\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{0}##
##\begin{center}##
\section{baalakaaNDa}
##\end{center}##
\medskip
 64
atha haimavatI.n rAma disha.n tyaktvA mahAmuniH . 
pUrvA.n dishamanuprApya tapastepe sudAruNam .. 1..\\
mauna.n varShasahasrasya kR^itvA vratamanuttamam . 
chakArApratima.n rAma tapaH paramaduShkaram .. 2..\\
pUrNe varShasahasre tu kAShThabhUtaM mahAmunim . 
vighnairbahubhirAdhUta.n krodho nAntaramAvishat .. 3..\\
tato devAH sagandharvAH pannagAsurarAkShasAH . 
mohitAstejasA tasya tapasA mandarashmayaH . 
kashmalopahatAH sarve pitAmahamathAbruvan .. 4..\\
bahubhiH kAraNairdeva vishvAmitro mahAmuniH . 
lobhitaH krodhitashchaiva tapasA chAbhivardhate .. 5..\\
na hyasya vR^ijina.n kiM chiddR^ishyate sUkShmamapyatha . 
na dIyate yadi tvasya manasA yadabhIpsitam . 
vinAshayati trailokya.n tapasA sacharAcharam . 
vyAkulAshcha dishaH sarvA na cha ki.n chitprakAshate .. 6..\\
sAgarAH kShubhitAH sarve vishIryante cha parvatAH . 
prakampate cha pR^ithivI vAyurvAti bhR^ishAkulaH .. 7..\\
buddhiM na kurute yAvannAshe deva mahAmuniH . 
tAvatprasAdyo bhagavAnagnirUpo mahAdyutiH .. 8..\\
kAlAgninA yathA pUrva.n trailokyaM dahyate.akhilam . 
devarAjye chikIrSheta dIyatAm asya yanmatam .. 9..\\
tataH suragaNAH sarve pitAmahapurogamAH . 
vishvAmitraM mahAtmAna.n vAkyaM madhuramabruvan .. 10..\\
brahmarShe svAgata.n te.astu tapasA sma sutoShitAH . 
brAhmaNya.n tapasogreNa prAptavAnasi kaushika .. 11..\\
dIrghamAyushcha te brahmandadAmi samarudgaNaH . 
svasti prApnuhi bhadra.n te gachchha saumya yathAsukham .. 12..\\
pitAmahavachaH shrutvA sarveShA.n cha divaukasAm . 
kR^itvA praNAmaM mudito vyAjahAra mahAmuniH .. 13..\\
brAhmaNya.n yadi me prApta.n dIrghamAyustathaiva cha . 
o~NkAro.atha vaShaTkAro vedAshcha varayantu mAm .. 14..\\
kShatravedavidA.n shreShTho brahmavedavidAm api . 
brahmaputro vasiShTho mAmeva.n vadatu devatAH . 
yadyayaM paramaH kAmaH kR^ito yAntu surarShabhAH .. 15..\\
tataH prasAdito devairvasiShTho japatA.n varaH . 
sakhya.n chakAra brahmarShirevamastviti chAbravIt .. 16..\\
brahmarShitvaM na sandehaH sarva.n sampatsyate tava . 
ityuktvA devatAshchApi sarvA jagmuryathAgatam .. 17..\\
vishvAmitro.api dharmAtmA labdhvA brAhmaNyamuttamam . 
pUjayAmAsa brahmarShi.n vasiShTha.n japatAM varam .. 18..\\
kR^itakAmo mahI.n sarvA.n chachAra tapasi sthitaH . 
eva.n tvanena brAhmaNyaM prApta.n rAma mahAtmanA .. 19..\\
eSha rAma munishreShTha eSha vigrahavA.nstapaH . 
eSha dharmaH paro nitya.n vIryasyaiSha parAyaNam .. 20..\\
shatAnandavachaH shrutvA rAmalakShmaNasaMnidhau . 
janakaH prA~njalirvAkyamuvAcha kushikAtmajam .. 21..\\
dhanyo.asmyanugR^ihIto.asmi yasya me munipu~Ngava . 
yaGYa.n kAkutstha sahitaH prAptavAnasi dhArmika .. 22..\\
pAvito.aha.n tvayA brahmandarshanena mahAmune . 
guNA bahuvidhAH prAptAstava sandarshanAnmayA .. 23..\\
vistareNa cha te brahmankIrtyamAnaM mahattapaH . 
shrutaM mayA mahAtejo rAmeNa cha mahAtmanA .. 24..\\
sadasyaiH prApya cha sadaH shrutAste bahavo guNAH .. 25..\\
aprameya.n tapastubhyamaprameyaM cha te balam . 
aprameyA guNAshchaiva nitya.n te kushikAtmaja .. 26..\\
tR^iptirAshcharyabhUtAnA.n kathAnAM nAsti me vibho . 
karmakAlo munishreShTha lambate ravimaNDalam .. 27..\\
shvaH prabhAte mahAtejo draShTumarhasi mAM punaH . 
svAgata.n tapasA.n shreShTha mAmanuGYAtumarhasi .. 28..\\
evamuktvA munishreShTha.n vaideho mithilAdhipaH . 
pradakShiNa.n chakArAshu sopAdhyAyaH sabAndhavaH .. 29..\\
vishvAmitro.api dharmAtmA saharAmaH salakShmaNaH . 
sva.n vATamabhichakrAma pUjyamAno maharShibhiH .. 30..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}