAya 028
.. shrIH ..
16\.28\. adhyAyaH 28

athAshramavAsaparva  .. 1 ..
##Mahabharata - AshramaVasika Parva - Chapter Topics##
dhR^itarAShTrayudhiShThirAbhyAM parasparakushalaprashnAdipUrvakaM
sa.NllApaH .. 1 ..
yudhiShThireNa dhR^itarAShTraMprati viduraH kveti prashne tatratyena
kenachidyadR^ichChayA dhR^itarAShTramupasarpato janAvalokanena
pratinivartamAnasya cha tasya pradarshanam .. 2 ..
tato yudhiShThireNAnudhAvanena tatsamIpagamanam .. 3 ..
tato vidure yogAtsvasharIratyAgena tachCharIrapraveshaH .. 4 ..
yudhiShThireNa dhR^itarAShTrAdiShu tadadbhutanivedanam .. 5 ..

##Mahabharata - AshramaVasika Parva - Chapter Text##

dhR^itarAShTra uvAcha .
yudhiShThira mahAbAho kachchitvaM kushalI hyasi .
sahito bhrAtR^ibhiH sarvaiH paurajAnapadaistathA .. 16\-28\-1 (97885)
ye cha tvAmanujIvanti kachchitte.api nirAmayAH .
sachivA bhR^ityavargAshcha guravashchaiva te nR^ipa .. 16\-28\-2 (97886)
kachchitte.api nirAta~NkA vasanti viShaye tava .
kachchidvartasi paurANIM vR^ittiM rAjarShisevitAm .. 16\-28\-3 (97887)
kachchinnyAyAnanuchChidya koshaste.abhiprapUryate .
arimadhyasthamitreShu vartase chAnurUpataH .
brAhmaNAnagrahArairvA yathAvadanupashyasi ..  16\-28\-4 (97888)
kachchitte parituShyanti shIleni bharatarShabha .
shatravopi kutaH paurA bhR^ityA vA svajanopi vA .. 16\-28\-5 (97889)
kachchidyajasaki rAjendra shraddhAvAnpitR^idevatAH .
atithInannapAneni kachchidarchasi bhArata .. 16\-28\-6 (97890)
kachchinnayapathe viprAH svakarmaniratAstava .
kShatriyA vaishyavarNA vA shUdrA vA.api kuTumbinaH .. 16\-28\-7 (97891)
kachchitstrIbAlavR^iddhaM te na shochati na yAchate .
jAmayaH pUjitAH kachchittava gehe nararShabha .. 16\-28\-8 (97892)
kachchidrAjarShivaMsho.ayaM tvAmAsAdya mahIpatim .
yathochitaM mahArAja yashasA nAvasIdati .. 16\-28\-9 (97893)
vaishaNpAyana uvAcha. 16\-28\-10x (8055)
ityevAdinaM taM sa nyAyavitpratyabhAShata .
kushalaprashnasaMyuktaM kushalo vAkyamabravIt .. 16\-28\-10 (97894)
yudhiShThira uvAcha. 16\-28\-11x (8056)
api te vardhate rAjaMspapo mandaH shramashcha te ..  16\-28\-11 (97895)
api me jananI cheyaM shushrUShurvigataklamA .
athAsyAH saphalo rAjanvanavAso bhaviShyati .. 16\-28\-12 (97896)
iyaM cha mAtA jyeShThA me shItavAtAdhvakarshitA .
ghoreNa tapasA yuktA devI kachchinna shochati .. 16\-28\-13 (97897)
hatAnputrAnmahAvIryAnkShatradharmaparAyaNAn .
nApadhyAyati vA kachchidasmAnpApakR^itaH sadA .. 16\-28\-14 (97898)
kva chAsau viduro rAjannemaM pashyAmahe vayam .
saMjayaH kushalI chAyaM kachchinnu tapasi sthiraH .. 16\-28\-15 (97899)
vaishampAyana uvAcha. 16\-28\-16x (8057)
ityuktaH pratyuvAchainaM dhR^itarAShTro janAdhipam .
kushalI viduraH putra tapo ghoraM samAshritaH .. 16\-28\-16 (97900)
vAyubhakSho nirAhAraH kR^isho dhamanisaMtataH .
kajAchiddR^ishyate vipraiH shUnye.asminkAnane kvachit .. 16\-28\-17 (97901)
ityevaM bruvatastasya jaTI vITAmukhaH kR^ishaH .
digvAsA maladigdhA~Ngo vanareNusamukShitaH .. 16\-28\-18 (97902)
dUrAdAlakShitaH kShattA tatrAkhyAto mahIpateH .
`kavidurastveSha dharmAtmA janaM dR^iShTvA nivartate ..'  16\-28\-19 (97903)
nivartamAnaM sahasA janaM dR^iShTvA.a.ashramaM prati .
tamanvadhAvannR^ipatireka eva yudhiShThiraH .
pravishantaM vanaM ghoraM lakShyAlakShyaM kvachitkvachit ..  16\-28\-20 (97904)
bhobho vidura rAjA.ahaM dayitaste yudhiShThiraH .
iti bruvannarapatistaM yatnAdabhyadhAvata .. 16\-28\-21 (97905)
tato vivikta ekAnte tasthau buddhimatAM varaH .
viduro vR^ikShamAshritya ka~nchittatra vanAntare .. 16\-28\-22 (97906)
taM rAjA kShINabhUyiShThamAkR^itImAtrasUchitam .
abhijaj~ne mahAbuddhiM mahAbuddhiryudhiShThiraH .. 16\-28\-23 (97907)
yudhiShThiro.ahamasmIti vAkyamuktvA.agrataH sthitaH .
vidurasyAshrame rAjA sa cha pratyAha saMj~nayA .. 16\-28\-24 (97908)
tataH so.animiSho bhUtvA rAjAnaM tamudaikShata .
saMyojya vidurastasmindR^iShTiM dR^iShTyA samAhitaH .. 16\-28\-25 (97909)
vivesha viduro dhImAngAtrairgAtrANi chaiva ha .
prANAnprANeShu cha dadhadindriyANIndriyeShu cha .. 16\-28\-26 (97910)
sa yogabalamAsthAya vivesha nR^ipatestanum .
viduro dharmarAjasya tejasA prajvalanniva .. 16\-28\-27 (97911)
vidurasya sharIraM tu tathaiva stabdhalochanam .
vR^ikShAshritaM tadA rAjA dadarsha gatachetanam .. 16\-28\-28 (97912)
balavantaM tathA.a.atmAnaM mene bahuguNaM tadA .
dharmarAjo mahAtejAstachcha sasmAra pANDavaH .. 16\-28\-29 (97913)
paurANamAtmanaH sarvaM bhaviShyaM cha vishAmpate .
yogadharmaM mahAtejA vyAsena kathinaM yathA .. 16\-28\-30 (97914)
dharmarAjashcha tatrainaM sa~nchaskArayiShustadA .
dagdhukAmo.abhavadvidvAnatha vAgabhyabhAShata .. 16\-28\-31 (97915)
bhobho rAjanna dagdhavyametadvidurasaMj~nakam .
kalebaramihaivaM te dharma eSha sanAtanaH .. 16\-28\-32 (97916)
loko vaikartano nAma bhaviShyatyasya bhArata .
yatidharmamavAptosau naiSha shochyaH paraMtapa .. 16\-28\-33 (97917)
ityukto dharmarAjaH sa vinivR^itya tataH punaH .
rAj~no vaichitravIryasya tatsarvaM pratyavedayat .. 16\-28\-34 (97918)
tataH sa rAjA dhR^itimAnsa cha sarvo janastadA .
bhImasenAdayashchaiva paraM vismiyamAgatAH .. 16\-28\-35 (97919)
tachChrutvA prItimAnrAjA bhUtvA dharmajamabravIt .
Apo mUlaM phalaM chaiva mamedaM pratigR^ihyatAm .. 16\-28\-36 (97920)
yadanno hi naro rAjaMstadanno.asyAtithiH smR^itaH .
ityuktaH sa tathetyevaM prAha dharmAtmajo nR^ipam .. 16\-28\-37 (97921)
phalaM mUlaM cha bubhuje rAj~nA dattaM sahAnujaH .
tataste vR^ikShamUleShu kR^itavAsaparigrahAH .
tAM rAtrimavasansarve phalamUlajalAshanAH .. ..  16\-28\-38 (97922)

iti shrImanmahAbhArate AshramavAsikaparvaNi AshramavAsaparvaNi
aShTAviMsho.adhyAyaH .. 28 ..
##Mahabharata - AshramaVasika Parva - Chapter Footnotes##

7\-28\-4 kachchidAyAnanuchChidyeti ka.pAThaH ..
7\-28\-8 jAmayaH saubhAgyavatyaH ..
7\-28\-18 vITA pAShANakavalaH . vanadigdhA~Ngo vAnarairupalakShita iti
tha.pAThaH ..
7\-28\-29 tachcha svasya vidurasya cha ekasyaiva dharmasyAMshAjjAtatvaM
sasmAra ..
7\-28\-30 yogadharmaM sasmAretyanuShajyate ..
7\-28\-31 saMchaskArayiShuH saMskAraM lambhayitumichChuH ..
7\-28\-33 lokAssAntAnikAnAma bhaviShyantyasyeti jha.pAThaH . yatidharmo
dAhAdyayogyatvam ..

\medskip\hrule\medskip
AshramavAsikaparva \- adhyAya 029
.. shrIH ..
16\.29\. adhyAyaH 29

##Mahabharata - AshramaVasika Parva - Chapter Topics##
yudhiShThireNa dhR^irAShTrAbhyanuj~nayA bhrAtrAdibhiH saha
maharShiNAmAshramadarshanam .. 1 ..
shatayUpAdibhiH sashiShyeNa vyAsena cha yudhiShThirAdibhiH parivR^itasya
dhR^itarAShTrasyAshramaMpratyAgamanam .. 2 ..

##Mahabharata - AshramaVasika Parva - Chapter Text##

vaishampAyana uvAcha .
tatastu rAjanneteShAmAshrame puNyakarmaNAm .
shivA nakShatrasampannA sA vyatIyAya sharvarI .. 16\-29\-1 (97923)
tatastatra kathAshchAsaMsteShAM dharmArthalakShaNAH .
vichitrapadasa~nchArA nAnAshrutibhiranvitAH .. 16\-29\-2 (97924)
pANDavAstvabhito mAturdharaNyAM suShupustadA .
utsR^ijya tu mahArhANi shayanAni narAdhipa .. 16\-29\-3 (97925)
yadAhAro.abhakavadrAjA dhR^itarAShTro mahAmanAH .
tadAhArA nR^ivIMrAste nyavasaMstAM nishAM tadA .. 16\-29\-4 (97926)
vyatItAyAM tu sharvaryAM kR^itapaurvAhNikakriyaH .
bhrAtR^ibhiH sahito rAjA dadarshAshramamaNDalam .. 16\-29\-5 (97927)
sAntaH puraparIvAraH sabhR^ityaH sapurohitaH .
yathAsukhaM yathoddeshaM dhR^itarAShTrAbhyanuj~nayA .. 16\-29\-6 (97928)
dadarsha tatra vedIshcha samprajvalitapAvakAH .
kR^itAbhiShekairmunibhirhutAgnibhirupasthitAH .. 16\-29\-7 (97929)
vAneyapuShpanikarairAjyadhUmodgamairapi .
brAhmeNa vapuShA yuktA yuktA munigaNasya tAH .. 16\-29\-8 (97930)
mR^igayUthairanudvignaistatratatra samAshritaiH .
asha~NkitaiH pakShigaNaiH pragItairiva cha prabho .. 16\-29\-9 (97931)
kekAbhirnIlakaNThAnAM dAtyUhAnAM cha kUjitaiH .
kokilAnAM kuhuravaiH sukhaiH shrutimanoharaiH .. 16\-29\-10 (97932)
prAdhItadvijaghoShaishcha kvachitkvachidala~NkR^itam .
phalamUlasamAhArairmahadbhishchopashobhitam .. 16\-29\-11 (97933)
tataH sa rAjA pradadau tApasArthamupAhR^itAn .
kalashAnkA~nchanAnrAjaMstathaivaudumbarAnapi .. 16\-29\-12 (97934)
ajinAni praveNIshcha sruksruvaM cha mahIpatiH .
kamaNDalUMshchi sthAlIshcha piTharANi cha bhArata .. 16\-29\-13 (97935)
bhAjanAni cha lauhAni pAtrIshcha vividhA nR^ipa .
yadyadichChati yAvachcha yadanyadapi kA~NkShitam .. 16\-29\-14 (97936)
evaM sa rAjA dharmAtmA parItyAshramamaNDalam .
vasu vishrANya tatsarvaM punarAyAnmahIpatiH .. 16\-29\-15 (97937)
kR^itAhnikaM cha rAjAnaM dhR^itarAShTraM mahIpatim .
dadarshAsInamavyagraM gAndhArIsahitaM tadA .. 16\-29\-16 (97938)
mAtaraM chAvidUrasthAM shiShyavatpraNatAM sthitAm .
kuntIM dadarsha dharmAtmA shiShTAchArasamanvitAm .. 16\-29\-17 (97939)
sa tamabhyarchya rAjAnaM nAma saMshrAvya chAtmanaH .
niShIdetyabhyanuj~nAto vR^isyAmupavivesha ha .. 16\-29\-18 (97940)
bhImasenAdayashchaiva pANDava bharatarShabha .
abhivAdyopasa~NgR^ihya niSheduH pArthivAj~nayA .. 16\-29\-19 (97941)
sa taiH parivR^ito rAjA shushubhe.atIva kauravaH .
bibhradbrAhmIM shriyaM dIptAM devairiva bR^ihaspatiH .. 16\-29\-20 (97942)
tathA teShUpaviShTeShu samAjagmurmaharShayaH .
shatayUpaprabhR^itayaH kurukShetranivAsinaH .. 16\-29\-21 (97943)
vyAsashcha bhagavAnvipro devarShigaNasevitaH .
vR^itaH shiShyairmahAtejA darshayAmAsa pArthivam .. 16\-29\-22 (97944)
tataH sa rAjA kauravyaH kuntIputrashcha dharmarAT .
bhImasenAdayashchaiva pratyutthAyAbhyavAdayan .. 16\-29\-23 (97945)
samAgatastato vyAsaH shatayUpAdibhirvR^itaH .
dhR^itarAShTraM mahIpAlamAsyatAmityabhAShata .. 16\-29\-24 (97946)
varaM tu viShTaraM kaushyaM kR^iShNAjinakushottaram .
pratipede tadA vyAsastadarthamupakalpitam .. 16\-29\-25 (97947)
te cha sarve dvijashreShThA viShTareShu samantataH .
dvaipAyanAbhyanuj~nAtA niShedurvipulaujasaH .. .. 16\-29\-26 (97948)

