\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 18
tA.n tathA patitAM dR^iShTvA virUpA.n shoNitokShitAm . 
bhaginI.n krodhasantaptaH kharaH paprachchha rAkShasaH .. 1..\\
balavikramasampannA kAmagA kAmarUpiNI . 
imAmavasthAM nItA tva.n kenAntakasamA gatA .. 2..\\
devagandharvabhUtAnAmR^iShINA.n cha mahAtmanAm . 
ko.ayamevaM mahAvIryastvA.n virUpA.n chakAra ha .. 3..\\
na hi pashyAmyaha.n loke yaH kuryAnmama vipriyam . 
antarena sahasrAkShaM mahendraM pAkashAsanam .. 4..\\
adyAhaM mArgaNaiH prANAnAdAsye jIvitAntakaiH . 
salile kShIramAsaktaM niShpibanniva sArasaH .. 5..\\
nihatasya mayA sa~Nkhye sharasa~NkR^ittamarmaNaH . 
saphena.n rudhiraM raktaM medinI kasya pAsyati .. 6..\\
kasya patrarathAH kAyAnmA.nsamutkR^itya sa~NgatAH . 
prahR^iShTA bhakShayiShyanti nihatasya mayA raNe .. 7..\\
taM na devA na gandharvA na pishAchA na rAkShasAH . 
mayApakR^iShTa.n kR^ipaNa.n shaktAstrAtuM mahAhave .. 8..\\
upalabhya shanaiH sa.nj~nA.n taM me sha.nsitumarhasi . 
yena tva.n durvinItena vane vikramya nirjitA .. 9..\\
iti bhrAturvachaH shrutvA kruddhasya cha visheShataH . 
tataH shUrpaNakhA vAkya.n sabAShpamidamabravIt .. 10..\\
taruNau rUpasampannau sukUmArau mahAbalau . 
puNDarIkavishAlAkShau chIrakR^iShNAjinAmbarau .. 11..\\
gandharvarAjapratimau pArthivavya~njanAnvitau . 
devau vA mAnuShau vA tau na tarkayitumutsahe .. 12..\\
taruNI rUpasampannA sarvAbharaNabhUShitA . 
dR^iShTA tatra mayA nArI tayormadhye sumadhyamA .. 13..\\
tAbhyAmubhAbhyA.n sambhUya pramadAmadhikR^itya tAm . 
imAmavasthAM nItAha.n yathAnAthAsatI tathA .. 14..\\
tasyAshchAnR^ijuvR^ittAyAstayosh cha hatayoraham . 
saphenaM pAtumichchhAmi rudhira.n raNamUrdhani .. 15..\\
eSha me prathamaH kAmaH kR^itastAta tvayA bhavet . 
tasyAstayoshcha rudhiraM pibeyamahamAhave .. 16..\\
iti tasyAM bruvANAyA.n chaturdasha mahAbalAn . 
vyAdidesha kharaH kruddho rAkShasAnantakopamAn .. 17..\\
mAnuShau shastrasampannau chIrakR^iShNAjinAmbarau . 
praviShTau daNDakAraNya.n ghoraM pramadayA saha .. 18..\\
tau hatvA tA.n cha durvR^ittAmupAvartitumarhatha . 
iya.n cha rudhiraM teShAM bhaginI mama pAsyati .. 19..\\
manoratho.ayamiShTo.asyA bhaginyA mama rAkShasAH . 
shIghra.n sampadyatA.n gatvA tau pramathya svatejasA .. 20..\\
iti pratisamAdiShTA rAkShasAste chaturdasha . 
tatra jagmustayA sArdha.n ghanA vAteritA yathA .. 21..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}