\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{0}##
##\begin{center}##
\section{baalakaaNDa}
##\end{center}##
\medskip
 16
putratva.n tu gate viShNau rAGYastasya mahAtmanaH . 
uvAcha devatAH sarvAH svayambhUrbhagavAnidam .. 1..\\
satyasandhasya vIrasya sarveShAM no hitaiShiNaH . 
viShNoH sahAyAnbalinaH sR^ijadhva.n kAmarUpiNaH .. 2..\\
mAyAvidashcha shUrAMshcha vAyuvegasamA~njave . 
nayaGYAnbuddhisampannAnviShNutulyaparAkramAn .. 3..\\
asa.nhAryAnupAyaGYAndivyasa.nhananAnvitAn . 
sarvAstraguNasampannAnamR^itaprAshanAniva .. 4..\\
apsaraHsu cha mukhyAsu gandharvINA.n tanUShu cha . 
yakShapannagakanyAsu R^iShkavidyAdharIShu cha .. 5..\\
kiMnarINA.n cha gAtreShu vAnarINAM tanUShu cha . 
sR^ijadhva.n harirUpeNa putrA.nstulyaparAkramAn .. 6..\\
te tathoktA bhagavatA tatpratishrutya shAsanam . 
janayAmAsureva.n te putrAnvAnararUpiNaH .. 7..\\
R^iShayashcha mahAtmAnaH siddhavidyAdharoragAH . 
chAraNAshcha sutAnvIrAnsasR^ijurvanachAriNaH .. 8..\\
te sR^iShTA bahusAhasrA dashagrIvavadhodyatAH . 
aprameyabalA vIrA vikrAntAH kAmarUpiNaH .. 9..\\
te gajAchalasa~NkAshA vapuShmanto mahAbalAH . 
R^ikShavAnaragopuchchhAH kShipramevAbhijaGYire .. 10..\\
yasya devasya yadrUpa.n veSho yashcha parAkramaH . 
ajAyata samastena tasya tasya sutaH pR^ithak .. 11..\\
golA~NgUlIShu chotpannAH ke chitsaMmatavikramAH . 
R^ikShIShu cha tathA jAtA vAnarAH kiMnarIShu cha .. 12..\\
shilApraharaNAH sarve sarve pAdapayodhinaH . 
nakhadaMShTrAyudhAH sarve sarve sarvAstrakovidAH .. 13..\\
vichAlayeyuH shailendrAnbhedayeyuH sthirAndrumAn . 
kShobhayeyushcha vegena samudra.n saritAM patim .. 14..\\
dArayeyuH kShitiM padbhyAmAplaveyurmahArNavam . 
nabhastala.n visheyushcha gR^ihNIyurapi toyadAn .. 15..\\
gR^ihNIyurapi mAta~NgAnmattAnpravrajato vane . 
nardamAnAMshcha nAdena pAtayeyurviha~NgamAn .. 16..\\
IdR^ishAnAM prasUtAni harINA.n kAmarUpimAm . 
shata.n shatasahasrANi yUthapAnAM mahAtmanAm . 
babhUvuryUthapashreShThA vIrAMshchAjanayanharIn .. 17..\\
anye R^ikShavataH prasthAnupatasthuH sahasrashaH . 
anye nAnAvidhA~nshailAnkAnanAni cha bhejire .. 18..\\
sUryaputra.n cha sugrIva.n shakraputraM cha vAlinam . 
bhrAtarAvupatasthuste sarva eva harIshvarAH .. 19..\\
tairmeghavR^indAchalatulyakAyair 
mahAbalairvAnarayUthapAlaiH . 
babhUva bhUrbhImasharIrarUpaiH 
samAvR^itA rAmasahAyahetoH .. 20..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}