iti shrImanmahAbhArate AshramavAsikaparvaNi AshramavAsaparvaNi
ekonatriMsho.adhyAyaH .. 29 ..
##Mahabharata - AshramaVasika Parva - Chapter Footnotes##

7\-29\-8 munigaNasya munigaNena . tA vaidikyo laukikyashcha ..
7\-29\-9 mR^igayUthAdibhirala~NkR^itamAshramam ..
7\-29\-12 audumbarAn kalashAn ..
7\-29\-13 praveNIH kuthAH ..

\medskip\hrule\medskip
AshramavAsikaparva \- adhyAya 030
.. shrIH ..
16\.30\. adhyAyaH 30

##Mahabharata - AshramaVasika Parva - Chapter Topics##
vyAsana dhR^itarAShTraMprati kushalAdiprashnapUrvakaM vidurasya
nijasvarUpAdipratipAdanam .. 1 ..
tathA itaramaharShiduShkaratadabhIShTAshcharyakarmakaraNapratij~nAnam .. 2 ..

##Mahabharata - AshramaVasika Parva - Chapter Text##

vaishampAyana uvAcha .
tataH samupaviShTeShu pANDaveShu mahAtmasu .
vyAsaH satyavatIputraH provAchAmantrya pArthivam .. 16\-30\-1 (97949)
dhR^itarAShTra mahAbAho kachchitte vartate tapaH .
kachchinmanaste prINAti vanavAse narAdhipa .. 16\-30\-2 (97950)
kachchiddhR^idi na te shoko rAjanputravinAshajaH .
kachchijj~nAnAni sarvANi suprasannAni te.anagha .. 16\-30\-3 (97951)
kachchidbuddhiM dR^iDhAM kR^itvA charasyAraNyakaM vidhim .
kachchidvadhUshcha gAndhArI na shokenAbhibhUyate .. 16\-30\-4 (97952)
mahApraj~nA buddhimatI devI dharmArthadarshinI .
AgamApAyatattvaj~nA kachchideShA na shochati .. 16\-30\-5 (97953)
kachchitkuntI cha rAjaMstvAM shushrUShatyanaha~NkR^itA .
yA parityajya svaM putraM gurushushrUShaNe ratA .. 16\-30\-6 (97954)
kachchiddharmasuto rAjA tvayA pratyabhinanditaH .
bhImArjunayamAshchaiva kachchidete.api sAntitAH .. 16\-30\-7 (97955)
kachchinnandasi dR^iShTraitAnkachchite nirmalaM manaH .
kachchichcha shuddhabhAvosi jAtaj~nAno narAdhipa .. 16\-30\-8 (97956)
etaddhi tritayaM shreShThaM sarvabhUteShu bhArata .
nirvairatA mahArAja satyamakrodha eva cha .. 16\-30\-9 (97957)
kachchitte na cha mohosti vanavAsena bhArata .
svadatte vanyamannaM vA upavAsopi vA bhavet .. 16\-30\-10 (97958)
viditaM chApi rAjendra vidurasya mahAtmanaH .
gamanaM vidhinA.anena dharmasya sumahAtmanaH .. 16\-30\-11 (97959)
mANDavyashApAddhi sa vai dharmo viduratAM gataH .
mahAbuddhirmahAyogI mahAtmA sumahAmanAH .. 16\-30\-12 (97960)
bR^ihaspatirvA deveShu shukro vA.apyasureShu cha .
na tathA buddhisampanno yathA sa puruSharShabhaH .. 16\-30\-13 (97961)
tapobalavyayaM kR^itvA suchirAtsambhR^itaM tadA .
mANDavyenarShiNA dharmo hyabhibhUtaH sanAtanaH .. 16\-30\-14 (97962)
niyogAdbrahmaNaH pUrvaM mayA svena balena cha .
vaichitravIryake kShetre jAtaH sa sumahAmatiH .. 16\-30\-15 (97963)
bhrAtA tava mahArAja devadevaH sanAtanaH .
dhAraNAnmanasA dhyAnAdya dharma kavayo viduH .. 16\-30\-16 (97964)
satyena saMvardhayati yo damena shamena cha .
ahiMsayA cha dAnena tapasA cha sanAtanaH .. 16\-30\-17 (97965)
yena yogabalAjjAtaH kururAjo yudhiShThiraH .
dharma ityeSha nR^ipate prAj~nenAmitabuddhinA .. 16\-30\-18 (97966)
yathA vahniryathA vAyuryathA.a.apaH pR^ithivI yathA .
yathA.a.akAshaM tathA dharma iha chAmutra cha sthitaH .. 16\-30\-19 (97967)
sarvagashchaiva rAjendra sarvaM vyApya charAcharam .
dR^ishyate devadevaiH sa siddhairnirmuktakalmaShaiH .. 16\-30\-20 (97968)
yo hi dharmaH sa viduro viduro yaH sa pANDavaH .
sa eSha rAjandR^ishyaste mANDavaH preShyavatsthitaH .. 16\-30\-21 (97969)
praviShTaH sa mahAtmAnaM bhrAtA te buddhisammataH .
dR^iShTvA mahAtmA kaunteyaM mahAyogabalAnvitaH .. 16\-30\-22 (97970)
tvAM chApi shreyasA yokShye nachirAdbharatarShabha .
saMshayachChedanArthAya prAptaM mAM viddhi putraka .. 16\-30\-23 (97971)
na kR^itaM yaiH purA kaishchitkarma loke maharShibhiH .
AshcharyabhUtaM tapasaH phalaM taddarshayAmi vaH .. 16\-30\-24 (97972)
kimichChasi mahIpAla mattaH prAptumabhIpsitam .
draShTruM spraShTumatha shrotuM tatkartAsmi tavAnagha .. .. 16\-30\-25 (97973)

iti shrImanmahAbhArate AshramavAsikaparvaNi AshramavAsaparvaNi
triMsho.adhyAyaH .. 30 ..
##Mahabharata - AshramaVasika Parva - Chapter Footnotes##

7\-30\-6 yA parityavya rAjyaM svamiti ka.tha.pAThaH ..

\medskip\hrule\medskip
AshramavAsikaparva \- adhyAya 031
.. shrIH ..
16\.31\. adhyAyaH 31

atha putradarshanaparva .. 2 ..
##Mahabharata - AshramaVasika Parva - Chapter Topics##
dhR^itarAShTrAshrame bhrAtrAdibhiH sainyena cha saha mAsamekaM
nivasati yudhiShThire kadAchana vyAsadhR^itarAShTrau parivArya
nArAdAdibhirgAndhAryAdibhiH pANDavaishcha samupaveshanam .. 1 ..
tatra gAndhAryA vyAsamprati dhR^itarAShTrasya putradidR^ikShAnivedane
vyAsena kuntIMprati tadabhIShTanivedanachodanA .. 2 ..

