\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{0}##
##\begin{center}##
\section{baalakaaNDa}
##\end{center}##
\medskip
 59
tapobalahatAnkR^itvA vAsiShThAnsamahodayAn . 
R^iShimadhye mahAtejA vishvAmitro.abhyabhAShata .. 1..\\
ayamikShvAkudAyAdastrisha~Nkuriti vishrutaH . 
dharmiShThashcha vadAnyashcha mA.n chaiva sharaNaM gataH . 
svenAnena sharIreNa devalokajigIShayA .. 2..\\
yathAya.n svasharIreNa devaloka.n gamiShyati . 
tathA pravartyatA.n yaGYo bhavadbhishcha mayA saha .. 3..\\
vishvAmitravachaH shrutvA sarva eva maharShayaH . 
UchuH sametya sahitA dharmaGYA dharmasa.nhitam .. 4..\\
aya.n kushikadAyAdo muniH paramakopanaH . 
yadAha vachana.n samyagetatkAryaM na saMshayaH .. 5..\\
agnikalpo hi bhagavA~nshApa.n dAsyati roShitaH . 
tasmAtpravartyatA.n yaGYaH sasharIro yathA divam . 
gachchhedikShvAkudAyAdo vishvAmitrasya tejasA .. 6..\\
tataH pravartyatA.n yaGYaH sarve samadhitiShThate .. 7..\\
evamuktvA maharShayaH sa~njahrustAH kriyAstadA . 
yAjakAshcha mahAtejA vishvAmitro.abhavatkratau .. 8..\\
R^itvijashchAnupUrvyeNa mantravanmantrakovidAH . 
chakruH sarvANi karmANi yathAkalpa.n yathAvidhi .. 9..\\
tataH kAlena mahatA vishvAmitro mahAtapAH . 
chakArAvAhana.n tatra bhAgArtha.n sarvadevatAH .. 10..\\
nAhyAgama.nstadAhUtA bhAgArtha.n sarvadevatAH . 
tataH krodhasamAviShTo vishvamitro mahAmuniH .. 11..\\
sruvamudyamya sakrodhastrisha~NkumidamabravIt . 
pashya me tapaso vIrya.n svArjitasya nareshvara .. 12..\\
eSha tvA.n svasharIreNa nayAmi svargamojasA . 
duShprApa.n svasharIreNa diva.n gachchha narAdhipa .. 13..\\
svArjita.n kiM chidapyasti mayA hi tapasaH phalam . 
rAja.nstva.n tejasA tasya sasharIro diva.n vraja .. 14..\\
uktavAkye munau tasminsasharIro nareshvaraH . 
diva.n jagAma kAkutstha munInAM pashyatAM tadA .. 15..\\
devalokagata.n dR^iShTvA trisha~NkuM pAkashAsanaH . 
saha sarvaiH suragaNairida.n vachanamabravIt .. 16..\\
trisha~Nko gachchha bhUyastvaM nAsi svargakR^itAlayaH . 
gurushApahato mUDha pata bhUmimavAkshirAH .. 17..\\
evamukto mahendreNa trisha~NkurapatatpunaH . 
vikroshamAnastrAhIti vishvAmitra.n tapodhanam .. 18..\\
tachchhrutvA vachana.n tasya kroshamAnasya kaushikaH . 
roShamAhArayattIvra.n tiShTha tiShTheti chAbravIt .. 19..\\
R^iShimadhye sa tejasvI prajApatirivAparaH . 
sR^ijandakShiNamArgasthAnsaptarShInaparAnpunaH .. 20..\\
nakShatramAlAmaparAmasR^ijatkrodhamUrchhitaH . 
dakShiNA.n dishamAsthAya munimadhye mahAyashAH .. 21..\\
sR^iShTvA nakShatravaMsha.n cha krodhena kaluShIkR^itaH . 
anyamindra.n kariShyAmi loko vA syAdanindrakaH . 
daivatAnyapi sa krodhAtsraShTu.n samupachakrame .. 22..\\
tataH paramasambhrAntAH sarShisa~NghAH surarShabhAH . 
vishvAmitraM mahAtmAnamUchuH sAnunaya.n vachaH .. 23..\\
aya.n rAjA mahAbhAga gurushApaparikShataH . 
sasharIro diva.n yAtuM nArhatyeva tapodhana .. 24..\\
teShA.n tadvachana.n shrutvA devAnAM munipu~NgavaH . 
abravItsumahadvAkya.n kaushikaH sarvadevatAH .. 25..\\
sasharIrasya bhadra.n vastrisha~Nkorasya bhUpateH . 
ArohaNaM pratiGYAya nAnR^ita.n kartumutsahe .. 26..\\
sargo.astu sasharIrasya trisha~Nkorasya shAshvataH . 
nakShatrANi cha sarvANi mAmakAni dhruvANyatha .. 27..\\
yAvallokA dhariShyanti tiShThantvetAni sarvashaH . 
matkR^itAni surAH sarve tadanuGYAtumarhatha .. 28..\\
evamuktAH surAH sarve pratyUchurmunipu~Ngavam .. 29..\\
evaM bhavatu bhadra.n te tiShThantvetAni sarvashaH . 
gagane tAnyanekAni vaishvAnarapathAdbahiH .. 30..\\
nakShatrANi munishreShTha teShu jyotiHShu jAjvalan . 
avAkshirAstrisha~Nkushcha tiShThatvamarasaMnibhaH .. 31..\\
vishvAmitrastu dharmAtmA sarvadevairabhiShTutaH . 
R^iShibhishcha mahAtejA bADhamityAha devatAH .. 32..\\
tato devA mahAtmAno munayashcha tapodhanAH . 
jagmuryathAgata.n sarve yaGYasyAnte narottama .. 33..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}