\documentstyle[11pt,multicol,itrans]{iarticle} #include=ijag.inc #endwordvowel=.h \portraitpage \parindent=0pt % no indents \let\usedvng=\normaldvng % \Largedvng \pagestyle{headings} \begin{document} #indian \centerline{\hugedvng .. vaalmiiki raamaayaNa..}\medskip ##\setcounter{section}{0}## ##\begin{center}## \section{baalakaaNDa} ##\end{center}## \medskip 13 atha sa.nvatsare pUrNe tasminprApte tura~Ngame . sarayvAshchottare tIre rAGYo yaGYo.abhyavartata .. 1..\\ R^iShyashR^i~NgaM puraskR^itya karma chakrurdvijarShabhAH . ashvamedhe mahAyaGYe rAGYo.asya sumahAtmanaH .. 2..\\ karma kurvanti vidhivadyAjakA vedapAragAH . yathAvidhi yathAnyAyaM parikrAmanti shAstrataH .. 3..\\ pravargya.n shAstrataH kR^itvA tathaivopasada.n dvijAH . chakrushcha vidhivatsarvamadhika.n karma shAstrataH .. 4..\\ abhipUjya tato hR^iShTAH sarve chakruryathAvidhi . prAtaHsavanapUrvANi karmANi munipu~NgavAH .. 5..\\ na chAhutamabhUttatra skhalita.n vApi ki.n chana . dR^ishyate brahmavatsarva.n kShemayukta.n hi chakrire .. 6..\\ na teShvahaHsu shrAnto vA kShudhito vApi dR^ishyate . nAvidvAnbrAhmaNastatra nAshatAnucharastathA .. 7..\\ brAhmaNA bhu~njate nityaM nAthavantashcha bhu~njate . tApasA bhujate chApi shramaNA bhu~njate tathA .. 8..\\ vR^iddhAshcha vyAdhitAshchaiva striyo bAlAstathaiva cha . anishaM bhu~njamAnAnAM na tR^iptirupalabhyate .. 9..\\ dIyatA.n dIyatAmanna.n vAsA.nsi vividhAni cha . iti sa~ncoditAstatra tathA chakruranekashaH .. 10..\\ annakUTAshcha bahavo dR^ishyante parvatopamAH . divase divase tatra siddhasya vidhivattadA .. 11..\\ anna.n hi vidhivatsvAdu prasha.nsanti dvijarShabhAH . aho tR^iptAH sma bhadra.n te iti shushrAva rAghavaH .. 12..\\ svala~NkR^itAshcha puruShA brAhmaNAnparyaveShayan . upAsate cha tAnanye sumR^iShTamaNikuNDalAH .. 13..\\ karmAntare tadA viprA hetuvAdAnbahUnapi . prAhuH suvAgmino dhIrAH parasparajigIShayA .. 14..\\ divase divase tatra sa.nstare kushalA dvijAH . sarvakarmANi chakruste yathAshAstraM prachoditAH .. 15..\\ nAShaDa~NgavidatrAsInnAvrato nAbahushrutaH . sadasyastasya vai rAGYo nAvAdakushalo dvijaH .. 16..\\ prApte yUpochchhraye tasminShaDbailvAH khAdirAstathA . tAvanto bilvasahitAH parNinashcha tathApare .. 17..\\ shleShmAtakamayo diShTo devadArumayastathA . dvAveva tatra vihitau bAhuvyastaparigrahau .. 18..\\ kAritAH sarva evaite shAstraGYairyaGYakovidaiH . shobhArtha.n tasya yaGYasya kA~nchanAla~NkR^itA bhavan .. 19..\\ vinyastA vidhivatsarve shilpibhiH sukR^itA dR^iDhAH . aShTAshrayaH sarva eva shlakShNarUpasamanvitAH .. 20..\\ AchchhAditAste vAsobhiH puShpairgandhaishcha bhUShitAH . saptarShayo dIptimanto virAjante yathA divi .. 21..\\ iShTakAshcha yathAnyAya.n kAritAshcha pramANataH . chito.agnirbrAhmaNaistatra kushalaiH shulbakarmaNi . sa chityo rAjasi.nhasya sa~ncitaH kushalairdvijaiH .. 22..\\ garuDo rukmapakSho vai triguNo.aShTAdashAtmakaH . niyuktAstatra pashavastattaduddishya daivatam .. 23..\\ uragAH pakShiNashchaiva yathAshAstraM prachoditAH . shAmitre tu hayastatra tathA jala charAsh cha ye .. 24..