\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 17
tA.n tu shUrpaNakhA.n rAmaH kAmapAshAvapAshitAm . 
svechchhayA shlakShNayA vAchA smitapUrvamathAbravIt .. 1..\\
kR^itadAro.asmi bhavati bhAryeya.n dayitA mama . 
tvadvidhAnA.n tu nArINA.n suduHkhA sasapatnatA .. 2..\\
anujastveSha me bhrAtA shIlavAnpriyadarshanaH . 
shrImAnakR^itadArashcha lakShmaNo nAma vIryavAn .. 3..\\
apUrvI bhAryayA chArthI taruNaH priyadarshanaH . 
anurUpashcha te bhartA rUpasyAsya bhaviShyati .. 4..\\
enaM bhaja vishAlAkShi bhartAraM bhrAtaraM mama . 
asapatnA varArohe merumarkaprabhA yathA .. 5..\\
iti rAmeNa sA proktA rAkShasI kAmamohitA . 
visR^ijya rAma.n sahasA tato lakShmaNamabravIt .. 6..\\
asya rUpasya te yuktA bhAryAha.n varavarNinI . 
mayA saha sukha.n sarvAndaNDakAnvichariShyasi .. 7..\\
evamuktastu saumitrI rAkShasyA vAkyakovidaH . 
tataH shUrpaNakhI.n smitvA lakShmaNo yuktamabravIt .. 8..\\
katha.n dAsasya me dAsI bhAryA bhavitumichchhasi . 
so.ahamAryeNa paravAnbhAtrA kamalavarNinI .. 9..\\
samR^iddhArthasya siddhArthA muditAmalavarNinI . 
Aryasya tva.n vishAlAkShi bhAryA bhava yavIyasI .. 10..\\
etA.n virUpAmasatI.n karAlAM nirNatodarIm . 
bhAryA.n vR^iddhAM parityajya tvAmevaiSha bhajiShyati .. 11..\\
ko hi rUpamida.n shreShThaM santyajya varavarNini . 
mAnuSheShu varArohe kuryAdbhAva.n vichakShaNaH .. 12..\\
iti sA lakShmaNenoktA karAlA nirNatodarI . 
manyate tadvachaH satyaM parihAsAvichakShaNA .. 13..\\
sA rAmaM parNashAlAyAmupaviShTaM parantapam . 
sItayA saha durdharShamabravItkAmamohitA .. 14..\\
imA.n virUpAmasatI.n karAlAM nirNatodarIm . 
vR^iddhAM bhAryAmavaShTabhya na mA.n tvaM bahu manyase .. 15..\\
adyemAM bhakShayiShyAmi pashyatastava mAnuShIm . 
tvayA saha chariShyAmi niHsapatnA yathAsukham .. 16..\\
ityuktvA mR^igashAvAkShImalAtasadR^ishekShaNA . 
abhyadhAvatsusa~NkruddhA maholkA rohiNIm iva .. 17..\\
tAM mR^ityupAshapratimAmApatantIM mahAbalaH . 
nigR^ihya rAmaH kupitastato lakShmaNamabravIt .. 18..\\
krUrairanAryaiH saumitre parihAsaH katha.n chana . 
na kAryaH pashya vaidehI.n kathaM chitsaumya jIvatIm .. 19..\\
imA.n virUpAmasatImatimattAM mahodarIm . 
rAkShasIM puruShavyAghra virUpayitumarhasi .. 20..\\
ityukto lakShmaNastasyAH kruddho rAmasya pashyataH . 
uddhR^itya khaDga.n chichchheda karNanAsaM mahAbalaH .. 21..\\
nikR^ittakarNanAsA tu visvara.n sA vinadya cha . 
yathAgataM pradudrAva ghorA shUrpaNakhA vanam .. 22..\\
sA virUpA mahAghorA rAkShasI shoNitokShitA . 
nanAda vividhAnnAdAnyathA prAvR^iShi toyadaH .. 23..\\
sA vikSharantI rudhiraM bahudhA ghoradarshanA . 
pragR^ihya bAhU garjantI pravivesha mahAvanam .. 24..\\
tatastu sA rAkShasasa~Ngha sa.nvR^itaM 
khara.n janasthAnagata.n virUpitA . 
upetya taM bhrAtaramugratejasaM 
papAta bhUmau gaganAdyathAshaniH .. 25..\\
tataH sabhAryaM bhayamohamUrchhitA 
salakShmaNa.n rAghavamAgataM vanam . 
virUpaNa.n chAtmani shoNitokShitA 
shasha.nsa sarvaM bhaginI kharasya sA .. 26..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}