##Mahabharata - AshramaVasika Parva - Chapter Text##

janamejaya uvAcha .
vanavAsaM gate vipra dhR^itarAShTre mahIpatau .
sabhArye nR^ipashArdUle vadhvA kuntyA samanvite .. 16\-31\-1 (97974)
vidure chApi dharmaj~ne dharmarAjaM vyapashrite .
vasatsu pANDuputreShu sarveShvAshramamaNDale .. 16\-31\-2 (97975)
yattadAshcharyamiti vai kariShyAmItyuvAcha ha .
vyAsaH paramatejasvI maharShistadvadasva me .. 16\-31\-3 (97976)
vanavAse cha kauravyAH kiyantaM kAlamachyutaH .
yudhiShThiro narapatirnyavasatsajanastadA .. 16\-31\-4 (97977)
kimAhArAshcha te tatra sasainyA nyavasanprabho .
sAntaHpurA mahAtmAna etadichChAmi veditum .. 16\-31\-5 (97978)
vaishampAyana uvAcha. 16\-31\-6x (8058)
`vanavAsagataM rAjandhR^itarAShTraM mahIpatim .
yudhiShThiro.abhyayAddraShTuM sasainyo bhrAtR^ibhiH saha .. 16\-31\-6 (97979)
prathame divase chaiShAmApo mUlaM phalaM tathA .
bhojanaM bhUmishayyA cha tatrAsIdbharatarShabha .. 16\-31\-7 (97980)
te.anuj~nAtAstadA rAjankururAjena pANDavAH .
vividhAnyannapAnAni shayyAshchaivAbhajanvane .. 16\-31\-8 (97981)
mAsamekaM vijahruste sasainyAntaHpuro vane .
atha tatrAgamadvyAso yathoktaM te mayA.anagha .. 16\-31\-9 (97982)
tathA cha teShAM sarveShAM kathAbhirnR^ipasannidhau .
vyAsanvAsya taM rAjannAjagmurmunayo.apare .. 16\-31\-10 (97983)
nAradaH parvatashchaiva devalashcha mahAtapAH .
vishvAvasustuMburushcha chitrasenashcha bhArata .. 16\-31\-11 (97984)
teShAmapi yathAnyAyaM pUjAM chakre mahAtapAH .
dhR^itarAShTrAbhyanuj~nAtaH kurarAjo yudhiShThiraH .. 16\-31\-12 (97985)
niSheduste tataH sarve pUjAM prApya yudhiShThirAt .
AsaneShu cha puNyeShu barhiNeShu vareSha_u cha .. 16\-31\-13 (97986)
teShu tatropaviShTeShu sa tu rAjA mahAmatiH .
pANDuputraiH parivR^ito niShasAda kurUdvaha .. 16\-31\-14 (97987)
gAndhArI chaiva kuntI cha draupadI sAtvatI tathA .
striyashchAnyAstathA.anyAbhiH sahopavivishustataH .. 16\-31\-15 (97988)
teShAM tatra kathA divyA dharmiShThAshchAbhavannR^ipa .
rAjarShINAM purANAnAM devAsuravibhishritAH .. 16\-31\-16 (97989)
tataH kathAnte vyAsastaM praj~nAchakShuShamIshvaram .
provAcha vadatAMshreShThaH punareva sa tadvachaH .. 16\-31\-17 (97990)
prIyamANo mahAtejAH sarvavedavidAMvaraH .
viditaM mama rAjendra yatte hR^idi vivakShitam .. 16\-31\-18 (97991)
dahyamAnasya shokena tava putrakR^itena vai .
gAndhAryAshchaiva yadduHkhaM hR^idi tiShTati nityadA .. 16\-31\-19 (97992)
kuntyAshcha yanmahArAja draupadyAshcha hR^idi sthitam .
yachcha dhArayate tIvraM duHkhaM putravinAshajam .
subhadrA kR^iShNabhaginI tachchApi viditaM mama ..  16\-31\-20 (97993)
shrutvA samAgamamimaM sarveShAM vastato nR^ipa .
saMshayachChedanArthAya prAptaH kauravanandana .. 16\-31\-21 (97994)
ime cha devagandharvAH sarve cheme maharShayaH .
pashyantu tapaso vIryamadya me chirasambhR^itam .. 16\-31\-22 (97995)
taduchyatAM mahAprAj~na kaM kAmaM pradadAmi te .
pravaNosmi varaM dAtuM pashya me tapaso balam .. 16\-31\-23 (97996)
evamuktaH sa rAjendro vyAsenAmitabuddhinA .
muhUrtamiva saMchintya vachanAyopachakrame .. 16\-31\-24 (97997)
dhanyosmyanugR^ihItashcha saphalaM jIvitaM cha me .
yanme samAgamo.adyeha bhavadbhiH saha sAdhubhiH .. 16\-31\-25 (97998)
adya chApyavagachChAmi gatimiShTAmihAtmanaH .
brahmakalpairbhavadbhiryatsameto.ahaM tapodhanAH .. 16\-31\-26 (97999)
darshanAdeva bhavatAM pUto.ahaM nAtra saMshayaH .
vidyate na bhayaM chApi paraloke mamAnaghAH .. 16\-31\-27 (98000)
kiMtu tasya sudurbuddhermandasyApanayairbhR^isham .
dUyate me mano nityaM smarataH putragR^iddhinaH .. 16\-31\-28 (98001)
apApAH pANDavA yena nikR^itAH pApabuddhinA .
ghAtitA pR^ithivI yena sahayA sanaradvipA .. 16\-31\-29 (98002)
rAjAnashcha mahAtmAno nAnAjanapadeshvarAH .
Agamya mama putrArthe sarve mR^ityuvashaM gatAH .. 16\-31\-30 (98003)
ye te pitR^IshchaM dArAMshcha prANAMshcha manasaH priyAn .
parityajya gatAH shUrAH pretarAjaniveshanam .. 16\-31\-31 (98004)
kA nu teShAM gatirbrahmanmitrArthe ye hatA mR^idhe .
tathaiva putrapautrANAM mama ye nihatA yudhi .. 16\-31\-32 (98005)
dUyate me mano.abhIkShNaM ghAtayitvA mahAbalam .
bhIShmaM shAntanavaM vR^iddhaM droNaM cha dvijasattamam .. 16\-31\-33 (98006)
mama putreNa mUDhena pApenAkR^itabuddhinA .
kShayaM nItaM kulaM dIptaM pR^ithivIrAjyamichChatA .. 16\-31\-34 (98007)
`ete madarthe putrAMshcha dArAMshcha manasaH priyAn .
bhogAMshcha vividhAMstAta iShTApurtAMstathaiva cha .
parityajya gatAH shUrAH pretarAjaniveshanam ..'  16\-31\-35 (98008)
etatsarvamanusmR^itya dahyamAno divAnisham .
na shAntimadhigachChAmi duHkhashokasamAhataH .. 16\-31\-36 (98009)
iti me chintayAnasya pitaH shAntirna vidyate ..  16\-31\-37 (98010)
vaishampAyana uvAcha. 16\-31\-38x (8059)
tachChrutvA vividhaM tasya rAjarSheH paridevitam .
punarnavIkR^itaH shoko gAndhAryA janamejaya .. 16\-31\-38 (98011)
kuntyA drupadaputryAshcha subhadrAyAstathaiva cha .
tAsAM cha varanArINAM vadhUnAM kauravasya ha .. 16\-31\-39 (98012)
putrashokasamAviShTA gAndhArI tvidamabravIt .
shvashuraM baddhanayanA devI prA~njalirutthitA .. 16\-31\-40 (98013)
`lokAntaragatAnputrAnayaM kA~NkShati mAnada .
tachchAsya mAsaM j~nAtaM bhagavaMstapasA tvayA ..'  16\-31\-41 (98014)
ShoDashemAni varShANi gatAni munipu~Ngava .
asya rAj~nohatAnputrA~nshochato na shamo vibho .. 16\-31\-42 (98015)
putrashokasamAviShTo niHshvasanhyeSha bhUmipaH .
na shete vasatIH sarvA dhR^itarAShTro mahAmune .. 16\-31\-43 (98016)
lokAnanyAnsamarthosi sraShTuM sarvAMstapobalAt .
kimu lokAntaragatAnrAj~no darshayituM sutAn .. 16\-31\-44 (98017)
iyaM cha draupadI kR^iShNA hataj~nAtisutA bhR^isham .
shochatyatIva sarvAsAM snuShANAM dayitA snuShA .. 16\-31\-45 (98018)
tathA kR^iShNasya bhaginI subhadrA bhadrabhAShiNI .
saubhadrakavadhasaMtaptA bhR^ishaM shochati bhAminI .. 16\-31\-46 (98019)
iyaM cha bhUrishravaso bhAryA paramasammatA .
bhartR^ivyasanashokArtA bhR^ishaM shochati bhAminI .. 16\-31\-47 (98020)
yasyAstu shvashuro dhImAnbAhlikaH sa kurUdvahaH .
nihataH somadattashcha pitrA saha mahAraNe .. 16\-31\-48 (98021)
shrImatosya mahAbuddheH sa~NgrAmeShvapalAyinaH .
putrasya te putrashataM nihataM yadraNAjire .. 16\-31\-49 (98022)
tasya bhAryAshatamidaM duHkhashokasamAhatam .
punaHpunarvardhayAnaM shokaM roj~no mamaiva cha .
hatAhAreNa mahatA mAmupAste mahAmune ..  16\-31\-50 (98023)
ye cha shUrA mahAtmAnaH shvashurA me mahArathAH .
somadattaprabhR^itayaH kA nu teShAM gatiH prabho .. 16\-31\-51 (98024)
tava prasAdAdbhagavanvishoko.ayaM mahIpatiH .
kuryAtkAlamahaM cheyaM vadhUstava mahAmune .. 16\-31\-52 (98025)
ityuktavatyAM gAndhAryAM kuntI vratakR^ishAnanA .
prachchannajAtaM putraM tu sasmArAdityasannibham .. 16\-31\-53 (98026)
tAmR^iShirvarado vyAso dUrashravaNadarshanaH .
apashyadduHkhitAM devIM mAtaraM savyasAchinaH .. 16\-31\-54 (98027)
tAmuvAcha tato vyAso yatte kAryaM vivakShitam .
tadbUhi tvaM mahAbhAge yatte manasi vartate .. 16\-31\-55 (98028)
shvashurAya tata kuntI praNamya shirasA tadA .
uvAcha vAkyaM savrIDA vivR^iNvAnA purAtanam .. .. 16\-31\-56 (98029)

iti shrImanmahAbhArate AshramavAsikaparvaNi putradarshanaparvaNi
ekatriMsho.adhyAyaH .. 31 ..
##Mahabharata - AshramaVasika Parva - Chapter Footnotes##

7\-31\-13 barhiNeShu pakShibarhajatUlikAmayeShu ..
7\-31\-50 mAmupAste bhAryAshataM rodanaM kurvat mAmeva parivArya
tiShThatItyarthaH

\medskip\hrule\medskip
AshramavAsikaparva \- adhyAya 032
.. shrIH ..
16\.32\. adhyAyaH 32

atha putradarshanaparva .. 2 ..
##Mahabharata - AshramaVasika Parva - Chapter Topics##
kuntyA vyAsaMprati svasmindurvAsaHprasAdena
sUryAtkarNasyotpattikathanapUrvakaM svasya taddidR^ikShAnivedanam .. 1 ..
vyAsena kuntIMprati hetUpanyAsena tatprayuktadoShasha~NkAnirasanam .. 2 ..

##Mahabharata - AshramaVasika Parva - Chapter Text##

kuntyuvAcha .
bhagava~nshvashuro me.asi daivatasyApi daivatam .
sa me devAtidevastvaM shR^iNu satyAM giraM mama .. 16\-32\-1 (98030)
tapasvI kopano vipro durvAsA nAma me pituH .
bhikShAmupAgato bhoktuM tamahaM paryatoShayam .. 16\-32\-2 (98031)
shauchane tvAgasastyAgaiH shuddhena manasA tathA .
kopasthAneShvapi mahatsvakupyanna kadAchana .. 16\-32\-3 (98032)
sa prIto varado me.abhUtkR^itakR^ityo mahAmuniH .
avashyaM te grahItavyamiti mAM sobravIdvachaH .. 16\-32\-4 (98033)
tataH shApabhayAdvipramavochaM punareva tam .
evamastviti cha prAha punareva sa me dvijaH .. 16\-32\-5 (98034)
dharmasya jananI bhadre bhavitrI tvaM shubhAnane .
vashe sthAsyanti te devA yAMstvamAvAhayiShyasi .. 16\-32\-6 (98035)
ityuktvA.antarhito viprastato.ahaM vismitA.abhavam .
na cha sarvAsvavasthAsu smR^itirme vipraNashyati .. 16\-32\-7 (98036)
atha harmyatalasthA.ahaM ravimudyantamIkShatI .
saMsmR^itya tadR^iShervAkyaM spR^ihayantI divAkaram .. 16\-32\-8 (98037)
sthitA.ahaM bAlabhAvena tatra doShamabuddhyatI .
atha devaH sahasrAMshurmatsamIpagato.abhavat .. 16\-32\-9 (98038)
dvidhA kR^itvA.a.atmano dehaM bhUmau cha gagane.api cha .
tatApa lokAnekena dvitIyenAgamatsa mAm .. 16\-32\-10 (98039)
sa mAmuvAcha vepantIM varaM matto vR^iNIShva ha .
gamyatAmiti taM chAhaM praNamya sirasA.avadam .. 16\-32\-11 (98040)
sa mAmuvAcha tigmAMshurvR^ithA.a.ahvAnaM na me kShamam .
dhakShyAmi tvAM cha vipraM cha yena datto varastava .. 16\-32\-12 (98041)
tamahaM rakShatI vipraM shApAdanapakAriNam .
putro me tvatsamo deva bhavediti tato.abravam .. 16\-32\-13 (98042)
tato mAM tejasA.a.avishya mohayitvA cha bhAnumAn .
uvAcha bhavitA putrastavetyabhyagamaddivam .. 16\-32\-14 (98043)
tato.ahamantarbhavane pitushchittAnurakShiNI .
gUDhotpannaM sutaM bAlaM jale karNamavAsR^ijam .. 16\-32\-15 (98044)
nUnaM tasyaiva devasya prasAdAtpunareva tu .
kanyA.ahamabhavaM vipra yathA prAha sa mAmR^iShiH .. 16\-32\-16 (98045)
sa mayA sUDhayA putro j~nAyamAno.apyupekShitaH .
tanmAM dahati viprarShe yathA suviditaM tava .. 16\-32\-17 (98046)
yadi pApamapApaM vA yadetadvivR^itaM mayA .
taM draShTumichChAmi bhagavanvyapanetuM tvamarhasi .. 16\-32\-18 (98047)
yachchAsya rAj~no viditaM hR^idisthaM bhavato.anagha .
taM chAyaM labhatAM kAmamadyaiva munisattama .. 16\-32\-19 (98048)
ityuktaH pratyuvAchedaM vyAso vedavidAMvaraH .
sAdhu sarvamidaM bhAvyamevametadyathA.a.attha mAm .. 16\-32\-20 (98049)
aparAdhashcha te nAsti kanyAbhAvaM gatA hyasi .
devAshchaishvaryavanto vai sharIrANyAvishanti vai .. 16\-32\-21 (98050)
santi devanikAyAshcha saMkalpAjjanayanti ye .
vAchA dR^iShTyA tathA sparshAtsaMgharSheNeti pa~nchadhA .. 16\-32\-22 (98051)
manuShyadharmo daivena dharmeNa hi na duShyati .
iti kunti vijAnIhi vyetu te mAnaso jvaraH .. 16\-32\-23 (98052)
sarvaM balavatAM pathyaM sarvaM balavatAM shuchi .
sarvaM balavatAM dharmaH sarvaM balavatAM svakam .. .. 16\-32\-24 (98053)

iti shrImanmahAbhArate AshramavAsikaparvaNi putradarshanaparvaNi
dvAtriMsho.adhyAyaH .. 32 ..
##Mahabharata - AshramaVasika Parva - Chapter Footnotes##

7\-32\-3 AgasastyAgairaparAdhatyAgaiH ..
7\-32\-22 sagharSheNa ratyA ..

