\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{0}##
##\begin{center}##
\section{baalakaaNDa}
##\end{center}##
\medskip
 34
upAsya rAtrisheSha.n tu shoNAkUle maharShibhiH . 
nishAyA.n suprabhAtAyAM vishvAmitro.abhyabhAShata .. 1..\\
suprabhAtA nishA rAma pUrvA sandhyA pravartate . 
uttiShThottiShTha bhadra.n te gamanAyAbhirochaya .. 2..\\
tachchhrutvA vachana.n tasya kR^itvA paurvAhNikIM kriyAm . 
gamana.n rochayAmAsa vAkya.n chedamuvAcha ha .. 3..\\
aya.n shoNaH shubhajalo gAdhaH pulinamaNDitaH . 
katareNa pathA brahmansantariShyAmahe vayam .. 4..\\
evamuktastu rAmeNa vishvAmitro.abravIdidam . 
eSha panthA mayoddiShTo yena yAnti maharShayaH .. 5..\\
te gatvA dUramadhvAna.n gate.ardhadivase tadA . 
jAhnavI.n saritAM shreShThA.n dadR^ishurmunisevitAm .. 6..\\
tA.n dR^iShTvA puNyasalilA.n ha.nsasArasasevitAm . 
babhUvurmuditAH sarve munayaH saharAghavAH . 
tasyAstIre tatashchakruste AvAsaparigraham .. 7..\\
tataH snAtvA yathAnyAya.n santarpya pitR^idevatAH . 
hutvA chaivAgnihotrANi prAshya chAmR^itavaddhaviH .. 8..\\
vivishurjAhnavItIre shuchau muditamAnasAH . 
vishvAmitraM mahAtmAnaM parivArya samantataH .. 9..\\
samprahR^iShTamanA rAmo vishvAmitramathAbravIt . 
bhagava~nshrotumichchhAmi ga~NgA.n tripathagAM nadIm . 
trailokya.n kathamAkramya gatA nadanadIpatim .. 10..\\
chodito rAma vAkyena vishvAmitro mahAmuniH . 
vR^iddhi.n janma cha ga~NgAyA vaktumevopachakrame .. 11..\\
shailendro himavAnnAma dhAtUnAmAkaro mahAn . 
tasya kanyA dvaya.n rAma rUpeNApratimaM bhuvi .. 12..\\
yA meruduhitA rAma tayormAtA sumadhyamA . 
nAmnA menA manoGYA vai patnI himavataH priyA .. 13..\\
tasyA.n ga~NgeyamabhavajjyeShThA himavataH sutA . 
umA nAma dvitIyAbhUtkanyA tasyaiva rAghava .. 14..\\
atha jyeShThA.n surAH sarve devatArthachikIrShayA . 
shailendra.n varayAmAsurga~NgA.n tripathagAM nadIm .. 15..\\
dadau dharmeNa himavA.nstanayA.n lokapAvanIm . 
svachchhandapathagA.n ga~NgAM trailokyahitakAmyayA .. 16..\\
pratigR^ihya trilokArtha.n trilokahitakAriNaH . 
ga~NgAmAdAya te.agachchhankR^itArthenAntarAtmanA .. 17..\\
yA chAnyA shailaduhitA kanyAsIdraghunandana . 
ugra.n sA vratamAsthAya tapastepe tapodhanA .. 18..\\
ugreNa tapasA yuktA.n dadau shailavaraH sutAm . 
rudrAyApratirUpAya umA.n lokanamaskR^itAm .. 19..\\
ete te shaila rAjasya sute lokanamaskR^ite . 
ga~NgA cha saritA.n shreShThA umA devI cha rAghava .. 20..\\
etatte dharmamAkhyAta.n yathA tripathagA nadI . 
kha.n gatA prathamaM tAta gatiM gatimatA.n vara .. 21..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}