\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{0}##
##\begin{center}##
\section{baalakaaNDa}
##\end{center}##
\medskip
 47
pR^iShTvA tu kushala.n tatra parasparasamAgame . 
kathAnte sumatirvAkya.n vyAjahAra mahAmunim .. 1..\\
imau kumArau bhadra.n te devatulyaparAkramau . 
gajasi.nhagatI vIrau shArdUlavR^iShabhopamau .. 2..\\
padmapatravishAlAkShau khaDgatUNIdhanurdharau . 
ashvinAviva rUpeNa samupasthitayauvanau .. 3..\\
yadR^ichchhayaiva gAM prAptau devalokAdivAmarau . 
kathaM padbhyAmiha prAptau kimartha.n kasya vA mune .. 4..\\
bhUShayantAvima.n deshaM chandrasUryAvivAmbaram . 
parasparasya sadR^ishau pramANe~NgitacheShTitaiH .. 5..\\
kimartha.n cha narashreShThau samprAptau durgame pathi . 
varAyudhadharau vIrau shrotumichchhAmi tattvataH .. 6..\\
tasya tadvachana.n shrutvA yathAvR^itthaM nyavedayat . 
siddhAshramanivAsa.n cha rAkShasAnA.n vadhaM tathA .. 7..\\
vishvAmitravachaH shrutvA rAjA paramaharShitaH . 
atithI paramau prAptau putrau dasharathasya tau . 
pUjayAmAsa vidhivatsatkArArhau mahAbalau .. 8..\\
tataH paramasatkAra.n sumateH prApya rAghavau . 
uShya tatra nishAmekA.n jagmaturmithilAM tataH .. 9..\\
tA.n dR^iShTvA munayaH sarve janakasya purI.n shubhAm . 
sAdhu sAdhviti sha.nsanto mithilA.n samapUjayan .. 10..\\
mithilopavane tatra Ashrama.n dR^ishya rAghavaH . 
purANaM nirjana.n ramyaM paprachchha munipu~Ngavam .. 11..\\
shrImadAshramasa~NkAsha.n kiM nvidaM munivarjitam . 
shrotumichchhAmi bhagavankasyAyaM pUrva AshramaH .. 12..\\
tachchhrutA rAghaveNokta.n vAkyaM vAkya vishAradaH . 
pratyuvAcha mahAtejA vishvamitro mahAmuniH .. 13..\\
hanta te kathayiShyAmi shR^iNu tattvena rAghava . 
yasyaitadAshramapada.n shapta.n kopAnmahAtmanA .. 14..\\
gautamasya narashreShTha pUrvamAsInmahAtmanaH . 
Ashramo divyasa~NkAshaH surairapi supUjitaH .. 15..\\
sa cheha tapa AtiShThadahalyAsahitaH purA . 
varShapUgAnyanekAni rAjaputra mahAyashaH .. 16..\\
tasyAntara.n viditvA tu sahasrAkShaH shachIpatiH . 
muniveShadharo.ahalyAmida.n vachanamabravIt .. 17..\\
R^itukAlaM pratIkShante nArthinaH susamAhite . 
sa~Ngama.n tvahamichchhAmi tvayA saha sumadhyame .. 18..\\
muniveSha.n sahasrAkShaM viGYAya raghunandana . 
mati.n chakAra durmedhA devarAjakutUhalAt .. 19..\\
athAbravItsurashreShTha.n kR^itArthenAntarAtmanA . 
kR^itArtho.asi surashreShTha gachchha shIghramitaH prabho . 
AtmAnaM mA.n cha devesha sarvadA rakSha mAnadaH .. 20..\\
indrastu prahasanvAkyamahalyAmidamabravIt . 
sushroNi parituShTo.asmi gamiShyAmi yathAgatam .. 21..\\
eva.n sa~Ngamya tu tayA nishchakrAmoTajAttataH . 
sa sambhramAttvaranrAma sha~Nkito gautamaM prati .. 22..\\
gautama.n sa dadarshAtha pravishanti mahAmunim . 
devadAnavadurdharSha.n tapobalasamanvitam . 
tIrthodakapariklinna.n dIpyamAnamivAnalam . 
gR^ihItasamidha.n tatra sakushaM munipu~Ngavam .. 23..\\
dR^iShTvA surapatistrasto viShaNNavadano.abhavat .. 24..\\
atha dR^iShTvA sahasrAkShaM muniveShadharaM muniH . 
durvR^itta.n vR^ittasampanno roShAdvachanamabravIt .. 25..\\
mama rUpa.n samAsthAya kR^itavAnasi durmate . 
akartavyamida.n yasmAdviphalastvaM bhaviShyati .. 26..\\
gautamenaivamuktasya saroSheNa mahAtmanA . 
petaturvR^iShaNau bhUmau sahasrAkShasya tatkShaNAt .. 27..\\
tathA shaptvA sa vai shakraM bhAryAmapi cha shaptavAn . 
iha varShasahasrANi bahUni tvaM nivatsyasi .. 28..\\
vAyubhakShA nirAhArA tapyantI bhasmashAyinI . 
adR^ishyA sarvabhUtAnAmAshrame.asminnivatsyasi .. 29..\\
yadA chaitadvana.n ghora.n rAmo dasharathAtmajaH . 
AgamiShyati durdharShastadA pUtA bhaviShyasi .. 30..\\
tasyAtithyena durvR^itte lobhamohavivarjitA . 
matsakAshe mudA yuktA sva.n vapurdhArayiShyasi .. 31..\\
evamuktvA mahAtejA gautamo duShTachAriNIm . 
imamAshramamutsR^ijya siddhachAraNasevite . 
himavachchhikhare ramye tapastepe mahAtapAH .. 32..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}