\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{0}##
##\begin{center}##
\section{baalakaaNDa}
##\end{center}##
\medskip
 56
tataH santaptahR^idayaH smarannigrahamAtmanaH . 
viniHshvasya viniHshvasya kR^itavairo mahAtmanA .. 1..\\
sa dakShiNA.n dishaM gatvA mahiShyA saha rAghava . 
tatApa parama.n ghora.n vishvAmitro mahAtapAH . 
phalamUlAshano dAntashchachAra parama.n tapaH .. 2..\\
athAsya jaGYire putrAH satyadharmaparAyaNAH . 
haviShpando madhuShpando dR^iDhanetro mahArathaH .. 3..\\
pUrNe varShasahasre tu brahmA lokapitAmahaH . 
abravInmadhura.n vAkyaM vishvAmitra.n tapodhanam .. 4..\\
jitA rAjarShilokAste tapasA kushikAtmaja . 
anena tapasA tvA.n hi rAjarShiriti vidmahe .. 5..\\
evamuktvA mahAtejA jagAma saha daivataiH . 
triviShTapaM brahmaloka.n lokAnAM parameshvaraH .. 6..\\
vishvAmitro.api tachchhrutvA hriyA ki.n chidavA~NmukhaH . 
duHkhena mahatAviShTaH samanyuridamabravIt .. 7..\\
tapashcha sumahattapta.n rAjarShiriti mAM viduH . 
devAH sarShigaNAH sarve nAsti manye tapaHphalam .. 8..\\
evaM nishchitya manasA bhUya eva mahAtapAH . 
tapashchachAra kAkutstha paramaM paramAtmavAn .. 9..\\
etasminneva kAle tu satyavAdI jitendriyaH . 
trisha~Nkuriti vikhyAta ikShvAku kulanandanaH .. 10..\\
tasya buddhiH samutpannA yajeyamiti rAghava . 
gachchheya.n svasharIreNa devAnAM paramA.n gatim .. 11..\\
sa vasiShTha.n samAhUya kathayAmAsa chintitam . 
ashakyamiti chApyukto vasiShThena mahAtmanA .. 12..\\
pratyAkhyAto vasiShThena sa yayau dakShiNA.n disham . 
vasiShThA dIrgha tapasastapo yatra hi tepire .. 13..\\
trisha~NkuH sumahAtejAH shataM paramabhAsvaram . 
vasiShThaputrAndadR^ishe tapyamAnAnyashasvinaH .. 14..\\
so.abhigamya mahAtmAnaH sarvAneva guroH sutAn . 
abhivAdyAnupUrvyeNa hriyA ki.n chidavA~NmukhaH . 
abravItsumahAtejAH sarvAneva kR^itA~njaliH .. 15..\\
sharaNa.n vaH prapadye.ahaM sharaNyA~nsharaNAgataH . 
pratyAkhyAto.asmi bhadra.n vo vasiShThena mahAtmanA .. 16..\\
yaShTukAmo mahAyaGYa.n tadanuGYAtumarthatha . 
guruputrAnaha.n sarvAnnamaskR^itya prasAdaye .. 17..\\
shirasA praNato yAche brAhmaNA.nstapasi sthitAn . 
te mAM bhavantaH siddhyartha.n yAjayantu samAhitAH . 
sasharIro yathAha.n hi devalokamavApnuyAm .. 18..\\
pratyAkhyAto vasiShThena gatimanyA.n tapodhanAH . 
guruputrAnR^ite sarvAnnAhaM pashyAmi kA.n chana .. 19..\\
ikShvAkUNA.n hi sarveShAM purodhAH paramA gatiH . 
tasmAdanantara.n sarve bhavanto daivataM mama .. 20..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}