\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 10
agrataH prayayau rAmaH sItA madhye sumadhyamA . 
pR^iShThatastu dhanuShpANirlakShmaNo.anujagAma ha .. 1..\\
tau pashyamAnau vividhA~nshailaprasthAnvanAni cha . 
nadIshcha vividhA ramyA jagmatuH saha sItayA .. 2..\\
sArasAMshchakravAkAMshcha nadIpulinachAriNaH . 
sarA.nsi cha sapadmAni yutAni jalajaiH khagaiH .. 3..\\
yUthabaddhAMshcha pR^iShatAnmadonmattAnviShANinaH . 
mahiShAMshcha varAhAMshcha gajAMshcha drumavairiNaH .. 4..\\
te gatvA dUramadhvAna.n lambamAne divAkare . 
dadR^ishuH sahitA ramya.n taTAka.n yojanAyatam .. 5..\\
padmapuShkarasambAdha.n gajayUthairala~NkR^itam . 
sArasairha.nsakAdambaiH sa~Nkula.n jalachAribhiH .. 6..\\
prasannasalile ramyatasminsarasi shushruve . 
gItavAditranirghoSho na tu kashchana dR^ishyate .. 7..\\
tataH kautUhalAdrAmo lakShmaNashcha mahArathaH . 
muni.n dharmabhR^itaM nAma praShTu.n samupachakrame .. 8..\\
idamatyadbhuta.n shrutvA sarveShAM no mahAmune . 
kautUhalaM mahajjAta.n kimida.n sAdhu kathyatAm .. 9..\\
tenaivamukto dharmAtmA rAghaveNa munistadA . 
prabhAva.n sarasaH kR^itsnamAkhyAtumupachakrame .. 10..\\
idaM pa~nchApsaro nAma taTAka.n sArvakAlikam . 
nirmita.n tapasA rAma muninA mANDakarNinA .. 11..\\
sa hi tepe tapastIvraM mANDakarNirmahAmuniH . 
dashavarShasahasrANi vAyubhakSho jalAshraya .. 12..\\
tataH pravyathitAH sarve devAH sAgnipurogamAH . 
abruvanvachana.n sarve paraspara samAgatAH . 
asmaka.n kasya chitsthAnameSha prArthayate muniH .. 13..\\
tataH kartu.n tapovighna.n sarvairdevairniyojitAH . 
pradhAnApsarasaH pa~nchavidyuchchalitavarchasaH .. 14..\\
apsarobhistatastAbhirmunirdR^iShTaparAvaraH . 
nIto madanavashyatva.n surANA.n kAryasiddhaye .. 15..\\
tAshchaivApsarasaH pa~nchamuneH patnItvamAgatAH . 
taTAke nirmita.n tAsAmasminnantarhitaM gR^iham .. 16..\\
tatraivApsarasaH pa~nchanivasantyo yathAsukham . 
ramayanti tapoyogAnmuni.n yauvanamAsthitam .. 17..\\
tAsA.n sa~NkrIDamAnAnAmeSha vAditraniHsvanaH . 
shrUyate bhUShaNonmishro gItashabdo manoharaH .. 18..\\
Ashcharyamiti tasyaitadvachanaM bhAvitAtmanaH . 
rAghavaH pratijagrAha saha bhrAtrA mahAyashAH .. 19..\\
eva.n kathayamAnasya dadarshAshramamaNDalam . 
kushachIraparikShiptaM nAnAvR^ikShasamAvR^itam .. 20..\\
pravishya saha vaidehyA lakShmaNena cha rAghavaH . 
tadA tasminsa kAkutsthaH shrImatyAshramamaNDale .. 21..\\
uShitvA susukha.n tatra pUrjyamAno maharShibhiH . 
jagAma chAshramA.nsteShAM paryAyeNa tapasvinAm .. 22..\\
yeShAmuShitavAnpUrva.n sakAshe sa mahAstravit . 
kva chitparidashAnmAsAneka.n sa.nvatsara.n kva chit .. 23..\\
kva chichcha chaturo mAsAnpa~nchaShaTchAparAnkva chit . 
