\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{0}##
##\begin{center}##
\section{baalakaaNDa}
##\end{center}##
\medskip
 38
vishvAmitravachaH shrutvA kathAnte raghunandana . 
uvAcha paramaprIto muni.n dIptamivAnalam .. 1..\\
shrotumichhAmi bhadra.n te vistareNa kathAmimAm . 
pUrvako me kathaM brahmanyaGYa.n vai samupAharat .. 2..\\
vishvAmitrastu kAkutsthamuvAcha prahasanniva . 
shrUyatA.n vistaro rAma sagarasya mahAtmanaH .. 3..\\
sha~Nkarashvashuro nAma himavAnachalottamaH . 
vindhyaparvatamAsAdya nirIkShete parasparam .. 4..\\
tayormadhye pravR^itto.abhUdyaGYaH sa puruShottama . 
sa hi desho naravyAghra prashasto yaGYakarmaNi .. 5..\\
tasyAshvacharyA.n kAkutstha dR^iDhadhanvA mahArathaH . 
aMshumAnakarottAta sagarasya mate sthitaH .. 6..\\
tasya parvaNi ta.n yaGYaM yajamAnasya vAsavaH . 
rAkShasI.n tanumAsthAya yaGYiyAshvamapAharat .. 7..\\
hriyamANe tu kAkutstha tasminnashve mahAtmanaH . 
upAdhyAya gaNAH sarve yajamAnamathAbruvan .. 8..\\
ayaM parvaNi vegena yaGYiyAshvo.apanIyate . 
hartAra.n jahi kAkutstha hayashchaivopanIyatAm .. 9..\\
yaGYachchhidraM bhavatyetatsarveShAmashivAya naH . 
tattathA kriyatA.n rAjanyathAchhidraH kraturbhavet .. 10..\\
upAdhyAya vachaH shrutvA tasminsadasi pArthivaH . 
ShaShTiM putrasahasrANi vAkyametaduvAcha ha .. 11..\\
gatiM putrA na pashyAmi rakShasAM puruSharShabhAH . 
mantrapUtairmahAbhAgairAsthito hi mahAkratuH .. 12..\\
tadgachchhata vichinvadhvaM putrakA bhadramastu vaH . 
samudramAlinI.n sarvAM pR^ithivIm anugachchhata .. 13..\\
ekaika.n yojanaM putrA vistAramabhigachchhata .. 14..\\
yAvatturagasandarshastAvatkhanata medinIm . 
tameva hayahartAraM mArgamANA mamAGYayA .. 15..\\
dIkShitaH pautrasahitaH sopAdhyAyagaNo hyaham . 
iha sthAsyAmi bhadra.n vo yAvatturagadarshanam .. 16..\\
ityuktvA hR^iShTamanaso rAjaputrA mahAbalAH . 
jagmurmahItala.n rAma piturvachanayantritAH .. 17..\\
yojanAyAmavistAramekaiko dharaNItalam . 
bibhiduH puruShavyAghra vajrasparshasamairbhujaiH .. 18..\\
shUlairashanikalpaishcha halaishchApi sudAruNaiH . 
bhidyamAnA vasumatI nanAda raghunandana .. 19..\\
nAgAnA.n vadhyamAnAnAmasurANA.n cha rAghava . 
rAkShasAnA.n cha durdharShaH sattvAnAM ninado.abhavat .. 20..\\
yojanAnA.n sahasrANi ShaShTi.n tu raghunandana . 
bibhidurdharaNI.n vIrA rasAtalamanuttamam .. 21..\\
evaM parvatasambAdha.n jambUdvIpaM nR^ipAtmajAH . 
khananto nR^ipashArdUla sarvataH parichakramuH .. 22..\\
tato devAH sagandharvAH sAsurAH sahapannagAH . 
sambhrAntamanasaH sarve pitAmahamupAgaman .. 23..\\
te prasAdya mahAtmAna.n viShaNNavadanAstadA . 
UchuH paramasantrastAH pitAmahamida.n vachaH .. 24..\\
bhagavanpR^ithivI sarvA khanyate sagarAtmajaiH . 
bahavashcha mahAtmAno vadhyante jalachAriNaH .. 25..\\
aya.n yaGYahano.asmAkamanenAshvo.apanIyate . 
iti te sarvabhUtAni nighnanti sagarAtmajaH .. 26..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}