\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 15
vasatastasya tu mukha.n rAghavasya mahAtmanaH . 
sharadvyapAye hemanta R^ituriShTaH pravartate .. 1..\\
sa kadA chitprabhAtAyA.n sharvaryAM raghunandanaH . 
prayayAvabhiShekArtha.n ramya.n godAvarIM nadIm .. 2..\\
prahvaH kalashahastasta.n sItayA saha vIryavAn . 
pR^iShThato.anuvrajanbhrAtA saumitriridamabravIt .. 3..\\
aya.n sa kAlaH samprAptaH priyo yaste priya.nvada . 
ala~NkR^ita ivAbhAti yena sa.nvatsaraH shubhaH .. 4..\\
nIhAraparuSho lokaH pR^iShhivI sasyamAlinI . 
jalAnyanupabhogyAni subhago havyavAhanaH .. 5..\\
navAgrayaNa pUjAbhirabhyarchya pitR^idevatAH . 
kR^itAgrayaNakAH kAle santo vigatakalmaShAH .. 6..\\
prAjyakAmA janapadAH sampannataragorasAH . 
vicharanti mahIpAlA yAtrArtha.n vijigIShavaH .. 7..\\
sevamAne dR^iDha.n sUrye dishamantakasevitAm . 
vihInatilakeva strI nottarA dikprakAshate .. 8..\\
prakR^ityA himakoshADhyo dUrasUryashcha sAmpratam . 
yathArthanAmA suvyakta.n himavAnhimavAngiriH .. 9..\\
atyantasukhasa~ncArA madhyAhne sparshataH sukhAH . 
divasAH subhagAdityAshchhAyAsaliladurbhagAH .. 10..\\
mR^idusUryAH sanIhArAH paTushItAH samArutAH . 
shUnyAraNyA himadhvastA divasA bhAnti sAmpratam .. 11..\\
nivR^ittAkAshashayanAH puShyanItA himAruNAH . 
shItA vR^iddhatarAyAmAstriyAmA yAnti sAmpratam .. 12..\\
ravisa~NkrAntasaubhAbyastuShArAruNamaNDalaH . 
niHshvAsAndha ivAdarshashchandramA na prakAshate .. 13..\\
jyotsnA tuShAramalinA paurNamAsyAM na rAjate . 
sIteva chAtapa shyAmA lakShyate na tu shobhate .. 14..\\
prakR^ityA shItalasparsho himaviddhashcha sAmpratam . 
pravAti pashchimo vAyuH kAle dviguNashItalaH .. 15..\\
bAShpachchhannAnaraNyAni yavagodhUmavanti cha . 
shobhante.abhyudite sUrye nadadbhiH krau~nchasArasaiH .. 16..\\
kharjUrapuShpAkR^itibhiH shirobhiH pUrNataNDulaiH . 
shobhante ki.n chidAlambAH shAlayaH kanakaprabhAH .. 17..\\
mayUkhairupasarpadbhirhimanIhArasa.nvR^itaiH . 
dUramabhyuditaH sUryaH shashA~Nka iva lakShyate .. 18..\\
agrAhyavIryaH pUrvAhNe madhyAhne sparshataH sukhaH . 
sa.nraktaH ki.n chidApANDurAtapaH shobhate kShitau .. 19..\\
avashyAyanipAtena ki.n chitpraklinnashAdvalA . 
vanAnA.n shobhate bhUmirniviShTataruNAtapA .. 20..\\
avashyAyatamonaddhA nIhAratamasAvR^itAH . 
prasuptA iva lakShyante vipuShpA vanarAjayaH .. 21..\\
bAShpasa~nchannasalilA rutaviGYeyasArasAH . 
himArdravAlukaistIraiH sarito bhAnti sAmpratam .. 22..\\
tuShArapatanAchchaiva mR^idutvAdbhAskarasya cha . 
shaityAdagAgrasthamapi prAyeNa rasavajjalam .. 23..\\
jarAjarjaritaiH parNaiH shIrNakesarakarNikaiH . 
nAlasheShA himadhvastA na bhAnti kamalAkarAH .. 24..\\
asmi.nstu puruShavyAghra kAle duHkhasamanvitaH . 
tapashcharati dharmAtmA tvadbhaktyA bharataH pure .. 25..\\
tyaktvA rAjya.n cha mAnaM cha bhogAMshcha vividhAnbahUn . 
tapasvI niyatAhAraH shete shIte mahItale .. 26..\\
so.api velAmimAM nUnamabhiShekArthamudyataH . 
vR^itaH prakR^itibhirnityaM prayAti sarayUM nadIm .. 27..\\
atyantasukhasa.nvR^iddhaH sukumAro himArditaH . 
katha.n tvapararAtreShu sarayUmavagAhate .. 28..\\
padmapatrekShaNaH shyAmaH shrImAnnirudaro mahAn . 
dharmaGYaH satyavAdI cha hrI niShedho jitendriyaH .. 29..\\
priyAbhibhAShI madhuro dIrghabAhurarindamaH . 
santyajya vividhAnsaukhyAnArya.n sarvAtmanAshritaH .. 30..\\
jitaH svargastava bhrAtrA bharatena mahAtmanA . 
vanasthamapi tApasye yastvAmanuvidhIyate .. 31..\\
na pitryamanuvarntante mAtR^ika.n dvipadA iti . 
khyAto lokapravAdo.ayaM bharatenAnyathAkR^itaH .. 32..\\
bhartA dasharatho yasyAH sAdhushcha bharataH sutaH . 
kathaM nu sAmbA kaikeyI tAdR^ishI krUradarshinI .. 33..\\
ityeva.n lakShmaNe vAkyaM snehAdbruvati dharmike . 
parivAda.n jananyAstamasahanrAghavo.abravIt .. 34..\\
na te.ambA madhyamA tAta garhitavyA katha.n chana . 
tAmevekShvAkunAthasya bharatasya kathA.n kuru .. 35..\\
nishchitApi hi me buddhirvanavAse dR^iDhavratA . 
bharatasnehasantaptA bAlishI kriyate punaH .. 36..\\
ityeva.n vilapa.nstatra prApya godAvarIM nadIm . 
chakre.abhiSheka.n kAkutsthaH sAnujaH saha sItayA .. 37..\\
tarpayitvAtha salilaiste pitR^IndaivatAni cha . 
stuvanti smodita.n sUrya.n devatAshcha samAhitAH .. 38..\\
kR^itAbhiShekaH sa rarAja rAmaH 
sItAdvitIyaH saha lakShmaNena . 
kR^itAbhiShekastvagarAjaputryA 
rudraH sanandirbhagavAniveshaH .. 39..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}