\medskip\hrule\medskip
AshramavAsikaparva \- adhyAya 033
.. shrIH ..
16\.33\. adhyAyaH 33

atha putradarshanaparva .. 2 ..
##Mahabharata - AshramaVasika Parva - Chapter Topics##
vyAsena gAndhArIMprati samarahatAnAM duryodhanAdInAM sarveShAM
rAtrau pradarshanapratij~nAnapUrvakaM dhR^itarAShTrAdInAM vishiShya
gandharvAdyaMshatvakathanam .. 1 ..
dhR^itarAShTrAdibhirvyAsavachanAdga~NgAtIrametya bandhudarshanautkaNThyena
kR^ichChrAdaharyApanam. 2 . .

##Mahabharata - AshramaVasika Parva - Chapter Text##

vyAsa uvAcha .
bhadre drakShyasi gAndhAri putrAnbhrAtR^InsvakAngaNAn .
vadhUshcha patibhiH sArdhaM nishi suptosthitA iva .. 16\-33\-1 (98054)
karNaM drakShyati kuntI cha saubhadraM chApi yAdavI .
draupadI pa~nchaputrAMshcha pitR^InbhrAtR^IMstathaiva cha .. 16\-33\-2 (98055)
pUrvamevaiSha hR^idaye vyavasAyo.abhakavanmama .
yadA.asmi chodito rAj~nA bhavatyA pR^ithayaiva cha .. 16\-33\-3 (98056)
na te shochyA mahAtmAnaH sarva eva nararShabhAH .
kShatradharmaparAH santastathA hi nidhanaM gatAH .. 16\-33\-4 (98057)
bhavitavyamavashyaM tatsurakAryamanindite .
avaterustataH sarve devA bhAgairmahItalam .. 16\-33\-5 (98058)
gandharvApsarasashchaiva pishAchA guhyarAkShasAH .
tathA puNyajanAshchaiva siddhA devarShayopi cha .. 16\-33\-6 (98059)
devAshcha dAnavAshchaiva tathA devarShayo.amalAH .
te ete nidhanaM prAptAH kurukShetre raNAjire .. 16\-33\-7 (98060)
gandharvarAjo yo dhImAndhR^itarAShTra iti shrutaH .
sa eva mAnuShe loke dhR^itarAShTraH patistava .. 16\-33\-8 (98061)
pANDuM marudgaNAdviddhi vishiShTatamamachyutam .
dharmasyAMsho.abhavatkShattA rAjA chaiva yudhiShThiraH .. 16\-33\-9 (98062)
kaliM duryodhanaM viddhi shakuniM dvAparaM nR^ipam .
duHshAsanAdInviddhi tvaM rAkShasAnshubhadarshane .. 16\-33\-10 (98063)
marudgaNAdbhImasenaM balavantamariMdamam .
viddhiM tvaM tu naramR^iShimimaM pArthaM dhanaMjayam .
nArAyaNaM hR^iShIkeshamashvinau yamajau tathA ..  16\-33\-11 (98064)
dvidhA kR^itvA.a.atmano dehamAdityaM tapatAM varam .
lokAMshcha tApayAnaM vai karNaM viddhi pR^ithAsutam .. 16\-33\-12 (98065)
yaH sa vairArthamudbhUtaH saMgharShajananaskatathA .
taM karNaM viddhi kalyANi bhAskaraM shubhadarshane .. 16\-33\-13 (98066)
yashcha pANDavadAyAdo hataH Sha~NmirmahArathaiH .
sa soma iha saubhadro yogAdevAbhavaddvidhA .. 16\-33\-14 (98067)
draupadyA saha saMbhUtaM dhR^iShTadyumnaM cha pAvakAt .
agrerbhAgaM shubhaM viddhi rAkShasaM tu shikhaNDinam .. 16\-33\-15 (98068)
droNaM bR^ihaspaterbhAgaM viddhi drauNiM cha rudrajam .
gA~Ngeyo vasuvIryeNa devo mAnuShatAM gataH .. 16\-33\-16 (98069)
evamete mahApraj~ne devA mAnuShyametya hi .
tataH punargatAH svargaM kR^ite karmaNi shobhane .. 16\-33\-17 (98070)
yachcha vai hR^idi sarveShAM duHkhametachchiraM sthitam .
tadadya vyapaneShyAmi paralokakR^itAdbhayAt .. 16\-33\-18 (98071)
sarve bhavanto gachChantu nadIM bhAgIrathIM prati .
tatra drakShyatha tAnsarvAnye hatAstatra saMyuge .. 16\-33\-19 (98072)
vaishampAyana uvAcha. 16\-33\-20x (8060)
iti vyAsasya vachanaM shrutvA sarvA janastadA .
mahatA siMhanAdena ga~NgAmabhimukho yayau .. 16\-33\-20 (98073)
dhR^itarAShTrashcha sAmAtyaH prayayau saha pANDavaiH .
sahito munishArdUlairgandharvaishcha samAgataiH .. 16\-33\-21 (98074)
tato ga~NgAM samAsAdya krameNa sa janArNavaH .
nivAsamakarotsarvo yathAprIti yathAsukham .. 16\-33\-22 (98075)
rAjA cha pANDavaiH sArdhamiShTe deshe sahAnugaH .
nivAsamakaroddhImAnsastrIvR^iddhapuraHsaraH .. 16\-33\-23 (98076)
jagAma tadahaschApi teShAM varShashataM yathA .
nishAM pratIkShamANAnAM didR^ikShUNAM mR^itAnnR^ipAn .. 16\-33\-24 (98077)
atha puNyaM girivaramastamabhyagamadraviH .
tataH kR^itAbhiShekAste naishaM karma samAcharan .. .. 16\-33\-25 (98078)

iti shrImanmahAbhArate AshramavAsikaparvaNi putradarshanaparvaNi
trayastriMsho.adhyAyaH .. 33 ..

\medskip\hrule\medskip
AshramavAsikaparva \- adhyAya 034
.. shrIH ..
16\.34\. adhyAyaH 34

atha putradarshanaparva .. 2 ..
##Mahabharata - AshramaVasika Parva - Chapter Topics##
vyAsena nishAyAM ga~NgAjalAvagAhanena samAhnAne purA samaranihataiH
kurupANDavobhayapakShIyaiH sarvaiH svasvAbharaNAyudhavAhanAdibhiH saha
salilAdudgamya tIrottaraNam .. 1 ..
dhR^itarAShTreNa vyAsaprasAdalabdhadivyachakShuShA duryodhanAdInAM
sarveShAmavalokanam .. 2 ..

##Mahabharata - AshramaVasika Parva - Chapter Text##

vaishampAyana uvAcha .
tato nishAyAM prAptAyAM kR^itasAyAhnikakriyAH .
vyAsamabhyagamansarve ye tatrAsansamAgatAH .. 16\-34\-1 (98079)
dhR^itarAShTrastu dharmAtmA pANDavaiH sahitastadA .
shuchirekamanAH sArdhamR^iShibhistairupAvishat .. 16\-34\-2 (98080)
gAndhAryA saha nAryastu sahitAH samupAvishan .
paurajAnapadashchApi janaH sarvo yathA vayaH .. 16\-34\-3 (98081)
tato vyAso mahAtejAH puNyaM bhAgIrathIjalam .
avatIryAjuhAvAtha sa.NrvAllokAnmahAmuniH .. 16\-34\-4 (98082)
pANDavAnAM cha ye yodhAH kauravANAM cha sarvashaH .
rAjAnashcha mahAbhAgA nAnAdeshanivAsinaH .
`pratIkShya tasthuste sarve teShAmAgamanaM prati ..'  16\-34\-5 (98083)
tataH sutumulaH shabdo jalAnte janamejaya .
prAdurAsIdyathAyogaM kurupANDavasenayoH .. 16\-34\-6 (98084)
tataste pArthivAH sarve bhIShmadroNapurogamAH .
sasainyAH salilAttasmAtsamuttasthuH sahasrashaH .. 16\-34\-7 (98085)
virATadrupadau chaiva sahaputrau sasainikau .
draupadeyAshcha saubhadro rAkShasashcha ghaTotkachaH .. 16\-34\-8 (98086)
karNaduryodhanau chaiva shakunishcha mahArathaH .
duHshAsanAdayashchaiva dhArtarAShTrA mahAbalAH .. 16\-34\-9 (98087)
jArAsandhirbhagadatto jalasandhashcha vIryavAn .
bhUrishravAH shalaH shalyo vR^iShasenashcha sAnujaH .. 16\-34\-10 (98088)
lakShmaNo rAjaputrashcha dhR^iShTadyumnassahAtmajaH .
shikhaNDiputrAH sarve cha dhR^iShTaketushcha sAnuja .. 16\-34\-11 (98089)
achalo vR^iShakashchaiva rAkShasashchApyalAyudhaH .
bAhlikaH somadattashcha chekitAnashcha pArthivaH .. 16\-34\-12 (98090)
ete chAnye cha bahavo bahutvAdye na kIrtitAH .
sarve bhAsuradehAste samuttasthurjalAttataH .. 16\-34\-13 (98091)
yasy vIrasya yo veSho yo dhvajo yachcha vAhanam .
yadvarma yatpraharaNaM tena tena sa dR^ishyate .. 16\-34\-14 (98092)
divyAMbaradharAH sarve sarve bhrAjiShNukuNDalAH .
nirvairA niraha~NkArA vigatakrodhamatsarAH .. 16\-34\-15 (98093)
gandharvairupagIyantaH stUyamAnAshcha bandibhiH .
divyamAlyasrajopetAstathA divyApsarovR^itAH .. 16\-34\-16 (98094)
dhR^itarAShTrasya cha tadA divyaM chakShurnarAdhipa .
muniH satyavatIputraH prItaH prAdAttapobalAt .. 16\-34\-17 (98095)
divyaj~nAnabalopetA gAndhArI cha yashasvinI .
dadarsha putrAMstAnsarvAnye chAnye.api mR^ighe hatAH .. 16\-34\-18 (98096)
tadadbhutamachintyaM cha sumahadromaharShamam .
vismitaH sa janaH sarvo dadarshAnimiShekShaNaH .. 16\-34\-19 (98097)
tadutsavamahodagraM hR^iShTanArInarAkulam .
AshcharyabhUtaM dadR^ishe chitraM paTagataM yathA .. 16\-34\-20 (98098)
dhR^itarAShTrastu tAnsarvAnpashyandivyena chakShuShA .
mumude bharatashreShTha prasAdAttasya vai muneH .. .. 16\-34\-21 (98099)

iti shrImanmahAbhArate AshramavAsikaparvaNi putradarshanaparvaNi
chatustriMsho.adhyAyaH .. 34 ..

\medskip\hrule\medskip
AshramavAsikaparva \- adhyAya 035
.. shrIH ..
16\.35\. adhyAyaH 35

atha putradarshanaparva .. 2 ..
##Mahabharata - AshramaVasika Parva - Chapter Topics##
dhR^itarAShTradhiShThirAdibhirShyAsaprasAdojjIvitairhatapUrvabandhubhiH
saha sa.NllApAdinA yAvadrAtrisukhaviharaNam .. 1 ..

