\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{0}##
##\begin{center}##
\section{baalakaaNDa}
##\end{center}##
\medskip
 49
tataH prAguttarA.n gatvA rAmaH saumitriNA saha . 
vishvAmitraM puraskR^itya yaGYavATamupAgamat .. 1..\\
rAmastu munishArdUlamuvAcha sahalakShmaNaH . 
sAdhvI yaGYasamR^iddhirhi janakasya mahAtmanaH .. 2..\\
bahUnIha sahasrANi nAnAdeshanivAsinAm . 
brAhmaNAnAM mahAbhAga vedAdhyayanashAlinAm .. 3..\\
R^iShivATAshcha dR^ishyante shakaTIshatasa~NkulAH . 
desho vidhIyatAM brahmanyatra vatsyAmahe vayam .. 4..\\
rAmasya vachana.n shrutvA vishvAmitro mahAmuniH . 
niveshamakaroddeshe vivikte salilAyute .. 5..\\
vishvAmitraM munishreShTha.n shrutvA sa nR^ipatistadA . 
shatAnandaM puraskR^itya purohitamaninditam .. 6..\\
R^itvijo.api mahAtmAnastvarghyamAdAya satvaram . 
vishvAmitrAya dharmeNa dadurmantrapuraskR^itam .. 7..\\
pratigR^ihya tu tAM pUjA.n janakasya mahAtmanaH . 
paprachchha kushala.n rAGYo yaGYasya cha nirAmayam .. 8..\\
sa tAMshchApi munInpR^iShTvA sopAdhyAya purodhasaH . 
yathAnyAya.n tataH sarvaiH samAgachchhatprahR^iShTavAn .. 9..\\
atha rAjA munishreShTha.n kR^itA~njalirabhAShata . 
Asane bhagavAnAstA.n sahaibhirmunisattamaiH .. 10..\\
janakasya vachaH shrutvA niShasAda mahAmuniH . 
purodhA R^itvijashchaiva rAjA cha saha mantribhiH .. 11..\\
AsaneShu yathAnyAyamupaviShTAnsamantataH . 
dR^iShTvA sa nR^ipatistatra vishvAmitramathAbravIt .. 12..\\
adya yaGYasamR^iddhirme saphalA daivataiH kR^itA . 
adya yaGYaphalaM prAptaM bhagavaddarshanAnmayA .. 13..\\
dhanyo.asmyanugR^ihIto.asmi yasya me munipu~Ngava . 
yaGYopasadanaM brahmanprApto.asi munibhiH saha .. 14..\\
dvAdashAha.n tu brahmarShe sheShamAhurmanIShiNaH . 
tato bhAgArthino devAndraShTumarhasi kaushika .. 15..\\
ityuktvA munishArdUlaM prahR^iShTavadanastadA . 
punastaM paripaprachchha prA~njaliH prayato nR^ipaH .. 16..\\
imau kumArau bhadra.n te devatulyaparAkramau . 
gajasi.nhagatI vIrau shArdUlavR^iShabhopamau .. 17..\\
padmapatravishAlAkShau khaDgatUNIdhanurdharau . 
ashvinAviva rUpeNa samupasthitayauvanau .. 18..\\
yadR^ichchhayaiva gAM prAptau devalokAdivAmarau . 
kathaM padbhyAmiha prAptau kimartha.n kasya vA mune .. 19..\\
varAyudhadharau vIrau kasya putrau mahAmune . 
bhUShayantAvima.n deshaM chandrasUryAvivAmbaram .. 20..\\
parasparasya sadR^ishau pramANe~NgitacheShTitaiH . 
kAkapakShadharau vIrau shrotumichchhAmi tattvataH .. 21..\\
tasya tadvachana.n shrutvA janakasya mahAtmanaH . 
nyavedayanmahAtmAnau putrau dasharathasya tau .. 22..\\
siddhAshramanivAsa.n cha rAkShasAnA.n vadhaM tathA . 
tachchAgamanamavyagra.n vishAlAyAshcha darshanam .. 23..\\
ahalyAdarshana.n chaiva gautamena samAgamam . 
mahAdhanuShi jiGYAsA.n kartumAgamanaM tathA .. 24..\\
etatsarvaM mahAtejA janakAya mahAtmane . 
nivedya virarAmAtha vishvAmitro mahAmuniH .. 25..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}