\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{0}##
##\begin{center}##
\section{baalakaaNDa}
##\end{center}##
\medskip
 74
rAma dAsharathe vIra vIrya.n te shrUyate.adhutam . 
dhanuSho bhedana.n chaiva nikhilena mayA shrutam .. 1..\\
tadadbhutamachintya.n cha bhedanaM dhanuShastvayA . 
tachchhrutvAhamanuprApto dhanurgR^ihyApara.n shubham .. 2..\\
tadida.n ghorasa~NkAshaM jAmadagnyaM mahaddhanuH . 
pUrayasva shareNaiva svabala.n darshayasva cha .. 3..\\
tadaha.n te balaM dR^iShTvA dhanuSho.asya prapUraNe . 
dvandvayuddhaM pradAsyAmi vIryashlAghyamida.n tava .. 4..\\
tasya tadvachana.n shrutvA rAjA dasharataHstadA . 
viShaNNavadano dInaH prA~njalirvAkyamabravIt .. 5..\\
kShatraroShAtprashAntastvaM brAhmaNasya mahAyashAH . 
bAlAnAM mama putrANAmabhaya.n dAtumarhasi .. 6..\\
bhArgavANA.n kule jAtaH svAdhyAyavratashAlinAm . 
sahasrAkShe pratiGYAya shastraM nikShiptavAnasi .. 7..\\
sa tva.n dharmaparo bhUtvA kAshyapAya vasundharAm . 
dattvA vanamupAgamya mahendrakR^itaketanaH .. 8..\\
mama sarvavinAshAya samprAptastvaM mahAmune . 
na chaikasminhate rAme sarve jIvAmahe vayam .. 9..\\
bruvatyeva.n dasharathe jAmadagnyaH pratApavAn . 
anAdR^ityaiva tadvAkya.n rAmamevAbhyabhAShata .. 10..\\
ime dve dhanuShI shreShThe divye lokAbhivishrute . 
dR^iDhe balavatI mukhye sukR^ite vishvakarmaNA .. 11..\\
atisR^iShTa.n suraireka.n tryambakAya yuyutsave . 
tripuraghnaM narashreShTha bhagna.n kAkutsha yattvayA .. 12..\\
ida.n dvitIyaM durdharSha.n viShNordattaM surottamaiH . 
samAnasAra.n kAkutstha raudreNa dhanuShA tvidam .. 13..\\
tadA tu devatAH sarvAH pR^ichchhanti sma pitAmaham . 
shitikaNThasya viShNoshcha balAbalanirIkShayA .. 14..\\
abhiprAya.n tu viGYAya devatAnAM pitAmahaH . 
virodha.n janayAmAsa tayoH satyavatA.n varaH .. 15..\\
virodhe cha mahadyuddhamabhavadromaharShaNam . 
shitikaNThasya viShNoshcha parasparajayaiShiNoH .. 16..\\
tadA tajjR^imbhita.n shaiva.n dhanurbhImaparAkramam . 
hu~NkAreNa mahAdevaH stambhito.atha trilochanaH .. 17..\\
devaistadA samAgamya sarShisa~NghaiH sachAraNaiH . 
yAchitau prashama.n tatra jagmatustau surottamau .. 18..\\
jR^imbhita.n taddhanurdR^iShTvA shaiva.n viShNuparAkramaiH . 
adhikaM menire viShNu.n devAH sarShigaNAstadA .. 19..\\
dhanU rudrastu sa~Nkruddho videheShu mahAyashAH . 
devarAtasya rAjarSherdadau haste sasAyakam .. 20..\\
ida.n cha viShNava.n rAma dhanuH parapura~njayam . 
R^ichIke bhArgave prAdAdviShNuH sa nyAsamuttamam .. 21..\\
R^ichIkastu mahAtejAH putrasyApratikarmaNaH . 
piturmama dadau divya.n jamadagnermahAtmanaH .. 22..\\
nyastashastre pitari me tapobalasamanvite . 
arjuno vidadhe mR^ityuM prAkR^itAM buddhimAsthitaH .. 23..\\
vadhamapratirUpa.n tu pituH shrutvA sudAruNam . 
kShatramutsAdaya.n roShAjjAta.n jAtamanekashaH .. 24..\\
pR^ithivI.n chAkhilAM prApya kAshyapAya mahAtmane . 
yaGYasyAnte tadA rAma dakShiNAM puNyakarmaNe .. 25..\\
dattvA mahendranilayastapobalasamanvitaH . 
shrutavAndhanuSho bheda.n tato.ahaM drutamAgataH .. 26..\\
tadida.n vaiShNavaM rAma pitR^ipaitAmahaM mahat . 
kShatradharmaM puraskR^itya gR^ihNIShva dhanuruttamam .. 27..\\
yojayasva dhanuH shreShThe sharaM parapura~njayam . 
yadi shaknoShi kAkutstha dvandva.n dAsyAmi te tataH .. 28..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}