\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 12
rAma prIto.asmi bhadra.n te parituShTo.asmi lakShmaNa . 
abhivAdayitu.n yanmAM prAptau sthaH saha sItayA .. 1..\\
adhvashrameNa vA.n khedo bAdhate prachurashramaH . 
vyaktamutkaNThate chApi maithilI janakAtmajA .. 2..\\
eShA hi sukumArI cha duHkhaishcha na vimAnitA . 
prAjyadoSha.n vanaM praptA bhartR^isnehaprachoditA .. 3..\\
yathaiShA ramate rAma iha sItA tathA kuru . 
duShkara.n kR^itavatyeShA vane tvAmanugachchhatI .. 4..\\
eShA hi prakR^itiH strINAmAsR^iShTe raghunandana . 
samasthamanurajyante viShamastha.n tyajanti cha .. 5..\\
shatahradAnA.n lolatvaM shastrANA.n tIkShNatAM tathA . 
garuDAnilayoH shaighryamanugachchhanti yoShitaH .. 6..\\
iya.n tu bhavato bhAryA doShairetairvivarjitAH . 
shlAghyA cha vyapadeshyA cha yathA devI hyarundhatI .. 7..\\
ala~NkR^ito.aya.n deshashcha yatra saumitriNA saha . 
vaidehyA chAnayA rAma vatsyasi tvamarindama .. 8..\\
evamuktastu muninA rAghavaH sa.nyatA~njaliH . 
uvAcha prashrita.n vAkyamR^iShi.n dIptamivAnalam .. 9..\\
dhanyo.asmyanugR^ihIto.asmi yasya me munipu~NgavaH . 
guNaiH sabhrAtR^ibhAryasya varadaH parituShyati .. 10..\\
ki.n tu vyAdisha me desha.n sodakaM bahukAnanam . 
yatrAshramapada.n kR^itvA vaseyaM nirataH sukham .. 11..\\
tato.abravInmuni shreShThaH shrutvA rAmasya bhAShitam . 
dhyAtvA muhUrta.n dharmAtmA dhIro dhIratara.n vachaH .. 12..\\
ito dviyojane tAta bahumUlaphalodakaH . 
desho bahumR^igaH shrImAnpa~nchavaTyabhivishrutaH .. 13..\\
tatra gatvAshramapada.n kR^itvA saumitriNA saha . 
ramasva tvaM piturvAkya.n yathoktamanupAlayan .. 14..\\
vidito hyeSha vR^ittAnto mama sarvastavAnagha . 
tapasashcha prabhAvena snehAddasharathasya cha .. 15..\\
hR^idayasthashcha te chhando viGYAtastapasA mayA . 
iha vAsaM pratiGYAya mayA saha tapovane .. 16..\\
atashcha tvAmahaM brUmi gachchha pa~nchavaTIm iti . 
sa hi ramyo vanoddesho maithilI tatra ra.nsyate .. 17..\\
sa deshaH shlAghanIyashcha nAtidUre cha rAghava . 
godAvaryAH samIpe cha maithilI tatra ra.nsyate .. 18..\\
prAjyamUlaphalaishchaiva nAnAdvija gaNairyutaH . 
viviktashcha mahAbAho puNyo ramyastathaiva cha .. 19..\\
bhavAnapi sadArashcha shaktashcha parirakShaNe . 
api chAtra vasanrAmastApasAnpAlayiShyasi .. 20..\\
etadAlakShyate vIra madhukAnAM mahadvanam . 
uttareNAsya gantavyaM nyagrodhamabhigachchhatA .. 21..\\
tataH sthalamupAruhya parvatasyAvidUrataH . 
khyAtaH pa~nchavaTItyeva nityapuShpitakAnanaH .. 22..\\
agastyenaivamuktastu rAmaH saumitriNA saha . 
sAtkR^ityAmantrayAmAsa tamR^iShi.n satyavAdinam .. 23..\\
tau tu tenAbhyanuGYAtau kR^itapAdAbhivandanau . 
tadAshramAtpa~nchavaTI.n jagmatuH saha sItayA .. 24..\\
gR^ihItachApau tu narAdhipAtmajau 
viShaktatUNI samareShvakAtarau . 
yathopadiShTena pathA maharShiNA 
prajagmatuH pa~nchavaTI.n samAhitau .. 25..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}