aparatrAdhikAnmAsAnadhyardhamadhika.n kva chit .. 24..\\
trInmAsAnaShTamAsAMshcha rAghavo nyavasatsukham . 
tathA sa.nvasatastasya munInAmAshrameShu vai . 
ramatashchAnukulyena yayuH sa.nvatsarA dasha .. 25..\\
parisR^itya cha dharmaGYo rAghavaH saha sItayA . 
sutIkShNasyAshrama.n shrImAnpunarevAjagAma ha .. 26..\\
sa tamAshramamAgamya munibhiH pratipUjitaH . 
tatrApi nyavasadrAmaH ka.n chitkAlamarindamaH .. 27..\\
athAshramastho vinayAtkadA chittaM mahAmunim . 
upAsInaH sa kAkutsthaH sutIkShNamidamabravIt .. 28..\\
asminnaraNye bhagavannagastyo munisattamaH . 
vasatIti mayA nitya.n kathAH kathayatA.n shrutam .. 29..\\
na tu jAnAmi ta.n desha.n vanasyAsya mahattayA . 
kutrAshramapadaM puNyaM maharShestasya dhImataH .. 30..\\
prasAdAttatra bhavataH sAnujaH saha sItayA . 
agastyamabhigachchheyamabhivAdayituM munim .. 31..\\
manoratho mahAneSha hR^idi samparivartate . 
yadaha.n taM munivara.n shushrUSheyamapi svayam .. 32..\\
iti rAmasya sa muniH shrutvA dharmAtmano vachaH . 
sutIkShNaH pratyuvAchedaM prIto dasharathAtmajam .. 33..\\
ahamapyetadeva tvA.n vaktukAmaH salakShmaNam . 
agastyamabhigachchheti sItayA saha rAghava .. 34..\\
diShTyA tvidAnImarthe.asminsvayameva bravIShi mAm . 
ahamAkhyAsi te vatsa yatrAgastyo mahAmuniH .. 35..\\
yojanAnyAshramAttAta yAhi chatvAri vai tataH . 
dakShiNena mahA~nshrImAnagastyabhrAturAshramaH .. 36..\\
sthalaprAye vanoddeshe pippalIvanashobhite . 
bahupuShpaphale ramye nAnAshakuninAdite .. 37..\\
padminyo vividhAstatra prasannasalilAH shivAH . 
ha.nsakAraNDavAkIrNAshchakravAkopashobhitAH .. 38..\\
tatraikA.n rajanImuShya prabhAte rAma gamyatAm . 
dakShiNA.n dishamAsthAya vanakhaNDasya pArshvataH .. 39..\\
tatrAgastyAshramapada.n gatvA yojanamantaram . 
ramaNIye vanoddeshe bahupAdapa sa.nvR^ite . 
ra.nsyate tatra vaidehI lakShmaNashcha tvayA saha .. 40..\\
sa hi ramyo vanoddesho bahupAdapasa~NkulaH . 
yadi buddhiH kR^itA draShTumagastya.n taM mahAmunim . 
adyaiva gamane buddhi.n rochayasva mahAyashaH .. 41..\\
iti rAmo muneH shrutvA saha bhrAtrAbhivAdya cha . 
pratasthe.agastyamuddishya sAnujaH saha sItayA .. 42..\\
pashyanvanAni chitrANi parvapAMshchAbhrasaMnibhAn . 
sarA.nsi saritashchaiva pathi mArgavashAnugAH .. 43..\\
sutIkShNenopadiShTena gatvA tena pathA sukham . 
idaM paramasa.nhR^iShTo vAkya.n lakShmaNamabravIt .. 44..\\
etadevAshramapadaM nUna.n tasya mahAtmanaH . 
agastyasya munerbhrAturdR^ishyate puNyakarmaNaH .. 45..\\
yathA hIme vanasyAsya GYAtAH pathi sahasrashaH . 
