\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{0}##
##\begin{center}##
\section{baalakaaNDa}
##\end{center}##
\medskip
 19
tachchhrutvA rAjashArdUla vishvAmitrasya bhAShitam . 
muhUrtamiva niHsa.nj~naH sa.nj~nAvAnidamabravIt .. 1..\\
UnaShoDashavarSho me rAmo rAjIvalochanaH . 
na yuddhayogyatAmasya pashyAmi saha rAkShasaiH .. 2..\\
iyamakShauhiNI pUrNA yasyAhaM patirIshvaraH . 
anayA sa.nvR^ito gatvA yodhAha.n tairnishAcharaiH .. 3..\\
ime shUrAshcha vikrAntA bhR^ityA me.astravishAradAH . 
yogyA rakShogaNairyoddhuM na rAmaM netumarhasi .. 4..\\
ahameva dhanuShpANirgoptA samaramUrdhani . 
yAvatprANAndhariShyAmi tAvadyotsye nishAcharaiH .. 5..\\
nirvighnA vratavaryA sA bhaviShyati surakShitA . 
aha.n tatra gamiShyAmilna rAma netumarhasi .. 6..\\
bAlo hyakR^itavidyashcha na cha vetti balAbalam . 
na chAstrabalasa.nyukto na cha yuddhavishAradaH . 
na chAsau rakShasA.n yogyaH kUTayuddhA hi te dhruvam .. 7..\\
viprayukto hi rAmeNa muhUrtamapi notsahe . 
jIvituM munishArdUla na rAmaM netumarhasi .. 8..\\
yadi vA rAghavaM brahmannetumichchhasi suvrata . 
chatura~NgasamAyuktaM mayA saha cha taM naya .. 9..\\
ShaShTirvarShasahasrANi jAtasya mama kaushikaH . 
duHkhenotpAditashchAyaM na rAmaM netumarhasi .. 10..\\
chaturNAmAtmajAnA.n hi prItiH paramikA mama . 
jyeShTha.n dharmapradhAnaM cha na rAmaM netumarhasi .. 11..\\
ki.n vIryA rAkShasAste cha kasya putrAsh cha ke cha te . 
kathaM pramANAH ke chaitAnrakShanti munipu~Ngava .. 12..\\
katha.n cha pratikartavyaM teShA.n rAmeNa rakShasAm . 
mAmakairvA balairbrahmanmayA vA kUTayodhinAm .. 13..\\
sarvaM me sha.nsa bhagavankatha.n teShAM mayA raNe . 
sthAtavya.n duShTabhAvAnA.n vIryotsiktA hi rAkShasAH .. 14..\\
tasya tadvachana.n shrutvA vishvAmitro.abhyabhAShata . 
paulastyavaMshaprabhavo rAvaNo nAma rAkShasaH .. 15..\\
sa brahmaNA dattavarastrailokyaM bAdhate bhR^isham . 
mahAbalo mahAvIryo rAkShasairbahubhirvR^itaH .. 16..\\
shrUyate hi mahAvIryo rAvaNo rAkShasAdhipaH . 
sAkShAdvaishravaNabhrAtA putro vishvaraso muneH .. 17..\\
yadA svayaM na yaGYasya vighnakartA mahAbalaH . 
tena sa~ncoditau tau tu rAkShasau sumahA balau . 
mArIchashcha subAhushcha yaGYavighna.n kariShyataH .. 18..\\
ityukto muninA tena rAjovAcha muni.n tadA . 
na hi shakto.asmi sa~NgrAme sthAtu.n tasya durAtmanaH .. 19..\\
sa tvaM prasAda.n dharmaGYa kuruShva mama putrake . 
devadAnavagandharvA yakShAH pataga pannagAH .. 20..\\
na shaktA rAvaNa.n soDhu.n kiM punarmAnavA yudhi . 
sa hi vIryavatA.n vIryamAdatte yudhi rAkShasaH .. 21..\\
tena chAhaM na shakto.asmi sa.nyoddhu.n tasya vA balaiH . 
sabalo vA munishreShTha sahito vA mamAtmajaiH .. 22..\\
kathamapyamaraprakhya.n sa~NgrAmANAm akovidam . 
bAlaM me tanayaM brahmannaiva dAsyAmi putrakam .. 23..\\
atha kAlopamau yuddhe sutau sundopasundayoH . 
yaGYavighnakarau tau te naiva dAsyAmi putrakam .. 24..\\
mArIchashcha subAhushcha vIryavantau sushikShitau . 
tayoranyatareNAha.n yoddhA syAM sasuhR^idgaNaH .. 25..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}