\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{0}##
##\begin{center}##
\section{baalakaaNDa}
##\end{center}##
\medskip
 35
ukta vAkye munau tasminnubhau rAghavalakShmaNau . 
pratinandya kathA.n vIrAvUchaturmunipu~Ngavam .. 1..\\
dharmayuktamidaM brahmankathitaM parama.n tvayA . 
duhituH shailarAjasya jyeShThAya vaktumarhasi .. 2..\\
vistara.n vistaraGYo.asi divyamAnuShasambhavam . 
trInpatho hetunA kena pAvayellokapAvanI .. 3..\\
katha.n ga~NgAM tripathagA vishrutA sariduttamA . 
triShu lokeShu dharmaGYa karmabhiH kaiH samanvitA .. 4..\\
tathA bruvati kAkutsthe vishvAmitrastapodhanaH . 
nikhilena kathA.n sarvAmR^iShimadhye nyavedayat .. 5..\\
purA rAma kR^itodvAhaH shitikaNTho mahAtapAH . 
dR^iShTvA cha spR^ihayA devIM maithunAyopachakrame .. 6..\\
shitikaNThasya devasya divya.n varShashata.n gatam . 
na chApi tanayo rAma tasyAmAsItparantapa .. 7..\\
tato devAH samudvignAH pitAmahapurogamAH . 
yadihotpadyate bhUta.n kastatpratisahiShyate .. 8..\\
abhigamya surAH sarve praNipatyedamabruvan . 
devadeva mahAdeva lokasyAsya hite rata . 
surANAM praNipAtena prasAda.n kartumarhasi .. 9..\\
na lokA dhArayiShyanti tava tejaH surottama . 
brAhmeNa tapasA yukto devyA saha tapash chara .. 10..\\
trailokyahitakAmArtha.n tejastejasi dhAraya . 
rakSha sarvAnimA.NllokAnnAloka.n kartumarhasi .. 11..\\
devatAnA.n vachaH shrutvA sarvalokamaheshvaraH . 
bADhamityabravItsarvAnpunashchedamuvAcha ha .. 12..\\
dhArayiShyAmyaha.n tejastejasyeva sahomayA . 
tridashAH pR^ithivI chaiva nirvANamadhigachchhatu .. 13..\\
yadida.n kShubhita.n sthAnAnmama tejo hyanuttamam . 
dhArayiShyati kastanme bruvantu surasattamAH .. 14..\\
evamuktAstato devAH pratyUchurvR^iShabhadhvajam . 
yattejaH kShubhita.n hyetattaddharA dhArayiShyati .. 15..\\
evamuktaH surapatiH pramumocha mahItale . 
tejasA pR^ithivI yena vyAptA sagirikAnanA .. 16..\\
tato devAH punaridamUchushchAtha hutAshanam . 
pravisha tvaM mahAtejo raudra.n vAyusamanvitaH .. 17..\\
tadagninA punarvyApta.n sa~njAtaH shvetaparvataH . 
divya.n sharavaNa.n chaiva pAvakAdityasaMnibham . 
yatra jAto mahAtejAH kArtikeyo.agnisambhavaH .. 18..\\
athomA.n cha shivaM chaiva devAH sarShi gaNAstadA . 
pUjayAmAsuratyartha.n suprItamanasastataH .. 19..\\
atha shaila sutA rAma tridashAnidamabravIt . 
samanyurashapatsarvAnkrodhasa.nraktalochanA .. 20..\\
yasmAnnivAritA chaiva sa~NgatA putrakAmyayA . 
apatya.n sveShu dAreShu notpAdayitumarhatha . 
adya prabhR^iti yuShmAkamaprajAH santu patnayaH .. 21..\\
evamuktvA surAnsarvA~nshashApa pR^ithivIm api . 
avane naikarUpA tvaM bahubhAryA bhaviShyasi .. 22..\\
na cha putrakR^itAM prItiM matkrodhakaluShI kR^itA . 
prApsyasi tva.n sudurmedhe mama putramanichchhatI .. 23..\\
tAnsarvAnvrIDitAndR^iShTvA surAnsurapatistadA . 
gamanAyopachakrAma disha.n varuNapAlitAm .. 24..\\
sa gatvA tapa AtiShThatpArshve tasyottare gireH . 
himavatprabhave shR^i~Nge saha devyA maheshvaraH .. 25..\\
eSha te vistaro rAma shailaputryA niveditaH . 
ga~NgAyAH prabhava.n chaiva shR^iNu me sahalakShmaNaH .. 26..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}