\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 28
khara.n tu viratha.n rAmo gadApANimavasthitam . 
mR^idupUrvaM mahAtejAH paruSha.n vAkyamabravIt .. 1..\\
gajAshvarathasambAdhe bale mahati tiShThatA . 
kR^ita.n sudAruNa.n karma sarvalokajugupsitam .. 2..\\
udvejanIyo bhUtAnAM nR^isha.nsaH pApakarmakR^it . 
trayANAmapi lokAnAmIshvaro.api na tiShThati .. 3..\\
karma lokaviruddha.n tu kurvANaM kShaNadAchara . 
tIkShNa.n sarvajano hanti sarpa.n duShTamivAgatam .. 4..\\
lobhAtpApAni kurvANaH kAmAdvA yo na budhyate . 
bhraShTaH pashyati tasyAntaM brAhmaNI karakAdiva .. 5..\\
vasato daNDakAraNye tApasAndharmachAriNaH . 
kiM nu hatvA mahAbhAgAnphalaM prApsyasi rAkShasa .. 6..\\
na chiraM pApakarmANaH krUrA lokajugupsitAH . 
aishvaryaM prApya tiShThanti shIrNamUlA iva drumAH .. 7..\\
avashya.n labhate kartA phalaM pApasya karmaNaH . 
ghoraM paryAgate kAle drumaH puShpamivArtavam .. 8..\\
nachirAtprApyate loke pApAnA.n karmaNAM phalam . 
saviShANAmivAnnAnAM bhuktAnA.n kShaNadAchara .. 9..\\
pApamAchcharatA.n ghora.n lokasyApriyamichchhatAm . 
ahamAsAdito rAjA prANAnhantuM nishAchara .. 10..\\
adya hi tvAM mayA muktAH sharAH kA~nchanabhUShaNAH . 
vidArya nipatiShyanti valmIkamiva pannagAH .. 11..\\
ye tvayA daNDakAraNye bhakShitA dharmachAriNaH . 
tAnadya nihataH sa~Nkhye sasainyo.anugamiShyasi .. 12..\\
adya tvAM nihataM bANaiH pashyantu paramarShayaH . 
nirayastha.n vimAnasthA ye tvayA hi.nsitAH purA .. 13..\\
prahara tva.n yathAkAma.n kuru yatnaM kulAdhama . 
adya te pAtayiShyAmi shirastAlaphala.n yathA .. 14..\\
evamuktastu rAmeNa kruddhaH sa.nraktalochanaH . 
pratyuvAcha tato rAmaM prahasankrodhamUrchhitaH .. 15..\\
prAkR^itAnrAkShasAnhatvA yuddhe dasharathAtmaja . 
AtmanA kathamAtmAnamaprashasyaM prasha.nsasi .. 16..\\
vikrAntA balavanto vA ye bhavanti nararShabhAH . 
kathayanti na te ki.n chittejasA svena garvitAH .. 17..\\
prAkR^itAstvakR^itAtmAno loke kShatriyapA.nsanAH . 
nirarthaka.n vikatthante yathA rAma vikatthase .. 18..\\
kula.n vyapadishanvIraH samare ko.abhidhAsyati . 
mR^ityukAle hi samprApte svayamaprastave stavam .. 19..\\
sarvathA tu laghutva.n te katthanena vidarshitam . 
suvarNapratirUpeNa tapteneva kushAgninA .. 20..\\
na tu mAmiha tiShThantaM pashyasi tva.n gadAdharam . 
dharAdharamivAkampyaM parvata.n dhAtubhish chitam .. 21..\\
paryApto.aha.n gadApANirhantuM prANAnraNe tava . 
trayANAmapi lokAnAM pAshahasta ivAntakaH .. 22..\\
kAmaM bahvapi vaktavya.n tvayi vakShyAmi na tvaham . 
asta.n gachchheddhi savitA yuddhavighrastato bhavet .. 23..\\
chaturdasha sahasrANi rAkShasAnA.n hatAni te . 
tvadvinAshAtkaromyadya teShAmashrupramArjanam .. 24..\\
ityuktvA paramakruddhastA.n gadAM paramA~NgadAm . 
kharashchikShepa rAmAya pradIptAmashani.n yathA .. 25..\\
kharabAhupramuktA sA pradIptA mahatI gadA . 
bhasmavR^ikShAMshcha gulmAMshcha kR^itvAgAttatsamIpataH .. 26..\\
tAmApatantI.n jvalitAM mR^ityupAshopamAM gadA . 
antarikShagatA.n rAmashchichchheda bahudhA sharaiH .. 27..\\
sA vishIrNA sharairbhinnA papAta dharaNItale . 
gadAmantrauShadhibalairvyAlIva vinipAtitA .. 28..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}