##Mahabharata - AshramaVasika Parva - Chapter Text##

vaishampAyana uvAcha .
tataste puraShashreShThAH samAjagmuH parasparam .
vigatakrodhamAtsaryAH sarve vigatakalmaShAH .. 16\-35\-1 (98100)
vidhiM paramamAsthAya brahmarShivihitaM shubham .
saMhR^iShTamanasaH sarve devaloka ivAmarAH .. 16\-35\-2 (98101)
putraH pitrA cha mAtrA cha bhAryAshcha patibhiH saha .
bhrAtrA bhrAtA sakhA chaiva sakhyA rAjansamAgatAH .. 16\-35\-3 (98102)
pANDavAstu maheShvAsaM karNaM saubhadrameva cha .
sampraharShAtsamAjagmurdraupadeyAMshchaka sarvashaH .. 16\-35\-4 (98103)
tataste prIyamANA vai karNena saha pANDavAH .
sametya pR^ithivIpAla sauhR^ide cha sthitA.abhavan .. 16\-35\-5 (98104)
parasparaM samAgamya yodhAste bharatarShabha .
muneH prasAdAtte hyevaM kShatriyA naShTamanyavaH .. 16\-35\-6 (98105)
asauhR^idaM parityajya sauhR^ide paryavasthitAH .
evaM samAgatAH sarve gurubhirbAndhavaiH saha .. 16\-35\-7 (98106)
putraishcha puruShavyAghrAH kuravo.anye cha pArthivAH .
tAM rAtrimakilAmevaM vihR^itya prItamAnasAH .. 16\-35\-8 (98107)
menire paritoSheNa nR^ipAH svargasado yathA .
nAtra shoko bhayaM trAso nAratirnAyasho.abhavat .. 16\-35\-9 (98108)
parasparaM samAgamya yodhAnAM bharatarShabha .
samAgatAstAH pitR^ibhirbhrAtR^ibhiH patibhiH sutaiH .
mudaM paramikAM prApya nAryo duHkhamathAtyajan ..  16\-35\-10 (98109)
`devalokaM gatA ye cha ye cha brahmasado gatAH .
ye chApi vAruNaM lokaM ye cha golokamAshritAH .. 16\-35\-11 (98110)
tathA vaivasvataM lokaM ye cha yakShAnupAgatAH .
rAkShasAMshcha pishAchAMshcha kurUMshchApi tathottarAn .. 16\-35\-12 (98111)
vichitrAshcha gatIranye ye prAptAH karmabhirnarAH .
sarve te tadvayorUpaveShAstatra samabhyayuH ..'  16\-35\-13 (98112)
ekAM rAtriM vihR^ityaivaM te vIrAstAshcha yoShitaH .
AmantryAnyonyamAshliShya tato jagmuryathAgataM .. 16\-35\-14 (98113)
tato visarjayAmAsa lokAMstAnmunipu~NgavaH .
kShaNenAntarhitAshchaiva prekShatAmeva te.abhavan .. 16\-35\-15 (98114)
avagAhya mahAtmAnaH puNyAM bhAgIrathIM nadIm .
sarathAH sadhvajAshchaiva svAni veshmAni bhejire .. 16\-35\-16 (98115)
devalokaM yayuH kechitkechidbrahmasadastathA .
kechichcha vAruNaM lokaM kechitkauberamApnuvan .. 16\-35\-17 (98116)
tato vaivasvataM lokaM kechichchaivApnuvannR^ipAH .
rAkShasAnAM pishAchAnAM kechichchApyuttarAnkurUn .. 16\-35\-18 (98117)
vichitragatayaH sarve yAnavApyAmaraiH saha .
Ajagmuste mahAtmAnaH savAhAH sapadAnugAH .. 16\-35\-19 (98118)
gateShu teShu sarveShu salilastho mahAmuniH .
dharmasIlo mahAtejAH kurUNAM hitakR^itadA .
tataH provAcha tAH sarvAH kShatriyA nihateshvarAH.  16\-35\-20 (98119)
yAyAH patikR^itA.NllokAnichChanati paramastriyaH .
tA jAhnavIjalaM kShipramavagAhantvatandritAH .. 16\-35\-21 (98120)
tatastasya vachaH shrutvA shraddadhAnA varA~NganAH .
shvashuraM samanuj~nApya vivishurjAhnavIjalam .. 16\-35\-22 (98121)
vimuktA mAnuShairdehaistatastA bhartR^ibhiH saha .
samAjagmustadA sAdhvyaH sarvA evaM vishAmpate .. 16\-35\-23 (98122)
evaM krameNi sarvAstAH shIlavatyaH pativratAH .
pravishya toyaM nirmuktA jagmurbhartR^isalokatAm .. 16\-35\-24 (98123)
divyarUpasamAyuktA divyAbharaNabhUShitAH .
divyamAlyAMbaradharA yathA.a.asAM patayastathA .. 16\-35\-25 (98124)
tAH shIlaguNasampannA vimAnasthA gataklumAH .
sarvAH sarvaguNopetAH svasthAnaM pratipedire .. 16\-35\-26 (98125)
yasya yasya tu yaH kAmastasminkAle babhUva ha .
taMtaM visR^iShTavAnvyAso varado dharmavatsalaH .. 16\-35\-27 (98126)
tachChrutvA naradevAnAM punarAgamanaM narAH .
jahR^iShurmuditAshchAsannAnAdeshagatA api .. 16\-35\-28 (98127)
`te naShTabhayasa~NkalpA narA vigatakalmaShAH .
babhUvuH pauravAHsarve taddR^iShTvA.a.ashcharyamuttamam ..'  16\-35\-29 (98128)
priyaiH samAgamaM teShAM yaH samyak shR^iNuyAnnaraH .
priyANi labhate nityamiha cha pretya chaiva saH .
iShTabAndhavasaMyogamanAyAsamanAmayam ..  16\-35\-30 (98129)
yashchaitachChrAvayedvidvAnviduSho dharmavittamaH .
sa yashaH prApnuyAlloke paratra cha shubhAM gatim .. 16\-35\-31 (98130)
svAdhyAyayuktA manujAstapoyuktAshcha bhArata .
sAdhvAchArA damopetA dAnanirdhUtakalmaShAH .. 16\-35\-32 (98131)
R^ijavaH shuchayaH shAntA hiMsAnR^itavivarjitAH .
AstikAH shraddadhAnAshcha dhR^itimantashcha mAnavAH .
shrutvA.a.ashcharyamidaM parva hyavApsyanti parAM gatim ..  16\-35\-33 (98132)
`punaste darshanaM prAptAH punashcha parikIrtitAH .
punaHpunaH prayachChanti shR^iNvatAmabhayaM sadA ..' ..  16\-35\-34 (98133)

iti shrImanmahAbhArate AshramavAsikaparvaNi putradarshanaparvaNi
pa~nchatriMsho.adhyAyaH .. 35 ..

\medskip\hrule\medskip
AshramavAsikaparva \- adhyAya 036
.. shrIH ..
16\.36\. adhyAyaH 36

atha putradarshanaparva .. 2 ..
##Mahabharata - AshramaVasika Parva - Chapter Topics##
tyaktadehAnAmapi kurupANDavapakShIyANAM kathaM punarAgamanamiti
janamejayaprashnasya sopapattikamuttaradAnam .. 1 ..

##Mahabharata - AshramaVasika Parva - Chapter Text##

sautiruvAcha .
etachChrutvA nR^ipo vidvAnhR^iShTo.abhUjjanamejayaH .
pitAmahAnAM sarveShAM gamanAgamanaM tadA .. 16\-36\-1 (98134)
abravIchcha mudA yuktaH punarAgamanaM prati .
kathaM na tyaktadehAnAM punastadrUpadarshanam .. 16\-36\-2 (98135)
ityuktaH sa dvijashreShTho vyAsashiShyaH pratApavAn .
provAcha vadatAMshreShThastaM nR^ipaM janamejayam .. 16\-36\-3 (98136)
vaishampAyana uvAcha. 16\-36\-4x (8061)
avipraNAshaH sarveShAM karmaNAmiti nishchayaH .
karmajAni sharIrANi sharIrAkR^itayastathA .. 16\-36\-4 (98137)
mahAbhUtAni nityAni bhUtAdhipatisaMshrayAt .
teShAM cha nityasaMvAso na vinAsho viyujyatAm .. 16\-36\-5 (98138)
anAshayA kR^itaM karma tasya cheShTaH phalAgamaH .
AtmA chaibhiH samAyuktaH sukhaduHkhamupAshnute .. 16\-36\-6 (98139)
avinAshyastathA nityaM kShetraj~na iti nishchayaH .
bhUtAnAmAtmabhAvo yo dhruvosau saMvijAnatAm .. 16\-36\-7 (98140)
yAvanna kShIyate karma tAvattasya svarUpatA .
kShINakarmA naro loke rUpAnyatvamupAshnute .. 16\-36\-8 (98141)
nAnAbhUtAstathaikatvaM sharIraM prApya saMhatAH .
bhavanti te tathA nityAH pR^ithagbhAvaM vijAnatAm .. 16\-36\-9 (98142)
ashvamedhashrutishcheyamashvasaMj~napanaM prati .
lokAntaragatA nityaM prANA nityA hi vAjinaH .. 16\-36\-10 (98143)
ahaM hitaM vadAmyetatpriyaM chettava pArthiva .
devayAnA hi panthAnaH shrutAste yaj~nasaMstare .. 16\-36\-11 (98144)
sukR^ito yatra yaj~naste tatra devA hitAstava .
yadA samanvitA devAH pashUnAM gamaneshvarAH .. 16\-36\-12 (98145)
gamimantashcha teneShTvA nAnye nityA bhavantyuta .
nitye.asminpa~nchake varge nitye chAtmani pUruShaH .. 16\-36\-13 (98146)
asya nAshaM samAyogaM yaH pashyati vR^ithAmatiH .
viyoge shochate.atyarthaM sa bAla iti me matiH .. 16\-36\-14 (98147)
viyoge doShadarshI yaH saMyogaM sa visarjayet .
asa~Nge sa~Ngamo nAsti duHkhaM bhAvi viyogajama .. 16\-36\-15 (98148)
parAparaj~nastvaparo nAbhimAnAdudIkShitaH .
aparaj~naH parAM buddhiM spR^iShTvA mohAdvimuchyate .. 16\-36\-16 (98149)
adarshanAdApatitaH punashchAdarshanaM gataH .
nAhaM taM vedmi nAsau mAM na cha me.asti virAgatA .. 16\-36\-17 (98150)
yenayena sharIreNi karotyayamanIshvaraH .
tenatena sharIreNa tadavashyamupAshnute .
mAnasaM manasA.a.apnoti sharIraM cha sharIravAn .. ..  16\-36\-18 (98151)

iti shrImanmahAbhArate AshramavAsikaparvaNi putradarshanaparvaNi
ShaTtriMsho.adhyAyaH .. 36 ..
##Mahabharata - AshramaVasika Parva - Chapter Footnotes##

7\-36\-10 saMj~napanaM mAraNam ..
7\-36\-11 nAsau mAnAdaha~NkArAnna cha veti virAgatAmiti ka.pAThaH ..

\medskip\hrule\medskip
AshramavAsikaparva \- adhyAya 037
.. shrIH ..
16\.37\. adhyAyaH 37

atha putradarshanaparva .. 2 ..
##Mahabharata - AshramaVasika Parva - Chapter Topics##
janamejayena parikShitpradarshane prArthite vyAsena parikShitaH
shamIkamaharShaH shR^i~NgINashcha pradarshanam .. 1 ..
janamejayenAvabhR^ithasnAnAnantaramAstikapUjanapUrvakaM
vaishampAyanaMprati kathAvasheShakathanaprArthanA .. 2 ..

