\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 11
sa pravishyAshramapada.n lakShmaNo rAghavAnujaH . 
agastyashiShyamAsAdya vAkyametaduvAcha ha .. 1..\\
rAjA dasharatho nAma jyeShThastasya suto balI . 
rAmaH prApto muni.n draShTuM bhAryayA saha sItayA .. 2..\\
lakShmaNo nAma tasyAhaM bhrAtA tvavarajo hitaH . 
anukUlashcha bhaktashcha yadi te shrotramAgataH .. 3..\\
te vaya.n vanamatyugraM praviShTAH pitR^ishAsanAt . 
draShTumichchhAmahe sarve bhagavantaM nivedyatAm .. 4..\\
tasya tadvachana.n shrutvA lakShmaNasya tapodhanaH . 
tathetyuktvAgnisharaNaM pravivesha niveditum .. 5..\\
sa pravishya muni shreShTha.n tapasA duShpradharShaNam . 
kR^itA~njaliruvAcheda.n rAmAgamanama~njasA .. 6..\\
putrau dasharathasyemau rAmo lakShmaNa eva cha . 
praviShTAvAshramapada.n sItayA saha bhAryayA .. 7..\\
draShTuM bhavantamAyAtau shushrUShArthamarindamau . 
yadatrAnantara.n tattvamAGYApayitumarhasi .. 8..\\
tataH shiShyAdupashrutya prApta.n rAmaM salakShmaNam . 
vaidehI.n cha mahAbhAgAmida.n vachanamabravIt .. 9..\\
diShTyA rAmashchirasyAdya draShTuM mA.n samupAgataH . 
manasA kA~NkShita.n hyasya mayApyAgamanaM prati .. 10..\\
gamyatA.n satkR^ito rAmaH sabhAryaH sahalakShmaNaH . 
praveshyatA.n samIpaM me ki.n chAsau na praveshitaH .. 11..\\
evamuktastu muninA dharmaGYena mahAtmanA . 
abhivAdyAbravIchchhiShyastatheti niyatA~njaliH .. 12..\\
tato niShkramya sambhrAntaH shiShyo lakShmaNamabravIt . 
kvAsau rAmo muni.n draShTumetu pravishatu svayam .. 13..\\
tato gatvAshramapada.n shiShyeNa sahalakShmaNaH . 
darshayAmAsa kAkutstha.n sItA.n cha janakAtmajAm .. 14..\\
ta.n shiShyaH prashritaM vAkyamagastyavachanaM bruvan . 
prAveshayadyathAnyAya.n satkArArthaM susatkR^itam .. 15..\\
pravivesha tato rAmaH sItayA sahalakShmaNaH . 
prashAntahariNAkIrNamAshrama.n hyavalokayan .. 16..\\
sa tatra brahmaNaH sthAnamagneH sthAna.n tathaiva cha . 
viShNoH sthAnaM mahendrasya sthAna.n chaiva vivasvataH .. 17..\\
somasthAnaM bhagasthAna.n sthAna.n kauberameva cha . 
dhAturvidhAtuH sthAna.n cha vAyoH sthAnaM tathaiva cha .. 18..\\
tataH shiShyaiH parivR^ito munirapyabhiniShpatat . 
ta.n dadarshAgrato rAmo munInAM dIptatejasaM . 
abravIdvachana.n vIro lakShmaNaM lakShmivardhanam .. 19..\\
eSha lakShmaNa niShkrAmatyagastyo bhagavAnR^iShiH . 
audAryeNAvagachchhAmi nidhAna.n tapasAm imam .. 20..\\
evamuktvA mahAbAhuragastya.n sUryavarchasaM . 
jagrAha paramaprItastasya pAdau parantapaH .. 21..\\
abhivAdya tu dharmAtmA tasthau rAmaH kR^itA~njaliH . 
sItayA saha vaidehyA tadA rAma salakShmaNaH .. 22..\\
pratigR^ihya cha kAkutsthamarchayitvAsanodakaiH . 
kushalaprashnamuktvA cha AsyatAmiti so.abravIt .. 23..\\
agni.n hutvA pradAyArghyamatithiM pratipUjya cha . 
vAnaprasthena dharmeNa sa teShAM bhojana.n dadau .. 24..\\
prathama.n chopavishyAtha dharmaGYo munipu~NgavaH . 
uvAcha rAmamAsInaM prA~njali.n dharmakovidam .. 25..\\
anyathA khalu kAkutstha tapasvI samudAcharan . 
duHsAkShIva pare loke svAni mA.nsAni bhakShayet .. 26..\\
rAjA sarvasya lokasya dharmachArI mahArathaH . 
pUjanIyashcha mAnyashcha bhavAnprAptaH priyAtithiH .. 27..\\
evamuktvA phalairmUlaiH puShpaishchAnyaishcha rAghavam . 
pUjayitvA yathAkAmaM punareva tato.abravIt .. 28..\\
ida.n divyaM mahachchApa.n hemavajravibhUShitam . 
vaiShNavaM puruShavyAghra nirmita.n vishvakarmaNA .. 29..\\
amoghaH sUryasa~NkAsho brahmadattaH sharottamaH . 
datto mama mahendreNa tUNI chAkShayasAyakau .. 30..\\
sampUrNau nishitairbANairjvaladbhiriva pAvakaiH . 
mahArAjata kosho.ayamasirhemavibhUShitaH .. 31..\\
anena dhanuShA rAma hatvA sa~Nkhye mahAsurAn . 
AjahAra shriya.n dIptAM purA viShNurdivaukasAm .. 32..\\
taddhanustau cha tUNIrau shara.n khaDgaM cha mAnada . 
jayAya pratigR^ihNIShva vajra.n vajradharo yathA .. 33..\\
evamuktvA mahAtejAH samasta.n tadvarAyudham . 
dattvA rAmAya bhagavAnagastyaH punarabravIt .. 34..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}