\\ R^itvigbhiH sarvamevaitanniyukta.n shAstratastadA . pashUnA.n trishataM tatra yUpeShu niyataM tadA . ashvaratnottama.n tasya rAGYo dasharathasya ha .. 25..\\ kausalyA ta.n haya.n tatra paricharya samantataH . kR^ipANairvishashAsaina.n tribhiH paramayA mudA .. 26..\\ patatriNA tadA sArdha.n susthitena cha chetasA . avasadrajanImekA.n kausalyA dharmakAmyayA .. 27..\\ hotAdhvaryustathodgAtA hayena samayojayan . mahiShyA parivR^itthyAtha vAvAtAmaparA.n tathA .. 28..\\ patatriNastasya vapAmuddhR^itya niyatendriyaH . R^itvikparama sampannaH shrapayAmAsa shAstrataH .. 29..\\ dhUmagandha.n vapAyAstu jighrati sma narAdhipaH . yathAkAla.n yathAnyAyaM nirNudanpApamAtmanaH .. 30..\\ hayasya yAni chA~NgAni tAni sarvANi brAhmaNAH . agnau prAsyanti vidhivatsamastAH ShoDashartvijaH .. 31..\\ plakShashAkhAsu yaGYAnAmanyeShA.n kriyate haviH . ashvamedhasya chaikasya vaitaso bhAga iShyate .. 32..\\ tryaho.ashvamedhaH sa~NkhyAtaH kalpasUtreNa brAhmaNaiH . chatuShTomamahastasya prathamaM parikalpitam .. 33..\\ ukthya.n dvitIya.n sa~NkhyAtamatirAtraM tathottaram . kAritAstatra bahavo vihitAH shAstradarshanAt .. 34..\\ jyotiShTomAyuShI chaiva atirAtrau cha nirmitau . abhijidvishvajichchaiva aptoryAmo mahAkratuH .. 35..\\ prAchI.n hotre dadau rAjA dishaM svakulavardhanaH . adhvaryave pratIchI.n tu brahmaNe dakShiNAM disham .. 36..\\ udgAtre tu tathodIchI.n dakShiNaiShA vinirmitA . ashvamedhe mahAyaGYe svayambhuvihite purA .. 37..\\ kratu.n samApya tu tadA nyAyataH puruSharShabhaH . R^itvigbhyo hi dadau rAjA dharA.n tAM kratuvardhanaH .. 38..\\ R^itvijastvabruvansarve rAjAna.n gatakalmaSham . bhavAneva mahI.n kR^itsnAmeko rakShitumarhati .. 39..\\ na bhUmyA kAryamasmAkaM na hi shaktAH sma pAlane . ratAH svAdhyAyakaraNe vayaM nitya.n hi bhUmipa . niShkraya.n kiM chideveha prayachchhatu bhavAniti .. 40..\\ gavA.n shatasahasrANi dasha tebhyo dadau nR^ipaH . dashakoTi.n suvarNasya rajatasya chaturguNam .. 41..\\ R^itvijastu tataH sarve pradaduH sahitA vasu . R^iShyashR^i~NgAya munaye vasiShThAya cha dhImate .. 42..\\ tataste nyAyataH kR^itvA pravibhAga.n dvijottamAH . suprItamanasaH sarve pratyUchurmuditA bhR^isham .. 43..\\ tataH prItamanA rAjA prApya yaGYamanuttamam . pApApaha.n svarnayana.n dustaraM pArthivarShabhaiH .. 44..\\ tato.abravIdR^iShyashR^i~Nga.n rAjA dasharathastadA . kulasya vardhana.n tattu kartumarhasi suvrata .. 45..\\ tatheti cha sa rAjAnamuvAcha dvijasattamaH . bhaviShyanti sutA rAjaMshchatvAraste kulodvahAH .. 46..\\ ##\end{multicols}## ## \medskip\hrule\medskip The files in this directory are revised versions of the digital files produced by Professor Muneo Tokunaga, Kyoto University, and copyrighted by him. I am grateful to Professor Tokunaga for his agreement to this use of his original files and for permitting the revised versions to be made publicly available. \\ Dr J. D. Smith ; email: jds10@cam.ac.uk ; http://bombay.oriental.cam.ac.uk/index.html \medskip\hrule\medskip ITRANS conversion questions to: Avinash Chopde \medskip\hrule\medskip Last updated on \today ; Send corrections to sanskrit@cheerful.com \end{document}