##Mahabharata - AshramaVasika Parva - Chapter Text##

vaishampAyana uvAcha .
adR^iShTvA tu nR^ipaH putrAndarshanaM pratilabdhavAn .
R^iSheH prasAdAtputrANAM svarUpANAM kurUdvaha .. 16\-37\-1 (98152)
sa rAjA rAjadharmAMshcha brahmopaniShadaM tathA .
avAptavAnnarashreShTho buddhinishchayameva cha.  16\-37\-2 (98153)
vidurashcha mahAprAj~no yayau siddhiM tapobalAt .
dhR^itarAShTraH samAsAdya vyAsaM chaiva tapasvinam .. 16\-37\-3 (98154)
janamejaya uvAcha. 16\-37\-4x (8062)
mamApi varado vyAso darshayetpitaraM yadi .
tadrUpaveShavayasaM shraddadhyAM sarvameva tat .. 16\-37\-4 (98155)
priyaM me syAtkR^itArthashcha syAmahaM kR^itanishchayaH .
prasAdAdR^iShimukhyasya mama kAmaH samR^iddhyatAm .. 16\-37\-5 (98156)
sautiruvAcha. 16\-37\-6x (8063)
ityuktavachane tasminnR^ipe vyAsaH pratApavAn .
prasAdamakaroddhImAnAnayachcha parikShitam .. 16\-37\-6 (98157)
tatastadrUpavayasamAgataM nR^ipatiM divaH .
shrImantaM pitaraM rAjA dadarsha sa parIkShitam .. 16\-37\-7 (98158)
shamIkaM cha mahAtmAnaM putraM taM chAsya shR^i~NgiNam .
amAtyA ye cha nihatA rAj~nastAMshcha dadarsha ha .. 16\-37\-8 (98159)
tataH sovabhR^ithe rAjA mudito janamejayaH .
pitaraM snApayAmAsa svayaM sasnau cha pArthivaH .. 16\-37\-9 (98160)
`parIkShidapi tatraiva babhUva sa tirohitaH.'
snAtvA sa nR^ipatirvipramAstIkamidamabravIt .
yAyAvarakulotpannaM jaratkArusutaM tadA ..  16\-37\-10 (98161)
AstIka vividhAshcharyo yaj~ne.ayamiti me matiH .
yadadyAyaM pitA prApto mama shokapraNAshanaH .. 16\-37\-11 (98162)
AstIka uvAcha. 16\-37\-12x (8064)
R^iShirdvaipAyano yatra purANastapaso nidhiH .
yaj~ne kurukulashreShTha tasya lokAvubhau jitau .. 16\-37\-12 (98163)
shrutaM vichitramAkhyAnaM tvayA pANDavanandana .
sarpAshcha bhasmasAnnItA gatAshcha padavIM pituH .. 16\-37\-13 (98164)
kathaMchittakShako muktaH satyatvAttava pArthiva .
R^iShayaH pUjitAH sarve gatirdR^iShTA mahAtmanaH .. 16\-37\-14 (98165)
prAptaH suvipulo dharmaH shrutvA pApavinAshanam .
vimukto hR^idayagranthirudArajanadarshanAt .. 16\-37\-15 (98166)
ye cha pakShadharA dharme sadvR^ittaruchayashcha ye .
yAndR^iShTvA hIyate pApaM tebhyaH kAryA namaskriyA .. 16\-37\-16 (98167)
sautiruvAcha. 16\-37\-17x (8065)
etachChrutvA dvijashreShThAtsa rAjA janamejayaH .
pUjayAmAsa tamR^iShimanumAnya punaHpunaH .. 16\-37\-17 (98168)
paprachCha tamR^iShi chApi vaishampAyanamachyutam .
kathAvasheShaM dharmaj~no vanavAsasya sattama .. .. 16\-37\-18 (98169)

iti shrImanmahAbhArate AshramavAsikaparvaNi putradarshanaparvaNi
saptatriMsho.adhyAyaH .. 37 ..
##Mahabharata - AshramaVasika Parva - Chapter Footnotes##

7\-37\-2 sa dhR^itarAShTro rAjA vidurashcha siddhiM yayau iti dvayoH
sambandhaH . tatrApi vidurastapobalAt. dhR^itarAShTro vyAsaM samAsAdyeti
sambandhaH ..
7\-37\-15 pApavinAshaM itihAsamiti sheShaH ..
7\-37\-16 pakShadharAH pakShasthApakAH ..

\medskip\hrule\medskip
AshramavAsikaparva \- adhyAya 038
.. shrIH ..
16\.38\. adhyAyaH 38

atha putradarshanaparva .. 2 ..
##Mahabharata - AshramaVasika Parva - Chapter Topics##
dhR^itarAShTreNa putradarshanAnantaraM yudhiShThirAdibhiH saha punaH
svAshramaMpratyAgamanam .. 1 ..
vyAsena dhR^itAShTraMprati yudhiShThirAdInAM nagaraprasthApanachodanA .. 2 ..
nagaraMprati punarAgamanamanichChatApi yudhiShThireNa dhR^itarAShTrasya
kuntIgAndhAryoshcha nideshanirbandhena punaH sarvaiHsaha hAstinapuraM
pratyAgamanam .. 3 ..

##Mahabharata - AshramaVasika Parva - Chapter Text##

janamejaya uvAcha .
dR^iShTvA putrAMstathA pautrAnsAnubandhA~njanAdhipaH .
dhR^itarAShTraH kimakarodrAjA chaiva yudhiShThiraH .. 16\-38\-1 (98170)
vaishampAyana uvAcha. 16\-38\-2x (8066)
taddR^iShTvA mahadAshcharyaM putrANAM darshanaM punaH .
vItashokaH sa rAjarShiH punarAshramamAgamat .. 16\-38\-2 (98171)
itarastu janaH sarvaste chaiva paramarShayaH .
pratijagmuryathAkAmaM dhR^itArAShTrAbhyanuj~nayA .. 16\-38\-3 (98172)
pANDavAstu mahAtmAno laghubhUyiShThasainikAH .
anujagmurmahAtmAnaM sadArAstaM mahIpatim .. 16\-38\-4 (98173)
tamAshramagataM dhImAnbrahmarShirlokapUjitaH .
dvaipAyano.abhyupAgamya rAjAnamidamnabravIt .. 16\-38\-5 (98174)
dhR^itAShTra mahAbAho shR^iNu kauravanandana .
shrutAste j~nAnavR^iddhAnAmR^iShINAM puNyakarmaNAm .. 16\-38\-6 (98175)
addhAbhijanavR^iddhAnAM vedavedA~NgavedinAm .
dharmaj~nAnAM purANAnAM vadatAM vividhAH kathAH .. 16\-38\-7 (98176)
mA sma shoke manaH kArShIrdiShTe na vyathate budhaH .
shrutaM devarahasyaM te nAradAddevadarshanAt .. 16\-38\-8 (98177)
gatAste kShatradharmeNa shastrapUtAM gatiM shubhAm .
yathA dR^iShTAstvayA putrAstathA kAmavihAriNaH .. 16\-38\-9 (98178)
yudhiShThiraH svayaM dhImAnbhavantamanurudhyate .
sahito bhrAtR^ibhiH sarvaiHi sadAraH sasuhR^ijjanaH .. 16\-38\-10 (98179)
visarjayainaM yAtveSha svarAjyamanushAsatAm .
mAsaH samadhikasteShAmatIto vasatAM vane .. 16\-38\-11 (98180)
etaddhi nityaM yatnena padaM rakShyaM narAdhipa .
bahupratyarthikaM hyetadrAjyaM nAma kurUdvaha .. 16\-38\-12 (98181)
ityuktaH kauravo rAjA vyAsenAmitabuddhinA .
yudhiShThiramathAhUya vAgmI vachanamabravIt .. 16\-38\-13 (98182)
ajAtashatro bhadraM te shR^iNu me bhrAtR^ibhiH saha .
tvatprasAdAnmahIpAla shoko nAsmAnprabAdhate .. 16\-38\-14 (98183)
rame chAhaM tvayA putra pureva gajasAhaye .
nAthenAnugato vidvanpriyeShu parivartinA .. 16\-38\-15 (98184)
prAptaM putraphalaM tvattaH prItirme paramA tvayi .
na me manyurmahAbAho gamyatAM mA chiraM kR^ithAH .. 16\-38\-16 (98185)
bhavantaM cheha saMprekShya tapo me parihIyate .
upayuktaM sharIraM cha tvAM dR^iShTvA dhAritaM punaH .. 16\-38\-17 (98186)
mAtarau te tathaiveme shIrNaparNakR^itAshane .
mama tulyavrate putra na chiraM vartayiShyataH .. 16\-38\-18 (98187)
duryodhanaprabhR^itayo dR^iShTA lokAntaraM gatAH .
vyAsasya tapaso vIryAdbhavatashcha samAgamAt .. 16\-38\-19 (98188)
prayojanaM chiraM vR^ittaM jIvitasya mamAnagha .
ugraM tapaH samAsthAsyetvamanuj~nAtumarhasi .. 16\-38\-20 (98189)
tvayyadya piNDaH kIrtishcha kulaM chedaM pratiShThitam .
shvovA.adya vA mahAbAho gamyatAM mAchiraM kR^ithAH .. 16\-38\-21 (98190)
rAjanItiH subahushaH shrutA te bharatarShabha .
saMdeShTavyaM na pashyAmi kR^itametAvatA vibho .. 16\-38\-22 (98191)
vaishampAyana uvAcha. 16\-38\-23x (8067)
ityuktavachanaM taM tu nR^ipo rAjAnamabravIt .
na mAmarhasi dharmaj~na parityaktumanAgasam .. 16\-38\-23 (98192)
kAmaM gachChantu me sarve bhrAtaro.anucharAstathA .
bhavantamahamanviShye mAtarau cha yatavrataH .. 16\-38\-24 (98193)
tamuvAchAtha gAndhArI maivaM putra shR^iNuShva cha .
tvayyadhInaM kurukulaM piNDashcha shvashurasya me .. 16\-38\-25 (98194)
gamyatAM putra paryAptametAvatpUjitA vayam .
rAjA yadAha tatkAryaM tvayA putra piturvachaH .. 16\-38\-26 (98195)
vaishampAyana uvAcha. 16\-38\-27x (8068)
ityuktaH sa tu gAndhAryA kuntImidamabhAShata .
snehabAShpAkule netre parimR^ijya vinItavat .. 16\-38\-27 (98196)
visarjayati mAM rAjA gAndhArI cha yashasvinI .
bhavatyAM baddhachittastu kathaM yAsyAmi duHkhitaH .. 16\-38\-28 (98197)
na chotsahe tapovighnaM kartuM te dharmachAriNi .
tapaso hi paraM nAsti tapasA vindate mahat .. 16\-38\-29 (98198)
mamApi na tathA rAj~ni rAjye buddhiryathA purA .
tapasyevAnuraktaM me manaH sarvAtmanA tathA .. 16\-38\-30 (98199)
shUnyeyaM cha mahI kR^itsnA na me prItikarI shubhe .
bAndhavA naH parikShINA balaM no na yathA purA .. 16\-38\-31 (98200)
pA~nchAlAH subhR^ishaM kShINAH kanyAmAtrAvasheShitAH .
na teShAM kulakartAraM ka~nchitpashyAmyahaM shubhe .. 16\-38\-32 (98201)
sarve hi bhasmAsAnnItAste droNena raNAjire .
avashiShTAshcha nihatA droNaputreNa vai nishi .
chedayashchaiva matsyAshcha dR^iShTapUrvAstathaiva naH ..  16\-38\-33 (98202)
kevalaM vR^iShNichakraM cha vAsudevaparigrahAt .
yaddR^iShTvA sthAtumichChAmi dharmArthaM nArthahetutaH .. 16\-38\-34 (98203)
shivena pashya naH sarvAndurlabhaM tava darshanam .
bhaviShyatyaMba rAjA hi tIvraM chArapsyate tapaH .. 16\-38\-35 (98204)
etachChrutvA mahAbAhuH sahadevo yudhAMpatiH .
yudhiShThiramuvAchedaM bAShpavyAkulalochanaH .. 16\-38\-36 (98205)
notsahe.ahaM parityaktuM mAtaraM bharatarShabha .
pratiyAtu bhavAnkShipraM tapastapsyAmyahaM vane .. 16\-38\-37 (98206)
ihaiva shoShayiShyAmi tapasedaM kalevaram .
pAdashushrUShaNerakto rAj~no mAtrostathA.anayoH .. 16\-38\-38 (98207)
tamuvAcha tataH kuntI pariShvajya mahAbhujam .
gamyatAM putra maivaM tvaM vochaH kuru vacho mama .. 16\-38\-39 (98208)
AgamA vaH shivAH santu svasthA bhavata putrakAH .
uparodho bhavedevamasmAkaM tapasaH kR^ite .. 16\-38\-40 (98209)
tvatsnehapAshabaddhA cha hIyeyaM tapasaH parAt .
tasmAtputraka gachCha tvaM shiShTamalpaM cha naH prabho .. 16\-38\-41 (98210)
evaM saMstaMbhitaM vAkyaiH kuntyA bahuvidhairmanaH .
sahadevasya rAjendra rAj~nashchaiva visheShataH .. 16\-38\-42 (98211)
te mAtrA samanuj~nAtA rAj~nA cha kurupu~NgavAH .
abhivAdya kurushreShThamAmantrayitumArabhan .. 16\-38\-43 (98212)
yudhiShThira uvAcha. 16\-38\-44x (8069)
rAjyaM prati gamiShyAmaH shivena pratinanditaH .
anuj~nAtAstvayA rAjangamiShyAmo vikalmaShAH .. 16\-38\-44 (98213)
evamuktaH sa rAjarShirdharmarAj~nA mahAtmanA .
anuyaj~ne jayAshIrbhiH pUjayitvA yudhiShThiram .. 16\-38\-45 (98214)
bhImaM cha balinAM shreShThaM sAntvayAmAsa pArthivaH .
sa chAsya samya~NmedhAvI pratyapadyata vIryavAn .. 16\-38\-46 (98215)
arjunaM cha samAshliShya yaMmau cha bharatarShabhau .
anuyaj~ne sa kauravyaH pariShvajyAbhinandya cha .. 16\-38\-47 (98216)
gAndhAryA chAbhyanuj~nAtAH kR^itapAdAbhivAdanAH .
jananyA samupAghrAtAH pariShvaktAshcha te nR^ipam .. 16\-38\-48 (98217)
chakruH pradakShiNaM sarve vatsA iva nivAraNe .
punaH punarnirIkShantaH prachakruste pradakShiNam .. 16\-38\-49 (98218)
draupadIpramukhAshchaiva sarvAH kauravayoShitaH .
nyAyataH shvashure vR^ittiM prayujya prayayustataH .. 16\-38\-50 (98219)
shvashrUbhyAM samanuj~nAtAH pariShvajyAbhinanditAH ..
saMdiShTAshchetikartavyaM prayayurbhartR^ibhiH saha .. 16\-38\-51 (98220)
tataH prajaj~ne ninadaH sUtAnAM yujyatAmiti .
uShTrANAM kroshatAM chApi hayAnAM heShatAmapi .. 16\-38\-52 (98221)
tato yudhiShThiro rAjA sadAraH sahasainikaH .
nagaraM hAstinapuraM punarAyAtsabAndhavaH .. .. 16\-38\-53 (98222)

iti shrImanmahAbhArate AshramavAsikaparvaNi putradarshanaparvaNi
aShTatriMsho.adhyAyaH .. 38 .. .. samAptaM chedaM putradarshanaparva
.. 2 ..
##Mahabharata - AshramaVasika Parva - Chapter Footnotes##