saMnatAH phalabhareNa puShpabhAreNa cha drumAH .. 46..\\
pippalInA.n cha pakvAnA.n vanAdasmAdupAgataH . 
gandho.ayaM pavanotkShiptaH sahasA kaTukodayaH .. 47..\\
tatra tatra cha dR^ishyante sa~NkShiptAH kAShThasa~ncayAH . 
lUnAshcha pathi dR^ishyante darbhA vaidUryavarchasaH .. 48..\\
etachcha vanamadhyastha.n kR^iShNAbhrashikharopamam . 
pAvakasyAshramasthasya dhUmAgra.n sampradR^ishyate .. 49..\\
vivikteShu cha tIrtheShu kR^itasnAnA dvijAtayaH . 
puShpopahAra.n kurvanti kusumaiH svayamArjitaiH .. 50..\\
tatsutIkShNasya vachana.n yathA saumya mayA shrutam . 
agastyasyAshramo bhrAturnUnameSha bhaviShyati .. 51..\\
nigR^ihya tarasA mR^ityu.n lokAnAM hitakAmyayA . 
yasya bhrAtrA kR^iteya.n diksharaNyA puNyakarmaNA .. 52..\\
ihaikadA kila krUro vAtApirapi chelvalaH . 
bhrAtarau sahitAvAstAM brAhmaNaghnau mahAsurau .. 53..\\
dhArayanbrAhmaNa.n rUpamilvalaH sa.nskR^itaM vadan . 
Amantrayati viprAnsa shrAddhamuddishya nirghR^iNaH .. 54..\\
bhrAtara.n sa.nskR^itaM bhrAtA tatastaM meSharUpiNam . 
tAndvijAnbhojayAmAsa shrAddhadR^iShTena karmaNA .. 55..\\
tato bhuktavatA.n teShA.n viprANAmilvalo.abravIt . 
vAtApe niShkramasveti svareNa mahatA vadan .. 56..\\
tato bhrAturvachaH shrutvA vAtApirmeShavannadan . 
bhittvA bhitvA sharIrANi brAhmaNAnA.n viniShpatat .. 57..\\
brAhmaNAnA.n sahasrANi taireva.n kAmarUpibhiH . 
vinAshitAni sa.nhatya nityashaH pishitAshanaiH .. 58..\\
agastyena tadA devaiH prArthitena maharShiNA . 
anubhUya kila shrAddhe bhakShitaH sa mahAsuraH .. 59..\\
tataH sampannamityuktvA dattvA hastAvasechanam . 
bhrAtaraM niShkramasveti ilvalaH so.abhyabhAShata .. 60..\\
ta.n tathA bhAShamANaM tu bhrAtara.n vipraghAtinam . 
abravItprahasandhImAnagastyo munisattamaH .. 61..\\
kuto niShkramitu.n shaktirmayA jIrNasya rakShasaH . 
bhrAtuste meSha rUpasya gatasya yamasAdanam .. 62..\\
atha tasya vachaH shrutvA bhrAturnidhanasaMshritam . 
pradharShayitumArebhe muni.n krodhAnnishAcharaH .. 63..\\
so.abhyadravaddvijendra.n taM muninA dIptatejasA . 
chakShuShAnalakalpena nirdagdho nidhana.n gataH .. 64..\\
tasyAyamAshramo bhrAtustaTAkavanashobhitaH . 
viprAnukampayA yena karmeda.n duShkaraM kR^itam .. 65..\\
eva.n kathayamAnasya tasya saumitriNA saha . 
rAmasyAsta.n gataH sUryaH sandhyAkAlo.abhyavartata .. 66..\\
upAsya pashchimA.n sandhyAM saha bhrAtrA yathAvidhi . 
praviveshAshramapada.n tamR^iShiM chAbhyavAdayan .. 67..\\
samyakpratigR^ihItastu muninA tena rAghavaH . 
nyavasattAM nishAmekAM prAshya mUlaphalAni cha .. 68..\\
tasyA.n rAtryAM vyatItAyAM vimale sUryamaNDale . 
bhrAtara.n tamagastyasya Amantrayata rAghavaH .. 69..\\
abhivAdaye tvA bhagavansukhamadhyuShito nishAm . 
