\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{0}##
##\begin{center}##
\section{baalakaaNDa}
##\end{center}##
\medskip
 8
tasya tvevaM prabhAvasya dharmaGYasya mahAtmanaH . 
sutArtha.n tapyamAnasya nAsIdvaMshakaraH sutaH .. 1..\\
chintayAnasya tasyaivaM buddhirAsInmahAtmanaH . 
sutArtha.n vAjimedhena kimarthaM na yajAmyaham .. 2..\\
sa nishchitAM mati.n kR^itvA yaShTavyamiti buddhimAn . 
mantribhiH saha dharmAtmA sarvaireva kR^itAtmabhiH .. 3..\\
tato.abravIdida.n rAjA sumantraM mantrisattamam . 
shIghramAnaya me sarvAngurU.nstAnsapurohitAn .. 4..\\
etachchhrutvA rahaH sUto rAjAnamidamabravIt . 
R^itvigbhirupadiShTo.ayaM purAvR^itto mayA shrutaH .. 5..\\
sanatkumAro bhagavAnpUrva.n kathitavAnkathAm . 
R^iShINA.n saMnidhau rAja.nstava putrAgamaM prati .. 6..\\
kAshyapasya tu putro.asti vibhANDaka iti shrutaH . 
R^iShyashR^i~Nga iti khyAtastasya putro bhaviShyati .. 7..\\
sa vane nityasa.nvR^iddho munirvanacharaH sadA . 
nAnya.n jAnAti viprendro nityaM pitranuvartanAt .. 8..\\
dvaividhyaM brahmacharyasya bhaviShyati mahAtmanaH . 
lokeShu prathita.n rAjanvipraishcha kathitaM sadA .. 9..\\
tasyaiva.n vartamAnasya kAlaH samabhivartata . 
agni.n shushrUShamANasya pitara.n cha yashasvinam .. 10..\\
etasminneva kAle tu romapAdaH pratApavAn . 
a~NgeShu prathitA rAjA bhaviShyati mahAbalaH .. 11..\\
tasya vyatikramAdrAGYo bhaviShyati sudAruNA . 
anAvR^iShTiH sughorA vai sarvabhUtabhayAvahA .. 12..\\
anAvR^iShTyA.n tu vR^ittAyA.n rAjA duHkhasamanvitaH . 
brAhmaNA~nshrutavR^iddhAMshcha samAnIya pravakShyati .. 13..\\
bhavantaH shrutadharmANo loke chAritravedinaH . 
samAdishantu niyamaM prAyashchitta.n yathA bhavet .. 14..\\
vakShyanti te mahIpAlaM brAhmaNA vedapAragAH . 
vibhANDakasuta.n rAjansarvopAyairihAnaya .. 15..\\
AnAyya cha mahIpAla R^iShyashR^i~Nga.n susatkR^itam . 
prayachchha kanyA.n shAntAM vai vidhinA susamAhitaH .. 16..\\
teShA.n tu vachana.n shrutvA rAjA chintAM prapatsyate . 
kenopAyena vai shakyamihAnetu.n sa vIryavAn .. 17..\\
tato rAjA vinishchitya saha mantribhirAtmavAn . 
purohitamamAtyAMshcha preShayiShyati satkR^itAn .. 18..\\
te tu rAGYo vachaH shrutvA vyathitA vanatAnanAH . 
na gachchhema R^iSherbhItA anuneShyanti taM nR^ipam .. 19..\\
vakShyanti chintayitvA te tasyopAyAMshcha tAnkShamAn . 
AneShyAmo vaya.n vipraM na cha doSho bhaviShyati .. 20..\\
evama~NgAdhipenaiva gaNikAbhirR^iSheH sutaH . 
AnIto.avarShayaddevaH shAntA chAsmai pradIyate .. 21..\\
R^iShyashR^i~Ngastu jAmAtA putrA.nstava vidhAsyati . 
sanatkumArakathitametAvadvyAhR^itaM mayA .. 22..\\
atha hR^iShTo dasharathaH sumantraM pratyabhAShata . 
yatharShyashR^i~NgastvAnIto vistareNa tvayochyatAm .. 23..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}