7\-38\-12 bahavaH pratyarthinaH prArthayAnAH shatravo yatra tat ..
7\-38\-15 nAthena tvayA ..
7\-38\-24 anviShye seviShye ..
7\-38\-32 kathAmAtrAvasheShitA iti jha.pAThaH ..
7\-38\-35 aviShahyaM cha rAjA hIti jha.pAThaH ..
7\-38\-41 shreyasaH parAdIti ka.Ta.pAThaH . shiShThamAyuriti sheShaH ..
7\-38\-49 nivAraNe stanapAnAditi sheShaH ..
7\-38\-50 tathaiva draupadI bhadrA pANDyajA bhujagendrajeti ka.Tha.tha.pAThaH ..

\medskip\hrule\medskip
AshramavAsikaparva \- adhyAya 039
.. shrIH ..
16\.39\. adhyAyaH 39

atha nAradAgamanaparva .. 3 ..
##Mahabharata - AshramaVasika Parva - Chapter Topics##
kadAchana hAstinapuramupAgatena nAradena pANDavAnprati dhR^itarAShTrAdInAM
svargaprAptinivedanam .. dhR^itarAShTre gAndhArIkuntIsa~njayaiH
saha ga~NgAyAmAplutya svAshramamAgachChati sati madhyemArgaM
dAvAgninA tatparIveShTanam .. dhR^irarAShTreNa sa~njaya pratyapnito
dUrApasaraNapreraNApUrvakaM kuntIgAndhArIbhyAM saha vanhau praveshanam
.. 3 ..
tataH sa~njayena himavatparvataMprati gamanam .. 4 ..

##Mahabharata - AshramaVasika Parva - Chapter Text##

vaishampAyana uvAcha .
teShu chopanivR^itteShu pANDaveShu yadR^ichChayA .
devarShirnArado rAjannAjagAma yudhiShThiram .. 16\-39\-1 (98223)
tamabhyarchya mahAbAhuH kururAjo yudhiShThiraH .
AsInaM parivishvastaM provAcha vadatAMvaraH .. 16\-39\-2 (98224)
chirAttu nAnupashyAmi bhagavantamupasthitam .
kachchitte kushalaM vipra shubhaM vA pratyupasthitam .. 16\-39\-3 (98225)
ke deshAH paridR^iShTAste kiM cha kAryaM karomi te .
tadbrUhi dvijamukhyastvaM hyasmAkaM cha priyo.atithiH.  16\-39\-4 (98226)
nArada uvAcha. 16\-39\-5x (8070)
chiradR^iShTosi me.atyevamAgato.ahaM tapovanAt .
paridR^iShTAni tIrthAni ga~NgA chaiva mayA nR^ipa .. 16\-39\-5 (98227)
yudhiShThira uvAcha. 16\-39\-6x (8071)
vadanti puruShA me.adya ga~NgAtIranivAsinaH .
dhR^itarAShTraM mahAtmAnamAsthitaM paramaM tapaH .. 16\-39\-6 (98228)
api dR^iShTastvayA tatra kushalI sa kurUdvahaH .
gAndhArI cha pR^ithA chaiva sUtaputrashcha saMjayaH .. 16\-39\-7 (98229)
kathaM cha vartate chAdya pitA mama sa pArthivaH .
shrotumichChAmi bhagavanyadi dR^iShTastvayA nR^ipaH .. 16\-39\-8 (98230)
nArada uvAcha. 16\-39\-9x (8072)
sthirIbhUya mahArAja shR^iNu vR^ittaM yathAtatham .
yathAshrutaM cha dR^iShTaM cha mayA tasmiMstapovane .. 16\-39\-9 (98231)
vanavAsanivR^itteShu bhavatsu kurunandana .
kurukShetrAtpitA tubhya ga~NgAdvAraM yayau nR^ipa .. 16\-39\-10 (98232)
gAndhAryA sahito dhImAnvadhvA kuntyA samanvitaH .
saMjayena cha sUtena sAgnihotraH sayAjakaH .. 16\-39\-11 (98233)
Atasthe sa tapastIvraM pitA tava tapodhanaH .
agniM mukhe samAdhAya vAyubhakSho.abhavanmuniH ..  16\-39\-12 (98234)
vane sa munibhiH sarvaiH pUjyamAno mahAtapAH .
tvagasthimAtrasheShaH sa ShaNmAsAnabhavannR^ipaH .. 16\-39\-13 (98235)
gAndhArI tu jalAhArI kuntI mAsopavAsinI .
saMjayaH ShaShThabhuktena vartayAmAsa bhArata .. 16\-39\-14 (98236)
agnIMstu yAjakAstatra juhuvurvidhivatprabho .
dR^ishyato.adR^ishyatashchaiva vane tasminnR^ipasya vai .. 16\-39\-15 (98237)
aniketotha rAjA sa babhUva vanagocharaH .
te chApi sahite devyau saMjayashcha tamanvayuH .. 16\-39\-16 (98238)
saMjayo nR^ipaternetA sameShu viShameShu cha .
gAndhAryAshcha pR^ithA chaiva chakShurAsIdaninditA .. 16\-39\-17 (98239)
tataH kadAchidga~NgAyAH kachChe sa nR^ipasattamaH .
ga~NgAyAmApluto dhImAnAshramAbhimukho yayau .. 16\-39\-18 (98240)
atha vAyuH samudbhuto dAvAgnirabhavanmahAn .
dadAha tadvanaM sarvaM parigR^ihya samantataH .. 16\-39\-19 (98241)
dahyatsu mR^igayUtheShu dvijihveShu samantataH .
varAhANAM cha yUtheShu saMshrayatsu jalAshayAn .. 16\-39\-20 (98242)
sampradIpte vane tasminprApte vyasana uttame .
nirAhAratayA rAjA mandaprANavicheShTitaH .
asamartho.apasaraNe sukR^ishe mAtarau cha te ..  16\-39\-21 (98243)
tataH sa nR^ipatirdR^iShTvA vahnimAyAntamantikAt .
idamAha tataH sUtaM saMjayaM jayatAMvaraH .. 16\-39\-22 (98244)
gachCha saMjaya yatrAgnirna tvAM dahati karhichit .
vayamatrAgninA yuktA gamiShyAmaH parAM gatim .. 16\-39\-23 (98245)
tamuvAcha kilodvignaH saMjayo vadatAMvaraH .
rAjanmR^ityuraniShTo.ayaM bhavitA te vR^ithA.agninA .. 16\-39\-24 (98246)
na chopAyaM prapashyAmi mokShaNe jAtavedasaH .
yadatrAnantaraM kAryaM tadbhavAnvaktumarhati .. 16\-39\-25 (98247)
ityuktaH saMjayenedaM punarAha sa pArthivaH .
naiSha mR^ityuraniShTo no niHsR^itAnAM gR^ihAtsvayam .. 16\-39\-26 (98248)
jalamagnistathA vAyurathavA.api vikarShaNam .
tApasAnAM prashasyaM te gachcha saMjaya mAchiram .. 16\-39\-27 (98249)
ityuktvA saMjayaM rAjA samAdhAya manastathA .
prA~NmukhaH saha gAndhAryA kuntyA chopAvishattadA .. 16\-39\-28 (98250)
saMjayastaM tathA dR^iShTvA pradakShiNamathAkarot .
uvAcha chainaM medhAvI yu~NkShvAtmAnamiti prabho .. 16\-39\-29 (98251)
R^iShiputro manIShI sa rAja chakre.asya tadvachaH .
sannirudhyendriyagrAmamAsItkAShThopamastadA .. 16\-39\-30 (98252)
gAndhArI cha mahAbhAgA jananI cha pR^ithA tava .
dAvAgninA samAyukte sa cha rAjA pitA tava .. 16\-39\-31 (98253)
saMjayastu mahAprAj~nastasmAddAvAdamuchyata .
ga~NgAkUle mayA dR^iShTastApasaiH parivAritaH .. 16\-39\-32 (98254)
sa tAnAmantrya tejasvI nivedyaitachcha sarvashaH .
prayayau saMjayo dhImAnhimavantaM mahIdharam .. 16\-39\-33 (98255)
evaM sa nidhanaM prAptaH kururAjo mahAmanAH .
gAndhArI cha pR^ithA chaiva jananyau te vishAmpate .. 16\-39\-34 (98256)
yadR^ichChayA.anuvrajatA mayA rAj~naH kalevaram .
tayoshcha devyorubhayormayA dR^iShTAni bhArata .. 16\-39\-35 (98257)
tatastapovane tasminsamAjagmustapodhanAH .
shrutvA rAj~nastadA niShThAM na tvashochangatIshcha te .. 16\-39\-36 (98258)
tatrAshrauShamahaM sarvametatpuruShasattama .
yathA cha nR^ipatirdagdho devyau te cheti pANDava .. 16\-39\-37 (98259)
na shochitavyaM rAjendra svargasthaH pR^ithivIpatiH .
prAptavAnagnisaMyogaM gAndhArI jananI cha te .. 16\-39\-38 (98260)
vaishampAyana uvAcha. 16\-39\-39x (8073)
etachChrutvA cha sarveShAM pANDavAnAM mahAtmanAm .
niryANaM dhR^itarAShTrasya shokaH samabhavanmahAn .. 16\-39\-39 (98261)
antaHpurANAM cha tadA mahAnArtasvaro.abhavat .
paurANAM cha mahArAja shrutvA rAj~nastadA gatim .. 16\-39\-40 (98262)
aho dhigiti rAjA tu vikrushya bhR^ishaduHkhitaH .
UrdhvabAhuH smaranmAtuH praruroda yudhiShThiraH .. 16\-39\-41 (98263)
bhImasenapurogAshcha bhrAtaraH sarva eva te .
`rurudurduHkhasaMtaptA varNayantaH pR^ithAM tadA .. 16\-39\-42 (98264)
antaHpureShu cha tadA sumahAnruditasvanaH .
prAdurAsInmahArAja pR^ithAM shrutvA tathAgatAm .. 16\-39\-43 (98265)
taM cha vR^iddhaM tathA dagdhaM hataputraM narAdhipam .
anvashochanta te sarve gAndhArIM cha tapasvinIm .. 16\-39\-44 (98266)
tasminnuparate shabde muhUrtAdiva bhArata .
nigR^ihya bAShpaM dhairyeNa dharmarAjo.abravIdidam .. .. 16\-39\-45 (98267)

iti shrImanmahAbhArate AshramavAsikaparvaNi nAradAgamanaparvaNi
ekonachatvAriMsho.adhyAyaH .. 39 ..
##Mahabharata - AshramaVasika Parva - Chapter Footnotes##

7\-39\-1 dvivarShopanivR^itteShviti jha.pAThaH ..
7\-39\-5 me mayA.atichiraM dR^iShTo.asItyarthaH ..
7\-39\-12 mukhe piNDAnsamAdhAyeti ka.Ta.pAThaH . vITAM mukhe samAdhAyeti
jha.pAThaH ..
7\-39\-15 dR^ishyato.adR^ishyata iti . pashyantamapashyantaM
chAnAdR^ityetyarthaH. niyamena sAnnidhyA bhAvAt ..
7\-39\-27 vikarShaNaM anashanam ..
7\-39\-30 R^iShiputro vyAsaputra iti yogasamArthyaM sUchitam ..

