\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{0}##
##\begin{center}##
\section{baalakaaNDa}
##\end{center}##
\medskip
 1
tapaHsvAdhyAyanirata.n tapasvI vAgvidA.n varam . 
nAradaM paripaprachchha vAlmIkirmunipu~Ngavam .. 1..\\
ko nvasminsAmprata.n loke guNavAnkashcha vIryavAn . 
dharmaGYashcha kR^itaGYashcha satyavAkyo dR^iDhavrataH .. 2..\\
chAritreNa cha ko yuktaH sarvabhUteShu ko hitaH . 
vidvAnkaH kaH samarthashcha kashchaikapriyadarshanaH .. 3..\\
AtmavAnko jitakrodho matimAnko.anasUyakaH . 
kasya bibhyati devAshcha jAtaroShasya sa.nyuge .. 4..\\
etadichchhAmyaha.n shrotuM para.n kautUhalaM hi me . 
maharShe tva.n samartho.asi GYAtumeva.nvidhaM naram .. 5..\\
shrutvA chaitattrilokaGYo vAlmIkernArado vachaH . 
shrUyatAmiti chAmantrya prahR^iShTo vAkyamabravIt .. 6..\\
bahavo durlabhAshchaiva ye tvayA kIrtitA guNAH . 
mune vakShyAmyahaM buddhvA tairyuktaH shrUyatAM naraH .. 7..\\
ikShvAkuvaMshaprabhavo rAmo nAma janaiH shrutaH . 
niyatAtmA mahAvIryo dyutimAndhR^itimAnvashI .. 8..\\
buddhimAnnItimAnvAgmI shrImA~nshatrunibarhaNaH . 
vipulA.nso mahAbAhuH kambugrIvo mahAhanuH .. 9..\\
mahorasko maheShvAso gUDhajatrurarindamaH . 
AjAnubAhuH sushirAH sulalATaH suvikramaH .. 10..\\
samaH samavibhaktA~NgaH snigdhavarNaH pratApavAn . 
pInavakShA vishAlAkSho lakShmIvA~nshubhalakShaNaH .. 11..\\
dharmaGYaH satyasandhashcha prajAnA.n cha hite rataH . 
yashasvI GYAnasampannaH shuchirvashyaH samAdhimAn .. 12..\\
rakShitA jIvalokasya dharmasya parirakShitA . 
vedavedA~NgatattvaGYo dhanurvede cha niShThitaH .. 13..\\
sarvashAstrArthatattvaGYo smR^itimAnpratibhAnavAn . 
sarvalokapriyaH sAdhuradInAtmA vichakShaNaH .. 14..\\
sarvadAbhigataH sadbhiH samudra iva sindhubhiH . 
AryaH sarvasamashchaiva sadaikapriyadarshanaH .. 15..\\
sa cha sarvaguNopetaH kausalyAnandavardhanaH . 
samudra iva gAmbhIrye dhairyeNa himavAniva .. 16..\\
viShNunA sadR^isho vIrye somavatpriyadarshanaH . 
kAlAgnisadR^ishaH krodhe kShamayA pR^ithivIsamaH .. 17..\\
dhanadena samastyAge satye dharma ivAparaH . 
tameva~NguNasampanna.n rAmaM satyaparAkramam .. 18..\\
jyeShTha.n shreShThaguNairyuktaM priya.n dasharathaH sutam . 
yauvarAjyena sa.nyoktumaichchhatprItyA mahIpatiH .. 19..\\
tasyAbhiShekasambhArAndR^iShTvA bhAryAtha kaikayI . 
pUrva.n dattavarA devI varamenamayAchata . 
vivAsana.n cha rAmasya bharatasyAbhiShechanam .. 20..\\
sa satyavachanAdrAjA dharmapAshena sa.nyataH . 
vivAsayAmAsa suta.n rAma.n dasharathaH priyam .. 21..\\
sa jagAma vana.n vIraH pratiGYAmanupAlayan . 
piturvachananirdeshAtkaikeyyAH priyakAraNAt .. 22..\\
ta.n vrajantaM priyo bhrAtA lakShmaNo.anujagAma ha . 
snehAdvinayasampannaH sumitrAnandavardhanaH .. 23..\\
sarvalakShaNasampannA nArINAmuttamA vadhUH . 
sItApyanugatA rAma.n shashinaM rohiNI yathA .. 24..\\
paurairanugato dUraM pitrA dasharathena cha . 
shR^i~Ngaverapure sUta.n ga~NgAkUle vyasarjayat .. 25..\\
te vanena vana.n gatvA nadIstIrtvA bahUdakAH . 
chitrakUTamanuprApya bharadvAjasya shAsanAt .. 26..\\
ramyamAvasatha.n kR^itvA ramamANA vane trayaH . 
