\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{0}##
##\begin{center}##
\section{baalakaaNDa}
##\end{center}##
\medskip
 48
aphalastu tataH shakro devAnagnipurogamAn . 
abravIttrastavadanaH sarShisa~NghAnsachAraNAn .. 1..\\
kurvatA tapaso vighna.n gautamasya mahAtmanaH . 
krodhamutpAdya hi mayA surakAryamida.n kR^itam .. 2..\\
aphalo.asmi kR^itastena krodhAtsA cha nirAkR^itA . 
shApamokSheNa mahatA tapo.asyApahR^itaM mayA .. 3..\\
tanmA.n suravarAH sarve sarShisa~NghAH sachAraNAH . 
surasAhyakara.n sarve saphala.n kartumarhatha .. 4..\\
shatakratorvachaH shrutvA devAH sAgnipurogamAH . 
pitR^idevAnupetyAhuH saha sarvairmarudgaNaiH .. 5..\\
ayaM meShaH savR^iShaNaH shakro hyavR^iShaNaH kR^itaH . 
meShasya vR^iShaNau gR^ihya shakrAyAshu prayachchhata .. 6..\\
aphalastu kR^ito meShaH parA.n tuShTiM pradAsyati . 
bhavatA.n harShaNArthAya ye cha dAsyanti mAnavAH .. 7..\\
agnestu vachana.n shrutvA pitR^idevAH samAgatAH . 
utpATya meShavR^iShaNau sahasrAkShe nyavedayan .. 8..\\
tadA prabhR^iti kAkutstha pitR^idevAH samAgatAH . 
aphalAnbhu~njate meShAnphalaisteShAm ayojayan .. 9..\\
indrastu meShavR^iShaNastadA prabhR^iti rAghava . 
gautamasya prabhAvena tapasashcha mahAtmanaH .. 10..\\
tadAgachchha mahAteja AshramaM puNyakarmaNaH . 
tArayainAM mahAbhAgAmahalyA.n devarUpiNIm .. 11..\\
vishvAmitravachaH shrutvA rAghavaH sahalakShmaNaH . 
vishvAmitraM puraskR^itya AshramaM pravivesha ha .. 12..\\
dadarsha cha mahAbhAgA.n tapasA dyotitaprabhAm . 
lokairapi samAgamya durnirIkShyA.n surAsuraiH .. 13..\\
prayatnAnnirmitA.n dhAtrA divyAM mAyAmayIm iva . 
dhUmenAbhiparItA~NgIM pUrNachandraprabhAm iva .. 14..\\
satuShArAvR^itA.n sAbhrAM pUrNachandraprabhAm iva . 
madhye.ambhaso durAdharShA.n dIptA.n sUryaprabhAm iva .. 15..\\
sa hi gautamavAkyena durnirIkShyA babhUva ha . 
trayANAmapi lokAnA.n yAvadrAmasya darshanam .. 16..\\
rAghavau tu tatastasyAH pAdau jagR^ihatustadA . 
smarantI gautamavachaH pratijagrAha sA cha tau .. 17..\\
pAdyamarghya.n tathAtithyaM chakAra susamAhitA . 
pratijagrAha kAkutstho vidhidR^iShTena karmaNA .. 18..\\
puShpavR^iShTirmahatyAsIddevadundubhinisvanaiH . 
gandharvApsarasA.n chApi mahAnAsItsamAgamaH .. 19..\\
sAdhu sAdhviti devAstAmahalyA.n samapUjayan . 
tapobalavishuddhA~NgI.n gautamasya vashAnugAm .. 20..\\
gautamo.api mahAtejA ahalyAsahitaH sukhI . 
rAma.n sampUjya vidhivattapastepe mahAtapAH .. 21..\\
rAmo.api paramAM pUjA.n gautamasya mahAmuneH . 
sakAshAdvidhivatprApya jagAma mithilA.n tataH .. 22..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}