\medskip\hrule\medskip
AshramavAsikaparva \- adhyAya 040
.. shrIH ..
16\.40\. adhyAyaH 40

atha nAradAgamanaparva .. 3 ..
##Mahabharata - AshramaVasika Parva - Chapter Topics##
yudhiShThireNa dhR^itarAShTrAdinidhanashravaNena bhrAtR^ibhiH saha
sakaruNaM paridevanapUrvakaM satisaMskR^itAgnau teShAM vR^ithAgninA
dAhaM pratyanushochanam .. 1 ..

##Mahabharata - AshramaVasika Parva - Chapter Text##

yudhiShThira uvAcha .
tathA mahAtmanastasya tapasyugre cha tasthuShaH .
anAthasyeva nidhanaM tiShThatsvasmAsu bandhuShu .. 16\-40\-1 (98268)
durvij~neyA gatirbrahmanpuruShANAM matirmama .
yatra vaichitravIryosau dagdha evaM vanAgninA .. 16\-40\-2 (98269)
yasya putrashataM shrImadabhavadbAhushAlinaH .
nAgAyutabalo rAjA sa dagdho hi davAgninA .. 16\-40\-3 (98270)
yaM purA paryavIjanta tAlavR^intairvarastriyaH .
taM gR^idhrAH paryavIjanta dAvAgniparikAlitam .. 16\-40\-4 (98271)
sUtamAgadhasa~Nghaishcha shayAno yaH prabodhyate .
dharaNyAM sa nR^ipaH shete vikR^iShTo gR^idhravAyasaiH .. 16\-40\-5 (98272)
na cha shochAmi gAndhArIM hataputrAM yashasvinIm .
patilokamanuprAptAM tathA bhartR^ivrate sthitAm .. 16\-40\-6 (98273)
pR^ithAmeva cha shochAmi yA putraishvaryamR^iddhimat .
utsR^ijy sumahaddIptaM vanavAsamarochayat .. 16\-40\-7 (98274)
dhigrAjyamidamasmAkaM dhigbalaM dhikparAkramam .
kShatradharmaM cha dhigyasmAnmR^itA jIvAmahe vayam .. 16\-40\-8 (98275)
susUkShmA kila lokasya gatirdvijavarottama .
yatsamutsR^ijya rAjyaM sA vanavAsamarochayat .. 16\-40\-9 (98276)
yudhiShThirasya jananI bhImasya vijayasya cha .
anAthavatkathaM dagdhA iti muhyAmi chintayan .. 16\-40\-10 (98277)
vR^ithA saMtarpito vahniH khANDave savyasAchinA .
upakAramajAnansa kR^itaghna iti me matiH .. 16\-40\-11 (98278)
yatrAdahatsa bhagavAnmAtaraM savyasAchinaH .
kR^itvA yo brAhmaNachChadma bhikShArthI samupAgataH .. 16\-40\-12 (98279)
dhigagniM dhik cha pArthasya vishrutAM satyasandhatAm .
idaM kaShTataraM chAnyadbhagavanpratibhAti me .. 16\-40\-13 (98280)
vR^ithA.agninA samAyogo yadabhUtpR^ithivIpateH .
tathA tapasvinastasya rAjarSheH kauravasya ha .. 16\-40\-14 (98281)
kathamevaMvidho mR^ityuH prashAsya pR^ithivImimAm ..  16\-40\-15 (98282)
tiShThatsu mantrapUteShu tasyAgniShu mahAvane .
vR^ithA.agninA samAyukto niShThAM prAptaH pitA mama .. 16\-40\-16 (98283)
manye pR^ithA vepamAnA kR^ishA dhamanisaMtatA .
hA tAta dharmarAjeti mAmAkrandanmahAbhaye .. 16\-40\-17 (98284)
bhIma paryApnuhi bhayAditi chaivAbhivAshatI .
samantataH parikShiptA mAtA.abhUnme davAgninA .. 16\-40\-18 (98285)
sahadevaH priyastasyAH putrebhyodhika eva tu .
na chainAM mokShayAmAsa vIro mAdravatIsutaH .. 16\-40\-19 (98286)
tachChrutvA ruruduH sarve samAli~Ngya parasparam .
pANDavAHka pa~ncha duHkhArtA bhUtAnIva yugakShaye .. 16\-40\-20 (98287)
teShAM tu puruShendrANAM rudatAM ruditasvanaH .
prAsAdAbhogasaMruddhe anvarautsItsa rodasI .. .. 16\-40\-21 (98288)

iti shrImanmahAbhArate AshramavAsikaparvaNi nAradAgamanaparvaNi
chatvAriMsho.adhyAyaH .. 40 ..

\medskip\hrule\medskip
AshramavAsikaparva \- adhyAya 041
.. shrIH ..
16\.41\. adhyAyaH 41

atha nAradAgamanaparva .. 3 ..
##Mahabharata - AshramaVasika Parva - Chapter Topics##
nAradena yudhiShThiraMprati
dR^itharAShTrAdidAhakAgnermantrapUtatvakathanam .. 1 ..
yudhiShThireNa yuyutsupuraskAreNa gAndhArIdhR^itarAShTrayo
rudakadAnapUrvakaM kuntyAshcha vidhivachChrAddhadAnam .. 2 ..
tato nAradagamanAnantaraM prajApAlanena nijanagare bhrAtrAdibhiH saha
sukhavihAraH .. 3 ..

##Mahabharata - AshramaVasika Parva - Chapter Text##

nArada uvAcha .
nAsau vR^ithA.agninA dagdho yathA tatra shrutaM mayA .
vaichitravIryo nR^ipatirna te shochyo narAdhipa .. 16\-41\-1 (98289)
vanaM pravishatAnena vAyubhakSheNa dhImatA .
agnayaH kArayitveShTimutsR^iShTA iti naH shrutam .. 16\-41\-2 (98290)
yAjakAstu tatastasya tAnagnInnirjane vane .
samutsR^ijya yathAkAmaM jagmurbharatasattama .. 16\-41\-3 (98291)
sa vivR^iddhastadA vahnirvane tasminnabhUtkila .
tena tadvanamAdIptamiti te tApasA.abruvan .. 16\-41\-4 (98292)
sa rAjA jAhnavItIre yathA te kathitaM mayA .
tenAgninA samAyuktaH svenaiva bharatarShabha .. 16\-41\-5 (98293)
evamAvedayAmAsurmunayaste mamAnagha .
ye te bhAgIrathItIre mayA dR^iShTA yudhiShThira .. 16\-41\-6 (98294)
evaM svenAgninA rAjA samAyukto mahIpate .
mA shochithAstvaM nR^ipatiM gataH sa paramAM gatim .. 16\-41\-7 (98295)
gurushushrUShayA chaiva jananI te janAdhipa .
prAptA sumahatIM siddhimiti me nAtra saMshayaH .. 16\-41\-8 (98296)
kartumarhasi rAjendra teShAM tvamudakakriyAm .
bhrAtR^ibhiH sahitaH sarvairetadatra vidhIyatAm .. 16\-41\-9 (98297)
vaishampAyana uvAcha. 16\-41\-10x (8074)
tataH sa pR^ithivIpAlaH pANDavAnAM dhuraMdharaH .
niryayau sahasodaryaH sadArashcha nararShabhaH .. 16\-41\-10 (98298)
paurajAnapadAshchaiva rAjabhaktipuraskR^itAH .
ga~NgAM prajagmurabhito vAsasaikena saMvR^itAH .. 16\-41\-11 (98299)
tato.avagAhya salile sarve tu kurupu~NgavAH .
yuyutsumagrataH kR^itvA dadustoyaM mahAtmane .. 16\-41\-12 (98300)
gAndhAryAshcha pR^ithAyAshcha vidhivannAmagotrataH .
shAchaM nivartayantaste tatroShurnagarAdbahiH .. 16\-41\-13 (98301)
preShayAmAsa sa narAnvidhij~nAnAptakAriNaH .
ga~NgAdvAraM kurushreShTho yatra dagdho.abhavannR^ipaH.  16\-41\-14 (98302)
tatraiva teShAM tulyAni ga~NgAdvAre.anvashAttadA .
kartavyAnIti puruShAndattadeyAnmahIpatiH .. 16\-41\-15 (98303)
dvAdashe.ahani tebhyaH sa kR^itashaucho narAdhipaH .
dadau shrAddhAni vidhivaddakSha_iNAvanti pANDavaH .. 16\-41\-16 (98304)
dhR^itarAShTraM samuddishya dadau sa pR^ithivIpatiH .
suvarNaM rajataM gAshcha shayyAshcha sumahAdhanAH .. 16\-41\-17 (98305)
gAndhAryAshchaiva tejasvI pR^ithAyAshcha pR^ithakpR^ithak .
sa~NkIrtya nAmanI rAjA dadau dAnamanuttamam .. 16\-41\-18 (98306)
yo yadichChati yAvachcha tAvatsa labhate dvijaH .
shayanaM bhojanaM yAnaM maNiratnamatho dhanam .. 16\-41\-19 (98307)
yAnamAchChAdanaM bhogAndAsIshcha samala~NkR^itAH .
dadau rAjA samuddishya tayormAtrormahIpatiH .. 16\-41\-20 (98308)
tataH sa pR^ithivIpAlo dattvA shrAddhAnyanekashaH .
pravivesha punardhImAnnagaraM vAraNAhvayam .. 16\-41\-21 (98309)
te chApi rAjavachanAtpuruShA ye gatA.abhavan .
sa~Nkalpya teShAM kulyAni punaH pratyAgamaMstataH .. 16\-41\-22 (98310)
mAlyairgandhaishcha vividhairarchayitvA yathAvidhi .
kulyAni teShAM saMyojya tadAchakhyurmahIpateH .. 16\-41\-23 (98311)
samAshvAsya tu rAjAnaM dharmAtmAnaM yudhiShThiram .
nAradopyagamatprItaH paramarShiryathopsitam .. 16\-41\-24 (98312)
evaM varShANyatItAni dhR^itarAShTrasya dhImataH .
vanavAse tathA trINi nagare dashapa~ncha cha .. 16\-41\-25 (98313)
hataputrasya sa~NgrAme dAnAni dadataH sadA .
j~nAtisambandhimitrANAM bhrAtR^INAM svajanasya cha .. 16\-41\-26 (98314)
yudhiShThirastu nR^ipatirnAtiprItamanAstadA .
dhArayAmAsa tadrAjyaM nihataj~nAtibAndhavaH .. .. 16\-41\-27 (98315)

iti shrImanmahAbhArate shatasAhasryAM saMhitAyAM
vaiyAsikyAM AshramivAsikaparvaNi nAradAgamanaparvaNi
ekachatvAriMsho.adhyAyaH. . .. samAptaM nAradAgamanaparva  .. 3
.. AshramavAsikaparva cha .. 15 .. asyAnantaraM mausalaparva
bhaviShyati. tasyAyamAdyaH shlokaH. vaishampAyana uvAcha. ShaTtriMshe
tvatha samprApte varShe kauravanandanaH. dadarsha viparItAni
nimittAni yudhiShThiraH.. idamAshramavAsikaparva kuMbhaghoNasthena
##TI.Ar##. kR^iShNAchAryeNa ##TI.Ar##.vyAsAchAryeNa cha mumbayyAM
nirNayasAgaramudrAyantre mudrApitam. shakAbdAH 1932 sana 1910\.
##Mahabharata - AshramaVasika Parva - Chapter Footnotes##

16\-41\-15 tatraiva teShAM kR^ityAnIti jha.pAThaH ..
16\-41\-22 sa~Nkalpya ekIkutya kulyAni asthIni pratyAgaman sa~NgAmiti sheShaH ..
16\-41\-23 saMyojya ga~Ngayeti sheShaH ..
##

\medskip\hrule\obeylines
\medskip
{\rm Please send corrections to sanskrit at cheerful dot c om}
{\rm Last updated \today}
{\rm http://sanskritdocuments.org}
\end{document}