Amantraye tvA.n gachchhAmi guruM te draShTumagrajam .. 70..\\
gamyatAmiti tenokto jagAma raghunandanaH . 
yathoddiShTena mArgeNa vana.n tachchAvalokayan .. 71..\\
nIvArAnpanasA.nstAlA.nstimishAnva~njulAndhavAn . 
chiribilvAnmadhUkAMshcha bilvAnapi cha tindukAn .. 72..\\
puShpitAnpuShpitAgrAbhirlatAbhiranuveShTitAn . 
dadarsha rAmaH shatashastatra kAntArapAdapAn .. 73..\\
hastihastairvimR^iditAnvAnarairupashobhitAn . 
mattaiH shakunisa~Nghaishcha shatashaH pratinAditAn .. 74..\\
tato.abravItsamIpastha.n rAmo rAjIvalochanaH . 
pR^iShThato.anugata.n vIraM lakShmaNaM lakShmivardhanam .. 75..\\
snigdhapatrA yathA vR^ikShA yathA kShAntA mR^igadvijAH . 
Ashramo nAtidUrastho maharSherbhAvitAtmanaH .. 76..\\
agastya iti vikhyAto loke svenaiva karmaNA . 
Ashramo dR^ishyate tasya parishrAnta shramApahaH .. 77..\\
prAjyadhUmAkulavanashchIramAlApariShkR^itaH . 
prashAntamR^igayUthashcha nAnAshakuninAditaH .. 78..\\
nigR^ihya tarasA mR^ityu.n lokAnAM hitakAmyayA . 
dakShiNA dikkR^itA yena sharaNyA puNyakarmaNA .. 79..\\
tasyedamAshramapadaM prabhAvAdyasya rAkShasaiH . 
digiya.n dakShiNA trAsAddR^ishyate nopabhujyate .. 80..\\
yadA prabhR^iti chAkrAntA digiyaM puNyakarmaNA . 
tadA prabhR^iti nirvairAH prashAntA rajanIcharAH .. 81..\\
nAmnA cheyaM bhagavato dakShiNA dikpradakShiNA . 
prathitA triShu lokeShu durdharShA krUrakarmabhiH .. 82..\\
mArgaM niroddhu.n satataM bhAskarasyAchalottamaH . 
sandeshaM pAlaya.nstasya vindhyashaulo na vardhate .. 83..\\
aya.n dIrghAyuShastasya loke vishrutakarmaNaH . 
agastyasyAshramaH shrImAnvinItamR^igasevitaH .. 84..\\
eSha lokArchitaH sAdhurhite nitya.n rataH satAm . 
asmAnadhigatAneSha shreyasA yojayiShyati .. 85..\\
ArAdhayiShyAmyatrAhamagastya.n taM mahAmunim . 
sheSha.n cha vanavAsasya saumya vatsyAmyahaM prabho .. 86..\\
atra devAH sagandharvAH siddhAshcha paramarShayaH . 
agastyaM niyatAhAra.n satataM paryupAsate .. 87..\\
nAtra jIvenmR^iShAvAdI krUro vA yadi vA shaThaH . 
nR^isha.nsaH kAma vR^itto vA munireSha tathAvidhaH .. 88..\\
atra devAshcha yakShAshcha nAgAshcha patagaiH saha . 
vasanti niyatAhAro dharmamArAdhayiShNavaH .. 89..\\
atra siddhA mahAtmAno vimAnaiH sUryasaMnibhaiH . 
tyaktvA dehAnnavairdehaiH svaryAtAH paramarShayaH .. 90..\\
yakShatvamamaratva.n cha rAjyAni vividhAni cha . 
atra devAH prayachchhanti bhUtairArAdhitAH shubhaiH .. 91..\\
AgatAH smAshramapada.n saumitre pravishAgrataH . 
nivedayeha mAM prAptamR^iShaye saha sItayA .. 92..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}