\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{0}##
##\begin{center}##
\section{baalakaaNDa}
##\end{center}##
\medskip
 52
evamuktA vasiShThena shabalA shatrusUdana . 
vidadhe kAmadhukkAmAnyasya yasya yathepsitam .. 1..\\
ikShUnmadhU.nstathA lAjAnmaireyAMshcha varAsavAn . 
pAnAni cha mahArhANi bhakShyAMshchochchAvachA.nstathA .. 2..\\
uShNADhyasyaudanasyApi rAshayaH parvatopamAH . 
mR^iShTAnnAni cha sUpAshcha dadhikulyAstathaiva cha .. 3..\\
nAnAsvAdurasAnA.n cha ShADavAnAM tathaiva cha . 
bhAjanAni supUrNAni gauDAni cha sahasrashaH .. 4..\\
sarvamAsItsusantuShTa.n hR^iShTapuShTajanAkulam . 
vishvAmitrabala.n rAma vasiShThenAbhitarpitam .. 5..\\
vishvAmitro.api rAjarShirhR^iShTapuShTastadAbhavat . 
sAntaH puravaro rAjA sabrAhmaNapurohitaH .. 6..\\
sAmAtyo mantrisahitaH sabhR^ityaH pUjitastadA . 
yuktaH pareNa harSheNa vasiShThamidamabravIt .. 7..\\
pUjito.aha.n tvayA brahmanpUjArheNa susatkR^itaH . 
shrUyatAmabhidhAsyAmi vAkya.n vAkyavishArada .. 8..\\
gavA.n shatasahasreNa dIyatAM shabalA mama . 
ratna.n hi bhagavannetadratnahArI cha pArthivaH . 
tasmAnme shabalA.n dehi mamaiShA dharmato dvija .. 9..\\
evamuktastu bhagavAnvasiShTho munisattamaH . 
vishvAmitreNa dharmAtmA pratyuvAcha mahIpatim .. 10..\\
nAha.n shatasahasreNa nApi koTishatairgavAm . 
rAjandAsyAmi shabalA.n rAshibhI rajatasya vA .. 11..\\
na parityAgamarheyaM matsakAshAdarindama . 
shAshvatI shabalA mahya.n kIrtirAtmavato yathA .. 12..\\
asyA.n havya.n cha kavyaM cha prANayAtrA tathaiva cha . 
Ayattamagnihotra.n cha balirhomastathaiva cha .. 13..\\
svAhAkAravaShaTkArau vidyAshcha vividhAstathA . 
Ayattamatra rAjarShe sarvametanna saMshayaH .. 14..\\
sarva svametatsatyena mama tuShTikarI sadA . 
kAraNairbahubhI rAjanna dAsye shabalA.n tava .. 15..\\
vasiShThenaivamuktastu vishvAmitro.abravIttataH . 
sa.nrabdhataramatyartha.n vAkyaM vAkyavishAradaH .. 16..\\
hairaNyakakShyAgraiveyAnsuvarNA~NkushabhUShitAn . 
dadAmi ku~njarANA.n te sahasrANi chaturdasha .. 17..\\
hairaNyAnA.n rathAnA.n cha shvetAshvAnAM chaturyujAm . 
dadAmi te shatAnyaShTau ki~NkiNIkavibhUShitAn .. 18..\\
hayAnA.n deshajAtAnAM kulajAnAM mahaujasAm . 
sahasrameka.n dasha cha dadAmi tava suvrata .. 19..\\
nAnAvarNavibhaktAnA.n vayaHsthAnA.n tathaiva cha . 
dadAmyekA.n gavAM koTi.n shabalA dIyatAM mama .. 20..\\
evamuktastu bhagavAnvishvAmitreNa dhImatA . 
na dAsyAmIti shabalAM prAha rAjankatha.n chana .. 21..\\
etadeva hi me ratnametadeva hi me dhanam . 
etadeva hi sarvasvametadeva hi jIvitam .. 22..\\
darshashcha pUrNamAsashcha yaGYAshchaivAptadakShiNAH . 
etadeva hi me rAjanvividhAshcha kriyAstathA .. 23..\\
adomUlAH kriyAH sarvA mama rAjanna saMshayaH . 
bahUnA.n kiM pralApena na dAsye kAmadohinIm .. 24..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}