\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{0}##
##\begin{center}##
\section{baalakaaNDa}
##\end{center}##
\medskip
 40
putrAMshchiragatA~nGYAtvA sagaro raghunandana . 
naptAramabravIdrAjA dIpyamAna.n svatejasA .. 1..\\
shUrashcha kR^itavidyashcha pUrvaistulyo.asi tejasA . 
pitR^INA.n gatimanvichchha yena chAshvo.apahAritaH .. 2..\\
antarbhaumAni sattvAni vIryavanti mahAnti cha . 
teShA.n tvaM pratighAtArtha.n sAsiM gR^ihNIShva kArmukam .. 3..\\
abhivAdyAbhivAdyA.nstva.n hatvA vighnakarAnapi . 
siddhArthaH saMnivartasva mama yaGYasya pAragaH .. 4..\\
evamukto.aMshumAnsamyaksagareNa mahAtmanA . 
dhanurAdAya khaDga.n cha jagAma laghuvikramaH .. 5..\\
sa khAtaM pitR^ibhirmArgamantarbhaumaM mahAtmabhiH . 
prApadyata narashreShTha tena rAGYAbhichoditaH .. 6..\\
daityadAnavarakShobhiH pishAchapatagoragaiH . 
pUjyamAnaM mahAtejA dishAgajamapashyata .. 7..\\
sa taM pradakShiNa.n kR^itvA pR^iShTvA chaiva nirAmayam . 
pitR^Insa paripaprachchha vAjihartArameva cha .. 8..\\
dishAgajastu tachchhrutvA prItyAhAMshumato vachaH . 
Asama~njakR^itArthastva.n sahAshvaH shIghrameShyasi .. 9..\\
tasya tadvachana.n shrutvA sarvAneva dishAgajAn . 
yathAkrama.n yathAnyAyaM praShTuM samupachakrame .. 10..\\
taishcha sarvairdishApAlairvAkyaGYairvAkyakovidaiH . 
pUjitaH sahayashchaiva gantAsItyabhichoditaH .. 11..\\
teShA.n tadvachana.n shrutvA jagAma laghuvikramaH . 
bhasmarAshIkR^itA yatra pitarastasya sAgarAH .. 12..\\
sa duHkhavashamApannastvasama~njasutastadA . 
chukrosha paramArtastu vadhAtteShA.n suduHkhitaH .. 13..\\
yaGYiya.n cha hayaM tatra charantamavidUrataH . 
dadarsha puruShavyAghro duHkhashokasamanvitaH .. 14..\\
dadarsha puruShavyAghro kartukAmo jalakriyAm . 
salilArthI mahAtejA na chApashyajjalAshayam .. 15..\\
visArya nipuNA.n dR^iShTiM tato.apashyatkhagAdhipam . 
pitR^INAM mAtula.n rAma suparNamanilopamam .. 16..\\
sa chainamabravIdvAkya.n vainateyo mahAbalaH . 
mA shuchaH puruShavyAghra vadho.aya.n lokasaMmataH .. 17..\\
kapilenAprameyena dagdhA hIme mahAbalAH . 
salilaM nArhasi prAGYa dAtumeShA.n hi laukikam .. 18..\\
ga~NgA himavato jyeShThA duhitA puruSharShabha . 
bhasmarAshIkR^itAnetAnpAvayellokapAvanI .. 19..\\
tayA klinnamidaM bhasma ga~NgayA lokakAntayA . 
ShaShTiM putrasahasrANi svargalokaM nayiShyati .. 20..\\
gachchha chAshvaM mahAbhAga sa~NgR^ihya puruSharShabha . 
yaGYaM paitAmaha.n vIra nirvartayitumarhasi .. 21..\\
suparNavachana.n shrutvA so.aMshumAnativIryavAn . 
tvarita.n hayamAdAya punarAyAnmahAyashAH .. 22..\\
tato rAjAnamAsAdya dIkShita.n raghunandana . 
nyavedayadyathAvR^itta.n suparNavachana.n tathA .. 23..\\
tachchhrutvA ghorasa~NkAsha.n vAkyamaMshumato nR^ipaH . 
yaGYaM nirvartayAmAsa yathAkalpa.n yathAvidhi .. 24..\\
svapura.n chAgamachchhrImAniShTayaGYo mahIpatiH . 
ga~NgAyAshchAgame rAjA nishchayaM nAdhyagachchhata .. 25..\\
agatvA nishchaya.n rAjA kAlena mahatA mahAn . 
triMshadvarShasahasrANi rAjya.n kR^itvA divaM gataH .. 26..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}