\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{0}##
##\begin{center}##
\section{baalakaaNDa}
##\end{center}##
\medskip
 57
tatastrisha~Nkorvachana.n shrutvA krodhasamanvitam . 
R^iShiputrashata.n rAma rAjAnamidamabravIt .. 1..\\
pratyAkhyAto.asi durbuddhe guruNA satyavAdinA . 
ta.n katha.n samatikramya shAkhAntaramupeyivAn .. 2..\\
ikShvAkUNA.n hi sarveShAM purodhAH paramA gatiH . 
na chAtikramitu.n shakyaM vachanaM satyavAdinaH .. 3..\\
ashakyamiti chovAcha vasiShTho bhagavAnR^iShiH . 
ta.n vayaM vai samAhartu.n kratuM shaktAH kathaM tava .. 4..\\
bAlishastvaM narashreShTha gamyatA.n svapuraM punaH . 
yAjane bhagavA~nshaktastrailokyasyApi pArthiva .. 5..\\
teShA.n tadvachana.n shrutvA krodhaparyAkulAkSharam . 
sa rAjA punarevaitAnida.n vachanamabravIt .. 6..\\
pratyAkhyAto.asmi guruNA guruputraistathaiva cha . 
anyA.n gatiM gamiShyAmi svasti vo.astu tapodhanAH .. 7..\\
R^iShiputrAstu tachchhrutvA vAkya.n ghorAbhisa.nhitam . 
shepuH paramasa~NkruddhAshchaNDAlatva.n gamiShyasi . 
evamuktvA mahAtmAno vivishuste svamAshramam .. 8..\\
atha rAtryA.n vyatItAyAM rAjA chaNDAlatA.n gataH . 
nIlavastradharo nIlaH paruSho dhvastamUrdhajaH . 
chityamAlyAnulepashcha AyasAbharaNo.abhavat .. 9..\\
ta.n dR^iShTvA mantriNaH sarve tyaktvA chaNDAlarUpiNam . 
prAdravansahitA rAma paurA ye.asyAnugAminaH .. 10..\\
eko hi rAjA kAkutstha jagAma paramAtmavAn . 
dahyamAno divArAtra.n vishvAmitra.n tapodhanam .. 11..\\
vishvAmitrastu ta.n dR^iShTvA rAjAna.n viphalIkR^itam . 
chaNDAlarUpiNa.n rAma muniH kAruNyamAgataH .. 12..\\
kAruNyAtsa mahAtejA vAkyaM parama dhArmikaH . 
ida.n jagAda bhadraM te rAjAnaM ghoradarshanam .. 13..\\
kimAgamanakArya.n te rAjaputra mahAbala . 
ayodhyAdhipate vIra shApAchchaNDAlatA.n gataH .. 14..\\
atha tadvAkyamAkarNya rAjA chaNDAlatA.n gataH . 
abravItprA~njalirvAkya.n vAkyaGYo vAkyakovidam .. 15..\\
pratyAkhyAto.asmi guruNA guruputraistathaiva cha . 
anavApyaiva ta.n kAmaM mayA prApto viparyayaH .. 16..\\
sasharIro diva.n yAyAmiti me saumyadarshanam . 
mayA cheShTa.n kratushataM tachcha nAvApyate phalam .. 17..\\
anR^itaM nokta pUrvaM me na cha vakShye kadA chana . 
kR^ichchhreShvapi gataH saumya kShatradharmeNa te shape .. 18..\\
yaGYairbahuvidhairiShTaM prajA dharmeNa pAlitAH . 
guravashcha mahAtmAnaH shIlavR^ittena toShitAH .. 19..\\
dharme prayatamAnasya yaGYa.n chAhartumichchhataH . 
paritoShaM na gachchhanti guravo munipu~Ngava .. 20..\\
daivameva paraM manye pauruSha.n tu nirarthakam . 
daivenAkramyate sarva.n daiva.n hi paramA gatiH .. 21..\\
tasya me paramArtasya prasAdamabhikA~NkShataH . 
kartumarhasi bhadra.n te daivopahatakarmaNaH .. 22..\\
nAnyA.n gatiM gamiShyAmi nAnyaH sharaNamasti me . 
daivaM puruShakAreNa nivartayitumarhasi .. 23..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}