devagandharvasa~NkAshAstatra te nyavasansukham .. 27..\\
chitrakUTa.n gate rAme putrashokAturastadA . 
rAjA dasharathaH svarga.n jagAma vilapansutam .. 28..\\
mR^ite tu tasminbharato vasiShThapramukhairdvijaiH . 
niyujyamAno rAjyAya naichchhadrAjyaM mahAbalaH . 
sa jagAma vana.n vIro rAmapAdaprasAdakaH .. 29..\\
pAduke chAsya rAjyAya nyAsa.n dattvA punaH punaH . 
nivartayAmAsa tato bharataM bharatAgrajaH .. 30..\\
sa kAmamanavApyaiva rAmapAdAvupaspR^ishan . 
nandigrAme.akarodrAjya.n rAmAgamanakA~NkShayA .. 31..\\
rAmastu punarAlakShya nAgarasya janasya cha . 
tatrAgamanamekAgre daNDakAnpravivesha ha .. 32..\\
virAdha.n rAkShasaM hatvA sharabha~Nga.n dadarsha ha . 
sutIkShNa.n chApyagastyaM cha agastya bhrAtaraM tathA .. 33..\\
agastyavachanAchchaiva jagrAhaindra.n sharAsanam . 
khaDga.n cha paramaprItastUNI chAkShayasAyakau .. 34..\\
vasatastasya rAmasya vane vanacharaiH saha . 
R^iShayo.abhyAgamansarve vadhAyAsurarakShasAm .. 35..\\
tena tatraiva vasatA janasthAnanivAsinI . 
virUpitA shUrpaNakhA rAkShasI kAmarUpiNI .. 36..\\
tataH shUrpaNakhAvAkyAdudyuktAnsarvarAkShasAn . 
khara.n trishirasaM chaiva dUShaNaM chaiva rAkShasaM .. 37..\\
nijaghAna raNe rAmasteShA.n chaiva padAnugAn . 
rakShasAM nihatAnyAsansahasrANi chaturdasha .. 38..\\
tato GYAtivadha.n shrutvA rAvaNaH krodhamUrchhitaH . 
sahAya.n varayAmAsa mArIchaM nAma rAkShasaM .. 39..\\
vAryamANaH subahusho mArIchena sa rAvaNaH . 
na virodho balavatA kShamo rAvaNa tena te .. 40..\\
anAdR^itya tu tadvAkya.n rAvaNaH kAlachoditaH . 
jagAma sahamarIchastasyAshramapada.n tadA .. 41..\\
tena mAyAvinA dUramapavAhya nR^ipAtmajau . 
jahAra bhAryA.n rAmasya gR^idhraM hatvA jaTAyuSham .. 42..\\
gR^idhra.n cha nihataM dR^iShTvA hR^itA.n shrutvA cha maithilIm . 
rAghavaH shokasantapto vilalApAkulendriyaH .. 43..\\
tatastenaiva shokena gR^idhra.n dagdhvA jaTAyuSham . 
mArgamANo vane sItA.n rAkShasaM sandadarsha ha .. 44..\\
kabandhaM nAma rUpeNa vikR^ita.n ghoradarshanam . 
taM nihatya mahAbAhurdadAha svargatashcha saH .. 45..\\
sa chAsya kathayAmAsa shabarI.n dharmachAriNIm . 
shramaNI.n dharmanipuNAmabhigachchheti rAghava . 
so.abhyagachchhanmahAtejAH shabarI.n shatrusUdanaH .. 46..\\
shabaryA pUjitaH samyagrAmo dasharathAtmajaH . 
pampAtIre hanumatA sa~Ngato vAnareNa ha .. 47..\\
hanumadvachanAchchaiva sugrIveNa samAgataH . 
sugrIvAya cha tatsarva.n sha.nsadrAmo mahAbalaH .. 48..\\
tato vAnararAjena vairAnukathanaM prati . 
rAmAyAvedita.n sarvaM praNayAdduHkhitena cha . 
vAlinashcha bala.n tatra kathayAmAsa vAnaraH .. 49..\\
pratiGYAta.n cha rAmeNa tadA vAlivadhaM prati . 
sugrIvaH sha~NkitashchAsInnitya.n vIryeNa rAghave .. 50..\\
rAghavaH pratyayArtha.n tu dundubheH kAyamuttamam . 
pAdA~NguShThena chikShepa sampUrNa.n dashayojanam .. 51..\\
bibheda cha punaH sAlAnsaptaikena maheShuNA . 
giri.n rasAtala.n chaiva janayanpratyayaM tadA .. 52..\\
tataH prItamanAstena vishvastaH sa mahAkapiH . 
