\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{0}##
##\begin{center}##
\section{baalakaaNDa}
##\end{center}##
\medskip
 68
tato rAtryA.n vyatItAyAM sopAdhyAyaH sabAndhavaH . 
rAjA dasharatho hR^iShTaH sumantramidamabravIt .. 1..\\
adya sarve dhanAdhyakShA dhanamAdAya puShkalam . 
vrajantvagre suvihitA nAnAratnasamanvitAH .. 2..\\
chatura~Ngabala.n chApi shIghraM niryAtu sarvashaH . 
mamAGYAsamakAla.n cha yAnayugyamanuttamam .. 3..\\
vasiShTho vAmadevashcha jAbAliratha kAshyapaH . 
mArkaNDeyashcha dIrghAyurR^iShiH kAtyAyanastathA .. 4..\\
ete dvijAH prayAntvagre syandana.n yojayasva me . 
yathA kAlAtyayo na syAddUtA hi tvarayanti mAm .. 5..\\
vachanAchcha narendrasya sA senA chatura~NgiNI . 
rAjAnamR^iShibhiH sArdha.n vrajantaM pR^iShThato.anvagAt .. 6..\\
gatvA chaturahaM mArga.n videhAnabhyupeyivAn . 
rAjA tu janakaH shrImA~nshrutvA pUjAm akalpayat .. 7..\\
tato rAjAnamAsAdya vR^iddha.n dasharathaM nR^ipam . 
janako mudito rAjA harSha.n cha parama.n yayau . 
uvAcha na narashreShTho narashreShThaM mudAnvitam .. 8..\\
svAgata.n te mahArAja diShTyA prApto.asi rAghava . 
putrayorubhayoH prIti.n lapsyase vIryanirjitAm .. 9..\\
diShTyA prApto mahAtejA vasiShTho bhagavAnR^iShiH . 
saha sarvairdvijashreShThairdevairiva shatakratuH .. 10..\\
diShTyA me nirjitA vighnA diShTyA me pUjita.n kulam . 
rAghavaiH saha sambandhAdvIryashreShThairmahAtmabhiH .. 11..\\
shvaH prabhAte narendrendra nirvartayitumarhasi . 
yaGYasyAnte narashreShTha vivAhamR^iShisaMmatam .. 12..\\
tasya tadvachana.n shrutvA R^iShimadhye narAdhipaH . 
vAkya.n vAkyavidAM shreShThaH pratyuvAcha mahIpatim .. 13..\\
pratigraho dAtR^ivashaH shrutametanmayA purA . 
yathA vakShyasi dharmaGYa tatkariShyAmahe vayam .. 14..\\
taddharmiShTha.n yashasya.n cha vachanaM satyavAdinaH . 
shrutvA videhAdhipatiH para.n vismayamAgataH .. 15..\\
tataH sarve munigaNAH parasparasamAgame . 
harSheNa mahatA yuktAstAM nishAm avasansukham .. 16..\\
rAjA cha rAghavau putrau nishAmya pariharShitaH . 
uvAsa paramaprIto janakena supUjitaH .. 17..\\
janako.api mahAtejAH kriyA dharmeNa tattvavit . 
yaGYasya cha sutAbhyA.n cha kR^itvA rAtrimuvAsa ha .. 18..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}