\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{0}##
##\begin{center}##
\section{baalakaaNDa}
##\end{center}##
\medskip
 20
tachchhrutvA vachana.n tasya snehaparyAkulAkSharam . 
samanyuH kaushiko vAkyaM pratyuvacha mahIpatim .. 1..\\
pUrvamarthaM pratishrutya pratiGYA.n hAtumichchhasi . 
rAgavANAmayukto.aya.n kulasyAsya viparyayaH .. 2..\\
yadida.n te kShama.n rAjangamiShyAmi yathAgatam . 
mithyApratiGYaH kAkutstha sukhI bhava sabAndhavaH .. 3..\\
tasya roShaparItasya vishvAmitrasya dhImataH . 
chachAla vasudhA kR^itsnA vivesha cha bhaya.n surAn .. 4..\\
trastarUpa.n tu viGYAya jagatsarvaM mahAnR^iShiH . 
nR^ipati.n suvrato dhIro vasiShTho vAkyamabravIt .. 5..\\
ikShvAkUNA.n kule jAtaH sAkShAddharma ivAparaH . 
dhR^itimAnsuvrataH shrImAnna dharma.n hAtumarhasi .. 6..\\
triShu lokeShu vikhyAto dharmAtmA iti rAghavaH . 
svadharmaM pratipadyasva nAdharma.n voDhumarhasi .. 7..\\
saMshrutyaiva.n kariShyAmItyakurvANasya rAghava . 
iShTApUrtavadho bhUyAttasmAdrAma.n visarjaya .. 8..\\
kR^itAstramakR^itAstra.n vA nainaM shakShyanti rAkShasAH . 
gupta.n kushikaputreNa jvalanenAmR^ita.n yathA .. 9..\\
eSha vigrahavAndharma eSha vIryavatA.n varaH . 
eSha buddhyAdhiko loke tapasashcha parAyaNam .. 10..\\
eSho.astrAnvividhAnvetti trailokye sacharAchare . 
nainamanyaH pumAnvetti na cha vetsyanti ke chana .. 11..\\
na devA narShayaH ke chinnAsurA na cha rAkShasAH . 
gandharvayakShapravarAH sakiMnaramahoragAH .. 12..\\
sarvAstrANi kR^ishAshvasya putrAH paramadhArmikAH . 
kaushikAya purA dattA yadA rAjyaM prashAsati .. 13..\\
te.api putrAH kR^ishAshvasya prajApatisutAsutAH . 
nakarUpA mahAvIryA dIptimanto jayAvahAH .. 14..\\
jayA cha suprabhA chaiva dakShakanye sumadhyame . 
te suvAte.astrashastrANi shataM parama bhAsvaram .. 15..\\
pa~nchAshata.n sutA.Nllebhe jayA nAma varAnpurA . 
vadhAyAsurasainyAnAmameyAnkAmarUpiNaH .. 16..\\
suprabhAjanayachchApi putrAnpa~nchAshataM punaH . 
sa.nhArAnnAma durdharShAndurAkrAmAnbalIyasaH .. 17..\\
tAni chAstrANi vettyeSha yathAvatkushikAtmajaH . 
apUrvANA.n cha janane shakto bhUyash cha dharmavit .. 18..\\
eva.n vIryo mahAtejA vishvAmitrro mahAtapAH . 
na rAmagamane rAjansaMshaya.n gantumarhasi .. 19..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}