kiShkindhA.n rAmasahito jagAma cha guhA.n tadA .. 53..\\
tato.agarjaddharivaraH sugrIvo hemapi~NgalaH . 
tena nAdena mahatA nirjagAma harIshvaraH .. 54..\\
tataH sugrIvavachanAddhatvA vAlinamAhave . 
sugrIvameva tadrAjye rAghavaH pratyapAdayat .. 55..\\
sa cha sarvAnsamAnIya vAnarAnvAnararShabhaH . 
dishaH prasthApayAmAsa didR^ikShurjanakAtmajAm .. 56..\\
tato gR^idhrasya vachanAtsampAterhanumAnbalI . 
shatayojanavistIrNaM pupluve lavaNArNavam .. 57..\\
tatra la~NkA.n samAsAdya purIM rAvaNapAlitAm . 
dadarsha sItA.n dhyAyantImashokavanikAM gatAm .. 58..\\
nivedayitvAbhiGYAnaM pravR^itti.n cha nivedya cha . 
samAshvAsya cha vaidehIM mardayAmAsa toraNam .. 59..\\
pa~ncha senAgragAnhatvA sapta mantrisutAnapi . 
shUramakSha.n cha niShpiShya grahaNa.n samupAgamat .. 60..\\
astreNonmuhamAtmAna.n GYAtvA paitAmahAdvarAt . 
marShayanrAkShasAnvIro yantriNastAnyadR^ichchhayA .. 61..\\
tato dagdhvA purI.n la~NkAmR^ite sItA.n cha maithilIm . 
rAmAya priyamAkhyAtuM punarAyAnmahAkapiH .. 62..\\
so.abhigamya mahAtmAna.n kR^itvA rAmaM pradakShiNam . 
nyavedayadameyAtmA dR^iShTA sIteti tattvataH .. 63..\\
tataH sugrIvasahito gatvA tIraM mahodadheH . 
samudra.n kShobhayAmAsa sharairAdityasaMnibhaiH .. 64..\\
darshayAmAsa chAtmAna.n samudraH saritAM patiH . 
samudravachanAchchaiva nala.n setumakArayat .. 65..\\
tena gatvA purI.n la~NkAM hatvA rAvaNamAhave . 
abhyaShi~nchatsa la~NkAyA.n rAkShasendraM vibhIShaNam .. 66..\\
karmaNA tena mahatA trailokya.n sacharAcharam . 
sadevarShigaNa.n tuShTa.n rAghavasya mahAtmanaH .. 67..\\
tathA paramasantuShTaiH pUjitaH sarvadaivataiH . 
kR^itakR^ityastadA rAmo vijvaraH pramumoda ha .. 68..\\
devatAbhyo varAnprApya samutthApya cha vAnarAn . 
puShpaka.n tatsamAruhya nandigrAma.n yayau tadA .. 69..\\
nandigrAme jaTA.n hitvA bhrAtR^ibhiH sahito.anaghaH . 
rAmaH sItAmanuprApya rAjyaM punaravAptavAn .. 70..\\
prahR^iShTamudito lokastuShTaH puShTaH sudhArmikaH . 
nirAyamo arogashcha durbhikShabhayavarjitaH .. 71..\\
na putramaraNa.n ke chiddrakShyanti puruShAH kva chit . 
nAryashchAvidhavA nityaM bhaviShyanti pativratAH .. 72..\\
na vAtajaM bhaya.n kiM chinnApsu majjanti jantavaH . 
na chAgrijaM bhaya.n kiM chidyathA kR^itayuge tathA .. 73..\\
ashvamedhashatairiShTvA tathA bahusuvarNakaiH . 
gavA.n koTyayutaM dattvA vidvadbhyo vidhipUrvakam .. 74..\\
rAjavaMshA~nshataguNAnsthApayiShyati rAghavaH . 
chAturvarNya.n cha loke.asminsve sve dharme niyokShyati .. 75..\\
dashavarShasahasrANi dashavarShashatAni cha . 
rAmo rAjyamupAsitvA brahmaloka.n gamiShyati .. 76..\\
idaM pavitraM pApaghnaM puNya.n vedaishcha saMmitam . 
yaH paThedrAmacharita.n sarvapApaiH pramuchyate .. 77..\\
etadAkhyAnamAyuShyaM paThanrAmAyaNaM naraH . 
saputrapautraH sagaNaH pretya svarge mahIyate .. 78..\\
paThandvijo vAgR^iShabhatvamIyAt 
syAtkShatriyo bhUmipatitvamIyAt . 
vaNigjanaH paNyaphalatvamIyAj 
janashcha shUdro.api mahattvamIyAt .. 79..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}